, ,RGYA GAR SKAD DU, NA Y'A LO K'A SIDDHI, BOD SKAD DU, RIGS PA GRUB PA'I SGRON MA, 'PHAGS PA 'JAM DPAL LA PHYAG 'TSAL LO, ,MA RTOGS LOG RTOGS THE TSOM LAS, ,GROL NAS NGES DON GNAS BYA'I PHYIR, ,PHYOGS SHES NGA RGYAL BCOM NAS NI, ,BDEN DANG 'BREL BA'I MTSON BYED DGOD, ,GZHAL BYA 'JAL BYED 'JAL TSUL DANG, ,DGOS CHED BSDUS DON DBYE BA DANG, ,'DUS 'BRAS BUS LUS GZHAG GO, ,SNANG GRAGS MYONG RIG CHOS RNAMS LA, ,BDEN DANG 'BREL PA'I MTSON BYED KYIS, ,RANG GI NGO BO RGYU 'BRAS DANG, ,DE DAG SGRO SKUR BRAL BAR 'JAL, ,DES NI RANG GI NGO BO DANG, ,BYED DANG MNGON PAR GRUB PA DANG, ,RIGS PA'I THE TSOM SEL BA DGOS, ,BSDU NA NGO BO
, ,NGES TSIG DANG, ,TSIG DANG MI MTHUN PHYOGS KYIS BSDU, ,BDEN DANG 'BREL PA MTSON PA'I NGO, ,DANG TSUL JI LTAR GNAS PA DE, ,LDAN DANG 'BREL LEGS 'GRIG DANG THOB, ,TSIG DON GNAS LUGS MTSAN MA DANG, NGES PA'I SHES PA 'BREL LEGS TSIG, RTOGS NAS LAM ZHUGS DON GRUB PA'O, ,DE BRAL NGA RGYAL TSAN KHA YIS, ,MU COR 'DOD RGYAL SMRA BA'O, ,DBYE NA GRANGS DANG MTSAN NYID DANG, ,'JAL BA'I TSAD DANG THAL BA'I SA, ,CHOS NYID BYA BYED LTOS 'THAD SGRUB, ,DE YI CHA YIS KHYAB PAS NA, ,CHOS RNAMS RTEN CING 'BREL BSGRUB PA, ,MTSON PAR BYA BA MTSON BYED PA, ,DE NYID YIN PAR SGRUB PA'O, ,CHOS NYID BYED DANG MNGON PAR GRUB, ,RIGS PA'I DNGOS GZHI DRI MED CING, ,DNGOS GZHING [?] SNANG BA MA LOG PA, ,DE SRID RIGS PA BZHIS 'JAL TSAD, ,CHOS NYID THAL DRAGS DNGOS POR 'GYUR, , BYA BA BYED PA RGYUR SMRAR 'GYUR, ,LTOS PA LTOS DGOS DBANG PHYUG RGYU, ,'THAD SGRUB MNGON PA'I NGA RGYAL 'GYUR, ,'DUS THAMS CAD CHOS NYID DE, ,JI LTAR SGRUB KYANG BYA BYED DANG, ,LTOS PA'I RIGS PAS GRUB PA LA, ,'THAD PA SGRUB PAS NGES MTSON PA, ,CHOS NYID NGANG LAS MA 'DAS PAS, ,GTAN TSIGS GTAN LA 'BEBS SGRUB NA, ,RIGS PA THAMS CAD GTAN TSIGS NYID, ,GTAN LA 'BEBS PAR 'DUS PA YIN, ,DE LA MNGON SUM RJES SU DPAG ,RANG BZHIN GTAN TSIGS NYID 'DUS TE, ,DE CHOS KHYAB PA MTSAN NYID PAS, ,MA 'BEL KHYAB PA MI SRED LA, ,THA DAD 'BREL PA'ANG MI 'THAD DE, ,'DI LTAR RGYU 'BRAS 'BREL PA YANG, ,RGYU YI RANG BZHIN 'BRAS SKYED PA'I, ,BYA BA BYED PA LAS MI 'DA', ,'BRAS BU'I RANG BZHIN RGYU NYID LA, ,LTOS TE 'BYUNG BA LAS MI 'DA', ,THA DAD GYUR BA'I 'BREL PA NI, ,MKHAS PA NAM YANG MI 'DOD LA, ,BYA BA BYED PA TSOGS PA NA, ,LTOS PA MI 'BYUNG MI SRID DE, ,LTOS PA'I 'BRAS BU GCIG BYUNG NA, ,BYED PA TSOGS LAS MA BYUNG MIN, ,BYED PA LOG NA LTOS PA LDOG ,LTOS MED BYED PA TSOGS PA YANG, ,GSHIS LA SRID PA MA YIN PAS, ,MED NA
MI 'BYUNG RAG LAS 'BREL, ,KHYAB PA RANG BZHIN NYID DU BAS, ,DES NI MA RTOGS LOG RTOGS DANG, ,THE TSOM LAS GROL NGES DON GSHES, ,THAMS CAD MKHYEN PA YUL MED CING, ,STONG NYID BRGYAN PA'I SANGS RGYAS PA'O, ,PHYOGS LTA GCOD PA'I RIGS PA'I TSIG SKYES THOB SHES RAB LA BRTEN TE, ,MDOR BSDUS DGE BSNYEN NGAS BKOD 'DIS, ,KUN KYANG RIGS PA'I GNAS GROL SHOG ,RIGS PA GRUB PA'I SGRON MA ZHES BYA BA SLOB DPON TZANDRA GO MIS MDZAD PA RDZOGS SO,, ,,PAndI TA SHR'I SIm HA PRA BH'A DANG, LO TZ'A BA DGE SLONG BEE RO TZA NAS BSGYUR BA'O,,