424 · GMLW-003458

DPAL SANGS RGYAS THOD PA ZHES BYA BA RNAL 'BYOR MA'I RGYUD KYI RGYAL PO (Śrī Buddha Kapāla Nāma Yoginī Tantra Rāja)

נושאי-מדףSubjects:
RGYUDSecret Teachings (Tantra)
נושאיםTopics:Secret Wordsthe Secret Worldthe LamaEmpowerment
נמצא בfound inSecret Teachings (Tantra)
מספר טוהוקוTohoku numberToh 424 · Tantra (all)
מהדורהrecensionDerge
כותרת בסנסקריטSanskrit titleSHR'I BUDDHA KA P'A LA N'A MA YO GI N'I TANTRA R'A DZA
כניעה לhomage toDPAL SANGS RGYAS THOD PA
הפנדיטה ההודיIndian panditaSHR'I GA YA DHA RA
הלוצאווה הטיבטיTibetan lotsawaGYI DZO ZLA BA'I 'OD ZER
פוליוfolios5b–43a
צורהformverse
מצב תרגוםtranslationno English of the text
כיסוי המילון לכותרתdictionary coverage of the title68%
ז'אנרgenreRoot Texta yogini tantra in verse
ישותdeityBuddha Skull (Buddhakapala)the Buddha Skull, named in both title lines and in the homage
אנשים ומקומותpeople and places namedGayadhara · Gyijo Dawa Ozerthe colophon: the Indian abbot Shri Gayadhara with the Tibetan lotsawa Gyijo Dawa Ozer
רמת קושיlevelneeds a teacher
תלות קדםread firstinitiation into the highest class of tantrathe closing calls the tantra utterly secret
הכותרת אומתה מול הטקסטtitle verified against the textyeshead and closing agree; the closing names the SPEAKER — the great yogini

הקבציםThe files

KL00424_DPAL SANGS RGYAS THOD PA ZHES BYA BA RNAL 'BYOR MA'I RGYUD KYI RGYAL PO (Śrī Buddha Kapāla Nāma Yoginī Tantra Rāja).txt/12. RGYUD_Secret Teachings (Tantra)/VOL 4 (NGA)

הטקסטThe text

טיבטיתTibetanKL00424_DPAL SANGS RGYAS THOD PA ZHES BYA BA RNAL 'BYOR MA'I RGYUD KYI RGYAL PO (Śrī Buddha Kapāla Nāma Yoginī Tantra Rāja).txt89,371 תוויםcharacters
5b

,,RGYA GAR SKAD DU, SHR'I BUDDHA KA P'A LA N'A MA YO GI N'I TANTRA R'A DZA, BOD SKAD DU DPAL SANGS RGYAS THOD PA ZHES BYA BA RNAL 'BYOR MA'I RGYUD KYI RGYAL PO, ,DPAL SANGS RGYAS THOD PA LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS DE BZHIN GSHEGS PA

6a

, ,THAMS CAD KYI SKU DANG, GSUNG DANG, THUGS RDO RJE'I DKYIL 'KHOR CHEN PO RGYAN DANG LDAN PA'I DBUS SU, DE BZHIN GSHEGS PA THAMS CAD DANG, RNAL 'BYOR MA RNAMS DANG LHAN CIG TU BZHUGS TE, 'PHAGS PA KUN DGA' BO LA SOGS PA 'DOD CHAGS DANG BRAL BA'I GTZO BO RNAMS DANG, 'PHAGS PA SPYAN RAS GZIGS DBANG PHYUG LA SOGS PA'I BYANG CHUB SEMS DPA' BYE BA PHRAG BRGYAD CU DANG YANG THABS GCIG TU BZHUGS SO, ,DE NAS BCOM LDAN 'DAS KYIS RDO RJE'I TSIG GIS RDO RJE CHEN PO'I GNAS SU, RGYUD THAMS CAD DANG, SNGAGS YANG DAG PAR BSHAD NAS, DE BZHIN GSHEGS PA THAMS CAD KYI BDAG POS RDO RJE DANG, PADMO YANG DAG PAR SBYAR BAS BTZUN MO'I BHA GAR YONGS SU MYA NGAN LAS 'DAS SO, ,DE YONGS SU MYA NGAN LAS 'DAS PA MTHONG NAS, BYANG CHUB SEMS DPA' THAMS CAD DANG, RNAL 'BYOR MA THAMS CAD RMAD DU GYUR TE GCIG LA GCIG LTA ZHING, AE MA'O, ,BCOM LDAN 'DAS DE BZHIN GSHEGS PA THAMS CAD KYI BDAG PO DKYIL 'KHOR CHEN PO RGYAN DANG LDAN PA'I DBUS SU JI LTAR YONGS SU MYA NGAN LAS 'DAS, DE NAS RNAL 'BYOR MA SNA TSOGS SDE MA LA BYANG CHUB SEMS DPA' SEMS DPA' CHEN PO PHYAG NA RDO RJES 'DI SKAD CES GSOL TO, ,LHA MO, SEMS CAN

6b

BSOD NAMS DMAN PA RNAMS NUS PA LA ZHON PAR 'GYUR BA'I THABS CUNG ZAD MCHIS SAM, GSUNGS PA, RNAL 'BYOR GYI RGYUD LA BYE BA PHRAG DRUG NYID DO, ,RNAL 'BYOR MA'I RGYUD LA NI BYE BA PHRAG BCU DRUG NYID DO, ,MDO SDE SO SO LA NI BYE BA PHRAG BRGYAD CU'O, ,DE BZHIN DU PHA ROL TU PHYIN PA'I THEG PA NI BYE BA LA BSGRES PA'I 'BUM PHRAG LNGA'O, ,'DI DAG THAMS CAD NI THUB PA'I DBANG POS GSUNGS SO, ,SNGAGS DANG BRAL NA NI RGYUD KYIS NUS PA MI SNANG STE RGYUD LA LAR NI CI NAS SNGAGS BYE BA BZLAS PAR GSUNGS SO, ,BSOD NAMS 'BRING PO RNAMS KYIS NI SNGAGS 'BUM BZLAS PAS MYUR BAR 'GRUB PAR GSUNGS SO, ,BSOD NAMS CHE BAS KHRI BZLAS PAS SHIN TU MYUR BAR 'GRUB BO, ,DE LTAR RDO RJE CAN CHEN PO RGYUD KYI BDAG PO'I GTZO BOS GSUNGS SO, ,BSOD NAMS CHUNG BA'I SEMS CAN RNAMS KYIS NI BYE BA BZLAS PAR GSUNGS SO, ,SEMS CAN 'BAD RTZOL CHUNG BA RNAMS KYIS NI 'BUM BZLAS PAR BDAG SMRA'O, , SEMS CAN SGOM PA LA ZHAN PA RNAMS KYIS NI KHRI KHO NA BZLAS PAR BYA'O, ,SEMS CAN 'DOD CHAGS LA ZHUGS PA RNAMS KYI BZLAS PA JI LTAR LAGS, BLUN PO DANG, LKUGS PA'I RIGS CAN RNAMS KYI SNGAGS KYI GRANGS JI LTAR LAGS, SHIN TU DMIGS PA'I SNGAGS KYIS BZLAS PA JI LTAR LAGS, 'DI LTAR PHAN TSUN SMRA BAS BZLAS NA DNGOS GRUB GZHAN

7a

, ,DU'ANG 'GYUR RO, ,GAL TE DMAN PA'I SEMS KYIS NYON MONGS BZHIN PAS BZLAS PA DE'I TSE BSKAL PA SKAR MA LTA BUR BYE BAR YANG DE LA DNGOS GRUB MED DO,, DE LTAR THOS NAS RNAL 'BYOR MA SNA TSOGS SDE MA BCOM LDAN 'DAS KYIS ZHAL LA LTA BAR BYED CING ZUR MIG DANG BCAS PA'I CHAGS PAS BLTAS TE SHIN TU KHRO BAS 'JIGS PAR BYED CING SNYING RJE'I THUGS 'KHRUGS PAS BDUD KYI DPUNG RAB TU BCOM MO, ,DE LTAR BZHUGS PA'I LHA MO CHEN MO RGYUD THAMS CAD KYI BDAG PO'I DBANG PHYUG LA DE NAS DES GZIGS PA TZAM GYIS BCOM LDAN 'DAS KYIS DBU LAS SNGAGS PHYUNG NGO, ,AOm BUDDHE SIDDHE SU SIDDHE, AA MRi TA AA RA DZE BUDDHA KA P'A LA SPHOt NE SPHOt YA TR'A SA YA HO H'Um PHAt, DE LTAR SNGAGS KYI MCHOG SON PAS SA RIM PA BDUN GYI 'OG TU CHUD PA'I KLU RNAMS BCOM PAR BYAS SHING PHYE MAR BYAS NAS SLAR 'ONGS TE SNA TSOGS SDE MA'I ZHAL DU ZHUGS TE, PADMA'I NANG NAS BYUNG NAS SLAR THOD PAR ZHUGS SO, ,SNGAGS 'DI'I MTHUS KLU RNAMS ZHIG STE, SKRAG CING RDUL BYUNG BAR 'GYUR RO, ,NOR RGYAS LA SOGS PA'I RDZU 'PHRUL CHEN PO'I KLU THAMS CAD LHAGS TE; STOBS KYI RGYU DANG, DUNG SKYONG DANG, 'JOG PO DANG, MTHA' YAS DANG, PADMA CHEN PO LA SOGS PA KLU CHEN PO RNAMS DANG, GZHAN GANG YANG RUNG BA DUG LAS BYUNG BA THAMS

7b

CAD KYANG LHAGS SO, ,RNAL 'BYOR MA SNA TSOGS SDE MA LA KHA PHYOGS TE KLU THAMS CAD KYIS ZHUS PA, LHA MO, BKA' STZOL CI ZHIG BGYI ZHES SMRA'O, ,GSUNGS PA, GANG YANG SANGS RGYAS NYAMS SU MYONG BA DE LTAR GYIS SHIG ,DE LTAR THOS PA TZAM GYIS DKYIL 'KHOR CHEN PO RGYAN DANG LDAN PA'I DBUS SU BCOM LDAN 'DAS KYIS THOD PA KHA PHYE STE GLEGS BAM BYUNG NGO, , NAM MKHA' LA SGRA BYUNG NGO, ,LHA MO SNA TSOGS SDE MA ZUNGS, ,SEMS CAN KUN LA PHAN 'DOGS MA, ,RGYUD 'DI RGYAL PO CHEN PO STE, ,RNAL 'BYOR MA YI GONG NA MED, ,SANGS RGYAS THONG PA ZHES BYA BA, ,SEMS CAN KUN LA PHAN BYED PA'O, ,DE LTAR THOS NAS SNA TSOGS SDE MAS GLEGS BAM YANG DAG PAR BZUNG STE, PHYAG NA RDO RJE LA NYE BAR BTAD DO, ,PHYAG NA RDO RJES RGYUD 'DI ZUNGS, ,SEMS CAN KUN LA BDE 'BAB PA, ,RNAL 'BYOR MA YI DNGOS GRUB KUN, ,'BRAS BU MYUR DU STER BYED PA'O, ,MNAN DANG SPAR BA YE SHES CHE, ,GONG NA MED PA RNYED DKA' BA, ,GSANG BA MCHOG GI NYAMS DGA' BA, ,LUS KUN LA NI RNAM PAR GNAS, ,NAM MKHA' LDING DANG CHAR DBAB DANG, ,DNGUL CHU BCUD KYIS LEN PA DANG, ,BSKRAD DANG DBANG DU BYA NYID DANG, ,RMONGS DANG MNGON SPYOD NYID DANG NI, ,DPUNG LA SOGS PA RENGS NYID DANG, ,DUS SU ZIN PA BZLOG PA DANG, ,PHUR BUS GDAB DANG BSAD PA DANG, ,RTAG

8a

, ,TU SGRUB PA BYED PA DANG, ,SNA TSOGS SNGAGS RIM JI BZHIN DANG, ,JI BZHIN RNAL 'BYOR MA BSKYED DANG, ,DPAL CHEN HE RU KA YI NI, ,DUS SU ZIN PA BZLOG PA DANG, ,BSKYED PA DANG NI GNAS RGYU DANG, ,DNGOS DANG DNGOS MED SPROS MED DANG, ,SRID PAR SPYOD CING DGOS MED DANG, ,DGONGS PAS BSHAD PA MCHOG CHEN DANG, , RNAL 'BYOR MA YI MCHOG CHEN DANG, ,RNAL 'BYOR MA YI 'DUS PA DANG, ,NUS PA RNAM PA MANG GSUNGS PA, ,THOS PA TZAM GYIS 'GRUB PAR 'GYUR, ,GZUGS BRNYAN DAG PA NYID DANG NI; ;DE BZHIN BSTAN PA SKYONG BA DANG, ,DUR KHROD 'JIGS PA CHE BZANG DANG, ,RO LANGS SGRUB PA LA SOGS DANG, ,STOBS PO CHE RNAMS DGUG PA DANG, ,DE BZHIN 'JIG RTEN GSUM DGUG DANG, ,RIM GYIS GDUNG BA 'JIG RTEN DANG, ,DGRA YI KHA SOGS BCING BA DANG, ,DE BZHIN BSAD DANG BSLU BA DANG, ,MI SNANG BYED PA MCHOG DANG NI, ,MIG SMAN DANG NI RIL BU NYID, ,BCUD LEN RAL GRI NYID DANG NI, ,SANGS RGYAS THOD PA'I SBYOR BA YIS, ,THOS PA TZAM GYIS 'GRUB PAR 'GYUR, ,MI SNANG BA NI MCHOG CHEN DANG, ,SNA TSOGS SGYU 'PHRUL RNAM 'PHRUL DANG, ,RANG GI GZUGS NI BSGYUR BA DANG, ,GZHAN GYI LUS LA GZHUG SOGS DANG, ,SANGS RGYAS BYE BAS RAB BSRUNGS PA'I, ,SANGS RGYAS BU MO MCHOG

8b

CHEN RNAMS, ,KHROS PA TZAM GYIS 'GUGS BYED NA, ,GZHAN DAG SMOS LTA CI ZHIG DGOS, ,MIG 'PHRUL BYED PA NYID DANG NI, ,DGE MTSAN RNAM PA MANG SHES PA, ,'DOD PA LNGA NI BSTEN BZHIN PAS; ;'DI RU 'GRUB PA GDON MI ZA, ,'JIGS SHING 'JOMS PA'I RTZOD CHEN PO, ,GCIG GIS 'BUM LAS RGYAL BAR BYED, ,SKYES PA GCIG GIS 'DOD CHEN GYIS, ,BUD MED 'BUM PHRAG 'JIG BYED CING, ,RDO RJER BYED PA RNYED DGA' BA, ,GCIG GIS THAMS CAD 'DOD PA SPYAD, ,DE NAS GZHAN YANG RAB BSHAD PA, ,MKHA' LDING SBYOR BA RIM JI BZHIN, ,RGYUD KUN DU YANG RNYED DKA' BA, ,MU STEGS RNAMS KYI YUL MIN PA, ,RGYUD KUN DU YANG MA GSUNGS SO, ,SANGS RGYAS THOD PA'I GZHUNG JI BZHIN, ,RDO RJE MGON POS GSUNGS PA YI, ,MKHA' LDING SHIN TU RMAD BYUNG BA, ,'JIG RTEN GSUM NA RNYED DKA' BA'I, ,SBYOR BA RNAM PA BCO BRGYAD GSUNGS, ,SHA LI KA YI SBYOR BA DANG, ,RIG PA 'DZIN DANG RGYAN PO 'GYED, ,RNGA RDUNG BUD MED 'PHROG PA DANG, ,SHIN BSNUN ZHAGS PAS 'CHING BA DANG, ,KHU BYUG PADMAS 'BYED PA DANG, ,STAG BYED CHU BLUGS DUNG 'BUD DANG, ,THOD LO KOR 'PHROG SKYUG PA DANG, ,RAS G-YOG THAL LCAGS BRDAB PA DANG, ,YIG GSUM BSAM GTAN GYIS NI GTAM, ,'DI RNAMS KYIS NI DGUG PAR BYA, ,MKHA' LDING SBYOR BA BCO BRGYAD PO, ,'JIG RTEN GSUM NA RAB

9a

, ,RNYED DKA', ,SEMS CAN RNAMS LA PHAN BYED PA, ,RDO RJE MGON PO NYID KYIS GSUNGS, ,DE NAS GZHAN YANG RAB BSHAD PA, ,MCHOG GI YE SHES JI BZHIN PA, ,BHA GA'I DBUS SU RNAM PAR BZHUGS, ,BDE BA CHEN PO STER BYED PA, ,'DI NYID DU NI KUN GNAS KYANG, ,BYIS PA RMONGS PAS MI SHES SO, ,DER NI BCUD DANG BCUD LEN TE, ,DE NYID DU NI SANGS RGYAS BZHUGS, ,DER NI DKYIL 'KHOR BZANG PO'O, ,DER NI SLOB MA DBANG BSKUR BA'O, ,DER NI HE RU KA DPA' BO, ,NYI SHU RTZA BZHI'I DBANG GTZO BO, ,DER NI NAM MKHA' LDING 'JIGS PA, ,DE NYID DU NI RO LANGS SGRUB, ,DER NI DUR KHROD BRGYAD PO RNAMS, ,SKAD CIG TZAM GYIS BSKYED PA'I RGYU, ,DER NI SANGS RGYAS BDAG NYID DE, , STONG PHRAG GSUM NI RNAM PAR BZHUGS, ,DER NI 'JIG RTEN KHAMS KUN TE, ,DE NYID BCOM LDAN 'DAS LHA MO, ,SANGS RGYAS LA SOGS BSKYED PA'I YUM, ,BYANG CHUB SEMS DPA' DPAL CHEN PO, ,SHES RAB PHA ROL PHYIN DPUNG GNYEN, ,DE NYID BSOD NAMS KUN STER MA, ,DE NYID THAR PA STER BYED MA, ,PHYAG RGYA CHEN PO GRAGS CHEN PO; ;DNGOS GRUB KUN NI 'DOD BYED MA, ,MA DANG TSANGS MO SRING MO DANG, ,BU MO BUD MED RAB BRTAN MA, ,SHES RAB MNYES SHING 'JIGS BYED MA, ,'GRO DRUG BDE SDUG

9b

BAG CHAGS BCAS, ,'KHOR BA MYA NGAN 'DAS NYID DANG, ,BDAG NYID CHEN PO DE NYID DE, ,RNAM RTOG KUN TU RTOG PA NYID, ,DE BZHIN 'CHAR DANG NUB PA DANG, ,NYIN MTSAN MAL STAN BZA' BA DANG, ,NGES PA'I BRTUL ZHUGS RTZIS DANG GRANGS, ,RNAM PAR MI RTOG YANG DAG RTOG ,DMAN DANG MCHOG DANG BAR MA DANG, ,GZHAN DANG GANG DANG DE DANG NI, , DE NYID BDAG NYID CHEN PO GCIG, ,SEMS CAN KUN LA BDE BA 'BAB, ,DE LTAR THOS NAS PHYAG NA RDO RJE LA SOGS PA'I BYANG CHUB SEMS DPA' RNAMS DANG, 'DOD CAN MA LA SOGS PA RI RAB KYI RDUL PHRA RAB SNYED KYI RNAL 'BYOR MA RNAMS DGA' BA'I SPYAN GDANGS NAS SNA TSOGS SDE MA LA YANG DANG YANG DU BTUD NAS, 'DI LTAR GSOL TO, ,AE MA'O, , SNA TSOGS SDE MA RNAL 'BYOR MA, ,SEMS CAN KUN LA BDE 'BAB MA, ,GLEGS BAM DON DANG LDAN GANG ZHIG ,DE KUN SANGS RGYAS BYIN RLABS BSHAD, ,DE NAS PHYAG NA RDO RJE'I PHYAG GNYIS GLANG PO CHE'I LAG PA LTAR RAB TU BRKYANG STE, GLEGS BAM YANG DAG PAR BLANGS SO, ,DE NAS SANGS RGYAS KYI BYIN GYI RLABS KYIS PHYAG RGYA CHEN PO'I RDO RJE'I GNAS SU DON DANG BCAS PA'I GZHUNG ZHU BAR GYUR TO, ,PHYAG NA RDO RJE'I SNYING GNAS BYUNG STE, ,SNA TSOGS SDE MA'I THUGS SU NGAL SOS SO, ,DE NAS PHYAG NA RDO RJE GNOD SBYIN GYI BDAG PO CHEN POS RNAL

10a

, ,'BYOR MA CHEN MO LA 'DI SKAD GSOL TO, ,SNGAGS KYI BZLAS PA GANG ZHIG LAGS, ,LAS KYI TSOGS RNAMS JI LTAR 'GRUB, ,SNGON DU BSNYAN PA GANG ZHIG LAGS, ,MKHA' LDING 'GRUB PA'I NGES PA GANG, ,DNGUL CHU BCUD LEN SNA TSOGS PA, ,DNGOS GRUB STER BYED GANG ZHIG LAGS, ,SBAR DANG MNAN PA GANG GSUNGS DANG, , DUS DANG BYA BA'I NGES BCAS DANG, ,DNGOS GRUB THOB DUS GANG ZHIG LAGS, ,SANGS RGYAS JI LTA BU RU BRJOD, ,DE BZHIN THOD PA JI LTA BU, ,SBYOR DANG LDAN PA'I JI LTA BU,, SNA TSOGS SDE MA'ANG JI LTA BU, ,THEG PA CHEN PO JI LTA BU, ,RNAL 'BYOR MA YI RNAM NGES CI, ,GSUNGS PA, RGYUD 'DIR SNGON DU BSNYEN PA MOD, ,DE BZHIN YUL DANG DUS TSES DANG, ,GZA' DANG RGYU SKAR SBYOR MED PA, ,BLO DANG LDAN PAS RTAG TU BSTEN, ,DUS DANG BYA BA'I NGES MI BYA, ,SANGS RGYAS THOD PA'I SBYOR BA YIS, ,THOS PA TZAM GYIS 'GRUB PAR 'GYUR, ,SANGS RGYAS RDO RJE ZHES SU GSUNGS, ,THOD PA GRU GSUM YANG DAG 'BYUNG, ,SBYOR BA GSANG BAR GNAS PA'I RTZA, ,DE YI SNA TSOGS NGO MTSAR BYED, , SDE NI BDE CHEN YE SHES SO, ,'DI NYID THEG PA CHEN PO STE, ,RNAL 'BYOR MA YI RTZA LAS BYUNG, ,DE NI RMAD BYUNG CHE MCHOG STE, ,SANGS RGYAS THOD PA'I SBYOR BA NYID, ,DE NYID HE RU

10b

KA DPA' BO, ,'KHOR BA'I 'JIGS LAS SGROL BYED PA, ,SANGS RGYAS THOD PA'I SBYOR BA YIS, ,SANGS RGYAS KUN GYI BDE BA 'BAB, ,RNAL 'BYOR CHEN MO SNA TSOGS BDE, ,DPA' DBANG BDAG MO DBANG PHYUG MA, ,DE YI THOD PA'I DKYIL 'KHOR LA, ,SNGAGS DANG RGYUD NI RNAM PAR GNAS, ,DE YI YE SHES BZANG PO NI, ,LHAN CIG SKYES PA DAG LAS 'BYUNG, ,DE NI RIG PA'I DBANG LNGA DANG; ;SANGS RGYAS BDUN GYI MTSAN CAN TE, ,SNA TSOGS SBYOR DANG TSE 'PHEL DANG, ,DNGOS GRUB THAMS CAD SGRUB PA NI, ,SANGS RGYAS THOD PA'I SBYOR BA YIS, ,'GRUB PAR 'DIR NI GDON MI ZA; ;MAN NGAG LAM LAS GANG SHES PA, ,BLA MA'I DRIN LAS SHES PAR BYA, ,SANGS RGYAS THOD PA'I RGYUD CHEN PO RNAL 'BYOR MA RNAMS KYI GONG NA MED PA GSANG BA'I YANG SHIN TU GSANG BA ZHES BYA BA LAS, DNGOS GRUB THAMS CAD DANG, ,YE SHES GTAN LA DBAB PA DANG, THOD PA KHA PHYE BA LAS GLEGS BAM BYUNG BA'I LE'U STE DANG PO'O,, ,,DE NAS YANG DAG RAB BSHAD PA, ,SNGAGS LE'U JI BZHIN GSUNGS PA STE, ,MKHA' 'GRO MA MO 'BYUNG PO RNAMS, ,SNGAGS GANG GIS NI 'GRUB 'GYUR BA, ,DE NI BDAG GIS RAB BSHAD KYI, , KHYOD KYIS DAD PA BRTAN PAS NYON, ,AOm BUDDHA KA P'A LI NI TA tA SPHOtA YA SARBA SHU BHA PRA D'A YI NI H'Um PHAt, SPOS DBUL BA'I SNGAGS SO, ,AOm BUDDHA KA P'A LI NI MA tA MA tA AA SV'AH'A, ME TOG DBUL

11a

, ,BA'I SNGAGS SO, ,AOm MAH'A K'A P'A LA BADZRI BA RA BA RA TA tA TA tA STA tA YA STA tA YA MA tA MA tA H'Um HE HR'I: SV'A H'A, DRI DBUL BA'I SNGAGS SO, ,AOm BUDDHA KA P'A LI NI GRi HnA GRiHnA GRi HnA PA YA GRiHnA PA YA PA RA BA RA TA tA TA tA, STA tA YA STA tA YA MA tA H'Um H'Um H'Um SV'A H'A, MAR ME DBUL BA'I SNGAGS SO, ,AOm BUDDHA K'A P'A LI NI, GRiHnA GRiHnA GRiHnA BA YA GRiHnA PA YA KHA KHA H'Um, LHA BSHOS DBUL BA'I SNGAGS SO, ,AOm MA H'A KA P'A LI NI BADZRA DHARMA DHARMA ME GHE BA RE PRA BA RE BA RA BA RA KA RA KA RA TA tA TA tA HA HE SV'A H'A, GOS DBUL BA'I SNGAGS SO, ,AOm H'Am HEEm HOOm HEm HOm HAm H'A, GO CHA'I SNGAGS SO, ,AOm BUDDHA KA P'A LI NI AA KHAm KRO DHUm SHR'I AA: A'A H'Um H'Um H'Um PHAt, SPYAN DRANGS PA'I SNGAGS SO, ,AOm MA H'A KA P'A LI BADZRI nI GATZTSA GATZTSA AUD TIshthA AUD TIshthA, DZA DZA DZA HA DZAm DZAm DZAm ,TEE LO KYAm BI tA PA nI H'Um PHAt, GSHEGS SU GSOL BA'I SNGAGS SO, ,AOm MA H'A KA P'A LA BADZREE TZI TRE SU TZI TRE AA LAm PA NI PHRI NA Y'A, SARBA BH'U TA NA MA RA nA K'I LA YA SARBA DUshtAN AU TZTSA tA YA SARBA BI GHN'Am BI DRA PA YA BHA GA BA TI YA KshA R'A KshA SA PA SHVA TZA NA SHO shA YA TA tA YA SAPTA P'A T'A LA GTAN, SA RA SA RA, PRA SA RA PRA SA RA, H'Um H'Um H'Um, PHAt PHAt PHAt, 'BYUNG PO THAMS CAD PA'I GTOR MA'I SNGAGS SO, ,'BRAS S'A LU BLANGS TE 'O MAS BKRUS LA BU MO GZHON NU MAS DE SHIN TU ZHIB PAR BTAGS LA, DE 'ANG SHES RAB CAN GYI GZUGS BRNYAN BYAS

11b

TE; ZHAL GCIG PHYAG BZHI PA GZHUNG BZHIN CANG TE'U DANG, KHA tV'Am GA DANG, RAL GRI DANG, THOD PA 'DZIN PA'O, ,DE NAS RO BSREGS PA'I SOL BAS PHYE MAR BYAS LA RDO RJE GTZUG GIS MNYE BAR BYA'O, ,DE NAS DES GZUGS BRNYAN LA BYUG PAR BYA'O, ,ME TOG DKAR POS MCHOD PA BYAS TE, SANGS RGYAS THOD PA'I RNAL 'BYOR PAS HE RU KA'I RNAM PA'I SBYOR BAS SNGAGS BRGYA RTZA BRGYAD BZLAS PAR BYA'O, ,AOm MA H'A BADZRA HE RU KA BADZRE, ,DHA RA DHA RA, DHU RU DHU RU, MAH'A DZNY'A NA SPHO tA NE SH'I GHRAm S'A DHA YA STAm BHA Y'A K'I LA YA H'Um PHAt, SNGAGS 'DI CHU LA LAN BDUN DU MNGON PAR BZLAS TE, GZUGS BRNYAN DE BKRU BAR BYA'O, ,CHU DES RANG GI GDONG BKRUS NA, MI SNANG PAR BYED DE, LHA RNAMS KYIS KYANG RNYED PAR DKA'O, ,NAGS KYI NANG DU STAG GIS KYANG MI MTHONG NGO, ,GZHAN DAG GIS KYANG DE MTHONG BAR MI 'GYUR RO, ,SROG CHAGS 'BUM GYI NANG DU SONG NA NGO MTSAR SNA TSOGS BYED DO, ,GANG GIS KYANG MI MTHONG NGO, ,LHA'I BU MO 'PHROG CING LHA RNAMS KYIS KYANG MI MTHONG NGO, ,'O MAS GDONG BKRUS PA TZAM GYIS NI MTHONG BAR 'GYUR RO, ,GZUGS BRNYAN DE'I SNYING GAR SHING 'BA' BO LAS PHUG STE, DUR KHROD KYI ME LA 'BA' BO LA DANG, TSANGS PA RDO RJE RAB TU SBAR LA, DE'I THAL BA YANG DAG PAR BLANGS TE, KHAM PHOR DU GZHAG PAR BYA'O, ,YANG NA PADMA'I SNOD DU'O, ,SNGAGS

12a

, ,'DI BRGYA RTZA BRGYAD DU MNGON PAR BZLAS PAR BYA'O, ,AOm BUDDHA KA P'A LI NI TR'Am H'Um, AOm BADZRA BI SI N'I HR'I: H'Um, AOm KA MI N'I KHAm H'Um, AOm P'A T'A L'A BA S'I N'A A'A: H'Um, AOm TZI TRA: SE NA SA MA YA TIshthA YA HR'I: H'Um, SNGAGS 'DI DAG NI SANGS RGYAS RNAMS KYIS KYANG SHIN TU RNYED PAR DKA'O, ,THAL BA DE DANG, RDO RJE GTZUG GIS BYUG PAR BYAS NAS, ,JI SRID DU LUS LA MTSON CHAS PHOG PA DE SRID DU MI TSUGS SO, ,SLAR ZHING DGRA THAMS CAD KYI MGO BO 'CHAD PAR 'GYUR RO, ,GANG SDANG BA LA BLTAS NA DE LONG BAR 'GYUR RO, ,GANG ZHIG SDANG BA'I SEMS 'DZIN PA NA DE SMYO BAR 'GYUR RO, ,THAL BA DE NYID DANG, MAR KHU BZANG POS MIG BYUGS NA DPAG TSAD STONG MTHONG BAR 'GYUR RO, ,GANG CI'ANG RUNG BA SA'I 'OG NA GNAS PA'I GTER DPAG TSAD STONG GI 'OG TU SON PA'I DNGUL DANG, GSER DANG, RIN PO CHE GANG NA YOD BA DE THAMS CAD LA SRIN LAG GIS SDIGS MDZUB BYAS PA TZAM GYIS THAMS CAD MDUN DU LHAGS TE GSOL BA 'DEBS SO, ,KYE; SANGS RGYAS THOD PA'I RNAL 'BYOR PA GTER LONG LA SEMS CAN GYI DON GYIS SHIG ,DER GTER BLANGS NA GANG 'DOD PA DE BYED DE, THAL BA DES BYED DO; ;THAL BA DE DANG, GO RO TZA NA LHAN CIG BSNOS TE, MDZUB MOS MNYES PAS DBUNG GI TSOGS LANGS PA MDZUB MO BSKOR BA TZAM GYIS 'BUM PHRAG STONG GI DPUNG RNAMS KHA DU PA

12b

TU LTUNG BAR 'GYUR RO, ,GANG 'DOD PA DE BYED DO, ,BKRUS PA TZAM GYIS LANGS PAR 'DI LA THE TSOM MED DO, ,THAL BA DE DANG, ZHA NYE'I PHYE MA DANG BSNOS TE GCIG TU BYAS LA, RDO RJE'I GTZUG RJES SU BYIN TE KHAB LEN GYI LCAGS KYI PHYE MA BSRE ZHING GSER GYI PHYE MA'ANG CUNG ZAD BSRE BAR BYA'O, ,RDO RJE'I CHU'I KHU BA DANG LHAN CIG TU BSNOS TE ZANGS MA'I SNOD DU NYI MA BDUN GYI BAR DU BZHAG GO ,DE NAS MKHRIS PA CHEN PO MNYES TE RTA'I KHRAG DANG LHAN CIG TU BSNOS LA, YANG SNOD DE NYID DU NYI MA GSUM GZHAG PAR BYA'O, ,DE NAS BTON TE LCAGS GSUM GYI SNOD DU GZHAG PAR BYA'O, ,ZANGS MA'I SNOD DU BZHAG PA DE ME'I NANG DU BCUG NA GSER DANG, DNGUL DU 'GYUR BAR SOM NYI MED DO, ,SRANG GCIG KYANG SRANG STONG GI RIN THANG DU 'GYUR TE RIN PO CHE DANG 'DRA BAR 'GYUR RO, ,GSER DE MA SHA GCIG DANG, DNGUL SRANG GCIG BSRES TE ME LA BZHU NA SRANG SUM BRGYA'I RIN THANG GI TSAD DU 'GYUR BAR 'DI LA THE TSOM MED DO, ,'DI LTA BU'I SBYOR BA NI SANGS RGYAS RNAMS KYIS KYANG RNYED PAR DKA'O, ,'JIG RTEN DBANG PHYUG LA SOGS PA'I BYANG CHUB SEMS DPA' GRAGS PA CHEN PO SNYING RJE DANG LDAN PA'I BDAG NYID CHEN PO STOBS CHE BA DE RNAMS KYIS KYANG SBYIN PAR MI NUS SO, ,'DI YI SBYOR BA RNYED DKA' BA, ,SANGS RGYAS THOD PA'I RGYUD DU GSUNGS, ,RGYUD GZHAN RNAMS SU SBAS PA YIN, ,'DUS SOGS RNAL 'BYOR

13a

, ,RGYUD DU NI, ,SBYOR BA RNAM PA MA GSUNGS PA, ,GANG TSE SNGON DU BSNYEN DE'I TSE, ,DE YI SBYOR BAS CI ZHIG BYA, ,BSOD NAMS DMAN PA'I SEMS CAN GANG, ,MTSAMS MED LNGA NI BYED PA YANG, ,SANGS RGYAS THOD PA'I SBYOR BA YIS, ,'DI LTA'I SBYOR BA 'GRUB PAR 'GYUR, ,DNGOS PO DE YIS BLO CHEN RNAMS, ,SEMS CAN DON LA GCIG TU BRTZON, , SRANG GCIG GIS BSRES BYE BA'I RIN, ,SBYOR BA KUN TU RNYED PAR DKA', ,SBYOR BA GLEGS BA MA LA MI BRI, ,BLA MA'I DRIN LAS SHES PAR BYA, ,BLA MAS DNGOS GRUB BLA MAS THAR,, BLA MA STON PA RNAMS KUN PA, ,DES NA SLOB MA BLO CAN GYIS, ,'BAD PAS BLA MA MNYES PAR BYA, ,THAL BA DE NYID KYIS LUS BLTA BA'I DON DU BU MO'I MGO LA BLUGS TE RDO RJE GTZUG GIS BU MO BKRU'O, ,YANG THAL BA'I THIG LE BYAS LA, TSANGS PA RDO RJES MAndAL GRU BZHI BYAS TE, DE'I DBUS SU BU MO GZHAG PAR BYA'O, ,BDUG SPOS LNGAS BDUGS SHING SANGS RGYAS THAMS CAD KYIS BYIN GYIS BRLABS NA BU MO LA 'BAB PAR 'GYUR TE, 'DAS PA DANG, MA 'ONGS PA DANG, DA LTAR BYUNG BA STON TO, ,BU DON GYIS 'BRAS BU LA SNGAGS 'DI LAN BDUN DU MNGON PAR SNGAGS SO, ,AOm BUDDHA KA P'A LI NI DE HI, DE H'I DA D'A PA YA DA D'A PA YA HE HE BHA GA BA TI SH'I GHRAm KHAD GAm DHA RA HI BUDDHA KA P'A LA BADZRA SYA YA DZNY'A MA LAm GHA YA H'Um STAm

13b

HR'I PHAt AA PHAt, YUNGS KAR BSNUN PA TZAM GYIS NI, ,BU MO GRAGS CHEN MA NI DGOD, ,DE YI KHA NAS RAL GRI BDUN, ,'BYUNG BA LA NI THE TSOM MED, ,SANGS RGYAS THOD PA'I RNAL 'BYOR PAS,, SKAD CIG MA DE NYID LA 'GRUB PAR 'DIR SOM NYID MED DO, ,DE LTAR RAL GCIG GRUB PAS BYE BA BRGYA STONG GI RIG 'DZIN GRUB PAS BSKOR BAR 'GYUR RO, ,'DI LTA BU'I SBYOR BA NI 'JIG RTEN GSUM NA'ANG RNYED PAR DKA'O, ,BU MO BKRUS PA TZAM GYIS RNAL MAR 'GYUR RO, ,DE'I THAL PA LCAGS GSUM GYIS DKRIS TE RIL BU BYAS NAS KHAR BCUG PA TZAM GYIS NI MI SNANG BAR 'GYUR RO, ,SHES RAB CAN GYIS SUM CU PA'ANG BSKOR RO, ,SANGS RGYAS THAMS CAD KYIS KYANG MI GZIGS SO, ,RIL BU LAG PAR BLANGS PAS DNGOS PO GANG DANG, GANG LA REG PA TZAM GYIS DE DBANG DU 'GYUR RO, ,THAL BA'I SBYOR BA 'DI DAG NI, ,SANGS RGYAS KYIS KYANG RNYED PAR DKA', ,AOm BUDDHA KA P'A LA DZA: H'Um KHAm RAm AA, 'JIG RTEN GSUM SGRUB PA'I SNGAGS SO, ,AOm BUDDHA KA P'A LI NI HR'I: H'Um, DGRA BRLAG PA'I SNGAGS SO, ,AOm MA H'A KA P'A LA BADZRI KHA KHA KH'A HI KH'A HI SARBA DUsht'A NA GHA GHA GH'A TA YA GH'A TA YA SARBA SHA TRUm AOm HO TR'Im H'Um PHAt; BSKRAD PA'I SNGAGS SO, ,SANGS RGYAS THOD PA'I RGYUD CHEN PO RNAL 'BYOR MA RNAMS KYI GONG NA MED PA GSANG BA'I YANG SHIN TU GSANG BA ZHES BYA BA LAS, THAL BA'I SBYOR BA

14a

, ,DANG; LAS SNA TSOGS GTAN LA DBAB PA DANG, SNGAGS KYI LE'U STE GNYIS PA'O,, ,,DE NAS BYANG CHUB SEMS DPA' SEMS DPA' CHEN PO PHYAG NA RDO RJES SNA TSOGS SNGE MA LA BTUD DE, 'DI SKAD CES GSOL TO, ,SEMS CAN DON LA GCIG BRTZON PA, ,LEGS SO BCOM LDAN 'DAS LHA MO, ,'DI LTA'I RAB TU SBYOR ZHES PA, ,RGYUD GZHAN DAG TU MA GSUNGS SHING, ,SANGS RGYAS KUN GYIS RAB SBAS PA, ,DE NI 'BAD DE GSAL BAR MDZOD, ,LHA MO CHEN MO KHYOD KYIS GSUNGS, ,LHA YI LE'U NI JI LTA BU, ,SANGS RGYAS THOD PA RNAL 'BYOR MA'I, ,RGYUD DU LHA RNAMS DU ZHIG GSUNGS, ,DE RU GZUGS NI JI LTA BU, ,GUS PA YIS NI NYAN PAR 'TSAL, ,GSUNGS PA, RAm LAS NYI MA BSAM PAR BYA, ,NYI MA'I STENG DU H'Um BYUNG BA'I, ,RDO RJE NAG PO SREG PA'I BDAG ,RDO RJE DE NYID 'OD ZER GYIS, ,RA BA DRA BA'I MTSAMS BCING NGO, ,DE BZHIN RDO RJE NANG GYUR PA, ,RDO RJE SA GZHI BSAM PAR BYA, ,RDO RJE'I SA GZHI'I DBUS CHUD PAR, ,AE YI RNAM PA BDAG NYID CHE, ,GRU GSUM KHAMS GSUM BDAG NYID CAN, ,YI GE LAM GYUR SA YI NI, ,DKYIL 'KHOR GRU BZHI RAB SER PO'O, ,DE YI DBUS NAS SA BON NI, ,YI GE AOm STE CHOS BDAG NYID, ,AOm LAS BYUNG BA'I 'KHOR LO NI, ,RTZA RNAMS KUN

14b

GYI RANG BZHIN CAN, ,RNAL 'BYOR MA NI RNAM PAR BZHUGS, ,RTZA NI DRUG CU LA RGYAN DANG, ,SPRUL PA DRUG CU RTZA BZHI 'DAB, ,DES NA RTZA BRGYA NYI SHU'O, ,RDO RJE SKU YI BDAG NYID CHE, , SHES RAB CAN GYIS DE LTAR BSAM, ,DE YI DBUS GNAS SA BON NI, ,BAm DKAR YI GE LAS BYUNG BA, ,CHU YI DKYIL 'KHOR ZLUM PO'O, ,RTZA RNAMS THAMS CAD CHU YI NI, ,DKYIL 'KHOR LA NI THIM PAR 'GYUR, ,SLAR YANG BSAM PAR BA BA NI, ,RAB DMAR LAS BYUNG ME'I DKYIL 'KHOR, ,GRU GSUM 'BAR BA'I BDAG NYID CAN, ,RAB TU 'BAR BZHIN PA YI NI; ;RTZA BA'I 'KHOR LO YANG DAG BLTA, ,DE NAS BSAM PAR BYA BA NI, ,YAm GYUR RLUNG GI DKYIL 'KHOR NI, ,ZLA BA PHYED PA'I RNAM 'DRA SNGO, ,RTZA RNAMS RAB TU G-YO BA'I GZUGS, , THIM GYUR 'KHOR LO'I RIG PAR GSUNGS, ,DE DAG THAMS CAD THIM GYUR PA, ,DE YI DBUS GNAS RNAL 'BYOR PA, ,DE LTAR SHES PAR BYED GANG ZHIG ,SANGS RGYAS THOD PA'I RNAL 'BYOR PAS, ,DE NAS ZLA BA BSAM PAR BYA, ,ZLA BA'I STENG DU NYI MA'O, ,DE YI DBUS CHUD SA BON NI, ,H'Um DANG AA YI RANG BZHIN NO, ,YI GE KA YIS HA BRGYAN TE, ,KA NI HA LA THIM PAR 'GYUR, ,MI PHYED PA YI HA DANG H'Um, ,GNYI GA'I BDAG NYID CAN BLTA'O, ,HA NI MI SHIGS SHES RAB KYI, ,BDAG NYID AU DANG THIG LE DAG ,GNYI GA GCIG TU GYUR PA NI, ,YI GE

15a

, ,H'Um GI MCHOG LTA'O, ,H'Um LAS BYUNG BA'I 'OD ZER RNAMS, ,DE YIS BDE BA CHE BSKUL TE, ,BA MO LTA BU'I RI BONG CAN, ,NYI MAR LHAN CIG ZHU GYUR CING, , DKYIL 'KHOR GNYI GA GCIG GYUR PA, ,NYI MA'I MCHOG TU BLTA BAR BYA, ,YANG NI H'Um BYUNG 'OD ZER DES, ,RTZA BA'I 'KHOR LO THAMS CAD LA, ,REG MA THAG PA'I MOD LA NI, , RTZA YI 'KHOR LO LAS 'BAB 'GYUR, ,ZHU BA DE YIS SA BON BKRU, ,H'Um GYUR PA LAS RDO RJE STE, ,DBUS SU DE NYID KYIS BYIN BRLABS, ,SA BON RDO RJE LAS BYUNG BA, ,DPA' BO KHRAG 'THUNG MDOG SNGON PO, ,ZHAL GCIG PA LA PHYAG BZHI PA, ,GTZO BO H'Um ZHES 'DON PA STE, ,SKYIL KRUNG PHYED PA'I GAR GYIS GNAS, ,GNYI GA'ANG KHRO BA'I BDAG NYID CAN, ,STAG GI PAGS PA'I NA BZA' MNABS, ,MGO BO RLON PA'I PHRENG BA 'CHANG, ,BSREGS SU MCHOD PHYIR THOGS PA YI, ,SHIN TU BZHAD PAS 'JIGS CHE BA'I, ,GTZO BO SNYING RJE'I BDAG NYID BLTA, ,DPUNG RGYAN MGUL DO 'KHOR GDUB DANG, ,GCER BU RUS PA'I SKA RAGS 'CHING, ,G-YER KA BCAS PA'I RKANG GDUB CAN, ,MA LUS BDUD RNAMS 'JOMS PAR BYED, ,RAL BA'I COD PAN YANG DAG LDAN, ,SANGS RGYAS RNAM PA LNGA YIS BRGYAN, ,ZLA BA PHYED PA 'DZIN PA'I LHA, ,DBU LA SNA TSOGS RDO RJES MTSAN, ,'KHOR LO RNA CHA GDU

15b

BU DANG, ,PHYAG RGYA RNAM PA LNGA YIS MTSAN, ,THAL BA'I RDUL CAN 'JIGS PAR BYED, ,THOD PA GTI MUG GIS BRGYAN PA'I, ,DPA' BO 'KHOR BA SGROL BYED PA, ,BYANG CHUB SA BON RANG BZHIN NO, ,GTZO CHEN DE YE SHES RAB MA, ,SNA TSOGS SDE MA RNAL 'BYOR MA, ,GCER BU MGO BO'I PHRENG BA SPANG, ,RGYAN MED MCHOD PHYIR THOGS MED MA, ,BDE BA KUN GYI GZUGS CAN MA, ,PHYAG GNYIS SKRA NI GROL BA'O, ,HE RU KA LA 'KHYUD GNAS MA, ,DE LTAR PHA ROL PHYIN LHA MO, ,KHA DOG DMAR MO RNAM GSAL MA, ,ZHAL NI SHIN TU RNAM 'GYUR BA, ,CUNG ZAD MCHE BA GTZIGS 'JIGS MA, ,G-YAS NA CANG TE'U GRI GUG STE, ,G-YON NA KHA tV'Am THOD PA'O, ,RANG GI LUS SKYES 'OD ZER GYIS, ,RTZA YI 'KHOR LO BSKUL BAR BYA, ,DE YIS BSKUL BA TZAM GYIS NI, ,RTZA BA 'KHOR LO'I RANG BZHIN LAS, ,'DZAG 'GYUR 'DIR NI THE TSOM MED, ,'DZAG PA DE LAS RNAL 'BYOR MA, ,BRGYAD PO BU MO RNAMS KYI MCHOG ,MCHOD PA SNA TSOGS 'DZIN PA YIS, ,MGON PO HE RU KA MCHED DO, ,RDO RJE MGON PO'I SHAR GNAS PA, ,RDO RJE MCHE BA MA YIS NI, ,THOD PA KHRAG GIS BKANG BZUNG STE, ,GZI BRJID CHEN PO GSOL BAR MDZAD,, RDO RJE PHO NYA BDAG NYID CHE, ,DBANG LDAN DU NI CANG TE'U BRDUNG, ,RDO RJE GDONG MA DRI SNOD DANG, ,ME YIS PHYOGS SU RNAM PAR GNAS, ,RDO RJE CAN MA GRAGS CHEN MO, ,MCHOD YON SNOD BCAS,

16a

, ,BDEN BRAL NA, ,RDO RJE GTZIGS MA LHO YI NI, ,PHYAG NA RNGA BO CHE 'DZIN GSUNGS, ,RLUNG DU RDO RJE LTE BA MA, ,RI BONG CAN GYI SNOD 'DZIN NO, ,NUB TU RDO RJE 'JIGS MA NI; ;LCE SPYANG PHYAG NA 'DZIN PAR GSUNGS, ,BYANG DU 'DOD CHAGS RDO RJE MA, ,LHA MO'I CHAGS PAS GTZO BO MCHOD, ,DE LTAR HE RU KA BSAMS NAS, ,RNAL 'BYOR MA NI BRGYAD KYIS MCHOD, ,SNA TSOGS ZAS DANG SNA TSOGS SKOM, ,SNA TSOGS ROL MO MCHOG GSUNGS DANG, ,DRI ZHIM LNGA DANG ME TOG SPOS, ,'DI DAG GIS NI GTZO BO MCHOD, ,MCHOD YON ZHAL BSIL DE BZHIN KHRUS, ,GLU YI MCHOG NI RNAM MANG POS, ,MGON PO KHRAG 'THUNG BDAG NYID CHE, ,'DI DAG GIS NI MCHOD PAR BYA, ,DPA' BO RDZOGS PAR MTHONG NAS NI, ,RTZA YI 'KHOR LO LAS NI 'DZAG ,'DZAG PA DE LAS RNAL 'BYOR MA, ,RNAM PAR BRTZE BA CHER LDAN PA, ,BDE GSHEGS KUN GYIS BYIN BRLABS MA, ,SNA TSOGS RGYAN GYIS RNAM PAR KLUBS,, SNA TSOGS PA YI NA BZA' MNABS, ,GZUGS NI LANG TSO GZHON PAS BRGYAN, ,LO NI BCU DANG GNYIS LO PAR, ,PHYAG G-YAS BYANG CHUB SEMS BKANG BA'I, ,BUM PA AA MRA'I LCUG BCAS BSNAMS, ,ZHAL NI RAB BZHAD DANG BA YIS, ,HE RU KA NI RGYAL GYUR CIG ,RGYAL GYUR CIG CES 'DI LTAR SMRA, ,MGON POS MDUN DU BLTAS NAS NI, ,DBANG BSKUR

16b

MCHOG STE GSOL BA GDAB, ,BRTZE DANG LDAN PA'I GRAGS CHEN MO, ,'KHOR BA'I 'DAM DU BYING BA BDAG, ,DBANG BSKUR BA YIS BDAG BSGRAL PHYIR, ,RDO RJE RNAL 'BYOR MAS KHRUS SHIG ,DPER NA BU CHA MED PA'I KHYIM, ,SHI BA TZAM GYIS STONG PA NYID, ,DE BZHIN DBANG DANG BRAL NA NI, ,YE SHES KUN GYIS STONGS PA NYID, ,DPER NA PI WANG SBYOR KUN TSOGS, ,RGYUD DANG BRAL NA RDUNG MI RUNG, ,DE BZHIN DBANG DANG BRAL NA NI, ,SNGAGS DANG BSAM GTAN 'GRUB MI 'GYUR, ,RMONGS PA GANG ZHIG DBANG MED PAR, ,BDAG NI DBANG BSKUR ZHES SMRA BA, ,JI SRID SANGS RGYAS BZHUGS KYI BAR, , SLOB MAR BCAS TE DMYAL PAR 'GRO ,DE LTAR SHES BYA RNAL 'BYOR PAS, ,SLAR YANG BDAG LA DBANG BSKUR CIG ,YANG DANG YANG DU PHYAG BTZAL TE, ,THAL MO SBYAR NAS GSOL BA GDAB, , GAL TE DBANG BSKUR MED NA NI, ,HE RU KA YI BDAG GYUR CIG, DE NAS RNAL 'BYOR MA DE RNAMS, ,RGYAL GYUR RGYAL GYUR ZHES SMRA ZHING, ,BCOM LDAN DBANG BSKUR KHRUS GSOL LO, ,PHYI NANG GSANG BAR BCAS PA YI, ,DBANG BSKUR TZAM GYIS NAM MKHA' YI, ,DKYIL NAS RNGA YI SGRA GRAGS CING, ,ME TOG TZANDAN CHAR 'BAB 'GYUR, ,DE NAS RNAL 'BYOR MA DE RNAMS, , RTZA BA'I 'KHOR LO LA NI THIM, ,SANGS RGYAS THOD PA'I RGYUD RNAL 'BYOR MA'I GONG NA MED PA GSANG BA'I YANG SHIN TU GSANG BA ZHES BYA BA LAS, LHA BSKYED PA DANG, DBANG BSKUR BA'I

17a

, ,LE'U STE GSUM PA'O,, ,,DE NAS NOR RGYAS LA SOGS PA'I KLU RNAMS KYIS PHYAG NA RDO RJE LA PHYAG BYAS NAS, 'DI SKAD CES GSOL TO; ;CI YI PHYIR NA BDAG CAG RNAMS, ,'OD ZER GYIS NI 'TSAL TE MCHIS, ,BCOM LDAN BDAG LA BSHAD DU GSOL, ,DE NAS PHYAG NA RDO RJE GNOD SBYIN GYI BDAG PO CHEN POS RNAL 'BYOR MA SNA TSOGS SDE MA LA 'DI SKAD CES GSOL TO, ,NOR RGYAS LA SOGS BDAG NYID CHE, ,KLU RNAMS CI'I PHYIR DGUGS PA LAGS, ,RNAL 'BYOR CHEN PO BDAG LA GSUNGS, ,DE NAS SNA TSOGS SDE MA'I SNYING GI 'OD ZER GYIS KLU THAMS CAD KYI SNYING GA DANG, SPYI BO'I MTHAR THUG PAR ZHUGS TE, TSIM PAR BYAS NAS SLAR LOG GO ,DE NAS KLU DE RNAMS THAMS CAD KYIS PHYAG BTZAL TE, 'DI SKAD CES GSOL TO, ,LHA MO BKA' NI CI ZHIG GSOL, ,KYE LAGS JI LTA BU ZHIG BGYI, ,GSUNGS PA, MU STEGS LA SOGS MKHA' LDING SNGAGS,, YE SHES LAS BYUNG JI LTA BU, ,DUS SU ZIN PA JI LTAR YIN, ,JI LTAR DUG NI SKYE BAR 'GYUR, ,SPRUL GYIS ZIN PA TZAM GYIS NI, ,SLAR YANG SEMS CAN 'CHI 'GYUR ZHING, ,ZHUS PA; KHYAB 'JUG DBANG PHYUG SOGS LHA DANG, ,TSANGS PA TSANGS PA MDUN NA 'DON, ,DE RNAMS LA NI 'CHI 'PHO MCHIS, ,DUG GI NYES PAS GNOD PAR 'GYUR, ,DE LTAR

17b

DUS SU ZIN CES SMRA, ,SBRUL GYI DUG NI SEL BA MED, ,DE BZHIN SBRUL LA DUG NI YOD, ,SBRUL ZIN 'TSO 'AM MI 'TSO BA, ,BDE BYED LA SOGS RDZU 'PHRUL CHE'I, ,LHA DE RNAMS NI DE LTAR SMRA, ,STON PA STONG NYID NGES GSUNGS PA, ,BCOM LDAN RDO RJE 'CHANG BAS GSUNGS, ,CHOS RNAMS THAMS CAD STONG PA LA, ,SBRUL GYI DUG NI JI LTAR YOD, ,GANG GIS 'DZIN CING GANG ZHIG 'DZIN, ,DUS DANG DUS MIN JI LTAR 'GYUR, ,JI LTAR SPYOD CING JI LTAR BSDU, ,GANG PHYIR 'DZIN CING GANG DU 'DZIN, ,SEMS CAN DUG ZIN MI 'CHI BA, ,STONG NYID SMRA BA'I NGES PA YIN, ,'DOD CHAGS GTI MUG STONG PA NYID, ,GRAGS CHEN YUL NI STONG PA NYID, ,YUL GYI RANG BZHIN DRI MA MED, ,DRI MA DANG BRAL JI LTAR DUG ,SBRUL GYIS KYANG NI CI ZHIG BYED; ;THA MAL PA YI YUL NI SBRUL, ,YUL GYI NYES PA DUG NYID DO, ,LHA RNAMS YUL RNAMS KYIS NI BSGRIBS, ,THAMS CAD DUS SU ZIN PA YIN, ,YUL GYI NYES PA SBYANGS PA NYID; ;STON PA LONGS SPYOD GOS MI 'GYUR, ,SANGS RGYAS THOD PA'I RNAL 'BYOR PAS, ,'DOD KUN NYE BAR LONGS SPYOD BYA, ,RI SKEGS SBYOR BA RNYED DKA' DANG, ,SANGS RGYAS KHROD [?] PA'I SBYOR LDAN PAS, ,'DIR NI KLU RNAMS THAMS CAD LHAGS, ,DE PHYIR RAB NGES LHA MO KYE, ,DUS ZIN THE TSOM MED PA RU, ,BLO MED MU STEGS CAN DE SMRA, ,'DI LTAR SMRAS

18a

, ,TE KLU RNAMS KYIS, ,SNA TSOGS SDE LA PHYAG BTZAL TE, ,RANG RANG GI NI GNAS SU DONG, ,DE NAS BCOM LDAN 'DAS MAS YUL GYI NYES PA SPONG BA'I SNGAGS GSUNGS PA, AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, STONG DANG STONG MIN MTHA' DAG BCAS, ,SGYU MA RMI LAM LTA BUR GCIG ,'JIG RTEN MTHA' DAG RDZUN GYIS BCINGS,, KYE LAGS BSHES MO 'DI LTAR LTOS, ,DE NAS PHYAG NA RDO RJE GNOD SBYIN GYI BDAG PO CHEN POS BCOM LDAN 'DAS MA'I ZHABS LA SPYI BOS GTUGS TE, 'DI SKAD CES GSOL TO; ;RI SKEGS SBYOR BA RNYED DKA' BA, ,LHA MO YIS NI BSHAD DU GSOL, ,SEMS CAN DON LA GCIG TU 'BAD, ,DE RU BDAG LA LTAD MO MCHIS, ,GSUNGS PA, DKYIL 'KHOR MED PAR SBYIN MI BYA, ,SLOB MA BSDU BAR MI BYA'O, ,GTZO BOS JI LTAR GSUNGS PA YI, ,DKYIL 'KHOR LAS NI SMRA BAR BYA, ,MTHO LNGA PA YIS BZUNG STE, ,KHOR YUG TU NI GRU BZHI'O, ,DE YI PHYED KYI ZLUM PO LA, ,BRGYAD LAS 'DAM SKYES 'DAB MA BRGYAD, ,AOm H'Um HR'I: H'Um KHAm H'Um AA H'Um TIshthA TIshthA BADZRA SA MA YA AA DDHIshthA YED, SA SBYANG BA'I SNGAGS SO; ;BADZRA HE RU KA BADZRA SA MA YA HRI SARBA DUshtA SA MA YA MU DR'A PRA BHAm DZA HA H'Um RU LU RU LU BHYO H'Um H'Um PHAt, SA SBYANG BA'I DUS SU GTOR MA BTANG BA'I SNGAGS SO, ,AOm SARBA TA TH'A GA TA

18b

AA DHI shthA NA AI DAM S'U TRA TIshth'A M'A TZA LA HE HE BUDDHA KA P'A LA BADZRA HE RU KA H'Um H'Um thA thA, SNGAGS 'DIS LAN BDUN DU SRAD BU LA MNGON PAR SNGAGS PAR BYA'O, ,THIG SKUD KYI SNGAGS SO, ,GRU BZHI PA LA SGO BZHI PA, ,RTA BABS BZHI DANG YANG DAG LDAN, ,KHA KHYER SNAM BU SPANGS PA LA, ,BA DAN RNAM PA BRGYAD KYIS BRGYAN, ,SANGS RGYAS THOD PA'I SBYOR BA YIS, ,RDUL TSON GZHAN DANG 'DRES MED PA'I, ,RDUL TSON DMAR POR RDZOGS PAR BYA, ,DE RU BUM PA BZHI PO RNAMS, ,GRVA DANG GRVA RU RNAM PAR BZHAG ,BUM PAR MTSAN MA BRI BYA BA, ,THOD PA DANG NI KHA tV'Am GA, GRI GUG DANG NI CANG TE'U DANG, ,CANG TE'U GNAS SU RDO RJE BRI, ,RDO RJE'I STENG DU 'DAM SKYES TE, ,DE LTAR BUM PAR BRIS BYAS NAS, ,CHU YIS YONGS SU DGANG BAR BYA, ,BUM PA LA NI RAS KYIS BRGYAN, ,RIN CHEN RNAM PA LNGA GZHUG CING, ,BUM PAR KUN NAS 'BRU LNGA DANG, ,AA MRA'I LCUG MAS DGAB PAR BYA, ,DE NAS 'O MA'I SNOD BZHAG STE, ,RDO RJE SLOB DPON BLO CHEN GYIS; ;SANGS RGYAS THOD PA'I SBYOR DANG LDAN, ,PADMA'I STENG DU NYI MA STE, ,NYI MA'I STENG DU H'Um YIG BSAM, ,H'Um GYUR PA LAS RDO RJE NI, ,SNGON PO H'Um GI BDAG NYID SKYES, ,H'Um DANG RDO RJE BYUNG DPA' BO, ,HE RU KA NI BDAG NYID CHE, ,SKU MDOG SNGON PO PHYAG BZHI PA, ,GTZO BO CHEN PO ZHAL GCIG PA, ,G-YAS NA GRI GUG THOD PA STE, ,G-YON NA KHA tV'Am RDO RJE'O, ,SKU LA

19a

, ,MI YI RUS PAS BRGYAN, ,KLU RNAMS SKRAG PAR BYED PA PO, ,SKYIL KRUNG PHYED PA'I GAR GYIS BZHUGS, ,GCER BU 'JIGS BYED RANG BZHIN TE, ,ZHAL GYI MCHE BCUNG ZAD GTZIGS, ,DBU SKRA SER ZHING GYEN DU 'BAR, ,THOD PAS SPYI BO BRGYAN BYAS PA, ,SA 'OG BDUN NI 'KHRUG PAR BYED, ,DPA' BO DE LTAR BSAM PAR BYA, ,PHYIS NI PHYOGS KYI 'DAB MA LA, ,AOm DANG H'Um DANG KHAm DANG SVA, ,YI GE YONGS SU GYUR PA LAS, ,RNAL 'BYOR MA NI RNAM PA BZHI, ,SNA TSOGS SDE MA 'DOD CAN MA, ,SA 'OG GNAS MA RAB BZANG MA, ,LHA MO DE DAG MDOG SNGON MO, ,GRAGS CHEN ZHAL GCIG PHYAG BZHI MA, ,NYI MA'I DKYIL 'KHOR RNAM PAR BZHUGS, ,G-YON BRKYANG PA YIS ZHABS KYIS BZHUGS,, G-YAS NA GRI GUG THOD PA 'DZIN, ,G-YON NA KHA tV'Am CANG TE'U, ,RUS RGYAN LHA MO KUN 'JIGS MA, ,ZHAL GYI MCHE BA CUNG ZAD GTZIGS, ,STAG GI PAGS PA'I NA BZA' MNABS, , SKRA NI SER PO GYEN DU 'BAR, ,THOD PA'I PHRENG BAS SPYI BO BRGYAN, ,DE RNAMS MGO RGYUS PHRENG BA CAN, ,LHA MO'I 'OD ZER SPROS GYUR PAS, ,KLU RNAMS SKRAG PAR MDZAD MA MO, ,PHYOGS KYI 'DAB BZHUGS CHER BZHAD MA'O, ,BLO LDAN MTSAMS KYI 'DAB BZANG LA, ,NYI MA BZHI LA H'Um YIG BZHI, ,H'Um YIG SO SOR GYUR PA LAS, ,CHANG 'TSONG MA DANG 'BYUNG POR, ,

19b

BZHIN BZANG NAM MKHAR 'GRO MA STE, ,MTSAMS KYI 'DAB MAR GNAS LHA MO, ,KHA DOG SER MO GRAGS CHEN MO, ,THAMS CAD NA BZA' SER PO MNABS, ,G-YAS BRKYANG PA YI ZHABS KYIS GNAS, ,ZHAL GCIG MA LA PHYAG BZHI MA, ,KLU BRGYAD RGYAN BYAS LHA MO NI, ,G-YAS NA GRI GUG CANG TE'U 'DZIN, ,G-YEN NA KHA tV'Am THOD PA'O, ,SKU LAS 'OD ZER SER PO 'PHRO, ,SHIN TU SGEG PA'I NYAMS DANG LDAN, ,CUNG ZAD MCHE BA GTZIGS PA'I ZHAL, ,THAMS CAD GAR BYED SKRA SER MA, ,KLU RNAMS SKRAG PA SKYED BYED MA, ,MTSAMS GYI CHA RU RNAM PAR GNAS, , DE NAS BSAM PAR BYA BA NI, ,SLOB DPON HE RU KAS RANG GI LUS LAS SKYES PA'I 'OD KYIS PHYOGS BCUR BZHUGS PA'I DE BZHIN GSHEGS PA RNAMS LA YANG DAG PAR REG PAR BYAS NAS SLAR LOG STE DE BZHIN GSHEGS PA RNAMS LA YANG DAG PAR REG PA'I 'OD ZER LAS LHA MO'I TSOGS YANG DAG PAR SPROS PAS HE RU KA DANG, RNAL 'BYOR BRGYAD LHAN CIG TU BKRUS SO, ,BKRUS PA TZAM GYIS DE BZHIN GSHEGS PA RNAMS COD PAN DU GYUR TO, ,DKYIL 'KHOR RDZOGS PAR MTHONG NAS NI, ,SLOB DPON BDAG NYID CHEN PO YIS, ,PHYIS NI GTOR MA BTANG BAR BYA, ,KHYAD PAR DU NI 'O MA'O, ,SANGS RGYAS THOD PA'I SBYOR LDAN PA'I, ,SHES RAB CAN GYIS CHANG BTUNG ZHING, ,MAR ME BZHI NI DBUL BAR BYA, ,'BRAS BU

20a

, ,BZHI YANG DBUL BYA ZHING, ,DE NAS SLOB MA BLO CHEN GYIS, ,RAS ZUNG GSUM NI DBUL BAR BYA, ,DER NI GDAN YANG BSTAB PAR BYA, ,SLOB DPON BDAG NYID CHEN PO YIS, ,DE RU RNAL 'BYOR MA MCHOD DO, ,BLO GROS CHEN PO THUGS DGYES PAS, ,SNA TSOGS ZAS DANG SNA TSOGS SKOM, ,DPA' BO RNAL 'BYOR MA TSIM BYA, ,MGU BAR SEMS PA'I YID KYIS NI, ,'KHOR LO KHYAD PAR CHE BYA STE, ,PHYIS NI SLOB DPON BRTZE CHEN BDAG ,PHYI ROL SA RU BYUNG NAS NI, ,BDE BA YI NI GDAN BZHUGS TE, ,SLOB MAS MAndAL GSUM BYAS LA, ,BLA MA ME TOG SNA TSOGS MCHOD, ,ZHABS LA SBYI GTUGS 'DI SKAD GSOL, ,STON PA BCOM LDAN BLA MA KYE, ,SEMS CAN DON LA GCIG BRTZON PA, ,NAM MKHA' LDING BZANG SBYOR BA DANG, ,SHA RI KA YI SBYOR BA 'TSAL, ,DUS SU ZIN PA BZLOG PA YI, ,SEMS CAN DON NI BZANG PO 'TSAL, ,SANGS RGYAS THOD PA'I RNAL 'BYOR PA, ,STON PA CHEN POS DE DAG GSUNGS, ,BDAG GI THE TSOM BZLOG PA DANG, ,SEMS CAN DON NI MTHAR THUG BGYI, ,BRTAN PA DANG NI RGYU BA DANG, ,YAN LAG SKYES DANG BCOS MA YI, ,DUG RNAMS DUG MED PAR BGYI ZHING, ,SEMS CAN THAMS CAD 'TSO BGYI BA, ,BLA MA CHEN PO DE DAG GSUNGS, ,DE NAS SLOB DPON BRTZE BA YIS, ,BYIN GYIS BRLABS PA'I THUGS

20b

KYIS NI, ,KHRAG 'THUNG GO 'PHANG GNAS PA YI, ,SLOB MA LA NI SO SHING SBYIN, ,SO SHING SNGAGS NI SBYIN PAR BYA, ,AOm H'Um HE BHA GA BA TI MU KHAm PA RI SHUDDHAm KU RU SV'A H'A, LAN BDUN MNGON PAR SNGAGS BYAS LA, ,SO BRUD NAS NI KHA BSHAL TE, ,SLOB MA LHAG PAR GNAS PAR BYA, ,RANG GI LAG PA BYUG BYA ZHING, ,ME TOG GIS KYANG BKRI PAR BYA, ,MGRIN PA LAG PAR ZLA BA BSAM,, ZLA BA'I ZER GYI PHYOGS BCU YI, ,SANGS RGYAS SPYAN DRANGS GDON MI ZA, ,SANGS RGYAS TSOGS KUN ZLA BAR BLTA, ,GRAGS CHEN THAMS CAD RAB ZHUGS SHING, ,ZLA BA ZHU BAR GDON MI ZA, ,SLOB DPON BSGOMS PA'I NUS PA YIS, ,SLOB MA'I MGO RU LAG BZHAG STE, ,LHAG PAR GNAS PA'I GSANG SNGAGS BZLAS, ,AOm SARBA BUDDHA AA TRA AA MU KA SYA K'A YA MA DHIshth'A NA, YANTU MA TZA LA MA TZA LA TIshthA TIshthA HA RA HA RA, BI DHA RA BI DHA RA, DHA RA DHA RA, TRA PA TRA PA, BHO BHA GA B'Am TA SARBA BUDDHA KA P'A LI BADZRA SYA KA TAm MA LA YA SH'I GHRAm KU RU KU RU H'Um H'Um HA HA, SNGAGS 'DI LAN BDUN DU BZLAS PAS LHAG PAR GNAS PAR BYA'O, ,SANGS RGYAS DE DAG THAMS CAD KYIS DE'I LUS LA YANG DAG PAR BYIN GYIS RLOB PAR 'GYUR RO, ,LHAG PAR GNAS PA TZAM GYIS RDZU 'PHRUL CHEN PO'I KLU RNAMS SKRAG CING DUG GI BUM PA'ANG 'DOR RO, ,NOR RGYAS LA SOGS PA'I KLU STOBS PO CHE RNAMS DPYOD PAR 'GYUR RO, ,AE MA'O SANGS RGYAS KYIS GSUNGS PA'I, ,LHAG

21a

, ,PAR GNAS PA TZAM GYIS NI, ,'DI LTA'I SDUG BSNGAL THOB 'GYUR NA, ,MKHA' LDING RTOG PA'I SEMS CAN GYIS, ,BDAG NI JI LTAR 'GRO BAR 'GYUR, ,DE MA THAG TU SLOB DPON GYIS, ,DKYIL 'KHOR NANG DU ME TOG NI, ,RNAM PA SNA TSOGS DBUL BAR BYA, ,SNA TSOGS SPOS DANG LHA BSHOS DBUL, ,DUNG CHOS ZANGS CHOS SNOD DAG NI,, MANYDZI'I STENG DU GZHAG PAR BYA, ,MCHOD YON GYI NI DON CHED DU, ,BUM PA RNAMS LA LHAG GNAS BYA, ,KHRAG 'THUNG GO 'PHANG GNAS PA YIS, ,RNAL 'BYOR MA BRGYAD BSKOR BA YI; ;KHRAG 'THUNG RNAM PA SPYAN DRANGS TE, ,DKYIL 'KHOR JI BZHIN YANG DAG LDAN, ,MDOG DANG MTSAN MAR LDAN PA YI, ,DE BZHIN GSHEGS RNAMS SA BON GYI, ,'OD ZER GYI NI RNAM PAR BSAM, ,BDAG NYID CHEN PO GRAGS CHEN PO, ,BUM PA RU NI ZHUGS TZAM GYIS, ,DAM TSIG DKYIL 'KHOR ZHU BAR GYUR, ,RNAL 'BYOR LDAN PA'I SEMS DANG NI; ;SLOB DPON GYIS NI 'DI LTAR BLTA, ,DE NAS ZANGS MA'I SNOD DU CHU, ,BLUGS SHING DUNG PHOR CHUS BKANG STE, ,MANYDZI'I STENG DU BZHAG PAR BYA'O, ,YANG PHYIR BYUNG NAS SLOB MA'I DON DU BDAG NYID KYIS RAS KYIS MIG DGAB PAR BYA'O, ,RAS GSUM GON PAR GYUR PA'I SLOB MA PHYIS DKYIL 'KHOR GYI SGOR BZHAG LA CHUS GTOR TE SNGAGS

21b

BZLA'O, ,AA BHI shINYTZANTU M'Am SARBA YO GI NI MA KU tA AA DHI TIshthA YAm TU AA TZINTU H'Um SV'AH'A, COD PAN BYIN GYIS BRLAB PA'I SNGAGS SO, ,DE NAS SLOB DPON GYIS, KYE, KHYOD SU ZHES SMRA'O, ,SLOB MAS; BDAG NI RGYAL BA'I SRAS ZHES SMRA'O, ,DE'I RJES SU DKYIL 'KHOR GYI DBUS SU ME TOG LAN GSUM DU GTOR LA, MIG RAS BSAL TE, DKYIL 'KHOR MCHOD PAR BYA'O, ,AOm HE RU KA BADZRA PUshPA YAm PRA T'ITZTSA H'Um, DBUS SU'O, ,AOm TZI TRA SE N'A PUshPA YAm PRA T'ITZTSA H'Um, SHAR DU'O, AOm K'A MI N'I PUshPA YAm PRA T'ITZTSA H'Um, LHO YI'O, ,AOm P'A T'A LA B'A SI NI PUshPA YAm PRA T'ITZTSA H'Um, NUB TU'O, ,AOm SU BHA DRE PUshPA YAm PRA T'ITZTSA H'Um, BYANG DU'O, ,AOm SHOm dI NI PUshPA YAm PRA T'ITZTSA H'Um, MER RO, ,AOm BUDDHA RNAm PUshPA YAm PRA T'ITZTSA H'Um, BDEN BRAL DU'O, ,AOm TZA TUR BHA DRA PUshPA YAm PRA T'ITZTSA H'Um, RLUNG DU'O, ,AOm A'A K'A SHA B'A SE NI PUshPA YAm PRA T'ITZTSA H'Um, DBANG LDAN DU'O, ,DE NAS DKYIL 'KHOR GYI LHA'I SKU MDOG JI LTA BA DANG, MTSAN MA LA SOGS PA DE BZHIN DU SLOB MA LA BSTAN PAR BYA'O, ,YANG DUNG PHOR BLANGS TE CHU BTUNG BAR BYA'O, ,DE 'THUNGS PA TZAM GYIS KLU THAMS CAD SKRAG CING SKYOBS, DUG SKYUG PAR 'GYUR RO, ,BRTAN PA DANG, G-YO BA'I DUG GANG YIN PA DANG, GZHAN YANG SBYAR BA DANG, NYE BAR SBYAR BA'I DUG GANG YIN PA DANG, MDA' DUG DANG, BYUG PA'I DUG DANG, DGRA RNAMS KYIS GANG SBYAR BA

22a

, ,DANG, BUD MED RNAMS KYIS GANG SBYAR BA'I DUG DE RNAMS NYE BAR 'PHO BAR 'GYUR RO, ,GAL TE KLU YIS ZIN PA YANG, ,DE RU DE NI NGES PAR 'GRO, ,GZHAN YANG SBRUL GYI DUG KYANG RUNG, ,CHU NI 'THUNGS PA TZAM GYIS KYANG, ,DE DAG THAMS CAD 'CHI BAR 'GYUR, ,DE YI PHYIR NA DUNG GI CHU, ,'DI RU BTUNG BAR THE TSOM MED, ,DE NAS SLOB MA DRI BAR BYA, ,'DIR NI SHA LI KAR BYED CING, ,MKHA' LDING SHES PA'I SLOB DPON 'GYUR, ,BSAM PA RNAM PAR DAG SHES NAS, ,PHYIS NI BKAS GNANG SBYIN PAR BYA, ,STONG NGAM BRGYA RU GSOL BA GDAB, ,DE NAS SNGAGS KYI MAN DAG SBYIN, ,JI SRID SBRUL GYIS ZIN DUS DANG, ,JI SRID MKHA' LDING RIGS YOD PAR, ,DE SRID DE DANG DE LAS KYANG, , JI SRID DUS SU ZIN MED PAR, ,SANGS RGYAS THOD PA'I RNAL 'BYOR PAS, ,DE SRID 'BAD RTZOL BYA BA MIN, ,DUS ZIN 'CHI BA'ANG SHES BYA STE, ,NAM MKHA' LDING GI BYA BA BYA, ,DUS SU ZIN NO ZHES SMRA BA, ,DE SRID RNAL 'BYOR CHE 'DI ZHES, ,DE RU LAS NI BRTZAM PAR BYA, ,BDAG NYID HE RU KAR GYUR CING, ,RNAL 'BYOR MA BRGYAD YANG DAG LDAN, ,BLO LDAN SNGON GSUNGS GSANG SNGAGS KYIS, ,PHYIS NI GTOR MA SBYIN PAR BYA, ,DE RJES DKYIL 'KHOR BYAS NAS NI, ,SNGON DU GSUNGS PA'I GSANG SNGAGS KYIS, ,GNAS DGU RU NI MCHOD

22b

PAR BYA, ,MKHAS PA YIS NI MCHOD BYAS RJES, ,MNYAN PAR GZHAG PAS LAS RNAMS BRTZAM, ,GANG DU RDZU 'PHRUL CHE KLU YOD, ,DE RU SEMS BZANG 'OD ZER SPRO, ,KLU RNAMS KYI NI SNYING BSKAMS PA, ,CI ZHIG BGYI 'O ZHES NI SMRA, ,GSUNGS PA, LHA MO SNA TSOGS SDE MA YIS, ,SANGS RGYAS THOD PAR SNGON DU GSUNGS, ,KYE KYE GRAGS PA CHE BA'I KLU, ,SONG STE 'DI DUS ZIN GYUR PA'I, ,DUS ZIN 'DZIN PA BZUNG BA MED, ,DUG MED SBRUL YANG MED PA'O, ,GANG PHYIR DOGS PAS RMONGS GYUR PA, ,DE PHYIR SKYE BO RNAMS 'CHIR 'GYUR, ,DE NAS 'OD ZER SLAR LOG STE, ,SNYING GA RU NI THIM PAR 'GYUR, ,YANG NA SEMS NI MNYAM GZHAG PA'I, ,SLOB DPON GYIS NI NGO MTSAR BSTAN, ,DE NAS SA LA MA LHUNG BA'I LCI BA BLANGS TE 'DAB CHAGS RI SKEGS GNYIS BYA ZHING SNOD DKAR PO BYAS TE, RO BSREGS PA'I SOL BA LA GZHAG PAR BYA'O, ,RO BSREGS PA'I SOL BA LA SNAG TSA BYAS TE, SEMS CAN GYI DON RIG PAS DBEN PAR SNGAGS BRI BAR BYA'O, ,AOm BUDDHA KA P'A LI NI HRI TAD thA BA YA BHO SHA LI KA NA AA NA YA N'A BUDDHA KA P'A LA BADZRA SYA A'A DZNY'A MA LAm GHA YA H'Um H'Um SA RAm TU SARBA DA d'I KA PHA TI KA TZETE, MAm DHA GHI DI SARBA DZI AI NA SU NAm TI PA YA GA RE RE KAR KO tA KA PRA BHI TA YA N'A GA R'A DZA NA SPU TAm TI MURDA NA RE RE SA SPYA AA BA SA SPYE MA TZA LA HA MA BU LA HA DZA AI TZA LA HA BU LA HA RE RE BHA RU KRI PRA BH'I TA YA N'A GA R'A DZA NA AU HA PU tA tA MU

23a

, ,DHI PRA NA DZA AI, ZHES PA NI SHA LI KA'I SNYING PO'I SNGAGS SO, ,DE NAS BLO CHEN RNAL 'BYOR PAS, ,SEMS NI SHIN TU MNYAM BZHAG PAS, ,YONGS RDZOGS SHA LI KA BYAS LA; ,PHA DANG MO RU BRTAG PAR BYA, ,SNAG TSA YIS NI BRI BAR BYA, ,MIG GI SNGON DU MI BZHAG CING, ,SHA LI KA BZANG PO SA PHYOGS BLTA, ,DE NAS LCUG MA SNGAGS KYIS BSNGAGS, ,AOm HAm HA LA KHYAB 'JUG GI SA BON NO, ,AOm BAm TSANGS PA'I SA BON NO, ,AOm SAm ZHES BYA BA NI ZHI BYED KYI SA BON NO, ,AOm HA HA HA HA HA HA HAm SV'AH'A, MNGAG PA'I SNGAGS SO, ,'DI LTA BU YI SNGAGS KYI MCHOG , STONG GSUM NA YANG RNYED PAR DKA', ,LAN BDUN SNGAGS PA TZAM GYIS NI, ,'GRO BAR 'DIR NI THE TSOM MED, ,KLU RNAMS SKRAG PAR BYED PA YI, ,MKHA' LDING NYAMS DGA' SONG NAS NI; ;KLU YI GNAS SU ZHUGS DE'I TSE, ,MKHA' LDING BYE BA'I STOBS DANG LDAN, ,RINGS NAS KYANG NI GSHOG RLUNG GIS, ,STOBS PO CHE YI KLU RNAMS SKRAG ,MTHO RIS MI YUL SA 'OG DANG; ;GANG YANG GZHAN NA GNAS PA DANG, ,GZHAN YANG RUNG STE DE THAMS CAD, ,SKRAG NAS CI BGYI ZHES NI SMRA, ,KLU GANG GIS ZIN PA DE GAL TE YANG SHI NA, BDAG NYID CHEN PO SHA LI KA MTHONG MA THAG LONG BAR 'GYUR RO, ,KLU DANG, SBRUL DE DAG GIS SHA LI KA LA 'DI SKAD CES GSOL TO, ,KYE SHA LI KA, GZHAN DU GSUNG BAR MA MDZAD CIG ,DE LTAR THOS

23b

NAS SHA LI KA MGU BA'I SEMS KYIS DUG GIS ZIN PA'I MDUN DU SBRUL LONG BA KHYER TE 'JOG GO, ,DE NAS SLOB DPON GYIS BLTAS TE, SA'I GONG BU BLANGS LA SHA LI KA MNGAGS PA'I SNGAGS KYIS SBRUL LONG BA LA BSNUN NO, ,SKAD CIG DE NYID LA DE'I MIG 'BYE BAR 'DIR SOM NYI MED DO, ,DUG GIS ZIN PA 'GYEL TE SHI BA SBRUL GYIS MTHONG NAS DE'I LUS LA 'GRO BA DANG 'ONG BAR BYED PAS DUS SU ZIN PA DUG MED PAR 'GYUR ZHING, DGA' BA'I SEMS KYIS LDANG NGO, ,ZIN PA LANGS PA TZAM NYID NA SHA LI KAS SBRUL BZUNG STE MI SNANG BAR 'GYUR RO, ,SKAD CIG MA DE NYID LA SLOB DPON GYIS STONG PA NYID KYI YE SHES BSGOM PAR BYA'O, ,STONG PA DRI MED KUN RANG BZHIN, ,CHOS RNAMS STONG PA'I RANG BZHIN KYE, ,GANG GIS 'DZIN CING GANG ZHIG 'DZIN, ,MTHA' DAG SGYU MA'I RANG BZHIN KYE, ,DNGOS PO MA LUS PA MTHA' DAG DANG, DUG KYANG STONG PA NYID DU SANGS RGYAS THOD PA'I RGYUD LAS GSUNGS TE, ZHAG NYI SHU RTZA GCIG GI MTHAR THUG PAR JI SRID DU LUS MA ZHIG PA DE SRID DU SLOB DPON GYIS YANG DAG PAR BRTZAM PAR BYA, DE LTAR SLOB MAL RJES SU GNANG BAR BYIN NAS PHYIS LUNG BSTAN PAR BYA'O, ,DES LAN BRGYA'AM, STONG DU GSOL BA BTAB NAS, DUG 'JOMS PA'I SNGAGS BSTAN PAR BYA'O, ,AOm BUDDHA KA P'A LI NI A'A:H'Um, DUG BZA'

24a

, ,BA'I SNGAGS SO, ,DE NAS GZHAN YANG DON DU GNYER BA'I SEMS CAN DE RNAMS THAMS CAD LA DKYIL 'KHOR BSTAN TE, DUNG PHOR GYI CHU 'THUNGS PA DES NI DUG MED PAR 'GYUR TE, SBRUL GYIS MI 'DZIN NO, ,GAL TE 'DZIN NA DE'I TSE KLU 'CHI BAR 'DIR THE TSOM MED DO, ,DE LTAR SLOB MA SHA LI KA'I SBYOR BA LA MNGON PAR BRTZON PA LA BKAS GNANG BA BYIN TE, GRONG GANG DU GNAS PA DER DUG GIS 'DZIN PA MED DO, ,GAL TE YOD NA DE'I TSE KLU 'CHI BAR 'GYUR RO, ,DE LTAR THOS NAS SLOB MA RDO RJE'I SBYOR BA DANG LDAN PA'I SEMS KYIS GANG CI'ANG RUNG BA'I YON DER DBUL BAR BYA'O, ,DE NAS PHYI ROL GYI SAR BYUNG STE, GTOR MA BTANG BAR BYA'O, ,DE NAS SLOB DPON GYIS DKYIL 'KHOR GYI SNGAGS KYIS GSHEGS SU GSOL TE, AOm BUDDHA KA P'A LI NI HR'I: AU TIshthA GATZTSA H'Um, GATZTSA H'Um PHAt, DKYIL 'KHOR GSHEGS SU GSOL BA'I SNGAGS SO, ,DE NAS YANG DAG BSHAD PAR BYA, ,CHU YIS SBYOR BA BLA MED PA, ,GANG GIS SBYIN PA TZAM GYIS NI, ,DUG GIS ZIN PA 'TSO BAR 'GYUR, ,NYI MA BDUN DU 'CHI BA DANG, ,GZHAN YANG DUG GIS NYAMS PA RNAMS, ,CHU NI BYIN PA TZAM GYIS NI, ,'DI RU 'TSO BAR THE TSOM MED, ,SNGAGS 'DIS DKYIL 'KHOR BYAS NAS NI, ,GNAS DGU RNAMS SU MCHOD PAR BYA, ,DUNG PHOR CHU [?]

24b

YIS BKANG BYAS PA, ,DKYIL 'KHOR DBUS SU GZHAG PAR BYA, ,DE NAS BRTZE BA CHEN PO YI, ,BDAG NYID RNAL 'BYOR PA YIS NI, ,RANG GI LAG PA G-YON PA LA, ,ZLA BA YI NI KHYAD PAR BSAM, ,BCU DRUG CHA LAS YONGS RDZOGS PA'I, ,DRI MED DGE BA'I LUS CAN TE, ,DE'I DBUS SA BON MI SHIGS DGE ,KHA DOG DKAR PO'I LUS CAN NO, ,LAG DES SNOD KYI KHA BCAD DE, ,DE NAS GSANG SNGAGS BZLA BAR BYA, ,AOm SARBA BI shA HA RA HA RA H'Um H'Um PHAt PHAt SV'AH'A, SNGAGS 'DIS LAN BDUN GYI BAR DU GNAS MNGON PAR BSNGAGS TE; MI SHIGS PA DANG LHAN CIG ZLA BA ZHU BAR GYUR NAS CHU'I NANG DU THIM STE CHU DANG, ZLA BA GCIG TU 'DRES PAS SHIN TU DKAR POR 'GYUR RO, ,GAL TE DUG GIS ZIN PA MA SHI NA DE'I TSE CHU BLUD DO, ,YANG NA SHI BA YIN NA MGO NAS RKANG PA'I MTHAR THUG PAR LAN GSUM DU CHU RGYUN MI 'CHAD PAR BLUGS NA LANGS PAR 'DIR THE TSOM MED DO, ,DE NAS CHU BLUD NA RNAL MAR 'GYUR RO, ,SANGS RGYAS THOD PA'I RGYUD RNAL 'BYOR MA'I GONG NA MED PA GSANG BA'I YANG SHIN TU GSANG BA ZHES BYA BA LAS, SHA LI KA'I SBYOR BA DANG, CHU'I SBYOR BA'I LE'U STE BZHI PA'O,, ,,DE NAS YANG DAG RAB BSHAD PA, ,SHIN TU RNYED DKA'I BCUD LEN LE'U, ,DE BZHIN GSHEGS PA'I SNYING PO MCHOG ,RNAL 'BYOR

25a

, ,MA YI GONG NA MED, ,GZHON NU MA DANG SHA RI KA, GRUB MA BYIS PA CAN MA DANG, ,DE BZHIN THOD BZANG CAN MA'O, ,'DI DAG SMAN NI CHEN PO LNGA, ,SANGS RGYAS LNGAS KYANG RNYED PAR DKA', ,'DI DAG ZOS PA TZAM GYIS NI, ,BSKAL PA BYE BAR DE 'TSO 'O, ,GZHON NU MA NI ZLA DRUG TU, ,DE BZHIN SHA RI KA ZLA GSUM, ,GRUB MA ZLA BA GCIG TU'O, ,BYIS CAN MA NI ZLA PHYED GNYIS, ,THOD PA CAN YANG ZLA BAR TE, ,TSE 'PHEL BA YI MCHOG YIN NO, ,BYA ROG MA NI BYA ROG GZUGS, ,GLANG PO MA NI NGANG PA'I GZUGS,, DROD MA DROD KYI GZUGS CAN TE, ,SNGO BSANGS DKAR MO SNGON MO'I MIG ,KHA SBYAR SBYOR BA'I DUS SU NI, ,MIG LAS BYUNG BA'I RDZAS GANG YIN, ,SMAN DE'I MING NI GZHON NU MA,, 'DI RU BSTAN PAR SOM NYI MED, ,DE YI PADMA LAS BYUNG RDZAS, ,RTZA YI NANG NA RNAM PAR GNAS, ,GE SAR SBAS PA'I SPYOD YUL TE, ,SMAN DE SHA RI KA RU GSUNGS, ,ME TOG LDAN PA'I BU MO GANG, ,KHA DOG NAG MOS RAB MDZES MA, ,GANG DU THABS SHES GNYIS 'DUS PA, ,DE YI KHA SBYAR SBYOR LAS BYUNG, ,SMAN DE'I MING NI GRUB MAR BSHAD, ,SANGS RGYAS THOD PA'I SBYOR BA YIS, ,BUD MED RAB MDZES MA NYAMS DANG, ,DBANG PO GNYIS KYI SBYOR BA YIS, ,MI PHYED NYE BAR SPYAD PA YI, ,DE LA DANG POR BYUNG BA'I RDZAS, ,SMAN

25b

DE BYIS PA CAN NO ZHES, ,BDAG NYID CHEN PO'I LHA MOS GSUNGS, ,LHAN CIG SKYES DAG BYUNG BA'I RDZAS, ,BYANG CHUB SEMS MCHOG CHEN MAR KHU, ,CHAGS PA YI CHU DAG DANG NI, , BSRE 'GYUR 'DI NI THE TSOM MED, ,SMAN DE'I MING NI THOD CAN MA'O, ,ZLA BA NYI MA'I SBYOR BA YIS, ,BYA BAR 'DIR NI THE TSOM MED, ,ZLA BAS ZLA BAR NYI MAS NYIR, ,DE LUS SKRA DKAR GNYER MA ZHI, ,JI SRID SANGS RGYAS BZHUGS KYI BAR, ,DE YI TSE NI SANGS RGYAS 'GYUR, ,SMAN 'DI GRUB PA TZAM GYIS NI, ,DAG PA'I LUS SU 'BYUNG BAR 'GYUR, ,DNGOS PO GANG DANG GANG YANG RUNG, ,LCAGS DANG ZANGS MA'I SNOD DAG LA, ,DNGUL NI BYUGS PA TZAM GYIS NI, ,DNGUL DANG GSER DU 'GYUR BA YIN, ,DE NAS YANG DAG RAB BSHAD PA, , DGONGS BSHAD SHIN TU RNYED BKA' BA, ,RGYUD GZHAN DU NI RAB SBAS PA, ,'BAD PAS DE 'DIR RAB GSAL BYA, ,DRI CHU YE SHES RDO RJE STE, ,DRI CHEN RDO RJE BZANG PO NYID, ,KHRAG NI MAR ME RDO RJE YIN, ,KHU BA RDO RJE'I THABS BYUNG NYID, ,SHA NI CHOS KYI RDO RJE YIN, ,DE LNGA RNAL 'BYOR MA YI MCHOG ,GANG GI DAM TSIG RNYED DKA' BA'I, ,THABS 'DIR BDAG GIS BSHAD PAR BYA, ,BA LANG SHA NI 'BAR BA STE, ,KHYI YI SHA LA SPRO BAR GSUNGS, ,RTA YI SHA LA BZA' BAR BSHAD, ,GLANG PO'I SHA LA ZHU BAR GSUNGS, ,SHA CHEN LA NI BZANG POR

26a

, ,BSHAD, ,DE LNGA RNAL 'BYOR MCHOG TU GSUNGS, ,RNAL 'BYOR RNAL 'BYOR MA LDAN PAR, ,GAL TE GCIG TU BYED NUS PA, ,DE TSE RNAM RTOG DE THAMS CAD, , 'JIG 'GYUR 'DIR NI THE TSOM MED, ,ZAN LA BSOD NAMS ZHES BYA STE, ,TSOD MA LA NI SDIG PA NYID, ,RNAL 'BYOR SHIN TU RNYED DKA' GSUNGS, ,BYIS PA LA NI 'GAL BA NYID, , G-YUNG MO LA NI BZANG MOR GSUNGS, ,RUS PA'I PHRENG LA RDZAS ZHES BYA, ,SKYES BU LA NI RDO RJER GSUNGS, ,BUD MED LA NI SNOD BZANG NYID, ,DBANG PO GNYIS KYI RAB SBYOR LA, ,GZI BRJID PHRENG CHEN DE BSHAD DO, ,RAB CHAGS SHIN TU MTHONG BA NYID, ,'KHYUD PA LA NI CHOS ZHES BRJOD, ,'DRI BA LA NI MAR ME'O, ,SHIN TU 'DI LA ME ZHES BYA, ,'GRO BA LA NI PHRENG CAN MA; ;'OD LA SHIN TU PHRENG CAN MA, ,MYUR BA LA NI BYUG CES BYA, ,DPA' BA LA NI BZANG DE BRJOD, ,PADMA RTZE 'JO PHRENG CAN MA, ,SNGAGS KYI SA MTSAN LA RAB NGES ZHE'O, ,LJAGS LA LCE 'OG CES BYA STE, ,SO LA BZA' BA SNA LA BDE, ,MIG LA ROL RTZED MU TIG RNA, ,GSANG BA'I YUL LA RNYED DKA' ZHE'O, ,'DI DAG BSHAD DO LAG CHEN PO, ,'JIG RTEN GSUM NA RAB RNYED DKA', ,SANGS RGYAS THOD PA'I RNAL 'BYOR PA, ,MED PAR PHAN TSUN SMRA MI BYA, ,'ON KYANG BSHAD CHEN DE NYID 'DI, ,GCIG LA GCIG GIS SMRA BAR BYA, ,RGYUD RNAMS THAMS

26b

CAD DU SBAS PA, ,RGYUD 'DI RU NI GSAL BAR BYAS, ,NYE 'DUN GRONG MTHA' LHAN CIG ZHE'O, ,'DUS PA PHYI ROL ZHES SU GSUNGS, ,NYE BA'I 'DUS PA NANG DE BZHIN, ,GNAS LA 'BRAS BU ZHES SU GSUNGS, ,NYE BA'I GNAS LA SHING NYID DO, ,GRONG MTHA' LA NI SA BON GSUNGS, ,NYE BA'I GRONG MTHA' MYU GU 'O, ,TSOGS PA LA NI SDONG BUR GSUNGS, ,GCIG PU LA NI 'DAB MA STE, ,STONG PA LA NI RTZA BZHI 'O, ,DE LTAR DGONGS PAS BSHAD PA NI, ,BDE GSHEGS RNAMS KYIS MI MKHYEN NO, ,SPYAN MA LA SOGS RNAL 'BYOR MA, ,RNAMS KYIS KHONG DU MI CHUD CING, ,BYANG CHUB SEMS DPA'I YUL MIN ZHING, ,BLA MA GUS PA'I RNAL 'BYOR PAS, ,SPROS PA THAMS CAD SPANGS NAS NI, ,RDZAS LA CHAGS PA MI BYA 'O, ,SHIN TU STONG SGOM RNAL 'BYOR PA, ,'DOD CHAGS ZHE SDANG PHRAG DOG MED, ,GTI MUG DANG NI NGA RGYAL SPANGS, ,NYON MONGS THAMS CAD RNAM PAR SPANGS, ,ZA 'THUNG DE BZHIN GLU LEN NA, ,SHAN TU SPROS PA SPANG BAR BYA, ,BDE BAS DGA' BA NYID DANG NI; ;SHES RAB THABS KYIS BDAG NYID GSUNGS, ,BLA MED DE NYID ZLA PHYED KYIS, ,'GRUB PAR THE TSOM MED PA 'O, ,KYE LAGS GROGS MO 'GRO KUN GANG, ,MTHA' DAG DRI MA MED PA YI,, BLTA [?] DANG BRAL LA SKYE BO LTOS, ,GSOG GSOB RANG BZHIN RDZUN SLU BA, ,PAD RTZA'I GRIB MA LTA BUR LTOS, ,DBANG PO LNGA NI SGYU 'DRA ZHING, ,LNGA PHUNG DAG PA'I RANG BZHIN GYI, ,RNAL

27a

, ,'BYOR 'DI NI BSGOMS PAS 'GRUB, ,SANGS RGYAS THOD PA'I RGYUD RNAL 'BYOR MA'I GONG NA MED PA GSANG BA'I YANG SHIN TU GSANG BA ZHES BYA BA LAS, SMAN BZANG PO DANG, DGONGS PAS BSHAD PA'I LE'U STE LNGA PA'O,, ,,DE NAS YANG DAG RAB BSHAD PA, ,DKYIL 'KHOR 'JIGS PA MCHOG GSANG BAR, ,THABS DANG SHES RAB SGRUB PA YIN, ,GANG GIS SLO BA MA DBANG BSKUR BA, ,SHES RAB PADMA'I NANG DBUS SU, ,DPAG TSAD BYE BA'I DKYIL 'KHOR LA, ,GSUM BRTZEGS DAG PA'I BDAG NYID LUS, ,'KHOR BA'I 'JIGS PA LAS SKYOB PA, ,DKYIL 'KHOR DE YI DBUS GNAS PAR, ,MKHAS PAS SLOB MA BZANG PO BSKUR, ,GAL TE BYANG CHUB BLA MED 'DOD, ,PHYI YI DKYIL 'KHOR BYA BA MIN, ,LHA RNAMS BSHIGS PA TZAM GYIS NI, ,SDIG PA CHEN PO SKYE BAR 'GYUR, ,DES NA RDUL TSON TZAM GYIS NI, ,DE BZHIN LHA RNAMS DAG MI 'GYUR, , RDO RJE 'KHOR LO RIN CHEN DANG, ,DE BZHIN PADMA RAL GRI NYID, ,BYAS NAS SLAR YANG 'JIG BYED PA, ,SKYES BU THA SHAL DMYAL BAR 'GRO ,GANG GIS SANGS RGYAS SPYAN DRANGS SHING; ;GANG GIS GSHEGS SU GSOL BA YIS, ,RDO RJE SEMS DPA' BYON PA DANG, ,DE BZHIN GSHEGS PA BYON PA RNAMS, ,GANG NA'ANG BYON PA MA YIN NO, ,DRI MA MED

27b

CING DAG PA'I LUS, ,GANG GIS SPYAN DRANGS GSHEGS SU GSOL, ,DE NYID KYIS NA RTAG MED PAR, ,DE BZHIN GSHEGS PA RNAMS PHYAG BYA, ,LO BCU GNYIS PA'I BU MO NI, , TSUL KHRIMS MNYAMS CHAGS CHUNG BA'I, ,THOS DANG LDAN ZHING GRAGS CHEN MO, ,NAD MED SNYING RJE DANG LDAN MA, ,SEMS CAN DON LA GCIG NAN TAN, ,RGOD CING PADMA'I SPYAN DANG LDAN; ;ZLA BA'I CHA 'DRA GDONG MDZES MA, ,MU COR MI SMRA BRTAN ZHING DUL, ,DES NA SLOB MA BLO CHEN PO, ,SHIN TU DAD PA'I SEMS DANG LDAN, ,'DOD MED DBANG PO DUL BA DANG, , CHAGS DANG CHAGS BRAL RNAM PAR SPANGS, ,SEMS CAN DON LA SHIN TU SBYOR, ,GTI MUG ZHE SDANG PHRAG DOG SPANGS, ,SANGS RGYAS KUN GYIS BYIN GYIS BRLABS, ,DE RNAMS LA NI DE NYID BSHAD, ,GSANG BA PHYI YI LNGA DANG NI, ,BDUN DANG BCU BZHIR BSHAD PA DANG, ,GNYIS KA GCIG TU 'DUS PA 'O, ,GSANG BA'I DE NYID BSHAD PAR BYA, ,SLOB MA LEGS DANG LDAN PA DANG, ,BRTZE LDAN SEMS GZHAN MED PA YIS, ,GSER NI 'BUM PHRAG BCU DRUG DANG, ,SA GZHI YUL 'KHOR LDAN PA DANG, ,GLANG PO BUD MED DAM PA DANG, ,RAL GRI 'KHOR LO RTA DANG NI, ,YONGS 'DREN SKYES BU RIN CHEN RNAMS, ,SBYOR DANG LDAN PA'I SEMS KYIS NI, ,DER NI BLA MA DBUL BAR BYA, ,SHIN TU DRI MED SEMS KYIS NI, ,DE NAS

28a

, ,'DIR NI GSOL BA DANG, ,'KHOR BA'I 'DAM DU BYING BA DAG ,DPUNG GNYEN KHYOD KYIS BSGRAL DU GSOL, ,BDAG NI RTZOL CHUNG SKAL DMAN ZHING, , SANGS RGYAS CHOS NI RNAM PAR SPANGS, ,KYE KYE STON PA BLA MA CHE, ,MGON PO KHYOD KYIS BRTZE BAR MDZOD, ,DE LTAR GSOL 'DEBS TSIG GSAN NAS, ,DE RU BLA MA MI GSUNG BZHUGS, ,MAN NGAG 'DI YI CHA DAG NI, ,GLEGS BAM RNAMS LAS SPYOD YUL MIN, ,BLA MA'I ZHAL LAS BSHAD PAR BYA, ,DKYIL 'KHOR GANG LA GANG GIS BRGYAN, , MTSAN MA'I DON GZHAN GAR BKOD KYE, ,SU YIS SANGS RGYAS SPYAN DRANGS KYE, ,'GRO BA RDZUN 'DRA'I SOM NYIR LTUNG, ,MTHA' DAG STONG PA GOS MED KYE, ,CHU NANG ZLA BA CI 'DRA BA, , DE 'DRA'I DKYIL 'KHOR PAD DBUS GNAS, ,KYE LAGS RNAL 'BYOR MA TSOGS LTOS, ,DER NI HE RU KA GCIG DANG, ,THAMS CAD SKYED PAR BYED PA YIN, ,'GRO KUN RMI LAM SLU BAS NA, ,GTI MUG LAS NI BSKYED PA LTOS, ,SANGS RGYAS THOD PA'I RGYUD RNAL 'BYOR MA'I GONG NA MED PA GSANG BA'I YANG SHIN TU GSANG BA LAS, ,DKYIL 'KHOR 'JIGS PA BRI BA DANG, SROB MA DBANG BSKUR BA'I LE'U STE DRUG PA'O,, ,,DE NAS YANG DAG RAB BSHAD PA, ,RI DANG PHUG DANG TSANG TSING NGAM, ,YANG NA DUR KHROD DAG DANG

28b

NI; ;GDOD NAS GRUB PA'I GNAS SU 'AM, ,'ON TE RGYA MTSO'I 'GRAM DAG TU, ,PHYI YI DKYIL 'KHOR BLA MED BRI, ,RDUL TSON SNGON PO NI RO BSREGS PA'I SOL BA LAS BYA'O, ,RDUL TSON DMAR PO NI DUR KHROD KYI SO PHAG LAS BYA'O, ,RDUL TSON LJANG GU NI NIM PA'I 'DAB MA LAS BYA'O, ,RDUL TSON DKAR PO NI MI'I RUS PA'I PHYE MA LAS BYA'O, ,RDUL TSON SER PO NI YUNG BA'I PHYE MA LAS BYA'O, ,DE LTAR RDUL TSON LNGA RNAMS KYIS, ,MKHAS PAS DKYIL 'KHOR BRI BAR BYA, ,PHO BRANG RIGS GSUM ZLUM PO LA, ,RDO RJE GSUM GYIS YONGS SU BSKOR,, PHYI ROL GRU BZHI LHAM PA YI, ,SGO BZHIR RTA BABS KYIS BRGYAN PA, ,BA DAN RNAM PA BZHI YIS BRGYAN, ,DRA BA DRA BA PHYED PAS SPRAS, ,PHYI ROL KHA KHYER DAG PA DANG, ,RIN CHEN PHA GUR YANG DAG LDAN, ,PADMA NYI MA NYI SHU LNGA'I, ,GDAN RNAMS KYIS NI SHIN TU MDZES, ,DE YI DBUS CHUD SA BON NI, ,YI GE H'Um GI RANG BZHIN SNGO, ,SKAD CIG TZAM GYIS HE RU KA ,SKU MDOG SNGON PO GRAGS CHEN PO, ,G-YAS NA CANG TE'U GRI GUG STE, ,G-YON NA KHA tV'Am THOD PA 'O, ,SKYIL KRUNG PHYED PAS 'JIGS CHEN PO, ,ZHAL GYI MCHE BA CUNG ZAD GTZIGS, ,RAL PA'I COD PAN GYIS BRGYAN CING, ,SANGS RGYAS LNGA YI COD PAN CAN, ,DBU LA SNA TSOGS RDO RJE MNAN, ,ZLA BA PHYED PA 'DZIN PA'I LHA, ,SKU LA THAL BA'I RDUL GYIS BYUGS, ,DPA'

29a

, ,BO PHYAG BZHI PHYAG MTSAN 'CHANG, ,SHIN TU H'Um GROGS 'JIGS BYED PA, ,GAR GYI STABS KYIS RNAM PAR BZHUGS, ,MGO BO RLON PA'I PHRENG BA CAN, ,MCHOD PHYIR THOGS PA 'CHANG BA PO, ,THOD PA GTI MUG RNAM DAG PA, ,PHRENG BA BRGYUS PAS BRGYAN PA'I LHA, ,MGUL DO DANG NI 'KHOR LO DANG, ,RKANG GDUB DANG NI DPUNG RGYAN DANG, ,GDU BU RKED PA'I SKA RAGS DANG, ,DPA' PO RNA CHA MCHOG GIS BRGYAN, ,'DI 'DRA'I GZUGS CAN GTZO BO NI, ,H'Um ZHES ZLOS PAR BYED PA 'O, ,DE LAS BYUNG BA'I RNAL 'BYOR MA, ,NYI SHU RTZA BZHI'I BDAG NYID RNAMS, ,SKU MDOG SNGON MO GRAGS CHEN MO, ,SHIN TU 'JIGS PA'I GZUGS CAN MA, ,ZHAL GCIG PHYAG GNYIS THOD PA 'CHANG, ,SO SO YI NI MING JI BZHIN, ,DE RNAMS MING NI RAB TU BSHAD, ,PHRENG BZANG MA, 'DOD CAN MA, 'JIGS MA, THUB DKA' MA, DGE BA'I SKA RAGS CAN MA, GZUGS CAN MA, RNAM RGYAL MA, 'BYUNG GNAS MA, ,THOD CAN MA, MTSO CHEN MA, BYED MA, GSOD MA, SGROL MA, 'JIGS MA, MTHONG MA, MI PHAM MA, DGE MA, 'DZUR BYED MA, DUS MTSAN MA, GRAGS CHEN MA; MDZES SDUG MA, NOR 'DZIN MA, SKAL BZANG MA, GRAGS MTHONG MA'O, ,'DI LTA BU YI DKYIL 'KHOR MCHOG ,KHA DOG RNAM PA LNGA YIS BRGYAN, ,DE YI DBUS GNAS LHA

29b

MO NI; ;HE RU KA LA BDE STER MA, ,SKYIL KRUNG PHYED PA'I GAR BYED MA, ,MI YI RUS PA'I PHRENG BAS BRGYAN, ,LHA MO 'OD ZER DPAG DKA' ZHING, ,SKRA SER GYEN DU 'BAR BA STE, ,H'Um GI BDAG NYID LAS SKYES 'JIGS, ,ZHAL NAS KHRAG NI MTHOR BYED MA, ,DKAR MO NAG MO LJANG GU MA, ,THAMS CAD KHU BA LDAN GYUR MA, ,LHA YI DKYIL 'KHOR BSKYED PA NI, ,NYI SHUR TZA BZHI'I BDAG NYID GSUNGS, ,BDAG NYID HE RU KA GZUGS LA, ,NYI SHU RTZA BZHI'I LHA MOS MCHOD, ,THOD PA BDUD RTZI LDAS BKANG BA, ,HE RU KA YIS BTUNG BAR BYA, ,DE YIS 'THUNGS PA TZAM GYIS NI, ,'GRO BA'I BLA MA BDAG NYID CHE, ,GTZO BO LAS GZHAN THA DAD GZUGS, ,RNAL 'BYOR MA KUN DE DANG 'DRA, ,DE LTAR HE RU KA MGON POS, ,RNAL 'BYOR MA KUN SPYAD PAR BYA; ;THAMS CAD SPYAD PAS ZHU GYUR TE, ,NYI MA'I DKYIL 'KHOR RNAM PAR GNAS, ,DE NI ZHU BAR MTHONG NAS NI, ,SHIN TU SRID PA SGRUB PA'I PHYIR, ,SGO YI RNAL 'BYOR MA YIS BSKUL, ,CI STE 'JIG RTEN SNYAN MNAN NA, ,CI PHYIR KHYOD NI MI DGYES GYUR, ,GAL TE KHYOD BDAG TSIG GSAN NA, ,MI DGYES GYUR PA MTHA' DAG THONG, ,SRID 'JIGS SKYE BO KUN LHUNG BAS, ,STONG PA'I THUGS NI MA MDZAD PAR, ,NYID KYI DGONGS PA KUN BSGRUBS TE, ,RNAL 'BYOR MA YI GROGS PO BZHENGS, ,GAL TE SNGON GTZO TSIG GSAN NA, ,'BRAS BU

30a

, ,YAL BAR MA DOR CIG ,KHYOD MI SNANG NA 'GRO BA YI, ,SKYE BO MTHA' DAG GDUNG BAS NON, ,LOG PA'I NGA RGYAL MA MDZAD PAR, ,STONG PA'I RANG BZHIN SPANGS NAS NI, ,KHYOD KYIS DNGOS MED KUN THONG LA, ,RNAL 'BYOR MA YI TSOGS LA SPYOD, ,RNAL 'BYOR MA NI BZHI PO YI, ,'DI LTA BU YI GLU YIS BSKUL, ,SNGON BZHIN MDOG DANG MTSAN SOGS LDAN, ,KUN NAS RNAL 'BYOR MA RNAMS BSKOR, ,'JIGS PA 'KHOR BA SGROL BYED PA'I, ,DPA' BO CHEN PO 'DI BZHENGS SO, ,SANGS RGYAS THOD PA ZHES BYA BA'I RNAL 'BYOR MA'I RGYUD BLA NA MED PA GSANG BA'I YANG SHIN TU GSANG BA LAS, DKYIL 'KHOR DANG, HE RU KA BSKYED PA DANG, SGOM PA'I LE'U STE BDUN PA'O,, ,,DE NAS YANG DAG RAB BSHAD BYA, ,SBYIN SREG DKYIL 'KHRO MCHOG BZANG PO, ,ZHI BA DANG NI RGYAS PA DANG, ,DE BZHIN DBANG DANG MNGON SPYOD DE, ,SBYIN SREG RNAM PA BZHI RU GSUNGS, ,SHING GI SBYIN SREG MI BYA ZHING, ,'BRAS DANG 'BRU RNAMS KYIS KYANG MIN, ,BLO LDAN GAL TE ZHI 'DOD NA, ,ME TOG GIS NI SBYIN SREG BYA, ,ME TOG LNGA PO MCHOG CHEN DANG, ,'O MAR YANG DAG LDAN PAS BYA, ,GAL TE ZHI BA'I SBYIN SREG 'DOD, ,ZHI BA'I GZUGS SOGS LDAN PA YIS, ,ZHI BA'I THAB KHUNG GRU BZHI PA, ,ZAB DANG RGYAR NI MTHO GANG BA, ,KHA LA RDO RJE RTZE LNGA PA, ,

30b

DKAR PO RTZE MO 'DUS PA BRI, ,RDO RJE RTZE GSUM SNGON PO NI, ,ZHI BA H'Um BDAG 'KHOR BAR NI, ,DE YI DBUS SU 'KHOR LO LA, ,GRU GSUM PA YI YI GES BRGYAN, ,AE BAm MA Y'A MCHOG CHEN GYIS, , LTE BA RU NI BSKYED PAR GSUNGS, ,RTZE GSUM 'JIGS PA'I RDO RJES BSKOR, ,RDO RJE'I NANG DU PADMA STE, ,PADMA'I DBUS SU NYI MA BSAM, ,NYI MA'I DBUS SU YI GE H'Um, ,KHA DOG DMAR PO'I 'OD CHEN PO, ,MTSAMS DANG MTSAMS SU RDO RJE NI, ,RTZE DGU SER PO BRI BAR BYA, ,BDAG NYID HE RU KAR BLTA STE, ,PHYIS NI SBYIN SREG YANG DAG BRTZAM, ,SHES RAB CAN GYIS ME YI LHA, , SNGAGS 'DI YIS NI SPYAN DRANG NGO, ,AOm SARBA DE B'A HU TA PRA DHE NI, AAm BI KALPE SU DA HA DA HA NE DA HA DA HA DZVA LA DZVA LA, PRA SA RA PRA SA RA, A'A GATZTSA A'A GATZTSA, YA TRI KUM NE AA TIshthA YA, AA TIshthA YA, ,TIshthA TIshthA, KI LI KI LI, HA HE HO HAm HRA:HRI:H'Um SV'AH'A, ME LHA SPYAN DRANG PA'I SNGAGS SO, ,SANGS RGYAS THOD PA'I SBYOR BA YIS, ,SHES RAB CAN SNGAGS LAN BDUN BZLAS,, SANGS RGYAS KUN GYIS BYIN BRLABS SHING, ,MDOG DKAR DU BA DANG BRAL BA'I, ,ME LHA RGYAL DBANG BYON NAS KYANG, ,THAB KHUNG GI NI DBUS SU BZHUGS, ,DE NAS BLO LDAN SBYIN SREG BYA; ;DE RU SOL BA BZHUGS BYA BA, ,AA SHVA TA DANG N+YA GRO DANG, ,AU DU MA B'A RA RA KA TI, ,PA LA SHA STE SHING LNGA LAS, ,SOL BYAS DU MED 'BAR BA'I ME, ,BLO LDAN THAB KHUNG DBUS

31a

, ,SU BZHUGS, ,GAL TE DNGOS GRUB MCHOG 'DOD NA, ,PADMA BRGYA NI RTZA BRGYAD DANG, ,DE BZHIN AUTPAL LA NYID DANG, ,KU MU DA DMAR DRI ZHIM 'DRA, , KA RA B'I RA GZHAN NYIS 'GYUR, ,BYAS TE BSREGS PAS ZHI BAR GSUNGS, ,SBYIN BDAG MDUN NA 'DUG PA LA, ,DE TSE DU BA DBAB PAR BYA, ,MKHAS PAS GSANG SNGAGS 'DI BTON ZHING, ,PADMA MAR SBAGS BSREG PAR BYA, ,AOm PADMA R'A DZE AAGNI PRA nI YA AA MU KA SYA SH'INTAm KU RU SV'AH'A, MKHAS PA YIS NI SNGAGS BZLAS TE, ,AUTPAL 'O MAS SBYIN BSREG BYA, ,AOm GHA GHA GHA TA YA GH'A TA YA TE DZO R'A DZA BI N'A YA SH'INTAm KU RU SV'AH'A, MKHAS PA BDE GSHEGS KUN BDAG GIS, ,GUR GUM KU MU DA SNGAGS BSREGS, ,AOm SU PUshPE SU KA RA TZA LE DZVA LA N'I YE SH'INTAm KU RU SV'AH'A, GSANG SNGAGS RGYAL PO 'DI YIS NI, ,DRI ZHIM TZANDAN SBYIN SREG BYA, ,AOm DHA ME MAH'A ME R'A DZE DA HA DA HA SARBA BIGHNAm SH'INTAm KU RU SV'AH'A, KA RA B'I RA DRI ZHIM MAR, ,MKHAS PAS SNGAGS RGYAL BZLAS TE BSREG, AOm K'A LI SU K'A LI KA R'A LA R'A TRI SARBA P'A PAm DA HA DA HA SH'INTAm KU RU SV'AH'A, ME TOG RE RE RE RE LA, ,GSANG SNGAGS RGYAL PO LAN RE BZLA, ,ZHI BA'I SBYIN SREG BLA MED PA, ,'JIG RTEN GSUM NA RNYED PAR DKA', ,ME NI 'O MAS ZHI BAR BYAS, ,DE NAS GZHAN YANG RGYAS PA YI, ,SBYIN SREG

31b

KHYAD PAR BSHAD PAR BYA, ,RGYAS LA THAB KHUNG ZLUM PO STE, ,CHU YI DKYIL 'KHOR LTAR SNANG BA, ,ZABS DANG RGYAR NI MTHO GSUM STE, ,KHA DOG SER POR RNAM PAR BSAM, ,DE DBUS RDO RJE RTZE DGU PA, ,SNGO BRI DE STENG PAD 'DAB BRGYAD, ,BDAG NYID HE RU KA RNAM PA, ,KHRO BA'I SEMS KYIS BDAG NYID KYIS, ,SHING BSREGS PA YI SBYIN SREG BYA, ,GAL TE RGYAS PA MCHOG 'DOD NA, , AA MRA KAN THA PA LA DANG, ,AARKA BIL BA DU DU RA, ,SHIN TU RNYED DKA'I SHING LNGA LAS, ,SOR BCU GNYIS KYI TSAD TZAM DU, ,SLOB DPON GYIS NI BZUNG BAR BYA, ,MA GAS MA BSKAMS MA BCAD CING, ,BU GA CAN GYI SHING SPANG NGO, ,DE YI DBUS SU SANGS RGYAS DANG, ,BYANG CHUB SEMS DPA' THAMS CAD BSAM, ,RE RE LA NI BRGYA RTZA BRGYAD, ,BGRANGS TE DE NAS SBYIN SREG BYA; ;BDAG NYID HE RU KA YI TSUL, ,SKU MDOG NAG PO 'OD CHEN POS, ,MAR DANG YAM SHING THAMS CAD NI, ,SNGAGS BSREGS 'DIR NI THE TSOM MED, ,AOm GA GA NI GA GA NA BI LO KA NE H'Um PHAt; TE DZO R'A DZ'A PUshtIm KU RU SV'AH'A, SHING RNAMS KUN GYI SNGAGS 'DI YIS, ,RE RE BZHIN DU SBYIN SREG BYA, ,PHYIS NI SER PO'I CHUS ZHI BYA, ,'DI LTA'I RGYAS PA'I SBYIN SREG NI, ,'JIG RTEN GSUM NA RNYED PAR DKA', ,RGYUD GZHAN RNAMS SU SBAS PA NI, ,RGYUD 'DI RU NI GSAL BAR BYAS, ,DE NAS YANG DAG RAB BSHAD PA, ,DBANG DU BYA BA'I SBYIN SREG MCHOG ,THAB KHUNG

32a

, ,GRU GSUM DMAR PO LA, ,ZABS DANG RGYAR NI SOR MO BRGYAD, ,DE DBUS PADMA 'DAB BRGYAD DMAR, ,ZLA BA DMAR LA SOGS PAS BRGYAN, ,GRVA GRVA RU NI RDO RJE DMAR, ,BDAG NYID HE RU KAR BSAM PA, ,DMAR PO LTAR SNANG CHAGS PA'I BDAG ,RDO RJE DMAR PO THOD PA BSNAMS, ,YONGS SU GANG BA'I KHRAG NYID KYIS, ,KHAMS GSUM PA LA RJES SU CHAGS, ,AA SHO KA YI YAM SHING DANG, ,GO RO TZA NAR LDAN PA NI, ,BLO LDAN BRGYA RTZA BRGYAD BSREGS TE, ,SHIN TU MNYAM GZHAG SNGAGS NI GDON, ,AOm AA SHO KA NI SU RA KE AA NU R'A GA YA TREE LO KYA BA SHAm K'A R'I TREE LOKYA B'A SH'A M'A NA YA HR'I: SV'AH'A, NYIN BDUN SBYIN SREG BYAS TZAM GYIS, ,KHAMS GSUM DBANG DU 'GYUR BA YIN, ,CHU NI DMAR POS ME ZHI BYA, ,DE NAS YANG DAG RAB BSHAD PA, ,MNGON SPYOD DANG NI GSAD PA MCHOG ,ZLA BA PHYED PA'I CHA 'DRA'I THAB, ,ZABS DANG RGYAR NI KHRU GANG TSAD, ,'JIGS CHEN MDOG NI LJANG GU'O, ,GRVA GRVA RU NI RDO RJE BRI, ,DBUS KYI SA GZHI STONG PA RU, ,BLO LDAN SHA LNGAS SBYIN SREG BYA, ,GSOD PA YI NI SBYIN SREG MCHOG ,MNGON SPYOD GSOD PA RU NI GSUNGS, ,DGRA KUN BSNUN CING ZLOG PAR BYED, ,DGRA BO THUR DU KHA BLTAS SHING, ,KHA NAS KHRAG NI SKYUG PA NYID, ,SHA YI DBUS SU BSAM PAR BYA, ,SENG LDENG SOL

32b

BSAM BYA STE, ,MED NA 'BA' 'BO LA NYID KYI, ,'BA' 'BO BSREG, AOm M'A RA YA M'A RA YA K'I LA YA K'I LA YA SARBA SHA ,AOm M'A RA YA M'A RA YA K'I LA YA K'I LA YA SARBA SHA TRUm N'A SHA YA H'Um PHAt, BDAG NYID HE RU KAR GYUR CING, ,SKU MDOG SNGON PO THUGS 'KHRUGS PAS, ,DGRA RNAMS THAMS CAD BRLAG PAR NI, ,SKAD CIG DE LA THE TSOM MED, ,PHRENG MDZAD 'JIGS SHING 'JIGS PAR BYED, ,HA HA ZHES MDZAD 'JIGS PAR MDZAD, ,GDUG PA THAMS CAD GSAD PAR NI, ,SBYIN SREG TZAM GYIS THE TSOM MED, ,'DI LTA'I GSAD PA'I SBYIN SREG DANG, ,MNGON SPYOD KYANG NI RNYED DKA' BA, ,RNAL 'BYOR LHA MOS RTOGS MIN NA, ,SNGAGS SKYES PHAL LTA SMOS CI DGOS, ,DE PHYIR SANGS RGYAS THOD PA YI, ,RNAL 'BYOR NGA RGYAL DANG BRAL BAS, ,SHIN TU MNYAM PAR GZHAG PA'I SEMS, ,LHA RNAMS KYIS KYANG RNYED PAR DKA', ,LJANG GU'I CHU YIS ME ZHI BYA, ,GANG GIS BSREGS SHING GANG ZHIG BSREGS, ,GANG GI ZHI BA GANG ZHI BA, ,GANG GIS RNAM RTOG KUN BCOM PA, ,DE YIS SEMS NI MGU BAR BYED, ,SANGS RGYAS THOD PA ZHES BYA BA'I RNAL 'BYOR MA'I RGYUD BLA NA MED PA GSANG BA'I YANG SHIN TU GSANG BA LAS, SBYIN SREG GI CHO GA'I LE'U STE BRGYAD PA'O,, ,,DE NAS YANG DAG RAB BSHAD PA, ,SPYOD PA'I

33a

, ,LE'U SHIN TU RNYED DKA' BA, ,BUD MED SHIN TU MCHOG GYUR DANG, ,RNAL 'BYOR GANG GIS SPYOD KUN BYED, ,DNGOS GRUB BRGYAD DANG YANG DAG LDAN, ,DE NAS SPYOD PA YANG DAG BRTZAM, ,SEMS CAN DNGOS GRUB GANG GANG 'DOD, ,DE DE'I DNGOS GRUB RTAG TU STER, ,LAG PAS THOD PA BZUNG BYAS TE, ,GCER BU SKRA GROL GYUR PA YI, , BRTUL ZHUGS CAN GYI SPYOD PAS 'KHYAM, ,GANG DU GANG TSE DE TSE DER, ,RTAG TU SPYOD PA THAMS CAD BYA, ,RGYAN RNAMS KUN LAS RNAM GROL ZHING, ,NAM MKHA' DANG MTSUNGS GYUR PA YI, ,SHES RAB CAN GYIS KHYIM KHYIM DU, ,SLONG MO BYA BAR THE TSOM MED, ,YID DANG MTHUN PAR KUN BLANGS NA, ,BSAM GTAN GNAS SU THE TSOM MED, ,DGA' BA'I SEMS KYIS BSAMS NAS NI, ,RNAL 'BYOR MA YI SLONG MO BSLANGS, ,CHOS LA GZHOL BA'I RNAL 'BYOR PAS, ,THOD PA'I STENG DU BZHAG PA YI, ,RDZAS NI DE NAS BZA' BAR BYA, ,RDZAS NI ZOS MA THAG TU YANG, ,KHYIM KHYIM THAL PHUNG SHING DRUNG DANG, ,GANG DU GANG TSE DER DE'I TSE'I, ,GANG GIS DGA' BA'I SEMS DE YIS, ,BLO GROS CHEN PO GNYID LOG PHRENG, ,'DI LTA'I SPYOD PA'I SBYOR BA YI, ,PHYAG RGYA CHEN PO NGES PAR THOB, ,DE LTAR YANG NI RGYUD LAS GSUNGS, ,GANG DU JI LTAR DER DE LTAR, ,GANG

33b

GIS DE YIS SANGS RGYAS TE, ,RANG GI RNAM RTOG DAG GIS NYAMS, ,MTHA' DAG RANG BZHIN RNAM PAR DAG ,SANGS RGYAS THOD PA ZHES BYA BA RNAL 'BYOR MA'I RGYUD BLA NA MED PA GSANG BA'I YANG SHIN TU GSANG BA LAS, SPYOD PA'I LE'U STE DGU PA'O,, ,,DE NAS YANG DAG RAB BSHAD PA, ,GCIG TU SEMS CAN DON RAB NGES, ,GSER DU NGES PAR BYED PA'I LE'U, ,SLOB DPON LA NI RAB DANG BAS, ,MU TIG DANG NI NYA PHYIS DANG, ,DNGUL CHU DANG NI BYU RU YIS, ,GANG GIS SEMS CAN NOR LDAN 'GYUR, ,'DI NI PHYI YI SMAN MIN TE, ,SHUN LPAGS LO MA MA YIN ZHING, ,DNGUL CHU BCUD LEN MA YIN TE, ,MU ZI LHANG TSER MA YIN ZHING, ,LCAGS DANG ZHA NYE ZANGS MA MIN, ,LCAGS GZHAN DAG NI MA YIN TE, ,GRUB PA'I SMAN GYI MCHOG YIN NO, ,'DI LTA BU YI TSIG THOS NAS, ,PHYAG NA RDO RJE STOBS PO CHES, ,ZHABS KYI RDUL GYI CHA BTUD NAS, ,SEMS DPA' GCIG TU DAD BRTAN PAS, ,LHA MO LEGS SO ZHES NI SMRAS, ,SMAN GYI MCHOG NI GANG YIN ZHING, ,DNGOS GRUB KYANG NI JI LTA BU, ,GUS PA YIS NI NYAN PAR 'TSAL, ,LHA MO CHEN MO KHYOD KYIS GSUNGS, ,GRUB PA'I SMAN GYI MCHOG GANG LAGS, ,GANG GIS SEMS CAN NOR LDAN 'GYUR, ,CHE 'PHEL BA LA BRTZON BA GANG, ,SNGON BSNYEN LTOS PA MED PA YIS, ,SMAN CHEN

34a

, ,GRAGS PAS 'GRUB PA GANG, ,GANG GIS RDZAS RNAMS MANG POR 'GYUR, ,MO GSHAM BU DANG LDAN GYUR GANG, ,YANG DANG YANG DU MI 'CHI ZHING, ,SHI NAS YANG DAG 'TSOR 'GYUR BA, ,LHA MO CHEN MO KHYOD KYIS GSUNGS, ,BKA' STZAL PA, KHYIM 'DI NYID DU GNAS PA YI, ,SMAN CHEN PO YIS 'GRUB PA STE, ,DE YANG SNOD BZANG MCHOG LA 'GRUB, ,BYIS PA RMONGS PAS MI SHES SO, ,BDAG DON GCIG PU LA 'BAB CING, ,KYE MA GCIG TU DKA' 'BAD PAS, ,JI LTAR SEMS CAN DON 'GRUB 'GYUR, ,SNOD BZANG LA NI GNAS PA'I BCUD, ,ZE 'BRU GSANG BA'I SPYOD YUL TE, ,RO BCUD RTZA YI NANG GNAS PA'I, ,SMAN CHEN RO BCUD MA RU BRJOD, ,GANG GI SA LCAGS NI GSER 'GYUR BA, ,GCIG GIS KYANG NI GRANGS MED 'GYUR, ,'DI LTA BU YI SMAN CHEN MCHOG ,RO BCUD MA NI DE BZHIN GNAS, ,RAB 'BYOR CHO GA SNGON 'GRO BAS, ,SMAN GYI MCHOG NI 'GRUB PAR 'GYUR, ,DER NI YANG DAG SBYOR BA BSHAD, ,DAD PA BRTAN PA YIS NI NYON, ,ME TOG LDAN PA'I BUD MED GANG, ,GZHON NU KHA DOG NAG MO STE, ,RGYUD 'DI THOS PA DANG LDAN ZHING, ,NGO TSA MED CING LTOS MED MA, ,'DOD PA CHUNG ZHING SEMS CAN BRTZE, ,DE BZHIN GSHEGS PA RNAMS BRTAN CING, ,RTAG TU RAB SBAS BTZOG

34b

MED MA, ,'DI LTA'I BUD MED RAB BLANGS TE, ,SMAN CHEN MCHOG NI YANG DAG BRTZAM, ,SKYES BU SHIN TU CHAGS CHE ZHING, ,MYUR DU BYANG CHUB SEMS 'BAB PA, ,GANG YIN DE LA DNGOS GRUB MED, ,'DI LTA BU YI SMAN CHEN PO, ,SANGS RGYAS KYIS KYANG RAB RNYED DKA', ,SHIN TU BRTAN PA'I SEMS KYIS NI, ,BLO LDAN BUD MED DE RNAMS BRTEN, ,DE LTAR YANG ZHES GSUNGS PA, RAB TU BRTAN PA GTZO BO'I GNAS, ,ZHES NI SGRUB PA PO RNAMS SMRA, ,DE PHYIR BRTAN PA'I SEMS KYIS NI, ,SNOD BZANG 'BRAS BU BSKUL BAR BYA, ,DER NI ME TOG LDAN BUD MED, ,GSER GYI SBYOR BA RNYED DKA' BRTZAM, ,GRUB PA'I BCUD KYIS BYUGS PA YI, ,ZLA BA RANG GI SNYING GAR BSAM, ,SNGON DU RI YI RGYAL POS BRGYAN, ,DER NI YI GE HR'I: SA BON, ,SEMS CAN DON LA GCIG TU 'BAD, ,BLO LDAN DGOS PA YANG DAG BRTZAM, ,ZANGS MA'I DNGOS PO SRANG GCIG BCAS, ,ZLUM PO SNOD BZANG LA BCUG STE; ;G-YON PA BSKUM PA'I G-YAS ZUR BZHAG ,MED NA LCAGS KYANG BYA BA YIN, ,BRTAN PA'I SBYOR BA'I SEMS KYIS NI, ,DE NAS BLO LDAN LAS RNAMS BRTZAM, ,RI RAB ZLA BA SA BON RGYAL, ,ZHU 'GYUR THE TSOM MED PA YIN, ,SNOD BZANG DER NI NGAL BSOS PAS, ,'PHO BA'I SBYOR BAS 'DZAG PA NYID, ,BZANG POR MYUR DU RAB BLANGS TE, ,MKHAS

35a

, ,PA YIS NI BYUG PAR BYA, ,RDOG PO BYUGS PA TZAM GYIS NI, ,ME YI NANG DU GZHUG BYA ZHING, ,DE NAS SHES RAB CAN BLTAS NA, ,GSER DU 'GYUR BAR THE TSOM MED, ,DE NI MA SHA GCIG GIS NI, ,SRANG BRGYA RU NI 'GYUR BA YIN, ,DE LTAR GSER GYI SBYOR BA MCHOG ,'JIG RTEN GSUM NA'ANG RNYED PAR DKA', ,GAL TE SMAN CHEN TSAD MIN NA, ,DE TSE SANGS RGYAS TSAD MA YIN, ,RGYUD KYI RGYAL PO CHEN PO 'DIR, ,DNGOS PO GANG DANG GANG GSUNGS PA, ,SANGS RGYAS THOD PA'I SBYOR BA YIS, , DE DAG THAMS CAD BDEN PAR 'GYUR, ,GANG ZHIG 'DI TSAD MIN SMRA BA'I, ,BLO GROS CHEN PO THOS LDAN PA, ,JI SRID SANGS RGYAS BZHUGS KYI BAR, ,DE DAG THAMS CAD DMYAL BAR 'GRO, ,SMAN 'DI TZAM GYIS MA GRUB NA, ,CHOS PHUNG BRGYAD KHRI BZHI STONG DANG, ,BLA MED RNAL 'BYOR MA RNAMS KYI, ,DE DAG THAMS CAD RDZUN PAR 'GYUR, ,MTSAMS MED LNGA NI BYED PA DANG, ,SEMS CAN SANGS RGYAS CHOS LA 'TSE, ,SMAN GYI MCHOG NI 'GRUB 'GYUR BA, ,SKAD CIG DE LA THE TSOM MED, ,SEMS CAN DON LA GCIG TU 'BAD,, SGOM LDAN 'GRUB PA LTA CI SMOS, ,DMAN MCHOG GSER DANG DNGUL DU 'GYUR, ,JI SRID SANGS RGYAS YE SHES YOD, ,MI NI BSKAL BA BYE BAR 'TSO, ,DE NAS YANG DAG

35b

RAB BSHAD PA, ,MO GSHAM RNAMS KYI BU MED PA, ,YANG DAG SBYOR BAS BKRUS TZAM GYIS, ,SKAD CIG DE LA BU LDAN 'GYUR, ,SNGON GYI GTZO BO SA JI SKAD GSUNGS, ,KHRUS KYI CHO GA RAB TU BSHAD, ,KHA DOG LNGA YI RDUL TSON NAM, ,YANG NA RDUL TSON DKAR PO YIS, ,DPAG DKA' SKRAG PAR BYED PA YIS, ,DKYIL 'KHOR 'JIGS PA BRI BAR BYA, ,DER NI BUM PA LTO CHE BA, ,ZLUM PO BZHI NI GZHAG PAR BYA, ,SHES RAB CAN GYIS CHU YIS DGANG, ,RAS KYIS KYANG NI DKRI BAR BYA, ,RANG GI KHRAG GIS MCHAN MA BRI, ,BUD MED MO GSHAM DE YI NI; ;KHAMS KYI GTZO BO BLANGS NAS NI, ,MKHAS PAS BUM PA'I KHA LA BYUG ,DE NAS KHRAG 'THUNG GO 'PHANG LA, ,GNAS BSGOM PA'I MCHOG LDAN PAS, ,NAG PO DMAR MO 'JIGS CHEN PO, ,RDO RJE H'Um LAS YANG DAG BYUNG, ,'JIGS PA'I ME LTAR 'JIGS BYED PA, ,ZHAL GCIG PA LA PHYAG BZHI PA, ,BLA MA 'JIGS PA'I GAR BYED CING, ,MKHAS PAS H'Um NI SGROGS BZHIN PA, ,BLO LDAN BUM PA'I NANG DU BSAM, ,DE NAS RAL GRI 'DZIN PA YI, ,SKYES PA BZHI PO GRAGS CHEN PO, ,KHRO BO GZHAN GYI SEMS DANG LDAN, ,'JIGS CHEN [?] BU DE RNAMS KYIS, ,RAL GRIS NAM MKHA' BSNUN CING GSOD, ,SANGS RGYAS THOD PA'I SBYOR BA DANG, ,'DI LTA BU YI SBYOR LDAN PAS, ,DE BZHIN DU NI BUD MED BKRU, ,SKAD

36a

, ,CIG DE LA BKRUS TZAM GYIS, ,BUD MED BU DANG LDAN PAR 'GYUR, ,SANGS RGYAS THOD PA ZHES BYA BA RNAL 'BYOR MA'I RGYUD BLA NA MED PA GSANG BA'I YANG SHIN TU GSANG BA LAS, SMAN CHEN PO KHYAD PAR CAN DANG, MO GSHAM GYI KHRUS KYI CHO GA'I LE'U STE BCU PA'O,, ,,DE NAS YANG DAG RAB BSHAD PA, ,MKHA' LDING SBYOR LAS BYUNG BA'I LE'U, ,SNGON DU GSUNGS PA'I CHO GA YIS, ,MKHAS PAS DKYIL 'KHOR BRI BAR BYA, ,BLO LDAN HE RU KA DANG NI, ,KUN NAS RNAL 'BYOR MA BRGYAD BSKYED, , MTSAN MA PHYAG SOGS SNGON GSUNG BZHIN, ,KHA DOG DKAR PO 'BA' ZHIG NYID, ,PHYOGS KYI RNAL 'BYOR MA DKAR ZHING, ,MTSAMS KYI DMAR PO NYID YIN NO, ,SNGON DU GSUNGS PA'I CHO GA YIS, ,MKHAS PAS DKYIL 'KHOR BYIN GYIS BRLABS, ,BUM PA RNAM PA BZHI PO LA, ,SNGON GSUNGS PHYAG MTSAN BRI BAR BYA, ,RIG PA 'DZIN PA'I SBYOR BA YIS, ,PHYIS NI SLOB MA RJES SU BZUNG, ,SNGON GYI CHO GAS GSOL BTAB STE, ,SBYIN DANG TSOGS KYI 'KHOR LO DANG, ,DE NAS DKYIL 'KHOR MCHOD PAR BYA, ,SLAR YANG GSANG SNGAGS 'DI YIS NI, ,SLOB MA RJES SU GZUNG BAR BYA, ,SA STENG NA NI DUS ZIN LA, ,CUNG ZAD GSO BAR MI NUS TE, ,NAM MKHA' LDING CAN GYIS BTANG ZHING, ,DUS SU

36b

ZIN CES SMRA BA NA, ,SANGS RGYAS THOD PA'I RNAL 'BYOR PA, ,BLO LDAN DE NAS LAS BRTZAM MO, ,BDAG NYID HE RU KAR GYUR CING, ,KUN NAS RNAL 'BYOR MA BRGYAD DE, ,DE KUN SKU NI DKAR PO RU, ,CHO GA BZHIN DU SBYAR BAR BYA, ,'BRAS BRTAGS RANG BZHIN BLANGS NAS NI, ,RIG PA 'DZIN PA GNYIS BYA'O, ,SHIN TU MNYAM PAR GZHAG PA YIS, ,DE YI LAG PAR RAL GRI SBYIN, ,DE YI SNYING GAR SNGAGS BRIS GZHUG ,'DAB MA GANG DANG GANG DE LA, ,MAR KHU CHE BYAS SNAG TSA DANG, ,MKHAS PAS SNGAGS NI BRI BAR BYA, ,AOm BUDDHA KA P'A LI NI HR'I: AOm KA P'A LI NI BADZRI nI AA: BI DHVAm SA YA SARBA N'A GA NA AU DA PA YA DYA DHA RA nI, BI BHA BA YA KA LA DA SHA NA, BHO BHO BHA GA BA TI BUDDHA KA P'A LI N'I SARBA NA nA KshA YE KA RI HA HA HA SV'AH'A, RIG PA 'DZIN PA'I SNGAGS SO, ,DE LTAR YONGS SU RDZOGS NAS NI, ,'DAB MA SNYING GAR GZHUG PAR BYA, ,GSANG SNGAGS 'DI DANG LCUG MA YIS, ,LAN BDUN PAR DU SPYAN DRANG NGO, ,AOm BUDDHA KA P'A LI NI GHA tA GHA tA, GHA tA GHA tA, HRI HRI: HA: HA: HE HE: HAm, LAN BDUN BSNGAGS PA TZAM GYIS NI, ,RIG PA 'DZIN PA RNAM PA GNYIS, ,BAR SNANG DU NI LDING 'GYUR TE,, GCIG NI DUM BU DUM BU RU, ,SA LA LTUNG BA RU NI 'GYUR, ,DUS ZIN 'DIR LANGS THE TSOM MED, ,GZHAN YANG SBYOR BA RNYED DKA' GANG, ,PAD BTEGS LA SOGS BCO LNGA

37a

, ,PO; ;GLEGS BAM LA NI BRI MA BYAS, ,BLA MA'I DRIN LAS SHES PAR BYA, ,SANGS RGYAS THOD PA ZHES BYA BA'I RGYUD RNAL 'BYOR MA'I RGYUD BLA NA MED PA GSANG BA'I YANG SHIN TU GSANG BA LAS, RIG PA 'DZIN PA'I SBYOR BA'I MAN NGAG NGES PA'I LE'U STE BCU GCIG PA'O,, ,,DE NAS PHYAG NA RDO RJES RNAL 'BYOR MA SNA TSOGS SDE MA LA YANG DANG YANG DU PHYAG BTZAL TE, 'DI SKAD CES GSOL TO, ,RNAL 'BYOR MA YI GTZOR GYUR PA, ,SHES RAB CHEN PO LHA MO LEGS, ,KHYOD KYIS GSUNGS PA'I SBYOR BA GANG; ;'JIG RTEN NA YANG RNYED PAR DKA', ,BDAG GIS RGYUD KUN MTHONG MOD KYI, ,SBYOR BA 'DI DAG RNYED PAR DKA', ,RGYUD 'DIR KHYOD KYIS GANG GSUNGS PA, ,SANGS RGYAS KUN GYIS MA BSHAD DO, ,AE MA'O SEMS CAN DON LA BRTZON, ,AE MA'O SANGS RGYAS KUN BSKYED MA, ,AE MA'O PHYAG RGYA CHE LA BRTZON, ,SNGAGS RNAMS KUN GYI RAB SBYOR BA, ,SHIN TU RNYED DKA' GANG YIN DES, ,RNAL 'BYOR PA GANG NGO MTSAR BA, ,SNA TSOGS BYED 'GYUR LHA MO GSUNGS, ,DANG PO'I LE'UR GANG GANG GSUNGS, ,SBYOR TE LHA MOS BDAG LA SHOD, ,'DI LTA BU YI TSIG GSAN NAS, ,RNAL 'BYOR MA NI SNA TSOGS SDE, ,BZHAD CING SHIN TU BZHAD PA YIS, ,LHA RNAMS THAMS CAD SKRAG PA

37b

DANG, ,BDUD SDE THAMS CAD 'BROS PA DANG, ,BGEGS RNAMS THAMS CAD 'JIG PAR 'GYUR, ,AE MA'O BZHAD PA'I NGES PA YIS, ,RGYAL BA'I MCHOG KUN NGO MTSAR RO, ,GSUNGS PA; RGYAL MTSAN 'PHYAR BA BLANG BYAS LA, ,DE YI SHA YANG BLANG BYA ZHING, ,DE YI RKED CHA'I RUS PA NI, ,BLANGS NAS THAB KHUNG DU NI BYA, ,DE YI THOD PA'I RJES BZUNG STE, ,RGYUS PA SDONG BUR BYAS TE BZHAG, DE YI MAR KHUS DGANG BYA ZHING, ,THAB KHUNG GRU GSUM STENG DU BZHAG ,GZHAN YANG DUD PA 'BEBS PA DANG, ,JI SRID DUD PA CHAGS KYI BAR, ,SANGS RGYAS THOD PA'I RNAL 'BYOR PAS, ,GSANG SNGAGS 'DI NI BZLA BAR BYA, ,AOm BUDDHA KA P'A LA NI BHA RA BHA RA, DHA DHA RA DHA DHA RA, DHA R'A PA YA DHA R'A PA YA, SHO shA YA SHO shA YA, TA PA YA TA PA YA, TR'Am TR'Am, AAm MAm SAm RA DH'Am KU RU KU RU BHO BHA GA BA TI BUDDHA KA P'A LA SYA DZNY'A MA LAm GHA YA SH'I GHRAm KA DZA LA PA TAm, PA TA YA PA TA YA, TR'Am TR'Am AA H'Um STAMBHA YA, BHO BHA GA BA TI H'Um SAm PHAt, 'DI LTAR SNGAGS KYI RGYAL PO YIS, ,'JIG RTEN GSUM YANG SKEMS PAR BYED, 'BYUNG PO RO LANGS MKHA' 'GRO MA, ,SRIN PO SHA ZA LA SOGS DANG, ,GZHAN YANG RUNG STE BGEGS DE RNAMS, , THOS PA TZAM GYIS 'BROS PAR 'GYUR, ,JI SRID DUD PA MA BABS PA, ,DE SRID SNGAGS NI BZLA BAR BYA, ,DUD PA BABS MA THAG TU NI, ,LAG PA GNYIS KAS GZUNG BAR BYA, ,DE

38a

, ,NAS BLO CHEN RNAL 'BYOR PAS, ,ROL RTZED PHRENG BA BTUNG BAR BYA, ,BU MO LO NI BCU DRUG MA, ,LANG TSO'I GZUGS LA BRTZE BA CAN, ,'DI NI RNAL 'BYOR PA YIS SPYAD, ,GCIG TU SEMS CAN DON 'BAD PA, ,GCER BU SKRA GROL GYUR PA YI, ,MKHAS PAS HI HI'I SNGAGS BTON TE, ,ROL RTZED PHRENG MA BTUNG BAR BYA, ,DE YI RJES LA RTZED 'JO BRTZAM, ,SHIN TU BZHAD GYUR PHRENG MDZAD PA'I, ,BRTZE PA CHEN PO'I LAG G-YON DU, ,DUNG CHEN MCHOG NI BZHAG PAR BYA, ,SBYOR BA LA NI MKHAS PA YIS, ,PHYIS NI BAGS KYIS BYA BA BYA, ,PADMA LAS BYUNG RDZAS GANG ZHIG ,DE NYID KYIS NI DUD PA MNYE, ,MING MED MTHE BOS ME TOG SBYIN, ,RIL BU BRGYA DANG RTZA BRGYAD BYA, ,RIL BU RE RE RE RE LA, , GSANG SNGAGS BRGYA DANG RTZA BRGYAD BZLA, ,AOm BUDDHA KA P'A LI NI TRAm HR'I:H'Um PHAt, 'JIG RTEN GSUM NA RNYED DKA' ZHING, ,RGYUD RNAMS KUN TU RNYED DKA' BA, ,RNAL 'BYOR MAS KYANG RNYED DKA' BA'I, ,SNGAGS 'DI YIS NI DUD PA SGRUB, ,SRIN LAG GI NI SOR MO YIS, ,MIG LA DUD PA BYUGS TZAM GYIS, ,STONG GSUM RDUL PHRAN LTA BU YI, ,SANGS RGYAS THAMS CAD MTHONG BAR 'GYUR, ,DPAG TSAD 'BUM PHRAG BRGYAD CU YI, ,STENG DANG 'OG NI MTHONG BAR GYUR, ,LAG PA G-YON PAS MNYES TZAM GYIS, ,SKAD CIG DE LA RNAL MAR

38b

'GYUR, ,MDZUB MOS BYUGS PA TZAM GYIS NI, ,RGYU DANG MI RGYU MTHONG 'GYUR TE, ,'BYUNG PO YI DVAGS SHA ZA DANG, ,GZHAN YANG GRUB BA RNAMS DANG NI, ,DPAG TSAD BYE BA STONG PHRAG GI, STENG DANG 'OG NI MTHONG BAR 'GYUR, ,LAG PA G-YON PAS MNYES TZAM GYIS, ,RNAL MAR 'GYUR BA THE TSOM MED, ,GUNG MOS BYUG PA TZAM GYIS NI, ,SHIN TU NGO MTSAR BYED 'GYUR TE,, PHEG BRDABS BDUN GYI SGRA TSAD DU, ,NAG PO 'BAR BYED RTZE MO YIS, ,SPRIN RNAMS THAMS CAD 'THOR BAR 'GYUR, ,'DI LTA'I DUD PA RNYED PAR DKA', ,LAG PA G-YON PAS MNYES TZAM GYIS, ,SKAD CIG DE LA MI RU 'GYUR, ,MTHE BONG GIS NI DUD PA YI, ,BDAG NYID CHEN POS BYUGS TZAM GYIS, ,GZUGS BRNYAN MTSAN MA RI DANG SHING, ,GZHAN DAG GANG YANG RUNG BA RNAMS, ,KHRO BA'I BLTA BAS BLTAS TZAM GYIS, ,DUM BU STONG DU 'GYUR BA YIN, ,G-YON PAS MNYES PA TZAM GYIS NI, ,RNAL MAR 'GYUR BAR THE TSOM MED, ,MTHE'U CHUNG GIS MIG BYUGS NA, ,SKAD CIG DE LA MI SNANG 'GYUR, ,SANGS RGYAS KYIS KYANG GZIGS MI 'GYUR, ,SKAD CIG SUM CU GSUM DU 'KHOR, ,MDZOD DANG BUD MED RDZAS NYID DANG, ,DNGOS PO GANG DANG GANG 'DOD PA, ,DUD PA'I BDAG NYID CHEN PO YIS, ,SKAD CIG DE LA 'PHROG PAR 'GYUR, ,'DI LTA BU YI DUD MCHOG GI ,SBYOR BA SNA TSOGS LEGS PAR BSHAD, ,DE

39a

, ,NI MIG LA BYUGS TZAM GYIS, ,RANG GI GZUGS NI SGYUR BAR BYED, ,DUD PA YI NI BYUGS TZAM GYIS, ,RIG PA 'DZIN PA'I GTZO BOR 'GYUR, ,BYA ROG 'UG PA BYA RGOD DANG, ,SBRUL DANG KHYI DANG LCE SPYANG DANG, ,STAG DANG GUNG DANG BYI LA DANG, ,SBRANG BU GLANG PO BONG BU RU, ,DE LTAR DUD PA CHEN PO YIS, ,SNA TSOGS PA YI LAS BYED PA'O,, KUN LA LAS KUN YOD MOD KYI, ,SBYOR BA 'BA' ZHIG RNYED PAR DKA', ,SBYOR BA GLEGS BAM LA MA BRIS, ,BLA MA'I ZHAL NAS SHES PAR BYA, ,DE NAS YANG DAG RAB BSHAD DE; ;SBYOR BA SHIN TU RNYED DKA' BA, ,SNGAGS DANG RUS PA'I SBYOR BA YIS, ,RTAG TU SNA TSOGS LAS BYED DO, ,GLANG PO'I RUS PAS BSAD PA'I SBYOR BA BYA'O, ,AOm BUDDHA KA P'A LI N'I HR'I: H'Um, RTA YI RUS PAS BSKRAD PA RNYED PAR DKA' BA BYA'O, ,AOm BUDDHA KA P'A LI N'I KHAm HR'I: H'Um PHAt, BA LANG GI RUS PAS DGRA'I SNYING GAR PHUR BU GDAB PAR BYA'O, ,AOm BUDDHA KA P'A LI N'I TRAm HR'I: KHYI'I RUS PAS RENGS PA CHEN PO BYA BAR GSUNGS SO, ,AOm BUDDHA KA P'A LI NI AA A'A: H'Um PHAt, RUS PA CHEN POS NI DGUGS PAR BYA'O, ,AOm BUDDHA KA P'A LI N'I HR'I: BOO shAt, BONG BU'I RUS PAS RMONGS PAR BYA'O, ,AOm BUDDHA KA P'A LI N'I BRUm H'Um, 'UG PA'I RUS PAS DBANG DU BYA'O, ,AOm BUDDHA KA P'A LI N'I TRAm HR'I: H'Um, BYA RGOD KYI RUS

39b

PAS DBYE BAR BYA'O, ,AOm BUDDHA KA P'A LI N'I H'A: PHAt H'Um, BONG BU'I RUS PAS RENGS PAR BYA'O, ,AOm BUDDHA KA P'A LI N'I BADZRI nI TRAm, CE SPYANG GI RUS PAS G-YUL LAS RGYAL BAR BYED DO, ,AOm BUDDHA KA P'A LA N'I BHA GA BA TI DHA RA DHA RA HA HE HO HA HA, MA HE'I RUS PAS DGA' ZHING RTZE BAS LO BCU GNYIS SU NYIN DANG, MTSAN DU DE'I BYANG CHUB SEMS MI LTUNG NGO, ,AOm BUDDHA KA P'A LI N'I RA MA RA MA KRi tA KRI tA HA HA, SBRUL GYI RUS PAS SHING RTZAD NAS 'DON NO, ,AOm BUDDHA KA P'A LI N'I TA tA TA tA, TRA TA YA TRA TA YA, MA TA SPHO tA YA SPHO tA YA AU TA PA TA H'Um PHAt; STAG GI RUS PAS RI 'DEGS PAR BYED DO, ,AOm BUDDHA KA P'A LI N'I, GHA RA GHA RA, MA tA MA tA, TRA tA YA TRA tA YA, GHA t'A PA YA GHA t'A PA YA, SPHU tA SPHU tA, MO tA MO tA SAm KRA MA YA YA HR'I: H'Um TRAm PHAt, LCAGS KYUS NI NAGS STUG PO STONG PAR BYED DO, ,AOm BUDDHA KA P'A LI N'I BADZRE N'A SHA YA MA RA YE, GHU tA GHU tI NI SARBA BI NA YA TI NA HRI YE YAm TA tA YA BHI TR'A PA YA TZA MAm TZA MAm; BHA MA YA BHRA MA YA, BHO BHA GA BA TI AAm AAm TA tA H'Um PHAt, SEMS GCIG DRI MED ME LONG BZHIN, ,GANG BSAMS DE YANG GZUGS BRNYAN DANG, ,RMI LAM LTA BUR SHES MED KYI, ,'ON KYANG RNAM PAR RTOG PAS BZUNG, ,SANGS RGYAS THOD PA ZHES BYA BA'I RNAL 'BYOR MA'I RGYUD BLA NA MED PA'I GSANG BA'I YANG SHIN TU GSANG BA LAS, SNGAGS SNA TSOGS

40a

, ,KYI RAB TU SBYOR BA'I LE'U STE BCU GNYIS PA'O,, ,,DE NAS YANG DAG RAB BSHAD PA, ,RNAM DAG LE'U RAB RNYED DKA', ,NE NE MO DANG TSA MO DANG, ,MA DANG BU MO CHUNG MA NYID, ,GAL TE PHYAG RGYA CHE 'DOD NA, ,SHES RAB CAN GYIS 'DI DAG SPYAD, ,G-YUNG MO DANG NI GAR MKHAN MA, ,KHRUS MKHAN MA DANG GTUM MO YI; ;BU MO KO BA BYED PAR GSUNGS, ,BLO DANG LDAN PAS 'DI DAG SPYAD, ,DE LNGA RNAL 'BYOR MA YI MCHOG, DE NAS YANG DAG RAB BSHAD PA, ,MA DAG PA YI SEMS SBYANG PHYIR, ,MIG NI SRING MOR GYUR PA STE, ,RNA BA TSA MO NYID YIN NO, ,SNA NI MA RU 'GYUR BA STE, ,LCE NI BU MO NYID YIN NO, ,YID NI CHUNG MAR 'GYUR BA STE, ,LNGA PO DE RNAMS MCHOG LHA MO, ,PHYAG RGYA CHEN POR RAB STER MA'O, ,GTI MUG GAR MKHAN MA RU 'GYUR, ,ZHE SDANG G-YUNG MO NYID YIN NO, ,'DOD CHAGS KHRUS MKHAN MA YIN TE, , NGA RGYAL GTUM MO NYID YIN NO, ,PHRAG DOG KO BA BYED MA'O,, LNGA PO DE RNAMS BUD MED MCHOG ,GZUGS LAS GTI MUG SKYE BA STE, ,SGRA LAS ZHE SDANG SKYE BA YIN, ,DRI LA LONGS SPYOD PAS 'DOD CHAGS, ,RO LAS NGA RGYAL NYID YIN TE, ,REG BYA LAS NI PHRAG DOG SKYES, ,SEMS KYI DAG PA NYID YIN NO, ,DE PHYIR RNAL 'BYOR BLO CHEN GYIS, ,

40b

SHIN TU SBYOR BA'I SEMS KYIS MI, ,SKYE 'DIR DNGOS GRUB MA THOB KYANG, ,SKYE GZHAN SRID PAR DNGOS GRUB 'THOB, ,JI LTAR DNGOS PO MED PAR SGOM, ,JI LTAR DNGOS PO BSGOM PAR BYA; ;DNGOS PO BSGOM BYA JI LTAR 'GYUR, ,SRING MO'I GZUGS NI JI LTAR YIN, ,DKAR MO LJANG GU'I SNGON MO'I MDOG, 'DI LTA'I GZUGS DANG LDAN PAR NI, ,DAG PA'I SEMS KYIS BLTA MI BYA, ,TSA MOS JI LTAR SGRA THOS PA'I, ,SGRA GRAGS PA NI RNAM GSUM NYID, ,'DI LTA'I SBYOR DANG LDAN PAR NI, ,DAG PA'I SEMS KYIS MNYAN MI BYA, ,RAB SBAS SKYED MA GANG YIN DES, ,DRI NI RNAM PA GSUM BLTAS PA, ,LTA MIN YID DANG LDAN PA LA, ,JI LTAR 'DOD CHAGS SKYE BAR 'GYUR, ,LCE DANG LHAN CIG LONGS SPYOD RDZAS, ,RO DRUG MYANGS PA CI 'DRA BA, ,MYANGS PAS LONGS SPYOD LDAN PA YI, ,MYANGS PA'I GZUGS NI JI LTA BU, ,YID KYIS LONGS SPYOD DGA' DE NYID, ,YID KYIS GNYIS KA SPYAD PAS BDE, ,DER NI RTAG PA YOD MA YIN, ,DNGOS PO LAS NI DNGOS MED YOD, ,DNGOS MED LA YANG DNGOS PO NYID, ,DNGOS DANG DNGOS MED GNYI GA STONG, ,'DI DAG SEMS KYI DAG PA NYID, ,DE NAS GZHAN YANG RAB BSHAD PA, ,PHYI YI LUS NI SBYANG PHYIR RO, ,LTA DANG LDAN PA SNYING RJE STE, ,'KHYUD PA BYAMS PAR 'GYUR BA'O, ,DRUD PA'I SBYOR BA'I BDAG NYID NI, ,DGA' BA

41a

, ,YAN LAG MA YI MCHOG ,GNYIS KA 'DUS LAS GANG 'DZAG PA, ,DE NI BDAG GIS BTANG SNYOMS GSUNGS, ,DE LTAR DNGOS PO'I SBYOR LDAN PA, ,JI LTAR 'DOD CHAGS KYIS 'CHING 'GYUR, ,MTHONG BA LAS NI 'DOD CHAGS SKYE, ,'KHYUD LAS 'BRAS BU CUNG ZAD TZAM, ,DRUD PA LAS NI DGA' BA SKYES, ,KUN GYI MTHA' MAR DGA' BRAL LO, ,DE LTAR DGA' DANG DGA' BRAL 'BRAS, ,KHAMS GSUM PA LAS SKYE BAR 'GYUR, ,RAB DGA' SEMS KYI SBYOR BA YIS, ,DNGOS PO GSUM GYIS 'CHING MI 'GYUR, ,BZA' DANG BTUNG BA GANG CI'ANG RUNG, ,BDE BA 'BAB PA'I KHA ZAS RNAMS, ,DE KUN BSHANG DANG GCI SOGS SU, ,RNAL 'BYOR RIG PAS RTAG TU BRTAG, GANG CI RUNG BA'I DGA' RTZE 'JO, ,'KHYUD PA DANG NI 'O BYED DANG, ,NYED DANG 'TSIR BA NYID KYIS NI, ,PHYAG RGYA CHEN PO'ANG MTHONG BAR 'GYUR, ,'DI LTA'I SGOM DANG LDAN PAS NI, ,'DI RU 'GRUB PAR THE TSOM MED, ,RNAL 'BYOR MA LNGAS SANGS RGYAS KYI, ,DPAL DANG PHYAG RGYA CHE STER BYED, ,RNAL 'BYOR PA YIS DE MCHOD NA, ,'DOD PA RNAMS KYIS GOS MI 'GYUR, ,PHRAG DOG LA SOGS KYIS SBAGS KYANG, ,DE LA NYES PAS GNOD PA MED, ,RNAL 'BYOR PA YI MCHOG DE NYID, ,SRID PA'I NYES PAS GOS MI 'GYUR, ,

41b

JI SRID KHAMS NI PHYI MI 'GYUR, ,SANGS RGYAS SKU SRID SDIG DANG BRAL, ,BYANG CHUB SEMS NI 'DZAG MED PA, ,GANG TSE PHUN SUM TSOGS PA'I SHING, ,SANGS RGYAS THOD PA ZHES BYA BA'I RNAL 'BYOR MA'I RGYUD BLA NA MED PA GSANG BA'I YANG SHIN TU GSANG BA LAS, SEMS RNAM PAR DAG PA'I LE'U STE BCU GSUM PA'O,, ,,DE NAS YANG DAG RAB BSHAD PA, ,SNA TSOGS SDE MAS BSNGAGS PA'I LE'U, DE LTAR PHYAG NA RDO RJE LA SOGS PA'I BYANG CHUB SEMS DPA' RNAMS DANG, RI RAB KYI RDUL PHRA RAB SNYED DANG MTSUNGS PA'I RNAL 'BYOR MA RNAMS SPYAN DRANGS SHING MGU BA'I SEMS KYIS SNA TSOGS SDE MA LA BTUD DE BSTOD PA, AE MA'O BCOM LDAN 'DAS LHA MO, ,SANGS RGYAS THAMS CAD SKYED BYED MA, , DPAL DANG GRAGS PA CHE ZHING 'JIGS, ,SEMS CAN KUN LA PHAN MDZAD MA, ,LHA MO SNYING RJE CHE LDAN MA, ,PHYAG RGYA CHEN PO BLO CHEN MA, ,DON CHEN 'BRAS BU STON MDZAD MA, ,SANGS RGYAS THOD PA YI NI RGYUD, ,RDO RJE 'CHANG GIS SBAS PA DANG, ,SANGS RGYAS RNAMS KYIS MA GSUNGS SHING, ,BYANG CHUB SEMS DPA'I YUL MIN PA, ,GSUNGS GCIG GIS NI GSAL MDZAD DE, ,DE NI LHA MO KHYOD KYIS GSUNGS, ,AE MA'O GNOD CHEN LHA MO KHYOD, ,RNAL 'BYOR MA KUN BSDUS BYAS PA, ,DE BZHIN GSHEGS KUN YUL MIN PA, ,RNYED

42a

, ,DKA'I DNGOS GRUB GANG YIN PA, ,DE NI LHA MOS GSAL BAR MDZOD, ,GSUNGS PA, RNAL 'BYOR MA NI THAMS CAD NYON, ,BYANG CHUB SEMS DPA' THAMS CAD DANG, ,'DOD CHAGS BRAL DANG BDAG CHEN NYON, ,SANGS RGYAS DE BZHIN GSHEGS PA NYON, ,KLU DANG LHAR BCAS MI RNAMS NYON, ,RGYUD RGYAL 'DI NI BKLAGS TZAM GYIS, ,BSOD NAMS GANG YIN DE KUN GYI, ,BSOD NAMS RJES RANG YONGS SU BSNGO, ,PHYAG RGYA CHEN PO'I DON DU NI, ,SANGS RGYAS YON TAN RNAM PA DBUL, ,SNGAGS DON ZAB MO RNAMS DANG NI, ,SBYOR BA SHIN TU RNYED DKA' BA, ,GANG ZHIG GSAL BYAS BDAG BZOD MDZOD, ,SHIN TU SBAS PA'I YUL DE YANG, ,SEMS CAN DON DU GSAL BYAS PAS, ,RGYAL BA'I MCHOG RNAMS BDAG BZOD MDZOD, ,DE NAS YANG DAG RAB BSHAD PA, ,SNGAGS KYI BZLAS PA STOBS PO CHE, ,GAL TE DNGOS GRUB MCHOG 'DOD NA, ,SANGS RGYAS THOD SBYOR BZANG PO BZLA, ,AOm HR'I: BUDDHA H'Um KA P'A LI M'I A'A: 'JUG PA LA AOm, 'BYUNG BA LA HR'I: GNAS PA LA BUDDHA, BDE BA LA H'Um, NUB PA LA KA P'A LI N'I; LDANG BA LA A'A: 'O, ,DE LTAR BZLAS PA RAB RNYED DKA', ,SANGS RGYAS THOD PA'I SBYOR CHUD ZLA, ,DE LTAR YID KYI BZLAS LDAN PAS, ,DNGOS GRUB THOB PAR THE TSOM

42b

MED; ;AOm BUDDHA KA P'A LA N'I A'A: HR'I: HE: H'Um PHAt, SNYING PO'I SNGAGS SO, ,AOm BUDDHA KA P'A LI N'I BADZRI nI HO H'Um, AA DUR LAKshE H'Um PHAt, NYE BA'I SNYING PO'I SNGAGS SO, ,DE NAS YANG DAG RAB BSHAD PA, ,DBANG DUS CHO GA JI BZHIN DU, ,SLOB MA DAD BRTAN GANG ZHIG GIS, ,SHES RAB MA LA GSOL BA GDAB, ,DRI ZHIM PA YI DNGOS PO YIS, ,MAndAL RNAM PA LNGA BYAS TE, ,SANGS RGYAS KUN GYIS BRGYAN BYAS PA, ,LHA MO CHE LA GSOL BA GDAB, ,ZHAL DU BZA' BA'I RDZAS MCHOG BSTAB, ,RDZAS DE RNAMS NI GSOL PA DANG, ,YID NI TSIM ZHING THUGS DGYES SO, ,LHA MO DGYES PAR MTHONG NAS NI, ,TSIG 'DI DAG GIS SMRA BAR BYED, ,RNAM PAR RTOG PA MANG PO YIS, ,G-YOGS PA'I BAG CHAGS RAB LDAN PA; ;'KHOR BA'I 'DAM DU BYING BA BDAG ,MDZES MA KHYOD KYIS SKYOB PAR MDZOD, ,GRAGS CHEN SNYING RJE LDAN PA YI, ,LHA MO DE NI ZHI BAR MDZOD, ,DER NI RGYAN RNAMS THAMS CAD DANG, ,LHAB LHUB RGYAN RNAMS DBUL BAR BYA, ,DAD PA BRTAN PA'I SEMS KYIS NI, ,DE NAS BDAG NYID DBUL BAR BYA, ,SNA TSOGS ZAS DANG SNA TSOGS BTUNG, ,DE YI MDUN DU DBUL BAR BYA, ,GANG GIS SHES RAB MA MNYES PA, ,SANGS RGYAS THAMS CAD KYIS NI MCHOD, ,'DI NYID LA NI SANGS RGYAS BZHUGS, ,GZHAN YANG DNGOS

43a

, ,GRUB GTZO BO DANG, ,SNYING RJE LDAN PA GZHAN GANG ZHIG ,MKHA' 'GRO MA KUN 'DI LA BZHUGS, ,GANG DU DBANG PO 'GAGS GYUR PA, ,BDAG RTOG RANG BZHIN NYAMS PA STE, ,KYE DE LHAN CIG SKYES DGAR GYUR, ,BLA MA'I ZHAL SNGA GSAL BAR ZHUS, ,GANG ZHIG 'CHAR DUS TSE NA DPA' BO DANG, ,YUL MNYAM NUB GYUR DE LA PHYAG 'TSAL LO, ,MKHAS PA RNAMS KYI SNYING SBAS SU SAD PA, ,PHYIS NI MNGON DGA' RGYAL BA'I MDZES SKU GCIG ,SANGS RGYAS THOD PA ZHES BYA BA'I RNAL 'BYOR MA'I RGYUD BLA NA MED PA GSANG BA'I YANG SHIN TU GSANG BA LAS, SNGAGS KYI BZLAS PA DANG, SHES RAB MA LA GSOL BA GDAB PA DANG, RGYUD THAMS CAD KYI GLENG GZHI'I LE'U STE BCU BZHI PA'O,, ,,'DI GSUNGS NAS SNA TSOGS SDE MA LA SOGS PA'I RNAL 'BYOR MA THAMS CAD DANG, PHYAG NA RDO RJE LA SOGS PA'I BYANG CHUB SEMS DPA' RNAMS RANG RANG GI GNAS NA 'DUG STE, CI'ANG MI GSUNG PAR BZHUGS SO, ,SANGS RGYAS THOD PA ZHES BYA BA'I RGYUD RNAL 'BYOR MA CHEN MOS GSUNGS PA MCHOG TU GSANG BA RDZOGS SO,, ,,RGYA GAR GYI MKHAN PO SHR'I GA YA DHA RA DANG, BOD KYI LO TZTSA BA GYI DZO ZLA BA'I 'OD ZER GYIS BSGYUR CING ZHUS TE GTAN LA PHAB

43b

PA;;