TSAD MA RNAM 'GREL RGYAN GYI 'GREL BSHAD SHIN TU YONGS SU DAG PA (Pramāṇa Vārtikālaṃkāra Ṭīkā Supariśuddhā)

, ,RGYA GAR SKAD DU, PRA M'A nA P'ARTI K'A LANG KA RA t'I K'A SU PA RI SHUDDHA N'A MA, BOD SKAD DU, TSAD MA RNAM 'GREL RGYAN GYI 'GREL BSHAD SHIN TU YONGS SU DAG PA ZHES BYA BA, THAMS CAD MKHYEN PA LTA BA'I DRA BA SEL BA LA PHYAG 'TSAL LO, ,STON PA SHES 'BYUNG CHOS KYI GRAGS, ,GZHAN LA PHAN BYED BLA MA NI, ,YE SHES DPAL LA RAB BTUD NAS, ,RGYAN GYI BSHAD SBYAR BDAG GIS BRTZAM, ,GAL TE 'DI NI BLO LDAN DAG ,DON SGRUB DON DU MA GYUR KYANG, ,BDAG GAM BDAG DANG 'DRA BA 'GAG ,DRAN PA YI NI DON DU 'GYUR, ,DE SA NA SLOB DPON SHES RAB 'BYUNG GNAS SBAS BA 'DI GSUNG RAB RNAM 'GREL MDZAD PA DPAL SLOB DPON CHOS KYI GRAGS PAS TSAD MA RNAM 'GREL GYI BSTAN BCOS SU BRTZAMS LA MA RDZOGS PA'I BSHAD PA CAN BGRES PAS NUS PA NYAMS PAR 'GYUR BA'I MDZAD PA'I KHUR BSKUR BA'I BDAG GIR BYAS PA'I PHYIR NA MTHAR 'BYIN PA'I BRJOD BYA BRJOD PA'I DON DU PHYAG 'TSAL BA'I THABS KYI TSIGS SU BCAD PA DANG PO BRJOD DO, ,RNAM 'GREL MDZAD PAS LE'U DANG PO'I BSHAD PA RTZOM PA NA NYAN PA PO'I NYES PAS BSTAN BCOS DON MED PA NI BRJOD ZIN TO, ,'GREL PA LHAG MAR NI SLOB DPON LHA DBANG BLO SNYAN PA CHEN POR GRAGS PA YANG RANG GI DGONGS PA LA LTOS NAS LAN CIG MA YIN PAR SHIN TU GOL BAR GZIGS TE, 'CHAD PA PO LA LTOS NAS KYANG THUGS MUG PA NA BLO'I NUS PA CHUNG BA MED PA DE DAG GIS KYANG ZHES BYA BA LA SOGS PA'I TSIGS SU BCAD PA MDZAD DO, ,DE'I THUGS MUG PA DE BSAL BA'I DON DU SHES RAB 'BYUNG GNAS SBAS PA BDAG NYID LA MKHAS PA NYID DU NGES PAR BZUNG NAS, BDAG LTA BU NYE BAR MI GNAS PA'I PHYIR NA, SLOB DPON GNAS SU THUGS MUG PAR GZIGS TE, 'GREL BA BYED PA RNAMS KYIS KYANG DA DUNG MA RTOGS PAR GZIGS PA'I PHYIR 'GREL BSHAD BYED PA NYID DU RIG PA LA, LEN BYED MKHAS PA MED MOD DE MED MIN ZHES BYA BA LA SOGS PA 'CHAD PAR 'GYUR BA LEN BYED MED PAS 'JIGS PA'I PHYIR DES BRTZAMS PA'I SKABS NYID KYIS BSTAN BCOS LA RGYAN BYED PAR BZHED PA NA, LE'U GSUM GYIS BSHAD PA LTAR SLOB DPON GYIS BRJOD PAR BYA BA'I NGAG DANG PO YANG BRJOD PAR 'OS PA KHO NA'O, ,'DI LTAR GZHAN GYI DON DU BSTAN BCOS BYED PA NI GZHAN 'JUG PA LA MKHO BA'I PHYIR GDON MI ZA BAR BRJOD BYA BRJOD

, ,DGOS MO, ,SLOB DPON GYIS KYANG RAB TU BYED PA GZHAN DU DE BSTAN KYANG 'DIR NI BSTAN PA MA MTHONG NGO, ,BSHAD PA RTZOM PA NA, YANG DANG PO'I RJOD BYED LA LHUR BYA BA RTOGS PAR BYA BA'I DON DU LE'U DANG PO NYID KYI BRJOD BYA GSUNGS KYI, BSTAN BCOS KYI NI MA YIN NO, ,DES NA BSTAN BCOS KYI BRJOD BYA TSAD MA GRUB PA DES PA BSTAN BCOS 'DIS BYA'O ZHES PA DE'I RTZOM PA BRJOD PA'I SHUGS LAS SO, ,DES NA 'DIS NI BSTAN BCOS DE'I BRJOD BYA TSAD MA YIN PAR BSTAN TE, GANG GI PHYIR DE'I RANG BZHIN NGES PAR RTOGS PA DON DU GNYER BA DER 'JUG PA LA GEGS MED PAR 'GYUR BA'I PHYIR RO, ,GAL TE RTOG PA DANG LDAN PA THAMS CAD KYI 'JUG PA DGOS PA DON DU GNYER BA NYID KYIS KHYAB PA'I PHYIR GZHAN 'JUG PA'I DON DU DGONGS PA NYID BRJOD PAR RIGS PA MA YIN NAM, JI SKAD DU, BSTAN BCOS DAG NI THAMS CAD DAM, ,YANG NA LAS NI 'GA' ZHIG LA, ,JI SRID DGOS PA MA BRJOD PA, ,DE SRID DE NI SU ZHIG 'DZIN, ,ZHES BSHAD PA BZHIN NO, ,DE LA SGRA RNAMS PHYI'I DON DANG MA 'BREL YANG 'JUG PA'I SGRUB BYED DON LA THE TSOM ZA BA DAG GI 'BRAS BUR 'GYUR BA'I PHYIR 'DI LA NGES PA CI BYA, DGOS PA DANG PO BRJOD PAR BYA BA NYID NI SKABS SU BAB PA YIN TE, DGOS PA BRJOD PAS 'BREL PA BZHIN DU BRJOD BYA RTOGS PA 'PHEN PA'I PHYIR DGOS PA NYID BRJOD PAR RIGS SO, ,'DI LTAR GAL TE BRJOD BYED KYI CHA'I DGOS PA BRJOD PAR BYA BA YIN NA, DE'I TSE BRJOD BYA BSTAN PA NYID BSTAN BCOS KYI 'BRAS BU YIN PA'I PHYIR BRJOD BYA MA SHES PAR DE MI SHES PAS BRJOD BYA SHES PA 'PHEN PA KHO NA'O, ,BRJOD BYA'I DGOS PA BRJOD PAR BYA BA YIN NA YANG; BRJOD BYA MA SHES NA DE GANG GI DGOS PA YIN ZHES BRJOD BYA MA SHES PAR BRJOD BYA'I SHES PA 'PHEN PA NYID DO, ,DE BAS NA 'JUG PA LA MI MKHO BA'I PHYIR DANG GZHAN DU YANG RTOGS PA 'GRUB PA'I PHYIR, NGAG DANG PO BRJOD BYA BRJOD PAR BYA BA NI MA YIN GYI 'ON KYANG DGOS PA NYID DE 'JUG PA LA MKHO BA'I PHYIR DANG, MA NGES PA'I PHYIR RO, ,DES NA DANG POR GDON MI ZA BAR BRJOD BYA BRJOD DGOS SO ZHES CI LTAR BRJOD CE NA, 'DI LA BRJOD PA GANG GIS DGOS PA BRJOD PAR NGES, SGRA'I 'AM, DON GYI 'AM, GNYI GA'I, DE LA SGRA'I DGOS PA NI BRJOD BYA RTOGS PA NYID YIN PA'I PHYIR BSTAN PAS CI BYA STE, RTOGS ZIN PA STON PA DON MED

PA'I PHYIR RO, ,DE NI THAMS CAD LA THUN MONG BA YIN PA'I PHYIR NA, DE'I RGYU MTSAN CAN GYI 'JUG PA YANG THAMS CAD DU KHYAD MED PAR 'GYUR RO, ,CI STE YANG LOG RTOGS BZLOG PA'I SGO NAS RANG GI NGO BO NYID BSTAN PAS KHYAD PAR DU 'DOD NA, DE YANG THUN MONG BA YIN PAS DE'I RGYU MTSAN CAN GYI 'JUG PA YANG KHYAD PAR MED PAR 'GYUR RO, ,CI STE YANG BRJOD BYA SPYIR BSTAN NA SGRA'I CHA'I DGOS PA RTOGS PA NA, BRJOD BYA'I KHYAD PAR GYI MTHAR THUG PA RTOGS PA MED PA'I PHYIR, DGOS PA BRJOD PAR RIGS SO ZHE NA, DE LTA NA 'O NA BRJOD BYA'I KHYAD PAR GDON MI ZA BAR BRJOD PAR BYA BAR 'GYUR LA, DE TZAM GYIS KYANG NGAG DBANG PO'I DON BYAS PAR 'GYUR RO, ,DE'I TSE YANG DGOS PA SHES PAR 'DOD PA MA YIN TE, RTOGS PA GCIG PA'I PHYIR RO, ,DPER NA 'GA' ZHIG DE'I BUR RTOGS PA NYID GZHAN DE'I PHAR RTOGS PA YIN PA DE BZHIN DU, 'DI 'DI'I BRJOD BYA'O SNYAM PA'I RTOGS PA DE NYID KYIS BRJOD BYA 'DI BRJOD PA NI BSTAN BCOS 'DI DGOS PA YIN NO ZHES NANG DU SDUD DO, ,GANG GIS DGOS PA KHYAD PAR BRJOD PAS KYANG NGAG DANG PO'I DON BYAS PAR 'GYUR BA, CI LTAR BSTAN BCOS KYI DBANG DU BYAS PA'I PHYIR, SPYIR BRJOD BYA STON PA'I DGOS PA RTOGS PAS NA, BRJOD BYA KHYAD PAR GYI MTHAR THUG PA NYID KYIS KHYAD PAR SGRUB PAR BYED PA'I PHYIR, GDON MI ZA BAR STON PA'I BRJOD BYA'I KHYAD PAR BSTAN, NGAG DANG PO DON BYA BAR 'GYUR BAR DE BZHIN DU SPYIR BRJOD BYA 'GA' ZHIG RTOGS PAS KYANG DGOS PA'I KHYAD PAR GYI MTHAR THUG PA NYID KYIS KHYAD PAR SGRUB BO ZHES KYANG BRJOD PAR MI NUS TE, BRJOD PA'I KHYAD PAR GYI SGO SPANGS NAS DGOS PA'I KHYAD PAR MI GRUB PA'I PHYIR RO,, BRJOD BYA NI RANG NYID 'GRUB PO, ,DE'I PHYIR JI LTAR MNGON SUM GYIS RANG GI MTSAN NYID 'DZIN TO ZHES BYA BA BYED PA GTZOR GYUR PA YIN YANG, MNGON SUM GYI GZUNG BYA RANG GI MTSAN NYID YIN NO ZHES LAS LA GTZOR PHYOGS PA YIN GYI, ,SHES PA'I DBANG DU BYAS PAS 'DZIN PA'I BYED PA SPYIR GRUB PA'I PHYIR DANG, 'DZIN PA'I BYED PA'I SPYI YANG LAS KYI KHYAD PAR DE NYID LAS KHYAD PAR DU GRUB PA'I PHYIR, BYA BA LA NI MA YIN PA DE BZHIN DU 'DI 'DIS BRJOD DO ZHES BYA BA NI, 'DI YI BRJOD BYA 'DI YIN NO, ,DE TZAM GYIS KYANG RJOD BYED KYI DGOS PA 'BA' ZHIG TU MA ZAD KYI, RJOD BYED LA 'JUG PA YANG 'PHANGS PA YIN NO, ,GAL TE BRJOD BYA

, ,BSTAN PA'I MTSAN NYID DGOS PA RTOGS KYANG MI 'JUG NA NI DE'I TSE DGOS PA BRJOD KYANG MI 'GYUR TE, BRJOD PAS KYANG RTOGS PA SGRUB PA NA, DGOS PA 'JUG BSGRUB PA NYID LA 'JUG PA'I PHYIR RO, ,DGOS PA RTOGS PA DE YANG GAL TE SPYIR BSTAN BCOS DBANG DU BYAS PA LAS GYUR KYANG MI 'JUG TU CHUG KYANG, BRJOD BYA'I SGO NAS KHYAD PAR CAN DU GYUR PA NI 'JUG PAR BYED PA YIN NO, ,DE'I PHYIR DGOS PA'I KHYAD PAR RTOGS PA BZHIN DU 'JUG PA YANG BRJOD BYA BSTAN PA NYID KYIS 'PHAGS NAS GNAS PA'I PHYIR NA NYE BAR MKHO BA'I KHYAD PAR MED DO, ,DE LTAR DGOS PA'I SGO NAS NI 'JUG PA LA MKHO BA MA YIN TE, RIMS SEL BA'I MTHA' YAS KYI RIN PO CHE NYE BAR STON PA LA YANG 'JUG PAR THAL BA'I PHYIR RO, ,DPER NA DGOS PA MED PA'I SGRO 'DOGS BZLOG NAS, DGOS PA 'JUG PAR BYED PA YIN PA DE BZHIN DU SGRUB PAR MI NUS PA'I BRJOD BYA'I BLO BSAL BA NA, BRJOD BYA YANG 'JUG BYED YIN NO, ,BRJOD BYA YOD PA DGOS PA MED PAS LDOG PAR YANG BSTAN PAR MI NUS TE, SE'U BCU LA SOGS PA'I NGAG LA NI BRJOD BYA MED PA NYID KYIS DGOS PA MED PA YIN NO, ,BYA ROG GI SO BRTAG PA NYE BAR DGOD PA YANG NYE BAR MKHO BA YIN TE, BRJOD BYA'I DGOS PA BSAM PA'I SKABS YIN PA'I PHYIR RO, ,RJOD BYED KYI DGOS PA DE NI DE'I BRJOD BYA YOD PA MED PAR MI 'GYUR RO, ,BRJOD PAR BYA BA NI YOD KYANG DE'I RANG BZHIN NGES PAR BRTAGS NA BSGRUB PAR MI NUS PA BZHIN DU DGOS PA MED PA LOG PAR RTOGS PA YANG 'JUG PA'AM, MA LOG NA YANG LDOG PA YIN NO, ,LDOG PA RTOGS PA DE YANG DE'I RANG BZHIN RTOGS NA 'GYUR RO, ,DES NA 'JUG PA LA MKHO BA'I PHYIR DANG HA CANG THAL BA MED PA'I PHYIR DANG SPYIR MA RTOGS PA'I PHYIR NGAG DANG POS BRJOD BYA NYID BRJOD PAR BYA BA'I DGOS PA NI MA YIN NO, ,DE BAS NA NGAG DANG POS RJOD BYED KYI DGOS PA BRJOD PAR RES PA MA YIN NO, ,CI STE BRJOD BYA'I DGOS PA BRJOD PAR NGES PA YIN TE, DPER NA CHOS MCHOG GIS, GAL TE BRJOD PAR BYA BA YANG DGOS PA MED PA YIN NA NI, RTOG PA DANG LDAN PA DE BSTAN PA'I PHYIR SGRA DGOD PA'I RTZOM PA YANG BYED PAR MI 'GYUR RO, ,DES NA BRJOD BYA'I DGOS PA NYID NGAG DANG POS BRJOD PAR NGES SO, ,NGAG GI DGOS PA DON RTOGS PA DANG DE'I

YUL GYI BRJOD BYA YOD CAS TE GZHAN 'JUG PA NI MA YIN TE, THAMS CAD DU KHYAD PAR MED PAR THAL BA'I PHYIR RO, ,BRJOD BYAS KHYAD PAR CAN GYI 'BRAS BU BYED NA NI DE'I PHYIR DE BRJOD PA'I BSTAN BCOS LA 'JUG PA DANG RJES SU MTHUN PA NYID DO ZHES ZER BA LTA BU'O, ,GZHAN NGAG DE YANG SKABS MA YIN PA RJOD PAR BYED PA YIN TE, BSTAN BCOS LA 'JUG PAR 'DOD PAS NI, DE LA GNAS PA'I DGOS PA BRJOD PAR BYA STE, GZHAN LA DGOS PA BSTAN PA NI GZHAN LA 'JUG PAR BYED PAR MI RIGS SO, ,BSTAN BCOS ZHES BYA BA YANG KHYAD PAR GYI DON STON PAR NUS PA'I TSIG LA BRJOD KYI BRJOD BYA TZAM LA MA YIN ZHING DON STON PA'I NUS PAS STONG PA'I TSIG LA YANG MA YIN NO, ,DES NA BRJOD PAR BYA BA LA BRTEN PA'I DGOS PA NI BRJOD PAR BYA BA MA YIN NO, ,SKYES BU'I DON 'GRUB PA THAMS CAD NI YANG DAG PA'I SHES PA SNGON DU 'GRO BA CAN ZHES BYA BA 'DIR NI, YANG DAG PA'I SHES PA BSTAN PA SNGON DU 'GRO BA CAN ZHES BRJOD PAR 'DOD PA YIN TE, DES NA DGOS PA'I DGOS PA BRJOD PAR BYA BA YIN NO ZHES ZER RO, ,DE NI MA 'BREL TE, CI LTAR BSTAN BCOS LA 'JUG PAR 'DOD PA LA BRJOD BYA'I DGOS PA STON PA RJES SU MTHUN PA MA YIN PA DE BZHIN DU DGOS PA'I DGOS PA BRJOD PA YANG NGO, ,BRJOD BYA TZAM BZHIN DU BSTAN BCOS KYI BSGRUB BYA DGOS PA TZAM YANG BSTAN BCOS MA YIN PA'I PHYIR TE, RGYU DANG 'BRAS BU DAG GCIG PAR 'GAL BA'I PHYIR RO, ,YANG GAL TE BSTAN BCOS DANG 'BREL PA'I PHYIR DGOS PA BSTAN BCOS SU BSNYAD PA DE'I TSE NA BRJOD BYA TZAM DE BZHIN DU BSNYAD PAR MTSUNGS SO, ,CI LTAR BSTAN BCOS DANG DGOS PA DAG GI RGYU DANG 'BRAS BU'I DNGOS PO NYID NYE BAR GDAGS PA'I RGYU MTSAN YIN PA DE BZHIN DU, BSTAN BCOS DANG BRJOD BYA NGAG GI BRJOD BYA DANG BRJOD BYED KYI DNGOS PO YANG NGO, ,CI STE NYE BAR GDAGS PAS DE DANG RJES SU MTHUN PA'I 'JUG PA MI 'GRUB KYI, DGOS PA'I DGOS PA DON DU GNYER BA'I BSTAN BCOS LA 'JUG PA NI DNGOS PO GNAS LUGS NYID KYIS 'GRUB STE, BRGYUD PAS DE DANG 'BREL PA'I PHYIR DANG PO'I SA BON BZHIN NO, ,BRJOD PAR BYA BA NI BSTAN BCOS DANG MA 'BREL PA'I PHYIR DANG, DE'I 'BRAS BU YANG DE DANG 'BREL BAR JI LTAR 'GRUB SNYAM NA, BDEN TE, 'ON KYANG

, ,DE'I BYA BA DON DU GNYER BA DE'I RGYU LA 'BAD PA DE BZHIN DU, DE GSAL BAR BYED PA'I SGRON MA LA YANG YIN NO, ,RGYU LAS YOD PAR 'GRUB PAR SHES PAR BYED PAS DON DU GNYER BA DAG YOD PAR BYED PA'I PHYIR, CI LTAR GSAL BYA'I DON BYA BA DON DU GNYER BA GSAL BYED LA 'JUG PA DE BZHIN DU, BRJOD BYA'I DON BYA BA DON DU GNYER BA YANG RJOD BYED LA 'JUG GO ,DE'I PHYIR DNGOS PO NI GNAS PA NYID KYIS RJOD BYED LA 'JUG PAR 'DOD PA LA, BRJOD BYA'I DON BYA BRJOD PA'I PHYIR MTSUNGS SO, ,DE LTAR GAL TE BSTAN BCOS LAS GZHAN PA TZAM GYI BRJOD BYA'I DON BYA BA BRJOD PA 'GOG NA; DE'I TSE BSTAN BCOS KYI BSGRUB BYA DGOS PA'I DON BYA BA BRJOD PA YANG 'GOG PAR THAL LO, ,CI STE GZHAN NYID YIN YANG KHYAD PAR YOD PAR BRJOD NA, BRJOD BYA LA YANG DE YOD PA NYID DO ZHES BSTAN ZIN TO, ,GZHAN YANG RAB TU BYED PA'I LUS NI GNYIS TE, SGRA DANG DON TO ZHES BYA BA DE GAL TE TSAD MA YIN NA DE'I TSE BRJOD BYA'I DGOS PA YANG BSTAN BCOS KYI DGOS PA NYID DU 'GYUR TE, DE'I YAN LAG YIN PA'I PHYIR RO, ,LAG PA'I 'BRAS BU NI LUS KYI 'BRAS BU MA YIN PA MA YIN NO, ,DE STE TSAD MA MA YIN NA, DE'I TSE BRJOD BYA TZAM NI BSTAN BCOS MA YIN NO ZHES BYA BA MA 'BREL TE, BRJOD BYA BSTAN BCOS NYID MA YIN NO ZHES BRJOD PAR BYA'O, ,DE TZAM BKAG NA NI JI LTAR MI DMIGS PA TZAM TSAD MA MA YIN NO ZHES BYA BA LTAR DE'I KHYAD PAR RAM, CI LTAR SA BON TZAM SKYED BYED MA YIN NO ZHES BYA BA LTAR RDZAS GZHAN DANG LHAN CIG PA 'DOD GRANG NA, GNYI GA LTAR YANG TSIG SNGA MA'I DON 'GOG PA MA YIN NO, ,'DIR BRJOD PAR BYA BA LA NI SPYI DANG KHYAD PAR SGO NAS LOG PAR RTOGS PA YANG MED DO, ,DES NA RDZAS GZHAN LA LTOS PA TZAM LUS PA'I PHYIR, GNYI GA BSTAN BCOS YIN PAR BRJOD PAR 'GYUR BAS CI LTAR DON BSTAN BCOS YIN PA BKAG ,DES NA DE BKAG NA BRJOD BYA BSTAN BCOS MA YIN NO ZHES BYA BA 'DI RIGS PA'I PHYIR RANG GI TSIG DANG 'GAL LO, ,TSIG LA NI KHO BO CAG MNGON PAR ZHEN PA MED DO, ,GAL TE BRJOD BYA BSTAN BCOS YIN PA 'GOG PAR 'DOD NA DE'I TSE SE'U BCU LA SOGS PA'I NGAG KYANG BSTAN BCOS SU THAL LO, ,CI STE 'DI LA KHYAD PAR CAN GYI DON STON PAR NUS PA'I TSIG BSTAN

BCOS SU BRJOD PAR BYA'O ZHES BSHAD ZIN TO ZHE NA, DE NI RIGS MOD KYI 'ON KYANG PHYOGS 'DI LA GSAL BYA'I DPYAD PA YANG 'JUG PAS SKABS 'GOG PAR BYED DO, ,GSAL BYA LA DGOS PA MED NA GSAL BYED TSOL BA 'BRAS BU MED PA'I PHYIR, BRJOD BYA'I DGOS PA BSTAN PA BZLOG TU MED DO, ,DE'I PHYIR SKYES BU'I DON BSGRUB PA YANG BRJOD PA'I DGOS PA YIN PA LA 'THAD PAR DKA' BA MED DO, ,'DI LTAR BSTAN BCOS LA 'JUG CING DE'I 'BRAS BU BSTAN PA YIN LA, GZHAN DU NI DGOS PA DPYAD PA'I PHYIR 'THAD DKA' BAR DOGS PA YIN NA, DE YANG BSHAD MA THAG PA'I TSUL GYIS SPANGS PA YIN NO,, DE'I PHYIR SLOB DPON CHOS MCHOG GIS BRJOD BYA'I DGOS PA BSTAN PA YIN NO ZHES BYA BA NI LEGS PAR BRJOD PA YIN NO, ,'ON KYANG DE'I YANG BSTAN BCOS KYI LUS NYID KYIS ZHES BYA BA SKYON CHAGS PA YIN TE, CI SKAD DU RAB TU BYED PA'I LUS NI GNYIS TE, SGRA DANG DON TO ZHES BYA BA LTA BU'O, ,CI LTA BAR RANG RANG GI BSTAN BCOS KYI BRJOD BYA YIN YANG, NGAG GI RANG BZHIN LAS GZHAN LA NI BSTAN BCOS KYI THA SNYAD MI DMIGS SO, ,BRJOD BYA 'BA' ZHIG BSTAN BCOS MA YIN PA NYID DO ZHE NA, 'O NA NI PHAN TSUN 'BREL PAR DKA' BA'I PHYIR, NAM YANG BSTAN BCOS KYI THA SNYAD MED PAR 'GYUR RO, ,MNGON PAR BRJOD PA'I GNAS SKABS NA 'DRE'O ZHE NA, YOD MOD KYI DE'I RANG BZHIN GYI NI SKYES BU'I DON SGRUB BYED MA YIN PA'I PHYIR CI LTAR BRJOD BYA'I DGOS PA BSTAN TE, PHYI ROL BRJOD BYA MA YIN PA'I PHYIR RO, ,SNANG BA DANG BRTAG PAR BYA BA DAG GCIG TU ZHEN PA'I PHYIR RO ZHE NA, DNGOS PO'I TSOGS DE NYID LA YANG BSTAN BCOS THA SNYAD DU THAL LO, ,BRJOD BYA 'BA' ZHIG BSTAN BCOS MA YIN NO ZHES KYANG BRJOD PAR MI BYA'O, ,'DRES PA DANG SO SO BA DAG THA DAD PAR ZHEN NA YANG BRJOD PAR BYA BA DON MED DO, ,KHYAD PAR CAN GYI DON STON PAR DUS PA'I TSIG BSTAN BCOS YIN NO ZHES SLOB DPON KA MA LA SH'I LAS RIGS PAR BRJOD DO, ,GANG YANG LE'U DANG PO'I BSHAD PA DE SKAD DU SMRA BA'I RIG BYED DE BSTAN BCOS KYI LUS THAMS CAD LA TSAD MA DANG 'GAL BA MA BSAL BAR ZHES BYA BA DER NI, NGAG GI DUM BU NYID LUS KYI SGRAS BRJOD PA YIN LA, TSAD MA DANG 'GAL BA NYID NI BRJOD BYA'I SGO NAS BSNYAD PA NYID DE DPER NA TSIG BDEN PA'AM,

, ,MI BDEN PA ZHES BYA BA'AM, TSAD MA LUNG ZHES BYA BA LTA BU'O, ,DE LTAR YIN DANG BRJOD BYA NI BSTAN BCOS MA YIN NO, ,DE LTA NA YANG DAG DANG PO BRJOD BYA'I DGOS PA BRJOD PAR BYA'O ZHES KYANG GZHUNG BTZUGS PA YIN NA, DE'I TSE YANG NGES PA NI MA YIN NO, ,'DI LTAR GAL TE DGOS PA MED PA'I BRJOD BYA RJES SU BSGRUB BYAM YIN PA DE LTA NA YANG GDON MI ZA BAR BRJOD PAR NGES PA MA YIN NO, ,BSTAN BCOS KYI BRJOD BYA NI SNA TSOGS SO, ,RAB TU GRAGS PA'I DON NI, DPAG BSAM GYI SHING GI LAM STON PA LTA BU'O, ,SHUGS KYIS 'PHANGS PA'I DON NI SMAN PA'I NYE BAR BSTAN PA LTA BU'O, ,DPAG PAR BYA BA'I DON NI TSAD MA STON PA BZHIN NO, ,THAMS CAD DU MA GRAGS PA'I DON NI, MCHOD SBYIN LA SOGS PA'I BSTOD PA BZHIN NO, ,MCHOD SBYIN LA SOGS PA'I LAS KYIS NI DGOS PA 'GA' ZHIG SPYIR YANG RTOGS PA'AM, LUNG MA GTOGS PAR TSAD MA GZHAN GYIS DPAG PAR NUS PA NI MA YIN TE, DES NA 'DRA BA'I 'BRAS BU BRJOD PAR NGES PA YIN NO, ,DPAG PAR BYA BA'I DON LA NI 'DOD PA SPYOD DE, GZHAN GYI NGAL BA MI BZOD PA SKYES BU'I DON MCHOG LA BRTZON PA DAG BSTAN BCOS LA GUS PA KHYAD PAR CAN SEMS PA'I PHYIR DANG, LOG PAR RTOGS PA MANG BAS BRJOD PA YANG SRID PA'I PHYIR RO, ,GZHAN DU NA BRJOD PA'I SKABS CI YOD DE, RTOGS ZIN PA STON PA LA DGOS PA MED PA'I PHYIR RO, ,DE'I TSE NI BRJOD BYA TZAM THOS PA DGOS PA YOD PA'AM MED PA'AM 'DOD PA'AM MI 'DOD PA NGES PAS 'JUG PA'AM LDOG PA YIN NO, ,DE'I TSE NA BRJOD BYA'I CHA'I DGOS PAR NGES PA MED LA, GANG GIS DE BRJOD PAR NGES PAR SRID PA BRJOD BYA'I DGOS PA'I DBANG DU BYAS NAS DON DU GNYER BA 'JUG PA YANG MA YIN NO, ,'ON KYANG DGOS PA DGOS PA'I CHED KYANG SRID DE, DPER NA SKAD CIG MA NYID LA SOGS PA'I DE KHO NA STON PA'I BSTAN BCOS LA 'JUG PA BZHIN NO, ,SKAD CIG MA NYID LA NI BYA BA 'GA' ZHIG SRID PA MA YIN LA, DE'I TSE CHOS DANG LDAN PA DAG GI DON BYA BA'I CHED DU BYAS NAS 'JUG PA YANG MED DO, ,DE LTA NYID YIN NA NI SPYAD PA MI MKHO BA'I PHYIR TE, PHUNG PO GZHAN MED PA'I PHYIR SNGON PO NYID LA SOGS PA BZHIN NO, ,GAL TE 'GA' ZHIG

SKAD CIG MA MA YIN PAR 'GYUR NA NI DE YONGS SU SPANGS NAS SKAD CIG MA'I DON BYED PA DON DU GNYER BAR, SKAD CIG MA DE NYID LA 'JUG PA'I RGYU MTSAN DU GYUR PA SKAD CIG MA NYID KYI RANG BZHIN DU NGES PAR RTOG PA 'BRAS BU DANG BCAS PAR 'GYUR TE, DPER NA SNGON PO NYID DU RTOG PA BZHIN NO, ,DE LTA NI MA YIN TE, SKAD CIG MA MA YIN PA THAMS CAD DU BSAL BA'I PHYIR RO, ,DES NA THAMS CAD DU 'JUG TU GNANG NA SKAD CIG NYID BRTAG PA LA NYE BAR MKHO BA CI YOD, DES NA SKAD CIG MA'I YANG DON BYA BA'I DBANG DU BYAS NAS SKAD CIG MA'I SPYAD PA LA 'JUG PA MA YIN GYI, 'ON KYANG SPYOD PA'I DGOS PA LA LTOS NAS SO, ,'DI LTAR SKAD CIG MA NYID LA SOGS PA'I NGES PAS BSGOMS PA'I SGO NAS DE MNGON DU BYED PA'I GNAS SKABS KYI RANG BZHIN, 'KHOR BA'I SDUG BSNGAL DANG 'BRAL BA'I 'BRAS BU THOB PAR BYED DO, ,'O NA, DON BYED NUS PA MA YIN LA, ,DE 'DOD BRTAGS PAS CI ZHIG BYA, ,ZHES BYA BA LA SOGS PA YIN PA DE CI LTAR DRANG ZHE NA, BDEN TE SNANG BZHIN PA'I CHOS CAN GYI RANG BZHIN BRTAGS PA'I DBANG DU BYAS NAS DE BRJOD DE, SGRA'I DON BZHIN NO, ,CHOS CAN YOD PA NYID KYI CHOS KYI RANG BZHIN 'DOD PA NI MA YIN NO, ,CI'I PHYIR BRJOD PAR BYA DGOS PA YANG BSTAN PAR NGES PA MED DO, ,GNYI GA'I YANG MA YIN TE GNYI GA'I BRJOD BYA NI GNYIS PO YIN LA, DE GNYIS BSAL NA GZHAN CI ZHIG LUS, 'DRES PA'I GNAS SKABS KYANG BSAL ZIN TO, ,GANG ZHIG BRJOD PAR 'GYUR BA DE LA NI DGOS PA YANG CUNG ZAD KYANG MED DO, ,DES NI SKYES BU 'JUG PA YANG MA YIN NO, ,THAMS CAD DU BRJOD PAR BYA BA NYID NI BSTAN BCOS NYAN PA'I SNGON ROL DU SHES PA MA YIN TE, DES NA DE NYID BRJOD PAR NGES SO, ,GAL TE MA SHES PA TZAM GYIS NI BRJOD PA MA YIN GYI, 'ON KYANG 'JUG PA LA MKHO BA'I PHYIR RO, ,'JUG PA BSGRUB PA NI DON DU GNYER BA NYID KYIS YIN NA, BRJOD BYA NI 'GA' YANG DON DU GNYER BA MA YIN GYI; 'ON KYANG BRJOD BYA'AM RJOD BYED KYI DGOS PA YIN NO, ,DES NA MA SHES PA'I BRJOD BYA BSTAN PAS CI ZHIG BYA ZHE NA, DE NI MI RIGS TE, DGOS PA BRJOD BYA MA YIN PAS NA DGOS PA GNYIS KYI RTOGS PA NANG DU 'DUS PA CAN GYI BRJOD PAR BYA BA BRJOD PAR BYAS PA NI 'JUG PAR BYED PA YIN PA'I PHYIR,

, ,'JUG PA LA MKHO BA MED PA NYID 'DIR MA GRUB PO, ,GANG DU BRJOD BYA DE'I DGOS PA BRJOD PA DER YANG, DGOS PA TZAM GYIS NI 'JUG PA MA YIN TE, RIMS NAD SEL BA'I MTHA' YAS KYI RIN PO CHE STON PA LA YANG THAL BA'I PHYIR RO, ,DES NA DGOS PA YANG THABS KYI KHYAD PAR RTOGS PA DANG LHAN CIG PA 'JUG PA'I RGYU MTSAN YIN PAS NA DES NA BRJOD PAR BYA BA DANG RJOD PAR BYED PA'I DGOS PA GNYI GA LA LHUR BYA BA YIN NO, ,RJOD PA NYID GCIG LA NGES KYI LHUR BYA BA NI SHUGS BZHIN DU DU MA LA MI 'GAL LO, ,LHUR BYA BA NI DGOS PA BRJOD PAR 'DOD DO, ,DGOS BA BRJOD PA'I SHUGS KYIS DE'I BRJOD BYA 'PHANGS SO ZHES KYANG RTOGS PAR MI BYA STE, SKYES BU DON 'GRUB PA'I RGYUR 'DIR BSTAN TO ZHES SPYIR BRJOD PAS KYANG RTOGS PA'I PHYIR RO, ,DE LTAR BSGRUB PAR MI NUS PA'I DGOS PA LDOG PA YANG MA YIN NO, ,DE'I PHYIR BRJOD BYA DANG RJOD BYED DAG GI DGOS PA GNYIS RTOGS PA'I PHYIR 'JUG PA LA MKHO BAS LHUR BYA BA MTSUNGS SO, ,DES NA BRJOD BYA 'BA' ZHIG NYID BRJOD PAR BYA'I DE'I TSE DGOS PA YANG MA YIN NO, ,DES NA BRJOD BYA BSTAN PAR BRJOD BYA CI ZHIG YIN ZHES MI RTOGS PA'AM, YANG NA BRJOD BYA MA BRJOD NA TSIGS SU BCAD PA'I TSOGS LA SOGS PA BZHIN DU, DON GZHAN DANG GZHAN BRJOD PA'I DAG GI CHA'O ZHES THE TSOM 'DIR 'GYUR LA, DE LTA NA YANG MI 'JUG GO, ,SHES PAR 'DOD PAS 'GYUR RO ZHE NA, THAMS CAD DU MTSUNGS PAR THAL BA NA LDOG PA NYID STON PAR BYED DO, ,DON DU GNYER BA 'BA' ZHIG GI SHES PAR 'DOD PA TZAM GYIS NI THAMS CAD DU 'JUG PAR MI NUS TE, SMAN LA NAD PAS BZHIN NO, ,BRJOD NA NI BSTAN BCOS DANG BRJOD BYA DAG GI KHONGS SU GTOGS PA'I THE TSOM 'JUG BYED YIN PA'I PHYIR, DAG DANG PO NI 'JUG PA'I YAN LAG GI RJOD PAR BYED DO ZHES BYA BAR GNAS SO, ,GAL TE DE LTA NA YANG BAR DU BSTAN PA'I PHYIR 'DI CI LTAR NGAG DANG PO YIN ZHE NA, 'DI LA KHA CIG NA RE SPYI'I MTSAN NYID MED PAR NI, RIG BYED LA SOGS PA TSAD MA MA YIN PA LAS MTSAN NYID MI RTOGS PA'I PHYIR SPYI'I MTSAN NYID BRJOD PA'I PHYIR LE'U DANG PO'O,, ,,DE NAS RANG GI DON 'PHEL BA'I RTZA BAR GYUR PAS MNGON SUM

GYI LE'U'O, ,RANG DON GYI RJES SU DPAG PA NI MNGON SUM LA RAG LAS PA'I TSAD MA YIN PAS MNGON SUM GYI 'OG TU'O, ,DE'I DE MA THAG TU NI GZHAN DON GYI RJES SU DPAG PA'O, ,DE'I PHYIR GO RIMS 'DI LA RTZOD PA 'JUG PA GA LA YOD ZER RO, ,DE'I RJES SU RJOD PAR BYED PA GZHAN DAG KYANG YOD PA NI LHA DBANG BLO LA SOGS PA NI LE'U'I GO RIMS LA 'KHRUL PA YIN TE, SLOB DPON GYI RJES SU DPAG PA DANG POR BSHAD PA NI DKA' BA'I PHYIR RO ZHES SKONG BAR BYED DO, ,DE LA 'DIR RIGS PA YAL BAR DOR BAR MI NUS PAS CUNG ZHIG BRJOD DO, ,GAL TE TSUL 'DIS 'DI 'DRA BA'I GO RIMS RIGS SO ZHES BRJOD PAS GANG GI TSE RANG GI SPOBS PA TZAM GSAL BAR BYED PA DE'I TSE SLOB DPON GYI BSHAD PAR RTZOM PAS SLOB DPON GYI GO RIMS BSAL NAS RANG GIS BRTAGS PA'I YON TAN BRJOD PAS SLOB DPON GYI LE'U'I GO RIMS MI LEGS PAR BSTAN PAS CI ZHIG THOB, SLOB DPON GYI GO RIMS KYANG CI ZHIG THOB, DE NYID YIN NO ZHE NA, 'DI NI LAG PAS 'OD ZER GYI PHRENG BA CAN GYI DKYIL 'KHOR 'GEGS PAR BZOD PA DANG MTSUNGS TE, RTZA BA'I PO TI KUN DU SPYOD PA THAMS CAD KYIS 'DOD PA DE'I GO RIMS TSIG TZAM GYIS DGAG PAR MI NUS PA'I PHYIR RO, ,DE TSAD MAR MI BYED NA MTSAN NYID LA SOGS PA LA YANG SLOB DPON GYI YIN PAR YID CHES PA MED PAR THAL LO, ,PO TIR KUN DU SPYAD PA NI, SLOB DPON LHA DBANG BLO LAS BYUNG BA YIN NO ZHE NA, 'DI LA TSAD MA SLU BA MED PA CAN GYI SHES PA ZHES BYA BA LA SOGS PA LA YANG YID CHES PA CI ZHIG YOD CES BSHAD ZIN TO RIGS PA NYID YID CHES PA'I RGYU YIN NO ZHEN; GO RIMS DE MI RIGS PA NYID YIN PA NI BLA'O, ,SLOB DPON GYIS MA YIN PA NI MA YIN TE, SKYES BU TSAD MA ZHES BYA BA'I SGRUB PAR BYED PA NI SLOB DPON GYI BZHED PA YANG MA YIN NO, ,RIG PA NYID LA YANG SLOB DPON GYIS YIN PA NYID BKAG PA CI YOD DE BDAG NYID MA RTOGS PA CI STE MI BRJOD, GANG GIS RNAM PA GZHAN DU BRIS NAS BRI BA'I NGAL BA LA BRTEN PA LHA DBANG BLO YANG DE'I GO RIMS BSHAD PA LA NUS PA NYAMS PA CI ZHIG YOD, DE LTA BU'I 'BRAS BU YANG CI ZHIG YIN, 'KHRUL PA'I PHYIR RO ZHE NA, PO TING DE LTAR MTHONG BA LA YANG 'KHRUL PA CI 'DRA BA ZHIG YIN, DANG PO RJES SU DPAG PA

, ,BSHAD PA NI 'KHRUL PA'I RGYU MTSAN YIN NO ZHE NA, DE NI MI RIGS TE, PO TIR GZHAN DU BSHAD PA MTHONG YANG BSHAD PA'I GO RIMS GZHAN GYIS GZHUNG LAS YANG GI RIMS THA DAD PAR NGES PA NI, GANG DU YANG MED DE, GA PA RNAMS SU YANG LAN STONG DU DE LTAR THAL BA'I PHYIR RO, , BYIS PA LA YANG BHU'I RKANG PA DANG PO THOS PA NA, DE NYID RKANG PA DANG PO YIN PAR NGES PAR MI 'DZIN TE, BSTAN PA CES 'CHAD PA LAS BRTZON PA RJES SU DPAG PA DANG PO MA NGES KYI, GZHAN NI MA YIN NO ZHES BYA BAR GRUB PO, ,GZHAN YANG GANG DU GNYI GA BRJOD PA NGES PA DER GTZO BO YANG YAN LAG GI DNGOS PO CI LTA BA DE LTAR BZHAG RAG STE, 'DI LA ZHEN PAS CI BYA, DGOS PA MA BRJOD PAR NI BRJOD BYA NYID GTZO BO YIN NO ZHES BYA BA NI 'DI LA BSAM MI DGOS SO, ,DGOS PA MA BRJOD PA YANG RNAM PA GNYIS TE, GRAGS PA DANG SHUGS KYIS 'PHANGS PA'O, ,DE GNYI GA YANG 'DIR DGOD PAR 'GYUR RO; ;BSTAN BCOS DANG NGAG DANG PO DON GCIG NA, GNYIS DON MED DO ZHES BYA BA YANG MA 'BREL PA NYID DO, ,NGAG DANG POS NI RIGS GZHAN TZAM LAS RNAM PAR CHAD PA STON LA BSTAN BCOS KYIS NI DE'I RIGS CAN NYID SGRO 'DOGS THAMS CAD RNAM PAR CHAD PAR STON PA'I PHYIR GTAM SGROGS PA TZAM NGAG DANG PO DES BSTAN BCOS DE'I DON RTOGS PA MA YIN NO, ,BSTAN BCOS KYIS NI DAG DE'I 'GYUR TE, 'ON KYANG BSTAN BCOS GOMS PA LAS SO, ,DE LA NI 'JUG PA LA MKHO BA'I PHYIR NGAG DANG POR MI 'GYUR RO, ,GANG LAS NGAG DANG PO 'JUG PA LA NYE BAR MKHO BA 'DI 'DIR BRJOD BYA YIN NO ZHES BYA BA 'DI LA TSAD MA CI YOD DE, NGAG NI PHYI ROL GYI DON DANG 'BREL PA MED PA'I PHYIR RO, ,NGES PA MED PAR 'JUG NA NI DANG PO YANG THAL BA'I PHYIR, DAG DANG POS CI ZHIG BYA ZHE NA, 'DI LA KHA CIG NA RE, NGAG DANG PO NI 'JUG PA'I DON DU MA YIN GYI, 'ON KYANG GANG ZHIG BRJOD PAR BYA BAS STONG PA DE NI BRTZAM PAR BYA BA MA YIN NO ZHES KHYAB PAR BYED PA MI DMIGS PAS PHYIR 'JIL BAR BYED PA LA, MA GRUB PA BRJOD PA'I DON DU YIN LA, BSTAN BCOS KYANG DE GZHUNG GZUGS PA'I DON DU'O ZHES ZER RO, ,GZHAN DAG NI MA GRUB PA'I BRJOD PA'I SGO NYID NAS 'JUG PA'I DON DU'O ZHES KHA SKONG

BAR BYED DO, ,DE GNYI GA YANG CHOS MCHOG GI 'DOD PA'I RJES SU 'BRANGS NAS BSAL ZIN PA'I PHYIR RGYA MI BSKYED DO, ,GANG YANG DZA YAN tA NA RE, 'DI NI 'CHAD PAR 'GYUR BA'I BSTAN BCOS MTHA' DAG GI DON DAM 'CHA' BA YIN LA, DE YANG GZHAN DON GYI RJES DPAG YIN PA'I PHYIR, SGRA MI RTAG STE ZHES BYA BA LA SOGS PA GZHAN DU CHAD MA YIN NO, ,DAM BCA' BA YANG RJES SU DPAG PA'I YUL NYE BAR STON PA'I PHYIR, RJES SU DPAG PA NYID DO, ,'O NA CI LTAR BKAG CAN, KHYAB PA BRJOD PA CAN GYI GTAN TSIGS LA MI MKHO BA'I PHYIR RO ZHES ZER RO, ,'DI NI RIGS PA DANG SLOB DPON GYI BZHED PA LAS PHYI ROL DU GYUR PA'I PHYIR YAL BAR DOR RO, ,DE'I PHYIR DAM BCA' BA'I DON THOS PA'I RTOG LDAN NI, SKYES BU RNAMS KYI BSAM PA SNA TSOGS PA NYID KYIS NGES PAR MI 'THAD PA'I PHYIR, DNGOS PO DANG DNGOS PO MED PA MA NGES PA'I RANG BZHIN DU GSAL YANG BSTAN BCOS BYED PA GZHAN LA MI SLU BA MTHONG BA'I PHYIR, DNGOS PO DMIGS PA'I SGO NAS DNGOS PO MED PA'I CHA GSAL BA'I THE CHOM SKYE'O, ,SHIN TU LKOG TU GYUR PA'I DON LA NI, RTEN GZHAN MED PAS, DE TZAM GYI DON DU GNYER BA NYID KYIS 'JUG GO ,GCIG NYID LA SNGAR MI SLU BA MTHONG BA'I TSIG GZHAN LA YOD PA NI MI RIGS SO ZHE NA, DE NYID DAM DE'I RIGS CAN GYI GZHUNG BYED PA GZHAN LA MI SLU BA YOD KYANG RUNG STE, JI SRID DU SLU BA MA MTHONG BAR NI KHYAD PAR 'GAL BA YANG MED DO, ,SLU NA NI GNYI GA LA YANG YID BRTAN DU MED DO, ,DE'I PHYIR BRJOD NA DON LA THE TSOM DU 'GYUR BAR RIGS TE, DON LA THE TSOM ZA BA DES 'JUG GO ,BRJOD BYA MA BRJOD NA NI CHA GNYIS KA LA MTSUNGS PA'I THE TSOM GZHAN DANG THUN MONG BA NI, YAL BAR DOR BA'I 'BRAS BU CAN NYID DU 'GYUR GYI 'JUG PA'I YAN LAG NI MA YIN NO, ,YANG GANG GI TSE BRJOD PAR BYA BA 'DI 'AM, GZHAN NAM YANG NA BRJOD BA 'GA' YANG MED DO ZHES THE TZOM ZA BA DE'I TSE YANG 'JUG PAR GA LA 'GYUR ZHES YANG BRJOD BYA'I KHYAD PAR TSOL BA'I RTOGS PA PO LA BRJOD ZIN TE, 'GA' ZHIG NI DE'I TSE NYID 'GA' ZHIG LAS THOS NAS DON DU GNYER BAR 'GYUR RO, ,RNAM PA DE LTA BU MA THOS PA NI 'DI LA YIN BZHIN DU DANG POR 'CHAD PAR RTZOM PA NI DAD PA'I

, ,YUL YANG MA YIN NO, ,DKA' BA'I PHYIR RO ZHE NA, DE LTA NA MA YIN TE, BSTAN BCOS DAG TU DKA' BA'I CHA DAG DBUS DANG MTHAR MTHONG YANG DANG PO DANG POR 'CHAD PA LA BRTAN PA NI MA YIN NA, 'CHAD NA YANG GO RIMS 'KHRUL PA MI SRID DO, ,MNGON SUM GYI LE'U LAS RJES SU DPAG PAR DKA' BA YANG MA MTHONG NGO, ,GZHAN YANG RJES SU DPAG PA RTZOM PA LA NGAG DANG PO GANG YIN PA DE GAL TE RJES SU DPAG PA STON PA'I GZHUNG LA 'JUG PA TZAM SGRUB PAR BYED PA YIN NA, DE'I TSE 'DIS CI ZHIG BYA STE, TSAD MA'I MTSAN NYID 'CHAD PAR LHUR BYED PA'I PHYIR MNGON SUM BZHIN DU KHYAD PAR GYI MTSAN NYID KYI SKABS SU GYUR PA NA, RNAM NGES BZHIN DU RJES SU DPAG PA STON PA LA YANG 'JUG PA GRUB PA'I PHYIR RO, ,'DIR MNGON SUM LA LOGS SU 'BRAS BU STON PAR BZHED PA NI MED LA, RNAM NGES SU NI RANG DON RJES SU DPAG PA LA YANG MED DE, TSAD MA STON PA DON DU GNYER BA NYID KYIS 'JUG PA 'GRUB PA'I PHYIR RO, ,DE'I PHYIR GO RIMS SPANGS NAS CI'I PHYIR RJES SU DPAG PA DANG POR BSTAN TE, DE'I PHYIR NGAG DANG PO'I CHED DU BYA BA NI DANG PO LA 'JUG PA YIN NO, ,GAL TE YANG GNAS GSUM PA NA GNAS PA'I RJES SU DPAG PA DANG PO 'CHAD PA LHUR BYED PA DE'I TSE, CI'I PHYIR RJES SU DPAG PA DANG POR 'CHAD CES DOGS PA LA, DON DANG DON MA YIN PA RNAM PAR 'BYED PA NI RJES SU DPAG PA LA BRTEN PA'I PHYIR, DE BSHAD PAR BYA'I ZHES DE LTAR BRJOD PAR RIGS KYI DE RNAM PAR GZHAG PA'I PHYIR BSHAD PA ZHES BYA BAR NI MA YIN TE, 'DI NI MDO BYED PAS RJES SU DPAG PA DANG POR CI STE BRJOD CES DOGS PA NA 'JUG PAR BYED PA'I DANG POR STON PAR BYED KYI, BSHAD PA TZAM GYIS NI MA YIN NO, ,DE NI BYED PA LA LTOS PA NYID KYI DANG PO YIN PA'I PHYIR, MANG DU SMRAS PAS CHOG GO, ,DE'I PHYIR SLOB DPON LHA DBANG BLO 'KHRUL PA MA YIN NO, ,DZA Y'ANTA DANG NGES YONGS SU ZIN PA'I BSHAD PA BYED PA DAG LA DGOS PA YANG MED DE, DES NA SLOB DPON GYI YIN PA MCHOG GO, ,GZHAN YANG TSAD MA GRUB PA NYID DANG PO YIN NA, RTOG PA'I DRA BA RNAM BSAL ZHING, ,ZHES BYA BA LA SOGS PA'I TSIGS SU BCAD PA GNYIS 'DI

NYID KYI DANG POR BYA BAR 'GYUR GYI, RJES SU DPAG PA'I DANG POR NI MA YIN NO, ,RANG GI DON GYI RJES DPAG GI DANG POR BSHAD KYANG TSIGS SU BCAD PA GNYIS PO 'DI NI TSAD MA GRUB PA'I LE'U DANG POR BLTA BAR BYA'O ZHE NA, DER LTOS MOD, SLOB DPON GYIS NI DE NYID DU MA MDZAD DO ZHES BYA BA RANG GI TSIG NYID KYIS YONGS SU RDZOGS PAR 'GYUR RO, ,CI'I PHYIR NA YUL 'DI LA SLOB DPON NI MI MKHAS KYI, 'ON KYANG BDAG CAG MKHAS PA YIN NO ZHES BYA BAR 'GYUR BA'I PHYIR MA SPANGS SO, ,DES NA GAL TE BSHAD PA LA SNYAD BTAGS NAS SHES RAB 'BYUNG GNAS SBAS PAS SLOB DPON GYI SKYON NYID BRJOD PAR 'DOD PA DE'I TSE 'DI RIGS NA, DE'I TSE YANG DE LTAR DON 'GRIBS PAR DKA'O, ,GAL TE TSAD MA YANG DAG CES BYA BA LA SOGS PA RNAM 'GREL MDZAD PA'I THUGS LA GNAS PA 'DIS, NGAG TU BRJOD PAR BYA'O ZHES BYA BA 'DI LA RTZOD PA MED PA DE'I TSE, RTOG PA'I DRA BA RNAM BSAL ZHING, ,ZHES BYA BA LA SOGS PAS 'BRAS BU'I GNAS SKABS GNYIS KYIS BCOM LDAN 'DAS LA PHYAG 'TSAL NAS YANG RGYU DANG 'BRAS BU'I GNAS SKABS BZHIS PHYAG 'TSAL TE, TSAD MA GRUB PA TSUL BZHIN BSHAD PAR BYA ZHES BRJOD PA NI MI 'GRIGS PA NI DO, YANG GANG GI TSE TSAD MA YANG DAG CES BYA BA LA SOGS PA NI RNAM BSHAD BYED PA NYID KYIS YIN ZHING, DE LTA BUR GYUR PA'I BCOM LDAN 'DAS LA PHYAG 'TSAL NAS, RNAM 'GREL MDZAD PAS TSAD MA GRUB PA BSHAD PAR BYA'O ZHES KHONG NAS PHYUNG NAS DON RJOD PAR BYED PA DE'I TSE YANG, GAL TE RTOG PA'I DRA BA RNAM BSAL ZHING, ,ZHES BYA BA'I DON NYID TSAD MA YANG DAG CES BYA BA LA SOGS PA 'DIS BSTAN PAR GYUR NA, BRJOD PA MDZES PA ZHIG NI DE LTA YANG MA YIN TE, RTOG PA'I DRA BA RNAM BSAL ZHING, ,ZHES BYA BA LA SOGS PA 'DIS NI 'BRAS BU TZAM ZHIG BRJOD PA'I PHYIR RO, ,GZHAN YANG DE LTA NA DE GNYIS KYANG 'CHAD PAR 'GYUR RO, ,DES NA TSIGS BCAD 'DI GNYIS NI RNAM BSHAD BYED PAS BRTZAMS PA YIN NO, ,DES NA GAL TE LE'U 'DI GSUM PA NYID YIN ZHING BKOL BA'I MDO BZHIN DU DANG POR BSHAD PA 'BA' ZHIG TU ZAD NA, DE'I TSE THAMS CAD 'CHAD PAR RTZOM PA DANG RJES

, ,SU MTHUN PA'I TSIGS SU BCAD PA GNYIS PO'I DON GNAS MA YIN PAR LTUNG BAR 'GYUR RO, ,CI STE 'DI THAMS CAD RTZOM PA NYID YIN NA, ,DE'I TSE DON GANG 'DOD PAS RIM PA LAS RGAL NAS DANG PO 'CHAD PA DES DANG PO NYID NAS CI'I PHYIR MI BYED CES BYA BA BZLOG PAR DKA'O, ,GAL TE BYED PA'I RIM PA NI DE 'DRA BA NYID DU RIGS SO ZHE NA, BSHAD PA'I RIM PA YANG DE LTA BU NYID YIN PAS NA MTSUNGS SO, ,DE LA RNYED PA'I KHYAD PAR 'DOD PAR BSHAD PA'I GO RIMS LAS 'DA' BAR NUS LA, BYED PA'I GO RIMS LAS NI MA YIN ZHES BYA BA LA MNA' CHU BTUNG BA TSAD MAR BYA'O, ,GAL TE DE LTA NA YANG BSHAD PA'I TSIGS SU BCAD PA GNYIS RTZA BA'I LA SNANG BA CI LTAR RTZA BA'I YIN NO ZHE NA, LE'U DANG POR PHYAG BYAS NA YANG GNYIS PAR YANG BYED PA ZHES BYA BA 'DI CI 'DRA BA ZHIG YIN ZHE NA NYES PA 'DI NI MED DE SKABS KYI BRJOD BYA TSAD MA LA YANG GUS PA BSKYED PA'I RANG BZHIN THUGS LA GNAS PA'I TSIGS SU BCAD PA NI DE RJOD PAR BYED PA'I BSTAN BCOS LA 'JUG PA 'PHEN PAR BYED PA YIN LA DES 'PHANGS PA'I BSTAN BCOS KYI CHA SHAS RJES SU DPAG PA DANG PO BRJOD PAR BYA BA LA RTZOM PAR 'GYUR BA YANG, RANG DANG GZHAN DAG GEGS MED PAR 'GRUB PAR BYA BA'I PHYIR, BCOM LDAN 'DAS LA MCHOD PAR BRJOD PA LA LTOS PA NYID DE DES STONG PA'I PHYIR RO, ,GO RIMS GZHAN LA NI TSAD MA YANG DAG CES BYA BA LA SOGS PA'I RTZOM PA 'DI NYID KYIS MGON DANG BCAS PA'I PHYIR STONG PA NYID DU MA GRUB PO, ,YANG NA TSIGS SU BCAD PA BSHAD PA NYID KYI YIN YANG 'GA' ZHIG TU RTZA BAR YANG BRIS PA NI, RTZOM PA MED PA'I PHYIR DANG, BYED PA PO GCIG PA'I PHYIR RNAM PA 'GA' ZHIG LTAR LTOS PAR GYUR PA DE BZHIN DU DAR BA YIN NO, ,DE NYID KYI PHYIR DE DAG MA BSHAD PAS RIM PA GZHAN BZHIN DU 'THAD PAR DKA' BA'I SKYON MED DO, ,DE'I PHYIR GO RIMS GZHAN 'KHRUL PA YIN NO ZHES SNGA MA RNAMS ZER BA NA BDAG NYID 'KHRUL PA SHIN TU BSTAN PA NYID DU STON PAR BYED PA YIN NO, ,YANG GAL TE BRJOD BYA LA SOGS PA ZAB MO LA DE DAG GI 'KHRUL PA SHIN TU CHEN PO DMIGS PA DE LTAR NA YANG, DE TZAM GYIS

YI GE TZAM LA BYANG BA'I SPYOD YUL LA DOGS PAR BYA BA MA NI MA YIN NO, ,GAL TE DE LTA NA YANG BRJOD BYA LA 'KHRUL PA NYID SLOB DPON LHA DBANG BLO DNGOS SU NYAN PA LA JI LTAR 'GYUR TE, 'DIS 'DI BSHAD DO ZHES 'DZIN PA'I NUS PA NI BYIS PA LA YANG MI NYAMS PA'I PHYIR RO, ,DES NA 'DIS PHYOGS KYI GLANG PO 'CHAD PAR BYED DO ZHES CI LTAR BRJOD, DE BAS NA JI LTAR SHIN TU RAGS PA 'DI LA 'KHRUL PA DE BZHIN DU, LE'U'I GO RIMS LA YANG CI LTAR MI 'GYUR ZHE NA, DE NI MI GTZANG BAS MI GTZANG BA 'KHRU BAR BYED PA YIN TE, DNGOS SU NYAN PA MKHAS PA'I MING CAN LA, 'DI 'DIS 'CHAD PAR BYED DO ZHES BYA BA'I NGES PA YANG RNYED PAR DKA' BA MA YIN NO, ,GANG LAS DPER 'GYUR, ,GAL TE YANG STOBS DANG LDAN PA'I SLOB DPON SHES RAB 'BYUNG GNAS SBAS PA 'DI LTAR 'DI GSUNG RAB KYI RNAM 'GREL YIN NO ZHES BRJOD PAR MI SRID PA DE BZHIN DU, GO RIMS KYI LOG PAR RTOGS PAS 'DI LA YANG NGO ZHES 'DOD NA DE'I TSE DPE NYAMS PA CI YANG MED DO, ,DER KHYOD KYI BSHAD PA 'CHAD PA NUS PA NI SHIN TU MTHAR PHYIN PA YIN NO, ,'DIR DON DAM PA GANG ZHIG YIN, DE TZAM DU SHIN TU RAGS PA'I DON PHYOGS KYI GLANG PO 'DIS BSHAD DO ZHES BYA BA DE LTA BU'I RANG BZHIN LA, LHA DBANG BLO DNGOS SU NYAN PA TSAD MA MA YIN NO ZHES BRJOD PA'AM, TSAD MAR BYED NA YANG BSHAD PA'I BYED PA'I GRAGS PA MA YIN PA BSAL PAR MI NUS SO ZHE NA, 'DIR KHA CIG SMRAS PA NI DE'I LUGS NI GSAL BYA ZHES BYA BA GZHAN DU YANG DRANG BAR NUS PA'I PHYIR RGYAN GYI GSUNG RAB KYI RNAM 'GREL DU DAM BCA' BA NI RANG NYID MKHAS PAR GSAL 'DEBS PA TZAM DU ZAD KYI, PHYOGS KYI GLANG PO'I RNAM 'GREL NYID DU MI 'DOD PA NI MA YIN TE, DES NYES PA MED DO ZHES ZER RO, ,GZHAN DAG NI 'DI MI MA ZOD [?] PAS 'DI 'DI'I YIN NO ZHES GZHUNG 'DI NYID LAS NGES PAR BYA STE, GZHAN DU YANG YID BRTAN DU MED PA'I PHYIR RO ZHE'O, ,DE NI RIG MOD KYI 'ON KYANG NYES PA DE NI SON GNAS PA NYID DO, ,DE LTA NA NI 'O NA RNAM 'GREL MDZAD PA BZHIN DU, RNAM BSHAD MDZAD PA YANG RANG DBANG DU GSUNG RAB NYID KYIS 'GYUR RO, ,SLOB DPON GYIS BSHAD PAR KHAS

, ,BLANGS NA NI, DE'I 'DOD PA'I RJES SU 'JUG PA SKYON YIN LA, RANG RGYUD LA NI DE NYID YON TAN YIN TE, SNGON GYI GZHAL BYA RJES SU BRJOD PAR NI SMRA NUS PA'I PHYIR RO, ,RNAM NGES SU PHYOGS KYI GLANG PO'I LAS BDAG NYID KYI LA SLOB DPON DRANGS PA NI DE LTA BUR GYUR PA NYID BRTAN PAR BYA BA'I PHYIR RO ZHES BYA BA LA MI 'THAD PA CI YOD, 'DI SNYAM DU GAL TE CI LTAR RNAM 'GREL MDZAD PAS SLOB DPON GYI YI GE DE NYID 'GA' NYID DU BRIS PA DE BZHIN DU RNAM 'GREL YANG RNAM BSHAD MDZAD PA YIN PA DE'I TSE, KHUNGS TZAM DU BRJOD PA YIN NO, , GANG GI TSE BRTZAMS PA'I LE'U GSUM YI GE DANG RIM PA DES BRIS PA DE'I TSE SKABS KYI NYES PA SPANG BAR MI NUS PA NYID LUS KYI RANG RGYUD STON PA NYI MA YIN NO, ,DES NA 'DIR DON DAM PA NI SLOB DPON LHA DBANG BLOS RNAM 'GREL MDZAD PA LAS RNAM 'GREL NI DNGOS SU MA THOS KYI, 'ON KYANG PHYOGS KYI GLANG PO NYID DO, ,DE'I DON GYIS SLOB DPON RJES SU BSTAN PA YIN NO, ,DE LA DE'I MNGON ZHEN NGES PA TZAM PHUL DU DBYUNG DU MED PA MKHAS PA'I RGYA MTSOS RNAM 'GREL MDZAD PA'I BSHAD PA LAS SLOB DPON LHA DBANG BLOS DE LTA BU 'DUS BYAS PA'I KHYAD PAR THOB STE, JI LTAR MDZAD PA LA PHYOGS KYI GLANG PO LA MNGON PAR ZHEN PA DANG, RNAM 'GREL LA YANG NYE PAR BSTAN PA LA MI LTOS PAR RTOGS PA'I RLOM PAS SGRO BTAGS SHING, PHYOGS KYI GLANG PO'I SKYON SPANGS PA YANG GNAS DANG GNAS SU MTHONG NAS, DE'I RNAM 'GREL NYID DU BSAMS TE, GZHUNG BYED PAR SPRO BA YIN NO, ,RNAM 'GREL MDZAD PA 'GREL BAS NUS PA NYAMS PAS, LHAG MA'I BSHAD PA BYED PA NI RE ZHIG BTANG SNYOMS SU BYAS LA, NYE BAR BSTAN PA'I KHYAD PAR STER BA LA YANG BTANG SNYOMS SU BYAS SO, ,BSAM PA NI 'DI YIN NO, ,MNGON PAR 'DOD PA'I TSAD MA SGRUB PA NI RE ZHIG GTZO BO'I TSUL GYIS 'BYUNG BAR 'GYUR BA NYID DO, ,PHYOGS KYI GLANG PO'I RNAM 'GREL NYID DU SGRO 'DOGS PA LHAG MA YANG GNOD BYED MA YIN NO, ,SHIN TU ZAB PA MA RTOGS NA YANG DE TZAM GYIS KYANG NYAN PA PO DAG MTHAR BCOM LDAN 'DAS NYID TSAD MAR BYED PAR 'GYUR RO, ,GAL TE SHES RAB PHUL DU BYUNG BA DANG LDAN

PA 'GA' ZHIG YOD NA NI DON DAM PAR RTOGS PAR 'GYUR RO, ,DE'I PHYIR LHA DBANG BLO LA NYE BAR BSTAN PA BRGYUD PA MED PA'I PHYIR BRJOD BYA LA 'KHRUL PAR RIGS SO, ,YANG NA MA 'KHRUL NA YANG PHYOGS KYI GLANG PO LA MNGON PAR ZHE NA, DE NYID KYI RNAM 'GREL DU SBYOR BAR BYED PA YIN GYI; BRIS NAS SPYOD PA'I LE'U'I GO RIMS LA NI DE LTAR 'KHRUL PA MA YIN NO, ,KHYAD PAR DU YANG DANG PO DANG GNYIS PA LA SOGS PA'I MING DANG GRANGS YOD PA'I PHYIR RO, ,PHYOGS KYI GLANG PO DANG RJES SU MTHUN PA MA YIN PA'I PHYIR DE SPANGS PA YANG MA YIN TE, DER NI DANG PO BSTOD PA'I PHYIR BSHAD PA NYID RJES SU MTHUN PA YIN NO, ,DES NA CI LTAR RAB TU GRAGS PA'I LE'U'I RIM PA NYID RNAM 'GREL MDZAD PA YIN NO ZHES BYA BA 'DI GNAS SO, ,'THAD PA GZHAN GYIS KYANG LE'U'I RIM PA 'DI NYID BZHED PA YIN NO ZHES LE'U GZHAN GYI DANG PO 'CHAD PAR 'GYUR RO, ,DE LTA YIN DANG TSAD MA YANG DAG CES BYA BA LA SOGS PA'I NGAG DANG PO NYID NYAMS PA'I RTZAD PA SO NA 'DUG GO ZHES BYA BA DE YANG MED DO, ,LE'U LHAG MA GSUM LA YANG BSTAN BCOS KYI SGRA NYAMS PA MED PA'I PHYIR TE, YAL GA GCIG CHAD PA'I SHING LA SHING GI THA SNYAD BZHIN NO, ,'DIS NI BSTAN BCOS KYI DANG POR BSTOD PA MNGON PAR BRJOD PA NI ZHES BYA BAR RNAM PAR BSHAD PA YANG BSHAD PA YIN NO, ,GANG YANG RANG GI DON GYI RJES SU DPAG PA'I DE MA THAG TU GZHAN GYI DON GYI RJES SU DPAG PA YIN PAS ZHES GSUNGS PAS DER YANG DE MA THAG PA LHUR BYED PA NI MA YIN GYI, 'ON KYANG GO RIMS 'CHOL BA 'GOG PA YIN TE, JI LTAR BSHAD PA'I RGYU MTSAN GYI MNGON SUM LAS RGAL NAS RJES SU DPAG PA SNGAR BSHAD PA DE BZHIN DU RTZOM PA THAMS CAD GZHAN GYI DON DU YIN PAS NA, GZHAN DON NI RANG GI DON GYI RJES SU DPAG PA LAS SNGAR CI STE MA YIN ZHES 'DOGS NA RANG GI DON GYI RJES SU DPAG PA'I DE MA THAG TU ZHES DE MA THAG PA'I SGRA BYAS PA NI, DUS PHYI MA NYE BAR MTSON PA LHUR BYED PA YIN NO, ,DE LTAR YANG GZHAN GYI DON GYI RJES SU DPAG PA NI RANG GI DON GYI RJES SU DPAG PA SNGON DU 'GRO BA CAN YIN PA'I PHYIR RO ZHES GTAN TSIGS KYIS GSAL BAR 'GYUR RO, ,'DIS

, ,NI 'JUG PA'I RIM PA LAS BSHAD PA'I RIM PA YIN NO ZHES BSTAN TO, ,RANG GI DON GYI RJES SU DPAG PA TZAM GYIS GZHAN GYI DON GYI RJES SU DPAG PAR MI 'GYUR TE, BSTAN PAR BYA BA'I SHES PAR 'DOD PA LA SOGS PA LA LTOS PAS, DUS KYIS CHOD PA LA SOGS PA SRID PA'I PHYIR RO, ,DE NYID KYI PHYIR SNGON DU 'GRO BA'I SGRA BYAS PA YIN NO, ,DES NA 'JUG PA LA BAR CHOD YOD PAS NA BSHAD PA YANG DE MA THAG PA NGES PA YOD RE SKAN, YANG NA RJES SU DPAG PA GZHAN MED PA'I PHYIR NA, RIGS MTHUN PAS BAR MA CHOD PAS DE MA THAG PA YIN TE, DPER NA 'DAS NAS RING DU LON PA MTSUNGS PA DE MA THAG PAS YIN PA BZHIN PAS NYES PA MED DO, ,YANG NA GRANGS CAN GYI 'DOD PA BZLOG PA'I DON DU DE SKAD BRJOD PA YIN NO ZHES 'CHAD PAR 'GYUR RO, ,RJES SU DPAG PA'I LE'U BSHAD PA LA KHA CIG TU 'CHAD PAR 'GYUR BAR BSTAN PA NI RANG GI BYA BA LA LTOS PA YIN TE, SKAD CIG MA NYID YOD PA TZAM DANG RJES SU 'BREL PA YANG YOD PA'I RANG BZHIN NI RTOGS PA NYID YIN PA'I PHYIR RO ZHES RTOGS PA'I YUL SKAD CIG NYID DU NGES PAR SGRUB PAR 'GYUR RO, ,DE LA TSAD MA NYID KYIS RJES SU DPAG PA LA 'JUG PA 'GRUB KYANG, DANG POR BRJOD PA'I DON KHO NAR DON RANG DON MA YIN PA ZHES BYA BA LA SOGS PA 'JUG PA 'PHEN PA'I NGAG DANG PO GRUB PAS, DER NI TSAD MA YANG DAG CES BYA BA LA SOGS PA'I NGAG 'DI MKHO BA MED DO, ,LHAG MA RNAMS SU NI 'DI KHO NA MKHO BA YIN NO, ,'O NA NI DANG POR BSTAN BCOS BYED PA RANG NYID KYI 'JUG PA 'PHEN PA'I NGAG RIGS SO ZHE NA MA YIN TE RANG NYID DAM DE 'DRA BA GZHAN GYIS KYANG RUNG STE, KHYAD PAR 'GA' YANG MED DO, ,DPER NA SGRA RJES SU BSTAN PA'I DBANG DU BYAS TE ZHES BYA BA BZHIN NO, ,'CHANG PA PO 'BA' ZHIG GI TSIG NI RTZE BA'I DON DU SRED KYI, 'GREL PA BYED PA'I NI MA YIN PAS, DES DRAG PO BYAS PA LA YANG SKYON CI YANG MED DO, ,TSAD MA GRUB PA TSUL BZHIN BRJOD PAR BYA ZHES BYA BA DANG POR BRJOD PAS, TSAD MA SLU BA MED CAN GYI SHES PA ZHES BYA BA LA SOGS PA BSDUS NAS DANG POR RJES SU DPAG PA BRJOD PAR YANG MI 'GYUR RO, ,'DIS CI ZHIG BYA STE ZHE NA

PA NYID DO ZHE NA MA YIN TE, DON DANG DON MA YIN PA ZHES BYA BA LA SOGS PA'I DGOS PA BSHAD ZIN PA'I PHYIR RO, ,'O NA RNAM NGES SU RJES SU DPAG PA DANG POR BSHAD PA LA DE MED DO ZHE NA, YOD MOD KYI 'ON KYANG RAB TU BYED PA LA BRTEN PA'I KHYAD PAR MDUN DU BSHAD PAR BYA'O, ,DE'I PHYIR NA RJES SU DPAG PA DE MA THAG NYID DU TSAD MA GRUB PA TSUL BZHIN BSHAD PAR BYA ZHES 'JUG PA'I DON DU BRJOD BYA BSTAN PAR RIGS PA YIN NO, ,GAL TE DE LTA NA YANG DON 'DI MA 'BREL PA YIN TE, PHYOGS KYI GLANG PO'I RNAM 'GREL YIN PA'I PHYIR NA DE NYID BRJOD BYA YIN NO ZHE NA PHYOGS KYI GLANG PO'I RNAM 'GREL YIN NO ZHES BYA BA'I GTAM 'DI YANG GA LAS YIN, BYIS PA'I TSUL CAN LA GRAGS PA BSNYON PAR DKA' BA'I PHYIR RO, ,SGRA TSAD MA MA YIN NO ZHES GANG BRJOD PA DE YANG MI 'THAD DE, GNOD PA MED PA TSAD MAR MI BYED NA YI GE 'DI SLOB DPON CHOS KYI GRAGS PA'I YIN NO ZHES BYA BA'I THA SNYAD KYANG MI BYA BAR 'GYUR RO, ,GANG YANG DON GYIS DE'I GZHUNG BSHAD PA YIN NO ZHES BYA BA MAN NGAG TZAM YIN GYI, GZHUNG NYID NI MA YIN NO ZHES SMOS PA DE TZAM GYIS RNAM 'GREL DU GRUB PA'I PHYIR GZHAN NYE BAR MKHO BA MED DO, ,BSHAD PA NI RNAM PA GNYIS TE 'GREL PA LA SOGS PA DNGOS SU TSIG BRIS TE, DE RIM PA'I RJES SU 'JUG PA'I 'GREL PA DANG TSIG MA BKROL BAR DE'I RIM PA LA MA LTOS PAR BRGAL PA DANG LAN DANG, BSHAD PA'I KHYAD PAR TZAM GYI MTSAN NYID CAN RNAM 'GREL ZHES BRJOD PA, DON GTZOR BYED PA GANG YIN PA'O, ,DES NA DON GYIS DE'I GZHUNG 'CHAD DO ZHES SGRUB PA NI, NGED KYI PHYOGS LA MI GNOD DO, 'DI NI PHYOGS KYI GLANG PO'I 'GREL PA LA SOGS PA'I RANG BZHIN DU SHES PA YANG MED DO, ,DON GTZOR BSHAD PA NYID KYIS RNAM 'GREL NI MI NYAMS SO, ,DE LTA MA YIN NA GSUNG RAB KYI RNAM 'GREL DU KHAS LEN PA YANG SA BON MED PAR THAL BA'I PHYIR RO, ,GZHAN DAG NI DNGOS KYI TSUL GYIS NA 'DI GSUNG RAB KYI RNAM 'GREL YANG MA YIN GYI, 'ON KYANG RNAM 'GREL DANG 'DRA BAS RNAM 'GREL YIN NO, ,'DI LTAR GANG DU BSHAD PAR BYA BA'I TSIG RIM GYIS BRIS NA MI 'THAD PAR BRGAL BA LA SOGS PA BYAS PA DE NI RNAM 'GREL

, ,YIN TE, DPER NA SNANG BYED DANG, GZHON NU MA LEN PA LA SOGS PA DAG BZHIN NO, ,'DIR NI DE LTAR DMIGS PA YANG MA YIN NO, ,DE'I PHYIR GANG NA GANG GI THA SNYAD KYI RGYU MTSAN MED PA DER NI, DE'I THA SNYAD DU BYA BA MA YIN TE, DPER NA BA LANG LA RTA'I THA SNYAD BZHIN NO, ,GRAGS PA LA YANG RNAM 'GREL GYI THA SNYAD KYI RGYU MTSAN MED DO ZHES BYA BA NI RGYU MI DMIGS PA'O ZHES BYA BA 'DI YANG MA GRUB STE, BRJOD PA'I MTSAN NYID MTSAN NYID MA YIN PA'I PHYIR DANG, MTSAN NYID GZHAN YANG SUS KYANG MA BRJOD PA'I PHYIR RO, ,GZHAN DAG GI LTAR NA YANG BSHAD PA DANG MA BSHAD PA DANG, NYES PAR BSHAD PA BSAM PA NYID RNAM 'GREL YIN NO, ,RIM PA LA SOS PA LA LTOS PA NYID DE'I MTSAN NYID YIN NO ZHE NA, SKYON MED PA LA RNAM 'GREL GYI THA SNYAD MED PAR THAL BA'I PHYIR RO, ,DES KHYAD PAR LA LTOS NA MA NGES PA YIN NO, ,GZHAN YANG 'GREL PA LA SOGS PA LAS RING DU GYUR PA'I PHYIR NA GAL TE 'DI RNAM 'GREL YANG MA YIN NA NI, DE'I TSE GSUNG RAB KYI DON TSAD MA'I RANG BZHIN BCOM LDAN 'DAS SAM TSAD MA'I SGO NAS TSANG MA DANG, GZHAL BYA DANG, DE KHO NA DANG BSGRUB BYA DANG SGRUB BYED KYI MTSAN NYID KYI DON LNGA LA RANG RGYUD DU MDO BYED PA NYID DU THAL BAS NA, SLOB DPON GRAGS PA NYID MA YIN PAR 'GYUR TE, RANG GIS BYAS PA MED PA'I PHYIR DANG, KHAS BLANGS PA'I PHYIR TE CI SKAD DU NYE BAR BSTAN PA LA TSAD MA'I DE KHO NA GRUB PA'I DON DU ZHES BSHAD PA YIN NO, ,DE'I PHYIR RNAM 'GREL NYID NYAMS PA MED DO, ,GZHAN YANG, DE YI GZHUNG NI GSAL BAR BYA, ,ZHES BYA BAS DE LTAR KHAS LEN PA DANG CI LTAR TSAD MA RNAM 'GREL DU GTAN LA PHAB PA BZHIN NO ZHES THA SNYAD DU BYED PA'I SLOB DPON NYID PHYIN CI LOG TU 'GYUR BA'I PHYIR, DE LAS MI RIGS PA CI YOD, GAL TE 'DI RNAM 'GREL PA BTAGS PA NYID YIN PA SLOB DPON 'DI'I BZHED PA YIN NA DE'I CHE DNGOS KYI THA SNYAD DU CI STE MI 'DOGS, 'DIR RANG GI BYA BA NGES PAR MI NUS PA NI MA YIN NO, ,DE NYID KYI PHYIR 'DI'I MTSAN NYID KYANG CI SKAD BSHAD PA BZHIN YIN TE, DES NA BDAG BSAD PAS GZHAN SOD DU RE BA 'DIS CI

ZHIG BYA STE, DES NA GRAGS PA'I RNAM 'GREL DU GRUB PA NYID DO, 'ON KYANG BYIS PA YAN CHAD LA GRAGS PA PHYOGS KYI GLANG PO SPYOD YUL CAN NYID GNOD BYED MED PAR BSNYON PAR MI NUS SO ZHES GTAN LA PHAB ZIN TO ZHE NA, 'DI LA BRJOD PA GRAGS PA 'DI THAMS CAD NI LHA DBANG BLO LAS BYUNG BA YIN LA, DE YANG SLOB DPON GYI BSHAD PA NI MA YIN NO ZHES BSTAN ZIN TO, ,DES NA 'DIR SLOB DPON GYI THUGS DGONGS KYIS PHYOGS KYI GLANG PO'AM GSUNG RAB KYI RNAM 'GREL YIN ZHES THE TSOM ZA BA NYID GRAGS PA DE TSAD MA MA YIN PA'I RGYU YIN NO, ,GANG DU NYE BAR BSTAN PA RGYUN CHAD PA'I DGOS PA MED PA DER TSAD MAR 'GYUR GYI, MI MTHUN PA'I PHYOGS KYI THE TSOM TZAM LOG PAS NI MA YIN TE, TSIG 'GA' ZHIG LA YANG 'DI LTA BU NGES PA BSGRUB PAR MI NUS PA'I PHYIR RO, ,'DIR DGOS PA'I SA BON CI ZHIG YIN ZHE NA, GNAS DANG GNAS DAG TU CHER GOL BA NYID DE; GANG DU 'CHE BA MED DANG YANG DAG DON, ,ZHES BYA BA LA SOGS PA NYE BAR BSTAN PAS SLOB DPON CHOS MCHOG GIS KYANG 'DOD PA NYID DO, ,DE LTA YIN DANG LHA DBANG BLO'I GZHUNG SLOB DPON GYIS LEN DU MAR BSHIG GO ZHES GRAGS PA NYID DO, ,'DI DE KHO NAR PHYOGS KYI GLANG PO'I SGO NAS SLOB MA YIN GYI, RNAM 'GREL GYI NYE BAR BSTAN PA NI 'DI LA MED DO, ,DE'I PHYIR DE LAS BYUNG BA'I GRAGS PA NI TSAD MA MA YIN PA NYID DO, ,CI STE CI ZHIG LTAR NYE BAR BSTAN PA'I PHYOGS SU DE LTAR LHUNG NA, GRAGS PA PHYOGS KYI GLANG PO'I RNAM 'GREL DU YANG MI 'GYUR TE, THE TSOM DU GYUR CING NYE BAR BSTAN PA MED PA'I DON DBANG PO BA'I 'KHRUL PA LA SOGS PA GZHUNG BTZUGS PA'I PHYIR RO, ,CI STE 'DI LA SLOB DPON GYIS, ,DON YOD LUGS GZIGS MDO DON 'DIR, ,RIGS ZHES BYA BA LA SOGS PAS BSHAD DO ZHE NA, 'O NA NI NYE BAR BSTAN PA LA MI GUS PAR RIGS PA'I GTZO BO RANG NYID KYIS BZHED PA'I PHYIR 'DI LA GZHAN GYIS CI ZHIG BYA, DE'I LUGS NI GSAL BAR BYA ZHES RANG NYID KYIS DAM BCAS SO ZHE NA, DPAL LDAN 'PHAGS PA BCOM LDAN 'DAS KYIS 'JIG RTEN GANG RJES SU BZUNG BA'I 'JIG RTEN 'DIS DE'I TSIG MI RTOGS SO ZHES BYA BA'I DON

, ,DU TSAD MA RNAM NGES KYI RGYAN DU BSHAD DO, ,DES NA 'DI GSUNG RAB KYI RNAM 'GREL DU DAM BCAS PA YIN NO, ,GAL TE BSHAD PA DON GTZO BOR GYUR PA YIN YANG GDON MI ZA BAR BSHAD PAR BYA BA LA LAR BRI DGOS NA PHYOGS KYI GLANG PO BZHIN DU GSUNG RAB LA NI MA DMIGS SO ZHE NA, DE LTA MA YIN TE GSUNG RAB KYI BRJOD BYA SKYES BU'I DON MCHOG LA NYE BAR MKHO BA'I DON LNGA LAS 'DAS PA NI 'DIR CI YANG MA DMIGS SO, ,TSIG GI LUGS KYI RJES SU BYED PA YANG, DE NYID PHYIR NA NYES RNAMS KYI, ,RGYU NI GTI MUG YIN PAR GSUNGS, ,ZHES BYA BA DANG, DE BAS MTSAN NYID STOD PA'I PHYIR, ,RANG BZHIN MED PA NYID DU GSUNGS, ,ZHES BYA BA LA SOGS PA'O, ,DE BZHIN DU DE BZHIN NYID DON BTANG SNYOMS CAN ZHES BYA BA DANG, 'GAL BA GANG YIN 'DIR BSHAD BYA LA SOGS PAS, 'GAL BA SPANG BA'I 'BAD PAS DE LHUR BYED PAR RTOGS PA YIN NO, ,DE NI KHUNGS TZAM YIN NO ZHE NA, GANG LA THUN MONG MA YIN PA'I PHYIR BYA BA LA SOGS PAR YANG YID CHES PA CI YOD, GAL TE DE LTA NA GNYI GAR MTSUNGS SO ZHE NA, DE YANG MA YIN TE, SLOB DPON GYI TSIG GI TSUL LA GSUNG RAB NYID GCOR GYUR PA STOBS CHE PA'I PHYIR RO, ,DANG PO NYER BSTAN 'JIG RTEN RGYAS MDZAD CES BYA BA LA SOGS PA YANG BCOM LDAN 'DAS NYID LA RIGS SO, ,MTHAR DON YOD LUGS GZIGS MDO DON NGAS BSHAD CES BYA BA LAS MA THOB PA'I PHYIR GZIGS PA'I SGRA SLOB DPON PHYOGS KYI GLANG PO LA MI 'THAD PA'I PHYIR RO, ,MDO ZHES BYA BA YANG BDAG MED PA LA SOGS PA'I GZHAL BYA LA GSUNG RAB LAS GZHAN MA YIN NO, ,DE'I GNAS YIN PA'I PHYIR NA NI, GRAGS PA'I YANG MDO NYID DO, ,DNGOS KYI 'JUG PA LAS 'DAS NAS BTAGS PA LA BRTEN PA MA YIN TE DGOS PA MED PA'I PHYIR RO,, SLOB DPON PHYOGS KYI GLANG PO LA BRNYAS PA SPANG DGOS PA YIN NO ZHE NA, 'DIR DGOS PA'I BLO 'DI SU'I YIN, GAL TE SLOB DPON GYI YIN NA, DNGOS NYID KYIS PHYOGS KYI GLANG PO'I RJES SU 'JUG PA'I TSUL BRJOD PAR 'GYUR TE, DPER NA, THUB PA RNAMS KYI MCHOG GYUR RKANG

MIG GIS, ,ZHES BYA BA LA SOGS PA BZHIN NO, ,SMRA BA LA MI GZO BA 'BA' ZHIG NI MI BZOD DO, ,RE ZHIG MA BSHAD PA 'CHAD PA DAG DANG BSHAD PA BYAS PAR 'JUG PAR BYED PA ZHES BYA BA'I LAM GANG YIN PA 'DI NYID RIGS PA YIN NO ZHE NA, 'O NA SLOB DPON PHYOGS KYI GLANG PO'I ZHAL SNGA NYID KYIS LAM 'DI CI STE SPANGS, RTZOD PA SGRUB PAR GNOD PA MANG PO SPONG BA BAS GZHAN BYED PA NYID SLA'O ZHE NA, 'DI NI PHYOGS KYI GLANG PO'I LAM YANG MTSUNGS SO, ,DE LTAR PHYOGS KYI GLANG PO'I RTZA BA DANG, GRAGS PA'I LTA BAS NI 'DIR BYA BA GZHAN NYID DU MNGON NO, ,DE NYID KYI PHYIR PHYOGS KYI GLANG PO MNYAN PA'I DON DU RGYAS PA MA YIN TE, BAD TSA'I BU LA SOGS PA BZHIN NO, ,DES 'BREL DKA' BA MANG PO MTHONG BAS NI GZHAN YANG BYA BA GZHAN GSO BAR BYED PA'O, ,DE LTA NA LUNG LA LTOS NAS KYANG GZHAN DBANG NYID SPONG BAR MI NUS TE, DE LA LTOS PA'I PHYIR RO, ,DE'I PHYIR GAL TE SLOB DPON GYI THUGS DGONGS KYI RJES SU 'BRANGS NA, GTZOR DE NYID LA GUS PA'I KHYAD PAR DU GYUR PA'I PHYIR DANG, RNAM 'GREL BYED PA'I TSIG GIS TSUL DE LA MNGON DU PHYOGS PA'I PHYIR, 'DI DE'I RNAM 'GREL NYID DO, ,CI STE 'DIR DGOS PA'I BLO 'DI KHYED KYI YIN LA, DE DES BSGYUR NAS RNAM 'GREL 'CHAD NA NI, DE'I TSE NGED LA NYAMS PA CI YANG MED DE SLOB DPON THUGS DGONGS RGYAS PAR BYED PAS BRGAL ZHING BRTAG PAR MI 'OS SO, ,GANG YANG RTOG PA DANG LDAN PAS DE'I GZHUNG 'CHAD PA LA LTOS PA YANG MA YIN TE; BYANG GROL LA SOGS PA DON DU GNYER BA NI DE'I THABS STON PA'O, ,PHYIN CI MA LOG PA'I TSANG MA LOG GNYER LA, DE'I RJES SU 'DZIN PAS KYANG DES LTOS PA DE NYID BRJOD PAR RIGS TE, 'KHRUL PA'I SKYE BOS SBYAR BA'I SKYON LTAR SNANG BA SPANG PA'I PHYIR DANG, JI LTA BA BZHIN DU SGRUB BYED NYE BAR STON PA'I PHYIR RO, ,DE LA NI DE 'DRA BA'I SHES PA GRUB PA LA RGYU'AM 'BRAS BU YOD PA MA YIN ZHES BYA BA LA SOGS PAS MKHAS PA RNAMS LOG PAR RTOGS PA RNAM PA MANG PO YOD DO, ,LTOS PA MED PAR BRJOD PA NI NYAN PA PO YANG BA MED PA SMRA BA NA, JI LTAR SMYON

, ,PA MA YIN, DE'I GZHUNG BSHAD PA'I SGO NAS LTOS PA BRJOD PA YANG MA YIN TE, 'CHAD PA PO DANG NYAN PA PO LA DKA' BA'I PHYIR RO ZHES ZER BA DE YANG SDIG PA MA YIN TE, 'DI LTAR GAL TE BYANG GROL LA SOGS PA DON DU GNYER BA DAG GI LTOS PAR BYA BA DE'I THABS STON PAR BYED PA'I TSAD MA'I TSUL DNGOS SU BYED PA MA YIN PA NYID SMYON PA YIN NA DE'I TSE SHES RAB 'BYUNG GNAS DE LTAR GYUR PAS DZA Y'AN BDAG NYID LA SU YID CHES, CI STE MCHOG TU ZAB PA NYID KYIS DE 'DRA BA'I YUL NI THABS GZHAN MED PAR DNGOS SU BSGRUB PA TZAM GYIS MI RTOG PA'I PHYIR DE DON DU GNYER BA RNAMS KYIS DNGOS SU GRUB PA BZHIN DU THABS GZHAN DE LA YANG MA THOB MED DO, ,GANG YANG TSAD MA GRUB PA TSUL BZHIN BSHAD PAR BYA'I, SRID PA BRJOD BYA'I DGOS PA'I DBANG DU BYAS NAS DON DU GNYER BA 'JUG PA YANG MA YIN NO, ,'ON KYANG DGOS PA DGOS KYANG SRID DE, DPER NA SKAD CIG MA NYID LA SOGS PA'I DE KHO NA STON PA'I BSTAN BCOS LA 'JUG PA BZHIN NO, ,SKAD CIG MA NYID LA NI BYA BA 'GA' ZHIG SRID PA MA YIN LA, DE'I CHOS DANG LDAN PA BDAG GI DON BYA BA'I CHED DU BYAS NAS 'JUG PA YANG MED DO, ,DE LTA NYID YIN NA NI SPYAD PA MI MKHO BA'I PHYIR TE; GSUNG PO GZHAN MED PA'I PHYIR STON PO NYID LA SOGS PA BZHIN NO, ,GAL TE 'GA' ZHIG SKAD CIG MA MA YIN PAR 'GYUR NA NI DE YONGS SU SPANGS NAS SKAD CIG MA'I DON BYED PA DON DU GNYER BA, SKAD CIG MA DE NYID LA 'JUG PA'I RGYU MTSAN DU GYUR PA SKAD CIG MA NYID KYI RANG BZHIN DU NGES PAR RTOG PA 'BRAS BU DANG BCAS PAR 'GYUR TE, DPER NA SNGON PO NYID DU RTOG PA BZHIN NO, ,DE LTAR NI MA YIN TE SKAD CIG MA MA YIN PA THAMS CAD DU BSAL BA'I PHYIR RO, ,DES NA THAMS CAD DU 'JUG TU GNANG NA SKAD CIG MA NYID RTAG PA LA NYE BAR MKHO BA CI YOD, DES NA DE LA ZHES BYA BA 'BYUNG BAR 'GYUR PA'I DON LA'O, ,DE BZHIN DU GZUGS TZAM RTOG PAS NA, RO LA SOGS PA'I TSOGS PA LA 'JUG PA'I PHYIR TSAD MA YIN NO ZHES BYA BAR YANG RTOGS PAR BYA'O, ,GAL TE RTOGS PAS NI TSAD MA MA YIN GYI 'ON KYANG 'JUG PAS YIN LA, 'JUG PA YANG RTOGS PA MED

PAR MA YIN NO ZHES BYA BA 'DI YANG SHIN TU BZOD PAR DKA' BA YIN NO SNYAM DU DGONGS NAS BSHAD PA, DPER NA RJES SU DPAG PA DNGOS PO MI 'DZIN YANG DE LTAR MTHONG BA BZHIN TE, MTHONG BA LA NI MI 'THAD PAS MI RTZOD DO SNYAM DU DGONGS PA'O, ,DE NYID GSUNGS PA NI, RJES SU DPAG PAS NI ZHES BYA BA'I 'CHAD PAR 'GYUR RO ZHES BYA BA'I NI MNGON SUM GYI LE'UR RO, ,BLO NYID CES PAR GZUNG BA'I RNAM PAR GCAD BYA BRJOD PA NI, MIG LA SOGS PA ZHES BYA BA'O, ,SOGS PA'I SGRAS LDAN PA DANG, 'DU BA LA SOGS PA'I 'BREL PA BZUNG STE, MIG GDANGS KYANG YID KYI NUS PA NYAMS PAS SHES PA MA SKYES PA LA 'JUG PA MED PA'I PHYIR RO, ,GAL TE 'JUG PAR BYED PA'I BLO TSAD MA YIN NA, RNAM PAR RTOG PA NYID TSAD MAR 'GYUR RO ZHE NA, RNAM PAR RTOG PA NI ZHES GSUNGS SO, ,SHIN TU GOMS PA LA RNAM PAR RTOG PA MED KYANG 'JUG PA YIN NO SNYAM DU DGONGS PA'O, ,KHYAD PAR DANG BCAS PA'I SKABS NYID MJUG SDUD PAR BYED DO, ,SNGAR GYI ZHES BYA BA NI RNAM PAR RTOG PA SEL BA'O, ,BLO NYID CES BYA BA NI MIG LA SOGS PA GCOD PA'O, ,RNAM PAR RTOG PA GCOD PA DE NYID BRJOD PA NI RNAM PAR RTOG PA LA SOGS PA NI ZHES BYA BA'O, , 'ON MA GOMS PA'I YUL LA NI RNAM PAR RTOG PA NYID 'JUG BYED YIN PAS TSAD MAR 'GYUR RO ZHE NA, GOMS PA MED PA GANG YIN PA DER NI ZHES GSUNGS SO, ,'GA' ZHIG GANG GI DUS KYI KHYAD PAR LA BRTEN PA CAN LA, GCIG NYID KYI THA SNYAD BRTEN PO ZHUGS PA DE'I SNYAD DE NI'O, ,GZHAN LA MED PA'I 'DRA BA'I KHYAD PAR GYIS BYAS PA, BAR DU CHOD PA MED NA 'GYUR BA YIN TE, MA LA SOGS PA BZHIN NO, ,DE BZHIN DU THE TSOM GYI YUL YANG DE 'DRA BA'I 'DRA BA MTHONG BA'I PHYIR DE NYID 'DI YIN NO ZHES BYA BA GCIG NYID DU GRUB PA NI RJES SU DPAG PA NYID DO, ,'O NA RJES SU DPAG PA 'DI SKAD CIG 'JIG PA LA GNOD PAR BYED DO ZHE NA, MA YIN TE GCIG NYID KYI THA SNYAD TZAM SGRUB PA'I PHYIR RO, ,GAL TE NGES PA YANG GCIG GI THA SNYAD NYID MA YIN NAM, DES NA DUS THA DAD PA LA GCIG NYID DU NGES PA CI LTAR SKAD CIG MA NYID DU NGES PA DANG MI 'GAL ZHE NA, MA YIN TE KUN RDZOB KYI GCIG

, ,NYID DU THA SNYAD BYA BAR 'DOD PA'I PHYIR RO, ,DES NA DUS THA DAD PA LA GZHAN NYID BKAG KYANG CHAD PA MED DO, ,DE NYID KYI PHYIR STOR BA PA'I RNYED PAS NA BDAG PO NYID DANG SLOB DPON GYI GZHUNG BSHAD PA NI MA YIN NO ZHES RNAM 'GREL GYI DGONGS PA GSAL BAR BYED PA DE YANG 'KHRUL PAS BRJOD PA YIN NO, ,SLOB DPON LHA DBANG BLO LA SOGS PA RNAMS KYIS PHYOGS KYI GLANG PO'I BSHAD PAR SGRO 'DOGS PA ZHUGS PA NA, DE BKAG PAS BDAG NYID KYI BSNYEMS PA BSTAN PA'I DON DU TSUL LUGS 'DIS BSHAD PA BYED PA RNAM 'GREL MDZAD PA'I DGONGS PA 'CHAD DO ZHES RIGS PA YIN NO, ,RNAM 'GREL LAS SNGAR NI SGRO 'DOGS PA MED LA, DE BKAG PAS SLOB DPON LA 'BRAS BU YANG CUNG ZAD YOD PA MA YIN NA, GANG GIS DE DGAG PA LA BRTZON PAR 'GYUR 'BYUNG BAR 'GYUR BA'I SGRO 'DOGS BZLOG GO ZHE NA, GZHAN GYI BSTAN BCOS BSHAD PA ZHES BYA BA DE SDIG PA YIN NAM CIS NA 'DI DON DU GNYER, PHYOGS KYI GLANG POS BSHAD PA DE LTA BU NYID DO ZHE NA, 'O NA 'DI 'JIG RTEN RGYANG PAN PA LA SOGS PA'I BSTAN BCOS BAS KYANG DE DMAN PAR MTHONG BA BZHIN DU GSUNG RAB KYI RNAM 'GREL MDZAD PA, PHYOGS KYI GLANG PO'I LUGS 'CHAD PA DANG, SKYON BSAL BA LA CHED CHER BYED PA'I PHYIR DE KHO NA MTHONG BA CHEN PO YIN NO, ,PHYOGS KYI GLANG PO'I LUGS DANG SBYAR BA LA SOGS DE NYID LAS RES 'GA' THE TSOM DU 'GYUR BAS SLOB DPON GYI GZHUNG 'CHAD DO ZHE NA, MA YIN TE PHYOGS KYI GLANG PO LA REG PA SKYON YIN NA DE NYID KYI TSE PHYOGS KYI GLANG PO DANG SBYOR BA LA SOGS PAR NI MI 'GYUR RO, ,BSHAD PAR BYA BA'I DON GYI KHYAD PAR BRIS PA'I PHYIR NA GZHUNG GZHAN THAMS CAD BSAL BA GRUB PAS, SLOB DPON GYI GZHUNG MA BSHAD DO ZHE NA, CIG LA MNGON PAR ZHEN PAS CI BYA, DES NA 'DI SLOB DPON GYI BRJOD PAR 'DOD PA MA YIN GYI; 'ON KYANG BSHAD PA BYED PA NYID KYI YIN NO, ,YANG 'DI SNYAM DU CI LTAR MNGON PAR 'DOD PA'I TSAD MA DANG, DE LA RAG LAS PA'I GZHAL BYA'I TSOGS LA SLOB DPON PHYOGS KYI GLANG PO'I BSTAN BCOS NYID YOD PA MA YIN NAM, 'DIS CI ZHIG BYA ZHES DON MED PAR DOGS PA LA,

TSUL BZHIN ZHES GSUNGS TE CI LTA BA BZHIN DU ZHES BYA BA'I DON TO, ,'DI NI PHYOGS KYI GLANG PO BZHIN DU GZHAN GYI KLAN KA'I GO SKABS 'BYED PA, 'BREL DKA' BA'I TSIG GI LAM GYI TSUL GYIS MA YIN NO ZHES BYA BA'I THA TSIG GO, ,NYES PA DES NI SNGAR YOD PA YANG MED PA DANG 'DRA BA'I PHYIR DON MED PAR GAL 'GYUR, YANG BRJOD BYA DE LA 'DI 'DRA BA'I DGOS PAR CI LTAR 'GYUR ZHING 'GYUR NA YANG NYE BAR SBYOR BA GANG GIS DE TZAM GYIS YONGS SU NGAL BA RTZOM ZHE NA, BSHAD PA SNANG BYED DANG GZHON NU MA LEN LA SOGS PA, RTOG GE NGAN PA DE YANG DAG PAR 'KHRUL PA'I SKYE BO GANG DAG YIN PA'O, ,'JIG RTEN NI RANG BZHIN GYIS RMONGS PA MANG BA YIN LA, DE BAS RTOG GE NGAN PAS YIN PA'I PHYIR RMONGS PA SHIN TU CHE BA NYID NI YANG DAG NYID DO, ,YANG NA RTOG GE NGAN 'KHRUL NI ZHIB MO MA BTAGS PA DE KHO NA'I TSAD MA SPONGS PA LA MKHAS PA'O, ,DE DAG SDUG BSNGAL GYI RGYU DE LAS SGROL BAR 'DOD PAS ZHES BYA BA YIN NO, ,'DIS NI RTOG GE NGAN PA DANG 'BREL PA NI LOG PAR RTOGS PA'I RGYU YIN LA 'JUG PA'I RGYU NI BRTZE BA NYID YIN NO ZHES GNYI GA BSTAN TO, ,YANG GANG LA RTZOM PA 'DI SRID 'DIR 'GYUR BA, TSAD MA ZHES BYA BA CI YIN, GAL TE YANG CI LTAR MTHONG BZHIN PA'I THA SNYAD KYI YAN LAG DON YONGS SU GCOD PAR BYED PA'I SHES PA'I KHYAD PAR TSAD MA YIN PA DE LTA NA YANG DE NYID DU DE TZAM GYI NGAL BA NYE BAR MKHO BA NI MA MTHONG STE, THA SNYAD PA BSTAN BCOS MI SHES PA YANG THA SNYAD NYAMS PA NI MED DO, ,'DI RTZOM PA YANG CI ZHIG BYAS NAS YIN ZHE NA, BSHAD PA PHYAG 'CHAL NAS TE RAB TU BTUD CING LUS PHUL NAS SO, ,SU LA ZHE NA, TSAD MA YANG DAG GAM TSAD MAR GYUR PA LA'O, ,TSAD MAR GYUR PA NI TSAD MAR RED PA'AM, TSAD MAR THOB PA'O, ,LAS KYI NUS PA DANG MI LDAN PA'I PHYIR BYA BA SMOS PAR BYA BA YANG YIN NO ZHES BYA BA YANG DAG PAR SBYIN PA'O, ,YANG NA LAS KYI NUS PA DANG LDAN YANG, PA TAN DZA LA'I LUGS KYIS NI, ,GRONG GI PHYIR 'GRO'O ZHES BYA BA BZHIN NO, ,DE LTAR YANG DE LTA BUR GYUR PA'I BCOM LDAN 'DAS LA PHYAG BTZAL NAS ZHES 'CHAD PAR 'GYUR RO, ,LAS KYI NUS PA DANG MI

, ,LDAN PA'I PHYOGS LA NI DON BSDUS TE BRJOD PA YIN NO, ,DES NA DE LTAR LEGS PA THAMS CAD THOB PA'I THUN MONG MA YIN PA'I RGYU BCOM LDAN 'DAS LA SKYABS SU 'GRO BA'I SGO NAS DE'I BSHAD PA 'DI BRTZAMS KYI, RANG DBANG DU NI MA YIN NO ZHES KYANG DON GYIS BSTAN TE, BSHAD PAR BYA BA DANG, PHYAG 'TSAL BAR BYA BAR TSAD MA'I SGRA GCIG LA NI DON GCIG PA NYID DU STON PA LHUR BYED PA LTA'O, ,DES NA TSAD MA ZHES BYA BA 'DI CI ZHIG CES GANG BRJOD PA DE LA BCOM LDAN 'DAS KYI RANG BZHIN 'JIG RTEN LAS 'DAS PA NYID DE TSAD MAR BRJOD DO ZHES BSHAD DO, ,YANG GANG GI DE LTAR GUS PA TSAD MAR 'DOD PA'I BCOM LDAN 'DAS DE YANG CI 'DRA BA ZHIG CE NA, 'GRO LA PHAN BZHED PA ZHES BYA BA LA SOGS PA SMOS SO, ,'JIG RTEN NA NI MI SLU BA'I PHYIR DAM BCAS PA'I DON THOB PAR BYED PA'I SKYES BU LA TSAD MA ZHES BRJOD DO, ,DAM BCAS PA'I DON YANG GANG GI TSE 'BYUNG BAR 'GYUR BA'I DON KHAS BLANGS PA'I TSUL DU YIN PA DE'I TSE DE THOB PAR BYED PA DANG, DE THOB PAR BYED PAR RUNG BA'I GNAS SKABS DANG DE RGYU MTSAN GYI BYED PA GDON MI ZA BAR 'PHEN PA'I PHYIR, GNAS SKABS BZHI BRJOD PA'I TSIG BZHI'O, ,DE LA 'GRO LA PHAN PA NI 'DOD PA'I DON TE, CI LTAR PAN PA DANG MI PHAN PA THOB PA DANG SPANG BA'I DAG GI DON BZHIN NO, ,DES NI NGES PAR LEGS PA DANG, MNGON PAR MTHO BA GZUNG BA'AM, GTZO BO YIN PA'I PHYIR GZHAN NYE BAR MTSON PAR BYED PA'I NGES PAR LEGS PA NYID BZUNG BA'O, ,DE BZHED PAS NI DAM BCAS PAS BSTAN TO, ,DE'I RANG BZHIN GYIS NI RIGS PHUN SUM TSOGS PA'O, ,THABS GOMS PA'I MTSAN NYID STON PAS NI MNGON PAR MA THOB PAR NGES PAR LEGS PA THOB PAR BYED PAR RUNG, RGYU MTSAN CAN GYI BYED PA'O, ,RNAM PA THAMS CAD DU DON THAMS CAD GZIGS PA'I RANG BZHIN BDE BAR GSHEGS PAS NI RUNG BA'I GNAS SO, ,SKYOB PA NYID KYIS NI DAM BCAS PA THOB PAR BYED PA'O, ,SKYOB PA NI SKYONG BA'I DON TE, NGAN 'GRO DANG 'KHOR BA LAS SKYOB PA'I THABS NYID KYIS GZIGS PA'I LAM GSUNG BA NYID DE, THABS GZHAN MED PA'I PHYIR RO, ,SKYOB BA DE NYID NI BSNGAGS PAR BYA BA'AM, MANG BA 'AM PHUL DU BYUNG BA

STE; DE 'DI LA MNGA' BA'O, ,YANG NA RGYUN MI 'CHAD PA RTAG PA NYID 'DI LA MNGA' BA STE, YONGS SU MYA NGAN LAS MI 'DA' BAS SEMS CAN THAMS CAD YONGS SU 'DZIN PAR ZHUGS PA'I PHYIR RO, ,JI SKAD DU GZHAN GYI NGOR NI BZHUGS PA YIN ZHES GSUNGS PA BZHIN NO, ,DE NYID KYI PHYIR, TSAD MA GRUB PA TSUL BZHIN BRJOD PAR BYA, ,ZHES BYA BAS BRJOD BYA TZAM BSTAN PA YIN TE, BSTAN BCOS KYI BRJOD BYA'I 'BRAS BU DON GYIS 'PHANGS PA'AM GRAGS PA YIN PA'I BYIR RO, ,DE LTA YIN NA MNGON SUM DANG RJES SU DPAG PA DANG LUNG RNAMS KYIS SNYING RJE CHEN PO'I RGYUD GZHAN GYI SDUG BSNGAL YONGS SU BCAD NAS, SMON PA'I DUS NA SHES PA'I RANG BZHIN DER 'GYUR BA YIN TE, SHES PA PO GZHAN MED PA'I PHYIR RO, ,GNAS SKABS 'DI BRTZE BAS 'GRO BA LAS 'PHAGS PA YIN YANG, SHES PA'I BDAG NYID KYIS THAMS CAD DANG THUN MONG YIN PA'I PHYIR, SBYOR BA'I GNAS SKABS KYI KHYAD PAR BSHAD PA NI STON PA ZHES BYA BA'O, ,'DI NI RJES SU DPAG PA DANG, LUNG GI NGO BO YIN NO, ,LUNG GI GZUNG BA SKYES BU'I DON MCHOG GI YAN LAG RJES SU DPAG PA ZHES BYA BA RIGS PAS RNAM PAR GZHAG NAS SGOM PAR BYED PA'AM, YANG NA NGES PAR LEGS PA'I SGRUB BYED NI RJES SU DPAG PAS, MNGON PAR MTHO BA'I SGRUB BYED NI LUNG DANG DE LA BRTEN PA'I RJES SU DPAG PA DAG GIS NGES NAS TSOGS GNYI GA GOMS PAR BYED PA'I PHYIR GNYI GA'I SHES PA'I RANG BZHIN DU GYUR PA YIN NO, ,DE'I TSE NI BSAMS PA LAS BYUNG BA'I SHES RAB KYI DBANG DU BYAS PAS BSKYED PA RTOG GE'I BSTAN BCOS KYI MTHUS CI LTA BA BZHIN DU GTAN LA PHAB PA TSUL GSUM PA'I RTAGS LAS BYUNG BA DANG, YUL GSUM YONGS SU DAG PAS BSGRUB PA'I LUNG LAS BYUNG BAS 'GRO BA DE SNANG BA CAM DU YONGS SU BRTAGS NAS 'DI'I THUN MONG MA YIN PA'I RANG BZHIN NI RJES SU DPAG PA DANG, LUNG YIN PA'I PHYIR DANG PO'I TSAD MA'I GNAS SKABS TE, DON DE NYID KYIS NA LUNG SPYAD PA DANG, LHAN CIG RJES SU DPAG PA'I LE'U DANG POR BSHAD DO, ,GNAS SKABS 'DI NI NGES PAS 'GRO BA LAS 'PHAGS PA YIN YANG RNAM PAR BSLAD PA NYID YIN PAS YONGS SU RDZOGS

, ,PA BSHAD PA NI BDE GSHEGS ZHES BYA'O, ,YUN RING POR GOMS PA LAS RNAM PA THAMS CAD GSAL BAR GYUR PA 'DI NI DE KHO NA'I TSAD MA'I GNAS SKABS TE, CHOS DANG GANG ZAG LA BDAG MED PA DAG LAS GCIG YANG MA ZHUGS PA'I PHYIR 'GRO BA LA NI 'DI'I GTAM YANG MED DO, ,DE NYID KYI PHYIR GANG ZAG GI BDAG MED PA LA LTOS NAS BDE BAR GSHEGS PA NYID KYI SGRUB BYED NI TSAD MA GRUB PA'I LE'U YIN LA, CHOS KYI BDAG MED PA ZAB MO LA LTOS NAS, MNGON SUM GYI LE'U GNAS SO, ,KHYAD PAR PHUL DU BYUNG BA YIN YANG RANG GI DON GRUB PA TZAM GYIS NI KHYAD PAR CAN GYI BLO RGYAS PAR BYED PA MA YIN NO ZHES BSHAD PA NI SKYOB PA ZHES BYA'O, ,DE LA GANG ZAG GI BDAG MED PA'I PHYOGS LA KHA CIG GI 'DOD PAS NI DAG PA 'JIG RTEN PA'I RNAM PAR RTOG PA MNGON SUM DU BYED PA SRID PA'I PHYIR DANG, 'DI'I 'DOD PA LTAR NA BSGOMS PA LAS BYUNG BA'I SHES RAB KYIS RDUL PHRA RAB SO SOR 'GRO BA MTHONG YANG, RNAM PAR RTOG PA DANG CIG SHOS KYI SHES PA DAG CIG CAR 'BYUNG BA MI 'GAL BA'I PHYIR RAM, SHIN TU GOMS PA LAS RNAM PAR RTOG PA MED PA LA YANG LAN BRJOD PAR RIGS PA'I PHYIR TE, SPROS PAS CHOG GO, ,GNYIS SU MED PA LTAR NA NI RMI LAM BZHIN DU BYIN GYI RLABS KYI KHYAD PAR GYIS STON PAR SNANG BA'I SHES PA NYID STON PA YIN PA'I PHYIR SKYON MED DO, ,'DI YANG GZHAN DON GYI RJES DPAG STON PAR BYED PA GSUNG RAB KYI RANG BZHIN YIN PA'I PHYIR MTHAR GZHAN GYI DON GYI RJES SU DPAG PA'O, ,GAL TE GZHAN GYI DON BRJOD PA YANG LUNG YIN LA, SNGA MA YANG LUNG GI RANG BZHIN YIN PAS GNYIS CI BYA ZHE NA, BRJOD PA LUNG DANG PO NI RANG GI DON TE, GZHAN DANG 'BREL PA'I DE KHO NA MTHONG BA'I RGYU YIN ZHING 'DI NI RANG DANG 'BREL PA GZHAN GYI DON DE MTHONG BA'I 'BRAS BU YIN PAS 'THAD DO, ,YANG NA SNGA MA NI LUNG LAS BYUNG BA SHES PA'I RANG BZHIN BCOM LDAN 'DAS YIN LA, DA LTAR NI LUNG GI RANG BZHIN NYID YIN TE, DE LAS BYUNG BA'I SHES PA'I RANG BZHIN GZHAN NYID YIN PA'I PHYIR SKYON MED DO, ,DES NA DE LTAR BCOM LDAN 'DAS NYID TSAD MA YANG DAG PAR GRUB PAS NGES PA BYA'O ZHES RIGS SO, ,YANG NA 'JIG RTEN

PA NYID KYI MNGON SUM LA SOGS PA'I TSAD MA GRUB PA BYA'O ZHES BYA BA YIN NO, ,CI'I DON DU ZHE NA, TSAD MA YANG DAG ZHES SMOS TE BCOM LDAN 'DAS KYIS RANG BZHIN GYI TSAD MA THOB PA'I PHYIR TE DE'I DON DU'O, ,TSAD MA YANG SNGA MA BZHIN NO, ,CI ZHIG BYAS NAS SHE NA, DE NYID LA PHYAG 'TSAL NAS ZHES DON GYIS SO, ,YANG NA TSAD MA DANG 'DRA BAS TSAD MAR GYUR PA STE, CI LTAR MNGON SUM LA SOGS PA MA RTOGS PA'I DON GSAL BAR BYED PA NYID KYIS TSAD MA YIN PA DE BZHIN DU BCOM LDAN 'DAS KYANG 'PHAGS PA'I BDEN PA BZHI LA SOGS PA MA RTOGS PA'I DON GSAL BAR BYED PA'I PHYIR TSAD MA YIN NO, ,JI SKAD DU SKYOB LA ZHES GSUNGS PA YIN NO, ,DE NYID KYI PHYIR YANG NA SKYOB ,BDEN PA BZHI NI STON MDZAD YIN, ,ZHES 'CHAD PAR 'GYUR RO, ,DE LTA BU DE GANG YIN ZHE NA, BDER GSHEGS ZHES GSUNGS TE, 'DI NI DE KHO NA MNGON DU MA BYAS PA'I PHYIR RO, ,GZHAN TSAD MA MA YIN NO ZHES BSTAN TO, ,'O NA 'DI NYID JI LTAR YIN TE, GLO BUR BA NYID NI MED DO SNYAM NA STON PA ZHES GSUNGS SO, ,'DI'I THABS GOMS PA YANG GANG GIS SBYAR BA YIN SNYAN NA, 'GRO LA PHAN BZHED PA ZHES GSUNGS SO, ,DES NA TSAD MA YANG DAG CES BYA BA RIGS PA NYID DO, , 'DIS NI TSAD MA GZHAN SMRA BA DANG, RNAM PA DE LTA BU TSAD MA MED PAR SMRA BA YANG BSAL BAR RIG PAR BYA'O, ,DE LA TSAD MA YANG DAG CES BYA BAS NI, TSU ROL MDZES PA PA LA SOGS PA BSAL LA, PHAN BZHED PA ZHES BYA BAS NI SEMS PAS STONG PA'I RIG BYED TSAD MA NYID YIN PA BKAG GO, ,BSOD NAMS DANG YE SHES KYI TSOGS GOMS PAS NI SDONG RIS LA SOGS PA DANG, GRANGS CAN GYI RNAL 'BYOR PA TSAD MA NYID YIN PAS BKAG GO, ,RGYU'I GNAS SKABS GNYIS KYI NI DBANG PHYUG DANG PO'I SKYES BU LA SOGS PA'O, ,BDER GSHEGS KYIS NI BAG CHAGS DANG LDAN PA'I NYAN THOS RNAMS SO, ,LAS STON PA'I MTSAN NYID SKYOB PAS NI RANG SANGS RGYAS RNAMS TSAD MA NYID YIN PA BKAG STE, 'DIR NI DE DAG GAM DE DAG GI DON DU, MNGON SUM LA SOGS PA'I BSGRUB PA'I SKABS MA YIN PAS GANG GIS 'DIR PHYAG BTZAL BAR 'OS PAR 'GYUR RO, ,

, ,'DIR YANG GANG GI TSE BCOM LDAN 'DAS NI DE'I DAN TZAM YIN LA, 'JIG RTEN PA'I TSAD MA NYID DNGOS SU BSHAD PAR BYA BA YIN PA DE LTA NA YANG DE'I GNAS SKABS KYI DBYE BA THA DAD PA NYID DER DE'I DON YIN TE, LE'U 'DIS DE BZHIN KHO NAR STON PA'I PHYIR RO, ,'CHAD PAR 'GYUR BA 'PHAGS PA'I BDEN PA BZHI PO RNAMS SU NI RJES SU DPAG PA BSTAN PA MA RTOGS PAR BDE BLAG TU MI RTOGS PA'I PHYIR RJES SU DPAG PA DANG POR BSHAD PA'I RIGS SO, ,CHAD MA RNAM NGES SU NI DE LTA MA YIN TE, DE YI GZHUNG NI BSAL BAR BYA, ,ZHES BYA BAS GSUNG RAB KYI RNAM 'GREL TZAM DU DAM BCAS NAS KUN DU THA DAD PA'I TSAD MA RTAG PA'I SGO NAS GSUNG RAB KYI DON GYI TSOGS GZHUNG 'DZUGS PA LA 'JUG PAR DMIGS PA'I PHYIR RO, ,DES NA DER NI 'JIG RTEN DANG RJES SU MTHUN PA'I GO RIMS NYID RIGS SO, ,GAL TE YANG DON 'DI DER YANG BRJOD PAR 'DOD PA DE LTA NA YANG, DNGOS SU NI MA BRJOD LA RNAM 'GREL 'DIR NI DE NYID DNGOS SU BRJOD, RNAM 'GREL NYID NI DON GYIS 'PHANGS PA YIN TE, TSAD MA GRUB PA'I BSTAN PA'I SGO NAS GSUNG RAB KYI DON GZHUNG 'DZUGS PAR MTHONG BA'I PHYIR DANG, TSAD MA NI GTZO BOS NYE BAR MTSON PA LHUR BYED PA'I PHYIR RO, ,GANG GI TSE 'DIR TSAD MA'I SGRA NI 'JIG RTEN PA LA 'JUG LA, BCOM LDAN 'DAS NI DE'I DON YIN PA DE'I TSE BRJOD BYA DANG DGOS PA NGAG GI DON YIN NO, ,DGOS PA YANG BRJOD BYA TSAD MA 'AM BRJOD BYA DANG RJOD BYED KYI SGRUB BYED RTOG PA YIN TE, BCOM LDAN 'DAS KYI RANG BZHIN 'BRAS BU LA LTOS TE, GNYI GA LA YANG NYE BAR MKHO BA YOD PA'I PHYIR RO, ,'DIS NI BSTAN BCOS KYI DON YIN PA'I PHYIR ZHES BYA BA BSHAD PAR DON GYI SGRA DGOS PA BRJOD PA YANG SBYAR BAR BYA'O, ,BSTAN BCOS KYANG RANG GI BRJOD BYA TSAD MA DANG GCIG TU NYE BAR BTAGS PA'I PHYIR DANG, BRGYUD PAS BCOM LDAN 'DAS 'BRAS BU YIN PA'I PHYIR BRJOD BYA DANG DGOS PA BSTAN TO, ,BSHAD PA DANG PO LA NI MTHAR PHYIN PA'I RANG BZHIN BRJOD BYA NYID NGAG DANG PO BSTAN TO ZHES BYA BAR GNAS SO, ,TSIG BSHAD DANG PO'O,, ,,GAL TE DGONGS PA RAB TU GRAGS PA'AM, SHUGS KYIS 'PHANGS PA YIN NA, 'O NA NI 'CHAD PA PO DE'I DANG, BSTAN

BCOS MDZAD PA'I KHUR BSKUR BA'I RGYU MTSAN BSHAD PA BYED PA GZHAN GYIS MA RTOGS PA BRJOD PAR RIGS SO ZHES GNYI GA YANG 'DOGS PAR BYAS NAS, TSIGS BSHAD DANG POS SLOB DPON GYI DGONGS PA BSHAD NAS, BDAG NYID KYI BSTAN PA'I PHYIR SMRAS PA RNAM 'GREL GYI BSTAN BCOS 'DIR BLO BSGRUB PO STE YANG DAG PAR BSTAN PAR BYA'O, ,NYA'I SKAD DBYINGS 'GA' ZHIG KYANG DE'I DON DU SBYOR TE, JI SKAD DU 'BAR BI NA RE, 'JIG RTEN BLA MA KHYOD MTHONG BAS, ,TSANGS BZHIN CI STE DON MI SGRUB, ,CES ZER BA BZHIN NO, ,DES NA 'DIS 'DI 'CHAD DO ZHES SMRAS PA NA 'DI'I BRJOD BYA RNAM 'GREL YIN NO ZHES BRJOD PAR 'GYUR RO, ,YANG 'DIR CI'I PHYIR BLO SGRUB CE NA BLO NI STE, BLO GROS DE MTHA' LAS SHIN TU 'DAS TE CI LTAR DAG PAR 'GYUR BA DE LTAR DE KHYAD PAR DU BYA BA'I PHYIR TE, BSKYED PA'I DON DU'O, ,RNAM 'GREL GYI RTOGS PA DE'I DON NGES PA NI THUN MONG MA YIN PA'I PHYIR RO, ,DE'I DON YANG TSAD MAR GYUR PA'I BCOM LDAN 'DAS YIN NO, ,DE'I PHYIR DES NYE BAR BSTAN PA'I LAM GOMS PA'I SGO NAS, RNAM PAR 'KHRUL PA DANG, KUN DU BRAL BA'I 'BRAS BU BDE BAR GSHEGS PA'I BLO GROS GANG YIN PA 'DI NI DE NGES PA LA YOD PAR RIGS TE DE NGES PAR NI DE'I NYE BAR BSTAN PA'I SGO CAN GYI 'BRAS BU GRUB PA NI MI 'BYUNG NGO, ,GAL TE 'CHAD PAR 'GYUR BA'I TSUL GYIS TSAD MA NYID LAS DE'I LAM NGES PA YOD PA'I PHYIR NYE BAR BSTAN PAS CI ZHIG BYA ZHE NA, MA YIN TE ZAB PAS KYANG CI ZHIG CHES ZAB PA DE 'DRA BA'I YUL LA NYE BAR BSTAN PA MED PAR TSAD MA 'JUG PA NYID MI SRID PA'I PHYIR RO, ,RNAM PA DE LTA BU'I NYE BAR BSTAN PA NYID KYIS NI GZUNG BA'I BLO CAN RANG BZHIN NGES PAR RTOGS PA LA 'JUG PA'I TSAD MA SKYED PAR BYED DO, ,GAL TE NYE BAR BSTAN PA NYID SKYABS YIN NA, 'O NA SKYES BU DON MED DO ZHE NA, MA YIN TE, DE RGYU MED PAR MI SKYE BA'I PHYIR RO, ,'BAD PA DANG LDAN PA MA GTOGS PAR NGAG GI RGYU GZHAN NI MI 'THAD KYI, 'ON KYANG RNAM PA DE LTA BU NI SPYIR YANG MA GRUB PA'I PHYIR LAM PO CHE'I MI DANG 'DRA BA'I BYED PA PO DMIGS PA NA DE'I TSIG LA GUS PAS SU YOD NA GANG GIS TSAD MA NYID DU 'GRUB PAR 'GYUR, DE LTA BU GRUB NA NI RES 'GA' DES BYAS PA NYID 'DI 'DRA BA SHIN

, ,TU ZAB MO NYID DU 'GYUR RO ZHES 'DOGS PA NA RNAM PAR SPYOD PA'I SKABS RIGS SO, ,TSAD MA'I SPYOD YUL MA YIN PA SKYES BU'I DON THA MA'I THABS STON PA'I BSTAN BCOS KYI CHAR NI, DE LTA BU SRID PA NYID DAG PA GSUM MTHONG BA'I SKYABS YIN NO, ,MNGON PAR MTHONG BA DE YANG THAR PA'I NYE BAR MTSON BYED KYIS GZUNG BAR RIG PAR BYA'O, ,DE'I PHYIR GDON MI ZA BAR BCOM LDAN 'DAS NGES PAR BYA DGOS SO, ,DE'I PHYIR RNAM 'GREL GYI YUL CAN BSGRUB PAR BYA BA NGES PA'I 'BRAS BU DNGOS SU STON PAS NI MED NA MI 'BYUNG BA NYID KYIS RNAM 'GREL GYI BRJOD BYA TSAD MAR GYUR PA BCOM LDAN 'DAS DE NYID BSTAN PAR 'GYUR BA'I PHYIR RTZOD PA DANG PO BSAL LO, ,YANG NA DON GCIG TU ZHUGS PA'I PHYIR RNAM 'GREL GYI BRJOD BYA DANG DGOS PA NYID 'DI YANG YIN TE, DE'I BSGRUB PAR BYA BA NI, RNAM 'GREL GYI DON RTOGS PA NYID YIN NO ZHES BSHAD ZIN TO, ,DES NA RANG GI BRJOD BYA'I DGOS PA YANG DE'I SGO NAS BRTAGS PA NYID DO, ,YANG GANG DAG GI BLO DE LTAR BYA BA'I DON DU BRTZON ZHE NA, SKAL LDAN RNAMS KYIS ZHES SMOS TE, SNOD DU GYUR PA'I SKAL BA CAN RNAMS KYI'O, ,GANG DAG 'KHOR BA LA SKYO BA'I YID CAN NGES PAR LEGS PA THOB PAR BYA BA'I PHYIR LAM TSOL BA LA ZHUGS PA RTOG PA DANG LDAN PA DE DAG GI YIN GYI, GANG DAG RANG GI PHYOGS LA MNGON PAR ZHEN PAS BSGOM PA'I BLO CAN RTOG GE NGAN PA DANG 'BREL PA LAS LAM SHES PAS MNGON PAR RLOM PAS BSKYED PA RGOD BAG CAN DE DAG GI NI DE LTAR GNAS PA MA YIN NO, ,SHIN TU SRA BA'I RIGS PA'I THUN MONG MNGON PA'I NGA RGYAL BCOM PA RNAMS, GANG LAS RIM GYIS KYANG SNOD DU GYUR PA MTHAR LAM 'DI NYID BDEN NO ZHES DE LTA NA YANG DAG PAR RIG PA TZAM SKYE BO ZHES BSTAN PA'I PHYIR, BLO MI BRTAN RNAMS KYI ZHES GSUNGS TE, BLO NI YANG DAG RIG PA'I DON DU ZHES 'BREL TO, ,YANG DAG PAR RIG PA 'DI NI LAM DANG LAM MA YIN PA RIG PA 'AM YANG DAG PAR SAD PA STE, SNGAR NI GNYID MTHUG PO LOG PA DANG 'DRA'O ZHES BYA BA'I DON TO, ,GAL TE YANG SKAL LDAN RNAMS KYI YANG DAG PAR RIG PA YANG DE NYID YIN PA DE LTA NA YANG, DE DAG DE TZAM DU GNAS PA NI MA YEN TE, BSGOM PA LA RGYUN DU GZHOL BA

RNAMS DUS GANG YANG DON DAM PA LA GNAS PA'I PHYIR RO, ,'DI DAG NI BSGOM PA'I DON DU DE'I RJES SU 'BRAD BA MA YIN GYI, 'ON KYANG SHES PAR 'DOD PAS SPYOD PA LA 'JUG PA'I PHYIR RTOGS PA SKYES KYANG BSGOM PA LA MI SBYOR BAS MTHAR THUG PA'I 'BRAS BU MED PA DANG DE TZAM DU GNAS PAR BRJOD DO ZHES RIGS SO, ,'DI NI SNYAN DANG GAS KYI YON TAN THA MAS BSAL BAR BYED PA STE NGAG GNYI GA DANG 'BREL PA TZAM GYIS KYANG DOGS PA GCOD PAR NUS PA'I PHYIR GDON MI ZA BAR DANG GI SGRA SBYAR BA LA MI LTOS, ZHUGS GYUR DE'I LAG RTZE LA CHU, ,'DOD LHA'I YID LA MYA NGAN ME, ,ZHES BYA BA LA SOGS PA DANG PO GSAL BAR BYED PA DANG, DPER NA 'DI NYID DU PHAL CHER MTHONG BA MED PA NYID CES BYA BA DBUS NAS GSAL BA BZHIN NO, ,DE LA 'DI SNYAM DU GAL TE RNAM 'GREL BSHAD PA GZHAN YOD PA MA YIN NAM, CI'I PHYIR 'DI RTZOM SNYAM DU DOGS NA BSHAD PA, MNOG MED TSUL NI LUGS TE DE DANG BRAL BA'I PHYIR RO, ,GANG LA GANG GI RO BRO BA MED PA DE NI DER MI 'JUG GI ,RNAM 'GREL LA NI BSHAD KYANG DE YOD PA'I PHYIR 'JUG PA LA GAGS MED DO, ,GAL TE DE LTAR NA CHA 'DI LA 'GREL PA BYED PA SLOB MA'I DANGS MA SLOB DPON LHA DBANG BLO GNAS DANG GNAS DAG TU 'GREL BSHAD BYED PA SLOB DPON CHOS MCHOG LA SOGS PA YOD PA MA YIN NAM, DES NA RO BRO BA CI ZHIG YOD CE NA, MANG DU YOD MOD KYI NGAG DANG YID KYI SKYON MED PAS SLOB DPON GYI BZHED PA MA 'KHRUL PAR BYED PA GANG YIN PA DE DAG NI MA MTHONG NGO ZHES BSTAN PA'I DON DU BYED PA DANG PO SMRAS PA, 'DIR SMRA BA PO STE 'CHAD PA PO MTHONG BA MED DO, ,SPYIR MA GRUB PA CI 'DRA BA ZHIG CE NA, SKABS DON ZHES BYA BA SMOS TE, SKABS SU 'BAB PA'I DON RGYA CHER TE NGAG GI TSOGS CI SNYED KYIS GZHAL BYA'I TSOGS YONGS SU RDZOGS PAR 'GYUR BA DE DAG GI BYED PA MTHONG BA MED PA MTHONG BA MED DO, ,'DI NI RE ZHIG BSAL BA NYID DE, BSHAD ZIN PA RJES SU BRJOD PA TZAM GYIS 'GREL PA 'JUG CING 'GREL SHAD KYANG RGYA CHEN PO LHAG PAR YONGS SU RDZOGS PAR MI BYED DE RNAM PAR SPYOD PA TZAM ZHIG BDAG GIS BYA ZHE NA SMRAS PA YIN NO, ,RGYAS PAR MI BYED PA DE YANG GOL BAS 'JIGS SAM, 'BRAS BU'I BLOS MA

, ,NGES SO, ,'DIS NI BRJOD PAR BYA BA MA SMRAS PA BRJOD DO, ,'DIR SKABS DON GYI TSIG 'DI SKABS DON MA YIN PAR RGYAS PAR BYED PA YOD PAR YANG BSTAN TE, DPER NA 'DI NYID KYI, RNAM PA MED PA'I SHES PAS RDUL PHRA RAB RNAMS MA 'DRES PAR 'DZIN PA'I GZHUNG DU RGYA BSKYED PA LTA BU STE, MDO SDE PA'I TSUL SKABS YIN PA'I PHYIR RO, ,DON GYI SGRAS NI, DON MA YIN PA RGYA CHER BYED PA BSTAN TE, DPER NA RNAM MED KYI RNAL 'BYOR SPYOD PA'I GZHUNG DU 'AM 'GREL PA BYED PA'I DE KHO NAR RGYU DANG 'BRAS BU'I DNGOS PO GZHUNG 'DZUGS PAR RGYA BSKYED PA BZHIN NO, ,'DIS NI BRJOD PAR BYA BA MA YIN PA BRJOD DO, ,DE LTAR NGAG GI SKYON BRJOD NAS YID KYI SKYON BRJOD PAR BYA'O, ,DE YANG GSUM STE GZHAL BYA'I DON KHO NA NYID LA 'KHRUL PA'I PHYIR DANG BSTAN BCOS KYI BRJOD BYA DANG, DGOS PA MA BRTAGS PA'I PHYIR DANG, MI GZO BA'I PHYIR RO, ,DE LA DON DAM DNGOS PO'I DE KHO NA NYID YANG DAG PA'I PHYIR 'DZIN CING NGES PAR 'DZIN PA'I BLO GANG YIN PA BLO DES SNYING PO MA YIN PA STE RIGS PAS MI GNAS PHYIR GSOG TU GYUR PA TSUL GANG NGAG GIS BSAL BA'I SMRA BA PO DE DAG MTHONG BA MED DO, ,GZHAL BYA'I DE KHO NA NYID RTOGS NA NI GDON MI ZA BAR SNYING PO MA YIN PA BSAL BAR 'GYUR NA SNYING PO MA YIN PA BSAL BAS DNGOS PO'I DE KHO NA NYID MA RTOGS PAR GRUB PO, ,GANG DANG GANG DAG BSLANG NAS SUN 'BYIN PAR 'GYUR BA STE, THE TSOM GYIS ZIN PA YANG TSAD MA NYID DU 'GYUR BA LA SOGS PA BZHIN NO, ,YANG NA BSTAN BCOS NYID KYI DON DAM PA BRJOD BYA 'AM DGOS PA'O, ,DE 'DZIN PA NI BRJOD BYA 'AM DGOS PA YANG DAG PAR BSDUS PA STE DE'I BLOS SNYING PO MA YIN PA'I TSUL BSAL BA'I SMRA BA PO MTHONG BA MED DO, ,DON DAM PA DE YANG NYI TSE'AM TSOGS PA YIN NO, ,NYI TSE BA NI DPER NA, SGRA LAS BYUNG BA YANG MNGON PAR 'DOD PA STON PA'I PHYIR ZHES BYA BA LA, SGRA'I YUL CAN GYI SHES PA LA MNGON PAR 'DOD PA YONGS SU RDZOGS PA TZAM GYIS MI SKU BA NYID 'THAD PA NI BRJOD BYA YIN ZHING GZHAN DAG DAD MA 'BREL PA'I PHYIR, MNYAN PA'I BLO YANG TSAD MI 'GYUR ZHES BYA BA 'DI BSAL BA DGOS PA YIN PA MA RTOGS PAS SPANGS TE 'CHAD PAR 'GYUR BA'I TSIGS SU BCAD

PA'I DON DANG SBYOR BA NI SNYING PO MA YIN PA'I TSUL YIN NO, ,DE BZHIN DU, YANG DAG MIN PA BZLOG DON DU, ,YANG DAG NYID GSUNGS ZHES BYA BA LA SOGS PA RNAMS SU YANG BLTA BAR BYA'O, ,GNAS JI LTA BA BZHIN DU BRJOD PAR BYA STE, 'DIR SUN PHYUNG BAS NI, CIR YANG BYAR MED DO, ,TSIGS PA'I NI RE ZHIG BRJOD PAR BYA BA 'GREL PA BYED PAS TSAD MA KUN LAS BTUS PA YIN PAR SEMS LA, 'GREL BSHAD BYED PAS NI TSAD MA NI GTZO BO YIN ZHING TSAD MA KUN LAS BTUS PA NI ZHAR LA YIN NO, ,TSAD MA YANG KUN DU THA SNYAD PA YIN GYI, BCOM LDAN 'DAS KYI RANG BZHIN 'JIG RTEN LAS 'DAS PA NI MA YIN NO ZHES BYA BA DANG, DGOS PA YANG SLU BA DANG BRAL BA BTUNG BA DANG BKRU BA LA SOGS PA 'THOB PA YIN GYI MNGON PAR MTHO BA DANG NGES PAR LEGS PA DAG THOB PA NI MA YIN NO ZHES BYA BAR SO SO DON DAM PA CUNG ZAD RTOGS PA DE YANG, MTHAR PHYIN PA RTOGS PA MED PA'I PHYIR, MI BRTAN PA YID DU GYUR PA NA, CUNG ZHIG MI GSAL BAR SMRA'O ZHES BSHAD PA NI, RAB TU GSAL BAR SMRA BA PO MTHONG BA MED CES BYA'O, ,DPER NA JI LTAR 'GREL BSHAD BYED PA 'DAM MA CHU RDU 'DZIN PA LTA BUR MTHONG BA'I CHAD MA LA RMONGS NAS MTHONG BA LA MA 'PHEL BAR BYED DO ZHES BYA BA DANG, MTHAR GSUNG RAB RGYA MTSO'I RIGS GZINGS RGYA CHEN RNAM NGES 'DI NI ZHES DAD PA TZAM GYIS NYE BAR BSGRUB PA BZHIN DU BRJOD PA LTA BU'O, ,'DIS NI MI MKHAS PAR BRJOD DO, ,GZHAN GYIS DON DAM PA MA RTOGS NA, THA SNYAD TZAM GYI BSTAN BCOS NYE BAR MKHO BA MA YIN PA'I PHYIR BLANG BYA MA YIN PA NYID DU 'GYUR TE, RANG GIS RTOGS NA GO BSHAD PA BYED PA LA YON TAN CI YOD, GANG GI PHYIR DE LTAR NGANG DANG YIN GYI NYES PA SNA TSOGS KYIS SLOB DPON GYI BZHED PA 'CHOL BAR BYED PA DES 'DIR MNOG MED TSUL DANG BRAL BAS, BLO BSGRUB PO ZHES 'BREL TO, ,CI'I DON DU ZHE NA, BLO NI MTHA' 'DAS DAG PAR BYA PHYIR ZHES BYA STE, DGOS PA'I DGOS PA'I MTHAR THUG PA YIN LA, RNAM 'GREL GYI SGO NAS NI BRJOD BYA'I'O, ,'O NA DE'I DON GYI BSHAD PA LA 'DIS CI BYA ZHE NA, DE NI MED DE RNAM PA 'DIS NI DE'I DON NYID GSAL BAR BYAS PA YIN TE, DE LTA MA YIN NA PHYAG BYED PA TZAM DU SEMS PAR 'GYUR RO, ,YANG NA

, ,'DIR BLO BSGRUB PO ZHES BYA BA NI 'BRAS BUS RGYU BSTAN PA'I PHYIR 'DI BSHAD PA'I GZHUNG BYA'O ZHES BYA BA'I DON 'DI NYID YIN NO, ,GAL TE GZHUNG GZHAN YOD PA 'DI MI KHOM PA CI YOD CE NA, MTHA' 'DAS PA'I BLO BDAG GI GZHUNG GIS BYA BA DE'I PHYIR NA MA RTOGS PA TZAM BZLOG PA LA MKHO BA DE DAG GIS BSHAD PA'I DON DE'I MA YIN NO, ,'DI GA LAS SHE NA, MNOG MED KYI TSUL MED PA'I PHYIR RO, ,BDAG GI GZHUNG GIS BSHAD PA YONGS SU DAG PA'I TSUL NI RNAM 'GREL GYI RTOGS PA GCIG TU RNAM PAR DAG PAR BYED PA YIN NO, ,'O NA BSHAD PA BYED PA GZHAN DAG GI GZHUNG LA MA DAG PA CI 'DRA BA ZHIG CE NA, SNGA MA PHYED PO SNGA MA BZHIN NO, ,YANG GANG DAG GI BLO MTHA' 'DAS DAG PAR BYA BA'I PHYIR 'DI BLO SGRUB GANG GI PHYIR 'GREL PA DANG 'GREL BSHAD LA MNGON PAR ZHEN PA, DE'I NYES PA THOB PAS BLANG BA'I SDANG BAS PHYIR LA MNYAN PA DANG 'DZIN PA LA SOGS PA'I BGEGS SU 'GYUR RO ZHE NA, SKAL LDAN TE SNOD DU GYUR PA RNAMS KYI'O, ,GANG DAG SNANG BA DANG, SHES RAB NGAN PA DANG DON DU GNYER BA SPANGS NAS, GZU BOR GNAS PA DANG, BLO DANG LDAN PA DANG, DON DU GNYER BA NI THOS PA'I SNOD YIN PAR BRJOD DO ZHES BYA BA'I MTSAN NYID CAN NO,, BLO DANG LDAN PA ZHES BYA BA NI, BSNGAGS PA LA LDAN PAR 'DOD PA'I PHYIR NA, GAL TE MANG DU 'GREL PA DANG 'GREL BSHAD DAG LA MNGON PAR ZHEN PA DE LTA NA YANG GANG DAG BDAG GI LUS 'DZIN PAR 'GYUR BAS NYI MA SBAS PA LA SOGS PA LTA BU'I NYAN PA PO'I MTSAN NYID DANG LDAN PA 'GA' ZHIG 'BYUNG BAR 'GYUR RO SNYAM DU DGONGS PA YIN NO, ,GANG DAG MNGON PAR ZHEN BA CAN LOG PA'I NGA RGYAL GYIS BSKYED PAS BLO MI BRTAN PA DAG ,SUN 'BYIN PA'I BSAM PAS KYANG, 'JUG PAR BYED PA DE DAG KYANG SNGA MA BZHIN DU YANG DAG PAR RIG PA TZAM SKYE BAR 'GYUR RO, ,DE DAG KYANG RIM GYIS RNAM 'GREL LA SHIN TU DAG PA'I BLO 'THOB PAR 'GYUR GYI, DE'I DUS SU NI MA YIN TE, SHIN TU RGOD PAS DKRUGS PA'I PHYIR RO, ,GANG DAG DE'I LUGS KYI GDON GYIS ZIN PA, SHIN TU BLO RMUN PA'I NYES CHAGS PA'I BLOS BSHAD PA MI RTOGS PA DE DAG GIS RNAM PA THAMS CAD DU YAL BAR DOR

BA'I SNOD YIN NO ZHES BYA BA'I DON TO, ,DE LA GANG GI PHYIR DE LTA BU'I SMRA BA PO MA MTHONG BA DES NA, 'DI BRTZAM MO ZHES BRJOD PA 'DIS NI 'DI BRTZAMS PA LAS SNGA ROL NYID DU DE LTA BU'I SMRA BA PO YOD PA BKAG PA'I PHYIR, BDAG NYID DE LTAR 'CHAD PAR BYED PA MI 'GAL BA YIN NO, PHAL CHER GYI SGRAS NI 'GA' ZHIG TU DON CI LTA BA BZHIN DU BRJOD PA'I YANG SKABS 'BYED PA YIN TE, BYIS PAS KYANG DON JI LTA BA BZHIN BRJOD PA 'GRUB PA'I GSAL BA ZHIG TU YANG, 'GREL PA GZHAN BYED PA DE DAG LA GUS PA NI MA YIN TE, SKYES BU MANG DU SMRA BA LA, ,BDEN DON CAN CIG MED DAM CI, , ZHES BYA BA'I TSUL GYIS SO, ,DES NA TSIGS SU BCAD PA 'DIS, 'DIR YANG DAG RIG PA'I DON DU ZHES BYA BAS NI 'DI'I DON BRJOD BYA RNAM 'GREL YIN PAR BSTAN TO, ,DE LA DANG PO PHYED KYIS NI GZHUNG BYED PA RNAMS KYIS MA RTOGS PA SLOB DPON GYI KHUR KHYER BA'I RGYUR BSTAN PA LA, LHAG MA RNAMS KYIS NI, DE MA THAG PA'I BSHAD PA LA SOGS PA YAN LAG DANG BCAS PAR BSHAD LA, BSHAD PA SNGA MA LA NI DGOS PA'I SGO NAS RNAM 'GREL GYI RTZA BA'I BRJOD BYA DANG DGOS PA'I ZHES BYA BA NI MDOR BSDUS PA'O, ,'DI LA GZHAN DAG YANG DAG RIG PA'I DON DU ZHES BYA BA YANG DAG RIG PA'I KHAMS LAS 'BAD PAS YANG GI RKYEN DANG, DBYE BA BYAS NAS, SKAL LDAN BLO MI BRTAN RNAMS KYI, ,ZHES BYA BA YANG GZHI MTHUN PA'I DRUG PAR SBYOR BAR BYED DO, ,DE LA SKAL LDAN ZHES BYA BA NI LHAN CIG SKYES PA'I SHES RAB BAM, RIGS PHUN SUM TSOGS PAS SO, ,BLO MI BRTAN ZHES BYA BA SGRUB PA LAS BYUNG BA'I SHES RAB BAM, GROGS PHUN SUM TSOGS PAS SO ZHES BYA BA LA SOGS PA DON LA LAG NOM BYED PA DE DAG KYANG SHIN TU LEGS PA MA YIN TE, MI BRTAN PA'I SGRAS NI YON TAN GYI PHYOGS SU MI BZOD PA'I PHYIR RO, ,RNAM PA CI LTAR RUNG RUNG DU BYED NA NI MA LEGS PAR PAS PAR 'GYUR RO, ,'DI LTAR G-YER BA LA SOGS PA'I SGRA SPANGS AA NU PHRA SA 'DOD PAS MI BRTAN PA'I SGRA 'DI SBYAR BA NI GSAL BAR RJOD BYED MA YIN PAR 'GYUR NA, 'DI NI SNYAN DANG GAS PA CHEN PO YIN NO, ,MKHAS PA'I RGYAN DU, BSTAN BCOS SGYU RTZAL BZOD DAG PA, ,KUN GYI KA SHA'I RDO YIN TE,,

, ,SNYAN DNGAGS SMRA PO'I ME TOG GIS, ,BDAG NI ME TOG RNAM PA YIN, ,ZHES GSUNGS SO, ,GANG DU YI GE LHAG PA'I RKANG PA 'GA' ZHIG TU DMIGS PA DER YANG SKYON MED DO, ,RANG NYID KYIS SDEB SBYOR DAM BCAS PA 'AM, SPYIR GRUB PA'I NGES PA MED PA'I PHYIR RO, ,BSTAN BCOS BYED PA LA NI, SAm SKRi TA TZAM GYIS NGES PA NYID NGES PAR SGRUB PA YIN NO, ,DES NA GAL TE GOMS PA LAS SDEB SBYOR NYAMS PA'I TSIG BKOD PAS CI DE NYID LA MNGON PAR ZHEN NAM, YANG NA RANG GIS BYAS PA PHYIR ZHU THUG MA BYAS PA'I PHYIR BDAG NYID CHEN PO NYID DE, NYES PA MI MKHAS PA RNAMS LA YIN NO, ,YANG NA DE NI SKYON MA YIN PA NYID DE, TSIGS SU BCAD PA'I DBYE BA NI DE KHO NAR MTHA' YAS PA'I PHYIR RO, ,DANG PO RTZOM PA NYID NI RTZOL BA RIGS PAS NA, RJOD BYED MA YIN PA SBYAR BAS NI 'CHAD PA PO'I YON TAN YANG RGYAS PAR MI BYED DO, ,BSHAD PA SNGA MA LTAR DE LTAR BYAS PA LA NI, DON GYI KHYAD PAR 'GA' ZHIG YOD PA YANG MA YIN NO, ,GROGS PHUN SUM TSOGS PA LA SOGS PA TSIG GZHAN GYIS BRJOD PAR MI NUS LA MI BRTAN PA'I TSIG DANG RJES SU MTHUN PA SPANGS PA MA YIN NO, ,DES NA 'DI 'DRA BA'I BSHAD PA NI BTANG SNYOMS SU DOR BA NYID PA'O, ,TSIGS SU BCAD PA GNYIS PA'O, ,DES NA SLOB DPON GYI THUGS LA GNAS PAS NI, BSHAD PAR BYA BA TSIGS SU BCAD PA DANG PO'I PHYED DANG PO'I LHUR BYA BA RE ZHIG BSHAD PA NI, BSTAN BCOS D'I LA ZHES BYA BA STE, TSOGS LAS BSTOD PA'I BSTOD PA'I RIGS KYIS, DMIGS PA SEL BAR BYED PA'O, , 'DI LA BCOM LDAN 'DAS LA BSTOD PA MNGON PAR BRJOD PA GANG YIN PA NI, BSTAN BCOS KYI DON YIN PA'I PHYIR TE, RANG GI LHA YIN PA TZAM GYIS NI MA YIN NO ZHES BYA BA'I DON TO, ,GAL TE 'DIR 'DOD PA'I LHA TZAM LA BSTOD PA MNGON PAR BRJOD PA SPYAR NA SKYON CI YOD DE, BSTAN BCOS BYED PA RNAMS KYI RTZOL BA THAMS CAD NI RANG GI LHA LA MCHOD PA SNGON DU 'GRO BAR 'OS BA NYID DO, ,DE TZAM GYIS KYANG BSTOD PA DANG PHYAG 'TSAL BA DAG DON BYA BAR 'GYUR BA'I PHYIR, GANG LAS GTZOR BYA BA TSOL BA NI 'DI LA ZHES BYA BA LA SOGS PA 'JUG PAR 'GYUR BA, 'DIR LHAG PA CI ZHIG SNANG, SKABS

SU BAB PA'I BSTOD PA DANG PHYAG 'TSAL BA DAG LAS BSTOD PA NYID LA 'PHANGS PA'I THUGS DGONGS 'CHOL GYI, PHYAG 'TSAL BAR NI MA YIN NO ZHES BYA BA YANG CI ZHIG 'BREL, BSTOD PA NYID LA 'PHANGS PA'I THUGS DGONGS YOD KYANG BSTAN BCOS KYI DON YIN PA'I PHYIR ZHES BYA BA'I GTAN TSIGS GO CI LTA BU, BSTOD PA NYID LA BSTAN BCOS KYI DON NAM, BSTAN BCOS KYI DON LA BSTOD PA NYID KYANG MA YIN TE, GNYI GA LTAR YANG 'KHRUL PA'I PHYIR RO, ,DES NA BSTAN BCOS KYI DON ZHES BYA BA NI, SHES PAR BYED PA 'AM, BYED PA'I RGYU MA YIN PAS NA, CI LTAR LNGA PAR 'BREL PAR 'OS SHE NA, 'DI LA BSAM PA 'DI YIN TE, BSTOD PA MNGON PAR BRJOD PA RANG GI LHAS MA SBYAR BA NI MI 'DOD KYI, 'ON KYANG 'DI GCIG TU DER NGES PA MA YIN PAR SMRA STE, BSTAN BCOS KYI DON KYANG DE'I SBYOR BYED YIN PA'I PHYIR RO, ,'O NA RANG GI STON PA YIN PA'I PHYIR DANG, BSTAN BCOS KYI DON YIN PA'I PHYIR ZHES BRJOD PAR BYA'O, ,BYA BA YANG MI RIGS TE, GTZOR BYA BA'I DON RTOGS PA NA DE 'GA' ZHIG GTAN TSIGS YIN PA'I PHYIR RO, ,YI GE'I DON LA LTOS NAS NI RANG GI LHA NYID SBYOR BYED YIN PAR DE MA THAG TU BRJOD PA'I PHYIR GNYI GA RGYU MTSAN DU MI GAL BA DANG 'DOD PAS SKYON MED DO, ,DE LA GAL TE DANG GI LHA NYID KYIS KYANG BSTOD PA DON BYAS PA DANG DE YANG YANG DAG PA'I YON TAN BRJOD PA'I MTSAN NYID CAN YIN ZHING, BCOM LDAN 'DAS KYANG YON TAN GYI TSOGS DPAG TU MED PA'I GZHI YIN PA DES NA CI 'DI RNAM PA CI ZHIG LTAR MNGON DU PHYOGS PA TZAM GYIS TSAD MA'I YON TAN BRJOD PA'AM, 'ON TE KHYAD PAR 'GA' ZHIG LAS ZHES GZHUNG BYED PA MTSUNGS PA RNAMS KYI YANG BSAM PA ZAB MOR MTHONG BA DAG DOGS PA SRID PA'I PHYIR, SRID PA GTZOR BYA BA'I DON BRJOD PA'I SKABS CI STE MED, TSIG GAM DON LHAG PA MTHONG BA NYID GTZOR BYA BA'I DON DU RTOGS PAR NUS PA YIN TE, SKABS KYI DON GYI BYA BA'I TSIG RNAMS KYANG DON GZHAN LHUR BYED PA MTHONG BA'I PHYIR TE, DPER NA DBANG PO'I ROG 'DUG PA PHAM PAR RTOGS PAR YANG GANG DU MTHONG, DES NA SPROS PA 'DI LHAG PAR ZHEN PA TZAM GYIS GRUB PA YANG MOD LA DOR BAR MI NUS SHING, RGYU 'BRAS KYI DNGOS PO

, ,NI KHYAD PAR DU YANG MI NUS TE, THA SNYAD THAMS CAD NI DE'I RTZA BA CAN YIN PA'I PHYIR RO, ,LHAG PAR ZHEN BZHIN PA NI, DPYAD MI BZOD PA'I PHYIR, KUN RDZOB PAR 'GYUR RO, ,GAL TE RGYU DANG 'BRAS BU'I DNGOS PO 'DI NI THA SNYAD KYI TSUL CAN YIN NO ZHES BYA BA 'DI NYID BRJOD PAR 'DOD PA MA YIN NAM, BCOM LDAN 'DAS TSAD MAR GRUB PA CI LTAR LTOS PAR BYED CE NA, SMRAS PA THA SNYAD PA'I CHAD MA GANG YIN PA'I BCOM LDAN 'DAS DE LA LTOS NAS ZHES BYA BA'O, ,DON 'DI YIN TE, DNGOS PO'I DE KHO NA NYID GZIGS PA'I BCOM LDAN 'DAS NI GDUL BYA RNAMS LA TSAD MAS DAG PA'I LEGS PA'I LAM STON PA'I PHYIR TSAD MA YIN NO ZHES BYA BA'I DBANG DU BYAS PA YIN LA, SPROS PA DE YANG RANG RIG TZAM LA GNAS PA LAS 'DAS THA SNYAD TZAM NYID DO, ,THA SNYAD DE YANG THA SHAL GNAS PA LA LTOS TE, YANG DAG PA YIN NO ZHES BRJOD DO, ,YANG NA GNOD SPYIN DANG MTHUN PA'I GTOR MA BZHIN DU KUN RDZOB PA'I TSAD MA LA LTOS TE KUN RDZOB PA'I RGYU 'BRAS KYI DNGOS PO LA BRTEN PA'I KLAN KAR CI LTAR 'GYUR, GANG GI TSE RNAM PA THAMS CAD RNAM PAR MI RTOG PA'I TING NGE 'DZIN LA GNAS PA'I BCOM LDAN 'DAS GDUL BYA RNAMS LA STON PAR SNANG NGO ZHES BRJOD PA, DE'I TSE YANG GZHAN GYIS DMIGS PAS KHYAB PA DE NYID KUN RDZOB PA YIN NO, ,YANG GANG GI TSE GNYIS PA MED PA LA GNAS SHING, RANG GI MNGON SUM DU BYED PA'I MNGON SUM GYI SGO NAS BRJOD PA'I KUN RDZOB TU TSAD MA'I THA SNYAD BYED PA DE'I TSE NI TSAD MA NYID YIN YANG RGYU'I BSAM PA MI 'JUG GO ZHES BYA BA NI KUN DU THA SNYAD PA'I SGRAS LHUR BYA BA'I DON TO, ,DE LTAR KHO NAR RGYU DANG 'BRAS BU'I DNGOS PO MA MTHONG BA RGYU TZAM THOS PAS BSTAN PAR 'GYUR BA'I RTZOD PA BSAL NAS, RGYU GNAS SKABS GNYIS SU DAM BCAS PA RTZA BAR SBYOR BA NI, BSAM PA NI ZHES BYA BA LA SOGS PA'O, ,'GRO BA LA STON PA'I PHYIR ZHES BYA BA NI, DE'I DON NYID KYIS NA 'GRO BA LA STON PA NI THABS GOMS PA'I GNAS SKABS SO, ,YANG NA GLO BUR BA NYID DU GNAS PAS 'PHO 'JUG BYED PA'I PHYIR NA, 'GRO BA NI NYON MONGS PA'O, ,DE STON PA NI TSAR GCOD PA STE, CHOM RKUN LA RJES SU

STON PA BZHIN NO, ,DE'I THABS GOMS PA'I GNAS SKABS NA NI STON PA YANG YIN PAS NA NYON MONGS PA TSAR GCOD PAR BYED PA ZHES BYA BA'I DON TO, ,'BRAS BU RNAM PA GNYIS SKYOR BAR BYED PA NI, 'BRAS BU NI ZHES BYA BA LA SOGS PA'O, ,'GRO BA SGROL BA'I PHYIR ZHES BYA BA NI, TA YA TA'I SKAD DBYINGS NYID SKYOB PA YIN TE, DON THA MI DAD PA'I PHYIR NGAN 'GRO DANG 'KHOR BA'I 'JIGS PA LAS SKYOB PA NYID SGROL BAR BRJOD DO, ,DE NYID KYI PHYIR YONGS SU MYA NGAN LAS MI 'DA' BA'I CHOS NYID KYIS NA, RGYUN GYI DON TO ZHES DON GNYIS PA DANG YANG SBYOR BAR BYED DO, ,'DIS NI MAR ME LTAR NYAN THOS KYI MYA NGAN LAS 'DAS PA BKAG PA YIN NO, ,PHUN SUM TSOGS PA NI MDZES PA'AM, YONGS SU RDZOGS PA'O, ,DE YANG THUGS RJE CHE BA'I PHYIR DANG, SEMS CAN THAMS CAD LA DMIGS PA'I PHYIR BSAM PA'I YIN NO, ,SBYOR BA'I YANG GNYIS TE, RJES SU MTHUN PA'I GNYEN PO GOMS PA'I PHYIR DANG, RNAM PA DU MAR MANG PO DUS YUN RING POR GOMS PAR BYA BA'I PHYIR RO, ,RANG GI DON PHUN SUM TSOGS PA YANG GNYIS TE, LONGS SPYOD RDZOGS PA'I SKU THOB PA'I PHYIR DANG, RNAM PA THAMS CAD NYAMS PA MED PA'I PHYIR RO, ,GZHAN GYI DON YANG GNYIS TE, SPRUL PA'I SGO NAS NYE BAR BSTAN PA GZHAN RGOL BAS ZIL GYIS MI NON PA'I PHYIR DANG, GDUL BYA THAMS CAD LA KHYAB PA'I PHYIR RO, ,DES NA 'DIS STON PA'I SKYES BU'I DBANG DU BYAS PA'I PHYIR, TSAD MAR RNAM PAR GNAS PA'I RGYU DAM BCAS PA THOB PAR BYED PA NI, BSHAD PA'I GNAS SKABS BZHI PO GDON MI ZA BAR 'PHEN PA YIN NO, ,PHYOGS KYIS ZLA BA BSKYED NAS RLABS KYI PHRENG BA'I, LAG PA DANG LDAN RGYA MTSO GAR BYED CES BYA BA LA SOGS PA'I TSIGS SU BCAD PAR, DBANG PO PHYOGS KYI SGRA SHAR PHYOGS RJOD PAR BYED PA YIN YANG, GTZO MO'I KHYAD PAR BRJOD PA LHUR BYED PA BZHIN NO, ,CI SNYED SGRA SBYAR BA DE SNYED NI LHUR BYA BA'I DON MA YIN GYI, 'ON KYANG JI SRID GTZOR BYA BA'I DON SRID PA'O, ,BSTOD PA'I CHA LA YANG GTZOR BYA BA'I DON YOD PAS DE NYID LA BRJOD KYI, PHYAG 'TSAL BAR YANG NI MA YIN NO, ,YON TAN GYIS DRANGS PA'I PHYAG 'TSAL BA NI DE'I

, ,SGO NYID NAS BRTAGS PA YIN PA'I PHYIR LOGS SU DPYAD PA MI BYA'O, ,DES NA BSTOD PA'I GTZOR BYA BA BRJOD PA NI, 'PHANGS PA SNGON DU 'GRO BA CAN MA YIN GYI, 'ON KYANG SLOB DPON GYI TSIG ZAB PA'I KHYAD PAR LAS SO, ,GZHAN DU NI DE LTA BU NYID MTHONG BA LAS SRID PA'I RGYU MTSAN CAN YIN NO, ,'DI NI, RTOG PA'I DRA BA RNAM BSAL ZHING, ,ZHES BYA BA LA SOGS PA'I TSIGS SU BSHAD PA YIN PA'I PHYOGS LA BRJOD PA YIN NO, ,BSTAN BCOS KYI YIN PA'I PHYOGS LA NI PHYAG 'TSAL BA DANG, BSTOD PA BRJOD PA DAG GIS CI YANG NYE BAR MI MKHO BAS 'PHANGS PA SNGON DU 'GRO BA NYID GTZOR BYA BA'I DON YIN NO ZHES GNAS SO, ,GANG YANG BSTAN BCOS KYI DON GTAN TSIGS YIN PA LA, PHYIR 'JIL BA DE LA YANG, BSTOD PA ZHES BYA BA NI TSIG GI RANG BZHIN NYID KYIS 'DOD PA TZAM DANG 'BREL PA YIN LA, SKYES BU RNAMS KYI SMRA BA 'DOD PA YANG; RGYU MTSAN NGES PA MED PA LAS 'GYUR RO, ,DES NA 'DIR RGYU MTSAN GANG GIS SBYAR ZHES SPYOD PA NA, BSTAN BCOS KYI DON NYID GTAN TSIGS SU BRJOD DO, ,YANG NA LA BA PHYI BA'I LNGA PA YIN TE, BSTAN BCOS KYI DON NYID DU 'DOD NAS ZHES BYA BA'I DON TO, ,BSTAN BCOS LA NI 'DI LTA BU GAL CHE BAR 'DOD PA'I PHYIR, THAMS CAD KHA NAM THOB MED DO, ,YANG NA 'GA' ZHIG TU SKABS SU BAB PAS, 'GA' ZHIG TU 'DOD PAS, 'GA' ZHIG GNYI GA MTSAN NYID KYIS LHA LA MCHOD PAR 'GYUR RO, ,'DIR BCOM LDAN 'DAS CI 'DRA BA ZHIG BSTOD PA'I YUL GYI LHA YIN ZHES RTOGS PA NA GNYI GA'I MTSAN NYID GSAL BAR BYED PAR 'GYUR RO, ,BCOM LDAN 'DAS LA BSTOD PA MNGON PAR BRJOD PA NI, BSTAN BCOS KYI DON YIN PA'I PHYIR TE ZHES BYA BA 'DIS NI SKABS SU BAB PA NYID BRJOD DO, ,YON TAN GANG GIS BSTOD CE NA TSAD MA YANG DAG PA NYID DU ZHES BYA BA LA SOGS PA'O, ,BSTOD PA GANG ZHIG TSAD MA YANG DAG PA NYID KYI YON TAN GSAL BAR BYED PA LA 'JUG PA DE NI TSAD MA YANG DAG PA NYID KYI BRJOD BYA NYE BAR MTSON PAR 'GYUR RO, ,YANG TSAD MA YANG DAG PA NYID KYI NYE BAR MTSON PA'I BCOM LDAN 'DAS ZHES SBYAR RO, ,'DIS NI 'DOD PA NYID BSTAN TO, ,YANG NA GANG GIS DE'I

BSTOD PA BRJOD KYI, DBANG PHYUG LA SOGS PA MA YIN PA CI LTAR BCOM LDAN 'DAS NYID BSTAN BCOS KYI DON YIN TE, DBANG PHYUG LA SOGS PA YANG SKYES BU'I BSAM PAS BSTAN BCOS KYI BRJOD BYAR GYUR PA NI, CI LAR BSTOD PA'I YUL MA YIN ZHE NA, TSANG MA YANG DAG PA NYID DU BSTOD PA MNGON PAR BRJOD PA NI, BSTAN BCOS KYI DON YIN PA'I PHYIR TE ZHES GSUNGS SO, ,DON 'DI YIN TE, GANG GIS SKYES BU'I DON MCHOG SGRUB PA NYID KYIS TSAD MA GRUB PA LA SOGS PA DE LA DBANG PHYUG DANG RIG BSAGS PA LA BSAL BA CA YOD DE, DES NA TSAD MA YANG DAG PA NYID KYI BSTAN BCOS KYI DON YIN LA, BSTAN BCOS KYI DON YIN PA'I PHYIR, BCOM LDAN 'DAS NYID LA BSTOD PA YIN NO, ,YANG CI LTAR BCOM LDAN 'DAS NYID TSAD MA YIN GYI, GZHAN MA YIN SNYAM DU DOGS NA YANG DAG PA'I SGRAS BSDUS PA'I GTAN TSIGS SMRAS PA RGYU DANG 'BRAS BU PHUN SUM TSOGS PAS ZHES BYA BA'O,, SNYING RJES SBYAR BA THABS KYI KHYAD PAR GOMS PAS SGRUB PA GZHAN GYI DON BYED PA'I GNAS SKABS 'GA' ZHIG RGYU YIN LA, GNAS SKABS 'GA' ZHIG 'BRAS BU YIN PAS, DE TZAM GYIS TSAD MA YIN LA DE YANG RTAG PA LA MI 'DOD DO ZHES BYA BA'I DON TO, ,DES NA DE LTAR TSAD MA YANG DAG CES BYA BA NI; GTZO BO'I BSTOD PA'O, ,'GRO LA PHAN BZHED PA ZHES BYA BA LA SOGS PA'I TSIG NI RANG GI NGO BOS BSTOD PA YIN YANG, DE'I YAN LAG TU NYE BAR BLANGS PA'I PHYIR, GTZO BOR BRJOD PAR 'DOD PA NI MA YIN PA RTOGS PAR BYA'O, ,BSTOD PA'I GNAS BSTAN PA NI, BSTAN BCOS KYI DANG POR ZHES BYA BA STE, BSTAN BCOS KYI SLAD DU'O, ,DANG PO NYID KYANG YAL GA GCIG CHAD PA SHING GI DPES BSTAN ZIN TO, ,'DI BSAM STE BSHAD PA'I GNAS LAS GZHAN DU SRID PA'I DOGS PA MED PA'I PHYIR, DE NI RANG BZHIN BRJOD PA NYID DO, ,DE YANG GTZO BO'I DON MED PA'I PHYIR, BSTAN PA'I 'BAD PAS SMAD PA YIN PAS 'DI CI ZHIG BYA, TSAD MA GRUB PA'I LE'U NYID THAMS CAD KYI DANG POR BSTAN PA'I BSAM PAS GTZO BO'I DON NYID DU BRJOD PA YIN NO ZHES KYANG SMRA BAR MI NUS TE, DZA Y'ANTA'I 'DOD PA RGYA CHER SUN PHYUNG PA'I PHYIR RO, ,GANG YANG PHYOGS KYI GLANG PO'I BSTAN BCOS LA LTOS

, ,NAS 'DI BRJOD DO ZHES BYA BAR 'DOD PA DE YANG, DE'I BSHAD PA SPANGS PA NYID KYIS NOR BA YIN NO, ,DE'I PHYIR RANG GI DON GYI RJES SU DPAG PA'I LE'US BSGRUB PAR BYA BA'I TSUL GSUM PA'I RTAGS NGES PA DANG, GZHAN SEL BA DANG, THOS PA BRTAG PA DANG, SKAD CIG 'JIG PA LA SOGS PA RNAMS SU RNAM 'GREL GYI 'BAD PA'I CHA SKABS THOB NAS, MDOR BSTAN NAS RTOGS PA TZAM BSGRUB PA NA, LE'U GSUM PO 'DI LA BSTAN BCOS KYI THA SNYAD BSLAB PA'I BSAM PAS, RANG GI BSHAD PA LA LTOS NAS BSTAN BCOS DANG POR BRJOD PAR ZHES BYA BAR RIG PAR MTHONG NGO, ,YANG NA BCOM LDAN 'DAS BSTAN BCOS KYI DON YIN MOD DE LTAN BSGRUB BYA DE RTOGS PA BRJOD PAR BYA'I, BAR GYI BSTOD PA CI BYA ZHE NA BRJOD PA BSTAN BCOS LEN PA NI DANG PO STE 'DZIN PA'O, , MCHOG TU GYUR PA'I BRJOD BYA NYID KYIS NI, DE'I RGYU MTSAN DU 'GYUR RO SNYAM DU BSAMS PA'O, ,GAL TE BCOM LDAN 'DAS BSTAN BCOS KYI DON YIN PA DE NYID MA GRUB PA MA YIN NAM, TSAD MA GRUB PA'I TSUL BZHIN BRJOD PAR BYA ZHES BYA BA 'DI NA KUN DU THA SNYAD PA'I TSAD MA BZUNG BAS KYANG DON BYAS PAR 'GYUR BA'I PHYIR TE, 'DI NI KUN DU THA SNYAD PA'I TSAD MA'I MTSAN NYID YIN NO ZHES BSHAD PA YIN NO SNYAM NA, 'DIR NI BCOM LDAN 'DAS NYID CES SMOS SO, ,'DIS NI PHYED PHYI MA'I GTZOR BYA BA'I DON BRJOD DO, ,THA SNYAD PA TZAM GYIS NI 'DI TZAM GYI NYE BAR MKHO BA MA YIN LA, DON DAM PA DANG RJES SU MTHUN PA'I THA SNYAD PA LA LTOS NA YANG, BCOM LDAN 'DAS NYID DON DAM PA YIN PAS DE NYID LA GTZOR BYA PA YIN NO, ,'DI LTAR MNGON SUM GYI SGO NAS NI, RNAL 'BYOR GYI MNGON SUM GYI MTSAN NYID BCOM LDAN 'DAS NYID BRJOD LA, LHAG PA NI 'DI NYID KYI YAN LAG YIN NO, ,DES NA GNYI GA LTAR YANG BSTAN BCOS KYI DON NI BCOM LDAN 'DAS NYID YIN NO, ,DE YANG GANG ZAG GI BDAG MED PAR BZOD PA DANG LDAN PA'I DBANG DU BYAS NAS LE'U DANG PO 'DI NYID DU DNGOS SU BSHAD DO, ,CHOS KYI BDAG MED PA BZOD PA'I MKHAS PA ZAB MO'I BLO CAN GYI DBANG DU BYAS NAS NI MNGON SUM GYI LE'UR SNA TSOGS GNYIS MED KYI RANG BZHIN DU 'CHAD PAR 'GYUR RO, ,GAL TE YANG 'DI NYID DON DAM

BAR BCOM LDAN 'DAS YIN PA DE LTA NA YANG, GNYIS KYIS STON PAR SHIN TU PHRA BA MI BZOD PA RNAMS LA THAMS CAD DU BCOM LDAN 'DAS LAG GIS SPONG BA NYID DU 'GYUR BAS DANG PAR MA BRJOD DO, ,BSAM PA DANG POS NI 'JUG PAR BYED PA RIGS KYIS PHYI MA'I GNAS PA 'DZIN PAR RUNG BA NYED DU 'GYUR TE, BLO KHYAD PAR DU 'PHAGS PA THOB PA'I PHYIR RO, ,DE LTAR SPROS PAS CHOG GO, ,GZHUG PAR BYA BA'I SKYES BU'I NGOR NI TSAD MA ZHES BYA BA'I SGRAR BYAS SO, ,BCOM LDAN 'DAS NI SHES PA 'AM, SDANG BA DAG YANG DAG PA'I SHES PA LA RGYAB KYIS PHYOGS PA MED PA'I PHYIR DE 'DOD BSGRUB PA DE'I GZHI CAN YIN PA'I PHYIR RO, ,DES NA 'JUG PA LA SBYOR BAR BYED PAS TSAD MA GRUB PA ZHES SPYI'I SGRA SBYAR RO, ,DE NYID KYIS NI RNAM NGES SU THA SNYAD PA'I TSAD MA'I MTSAN NYID SKABS SU BYAS PA YIN YANG, DON DAM PA'I TSAD MA'I CHA BSTAN PAR SLOB DPON GYIS BSHAD DO, ,DES NA NGON DAM PAR BCOM LDAN 'DAS NYID BSTAN BCOS KYI DON YIN NO, ,SNGAR GYI BSTOD PA MNGON PAR BRJOD PA NI GTZOR BYA BA'I DON BSTAN PA'O, ,DA LTAR NI GTZOR BYA BA BRTAGS PAS BCOM LDAN 'DAS BSTAN BCOS KYI DON NYID DU BSTAN TO, ,GAL TE 'O NA BCOM LDAN 'DAS MNGON SUM GYI KHYAD PAR GYI RANG BZHIN YIN MOD, GANG GI BSTAN BCOS KYI DON YIN PAS BSTAN BCOS BLANG BYAR 'GYUR BA DE TZAM GYIS BDAG CAG LA NYE BAR MKHO BA NI MA YIN NO, ,TSAD MA YANG DAG PAS ZHES BYA BA LA SOGS PA SMOS SO, ,TSAD MAR GYUR PA NI TSAD MAR RED PA ZHES BYA BA'I DON TO, ,MA BYUNG BA LAS BYUNG BA NI YIN YANG BRJOD PAR MI 'DOD PA'I PHYIR RTZI BA'I RKYEN MED DO, ,DPER NA AU PA LAS YANG MAN NI RANG GI RGYU LAS SO ZHES BYA BA 'DIR, PA TAN DZI LIS BSHAD PA DE LA PHAN PA 'JUG PA NI, SNA TSOGS PA'I PHYIR RO, ,DES NA DE LA PHAN PA MA BYAS SO ZHES BYA BA DE BZHIN DU 'DIR YANG LTA'O, ,DE LA GANG GI TSE BSTAN BCOS KYI DON ZHES BYA BA DON GYI SGRA BRJOD BYA STON PA YIN PA DE'I TSE, BSTAN BCOS 'DIR BSGRUB PO ZHES LOG PAR RTOGS PA BSAL BA'I SGO NAS BSTAN PAR BYA'O ZHES BYA BA'I DON TO, ,GANG GI TSE DGOS PA RJOD PAR BYED PA DE'I TSE NI BSTAN BCOS 'DI YOD NA GRUB PO ZHES BYA BA MA YIN TE BSTAN

, ,BCOS SU NYE BAR BSTAN PA'I DON BSGOMS PAS 'GRUB PA'I PHYIR NA BRGYUD PAS DE'I 'BRAS BU YIN PA'I PHYIR RO, ,GANG GI TSE 'DI LA BSTAN BCOS KYI DON YOD PAS ZHES BSDU BA'I BYED PA DE'I TSE YANG DES NYE BAR BSTAN PA'I DE KHO NA NGES PAS 'JUG PA'I PHYIR, BRGYUD PAS RGYU YIN PA'I PHYIR RO, ,'BRAS BU'I RTAGS KYI BSTAN BCOS 'DI YOD NA, DES SO ZHES BYA BA'I DON TO, ,'DIR THAMS CAD DU GSUM PA'I DON LA YANG BDUN PA BYAS PA NI SGRUB BYED KYI RNAM PAR DBYE BA BRJOD PAR 'DOD PA'I DBANG GIS SO, ,RTAG PA LA NI RE ZHIG RGYU 'AM 'BRAS BU YOD PA MA YIN TE; DON BYED NUS PAS STONG PA'I PHYIR RO, ,RANG GI NGO BO SGRUB PA YANG MI NUS TE, SGRUB BYED MED PA'I PHYIR DANG, GNOD BYED SRID PA'I PHYIR RO, ,DE LTAR RGYU DANG 'BRAS BU'I GNAS SKABS PHUN SUM TSOGS PA, TSAD MA YANG DAG PAR GYUR PA BDAG CAG GI 'DOD PA'I SGRUB BYED BSTAN BCOS KYI DON TO, ,BSTOD PA'I YUL YIN NO, ,DES NA BSTAN BCOS BLANG BAR BYA BA YIN NO ZHES GNAS SO, ,GANG LA LTOS NA BCOM LDAN 'DAS TSAD MA YIN GYI, GZHAN MA YIN PA RGYU 'GAM 'BRAS BU'I GNAS DE 'ANG GANG YIN ZHE NA, DE LA ZHES BYA BA LA SOGS PA SMOS SO, ,DE DAG NANG NAS RGYU NI DE ZHIG BSAM PA DANG SBYOR BA PHUN SUM TSOGS PA'O, ,GAL TE RGYU DANG 'BRAS BU'I DNGOS PO ZHES BYA BA BDAG NYID DANG GZHI GCIG PAR KHAS BLANG BAR MI NUS TE, PHAN TSUN 'GAL BA'I RANG BZHIN GNYIS GCIG LA BSDUS BAR 'GAL BA'I PHYIR RO, ,DES NA SHES PA RTOGS BZHIN PA 'DI, GZHAN GNYIS RTOGS PA 'AM, RANG DANG GZHAN GNYIS RTOGS PAR 'GYUR NA, 'DI GNYI GA YANG RJES SU MTHUN PA MA YIN NO, ,GZHAN GZHAN GYIS RIG PA ZHES BYA BA NI DON 'GA' YANG 'BREL PA MA YIN TE, THA DAD PA LA RIG PA NI RNAM PA THAMS CAD DU BRJOD PAR MI NUS PA'I PHYIR RO,, DE'I PHYIR CI SRID SNANG BDE NI, GZUNG BA DANG 'DZIN PA MED PA'I DANG SNANG BA TZAM YIN PA'I PHYIR, GANG DU RGYU DANG 'BRAS BU'I THA SNYAD 'JUG CE NA BDEN TE, RANG RIG GCIG PA'I MTHAR THUG PA LA NI DE DE BZHIN NO, ,'ON KYANG DE'I CHU ROL DU NI THA SNYAD THAMS CAD RGYU DANG 'BRAS BU MDUN DU BYAS PA

KHO NA STE, GZHAN DU NA 'JUG PA MED PA'I PHYIR 'KHOR BA GA LA YOD, CI STE 'JUG PA DANG LDOG PA DANG GANG DU MTHONG STE, THAMS CAD RANG RIG PAS KHYAB PA'I PHYIR RO ZHE NA, GAL TE DE LTA NA BRGAL ZHING BRTAG PA'I YUL GZHAN YANG GANG DU MTHONG ZHING, BRGAL ZHING BRTAGS PA NA, KHA DAM BCAS PA NI PHAN PAR BZHED PA NYID DO, ,PHAN PA THOB PAR BYED PA NI SKYOB PA'O, ,THOB PAR RUNG BA NI BDE GSHEGS NYID DO, ,DE'I THABS NI THABS GOMS PA'O, ,DE LTAR DE DANG BRAL BA NI TSAD MA MA YI LA GANG LA DE TSAD MA DE NYID NI BCOM LDAN 'DAS YIN NO ZHES GRUB PO, ,DE LTAR GTZOR BYA BA'I DON BSHAD NAS YI GE'I DON BSHAD PA'I SKABS SU BSHAD MA THAG PA'I GNAS SKABS BZHI PO BSHAD PA NYID YAN LAG GI DON BSHAD PA DE LTA BU'I ZHES BYA BA LA SOGS PA SMOS PA YIN NO, ,YAN LAG GI DON BSHAD PA DES CI BYA STE GTZO BO'I DON BSHAD PA LHUR GYUR PA YIN LA, DE BKRAL NA GZHAN LA LTOS PA MED PA'I PHYIR RO ZHE NA, DE'I YI GE'I DON DANG MI NYE BAR, NYE BAR BSTAN PA TZAM SKYABS SU GYUR PA'I GTZOR BYA BA'I DON BYA BA NI MED DE, DES NA GTZOR BYA BA RNAMS PAR GZHAG PA'I RTEN NYID KYIS NA YI GE'I DON BRJOD PAR RIGS PA KHO NA'O, ,'DI LTAR DE LTA BU'I ZHES BYA BA NI CI SKAD BSHAD PA'I KHYAD PAR LDAS KHYAD PAR DU GYUR PA LA PHYAG 'TSAL NAS TSAD MA GRUB PA BSHAD PAR BYA'O ZHES BYA BA DANG, TSAD MAR GYUR PA NYID KYIS BCOM LDAN 'DAS LA BSTOD PA YANG THOS SHING TSAD MA GRUB PA YANG BRTZAM PA SPYI'I SGRA YANG KHYAD PAR GYIS MTHAR THUG PAR SRID PAR BYAS PA'I PHYIR NYE BAR BSTAN PA TZAM DU SGRO 'DOGS PAR MI 'GYUR RO, ,YANG NA RGYUD PHYI MA LA 'JUG PAR BSAM PAS SKABS 'DI PHYOGS PA'I PHYIR NYES PA MED MOD, 'DIR GAL TE RTZOL BA GZHAN GYIS TSIGS SU BCAD PA BZHI PA BSTAN PA DE LTA NA YANG 'DOD PHUGS SU GYUR PA NYID KYIS LAS SU BSTAN PA NYID RIGS PAS THOB PA YIN NO SNYAM DU BSAMS NAS BCOM LDAN 'DAS LA ZHES GSUNGS SO, ,RTZOL BA GZHAN DANG TSUL BZHIN GYI TSIG DANG, RKANG GSUM PA LA NI BSHAD PA BYED PA MA REG STE, SHIN TU BSDUS PA'I DON DAM PA 'JEBS PA NYID BRJOD PAR 'DOD PA'I PHYIR RO, ,DE NYID KYI PHYIR SDAR GYI SPROS PA KHO BO CAG GIS BRJOD KYANG

, ,MNGON PAR 'DOD PA MA YIN NO ZHES 'DOGS PAR MI BYA'O, ,ZAB MO'I BLO CAN DE LA BSAM PA LA GNAS PA GZHAN YANG 'GA' ZHIG YOD PAR GYUR PA'I PHYIR SUS NGES PAR BYED, YANG NA DOGS PA GANG GI DBANG DU BYAS NA TSAD MA GRUB PA 'CHAD CE NA, GZHAL BYA RTOGS PA NI ZHES BYA BA LA SOGS PA SMOS SO, ,'DIS NI GZHAL BYA RTOGS PA TSAR MA LA RAG LAS PA YIN PAR BRJOD DO, ,DE NYID KYI PHYIR SKYES BU'I DON LA RAB TU SBYOR BA 'BAD PAS TSAD MA TSOL BA YIN NO, ,'JAL BAR BYED PA ZHES 'BREL PA LHUR GYUR PA GZHAL BYA'I SGRAS NI, GZHAL BYA DANG DE KHO NA DANG, SGRUB BYED DANG, BSGRUB BYA BSTAN TE, GANG YANG RUNG BA NYE BAR BSTAN PA NI, DGOS PA MED PA'I PHYIR TE, DE TZAM NYID KYIS SKYES BU'I DON YONGS SU RDZOGS PA'I PHYIR NA GZHAN BSAM PA'I SKABS MED PA'I PHYIR RO, ,BZHI PO 'DI LAS GZHAL BYA YI NI RANG GI MTSAN NYID YIN TE, DE NYID DE KHO NAR GZHAL BYA YIN PA'I PHYIR RO, ,CI SKAD DU RANG GI MTSAN NYID GCIG GZHAL BYA ZHES BSHAD PA BZHIN NO, ,DE KHO NA'I SGRA NI SPYI'I CHOS LA 'JUG PAR RAB TU GRAGS PA KHO NA'O, ,SGRUB PAR BYED PA YANG CI RIGS PAR LUGS DANG NGANG DANG YID KYIS 'JUG PA'I MTSAN NYID DO, ,BSGRUB BYA NI 'JIG RTEN PA DANG, 'JIG RTEN LAS 'DAS PA'I RANG BZHIN GYI 'BRAS BU'O, ,'JIG RTEN NA NI, DANG POR 'GA' ZHIG TU CU DANG ME LA SOGS PA'I DNGOS PO CHOS CAN GYI RANG BZHIN YONGS SU BCAD NAS, DE'I BTUNG BA DANG BTZO BA LA SOGS PA'I BYED PA'I CHOS NGES PAR BYAS NAS, DE THOB PA SGRUB PA'I RGYUR GYUR PA DE'I YUL DU 'GRO BA LA SOGS PA MTSAN NYID 'JUG PA LA GSAL BAR SNGON NYAMS SU MYONG BA'I DRAN PAS RJES SU SGRUB PA NI, MTHAR BTUNG BA DANG BTZO BA LA SOGS PA MNGON DU BYAS NAS DON BYAS PAR 'GYUR RO, ,DE BZHIN DU 'JIG RTEN LAS 'DAS PA YANG, DANG PO PHUNG PO LA SOGS PA'I GZHAL BYA YONGS SU GCOD DO, ,DE NAS MI RTAG PA LA SOGS PA DE KHO NA'O, ,DE NAS BSGOM PAS MTHONG PA GSAL BAR 'GYUR BA'I DRAN PA DANG LDAN PA, BSGOM PA'I MTSAN NYID KYI 'DUG PA'I SGRUB BYED RJES SU SGRUB PA LAS, MTHAR SPYIR YONGS SU BCANG PA'I DE KHO NA

DNGOS SU SNANG BAS DON BYAS PAR 'GYUR RO, ,DE LA BSGRUB BYAR SNANG BA NI THAMS CAD DU MNGON SUM NYID DO, ,GZHAN GSUM LA NI CI LTA CI LTAR MNGON SUM DANG, RJES SU DPAG PA DAG GI BYED PA 'JUG PA'O, ,MNGON PAR MTHO BA LAN, GAL TE YANG PHYIN CI LOG MA BSAL BA NYID KYIS LUNG LAS SBYIN PA LA SOGS PA'I SGRUB BYED RJES SU SGRUB PA, TSAD MAS YONGS SU BCAD PA SNGON DU SONG BA CAN MA YIN PA DE LTA NA YANG, PHAN TSUN 'GAL BA'I DON RJOD PA'I PHYIR NA, LUNG TZAM LAS SGRUB BYED RJES SU SGRUB PAR MI NUS PA'I PHYIR MI SLU BA'I TSIG LA LTOS PA NA, GZHAL BYA DANG DE KHO NA DAG MI SLU BA 'DI SGRUB PAR BYED PA'I TSAD MA'I SKYES BU'I BYED PA YIN NO, ,DE'I PHYIR SKYES BU'I DON DANG LDAN PA'I GZHAL BYA BZHI KA'I DBANG DU BYAS NAS, GZHAL BYA RTOGS PA NI TSAD MA LA RAG LAS PA YIN LA ZHES GSUNGS SO, ,GANG GI CHE YANG 'GA' ZHIG LOG PAR RTOGS PA'I YUL DU RGYUR PA DE'I TSE NI, DE YANG TSAD MA GZHAN BRTAG PAR BYA BA NA, GZHAL BYA LAS MA 'DAS PA'I PHYIR, DE RTOGS PA YANG TSAD MA LA RAG LAS PA YIN NO ZHES GNAD DU BSDUS PA YIN NO, ,GAL TE TSAD MA TSAD MAS BRTAG PA ZHES BYA BA 'DI NYAMS PA MA YIN NAM, RTOGS PAR BYED PA'I TSAD MA LA YANG TSAD MA GZHAN GYIS RTOGS PA'I PHYIR THUG PA MED PAS MI RTOGS PA'I PHYIR RO, ,GAL TE 'GA' ZHIG RANG NYID LAS TSAD MA NYID DU 'DOD NA NI DANG PO DE LTA'I DNGOS YIN LA, RGYU GANG GIS NA RAB TU SDANG, ,DE'I PHYIR, TSAD MA THAMS CAD RANG NYID LAS, ,TSAD MA NYID CES GZUNG BAR GYIS, ,RANG LAS NUS PA MED NA NI, , GZHAN GYIS BYA BAR MI NUS SO, ,ZHES BYA BA DE YANG MA 'BREL TE, LOG PAR RTOGS PA'I YUL MA YIN YANG TSAD MA GZHAN GYIS BRTAGS PA MA YIN LA, TSAD MA YIN NO COG LA LOG PAR RTOGS PA YANG MA YIN TE, DE LTA YIN NA LKUGS PA NYID DU THAL BAR 'GYUR PA'I PHYIR GANG DANG LHAN CIG RTZOD, KUN DU RTOG PA'I YUL GYI DON DU LHAG PAR MOS NA NI GZHAN DE LTAR RTOGS PAR BSAMS NAS NGAG BRJOD PAR 'GYUR GYI, RANG GI KUN DU RTOG PA LOG PAR GYUR NA, BRJOD PA CI'I YAN LAG TU 'GYUR, TSAD MAR 'DOD PA'I TSAD MA NYID NI, PHYIN CI MA LOG PA'I DON NYID YIN NO, ,DES NA TSAD MAR

, ,KHAS LEN PA SNGON DU 'GRO BA CAN GYIS TSIG BRJOD PAS THAMS CAD DU TSAD MA SPONG BA SEL BAR BYED DO, ,DE 'DRA BA GZHAN 'GA' ZHIG TSAD MA YIN NO ZHE NA 'O NA TSAD MA DE NGES PAR DON MI NYE BA DANG BRAL BA'I TSOGS PA LAS SKYE BA THOB PA'I PHYIR, GZHAN DE DANG RGYU MTSUNGS PA CAN MNGON SUM LA SOGS PA YANG PHYIN CI MA LOG PA'I DON CAN GYI SHES PA YIN PA MI 'DOD PA TZAM GYIS DOR BAR MI NUS SO, ,KUN RDZOB TU 'DOD DO ZHE NA, GAL TE TSAD MA DANG GZHAL BYA'I THA SNYAD CI SNYED PA DE THAMS CAD KUN RDZOB YIN NO ZHES RNAM PAR GNAS NA, DE'I TSE GNOD PA 'GA' YANG MED DO, , DE'I RGYU MTSAN CAN GYI TSAD MA GZHAN BRTAG PAR BRJOD PAR 'DOD PA'I PHYIR RO, ,'ON TE TSAD MA DANG GZHAL BYA'I GNAS SKABS DAG TU YANG, CUNG ZAD KUN RDZOB TU YANG 'DOD NA, KUN RDZOB NYID DU 'DOD DO ZHES BYA BA CI LTAR MA NOR, KUN RDZOB TU YANG 'DOD DO ZHES BYA BA NI, SKABS DANG MI 'GAL TE DE KHO NA YANG KHAS BLANGS PAR BSTAN PA'I PHYIR RO, ,SHES PA 'GA' ZHIG LA NI TSAD MAR YANG DAG PAR RTOGS, 'GA' LA LOG PAR RTOGS PA DANG THE TSOM ZA'O ZHES GNAS PA NI, GAL TE TSAD MA LA LOG PAR RTOGS PA DANG THE TSOM ZA BA'I GO SKABS YOD PA'I PHYIR NA, DES PAR RTOGS PAR BYED PA LA YANG TSAD MA GZHAN TSOL BA SRID PA DE LTA NA YANG, YID CHES PA'I SKABS KYANG YOD PAS NA, MTHA' SNYED PAS NA JI LTAR THUG PA MED PAR NGES, DE'I TSE NYID SKABS MED KYANG DUS NAM YANG RUNG BAR PHYIS YANG DAG PAR RTOGS PA 'BYUNG BA'I SKABS YOD PAR 'GYUR TE, THAMS CAD DU YANG DAG PAR RTOGS PA MED PA SPANGS PA'I PHYIR DO, ,GANG DU YANG DAG PAR RTOGS PA'I YUL TSAD MAR GZHAN GYI GO SKABS MTHAR YANG MED DO ZHES SGRUB PAR NUS PAR DER THUG PA MED PAR 'GYUR YANG THAMS CAD DU YANG TSAD MA GZHAN GYIS RTOGS PA LA THUG PA MED PAR 'GYUR BA NI MA YIN NO, ,RANG LAS TSAD MAR SMRA BA YANG SPYOD PAR 'GYUR RO, ,GAL TE DE LTA NA YANG TSAD MA TSAD MAS GNOD PO MED NA, PHAN 'DOGS PA YANG MED DO ZHES BYA BA RIGS PA MA YIN NAM, 'DIR RIGS PA NI BDEN MOD KYI 'ON KYANG 'DIR TSAD MAR NGES PAR GYUR NA DE'I DON DU SGRUB PAR BYED PA'AM GNOD PAR BYED PA'I TSAD MA GZHAN GYI GO SKABS

YOD PA MA YIN NO ZHES BYA BA'I DON TO, ,GAL TE TSAD MA'I RANG BZHIN YOD KYANG BLO MI GSAL BAS RANG BZHIN GZHAN SGRO 'DOGS PAR BYED PA DE'I TSE DE'I MTSAN NYID NYE BAR MTSON PAS TSAD MAR THA SNYAD BYED DO ZHES BYA BA LA MI RIGS PA CI YOD DE LKOG SHAL LA SOGS PA DANG LDAN PAS BA LANG NYID BZHIN NO, ,DE NYID KYI PHYIR TSAD MA'I MTSAN NYID KYANG BYA BA YIN TE, GZHAN DU RNAM PAR PHYE NAS THA SNYAD BYED PA MI 'THAD PA'I PHYIR RO, ,'JIG RTEN GYI RNAM PA BYED DO ZHE NA, 'JIG RTEN SGRAS GAL TE BSTAN BCOS KYI DUB PA BRJOD NA NI, DE'I TSE LTA BA GZHAN DANG GZHAN DANG GZHAN LA GNAS PA'I BSTAN BCOS BYED BA RNAMS KYANG RTZOD PA YOD PA'I PHYIR NA RNAM PAR PHYE BA'I GTAM GANG NA YOD, 'ON TE BA LANG RDZI DANG BYIS PA DANG BUD MED LA SOGS PA 'JIG RTEN DU 'DOD NA DE'I TSE DE'I SGO NAS RIG BYED DANG DBANG PHYUG LA SOGS PA LA YANG TSAD MA DANG CIG SHOS SU SO SOR NGES PA'I PHYIR BA LANG RDZI LA SOGS PA BAS DMAN PA KHAS BLANGS PA LA YANG TSAD MA CIG SHOS NGES PA'I MTSAN NYID BYA BAR 'GYUR TE, DE 'DRA BA'I 'JIG RTEN NI SKAD GOMS PA TZAM LA YANG DBANG DU BYA BA MA YIN PA'I PHYIR RO, ,DBANG POS RTOGS PAR BYA BA'I DON LA BSGRUB PAR BYA BAS RTOGS PA LA NI DE 'DRA BA'I 'JIG RTEN YANG TSAD MA BYED PA DE TZAM GYIS RNAM PAR DPYAD PA CHEN PO'I SPYOD YUL LA YANG BYED PA NI MA YIN TE, DE LTA MA YIN NA CI LTAR CHU DANG ME LA SOGS PA LA MNGON SUM MAM, MNGON SUM GYI STOBS KYIS BRTAGS PA MI 'KHRUL PA'I RTAGS LAS DNGOS PO YOD PA NYID DU RNAM PAR GZHAG PA NA DE 'DRA BA DAG GZHAN LA MI LTOS PA DE BZHIN DU MTHO RES KYI BSGRUB BYA LA YANG MI LTOS PAR 'GYUR RO, ,DES NA DE LAS KYANG RNAM PAR DBYE BA CI LTAR 'GYUR, CI STE BSTAN BCOS MA GOMS KYANG SPYOD PA DANG, SEL BA LA SOGS PAR NUS PAR 'JIG RTEN NA, 'O NA DE YANG RIGS MI MTHUN PA DANG THUN MONG MA YIN PA'I MTSAN NYID MTHONG NUS TE, BCOS MA DANG, CIG SHOS KYI NOR BU DANG, MU TIG LA SOGS PA BZHIN NO, ,KHYAD PAR PHRA MO MA RTOGS NA NI DE MED PA'I PHYIR RO, ,DES NA GZHAN GYIS RTOGS PAR BYA BA MA YIN PA'I MTSAN NYID GANG YIN PA RTOGS PA LA, GSAL BA'I NUS PA DANG LDAN PA'I SKYES BU RANG NYID TSAD MA DANG GZHAN PA'I

, ,RNAM PAR DBYE BA BYED PA'I MTSAN NYID DE NYID GANG LAS RTOGS PA'I BLO CAN DE DAG KYANG MTHO RIS KYI SGRUB BYED LA SOGS PA MA GOMS PA LA YANG 'JUG PA DANG LDOG PA DAG SLU BAR BRJOD PAR BYA BAR MI 'GYUR BA GZHAN LA MI MGU BA'I BRAM ZE MI MKHAS PA LA BRJOD PAR BYA BA YIN NO, ,'DIR RANG NYID KYANG, DE LA SNGON MED DON ZHES PA, ,ZHES BYA BA LA SOGS PA'I MTSAN NYID BYED PA NA, TSAD MA RNAMS NI RAB GRAGS SHING, ,ZHES BYA BA LA SOGS PA'I BRJOD PA MI RIGS SO, ,'DI NI SHIN TU MA BYANG BA LA RAB TU GRAGS PA RJES SU BRJOD PA TZAM YIN NO ZHE NA, GZHAN GYI LAN YANG 'DI YIN PAR MA MTHONG NGAM, DNGOS PO RNAMS KYI MTSAN NYID KYI RANG BZHIN NI RANG GI RGYU MED PAR GZHAN GANG GIS BYA BAR NUS, RJES SU BRJOD PA TZAM DU NI 'DI RIGS PA YIN NO, ,DE LTAR BLO GROS NGAN PAS BYAS PA'I ZHEN PAS CHOG GO, ,TSAD MA LA YANG LOG PAR RTOGS PA NA, TSAD MA GZHAN GYIS RTOGS PAS NA GZHAL BYA'I SGRA BRJOD DO ZHES BYA BA 'DI GNAS SO, ,DE NYID KYI PHYIR TSAD MAR GYUR PA'I BCOM LDAN 'DAS LA YANG LOG PAR RTOGS PA'I RNAM PA MANG PO MTHONG BAS NA, TSAD MA GZHAN GYIS RTOGS PA'I PHYIR GZHAL BYA NYID BSGRUB PAR RTZOM MO ZHES BYA BA NI GTZOR BYA BA'I DON TO, ,DE LA GANG GI TSE BCOM LDAN 'DAS TSAD MA NYID DU 'DOD PA DE'I TSE MTHO RIS DANG BYANG GROL SGRUB PA'I MTSAN NYID KYI GZHAL BYA RTOGS PA DE LA RAG LAS PA YIN NO ZHES BYA BA'I DON TO, ,GANG GI TSE BSGRUB PAR BYA BA'I BCOM LDAN 'DAS GZHAL BYA NYID LA MNGON DU PHYOGS PAR BYED PA DE'I TSE DE 'DRA BA'I GZHAL BYA RTOGS PAR BYED PA'I TSAD MA LA RAG LAS SO ZHES BYA BA'I DON TO, ,DE LA YANG DAD PA TZAM GYIS BCUG PA RNAMS GUS PA DANG LDAN YANG BCOM LDAN 'DAS NGES PA NI MED LA, GZHAN DAG NI RTZOD PA NYID DO, ,DE LTAR NA SGRUB PAR BYED PA'I TSAD MA LA YANG GNYIS SO, ,DE LTA MA YIN NA, DE'I GZHAL BYA BCO MA LDAN 'DAS LA YANG PHYIN CI LOG DANG THE TSOM DU MI 'GYUR RO, ,TSAD MA DANG GZHAL BYA DAG GI CHOS NI 'DI NYID YIN TE, GCIG LA THE TSOM ZA BA LA SOGS PAS GNYIS PA LAS YUL DU BYED PA GANG YIN PA'O, ,GCIG LA THE TSOM ZA BA LA GZHAN LA NGES SO ZHES NI MI RIGS SO, ,RNAM PAR RTOG PA

RNAMS DNGOS POS 'JUG PAS STONG PA'I PHYIR DE LTAR SRID KYANG, NGES PA 'AM THE TSOM YANG RUNG STE, STOBS DANG LDAN PA GCIG GIS GNYI GA YANG GZHAG PAR BYA BA YIN NO ZHES NGES SO, ,DES NA TSAD MA 'DI LA THE TSO MA DANG PHYIN LOG SPONG BA'I BSTAN BCOS KYI BYED PA GCIG NYID NI TSANG MA DANG GZHAL BYA GNYI GA'I YANG RJES SU 'DZIN PAR BYED PA YIN NO SNYAM DU BSAMS NAS, GZHAL BYA RTOGS PA NI ZHES SMOS SO, ,YANG NA GZHAL BYA NGES PA'I DON DU TSAD MA 'TSOL BA'I PHYIR GZHAL BYA NYID 'CHAD PAR CI STE MI RTZOM ZHE NA, GZHAN LA RTOGS PA NI ZHES SMOS SO, ,'DI LTAR CHAD MAS JI LTAR BSGRUB PAR BYA BA'I TSOGS DE NI DE LTA BU NYID DU 'GYUR DGOS SO, ,TSAD MAS RJES SU BZUNG BA 'AM, TSAR BCAD PA'I GZHAL BYA NI DBANG POS KYANG GZHAN DU BYA BAR MI NUS SO, ,TSAD MAS RE ZHIG YAL BAR DOR YANG SLAR TSAD MA NYID TSOL BA'I PHYIR NA TSAD MA NYID BSGRUB PAR RIGS SO, ,'O NA BSTAN BCOS GZHAN BZHIN DU GNYI GA YANG BSGRUB PAR BYA BAR 'GYUR TE, GNYI GA LA YANG LTOS PAR BYA BA YIN PA'I PHYIR RO ZHE NA, GZHAL BYA RTOGS PA NI ZHES BYA BA SMOS SO, ,BSAM PA 'DI YIN TE, GZHAL BYA GZHAN BSGRUB PAR 'DOD PA GANG YIN PA DE THAMS CAD NI TSAD MAS RJES SU BZUNG BA NYID DU GYUR BA YIN NO, ,DES NA TSAD MA DPER BRJOD PA NYID KYI SGO NAS DE BSGRUB PAR NUS KYI, GZHAN LA 'JUG PA NI DON MED DO, ,DPER NA RANG BZHIN GYI RJES SU DPAG PA DPER BRJOD PA SKAD CIG MA NYID DU DE'I ZHAR LA SEL BA LA SOGS PAR 'GYUR BA BZHIN NAM, MNGON SUM GYI YUL LA LOG PAR RTOGS PA BSAL BAS RANG GI MTSAN NYID KYI YUL CAN DU STON PA NA , NANG DANG BCAS PA SPYI'I PHUNG PO LNGA PO'I DNGOS PO MA LUS PAR RTOGS PA NANG DU BSDUS PAR BYA BA BZHIN TE, DBANG PO'I SHES PAS GZUGS KYI PHUNG PO DANG, PHUNG PO GZHAN NI RANG RIG PAS DANG THAMS CAD RNAL 'BYOR GYI MNGON SUM GYIS 'DZIN PA'I PHYIR RO, ,DE BZHIN DU GZHAN DU YANG DPAG PAR BYA'O, ,GANG GI PHYIR DE LTAR GZHAL BYA MA LUS PAR RTOGS PA'I MTSAN NYID KYI DGOS PA TSAD MA LA RAG LAS PA DE'I PHYIR TSAD MA GRUB PA BRJOD PAR BYA'O ZHES BRJOD PAR 'GYUR RO, ,NI'I SGRA NI GRAGS PA'I GTAN TSIGS STON PA'O, ,DE MA LUS

, ,PA'I GZHAL BYA RTOGS PA'I MTSAN NYID KYI DOGS PA RAB TU GRAGS PA'I PHYIR NA, TSIGS SU BCAD PA DANG PO'I DAG GIS BCOM LDAN 'DAS KYI MTSAN NYID KYI BRJOD BYA BRJOD PA YIN NO ZHES GNAS SO, ,GZHAL BYA RTOGS PA TSAD MA LA RAG LAS PA YIN MOD, DES BCOM LDAN 'DAS LA CIR 'GYUR NA, GANG GIS BCOM LDAN 'DAS BSTAN BCOS KYI BRJOD BYA ZHES BRJOD PA MDZES PAR 'GYUR RO, ,DES NA 'DIR BCOM LDAN 'DAS NYID TSAD MAR GYUR PA SGRUB PA YIN NO ZHES CI LTAR BRJOD CES DOGS PA LA, TSAD MA YANG BCOM LDAN 'DAS NYID YIN TE ZHES SMOS SO; ,GAL TE MNGON SUM DANG RJES SU DPAG PA TSAD MA MA YIN NAM, BCOM LDAN 'DAS NYID TSAD MA YIN PAR GANG GIS BYAS, DE LA YANG GZHAN DANG LDAN PA RNAM PAR GCOD PA NI RING DU SPONGS PA YIN NO ZHES TSAD MA'I MTSAN NYID YIN PA'I PHYIR RO ZHES GSUNGS SO, ,'DIS NI MA 'BREL PA RNAM PAR GCOD PAR BSAL LO, ,GZHAN DANG LDAN PA RNAM PAR GCOD KYANG, MNGON SUM LA SOGS PA LA LTOS PA NI MA YIN GYI, 'ON KYANG RTOGS PA PO'I RNAM PAR RTOG PAS BZHAG PA RIG BYED DANG DBANG PHYUG LA SOGS PA LA LTOS NAS YIN TE, DPER NA SKYES BU GNYIS KYI SKABS SU 'DI NYID MKHAS PA YIN NO ZHES BYA BA'I THA SNYAD NI GNYIS PA LA LTOS PA NYID YIN GYI, GZHAN THAMS CAD MKHAS PA YIN PA BKAG PA NI MA YIN PA BZHIN NO, ,YANG MNGON SUM LA SOGS PA LA LTOS NAS GZHAN DANG LDAN PA RNAM PAR GCOD PA YIN MOD, PHUL DU BYA BA DANG BCAS PA'I TSAD MA BRJOD PAR 'DOD PA'I PHYIR SKYON MED DE, DPER NA SRED SGRUB GZHU 'DZIN NO ZHES BYA BA'I THA SNYAD PHUL DU BYUNG BA'I GZHU 'DZIN PAR BRJOD PAR 'DOD PAS YIN PA BZHIN NO, ,DE LA GANG GIS MA 'BREL PA RNAM PAR GCOD PA DE'I TSE NI BCOM LDAN 'DAS NYID CES BYA BA'I NGES PAR GZUNG BA RIM PA GZHAN YIN PAS TSAD MA ZHES BYA BA 'DI'I MTHAR LTA'O, ,GAL TE 'PHONG GI SGYU RTZAL GYI PHUL DU BYUNG BA DANG, PHUL DU BYUNG BA MA YIN PA NI GRAGS PA KHO NA'I BCOM LDAN 'DAS KYI TSAD MA'I DE DAG GO GANG GIS BYAS SHE NA, YUL GYIS BYAS SO, ,SKYES BU'I DON MCHOG GI YAN LAG LA NI BCOM LDAN 'DAS 'O NA TSAD MA YIN GYI,

MNGON SUM LA SOGS PA NI MA YIN NO ZHES 'CHAD PAR 'GYUR RO, ,DE'I DON DU YANG 'BAD PAS TSAD MA BRTAGS PA LA GUS PAS NI MTHONG BA'I 'BRAS BU TZAM GYI DON DU NI MA YIN TE, DE LA GOL YANG DON CHEN PO NYAMS PA MED PA'I PHYIR RO, ,DE'I PHYIR TSAD MA YANG BCOM LDAN 'DAS NYID YIN TE, TSAD MA'I MTSAN NYID YOD PA'I PHYIR RO ZHES BYA BAR RIGS PAR BRJOD PA YIN NO, ,CI STE DE LTA NA YANG SNGAR RGYU DANG 'BRAS BU PHUN SUM TSOGS PAS TSAD MAR BRJOD LA, DA LTA NI MTSAN NYID YOD PA'I PHYIR RO ZHES BYA BA 'DI MA 'GRIGS PA MA YIN NAM ZHE NA, DE LTA MA YIN TE SNGAR YANG MTSAN NYID YOD PAS TSAD MAR BRJOD PAR 'DOD PA'I PHYIR RO, ,RGYU DANG 'BRAS BU PHUN SUM TSOGS PAS NI DAM BCAS PA THOB PAR BYED PA ZHES BYA BA NYID MI SLU BA NYID BSTAN PA YIN NO, ,DE'I TSE NI 'DI MA BRJOD LA DA LTA NI BRJOD PAR ZAD DA, MTSAN NYID KYANG GNAS SKABS YIN PA'I PHYIR RO, ,GANG GI TSE PHYI'I TSUL LA YANG GANG ZAG BKAG PA LA SGO NAS DE KHO NAR MNGON SUM DANG RJES SU DPAG PA'I RANG BZHIN NYID BCOM LDAN 'DAS YIN PAR BRJOD PA DE'I TSE TSAD MA YANG BCOM LDAN 'DAS NYID CES NGES PAR BZUNG BA RTZOD PA'I YUL DU MI 'GYUR RO, ,GAL TE DE'I TSE YANG RNAL 'BYOR GYI MNGON SUM GYI MING CAN NYID DNGOS SU BCOM LDAN 'DAS YIN LA, BSGOM BYA'I YAN LAG RNAM PAR 'JOG PA'I RJES SU BYED PA'I RJES SU DPAG PA NI DE'I DON GYI BCOM LDAN 'DAS SU BRJOD DE, STON PA NYID BZHIN NO, ,MNGON SUM DANG RJES SU DPAG PA'I GSAL BA LHAG MA DAG LA NI BCOM LDAN 'DAS KYI THA SNYAD KYI DRI YANG MED DO; ,TSAD MA'I SGRA NI MNGON SUM DANG RJES SU DPAG PA MTHA' DAG KHYAD PAR BYED PA YIN PA'I PHYIR, CI LTAR GANG JI SRID TSAD MA YIN PA DE MTHA' DAG BCOM LDAN 'DAS NYID BRJOD CE NA, TSAD MA'I MTSAN NYID YOD PA'I PHYIR RO ZHES SMOS SO, ,TSAD MAR CHOS MTSUNGS PAS NA MNGON SUM LA SOGS PA'I GSAL BA DAG LA BCOM LDAN 'DAS KYI SGRA YIN PA'I PHYIR NGES PAR BZUNG BA MI 'GAL LO, ,GAL TE 'O NA 'DRA BAS TSAD MA'I GSAL BA DAG BCOM LDAN 'DAS KYI SGRAS BRJOD PAR BYAS NAS BSTAN PAR BYA BA'I PHYIR NGAL BA 'DIS CI BYA STE, TSAD MA'I SGRUB BYED KYIS KYANG RTOGS PA'I PHYIR RO ZHE NA, BDEN

, ,TE DE'I DBANG DU BYAS PA NYID KYIS CI NAS KYANG TSAD MAR SGRUB PAR MA RTOGS PAR 'GYUR BA'I PHYIR TE, BSTAN BCOS KYI NGAL BA NI BCOM LDAN 'DAS BSGRUB PA GTZOR BYED PA YIN NO ZHES BYA BA'I DON TO, ,'DI LTAR TSAD MA RNAM NGES LA SOGS PAR NI, GTZOR BCOM LDAN 'DAS NYID BRJOD PAR BYA BA YIN LA TSAD MA TZAM NI DNGOS SU YIN NO, ,TSAD MA RNAM 'GREL DU NI, RNAM BZHAG BLA MA GNYIS LA LTOS NA BCOM LDAN 'DAS GTZOR BYA BA'I DON YIN LA, LUGS GZHAN LA LTOS NAS NI DNGOS SU YIN NO ZHES BYA BA NI RNAM PAR DBYE BA'O, ,DE NYID KYI PHYIR BSHAD PA BYED PA 'GA' ZHIG 'GA' ZHIG NYID DU DON DAM PA BRJOD PA 'BAD PA NI, DAM BCA' BA'I BCOM LDAN 'DAS NYID GTZOR BYA BA'I DON DU STON PAR BYED PA YIN TE, DE YANG GSAL BAR BYA'O, ,YANG NA TSAD MA YANG BCOM LDAN 'DAS NYID YIN TE ZHES BYA BA NYID KYI SGRA GZHAN DANG 'BREL PA'I 'PHYIR NA TSU ROL MDZES PA LA SOGS PA BSAL BAS MA 'BREL PA RNAMS GCOD DU SBYOR RO, ,GA LAS SHE NA TSAD MA'I MTSAN NYID SOD PA'I PHYIR RO ZHES BYA BA SMOS SO, ,'O NA MDO RNAMS NI BRGAL ZHING BRTAG PA LHUR BYED PA'O ZHES SEMS PA NA LAG TU CHUD PA'I MNGON SUM YANG 'DOR BA GANG YIN PA DE LA GANG DU TSAD MA'I MTSAN NYID YIN ZHES NI BRTZAD PAR MI BYA STE, TSAD MA KHAS BLANG BAR BSGRUB PA'I PHYIR RO, ,TSAD PAS GDUNGS PA GANG YIN PA, ,TZAN DAN TSOL GYI ME MA YIN, ,CUNG ZAD SMRA MOD TSAD MA LA, ,MA BRTEN PAR NI 'JUG MA YIN, ,TSAD MKHAS LEN NA NI NGES PAR MTSAN NYID BRJOD PAR BYA BAR 'GYUR RO, ,GANG RJES SU BRJOD PAS MTSAN NYID BSGRUB PA TSAD MA'I SGRAS BRJOD PAR BYA BA'I TSAD MA DE YANG GANG YIN ZHE NA, 'DIS 'JAL BAR BYED PAS ZHES BYA BA LA SOGS PA SMOS SO, ,GANG BSGRUB PA'I MTSAN NYID DE GANG YIN ZHES DOGS PA LA, RNAM 'GREL DU BSTAN PA'I MTSAN NYID LA 'JUG PAS, SMRAS PA NI DE LA ZHES BYA BA LA SOGS PA YIN NO, ,SPYIR ZHES BYA BA NI GTZOR BYA BA DANG, YI GE'I DON DAG GI 'AM GNAS SKABS KYI DBYE BA THA DAD PA'I GTZOR BYA BA'I DON NYID KYI 'AM, THA SNYAD PA'I TSAD MA'I YI GE'I DON DU GYUR PA DANG GI STE, THUN MONG NYID DU NYE BAR MTSON PAR

GYUR PA ZHES BYA BA'I DON TO, ,THAMS CAD DU SHES PA'I RANG BZHIN NYID DAM, BSTAN PA'I DON THOB PAR BYED PA NYID DU GRUB PA'I PHYIR RO, ,GAL TE MNGON SUM LA SOGS PA NYID NGES PAR BYAS PA'I DAN STON PA MA YIN NAM, BCOM LDAN 'DAS GO CI LTAR ZHE NA, BCOM LDAN 'DAS KYANG RANG GI BYIN GYI RLABS KYIS BSKYED PA STON PAR SNANG BA'I SHES PA'I SGO NAS NYAN PA PO RNAMS KYI 'DOD PA'I DON THAMS CAD DANG BCAS PA NGES PAR BYAS PA STON PAR BYED PA YIN PA'I PHYIR SKYON MED DO, ,MNGON SUM DANG ZHE NA PA RGYUD GZHAN LA GNAS PA DAG 'JUG GO ZHE NA, 'DIS SKYON GCIG PA NYID YIN NA NYAN PA PO NYID THAMS CAD MTHONG PAR 'GYUR GYI, RGYUD THA DAD PA LA NI THAMS CAD MTHONG BAR THAL BA MED DO, ,NYE BAR BSTAN PA THOB PAR BYED PA NYID KYANG NYAMS PA MA YIN NO, ,GAL TE TSUL 'DI KHYAB 'JUG DANG, DBANG PHYUG LA SOGS PA LA YANG DMIGS NA NI TSAD MA NYID YIN PA SUS DGAG PAR NUS, DE NYID MED DO ZHES BYA BA NYID NI, BSTAN BCOS KYI 'BRAS BU YIN NO, ,YANG NA ZHEN PAR BYAS PA'I DNGOS PO THOB PAR BYED PA LA SU 'CHEL TE, BSTAN PA'I DON THOB PAR BYED PA NI TSAD MA YIN PAR SMRA'O, ,BSTAN PA YANG ZHE NA PAR BYAS PA'AM, GSAL BAR BYAS PA YANG RUNG STE, GNYIG YANG BZUNG BAS THAMS CAD LEGS PAR GNAS SO, ,GAL TE SHES PA NYID TSAD MA YIN NO ZHES BYA BA 'DI GA LAS YIN TE, DE LTA NA MIG LA SOGS PA YANG TSAD MAR CI STE MI 'DOD CE NA DE YOD NA GZHAL BYA GRUB PA'I PHYIR DANG ZHES SMOS SO, ,DON 'DI YIN TE, GZHAN LA LTOS PA DANG BRAL BA GANG YOD NA, YUL YONGS SU BCAD PA'I PHYIR GZHAL BYA DE GRUB PA RNAM PAR GNAS PA STE, DE SGRUB PAR BYED PA DAM PA NYID KYI TSAD MA YIN NO, ,MIG LA SOGS PA NI, DE LTA MA YIN TE, DE DAG NI YOD KYANG SHES PA MA SKYES NA YONGS SU BCAD PA MI 'GRUB PA'I PHYIR NA, DON YONGS SU GCOD PA SHES PA LA LTOS PAS SGRUB BYED DAM PA MA YIN PA'I PHYIR GZHAN NI TSAD MA MA YIN NO, ,SHES PA SKYES NA NI DON YONGS SU GCOD PA GZHAN LA MI LTOS PA'I PHYIR DE NYID TSAD MA YIN NO, ,'DI YANG MDUN DU SPYOD PAR 'GYUR RO, ,DE LTAR MDOR BSDUS TE RANG GI NGO BO'I MTHAR THUG PA BSHAD DE, MI SLU BA ZHES BYA BA'I

, ,MTSAN NYID BRJOD NAS 'BRAS BU BRJOD PA NI, SLU BA YOD NA BZLOG PA'I PHYIR RO ZHES BYA BA STE, TSAD MA MA YIN PA'I PHYIR RO, ,DPER NA RAB RIB CAN GYIS DMIGS PA'I SKRA SHAD LA SOGS PA'I SHES PA'I BZHIN NO, ,DE RNAM PAR BCAD PA NI SLU BA MED PA'I KHYAD PAR GYI 'BRAS BU YIN NO ZHES BYA BA'I DON TO, , GAL TE MIG LA SOGS PAS KYANG GZUGS LA SOGS PA GCOD PA'I PHYIR GZHAN DAG MIG LA SOGS PA YANG TSAD MAR 'DOD PA MA YIN NAM, CI SKAD DU, YANG NA DBANG PO TSAD MA 'AM, ,DE NYID DON DANG 'BREL PA 'AM, ,DBANG PO 'AM BDAG DANG LDAN PA YIN, ,YID DAM YANG NA THAMS CAD NYID, ,CES BRJOD PA'I PHYIR, SLU BA MED PA CAN GYI SHES PA NYID TSAD MA YIN GYI DBANG PO LA SOGS PA LA SOGS PA NI MA YIN NO ZHES BYA BA DE JI LTAR ZHE NA, DBANG PO DANG DON CES BYA BA DE JI LTAR ZHE NA, DBANG PO DANG DON CES BYA BA SMOS SO, ,DE NYID DE TSAD MA NYID YIN PAR 'GYUR TE, DE'I THA SNYAD LA BRTEN PAR 'GYUR RO ZHES BYA BA'I DON TO, ,BSAM PA NI 'DI YIN TE, RE ZHIG DBANG POS BSKYED PA LTA BA'I SHES PA GANG YIN PA DE NI RE ZHIG GDON MI ZA BAR DON YONGS SU GCOD PA'I RANG BZHIN DU KHAS BLANG DGOS TE, DE LTA MA YIN NA DON YONGS SU GCOD PAR MI BYED PA'I MIG TSAD MA YIN ZHES BYA BA LEGS PAR BRJOD PA YIN NO, ,YUL DU GCOD PA'I RANG BZHIN CAN DE SKYES NA YANG DE DANG 'BREL PA NYID TSAD MA YIN GYI, DE'I RANG BZHIN MA YIN PA'I MIG NI MA YIN NO, ,DE'I YUL YONGS SU GCOD PA NI, GZHAN LA LTOS PA 'GA' YANG MED KYI, SKYE BA NI DBANG PO LA SOGS PA LA LTOS PAR 'GYUR RO, ,JI SNYED GANG LAS SKYE BA CAN DE THAMS CAD DE'I YON TAN GYI DGOS PA NI MA YIN TE, DKAR SHAS LAS SKYES PA'I NAG PO YANG DKAR SHAM DU THAL BA'I PHYIR RO, ,NYE BAR BTAGS PA'I THA SNYAD TZAM NI ZLOG PA MA YIN MOD KYI, DE NI DNGOS PO GTAN LA 'BEBS PA'I SKABS SU NYE BAR DGOD PAR MI DGOS SO, ,DE'I PHYIR DON RTOGS PA'I RANG BZHIN GYI TSAD MAS NI DBANG PO LA SOGS PA MI RNYED DO, ,DES NA DBANG PO LA SOGS PA NI TSAD MA MA YIN GYI, 'ON KYANG SLU BA MED PA CAN GYI SHES PA NYID YIN NO, ,GAL TE DON GSAL BA'I PHYIR ZHES PA TSAD MAR 'GYUR MOD, MI SLU BA'I PHYIR NI MA YIN TE, JI SKAD DU GZHAN NA RE, DE LA SNGON MED

DON SHES PA, ,ZHES BYA BA LA SOGS PA BZHIN NO, ,DES NA SLU BA MED PA CAN ZHES KHYAD PAR DU CI STE BRJOD CES DOGS PA LA, TSAD MA'I TSOL BA THAMS CAD NI, ,ZHES BYA BA SMOS SO, ,RAB TU SBYAR BA ZHES BYA BA NI SKABS KYIS 'JUG PA ZHES BYA BA NYID KYI DON TO, ,GAL TE 'JIG RTEN DON BYA BA DON DU GNYER BA MTHONG BA MA YIN NAM, MI SLU BA'I DON DU GNYER BA ZHES CI STE BRJOD, DES NA DON GSAL BA NYID TSAD MAR 'GYUR RO ZHE NA, DON BYA BA DON DU GNYER BA NI BDEN NA, 'ON KYANG DON BYA BA DON DU GNYER BA NYID KYIS NA DON BYA BA SGRUB PA LA MI SLU BA DON DU GNYER BAR 'GYUR NA, TSAD MA NYID LAS 'JUG PAR BYAS TE, TSAD MA MA YIN PA LAS NI MA YIN TE, RES 'GA' SLU BA SRID PA'I PHYIR RO SNYAM PA'I BSAM PAS, TSAD MA TSOL BAR 'GYUR BA YIN NO, ,DES NA NGES PAR BYA BA'I YUL LA LTOS NAS DNGOS PO'I YUL CAN DU BRJOD PAR 'DOD PA YIN TE, TSAD MA GNYIG DNGOS PO'I YUL CAN ZHES GSUNGS PA'I PHYIR RO ,,GZUNG BAR BYA BA NYID NI DNGOS POR NGES PA MA YIN NO ZHES BRJOD DO, ,GANG ZHIG DON BYA BA'I DON DU GNYER BAS 'JUG PA DE NI ZHEN PAR 'OS PA NYID KYIS NA LHAG PAR ZHEN PA ZHES BRJOD DE DNGOS PO MA YIN NA 'JUG PAR BSLUS PA NYID KYIS TSAD MA MA YIN NO, ,DE LTAR GZUNG BAR BYA BA NI DNGOS PO NYID LA MI LTOS TE, 'JIG PA DANG NI NGES PAR BYA BA DANG 'BREL BA'I PHYIR TE, RJES SU DPAG PA BZHIN NO, ,DE LTA YIN DANG NYA PHYIS MTHONG BA LA DNGUL GYI BYA BA LA DON DU GNYER BA DNGUL NYID DU ZHEN PA 'JUG PA NI NYA PHYIS NYID DON DU GNYER BAS MA YIN NO, ,GZHAN SNANG BA NA GZHAN LA 'JUG PA ZHES BYA BA NI RANG NYID 'CHAD PAR 'GYUR RO, ,DE'I PHYIR GZUNG BA LA LTOS NAS DON DANG LDAN PA TSAD MA YIN NO ZHES BYA BA NI SUN PHYUNG PA YIN NO, ,GAL TE MI SLU BA LA MI GUS PAR DNGOS PO 'DZIN PA TZAM GYIS TSAD MA YIN NA, DE'I DNGUL GYI SHES PA YANG THAL BAR 'GYUR RO, ,DE LA GAL TE RNAM PAR RTOG PA LA DNGOS PO MA YIN PA SNANG BA SKABS YIN NA, 'O NA RJES SU DPAG PA'I TSAD MA YANG RGYU MTSAN MED PA CAN DU 'GYUR RO, ,DES NA MI SLU BA NYID DON DU GNYER BA'I DNGOS PO 'DZIN PA NI MA YIN PA'AM, RNAM PAR RTOG PA LA YANG DNGOS PO 'DZIN PA NYID DU BRJOD PAR BYA BA'I PHYIR DNGUL GYI

, ,SHES PA TSAD MA YIN PA YANG SPAD BAR 'GYUR RO, ,'ON TE DNGUL GYI SHES PA NI DNGUL GYI YUL CAN NYID DE, 'ON KYANG YUL DANG DUS GZHAN DANG 'BREL PA GSAL BA'I TSAD MA MA YIN PAR ZAD DO ZHE NA, RE ZHIG TSAD MA'I SGRUB BYED DNGOS PO 'DZIN PA NYID YOD PA MA YIN NAM, YUL GZHAN LA SOGS PA DANG 'BREL PA LHAG PAR GSAL BAS NI DE LA MI GNOD DO, ,DE LAS 'JUG PA'I YUL GZHAN LA SOGS PA DANG 'BREL PA LA BSLUS PA'I PHYIR NA, DON 'DZIN PA YOD KYANG DE LTAR TSAD MA YIN PA'I PHYIR, DON 'DZIN PA TSAD MA'I MTSAN NYID MA YIN TE, HA CANG THAL BAR 'GYUR BA'I PHYIR RO, ,DE LA SNGON MED DON SHES PA, ,ZHES BYA BA YANG 'DI NYID KYIS SUN PHYUNG BA YIN NO, ,GNOD PA DANG BRAL BA ZHES BYA BA NI DE MA THAG TU SPYOD PAR 'GYUR RO, ,GAL TE 'DIR YANG ZHEN PAR BYA BA NI DON NYID BRJOD PAR 'DOD NA DE'I TSE DE'I DON NYID, DON BYA BA LA MI SLU BA LAS YIN PA'I PHYIR, SLU BA MED PA NYID TSAD MA YIN NO, ,GAL TE MI SLU BA YANG DON NYID LAS MA YIN NAM ZHE NA, BDEN TE GNYI GA YANG PHAN TSUN SGRUB PA YIN NO, ,DE LTA NA YANG GZHAN GYI MTSAN NYID LA DON SMOS PA NI, GZUNG BA 'AM 'JUG PA LA THE TSOM SKYED PA YIN PA'I PHYIR NA, BSHAD PAR DKA' BA'I PHYIR DANG, 'JUG PAR 'DOD PA RNAMS KYIS LTOS PAR BYA BA YIN PA'I PHYIR MI SLU BA NYID TSAD MA'I MTSAN NYID YIN GYI, DNGOS PO 'DZIN PA 'AM, GNOD PA DANG BRAL BA NYID NI MA YIN NO, ,DE LTA NA GNAS PA NA PHYIR ZLOG PA NI, GAL TE ZHES BYA BA LA SOGS PA YIN NO, ,SGRUB PAR BYED PA'I SHES PA RANG GI NGO BOS SHES NA, MI SLU BA DE SHES PA NYID YIN PA'I PHYIR RO, ,BRTAG PAR BYA BA CI YOD CES BYA BA NI, BRTAG PAR SPONG BAS BSTAN BCOS MI DGOS PAR BRJOD PAR RO, ,DE'I TSE TSAD MA NYID MED PAR 'GYUR NA ZHES BYA BA NI, DON GCIG LA 'DU BA CAN GYI SHES PAS RIG PAR BYA BA NYID LA SOGS PA DAG NYES PAS ZIN PA'I PHYIR DANG, RANG RIG PA LA YANG KHAS MI LEN PA'I PHYIR RO, ,DRAN PA'I GO SKABS KYANG MED PAS SHES PA NYID CI YANG MED PAR 'GYUR PA'I PHYIR BEMS PO CHEN POR THAL BAR 'GYUR RO, ,DE LTAR RANG GI RANG BZHIN RIG PA MED PAS KHAS LEN NA SHES PA NYID CI

YANG MED PAR 'GYUR RO ZHES BSGRUBS NAS DE NYID LA NYES PA GZHAN BRJOD PA NI, PHYOGS 'DI NI ZHES BYA BA'O, ,RANG GI NGO BO RIG PA MA YIN NO ZHES BYA BA'I PHYOGS 'DI NI SANGS RGYAS PA KHYED KYIS BZOD PA YANG MA YIN TE, SANGS RGYAS PA RNAMS NI RANG GI NGO BO RIG PAR SMRA BA'I PHYIR RO SNYAM DU BSAMS PA'O, ,SHES PA'I RANG GI NGO BO NYID NI TSAD MA MA YIN TE ZHES BYA BA NI SKABS KYI BRJOD PAR BYA BA NYID YIN PA NYID KYIS MI SLU BA NYID GTZOR BRJOD PA YIN NO, ,GAL TE SLU BA MED PA CAN TSAD MA MA YIN NAM, DE RANG GI NGO BO YIN NA TSAD MA YANG RANG GI NGO BO NYID YIN PAR 'GYUR RO SNYAM DU DOGS PA LA, MI SLU BA CAN NI MA YIN GYI ZHES GSUNGS SO, ,GAL TE RANG GI NGO BO MA YIN NA 'O NA DE CI YIN ZHE NA, 'ON KYANG ZHES BYA BA LA SOGS PA SMOS SO, ,SHES PA MI SLU BA NYID DU GRAGS PA GANG YIN PA DE NI GSAL BAR 'GYUR BA'I DON BYED PA RNAM PAR GNAS PA YIN GYI, RANG GI NGO BO NI MA YIN NO ZHES BYA BA'I DON TE, 'DI 'CHAD PA NI SHES PA'I RANG GI NGO BO ZHES BYA BA LA SOGS PA'O, ,'DI LA 'DI LTAR BSAM PA YIN TE, MI SLU BA ZHES BYA BAS MI SLU BA CAN NYID NI MI SLU BA'I SGRA 'JUG PA'I RGYU MTSAN YIN NO, ,RANG GI NGO BO TZAM RTOGS PAS NI, MI SLU BA CAN GYI SGRA 'JUG PA MA YIN TE, 'DI TSAD MA'O SNYAM PA YANG RTOGS PAR THAL BA'I PHYIR RO, ,DE LTAR YANG MA YIN TE, DES NA RANG GI NGO BO NYID NI MI SLU BA MA YIN NO, ,'DI 'DRA BA 'O NA CI ZHE NA ZHES BYA BA STE, GANG YOD NA MI SLU BA'I SGRA 'JUG PA ZHES BYA BA NI LHAG MA'O, ,LAN NI BTZO BA DANG ZHES BYA BA NAS, MI SLU BA YIN NO'I BAR RO, ,BYED PA GRUB PA ZHES BYA BA 'DIS NI, LAS KYI CHOS BYED PA YIN NO ZHES BSTAN TO, ,'DI DAG GI ZHES BYA BA LA SOGS PA DKYUS LA, 'GREL BSHAD BYED PA'I 'DOD PA BYED PA PO'I CHOS YIN PA BSAL BA YIN NO, ,GANG YANG BTZO BA LA SOGS PA THOB PAR NGES PA MED PA'I PHYIR MI SLU BA NI DE SGRUB PAR BYED PA'I SHES BA NYID YIN NO ZHES BYA BAR 'DOD PA DE YANG MI RIGS TE, BTZO BA LA SOGS PA'I SGRUB BYA LA BSLUS NA SGRUB PAR BYED PA'I SHES PA'I RANG GI NGO BO LA YANG, MI SLU BA GANG DU YOD, DUNG BA TZAM LA'O ZHE NA, DE TZAM GYIS 'PHANGS PA'I BSGRUB BYA YANG GRUB STE, YUL MED PAR NI RUNG BA NYID BDE BLAG TU

, ,SHES PAR MI 'GYUR RO, ,GAL TE BSGRUB BYA'I BLO MI BRTAN PA YOD DO ZHE NA, SGRUB PAR BYED PA'I RANG BZHIN NGES PAR RTOG PA YANG MI BRTAN PA NYID DO, ,RUNG BA'I SGRAS KYANG SGRUB PAR BYED PA'I SHES PA'I DON BYED PA MA NGES PA NYID BRJOD PA YIN NO, ,DON BYED PA DON DU GNYER BA RNAMS KYANG DON BYED PA LA MI SLU BA DE NYID LA MI SLU BAR BRJOD PAR 'DOD DO, ,DE LTAR BYAS NA BYA BA GRUB PA NYID MI SLU BA YIN NO, ,BRTEN PA ZHES BYA BA NI SPYI'I DON DU SMRA BA LA'O, ,RNAM PAR GNAS PA ZHES BYA BA NI RANG GI 'DOD PAS GNYIS MED PA LA'O, ,DE'I TSE NI DER SNANG BA'I SHES PA LA DON BYED PAR RNAM PAR GZHAG PA TZAM DU ZAD DE, 'DI NI SPYI'I MTSAN NYID KYI SKABS YIN NO, ,GAL TE DON BYA BA DE LA YANG GAL TE SHES PA'I RANG BZHIN LTAR DE NYID KYI TSE NYE BA DE'I TSE DE DANG 'BREL BA NYID MI SLU BAR RTOGS PA'I PHYIR, BRTAG PAS CI BYA ZHES BYA BA DE SO NA 'DUG GO ZHE NA, DON BYED PA DE YANG ZHES SMOS SO, ,DE'I DUS SU ZHES BYA BA NI SGRUB PAR BYED PA'I SHES PA'I DUS SU STE, YOD PA ZHES BYA BA NI LHAG MA'O, ,DE DANG 'BREL BA NI ZHES BYA BA NI 'BYUNG BAR 'GYUR BA'I DON BYED PA DANG 'BREL PA'O, ,GAL TE ZHES BYA BA NI RTZOD PA STE, DE DANG 'BREL PA NI DON BYA BA DE DANG 'BREL PA'O, ,GRUB MTHA'I DON NI 'DI YIN TE, 'BREL PA'I SGRA 'JUG PA'I 'GYU MTSAN NI DNGOS POR GYUR PA'I 'BREL PA 'AM, KUN BRTAGS PA YIN YANG BLA STE, 'BREL PA CAN NAM, PHAN TSUN 'BREL PAR GYUR PA'I DNGOS PO GNYIS NYID YIN TE, DNGOS POR BSTAN KYANG DE KHO NAR THA DAD PA MA GRUB PA'I PHYIR RO, ,GNYI GA LTAR YANG GNYIS GNAS 'BREL PA ZHES BYA BA LAN YIN NO, ,DE LA PHYOGS DANG PO NI GIN TU GSAL LO, ,PHYOGS GNYIS PA LA YANG GNYIS LA GNAS PA'I 'BREL BA NI, 'BREL PAR GYUR BA'I RANG BZHIN YIN GYI, GCIG LA RTOGS PA NI MA YIN TE, GZHAN LA MI LTOS PAR THA SNYAD MI 'THAD PA'I PHYIR RO, ,DES NA GNYIS KYI RANG GI NGO BO RIG PA NYID YIN NA, RIG PA 'BREL BAR GYUR PA'I RANG BZHIN RIG PA 'BREL PA RIG PAR 'GYUR BA NYID DE, SNGA MA BZHIN DNGOS POR BSTAN KYANG CHOS CAN GCIG NYID DU 'DZIN PA'I PHYIR RO, ,DES GCIG BZUNG NA RANG GI NGO BO TZAM RIG

PAS 'GYUR BA KHO NAS 'GYUR GYI, MNGON PAR 'DOD PA'I KHYAD PAR NGES PAR 'GYUR PA NI MA YIN NO, ,GAL TE RE ZHIG GANG LAS DE DAG NYID LA LHAG PAR 'BREL BAR THA SNYAD DU BYA BAR 'GYUR GYI, THAMS CAD LA MA YIN PA GNYIG LA YANG KHYAD PAR 'GA' ZHIG NGES PAR BYA BA MA YIN NAM, KHYAD PAR DE NYID NI DON BYED PA DANG 'BREL BA'I RANG BZHIN YIN PA'I PHYIR MI SLU BA YIN NO ZHES DAM BCAS KYANG BRJOD PA'I SKYON DU MI 'GYUR RO, ,GAL TE YANG SHES PA LAS THA MI DAD PA'I PHYIR RO, ,RANG GI RANG BZHIN RIG PA'I RANG RIG GI KHYAD PAR DE BZUNG BA DE LTA NA YANG, DE GDON MI ZA BAR NGES PA MA YIN TE, KHYAD PAR CHA SHAS RNAM SPANGS PA, ,MNGON SUM GYIS NI BZUNG BA LA'ANG, ,ZHES BYA BA LA SOGS PA RGYAS PAR BSHAD PA'I PHYIR DANG, YAL GA DANG LDAN PA BZUNG YANG SHING NYID LA, SKAD CIG MA NYID LA SOGS PA MA NGES PA MTHONG BA'I PHYIR RO, ,DES NA DNGOS PO YONGS SU BCAD KYANG KHYAD PAR THAMS CAD MA NGES PA SRID PA NYID KYIS YONGS SU BRTAG PA'I GO SKABS GRUB PAS NA, SNGA NA MED PA'I DAL BA GZHAN GYI SA CI BYA, DE BAS NA CI LTAR ME LA GNAS PAR 'GYUR BA'I RGYU NYID MA NGES PA, DU BA MTHONG BAS NGES PAR BYED PA DE BZHIN DU SHES PA LAS ZHUGS PA NA THOB PAR BYA BA'I DON BYED PA LA RGYUR GYUR PA RANG BZHIN DU GRUB PA NYID MA DES PA PHYIS NGES PAR BYED PA YIN NO ZHE NA, BDEN TE YANG DAG PA'I KUN RDZOB BA LA BRTEN NAS NI LAN 'DI YOD KYI, 'ON KYANG DE GLANG PO CHE'I LTA BAS BTANG SNYOMS SU BZHAG STE, KHYAD PAR DANG BRAL BA'I RANG GI NGO BO TZAM MNGON SUM GYIS RTOGS SO ZHES BYA BA 'DI NI, LAN GZHAN GYI THABS KYIS DE KHO NA STON PA LHUNG BYED PA YIN NO, ,DE BZHIN DU RGYU DANG 'BRAS BU'I DNGOS PO YANG, YANG DAG PA'I KUN RDZOB TU YOD PA NYID DO ZHES STON PAR 'GYUR RO, ,DE BZHIN DU THA DAD PAR 'DZIN PA YANG KUN RDZOB TU YOD PA NYID DE, SNGON PO RTOGS PA'I BLOS NI SNGON PO MYONG BAR BYED PA YIN NO, ,GAL TE THA DAD PAR 'DZIN NA NI DBYE BA'I KHYAD PAR CAN YANG 'DZIN PAR 'GYUR RO, ,THA DAD PA'I KHYAD PAR MA BZUNG NA NI, 'DI'I THA DAD PA GA LA YOD, JI LTAR 'DI'I GZHAN LAS THA DAD PA ZHES BYA BA DE LTA BU'I RNAM PAR 'GYUR BA YIN GYI, YIN PA DE KHO NA BZHIN GAL TE

, ,NYAMS SU MYONG NA DE'I TSE GZHAN BLO GANG GIS ZLOG PAR 'GYUR ZHES BYA BA DE LTA BUR MI 'DRA'I ZHABS KYIS MDZAD PA RNAMS BCAS GRUB PA'I RJES SU 'BRANGS TE RTOGS PAR BYA'O, ,DES NA DNGOS PO'I RANG BZHIN TZAM BSTAN PA'I SGO NAS GZHAN RIGS PAR ZLOG BYED CHUD PAR BSTAN PA YIN PAS RE ZHIG GZHAG GO, ,GAL TE GANG LAS DE NYID DON BYA BA DANG 'BREL PAR NGES KYI, GZHAN MA YIN PA TSAD MA'I KHYAD PAR 'GA' ZHIG GDON MI ZA BAR 'DOD DGOS NA, DE LTA NA 'O NA MI SLU BA DE NYID NANG GI YAN LAG YIN PA NYID KYIS TSAD MAR 'GYUR MONG, PHYI'I YAN LAG TU 'GYUR BA DON BYED PA GNAS PA'I MI SLU BA LA CI STE BZOD DE, KHYAD PAR DE NI GDON MI ZA BAR MTHAR KHAS BLANG DGOS PA'I PHYIR RO, ,DE NYID KYI PHYIR KHA CIG NA RE, DON BYED PA GNAS PA NI DON BYED PA THOB PAR RUNG BAR YIN NO ZHES BRJOD DO, ,DES NA NYES PA MED PA'I PHYOGS BSAL BAS CI BYA ZHEN BDEN TE, 'ON KYANG MTSAN NYID CES BYA BA NI, 'BRAS BU GZHAN RTZOD PA CAN DU 'DOD DO, ,DE LA DON BYED PAR GNAS PA MI SLU BA YIN NO ZHES BRJOD PAS NI, DNGOS SU RIG BYED LA SOGS PA NI'I SHES PA TZAM TSAD MA YIN PA DGAG PA BSGRUB PA YIN NO, ,THOB PAR RUNG BA MI SLU BA'I MTSAN NYID YIN NA NA, DE LTAR SGRUB PAR MI 'GYUR TE RUNG BA TZAM NI 'BRAS BU MTHONG BA DANG MA MTHONG BA LA THUN MONG YIN PA'I PHYIR RO, ,DES NA GAL TE ME'I SPYIN SREG LAS MTHO RIS GRUB PAR GOMS PA DE LTA NA YANG DER RUNG BA NI BSNYON BAR MI NUS SO, ,GAL TE DON BYED PA GNAS PA SMOS PAS DON BYED PA MA G-YO BA MED PA YIN PA DE'I TSE, GDON MI ZA BAR DON BYED PA YOD PA YIN NO ZHES BRJOD PA NI, GDON MI ZA BAR YOD PAR NGES PA'I RGYU GOMS PA YANG BSTAN PAR 'GYUR RO, ,ME LA SOGS PA LTAR MTHO RIGS KYI DON BYED PA LA, DE'I SGRUB BYED DU 'DAD PA 'DI NI MED PAS NA, DE'I SHES PA DANG LTA NYID TSAD MA YIN PA BKAG PA NI GRUB PA KHO NA'O, ,DES NA CI LTAR SGRA DANG RTAGS DAG LAS RTOGS PA LA GZHAN SEL BA'I KHYAD PAR CAN GYI SGRUB PA NYID GTZOR SNANG YANG, DE SBAS TE GZHAN LA GRUB PA'I SGRUB PAR SMRA BA'I DGOS PA DGAG PA'I DON DU GZHAN SEL BA NYID RTOGS PAR BYA BA NYID DU MDUN DU BYAS PA DE BZHIN DU SHES PA'I RANG BZHIN GYIS KHYAD

PAR CAN NANG GI YAN LAG LA GDON MI ZA BAR LTOS PAR BYA BA YIN YANG BSHAD PA'I DGOS PAS NA, SPYI'I YAN LAG DON BYED PA NYID MI SLU BA'I BDAG NYID TSAD MA'I MTSAN NYID DU RNAM PAR 'JOG PAR BYED DO, ,DE YANG DE'I RANG BZHIN PAS THA DAD PA'I PHYIR TSAD MA LA TSAD MA NYID THA DAD PA ZHES BYA BA'I THA SNYAD KYANG, LEGS PA YIN NO, ,THA DAD NI SKABS KYI RTZOD PA LA YANG DE BZUNG BA NAM BZUNG BA ZHES BYA BA'I LAN YANG 'THAD PA YIN NO, ,DES NA MI SLU BA'I SHES PA TSAD MA YIN NO ZHES BYA BA 'DI GNAS SO, ,DES NA RIG BYED LA SOGS PA TSAD MA MA YIN NO ZHES BSTAN TO, ,DE LTAR RE ZHIG RIG BYED CHAD MA DNGOS NI MA YIN TE BEMS PO YIN PA'I PHYIR RO, ,MIG LA SOGS PA LTAR BRTAGS PA MA YIN TE, TSAD MA'I SKYED BYED MA YIN PA'I PHYIR RO, ,DES BSTAN PA'I GZHAL BYA'I TSOGS NI TSAD MAS RJES SU BZUNG BA MED PA DANG, TSAR BCAD PA'I YANG PHYIR RO, ,DE BZHIN DBANG PHYUG DANG PO SKYES BU LA SOGS PA MNGON PAR 'DOD PA RNAMS KYANG YONG DU ZIN KYANG JI SKAD BRJOD PA'I MNGON SUM DANG RJES SU DPAG PA'I RANG BZHIN CAN MA YIN NO, ,DE LTA BU YIN NA NI, DE BZHIN NYID DU STON PAR 'GYUR RO, ,DES NA BCOM LDAN 'DAS NYID TSAD MA YIN TE, MNGON SUM DANG RJES SU DPAG PA'I SHES PA'I MTSAN NYID DANG LDAN PA'I PHYIR RAM, TSAD MA SKYED PAR BYED PA NYID KYIS MIG DANG SNANG BA LA SOGS PA BZHIN DU NYE BAR BTAGS PA YIN NO, ,YANG NA SKYES BUL LTOS NA TSAD MA SKYED PAR BYED PA NYID DNGOS SU TSAD MA YIN NO, ,DBANG PHYUG LA SOGS PA LA NI 'DI YOD PA MA YIN NO ZHES BSGRUBS ZIN TO, ,DE LTAR MI SLU BAS SHES PA TSAD MAR GNAS PA MA RTOGS PA DAG 'DRI BA NE, 'ON JI LTAR ZHES BYA BA'O, ,GAL TE SGRUB PA'I SHES PA DE 'JUG BYED YIN NA DE'I TSE TSAD MA DE JI LTAR SHES TE, TSAD MA NYID DU ZHES BYA BA NI LHAG MA'O, ,DON BYED PA MI SNANG BAS MI SLU BA LA THE TSOM ZA BA'I PHYIR RO SNYAM DU BSAMS PA'O, ,'DI NI 'OG TU ZHES BYA BA NI THA SNYAD LAS NI TSAD MA NYID CES BYA BA'I SKABS SU'O, ,GAL TE RON BYED PA RTOGS PAS ZHES BYA BA LA SOGS PA'I RTZOD PA NI, BRAM ZE NA RE JI SKAD DU, JI LTAR DANG PO'I SHES PA NYID, ,MI SLU BA LA LTOS 'GYUR BA, ,DE

, ,BZHIN MI SLU BA YIS KYANG, ,MI SLU BA YANG BTZAL DGOS SO, ,ZHES BSHAD PA BZHIN NO, ,GRUB MTHAR NI DON BYED PAR SNANG BA'I SHES PA NI, RANG NYID KHO NAS TSAD MA YIN PA'I PHYIR, THUG PA MED PA MA YIN NO ZHES BSTAN TO, ,GZHAN GYI DON BYED PAR NYE BAR BSGRUBS PA NI RNAM PAR GZHAG PA'O, ,DON NI 'DI YIN TE, DON BYED PA SHES PA DE MI SLU BA NYID DU NGES PA NA GZHAN YANG CHAD TSAD MAR BSGRUB NUS NA JI LTAR BDAG NYID TSAD MA MA YIN, GAL TE MI SLU BA THA DAD PAS TSAD MAR BSTAN PA MA YIN NAM, DE JI LTAR DON BYED PA SNANG BA'I SHES PA RANG NYID LAS TSAD MA YIN ZHES BRJOD CES DGOS PA LA NGON BYED NUS PA GNAS PA NI, MI SLU ZHES SPYIR BRJOD PA'I PHYIR RO ZHES GSUNGS SO, ,DES NAM KHYAB PA'I NYES PA MED DO ZHES BYA BA'I DON TO, ,GAL TE DE LTAR MI SLU BA'I SHES PA NI RANG NYID LAS TSAD MA YIN NA, DES NA GAL TE 'GA' ZHIG RANG NYID LAS TSAD MA NYID CES 'DOD NA NI, GANG GIS MI SLU BA TSOL BA, ,DANG PO DE LTA'I DNGOS YIN LA, ,RGYU GANG GIS NA RAB TU SNANG ZHE NA, BRJOD PA GAL TE JI LTAR DON BYED PAR SNANG BA'I SHES PA, SNGAR GYI SHES PA LA THE TSOM SEL BAR BYED PA SKYES PA TZAM GYIS 'KHRUL PAR DOGS PA LDOG PA DE BZHIN DU, DANG PO YANG YIN NA, DE'I TSE NYES PA CI YONG, 'ON KYANG DANG PO SKYES PA'I DUS NA NI TSAD MA DANG CIG SHOS RNAM PAR 'BYED PAR MI NUS SO, ,GOMS NA YOD DO ZHE NA, DE LTA NA'O, ,DANG PO DE'I DNGOS YIN NA, ,RGYU GANG GIS NA RAB TU SDANG, ,ZHES BYA BA DANG, TSAD MA THAMS CAD RANG NYID LAS, ,TSAD MA NYID CES 'DOD PAR GYIS, ,SHES PHYIR BRJOD PAR MI BYA'O, ,'O NA GOMS PA NA, RANG NYID LAS TSAD MA YIN PA'I PHYIR MI SLU BA LA MI LTOS SO ZHE NA DE LTA MA YIN TE, DER NI 'BYUNG BAR 'GYUR BA'I MI SLU BA LA MI LTOS PA YIN GYI, SNGA MA LA MI LTOS NA NI GOMS PA NYID DU MI 'GYUR RO, ,PHYI MA LA MI LTOS PA'I PHYIR NI RANG NYID LAS YIN PAR BRJOD DO, ,DES NA MA KHYAB PA'I SKYON MED DO, ,DE LTAR MI SLU BA'I SHES PA LA BRTEN NAS MA KHYAB PA SPANGS PA NA, GAL TE ZHES BYA BA LA SOGS PAS HA CANG KHYAB PAR DOGS PA BSU BAR BYED DO, ,YUL GYI KHYAD PAR GYIS YANG MA KHYAB PA SMOS PA NI, SGRA'I YUL CAN GYIS ZHES BYA BA'O, ,MED PA GA LAS SHE NA, RANG DANG GZHAN

LAS ZHES SMOS SO, ,SGRA RANG GI NGO BOS NI DON BYED PA YOD PA MA YIN TE, YUL GYI RANG BZHIN YIN PA'I PHYIR RO, ,SGRA LA NI THOB PAR BYA BA'I DON BYED PA GZHAN YANG YOD PA MA YIN TE, BRJOD MA THAG TU 'GAG PA'I PHYIR RO, ,DE LTAR MI SLU BA'I MTSAN NYID BSAL NAS, RANG GI 'DOD PA'I MTSAN NYID SKYON MED PAR BSAMS PA MJUG SDUD BYED PA NI DE'I PHYIR ZHES BYA BA'O, ,RMI LAM DANG, SER POR SHES PA NI GNOD PA'I PHYIR TSAD MA YIN LA, SGRA'I YUL CAN NI GNOD PA MED PA'I PHYIR TSAD MA YIN NO, ,RI MOR SNANG BA DANG, DON BYED PAR SNANG BA LA SOGS PA YANG DE BZHIN NO ZHES BYA BA NI, GZHAN GYIS BSAMS PA'O, ,DE MA THAG PA'I MA KHYAB PAR RE ZHIG SPANGS PAR SMRAS PA, 'DI LTAR NA SGRA LAS BYUNG BA YANG ZHES BYA BA'O, ,MNGON PAR 'DOD PA STON PA'I PHYIR, ,ZHES BYA BA LA, CI DA NI THOB PA LA STE, MNGON PAR 'DOD PA MA LUS PA THOB PA'I PHYIR NA DE TZAM GYIS 'DOD PA YONGS SU RDZOGS SO ZHES BYA BA'I DON TO, ,GAL TE SGRA LAS SKYES SHING DON LA DMIGS PA'I SHES PA YANG, SGRA LAS BYUNG BAR BRJOD PA MA YIN NAM, 'DIR GANG ZHIG GZUNG ZHES DOGS PA LA, SGRA'I YUL CAN GYI ZHES SMOS SO, ,YANG GI SGRAS NI ZHES BYA BA NI MA BRJOD PAR SDUD PAR STON PA'O; ,GZHAN LA YANG ZHES BYA BA NI RI MO LA SOGS PA LA'O, ,GAL TE MI SLU BA RTEN PA NI, YONGS SU NGAL BA'I 'BRAS BU TZAM DANG LDAN PA MA YIN NAM, DES NA RTOGS PA'I BDAG NYID KYI, ,BLO NI TSAD MA NYID YIN 'GYUR, ,ZHES BYA BA NYID LEGS SO, ,'KHRUL PAR DOGS PA NA NI, GNOD PA MED PA'I KHYAD PAR NYID KYIS YONGS SU RDZOGS PAR 'GYUR RO ZHES DOGS NA, DON 'DI YIN TE ZHES SMOS SO, ,GNYI GA LA YANG LAN RTOGS SLA'O, ,RMI SOGS LA DE CIS MA YIN, ,ZHES BYA BA 'DIS NI, HA CANG KHYAB PA'I CHA MTSUNGS PAR BSTAN TO, ,KHYAD PAR MI 'CHAD PAR 'GYUR RO, ,GNOD PA ZHES BYA BA 'DI CI ZHIG CES BRJOD PA LA DGONGS PA 'DI YIN TE, GNOD PA MED PA'I RTOGS PA ZHES BYA BA'I MTSAN NYID DO, ,DON DAM PA LA LTOS PA 'AM, THA SNYAD LA LTOS NAS YIN GRANG NA, DANG PO LTAR NA GNOD PA ZHES BYA BA MED PA NYID PAS CI LTAR RMI LAM LA SOGS PA TSAD MA YIN PA LDOG STE, MA KHYAB PA

, ,SPANG BAR MI 'GYUR RO, ,YANG JI LTAR GNOD PA DON DAM PA MA YIN ZHE NA, GNOD PA ZHES BYA BA 'DI CI ZHIG CES GSUNGS SO, ,GNOD BYED KYIS NI GNOD BYA'I SHES PA LA GNOD PAR BYED PA ZHES BYA BA 'DIR MED PAR BYED PA'AM, DE'I YUL MED PAR SHES PAR BYED PA ZHES BYA BA'I DON YIN, DE LA RNAM PAR RTOG PA DANG PO NI GSOG NYID KYIS GNAS PA'I PHYOGS NYE BAR BZUNG NAS SKYON SMRAS PA NI, GAL TE GZHAN GYIS ZHES BYA BA'O, ,RANG DON NI RANG GI YUL LA'O, ,MED PAR ZHES BYA BA NI, GNOD BYA'I SHES PA'I YUL LO, ,PHYOGS DANG PO'I SNYING PO MED PA NYID 'JUG PA 'GREL PAR BYED PA NI RE ZHIG CES BYA BA'O, ,DE'I DUS NA ZHES BYA BA NI SHES PA GZHAN GYI DUS NA'O, ,RANG NYID ZHIG PAN 'GA' ZHIG GIS GNOD DO ZHES DOGS PA LA, MIG BTZUMS PA TZAM GYIS ZHES GSUNGS SO, ,RTOGS PA YANG MED DO ZHES BYA BA NI, GZHAN GYIS KYANG THA SNYAD DU MI BYED DO ZHES BYA BAR BSAMS PA'O, ,DES NA GZHAN GYI BSAM PAS KYANG PHYOGS GNYIS PA NYID YIN NO ZHES STON PAR BYED PA NI, SHES PA GZHAN GYIS ZHES BYA BA LA SOGS PA'O, ,SUN 'BYIN PA NI RANG GI YUL ZHES BYA BA LA SOGS PA'O, ,'DI LAS YIN TE, GANG GI PHYIR RANG GI YUL LA ZHUGS PA DE NYID KYI PHYIR GZHAN 'GOG PAR BYED PA YIN TE, MA BKAG NI RANG GI RANG BZHIN CI LTA BAR GZHAN GYI RANG BZHIN YANG SNANG BAR 'GYUR BA'I PHYIR, DE GCIG TU NGES PAR MI RTOGS PAR THAL BAR 'GYUR RO, ,DE NYID KYI PHYIR YONGS SU GCOD CING, DE LAS GZHAN RNAM PAR GCOD PA DANG, PHUNG PO GSUM PA MED PAR STON PAR BYED DO ZHES BYA BA LA SOGS PA BRJOD PA YIN NO, ,'ON TE SHES PA GCIG PA LA PHYOGS PAS 'JUG PA NA, DE SGRUB PAR BYED PAS DE LAS GZHAN LA SGRUB PA DANG, DGAG PA MI BYED DE GCIG LA NI 'BRAS BU GNYIS YOD PA MA YIN NO ZHES BYA BA'I TSUL GYIS SO ZHE NA, RE ZHIG GCIG LA PHYOGS PA'I SHES PAS GZHAN YUL DU BYED PAR MI NUS SO ZHES BYA BA 'DI NI RIGS TE, DE RNAM PA GCIG TU NGES PA'I PHYIR RO, ,DE NYID KYI PHYIR GAL TE GZHAN DGAG PA BYED PAR KHAS LEN PA LA, NYES PA CI 'DRA BA ZHIG YOD, GCIG LA 'BRAS BU GNYIS YOD PA MA YIN NO ZHES BYA BA YANG RGYAL PO'I BKA' MA YIN TE, MAR ME LA SOGS PA GCIG LA YANG BYED PA DU MA MTHONG BA'I

PHYIR RO, ,GANG LAS RNAM PA GCIG TU NGES PA'I PHYIR DE MI SRID PAR 'GYUR BA DNGOS PO MED PA NI RNAM PA'I KHYAD PAR YONGS SU 'DZIN PA NI MA YIN GYI, 'ON KYANG DNGOS PO MED PA 'DZIN PA NI NGES PA TZAM YIN NO, ,DE NI NYAMS PA MED PA NYID DE, ME MTHONG BA'I SKOM PA NI CHU MED PAR NGES PA MED NA, MI 'JUG PA MA YIN PA'I PHYIS BYED PA GNYIG DANG LDAN PA MTHONG BA'I PHYIR, SKYON MA YIN NO, ,DOGS PA 'DI BSU NAS MNGON SUM LA NI THA DAD PA'I 'DZIN PA'I NUS PA YIN NO SNYAM DU ZHE LA BZHAG STE, RANG GI YUL LA 'JUG PAS NI ZHES BYA BA LA SOGS PA LAN GNAD DU PHOG PA SMRAS SO, ,'DI LA SNGON PO BZUNG BA NI SNGON PO MA YIN PA MED PAR NGES PA NI, THA DAD PAR 'DZIN PA SNGON DU 'GRO BA CAN YIN NO, ,THA ME DAD PAR 'DZIN PA 'AM THA DAD PAR NI MNGON SUM GYIS GZHAN MED PAR NGES PAR MI RIGS LA, THA DAD PA DE YANG GZUNG BAR NUS PA MA YIN NO, ,'DI YANG MDUN DU 'CHAD PAR 'GYUR RO, ,'O NA TE THA DAD PAR NGAS PA LAS DNGOS PO MED PA YIN NO ZHE NA, 'O NA DNGOS PO MED PA 'DZIN PA LAS THA DAD PAR NGES PA YIN PA'I PHYIR PHAN TSUN BSTEN PAR BSAL LO, ,DE'I PHYIR TSANG ME'I DBYE BA NI RANG GI YUL LA RAG LAS PA YIN PAS, GZHAN 'GOG PA'I GTAM YANG MED DE, ,DES NA DE YONGS SU GCOD CES BYA BA LA SOGS PA NI KUN RDZOB PA NYID YIN LA 'DI NI DE KHO NA RNAM PAR DPYOD PA'I SKABS YIN NO, ,MTHONG BA NI MI 'THAD PA MED DO ZHES BYA BA YANG GRUB PA'I MTHA' YIN PA'I PHYIR RO, ,ME MTHONG BA'I DE MA THAG TU CHU MED PAR NGES PA'I PHYIR 'DIR CHAD PA MED DO, ,DA NI DE'I BYED PA DAD MI 'GAL BAR BAG CHAGS TZAM DANG 'BREL PA YIN PA'I PHYIR 'DI LA MTHONG BAR BYED PA MED DO, ,RNAM PAR DPYAD PA'I SKABS SU MI RANG GI BDAG NYID BZHIN DU DNGOS PO MED PA NGES PAR MI NUS PA DES NI RMI LAM GYI SHES PA NI, YUL MED PAR SHES PA SAD PA'I SHES PAS GNOD PA MA YIN NO ZHES GNAS SO, ,GSAL TE NYA PHYIS DANG DNGUL LA SOGS PA'I SHES PA BZHIN DU GNOD BYA GNOD BYED KYI DNGOS PO 'JIG RTEN NA RTOGS PA NYID MA YIN NAM BSTAN BCOM SU PHYOGS KYI GNOD PA RNAM PA BZHI BKOD PA'I PHYIR KHYOD KYIS KYANG KHAS BLANGS PA NYID MA YIN NAM SNYAM DU BSAMS NAS, 'O NA CI LTAR ZHES 'DRI BAR BYED DO, ,GRUB PA'I MTHA' SMRAS PA NI 'DI YANG DAG PA'I KUN

, ,RDZOB YIN NO SNYAM DU BSAMS NAS CI LTAR YANG MA YIN NO ZHES GSUNGS TE, SKABS KYI DE KHO NA NYID DU ZHES BYA BAR LTA'O, ,DE LTAR YIN DANG SKABS SU BAB PA GRUB PA ZHES STON PA NI, DE NYID KYI PHYIR ZHES BYA BA LA SOGS PA'O, ,'DIS NI DON DAM PA LA LTOS TE, GNOD PA MED PA'I MTSAN NYID MA YIN NO ZHES BSTAN PA YIN NO, ,DE LTA NA THA SNYAD LTOS NAS 'GYUR RO, ,THA SNYAD DU NI GNOD BYA GNOD BYED KYI DNGOS PO MED PA MA YIN TE, GNOD PA RNAM PA BZHI BKOD PA MI 'THAD PAR THAL BA'I PHYIR RO, ,MI SLU BA'I MTSAN NYID KYANG KUN RDZOB PA KHO NA YIN PA'I PHYIR DE DAG KHYAD PAR CI YOD, GNOD PA MED PAS NI RMI LAM GYI SHES PAR SPYAD PAR NUS KYI, MI SLU BA NYID KYIS NI MA YIN TE, DE LA YANG DON BYED PA MYONG BA'I PHYIR RO ZHE NA, GAL TE GNYI GA THA SNYAD PA YIN PA DE LTA NA YANG THAMS CAD DON BYA BA DON DU GNYER BAS TSAD MA CHOL BA NA, NGES PAR DON BYED PA LA MI SLU BA LA LTOS PAR 'GYUR RO; ,DES NA THA SNYAD KYI NGO BOR MI SLU BA NYID TSAD MA'I MTSAN NYID DU RIGS SO, ,DE LTAR GNOD PA MED PAS NI 'GA' YANG DON DU 'GYUR BA MA YIN NO, ,'ON TE GNOD PA'I PHYIR DON BYA BA MA THOB PAS NA, GNOD PA MED PA NYID KYIS DE LA MI SLU BA YIN NO ZHE NA, DE LTAR YIN NA DON BYED PA LA PHYOGS PA'I TSAD MA'I THA SNYAD RGYU NI DE LAS MI SLU BA KHO NA YIN GYI DON GYIS 'PHANGS PA'I GNOD PA MED PA NI MTSAN NYID MA YIN NO, ,MI SLU BA'I MTSAN NYID DE NYID DOGS PA'I SGO NAS MJUG BSDU BA STON PA NI, DE'I PHYIR ZHES BYA BA'O, ,'DIS NI GANG LA DON BYED PA LA MI SLU BA YOD PA DE TSAD MA YIN NO ZHES BRJOD PAR 'GYUR RO; ,GANG LAS GNOD PA MED PA TSAD MAR 'GYUR PA, GANG DU YUL GNOD PA DE TSAD MA MA YIN PA NI MA YIN NO, ,'DI NYID GSAL BAR BYED PA NA, SDUD PA NI GAL TE ZHES BYA BA'O, ,RANG NGAM ZHES BYA BA NI DON BYED PAR SNANG BA BZHIN DU RANG GI NGO BOS SO, ,GZHAN GYIS NI ZHES BYA BAS NI SGRUB PAR BYED PA SNANG BA BZHIN DU DON BYED PAR SNANG BA'I SHES PA GZHAN GYI RANG BZHIN GYIS SO, ,GAL TE RE ZHIG RMI LAM DANG CIG SHOS KYI RNAM PAR DBYE BA BDEN PAR YOD PA MA YIN NAM, GNOD PA MED PAR NI DER MI 'BYUNG STE, RMI LAM NA YANG DON BYED PAR SNANG BA MTHONG BA'I PHYIR RO, ,DES NA RMI LAM DANG CIG SHOS KYI TSAD MA

DANG GZHAN PA'I RNAM PAR BZHAG PA YANG GNOD PAS BYAS PA NYID DO ZHE NA, DE NYID DU NA NI, RMI LAM MI MIN KHYAD MED CES SMOS SO, ,RMI LAM DANG ZHES BYA BA NI RNAM PAR 'GREL PA'O, ,'O NA TSAD MA DANG CIG SHOS KYI RNAM PAR DBYE BA NI DE KHO NA NYID DU 'GYUR RO SNYAM NA, DE BZHIN DU ZHES SMOS SO, ,'DI GNYI GA THA SNYAD TZAM DU JI LTAR 'GYUR ZHE NA, 'CHAD PAR 'GYUR RO ZHES SMOS TE, THA SNYAD LAS NI TSAD MA NYID CES BYA BA'I NANG 'DIR RO, ,JI SKAD DU RMI LAM NA YANG DON BYED PAR SNANG BA YOD DO ZHES BRJOD PA DER YANG DON BYED PAR SNANG BA TZAM GYIS NI TSAD MA MA YIN NA, GANG GI MTSAN NYID HA CANG KHYAB PA'I SKYON DU 'GYUR 'ON KYANG DON BYED PAR GNAS PAR MI 'GYUR PA'I RANG BZHIN NI MI SLU BA YIN LA, DE YANG TSAD MA YIN NO SNYAM DU ZHE LA BZHAG 'DI NI SMRAS SO, ,GAL TE GNYI GA LA YANG DON BYED PA RING DU GNAS PA MED PA MA YIN NAM, MOD LA 'GYUR BA NI RES 'GA' SAD PA LA YANG YOD PA'I PHYIR CI LTAR MI G-YO BA DANG CIG SHOS RNAM PAR GZHAG CE NA, BDEN TE ZHIB MOR BRTAGS NA RMI LAM DANG CIG SHOS DAG KHYAD PAR 'GA' YANG MED DO ZHES BRJOD ZIN PA NYID DO, ,DPER NA SAD PA'I GNAS SKABS NA PHYI ROL DU SGRO 'DOGS PA DANG, NYI MA DE 'DAS TE MTSAN MO LA SOGS PAS BAR DU CHOD KYANG DON BYED PAR SNANG BA NYAMS SU MYONG BA LA DRAN PA YOD PA NA BDEN PAR SGRO 'DOGS PA DANG, DES BYAS PA'I PHAN PA RIM GYIS ZAD PAS CUNG ZAD RJES SU 'JUG PAR RLOM PA DE BZHIN DU RMI LAM DU NI MA YIN TE, DE'I SGRO 'DOGS PA NI, GNYID KYI CHA'I MTHAR THUG PA'I YIN PA'I PHYIR RO, ,DES DON BYED PA BRTAN PA DANG MI BRTAN PA ZHES BYA BA NI, SGRO 'DOGS BRTAN PA DANG MI BRTAN PA YIN NO ZHES BRJOD PAR 'GYUR RO, ,DE NYID STON PA NI RMI LAM GYI ZHES BYA BA'O, ,DON BYED PA ZHES BYA BA NI, DON BYED PAR SNANG BA'O, ,GOMS PA ZHES BYA BA NI BAG CHAGS SO, ,DON BYED PAR SNANG BA 'DI NI GOMS PA'I STOBS LAS BYUNG BA YIN GYI, BDEN PAS BYAS PA NI MA YIN NO ZHES NGES PA'I PHYIR NA; TSIM PA NI YOD PA MA YIN NO, ,SAD PAS NI BZLOG PA'I PHYIR NA YONGS SU TSIM PA YOD PA YIN NO ZHES BYA BA'I DON TO, ,'DIS NI BAG CHAGS BRTAN PA DANG MI BRTAN PA YIN NO ZHES BRJOD PA YIN NO, ,DE'I PHYIR MI SLU BA'I MTSAN NYID LA 'KHRUL PA MED PAS NA HA CANG KHYAB PAR MTSUNGS PA MA YIN NO, ,KUN RDZOB

, ,LA BRTEN PA'I PHYIR MI SRID PA'I GO SKABS MED PA KHO NA'O, ,DON BYED PAR SNANG BAS MA KHYAB PA YANG MA YIN NO ZHES BRJOD ZIN PAS, MA KHYAB PA BSTAN PAR BYA BA'I PHYIR MI SLU BAS KYANG MI SLU BA ZHES 'DIS GANG BRJOD PA DE YANG SPANGS PA YIN NO, ,'DI NI GZHAN NYID LA SKYON YIN NO ZHES SMRAS PA NI, GNOD PA MED PA NYID YIN NA NI, THUG PA MED PA KHO NA STE ZHES BYA BA'O, ,'DI LA SHES PA SKYES PA NYID NA GNOD PA MED PA MTSAN NYID DU BRJOD DAM, DUS GZHAN DU ZHES RNAM PAR RTOG PA THA DAD PA'I PHYIR RO, ,THA MI DAD NA NI DE'I TSE NYID DON BYED PA YANG THOB PA'I PHYIR MI 'JUG PAR THAL BA SO NA 'DUG GO, ,THA DAD PA YIN NA DE'I BYA BA SGRUB PA'I RANG BZHIN LA 'DIS MA REG PA'I PHYIR GANG LA MI SLU, CHU MTHONG BA LA NI ME THOB PA MI SLU BA MA YIN NO, ,GAL TE RANG NGAM GZHAN GYI DON BYED PAS BYAS PA MI SLU BA MA YIN MOD, RANG GI NGO BO RIG PA TZAM NYID DE TSAD MAR 'GYUR RO ZHE NA, DE'I RANG BZHIN RIG PA TZAM DE NI ZHES SMOS SO, ,DE'I ZHES BYA BA NI SHES PA LA SNANG BA STE, PHYI ROL LAM BRDZUN PA'AM, SHES PA'I RANG BZHIN NYID DO, ,DE'I SGRA MED NA NI RANG BZHIN ZHES BYA BAS DNGOS PO'I RANG BZHIN 'DZIN PAR SHES PAR 'GYUR RO, ,GAL TE RANG GI RANG BZHIN 'DZIN PA NYID NI TSAD MAR MI 'DOD DO, , DE CI LTAR SHES PA THAMS CAD LA MTSUNGS SHE NA, 'O NA DNGOS PO'I RANG BZHIN DE NYID NI DON BYED PA LA MI SLU BA NYID LAS YIN PA'I PHYIR MI SLU BA SPANGS PA LA SNANG BA'I RANG BZHIN RIG PA NYID GNAS PAR 'GYUR LA, SNANG BA'I RANG BZHIN RIG PA YANG THUN MONG YIN PA'I PHYIR NA DON BYA BA DON DU GNYER BA RNAM PAR PHYE NAS 'JUG PA DANG LDOG PA MI 'THAD PA'I PHYIR, THA SNYAD PA RNAMS TSAD MAS 'JUG PA'I GTAM YANG GA NA YOD, RANG GI NGO BO RIG PA NI DE KHO NA NYID KYI TSAD MAR 'GYUR BA'I PHYIR THA SNYAD PA SMOS SO, ,DE LTA NA DON LA MI SLU BA'I SGO NAS RANG RIG PA'I TSAD MAR CI LTAR 'GYUR ZHE NA, DE LTA MA YIN TE DON YONGS SU BCAD PA'I MTSAN NYID KYI DON BYED PA NI, DE'I RANG GI NGO BOR 'GYUR BA YIN PAS SKYES PA'I DUS NYID LA GSAL BA DANG 'DI MTHONG NGO ZHES THA SNYAD DU BYAS PA YIN PA'I PHYIR SKYON MED DO, ,DE LTAR MI SLU BA TSOL BA NA PHYI MA'I DON BYED PA LA LTOS PA NYID MI SLU BAR RIGS SO, ,DES NA DE KHO NA NYID DO ZHES BSTAN PA MA

YIN NO, ,DES NA RNAM PAR RTOG PA GNYIS PA LUS PA NA, TSAD MA'I TSUL CI 'DRA BAR GNAS PA DE STON PA NI DE'I PHYIR 'BYUNG 'GYUR DON YUL DANG ZHES BYA BA'O, ,GANG GI PHYIR DE KHO NAR TSAD MA DANG TSAD MA MA YIN PA'I RNAM PAR DBYE BA MED PA'I GTAN TSIGS DE'I PHYIR THA SNYAD RJES SU 'JUG PAR BYED PA NI SKYOD PAR BYED PA STE; THA SNYAD LA RTEN PAR BYED DO ZHES BYA BA'I DON TO, ,CI 'DRA BA ZHIG CE NA, DA LTAR BA'I YUL LA ZHUGS KYANG THOB PAR BYA BA 'BYUNG BAR 'GYUR BA'I YUL CAN DANG, GZUGS LA ZHUGS KYANG REG BYA LA SOGS PA SPYOD YUL DU BYED PA CAN TE, GANG ZHIG DE LTAR GYUR PA DE NI THA SNYAD PA YIN NO ZHES BYA BA'I DON TO, , YANG NA THA SNYAD PA GANG YIN PA DE NI 'DI LTA BU YIN NO ZHES BYA BA'I DON TO, ,YANG JI LTAR GZHAN YUL DU GYUR PA NA YUL GZHAN RNAM PAR 'JOG CE NA, LHAG PAR SGRO BTAGS PAS ZHES SMOS TE, GCIG TU SGRO BTAGS PAS SO, ,GAL TE THA SNYAD LA LHAG PAR SGRO 'DOGS PAR SRID KYANG DE LA LTOS PA NYID KYIS TSAD MAR RNAM PAR GZHAG PAS CI ZHIG BYA, MTHONG BZHIN PA NYID YIN PAR 'GYUR RO ZHE NA, BSHAD PA 'BYUNG BAR 'GYUR BA'I DON DANG YUL GZHAN DE DAG THOB PA DON DU GNYER BA DANG, DE DAG GI DON BYA BA DON DU GNYER BA STE, THA DAD PA MED PAR BSTAN TO, ,GAL TE MTHONG BA GANG YIN PA DE NYID PHYIS DON BYED PA YIN BA DES 'BYUNG BAR 'GYUR BA'I DON DANG, GCIG PA NYID DU RIGS PA MA YIN NAM, YUL GZHAN DANG GO JI LTAR GCIG PAR RIGS SHE NA, JI LTAR ZHES BYA BA LA SOGS PA SMRAS SO, ,DE BZHIN DU 'BYUNG BAR 'GYUR BA'I RANG BZHIN YANG GZUGS LA SOGS PA'I RANG BZHIN 'DZIN PA'I NANG DU MI 'DU'O ZHES 'BREL TO, , 'O NA JI LTAR GANG DU 'DUS SHE NA, LHAG PAR SGRO BTAGS PAS NI ZHES GSUNGS SO, ,DE GCIG NYID YIN PA ZHES BYA BA NI SNANG BZHIN PA'I GZUGS LA SOGS PA'I RANG BZHIN DANG GCIG PA NYID DO, ,YUL GZHAN YANG YIN NO ZHES BYA BA NI REG BYA LA SOGS PA'I MTSAN NYID KYANG GCIG YIN NO ZHES 'BREL TO, ,YANG GI SGROS NI 'BYUNG BAR 'GYUR BA'I RANG BZHIN YANG NGO, ,DE LTAR GZUGS TZAM MTHONG BA NI BUM PA BDAG GIS MTHONG NGO SNYAM DU LHAG PAR ZHEN PA NA, GZUGS DANG REG PA GCIG NYID DU RNAM PAR 'JOG PAR BYED PA NYID DU DMIGS PA YIN NO ZHES BYA BA'I DON TO, ,YANG NA BDAG GIS MTHONG BA GANG YIN PA'I DE NYID 'DI'O

, ,ZHES BYA BAS SO, ,DE LTAR TSAD MA'I TSUL LUGS DPYAD NAS SKABS NYID MJUG SDUD PAR BYED PA NI, DES NA ZHES BYA'O, ,BRTAGS PA'I RANG BZHIN THA MI DAD PA'I SGO NAS SO, ,KYANG GI SGRAS NI KLU GRUB PAS KYANG NGO, ,DE NYID KYI PHYIR BSHAD PA NI GNYIS RIM GYIS SUN 'BYIN PA NI, DANG PO GNOD PA MED PA NI ZHES BYA BA LA SOGS PA'O, ,THAMS CAD LA ZHES BYA BA NI TSAD MA DANG TSAD MA MA YIN PA RNAMS LA STE, SKYES PA'I DUS NYID NA GNOD PA DANG CIG SHOS KYI NGES PA NYAMS SU MA MYONG BA'I PHYIR RO, ,NGES PA YOD NA YANG, TSAD MA MA YIN PA NI GZHAN LAS RNAM PAR GNAS SO ZHES BYA BA LEGS PAR MI GNAS PAR 'GYUR RO, ,GDON MI ZA BAR DUS PHYIS 'BYUNG BA GNOD PA SEL BA'I NGES PAS TSAD MAR BRJOD PA DGOS PA'I PHYIR DE YANG GNOD PA MED PA LA LTOS PAS DE KHO NA BZHIN THUG PA MED PA'I RNAM PAR RTOG PA SPANG BAR DKA'O ZHES BYA BA'I DON TO, ,DUS PHYIS ZHES BYA BA NI BRJOD PAR 'DOD PA GZHAN MED PA'I PHYIR NA, DUS KYI KHYAD PAR NYID KYIS LAS KYI MTSAN NYID KYI GNYIS PA NGO BO NYID KYIS GRUB PO, ,GNOD PA MED PA YIN NA STE, GNOD PA SEL BA'I MTSAN NYID KYI NGES PA KHAS LEN NA'O, ,DE LA YANG ZHES BYA BA DUS PHYIS 'BYUNG BA GNOD PA SEL BA'I NGES PA LA'O, ,'DI NYID SDUD PAR BYED PA NI DANG PO GNOD PA MED PA NI ZHES BYA BA'O, ,GNOD BYED MED DO ZHES BYA BA'I NGES PA GANG YIN PA DER YANG, GNOD BYED YOD PA CI LTAR DOGS PA MA YIN, DOGS PA CI STE MED CES 'DON PA NI DON GCIG GO, ,DE LA YANG DUS PHYIS KYI GNOD BYED MED PA'I NGES PA DON DU GNYER BAR BYA BA'I PHYIR THUG PA MED PA NYID DO ZHES BYA BA'I THA TSIG GO, ,GAL TE NYA PHYIS LA DNGUL DU SHES PA'I GNOD BYED 'DI NI, DNGUL MA YIN NO SNYAM PA'I SHES PA GNYIS YIN LA, DE'I RJES SU 'DZIN PAR BYED PA YANG NYA PHYIS SU SHES PA YIN PA'I PHYIR DE TZAM GYIS MTHAR THUG PA NA THUG PA MED PA GA LA 'GYUR ZHE NA, DE LTAR NA 'O NA NYA PHYIS MTHONG BA LA YANG ZLA BA GNYIS SU MTHONG BA LTAR 'BYUNG BAR 'GYUR BA'I GNOD PA SRID PA'I PHYIR, MTHAR THUG PA GA LA YOD DO, ,GANG ZHIG GNOD BYED MA SKYES KYANG, ,RMONGS PA YIS NI RTOG BYED PA, ,DE NI THA SNYAD THAMS CAD LA, ,THE TSOM BDAG NYID NYAMS PAR 'GYUR, ,ZHES BYA BA SDIG PA TZAM NI DON BYED PA'I PHYIR

RO; ,GAL TE YANG GOMS PA LAS NOR BU DANG DNGUL LA SOGS PA'I RANG BZHIN LTAR NYA PHYIS KYI DON BYA BA SGRUB PA'I RANG BZHIN GYI KHYAD PAR GSAL BA YIN NA, DE'I TSE DON BYA BA DON DU GNYER BAS TSAD MA 'TSOL LA DE TSOL BA'I BYED PA NI DON BYED PA SGRUB PA NGES PA NYID NA RDZOGS PAR GYUR PAS THUG PA MED PA LDAG PA YIN MOD KYI, 'ON KYANG DE LTA YIN NA MI SLU BA TSAD MAR 'GYUR RO SNYAM DU DGONGS PA'O, ,YANG NA GNOD PA MED PA YIN NA, TSAD MA NYID MI GNAS PA NYID DO ZHES RTOGS PAR BYA'O, ,TSAD MA NYID RNAM PAR GNAS PAR MI 'GYUR RO ZHES BYA BA'I DON TO, SKYE BA'I DUS NA GNOD PA MED PA NI THAMS CAD LA YOD PAS NA HA CANG KHYAB PAR 'GYUR RO, ,'BYUNG BAR 'GYUR BA'I GNOD BYED MED PAR NGES PA NI MI SRID PA NYID KYIS MTSAN NYID MA YIN TE, 'BYUNG BAR 'GYUR BA LA TSAD MA BYED PA MED PA'I PHYIR RO, ,MA NGES PA YANG MTSAN NYID MA YIN NO, ,GOMS PA LAS SGRUB PAR BYED PA'I RANG GI NGO BO NGES NA NI SNGA MA BZHIN DON BYA BA NGES PA DRANGS PA YIN NO, ,DES NA GNOD PA MED PA'I RTOGS PA NI DON DAM PA'AM KUN RDZOB TU YANG MTSAN NYID MA YIN GYI, MI SLU BA CAN GYI KUN RDZOB KHO NAR MTSAN NYID YIN LA, MTSAN NYID KYI SKYON 'GA' YANG MED DO ZHES BYA BAR GNAS SO, ,GANG YANG DUNG LA SER POR SHES PAS HA CANG KHYAB PA RTZOD PA DE LA SMRA BA NI; DUNG SER POR ZHES BYA BA'O, ,'DI LA TSAD MA MI SRID PA GA LAS YIN ZHE NA, DE LTA ZHES BYA BA SMOS SO, ,DUNG SER PO'I RNAM PAS BSGRUB PAR BYA BA'I DON BYED PA THOB PA MED PA'I PHYIR RO, ,DUNG TZAM LA MI SLU BA YOD DO ZHE NA, MTHONG BZHIN PA'I SER PO'I RNAM PA LAS MA GTOGS PA'I DUNG NI SNANG BA MED DO, ,DBYIBS TZAM SNANG NGO ZHE NA, DBYIBS KYANG SER PO'I RNAM PA LAS MA GTOGS PAR NI SNANG BA MED DO, ,SER PO'I RNAM PA LA YANG BSLUS PA'I PHYIR, GZHAN GANG DU MI SLU BA YOD, ,DES NA MNGON SUM GYI TSAD MA MA YIN NO, ,SLU BA MED PA'I DON 'KHRUL PA MED PAR BYA BA'I DBYIBS TZAM LA NI TSAD MA GZHAN MI BZLOGS SO ZHES BSTAN PA NI, DBYIBS TZAM GYI ZHES BYA BA'O, ,GRUB PA NI THOB PA'O, ,RJES SU DPAG PA DE NYID STON PA NI 'DI LTAR ZHES BYA BA'O, ,SNANG BA NI DUNG DANG DKAR PO LTAR RAB RIB CAN LA DON GYIS NA 'BRAS BU'I RTAGS YIN NO, ,DE LA YANG KHA DOG SER PO MED KYANG, DBYIBS KYIS BSGRUB BYA CHU 'DZIN

, ,PA LA SOGS PA'I DON BYED PAR GRUB PA'I PHYIR, DE 'DRA BA'I SNANG BA DBYIBS TZAM GYI MTSAN NYID KYI BDAG PO'I RKYEN DANG 'BREL PAR GRUB PO, ,DES NI DE LA RJES SU DPAG PA YIN GYI GZHAN LA NI MA YIN NO ZHES STON PA NI, GANG GIS ZHES BYA BA'O, ,DUNG DKAR PO MA MTHONG MA THOS PA'I MIG SER CAN GANG GIS SER POR SNANG BA DUNG SER PO MED PAR 'KHRUL PA NAM YANG MA MTHONG GI, 'ON KYANG DUNG SER POR SNANG BA NA 'DI 'DRA BA'I DUNG NYID YOD PAR 'GYUR RO SNYAM PAR RLOM PA'I RTOGS PA PO DE NI SLU BA KHO NA'O, ,GANG DU SLU ZHE NA, JI LTAR MNGON PAR 'DOD PA'I DUNG SER PO LA'O, ,GANG LAS SHE NA, JI LTAR BSAM PA'I DUNG SER PO LA BSLUS PA'I PHYIR TE, MTHONG BA'I PHYIR RO, ,SNGA MA LA NI RTOGS PA 'DI MED DO ZHES SMRAS PA NI, 'KHRUL PA RIG PA GANG YIN PA ZHES BYA BA'O, ,DE'I DPYAD PA NYID BRJOD PA NI GZHAN LA ZHES BYA BA'O, ,'DIS NI RJES SU DPAG PA BSTAN TO, ,GZHAN LA ZHES BYA BA NI, SER PO'I RANG BZHIN LA STE, GSER DU GTOGS PA'I SER PO YANG YOD PA'I PHYIR NA SER PO'AM DKAR PO ZHES THE TSOM ZA'O, ,BZLOG PAR GYUR PA YIN YANG RUNG SKYE ZHES BYA BA NI 'DI NI RAB RIB KYI SKYON NYID YIN GYI, DUNG GI DKAR PO NYID DO ZHES THE TSOM LAS ZLOG PA NGES PAR 'GYUR BA YIN TE, RIGS PA 'GA' ZHIG GIS RNAM PAR GZHAG PA'I PHYIR RO, ,'ON KYANG RIGS PA DE RNAM PA THAMS CAD DU PHYIN CI LOG GI DOGS PA BSAL BAR MI 'GYUR BA'I PHYIR NA, THE TSOM GYI BYE BRAG NYID DO, ,DE LTA MA YIN NA DBYIBS RJES SU DPAG PA'I DON MED PAR 'GYUR BA'I PHYIR TE, DUNG DKAR POR GRUB PA NYID KYIS GRUB PA'I PHYIR RO, ,DE NYID KYI PHYIR MJUG SDUD PAR RJES SU DPAG PA DANG, THE TSOM NYID BRJOD DO, ,'DIS NI ZHES BYA BA LA SOGS PA NI NOR BU SGRON MA'I 'OD DAG LA ZHES BYA BA DER SPRO BAR 'GYUR RO, ,GAL TE GNYI GA YANG RNAG GI RANG BZHIN RIG PA'I BDAG NYID CAN YIN PA'I PHYIR, GCIG TSAD MA YIN LA GZHAN NI TSAD MA MA YIN NO ZHES CI LTAR RTOGS ZHES BSAMS NAS RTZOD PA BYED PA NI, CI STE ZHES SMOS PA YIN NO, ,LEN DU 'DI YANG ZHES BYA BA STE, THA SNYAD LAS NI TSAD MA NYID CES BYA BA 'DIR RO, ,GAL TE SNANG BA'I SER PO THOB PA MED PA'I PHYIR, DUNG SER POR SHES PA CHAD MA MA YIN PA MA YIN NAM, DE BZHIN DU

SGRA LAS BYUNG BA'I SHES PA LA YANG THOB PAR BYA BA 'GA' YANG MED PA'I PHYIR, DE YANG TSAD MAR MI 'GYUR RO ZHES DOGS PA LA, BTAB ZIN PA NYID KYI LAN DRAN PA BYED PA NI SGRA'I YUL CAN GYI SHES PA NI ZHES BYA BA'O, ,GAL TE SNGAR SLU BA MED PA CAN NYID TSAD MAR BRJOD PA MA YIN NAM, DE LTA GO MNGON PAR 'DOD PA STON PA NYID CI LTAR BRJOD CE NA, MNGON PAR BSAMS PA'I DON ZHES SMOS SO, ,'DIS NI MNGON PAR 'DOD PA'I DON STON PAR BYED PA NYID NI MI SLU BA LAS GZHAN MA YIN GYI, 'ON KYANG MI SLU BA NYID DO ZHES BRJOD PA YIN NO, ,'DI NYID SDUD PA NI GZHAL BYA'I RANG BZHIN ZHES BYA BA LA SOGS PA'O, , DENG NI ZHES BYA BA NI, GZHAL BYA'I RANG BZHIN LA'O, ,GAL TE SLU BA LA SOGS PA'I RANG BZHIN RIG PA NYID 'DIR MNGON PAR 'DOD PA DANG, RDZOGS PA THOB PA YIN DU CHUG MOD, DE LTA NA YANG MI SLU BA NYID NI THAMS CAD DU DON BYED PA THA DAD PA YIN PAR GZHAN DU DMIGS SO ZHES BRGAL ZHING BRTAG PA NA KHYOD KYIS LAN CUNG ZAD GDAB DGOS SO ZHE NA, GAL TE GZHAN GYIS MI SLU BAR 'GYUR RO ZHES BYA BA'I ZHEN PA 'DI, DE KHO NA'AM THA SNYAD DU YIN PHYOGS DANG PO BRJOD PA NI 'DIR RANG GI NGO BOR ZHES BYA BA'O, ,AARTHA KRE YA DZA TE ZHES BYA BA NI DON BYED PA GRUB PA'AM DON BYED PA'I RNAM PA'O, ,GAL TE DE'I DON BYED PA 'GA' YANG MED DO ZHES BYA BA NI 'DIR LOG PAR RTOGS PA MED DE, DE LTA NA NI 'JUG PA NYID DU MI 'GYUR RO, ,DON BYED PA GZHAN GYIS MI SLU BAR 'GYUR BAR RIGS SO ZHES BYA BA 'DI LA NI CUNG ZAD KYANG MA BRJOD DO ZHE NA, GZUGS LA SOGS PA LA YANG ZHES SMOS SO, ,'DI DAG RANG GI RANG BZHIN RIG PA 'BA' ZHIG NYID NI RIG PA TZAM MO, , GZHAN LA ZHES BYA BA NI BYA BA'I RANG BZHIN NAM, DE'I SGRUB BYED KYI RANG BZHIN LA'O, ,'DIR BSAM PA NI 'DI YIN TE, GAL TE YUL 'DZIN PA'I SHES PA DE NYID GZHAN LA YANG TSAD MA YIN NA NI DE'I TSE DES NYE BAR GZHAG PA'I DON BYED PA DE'I MI SLU BAR 'GYUR NA, DE LTAR YANG MA YIN TE, GANG DU ZHES BYA BA LA SOGS PA'O, ,GAL TE GZHAN DANG GCIG TU SGRO 'DOGS NA DE'I TSE HA CANG THAL BAR 'GYUR RO SNYAM DU DOGS NA, KHYAD PAR STON PAR BYED PA NI DE LA ZHES BYA BA'O, ,'BYUNG BAR 'GYUR BA'I RANG BZHIN LA NI, MTHONG BZHIN DE'I RGYU YIN PA NYID DO, ,YANG NA MTHONG BZHIN DE 'DI'I RGYU YIN PA NYID DE, NYE BAR LEN PA DANG NYE

, ,BAR LEN PA LAS BYUNG BA'I DNGOS PO NYE BA NYID DU BRJOD PAR 'DOD PA'I PHYIR RO, ,DE DANG TSOGS PA GCIG PA LA RAG LAS PA NYID KYIS ZHES BYA BA NI, GZUGS DANG LHAN CIG TSOGS PA GCIG LA RAG LAS BA'I PHYIR RO ZHES BYA BA'I THA TSIG GO, ,TSOGS PA GCIG LA RAG LAS PA NYID KYANG SKABS KYIS GANG DU RGYUD RNAM PAR DBYE BA BYED PA 'JUG PA'AM, DON GCIG BYED PA NYID KHYAD PAR CAN 'DOD PA YIN TE, GZHAN DU NA DU BA DANG THAL BA BZHIN DU GSAL BAR 'KHRUL BAR 'GYUR RO, ,CI SKAD DU BSHAD PA GCIG TU LHAG PAR ZHEN PA MED NA TSAD MA NYID MED PAR BRJOD PA NI, SMIG RGYU LA CHUR SHES PA GANG LA CHUS BSGRUB PAR BYA BA'I DON BYA BA LAS SMIG RGYUS BSGRUB PAR BYA BA'O, ,DON BYED PA THA DAD PAR MNGON PAR 'DOD PA, CHU'I SHES PA DE NI TSAD MA MA YIN PA NYID DO ZHES 'BREL TO, ,SPYIR BRJOD PA'I DON KHYAD PAR GYI MTHAR THUG PA BYED PA NI, DPER NA CHU 'DZIN PA'I SHES PA LAS ZHES BYA BA'O; ,GAL TE CHU DANG SMIG RGYU DAG GI THA DAD PA LA BRTEN PA NYES PA YIN LA, MTHONG BZHIN DANG THOB PA GNYIS KYIS THA DAD PA GANG GIS ZLOG ,'ON TE ME'O ZHES BYA BAR RTOGS PAR MTSUNGS PAS GCIG NYID YIN NA, DE'I TSE CHU DANG SMIG RGYU DAG LA YANG DNGOS PO NYID MTSUNGS PA DES NA, DE LA YANG 'GYUR RO, , DON BYED PA GNAS PA YANG SPYIR BSTAN PA'I PHYIR RO, ,RI MO'I SHES PA YANG GI SGRAS BSDUS PAS KYANG CI BYA STE, SHES PA GZHAN DANG GZHAN NYID MI SLU BA YIN PAR 'GYUR MOD CE NA, DE NYID KYI PHYIR ZHES SMOS TE, DE LTA BU KHO NAR BSAMS NAS ZHES BYA BA'I DON TO, ,YANG RNAM 'GREL GYI CHA RJES SU BRJOD PA NI, MNGON PAR 'DOD PA DE STON PA LA GTZOR BYED PA BSTAN PA'I PHYIR RO, ,'DIS NI DON BYED PA GNAS PA TZAM MI SLU BA MA YIN GYI, 'ON KYANG MNGON PAR 'DOD PA DON BYED PA GNAS PA YIN PAR 'DOD DO ZHES BRJOD PA YIN NO, ,DES CIR 'GYUR ZHE NA, DE LTA YIN DANG ZHES SMOS SO, ,LHAG MA NI RTOGS PAR SLA'O, ,DE LA SNAM BU THOB PA NA BUM PA'I SHES PA TSAD MA BKAG PAS NI CHU'I SHES PA BSHAD PA YIN NO, ,JI SRID NYA PHYIS MA THOB KYI BAR DU DNGUL GYI SHES PA YANG NAS YANG DU BYUNG YANG, MNGON PAR 'DOD PA LA MI SLU BA MED PAS TSAD MA NYID YIN PA BKAG PAS NI, RI MO'I SHES PA'I

RGYUN DU BYUNG YANG DE TZAM GYIS TSAD MA MA YIN TE, SHES PA'I SKAD CIG MA GZHAN MA SKYES NA TSAD MA DANG PO'I SHES PA TSAD MA MA YIN PAR 'GYUR BA'I PHYIR RO, ,DE'I PHYIR GLOG LA SOGS PA BZHIN DU DAD PO MTHONG BA YANG, MNGON PAR 'DOD PA LA MI SLU BA'I PHYIR TSAD MA YIN NO ZHES BRJOD PAR 'GYUR RO, ,MNGON PAR 'DOD PA SLU MED PHYIR, ,ZHES BYA BA LA SOGS PA NI, SDUD PAR BYED PA'O, ,RIGS MTHUN 'DRA BA'O, ,RIGS MTHUN PA'I SHES PA SKYE BA TZAM GYIS NI MA YIN TE, DNGUL GYI SHES PA'I RGYUN YANG THAL BAR 'GYUR BA'I PHYIR RO, ,RIGS MI MTHUN PA'I SHES PA TZAM GYIS KYANG MA YIN TE, SHIN TU THA DAD BA BUM PA LA SOGS PA'I SHES PA YANG TSAD MA NYID DU THAL BA'I PHYIR RO, ,GAL TE DE LTA NA NGAL BA MANG POS MI SLU BA KHAS BLANGS PA 'DIS CI BYA STE, RTOGS PA TZAM NI SPYIR TSAD MAR GRUB PA YIN NA, GNOD PAR BYED PA DMIGS KYIS SEL BA NI, SPONG BAR BYED PA YIN NO ZHES BYA BA NYID LEGS PA YIN NO ZHE NA, GNOD PAR BYED PA'I SHES PA'I RNAM PAR GNAS PA STE, RNAM PAR GZHAG PA GANG YIN PA DE YANG DE LTA BU'I RNAM PA NYID DE, MI SLU BA'I RNAM PA NYID DO, ,DPER NA SHES PA SNGA MA'I BSAM PA'I DBANG GIS SHES PA PHI MA MI SLU BA'O ZHES RNAM PAR GZHAG PA DE BZHIN DU GNOD PAR BYED PA YANG YIN NO, ,DES NA GNOD BYED KYI RNAM PAR GNAS PA YANG MI SLU BA'I RNAM PA LAS YIN NO, ,MNGON PAR 'DOD PA'I NGO BOR MA BYAS NA NI, DON DAM PAR GNOD BYA DANG GNOD BYED KYI DNGOS PO YOD PA MA YIN NO ZHES STON PA NI DE NYID DU NA ZHES BYA BA'O, ,DON DAM PAR NI RIGS MI MTHUN PA'I RNAM PAR SHES PA SKYES PA 'BA' ZHIG TU THAD KYI, DE GNOD PAR BYED PA NI MA YIN TE, SNGAR CI SKAD BSHAD PA BZHIN NO, ,LHAG PA YANG BRJOD PA NI, GAL TE RIGS MI MTHUN PA'I ZHES BYA BA'O, ,RIGS MTHUN PA'I SHES PA SKYES PA GNOD BYED DU KHAS MA BLANGS PA'I PHYIR, GAL TE RIGS MI MTHUN PA'I SHES PA SKYE BA GNOD BYED DU GZHAN 'DOD NA DE'I TSE BUM PA'I SHES PA ZHES BYA BA LA SOGS PA RTOGS PAR BLA'O, ,GAL TE MIN ZHES BYA BA GZHAN GYI'O, ,RIGS MI MTHUN PA'I SHES PA LA YANG GAL TE MA YIN NO SNYAM DU SHES PA LHAN CIG BYED PA YIN PA DE'I TSE, GNOD BYED YIN NA, GANG GI

, ,TSE BUM PA'I SHES PA YOD PA NA, SNAM BU'I SHES PAR 'GYUR BA DE'I TSE NI BUM PA MED DO SNYAM PA'I RTOGS PA MED PA KHO NA'O ZHES BYA BA'I DON TO, ,MIN NO SNYAM PA'I ZHES BYA BA NI SUN 'BYIN PA'O, ,'GA' ZHIG GI SGRUB PA DANG 'GOG PA RNAM PAR RTOG PAS SGRUB PA NGAG NI, BSGRUB BYAR BSTAN PA'I RANG BZHIN YIN PA'I PHYIR NA, GDON MI ZA BAR TSAD MA LA LTOS DGOS TE, DE LTA MA YIN NA NI THAMS CAD KYI THAMS CAD 'GRUB PAR THAL BAR 'GYUR RO, ,DES NA GAL TE 'DI BAG CHAGS TZAM DANG 'BREL PA YIN NA, DE'I TSE DE LTA BU'I LHAN CIG BYED PA LA LTOS PAS CI BYA SNYAM DU DGONGS PA'O, ,GZHAN GYIS SMRAS PA NI, DNGOS PO MED PA'I MTSAN NYID KYI TSAD MA YOD PA YIN LA, DE LAS NI MA YIN NO SNYAM PA'I SHES PA 'DI YIN ZHE NA, DE DPYAD BYA ZHES BYA BA NI SUN 'BYIN PA'O, ,DE'AM BDAG YONGS SU MA GYUR PA'AM, YANG NA DON GZHAN SHAS PA YIN ZHES GZHAN 'DOD PA MA YIN NAM ZHEN BDEN TE, BDAG DGOS PAR BYA BA'I BDAG NYID KYIS RNAM PAR 'GYUR BAS STONG PA TZAM NI, MED PAR DGAG PA YIN PAS, DE NI JI LTAR 'GA' ZHIG GI RTOG PA'AM, RTOGS PA'I RGYUR 'GYUR ZHES BYA BA LA SOGS PAS SUN DBYUNG BLA BA'I PHYIR, YAL BAR DOR NAS, YANG NA DON GZHAN SHES PA YIN, ,ZHES BYA BA MDUN DU BYA STE, DPER NA GZHAL BYA GZHAN MNGON SUM LA SOGS PAS RIG PAR BYA BA DE BZHIN DU DNGOS PO MED PAR YANG SHES PA GZHAN GYIS RIG PAR BYA BAR BRGYA LA 'DOD PAR 'GYUR SNYAM PAS, RNAM PAR RTOG PA GNYIS PA'O, ,CI DE'I ZHES BYA BA NI DGAG PAR BYA BA'I'O; ,RNAM PAR RTOG PA DANG PO LA BRJOD, KHYAD PAR MED PAR THAL BAR 'GYUR, ,ZHES BYA BA NI, MTSUNGS PAR THAL BAR 'GYUR PA STE, GANG YANG RUNG BA 'GA' ZHIG RTOGS PAS THAMS CAD 'GAG PAR 'GYUR RO, ,DES NA GZUGS MTHONG BA NA RO 'GOG PAR THAL BAR 'GYUR RO, ,GAL TE YANG DON GZHAN SHES PA YIN ZHES BYA BA 'DIR SHES PA GCIG LA 'KHRUL PA MED PA'I MTSAN NYID KYI ZLA BO DMIGS PA NYID BRJOD PAR 'DOD PA MA YIN NO, ,DES NA THAL BAR GA LA 'GYUR, DE NYID KYI PHYIR BRAM ZE'I 'DOD PA'I RJES SU 'BRANG BA RNAMS KYIS DMIGS PAR RUNG BA'I DON MA DMIGS PA

DNGOS PO MED PA'I SGRUB BYED YIN NO ZHES BSGRAGS PA YIN NO ZHE NA, PHYOGS 'DI LA CI LTAR GRAGS PA'I MTHO RIS DANG RNAL 'BYOR PA DANG, LUS DANG LDAN PA'I LHA LA SOGS PA MA BKAG PA MA YIN NAM, DE LA NI MI SHES PA GCIG LA 'DRE BLTA BAR MI NUS PA'I PHYIR RO, ,DES NA DNGOS PO MED PA TSAD MAR SMRA BA'I SKYES BU'I BYED PA SOD BAR GYUR TO, ,DES NA GAL TE JI SKAD BRJOD PA'I ZLA BO'I SHES PA NI 'DI 'DOD PA MA YIN PA DE'I TSE KHYAD PAR MED PAR THAL BAR 'GYUR ZHES BYA BA RIGS PAR BRJOD PA YIN NO, ,'O NA DNGOS PO LA SKYON 'DI MED DO ZHE NA, DE'I TSE YANG NGES PA'I RNAM PA CAN ZLA BO MTHONG BA NYID GZHAN MED PAR NGES PA SKYE BAR NUS PA'I PHYIR, DE NI MNGON SUM GYI BYED PA NYID YIN TE, DNGOS PO MED PA'I TSAD MAR SMRAS PAS CI ZHIG BYA, RNAM PAR RTOG PA GNYIS PA SUN 'BYIN PA NI, DGAG PAR BYA BA DE'I DNGOS MED GANG YIN PA DE RIG NA NI STE RIG PAR KHAS LEN NA, DE'I ZHES 'BREL PA MED PAR 'GYUR TE, 'BREL PAR MI 'GYUR RO, ,DE NYID BRJOD PA NI, MED PA NI RANG GI NGO BOS ZHES BYA BAS YIN TE, KHYOD KYI KHAS BLANGS PA SNYAM DU BSAMS PA'O, ,DE LTA NA YANG DE'I ZHES BYA BA'I 'BREL PA NYES PA CI YOD CE NA, DNGOS PO MED PA'I ZHES SMOS SO, ,GAL TE BUM PA LA SOGS PA YANG GANG GIS 'GA' ZHIG DANG, 'BREL PAR MTHONG BA DE'I TSE 'BREL PA CAN DU NGES PA MA YIN NAM, DE BZHIN DU DNGOS PO MED PA YIN YANG 'BREL PA CAN DANG LHAN CIG MTHONG BA NA, 'BREL PA CAN DU GZUNG BAR 'GYUR RO ZHE NA, BUM PA RTOGS PA NA NI ZHES BYA BA SMOS SO, ,DE DANG 'BREL PA NYID NI BUM PA DANG 'BREL PA'O, ,DE'I TSE ZHES BYA BA NI BUM PA YOD PA'I DUS SU'O, ,GAL TE DNGOS PO DANG DNGOS PO MED LA DAG DUS MTSUNGS PA MI SRID PA'I PHYIR GAL TE DE'I TSE MA RTOGS PA'I BUM PA DANG YANG DNGOS PO MED PA 'BREL PAR RIG NA DE'I TSE SKYON CI YOD CE NA, MA RTOGS PA'I BUM PA DANG ZHES SMOS SO, ,PA RTOGS PA NI 'BREL PA CAN NYID DU NGES PAR NUS PA MA YIN NO, ,DES NA CI LTAR GNYI GA DUS GCIG TU MI RTOGS PA 'DI RANG BZHIN YIN PA DE BZHIN DU 'BREL PA CAN NYID DU NGES PA YANG MA YIN NO ZHES BYA BAR GRUB PO, ,'DIR PHA ROL PO GCIG MTHONG YANG GZHAN GYI BLO KHONG NAS PHYUNG NAS 'BREL PA

, ,CAN NYID DU NGES PAR NUS PA MA YIN GYI BLO MTHONG BA NYID DE, GNYI GA DUS GCIG TU MTHONG BA LA NI, GDON MI ZA BAR LTOS PAR BYA BA MA YIN NO SNYAM PA NA, CI STE ZHES BYA BA LA SOGS PA SMOS SO, ,DNGOS PO MED PA DANG BUM PA 'BREL PA NYID DU RTOGS SO ZHES KHONG DU CHUD PAR BYA'O, ,'DI NYID GSAL BAR BYA BA'I PHYIR SMRAS PA NI RGYU YOD NA ZHES BYA BA LA SOGS PA'I DNGOS PO YOD NA ZHES BYA BA NI SNGAR RO, ,DNGOS PO MED PA ZHES BYA BA NI, ZHIG NAS MED PA'O, ,DNGOS PO MED PA YIN NA ZHES BYA BA NI, SNGA NA MED PA YOD NA'O, ,DNGOS PO YIN PAS ZHES BYA BA NI MYU GU LA SOGS PA'O, ,DNGOS PO MED PA'I RGYU SPANGS PA NA MA KHYAB PA'I TSUL 'DI DGOD PAR MI 'OS SO SNYAM DU BSAMS NAS, DE YANG MA YIN TE ZHES GSUNGS TE, 'O NA NI RI BONG GI RVA MED PA ZHES BRJOD PAR MI NUS TE, RI BONG GI RVA DNGOS PO LTAR YOD NA MED PA DE 'GYUR BA MA YIN ZHING, DER NI ZLOG PA DNGOS PO MED PA YOD NA DNGOS POR 'GYUR BA YANG MA YIN NO, ,DE LTAR GYUR NA NI ZHIG NAS MED PA DANG SNGA NA MED PA DAG KHO NA DNGOS PO DANG 'BREL PAR BRJOD PAR 'GYUR GYI GTAN MED PA NI MA YIN NO, ,ZHIG NAS MED PA DANG, SNGA NA MED PA DAG LA YANG RGYU DANG 'BRAS BU LTAR DNGOS PO DANG 'BREL LA, 'BREL PA'I BLO LEGS PA MA YIN NO ZHES SKYON GZHAN GYI SGO NAS STON PA NI, GZHAN YANG ZHES BYA BA'O, ,RGYU DANG 'BRAS BU'I RANG BZHIN NI, ,GNYIS PA DE MED PAR YANG NGO, ,GAL TE RGYU DANG 'BRAS BU DAG CIG CAR MA DMIGS PA DE LTA NA YANG GZHAN DANG BRAL BA'I GNAS SKABS NA GCIG GI RANG BZHIN RTOGS PA YOD PA YIN NO; ,DES NA SNGAR NYAMS SU MYONG BA'I SA BON, MYU GU'I DUS SU DRAN PAS RNAM PAR BZHAG NAS 'DI'I 'BRAS BU YIN NO ZHES 'BREL PA GRUB PA DANG RJES SU MTHUN PAR 'GYUR BA YIN NO, ,DE LTAR RTOGS PA NA YANG DUS GZHAN DU SA BON TZAM MTHONG BA NA, MYU GU KHONG NAS PHYUNG STE, MYU GU'I RGYU NI 'DI YIN NO ZHES BYA BAR YANG BDE BLAG TU 'GYUR RO, ,DE BZHIN DU DNGOS PO MED PA 'DI NI DNGOS PO DANG BRAL BA'I DUS NA RTOGS PA MA YIN NO, ,DES JI LTAR NA DNGOS PO'I DUS SU DE KHONG NAS DBYUNG, DE NYID DU NA ZHES BYA BA DE DON DAM BAR RO, ,BAG CHAGS LAS BYUNG BA'I THA SNYAD TZAM GYIS NI, BUM PA'I

DNGOS MED CES 'BREL LAM DU ZHUGS PA RNAM PAR RTOG PA'I BLO LA SNANG BAR 'GYUR RO, ,DES NA DE LTA BU'I RANG BZHIN MED KYANG SA PHYOGS LA SOGS PA DNGOS PO'I RANG BZHIN GYI KHYAD PAR DU 'BREL PA NYID KYIS THA SNYAD DU SLU BA'I GNAS MA YIN NO, ,RANG BZHIN GYI KHYAD PAR YANG DE BUM PA LA LDOG PA NYID DO, ,GAL TE LDOG PA DNGOS PO MED PA NYID MA YIN NAM ZHE NA, DNGOS PO MED PA NI MI BDEN MOD KYI DNGOS PO MED PA'I GZHAL BYA GZHAN NAM THA DAD PAR NYAMS SU MYONG BAR BYA BA NI MA YIN NO ZHES BYA BA'I SKABS YIN NO, ,DE LAS LDOG PA'I RANG BZHIN NYID NI, 'DI LOG PA ZHES KHYAD PAR GZHAN SPONG BAS BRJOD PA YIN NO, ,GAL TE, MED LA DBYE BA 'DI DAG TU, ,MI 'GYUR DE 'DI DNGOS PO NYID, ,CES BRJOD PA'I PHYIR, DNGOS PO MED PA YOD PA'I DNGOS PO NYID DE, SNGA NA MED PA LA SOGS PA DBYE BA RNAM PAR GNAS PA'I PHYIR RO ZHE NA, STONG PA'I YUL GANG YIN PA ZHES GSUNGS SO; ,STONG PA NI GZHAN LA LTOS PA STE, DNGOS PO MED PA ZHES BYA BA'I DON TO, ,SNGA NA MED PA'I DUS SU SA PHYOGS KYI BUM PAS STOD PA CI 'DRA BA DE 'DRA BA NYID NI, ZHIG NAS MED PA'I DUS SU YANG YIN NO, ,DE BZHIN DU GZHAN DU YANG SBYAR RO, ,DES NA STONG PA'I YUL NI DNGOS PO MED PA THAMS CAD LA MTSUNGS PA NYID DO, ,DE LA ZHES BYA BA NI STONG PA'I YUL LA'O, ,DE'I PHYIR DE KHO NA MA YIN PAS NA, RNAM PAR RTOG PA'I BZOS SBYAR BA'I DBYE BA NYID NI, DNGOS PO BSGRUB PA LA NUS PA MA YIN NO, ,GAL TE RNAM PAR RTOG PA LA SNANG BA TZAM GYIS NI, DE KHO NA MA YIN PAR MI 'GYUR TE, BUM PA DANG SNAM BU LA SOGS PA'I RAB TU DBYE BA YANG DE BZHIN DU THAL BA'I PHYIR RO ZHE NA, CI LTAR DNGOS PO DBYE BA NI, ,ZHES SMOS SO, ,BSAM PA NI 'DI YIN TE, GAL TE BUM PA LA SOGS PA LTAR DNGOS PO MED PA'I DBYE BA, SNGA NA MED PA LA SOGS PA'I RANG BZHIN DU BDEN PA YIN NA, DE'I TSE BUM PA LA SOGS PA'I DBYE BA KHO NA BZHIN DU THA DAD PAR GZHAN GYI MNGON SUM LA SNANG BAR 'GYUR NA, DE LTA NA YANG MA YIN NO, ,DE'I PHYIR RTAGS MED PAR SKYES PA'I RNAM PAR RTOG PA LA NI MNGON SUM GYI RJES SU GZUNG BA KHO NA YID CHES PAR BYA BA 'OS PA YIN GYI, GZHAN NI MA YIN PA'I PHYIR NA,

, ,GZHAN GYIS BYAS PA'I RAB TU DBYE BA NYID KYIS NI DNGOS PO NYID DU YID CHES PA MA YIN NO, ,GAL TE RTOGS PA ZHES BYA BA'I SGRUB BYED NI GDON MI ZA BAR MNGON SUM LA MI LTOS PA MA YIN NAM, DNGOS PO'I RANG BZHIN MTHA' DAG MNGON SUM GYIS RTOGS PAR BYA'O ZHES BYA BA'I NGES PA NI YOD PA MA YIN NO, ,GZHAL BYA DNGOS PO MED PA LA YANG TSAD MA YANG DNGOS PO MED PA NYID RJES SU MTHUN PA YIN NO SNYAM DU DOGS NA, GAL TE DE NI ZHES BYA BA LA SOGS PA'O, ,DE LTAR DE'I DNGOS PO MED PAR RIG NA NI ZHES BYA BA LA SOGS PA DNGOS PO MED PA'I GZHAL BYA SUN PHYUNG NAS; TSAD MA NYID YIN PA SUN 'BYIN PA RGYAS PAR BSHAD PA'I DON DU GZHI 'DING BAR BYED DO, ,GZHAL BYA DNGOS PO MED PA LA, ,GANG GI DNGOS MED TSAD MA YIN, ,ZHES DON GYIS 'PHANGS PA'O, ,GZHAN GYI LAN, TSAD MA'I DNGOS PO MED CES 'BREL PAR BYAS TE, SUN 'BYIN PAR BYED PA NI TSAD MA MED LAS ZHES BYA BA STE, TSAD MA SNGA MA MED PA'I PHYIR GZHAL BYA DNGOS PO MED PAR RIG PAR KHAS LEN NA ZHES BYA BA NI TSIG GI LHAG MA'O, ,CI LTAR YUL DANG DUS KYIS CHOD PA'I DNGOS PO THAMS CAD KYI MED PAR RIG PA MA YIN ZHES BYA BA NI LHAG MA STE TSAD MA LNGA LDOG PA YOD PA'I PHYIR RO, ,JI LTAR KUN DU GNYID LOG MIN, ,ZHES BYA BA NI SHIN TU GNYID LOG PA LA TSAD MA LNGA LDOG PA YOD PA'I PHYIR 'GRO BA MTHA' DAG MED PAR RIG PAR 'GYUR RO ZHES SBYAR RO, ,TSAD MA MED LAS RIG NA NI, ,ZHES BYA BA NI'I SGRA NI GSAL BA'I DON TE, GAL TE TSAD MA LOG PA LAS MED PAR RIG NA DE'I TSE GNYID LOG PA DANG RA RO BA DANG BRGYAL BA LA SOGS PA DAG TU 'GRO BA MTHA' DAG LA CHAD MA LOG PAR GSAL LO ZHES BYA BA'I DON TO, ,DE NYID KYI PHYIR MED PAR DGAG PA'I PHYIR NI SNGAR BTANG SNYOMS SU BZHAG GO, ,GAL TE MED PA 'DZIN PA'I ZHES BYA BA LA SOGS PA NI, BSGRUB PA LHAG PA'I DON DU RJES SU BRJOD PA'O, ,DNGOS MED YIN 'DOD NA ZHES BYA BA NI DNGOS PO MED PA'I TSAD MA'O, ,DES NA KUN DU GNYID LOG PAS KHAMS GSUM PA'I DNGOS PO MED PAR RIG PAR MI THAL LO SNYAM DU BSAMS PA'O, ,LAN SMRAS PA NI, DE NI DNGOS PO RIG MED PAR, ,ZHES BYA BA LA SOGS PA'O, ,

BUM PA LA SOGS PA'AM RTOGS PA'O 'GA' ZHIG GO, ,JI LTAR SNGON PO LA SOGS PA'I BLO NI SER PO LA SOGS PA LA GDON MI ZA BAR MI LTOS PA DE BZHIN DU BUM PA LA SOGS PA 'DZIN PA'I BLO DANG SA PHYOGS LA SOGS PA'I ZLA'O RTOGS PA LA JI LTAR LTOS, GZHAN DRAN PA MED NA SNGON PO LA SOGS PA'I RTOGS PAR MI 'GYUR BA NI MA YIN NO, ,GZHAN GYIS SMRAS PA NI, GAL TE ZHES BYA BA STE, DNGOS DANG 'BREL PA GZUNG BYA ZHING, ,'GAL ZLA DAG KYANG DRAN BYAS NAS, ,ZHES BYA BA LA SOGS PA BRJOD PA'I PHYIR RO, ,SUN 'BYIN PA NI, GAL TE DE LTA YIN NA DE'I CHE TSOGS PAS SHES PA TZAM SKYE BA ZHES BYA BAR 'GYUR MOD, DNGOS PO MED PA 'DZIN PA ZHES BYA BA 'DI NI MED PAR GYUR TO, ,GAL TE SNGON PO MTHONG BA NA SNANG BA DANG DBANG PO LA SOGS PA'I TSOGS PA LA LTOS NAS, CI DE'I TSE SNGON PO MA BZUNG BAR 'GYUR RAM ZHES DOGS PA LA, DNGOS PO LAS NI THA DAD PA; ZHES SMOS SO, ,'DI SNYAM DU BSAMS PA YIN TE, SNGON PO MTHONG BA NA MI LDAN PA RNAM PAR GCOD PAS, DBANG PO LA SOGS PA KHONGS SU 'DUS PA NA, YUL YANG DER 'DUS PA'I PHYIR GZHAN GYIS DBEN PAR YUL GYI RANG BZHIN LA MNGON PAR PHYOGS PA'I BLO SKYE BA YIN NO, ,DE BZHIN DU GAL TE DNGOS PO MED PA YANG TSOGS PA DE'I KHONGS SU GTOGS PAS RANG GI YUL CAN GYI BLO'I RGYUR 'GYUR BA DE'I TSE DE YANG GZHAN GYI RANG BZHIN LAS LOG PA'I RANG BZHIN SNANG BAR THAL BAR 'GYUR RO, ,DES NA DNGOS PO LAS NI THA DAD CES BYA BA 'DIS THAL BA ZLOG PAR BRJOD PA YIN NO, ,DNGOS PO LAS NI ZHES BYA BA NI SA PHYOGS SAM BUM PA LAS SO, ,DE'I PHYIR SNGON PO BZHIN DU DNGOS PO MED PA NI YUL NYID KYIS TSOGS PA DE'I KHONGS SU GTOGS PA'I SKYED BYED MA YIN NO, ,DES NA YUL LA MI LTOS PA'I TSOGS PA DE TZAM LAS SKYES PA'I SHES PA NI, YUL MED PA KHO NA'O, ,'DI SKAD DU RTOG PA MA GTOGS PA DNGOS PO MED PA ZHES BYA BA GZHAN NI MED DO ZHES BRJOD PA YIN NO, ,'DI MED CES BYA BA'I SHES PA NI ZHES BYA BA NI PHYIR ZLOG PA'O, ,DE YI LDOG PA RIG YIN NA, ,ZHES BYA BA NI, BUM PA LA SOGS PA DE'I LDOG PA MED PA'O, ,YANG NA DE LAS THA DAD RIG YIN NA, ,ZHES BYA BA YIN TE, DNGOS PO MED PA

, ,DNGOS PO LAS THA DAD PAR RIG NA'O, ,SUN 'BYIN PAR BYED PA NI, DE NI GANG LAS SKYES PA YIN, ,ZHES BYA'O, ,DNGOS PO MED PA'I MTSAN NYID KYI YUL LAS SKYE BAR KHAS LEN NA, GZHAN GYIS BDEN PAR MNGON SUM DU BYED PAR THAL LO SNYAM DU DOGS PA'O, ,BRGYA LA GZHAN DBANG PO NYID RGYUR SMRA BAR 'GYUR BAS SMRAS PA NI DRAN MED DBANG PO ZHES BYA'O, ,SNGAR MTHONG BA'I BUM PA LA SOGS PA DRAN PA MED PAR DBANG PO 'BA' ZHIG NI RGYU MA YIN GYI, 'ON KYANG DRAN PA NYID DU SHES PA DOGS PA'O, ,GAL TE NGES PA 'DI CI ZHIG YIN, GANG GI PHYIR DBANG PO'I BYED PA 'JUG PA LA, BUM PA YANG DRIN PA DES NA BUM PA MED DO ZHES BYA BAR 'GYUR BA YIN NO ZHE NA, 'DIR BSAM PAR BYA STE, DBANG PO DE DNGOS PO MED PA LA BYED PA 'JUG GAM SA PHYOGS LA SOGS PA GZHAN LA, PHYOGS DANG PO LA BRJOD PA NI, DBANG PO DRAN PA DANG LDAN PA ZHES BYA BA'O, ,LDAN PA ZHES BYA BA NI 'BREL BA STE, DBANG POS DNGOS PO MED PA DANG LDAN PAR GYUR PA'I KHYAD PAR DANG KHYAD PAR CAN GYI DNGOS PO MTSAN NYID KYI 'BREL PA'O, ,YUL MI NYE BA'I DBANG PO YOD PA TZAM NI SHES PA DE'I RGYUR 'GYUR BA MA YIN NO, ,DES NA DBANG PO DANG DRAN PA DANG, DBANG PO DANG YUL PHRAD PA DE LAS DNGOS PO MED PA'I SHES PA 'BYUNG BAR KHAS LEN NA NI, DNGOS PO MED PA'I SHES PA DE NI MNGON SUM NYID DU 'GYUR GYI, DNGOS PO MED PA'I TSAD MAS NI MA YIN TE, DPER NA RIGS PA CAN RNAMS KYI LTA BUR 'GYUR RO, ,'ON KYANG RANG GI NGO BOR SNANG BA RNYED PAR DKA' BAS MNGON SUM DU YANG GA LA 'GYUR, KHYOD 'DOD PAS 'DI LTAR 'GYUR RO ZHES BYA BA NI 'GYUR GYI SGRA'I DON TO, ,RNAM PAR RTOG PA GNYIS PA SLONG BAR BYED PA NI, GAL TE DBANG PO GZHAN LA 'JUG NA ZHES BYA BA STE SA PHYOGS LA SOGS PA LA'O, ,LAN DU'O, ,'O NA GZHAN SHES RGYU MA YIN TE, DBANG PO ZHES BYA BA LHAG MA STE, DNGOS PO MED PAR SHES PA'I RGYU MA YIN NO; ,DE NYID KYI PHYIR, MED SHES NYID NA NI ZHES BYA BA LA SOGS PA SMOS TE, YUL LA MI LTOS PA'I PHYIR RO ZHES BYA BA'I DON TO, ,GZHAN GYIS SMRAS PA NI, MED SHES DE NI MA YIN TE, ,SLU BA MED PA'I PHYIR RO ZHES 'BREL TO, ,BSAM PA NI 'DI YIN TE, MI SLU BA LAS TSAD MA YIN GYI SKYE BA YUL LA LTOS

PAS GO CI ZHIG BYA ZHES BYA BA YIN NO, ,'DI LA BZHAD GAD DU BYED PA NI, DE NI TSAD MA GZHAN NYID CIG ,CES BYA'O, ,YUL LA MI LTOS PAR SKYE BA YIN YANG MI SLU BA CAN GANG YIN PA DE NI TSAD MA GZHAN KHO NA ZHIG GO, ,RJES SU DPAG PA LA YANG BRGYUD NAS YUL LAS SKYES PA NYID MI SLU BAR BYED PA YIN NO, ,GANG LA BRGYUD NAS DON LA SKYE BA NYID DU BSAM PA, 'DI NI BRTAG PA'I SGO NAS 'ONGS PA'I RTOGS PA MA YIN NO, ,GAL TE MED PA'I SHES PA LA 'JUG PAS DNGOS PO MED PA THOB PA MTHONG BA MA YIN NAM ZHE NA, DNGOS MED LOGS SHIG PA LA NI, ,ZHES SMOS SO, ,SA PHYOGS LAS GZHAN PA'I DNGOS PO MED PA THOB PA NI MED KYI, 'ON KYANG SA PHYOGS TZAM THOB PA YIN NO ZHES BYA BA'I THA TSIG GO, ,DE NYID BRJOD PA NI, MI SLU 'BA' ZHIG PA LA YIN, ,ZHES BYA BA'O, ,DE NI ZHES BYA BA NI 'BA' ZHIG PA'O, ,'DI LA DNGOS PO MED PA'I TSAD MA'I SKYES BU'I BYED PA MED DO ZHES BYA BA'I DON TO, ,GAL TE 'BA' ZHIG TU 'DZIN PA DNGOS PO MED PA RTOGS PA MED NA MI 'GYUR BA MA YIN NAM, DES NA MNGON SUM GYI DNGOS PO 'DZIN PA'I DUS SU 'BA' ZHIG PAR 'DZIN PA NYID DNGOS PO MED PA'I TSAD MA'I 'BRAS BU YIN NO ZHE NA, DNGOS MED BLO NI MED PAR NGES, ,ZHES SMOS SO, ,SA PHYOGS 'BA' ZHIG RTOGS PA NA, ,DBYUG PA CAN LA DBYUG PA LTAR, ,KHYAD PAR DU GYUR PA'I DNGOS PO MED PA ZHES BYA BA 'GA' ZHIG KYANG RTOGS PA MED PA NI MED DO, ,'O NA 'BA' ZHIG TU 'DZIN PA NYID DU JI LTAR 'GYUR ZHE NA, GZHAN DANG 'DRE BA MED PAR NI, ,ZHES SMOS SO, ,JI SRID DU GZHAN GYI RANG BZHIN DANG MA 'BREL PAR SNANG BA DE TZAM NYID KYIS 'BA' ZHIG PAR 'DZIN PA YIN GYI, 'DIR KHYAD PAR LHAG PA LA LTOS PA NI MA YIN NO, ,DES NA MNGON SUM GYI 'BA' ZHIG PA GANG YIN PA'AM, 'BA' ZHIG 'DZIN PA'I RANG BZHIN GYI MNGON SUM LA MI SLU BA YIN GYI, DNGOS PO MED PA'AM DE 'DZIN PA 'BA' ZHIG LA NI MA YIN NO ZHES BYA BA'I DON TO, ,DE'I PHYIR DE NI ZHES BYA BA NI MJUG SDUD PA'O, ,GANG GI PHYIR DNGOS PO MED PA GZHAN LA MI SLU BA MED PA'I GTAN TSIGS DE'I PHYIR RTOGS PA PO MA RMONGS PA LA LTOS TE, 'BA' ZHIG 'DZIN PA DE NI MNGON SUM NYID DO, ,GAL TE 'O NA RMONGS PAS DE LTAR THA SNYAD

, ,MI BYED PA DE'I TSE DNGOS PO MED PA'I TSAD MA'I GO SKABS CI STE MED CE NA, DE LTA MIN NA NI DMIGS PA ZHES SMOS SO, ,RTOG PA PO RMONGS PA LA LTOS NAS NI 'BA' ZHIG PAR 'DZIN PA RJES SU DPAG PA'I RANG BZHIN SNANG BA MI DMIGS PA NYID THA SNYAD SGRUB PAR BYED PA YIN NO ZHES BYA BA'I DON TO, ,GAL TE DNGOS MED CES BYA BA NI GZHAN GYI'O, ,SA PHYOGS GANG YIN PA DE THAMS CAD 'BA' ZHIG PA NI MA YIN GYI, 'ON KYANG KHYAD PAR CAN YIN NO, ,KHYAD PAR DE YANG DNGOS PO MED PA LAS GZHAN MA YIN TE, DE LTA MA YIN NA BUM PA DANG BCAS PA YANG 'BA' ZHIG YIN PAR 'GYUR RO, ,DES NA DNGOS PO MED PA RIG PA MED NA 'BA' ZHIG TU GA LAS 'DZIN, DNGOS PO MED PA LA YANG MNGON SUM GYI BYED PA MED PA'I PHYIR, DNGOS PO MED PA'I TSAD MA GRUB PA YIN NO SNYAM DU BSAMS PA'O, ,ZLOG PA LA YANG NA TSUNGS [?] SO ZHES LAN SMRAS PA NI, DE YANG ZHES BYA BA STE, DNGOS PO MED PAR RIG PA'O, ,'BREL PA RTOGS NA DNGOS PO MED PA'I PHYIR PHAN TSUN BSTEN PA YIN TE, RANG DBANG DU DNGOS PO MED PA RTOG PA BKAG PA'I PHYIR RO, ,NYES PA GZHAN YANG SMRAS PA NI CI LTAR ZHES BYA BA'O, ,GANG RTOGS PA'I STOBS KYIS PHYOGS 'BA' ZHIG PAR RTOGS PAR BYA BA DNGOS PO MED PA DE NYID MA 'BREL PAR RTOGS PA'AM, 'BREL PAR RTOGS PA ZHIG 'BA' ZHIG PAR RTOGS PA'I RGYU YIN NA PHYOGS PHYI MA LA NI, SA PHYOGS DANG YANG 'BREL BAR RTOGS PA'I PHYIR DNGOS PO MED PAR MI 'GYUR RO, ,'BA' ZHIG PAR RTOGS PA'I RGYUR YANG MI 'GYUR TE, DE'I RANG GI NGO BO BZHIN NO, ,DES NA DNGOS PO MED PA 'BA' ZHIG PAR RTOGS DGOS SO, ,DE BZHIN DNGOS PO'ANG DNGOS PO MED PAR YANG 'JAL BAR BYED DO ZHES 'BREL TO, ,CI STE YANG DNGOS PO MED PA 'BA' ZHIG MI RTOGS KYI, 'ON KYANG DNGOS PO MED PA GZHAN LA LTOS PA YIN TE, DNGOS PO 'BA' ZHIG KYANG DE BZHIN NO ZHE NA, 'DI LA BSHAD PA NI DE LTA NI, MIN NA ZHES BYA BA'O; ,GAL TE DNGOS PO MED CES BYA BA LA SOGS PA'I TSIG LE'UR BYAS PA'I 'GREL PA NI DNGOS PO MED PA MA RTOGS PAR ZHES BYA BA LA SOGS PA'O, ,CI LTAR DNGOS MED CES BYA BA LA SOGS PA'I TSIG LE'UR BYAS PA NI, DNGOS PO MED PA 'BA' ZHIG PA YANG ZHES BYA BA LA SOGS PA'O, ,DE LA

YANG ZHES BYA BA NI DNGOS PO MED PA LA'O, ,THUG PA MED PAR THAL BA KHAS BLANGS NA NI SNGON MED PA LA SOGS PA BZHIN DU DNGOS PO MED PA GZHAN DANG GZHAN TSAD MAS MA GRUB PO ZHES BYA BA SUN 'BYIN PA YIN PAR RTOGS PAR BYA'O, ,GAL TE 'BA' ZHIG PA LAS DNGOS PO MED PA GZHAN MA YIN PA LA, DES NA MNGON SUM NYID KYI YUL YIN PA'I PHYIR DNGOS PO MED PA TSAD MA GZHAN MED NA, DE LTA NA 'O NA MI DMIGS PA YANG MNGON SUM LAS GZHAN DU DNGOS PO MED PA SGRUB BYED KYI TSAD MAR CI LTAR KHAS LEN CE NA, DE NYID DRAN PA'I DON LA LTOS TE MI DMIGS PA YIN NO ZHES SMOS SO, ,JI LTAR DMIGS PA MI DMIGS PA YIN ZHE NA, MA YIN PAR 'JUG PAS NUS PA LA SOGS PA DGAG PAR BYA BA DAN PA'I DON LA LTOS ZHES BYA BA'I DON TO, ,DES NA 'DIR RTOGS PA DE NYID MA DMIGS PAR SMRAS PAS, KHO BO CAG GIS MI DMIGS PA DNGOS PO MED PA LTAR MNGON SUM LAS THA DAD PA'I TSAD MAR KHAS BLANGS PA NI MA YIN NO ZHES BRJOD PA YIN NO, ,GAL TE GCIG NI DGAG PA'I GTAN TSIGS ZHES GSUNGS PA'I PHYIR MI DMIGS PA MNGON SUM LAS THA DAD PAR KHAS BLANGS PA MA YIN NAM, DE LTA MA YIN NA JI LTAR DGAG PA 'GRUB CES DOGS NA, DNGOS PO MED PA BSGRUB PA NI, ,ZHES SMRAS TE, DNGOS PO MED PA THA SNYAD SGRUB PA'O, ,RMONGS PA LA NI THA SNYAD LA LTOS TE MI DMIGS PA MNGON SUM LAS THA DAD PAR KHAS BLANGS PA YIN ZHES BYA BA'I DON TO, ,GAL TE 'BA' ZHIG DMIGS PA NYID KYI PHYIR MNGON SUM DNGOS PO MED PA'I THA SNYAD KYI RGYU YIN NA, DE'I TSE DER MED PA THAMS CAD LA DNGOS PO MED PA'I THA SNYAD DU CI STE MI 'GYUR ZHE NA, MED PA'I THA SNYAD NI ZHES SMOS SO, ,BAG CHAGS KYI DBANG GIS ZHES BYA BA NI, DON DU GNYER BA LA SOGS PAS GANG DU DRAN PA DER ZHES BYA BA'I DON TO, ,GAL TE CI LTAR KHYOD KYI MI DMIGS PA MNGON SUM LAS THA MI DAD PA DE BZHIN DU DE KHO NAR BDAG CAG GI DNGOS PO MED PA'I TSAD MA YANG YIN NO, ,SHES PA DE NYID NI SA PHYOGS LA LTOS NAS, MNGON SUM YIN ZHING, DGAG PAR BYA BA LA LTOS NAS MED DO SNYAM PA'I SHES PA SKYED PA NI, DNGOS PO MED PA'I TSAD MA YIN PA'I PHYIR NYES PA CI YOD SNYAM NA, DE YANG SNYING PO YOD PA MA

, ,YIN TE, GANG GI PHYIR DNGOS PO MED PA ZHES BYA BA'I GZHAL BYA GZHAN BKAG PA'I PHYIR NA, BKAG PA'I RNAM PAR RTOG PAS KYANG, DNGOS PO RANG BZHIN DE NYID SHES PAR BYA BA YIN NO, ,DES NA BYED PA LHAG PA MED PA'I PHYIR TSAD MA GZHAN DU RNAM PAR 'JOG PAR MI RIGS SO; ,SNGON MTHONG BA'I RJES SU 'BRANGS NAS RTAGS KYIS RMONGS PHA LA THA SNYAD LHAG PA SGRUB PA DE LA, MI DMIGS PA NYID NI 'GAL BA MED DO, ,DE LTAR KHAS LEN NA NI, MI DMIGS PA NYID YIN GYI, DNGOS PO MED PA ZHES BYA BA'I TSAD MA GZHAN NI MA YIN NO, ,DE LTAR GNOD PAR BYED BA RTAG PA'I SKABS LAS 'PHROS PA, DNGOS PO MED PA TSAD MA 'AM GZHAL BYA MA YIN NO ZHES GZHUNG BTZUGS PA YIN NO, ,DES NA MNGON PAR 'DOD PA'I DBANG MA GTOGS PAR, RIGS MI MTHUN PA'I RIG PA SKYE BA CAM GNOD PAR BYED PA YIN NA, BUM PA'I SHES PA LA YANG SNAM BU'I SHES PAS GNOD PAR 'GYUR RO ZHES BYA BAR GNAS SO, ,BUM PA'I SHES PA LA NI SNAM BU'I SHES PA GNOD PA YANG MA YIN NO, ,DE BZHIN DU SAD PA'I SHES PA YANG RMI LAM GYI SHES PA'I GNOD PA MA YIN NO, ,DES NA SAD PA'I SHES PAS RMI LAM GYI SHES PA MI GNOD PA'I PHYIR, TSAD MAR THAL BA MA SPANGS SO, ,DES NA GNOD PA MED PA NYID NI TSAD MA'I MTSAN NYID MA YIN NO, ,GAL TE RE ZHIG THA SNYAD DU GNOD PAR BYA BA DANG GNOD PAR BYED PA'I DNGOS PO SPANG BAR DKA' LA RNAM PA GCIG TU NGES PA'I MNGON SUM GYIS GZHAN DNGOS PO MED PAR THA SNYAD BYED PA'I PHYIR GNOD PAR BYED PA GZHAN GYIS CI BYA, DES NA SAD PA'I SHES PA YANG RNAM PA GCIG TU NGES PA'I PHYIR NA RMI LAM GYI SHES PA'I GNOD BYED CI STE MA YIN NA, DE'I PHYIR ZHES BYA BA LA SOGS PA SMOS SO, ,GANG GI PHYIR RANG GI RNAM PA NGES PA CAN GYI RIGS MI MTHUN PA'I SHES PA SKYE BA 'BA' ZHIG GNOD PAR BYED PA YIN PA DE'I PHYIR RO, ,DE BZHIN DU BZLOG PA YANG ZHES BYA BA NI RMI LAM GYI SHES PA YANG SAD PA'I SHES PA'I GNOD BYED YIN PA'AM, BUM PA ZHES BYA BA YANG SNAM BU SHES PA'I GNOD BYED YIN PAR 'GYUR RO, ,'BA' ZHIG 'DZIN PAS NA ZHES SMRAS TE, SAD PA'I SHES PA YANG 'BA' ZHIG 'DZIN PA'I PHYIR GNOD BYED YIN LA, 'BA' ZHIG 'DZIN PA DE NI

RMI LAM DANG BUM PA'I SHES PA LA YANG YOD PA YIN NO, ,DES NA 'DI DAG KYANG GNOD BYED DU 'GYUR RO, ,'DI NI RIGS SO ZHES BYA BA NI 'DI DON DAM PA YIN NO ZHES BYA BA'I THA TSIG GO, ,DES NA GNOD PA DANG MI GNOD PA NYID RNAM PAR BSLAD PA MA YIN PA'I PHYIR DE'I MTSAN NYID CAN TSAD MA DANG TSAD MA MA YIN YANG RNAM PAR BSNYAD PA KHO NA'O SNYAM DU DGONGS PA'O, ,THA SNYAD DU NI SKYES BU'I BSAM PA'I DBANG GIS SAD PA'I SHES PA NYID RMI LAM GYI SHES PA'I GNOD PAR BYED PA YIN LA, NYA PHYIS MTHONG BA NYID DNGUL DU MTHONG BA'I GNOD PAR BYED PA YIN GYI BZLOG PAR NI MA YIN NO, ,DE'I PHYIR ZHES BYA BA LA SOGS PA NI MJUG SDUD PA'O, ,'BRAS BU BRJOD BA NI, DE'I PHYIR GZHAN PA DAG DANG ZHES BYA'O, ,DE LTAR MI SLU BA NYID KUN DU THA SNYAD PA DANG, DON DAM PA'I TSAD MA DAG GI SPYI'I MTSAN NYID YIN NO ZHES GNAS SO, ,'DIR PHYIR ZLOG PAR BYED PA NI GAL TE BCOM LDAN 'DAS ZHES BYA BA LA SOGS PA'O, ,DON 'DI YIN TE SKYES BU'I DON 'GRUB PA THAMS CAD KYI RGYU YIN PA NYID KYIS BCOM LDAN 'DAS BSGRUB PAR 'DOD PA YIN LA, DE'ANG MNGON SUM LA SOGS PA'I TSAD MA NYID KYIS YIN TE, CI SKAD DU YANG SHES PA NGA NI ZHES BYA BA LA SOGS PA BZHIN NO, ,DES NA BCOM LDAN 'DAS BSGRUBS PAS CI BYA ZHES BYA BA YIN NO, ,DE NI MED DO ZHES BYA BA LA SOGS PA NI SGRUB PA'I MTHA' YIN NO, ,RANG DNGOS TE RANG GI MTSAN NYID 'DZIN PA LA NI MNGON SUM 'JUG PA YIN NO ZHES SBYAR RO, ,GZHAN DU ZHES BYA BA NI SPYI'I MTSAN NYID 'DZIN PA LA RJES SU DPAG PA 'JUG PA YIN NO, ,GAL TE MNGON SUM DANG RJES SU DPAG PA LA TSAD MA YIN PA DANG GZHAN MA YIN PA NI ZHES BYA BA GA LA RTOGS SHE NA, 'DI YANG PHYI NAS 'CHAD 'GYUR TE, ,ZHES GSUNGS TE, MNGON SUM GYI LE'UR RO, ,SKABS SU BAB PA LA NI 'DI GNYIS KYI BYED PA MED DO ZHES STON PA NI RE ZHIG CES BYA BA LA SOGS PA'O, ,GANG GI DON DU BCOM LDAN 'DAS 'TSOL BA 'JIG RTEN PHA ROL LA SOGS PA DE NI SKABS SU BAB PA YIN LA DE LA NI GANG ZHIG 'JIG RTEN PHA ROL RTOGS PAR BYA DGOS PA'I SKYES BU DE'I DE LTA'I SKAD CIG GZHAN GYI YANG GTAM TZAM MI SHES NA, SKYES BU GZHAN LTA SMOS SU YANG CI ZHIG YOD CES BYA BA NI, TSIGS SU BCAD

, ,PAR RANG DNGOS SMOS PA'I LHUR BYA BA'I DON TO, ,RJES SU DPAG PA'I SPYI'I YUL 'DZIN PAR BRJOD PA'I LHUR BYA BA BRJOD PA NI RJES SU DPAG PA NI ZHES PA'O, ,DPE DANG THUN MONG BA'I RANG BZHIN DU NGES PA NI, KHYAB PAR 'BREL BA RTOGS PA MED PA MA YIN NO ZHES BYA BAR NI GSAL LO, ,DE LA NI MNGON SUM GYI BYED PA MED DO ZHES BSTAN PA NI, RANG GI NGO BO RIG PA ZHES BYA BA'O, ,RJES SU DPAG PA'I BYED PA YOD DO ZHES DOGS NA, RJES SU DPAG PA DE NYID KYI BSGRUB BYA BSGRUBS NAS BSGRUB BYA DANG SGRUB BYED KYI 'BREL BA 'DZIN PA'AM, DE STE RJES SU DPAG PA GZHAN GYIS ZHES RNAM PAR RTOG PA GNYIS SO,, ,,DANG PO LA NI JI SRID RJES SU DPAG PA MED PA DE SRID DU KHYAB PA MI 'DZIN LA, JI SRID KHYAB PA MA BZUNG BA DE SRID DU YANG RJES SU DPAG PA MED PA'I PHYIR PHAN TSUN BRTEN PA NYID DU GSAL LO, ,GNYIS PA LA YANG RJES SU DPAG PA GZHAN GCIG LA LTOS LA, DE YANG GZHAN GCIG LA LTOS PA'I PHYIR GNYI GA YANG GCIG LA GCIG BRTEN PA'I SGRAS BSDUS SO, ,GAL TE 'DI MTHONG BA'I RJES SU DPAG PA LA YANG NYES PA 'DI MTSUNGS PA YIN PA DE LTA NA YANG 'JIG RTEN PHA ROL SMOS PA NI, SKYES BU'I DON MCHOG SGRUB PA LAS GTZOR PHYOGS PA'I PHYIR RO, ,BSREG PA LA SOGS PA SGRUB PA LA NI DE DAG GI BYED PA MED KYANG SHIN TU CHAD PA YOD PA MA YIN NO, ,GAL TE THA SNYAD DON DAM PA MA YIN NAM, GAL TE DE LTA NA RJES SU DPAG PA THAMS CAD DU NYE BAR MKHO BA MA YIN PA'I PHYIR DANG, SKAD CIG MA 'DZIN PA'I MNGON SUM YANG THOB PAR BYA BA LA NYE BAR MI MKHO BA'I PHYIR MNGON SUM DANG RJES SU DPAG PA NI TSAD MA YIN NO ZHES BYA BA DON MED DO ZHE NA, MNGON SUM DANG RJES SU DPAG PA NI ZHES SMOS SO, ,GAL TE THA SNYAD DON DAM PA MA YIN PA MA YIN NAM, DE LA BRTEN PA'I TSAD MA CI DGOS NAS BRJOD, DE'I DON DU NI 'DI NYID KYI GZHUNG DGOS PA YANG DON MED DO ZHE NA, THAMS CAD MKHYEN PAR SGRUB PA DANG RJES SU MTHUN PA ZHES SMOS SO, ,BSAM PA NI 'DI YIN TE, THA SNYAD NYID LA BRTEN TE, KHYAB PA 'DZIN PA SNGON DU BTANG BA'I RJES SU DPAG PAS BCOM LDAN 'DAS BSGRUB PA NI, DE'I SGO NAS 'JIG RTEN PHA ROL PO LA SOGS PA NGES PA'I PHYIR NA, SKYES BU'I DON

MCHOG GRUB PA'I PHYIR KUN RDZOB PA DANG, DON DAM PA'I TSAD MA GNYI GA YANG BRTEN PAR RIGS SO, ,'DIR 'DI DPYAD DE THA SNYAD PA'I TSAD MA DE ZHEN PAR BYAS PA'I DON THOB PAR NUS PA 'AM MI NUS PA ZHIG YIN, NUS NA NI 'JIG RTEN PHA ROL LA SOGS PA LA YANG DE NYID TSAD MA YIN 'DOD, 'DIR BCOM LDAN 'DAS DON DU GNYER BAS GO CI ZHIG BYA STE, THAMS CAD DU TSUL GSUM YONGS SU DAG PA THUN MONG YIN PA NYID KYIS RIGS MTHUN PA'I PHYIR RO, ,'ON TE MI NUS NA DE'I CHA THAMS CAD MKHYEN PA BSGRUB PAR YANG MI NUS PA NYID PAS NGES BSGRUB PA'I THAMS CAD MKHYEN PA'I SGO NAS MNGON PAR MTHO BA DANG NGES PAR LEGS PAR CI LTAR 'GRUB, RJES SU DPAG PA THAMS CAD MKHYEN PA'I SGRUB BYED YIN GYI, 'JIG RTEN PHA ROL LA SOGS PA NI MA YIN NO ZHES BYA BA 'DI NI 'GAL BA YANG YIN NO, ,THAMS CAD MKHYEN PA GRUB PA NI 'JIG RTEN PHA ROL LA SOGS PA GRUB PA MED NA MED PA'I PHYIR RO, ,NYE BAR MKHO BA'I THAMS CAD MKHYEN PA'I PHYOGS LA YANG, SRID PA GCIG LAS GYUR PA'I LAM GOMS PAS NI, DE SRID PAR RJES SU MI DPOGS PA DES NA, 'JIG RTEN PHA ROL DANG BDAG MED PA NGES PA LA SOGS PA LA GDON MI ZA BAR LTOS DGOS TE, DE LTAR MA YIN NA BSGOM PA LA MNGON PAR SBYOR BA MI 'THAD PA'I PHYIR RO, ,DES NA JI SRID 'JIG RTEN PHA ROL MA GRUB PA DE SRID DU, THAMS CAD MKHYEN PA MI 'GRUB LA, JI SRID THAMS CAD MKHYEN PA MA GRUB PA DE SRID DU YANG 'JIG RTEN PHA ROL MI 'GRUB PA'O, ,'ON TE 'JIG RTEN PHA ROL GYI SGRAS BDAG BA DANG SDUG BSNGAL SGRUB BAR BYED PA'I LAS KYI KHYAD PAR BRJOD PAR 'DOD CING, DE LA YANG THA SNYAD PA'I TSAD MA MI 'JUG PA'I PHYIR THAMS CAD MKHYEN PA NYID KYIS RIG PAR BYA BA YIN NO, ,THAMS CAD MKHYEN PA YANG RJES SU DPAG PAS GRUB PA'I BDAG MED PA LA SOGS PA GOMS PA LAS YIN PA'I PHYIR, PHAN TSUN BSTEN PA NYES PA MED DO ZHE NA, DE LTAR NA KHYAB PAR 'BREL PA RTOGS PA MED PA LA SOGS PA BRJOD PA CI ZHIG DGOS DE LTAR KHYAB PA RTOGS PA'I BLO MED PA'I PHYIR NA, SLAR THAMS CAD MKHYEN PA NYID KYANG GRUB PA BKAG PAR 'GYUR PA'I PHYIR, SKYON SPONG 'DI'I 'BRAS BU NI RIGS PA ZHIG GO, ,'ON TE THAMS CAD MKHYEN PA NYID NI THA SNYAD TZAM GYIS GRUB PO ZHE NA, DE LTAR THAMS CAD MKHYEN PA

, ,GRUB NA, DES NYE BAR BSTAN PA'I LAM RJES SU BSGRUB PAS MNGON PAR MTHO BA DANG, NGES PAR LEGS PAR THOB BA ZHES BYA BA'I DON 'DI BSTAN PA YIN YANG, GAL TE THA SNYAD KYIS THAMS CAD MKHYEN PA GRUB PAR BRJOD NA DE'I 'JIG RTEN PHA ROL LA SOGS PA YANG, DE BZHIN DU 'GYUR BA RAG MOD, DA NI THA SNYAD KYI SGRAS NYE BAR MKHO BA MED DE, NGES PAR LAGS PA'I BDAG NYID THAMS CAD MKHYEN PA YANG THA SNYAD TZAM YIN NA, DON DAM PA GZHAN MED PA'I PHYIR RO, ,DE LTA NA YANG GAL TE DE'I SGRUB BYED KUN RDZOB PAR BRJOD NA BRJOD LA RAG STE, RANG GI BSGRUB PAR BYA BA LA NUS PA NI BSNYON PAR DKA'O, , DE LTAR YIN DANG NGES PAR LEGS PA'I YAN LAG SKAD CIG MA NYID LA SOGS PA LA RJES SU DPAG PA NYID MTHU THOGS PA MED PA YIN PA'I PHYIR, THAMS CAD MKHYEN PA'I TSOL BA NI DON MED DO, ,DE'I YUL MA YIN PA MNGON PAR MTHO BA LA NI, DE'I NYE BAR BSTAN PA NYID 'JUG BYED YIN NA, NYE BAR BSTAN PA NI PHYIN CI LOG TU DOGS PA DANG BRAL BAR 'BAD PAS BSGRUB PA YIN NO, ,DES NA CI LTAR TSAD MA'I BYED PA SPANGS NAS BCOM LDAN 'DAS THAMS CAD MKHYEN PA LAS SKYES BU'I DON THAMS CAD GRUB CHE NA, 'DI LA BRJOD PA, TSAD MA MED PAR KUN MKHYEN LA, ,DON KUN 'GRUB MIN DE LTA NA 'ANG, ,KUN RDZOB PA YI TSAD MA NI, ,KUN MKHYEN NYID DANG BCAS PAR 'DOD, ,'DI LTAR TSAD MA'I YUL NI RNAM PA GNYIS TE, GZHAN DANG THUN MONG BA 'JIG RTEN PHA ROL DANG, GZUGS DANG TSOR BA LA SOGS PA DANG, THUN MONG MA YIN PA BDAG MED PA DANG, SKAD CIG MA NYID LA SOGS PA'O, , DE LA DANG PO LA NI THAMS CAD MKHYEN PA MED KYANG TSAD MA RNYED PAR SRID KYI, GNYIS PA LA NI MA YIN TE, BCOM LDAN 'DAS KYIS NYE BAR BSTAN PA MED PAR SKAD CIG MA LA SOGS PA KUN DU RTOGS PA SKYE BA MI SRID PA'I PHYIR TE, SHES PAR 'DOD PA MA SKYES PAR DE'I SGRUB PAR BYED PA LA SPYOD PA MI 'DUG PA'I PHYIR RO, ,DANG PO LA NI GZUGS LA SOGS PA NYE BA LA RE ZHIG MNGON SUM DGAG TU MED LA, GZUGS LA SOGS PA'I THA SNYAD KYANG 'JIG RTEN NA GRUB PA YIN NO, ,'JIG RTEN PHA ROL YANG TSU ROL MDZES PA MA RTOGS PAS, BRJOD PA PHYIS SHES PAR 'DOD PAS SRID PAS SPYOD PA 'JUG PA RNYED

PAR SLA BA'I PHYIR RO, ,'JIG RTEN PHA ROL LA SOGS PA LA MI 'JUG STE ZHES GANG BRJOD PA DE LA 'JIG RTEN PHA ROL GYI SGRAS NI, THABS DANG LDAN PA'I MNGON PAR MTHO BA'I CHA BRJOD LA, SOGS PA'I SGRAS NI SKAD CIG MA NYID LA SOGS PA NGES PAR LEGS PA YAN LAG DANG BCAS PA GZUNG NGO, ,'O NA SKAD CIG MA NYID LA SOGS PA LA YANG GZHAN DAG GIS SUN DBYUNG BA'I DON DU BRTAGS PA'I PHYIR RO, ,SPYOD PA 'JUG PA BZLOG TU MED DO ZHE NA DE LTA MA YIN TE, BCOM LDAN 'DAS KYI GSUNG MED PAR DE DAG GI SUN DBYUNG BA'I BSAM PA NYID KYANG MI 'BYUNG BA'I PHYIR RO, ,DES NA RANG BZHIN GYI KHYAD PAR DANG LDAN PA'I BCOM LDAN 'DAS KYI BKA' NYID SGRUB PAR BYED PA DANG, SUN 'BYIN PA BRJOD PA DAG SGRUB PAR BYED PA YIN NO, ,'ON TE SKYE BA GZHAN GYI DBANG GIS CI ZHIG LTAR DE LTAR SPYOD PA DANG 'JUG PA YIN TE, 'DI LA NI GNOD PAR BYED PA MED DO ZHE NA MA YIN TE, DE LTA BU'I BKA' LA MA BRTEN PAR NI SKYE BA GZHAN DU GOMS PA YANG MED PA'I PHYIR RO, ,'DI GA LAS YIN GAL TE DE LTAR NA YANG BCOM LDAN 'DAS GRUB PA DANG, NYE BAR BSTAN PA LAS BDAG MED PA LA SOGS PA TSAD MA RNYED NA DE GOMS PA LAS BCOM LDAN 'DAS GRUB PA'I PHYIR 'KHOR LO YIN NO ZHE NA, NYES PA 'DI NI MED DO, ,GRUB PA NI RNAM PA GNYIS TE, SKYES PA DANG NGES PA'O, ,DE LA GAL TE BCOM LDAN 'DAS 'DAS PA'AM DA LTAR BA'I NYE BAR BSTAN PA LAS RNAM 'GREL LAS BSHAD PA'I TSUL DU SPYIR BCOM LDAN 'DAS NGES PAR GYUR NA NYES PA CI 'DRA BA ZHIG YOD, GAL TE RANG GI NYE BAR BSTAN PA LA SOGS PA LAS DE SKYE BA NYID DU BRJOD PAR 'DOD PA YIN NA NI NYES PAR 'GYUR RO, ,SKYE BA YANG BRJOD PAR 'DOD PA NI YIN MOD KYI, 'ON KYANG RANG GI MTSAN NYID THA DAD PA'I BCOM LDAN 'DAS GZHAN NYID YIN NO, ,'ON NYE BAR STON BYED CI LTAR SKYE ZHE NA, THAMS CAD MKHYEN PA GZHAN GYI NYE BAR BSTAN PA LAS GZHAN GYI LAS YIN PA'I PHYIR KUN NAS NYON MONGS PA DANG RNAM PAR BYANG BA'I PHYOGS KYANG THOG MA MED PA NYID DO, ,DE BZHIN DU BSKYED PAR NI THAMS CAD MKHYEN PA'I GZHAN DANG GZHAN YANG RTOGS PAR BYA'O, ,'O NA STON PAR BYED PA JI LTAR NGES SHE NA, GAL TE SKYES BU'I KHYAD PAR GYI, RANG BZHIN GYI DON DU

, ,GNYER NA DE'I TSE DA LTAR BYUNG BA NA GNAS SU MNGON SUM LAS SAM, 'DAS PA LA NI GSUNG RAB KYI MTSAN NYID 'BRAS BU'I RTAGS LAS SKYES PA'I RJES SU DPAG PA LAS SO, ,'ON TE THAMS CAD MKHYEN PA'I YON TAN GYI NGES PA SEMS NA DE'I TSE DNGOS SU DE MA NGES KYANG GZHAN GYI SMRA BA ZLOG PAR BYED PA DANG, RDZU 'PHRUL GYI CHO 'PHRUL GYI YON TAN GYI TSOGS KYI SGO NAS YID CHES SU RUNG BA'I GSUNG NYE BAR STON PA LAS SPYOD PA RJES SU DPAG PA RNYED PA DE TZAM GYIS 'DOD PA GRUB PO, ,DE LTAR BCOM LDAN 'DAS KYI NYE BAR BSTAN PA LAS NGES PAR LEGS PA'I MTSAN NYID THAMS CAD MKHYEN PA ZHES BYA BA'I 'BRAS BU BSGRUBS SO, ,DON GCIG NYID YIN NA GNYIS DON MED DO ZHES KYANG GDAGS PAR MI BYA STE, BCOM LDAN 'DAS NI TSAD MA SKYES PA'I SGO NAS BYED BA 'JUG PA YIN LA, TSAD MA DAG KYANG DE KHO NA NGES PA'I SGO NAS BYED PA 'JUG PA YIN NO, ,DES NA BCOM LDAN 'DAS NI MIG DANG GZUGS LA SOGS PA'I GNAS LTA BU YIN PAR 'DOD DO, ,MNGON PAR MTHO BA YANG TSAD MA DANG BCAS PA'I BCOM LDAN 'DAS NYID LAS YIN TE, NGAG DANG PO JI SKAD BRJOD PA BZHIN NO, ,'O NA CI'I DON DU TSAD MA'I BYED PA 'JUG PAR BSTAN ZHE NA, THA SNYAD PA NYID DU BSGRUB PA'I PHYIR RO, , GNYIS SU MED PAR BSGRUB PA'I PHYIR TSAD MA 'AM DE NYID NI THA SNYAD PA LA MA BRTEN PA BDAG NYID GNAS PAR NUS PA MA YIN NO, ,DE SKAD DU YANG DE'I PHYIR LAM BSGOM PA LA SOGS PA'I RGYUN LA MNGON PA'I NGA RGYAL BSTAN PA YIN YANG, 'DI THAMS CAD THA SNYAD PA YIN NO ZHES 'CHAD PAR 'GYUR RO, , 'ON GNYIS MED PA LAS THAMS CAD MKHYEN PA YANG THA SNYAD NYID DU 'GYUR TE, RANG GI NGO BO LAS LHAG PA PHRA MO YANG RIG PA MED PA'I PHYIR RO, ,'ON KYANG DE'I BDAG POR GYUR PAS NYE BAR STON PAR SNANG BA LAS RJES SU SGRUB PAR BYED PA RNAMS DON DE DANG DE GRUB PA'I PHYIR THAMS CAD MKHYEN PA ZHES PA RNAM PAR 'JOG PAS NA THA SNYAD PA NYID LAS MI 'DA'O, ,DES NA GNYI GA THA SNYAD PA YIN NA THAMS CAD MKHYEN PA BSGRUB PA DANG RJES SU MTHUN PA ZHES BYA BA'I TSAD MA LA LTOS NAS GTZO BOR STON PAR BYED PA'I TSUL LUGS 'DI CI LTAR YIN ZHE NA, BDEN TE THAMS CAD MKHYEN PA NYID BSGRUB BYA YIN PA'I PHYIR

DANG; SGRUB PAR BYED PA'I TSAD MA YANG DE NYID LAS RNYED PA'I PHYIR RO, ,DE LTAR GAL TE SKYES BU LA NYE BAR MKHO BA NYID KYIS MIG LA SOGS PA YANG GTZO BOR BRJOD NA DE'I TSE TSAD MA MED DE, YUL GCOD PA LA LTOS PA'I TSAD MA'I THA SNYAD NI, DE DAG LA 'GOG PA YIN NO, ,BCOM LDAN 'DAS NI 'BYUNG BAR 'GYUR BA'I RANG BZHIN LA NYE BAR MKHO BA NYID KYIS GTZOR GYUR PA YIN NO, ,TSAD MA YANG BRGYUD PA NYID KYIS PHAN 'DOGS PAR BYED PA YIN TE, DES NA DE LA LTOS NAS BCOM LDAN 'DAS NYID GTZO BO YIN NO, ,GAL TE DE LTA NA SKYES BU BYAS PA'I LUNG PHAN 'DOGS PAR BYED PA NYID YIN NA, JI LTAR 'OG TU SKYES BUS BYAS PA DANG MA BYAS PA GNYI GA SUN 'BYIN CI NA, SKYES BUS BYAS PA PHAN 'DOGS PAR BYED PA NI, BDEN NA 'ON KYANG TSAD MAS PHAN BTAGS PA YIN GYI, PHYI ROL GYI DON NGES PAR BYED PA'I TSAD MA NYID KYIS NI MA YIN NO, ,TSAD MAS PHAN BTAGS PA YANG BCOM LDAN 'DAS KYI LUNG NYID YIN NA, NGES PAR LEGS PA YAN LAG DANG BCAS PA LA NI, DNGOS YIN LA MNGON PAR MTHO BA LA NI BRGYUD NAS YIN TE, DE BRJOD PA DANG 'DI BRJOD PA SKYE GNAS GCIG PA'I PHYIR RO, ,DE LTAR BSGRUB PAR BYA BA YIN PA'I PHYIR DANG, NGES PAR LEGS PA YAN LAG DANG BCAS PA LA TSAD MAR SKYED PA'I SGO NAS MTHO RIS DAD BYANG GROL GYI THABS LA 'JUG PAR BYED PA'I PHYIR NA BDAG CAG LA SOGS PA'I TSAD MA LA LTOS NAS, NYE BAR MKHO BA ZHES BYA BA'I THAMS CAD MKHYEN PA TSAD MA'I GTZO BO NYID DU BSTAN TO, ,SGRIB PA MED PA'I BSOD NAMS DANG, YE SHES KYI TSOGS BSAGS PA'I PHYIR 'DI SPYOD YUL JI TZAM YIN ZHES BYA BA NI NGES PAR MI NUS SO, ,THAMS CAD THAMS CAD MKHYEN PA'I PHYOGS LA NI SPYOD YUL LA LTOS PA'I BDAG NYID CHE BA CHEN PO YOD PA'I PHYIR KHYAD PAR GSAL LO, ,RIG BYED DANG DBANG PHYUG LA SOGS PA NI TSAD MA GNYIS LAS DMAN PA'I PHYIR DE LA LTOS TE BCOM LDAN 'DAS KYI BDAG NYID CHEN PO BSAM PAS CI BYA SNYAM DU DGONGS PA'O, ,GAL TE THAMS CAD MKHYEN PA'I PHYOGS 'DOD PA YIN YANG THE TSOM ZA BA'I PHYIR MI GNAS PA NYID MA YIN NAM, CI LTAR DE LA LTOS NAS TSAD MA'I SPYOD YUL KHYAD PAR DU 'PHAGS PA GSAL BAR

, ,'GYUR, GAD DAG LA TSAD MA GNYIS MED PA'I PHYIR, THAMS CAD MKHYEN PA DER THE TSOM ZA BA DE LA LTOS NAS BDAG NYID CHEN PO SEMS PA NI SHIN TU DAD PA CHE'O ZHE NA, BDEN TE 'DI LTA BU'I BRJOD PA NI SRID PA LA BSAM PA YIN TE, GAL TE TSOGS PA'I KHYAD PAR LAS DE 'DRA BA SKYES PAR 'GYUR NA, DE'I TSE TSAD MA GNYIS MA ZHUGS PAS NGES PA MED KYANG GNOD BYED MED PA'I PHYIR, DE'I BDAG NYID CHEN PO GANG GIS BZLOG SNYAM DU BSAMS PA YIN NO, ,GNOD BYED MED PA YANG MDUN DU 'CHAD PAR 'GYUR RO, ,RIG BYED LNGA SOGS PA MNGON SUM LA LTOS NAS DMAN PA DE NYID STON PAR 'DOD PAS, BSAM PA 'DIS BYA BA'I SKABS STON PA NA, PHYOGS SNGA MA DGOD PA NI GAL TE ZHES BYA BA LA SOGS PA'O, ,DE'I TSE ZHES BYA BA'I MNGON SUM GYI'O, ,BSTAN BCOS NI DE LTA MA YIN PA'I PHYIR ZHES BYA BA NI, GANG GIS MNGON SUM DANG RJES SU DPAG PA DAG BZHIN DU 'DIR SKYON DU 'GYUR, NYE BA'I MTSAN NYID TZAM GYI YUL CAN NAM, 'BREL BA 'DZIN PA LA LTOS PA MA YIN NO, ,DE NYID LAS ZHES BYA BA NI BSTAN BCOS LAS SO, ,'DI LA BRJOD PA ZHES BYA BA LA SOGS PA NI LEN NO, ,DON GYI DE NYID RGYU CAN MIN, ,ZHES BYA BA NI, PHYI'I DON DANG MA 'BREL PA'I PHYIR RO, ,DE NYID KYI PHYIR SMRA BA PO'I 'DOD PAS YUL DU BYAS PA KHO NA LA TSAD MA YIN GYI, DNGOS PO NI DE LTA BU 'AM GZHAN DU NI YIN ZHES NGES PA MA YIN NO ZHES BYA BA'I DON TO, ,GAL TE SGRA RNAMS NI SMRA BA BO NYES PAS SKYON CHAGS PA MA YIN NAM, DE SKAD DU YANG, SKYES BUS BYAS PA DAG LA NI, ,NYES PA YOD MED BRTAGS PAR RIGS, ,BYED PO MED PHYIR RIG BYED LA, ,NGES PA'I DOGS NGED DE LA MED, ,CE'O, ,DE SNA BSTAN BCOS GZHAN TSAD MA MA YIN MOD, SKYES BUS BYAS PA NI MA YIN ZHE NA, SKYES BUS MA BYAS PA'I SGRA NI MED DO ZHES PHYIS BSTAN PAR BYA'O ZHES GSUNGS SO, ,PHYIS BSTAN PAR BYA'O ZHES BYA BA NI, DE'I BRJOD PA NYID LAS DE LA SMRA BA BO YOD PAR RTOGS SO ZHES BYA BA DER RO, ,GAL TE SKYES BUS BYAS PA MA YIN NA 'O NA CI YIN ZHE NA, SKYES BUS BYAS PA NYID NI 'GYUR RO ZHES GSUNGS TE, SKYES BUS BYAS PA KHO NA STE, CI LTA BU'I GO RIMS BKOD PA NI SKYES BU'I 'DOD PA'I RJES SU

'GRO LDOG GI RJES SU BYED PA MTHONG BA'I PHYIR RO, ,DE LA YANG ZHES BYA BA NI, NGAG SKYES BUS BYAS PAR GNAS PA NA'O, ,TSIGS SU BCAD PA'I NGON 'GREL PA NI SMRA BA BO NI ZHES BYA BA LA SOGS PA'O, ,GAL TE SMRA BAR 'DOD PA YIN LA, 'DOD PA LAS 'BAD RTZOL, 'BAD RTZOL BA LAS NI GNAS DANG BYED PA PHRAD PA'I RANG BZHIN SKYES BU'I BYED PA MA YIN NAM, DES NA CI LTAR 'DOD PA NYID BYED PA YIN ZHE NA, BRJOD PAR SKUL BAR BYED PA PO'I 'BAD RTZOL LAS SKUL BYED NYID GZHAN MA YIN NO, ,DES NA SKYES BU'I 'BAD RTZOL NYID RKAN LA SOGS PA'I SKUL BA BYED PA YIN LA, DA YANG 'DOD PA LA LTOS PA'I PHYIR RGYU LA 'BRAS BU NYE BAR BTAGS PAS DE NYID BYED PA YIN PAR BRJOD DO, ,DE YANG RNAM PA GNYIS TE, GANG GIS DE RJOD PAR BYED PA'I TSIG SBYOR BA LA 'JUG PAR BYED PA DON 'DI BSTAN PAR BYA'O SNYAM PA DE LTA BU'I RNAM PA CAN NI GCIG YIN LA, SGRUB PA'I TSIG NYID BRJOD PA CAM LA 'JUG PAR BYED PA YANG GANG YIN PA DE NI GZHAN YIN NO, ,DE LA 'DI NI GZUNG BAR BYA BA MA YIN TE, DON STON PA'I SKABS YIN PA'I PHYIR RO, ,DES NA DANG PO 'DZIN PA NA SMRA BA PO'I BRJOD PAR 'DOD PA ZHES BYA BA NI BYED PO NYID SMRAS BA BOR GZUNG NGO, ,BRJOD PAR 'DOD PA ZHES BYA BA NI DON STON PAR 'DOD PA'O, ,SPYI'I DON BRJOD PA NI, BRJOD PAR 'DOD PA'I YUL GYI DON CES BYA BA LA SOGS PA'O, ,BRJOD PAR 'DOD PA'I YUL ZHES BYA BA 'DIS NI, STON PA PO'I BLO LA YANG GSAL BAR BRJOD PA YIN NO, ,RAB RIB CAN GNYIS BZHIN DU GCIG NYID DU MNGON PAR ZHEN PA'I PHYIR NA DE NYID SMRA BA PO DANG NYAN PA PO GNYI GA LA YANG SNANG NGO ZHES THA SNYAD DU BYED DO, ,DE KHO NA NYID DU NI DE BDAG NYID SO SO LA THA DAD PA SHES PA'I RNAM PA TZAM NYID DO, ,THA DAD PA DE NYID KYI PHYIR NA, DE NYID LA SGRA TSAD MA YIN TE ZHES BYA BA NI RGYUR GYUR PA SMRA BA PO SEMS KYI RNAM PA LA YIN TE, 'BRAS BU NI SMRA BA PO'I SEMS KYI RNAM PA RJES SU DPOG PAR BYED PA YIN PA'I PHYIR RO, ,SGRA'I BYED PA NI NYID LA YIN NO ZHES BYA BA NI RTOGS PA PO LAS SEMS LA GNAS PA LA STE, DE NI SGRA'I 'BRAS BU YIN PA'I PHYIR RO, ,'DI SKAD BRJOD PA YIN TE, GAL TE MNGON PAR RLOM PA LAS SMRA BA PO'I SEMS LA GNAS PA GANG

, ,YIN DE NYID RTOGS PA PO'I SEMS LA YANG YIN PA DE LTA NA YANG, GNYI GA DANG 'BREL PA'I PHYIR NA, GNYI GA'I THA SNYAD YIN NO, ,GAL TE SMRA BA PO'I SEMS LA GNAS PA GANG YIN PA DE NYID BSTAN PAR BYA BA YIN NO ZHES BYA BA'I NGES PA 'DI MED DE GZHAN DU YANG MTHONG BA'I PHYIR RO ZHES DOGS NA, LAN DU GZHAN DU BRJOD PAR 'DOD PA ZHES BYA BA LA SOGS PA'O, ,DE LTA NA YANG ZHES BYA BA NI GZHAN DU BSAM PA GZHAN DU STON PA YIN NA, SMRA BA PO'I SEMS KYI RNAM PA 'AM, PHYI'I DON TSAD MA MA YIN PAR SHIN TU GSAL LO, ,DE KHO NAR RGYU DANG 'BRAS BU MED PA'I PHYIR NA, SGRA BRJOD PAR 'DOD PA'I KHYAD PAR LA TSAD MA YIN PAR BSGRUBS PA NI LEGS PA YIN NO ZHES BYA BA RIGS PA'I RGYAN GYIS YIN NO, ,'DI SKAD BRJOD PA YIN TE, NGES PA'I DON RNAM PAR BRJOD PAR 'DOD PA'I KHYAD PAR LA GDON MI ZA BAR SGRA RNAMS TSAD MA YIN NO ZHES NI DE KHO BO CAG MI 'DOD KYI, ,'ON KYANG PHYI'I DON LA TSAD MA MA YIN NO ZHES BRJOD PAR ZAD DO, ,GAL TE RNAM PAR DPYAD PA'I SGO NAS BRJOD PAR 'DOD PA'I KHYAD PAR LA YANG TSAD MA YIN PA ZLOG PAR BYED NA DE'I TSE NGES LA TSAD MA CUNG ZAD KYANG MED DO, ,THA SNYAD TZAM DU BRJOD PAR 'DOD PAS SGRUB PA'I DON LA TSA DMAR BRJOD KYI, ,DE KHO NAR NI MA YIN NO, ,YANG JI LTAR NA SGRA RNAMS BRJOD PAR 'DOD PA'I YUL LA TSAD MA YIN GYI, DON GYI DE KHO NA'I RGYU MTSAN CAN MA YIN ZHES DOGS NA, RJOD PAR 'DOD PA DE YANG ZHES GSUNGS SO, ,YANG NI GANG GI PHYIR GYI DON TE, DE'I PHYIR ZHES DE MA THAG TU 'CHAD PAR 'GYUR BA 'DI DANG 'BREL BA'O,, THAMS CAD 'JIG RTEN PHA ROL LA SOGS PA RIG PA'I THAMS CAD RIG PA NI MA YIN GYI, 'ON KYANG 'GA' ZHIG 'JIG RTEN PHA ROL LA SOGS PA RIG PA YIN NO, ,DES NA DE'I TSIG NYID TSAD MA YIN GYI, THAMS CAD NI MA YIN NO, ,GAL TE THAMS CAD THAMS CAD RIG PA YIN MOD 'DI LA 'GAL BA CI YOD CE NA; 'DI LTA MA YIN NA ZHES GSUNGS TE, 'DOD PA GCIG TU 'GYUR RO SNYAM DU DGONGS PA'O, ,THAMS CAD 'TSE BA 'GOG PA DANG CI ZHIG LTAR DE SGRUB PA NI 'DOD PA GCIG PA NYID MA YIN TE, DE BZHIN DU GZHAN DU YANG NGO, ,PHAN TSUN 'GREL BA'I LAM DAG NI 'BRAS BU GCIG NYID KYANG

MA YIN NO, ,'O NA MTSUNGS PAR RGYU YIN PA'I PHYIR, GNYI GA GCIG LA 'JUG MOD 'BRAS BU 'BYUNG BAR 'GYUR RO ZHE NA, PHAN TSUN 'GAL BA'I DON DAG NI ZHES GSUNGS TE, 'TSE BA DANG MI 'TSE BA LA SOGS PA ZHES BYA BA'I SKABS SO, ,GCIG LA SGRUB BYED KYI NUS PA NGES PA MED NA NI SPANG BYA DANG BLANG BYA DAG RNAM PAR DBYE BAR MI 'GYUR RO, ,GCIG LA NUS PA MA NGES PA MA YIN MOD, GAL TE CI RUNG RUNG RJES SU SGRUB PAS 'DOD PA'I 'BRAS BU THOB PA YIN NA CI CHAD CE NA, SMRAS PA, GANG YANG RUNG BA NAN DU BYAS PA NA, RNAM PAR CI LTAR YANG RUNG BA SGRUB PA TZAM STE DE KHO NA'O, ,DE LA DON 'GRUB PAR KHAS LEN PA YIN NA, BSTAN BCOS DON MED DO, ,'ON TE DES NYE BAR BSTAN PA NYID LA ZHUGS NA 'BRAS BU 'GRUB PA'I PHYIR, BSTAN BCOS BYAS PA LA DGOS PA YOD DO ZHE NA, DE LTAR MA YIN NO ZHES SMRAS PA NI, RANG DGAR RJES SU SGRUB PA LA YANG NGO ZHES SMOS SO, ,GANG GI TSE BSTAN BCOS KYIS BSTAN PA'I SGRUB BYED MA YIN PA RJES SU BSGRUB PAS KYANG 'BRAS BU STER NA, DE'I TSE RANG DGA' DANG KHYAD CI ZHIG YOD, DE LTA YIN NA NI RTZOD PA MED PAR 'GYUR TE, RTZED PAR MI 'GYUR RO, ,DE'I PHYIR ZHES BYA BA NI MJUG SDUD PA'O, ,'CHAD PA PO NI BYED PA PO'I BYED PA NI STON PAR 'DOD PA'O, ,GTZOR BYA BA'I DON BRJOD PA NI, DON GYI DE NYID KYI RGYU MTSAN CAN NI MA YIN NO ZHES BYA'O, ,'DI NYID DU GAL TE SMRA BA PO THAMS CAD RIG PA MA YIN NA ZHES BRJOD PAR 'DOD PA YIN NO ZHES BYA BA NI LHAG MA'O, ,'DIR YANG YON GNAS PHUN SUM TSOGS PA 'AM ZHES LTA STE, GAL TE YON TAN 'DI GNYIS DANG LDAN NA DE'I TSE DON GYI DE KHO NA'I RGYU MTSAN GYI TSAD MA NYID BZLOG TU MED PA KHO NA'O, ,'ON KYANG RNAM PA DE LTA BU NI NGES PAR MI NUS PAS NA'O, ,DE LTA NA YANG BSTAN BCOS LA TSAD MAR NGES PA MA YIN NO ZHES 'PHANGS PA YIN NO, ,DE LTAR STON PA PO LAS BYUNG BA'I NYES PA BRJOD NAS, SKYES BUS MA BYAS PAR BRTAGS PA LA YANG, NYES PA BRJOD PA'I PHYIR TSIGS SU BCAD PA DE NYID LA SBYOR BAR BYED PA NI LUNG SKYES BUS MA BYAS PAR RTOGS PA LA YANG TSIGS SU BCAD PA'I DON 'DI YIN TE, DON GANG BLO LA RAB GSAL PA, ,

, ,DE LA SGRA NI TSAD MA NYID YIN TE, 'BRAS BU YIN YANG DE LA NUS PA THOGS PA MED PA'I PHYIR TE, SHES PA MA SKYES PA NA TSAD MA'I YUL SPYOD PA MED PA'I PHYIR RO, ,GANG GI TSE DE LA TSAD MA YIN ZHE NA, GANG GI TSE RANG NYID CES BYA BA LA SOGS PA'O, ,GANG GI TSE YID LAS SKYES PA LA SOGS PA 'CHAD PA PO LAS DON RTOGS PA ZHES 'BREL TE, DE'I TSE NI 'CHAD PA PO'I 'DOD PA'I YUL GYI DON GANG YIN LA SGRA TSAD MA YIN TE, 'BRAS BU YIN PA'I PHYIR RO, ,GNYI GA LA YANG, DON GYI DE NYID RGYU CAN MIN, ,ZHES BYA BA RNAM 'GREL LAS BRJOD PA NI GTZER BYA BA'I DON TO, ,PHYOGS GNYI GA LA YANG RNAM PAR RTOG PA LA GNAS PA'I DON NYID SGRA LAS BYUNG BA'I RTOG PA'I YUL YIN NO, ,BYED PA PO MED PA'I PHYIR NA RIG BYED LA NYE BAR STON PA MED PA'I PHYIR, CI DON 'DI NYID YIN NAM, 'ON TE GZHAN 'GA' ZHIG GAM, 'O NA TE CI YANG MED CES NGES PAR MI NUS PA'I PHYIR SGRA DON DE NYID KYI RGYU MTSAN CAN TSAD MA GA LA YIN, SMRA BA PO'I BYED PA ZHES BYA BA 'DI LA GNAS PA'I SMRA BA PO'I SGRA 'GREL BA NI, 'CHAD PA PO NYID CES BYA BA'O, ,GAL TE SGRA LAS BYUNG BA RNAM PAR RTOG PA BLO LA PHYI'I DON NYID SNANG BA YIN TE, PHYI ROL NYID DU LHAG PAR ZHE NA PA'I PHYIR RO ZHE NA, DON GANG BLO LA SNANG BA DE NYID NI ZHES GSUNGS SO, ,DE LTA MA YIN NA ZHES BYA BA NI, GAL TE PHYI ROL NYID DU LHAG PAR ZHEN PA'I PHYIR NA DON GANG BLO LA GSAL BA DE NYID DON YIN NA DE'I TSE MNGON PAR 'DOD PA'I DON MTHA' DAG CES BYA BA LA RTOGS PAR SLA'O, ,DON DE ZHES BYA BA LA SOGS PA NI GZHAN GYI STE, RNAM PAR RTOG PA LA GNAS PA DE'O, ,MNGON PAR 'DOD PA MTHA' DAG GRUB PA DE LTAR MA YIN NO, ,'O NA DE ZHES BYA BA LA SOGS PA NI SUN 'BYIN PA STE, MTHO RIS LA SOGS PA'I MTSAN NYID KYI DON DE'O, ,DE'I TSE ZHES BYA BA NI RANG NYID DAM, 'CHAD PA PO LA RTOGS PA'I DUS SU'O, ,MTHO RIS LA SOGS PA'I MTSAN NYID KYI NGON DE LTAR RTOGS PA MA YIN NO, ,'ON TE RNAM PAR RTOG PA LA GNAS PA'I DON RTOGS PA NYID MTHO RIS LA SOGS PA'I DON NGES PA YIN NO ZHE NA, GZHAN RTOGS NA ZHES SMOS SO, ,'BREL BA MED PA'I PHYIR RO ZHES BYA BA NI RNAM PAR RTOG PA

LA GNAS PA'I DON NI LAS BYUNG BA MA YIN LA DE'I BDAG NYID KYANG MA YIN TE, MTHO RIS LA SOGS PA NI 'BYUNG BAR 'GYUR BA NYID YIN PA'I PHYIR RO, ,DON GANG ZHES BYA BA LA RNAM PAR GNAS PA'O, ,YANG RNAM PA GZHAN GYIS RNAM 'GREL LA 'JUG PAR BYA BA'I PHYIR SUN 'BYIN PA DGOD PA NI; GAL TE ZHES BYA BA LA SOGS PA'O, ,MTHO RIS 'DOD PAS NI ME LA SBYIN SREG GIS MCHOD SBYIN BYA'O ZHES THOS PA NA BDAG NYID ME LA SBYIN SREG GIS NGES PAR SBYAR RO SNYAM PAR 'GYUR RO, ,GRUB PA'I MTHA' SMRA BAS NGES SBYOR SMRA BA LA DRIS PA NI NGES PAR SBYOR BA 'DI ZHES BYA BA YIN NO, , GZHAN GYI LAN DU NGES PA'I SGRA NI MA LUS PA'I DON YIN LA ZHES BYA'O, ,'DIR TRE LO TZA NAS GAL TE NGES PA'I TSIG LA GDON MI ZA BAR BRTEN PAR BYA BA YIN, 'DIS SBYAR BAR BYA BA SBYOR BA'I PHYIR NGES SBYOR ZHES BYA BA LA CI STE MI RTEN ZHES GANG SMRAS PA DE NI MA 'BREL TE, GNAS RAB DAG GIS NGES PA'I SGRA DE BZHIN KHO NAR BYAS PA'I PHYIR NA BSHAD PA MDZAD PAS KYANG DE KHO NA LTAR BKOD PA'I PHYIR RO, ,GAL TE MI SBYOR BA CUNG ZAD KYANG MED PA NYID CI'I PHYIR ZHE NA GDON MI ZA BAR SBYAR BA NYID KYIS NI ZHES SO, ,GAL TE GDON MI ZA BAR BYA BA NYID MA GRUB PA MA YIN NAM, SANGS RGYAS PA LA SOGS PA DAG NI ME LAS SPYIN SREG GI NGAG THOS KYANG MCHOD SBYIN LA SOGS PA MTHO RIS LA SOGS PA BSGRUB PA LA MI 'JUG GO ZHES DOGS NA, NGES PAR SBYOR BA'I TSAD MA CAN NI ZHES SMOS SO, ,NGES PAR SBYOR BA NYID TSAD MA 'AM, GANG ZHIG NGES PAR SBYOR BA LA TSAD MA YIN PA'I ME LA SBYIN SREG LA SOGS PA'I NGAG DES THA SNYAD DU BYED PA'I PHYIR NA, NGES PAR SBYOR BA'I TSAD MA CAN NO, ,GAL TE NGES SBYOR NGAG GI DON DU GNAS PA LA 'CHAD PA PO'I BYED PA YUL ZHES BYA BA LA SOGS PA'I LAN CI LTAR 'BREL ZHE NA, DON 'DI YIN TE ZHES SMOS SO, ,'DIR 'DI SNYAM DU BSAMS PA YIN TE, RE ZHIG SGRA LAS NGES PAR SBYAR BA RTOGS PA BRDA TZAM GYI RJES SU 'GRO BA NI MA YIN TE, KHAS MA BLANGS PA'I PHYIR DANG RANG RANG GI BRDA'I DBANG GIS RANG GI SNANG BA TZAM RTOGS PAR THAL BA'I PHYIR RO, ,DES NA SGRA RNAMS NGO BO NYID KYIS DON SGRUB CING DON STON PAR BYED PAR KHAS LEN NA, 'CHAD PA PO

, ,RNAMS NGES PAR SBYOR BA LA SOGS PA'I DON THA DAD PAR BRJOD PAR MI 'GYUR TE, SMRA BAR MI 'GYUR GYI, MNGON SUM BZHIN DU DE DAG LA DE KHO NA RTOGS PAR 'GYUR RO ZHES BYA BA YIN NO, ,BRJOD PA'I DON DE DAG KYANG GANG ZHE NA SMOS SO, ,NGES PAR SBYAR BA NI LING NGA'I DON TE, BSGOM PA LA SOGS PA DANG MI MTHUN PA BSGRUB PAR BYA BA'I RANG BZHIN BDAG SGRUB PA'I DON DU SKYES BU 'JUG PAR BYED PA'O, ,SGOM PA NI SGRA DANG DON GYI BYED PAS RNAM PA GNYIS SU 'CHAD PAR 'GYUR RO, ,KHAMS DON NI BYA BA'O, ,SGRUB PA NI SGOM PA DANG NGES PAR SBYOR BA DANG, KHAMS KYI DON RNAMS KYI PHAN TSUN 'BREL BA 'AM, 'BRAS BU DANG 'BREL PA'O ZHES 'CHAD PAR 'GYUR RO ZHES KYI SGRA NI YONGS SU RDZOGS PA'O, ,'KHRUL 'KHOR LA GNAS PA LA SOGS PA 'CHAD PAR 'GYUR BA NI NGES SBYOR GYI DBYE BA KHO NA'O, ,YANG NA, NGES PAR SBYOR DANG BSGOM PA DANG, ,KHAMS DON BSGRUB DANG 'KHRUL 'KHOR LA, ,GNAS PA LA SOGS BRJOD PA RNAMS, ,NGO BOS DON SGRUB BYED MI 'GYUR, ,ZHES BYA BA STE, NGES PAR SBYOR BA LA SOGS PAR BRJOD PA DE DAG NGO BO NYID KYI MTHO RIS KYI DON SGRUB PA'I RGYUR MI 'GYUR TE, DE DAG DANG 'BREL BA'I PHYIR RO ZHES BYA BA LHAG MA YIN NO, ,DE LA GAL TE NGO BO NYID KYIS SGRA RNAMS DON SGRUB PA'I NUS PA YOD NA, DE'I TSE BSHAD PA MI MTHUN PA'I GO SKABS YOD PA MA YIN NO, ,BSHAD PA THA DAD PA YANG YOD PA YIN NO ZHES STON PA NI, DE'I PHYIR ZHES BYA BA'O, ,GANG GANG LA SNANG BA DE DAG GI DON YIN TE ZHES BYANG 'DIS NI 'CHAD PA PO'I BYED PA'I ZHES BYA BA LA SOGS PA'I TSIG RKANG GI DON BRJOD DO, ,CI LTA BA BZHIN SNANG BA ZHES BYA BA NI DE KHO NA CI LTA BA BZHIN MA YIN PA'O, ,DE NYID GSAL BAR BYED PA NI, DON GYI DE NYID NI ZHES BYA BA'O, ,PHAN TSUN 'GAL BA'I BSHAD PA MI MTHUN PA DAG NI, NGAG GCIG LA DE KHO NA YIN PAR MI 'GYUR RO, ,GAL TE DU BA BZHIN DU SGRA YANG SO SOR NGES PA'I DON STON PAR BYED PA NYID MA YIN NAM, DES NA DE SKAD DU CI STE BRJOD CE NA, SGRA DE NI ZHES SMOS SO, ,MI MTHUN PAR ZHES PA NI MI MTHUN TZAM DU YANG MI 'GYUR NA, 'DZUR BA LTA CI SMOS, 'BRAS

BU BRJOD PA NI DON GYI DE NYID KYI ZHES BYA BA STE, BRJOD PAR BYA BA'I DON GYI DE NYID KYI GNAS LUGS NI, DON 'DI KHO NA YIN GYI GZHAN MA YIN NO ZHES BYA BA LA SOGS PA'I RNAM PAR MA YIN NO ZHES BYA BA'I DON TO, ,DE BAS NA NGES PA SPYOR BA NI NGO BO NYID KYIS NGAG GI DON DU GYUR PA MA YIN NO ZHES BSTAN PA'I DON DU NGO BO NYID DU GYUR PA DANG 'GAL BA'I NGO BO NYID MA YIN PA NYID KYIS KHYAB PAR RANG RANG LA SNANG BA'I DON RNAM 'GREL GYIS BSTAN PA NI LAN DU RIGS PA KHO NA'O, ,GAL TE BRDA DANG LDAN PA'I 'BREL BA LAS DON RTOGS PA YIN LA, BRDA YANG MA NGES PA'I RANG BZHIN CAN NYID KYIS NA SKYES BU RNAMS KYIS NGAG GI KHYAD PAR THA DAD PAS THA DAD MA YIN NAM, DES NA DE LA LTOS NAS RTOGS PA YANG GCIG TU BDEN PA'I DON DU NGES PAR 'GYUR RO, ,DES NA THAL BA DANG DE LAS BZLOG PA GNYIS MA NGES PA YIN NO ZHE NA, DE LTA NA NI 'O NA 'BREL BA LHAN CIG SKYES PA YIN YANG CUNG ZAD MI BYED DE, SKYES BU'I BSAM PA'I DBANG GIS GZHAN DU YANG RTOGS PA SRID PA'I PHYIR RO, ,DES NA BDEN PA'I DON LA YID CHES PA MED DO, ,RIGS PA NYID YID CHES PA'I RGYU YIN NO ZHE NA, 'O NA DON 'DI'I TSAD MA GZHAN LAS BSTAN PAR BYA BA YIN PAS, RIG BYED DU SMRAS PAS CHO GA GO, ,DE LTAR SKABS KYIS NYE BAR BKOD PA NGES PAR SBYOR BA LA SOGS PA'I DON SPYI'I NYES PA BZLOG NAS SO SOR YANG GSAL BAR 'DOD PAS, RE ZHIG NGES SBYOR SUN 'BYIN PA NI, GZHAN YANG ZHES BYA BA LA SOGS PA'O, ,RIG BYED KYIS BDAG NYID NGES PAR SBYAR BAR BSAMS PA NI MCHOD SBYIN LA SOGS PA LA 'JUG PA NA 'JUG BYED YIN PA'I PHYIR RIG BYED TSAD MA YIN NO ZHES BYA BA 'DI LA 'DI BSAM PAR BYA BA YIN NO, ,CI NGES SBYOR TZAM LAS 'JUG GAM, 'ON TE MA ZHUGS PA LA NYAM DA BA MTHONG BA LAS YANG NA 'JUG PA LA 'BRAS BU KHYAD PAR CAN MTHONG BA LAS ZHES PHYOGS GSUM MO, ,DE LA DANG PO LA NI NGES PAR SBYOR BA BYED PA'I RIG BYED DE LAS LTA BA GZHAN LAS GNAS PA THAMS CAD KYANG 'JUG PAR THAL BAR 'GYUR RO, ,DE DNGOS YIN PHYIR ZHES BYA BA NI NGES PAR SBYOR BA BYED PA'I RANG BZHIN YIN PAS SO, ,NAM MKHA' GCIG LA GO SKABS 'BYED PAR BYED PA'I RANG BZHIN YIN LA,

, ,GZHAN LA MA YIN PA NI MI SRID DO, ,GZHAN DU ZHES BYA BA NI SBYOR BAR BYED PA MA YIN PAR RO, ,RTOGS NA NI ZHES BYA BA NI SKABS KYIS LTA BA GZHAN DU GNAS PA RNAMS KYIS SO, ,LTA BA GZHAN LA GNAS PA DANG, RIG BYED DU SMRA BA DAG GO RIMS BZHIN DU PHYIN CI LOG PA DANG MA LOG PA'I RNAM PAR GZHAG PA GANG YIN PA, GCIG NYID PHYIN CI LOG YIN NO ZHES BYA BA'I NGES PA DE SUS BYED DE, SUS KYANG BYA BAR MI NUS SO ZHES BYA BA'I DON TO, ,NGES PA MED PA NYID GSAL BAR BYED PA NI, GAL TE PHYIN CI LOG PAS NI ZHES BYA STE, LTA BA GZHAN DU GNAS PA MI 'JUG NA ZHES BYA BA NI LHAG MA'O, ,'JUG PA LA YANG ZHES BYA BA NI RIG BYED TSAD MAR SMRA BA LA YANG NGO, ,'DI ZHES BYA BA LTA BA GZHAN DU GNAS PA'O, ,GZHAN YANG ZHES BYA BA LA DPYOD PA PA YANG DE'I PHYOGS SU LTUNG BA STE, RIG BYED KYI PHYOGS SU LTUNG BAS SO, ,DE LTAR NGES SBYOR GYIS 'JUG PAR KHAS BLANGS NAS SUN PHYUNG BA BRJOD DO, ,DA NI NGES SBYOR GYIS KYANG MI 'JUG GO ZHES STON PA NI, BDAG NGES PAR SBYOR RO SNYAM PA TZAM ZHES BYA BA YIN NO, ,GNYIS PA LA BRJOD PA NI, MNGA' BDAG GTUM POS ZHES BYA BA LA SOGS PA'O, ,GAL TE RIG BYED KYI NGES SBYOR GYIS DE LTA BU NYID DU 'JUG MOD SNYAM NA, TSAD MA GZHAN LAS ZHES SMOS SO, ,NGES SBYOR DES MI 'JUG NA GZHAN GYI TSE LOG PAR LHUNG BA TSAD MAS MTHONG BA YIN NO ZHES BYA BA'I DON TO, ,'DIR NI ZHES BYA BA'I RIG BYED KYI NGES SBYOR LAS MI 'JUG PA LA'O, ,TSAD MA GZHAN NI LOG PAR LTUNG BA'I SGRUB BYED DO, ,DE LTAR NA NI ZHES BYA BA NI GZHAN GYI DOGS PA'O, ,GAL TE MA ZHUGS NA LOG PAR LTUNG BA'I SGRUB BYED KYI TSAD MA GZHAN MED PAS MI 'JUG NA, DE'I TSE NGES PAR SBYOR BA DON MED DO ZHES BYA BA'I THA TSIG GO, ,DES NA MA ZHUGS NA NYAM NGA BA MTHONG NGAM MA MTHONG YANG RUNG STE, DE LTA NA GDON MI ZA BAR 'JUG PAR 'GYUR RO ZHES BYA BA NI GZHAN GYI BSAM PA YIN NO, ,DE LTA YIN NA RIG BYED NYID NAN GYIS 'JUG BYED YIN PAR GNAS PA NA, DE LAS NI THAMS CAD THAL BAR 'GYUR RO ZHES LAN SNGAR BRJOD PA NYID DO, ,'ON KYANG LAN GYI TSUL GYIS GZHAN LA BZHAD GAD BYED PA NI MED MOD

SKYON CI YOD CES BYA BA STE, TSAD MA'I STOBS KYIS 'ONGS PA'I DON MED PA LA DE LTAR KHAS BLANGS PA LAS MA GTOGS PA CI YANG BYAR MED DO SNYAM DU BSAMS PA'O, ,DE LTAR YANG, ,SKYES BUS BYAS PA RNAMS LA NI, ,NYES PA YOD MED RTOGS PA'I RIGS, ,ZHES BYA BA LA SOGS PA KHYOD KYI LUGS YIN NO, ,DES NA 'DI NI RANG GSAD PA'I PHYIR GSHED BYED SLONG BA YIN NO ZHES BZHAD GAD DU BYED PA'O, ,GZHAN DAG DOGS PAR BYED PA NI SKYES BUS MA BYAS PA LA YANG ZHES BYA BA STE, DON MED NA SKYES BUS MA BYAS PA NYID DU MI 'GYUR RO SNYAM DU BSAMS PA'O, ,LAN NI 'DI LA TSAD MA CI YANG MED DO ZHES BYA BA'O, ,SKYES BUS MA BYAS PA LA DON MED PA MA YIN 'THAD DO ZHES BYA BA 'DI LA'O, ,DE LTAR MA MTHONG BA'I PHYIR RO ZHES BYA BA NI, DON DANG MI LDAN PA MA MTHONG BA'I PHYIR TE, 'GAL BA TSAD MAS MA NGES PA'I PHYIR RO, ,SKYES BUS MA BYAS PA GZHAN NI MED LA YOD KYANG DON MED PA MA YIN PAS KHYAB PA MA GRUB PO, ,NGES SBYOR TZAM LA 'JUG NA SGRA GZHAN SMOS PA DON MED DO ZHES STON PA NI, GAL TE ZHES BYA BA'O, ,DON MED PA NI DOGS PA MED PA'O, ,CI'I PHYIR ZHE NA, SBYIN SREG GI ZHES BYA BA LA SOGS PA'O, ,DOGS PA GSUM PA LA LAN SMRAS PA NI, 'O NA NI 'BRAS BU NYID CES BYA BA LA SOGS PA'O, ,NGES PAR SBYOR BAS CI BYA ZHES BYA BA NI, SBYIN SREG GIS SHIG CES BYA BA LA SOGS PAS SO, ,RIG BYED DON MED PA CAN YIN YANG MI RIGS PA MED PAR 'GYUR RO ZHES BYA BA NI MA 'BREL PA NYID BZHIN DU DON MED PA LA YANG MI RIGS PA YOD PA MA YIN GYI, 'ON KYANG RIGS PA KHO NA'O ZHES BYA BA'I DON TO, ,YANG CHOS KYI SGO NAS BRTAGS TE, SUN 'BYIN PA BRJOD PA NGES PAR SBYAR BA NI SKYES BU'O, ,YUL NI MCHOD SBYIN NO, ,NGES SBYOR BYED PO NI SGRA STE 'DI RNAMS GANG RUNG GI ZHES BYA BA'I LHAG MA'O, ,DE'I TSE THAMS CAD LA ZHES BYA BA NGES PAR SBYAR BYA LA SOGS PA GANG RUNG GI CHOS LA'O, ,BSHAD PA'I SGO NAS GSAL BAR BYED PA NI, NGES PAR SBYOR BA SNAM BU LA SOGS PA'I DON BZHIN ZHES BYA BA'O, ,GAL TE MCHOD SBYIN GYI BYA BA LAS DANG BCAS PA YIN PA'I PHYIR, BYED PA PO DANG LAS KYI CHOS SU

, ,RNAM PAR RTOG PA GNYIS RIGS KYI, YUL GYI CHOS RNAM PAR RTOG PA'O, ,CI LTAR ZHE NA BDEN TE NYE BA'I KHYAD PAR YOD PA'I PHYIR RO, ,GAL TE GZHAN DAG NGES SBYAR NI, MCHOD SBYIN LA SOGS PA YUL NYID KYI CHOS 'GA' ZHIG YIN NO ZHES SMRA NA DE'I TSE RNAM PAR RTOG PA GNYIS SUN PHYUNG YANG DOGS PA MI LDOG PA DES NA RNAM PAR RTOG PA GSUM PA YIN TE, RNAM PAR RTOG PA THAMS CAD NI DNGOS PO CI LTA BA BZHIN MA YIN NO, ,NGES PAR SBYAR BYA LA SOGS PA KHO NA'I CHOS YIN NO ZHES BYA BA 'DI GA LAS YIN ZHE NA, DE LA 'DI NI ZHES BYA BA LA SOGS PA'O, ,DE LA RE ZHIG NGES SBYOR NGES PAR SBYAR BYA'I CHOS YIN PA SUN 'BYIN PA NI, DE NI SBYAR BYA'I CHOS YIN NO ZHES BYA'O, ,RJES SU BSGRUB BYA'I RANG BZHIN GYIS NGES SBYOR NYID YIN NO, ,GRUB PA NI NGES PAR SBYAR BYA MA YIN PAS NGES PAR SBYAR BYA SKYES BU BZHIN DU DE'I CHOS KYANG GRUB PA'I PHYIR NA RJES SU BSGRUB BYA NYID DU GA LAS 'GYUR, DE NYID GNYIS SU RNAM PAR BRTAGS NAS SUN 'BYIN PAR BYED PA NI, RJES SU SGRUB PAS NGES PAR SBYAR BYA DE LA'O, ,BYA BA'I KHYAD PAR ZHES BYA BA NI 'DUS BYAS PA'I KHYAD PAR TE, YOD PA LA CHOS GZHAN SGRUB NA ZHES BYA BA'I DON TO, , YONGS SU GRUB ZIN PA LA ZHES BYA BA NI BDAG NYID THAMS CAD KYIS SKYES PA LA'O, ,BYA BA 'DU BYED GZHAN GYIS BYED NA DON GZHAN NYID DU 'GYUR RO, ,RNAM PAR RTOG PA GNYIS PA ZLOG PAR BYED PA NI, RANG GI NGO BO SGRUB PA NI ZHES YA BA'O, ,'GAL BA NI NYAMS PA'O, ,GAL TE SGRUB PA LA RANG BZHIN GZHAN BYED NA CI 'GA' LA ZHE NA, GRUB ZIN PA LA MA GRUB PA GZHAN NI ZHES SMOS SO, ,CI'I PHYIR GRUB PA LA GRUB PA'I RANG BZHIN MI RUNG STE ZHE NA, GANG ZHIG CES BYA BA LA SOGS PA SMOS SO, ,DE DE'I RANG BZHIN YIN TE ZHES BYA BA 'DI NI DE KHO NA DE'I RANG BZHIN YIN NO ZHES NGES PAR GZUNG BA GTZOR BYED PA'I DES NA DE'I RANG BZHIN ZHES BYA BA NI, DE'I RANG BZHIN DU DMIGS PAS KHYAB PO ZHES BRJOD PA YIN NO, ,DES NA GRUB PA LAM GRUB PA'I RANG BZHIN DU DMIGS PA NYID ZLOG PA NA DE'I RANG BZHIN YIN PA SEL BA YIN NO, ,MA GRUB PAR DOGS PAR BYED PA NI,

PHYIS DMIGS PAR 'GYUR RO ZHES BYA BA'O, ,'DI SNYAM DU BSAMS PA YIN TE, GANG ZHIG GANG GI RANG BZHIN DU NAM YANG MA DMIGS PA DE DE'I RANG BZHIN MA YIN MOD, GRUB PA NI MA GRUB PA'I RANG BZHIN DU PHYIS DMIGS PAR 'GYUR RO ZHES BYA BAR RO, ,DE'I ZHES BYA BA GRUB PA'I RANG BZHIN GYI NGO BOR RO, ,PHYIS DMIGS NUS PA MA YIN TE ZHES BYA BA NI, MA GRUB PAR 'DOD PA STE, DE'I TSE GRUB BA ZIN PA 'DAS PA'I PHYIR RO, ,PHYIS KYI DUS LA LTOS NAS DA LTA BAR NI MA GRUB PAR 'DOD PA MA MNGON SUM GYI BLO 'DZIN MOD KYI, 'DAS PA'I RANG BZHIN DANG GCIG PA NYID DU NI MA YIN NO, ,DE BZHIN DU DA LTA BAR 'DZIN PAS KYANG 'BYUNG BA DANG LHAN CIG MI 'DZIN TO, ,'DI GA LAS SHE NA MNGON SUM DA LTA'I RANG BZHIN NI ZHES BYA BA LA SOGS PA'O, ,DA LTA'I RANG BZHIN ZHES BYA BA LA SOGS PA NI RNAM PAR 'GREL PA'O, ,SNGA MA DANG PHYI MA'I RANG BZHIN ZHES BYA BA NI 'DAS PA DANG MA 'ONGS PA'I SKAD CIG MAR GYUR PA'O, ,GANG GI PHYIR SNGA MA DANG PHI MA'I RANG BZHIN MTHONG BA MI NUS PA DES NA, DBANG PO LAS SKYES SHES PA NI SNGA MA DANG PHYI MA DANG LHAN CIG GCIG TU RIG PA MA YIN LA, PHYI MA 'DAS PA DANG LHAN CIG TU RIG PA YANG MA YIN NO ZHES SBYAR RO; ,CI'I PHYIR MNGON SUM GYIS GCIG TU MI RIG CE NA, DBANG PO'I RJES SU 'BRANG BA'I PHYIR NA ZHES GSUNGS TE, 'BYUNG BA DANG 'BYUNG BA DAG LA DBANG PO MI 'JUG PA'I PHYIR, DBANG PO'I RJES SU 'BRANGS PA MA YIN NO, ,DES NA DE DAG GIS MNGON SUM GCIG TU 'DZIN PA MA YIN NO; ,DBANG PO BYED PA MED PAR NI 'DAS PA LA SOGS PA MNGON SUM DU 'GYUR BA MA YIN TE, DA LTAR BA DANG 'BREL BA NI, ,MIG SOGS DAG GIS 'DZIN PA YIN, ,ZHES BYA BA GZHAN GYI YANG GRUB MTHA' YIN PA'I PHYIR RO, ,DE'I PHYIR ZHES BYA BA NI MJUG SDUD PA'O, ,PHYOGS GNYIS PA SPONG BA NI, NGES SBYOR YUL GYI CHOS YIN NA YANG ZHES SBYAR RO, ,DE CI LTAR ZHES BYA BA NI NGES SBYOR DE NGE LTAR ZHES BYA BA 'DI'I 'GREL PA NI RJES SU SGRUB PA'I YUL NYID DU ZHES BYA BA'O, ,SGRA RNAMS KYI RJES SU BSGRUB BYA'I RANG BZHIN DU MI STON PA 'DI NI DON DAM PAR YIN TE LHAG PAR ZHEN

, ,PAS DE BSTAN PA NI, DMIGS PA MED PA KHO NA'O ZHES BYA BAR DGONGS PA'O, ,MTHA' GCIG TU NGES PA'I PHYOGS NYID LA NYES PA 'DIR 'GYUR BA YIN NO SNYAM PAS, GZHAN DAG SMRA BA NI RANG BZHIN 'GA' NI ZHES BYA BA'O, ,DES SBYOR NI RJES SU BSGRUB BYA'I RANG BZHIN DU RTOGS PA YIN ZHING DE LA YOD PA RTOGS PA'I RANG BZHIN TZAM YIN NO ZHE NA, DE YANG MI RIGS TE DNGOS PO CHA MED PA LA DUM BUR RTOGS PA MI 'THAD PA'I PHYIR ZHES BYA BA LA NA GZHAN NAS SUN 'BYIN PA GZHAN BRJOD PA NI, DE NI MA YIN TE ZHES SMOS SO, ,NGO BO ZHES BYA BA SPYIR BSTAN PA NI NGES SBYOR GYI MTHAR THUG PA YIN NO, ,NGO BO DES NGES SBYOR MA YIN NO, ,GANG GIS DE NI YOD MIN PA, ,ZHES BYA BA NI PHYOGS GNYIS PA STE, NYES PA SNGA MA LAS MI 'GREL LO ZHES BYA BA'I THA TSIG GO, ,SUN 'BYIN PA GZHAN BRJOD PAR 'DOD PAS, RANG NYID KYIS GZHAN GYI SMRA BA GSAL BAR BYED PA SMRAS PA NI, DE YI RTOGS BZHIN NYID GRUB CING, ,ZHES BYA BA LA SOGS PA'O, ,DE'I ZHES BYA BA NI NGES SBYOR GYI'O, ,SUN 'BYIN PAR BYED PA NI, DE YI RANG GI NGO BO NI, ,ZHES BYA BA'O, ,NGES SBYOR DE'I RANG BZHIN RJES SU BSGRUB PAR BYA BA NYID YIN NO, ,GZHAN DU ZHES BYA BA NI RJES SU BSGRUB BYA'I RANG BZHIN NYID MA YIN NA, NGES SBYOR NYID DU MI 'GYUR RO, ,'DI NYID GSAL BAR BYED PA NI, ,RTOGS BZHIN PA NYID TZAM ZHIG NI, ,ZHES BYA BA'O, ,DE ZHES BYA BA NI NGES SBYOR RO, ,DE LTA MIN NA MIN ZHES BYA BA NI GZHAN DU NI MA YIN NO ZHES BYA BA'I DON TO; ,RJES SU BSGRUB BYA NYID NGES SBYOR GYI BSGRUB BYA BYED PA YIN NO ZHES BSTAN NAS YANG DE NYID BSTAN PAR BYA BA'I PHYIR GAL TE ZHES SO, ,DE LA ZHES BYA BA NI YUL LA'O, ,RJES SU SGRUB PAR SNANG BA YIN GYI ZHES BYA BA NI, NGES SBYOR GYI MTSAN NYID DO, ,GZHAN MIN ZHES BYA BA RJES SU BSGRUB BYA MA YIN PA NYID DO, ,DON 'DI YIN TE, RJES SU BSGRUB BYA NYID NI MA 'BREL PA RNAM PAR BCAD PA TZAM GYIS NGON 'GRUB PAR 'GYUR BA MA YIN GYI, 'ON KYANG GZHAN DANG LDAN PA RNAM PAR GCOD PAS SO, ,DE LTA MA YIN NA RJES SU BSGRUB BYA MA YIN PA NYID KYI RJES SU 'BRANGS

NAS; RJES SU BSGRUB BYA MA YIN PAR YANG 'GYUR RO, ,DES NA NGES SBYOR NI YUL GYI CHOS MA YIN NO, ,SPYI RIG PA LA MA YIN NO ZHES BYA BA 'DIS NI 'THAD PA BRJOD PA'I DON DU RTOGS BZHIN PA NYID TZAM ZHIG NI ZHES BYA BA SNGAR BSHAD PA NYID DRAN PAR BYED PA YIN NO, ,DE NYID BSHAD PA NI SPYI RIG YIN NA DE LA NI ZHES BYA BA'O, ,DE LA ZHES BYA BA NI SPYI RIG YIN ZHES BYA BA DANG GZHI MTHUN PA'I BDUN PA'O, ,GANG GI PHYIR MCHOD SBYIN LA SOGS PA RJES SU BSGRUB PAR BYA BA'I DON RIG PA MA YIN PAS ZHES BYA BA NI LHAG MA'O, ,DER SMRA BA'I NGES SBYOR NI ZHES BYA BA LA SOGS PA NI MJUG SDUD PA'O, ,'DI YANG DE'I PHYIR ZHES BLTA BAR BYA'O, ,DER SMRA BA'I ZHES BYA BA NI NGES SBYOR NGAG GI DON DU SMRA BA'I 'DOD PA LA NGES SBYOR NGAG GI DON YIN PA DER MI 'GYUR TE, 'GYUR BAR 'OS PA MA YIN NO, ,'DI SPANG BA'I DON DU GAL TE ZHES SMOS SO, ,GANG 'DI'I DON NI 'DI YIN GYI 'DI NI MA YIN NO ZHES BYA BA 'DI LA RTOGS PAR YOD PA DANG MED PA NGES PAR BYED PA NYID LA, RTOGS PA DE YANG YOD PA YIN NO SNYAM DU BSAMS PA'O, ,NGES PAR SBYOR BA LA SOGS PA'I RTOGS PA GSUM GYIS PHYE BA'I NGES SBYOR GYI RTOGS PA NI, GCIG KYANG 'GOD PA YIN NO ZHES BYA BA NI BSDUS PA'I DON TO, ,CI'I PHYIR SKYES BU NGES PAR SBYOR BA POR MI 'DOD CES DOGS PA NA, GZHAN GYIS SMRAS PA NI, RIG BYED KYI SKYES BU LA TSAD MA MED PA'I PHYIR RO ZHES BYA BA'O, ,RIG BYED BYED PA'I SKYES BU GANG YIN DE LA TSAD MA MED PA'I PHYIR RO, ,DE NI MI BDEN TE ZHES BYA BA LA SOGS PA NI LAN SMRAS PA STE, GCIG KYANG YOD PA MA YIN NO ZHES BYA BA DE MA GRUB BO ZHES BYA BA'I THA TSIG GO, ,'DI LTAR GAL TE NGES PAR SBYAR BAR BYA BA DANG, NGES PAR SBYOR BAR BYED PA PO DAG GI RTOGS PA YOD DU CHUG LA DE LTA NA YANG YUL MCHOD SBYIN GYI RTOGS PA YOD PA MA YIN TE, DE'I TSE MED PA'I PHYIR RO, ,RE ZHIG RTOGS PA NI YOD PA NYID DO ZHE NA, GAL TE GANG ZHIG RTOGS PAR BYA BA NYID DU 'DOD PA MED NA, DER RANG GI RANG BZHIN RIG PA YIN, RIG PA YOD DO ZHE NA NI RANG GI NGO BO SUS 'GOG CES BRJOD PA NI, GANG ZHIG RANG GI NGO BO YIS, ,ZHES BYA BA

, ,LA SOGS PA'O, ,DE'I RANG BZHIN LA MA REG PA'I RIG PAS KYANG GAL TE RIG PA YIN NA NI, THAMS CAD KYIS THAMS CAD RIG PAR 'GYUR SNYAM DU BSAMS PA'O, ,DE'I RANG BZHIN MNGON SUM DU BYED PA KHO NA DE RIG PA YIN NO ZHES BSHAD PA NI, RANG GI NGO BO MED PA LA ZHES BYA BA LA SOGS PA'O, ,DE YANG MED LA RANG GI RANG BZHIN RIG PAR 'GYUR MOD 'DI LA YOD CE NA, DMIGS PAR BYED PA DANG DMIGS PAR BYA BA'I RANG BZHIN BRJOD NAS, YOD PA BSGRUB PAR DMIGS PA YOD PA NGES PAR BRJOD DO, ,GANG GI PHYIR DE LTAR YIN PA DE'I PHYIR, DMIGS PA ZHES BYA BA NI YOD PA BRJOD PA YIN LA, DE YANG MED PA'I PHYIR NA 'GAL LO, ,GANG GIS DMIGS PA SHES PA YIN PA DE'I TSE YANG YOD PA ZHES BYA BA YOD PA'I THA SNYAD LA NGES PA YIN NO ZHES BYA BA'I DON TO, ,ZLA BA GNYIS KYIS 'KHRUL PA MA YIN TE, DER GANG ZHIG DMIGS PA DMIGS PA RANG GI RNAM PA DE NI YOD PA KHO NA YIN LA, GANG ZHIG DE MED PA'I PHYI ROL GYI ZLA BA GNYIS PO DE NI DGAG PAR MI BYA BA'I PHYIR RO, ,'GOG NA YANG GZHAL BYA MED KYANG TSAD MAR 'GYUR PAS TSAD MA LA GUS PA THAG RING DU SPANGS PA NYID DO, ,'JIG RTEN NI DPYOD PA DANG BRAL BA'I PHYIR NA SNANG BZHIN PA NYID LA RTAG PAR BSAMS NAS, GANG ZHIG SNANG BA DE NYID MED DO ZHES 'KHRUL PA 'BA' ZHIG ZAD LA 'KHRUL PA RNAM PAR GZHAG PA YANG DE LA LTOS PA NYID DO, ,DE'I PHYIR DMIGS PA NYID YOD PA YIN PA'I PHYIR, DMIGS PA TZAM NYID KYIS YOD PA'I THA SNYAD DU 'GYUR GYI GZHAN LA LTOS PA NI MA YIN NO ZHES BYA BA'I DON TO, ,GAL TE RANG GI NGO BO DNGOS SU RTOGS PAR KHAS BLANGS NA 'DI 'GAL BA YIN NA 'DI NI RTOGS PA TZAM YIN TE, RANG GI NGO BO MNGON DU MA BYAS PAR RANG GI NGO BOR ZHEN PA YIN PA'I PHYIR 'GAL BA GA LAS 'GYUR ZHES BYA BA'I DOGS PA TZAM LA BRTEN NAS MDUN GYI RTZOD PA LA 'JUG PA'I BSAM PAS DMIGS PA TZAM GYIS ZHES GSUNGS SO, ,YOD CES BYA BAR RTOGS PA MA YIN ZHES BYA BA YOD CES BYA BAR NGAS PA YIN PA'O, ,DPER NA RTOGS PA TZAM YIN PA'I PHYIR 'GAL BA MED PA DE BZHIN DU RTOGS PA TZAM YIN PA NYID KYI PHYIR

YUL GYI CHOS CAN YOD PA NYE BAR BRJOD PA MA YIN NA DE'I CHOS NGES SBYOR LTA SMOS KYANG CI DGOS DES NA RTOGS PA DMIGS PA MED PA NYID MI SPONG NGO ZHES BYA BA'I DON TO, ,GAL TE RTOGS PA TZAM GYIS KYANG YOD, NGES PAR BYED MOD CIR 'GYUR ZHE NA, LUNG RNAMS LA NI ZHES GSUNGS SO, , GAL TE RTOGS SO COG GIS DON GNAS NA DE'I TSE LUNG LA BRTEN NAS CHOS CAN GCIG KHO NA LA PHAN TSUN 'GAL BA DE KHO NA LA MNGON PAR ZHEN PA'I BLO SNA TSOGS SU MI 'GYUR TE, GCIG LA 'GAL BA DE KHO NA DU MA NYE BAR 'JOG PA MI 'THAD PA'I PHYIR, BLO GCIG PO 'GA' ZHIG LUS PAR 'GYUR RO, ,DE KHO NA SNA TSOGS SU MNGON PAR ZHEN PA LUNG LA BRTEN PA'I BLO YANG YOD PA YIN NO, ,DE'I PHYIR RTOGS SO COG GIS DON GNAS PA MA YIN NO, ,RGYU'I DRI MAS ZHES BYA BA NI GZHAN GYIS SMRAS PA'O, ,RGYU BYED PA PO'I NYES PA CHAGS PA LA SOGS PA DES SBAGS PA NI SKYES BU'I LUNG NGO, ,DE LAS BZLOG PA RIG BYED LAS GTOGS PA NI DON GYI GZHAN DBANG NYID DO ZHES BYA BA'I DON TO, ,MIN ZHES BYA BA NI DGAG PA PO'I GTAN TSIGS BRJOD PA NI, 'JIG RTEN RJES 'BRANGS ZHES BYA BA LA SOGS PA'O, CI LTAR NA RIG BYED LAS 'JIG RTEN GYI RJES SU 'BRANGS PA KHO NAS RTOGS SHE NA, SGRA DON 'JIG RTEN NA SRID PHYIR, ,ZHES SMOS SO, ,SGRA DANG DON DAG GNAS LAS LHUNG BAR 'DOD PA NI 'GA' NA YANG MED DO, ,DE DAG 'JIG RTEN NA SRID PA YANG CI LTAR ZHE NA, 'JIG RTEN MCHOD SBYIN LA SOGS PA DMIGS PAS SO, ,MCHOD SBYIN LA SOGS PA'I SGRA NI RJOD BYED DANG MAR BLUGS PA LA SOGS PA BRJOD PAR BYA BA NI, 'JIG RTEN NYID NA DMIGS PA YIN NO, ,DES NA 'JIG RTEN GYI THA SNYAD SNGON MTHONG BA'I RJES SU 'BRANGS PA NYID KYIS SGRA DON PHYIS GNAS PA YIN NO, ,DE LAS SKABS LA CIR 'GYUR ZHE NA, SNGON MTHONG ZHES SMOS SO, ,DPER NA 'JIG RTEN PA'I SGRA LAS RTOGS PA DON SGRUB PAR BYED PA MA YIN PA DE BZHIN DU RIG BYED PA'I SGRA LAS KYANG, 'DOD CHAGS LAS BSLAD PA'I 'JIG RTEN GYI RJES SU 'BRANGS NAS BLO SKYE BA NA DON SGRUB PAR BYED PA MA YIN NO, ,'JIG RTEN LA MA LTOS NA NI

, ,RIG BYED LAS RTOGS PA MI SRID PA'I PHYIR MI SRID PA'I MTSAN NYID KHO NA TSAD MA YIN PAR 'GYUR RO ZHES BYA BAR DGONGS PA'O, ,SNGAR SHIN TU CHER GOMS PA'I BAG CHAGS KYI DBANG DU BYAS PA'I YID CAN DAG BLO GZHAN DU 'GYUR BAR MTHONG NGO ZHES STON PA NI 'DOD DANG ZHES BYA BA'O, ,'DOD PA'I 'BRAS BU BSGRUB PAR MTHONG BA MED DO, ,YANG NA, BLO SNGON RJES SU 'BRANG BA NI, ,MTHONG BA 'DOD PA'I SGRUB BYED MIN, ,SBYAR BAR BYA'O, ,RNAM PA GZHAN YANG BRJOD PA NI NGAG DANG TSIG DON BYA BA'O, ,NGAG DANG TSIG DON NYE BAR BSLAD PA NI DON GZHAN LA GRAGS PA DON GZHAN LA SBYOR BA YIN NO, ,DE LA DUS THA DAD PAR GO'I SGRA'I DON DGU LA GRAGS PA YIN LA, DA LTA NI MDA' LA YANG MTHONG NGO, ,YUL THA DAD PAR NI KA LI DANG MA RI LA SOGS PA'I SGRA RTZOD PA'I DUS LA SOGS PA LA GRAGS PA GZHAN DU MI SMYO BA LA SOGS PA LA MTHONG NGO, ,CHIG BSLAD NA NI NGAG BSLAD PA NI YANG RNYED PAR SLA STE, DE NI DE TSOGS PA YIN PA'I PHYIR RO, ,CI LTAR 'JIG RTEN GYI RJES SU 'BRANGS NAS MCHOD SBYIN LA SOGS PA'I DON MAR GYI SREG BLUGS LA SOGS PA LA BRTAGS PA DE BZHIN DU SNGAR DON GZHAN LA GRAGS PA NYID DA LTAR DON 'DI BRJOD PA YIN NO ZHES CI'I PHYIR MI RTOGS, 'DIR GZHAN GYIS SMRAS PA NI RIG BYED DE LA RMONGS PA LA SOGS ZHES BYA BA NI PHYIN CI LOG LA SOGS PA BSAMS PA'I NYES PA 'GA' YANG MED DE, BYED PA PO'I MED PA'I PHYIR RO, ,SGRA GANG LAS BYED PA PO SRID PA DE LA NI PHYIN CI LOG LA SOGS PA BSAM PA NYES PA YOD PA YIN NO, ,DES NA MI 'DOD PA'I DON LA 'JUG PAR DOGS PAS TSAD MA MA YIN NO, ,RIG BYED LA NI DE MED PA'I PHYIR TSAD MA MA YIN PA MA YIN NO ZHES BYA BA'I DON TO, ,LAN DU YANG ZHES BYA BA SMOS SO, ,RIG BYED KYI YUL LA MA RTOGS PA ZHES BYA BA PHYIN CI MA LOG PA'I DON RTOGS PA MED PA NYID KYIS SKYON 'GA' ZHIG JI LTAR 'DOD PA MA YIN TE, 'ON KYANG THAMS CAD 'DOD PA KHO NA'O, ,DPER NA 'DOD CHAGS DANG ZHE SDANG LA SOGS PA SKYES BU'I CHOS GZHAN DU 'JUG PA'I RGYU YIN PA DE BZHIN DU SKYES BU'I CHOS YANG DAG PAR RTOGS PA YANG PHYIN CI

MA LOG PAR BRJOD PA'I RGYU YIN NO, ,DES NA GAL TE RNAM PA THAMS CAD DU SKYES BU LOG NA DE'I TSE BDEN PA'I DON NYID MA YIN LA LOG PA'I DON YANG MA YIN GYI, 'ON KYANG RIG BYED DON MED PA KHO NAR 'GYUR RO, ,DES NA 'DOD CHAGS LA SOGS PAS BSLAD PA'I YID LA SKYES BU LA SOGS PAS BYAS PA'I BRDA TZAM GYIS RJES SU 'GRO BA DON DU SNANG BA NI, RTZVA'I MTHO YOR LA SOGS PA BZHIN DU RIG BYED KYI NGAG LA TSAD MAR 'JOG PAR BYED PA MA YIN NO, ,DES NA RIG BYED KYI NGAG THOS PA NA DON DU SNANG BA NI, RTZVA'I MTHO YOR LA SOGS PA BZHIN DU 'DOD CHAGS LA SOGS PAS NYE BAR BSLAD PAS BYAS PA'I BRDA TZAM GYI RJES SU 'GRO BA NI TSAD MAR 'GYUR BA MA YIN NO SNYAM DU DGONGS PA'O, ,SKYES BUS BYAS PA BZHIN DU SKYES BUS MA BYAS PA YANG BSAM PA'I NYES BAS DNGOS PO DANG, 'BREL NYAMS PA'I PHYIR TSAD MA MA YIN NO ZHES STON PA NI, 'JIG RTEN BSAM PA'I NYES PA'I SA, ,ZHES BYA BA'O, ,BSAM PA'I NYES PAS SGRA TSAD MA MA YIN NO, ,'JIG RTEN NA GANG BRJOD PA DE NI DNGOS PO DANG 'BREL PA NYAMS PA'I PHYIR YIN LA, DNGOS PO'I 'BREL PA NYAMS PA 'DI NI RIG BYED LA YANG MTSUNGS PA'I PHYIR, CI LTAR RIG BYED TSAD MA YIN, GAL TE ME LA DU BA BZHIN DU SGRA DANG DON DAG GI 'BREL PA DNGOS PO NYID YIN NA, DE'I TSE SKYES BU'I 'DOD PAS MI 'JUG PA'I PHYIR SGRA THAMS CAD TSAD MAR 'GYUR RO, ,'ON TE 'DOD PA LA RAG LAS PA NYID BZLOG TU MED NA 'O NA NI 'BREL PA DNGOS PO PA MA YIN PA'I PHYIR SKYES BUS BYAS PA DANG, MA BYAS PA DAG LA KHYAD PAR CI YOD SNYAM DU BSAMS PA'O, ,GAL TE 'JIG RTEN NYID KYI NGAG DANG TSIG DON BSLAD PAR MTHONG BA MA YIN NAM, DE JI LTAR DE'I RJES SU 'BRANGS NAS RIG BYED LA YANG BSLAD PA SRID DO ZHES BRJOD CES DOGS NA, NGAG DANG TSIG DON 'JIG RTEN NA, ,ZHES SMOS SO, ,NGAG DANG TSIG TU GYUR PA'I SGRA GANG DAG LA DON BSLAD PA MTHONG BA'I SGRA DE NYID RIG BYED LA YANG YIN NA, RIG BYED LA YANG JI LTAR BSLAD PA MI SRID, DE LTAR RIG BYED SKYES BUS MA BYAS PA YIN YANG BSLAD PA SRID PAS BSAD PA'I TSAD MA NYID YANG RNAM PA GZHAN GYIS GSO BA'I PHYIR, GZHAN DAG GIS SMRAS PA NI RIG BYED

, ,RANG NYID LAS ZHES BYA BA'O, ,RANG NYID MI 'JUG PA'I PHYIR ZHES BYA BA NI, MCHOD SBYIN LA SOGS PA SKYES BU'I DON BYED PA LA MI LTOS PAR RANG NYID 'JUG PA MA YIN LA, SKYES BU YANG RANG NYID MCHOD SBYIN LA SOGS PA RTOGS PAR CI LTAR NUS, MI SLU BA DANG 'BREL PA'I DON CAN GYI RIG BYED KYIS BSKUL NA NI MCHOD SBYIN LA SOGS PA LA 'JUG PAR 'GYUR RO, ,DES NA RIG BYED TSAD MA YIN NO ZHES RIGS SO ZHE NA, LAN 'DI NI LUNG THAMS CAD LA ZHES BYA BA'O, ,'DIR RIG BYED LA TSAD MA'I RGYU MTSAN LHAN CIG YOD CES BYA BA'I THA TSIG GO; ,'DI NYID GZHUNG 'DZUGS PA NI LUNG THAMS CAD LA YANG ZHES BYA BA LA SOGS PA'O, ,LUS RNAMS LA SO SOR NGES PA'I DON GANG YIN PA DE DAG GIS NANG GI RNAM PAR DBYE BA KHYAD PAR MCHOD SBYIN DANG, RNAL 'BYOR DANG, LHAG PAR GNAS PA LA SOGS PA'O, ,SKYES BU TZAM GYIS ZHES BYA BA NI, GANG GI TSE SHIN TU DBANG PO LAS 'DAS PA MTHONG BA YIN NA DE'I TSE NUS MOD KYI 'ON KYANG RIG BYED KYANG DE LTAR THAL BAS NA, SKYES BUS MA BYAS PAR KHAS LEN PA LEGS PA MA YIN NO, ,PHYOGS GZHAN BSHAD PA NI YANG NA ZHES BYA BA'O, ,DRAN PAR BYED PA ZHES BYA BA NI DE'I YUL CAN GYI YID LA BYED PA 'JUG PA'O, ,'DI LTAR BSAM PA YIN TE, MCHOD SBYIN LA SOGS PA SGRUB PAR BYED PA DANG, MTHO RIS LA SOGS PA BSGRUB PAR BYA BA GNYIS 'DIR THOB PA YIN NO, ,DE LA 'DI LTAR MCHOD SBYIN BYA'O ZHES DGOD PA TZAM LA NI THAL BA YANG NUS PA NYAMS PA MAD DO, ,DE'I BYED PA'I 'BRAS BU MTHO RIS YIN NO ZHES BYA BAR NGES NA NI MI NUS PAR 'GYUR RO, ,DE'I 'BRAS BUR BRJOD PA NI DGAG PAR YANG MI NUS SO, ,DES NA NA RMONGS PAS SAM, BSLU BA'I BSAM PAS BRJOD PAR SLA ZHING, MI SLU BA LA NGES PA'I PHYIR TSAD MA MA YIN PA YANG SLA'O, ,MCHOD SBYIN LA SOGS PA'I DON BYA BA'I BDAG NYID MTSUNGS PA DE'I KUN GYIS BYED PA NI MA YIN GYI 'ON KYANG DBANG PO LAS 'DAS PA MTHONG BAR BYED PA'AM, PHYOGS GZHAN LA NI, SPYOD PA'I RANG BZHIN CAN SEMS MA YENGS PAR BYED PA DE RIG BYED LA YANG MI MTSUNGS

SAM STE, MTSUNGS PA KHO NA'O, ,DES RIG BYED DANG RIG BYED MA YIN PA DAG TSAD MA MA YIN PAR MTSUNGS PA KHO NA'O SNYAM DU BSAMS PA'O, ,'DI LA GZHAN GYI DOGS PA NI, ,DAM PAS BRTZI BA MIN ZHE NA, ,ZHES BYA BA STE, SKABS KYIS RIG BYED LAS GZHAN PA'I LUNG DAG LA'O, ,DES NA DAM PAS BRTZI BA'I RIG BYED KHO NA TSAD MA YIN NO, ,GAL TE LUNG DE DAG KYANG DAM PA NYID KYIS BRTZI BA MA YIN NAM ZHE NA, DE LTA MA YIN TE, TSAD MAR GYUR PA'I RIG BYED LA BRTZI BA'I BRAM ZE NYID DAM PA YIN NO ZHE NA, LAN DU DE LTA YIN NA PHAN TSUN BRTEN PAR 'GYUR BA YIN NO, ,'DI NYID GSAL BAR BYED PA NI, DAM PA RIG BYED DON SPYOD LAS, ,ZHES BYA BA LA SOGS PA'O, ,DE'I ZHES BYA BA RIG BYED KYI'O, ,DES SPYOD LAS ZHES BYA BA NI DAM PAS SPYOD PA LAS SO, ,'ON TE RIG BYED DU GYUR PA'I TSAD MA LAS ZHES KHYAD PAR DU BYED NA SKYON 'DIR 'GYUR GYI, 'ON KYANG DAM PA NI BRAM ZE TZAM YIN NO ZHE NA, DE LTA NA 'O NA BRAM ZE MA YIN PA KHO NA DAM PA YIN NO ZHES BRJOD NA, KHA YON POR MI 'GRO'O SNYAM DU BSAMS NAS, DAM PAS BRTZI BAR YANG MTSUNGS SO ZHES STON PA NI, GZHAN YANG ZHES BYA BA'O, ,RIG BYED LAS GZHAN PA'I LUNG NI LUNG GZHAN TE, DE DANG 'BREL PA DE LA MNGON BAR ZHEN PA LA GANG LA YOD PA DE DAG LA DE SKAD CES BYA BA'O, ,GZHAN GYIS SMRAS PA, MI 'GYUR BA NI NYID CE NA, ,ZHES BYA BA STE, BRAM ZE'I NYID DU ZHES BYA BA NI LHAG MA'O, ,DE GA LAS SHE NA, BSHAD PA BRAM ZE DE DAG NI SDIG LA ZHES BYA BA LTA BA GZHAN LA MI DGA' BAS SO; ,LAN DU SDIG DANG ZHES BYA BA LA SOGS PA'O, ,'DI NI SDIG PA'I LTA BA YIN LA 'DI NI GZHAN YIN NO ZHES NGES PA LA TSAD MA NI 'GA' YANG MED DE, ,DE NYID KYI DON DU DPYOD PA LA 'JUG PA'I PHYIR RO, ,LTA BA NYID SDIG PA MA YIN MOD GANG LAS LUNG GZHAN LA YANG BRAM ZE BRTZI BAR 'GYUR BA LTA BA GZHAN LA 'JUG NA SKYES BU NYID SDIG PA YIN PA'I PHYIR BRAM ZE YIN NO ZHE NA, 'DIR YANG GAL TE LTA BA'I SKYON GYIS SDIG PA MA YIN NA, DE'I BRAM ZE MA YIN PA'I NYES PAS SDIG PA YIN NO ZHES BYA BAR 'GYUR BAS, SLAR PHAN TSUN BSTEN PAR 'GYUR RO ZHES STON PA NI, BRAM ZE MIN

, ,PAS SDIG BDAG NYID, ,SDIG BDAG YIN PHYIR BRAM ZE MIN, ,ZHES BYA BA'O, ,DE LTAR RE ZHIG MA DPYAD NA DGA' BA'I BRAM ZE NYID KHAS BLANGS NAS SUN 'BYIN PA BRJOD DO, ,DA NI GANG LAS SUS 'GOG CES BRJOD PA NI, GANG ZHIG RANG GI NGO BO YIS, , ZHES BYA BA LA SOGS PA'O, ,DE'I RANG BZHIN LAS MA REG PA'I RIG PAS KYANG GAL TE RIG PA MA YIN NA NI THAMS CAD KYIS THAMS CAD RIG PAR 'GYUR RO SNYAM DU BSAMS PA'O, ,DE'I RANG BZHIN MNGON SUM DU BYED PA KHO NA DE RIG PA YIN NO ZHES BSHAD PA NI, RANG GI NGO BO MED PA LA, ,ZHES BYA BA LA, DE DAG DAM PA YIN PAS, DE DAG GIS BRTZIS PA'I RIG BYED TSAD MAR 'GYUR BA BRAM ZE DE NYID RNAM PAR DPYOD NA MI GNAS SO ZHES STON PA NI GZHAN YANG ZHES BYA'O, ,BRAM ZE LA SOGS PA'I ZHES BYA BA LA SOGS PA'I SGRAS NI RGYAL RIGS LA SOGS PA'O, ,BYA BA NI 'DOD PA LA SOGS PA'O, ,SOGS PA'I SGRAS NI BRAM ZER SGRUB PA'I 'DU BYED PA SGRUB PA LA SOGS PA'O, ,'GREL PA NUS PA KHYAD PAR DU 'PHAGS PA DANG LDAN PA ZHES BYA BA 'DIR YANG 'DU BYED LAS RTOGS PAR BYA STE, RIGS NGES PA DANG BRAL BA'I LEGS PAR BYED PA 'ANG MED PA NYID CES 'CHAD PAR 'GYUR BA'I PHYIR RO, ,DE NYID CES BYA BA NI GANG ZHIG BRAM ZE YIN PAR MNGON PAR 'DOD PA DE NYID DO, ,DE NYID GSAL BAR BYED PA NI, ,KHU YU LA SOGS PA'I ZHES BYA BA'O, ,DE NYID KYI PHYIR ZHES BYA BA NI GZHAN GYI'O, ,LAN NI MNGON SUM DON LA ZHES BYA BA LA SOGS PA'O, ,CI'I PHYIR NYE BAR BSTAN PA TSAD MAR MI RUNG ZHE NA, NYE BAR BSTAN PA 'JIG RTEN NA, ,ZHES SMOS SO, ,GZHAN DU'ANG ZHES BYA BA NI DON DAM PAR YANG NGO, ,GAL TE ZHES BYA BA LA SOGS PA NI RNAM PAR 'GREL PA'O, ,DE LTA YIN NO ZHE NA ZHES BYA BA NI GZHAN GYI NYE BAR BSTAN PA CHEN PO YIN NA, DE'I TSE NYE BAR BSTAN PA LAS THE TSOM DU ZHES BYA BA LA SOGS PA'O, ,DE NYID KYI PHYIR ZHES BYA BA NI GZHAN GYI'O, ,NYE BAR BSTAN PA MNGON SUM LA LTOS SO ZHES BYA BA'I THA TSIG GO, ,SNGAR NI MNGON SUM GTZO BO YIN LA NYE BAR BSTAN PA NI GROGS

YIN NO, ,DA LTE NI BZLOG PA YIN NO, ,LAN NI GAL TE ZHES BYA BA'O, ,GAL TE NYE BAR BSTAN PA LA MI LTOS PAR MNGON SUM BRAM ZE LA SOGS PA'I MTSAN NYID KYI DON SGRUB PAR BYED PA YIN NA, DE'I TSE NYE BAR BSTAN PA BDEN PA NYID DU SGRUB PAR NUS PAR 'GYUR RO, ,DE LTA MIN NA MIN ZHES BYA BA NI GAL TE MA LTOS PAR DON SGRUB MI NUS NA DE'I TSE NYE BAR BSTAN PA BDEN PA NYID DU SGRUB PA YANG MI NUS PA KHO NA'O, ,GZHAN DU MIN ZHES BYA BA 'DI NYID RNAM PAR 'GREL PA NI, GANG GI TSE ZHES BYA BA LA SOGS PA'O, ,DE 'DRA BA NYID DO ZHES BYA BA NI NUS PA MED PA NYID DO; ,GZHAN DOGS PAR BYED PA NI TSOGS PAS ZHES BYA BA STE GNYI GAS SO, ,LAN DU DE NI MED DE ZHES BYA BA LA SOGS PA'O, ,'DIR YANG NI ZHES BYA BA NI MNGON SUM DANG NYE BAR BSTAN PA TSOGS PA LA'O, ,GAL TE 'BRAS BU MTHONG BA LAS KYANG TSOGS PA YIN NO ZHES NGES PAR MI NUS PA MA YIN NAM, DES NA CI LTAR THAMS CAD 'BRAS BU MTHONG BA LAS TSOGS PA YIN NO ZHES SMOS, RTOGS ZHES BRJOD CE NA BUM PA DANG ZHES BYA BA LA SOGS PA SMOS SO, ,GZHAN DU NI ZHES BYA BA NI NAS KYI MYU GU LA'O, ,CI'I PHYIR ZHE NA, DER NI ZHES BYA BA LA SOGS PA'O; ,DE NYID YIN PA NI TSOGS PA NYID YIN PAR MTHONG BA'I PHYIR RO, ,'O NA MNGON SUM DANG NYE BAR BSTAN PA TSOGS PA LA YANG 'BRAS BU YOD PA KHO NA'O ZHES DOGS PA LA PHYED PHYI MA RNAM PAR 'GREL PA NI, 'DIR NI ZHES BYA BA LA SOGS PA'O, ,DE BZHIN DU ZHES BYA BA NI MYU GU LA SOGS PA BZHIN DU'O, ,GAL TE YID CHES PAS BRJOD PA NA, 'DI NI BRAM ZE'O ZHES BYA BA NGES PAR 'GYUR BA MA YIN NAM, 'DIR NI DE BZHIN DU ZHES BYA BA LA SOGS PA CI STE BRJOD CE NA, DE LTAR MA YIN TE NGES PA MED PA'I PHYIR TE, SPYOD PA'I NGANG TSUL CAN LA THE TSOM YANG MI 'THAD PA'I PHYIR RO, ,SA BON LA SOGS PA'I TSOGS PA YOD NA NI, THE TSOM STONG BYUNG YANG MYU GU SKYE BA NYAMS PA NI MED DO, ,NGES PAR SNANG BA GANG YIN PA DE YANG NYE BAR BSTAN PA LA YID CHES PAS SKYED PA NYID DO, ,MNGON SUM GYI BYED PA NI CHOS CAN GYI RANG BZHIN LA MNGON DU PHYOGS PA

, ,TZAM LA YIN GYI, RIGS NGES PA DANG RJES SU MTHUN PA'I KHYAD PAR LA NI MA YIN NO, ,DE NYID KYI PHYIR NYE BAR BSTAN PA MI BDEN PAR DOGS PA LA MNGON SUM NI CUNG ZAD KYANG BYED PA MA YIN NO, ,GANG DU RIGS NGES PA DANG RJES SU MTHUN PA'I KHYAD PAR LA MNGON SUM 'JUG PA DER NYE BAR BSTAN PA MI BDEN PAR DOGS KYANG RIGS NGES PAR 'GYUR BA NYID DO ZHES STON PA NI, GANG GI TSE GSER LA SOGS PA ZHES BYA BA'O, ,MNGON SUM DU MTHONG BAS ZHES BYA BA NI MNGON SUM GYIS BSREG PA LA SOGS PAS DAG PAR MTHONG BAS SO, , RIGS KYIS NYE BAR BSTAN PA LA YANG DE BZHIN KHO NAR 'GYUR RO ZHE NA, DE BZHIN DU RIGS KYIS ZHES BYA BA LA SOGS PA'O, ,MNGON SUM KHYAD PAR JI LTA BU ZHIG GIS SHE NA, BDEN PA'I RIGS KYIS RANG BZHIN GYIS 'DZIN PA'I RNAM PA CAN GYIS SO, ,GAL TE GSER LA YANG BSREGS PAS DAG PA LA SOGS PA MA RTOGS PA'I RIGS LA DMIGS PA MA YIN NAM ZHE NA, GSER LA SOGS PA LA NI ZHES GSUNGS SO, ,RANG BZHIN GYI KHYAD PAR NI BSREGS PAS DAG PA LA SOGS PA GSER DU RNAM PAR GZHAG PA DANG RJES SU MTHUN PA'O, ,DES NA DE BZUNG BA NYID KYIS RIGS 'DZIN PA YIN NO ZHES BYA BA'I DON TO, ,SKABS SU BAB PA LA YANG DE BZHIN DU 'GYUR RO ZHE NA, 'DIR NI ZHES SMOS TE, BRAM ZE LA SOGS PA'I GONG BU LA'O, ,'DI LTA BUR GYUR PA NYID NI ZHES BYA BA NI BSREGS PAS DAG PA LA SOGS PA LTAR, DMANGS RIGS LA SOGS PA DANG THUN MONG MA YIN PA'I CHOS LTA BAR MI NUS PA'I PHYIR RO, ,RKANG PA BRKYANG PA NI THABS MI TSOL BA STE, DE TZAM SKYABS MA YIN NO, ,'O NA KHA DOG DANG DBYIBS LA SOGS PA THUN MONG PA DANG LDAN PA GZHAN YANG BRAM ZER 'GYUR MOD, 'DI TZAM GYIS NGED KYI BRAM ZER NYAMS PA MED DO ZHE NA, DON DAM PA'I ZHES SMOS TE, GANG GI TSE BRAM ZE MA YIN PA LAS RNAM PAR BCAD PA'I BRAM ZE GNAS PA MED PA DE'I TSE, BRAM ZE LA BYIN PA 'BRAS BU CHE'O ZHES BRJOD PA NI, 'JIG RTEN PHA ROL DON DU GNYER BA LA 'KHRUL PAR 'GYUR RO, ,JI LTAR BRAM ZE DON DAM PA MA

YIN PA DE BZHIN DU 'JIG RTEN PHA ROL YANG 'GYUR RO SNYAM DU BSAMS PA'O, ,GAL TE DE LTA NA GSER BYIN PA 'BRAS BU CHE'O ZHES BYA BA YANG 'KHRUL PAR 'GYUR TE, GSER GYI RIGS KYANG BRTAG MI BZOD PA'I PHYIR RO ZHES ZER BA'I RKANG PA BKRUS MA THAG PA LA GSER NI ZHES SMOS SO, , RIGS SO SOR NGES PA RTOGS PA MED PAR MTSUNGS KYANG THUN MONG MA YIN PA'I CHOS DMIGS PA DANG MA DMIGS PAS BYAS PA NGAG MTHUN PA DANG MI MTHUN PAS YIN NO ZHES BYA BA'I DON TO, ,DES NA RIGS NGES PA LA NYE BAR BSTAN PA MI BDEN PAR DOGS PA NA, MNGON SUM NUS PA YOD PA MA YIN PA'I PHYIR TSOGS PAR SMRA BA LEGS PA MA YIN NO, ,'DI'I PHYIR YANG MNGON SUM NUS PA MA YIN NO ZHES STON PA NI, GZHAN YANG ZHES BYA BA'O, ,DER ZHES BYA BA BRAM ZER DOGS NA'O, ,RIGS KYI NYE BAR BSTAN PA GZHAN NI SNGAR ZHUGS PA'O, ,THABS GZHAN NI MED DO ZHES BYA BA SPYIR 'GOG KYANG MNGON SUM 'GOG PAR LHUR LEN PA'O, ,GAL TE MNGON SUM NUS PA YIN NA NI RIGS LA SOGS PA RTOGS PA DON MED DO SNYAM DU DGONGS PA'O, ,'DI NI NYE BAR BSTAN PA TZAM YANG NUS PA MED DO ZHES BSTAN PA YIN TE, DE'I TSE YANG DOGS PA SNGON DU SONG BA'I RIGS LA SOGS PA BRTAGS PA DON MED PA'I PHYIR RO, ,DE NYID KYI PHYIR BYA BA'I PHYOGS SUN DBYUNG BA'I PHYIR RTZOD PA SLONG BA NI, 'ON TE ZHES BYA BA LA SOGS PA'O, ,BRAM ZE LA SOGS PA'I RIGS KYI MTSAN NYID GRUB PA YIN NA, 'DON PA DANG 'DON DU 'JUG PA LA SOGS PA'I MTSAN NYID KYI BYA BA BYED PA YIN NA, BRAM ZE LA SOGS PA NI CI LTAR YANG TSAD MA'I SPYOD YUL DU GYUR PA MA YIN NO, ,BYA BA LAS NI BRAM ZE LA SOGS PA'I MTSAN NYID DU 'GYUR BA MA YIN TE, DE LTA YIN NA NI THAMS CAD BRAM ZE NYID DU THAL BA'I PHYIR RO, , 'DU BYED PA'I PHYOGS KYANG SUN 'BYIN PA NI, RIGS NGES BRAL BA'I ZHES BYA BA'O, ,RIGS NGES BYED PA MED PA STE, BYA BA LAS NGES PA DANG BRAL BA ZHES BSHAD ZIN TO, ,YANG CI'I PHYIR BYA BA DANG 'DUS BYAS LA SOGS PA LAS, BRAM ZE NYID LA SOGS PA MA YIN ZHE NA, RIGS

, ,NGES PA DANG BRAL BA'I ZHES SMOS SO, ,RIG BYED 'DON PA DANG BSTAN BCOS LA SOGS PA NYAN PA'O, ,THA MA BYED PA DANG 'DU BYED PA'I PHYOGS DAG KYANG RIGS DPYAD PAR SUN PHYUNG BA YIN TE, RIGS LA BRTEN PA NYID KYIS SUN PHYUNG BA'I PHYIR RO, ,YANG TSOGS PAR SMRA BA RNAMS LA GZHAN GYI SGO NAS GSAL BA'I BSHAD PA LA, GZHAN YANG, ,GAL TE MNGON SUM YAN 'GAR BAS, ,RIGS NI RTOGS PA NYID GYUR NA, ,TSIG LAS NI DE MI RTOGS PA YANG 'GAL BA MED PA MIN PAR 'GYUR TE, 'GAL BA YOD PAR 'GYUR RO, ,RE ZHIG DANG POR ZHES BYA BA LA SOGS PA NI GAL TE ZHES BYA BA LA SOGS PA'I TSIGS SU BCAD PA LA 'JUG PA'O, ,LHUR BYA BA'I DON 'DI YIN, GNYIS PO SO SOR RJES SU 'GRO BA DANG LDOG PA NGES PA NA TSOGS PAR GZHAG PA YIN NO, ,'DIR NI DE LTAR RJES SU 'GRO BA DANG LDOG PAR NGES PA MED DO, ,NYE BAR BSTAN PA NI MNGON SUM GCIG PU'I SKYABS CAN YIN PA'I PHYIR MNGON SUM GYI PHUNG PO NYID LA BRTEN PAR 'GYUR NA, GANG GI TSE MNGON SUM NUS PA MED PA DE'I TSE NYE BAR BSTAN PA LAS LOGS SU SKYES BU'I BYED PA MED PAS NI DON GRUB PA GANG YIN YANG CI LTAR NYE BAR BSTAN PA GCIG PU'I SKYABS CAN YIN NO ZHE NA, BRJOD PA DE YANG ZHES SMOS SO, ,DMIGS PA NI NYAMS SU MYONG BA'O, ,CI'I PHYIR ZHE NA, MA SHES PAR ZHES SMOS TE, SKYES BU'I TSIG NI NGES PA SKYED PAR BYED PA MA YIN NO ZHES SBYAR RO, , KHYAD PAR CI 'DRA BA'I SKYES SU GCIG CE NA, MA SHES PA ZHUGS PA STE, MYONG BA MED PAR ZHUGS PAS SO, ,GAL TE SNGAR RIGS LA NYAMS SU MYONG BA ZHUGS NA 'O NA DE NYID LA RIGS NGES LA RAG MOD YU BU LA SOGS PAS CI BYA ZHES BSHAD PA NI, CI LTAR ZHES BYA BA'O, ,DE'I PHYIR NYE BAR BSTAN PA NI MNGON SUM GCIG PU SKYABS SU GYUR PAR GRUB PO, ,MNGON SUM NI NAM YANG RIGS LA ZHUGS PA MED KYI 'ON KYANG RUS DANG BYA BA LA SOGS PA KHO NA LA ZHUGS PA YIN NO, ,YONGS SU SHES PA NI MYONG BA'O, ,GAL TE BYA BA DANG 'DU BYED LA SOGS

PA LA MNGON SUM 'JUG PAR RIGS PA YIN GYI RUS LA NI YONGS SU SHES PA TZAM NYID DU ZAD DO ZHE NA, BDEN TE DE NYID KYI PHYIR YONGS SU SHES PA 'AM DMIGS PA ZHES SPYIR BSTAN PA YIN NO, ,GZHAN GYIS SMRAS PA, RUS DANG 'DU BYED LA SOGS PA DE NYID RIGS YIN NO ZHE NA ZHES BYA BA'O, ,DES NA RIGS NI MNGON SUM GYIS GRUB PA KHO NA'O SNYAM DU BSAMS PA'O, ,LAN BTAB ZIN TO ZHES BYA BA NI BYA BA DANG 'DU BYED PA'I CHA LA LTOS NAS SO, ,DE LA BYA BA LA LTOS NAS NI DNGOS SU LAN DRAN PAR BYAS PA YIN LA, 'DU BYED PA LA LTOS NAS NI DE NYID NYE BAR MTSON PAR BYED PA YIN NO, ,DE NYID NI ZHES BYA BA NI BYA BA NYID DO, ,DA NI RIGS KYI DE MA THAG TU BRJOD PA RUS KYI PHYOGS KYI LHAG MA BKOD NAS SUN 'BYIN PAR BYED PA NI, 'ON TE ZHES BYA BA LA SOGS PA'O, ,GZHAN GYI HA CANG THAL BA'I LAN DOGS PA NI, BAR DU RIGS THA DAD CE NA ZHES BYA BA'O, ,LAN NI RGYU MTSAN MED PAR ZHES BYA BA'O, ,GZHAN RGYU MTSAN MED PA'I LAN NI BAR DU ZHES BYA BA LA SOGS PA'O, ,BYA BA THA DAD PHYIR ZHES BYA BA NI SPYOD PA THA DAD PA'I PHYIR RO, ,LAN DU RUS KYI ZHES BYA BA NI TSANGS PA LAS SKYES PA'I MTSAN NYID KYIS SO, , GAL TE TSANGS PA'I LUS GCIG LAS BYUNG NA DE'I TSE RIGS KYIS DBYE BA MED PAR 'GYUR BA MA YIN NAM, GANG GI TSE 'OD SRUNGS LA SOGS PA'I RUS DAG THA DAD PA THOG MA MED PA NYID YIN PA DE'I TSE, DE'I DBYE BA NYID LAS RIGS THA DAD PA GRUB NA RIGS KYI DBYE BA THA DAD PA MED PAR CI LTAR 'GYUR ZHES BSAMS NAS GZHAN DAG SMRA BA NI, 'ON TE ZHES BYA BA'O, ,LAN DU TSAD MA 'JUG PA MED PA'I PHYIR ZHES BYA BA'O, ,CI BRAM ZE LA SOGS PA'I RIGS THA DAD PA 'DI RUS THA DAD PA KHO NA LAS SAM, 'ON TE BYA BA SNA TSOGS PA LAS ZHES 'DI LA TSAD MA MED DO, ,'ON TE MCHOD SBYIN LA SOGS PA'I BYA BA BRGYUD PA MTHONG BA'I PHYIR THOG MA MED PA YIN NO SNYAM NA, LAN DU, DE NI YONGS SU MA SHES PHYIR, ,BYA BA BYA MIN NYID DU THAL, ,ZHES SMOS TE, THOG MA MED PA'I MTSAN NYID CAN RUS YONGS SU SHES PA MED PA'I

, ,PHYIR RO; ,BYA MIN NYID NI DMAN PA STE, ,BRAM ZE NYID LA SOGS PA'I THA SNYAD KYI YAN LAG TU MI 'GYUR TE, TSAD MA MED PAS THE TSOM ZA BA'I PHYIR RO, ,DE LTAR RE ZHIG RNAM PAR MA CHAD PA NYID GLANG PO CHE'I LTA STANGS KYIS BTANG SNYOMS SU BZHAG NAS BYA BA DANG THOG MA MED PA NYID LA THE TSOM ZA BAR BRJOD PA YIN NO, ,DA NI MA CHAD PA YANG SHES PAR MI NUS SO ZHES STON PA NI RUS NI ZHES BYA BA'O, ,'DI NYID GSAL BAR BYED PA NI, ,RUS KYI DNGOS PO 'GAL YANG NI, ,ZHES BYA BA'O, ,BRAM ZE MO DANG RGYAL RIGS LAS SKYES PA NI SU TA'O, ,BRAM ZE MO DANG RJE'U RIGS LAS SKYES PA NI MA RKA TA ZHES BYA BA STE GTING RINGS SO, ,BRAM ZE MO DANG DMANGS RIGS LAS SKYES PA NI GTUM PO ZHES BYA BA NI DE DAG GI GTZUG LAG GO, ,DES NA RNAM PAR MA CHAD PAR NI MA NGES PA KHO NA'O, ,DE LA GANG DU 'KHRUL PAR NGES PA DE NYID DU SU TA LA SOGS PAR BZHAG PA YIN LA, GANG DU SHIN TU SBAS PAS 'KHRUL PA YOD KYANG MI SHES PA DER NI BRAM ZE'I THA SNYAD YIN NO, ,DE DAG CES BYA BA NI 'KHRUL PA'O, ,DE SHES PAS ZHES BYA BA NI DE SHES PA LA 'BAD PA DANG LDAN PA DAG GIS SO, ,GZHAN YANG BRAM ZE'I RIGS GRUB PA'I DON DU RUS NYE BAR BKOD PA YIN NA 'DI NYID NI 'KHRUL PA CHEN PO YIN NO ZHES STON PA NI, DANG PO BRAM ZE GNAS GYUR NA, ,ZHES BYA BA'O, ,DE'I RUS NI BRAM ZE'I RUS SO, ,BRAM ZE'I RUS NI BRAM ZE BRGYUD PA LAS SKYES PA YIN NA MI GNAS NA CI LTAR RUS YIN, DES NA BRAM ZE NYID NGES NA DE'I RIGS NGES LA, DE'I RUS NGES NA YANG BRAM ZE NYID NGES PA PHAN TSUN BRTEN PA 'PHANGS PA YIN NO, ,'DI NI DMUS LONG BRGYUD PA NYID, ,CES BYA BA NI BZHAD GAD DU BYED PA STE, RIGS KYI MTSAN NYID MI GNAS PA'I PHYIR NA THA SNYAD BYED PA PO RNAMS KYIS 'DI NI BRAM ZE'I RIGS 'DI NI BRAM ZE'I RIGS ZHES BYA BA'I THA SNYAD 'DI NI DMUS LONG KHO NA STE, NGES PA'I MIG MED PA'I PHYIR RO, ,DA NI SOGS PA'I SGRAS BSDUS PA NUS PA'I PHYOGS BKOD NAS SUN 'BYIN PA NI, 'ON TE ZHES BYA BA LA SOGS PA'O,,

'GA' LA'ANG ZHES BYA BA NI BRAM ZE LA SOGS PA LA'O, ,GZHAN GYIS GAL TE ZHES SMOS SO, ,LAN DU KUN LA ZHES BYA BA STE, SNGON GYI DUS SU BRAM ZE DANG, BRAM ZE MA YIN PA GNYIS LA THOS PA'I PHYIR BRJOD PA DON MED DO, ,THAMS CAD DU SONG BA'I KHYAD PAR GSAL BAR BYA BA NI, LUNG KUN LAS NI ZHES BYA BA LA SOGS PA'O, ,'O NA PHRA BA DANG RGYANG RING PO LA SOGS PA BZHIN DU RIG BYED KHO NAS BRAM ZE RTOG PAR BYED DO ZHE NA, GSAL BA ZHES BYA BA LA SOGS PA'O, ,GSAL BA LA CI MA THA RA 'DI BRAM ZE YIN NAM, 'ON TE MA YIN ZHES THE TSOM ZOS PA NA 'DI LA NI RIG BYED NI SGRUB BYED MA YIN NO, ,BRAM ZE GSAD PAR MI BYA'O ZHES BYA BA'I TSIG GANG YIN PA DE NI NYE BAR MI MKHO BA NYID DO, ,DE LA GSAL BA'I PHYOGS BSAM PAR MI RIG PA'I PHYIR 'GREL PA NI, RIG BYED DU ZHES BYA BA LA SOGS PA'O; ,THAMS CAD KYI TSE MED PA'I PHYIR ZHES BYA BA NI KOO TI LA SOGS PA'I GSAL BAR MI RTAG PA'I PHYIR RO, ,GAL TE RIG BYED KYANG DE DANG 'DRA BA NYID YIN NA CI SKYON ZHE NA, RIG BYED NI RTAG PAS GTAN DU YOD PA'I PHYIR RO, ,GAL TE RTAG PAS MI RTAG PA'I BRJOD NA CI 'GAL ZHE NA, DON MED PA'I DUS NA ZHES BYA BA'O, ,DON DANG LDAN PA NYAMS PA NYID GSAL BA YIN NA NI ZHES BYA BA'I THA TSIG GO, ,GZHAN GYIS SMRAS PA NI, GANG GI TSE DON 'BYUNG BAR 'GYUR BA DE'I TSE DE LTAR RIG BYED DON DANG LDAN PAR 'GYUR RO ZHE NA, 'DI LA LAN 'DEBS PA NI, DON MED PA'I RIG BYAD CES BYA BA LA'O, ,DE LA ZHES BYA BA NI PHYIS 'BYUNG BA'I DON LA'O, ,KHYAD PAR ZHES BYA BA NI BYA BA YOD PA DANG MED PA'I MTSAN NYID DO, ,DE'I RANG BZHIN BYA BA NI DON YOD PA DANG, MED PA'I DUS NA RIG BYED KHYAD PAR MED PA'I RANG BZHIN YIN NO, ,DE'I TSE RNAM PAR DBYE BA STE, DON DANG LDAN PA NYID KYI MTSAN NYID 'DI RIG BYED PA RTOGS PAR 'GYUR, DE'I PHYIR RIG BYED KYI NYE BAR BSTAN PA NI DON DANG LDAN PA MA YIN NO SNYAM DU DGONGS PA YIN NO, ,DES NA RIG BYED KYI TSIG NI GSAL BA BRAM ZE SGRUB PAR BYED PA MA YIN NO, ,DES NA ZHES BYA BA LA SOGS PA NI MJUG SDUD PA'O, ,GNYI GA

, ,ZHES BYA BA NI MNGON SUM DANG NYE BAR BSTAN PA DAG GO, ,DES ZHES BYA BA NI BRAM ZE LA SOGS PA'O, ,GANG GI PHYIR DON DAM PAR BRAM ZE MA GRUB PA'I RGYU DES NA'O, ,GAL TE THA SNYAD DU GRUB PA'I BRAM ZE RIG BYED KYI DON BYA BA'I TSUL BYED PA YIN PA DES NA THA SNYAD LA MI SLU BA'I PHYIR RIG BYED TSAD MA MA YIN NO ZHES BYA BA'I DOGS PA MJUG BSDU BA'I SGO NAS SPONG BA NI, DE'I PHYIR BRAM ZE MA YIN PA 'BA' ZHIG TU NI MA ZAD KYI BRAM ZE LA YANG THA SNYAD DU GRUB PA MA YIN NO, ,'GA' ZHIG GI LA ZHES BYA BA NI BRAM ZE'I 'O, ,GANG GI PHYIR DE LTAR RIG BYED TSAD MA MA YIN PA'I PHYIR DE YONGS SU MA BRTAGS PA TSAD MAS MA NGES PA'I RIG BYED DO, ,DE LTAR NGES SBYOR SKYES BU DANG, MCHOD SBYIN DAG GI CHOS YIN PA BSAL NAS, NGES SBYOR NGES PAR SBYOR BAR BYED PA'I CHOS YIN PA BKOD NAS SUN 'BYIN PA NI, 'ON TE ZHES BYA BA LA SOGS PA'O, ,NGES SBYOR BYED PA PO NI RIG BYED DO, ,YANG RTAG PA'I PHYIR KHYAD PAR DU BYAR MED PA MA YIN PAS DE'I CHOS KYANG RTAG PAR 'GYUR RO, ,DE LTA YIN NO ZHES BYA BA NI SGRUB PA SGRUB NA'O, ,TSAD MA DON MED PAR 'GYUR RO ZHES BYA BA NI RIG BYED NI NGES PAR SBYOR BA RTOGS PAR BYED PA'I SGO NAS MNGON PAR 'DOD PA'I SGRUB BYED LA SKYES BU 'JUG PAR BYED PAS TSAD MA YIN NO, ,GAL TE RANG GI LUS NYID LA RIG BYED KYI RJES SU SGRUB PA GZHAN DANG GZHAN RGYUN MI 'CHAD PA YIN NA, DE'I TSE PHYI ROL LA 'JUG PA NYID MA YIN PA'I PHYIR TSAD MAR KHAS BLANGS PA DON MED DO SNYAM DU DGONGS PA'O, ,'ON TE ZHES BYA BA LA SOGS PAS NI GZHAN DAG 'JUG PAR BYED PA NYID DU SGRUB PAS RIG BYED DON DANG LDAN PA NYID KYIS TSAD MAR GZHUNG 'DZUGS PAR BYED PA'O, ,DON 'DI YIN TE, NGES PAR SBYOR BAR BYED PA PO'I CHOS YIN YANG, GAL TE GZHAN LA MI LTOS PAR DE TZAM GYI RANG BZHIN DU 'GYUR NA NI DE'I TSE, GAL TE GRUB KYANG BSGRUB BYA NA, ,ZHES BYA BA'I NYES PAR 'GYUR BA ZHIG NA, 'ON KYANG NGES PAR SBYAR BYA DANG YUL LA LTOS NA, NGES PAR SBYOR BA DE LTA BU NYID DU 'GYUR BA YIN NO, ,NGES PAR SBYAR BYA DANG YUL LA LTOS

PA NYID STON PAR BYED PA NI, NGES PAR SBYAR BYA DANG BRAL BA'I ZHES BYA BA LA SOGS PA'O, ,'THAD PA BRJOD PA NI 'DI LTAR ZHES BYA BA LA SOGS PA'O, ,'DI'I YUL 'DI LA ZHES BYA BAS NI BYED PA PO DANG 'BREL PA'I PHYIR NA, BLA LHAG TU GYUR PAR DE GNYIS LA LTOS PA BYA BA YIN NO ZHES BSTAN PA YIN NO, ,YANG JI LTAR GNYI GA LA GDON MI ZA BAR LTOS DGOS SHE NA, GANG GI PHYIR ZHES BYA BA LA SOGS PA SMOS TE, YUL MED NA SKUL BYED DU MI 'THAD PA'I PHYIR RO ZHES BYA BA'I DON TO, ,DE NYID KYI NGES PAR SBYAR BYA NYID DU MNGON PAR 'DOD PA'I MTHO RIS 'DOD PA YANG, GDON MI ZA BAR BDAG NYID NGES PAR SBYAR BYA NYID DU RTOGS PAR 'GYUR TE, BSKUL BYA MED NA YANG BSKUL BA MI 'THAD PA'I PHYIR RO SNYAM DU BSAMS PA'O, ,DE LTAR GSUM PO RNAMS KYI PHAN TSUN LTOS PA'I MTSAN NYID 'BREL PA YIN MOD, GRUB PA'I PHYIR RJES SU BSGRUB PAR BYA BA YIN NO ZHES BYA BA 'DIR 'DI LAN DU CI LTAR CHE SNYAM NA, DE LTA BU'I NGES PA SBYOR BA DE YANG SMOS SO, ,GSUM PO RNAMS KYI PHAN TSUN LTOS PAS GZHAG GO, ,GAL TE 'BREL PA YIN NA, 'O NA GANG ZHIG GAL TE LTOS BYA BSGRUB PAR BYA BA LA YANG SKYES BU 'JUG ,CI LTAR 'PHEN CE NA, RANG GI BYA BA ZHES BYA BA LA SOGS PA SMOS TE, DES NA 'JUG PAR BYED PA YIN PA'I PHYIR TSAD MA YIN NO ZHE NA, SUN 'BYIN PAR BYED PAS 'KHRUL PA DANG THE TSOM ZA BA DAG KYANG THAL BAR 'GYUR BA'I PHYIR 'JUG PAR BYED PA TZAM NI TSAD MA MA YIN GYI, 'ON KYANG DNGOS PO'I RANG BZHIN RTOGS PAR BYED PA LAS YIN NA, DE YANG YOD PA MA YIN NO SNYAM DU BSAMS NAS, DE LTA NA NI ZHES BYA BA LA SOGS PA GSUNGS SO, ,KHAMS KYI DON NI BYA BA STE, MCHOD SBYIN BYED PA LA SOGS PA'I YUL CAN NO, ,NGES PAR SBYOR BA NI NGES PAR SBYOR BZHIN PA'I SKYES BU'I RANG BZHIN NO, ,SGOM BYED NI SKUL BAR BYED PA PO SGRA'I BYED PA'O, ,DE DAG GIS PHAN TSUN 'BREL PA'I MTSAN NYID KYI 'BREL PA NI RIG BYED KYI SA BSGRUB PAR BYA BA YIN NO ZHES BYA BA 'DI NYID NGES SBYOR SMRA BA RNAMS KYANG NGES SBYOR DU RNAM PAR GNAS PAR 'GYUR RO

, ,ZHES BYA BA'I DON TO, ,RTOGS PA'I DUS NA ZHES BYA BA NI NGAG GI DON RTOGS PA'I DUS NA'O, ,MED PAS ZHES BYA BA NI 'BREL PA CAN GYI YUL GCIG MED KYANG MED PA'I PHYIR RO, ,DE'I 'BREL PA NI NGES SBYOR DU KHAS MI LEN GYI, 'ON KYANG RANG GRUB PAR BYA BA'I DON DU NGES PAR SBYOR BAR BYED PA'I DON GZHAN KHO NA ZHIG NGES SBYOR DU SMRA BA'O, ,'BREL PA NGES SBYOR YIN NO ZHES BYA BA NI KHYED KYIS NYE BAR BTAGS PA 'BA' ZHIG TU ZAD DO SNYAM DU DOGS NA, KHAMS KYI DON LA SOGS PA ZHES SMOS SO, ,'O NA KHAMS KYI DON LA SOGS PA GNAS PA'I 'BREL PA NYID DON YIN PAR 'GYUR MOD, DE CI'I PHYIR DMIGS PA MED PA NYID DU 'GYUR ZHE NA, RIM GYIS ZHES BYA BA LA SOGS PA SMOS SO, , SGRA BYED PAS NI SKYES BU'I BYED PA SKYED, SKYES BU BYED PAS NI MCHOD SBYIN LA SOGS PA BSKYED PA'I PHYIR NA, RIM PA DANG LDAN PA RGYU DANG 'BRAS BU'I DNGOS POR GYUR PA SGRA'I BYED PA LA SOGS PA MA RTOGS PA'I 'BREL PA SNANG BA GA LA YOD, SNGAR NI 'BREL PA CAN GCIG MED PA'I PHYIR ZHES BRJOD PA YIN LA, DA LTAR NI 'BREL PA CAN THAMS CAD YOD KYANG ZHES BYA BA NI KHYAD PAR RO, ,GAL TE 'BREL PA CAN GCIG MED KYANG 'BREL PA MED PA RANG GI NGO BO SNANG BAR 'GYUR BA MA YIN NAM, DES NA CI LTAR 'BREL PA NGAG GI DON YIN NA DMIGS PA MED PAR THAL BAR 'GYUR ZHES DOGS PA LA, RANG GI NGO BOR SNANG BA NI YOD PA'I YUL CAN SNANG BA'I PHYIR DANG ZHES SMOS SO, ,DE LTA NA NI 'O NA 'BREL PA NYID 'BREL CAN GYI RANG BZHIN DU SNANG BA YIN NO ZHES DOGS NA, GZHAN GYI NGO BOR ZHES SMOS TE, 'BREL PA CAN GYI NGO BOR SNANG BA NI, 'BREL PA DE SNANG BA MA YIN PA'I PHYIR RO, ,'DI GA LAS SHE NA, GZHAN NI GZHAN GYI ZHES BYA BA LA SOGS PA SMOS TE, HA CANG THAL BAR 'GYUR BA'I PHYIR RO SNYAM DU DGONGS PA'O; ,DE LTA YIN DANG LHAG PAR ZHEN PAR BYAS PAS MED PA'I NGES SBYOR LA LTOS NAS, RIG BYED KYI MNYAN PA NI DMIGS PA MED PA KHO NA YIN LA, SNANG BA LA LTOS NAS NI GZHAN SEL BA'I YUL CAN NYID DO, ,DMIGS PA MED PA NYID GZHUNG 'DZUGS PA NI 'DI LTAR ZHES BYA BA LA SOGS

PA'O; ,MCHOD SBYIN LA SOGS KYIS SHIG CES BYA BAS NI SGRUB PA'I RANG BZHIN MCHOD SBYIN LA SOGS PA'I RNAM PA DE MA YIN PA LAS LDOG PAR SNANG BA DANG, MCHOD SBYIN BYED PA PO YANG 'BYUNG BAR 'GYUR BA'I PHYIR DNGOS PO MED PA LHAG PAR ZHEN PA YIN PAR BSTAN TO, ,DES NA MNYAN PAR BYA BA'I GZHAN SEL BA'I YUL CAN DANG, DMIGS MED PA ZHES SGRUB PO DE BZHIN DU GZHAN SEL BA'I YUL CAN GZHAN LA YANG GZHAN SEL BA NYID DU RIG PAR BYA'O, ,RTOGS PA'I DUS NA ZHES BYA BA NI NGAG GI DON RTOGS PA'I DUS NA'O, ,DE ZHES BYA BA NI BYED PA PO NYID DO, , SEL BA'I YUL CAN DU SGRUB PAR BYED PA'I RNAM PA GZHAN YANG BSHAD PA NI, SGRAS NI ZHES BYA BA'O, ,SGRAS NI RTOGS PAR NUS PA YANG MA YIN NO ZHES 'BREL TO, ,CI ZHIG CE NA SNGAR MA RTOGS PA'O, ,DE LTA BU'I DNGOS POR ZHES BYA BA NI, MCHOD SBYIN LA SOGS PA BYED PA RTEN DU NYID DU'O; ,GZHAN NI ZHES BYA BA NI SNGAR MI DMIGS PA'O, ,DE LTAR BYED PA PO NYID RTOGS MOD, DE LTA NA YANG 'DI DMIGS PA MED PAR CI LTAR 'GYUR ZHE NA, SNGON GYI RJES SU 'BRANGS NAS ZHES SMOS SO, ,GZHAN SEL BA'I YUL CAN ZHES BYA BA NI SPYI'I YUL CAN NYID NYE BAR MTSON PAR BYED PA STE, DNGOS PO MED PA'I YUL CAN NYID DO, ,DE LTA YIN NA SNGAR BYA BA DANG LDAN PAR MNGON SUM GYIS RTOGS PA NI, DNGOS PO NYID YIN TE, DE LTA MA YIN NA BYA BA DANG LDAN PA RTOGS SO ZHES CI LTAR BRJOD CES DOGS NA, MNGON SUM LAS NI ZHES BYA BA LA SOGS PA SMOS SO, , BYA BA 'BA' ZHIG TU NI MA ZAD KYI BYED PA PO NYID DU RTOGS PA YANG MA YIN NO, ,CI'I PHYIR RTOGS PA MA YIN ZHE NA, SNGON DANG PHYI MA LAS ZHES BYA BA SMOS SO, ,BYED PA PO NI 'BRAS BU BSAMS SHING PHAN 'DOGS PAR BYED PA RNAMS BSOGS NAS SGRUB PAR BYED PA LA BYED PA PO ZHES BRJOD PA YIN LA, SNGA MA DANG PHYI MAR GYUR PA CHA SHAS DANG LDAN PA'I BYA BA YANG SKAD CIG GCIG LA RDZOGS PAR BYA BA MA YIN NA, MNGON SUM NI SKAD CIG 'DZIN PA YIN NO ZHES BYA BA'I DON TO, ,'O NA JI LTAR BYA BA DANG LDAN PAR RTOGS SO ZHES BRJOD CE NA, THA SNYAD PA'I ZHES BYA BA SMOS SO, ,

, ,THA SNYAD PA'I MNGON SUM NI RNAM PAR RTOG PA LA LTOS NAS GCIG TU BYED PAS 'JUG PA YIN LA, DE LA LTOS NAS KYANG BYA BA DANG LDAN PAR RTOGS SO ZHES BRJOD PA YIN NO, ,THAMS CAD DU ZHES BYA BA NI, GAL TE GZHAN GYI LUGS KYIS BYED PA DNGOS PO YIN PA'AM, YANG NA RIGS PAS THA SNYAD NYID YANG RUNG ZHES BYA BA'O, ,CI STE YANG ZHES BYA BA NI GZHAN GYI'O, ,GANG GIS SBYOR BAR BYED PA NYID YIN PAS MED PA RJOD PAR BYED PA'I MNYAN PA DMIGS PA MED PA NYID DU 'GYUR BA BYED PA PO NYID DU BSKUL BAR BYA BA NI MA YIN TE, BYED PA PO SBYAR BAR BYA BA NI MA YIN NO, ,MI BYED PA POR 'GYUR BA MA YIN GYI ZHES BYA BA NI BYED PA PO NYID YOD PA MA YIN PAR BRJOD PA YIN NO, ,DBANG DU BYA BA'I MTSAN NYID RUNG BA NYID NI DE LA YOD PA KHO NA YIN LA, DE NYID KYANG NGES SBYOR DU SMRA'O SNYAM DU BSAMS PA'O; ,LAN NI DE YANG MA YIN TE ZHES BYA BA'O, ,MCHOD SBYIN LA SOGS PA'I BSGRUB PAR BYA BA'I YUL 'GA' ZHIG LA RUNG BAR BYA BA YIN NO, ,YUL MED PAR NI DE 'GYUR BA MA YIN NO, ,'ON TE YUL MED PA'I PHYIR RUNG BA NYID MED KYANG MCHOD SBYIN GYIS ZHES BRJOD PA LAS RTOGS PAR 'GYUR PA KHO NA'O, ,DES NA MNYAN PA DMIGS PA MED PAR CI LTAR 'GYUR ZHE NA, YUL NI DBANG PO LAS 'DAS NA ZHES SMOS TE, YUL MA RTOGS NA DE'I KHYAD PAR CAN RUNG BA NYID MI RTOGS SO ZHES BYA BA'I THA TSIG GO, ,DES NA MNYAN LA DMIGS PA MED PA KHO NA'O SNYAM DU DGONGS PA'O, , PHYED PHYI MA RNAM PAR 'GREL PA NI RUNG BA NYID KYI YUL ZHES SMOS TE, RUNG BA NYID KYI YUL RANG GI BYA BA CAN NO, ,MCHOD SBYIN LA SOGS PA RANG GI BYA BA YOD PA DE NI RANG GI BYA BA CAN NO, ,BYED PA PO BZHIN DU RUNG BA NYID 'DIR YANG STE, CI LTAR BYED PA PO NYID MED PA DE BZHIN DU DE'I YUL GYI KHYAD PAR CAN RUNG BA NYID KYANG MED PAR 'GYUR RO, ,RNAM DPYOD LA NI DPYOD RNAMS TE, GNAS RNAMS KYIS SO, ,'DI NI BSTING CHANG NGO,, ,,DA NI DPYOD PA PA GNA' MA RNAMS KYI LUGS LA BRTEN NAS, YANG SUN DBYUNG BA'I PHYIR RNAM PAR RTOG PA MED PA NI, GZHAN DAG BYA BA DAG PA

YI; ,RANG BZHIN NGES SBYOR BRJOD DAM CI, ,ZHES BYA BA NI, RNAM PAR RTOG PA GCIG YIN TE, GANG GI PHYIR GZHAN GNA' RABS DAG GIS BRJOD PA YIN NO, ,'DI'I BSHAD PA NI, GANG GI PHYIR NGES SBYOR ZHES BYA BA LA SOGS PA'I TSIGS SU BCAD PA GSUM MO, ,DE LA SBYIN SREG GIS SHIG CES BYA BAS NI LING NGA'I DON DANG RANG GRUB PA'I DON DU SKUL BA 'PHANGS PAS NGES PAR SBYOR BA DANG, RJES SU BSGRUB PAR BYA BA YIN PA'I PHYIR NA, BYA BA'I RANG BZHIN YANG RTOGS PAR BYED LA, DE YANG DAG PA YIN TE, KHYAD PAR DANG BRAL BA YIN NO, ,DES NA BYA BA DAG PA'I RANG BZHIN NGES SBYOR YIN NO, ,GAL TE BYA BA LA SOGS PA'I KHYAD PAR YANG RTOGS PA MA YIN NAM ZHE NA, DE'I KHYAD PAR GANG YIN PA'I ZHES BYA BA LA SOGS PA SMOS SO, ,'DI LTAR MTHO RIS 'DOD PAS SBYIN SREG GIS SHIG CES BYA BAS KHAMS KYI DON LA SOGS PA RTOGS KYANG, LING PA'I DON DU RTOGS PA NI MA YIN TE, DES NA LING NGA'I DON NI DE NYID YIN NO, ,KHAMS KYI DON DANG MTHO RIS 'DOD PA'I KHYAD PAR THA DAD PA GNYIS LA LTOS PAS DAG PA NYID NYAMS PA MA YIN MOD, RANG GI NGO BOR GYUR PA'I SKUL BYED NYID LA LTOS NAS GO CI STE MI NYAMS SHE NA; 'DIR NI ZHES SMOS SO, ,DON GYI SHUGS KYIS 'ONGS PA DE NI RKYEN GYI DON MA YIN NO, ,RNAM PAR RTOG PA GNYIS PA NI YAN GAR BSKUL BA'AM ZHES BYA BA STE, NGES SBYOR DU BRJOD DAM CI ZHES BYA BA LA LTOS PAR BYA'O, ,'DI'I BSHAD PA NI BSKUL BA DAG PA ZHES BYA BA LA SOGS PA'O; ,LUGS RNAMS LA THA DAD PA TZAM ZHIG BSAM PAR BYA'I BRTAG PAR NI MI BYA STE, THAMS CAD SUN 'BYIN PA'I PHYIR RO, ,BYA BA DANG 'BREL PA'AM ZHES BYA BA NI, RNAM PAR RTOG PA GZHAN NO, ,'ON TE ZLOG PA YIN ZHES BYA BA NI, BSKUL BA DANG 'BREL PA'I BYA BA'O,, 'DI'I BSHAD PA NI 'DI NI NGA'I BYA BA BYED PA ZHES BYA BA LA SOGS PA'O, ,SNGA MA'I BSHAD PA NI, 'DIR NI 'GAR YANG BYA MED PAR, ,ZHES BYA BA LA SOGS PA'O, ,'DOD PA'I GO RIMS NI 'DI YIN LA, MDOR BSTAN PA NI TSIGS SU BCAD PA'I NGOR GO RIMS BSNOR BAR BLTA BAR BYA'O, ,

, ,GTZO PHYIR BYA BA'I RANG BZHIN NI, ,NGES SBYOR YIN PAR 'DOD DAM CI, ,ZHES BYA BA NI, RNAM PAR RTOG PA LNGA PA'O, ,'DI'I BSHAD PA NI, BYA BA BSKUL BA'I YUL YIN GYI ZHES BYA BA LA SOGS PA'O, ,DE NI RANG NYID SKUL BYED MIN, ,ZHES BYA BA NI, MA GRUB PA'I PHYIR RO, ,DE NI BSGRUB PAR BYA BA NYID KYIS GTZOR GYUR PA YIN PA DES NA GZHAL BYA DE NYID LA TSAD MA SKUL BAR BYED MKHAN GYI BYED PA SKUL BYED NYID NYE BAR BTAGS PA YIN NO, ,DES NA 'DIS NGES PAR SBYOR BAS NA DE NYID NGES SBYOR YIN NO, ,DE GTZO YIN PHYIR ZHES BYA BA LA SOGS PAS NI RNAM PAR RTOG PA DRUG PA'O, ,SKUL BYED DE SKUL BAR BYED PA PO YANG NGES SBYOR YIN PAR ZHES SBYAR RO, ,DE GTZO YIN PHYIR ZHES BYA BA NI, BRTAGS PA MA YIN PA'I PHYIR RO, ,'DI NI RTOGS SLA BA'I PHYIR RNAM PAR MA BKROL LO, ,BYA BA DANG BSKUL BA'I ZHES BYA BA NI RNAM PAR RTOG PA BDUN PA'O, ,'DI'I 'GREL PA NI, BYA BA MED PA'I SKUL BA 'AM, ,SKUL MED BYA BA 'GA' YANG NI, ,ZHES BYA BA LA SOGS PA'O, ,SKUL BA SKUL BAR BYED PA MIN, ,ZHES BYA BA NI, SKUL BAR BYED PA BYA BA CHOS CAN GYI YON TAN SKUL BAR BYED PA NYID CHOS SKUL BYED LA NYE BAR BTAGS PA YIN TE, DE DANG 'BREL NA, 'DI'I SKUL BAR BYED PA NYID MI 'THAD PA'I PHYIR RO, ,BYA BA YANG SKUL BA MED PAR RANG GRUB PAR BYA BA'I DON DU SKUL BAR BYED PA NYID YIN PAR MI 'GYUR RO, ,DES NA DE DAG GI SBYOR BA STE, PHAN TSUN 'BREL PAS NGES SBYOR YIN NO ZHES BYA BA'I THA TSIG GO, ,NGES PA SBYOR TSOGS PA'AM ZHES BYA BA NI RNAM PAR RTOG PA BRGYAD PA'O, ,'DI'I 'GREL PA NI, GNYIS PA 'DI NI ZHES BYA BA LA SOGS PA'O, ,DE GNYIS LAS GZHAN GANG YIN PA'AM ZHES BYA BA NI RNAM PAR RTOG PA DGU PA'O, , CHA SHAS GNYIS LA GNAS PA NI GNYI GA STE CHA SHAS DANG 'BREL PAS NA GNYIS TE TSOGS PA'O, ,GNYI GA 'DI LA YOD PA ZHES BYA BAS TSOGS PA DANG 'BREL PA'I PHYIR BYA BA DANG BSKUL BA NI GNYI GAR BRJOD DO, ,DE GNYIS LAS GZHAN BYA BA DANG BSKUL BA'I RANG BZHIN MA YIN PA NGES

SBYOR GYI SGRAS BRJOD PAR BYA BA GZHAN DU 'GYUR BA YIN NO, ,DE NYID 'CHAD PA NI GANG PHYIR ZHES BYA BA LA SOGS PA'O, ,TSANGS PA ZHES BYA BA GNYIS MED PA SEMS PA'I RANG BZHIN NI MAN NGAG LAS ZHES RIG BYED LAS RTOGS TE, 'DI THAMS CAD NI TSANGS PA'O ZHES BRJOD PA'I PHYIR RO, ,GCIG CES BYA BA NI THAMS CAD DU ZHES BYA BA LA SOGS PAS NA KHYAB PA YIN NO, ,GRUB PA NI GNAS PA STE, RTAG TU ZHES BYA BA DANG 'BREL PAS NA, RTAG PA ZHES BYA BA'I DON TO, ,SKABS KYIS NA GANG PHYIR NGES SBYOR DU 'DOD CES BYA BA YIN PA DES NA GRUB PA'I PHYIR DE BYA BA MA YIN NO, ,BYA BA NYID NI RANG GRUB PA'I DON DU SKUL BA YIN TE, DES NA SKUL PA NYID KYANG MED DO, ,DES NA GNYI GA LAS GROL BA'I NGES SBYOR DAG GI DON YIN NO, ,'KHRUL 'KHOR LA GNAS SOGS ZHES GANG BSHAD PA DE LAS DANG PO PA STON PA NI, DE BZHIN 'KHRUL 'KHOR LA GNAS PA'AM ZHES BYA BA'O, ,'DI'I BSHAD PA NI, GANG 'GA' ZHES BYA BA LA SOGS PA'O, ,GANG DU ZHES BYA BA NI MTHO RIS LA'O, ,DER ZHES BYA BA DE'I RGYU MTSAN GYIS TE, SBYIN SREG GIS SHIG CES BYA BA'I NGES SBYOR YOD NA'O, ,YUL NI 'DOD PA'I YUL MTHO RIS TE DE LA GNAS PA'O, ,BDAG 'DI MCHOD SBYIN PA DANG LDAN PA NA NGES PAR MTHO RIS THOB BO ZHES BSAMS NAS 'JUG PA YIN NO, ,DE LTAR YUL DANG DE LA GNAS PA LONGS SPYAD PAR BYA BA DANG, LONGS SPYOD PAR BYED PA DAG GIS 'BREL PAR NGES SBYOR YIN NO ZHES BYA BA'I DON TO, ,CI DE SPYAD BYA'I RANG BZHIN NAM ZHES BYA BA GNYIS PA 'CHAD PAR BYED PA NI, 'DI NI NGA YIS ZHES BYA BA LA SOGS PA TSIGS SU BCAD PA BZHI'O NGA'I ZHES BYA BA 'DI'I LHUR BYA BA STON PA NI, NGA YI ZHES NI RNAM SHES PA, ,ZHES BYA BA'O, ,ME TOG GI PHRENG BA DANG TZAN DAN LA SOGS PA LTAR RUNG BA TZAM GYIS NI LONGS SPYAD PAR BYA BA MI 'DOD KYI LONGS SPYOD PA POS ZIN PA NYID DO, ,DE LTAR NI 'BREL PA NGES SBYOR YIN LA, 'DIR NI DE 'DRA BA'I LONGS SPYAD PAR BYA BA NYID YIN PAS THA DAD DO, ,LONGS SPYOD PAR BYED PA DE YANG LONGS

, ,SPYAD PAR BYA BA'I BDAG PO'I RANG BZHIN DU 'DOD PA YIN TE, BA LANG BZHIN DU BDE BA'I BDAG PO NI YIN NO ZHES STON PA NI, BDAG PO NYID DU ZHES BYA BA LA SOGS PA'O, ,LONGS SPYOD PAR BYA BA DE 'ANG GAL TE LONGS SPYAD PA PO'I BSGRUB PAR BYA BA YIN NA, DE'I TSE NGES SBYOR DU RNAM PAR GZHAG PA RIGS PA YIN NO ZHES BYA BA'I BSAM PAS, GANG GI ZHES BYA BA LA SOGS PA'O, ,SPYIR BSGRUB BYA'I RANG BZHIN NYID DU NYE BAR MTSON PA'I RANG BZHIN GANG GIS DE'I ZHES RTOGS PA DE YANG ZHES BYA BA NI LHAG MA'O, ,DE'I BSGRUB BYA'I RANG BZHIN GYIS ZHES BYA BA NI LONGS SPYOD PA PO BSGRUB PAR BYA BA'I RANG BZHIN GYIS SO, ,YANG CI'I PHYIR BSGRUB BYA'I RANG BZHIN GYIS BDAG NYID KYI LONGS SPYAD PAR BYA BA NGES SBYOR YIN NO ZHES BRJOD CE NA, GRUB PA'I LONGS SPYOD CES BYA BA LA SOGS PA SMOS SO, , DE TZAM GYIS NI ZHES BYA BA GRUB PA'I RANG BZHIN TZAM GYIS SO, ,'O NA CI LTAR LONGS SPYAD PAR BYA BA NGES SBYOR YIN ZHE NA, LONGS SPYOD BSGRUB BYA NYID KYIS NA, ,ZHES SMOS SO, ,YANG NA NGES SBYOR SKYES BU'AM BYA BA GSUM PA BSHAD PA NI, 'DI NA NGA'I 'BRAS BU ZHES BYA BA LA SOGS TSIGS SU BCAD PA GNYIS SO, ,DE NYID CES BYA BA NI 'BRAS BU'I KHYAD PAR CAN GYI SKYES BU NYID DO, ,DE LTAR NGES SBYOR NGAG GI DON DU RNAM PAR BRTAGS NAS, PHYOGS THAMS CAD LA YANG DBYE BA RNAM PA BRGYAD BRTAG PAR BYA'O ZHES STON PA NI, NGAG GI DON ZHES BYA BA LA SOGS PA'O, ,DBYE BA BRGYAD PO DE DAG GSAL BAR BYED PA NI, NGES PAR SBYOR BA TSAD MA'AM ZHES BYA BA LA SOGS PA'O, ,'DIR BRJOD PA ZHES BYA BA NI SUN 'BYIN PAR RTZOM PA'O, ,DE LA DANG PO'I DGU PO RNAMS LAS ZHES BYA BA DAG PA'I RNAM PAR RTOG PA SUN 'BYIN PA NI BYA BA BSKUL BA DANG, BRAL BA ZHES BYA BA LA SOGS PA'O, ,NGES SBYOR NI NGES SBYOR DU MNGON PAR 'DOD PA'O, ,NGES SBYOR 'ON TE NGES PAR SBYOR BA LA SOGS PA DANG BRAL BA YANG NGES SBYOR ZHES BRJOD NA, DE'I TSE SU YANG 'GOG GO ZHES BSHAD PA NA, GANG GI TSE ZHES BYA BA LA SOGS PA'O, ,GAL

TE NGES PAR SBYAR BYA LA SOGS PA MA RTOGS KYANG, BYA BA CI STE NGES SBYOR DU MA RTOGS SHE NA, GANG DU RTOGS ZHES BYA BA LA SOGS PA'O, ,DE ZHES BYA BA NI BYA BA'O, ,SKYES BU'I RTAGS NI NGES PAR SBYOR BA'I SGRA NYE BA'I PHYIR RO, ,GRUB DANG 'DAS SOGS PA BZHIN ZHES BYA BA NI, RI RAB YOD DO ZHES SAM DPAL HAR SHA DE BA BYUNG BAR GYUR TO ZHES BYA BA BZHIN NO, ,GANG GIS NGES SBYOR DU 'GYUR BA, DE LTAR GYUR PA'I BYA BA YANG SKYES BU DANG LDAN PAR CI LTAR 'GYUR ZHE NA, 'JIG RTEN GTOGS PA'I ZHES BYA BA LA SOGS PA'O, ,SKABS KYIS RANG GRUB PAR BYA BA'I DON DU SKUL BA'I BYA BA'I RANG BZHIN YIN NO ZHES SHES PAR BYA'O, ,BYA BA YANG MCHOD SBYIN NAM, MTHO RIS SO, ,GANG GI PHYIR NGES SBYOR NGES PAR SBYAR BAR BYA BA'I CHOS YIN PA DE'I PHYIR SKYES BU DANG BCAS PA'I BYA BA NGES SBYOR YIN TE, CHOS CAN 'BRAS BUS CHOS NGES PAR SBYOR BAR BYED PA BSTAN PA'I PHYIR RO, ,DE LTA NA 'O NA MCHOD SBYIN LA SOGS PA'I CHOS BZHIN DU NGES PAR SBYOR BAR BYED PA PO RIG BYED KYI CHOS KYANG NGES SBYOR YIN PAR 'GYUR TE BYA BA YIN PA YIN PA'I PHYIR RO ZHES DOGS PAR BYED PA NI DE NYID CES BYA BA LA SOGS SMOS TE, NGES PAR SBYOR BAR BYED PA PO'I RIG BYED KYI CHOS BYA BA STE, BSGRUB BYA YIN NO ZHES BYA BA'I DON TO, ,'DI LA LAN GRUB PHYIR ZHES BYA BA LA SOGS PA'O, ,NGES PAR SBYOR BAR BYED PA PO RIG BYED BZHIN DU DE'I CHOS KYANG SGRUB PA'I PHYIR BSGRUB BYA MA YIN PA DES NA 'DI JI LTAR NGES SBYOR YIN SNYAM DU DGONGS PA'O, ,GAL TE NGES PAR SBYOR BAR BYED PA PO SGRA'I CHOS NGES SBYOR MA YIN NA, 'O NA BSGRUB BYA YIN PA'I PHYIR BYA BA NYID NGES SBYOR YIN PAR 'GYUR RO ZHES STON PA NI, GAL TE ZHES BYA BA LA SOGS PA'O, ,'DI ZHES BYA BA NI MCHOD SBYIN LA SOGS PA'O, ,GAL TE YUL SKUL BYED MA YIN PA MA YIN NAM, DES NA CI LTAR DE'I CHOS DES SBYOR YIN ZHES DOGS PA NA, PHA ROL PO NYID KYIS SMRAS PA NI, YUL LA DE NI NYER BTAGS PAS, ,ZHES BYA BA STE, SKUL BYED KYI RANG BZHIN SGRA LA GNAS PA'I NGES SBYOR DE NI, YUL SBYAR BA LA NYE BAR BTAGS PA'I PHYIR DE NYID DU ZHES BYA BA NGES SBYOR NYID DU RAB

, ,TU BSNYAD PA YIN NO, ,GANG GI PHYIR DE LTAR YIN PA DE'I PHYIR, BYA BA NGES PAR SBYOR BA YIN NO ZHE NA, 'DI LA LAN DE NI MA GRUB PA YIN NA ZHES BYA BA LA SOGS PA'O, ,BYA BA MA GRUB PAR NYE BAR BTAGS NAS SKUL BYED KYI RANG BZHIN NYID DU JI LTAR 'GYUR, 'GA' ZHIG GRUB NA MA GRUB PA'I CHOS 'DOGS PA YIN NO BYA BA NI MA GRUB PA YIN NO, ,DES NA SKUL BYED NYID DU NYE BAR BTAGS PA MI NUS SO, ,DES NA JI LTAR NYE BAR BTAGS NAS BYA BA NGES SBYOR YIN PAR 'GYUR, GAL TE NYE BAR BSTAN NAS BYA BA DES SBYOR MA YIN NA, 'O NA BSGRUB BYA NYID DU RTOGS PA LAS 'GYUR RO ZHES DOGS PA BSU NAS SUN 'BYIN PA NI, GAL TE 'DI YI BSGRUB BYAR NI, ,ZHES BYA BA NI, ,ZHES BYA BA'O, ,'DI'I ZHES BYA BA NI BYA BA'O, ,GRUB PA DANG MA GRUB PA PHAN TSUN 'GAL BA DAG BYA BA GCIG NYID LA'O, ,RNAM PA GZHAN GYI SGO NAS KYANG RTOGS PA SKUL BYED YIN PA SUN DBYUNG BA'I PHYIR, GAL TE BSGRUB BYA'I ZHES BYA BA LA SOGS PA'O, ,DE'I ZHES BYA BA NI BYA BA'I'O, ,NGES SBYOR GYI NGES SBYOR NYID NI DE KHO NA MA YIN PAR 'GYUR RO ZHES SBYOR TE, RTOGS PA'I NGES SBYOR NYID KYANG DE MA THAG TU SUN DBYUNG BAR BYA'O ZHES BYA BA'I THA TSIG GO, ,DE'I PHYIR BYA BA DAG PA NI NGES SBYOR MA YIN NO, ,GAL TE DE LTAR BYA BA DAG PA'I PHYOGS GCIG TU BSAMS PAS, GZHAN JI LTAR SPONG BAR 'GYUR ZHE NA, 'DI LA BSHAD PA PHYOGS GCIG BSAL BA NYID KYIS NA, GANG GIS GZHAN DAG KYANG BSAL BA GRUB PAR 'GYUR BA, DE 'DRA BA'I TSIG GZHAN KYANG BYAS PA YIN NO, ,'DI LTAR DANG PO'I TSIGS SU BCAD PA GNYIS KYIS BYA BA DAG PA'I PHYOGS SEL BA NI GSAL BA KHO NA'O, ,TSIGS SU BCAD PA GSUM PAS NI, SKUL BA DAG PA DANG BYA BA DANG 'BREL PA'I SKUL BA DANG, SKUL BA DANG 'BREL PA'I BYA BA DANG, 'BREL BA DANG TSOGS PA'I PHYOGS RNAMS SPANGS TE, THAMS CAD DU BYA BA DANG LDAN PA'I SKYES BU MA RTOGS PA THUN MONG MA YIN PA'I PHYIR RO, ,GAL TE YANG GZHAN DAG TU YANG 'DI SKAD BRJOD PA NUS PA DE LTA NA YANG DE DAG TU NI SO SO RANG RANG SUN 'BYIN PAR 'GYUR BAS SKYON MED DO, ,TSIGS SU BCAD PA

BZHI PAS NI, GNYIS GA'I RANG BZHIN LAS NGES PAR GROL BAR SMRA BA DGU BA BSAL BA YIN NO, ,'ON KYANG PHYOGS 'DI LA CHOS NGES PAR SBYOR BAS, CHOS CAN BSTAN PA'I PHYIR, MCHOD SBYIN NAM MTHO RIS NGES SBYOR DU 'DOD PA DE'I TSE TSANGS PA'I RANG BZHIN JI LTAR NGES SBYOR YIN ZHES RTZOD PA 'DI LA, RKANG PA BKRUS MA THAG TU BA'I LAN TSANGS PA DE NYID BYA BA YIN NO ZHES BYA BA DOGS PAR BYAS NAS, TSIGS SU BCAD PA LHAG MAS SUN 'BYIN PA YIN NO, ,DE LTA NA YANG TSANGS PA'I RNAM PAR RTOG PA SMRAS PA NYID KYIS DE SKAD BRJOD PA'I PHYIR RO SNYAM DU BSAMS PA'O, , GAL TE 'JIG RTEN MNGON PAR 'DOD PA'I NGES SBYOR NI NGES PAR SBYAR BYA'I CHOS MA YIN NAM 'DI LTAR NGES PAR SBYOR BA CAN ZHES BYA BA NI, NGES PAR SBYOR BA PO BRJOD KYI BDAG PO NI MA YIN NO ZHE NA, BDEN TE, GAL TE 'DI GRAGS PA YIN PA DE LTA NA YANG BYA BA BYED PA PO LA MI 'KHRUL PA'I PHYIR NA; NGES PAR SBYOR BA PO'I BYED PA YANG RTOGS PA DANG LDAN PA'I 'JIG RTEN 'DOD PA NYID DO, ,DES NA GTAN MI LDAN PA RNAM PAR BCAD PA YIN NO SNYAM DU BSAMS PA YIN NO, ,GAL TE NGES PAR SBYOR BA 'DI ZHES BYA BA LA SOGS PA TSIGS SU BCAD PA BZHIS NI LNGA PA DANG DRUG PA DAG BSAL BA STE; DE LA TSIGS SU BCAD PA DANG POS NI RNAM PAR RTOG PA LNGA PA'I TSUL RJES SU BRJOD PA'O, ,GNYIS PA'I PHYED KYIS NI SUN 'BYIN PA'O, ,BSHAD PA NI SNGA MA BZHIN NO, ,'DIS NI RNAM PAR RTOG PA DRUG PA YANG BSAL BA YIN TE, SKUL BYED BYED PAR BSTAN PA'I PHYIR RO, ,'DIR DOGS PA DANG LAN NI RTOGS PAR SLA'O, ,GAL TE DNGOS SU RTOGS PA MED PA DE LTA NA YANG NGA'I BSGRUB PAR BYA BA YIN NO SNYAM PA'I RNAM PAR RTOG PA YOD PAS NA, DE NYID SKUL BAR BYED PA YIN PAR 'GYUR RO, ,DES NA GTZO BO YIN PA'I PHYIR SKUL BA NYID NGES SBYOR YIN NO ZHES DOGS PA BSU NAS; TSIGS SU BCAD PA GZHAN GYIS LAN BTAB PA NI RTOGS PAR SLA'O, ,GNYIS KYI DANG PO BZHI PA YIS, ,DGU PA DE NAS BZHI RNAMS KYIS, ,LNGA PA DANG NI DRUG PA BSAL, ,GZHAN PA DAG NI GSUM PAS BZLOG ,CES BYA BA NI BSDU BA'O, ,'KHRUL 'KHOR LA GNAS SOGS MI

, ,'GYUR; ,ZHES BYA BA LA SOGS PA 'CHAD PAR 'GYUR BA'I SUN 'BYIN BSTAN PA'I DON DU, NGES SBYOR RTOGS PA NYID YIN 'GYUR, ,ZHES BYA BA'I TSIG GIS KYANG, TSAD MA'I RANG BZHIN BSAM PA 'PHANGS PA'I PHYIR NA, THA MA'I RNAM PA RTOG PA BRGYAD PO SUN 'BYIN PA STON PAR BYED PA NI, GAL TE NGES SBYOR ZHES BYA BA LA SOGS PA'I SKYES BU'I DON LA MKHO BA'I NGES SBYOR NI GDON MI ZA BAR TSAD MA'AM GZHAL BYA GCIG GI KHONGS SU 'DU DGOS SO, ,DE LA GAL TE NGES SBYOR DAG GI DON YIN NA, DE'I TSE DAM BCAS PA TZAM GYIS NGES SBYOR GYI TSAD MA'I SKYABS BTZAL DOGS NA, DE LA MNGON SUM DANG RJES SU DPAG PA NI NUS PA MED DE MCHOD SBYIN GYIS SHIG CES BYA BA NI MA 'ONGS PA'I DON STON PA TZAM DU DMIGS PA'I PHYIR RO, ,DE NYID KYI PHYIR SGRA LAS BYUNG BA YANG TSAD MA MA YIN TE, DNGOS PO'I RANG BZHIN MI SNANG BA'I PHYIR RO, ,SNANG NA NI DA LTAR BA NYID DU 'GYUR BAS MI 'JUG PAR THAL BA'I PHYIR RO, ,DE NYID KYI PHYIR TSAD MA CI ZHIG YIN PAR 'GYUR ZHES GSUNGS SO, ,DES NA TSAD MA MED PA'I PHYIR GZHAL BYA BA'I RNAM PAR RTOG PA SUN 'BYIN PA YIN NO, ,'O NA NGES SBYOR TSAD MAR GYUR PA NYID YIN NO, ,TSAD MA LA YANG TSAD MA GZHAN GYIS RTOGS PA NI MA YIN NO ZHE NA, NGES SBYOR TSAD MA'I RANG BZHIN NYID, ,CES SMOS SO, ,NGES PAR SBYOR BHA ZHES BYA BA 'GA' ZHIG YUL GYIS 'DZIN BYED DU NI RTOGS PA MED DO, ,GAL TE YANG SKYES BU'I BYED PA LA SOGS PA'I RTOGS PA 'PHANGS PA DE LTA NA YANG BYED PA YUL NYID DU 'DZIN PA NI MA YIN GYI, 'ON KYANG SHUGS KYIS 'PHANGS PA YIN NO, ,DBANG PO BZHIN DU BYED PA LA SOGS PA'I BLO SKYES PA LAS TSAD MA NYID KYANG MA YIN NO STE, DBANG PO TSAD MA NYID YIN PA BKAG PA'I PHYIR RO, ,'DI NI TSAD MA'I RNAM PAR RTOG PA BKAG PA YIN NO, ,DE NYID KYI PHYIR GNYI GA'I RANG BZHIN GYI RNAM PAR RTOG PA YANG RTZOL BA GZHAN LA MI LTOS PAR BKAG PA GRUB PO, ,SKYES BU DANG DON LA NYE BAR MKHO BA'I DBANG DU BYAS PA'I PHYIR GNYI GA MA YIN PA'I RNAM PAR RTOG PA YANG MI SRID DO, ,DES NA DE LTAR TSIGS SU BCAD PA

'DIS NI RNAM PAR RTOG PA BZHI KA YANG BSAL BA YIN NO, ,LHAG MA BSAL BA NI SGRA'I BYED PA LAS SKYES BU'I BYED PA ZHES 'JUG PA'I RIM PA YIN YANG, NGES SBYOR ZHES BYA BA NI, 'JIG RTEN NGES PAR SBYAR BYA'I CHOS NYID RAB TU GRAGS SO, ,SRID PA TZAM GYI NI NGES PAR SBYOR BAR BYED PA'I CHOS YIN PA'I PHYIR, DE'I DBANG GIS SKYES BU'I BYED PA NYID YIN PAR STON TO, ,GAL TE SBYOR BA ZHES BYA BA LA SOGS PA RJES SU BRJOD PA'I NGAG GI NANG DU 'DUS PA SKYES BU'I BYED PA'I SGRA DANG, SKYES BU NI BYED PA DE ZHES BYA BA LA ZLOS PAR MI 'GYUR TE, NGAG THA DAD PA'I PHYIR RO, ,RJOD BYED GZHAN YIN NO ZHES BYA BA NI, NGES PAR SBYOR BA ZHES BYA BA NI 'DI'I NI TSIG GZHAN NYID DO, ,DE'I TSE BSGOM PA'I PHYOGS KYI SKYON NYID DU DGONGS PA YIN NO, ,DA NI SGRA'I BYED PA'I RNAM PAR RTOG PA SUN 'BYIN PAR BYED PA NI, NGAG GI BYED PA'I PHYOGS LA ZHES BYA BA LA SOGS PA'O, ,YANG GZHAN DAG GANG LA SGRA'I BYED PAR 'DOD CE NA, GZHAN GYIS BRJOD PA NYID 'DRI BAR BYED PA NI NGAG GI BYED PA'I PHYOGS LA NI, SGRA YI SGOM PAR DER 'GYUR TE, ,SGRA YI BDAG NYID BYED PAR BRJOD, ,LING NGA LA SOGS GZHAN YIN NO; ,ZHES BYA PA'I SGRA'I BDAG NI RANG BZHIN TE, DE'I SGOM PA NI BSKUL BA'I RANG BZHIN TE DE BRJOD PA YIN NO, ,GZHAN YIN NO ZHES BYA BA NI, CHOS SHIG MCHOD SBYIN GYIS ZHES BYA BA LA SOGS PA RTAG TU RTOGS BZHIN PA SKYES BU'I BYED PA TZAM LA THA DAD PA YIN NO, ,DE SKAD DU YANG, KUN DON BSHAD PA THAMS CAD LA, ,YOD PA 'DI NI GZHAN YIN NO, ,ZHES 'DRI BAR 'GYUR RO, ,SOGS PA'I SGRAS NI LOtA DANG KRiTA KYI RKYEN LA SOGS PA'O, ,SGRA'I BYED PA YONGS SBYOR DU KHAS LEN NA NI DE'I PHYOGS LA 'GYUR BA'I SKYON DU 'GYUR RO SNYAM DU DGONGS PA'O, , NYES PA GZHAN YANG BRJOD PA NA, ,DE NI SGRA NYID LA 'GYUR PAS, ,ZHES BYA BA LA SOGS PA'O, ,DE NI'I SGRA NI DANG GI DON NAM KHYAD PAR GYI DON TO, ,'DIR KHYAD PAR NI 'DI YIN TE, NGES SBYOR NI BDAG GRUB PAR BYA BA'I DON DU 'JUG PAR BYED PA YIN PAR 'DOD DO, ,GANG GI TSE

, ,SGRA'I BYED PA NGAG GI DON DU GYUR PA NA, NGES SBYOR DU 'DOD PA DE'I TSE DES BDAG NYID GRUB PA'I DON DU SKYES BU GZHAG PAR BYA DGOS NA, SGRA'I BYED PA DE NI SGRA'I NYID LAS GRUB PAS NA SKYES BU 'JUG PAR BYED PAR MI 'THAD DO ZHES BYA BA'I THA TSIG GO, ,GZHAN GYI DOGS PA BSU BA NI, ,GAL TE SGRA YIS MA BSKUL BAR, ,RANG GI BYA BA LA 'JUG NA, ,ZHES BYA BA'O, ,MCHOD SBYIN GYIS SHIG CES BYA BA'I SGRAS NI BDAG NYID KYIS BYA BA'I RGYU MTSAN DU SKYES BU BSKUL BA NI MA YIN LA, DER 'JUG PA NI MA YIN NO ZHES SBYAR RO, ,'O NA GANG DU 'JUG CE NA, ,RANG GI BYA BA LA 'JUG NA, ,ZHES SO, ,SKYES BU RANG GI BYA BA LA 'JUG NA ZHES BYA BA'I DON TO, ,'DI LA RNAM PAR RTOG PA GNYIS TE, RANG GI BYA BA DE LA YANG SGRAS BSKUL BA'AM MA YIN NA, MA YIN NO ZHES BYA BA'I PHYOGS LA 'DI NI CI LTAR ZHES BYA BA LA SOGS PA PHYED DANG PO LHAG MA'I PHYOGS LA NI PHYED PHYI MA'O, ,DMIGS PA MED PA NYID DU 'GYUR, ,ZHES BYA BA NI DE'I TSE, DE'I BYED PA MED PA'I PHYIR RO, ,'DI NYID KYIS NI GNYI GA'I BYED PA'I RANG BZHIN GYI RNAM PAR RTOG PA YANG BSAL BA YIN NO, ,GNYI GA'I BYA BA DANG BRAL BA'I RNAM PAR RTOG PA YANG DOGS PA MI BYA STE, DE TZAM GYIS KYANG NGES SBYOR GYI DON THOB PAS NI, 'JUG PA MED PA'I PHYIR RO, ,DE LTAR RNAM PAR RTOG PA BRGYAD KA BSAL NAS BRJOD MA THAG PA'I DMIGS PA MED PA NYID 'KHRUL 'KHOR LA GNAS PA LA SOGS PA LHAG MA GSUM LA BSTAN PA'I PHYIR, DE BZHIN DU ZHES BYA BA LA SOGS PA GSUNGS SO, ,CI'I PHYIR ZHES BYA BA'I DOGS PA THUGS LA BZHAG NAS DE'I DON DU 'DI LTAR ZHES BYA BA LA SOGS PA GSUNGS SO, ,'O NA MNYAN PAR DMIGS PA MED PAR JI LTAR 'GYUR ZHE NA, 'BREL BYED CES GSUNGS, CI'I PHYIR 'BREL PA MED CE NA, SPYAD BYA'I BDAG CES GSUNGS SO, ,DE'I TSE ZHES BYA BA NI NGAG GI DON RTOGS PA'I DUS NA'O, ,LONGS SPYOD PAR BYA BA'I BDAG NYID MTHO RIS KYI MTSAN NYID MED PA'I PHYIR SKYES BU DE LA GNAS PA MA YIN NO, ,SPYAD BYA'I BDAG NYID MI SRID PA NYID CI LTAR ZHE NA, RTOGS PA'I DUS NA ZHES GSUNGS TE NGAG GI

DON RTOGS PA'I DUS NA'O, ,THAMS CAD NA ZHES BYA BA NI, SPYAD PA LA SOGS PA DAG GO, ,DE NYID DE'I RANG BZHIN NI ZHES BYA BA LA, DE NYID CES BYA BA NI RNAM PAR RTOG PA LA GNAS PA'O, ,DE'I ZHES BYA BA NI MTHO RIS LA SOGS PA'I'O, ,LAN DU MA YIN ZHES BYA BA LA SOGS PA'O; ,GAL TE RNAM PAR RTOG PA LA GNAS PA'I RANG BZHIN NYID MTHO RIS KYI RANG GI NGO BO YIN NA, DE'I TSE GRUB PA NYID YIN PAS NA BSGRUB BYA NYID NYAMS SO ZHES BYA BA'I DON TO, ,BSGOM PA DAG GI DON YIN PA RNAM PAR DPYOD PAR LING NGA LA SOGS GZHAN NYID DO ZHES BYA BA 'DIR MCHOD SBYIN ZHES BYA BA LA SOGS PA DAG LAS MCHOD SBYIN GYIS SHIG CES BYA BA DON GZHAN KHO NA'O ZHES RTOGS PAR BYED DO, ,DE NI SGRA'I BSGOM PA ZHES BYA BA YIN NO, ,'DI NI BYED PA'I BDAG NYID MCHOD SBYIN BYED DO ZHES BYA BA LA SOGS PAR SKYES BU'I SGOM PAR RTOGS PA GZHAN KHO NA STE, MCHOD SBYIN GYIS SHIG 'TSE BA MA BYED CIG CES BYA BA LA SOGS PA LTAR YUL NGES PA CAN NI MA YIN NO ZHES BRJOD PA NI DON KUN ZHES BYA BA LA SOGS PA'O, ,BRJOD PA THAMS CAD LAS ZHES BYA BA NI, SGRUB PA DANG DAG GA PA'I RANG BZHIN BRJOD PA DAG LA'O, ,DE LA SGRA'I SGOM PA NI ZHES BYA BA NAS SGOM PA YIN LA ZHES BYA BA'I BAR GYIS NI SGRA'I SGOM PA BSTAN PA'O, ,SKYES BU'I ZHES BYA BA NAS 'BRAS BU'I ZHES BYA BAS NI DON GYI SGOM PA BSTAN TO, ,KHAMS KYI DON NI MCHOD SBYIN NO, ,'BRAS BU NI MTHO RIS SO, ,SPYIR MI 'THAD PA NYID DU DAM BCAS NAS, RE ZHIG SGRA'I SGOM PA SUN DBYUNG BA BRJOD PA NI, SGRA'I BYED PA NI ZHES BYA BA LA SOGS PA'O, ,SGRA'I SGOM PA NGAG GI DON DU KHAS LEN NA NI, BRJOD BYAR 'GYUR BA'I PHYIR SGRA RJOD BYED DU KHAS BLANG BAR 'GYUR LA, BYA BA KHAS BLANGS NA YANG SGRA BYED PA POR 'GYUR RO, ,RJOD BYED DANG, BYED PA PO DAG KYANG PHAN TSUN MTHUN PA MA YIN PA'I PHYIR MI 'THAD DO, ,DE NYID KYI PHYIR DE LA LTOS TE ZHES GSUNGS TE, SGRA'I BYED PA LA LTOS TE'O, ,CI STE ZHES BYA BA NI GZHAN GYI'O, ,BYED PA PO NYID KYIS 'BRAS BUR 'GYUR BA NI RE ZHIG SPANG BAR DKA' BA'O, ,BRJOD PAR BYA BA NYID KYANG DNGOS SU MA YIN MOD RTOGS

, ,PAR BYA BA TZAM DU NI MI 'THAD PA MED DO ZHES BYED PA'O, ,DON 'DI NYID STON PAR BYED PA NI, 'DI LTAR ZHES BYA BA LA SOGS PA'O, ,BDAG NI SGRA 'DIS 'DI LAS NGES PAR SBYOR RO SNYAM DU RTOGS PAS NA, BRJOD BYA NYID MA YIN YANG NGA'I NGES PAR SBYOR BA NI 'DI'I BYED PA YIN NO ZHES RTOGS PA'I PHYIR NA SGRA'I BYED PA NI RTOGS PA KHO NA'O, ,GAL TE SGRAS BDAG NYID NGES PAR SBYOR BAR RTOGS NA DE'I TSE NGES PAR SBYOR BA NYID DAG GI DON DU THAL GYI, SGOM PA NI MA YIN NO ZHES DOGS NA, NGES PAR SBYOR BA'ANG ZHES SMOS TE SGOM PA NYID NGES PAR SBYOR BA YIN NO ZHES BYA BA'I THA TSIG GO, ,PHYED PHYI MA TZAM ZHIG RNAM PAR 'GREL PA NI, SGRA'I SGOM PA NYID LA ZHES BYA BA LA SOGS PA'O, ,DE NI MA YIN TE ZHES BYA BA NI SUN 'BYIN PA STE, GAL TE SGRA'I BYED PA SGRA LAS RTOGS PA YIN NA ZHES BYA BA NI LHAG MA'O, ,SGRA'I BYED PA NGES PAR SBYOR BA ZHES BYA BA SKYES BU'I SGRUB PAR BYED PA'I MTSAN NYID YIN NA, DE'I TSE BRDA MA BZUNG BAS CI LTAR MI RTOGS TE, SGRA'I BYED PA ZHES BYA BAR RTOGS PAR BYA'O, ,DE BZHIN DU NGES PAR SBYOR BAR BYED PA ZHES BYA BA YANG SGRA NYID KYI RANG BZHIN ZHES BYA BA'I THA TSIG GO, ,'DI NYID GSAL BAR BYED PA NI RANG GI NGO BOS ZHES BYA BA LA SOGS PA'O, ,DE NYID TSOGS PA YIN NA ZHE NA ZHES BYA BA NI GZHAN GYI DOGS PA'O, ,LONG BA'I TSIG YIN NO SNYAM DU BSAMS NAS GAL TE ZHES BYA BA LA SOGS PA GSUNGS SO, ,'DI LTAR 'BRAS BU GANG LA TSOGS PA SKYABS YIN TE, SKUL BA LA SOGS PA LA 'ON TE BRDA'I SPYOD YUL DU GYUR PA'I DON RTOGS PAS NA, DE LA NYAMS SU MYONG BA'I RJES SU 'BRANGS NAS PHYOGS DANG PO NI MA YIN PA'I PHYIR NA GNYIS PA LA GNAS PAR 'GYUR BA NA, SGRA'I BYED PA BDAG NYID SKYES BU'I SGOM PA NI RTOGS PA MA YIN NO ZHES STON PA NI; GANG GI PHYIR ZHES BYA BA LA SOGS PA'O, ,BRDA DANG LHAN CIG PA YIN YANG SGRAS SKYES BU NAN GYIS 'JUG PAR MI BYED KYI, 'ON KYANG DON RTOGS NAS RANG NYID 'DOD PA'I DBANG GIS 'JUG PA'AM, MI 'JUG PA YANG RAG GO, ,'O NA BRDA 'DZIN PA'I TSOGS PA GANG DU DOGS

SHE NA; BRDA 'DZIN PA'I ZHES BYA BA LA SOGS PA'O, ,DON NI SKUL BA DANG, GSOL BA 'DEBS PA LA SOGS PA'I MTSAN NYID CAN NO, ,'O NA JI LTAR SKYES BU 'JUG CE NA, DON RTOGS PA'I SKYES BU NI ZHES SMOS SO, ,PHYED SNGA MA 'BREL BA NI, 'DI GYIS SHIG CES BYA BA LA SOGS PA'O; ,SKUL PA DANG, GSOL BA 'DEBS PA DAG KHO NAR RTOGS PAR 'GYUR GYI, SGOM PA'I MTSAN NYID KYI NGES SBYOR NI MA YIN TE, BRDA 'DZIN PA'I TSOGS PA'I BYED PA MED PA'I PHYIR RO ZHES BYA BA'I THA TSIG GO, ,NGES PAR SBYOR NYID CES BYA BA RTOGS PAR 'DOD PAS NI GDON MI ZA BAR SKUL BA DANG GSOL BA 'DEBS PA RTOGS PAR KHAS BLANG DGOS SO, ,DE LTA NA YANG RANG GI 'DOD PA KHO NAS SKYES BU 'JUG PA YIN NO, ,DES NA SGRA NI 'JUG PAR BYED PA NYID DU RTOGS PA MA YIN NO ZHES BYA BA 'PHANGS PA YIN NO, ,NGES PAR SBYOR BA NYID RTOGS PA 'DI NI DMIGS PA MED PA NYID KYANG YIN NO ZHES STON PA NI, NGES PAR SBYOR BA ZHES BYA BA NI ZHES BYA BA LA SOGS PA'O, ,NGES PAR SBYOR BA PO ZHES BYA BA NI SKYES BUS BYAS PA LA LTOS NAS NI BYED PA PO YIN LA, SKYES BUS MA BYAS PA LAS LTOS NA NI 'CHAD PAR BYED PA'O, ,RTOGS PAR BYAS NAS ZHES BYA BA NI 'BYUNG BAR 'GYUR BA YIN PA'I PHYIR NA, RNAM PAR RTOGS PAS BRTAGS NAS ZHES BYA BA'I DON TO, ,DE'I ZHES BYA BA NI NGES PAR SBYAR BYA'I'O, ,NGES PAR SBYAR BA 'BRAS BU DANG BCAS PAR 'GYUR RO ZHES BYA BA NI SGRA'I BYED PA'I NGES SBYOR RO, ,NGES PAR SBYOR BAR BYED PA PO'I RTOGS PA DMIGS PA MED PAR 'GYUR MOD, NGES PAR SBYAR BAR BYA BA'I RTOGS PA GO JI LTAR DMIGS PA MED PAR 'GYUR ZHE NA, CI LTAR ZHES BYA BA LA SOGS PA GSUNGS SO, ,DER ZHES BYA BA NI NGES SBYOR NYID LA'O, ,SBYAR BAR BYA BA DE BZHIN TE, ,ZHES BYA BA NI GNOD PA'I RTOGS PA CAN NYID DU'O, ,SGRA NI BLO DON RJOD BYED YIN, ,ZHES BYA BA NI SNANG BA LA LTOS NAS, BLO'I RNAM PA YUL YIN NO, ,LHAG PAR ZHEN PA LA LTOS NAS NI 'BYUNG BAR 'GYUR BA'I DON YUL YIN PA'I PHYIR NA, YUL MED PA KHO NA'O, ,CI LTAR ZHES BYA BA LA SOGS PA NI BSHAD PA'O, ,

, ,RAB TU SBYOR BAR BYED PA'I RAB TU SBYOR BYED NYID DU RTOGS PA NI RTOGS PAR BYA BAS GNOD PAS DMIGS PA MED PA YIN NO, ,CI LTAR DE GNOD CE NA, RANG GI BYA BAS STONG PAR BDAG NYID RTOGS PAR GSUNGS SO, ,DE BZHIN DU SBYAR BYA'I RTOGS PA YANG GNOD DO ZHES 'BREL TO, ,GANG GIS GNOD CE NA, DE NYID KYIS ZHES GSUNGS TE, SBYAR BAR BYA BA NYID KYIS SO, ,CI LTAR DES GNOD CE NA, BDAG NYID RANG BYA BA DANG MI LDAN PAR RTOGS PAS ZHES GSUNGS SO, ,DES NA BYED PAR RTOGS PA NI YUL MED PA KHO NA'O, ,'DIR GZHAN GYIS DE'I RTOGS PA DE NI SGRA LAS YIN NO ZHE NA ZHES SMRAS SO, ,DON 'DI YIN TE, MNGON SUM GYIS BYED PA MA RTOGS TZAM GYIS NI GNOD PA MA YIN TE, SGRA NYID LAS RTOGS PA'I PHYIR RO, ,MNGON SUM GYIS MA RTOGS PA'I ME RJES SU DPAG PAS KYANG RTOGS PAR MI 'GYUR BA NI MA YIN NO ZHES BYA BA'O, ,LAN DU DE NI MED DE ZHES BYA BA LA SOGS PA'O, ,GAL TE MNGON SUM BZHIN DU SGRA LAS KYANG, DE'I RANG GI NGO BO SNANG BA YIN NA, DE'I TSE DMIGS PA MED PA NYID KYI MTSAN NYID KYIS NYES PAR MI 'GYUR BA ZHIG NA, 'ON KYANG RJES SU DPAG PA LTAR SGRA DE YANG BLO'I DON NYID GSAL BAR BYED PA YIN NO, ,CI'I PHYIR ZHE NA, BDAG GI DE LTAR ZHES BYA BA SMOS TE, GZHAN GSAL BA'I RNAM PA NYE BAR STON PA'O, ,RNAM PAR DPYOD PA RNAMS KYIS GSAL BA LA LTOS NAS PHYOGS GZHAN BSHAD PA NI, YANG NA ZHES BYA BA LA SOGS PA'O, ,'DI'I ZHES BYA BA NI NGES PAR SBYOR BYED KYI'O, ,BDAG GIS ZHES BYA BA NI NGES PAR SBYAR BYAS SO, ,BSGOM PA LA LTOS NAS KYANG RNAM 'GREL DANG SBYOR BAR BYED DO, ,GANG LA SMRA BA PO YOD PA ZHES BYA BA NI SANGS RGYAS PA'I LUNG LA SOGS PA LA'O, ,GANG LA DE MED PA ZHES BYA BA NI RIG BYED LA'O, ,'DI NI GRAGS PA JI LTA BA BZHIN SBYAR BA YIN TE, TSAD MA LA LTOS NAS NI, RNAM PAR DBYE BA 'DI MED DO ZHES BSHAD PA NI YANG NA ZHES SMOS SO, ,BRJOD PA NI RJOD BYED DE SMRA BAR BYED PA'O, ,BRDA LA LTOS NAS KHYAD PAR CAN GYI DON DAM PAR BYED PA'I 'JIG RTEN GYI NGAG GANG YIN PA DE NYID NI RIG

BYED KYI YANG YIN NO, ,DES NA RIG BYED LA YANG BYED PA YOD PA YIN TE, TSAD MA LA LTOS GZHON NU 'BYUNG BA CAN LA SOGS PA BZHIN NO, ,KHYAB PA JI LTAR ZHE NA, RIGS GANG GANG LAS ZHES BYA BA'I TSUL ZHES GSUNGS SO, ,BRJOD DKA' BA DANG MNYAN DKA' BA LA SOGS PA DANG, DUG SEL BAR BYED PA LA SOGS PA'I NUS PA'I KHYAD PAR RAM, DBANG PO LAS 'DAS PA'I DON STON PAR BYED PA LA SOGS PA RIGS MI GCIG PAR BRTAG PAR BYA BA GANG YIN PA DE DAG KYANG THAMS CAD DANG THUN MONG BA NYID DO, ,DE LA LTOS NAS BSHAD PA NI YANG NA DE DANG KHYAD PAR MED PA'I PHYIR ZHES BYA BA LA SOGS PA STE, RIG BYED DANG KHYAD PAR MED PA'I PHYIR RO, ,DE LTA YIN DANG TSIG SO SOR NGES PA'I TSAD MA MED PAS NA, RIG BYED KYI TSAD MA 'BA' ZHIG TSAD MAR KHAS MI BLANG NGO SNYAM DU DGONGS PA'O, ,SKYES BUS BYAS PAS ZHES BYA BA NI GZHAN GYIS DOGS PA'O, ,KHYAB 'JUG GI LUNG LA SOGS PA NI SKYES BUS BYAS PAR GRAGS PAS NA, DE NI SKYES BUS MA BYAS PA LA GNOD DO ZHES BYA BA'I THA TSIG GO, ,SKYES BU ZHES BYA BA LA SOGS PA NI SUN 'BYIN PAR BYED PA'O, ,RIG BYED LA YANG MA RTOGS PA'I PHYIR NA SKYES BUS BYAS PA MA YIN NO ZHES BRJOD PAR MI BYA STE, 'DAS NAS SHIN TU YUN RING DU LON NAS DBANG PO LAS 'DAS PA'I PHYIR MA DMIGS KYANG BYED PA PO DGAG PAR MI NUS PA'I PHYIR RO, ,DES NA BYED PA PO MED PA NYID THE TSOM ZA'O, ,DE NYID KYI PHYIR SKYES BUS BYAS PA DE SKYES BUS MA BYAS PA NYID KYI GNOD BYED MA YIN NO ZHES BYA BA 'DI TSAD MA GA LAS YIN TE, TSAD MA 'GA' YANG YOD PA MA YIN NO ZHES BYA BA'I THA TSIG GO, ,RTZOD PA 'DI NI LE'U DANG POR SPROS PA YIN LA, 'DIR NI SKABS KYIS CUNG ZAD BRJOD PAR ZAD DO, ,PHYOGS GZHAN BRJOD PA NI YANG NA ZHES BYA PA'O; ,TSIG DE NI ZHES BYA BA NI GANG LA BYED PA PO YOD PAR GRAGS PA'O, ,GANG GIS 'DI LTAR BRJOD PA RANG GIS MA BYAS PAR BDAG GIS BYAS SO SNYAM PAR 'KHRUL PA MTHONG BA YOD DAM SNYAM DU DOGS NA, 'DI LTAR ZHES BYA BA LA SOGS PA'O, ,RLOM PAR 'GYUR BA 'GA' ZHIG GI, ,

, ,RLOM PA'I RNAM PA SMRAS PA NI NGA YIS BYAS PA YIN NO ZHES BYA BA'O, ,CI'I PHYIR RLOM PAR 'GYUR ZHES DOGS NA GTAN TSIGS BRJOD PA NI DRAN PA NYAMS PHYIR ZHES BYA BA'O, ,'DIS SNGAR NYAMS SU MYONG BAR 'GYUR BA'I GZHUNG NYID LA DRAN PA NYAMS PAS DE LTAR RLOM PA YIN NO ZHES BYA BAR BSAMS PA'O, ,DE LTAR RIG BYED DU MI 'DOD LUNG YANG SKYES BUS MA BYAS PAR BSTAN NAS, GZHON NU 'BYUNG BA LA SOGS PA YANG SKYES BUS MA BYAS PAR SGRUB PAR BYED PA NI, SNYAN DNGAGS KYANG ZHES BYA BA LA SOGS PA'O, ,DE LTA YIN DANG ZHES BYA BA NI SKYES BUS BYAS PAR NGES PA MED NA'O, ,'DIR SKABS KYI DON NI 'DI YIN TE, RIG BYED LAS GZHAN PA'I LUNG BYED PA PO SGRUB NA BYED PA PO'I TSIG NYI TSE BA YIN PAR BRTAG PAR BYA BA YIN NO, ,GAL TE RANG GIS BYA BAR STON PAR BYED PA PO MA YIN NA NI DE'I TSE DE LA YANG 'DIR NI SNGAR YOD PA KHO NA YIN GYI, 'DI LUNG BYED PA NI MA YIN NO ZHES BYA BAR 'GYUR BA'I PHYIR 'DI LA NGES PA GA LA YOD, DES NA BYED PA PO'I TSIG KYANG CI BDEN PA YIN NAM, YANG NA CI GNA' NYID DU GNAS PA'I LUNG LA SPYOD PA'I RANG BZHIN CAN RMONGS PAS RANG GIS BYAS PAR BRJOD CES 'DIR YANG NGES PA MED DO; ,DES NA THAMS CAD SKYES BUS MA BYAS PAR 'GYUR RO, ,GZHAN GYIS DE LTAR YIN NA ZHES SMRAS TE, THAMS CAD SKYES BUS MA BYAS PA YIN NA'O, ,LUNG 'DI NI KHYAB 'JUG GIS BYAS SO ZHES BYED PA PO BRJOD PA DOGS PA MED PAR 'GYUR BA DES NA BYED PA PO STON PAR BYED PA MI BRJOD PAR 'GYUR NA, BRJOD PA YANG YIN NO, ,DES NA KHYAB 'JUG LA SOGS PA'I LUNG DE LA SKYES BUS MA BYAS PA NYID DON MED DE, BRJOD PAR BYA BA DANG BRAL BA BRDZUN YIN NO ZHES BYA BA'I THA TSIG GO, ,SUN 'BYIN PA NI RIG BYED LA'ANG ZHES BYA BA LA SOGS PA'O, ,DE DON MED PA NYID MTHONG ZHES BYA BA NI RI BO RIG LA NI RIG GI RIG BYED BYAS LA, SNGA MA BYA'I RIG BYED NI RI BO S'A LA LA ZHES BYA BA LA SOGS PA'O, ,'ON TE DER NI DON GZHAN KHO NA YIN TE, BYAS ZHES BYA BA NI BSHAD PA YIN NO ZHE NA DE LTA YIN NA GNYI GA LA YANG MTSUNGS PAR 'GYUR TE, 'DRI YANG KHYAB 'JUG GIS

BYAS ZHES BYA BA NI BSHAD PA YIN NO ZHES BYA BA DON NYID YIN NO, ,TSIG THA MA 'GREL PA NI DON MED PA DANG ZHES BYA BA LA SOGS PA'O, ,DON GZHAN DU RTOGS NA ZHES BYA BA 'DI LAN BTAB ZIN MOD KYI LHAG PA BRJOD PA'I DON DU RJES SU BRJOD PA YIN NO, ,DE NYID BRJOD PA NI BDEN PA'I DON DU ZHES BYA BA LA SOGS PA'O, ,RIG BYED DER LHA MO ZHES BYA BA LA SOGS PA'I GTZUB SHING LA SOGS PA BDEN PA'I DON DU RTOGS PA NI 'CHAD PAR BYED PA'I SKYES BUS BYA BA KHO NA'O, ,DANG POR MI BDEN PAR SNANG BA GANG YIN PA LHA MO ZHES BYA BA LA SOGS PA DE NI RIG BYED LAS YIN NA DES NA RIG BYED NI TSAD MA MA YIN NO SNYAM DU DGONGS PA'O, ,RNAM 'GREL GYI DON BSHAD PA NI LHA MO ZHES BYA BA LA SOGS PA RIG BYED KYI DON LHA'I KHYAD PAR LA SOGS PA'I MTSAN NYID SPANGS NAS DGANG GZAR LA SOGS PA'I MTSAN NYID KYI DON GANG SKYES BUS BYAS PA'I DON DE LA SGRA NI DON GYI DE NYID KYI RGYU MTSAN CAN GYI TSAD MA MA YIN NO ZHES 'BREL TO, ,BSHAD ZIN PA'I DON NYID GSAL BAR BYED PA NI, 'DI LTAR ZHES BYA BA LA SOGS PA'O, ,DE BLO NI SKYES BU'I BLO TSAD MAR 'GYUR RO ZHES BYA BA'I DON TO, ,DE YANG ZHES BYA BA NI SKYES BUS BRTAGS PA'O, ,GAL TE DE YANG DE DON NA, ,ZHES BYA BA NI DANG PO YANG RIG BYED KYI DON YIN NO, ,CI'I PHYIR RIG BYED DON MED MIN TE BRDZUN PA'I DON CAN YIN NO ZHES BYA BA'I THA TSIG GO, ,DE LTA NA YANG ZHES BYA BA NI CI DE'I TSE NYID CI LTAR SNANG BA 'DI NYID DON YIN NAM, 'ON TE BDAG CAG LA MI SNANG BA YIN YANG GZHAN KHO NA ZHIG YIN ZHES GZHAN DU YANG THE TSOM ZA'O, ,DES NA THE TSOM ZA BAS SKYES BUS MA BYAS KYANG TSAD MA MA YIN NO, ,GAL TE JI LTAR THE TSOM MA ZA ZHE NA, RIG BYED KYI DON GYI ZHES GSUNGS SO, ,GAL TE GANG DU DANG PO PA MI SRID PA DER THE TSOM DU 'GYUR MOD GANG DU DON DANG POR SRID PA DER GO CI LTAR THE TSOM ZA ZHE NA, PHYUGS 'DOD PAS ZHES GSUNGS SO, ,RES 'GA' TZI TRA'I MCHOD SBYIN BYAS KYANG PHYUGS PHUN SUM TSOGS PA MA THOB PA'I PHYIR RO, ,GZHAN GYI DOGS PA NI DER LAS NYAMS PA ZHES BYA BA LA SOGS PA

, ,YIN NO, ,DER ZHES BYA BA NI TZI TRAS MCHOD SBYIN BYAS PAR RO, ,MA YIN TE ZHES BYA BA NI PHYOGS SNGA MA 'GOG PA'O, ,TSAD MA MED PA'I PHYIR ZHES BYA BA NI CI 'DIR LAS NYAMS PAS MA GRUB PA'AM, 'ON TE TZI TRA'I MCHOD SBYIN LA NUS PA MED PAS YIN ZHES 'DI LA TSAD MA MED DO, ,RES 'GA' NUS PA MTHONG BA'I PHYIR RO ZHE NA, DE'I TSE CI LAS KYI KHYAD PAR YONGS SU SBYIN PA LAS SAM, 'ON TE TZI TRA'I MCHOD SBYIN GYIS NUS PA YIN ZHES RTOGS PAR DKA' BA'O SNYAM DU DGONGS PA'O, ,'ON TE DER NI DON GZHAN KHO NA YIN TE, TZI TRA'I MCHOD SBYIN NUS PA NI MA YIN NO SNYAM NA DON GZHAN RTOGS PA NI ZHES GSUNGS SO, ,DE LTAR DON GZHAN RTOGS PA SKYES BUS BYAS PAR 'GYUR MOD, ,SBYIN SREG GIS SHIG CES BYA BA LA SOGS PA NGES PAR SBYOR BA RTOGS PA GO DE LTAR CI STE 'GYUR ZHE NA, RIG BYED LAS BDAG NYID CES BYA BA LA SOGS PA SMOS SO, ,GANG GI PHYIR SBYIN SREG GIS SHIG CES ZER BA'I RIG BYED LAS BDAG NYID NGES PAR SBYAR RO SNYAM PA'I 'JIG RTEN THAMS CAD NI BRDA'I RJES SU 'BRANGS PA YIN PAS DE'I PHYIR SBYIN SREG GIS SHIG CES BYA BA LA SOGS PA ZER BA'I RIG BYED DU NGES PAR SBYOR BA NYID DU RTOGS PA NI SKYES BUS BYAS PA KHO NA'O, ,DE NYID KYI PHYIR NA RTOGS PA 'DI NI DMIGS PA MED PA KHO NA'O SNYAM DU DGOS PA'O, ,DE LTAR DNGOS PO'I NYES PA YANG BSTAN NAS SGRA'I THA SNYAD KYI NYES PA YANG STON PA NI, NGES PAR SBYOR BA NI ZHES BYA BA LA SOGS PA'O, ,NGES 'BYOR NGAG GI DON YIN PA LA YANG NYES PA 'DI 'DI MTSUNGS SO ZHES BSTAN PA'I PHYIR NGES PAR SBYOR BA'I SGRAR BYAS NAS GSUNGS SO, ,DON GYI BSGOMS PA'I PHYOGS LA YANG DE BZHIN DU RTOGS PAR BYA BA'I PHYIR GZHAN YANG ZHES BYA BA LA SOGS PA GSUNGS SO, ,KYANG GI SGRA NI RIM PA GZHAN DU YIN TE, 'TSED DO ZHES BYA BAS KYANG BYED PA PO RTOGS SO ZHES BYA BA YIN NO, ,DE NYID KYI PHYIR BYED PA PO'I GSUM PAR MI 'GYUR RO, ,SKYES BU'I BYA BA TZAM RTOGS NA NI BYED PA PO MA BRJOD PA'I PHYIR GSUM PA ZLOG TU MED PA KHO NA'O ZHES BYA BA'I DON TO, ,GZHAN

GYI DOGS PA BSU BA NI, ,BYED PA'I SHUGS KYIS ZHES BYA BA LA SOGS PA'O, ,'TSED DO ZHES BYA BA, 'DIR DANG PO NI SKYES BU'I BYED PA RTOGS SO, ,BYED MKHAN DE'I SHUGS KYIS 'PHANGS PA YIN PAS DE NA BYED PA PO RTOGS SO ZHE NA, LAN DU BYED PA PO 'PHANGS PAS RTOGS PA NI MA YIN NO, ,CI'I PHYIR ZHE NA, GANG GI PHYIR BRJOD MA THAG PA'I TSUL DE LTAR YIN NA RIM GYIS RTOGS PAR 'GYUR RO, ,RIM GYIS RTOGS PA NYID GSAL BAR BYED PA NI, DANG PO SGOM PA RTOGS SHING ZHES BYA BA LA SOGS PA STE, DANG PO SKYES BU'I BYED PA RTOGS PAR 'GYUR RO,, DE'I SHUGS KYIS ZHES BYA BSGOM PA'I SHUGS KYIS SO, ,PHYIS ZHES BYA BA NI DE'I 'OG TU'O, ,DE LAS ZHES BYA BA NI SGOM PA RTOGS PA LAS SO, ,DE LTAR RIM GYI RTOGS LA RAG MOD NYES PA CI YOD CE NA, RIM GYIS NYES PA RTOGS PAR NI ZHES GSUNGS SO, ,DE LTAR RIM GYIS RTOGS PA NYAMS SU MYONG BAS GNOD DO ZHES BSTAN NAS, SGRA'I SKYON YANG STON PA NI GNYIS KYI TSIG DANG ZHES BYA BA LA SOGS PA STE, G-YOS MKHAN 'TSED PAR BYED DO, ,G-YOS MKHAN 'TSED PAR BYED PA DAG GO ZHES BYA BA LA SOGS PA'O, ,BYA BA GCIG YIN PA'I PHYIR ZHES BYA BA NI, BYA BA NI RDZAS MA YIN PA'I PHYIR NA GNYIS DANG MANG PO NYID DU MI RIGS SO, ,GCIG NYID NI THA SNYAD TZAM DU YIN NO, ,'ON TE TRiD KYI RKYEN GYIS BRJOD PA'I DNGOS PO SKYES BU'I BYED PA'I MTSAN NYID NI RDZAS BZHIN DU RTOGS PAR 'GYUR BA'I PHYIR GCIG LA SOGS PAR MI 'GAL LO ZHES BYA BA'I DOGS PA 'DI BSU BA NI, 'ON TE BYED PA PO ZHES BYA BA LA SOGS PA'O, ,SUN 'BYIN PA NI MA 'BREL PA CHEN POR 'GYUR RO ZHES BYA BA'O, ,GANG DU ZHE NA, LHAS BYIN DANG ZHES BYA BA LA SOGS PA'I NGAG 'DIR RO, ,CI LTAR ZHE NA, 'DI LTAR ZHES BYA BA LA SOGS PA'O, ,RE LDE LA SOGS PA'I LAS GCIG PA'I PHYIR NA, BYA BA GCIG NYID DANG, DE BZHIN DU BYED PA PO THA DAD PAS NA THA DAD PAR 'GYUR RO, ,CI LTAR BYA BAR 'GYUR ZHES BYA BA NI GCIG GI TSIG GIS MANG PO'I TSIG TU'O, ,GZHAN GYIS LAN GDAB PA'I PHYIR

, ,GAL TE ZHES BYA BA LA SOGS PA SMRAS SO, ,GAL TE KHAMS KYI DON NGES SBYOR GYI RANG BZHIN YIN PA'I PHYIR, BYED PA PO'I THA DAD PAS THA DAD PAR RIGS PA MA YIN NAM ZHE NA, KHAMS KYI DON DE YANG ZHES SMOS SO, ,RKYEN GYI DON YIN PA'I PHYIR RO ZHES BYA BA NI LING NGA LA SOGS PA'I RKYEN GYI DON YIN PA'I PHYIR RO, ,DE YANG ZHES BYA BA NI NGES PAR SBYOR MED DE YANG NGO ,,DE NI ZHES BYA BA NI NGES PAR SBYOR BA'O, ,'ON NI CI LTAR RE LDE GYIS SHIG CES BYA BA GNYIS KYI TSIG TU 'GYUR BA, DE BZHIN DU LHAS BYIN DANG MCHOD SBYIN DAG GIS RE LDE BYED DO ZHES BYA BA 'DIR YANG 'GYUR RO ZHE NA, KHAMS KYI DON YAN 'GAR BA NI ZHES SMRAS SO, ,DE NI MA YIN TE ZHES BYA BA NI SUN 'BYIN PA'O, ,'BREL PHYIR ZHES BYA BA NI BYED PA PO DANG 'BREL BA'I PHYIR RO, ,DER 'GYUR THA DAD NA ZHES BYA BA NI NGES SBYOR THA DAD NA'O, ,DER 'GYUR TE ZHES BYA BA NI THA DAD PAR RO, ,CI'I PHYIR ZHE NA, DE YANG ZHES SMOS TE, KHAMS KYI DON DE YANG NGO, ,DE THA DAD BAS ZHES BYA BA NI BYED PA PO THA DAD PAS SO, ,RANG GI 'DOD PAS GZHUNG GZUGS PA'I PHYIR GSUNGS PA NI, KHO BO CAG GI LTAR NA ZHES BYA BA BA'O, ,LAS DANG BYED PA PO LAS ZHES BYA BA NI THA DAD PA DANG LDAN PA'I LNGA PA'O, ,DE ZHES BYA BA NI BYA BA'O, ,GANG GI TSE BRJOD PA ZHES BYA BA NI BYED PA PO ZHES 'BREL TE, ,DANG PO NYID KYI DON YIN PA'I PHYIR ZHES BYA BA NI RANG BZHIN TZAM GYI DON YIN PA'I PHYIR RO, ,PHYOGS GNYIS KA LA YANG RIM GYIS SBYOR BA GNYIS STON PAR BYED PA NI BDAG NYID CHEN POS ZHES BYA BA LA SOGS PA'O, ,GANG GI TSE ZHES BYA BA LA SOGS PA NI BSDU BA'I TSIGS SU BCAD PA GNYIS SO, ,LAS ZHES BYA BA NI YI GE LAS SO, ,DE LTAR SGRA'I BYED PA'I SGOM PA DPYAD NAS DON GYI BYED PA'I SGOM PA DPYAD PA'I PHYIR GANG GI TSE ZHES BYA BA LA SOGS PA'O, ,LAS KYI SGRA NI NI BHA BA'I DON YIN LA ZHES BYA BA'I MDO 'DIR RI KHROD RJES RANG GIS BSHAD PAR BHA BA NA BHA BA STE SKUL BA'I RKYEN TO ZHES BSHAD DO, ,DE LTAR YIN DANG DE NI SGOM PA NYID YIN LA ZHES BYA BA NI SGOM PA'I SGRAS BRJOD DO ZHES BYA BA'I DON TO, ,GAL TE DE LTAR NA BDAG

DES PAR SBYOR RO SNYAM PA'I RTOGS PA MED PA MA YIN NAM, DE JI LTAR NA SGOM PA NYID BYED PA YIN ZHE NA, BSHAD PA NI DE'I TSE NGES PAR SBYAR BA NI DE'I LHAG MA'I PHYIR ZHES BYA BA'I KHYAD PAR YIN PA'I PHYIR DE GTZOR GYUR PA MA YIN LA, GTZOR GYUR PA MA YIN PA'I PHYIR NI NGAG GI DON NYID MA YIN NO, ,DE BZHIN DU NGES SBYOR NGAG GI DON DU BYED PA'I TSE YANG NGES SBYOR NYID GTZO BO YIN LA, RGOL BA NI KHYAD PAR YIN NO ZHES RIG PAR BYA'O, ,GAL TE NGES SBYOR GYI KHYAD PAR CAN GYI SGOM PA NGAG GI DON YIN MOD, GDON MI ZA BAR 'JUG PA GO CI LTA ZHE NA, SGOM PA ZHES BYA BA LA SOGS PA'O, ,DE LTAR RTOGS PA NA ZHES BYA BA NI NGES SBYOR GYI KHYAD PAR CAN NYID DU RTOGS PA NA'O, ,'DI NYID GSAL BAR BYED PA NI MI 'JUG PAR YANG CI LTAR 'GYUR TE ZHES BYA'O, ,DE NI MI 'THAD DE ZHES BYA BA NAS, SEMS SAM ZHES BYA BA'I BAR NI SUN 'BYIN PA'O, ,GAL TE DE LTAR MIN ZHES BYA BA NI GZHAN GYI DOGS PA BSU BA'O, ,MTHO RIS 'DOD PA ZHES 'BRAS BU THOB PA'I PHYIR NA 'BRAS BU MED PAR ZHES CI LTAR BRJOD CES BYA BA'I DON TO, ,SUN 'BYIN PA NI 'BRAS BU DANG BCAS PAR GA LAS RTOGS ZHES BYA BA'O, ,GAL TE 'DI NI GDON MI ZA BAR ZHES BYA BA LA SOGS PA NI BSHAD PA'O, ,BSTAN ZIN TO ZHES BYA BA NI SKYES BUS MA BYAS PA NYID YIN YANG DAN MED PA NYID BZLOG PAR DKA' BA NYID KYI SGO NAS SO, ,BSGOM PA KHAS BLANGS NAS SUN DBYUNG BA BRJOD PA YIN NO, ,DA NI DE NYID MED DO ZHES STON PA NI, GZHAN YANG ZHES BYA BA'O, , MCHOD SBYIN DON THA DAD PA ZHES BYA BA NI RTOGS PA YOD MA ZHES 'BREL TO, ,DE NI ZHES BYA BA NI SGOM PA'O, ,'TSED BYED CES BYA BA NAS THA DAD PAR RTOGS NA ZHES BYA BA'I BAR NI GZHAN GYI STE, TSOD PA DANG MCHOD SBYIN DAG NI LAS NYID DU BSTAN PA'I PHYIR RO, ,BYED DO ZHES BYA BA 'DIR BYA BA THA DAD PA DMIGS PA YIN NO, ,GTAN TSIGS DES NA MA DMIGS PAR MA GRUB PO ZHES BYA BA'I THA TSIG GI, ,LAN DU DE LTAR YIN NA THUG PA MED DO ZHES BYA BA'O, ,GANG GI PHYIR SPYI DANG KHYAD PAR GYI NGO BOS SGOM PA DANG, MCHOD SBYIN LA SOGS PA RNAM PAR GNAS PA 'DOD PA DE'I PHYIR SPYI

, ,DANG KHYAD PAR GZHAN DANG GZHAN DU 'GRO BAS THUG PA MED DO, ,DE NYID STON PA NI MCHOD SBYIN BYED PA NI ZHES BYA BA LA SOGS PA'O, ,DON 'DI YIN TE TE DPER MCHOD DO ZHES BYA BA 'DIR MCHOD BYED DO ZHES BYA BA 'PHANGS PA DE BZHIN DU MCHOD SBYIN GYI YUL CAN GYI RANG GI BYA BA SKYED DO ZHES SHES PAR BYA BA YIN NO, ,DES NA MCHOD SBYIN GYI YUL CAN RANG GI BYAS PA LAS SKYES BA NYID GZHAN YIN PAR 'GYUR RO, ,DE BZHIN DU MCHOD SBYIN SKYED PAR SGRUB PAR BYED DO ZHES BYA BA 'DIR YANG GAL TE YANG MCHOD SBYIN SKYED PAR BSGRUB PAR BYA'O ZHES BRJOD PAR 'DOD NA YANG GZHAN 'PHEN PAR 'GYUR RO, ,DE LTAR GCIG NAS GCIG BRGYUD PA NI MNGON SUM LA SNANG BA YANG MED DO, ,DE NYID KYI PHYIR 'DI DAG NI ZHES BYA BA LA SOGS PA BSHAD PA YIN NO, ,DE'I PHYIR MCHOD SBYIN LA SOGS PA'I DON LAS THA DAD PA'I SGOM PA'I 'GOG PA'I GTAN TSIGS SU MNGON SUM LA MI SNANG BA LA BRTEN PA NA, DE LA MA GRUB PA MED DO, ,RNAM PAR RTOG PA TZAM NI SGRUB PA'AM, 'GOG PA LA NUS PA YOD PHA MA YIN NO ZHES BYA BA'I THA TSIG GO, ,THUG PA MED PAR MI 'GYUR DU BCUG KYANG, THA MI DAD PA LAS YANG THA DAD PAR SGRO BTAGS NAS THA SNYAD DU BYED PA NI MTHONG NGO ZHES BSHAD PA NI 'CHI KA'I LUS ZHES BYA BA'O, ,LHUG PAS NI DPE YIN NA DE BZHIN ZHES BA LA SOGS PA'I TSIGS SU BCAD PA PHYED KYIS NI DON BSTAN TO, ,MTSUNGS PA NYID DU STON PA NI BYED PA'I ZHES BYA BA'O, ,BRAM ZE NI MCHOD SBYIN LA BYA BA BYED DO ZHES BYA BA 'DIS NI MCHOD SBYIN BYED DO ZHES BRJOD PA YIN GYI, BYA BA DE LOG SHIG TU MTHONG BA NI MED DO, ,DES NA THA DAD PA'I THA SNYAD TZAM DU ZAD KYI, MTSON SBYIN LA BYA BA GZHAN PA MA YIN NO, ,'O NA MCHOD SBYIN YANG GANG YIN ZHE NA, MCHOD SBYIN GYI NI BYA BA YANG ZHES SMOS SO ZHES BYA BA NI MTHONG BA YOD MA YIN ZHES BYA BA DANG, MA YIN ZHES BYA BA GNYI GAR YANG GZUNG BA'O, ,CI'I PHYIR MCHOD SBYIN GYI BYA BA GZHAN MA YIN ZHE NA, LHA SBYIN NYID DANG NI ZHES BYA BA'O, ,DBYUG PA CAN BZHIN DU MCHOD SBYIN DANG LDAN PA LAS MCHOD SBYIN YIN NO ZHES NI MI RIGS TE,

THA DAD PA LA MI DMIGS PAS GNOD PA'I PHYIR RO, ,AUTPAL LA SNGON PO BZHIN DU LDOG PA TZAM GYIS BYAS PA'I THA DAD PA LA BA RTEN NA, GCIG NYID LA GZHI MTHUN PA RNAM PAR GNAS PA YIN NO, ,'DIR YANG THA DAD PA KHO NA'O ZHE NA, 'DI LA MI DMIGS PAS GNOD PA'I PHYIR RO ZHES BRJOD ZIN TO, ,DE'I PHYIR MCHOD SBYIN NI KHYAD PAR CAN GYI GNAS SKABS THOB PA'I LHA SBYIN LA SOGS PA'I RDZAS LAS THA DAD PA MA YIN PAR 'DOD PAR BYA'O, ,DE YANG GANG CI'I RANG BZHIN YIN YANG RUNG STE, BYED PA DE LAS THA DAD PA NI MED DO ZHES SKABS NYID GNAS PA YIN NO, ,GZHAN DAG BYED PA'I BYA BA THA DAD PA'I DON DU 'BAD PA BYED PA NI, GAL TE ZHES BYA BA LA SOGS PA'O, ,LHA SBYIN CI BYED CES BYA BA NI 'DRA'I BA'O, ,'TSED DO ZHES BYA LA SOGS PA NI LAN TE, 'DRA'I BA DANG LAN 'DI DAG MTHONG BA'I PHYIR NGES PA STE, DE YOD PA NA MCHOD SBYIN LA SOGS PA LA THE TSOM ZA BA'I PHYIR BYA BA GZHAN NYID DU GRUB PA KHO NA'O, ,DON 'DI NI SANGS RGYAS PA YANG 'DOD PA YIN NO ZHES STON PA NI, DE SKAD DU YANG ZHES BYA BA'O, ,SUN 'BYIN PAR BYED PA YANG 'DRA'I BA DANG LDAN THA DAD PA MTHO BA DE NYID KYI THA DAD PA ZLOG PAR BYED PAS DE NI DE LTAR MI 'THAD DE ZHES BYA BA LA SOGS PA GSUNGS SO, ,GZHAN LA ZHES BYA BA NI GTZO BYA LA SOGS PA LA'O, ,GZHAN DU NI ZHES BYA BA NI BYED PAR DRI BA'I BRJOD PA'O, ,RNAM PAR 'GREL PA NI GAL TE ZHES BYA BA LA SOGS PA'O, ,GZHAN LA ZHES BYA BA NI MCHOD SBYIN LA SOGS PA LA'O, ,'DRA'I STE ZHES BYA BA NI 'DRI BA'I TSIG GO, ,'DI NI BRJOD PA'I ZHES BYA BA NI 'GREL PA'O, ,DON 'DI YIN TE GTZO BO LA SOGS PA LA THE TSOM ZA BA NA, ,CI BYED CES 'DRA'I BA'I TSIG MI 'THAD DO, ,BUM PA LA THE TSOM ZA BA NI SNAM BU 'DRI BAR MI 'THAD DO, , GZHAN SMRAS PA NI BYED PA'I DON ZHES BYA BA LA SOGS PA'O, ,BUM PA DANG SNAM BU LTAR SHIN TU THA DAD PA MA YIN NO SNYAM DU BSAMS PA'O, ,SPYI 'BA' ZHIG RTOGS PA NA KHYAD PAR GYI CHA LA THE TSOM ZA BA'I PHYIR 'DRI BA NI RIGS PA KHO NA'O, ,KHYAD PAR MED PAR ZHES BYA BA LA SOGS PA NI SUN 'BYIN

, ,PAR BYED PA'O, ,SKYE PA DANG GNAS PA'I GZHAN GYI DBANG MED PA LA GAL TE RTOGS PA'I GZHAN GYI DBANG YANG MED NA NI DE'I TSE BUM PA DANG SNAM BU BZHIN DU THA DAD PA NYID SPANG BAR MI NUS SO, ,DE'I PHYIR SPYI'I RTOGS PA NI KHYAD PAR RTOGS PA NANG DU 'DUS PA'I RANG BZHIN KHO NA'O, ,DES NA KHYAD PAR GYI CHA LA THE TSOM MI ZA PAS CI 'DRA'I BA'I GO SKABS YOD, 'ON TE SPYI KHYAD PAR 'PHEN PAR BYED MOD KYI SPYI RTOG PA NA DE RTOG PA NI MA YIN NO ZHES DOGS PA BSU NAS BSHAD PA KHYAD PAR SPYI'I 'PHANGS PAR 'GYUR BA YIN NA NI MA RTOGS PA MA YIN TE; 'ON KYANG RTOGS PA KHO NA'O, ,DE LTA NA YANG THE TSOM MED PA'I 'DRA'I BA'I GO SKABS SU CI LTAR 'GYUR, PHYED PHYI MA RNAM PAR 'GREL BA NI, SPYI 'BA' ZHIG CES BYA BA'O, ,'ON TE ZHES BYA BA NI GZHAN GYI KHAS LEN PA'O, ,SPYI ZHES BYA BA SPYI'I SHES PAS KHYAD PAR ZHES BYA BA KHYAD PAR GYI SHES PA 'PHEN TE, YUL CAN GYI YUL CAN BSTAN PA'I PHYIR RO, ,DE YANG ZHES BYA BA NI KHYAD PAR RO, ,'ON TE ZHES BYA BA LA SOGS PA NI GZHAN GYI RTOGS PA'O, ,DE NI ZHES BYA BA KHYAD PAR RO, ,LAN DU SPYI DE NYID CES BYA BA LA SOGS PA'O, ,DON 'DI YIN TE GAL TE SPYI RTOGS KYANG KHYAD PAR MI RTOGS KYI, 'ON KYANG KHYAD PAR SPYI'I RANG BZHIN DU RTOGS PA YIN NA, DE'I TSE YANG SPYI RTOGS PA NYID DO, ,DE LTA YIN DANG SPYI GZHAN MED PA'I DBANG PO RTOGS PA KHO NA RTOGS PAR 'GYUR NA, 'PHEN PAR BYED PA DE NYID 'PHANG BAR BYA BAR YANG 'GYUR BA NI MI RIGS PA'I PHYIR 'DI YANG BKAG PA YANG YIN NO, ,'ON TE SPYI GZHAN KHO NA 'PHANG BAR BYA BA YIN NO ZHES DOGS NA SPYI LAS ZHES SMOS SO, ,CI'I PHYIR ZHE NA, DE LTA YIN NA ZHES SMOS TE, 'PHANG BAR BYA BA'I SPYI'I GZHAN YOD NA'O, ,SPYI DE TZAM NI MNGON SUM LA SNANG BA MED PA'I PHYIR RTOGS PA 'DI YANG MI RIGS SO SNYAM DU DGONGS PA'O, ,GZHAN DAG RIGS PA CAN GYI MDO DANG LHAN CIG SDONG BAR BSAMS NAS GAL TE ZHES BYA BA LA SOGS PA SMRAS SO, DE LTA YIN DANG RENG RENG PO TZAM GYI SPYI'I MNGON SUM DU 'GYUR BA YIN LA, MTHO YONG RAM MI'I KHYAD PAR NI

MNGON SUM MA YIN BA DANG, GZHAN GYI TSE MTHONG BA'I YOR DANG, SKYES BU'I KHYAD PAR LA DRAN PA DE LTA NA, MTHO YONG RAM MI ZHES THE TSOM ZA BA YIN NO, ,DE BZHIN THAMS CAD DU THE TSOM ZA BA YIN NO, ,DES NA SPYI DANG KHYAD PAR GYI NGO BOR GYUR PA NA THE TSOM DU RIGS PA KHO NA'O ZHE NA, 'DI SUN 'BYIN PA NI SPYI ZHES BYA BA LA SOGS PA'O, ,SPYI MNGON SUM DU GYUR PA NA KHYAD PAR DMIGS PA'I PHYIR MED PA KHO NAR RIGS KYI THE TSOM NI MA YIN TE, MED PAR NGES PA'I PHYIR RO SNYAM DU DGONGS PA'O, ,DE LTAR SPYI MNGON SUM YIN PA'I PHYIR DANG, KHYAD PAR MNGON SUM MA YIN PA'I PHYIR ZHES BYA BA DE SUM BYUNG NAS, KHYAD PA DRAN PA'I PHYIR ZHES BYA BA DE SUM 'BYIN PA NI, KHYAD PAR DRAN PA'I PHYIR ZHES BYA BA LA SOGS PA'O, ,CI'I PHYIR DON MED CE NA KHYAD PAR DRAN PA LAS ZHES GSUNGS TE, MTHO YOR RAM MI'I KHYAD PAR MA NGES PAR DRAN PA GANG YIN PA DE NI THE TSO MA MA YIN TE, DE LAS SNGAR DRAN PA GZHAN YOD PA NI MA YIN NO, ,'ON TE SKYES BU DANG MTHO YOR 'DRA BA 'GA' ZHIG SRID PA YIN LA, DES NA RENG RENG MTHONG BA NA GCIG LA SBYAR BA'I PHYIR THE TSOM DU 'GYUR PA YIN NO ZHE NA, 'ON NI 'GA' ZHIG RENG RENG PO MTHONG BAS SNGAR NYAMS SU MYONG BAS GZHAG PA'I BAG CHAGS SAD PA LAS GCIG LA GNYIS MA NGES PAR DRAN PAR 'GYUR BA DE CI THE TSOM MA YIN NAM, 'ON TE DER YANG RE ZHIG SNGON MTHONG BA LA LTOS PA YIN NO ZHE NA, DE LTA NA YANG KHYAD PAR DRAN PA'I PHYIR ZHES BRJOD PAR MI BYA'O, ,SNGAR KHYAD PAR MTHONG BA'I PHYIR RO ZHES BYA BAR 'GYUR RO, ,SPYI MNGON SUM DU GYUR PA LA LTOS PA YANG 'KHRUL PAR BSTAN PA'I PHYIR, SPYI MNGON SUM DU GYUR PA MED PAR YANG ZHES BYA BA LA SOGS PA SMRAS SO, ,CI SRID SGRUB BYED DANG GNOD BYED MA ZHUGS KYI BAR DU NI SROG NI YOD DAM MED CES BRJOD PAR BYA BA MA YIN NA, DER NI SPYI 'GA' YANG RTOGS PA MED DO, ,SOGS PA'I SGRAS NI RANG BZHIN DANG DBANG PHYUG LA SOGS PA GZUNG NGO, ,DE'I PHYIR RNAM PA 'GA' ZHIG LTAR RNAM PAR RTOG PA LA SNANG BA'I RNAM PA GNYIS DNGOS SU KUN

, ,DU SPYOD PA MED KYANG SGRUB PAR BYED PA DANG GNOD PAR BYED PA'I DUS NYID NA THE TSOM GYI THA SNYAD DU BYA BA YIN NO SNYAM DU DGONGS PA YIN NO, ,SKABS NYID DU NYE BAR SDUD PA NI DE'I PHYIR ZHES BYA BA'O, ,MA NGES PAR RTOGS PA'I MCHOD SBYIN LA SOGS PA DE NYID SPYI YIN NO ZHES 'BREL TE, ,RNAM PA GANG GIS RTOGS PA ZHE NA, MED DO ZHES SMOS SO, ,TSAD MA GANG LA RTOGS SHE NA, SPYIR MTHONG BA'I RJES SU DPAG PA LAS ZHES SMOS SO, ,MCHOD PA LA SOGS PA DAG TU BYA BA'I MTSAN NYID DANG LDAN PA GCIG 'GA' ZHIG NYE BAR BSTAN NAS, 'DI 'DRA BA NI BYA BAR BRJOD DO ZHES BAR DA GRUB PA NA ZHES DE 'DRA BA'I MTSAN NYID CAN GZHAN DAG KYANG MA LUS PAR BYA BA'I THA SNYAD DU RUNG BA YIN NO ZHES BYA BA NI, DE'I RANG BZHIN GYIS RJES SU DPAG PA YIN NO, ,SPYI YONGS SU BCAD PA GZHAN YANG YOD PA MA YIN NAM, DES NA DE SKAD DU CI STE BRJOD CE NA, KHYAD PAR MED PAR MA ZIN PA ZHES SMOS SO, ,GAL TE SPYI MNGON SUM DU GYUR PA LA SOGS PA THE TSOM GYI RGYU MA YIN NA'O, ,'ON TE TSOM GYI RGYU GANG YIN ZHE NA, LA LAS NI ZHES SMOS SO, ,YUL THAG RING PO 'AM MUN PAS NON PA'I DUS SU THE TSOM GYI YUL GYI DNGOS PO'I RNAM PAS DPEN PA'O, ,MA DMIGS PAS THE TSOM GYI RGYUR BRJOD PA MA YIN NAM, DE CI LTAR BLO YIN PAR BRJOD CES DOGS NAS, DMIGS PA'I MTSAN NYID DU MA GYUR PA DE LTA BUR GYUR PA'I MA DMIGS PA NYID YIN PA'I PHYIR MA DMIGS PA SPANGS PA MA YIN NO, ,DE LAR YANG SHES PA DANG SHES BYA MA YIN PAR DGAG PA'I RANG BZHIN GYIS RNAM PA GNYIS YIN NO ZHES BSHAD PA NI, BLO'I RANG BZHIN NAM ZHES BYA BA LA SOGS PA'O, ,DES NA BLO NYID MI DMIGS PAR BRJOD PAS MI 'GAL LO, ,'ON KYANG DMIGS BZHIN PA'I DON GYI RANG BZHIN YANG YIN NO ZHES BYA BA NI KHYAD PAR RO, ,SPYI MTHONG BA NI THE TSOM GYI RGYU MA YIN NO ZHES GRUB KYANG SKABS KYI SPYI THA DAD PA LA BSAM PA LAS YANG GZHAN GYI DOGS PA STON PA NI, GAL TE ZHES BYA BA LA SOGS PA'O, ,LAN NI SKYES BU DANG

ZHES BYA BA LA SOGS PA'O, ,MED PA MA YIN NAM ZHES BYA BA NI DMIGS PA KHO NA'O ZHES BYA BA'I THA TSIG GO, ,DES NA DE NI YOD PA MA YIN NO SNYAM DU DGONGS PA'O, ,YOD PA LA GNOD PA CI YOD CE NA, GAL TE ZHES BYA BA'O, ,RNAM PA GNYIS NI SPYI DANG KHYAD PAR GYI RNAM PA'O, ,DMIGS PA YANG MED DE DES NA SPYI THA DAD PA NI YOD PA MA YIN NO ZHES BZLOG PA STON PAR BYED PA NI, 'DIR NI ZHES BYA BA LA SOGS PA STE, MTHO YOR DANG SKYES BU'I BDAG NYID KYI KHYAD PAR 'DIR RO, ,THA DAD BLO MED PHYIR ZHES BYA BA NI BLO RNAM PA GCIG NI DA DUNG SNANG BA'I PHYIR TE, KHYAD PAR GYI RNAM PA NYID DU SNANG BA'I PHYIR RO ZHES BYA BA'I DON TO, ,BLO THA MI DAD KYANG SPYI GZHAN DU 'GYUR RO SNYAM DU DON GYI THA DAD PA NYID NI ZHES SMOS SO, ,'ON TE ZHES BYA BA NI GZHAN GYI'O, ,DE LTAR MA YIN NA ZHES BYA BA NI GAL TE, MTHO YOR DANG SKYES BU'I RNAG BZHIN SPANGS NAS DMIGS PA MED NA, DE'I TSE MTHO YOR DANG SKYES BU'I RNAM PA'I KHONGS SU GTOGS PA THA MI DAD PA SPYI NYAMS SU MYONG GYUR NA'O, ,DE LA ZHES BYA BA KHYAD PAR LA'O, ,DE YONGS SU SPANGS PAR ZHES MTHO YOR DANG SKYES BU YONGS SU SPANGS PAR RO, ,DE DAG LAS ZHES BYA BA NI, MTHO YOR DANG SKYES BU DAG LAS SO, ,DE GZHAN YIN NA ZHES BYA BA NI RENG RENG PO NYID DE'O, ,SUN 'BYIN PA GZHAN YANG BSHAD PA NI, SPYI DON GZHAN PA NYID YIN NA ZHES BYA BA'I GZHAL BYA ZHES BYA BA SKYED BU'AM MTHO YOR RO, ,GZHAN DAG SKABS THOB NAS RNAM PAR RTOG PAR BYED PA NI GAL TE ZHES BYA BA LA SOGS PA'O, ,MI SNANG BA ZHES BYA NI SNANG BA MED PA'I RANG BZHIN NO, ,DE LA RNAM PAR RTOG PA PHYI MA RJES SU BRJOD NAS ZLOG PA NI, GAL TE ZHES BYA BA LA SOGS PA'O, ,RNAM PAR RTOG PA BAR MA SUM 'BYIN PA NI, GAL TE ZHES BYA BA LA SOGS PA'O,, RNAM PAR RTOG PA DANG PO SUN 'BYIN PA'I SNANG BA MED NA ZHES BYA BA LA SOGS PA'O, ,DA NI RNAM PAR RTOG PA GZHAN LTA BU'I GRUB PA'I MTHA' DOGS PA BSU NAS RNAM PAR RTOG PA BAR MA NYID DU SDUD PAR SMRAS PA NI, GAL TE ZHES BYA BA LA SOGS PA'O, ,DE LTAR GYUR PA'I ZHES BYA BA NI

, ,MI GSAL BA'I RNAM PA CAN NO, ,DE NI DE LTA MA YIN TE ZHES BYA BA LA SOGS PA NI, GRUB PA'I MTHA'O, ,DE LTAR BSAMS PA YIN TE, GANG GI PHYOGS BAR MA'I GO SKABS SU 'GYUR BA GZHAN GANG RUNG BA SNANG BA MI GSAL BA YIN PAR NI MI SMRA'O, , 'ON KYANG GANG GIS YUL YOD PA DANG MED PA NI BLO LA RAG LAS PA BLO DANG YUL DAG LA NYE BAR 'GA' ZHIG YOD PA YIN NO, ,DPER NA DER YOD PAS YUL YOD PA DE BZHIN DU BLO DE'I RNAM PA CAN MA YIN NA, BLO MI GSAL BAR RTOGS SO ZHES THA SNYAD DU BYED PA YIN TE, DE'I RNAM PA YUL LA SGRO BTAGS PA'I PHYIR RO ZHES BYA BA YIN NO, ,GAL TE DUNG DKAR PO DE'I BDAG NYID DU YOD PA NI KHA DOG DE'O, ,DE DANG THA MI DAD PA'I DBYIBS LA GNOD PA ZHES BYA BA NI GSAL BA'I DON DANG THA MI DAD PA'I MI GSAL BA LA GNOD PA'I GAL TE ZHES BYA BA LA SOGS PA NI GZHAN GYI DOGS PA'O, ,'DI NYID KYI BSHAD PA NI GANG GI PHYIR ZHES BYA BA LA SOGS PA'O, ,DBYIBS THA DAD PA YIN NO ZHE NA ZHES BYA BAS NI RDZAS KYANG NYE BAR MTSON PAR LTA'O, ,DBYIBS SAM RDZAS KHA DOG DANG THA MI DAD PA CI 'DRA BA KHA DOG DANG THA MU DAD PA DE 'DRA BA LA KHA DOG LA GNOD PAS GNOD BYED CING NGO, ,GZHAN DU ZHES BYA BA NI THA DAD PAR DBYIBS LA SOGS PA RTOGS PA MED NA ZHES BYA BA'O, ,'ON TE DBYIBS DANG KHA DOG DAG DE'I BDAG NYID DU GNAS KYANG GCIG LA GNOD GZHAN LA MA YIN NO ZHE NA, GANG GI ZHES BYA BA LA SOGS PA SMOS SO; ,SBYOR BA'I RNAM PAR DBYE BA NI, ,'BREL PA'I RNAM PAR DBYE BA STE, 'BREL PA'I RNAM PAR DBYE BA GANG GIS DBYIBS LA SOGS PA DE DAG NYID LA'O, ,GCIG NI KHA DOG GO, ,GZHAN RDZAS SAM DBYIBS TE, DBYIBS DANG RDZAS DAG NI 'THOB PA'I PHYIR RO, ,RENG RENG PO TZAM DANG RDZAS TZAM NI 'THOB KYI, MI 'THOB PA NI KHA DOG 'BA' ZHIG TU ZAD DO ZHES BYA BA'I THA TSIG GO, ,GAL TE DE NI GZHAN YIN NA ZHES BYA BA NI, DE DAG GI GANG GI TSE RDZAS SAM DBYIBS KHA DOG LAS GZHAN YIN NA DE'I TSE DE NYID DE BZHIN NYID DU GSAL BA MI GSAL BA'I KHA DOG SNANG

PA'I DUS CAN SNGON NAM PHYI MA'I MNGON SUM LA CIS MI SNANG STE, SNANG BA KHO BAR 'GYUR RO ZHES BYA BA'I THA TSIG GO, ,GNYIS ZHES BYA BA NI GSAL BA DANG MI GSAL BA SNANG BA GNYIS LA'O, ,KHA DOG DANG DBYIBS TE RDZAS LA THA DAD PA'AM ZHES BYA BA NI RDZAS KYANG KHA DOG DANG DBYIBS LAS THA DAD PA ZHES RTOGS PAR BYA BA'O, ,DBYIBS KYANG KHA DOG DANG ZHES BYA BA 'DIS KYANG KHA DOG KYANG DBYIBS LAS ZHES BYA BAR YANG RTOGS PAR BYA BA'O, ,'GREL PA SO SOR MI SNANG NA ZHES BYA BA LA SOGS PA 'DI NI LAN GZHAN STON PAR BYED PA YIN NO, ,RTZA BA'I BSHANG PA NI GNYIS TSOGS PA YANG ZHES BYA BA'O, ,RDZA SA SAM DBYIBS DMIGS PA GANG YIN PA DE NYID NI 'DI YIN NO ZHES MTSAMS SBYOR BAR BYED PA NI MNGON SUM GYI STOBS LAS SKYES PA'I ZHES PA YIN PAS 'DI NI MNGON SUM GYI BYED PA KHO NA YIN SNYAM PA GSAL BA'I PHYIR, RJES SU SBYOR BA NI MNGON SUM LAS MA YIN TE ZHES GSUNGS TE, MNGON SUM GYI BYED PA'I RJES SU 'JUG PA DANG BRAL BAR NI BSGRUB PAR ZIN PA'I PHYIR RO, ,DE MED PA'I PHYIR ZHES BYA BA NI NAM YANG MNGON SUM MED PA'I PHYIR NA, RDZAS LA SOGS PA THA DAD PAR SGRUB PA'I RJES SU DPAG PA YANG YOD PA MA YIN TE, 'BREL PA 'DZIN PA MED NA MED PA'I PHYIR RO SNYAM DU DGONGS PA'O, ,THA DAD PAR RTOGS PA ZHES BYA BA NI KHA DOG LAS DBYIBS DANG RDZAS DAG CING BLTA BAR BYA'O, ,DE LTAR ZHAR LA 'ONG BA'I YAN LAG CAN BSAL NAS, 'ON TE YUL THAG RING POR SKYES BU DANG MTHO YOR GYI RANG BZHIN DANG BRAL BA'I RENG RENG PO TZAM DMIGS PA NYID DO ZHES BYA BA LA SOGS PA DE NYE BAR SDUD PA NI, DE'I PHYIR ZHES BYA BA NA'O, ,THUN MONG BA NI RENG RENG PO'I SPYI'O, ,SKABS NYID NYE BAR SDUD PA NI DE BAS NA ZHES BYA BA LA SOGS PA'O, ,BYED DO ZHES BYA BA 'DIS BSTAN PAR BYA BA MCHOD SBYIN LA SOGS PA'I BYA BA'I KHYAD PAR RNAMS KYI THUN MONG BA'I RANG BZHIN SPYI'I NGO BOR BYA BA ZHES BYA BA NI MED DO ZHES BYA BA'I DON TO, ,GRUB PA'I DNGOS GZHI BRJOD PA NI DE'I PHYIR SGOM PA NI ZHES BYA BA LA SOGS PA'O, ,DE LA THA DAD PAR ZHES BYA BA NI MCHOD SBYIN

, ,LA SOGS PA BYA BA'I KHYAD PAR LAS THA DAD PAR RO, ,DE LTAR GNYI GA'I RANG BZHIN GYI SGOM PA BSAL NAS, DA NI KHAMS KYI DON GYI PHYOGS SUN 'BYIN PA NI, KHAMS KYI DON YANG ZHES BYA BA'O, ,GAL TE LHA SBYIN GYI SBYIN SREG CES THA DAD PAR THA SNYAD BYED PA NYID DO ZHE NA, LAS KYANG MIG SER CAN LA DE'I RNAM PA CAN MA YIN PA'I BLO SKYE BA MA YIN NAS, DES NA DER YANG MI GSAL BAR SNANG BA'I THA SNYAD YOD PAR THAL BAR 'GYUR RO ZHE NA, DE NI DE LTAR MA 'BREL TE ZHES GANG GIS HA CANG THAL BAR 'GYUR BA, GANG DANG GANG LAS DE'I RNAM PA CAN MA YIN PA'I BLO SKYE BA DANG DE LA MI GSAL BAR SNANG BA'I THA SNYAD DU BYA BA YIN NO ZHES BYA BA NI 'DI'I BZHED PA MA YIN GYI, 'ON KYANG GANG LA MI GSAL BAR SNANG BA'I THA SNYAD DU BYA BA LA NYES PA 'DIS BYA BA YIN NO ZHES BYA BA BZHED PA YIN TE, DES KYANG HA CANG THAL BA MED DO, ,GZHAN GYIS 'ON TE DE NYID CES SMRAS TE, KHYOD KYIS BLO'I RANG BZHIN DU BRJOD PA MI GSAL BA GANG YIN PA DE NYID DO, ,DE LTA YIN NA ZHES BYA BA NI SUN 'BYIN PA'O, ,DE GNYIS NI ZHES BYA BA KHA DOG DANG DBYIBS SO, ,'ON TE ZHES BYA BA NI GZHAN GYIS SMRAS PA'O; ,KHA DOG DANG DBYIBS SNANG BA DE NI RDZAS LA BRTEN PA YIN GYI, SPYI LA BRTEN PA NI MA YIN NO ZHES BYA BA GRUB BA SGRUB PA YIN NO ZHES BYA BA'I DON TO, ,DE LTA NA ZHES BYA BA NI SUN 'BYIN PA'O, ,DE LAS ZHES BYA BA NI KHA DOG DANG DBYIBS LAS SO, ,GAL TE ZHES BYA BA LA SOGS PA NI GZHAN GYI'O, ,DON 'DI YIN TE, MTHO YOR DANG MI LA GNAS PA'I KHA DOG GAM DBYIBS SNANG BA YIN MOD KYI, 'ON KYANG SO SO'I RANG BZHIN DU MA YIN PAR THUN MONG GI RANG BZHIN DU SNANG BA 'BA' ZHIG TU ZAD DO, ,DES NA THE TSOM ZA BA YIN NO ZHES BYA BA YIN NO, ,SUN 'BYIN PA NI DE LTA MA YIN TE ZHES BYA BA'I RANG BZHIN NI GZHAN PAS ZHES BYA BA NI GSAL BAS NYE BA'I GNAS SKABS RTOGS PA YIN NO, ,GZHAN DU ZHES BYA BA MI GSAL BA'I RANG BZHIN DU JI LTAR RTOGS PAR 'GYUR RO, ,DE ZHES BYA BA NI KHA DOG GAM, DBYIBS

SO; ,GSAL BA MI GSAL BA'I RANG BZHIN DU RTOGS NA NYES PA CI YOD CE NA, DE LTA YIN NA ZHES SMOS SO, ,BRGYA LA GZHAN YAN LAG CAN THE TSOM GYI RGYUR SMRA BAR 'GYUR RO ZHES DOGS PA BSU BA NI, 'ON TE ZHES BYA BA LA SOGS PA'O, ,DER ZHES BYA BA NI MTHO YOR RAM SKYES BU LA'O, ,DE DAG LAS ZHES BYA BA NI KHA DOG GAM DBYIBS SO, ,DE LA ZHES BYA BA NI SNGON PO LA SOGS PA LA'O, ,DE LAS THA DAD PA NI KHA DOG DANG DBYIBS LAS SO, ,DE NYID CES BYA BA NI GZHAN GYI DOGS PA STE, KHA DOG DANG DBYIBS GANG YIN PA DE NYID DO, ,LEN DU MA YIN TE ZHES BYA BA LA SOGS PA'O, ,'ON TE ZHES BYA BA LA SOGS PA NI, GZHAN GYI LAN NI MA YIN TE ZHES BYA BA LA SOGS PA'O, ,'DI NYID GSAL BAR BYED PA NI GSAL BAR BYA BA DANG MI GSAL BA'I ZHES BYA BA LA SOGS PA'O, ,GAL TE DE LTAR DE DAG LAS THA DAD PA MI DMIGS PA'I PHYIR MED MOD MI GSAL BA'I KHA DOG DANG DBYIBS GO CI LTAR MED PA NYID YIN ZHE NA, MI GSAL BA'I ZHES BYA BA LA SOGS PA SMOS SO, ,GNOD PA'I PHYIR MED DO ZHES RTOGS PAR BYA'O, ,GANG GIS GNOD CES DOGS PA NA, GZHAN GYI 'DOD PA'I RIGS PA SMRAS PA NI, GSAL BAR ZHES BYA BA LA SOGS PA'O, ,PHYIR RO ZHES BYA BA NI DE'I PHYIR ZHES PA'I DON TO, ,DES NA DON 'DI YIN TE, GANG GI PHYIR GSAL BA'I RNAM PA CAN SKYES NAS, NYE BA'I YUL DU MDUN NA GNAS PA'I RNAM PA GSAL BA 'DI NI, MI GSAL BA'I RNAM PA'I RANG BZHIN DE LTAR 'GYUR BA MA YIN NO ZHES BYA BAR 'GYUR BA YIN TE, DE'I PHYIR DES GNOD PA YIN NO ZHES BYA BA YIN NO, ,DOGS PA DE NYID LA RANG GI 'DOD PAS RIGS PA BRJOD PA NI, DE LAS BZLOG PA'I ZHES BYA BA STE, MI GSAL BA DE LAS BZLOG PA'I RANG BZHIN NI GSAL BA STE, DE ZHES BYA BA NI MI GSAL BA'I DBYIBS DANG KHA DOG MI DMIGS PA NYID DO, ,GZHAN GYI 'DOD PA DOGS PAR BYED PA NI, 'DI MA YIN NO ZHES BYA BA LA SOGS PA'O, ,LAN DU 'DI MA YIN NO ZHES BYA BA LA SOGS PA'O, ,KHA DOG DE NI ZHES

, ,BYA BA NI YUL THAG RING PO NA SNANG BA'I KHA DOG DE DBYIBS GANG LA NYID DU RTOGS PA YIN NO ZHES SUN 'BYIN PA BRJOD PA NI, MCHOD SBYIN DE NI ZHES BYA BA LA SOGS PA NI MCHOD SBYIN LA RANG GI NUS PA RTOGS KYANG, GANG GI TSE MCHOD SBYIN MTHO RIS LA; NUS PAR RTOGS PA DE'I TSE BSKUL YANG RTOGS PA 'DI MCHOD SBYIN DE LA CI LTAR 'JUG ,DA NI THA MA SGRUB PA'I PHYOGS SUN 'BYIN PAR BYED PA NI, DE NYID KYI PHYIR ZHES BYA STE DMIGS PA MED PA NYID BZLOG PAR DKA' BA'I PHYIR RO, ,SGOM PA LA SOGS PA RNAMS KYI PHAN TSUN 'BREL PA GANG LAS RTOGS PA'AM, 'JUG PA'I YUL MCHOD SBYIN GYI MTHO RIS LA SOGS DANG 'BREL PA YIN YANG RUNG STE, DE NYID BSGRUB PA YIN NO, ,THAMS CAD CES BYA BA NI SGOM PA LA SOGS PA'O, ,'O NA JI LTAR 'JUG CE NA, DES NA ZHES BYA BA LA SOGS PA SMOS SO, ,GAL TE BLO DMIGS PA MED PA YIN MOD, SEL BA SGRA DANG RNAM PAR RTOG PA DAG GI YUL YIN NO ZHES BYA BA GA LAS SHE NA, DE NYID KYANG GZHAN SEL BA YIN NO ZHES SMOS TE, RNAM PAR RTOG PA BLO'I DMIGS PA MED PA NYID GZHAN SEL BA YIN NO ZHES BYA BA'I DON TO, ,GZHAN SEL BA BRJOD BYA YIN NO ZHES BYA BA NYID MTHAR GTUGS NA BRJOD PAR BYA BA SEL BA YIN NO ZHES DON NGES PAR MDZAD PA'I PHYIR RO, ,DE'I PHYIR ZHES BYA BA NI SKABS NYE BAR SDUD PA'O, ,LHAG PAR SGRO 'DOGS PA ZHES BYA BA NI MI BDEN PA'O, ,GAL TE DES SPROS PA DE TZAM GYIS CI ZHIG BSHAD CE NA, SGRO 'DOGS PA NI ZHES BYA BA LA SOGS PA GSUNGS SO, ,DANG PO ZHES BYA BA NI GTZO BO ZHES BYA BA'I DON TO, ,DE LTAR MI SLU BA DANG LDAN PA NYID TSAD MA'I MTSAN NYID DU RJOD PA DANG, MA KHYAB PA DANG HA CANG KHYAB PA'I NYES PA YANG SPANGS PA DANG DE'I MTSAN NYID DANG LDAN PA'I PHYIR, BCOM LDAN 'DAS NYID 'JIG RTEN PHA ROL LA SOGS PA LA TSAD MA YIN NO ZHES BYA BA'I DON YANG BSTAN PA DANG, RIG BYED NYID LAS DE GRUB PAS BCOM LDAN 'DAS MI DGOS SO ZHES BYA BA'I RTZOD PA 'DI LA RIG BYED RANG LAS TSAD

MA YIN PA'I PHYIR MI SLU BA DANG LDAN PA NYID KYI MTSAN NYID DON MED PAR BRJOD PA LHUR LEN PA'I SPROS PA GSAL BA NA, YANG RANG GI GZHUNG LUGS LA LTOS NA MI SLU BA'I MTSAN NYID KHO NA LA YANG MA KHYAB PAR STON PAS GAL TE ZHES BYA BA SOGS PA SMOS SO, ,DE NYID 'DI YIN NO ZHES BYA BA LA SOGS PAR ZHES BYA BA'I GZHAL BYANG GYUR PA'I LAS SO, ,SHES NAS ZHES BYA BA NI RTOGS PA SKYES NAS SO, NGO SHES PA LA SOGS PA'I SHES PA TSAD MAR 'GYUR RO ZHES SBYAR TE, DE LTAR MA YIN NA DE'I YUL DU 'GRO BA'I RTOGS PA MI SRID PA'I PHYIR RO; ,SOGS PA'I SGRAS NI BUM PA GCIG YIN NO SNYAM PA NA YAN LAG CAN GYI SHES PA DANG, SNGON PO NGANG G-YO BA ZHES PA NI SNGON PO NYID DANG MI G-YO BA NYID DAG GI KHYAD PAR CAN DU GYUR PA'O ZHES BYA BA LA SOGS PA KHYAD PAR THA DAD PA 'DZIN PA BSDU'O, ,'DI LA NI RANG GI LUGS KYIS TSAD MA 'DOD PA MA YIN NO, ,DE NYID KYI PHYIR GZHAN GYI LUGS STON PA NI DE LA SNGON MED PA ZHES BYA BA LA SOGS PA RNAMS 'DI YANG NYE BAR MTSON BA TZAM STE, DANG PO LTA BA'I SHES PA NI, ,RNAM PAR RTOG MED BYIS PA DANG, ,LKUGS SOGS RNAM SHES DANG 'DRA BA, ,DAG PA'I DNGOS LAS SKYES PA YOD, ,CES BYA BA DANG, DE YI 'OG TU BLO GANG GIS, ,DNGOS CHOS RIGS LA SOGS RNAMS SU, ,PHYIR ZHING ZHEN BYED DE YANG NI, ,MNGON SUM NYID DU 'DOD PA YIN, ,ZHES BYA BA YANG BLTA BAR BYA'O, ,YAN LAG GI SHES PA'I STOBS LAS BYUNG BA'I PHYIR RNAM PAR RTOG PA 'DI TSAD MA MA YIN NA ZHES 'BREL TO, ,'ON TE DE MA THAG PA YIN NA ZHES BYA BA NI, GAL TE YUL RTOGS PA LA BAR DU GCOD PA MIG LA SOGS PA SPANGS NAS MCHOD PA LTA BA'I SHES PA TSOL NA DE'I TSE DRAN PA DANG 'DOD PA LA SOGS PA YOD NA 'JUG PAR BYED PA TSAD MA YIN PAS NA, 'JUG PA LA BAR MA CHOD PA'I RNAM PAR RTOG PA NYID TSAD MAR 'GYUR RO SNYAM DU BSAMS PA'O, ,DE LTAR RTZOD PA GNYIS LA, GZUNG BA 'DZIN PHYIR KUN RDZOB NI, ,MI 'DOD CES BYA BAS RNAM PAR RTOG PA TSAD MA YIN PA BKAG LA, BLO NI TSAD MA NYID CES

, ,BYA BA LA SOGS PAS NI MIG LA SOGS PA BKAG GO, ,DES NA YONGS SU GCOD PA'I RANG BZHIN YIN PA'I PHYIR DANG, MA BZUNG BA 'DZIN PA'I PHYIR LTA BA NYID TSAD MAR BRJOD PA YIN NO, ,GAL TE, TSAD MA SLU BA MED CAN GYI, ,SHES PA ZHES BYA BAS SLU BA CAN BKAG PA YIN MOD GZUNG BA 'DZIN PA NI CI LTAR ZHE NA, BDEN TE MI SLU BA CAN GYI SHES PA LA TSAD MA'I MING BYED PA NI MA YIN GYI, 'ON KYANG 'DIS 'JAL BAS NA TSAD MA YIN NO ZHES BYA BA TSAD MA'I SGRAS BRJOD PAR BYA BA GANG YIN PA DE'I MTSAN NYID NI SLU BA MED PA CAN GYI SHES PA ZHES BYA BA NI YIN TE, LOG PAR RTOGS PA'ANG SRID PA'I PHYIR RO, ,BYA BA RDZOGS ZIN PA'I LAS LA NI PHYI MA SGRUB BYED DAM PAR 'GYUR BA MI 'OS SO, ,DES NA DON GYI SGRUB PA MA BZUNG BAR 'DZIN PA BSHAD PA YIN NO, ,RE ZHIG NGO SHES PA'I DBANG DU BYAS NAS BSHAD PA NI DE NYID 'DI YIN NO ZHES BYA BA LA SOGS PA'O, ,GCIG NYID LA ZHES BYA BA DA LTAR BA TZAM GYIS GCIG NYID LA'O, ,CI'I PHYIR 'DI LA TSAD MA MA YIN ZHE NA, SNGON MED PA'I ZHES BYA BA GSUNGS TE, SNGON MED PA NI MA BZUNG BA'O, ,GCIG NYID LA NI DA LTAR TZAM GYIS GCIG NYID DO, ,CI'I PHYIR SNGON MED PA MA BZUNG ZHEN, DE NYID NI 'DI'O SNYAM PA'I RTOG PA'O, ,DA LTA'I SHES PAS MTHONG BA DA LTAR BA TZAM GYIS GCIG NYID RTOGS PA'I PHYIR RO, ,GAL TE SNGAR LTA BA'I SHES PAS MA BZUNG BA SNGA MA DANG LHAN CIG GCIG PA NYID DO SHES PA'I RTOGS PAS RTOGS PA MA YIN NAM, DES NA DE SKAD CI STE BRJOD CES DOGS NA, SNGA MA DANG LHAN CIG CES GSUNGS SO, ,GAL TE DE YANG SNGA MA DANG PHYI MA'I NGAG GCIG TU NGES PA DE LTA NA YANG SNGA MA DANG PHYI MA'I MNGON SUM DAG GI BYED PA DE LA MED PA'I PHYIR NA 'DI NI THE TSOM GYI GNAS YIN NO ZHES 'CHAD PAR 'GYUR RO SNYAM DU DGONGS PA YIN NO, ,SNGA MA DANG LHAN CIG GZUNG BA'I GCIG NYID NI ZHES BYA BA'I YUL GYI YUL CAN BSTAN PA'I PHYIR SNGA MA DANG LHAN CIG TU 'DZIN PA ZHES BYA BA'I DON YIN NO, ,GCIG NYID KYI SHES PA NYID NI RTZOD PA'I YUL GYI GCIG NYID BDAG GIS BYED PA STE,

GSAL BAR BYED PA YIN NO, ,RTZOD PA'I GZHI GCI, CES 'DOD PA DER NI 'DI SKYE MCHED DU GYUR CING SGRUB BYED YIN PAS NA GZHI STE, RTZOD PA DANG RJES SU 'BREL PA ZHES BYA BA'I DON TO, ,RTZOD PA DANG RJES SU 'BREL PA 'DI YANG RTOGS PA SNGA MA DANG PHYI MA LA SNANG BA'I RANG BZHIN DAG GCIG NYID LA RIGS PA YIN TE, MNGON SUM GYIS GCIG NYID GSAL BA'I PHYIR RO, ,GAL TE BDAG NYID KHA CIG NYID SEMS NA NI, DE'I TSE AUTPALA SNGON PO BZHIN DU MNGON SUM GYIS GRUB PA'I PHYIR NA, RTZOD PA MED PA ZHES STON PA NI DA LTAR BA TZAM ZHES BYA BA'O, ,DE BZHIN DU SNGA MA TZAM GYI THA DAD PA MED PA'I RANG BZHIN GYIS KYANG RTZOD PA YOD PA MA YIN NO ZHES BYA BA'I DON TO, ,DA LTAR BA ZHES DNGOS POR BSTAN PA NI RANG GI NGO BOS THA MI DAD PAR BSTAN PA'I DON DU'O, ,DE'I PHYIR SNGA MA DANG PHYI MA DAG GI GCIG NYID LA RTZOD PA YIN NO, ,GANG DU RTZOD PA YOD PA DER GTAN LA PHEBS PA YANG MTHONG BA MA YIN NAM, DES NA SKABS SU BAB PA LA JI LTA BA BZHIN DU 'GYUR ZHE NA, SNGA MA DE YANG ZHES GSUNGS SO, ,MNGON SUM GYIS GCIG NYID MI 'DZIN PA TZAM GYIS RTZOD PA YOD PAR NI BRJOD ZIN PA YIN LA, DA NI THA DAD PAR 'DZIN PA LAS BZLOG PA KHO NA'O, ,DNGOS PO SNGA MA DE YANG PHYI MA ZHES BYA BA DANG DA LTAR BA MA YIN NO, ,CI'I PHYIR ZHE NA, SHES PA SNGA MAS BZUNG BA'I PHYIR RO, ,'DI'I THA DAD PA CI LTAR NGES NA ZHES PA SNGA MA NI ZHES GSUNGS SO ZHES BYA BA NI GTAN TSIGS TE, RDZAS NYID LA ZHES BYA BA LA SOGS PA GSUNGS SO, ,CI LTA BUR GYUR PA ZHIG LA ZHE NA, SNGA PHYIR GYUR PA ZHES GSUNGS SO, ,SNGA MA DANG PHYI MAR YANG DE NYID NI MA YIN TE, DE KHO NA NYID DU SKAD CIG MA YIN PA'I PHYIR RO, ,DE LTA MOD KYI RTOGS PA SNGA PHYIR GYUR PA YIN NO, ,GZHAN LAS CI 'DRA BAR GYUR PA ZHIG CE NA, THA DAD PAR BRTAGS PA'I RANG GI NGO BO CAN GYI RDZAS SO, ,RGYU MTSAN GANG GIS BYAS PA LAS THA DAD PA BTAGS SHE NA, RJES SU 'GRO BA DE DANG LDOG PAS ZHES GSUNGS TE, LHA SPYIN NYID NI MCHOD SBYIN BYED PA DANG, MI BYED PA'I GNAS SKABS GNYI GAR RJES SU 'GRO

, ,LA MCHOD SBYIN BYED PA'I GNAS SKABS NI RES 'GA' RJES SU MI 'GRO BAS NA LDOG PA YIN NO, ,DES NA GNYI GA LA KHYAB PA'I RJES SU 'GRO BA DANG, MA KHYAB PA'I DOGS PA SA RDZAS THA DAD PAR BRTAGS PA YIN NO, ,'DI NYID GSAL BAR BYED PA NI THA DAD PA MED KYANG ZHES BYA BA YIN NO, ,RANG GI BYA BA DANG KHAMS KYI DON YANG ZHES BYA BA LA SOGS PAS NI GNYI GA LA NYES PA GZHAN BRJOD PA DRAN PAR BYED PA YIN TE, DMAN PA DAG SKYON 'DI TZAM DU ZAD DO SNYAM DU MI 'GYUR BAR BYA BA'I DON DU KHYAD PAR GYI DON DU'O, ,DE LTAR YANG RTZOD PA 'ON TE ZHES BYA BA YIN NO, ,RTAGS LAS MA SKYES PA'I SHES PA'I SKABS YIN PA'I PHYIR NA RJES SU DPAG PA MA BRJOD DO, ,DE'I YUL CAN YIN YANG ZHES BYA BA NI 'BYUNG BA DANG BYUNG BA LA SOGS PA'I YUL CAN YIN YANG NGO, ,DER 'GYUR BA MA YIN NO ZHES BYA BA NI DMIGS PA MED PA NYID DU'O, ,SKUL BA NI BYUNG BA DANG 'BYUNG BAR 'GYUR BA DANG, RGYANG RING BA DANG PHRA BA DANG, BSKAL PA RJOD PAR BYED KYI DBANG PO LA SOGS PA GZHAN GYIS NI MA YIN ZHES BYA BA YIN NO, ,MTHONG BA MED PA ZHES BYA BA NI DE'I TSE RANG GI NGO BO MED PAS NA MI SNANG BA'I PHYIR RO, ,'O NA KHYOD KYI RJES SU DPOG PA LA YANG RANG GI NGO BO MI SNANG BA'I PHYIR, CI LTAR RJES SU DPAG PA YOD PA NYID DU NGES ZHES DOGS NA, RJES SU DPAG PA LA NI ZHES SMOS SO, ,RJES SU DPAG PA DER NI, DE LTAR GNAS PA YIN ZHES BYA BA'I DON DE GNAS PAR NGES PA YIN NO, ,'CHAD PA NI LKOG TU GYUR PA'I YUL ZHES BYA BA LA SOGS PA'O, ,GANG ZHIG CES BYA BA NI RTAGS KYI MTSAN NYID KYI DON TO, ,GANG DANG ZHES BYA BA BSGRUB BYA DANG NGO, ,DE ZHES BYA BA RTAGS KYI MTSAN NYID KYI DON DE YOD NA'O ZHES BYA BA BSGRUB BYA'O; ,'O NA 'BYUNG DANG BYUNG BA BSKUL BA LA DMIGS PA MED PA NYID DU CI LTAR RTOGS SHE NA, BSHAD PAS BSKUL BAS BSKYED PA'I BLO DMIGS PA MED PA NYID NI'O, ,DE'I RANG BZHIN MED PA NYID LAS ZHES BYA BA NI 'BYUNG BA DANG BYUNG BA LA SOGS PA'I RANG BZHIN MED PA

LAS SO, ,RANG GI NGO BO MI 'DZIN MOD ZHUGS PAS NGES PAR BYAS PA THOB PA NI YOD PA YIN LA, DE TZAM GYIS BSKUL BA TSAD MAR SMRA BA RNAMS KYI DON GRUB PA YIN NO ZHE NA, 'BYUNG BAR 'GYUR BA DANG ZHES SMOS TE, GANG GIS NGES PAR BYAS PA THOB PAR NGES PAR 'BREL BA NI MED DO, ,'ON NI NUS PA'I RGYU LAS 'BRAS BU RJES SU DPOG PAR YANG MI 'GYUR TE, DE YANG DNGOS PO NYID DU NA 'BYUNG BAR 'GYUR BA YIN PA'I PHYIR RO ZHE NA, RJES SU DPAG PA LAS NI ZHES GSUNGS SO, ,DE LTAR GZHAN DU MTHONG BA'I PHYIR RO ZHES BYA BA NI GZHAN DU RGYU DANG 'BRAS BU MED PAR MTHONG BA STE, DES NA RGYU LAS 'BRAS BU RJES SU DPOG PA LA SOGS PAR GNAS TE, DE LTAR YANG 'CHAD PAR 'GYUR RO, ,GAL TE RIG BYED KYI BSTAN PA'I ME'I SBYIN SREG LA SOGS PA LA YANG DE BZHIN DU 'GYUR RO ZHE NA, ME'I SBYIN SREG CES BYA BA LA SOGS PA'O, ,'BRAS BU'I RGYU NYID NI MTHO RIS LA SOGS PA'I RGYU NYID DO, ,DE MA BYAS NA ZHES PA NI ME'I SBYIN SREG LA SOGS PA MA BYAS NA'O, ,'ON TE ZHES BYA BA NI GZHAN GYI'O, ,BDAG GI NUS PA RTOGS PA NI MCHOD SBYIN LA'O, ,RE ZHIG BDAG GIS MCHOD SBYIN BYA BAR NUS SO ZHES NUS PA RTOGS NA MCHOD SBYIN GYI RGYU GANG GI PHYIR SHES PA SNGA MAS DNGOS PO DE THA MA'I RANG BZHIN SKAD CIG GZHAN DANG BRAL BA DANG, SNGA NA MED PAR ZHES BYA BA SKAD CIG DE LAS SNGON ROL DU MI GNAS PAR 'DZIN PA DE'I PHYIR SHES PA SNGA MAS BZUNG BA NYID PHYI MA'I RANG GI NGO BO DANG 'DRE BA 'GAL BA YIN NO, ,DES NA THA DAD PAR NGES PA NYID DU SGRUB PO, ,DES NA ZHES BYA BA NI RANG BZHIN THA DAD PAR 'DZIN PAS NA'O, ,PHYIS RJES SU SBYAR BA ZHES BYA BA NI DO ZHES PA'I RTOGS PAS ZHES RTOGS PAR BYA'O, ,CI LTAR BZUNG BAR GYUR PA ZHES BYA BA NI LTA BA'I SHES PAS GZHAN GYI RANG BZHIN DANG MA 'DRES PAR BZUNG BAR GYUR PA'O, ,DE LTA BUR GYUR PA NYID NI DE GZHAN GYI RANG BZHIN DANG MA 'DRES PA NYID DO, ,DE LTA YIN MOD CI SKYON ZHE NA, BZUNG PA NYID DU ZHES GSUNGS SO, ,YANG NA SNGA MA DANG PHYI MA LTA BA'I SHES PAS BZUNG BA NYID GCIG YIN

, ,TE; DES NA GZUNG BA NYID NI 'DZIN PA MTSAMS SBYOR BAR BYED PA NYID DU BRJOD NA ZHES BYA BA'I DON TO, ,GAL TE SNGA MA DANG PHYI MA LAS GCIG NYID MED NA, 'O NA CI LTAR MI SLU BA YIN ZHE NA, MI SLU BA NI ZHES GSUNGS SO, ,MNGON SUM LAS 'JUG PAS NA DON BYA BA NYID THOB PA YIN GYI, GCIG NYID CES BYA BA NI THOB PAR BYA BA MA YIN TE, MNGON SUM GYIS BKAG PA'I PHYIR RO, ,DE'I DON BYA BA 'DI YIN NO ZHES BYA BA'I ZHEN PA TZAM NI YOD KYANG RTZA BA MED PA YIN PAR BRJOD DO, ,'ON TE GAL TE 'DI MA YIN NAM CI LTAR DE'I DON BYA BA 'DI YIN NA, DES NA DON BYA BA NI SNGA MA DANG PHYI MA DAG GCIG PA NYID KYIS BSGRUB BYA YIN NO ZHE NA, DON BYA BA NI ZHES SMOS SO, ,'ON TE GA LAS YIN, GZHAN LAS YIN NA YANG THAMS CAD LAS 'GYUR BAR THAL LO ZHE NA, DNGOS PO'I NUS PA TZAM LAS SKYES PA'I PHYIR RO ZHES GSUNGS SO, ,DE NYID 'DI MA YIN MOD, CI LTAR DE'I RGYU'I NUS PA LA DON BYA BA DER NUS PA SKYES PA DE BZHIN DU GAL TE, 'DI YANG 'GYUR MOD, DE'I TSE THA DAD KYANG DON BYA BA NYAMS PA CI YOD, GANG LA NUS PA'I KHYAD PAR MED PA DE NI SKYED BYED MA YIN PA NYID PAS HA CANG THAL BA YANG THAG RING DU SPANGS PA KHO NA'O, ,DE LTAR RGYU THA DAD KYANG BYA BA THA MI DAD PA YANG MA YIN TE, DPER NA RGYU RANG GI MTSAN NYID TZAM THA MI DAD PA YIN PA DE BZHIN DU BYA BA YANG YIN NO, ,MJUG SDUD PA NI DE'I PHYIR ZHES BYA BA'I SNGA MA DANG PHYI MAR GYUR PA GNYIS DRAN PA'I RANG BZHIN YIN GYI GCIG NYID LA NI TSAD MA YOD PA MA YIN NO ZHES BYA BA'I DON TO, ,GANG YANG GAL TE DE LTAR GCIG NYID NYAMS PA'AM TSAD MA MA YIN NA, DE'I TSE RJES SU DPAG PA LA YANG THAL BAR 'GYUR TE, 'DI LTAR DER YANG 'DI NA ME YOD DO ZHES BYA BA NI 'DI NI SNGAR MTHONG BA'I ME DANG, DA LTAR MTHONG BA'I LA'I DRAN PA GNYIS YIN NO ZHES BRJOD PAR NUS SO, ,'ON TE 'DIR GNYIS KYIS 'BREL BA LHAG PA RTOGS PAS NA DON GCIG NYE BAR BSDU PA YOD PA'I PHYIR NA 'DI NI GCIG KHO NA RTOGS PA'I ZHES BYA BA'I RNAM PAR

GZHAG PA YIN NO, ,DE NYID KYI PHYIR DRAN PA GZHAN BZHIN DRAN PA TZAM MA YIN NO ZHES BYA BAR SEMS NA, DE LTAR NA NGO SHES PA LA YANG SNGA MA DANG PHYI MA DAG GI RTOGS BZHIN PA GCIG GI MTSAN NYID DON GCIG NYE BAR BSDU PA YOD PA'I PHYIR GCIG PA NYID DO, ,SNGAR GCIG NYID MA RTOGS PA'I PHYIR, TSAD MA'ANG YIN TE, DRAN PA'I SHES PA TZAM NI MA YIN NO ZHES ZER BA 'DI BA 'DI NI 'DZIN PA BSHAD PA NYID KYIS GSAL BAR RIG PAR BYA BA'O, ,CHOS DANG CHOS CAN GYI 'BREL PA TSAD MAS MA BSAL BA'I RJES SU DPAG PA LA NI TSUL GSUM YONGS SU DPAG PAR BSGRUB PA'I GTAN TSIGS LAS GRUB PA NA, DON NYE BAR BSDU PA'I PHYIR GCIG NYID DU RNAM PAR GZHAG PA DANG, DE LAS LHAG PAR GRUB PAS, GAL TE GZHAN GZUGS TZAM LAS THOB BYA GZHAN MED PA YIN NA, DE'I TSE SKAD CIG MA DANG GZUGS 'DZIN PA'I BLO CI LTAR TSAD MA YIN ZHES BYA BA'I DON TO, ,GRUB PA'I MTHAR NI SKAD CIG TU 'DZIN PA'I GNOD PAR BYED PA YANG MA YIN, SKAD CIG TU 'DZIN PA PHAN 'DOGS PAR BYED PA YANG MA YIN NO ZHES STON PAR BYED DO, ,SKAD CIG MA YIN PAR 'DZIN KYANG GAL TE 'JUG PAR MI BYED NA DE'I TSE TSAD MA YIN NAM, GCIG 'JUG PAR BYED PAS TSAD MA YIN NA NI SKAD CIG MAR 'DZIN KYANG NYAMS PA MED DO, ,'ON DE LTAR YIN NA GZUNG BA GZHAN YIN ZHING 'JUG PA 'AM THOB PA NI GZHAN DU YIN PA'I PHYIR SHES PA LA LTOS PAS CI BYA ZHE NA, GAL TE DE LTA NA BRTEN PA'I PHYOGS LA YANG 'GYUR BA'I DON BYED PAR BSGRUB BYA'I RANG BZHIN BZUNG BA'I PHYIR BYA BA CI YONGS SU RDZOGS PAS NA CI'I DON DU 'JUG STE, DES NA SHES PAS CI BYA ZHES BRJOD PA NI MI NUS PA YIN NO, ,SKAD CIG TU BZUNG BA LA NI 'BYUNG BAR 'GYUR BA MA BZUNG YANG GCIG NYID DU LHAG PAR ZHEN PAS 'JUG PAR BYED PA BZLOG PAR MI NUS PA GANG DU DNGOS PO NI 'JUG BYED MA YIN GYI, 'ON KYANG LHAG PAR ZHEN PA NYID YIN TE, DE LTA MA YIN NA DNGUL DON DU GNYER BA NYA PHYIS LA MI 'JUG PAR THAL BAR 'GYUR RO, ,DNGUL DU 'JUG PAR BYED PA YANG DNGUL DU LHAG PAR ZHEN PA NYID YIN TE, DE MA SKYES SAM

, ,PHYIN CI LOG SKYES NA 'JUG PA MED PA'I PHYIR RO, ,DER LHAG PAR ZHEN PA DE YANG DE'I RIGS CAN 'GA' ZHIG LA 'GYUR BAR DER MNGON PAR 'DOD PA DON BYA BA THOB PA'I PHYIR MI SLU BA'I THA SNYAD DU BYAS PA YIN LA, GZHAN DU NI SLU BA YIN NO, ,DE NYID KYI PHYIR GZHAN 'DZIN PA NA GZHAN DU 'JUG PA MI 'GAL TE, DE'I RIGS CAN LA LTOS NAS SLU BA RNAM PAR 'JOG PA'I PHYIR RO, ,DE'I PHYIR BRTAN PA DANG MI BRTAN PA 'DZIN PA LA MA LTOS PAR NI DNGOS PO 'DZIN TZAM NYE BAR MKHO BA YIN NO, ,RTOGS PA'I DON NYID LA SNGON NYAMS SU MYONG BA'I DON BYA BA DRAN PA LAS MNGON PAR 'DOD PAS THOB PAR BYA BA DANG, GCIG NYID DU LHAG PAR ZHEN PA DAG 'JUG PAR BYED PA YIN GYI RTOGS PA MA SKYES PA NI MA YIN NO ZHES BRJOD PA NI, 'JUG PA DE LA YANG ZHES BYA BA'O, ,NYID SMOS PA NI DBANG PO LA SOGS PA RNAM PAR GCOD PA'I DON TO, ,GAL TE DE LTA NA YANG 'BYUNG BAR 'GYUR BA'I DON NI MA RTOGS LA, DE'I YUL CAN TSAD MA YIN NO ZHES BYA BA 'DI GO GANG ZHIG DANG 'BREL BA YIN ZHE NA, GAL TE YANG ZHES GSUNGS SO, ,DE LA ZHES BYA BA 'BYUNG BAR 'GYUR BA'I DON LA 'O, ,DE BZHIN DU GZUGS TZAM RTOGS PAS NA, RO LA SOGS PA'I TSOGS PA LA 'JUG PA'I PHYIR TSAD MA YIN NO ZHES BYA BAR YANG RTOGS PAR BYA'O, ,GAL TE RTOGS PAS NI TSAD MA MA YIN GYI, 'ON KYANG 'JUG PAS YIN LA, 'JUG PA YANG RTOGS PA MED PAR MA YIN NO ZHES BYA BA 'DI YANG SHIN TU BZOD PAR DKA' BA YIN NO SNYAM DU DGONGS NAS BSHAD PA, DPER NA RJES SU DPAG PA DNGOS PO MI 'DZIN YANG DE LTAR MTHONG BA BZHIN TE, MTHONG BA LA NI MI 'THAD PAS MI RTZOD DO SNYAM DU DGONGS PA'O, ,DE NYID GSUNGS PA NI, RJES SU DPAG PAS NI ZHES BYA BA 'CHAD PAR 'GYUR RO ZHES BYA BA NI MNGON SUM GYI LE'UR RO, ,BLO NYID CES PAR GZUNG BA'I RNAM PAR GCAD BYA BRJOD PA NI, MIG LA SOGS PA ZHES BYA BA'O, ,SOGS PA'I SGRA SA LDAN PA DANG, 'DU BA LA SOGS PA'I 'BREL PA BZUNG STE, MIG GDANGS KYANG YID KYI NUS PA NYAMS PAS SHES PA

MA SKYES PA LA 'JUG PA MED PA'I PHYIR RO, ,GAL TE 'JUG PAR BYED PA'I BLO TSAD MA YIN LA, RNAM PAR RTOG PA NYID CHAD MAR 'GYUR RO ZHE NA, RNAM PAR RTOG PA NI ZHES GSUNGS SO, ,SHIN TU GOMS PA LA RNAM PAR RTOG PA MED KYANG 'JUG PA DMIGS PA YIN NO SNYAM DU DGONGS PA'O, ,KHYAD PAR DANG BCAS PA'I SKABS NYID DU MJUG SDUD PAR BYED DO, ,SNGAR GYI ZHES BYA BA NI RNAM PAR RTOG PA SEL BA'O, ,BLO NYID CES BYA BA NI MIG LA SOGS PA GCOD PA'O, ,RNAM PAR RTOG PA GCOD PA DE NYID BRJOD PA NI RNAM PAR RTOG PA LA SOGS PA PA NI ZHES BYA BA'O, ,'O NA MA GOMS PA'I YUL LA NI RNAM PAR RTOG PA NYID 'JUG BYED YIN PAS TSAD MAR 'GYUR RO ZHE NA, GOMS PA MED PA GANG YIN PA DER NI ZHES GSUNGS SO, ,'GA' ZHIG GANG GI DUS KYI KHYAD PAR LA BRTEN PA CAN LA, GCIG NYID KYI THA SNYAD BRTAN PO ZHUGS PA DE SNYED DE NI'O, ,GZHAN LA MED PA'I 'DRA BA'I KHYAD PAR GYIS BYAS PA, BAR DU CHOD PA MED NA 'GYUR BA YIN TE MA LA SOGS PA BZHIN NO, ,DE BZHIN DU THE TSOM GYI YUL YANG DE 'DRA BA'I 'DRA BA MTHONG BA'I PHYIR DE NYID 'DI YIN NO ZHES BYA BA GCIG NYID DU GRUB PA NI RJES SU DPAG PA NYID DO, ,'O NA RJES SU DPAG PA 'DI SKAD CIG 'JIG PA LA GNOD PAR BYED DO ZHE NA, MA YIN TE GCIG NYID KYI THA SNYAD TZAM GRUB PA'I PHYIR RO, ,GAL TE NGES PA YANG GCIG GI THA SNYAD NYID MA YIN NAM, DES NA DUS THA DAD PA LA GCIG NYID DU NGES PA CI LTAR SKAD CIG MA NYID DU NGES PA DANG MI 'GAL ZHE NA MA YIN TE KUN RDZOB KYI GCIG NYID DU THA SNYAD BYA BAR 'DOD PA'I PHYIR RO, ,DES NA DUS THA DAD PA LA GZHAN NYID BKAG KYANG 'CHAD PA MED DO, ,DE NYID KYI PHYIR STOR BA PA'I RNYED PAS NA BDAG PO NYID DANG 'GAL BA MA YIN NO, ,DON DAM PA GCIG NYID CI STE MI 'GRUB CE NA, MA YIN TE DON DAM PA'I GCIG DANG KHYAB PA MA GRUB PA'I PHYIR RO, ,BRDA GRUB PAS NI KHYAB PA RNYED PAR GYUR TO, ,MA LA SOGS PA LA SPANG BAR DKA' BA'I PHYIR RO, ,DE BAS NA GANG DU MA GOMS PA'I PHYIR THA SNYAD PA'I GCIG PA NYID MA GRUB PA DER NI NGO SHES PA LA SOGS PA

, ,GZUNG NGO, ,DER YANG RNAM PAR DBYER MED PAR 'JUG PA CAN DON GCIG BYED PA, GZUGS LA SOGS PA 'GA' ZHIG LA, GANG ZHIG LA GCIG NYID KYI THA SNYAD BRTAN PO YOD PA DE LA LOG PAR RTOGS PA'I YUL 'GA' ZHIG TU DE LTA BU'I THA SNYAD SGRUB PAR BYED PA YIN NO, ,GAL TE DE LTAR YON TAN YANG BSAL BA LA SNGON PO ZHES BYA BA NI, SNGON PO'I SGRAS BRJOD PAR BYA BA STE, SNGON PO MA YIN PA LA LDOG PA'I BYIR, BRDA'I DUS BZHIN NO ZHES BYA BA THAMS CAD RJES SU DPAG PAR 'GYUR BAS DES NA GZUNG BA 'DZIN PA'I PHYIR RJES SU DPAG PA TSAD MA MA YIN NO ZHES BYA BA DE NYAMS SO ZHE NA, DE SKAD DU NI BRJOD PAR MI BYA STE, 'DI LTAR GANG DU SHIN TU GSAL BA'I MNGON SUM NYID THA SNYAD KYI RGYU YIN ZHING RNAM PAR RTOG PA NI TSOGS PA NYE BA LA SKYE BA DE THAMS CAD DU NI RNAM PAR RTOG PA TSAD MAR MI 'THAD PA'I PHYIR TE, LOG PAR RTAGS PA'I YUL NYID LA LTOS NAS TSAD MA'I GO SKABS 'THAD PA'I PHYIR RO, ,DE NYID KYI PHYIR DE NYID 'DI'O SNYAM PA'I SHES PA NI MTHONG BA GNYIS SNANG BA TZAM LA GZUNG BA 'DZIN PA YIN LA, GZHAN GYI 'DOD PA DON DAM PA'I GCIG NYID LA NI RANG RGYUD PA'I DAM BCA' BA TZAM TSAD MA MA YIN PA YIN ZHING, KUN RDZOB PA'I GCIG NYID LA NI RJES SU DPAG PA YIN NO ZHES RNAM PAR GNAS SO, ,DE BZHIN GZHAN DU YANG LTAR RIGS PA YIN NO, ,'DI LTAR SNGON PO LA YANG MNGON SUM GYI 'JUG PA BSAL NA SNGON POR RNAM PAR RTOG PA GZUNG BA 'DZIN PA YIN LA, MI GSAL BA NI RJES SU DPAG PA YIN ZHING, SNGON PO'I YON TAN GZHAN DANG LDAN PA LA LTOS NAS NI DNGOS PO CAN MA YIN PA'I DAM BCA' TZAM TSAD MA MA YIN PA YIN NO, ,THE TSOM PA'I DNGOS PO CAN NI TSAD MA MA YIN PA NYID DO ZHES GNAS SO, ,GAL TE MNGON SUM LA YANG 'JUG PAR BYED PA YIN ZHING, 'KHOR PA YANG 'JUG PA DANG LDOG PA TZAM NYID YIN NA, DE CI LTAR YONGS SU 'GRUB PAR 'GYUR BA LAS RNAM PAR RTOG PA NYID SPANG BYA YIN TE, NYES PA BZHIN DU DRAN PA TZAM MA YIN PA DE'I TSE, MNGON SUM GYIS YUL GCIG PA NYID BSAL BA'I NGO SHES PA LAS CIR 'GYUR TE,

SPROS PAS CHOG GO, ,RIGS PA BRJOD PA NI, 'DI NI DON GZHAN DANG GZHAN DRAN PA'I RANG BZHIN GYI SHES PA GNYIS YIN NO ZHES BYA BA YIN NO, ,DE LTAR GZUNG BA 'DZIN PA NYID KYI NGO SHES PA TSAD MA MA YIN PAR BSGRUBS TE, SNGA MA DANG LHAN CIG GCIG PA NYID RTZOD PA'I YUL YIN NO ZHES GANG BRJOD PA MI BZOD PAS DE LA NGO SHES PA'I RTOGS PA MNGON SUM GYI BYED PA LA MI LTOS PA NI DAM BCAS PA TZAM YIN GYI TSAD MA NI MA YIN NO ZHES BSTAN PA'I DON DU GZHAN GYI DOGS PA BSU BA NI 'ON TE ZHES BYA BA'O, ,GCIG NYID RTOGS PA'I PHYIR CI LTAR GCIG NYID RTZOD PA'I YUL YIN NO ZHES BYA BA'I DON TO, ,RTOGS SHING NYAMS SU MYONG BA YIN GYI LHAG PAR ZHEN PA TZAM NI MA YIN TE, DES NA MNGON SUM GYI BSAL BA MA GRUB PO SNYAM DU BSAMS PA'O, ,SUN 'BYIN PA'I DON NI 'DI YIN TE, RE ZHIG PHYI MA 'DZIN PA'I MNGON SUM GYIS SNGA MA MI 'DZIN NA ZHES BYA BA 'DI GNAS PA YIN TE, DE LTA MA YIN NA SKAD CIG GCIG BZUNG NA DUS KYI CHA'I TSOGS MTHA' DAG BZUNG BAR THAL NA, DE LTA BU NI DBANG PO'I BYED PA MA YIN NO, ,MNGON SUM LAS SNGA MA RIGS NA SNGA MA DE DANG PHYI MA GCIG PA LA TSAD MA YOD PA MA YIN TE, MNGON SUM MED DO ZHES BYA BA'I DON TO, ,GAL TE SNGA MA'I RANG BZHIN MA RIG MOD DE, DE LTA NA YANG DE DANG LHAN CIG GCIG PA NYID DU RTOGS PA LA 'GAL BA CI YOD CE NA, MA RTOGS PA MED PA DANG ZHES SMOS SO, ,DES NYAMS SU MYONG PA MED PAR NI DE LA BRTEN PA'I GCIG PA NYID NYAMS SU MYONG BAR MI NUS SO, ,RANG GI NGO BO TZAM GYIS DON GRUB PA GCIG TZAM DU RTOGS PAS NI BRJOD PAR 'DOD PA'I KHYAD PAR MI 'GRUB PO, ,DE'I PHYIR SNGA MA DANG LHAN CIG GCIG NI MNGON SUM GYIS BSAL BA'I PHYIR RO, ,SHES PA'I YUL MA YIN TE, DES NA NGO SHES PA NI RANG RGYUD PA DAM BCAS PA TZAM YIN GYI TSAD MA NI MA YIN ZHES BYA BAR DGONGS PA YIN NO, ,DE BZHIN DU SNGON GYI DUS SU MNGON SUM LAS PHYI MA RIGS PA MA YIN ZHES BYA BA LA SOGS PA BLTA BAR BYA'O, ,GANG GI PHYIR SNGA MA DANG PHYI MA DAG LAS DON DAM PAR GCIG NYID MED PA DES NA'O, ,KUN RDZOB NI RNAM PAR RTOG

, ,PA YIN LA, DES GZHAG PA NI KUN RDZOB PA YIN GYI DE NYID BRJOD PA NI, SNGA MA SNGA MA'I RTOGS PAS ZHES BYA BA'O, ,DAM BCAS PA TZAM YIN GYI TSAD MA NYED MA YIN NO ZHES BYA BAS MJUG SDUD PAR BYED PA NI, KUN RDZOB PA'I RTOGS PA 'DI LA'O, ,RANG GI DON LA AA NAm GYI RKYEN BCUG PAS NA KUN RDZOB PA ZHES BRJOD KYANG KUN RDZOB PA ZHES BYA BA'I DON TO, ,YAN LAG CAN GCIG NYID KYI RNAM PAR RTOG PA'I DBANG DU BYAS NAS BSHAD PA NI, BUM SOGS ZHES BYA BA'O SHES PA NI GCIG TU LHAG PAR ZHEN PA'O, ,SHES DE DAG CES BYA BA NI ROL SOGS PA'I SHES PAS SO, ,TSOGS PA'I RNAM PAR RTOG PHYIR GZUNG BA 'DZIN PA TSAD MA MA YIN NO ZHES SKABS DANG SBYAR RO, ,YAN LAG CAN GYI SHES PA GZUNG BA 'DZIN PA'I PHYIR TSAD MA MA YIN PAR BSTAN NAS DAM BCA' TZAM DU STON PA NI, TSOGS PA LAS GZHAN ZHES BYA BA LA SOGS PA'O, ,GZHAN GYI KUN DU 'DZIN PA NI MNGON PAR ZHEN PA DRUG PA'O, ,NYAMS PA NI DKA' SAR PHYIN PA STE, YANG DAG PA'I LTA BA DANG BRAL BA'I PHYIR RO, ,DE LTAR TSAD MA SLU BA MED CAN GYI, ,SHES PA ZHES BYA BA'I SLU BA SMOS PA BSHAD NA, RNAM 'GREL GYI SHES PA'I TSIG BSHAD PA LA SKABS DANG MTSAMS KYI SBYOR BA SNGON DU 'GRO BA CAN GYI SGO NAS GZHAN DAG GI RGOL BA NI GAL TE ZHES BYA BA LA SOGS PA'O, ,GANG GI TSE NGO SHES PAR BYA BA'I YAN LAG CAN GCIG NYID MED CING GZUNG BA'I DNGOS PO YANG ZHIG PAS 'THOB PAR MI NUS PA DANG, BYED BA NYID THUN MONG BA YIN PA'I PHYIR, GNYI GA YANG DOR BA NA, BCOM LDAN 'DAS SU GYUR NAS GZHAN CI ZHIG LUS SHE NA, BDEN TE MNGON SUM 'JUG PAR BYED PA YIN NO ZHES BYA BA'I RNAM PAR GZHAG PA'I DON NI PHYI ROL LA LTOS PA YIN TE, GZHAN RIG PA NI DE LA 'JUG PAR BYED PAS DON GRUB PA YIN LA, NYAMS SU MYONG PAR MNGON PAR RLOM PA YANG DE BZHIN BYAS PAS YIN NO, ,DE KHO NA NYID DU NI RNAM PAR RTOG PA MED PA RANG GI RANG BZHIN TZAM GYIS MTHAR THUG PAS NA, RNAM PAR RTOG PA NYID KYIS GZHAN RIG PAR SGRO 'DOGS PA NA 'JUG

PAR BYED PA YIN NO, ,DES NA NYES PAR BYED PA NI DE NYID LA NGES PA'I PHYIR RNAM PAR RTOG PA SPANGS PA NA, RNAM PAR RTOG PA MED PA'I BDAG NYID KYIS BCOM LDAN 'DAS GNAS PA YIN PA'I PHYIR THAMS CAD MI 'GAL LO, ,DA NI RNAM PA GZHAN GYIS KYANG BLO TSAD MAR SGRUB PAR 'DOD NAS SNGAR GYI RJES SU BRJOD PA LAS 'JUG PAR BYED DO, ,'DOD PA BSGRUB PA LA 'JUG PA NI TSAD MA LAS DON DU GNYER BA YIN LA, DE YANG YUL GYI KHYAD PAR YONGS SU BCAD PA MED PAR MI 'GYUR BA'I PHYIR 'BRAS BU GNYI GA LA LTOS NAS DON BYA BA DON DU GNYER BA RNAMS TSANG MA TSOL BA YIN NO, ,GAL TE YANG RANG LA RAG LAS PA NYID KYIS YONGS SU BCAD PA TSAD MA'I 'BRAS BU GTZO BO YIN LA, 'JUG PA NI SKYES BU LA LTOS PAS NGES PA MA YIN PA DE LTA NA YANG SKYES BU'I 'DOD PA SGRUB PAR BYED PA LA 'JUG PA NA TSAD MA NYE BAR MKHO BA YIN PA DES NA, DE LA LTOS NAS 'JUG PA NYID 'BRAS BU'I GTZO BO YIN PA'I DBANG DU BYAS NAS DANG PO BLO TSAD MAR SGRUB PA YIN NO, ,DES NA DE'I YAN LAG NYID KYIS YONGS SU GCOD PAS TSAD MAR BSGRUB PAR SHES PAR BYA'O, ,RTOGS PA NI KHONG DU CHUD, YONGS SU BCAD PA DE NYID NI 'BRAS BU YIN NO, ,DE'I YUL RNAM PAR 'BYED PA NI CHU RTOGS KYI ME NI MA YIN NO ZHES BYA BA'O, ,DE'I RGYU YIN PAS NA SHES PA NYID TSAD MAR BSTAN PA YIN GYI, MIG LA SOGS PA NI MA YIN NO ZHES BYA BA RTOGS PAR BYA'O, ,DE YOD NA 'DI YOD PHYIR DANG, ,ZHES BYA BA DE NA YOD PA'I DANG RNAM PAR 'GREL PAS NI, GZHAN YANG ZHES BYA BA'O, ,GZHAN NI MA YIN NO ZHES BYA BA NI MIG LA SOGS PA'O, ,'DI GA LAS SHE NA, 'DI LTAR ZHES GSUNGS SO, ,BSHAD PA NI 'JUG PAR BYED PAS NI ZHES BYA BA STE, GDON MI ZA BAR 'JUG PAR BYED PA LAS NI TSAD MA MA YIN GYI, 'ON KYANG GDON MI ZA BAR YONGS SU BCAD BA LAS YIN NO ZHES BYA BA'I DON TO, ,SHES PA DANG YONGS SU BCAD PA DE'I BDAG NYID YIN YANG THA DAD PAR BRJOD PAR 'DOD PAS BSGRUB BYA DANG SGRUB BYED DU RNAM PAR DBYE BA YIN NO,,

, ,TSAD MA NI THOB PAR BYED PA YIN PA'I PHYIR RO ZHES BYA BA NI GZHAN GYIS SMRAS PA STE, TSAD MA NI 'DOD PA THOB PA'I DON KHO NAR TSOL BA YIN GYI RTOGS PAR BYA BA'I DON NI MA YIN TE ZHES BSAMS PA'O, ,LAN NI MA YIN TE ZHES BYA BA'I TSAD MA'I THOB PAR BYED PA'I NUS PA BAR DU GEGS BYED PA DANG, MA TSANG BA THAMS CAD RNAM PAR BCAD PAS NI MA YIN GYI, ,'ON KYANG DON YONGS SU BCAD PA'I SGO NAS THOB PAR BYED PA RUNG BA NYID KYI TSAD MA YIN NO ZHES BYA BA'I DON TO, ,GZHAN GYI DE NYID CES SMRAS TE, THOB PAR BYED PA'I NUS PA NYID DO, , LAN NI RANG BZHIN GYI KHYAD PAR ZHES BYA BA'O, ,GANG LA THOB PAR BYED PA RUNG BA NGES PAR 'GYUR BA SHES PA 'DI'I RANG BZHIN GOMS PA LAS 'KHRUL PA MTHA' DAG BSAL BAR DE 'DRA BA RANG RIG PAS MNGON DU BYED PA YIN NO ZHES BYA BA'I DON TO, ,GZHAN GYI MI 'KHRUL PA'I RANG BZHIN ZHES SMRAS TE, THOB PA LA MI 'KHRUL PA'I RANG BZHIN NO, ,DON 'DI YIN TE, 'DI NI YUL GZHAN SNANG BA NYID YIN GYI SNANG BA TZAM NI MA YIN NO ZHES BYA BA 'DI NYID LA RE ZHIG TSAD MA YOD PA YIN, DE'I DON BYA BA 'BYUNG BAR 'GYUR BA THOB PA LA MI 'KHRUL BA LTA SMOS KYANG CI DGOS, GAL TE YANG 'KHRUL BAR DOGS PA DANG BRAL BAR LHAG PAR ZHEN PA DE YANG CI DNGOS PO ZHIG CI LTA BA YIN NAM MA YIN ZHES BYA BA'I NGES PA CI YOD DE, RMI LAM DU GZHAN DU YANG DMIGS PA'I PHYIR RO, ,DES NA THOB PA LA MI 'KHRUL PA'I RANG BZHIN CI LTAR NGES ZHES BYA BA YIN NO, ,'DI LA LAN 'O NA ZHES BYA BA'O, ,BSHAD PAR BYA'O ZHES BYA BA NI GNAS DANG GNAS SU'O, ,DE'I PHYIR 'DI TZAM DU RING BAR MA BSKYAL BA RNAM PAR CHAD PA NYID DU GSAL BAR MDUN NA SNANG BA RNAMS LA DNGOS PO 'DZIN PA RNAM PAR 'DZIN PA YIN LA DE BZHIN DU GEGS BYED PA DANG, MA TSANG BA MED NA DON BYA BA YANG THOB PA KHO NA'O ZHES LHAG PAR ZHEN PAR BRTAN PA LAS MI 'KHRUL BA NYID DU RNAM PAR GNAS SO, ,THOB PAR RUNG BA'I TSAD MA NYID 'DI LA LOG PA'I KUN RDZOB LA LTOS NAS BRJOD PA YIN NO, ,YANG DAG PA'I KUN RDZOB LA LTOS NAS NI AA RTZA TA LA SOGS

PA'I LUGS BSAL NA THOB PAR BYA BA'I DON LA MI 'KHRUL BA NYID TSAD MA YIN PAR STON PAR 'GYUR RO, ,'O NA BDAG LA SOGS PA YANG CI STE SONG ZHE NA, SNANG BA CI 'DRA BA LAS MNGON SI, DI RNAM PAR GZHAG PA DANG, DNGOS SAM BRGYUD PAS MNGON SUM LA BRTEN PA'I TSUL GSUM YONGS SU DAG PA'I SGRUB BYED LAS SKYES PAR RNAM PAR RTOG PA CI 'DRA BA ZHIG LA RJES SU DPAG PAR RNAM PAR BZHAG LA, DE DAG GI YUL DU MA BYAS PA'I PHYIR RO, ,DE LTA MA YIN NA HA CANG THAL BAR 'GYUR BA'I PHYIR, RNAM PAR GNAS PA MED PAR 'GYUR RO SNYAM DU DGONGS PA'O, ,YANG CI LTAR RTOGS RNAM PAR DBYE BA SHES PA LA RAG LAS SNYAM DU DOGS NA, RNAM 'GREL RNAM PAR PHYE NAS STON PA NI DPE SNGON ROL DU GYUR PA NYID KYIS NA RNAM PA GNYIS PA PHYE BA'O, ,SHES PA RJOD PAR BYED PA'I YUL GYI RNAM PA'I SGRAS KHYAD PAR GYI DON CAN THA DAD PA'I SGRA DANG LHAN CIG BSDU BA STON PAR BYED PA DE'O, ,DE'I ZHES BYA BA NI YUL GYI RNAM PA CAN GYI'O, ,THA DAD PA ZHES BYA BA NI KHYAD PAR TE, THOS PA'I PHYIR NA YUL GYI RNAM PA CAN GYI MTSAN NYID YIN NO, ,YUL GYI RNAM PA CAN THA DANG PA ZHES BYA BA NI BSDUS PA'I TSIG BSTAN PA'O, ,DE LAS BLO'I RTOGS PA THA DAD PA YIN NO ZHES RTOGS PAR BYA'O, ,DE LTAR GTZO BO RNAM PA DANG BCAS PA'I LUGS BRJOD NA, DE NI BYE BRAG TU SMRA BA LA BLTAS NAS RNAM PA MED PAR KHAS BLANGS KYANG TSUL GZHAN YOD PA MA YIN NO ZHES BSHAD PA NI, YUL LA RNAM PA THA DAD PA NI ZHES BYA BA'O, ,RJES SU BYED PA NI SNANG BA STE YUL DANG 'BREL PA SHES PA'I CHOS SO, ,GNYIS PA DE NYID MDOR BSDUS NAS STON PA NI, YUL DANG 'DRA BA 'AM ZHES BYA BA NI RNAM PA DANG BCAS PA'I 'DOD PA LA LTOS NAS SO, ,YUL LA MNGON DU PHYOGS PA ZHES BYA BA NI RNAM PA MED PA'I LUGS LA LTOS NAS BSHAD PA YIN NO, ,DE THA DAD PAS ZHES BYA BAS NI YUL DANG 'DRA BA 'AM YUL LA MNGON DU PHYOGS PA NYID THA DAD PAS SO, ,RNAM PA LA SDANG BAS KYANG GANG LAS YUL GYI KHYAD PAR RTOGS PAR RNAM PAR GZHAG PA ZHES PA'I RANG LA BRTEN PA'I KHYAD

, ,PAR 'GA' DI ZHIG 'DOD DGOS SO, ,RTOG PA THA DAD PA'I RNAM PAR BRJOD PA NI SNGON PO ZHES BYA BA STE, BAR MED PAR NI NUS PA MA YIN NO ZHES BYA BA'I DON TO, ,GANG GI TSE RNAM PA 'DRA BA NYID YIN PA DE'I TSE YUL DANG 'DRA BA'I RANG GI NGO BO NYID RIG PA YIN GYI BEMS PO'I BDAG NYID GZHAN NI MA YIN PA'I PHYIR JI LTAR RNAM PA LAS PHYI ROL RIG CE NA, DE'I RNAM PAR RIG PA ZHES GSUNGS SO, ,DE'I RNAM PA'I SHES PA RIG PA GANG YIN PA DE NYID SNGON PO'I RIG PA YIN NO, ,DE'I PHYIR RNAM PA'I KHYAD PAR NYID LAS RTOGS PA'I KHYAD PAR YIN NO, ,DE NYID KYI PHYIR 'BRAS BU YANG RNAM PA GNYIS YIN NO ZHES BSHAD PA NI, TSAD MA'I 'BRAS BU ZHES BYA BA'O, ,RE ZHIG RNAM PA MED PA LA NI DON RTOGS PA NYID 'BRAS BU YIN LA, RNAM PA DANG BCAS PA LA YANG DPYOD PA DANG BRAL BA LA LTOS NAS DE NYID YIN NO,, DPYOD PA DANG LDAN PA LA NI RANG GI NGO BO RTOGS PA KHO NA DON RTOGS PA YIN NO, ,DES NA DE KHO NA NYID DU YUL GZHAG PA 'BRAS BU TSAD MA LA RAG LUS SO ZHES BYA BA 'DI GRUB PA YIN NO, ,KHUNGS BRJOD PA NI DE SKAD DU YANG ZHES BYA BA'O, ,RNAM PA THA DAD PA LAS YUL DU RTOGS PA THA DAD PA YIN MOD SHES PA TSAD MA YIN PA'I SKABS LA CI PHAN ZHE NA, YUL GYI RNAM PA DE YANG ZHES GSUNGS SO, ,'DI YANG 'OG TU STON PAR 'GYUR RO ZHES BYA BA NI TSAD MA DANG 'BRAS BU BSAM PAR RO, ,GZHAN GYI GAL TE ZHES SMRAS TE, MIG LA SOGS PA DANG 'BREL PAR 'GYUR BA ZHES BYA BAR RTOGS PAR BYA'O, ,DE BZHIN DU RNAM PA DE 'BREL PAR GYUR BA YANG MA YIN NO ZHES PA LTA BU'O, ,'DI NYID GSAL BAR BYED PA NI, CI LTAR ZHES BYA BA LA SOGS PA'O, ,THA MI DAD PA'I PHYIR ZHES BYA BA NI RTOGS PA LAS THA MI DAD PA'I PHYIR RO, ,SGRUB PAR BYED PA DAM PA NYID BYA BA LA RNAM PAR ZHES BYA BA LA LHAG MA'O, ,GAL TE DE LTA NA YANG MIG LA SOGS PA BYED PAR CI STE MI 'DOD CE NA SGRUB PAR BYED PA DAM PA NYID KYIS ZHES GSUNGS SO, ,SGRUB BYED DAM PA NYID MA YIN PA'I PHYIR DBANG PO LA SOGS PA NI BYED PA MA YIN NO ZHES BYA BA'I

DON TO, ,RNAM PAR JI LTAR SGRUB BYED DAM PA YIN ZHE NA, SGRUB PAR BYED PA DAM PA NYID KYIS ZHES GSUNGS SO, ,STON PAR 'GYUR BA NI TSAD MA DANG 'BRAS BU BSAM PAR RO, ,GAL TE MIG LA SOGS PA BYED PA MA YIN NO, ,'O NA ZHES 'DRI BA'O, ,LAN DU RGYU MIG LA SOGS PA LA 'BRAS BU MTHONG BA BTAGS PAS SO, ,DPAR NA RKUN POS ZHES GSUNGS SO, ,DPER NA RKUN POS BTANG BA'I MES GRONG BSREGS KYANG RKUN POS BSREG SO ZHES ZER BA DE BZHIN DU MIG LA SOGS PA LAS SKYES PA'I MNGON SUM GYIS DNGOS PO MTHONG BA YIN YANG MIG LA SOGS PAS MTHONG NGO ZHES BRJOD PA YIN NO, ,GANG GI PHYIR SHES PA'I RANG BZHIN DU GYUR PA'I RNAM PA NYID DANG 'BREL PAS YUL GYI KHYAD PAR RTOGS PAR RNAM PAR GZHAG PA YIN PA DANG, 'BRAS BU DON DU GNYER BA'I 'JUG PA YANG RTOGS PA MED NA MI 'GYUR BA YIN; DE'I PHYIR SHES PA TSAD MA YIN NO ZHES MJUG SDUD PA'O, ,GAL TE RTOGS PA TZAM MAM, 'JUG PA TZAM GYIS NI TSAD MA MA YIN TE, LOG PA'I SHES PA LA YANG YOD PA'I PHYIR RO, ,'ON KYANG RTOGS PA LA 'JUG PAR BYED PAS THOB PAR BYED PA NI MNGON PAR 'DOD PAR BYED PA NYID KYIS TSAD MA YIN TE, 'BRAS BU DON DU GNYER BAS TSAD MA TSOL BA'I PHYIR RO ZHES DOGS PA NA DON DAM PAR TSAD MA MA YIN GYI, 'ON KYANG THA SNYAD PA YIN NO ZHES STON PA NI, GAL TE ZHES BYA BA LA SOGS PA'O, ,CI LTAR ZHES BYA BA NI MNGON SUM MA RJES SU DPAG PAS SNYAM DU BSAMS PA'O, ,DE LA RE ZHIG PHYOGS DANG PO SEL BA NI RE ZHIG CES BYA BA'O, ,YANG CI'I PHYIR MNGON SUM THOB PAR BYED PA MI RTOGS SHE NA, RANG RIG PA'I ZHES GSUNGS TE, RANG RIG PA ZHES BYA BA NI DBANG PO LA SOGS PA'I MNGON SUM NI SHES PA'I BDAG NYID LA MI 'JUG PA'I PHYIR RO, ,'ON KYANG GAL TE RANG RIG PA'I MNGON SUM GYI TSAD MA DANG TSAD MA MA YIN PA RNAM PAR 'BYED PA'I NGES PA SKYED NA, DE'I TSE 'GA' YANG BSLUS PA'AM, THE TSOM DANG LDAN PAR MI 'GYUR BA TE, DE NI SHES PA THAMS CAD LA YOD PA'I PHYIR RO ZHES STON PAR BYED PA NI, DE SKYES

, ,BU'I DUS NYID NI ZHES GSUNGS SO, ,'ON TE ZHES BYA BA LA SOGS PA NI SPYOD PA'I LAN NO, ,SHES PA LKOG TU GYUR PA RNAMS KYI ZHES BYA BA LA SOGS PA'I LKOG TU GYUR PA NYID KYIS NA, SHES PA NYID RANG LAS GRUB PA MA YIN NA, DE'I CHOS TSAD MA LTA GA LA ZHIG CES BYA BA'I DON TO, ,DPYOD PA PA GNYI GA LA YANG 'THAD PAR GZHUNG 'DZUGS PA NI 'ON TE ZHES BYA BA LA SOGS PA'O, ,GAL TE TSAD MA MA YIN PA YANG RANG LAS GRUB NA DE'I TSE 'GA' YANG BSLUS PA'AM THE TSOM DU MI 'GYUR RO ZHES BYA BA'I THAL BA SON 'DUG GO ZHE NA, TSAD MA MA YIN PA NI ZHES SMRAS TE, GNOD PAR BYED PA'I SHES PA LAS SAM, RGYU DBANG PO'I SKYON RAB RIB LA SOGS PA SHES PA LAS BLTA BAR BYA STE, GNOD DANG RGYU NI NYES LDAN PAR, ,SHES PA DAG GIS DE DMIGS SEL, ,ZHES BRJOD PA'I PHYIR RO, ,GAL TE GNOD PAR BYED PA YANG TSAD MA GZHAN NYID YIN NA, DE'I TSE THUG PA MED DO ZHES GNOD PAR BYED PA'I SHES PA YANG ZHES BYA BA LA SOGS PA SMRAS SO, ,'DIS NI TSAD MA'O COG NI THAMS CAD RANG NYID LAS YIN LA, TSAD MA MA YIN PA NI GZHAN LAS YIN NO ZHES BSTAN PA YIN NO, , GAL TE SHES PA ZHES BYA BA GZHAN KHO NA LAS SKYE BA YIN LA, DE'I CHOS TSAD MA NI GZHAN LAS MA YIN NO ZHES BYA BA 'DI CI 'BREL YANG NA TSAD MA MA YIN PA YANG RANG LAS 'GYUR RO ZHES BYA BA'I DOGS PA 'DI SPANGS PA'I SGO NAS PHYOGS GZHAN STON PA NI GZHAN YANG ZHES BYA BA LA SOGS PA'O, ,BSAM PA NI 'DI YIN TE, DPER NA SHES PA RANG SKYE BA'I DON RGYU LA LTOS PA DE BZHIN DU SKYES ZIN PA'I SHES PA TSAD MA NI GZHAN LA LTOS PA MA YIN TE, DE'I DE NI LHAN CIG SKYES PA KHO NA YIN NO, ,SHES PA SKYES PA NA MA SKYES PAR SNGAR GNAS PA NYID NI MA YIN NO, ,DES NA SPYIR GNAS PA NI DMIGS KYIS SEL BA GZHAN GYIS GDON MI ZA BAR BSAL BA YIN NO, ,DE'I PHYIR TSAD MA MA YIN NA YANG RANG NYID LAS MA YIN NO ZHES BYA BA'O, ,SUN 'BYIN PAR BYED PA NI GAL TE SHES PA RNAMS KYI SPYIR BTUB PA'I TSAD MA DE DMIGS KYIS

BSAL BA'I YUL SPANGS NAS NGES PA'I YUL LA RANG NYID GNAS SAM, 'ON TE THAMS CAD DU KHYAB PA DMIGS KYIS SEL BAS RANG GI YUL DANG BRAL BA NI, GNAS DE LA PHYOGS DANG PO LA NI BSAL BA THOB PA YIN PA RANG NYID LAS TSA DAM 'AM, TSAD MA MA YIN DES PA MA YIN GYI, 'ON KYANG KHYAD PAR 'GA' ZHIG LAS YIN NO, ,KHYAD PAR DE YANG GDON MI ZA BAR 'DOD DGOS TE, DE LTA MA YIN NA RNAM PAR PHYE NAS TSAD MA DANG TSAD MA MA YIN PA'I THA SNYAD DU MI 'GYUR RO, ,DES NA GNYI GA YANG GZHAN KHO NA LAS NGES PAR BYA BA YIN NO ZHES BYA BAR 'GYUR RO, ,'ON TE BSAL BAM THOB PA YANG RANG NYID LAS TSAD MANG NGES NA, DE'I TSE TSAD MA MA YIN PA NGES PA YANG DE BZHIN DU 'GYUR BA'I PHYIR GNYI GA YANG RANG NYID LAS NGES SO ZHES BYA BAR 'GYUR RE, ,DES NA PHYOGS GNYIS PA NYID KHYED KYIS MDUN DU BYAS PA YIN NO; ,'DI LA YANG RNAM PAR RTOG PA GNYIS TE, SHES PA THAMS CAD LA KHYAB PA'I RANG NYID LAS TSAD MA YIN PA DE, RANG GI RGYU LAS SKYES PA 'AM MA SKYES PA ZHIG YIN PAR 'GYUR, DE LA RNAM PAR RTOG PA DANG POS SEL BAR BYED PA NI, GAL TE ZHES BYA BA LA SOGS PA'O,, DE LTAR SKYES ZHES BYA BA NI TSAD MA NYID DU SKYES PA'O, ,GZHAN DU ZHES BYA BA NI TSAD MA MA YIN PA'I RANG BZHIN DU'O, ,GNOD PAR BYED PAS NI MED PA SGRO BTAGS PA LA MED PA NYID DU RTOGS PAR BYED PA YIN NO, ,YOD PA 'JIG PAR BYED CING MED PA SKYED PAR BYED DO ZHES BYA BA 'DI NI 'JIG PA MA YIN TE, CI LTA BA BZHIN DU RTOGS PA KHO NA LA TSAD MA'I THA SNYAD MTHONG BA'I PHYIR RO, ,GANG GI TSE SHES PA TSAD MA'I BDAG NYID DU SKYES PA DE'I TSE DNGOS PO'I GNAS PAR TSAD MA NYID GNAS PA 'GA' ZHIG TU GNOD BYED PAS GZHIG PAR BYA BA'I YIN PAR 'GYUR NA DE RIGS PA MA YIN NO ZHES BRJOD DO, ,BRAM ZE RNAMS LA NI ZHO BYIN LA, DAR BA NI KOOndI N+YA LA BYIN CIG CES BYA BA 'DIR DNGOS PO'I GNAS PAS KOO ndI N+YA LA ZHO BYIN PA NYID YOD PA DMIGS KYIS SEL BAS 'GOG PA NI MA YIN NO, ,'ON KYANG BRAM ZE RNAMS LA ZHES SPYIR BRJOD PA LAS SGRO BTAGS PA

, ,'GOG PA YIN TE, BSAM PA'I RJES SU BYED PA NYID KYI DON NGES PA MED PA'I PHYIR RO, ,GAL TE DER YANG BRAM ZE RNAMS LA ZHO SBYIN PAR SMRA BA CI LTAR THOS PA'I DON MED NA, MI 'GYUR BA YIN NA DE'I TSE KOO ndI N+YA LA ZHO SBYIN PA YANG DNGOS PO'I LUGS SU GNAS PA'I PHYIR, CI LTAR DGAG STE SHES PA'I BDAG NYID DU GYUR PA'I TSAD MA NYID BZHIN NO, ,DE'I PHYIR SPYIR BTANG BA DANG DMIGS KYIS BSAL BA DAG NI NGAG DAG LA GNAS PA YIN GYI DNGOS PO'I GNAS PA 'JUG PAR GNAS PA NI MA YIN NO, ,RNAM PAR RTOG PA GNYIS PA SEL BA CI STE ZHES BYA BA LA SOGS PA'O, ,SEMS PA'I RANG BZHIN CAN GNAS SKABS THAMS CAD DU RJES SU SONG BA'O, ,BTAGS PA'I RDZAS NI BDAG YIN LA DE'I RANG BZHIN DU GYUR PA'I RNAM GRANGS NI SHES PA DANG BDE BA LA SOGS PA YIN NO, ,TSAD MA YANG DAG PA KHO NA YIN TE, SHES PA'I RANG BZHIN YIN PA'I PHYIR RO, ,BDAG BRTAG PA NI 'GA' LAS KYANG SKYES PA MA YIN LA, DE'I RANG BZHIN SHES PA YANG RNAM PA THAMS CAD DU SKYE BA MA YIN TE, DE'I BDAG NYID KYIS MA SKYES PA'I PHYIR RO ZHES PHYIR 'JIL BAR SEL NA, SUN 'BYIN PAR BYED PA NI MA SKYES PAR KHAS LONG ZHING BDAG GI RANG BZHIN LHAG PA YANG GNOD MOD, RNAM PAR SHES PA TSAD MAS KHYAB NA GNOD PAR BYED PA'I GO SKABS CI YOD SNYAM DU BSAMS NAS, GNOD PAR BYED PA STONG YOD KYANG, ,ZHES GSUNGS SO, ,DE ZHES BYA BA NI TSAD MA'I RANG BZHIN GYI BDAG GO, , CI STE YANG BDAG GIS BRJOD MA THAG PA'I NYES PA 'GYUR BA, GNOD BYED DAG GIS YOD PA'I RANG BZHIN GZHAN DU BYAS PA'I MTSAN NYID TSAD MA MA YIN PA SKYED PA NI MA YIN GYI, 'ON KYANG RKYEN CAN GYI RGYU LAS SKYES PA'I PHYIR TSAD MA MA YIN NO ZHES DOGS PA BSU BA NI GAL TE ZHES BYA BA'O,, 'DI LA LAN YON TAN LAN RGYU ZHES BYA BA LA SOGS PA'O, ,DGONGS PA NI 'DI YIN TE, GAL TE RAB RIB LA SOGS PA'I NYES PA SKYON TSOGS PA MIG LA SOGS PA'I RGYU LAS SKYES PA TSAD MA MA YIN LA, DE TZAM GYIS KYANG GZHAN LAS TSAD MA MA YIN PA'I THA SNYAD DU BYED NA, DE'I

TSE YON TAN DANG LDAN PA'I RGYU LAS BYUNG BA TSAD MAR 'GYUR LA, DE TZAM GYIS KYANG GZHAN LA TSAD MA YIN PAR CI STE MI BRJOD, CI STE DE LTA YIN PA DE LTA NA YANG DE LTAR THA SNYAD MI BYA'O, ,DE'I TSE TSAD MA MA YIN PA LA YANG DE LTAR THA SNYAD MI BYA'O, ,GAL TE GANG GIS TSAD MA MA YIN PA LTAR GZHAN LAS YIN PAR 'GYUR BA, YON TAN DANG LDAN PA'I RGYU LAS SKYES PA NI TSAD MA MA YIN GYI, 'ON KYANG NYES PA MED PA'I PHYIR RO ZHEN LAN DU YON TAN MED PHYIR ZHES BYA BA LA SOGS PA'O, ,DE LTA NA YANG GAL TE TSAD MA RANG LAS YIN NA DE'I TSE TSAD MA MA YIN PA YANG RANG NYID LAS YIN PA'I PHYIR CI LTAR GCIG NI RANG LAS YIN LA, GZHAN NI GZHAN LAS YIN NO ZHES RNAM PAR GZHAG ,'ON TE JI LTA BA BZHIN DU GNAS PA'I SKYES BU LA RAB RIB YOD NA 'KHRUL BA'I SHES PA SKYE LA, RAB RIB MED PA'I DUS NA NI MA YIN PA STE, DES NA TSAD MA MA YIN PA NI, RAB RIB KYIS BYAS PA YIN PAS TSANG MA MA YIN PA GZHAN LAS YIN LA, YANG MIG SMAN LA SOGS BAS RAB RIB BSAL BA LAS SNGAR GYI GNAS SKABS THOB PA TZAM GYIS YON TAN KHYAD PAR LA MA LTOS PAR YANG DAG PA MTHONG BA'I PHYIR TSAD MA NI RANG NYID LA YIN NO NA NA; 'O NA DMUS LONG GANG ZHIG GRUB PA'I SMAN DANG, SNGAGS LA SOGS PA'I MTHUS MIG GI YON TAN GYI KHYAD PAR THOB PA'I PHYIR YANG DAG PAR MTHONG YANG, DE LA SNGA MA'I GNAS SKABS THOB PA MED PA'I PHYIR CI DE'I SHES PA'I GZHAN KHO NA LAS TSAD MA YIN NAM, SNGON GNAS PA'I RANG BZHIN MNGON BAR GSAL BA YANG MI SRID DE, 'BRAS BU YOD PAR SMRA BA THOB PA'I PHYIR YANG DAG PAR MTHONG YANG DE LA SNGA MA'I GNAS SKABS THOB PA MED PA'I PHYIR CI DE'I SHES PA GZHAN KHO NA LAS TSAD MA YIN NAM SNGON GNAS PA'I RANG BZHIN MNGON PAR GSAL BA YANG MI SRID DE, 'BRAS BU YOD PAR SMRA BA'I NYES PA GZUNG BA'I PHYIR RO, ,GANG YANG MIG SMAN LA SOGS PAR SKYON SEL BA CAM DU BRJOD PA DE LA YANG, MIG LA YON TAN GYI KHYAD PAR MA SKYES SO ZHES BYA BA 'DI LA LHA GTUM POS REG PA KHO NA TSAD MA YIN TE, GANG GI PHYIR NYES PA DANG BRAL BA'I GNAS SKABS NYID

, ,YON TAN SKYES PA'I PHYIR RO, ,DE NI SNUN NYID YOD PA YIN NO ZHE NA, YOD MOD CI DE TZAM GYIS YON TAN MA YIN PAR 'GYUR RAM, SNGAR GNAS PA NYID YON TAN DANG 'GAL BA MA YIN NO, ,DES NA SNGAR GNAS KYANG BAR DU MI MNGON PAR GYUR PA, SNGAR MNGON PAR GSAL BA 'AM, SNGA NA MED PA SKYES PA NI YON TAN SHES PA SKYES PAR BYED PA DE CI TSAD MA NYID GZHAN LAS MA YIN NAM, DE BZHIN DU RAB RIB SRID NA 'KHRUL PAR 'GYUR RO ZHES BYA BA 'DIR YANG SLU BA'I 'BRAS BU LA SNGAR GYI MIG YON TAN DANG LDAN PA LOG PA TZAM RAB RIB KYIS BYAS PA NA, 'KHRUL PA YIN NO ZHES BRJOD PA NUS PA DES NA RANG NYID LA TSAD MA MA YIN BAR 'GYUR RO, ,RANG NYID NUS PA MED NA NI GZHAN GYIS BYA BAR MI NUS SO ZHES BYA BA 'DI YANG SLU BA'I NUS PA LA LTOS NAS BRJOD PA'I NUS PA KHO NA'O, ,DE BAS NA GCIG NI RANG LAS YIN LA GZHAN NI GZHAN LAS YIN NO ZHES BYA BA'I NGES PA 'DI MED DO, ,'O NA TSAD MA BDAG LAS YIN LA, TSAD MA MA YIN PA YANG GZHAN LAS YIN NO ZHE NA, GANG GIS ZHES GSUNGS TE RTOGS PA GANG GIS SO, ,DE'I NI BDAG GI'O, ,GZHAN DAG BDAG GRUB PA BRJOD PA NI, GAL TE DE RTOGS ZHES BYA BA LA SOGS PA'O, ,RANG RIG GI NGO BO NI SEMS BA CAN TZAM GYI RANG BZHIN NO, ,DON 'DI YIN TE, GNYID MTHUG POS LOG PA'I GNAS SKABS DANG 'GRO BA LA SOGS PA'I TSE SNGON PO DANG SER PO LA SOGS PA SHES PA'I GNAS SKABS SU GYUR PA TSAD MA MA YIN PA'I THA SNYAD KYI YUL DAG LA RTOGS PA'I RANG BZHIN NYID RJES SU ZHUGS PAR NYAMS SU MYONG LA BDAG KYANG DE NYID YIN PAR 'DOD DO, ,DES NA GZHAN PA'I BDAG NI RTOGS PA MED CES CI STE BRJOD, SHIN TU GZHAN PAR 'GYUR BA NYID YIN NA NI GRUB PA BSGRUB PO ZHE NA, SUN 'BYIN PAR BYED PA NI DE'I TSE CUNG ZAD CES BYA BA LA SOGS PA STE, GNYID MTHUG POS LOG PA LA SOGS PA'I TSE NA, DNGOS PO TZAM YANG RIG PA MED DO, ,DES NA CI LTAR BDAG YOD DO ZHES YOD PA'I THA SNYAD DU BYED PA LAS CANG MA SHES PAR NI KHRA BO YOD DO ZHES YOD PA THA SNYAD

MI BYED DO, ,DES NA BDAG DE LA RTOGS DANG CIG SHOS ZHES BYA BA LA SOGS PA GO SLA'O, ,MJUG SDUD PA NI DE'I PHYIR TSAD MA ZHES BYA BA LA SOGS PA'O, ,DON 'DI YIN TE, SKYE BA'AM RTOGS PA LA LTOS NAS RANG LAS ZHES BRJOD GRANG NA, DE LA PHYOGS DANG PO LA NI DPER NA RANG LAS TE RANG GI RGYU NYID LAS TSAD MA SKYE BA BZHIN DU CIG SHOS TSAD MA MA YIN PA YANG YIN NO, ,BYUNG BA NI TSAD MA'AM TSAD MA MA YIN PA'O, ,CHAD MA 'AM TSAD MA MA YIN PAR SKYES PA LA NI GZHAN GYI KHYAD PAR BSGRUB PAR MI NUS SO, ,TSAD MA NYID RANG LAS MIN TE TSAD MA MA YIN PA YANG RANG LAS 'GYUR RO ZHES BYA BA'I DON TO, ,PHYOGS GNYIS PA NI TSAD MA LA YANG MED DO ZHES STON PA NI, RNAM PA MTSUNGS PA ZHES BYA BA'O, ,DE NYID DU NI TSAD MA'AM TSAD MA MA YIN PA NYID DU'O, ,GAL TE RNAM PA MTSUNGS KYANG GANG LA GNOD PA MED PA DE TSAD MA MA YIN NO ZHE NA, 'DI LA BSAM PAR BYA STE, DANG PO GNOD PA MED PA 'DOD DAM PHYI SA DANG PO LA BRJOD PA NI, DANG PO THAMS CAD CES BYA BA LA SOGS PA STE, TSAD MA MA YIN PA YANG ZHES BYA BA'I DON TO, ,GNOD PA MED PA NYID KYIS NI TSAD MAR MI RIGS SO, ,GNYIS PA LA BRJOD PA NI PHYIS GNOD BYED LA THE TSOM ZHES BYA BA'O, ,GAL TE THE TSOM ZA BA LA YANG TSANG MAS NGES PA NI MTHONG NGO ZHE NA, GNOD PAR BYED PA 'BYUNG BA DE YOD PA 'AM MED PAR NGES PA DE NI MNGON SUM MAM RJES SU DPAG PA GZHAN LAS YIN PAR 'GYUR RO, ,YANG CI'I PHYIR MNGON SUM DANG RJES SU DPAG PA DAG NYID LAS NGES PAR BRJOD CE NA, BSHAD PA TSAD MA GZHAN NI YOD PA MA YIN ZHES GSUNGS SO, ,GANG GI PHYIR MNGON SUM MAM RJES SU DPAG PA LAS THA DAD PA'I TSAD MA GZHAN MED PA DE'I PHYIR 'DI DAG LAS NGES PAR BRJOD LA, 'BYUNG BAR 'GYUR BA'I GNOD BYED LA NI MNGON SUM DANG RJES SU DPAG PA DAG 'JUG PA MED DO SNYAM DU DGONGS PA'O, ,DE LA TSAD MA MA YIN PA LA LTOS NAS NI PHYIS GNOD PA YOD PAR MA NGES LA TSAD MA LA LTOS NAS NI YOD PA MA NGES PAR RTOGS PAR BYA'O, ,DE LTAR RANG LAS TSAD MAR SMRA BA SUN 'BYIN PA NA, 'DI MI SLU

, ,BA NYID KYIS MTSAN NYID KYI PHYOGS SU LTUNG BAS DE LTAR BDAG LA GEGS BYED PA YIN NO SNYAM PAS, BDAG NYID KYI LUGS BZLOG PAS 'TSO BAR 'DOD NAS, RE ZHIG 'DI NYID KYI LUGS BSAM PAR BYA'O ZHES SMRAS PA NI, GAL TE ZHES BYA BA LA SOGS PA'O; ,GANG DU SGRUB BYED KYI SHES PA ZHUGS PA NYID LAS MI SLU BA'I SHES PA ZHUGS PA NI KHAS MI LEN TE, 'JUG NA DE NYID LTAR MI SHES PA NYID DU MI 'THAD PA'I PHYIR RO, ,'ON KYANG DE NI YUL GZHAN LA ZHUGS PAR KHAS BLANGS PA YIN NO, ,DES NA DE, YUL GZHAN LA NI 'JUG 'GYUR NA, ,ZHES GSUNGS SO, ,'DI 'GOG PA NI 'DI'I ZHES BYA BA'I DUS PHYIS 'BYUNG BA'I MI SLU BA'I SHES PAS NI TSAD MA RTOGS PAR BYA BA YIN NA, 'DAS PA LA NI RTOGS PA MED DO ZHES BYA BA'I DON TO, ,GZHAN DAG SNGA MA TZAM NI 'DAS PAR MI 'DOD DE DPER NA SNAM BU LA LTOS NAS SNGAR YOD PA'I SNAL MA RNAMS BZHIN NO, ,DES NA 'DAS PA'I ZHES KHYAD PAR BYED, 'ON TE YANG MI SLU BA'I SHES PA'I TSAD MA NYID DU NGES PA MA YIN MOD, 'ON KYANG SGRUB PAR PA'I SHES PA DE NYID GOMS PA LAS SHIN TU GSAL BAR GYUR PAS NA; TSAD MA'I MTSAN NYID MI SLU BA NYID NGES PAR RANG NYID KYIS 'PHANGS NAS GNAS PA YIN TE, DES NA MI SLU BA'I MTSAN NYID CAN TSAD MA RNAM PAR GNAS PA KHO NA'O ZHES DOGS NA SGRUB PAR BYED PA'I SHES PA YANG ZHAS GSUNGS SO, ,CI LTAR TSAD MA NYID NI RTOGS PAR BYED CES BYA BA RJES SU 'JUG GO, ,CI'I PHYIR TSAD MA NYID MA RTOGS SHE NA, THE TSOM GYI NI YUL YIN PHYIR, ,ZHES SMOS TE, CI 'DI TSAD MA 'AM 'ON TE MA YIN ZHES THE TSOM ZA BA DE'I YUL YIN PA'I PHYIR RO, ,GAL TE SGRUB PAR BYED PA'I YUL CAN YIN PA NYID LAS TSAD MAR NGES PA YIN NO ZHE NA, SMRAS PA CI LTAR YUL DE SGRUB BYED YIN TE MA YIN PA NYID DO, ,CI'I PHYIR ZHE NA, DE'I SHES PA DE TSAD MA NYID DU RTOGS PA MED PA'I PHYIR TE, DE'I BYA BA GRUB PA NYAMS SU MA MYONG BA'I PHYIR RO, ,DES NA SGRUB PAR BYED PA'I SHES PA CHAD MA MA YIN PA'I STOBS KYIS YUL SGRUB

BYED NYID DU NGES LA, YUL SGRUB BYED DU NGES PAS KYANG CHAD MA NYID DU NGES PA'I PHYIR GSAL BAR PHAN TSUN BSTEN PA YIN NO, ,DE'I PHYIR THE TSOM GYI YUL NYID DU GRUB PA'I PHYIR CI LTAR TSAD MA NYID DES TSANG MA SUN 'BYIN PAR BYED PA NI, GAL TE MI SMRA BA NYID KYI MTSAN LA SKYON YOD DU CHUG MOD DE LTA NA YANG KHYOD LDOG PAS 'TSO BAR CI LTAR 'GYUR SNYAM DU BSAMS NAS SNGAR BSHAD ZIN PA'I SUN 'BYIN PA'I DRAN PAR BYED PA NI, GAL TE RTOGS PA BDAG CES BYA BA LA SOGS PA'O, ,DA NI SPYOD PA RANG GI LUGS LAS SU RKA 'BYIN PA YAL BAR DOR NAS, MI SLU BAR SMRA BA'I LUGS 'GOG PA NI, 'ON TE DE DON DON BYED NYID, ,CES BYA BA'O, ,MI SLU BA'I RTOGS PAS 'DAS PA TSAD MAR SHES PA NI MI SMRA LA, SGRUB PAR BYED PA'I SHES PA'I STOBS LA BRTEN PA YANG MA YIN GYI 'ON KYANG DE'I DON SGRUB PAR BYED PA SHES PA'I YUL GYIS DON BYED PA PHYIS MNGON NAS SGRUB PAR BYED PA SHES PA SNGA MA TSAD MA NYID DU NGES PAR BYED DO SNYAM NA, SUN 'BYIN PAR BYED PAS TSAD MA SNGAR GRUB CES BYA BA LA SOGS PA SMRAS SO, ,DON 'DI YIN TE, GAL TE TSAD MA ZHES BYA BA ZHIG SNGAR GRUB PAR GYUR NA DE'I TSE DE DANG 'BREL PAR GRUB PA'I DON BYA BA LA TSAD MAR NGES PAR 'GYUR BA ZHIG NA 'ON KYANG TSAD MA'I RANG BZHIN NYID DU RUNG YANG GRUB PA MED DO, ,'DI NYID SDUD PA NI GAL TE ZHES BYA BA LA SOGS PA'O, ,DON BYA BA LAS TSAD MA NYID DPOG PAR NI MI BYED KYI, 'ON KYANG DON GA LAS SHES PA LA 'JUG PA NA BYA BA THOB PA DER SHES DE TSAD MA YIN NO ZHES THA SNYAD DU BYED DO ZHES DOGS PA BSTAN PA NI, 'ON TE ZHES BYA BA LA SOGS PA'O, ,SUN 'BYIN PA NI DON BYED PA LA SOGS PA ZHES BYA BA'O, ,TSAD MIN PAS RTOGS LAS KYANG MTHONG, ,ZHES BYA BA NI, TSAD MA MA YIN PA NYID DU KHAS BLANGS PA LAS KYANG NGO, ,RLUNG GIS GTZUBS SA PA'I RDUL GYI TSOGS LA DU BA NYID DU LHAG PAR ZHEN PA LAS MER RJES SU DPOG PA'I BLOS ZHUGS PA'I YUL DE NI RES 'GA' ME SRID PA'I PHYIR RO, ,DE LAS DON BYA DE MIN NA, ,ZHES BYA BA NI GZHAN GYI DOGS PA STE, DON BYA BA DE NI

, ,DE'I YUL DU NYE BAR SONG BA NA TSAD MA GZHAN KHO NA LAS YIN NO ZHES BYA BA LUGS LAS 'BYUNG BA'I PHYIR RO ZHE NA, SUN 'BYIN PA NI GZHAN LAS KYANG DE NI ZHES BYA BA STE, MNGON SUM PHYI MA LAS KYANG NGO ZHES BYA BA'I DON TO, ,DES NA ME RAB TU STON PAR BYED PA'I 'JUG PAR BYED PA DANG, THOB PAR BYED PA THUN MONG PA RNAMS LA, GCIG NI TSAD MA GZHAN NI MA YIN NO ZHES BYA BA'I RNAM PAR DBYE BA 'DI SUS BYAS, GZHAN GYIS, DE LA RES 'GA' MI 'THOB PHYIR, ,SMRAS PAS SO, ,SUN 'BYIN PAR BYED PA'I DE NI GZHAN DU'ANG ZHES BYA BA STE, MI 'THOB PA DE NI GANG GI TSE 'GA' ZHIG GIS YUL PHROGS SAM, NYE BAR LEN PA MI BRTAN PA'I YUL RANG NYID ZAD DAM BAR DU 'JUG PA'I RKANG PA LA SOGS PA CHAG PA DE'I TSE TSAD MA LA YANG MTHONG NGO, ,GANG LAS THOB PA ZHES BYA BA LA SOGS PA NI GZHAN GYI STE, GAL TE DE LTAR TSAD MA DANG TSAD MA MA YIN PA DAG LA THOB PA MTSUNGS PA DE LTA NA YANG SHES PA GANG LAS ZHUGS PA NA THOB PAR THE TSOM MED PA DE NI TSAD MAR 'GYUR RO ZHE NA, SUN 'BYIN PAR BYED PA NI 'O NA ZHES BYA BA LA SOGS PA'O, ,GAL TE TSAD MA DANG TSAD MA MA YIN PA DAG RNAM PA MTSUNGS PAR MA GYUR NA; DE'I TSE THE TSOM MED PAR 'GYUR BA ZHIG ,RNAM PA MTSUNGS PA NI GANG LAS THE TSOM LDOG PAR 'GYUR TE, GZHAN GYI GOMS LAS ZHES BYA BA LA SOGS PA SMRAS SO, ,GA LTA YANG RAGS PA'I RNAM PA MTSUNGS PA YOD PA DE LTA NA YANG, NOR BU DANG, MU TIG LA SOGS PA LTAR; MI MTHUN PA PHRA MO GOMS PA LAS NGES PAR 'DZIN TO, ,KHYAD PAR DE LAS NI THOB PA YOD PAR NGES SO ZHE NA, SUN 'BYIN PAR BYED PA NI DE NI PHAN TSUN BSTEN PA YIN NO ZHES BYA BA'O, ,GOMS PA YOD NA 'THOB PAR NGES LA NGES PAR THOB PA NGES PA YIN NA YANG, YANG NAS YANG 'JUG PA'I MTSAN NYID KYI GOMS PA YIN PA'I PHYIR RO, ,GZHAN DAG GAL TE NYAMS SU MYONG BA'I DON NI SNYON PA'I MI NUS SO SNYAM PAS, NYAMS SU MYONG BA'I 'JUG PA'I RIM PA STON PAR BYED PA NI, DE MTHONG BA NYID NI ZHES BYA BA LA SOGS PA'O, ,ME LA SOGS PA GANG ZHIG MTHONG BA NA BSREG

PA LA SOGS PA MTHONG BA DE LTAR THA SNYAD KYI DUS SU MTHONG BA NA, 'JUG PA LA SOGS PA'I MTSAN NYID KYI THA SNYAD DU 'GYUR BA YIN NO, ,JI LTAR ZHE NA SMRAS PA, ME LA SOGS PA MTHONG BA RNAMS LA SNGAR ZHUGS PA'I MYONG BA GANG YIN PA DE'I MTHU LAS BYUNG BA'I DRAN PA LAS MNGON PAR 'DOD PA YIN ZHES RTOGS PAR BYA'O, ,SUN 'BYIN PAR BYED PA NI DE LTAR RJES DPAG LAS YIN NO ZHES BYA BA'O, ,'DI MNGON SUM DU BYED PA NI MA YIN GYI, 'DI NI DE'I RANG BZHIN GYI RJES SU DPAG PA NYID DU GSAL LO, ,'DI LTAR DE MTHONG NYID LA ZHES BYA BAS NI MTHONG BZHIN PA'I RANG GI MTSAN NYID 'DZIN PA NI MA YIN TE, SNGAR MTHONG BA NYID MI 'THAD PA'I PHYIR RO, ,DE'I PHYIR DE LTA BUR GYUR PA GANG YIN PA DE NI DE 'DRA BA'I DON BYA BA BYED PA YIN TE, DPER NA SNGA MA BZHIN NO, ,'DI YANG DE LTA BUR GYUR PA YIN NO, ,DE'I PHYIR DE 'DRA BA'I DON BYA BA BYED PA YIN NO ZHES BYA BA NI TSAD MA'I DON TO, , RJES SU DPAG PA NYID LAS DON BYA BA NGES PA YIN MOD, DED LA CHAD PA CI YOD CE NA, RJES DPAG DE YANG ZHES BYA BA LA SOGS SMOS SO, ,RJES SU DPAG PA NI DON BYA BA DANG 'BREL PA 'DZIN PA MNGON SUM LAS BDAG NYID THOB LA BSHAD ZIN PA'I TSUL GYIS DON BYA BA DANG 'BREL PA 'DZIN PA'I MNGON SUM YANG RJES SU DPAG PA LAS 'THAD PA YIN PA'I PHYIR, PHAN TSUN BSTEN PA MNGON SUM MAM RJES SU DPAG PA RNAM PAR GNAS PA MED DO, ,RJES SU DPAG PA DON BYA BA DANG 'BREL PAR 'DZIN PA'I MNGON SUM LA LTOS MOD, MNGON SUM NI RANG KHO NAS 'BREL PA 'DZIN GYI RJES SU DPAG PA LA NI LTOS PA MA YIN NAM, DES NA GANG GIS GANG YANG RUNG BAR GNAS PAR MI 'GYUR BA PHAN TSUN BSTEN PAR CI LTAR 'GYUR ZHE NA, RANG DNGOS ZHES BYA BA LA SOGS PA SMOS SO, ,RANG GI NGO BO YANG DE YIN LA RANG GI DMIGS PA'I RNAM PA YANG YIN PA DE GCOD PAR BYED PA STE; NGON MNGON DU BYED PA'O, ,NUS PA MED PA NYID STON PA NI DES NI ZHES BYA BA STE, MNGON SUM GYIS SO, ,CI'I PHYIR 'DZIN PAR MI PHYED CE NA, YUL DANG DUS GZHAN ZHES BYA BA SMOS TE, GANG GI PHYIR 'BREL PA DE LTA BUR GYUR PA YIN PA DE'I PHYIR DNGOS PO'I GNAS LUGS SU MNGON SUM

, ,DU 'DZIN PA MA YIN NO SNYAM DU DGONGS PA'O, ,GAL TE MNGON SUM GYIS YUL DANG DUS GZHAN KHYAB PAR 'BREL PA 'DZIN NA, DE'I TSE NYES PA CI YOD CE NA, GAL TE YUL DANG DUS GZHAN DU ZHES BYA BA SMOS TE, DE'I TSE 'JIG RTEN THAMS CAD DON KUN MTHONG BAR THAL LO, ,RE ZHIG 'GA' ZHIG TU LHAN CIG GI NGO BOR MTHONG BA YIN LA, DE NYID 'BREL PA 'DZIN PAR BRJOD DO ZHE NA, KHYAB MIN LHAN CIG CES BYA BA LA SOGS PA SMOS SO, ,GTAN TSIGS SMRAS PA, LHAN CIG PA'I NGO BO DE NI RES 'GA' BA YIN PAS SO, ,LHAN CIG GI NGO BOR MTHONG BA RJES SU DPAG PA SKYE NA, HA CANG THAL BAR YANG 'GYUR RO ZHES BSHAD PAR NI, YANG NA KUN DU ZHES BYA BA STE, BUM PA DANG SNAM BU DAG LA YANG RES 'GA' BA'I LHAN CIG GI NGO BO NI YOD PA DES NA DE DAG GCIG MTHONG BA NI, GZHAN RJES SU DPOG PAR 'GYUR RO ZHES BYA BA'I DON TO, ,DE'I PHYIR YUL LA SOGS PA'I KHYAD PAR 'BREL PA NI MNGON SUM GYIS RIG PA MA YIN NO, ,'O NA MNGON SUM GYIS CI RIG CE NA, DE NYID CES BYA BA LA SOGS PA SMOS SO, ,DE LA ZHES BYA BA NI MNGON SUM LAS SO, ,GAL TE YUL DANG DUS GZHAN NYID MI 'DZIN MOD, ,DES NA GNAS PAS KHYAB PA 'DZIN PA LA GO 'GAL BA CI YOD CE NA, YUL LA SOGS ZHES SMOS TE, YUL GZHAN LA SOGS PA'O, ,DE KHYAB CES BYA BA NI DER GNAS PAS KHYAB PA'O, ,DES ZHES BYA BA NI KHYAB PA 'DZIN PA'I SHES PAS MA BZUNG BAS MA RTOGS PA'O, ,DE'I PHYIR MNGON SUM RANG NYID KYIS DON BYA BA DANG 'BREL PAR 'DZIN PA NI MA YIN GYI, 'ON KYANG RJES SU DPAG PA LA LTOS PA NYID YIN TE, DES NA PHAN TSUN BSTEN PA'I PHYIR, GCIG KYANG GNAS PA MED DO, ,GAL TE MNGON SUM GYIS KHYAB PA MI 'DZIN MOD, RJES SU DPAG PA GZHAN GYIS 'DZIN PA'I PHYIR CI LTAR PHAN TSUN BSTEN PA'I NYES PAR 'GYUR ZHE NA, RJES SU DPAG PA GZHAN ZHES BYA BA LA SOGS PA SMOS SO, ,CI'I PHYIR ZHE NA, BSHAD PA KHYAB PA RTOGS PA DE DANG DE LA LTOS PA'I PHYIR RO, ,DE'I PHYIR RJES SU DPAG PA GZHAN LAS NI 'BREL PA GRUB PA YIN GYI, 'ON KYANG MNGON SUM

LAS YIN PA'I PHYIR, PHAN TSUN BSTEN PA'I NYES PA SO NA 'DUG GO, ,DE LTAR GZHAN GYI PHYOGS SUN PHYUNG NAS, DPYOD PA PA RANG GI LUGS NYE BAR SDUD PAR BYED PA NI, DE PHYIR ZHES BYA BA STE, 'DI NI DON GYIS GO BA GRUB PA ZHES BYA BA'I DON TO, ,MI SLU BA'I TSAD MA'I MTSAN NYID DU BYED PAS KYANG; GDON MI ZA BAR BDAG CAG GI MTSAN NYID KHAS BLANG DGOS SO ZHES SMRAS PA NI, TSAD MA ZHES BYA BA'O, ,GANG ZHIG MI SLU BA LAS TSAD MA YIN PA DE NI GAL TE GNOD PAR BYED PA MED NA, TSAD MA KHO NAR RIGS KYI, GANG GI TSE GNOD PAR BYED PA DE'I TSE NI, MI SLU BA LAS KYANG CI LTAR TSAD MAR 'GYUR SNYAM DU BSAMS PA'O, ,DE NYID SMRAS PA NI, GNOD BYED LAS NI ZHES BYA STE, GANG ZHIG MI SLU BA LAS TSAD MAR 'DOD PA DE NYID GNOD BYED LAS GZHAN DU TSAD MA MA YIN PAR 'GYUR RO, ,DE'I PHYIR GNOD PA MED PA NYID KYIS TSAD MA YIN NO ZHES SNYAM DU BSAMS PA'O; ;'DI LA BRJOD PA ZHES BYA BA NI TSAD MA SUN 'BYIN PAR BYED PA'O, ,'DI SNYAM DU GZHAN LA NYES PAR BRJOD PA 'DIS NI RANG GI PHYOGS KYI LAN CUNG ZAD KYANG MA BTAB PO, ,DON GYIS GO BAS 'DI GRUB PO ZHES BYA BA YANG SDIG TO YIN TE, TSAD MA KHAS LEN PA LA DE LTAR 'GYUR YANG TSAD MA LA BSNYON 'DEBS PA LA NI 'KHYAR PA NYID DO SNYAM DU BSAMS PA'O, ,DES NA GNOD BYED MED PA TZAM ZHES BYA BA NAS SHES 'GYUR ZHES BYA BA'I BAR GYIS LHAG PAR RTOGS PAR BYA BA'I DON DU SNGAR GYI SUN 'BYIN PA NYID DRAN PAR BYED DO, ,DANG PO GNOD PA MED PA NI 'KHRUL PA LA YANG YOD LA PHYIS NI NGES PA MED DO ZHES BRJOD ZIN TO, THOB LAS ZHES BYA BA NI GZHAN GYI LAN TE DON BYED PA THOB PA'O, ,SUN 'BYIN PAR BYED PA SMRAS PA NI, THOB PA DE TSAD MA'I MTSAN NYID DON BYED PAR NI, GNAS PA YIN ZHES RTOGS PAR BYA'O, ,DE LAS CIR 'GYUR ZHE NA, DE YANG ZHES SMOS TE, DON BYED PAR GNAS PAR YANG NGO, ,RANG DNGOS RIG PA'I SHES LAS ZHES BYA BA NI DON BYED PA'I RANG BZHIN RIG PA 'DI LA YOD PA'O, ,THUG MED CES BYA BA NI RNAM PAR GNAS PA MED PA STE, RJES SU DPAG PA GZHAN 'PHEL BAS ZHES BYA BA LA SOGS PAS SNGAR GANG

, ,BRJED PA DE NYID DU 'GYUR RO, ,TSAD MA TSAD MA GZHAN LAS RTOGS PAR 'GYUR RO SNYAM NA, MNGON SUM RJES SU DPAG PA LAS, ,ZHES SMOS SO, ,DA NI BSTAN BCOS MDZAD PAS 'DIR SMRAS PA ZHES BYA BA LA SOGS PA GSUNGS SO, ,RNAM PAR 'GRIL PA NI RANG LAS NI ZHES BYA BA LA SOGS PAS SO, ,RANG GI DO BO'I TSIG GI RNAM PAR BCAD PA SMRAS PA NI, GZHAN GYI NGO BO NI MA YIN NO ZHES BYA BA'O, ,CI'I PHYIR GZHAN GYI NGO BO MI RTOGS SHE NA, MNGON SUM NI MNGON DU ZHES GSUNGS SO, ,GAL TE DE LTA YIN DU CHUG MOD DE LAS CIR 'GYUR ZHE NA, MNGON DU RTOGS PA YANG ZHES GSUNGS SO, ,RANG GI NGO BO LA ZHES BYA BA NI SGRUB BYED DU MNGON PAR 'DOD PA'I SHES PAR SNANG BA LA'O, ,GAL TE YANG 'THAD PA NYID KYIS PHYI ROL GYI GZUGS BKAG PAR 'DOD PA DE LTA NA YANG, DA LTAR DE GTZOR BYED PA NI MA YIN TE, TSAD MA BSAMS PA'I SKABS YIN PA'I PHYIR RO, ,DE NYID KYI PHYIR THOB PA'I DUS KYI KHYAD PAR CAN ZHES GSUNGS TE ME LA SOGS PA'O, ,DE LTAR GANG GI BDAG NYID TSAD MAR GRUB PA MNGON SUM GZHAN GYIS RANG BZHIN MNGON DU BYED PA MA YIN NO ZHES BSTAN NAS RJES SU DPAG PA YANG TSAD MA'I SGRUB BYED MA YIN NO ZHES BSTAN PA'I DON DU 'BREL PA 'DZIN PAR BYED PA NYID MED DO ZHES STON PA NI, TSANG MA NYID KYANG ZHES BYA BA'O, ,'ON TE THOB BA'I DUS KYI DON DNGOS SU SNANG BA MED KYANG, DE LA 'KHRUL PA MED PA NYID RTOGS PA KHO NA STE, DE NI SHES PA'I RANG BZHIN YIN PA'I PHYIR RO, ,DES NA TSAD MA MA RTOGS SO ZHES CI STE BRJOD CE NA, THOB PAR BYA BA'I DON ZHES SMOS SO, ,'THOB BYA'I DON DE DANG, SGRUB BYED KYI SHES PAR MNGON PAR 'DOD PA'I 'BREL PA GANG YIN PA DE 'DZIN PA MA YIN NO, ,DE 'BREL PA CAN NYID DU 'DZIN MOD DE LTA NA YANG TSAD MA NYID DU DE NGES SO SNYAM NA, DE LTA ZHES GSUNGS TE, KHYAB PA'I DUS SU THOB PAR BYA BA'I DON LA MI 'KHRUL PA NYID DU MA NGES PA GANG YIN PA DE NI, TSAD MA NYID YIN NO ZHES RJES SU DPAG PAR 'GYUR BA MA YIN NO, ,MDUN NA GNAS PA'I RANG BZHIN DANG 'BREL PA NYID 'BYUNG

BAR 'GYUR BA'I RANG BZHIN DANG 'BREL PAR 'DZIN PAR 'GYUR RO SNYAM NA, MDUN NA GNAS PA'I RANG BZHIN DANG 'BREL PA NI ZHES GSUNGS SO, ,DE NI ZHES BYA BA TSAD MA DANG TSAD MA MA YIN PA LA MTSUNGS PAS NI 'BYUNG BAR 'GYUR BA'I RANG BZHIN DANG 'BREL PA 'DZIN PA MA YIN TE, 'BYUNG BAR 'GYUR BA'I RANG BZHIN MED PA'I PHYIR RO, ,GAL TE YANG SNGAR GYI SGRUB BYED DU 'DOD PA'I SHES PAS 'BYUNG BAR 'GYUR BA'I DON BYA BA'I RANG BZHIN DANG 'BREL PAR MI RTOGS PA DE LTA NA, 'O NA 'BYUNG BAR 'GYUR BA'I DON BYA BA'I SHES PA NYID KYIS 'BREL PA 'DZIN PAR 'GYUR TE, NYAMS SU MYONG BA DANG 'DRA BA DAG SRID PA'I PHYIR RO, ,DES NA THAMS CAD DU TSAD MA NGES PA'I RE BA MA CHAD DO SNYAM NA, 'BYUNG BAR 'GYUR BA'I DON ZHES SMOS TE, SNGA MA'I RANG BZHIN MED PA'I PHYIR RO SNYAM DU DGONGS PA'O, ,SHES PA SNGA MA DANG PHYI MA'I 'OG TU 'BYUNG BA'I RNAM PAR RTOG PAS KYANG 'BREL PA 'DZIN PA MA YIN NO ZHES STON PA NI, DE'I 'OG TU ZHES BYA BA'O, ,DE LAS NI RNAM PAR RTOG PAS SO, ,DE LTAR 'BREL PA 'DZIN PA MED PAR BSTAN NAS, RJES SU DPAG PA LAS TSAD MAR RTOG PA MED DO ZHES STON PA NI, DES NA DE DANG ZHES BYA BA LA SOGS PA'O, ,'O NA CI ZHIG RTAGS SHE NA, RANG GI NGO BO NYID RTOGS SO ZHES BYA BA'O, ,DE LAS SHES PA'I ZHES BYA BA NI, SHES PA'I RANG BZHIN GANG ZHIG THOB PAR BYA BA'I RANG BZHIN DANG 'BREL PA DE NYID TSAD MAR SMRA BA RNAMS KYI, TSAD MA NYID DU MNGON PAR 'DOD PA YIN LA, DE YANG RANG GI NGO BO CAM DU BZUNG BA NA, BZUNG BA MA YIN NO ZHES BSTAN TO, ,DE YANG ZHES BYA BA NI THOB BYA'I RANG BZHIN DANG 'BREL PA'O, ,DE LTAR YIN YANG 'DOD PA THOG TU BAB BO SNYAM NA DES NA 'JUG PA DANG ZHES GSUNGS SO, ,RANG GI RANG BZHIN RIG PA GANG LA 'JUG PA DANG LDOG PA MED PA DE LA DE SKAD CES BYA'O,, CI LTAR 'BYUNG BAR 'GYUR BA YIN PA'I PHYIR, MA RTOGS PA THOB PAR BYA BA'I DON DANG 'BREL PAR MI SHES PA DE BZHIN DU BEMS PO NYID KYIS DA LTAR BA'I PHYI ROL DANG YANG, 'DI NI 'DI'I 'DZIN PAR BYED PA YIN NO ZHES 'BREL PAR 'DZIN PA'I BLOR MI 'GYUR RO, ,DES NA SNA TSOGS SU SNANG BA NI

, ,SHES PA'I RANG BZHIN TZAM YIN TE, GZHAN NI SNANG BAR MI 'THAD PA'I PHYIR RO ZHES BSHAD PA NI THA DAD PAR BRJOD PA'I SKABS NI MED DO ZHES BYA BA YIN NO, ,DE LTAR DE KHO NA NYID RNAM PAR BZHAG NAS, BSGRUB BYA GSUNGS PA NI DE'I PHYIR ZHES BYA BA STE, MDOR BSDUS NA BYANG GROL NI 'DI YIN NO ZHES BYA BA'I DON TO, ,DE LTAR RANG LAS RANG GI NGO BO RTOGS ZHES BYA BA 'DIS DON DAM PA'I BDEN PA BSTAN NAS, LHAG MAS KUN RDZOB KYI BDEN PA BSTAN PA'I DON DU RGAL BA DGOD PA'I SGO NAS 'JUG PA NI, 'O NA ZHES BYA BA'O, ,TSAD MA MA YIN PA LAS LOG PA NI TSAD MAR GNAS PA'O, ,BSAM PA NI 'DI YIN TE, TSAD MA GRUB PA SGRUB PA BRTZON PAS NI DE SUN 'BYIN PA KHAS LEN PAR PHYOGS PA SGRUB PA NYID BZOD PAR BYA BA MA YIN NA, DE LA BRTEN PA'I KHO NA NYID RNAM PAR GZHAG PAS, DE BRTEN PAR BYA BAR NI SHIN TU YANG MI NUS SO,, DES NA 'DI NYID KYI KHYAD PAR GYI GRUB PA'I MTHA' YIN NA, TSAD MA GRUB PA BSGRUB PAR BYA ZHES BYA BA 'DI'I DON YIN ZHES BYA BA YIN NO, ,GRUB PA'I MTHA' SMRA BAS NI, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,ZHES BYA BA'I BSAM PA LA LTOS NAS THA SNYAD LAS NI TSAD MA NYID CES GSUNGS SO, ,GAL TE RE ZHIG TSAD MA NI 'DOD PA YIN LA, DE LA RTOG PA'I SPRO BA YANG SHUGS KYIS BLANG BAR BYA BA NYID MA YIN NAM, KUN RDZOB KYI MI LHAG PA NI MI GNOD KYI 'ON KYANG JI SKAD BSHAD PA'I DE KHO NA NYID BSGRUB PAR BYA BA'I NI 'GAL LO SNYAM DU DOGS PA LA, THA SNYAD KYANG ZHES GSUNGS SO, ,TSAD MA DANG RGYU DANG 'BRAS BU'I DNGOS PO DANG GZHAN RIG PA BSNYON PA DAG GIS ZHES BYA BA'I DON TO, ,GAL TE DE LTAR NA GCIG BCOS NA GZHAN ZHIG GO ZHES BYA BA DE BYUNG NGO ZHE NA, BDEN TE SKYES BU'I MNGON PAR 'DOD PA NI DPYOD PAR BYA BA YIN NO SNYAM DU THUGS LA GZHAG NAS DE LA ZHES GSUNGS TE, DE GNYIS LA'O, ,'DI TZAM GYIS ZHES BYA BA NI RNAM PAR [?] PA'I MTHAR THUG PAS PHYIN PAS TE, DON DAM PA'I BDEN PA RNAM PAR GNAS PAR ZHES BYA BA'I THA TSIG GO, ,'KHOR BA DE NI GTAN

MED PA'I PHYIR RO ZHES BYA BA NI 'KHOR BA NI 'JUG PA DANG LDOG PA'I RANG BZHIN YIN LA, 'JUG PA DANG LDOG PA DAG KYANG BSHAD ZIN PA'I TSUL GYIS MI 'THAD PA DANG 'GA' ZHIG TU DMIGS PA YANG MA YIN TE, RANG GI NGO BO TZAM GYI MTHAR THUG PA'I PHYI ROL GYI BSHAD PA'I PHYIR RO, , DES NA GAL TE RNAM PAR DPYOD PA LA GUS NA, 'KHOR BA GANG NA YOD DE, DES NA RANG RIG TZAM LA GNAS NAS CANG SMRA BAR MI BYA BAS GZHAN GYI RTZOD PA'I GO SKABS GA LA YOD, PHYOGS GNYIS PA LA BRTEN NAS BSHAD PA NI 'ON TE ZHES BYA BA'O, ,THOG MA MED PA'I DUS CAN MED PA SGRO 'DOGS PA'I BAG CHAGS LAS 'JUG PA'I SPROS PA 'DZIN PA NI 'KHOR BA YIN LA, SHIN TU DUS YUN RING POR GOMS PAS DE'I BDAG NYID DU BYAS PA'I GNYEN PO LAM GYIS SPANG BAR BYA BA NI DA LTAR BA DANG 'BREL PA'I RNAM PAR DPYOD PAS BSAL BA JI LTAR NUS, DE'I PHYIR RANG RIG PA'I MTHAR THUG PA DANG BRAL BAS BRGAL ZHING BRTAG PA DANG, SHES RAB 'DOD PA LA SOGS PA NI RANG GI NGANG GIS 'JUG PA YIN NO SNYAM DU BSAMS PA'O, ,GRUB PA'I MTHA' SMRAS PA NI DE LTA YIN NA ZHES BYA BA STE, JI LTAR 'DI THOB NA BDE BAR 'GYUR RO ZHES 'DZIN PA DE BZHIN DU SHES PA 'DI LAS ZHUGS NA 'DOD PA THOB NAS BDE BAR 'GYUR RO SNYAM NA YANG LDOG PAR DKA' BA KHO NA'O, ,SHES PA GANG LAS 'JUG PA'I THA SNYAD DU BYED PA'O, ,'DOD PA THOB NAS YONGS SU TSIM PAR 'GYUR BA DE NYID TSAD MA YIN PA'I PHYIR, THA SNYAD GRUB PA LA 'BAD PA GZHAN LA MI LTOS SO; ,'ON KYANG GANG ZHIG MTHONG BA LAS GZHAN LA YANG 'JUG PA MI SLU BA LA BRTEN PAR 'GYUR BA 'DI NI MTSAN NYID CI ZHIG YIN ZHES BYA BA TZAM BSAM PAR BYA BA YIN NO, ,DE LTAR RANG RIG PA NYID DON DAM PA'I TSAD MA YIN LA, GZHAN NI KUN RDZOB PA NYID YIN PA, DE LTA NA YANG KUN RDZOB LA BRTEN NAS, MTSAN NYID BYAS PAR BSTAN ZHING 'KHOR BA DANG MYA NGAN LAS 'DAS PA'I RNAM PAR GZHAG PA YANG CHA TZAM BSTAN PA YIN NO, ,GANG DAG TSAD MA DANG CIG SHOS KYI RNAM PAR GZHAG PA DE KHO NA NYID YIN PAR SEMS SHING, THA SNYAD LAS NI ZHES BYA BA YANG PHYIS KYI DON BYED

, ,PA'I SHES PAS SO ZHES 'CHAD PAR BYED PA DE DAG LA RIGS PA DANG 'GAL BA DE NI RE ZHIG BSTAN PA YIN NO, ,BSTAN BCOS DANG 'GAL BA BSTAN PA'I DON DU BRJOD PA NI, GZHAN YANG ZHES BYA BA'O, ,SNGAR GYI RANG LAS RANG GI NGO BO RTOGS ZHES BYA BA NI DON DAM PA'I TSAD MA BSTAN NAS, THA SNYAD LAS NI TSAD MA NYID CES THA SNYAD PA'I TSAD MA STON PA NA, DON DAM PAR JI SKAD BSHAD PA RANG RIG PA GCIG NYID TSAD MA YIN GYI YUL GZHAN DANG LDAN PA NI MA YIN NO ZHES BYA BAR 'GYUR RO, ,GAL TE GNYI GA DON DAM PA PA YIN NA, DE'I TSE NYES PA CIR 'GYUR ZHE NA, 'DI LTAR ZHES GSUNGS SO, ,GAL TE ZHES BYA BA LA SOGS PA NI RNAM PAR 'GREL PA'O, ,DE LTAR 'GREL PA DANG 'GREL BSHAD LA SOGS PA'I LUGS BSAL BAS JI LTAR THA SNYAD LAS TSAD MA YIN PA DE LTA BU NYID NYE BAR SDUD PA NI, DE'I PHYIR ZHES BYA BA'O; ;RJES SU DPAG PA'I RTEN NI RGYU STE, GANG ZHIG SNAR DE LTA BUR GYUR PA DE NI DON BYA BA BYED PA YIN NO ZHES KHYAB PAR 'DZIN PAR BYED PA'I MTSAMS SBYOR TE DE YANG THA SNYAD DE TZAM GYIS GRUB PA YIN NO, ,MNGON SUM GYIS GZUNG BA LA MTSAMS SBYOR BA YIN NA, MNGON SUM LA NI DNGOS PO LA BRTEN PA'I BYED PA DE LTA BU YOD PA MA YIN NO, ,DE'I PHYIR SGRO 'DOGS PAS MTSAMS SBYOR BA NI THA SNYAD PA NYID DO, ,DES NA THA SNYAD TZAM GYIS GRUB PA'I RJES SU DPAG PA'I RTEN MTSAMS SBYOR BAS RAB TU GRUB PA'I 'BREL PA LA BRTEN NAS TE, 'BREL PA KHAS BLANGS NAS PHYIS DE 'DRA BA'I DNGOS PO MTHONG BA NA PHYOGS KYI CHOS NYID GZUNG BA'I PHYIR, DON BYA BA SGRUB PA DE NI 'DI YIN NO ZHES BYA BA'I RNAM PA CAN, DON BYA BA DE GRUB PAR BYED PA YIN TE, DE DANG 'DRA BA YIN PA'I PHYIR SNGA MA BZHIN NO ZHES DE'I RANG BZHIN RJES SU DPOG PAS RTOGS PA PO 'JUG PA YIN NO, ,JI LTA BUR GYUR PAS SHE NA, GZUGS TZAM MTHONG BAS REG BYA LA SOGS PA'I TSOGS PA'I DON BYA BA SGRUB PA RTOGS PA NA ZHES BYA BA RNAM PAR GNAS PA NA'O, ,DE BZHIN DU RJES SU DPAG PA GZHAN LA YANG BLTA BAR BYA STE, 'BREL PA LA LTOS PA'I PHYIR RO, ,DE LTAR RJES

SU DPAG PA LA THA SNYAD LA GZHOL BA YIN NO ZHES BSTAN NAS, MNGON SUM LA BSHAD PA'I PHYIS NI ZHES BYA BA'O, ,SNGAR RTZVA TZAM 'GUGS KYANG MI NUS SO ZHES BYA BA NI DON DAM PAR BRJOD PA YIN LA, THA SNYAD DU NI 'JUG PAR BYED PA NYID YIN PAR BRJOD DO, ,KHYAB PA 'DZIN PA LA SHIN TU GSAL BA'I MNGON SUM NYID SGRUB PAR BYED PA YIN GYI MI GSAL NA NI KHYAB PA 'DZIN PAR BYED PA NYID DU BSAM PAR MI BYA STE, RJES SU DPAG PA MI 'JUG PA'I PHYIR RO, ,DE 'JUG NA YANG THUS PA MED PA LA, LDOG PA LA GNOD PAR BYED PA'I RJES SU DPAG PA LA NI KHYAB BYED MI DMIGS PA'I STOBS KYIS KHYAB PA 'DZIN LA, KHYAB PAR BYA BA DANG KHYAB PAR BYED PA'I DNGOS PO YANG MNGON SUM LAS YIN PA'I PHYIR THUG PA MED PA MA YIN NO, ,DKA' BA'I PHYIR BSHAD ZIN PA'I DON NYID DMAN PA LA RTZOD PA'I SGO NAS GSAL BAR BYA BA'I DON DU, GAL TE YANG ZHES SMOS SO, , GZHAN GYI LTA BAR BYA BA YANG DMIGS PA MA YIN NO ZHES 'BREL TO, ,GRUB PA'I MTHA' GSUNGS PA NI 'DI LA ZHES BYA BA LA SOGS PA STE, TSAD MA NI RTOGS PA MA YIN NO ZHES BYA BA'I DON TO, ,'O NA TSAD MA'I TSUL CI YIN ZHE NA, GZHAN YANG ZHES BYA BA LA SOGS PA GSUNGS SO, , GZUGS LA SOGS PA'I TSOGS LA YAN LAG CAN DANG, GNAS SKABS CAN KUN DU BRTAGS PA NI THA SNYAD DU GCIG PA LAS YIN NO ZHES LAB LOB PA'I LNGA PA'O, ,GCIG NYID LA BRTEN NAS DE'I YUL CAN GYI SHES PA TSAD MAR RNAM PAR GZHAG GO ZHES BYA BA'I DON TO, ,GZUGS LA SOGS PA'I TSOGS LA YAN LAG CAN DANG, GNAS SKABS CAN KUN DU BRTAGS PA NI THA SNYAD BYED PA YANG, YUL LA SOGS PA GCIG PA'I PHYIR RO, ,SOGS PA'I SGRAS NI DUS BZUNG NGO, ,'DI NI ZHES BYA BA NI RNAM PAR 'GREL PA STE, 'DI YANG SNGAR BSHAD ZIN TO ZHES BYA BA'I THA TSIG GO, ,YANG LAG CAN DANG GNAS SKABS CAN MED PA'I PHYIR CI LTAR GCIG NYID DU NGES SHE NA, GCIG NYID DU GYUR PA ZHEN PA DE YANG ZHES GSUNGS SO, ,YUL DANG DUS LA SOGS PA THA MI DAD PA DE NYID JI LTAR ZHE NA, DE THA MI DAD PA YANG ZHES BYA BA'O, ,GZUGS LA SOGS PA TSOGS PA'I YUL DANG DUS LA

, ,SOGS PA THA DAD PA MED PA PA YANG DON DAM PA PA NI MA YIN GYI, 'ON KYANG GZUGS LA SOGS PA'I TSOGS LA, NUS PA'I TSOGS PA SKYED PAR BYED PA YIN NO ZHES BYED PA PO'I DRUG PA'O, ,DE BZHIN DU BYUNG BA DANG 'BYUNG BAR 'GYUR BA DAG KYANG GCIG NYID DU MNGON PAR RLOM PA YIN NO ZHES 'BREL TE, ,'DI LA GTAN TSIGS GNYIS BRJOD PA NI RGYUD GCIG TU GTOGS PA NYID KYIS ZHES BYA BA LA SOGS PA'O, ,DE BZHIN DU KHYAB PA 'DZIN PA LA SOGS PAR DE MA YIN PA LAS LDOG PA BYAS PA GCIG TU RLOM PA RTOGS PAR BYA'O, ,'DOD PA GZHAN 'GOD PAR BYA BA'I PHYIR, 'DRI BAR BYED PA NI GAL TE ZHES BYA BA LA SOGS PA'O, ,DE'I TSE NI RGYU NYID DU 'GYUR RO ZHES BYA BA LA SGRUB PAR BYED PA'I SHES PA DON BYA BA'I RGYU NI MA YIN TE BSGRUB PAR BYA BA'I SHES PA MED KYANG DON BYA BA DMIGS PA'I PHYIR RO SNYAM DU BSAMS PA'O; ,RNAM PAR RTOG PA GNYIS PA BKOD NAS SUN 'BYIN PA NI, 'O NA ZHES BYA BA LA SOGS PA'O, ,SGRUB PAR BYED PA'I SHES PA DE NI DON BYA BA'I SHES BYED MA YIN NO, ,CI'I PHYIR ZHE NA, BSREG PA LA SOGS PA'I DON BYA BSGRUB PA DE LA THE TSOM YOD PA'I PHYIR RO, ,CI'I PHYIR THE TSOM ZA ZHE NA, DON BYA BA NI RGYU GZHAN LA LTOS PAS RES 'GA' BA YIN PA'I GTAN TSIGS KYI PHYIR RO, ,LAN GNYI GA RIM GYIS 'CHAD PA NI, SGRUB PAR BYED PA'I ZHES BYA BA LA SOGS PA DANG, GAL TE SHES PA DE YANG TSAD MA MA YIN PA NYID YIN PA DE'I TSE, SKYED BYED NYID DANG SHES BYED NYID NYAMS KYANG, CUNG ZAD KYANG MI GNOD PA ZHIG NA, SHES PA DE TSAD MA MA YIN PA YANG MA YIN TE, DE'I PHYIR CI LTAR TSAD MA DON BYA BA'I THOB PAR BYED PA YIN ZHES BYA BA LA LTOS PAR BYA STE, DON GYIS MI STONG YANG DON BYA BA'I THOB PAR BYED PA NYID DU MI 'THAD NA, 'DI THA SNYAD BYED PA PO RNAMS LA NYE BAR MKHO BA CI YOD CES BYA BA'I DON TO, ,'DI LA SMRAS PA ZHES BYA BA NI BRAM ZE AA RTZA TA'I LUGS SO, ,DE TSAD MA MA YIN PA MA YIN TE, SGRUB PAR BYED PA'I SHES PA DE NI TSAD MA NYID DO ZHES BYA BA'I DON TO, ,GAL TE DON BYA BA LA THE TSOM ZA BA'I PHYIR, SGRUB

PA'I SHES PA CI LTAR TSAD MA YIN ZHE NA DES PHYIR ZHES GSUNGS SO, ,THABS LAS BYUNG BA ZHES BYA BA LA SOGS PA NI RNAM PAR 'GREL PA'O, ,DE LA THE TSOM ZHES BYA BA LA NI THABS LAS BYUNG BA LA'O, ,GANG GI DON DU ZHES BYA BA NI MNGON PAR 'DOD PA GRUB PA'I RANG BZHIN GYI DON TE, DGOS PA GANG LA YOD PA'I TSAD MA TSOL BA'I RTZOM PA GANG LA YOD PA DE LA DE SKAD CES BYA'O, ,DE MA GRUB CE NA ZHES BYA BA NI, GAL TE MNGON PAR 'DOD PA'I DON GRUB PA MA GRUB PA NYID YIN NA, DE'I TSE DON BYA BA'I RANG BZHIN GYI BSGRUB BYA DANG 'BREL PA MA GRUB PA STE, MA NGES PA'I DON GANG YIN PA DE CI LTAR DON BYA BA'I SGRUB PAR BRJOD DE, RAB RIB CAN GYIS DMIGS PA'I SKRA SHAD LA SOGS PA BZHIN DU SGRUB BYED MA YIN NO ZHES BYA BA'I THA TSIG GO, ,TSAD MA 'DI LAS ZHES BYA BA LA SOGS PA'I RNAM PAR 'GREL PA'O, ,'ON TE TSAD MA DES DON SGRUB PA'I DNGOS PO BSTAN PA YIN NO ZHES BYA BA LA SOGS PA TSIG TZAM NYE BAR BKOD PA DON BYA BA DANG DE'I SGRUB PAR BYED PA DAG LA, 'GAL BA'I THE TSOM MA SPANGS PA'I PHYIR NGES PAR BYED PA NYID NYAMS SO, ,'DI NI TSAD MA'I NYES PA MA YIN NO ZHES BYA BA NI DAM BCA' BA TZAM SNYING PO YIN NO ZHES BSAMS NAS, GAL TE SHES BYED MA YIN NA ZHES BYA BA LA SOGS PA GSUNGS SO, ,DE'I PHYIR GZHAN DU BSTAN PAR BYA STE ZHES BYA BA NI RANG GI LUGS TE, THE TSOM KHAS BLANG BAS NI MA YIN GYI, NGES PA NYID KYIS YIN NO ZHES BYA BA'I DON TO, ,SHES PA TSAD MA NYID YIN NO ZHES BYA BA NI SGRUB PAR BYED PA'I SHES PA NI'O, ,DON BYA BA'I RANG BZHIN LA THE TSOM ZA BA'I PHYIR TSAD MAR CI LTAR RTOGS SNYAM DU DOGS NA, DON BYA BA'I RANG BZHIN ZHES GSUNGS TE, NGES PA YIN GYI THE TSOM NI MA YIN NO ZHES BYA BA'I DON TO, ,DON BYA BA'I RANG BZHIN 'BYUNG BAR 'GYUR BA YIN PA'I PHYIR CI LTAR NGES SHE NA, DE BDAG CES BYA BA GSUNGS SO, ,DON BYA BA DE'I BDAG NYID RANG GI NGO BO SGRUB PAR BYED PA'I SHES PA GANG LA YOD PA DE LA DE SKAD BRJOD DE, DE'I DNGOS PO NI DE BDAG GO, ,'BYUNG BAR 'GYUR BA'I DON BYA BA'I RANG BZHIN DE LA DE SKAD CES

, ,BYA'O; ,DE DAG GI MTHU NI NUS PA STE NGES SO, ,SNGAR BSGRUB PAR BYA BA'I SHES PA LA DON BYA BA BYED PA NYID DAM, DON BYA BA BYED PA'I RANG BZHIN LAS BYUNG BA NYID DU NGES PAR RTOGS PA YIN TE, SGRUB PAR BYED PA'I SHES PA'I 'OG ROL DU NGES PAR DON BYA BA'I RANG BZHIN MTHONG BA'I PHYIR RO, ,DES NA SGRUB PAR BYED PA'I SHES PA LA, GANG ZHIG DE LTA BUR GYUR PA DE NI DON BYA BA BYED PA'AM, 'BYUNG BAR 'GYUR BA'I DON BYA BA'I RANG BZHIN LA MI 'KHRUL PA YIN TE, DPER NA SNGAR MTHONG BA'I SGRUB PAR BYED PA'I SHES PA BZHIN NO, , 'DI YANG DE LTA BU YIN NO ZHES DE'I BDAG NYID DANG DE LAS BYUNG BA LA LTOS NAS TSAD MAR NGES PA YIN TE, 'DI NI 'DI'I 'GREL PAR GSAL LO, ,'DI LTA BU'I RIGS CAN NYID KYIS RJES SU DPAG PA GNYIS NI 'JIG RTEN PHA ROL GRUB PAR YANG 'CHAD PAR 'GYUR RO, ,DON BYED PA'I SHES PA GANG YIN PA ZHES BYA BA LA SOGS PA NI BSHAD PA LA 'JUG PA TZAM YIN TE, RTZOD PA'I GNAS MA YIN PA'I PHYIR RO, 'CHAD PA NYID NI SNGAR GYI, SGRUB PAR BYED PA'I SHES PA NI, ,ZHES BYA BA STE, DON BYED PA RTOGS PAR BYED DO ZHES BYA BA 'BREL TO, ,GANG GI TSE ZHE NA, SMRAS PA NI GANG GI TSE ZHES BYA BA NAS DE'I TSE ZHES BYA BA'I BAR RO, ,RNAL 'BYOR BA LA SOGS PAS BSHIG PA'I PHYIR RMI LAM DU MTHONG BZHIN DU DON MI BRTAN PA GANG YIN PA DE NI DON BYA BA BYED PA MA YIN PA'I PHYIR DE'I SHES PA TSAD MA MA YIN NO SNYAM DU DGONGS PA'O, ,SHES PA MED PAR NI DON GYI DON BYED PA GO BAR BYED PA MA YIN PA'I PHYIR SHES PA GO BAR BYED PA YIN NO ZHES BRJOD PA YIN NO, ,YANG CI'I PHYIR DON BYA BA GO BAR BYED PA YIN NO ZHES BYA BA'I DOGS PA SEL BAR BYED PA DE'I BDAG NYID KYI MTHU LAS BYUNG BA ZHES BYA BA RNAM PAR 'GREL PA NI SNGA MA'I RANG BZHIN NI ZHES BYA BA'O, ,GDON MI ZA BAR SKYE BAR BYED PA'I PHYIR ZHES BYA BA NI YONGS SU RDZOGS PAR BYED PA'I PHYIR RO ZHES BYA BA'I DON TO, ,DE THOB PA YIN NO ZHES BYA BA NI 'BYUNG BAR 'GYUR BA'I DON THOB PA'O ZHES BYA BA'I DON TO, ,'DIS DON BYA BA BYED PA'I BDAG NYID CAN YIN PA'I

PHYIR; DON BYA BA BYED PA NYID GO BAR BYED PA NA, DON BYA BA BYED PA'I GO BYED YIN NO ZHES BSTAN PA YIN NO, ,DNGOS SU NA ZHES BYA BA NI DE BAS KYANG DMAN PA'I THA SNYAD LA LTOS PAS THA SNYAD NYID LA GNAS NAS BRJOD PA YIN NO DES NA ZHES BYA BA NI SNGA MA DANG PHYI MA'I RANG BZHIN DAG GCIG PA'I PHYIR, SNGA MA DANG PHYI MA'I SHES PA DER YANG DE'I BDAG NYID KHO NA STE, RNAM PAR SHES PA'I YUL GYI RJES SU BYED PA'I PHYIR RO, ,DES NA YUL BZHIN DU SHES PA GNYIS KYANG DE'I BDAG NYID RIGS PA KHO NA'O, ,GAL TE DON BYA BA 'DZIN PA ZHES BYA BA NYAMS SU MYONG BAS GNOD PA MA YIN NAM, DON BYA BA NYAMS SU MYONG NA YANG YOD PA NYID DU 'GYUR LA, DES NA DE'I DON DU 'JUG PA YANG MI RIGS PAR 'GYUR RO ZHE NA, BRJOD PA DE KHO NA NYID DU DON BYA BA MNGON SUM DU BYA BAR MI SMRA BAS GANG GIS NYES PA 'DIR THAL BAR 'GYUR, 'ON KYANG 'DZIN PA RNAM PAR GZHAG PA YIN NO, ,DE LA JI LTAR KHYAB PA 'DZIN PA'I DUS NA MNGON SUM RANG GI MTSAN NYID KYI SKAD CIG 'DZIN PA YIN YANG, SPYI'I RNAM PAR RTOG PA'I DBANG GIS SPYI'I YUL CAN NYID DU RNAM PAR GZHAG PA BZHIN NAM, LTAR GZUGS TZAM MTHONG BA NA, BDAG GIS BUM PA MTHONG NGO SNYAM PA'I RNAM PAR RTOG PA'I DBANG GIS RIG PA LA SOGS PA DANG LHAN CIG PA'I GZUGS 'DZIN PA NYID DU RNAM PAR GZHAG PA DE BZHIN DU SGRUB PAR BYED PA'I MNGON SUM LA YANG DE'I DON BYA BA BDAG GIS MTHONG NGO SNYAM PA'I RNAM PAR RTOG PA'I DBANG GIS DON BYA BA 'DZIN PAR RUNG BA'I DNGOS PO GZUNG BA NYID DU RNAM PAR 'JOG PAS DON BYA BA 'DZIN PAR RNAM PAR GZHAG PA LAS JI LTAR 'DA', GZHAN YANG MTHONG BZHIN PA 'DI NYID NI DON BYA BA BYED PA MA YIN GYI, 'ON KYANG 'BYUNG BA DANG BYUNG BAR 'GYUR BA YANG YIN NO, ,DE LA 'DAS PA NI 'JUG PA'I YUL MA YIN LA, 'BYUNG BAR 'GYUR BAR YANG MA MTHONG BA'I PHYIR SGRUB PAR BYED PA YANG JI LTAR NGES, DA LTAR BA DANG GZHAN DAG GCIG NYID DU SGRO BTAGS PA'I PHYIR RO ZHE NA, DE LTA NA NI 'O NA DE'I DON BYA BA BYED PA'I RANG BZHIN NYID DER SGRO BTAGS PA YIN LA, DE YANG

, ,DON BYA BA LA MI LTOS PA YIN NO, ,'BYUNG BAR 'GYUR BA'I RANG BZHIN GYIS STONG NA NI DA LTAR BA 'BA' ZHIG TU GZUNG BAR 'GYUR GYI GZHAN SGRO BTAGS PA NI MA YIN NO, ,DE'I PHYIR DON BYA BA DANG LHAN CIG PA NYID SGRO BTAGS PA YIN NO, ,SGRO BTAGS PAS 'DZIN PA RNAM PAR GZHAG PA NA YANG DON BYA BA 'DZIN PA RNAM PAR GZHAG PA NA YANG NAN GYIS 'ONGS PA YIN NO, ,GAL TE DE LTAR NA YANG DE BYED PAR MTHONG BA LA DON BYA BA MTHONG NGO ZHES NGES PA MED PA YIN NAM ZHE NA, DE LTA NA NI 'O NA BUM PA LA YANG GZUGS DMIGS PA NI REG PA LA SOGS PA DMIGS PA NI MA YIN NO ZHES BYA BA'I NGES PA MA MTHONG NGAM, CI 'ON KYANG BUM PA MTHONG NGO SNYAM PA'I RNAM PAR RTOG PA LAS LHAG MA MTHONG BAR RNAM PAR GZHAG PA 'BA' ZHIG TU ZAD DO, ,SKABS LA YANG DON BYA BA BYED PA MTHONG NGO SNYAM PA'I RNAM PAR RTOG PA LAS DON BYA BA'I MTHONG BA RNAM PAR GZHAG PA'I PHYIR KHYAD PAR MED DO, ,GAL TE DON BYA BA NGES NA RES 'GA' JI LTAR MI THOB CE NA SGRUB PAR BYED PA LA YANG RES 'GA' MI 'THOB PA NYID MTSUNGS SO, ,CI STE SGRUB PAR BYED PA NI YOD PA NYID 'GA' ZHIG GI BSHIG PA 'AM MA ZHUGS PAS MA THOB PAR ZAD KYI, 'JIG PA LA SOGS PA MED NA NI THOB PA KHO NA'O, ,DON BYA BA NI BSHIG PA LA SOGS PA MED KYANG THOB PAR MI 'GYUR TE, MA SKYES PA RANG NYID MED PA'I PHYIR RO ZHE NA, SGRUB PAR BYED PA YANG DE KHO NA NYID DU 'BYUNG BAR 'GYUR BA'I RANG BZHIN NYID YIN PA'I PHYIR 'JUG PA MED PA DANG, 'JIG BYED LA SOGS PA MED KYANG SGRUB PAR BYED PA MA SKYES PAS RANG NYID MED PA'I PHYIR MI 'THOB PA MA YIN NAM, 'BYUNG BAR 'GYUR BA'I SGRUB PAR BYED PA'I RANG BZHIN YOD KYANG DON BYA BA MED PAR MI NUS TE, SGRUB PAR BYED PA NYID MED PA'I PHYIR DA LTAR BZHIN NO, ,DE'I PHYIR DON BYA BA DANG DE BYED PA GNYI GA RTOGS PAR RNAM PAR GNAS PAS, DA LTAR BA'I SHES PA NYID DU MA 'ONGS PA RJES SU ZHUGS PA YIN TE, YUL LA YUL BZHIN NO ZHES BYA BAR GNAS SO, ,'O NA RGYU RTOGS PAR YANG 'BRAS BU'I RTOGS PA 'DUS PAR 'GYUR RO ZHE NA, THA SNYAD LA LTOS NAS DE NI DE KHO NA LTAR YIN NO, ,'ON KYANG RGYU RTOGS NA 'BRAS BU

MNGON DU BYAS PA NYID DU NI MI 'DOD DE MANG DU BRJOD PAS CHOG GO, ,DE LAS 'BYUNG BA'I MTHU YIS ZHES BYA BA BSHAD PA'I PHYIR YANG NA ZHES SMOS SO, ,DES ZHES BYA BA NI 'BYUNG BAR 'GYUR BA'I 'BRAS BUS SO, ,DES KHYAB PA'I PHYIR KHYAB BYED DU 'GYUR MOD RGYUR GO CI LTAR 'GYUR ZHE NA THA DAD PA'I ZHES SMOS SO, ,DE MED PAR ZHES BYA BA NI 'BYUNG BAR 'GYUR BA'I 'BRAS BU MED PAR RO, ,GAL TE GANG GI TSE 'BYUNG BAR 'GYUR BA SKYE BA DE'I TSE SNGA MA YOD PA NYID YIN LA, YOD PA GANG YIN PA DE YANG LTOS PA THAMS CAD DANG BRAL BA'I PHYIR CI LTAR 'GA' ZHIG GIS SKYED PAR BYED PA YIN, GANG GI TSE 'BYUNG BAR 'GYUR BA DE SKYES PA DE'I TSE YANG, SNGA MA DE ZHIG ZIN PA'I PHYIR, JI LTAR DES BSKYED PAR BYA BA YIN SNYAM DU BSAMS NAS, PHA ROL POS MA SKYES PA LTAR ZHES SMRAS SO, ,LAN DU SKYES PA YANG JI LTAR ZHES BYA BA'O, ,DON 'DI YIN TE GAL TE 'BYUNG BAR 'GYUR BA'I RGYU SNGAR BYUNG BA'I 'BRAS BU'I DUS NA MED PAS RGYU MA YIN, DE'I TSE SNGAR BYUNG BA YANG 'BRAS BU'I DUS NA MED PAS RGYUR MI 'GYUR RO ZHES BYA BA YIN NO, ,GZHAN DAG KHYAD PAR STON PA NI GAL TE 'DI YOD NA ZHES BYA BA'O, ,'BYUNG BAR 'GYUR BA LA YANG YOD PA LA SOGS PA SRID PA MA YIN NAM, DES NA DE YANG RGYU NYID DU 'GYUR RO SNYAM NA 'BYUNG BA NI ZHES BYA BA LA SOGS PA SMRAS SO, ,DES BYED PA YANG MA YIN ZHES BYA BA NI 'BYUNG BAR 'GYUR BAS SO, ,GRUB PA'I MTHA' SMRA BAS NI 'DI LA YANG KHYAD PAR MED PA NYID DU STON PA NI YOD DANG SKYES GNYIS ZHES BYA BA'O, ,YOD PA'I SGRAS BSTAN PA'I DON 'CHAD PA NI 'DI YOD NA ZHES BYA BA'O, ,'DI YOD NA 'DI 'BYUNG ZHES SMRAS PA NI DNGOS PO'I RANG BZHIN DE LAS GZHAN PA'I DE NA SRID PAR 'GYUR BA MA YIN NO, ,SKYES PA'I DBANG DU BYAS NAS BSHAD PA SKYES PA 'ANG YOD PA'I RANG BZHIN NGO BO NYID LAS GZHAN PA YIN ZHES GSUNGS TE, 'DI SKYES PA'I PHYIR 'DI SKYES SO ZHES BRJOD PAR YANG SNGAR GYI YOD PA'I RANG BZHIN GYI DON YIN TE, 'ON KYANG BRJOD PAR 'DOD PA TZAM THA DAD PAR ZAD DO, ,DES NA GNYI GA LTAR YANG 'DI'I RANG BZHIN YOD NA,

, ,'DI'I RANG BZHIN 'BYUNG NGO ZHES BRJOD PA YIN LA DE NI 'BYUNG BAR 'GYUR BA'I RGYU LA YANG MTSUNGS SO, ,KHYAD PAR SMRA BA'I DOGS PA BSU BA NI GAL TE ZHES BYA BA'O, ,GRUB PA'I MTHA' SMRA BA YOD PA'I RANG GI NGO BO NYID BSTAN PAR BYA BA'I DON DU CI ZHES 'DRI BAR MDZAD DO, ,DE LTA YIN MOD CE NA ZHES DOGS PA BSU NAS YUN RING DU ZHES BYA BA LA SOGS PA GSUNGS SO, ,'ON TE BAR CHOD PA'I LUS LA SOGS PA NYID RNAM PAR RTOG PA'I RGYUR 'GYUR BA DES NA RNAM PAR RTOG PA LA DE MA THAG TU 'BYUNG BA'I YOD PA DANG SKYE BA MED DO ZHES CI STE BRJOD SNYAM NA LUS LA SOGS PA YANG ZHES GSUNGS SO, ,'GRO BZHIN PA NA RTZVA LA REG PA'I SHES PA LTAR GNYID MTHUG PO LOG PA LA YANG, GNYID RTZOM SNGA MA NA YOD PA'I SHES PA LA, SHES PA TZAM SKYES PA KHYAD PAR MA LUS PA DANG BRAL BA'I PHYIR MA TSOR BA MA YIN TE, DE LAS NI RNAM PAR RTOG PA'I SHES PA YIN NO ZHES BYA BAR RIGS SO, ,GANG GI PHYIR GOMS PA'I KHYAD PAR GYI RJES SU 'GRO BA DANG, LDOG PA'I RJES SU BYED PA'I RNAM PAR RTOG PA'I SHES PA NI LUS LA SOGS PA BZHIN DU KHYAD PAR DE DANG 'BREL PA'I SEMS TZAM LAS SKYES PA MA YIN NO SNYAM DU DGONGS PA YIN NO, ,TSIG LE'UR BYAS PAR SOGS PA'I SGRAS BSTAN PA, 'DI NI 'DIR BYED PA YIN NO ZHES BYA BA'I PHYOGS NYE BAR BZUNG NAS BRJOD PA NI BYED PA YANG ZHES BYA BA'O, ,DES NA 'DI 'DIR BYED DO ZHES BYA BAS NI 'DI'I RANG GI NGO BO NYE BAR GNAS NA, 'DI'I RANG GI NGO BO NYE BAR GNAS PA YIN NO ZHES BSTAN PAS SNGA MA LAS THA DAD PA MED DO, ,DE NYID SMRAS PA NI RANG GI NGO BO LAS RANG GI NGO BO ZHES BYA BA YIN NO, ,GAL TE DE LTA NA YANG RANG GI NGO BO LAS ZHES BYA BA'I LNGA PAS, GAL TE RANG GI NGO BO GNYIS DUS GCIG GI TSE NYE BAR 'DOD NA, DE'I TSE KHYED LA YANG MI 'DOD PA GRUB PO ZHES BSTAN PA NI, 'BRAS BU'I DUS SU NI ZHES BYA BA LA SOGS PA'O, ,CI STE RIGS PA'I STOBS KYIS LNGA PA 'DI NI MED NA MI 'BYUNG BA STON PA YIN NA, DE'I TSE KHO BO'I PHYOGS KYI GO SKABS KYANG YOD DO ZHES STON PA NI,

MED NA MI 'BYUNG BA ZHES BYA BA'O, ,'DIS NI 'DI BYED DO ZHES BYA BA YANG TSIG GI SDEB SBYOR TZAM YIN GYI, BYED PA'I PHYOGS LAS DON GZHAN MA YIN PA DES NA, 'DI NI DE NYID KYIS RTOGS SO, ,KHYAD PAR SMRA BAS 'ON TE MTHONG BA ZHES SMOS SO, ,'BYUNG BA NI MA YIN NO ZHES BYA BA NI MA MTHONG BA'I PHYIR DANG, SNGAR MA BYUNG BA ZHES BYA BA'I DON TO, ,MTHONG BA KHYAB BYED NYID DU NYE BAR BZUNG NAS, RE ZHIG SUN 'BYIN PAR SMRAS PA NI MTHONG BA RANG GI NGO BOS KHYAB BYED NYID DU RTOGS PA MA YIN TE, DE'I TSE 'BRAS BU MA RTOGS PA'I PHYIR RO, ,'ON TE MTHONG BA LA SGRO BTAGS PA'I RANG BZHIN GYI 'BRAS BU'I DUS SU KHYAB PAR BYED PA NYID DU RTOGS NA, DE'I TSE 'BYUNG BAR 'GYUR BA'I RGYU YANG SGRO BTAGS PA'I RANG BZHIN GYI KHYAB BYED NYID DU 'GYUR RO, ,MTHONG BA NI ZHES BYA BA NI RNAM PAR 'GREL PA'O, ,PHYE PHYI MA RNAM PAR 'GREL PA NI GANG GI TSE ZHES BYA BA'O; ,GAL TE DE LTAR BYUNG BA DANG 'BYUNG BAR 'GYUR BA'I DUS SU YOD PA SNGAR BYUNG BAS 'BRAS BU KHYAB PAR 'GYUR GYI MTHONG BA PHYIS 'BYUNG BAR 'GYUR BAS SO, ,CI LTAR KHYAB SNYAM DU DOGS PA NA, KHYAB PA DE NI ZHES GSUNGS SO, ,GZHAN GYI MTHONG BAR 'GYUR BAS ZHES SMRAS SO,, LAN DU DE'I TSE ZHES BYA STE, KHYED KYI DRI BA'I SKABS MED DO, ,YOD PA'I PHYIR RO ZHES BYA BA NI MTHONG BA LAS SKYES ZIN PA NYID DU SEMS PA'O, ,MTHONG BAR 'GYUR BA LA YANG DE NYID DO ZHES BYA BA NI, RANG GI DUS KYI KHYAD PAR CAN GYIS SO SNYAM DU DGONGS PA'O, ,DE'I TSE ZHES BYA BA NI GZHAN GYI'O; ,'DI NI ZHES BYA BA NI GRUB PA'I MTHA' STE, MTHONG BA YANG DE'I TSE MED PA'I PHYIR RO, ,BSKYED NAS GNAS PA LA 'GAL BA CI YOD SNYAM NA, DE RANG BZHIN NYID KYIS NI GNAS PA MA YIN TE, YANG SKYED BYED YIN PAR THAL BA'I PHYIR RO, ,DES NA RANG BZHIN DE NI ZHIG PA KHO NA'O; ,DE BZHIN DU SNGAR BYUNG BA GANG YIN PA ZHES BYA BA'I PHYOGS NYE BAR DGOD PA'I NI, SNGA MA NYID DO ZHE NA ZHES BYA BA STE, SKABS KYI RGYU NYID DO, ,LAN DU SNGA MA DANG PHYI MA ZHES BYA BA LA SOGS PA'O, ,'DI NYID GSAL BAR BYED PA NI, GNYI GA YANG ZHES BYA BA'O, ,YANG

, ,KHYAD PAR GYI DOGS PA BSU BA NI 'ON TE ZHES BYA BA STE, SNGA MAR MNGON PAR 'DOD PA'O, ,MTHONG BAR SGRO BTAGS PA NI MTHONG NGO SNYAM DU SGRO BTAGS PA'O, ,MTHONG BAR 'GYUR BA'I RANG BZHIN DU ZHES BYA BA NI MTHONG BAR 'GYUR BA'O SNYAM DU SPRO BTAGS PA ZHES BYA BA'I DON TO, ,GANG GI PHYIR DE LTA YIN PA'I RGYU NYID YOD PA NI MA YIN GYI, 'ON KYANG SNGAR BYUNG BA KHO NA'O SNYAM DU BSAMS PA'O, ,GRUB PA'I MTHA' SMRA BAS 'DI THAMS CAD DGOS PA MED PA NYID DU DGONGS NAS PHAN TSUN ZHES BYA BA LA SOGS PA GSUNGS SO,, GANG MED NA ZHES BYA BA LA SOGS PA NI BSHAD PA'O, ,RGYU GANG LA GDON MI ZA BAR 'BYUNG BA'I 'BRAS BU YOD PA'I RGYU DE NI 'BRAS BU GDON MI ZA BAR 'BYUNG BA'I RGYU'O, ,'BRAS BU PHYI MA ZHES BYA BA LA SOGS PA NI GO SLA'O, ,GNYI GA YANG ZHES BYA BA NI SNGA MA DANG PHYI MAR 'BYUNG BA DAG GO,, KHYAB PA DANG ZHES BYA BA LA SOGS PA'I TSIG RKANG PHYED DANG GSUM GYIS NI SDUD PA'O, ,GANG ZHIG THA DAD PAR GYUR PA'I KHYAB PAR BYED PA DE NYID NI RGYU YIN TE, THA DAD PA NYID DANG KHYAB PAR BYED PA NYID GNYIS RGYU'I RGYU MTSAN YIN NO ZHES BYA BA'I DON TO, ,'BYUNG BAR 'GYUR BRGYUR SMRA BA'I DGOS PA GZHAN YANG BRJOD PA NI, PHA ROL GYI 'JIG RTEN DPOG PA 'DI LAS YIN ZHES BYA BA STE, DE LTAR YANG 'CHAD PAR 'GYUR RO, ,RGYUR GZHAG PA'I RGYU MTSAN GZHAN NI ZHES RTOGS PAR BYA'O, ,'BRAS BU DANG 'BRAS BU GDON MI ZA BAR 'BYUNG BA'I RGYU GANG YIN PA DE GNYI GA YANG NGO, ,GANG GI PHYIR DE LTAR 'DIR RIGS PAS MI 'THAD PA MED PA DE'I PHYIR, RIGS PAR MTHONG NGO ZHES BYA BAR RIGS PA NYID DU MTHONG BAS CI LTAR YAL BAR DOR ZHES BYA BA'I THA TSIG GO, ,YANG NA THAMS CAD KYIS SPANGS PA'I PHYIR, 'DIR KHYOD LA PHYOGS SU 'DZIN PAS CI BYA 'DI NI SLOB DPON GYIS BSHAD PA YIN NA, 'DI NI SLOB DPON GYI BZHED PA NI MA YIN TE, GANG DU YANG MA GSUNGS PA'I PHYIR RO, ,DES NA RANG RGYUD KYI SKYON BSHAD PA BYED PA LA SMOD PA'I RGYU YIN NA, RIGS PA MTHONG NGO ZHES

GSUNGS SO, ,DON 'DI YIN TE DNGOS SU MA BRJOD PA TZAM GYIS NI 'DOD PA MA YIN PA'AM, DE 'CHAD PA RANG DGA'I SKYON DU 'GYUR BA MA YIN TE, RTZA BAR MA BRJOD PA'I DON 'CHAD PA NI THAMS CAD DU MTHONG BA'I PHYIR RO, ,RING DU 'GRO YANG CI DGOS TE, RNAM 'GREL DU BSHAD PA'I SPROS PA THAMS CAD GSUNG RAB TU DNGOS SU MA GRUB PA'I PHYIR, BZHED PA MA YIN PA DANG, RANG DBANG GI SKYON DU CI STE MI 'GYUR, DE'I PHYIR RANG GI LUGS LA SGRUB PAR BYED PA DANG 'GAL BA MED PA DANG RNAM PAR DPYAD BZOD PA NYID BLANG BAR BYA BA YIN PA'I PHYIR, YON TAN GSUM DANG LDAN PAS RIGS PAR ZHES BYA BA'O, ,'DI MA GRUB MA YIN NAM, SLOB DPON DANG 'GAL BA'I PHYIR TE, JI SKAD DU, PHYIS 'BYUNG PHYIR NA RGYU NYID MIN, ,ZHES BYA BA DANG, RGYU RNAMS THAMS CAD SNGAR YOD YIN, ,ZHES GSUNGS PA'I PHYIR RO ZHE NA, 'DI LA YANG BRJOD PA RIGS PAR MTHONG NGO ZHES BYA BA STE, CUNG ZAD KYANG MI 'GRIG PA MED DO ZHES BYA BA'I DON TO, ,'DI LTAR THA SNYAD DU RAB TU GRUB, SNGAR 'BYUNG BA'I RGYU NYID LA BRTEN NAS DE SKAD DU BRJOD DO, ,'BYUNG BAR 'GYUR BA'I RGYU NYID NI SKAD CIG MA NYID LA SOGS PA LTAR DNGOS PO NYID YIN GYI NGES THA SNYAD DU BYED PA NI MA YIN NO, ,DE NYID KYI PHYIR DE DANG DER 'DI NYE BAR MA BKOD DE GZHAN DAG KYANG, SNGAR BYUNG BA RGYUR BSTAN PA NYID KYIS RTOGS PAR 'GYUR BA'I PHYIR PHYIS 'BYUNG BA'I RGYU NYID MNGON PAR 'DOD PA YIN YANG MA BSTAN TO, ,'BYUNG BAR 'GYUR BA RGYU NYID DO ZHES MTHA' YONGS SU DAG PAS RTOGS PA YANG MA YIN TE, GEGS BYED PA DANG MA TSANG BA SRID PAR DOGS PA NA, DA LTAR BYUNG BA'I RANG BZHIN NYID KYIS YOD PAR MA NGES PA'I PHYIR RO, ,'O NA CI LTAR RGYU NYID YIN ZHE NA, GANG LA SNGA MA DANG PHYI MA MTHONG BA DER RGYU NYID DU RNAM PAR GZHAG PA NYAMS PA MED LA, SNGA MA TZAM MA THONG BAR NI GAL TE MTHONG BAR 'GYUR NA, DE'I TSE RNAM PAR 'JOG PAR 'GYUR BA'I PHYIR SKYON MED DO, ,GZHAN YANG SLOB DPON 'BRAS BU MI DMIGS PA DPER BRJOD PAR NUS PA THOGS PA MED PA'I RGYU

, ,'BRAS BU LA DES PAR BSTAN PA YIN LA, THA DAD LA DES PA YANG RGYU MA YIN PA MAD PA'I PHYIR, GZHAL BYA KHAS BLANGS NAS, TSIG LA BRTZIR CI YOD, RAB TU GRAGS PA LA LTOS NAS NI, 'BRAS BU MI DMIGS PAR BSHAD KYI, DE KHO NAR NI DE YANG RGYU MI DMIGS PA NYID DO, ,DE'I PHYIR 'BYUNG BAR 'GYUR BA'I RGYU NYID NI SLOB DPON DANG 'GAL BA MA YIN NO, ,BSHAD ZIN PA'I DON GZHAN GYI 'DOD PA DANG LHAN CIG NYE BAR SDUD DE, GAL TE SGRUB PAR BYED PA'I SHES PA DE DON SKYE BA'I RGYU 'AM ZHES 'BREL TE; 'DIS NI SGRUB BYED KYI SHES PA'I YUL YANG MTSAN PAR BYA'O, ,'DI NI GZHAN GYI LUGS LA LTOS NAS BSHAD PA YIN TE, RIGS PA CAN LA SOGS PA DAG KYANG, RGYU LAS 'BRAS BU RJES SU DPOG PAR KHAS LEN PA'I PHYIR, DON BYA BA NGES PAR KHAS BLANGS PA YIN NO ZHES BSTAN PA'I DON DU'O, ,GAL TE SHES PA DE DON SKYE BA'I RANG BZHIN NAM ZHES 'BREL TO, ,DON SKYE ZHES BYA BA NI, DON BYA BA GRUB PA STE, 'BRAS BUR GYUR PA DES DE BYED PA'I RANG GI NGO BO BSTAN PA NI, DE'I BDAG NYID KYIS MI 'KHRUL PAR BSTAN PA'I BSAM PAS SO, ,GAL TE SHES PA DE DON SKYE BA'I 'BRAS BU ZHES 'BREL TO, 'DI NI 'BYUNG BAR 'GYUR BA'I RGYU LA BSAMS NAS BRJOD PA YIN NO, ,THAMS CAD DU ZHES BYA BA NI, RNAM PA GSUM KA LTAR YANG SGRUB PAR BYED PA'I SHES PA'AM, SGRUB PAR BYED PA'I THE TSOM LDOG PAR BYED PA YIN DU CHUG NA, RANG GI DUS NYID DU 'GYUR RO ZHES BYA BA'I DON TO, ,DE'I PHYIR DON BYA BAR SNANG BA'I DUS DE NYID KYI TSE, THE TSOM DE MED MOD, 'JUG PAR 'DOD PA'I DUS GZHAN DU GO JI LTAR MIN TE, ME NI GZHAN GYI TSE YOD LA, GRANG BA GZHAN GYI TSE LDOG PA NI MA YIN NO ZHES BYA BA'I DON TO, ,DA NI ZHAR LA THE TSOM LDOG PA DOGS PA YANG MED DO ZHES BSTAN PA NI, 'DIR NI ZHES BYA BA STE, SGRUB BYED KYI SHES PA LA'O, ,TSAD MA DE LA THE TSOM ZA BA DE BZLOG PAS SO, ,DE YANG GRUB PA YIN

ZHES BYA BA NI NGES PA'I SGO NAS DE MA THAG NYID DU'O, ,RNAM PAR RTOG PA GNYIS PA SUN 'BYIN PA NI, SHES PA KUN GYI ZHES BYA BA'O, ,'GA' ZHIG GI DON DANG 'BREL PA NI, MNGON SUM GYIS MTHONG BA YIN NO ZHES BYA BA NI 'DI BSAMS PA YIN NA, DE RIGS PA NI MA YIN TE, MNGON SUM NI SBYOR BYED KYI BDAG NYID MA YIN PA'I PHYIR RO, ,GAL TE MNGON SUM GYI DON DANG 'BREL PA GANG ZHIG MNGON SUM GYIS MTHONG BA DE NYID RJES SU DPAG PAS RTOGS PA MA YIN NAM SNYAM NA, RJES SU DPAG PA'AM ZHES GSUNGS SO, ,SPYI'I STE DPE DANG THUN MONG GI RANG BZHIN DU'O, ,DES NA MNGON SUM GYIS NI MA MTHONG BA'I 'BREL PA RJES SU DPAG GIS MI RTOGS, SNGAR NI MNGON SUM NYID MED PHYIR, ,RJES DPAG CI LTAR TSAD MA YIN, ,DES NA RJES SU DPAG PAS KYANG, ,DON BYA BA DANG 'BREL PAR MA RTOGS PA'I PHYIR, THE TSOM ZLOG PA MA YIN NO, ,'O NA NI GZHAN GYIS BZLOG GO SNYAM NA, GZHAN YANG ZHES GSUNGS TE, MNGON SUM DANG RJES SU DPAG PA LAS THA DAD PA'O, ,CHAD PA ZHES BYA BA NI DON GYIS MANG PO'I TSIG GAM, LNGA PA STE THE TSOM CHAD PA LAS SNGA MA TSAD MA YIN PAR GA LA 'GYUR SNYAM DU BSAMS PA'O, ,CI STE ME MDAG DU BA MED PA MTHONG BA LA YANG 'OL MA SER THE TSOM ZA BA NA, LO MA LA SOGS PA LHUNG BAS THUB MTHONG BA THE TSOM LDOG PA NA SNGA MA TSAD MAR RTOGS PA MTHONG BA NYID DO ZHE NA, MA YIN TE DER RJES SU DPAG PA NYID TSAD MA YIN PA'I PHYIR SNGA MA MTHONG BA'I BYA BA LA THE SOM GYIS ZIN PA NI MA YIN NO, ,DE LTAR THA SNYAD DU 'AM DON DAM PA LAS KYANG RUNG STE, CHOS MCHOG GI PHYOGS MI RIGS PAR BSTAN NAS SNGAR BSHAD PA NYID MJUG SDUD PA NI, DES NA ZHES BYA STE, JI SKAD DU BSHAD PA'I THA SNYAD KYIS RNAM PAR GZHAG PA YIN GYI, DE KHO NA NYID DU NI MA YIN NO ZHES BYA BA'I DON TO, ,GAL TE DE KHO NAR TSAD MA 'GOG PA'I

, ,SGRUB PA'I RIGS PA NYID TSAD MA'AM TSAD MA MA YIN ZHE NA, BDEN TE TSAD MA NI YIN MOD KYI, 'ON KYANG THA SNYAD PA YIN NO, 'O NA THA SNYAD PAS GNOD DO ZHES BYA BA'I DON 'DI JI LTAR 'GRIG CE NA BDEN TE, 'GAL BA KHAS BLANGS PA'I BRJOD PAR 'DOD PA'I PHYIR RO, ,'DI LTAR 'GAL BA'I PHYIR DON NI PHAN TSUN GNOD PA NYID YIN TE, GZHAN DU HA CANG THAL BA'I PHYIR, DON BYA BA DANG 'BREL PA LAS TSAD MAR KHAS BLANGS PA DES DON DANG 'BREL PA MA NGES KYANG TSAD MAR KHAS BLANGS PA'I PHYIR 'GAL LO, ,'BREL PA NGES PA NI THA SNYAD DE'I RGYU YIN PA'I PHYIR, RGYU MI DMIGS PA NYID DU GSAL TE, 'ON KYANG DES KHAS BLANGS PA NYID DU ZAD DO, ,DES NA PHAN TSUN GNOD PA'I PHYIR DGAG PAR BYA BA'I TSAD MA NGANG 'GOG PAR BYED PA LA TSAD MA'I THA SNYAD DU ZHEN PAS NI CI YANG BYAR MED DO, ,'DI YANG THOB PAR BYA BA GZHAN LA LTOS NAS SKYON DU 'GYUR BA YIN GYI, GZHAN LA LTOS PA MED PA'I PHYIR RANG GI NGO BO TZAM RIG PA LA NI, DE TZAM RTOGS PA NYID KYIS DON BYAS PA'I MNGON SUM GYIS TSAD MA DANG GZHAL BYA MTHA' DAG SEL BAR NUS SO, ,DE NYID KYI PHYIR, RANG LAS RANG GI NGO BO RTOGS, ,ZHES KYANG GSUNGS SO, ,'O NA DANG PO NI MI BZOD PA'I TSIG PHRAD YIN LA, GNYIS PA NI DE'I TSE ZHES BYA BA'I DON TO, ,DE LTAR ZHES BYA BA NI TSAD MAR RO, ,BSHAD ZIN PA'I DON SDUD PA NI, 'DI LTAR ZHES BYA BA LA SOGS PA'O, ,TSAD MA'I MTSAN NYID LA YID CHES PA MED PA'I PHYIR TSAD MA DANG CIG SHOS LA PHYIN CI LOG PA STON TE, MNGON SUM LA SOGS TSAD MA YIS, ,'JIG RTEN PHA ROL RTOGS MA YIN, ,'ON KYANG THAMS CAD MKHYEN PA NYID KYI SGO NAS YIN NO ZHES BYA BA LA LTOS PA'O, ,RIG BYED LA SOGS PA'I LUNG LAS ZHES BYA BA NI GNYIS PA'O, ,THA SNYAD LAS TSAD MAR NGES NA NI RNAM PA 'DI TZAM GYI SKABS MED DE, DON DAM PA'I 'DOD PA CIG KHO NAR 'GYUR RO ZHES BYA BA'I DON TO, ,

DES NA THA SNYAD LAS MA YIN NO ZHES BYA BA NI GRUB PA'I MTHA'O, ,GANG GI PHYIR THA SNYAD PA RNAMS LOG PAR RTOGS PA DES NA BSTAN BCOS LA MA LTOS PA'I THA SNYAD TZAM GYIS TSAD MAR RTOGS PA MA YIN NA, GANG GES BSTAN BCOS DON MED PAR 'GYUR, 'ON KYANG THA SNYAD KYI KHYAD PAR LAS YIN LA, DE YANG SNGAR BRJOD ZIN PA NYID DO, ,GANG GI PHYIR THA SNYAD TZAM TSAD MA'I BSGRUB BYA MA YIN GYI, 'ON KYANG THA SNYAD KYI KHYAD PAR LAS YIN PA DE'I PHYIR, THA SNYAD NGES PAR RTOGS PA STE, SNGA PHYIR MI 'GAL BAR NGES PAR RTOGS PA'I PHYIR, MTSAN NYID CI LTA BA BZHIN GYI BSTAN BCOS BLO DMAN PAS RTOGS PAR BYED PAS RMONGS PA ZLOG BYED YIN NO, ,DE'I PHYIR, SNGA MA PHYI MA MI DRAN PA, ,BSTAN BCOS DE YI LDOG PAR BYED, ,'DI LTAR DE'I RNAM PA CAN MA YIN PA'I SHES PA'I 'DZIN PAR BYED PA MA YIN NO ZHES BYA BA'I THA SNYAD ZHUGS SU ZIN KYANG, RNAM PAR RTOG PA RANG GI MTSAN NYID KYI RNAM PA CAN MA YIN YANG, RANG GI MTSAN NYID KYI YUL CAN DU THA SNYAD 'DOGS TE, MI DRAN PA DE RANG GI MTSAN NYID KYI YUL CAN GYI SHES PA RNAM PAR RTOG PA MED PA'I MTSAN NYID DU BRJOD PA'I BSTAN BCOS KYIS SEL TO, ,DE BZHIN DU BDAG NYID TSUL GSUM PA'I RTAGS LAS DON NGES PAR RTOGS KYANG GZHAN LA STON PA NA TSUL GZHAN SGRO 'DOGS PA LA SOGS PA'I MI DRAN PA YANG RTOGS PAR BYA'O, ,DE LTAR THUN MONG GI THA SNYAD DU YI GE'I DON BSHAD NAS, YANG DAG GI KUN RDZOB LA GTZOR BYA BA'I DON SBYOR BA NI DE NYID KYI PHYIR ZHES BYA BA LA SOGS PA'O, ,GANG GI PHYIR THA SNYAD KYIS RAB TU GRUB PA'I DON LA YANG BSTAN BCOS NYE BAR MKHO BA DE NYID KYI PHYIR, THA SNYAD LAS 'DAS PA MTHO RIS DANG BYANG GROL GYI LAM LA BSTAN BCOS NYID KYIS RMONGS PA ZLOG PAR BYED DO ZHES RANG GIS BRTAGS PA SEL BA'O, ,GZHAN GYIS NI MA YIN NO ZHES BYA BA NI BSTAN BCOS GZHAN GYIS SO, ,TSAD MAR BRJOD PAR 'GYUR BA ZHES BYA BA NI LHAG

, ,MA'O; ,YUL GSUM YONGS SU DAG PAS 'JUG PA NYID DU CHES MTHUN PA'I PHYIR, TSAD MA DANG 'DRA BAR BLANG BAR BYA BA'I TSAD MA YIN NO ZHES BYA BA'I DON TO, ,DE LTAR LUNG GZHAN LA LTOS NAS BCOM LDAN 'DAS KYI BKA' NYE BAR BTAGS PA'I TSAD MAR BSGRUBS NAS DON DAM PAR STON PA NI DON DAM PAR ZHES BYA BA LA SOGS PA'O, ,'DI GNYI GA JI LTAR BSTAN PA DE KHO NA LTAR DON DAM PA YIN GYI, DE LAS LDOG PA NI MA YIN NO, ,DA NI SKYE BA GZHAN DANG THUN MONG GI YUL LA YANG THAMS CAD MKHYEN PA'I YE SHES NYID TSAD MA YIN PAR STON PA NI, GZHAN NI TSAD MA NYID MIN TE, ,ZHES BYA BA STE, MNGON SUM LA SOGS PA'O, ,'DIR YANG SNGAR BSHAD ZIN PA NYID DE, DA LTAR NI TSAD MA GNYIS THA SNYAD DU BSTAN PA BSTAN PAR BYA BA'I DON DU BSHAD PA YIN NO ZHES BRJOD PAR BYA'O, ,JI SRID 'DIR SOD BA DE THAMS CAD NI BSTAN ZIN PA NYID DO, ,RJES SU DPAG PA YANG DER MI 'JUG PA'I PHYIR RO ZHES BYA BA NI MNGON SUM DU 'BREL PAR MI NUS SO, ,'OG TU ZHES BYA BA NI LE'U LHAG MAR RO,, ,,MTSAN NYID GZHAN BSHAD PA NI, MA SHES DON GYI GSAL BYED KYANG, ,ZHES BYA BA'O, ,'O NA YAN LAG CAN LA SOGS PA'I RNAM PAR RTOG PA YANG TSAD MAR THAL TE, DANG PO'I SHES PAS YAN LAG CAN SHES PA NI MA YIN NO SNYAM NA, KUN RDZOB PA'I ZHES GSUNGS TE, KUN RDZOB PA'I YUL CAN YIN PAS NA KUN RDZOB PA 'AM, ,YANG NA 'DIS DNGOS PO'I RANG BZHIN SGRIB PAR BYED PAS NA KUN RDZOB STE RNAM PAR RTOG PA'O, ,PA NI RANG GI DON LA AAn NO, ,RNAM PAR RTOG PA TZAM SMOS KYANG YAN LAG CAN LA SOGS PA'I YUL CAN NYID GZUNG STE, SPYI'I YUL CAN NI DPYOD PAR 'GYUR BA'I PHYIR RO, ,RTOGS PA NGES PAR MA BZUNG BA'I PHYIR ZHES BYA BA NI, RE ZHIG GZUGS TZAM MTHONG

BA YIN LA, DE DANG 'DRES PA'I RO LA SOGS PA YANG SNGAR MYONG BA NYID DO, ,'DIR GZHAN NI 'GA' YANG RIG PA MED DO ZHES, GAL TE RANG GI RTOGS PA NGES PAR ZIN NA NI, GCIG TU 'DZIN PA'I BLOR MI 'GYUR BA NYID NA THOG MA MED PA'I PHYIN CI LOG TU RTOG PA GOMS PA'I BAG CHAGS LAS KYI DBANG GIS YANG DAG PA NYID BSGRIBS NAS, YANG DAG PA MA YIN PA STON PA'I THA SNYAD 'DIR 'GYUR RO ZHES BYA BA'I DON TO, ,GZHAN DAG MI SLU BA'I MTSAN NYID LA MI LTOS NA MTSAN NYID HA CANG KHYAB CHES PA'I NYES PAR 'GYUR RO SNYAM NAS, GAL TE ZHES BYA BA LA SOGS PA SMRAS SO, ,LAN NI MA YIN TE ZHES PA'O, ,MA RTOGS DON GYI GSAL BYED CES DON SMOS PA'I RNAM PAR BCAD PA YIN NO ZHES BYA BA'I DON TE DON MED PA'I PHYIR RO, ,DE NYID BSHAD PA NI, DE NI DON MA YIN NO ZHES BYA BA STE ZLA BA GNYIS KYI RNAM PA DE'O, ,DES NA HA CANG THAL BAR MI 'GYUR RO SNYAM PA'I DGONGS PA'O, ,GAL TE DE LTAR HA CANG THAL BA MED MOD, DE LTA NA YANG MTSAN NYID SNGA MA LA LTOS PAR NI 'DI MTSAN NYID MA YIN TE, MI SLU BA MED PAR DON NYID DU MI GRUB PA'I PHYIR RO, ,GZHAN GYIS SMRAS PA NI, GAL TE ZHES BYA BA LA SOGS PA'O, ,MTSAN NYID GZHAN ZHES BYA BA NI MTSAN NYID SNGA MA LAS SO; ,MA YIN TE ZHES BYA BA NI PHYOGS SNGA MA 'GOG PA'O, ,DON GYIS 'PHANGS PA NI MI SLU BA'O, ,MA SHES DON GYIS GSAL BYED CES BYA BA'I TSIG 'DIS BRJOD PA'I SHUGS KYIS DON GANG YIN PA STE, GAL TE MI SLU BA NYID LA MI LTOS NA, DE'I TSE DON NYID DU MA RTOGS PA MTSAN NYID DU MI 'GYUR ZHES BYA BA DE LAS RTOGS PA'O, ,GANG ZHES BYA BA NI MI SLU BA CAN NO, ,MI SLU BA DE NI MTSAN NYID MA YIN NO, ,GAL TE SHUGS KYIS RTOGS PA MTSAN NYID DU 'GYUR NA, DE'I TSE NYES PA CI YOD NA, DE

, ,LTA NA NI ZHES GSUNGS TE, SHUGS KYIS RTOGS PA'I MI SLU BA BZHIN DU, ,GANG GI TSE ZHES BYA BA NI MI SLU BA NYID KYIS SO, ,DNGOS PO NYID LA SOGS PA BZHIN DU YOD PA TZAM GYIS NI MI SLU BA'I MTSAN NYID MA YIN NO ZHES BYA BA GZHAN GYIS MA BZOD NAS 'ON TE ZHES SMRAS PA'O, ,DE NI BDEN MOD KYI ZHES BYA BA NI DON SHES PAR BYED PA LA MI SLU BA NYID NYE BAR MKHO'O ZHES BYA BA DE BDEN PA'O, ,DE LTA NA YANG ZHES BYA BA NI DON NYES PA LA MI SLU BA NYID NYE BAR MKHO BA YANG, MI SLU BA SMOS PAS NI BZUNG ZIN PA'I SHES PA SPANGS PAR MI NUS SO, ,DE NYID KYI PHYIR MTSAN NYID SNGA MAS MTSAN NYID 'DI LA LTOS PAR, GZUNG BA 'DZIN PHYIR KUN RDZOB NI, ,MI 'DOD CES BSHAD DO, ,DE LA YANG ZHES BYA BA NI BZUNG ZIN PA LA'O, ,GAL TE DON NYID MI SLU BA LA RTOGS PAR KHAS BLANGS PA'I PHYIR, MTSAN NYID 'DI YANG MTSAN NYID SNGA MA LA LTOS PA MA YIN NAM SNYAM DU DOGS NA, MI SLU BAS ZHES SMOS SO, ,MTSAN NYID 'DI'I DUS LA MI SLU BA YOD KYANG MI SLU BAS DON RTOGS PA MA YIN TE, MI SLU BA NI YOD KYANG BYA BA MED PA YIN NO ZHES BYA BA'I DON TO, ,GAL TE DE LTAR NA KUN RDZOB PA'I BLO CI LTAR TSAD MA MIN TE MTHA' DAG PAS NA, DER MI SLU BA NYID SKYABS YIN NO SNYAM DU DOGS NA, SNGAR BSHAD PA NYID DRAN PAR BYED PA NI KUN RDZOB TU YOD PA ZHES BYA BA'O; ,'DI NI DON SMOS MA'I RNAM PAR GCAD BYA YIN NO ZHES BYA BA'I DON TE, PHYI ROL GYI DON YAN LAG CAN LA SOGS PA NI 'THAD DO, ,GAL TE MTSAN NYID 'DI'I DUS SU MI SLU BAR BYED NA 'O NA CI LTAR ZHES BYA BA'O, ,LAN NI NGES PAR BRTAGS PAS LAS ZHES BYA BA STE, LUS RNAL DU GNAS PAS NGES PAR BRTAGS PA LAS SO, ,'DI LTAR GOMS PA LAS BLO GSAL BA RAB RIB DANG CHU BUR DU BSGOR BA DANG, GNYID LA SOGS PAS NYAMS PA DANG BRAL BA YONGS SU RTOGS PAR BYED PA LAS, MDUN NA GNAS

PA'I BUM PA LA SOGS PA LA PHYI ROL GYI DON DU YID CHES PA RNAM PAR 'KHRUL PA'I DOGS PA DANG BRAL BA MO NGAL BYUNG BAR 'GYUR GYI, ZLA BA GNYIS LA NI DE LTAR MA YIN TE NYAMS PA NYID KYIS NGES PA YIN PA'I PHYIR RO, ,DES NA DON NYID MI SLU BA NYID KYIS NGES PAR BYA BA YIN NO ZHES BYA BA GSAL BA YIN NO, ,DE'I PHYIR 'DI NI MTSAN NYID SNGA MA LA MI LTOS KYI MTSAN NYID SNGA MA NI 'DI LA LTOS SO SNYAM DU DGONGS PA'O, ,NGES PAR BRTAGS PA LAS DON 'DI NYID RTOGS PAR SMRAS PA NI, MCHOD SBYIN DANG MTHO RIS KYI 'BREL PA LA SOGS PA NGES PAR BRTAGS PAS YOD PAR MA GRUB PA'I PHYIR CI LTAR 'BRAL PA BYED PA'I MI SLU BAS DON DU 'DOD PA NA, MTSAN NYID SNGA MA LA LTOS PA'I MTSAN NYID KYI SKYON DU 'GYUR BA DE BZHIN DU BDAG CAG LA NI MA YIN NO ZHES TSIG ZUR GYIS BSTAN TO, ,GAL TE DON BYA BA NYID PHYI ROL GYI DON DU BRJOD PA YIN TE, DE LTA MA YIN NA RAB RIB CAN GYIS DMIGS PA'I SKRA SHAD LA SOGS PA LAS KHYAD PAR MED PAR 'GYUR RO, DES NA SHIN TU GOMS PA LAS LUS RNAL MAR GNAS PA LA SOGS PAR NGES BRTAGS PA LAS DON DU NGES SO ZHES BYA BA'I DON CI YIN ZHE NA, DON BYA BA BYED PA RTOGS SO ZHES BYA BA NYID YIN NO, ,DE LTA YIN DANG CI LTAR MTSAN NYID MA YIN, DE YONGS SU SHES PA NI NGES PAR BRTAGS PA LAS GZHAN LAS YIN YANG RUNG STE, 'DI LA LOG PAR RTOGS PA MED DO ZHE NA, DE BDEN MOD KYI PHYIR ROL GYI DON ZHES BYA BA DANG DE'I DON BYA BA NUS PA ZHES BYA BA GNYIS NI LDOG PA THA DAD PA YIN NO, ,'DI LTAR PHYI ROL GYI DON NYID NI GZUGS DANG SGRA LA SOGS PA LA, THUN MONG YIN LA DON BYA BA NUS PA NI GZUGS LA SOGS PA 'GA' ZHIG KHO NA LA YIN TE, DE LA GANG GI TSE MOD LA DON BYA BAR NUS PAR RTOGS PA DE'I TSE NI DE NYID YIN LA GANG GI TSE SNANG BA TZAM YIN PAR RNAM PAR DPYAD PAS 'DI NI DON NYID DO ZHES NGES PAR RTOGS PA DE'I TSE NI 'DI 'JUG PA YIN NO, ,DE LTA YIN DANG SGRA DANG RI MO LA SOGS PA LA 'THAD PA NYID NI 'DI'I BYED PA YIN NO ZHES BSTAN TO, ,

, ,THA DAD DU BRJOD PA NI RTOGS PA PO THA DAD PA'I PHYIR RO, ,KHA CIG NI MI SLU BA'I SGO NAS TSAD MA'I DON BDE BLAG TU RTOGS LA, KHA CIG NI GZHAN GYIS RTOGS PAR BYA BA MA YIN PA'I SGO NAS SO, ,MTSAN NYID GNYIS PO 'DI NI BCOM LDAN 'DAS LA YANG MA GOD PAR MNGA' STE, JI LTAR NYE BAR BSTAN PA MTHO RIS BYANG GROL GYI LAM MTHONG BAR MDZAD PA'I PHYIR DANG, KHYAB 'JUG DANG DBANG PHYUG LA SOGS PAS MA MTHONG BA DON KHO NA STON PAR MDZAD PA'I PHYIR RO, ,DE LTAR MTSAN NYID LAS SNGA MA LA MI LTOS PAR BSTAN NAS BSHAD PA BYED PA 'DI LA MA TSIM PAS YUL THA DAD PA'I PHYOGS BRTEN PAS MTSAN NYID GNYIS DON YOD PAR STON PA NI YANG NA ZHES BYA BA'O, ,MTSAN NYID SNGA MA NI KUN RDZOB YIN LA, GZHAN NI DON DAM PA'O ZHES BYA BA'I THA TSIG GO, ,GAL TE MA SHES PA'I DON ZHES BYA BA LA SOGS PA NI RTZOD PA'O, ,'DI SNYAM DU BSAMS PA YIN TE, MA SHES DON GYI GSAL BYED CES BYA BA 'DIR DON SMOS PAS DON BYA BA MED PA GZUNG NA MTSAN NYID 'CHOL PAS 'JIGS PA'I PHYIR, 'DIR PHYI ROL GYI DON TZAM 'DOD PA YIN NO, ,PHYI ROL GYI DON YANG RANG DANG SPYI'I MTSAN NYID KYI DBYE BAS GNAS PA'I PHYIR SPYI'I SHES PA YANG TSAD MAR THAL LO ZHES BYA BA'O, ,DE DE BZHIN DU 'BREL BA LA SOGS PA LA YANG ZHES BYA BA NI LDAN PA DANG 'DU BA DANG RGYU 'BRAS KYI DNGOS PO LA SOGS PA'O, ,SOGS PA'I SGRAS YON TAN DANG BYA BA LA SOGS PA MA SHES PA NYID GSAL BA YIN NO ZHES 'BREL TO, ,DE YANG ZHES BYA BA NI DUS PHYIS 'BYUNG BA'I SHES PA'O, ,'ON TE DUS PHYIS 'BYUNG BA'I SHES PA DE GZUNG BA 'DZIN PA'I PHYIR DRAN PA YIN NO SNYAM NA 'DI ZHES SMOS SO, ,CI'I PHYIR ZHE NA MA BZUNG BA ZHES SMOS TE, RANG GI MTSAN NYID 'DZIN PA'I MNGON SUM GYIS SPYI LA SOGS PA MA BZUNG NGO SNYAM DU BSAMS PA'O, ,RANG GI MTSAN NYID KYI RNAM PAR SHES PA ZHES BYA BA LA SOGS PA NI SDUD PA'O, ,GAL TE SPYI MA RTOGS PA NYID MA YIN NAM, JI LTAR SPYI SHES PA TSAD MAR 'GYUR SNYAM DU DOGS NA RANG RIG PA ZHES SMRAS SO, ,'DI LTAR BSAMS PA YIN TE, GAL TE PHYI ROL GYI CHOS KYI SPYI SANGS RGYAS PAS MI 'DOD PA DE LTA NA YANG BLO'I RNAM PA THUN MONG DU GYUR PA'I SPYI NI 'DOD PA NYID DO, ,DE YANG RANG RIG PA NYID KYIS RTOGS

PA'I PHYIR, RTOGS PA LA NI RTZOD PA MED DO ZHES BYA BA'O, ,DE LTA NA YANG RANG GI 'DOD PA'I SPYI CI LTAR 'GRUB CE NA, DES NA GAL TE ZHES SMOS SO, ,GZHAN DU 'GYUR BA NI RANG GI 'DOD PAS SO, ,'ON TE BDAG NYID DU GYUR PA ZHES BYA BA NI SANGS RGYAS PA'I 'DOD PA'O, ,BDAG NYID DU GYUR PA'I PHYOGS LA SHES PA DE RANG RIG PA NYID MA YIN NAM, DE YANG TSAD MA NYID DU 'DOD PA'I PHYIR CI LTAR MI 'DOD PA YIN ZHE NA, 'DIR YANG BSAMS PA 'DI YIN TE, BLO'I RNAM PA DE NI PHYI ROL GYI RANG BZHIN DU LHAG PAR ZHEN PA NA SPYIR 'DOD PA YIN LA, DE LTA YANG RANG GI RANG BZHIN BSKAL BA'I PHYIR RO, ,RANG RIG PAR SMRA BA MDZES PA MA YIN NO, ,DES NA PHYI ROL DU PHYOGS PAS NA, DE LA RNAM PAR RTOG PA NYID TSAD MAR 'GYUR RO ZHES BYA BA'O, ,GRUB PA'I MTHA' SMRAS PA NI GAL TE ZLA BA GNYIS KYI SHES PA BZHIN DU SPYI'I SHES PA YANG NGES PAR BRTAGS PA LAS TSAD MA MA YIN PA GRUB MOD KYI, DE LTA NA YANG SPYI YOD PA NYID DAM MA BZUNG BA NYID DU KHAS BLANGS NAS DE'I SHES PA NI SKYES BU'I LHAG PAR ZHEN PA'I DBANG GIS KYANG TSAD MA MA YIN PA NYID DO ZHES LAN 'DEBS PA NI, RANG GI MTSAN NYID MA SHES PA ZHES BYA BA LA SOGS PA'O, ,SPYI YANG TSAD MA MA YIN ZHES 'BREL TO, ,'DI NYID GSAL BAR BYED PA NI SPYI MA SHES PA NI ZHES BYA BA'O, ,RANG GI MTSAN NYID DPYAD PHYIR RO, ,ZHES BYA BA NI RANG GI MTSAN NYID KHO NA YOD PA DANG MED PA NYID DU RNAM PAR GZHAG PA'I PHYIR RO, ,RANG GI MTSAN NYID TSAD MAR 'DOD KYI SPYI LA NI MA YIN TE, SKYES BU RNAMS DE DPYOD PA LA MI GUS PA'I PHYIR TE, DON BYA BA GRUB PA MED PA'I PHYIR RO, ,BSHAD PA NI YOD PA'AM ZHES BYA BA LA SOGS PA'O, ,SPYI YANG YOD PA'AM MED PA NYID DU GZHAG PA'I PHYIR, TSAD MA NI CI STE MI TSOL BA SNYAM NA, YOD PA'AM ZHES SMOS SO, ,DPYOD PA NI RNAM PAR 'JOG PA'O,, CI'I PHYIR SPYI YOD PA DANG MED PA NYID DU MI DPYOD SNYAM NA, BSHAD PA DE LA ZHING PA LA SOGS PA'I SKYES BU RNAMS GUS PA MED PA'I PHYIR MI DPYOD DO ZHES 'BREL TO, ,'DI NYID KYIS RANG GI MTSAN NYID KYI SHES PA'I 'OG TU 'BYUNG BA'I RNAM PAR RTOG PA TSAD MAR GYUR PAS BDAG NYID DU

, ,GYUR PA'AM, GZHAN DU GYUR PA'I SPYI'I RTOGS SO ZHES GANG BRJOD PA DE YANG SPANGS PA KHO NA'O ZHES STON, GANG RNAM PAR DPYAD PA DE LA ZHES BYA BA STE, YOD PA DANG MED PA NYID DU RNAM PAR DPYAD PA RANG GI MTSAN NYID DE LA'O, ,DUS PHYIS KYI LAM ZHES BYA BA NI RANG GI MTSAN NYID KYI PHYIS SO, ,DE NYID KYI PHYIR RANG GI MTSAN NYID KYI PHYIR RANG BZHIN MA YIN NO, ,DE'I RANG BZHIN NI RANG GI MTSAN NYID KYI RANG BZHIN NO, ,TSAD MA ZHES BYA BA NI TSAD MAR 'DOD PA'I RNAM PAR RTOG PA'I SHES PA'O, ,RNAM PAR RTOG PA'I SHES PA MNGON SUM GYIS DUS PHYIS BYUNG BA YANG LHAG PAR ZHEN PA'I DBANG GIS RANG GI MTSAN NYID KHO NA RTOGS PA YIN GYI SPYI NI MA YIN PA'I PHYIR SPYI LA NI TSAD MAR 'DOD PA MI 'JUG GO ZHES BYA BA'I DON TO, ,DES NA MNGON SUM MAM DE'I DUS PHYIS BYUNG BA'I RNAM PAR RTOG PA'I SHES PA NI SPYI'I SGRUB BYED MA YIN NO SNYAM DU DOGS PA'O,, BSHAD PA NI 'DI RNAMS KYIS CI BYA STE, 'JUG PA'I 'BRAS BU NYID LAS DE RTOGS PA TSAD MAR SNYAM DU BSAMS NAS 'ON TE ZHES SMRAS SO, ,SHIN TU THA DAD PA'I RANG GI MTSAN NYID NI MTHONG YANG DE'I DON BYA BA 'DI YIN NO SNYAM DU DES PAR 'DZIN PA MI 'THAD PA'I PHYIR, JI LTAR 'JUG PA'ANG YOD DE; DE'I PHYIR DES NGES PAR 'DZIN PA NYID TSAD MA YIN TE, 'JUG BYED YIN PA'I PHYIR RO ZHES BYA BA'I DON TO, ,MA YIN TE ZHES BYA BA NI GRUB PA'I MTHA'O, ,'JUG PA DE DANG 'BREL PAR JI LTAR RTOGS SHE NA, GAL TE SPYIR RTOGS PA MED NA MI 'BYUNG LA, SPYIR RTOGS PA YOD NA GDON MI ZA BAR 'BYUNG BAS YIN NA 'DI GNYIG YANG MED DO, ,DER YANG ZHES BYA BA NI SPYIR RTOGS PA'O, ,MA SHES PA'I SPYI LA'O, ,MA SHES NI LHAG PAR ZHEN PA MED PA DE'I TSE 'JUG BYED MA YIN NO, ,GANG GI PHYIR SPYI SHES KYANG, RANG GI MTSAN NYID KHO NA LA 'JUG PA DE'I PHYIR, SPYI DE LA SHES PA TSAD MA YIN TE, 'JUG BYED MA YIN PA'I PHYIR RO, ,GAL TE DE'I YUL YUL CAN MA YIN NA NI DES DE NYID DU 'JUG PAR 'GYUR RO, ,'JUG BYED MA YIN MOD DER LHAG PAR ZHEN PA TZAM DU NI 'GYUR RO ZHE NA, DE YANG MED DO ZHES BRJOD PA NI DE LA MNGON DU ZHES BYA BA'O, ,DE LA

MNGON DU PHYOGS PA ZHES BYA BA NI SPYI LA MNGON DU PHYOGS PA STE, SPYIR LHAG PAR ZHEN PA ZHES BYA BA'I DON TO, ,DE MED PA'I PHYIR SPYI LA TSAD MA MA YIN NO, ,'ON TE SPYI DANG LDAN PA'I GSAL BA RNAMS LA 'JUG PAR BYED PA GANG YIN PA DE NYID SPYI LA 'JUG BAR BYED PA YIN NO ZHE NA, DE LTAR NA YANG DER LHAG PAR ZHEN PA NYID MA NYAMS SO ZHES STON PA NI 'JUG PAR BYED PA YIN DU CHUG KYANG ZHES BYA BA'O, ,RNAM PAR RTOG PAS 'DZIN PA NI LHAG PAR ZHEN PA LAS GNAS PA YIN TE, DES NA LHAG PAR ZHEN PA MED NA, RNAM PAR SPYI LA TSAD MAR 'GYUR RE SKAN, MNGON SUM GYI 'DZIN PA NI SNANG BA NYID KYIS GNAS PA YIN NO, ,DE NYID KYI PHYIR RANG RIG PA ZHES GSUNGS SO, ,GANG GI TSE LHAG PAR ZHEN PA SPANGS NAS RNAM PAR RTOG PA LA, DE'I RNAM PA SNANG BA TZAM YIN PA DE'I TSE NI, DES RANG GI BDAG NYID KHO NA RTOGS PA'I PHYIR, SPYIR RTOGS PA'I TSAD MA MA YIN NO ZHES BYA BA'I DON TO, ,DE LTAR THA SNYAD LA RNAM 'GREL SBYAR NAS, DON DAM PA LA RTZOD PA DE JI LTAR MED SNYAM NAS, YANG DE LA 'JUG PA BSHAD PA NI GANG GI TSE ZHES BYA BA'O, ,GNYIS SU MED PA ZHES BYA BA NI RIG BYA RIG BYED MED PA RANG GI NGO BO RIG PA TZAM MO, ,DE ZHES BYA BA NI SHES PA'I BDAG NYID DO, ,GZHAN ZHES BYA BA NI RANG GI MTSAN NYID DANG MI MTHUN PA'O, ,CI'I PHYIR DE LTAR MI BSNYAD SNYAM PA'I DOGS PA SEL BA'I SGO NAS RTZA BA 'BREL PA NI RANG GI MTSAN NYID CES BYA BA LA SOGS PA'O, ,RIG PA NI RTOGS PA'O, ,'DI LA NI SHES PA LA'O, ,RNAM PA THAMS CAD DU RTOGS PA MED PA NYID KYIS RIG PA MA YIN PAR MA GYUR CIG SNYAM PAS, GANG LA ZHES DRIS TE 'DRI BA'I DON NI RIG PA'I YUL GANG LA RTOGS PA MED CES BYA BA'O, ,LAN DU SHES PA DE RANG GI MTSAN NYID SHES PA LA ZHES BYA BA'O, ,DE LTAR GYI SGRA NI RNAM PAR 'DZIN PA STE, RANG GI MTSAN NYID SHES PA LA SHES PA'I SHES PA GANG YIN PA DE ZHES BYA BA'I GZHAL BYA 'DI LA SHES PA'I RTOGS PA MED DO ZHES BYA BA'I DON TO, ,CI'I PHYIR GZHAL BYA DE MA RTOGS SNYAM NA, GANG GIS 'DI ZHES BYA BA GSUNGS SO, ,MI 'DRA BA NYID NI RANG GI MTSAN NYID DANG

, ,'DRA BA STE, SPYI'I MTSAN NYID DO ZHES BYA BA'I DON TO, ,'O NA CI ZHIG RTOGS SNYAM NA, 'DIR NI ZHES GSUNGS SO, ,RANG GI MTSAN NYID CES BYA BA NI SHES PA'I'O, ,THA DAD PA NI MA YIN NO ZHES BYA BA NI SHES PA LAS THA DAD PA'AM, SHES PA'I RANG GI MTSAN NYID PHAN TSUN THA DAD PA'O, ,BSAM PA YANG DON GYI GDUL BYA'I SKYE BO KHO NA'I YIN NO ZHES GSUNGS PA NI, GDUL BYA'I SKYE BO'I BSAM PAS ZHES BYA BA'O, ,LNGA PA 'DI NI LAB LOB PA YIN NO ZHES BSTAN PA DON DU DE LA LTOS NAS SO, ,DE LA LTOS NAS BCOM LDAN 'DAS KYIS MNGON SUM LA SOGS PA'I DBYE BA BSTAN TO ZHES BYA BAR BLTA'O, ,MI SLU BA'I PHYIR RO ZHES BYA BA 'DIR YANG BSAMS BAS ZHES BSTAN PA YIN NO, ,'DI LTAR GDUL BYA'I SKYE BO 'GA' ZHIG LAS 'GA' ZHIG 'THOB PAR MNGON PAR SEMS PA YIN TE, SBYIN PA LA SOGS PA RJES SU BSGRUB PA LAS BSTAN PA'I LONGS SPYOD LA SOGS PA 'THOB PA LAS NI MI SLU BAR MNGON PAR SEMS SO, ,DE BZHIN DU DE LA LTOS NAS NYE BAR BSTAN PA'I SPROS PA THAMS CAD YIN NO, ,'DI NYID NI RANG RIG PA'I ZHES BYA BA LA SOGS PAS DAM BCAS NAS JI LTA JI LTAR ZHES BYA BA LA SOGS PA PHUL BYUNG DU MED PA'I PHYOGS LA BRTEN PAS STON TO, ,BRTAGS PA'I CHOS KYI BDAG MED PA NI KHO NA'O, ,YUL GYIS YUL CAN BSTAN PA'I PHYIR, DE MTHONG BA RJES SU DPAG PA'I BDAG NYID DO ZHES BYA BA'I DON TO, ,DE NYID NI LAM STE DON DAM PA THOB PA'I PHYIR DE RJES SU ZHUGS PA, NGAN SONG DU 'GRO BA LA SOGS PA BAR DU GCOD PA DANG BRAL BAS, ,SKYES BU'I DON MCHOG LA BRTZON PA DAG JI LTA JI LTAR DBANG PHYUG GIS BYAS PA LA SOGS PA'I SGRO 'DOGS BKAG NAS RTOGS PA DE LTA DE LTAR GONG NAS GONG DU BZOD PA LA, BCOM LDAN 'DAS KYIS GONG NAS GONG DU CHOS BSTAN TE RIM GYIS SPROS PA CHAD PA KHYAD PAR NAS KHYAD PAR THOB PAS MNGON PAR 'DOD PA LA MI SLU BAR 'GYUR RO ZHES BYA BA'I DON TO, ,DE GANG LAS ZHES BYA BA NI BCOM LDAN 'DAS KYIS GDUL BYA'I SKYE BO'I DBANG GIS SPROS PA BSTAN GYI DON DAM PA'I NI MA YIN NO ZHES BYA BA 'DI GANG LAS ZHES BYA BA'I DON TO, ,

RANG GIS SGRO MA BTAGS PA'O, ,DE'I MTSAN NYID DE KHO NA STE GNYIS SU MED PA'I RANG BZHIN TE DE DPYAD PA'I PHYIR RO, ,GAL TE BCOM LDAN 'DAS TSU ROL NYID YOD DO ZHES CI'I PHYIR MI BZHES SNYAM NA RNAM PAR DPYAD NA NI ZHES GSUNGS SO, ,CIG CAR NI ZHES BYA BA NI SHIN TU ZAB PA NYID KYIS THOG MA KHO NAR BSTAN NA, GDON MI ZA BAR SKRAG PAR 'GYUR BA'I PHYIR RO, ,'ON TE ZHES BYA BA NI GAL TE GNYIS SU MED PA LAS GZHAN DE KHO NA NYID MA YIN NA DE'I TSE NA MDUN NA GSAL BA'I SER PO DANG SNGON PO LA SOGS PA RIG PA TZAM DU BRJOD PAR 'GYUR NA, DE YANG YUL THA DAD PA'I PHYIR RO; ;JI LTAR 'THAD DE DES NI DE NI PHYI ROL NYID DO ZHES BYA BA'O DON TO, ,GRUB PA'I MTHAR NI GAL TE YUL RANG GI NGO BO LAS THA DANG PAR GYUR NA DE'I TSE THA DAD PA'I STOBS KYIS RANG GI NGO BO YANG THA DAD PAR 'GYUR BZHIG NA DE LTA YANG MA YIN NO, ,DES NA YUL THA DAD PA'I PHYIR SNGON PO DANG BA DE BA DAG GI RANG BZHIN THA DAD DO ZHAS BYA BA NI RANG BZHIN THA DAD PAS RANG BZHIN THA DAD DO ZHES BRJOD PAR 'GYUR BAS CI ZHIG GSO BAR BYED CES BYA BA'I DON TO, ,RANG RIG PA'I RANG GI NGO BO NYID DE LTA DE LTAR RNAM PAR GNAS PA YIN NO, ,DE LA GAL TE BTAGS PA'I THA DAD PA'I CHA GCIG LA LTOS NAS GZHAN RIGS PA MA YIN NA NI DE'I TSE DE LA LTOS PAS GZHAN LA YANG THAL BAR 'GYUR RO, ,DE'I PHYIR SNANG BZHIN PA'I SHES PA'I TSOGS LA PHYI ROL LA MA NANG ZHES BYA BA 'GA' YANG REG PA DANG LDAN PA MA YIN NO, ,GAL TE YUL THA DAD PAS THA DAD PAR THA SNYAD PA NYID MA YIN ZHE NA, BDE NA TE PHYI ROL PA LA LTOS NAS MA YIN NO, , JI LTAR MNGON PAR RLOM PAR RLOM PA TZAM GYIS RAB TU PHYE BA'I PHYI ROL GYI DON YIN PA DE BZHIN DU MNGON PAR RLOM PA TZAM RNAM PAR GZHAG PA'I YUL THA DAD PAS THA DAD PA LA BRTEN PA YANG GDON MI ZA BAR KHAS BLANG BAR BYA'O, ,GAL TE YUL THA DAD PAS PHYI'I DON THA DAD PA DANG LDAN PAR MI 'GYUR NA NI DE'I TSE 'GAL BA'I CHOS GNAS PA GZHAN YANG THA DAD PAR BYED PA MA YIN NO, ,DES NA DON BYA BA LA THA DAD PAS NYE BAR MKHO BA MED DO, ,DE'I PHYIR BA TZAM LA GZHAN MA YIN PA'I PHYI ROL GYI THA DAD PA NI SPANG BAR DKA'O, ,DE NYID KYI PHYIR MTHAR RDUL PHRA RAB TU GNAS PA YIN NO, ,RNAM PAR RIG PA TZAM LA NI CHA MED

, ,PA NYID DU GNAS TE, THA DAD PAS NI DON BYA BA LA MKHO BA MA YIN LA 'JUG PA DANG LDOG PA YANG YOD PA MA YIN NO, ,DES NA SHES PA'I THA DAD PA MED PA NYID DON DAM PA YIN NO, ,PHYIS ZHES BYA BA NI SNA TSOGS GNYIS MED KYI SKABS SU'O, ,DE LTAR TSAD MA'I MTSAN NYID GNYIS BSHAD PA NI MNGON SUM DANG RJES SU DPAG PA DAG KHO NAL MTSAN NYID DE YOD PAR RIGS PAR MTHONG NAS GZHAN GYI 'ON JI LTAR ZHES DRIS SO DOGS PA 'DIG LAS YIN ZHES NA, MNGON SUM DANG RJES SU DPAG PA DAG NI SMRAS SO, ,BCOM LDAN 'DAS ZHES BSTAN PA NI SKYES BU'I KHYAD PAR YANG 'THAD PA'I YAN LAG MA YIN PAR STON PA'O, ,SHES PA KHO NA TSAD MA YIN GYI BCOM LDAN 'DAS NI DE BZHIN DU MA YIN PA CI'I PHYIR ZHE NA DE NI TSAD MA DAM PA YIN PA'I PHYIR RE ZHES SMRAS SO, ,BSTAN BCOS KYI DON DU DAM BCAS PA 'DI TSAD MA'I RANG BZHIN NO ZHES BYA BA 'DI NI GSAL BA NYID PO ZHE NA, LAN DU DE LDAN ZHES BYA BA STE, 'DI LA MTSAN NYID GNYIS PO DE MNGA' BAS NA DE LDAN NO, ,GAL TE CI DBANG PHYUG LA SOGS PA BCOM LDAN 'DAS SU 'DOD DAM ZHE NA, DE BZHIN GSHEGS PA ZHES GSUNGS SO, ,GAL TE DE LTAR YIN MOD DE LTA NA YANG CI LTAR CI'I RANG BZHIN DU GYUR PA NA 'DI TSAD MA YIN SNYAM PA'I DOGS PA SEL BA NA, RTZAB RNAM PAR 'GREL PA NI DON DANG LDAN PAS SAM ZHES SMRAS TE, MTSAN NYID GNYIS DANG LDAN PAS SO, ,MNGON SUM GYI RANG BZHIN NYID KYI ZHES BYA BA NI DNGOS PO MTHA' DAG MNGON DU BYED DANG NYID KYI SGRAS NI GANG ZAG GI RANG BZHIN 'GOG PA YIN GYI GZUGS KYI PHUNG PO NI MA YIN NO, ,DES NA SKYES BU'I RANG BZHIN LA YANG RTOGS PA'I CHA GTZO BO YIN PA'I PHYIR MNGON SUM GYI RANG BZHIN DU BRJOD DO, ,RGYU'I GNAS SKABS NA NI RJES SU DPAG PA'I RANG BZHIN NYID RJES SU DPAG PA GZHAN LAS KHYAD PAR MED PA NA RJES SU DPAG PA'I RANG BZHIN YANG DNGOS SU BRJOD DO, ,GRUB PA'I GNAS SKABS SU NI THUN MONG MA YIN PA KHO NA STE, DNGOS PO MTHA' DAG GI YUL CAN YIN PA'I PHYIR RO, ,'DIR PHA ROL GYIS 'DI GA LAS SHES SMRAS TE, THAMS CAD KYI YUL CAN NYID 'DI'O, ,DE'I PHYIR BSHAD PA NI ZHES BYA BA NI GANG LAS 'DI RTOGS PA DE BRJOD PA'O, ,YANG DAG MIN PA NI LOG PA STE DE'I YUL CAN YIN PAS NA SHES PA YANG YANG DAG PA MIN ZHES BYA BA STE, 'KHRUL PA ZHES BYA BA'I DON TO, ,DE NYAN PA PO'I RGYUD LAS 'PHAGS PA'I BDEN PA BZHI LA DMIGS PA YANG DAG PA NYID BCOM LDAN 'DAS KYIS GSUNGS TE BSTAN TO,, ,,

, ,BCOM LDAN 'DAS LA GZHAN DBANG PHYUG LA SOGS PA NI MA YIN PA'O, ,DE LTA NA YANG ZHES BYA BA NI THAMS CAD MKHYEN PA NYID KYIS SO, ,SMOS TE ZHES BYA BA NI 'BRAS BU ZHES BYA BA'O,, [DD] GANG GI PHYIR BCOM LDAN 'DAS LA YANG DAG PA NYID GSUNG BA'I RGYU DE'I PHYIR SGRUB BYED DE, YANG DAG PA GSUNG BA'I RTAGS LA LTOS PA TSAD MA STE TSAD MA'I THA SNYAD BYA BAR BCOM LDAN 'DAS KHO NA RIGS TE, DE'I 'BRAS BU MA YIN PA'I PHYIR RO, ,PHYIN CI MA LOG PAR THAMS CAD GSUNGS PA'I 'BRAS BU'I RTAGS KYIS BCOM LDAN 'DAS KYIS DE'I YUL CAN GYI MKHYEN PA NYID RJES SU DPOG GI ZHES BYA BA'I DON TO, , LDOG PA BRJOD PA NI RIG BYED NI MA YIN NO ZHES BYA BA'I DON TO, ,GANG GI TSE DBANG PHYUG LA SOGS PA SRID PA DE'I TSE, TSAD MAS GNOD PA YANG DAG PA MA YIN PA BRJOD PA'I PHYIR DE THAMS CAD SHES PA NYID DU NGES PA THABS MED DO, ,BYED PA PO MED PA'I PHYOGS LA YANG GDON MI ZA BAR SGRA RNAMS DON DANG 'BREL BAR 'DOD DGOS NA, DE YANG MED DO ZHES BSTAN PA NI RIG BYED NI 'GA' YANG ZHES BYA BA'O, ,'DI NI ZHES

, ,BYA BA NI BCOM LDAN 'DAS SO, ,GZHAN LA NI ZHES BYA BA NI TSAD MA'I SPYOD YUL MA YIN PA LA'O, ,BSHAD PAR BYA'O ZHES BYA BA NI LE'U 'DI NYID DU'O, ,DE LTAR THA SNYAD DU BCOM LDAN 'DAS TSAD MAR BSGRUBS NAS DON DAM PA LA LTOS NAS SBYOR BA NI, YANG NA ZHES BYA BA'O, ,DE LDAN TE, BCOM LDAN 'DAS KYANG GNYIS SU MED PA RTOGS PA NYID KYI ZHES BYA BA NI, MA SHES DON GYI GSAL BYED KYANG, ,ZHES BYA BA'I SKABS KYI, DE 'DI LA MNGA' ZHES BSHAD PA'I SGO NAS KHYAB 'JUG DANG DBANG PHYUG LA SOGS PAS MA RTOGS PA GNYIS SU MED PA'I DE KHO NA GSAL BAR MDZAD PA DANG, BCOM LDAN 'DAS KYANG TSAD MA YIN TE, MNGON SUM LA SOGS PA RANG GI YUL LA TSAD MA YIN PAR NI MI ZAD DO, ,ZHES DON GYIS 'PHANGS PA YIN NO ZHES BYA BA'I TSIG GO, ,'O NA CI LTAR BCOM LDAN 'DAS THAMS CAD MKHYEN PA YIN NO ZHES BRJOD CE NA, DON THAMS CAD YONGS SU SHES PA NI ZHES GSUNGS SO, ,DE LTAR RTAG PA DANG MI RTAG PA'I RNAM PAR DBYE BA LA MA LTOS PA SPYI DBANG PHYUG LA SOGS PA DON JI LTA BA BZHIN SHES PA'AM RIG BYED DANG 'BREL BAR SGRUB PAR BYED PA TSAD MA'I THA SNYAD KYI RGYU MTSAN NI YONG PA MA YIN NO ZHES BSTAN NAS, RTAG PA DANG MI

RTAG PA'I KHYAD PAR GYI RANG BZHIN GYIS KYANG TSAD MAR MI 'THAD DO ZHES BSTAN PA'I DON DU GAL TE ZHES BYA BA LA SOGS PAS PHYOGS SNGA MA 'GOD DO, ,RTAG PA'I DUS THAMS CAD DU GNAS PA YIN GYI SKAD CIG LAS GZHAN DUS CUNG ZAD GNAS PA NI MA YIN NO, ,SOGS PA'I SGRAS NI 'DOD PA'I SKYES BU LA SOGS PA BZUNG NGO, ,DBANG PHYUG LA SOGS PA LAS GZHAN DE BZHIN GSHEGS PA BSAL BAS SO, ,TSAD MA RTAG PA NYID MIN ZHES BYA BA LA YOD PA'I SGRAS NI YOD PA'I THA SNYAD DU RUNG BA BRJOD DO, ,YOD PA'I THA SNYAD DU RUNG BA'I TSAD MA RTAG PA NI YOD PA MA YIN NO ZHES BYA BA'I DON TO, ,YANG NA MED PA KHO NA'O ZHES BYA BA'I DON TO, ,DE LA PHYOGS DANG PO LA GTAN TSIGS SU BSAMS PA NI 'GREL PAR TSAD MA MED PA'I PHYIR RO ZHES 'CHAD PAR 'GYUR RO, ,'BRAS BU NYID LA SOGS GTAN TSIGS LTAR SNANG BA NI BKOD NAS SUN 'BYIN PAR 'GYUR RO, ,PHYOGS GNYIS PA LA NI GTAN TSIGS GNYIS YID DNGOS YOD RTOGS PA TSAD PHYIR DANG ZHES BYA BA DE DNGOS PO YOD PA'I RTOGS PA GANG YIN PA DE TSAD MA YIN PA'I PHYIR RO, ,JI LTAR SHES PA TZAM MAM DBANG PHYUG DANG RIG BYED RTAG PA TSAD MA YIN ZHES PA'I DON TO, ,MI RTAG PA YANG TSAD MA MA YIN PAR NI MI RTAG NA YANG TSAD MA MED CE NA ZHES BYA BA 'DIS BSTAN TO, ,GAL TE 'BYUNG BA DANG 'JIG PA'I BAR DU DBANG PHYUG GI BLO YUL THAMS CAD LA KHYAB PA GCIG YIN LA, TSAD MAR 'GYUR BA DE DBANG PHYUG LA 'DU BA'I PHYIR TSAD MA'I THA SNYAD DU BYED KYI RANG GI NI MA YIN NO SNYAM DU DOGS NA, SHES BYA MI RTAG PA NYID KYIS DE NI MI RTAG PA NYID PHYIR RO ZHES GSUNGS SO, ,'O NA DNGOS PO YOD PA'I RTOG PA'I MI RTAG PA DANG 'DU BA CAN GYI RGYU NYID KYIS NA 'BREL BA'I PHYIR DBANG PHYUG TSAD MA YIN NO, ,RIG BYED KYANG RGYU MTSAN GYI RGYU YIN PA NYID KYI TSAD MAR BRJOD DO ZHE NA, 'DI YANG MA 'BREL BA'I PHYIR MI RIGS SO ZHES STON PA NI, RIM BZHIN SKYE BA CAN DAG NI, ,ZHES GSUNGS SO, ,GZHAN YANG ZHES BYA BA NI PHYOGS GNYIS PA BSTAN PA TZAM MO, ,GANG YANG RUNG BA NI MA YIN NO ZHES BYA BA NI RTOGS PA TSAD MA MA YIN NO ZHES 'BREL TO, ,DNGOS POS STONG PA'I SNANG TZAM NI TSAD MA MA YIN NO ZHES PA'I DON TO, ,GAL TE MI SLU BA

, ,DANG LDAN PA TSAD MA YIN GYI DNGOS PO'I RTOG PA NI MA YIN GYI RJES SU DPAG PA YANG TSAD MA YIN PA'I PHYIR RO ZHE NA, MI SLU BA'I DE NYID NI LHAG PAR ZHEN PA'I BYAS PA'I DON DANG 'BREL PA LAS YIN TE, DES NA GAL TE 'DI 'DRA BA RNAM PAR DPYAD NAS, DE'I DNGOS PO YOD PAR RTOGS PA NI DE DANG 'BREL PA'I LHAG PAR ZHEN PA LA BRJOD PAR 'DOD PA YIN NO, ,DES NA SHES PA YUL LA RAG LAS PAR GRUB PO, ,DE LAS CIR 'GYUR ZHE NA, GANG GIS ZHES SO, ,GAL TE ZHES BYA BA NI GZHAN GYIS TE, GZHAN GYIS MI RTAG PAS GZHAN MI RTAG PA NYID NI 'THAD PA MA YIN NO SNYAM DU BSAMS PA'O, ,SHES BYA'I RANG BZHIN LA ZHES BYA BA LA SOGS PA NI GRUB PA'I MTHA'O, ,BYED PA LA SOGS PA'I RNAM PAR RTOG PA GSUM LAS SHES BYA LAS SKYES PA'AM, DE'I RANG BZHIN DU KHAS BLANGS NA NI DE MI RTAG PAS SHES PA MI RTAG PA NYID DU GSAL LO, ,PHYOGS GZHAN YANG MI SRID PAS BYED PA'I PHYOGS RTOGS PAR BYED DO, ,'ON TE ZHES BYA BA NI GZHAN GYI'O, ,DON NYID CES BYA BA NI GRUB PA'I MTHA'O, ,DE LTA BUR GYUR PA NI GSAL PA'I RANG BZHIN DU GYUR PA'O, ,SHES PA PO'I BYED PA NI MA YIN NO ZHES BYA BA NI SHES PA'I SKABS YIN PA'I PHYIR RO, ,RANG BZHIN THA DAD PA MED PA'I PHYIR DANG, THA DAD NA YANG DE NYID MI RTOG PA NYID DO SNYAM DU DGONGS PA'O, ,'ON TE ZHES BYA BA NI GZHAN GYI'O, ,DE BZHIN DU 'DI YANG ZHES BYA BA NI SHES PA PO YANG STE, DE BZHIN DU BYED PA MI 'DRA BA DANG LDAN PA'I RANG BZHIN MA YIN NO ZHES BYA BA'I DON TO, ,'DI LA BSHAD PA ZHES BYA BA NI GRUB PA'I MTHA'O, ,GAL TE MIG LA RANG BZHIN GYIS BYAS PA'I BYED PA MI 'DRA BA MED PA DE LTA NA YANG NUS PAS BYAS PA NI LDOG TU MED PA KHO NA'O, ,GANG GI PHYIR DER ZHES BYA BA GZUGS 'DZIN PA LA DBANG PHYUG GI BYED PA THA DAD PA TZAM GYIS YIN PA LTAR MIG GI YANG DE LTAR NI MA YIN TE, 'ON KYANG RJES SU 'GRO BA DANG LDOG PA LAS YIN NO, ,DE'I PHYIR ZHES BYA BA NI BYED PA PO'I PHYIR RO, ,DE LTAR 'GYUR BA ZHES BYA BA NI GSAL BA'I RANG BZHIN NO, ,'DI LA ZHES BYA BA'I DON LA, 'DZIN PA'I BYED PA 'GA' ZHIG YANG MED DO, ,DE'I PHYIR SHES PA RTAG PA'I SGO NAS DBANG PHYUG TSAD MAR JI

LTAR 'GYUR, 'ON TE ZHES BYA BA NI GZHAN GYI'O, ,GZHAL BYA YIN YANG DON DE NYID TSAD MAR 'GYUR LA RAG LAS TE, RANG NYID GSAL BA'I PHYIR RO, ,'DI YANG GZHAN GYIS KHAS BLANGS PA LA MA LTOS PAR JI SNYED SRID PA'I TSAD DPYAD PA YIN TE, RTZOD PA'I GNAS YIN PA'I PHYIR RO, ,DE DANG 'BREL BA NI SHES PA PO DANG 'BREL PA STE, YUL DANG YUL CAN GYIS SO ZHES BSAMS PA'O, ,GRUB PA'I MTHA' NI 'DI LTAR BSAMS PA YIN TE, 'GA' ZHIG LA 'GA' ZHIG NYE BAR SBYOR BA DANG YUL DANG YUL CAN NYID KYIS 'BREL PA YIN TE, GZUGS LA MIG BZHIN NO, ,NYE BAR SBYOR BA DE YANG RTAG PA LAS BSAMS PA YIN TE, LOG PA MED PA'I PHYIR RO, ,'ON TE DES ZHES BYA BA NI DON ZHES LHAG MA'O, ,'DI YANG GI NA YIN NO ZHES STON PA NI CI LTAR NA ZHES BYA'O, ,DON RANG NYID GSAL BA'I PHYIR DES MTHONG NGO ZHES BYA BA GSUM PA'I DON 'KHRUL PA'I PHYIR RO,, GZHAN DAG RJES SU 'GRO BA TZAM GYIS DES MTHONG BAR GRUB PA NI, DE LTAR DE YOD NA ZHES BYA BA STE, DBANG PHYUG NI SHES PA YOD NA ZHES DE LTAR DE DON GSAL BA'I RANG BZHIN DU 'GYUR BA'I PHYIR DBANG PHYUG DES MTHONG ZHES BYA BAR BRJOD NA NI NAM MKHA' LA SOGS PA YOD NA YANG MTHONG BDE YOD PA'I PHYIR, JI LTAR DBANG PHYUG DE NYID LTA BA PO YIN, YOD NA'I 'DUN PAS NAM MKHA' LA SOGS PA LA YANG 'GYUR BA'I PHYIR DE DAG KYANG LTA BA POR 'GYUR RO, ,MKHA' LA ZHES BYA BA NI GZHAN GYI'O, ,DUS DANG PHYOGS LA SOGS PA LA YANG NYE BAR MTSON PAR BYA'O, ,DON DE NI MTHONG BA'I DE'O, ,DE BSTAN PA NI MING NGO, ,GRUB PA'I MTHA' NI BSTAN PA'I TSIG LA BRJOD LA DE YANG DBANG PHYUG DE LAS YIN GYI NAM MKHA' LA SOGS PA MA YIN NO ZHES BYA BA GANG LAS 'DOD, GAL TE NAM MKHA' LA SHES PA MED PA'I PHYIR DE LAS TSIG MA YIN NO SNYAM NA, DBANG PHYUG BZHIN DU 'DU BA SRID PA'I PHYIR NAM MKHA' LA SOGS PA LA SHES PA CI STE MI 'DOD, DE LTA NA 'O NA DE NYID DBANG PHYUG TU 'GYUR TE, MI 'THAD PAS NI DON THA DAD BAR MI 'GYUR RO ZHE NA, MA YIN TE, NAM MKHA' LA SOGS PA DBANG PHYUG LAS THA DAD PAR 'JOG PA MED PAR THAL BA'I PHYIR RO, ,DE LTAR GZHAN GYI RNAM PAR GNAS

, ,PA'I SUN 'BYIN PA BSTAN NAS, DBANG PHYUG BZHIN DU NAM MKHA' LA SOGS PA LA YANG TSIG GI RGYU NYID DNGOS PO LA RTOG PAR MI NUS TE, RTAG PA NYID KYIS LDOG PA MED PA'I PHYIR RO ZHES BYA BA'I DNGOS PO NYE BAR SDUD PA NI, RNAM PAR KUN DU ZHES BYA'O, ,'DI NI THAMS CAD MKHYEN PA LA YANG DAD PAS RTOGS PAR BYA BA YIN NO ZHES STON PA NI DON GANG ZHES BYA BA'O, ,'DI NI 'DAS PA YANG MA YIN TE, PHYOGS GCIG 'DAS PA'I PHYIR RO, ,DE BZHIN DU MA 'ONGS PA YANG YIN NO, ,SPYI'I DON GANG YIN PA DE CI LTAR GSAL BAR 'GYUR, CI'I PHYIR 'DAS PA LA SOGS PA SNANG BAR MI 'GYUR ZHE NA, 'DAS PA NYID NA ZHES GSUNGS SO, ,NYE BAR MTSON PA TZAM STE, MA 'ONGS PA NYID YIN NA ZHES BYA BAR YANG BLTA'O, ,DON 'DAS PA DANG MA 'ONGS PA YIN NAM SHES TE, MI GSAL BA DE'I PHYIR, 'DAS PA DANG MA 'ONGS PA RANG GI NGO BOS SNANG BA JI LTAR 'GYUR; MED PA GSAL NA NI 'KHRUL PA KHO NAR 'GYUR LA, RANG GI NGO BO GSAL NA YANG DA LTAR BA KHO NAR 'GYUR RO, ,DE LTA YIN DANG 'DAS PA LA SOGS PAR MI 'THAD DO, ,'ON TE YANG ME LONG BZHIN DBANG PHYUG GI SHES PAR 'PHO BA'I DON DMIGS PA'I PHYIR CI LTAR 'DAS PA LA SOGS PAR MI NYAMS SHE NA, 'DAS PA LA SOGS PA CI LTAR ZHES GSUNGS SO, ,GAL TE ME LONG GI DPE LA BRTEN NAS LAN 'DEBS PAR 'DOD NA DE'I TSE ME LONG BZHIN DU SHES PA LA YANG 'DAS PA DANG, MA 'ONGS PA DAG MI 'PHO BA'I PHYIR DE GA LA RTOGS ZHES BYA BA'I THA TSIG GO, ,DA LTAR BA YANG ME LONG DU 'PHO BAR MI RIGS TE, PHYIN CI LOG GI RANG BZHIN GYI DON MTHONG BA'I PHYIR DANG, THOGS PA DANG BCAS PA DER MI 'JUG PA'I PHYIR RO, ,DES NA DPE DES DBANG PHYUG KYANG 'KHRUL PA NYID DU THAL BA ZLOG DKA'O SNYAM DU DGONGS PA'O, ,'O NA GANG ZHIG DA LTAR BA ME LONG DU 'PHO BA BRJOD PA DER YANG 'PHO BA'I DON YIN, BCOM LDAN 'DAS KYIS 'DAS PA DANG MA 'ONGS PA RTOGS PA YANG CI LTAR RTOGS NA YANG DA LTAR BA NYID DU THAL LO ZHES DOGS NA, DE LTA BU'I SNANG BA NI ZHES GSUNGS SO, ,ME LONG YOD NA ZHES BYA BA NI MTSON PA STE, BZHIN LA SOGS PA YOD NA'O, ,

BZHIN DANG ME LONG LA SOGS PA'I MTHU DE'I RNAM PA CAN GYI SHES PA NYID SKYE BA YIN NO ZHES BYA BA 'DI NYID NI 'PHROS PA'I DON TE, DE SKYON MED DO, ,DE BZHIN DU RIM GYIS SKYE BA'I CHOS CAN GYI CHOS DANG PHRAD NAS BCOM LDAN 'DAS KYIS SHES PA YANG DE DANG DE'I RNAM PA CAN GYI SHES PA NYID SKYE BA YIN GYI, DE'I TSE 'DAS PA LA SOGS PA'I DNGOS PO NYE BAR GNAS PA NI MA YIN PAS GANG GIS HA CANG THAL BAR 'GYUR, RNAM PA DANG DA LTAR BA NI DA LTAR BA NYID DU 'DOD PA KHO NA'O, ,DE'I RNAM PAR RIG PA LAS GZHAN PA'I GZHAN RIG PA YANG MED PA'I PHYIR 'KHRUL BA NYID KYANG MA YIN TE, RNAM PA GZHAN MED PA'I PHYIR RO, ,DE'I RNAM PA CAN YANG GSAL BA'I TSUL GYI BYE BRAG LAS 'DAS PA LA SOGS PA'I DNGOS PO MTHONG BAR RNAM PAR GZHAG STE, JI LTAR DE NI DON SOGS DUS LDAN PAR ZHES 'CHAD PAR 'GYUR RO, ,DES NA NYES PA'I DOGS PA MED DO ZHES BSTAN PAR 'GYUR RO, ,GZHAN LA NI SHES PA RNAM PAR MED PA NYID KYI DNGOS PO NYID GSAL BA'I PHYIR DA LTAR BA NYID DU THAL BAR BZLOG PAR DKA'O, ,DNGOS PO MI GSAL NA NI SNANG BA TZAM LA RTOGS PAR RNAM PAR GZHAG PA'I PHYIR 'KHRUL BAR 'GYUR BAS BZLOG DKA'O, ,'ON TE DBANG PHYUG LA YANG 'DAS PA DANG MA 'ONGS PA DAG GI DNGOS PO DANG PHRAD NAS, DE LTA BUR GYUR PA'I SNANG BA SKYE BA NYID 'DAS PA LA SOGS PA RIG PAR 'GYUR TE, RNAM PA GZHAN MI SRID PA'I PHYIR RO SNYAM DU DOGS NAS, SNANG BA RTAG PA'I 'BRAS BU NI ZHES GSUNGS SO, ,SNGAR BRJOD CES BYA BA NI RTAG PA ZLOG PA MED PA NI 'GAR YANG NYE BAR SBYOR BA MA YIN NO ZHES BYA BA 'DIS SO, ,DE LTA YIN DANG DBANG PHYUG LA YANG 'BRAS BU MA YIN PA'I SNANG BA TZAM YOD PA'I PHYIR 'DAS PA LA SOGS PA 'DZIN PA YIN NA, NAM MKHA' LA SOGS PA LA YANG DE BZHIN DU 'GYUR RO ZHES BYA BA NI PHYED PHYI MA'I DON TO, ,DE LTAR DBANG PHYUG GI 'DAS PA DANG MA 'ONGS PA RTOGS PA SUN PHYUNG NAS, DA LTAR BA YI DON THAMS CAD RTOGS PA SUN 'BYIN PA GAL TE DON DE DON DE'I ZHES BYA BA'O, ,DON 'DI YIN TE SHES PA DANG LDAN PA TSOL BA ZHES BYA BA DES BSHAD PA'I DON NAN TAN BYA BA'I PHYIR YANG YIN LA NGES PA MTHONG NA NI DE'I STOBS LAS BYUNG BA'I SGRA NGES PA'I DON

, ,RTOGS PAR BYED PAR 'GYUR BAS NAN TAN GYI RGYUR RUNG BAR 'GYUR BA YIN NO, ,GANG GI TSE DON MTHONG BA'I DE MA THAG PA NYID DU NGES PAR MA RTOGS NA NI DE'I TSE, DON THAMS CAD MTHONG BAS NA, DBANG PHYUG DE'I TSE TSIG GANG YIN PA DE'I DON GANG ZHIG YIN PAR BRJOD DE, GANG ZHIG MA YIN NO ZHES BYA BA'I DON TO, ,DES NA KUN MTHONG BA LAS BYUNG BA LAS BYUNG BA'I SGRA NI DON THAMS CAD KYI RJOD BYED YIN PAR 'GYUR RO, ,DES NA DBANG PHYUG MNYES PAR BYA BAS THAR PA THOB PO ZHES BYA BA'I NGAG LA TSIG RNAMS DON NGES PA MED PA'I PHYIR 'GA' ZHIG DU YANG RJES SU SGRUB PAR MI 'GYUR RO, ,DES NA DON THAMS CAD MTHONG BA DON MED DO ZHES BYA BA'O, ,GAL TE DON THAMS CAD MTHONG YANG NGES PA'I YUL CAN GYI BRJOD 'DOD PAS SGRA BRJOD PA'I PHYIR SGRA DON THAMS CAD KYI RJOD BYED DU MI 'GYUR RO, ,DE LTA MA YIN NA, KHYED LA YANG NYES PA 'DIR CI LTAR MI 'GYUR ZHES DOGS NA BRJOD 'DOD NGES PA ZHES BYA BA GSUNGS SO, ,BSAM PA NI 'DI YIN TE, BRJOD PAR 'DOD PA NI SKYES BU LAS THA DAD PAR RTOGS PA GCIG PU YIN NO ZHES BYA BA NI GZHAN GYI LUGS YIN NO, ,DES NA SNGON PO BRJOD PAR 'DOD PA GANG YIN PA DE NYID SER PO LA SOGS PA YANG YIN NO, ,DES NA DON THAMS CAD BRJOD PAR 'DOD PAS SBYAR BA RI RAB KYI DON THAMS CAD KYI RJOD BYED DU 'GYUR RO ZHES STON PA NI BRJOD 'DOD NGES PA ZHES BYA BA NI RTAG PA LA 'THAD PA MA YIN NO ZHES BYA BA YIN NO, ,DES NA TSIG DE LAS DON NGES PA RTOGS PA NGES PAR MI 'GYUR RO ZHES BYA BA'O, ,NGED KYI LTAR NA NI SKAD CIG MA NYID KYI DON SO SO LA THA DAD PAR KHAS BLANGS PA'I SKYON MED DO, ,'ON TE YANG BRJOD PAR 'DOD PA NI DON SO SO LA THA DAD PA KHO NA'O, ,GRUB PA'I MTHA' GNOD PA NI YANG GNOD PA MA YIN PA NYID DE, TSAD MAS GNOD PA NYID GNOD PAR 'DOD PA'I PHYIR RO ZHE NA, DE LTAR NA 'O NA SKYES BU LAS MA YIN NO ZHES BYA BA BRJOD PAR 'DOD PA NGES PA NI RTAG PA LA MI 'THAD DE, DE DAG NI RANG GI BDAG NYID DU GYUR PA'I PHYIR RO, ,DE LTAR YIN DANG DPER NA MTHONG BA BZHIN DU DES KYANG DON 'GA' ZHIG YONGS SU BZUNG BA'AM DOR BA MED PA'I PHYIR NYE BAR MA BKOD PA ZAD DO, ,'ON TE KHO BO CAG SKYES BU'I RANG BZHIN DU MI 'DOD DE,

YON TAN GZHAN YIN PA'I PHYIR RO SNYAM NA, DE LTA YANG DE DE'I 'BRAS BU'AM 'BRAS BU MA YIN, 'BRAS BU YIN NA DE LTA NA 'DI YIN GYI GZHAN MA YIN NO ZHES BYA BA BRJOD 'DOD PA NGES PA ZHES BYA BA NI RTAG PA LA 'THAD PA MA YIN NO, ,DE LTAR BYAS PAS BRJOD 'DOD MTHA' DAG GIS SBYAR BA'I SNGON PO SGRA'I DON THAMS CAD KYI RJOD BYED DU 'GYUR RO, ,'BRAS BU MA YIN PA NYID YIN NA NI DE RTAG PA YIN LA, DE LTA NA DBANG PHYUG RTAG PA NYID KYI BRJOD 'DOD YIN GYI GZHAN GYI NI MA YIN NO ZHES BYA BA'I BRJOD 'DOD NGES PA ZHES BYA BA NI RTAG PA LA 'THAD PA MA YIN NO, ,GNYI GA RTAG PAS NA PHAN GDAGS BYA DANG 'DOGS BYED KYI DNGOS PO NYID MED PA'I PHYIR RO ZHES BYA BA'I THA TSIG GO, ,SUN 'BYIN PA GZHAN YANG BRJOD PA NI, BRJOD 'DOD DE DAG CES BYA BA LA SOGS PA'O, ,GAL TE YON TAN YIN PA'I PHYIR BRJOD PAR 'DOD PA THA DAD PA YIN GYI, SKYES BU'I RANG BZHIN MA YIN ZHING DE BZHIN MTHONG BA YANG THA DAD PA YIN NA, DE'I BRJOD PAR 'DOD PA PO DANG LTA BA PO LHAN CIG GCIG TU JI LTAR 'GYUR, GCIG NYID YIN NA NI DON GCIG PA'I RANG BZHIN YIN PA'I PHYIR MTHONG BA NYID LA LTA BA PO YIN LA 'DOD PA'I RANG BZHIN YIN PA'I PHYIR BRJOD 'DOD NYID BRJOD PAR 'DOD PA YIN PAR 'GYUR GYI, DE DAG GI RANG BZHIN LA DBANG PHYUG GIS NI REG PA MED DE MTSAN NYID MI MTHUN PA'I PHYIR RO, ,DE DAG KYANG DBANG PHYUG GIS RANG BZHIN MA YIN PAS NA DE'I SGO NAS DBANG PHYUG LTA BA PO DANG BRJOD PAR 'DOD PA POR YANG MI 'GYUR RO, ,DES NA LTA BA PO NYID BRJOD PAR 'DOD PA PO MA YIN PA'I PHYIR, KHYED KYI DE CI LTAR TSAD MA YIN, MTHONG NAS BRJOD PAR 'DOD PAS STON PA'AM, MTHONG BA'I RANG BZHIN TSAD MAR 'GYUR GRANG NA, DE GNYI GA YANG MED PA KHO NA'O, ,GZHAN GYI DOGS PA NI GAL TE ZHES BYA BA'I DON 'DI YIN TE, GAL TE BRJOD PAR 'DOD PA'I DON 'DZIN PA MTHONG BA YANG BLTA BAR BYA BA'I DON 'DZIN NA DE'I TSE NYES PA 'DIR 'GYUR BA ZHIG NA, GANG GI TSE DBANG PHYUG NYID BRJOD PAR 'DOD PA DANG, BLTA BAR BYA BA'I DON 'DZIN PAR BYED PA YIN PA DE'I MTHONG NAS BRJOD PAR 'DOD PAS STON PA TSAD MA MA YIN PAR JI LTAR 'GYUR ZHES BYA BA'O, ,LAN

, ,DU BRJOD PAR 'DO DANG ZHES BYA BA'O, ,BRJOD PAR 'DOD PA DANG GZHAN MA THONG BAR GYUR PA STE, DE DAG GI NGO BOR NI BRJOD PAR 'DOD DANG GZHAN PA NYID DO, ,GSAL BA DANG MI GSAL BAS NA 'GAL BA'I BDAG NYID DE CI LTAR DBANG PHYUG GCIG GIS 'DZIN PA YIN, ,GZUNG PAR BYA BA THA DAD PA'I PHYIR 'DZIN PAR BYED PA YANG THA DAD PA KHO NAR RIGS SO ZHES BYA BA'I DON TO, ,GAL TE YANG 'DIR GZUNG BA THA DAD KYANG 'DZIN PA THA DAD PAR KHAS MI LEN NA 'ON NI MNGON SKUM DANG RJES SU DPAG PAR YANG THA DAD PAR MI 'GYUR THO ZHES THAL BAR STON PA NI DE LTA NA YIN NA ZHES BYA BA'O, , GNYEN MI MTSUNGS PA NYID DU 'GYUR TE, GANG ZHIG GZHAN DE BZHIN PA NYID CES BYA BA'I TSUL GYIS GZHAN GRANGS CAN GYI PHYOGS LA BRTEN NAS DOGS PAR BYED PA NI, GAL TE DE YANG ZHES BYA'O, ,YANG DAG TU ZHES BYA BA NI RANG BZHIN GYI NGO BOS SO, ,YANG DAG TU ZHES BYA BAS NI MNGON SUM DANG RJES SU DPAG PA'O, ,GAL TE DU BA LA SOGS PA MTHONG BA'I DE MA THAG TU ME RJES SU 'GYUR BA NI MNGON SUM DANG RJES SU DPAG PA DAG RIM GYIS YIN LA, RJES SU PA PA'I DUS SU YANG DU BA LA SOGS PA MTHONG PA'I PHYIR LHAN GCIG TU 'BYUNG BA MA YIN NAM, DES NA CI LTAR 'BYUNG PA DANG 'BYUNG PA DAG GCIG NYID YIN SNYAM NA, DE GA LAS ZHES SMRAS SO, ,'DI LA LAN RANG BZHIN GCIG NYID CES BYA BA STE, CIG CAR YANG NYE BAR MTSON PAR BYA BA'O, ,TSA DAM YIS NI RTOGS PA MIN, ,ZHES BYA BA NI GCIG NYID SGRUB PAR BYED PA'I MNGON SUM DANG RJES SU DPAG PA MED PA STE JI SKAD BSHAD PA'I RANG BZHIN MA GRUB PA'I PHYIR DANG, CHOS RJES SU 'GRO BA YANG BKAG PA'I PHYIR RO, ,YANG NA TSAD MAS GNOD PA NYID DE ZHES BYA BA'I DON TE, SO SOR NGES PA'I GZUNG BA'I RANG BZHIN NGES PAR RTOGS PA'I PHYIR DANG, RNAM PAR RTOG PA DANG GZHAN PA NYID KYIS 'GAL BA'I PHYIR RO, ,DE LTAR NA BZUNG BA THA DAD PA'I PHYIR NA MNGON SUM DANG RJES SU DPAG PA GNYIS DAG BZHIN DU THA DAD PA'I PHYIR DBANG PHYUG BRJOD PAR 'DOD PA DANG CIG SHOS DAG GI 'DZIN BYED MA YIN TE, DES NA SNGAR GYI NYES PA LAS MI GROL LO, ,DES NA SHES PA'AM BRJOD PAR 'DOD PA THA DAD PAS NI DBANG PHYUG THAMS

CAD MKHYEN PA NYID DAM NYE BAR STON PA NYID DU 'THAD PA MA YIN NO SNYAM DU BSTAN NAS, 'DI RTAG PA NYID LA TSAD MA YANG MED DO ZHES STON PA NI, RTOGS PA DE'AM GZHAN GYIS NI ZHES BYA BA'O, ,RTOGS PAR BYED PA DE'AM GZHAN GYI DUS THA DAD PAR NYE BAR MTSON PA'I DNGOS PO GANG ZHIG CIG GIS BYA BAR RTOGS PA DE GCIG KHO NA'O ZHES BYA BAR BDEN NAM CI MI BDEN PA NYID STON PA NYID KYIS SGRUB BYED NGO SHES PA SUN PHYUNG BA'I PHYIR RO, ,BDEN PA MIN NO ZHEN NI DE'I TSE RTAG PA NYID DO ZHES BYA BA'I TSIG DON MED DO, ,DE'AM GZHAN GYIS ZHES BYA BA NI PHAL MO CHES RTOGS PA YIN PA ZHES BYA BA'I THA TSIG GO, ,'ON TE ZHES BYA BA NI GZHAN GYI DOGS PA STE, DE GZHAN GYIS MA ZHES MOD, RTOGS PA PO DE RAB NYID KYIS NI BDAG ,DE RNAM KUN ZHES BYA BA RTAG PA DANG THAMS CAD SHES PA NYID LA SOGS PA'I RANG BZHIN DU SHES PAR BYED DE YANG DAG PAR NGES PAR BYED DO ZHI NA, SUN 'BYIN PA NI, DE NI DE LTA ZHES BYA STE, 'DI LA TSAD MA CI YANG MED DO ZHES BYA BA'I DON TO, ,GZHAN YANG DE KHO NA'AM KUN BRJOD PAR THAMS CAD RIG PAR YIN NO ZHES STON PA NI, RANG RIG NYID LAS GZHAN PA NI ZHES BYA BA'O, ,RANG RIG PA TZAM LA RTAG PA'AM THAMS CAD RIG PA NYID GAL YOD DE, SNGA MA DANG PHYI MA YANG GZHAN RIG PA MED PA'I PHYIR RO, ,DES NA DON DAM PA MA YIN NO, ,KUN RDZOB PA YANG MA YIN TE, RTAG PA NYID DANG THAMS CAD RIG PA NYID NI DA MA PA'I LTOS NAS NOD PA'I PHYIR RO, ,DES NI ZHUGS PA ZIN BA'I RNAM 'GREL GYI CHA NYID BSHAD PA'I PHYIR SKABS RTZOM PA NI CI STE YANG ZHES BYA BA'O, ,SHES BYA MI RTAG PA NYID CES BYA BA NI RIM GYIS SKYE BA'I GTAN TSIGS SO, ,SHES PAR BYED PA PO GANG YIN PA ZHES BYA BA NI SKABS KYI DBANG PHYUG GO, ,BSHAD PA ZHES BYA BA NI GRUB BA'I MTHA'O, ,RTOGS PA SKYE PA DANG CI STE 'BREL SNYAM NA, NAM MKHA' DANG ZHES SMOS SO, ,YUL 'BA' ZHIG NI SKYED BYED MA YIN GYI 'ON KYANG DBANG PHYUG KYANG YIN NO, ,RTAG PA DANG KHYAB PA YIN NA DE YANG SKYED BYED MA YIN TE, LDOG PA MED PA SPYOD PA'I SKABS SU BSTAN ZIN PA BZHIN NO, ,RNAM PA GZHAN GYI SGO NAS KYANG RTAG KHA SGYU MA YIN PAR BSTAN PA'I DON DU GAL TE RANG BZHIN DE NYID KYI ZHES SMOS SO, ,

, ,CI STE RTAG PA GZHAN LA MI LTOS MOD, LHAN CIG BYED PA'I RIM PAS 'BRAS BU RIM PA CAN DU 'GYUR BA LA NI NYES BA MED DO SNYAM NA, GAL TE LHAN CIG BYED PA DAG NYID CES GSUNGS SO, ,DE DANG CIG SHOS KYI GNAS SKABS CES BYA BA NI LHAN CIG BYED PA NYE BA DANG MI NYE BA'I GNAS SKABS SO, ,RANG NGAM GZHAN GYIS ZHES BYA BA LA NI RTOGS PA PO 'AM GZU BOS ZHES BYA BA'I DON TO, ,TSIG TZAM ZHES BYA BA NI DBANG PHYUG DU SMRA BA DON DU GNYER BA TZAM GYIS SBYAR BA'I PHYIR RO, ,GAL TE RTAG PA LA PHAN GDAGS SU MED KYANG, DES LHAN CIG BYED PA LA CI STE MA LTOS SNYAM NA, DE LA ZHES SMOS TE RTAG PA LA'O, ,DES ZHES BYA BA NI RTAG PAS SO, ,DE LTA NA ZHES BYA BA NI GZHAN GYI'O, ,BCOM LDAN 'DAS GRUB PA LA SGRUB PAR MA GYUR CIG SNYAM PAS, SBYIN PA LA SOGS PAS ZHES SMRAS SO, ,'ON CI LTAR ZHE NA, CHAGS PA DANG BRAL BA DANG ZHES SMRAS SO, ,DE NAS YANG ZHES BYA BA NI SNGAR 'KHOR BA NYID YIN PA LAS PHYIS TSAD MA'I RANG BZHIN NYID DU SKYE BAR 'GYUR BA NI MA YIN NO ZHES BYA BA'I DON TO, ,PHAN GDAGS PAS NI RANG BZHIN 'GYUR BA MTSON PAR BYED PA PO ZHES STON PA NI GNOD PAR BYED PA ZHES SMROS SO, ,DE NI ZHES BYA BA NI PHAN GDAGS PA'AM GNOD PAR BYAS PA'I RTOGS PA LA SOGS PA'I SGRAS NI GOMS PA LA SOGS PA GZUNG NGO, ,DE STON PA NI 'DOD CHAGS LA SOGS PA'I GNYEN PO STON PA'O, ,SEMS CAN LA BYAMS PA NI BYAMS PA'O, ,DE LA NI 'DI 'DRA BA'I BYA BA YOD PA MA YIN NO ZHES BYA BA 'DOD CHAGS LA SOGS PAS GDUNGS PAS NYAMS SU MA MYONG BA NI DE'I RGYU MTSAN TSOL BAM YIN LA, DE MED PAS NA GNYEN PO GOMS PA MED CING DE MED PA'I PHYIR NI RAB TU ZHIB RIG PA MED DO, ,DES GZHAN LA CI ZHIG NYE PAR STON ZHES BYA BA'I THA TSIG GO, ,'DIS 'KHOR BA SPRO BAR BYED PAS NA 'KHOR BA'I SMROS PA STE CHAGS PA DANG SDANG PA DANG BDE PA DANG SDUG BSNGAL LA SOGS PA'O, ,DE'I RANG GI MTSAN NYID DE RTOGS PA DE MNGON SUM DU BYED BA'O, ,DES NA THAMS CAD YONGS SU SHES PA MA YIN NO, ,'ON TE RANG GI NGO BOS SDUG BSNGAL BA LA SOGS PA MNGON SUM DU BYED PA YIN NA DE'I TSE 'DI 'KHOR BA NYID DO, ,'KHOR BA NYID DO, ,'KHOR BA'I RANG BZHIN DE TZAM DU ZAD PA'I

PHYIR RO, ,DE NYID KYI PHYIR NYAMS SU MYONG NA NI 'KHOR PA NYID DU ZHES GSUNGS SO, ,DGONGS PA NI 'DI YIN TE, CI LTAB BYED SDUG BSNGAL LA SOGS PA DMIGS PA'I DNGOS POR RTOGS PA GZHAN 'KHOR PAR 'DOD PA DE BZHIN DU DBANG PHYUG KYANG 'GYUR TE, DMIGS PA'I RANG BZHIN DU KHYAD PAR MED PA'I PHYIR DANG, 'DU BA YANG MTSUNGS PA'I PHYIR RO, ,BDAG GI RNAL 'BYOR PA NI GZHAN GYI SDUG BSNGAL LA SOGS PA DMIGS PA'I DNGOS PO NYID DU RTOGS LA GZHAN NI RANG GI SHES PA'I BDAG NYID DU RTOGS PAS NYES PA MED DO ZHES BYA BA'O, ,GZHAN 'DOD CHAGS LA SOGS PA'I RANG BZHIN YIN YANG TSAD MAR MI 'GAL LO ZHES STON PA NI, 'ON TE ZHES BYA BA'O, ,'DOD CHAGS LA SOGS PA DANG LDAN PA LA NI 'DI MI SRID DO SNYAM NA, 'DOD CHAGS LA SOGS PA DANG LDAN PA NYID CES SMRAS SO, ,MI NYAMS PA ZHES BYA BA NI RGYUN DU GNAS PA'I PHYIR RO, ,GANG LA DBANG PHYUG DANG 'DOD CHAGS MI 'GAL BA DE NYID TSAD MA YIN NO ZHES BYA BA'I DON TO, ,GRUB PA'I MTHA' NI RTOGS PAR SLA'O, ,TSUL 'DI DE GCIG PU'I YIN GYI GZHAN NI MA YIN NO ZHES BYA BA NI DAD PAS THUN PA YIN NO, ,'ON TE 'DI NI ZHES BYA BA NI GZHAN GYI'O, ,DES NA ZHES BYA BA NI DBANG PHYUG MI SRID PAS SO, ,GAL TE DE LTAR ZHES BYA BA LA SOGS PA NI GRUB PA'I MTHA'O, ,DON NI 'DI YIN TE, GAL TE DBANG PHYUG LA SOGS PA'I CHED DU GNYEN PO STON NA DE'I TSE GNYEN PO GO MAS PA NYID KYIS 'DOD CHAGS DANG BRAL BA LA SOGS PAR BYED PA DO'I PHYIR GNYEN PO GOMS PA MED PA'I PHYIR NGES PAR CHAGS PA LA SOGS PAR MI 'GYUR RO ZHES GRUB PO, ,DES NA DE'I DBANG PHYUG LA SOGS PA GLO BUR DER CI LTAR 'GYUR, ,'DI NYID 'CHAD PA NI 'DOD CHAGS DANG BRAL BA LA SOGS PA ZHES BYA STE, BYED PA PO'I TSIG GO, ,DE LTAR DBANG PHYUG GI DBANG PHYUG LA SOGS PA MI 'THAD DO ZHES BSGRUBS NAS, GZHAN DU MED PA'I NUS PA DANG LDAN PA NYID RNAM PAR BRTAG PAR BYAS NAS SEL BAR 'DOD PAS, GZHAN YANG ZHES GSUNGS SO, ,TSIGS SU BCAD PA GCIG GI MTHAR BYA ROG GI DRI BAS CI ZHES RTOGS PAR BYA BA'I PHYIR RNAM PAR RTOG PA GCIG GO, ,GANG GI ZHES BYA BA NI NUS

, ,PA DANG LDAN PAS SO, ,DON DU GNYER BA LA MCHOG SBYIN LA ZHES BYA BA NI BRJOD PAR 'DOD PAS BYED PA PO YIN TE, BDAG GIS BRAM ZE LA BYIN TE, DES NI CI BZHIN RTOGS ZHES BYA BA BZHIN NO, ,'ON TE MCHOG SBYIN PA'I NUS PA NI, DE LA NUS PA DE MED NA ZHES BYA BA NI RNAM PAR RTOG PA GNYIS PA'O, ,RE ZHIG 'DI NYID LA SUN 'BYIN PA GZHAN YANG CI LTAR YOD CES BYA BA'O, ,GAL TE RGYU MED PA'I PHYIR DBANG PHYUG LA, DBANG PHYUG BU SBYIN PA'I NUS PA MED PA DE'I TSE DE LA MTHO RIS THOB PAR BYED BA LA SOGS PA GZHAN YANG JI LTAR BRJOD DE, RGYU MED PA'I PHYIR RO, ,DBANG PHYUG GI NUS PA'I RGYU NI 'GAL BA YOD PA MA YIN NO, ,DES NA GNYI GA'I NUS PA YANG MED DO ZHES BYA BA'I DON TO, ,PHYOGS DANG PO LA BRJOD BA NI DE 'DRA BA'I DBANG PHYUG BYIN PAS RJES SU 'DZIN PA'I NUS PHA NI DBANG PHYUG DE LA YOD PA NI GSAL BAR TSAD MA CAN MA YIN PAR 'GYUR TE, SER SNA LA SOGS PAS ZIN PAS PHYIN CI LOG GI NYES PAR STON PA YANG SRID PA'I PHYIR RO, ,DE BZHIN DU 'GA' ZHIG LA 'GOR 'GOR NAS DBANG PHYUG BYON NAM DE LTA MA YIN PAS KYANG RUNG STE NYES PA'I DBANG DU GYUR PA STON TE, NUS PA YOD NA MA NYES PAR BYAS PA LA SOGS PA LA MI LTOS PA'I PHYIR RO, ,BCOM LDAN 'DAS NYID KYIS THUGS SU CHUD PA'I LAM NYE BAR STON PA'I SGO NAS, RTOGS PA PO RNAMS KYI RJES SU SGRUB PA MED PA DANG, 'PHYOS PA DAG GIS MNGON PAR 'DOD PA SGRUB PA MED PA DANG 'PHYOS PA MI 'GAL TE, DES BCOM LDAN 'DAS KHO NA TSAD MA YIN NO, ,DON 'DI YANG YIN TE ZHES BYA BA NI MCHOD SBYIN PA NYID DO, ,BSHAD PA, 'DI LA, RNAM 'GAS PHAN 'DOGS MED PHYIR RO, ,ZHES BYA BA NI SNGA MA DANG 'BREL PAR BYA'O, ,MI RTAG NA YANG ZHES BYA BA NI RTAG PA LA YANG STE, TSAD MA MED PAR BRJOD PA NI THUN MONG YIN PA'I PHYIR RO, ,DE LTAR SPROS NAS 'JUG PA LA SOGS PA, GZHAN GYI TSAD MA BKOD NA SUN 'BYIN PAR 'DOD PA, RJES SU 'DZIN PA'I NUS PA NI, ,DE LA TSAD MA MED PAR 'GYUR, ,ZHES BYA BA 'DI LA BRJOD PAR BYA BA'I LHAG MA SUN DBYUNG BA'I PHYIR, 'ON TE MNYES PAR ZHES PHYOGS SNGA MA BSLANG BA'O, ,MNYES PA'I RIM GYIS CHOS STON PA DES 'DOD CHAGS LA SOGS PA NYE BAR ZHI BA'I RNAM PA DE'I RJES SU 'BYIN PAR BYED PA STE,

DES NA TSAD MA YIN NO, ,DBANG PHYUG MNYES PAR BYAS PA LAS 'DOD PA MTHA' DAG GRUB PO ZHES BYA BA NI DBANG PHYUG NYID KYIS NYE BAR BSTAN PA YIN NO, ,GRUB PA'I MTHAR NI DON 'DI YIN TE, GAL TE 'JIG RTEN GYI NYE BAR BZUNG BA JI SNYED PA DE THAMS CAD DES BSHAD PA NAN TAN DU BYAS PA LAS GYUR PAR DES NA DE'I TSE 'DI RIGS PA ZHIG NA, 'DI LA NI TSAD MA 'GA' YANG MED DO, ,DES NA RTOGS PAR BYED PA NA, DES BSHAD PA, RJES SU SGRUB PA YIS ZHES BYA BA'O, ,DES BSHAD PA'I LUNG NI BLANG BA'I RANG BZHIN NYID KYIS KHYAD PAR CAN DU 'DOD DO, ,LUNG TZAM GYI SGRAS NI TSAD MA LHAN CIG MED PAR BYA BA MED PAR STON PA'O, ,LAN DU DE LTAR PHAN TSUN ZHES BYA BA'O, ,DE NYID BSHAD PA NI DES BSHAD PA NYID KYI PHYIR LUNG STE LUNG GI KHYAD PAR YIN LA KHYAD PAR CAN GYI LUNG LAS KYANG DE BSHAD PA NYID DO, ,GAL TE 'DI NI DBANG PHYUG GIS BSHAD PA YIN NO ZHES KHYAD PAR LA LTOS PA MA YIN TE, GRAGS PA NYID LAS GRUB PA'I PHYIR KHYAB MJUG LA SOGS BA'I LUNG BZHIN NO, ,DES PHAN TSUN BRTEN PAR JI LTAR 'GYUR ZHE NA, BRJOD PA GAL TE KHYAB 'JUG LA SOGS PA LTAR, DBANG PHYUG GI MING TZAM GYIS LHA TZAM GYI LUNG BYED PA SRID PA YIN NA, DE'I TSE LUNG KHYAD PAR DE 'DRA PA CI LTAR 'GYUR, DES NA JI SKAD BRJOD PA'I THAMS CAD PA NYID LA SOGS PA'I YON TAN DANG LDAN PA NYID LUNG BYED PA PO YIN PAR BRJOD DGOS PAS BYED PA PO DE YANG KHYAD PAR CAN GYI LUNG NYID LAM YIN NO ZHES BYA BA MI SPONG NGO, ,GANG GIS THAMS CAD LA LTA BA'I THAMS CAD MTHONG BA DANG, GANG GIS MNGON PAR 'DOD PA SGRUB PA'I RJES SU 'DZIN PAR BYED PA DE'I RANG BZHIN GANG LA YOD PA DE LA DE SKAD CES BYA'O, ,PHYED SNGA MA BSHAD NAS PHYED PHYI MA RNAM PAR 'GREL PA NI, GAL TE 'DIR ZHES BYA BA'O, ,'DI LTAR ZHES BYA BA NI PHYOGS SNGA MA NYID GZHUNG 'DZUGS PA'O, ,MNGON SUM DU MA GRUB PA'I DBANG PHYUG LA NI LAN 'DI BRJOD PAR MI BYA'O ZHES 'BREL TO, ,CI'I PHYIR DE LTAR YIN ZHEN, 'DI LTAR ZHES BYA BA'O, BRGAL ZING BRTAG PA'I RNAM PA BRJOD PA NI, 'DI CI LTAR ZHES BYA BA'O GAL TE 'BYUNG BA NYID KYIS ZHES BYA BA NAS, MTSUNGS PA ZHES BYA BA'I BAR NI GZHAN GYI'O, ,GAL TE 'BYUNG BA NYID KYIS ME

, ,BSREG BYA SREG NA, DE'I TSE NAM MKHAS KYANG SREG PAR 'GYUR RO, ,'ON TE RANG BZHIN SO SOR NGES PA'I PHYIR ME KHO NAS SREG GI, NAM MKHAS MA YIN NA DE'I TSE YON TAN THAMS CAD GA LA YOD PA'I RGYU DE DANG BRAL YANG DBANG PHYUG YON TAN DANG LDAN BAS NA DE 'DRA BA'I NUS PA DANG LDAN PA YIN NO ZHES BYA BA'O, ,MI MTSUNGS TE ZHES BYA BA NI LAN NO, ,GZHAN NI ZHES BYA BA NI DBANG PHYUG GO, ,GTAN TSIGS DES NA RANG BZHIN KHO NAS DBANG PHYUG NI NUS PA MTSUNGS PA MED PA DANG LDAN NO ZHES BYA BA 'DI LAN MA YIN NO, ,DE LTA MA YIN NA ZHES BYA BA NI GAL TE LAN 'DI YIN NA'O; ,DE'I TSE BDAG NYID MNGON 'DOD CES BYA BA LA SOGS PA GO SLA'O, ,DNGOS PO RANG BZHIN NYID BRJOD DO ZHES BYA BA'I RNAM PA DE LTAS GZHAN GYIS BRJOD PA'I RNAM PA BSAL BAS THAMS CAD RGYAL BA THOB PAR 'GYUR RO ZHES BYA BA'I DON TO, ,'GA' ZHIG TU LAN BRJOD PAS ZHES 'DOD PA DER YANG DE LTAR ZHES BYA BA RNAM PA 'DIS GAL TE RTZOD PA'I RNAM PA DE 'DRA BA'I LAN THEBS NA DE'I THAMS CAD RGYAL BAR 'GYUR RO ZHES BYA BA'I DON TO, ,DE'I PHYIR ZHES BYA BA NI MJUG SDUD PA'O, ,DE LTAR SNGA MA'I BRJOD BYA LHAG MA'I LAN BTAB NAS, BRTZAM PA'I DON GYI GZHI 'DINGS PA NI, GAL TE TSAD MA YOD PA YIN TE ZHES BYA BA LA SOGS PA'O, ,DE 'DI NI DE LTAR SBYAR BA YIN NO, ,RTOGS PA NI DE LTAR YIN TE LEGS PAR BRJOD DO ZHES BYA BA 'DI DE MA THAG TU DON 'DI YANG YIN TE ZHES BYA BA NAS, TSAD MA YOD PA MA YIN NO ZHES BYA BA'I THA TSIG GO ZHES BYA BA'I BAR GYI GZHUNG GI DUM BU YIN LA, CHAD GZHUG NYES KYIS 'KHRUL PA SKYED PA PHYIS 'DRI MKHAN GYIS GZHAN DU DRIS PA YIN TE, MI MTHUN PA'I PHYIR RO, ,BSHAD PAR NI GZHAN DAG GIS MA DPYAD PA SA DE KHO NA LTAR DAR BA YIN NO, ,SDOD 'JUG CES BYA BA LA SOGS PA NI BSDAD CING 'JUG PA ZHES BZLOG PA GTZOR BSTAN PA'O, ,DBYIBS KYI KHYAD PAR ZHES BYA BA NI RDUL PHRA RAB LA YANG DBYIBS ZLUM PO SRID PAS, RTZOD PA BYED PA NI CHA SHAS LDAN PA BZUNG BA'I DON DU KHYAD PAR ZHES SMOS SO, ,DON BYED CES BYA BA NI, DON BYA BA MED PA'O, ,SOGS PA'I SGRAS NI SEMS PA'I NYE BAR LEN PA CAN MA YIN PA 'DI DANG, 'BRAS BU NYID DANG SKYE BA

DANG LDAN PA LA SOGS PA BZUNG NGO, ,DE LA SDOD NAS 'JUG PA DANG DON BYED PA NI CHOS NYID 'BRAS BU'I GTAN TSIGS YIN LA, LHAG MA NI CHOS CAN NYID DO, ,DBYIBS NI GNYI GA YANG 'BRAS BU YIN TE, DBYIBS NI CHOS CAN YIN LA, DE DANG LDAN PA NI CHOS CAN YIN NO, ,NYE BAR 'GOD PA YANG CHOS KYI SGO NAS SAM, CHOS CAN GYI SGO NAS KYANG BYA STE, THAMS CAD TSAD MA'I DBANG DU BYAS PA'I PHYIR RO, ,GAL TE 'DI DAG 'BRAS BU'I BDAG NYID YIN MOD, DE DE LTA NA YANG DBANG PHYUG CI LTAR 'GRUB SNYAM NAS 'BRAS BU LAS ZHES SMOS SO, ,DE LTA MIN NA ZHES BYA BA NI GAL TE 'BRAS BU LAS RGYU MI 'GRUB NA DE'I TSE MIG LA SOGS PA RGYU GZHAN LAS RJES SU DPOG PAR MI 'GYUR NA, 'GYUR BA YANG YIN NO, ,DES NA 'BRAS BU LAS RGYU MI 'GRUB PA MA YIN NO, ,'BRAS BU GTAN TSEGS DE DAG NYID STON PA NI, 'DI LTAR ZHES BYA BA LA SOGS PA'O, ,MDONG BSDUS PA YIN PA'I PHYIR YAN LAG GNYIS KYANG NYE BAR MTSON PA TZAM YIN NO, ,DES NA PHYOGS KYI CHOS NI DPAG PAR BYA BA NYID DU BYAS SO, ,CHOS MI MTHUN PA'I DPE NI RDUL PHRA RAB PA LTA'O, ,DE LTAR 'BRAS BU'I GTAN TSIGS THAMS CAD RJES SU 'GRO BA DANG LDOG PA DANG LDAN PAR 'DOD PA YIN NO, ,BLO DANG LDAN PA'I RGYUS BYIN GYIS BRLABS PA YIN TE ZHES BYA BA LA SOGS PA NI BSGRUB BYA 'PHANGS PA STE, RIGS PA CAN GNA' MA'I YUGS KYI RJES SU 'BRANGS NAS RNAM 'GREL 'JUG PA STON PA'O, ,'AM GYI SGRAS NI DBANG PHYUG BYED PA PO NYID DPYAD PAR 'OS PA DANG, DBYIBS KYI KHYAD PAR MA GRUB PAR YANG SDUD PA'O, ,DES NA BSHAD PA YANG DE KHO NA LTAR YIN NO, ,LHAG MA'I DPYAD NI MDUN DU SEMS PAR 'GYUR RO, ,MA GRUB PA'I PHYOGS YIN PA'I PHYIR RO ZHES BYA BA LA SOGS PA 'DIS NI GTAN TSIGS PHYOGS KYI CHOS MA YIN PA ZHES BYA BA NI GRUB PA LA SGRUB PA'I NANG DU 'DUS SO ZHES BRJOD PA YIN NO, ,YANG DON MED PA NYID DE, 'CHAD PAR 'GYUR BA DANG BSGRUB PAR 'GYUR BA'I PHYIR RO, ,MA NGES PA BZHIN DU MA GRUB PA NI NYE BAR SDUD PAR MI 'GYUR RO, ,THAMS CAD DU YANG DON MED PA DANG MI NUS PA'I NYES PA GNYIS KHO NA BRJOD PAR 'GYUR RO, ,DES NA MTHA' DAG PAS DE NYID YIN YANG GZHAN GYI NANG DU BSDU BA BSAMS PA CI BYA STE,

, ,DON MED PA KHO NA DNGOS SU GSAL BA'I PHYIR RO, ,DPER NA GNOD BAR 'GYUR BA'I PHYOGS LA GTAN TSIGS KYI SKYON YOD KYANG MI BRTZI BDE BZHIN DU YANG BSDU BA LA YANG GUS PAR MI BYA'O, ,NUS PA MED PA YANG DBYE BA RNAM PA GSUM YOD PA'I PHYIR DE'I RNAM PA GNYIS KYI NANG DU MA GRUB PA LA SOGS PA GSUM GDON MI ZA BAR BSU DGOS SO, ,DES NA DON MED PA'I NYES PA NI GZHAN KHO NA'O SNYAM DU DGONGS PA'O, ,GZHAN JI LTAR PHYOGS 'GRUB NA GANG GI SGRUB PA LA GRUB PA'I NYES PAR 'GYUR ZHE NA, THAMS CAD LAS KYI MTSAN NYID ZHES GSUNGS SO, ,DE GA LAS ZHE NA, 'DI LTAR ZHES BYA BA LA SOGS PA'O, ,LAS DE YANG YID YIN GYI LUS LA SOGS PA NI MA YIN TE, DES NA DE NI SEMS PA NYID DO, ,DES NA CHOS MNGON PA LAS, LAS LAS 'JIG RTEN SNA TSOGS SKYES BAR BRJOD PA'I PHYIR, SEMS CAN KHO NAR BYED PAR BSTAN TO, ,DE BAS NA BLO DANG LDAN PA'I RGYUS BYIN GYIS BRLABS PAR BSGRUB PA NI GRUB PA LA SGRUB PA KHO NA'O, ,GAL TE LAS LAS ZHES BYA BA LA SOGS PA'I DON NI 'DI YIN TE, LAS LAS SKYES PA NYID NI MI 'DOD PA MA YIN NO, ,GAL TE DE'I SGO NAS 'KHOR BA THAMS CAD RGYU YIN PAR BRJOD NA DE'I 'GAL BA CI YOD, THAMS CAD DBANG PHYUG GIS BYIN GYIS BRLABS PA KHO NA RGYU YIN NO ZHES GRUB PA NA GRUB PA LA SGRUB PA CI 'DRA BA ZHIG CES BYA BA'O, ,DE NYID GZHAN GYI LUGS KYIS KHUNGS 'BYIN PA NI, DE SKAD DU YANG ZHES BYA BA'O, ,DE NI ZHES BYA BA NI 'GRO BA'O, ,DBANG PHYUG GIS BSKUL PA NI PA BCUG BA'O, ,NGES MNGON PAR GSAL BA NI BYIN GYIS BRLABS PA SEMS PA'I MTSAN NYID LAS KYI MING CAN CHOS NYID LAS YIN NO, ,GZHAN GYI LTAR NA CHOS YON TAN GZHAN YIN PAS DE LTA NA YANG, SANGS RGYAS PA LA GRUB PA SEMS PA'I RANG BZHIN KHAS BLANGS NAS KHYAD PAR BSGRUB PAR 'DOD PA YIN NO, ,GAL TE DE LTAR GRUB KYANG GRUB PA LA SGRUB PA NYID DO SNYAM PA DBANG PHYUG GI SEMS PAS ZHES BYA BA'O, ,DE NI MED DE ZHES BYA BA NI GRUB PA'I MTHA'O, ,SEMS PA GZHAN DE NI DBANG PHYUG GI SEMS PA'O, ,SGRUB PAR BYED PA DON MED PAS SMRAS PA NI DBANG PHYUG PA LTOS PA LA GZHAN GYIS BSAM PA MED PA NI ZHES BYA BA LA SOGS

PAS BSTAN NAS, DE LA ZHES BYA BA LA SOGS PAS DON MED PA NYID GZHUNG 'DZUGS PAR BYED DO, ,DON 'DI YIN TE, GAL TE 'BRAS BU LA RGYU 'JUG PA'I PHYIR CHOS DANG CHOS MA YIN PA RGYUR 'DOD CING DE DAG KYANG SEMS PA'I RANG BZHIN YIN LA NGES PAR RTOGS PA'I SGRA'I DON YANG DE NYID YIN NA DE'I TSE; NGES PAR RTOGS PAR GZHAN GYI BYA BA CI YOD CES BYA BA YIN NO, ,GAL TE SEMS PA TZAM NGES PAR RTOGS PA'I DON YIN NA, 'KHOR BA YANG NGES PAR RTOGS PA CAN DU THAL LO, ,'DI NI DE'I ZHES BYA BA'I SEMS PA TZAM GYI MTHAR THUG PA YIN GYI DBANG PHYUG GI JI LTA BA BZHIN MA YIN NO, ,DBANG PHYUG GI 'DI LA NI 'DI BSGRUB PAR BYA BA YIN NO, ,'DI NI 'DI'I NYE BAR LEN PA LA SOGS PA'O, ,'DIS NI 'DI BSGRUB PAR BYA'O ZHES BYA BA'I RNAM PAR NGES PA RTOG PAR BYED BA YIN NO, ,DES NA SEMS PA DANG LDAN PAR GNAS PAR MTSUNGS KYANG, YON TAN KHYAD PAR CAN DANG LDAN PA'I DBANG PHYUG SGRUB PAR BRTZON PA YIN PA'I PHYIR RO, ,SGRUB PAR BYED PA DON MED PAR JI LTAR 'GYUR, SGRUB PAR BYED PA'I STOBS KYIS GRUB PA YOD KYANG DON MED PAR RTZOD PA'I SKABS NI YOD PA MA YIN NO SNYAM DU DOGS PA NA, DPE MA GRUB CES BRJOD PA NYID GSAL BAR BYED PA NI DE LTA NA YANG DPE MA GRUB BO ZHES BYA BA'O, , DE LTA NA YANG ZHES BYA BA NI BLO DANG LDAN BCOM DOR NAS, DBANG PHYUG KHAS LEN PA YIN NO ZHES BYA BA'I DON TO, ,DPE MA GRUB PA NYID STON PA NI BUM PA LA SOGS PA'I SEMS PA DANG LDAN PAS ZHES BYA BA NAS THUB PA MED PAR 'GYUR RO ZHES BYA BA'I BAR RO, ,'DIS NI MTHUN PA'I PHYOGS MED PA'I PHYIR DE LA GTAN TSIGS MED PA'I PHYIR 'GAL BA YIN NO ZHES BSTAN TO, ,YANG NA LDOG PA KHYAB PAR MA BSTAN PA'I MTHUN PA'I PHYOGS DANG MI MTHUN PA'I PHYOGS LA MA MTHONG BA TZAM LA LTOS NAS LDOG PA'I PHYIR THUN MONG MA YIN PA'I MA NGES PA YIN NO, ,DES NA SGRUB PAR BYED PA'I STOBS LAS RTEN PA GSAL BA YIN NO; ,'ON TE ZHES BYA BA NI GZHAN MTHUN PHYOGS SGRUB PA'O, ,BCUG NAS ZHES BYA BA NI DBANG PHYUG GIS SO, ,CI'I PHYIR ZHE NA THAMS CAD SHES PA'I PHYIR NA'O, ,DBANG PHYUG GI THAMS CAD SHES PA YIN ZHES BYA BA'I DON TO, ,TSIGS SU BCAD PA'I DON NYID 'CHAD PA NI 'DI LTAR ZHES BYA BA LA SOGS PA'O,,

, ,NGES PAR RTOGS MI NUS PA NI YUL THAMS CAD DO, ,GAL TE YANG RDZA MKHAN RANG GI BYA BA'I NYE BAR LEN PA SOGS PA, DON CUNG ZAD SHES PA YIN PA DE LTA NA YANG MA LUS PAR SHES PA NI MA YIN NO, ,'DIS YANG DAG PAR SBYIN PA RANG GI MTSAN NYID KYI SHES PA NI MA YIN NO; ,PHAN 'DOGS BYED MA LUS PAR SHES PA YANG MA YIN TE, CHOS LA SOGS PA MA RTOGS PA'I PHYIR RO, ,DBANG PHYUG GIS NI THAMS CAD SHES PA'I PHYIR BUM PA LA SOGS PA LA RDZA MKHAN SKUL BAR BYED PA PO ZHES RNAM PAR 'JOG PA YIN NO ZHES BYA BA'O, ,DE YANG MA YIN TE ZHES BYA BA'O, ,BYED PA PO SGRUB PAS ZHES BYA BA NI THAMS CAD GRUB PA POR THAMS CAD SHES PA NYID 'GRUB PAR 'GYUR PA THABS GZHAN MED PA'I THAMS CAD BYED PA PO NYID KYANG THAMS CAD SHES PA DE NYID LAS YIN NO ZHES RNAM PAR GNAS PA NA THAMS CAD BYED PA PO NYID DANG, KUN SHES PA NYID GNYIS PHAN TSUN RTEN PA CHEN POR 'GYUR RO; ,DES NA GCIG KYANG 'GRUB PAR MI 'GYUR RO SNYAM DU DGONGS PA'O, ,GAL TE DBANG PHYUG DAM PA ZHES BYA BA'O, ,GZHAN DU NI MA YIN NO ZHES BYA BA NI THAMS CAD BYED PA PO MA YIN PAR 'GYUR RO, ,SKUL BAR BYED PA ZHES BYA BA NI RDZA MKHAN LA SOGS PA BSKUL BA'I SGO NAS BUM PA LA SOGS PA BYED PA'O, ,DE LTA MA YIN NA ZHES BYA BA THAMS CAD SHES PA NYID DANG BRAL BA NA'O, ,DE'I PHYIR PHAN TSUN RTEN PA'I NYES PA GCIG KYANG MI 'GRUB PA'I PHYIR DPE BSGRUB BYAS STONG NGO, ,'DI'I THAMS CAD MKHYEN PA NYID NI SRID PA TZAM GYI YUL YANG MA YIN NO ZHES BSTAN PA'I PHYIR, GZHAN YANG ZHES GSUNGS SO, ,CI'I PHYIR 'JUG PAR NI MI BYED CE NA, SPYOD PA DANG LDAN PA NI ZHES GSUNGS TE, DAM PA MA YIN PA'I SPYOD PA LA NI 'JUG PAR MI BYED DO ZHES BYA BA'I DON TO, ,DE NI ZHES BYA BA NI DBANG PHYUG GO, ,LOG PAR 'JUG PA ZHES BYA BA NI CHOS MA YIN PA BYED PA'O, ,DON 'DI YIN TE THAMS CAD SHES PA YIN NA THAMS CAD GRUB PA BZOD PAR DKA' BA'I 'KHOR BA'I SDUG BSNGAL DU LTA BA'I SKYE BO LA BRTZE BA KHO NAR RIGS KYI, DAM PA MA YIN PA'I SPYOD PA LA BSKUL BAR NI MI 'GYUR RO ZHES BYA BA'O, ,'ON TE DE'I BSAM BA RTOGS PAR SUS NUS SHE NA, KYE MA DAD PA 'DI NI SHIN DU

CHE STE, SHAN PA LA SOGS PA YANG YUL DU GYIS SHIG ,THAMS CAD SHES PA NYID LA SOGS PA'I YON TAN LA THE TSOM ZA YANG 'DI DBANG PHYUG DAM PA NYID YIN PAR CI LTAR 'GYUR, BSAM PA MA RTOGS PAR NI THAMS CAD SHES PA THE TSOM ZA BA YANG MI LDOG GO, ,DES NA BUM PA LA SOGS PAR BYED PAR NUS PA MA YIN PAS SKABS NYAMS SO, ,DES NA RTZA BA NYID SHOR RO ZHES BRJOD PA NA DE CI LTAR TSAD MA YIN ZHES BYA STE, DE 'DRA BA'I RNAM PAR DPYOD PA MED PA'I PHYIR RO, ,YONGS SU RDZOGS PA'I RNAM PAR DPYOD PA MED PAS THE TSOM YANG GRUB PA'I PHYIR DE SRID PA'I THA SNYAD DU NUS PA MA YIN NO, ,'ON TE ZHES BYA BA NI GZHAN GYI'O, ,DES NA ZHES BYA BA NI DAM PA'I NYE BAR BSTAN PA BYED PAS SO, ,DE YANG MA YIN TE ZHES BYA BA NI GRUB PA'I MTHA'O, ,CHOS MA YIN PA YANG ZHES PA NI CHOS 'BA' ZHIG LA MA YIN PA'O, ,RE ZHIG DANG POR ZHES BYA BAR NI 'CHAD PAR 'GYUR RO, ,'ON TE ZHES BYA BA NI GZHAN GYIS TE DES NA SDIG PA LA RANG DBANG DU 'JUG PA MI BYED DE SNYAM DU BSAMS PA'O, ,DE LTA YIN NA ZHES BYA BA NI LAN NO, ,DE'I LAS KYIS BYIN GYIS BRLABS NAS DBANG PHYUG RTOGS PAR BYED PA NYAMS PA'O, ,RTOGS PA DANG LDAN PA NI GZHAN GYIS BYIN GYIS BRLABS KYANG MI 'OS PA MI BYED DO, ,DES NA 'DI NI DE'I LAS KYIS BYIN GYIS BRLABS KYANG SKYE BO'I SDIG PA LA MI 'JUG PAR MI 'GYUR RO, ,LAS GANG GIS KHYOD KYIS BRLABS NAS SDIG PA LA 'JUG PAR BYED PA'I LAS DE YANG ZHES GO SLA'O, ,'ON TE ZHES BYA BA NI GZHAN GYI'O, ,BYED PA NI MA YIN GYI 'ON KYANG SKYE BO NI RANG NYID CHOS MA YIN PA BYED PA YIN NO SNYAM DU BSAMS PA'O, ,DE LAS GZHAN PA'I DBANG PHYUG BZHIN NO ZHES BYA BA NI 'JIG RTEN GYI DBANG PHYUG BZHIN NO, ,DE YANG SNYING PO MED DE ZHES BYA BA NI GRUB PA'I MTHA'O, ,GANG GIS SKYE BO RNAMS SDIG PA BYED PA 'GOG PAR BYED PAR DBANG PHYUG GZHAN LA RNAM PA 'DRA BA'I NUS PA YOD PA MA YIN NO, ,DES NA DE DAG GIS CHOS MA YIN PA'I BYED PA DE'I 'BRAS BU MYONG DU 'JUG PA YIN NO, ,DBANG PHYUG NI 'JIG RTEN THAMS CAD LAS 'DAS PA'I BLO DANG LDAN PAR 'DOD DO, ,DES NA DE NI SDIG PA BYED PA DGAG PAR NUS PA NYID DO, ,DE LTAR YIN YANG CHOS MA YIN PA BYED PA MED PA'I PHYIR DE'I

, ,'BRAS BU MYONG BAR BYED PA MA YIN SNYAM DU DGONGS PA'O, ,'ON TE 'DI NUS PA MED PA NYID YIN NA ZHES BYA BA NI GZHAN GYI'O, ,'DI NI SDIG PA BYED PA'I ZLOG PA LA NUS PA MED PA KHO NA'O ZHES BLTA BAR BYA'O, ,SDIG PA'I DBANG PHYUG GI RJES SU 'GRO BA DANG LDOG PA'I RJES SU BYED PA MA YIN PA KHO NA'O ZHES BSAM PA'O, ,LAN DU DE LTA YIN NA ZHES BYA BA STE NUS PA MED PA YIN NA'O, ,CI DANG 'DRA BAR MA BYAS SHE NA, SDIG BZHIN ZHES GSUNGS SO, ,DPER NA DAM PA'I DON DANG LDAN PA NYID MED PAR KHAS BLANGS BA'I PHYIR SKYE BO RNAMS KYI SDIG PA NYID DES MA BYAS PA BZHIN DU 'BRAS BU GZHAN LA YANG DES BYAS PAR YID CHES PA CI YOD, DES NA SDIG PAS 'KHRUL PA'I PHYIR 'DIS 'BRAS BU LA MA KHYAB PAS NA DAM PA'I DON DANG LDAN PA CHOS LA SOGS PA YANG DE LAS YIN PA CI STE KHAS LEN, SOGS PA'I SGRAS NI THAR PA DANG YON TAN GZHAN DU GZUNG NGO, ,'DI LA ZHES BYA BA NI GZHAN LA CHOS MA YIN PA'I 'BRAS BU STER BA LA'O, ,DE'I TSE BDEN PA DANG BDEN PA MA YIN PA NYE BAR STON PA TSAD MAR CI LTAR KHAS LEN TE MA YIN PA KHO NA'O ZHES BYA BA'I DON TO, ,KHYED TSAD MA DANG LDAN PA CHEN PO YIN NO ZHES 'BREL TO, ,DE LTA YIN NA ZHES BYA BA NI CHOS DANG CHOS MA YIN PAS SKUL BAR BYED PA PO YIN NA YANG NGO, ,BDAG NYID NI RTAG PA LA SOGS PA'I YON TAN DANG LDAN PA'O, ,GZHAN GYI DOGS PA BSU NAS 'GOG PA NI GAL TE SROG CHAGS THAMS CAD KYI BDAG KUN 'BRAS BU THAMS CAD KYI BYED PA PO MA YIN TE, RI LA SOGS PA'I 'BRAS BU LA SEMS CAN 'GA' ZHIG GI CHED DU BSAM PA'I BYA BA MA DMIGS SO ZHES BYA BA'I DON TO, ,GAL TE DE LTAR RTOGS NA DE'I TSE YANG DBANG PHYUG DE'I THAMS CAD KYI BYED PA PO STE, BYED PA POR SMRA BA GANG DU DGOS TE, DE LTAR MA DMIGS PA NI THUN MONG YIN PA'I PHYIR RO, ,LAG PA'I RTZOM PA LA SOGS PA NI PHA ROL BO RANG NYID KYIS 'DOD PA MA YIN PAS 'DOD PA TZAM YOD DO ZHES BRJOD PAR BYA BA YIN NA, DE YANG SUN PHYUNG BA YIN TE, MI RIGS PA'I BYA BA MTHONG BA'I PHYIR RO, ,DE'I PHYIR DE BYIN GYIS BRLABS PA TZAM GYIS 'BRAS BU THAMS CAD SKYE BA YIN TE, DNGOS PO'I NUS PA NI BSAM GYIS MI KHYAB PA'I PHYIR RO ZHES BYA BA TZAM ZHIG LUS PA YIN

NO; DE LTA NA NI 'O NA LTA BA'I DRA BAS BCINGS PA'I BDAG THAMS CAD NYID KYIS THAMS CAD BYED PA LA CHAD PA CI YOD DE, 'DIR YANG DNGOS PO'I NUS PA BSAM GYIS MI KHYAB PA'I PHYIR RO ZHES NI BRJOD PAR NUS PA'I PHYIR RO, ,NUS PA GZHI NGES PA CAN DU DMIGS PA NA GZHAN DU DOGS PA NA MI 'THAD DO, ,'DI NI MUN PAR LAG PA NOMS PA YIN PA'I PHYIR, GNOD BYED MED PA LAS GZHAN DU RNAM PAR RTOG PA LA YANG DGAG PA CI YOD, DE LTA YIN YANG BDAG MANG POS RI LA SOGS PA GCIG BYED PAR 'GYUR TE, THUN MONG GI LAS KYI SKYED PA'I PHYIR ZHES BYA BA'I RTOG PAR YANG 'GYUR BA KHO NA'O, ,DE LTA NA RTOG PA 'DI MTHA' ZHIG TU 'GYUR RO ZHE NA RI LA SOGS PA MANG PO RNAMS KYANG BDAG GCIG GIS BYED DO ZHES BYA BA'I RNAM PAR RTOG PA KHO NAR YANG 'GYUR BA KHO NA STE, GNYI GA LA YANG GNOD PA'I TSAD MA MED PA'I PHYIR RO, ,RI LA SOGS PA GCIG KHO NAS BYAS SO ZHES NGES PA NI MA YIN NO, ,GZHAN DAG RNAM PA CI ZHIG LTAR BYED PA PO GCIG YOD PAR NGES PA'I DOGS PA BSU NAS SEL BA NI, 'ON TE GZHAN DANG ZHES BYA BA'O, ,GAL TE THAMS CAD LA BYED PA PO GCIG SGRUB PA LA YON TAN CI YOD CE NA, BYED PA PO 'DI ZHES SMOS SO, ,DE LAS MNGON PAR 'DOD PA'I DON 'GRUB PA'I PHYIR, BSNYEN CING BKUR BAR BYA BA YIN NO ZHES BYA BA'I DON TO, ,GAL TE THAMS CAD MKHYEN PA TZAM GYIS BSNYEN PAR 'OS PA MA YIN NAM SNYAM NA, KUN SHES PA TZAM GYIS ZHES SMRAS SO, ,THAMS CAD BYED PA PO MA YIN PA'I PHYIR MCHOG SBYIN LA SOGS PA'I NUS PA MED PA'O, ,KUN MKHYEN YIN YANG ZHES BYA BA NI THAMS CAD BYED PA LA SOGS PA'I YON TAN DANG LDAN YANG ZHES BYA BA'I DON TO, ,CI LTAR ZHE NA, DGOS PA MED PA'I PHYIR TE, DGOS PA CHUNG BA'I PHYIR RO, ,JI LTAR DGOS PA CHUNG SNYAM NA, BU RAM DAR BA BYED PA PO, ,ZHES GSUNGS TE, 'DI RIGS PA DANG MI RIGS PA 'DRES PA LA GRAGS PA YIN NO, ,DE NYID GSUNGS PA NI, DON DANG DON BYED LA 'CHEL ZHES BYA BA'O, ,RTOG PA YIN NA NI GZHAN LA PHAN PA KHO NA RIGS NA, DE NI PHAN PA 'GA' ZHIG RES 'GA' BYED LA DON MA YIN PA NI SNA TSOGS PA BYED PAS 'DRES PA'I BYA BA CAN YIN TE, DES

, ,'DI LA PHAN PA CHUNG BA KHO NA'O, ,DE'I PHYIR MCHOG SBYIN PA'I 'BRAS BU THAMS CAD MKHYEN PA NYID KYI DON DU THAMS CAD BYED PA PO GCIG DON DU GNYER BA NI DON MED DO ZHES BYA BA'I DON TO, ,DE LTAR BYED PA PO 'DI GTZO BO STE ZHES BYA BA LA SOGS PA BSAL NAS TSIG LE'UR BYAS PA SNGA MA'I DON BRJOD PA'I PHYIR BSHAD PA, KUN SHES NYID DU GRUB NA, THAMS CAD BYED PAR NUS PA YIN ZHING THAMS CAD BYED PAR NUS PA YIN NA NI, THAMS CAD BYED PA PO YIN LA, THAMS CAD BYED PA PO YIN NA YANG THAMS CAD SHES PA NYID YIN PA'I PHYIR 'KHOR LOR 'GYUR RO, ,SNGAR NI GO RIMS KYI KHYAD PAR LA NGES PA LA LTOS PA KHO NAS PHAN TSUN RTEN PAR BRJOD LA, DE LTA NA DNGOS PO LA LTOS NAS KYANG GZHAN GYIS SMRAS PA NYID LAS 'KHOR LOR 'GYUR BA YIN NO, ,THAMS CAD KYI BYED PA PO GCIG 'DOD PA YIN TE, DE LTA MA YIN NA THAMS CAD MKHYEN PAR MI 'GYUR RO ZHES SMRAS PAS NI, THAMS CAD SHES PA YOD PAS THAMS CAD BYED PA PO'I BYA BA BSTAN PA'I PHYIR RO, ,SUN 'BYIN PA GZHAN YANG BRJOD PA NI RDZA MKHAN LA SOGS PA THAMS CAD SHES PA MA YIN PA YANG BUM PA LA SOGS PA'I BYED PA POR MTHONG NA, BUM PA LA SOGS PA'I RANG BZHIN GYI DPE DE NYID LAS RO LA SOGS PA LA YANG THAMS CAD RIG PA'I BYED PA PO CI LTAR 'GRUB STE, THAMS CAD RIG PA MA YIN PA KHO NAR 'GRUB PO ZHES BYA BA'I DON TO, ,GAL TE 'DI 'DRA BA'I KHYAD PAR DANG 'GAL BA NI RJES SU DPAG PA THAMS CAD LA RNYED PAR SLA BA YIN NAM, BYED PA PO THAMS CAD RIG PA NYID DU 'GYUR DGOS SO ZHES KYANG MI BRJOD PAS, GANG GIS KHYAD PAR DANG 'GAL BAR DOGS PAR 'GYUR SNYAM DU DOGS NA, DE LTA ZHE NA ZHES SMOS SO, ,DON 'DI YIN TE, 'CHAD PAR 'GYUR BA'I TSUL GYIS 'BRAS BU TZAM LA BLO DANG LDAN PA MA KHYAB PA'I PHYIR DPE LA MTHONG BA TZAM GYIS KHYAB PAR GRUB BAR 'DOD PA YIN NO, ,MTHONG BA DE NI THAMS CAD RIG PA MA YIN PA LA YANG YOD DO, ,DES DPE'I RJES SU 'BRANGS NAS BRTAGS PA NI, GAL TE THAMS CAD RIG PA MA GRUB PA NA DE'I TSE GNYUG MA'I DBANG PHYUG GRUB PA NYAMS SO, ,DPE LA MTHONG BA TZAM SGRUB BAM, DE LTA MA YIN 'BRAS BU LA SOGS

PA LA THAMS CAD SHES PAS KHYAB PA MA GRUB PA GANG YIN PA DE GNYI GA NI BLO DANG LDAN PA LA YANG MTSUNGS SO, ,GZHAN YANG DBANG PHYUG 'DI BYED PA PO MED PA NAM MKHA' LA SOGS PA LA NI DOGS PAR BYA BA MA YIN NO, ,'BRAS BU BYED PA PO MTHONG BA RNAMS LA YANG RDZA MKHAN LA SOGS PA YIN PA PO DGE'O,, RI LA SOGS PA GZHAN LA YANG LAS NYID NUS PA'I PHYIR DBANG PHYUG NI DGOS PA MED DO, ,LAS KYI NUS PA NI GDON MI ZA BAR KHAS BLANG DGOS TE, DE LTA MA YIN NA PHAN 'DOGS BYED NYID MI 'GYUR RO ZHES STON PA NI RANG GI BYA BA ZHES BYA BA LA SOGS PA'O, ,CI LTAR BYED PA PO YIN ZHES BYA BA NI SKABS KYI THAMS CAD DBANG PHYUG GIS ZHES BYA BA'O, ,GAL TE LAS KYI NUS PA KHAS BLANGS PAS RI LA SOGS PA LA DBANG PHYUG SPONG NA DE'I TSE RDZA MA LA YANG RDZA MKHAN DON MED DO, ,DE LA MA MTHONG BA ZHES BYA BAS NI NUS PA MA YIN NO ZHE NA, DE NI MA YIN TE 'BRAS BU DE LTA BU LA NI BYED PA PO'I NUS PA MNGON SUM GYIS GRUB PA'I PHYIR NA SPANG BAR MI NUS PA'I PHYIR RO, ,RI LA SOGS PA LA NI DE LTAR MA MTHONG NGO, ,DE NYID KYI PHYIR RJES SU DPOG GO ZHE NA, 'DI LA SGRUB PAR BYED PA'I NUS PA, PHYIS SEMS PAR 'GYUR RO ZHES BSHAD ZIN TO, ,RNAM PAR GZHAG PA'I NYES PA 'DI NI ZHAR LAS BYUNG BA YIN TE; 'DI YANG BSTAN BCOS SU NI DPYAD PAR BYA BA YIN PA'I PHYIR RO, ,GZHAN BUM PA LA SOGS PA LA DBANG PHYUG DON MED PAR BRJOD PAR MI BZOD NAS, GAL TE SHES KYANG BZHES SMRAS SO, ,KHYAD PAR MED PHYIR ZHES BYA BA NI SUN 'BYIN PA'O, ,DE BZHIN ZHES BYA BA NI SHES KYANG NGO, ,GZHAN GYI BSAMS PAS BSKUL BAR MI RIGS PA NYID DU DOGS PA BSU BA NI, 'ON TE ZHES BYA BA'O, ,KUN DU ZHES BYA BA NI, RDZA MKHAN LA SOGS PA 'BRAS BU LA MKHAS PA GANG YIN PA'I YANG NGO, ,BSKUL BA'I SGO NAS THAMS CAD BYED PA PO NYID KYIS BDAG THAMS CAD SHES PA NYID DU CI 'GRUB BYA BA'I SNYAM PA'I 'BRAS BU'I BLOS, DON MED KYANG SKUL BAR BYED DO ZHES BYA BA'I THA TSIG GO, ,LAN DU DE NI DE LTAR GANG GIS SHES ZHES BYA BA'O, ,RANG GI TSIG TU BRJOD PA TZAM MO SNYAM DU DGONGS PA'O, ,GZHAN YANG ZHES BYA BA NI, SUN 'BYIN PA BZHIN NO, ,'ON TE GANG ZHI RANG NYID NGES

, ,PAR BRTAGS NAS 'JUG PA DE'O, ,BLO YANG DBANG PHYUG GI MTHU LAS DE 'DRA BAR GYUR PA YIN NO SNYAM NA, KUN GYI BLO NYID CES GSUNGS SO, ,RDZA MKHAN MKHAS PAR MTHONG BA NI DGAG PAR BYA BA MA YIN NO, ,'ON KYANG DE'I DBANG PHYUG NYID LAS YIN NO ZHES GZHAN BSKUL YANG SLAR GSO BAR BYED DE SNGA MA BZHIN TSAD MA MA YIN PA KHO NA'O, ,'ON TE RE ZHIG RDZA MKHAN LA LHAN CIG SKYES PA'I MNGON SHES NI YOD PA MA YIN TE, BYIS PA LA SOGS PA'I TSE YANG YOD PAR THAL BA'I PHYIR RO, ,DES NA DE'I RES 'GA' BA DE YANG MA MTHONG BA 'GA' ZHIG GI NUS PA LAS YIN PA'I PHYIR, DE NYID DBANG PHYUG YIN NO SNYAM NA, RGYU NI ZHES GSUNGS SO, ,BYED MKHAS PA'O ZHES BYA BA'I DON BYED PA PO NYID GANG YIN PA DE NI 'JIM PA DANG, DBYIG PA DANG 'KHOR LO LA SOGS PA DE LTAR TSOGS PA YIN NO ZHES RGAN PO RNAMS KYIS NYE BAR BSTAN PA LAS YIN NO, ,SOGS PA'I SGRAS NI BSTAN PA MED KYANG BYA BA'I RIM PA MTHONG BA LAS DE 'DZIN PA YIN NO, ,NYE BAR STON PA PO NYID LA NYE BAR BSTAN PA GA LAS YIN ZHES NA, DE LAS GZHAN PA'I NYE BAR STON PA'I THAD LAS SO, ,DE BZHIN THOG MA MED PA'I PHYIR SNGA MA SNGA MA LAS PHYI MA PHYI MA 'BYUNG BA YONGS SU RDZOGS PA'I PHYIR DBANG PHYUG RTAG PAS CI BYA SNYAM DU DGONGS PA'O, ,DES NA 'JUG PA THAMS CAD NI ZHES BYA BA NI MJUG SDUD PA'O, ,RDZA MKHAN LA SOGS PA NI RANG BSDAD CING BSDAD CING 'DUG PA YIN LA, STE'U LA SOGS PA YANG BZO BYA BAR 'DOD PAS YIN ZHING, RDUL PHRA RAB LA SOGS PA NI LAS KYI MTHU LAS YIN NO; ;DE BZHIN DU DON BYA BA BYED PA LA SOGS PA YANG DBANG PHYUG GIS BSKUL BA LAS MA YIN NO ZHES BSHAD PAR RIG PAR BYA'O, ,DBANG PHYUG THAMS CAD KYI BYED PA PO MA YIN MOD, GTZO BO LA SOGS PA NI MA YIN NO SNYAM NA, DE'I PHYIR ZHES GSUNGS SO, ,RIG PA DE NYID KYI PHYIR RO, , GTZO BO YON TAN GSUM GYI RANG BZHIN DU SKYES BU GDOD MA NAS YOD PA DANG, DBYIG GI SNYING PO LA SOGS PA LUNG LAS JI LTAR BRTAGS PA RNAMS NI BYED PA POR NGES PA MA YIN NO ZHES BYA BA'I DON TO, ,DNGOS SU BRJOD PA'I GTAN TSIGS GSUM SUN PHYUNG ZIN KYANG DA YANG DBYIBS KYI KHYAD PAR LA

BRJOD PA NI, DBYIG DANG LDAN PA'I PHYIR RO ZHES BYA BA YANG ZHES BYA BA'O, ,RTZA BAR DBYIBS KYI KHYAD PAR LDAN PA'I SGRA BYAS PA'I PHYIR, CHOS TZAM GTAN TSIGS SU NGES PAR GZUNG DU 'OS PAS NA, DBYIBS DANG LDAN PA ZHES SMOS SO, ,DE YIN DANG GANG DANG GANG DBYIBS YIN PA'AM, DBYIBS DANG LDAN PA GANG YIN PA DE DANG DE NI BLO DANG LDAN PAS SNGON DU SONGS BA YIN TE ZHES GNYI GA YANG SKYES BU'I 'BRAS BU'I 'BRAS BUR 'DOD PA YIN NO, ,'BRAS BU YIN YANG GTAN TSIGS MA YIN PAR CI LTAR 'GYUR ZHE NA, DBYIBS THAMS CAD CES GSUNGS SO, ,BAR 'DIR DBANG PHYUG DU SMRA BA LA GLAG THOD PA'I GRANGS CAN SUN DBYUNG BA'I PHYIR NYE BAR DGOD PA NI, DE LA CI LTAR ZHES BYA BA LA SOGS PA'O, ,SEMS PA'I RGYU DANG RJES SU 'BREL PA MA YIN ZHES BYA BA NI SEMS PA CAN GYI RGYU DANG LDAN PA MA YIN PA'O, ,DE LTAR ZHES BYA BA NI SEMS PA MA YIN PA'I RGYU DANG LDAN PA'O, , GAL TE GCIG SEMS PA MED PA'I RGYU DANG LDAN PA YIN PAS BUM PA LA SOGS PA YANG DE BZHIN DU YIN NO ZHES BYA BA GO GA LAS SHE NA, GTZO BO ZHES BYA BAS ZHES SMOS SO, ,GANG GI PHYIR GSAL BA MTHA' DAG SEMS PA MED PA'I RANG BZHIN CAN GTZO BOS BCUG PA YIN PA DE'I PHYIR BUM PA LA SOGS PA YANG DE BZHIN DU YIN NO SNYAM DU DGONGS PA'O, ,GAL TE BUM PA LA SOGS PA RDZA MKHAN LA SOGS PAS BYED PAR MA DMIGS SAM, DES DE SKAD CI STE BRJOD SNYAM DU DOGS NA, JI LTAR SHING LAS ZHES GSUNGS SO, ,'DI NI SHING SEMS PA MED PA'I RGYU CAN DU BSTAN TO, , BUM PA LA SOGS PA YANG MTSUNGS PA NYID DU STON PA NI DE BZHIN ZHES BYA BA LA SOGS PA'O, ,'JIM GONG LA YANG BUM PA'I RANG PA'I RANG BZHIN DU BUM PA NYID PHYIR RO, ,'O NA RDZA MKHAN CI DGOS SNYAM NA, RDZA MKHAN DAG LA SOGS PA NI ZHES SMRAS SO, ,DPER NA RANG GI BU LON KHYER MKHAN LA GTAD PA'I RDZAS NOR BDAG GIS BLANG BAR BYA BA YIN LA, DBANG PO'I TSOGS TZAM GYI NYE BAR MKHO BA YIN BDE BZHIN DU GNAS PA'I BUM PA NYID MNGON PAR GSAL BA LA YANG RDZA MKHAN LA SOGS PA YANG NYE BAR MKHO BA KHO NA'O, ,DE BZHIN DU LUS DANG KHA DOG DBYIBS DAG NI ZHES BYA BA YANG NYE BAR

, ,MTSON PA TZAM STE, BLO LA SOGS PA'I RNAM PA MA LUS PA YANG YIN NO, ,SKYED BYED DE DANG 'DRA BA LAS ZHES BYA BA NI RGYU DE DANG 'DRA BA KHO NA LAS SO, ,RNAM PAR DPYAD PAR BYA BA BRJOD PA NI, RDZA MKHAN GYI ZHES BYA BA LA SOGS PA'O, ,GNAS PA NYID MNGON PAR GSAL BA YIN NO SNYAM DU BSAM PA'O, ,GAL TE GNAS PA NYID MNGON PAR GSAL BA ZHES BYA BA 'DI LA NGES PA CI YOD DE, MI MKHAS PA GAL TE SNGA NA MED PA SKYED PAR BYED NA CI SKYON SNYAM NA, SHING GIS BON ZHES BYA BA LA SOGS PA GSUNGS SO, ,SA BON RIGS MI MTHUN PA ZHES BYA BA NI GANG ZHIG SA BON LA NUS PA'I RANG BZHIN DU RNAM PAR GNAS PA'I SHING GI DBYIBS DE DANG RIGS MI MTHUN PA'O, ,GAL TE SKYES BUS SNGA NA MED PA SKYED PAR BYED NA DE'I TSE WA DA'I SA BON GYIS KYANG SHING SHA BA'I DBYIBS CI STE MI SKYED CES BYA BA'I DON TO, ,GAL TE ZHES BYA BA NI DBANG PHYUG TU SMRA BA'I'O, ,DBYIBS ZHES BYA BA NI BUM PA'I CHA BYAD DO, ,MA YIN TE ZHES BYA BA NI GRANGS CAN GYI'O, ,DE 'DRA BA NYID YIN PA'I PHYIR RO ZHES BYA BA NI BUM PA'I RANG BZHIN NYID YIN PA'I PHYIR RO, ,DE NYID YID SMRAS PA NI 'JIM GONG GI ZHES BYA BA'O, ,DPER NA ZHES BYA BA 'DI MA GRUB PAR DOGS PA NI DE YANG CI LTAR ZHES BYA BA STE NUS PA YOD DO ZHES BYA BA DE'O, ,YOD PA DE NYID GSAL BAR BYED PA NI 'DIR ZHES BYA BA'O, ,RGYU'I SA BON MED PA'I PHYIR ZHES BYA BA NI SA BON GYI RGYU SHING NUS PA'I RANG BZHIN DU MED PA'I PHYIR RO, ,DE LA TSIG LE'UR BYAS PA DANG PO RNAM PAR 'GREL PA NI SA BON GYI RGYU'I ZHES BYA BA'O, ,DE NI ZHES BYA BA NI SA BON NO, ,GNYIS PA RNAM PAR 'GREL PA NI, DBANG PHYUG MA YIN ZHES BYA BA STE, DBYIBS KYI RGYU MA YIN NO ZHES 'GREL TO, ,'DI LA BSHAD ZIN PA'I SUN 'BYIN PA NYID SHES BYED DU DRAN PAR BYED PA NI RIGS MI MTHUN PA'I SHING GI RGYU'I SA BON GANG YIN PA DE LAS MI 'BYUNG BA'I PHYIR RO, ,'DI NYID SGRUB PA NI DBANG PHYUG DE'I RGYU YIN NA ZHES BYA BA'O, ,RDZA MKHAN GYI ZHES BYA BA NI RDZA MKHAN LA BRTEN NAS SO, ,'JIM GONG LAS ZHES BYA BA NI NYE BAR LEN PAR 'GYUR BAS SO, ,RDZA MKHAN LA YANG BUM PA LA SOGS PA ZHES BYA BA'I DON NI 'DI YIN TE, YANG NA RDZA MKHAN BUM PA MA YIN

MOD, DE LTAR NA YANG BUM PA DE LA NUS PA'I RANG BZHIN DU RNAM PAR GNAS PA'I BUM PA LA SOGS PA'I DBYIBS LAS BUM PA LA SOGS PA'I DBYIBS BYUNG BA YIN TE, RGYU'I GCIG DE LA NI NUS PA'I RANG BZHIN GYI 'BRAS BU YOD PA YIN NO ZHES BYA BAS NI KHO BO CAG GI PHYOGS YIN NO ZHES BYA BA'O, ,MJUG SDUD PAS NI DES NA ZHES BYA BA'O, ,DE LA BYED PA NI 'GA' YANG MED DO ZHES BYA BA NI MED PA'I SKYED PA BYED PA MED DO ZHES BYA BA'I DON TO, ,DE'I LONGS SPYOD PAR 'DOD PAS ZHES BYA BA NI RDZA MKHAN LA SOGS PA SKYES BU'I LONGS SPYOD PAR 'DOD PAS ZHES BYA BA'I DON TO, ,'JUG PA'I PHYIR RO ZHES BYA BA NI BYED PA'I PHYIR RO ZHES BYA BA'I THA TSIG GO, ,DBANG PHYUG DU SMRA BA DAG GI DOGS PA BSU BA NI, 'ON TE SKYES BU'I ZHES BYA STE BLO DANG DBANG PO LA SOGS PA'I RANG BZHIN CAN THA SNYAD PA'I SKYES BU DAG GO, ,DE LTA MA YIN ZHES BYA BA NI GAL TE 'DOD CHAGS LA SOGS PA DANG BRAL BA GCIG MED NA DE'I TSE DBYIBS DANG MDOG LA SOGS PA SUS BSTAN CES SBYAR RO, ,BSAM PA NI 'DI YIN TE, GANG ZHIG DBYIBS DANG MDOG LA SOGS PA CI 'DRA BA 'DOD PA DE LA GTZO BOS DE BSTAN PAR BYA BA YIN LA, 'DOD PA DE YANG 'GA' ZHIG GIS SO SOR NGES PA LA BSTAN PAS NA NYE BAR GNAS KYANG GOMS PA LAS DE KHO NAR 'GYUR RO, ,MA BSTAN NA NI GOMS PA MED PA'I PHYIR GTZO BOS CI ZHIG BSTAN CES BYA BA'O, ,GRANGS CAN GYI BSAM PA NI DBANG PHYUG GIS BSTAN PA LAS SO SOR NGES PA LAS 'DOD PA MA YIN MOD GOMS PA LAS GYUR PA YIN TE, DPER NA LTAD MO PA RNAMS KYI 'DOD PA THOG MA MED PA'I NYE BAR BSTAN PA LAS, DE LTAR SGEG PA LA SOGS PA'I NYAMS KYIS GAR NI DGA' BAR BYA BA YIN NO ZHES BYA BAR 'GYUR BA DANG, RES 'GA' RES 'GA' MTHONG BA LAS NI YANG DANG YANG DU BLTA 'DOD PAR 'GYUR BA DE BZHIN DU 'KHOR BA'I SKYES BU RNAMS KYI YANG BLTA 'DOD PA BZLOG PA'I DON DU BLO LA SOGS PA RNAM PAR ,'GYUR BA'I KHYAD PAR DE DANG DE DAG STON PAR BYED PA YIN NO ,ZHES BYA BA'O, ,SKYES BU RNAMS KYIS 'DOD PA DE LTAR 'GYUR MOD, DE'I BSAM PA'I DBANG GIS GTZO BO SEMS DPA' MED PA GO CI LTAR 'JUG SNYAM NA, MI SHES PHYIR NA'O ME NI ZHES SMRAS SO, ,BSHAD ZIN PA'I SEMS PA MED PA RGYU YIN PA NYID GSAL BAR BYED PA NI, 'DI NI RIGS PA MA YIN TE ZHES BYA BA'O, ,DE RGYU ZHES

, ,BYA BA NI DON RNAMS KYI RGYU'O, ,'ON TE GCIG GI RGYU SEMS PA'I RANG BZHIN MA YIN PAR DMIGS MOD, THAMS CAD KYANG DE KHO NA LTAR YIN NO ZHES BYA BA GO GA LAS SNYAM NA, DON RNAMS RGYU NI ZHES SMRAS SO, ,SEMS PA MED PA'I RGYU NI MI RIGS PA MA YIN NO, , GAL TE THAMS CAD KYI RGYU RTOGS PA DANG LDAN PA YIN NA, DE'I TSE RA LA SOGS BA'I RIL MA LA SOGS PA ZLUM POR BYAS PA LA DGOS PA CI YOD, DGOS PA MED PAR NI RTOGS PA MED PA DANG LDAN PA 'JUG PA MA YIN NO, ,DES NA RGYU NI SEMS PA KHO NAR 'THAD DO, ,DE LTAR GRANGS CAN GYI LUGS LA BRTEN NAS DBANG PHYUG BKAG NA GRANGS CAN RANG GI LUGS BZANG PO YIN PAR RLOM NA DE LTAR NA GTZO BO NYID RGYUR 'GYUR RO ZHES SMRAS SO, ,GTZO BO SEMS PA MED KYANG RGYU YIN PA NI MI 'THAD DO ZHES STON PA NI, DE LA 'DI SKAD BRJOD DE ZHES BYA BA'O, ,GAL TE RJES 'GRO ZHES BYA BA NI RJES SU 'GRO BAR KHAS LEN ZHES BYA BA'I DON, DE SKABS KYIS DE'I RANG BZHIN CAN GYI RGYU GRUB PAR BYA PA'I DON DU ZHES BYA BA YIN NO, ,BDE BA LA SOGS PA RNAMS DNGOS PO YIN PA DE'I PHYIR, DE NYID DE'I DNGOS PO'I RANG BZHIN NYID RGYUR CI STE MI 'DOD, SKYES BU RNAMS KYANG SEMS PA CAN DANG DNGOS PO NYID YIN PA'I PHYIR SEMS PA'I RANG BZHIN NAM DNGOS PO'I RANG BZHIN GYI RGYU YANG DE DAG LA CI MI 'DOD, DE LTAR GTZO BO'I RGYUR KHAS BLANGS NAS HA CANG THAL BA BRJOD PA YIN NO, ,DA NI DE'I RGYU NYID MA YIN NO ZHES STON PA NI YANG DAG PAR NA ZHES SMRAS SO, ,DBYIBS LA SOGS PA THAMS CAD GTZO BO DER 'DUS PA'O, ,DE GA LAS SHE NA, NUS KUN RANG BZHIN CAN GYIS NI ZHES GSUNGS SO, ,'DI NI RTAG BA NYID LA SOGS PA NYE BAR MTSON PA TZAM YIN NO, ,LAN DU MTHONG MIN ZHES BYA BA LA SOGS PA'O, ,DBANG PO LAS 'DAS PA'I GTZO BO DE NI DE 'DRA BA'I RGYU YIN NO ZHES BYA BA TSAD MAS 'THAD PA MA YIN NO, ,DE 'DRA BA'I ZHES BYA BA NI RTAG PA LA SOGS PA'I RANG BZHIN CAN NO, ,DE LA RE ZHIG RTAG PA MA YIN ZHES STON PA NI 'BRAS BU 'BRAS BU GZHAN LAS TE ZHES BYA BA'O, ,GANG 'BRAS BU YIN PA DE NI 'BRAS BU GZHAN SNGON DU SONG BA CAN YIN TE, DPER NA 'BRAS BU GZHAN BZHIN NO, ,'DI

THAMS CAD KYANG 'BRAS BU NYID YIN NO, ,DES NA GTZO BO RTAG PA MA YIN NO SNYAM DU DGONGS PA'O, ,RGYU MED PA'I RGYU NI ZHES BYA BA LA SOGS PA NI BSHAD PA'O, ,GANG GI PHYIR RGYU MED PA'I RGYU MA DMIGS PA DES NA DMIGS PA'I RANG BZHIN GYI RJES SU 'BRANGS BA NYID KYIS GTZO BO RGYU NYID DU RNAM PAR 'JOG PA YIN NO; ,GZHAN LA RAB TU GRUB PA'I TSUL GYIS 'DI GRUB PA YIN NO ZHES BSTAN BA'I PHYIR RTOG PA'I SGRA BYAS SO, ,DMIGS PA'I RANG BZHIN GYI RJES SU 'BRANGS PA KHO NAS RGYU MED PA'I GTZO BO SA RGYU NYID DU RNAM PAR 'JOG PAR DOGS PA NI 'ON TE THA DAD PA RNAMS ZHES BYA BA'O, ,GANG GIS DE SKAD BRJOD PA DE LTAR MTHONG BAS YOD DAM ZHE NA, BUM PA KHAM PHOR LA SOGS PA ZHES SMRAS SO, ,LAN NI DE YANG MA YIN TE ZHES BYA BA'O, ,SNYING STOBS LA SOGS PA DANG ZHES BYA BA NI SNYING STOBS DANG RDUL DANG MUN PA RNAMS SO, ,SKYES BU RNAMS ZHES BYA BA NI BDAG RNAMS SO, ,RNAM PA CI YANG RUNG BAR GZHUNG GZUGS PAR 'DOD NAS 'O NA ZHES SMRAS SO, ,SNYING STOBS LA SOGS PA DANG SKYES BU RNAMS DANG RI LA SOGS PA RNAMS DNGOS KYI RJES SU 'GRO BA'I PHYIR DNGOS PO'I RANG BZHIN GYI RGYU KHO NAR YOD PA YIN LA, DE NYID NI DBANG PHYUG DU 'DOD DO ZHES BYA BAR BSAMS PA'O, ,YON TAN GSUM SOGS RANG BZHIN ZHES BYA BA NI BDE BA LA SOGS PA'I RNAG BZHIN NYID LA SOGS PA'O, ,,CI'I PHYIR MA GRUB CE NA, DNGOS PO NYID KYIS RJES SU 'GRO BA'I PHYIR ZHES BYA BA'O, ,DNGOS PO DNGOS PO ZHES BYA BA LA SOGS PA NI BSHAD PA'O, ,SUN 'BYIN PA GZHAN BRJOD PA NI, 'JI BA LA SOGS PA'I RANG BZHIN LAS ZHES BYA BA LA SOGS PA'O, ,'JI BA LA SOGS PA ZHES BYA BA NI DNGOS PO THAMS CAD SDUD PA'O, ,DE LTA YIN NA ZHES BYA BA NI GZHAN GYIS SMRAS BA'O, ,'BRAS BU DE DANG DE LA LTOS NAS RGYU'I RANG BZHIN DE DANG DER RJES SU 'JUG PA NA YON TAN GSUM GYI RANG BZHIN DU 'DOD BA KHO NA'O ZHES BYA BA'I DON TO, ,LAN DU DE NI MED DE ZHES SMRAS SO, ,'BRAS BU NGO BOS ZHES BYA BA NI RANG GI NGO BO RGYU YOD PA DANG MED PA'I RJES SU 'JUG PA YIN GYI RNAM PA KUN GYIS MIN TE, RNAM PA DANG NUS PA LA SOGS BAS NI MA YIN NO, ,'DI NI MNGON SUM GYIS GRUB PA KHO NA'O ZHES STON BA NI ME SOGS GZHAN DU GYUR BA LAS GZHAN

, ,DU ZHES BYA BA LA SOGS PA'O, ,BSHAD BA NI GANG ZHIG GANG GIS ZHES BYA BA LA SOGS PA'O, ,GANG ZHIG CES BYA BA NI 'BRAS BU STE DE'I RGYU NI DE YIN NO, ,RGYU GANG GIS RJES SU 'GRO BA DANG, LDOG PA'I RJES SU BYED PA NI GANG GIS RJES SU 'GRO BA DANG LDOG PA'I RJES SU BYED PA'O, ,DE'I RANG BZHIN NI MA YIN NO ZHES BYA BA NI RGYU'I RNAM PA DANG NUS PA'I RJES SU 'JUG BA'I BDAG NYID DE'I 'BRAS BU MA YIN NO ZHES BYA BA'I DON TO, ,DE LTA YIN NA NYES BA CI YOD SNYAM NA, DE LTA YIN DANG ZHES GSUNGS SO, ,RGYU'I RANG BZHIN GYI RJES SU 'JUG PAS 'BRAS BU NYID YIN NA NI RGYU DANG 'BRAS BU'I DNGOS POR MI 'GYUR RO ZHES 'BREL LO, ,GANG ZHIG MI 'GYUR ZHE NA, ME LAS ZHES BYA BA LA SOGS PA'O, ,CI'I PHYIR MI 'GYUR ZHE NA, DE LA 'DRA BA MED PA'I PHYIR ZHES SMOS SO, ,'ON TE ZHES BYA BA LA SOGS BA NI GZHAN GYI'O, ,ME LA SOGS PA DER YANG NGO, ,LAN NI GAL TE ZHES BYA BA'I KHYAB PA MED PA'I PHYIR RO ZHES BYA BA NI ME DANG DU BA LA SOGS PA NYID LA 'KHRUL PA MTHONG BA'I PHYIR RO, ,GANG GI 'KHRUL BA DE YANG ZHES BYA BA NI GZHAN GYI'O, ,DE LTA NA ZHES BYA BA NI LAN NO, ,DES NA THUG PA MED PAR THAL BA'I PHYIR ZHES BYA BA NI RNAM PAR GNAS PA MED PAR THAL BA'O, ,CI STE GZHAL BYA YIN PA'I PHYIR RTAG GO ZHES BYA BA 'DI LA, GLOG LA SOGS PA'I 'KHRUL PA TSAD MAS MTHONG BA'I PHYIR MA NGES PAR RNAM PAR GNAS PA MED PAR CI LTAR THAL ZHE NA, MA YIN TE, SKABS SU BAB PA LA YANG TSAD MAS GNOD PA SPANG BAR DGA' BA'I PHYIR RO; ,DE LTAR GTZO BO'I RGYU YIN PAR GSAL BAR SGRUB PA NA, GRANGS CAN LA BRTEN GZHAN MED PA'I PHYIR LAS RGYU NYID KHAS LEN PA'I DOGS BA CI STE YANG ZHES BYA BA LA SOGS PAS BSDU NAS ZLOG PAR BYED PA NI, DE NI GANG LAS GRUB CES BYA BA'O, ,'O NA KHYED KYIS KYANG LAS LAS 'JIG RTEN SNA TSOGS BSGRUBS PA YIN NO ZHES KHAS BLANG BAR MI BYA'O SNYAM NA, 'DI NI RE ZHIG BZHAG GO ZHES GSUNGS SO, ,TSU ROL MDZES PA LA GCIG PU MA GTOGS PA'I RGOL BA THAMS CAD LAS SMRA BA NI THUN MONG YIN PA'I PHYIR NA BDAG GCIG PU LAS DRI BAR BYA BA MA YIN NO, ,DE LA RJES SU 'GRO BA TSOL BA'AM,

LUNG GI RJES SU 'GRO BA NI BDAG LA YANG RING BA MA YIN NO, ,DE LAS LHAG PAR KHAS LEN NA NI TSAD MA'I STOBS LA LTOS PA YIN NO, ,DE NI DPYAD ZIN PA'I PHYIR 'DI NI BZHAG GO, ,DE LTAR GRANGS CAN ZHAR LAS BSAL NAS RTZA BA DBANG PHYUG DU SMRA BA NYID SEL BA NI, GZHAN BRJOD DO ZHES BYA BA'O, , YA RABS GZHAN NI ZHES BYA BA NI DBANG PHYUG LAS SO, ,GAL TE ZHES BYA BA NI SUN 'BYIN PA'O, ,DE MED CES BYA BA NI SDUG BSNGAL LA MA SDUG BSNGAL GYIS 'JIGS PA STE, 'DOD CHAGS LA SOGS PA YIN KYANG SNYAM DU ZHE BZHAG PA'O, ,'O NA JI LTAR 'DOD CHAGS DANG BRAL BA LA YANG SDUG BSNGAL DANG SDUG BSNGAL GYI 'JIGS PA MED CE NA BSGOMS PA'I ZHES GSUNGS TE, BDAG MED PA'I BSGOMS PA RAB KYIS MTHAR THUG PAR 'GYUR, TZAN DAN DANG STE'U MNYAM PA LA NI DMYAL BA LA SOGS PA'I MES REG KYANG GDUNG BA MED NA BSAM PA TZAM GYIS LTA CI SMOS DES NA 'DOD CHAGS DANG BRAL BA LA NI SDUG BSNGAL LAM SDUG BSNGAL GYIS 'JIGS PA MED DO, ,RTZED MO LA SOGS PA'I DON DU 'JUG PA'I RNAM PAR DPYOD PA'I STOBS KYIS BSAL TO, ,DE NI DE LTAR NYID 'GYUR BA ZHES BYA BA NI BSGOMS PA MED BAR RANG GI NGO BO NYID KYIS DE KHYAD PAR CAN DU 'PHAGS PAR GYUR PA YIN NO ZHES BYA BA YANG MI RIGS SO, ,CI'I PHYIR ZHE NA, 'DI DE KHYAD PAR DU 'PHAGS PA DANG LDAN PA 'DI DE'I RANG BZHIN YIN NA 'GRO'I RANG BZHIN DU YANG 'GYUR BAS DBANG PHYUG GIS CI BYA, PHA ROL POS SMRAS PA, RANG BZHIN 'DI NI DBANG PHYUG DE GCIG PU'I YIN NO ZHE NA, LAN DU NI ZHES BYA BA LA SOGS PA'O, ,'DI NYID RNAM PA GZHAN GYI SGO NAS SUN PHYUNG BA'I GZHAN YANG ZHES GSUNGS SO, THA MAL PA'I DBANG PHYUG KHYAD PAR CAN GYIS RJES SU GZUNG BAS DBANG PHYUG THOB PA 'DI NI RE ZHIG MTHONG BA YIN NO, ,DE YANG DE BAS LHAG PA'I DBANG PHYUG LAS YIN ZHING DE BZHIN DU MI DANG LHAN CIG GCIG NAS GCIG TU BRGYUD PA YIN NA YANG RANG BZHIN GYIS GRUB PA'I DBANG PHYUG GA LA YOD CES BYA BA'I DON TO, ,DE LTA NA 'ON THA MA DBANG PHYUG GANG YIN PA DE NI GZHAN LA PHAN 'DOGS PAR BYED PA NYID YIN GYI, PHAN GDAGS PAR BYA BA NI MA YIN PA'I PHYIR RTAG TU GNAS PAR 'GYUR RO SNYAM NA, BRGYA BYIN TSANGS

, ,PA ZHES SMOS SO, ,DON 'DI YIN TE, GANG DAG MI LA BRTEN NAS BRGYA BYIN DANG TSANGS PA LA SOGS PA KHYAD PAR CAN GYI CHOS DANG LDAN PA'I THA SNYAD LA BRTEN PA DE DAG KYANG BSOD NAMS DANG YE SHES LA SOGS PA'I YON TAN KHYAD PAR CAN DU BYUNG BA GONG NAS GONG DU 'PHEL BAR BSGRUB PA KHO NA YIN GYI DBANG PHYUG BZHIN DU RTAG PA NI MA YIN NO, ,DES NA BRGYA BYIN DANG TSANGS PA LA YON TAN KHYAD 'BYUNG SRID NA STE, SHUGS KYIS 'PHANGS PAS DE'I RGYU SRID NA ZHES BYA BA'I DON TO, ,DE'I TSE DBANG PHYUG NYID KYANG DE BZHIN DU YON TAN KHYAD PAR DU BYUNG BA PHUL DU PHYIN BAS THOB PA YIN PA'I PHYIR, RTAG PA MA YIN GYIS SLAR LA GZHAN BZHIN DU 'KHOR BA NYID DU 'GYUR SRID DO, ,GZHAN GYIS 'ON TE DE YANG MED NYID NA ZHES SMRAS TE, YON TAN PHUL DU BYUNG BA DE YANG MED NA'O, ,DBANG PHYUG THOB PA ZHES BYA BA LA SOGS PAS SNGA MA'I TSUL LA LTOS NAS YANG GI SGRA BYAS SO, ,LAN DU YON TAN KHYAD PAR CAN GRUB PA MED PA DES NA 'DI 'KHOR BA NYID DU 'GYUR GYIS DBANG PHYUG NI MA YIN TE JI SKAD BRJOD PA'I YON TAN DANG LDAN PA MA YIN NO, ,'DI NI BZHAD GAD DANG BCAS BAS BSAL BAR BYED PA NI, GANG ZHIG CES BYA BA LA SOGS PA'O, ,GANG ZHIG DPE MTHONG BA YON TAN PHUL DU BYUNG BAS 'DI LA DBANG PHYUG YIN PA BSNYON PA DES DPE MA MTHONG BA NGO BO NYID KYIS GRUB PA GZHAN DU 'ANG BZOD DAM CI STE MI BZOD PA NYID DO, ,'DI NYID DPE SNGON DU SONG BAS STON PA NI GANG ZHIG CES BYA BA LA SOGS PA'O, ,GONG NAS GONG DU 'GYUR BA'I ZHES BYA BA NI DBANG PHYUG GI'O, ,RANG BZHIN LA ZHES BYA BA NI GNAS SKABS GZHAN DANG GZHAN LA'O, ,DE'I RJES SU 'BRANG BA NI YON TAN 'PHEL BAR BYAS BA'I RJES SU 'GRO BA GANG YIN BA STE DPE YOD PA'I PHYIR RO, ,'BRANGS NAS ZHES BYA BA NI DE'I DBANG GIS RAB TU 'GYUR BA LA BSNYON PA'O, ,DPE MED BA'I PHYIR MNGON PAR 'DOD PA'I DBANG PHYUG GIS RANG BZHIN GYIS GRUB PA RJES SU 'GRO BA MED PA'I DNGOS PO LA YID CHES PA CI YOD, JI LTAR GANG DBANG PHYUG YIN PA DE NI YON TAN 'PHEL BAS BYAS PA YIN TE, DPER NA DBANG PO LA SOGS PA BZHIN NO, ,RAB KYIS MTHAR PHYIN BAR GNAS PA YANG DBANG PHYUG YIN NO ZHES BYA BA'I BSGRUB PAR BYA BA 'DIS DAM PA'I SKYE

BO'I TSOGS KYI RJES SU 'JUG PAR BYAS PA DANG, RANG BZHIN GYIS GRUB PA NI GANG DU MTHONG BAS NA RJES SU 'GRO BA MED PA'I PHYIR TSAD MA MED PA CAN DU BSTAN PA YIN NO, SGRUB PAR BYED PA 'DI LA GZHI MA GRUB PAR NI MI BRTZAD DE, GZHAN GYI LUGS LAS PHAN TSUN 'GAL BA TZAM BRJOD PAR 'DOD PA'I PHYIR RO; ,GAL TE DBANG PHYUG DU 'DOD NA YON TAN 'PHEL BAS BYAS PAR 'DOD DGOS PAS RTAGS MA YIN NO, ,'ON TE YON TAN 'PHEL BAS BYAS PAR MI 'DOD NA NI DE'I TSE DBANG PHYUG NYID DU 'GYUR RO ZHES BYA BAS SO, ,DES NA 'BRAS BU'I GTAN TSIGS DANG RGYU MA DMIGS PA KHAS BLANGS PA LA LTOS NAS THAL BAR GRUB PA'I RANG BZHIN CAN 'DI GNYIS NI 'DI 'DRA BA'I DON KHAS BLANG BAR MI NUS SO ZHES BYA BA 'DI GTZOR BYED PA YIN NO, ,KHYAB PA CI LTAR ZHE NA, YON TAN 'PHEL BA GCIG MED NA YANG DBANG PHYUG MED PA'I PHYIR DANG, DE YOD NA YANG YOD PA'I PHYIR DANG, RGYU DANG 'BRAS BU'I DNGOS PO GRUB PA'I PHYIR RO THAMS CAD DU DE LTAR 'GYUR BA LA LTOS PAS KYANG CI ZHIG BYA, DE LTA YIN NA YANG GANG ZHIG MI MTHUN PA'I PHYOGS KYIS THE TSOM GYIS DKRUGS PAS BSGRUB BYA SPONG BA DE THAMS CAD MTHONG BA MED PAR RANG BZHIN GYIS GRUB PA BZOD PA CI LTAR 'GYUR TE, DES NA NYES PA SNGA MA LAS MI 'GROL LO SNYAM DU DGONGS PA'O, ,DE'I PHYIR ZHES BYA BA NI MJUG SDUD PA'O, ,BYED PA POS ZHES BYA BA NI YON TAN 'PHEL BA'I MTHU LAS SKYES PA'O, ,KHAS BLANGS NAS DGAG PA SMRAS PA NI GANG ZHIG RGYU'I YON TAN DANG LDAN PA MA YIN PA TE, GANG LA RGYU'I BYED PA MED PA'I SKYES BU DE ZHES BYA BA'I DON TO, , RNAM PAR 'GREL PA NI KHYAD PAR LAS KHYAD PAR DU MTHONG BA'I PHYIR, GANG ZHIG DE BSKYED PA LA MNGON PAR BRTZON PA'I KHYAD PAR DE LAS SO, ,SHIN TU MTSAN NYID MI MTHUN PA ZHES BYA BA LA SOGS PA NI PHYED PHYI MA 'CHAD BA'O, ,'DIS NI DBYIBS KHAS BLANGS NAS 'DOD PA'I KHYAD PAR MA GRUB PAR BRJOD PA YIN NO, ,DE NYID NI MED DO ZHES STON PA NI GZHAN YANG ZHES BYA BA'O, ,DE LA DBYIBS MED PA NI RDUL PHRA RAB BYED PA KHO NA YIN PA'I PHYIR RDUL PHRA RAB DAG NI CHOS MI MTHUN PA'I DPE MA YIN NO ZHES BYA BA'I SKYON GNYIS PA NI MA GRUB PAS BSDUS PA YIN NO, ,JI LTAR BRJOD CES BYA BAS NI RDUL PHRA RAB

, ,RNAMS 'BRAS BU YIN PA'I PHYIR RO SNYAM DU DGONGS PA'O, ,'ON TE ZHES BYA BA LA SOGS PAS NI RDUL PHRA RAB RNAMS 'BRAS BU YIN PA DANG, GTAN TSIGS MA GRUB PA NYID SPONG BA'O, ,GRUB PA'I MTHA'I DON NI MA GRUB PA NYID GTZO BO'I SKYON YIN NO ZHES BYA BA YIN NO, ,'ON TE ZHES BYA BA NI MA GRUB PA SPONG BA'O, ,RANG BZHIN DE ZHES BYA BA NI YUL DE DANG DE NON PAR SKYES PAS SO, ,DE LTAR BRJOD DE ZHES BYA BA NI DBYIBS SU BRJOD PA'O, ,DE LTA YIN NA ZHES BYA BA NI LAN NO, ,'DI NI NYES PA GZHAN BKAL PA YIN TE, MI MTHUN PA'I DPE MED PA NI GNAS PA KHO NA'O, ,'ON TE ZHES BYA BA NI GNYI GA SPONG BA'O, ,DE LTA BUR 'KHRUL BA SKYED PAR BYED PA NYID KYIS DBYIBS SU BRJOD KYIS 'BRAS BU NYID KYIS NI MA YIN PAS DE KHO NA LTAR SGRUB PAR BYED PA YIN NO ZHES BYA BA'I DON TO, ,SUN 'BYIN PA NI DE LTA NA NI'O NA ZHES BYA BA'O, ,'DI DBYIBS 'DI 'DRA BAR BYAS SO ZHES 'JIG RTEN 'KHRUL PAR 'GYUR MOD, DBANG PHYUG NI MA YIN NO ZHES BYA BA'I DON TO, ,GZHAN DAG GIS KHAS BLANGS PAR NI RTOG CE NA ZHES PA'I DOGS PA 'DI NI 'DI YIN NO, ,DBANG PHYUG GI DBYIBS LOGS SHIG PAR MI MTHONG YANG 'DI LA 'JIG RTEN DBYIBS SU RTOGS PAR 'GYUR RO ZHES NGES PAR BRTAGS NAS 'JUG PA YIN NO ZHES BYA BA'O, ,PHYED PHYI MAS NI SUN 'BYIN PA'O, ,DE LA DON NI 'DI YIN TE, RANG GIS NAM YANG MA RTOGS PA'I DBYIBS CI LTAR BYED CES RTZOD PA NA, GZHAN GYIS BLANGS PA'I ZHES BYA BA'I LAN CI YIN, RANG GIS MA DMIGS PAS NI GZHAN GYIS KHAS BLANGS PA TZAM GYIS BYED NUS PA MA YIN NO ZHES BYA BA'I DON TO, ,'ON TE ZHES BYA BA NI DOGS PA'O, ,DUM BU'I YAN LAG CAN GYI SGO NAS RDUL PHRA RAB KYIS BRTZAMS PA'I YAN LAG CAN NI RE ZHIG YOD PA YIN NO, ,DE YANG DUM BU'I YAN LAG CAN RNAMS LDAN PA MED PAR MI 'GRUB BO, ,RTZOM PAR BYED PA DE DAG NYID KYI LDAN PA DE NI BRJOD PA DES NA DBYIBS NI GRUB BA KHO NA'O, ,DE'I PHYIR BRJOD PA'I SKYON GYIS GO SKABS MED DO SNYAM NA, LAN DU 'DI NI PHYI NAS BRTAG BYA STE ZHES BYA BA NI TSU ROL MDZES PA PA'I SKABS SU'O, ,DA NI YANG NA THE TSOM ZA BA YIN ZHES BYA BA RNAM 'GREL GYI LHAG MA BSHAD PA'I PHYIR, DPE'I

TSIG BSNAN NAS SKABS 'BYED PA NI, YANG NA ZHES BYA BA'O, ,DPE LA ZHES BYA BA NI CHOS MI MTHUN PA'I DPE LA'O, ,THE TSOM ZA BA NI GTAN TSIGS NGES PA MA YIN PA STE, MI MTHUN PA'I DPE LA YANG YOD PA'I PHYIR RO, ,'DI NI BSGRUB PAR BYA BA LA THE TSOM ZA BA'I RGYU MTSAN BSGRUB PA'I DON DU THE TSOM GYIS SGRAS BRJOD BA YIN NO, ,RNAM PAR 'GREL PA NI DE NYID KYIS ZHES BYA BA'O, ,MA NGES PA NYID DO ZHES BYA BA NI GTAN TSIGS MA NGES PA STE, MI MTHUN PA'I DPE DBANG PHYUG LA YANG YOD PA'I PHYIR RO, ,GAL TE GTAN TSIGS GSUM DNGOS SU BSHAD PA YIN LA, SKABS SU BAB PA NI DBYIBS YIN NA; DE NI LUS MED PA'I DBANG PHYUG LA YOD PA MA YIN PA MA YIN NAM, DES NA DE CI LTAR DE MA NGES PA YIN ZHES DOGS PA SEL BAS, DE LAS GZHAN GYIS MA YIN NO ZHES BSTAN PA'I DON DANG DBYIBS MA GRUB PA'I PHYIR ZHES GSUNGS SO, ,DON BYA BA BYED PA'I RANG BZHIN ZHES BYA BA NI NYE BAR MTSON PA STE, BSDAD NAS 'JUG PA YANG NGO, ,'ON TE DBANG PHYUG DE LA DON BYA BA BYED PA NYID MED PA KHO NA BA DES NA 'DI YANG CI LTAR MA NGES PA YIN SNYAM NA, DE LTA BU'I RANG BZHIN DE NI ZHES GSUNGS TE DON BYA BA BYED PA'I RANG BZHIN NO, ,GAL TE DBANG PHYUG KYANG GZHAN KHO NAS BSKUL BAR BYA BA MA YIN NAM, DES NA CI LTAR DON BYA BA BYED PA'I PHYIR MA NGES BA YIN ZHE NA, DBANG PHYUG DE NI ZHES GSUNGS SO, ,'DI YANG KHAS BLANGS PA DANG 'GAL BA'I RNAM PA NYID DU RIG PAR BYA'O, ,'ON TE 'DI NI RANG NYID CES BYA BA LA SOGS PA NI SNGAR BRJOD PA NYID DO, ,'ON KYANG KHYAD PAR BSGRUB PA'I DON DU RJES SU BRJOD PA YIN NO, ,LAN DU RDZA MKHAN LA SOGS PA ZHES GSUNGS SO, ,GZHAN GYIS DOGS PA NI DE DAG GIS ZHES BYA BA STE, RDZA MKHAN LA SOGS PAS SO, ,LAN DU NUS PA NYID DU MTHONG BA ZHES BYA BA'O, ,'ON TE ZHES BYA BA NI RGOL BA STE, DBANG PHYUG RJES SU DPAG PAS MTHONG BA NI NUS PA YOD PA YIN NO, ,DES NI RJES SU DPAG PAS DBANG PHYUG GZHAN RJES SU DPOG NA NUS PA YIN GYI RDZA MKHAN GYI NUS PA MA YIN NO SNYAM NA, SUN 'BYIN PA BRJOD PA NI DBANG PHYUG LA YANG DBANG PHYUG GZHAN RJES SU MA DPAGS NA NUS PA MED PAR THUG PA MED DE DBANG PHYUG GZHAN DANG GZHAN RJES SU

, ,DPAG PAS SO, ,DE LTAR DBANG PHYUG GZHAN DANG GZHAN DPOG PA NI GCIG KYANG DBANG PHYUG MA YIN TE, GZHAN LA RAG LAS PAS 'JUG PA'I PHYIR RO SNYAM DU DGONGS PA'O, ,RNAM PA GZHAN GYI SGO NAS KYANG YANG NA DPE LA THE TSOM ZA BA YIN ZHES BYA BA DE BSHAD PA'I DON DU GZHAN YANG ZHES GSUNGS SO, ,DBYIBS YOD MED DE LTAN YANG DE LA LTOS NA RDUL PHRA RAB CHOS MI MTHUN PA'I DPE MA YIN NO ZHES TSEGS SU BCAD PA PHYED KYIS DON TO, ,'DI NI DPE RDUL PHRA RAB LA THE TSOM ZA BA YIN ZHES BYA BA YIN TE, SGRUB PAR BYED PA'I TSAD MA MED DO ZHES BYA BA'I DON TO, ,DE NYID KYI PHYIR NA ZHES BYA BA NI RDUL PHRA RAB NYID KYI PHYIR RO ZHE'O, ,RNAM PA DE LTA ZHES BYA BA NI MED PA'I RANG BZHIN DU'O, ,CHA MED PA'I RANG BZHIN GYI RDUL PHRA RAB NI TSAD MA 'GAS KYANG RTOGS PA MED DO, ,GZHAN GYI BSAM PAS RDUL PHRA RAB SGRUB PAR BYED PA'I TSAD MA YOD PA'I DOGS PA BSU BA NI, 'ON TE 'DI SKAD DU ZHES BYA BA'O, ,LAN NI RDUL BRGYAD PA LAS ZHES BYA BA'I'O, ,DE LTAR RAGS PA NYID KYIS MTHONG BZHIN PA'I RAGS PA'I SNGA MA RJES SU DPOG PAR 'GYUR MOD, GZHAN GYI BLTA BYA'I MTHAR 'DOD PA DGU PA BRGYAD PAS PHA ROL RDUL BDUN PA LA SOGS PA YOD DO ZHES GA LAS RTOGS, GZHAN GYI LAS NI GAL TE RJES DPAG LAS ZHES BYA BA STE BSHAD ZIN PA LAS SO, ,DE LAS GZHAN YANG ZHES BYA BA NI GRUB PA'I MTHA'O, ,RDUL PHRA RAB RTOGS PA LAS, PHA ROL MA RTOGS PA GA LAS, DE LTAR NA NI RJES SU DPAG PA BRGYUD PAS NA RDUL PHRA RAB MI GRUB BO SNYAM DU DGONGS PA'O, ,GAL TE 'BRAS BU RAGS PA LAS PHRA MO DPAG PAR BYA BA MA YIN NAM, DES NA GAL TE RDUL BRGYAD KYI BRTZAMS PA RAGS PA YANG YIN NA, DE'I TSE DES PHRA MO RTOGS PAR BYED DO, ,DE LTA YIN DANG JI SRID DE DANG DES RDUL PHRA RAB KYI BAR DU RTOGS PAR BYED PA'I PHYIR, GANG GIS RJES SU DPAG PA GZHAN DANG 'JUG PAS RDUL PHRA RAB MI 'GRUB PAR 'GYUR BA RDUL PHRA RAB LAS GZHAN PA'I RJES SU DPAG PA 'JUG PA'I SKABS GANG LA YOD SNYAM DU DOGS NA, 'DI RDUL BRGYAD PO'I ZHES GSUNGS SO, ,GZHAN DU ZHES BYA BA NI RDUL PHRA RAB DANG RDUL PHRA RAB GNYIS PA'O, ,CI'I PHYIR

GRANGS YONGS SU MA CHAD CE NA, RDUL PHRA RAB MTHONG BA YIN NA NI ZHES GSUNGS SO, ,'ON TE RGYU RDUL BRGYAD PA DE RAGS PA YIN PA DES NA DE NI RDUL GNYIS PAR YANG MI 'GYUR NA, RDUL PHRA RAB TU LTA CI SMOS, DES NA GO BAR BYED PA NI RAGS PA YIN GYI GZHAN GYI NI MA YIN LA, DE YANG GRUB PA KHO NA BAS, MA GRUB PA'I NYES PA MED DO SNYAM DU BSAMS PA'O, ,SUN 'BYIN PA NI GANG GI TSE ZHES BYA BA'O, ,GANG GI TSE RDUL GNYIS BA LA SOGS PA MA MTHONG BA DE'I TSE GANG LA LTOS NA RDUL BRGYAD PAR RAGS PA YIN RJES SU DPAG BYA LA LTOS NA NI ZHES BYA BA NI DOGS PA'O, ,THUG PA MED PAR ZHES BYA BA NI LAN NO, ,DON 'DI YIN TE RAG LAS PA NYID KYIS GZHAN RJES SU DPOG LA RJES SU DPAG PAS GZHAN GRUB PA LAS KYANG RIGS PA NYID YIN PAS NA, JI SRID GZHAN RJES SU DPAG PA DE SRID RAGS PA MA YIN LA, JI SRID RAGS PA MA YIN PA DE SRID KYANG GZHAN RJES SU DPAG PA MED DO, ,DES NA PHAN TSUN RTEN BA'I PHYIR, RAGS PA NYID MA NGES PAS NA, DES NGOS PO NYID TZAM GZHAN RJES SU DPOG PA YIN GYI 'BRAS BU NYID DU NI MA YIN NO, ,DES NA RDUL PHRA RAB TU 'DOD PA LAS KYANG GZHAN RJES SU DPOG PA DE LAS GZHAN RJES SU DPOG PA'I PHYIR THUG PA MED PAR THAL LO; ;DE NYID BSHAD PA NI, RJES DPAG LA NI LTOS BCAS PAS, ,ZHES BYA BA'O, ,DES NA GANG DANG GANG DU RDUL PHRA RAB RNAM PAR GZHAG TU 'DOD PA DE DANG DER RJES SU DPAG PA GZHAN DANG GZHAN GYIS 'GOG PA'I PHYIR RDUL PHRA RAB GNAS BA MED DO, ,'ON TE ZHES BYA BA NI GZHAN DAG RNAM PA GZHAN DU RTUL PHRA RAB RNAM PAR GZHAG PA'I PHYIR SMRAS PA'O, ,LTA BAR BYA BA'I RANG BZHIN NYID RDUL PHRA RAB YIN NO, ,GANG GI TSE ZHE NA MTHAR THUG PAR 'GYUR BA NI STE GANG LAS CHUNG BA'I BLTA BYA GZHAN MED PA STE, RDUL BRGYAD PA ZHES BSNYAD PA GANG YIN PA'O ZHES BYA BA'I DON TO, ,'O NA NI DE CHOS MI MTHUN PA'I DPE MA YIN NO ZHES BYA BA'I DON TO, ,DE LTAR CHOS MTHUN PA'I BSGRUB PA DANG, CHOS MI MTHUN PA'I DPE LA THE TSOM ZA BA'I RNAM PA GNYIS BSHAD NAS, DA NI RNAM PA THAMS CAD DU GZHAN GYIS 'DOD PA'I 'BRAS BU NYID NI MI SRID DO ZHES BYA BA SKABS SU BAB PA'I SUN 'BYIN PA CI STE BTANG SNYOMS SU DGONGS NAS,

, ,YANG THE TSOM DRA BA YIN ZHES BYA BA'I RTZA BA RNAM PAR 'GREL PAS GAL TE RDUL PHRA RAB ZHES GSUNGS SO, ,GCIG NAS GCIG TU BRGYUD NAS RDUL PHRA RAB DE DAG NYID KYIS BRTZAMS PA'I PHYIR RO, ,RDUL PHRAN RNAMS NI GRUB CE NA YANG DE'I BSGRUB PAR BYA BA BLTA BAR BYA BA LA SOGS PA NI DE NYID KYIS GRUB PA'I PHYIR RO ZHES GNAS DANG GNAS SU SPRO BAR 'GYUR RO, ,DE'I PHYIR 'DI KHAS BLANGS PAS CI BYA, RDUL PHRA RAB RNAMS KYIS BRTZAMS PA'I YAN LAG CAN NI 'THAD PA YANG MA YIN NO ZHES STON TO, ,PHYOGS GCIG GIS ZHES BYA BA LA SOGS PA'O, ,DGONGS PA NI 'DI YIN TE, RDUL PHRA RAB PHAN TSUN 'DRES PA DAG GIS BRTZAMS PA'I RDUL BUM PA'I TSOGS KYIS LDAN PAS YAN LAG CAN BSGRUB PAR BYA BA YIN NO, ,DE LA DE DAG RNAMS BDAG NYID THAMS CAD DAM PHYOGS GCIG GIS REG PAR 'GYUR GRANG NA, PHYOGS DANG PO LA NI RDUL PHRA RAB THAMS CAD GCIG GI 'DUL PAR 'GYUR BA'I PHYIR RNAM PA DE LTA BU YAN LAG CAN MI SRID DO, ,'ON TE GNYIS PA YIN NA DE'I TSE, PHYOGS GCIG GIS NI REG NA DE, DE CI LTAR RDUL PHRAN YIN PAR 'GYUR, CI STE RDUL PHRAN MA YIN ZHE NA, THAMS CAD PHYOGS NI ZHES GSUNGS SO, ,'O NA TE ZHES BYA BA NI GZHAN GYI'O, ,LAN NI DE YANG MA YIN TE ZHES BYA BA'O, ,GAL TE RDUL PHRA RAB RNAMS MA REG PAR YANG LDAN PA DE SKYES NA, DE'I TSE LDAN PA DE NYID YIN MOD CES BLTA BAR BYA STE, RDUL PHRA RAB RNAMS NI GZHAN DU 'GYUR BA MA YIN NO SNYAM DU DGONGS PA'O, ,YANG NA DE NYID CES BYA BA NI RDUL PHRA RAB NYID DE GZHAN DU GYUR PA NI MA YIN NO ZHES BYA BA YIN NO, ,DE LTA YIN MOD MI 'THAD PA CI YOD SNYAM NA, JI LTAR ZHES GSUNGS SO, ,'ON TE ZHES BYA BA NI GZHAN GYI'O, ,RDUL PHRA RAB DER YAN LAG CAN GZHAN YOD PA DES RDUL PHRA RAB DE LA RNAM PA GCIG PA CAN GYI BLOR 'GYUR RO SNYAM NA, LAN DU BRTAGS PA'I PHYIR ZHES BYA BA'O, , GAL TE ZHIG NA NI THAL PA 'DIR MI 'GYUR RO ZHES BYA BA'I DON TO, ,GAL TE KHO BO CAG LA SOGS PA DAG GIS RDUL PHRA RAB MTHONG BAR MI NUS PA KHO NA MA YIN NAM, DES NA DE SKAD CI STE BRJOD CES DOGS PA BSU NAS BSHAD PA NI GAL TE ZHES BYA BA LA SOGS PA'O, ,'ON TE DE DAG GNYI GA NI ZHES BYA BA

NI RDUL PHRA RAB DANG YAN LAG CAN GYI RANG BZHIN NO, ,LAN DU 'PHRO 'DU ZHES GSUNGS TE, YAN LAG RNAMS LA YAN LAG CAN GYI'O, ,CI LTAR YIN ZHES BYA BA NI GNYIS PO SO SOR RTOGS PA'I PHYIR RO, ,SUN 'BYIN PA GZHAN NI DE LTA YIN NA NI ZHES BYA BA LA SOGS PA STE, YAN LAG CAN DANG RDUL PHRA RAB DAG DBANG PHYUG GIS SO SOR MTHONG NA'O, ,GZHAN DU NI MTHONG BA ZHES BYA BA NI THA MI DAD PAR MTHONG BA'O, ,'ON TE BDAG CAG LA LTOS NA NI 'PHROD PA 'DU BA CAN YIN LA, DBANG PHYUG LA LTOS NAS NI MA YIN NO SNYAM DU SEMS PA DE'I TSE YANG SKYES BU SO SO LA DNGOS PO THA DAD PA YIN NO ZHES BYA BA 'DI SHIN TU LEGS PA ZHIG GO, ,GZHAN DU MTHONG BA GCIG PO 'KHRUL PA YIN NO ZHES BYA BA NI MI RIGS PA MED DO, ,GAL TE RDUL PHRA RAB GNAS PA NYID LA TSAD MAR GRUB PAR RTZOL BA MA YIN NAM, DES NA RDUL PHRA RAB SUN 'BYIN PA'I GO SKABS GA LA YOD CE NA BDEN TE, RNAM 'GREL MDZAD PAS 'DI GZHAN DU MA GSUNGS PA'I PHYIR, 'GA' ZHIG GI TSE RNAM PA 'DI YANG RIG PA TZAM DU 'GRUB PA'I RGYU MTSAN DU 'GYUR RO SNYAM DU DOGS TE, 'DI'I DON DU BSAMS NAS SKABS SU BRJOD PA YIN NO, ,DNGOS PO NYID DU NI PHYI ROL RIG PA MA YIN PAS NYID KYIS RNAM PAR RIG PA TZAM DU GRUB PAR 'GYUR RO, ,DE LTAR YIN DANG DBANG PHYUG RE BA NA SHIN DU RGYANG RING BA'I PHYIR SKABS MA SHOR LA, CHOS MI MTHUN PA'I DPE 'CHAD PA NI 'BRAS BU YIN PA NYID KYI PHYIR RO, ,YAN LAG LDAN PAS YAN LAG CAN BRTZAMS PA YIN NO ZHES GANG BRJOD PA DE YANG MA 'BREL LO ZHES STON PA NI, RAGS PA CHA SHAS LDAN PA ZHES BYA BA STE, GANG DANG GANG RAGS PA DE THAMS CAD CHA SHAS LDAN PA SNGON DU SONG BA YIN NO ZHES BYA BA'I KHYAB PA MA GRUB PA'O ZHES BYA BA'I DON TO, ,GAL TE 'JIM GONG LA SOGS PA LA DMIGS PAR JI LTAR MA GRUB CE NA, GAL TE ZHES BYA BA LA SOGS PA'O, ,DPER NA LAG PAS 'JIM PA BLANGS NAS GONG BUR SBYOR BAR MTHONG BA DE BZHIN DU MYU GU LA SOGS PA BSKYED PAR BYA BA LA NI DE'I CHA SHAS GZHAN GYIS BSDUS PA'AM RANG NYID 'DUS PA MA MTHONG NGO ZHES BYA BA'I DON TO, ,DE NYID GSAL BAR BYED PA NI 'DI LTAR ZHES BYA BA'O, ,SHING WA D'A

, ,DE LA YAN LAG LDAN PA JI LTAR 'GYUR TE MI 'GYUR BA KHO NA'O, ,GANG GI TSE MI 'GYUR SNYAM NA, YAN LAG RNAMS SNGON YOD MIN NA STE MED PA'I TSE'O, ,GAL TE SNGAR YAN LAG RNAMS MED KYANG LDAN PA NI YOD PAR 'GYUR RO SNYAM NA, YAN LAG YOD PA RNAMS ZHES GSUNGS SO, ,YAN LAG CAN YANG GA LA YIN TE ZHES BYA BA NI RTZOM PAR BYED PA'I LDAN PA MED PA'I PHYIR RO, ,MUN KHUNG GI BAR NI GTI MUG CHEN POS BSGRIBS BA RNAMS SO, ,BDAG CAG GIS DE KHO NA BSTAN PA'I RGYU DE LAS NI ZHES BYA BA NI MA MTHONG BA LHAN CIG BYED PA CAN GYI NYE BAR LEN PA'I RGYU CHUNG NGU LAS SO, ,KHO BO CAG THAMS CAD CES SBYAR BAR BYA STE, RIGS PA SMRA BA KHO BO CAG CES BYA BAR BSAM PA'I PHYIR RO, ,DE LTA NA CI LTAR NGES PAR 'GRUB, 'ON TE ZHES BYA BA NI GZHAN GYI'O, ,RDUL PHRA RAB KYI TSOGS 'DUS PAR MA MTHONG YANG 'JIM GONG LA 'JIM PA 'DUS PA MTHONG BA'I DPES YOD PAR 'GRUB PO ZHE NA, SUN 'BYIN PA NI SGRON MA'I DPE ZHES GSUNGS SO, ,DPER NA MUN KHUNG NA GNAS PA'I BYIS PA SGRON MAS GSAL BAR BYED PA ZHES BYA BA'I TSUL GYIS SO, ,GRANGS CAN LTA BA ZHES BYA BA NI GAL TE DPE TZAM GYI BSGRUB BYA 'GRUB NA'O, ,DE LTA YIN NA SKYON CI YOD SNYAM NA, DE'I PHYIR ZHES SMOS TE, GRANGS CAN GYI LTA BA 'ONGS PA'I PHYIR RO, ,CI'I PHYIR 'DI THAG RING POR 'GYUR SNYAM NA, SGRON MA LA SOGS ZHES GSUNGS SO, ,DES NA SEMS PA MED PAS GSAL BA'I PHYIR CI LTAR DBANG PHYUG SGRUB BYED YIN, 'ON TE SGRON MA LA YANG SEMS PA CAN GYIS BYIN GYIS BRLABS PA KHO NA MNGON PAR GSAL BAR BYED PA YIN PAS DES JI LTAR DBANG PHYUG SGRUB BYAD MA YIN PAR 'GYUR SNYAM NA, DE YANG ZHES GSUNGS SO, ,LAN NI SNGAR BTAB PO ZHES BYA BA NI NUS PA NYID DU MTHONG BA JI LTAR NUS PA MA YIN BA ZHES BYA BA LA SOGS PAS SO, ,GANG GI PHYIR DE LTAR BLO TZAM SGRUB NA GTAN TSIGS THAMS CAD GRUB PA DANG, KHYAD PAR CAN DBANG PHYUG LA YANG DPE MA GRUB PAS NA KHYAB PA MED PA'I PHYIR MA NGES PA DANG, CI LTAR MTHONG BA BZHIN RTOGS PA NA YANG 'DOD PA LA GNOD PA'I 'GAL BAR 'GYUR BA DANG, DBANG PHYUG DE NYID KYIS

KYANG MA NGES PA DANG, DBYIBS KYANG MED PAS MA GRUB PA DANG, SHING LA SOGS PAS 'KHRUL PA'I PHYIR MA NGES PA DANG, DBANG PHYUG BYED PA PO YIN PA LA YANG DPYAD MI BZOD PA DES NA ZHES MJUG SDUD PA'O, ,DE DE DE DANG DE LAS YIN, ,ZHES BYA BA NI DE DANG DE LAS DE DANG DE SKYES SO ZHES THA SNYAD KYIS TE; 'BRAS BU'I TSOGS RNAMS SEMS PA CAN GCIG LA NGES PA NYID MA YIN NA DBANG PHYUG GI GTAM YANG MED DO ZHES BYA BA'I DON TO, ,DE LTAR MIN NA ZHES BYA BA NI GAL TE GCIG LA BYED PA PO SEMS PA CAN MTHONG BA TZAM GYIS THAMS CAD LA, 'GRAS BU NYID LA SOGS PA TZAM MTHONG BA'I PHYIR BYED PA PO SEMS PA CAN, RJES SU DPOG NA DE'I TSE SER PO YANG DKAR PO YIN TE, DNGOS PO NYID YIN PA'I PHYIR DKAR PO GZHAN BZHIN NO ZHES BYA BAR 'GYUR RO, ,THAL BA 'DI SPANG PA'I DON DU GZHAN GYIS, MNGON SUM GNOD PAS MIN ZHE NA ZHES SMRAS SO, ,DNGOS PO NYID YIN PA LA NI SER PO DKAR PO NYID DU DPOG PAR MI 'GYUR RO, ,MNGON SUM GYIS GNOD PA'I PHYIR RO ZHES BYA BA'I THA TSIG GO, ,DE 'DIR ZHES BYA BA NI GRUB PA'I MTHA' STE, MNGON SUM GYIS GNOD PA DE DBANG PHYUG RJES SU DPAG PA 'DIR MED CES TSAD MA GANG LA RTOGS TE, MTSAN NYID DANG LDAN BA LA GNOD PA MTHONG NA DE'I MTSAN NYID CAN GZHAN LA YANG GNOD PA DOGS PA MI LDOG PA'I PHYIR DANG, RTZVA LA SOGS PA LA SKYES BU MED PAR MTHONG BA'I PHYIR RO, ,'ON TE DE LAS MA MTHONG BA'I BYED PA PO YOD PA YIN NO ZHE NA, MNGON SUM DANG MI DMIGS PA GNYIS KYIS MED NA MI 'BYUNG BA GRUB PA KHAS BLANGS PAS NA, RANG BZHIN GYIS BSKAL BAS LTAR BTUNG BA DANG CIG SHOS KHAS BLANGS PAR MI 'THAD PA'I PHYIR DANG, KHAS LEN NA YANG LDOG PA MI 'GRUB PA'I PHYIR MED NA MI 'BYUNG PAR MED PAR THAL BA'I PHYIR RO, ,'ON TE KHYAB PA 'DZIN PA'I DUS NA SKYES PHUR BA LTAR RUNG BA LAS LDOG PA GRUB PA NYID KYIS MA MTHONG BA SEMS PA MED PA LA LDOG PA 'GRUB BO ZHE NA, DE LTA NA NI 'O NA RTZVA LA SOGS PA LA NI GNOD PA LA SOGS PAR GNAS SO, ,'DIR YANG MTHONG BA'I SEMS PA CAN LDOG PA GRUB PA NYID MA MTHONG BA'I SEMS PA CAN LDOG PA'I PHYIR RO, ,RNYED NA NI 'JUG LA GONG

, ,NA NI LDOG PA ZHES BYA BAR NI MI RIGS SO, ,DE'I PHYIR GNYI GA LA YANG MNGON SUM GYIS GNOD PA MED PA'I PHYIR GNOD PA TSAD MAS MA GRUB PA'O, ,'DI TZAM GYIS GSAL BAR YIN YANG GZHAN GYIS SMRAS PA NI RIGS PA CAN DE'I DBANG PHYUG RJES SU DPOG PA LA GNOD PA DMIGS PA MED PA'I PHYIR NA DE'I GNOD PA NYID MA YIN NA'O, ,BDAG GIS GNOD PA MA MTHONG BA DE TZAM GYIS GNOD PA MED PA YIN NO ZHES BYA BA'I DON TO, ,LAN DU RIGS PA CAN KHYOD KYIS GNOD PA MI DMIGS PA'I MTSAN NYID KYIS MA MTHONG BA NI TSAD MA MA YIN PA KHO NA'O; ;TSAD MAS KHAS BLANGS NA CI SKYON ZHE NA, GAL TE KHYOD KYIS MA DMIGS PA'I MA MTHONG BA TSAD MA YIN NA DE'I TSE DBANG PHYUG KYANG MA DMIGS PA'I PHYIR DE YANG 'GOG PAR 'GYUR RO, ,DE NI RJES SU DPAG PA LAS GRUB PA'I PHYIR DE LTA MA YIN NO ZHE NA, 'DI NI SNYING PO MED DE MA DMIGS PA TZAM LAS THE TSOM DU 'GYUR NA RJE SU DPAG PA'I GO SKABS YOD KYI DE LAS KHYAD PAR GCIG TU NGES PAR GRUB NA NI MA YIN NO, ,'ON TE DBANG PHYUG MED PAR GRUB PA LA NI MA MTHONG BA TSAD MA MA YIN TE THE TSOM ZA BA'I PHYIR RO, ,DES NA RJES SU DPAG PA LA 'JUG GO SNYAM NA, 'O NA NI GNOD PA MED PA LAS KYANG MA MTHONG BA TSAD MA MA YIN PA KHO NA'O, ,DE LTA NA YANG DBANG PHYUG CI LTAR 'GRUB, DES NA GNOD PA DANG GNOD PA MED PAS BYAS PA'I KHYAD PAR NI YOD PA MA YIN NO, ,DES NA LHAN CIG 'BYUNG PA TZAM MTHONG BA LAS THAMS CAD THAMS CAD LA RJES SU DPOG PA ZHES BYA BA NI LEGS PAR GNAS PA YIN NO, ,DU BA LA ME BZHIN DU SEMS PA TZAM SEMS PA CAN GYI KHYAD PAR GYIS NI 'BRAS BU NYID LA SOGS PA LA KHYAB PA TSAD MAS MA GRUB PO ZHES STON PA NI, GZHAN YANG ZHES BYA BA LA SOGS PA'O, ,DNGOS PO ZHES BYA BA NI DON BYA BA BYED PA'O, ,DE BZHIN DU SGRUB PAR BYED PA GZHAN DAG KYANG NYE BAR MTSON PAR BYA BA YIN NO, ,CI'I PHYIR RJES SU DBOG PAR BYED PA MA YIN ZHE NA, SKYES BU'I 'DOD PAS ZHES BYA BA LA SOGS PAS GSUNGS SO, ,DE LTA MA YIN NA ZHES BYA BA NI GAL TE 'DOD PAS GTAN TSIGS BSGRUB BYA BA SGRUB PAR BYA BA'I PHYIR 'JUG

NA; DE'I TSE DBANG PHYUG LAS BZLOG PA YANG 'GRUB PAR 'GYUR RO, ,JI LTAR DBANG PHYUG MED PAR THAL ZHE NA, DE YANG ZHES SMOS TE, DBANG PHYUG MED PA YANG NGO, ,DE'I PHYIR GDON MI ZA BAR KHYAD PAR 'DZIN PA KHAS BLANG PA BYA DGOS SO, ,KHYAB PA RTOG PA DE YANG RNAM PA GNYIS TE, MNGON SUM DANG RJES SU DPAG PA DAG LAS SAM, BZLOG NA GNOD PA CAN GYIS TSAD MAS SO, ,DE LA MNGON SUM DANG MI DMIGS PA'I DBANG DU BYAS NAS BSHAD PA NI 'ON KYANG ZHES BYA BA'O, ,GANG JI LTAR ZHES BYA BA NI GANG CI 'DRA BA ZHES BYA BA'I DON TO, ,DE 'DRA BA NYID CES BYA BA NI 'DAS PA NA BYED PA PO DANG BYA BA'I TSIG GO, ,'DIS NI NGES PA'I 'BRAS BU NI GO BAR BYED PA YIN LA, NGES PA'I RGYU NI GO BAR BYA BA NYID YIN NO ZHES SPYI CHEN PO SPANGS PA YIN NO, ,'DI NYID RNAM 'GREL LA SBYOR BA NI ZHES BSHAD PA NI ZHES BYA BA'O, ,DBYIBS LA SOGS PA CI 'DRA BAR GYUR PA'O, , DBYIBS LA SOGS PA DE LAS BYIN GYIS RLOB PA PO SEMS PA DANG LDAN PA RJES SU DPOG PA GANG YIN PA DE NI RIGS PA NYID YIN NO, ,CI 'DRA BA YANG YIN LA, BYIN GYIS RLOB PA PO YANG DE YIN PA DE YOD PA DANG, MED PA'I RJES SU 'JUG PAR DBYIBS LA SOGS BA GRUB NA NI DBYIBS LA SOGS PA DE LAS, BYIN GYIS RLOB PA PO DE 'DRA BA RJES SU DPOG PA GANG YIN PA DE NI RIGS PA NYID YIN NO, ,'DIR NI BUM PA LA SOGS PA RNAM PA GZHAN LA NI KHYAB PA YIN LA, RI LA SOGS PA RNAM PA GZHAN DU 'GYUR BA LAS NI RJES SU DPAG PAR RTZOM PA'I PHYIR TSAD MA'I RJES SU 'BRANGS PA GA LA YOD CES BYA BA'I DON TO, ,DE LTA NA 'O NA SGRA MI RTAG STE BYAS PA'I PHYIR BUM PA BZHIN NO ZHES BYA BA 'DI YANG RJES SU DPAG PA MA YIN TE, RIGS SHIN TU MI 'DRA BA YOD PA'I PHYIR RO ZHE NA, MA YIN TE, GANG GI PHYIR BUM PA NYE BAR MTSON BYAR BYAS NAS MNGON SUM GYI RJES LAS BYUNG BA'I RNAM PAR RTOG PAS YUL DU BYAS PA 'BRAS BU MA YIN PA LAS LDOG PA TZAM KHYAD PAR GYIS RNAM PAR MA BCAD PA'I SPYI NI MI RTAG PA TZAM GYIS KHYAB PAR SHES PAR 'DOD PA NA, GAL TE BZLOG PA LA GNOD PA'I RJES SU DPAG PA SBYAR BAR NUS NA DE'I TSE MI RTAG PA NYID KYANG RJES SU DPOG GI GZHAN

, ,DU NI MA YIN NO, ,SKABS SU NI CI LTAR ME'I MTSAN NYID KYI DNGOS PO 'DI MED NA SNGAR MA DMIGS PA'I DU BA'I DNGOS PO GZHAN GYI TSE 'DI DMIGS PA NA DMIGS PA DES 'BRAS BU YIN PA'I PHYIR, KHYAB PA KHYAD PAR CAN GYIS SBYIN LA BRTEN PA YIN NO, ,DE BZHIN DU DE 'DRA BA'I SKYES BU'I MTSAN NYID KYI DNGOS PO'I'AM, SEMS PA CAN TZAM MED NA, CI LTAR YONGS SU MTHONG BA'I BUM PA LA SOGS PA MED LA, DE YOD NA NI YOD PA DE'I 'BRAS BU YIN PA'I PHYIR 'BRAS BU'I KHYAD PAR LA KHYAB PA GRUB KYI 'BRAS BU TZAM LA NI MA YIN TE, SEMS PA CAN GYI BYED PA'I SNGON ROL DU 'BRAS BU TZAM LDOG PA MA GRUB PA'I PHYIR RO, ,ME'I BYA BA'I SNGA ROL DU NI DU BA TZAM LOG PA GRUB PA NYID DO, ,DES NA 'BRAS BU'I KHYAD PAR GYI RANG BZHIN NYID SGRUB PAR BYED PA YIN GYI 'BRAS BU TZAM NI MA YIN NO, ,DU BA LA YANG LO MA LAS BYUNG BA LA SOGS PA NANG GI DBYE BA YOD DO ZHE NA, YOD MOD GAL TE DE DAG KYANG MNGON SUM GYI RJES LA BYUNG BA'I RNAM PAR RTOG PAS GZHAN LAS LDOG BA NYID KYI SGO NAS 'DZIN NA DE'I TSE NYES PA CI YOD DE, SNGAR BSHAD PA'I TSUL GYIS DU BA TZAM LA KHYAB PAR RTOGS PA'I MI LDOG PA'I PHYIR RO, ,SKABS SU BAB PA NI KHYAB PA RTOGS PA MED CES BSTAN ZIN TO, ,DE NYID KYI PHYIR TSONG DUS SU PHYIN PA'I BUM PAS KYANG DE 'DRA BA'I BZO BRJES SU DPAG PA KHO NA'O, ,RI LA SOGS PA'I RNAM PAS NI MA YIN NO, ,SHIN DU RIGS MI MTHUN PA'I LHA KHANG LA SOGS PA'I GO BAR BYED PA NI KHYAB BA SO SOR BZUNG BA'I 'BRAS BU NYID DO, ,DE NYID KYI PHYIR DE'I TSE BZO RIG PA KHYAD BAR CAN RJES SU DPOG GI BUM PA BYED PA'I BZO DANG LDAN PA MA YIN NO, ,GAL TE RI LA SOGS PA LA YANG KHYAD PAR DANG LDAN PA NYID RJES SU DPOG PAR 'GYUR ZHE NA, GAL TE LHA'I KHANG PA GZHAN BZHIN DU RI GZHAN LA BYED PA MTHONG NA NI 'GYUR BA KHO NA'O, ,DE'I PHYIR MNGON SUM GYI KHYAB PA BZUNG NA NI 'BRAS BU'I RIGS KHYAD PAR CAN SEMS PA CAN DANG 'BREL PA 'GRUB PA'I PHYIR 'BRAS BU TZAM LAS NI RJES SU DPOG PA MA YIN NO, ,RTZVA LA SOGS PAS 'KHRUL PA YANG SPANG BAR MI NUS SO, ,'DI LTAR MNGON

SUM DANG MI DMIGS PA'I BYED PA NI BA LTAR RUNG BA'I RANG BZHIN MED NA MI 'BYUNG BA YIN PA'I PHYIR, BLTAR RUNG BA'I LUS CAN SEMS PA CAN GYI KHYAD PAR KHO NA DANG, KHYAB PA RTOGS PAR BYA BA YIN LA, BLTAR RUNG BA NI RTZVA LA SOGS PA SKYE BO LA MA DMIGS PA GRUB PA KHO NA'O, ,'ON TE BLTAR RUNG BA'I KHYAD PAR DANG BRAL BA'I RTOG PA DANG LDAN PA TZAM DANG KHYAB PA 'DZIN PAR 'DOD PA YIN NO, ,DE'I TSE MNGON SUM LA BRTEN PA MA YIN NO, ,GAL TE MI MTHONG BA'I SEMS PA CAN SRID PAR BYAS NAS 'KHRUL BA SPANG NA DE'I SEMS PA CAN MED PA LA 'BRAS BU MED PAR SEMS PA NA SRID PA 'DI GAR SONG NA, GANG GIS LDOG PA 'GRUB PAR 'GYUR, ,RGYU DANG 'BRAS BU'I NGO BO NI RJES SU 'GRO BA DANG, LDOG PA'I RANG BZHIN YIN NO, ,GAL TE DE RDZA MKHAN LDOG PA NYID LA SEMS PA CAN LDOG PAR BRJOD NA, RTZVA LA SOGS PA SKYES PA LA YANG DE BZHIN DU THAL BAR 'GYUR BAS 'KHRUL PA GA LA SPONG; DES NA SEMS PA CAN GYI BYED PA NI BUM PA LA SOGS PA BSGRUB PA NYID LA BRJOD PAR BYA'O, ,GAL TE MNGON SUM GYI KHYAB PA 'DZIN PA'I BYED BA BLTAR RUNG BA'I RANG BZHIN KHO NA LA LTOS PA YIN LA, BLTAR RUNG BA YANG RANG BZHIN GYIS BSKAL PA SPANGS PA KHO NAS YIN GYI, KHYAB PA MED PAR THAL BA'I PHYIR, ,YUL DANG DUS KYIS BSKAL PA SPANGS PAS NI MA YIN PA DE'I TSE, RGOD PA LA SOGS PA LA BLOS KHYAB PAR JI LTAR RTOGS TE, GZHAN GYI RGYUD NI RANG BZHIN GYIS BSKAL BA'I PHYIR RO, ,GANG LAS LDOG PA 'GRUB PAR 'GYUR BA 'DOD PA'I SEMS LOG PA NA RGOD PA'I SEMS LDOG PA'I TSE SEMS GZHAN LDOG PAR YANG JI LTAR RTOGS SHE NA MA YIN TE, RANG RIG PA'I SPYOD YUL NYID KYIS BLO GZHAN LA YANG BA LTAR RUNG BA NYID MI LDOG PA'I PHYIR RO, ,GANG ZHIG KHYAB PA 'DZIN PA LA ZHUGS PA'I RANG RIG BA DE NYID GZHAN DU MED DO ZHES BYA BA 'DIS CI BYA STE, ME LA YANG KHYAB PA 'DZIN PA MNGON SUM DE NYID NI ME GZHAN LA YANG YOD PA NI MA YIN NO, ,MTHONG BA'I THA SNYAD KYI SGRUB BYED DE 'DRA BA'I MNGON SUM GYI YUL NYID NI MTSUNGS PA KHO NA'O, ,KHYAD PAR NI 'DI YIN TE, RIGS PA NI NAM YANG RANG

, ,RIG PAS BLTA BAR BYA BA NYID LAS 'DA' BA MED LA, ME NI RE 'GA' RUNG BA TZAM GYIS KYANG DBANG PO'I SHES PA'I SPYOD YUL YIN NO, ,DE'I PHYIR RANG GI MNGON SUM LA LTOS PA'I BLTA BAR BYA BA NI GNYI GA LA YOD DO, ,'PHO BA'I ME NI DE 'DRA BA'I MNGON SUM DU RUNG BA MA YIN TE, DES NA DE BCAD PA'I DON KHO NAR GSAL ZHING 'BAR BA'I GZUGS KYIS ME KHYAB BYED DU NGES PAR BYA BA YIN NO, ,GANG ZHIG GI SA BKAB PAR THAL BA DE LTAR SEMS KYI RIGS RIG PA MA YIN PA NI 'GA' YANG MED DO, ,'DOD PA'I SEMS BKA' BA'I DUS SU SEMS GZHAN MA BKAB MOD, 'DOD PA'I SEMS MED NA RGOD PA MED PA ZHES BYA BA DE TZAM GYIS RGYUD GZHAN GRUB PO, ,SEMS TZAM NGES PA MA YIN NO ZHES BYA BA 'DI CIS BYA STE, KHYAD PAR GRUB NA SPYI 'BAD PA MED PAR GRUB PA'I PHYIR RO, ,YANG NA DBANG PHYUG RJES SU DPOG PA BZHIN GZHAN GYI RGYUD RJES SU DPAG PA YANG MI 'THAD PA KHO NA'O, ,DE LA NI KHO BO CAG GIS KHAS BLANGS PA TZAM YIN PA'I PHYIR NYES PA MED DO, ,DE'I PHYIR GAL TE BLO DANG LDAN PA BLTAR RUNG BA'I LUS KYIS KHYAD PAR CAN KHO NA DANG KHYAB PA BRJOD PAR 'DOD PA DANG, DE GRUB PA TZAM GYI SEMS PA CAN TZAM GYIS BYAS PAR NGES PA NYID DU 'DOD PA YIN NA 'GYUR MOD CHAD PA CI YOD, 'ON KYANG RTZVA LA SOGS PAS 'KHRUL PA ZLOG PAR DKA' BA KHO NA'O ZHES BYA BAR GNAS SO, ,DE NYID KYI PHYIR CI 'DRA BA'I BYIN GYIS RLOB PO ZHES BSHAD PA GZHAN BYAS PA YIN NO, ,DE'I PHYIR RGYU DANG 'BRAS BU'I DNGOS PO'I MTSAN NYID KYI 'BREL PA SGRUB PA'I DON DU NI MNGON SUM DANG MI DMIGS PA LA BRTEN PA LEGS PA MA YIN TE, RANG BZHIN GYIS BSKAL BA SPANGS PA KHO NAS BLTAR RUNG BA'I YUL CAN PA'I PHYIR DANG, SEMS PA CAN LOG PAS 'BRAS BU TZAM LDOG PA MA GRUB PA'I PHYIR NA, GO RIMS BZHIN DU BSGRUB BYA DANG SGRUB BYED LA LTOS NAS NGES PA DANG THE TSOM ZA BA DAG GIS MA NGES PA MI SPANG BA'I PHYIR RO, ,BZLOG PA LA GNOD PA'I TSAD MAS 'GOG PA LA 'JUG PA YANG 'DI TZAM NYID KYIS BSAL BA YIN NO, ,'DI LTAR GAL TE YANG 'BRAS BU TSOGS PAS BSGRUB PAR BYA BA YIN

PAR NGES PA DE LTA NA YANG TSOGS PA SKYES BU LA RAG LAS SO ZHES BYA BA 'DI GA LAS YIN DE BZHIN DU MTHONG BA'I PHYIR RO ZHE NA, 'O NA NI RJES SU 'GRO BA DANG LDOG PA'I SGRUB BYED MNGON SUM DANG RJES SU DPAG PA'I BYED PA DE NYID 'ONGS PA YIN LA, DE YANG RIGS KYI KHYAD PAR GYI YUL CAN YIN NO ZHES BSTAN ZIN TO, ,DE'I PHYIR RIGS GANG ZHIG TSOGS PA SKYES BU LA RAG LAS BAR RTOG PA DE 'DRA BA NYID NA, LDOG PA YIN GYI 'BRAS BU TZAM NI MA YIN NO, ,SKYES BU'I 'BAD PA MED PAR RGYU'I TSOGS PAR 'GYUR NA THAMS CAD KYI TSE 'GYUR RO ZHES BYA BA YANG RIGS PA MA YIN TE, MA MTHONG BA YONGS SU SMIN PA'I LHAN CIG BYED BA CAN RGYU THAMS CAD KYI YONGS SU GYUR PA BRGYUD PA LA LTOS PA NI RES 'GA' BA NYID DU 'THAD PA'I PHYIR RO, ,SEMS PA CAN GYI BYED PA MED PAR YANG SHING PHUNG DUD PA'I MTSAN NYID KYI TSOGS PA CAN GYI ME BYUNG BA'I NI MTHONG BA YANG YIN NO, ,MA MTHONG BA RTOGS PA LA NI SGRA LA SOGS PA'I 'BRAS BU BZHIN DU SUN 'BYUNG BAR BYA'O, ,DU BA'I RJES SU DPAG PA LA NI SUN 'BYIN PA'I SKABS MED PA'I PHYIR MI MTSUNGS SO, ,MNGON SUM LA BRTEN PA'I BYED PA SUN 'BYIN PA 'DI NI BLO DANG LDAN PA TZAM BZHIN DU NYE BAR LEN BA LA SOGS PA MNGON PAR SHES PA LA SOGS PA BSGRUB PAR BYA BA LA YANG THUN MONG YIN PA'I PHYIR, BDE BYED LA SOGS PAS NYE BAR LEN BA LA SOGS PA MNGON PAR SHES PA'I KHYAD PAR BSHAD PAS NI GRUB PA LA SGRUB PA SPONG BAR RUNG YANG, DE LTAR 'DOD PA BSGRUB PAR NI NI MI NUS SO, ,GANG GI RIGS CAN GYI 'BRAS BUL BYED PA PO RJES SU DPOG PA DE DANG, DE LA DE'I NYE BAR LEN PA LA SOGS PA MNGON PAR SHES PA NYID YIN PA'I PHYIR, 'DI LA MI 'DOD PA MED DO, ,GANG LAS NGES PAR MANG PO SHES PA NYID DU YANG 'GYUR BA SKYES BU BYAS PA'I 'BRAS BU'I RIGS THAMS CAD LA, BYED PA PO GCIG NYID DU NGES PA YANG MA YIN TE, MANG PO RNAMS KYI BYED PA YANG MTHONG BA'I PHYIR RO, ,THAMS CAD MKHYEN PA NYID NI RGYANG RING DU SPANG BA NYID LAS BRJOD PA DON MED DO, ,DE NYID KYI PHYIR DE'I RTZIS KHONG DUM BCUG PAR BLO DANG LDAN PA TZAM GYIS DBANG DU BYAS NAS MNGON SUM TZAM LA BRTEN

, ,BA'I KHYAB PA LA SUN 'BYIN PA BRJOD DO, ,RE ZHI GA THA DAD PA DAG GI DNGOS PO PA'I 'BREL PA NI RGYU 'BRAS LAS GZHAN MA YIN LA DE YANG MA GRUB PA ZHES STON PA THEG PA KHO NA'O, ,DE'I PHYIR TSAD MA'I RJES SU 'BRANGS NAS MNGON SUM DANG MI DMIGS PA DAG LAS GZHAN NI RGYU DANG 'BRAS BU GRUB PA LA SGRUB BYED MED DO, ,DE LA BRTEN PA NA YANG KHYAD PAR NYID RGYU DANG 'BRAS BU'I DNGOS POR NGES BA'I PHYIR, DE TZAM ZHIG MNGON SUM GYI RJES SU 'BRANGS NAS SUN PHYUNG PA YIN NO, ,DE'I PHYIR DE LTAR DBYIBS LA SOGS PA SGRUB PAR BYED PA NI RIGS SO ZHES BLTA'O, ,DE LTAR SGRUB BYED NYID DU RIGS PA BRJOD NAS DE'I 'BRAS BU RJES SU DPAG PA YANG 'THAD PAR BRJOD PA'I SGO NAS DE NYID RNAM PAR 'GREL PA NI DBYIBS SAM ZHES BYA BA STE, DBYIBS KYI KHYAD PAR RO, ,DNGOS PO NYID DAM ZHES BYA BA NI DON BYA BA BYED PA'O, ,'O NA KHYAD PAR 'GYUR BA'I RNAM 'GREL GYI DON CI YIN ZHES BYA BA'I DOGS PA SEL BA NI GZHAN DU NI MA YIN NO ZHES BYA BA STE, RI LA SOGS PA RNAM PA GZHAN LAS NI BYED PA BO RDZA MKHAN RJES SU DPOG PA'AM, RIL SOGS PA NYE BAR LEN PA LA SOGS BA RIGS PA RJES SU DPOG PA'AM, MA MTHONG BA RJES SU DPOG PA NI MA YIN NO, ,DE LTAR 'DI THAMS CAD RNAM 'GREL MDZAD PAS BSHAD PA'I BUM PA LA SOGS PA THA DAD PA'I DNGOS PO BA KHYAB BYED NYID DU RAB TU 'GRUB PA'I BLO DANG LDAN PA NI DBYIBS ZHES SGRA MTSUNGS PAS THA DAD LA MED PA'I RI LA SOGS PA LAS RJES SU DPAG PAR RIGS PA MA YIN NO, ,DE NYID KYI PHYIR RI LA SOGS PA'I NYE BAR LEN PA LA SOGS PA RIGS PA RJES SU DPOG PA YANG SPANGS PA YIN LA, KHYAB PA MA RTOGS PA NYID KYIS MTHONG BA RJES SU DPOG PA YANG SPANGS PA YIN TE, DPER NA SKYA BO SKYA BO ZHES SBRA MTSUNGS PAS THA DAD PA MED PA'I SKYA PO'I RDZAS LAS SKYA BO'I KHYAD PAR LA KHYAB PAR BYED BA NYID DU RAB TU GRUB PA'I ME RJES SU DPOG PAR MI RIGS PA BZHIN NO, ,'DI NYID 'CHAD PA NI GAL TE ZHES BYA BA'O, ,BYED PA PO'I KHYAD PAR NI RDZA MKHAN LA SOGS PA'I GNAS SKABS KYI MTSAN NYID DAM, BUM BA'I NYE BAR LEN PA

LA SOGS PA MNGON PAR SHES PA'I MTSAN NYID DAM, BA LTAR RUNG BA'I MTSAN NYID DE, DE'I RJES SU 'GRO BA'I DBYIBS BTANG NAS ZHES BYA BAS DE RJES SU 'JUG PA CAN GYI DBYIBS BZHAG STE'O, ,DNGOS PO TZAM ZHES BYA BA NI BSDAD NAS 'JUG PA DANG, 'BRAS BU'I NYID LA SOGS PA'I NYE BAR MTSON PAR BYA'O, ,KHYAD PAR CAN GYIS KHYAB PA BOR NAS SPYI LA BRTEN NA ZHES BYA BA'I DON TO, ,DPE'I RNAM PAR 'GREL PA NI SKYA BO'I RDZAS LAS ZHES BYA BA YIN NO, ,CI'I PHYIR SKYA BO'I RDZAS LAS ME RJES SU DPAG PAR MI RIGS SNYAM NA, DE LA ZHES GSUNGS TE, ME RJES SU DPOG PA'O; ,'O NA DU BA NYID LAS ZHES BYA BA NI GZHAN GYI'O, ,LAN NI 'DIR SMRAS PA ZHES BYA'O, ,GANG GIS DU BA DE NYID LAS ZHES BYA BA LA SOGS PA JI SKAD BRJOD PA'I NYES PAR 'GYUR BA, DU BA NYID THA DAD PA LAS NA SKYA BO'I KHYAD PAR DU GYUR PA MA YIN NO, ,DU BA KHYAD PAR MA YIN NA DU BA'I KHYAD PAR DU RTOGS PA'I SKYA BO GANG YIN PA ZHES BYA BA'I DON MA RTOGS NAS DU BAR RTOGS PA'I ZHES 'DRI BAR BYED DO, ,LEN NI ME'I ZHES BYA BA'O, ,DE'I PHYIR DPER NA SKYA BO'I RDZAS LAS ME RJES SU DPAG PA MA YIN PA DE BZHIN DU 'BRAS BU TZAM LAS KYANG DBANG PHYUG RJES SU MI DPAG STE, SKYES BUS KHYAB PAR MA GRUB PA'I PHYIR RO, ,'DIR LAN 'THAD PAR MA MTHONG NAS, RNAM PA 'GA' ZHIG GI SGO NAS DKRUGS PAR BYA BA'I PHYIR GZHAN GYI GAL TE ZHES SMRAS SO, ,MYU GU 'BA' ZHIG DU MA ZAD DE, DU BA 'DIR YANG NA RJES SU 'GRO BA STE YOD PA DANG, LDOG PA STE MED PA DE DAG GI RJES SU 'JUG PA NYID JI LTAR RTOGS PAR BYA STE, KHYAB PA RJES SU 'GRO BA LA SOGS PA NI BZUNG BAR MI NUS PA'I PHYIR RO SNYAM DU DGONGS PA'O, ,RJES SU 'GRO BA DANG LDOG PA'I RJES SU BYED PA'I RNAM PA NYID STON PA NI DU BA 'DI ZHES BYA BA'O, ,LAN NI RGYU 'BRAS DNGOS POR MA BZUNG BAR ZHES BYA BA'O, ,RNAM 'GREL GYI DON GSAL BAR BYED PAS MJUG SDUD PA NI DE'I PHYIR ZHES BYA BA'O, ,DBYIBS KYI KHYAD PAR CAN YANG YIN LA BUM PA LA SOGS PA'I DPE YANG YIN ZHING THA DAD PA'I DNGOS PO YANG YIN PA STE, DE LA MTHONG BA'I DNGOS PO'I KHYAD PAR SKYES BU BYIN GYIS BRLABS PA'I BYE BRAG GANG YIN PA

, ,DE RJES SU DPAG PAR RIGS PA MA YIN LA ZHES 'BREL TO, ,MTHONG BA ZHES BYA BA NI RANG SGRUB PA'I SGRA'I DON TE, DON GYIS 'ONGS PAS NA DPE ZHES BYA BA'I THA TSIG GO, ,DE NI SGRA MTSUNGS PA THA DAD PA MED PA'I RTAGS LAS RJES SU DPAG PAR RIG PA MA YIN NO ZHES BYA BAR BLTA'O, ,DE BZHIN DU NYE BAR LEN PA LA SOGS PA MNGON PAR SHES PA'AM, MA MTHONG BA'I DBANG PHYUG KYANG RJES SU DPAG PAR MI RIGS SO ZHES BYA BA 'DI NI GCIG TU NGES PA YIN NO, ,GANG DU DPE MTHONG PA YANG RJES SU MI DPOG PA DER MA MTHONG BA NI SMOS MI DGOS SO SNYAM DU DGONGS PA'O, ,GAL TE KHYAD PAR GYIS KHYAB PAR RTOGS KYANG SPYI LAS RJES SU DPOG NA DE'I TSE DU BA MA YIN PA'I DKAR PO LAS KYANG ME DPOG PAR THAL LO ZHES BYA BA 'DI LA LAN SMRAS PA NI, ,'ON TE YANG ZHES BYA BA LA SOGS PA'O, ,MNGON SUM GYIS 'DOD PA NYID GSAL BAR BYED PA NI THAMS CAD DU ZHES BYA BA'O, ,LAN NI MED DO ZHES BYA BA STE, GNOD PA MED PA TZAM GYIS NI RJES SU DPAG PA 'JUG PA MA YIN NO, ,GAL TE GNOD PA MED PA LAS RJES SU MI DPOG NA GANG LAS DPOG CE NA, DE NI 'BREL PA MTHONG BA LAS YIN NO ZHES LE'U DANG POR BRJOD PA YIN NO, , 'BREL PA YANG DE'I BDAG NYID LAS GZHAN DE LAS BYUNG BA KHO NA YIN LA, BLO DANG LDAN PA DANG 'BRAS BU GNYIS LA NI 'DI YOD PA MA YIN NO ZHES DPYAD MA THAG PA KHO NA'O, ,DE LTA MIN NA ZHES BYA BA NI 'BREL PA LA MA LTOS PAR GNOD PA MED PA TZAM LAS RJES SU DPOG NA'O, ,'ON TE 'DIR GNOD PA YOD PA KHO NA YIN TE, DES NA RDZA MKHAN RJES SU DPAG PAR CI LTAR THAL ZHE NA, GROG MKHAR RDZA MKHAN GYIS BYAS PA LA NI ZHES GSUNGS TE, GROG MKHAR RDZA MKHAN GYIS BYAS PAR RJES SU DPOG PA LA NI GNOD PA YOD PA MA YIN NO, ,GAL TE ZHES BYA BA LA SOGS PA NI GZHAN GYI'O; ,GAL TE BYED PA PO RDZA MKHAN YIN NA DE'I TSE ZHES KHONG NAS DRANGS TE, DMIGS PA NYID DU 'GYUR RO ZHES SBYAR RO, ,CI ZHES BYA BA NI GRUB PA'I MTHA' STE, CI LTAR MNGON PAR 'DOD PA'I BSGRUB BYA RI LA SOGS PA LA DBANG PHYUG KYANG DMIGS SAM CI, MA DMIGS PA KHO NA'I PHYIR BSGRUB

PAR BYA BA YIN NO ZHE NA, RDZA MKHAN YANG MI DMIGS PA KHO NA'O, ,DE NI GROG MKHAR 'GA' ZHIG LA DMIGS PA GNOD DO ZHES RTZVA LA SOGS PA LA YANG BLO DANG LDAN PA DMIGS PA LA GNOD PA MED DAM CI MNGON SUM GYI DBANG DU BYAS PA'I PHYIR RO ZHES DGONGS PA'O, ,GAL TE DE LTA NA ZHES BYA BA LA SOGS PA NI 'DI BRJOD PA YIN TE, ,RE ZHIG GNOD PA YOD DAM MED KYANG BLA STE, LHAG MA NI GDON MI ZA BAR BRTAG PAR BYA DGOS SO, ,DES NA LAS BZHIN DU DBANG PHYUG KYANG CI STE MI RTAG CES BYA BA'O, ,LAN DU DE CI ZHES BYA'O, ,DE LTA NA NI 'DI BRTAGS PA TZAM TU 'GYUR NA TSAD MA'I 'JUG PA BSAM PAR BYA BA YANG YIN NO SNYAM DU DGONGS PA'O, ,'ON TE ZHES BYA BA NI GZHAN GYI'O, ,SUN 'BYIN PA NI DES NA DE LAS KYANG ZHES BYA BA'O, ,'DI NYID LA SUN 'BYIN PA GZHAN BRJOD PA NI GZHAN YANG ZHES BYA BA LA SOGS PA'O, ,'BRAS BU GROG MKHAR DE LA YANG NGO, ,GZHAN GYIS BRTAGS PA NYID DU DKA' NA ZHES SMRAS SO, ,DE ZHES BYA BA NI GROG MKHAR LA RDZA MKHAN RTOG PA'O, ,LAN DU DBANG PHYUG LA YANG MED DAM CI ZHES BYA BA'O, ,PHYED PHYI MA'I RKANG PA DANG PO 'CHAD PA NI 'ON TE ZHES BYA BA'O, ,GNYIS PA 'CHAD PA NI GAL TE ZHES BYA BA'O, ,'DI DAG KYANG BYAS PA MA YIN TE ZHES BYA BA NI, RI LA SOGS PA DAG SKYES BUS BYAS PA MA YIN NO ZHES BLTA'O, ,CI PHYED RGAS PA 'DZIN TAM ZHES BYA BA NI PHYED RGAS PA LA YOD PA'I NOR NI PHYED RGAS PA'I NOR TE, GA HAL SOGS PA'I YIN PA'I PHYIR CHA'O, ,DPER NA 'GA' ZHIG PHYED RGAS PA'I NOR NI 'DOD KYI DE NI MA YIN PA DE BZHIN DU KHYED KYANG RDZA MKHAN DANG, DBANG PHYUG DU RTOGS PA GNOD PA'I DBANG GIS RANG RGAS PA LAS DBANG PHYUG GI CHA 'DOD PA 'DI NI MI 'THAD DO, ,RNAM PA GZHAN DU ZHES BYA BA NI MI MDZES PAR RO, ,'CHAD PA NI CI SKYES BU ZHES BYA BA LA SOGS PA'O, ,DES NA 'DI YANG BRTAGS PA TZAM KHO NA'O, ,DE'I PHYIR BUM BA LA SOGS PA'I DBYIBS SKYES BU MED NA MI 'BYUNG BAR DMIGS PA CI 'DRA DE 'DRA BA NI RI DANG RGYA MTSO LA SOGS PA LA MA YIN PA'I PHYIR DE LA SKYES BUS BYAS PA NYID RJES SU DPOG PA MA YIN NO, ,GAL TE DE BZHIN DU SGRA LA BYAS PA LAS MI RTAG BA NYID

, ,KYANG RJES SU DPAG PAR MI BYA STE, DER YANG BUM PA LA GNAS PA'I BYAS BA NYID SGRA LA YOD PA'AM, SGRA LA YOD PA NYID BUM PA LA YOD PA NI MA YIN NO, ,SGRA LA BYAS PA NYID KYI PHYIR DE LTA MI RTAG PA NYID MI 'DOD PA YANG MA YIN NO, ,DES NA 'DI NI LTAG CHOD YIN TE, CHOS THA DAD PA RNAM PAR RTOG PA'I PHYIR RO, ,DE SKAD DU YANG SLOB DPON PHYOGS KYI GLANG POS RANG GI GZHUNG DU 'DRAS MTSUNGS KYI MTSAN NYID 'DI NYID, 'BRAS NYID GZHAN GYI CHA YIS NI, ,ZHES BYA BA LA SOGS BAS GSUNGS SO ZHES BYA BA'I DOGS PA 'DI BSDUS NAS RNAM 'GREL LAS, BSGRUB BYAS RJES SU 'GRO BA'I PHYIR ZHES BYA BA LA SOGS BA'O, ,RE ZHIG GANG GI TSE MNGON SUM LA LTOS NAS KHYAD PAR CAN GYI RIGS DANG 'BREL BA'I 'BREL PAR RTOGS PAR BYED PA DE'I TSE 'DI RIGS PA YIN NO, ,GANG GIS BZLOG NA GNOD PA CAN GYI RJES SU DPOG PA'I STOBS KYI 'BRAS BU BYAS PA NYID LA BSGRUB BYA MI RTAG PA NYID KYI SPYIS RJES SU 'GRO BA'I PHYIR, SPYIR BSGRUB BYAR BYED PA LA GANG ZHIG 'BREL PA CAN THA DAD PAS THA DAD PA'I SKYON BRJOD PA DE'I TSE NA KHO BO CAG GI LUGS KYIS DE 'BRAS MTSUNGS SU 'DOD DO, ,'DIR DBYI BAS TZAM LA SKYES BUS BYAS PAS SGRUB PA'I RJES SU DPAG PA NI 'GA' YANG MED DE, ,MNGON SUM YANG ME LAS DU BA SKYE BAR MTHONG BA LTAR RIGS KYI KHYAD PAR GYI YUL CAN KHO NA RGYU DANG 'BRAS BU'I DNGOS POR RTOGS PAR BYED PA YIN NO, ,DES NA 'DIR YANG GAL TE RIGS KYI KHYAD PAR LA BRTEN PA SKYON MA YIN NA DE'I TSE GANG DU YANG MA YIN PA'I PHYIR THAMS CAD LAS THAMS CAD BRTAGS PAR THAL LO, ,RIGS KYI KHYAD PAR LA BRTEN NA YANG, KHYAB PA'I RIGS KYI KHYAD PAR NYID LAS RJES SU DPOG PA YIN GYI GZHAN LAS NI MA YIN NO ZHES BYA BA'I RNAM PAR DBYE BAR 'GYUR RO, ,DE'I PHYIR KHYAB PA SPYIR GRUB PA LA NI 'DI 'DRA BA LTAG CHOD KHO NA STE, MING NI CIR YANG GDAGS LA RAG GO, ,KHYAD PAR GYI KHYAB PA MA GRUB NA NI LAN NYID DO ZHES GNAS SO, ,GAL TE LANG RNAM 'GREL LA 'JUG PA'I TSUL 'DI NYID BSHAD PA BYED PAS KYANG BZHED PA YIN MOD KYI, DE LTA NA YANG RKANG

MIG GI LUGS SUN DBYUNG BAR DGONGS NAS RNAM PA GZHAN DU SBYAR NAS PHYIS GTZO BO LA SBYOR BA NA, RNAM 'GREL DE NYID LA 'JUG PA NI, GAL TE SKYON 'DI ZHES BYA BA LA SOGS PA'O, ,'BRAS BU DU MA'I PHYIR NA 'BRAS MTSUNGS SO ZHES BYA BA NI RKANG MIG GI MDO STE, 'BRAS BU RTZOL BYUNG DE DU MA YOD PA'I PHYIR RO, ,DE NYID RNAM PAR 'GREL PA NI, JI LTAR ZHES BYA BA LA SOGS PA'O, ,DE BZHIN DU DBYIBS GZHAN GYI 'BRAS BU YANG MTHONG BA'I PHYIR, BSGRUB PAR BYA BA BLO DANG LDAN PA LA GCIG TU NGES PA MA YIN TE, DPER NA RTZOL PA LA BYUNG BA NYID BSGRUB BYA 'BRAS BU NYID LA GCIG TU NGES PA LA YIN PA BZHIN NO, ,DES NA CI LTAR 'BRAS MTSUNGS TE LAN LTAR SNANG BA YIN PA DE BZHIN DU 'DI YANG YIN NO ZHES BYA BA'I THA TSIG GO, ,RNAM 'GREL GYI 'BRAS BU ZHES BYA BA NI RTZOL PA'I 'BRAS BU STE, BRTZAL MA THAG PA NYID DU ZHES BYA BA'I DON TO, , BSGRUB PAR BYA BAS 'BRAS BU NYID LA SOGS PA ZHES BYA BA 'DIR MDO LA YOD PA'I RJES 'GRO ZHES BYA BA LA LTOS PAR BYA'O, ,SGRUB PAR BYED PA'I YUL NI SGRUB BYED BRTZAL MA THAG PA NYID KYI YUL LA'O, ,CI LTAR THA DAD BAR BRJOD PA'I SKYON YIN ZHE NA, 'BRAS BU NYID CES BYA BA LA SOGS PA SMOS SO, ,'DI BSGRUB BYA BRJOD PA NI MA YIN GYI 'ON KYANG RTZOL BA'I 'BRAS BU NYID BRJOD PA STE, SKABS KYIS NA BRTZAL MA THAG PA YIN NO ZHES BYA BAR BSAMS PA'O, ,DES NA SGRUB PAR BYED PA 'BRAS BU RTZOL MA THAG PA NYID LA 'BREL PA THA DAD PA'I SGO NAS BRTAGS PA YIN NO, ,CI LTAR BRTZAL MA THAG PA'I SGRAS SKYES PA DANG MNGON PAR GSAL BA GNYIG BRJOD PA DE LTAR NI GTAN TSIGS KYI 'KHOR LO BSHAD PA'I SKABS SU STON PAR 'GYUR RO, ,TSUL 'DIS 'GREL PA CAN THA DAD PA THA DAD PAR BRJOD PA'I SKYON GANG YIN PA DE NI, 'BRAS MTSUNGS YIN TE, RTAG BA LA GSAL BA MI SRID PA'I PHYIR RO, ,GSAL BA YOD KYANG RIGS PA CAN GYI LUGS KYIS LTAG CHOD MA YIN NO ZHES STON BA NI DE LA YANG ZHES BYA BA STE, SGRA NI 'BRAS BU YIN TE, BRTZAL MA THAG PA YIN PA'I PHYIR RO ZHES BYA BA LA SOGS PA LA YANG SPANG STE,

, ,GZHAN 'BA' ZHIG TU YIN PAR NI MA ZAD PA'O, ,BRJOD PA'I RNAM PA BSHAD PAS NI RTZOL BAS SGRIB PA GSAL BA GANG YIN PA DE LAS MNGON PAR GSAL BAR GYUR PA LA YANG BRTZAL MA THAG PA NYID YOD PA KHO NA YIN PA DES NAM DES PA YIN NO ZHES DE LTAR YANG MI 'GAL NA ZHES BYA BA DE'I TSE YANG 'GAL BA MA YIN NO'O, ,MA NGES PA'I NYES BRJOD PAR BYED PAS 'GAL BAR MI BYED NA'O, ,DE LTAR BYAS PA'I RIGS PA CAN LA SOGS BA'I LUGS LTAR NA NI MA NGES PA NYID BRJOD PAR 'GYUR BAS LTAG CHOD MA YIN NO, ,'O NA KHYOD KYI LTAR NA CI LTAR LTAG CHOD YIN ZHE NA, 'ON KYANG ZHES GSUNGS TE, MNGON PAR GSAL BA DANG SKYE BA YONGS SU DOR PA'I SPYIS KYANG BRTZAL MA THAG PA LA SOGS PA SGRUB PAR BYED PAR 'GYUR BA YIN NO, ,GAL TE KHYAD PAR GNYIS SRID PA YIN NA, JI LTAR YONGS SU DOR NAS SGRUB BYED DU 'GYUR ZHE NA, GANG GI PHYIR ZHES RTAG PA LA NI ZHES GSUNGS TE, BYED PA 'BA' ZHIG TU NI MA ZAD KYI GSAL BA YANG NGO, ,'GAL BA NI TSAD MAS MI 'THAD PA'O, ,DES NA KHYAD PAR GNYI GA MI SRID PA'I PHYIR KHO BO CAG GI LTAR NA MA NGES PA BRJOD PA NI LTAG CHOD DO, ,DE LTA MA YIN NA ZHES BYA BA NI RTAG BA LA MNGON PAR GSAL BA SRID NA'O, ,'DIR RKANG MIG GI LAN NO, ,BSAM PA NI 'DI YIN TE, RTAG PA LA NI GSAL BAR 'DOD PA KHO NA'O, ,DE LTA NA YANG SPYIS KYANG SGRUB BAR BYED BA YIN BZHIN DU THA DAD PA'I SKYON BRJOD PA NI LTAG CHOD KHO NA YIN GYIS MA NGES PA NYID DU BRJOD BA BDEN BA NI MA YIN TE, SGRA MNGON PAR GSAL BAR MI 'THAD PA'I PHYIR RO ZHES BYA BA'O, ,'BRAS BU GZHAN NYID YIN NA ZHES BYA BA LA SOGS BA NI BSHAD PA STE, GZHAN NYID YIN NA ZHES BYA BA NI BRTZAL MA THAG BA NYID MNGON PAR GSAL BA DANG, SKYE BA'I GSAL BA NYID RNAM PA GNYIS YIN NA'O, ,'ON TE SGRA LA MI DMIGS PA'I RGYU BAR CHOD LA SOGS PA YOD PA NYID DO, ,DES NA RTZOL BA RGYU MA YIN PA NI 'DOD BA KHO NA'O SNYAM NA, SGRA LA NI ZHES GSUNGS SO, ,DES NA ZHES BYA BA NI BAR CHOD KYI RGYU MI 'THAD PAS SO, ,DE NI ZHES BYA BA NI SGRA'O, ,DE LA ZHES BYA BA

NI KA BA LA SOGS PA'O, ,NYE BAR SDUD PA NI DES NA ZHES BYA BA STE, ,SKYE BA NI MA YIN NO ZHES BYA BA'I DON TO, ,SGRA LA NI BAR CHOD KYI RGYU 'GA' YANG MA DMIGS TE, DES NA BRTZAL MA THAG PA NI SKYE BA'I SGO NYID NAS YIN NO ZHES BYA BAR BSAMS PA'O, ,'DI SUN 'BYIN PA NI KA BA 'BA' ZHIG TU MA ZAD KYI SGRA LA'ANG GSAL MA THAG TU MNGON PAR GSAL BA DE NI YOD PA MA YIN NO ZHES BYA BA 'DI GANG LAS CI LTAR ZHES BYA BA NI GO RIMS BZHIN DU GZHAL BYA DANG TSAD MA DAG SPANGS BA'O, ,GANG GI TSE 'DI RTOGS PAR MI NUS SHEN, GAL TE MNGON PAR GSAL BA DANG ZHES BYA BA'O, , GAL TE MNGON PAR GSAL BA DANG, 'GREL PA RTAG PA LA YANG 'THAD PA DANG LDAN BA YIN TE, NYES BA BRTEN PA MA YIN PA DE'I TSE SGRA LA DE MA THAG TU GSAL BA YOD PA MA YIN NO ZHES BYA BA 'DI CI LTAR RIGS ZHES BYA BA'I DON TO, ,'ON TE YANG ZHES BYA BA LA SOGS PA NI GZHAN GYI'O, , BAR CHOD PA LA SOGS PA'I RGYU NI GSAL BAR RTOGS PA MED PA MED DO ZHES 'BREL TO, ,SOGS PA SMOS PAS NI NGES PA MED PA LA SOGS PA MI DMIGS PA'I RGYU GANG CI YANG RUNG BA BZUNG STE, DPER NA BRAM ZES GNAS PA'I RLUNG BRTAGS PA'I LTA BU STE, DE YANG MA MTHONG BA KHO NA'O SNYAM NA, LAN DU DE YANG MI BDEN TE ZHES BYA BA'O, ,BUM PA LA SOGS PA 'BA' ZHIG LA BAR CHAD LA SOGS PAR BRTAG PAR NI MA ZAD DE SGRA LA'ANG NGO, ,YANG 'DI 'DRA BA'I RTOG PA DE GA LAS YIN SNYAM NA, GANG GI PHYIR SGRA NI 'JIG PA MA YIN PA NYID DE, DMIGS PA'I SNGA ROL DU ZHES RTOGS PAR BYA'O; ,CI'I PHYIR MI 'JIG CE NA, NGO SHES PA NI YIN PA'I PHYIR ZHES GSUNGS SO, ,BUM PA LA SOGS PA LA YANG ZHES BYA BA NI 'CHAD PA'O, ,'ON TE ZHES BYA BA NI GZHAN GYI'O, ,MI DMIGS PA'I GNAS SKABS NA YANG SKYES BU GZHAN GYIS DMIGS PA'I PHYIR NA BUM PA 'DI NI GNAS BA KHO NA'O ZHES DE LTAR RTOGS BA YIN NA'O, ,SUN 'BYIN PA NI GZHAN GYIS ZHES BYA BA'O, ,DE LTAR RTOGS KYI ZHES BYA BA NI BUM PA 'DI NI GNAS PA KHO NA'O SNYAM PAR RTOGS PA'O, ,CI LTAR GZHAN GYI DMIGS PA LAS GZHAN DE LTAR RTOGS PA YIN ZHEN, BRGYUD NAS ZHES GSUNGS

, ,TE, GZHAN GYIS DMIGS NAS BUM PA YOD CES BRJOD PA DE LAS GZHAN LA DE LTAR RTOGS BA SKYE STE DE LTAR NA BRGYUD NAS GZHAN GYIS DMIGS PA LAS DE LTAR RTOGS PA YIN NO, ,RANG NYID CES BYA BA NI SNGA MA DANG SBYAR BAR BYA'O, ,DNGOS SU ZHES BYA BA NI DNGOS SU BYED PA'I SHES PA LAS SO, ,CHEN PO YIN NO ZHES BYA BA 'DIS NI GZHAN GYIS MTHONG BAS NI NGO SHES BAS BRTAN PAR RTOGS PA MA YIN NO ZHES BYA BA 'DI BSTAN PA YIN NO, ,GZHAN YANG ZHES BYA BA NI SNGAR MTHONG BA GANG ZHIG DA LTAR MTHONG BA DE NI GZHAN GYIS BAR DU MTHONG BA YIN NO ZHES BYA BA 'DI NGO SHES PA LAS GZHAN GYIS SHES PA MA YIN NO, ,DE LTA MA YIN NA RES 'GA' GZHAN KHO NA ZHIG GZHAN GYIS RTOGS PAR 'GYUR RO, ,DES NA NGO SHES PA LA MA BRTEN PAR GZHAN LAS KYANG, DE RTAG PA NYID DU CI LTAR RTOGS, DE'I PHYIR GANG DAG NGO SHES PA CHAD MA YIN PA DANG, RTAG PA LA MNGON PAR GSAL BA YANG 'DOD PA DE'I LTAR NA, MA NGES PA NYID BRJOD PA 'DI NI LAN LTAR SNANG BA MA YIN TE, SPYIS SGRUB PAR BYED PA MA YIN PA'I PHYIR RO, ,KHO BO CAG GI LUGS LTAR NA NI, BZLOG PA YIN PA'I PHYIR NA, LAN LTAR SNANG BA KHO NA'O ZHES GNAS SO, ,DE NYID KYI PHYIR NA KHO BO CAG GI SUN 'BYIN PA NYID SKABS SU BAB PA YIN TE, DBYIBS LA SOGS PA'I SPYI CHEN PO LA NI MA KHYAB PAR BYED PA'I PHYIR RO ZHES BYA BAR DGONGS PA YIN NO, ,GANG YANG 'DIR NGO SHES PA LA BRTEN BA NYID GSAL BA'I DON DU TRE LO CA NAS SGRA YONGS SU BRTAG PAR BRJOD PA DE NI GZHAN DU BSAM PAR BYA BA YIN PAS RE ZHIG BZHAG GO, ,DA NI RNAM 'GREL GYI DON JI LTA BA NYID LA SBYAR BA'I DON DU YANG NA ZHES GSUNGS SO, ,DE SKAD DU BSHAD PA YIN NO ZHES BYA BA NI, BSGRUB BYA'I RJES 'GRO'I PHYIR 'BRAS BU ZHES BYA BA LA SOGS BA'I RNAM PAR 'GREL BA'O, 'DI'I ZHES BYA BA NI 'BRAS MTSUNGS KYI MTSAN NYID DO, ,'BRAS BU ZHES BYA BA NI BYAS BA'O, ,GZHAN GYIS ZHES BYA BA NI BUM BA LA YOD PAS SO, ,DE'I TSE ZHES KHONG NAS PHYUNG LA 'DIR CIR 'GYUR ZHES SBYOR RO, ,MI RTAG PA DAG LA MED DO ZHES RTZOD PAR BYED NA ZHES SBYAR RO, ,'GAL BA

LTAR SNANG BA NI MTHUN BA'I PHYOGS LA MED PA TZAM LAS BSAMS NAS SO, ,RTAG PA LA YANG MED DO ZHES RTZOD PAR BYED PA YIN NA ZHES 'BREL TO, ,CI LTAR ZHE NA, MI RTAG PA 'BA' NI GA TU NI MA ZAD DE, RTAG PA DAG LA YANG CHED DO ZHES SO, ,GAL TE BYAS PA TZAM LA MI RTAG PAS KHYAB PA TSAD MAS DES NA NI SGRA LA YANG GOD PA MED DO, ,DES NA GCIG KYANG SUN 'BYIN BA MA YIN NO ZHES BYA BA NI LTAR SNANG BA SGRA'I DON TO, ,DES NA 'DI NYID 'BRAS MTSUNGS KYI MTSAN NYID DU RIGS SO ZHES THUGS LA BZHAG NAS, RKANG MIG GI MTSAN NYID NI ZHES BYA BA GSUNGS TE, NGO SHES PA'I TSAD MA DANG, RTAG PA GSAL BAR KHAS BLANGS PAS NA MA NGES PA NYID DU 'GYUR BA'I PHYIR RO, ,GAL TE RNAM PA 'DI LTA BU'I SUN 'BYIN PA'I 'BRAS MTSUNGS YIN NA, 'O NA RNAM RTOG MTSUNGS BA JI LTAR GYUR BA YIN ZHE NA, RNAM RTOG MTSUNGS PA NI ZHES GSUNGS SO, ,BYAS PA NYID KYIS BYAS PA BSGRUB BYA DANG DPE CHOS MTSUNGS PAS CHOS MTHUN NA YANG NGO, ,KHYAD PAR TSOS PA NYID DANG, MIG GI GZUNG BYA NYID LA SOGS PA DANG BRJOD PAR NYE BAR BGROD PA'O, ,DPER NA ZHES BYA BA NI 'CHAD PA'O, ,SNGA MA BZHIN DU ZHES BYA BA NI BRTZAL MA THAG BA'I PHYIR SGRA MI RTAG STE BUM PA BZHIN NO ZHES SNGAR BRJOD PA GANG YIN PA DE BZHIN DU BUM PA DANG, BSGRUB PAR BYA BA'I CHOS CAN SGRA CHOS CAN SGRA CHOS MTHUN PA NYID SGRUB PAR BYED PA BYAS PAS BYAS PA STE, DE CHOS CAN SGRA LA MI RTAG PA NYID BSGRUB PAR BYAS PA NA, SUN 'BYIN PA BRJOD PA LTA BU'O, ,CI SKAD BRJOD CE NA; BUM PA NYID MI RTAG PA YIN GYIS GZHAN SGRA NI MA YIN TE, TSOS PAR BYA BA NYID DANG, MIG GIS GZUNG BA NYID MED PA'I PHYIR RO SNYAM DU BSAMS PA'O, ,GAL TE RNAM PA 'DI LTA BU'I NYES PA KHYED CI LTAR SPANG ZHES DOGS NA, MJUG SDUD PA'I SGO NAS SPANG PA NI DE'I PHYIR ZHES BYA BA'O 'DIR NI ZHES BYA BA NI SKYON GYI RNAM PA 'DI LTA BU LA NI SNGAR BRJOD PA LAN YIN NO, ,DE YANG GANG ZHE NA, PHYIS KYANG ZHES BYA BA LA SOGS PA'O, ,GAL TE ZHES BYA BA NI GZHAN GYI'O, ,'DIR YANG ZHES BYA BA DBANG PHYUG SUN 'BYIN PAR YANG 'BRAS MTSUNGS DANG 'DRA BA NYID DO

, ,ZHES 'BREL TO, ,DPER NA SGRA LA SOGS PAR MI RTAG PA NYID LA SOGS PA BSGRUB PAR BYA BA LA, BYA ROG NAG PO 'BREL BA MED PA YIN PA DE BZHIN NO, ,GAL TE 'DI GZHI DANG GZHI CAN 'BREL BA MA GRUB PA MA YIN NAM SKABS SU BAB PA NI DE LTAR MA YIN NO ZHES DOGS PAR MI BYA STE, SHIN TU MA 'BREL BA TZAM GYIS 'DI DPER BRJOD PA 'DOD PA'I PHYIR RO, ,'O NA GANG ZHIG SGRUB BYED DU 'GYUR ZHE NA, DBYIBS ZHES BYA BA LA SOGS PA SMRAS SO, ,GAL TE THAMS CAD THAMS CAD DU 'DOD PA BSGRUB PAR 'GYUR MOD CE NA, RIGS GZHAN LAS NI ZHES SMOS TE, BUM PA LA SOGS BA LA RAB TU GRUB PA'I SKYES BU NI DBYIBS DBYIBS ZHES BYA BA'I SGRA'I SPYI MTHONG BA LAS RIL SOGS PA LA SGRUB PAR BYED PAR MI RIGS SO, ,DE YOD PAS ZHES BYA BA NI SGRA YOD PAS SO, ,GZHAN GYIS KHAS BLANGS PA ZHES BYA BA NI SGRA'I BRJOD BYA NYID RJES SU 'JUG PA SGRUB PAR BYED PAR 'GYUR RO ZHES KHAS BLANGS PA'O, ,'DI NI ZHES BYA BA NI SGRA'I BRJOD BYA NYID RJES SU 'GRO BAR SGRUB BYED YIN PA YANG SPANGS PAS SO, ,SER SKYA LA SOGS KYI ZHES SOGS PA'I SGRAS NI RGYAL BA BA BZUNG NGO, ,SEMS MED SOGS ZHES BYA BA'I SOGS PA'I SGRAS NI NANG MA YIN PA LA SOGS PA GZUNG NGO, ,MI RTAG SOGS PHYIR ZHES BYA BA NI BSHAD MA THAG PA'I BSGRUB BYA BDE BA LA SOGS PA SEMS MED PA DANG, NANG MA YIN PA LA SOGS PA'I SGRUB BYED DO, ,SOGS PA'I SGRAS NI SKYE BA CAN LA SOGS PA'I GTAN TSIGS GZUNG NGO, ,DANG GI SGRAS NI SOGS PA'I SGRAS BSDUS PA'I NAM MKHA'I GOS CAN RNAMS KYI SHING RNAMS SHUN PA THAMS CAD BSHUS NA 'CHI BA'I GTAN TSIGS DE LAS SEMS DANG LDAN BA YANG DPYAD PA YIN NO, ,DANG GI SGRA YANG GI DON CAN NI 'DIR YANG RTOGS PAR BYA STE, BDE BA LA SOGS PA SEMS BA MED PA CAN NAM GZHAN SHING RNAMS SEMS PA CAN DAG MI RTAG BA DANG 'CHI BA LA SOGS PA'I SGRUB BYED GANG LAS SO, ,GRUB BA NYID KHANG BZANGS YIN TE DE'I RTZER 'DZEG PAR 'GYUR BA NI MI RTAG PA LA SOGS PA'I SGRUB BYED DE YANG SGRA TZAM MTSUNGS PA NYE BAR 'DOD PA KHO NA'O, ,CI'I PHYIR ZHE NA, DON GYI DE KHO NA NYID

MED PA'I PHYIR TE, MI RTAG PA LA SOGS PA'I SGRAS BSTAN PAR BYA BA'I DON DNGOS POR MED PA'I PHYIR RO, ,DON MED PA'I PHYIR RO ZHES 'DON PA NI MI RTAG PA LA SOGS PA'I DON DE MED PA'I PHYIR RO ZHES RTOGS PAR BYA'O, ,RE ZHIG GRANGS CAN LA LTOS NAS 'DI NYID GSAL BAR BYED PA NI 'DI LTAR ZHES BYA BA'O, ,GRANGS CAN DE'I PHYIR MI RTAG PA NI MI GSAL BA YIN GYI ZHES 'BREL TO, ,MI GSAL BA'I MI RTAG BA NYID SGRUB BYED DU CI STE MI 'GYUR ZHE NA, MNGON PAR MI GSAL BA'I ZHES BYA BA SMOS TE, PHYIR RGOL BA MA GRUB BA'I PHYIR RO ZHES BYA BA'I DON TO, , 'O NA ZHES BYA BA NI GZHAN GYI'O, ,SKAL BA ZHES BYA BA NI 'DI CI ZHIG CES BYA BA NI GRUB PA'I MTHA' SMRA BA 'DRI BA'O, ,MI MNGON PA'I BDAG NYID DO ZHES BYA BA NI GZHAN GYIS SMRAS PA'O, ,'O NA ZHES BYA BA LA SOGS PA NI GRUB PA'I MTHA'O, ,GTZO BO LA SOGS PA ZHES LA SOGS PA'I SGRAS NI SKYES BU RNAMS GZUNG NGO, ,'ON TE MI MNGON PA TZAM GYIS NI MI RTAG PA MA YIN GYI, 'ON KYANG YOD PA MI MNGON PA'I ZHES BRJOD PAR 'DOD PA YIN NO SNYAM NA, YOD PA MI MNGON PA'I ZHES GSUNGS SO, ,GTZO BO LA SOGS PA MI RTAG PAR THAL BA SPONG BA'I DOGS PA BSU BA NI SNANG BA ZHES BYA BA'O, ,GTZO BO LA SOGS PA NI GTAN DU MI SNANG BA KHO NA STE, DES NA MI RTAG PA NYID MA YIN NO SNYAM DU BSAMS PA'O, ,SNANG BA ZHES BYA BA 'DI CI ZHIG ZHES BYA BA SUN 'BYIN BA STE, SHES PA'AM SHES BYA BA'I RANG BZHIN YIN ZHES RNAM PAR RTOG PA NYID ZHE LA GZHAG PA YIN NO, ,DE LA RNAM PAR RTOG PA DANG PO SUN DBYUNG BA'I PHYIR GAL TE DON GYI ZHES GSUNGS SO, ,DE'I TSE JI LTAR SNANG BA BLTAR RUNG BA MI SNANG BA BLTAR MI RUNG BAR 'GYUR SNANG BZHIN PA GANG YIN PA DE NYID NI MI SNANG BAR 'GYUR BA MA YIN NO, ,'GYUR NA CI SKYON ZHE NA, DE SPANGS NA ZHES GSUNGS TE, SNANG BA NYID SPANGS NA STE, DON GYIS NA THA MI DAD PA'I PHYIR RO ZHES DGONGS PA YIN NO, ,GNYIS PA GSAL BA'I PHYIR GSUNGS PA NI 'ON TE ZHES BYA BA'O, ,DE ZHES BYA BA NI SNANG BA'I BDAG NYID MED PA NYID JI LTAR RJES SU 'GRO BA MED PA MA YIN, RJES SU 'GRON NI DE NYID GNAS PAR THAL BAS DNGOS PO SNANG BA NYID YIN PAR 'GYUR RO, ,

, ,CHA 'GAS RJES SU 'GRO YANG SNANG BA NYID DU 'GYUR BAR MI NUS SO ZHE NA, 'O NA SNANG BAR 'GYUR BA DE NYID SHES PA YIN PAR SMRA BA YIN NA, DE YANG MED PA KHO NA'O, ,DNGOS PO'I RANG BZHIN GNAS NA DE LA CI ZHIG BYUNG NA, GANG GI DNGOS PO MED PA DE RJES SU 'GRO BA MED BAR MI 'GYUR, DE'I PHYIR JI LTAR RJES SU 'GRO BA MED PAR GZHIG PA MA YIN ZHES GSUNGS SO, ,'ON TE YANG SHES PA NI RJES SU 'GRO BA MED PA KHO NAR ZHIG PA YIN LA, DON NI BSKAL PA YIN LA, MI RTAG PA YANG DE NYID YIN NA DES NA SGRA TZAM MTSUNGS PA NYE BAR BKOD PA CI LTAR YIN ZHE NA, GZHAN MED NA ZHES GSUNGS TE, SHES PA MED NA DON GZHAN BSKAL PA BAR YANG MI 'GYUR RO, ,'ON KYANG DON GTZO BO DANG 'DRA BAR NA GTAN DU MI MTHONG BA'I BDAG NYID YIN PAS MI RTAG PA NYID MED PAR THAL LO ZHES BSHAD PA NI DE YANG ZHES BYA BA STE, DON DE YANG NGO, ,GANG GI PHYIR DE LTANG DNGOS PO'I GNAS PAR SGRUB BYED MA GRUB PA DE'I PHYIR RO, ,MI RTAG PA NYID LA SOGS PA TSAD MAS RAB TU GRUB PA GANG YIN PA DE YANG SGRUB PAR BYED PA MA YIN TE, BZLOG NA GNOD PA CAN GYI TSAD MA MED BA'I PHYIR RO ZHES RTOGS PAR BYA'O, ,SEMS PA CAN DU SGRUB PA'I RTAGS KYANG SGRA MTSUNGS PAR BKOD PA TZAM YIN NO ZHES STON PAR BYED PA NI SHUN PA THAMS CAD BSHUS NA ZHES BYA'O, ,'ON TE 'DI NI SANGS RGYAS PA LA GRUB PA KHO NA MA YIN NAM DES NA, DE SKAD JI STE BRJOD SNYAM DU DOGS NA, RNAM SHES LA SOGS ZHES GSUNGS SO, ,MA GRUB PA NI THE TSOM ZA BA'O, ,SANGS RGYAS PA GANG LA ZHES BYA BA LA SOGS PA NI 'CHAD PA'O, ,DE LA SOGS PA ZHES BYA BA NI RNAM PAR SHES PA DANG DBANG PO LA SOGS PA 'GAGS PA'I RANG BZHIN NO, ,GAL TE RNAM PAR SHES PA LA SOGS PA 'GAGS PA NI SHING RNAMS LA YOD PA KHO NA MA YIN NAM, DE'I PHYIR 'GAGS PA'I RANG BZHIN GYIS 'CHI BA JI LTAR MA GRUB CE NA, RNAM PAR SHES PA 'GAGS PA NI ZHES GSUNGS SO, ,DE BZHIN DU TSE 'GAGS PA YANG TSE MED PA LA YOD PA MA YIN NO ZHES BA LTA BAR BYA'O, ,GANG GIS THA DAD

PAR STON PA CI TSE RNAM PAR SHES PA LUS THA DAD PA YIN NAM ZHES DOGS NA, TSE NI SROG YIN ZHES BYA BA LA SOGS PA GSUNGS SO, ,RNAM PAR SHES PA LA SOGS PA SNGON DU 'GRO BA'I 'GAGS PA KHAS LEN NA SEMS PA YOD PA'I SGRUB BYED NYE BAR BGOD PA'I DON MED PAR THAL BA'I PHYIR RO SNYAM DU DGONGS PA'O, ,'ON TE YANG SHING DAG LA 'CHI BA KHAS BLANGS KYANG SEMS PA KHAS BLANGS PA NI MA YIN TE, DES NA DE'I SGRUB BYED 'GOD PA YIN NO SNYAM DU SEMS NA, 'CHI BA KHAS LEN NA ZHES GSUNGS SO, ,GANG GI PHYIR YOD PA SNGON DU 'GRO BA 'GOGS PA'I RANG BZHIN 'CHI BA YIN PAR KHAS MI LEN PA DES NA SANGS RGYAS PA 'DI, DE YANG ZHES BYA BA NI SKAM PA TZAM MO, ,DE YANG GRUB PO ZHE NA ZHES BYA BA NI 'CHI BA DE YANG NGO, ,'ON TE ZHES BYA BA NI GZHAN GYI'O, ,'CHI BA'I DON MTHONG BA GANG YIN PA DE LAS SGRA DER BRJOD PAR 'DOD PA YIN TE, DE MED NA MI 'BYUNG BA YIN NA ZHES BYA BA'I DON TO, ,LAN DU, 'CHI BA GRUB NA ZHES BYA BA LA SOGS PA'O, ,DE'I SGRAS NI 'CHI BA'I SGRA'O, ,'BREL PA NI 'CHI BA LAS ZHES RTOGS BAR BYA'O, ,DE LAS ZHES BYA BA NI 'CHI BA'I SGRA LAS SO, ,DE LTA BU'I 'CHI BA LAS ZHES BYA BA LA SOGS PA NI BSHAD PA'O, ,DE LTA BU'I 'CHI BA MTHONG BA LAS BYUNG BA YIN NA, DE LTA BU'I 'CHI BA MTHONG BA LAS BYUNG BA'I SGRA LAS 'CHI BA GRUB LA, 'CHI BA GRUB NA YANG DE LTA BU'I 'CHI BA MTHONG BA LAS BYUNG BA'I SGRA GRUB PA'I PHYIR PHAN TSUN BRTEN PA'I NYES PA YIN NO, ,RVA CAN NYID DO ZHES BYA BA NI GO'I SGRAS BRJOD PAR BYA BA YIN PA'I PHYIR RO SNYAM DU DGONGS PA'O, ,DES NA 'DIS NI SER SKYA LA SOGS KYI ZHES BYA BA'I RNAM 'GREL BSHAD NAS MJUG SDUD PA NI DES NA ZHES BYA BA LA SOGS PA'O, ,BRGYA LA 'DIR TSUL 'DI 'GRUB PAR 'GYUR RO SNYAM DU DOGS NA SKABS SU BAB PA NYID BRJOD PA NI DE BZHIN DU ZHES GSUNGS SO, ,DBYIBS LA SOGS PA LA YANG BSGRUB BYAS KHYAB PA'I DON MED PA'I PHYIR, SGRA TZAM MTSUNGS PA KHO NA'O SNYAM DU DGONGS PA YIN NO, ,DE NGES PAR MA RTOGS PAS BSAM PA GZHAN DU BRTAGS NAS RTZOD PA NI, GAL TE KHYAD PAR ZHES BYA BA LA SOGS PA'O, ,'O NA DE'I TSE ZHES KHONG NAS BYUNG LA,

, ,BYAS PA NYID LA SOGS PA GZHAN YANG ZHES SBYAR RO, ,DON NI 'DI YIN TE, GAL TE 'CHI BA DANG DBYIBS LA SOGS PA'I GTAN TSIGS LA, RNAM PAR SHES PA LA SOGS PA LA GAGS PA DANG, RTZOM PA DANG LDAN PAS KHYAB PA'I MTSAN NYID KHYAD BAR YONGS SU RTOGS PAS GTAN TSIGS MA YIN NA, DE'I TSE BYAS BA NYID KYANG GTAN TSIGS MA YIN BAR 'GYUR RO, ,GAL TE KHYAD PAR YONGS SU BRTAGS PAS 'CHI BA LA SOGS PA GTAN TSIGS MA YIN YANG BYAS BA LA SOGS PA YANG GTAN TSIGS MA YIN PAR GO CI LTAR 'GYUR SNYAM DU DOGS NA, RGOL BA GZHAN LTOS BAS SAM ZHES SMRAS SO, ,GANG GI PHYIR RGOL BA GZHAN LA LTOS PAS TE, PHYIR RGOL BA LA LTOS NAS NI THAMS CAD MA SGRUB PA NYID YIN NO, ,'CHI BA LA SOGS PA'I GTAN TSIGS KYI KHYAD PAR MA GRUB PAR BRJOD PA YANG PHYIR RGOL BA LA LTOS NAS YIN NO, ,BYAS PA LA YANG SLAR RGOL BA BRAM ZE LA LTOS PA KHO NAS RIGS BA CAN GYIS BRJOD PA NAM MKHA'I YON TAN GYI SGRA LA BRTEN PA'I KHYAD PAR MA GRUB LA, DU BA LA YANG SKAD CIG MA'I RANG BZHIN GYI RIL SOGS PA LA BRTEN PA MA GRUB PA'O, ,KHYAD PAR RNAM PAR RTOG PAS KYANG THAMS CAD MA GRUB PA NYID DE, BSGRUB PAR BYA BA DANG DPE'I CHOS CAN GYI DBYE BAS GTAN TSIGS THA DAD PAR RTOGS PA NI THAMS CAD MTSUNGS BA'I PHYIR RO, ,'DI NYID GSAL BAR BYED PA NI 'DI LTAR ZHES BYA BA LA SOGS PA'O, ,NAM MKHA'I YON TAN NI SGRA YIN LA, DE'I CHOS BYAS PA NYID MI RTAG PA'I SGRUB BYED DU RIGS PA CAN GYIS BRJOD BA NI GZHAN TE, PHYIR RGOL BA LA BRAM ZE LA MA GRUB PA'O, ,BSGRUB PAR BYA BA SGRA DANG DPE BUM PA LA SOGS PA DE DAG GI CHOS BYAS PA NYID NI PHAN TSUN DU NI ZHES BYA BA DPE DANG BSGRUB BYA'I CHOS CAN LA MA GRUB PA NYID RIM GYIS PHYOGS GNYIS GSAL BAR BYED PA'O, ,DE LTA YIN DANG 'GA' YANG SGRUB PAR BYED PAR MI 'GYUR NA DE LTAR YANG MA YIN NO, ,DE'I PHYIR DBANG PHYUG SGRUB PA LA YANG SUN 'BYIN BA 'DI YOD PA MA YIN NO ZHES BYA BA NI RTZOD PA'I DON TO, ,PHYOGS DANG PO LA NI PHYED SNGA MAS LAN 'DEBS PA'O, ,LUNG

GI ZHES BYA BA NI MA GRUB KYANG GNOD PAR BYED PA MA YIN NO, ,'GA' LA YANG NI ZHES BYA BA NI BYAS PA LA SOGS PA LA'O, ,NAM MKHA'I CHOS NYID NI NYE BAR MTSON PA STE, SKAD CIG MA NYID LA SOGS PA YANG DE BZHIN DU 'DOD PA'I PHYIR TE, RGOL BA GZHAN LA LTOS NAS THAMS CAD MA GRUB PA NYID DO ZHES BRJOD ZIN TO, ,GNYIS PA LA BRJOD PA NI KHYAD PAR RTOGS BAR BYED NA NI ZHES BYA BA'O, ,GANG GI PHYIR NAM MKHA'I YON TAN NYID MA GRUB BAS BYAS BA LA MI GNOD PA DANG BYAD PAR YONGS SU RTOGS PA NA YANG GTAN TSIGS MED PAR THAL BAR 'GYUR BA DE'I PHYIR ZHES BYA BA LA SOGS PA'O, ,DNGOS PO'I RANG BZHIN SGRUB BYED DU BYAS PAS, BSGRUB BYAS KHYAB BA NYID DU MA GRUB PA LA NI MA GRUB PA NYID BRJOD PA'I MTSAN NYID KYI TSUL 'DI YIN NO, ,CHOS CAN GYI RANG BZHIN NAM, BSGRUB BYAS KHYAB PA'I GTAN TSIGS KYI RANG BZHIN 'DI GRUB NA NI BSTAN BCOS LAS BSTAN PA'I KHYAD PAR GNOD BYED MA YIN TE, KHYAD PAR DE MA GRUB KYANG ZHES BLTA BAR BYA'O, ,SPYIR BRJOD PA'I DON KHYAD PAR GYI MTHAR THUG PAR BYAS TE, STON PA NI SGRA NI NAM MKHA' LA BRTEN BZHIN ZHES BYA'O, ,DPER NA SGRA NAM MKHA' LA BRTEN PA NYID MA GRUB KYANG CHOS CAN SGRA GRUB PA DANG; BYAS PA'I KHYAB PA GRUB PA LA GNOD BYED MA YIN PA BZHIN NO, ,LUNG LAS ZHES BYA BA NI 'CHAD PA'O, ,GAL TE CHOS CAN GYI KHYAD PAR DE 'DRA BA NI RGOL BA RIGS PA CAN RANG NYID KYIS BRTAGS PA MA YIN NAM, DES NA DE MA GRUB PA'I GNOD PA'I RGYU MTSAN DU JI LTAR MI 'GYUR ZHE NA, DE BZHIN DU KHYAD PAR ZHES GSUNGS SO, ,RANG GI BSTAN BCOS LAS BSTAN PA NAM MKHA'I YON TAN GYI KHYAD PAR YONGS SU RTOG PA YIN NA YANG NGO, ,GAL TE NAM MKHA'I YON TAN GYI SGRA NI CHOS CAN ZHES KHYAD PAR BRJOD PA SNGON DU 'GRO BA CAN 'DI'I SBYOR BA YIN PAR GYUR NA NI DE'I TSE NI NYES PA 'DIR 'GYUR BA YIN NA, DE LTAR NI MA YIN TE, SGRA TZAM CHOS CAN DU BZUNG BA'I PHYIR RO, ,KHYAD PAR DE NI MA SMRAS KYANG 'DOD PA YIN NO ZHE NA, DE LTA NA YANG RE ZHIG MI RTAG PA NYID DU GRUB PA YIN LA, NAM MKHA'I YON TAN GRUB PA NI DPYAD BA GZHAN DU 'OS SO SNYAM DU DGONGS SO, ,

, ,CI'I PHYIR CHOS CAN MA GRUB PA MA YIN ZHE NA, CHOS CAN NYID NI ZHES GSUNGS SO, KHYAD PAR MA GRUB NA ZHES BYA BA NI NAM MKHA'I YON TAN NYID LA SOGS PA'I KHYAD PAR MA GRUB NA'O, ,'O NA KHYAD PAR RTOGS PAR CI'I PHYIR MI 'GYUR ZHE NA, KHYAD PAR YONGS SU RTOGS PA YANG ZHES GSUNGS SO, ,CI'I PHYIR MKHO BA MA YIN SNYAM NA, DE LA ZHES SMOS TE, BYAS PA NYID LA SOGS PA LA'O, ,BYAS PA NYID DANG MI RTAG PA NYID GNYIS SPYIR KHYAB PA GRUB PA'I PHYIR RO SNYAM DU DGONGS PA'O, ,'DI NYID BSTAN PA NI 'DI LTAR ZHES BYA BA LA SOGS PA'O, , KHYAD PAR NAM MKHA'I YON TAN ZHES BYA BA'I MTSAN NYID RAB TU GRUB PA NA'O, ,CI'I PHYIR MI 'DOD CE NA, RGYU'I DE MA THAG BYUNG ZHES GSUNGS SO, ,CI'I PHYIR KHYAD PAR RJES SU MA 'BREL CE NA, SNGA MA DANG ZHES GSUNGS TE, SNGA MA'I RANG BZHIN DBEN PA'I BYAS PA NYID DANG, PHYI MA'I RANG BZHIN GYIS DBEN PA'I MI RTAG PA NYID NI SGRA DANG BUM PA'AM GZHAN DU YANG RUNG STE, 'GAR YANG KHYAD PAR YOD PA MA YIN NO, ,DE GA LAS SHE NA, PHYOGS DE NI ZHES GSUNGS TE, RI LA SOGS PA'I MTSAN NYID DO, ,YANG NA PHYOGS DANG LHAN CIG GNAS PAS NA, PHYOGS BCAS TE SGRA'O, ,DE ZHES BYA BA NI BYAS BA LA SOGS PA'I GTAN TSIGS SO, CI'I PHYIR ZHE NA, DE NI GCIG TU ZHES GSUNGS SO, ,DES NA ZHES BYA BA NI MJUG SDUD DE, GANG GI PHYIR DE LTA YIN PA DES NA BYAS PA NYID LA SOGS PA 'DI LA BSGRUB BYA DANG DPE DBYE BAS RNAM PAR RTOG PA MED DO, ,'DIS NI GRUB NAS MA GRUB KYANG, KHYAD PAR GNOD BYED MA YIN TE ZHES BYA BA LA SOGS PA BSHAD PA YIN NO, ,'O NA DBYIBS LA SOGS PA LA JI LTAR RNAM PAR RTOG PA YOD CES DOGS PA SEL BA NA, DNGOS PO'I NGO BOR MA GRUB LA, TSUL 'DI ZHES BYA BA'I RNAM 'GREL GYI CHA RNAM PAR 'GREL PA NI DBYIBS LA SOGS PA LA NI ZHES BYA BA'O, ,DE DANG ZHES BYA BA SEMS PA CAN LA SOGS PA'I BSGRUB BYA DANG 'BREL BA MA GRUB PA NYID DO, ,DE NYID KYI PHYIR 'DIR NI RNAM PAR RTOG PAS NYES BAR 'GYUR BA KHO NA'O, ,'DI LA SKYON GZHAN YANG YOD PA KHO NA MA YIN NAM, CI STE MA BRJOD CE NA, LHAG MA

NI ZHES GSUNGS SO, ,THA DAD DNGOS LA RAB GRUB PA, ,ZHES BYA BA LA SOGS PAS, NYES PA LHAG MA NI SNGAR BRJOD ZIN PA KHO NA BAS YANG MI BRJOD DO SNYAM DU DGONGS PA'O, ,DE BAS NA DBYIBS LA SOGS PA'I SGRUB PAR BYED PA BSGRUB BYA DANG 'BREL PA MA GRUB PA'I PHYIR NA, DBYIBS LA SOGS PA'I SGRA TZAM DU SGRUB BYED DU LUS PA YIN NO ZHES STON PA NI DBYIBS KYI SGRA TZAM NI ZHES BYA BA'O, ,SGRA MA GRUB KYANG ZHES BYA BA NI LUS CAN NYID LA SOGS PA'I SGRA'O, ,SGRUB PAR BYED PA'I DNGOS PO GRUB NA BSGRUB BYA GRUB PAR 'GYUR RO, ,SPYIR BRJOD PA'I DON KHYAD PAR DU STON PA NI 'UG PA LAS BYUNG BA NI 'UG PA PAS TE BYE BRAG PA'O, ,'UG PA'I CHA BYAD 'DZIN PA'I BDE BYED KYI SLOB MAR GRAGS BAS NA GZEGS ZAN NO, ,MI RTAG PA ZHES BYA BA NI DUS CUNG ZAD GNAS PAS SO, ,RDUL PHRAN DAG NI ZHES BYA BA NI, GZUGS DANG, DRI DANG, RO DANG, REG PA YIN GYI SGRA NI MA YIN TE, BYE BRAG PAS YON TAN NYID DU KHAS BLANGS PA'I PHYIR DANG, RDUL PHRA RAB TU KHAS BLANGS PA'I PHYIR RO, ,YANG NA DON DAM PAR SGRA YANG RDUL PHRA RAB YIN PA'I PHYIR NYES PA MED DO, ,DPE NI BUM PA BZHIN NO ZHES BYA BAR BLTA'O, ,SGRUB PAR BYED PA 'DI YANG GZHAN GYI LUGS KYIS BRJOD PA YIN TE, DES NA MA KHYAB PA NYES PA MED DE, LHAN CIG BYUNG BAR MTHONG BA TZAM GYIS KHYAB PA KHAS BLANGS PA'I PHYIR RO, ,GZHI MA GRUB PA'I NYES PAR YANG DOGS PAR MI BYA STE, RDUL PHRA RAB DAG LA LOG PAR RTOGS PA MED PA'I PHYIR RO, ,SGRUB PAR BYED PA'I SBYOR BA 'DIR LUS CAN YIN PA'I PHYIR RO ZHES BYA BA'I SGRA NI SANGS RGYAS BA DANG BYE BRAG PA PHAN TSUN MNGON PAR 'DOD PA'I YUL REG PA DANG LDAN PA DANG, THAMS CAD DU SONG BA MA YIN PA'I RDZAS KYI TSAD KYI MTSAN NYID LA GRUB PA MA YIN NO, ,CI'I PHYIR RIGS PA CAN LA SGRA 'DI REG BYA DANG LDAN PA LA MA GRUB CE NA, RDZAS THAMS CAD DU SONG BA MA YIN PA'I ZHES GSUNGS SO, ,'DIR SANGS RGYAS PA LA CI LTAR GRUB CE NA, BDE BAR GSHEGS PAS RNAMS LA NI ZHES GSUNGS SO, ,REG BA'I NI RANG GI YUL DANG GZHAN SKYE BA'I GEGS BYED PA YIN TE, DE DANG LDAN PA'O, ,SANGS RGYAS PA DES MNGON PAR 'DOD PA'I DON REG PA

, ,DANG LDAN PA'I MTSAN NYID NI SANGS RGYAS PA DANG BYE BRAG PA GNYIS KA LAS GRUB PA'I PHYIR RO, ,DE LTA BU NYID CES BYA BA NI MI 'KHRUL PA'AM GRUB PA NYID YIN NA BSGRUB BYA'I DON 'GRUB PA'O, ,'DI GNYIS LA ZHES BYA BA SBRA DANG DNGOS PO DAG LA'O, ,DNGOS PO'I RANG BZHIN DE NYID 'KHRUL PA LA SOGS PA YIN NA ZHES SOGS PA'I SGRAS MA GRUB PA DANG, 'GAL BA YIN NA ZHES RTOGS PAR BYA'O, ,MI 'KHRUL BAR 'DOD KYANG ZHES BYA BA NI BSGRUB BYA LA'O, ,DON DE DNGOS PO'I RANG BZHIN GYIS SGRUB BYED DE LA BRTEN PA'I DPYAD PA MI 'KHRUL BA'I YUL CAN NYID NYE BAR MKHO BA YIN NO, ,SGRA'I DPYAD PA YANG 'DI NYID DU BYA'O ZHE NA, DNGOS PO 'KHRUL PA DANG ZHES BYA BA GSUNGS SO, ,PHYIS ZHES BYA BA NI RJES SU DPAG PA'I YUL LA TSIG TSAD MA NYID DU MI 'DOD CING ZHES BYA BA DER RO, ,DE BZHIN DU RTAG PA LA YANG TSAD MED NYID CES BYA BAR GRUB PO ZHES 'BREL TO, ,GZHAN GYI LTA BAS DBANG PHYUG 'BA' ZHIG KHAMS GSUM GYI RGYUR GRUB PA NI MA YIN NO ZHES BSTAN PA'I PHYIR, RTAG PA NYID KYIS NAM MKHA' LA SOGS PA DANG ZHES GSUNGS SO, ,'DI NYID BRTZAL BAS BSAL BAR BYA BA'I PHYIR 'DI LTAR ZHES GSUNGS SO, ,CI LTAR DE RANG BZHIN GANG GIS DBANG PHYUG CES BYA BA'I DNGOS PO DE RGYU YIN PA DE LTA NYID CES BYA BA RANG BZHIN DE NYID KYI NAM MKHA' LA SOGS PA'I DNGOS PO DE RGYU MA YIN PAR PHA ROL GYIS GANG GI TSE KHAS BLANGS PA DE'I TSE, GANG GIS DE CI LTAR DBANG PHYUG CES BYA BA'I DNGOS PO DE RGYUR 'DOD LA, RGYU MA YIN TE RGYU MA YIN PAR MNGON PAR 'DOD PA'I NAM MKHA' LA SOGS PA GANG GI RGYUR MI 'DOD CES SBYAR RO, ,GNYI GA YANG RANG BZHIN MTSUNGS PA'I PHYIR RANG DBANG DU RGYU NYID DAM CIG SHOS SU 'GYUR RO SNYAM DU DGONGS PA'O, ,YANG NA JI LTAR 'BYIN PAR BYED PA'I GNAS SKABS NA, DBANG PHYUG CES BYA BA'I DNGOS PO DE JI LTAR RGYU YIN BA DE LTA BU NYID YIN PA'I PHYIR DBANG PHYUG CES BYA BA'I DNGOS PO DE GANG GI TSE RGYU MA YIN PA DE'I TSE, DBANG PHYUG CES BYA BA'I DNGOS PO DE RGYU NYID DU 'DOD LA RGYU MA YIN PAR MI 'DOD PA ZHES BYA BA 'DI GANG GIS DE JI LTAR YIN, RTAG PA NYID KYIS KHYAD PAR MED PA'I PHYIR THAMS CAD KYI TSE RGYU MA YIN PA

KHO NAR 'DOD PAR BYA ZHES BYA BA'I DON TO, ,'CHAD PA NI JI LTAR DBANG PHYUG CES BYA BA LA SOGS PA'O, ,GAL TE NAM MKHA' LA SOGS PA NI SKYE BA CAN MTHA' DAG GI RGYU MTSAN GYI RGYU YIN NO ZHES BYA BA 'DI GZHAN LA RAB TU GRUB PA KHO NA MA YIN NAM ZHEN MA YIN TE, BYED PA PO RANG DBANG CAN NYID BRJOD PAR 'DOD PA'I PHYIR RO, ,DE NYID KYI PHYIR 'ON TE DE NI ZHES BYA BA LA SOGS PAR DOGS PA YIN NO, ,DE NI ZHES BYA BA NI DBANG PHYUG GO, ,'DOD PA'I MTSAN NYID KYI SHES PA ZHES BYA BA NI RANG GI LUGS KYIS BRJOD PA YIN NO, ,GZHAN GYI LUGS KYIS NI 'DOD PA DANG SHES PA THA DAD PA KHO NA'O, ,DE LA YANG ZHES BYA BA NI NAM MKHA' LA SOGS PA LA YANG NGO, ,'DI LTAR DPER RTAG PA NYID KYIS DBANG PHYUG LA SHES PAS CUNG ZAD KYANG MI 'BYED PA DE BZHIN DU NAM MKHA' LA YANG YIN NO, ,DE LTA MOD KYI GAL TE SHES PA DE DBANG PHYUG GI YIN NA DE'I TSE NAM MKHA'I YANG YIN PAR CI STE MI 'DOD, DES NA SHES PA NI GNYI GA LA MTSUNGS PA YIN NO, ,DES NA DBANG PHYUG 'BA' ZHIG NI RGYU MA YIN NO, ,'ON TE DBANG PHYUG LA NI SHES PA DANG LHAN CIG 'DU BA'I 'BREL PA YOD KYI NAM MKHA' LA SOGS PA LA NI MED DO, ,DES NA DBANG PHYUG KHO NAS RGYU YIN NO SNYAM NA, MA YIN TE, 'DU BA'I 'GREL PA NI DE LA YANG MTSUNGS PA'I PHYIR RO, DES NA DBANG PHYUG BZHIN DU NAM MKHA' YANG RGYU YIN PA'AM, YANG GNYI GA YANG MA YIN NO ZHES GNAS SO, ,SUN 'BYIN PA GZHAN MA BRJOD PA NI GZHAN YANG ZHES BYA BA'O, ,DE'I 'DOD PA SKYES PA DANG, 'BRAS BU YANG SKYES PA NI BYA ROG DANG TA LA PHRAD PA LTAR GZHAN GYIS SBYAR BA YIN NAM, 'ON TE 'BRAS BU 'DOD PAS SBYAR BA YIN ZHES 'DI LA NGES PA CI YOD, 'DI LA NI RANG DBANG DU BYED PA PO NYID KYANG YOD PA MA YIN NO ZHES STON PA NI GAL TE LA SOGS ZHES BYA BA LA SOGS PA'O, ,DE'I TSE RGYU NYID YIN TE, RANG DBANG GI RANG BZHIN NA, DE LTA MIN NA STE GAL TE RANG DBANG DU MI 'DOD NA, KUN GYI RGYU ZHES BYA BA LA SOGS PA NI RTOGS SLA'O, ,'ON TE LHAN CIG BYED PA LA MI LTOS PAR CI LTAR BRJOD CE NA, 'O NA NI RANG DBANG NYID NYAMS PA MI ZLOGS SO, ,RNAM PA CI LTAR

, ,YANG RUNG STE, 'DIR RGYUR 'GYUR RO ZHE NA, GAL TE LAS LA SOGS PA'I TSOGS PA YOD PA NA, DE'I DBYE BA LAS SNGAR 'BRAS BU MA DMIGS PA LAS, DE YOD PAS DMIGS NAS NI DE LTAR 'GYUR BA ZHIG NA, DE LTAR NI NUS PA MA YIN TE, BDAG NYID THAMS CAD KYIS TSOGS PA MNGON SUM DU BYA BAR MI NUS PA'I PHYIR RO, ,DBANG PHYUG NI RGYUR RIGS PA YANG MA YIN NO ZHES STON PAS NA, RNAM 'GREL RNAM PA GZHAN DU SBYOR BAR BYED PA NI YANG NA NI ZHES BYA BA'O, ,DE NYID KYI PHYIR BSHAD PA 'DI'I RJES SU 'BRANGS NAS SBYOR BA GNYIS PA MDZAD DO,, 'ON TE BSAMS NAS 'GRO BA SPRUL PA LA 'JUG PA DES NI CI LTAR RGYU MA YIN ZHE NA, 'DOD CHAGS LA SOGS PA THAMS CAD LAS ZHES GSUNGS SO, ,'JIG RTEN ZHES BYA BA LA SOGS PA NI GZHAN GYI DOGS PA'O, ,LAN MA YIN TE ZHES BYA BA LA SOGS PAS SO, ,'JIG RTEN GZHAN GYI LAS GANG YIN PA DE'I GZHAN GYI DBANG DU GYUR PAS NA, 'DI NI DBANG PHYUG MA YIN PA NYID DE RANG DBANG MA YIN PA KHO NA'O, ,DES NA JI SKAD BRJOD PA 'DI JI LTAR DBANG PHYUG YIN TE, DBANG PHYUG MA YIN PA KHO NA'O, ,'ON TE GZHAN GYI LAS LAS KYI GZHAN DBANG DU GYUR PA'I MTSAN NYID KYI KHYAD PAR NI 'JIG RTEN DE LA BRTZE BA'I TSUL GYIS BYAS PA YIN NO, ,ZHE NA, LAN DU DMYAL BA LA SOGS PA STE DUD 'GRO DANG YI DAGS LA SOGS PA DE BSGRUBS PA'I PHYIR BRTZE BA MED PA CIS DBANG PHYUG YIN TE, BRTZE BA DANG LDAN PA NI DE LTAR 'GYUR BAR MI RIGS SO, ,THAMS CAD BDE BA KHO NAR CI STE MI SKYED SNYAM DU DGONGS PA'O, ,GZHAN GYIS 'JIG RTEN LAS NYID CES BYA BA SMOS SO, ,DE 'DRA ZHES BYA BA NI DMYAL BA LA SOGS PA'I SDUG BSNGAL BYED PA DES DMYAL BA LA SOGS PA SDUG BSNGAL BA YIN GYI 'GRO BA BDE BAR BYA BA DE LA DBANG PHYUG NI NUS PA MED DO ZHE NA, SUN 'BYIN PA NI 'DI DAM PA MIN ZHES BYA BA STE, DE LTA NA NI 'O NA DBANG PHYUG DAM PA NYID DU MI 'GYUR RO, ,CI'I PHYIR ZHE NA, DAM PA GAL TE ZHES BYA BA LA SOGS PA GSUNGS SO, ,NUS PA MED KYANG ZHES BYA BA NI NUS PA DANG BRAL BA'O, ,DE NI ZHES BYA BA NI DAM PA'O, ,CI'I PHYIR MI 'JUG CE NA, DAM

PA MIN PA'I BYA BA NI ZHES SMOS SO, ,SDIG PA'I BYA BAS PHUNG PO RNAMS LA SDUG BSNGAL BSKYED PA NA, RMA LA RGYA TSVAS 'DEBS PA YIN NO, ,'ON TE ZHES BYA BA NI GZHAN GYI'O, ,TSUL 'DI ZHES BYA BA NI GANG ZHIG BSOD NAMS BYED PA DE NI BDE BA MYONG DU 'JUG LA, GANG ZHIG SDIG PA BYED PA DE NI SDUG BSNGAL MYONG DU 'JUG PA'O, ,DBANG PHYUG 'DI NI TSUL DE NYID GSAL BAR BYED PA'O, ,DE ZHES BYA BA DE MA THAG TU BRJOD PA'I TSUL BYA BA'I PHYIR RO, ,CI'I PHYIR DI LTAR YIN ZHES BYA BA'I DOGS PA SEL BAS, DBANG PHYUG GIS BSAMS PA SMRAS PA NI NGA'I RANG BZHIN 'DI LTA BU ZHES BYA BA STE, DBANG PHYUG NGA'I'O, ,LAN DE NI BDAG LA'ANG ZHES GSUNGS SO, ,GAL TE ZHES BYA BA NI GZHAN GYI DOGS PA'O, ,'JIG RTEN DE YANG NGO, ,LAN PHAN TSUN RTEN DE NYID CES BYA BA'O, ,'JIG RTEN NI DBANG PHYUG GIS BSKUL NAS LAS SNA TSOGS BYED LA, LAS SNA TSOGS KYI SGO NAS KYANG 'JIG RTEN GYI DBANG PHYUG BSKUL BA STE, LAS LA DBANG PHYUG BSKUL BA DANG, DBANG PHYUG LAS LA BSKUL BA ZHES BYA BA'I DON GANG YIN PA'O, ,DE LTAR 'GYUR MOD KYI CI SKYON CE NA, DE LTAR YIN NA ZHES BYA BA PHAN TSUN BRTEN PA YIN NA, LAS KYI BSKUL BA DANG DBANG PHYUG GI BSKUL BA GCIG KYANG YOD PAR MI 'THAD DE, GCIG MED NA GZHAN YANG MED PA'I PHYIR RO, ,GZHAN YANG DBANG PHYUG LA DGE BA'I LAS LA BSKUL BA'I NUS PA YOD DAM MED, DE LA YOD PA'I PHYOGS 'GOG PA NI GAL TE ZHES BYA BA'O, ,NUS PA MED MIN ZHES BYA BA NI, NUS PA YOD PA NYID NA ZHES BYA BA'I DON TO, ,DE'I TSE NI 'GRO BA LEGS PA'I LAS BYED PA KHO NAR 'GYUR NA, DE LTA YANG MA YIN TE, CHOS MA YIN PA BYED PA DAG MTHONG BA'I PHYIR RO 'ON TE LAS GNYIS KA LA BSKUL BAR NUS PA YIN NA, DE LTA NA NI BUR MA MNGAR BAR BYED PA PO YIN PA'I PHYIR RTOGS PA DANG LDAN PAS BLANG BAR BYA BA MA YIN PAR 'GYUR RO ZHES BSHAD ZIN TO SNYAM DU DGONGS PA'O, ,GNYIS PA SEL BA NI GAL TE 'JIG RTEN DE 'DIR ZHES BYA BA'O, ,DE'I TSE LAS SMRA BA NYID DGE STE, GDON MI ZA BAR KHAS BLANG BAR BYA BA YIN PA'I PHYIR, LHAG PA BKAG PA'I PHYIR RO, ,RGYAL

, ,BA NI MTHO BA'I RTZER PHYIN PA STE, SGRUB PAR BYED PA MED KYANG GNOD BYED MI SRID PA'I PHYIR RO, ,DES NA 'DIR PHYOGS GSUM SRID DE, 'GRO BA LAS KYI GZHAN DBANG YIN PAS SAM, 'DOD PA DANG MI 'DOD PA BYED PA'I NGANG TSUL YIN PAS SAM, YANG NA BCOM LDAN 'DAS DE'I BSAM PA'I KHYAD PAR BRTAG PAR SUS NUS ZHES BYA BA'O, ,PHYOGS DANG PO LA NI 'BRAS BU SKYED PA'I TSOGS PA'I NANG DU GTOGS PA YIN YANG, RGYU GZHAN BZHIN DU RANG DBANG NYID NYAMS PAR BRJOD PA YIN NO, ,DE'I NGANG TSUL YIN PA LA YANG BU RAM DANG MNGAR BAR BYED PA PO NYID DU BRJOD PA ZIN PA KHO NA'O, ,GNYI GA LTAR NA YANG SNYING RJES SBYOR BAR BYED PA NYID NI THAG BSRINGS PA KHO NA'O, ,GSUM PA NI RKANG PA BRKYANG BA TZAM DU ZAD PAS 'DI NI SHAN PA BZHIN DU RTOGS PA DANG LDAN PA DAG GIS BLANG BYA NYID DU BRTAG PAR 'DOD PA MA YIN NO, ,GANG GI TSE BSAM PA BRTAG PAR MI NUS PA DE'I TSE NI SNYING RJE ZHUGS PA YIN NO ZHES BYA BA'I TSIG 'KHYAR BA KHO NA STE, GZHAN LA GZHAN GYI SKYON YON NGES PA'I RTAGS MED PA'I PHYIR RO, ,YOD KYANG SNYING RJE MED PA KHO NA STE, DMYAL BA LA SOGS PA LA 'GOD PA'I PHYIR TE, DE LTAR MANG DU SMRAS PAS CHOG GO, ,CI STE YANG ZHES BYA BA LA SOGS PA NI RANG DBANG DU MA GYUR MOD, RGYU TZAM DU NI 'GYUR RO SNYAM DU BSAMS PA'O, ,LAN NI DE LTA NA NI 'O NA ZHES BYA BA'O, ,DE 'DRA BA BYED PA NI DE 'DRA BA KHO NAS SHES PAR NUS PA YIN NO ZHES BYA BA NI KHAS BLANGS PA DANG 'GAL BA YIN NO, ,BDAG CAG LA SOGS PAS NI ZHES BYA BA NI GAL TE DE'I BYED PA RTOGS PAR MI NUS KYANG, RNAM PAR 'JOG NA NI ZHES ZHE LA GZHAG PA STE, DE'I TSE MTSON DANG ZHES BYA BA LA SOGS PA RTOGS PAR SLA'O, ,'ON TE ZHES BYA BA NI GZHAN GYI'O, ,SDONG DUM GYI ZHES BYA BA NI SHING DUM GYI'O, ,LAN DU SDONG DUM GYIS YANG ZHES BYA BA'O, ,DE NI ZHES BYA BA NI BYED PA'O, ,'O NA MA DMIGS PA NYID KYIS ZHES BYA BA NI GZHAN GYI STE, SDONG DUM BLTAR RUNG BA LA BLTAR MI RUNG BA'I BYED PA'I MTSAN NYID KYI RANG BZHIN MED PA'I PHYIR RO SNYAM DU BSAMS PA'O, ,LAN NI 'O NA DE LTA NA ZHES BYA BA'O, ,'DIR BSAM PA NI SDONG DUM LA NI BYED PA MNGON SUM

GYIS GNOD PA YIN LA, RTAG PA LA NI RANG BZHIN KHYAD PAR MED PA STE, RIM DANG RIM MA YIN PAS DON BYA BA NYID KYI RANG BZHIN GYI KHYAD PAR MED PAR BYED PA YANG NI MI RUNG STE, DON BYED PA NYID DU MI RUNG NGO, DES NA RIM DANG RIM MA YIN PA DANG BRAL BA'I RJES SU DPAG PAS GNOD PA'I PHYIR MTSUNGS SO, ,'ON KYANG MNGON SUM GYIS NI NUS PA MA NGES PA NYID DU YANG RTOGS BAR 'GYUR GYI RJES SU DPAG PA LA NI MA YIN NO, ,BSHAD PA 'DI NI BLA BAS BTANG SNYOMS SU BZHAG TE, GZHAN 'CHAD PA YIN NO, ,PHYOGS DE LA NI 'BRAS BU'I RANG BZHIN KHYAD PAR ZHES SBYAR RO, , DPER NA BUM PA LA RDZA MKHAN GYI LAG PA'I BYED PAS BSGRUB PAR BYA BA 'JIM PA LA SOGS PA'I KHYAD PAR BZHIN DU, GAL TE 'BRAS BU LA YANG GANG ZHIS DBANG PHYUG MED NA MI 'GYUR BAR BRTAG PAR BYA BA'I RANG BZHIN GYI KHYAD PAR 'GA' ZHIG DMIGS NA NI DE'I TSE RDZA MKHAN BZHIN DU DE MTHONG BA LA BRTAG PA 'DI'I BYED PA YANG RTOGS PAR RIGS PA MA YIN GYIS, DE LTA MA YIN NA NI 'BRAS BU'I KHYAD PAR MA MTHONG NA YANG RGYU'I KHYAD PAR RTOGS NA HA CANG THAL BA'I PHYIR RTAG BA'I BYED PA MI 'THAD DO, ,'CHAD BA NI RGYUN GYIS SAM ZHES BYA BA'O, ,JI LTAR RTAG SNYAM NA RGYUN GYIS SAM GZHAN DU THER ZUG PA'I RTOGS PA'O, ,GANG GI TSE MI 'THAD CE NA, RANG BZHIN GYI KHYAD PAR MED PAR RO, ,SU'I ZHE NA 'BRAS BU'I STE, 'BRAS BU'I RANG BZHIN GYI KHYAD PAR MED PAR RO, ,NYE BAR MTSON PAR CI LTAR 'THAD CES BYA BA NI BYED PA NYE BAR MTSON PAR MI 'THAD PA KHO NA'O ZHES BYA BA'I DON TO, ,DBANG PHYUG LA YANG ZHES YANG GI SGRA NI RIM PA BZHIN DU SBYOR RO ZHES BYA BA NI SKABS SU BAB PA DANG SBYAR BA'O, ,PHYED PHYI MA RNAM PAR 'GREL BA NI RTAG LA LDOG PA MED PA'I PHYIR ZHES BYA BA'O, ,RTAG PA LA NI RI ZHIG LTA BA PO NYID MED PA KHO NA'O, ,GAL TE LTA BA PO 'GA' ZHIG YOD DU CHUG KYANG, DE LTA NA YANG LDOG PA MED PA NYID KYIS NA NUS PA RTOGS PAR DKA'O, ,CI'I PHYIR ZHE NA, RTAG TU GNAS ZHES BYA BA 'DIS NE DUS KHYAD PAR BRJOD LA, ,KHYAB PAS NA YUL KHYAD PA'O, ,RDUL PHRA RAB LAS NI DUS KYIS BYAS BA'I LDOG PA NYID SBANGS PA YIN NO, ,

, ,GAL TE LDOG KYANG DE RGYU NYID DU RTOGS PA DE'I TSE NYES PA CI YOD SNYAM NA, GANG DAG YOD NA ZHES SMOS TE, SNGAR YANG GANG ZHIG MED NA MA BYUNG BA ZHES BYA BA LA LTOS PAR BYA'O, ,LAS YOD NA ZHES BYA BA NI RDZA MA LA SPYOD PA'I LAS YONGS SU SMIN PA YOD NA'O, , 'DI NI GDON MI ZA BAR KHAS BLANG BAR BYA BA NYID DU BRJOD PA YIN TE, RDZA MKHAN LA SOGS PA LA NI MNGON SUM DANG MI DMIGS PA BYED PA 'JUG PA NYID YIN PAS LAS GZHAN NI DON MED DO, ,DES NA GNYIS LAS GCIG KHAS BLANG BAR BYA BAR 'GYUR RO ZHES BYA BAR RIGS PA YIN NO, , 'JIM GONG LA SOGS PA LA NI SO SOR RJES SU 'GRO BA DANG LDOG PA MTHONG BA'I PHYIR, GCIG BZHAG PA'I RTZOD PA MED DO, ,THUG PA MED MOD CI SKYON CE NA, ,RJES SU 'JUG PA MED PA'I ZHES SMOS SO, ,RJES SU 'JUG PA DANG BRAL BA NI RJES SU 'JUG PA MED PA STE, RGYU NYID DU RTOGS PA MED PA GANG YIN PA DE LA DE SKAD CES BRJOD DO, ,DE'I RTOGS PA DE'I 'JUG PA DE KHAS LEN NA STE, 'DOD NA NI DE LAS GZHAN LA YANG GEGS 'GA' YANG MED DO, ,DE KHAS LEN PA NYID NYES PA CHEN PO YIN NO ZHES BYA BA'I DON TO, ,THUG PA MED PAR 'GYUR ZHES BYA BA 'DI RNAM PA GZHAN DU BSHAD PA'I PHYIR NA ZHES GSUNGS SO, ,CI'I PHYIR ZHE NA, RGYU RNAMS KYI RGYU YANG ZHES GSUNGS SO, ,DE NYID YIN PA'I PHYIR ZHES BYA BA NI GNA' MA DE NYID MIN PA'I PHYIR RO, ,DE LEGS SHES BYAS PA NA ZHES BYA BA NI DE LA SOGS PA LEGS PAR BSGRUBS PA NA'O, ,DE'I KHYAD PAR NI 'BRAS BU'O, ,GSHOL GYI BYED PA LA SOGS PA DE LAS GZHAN DAG LAS KHYAD PAR DU 'GYUR BA YIN PAS NA KHYAD PAR RO, ,STZOGS PA'I SGRAS NI SHAL BAS BSHAL BA LA SOGS PA GZUNG NGO, ,NGES PA'I RNAM PAR 'GYUR BA'I RJES SU 'GRO BA NI RNAM PAR 'GYUR BA DANG LDAN PA STE, DE DANG RJES SU 'BREL PA STE, NAS LA SOGS PA'I MYU GU RNAMS KYI RGYAS PA LA SOGS PA'I MTSAN NYID DO, ,GSHOL GYI BYED PA BZHIN DU YUL LA SOGS PA LA KHYAD PAR YOD PAR MA MTHONG BAS RTZOD PA BYED DO, ,PHAN TSUN NYE BAR 'GRO BA'I RKYEN GYIS KHYAD PAR LAS DMIGS PA LA SOGS PA RNAMS

TSOGS PA'I SKAD CIG LA RANG BZHIN LA BRTEN PA'I KHYAD PAR MED KYANG, NUS PAS BYAS PA'I KHYAD PAR NI GDON MI ZA BAR KHAS BLANG DGOS SO ZHES BYA BA NI LAN GYI DON TO, ,'DI YANG RNAM PA GZHAN DU 'CHAD PA NI GAL TE 'BRAS BUR GYUR PA'I BLOS KHYAD PAR MED PAR, YUL DANG DBANG PO TSOGS PA'I RGYU YIN PA DE BZHIN DU DBANG PHYUG 'DI YANG RGYU YIN NO ZHEN MA YIN TE, 'BRAS BU RNAM PAR SHES PA DE LA YANG KHYAD PAR YOD PA'I PHYIR RO, ,DE NYID LDOG PA'I SGO NAS STON PA NI RGYUN GYI KHYAD PAR MED PAR NI ZHES BYA BA LA SOGS PA'O, ,KHYAD PAR GRUB PA YIN ZHES BYA BA NI BSHAD PA DANG PO LTAR NA RGYU LA BRTEN PA'I KHYED PAR RO, ,LHAG MA NI GO SLA'O, ,GNYIS PA NI 'BRAS BU LA BRTEN PAR BRJOD PAR 'DOD PA YIN NO, ,'BRAS BU SHES PA LA BRTEN PA RTOGS PA'I RANG BZHIN LA SOGS PA'I RANG BZHIN GYI TSOGS BYA BA LA RNAM PAR SHES PA'I MTSAN NYID KYI 'BRAS BU'I RGYUN DE'I KHYAD PAR DON DANG 'DRA BA LA SOGS PA'I MTSAN NYID MED PAR NI SO SO SO SOR DE RE RE ZHING NUS PA MED PA'I GZUGS LA SOGS PA RNAMS TSOGS PA LA'ANG STE, DNGOS PO'I BDAG NYID THAMS CAD BSKYED PA LA YANG NUS PA MED PAR 'GYUR RO, ,DON 'DI YIN TE, SO SOR 'BRAS BU DE SKYED PAR MI NUS PA RNAMS, GAL TE TSOGS PA'I GNAS SKABS SU YANG RANG GIS BYAS PA'I KHYAD PAR GYIS MTSON PAR MI BYED NA, SHA ZA LA SOGS PA BZHIN DU DE RNAMS KYI NUS PA JI LTAR BRTAG PAR BYA, RGYU NYID KYANG YOD PA YIN TE, DES NA 'BRAS BU'I KHYAD PAR GRUB BO, , DE LTA NA YANG YUL LA SOGS PA LAS NI DE'I RNAM PA LA SOGS PA YIN NO, ,DE LTAR 'DI NI RGYU NYID LA NI 'BRAS BU LA GNAS PA'I KHYAD PAR SKYED PAR BYED PA NYID KYIS KHYAB PAR BRJOD PA YIN TE, GANG GI PHYIR DE MED PAS NA, RGYUR MI 'GYUR RO SNYAM DU THUGS LA BZHAG PA YIN NO, ,'DI NYID 'CHAD PA NI MIG LA SOGS PA RNAMS NI ZHES BYA BA LA SOGS PA'O, ,'DRAS BU'I RANG BZHIN GYI KHYAD PAR NYID LA RGYU NYID DU NGES PAR BYED DO ZHES BYA BA NI THA SNYAD DU BYED PA STE, 'DI NI NGES PAR BZUNG BA GTZO BOR BYED PA'I TSIG GO, ,RANG BZHIN GYI KHYAD PAR DE NYID STON PA NI 'BRAS BU RNAM PAR SHES

, ,PA ZHES BYA BA LA SOGS PA'O, ,DE'I PHYIR RANG BZHIN 'DI DAG GO, ,RTAG PA'I RANG BZHIN GYI KHYAD PAR YOD PA'I PHYIR RO, ,BYA BA'I RANG BZHIN PHAN TSUN SPANGS PA GANG YIN PA DE DANG LDAN PA'I MIG LA SOGS PA NI 'BRAS BU RNAM PAR SHES PA'I RGYU YIN GYI GZHAN DU NI MA YIN NO ZHES BYA BA'I DON TO, ,YANG JI LTAR NA RANG GIS BSKYED PAR BYA BA'I 'BRAS BU'I KHYAD PAR GCIG LA 'DI DAG RNAM PA THA DAD PA'I SGO NAS BYED PA 'JUG PAR BRJOD KYI SO SOR GZHAN LA MI LTOS PAR MTHA' DAG BSKYED PA'I SGO NAS NI MA YIN ZHE NA, GANG GI PHYIR 'DI DAG NI ZHES GSUNGS SO,, RNAM PA'I TSOGS NI RANG BZHIN GYI TSOGS SO, ,'DI NYID STON PAR BYED PA NI MIG LAS NI ZHES BYA BA LA SOGS PA'O, ,GAL TE RE RE LAS RANG BZHIN MTHA' DAG SKYE PAR 'GYUR NA NI DE'I MIG LAS KYANG RTOGS PA'I RANG BZHIN DU 'GYUR GYI YID LA BYED PA 'BA' ZHIG LAS NI MA YIN NO, ,DE BZHIN DU GZHAN LA YANG CI LTAR RIGS PAR KHYAD PAR BYA'O, ,YANG JI LTA BU NYID DU MI 'GYUR ZHE NA, RE RE LAS DE LTAR MTHONG BA MED PA'I PHYIR RO ZHES GSUNGS SO, ,SO SOR BDAG NYID THAMS CAD SKYED PAR MA MTHONG BA'I PHYIR RO, ,DES NA RGYU LA NI KHYAD PAR SKYED PAR BYED PAS KHYAB PA YIN LA, DE MED PA'I PHYIR DBANG PHYUG NI RGYU MA YIN NO ZHES GRUB PA'I MTHA' SMRAS BAS BSAMS PAR RTOGS NAS GZHAN GYIS 'ON TE MIG CES SMRAS SO, ,DE BZHIN DU ZHES BYA BA DANG PO NI DPE LA SOGS PA'O, ,'DIS NI YUL DANG YUL CAN GNYIS KHYAD PAR MED PA'I PHYIR 'BRAS BU SHES PA BYAD PAR MED PAR BSTAN TO, , DE BZHIN DU ZHES BYA BA GNYIS PA NI DON LA SBYOR BA'O, ,'DIR NI 'DI LTAR BSAMS PA YIN TE, DPER NA KHYAD PAR DE DANG DE DAG BSKYED PA'I SGO NAS RGYU NYID DU DMIGS BA DE BZHIN DU RNAM PA 'DI LTA BU YANG DMIGS PA KHO NA'O, ,DES NA GZUGS SAM MI GZHAN DANG GZHAN NYE BAR GNAS PA'I DUS BZHIN DU KHYAD PAR GYI RANG BZHIN SKYED PA'I BYED PA MED PA BZHIN DU YANG RGYU NYID YIN NO ZHES BYA BA YIN NO, ,'DI LA ZHES BYA BA NI GRUB PA'I MTHA'O, ,GAL TE HA CANG THAL BA'I PHYIR DBANG PHYUG RGYU YIN LA, DE LTA NA MIG DANG GZUGS DAG LA SMOS SU CI YOD CE NA, 'DI LA YANG RANG RANG

GI KHYAD PAR BSKYED PAR BSHAD ZIN TO, ,GNAS SKABS DER YANG RANG GI KHYAD PAR JI LTA BA'I KHYAD PAR BSKYED PA NI YOD PA KHO NA'O ZHES STON PA NI MIG DANG ZHES BYA BA LA SOGS PA'O, ,DE'I PHYIR ZHES BYA BA NI 'BRAS BU RNAM PAR SHES PA'I RANG BZHIN GYI KHYAD PAR RTOGS PA LAS GZUGS LA SOGS PA RGYU NYID DU RNAM PAR GZHAG PA YIN NO ZHES SBYAR RO, ,YANG NA GANG GI PHYIR DE LTAR RNAM PAR SHES PA KHYAD PAR CAN YIN PA DE'I PHYIR GZUGS LA SOGS PA RGYU NYID YIN GYI GZHAN DU NI MA YIN NO ZHES BYA BA'I THA TSIG GO, ,GZUGS KYI KHYAD PAR LAS ZHES BYA BA NI BSHAD PAR BYA BA'I TSIG NYE BAR BKOD PA'O, ,BSHAD PA NI YONGS SU GSAL BA DGA' BA DANG MI GSAL BA MI DGA' BA STE, DGA' BA DANG MI DGA' BA LA BRTEN PA DE DAG LA SOGS PA GZUGS NYID LA SOGS PA GANG DAG YIN PA DAG GO, ,DE DAG NYID KYI MTSAN NYID DE RANG BZHIN GANG LA YOD PA'I GZUGS KYI KHYAD PAR DE LA DE SKAD CES BYA'O, ,NI'I SGRA NI TSIG GI RGYAN NO, ,'DIS NI YUL GYI KHYAD PAR LAS 'BRAS BU RNAM PAR SHES PA'I KHYAD PAR BSTAN TO, ,YUL CAN GYI KHYAD PAR LAS 'BRAS BU RNAM PAR RNAM PAR SHES PA'I KHYAD PAR STON PA NI DE BZHIN DU MIG PHYED BTZUMS PA'I ZHES BYA BA LA SOGS PA'O, ,'BRAS BU RNAM PAR SHES PA LA GNAS PA'I KHYAD PAR DE NI KHYAD PAR DANG BCAS PA'I MIG LA SOGS PA DANG, 'BREL PAS RGYU MIG LA SOGS PA'I 'BRAS BUR NI NGA'O ZHES BDAG NYID 'BRAS BU NYID DU RTOGS PAR BYED CING RANG DANG 'BREL PA'I 'BRAS BU YANG RTOG PAR BYED DO, ,GAL TE DBANG PHYUG RGYU NYID DU RTOG PA LA YANG RIGS PA 'DI NYID MA YIN NAM ZHE NA, DE BZHIN DU DBANG PHYUG CES BYA BA LA SOGS PA'O, ,DE LTAR DBANG PHYUG NI RANG GI RNAM PAR 'GYUR PAS, 'BRAS BU RNAM PAR BSGYUR BAR BYED PA NI JI LTAR YANG RTOGS PAR NUS PA MA YIN SNYAM DU DGONGS PA'O, ,BAR SKABS KYI BRJOD PA RDZOGS NAS SKABS NYID BRJOD PA NI DES NA ZHES BYA BA STE SNGAR BSHAD PAS NA'O, ,SNGA MA BZHIN DU RNAM PA GNYIS SU BSHAD PA YIN NO, ,RNAM PA 'DI NI GNYI GA MANG DBANG PHYUG LA

, ,YOD PA MA YIN NO ZHES STON PA NI RGYU LAS LDOG PA'I RANG BZHIN DE NYID CES BYA BA STE, RTAG PA'I PHYOGS LA NI GO SLA'O, ,KHYAD PAR BSAM PA YANG CI LTAR SNGAR MA SKYES PA DE BZHIN DUD LTAR YANG YIN PA'I PHYIR SDONG DU MA DANG SHA ZA LA SOGS PA BZHIN DU RTAG PA DANG MI RTAG PA NYID KYIS NA KHYAD PAR SKYED PA'I RGYU MTSAN YIN NA'O, , GZUGS LA SOGS PA LA NI DE LTAR DOGS PAR BYA BA MA YIN NO ZHES STON PA NI GZUGS LA SOGS PA RGYU NYID DU RTOGS PA LA NI ZHES GSUNGS SO, ,LUS PA'I DUS NA KHYAD PAR DANG KHYAD PAR CAN GYI RGYU SKYE PA'I PHYIR MI RTAG PA NYID KYIS NA KHYAD PAR SKYED PA'I RGYU MTSAN YIN NA'O, ,DE'I PHYIR ZHES BYA BA NI MJUG SDUD PA'O, ,YON TAN NI KHYAD PAR PHUL DU PHYIN PA'O, ,TSOGS NA ZHES BYA BA NI YON TAN SRID 'GYUR BA ZHES BYA BA'AM, TSOGS NA DE DAG RGYU YIN NO ZHES 'BREL TO, ,KHYAD PAR MED PHYIR RO ZHES BYA BA NI RTAG PA NYID KYIS RANG BZHIN GYI KHYAD PAR MED PA'I PHYIR RO, ,BSHAD PA GNYIS PA LA NI YON TAN 'BRAS BU LA BRTEN PA'O, ,LHAG MA NI SNGA MA BZHIN NO, ,DBANG PHYUG LA SOGS PA MA YIN ZHES BYA BA NI RGYU MA YIN PA'O, ,KHYAD PAR MED PHYIR RO ZHES BYA BA NI DBANG PHYUG LA SOGS PA LAS 'BRAS BU LA BRTEN PA'I KHYAD PAR GRUB PA MED PA'I PHYIR RO, ,DBANG PHYUG LA SOGS PA ZHES STZOGS PA'I SGRA NI RANG BZHIN DANG SKYES BU LA SOGS PA BZUNG NGO, ,DE LTAR TSAD MA'I MTSAN NYID LA RGYU DANG 'BRAS BU'I GNAS SKABS KYI DBYE BA CAN BCOM LDAN 'DAS TSAD MAR GRUB PA'I SKABS SU TSAD MA GZHAN DGAG PA BYAS PA NA, RTAG PA'AM, THOG MA MED PA'I SKAD CIG BRGYUD PA 'JUG PA'I RANG BZHIN CAN GYI SKYES BU KHYAD PAR 'GA' ZHIG NYID TSAD MA YIN GYI, SBYIN PA DANG BRTZE BA LA SOGS PA'I SGRUB BYED CAN NI MA YIN NO ZHES BYA BA 'DI DGAG PAR BRTZAMS PAS, DBANG PHYUG DU SMRA BA BZLOG PA NA, GZHAN GYIS GAL TE ZHES SMRAS SO, ,YONGS SU SHES PA DANG, STZOGS PA'I SGRAS SKYED PA'I RGYU STE, GO RIMS BZHIN DU SHES PAR BYED PA DANG, SKYED PAR BYED PA'O, ,SGRUB PAR BYED PA RNAMS SUN

PHYUNG BA'I PHYIR DANG BRTAG PA'I PHYIR MED NA'O, ,'O NA NI RGYU RNAM PA GNYIS PO DE GZHAN BCOM LDAN 'DAS LA YANG MI 'GYUR TE, SRID PA MA YIN NO GAL TE YANG RTAG PAR KHAS BLANGS PA MA YIN PA DE LTAN YANG BSGRUB PAR BYA BA NYID KHAS BLANGS PA TZAM GYIS GDON MI ZA BAR RGYU RNAM PA GNYIS YOD PAR 'GYUR RAM CI, GANG GI PHYIR MED PA DE'I PHYIR SKYE BA YANG MED LA NGES PA YANG MED PA DES NA TSAD MA GRUB PA CI 'DRA BA ZHIG YIN, ,GNYIS PA DE MED PA NYID BRJOD PA YIN, 'DI LTAR ZHES BYA BA STE, 'DI NI RNAM 'GREL NA YOD PA'I RNAM PAR 'GREL PA'O,, DE SGRUB BYED NI SKYE BA'AM SHES PA'I'O, ,SKYED BYED MED NA YANG GA LAS 'GRUB PAR 'GYUR BA GANG GIS RJES SU SGRUB, GAL TE 'BRAS BU DE 'BYUNG BAR NGES PAR NGES PA YIN NA NI DE'I TSE GUS PAR RJES SU SGRUB PA DANG, GRUB PA DANG BCAS PA'I RJES SU SGRUB PAR 'GYUR BA YIN NO ZHES BYA BA NI, TSU ROL MDZES PA PA DANG, DPYOD PA PA LA SOGS PA'O, ,DE RE ZHIG SKYED BYED MED PA BRJOD PA NI, RE ZHIG CES BYA BA'O, ,GAL TE GANG GI RGYU RJES SU BSGRUBS PAS SO, ,GAL TE MTHU BSAM GYIS MI KHYAB PAS NA, SNGAGS LA SOGS PAS DE 'GRUB PAR 'GYUR RO SNYAM NA; SNGAGS DANG ZHES SMRAS SO, ,RGYUD NI SMAN NO, ,STZOGS PA'I SGRAS NI NOR BU LA SOGS PA STE, DE'I LUS THAMS CAD LA MTHONG BA'I PHYIR RO, ,GAL TE DE SGRUB BYED YIN NA, DE'I TSE BYED PA THAMS CAD THAMS CAD MKHYEN PAR 'GYUR NA, DE NI PHAN TSUN 'GAL BA'I DE KHO NA NYID STON PAR BYED PA RNAM LA 'THAD PA MA YIN NO, ,DA NI SHES PAR BYED PA MED PAR BRJOD PA NI, DE NGES PA'I RGYU YANG ZHES BYA BA'O, ,KA BA LA SOGS PA LA MI SLU BA MTHONG BA'I PHYIR GZHAN LA YANG SHES PAR RJES SU DPOG GO SNYAM NA, PHYOGS GCIG CES SMOS SO, ,TSIG NI LUNG NGO, ,YANG SKYED PAR BYED PA MED PA'I PHYIR THAMS CAD RIG PA MI SRID PAR BSTAN PA'I PHYIR, THAMS CAD YONGS SU SHES PA'I RGYU DBANG PO SHES PA YIN NAM, DBANG PO DANG DON NAM, GOMS PA DANG BCAS PA'I YID KYI SHES PA'AM RJES SU DPAG PA ZHIG YIN ZHES BYA @41 *, ,PA'I RNAM PAR RTOG PA ZHE LA BZHAG NAS RIM GYIS 'GOG PA NI, LKOG TU GYUR PA'I DON ZHES BYA BA LA SOGS PA'O, ,GNYIS PA ZLOG PA NI, DBANG DON ZHES BYA BA'O, ,DBANG PO LA NI KHYAD PAR 'GA' YANG MA MTHONG BA KHO NA LA, DON YANG RGYANG RING BA DANG PHRA BA LA SOGS PA'I NGO BOS GNAS SKABS DE NYID YIN NO, ,GAL TE DE LTAR NA YANG DE GNYIS THAMS CAD RIG PA'I RGYU YIN NA DE'I TSE SKYES BU MTHA' DAG THAMS CAD RIG PA KHO NAR 'GYUR RO ZHES BYA BA NI HA CANG THAL BA'O, ,DBANG PO'I SHES PAS THAMS CAD RIG PAR KHAS BLANGS NAS NYES PA GZHAN SMRAS PA NI, MI GTZANG BA LA SOGS ZHES BYA'O, ,'ON TE DBANG PO RNAMS NI PHRAD NAS 'DZIN PA'I PHYIR NYES PA 'DI MED DO SNYAM NA, DBANG PO PHRAD NAS 'DZIN BA NA ZHES GSUNGS TE, DBANG PO PHRAD NAS 'DZIN PAR GNAS PA NA, THAMS CAD RIG PAR JI LTAR BRJOD DE, , GANG ZHIG MA PHRAD PA DE NYID DU RNAM PAR SHES PA MI SKYE BA'I PHYIR RO, ,DES NA DBANG PO MA PHRAD PAR 'DZIN PA NI KHAS BLANG BAR MI BYA STE, DES NA NYES PA SNGA MA KHO NA'O, ,GSUM PA SEL BA NI, DE'I YID KYIS ZHES BYA STE, THAMS CAD MKHYEN PA NYID DU 'DOD PA DE'I'O, ,SNGAR NI DBANG PO'I RJES SU MI 'JUG PA'I YID KYI SHES PA YANG MED PA KHO NA TE, DBANG PO'I RJES SU 'GRO BA KHO NAS 'JUG PA YIN NO, ,'DI GA LAS SNYAM NA, YID KYI SHES PA RANG DBANG NI ZHES SMRA STE, DBANG PO'I RJES SU MI 'JUG PA'O, ,DES NA GOMS PA LAS GSAL BA YIN YANG YID KYI SHES PA DE'I YUL DU THAMS CAD 'GYUR BA MA YIN TE, DE DBANG PO'I RJES SU 'BRANGS PAS NA NGES PA'I YUL CAN YIN PA'I PHYIR RO, ,'ON LUNG LA BRTEN PA YIN GYI RNAM SHES GSAL BA LAS NI THAMS CAD YUL DU 'GYUR RO SNYAM NA, LUNG LA BRTEN BA KHAS LEN NA, YID KYI RNAM PAR SHES PA 'DI THAMS CAD KYI YUL CAN MA YIN PA 'BA' ZHIG TU MA ZAD KYI, 'KHRUL BA NYID DU YANG THAL BAR 'GYUR TE, PHYI ROL GYI DON DANG 'BREL PA MED PA'I PHYIR RO, ,LUNG GIS NI KHAMS GSUM GYI KHONGS SU GTOGS PA'I RIGS MTHA' DAG STON PA YANG MA YIN GYI, 'ON KYANG NYE

BAR MKHO BAS 'BA' ZHIG KHO NA YIN NO, ,DES NA DE LA BRTEN PA'I YID KYI RNAM PAR SHES PAS GOMS PA LAS TSAD MA'AM, YUL THAMS CAD GSAL BA NYID JI LTAR SKYED PAR BYED, DES NA YID KYI RNAM PAR SHES PA YANG RGYU MA YIN NO, ,'O NA RJES SU DPAG PAS THAMS CAD BZUNG NAS BSGOM PAR 'GYUR BA NI 'KHRUL PA MA YIN NO, ,SNYAM PA'I DOGS PA SEL BAS, BZHI PAS SUN 'BYIN PAR BYED PA NI, RJES SU DPAG PAS NI RANG NYID KYI LKOG TU GYUR PA'I DON GRUB MA YIN TE, RTAGS MED PA'I PHYIR RO ZHES BYA BA'I DON TO, ,DES NA ZHES BYA BA NI THAMS CAD BSGRUB PA'I RJES DPAG MED PA DANG, THAMS CAD KYI YUL CAN GYI BSGOM PA MED PAS SO, ,DE'I PHYIR RJES SU DPAG PA YANG RGYU MA YIN NO SNYAM DU BSAMS PA'O, ,DE LTAR RGYU MI DMIGS PAS THAMS CAD MKHYEN PA MED PA PA NYID DU BSGRUBS NAS MI BZOD PAS CI RUNG BA SMROS SHIG, BSTAN BCOS DANG MTSON CHA'I THABS DANG, BZO LA SOGS PA DANG, DER RAB KYI MTHAR THUG PA'I BLO CAN NI RE ZHIG MTHONG BA YIN PA DE BZHIN DU DON GZHAN LA YANG 'GYUR BA YIN NO SNYAM PA'I DOGS PA SEL BAS, DES NI SRID PA TZAM YANG MA YIN NO ZHES STON PA NI, BSTAN BCOS LA SOGS PA ZHES BYA BA'O, ,DON 'DI YIN TE, MTHONG BA'I BSTAN BCOS LA SOGS PA NI, NGO MTSAR LA SOGS PAS GOMS PAR BYED PA SRID PAS BLO RAB TU 'GYUR BA YANG SRID KYI MA MTHONG BA LA RE BA SU YOD, RNAM PA GZHAN GYIS KYANG DE NGES PA MED DO ZHES STON PA NI, DE'I SHES BYA ZHES BYA BA LA SOGS PA'O, ,DE NGES PA'I RGYU'I TSIG KYANG MED DO ZHES STON PA NI, GANG ZHIG CHAGS PA DANG ZHES BYA BA'O, ,DON 'DI YIN TE, TSIG RNAMS NI 'DOD CHAGS LA SOGS PA DANG, RNAM PAR RNAM PA DANG, 'BREL PA YIN LA THAMS CAD MKHYEN PA NI KHYED NYID KYIS DE DANG BRAL BAR 'DOD PA YIN NO, ,DES NA DE LA TSIG SRID PA MA YIN NO, ,G-YAR PO NI BRNYAS PA STE, DES BYAS PA NI G-YAR PO'O, ,DES SAM DE BRGYAN PA'I DE LTAR BYED PA PO DANG, SHES PAR BYED PA MED PA'I PHYIR, MED PA DANG MA NGES PAR SGRUB PA YIN NO, ,RGYU MI DMIGS PA MED KYANG THAMS CAD RIG PA MI

, ,'THAD DO, ,DE LTAR RIM GYIS SAM CIG CAR THAMS CAD SHES PAR 'GYUR NA, DE LA RE ZHIG RIM GYIS NI MA YIN NO ZHES STON PA NI, BYUNG GYUR ZHES BYA BA'O, ,SO SOR ZHES BYA BA NI RANG GI MTSAN NYID KYI RANG BZHIN GYIS SO, ,RE RES ZHES BYA BA NI GCIG GCIG GO, ,RGYA MTSO LA SOGS PA RE RE NAS BSTAN PA'I PHYIR, DE YONGS SU SHES PA NYID YIN LA DE BZHIN DU YANG NGES PAR BYA'O SNYAM NA, PHYOGS GCIG YONGS SU SHES PA NI ZHES SMRAS TE, TSIG LAS PHYOGS GCIG YONGS SU SHES PAR RJES SU DPOG PAR NI SUL MED PA ZHES BYA BAR 'GYUR TE; THAMS CAD LA YOD PA LO NA'O ZHES BYA BA'I DON TO, ,'ON TE GZHAN LA RNAM PA DE 'DRA BA'I TSIG MED PA MA YIN NAM, DES NA JI LTAR PHYOGS GCIG YONGS SU SHES PA RJES SU DPOG CE NA, SKYES BU ZHES SMRAS SO, ,DES NA PHYOGS GCIG YONGS SU SHES PA YOD PAS THAMS CAD THAMS CAD RIG PA NYID DU 'GYUR RO, ,GAL TE BSTAN BCOS LA SOGS PA GCIG NYID GOMS PAR BYED PA NA, 'DON PA PO RNAMS KYI SHES RAB DANG YID GZHUNGS PA LA SOGS PA CHUNG NGU DANG 'BRING DANG CHEN PO THA DAD PAR MTHONG BA MA YIN NAM, DE BZHIN DU RAB KYI MTHAR PHYIN PA'I SHES PA YANG YOD PAR 'GYUR RO SNYAM NA, KHYAD PAR DANG LDAN PA ZHES SMRAS SO, ,SHIN TU ZHES BYA BA TSIG PHRAD KYI TSOGS NI LHAGS PA'I DON TO, ,'ON TE PHYOGS GCIG YONGS SU SHES PAS NI, THAMS CAD MKHYEN PA NYID MA YIN GYI, 'ON KYANG PHYOGS GCIG GI DE KHO NA MNGON DU BYAS PA'I PHYIR RO SNYAM NA, PHYOGS GCIG DE NYID CES SMRAS SO, ,'DI NI ZHES BYA BA PHYOGS GCIG GI KHO NA SHES PA NI'O, ,GZHAN LA ZHES BYA BA NI RI RAB LA SOGS PA LA 'KHRUL PA'I RGYU YIN TE, DE'I YUL CAN GYI SHES PA YOD PA LA NGES BA SKYED PAR BYED PA MA YIN PA'I PHYIR RO, ,CIG CAR GYI PHYOGS LA BRJOD PA NI, CIG CAR ZHES BYA BA'O, ,CI'I PHYIR MA YIN ZHE NA, DON GANG LA SHES PA YONGS SU RDZOGS PA'I DON DE 'KHOR PA 'DIR THOG MA YIN PAR BRJOD DO, ,'DI LA DON 'DI YIN TE, GAL TE 'KHOR PA THOG MA MED PA NYID YIN NA, DE'I TSE THAMS CAD

RIG PA MED DO, ,'ON TE THAMS CAD RIG PA YOD NA DE'I TSE RANG GI GZHUNG LAS GRUB PA'I THOG MA MED PA MA YIN NO ZHES BYA BA'O, ,GRUB PA'I MTHAR NI BSAM PA 'DI YIN TE, CI 'DRA BA'I THAMS CAD MKHYEN PA LA SKYON 'DI DAG YOD PA DE 'DRA BA NI BSGRUB PAR MI 'DOD DE, KHO BO CAG NI NGAN 'GRO DANG 'KHOR BAS 'JIGS PAS, DE SPONG BA LA NYE BAR MKHO BA'I DNGOS PO THAMS CAD YONGS SU SHES PA'I NYE BAR STON PA PO MNGON PAR 'DOD PA YIN NO, ,DE LA NI 'DI 'DRA BA'I SUN 'BYIN PA YOD PA MA YIN LA, DE LA NI BYED PA PO DANG, SHES PAR BYED PA'I GTAN TSIGS KYANG GRUB PA YIN NO ZHES BYA BA'O, ,THAMS CAD THAMS CAD RIG PA RIG PA'I PHYOGS LA NI SUN 'BYIN PA 'DI DAG YOD PA MA YIN NO ZHES PHYIS STON PAR 'GYUR RO, ,NGES BSHAD NAN TAN BYAS PA'I PHYIR, ,ZHES BYA BA DE NI DES BSHAD PA RJES SU BSGRUB PA'I DON DU'O, ,GZHAN RJES SU BSGRUB PAR 'DOD PAS ZHES BYA BA NI THAR PA LA SOGS PA'I LAM MO, ,GZHAN SHES PA ZHES BYA BA NI RGYA MTSO LA SOGS PA'I RDUL PHRA RAB KYI GRANGS LA SOGS PA'O, ,GANG GI DE'I NYE BAR STON PA BRJOD PAR 'GYUR PA, DE YONGS SU SHES PA NA GDON MI ZA BAR THAR PA'I SHES PA GRUB PA YANG MA YIN NO ZHES BSHAD PA NI DE NGES KYANG ZHES BYA STE, GRANGS DE LAS KYANG DE GDON MI ZA BAR NGES PA NI MI 'THAD PA'I PHYIR RO, ,'ON TE ZHES BYA BA NI SRIN BU'I GRANGS LA SOGS PA KHO NA SHES BA BYA DGOS SO ZHES BYA BA 'DI LA NGES PA CI YOD, THAMS CAD SHES PA NA MNGON PAR 'DOD PA YANG SHES PAR 'GYUR BA YIN NO ZHE NA, SUN 'BYIN PA NI MA YIN TE ZHES BYA BA STE NGES PA MA YIN NO ZHES 'BREL TO, ,CI'I PHYIR ZHE NA, SRIN BU'I GRANGS LA SOGS PA THAMS CAD DU 'DZIN PA'I SHES PA YOD PAS SHES PA STE, NGES PA MED PA'I PHYIR TE RTAGS MED PA'I PHYIR RO, , DE NYID CES BYA BA NI 'DOD PA NYID DO, ,SHES PAR BYA BA NI GZHAN LA NYE BAR BSTAN PA'I DON DU SHES PAR 'OS PA YIN NO, ,GAL TE STON PA PO LA 'DOD PA'I SHES PA YOD MOD, 'DI TSAD MA GANG GI TSE YIN ZHE NA, GAL TE DE SHES PA NA ZHES SMOS SO, ,DE LAS DE NYE BAR STON PA PO'I THAD NAS

, ,MI SHES PA GANG DAG YIN PA DE DAG GIS DE'I TSE DE'I YUL GYIS SHES BA SHES PAS NA STE, MNGON PAR 'DOD PA'I YUL CAN GYI SHES PA YONGS SU SHES BAS NA 'DI MI SHES PA RNAMS KYI TSAD MA NYID YIN TE, GAL TE DE LTAR SHES NA GDUL BYA RNAMS KYI TSAD MA NYID YIN NO ZHES BYA BA'I DON TO, ,GZHAN LA YANG ZHES BYA BA NI RDUL PHRA RAB KYI GRANGS LA SOGS PA YANG NGO, ,GAL TE 'DI MNGON PAR 'DOD PA TZAM RIG PAS TSAD MA YIN NA, DE'I TSE MNGON PAR 'DOD PA RIG PA GZHAN DAG KYANG TSAD MAR 'GYUR RO SNYAM NA, SKYES BU'I DON GYIS ZHES SMOS SO, ,SKYES BU'I DON GYIS GTZO BO SHES PA ZHES BYA BAS NI BYANG GROL GYI MTSAN NYID KYI BSGRUB BYA SHES BA BRJOD DO, ,SKAD CIG 'JIG PA DANG, BDAG MED PA LA SOGS PA TSAD MAS YONGS SU DAG PA THAMS CAD KYI SPYI'I MTSAN NYID DU GYUR PA'I DE KHO NA SHES PA ZHES BYA BA 'DIS NI BYANG GROL GYI LAM DE KHO NA YONGS SU SHES PA BRJOD DO, ,DE NYID TSAD MA YIN GYI ZHES BYA BA NI MNGON PAR 'DOD PA TZAM RIG PA NI MA YIN NO, ,CI'I PHYIR DE LTA BUR GYUR PA KHO NA TSAD MA YIN ZHE NA, 'DI DE TZAM GYI ZHES BYA BA SKYES BU'I DON DANG TSAD MAS YONGS SU DAG PA THAMS CAD KYI DE KHO NA YONGS SU SHES PA TZAM GYIS NYE BAR BRTEN PAR BYA BA YIN GYI SA'I DBYIBS LA SOGS PA MNGON PAR 'DOD PA TZAM SHES PAS NI MA YIN NO, ,LHAG MA ZHES BYA BA NI MNGON PAR 'DOD PA TZAM SHES PA'O, ,DE'I PHYIR SKYES BU'I DON GYI GTZO BO DANG; TSAD MAS YONGS SU DAG PAS THAMS CAD KYI DE KHO NA DAG SHES PAR BYED PA KHO NA TSAD MA YIN NO, ,DE YANG ZHES BYA BA NI GNYIS SHES PA NYID DO, ,GANG LA SRID CE NA ZHES BYA BA NI DRI BA'O, ,LAN NI GANG GIS NYE BAR BSTAN PA'O ZHES BYA BA'O, ,TSIG MED PAR NI GZHAN GYIS YONGS SU SHES PA'I SPYOD YUL NGES PAR BZUNG BA LA YANG DAG PA'I THABS GZHAN YOD PA MA YIN NO, ,TSAD MAS MTHONG BA ZHES BYA BA NI 'GRO BA'I DON DE KHO NA'O, ,GZHAN NYID CES BYA BA NI 'JIG RTEN GYI DBYIBS LA SOGS PA'O, ,CI'I PHYIR ZHE NA, 'JIG RTEN GYI DBYIBS LA SOGS PA DE LA YANG

MI SHES PA ZHES BYA BA MNGON DU MA BYAS PA SRID PA'I PHYIR RO, ,MED BA'I BLO GANG LA YOD BA NI MED PA'O, ,THAMS CAD LA ZHES BYA BA NI THAR PA LA SOGS PA'I LAM LA YANG STE, DNGOS PO'I RNAM PA THAMS CAD YONGS SU SHES PA MA YIN PAR KHAS BLANGS PA'I PHYIR RO, ,GZHAN LA YANG ZHES BYA BA NI BCOM LDAN 'DAS LA YANG NGO, ,'DI LA YANG ZHES BYA BA NI THAR PA'I LAM LA YANG NGO, ,GRUB PA'I MTHAR NI DGONGS PA 'DI YIN TE, RTAG PA LA SOGS PA'I DE KHO NA DANG, RDZAS DANG YON TAN LA SOGS PA'I GZHAL BYA LA NI TSAD MA'I GNOD PA YOD PAR NGES DPA'I PHYIR DE DAG NYE BAR STON PA BRGYUD PA NYID SKYABS YIN NO, ,DES NA 'JIG RTEN GYI DBYIBS LA SOGS PA LA YANG DE NYID DOGS PAR BYA BA YIN NO, ,BCOM LDAN 'DAS LA NI GAL TE DNGOS PO THAMS CAD YONGS SU SHES PAR THE TSOM ZAR BCUG PA DE LTA NA YANG BDAG MED PA LA SOGS PA'I DE KHO NA DANG, GZHAL BYA'I SPYI PHUNG PO LNGA LA SOGS PA LA TSAD MA GRUB PA'I STOBS KYIS GZHAL BYA'I KHYAD PAR 'JIG RTEN GYI DBYIBS LA SOGS PA DANG, RDUL PHRA RAB KYI GRANGS LA SOGS PA YONGS SU SHES PA SRID PA MI 'GAL TE, GTZO BO'I DON MI SLU BA'I PHYIR RO, ,DES NA BCOM LDAN 'DAS KHO NA TSAD MA YIN NO, ,DNGOS PO NI SKAD CIG MA NYID LA SOGS PA NYE BAR BSTAN PA'O, ,DE LA ZHES BYA BA NI TSAD MAS YONGS SU DPYAD PA LA'O, ,MA SHES PA YIN PAR DOGS PA ZHES BYA BA NI NYE BAR STON PA PO MA SHES PA YIN PAR DOGS PA GANG YIN PA'O, ,CI LTAR ZHES BYA BA NI 'GOG PA STE DE LA NYE BAR STON PA PO YONGS SU SHES PA PO YIN PAR NGES PA KHO NA'O ZHES BYA BA'I DON TO, ,'DI LA SHES PA YIN PAR MA NGES KYANG STON PA MA YIN NO ZHES BYA BAR STON PA NI DE LA NYE BAR STON PA PO MA SHES PA YIN PAR DOGS SU CHUG PA ZHES 'BREL TO, ,MA SHES PA YIN PAR DOGS PA DE LTA NA YANG MI RTAG PA NYID LA SOGS PA DE LA'O, ,CI'I PHYIR ZHE NA, TSAD MAS ZHES GSUNGS TE, DE BZHIN DU GZHAN GYIS NYE BAR BSTAN PA RTAG PA NYID LA SOGS PA LA NI 'JUG PA MA YIN NO SNYAM DU DGONGS PA'O, ,'ON TE ZHES BYA BA NI GZHAN GYI'O, ,GAL TE DE SKAD CIG MA NYID LA

, ,SOGS PA NYE BAR BSTAN PA TSAD MAS MTHONG DU CHUG PA DE LTA NA YANG NYE BAR STON PA PO LA DE MNGON DU BYED PA YOD DO ZHES BYA BA NI NGES PA MA YIN TE, DE'I NYE BAR BSTAN PA NI SRIN BU'I YI GE BZHIN DU 'GYUR SRID PA'I PHYIR RO SNYAM NA, 'DI LA, SHES PA YONGS SU DAG MED PAR, ,BRJOD PA YONGS SU DAG PA MED, ,CES 'CHAD PAR GYUR PA'I LAN BZHAG STE GZHAN GSUNGS PA NI DE NI 'DIR 'GYUR TE ZHES BYA BA LA SOGS PA'O, ,TSAD MAS MTHONG BA GANG YIN PA STE, STON PA ZHES BYA BA'I DON TO, ,ZHI BAS LHA ZHES PA SKYES PA GANG GIS SO, , GZHAN DE'O, ,KHYAB 'JUG DANG, BDE BYED DANG, DBYIG GIS SNYING PO LA SOGS PA'I MU STEG PA DAG LA YONGS SU SHES PA BTZIR YANG CI YOD, DE MED PA KHO NA'O, ,DE DAG LA NI KHYAD PAR DU YANG YONGS SU SHES PA YOD PA MA YIN NO ZHES BYA BA'I DON TO, ,DE'I PHYIR ZHES BYA BA NI MJUG SDUD PA'O; ,GAL TE YANG BCOM LDAN 'DAS DANG GZHAN LA MNGON DU BYED PAR THE TSOM ZA BA KHYAD PAR MED PA DE LTA NA YANG BCOM LDAN 'DAS KHO NA TSAD MA YIN TE, TSAD MA DANG LDAN PA'I DON GSUNGS PA'I PHYIR RO, ,GZHAN NI MA YIN TE BZLOG PA'I PHYIR RO ZHES BYA BA NI KHYAD PAR YIN NO, ,'O NA DA NI GANG GIS BSTEN PAR BYA BAR 'GYUR BA 'DI LAS 'BRAS BU LHAG PA CI ZHIG 'THOB CE NA, BDEN TE, BYAS PA SHES PAS SAM, BSOD NAMS MNGON PAR 'DOD PAS YIN PA'I PHYIR SKYON MED DO, ,MTHO RIS ZHES BYA BA NI BSDU BA'O, ,GAL TE MTHO RIS KYI LAM LA CHAD MA'I BYED PA MED PA DE LTA NA YANG DE YONGS SU SHES PA SRID PA BSTAN PA YIN NO ZHES BRJOD PA YIN NO, ,THIGS PA'I TSAD LA SOGS PA GZHAN NI YONGS SU SHES PA MED KYANG BCOM LDAN 'DAS DE'I MTHO RIS LA SOGS PA'I LAM SHES PA DE NI SRID PA YIN NO, ,GANG GI PHYIR DE LTA BU'I MI TSAD MA YIN PA DE'I PHYIR DE'I YE SHES NI ZHES BYA BA LA SOGS PA NI RNAM 'GREL LO, ,CHOS KYI DNGOS PO'I DE KHO NA NYID DAM, BLANG BYA DANG SPANG BYA'AM, MNGON PAR MTHO BA'I SGRUB BYED SHES PA NI CHOS MKHYEN NO, ,KUN ZHES BYA BA NI SBAS PA SHES PA LA SOGS PA'O DE NYID KYI PHYIR THAMS CAD THAMS

CAD RIG PA'I PHYOGS LA BRJOD PA'I SKYON NI KHAS MA BLANGS PA NYID KYIS BSAL BA YIN NO, ,GZHAN YANG ZHES BYA BA NI RIGS BYED PA PO'I THUG PA MED PA NYID DU 'GYUR RO ZHES BYA BA NI THAMS CAD MKHYEN PA GCIG NYID DU RNAM PAR GNAS PAR MI 'GRUB PAR 'GYUR RO, ,DE LTA YIN PA LA NYES PA BRJOD PA NI DE LTAR 'GYUR BA YANG MA YIN TE ZHES BYA'O, ,GRUB PA'I MTHA' THAMS CAD CES SKABS SU BAB PA PHYOGS GCIG GI KHYAD PAR YIN TE GANG SU YANG RUNG STE, SHES BYA'I PHYOGS GCIG RIG PAR BYED PA DE THAMS CAD NI TSAD MA YIN NO ZHES BYA BA'I DON TO, ,CI'I PHYIR MA YIN SNYAM DU DOGS PA SEL BAS RNAM 'GREL RNAM PAR 'GREL BA NI, GANG GI PHYIR ZHES BYA BA'O, ,BLANG BA DANG DOR BA LA PHYOGS GCIG NYID YIN NO SNYAM NA, SKYES BU'I DON GYIS MTSAN NYID PHYOGS GCIG CES GSUNGS SO, ,DGAG PA NI 'PHEN PA'I DON NAM CHUNG BA'I DON TO, ,GANG LA SKYES BU'I DON TZAM MED PAR BLANG BYA DANG DOR BYA'I DE KHO NA NYID DE YANG GANG YIN SNYAM NA, DE LA ZHES GSUNGS SO, ,'DIS NI 'KHOR BA'I SDUG BSNGAL DANG, DE'I RGYU DANG, 'KHOR BA ZHI BA DANG ZHI BA'I THABS BSTAN PA YIN NO, ,DE LA SDUG BSNGAL GYI RGYU BRJOD PA NI RAB TU ZHI BA'I THABS DANG DE 'GAL BAR BSTAN PA'I PHYIR RO, ,DES NA SKYES BU'I DON MCHOG BSTAN TO, ,DE BAS NI MNGON PAR MTHO BA DMAN LA, DE BAS KYANG CHES 'JIG RTEN 'DI'I BDE BA DMAN PA'O, ,DE LA DANG PO LA NI TSAD MA'I BYED PA STON PAR 'GYUR RO, ,GNYIS PA LA TSUL JI LTAR 'GYUR SNYAM NA MTHO RIS KYI LAM YANG ZHES GSUNGS SO, ,GANG ZHIG TSAD MAS GCOD PAR SRID PA DE GANG GIS RIG PAR BYED PA DE NI TSAD MA YIN NO ZHES 'BREL TE, TSAD MA SRID PAR BRJOD PA NI YOD PAR LHAG PAR MOS PA'I DON DU YIN NO, ,DNGOS PO YOD PA KHO NA LAS 'GA' ZHIG GI TSE TSAD MA RNYED PAR SRID KYI MED PA LA NI MA YIN NO, ,YOD PAR YID CHES PA DE YANG SKYES BU'I DON MCHOG TU 'GYUR BA NGES PAR LEGS PA'I YAN LAG LA BCOM LDAN 'DAS KYI BKA' SLU BA MED PAR MTHONG BA LAS 'GYUR RO, ,GAL TE 'JIG RTEN 'DI PA YANG 'BRAS BUR 'DOD PA MA YIN NAM, BCOM

, ,LDAN 'DAS KYIS GSUNGS PA DE MED PA YIN NAM CI ZHE NA, BUD MED DANG DMANGS RIGS ZHES GSUNGS TE, RNAM PAR DPYOD PA DANG MI LDAN PA MTSON BA LHUR BYED PA TZAM MO, ,GZHAN YANG ZHES BYA BA NI DUG SEL BA LA SOGS PA'O, ,MED PA MA YIN NO ZHES BYA BA 'DIS NI MI LDAN PA RNAM PAR GCOD PA'I PHYIR NA 'DI NI 'DOD RGYAL DU YANG BYA'O, ,'BRAS BU SNGA MA DAG KHO NA LA 'BAD LTOS NAS SO, ,GANG PHYIR SKYES BU'I DON GYI GTZO BO RIGS PA BYA'O ZHES STON PA YIN NO, ,ZHI'I SGRA NI KHYAD PAR LA LTOS NAS SO, ,GANG PHYIR SKYES BU'I DON GYI GTZO BO RIGS PA TSAD MA MA YIN PAR MI 'THAD PA DE'I PHYIR ZHES BYA BA LA SOGS PA'O, ,AE TA ZHES BYA BA NI TSUR SHOG CIG PA'O, ,RING PO MTHONG BA NYID LAS THAMS CAD MTHONG BAR GRUB PA MA YIN NAM, DES NA KHYED JI LTAR RING PO MTHONG BA LA MI RTZI SNYAM NA, RING PO MTHONG PA YOD DO ZHES GSUNGS SO, ,GAL TE DE LTAR ZHES BYA BA NI GAL TE RING PO MTHONG BAS THAMS CAD RIG PAR 'GRUB NA, DE'I TSE BYA RGOD LA SOGS PA YANG THAMS CAD RIG PA DE YIN TE, RING PO MTHONG BA YOD PA'I PHYIR RO, ,THAMS CAD SHES SO SNYAM PA'I BLO NI THAMS CAD SHES PA'I SHES BYA SHES PA LAS 'GYUR BA YIN NO, ,THAMS CAD SHES PA'I SHES BYA MA SHES NA NI 'DIS THAMS CAD SHES SO ZHES BYA BA 'DI LA BDAG CAG LA THABS YOD PA MA YIN PA NYID DO, ,GZHAL BYA'I PHYOGS GCIG YONGS SU SHES PA LAS KYANG MTHA' DAG SHES PA NYID DU SRID PA YANG BDAG CAG LA MED DO ZHES BSHAD PA NI, DE YI PHYOGS GCIG RNAM SHES PAS, ,ZHES BYA BA STE, SHES BYA MANG PO DE'I PHYOGS GCIG SHES PAR GYUR PAS RNAM SHES ZHES BYA BA SRID PA'I MING CAN SHES BYA GZHAN THAMS CAD KYI YUL CAN NI DE'I SHES BYA NYID LA STE, RING PO MTHONG BA'I SHES PA CAN NYID LA 'GRUB PA YIN GYI BDAG CAG LA NI MA YIN NO, ,'GREL PA NI BUD MED DANG BZHES BYA BA LA SOGS PA'O, ,GAL TE DE SHES NA SHING LA SOGS PA NYID SHES PAR 'GYUR MOD GZHAN DANG 'BREL PA'I DE SHES PA GO CI LTAR RTOGS SHE NA, SHING LA SOGS PA NI GZHAN DANG 'BREL PA'I RNAM PAR SHES PA'I KHYAD PAR CAN DU RTOGS PA'I PHYIR RO, ,GZHAN DU NA 'DI 'DIS RTOGS SO ZHES BYA BAR MI 'GYUR RO ZHES SNGAR

BRJOD ZIN TO, ,'DI NYID BSHAD PAS NI RANG NYID KYIS ZHES BYA BA'O, ,PHYED PHYI MA 'GREL BA NI GZIGS PA RING DU SONG BA'I CHEN PO GANG YIN PA STE SH'ARI'I BU LA SOGS PA'O, ,GZIGS BA RING DU SONG BAS ZHES BYA BAS NI BCOM LDAN 'DAS KYI MKHYEN PA'I KHYAD PAR CAN, SHES BYA'I PHYOGS GCIG YONGS SU SHES PA'I RGYU MTSAN BSTAN TO, ,DE DAG GIS BCOM LDAN 'DAS LA MTHA' DAG MKHYEN PA SRID PAR RTOGS PA GANG YIN PA DE NI BCOM LDAN 'DAS KYI MKHYEN PA'I KHYAD PAR CAN GYI PHYOGS GCIG YONGS SU SHES PA SNGON DU 'GRO BA CAN YIN GYI, DE DAG GIS KYANG DON DAM PAR THAMS CAD MKHYEN PA NYID RTOGS PA NI MA YIN NO, ,DE NYID KYI PHYIR BDAG NYID CHEN PO RGYA CHEN PO NI RIG LA ZHES STON PAR 'GYUR RO, ,SH'A RI'I BU LA SOGS PA DE DAG GI YANG THAMS CAD SHES PA NYID DE NYID SRID PA DE YANG, SH'A RI'I BU LA SOGS PA BAS DMAN PA GZHAN GYIS YIN NO, ,GNYI GA'I MTSAN NYID KYI ZHES BYA BA NI NYE BAR MKHO BA'I THAMS CAD MKHYEN PA DANG THAMS CAD MKHYEN PA'I MTSAN NYID DO, ,GAL TE THAMS CAD THAMS CAD RIG PA NYID SPANGS PA KHO NA MA YIN NAM 'DI'I RGYU BTZAL BAS CI BYA ZHE NA, MA YIN TE, DE 'DRA BA BLA NA MED PA'I YON TAN CAN LA MI 'DOD PA MED PA'I PHYIR RO, ,'ON KYANG DE NGES PA TZAM SPANGS PA YIN NO, ,DPER NA PHYOGS DANG PO LA TSAD MA SA MI SLU BA DANG LDAN PA'I NYE BAR BSTAN PA NGES PA'I RGYU YOD PA DE BZHIN DU, RDUL PHRA RAB SO SOR RIG PA LA NI MA YIN NO, ,GAL TE DON THAMS CAD NYE BAR STON PA MI SLU BA DANG LDAN PA YOD NA NI PHYOGS DANG PO LA JI LTA BAR 'DI NYID RGYU SRID PA YIN NO SNYAM DU DGONGS PA'O, ,SGRUB PA GANG LAS YIN TE RGYU MED PA'I THAMS CAD MKHYEN PA KHAS MA BLANGS PA'I PHYIR GRUB PA SKYES PA GANG LAS YIN TE, RGYU GANG YIN PA ZHES BYA BA NI TSIG TZAM THA DAD PAR ZAD KYI SO SOR DON GNYIS NYE BAR BZUNG BA NI MA YIN NO, , RNAM 'GREL GYI CHA LA 'DI LTAR RAM 'DI LTAR YANG 'JUG PAR BYA'O ZHES BYA BA'I DON TO, ,DRI BA DANG PO LA LAN DU, SGRUB BYED THUGS RJE GOMS PA LAS, ,ZHES BYA BA'O, ,TSAD MA GRUB PA NI THUGS RJE GOMS PA LAS 'GYUR BA YIN NO, ,DE ZHES BYA BA NI THUGS RJE'O, ,BLO LUS TE BLO'I

, ,RANG BZHIN GANG YIN PA DE LA BRTEN PA'I PHYIR MNGON PAR 'DOD PA'I GNAS SKABS 'THOB PA YIN NO, ,'DI NI 'DRI BA DANG PO NYID KYI LAN YIN NO ZHES GSAL BAR BYED PAS NA 'CHAD BA NI TSAD MA DE'I ZHES BYA BA'O, ,GOMS PA'I YAN LAG DANG BCAS PA ZHES BYA BA NI GOMS PA DANG LHAN CIG TU'O, ,'DRI BA GNYIS PA LA YANG LAN 'DI NYID YIN NO, ,YANG NA ZHES BYA BA NI SGRUB BYED NI RGYU STE, SKABS KYIS NA TSAD MA'I YIN NO, ,DES NA ZHES BYA BA NI THUGS RJES SO, ,THUGS RJE TZAM GYI GZHAN GYI DON STON PAS GZHAN LA TSAD MAR 'GYUR BA YIN NO ZHES BSHAD PA NI THUGS BRTZE BA DANG LDAN PA NI ZHES BYA BA'O, ,THABS NI GZHAN GYI DON STON PA'I THABS LA'O, ,THABS DE YANG RANG NYID TSAD MAR GRUB PA YIN NO ZHES BYA BA NI RANG NYID SHES BYA THAMS CAD LA MNGON SUM GYI RANG BZHIN NYID DU GRUB PA STE, RANG GI DON PHUN SUM TSOGS PA ZHES BYA BA'I DON TO, , THUGS RJE DE NYID CES BYA BA NI BRJOD PAR 'DOD PA'I GNAS KYI ZHES BYA BA'I DON TO, ,THAMS CAD SHES PA MA YIN NO ZHES BYA BA NI, CI LTAR MNGON PAR 'DOD PA'I THAMS CAD MKHYEN PA NYID MA YIN NA'O, ,DE'I THABS GOMS PA NI THAMS CAD MKHYEN PA'I THABS GOMS PA'O, ,GAL TE ZHES BYA BA LA SOGS PA NI TSU ROL MDZES PA PA PHYIR ZLOG PA BYED PA'O, ,GANG GI LUS MED PAS GOMS PA MI 'GRUB PA, BLO LUS LA BRTEN PA YANG CI LTAR ZHE NA, 'DI LTAR ZHES BYA BA'O, ,LUS KYI BDAG NYID DAM ZHES BYA BA NI RANG BZHIN YANG RANG BZHIN CAN LA BRTEN PA ZHES BRJOD PAR 'DOD PAS SO, ,YON TAN NI CHOS SO, ,'DIS NI GNAS PA NYID RNAM PA GSUM DU BRJOD PA YIN NO, ,GANG GI PHYIR TSU ROL MDZES PA PA DE LTAR RTZOD PA DE'I PHYIR RNAM 'GREL MDZAD PAS BSHAD BA NI'O, ,DE LA BSHAD PA DANG PO'I PHYOGS LA NI, BLO NI LUS LA BRTEN PHYIR RO, ,ZHES BYA BA NI DON THA DAD PA GNYIS KA LA YANG SBYAR BAR BYA'O, ,GNYIS PA LA NI PHYI MA KHO NA DANG ZHES BYA BA NI KHYAD PAR RO, ,PHYOGS SNGA MA'I CHA NI RNAM PAR BKRAL ZIN PA'I PHYIR NA, GRUB BA'I MTHA'I CHA RNAM PAR 'GREL BA NI SNGA MA'I ZHES BYA BA'O, ,RJES SU 'GRO BA ZHES BYA BA NI BLO NI PHYI MA LA RGYU NYID KYIS

KHYAD PAR BYED PA YIN PA'I PHYIR RJES SU 'JUG PA'O, ,RJES SU 'GRO BA YANG YIN LA BLO YANG YIN ZHES BYA BA NAS PHYIS SNGA MA YANG 'DI YIN PAS ZHES TSIG RNAM PAR SBYAR RO, ,LUS 'BA' ZHIG BLO'I RTEN YIN PA GANG YIN PA DE BKAG PA'I PHYIR RO, ,GZHAN DU YANG ZHES BYA BA NI RANG BZHIN NYID DU GYUR PA YIN YANG NGO, ,GZHAN DAG 'BRAS BU DANG RANG BZHIN GYI PHYOGS SBYAR BAR BYA BA'I PHYIR GAL TE ZHES BRJOD DO, ,LUS LA BRTEN PA ZHES BYA BA NI RANG BZHIN LA YANG BRTEN PA NYID DU BRJOD PAR 'DOD PA'I PHYIR NA LUS KYI RANG BZHIN ZHES BYA BA'I DON TO, ,CI LTAR LUS LA BRTEN PA YIN ZHE NA, PHA MA'I LUS LA BRTEN PAR ZHES GSUNGS SO, ,GZUGS DANG, KUN DU SPYOD PA DANG, SEMS GSAL BA DANG, STZOGS PA'I SGRAS SO SOR NGES BA'I DNGOS PO'I SRED PA LA SOGS PA DE NI PHA MA DE DAG GI RJES SU 'GRO BA STE RJES SU 'JUG PA YIN NO, ,BSKYED PAR BYA BA LUS KYI ZHES BYA BA NI RANG BZHIN GYI PHYOGS SO; ,GNYI GA LA DPE RI MO'O, ,STZOGS PA'I SGRAS NI DU BA LA SOGS PA'O, ,RI MO BYED PA'I GZUGS 'DRI BA LA BZO BO'I SHES PA NI GZUGS SHES PA'O, ,STZOGS PA'I SGRAS NI MDOG LA SOGS PA'I SHES BAS TE DE'I RJES SU 'GRO BA CAN NO, ,CI LTAR GNYI GA'I DPE YIN SNYAM NA, SMRAS PA RTZIG PA LA BRTEN PA STE RTZIG PA'I RANG BZHIN NO, ,DE LA 'JIG RTEN 'DI'I LUS NI, RTZIG PA LTA BU YIN NO, ,PHA MA NI RI MO BYED PA LTA BU YIN NO, ,DPE DANG MTHUN PA LHAG MA NI GO SLA'O, ,RANG BZHIN DANG 'BRAS BU'I PHYOGS GNYIS NYID YIN YANG DPE GZHAN GYIS BSTAN PA NI, YANG NA AA MRA'I ZHES BYA BA LA SOGS PA'O, ,RTZIG PA LA NI RI MO'I RANG BZHIN NYID RTZOL BA LAS LTOS PA YIN GYI AA MRA LA NI MA YIN NO, ,DE BZHIN RTZIG PA LA NI PHA'I GNAS LTA BU'I RI MO MKHAN GZHAN KHO NA LAS RI MO BYUNG BA YIN GYI LUS GZHAN GYI DOD PO'I RTZIG BA'I GZHAN NAS 'ONGS PA NI MA YIN NO, , DU BA NI ME LAS SKYES PA YIN GYI 'GA' ZHIG NAS 'ONGS PA NI MA YIN NO ZHES BYA BA NI KHYAD PAR RO, ,PHYOGS GSUM BA BRJOD PA NI, CHANG LA BRTEN PA'I MOS PA'I NUS PA NI ZHES BYA BA'O, ,CHANG LA BRTEN PA NI CHANG GI CHOS SO, ,DE BZHIN DU ZHES BYA BA NI 'JIG PA NA GZHAN LA BRTEN PA MA YIN PA LA

, ,'GA' ZHIG NAS 'ONGS PA YANG MA YIN NO ZHES BYA BA'O, ,'DIS NI SNGA MA DANG PHYI MA'I 'JIG RTEN DAG MED BAR BSTAN TO, ,'DIR RANG BZHIN DANG CHOS KYI PHYOGS DAG LA KHAD PAR CI ZHIG YOD CE NA, DE KHO NAR NI 'GA' YANG MED MOD KYI, 'ON KYANG THA SNYAD TZAM GYIS BYAS PA YIN NO, ,THA DAD PA'I THA SNYAD NI THA DAD PAR LHAG PAR ZHEN PAS YIN LA, THA DAD PA MED PAR LHAG PAR ZHEN PAS NI RANG BZHIN NYID DO, ,BUM PA'I RANG BZHIN ZHES BYA BA NI THA DAD PAR BRJOD PAR 'DOD PA YIN YANG THA DAD PA MED PAR LHAG PAR ZHEN PA NYID DO, ,DE BZHIN DU AA MRA'I DMAR PO, ,RTZIG PA'I RI MO ZHES BYA BA YANG RANG BZHIN KHO NA YIN NO, ,NUS PA'I LUGS THA DAD PAS THA MI DAD PA NYID DU THA SNYAD DU BYED DO, ,GANG GI TSE NUS PA YANG NUS PA CAN GYIS RANG BZHIN NYID DO ZHES DE KHO NA'I RJES SU 'BRANG BA DANG RTZIG PA LA RI MO AA MRA'I DMAR PO ZHES BRJOD PAR 'DOD PA DE'I TSE RANG BZHIN DANG, CHOS KYI PHYOGS DAG BZLOG PA YANG YIN PA'I PHYIR THA DAD PA NI DE KHO NA MA YIN PA SPROS PA TZAM GYI DON YIN NO, ,YANG NA GZHAN GYI LUGS NI 'DI 'DRA BA TZAM DU ZAD PA'I PHYIR NYES PA MED DO, ,DE SKAD DU BSHAD PA YANG ZHES BYA BA NI PHUR BUS SO, ,DE KHO NA'I SGRA NI CHOS BRJOD PA YIN YANG 'DIR GRAGS PAS TSAD MAS YONGS SU NGES PA'I DON LA BRJOD DO, ,SA LA SOGS PA NYID CES BYA BA 'DI RNAM PAR BCAD PA BRJOD PA NI, NAM MKHA' LA SOGS PA NI MA YIN LA ZHES BYA BA'O, ,DE NYID YIN GYI DE NYID MA YIN PA NI MA YIN NO, ,SA LA SOGS PA DE NYID MA YIN NA RNAM PAR SHES PA TZAM MAM, CHOS THAMS CAD STONG PA DE KHO NA YIN PAR 'GYUR NA, 'DI GNYIS DE KHO NA YIN NA NI DE KHO NA NYID YIN PA NYID DO ZHES NGES PAR BZUNG BA'I PHYIR GSAL BA YIN NO, ,DE'I TSOGS LA ZHES BYA BA NI SA DANG CHU DANG ME DANG RLUNG GI TSOGS LA'O, ,DE NYID BSHAD PA NI TSAD MED PA ZHES BYA BA'O, ,PHABS NI CHANG GI RTZI'O, ,STZOGS PA'I SGRAS NI CHU LA SOGS PA'O, ,RI MO BZHIN DANG ZHES BYA BA NI RTZIG PA LA LTOS NAS SO, ,RANG BZHIN YIN PA'I PHYIR AA MRA'I DMAR PO YANG RTOGS PAR BYA BA'O, ,DU BA BZHIN NO ZHES BYA BA NI 'BRAS BU YIN PAS SO,,

RI MO MKHAN LA LTOS PA'I RI MO YANG RTOGS PAR BYA BA YIN NO, ,'PHO BAR MTHONG BA ZHES BYA BA NI, GZHAN NAS 'DI'AM, 'DI NAS GZHAN DU 'PHO BAR MTHONG BA STE, DE MED PA'I PHYIR SNGA MA DANG PHYI MA'I SKYE BA DAG MED DO ZHES BYA BA'I DON TO, ,DE LA SA DANG, CHU DANG, ME DANG, RLUNG ZHES BYA BA NI DE NYID DO ZHES BYA BA'I MDO RE ZHIG SUN 'BYIN PA NI DE NYID MA YIN TE ZHES BYA BA'O, ,'O NA NI GZUGS LA SOGS PA NYID DE NYID YIN PAR 'GYUR RO ZHE NA, DE DAG KYANG LNGA ZHES GSUNGS SO, ,GZHAN DU ZHES BYA BA NI GZUGS LA SOGS PA LAS THA DAD PAR RO, ,SA LA SOGS PA NI DE NYID YIN PA NYID DO ZHES NGES PAR GZUNG BA'I GTZOR BYAS PA'I DON SUN 'BYIN PA NI SKAD CIG MA NYID LA SOGS PA'I SGRUB PA NI ZHES BYA BA'O, ,DE'I PHYIR DE NYID NI RNAM PA BZHI KHO NA'O ZHES BYA BA MI 'THAD DO, ,GRANGS NGES PAR GZUNG BA NYID LA SUN 'BYIN PA GZHAN YANG BRJOD PA NI GZHAN YANG ZHES BYA BA'O,, BLTA BYA ZHES BYA BA NI MYONG BYA'O, ,RTEN LNGA NI DBANG PO LNGA'O, ,DE NYID YIN PA NYID DO ZHES BYA BA NI, SUN DBYUNG BA'I PHYIR THAMS CAD STONG PA LA GANG BRJOD PA ZHES BYA BA'O, ,GAL TE THAMS CAD STONG PA LA TSAD MA YOD NA DE'I TSE THAMS CAD STONG PA NYID MA YIN TE, DE SGRUB PA'I TSAD MA NYID YOD PA'I PHYIR RO, ,GAL TE STONG NYID CES BYA BA NI TSAD MA YANG STONG NA'O, ,DE'I TSE TSANG MA MED PA DE CHOS THAMS CAD STONG PA NYID DU SGRUB PA'I TSAD MA MED DO, ,DES NA BA DI GNYIS NI 'GAL LO, ,CHOS THAMS CAD STONG PA ZHES BYA BA 'DIS 'PHANGS BA'I RTZOD PA DE YANG MED DO ZHES BYA BA'I DON TE, TSAD MA MED PAR NI BSGRUB BYA MI 'GRUB PO SNYAM DU BSAMS PA'O, ,'ON TE KUN RDZOB BA'I TSAD MA LA BRTEN NAS STONG BA NYID LA GRUB CE NA, 'O NA NI NYAMS SU MYONG BA LAS STONG BA NYID MA YIN PAR CI STE NGES PAR MI BYED, 'DI LA KUN RDZOB NYID LAS SKYON GZHAN NI BRJOD PAR BYAR MED DO, ,KUN RDZOB PAR SGRUB PA NI 'DOD PA NYID YIN PA'I PHYIR CI LTAR THAMS CAD STONG BA NYID DU 'GRUB, GAL TE RNAM PAR SHES BA TZAM YANG MA YIN TE ZHES DANG PO KHO NAR SMRAS PA MA YIN NAM, CI LTAR NA DE LA LA BAR DOR NAS DBU MA NYID NYE BAR DANG BKOD CE NA, THAMS CAD STONG NYID CING DRA DANG, ,ZHES BYA BA LA SOGS PA

, ,GSUNGS TE, THAMS CAD STONG NYID CI 'DRA DANG, ,ZHES BYA BA NI, RTAG BA'I CHOS THAMS CAD STONG PA NYID YIN NO ZHES BYA BA'I DON TO, ,JI SKAD CHOS KYI RGYAL TSAB KYIS, ,YANG DAG MA YIN KUN RTOG YOD, ,DE LA GNYIS BO YOD MA YIN, ,STONG PA NYID NI DE LA YOD, , CES BYA BA, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES GSUNGS PA BZHIN NO, ,'DI LA YANG DAG PA MA YIN PA'I GZUNG BA DANG 'DZIN PA GNYIS KUN DU BRTAGS PAS ZHES BYA BAS SO, ,DES NA 'DI 'DRA BA'I STONG BAR SMRA BA LA BRTEN PA YIN NO, ,DE LTAR YANG SLOB DPON ZHI BA MTSO'I BZHED BA BKOD NAS SNA TSOGS GNYIS MED KYI RGYAS BTAB PAS, SGRO 'DOGS PA DANG SKUR PA 'DEBS PA'I MTHA' GNYIS DE KHO NA NYID DU SPANGS BA'I PHYIR RNAM PAR SHES PA'I TSUL NYID DBU MA YIN PAR RTOGS PAR 'GYUR RO, ,JI SKAD DU MGON PO DE NYID KYIS, STONG PA MA YIN MI STONG MIN, ,DE LTA BAS NA THAMS CAD BRJOD, ,YOD PAS MED PAS YOD PA NA, ,DE NI DBU MA'I LAM YIN NO, ,ZHES GSUNGS PA BZHIN NO, ,DES NA LUGS 'DI GNYIS DE KHO NAR THA DANG MED PA'I PHYIR GCIG BSTAN PA KHO NAS GNYIS PA YANG BSTAN PA YIN NO, ,'DI LA NI NYAMS SU MYONG BA DANG 'GAL BA YANG MED DE GSAL BA'I RANG BZHIN MI 'GOG PA'I PHYIR RO, ,'ON TE MI 'GAL MOD, 'DI 'DRA BA'I STONG PA NYID LA YANG SGRUB PAR BYED PA CI YOD CE NA, DE LA TSAD MA CI 'DRA BA ZHES GSUNGS SO, ,SHES PA NYID DANG GSAL BZHIN PA NYID LA SOGS PA'O ZHES BYA BA'I DON TO, ,DE LA 'JIG RTEN SNGA MA SUN 'BYIN PA'I SKABS KYIS DANG PO'I PHYOGS GNYIS SUN DBYUNG BA'I PHYIR RTZOD PA LA THA SNYAD BTAGS NAS RJES SU RJOD PAR BYED BA NI GAL TE ZHES BYA BA'O, ,PHA MA'I LUS LA SOGS PA ZHES BYA BA LA SOGS PA'I SGRAS NI, ZAS LA SOGS PA'I MTHONG BA NYID GZUNG NGO, ,LUS KYI 'BYUNG BA CHEN PO ZHES BYA BA NI BSKYED PAR BYA BA'I LUS KYI'O, ,GZHAN DU ZHES BYA BA NI 'DI NYID KYIS BSHAD PA NI 'JIG RTEN PHA ROL NAS 'ONGS PA NYID DU ZHES BYA BA'O, ,DGAG BA'I DBANG DU BYAS PA'I PHYIR RANG BZHIN MI DMIGS PA LTAR BCOS PA'O, DE LA, GAL TE 'GRO 'ONG MA MTHONG PHYIR, ,ZHES

BYA BA'I SUN 'BYIN PA 'CHAD PAR 'GYUR BAS THE TSOM ZA BA'I PHYIR, SKYE BA SNGA MA'I 'THAD PA BSHAD PA NI DE NI MI BDEN TE ZHES BYA BA'O, ,PHA MA'I LUS 'BA' ZHIG LAS SKYE BA NI MA YIN NO, ,'BYUNG RNGUB LA SOGS PA NI RANG GI RIGS LA LTOS PA MED PAR MI 'THAD DO, ,CI'I PHYIR DE LTAR MI 'THAD CE NA; G-YO BA LA SOGS PA'I MTSAN NYID CAN GYI RANG BZHIN GYI KHYAD PAR LAS TE DE DE'I PHYIR RO, ,GAL TE G-YO BA NYID DANG 'DOD PA'I KHAD PAR LA SOGS PA'I CHOS KYIS BYAS PA'I RANG BZHIN GYI KHYAD PAR LAS, RANG RIGS LA LTOS PA MED PA STE, SNGA MA'I NYE BAR LEN PA LA MA LTOS PAR MI 'THAD PA NYID DO ZHES BSHAD PA YIN MOD, SNGA MA'I NYE BAR LEN PA NI PHA MA'I GOMS PA NYID YIN NO SNYAM NA, G-YO PA LA SOGS PA YANG ZHES GSUNGS SO, ,GANG LA G-YO BA LA SOGS PAR BZHAG PA DE'I BDAG NYID DE, SNGAR GYI BLO DANG DBANG PO LA SOGS PA DE GOMS PA GANG YIN PA DE'I RJES SU 'GRO BA CAN YIN NO, ,RNAM PAR BCAD BYA BRJOD PA NI, ,PHA MA'I ZHES BYA BA LA SOGS PA'O, ,BZLOG PA LA GNOD PA BRJOD PA NI DE LTA MA YIN NA ZHES BYA BA'O, ,DAM PA MA YIN PA'I SKYE BO DANG 'BREL PA'AM, DE 'DRA BA'I BSTAN BCOS MTHONG BA LAS PA LAS SKYES PA'I CHOS DANG LDAN PA NYID LA SOGS PA LAS ZLOG PA GOMS PA LAS CHOS DANG LDAN PA MA YIN PA LA SOGS PAR 'GYUR BAS NI, GOMS PA LA SOGS PA RNAMS KYI GOMS PA SNGON DU SONG BA CAN NYID DU GSAL 'DEBS PAR BYED DO, ,DE LTA MA YIN NA PHA MA'I RANG BZHIN NYID RJES SU 'JUG PAR 'GYUR RO, ,'GA' ZHIG LA DNGOS PO 'GA' ZHIG GI RANG BZHIN RJES SU 'JUG PA MTHONG BAS NI DE YANG DE KHO NA BZHIN GOMS PAR GYUR PA YIN NO ZHES NGES PA YIN NO, ,GANG DANG GANG G-YO BAG DANG CHOS DANG LDAN PA LA SOGS PA'I CHOS SU GYUR PA DE THAMS CAD NI SNGON GOMS PAS BSKYED PA YIN TE, DPER NA DBUS KYI GNAS SKABS NA RNAM PA GZHAN DU GNAS PA GOMS PA LAS RNAM PA GZHAN DU 'GYUR BA BZHIN NO, ,SROG CHAGS RNAMS KYI DANG PO'I GNAS SKABS KYI G-YO BA LA SOGS PA YANG DE BZHIN DU GYUR PA YIN NO ZHES BYA BA NI, DON GYI 'BRAS BU'I GTAN TSIGS SO, ,TSAD MA'I 'BRAS BU BRJOD PA NI DE'I PHYIR ZHES BYA BA STE, MA YIN PAR BKAB PAS RANG

, ,GI GOMS PA NYID LAS 'GYUR BA YIN NO ZHES BYA BA'I DON TO, ,G-YO BAG DANG GOMS PA DAG RGYU DANG 'BRAS BU'I DNGOS POR GRUB PAS NA MA NGES PA MA YIN NO, ,'O NA GANG GI TSE PHA MA'I LUS LA SOGS PA RGYUR 'THAD CE NA, GAL TE ZHES BYA BA LA SOGS PA'O, ,GAL TE BU CHUNG GI RANG BZHIN DE DAG PHA MA'I RANG BZHIN YOD NA STE, PHA MA'I RANG BZHIN NYE BAR GNAS PA NA ZHES BYA BA'I DON TO, ,SNGAR SRID PA GZHAN DU YOD PAR 'GYUR NA, DE'I TSE PHA MA'I LUS LA SOGS PA YANG RGYU NYID DO ZHES 'THAD PA YIN TE, GNYI GA RGYU YIN YANG SKABS LA GNOD PA MED DO, ,YANG NA GAL TE BU CHUNG GI 'DOD PA LA SOGS PA THAMS CAD SNGAR PHA MA'I RANG BZHIN LA YOD PAR GYUR NA DE'I TSE'O, ,LUS LA SOGS PA YANG ZHES YANG GI SGRAS NI SRID PA MA YIN TE, MA DANG PHA'I LUS LA SOGS PA RGYU NYID DU SRID PAR RTOGS PA RIGS PA YIN NO ZHES BYA BA'I DON TO, ,DE LTA MA YIN NA RANG LA BRTEN PA'I G-YO BAG LA SOGS PA NANG NAS RANG BZHIN GANG ZHIG SKYED BYED DAG LA YOD PAR MA GYUR PA DE NYID GOMS PA LAS SKYES PA YIN NO ZHES BYA BAR 'GYUR RO, ,BU CHUNG RI RANG BZHIN MTHA' DAG PHA MA GNYIS LA GDON MI ZA BAR GNAS PA YANG MA YIN NO, ,DE MA YIN YANG BZLOG PAR DOGS SO ZHE NA, 'ON TE ZHES GSUNGS SO, ,SNGAR GOMS PA MED PA NA G-YO BAG MA DMIGS LA, GOMS PA YOD NA YOD BAR NYAMS SU MYONG BA'I PHYIR 'DIR YANG RGYU DANG 'BRAS BU'I DNGOS PO NI MNGON SUM DANG MI DMIGS BA GSUM GYIS GRUB BA YIN NO, ,'DIR 'DI MA GRUB NA NI GZHAN DU YANG MI 'GRUB PAR THAL LO SNYAM DU DGONGS PA'O, ,'DI NA 'JIGS PA YANG MA YIN NO ZHES BRJOD PA NI DE YANG ZHES BYA BA'O, ,RGYU DANG 'BRAS BU'I DNGOS PO GRUB PAS NA RGYU MI DMIGS BAS GTAN TSIGS MI MTHUN PA'I PHYOGS LAS LDOG BAR GRUB PAR BSTAN PA'I PHYIR GAL TE ZHES BYA BA LA SOGS PA'O, ,GAL TE GOMS PA SNGON DU 'GRO BAR GRUB PAR DE'I TSE RANG GI GOMS PA DANG BRAL BA ZHES BYA BA LA SOGS PA'O, ,RTEN MED PA NI RGYU MED PA'O, ,DES NA RGYU MI DMIGS PA THAL BA SGRUB PA'I GTAN TSIGS KYIS GTAN TSIGS MI MTHUN PA'I PHYOGS LAS NGES PA KHO NAR ZLOG PAR BYED DO, ,DE LTAR MA YIN NA ZHES BYA BA

RGYU MED PAR 'BYUNG NA'O, ,NGAG LAS THA SNYAD DU BYED PA YIN NO ZHES BYA BA LA LTOS PAR BYA'O, ,DPER NA 'DIR SNGAR ZHUGS PA'I MI DMIGS PAS LDOG PA NGES PA DANG, GOMS PA YOD NA G-YO BA MTHONG BA NA, RIM PAR 'BYUNG BA'I MNGON SUM GNYIS KYI RJES SU 'GRO BA RTOGS PA LTAR, GANG DU MNGON SUM SNGON DU 'GRO BA'I MI DMIGS PA SRID PA DER YANG RJES SU 'GRO BA NI MNGON SUM NYID KYIS 'DZIN CING PHYIS KYI MI DMIGS PA RIM PAR BYUNG BAS NI LDOG PA 'DZIN PA YIN TE, AAR TZA tAS CI LTAR GTAN LA PHAB PA BZHIN NO, ,DE'I PHYIR DA LTAR MIG LA SOGS PA G-YO BA LA SOGS PA DANG LDAN PA NI G-YO BA'I RIGS MTHUN PA G-YO BA'I GSAL BA GZHAN GANG YIN PA DE GOMS PA DE LAS BYUNG BA'I NGANG TSUL GANG LA YOD PA'I MIG LA SOGS PA DE SNGON DU 'GRO BA CAN YIN NO, ,SOGS BA'I SGRAS BSDUS BA'I CHOS GZHAN YANG DE BZHIN DU RTOGS PAR BYA'O, ,DE 'DRA BA'I DU BA DE NI GZHAN MED PA LAS KYANG SKYE BA MA YIN TE, 'ON KYANG DE LTA BU NYID LAS YIN TE, RGYU RIGS KYIS MTHUN PAR 'GRUB PA'I PHYIR RO, ,DE DANG RIGS MI MTHUN PA LAS KYANG RIGS MI MTHUN PA MA YIN PA 'BYUNG NA NI RGYU MED PA NYID DU THAL BA'I PHYIR RO, ,RGYU MED PA YIN NA YANG RTAG TU YOD PA'AM MED PAR 'GYUR ZHES BYA BA LA SOGS PA'I NYES PA'I TSOGS KYI GO SKABS SU THAL BA'I PHYIR RO, ,DE NYID KYI PHYIR NAGS DANG CIG SHOS KYI RGYAL MO GA GON GNYIS BZHIN DU GCIG TU RTOGS PA YIN YANG, RIGS GCIG TU GZHAG PA'I RGYU MTSAN MA YIN NO, ,DES NA SHIN DU RNAM PAR PHYE BA'I RNAM PA CAN GYI 'BRAS BUS NI RGYU LA 'KHRUL PA MED DO, ,'O NA NI SKYE BA DANG PO NA YANG KHYAD PAR GZHAN NYID YOD DO SNYAM NA, GOMS PA LAS SHES GSUNGS SO, ,KHYAD PAR 'GYUR NI 'DUS BYAS PA STE, BZLOG PA GOMS PA LAS BZLOG PA'I CHOS CAN GANG YIN PA'O, ,SKYE BA DANG POR ZHES BYA BA NI BU CHUNG LA'O, ,DE BZHIN GNAS ZHES BYA BA NI 'DI LDOG PA'I CHOS CAN NYID DU DE BZHIN DU GNAS SO ZHES TSIG RNAM PAR SBYAR RO, ,'DI NI 'BRAS BU THA MI DANG PAR BRJOD DO, ,DES NA RGYU THA DAD PAR MI RTAG GO SNYAM DU DGONGS PA'O, ,DU BA NI DE LTA BUR GYUR PA GZHAN LAS MA YIN

, ,PA'I PHYIR RGYU THA DAD PAR MTHONG BA LAS 'BRAS BU THA DAD PAR RJES SU DPOG PAR 'GYUR BA LA RAG GO, ,DE'I PHYIR 'KHOR BA'I 'DU BYED PA THAMS CAD NI GOMS PAS BYAS PA KHO NA'O, ,DE YANG SKYES MA THAG PA DANG MNGAL DU YOD PA MA YIN PA'I PHYIR, SKYE NGA GZHAN GYIS GOMS PA KHO NAS BYAS PA YIN NO ZHES GNAS SO, ,GAL TE 'DUS BYAS PA 'DI 'JIG RTEN PHA ROL GYI GOMS PAS BYAS PA YIN NO ZHES BYA BA 'DI MI DMIGS PAS GNOD PA MA YIN NAM SNYAM NA, DE ZHES GSUNGS SO, ,GAL TE GOMS PA SNGON DU 'GRO BA CAN CI 'DRA BA'I G-YO BA LA SOGS PA'I 'DU BYED PA MTHONG BA LAS DE LTAR GRUB PA DE BZHIN DU 'JIG RTEN PHA ROL PA MA YIN PA'I GOMS PA SNGON DU 'GRO BA CAN KHO NAR MTHONG BA'I PHYIR DE LTA BU NYID 'GRUB PAR 'GYUR BA'I PHYIR 'JIG RTEN PHA ROL NI MI 'GRUB BO ZHE NA, DE NYID KYI PHYIR ZHES GSUNGS TE, 'DU BYED PA DANG GOMS PA GNYIS RGYU DANG 'BRAS BU'I DNGOS POR GRUB PA NYID KYI PHYIR RO, ,'DI NYID GSAL 'DEBS PA NI 'BRAS BU NI RGYU DANG LHAN CIG CES BYA BA'O, ,GAL TE DE LA RGYU NYID MA MTHONG BA'I PHYIR GANG GI 'BREL PAR 'GYUR BA, 'BRAS BU DE'I 'BRAS NYID DU CI LTAR 'GYUR ZHE NA, RGYU MA MTHONG YANG ZHES GSUNGS SO, ,DE LTAR 'JIG RTEN RGYANG 'PHAN GYI 'DOD PA BSAL NAS BZHAD GAD DU BYA BA'I PHYIR, DE'I PHYIR 'DIR ZHES GSUNGS SO, ,GLEN PA GZHAN GYIS KHYU MCHOG DANG MA HE DAG CI LTA BA BZHIN DU MA NGES PA'I PHYIR KHYU MCHOG RI SGRAS MA HE LA BRJOD PA STE, MA HI RA RING PO GANG YIN PA DE MA'I LTO NA CI LTAR GNAS TE, DE GNAS NA MA CI LTAR MTSO SNYAM DU BAS MAS PA'O, ,NGES NA MA HE GNAS PA CI LTAR SRID PA DAG SMROS SHIG CES DRIS PA NA'O, ,DE LTA BUR GYUR BA NYID DO ZHES BYA BA NI DON 'DI YIN TE, DPER NA SNGAR SKYES PA 'PHEL BA LA SOGS PA MED PAR MA HE DE LTAR THA SNYAD BYED PA TZAM BZHAD GAD KYI GNAS YIN PA DE BZHIN DU SNGON GOMS PA MED PA NYID DU SKYE BA DANG PO'I 'DU BYED PA LA SOGS PA LA DE LTAR THA SNYAD TZAM BYED PA LA BZHAD GAD KYI GNAS YIN NO ZHES BYA BA'O, ,'ON TE GANG LAS ZHES BYA BA NI GZHAN GYI'O, ,DE TZAM GYIS NI LAN MI 'THOB STE, YONGS SU GYUR PA THAMS

CAD YOD PA'I PHYIR RO, ,DES NA KHYAD PAR DE LTA BU SEMS PA YIN NO SNYAM PAS PHAN TSUN ZHES SMRAS SO, ,NAM GYI SGRAS NI BRJOD PA'I PHYOGS MI 'DOD PAR PHYOGS GZHAN KHAS BLANGS PA'I DON TO, ,DMIGS ZHES BYA BA NI MA YIN PA STE, MED PA'I THA SNYAD NYID KYI YUL YIN NO ZHES BYA BA'I DON TO; ,GAL TE BLTAR RUNG BAR KHAS BLANGS NA SKYON 'DIR 'GYUR GYI MTSON PAR BYA BA MA YIN PA NYID YIN NA NYES PA 'DIR CI LTAR 'GYUR SNYAM NA, 'ON TE ZHES BYA BA'O, ,'DI NI BLTAR RUNG BA MA YIN PA DES NA MED PA'I THA SNYAD KYI YUL NYID MA YIN NO SNYAM DU BAS THAS BA'O ,DE LTA YIN NA ZHES BYA BA KHYAD PAR BLTAR MI RUNG BA YIN NA'O, ,MTHONG BA ZHES BYA BA NI RGYU NYID DU NGES BAR RTOG PA'O, ,BRTAG PAR BYA BA NI NGES BAR BYA BA'O, ,GAL TE 'GA' ZHIG LA GOMS PA RGYUR MTHONG BA NI DE LTA NA YANG YONGS SU GYUR PA'I KHYAD PAR NYID CI STE MI RTAG SNYAM NA, MA MTHONG BA RTOG NA NI ZHES GSUNGS TE; GAL TE TSAD MAS MTHONG BA'I DNGOS PO'I NGO BO DOR NAS CHOS KYI KHYAD PAR NYID BRTAG PAR BYA BA YIN NA, DE'I TSE DU BA YANG SA'I YONGS SU 'GYUR BA'I KHYAD PAR NYID KYIS BSKYED PAR 'GYUR GYI MES BSKYED PAR NI MI 'GYUR RO, ,GANG GI PHYIR 'DI NI SHIN DU BRTAG BAR DKA'O, ,DES NA LUS KYI 'BYUNG BA RGYU MA YIN LA PHA MA'I RANG BZHIN YANG MA YIN PA DES NA 'BYUNG RNGUB LA SOGS PA NI ZHES MJUG SDUD PA'O, ,DE LTAR SNGON GYI GOMS PA BSGRUBS PAS, RI MO MKHAN GYI RI MO LTAR 'BRAS SBU NYID YIN PA'I PHYOGS SUN PHYUNG BA YIN LA, DE NYID KYIS RTZIG PA'I RI MO DANG AA MRA'I SMIN PA LTAR RANG BZHIN YIN PA'I PHYOGS DANG, CHANG GI NUS PA LTAR YON TAN YIN PA'I PHYOGS KYANG SPANGS PA YIN NO, ,'DI'I LUS KYI 'BRAS BU YIN PA BKAG PAS NI DU BA LTAR 'BRAS BU YIN PA'I PHYOGS BKAG CING SRID PA SNGA MA YANG BSGRUBS PA YIN NO, ,DE BZHIN DU 'CHAD BAR 'GYUR BA DAG LA YANG CI RIGS PAR DPAG PAR BYA'O, ,'JIG RTEN PHYI MA SGRUB PA'I DON DU SKABS RTZOM PA NI GAL TE ZHES BYA BA'O, ,'BRAS BU 'DU BYED PA LAS SO, ,RJES SU DPAG PA DE BSHAD PA NI MED PA GANG GIS SO, ,GANG GIS DE SKAD BRJOD PA SNGAR MTSAMS SBYOR BA'I NUS PA DANG LDAN PA CI ZHIG MTHONG ZHEN, ,SNGA MA SNGA MA'I ZHES

, ,GSUNGS SO, ,MTHONG BA'I 'DU BYED PA LAS SNGA MA RJES SU DPAGS SHING RJES SU DPAGS PA DES NI DE'I SNGA MA, DE'I YANG SNGA MA YANG RJES SU DPAGS PAS RJES SU DPAGS PA'I RJES SU DPAG PA LAS ZHES BYA BA LA SOGS PAS DE LTAR THOG MA MED PA'O, ,G-YER BAG STE GOMS PAS SO, ,RANG BZHIN JI LTA BU'I G-YER BAG MED PA LAS SHE NA, LUS LA LTOS NAS MI 'GUL BA DANG, SEMS LA LTOS NAS ZHAN PA'O, ,SOGS PA'I SGRAS NI NGAG GI RGYU BA ZHAN PA LA SOGS PA GZUNG NGO, ,LNGA NA MED PA'I SEMS CAN SKYE BA ZHES BYA BA NI, THOG MA DANG THA MA MED PA DAG TU MA GRUB PA'I PHYIR RO, ,G-YO BAG CAN GYI G-YO BAG MED PA DE NYID STON PA NI MI GZHAN PA LA SOGS PA NI ZHES BYA BA'O, ,GNYI GA'I MJUG SDUD PA NI DE BAS NA ZHES BYA BA LA SOGS PA'O; ,GZHAN NI MIG MI GSAL BA LA SOGS PA'O, ,GZHAN DANG NI MIG MI GSAL BA GZHAN DANG NGO, ,DON LA NYE BAR SBYOR BA NI DES NA SKYE BA DANG POR YANG ZHES BYA BA'O, ,CI LTAR ZHES BYA BA NI GZHAN GYI'O, ,RDZAS GZHAN LA ZHES BYA BA NI GRUB PA'I MTHA'O, ,DE NYID STON PA NI, SNGAGS DANG ZHES BYA BA'O, ,DPE 'DI YANG SHIN DU RNYED SLA'O SNYAM DU DGONGS NAS DPER NA RMI LAM LUS LA NI ZHES GSUNGS SO, ,RMI LAM DU NI DE'I DUS KYI DNGOS POR MA RIG PA'I PHYIR RO, ,SAD PA'I LUS RNAM PAR 'GYUR BA NI TSIG 'CHOL PA DANG 'DAR BA LA SOGS PA'O, ,DE BZHIN SKYE BA GZHAN DU YANG SKYE BA GZHAN DU BYAS PA'I GOMS PA LAS LUS RNAM PAR 'GYUR BA YIN NO ZHES LTA'O, ,BZHAD GAD KHO NA YOD PAS RTZOD PA SLONG BA NI 'ON TE ZHES BYA BA'O, ,RMI LAM GYI LUS NI MI BDEN LA, SKYE BA GZHAN GYI LUS NI BDEN PA YIN NO SNYAM NA, BZHAD GAD NYID GSAL BAR BYED PA NI SHIN TU TE POR ZHES BYA BA'O, ,SNANG BZHIN PA DANG, DON BYA BAR NUS PA YIN PA DE LTA NA YANG MI BDEN NO SNYAM PA'I BLUN PO LA LTOS SHIG SNYAM DU DGONGS PA MA RTOG PA'I DMAN PA DAG BRGYA LA MI BDEN PA KHO NAR 'DZIN DU 'ONG SNYAM PAS, BDEN DANG BDEN MIN ZHES BYA BA ZHES GSUNGS SO, ,DE LTAR RTZOD PA BSAL NAS THOG MA MED PA NYID BSGRUBS SHING SNGA NA MED

PA'I SEMS CAN SKYE BA YANG BKAG PA NA, DU BA'I RGYUN BZHIN DU RGYUN 'CHAD PA'I PHYIR MTHA' MED PA MA YIN NO ZHES BYA BA'I RTZOD PA BSAL BA'I DON DU SKYE BA PHYI MA SGRUB PA RAB TU SBYAR BA'I RNAM 'GREL 'CHAD PA NI DE'I PHYIR ZHES BYA BA'O, ,NUS PA DANG LDAN PA ZHES BYA BA NI MTHU DANG LDAN PA'O, , TSANG BA NI LAS DANG NYON MONGS PA TSOGS PAS SO, ,'DIS NI NYE BAR LEN PA STOBS DANG LDAN PA NYID BRJOD DO, ,DU BA LA NI SKAD CIG SO SO LA 'OG NAS 'OG TU LA 'GRIB PA YOD PA'I PHYIR NYE BAR LOG PA MTSANG BAS NA ZAD PAR 'THAD PA YIN NO, ,SEMS NI DE LTA MA YIN TE, KHYAD PAR LHAG DANG LHAG DMIGS PA'I PHYIR TE, 'GA' ZHIG LA MI GSAL BAR GYUR KYANG, YANG DE KHO NA LTAR MTHONG BA'I PHYIR RO, ,'ON TE 'CHI KA'I NAD LAS 'OG NAS 'OG TU 'GRIB PAS MTHAR GTAN CHAD PAR 'GYUR RO SNYAM NA, 'DI NI NYE BAR LEN PA'I STOBS CHUNG BA NI DU BA BZHIN DU RANG BZHIN DU GYUR PA NI MA YIN GYI, 'ON KYANG 'DI NI 'GAL BA'I STOBS KYIS YIN NO, ,SEMS LAS NI 'GAL BA YANG 'GA' YOD PA MA YIN NO ZHES PHYIS 'CHAD PAR 'GYUR RO, ,DES NA 'DIS NI LUS DANG NGAG MI GSAL BA TZAM DU ZAD PA YIN NO, ,DES NA RMI LAM GYI LUS BZHIN DU MTHAR LUS DANG NGAG NYID GTAN CHAD PAR 'GYUR GYI SEMS NI MA YIN NO, ,'ON TE ZHES BYA BA NI GZHAN GYI'O, ,RGYU MTHA' DAG NUS PA DANG LDAN PA YIN MOD, DE LAS 'BRAS BU GDON MI ZA BAR 'BYUNG BA MA YIN TE, DES NA 'GAL PA CI YOD CE NA, GRUB PA'I MTHA' SMRA BAS RGYU DANG ZHES GSUNGS SO, ,DE LTAR GYUR NA RGYU DANG 'BRAS BU'I DNGOS PO MED PAR CI LTAR 'GYUR ZHE NA, 'BRAS BU RANG DBANG CAN DU THAL BA'I PHYIR RO, ,DE NYID STON PA NI RGYU'I RANG BZHIN THAMS CAD NI ZHES BYA BA'O, ,DE LTA YIN NA ZHES BYA BA NI RANG DBANG YIN NA'O, ,DE LTA NA YANG ZHES BYA BA NI RGYU NUS PA YIN YANG NGO, ,SKABS KYI 'BRAS BU MI 'BYUNG NA'O, ,'BRAS BUR MI 'GYUR RO ZHES BYA BA NI, GZHAN GYI TSE YANG 'BRAS BU SKYE BAR MI 'GYUR TE, RANG DBANG YIN PA'I PHYIR RO, ,'ON TE ZHES BYA BA NI LDOG PA GTZO BOR GYUR PAS RGYU DANG 'BRAS BU'I DNGOS PO YIN GYI, RJES

, ,SU 'GRO BA'I GSOS LA NI MI LTOS SO SNYAM NA, LAN DU DE MED NA MED DO ZHES BYA BA GA LAS ZHES GSUNGS TE, DE YOD KYANG 'BRAS BU MED PAR KHAS BLANGS PA'I PHYIR, DE MED NA MED DO ZHES BYA BA GA LAS YIN TE, DE MA YIN PA KHO NA ZHES BYA BA'I DON TO; ,GAL TE DE LTA NA RJES SU 'GRO BA LA YANG RTEN CI YOD DE, GANG GI PHYIR MYU GU DANG 'BRAS BU'I SA BON YANG MTHONG BA'I PHYIR RO SNYAM DU BSAMS NAS, GZHAN GYIS GAL TE DE YOD NA ZHES SMRAS SO, ,LAN DU DE LTAR YONGS SU ZHES BYA'O, ,SA BON YOD NA MYU GU SKYE BAR MTHONG BA'I PHYIR RO; DE YOD NA YOD PA NYID DU YONGS SU BCAD PA'I PHYIR RO ZHES BYA BA'I DON TO, ,MYU GU MED PA'I SA BON NI MYU GU'I RGYU NYID MA YIN NO, ,DE LTA BSNYAD PA NI RGYU'I RGYU YIN PA'I PHYIR RO, ,RGYU MNGON PAR 'DOD PA MTHA'I SKAD CIG THOB PA'I SA BON YANG YIN LA, DE LAS 'BRAS BU YANG MI SKYE BA ZHES BYA BA NI MI SRID DO, ,DE BAS NA RGYU YOD NA GDON MI ZA BAR 'BYUNG BA ZHES RJES SU 'GRO BA YONGS SU BCAD PA YIN NO, ,GAL TE DE LTAR NA SA BON DANG BRAL BA'I ZHING LA SOGS PA LAS MYU GU MI SKYE BA'I PHYIR LDOG PA YANG SNGAR GYI MI DMIGS PAS YONGS SU BCAD PA KHO NA MA YIN NAM, GAL TE BONG BU LA SOGS PA DE'I TSE MA DMIGS PA DE LTA NA YANG MYU GU NI DE LDOG PA'I RJES SU BYED PA MA YIN TE, SA BON NYE BAR 'ONGS PA NA, TSOGS PA YONGS SU SMIN PA TZAM LA LTOS NAS SKYE BA'I PHYIR RO, ,SNYAM DU BSAMS NAS, DE MED NA MED DO ZHES BYA BA 'DI YANG ZHES SMRAS SO, , GAL TE YANG DA LTA DE LDOG PA'I RJES SU BYED PA DE LTA NA YANG THAMS CAD KYI TSE DE LTA YIN NO ZHES BYA BA'O, ,GA LAS ZHES GRUB PA'I MTHA' SMRA BA'I DOGS PA BSU NAS THAMS CAD KYI TSE'O ZHES SMRAS SO, ,DE YOD NA YOD PA LA DE LTAR BRJOD PAR NUS PA'I PHYIR RO ZHES BYA BA DER KHYED KYI LAN GANG YIN PA DE NYID 'DIR YANG 'GYUR RO ZHES BYA BAR RIGS PA YIN NO, ,DE LTAR RTZOD PAR SMRA BAS RANG GI GSO BA'I BSAM PAS GRUB PA'I MTHA' NYID BRJOD PA'I MJUG SDUD PAS NI DE'I PHYIR ZHES BYA BA'O, ,GNYI GA MTHONG BA NYID GSAL BAR BYED PA NI, DE YOD NA GDON MI ZA BAR ZHES

BYA BA'O, ,'DIS NI YANG DAG PA'I THA SNYAD LA LTOS NAS RGYU DANG 'BRAS BU DAG PHAN TSUN KHYAB PAR BSTAN TO, ,DON DAM PA LA LTOS NAS RTZOD PA DOGS PAR BYED PA NI DE LTAR ZHES BYA BA STE KHYAB PAR RO, ,MTHONG BA MED PA'I PHYIR ZHES BYA BA NI RJES SU 'GRO BA DANG LDOG PA DAG GO, ,RGYU DANG 'BRAS BU'I DNGOS PO MA YIN NO ZHES BYA BA NI SNGA MA DANG PHYI MA DAG GO, ,RTZOD PA DE NYID SDUD PA NI, ,RJES SU 'GRO DANG ZHES BYA BA'O, ,GAL TE KHYAD PAR ZHES BYA BA NI GRUB PA'I MTHA'O, ,KHA CIG GCIG LAS 'GA' LA YANG RGYU DANG 'BRAS BU'I DNGOS PO MTHONG BA MED DO ZHES LAS KYI DRUG PA GZHI THA DAD PAR BYA STE 'DON TO ZHES BYA BA NI PHYIR GYI DON TO, ,DE LTAR YIN NA CI GRUB SNYAM NA, 'JIG RTEN GZHAN ZHES MA YIN ZHES BYA BA'O, ,'BYUNG BA 'BA' ZHIG LUS PAR 'DOD PA LA RNAM PA SHES PA 'BA' ZHIG LUS PAR GRUB PA'I PHYIR RANG DANG GZHAN GYI BSGRUB BYA DAG GSAL BA'I PHYIR RNYED PA CHEN PO THOB PA'O, ,GAL TE ZHES BYA BA NI MDO RNAMS NI BRGAL ZHING BRTAG PA TZAM LHUR BYED PA YIN GYI, DON DAM PAR NI 'GA' YANG YOD PA MA YIN NO, ,RGYU DANG 'BRAS BU'I DNGOS PO'AM, 'BYUNG BA NI THA SNYAD TZAM DU YOD PA YIN NO ZHE NA, LAN DU 'JIG RTEN PHA ROL YANG DE BZHIN NO ZHES BYA BA STE, THA SNYAD DU YOD PA YIN NO ZHES BYA BA NI LHAG MA'O, ,GAL TE RGYU'I DNGOS PO THA SNYAD DU YANG KHAS MI LEN NA, DE'I TSE 'BYUNG BA DAG LAS SEMS PA ZHES BYA BA DANG, 'GA' ZHIG TU 'JUG PA'AM LDOG PA YANG MI 'GRUB PO, ,KHAS LEN NA YANG BLO NI BLO NYID LAS YIN NO ZHES BSGRUBS PA YIN NO, ,GAL TE ZHES BYA BA NI SDUD PA'O, ,GAL TE TSAD MA'I GEGS YIN PA'I PHYIR NA THA SNYAD CES BYA BA BSLAD PA NYID MA YIN NAM, DES NA 'JIG RTEN PHA ROL LA BSNYON PA DANG, BSGRUB PA DAG KHYAD PAR CI ZHIG YOD NA GANG GIS DE GRUB PA'I THA SNYAD LA GUS SHE NA, 'KHRUL PA YIN GYI 'OG TU ZHES GSUNGS SO, ,'DI NYID CES BYA BA NI 'JIG RTEN PHA ROL SGRUB PA'I MTSAN NYID DO, ,BLA STE ZHES BYA BA NI CUNG ZAD 'DOD PA'I DON TO, ,GNYIS SU MED PA'I GZHAG PA LA LTOS NA NI GNYIS PO 'GA' YANG MED

, ,DO; ,DE LA MA LTOS NA NI 'JIG RTEN PHA ROL BSNYON PA BAS BSGRUB PA NYID BSDAM PAR BYA BA YIN NO ZHES BYA BA'I DON TO, ,CI'I PHYIR ZHE NA, ZHI BA DANG ZHES SMOS TE, GNYES SU MED PA MNGON DU BYAS PA'I GNAS SKABS DE DER NYON MONGS PA DE'I LAS RNAMS RAB TU NYE BAR ZHI BA'I PHYIR RO, ,MTHO RIS NI MNGON PAR MTHO BA'I SGRAS BRJOD PAR BYA BA STE, RAB TU GRUB PA KHO NA'O, ,'BRAS BU DE GNYIS KA DANG RJES SU MTHUN PA'I PHYIR RO, ,DE LTAR 'JIG RTEN GZHAN NGES PA'I YON TAN BRJOD NAS, DE MA NGES PA'I NYES PA BSHAD PA NI; 'DOD CHAGS PA'I NOR PA NI ZHES BYA BA'O, ,'JIG RTEN PHA ROL NGES NA NI NYON MONGS PA LA SOGS PA'I TSOGS LAS BYANG ZHING GROL BAR BYAS PA'I DON DU 'BAD PA YIN LA, DE YANG SKYE BA BRGYUD PAR GOMS PA MTHAR PHYIN PA NA 'GRUB CING, BAR DU YANG MI 'DOD PA'I RANG GI LAS LA DE RNAMS KYI RGYU BA 'GOG PAR BYED PA YIN NO, ,DE MA NGES NA 'DOD CHAGS LA SOGS PA'I NOR PA BYUNG RGYAL DU GZHAG PA NI, GNYI GA'I MTSAN NYID CAN GYI 'BRAS BU PHAN PA MTHA' DAG DANG MTHONG BA'I YON TAN SKYE BO DAM PA DE DAG NYAMS PAR BYED PA NYID YIN NO, , DAM PA'I LAM DU 'JUG PA LA NI, SKYE BO DAM PA ZHES THA SNYAD DU BYED DO, ,DES NA THA SNYAD LA BRTEN NA NI THA SNYAD 'DI LA BRTEN PA NYID BLA'O, ,RMI LAM DU YANG BDE BA'I CHA RKYEN GYI RNAM PA DE 'DOD PA YIN GYI, 'JIGS SU RUNG BA'I RNAM PA NI RTOG PAR MI 'DOD DO, ,GAL TE MIG LA SOGS PA'I 'JIG RTEN PHA ROL SGRUB PAR BYED PA NOR PA YANG JI LTAR 'DOD, JI LTAR RNAM PAR RIG PA TZAM GYI PHYOGS LA NI DBANG PO RNAMS GLO BUR DU SKYE BAR 'GYUR GYI, 'BYUNG BA TZAM RGYU YIN PA LA NI BLO BZHIN DU HA CANG THAL BAR 'GYUR RO, DBANG PO RNAMS NI BLO BZHIN DU RIGS MTHUN PA SNGA MA DANG 'BREL PAR YANG MI 'THAD DE, NAD DANG GZHAN GYI GNOD PA DANG, RIMS KYIS PHAL CHER MIG LA SOGS PA NYAMS PA SRID PA'I PHYIR NA, DE DAG LA YANG DBANG PO 'THOB PA LTAR 'GYUR SNYAM NA, 'DI LTAR ZHES BYA BA LA SOGS PA GSUNGS SO, ,DE SKAD

DU YANG DBUS DANG MTHA' RNAM PAR 'BYED PA LAS, DON DANG SEMS CAN BDAG RNAM RIG ,SNANG BA'I RNAM PAR SHES PA NI, ,RAB TU SKYE'O DE DON MIN, ,ZHES GSUNGS SO, ,DE BDAG TU SNANG BA NI DBANG POR SNANG PA'O, ,GAL TE SNGON PO LA SOGS PA GSAL BA NYID KYIS RNAM PAR RIG PA'I NANG DU 'DUS PAR RIGS KYI, RTAG TU LKOG TU GYUR BA'I PHYIR, ,DBANG PO GO JI LTAR SNYAM NA, BDEN TE LUGS 'DI LA DE MA THAG BA'I NUS PA'I KHYAD PAR NYID DBANG PO YIN LA, DE'ANG DE MA THAG PA'I RKYEN GYIS RANG BZHIN YIN PA DES NA SKYON MED DO, ,DPER NA DBANG PO THA DAD PA LTA BUR BRTAGS PA DE LTAR RNAM PAR RTOG PA'I BDAG NYID KYIS SHES PA LA DBANG POR SNANG BA ZHES BRJOD DO, BRTAGS PA'I DBANG PO YANG BAG CHAGS KYI STOBS LA BRTEN PA'I RNAM PAR RIG PA TZAM ZHES BRJOD DO, ,DE BZHIN DU NGAR 'DZIN PA LA SOGS PAS BRTAGS PA'I YOD PA LA YANG, DE SNANG BA LA SOGS PA RNAM PAR GZHAG GO, ,DES NA ZHES BYA BA NI GANG GI PHYIR MIG LA SOGS PA BAG CHAGS KYI STOBS LA BRTEN PA DES NA RNAM PA DE LTA BU'I LAS KYI STOBS KYIS BAG CHAGS MI MTHUN PAR GYUR PAS, DBANG PO TSOGS NYAMS PAR GYUR KYANG, NGES BSKYED PA'I BAG CHAGS KYI STOBS KYIS DBANG PO NYAMS PA NYID LAS LUS GZHAN LA MIG LA SOGS PA 'BYUNG BAR MI 'GAL LO ZHES BYA BA'I DON TO, ,DA NI SKABS SU BAB PA'I THOG MA DANG THA MA MED PA NYID KYI GZHI 'DZUGS PA NI DE BAS NA ZHES BYA BA'O, ,RNAM PA 'DI NYID CES BYA BA NI DE LTA BU'I RGYU NYE BAR GNAS PA GYUR NA YANG MIG LA SOGS PA NYAMS PA DANG SKYE BA LA SOGS PA YIN LA, RNAM PAR SHES PA NI RANG GI NGO BOS GNAS PA'O, ,DES NA 'KHOR BA NI THOG MA DANG THA MA MED PA YANG YIN TE, DE'I RNAM PA DANG LDAN PA SNGA MA SNGA MA MTHA' DAG NI SNGA MA SNGA MA LA LTOS PA'I PHYIR RO, ,DE LTA NA NI DE KHO NA BZHIN DU THA MA YANG MED PAR 'GYUR BAS NA, DE KHO NA GOMS PA DON MED LA, DE'I DON DU 'JIG RTEN PHA ROL SGRUB PA YANG 'BRAS BU MED DO SNYAM NA, CI SRID CES GSUNGS SO, ,NOR BA RAB TU MA ZHIB, ,ZHES BYA BA NI

, ,GNYIS SU MED PA MNGON SUM TU MA GYUR PA'O, ,DE SRID DU NI ZHES BYA BA DUS DE SRID GNAS PA LA LTOS NAS THAM MED PA'I THA SNYAD DU 'GYUR RO ZHES BYA BA'I DON TO, ,DE LTAR RNAM PAR RIG BA TZAM LA GNAS PA LA MIG LA SOGS PA'I 'JIG RTEN PHA ROL SGRUB PA 'GAL BA MED DO ZHES GNAS SO, ,GAL TE BAG CHAGS KYI STOBS LA BRTEN PAS NA DE LTAR 'GYUR MOD PHYI ROL DON LA GO DE CI LTAR 'GYUR ZHE NA, MIG LA SOGS PA BDEN PA NYID DAM ZHES GSUNGS TE, BAG CHAGS KYI RANG BZHIN NYID MA YIN PA NYID YIN YANG NGO, ,PHYI ROL GYI DON YIN PA ZHES BYA BA NI SNGON PO LA SOGS PA'I TSOGS SO, ,YANG NA MIG LA SOGS PA RNAM PAR SHES PA'I RANG BZHIN DU BDEN PA NYID DAM, BEMS PO'I RANG BZHIN NYID KYI PHYI ROL GYI DON YIN YANG RUNG STE ZHES BYA BA YIN NO, ,RANG BZHIN 'DI THOG MA MED PA ZHES BYA BA NI MIG LA SOGS PA YANG NAS YANG 'JIG PA DANG, MA MTHONG BA'I STOBS KYI DBANG PO LA SOGS PAS NYAMS PA DAG NYID LAS YANG NAS YANG LUS GZHAN LA 'BYUNG BA'O, ,GNYI GA LA YANG SEMS NI RGYUN MI 'CHAD PAR GRAGS PA DANG MIG LA SOGS PA RNAMS KYANG MTHA' MED PA'O ZHES BYA BA NI BSDUS PA'I DON TO, ,THOG MA MED PA NYID RNAM PAR GNAS PA NI SNGA MA BZHIN NO, ,PHYI ROL LA NI NOR BA BDAG TU LTA BA YIN LA, BDAG MED PA MNGON DU BYAS PA NI MTHAR PHYIN PA'O, ,JI SKAD DU SROG CHAGS BSKYED PA DANG, RJES SU MTHUN PA'I KHYAD PAR LA SOGS PA LA DMIGS PA MED, DE RTOG PA TZAM DU ZAD DO ZHES BRJOD PA DE LA SMRAS PA NI GAL TE ZHES BYA BA LA SOGS PA'O, ,SRA BA NYID LA SOGS PAS ZHES BYA BAS NI 'JAM PA NYID DAM DRING BA NYID LA SOGS PA CI LTAR MTHONG BA'I KHYAD PAR RNAMS SDUD PA'O, ,DROD GSHER LAS SKYE BA ZHES BYA BAS GSEB NAS DROD GSHER LAS SKYE BA DANG, DE'I RNAM PAR 'GYUR BA SHING LA SOGS PA NAS SO, ,MNGAL NAS SKYES PA DANG, DROD GSHER LAS SKYES PA YANGS SA'I RNAM PAR 'GYUR BA NYID MNGAL DU SKYE BA YIN NO, ,RDZUS TE SKYE BA LA NI RE ZHIG

LOG PAR RTOGS PA NYID YOD PA YIN NO, ,'ON TE ZHES BYA BAS NI SA'I RNAM PAR 'GYUR BA'I RNAM PAR DBYE BAS SROG CHAGS KYI RGYU YIN ZHES STON PA'O, ,RDO DANG KA BA LA SOGS PA LA NI SKYE BA MI SRID DO SNYAM DU BSAMS PA'O, ,GAL TE RDO'I DKYIL NA YOD PA'I SROG CHAGS KYANG SKYE BAR GRAGS PA YIN MOD KYI, 'ON KYANG GZHAN NYID BRJOD PA NI DE'I TSE ZHES BYA BA'O, ,DE'I RANG BZHIN CAN GYI SROG CHAGS KYIS, BDAG NYID CES BYA BA NI BDAG NYID GCIG GIS BSKYED PA'I RANG BZHIN NO, ,'DI NYID BRJOD PA NI BSTZAGS NAS GZHAG PA'I ZHES BYA BA'O,, MGO DMAR BA ZHES BYA BA NI, LUS MDOG GZHAN DANG LDAN PA'O, ,GZHAN NI DE DANG MI 'DRA BA'O, ,LUS SER PO NI MGO MDOG GZHAN DANG LDAN PA'O, ,DE BZHIN DU LUS SNGON PO LA SOGS PA YANG RIG PAR BYA'O, ,GAL TE LAS KYI DBYE BA KHAS MI LEN NA RNAM PA DE DAG RGYU CI LAS BYUNG SNYAM DU DGONGS PA'O, ,'ON TE RGYU RIGS MTSUNGS PA NYID LAS SROG CHAGS RNAMS KYI RNAM PA THA DAD PAR 'GYUR RO SNYAM NA, NAM YANG ZHES BYA BA LA SOGS PA'O, ,RANG BZHIN GCIG BA CAN GYI PADMA DKAR PO LA SOGS PA'I SA BON LA SOGS PA DU MA DAG BDAG LAS DKAR PO DANG DMAR PO LA SOGS PA'I RANG BZHIN GYI PADMA LA SOGS PA'I DBYE BA NGES PA MED PAR 'GA' ZHIG GI TSE MTHONG BA'AM, 'DOD PA YANG MA YIN NAM CI, 'DUS BYAS PA LAS NI THA DAD PAR 'GYUR SRID PA YIN TE, SKYU RU RA'I 'BRAS BU BZHIN NO, ,DES NA DE'I RANG BZHIN ZHES BRJOD DO, ,CHU LA SOGS PA'I MTSAN NYID CAN GYI SA BON RIGS GCIG LAS NI SROG CHAGS KYI DBYE BA NGES PA MA YIN TE, 'ON KYANG SNA TSOGS PA KHO NA'O, ,DES NA GAL TE MTHONG BA'I KHYAD PAR YONGS SU RTOGS PAR KHAS LEN NA, SROG CHAGS KYI DBYE BA 'DI LA LAS NYID NGES BYED YIN TE RNAM PA SNA TSOGS PA'I PHYIR RO, ,SKABS KYI MJUG SDUD PA NI DE'I PHYIR ZHES BYA BA LA SOGS PA'O, ,SA LA SOGS PA'I SA GCIG CI LTAR G-YO BAG CAN LA SOGS PA'I RANG BZHIN DU YONGS SU GYUR PA DE BZHIN DU, GZHAN THAMS CAD

, ,KYANG 'GYUR TE KHYAD PAR MED PA'I PHYIR RO ZHES BRJOD PA YIN NO, ,GAL TE BLO GNAS KYANG SNGON YOD PA'I MIG 'CHI BA'I DUS NA ZHIG PA'AM GSON BZHIN DU PHYUNG BA DES NA, SRID PA 'DIR 'BRAS BU LA RE BA RGYANG RING NGO ZHE NA, 'DI LAS 'DAS NAS RING DU LON PA YANG SKYED PAR BYED PA YIN NO ZHES BRJOD ZIN TO, ,DE LTA MA YIN NA MA LA GCIG NAS SKYES BA GNYIS KYI MIG G-YO BAG CAN DANG, G-YO BAG CAN MA YIN PA'I RNAM PAR DBYE BAR MI 'GYUR RO, ,BLO'I 'DU BYED PA LAS RNAM PAR DBYE BAR 'GYUR RO ZHE NA, BLO YANG RNAM PA THAMS CAD DU 'GAGS PAR MTHONG BA'I DER TSUL JI LTAR YIN, DE CI'I PHYIR CI LTAR 'GAGS NAS YUN RING DU LON PA'I BLO DE MA THAG BA'I RKYEN YIN PA DE BZHIN DU 'GAGS NAS YUN RING DU LON PA'I MIG KYANG MIG GI RGYU YIN NO, ,DE PAS MIG LA SOGS PAS NI RANG GI RIGS SNGA MA LA RAG LAS PA KHO NA'O, ,DE BAS NA 'JIG RTEN GZHAN DAG GDON MI ZA BAR GRUB PO, ,GZHAN YANG ZHES BYA BA LA, DE'I 'DU BYED KYI RJES SU 'JUG PA'I PHYIR YID KYI RNAM PAR SHES PA LA BRTEN PA'I DBANG PO RNAMS NI'O, ,RANG GI 'BRAS BU BYED PA NI DES SKUL BA KHO NAS KHYAD PAR DU YUL RTOGS PA'I SGRUB BYED YIN PA'I PHYIR RO, ,GANG LAS DE RNAMS NYAMS PAS YID KYI BLO NYAMS PAR DOGS PA'AM, SPANG BAR 'GYUR BA MI 'DOD PA 'GOG PA NI YID KYI RNAM PAR SHES PA NYID NI ZHES BYA BA'O, ,YANG NA DBANG PO RNAMS NI YID KYI RNAM PAR SHES PA LA BRTEN NAS 'BRAS BU BYED PAR MTHONG GI, YID KYI RNAM PAR SHES PA NI DE LA BRTEN NAS BYED PA MA MTHONG NGO, ,DES NA DBANG PO LA SOGS PA NI SHES PA KHO NA LAS YIN PAR BRTAG PAR BYA BA YIN NO, ,DBUS KYI GNAS SKABS NA, BYED PA DE LA RAG LAS PAR MTHONG BA'I PHYIR SKYE BA DANG POR YANG DE LAS RAG LAS PAR BRTAG PAR BYA BA YIN NO ZHES BYA BA'I DON TO, ,DES NA 'DI DAG NI YID KYI RNAM PAR SHES PA KHO NA LAS SAM, RANG GI RIGS LAS SKYE BA YIN GYIS DANG CHU LA SOGS BDAG LAS NI MA YIN NO, ,DES NA DE TZAM LAS NI MA YIN NO ZHES BYA BA'I DON TE,

MTHONG BA NYID NI RNAM PA THAMS CAD DU SPANG BA MA YIN NO, ,'JUG PA GNYIS PA LA NI RNAM 'GREL 'DI NYID 'DRI BAR 'GYUR RO, ,DE NYID BRJOD PA NI YANG NA ZHES BYA BA'O, ,DE'I TSOGS PA ZHES BYA BA LA DE'I SGRAS NI SA DANG CHU LA SOGS PA GZUNG NGO, ,DBUGS PHYUNG RNGUB LA SOGS PA NI ZHES SOGS PA'I SGRAS NI DBANG PO YANG NGO, ,PHA MA'I SA BON NI KHU BA DANG KHRAG LA SOGS PAS BSDUS PAR BYUNG BA'I TSOGS SO, ,TZAM LAS ZHES BYA BA NI RIGS MTHUN PA SNGA MA LAS MA YIN PA'O, ,'DI NI 'JIG RTEN RGYAR 'PHAN PA'I 'DOD PA SKYONG BA STE, DE LTAR YIN YANG NGED KYI 'KHOR BA LA CHAD PA MED DO ZHES BYA BA'I DON TO, ,CI STE DE LTAR YIN ZHE NA, 'KHOR BA YANG ZHES GSUNGS SO, ,CHOS MNGON PA LAS 'KHOR BA NI YID KYI RNAM PAR SHES PA NYID LA BRJOD PA YIN NO ZHES BSHAD PA NI LOG PAR LTA BAS NYAMS PAS NA DGE BA'I RTZA BA RNAMS CHAD PA DANG, DE BSAL BAS DE DAG PHYIR 'BREL BA'I MTSAMS SBYOR BA DANG, CHAD PA SPANGS PA'I 'DOD CHAGS DANG BRAL BA DANG, DBANG PO RTUL BAS NA 'BRAS BU GNYIS PA LAS NYAMS PA DANG, SKAL PA MNYAM PA'I SDE LAS NYAMS PA'I 'CHI 'PHO BA STE, 'CHI BA ZHES BYA BA'I DON DAG YIN PA DANG, SKYE BA GZHAN YONGS SU 'DZIN PA'I SKYE BA RNAMS SO, ,MTSUNGS PA DE MA THAG PA'I SHES PA'I BDAG NYID DBANG PO DRUG PA NI YOD DO, ,DE TZAM LA BRTEN PA'I SHES PA NI YID KYI RNAM PAR SHES PA STE, MIG LA SOGS PA LA MI BRTEN PA'I PHYIR NA RNAM PAR RTOG PA YIN NO, ,'DI LA 'CHI 'PHO BA DANG SKYE BA'I KHYAD PAR BSHAD PA NI, BTANG SNYOMS NA NI SKYE 'CHI DAG, ,CES BYA BA STE, BTANG SNYOMS KYI RNAM PA CAN GYI RNAM PAR RTOG PAR YOD PAR GYUR PA NA 'CHI BA DANG SKYE BA DAG TU 'GYUR RO ZHES BYA BA'I DON NI CHOS MNGON PA MDZOD NAS BSHAD PA'O, ,GZHAN DU NI SRID PA'I RNAM PAR RTOG PA YOD NA SKYE BA YONGS SU 'DZIN PA YIN NO ZHES NGES PAR BYAS SO, ,'DIS NI RNAM PAR RTOG PA NYID 'KHOR BA YIN NO ZHES SKABS BSGRUBS PA YIN NO, ,LHAG MA NI ZHAR YIN NO, ,DE NYID BSHAD PA NI DES NA YID CES GSUNGS SO, ,SKABS KYIS NA

, ,RNAM PAR RTOG PA CAN ZHES BYA BA'I DON TO, ,MIG LA SOGS PA'I RANG BZHIN DU GYUR BA'I 'BYUNG BA LA BRTEN PA'I NI MA YIN TE, DE LA BRTEN NAS 'KHOR BA NYID DU MI 'THAD BA'I PHYIR RO, ,RNAM 'GREL DU YANG YID NI DBANG PO DANG BCAS PA'I LUS KYI RNAM PA'I 'BYUNG BA LA BRTEN PA'I MA YIN GYI, 'BYUNG BA RNAMS NYID NI DE LA BRTEN PA DANG DES NA 'KHOR BA YIN PAR BSHAD DO, ,'JUG PA DANG PO LA NI SBYAR BSLAB KHO NA'O, ,GAL TE BDE BAR GNAS PA'I GNAS SKABS DAG CU BDE BA LA SOGS PA NYAMS SU MYONG BA LAS YID BDE BA LA SOGS PA'I RNAM PAR RTOG PA SKYE BA'I PHYIR, CI LTAR 'BYUNG BA LA BRTEN PA'I MA YIN TE, DE 'GYUR NA 'GYUR BA'I PHYIR RO SNYAM NA, DE BZHIN DU ZHES GSUNGS TE, TSUL DE LTA BU NYID DU'O, ,JI LTA ZHE NA, BSHAD PA GA BA ZHIG YID KYI RNAM PAR SHES PAS RNAM BAR 'GYUR BAR BYA BA DBANG PO LNGA'I TSOGS KYI RANG BZHIN DU GYUR PA LUS DE LA BRTEN PA'I PHYIR RO, ,'DI SKAD BRJOD PA YIN TE, KHYED KYI LUGS GANG ZHIG YID KYI RNAM PAR SHES PA'I 'BRAS BUS BSTAN PA DE YANG RGYUD NAS YID KYI RNAM PAR SHES PA'I 'BRAS BU YIN PA'I PHYIR BSHAD ZIN PA'I TSUL GYIS DE LA RTOGS PA BSGRUB PA YIN NO, ,DES NA RGYUD PA CHOL NA YID KYI RNAM PAR SHES PA NI SHES PA SNGA MA NYID LA BRTEN NAS 'JUG PA YIN NO, ,'ON TE DE'ANG LUS LA BRTEN PAR BRJOD NA, LUS KYANG DE BZHIN DU SEMS LA BRTEN PAS NA MTHA' THUG PA MED DO, ,YID KYI RNAM PAR SHES PA DE NYID LAS SO, ,GZHAN DU ZHES BYA BA NI SOM BTANG BA'I GNAS SKABS NA'O, ,GZHAN DU MTHONG BA DES NA ME DE NYID LAS MA YIN NO, ,DBANG BO NI YID KYI RNAM PAR SHES PAS BYAS PA'I RNAM PAR 'GYUR BA LAS GZHAN DU MA MTHONG NGO, ,DES NA MIG LA SOGS PA NI YID KYI RNAM PAR SHES PA KHO NA LAS YIN NO, ,'DI NYID GSAL BAR BYED BA NI DBANG BO LA SOGS PA THAMS CAD NI ZHES BYA BA'O, ,DES NA YID KYI RNAM BAR SHES PA LA BRTEN PA KHO NA'O SNYAM DU DGONGS BA'O, ,DU BA DE ME DE NYID LAS SO, ,MNGON SUM TSAD MA 'GA' YANG MED, ,CES

PA NI DE KHO NAR TE, YUL DANG DUS GZHAN LAS MNGON SUM MI 'JUG PA'I PHYIR RO, ,KUN RDZOB TU NI DPER NA DU BA ME SNGON DU 'GRO BA CAN DU RTOGS BA DE BZHIN DU SKABS SU BAB PA LA YANG YID KYI RNAM PAR SHES PA SNGON DU 'GRO BA CAN NYID DU RTOG PA YIN NO ZHES MJUG BSDU BA'I SGO NAS BSTOD PA NI DE'I PHYIR ZHES BYA BA'O, ,DPER NA YONGS SU MTHONG BA DE DU BA GZHAN DU GCIG TU BYED PA'I NGO SHES PA STE, THAMS CAD GCIG TU LHAG PAR ZHEN PA LAS ZHES BYA BA'I DON TO, ,DANG PO'I SKYE BA NI BYIS PA'I GNAS SKABS KYI LUS SO, ,DER 'BYUNG BA'I NGANG TSUL MIG LA SOGS PA RNAMS NI YID KYI 'GYUR BA YIN PAR RTOGS PA YIN NO, ,MIG LA SOGS PA NGO SHES PA DE DAG NI ZHES 'BREL TO, ,CI LTAR NGO SHES PA DAG CE NA, G-YER BAG LA SOGS PA DANG LDAN PA'I YID DANG RJES SU MTHUN PAR RNAM PAR 'GYUR BA NYID DU ZHES GSUNGS SO, ,DBANG PO DE DAG NI DE LTA BU NYID DE ZHES BYA BA NI YID KYI RNAM PAR SHES PA'I RNAM PAR 'GYUR BA NYID DU'O, ,DE'I 'BRAS BU NI ME'I 'BRAS BU STE, DU BA ZHES BYA BA'I DON TO, ,GANG GI PHYIR DE LTAR YID KYI RNAM BAR 'GYUR BA NYID DU MTHONG BA 'KHRUL BA MED PA DE'I PHYIR RO, ,YID KYI RNAM PAR SHES PA DE LAS YIN NO, ,BU LA SOGS PA'I DBANG PO DER TE DE LA BRTEN PAR RO, ,'ON TE BU LA SOGS PA'I MIG MED PAR GYUR KYANG GDON MI ZA BAR YID 'GYUR BA MA YIN BA'I PHYIR, DE LA BRTEN PA MA YIN NO SNYAM NA, NGES PA GNYI GA LA YANG MED, ,CES GSUNGS SO, , 'DI NYID 'CHAD PA NI GAL TE ZHES BYA BA LA SOGS PA'O, ,MIG LA SOGS PA DE YANG YID KYI RTEN MA YIN NO, ,PHYIR ZHES BYA BA NI GTAN TSIGS SO, ,DE LTA YIN MOD CI SKYON ZHE NA, MIG LA SOGS PA'I RNAM PAR SHES PA DRUG CAR YANG ZHES GSUNGS SO, ,RTEN 'GA' ZHIG DANG BAR 'GYUR DGOS SO ZHES BYA BA NI THAMS CAD RTEN DANG BCAS PA MTHONG BA'I PHYIR RO, GDON MI ZA BAR ZHES BYA BA NI LCI BA NYID MED PA'I PHYIR RTEN GYIS CI BYA SNYAM DU DGONGS PA'O, ,'O NA TE MNGON PAR ZHEN NA ZHES BYA BA 'CHEL NA'O, ,DE YANG ZHES BYA BA NI DE LTA NA YANG NGO, ,KHA CIG LAS

, ,NI DE'I TSE YANG ZHES 'DON TO, ,DE'I PHYIR ZHES BYA BA GANG GI PHYIR KHYED KYI LUGS KYIS THAMS CAD RTEN DANG BCAS PA KHO NA YIN PA'I PHYIR RO, ,BLO GNAS BA GANG YIN PA DE'I RTEN KHYAD PAR NGES PAR MA BZUNG BA LAS KYI RANG BZHIN 'GA' GANG YIN PA DE DBANG PO RNAMS KYI RGYU MTSAN YIN GYI THAMS CAD NI MA YIN TE, GZUGS MED PA'I KHAMS NA DBANG PO RNAMS MED PA'I PHYIR RO, ,LAS KYI RANG BZHIN DE YANG BLO NYID LA BRTEN PA YIN GYI DBANG PO LA NI MA YIN NO, ,GANG GI PHYIR DE LTAR YIN PA DE'I PHYIR BLO LAS DBANG PO YIN GYI DBANG PO DAG LAS NI BLO MA YIN NO, , 'DI GA LAS SHEN, SEMS PA'I LAS DANG ZHES YID DANG DES BSKYED PA LUS DANG NGAG GI LAS SO ZHES BSTAN TO, ,DE DAG NI SEMS PA SNGON DU 'GRO BA'I PHYIR RO, ,YANG JI LTAR TSIG 'DI LAS DBANG PO LA BRTEN PA MA YIN BA NYID DU 'GYUR ZHE NA, SEMS BA NI ZHES GSUNGS SO, ,DE LTA NA YANG JI LTAR ZHE NA, DE YANG ZHES BYA BA'O, ,'DI DANG 'DI YOD PA'AM BYA'O ZHES BLO RNAM PAR 'GYUR PA NI SNGA MA DANG MTSAMS SBYOR BA NI RANG BZHIN CAN NO, ,BLO NYID LA BRTEN NAS 'BYUNG BA YIN TE, DE'I CHOS DANG LDAN PA'I PHYIR RO, ,LUS LA BRTEN PA NI MA YIN NO ZHES BYA BA NI DBANG PO DANG BCAS PA'I LUS LA BRTEN PA 'GOG PA STE, 'ON KYANG DBANG PO DAG NI SEMS LA BRTEN BA'I BLO LA BRTEN PA NYID DO ZHES BYA BA'I DON TO, ,GAL TE DE LTAR NA GZUGS MED PA'I KHAMS NA SEMS YOD PA'I PHYIR DBANG PO SKYE BAR THAL BAR 'GYUR RO SNYAM NA, DE YANG 'GA' ZHIG NYID CES GSUNGS SO, , LUS DE LA MNGON PAR DGA' BA NI DGA' BA NYID DO, ,DE'I PHYIR BLO DANG DBANG PO LA SOGS BA LA NI YID NYID RGYU YIN PAS SO, ,DES DA LTA BA'I YID RNAM PAR RTOG PA'I RANG BZHIN CAN GYIS SNGA MA SNGA MA'I SKYE BA 'PHANGS PA YIN NO, ,DE SKAD BSHAD PA NA SNGA MA BZHIN DU SKYE BA PHYI MAR CI LTAR 'GYUR SNYAM DU DOGS PA NI GAL TE NGA'O ZHES BYA BA'O, ,NGA'O ZHES BYA BA NI NYE BAR MTSON PA STE, NGA YID 'DZIN BA LA SOGS PA YANG BDAG TU RTOG BA'I RNAM PA YIN PA'I PHYIR RO, ,RNAM PA THAMS CAD DU BDAG TU 'DZIN PAS ZIN PA DE'I DRUNG NAS DA LTA NGA'I SKYE BA YIN NO, ,GTAN TSIGS NGES 'DI LAS

SNGA MA DE DPAG PAR BYA BA YIN NO, ,'DIS NI BDAG TU 'DZIN PAS ZIN PA NI SKYE BA GZHAN YONGS SU 'DZIN PA DE'I GTZO BO'I RGYU YIN PAR BRJOD DO, ,YID NI ZHAS BYA BA NI RTZOD PA GNYIS PA STE, LUS DANG SEMS DAG NI PHAN TSUN RJES SU 'JUG PA YIN NO ZHES BSTAN PA'I PHYIR RO ZHE NA, GO RIMS BZHIN DU RNAM 'GREL GYI BYED PA PO GNYIS KYIS LAN 'DEBS SO, ,GZHAN DU 'GYUR BA ZHES BYA BA RNAM PA GZHAN DU 'GYUR BAR RO, ,DON 'DI NYID SBYOR BA'I RGYAS 'DEBS PA NI GANG ZHIG CES BA LA SOGS PA'O, ,THA MA'I GNAS SKABS KYI SEMS KYANG BYED PA'I RANG BZHIN DANG KHYAD PAR MED PA'I RANG BZHIN YIN NO ZHES PHYOGS KYI CHOS BSDU BA RTOGS PAR BYA'O, ,MA NGES BA NYID NI DE MA YIN NA ZHES BYA BA'O, ,DE NYID KYI PHYIR NA 'GAL BA'I NYES PA YANG MED DO, ,MA GRUB BA'I NYES BA SPONG BA NI MDUN NA 'CHAD PAR 'GYUR RO, ,'DI LA LAN NI ZHES BYA BA NI PHYED PHYI MA 'CHAD PA'I MIG LA SOGS PA LTAR ZHES BYA BA NI CHOS MI MTHUN PA'I DPE'O, ,DAR 'DZIN BA NYID 'DI'I MTSAN NYID YIN PAS NA DE SKAD CES BYA BA'O, ,'DI NI 'KHOR BA'I SKABS KYIS BRJOD PA YIN GYI, RNAM PAR BCAD PA'I DON DU NI MA YIN TE, DBANG PO LA BRTEN PA'I RNAM BAR RTOG PA NI 'GA' YANG MED PA'I PHYIR RO, ,DBANG PO DANG BRAL BA GZUGS MED PA'I KHAMS NA YANG YID KYI RNAM PAR SHES PA DE YOD PA'I PHYIR DANG, GZUGS MED BA DE YANG SRID PAR LUNG LAS STON PA'I PHYIR TE, MTHA' GSUM YONGS SU DAG PA'I LUNG NI BLANG BAR BYA BA NYID DU GRUB BA'I PHYIR RO, , YANG NA GZUGS MED PA'I KHAMS SRID BAR RJES SU DPAG PAS BSTAN BA'I PHYIR RO, ,GANG DANG GANG GOMS PAR BYA BA DE NI GSAL BAR 'GYUR TE, 'DOD MA'I RNAM PA BZHIN NO, ,LUS KYI RNAM PA DANG BRAL BA BTANG SNYOMS TZAM GYI SEMS KYANG GZUGS KYI 'DOD CHAGS ZHI BAR 'DOD PAS GOMS PAR BYA BA YIN NO, ,DE LA DE DAG THABS MA YIN PA'I SEMS KYIS MNGON PAR MI SBYOR BA YANG MA YIN TE, RNAM PA DE LTA BU'I SPYOD PA MED PAS NA THAMS CAD KYI BLO NYID KYAS 'DZIN PA'I PHYIR RO, ,THABS MA YIN PA'I YANG MA YIN TE, GAL TE 'KHOR BA'I SDUG BSNGAL GTAN 'CHAD PA MA

, ,YIN PA DE LTA NA YANG YUN RING POR DA KUN DU SPYOD PA MED PA'I PHYIR DE TZAM NYID KYIS DON CHEN PO YIN NO, ,DE LTA NA YANG SEMS MA RANGS NA YANG ZHES GSUNGS SO, ,DUS MTSUNGS PA DAG CI SKAD PHAN TSUN RGYU YIN SNYAM NA, GNYI GA PHAN TSUN ZHES GSUNGS SO; ,PHAN TSUN PHAN 'DOGS PA NYID BRJOD PA NI, PHAN TSUN GYI RGYU CAN DAG GI TSOGS PA NI PHUNG PO'I TSOGS PA GZHAN LAS ZHES BYA BA NI SNGA MA LAS SO, ,SNGA MAS BSKYED PA'I TSOGS PA DES KYANG NGO, ,DON 'DI YIN TE, DA LTA BAS SNGA MA'I LUS DANG YID GANG YIN PA DE NI PHAN TSUN GYI RGYU CAN YIN TE, DE'I TSOGS LAS SKYES PA'I PHYIR RO, ,DE BZHIN DU DE'I SNGA MA 'PHANGS PA NA YANG DE'I SNGA MA 'PHEN PA'I PHYIR THOG MA MED PA KHO NA'O, ,DA LTA PA LAS PHYI MA LUS DANG YID GANG YIN PA DE'I PHAN TSUN GYI RGYU CAN NYID KYANG TSOGS PA LAS SKYES PA NYID LAS YIN NO, ,DE BZHIN DER PHYI MA PHYI MA 'PHEN PAS MTHA' MED PA KHO NA'O, ,DBUS KYI GNAS SKABS BZHIN DU ZHES BYA BA NI, GANG LA LTOS PAS SNGA PHYI BSAM PA BYAS PA STE, CI LTAR DE PHAN TSUN GYI RGYU CAN YIN PA BZHIN NO ZHES BYA BA'I DON TO, ,LUS TZAM LA BRTEN PA DGAG PA LA 'THAD PA GZHAN BRJOD PA NI GAL TE LUS NYID CES BYA BA'O, ,DE NI LUS KYI RTEN MA YIN NO ZHES 'BREL TO, ,DUS KYI DBYE BAS RANG BZHIN THA DAD PA BZHIN DANG GZHAN DU GYUR PA NI RIM PA'O, ,'DI LA 'BRAS BU'I RIM PA LA NI RGYU'I RIM PAS KHYAB PA STE, DE LTA MA YIN NA 'BRAS BU MTHA' DAG CIG CAR BYED PAR THAL BAR 'GYUR TE, KHYAD PAR DU BYAR MED PA NI LHAN CIG BYED PA LA LTOS PAR MI 'THAD PA'I PHYIR RO, ,DE NYID BRJOD PA NI DE LA RE ZHI GCES BYA BA'O, ,'DIS NI KHYAB BA BRJOD DO, ,PHYOGS KYI CHOS NYID BRJOD PA NI, ,LUS LAS RIM GYIS BLO 'GYUR NA, ,ZHES BYA BA'O, ,DON 'DI YIN TE GANG RIM PA CAN DE NI RGYU RIM PA CAN GYIS BSKYED PA YIN TE, DPER NA RIM CAN GYI 'BRAS BU GZHAN BZHIN NO, ,YID KYI BLO YANG RIM GYIS 'BYUNG BA YIN NO ZHES BYA BA'O, ,'DI LUS LAS 'BYUNG BAR KHAS LEN NA NGES PAR LUS KYI RIM PA GSAL BAR BYED CING RJOD PAR BYED DE STON PAR BYED CES BYA BA'I DON TO, ,GTAN TSIGS

MA GRUB PA NYID SPONG BA NI YID KYI BLO 'DI NI ZHES BYA BA'O, ,DE LTA MA YIN NA TE GANG RIM CAN MA YIN NA'O, ,SKYE BA RIL ZHES BYA BA NI 'JIG PA'I MTHAR THUG PA STE, SKYE BA GZHAN LA NI RTZOD PA YOD PA'I PHYIR RO, ,'ON TE ZHES BYA BA NI GZHAN GYI'O, ,'DI LA BRJOD PA NI GNAS SKABS MI 'DZIN ZHES BYA BA'O, ,CI'I PHYIR GNAS SKABS CAN MA RTOGS SHE NA, KHYAB BYA GNAS SKABS RNAMS GZUNG BA MED PAR GNAS SKABS CAN GZHAN KHYAB BYED DU MI RTOGS PA'I PHYIR RO, ,DE'I GNAS SKABS KHYAB PAR BYED PA'I RANG BZHIN DE BZHIN DU'O, ,DES NA 'DI RTOGS KYANG RANG DBANG DU RTOGS PAR 'GYUR RO, ,DE LTA NA YANG 'DI GNAS SKABS CAN NYID DU RTOGS SO ZHE NA, DE'I ZHES GSUNGS TE, KHYAB BYED KYI RANG BZHIN DU'O, ,DE LTAR ZHES BYA BA KHYAB BYED DU'O, ,DE NYID NI KHYAB BYED DO, ,GZHAN NYID NI KHYAB BYED MA YIN PA NYID DO, ,SPYIR BRJOD NA KHYAD PAR LA SBYOR BA NI GAL TE 'DI ZHES BYA BA STE, GNAS SKABS CAN 'DI'O, ,DE LAS RANG BZHIN GZHAN NI KHYAB BYED NYID LAS RANG BZHIN GZHAN DU'O, ,KHYAB BYED NYID DU MA RTOGS PA DES NA GNAS SKABS CAN DE LA'O, ,DE'I PHYIR NA DUS GZHAN DANG LDAN PA'I RTOG PA GZHAN SKYE BA YIN GYI, GNAS SKABS CAN NI DMIGS PA'I SPYOD YUL DU GYUR PA MA YIN NO ZHES BYA BA'I DON TO, ,MA GRUB PA SPANGS NAS MJUG SDUD PA NI DES NA ZHES BYA BA'O, ,GANG GI PHYIR DE LTAR MA GRUB PA MA YIN PA DE'I PHYIR DNGOS PO'I RANG BZHIN GANG ZHIG RIM PA DANG LDAN PA DE RIM PA MA YIN PA LAS 'BYUNG BA MA YIN NO, ,DES NA GANG ZHIG RIM PA DANG LDAN PA DE NI RIM PA DANG LDAN PA KHO NA LAS SKYE BA YIN NO ZHES KHYAB PA YIN NO, ,DE MI BZOD NAS GAL TE ZHES SMRAS SO, ,THA MI DAD PA NYID RIGS GCIG BA NYID DO, ,MI 'DRA BA NI RIGS MI GCIG PA STE, ME DANG DU BA BZHIN NO SNYAM DU DGONGS PA'O, ,GRUB PA'I MTHA'I DON NI 'DI YIN TE, MI 'DRA BA'I PHYIR RIM PA MA YIN PA LAS 'BRAS BU RIM CAN SKYE BA MA YIN NO ZHES NI MI BRJOD KYI 'ON KYANG RIGS PA'I STOBS KYIS YIN NO ZHES BYA BA'O, ,DE'I TSE NYID NI SKAD CIG DANG PO NYID DO, ,DE'I TSE ZHES BYA BA SKAD CIG MA DANG PO'I CHO'O, ,YONGS SU RDZOGS PA NI DON BYA

, ,BA MTHA' DAG BYAS PA'I PHYIR RO, ,GZHAN GYI TSE NI ZHES BYA BA NI SKAD CIG GNYIS PA'I TSE'O, ,DE LTA NA YANG 'BRAS BU GZHAN GYI TSE CI STE MA YIN SNYAM NA, GAL TE ZHES GSUNGS SO, ,'BRAS BU'I DUS ZHES BYA BA NI 'BRAS BU LA PHAN 'DOGS PA'I DUS DE SKAD CIG GANG GI MOD LA 'BRAS BU SKYE BAR 'GYUR BA'O, ,DE'I TSE ZHES BYA BA NI DE'I DUS 'DZIN PA'O, ,GAL TE ROL GYI NANG DU GYUR PAS KYANG BYED PA'I PHYIR RGYU DMIGS PA MA NGES PA MA YIN NAM ZHE NA, BSAM PA 'DI YIN TE, GANG GIS DE'I RJES SU 'BRANGS PAS MA MTHONG BA YANG DE LTAR GZHAG PAR 'GYUR BA, RGYU DANG 'BRAS BU DAG GDON MI ZA BA KHO NAR LA LAR DMIGS BA DANG GANG DU MTHONG BA DER NI DUS DANG RJES SU MTHUN PA NYID YIN NO, ,DER RTOGS PA LHUR BYAS PA BRJOD PA NI GAL TE RTOGS NA NI ZHES BYA BA'O, ,MTHUN PA'I DUS LHUR BYAS PA BRJOD PA NI, DES NA ZHIG PA'I 'OG TU ZHES BYA BA'O, , 'ON TE ZHES BYA BA NI PHYOGS GZHAN NO, ,'ON TE RGYU RIM GYIS RTOGS PAR 'DOD PA DES NA, 'BRAS BU'I DUS GZHAN DANG GZHAN DU RJES SU 'GRO BA'I PHYIR BRJOD PA'I PHYIR SKYON MED DO SNYAM NA, LAN DU DE LTA NA ZHES BYA BA'O, ,DE'I TSE YANG 'BRAS BU RIM GYI RGYU RANG BZHIN PHAN TSUN RJES SU MI 'JUG PAR RTOGS PA NI RIM PA DANG LDAN PA NYID DU RTOGS PA YIN PAS RIM PA MED PA MA YIN NO, ,DES NA RIM MED PA'I RGYU LAS 'BRAS BU RIM CAN LDOG PAS NA RGYU RIM CAN LA GNAS PAS NA DES KHYAB PA YIN PA'I PHYIR 'BREL BA GRUB PAS NA MA NGES BA MA YIN NO, ,SNGAR BRJOD PA'I PHYOGS KHAS MA BLANGS KYANG MA NGES PA'I SKYON MED DO ZHES BSTAN PA'I PHYIR YANG NA ZHES BYA BA'O, ,RIM MA YIN BA'I RGYU LAS SO, ,DE'I RANG BZHIN NI RIM MA YIN PA'I RANG BZHIN NO, ,'O NA CI SKAD BRJOD CE NA, 'ON KYANG ZHES GSUNGS SO, ,CI'I PHYIR DE SKAD ME BRJOD CE NA, 'BRAS BU RGYU DANG ZHES BYA BA'O, ,CI'I PHYIR ZHES RGYU DANG 'BRAS BU NYID NI ZHES BYA BA'O, ,GAL TE ZHES BYA BA NI RGYU DANG 'BRAS BU LA'O, ,'BRAS BUS NI RGYU LA GNAS PA'I RJES SU 'GRO BA DANG LDOG PA'I RJES SU BYA BA YIN PA'I PHYIR GNYI GA LA YOD PA YIN NO, ,SPYIR BRJOD PA'I DON SKABS LA SBYOR BA NI GANG YANG ZHES BYA BA STE 'BRAS BU'O, ,DE LTA BU

NYID NI RIM MA YIN PAS SO, ,DE NI ZHES BYA BA 'BRAS BUS SO, ,GZHAN DAG RJES SU 'GRO BA 'BRAS BU LA NYE BAR MI MKHO BAR STON PA NI GAL TE ZHES BYA BA'O, ,LAN DU GAL TE ZHES BYA BA'O, ,RGYU MED NA 'BRAS BU MED PA NYID GANG LAS YIN, NUS BA'I RGYU YOD KYANG 'BRAS BU MED SRID NA RANG RGYUD 'GYUR BA'I PHYIR RO, ,'ON TE 'BRAS BU MED PA RANG RGYUD YIN PA'I PHYIR RGYU YOD KYANG 'BYUNG BA YIN NO ZHES BYA BA 'DIR RIGS SO SNYAM BA'I DOGS PA BSU NAS DE MED PA 'DI ZHES GSUNGS SO, ,DES NA RJES SU 'GRO BA MED NA LDOG PA YANG MED PA'I PHYIR, DE DE'I RGYU NYID DU MI 'GYUR RO ZHES BYA BA'I DON TO, ,'CHAD PA NI GAL TE ZHES BYA BA'O, ,'ON TE RJES SU 'GRO BA MED KYANG LDOG PA SRID PA'I PHYIR DE DE'I RGYU YIN NO SNYAM DU DOGS NA DE MED PA ZHES BYA BA'O, ,YANG GI SGRA NI MI BZOD PA TZAM MO, ,YANG NA'I SGRA YIN NO, ,'DI CI LTAR MI RTOGS SNYAM NA, CI LTAR DE'I ZHES GSUNGS SO, ,GAL TE RE ZHIG DNGOS PO MED PA NI RANG NYID 'GYUR BAS KHAS BLANGS PA YIN NO, ,DE BZHIN DU DNGOS PO YANG RANG BZHIN 'GYUR BA NA, RGYU NYE BAR GNAS KYANG RES 'GA' MI 'BYUNG NGO SNYAM NA, DON RNAMS ZHES GSUNGS SO, ,RGYU LAS ZHES BYA BA NI MTHA'I SKAD CIG THOB BA LAS SO, ,MED NA MED PA NYID GANG LAS ZHES BYA BA BSHAD NAS PHYED PHYI MI BSHAD PA'I PHYIR DNGOS PO MED PA NI ZHES BYA BA'O, ,GAL TE ZHES BYA BA LA RGYU YOD PA NYID NA ZHES BYA BA NYID KYI SGRA YANG GANG GI DON DU BSGYUR BAR BYA'O, ,'DI SKAD BRJOD PA YIN TE, GAL TE DNGOS PO MED PA LTOS PA MED PA YIN NA, DE'I TSE RGYU NUS PA YOD NA 'BRAS BU GDON MI ZA BAR ZHES 'GYUR RO ZHES BYA BA MI RIGS TE, RANG RGYUD YIN PAS NA 'BRAS BU MED PAR 'GYUR BA'I PHYIR RO, ,LAN DU DE LTA NA NI 'O NA ZHES BYA BA'O, ,RGYU MED PA DE MED NA STE, RGYU'I BDAG NYID YOD NA 'BRAS BU'I MED PA GNAS PA YIN NO, ,DE LTAR BYAS PAS 'BRAS BU MED PA NI RGYU MED PAS SBYAR BAR MI 'GYUR RO, ,DES NA 'BRAS BU DE 'DI'I 'BRAS BUR CI LTAR 'GYUR, ,GANG GI PHYIR MED PA DE MED PAS SBYAR BA MA YIN PA DES NA'O, ,GAL TE DE LTAR NA YANG DER NGES PA'I PHYIR TE, DE'I 'BRAS BU YIN NO SNYAM NA GANG ZHIG CES SMOS SO, ,RGYU DES SO, ,DES NA ZHES BYA

, ,BA NGES PA MA YIN PA'I PHYIR RO, ,RANG NYID MI 'BYUNG BA DES NA'O, ,DE'I RGYU YOD KYANG 'BRAS BU MED PA RANG 'GYUR RO ZHES BYA BA DE MI RIGS TE, RGYU DANG 'BRAS BU'I DNGOS PO MED PAR THAL BA'I PHYIR RO, ,GAL TE RGYU RNAMS NI GDON MI ZA BAR 'BRAS BU DANG LDAN PA MA YIN NO ZHES BYA BA NI LUGS YIN NO ZHE NA, BDEN TO, RGYU DANG RGYU MA YIN PA DAG 'DRA BA'I PHYIR THA SNYAD PA RNAMS GCIG TU THA SNYAD BYED PA'I PHYIR LUGS 'DI NYID YIN LA, DE KHO NAR NI DPYAD PA 'DI YIN PA'I PHYIR NYES PA MED DO, ,'O NA GANG GI TSE 'BRAS BU MED PA RGYU MED PAS SBYAR BA YIN ZHES DOGS NA, GANG GI TSE RGYU YOD NA ZHES GSUNGS SO, ,DE'I TSE DE MED PA NYID NA 'BRAS BU RGYUN 'CHAD PA YIN PAS SO, ,'DIS NI RJES SU 'GRO BA YOD NA LDOG PA YANG 'THAD PA YIN NO ZHES BSTAN PA YIN NO, ,GAL TE DE MED PA NYID NA RGYUN 'CHAD PA CI LTAR YIN TE, GANG GI PHYIR RGYU YOD NA SKYES BA NI RANG NYID SKAD CIG GZHAN DU MI GNAS PA'I PHYIR RO ZHE NA, RANG GI NGANG GIS 'GAGS PA YIN YANG ZHES GSUNGS SO, ,GAL TE DON DAM PAR SKAD CIG GZHAN DANG GZHAN SKYES PA'I PHYIR RANG GI NGANG GIS 'GAGS PA YIN PA DE LTA NA YANG THA SNYAD PA RNAMS GCIG TU LHAG PAR ZHEN PA'I PHYIR, RGYUN LA RGYU DANG 'BRAS BU'I DNGOS PO RTOGS PA YIN TE, SKAD CIG LA BRTAG PAR MI NUS PA'I PHYIR RO, ,DES NA DE MED PA NYID NA RGYUN CHAGS PAR RTOGS PA YIN NO, ,'BRAS BU'I RNAM PA GNYIS TE, BUM PA LA SOGS PA LTAR SKYE BA TZAM LA GZHAN GYI BYED PA LA LTOS PA DANG, GZHAN TE, DU BA LA SOGS PA LTAR RGYUN GNAS PA NA YANG DE LA LTOS PA'O, ,DE LA 'DI NI RGYU GSAL NA RGYUN 'CHAD PA'I PHYIR NA DE MED PAS BYAS PA YIN NO ZHES BYA BAR GSAL BA YIN NO, ,BUM PA LAS SOGS PA LA NI SNGAR GYI MI DMIGS PA'I BYED PA NYID LDOG PA'I SGRUB PAR BYED PA YIN NO, ,DE'I TSE NI GAL TE 'BRAS BU MA YIN PA'I TSOGS KYANG MA DMIGS PA DE LTA NA YANG GANG ZHIG TZAM NYE BAR 'O NGAS PAS 'BRAS BU DMIGS PA DE MED BAS 'DI MED PAR BYAS PA YIN NO ZHES RNAM PAR GZHAG GO, ,GANG GI TSE SNGAR GYI MI DMIGS PA LA LTOS PA NA NI DU BA LA SOGS PA LA YANG DA KHO NA LTAR YIN NO ZHES BSTAN

PA YIN NO, ,DE LTAR NA RJES SU 'GRO BA DANG LDOG PA YOD PAS NA RGYU DANG 'BREL PA YIN GYI GZHAN DU NI MA YIN NO ZHES BYA BA'I DON DU GNAS SO, ,DES NA GANG RIM CAN YIN PA DES NI RGYU RIM CAN GYIS BSKYED PA YIN NO ZHES KHYAB PA GRUB PA'I PHYIR GTAN TSIGS MA NGES PA MA YIN NO, ,DE NYID KYI PHYIR NA DE'I PHYIR RIM CAN MA YIN PA ZHES MJUG SDUD DO, ,YANG RTZA BAS MA NGES PA NYID SPANG BA'I PHYIR DOGS PA BSU BA NI, 'ON TE RIM CAN MA YIN PA LAS ZHES BYA BA'O, ,CI'I PHYIR ZHE NA, DE LA NI ZHES GSUNGS SO, ,DE NYID LAS ZHES BYA BA NI KHYAD PAR NYID LAS SO, ,KHYAD PAR DE NI ZHES BYA BA NI DOGS PA BSU BA'O, ,DES BYAS PA'I 'BRAS BU NI RTAG PA NYID KYIS BYAS PA YIN NO ZHES BYA BA'I THA TSIG GO, ,LAN NI MA YIN TE ZHES BYA BA LA SOGS PA'O, ,RTAG PA DE LA KHYAD PAR 'GA' ZHIG BYAS NA KHYAD PAR DE DE'I ZHES BRJOD PA YIN NAM, 'ON TE KHYAD PAR MA BYAS KYANG KHYAD PAR GYI RTOGS PA SKYED PAR BYED PAS NA DE SKAD BRJOD CES BYA BA NI RTAG PA GNYIS KYI DON TO, ,DE LA KHYAD PAR MED PA'I PHYIR RO ZHES BYA BA NI RTAG PA LA 'GA' ZHIG LAS KHYAD PAR GYI RANG BZHIN SKYE BA MI 'THAD PA'I PHYIR RO, ,KHYAD PAR LAS KHYAD PAR ZHES BYA BA NI RTAG PA'I KHYAD PAR LAS KHYAD PAR THA MI DAD DO ZHES BYA BA'I DON TO, ,THA DAD NA ZHES BYA BA NI KHYAD PAR GYIS BYAS PA'I KHYAD PAR THA DAD NA'O, ,THAL BA SNGA MA MA YIN NO ZHES BYA BA NI KHYAD PAR DE LA LTOS PA'I 'BRAS BU NI DE NYID LAS SKYE BAR 'GYUR GYI, RTAG PA LAS NI MA YIN NO ZHES BYA BA'O, ,KHYAD PAR DE DE'I YIN NO ZHE NA ZHES BYA BA LA SOGS PA SNGA MA BZHIN LAN 'DEBS NA, SUN DBYUNG BA YANG SNGA MA KHO NA LTAR RO, ,DES NA RTAG PA NI RIM GYIS 'BRAS BU BYED PAR BSGRUB PA LA MTHAR THUG PA YOD PA MA YIN NO, ,RNAM BAR RTOG PA GNYIS PA STON PA NI 'ON TE ZHES BYA BA'O, ,GAL TE RTAG PA LAS KHYAD PAR YOD NA DE'I TSE KHYAD PAR GYI RTOGS PA 'THAD PA YIN NO, ,GAL TE DE LTA YIN NA ZHES BYA BA NI KHYAD PAR MED KYANG DE'I RTOG PA YOD PA YOD PAS NA BYA THABS CI YOD CES BYA BA'I DON TO, ,'O NA NI 'DI NI 'KHRUL PA NYID YIN PAS NA, KHYAD PAR GYI RTOGS PA RGYU NYID DU KHAS BLANGS PA'I MTSAN NYID CAN GYI

, ,'BAD PA DON MED CING RIM MA YIN PA MA GRUB PA'I PHYIR RO, ,'O NA DE LA DE LTAR CI LTAR RTOGS SHE NA, KHYAD PAR MED PAR ZHES BYA BA'O, ,GANG GI TSE KHYOD KYI LUGS KYIS KHYAD PAR MI RTOGS PAR 'KHRUL PA NYID DU RNAM PAR GNAS BA DE'I TSE RTAG PA LA TSAD MA MED DO ZHES STON PA NI, KHYAD PAR LA NI 'KHRUL NA YANG, ,RTAG LA TSANG MA GA LA ZHIG, ,CES BYA BA'O, ,DES NA RTAG TU KHYAD PAR RTOGS PAS NA 'KHRUL BA KHAS BLANGS PA YANG KHAS BLANGS PA TZAM DU 'GYUR RO, ,GZHAN GYI DOGS PA BSU BA NI, GAL TE KHYAD MED RTOGS NA NI, ,ZHES BYA BA STE, NGO SHES PA LA SOGS PA YOD PA YIN NO ZHES BYA BA'I DON TO, ,DON NI RTAG PA LA TSAD MA YOD PA YIN NO SNYAM DU BSAMS PA'O, ,LAN DU DE LTA NA BYA BA'O, ,LHAN CIG BYED PA LA LTOS PAR CI LTAR 'GYUR, CI'I PHYIR ZHE NA, GANG GI PHYIR ZHES BYA BA'O, ,KHYAD PAR DANG PO'I DON DU CI STE MI LTOS SNYAM NA, KHYAD PAR YANG NI YONG BA MA YIN NO ZHES GSUNGS TE, GANG ZHIG KHYAD PAR DU BYED PA'AM, KHYAD PAR GYI RNAM PAR RTOG PAR BYED PA ZHES BRTAGS NAS SUN PHYUNG BA'O, ,YANG GI SGRAS NI RANG LA YOD PA YANG NGO, ,DE LTA NA LTOS CI LTAR 'GYUR ZHES BYA BA LA GSAL BAR BYAS PA'I PHYIR DANG, 'JIG RTEN DANG MTHUN PAR BSTAN PA'I PHYIR NA DE LA ZHES BYA BA LA SOGS PA'I TSIGS SU BCAD PA'O, ,KHYAD PAR CAN MIN LTOS PA'ANG MED, ,CES BYA BA'I RTZA BA YIN LA, KHYAD PAR MED PA LA LTOS PA YOD PA MA YIN NO ZHES BYA BA NI BSHAD PA'O, ,DES NA 'BRAS BU RIM CAN RTAG PA LAS LDOG PAS NA KHYAB PA GRUB PA'O, ,DES NA PHYED PHYI MA RNAM PAR 'GREL PA'I SGO NAS PHYOGS KYI CHOS NYE BAR BSDU BA GSUNGS PA NI LUS LAS ZHES BYA BA LA SOGS PA'O, ,DE LTA MIN NA ZHES BYA BA NI LUS RIM CAN MA YIN NA GANG GIS BLO DE'I RIM PA BYAS PA, YID KYI BLO SNGA MA SNGA MA'I RANG BZHIN DE RGYUR GSAL DE, TSAD MAS YONGS SU NGES PA'I PHYIR RO, ,CI'I PHYIR ZHE NA, NYAMS MYONG SNGA MA SNGA MA ZHES GSUNGS TE, SNGA MA SNGA MA'I MYONG BA TZAM TE, RNAM PAR RTOG PA CAN NAM GZHAN NO, ,YID KYI BLO DE LA 'JUG PAR DMIGS PA YIN NO ZHES BYA BA'I DON

TO; ,GAL TE DE LTA NA YANG THOG MA SPYAD PA NYID DU CI LTAR 'GYUR ZHE NA, NYAMS SU MYONG BA DE YANG GZHAN LAS DE MYONG BA SNGA MA LAS, DE'I SNGA MA'I MYONG BA DE YANG SNGA MA LAS ZHES RJES SU 'JUG GO, ,THOG MA MED PA NI THUG PA MED PA'O, ,GAL TE YANG DE LTAR MTHONG BA DANG, MTHONG BA YANG DOR BAR MI NUS PA DE LTA NA YANG BLO DE DANG LHAN CIG PA'O, ,LUS RIM PA MED PA NYID SKYED PAR BYED PA YIN NO SNYAM DU DOGS NA LAN DU DE LTA YIN DANG ZHES BYA BA STE, KHYAD PAR MED PAR KHAS LAN NA SNGAR BSHAD PA'I SKYON DU 'GYUR BA'I PHYIR RO, ,KHYAD PAR YOD NA YANG PHAN TSUN PHAN 'DOGS PA'I PHYIR BLO SNGA MA'I LHAN CIG BYED PA'I CAN DU 'GYUR BA BSNYON PAR MI NUS SO ZHES BYA BAR 'GYUR RO, ,DE LA LTOS NAS BRJOD PA NI DES NA ZHES BYA BA'O, ,DE LTAR GYUR BA NYID CES BYA BA NI BLO DANG LHAN CIG PA NYID DO, ,PHYI MA PHYI MA'I SKAD CIG RE RER RO, ,DE NYID NI 'GREL PA'I PHYI MA PHYI MA'I ZHES BYA BA YIN NO, , SKAD CIG RGYU YIN NO ZHES 'BREL TO, ,YIN ZHES BYA BA NI DMIGS PA ZHES BYA BA GTAN TSIGS KYI TSIG 'DIS GSAL BAR BYAS SO, ,SKYE BA ZHES BYA BA NI SKYE BA SNGA MA 'PHEN PA'O, ,'CHI BA ZHES BYA BA NI SKYE BA 'ONG BA'I MTSAN NYID LA'O, ,RGYU DE 'DRA BA NUS PA DANG LDAN PA MA YIN NA 'BRAS BU SHOL BAR NI BZOD PA NI MA YIN NO, ,GZHAN DU NA ZHES BYA BA NI GAL TE LAN GCIG RTOGS PA'I RGYU THAMS CAD DU THAMS CAD KYI TSE MA YIN NO, ,DE'I TSE KHYAB PA MI RTOGS PA'I PHYIR NA RNAM PA THAMS CAD DU RGYU LA LTOS PAR 'GYUR RO, ,RGYU DANG 'BRAS BU'I DNGOS PO RTOGS PA'I THABS GZHAN NI YOD PA MA YIN NO, ,BZLOG PA 'JIG RTEN PHA ROL MED PA LA YANG NGO, ,'CHI BA DE'I SEMS YIN PA'I PHYIR NA'O, ,BZLOG PAS ZHES BYA BA NI MTSAMS SBYOR BA SGRUB PAR BYED PAS SO, ,BZLOG PA YANG ZHES BYA BA NI MTSAMS SBYOR BA'I BSGRUB PA'I SGRUB BYED KYANG NGO, ,'DIS ZHES BYA BA 'CHI BA'I SEMS NYID KYIS SO, , DE LA MED PAR SMRA BA GZHAN LA RE ZHIG 'GAL BA MED PA BRJOD PA NI, 'CHI BA'I SEMS NI ZHES BYA BA'O, ,'O ZHES BYA BA NI MI BZOD PA'O, ,MTSAMS SBYOR BA DE'AM, GANG GIS DE MED PAR SGRUB PAR BYED PA DE'I YUL DANG 'GAL BA CI ZHIG YOD, 'GAL BA GANG GIS SO, ,GAL TE RDZAS

, ,GNYIS LHAN CIG MI GNAS BA'I 'GAL BA YIN PA DE LTAR NA YANG 'CHI BA'I SEMS NYID DANG MTSAMS SBYOR BA GNYIS NI MA YIN TE CHOS YIN PA'I PHYIR RO, ,DE LTA MOD KYI 'DI GLANG PO CHE'I LTA BAS BTANG SNYOMS SU BYAS TE, DE'I MTSAN NYID DANG MI LDAN PA'I NYES PA BRJOD PA NI 'CHI BA'I SEMS NYID 'ONGS NA ZHES BYA BA'O, ,MTSAMS SBYOR BA LAS BZLOG PA NI MED PA STE, RGYUN GYI 'JUG PA MED PAR ZHES BYA BAR DGONGS PA'O, ,'GAL BA GNYIS PA MED PA BRJOD PA NI DE NYID KYI PHYIR ZHES BYA BA'O, ,YANG 'DIR CI LTAR 'GRIBS TE, GAL TE 'DI DAG GI DON 'DZIN PA YIN NA DE LTA NA NI, DE LTA BUR LHAN CIG MI GNAS PA'I 'GAL BA NYID MA GRUB PAR RIGS SO, ,DE STE MTSAMS SBYOR BA LAS BZLOG PA MTHONG BA MED PA ZHES PA DAG GI PHYOGS GCIG 'DZIN PA YIN NA NI DE'I TSE PHAN TSUN SPANGS PA'I 'GAL BA GNYI GA MTHONG BA LA GDON MI ZA BAR LTOS PA MA YIN TE, RTAG PA DANG MI RTAG PA BZHIN DU KUN DU RTOG PA LA GNAS PAR GCIG LA LTOS NAS DE'I 'GAL ZLA NGES PA'I RTOGS PA TZAM GYIS 'GAL BAR NGES PA'I PHYIR RO, ,LHAN CIG MI GNAS PA NI GNYI GA MTHONG BA LA LTOS PA NYID DE, DE LTA MA YIN NA GCIG YOD NA GZHAN MED PAR NGES PA MI RUNG BA'I PHYIR RO ZHE NA BDEN TE, DE NYID KYI PHYIR ZHES BYA BA 'DI NI NGAG GI DON 'DZIN PA YIN NO, ,'ON KYANG ZUR GNYIS SU BSTAN PA'I PHYIR NA, DON THA DAD PAR SBYAR BA YIN NO, ,'DI LTAR 'DIR NI DON 'DI YIN TE, 'CHI BA'I SEMS 'ONGS NA ZHES BYA BA NI YID LA 'DRES PAR GYUR NA TE, 'CHI BA'I RNAM PAR RTOG PAR GYUR NA ZHES BYA BA'I DON GANG YIN PA'O, ,MTSAMS SBYAR BA LA BZLOG BSAM MTHONG BA'I PHYIR TE MI GSAL BA'I PHYIR RO, ,'DI LTAR 'CHI BA'I SEMS KYI RNAM PAR RTOG PAR GYUR NA, 'CHI BA'I SEMS MA YIN PA RNAM PAR GCAD PAR MTHONG GI MTSAMS SBYOR BA LAS BZLOG PA NI MA YIN NO; ,DES NA DE NI DE NYID DANG 'GAL GYI MTSAMS SBYOR BA DANG NI MA YIN NO, ,MTSAMS SBYOR BA'I RNAM PAR RTOG PA LA YANG MTSAMS SBYOR BA MA YIN PA RNAM PAR GCAD PA GSAL BA YIN GYI 'CHI BA'I SEMS NYID RNAM PAR GCAD PA NI MA YIN NO, ,DE LTA NA MTSAMS SBYOR BA DANG MI SBYOR BA

GNYIS NYID PHAN TSUN SPANGS PA'I 'GAL BA YIN TE, GANG RTOGS NA GANG RNAM PAR GCAD PA DE NYID DE DANG 'GAL BAR RNAM PAR GNAS PA'I PHYIR RO, ,MTSAMS SBYOR BA DE YONGS SU SPANGS TE 'CHI BA'I SEMS GANG YIN PA DE GNAS PA DE LTAR MA MTHONG BA'I PHYIR 'GAL BA GNYIS PA MED DO, LHAN CIG MI GNAS PA SUN 'BYIN PAS 'CHI BA'I SEMS NYID 'ONGS NAS MTSAMS SBYOR BA LAS BZLOG PA MTHONG BA MED PA'I PHYIR ZHES GANG BRJOD PA DE NI MA GRUB STE, MTSAMS SBYOR NA SNGA MA BZHIN GSON PAR THAL BA'I PHYIR RO, ,DES NA SNGAR RGYUN GYIS MTSAMS SBYOR PAR GYUR PA DE NI 'CHI BA'I SEMS DANG 'BREL NA MTHAR THUG PAR 'GYUR BA'I PHYIR CI LTAR LHAN CIG MI GNAS PA'I 'GAL BA MA YIN ZHE NA, SKYE BA GZHAN ZHES SMOS SO, ,'DI LTAR BSAMS PA YIN TE, MTSAMS SBYOR BA LUS DE LA GNAS PA'I 'TSO BA NI MA YIN GYI, LUS DE NYE BAR SGRUB PAR BYED PA'I LAS ZAD NA LUS 'JIG PAR 'GYUR BA DANG, NUS PA'I SEMS KYANG SEMS GZHAN DANG MTSAMS SBYOR BAR 'GYUR BA YIN TE DES NA 'GAL BA CI YOD, MTSAMS SBYOR BA DE NI RANG GIS RIG PAR BYA BA YIN YANG GZHAN GYIS NI RIG PAR BYA BA MA YIN NO, ,'ON TE LUS DANG BCAS PA'I SEMS KYIS BSKYED PAR BYA BA NI LUS DANG BCAS PA KHO NAR SKYE BA YIN NO ZHES BRJOD NA LUS YANG GAL TE DE 'DRA BA'I TSOGS PA NYE BA'I DBANG GIS SHIN DU DANG BA NYID KYIS 'O SKOL LTA BU'I SPYOD YUL MA YIN PAR 'GYUR RO, ,DE LTA NA YANG SKYE BA GZHAN DU MTSAMS SBYOR BA NI SNANG DU RUNG BA MA YIN NO ZHES BYA BA LEGS PAR BRJOD PA YIN NO, ,DES NA BLTAR MI RUNG BA MI DMIGS PA NI MED PA SGRUB PAR BYED PA MA YIN PA'I PHYIR LHAN CIG MI GNAS PA 'THAD PA MA YIN NO, ,GAL TE NGED KYIS MTSAMS SBYOR BA MED PA MA GRUB NA, ,'O NA KHYOD KYIS MTSAMS SBYOR BA YANG CI LTAR 'GRUB SNYAM NA, 'BRAS BU NYID NI ZHES GSUNGS SO, ,LUS DANG BCAS PA'I SEMS NI DE DANG 'DRA BA GZHAN KHO NA'I 'BRAS BU YIN NO ZHES BSTAN PA YIN NO, ,'BRAS BU DE 'DRA BA LAS SNGA MA DANG PHYI MA'I RANG BZHIN GYI RGYU DE 'DRA BA NYID GRUB PA NYID MTSAMS SBYOR BA GRUB PA NI RANG DANG 'GAL BA NYID MTSAMS SBYOR BA MED PA SEL

, ,BAR BYED DO ZHES RIGS SO, ,DE MED PA STE MTSAMS SBYOR BA MED PA MED PAR BSGRUB PA'O, ,GAL TE DE LTA NA YANG CI LTAR 'BRAS BU NYID MTSAMS SBYOR BA'I SGRUB BYED YIN PA DE BZHIN DU, 'CHI BA'I SEMS NYID GNOD PA BYED PA YIN PA'I PHYIR, 'DIR GANG BDEN PAR 'GRUB SNYAM DU DOGS NA, PHAN TSUN 'GAL BA'I DON LA ZHES GSUNGS TE, GTAN TSIGS SHES BYA BAR BSAMS PA'O, ,GZHAN GYI DON GYI RJES SU DPAG PA YIN PAR 'GYUR RO, ,'DIS NI GANG ZHIG GANG DANG 'BREL PA DE NI DE YOD PAR SGRUB PAR BYED PA YIN TE ZHES BYA BA DE BSGRUB PA YIN NO, ,RNAM 'GREL GYI PHYED PHYI MA LA 'JUG PAR BYED PA NI GAL TE 'DIR ZHES BYA BA LA SOGS PA'O, ,ZHI BA DES NA'O, ,MTSAMS SBYOR BA DE YONGS SU SPANGS TE'O, ,GZHAN GYIS PHAN TSUN SPANGS PA'I 'GAL BAR SEMS PA NI YI GE 'DIS BYAS PA YIN TE, DNGOS PO LA NI MED DO ZHES BSTAN ZIN PA KHO NA'O, ,DE LTA NA YANG BSAG PA'I DON DU DE YANG 'BREL PA YOD PA MA YIN TE ZHES GSUNGS SO, ,DGRA BCOM PA'I SEMS DE DGAG PA NYID LA'O, ,GAL TE 'CHI BA'I SEMS MTSAMS SBYOR BA DANG 'GAL BAR NI KHYED CAG NYID KYIS KHAS BLANGS PA MA YIN NAM, DE LTAR MA YIN NA DGRA BCOM PA MTSAMS SBYOR BA MED PAR CI LTAR 'DOD SNYAM NA 'CHI BA'I SEMS NYID NI ZHES GSUNGS TE, 'GAL BAR KHAS BLANGS PA MA YIN NO ZHES BYA BA'I DON TO, ,'O NA DGRA BCOM PA LA JI LTAR MED SNYAM NA, NYON MONGS PA DANG ZHES GSUNGS SO,, NYON MONGS PA DANG BRAL BA DE GZHAN GYI YANG SO SO'I SKYE BO RNAMS LA KHAS LEN PA MA YIN NO, ,GRUB MTHA' THAMS CAD NI ZHES BYA BA NI BSDU BA'O, ,LUNG THAMS CAD NI 'CHI BA'I SEMS THAMS CAD MTSAMS SBYOR BA DANG 'GAL BA GANG YIN PA DE SGRUB PAR BYED PA MA YIN NO, ,GANG GI PHYIR 'KHOR BA PA'I SKYE BA LA LAR TE KHA CIG LA MTSAMS SBYOR BAR LUNG DES BSTAN PA YIN NO, ,'ON TE ZHES BYA BA NI GZHAN GYI'O, ,GAL TE YANG LUNG GIS LA, LA LA MTSAMS SBYOR BA YOD PAR BSTAN PA DE LTA NA YANG 'DI TSAD MA GRUB PA NI MA YIN NO, ,DES NA LUNG GI CHOS DES TSAD MA MA YIN

PA NYID DO, ,DES NA DGRA BCOM PA THA MA'I SEMS MTSAMS SBYOR BA MED PAR GRUB PA NA, TSAD MA MA YIN PA DES NA MTSAMS SBYOR BA DANG 'CHI BA'I SEMS GNYIS 'GAL BA SRID PA YOD DO ZHES BYA BA'I DON TO, ,SUN 'BYIN PA'I DON NI 'DI YIN TE, TSUL 'DIS DGRA BCOM PA'I SEMS MTSAMS SBYOR BA MED PA LA TSAD MAR BYAS PA'I LUNG DE NYID 'KHOR BA'I SEMS MTSAMS SBYOR BA YOD PAR SGRUB PA LA TSAD MA MA YIN PAR BRJOD PA YIN NA DE YANG MI 'THAD DO, ,DE NI GCIG TU TSAD MA'AM TSAD MA MA YIN PAR 'GYUR DGOS PAS RE ZHIG TSAD MA YIN PA'I PHYOGS LA GAL TE GRUB PA'I MTHA' ZHES GSUNGS SO, ,DES BSTAN PA'I MTSAMS SBYOR BA'I MNGON SUM GYIS MA MTHONG BAS NA GRUB PA'I MTHA' TSAD MAS GNOD PA YIN NA'O, ,DGRA BCOM PA'I SEMS MTSAMS SBYOR BA MED PA GNYIS KYI SGO NAS 'GAL BAR 'DOD PA 'GRUB PAR GAL 'GYUR, 'DI LA TSAD MAS GRUB PA'AM GNOD PA'I DON YIN PAS NA MA GRUB PA DON CAN NO, ,DGRA BCOM PA'I SEMS MTSAMS SBYOR BA MED PA'I DON DU RJES SU 'BRANG 'AM CI, DGRA BCOM PA'I SEMS MTSAMS SBYOR BA MED PA'I SGO NAS 'GAL BAR MI 'GRUB BO, ,'DOD PA NI ZHES BYA BA NI, DPER NA KHYED KYI 'GA' ZHIG TU TSAD MA YIN LA, 'GA' ZHIG TU NI MA YIN PA DE BZHIN DU NGA'I GNYIS KA LA YANG YIN NO ZHES BYA BA'I DON TO, ,PHYED PHYI MA BSHAD PA'I DON DU GZHAN GYI BSAM PA BRJOD PA NI 'ON TE NAS ZHE NA'I BAR RO, ,DOGS PA DE'I RNAM PA RNAM 'GREL NYID NA YOD PA BRJOD PA NI GAL TE NAS MA YIN NA'I BAR RO, ,GAL TE DGRA BCOM PA 'CHI BA'I SEMS MTSAMS SBYOR BA MA YIN PA DE LTA NA YANG 'CHI BA'I SEMS YIN PA'I PHYIR NI MA YIN GYI, 'ON KYANG RGYU MA TSANG BA'I PHYIR RO, ,GAL TE 'CHI BA'I GNAS SKABS KYI SEMS MTSAMS SBYOR BA MED PAR GRUB NA NI DE'I TSE GZHAN GYI TSE YANG DE BZHIN DU 'GYUR RO, ,LAN DU RGYU DANG BRAL BA DE NYID CES GSUNGS SO, ,GAL TE 'DI BSGRUB BYA BA SGRUB PAR NUS PA NYID DU DMIGS PA DE LTA YIN NA NI, 'CHI BA'I SEMS NI CHOS CAN, MTSAMS SBYOR BA MED PA'I CHOS CAN YIN TE RGYU DANG BRAL BA'I PHYIR, DGRA BCOM PA THA MA'I SEMS BZHIN NO ZHES BRJOD PAR RIGS SO ZHES

, ,BYA BA'I DON TO, ,SGRUB PAR BYED PA 'DI BRJOD KYANG MNGON PAR 'DOD PA'I BSGRUB BYA 'GRUB PA NI MA YIN NO ZHES BSTAN PA'I PHYIR DE NYID YANG BZLAS NAS 'CHAD BA NI YANG NA ZHES BYA BA'O, ,RGYU STE SKYED BYED BRAL BA STE NA DAL SOGS PAS NUS PA MED PA'I PHYIR NA'O,, BRAL BA GTAN TSIGS YIN GYI MA NGES PA'I PHYIR 'CHI BA'I SEMS NYID MA YIN NA'O, ,MTHA'I TSIG CIS MA BRJOD CES PA'I CHA KHA BSKANGS NAS 'CHAD PA NI, 'DIR LHAG PA NI CI ZHIG BRJOD CES BYA BA'O, ,GAL TE GTAN TSIGS GZHAN BRJOD PA MA YIN NAM, DES NA JI LTAR LHAG MA BRJOD CE NA, 'DI YANG ZHES GSUNGS SO, ,CI LTAR ZHE NA, SNGA MA'I ZHES BYA BA LA SOGS PA'O, ,LHAG MA DE NYID LA ZHES BYA BA NI GTAN TSIGS NYID DU SBYOR BA NI GANG GI PHYIR ZHES BYA BA'O, ,CI LTAR SGRUB PAR BYED PA 'DI MA GRUB SNYAM PA'I DOGS PA BZLOG PA'I DON DU YANG DE NYID RNAM PA GZHAN DU 'CHAD PA NI YANG NA ZHES BYA BA'O, ,RGYU DANG BRAL BA DE'O, ,NYID KYI SGRA NI RIM PA GZHAN YIN TE, CIS MA NYAMS TE DE NI NYAMS PA NYID DE, CI ZHIG YOD GYUR GANG MED PA, ,GANG GIS PHYI NAS MTSAMS SBYOR MED, ,CES BSTAN PA NYID DO, ,'ON TE YANG ZHES BYA BA NI GZHAN GYI DOGS PA BSU BA'O, ,GAL TE YID SNGA MA RGYU YIN NA MA GRUB PA NYID DU 'GYUR BA ZHIG NA, RGYU NI LUS YIN LA, DE YANG NAD LA SOGS PAS MA TSANG BAR 'GYUR BAR SRID PA YIN NO SNYAM DU BSAMS PA'O, ,SUN 'BYIN PAR YANG GAL TE LUS RGYU YIN NA 'DI RIGS PA ZHIG NA DE LTAR NI MA YIN NO SNYAM DU DGONGS PA'O, , DE YANG SNGAR BRJOD ZIN TE, 'DI NI LHAG PA BRJOD PA'I DON DU YIN NO, ,LUS RNAM PA GNYIS POS ZHES BYAS GZHAN GYIS SMRAS PA NYID RJES SU BRJOD NAS SO SO'AM GZHAN DU RGYU YIN PAR 'GYUR ZHES RNAM PAR BRTAGS PA'O, ,DE LA RNAM PAR RTOG PA DANG PO SEL BA NI, DE BLO BZHIN DU 'DZIN 'GYUR PHYIR, ,ZHES BYA BA'O, ,DBANG PO DE'I BLO YID KYI SHES PA LAS GZHAN DU GYUR PA DE BZHIN DU YID KYI SHES PAS KYANG DMIGS PAR 'GYUR RO ZHES BYA BA'I DON TO, ,YANG DE'I BLO BZHIN DU YID KYI SHES PA DBANG PO'I BYED PA'I RJES SU 'JUG PAS YUL 'DZIN PAR 'GYUR RO, ,DE NAS DBANG

PO BYED PA MED PA LA YID KYI SHES PA YOD PAR MI 'GYUR RO, ,YANG NA DE'I BLO BZHIN DU ZHES BYA BA DBANG PO GYUR NA 'GYUR BA NYID DANG, YID KYI 'DZIN PAR 'GYUR RO, ,'DI THAMS CAD NI BSHAD PAR GSAL BAR 'GYUR RO, ,RNAM PAR RTOG PA GNYIS PA BZLOG PA NI SHES BA SKYED CES BYA BA'O; ,RNAM PAR RTOG PA GSUM PA DBANG PO MED PA LA BSHAD PA NI SEMS NYID MED PHYIR ZHES BYA BA'O, ,DBANG PO'I RANG BZHIN DU GYUR BA'I NUS PA DE DANG 'JUG PA ZHES BYA BA'I DON TO, ,DES NA DBANG PO'I RANG BZHIN NYID CES BRJOD PA YIN NO, ,BYIN GYIS RLOB PAR BYED PA NYID DBANG YIN NO ZHES BYA BA'I LUGS KYANG STON PAR 'GYUR BA YIN TE, 'DI NI DE LA LTOS NAS BRJOD PA YIN NO, ,DBANG PO'I RJES SU 'BRANGS BA'I YID SHES PA YANG DE YIN LA GZHAN YANG YIN PA STE, DE'I RANG BZHIN DANG 'DRA BA'I RANG BZHIN DU 'DI 'GYUR TE, GSAL BAS GCAD PA'I RNAM PA CAN DU 'GYUR RO, ,DE LTA MA YIN NA DE DBANG PO LAS SKYE YANG DE LTAR MI 'GYUR NA, DE'I TSE DBANG PO DE'I RGYU LAS DE'I RANG BZHIN MA YIN PA 'BYUNG NAS TE, CI SKANG BSHAD PA LAS RNAM PAR RTOG PA 'BYUNG BA YIN NA, RNAM PAR RTOG PA DE'I RANG BZHIN DE GANG LAS 'BYUNG BA YIN TE, DE'I PHYIR RGYU MED PAR 'GYUR RO, ,'DI LA GZHAN GYI GAL TE ZHES SMRAS SO, ,ME LAS DU BA DANG, THAL BA SKYE BA LA TSOGS THA DAD PA YOD PA YIN TE, BUD SHING LA YOD PA'I SNYING PO MA YIN PA ME DANG BCAS PA NI THAL BA SKYED LA, SHIN DU SNYING PO MA YIN PA NI DU BA SKYED PAR BYED PA YIN NA, 'DIR MI GCIG SHES PA MI 'DRA BA GNYIS BSKYED PA LA RTEN CI YOD SNYAM NA, TSOGS PA THA DAD PA NI ZHES BYA BA'O, ,RTZOD PA 'DI LA DE NYID YANG RNAM PA GZHAN DU BSHAD PAS LAN 'DEBS PA NI DE NI MA YIN TE ZHES BYA BA'O, ,DE NYID KYI PHYIR DE BLO BZHIN DU ZHES GSUNGS SO,, RANG GI TSIG LE'UR BYAS PA DANG BCAS PA RTZA BA'I DON GSAL 'DEBS PA NI, DBANG PO'I BLO NI ZHES BYA BA'O, ,DE LTAR DBANG PO LAS SKYES PAR RO, ,DBANG PO LAS SKYES PA DE YIN NA'O, ,DBANG PO'I RJES SU MI 'BRANGS PA NYID GSAL BAR BYED PA NI DBANG PO LAS NI ZHES BYA BA'O, ,

, ,NYE BA MED PA NI NYE BAR MI GNAS PA'O, ,RTZOD PA DE NYID LA YANG RNAM PA GZHAN DU BSHAD PAS LAN DU 'GYUR PAR STON PA NI GANG RNAM PAR 'GYUR YANG ZHES BYA BA'O, ,GAL TE 'DZIN 'GYUR PHYIR ZHES BRJOD PA MA YIN NAM, DE CI LTAR NA RNAM PAR SHES PAS 'GYUR RO ZHES BRJOD CE NA, 'DZIN PA NI RNAM PAR SHES PA NYID DO ZHES GSUNGS SO, ,CI STE DE 'GYUR BAS 'GYUR BA MA YIN NA ZHES BYA BA NI MIG BTZUM LA YANG RNAM PAR RTOG PAR 'GYUR BA MED PAR GNAS PA'I PHYIR RO, ,LAN 'DI NYID DO ZHES BYA BA NI PHYOGS SO SOR SUN BYUNG BA NYID DE TSOGS PA GZHAN MED PA'I PHYIR RO, ,SHES PA SKYED PA'I NUS PA GANG YIN PA DE THA DAD PA STE, SO SO SO SOR GYUR PA'I PHYIR TE GZHAN LA LTOS PA MED PA'I PHYIR RO ZHES BYA BA'I DON TO, ,GAL TE GZHAN LA LTOS NAS NUS PA YIN NA DE'I TSE TSOGS PA SKYED BYED YIN PAS NA GCIG MED KYANG TSOGS PA MED PA'I PHYIR YID KYI SHES PA MI SKYE BAR 'GYUR RO, ,KYANG GI SGRAS NI ZHES BYA BAS NI NUS PA THA DAD PHYIR ZHES BYA BA 'DI'I DE MA THAG TU BLTA BAR BYA BAS SO, ,KUN LAS KYANG NI ZHES BRJOD PA GANG YIN PA DE NI KHA BSKANGS PA YIN NO ZHES BYA BA'I DON TO, ,RNAM PAR RTOG PA GSUM PO'I DBANG DU BYAS NAS BSHAD PA NI SEMS NYID MED PHYIR ZHES BYA BA'O, ,SKRA DANG SEN MO'I RTZE MO LA SOGS PA DBANG PO MED PA LAS SO, ,DE NI 'DOD PA NYID YIN TE, DBANG PO'I SHES PA DANG BRAL BA NI SPANG BAR MI NUS PA'I PHYIR RO, ,'ON TE 'DI GTAN TSIGS CI LTAR YIN TE, MA NGES PA'I NYES PAS NYES CHAGS PA'I PHYIR RO, ,DE NYID STON PA NI GAL TE ZHES BYA BA'O, ,'ON TE YID KYI RNAM PAR SHES PA ZHES BYA BA'I DON NI 'DI YIN TE, GAL TE SKRA DANG SEN MO'I TZE MO LA SOGS PA LA YID KYI RNAM PAR SHES PA MED PA'I PHYIR, YID KYI RNAM PAR SHES PA MED PAR SGRUB NA DE'I TSE DE NYID BSGRUB BYA DANG SGRUB BYED KYANG YIN PAS DAM BCAS PA'I DON GYI PHYOGS GCIG NYID DO, ,TSOR BYED NYID CES BYA BA NI TSOR BAR BYED PA'I TSOR BA DE BYED PA STE, TSOR BA CAN ZHES BYA BA'I DON TO, ,DE'I TSE SKYE BA DANG POR SKRA DANG SEN MO'I RTZE MO LA SOGS DE LAS YID KYI SHES PA SKYE BA YIN NO ZHES CI LTAR RTOGS, DPER NA LUS DANG LCE LA

SOGS PA SHIN TU NYE BA NA GNAS PA LAS RANG GI SHES PA DANG RJES SU 'BREL BAR RTOGS PAS NA GZHAN GYI TSE SHES PA'I NYE BAR LEN PA'I RGYU YANG YIN NO ZHES RES 'GA' 'KHRUL BRTEN PAR YANG 'GYUR BA YIN NO, ,SKRA DANG SEN MO'I RTZE MO LA SOGS PA NI DE LTAR RANG GI RJES SU 'GRO BA DANG LDOG PA'I RJES SU BYED PA'I TSOR BA DANG LDAN PAR RTOGS PA MA YIN NA, GANG GIS RES 'GA' DE'I NYE BAR LEN PA'I THA SNYAD LA BRTEN PAR 'GYUR, GRANG BA BYED PAR NAM YANG MA DMIGS PA'I ME NI GRANG BA'I RGYU NYID DU THA SNYAD BYA BAR 'THAD PA MA YIN NO, ,DE NAS GZHAN GYI TSE DE LTAR MA DMIGS PA'I PHYIR SKYE BA NI DANG PO'I SEMS SKYE BA NA DE LTAR YIN PA DGAG PA BSGRUB PAR BYA BA YIN PAS NYES PA MED DO, ,GAL TE DE NYID KYI TSE SEMS MED PA'I PHYIR SEMS MI SKYE BAR BRJOD NA, DE'I TSE DAM BCAS PA'I DON GYI PHYOGS GCIG YIN PA'I NYES BAR 'GYUR RO, ,RANG NYID 'THAD PA GZHAN 'CHAD PA NI DE DANG 'BREL PA NYID YIN NA ZHES BYA BA'O, ,THA MI DAD PA'I PHYIR ZHES BYA BA LA THA DAD PAR GYUR PA NA THA DAD PA STE SO SOR GNAS PA THA MI DAD PA NI SO SOR MI GNAS PA STE, LHAN CIG GNAS PA ZHES BYA BA'I DON TO, ,DE LTAR YIN PA CI'I PHYIR ZHE NA, NUS PA DE LTAR GNAS PA'I PHYIR ZHES BYA BA'O,, LAS DE'I NUS PA NI CI LTAR LHAN CIG NYID DU GNAS PAR BYED PA DE KHO NA LTAR GNAS PA YIN NO ZHES BYA BA'I DON TO, ,SLONG BA NI G-YO BA MED PA STE ZHAN PA ZHES PA BYA'I DON TO, ,DON DE GZUNG BAR BYA BA'I NGES PAR RTOGS PA TZAM YOG YIN PA SGO'I GNAS LTA BU YIN TE DES ZHES BYA BA'I DON TO, ,GDUNG BA MI BZOD PA ZHES BYA BA NI 'CHAD PA STE, GDUNG BA'I RGYU MTSAN GYIS BRDEG PA LA SOGS PA MI BZOD PA DE LTAR MI 'DOD PA'O, ,CI LTAR MI BZOD CE NA DE GOMS PAS TE GDUNG BA'I RGYU NYID GOMS PAS SO, ,GANG GI CHO MI BZOD CE NA DE YID LA MNOS PAS NA STE, GDUNG BA'I RGYU YID LA MNOS PAS NA'O, ,DON 'DI YIN TE, GANG GI TSE MTSON BRDEG PA LA SOGS PA YID LA BYED PAS DMIGS PAR GYUR BA DE'I TSE SDUG BSNGAL GYI RGYU NYID DU BSGOMS PAS NGE MI BZOD PA NI YID KYI RNAM PAR 'GYUR BA GDUNG BA'I MTSAN NYID DU 'GYUR GYI GZHAN DU NI MA YIN NO, ,'DI NYID GSAL BAR BYED

, ,BA NI YID KYI DMIGS PAS ZHES BYA BA STE, RANG GI SHES PAS MYONG PAS ZHES BYA BA'I DON TO, ,GAL TE DMIGS PA NYID RTEN MA YIN NAM, DE CI LTAR NA RTEN DU 'GYUR BA NI MA YIN ZHES BRJOD CE NA, DMIGS PA'I ZHES GSUNGS SO, ,PHYI ROL NI NAD LA SOGS PAS NYAMS PA LTA BU'I LUS SO, ,DE ZHES BYA BA NI PHYI ROL LO, ,BRJOD BAR 'DOD PA'I LHAG MA STON PA NI DE MED KYANG ZHES BYA BA STE, NGAL MTSON PHOG PAR 'ONG NGO ZHES BYA BA'I RNAM BAR RO, ,DE'I PHYIR GNOD PAR BYED PA YOD KYANG YID KYI RNAM PAR SHES PAS SGRO BTAGS PA RNAM PA PHYI DANG NANG YANG RIG PA YIN GYI, PHYI'AM NANG GI GNOD PAR BYED PA NI RANG GI NGO BOS RIG PA MA YIN NO, ,DES NA SGRO BTAGS PA'I RNAM PA DE'I 'GYUR BAS YID DE YID KYI RNAM PAR SHES PA RGYUN PHYI MA'I RANG BZHIN DU GYUR PA RNAMS DER 'GYUR TE, RNAL DU GNAS PA MA YIN PA'I GNAS SKABS SU 'GYUR RO, ,'DI TZAM GYIS NI RNAM PAR 'GYUR BA LAS SAM, RNAM PAR 'GYUR BA BSGRUB PA'I SGO NAS KYANG RUNG STE, PHYI'AM NANG GI RTEN MA YIN TE, SGRO BTAGS PA NYID RNAM PAR 'GYUR BA'I PHYIR RO ZHES BRJOD PA YIN NO, ,DNGOS PO DMIGS BZHIN PA NYID RNAM PAR 'GYUR BAR BYED PA YIN MOD DE LTA NA YANG DMIGS PA NYID NI RTEN MA YIN TE, BSTAN MA THAG PA KHO NA'I PHYIR RO ZHES BRJOD PA NI, RTEN DANG DMIGS PA DAG NI ZHES BYA BA'O, ,DE NAS LUS DE'I RTEN MA YIN NO ZHES BYA BA NI DMIGS PA YIN YANG YID KYI SHES PA'I RTEN NI MA YIN NO, ,DES NA NGA DANG NGA'I ZHES BYA BA LA SOGS PA'I RNAM PAS 'JUG PA NYON MONGS PA CAN TE DE NYID NI 'KHOR BA YIN NO SNYAM DU DGONGS PA'O, ,'O NA YID KYI RNAM PAR SHES PA'I RTEN GANG YIN ZHES NA, DE'I RTEN GANG YIN PA KUN GZHI RNAM PAR SHES PA DE NI'O, ,LUNG LAS GRUB PA DE YANG RTAGS PAR YOD PA YIN TE, RTEN MED PA NI BZOD PA RJES SU GZUNG BA'I DON DU BSHAD PA YIN NO ZHES BSAMS PA'O, ,DE NYID KYI PHYIR DON DAM PAR DMIGS PA DANG, RTEN GYIS STONG PAR STON PA NI SNGA PHYIR SGRO BTAGS PA ZHES BYA BA'O, ,NGA DE DANG DE ZHES BYA BA NI SNGA MA DANG PHYI MA NI SGRO BTAGS PA TZAM YIN NO, ,DMIGS PA YIN TE

DE'I RNAM PAR SHES PA SNANG BA'I PHYIR RO, ,DE YANG 'KHRUL PAS NA DMIGS PA MED PA'O, ,RTEN MED PA NI KUN GZHI RNAM PAR SHES PA BRTAGS YOD DU STON PA'I PHYIR RO, ,DES NA BLO NYID BLO'I RTEN NO ZHES BYA BAR RIGS SO, ,DE RGYU ZHES BYA BA NI KHYAD PAR CAN TE, BDAG LDOG PA SA ZLOG PAR BYED PA'O, ,DPER NA 'OD DANG DU BA LA SOGS PA LA SGRON MA DANG ME LA SOGS PA BZHIN NO, ,'DI YOD NA ZHES BYA BAR GSUNGS PA NI BDUN PA ZHES BRJOD DO, ,DE NYID NAS 'DI SKYES BA'I PHYIR 'DI SKYE ZHES BYA BA'I CHOGS NI SKYES PHYIR ZHES BYA BAS MTSON TO, ,DE LTA YIN DANG 'DI LAS SKYES ZHES BYA BA YANG BSTAN PA YIN NO, ,DE NYID KYI PHYIR DE NYID LAS LNGA ZHES 'CHAD PAR 'GYUR RO, ,RGYU LOG PAS BZLOG PAR BYA BA'I 'BRAS BU GANG YIN PA DE'I PHAN 'DOGS PAR BYED PA'O, ,GANG ZHIG RES 'GA' ZHES BYA BA LA LUS KYI BSKU BYUG LA SOGS PA LTAR RO, ,'DI TZAM GYI NI RANG LOG PAS ZLOG PAR BYED PA NYID NI RTAG TU RJES SU 'JUG PA NYID KYIS KHYAB PAR BRJOD PA YIN NO, ,BLO LA NI LUS DE LTAR MA YIN PAR BRJOD PA NI LUS YOD PA NI ZHES BYA BA'O, ,YID LA RTAG TU PHAN 'DOGS PA MA YIN NO ZHES BYA BA NI LHAG MA'O, ,KHYAB PAR BYED PAR MI DMIGS PA MA GRUB PA SPANG PA NI SEMS SNGA MA TZAM ZHES BYA BA'O, ,LUS SNGA MA KHO NA BZHIN GNAS KYANG SKRAG PA DANG MYA NGAN LA SOGS PAS YID PHYI MA 'GYUR BAR MTHONG BA'I PHYIR RO, ,RTAG TU RJES SU 'JUG PA MED PA DE'I PHYIR RO, ,NYE BAR LEN PA'I SEMS DES NYE BAR BSTAN PA DE YONGS SU BZUNG BA LAS SO, ,DE LTAR LUS MED KYANG YOD PAR DOGS PAS NA RTAG TU RJES SU 'JUG PA MED PA'I PHYIR RANG LOG PAS LDOG PAR BYED PA MA YIN NO ZHES BRJOD PA YIN NO, ,LUS DANG YID KYI RNAM PAR SHES PA DAG LA NI RGYU DANG 'BRAS BU'I DNGOS POR SGRUB PA'I TSAD MA YANG MED DO ZHES BSTAN PA'I DON DU LUS NI ZHES BYA BA'O, RANG NGAM GZHAN 'GA'I SA ZHES 'BREL TO, ,RNAM PA GZHAN NI MA PAS SO, ,RIG PA ZHES BYA BA NI THAMS CAD DU 'BREL TO, ,DE LA ,DE LA SKYES BA DANG MA SKYES BA'I PHYOGS SEL BA NI DE LA RE ZHIG CES BYA BA'O, ,GZHAL ZHES BYA BA NI NGA'I ZHES RANG GI NGO BO LA DMIGS PA ZHES 'GREL TO, ,YANG NA

, ,DE LTAR RANG GI NGO BO LA DMIGS PA'AM, GZHAN LA ZHES BYA BAR THA DAD PAR DMIGS PA LA'O ZHES BSHAD PAR BYA'O, ,DE RTOGS PA NYID NI DMIGS PA RTOGS PA NYID DO, ,GZHAN TE DMIGS PA MA YIN PA RGYU DANG 'BRAS BU'I DNGOS PO'O, ,GANG ZHIG RTOGS PA BKAG PA DE'I RNAM PAR BRJOD PA NI BDAG 'DI LAS SKYES SO ZHES BYA'O, ,'O NA ZHES BYA BA NI GZHAN GYI DE DAG LA YANG RNAM PAR RTOG BA DE DAG NYID NYAMS BA MED PA'I PHYIR RO, ,MA YIN TE ZHES BYA BA NI GRUB PA'I MTHA'O, ,RTOGS PAR 'GYUR BA NYID CES BYA BA LA NYE BA'I PHYIR MI PHYED BA NYID LAS YIN NO, ,MIG PHYE BA NYID CES BYA BA NI DE LAS SNGAR RTOGS PA MA YIN NO ZHES BYA BA'I DON TO, ,DE'I TSE NI MIG GI BYED PA MED LA, SNGON PO LA SOGS PA RTOGS PA YANG MED PA'I PHYIR LDOG PA BSGRUBS PA MI DMIGS PA'I BYED PA BSTAN PA YIN LA, DE MA THAG TU GZUGS MTHONG BA NYID DU RTOGS PAR 'GYUR BA YIN ZHES BYA BA NI RJES SU 'DZIN PA RIM GYIS BYUNG BA'I MNGON SUM GNYIS KYI BYED PA BSTAN PA'O, ,'DI YANG SNGAR NYAMS SU MYONG BA YOD NA 'GYUR BA YIN NA, SKYE BA DANG PO'I SNGON ROL DU NI NYAMS SU MYONG BA SRID PA MA YIN NO ZHES ZHE LA BZHAG NAS SKYE BA DANG POR ZHES BYA BA'O, ,CI'I PHYIR ZHE NA, SHES PA SNGA NA MED BA ZHES GSUNGS SO, ,GZHAN GYIS KYANG ZHES BYA BA'I RNAM PAR RTOG PA GNYIS PA SLONG BA NI GAL TE ZHES BYA BA'O, ,DE ZHES BYA BA YID KYI RNAM PAR SHES PA'I RGYU NYID DO, ,SKYE BA DANG PO LAS SNGAN YID KYI RNAM PAR SHES PA MED PA GZHAN GYIS KYANG GA LA RTOGS TE, SEMS NI SNGAR MED PA LAS LUS YOD NA YOD DO ZHES NGES, DE NI GZHAN GYI SPYOD YUL MA YIN PA'I PHYIR RO, ,DE NYID PHYIR BLTAR RUNG BA MA YIN NO ZHES BYA BA'O, ,DE LTAR YIN DANG GNYID LOG PA LA SHES PA YOD PA YIN LA, DE LAS SAD PA LAS SNGAR SHES PA DMIGS SU MED PA NA, RMI LAM GYI GNAS SKABS KYI RNAM PAR SHES PA MED PAR RTOGS PA SGRUB PAR BYED PA MA YIN NO, ,GAL TE BLTA BAR MI NUS PA YANG MTHONG BA TZAM GYIS 'GOG NA, DE'I TSE RMI LAM GYI GNAS SKABS KYI TSOR BA YANG 'GOG PAR THAL

LO ZHES BYA BA'I DON TO, ,'ON TE ZHES BYA BA NI DOGS PA BSU BA'O, ,RANG RIG PA NYID NI RANG GI DRAN PA KHO NA'O, ,DES NA MA DRAN PA'I PHYIR RMI LAM NA BLO YOD PAR 'GYUR BA MA YIN PA KHO NA'O, ,CIG YOD KYANG BRJED PA 'GYUR ZHES BYA BA NI, GSAL BA MED PA'I PHYIR SHES PA BRJED PA'O, , GSAL BA MED NA NI NYAMS SU MYONG BA YOD KYANG BRJED PA MTHONG BA KHO NA'O, ,'DI LTAR SAD PAS BYAS PA NI RMI LAM DU MI DRAN TE, DRAN NA NI DE'I MOD LA RMI LAM 'DI GNAS PA YIN NO ZHES RTOGS PAR 'GYUR BA NA DE LTA YANG MA YIN NO, ,DE LTA NA YANG RMI LAM GYI SHES PA DE NI SAD PA'I SHES PA DE NYID LAS YIN NO, ,DE BZHIN DU SRID PA SNGA MA'I RNAM PAR SHES PA DRAN PAR MA GYUR PA, BLTAR MI RUNG BAS NA DGAG PAR MI NUS PA LAS SHES PA 'DI 'BYUNG BA YIN NO SNYAM DU DGONGS PA'O, ,'ON TE ZHES BYA BA NI, GAL TE YANG GNYID LOG PA'I GNAS SKABS NA RMI LAM GYI RNAM PAR SHES PAS SAD PA'I RNAM PAR SHES PA'I DE MA THAG TU SKYES PA YIN NO ZHES SUS KYANG RTOGS PA MA YIN PA DE LTA NA YANG SAD BA NA GNYID LOG PA LAS LANGS PA STE, NGA LAS NI SAD PA'I SHES PA'I DE MA THAG KHO NAR RMI LAM GYI RNAM PAR SHES PA SKYES PAR GYUR TO ZHES RTOGS SO ZHE NA, SKYE BA DANG PO'I LUS THOB PA 'DI YANG SAD NAS SKYE BA SNGA MA'I RNAM PAR SHES PA LAS RNAM PAR SHES PA 'DI SKYAS SO ZHES BYA BAR MI RTOGS ZHES BYA BA DE GA LAS YIN, GANG GI TSE YANG RUNG STE DE 'DRA BA'I SMOS PA'I GNYEN PO YANG DAG PA'I SHES PA SKYES PA'I MTSAN NYID CAN SAD PAR GYUR PA NA SKYE BA GZHAN RTOGS PAR BYA BA YIN NO SNYAM DU DGONGS PA'O, ,DE'I PHYIR ZHES BYA BA NI MJUG SDUD PA'O, ,LUS 'DI LOG NA'O, ,'ON TE ZHES BYA BA NI GZHAN GYI'O, ,LCI BA DE'O, ,BSAM PA NI LCI BA LAS AUTPALA SKYE BA YIN LA PHYIS NI DE MED KYANG AUTPALA NYID LAS SKYE BA YIN ZHING DE LTA NA YANG DANG PO'I LCI PA MED NA MI SKYE BA KHO NA'O, ,DE BZHI NA DU DANG PO NI LUS LA SEMS SKYE LA, PHYIS NI DE MED KYANG SEMS LAS SKYE BA NI LUS LA SEMS SKYE LA, PHYIS NI DE MED KYANG SEMS LAS SKYE BA KHO NA'O, ,DES NA GANG ZHIG YID KYI RNAM PAR SHES PA YIN PA DE RNAM PAR SHES PA DE NI YID KYI RNAM PAR SHES PA SNGON DU

, ,'GRO BA CAN YIN NO ZHES BYA BA DE YANG MA NGES PA YIN NO, ,DES NA SRID PA SNGA MA MA GRUB PO ZHES BYA BA 'DI YIN NO, ,LAN DU DE YANG GI NA STE ZHES BYA BA'O, ,LCI BA DE MED PAR NI AUTPALA LAS MA MTHONG BA NYID DO, ,'ON TE MA NGES PAR BRTZAD PAS SRID PA SNGA MA MA GRUB PA LA 'DI NI DPE MA YIN NO, ,CI'I PHYIR ZHES NA, GANG GI PHYIR SHES PA DE LAS BZLOG PA YIN TE, DANG PO CI 'DRA BA SRID BA DE 'DRA BA KHO NA PHYIS KYANG MTHONG PA YIN NO, ,DES NA CI LTAR DBUS KYI GNAS SKABS NA YID KYI RNAM PAR SHES PA SNGON DU 'GRO BA CAN YIN PA DE BZHIN DU SKYE BA DANG BO'I YANG YIN TE DE 'DRA BA YIN BA'I PHYIR RO ZHES DGONGS PA'O, ,'CHAD PA NI CI 'DRA PA'I AUTPALA ZHES BYA BA'O, ,AUTPALA'I DPE DES SO, ,RNAM 'GREL GYI LHAG MA BSHAD BA'I DON DU GZHAN SLONG BAR BYED PA NI GAL TE ZHES BYA BA'O, ,MI GSUNG BA YANG MA YIN TE ZHES BYA BA NI THUGS RJE CHEN PO MNGA' BA'I PHYIR RO, ,DE'I PHYIR ZHES BYA BA 'DI NI SNGAR SBYAR ZIN TO, ,NGAG GCIG NYID BSTAN PA'I PHYIR 'DI YOD NA ZHES BYA BA'O, ,RGYU MTSAN GYI BDUN PA ZHES BYA BA GYUR NA BDUN PA NYID RGYU MTSAN GYI DON BSTAN PA'I PHYIR RGYU MTSAN GYI BDUN PAR BSHAD PA YIN TE YOD NA ZHES BYA BA 'DI NI NGES PAR GZUNG BA LHUR BYED PA YIN PA'I PHYIR RO, ,DE LTA NA YANG RTAG TU RJES SU 'JUG PAR CI LTAR 'GYUR SNYAM NA, GZHAN DU NA ZHES GSUNGS SO, ,GANG ZHIG GANG MED PAR RGYUN CHAGS PAR MI 'BYUNG BA DE NI DE'I RGYU MTSAN DU GRAGS PA'I PHYIR RO ZHES BYA BA'I DON TO, ,LNGA PA YANG RTAG TU RJES SU 'JUG PA, RJOD PAR BYED PA YIN NO ZHES BSHAD PA NI LNGA BA YANG ZHES BYA BA'O, ,DE LAS CIR 'GYUR ZHE NA, 'BYUNG KHUNGS NYID KYANG ZHES GSUNGS TE, SKYE BA BYED PA PO LAS 'BYUNG BA ZHES BYA BYA BA'I TSIG 'DIS SHES PAR BYA'O, ,DE LA SKYE BA ZHES BYA BA'I DON LHU RA GYUR BA'I PHYIR SKYE BA ZHES BYA BA LA SOGS PA'I SBYOR BA LA YANG 'BYUNG KHUNGS KYI MING DU 'GYUR BA KHO NA'O, ,P'A nI NI MDOR NI PRA KRI TA'I SGA NYE BAR LEN PA'I RGYU BRJOD PA LA SBYAR RO, ,'DI NI NYE BAR MTSON PA YIN PA'I PHYIR

RGYU TZAM 'DZIN PAR BYA BA'I PHYIR DE'I GNAS SU 'BYUNG BA'I SGRA BZHAG NAS MTSAN NYID BRIS SO, ,DE LTA NA YANG SKABS LA CI PHAN SNYAM NA, 'BYUNG YANG ZHES GSUNGS SO, ,'DI LAS 'BRAS SU RGYUN CHAGS SU 'BYUNG BA SHES RAB KYI DON TO, ,DES NA RTAG TU RJES SU 'BREL PA BSTAN PA NYID DO ZHES BYA BA'I DON TO, ,DE LTAR RTAG TU RJES SU 'JUG PA NYID KYIS NI RANG LOG PAS LOG PAR BYED PA NYID KHYAB PA YIN NO, ,LUS LA NI DE MED PA'I PHYIR LOG PAR BYED PA NYID MED KYANG 'JIG RTEN PHA ROG SRID PA TZAM YIN PA'I PHYIR, CI LTAR RJES SU 'BREL PA'I BSHAD PA BYAS KYANG MA RANGS PAR RNAM 'GREL GYI YE SHES DANG RJES SU MTHUN PA NYID DU RANG GI BSHAD PA DGOD PA'I PHYIR YANG NA BDAG CAG GIS ZHES GSUNGS SO, ,SKYE BA DANG PO RNAM PAR SHES PA DE NI'O, ,RGYAL 'GYUR RO ZHES RUNG BA NYID RJES SU DPOG NA 'JIG RTEN PHA ROL LEGS PAR BSGRUB PAR 'GYUR BA DANG; GZHAN THE TSOM MED PAR 'JIG RTEN PHA ROL LA ZHUGS PA YANG LEGS PA NA'O, ,DES 'DI PA'I 'BRAS BU NYID LA KHUR DGOD PA BLA'O, ,'JIG RTEN PHA ROL LA RE BAS DON STONG PA LA SOGS PA DKA' BA SNA TSOGS PA LA BRTEN PAS NI GO BCAD DO ZHES 'BAD PA'I SGRAS BSTAN TO, , 'ON TE SNGA MA BZHIN DU RGYU MA TSANG PA MED PA NYID KYIS 'BYUNG BA'I SRID PAR 'GYUR BA KHO NA YIN NO ZHES 'DOD NA, 'O NA NI RUNG BA NYID RJES SU DPOG PA MA YIN TE, 'ON KYANG SKYE BA GZHAN NYID DO, ,DE LTA MOD KYI RGYU LAS 'BRAS BU RJES SU DPOG BA'I SKYON DU 'GYUR RO ZHES BRJOD PA YIN NO SNYAM NA, 'DIR BSHAD PA ZHES GSUNGS SO, ,DE'I RJES SU 'JUG PAS ZHES BYA BA NI YUL DANG DUS KHYAD PAR RO, ,DE SKAD DU YANG SLOB DPON NYID KYIS DON GZHAN GO BAR BYA BA LA 'BRAS BU NYID GTAN TSIGS YIN TE, 'KHRUL PA MED PA'I PHYIR RO ZHES GSUNGS SO, ,'BYUNG BAR 'GYUR BA'I RGYU NYID YIN NA CI LTAR 'BRAS BU YIN ZHE NA, LAM DU MA YIN TE ZHES BYA BA'O, ,DA LTA YOD PA'I DNGOS PO DE 'BYUNG BA'I DNGOS PO'I 'BRAS BU YIN PA'I PHYIR TE DE NI 'BRAS BU YANG YIN NO ZHES BYA BA'I DON TO, ,GAL TE DA LTAR YOD PA MA 'ONGS PA'I 'BRAS BUR CI LTAR 'GYUR SNYAM

, ,PA'I DOGS PA ZHE LA BZHAG NAS DON 'DI NI 'JIG RTEN GYI THA SNYAD DU GRUB PA KHO NA'I ZHES STON PA NI 'DI LTAR ZHES BYA BA'O, ,SEMS DANG MIG DANG SNA LA SOGS PA RNAMS KYI RNAM PAR 'GYUR BA NI GSAL BA DANG, YID BDE BA DANG, RMI LAM GYI KHYAD PAR DMIGS PA DANG 'GUL BA DANG NYAMS PA LA SOGS PA'I MTSAN NYID NI 'BYUNG BAR 'GYUR BA DGE LEGS LA SOGS PA SGRUB PAR BYED PA YIN TE, 'BYUNG BAR 'GYUR BA'I DGE LEGS LA SOGS PA DE'I RNAM PAR 'GYUR BA DE MTHONG LA, DE RNAM PA BSGYUR BA DE YANG 'BRAS BU NYID DU BRJOD DO, ,'JIG RTEN GYI THA SNYAD KYI SGRAS NI 'DI SKAD BRJOD DE, HA KYANG THAL BA SPANGS PA'I PHYIR BSTAN BCOS KYIS MTSAN BYAS BA GANG YIN PA DE GAL TE 'JIG RTEN GYI THA SNYAD DU BYED NA DE'I TSE SNGAR 'BYUNG BA LA 'BRAS BU'I THA SNYAD DU BYED PA YANG SUS BZLOG CES BYA BA'O; ,'O NA 'DAS PA ZHES BYA BA LA RGYUR MNGON PAR 'DOD PA RANG GI DUS LA LTOS NAS NI BYUNG BA DANG 'BYUNG BAR 'GYUR BA MA YIN TE, DA LTAR BA NYID YIN PA'I PHYIR RO, ,'BRAS BU'I DUS LA LTOS NAS NI CI LTAR 'DI 'BYUNG BAR 'GYUR BA YIN PA DE BZHIN DU GZHAN 'DAS PA YIN NO ZHES BYA BA'I DON TO, ,DES NA DE YANG 'BRAS BU'I DUS NA MED PA NYID YIN PAS NA CI LTAR PHAN 'DOGS PAR BYED PA YIN MA YIN TE BYA BA NI GZHAN GYI'O, ,SKABS KYIS NA SDAR SKYES BA'I RGYU NI YOD PA'I PHYIR RO ZHES BYA BA'O, ,LAN DU SKYE BA'I DUS DE ZHES BYA BA'O, ,SMRAS PA 'DI'I BSAM PA NI 'DI YIN TE; SKYE BA ZHES BYA BA NI 'BRAS BU'I CHOS YIN PA'I PHYIR RGYU DE'I DUS NA DUS MTSUNGS PAR THAL BAR 'GYUR RO, ,'ON TE 'BRAS BU SKYED BAR BYED PA'I DUS LA SKYE PA'I DUS SU BRJOD PAR 'DOD DANG ZHES BYA BA'I DOGS PA BSU BA NI, GAL TE 'BRAS BU LAS SNGA ROL ZHE NA ZHES BYA BA'O, ,'O NA NI DE'I TSE 'BRAS BU MED PA DES NA CI LTAR 'BYUNG BAR 'GYUR BA MED PA PHAN 'DOGS PAR BYED PA MA YIN PA DE BZHIN DU 'BYUNG BAR 'GYUR BA'I 'BRAS BU YANG MED PAS NA CI LTAR PHAN GDAGS PAR BYA BA YIN, DES NA MED PA LA NI PHAN 'DOGS PA MA YIN NO, ,GZHAN GYIS DE NYID KYI

PHYIR ZHES SMRAS SO, ,GRUB PA'I MTHA' SMRA BAS MED PA BYED DO ZHES BYA BA'I DON CI ZHES DRIS PA'O, ,GZHAN GYIS LAN DU DE'I DE MA THAG CES BYA BA'O, ,GRUB PA'I MTHA' SMRA BAS DE MA THAG PA DE NI ZHES SO, ,DE NYID GSAL BAR BYED PA NI CI LTAR ZHES BYA BA'O, ,DE MA THAG PA NYID KHAS BLANGS NAS BRJOD PA YIN NO, ,DE MA THAG PA MED KYANG RGYU NYID DU GDON MI ZA BAR 'GYUR ZHAS GSUNGS PA NI DE MA THAG PA NYID NI ZHES BYA BA'O, ,GNYID STUG PO LOG PA'I GNAS SKABS NA NI RANG NGAM GZHAN GYI RNAM PAR SHES PA YOD PA'AM MED PAR DES PA NI MA YIN ZHING SAD PA'I DUS SU GDON MI ZA BAR DE LTAR DRAN PA YANG MA YIN NO, ,DE SKAD DU YANG STE DNGOS PO MED PA'I RIG PA CI ZHES BYA BA LA SOGS PA BSHAD PA YIN NO, ,RGYU DE NYID DU NGES PA NI RING DU SPANGS PA KHO NA'O, ,YOD PA DANG MED BAR THE TSOM ZA BA'I PHYIR SHA ZA NI DU BA'I RGYUR NGES BA MA YIN NO, ,LUS NI MTHONG YANG RGYU MA YIN NO ZHES BSHAD PA NI DE LA LUS NI ZHES BYA BA STE SHES PA DE LA'O, ,CI'I PHYIR ZHE NA, DE NI SNGON GYI ZHES BYA BA'O, ,'DI SNYAM DU LUS NI SHES PA'I RGYU MA YIN PA KHO NA'O, ,'ON KYANG 'DAS NAS RING DU LON PA'I RIG PA NYID RGYU YIN TE, GNYID STUG PO LOG PA'I GNAS SKABS SU NI RNAM PAR SHES PA YOD DAM MED THE TSOM ZA BA'I PHYIR NA RGYU'AM RGYU MA YIN PA NYID DU RNAM PAR BZHAG PA LA NUS PA MA YIN NO, ,'JIG RTEN RGYANG 'PHAN PA NI LUS RNAM PAR SHES PA'I RGYU YIN PAR BSGRUB PA'I DON DU DBUS SU DE MED PAR 'DOD PA YIN NA DE MED PAR KHAS BLANGS KYANG LUS RGYU YIN PAR NI MI 'GRUB STE, 'DAS NAS RING DU LON PA NYID RGYU YIN PAR TSAD MAS GRUB PA'I PHYIR RO ZHES BYA BA 'DI YIN NO, ,'DI NYID GSAL PAR BYED PA NI, LUS DE 'DRA BA'I NYID NA ZHES BYA BA'O, ,GANG GI TSE NA TSOD DANG RGYAGS PA LA SOGS PAS LUS MTSUNGS PA GNYIS GNYID MTHUG POS LOG PA NA'O, ,GAL TE DE'I TSE YANG KHYAD PAR PHRA MO 'GA' ZHIG YOD PAR 'GYUR RO SNYAM NA, DE LTA NA 'O NA SHES PA LA YANG MTSON PAR DGA' PA'I KHYAD PAR YOD PAR 'GYUR NA SHIN DU YANG RIGS MI MTHUN PAR NI MTHONG PA YIN NO, ,DE'I PHYIR 'DAS NAS RING DU LON PA LAS SKYES PAS

, ,RIGS PA KHO NA'O, ,TSOGS PA'I KHYAD PAR 'GA' ZHIG LAS NI MYUR BA DANG BUL BA'I KHYAD PAR DU GYUR KYANG DE TZAM GYIS RGYU DANG 'BRAS BU'I DNGOS PO 'DZIN PA NI MA YIN TE DE'I RGYU MTSAN RJES SU 'GRO BA DANG LDOG PA MTSUNGS PA'I PHYIR RO, ,'BYUNG BAR 'GYUR BA'I RGYU DE NYID MJUG SDUD PAS DE'I PHYIR ZHES GSUNGS SO, ,'BYUNG 'GYUR LA YANG ZHES YANG GI SGRAS NI 'DAS MA THAG PA DANG 'DAS NAS RING DU LON PA SDUD PA'O, ,KHYAD PAR GZHAN NI ZHES BYA BA NI SNGA MA NYID DAM DE MA THAG PA NYID DO, ,BDUN PA DANG LNGA PAS NI RGYU SNGA MA'I DNGOS POR BSTAN PA YIN NO ZHES RNAM PAR DBYE BA 'DI GNYIS GRUB PA YIN NO, ,SNGA MA'I DNGOS PO DE LAS PHYI MA'I DNGOS POR YANG DANG POS KYANG BSTAN PA YIN STE, DANG PO NI BSGRUB BYA'I RNAM PAR DBYE BA YIN NO, ,RGYU MTSAN TZAM ZHIG CES BYA BA 'DIS NI, LUNG LAS NI 'DI RGYU DANG 'BRAS BU'I DNGOS PO TZAM DU BZHED PA YIN NO ZHES BYA BA'I DON TO, ,DE BZHIN DU MA SKYES PA LA SKYES PA YANG NGO ZHES BYA BA NI 'DI SKYES PA'I PHYIR 'DI SKYE ZHES BYA BA'I MTSAN NYID 'DI MI 'THAD DO ZHES BYA BA'I DON TO, ,'O NA ZHES BYA BA NI GRUB PA'I MTHA'O, ,ZHIG PA SKYE BAR YANG ZHES BYA BA 'DI NI MTSAN NYID GNYIS PA LTOS PAS YIN NO, ,YOD PA'AM SKYES PAR GYUR PA YIN NO ZHE NA, LAN DU 'BYUNG BAR 'GYUR PA 'DI YANG YOD PA'AM SKYES PAR 'GYUR RO, ,'BYUNG BAR 'GYUR BA SNGA NA MED PA DANG NGO, ,SNGA MA DANG PHYI MA'I DNGOS PO'I THUN MONG RGYU MTSAN TZAM ZHIG MTSON PA YIN TE BSTAN PA YIN GYI, SNGAR GYI DUS DE'I TSE YOD PA NYID NI BSTAN PA MA YIN NO, ,GAL TE RGYU MTSAN TZAM ZHIG BSTAN PA YIN NA, GANG GI DNGOS POS ZHES BYA BA'I MDOS BDUN PA YIN PAR JI LTAR 'GYUR ZHE NA, DE YOD PAS ZHES BYA BA'O, ,GANG GI PHYIR RGYU MTSAN TZAM GYI DNGOS POS 'BRAS BU 'BYUNG PA'I DNGOS PO MTSAN PA YIN TE, 'BRAS BU NI RGYU MTSAN TZAM GYIS RAB TU SBYAR BA YIN NO ZHES MTSON PA'O, ,GAL TE DE LTA NA YANG 'BYUNG BAR 'GYUR BA RGYU NYID JI LTAR BRJOD SNYAM NA 'BYUNG BA'I YOD PAS KYANG ZHES GSUNGS SO, ,DPER NA CHAR PA DAG 'BYUNG BAR 'GYUR NA

GROG MA 'PHO BA BZHIN TE, GROG MA 'PHO BA NI CHAR 'BAB PAR 'GYUR BAS BYAS PA YIN NO ZHES BYA BA'I DON TO, ,DE NYID KYI PHYIR 'CHI LTAS NI ZHES GSUNGS SO, ,'BYUNG BAR 'GYUR BA'I 'CHI BAS PHUNG PO'I RTAGS 'CHI LTAS KYIS RNAM PAR 'GYUR BA MTSON PA YIN NO, ,'DI NYID STON PA NI GAL TE ZHES BYA BA'O, ,'DIS SKYES PA'I PHYIR 'DI SKYE'O ZHES BYA BA 'DI LA BRJOD PA NI SKYES PA'I PHYIR ZHES BYA BAS KYANG ZHES BYA BA'O, ,BYED PA PO NYID MED PA LA JI LTAR ZHES BYA BA 'DI NI 'O NA 'DAS PA YANG RGYUR MI 'GYUR TE ZHES BYA BA DE NYID KYIS RTOGS MOD KYIS YANG BRJOD PAR NI KHYAD PAR BRJOD PA'I DON DU YIN NO, ,DE BZHIN DU GZHAN DU YANG DE LTAR SRID PAR BLTA'O, ,KHYAD PAR NYID BRJOD PA NI CI LTAR MYU GU SKYE ZHES BYA BA'O, ,MYU GU LA SOGS PA LA BLO LA GNAS PAS BYED PA PO NYID DU KHAS LEN NA 'BYUNG BAR BA 'DI NI BLO LA GNAS PAS BYED PA NYID YIN PA DE BYA ROG GIS MA ZOS SO, ,GTING DU CHUNG PA'I SA BON RGYU YIN ZHES DE LTAR BRJOD NA'O, ,MA DMIGS PA CI LTAR RGYUR 'GYUR ZHES BYA BA NI, GAL TE SNGAR DMIGS RGYU'I RGYU MTSAN YIN NA DE'I RIGS SNGAR GANG DMIGS PA DE NYID RGYU YIN PAR 'GYUR GYI, DE'I RIGS YIN YANG DE LTAR MA DMIGS PA'I PHYIR GTING DU CHUD PA'I SA BON NI RGYU YIN PAR MI 'GYUR RO, ,YOD PAR NI RTOGS KYI SNGAR YOD PAR NI RTOGS PA MA YIN NO, ,YOD PA MTSON PA YIN GYI SNGAR YOD PA NI MA YIN NO, ,YOD PA MTSON PA YIN PA DE LTA NA YANG NGO, ,DON GANG YIN SNYAM NA, 'DI YOD NA ZHES BYA BA STE, YOD PA'I RGYU MTSAN GYI DNGOS PO GANG YIN PA DE NYID DON YIN NO, ,RGYU MTSAN GYI DNGOS PO DE YANG MI 'KHRUL BA'I YUL NYID YIN PA DANG MI 'BRAL LO ZHES BYA BA'I DON TO, ,HA KYANG THAL BA'I NYES PAR 'GYUR BA'I PHYIR YANG 'DI YANG MTSAN NYID MA YIN NO BRJOD PA NI, GANG ZHIG SNGAR DMIGS PA DE RGYU YIN NO ZHES KHONG NAS DBYUNG NGO ZHES BYA BA NI MTSAN NYID DE LA ZHES BYA BA'O, ,DE NYID CIS BYA BA MI 'KHRUL BA DE NYID DO, ,CI 'GAL ZHES BYA BA NI KHYOD KYI ZHEN PA LAS MA RTOGS PA DNGOS PO'I SKYON NI 'GA' YANG MED DE HA KYANG THAL BA

, ,LA SOGS PA MED PA'I PHYIR RO, ,'ON TE 'GAL BA MED PA KHO NA YIN NA, DE'I TSE SNGA MA DANG PHYI MA'I DNGOS PO ZHES BYA BA LA SOGS PA NI GO SLA'O, ,GZHAN GYI TE SA BA GZHAN GYIS BSAMS PA YANG 'DOGS PAR BYED PA NI SNGA MA NYID NI ZHES BYA BA'O, , 'BRAS BU DE DON DU GNYER BA RNAMS RGYU LEN PA YIN NO, ,RGYU 'DOD PA PHYI MA LAS 'BRAS BU LAS RJES SU DPOG PAR BRJOD PA'I RJES DPAG DE NI NUS PA LAS 'GYUR BA YIN GYI 'BRAS BU LAS NI MA YIN NO ZHE NA, 'BYUNG BAR 'GYUR BA'I 'JIG RTEN PHA ROL NI TSE PHYI MA PA'I 'DOD PA'I BU'I 'BRAS BU'O, , DA LTAR BA'I 'JIG RTEN NI 'JIG RTEN 'DI'I LAS BZANG PO'O, ,PHYED SNGA MA BSHAD NAS SUN 'BYIN PAR BYED PA NI DE YANG ZHES BYA BA'O, ,DPER NA SKYE BO GCIG NYID, 'GA' ZHIG LTOS NAS SKYED BAR BYED PA DANG, PHA YANG YIN PA DE BZHIN DU DNGOS PO GCIG NYID GZHAN MED NA MI 'BYUNG BAS 'BRAS BU YIN LA, DES MI 'KHRUL BAR BYAS PA YIN PAS NA RGYU YANG YIN NO, ,DES NA 'BYUNG BAR 'GYUR BA LA DA LTAR BA RGYU YIN PA'I PHYIR LEN PAR RIG PAR YIN NO, ,GZHAN YANG BRJOD PA NI RGYU NYID YIN NA ZHES BYA BA'O, ,LAN PA NI THOB PAR BYA BA'I PHYIR YIN NA DE'I 'BRAS BUS KYANG RGYU NGES PAR THOB PA YIN NO SNYAM DU DGONGS PA'O, ,PHYED PHYI MA RNAM PAR 'GREL PA NI GANG YANG ZHES BYA BA'O, ,DE YANG MA YIN TE ZHES BYA BA NI SUN 'BYIN PA'O, ,'BRAS BU NYID LA NI RJES SU DPAG PA BLA'I, RGYU YIN NA NI SPYAD PA GZHAN 'ONG BA YIN NO, ,DE'I PHYIR ZHES BYA BA NI MJUG SDUD PA'O, ,'DI LA SLOB DPON GYIS MA GSUNGS PA'I PHYIR NA, 'DI NI BSHAD PA BYED PA'I RANG DGA' NYID YIN NO, ,DON GZHAN LA NI MI LTOS PA'I PHYIR DE NI RANG BZHIN YIN PAR 'DOD, GTAN TSIGS KYANG RNAM PA GZHAN DU KHUNGS BTZUGS SO, ,DE NI 'GAL BA YANG YIN TE, CI SKAD DU, MED PA SNGAR NUS MED PHYIR DANG, ,ZHES BYA BA DANG, PHYIS 'BYUNG PHYIR NA RGYU NYID MIN, ,ZHES GSUNGS PA YIN NO ZER BA NI MA 'BREL TE, 'DI LTAR RE ZHIG MA GSUNGS PA TZAM NI NYES PA MA YIN TE, BSHAD PAR BYA BA DANG BSHAD PA GNYIS

YI GE GCIG NYID DU GANG DU YANG MA MTHONG NGO, ,DE'I TSE NI PO TI GZHAN TZAM DU 'GYUR BA'I PHYIR RO, ,'CHAD PAR BYED PA NI GDON MI ZA BAR CUNG ZHING BYE BRAG BSHAD DGOS SO, ,RNAM 'GREL LAS BSHAD PA'I KHYAD PAR THAMS CAD PHYOGS KYI GLANG PO'AM GSUNG RAB LAS DNGOS SU YOD PA NI MA YIN NO, ,DES NA GRUB PA'I MTHA' DANG BZHED PA DAG DANG 'GAL BA SPANG BAR BYA'O, ,DE LA GRUB MTHA' DANG NI 'GAL BA MA YIN TE, MNGON PAR 'DOD PA'I DON LNGA DANG MI MTHUN PA MED PA'I PHYIR RO, ,BZHED PA DANG 'GAL BA YANG MA YIN NO, ,'GA' ZHIG TU 'BYUNG BAR 'GYUR BA'I RGYU BRJOD NA SUN 'BYIN PA'I 'BAD PA MED PA'I PHYIR RO, ,GANG YANG, MED PA SNGAR NUS MED PHYIR DANG, ,ZHES BYA BA LA SOGS PA BRJOD PA DER NI RGYU DANG 'BRAS BU GNYIS LHAN CIG 'BYUNG BA DGAG PA LHUR BYED PA YIN TE CI SKAD DU DES NA DON RANG GI BLO LHAN CIG 'BYUNG MIN ZHES BSHAD PA YIN NO, ,RGYU RNAMS THAMS CAD SNGAR YOD YIN, ,ZHES BYA BA NI LHAN CIG MI 'BYUNG BA NYE BAR MTSON PAR BYED PA YIN NO, ,GAL TE THA DAD PA YIN NA KHYAB PAR BYA BA DANG KHYAB PAR BYED PA NYID RGYU DANG 'BRAS BU'I DNGOS PO YIN PA'I PHYIR RO, ,YANG GZUGS KYI 'BRAS BU YIN PA DES NA JI LTAR LHAN CIG RGYU YIN BAR 'GOG CE NA 'DI LTAR BSAMS PA YIN TE, YANG DAG PA'I KUN RDZOB LA BRTEN PA'I RGYU DANG 'BRAS BU'I DNGOS PO NI 'JIG RTEN GYI THA SNYAD LA LTOS PA YIN NA LHAN CIG 'BYUNG BA LA NI RVA G-YAS G-YON BZHIN DU 'JIG RTEN DE LTAR THA SNYAD BYED PA GANG YANG MED DO, ,'DI LA DGONGS NAS 'JIG RTEN GYI THA SNYAD DU ZHES LAN CIG MA YIN PAR GSUNGS SO, ,LHAN CIG BYAS PAR NGES PA NI RGYU'I CHOS RJES SU DPAG PA NYID LAS 'GRUB BO, ,DES NA LHAN CIG PA NI RGYU DANG 'BRAS BU'I DNGOS PO RNAM PAR GNAS PA YOD PA MA YIN NO, ,DES NA RNAM 'GREL GZHAN 'DI NI DE 'GOG BA YIN NO ZHES GNAS SO, ,BYE BRAG TU SMRA BA RNAMS KYIS LHAN CIG PA'I RGYU DANG 'BRAS BU'I DNGOS PO NI LUNG LA BRTEN NAS YIN GYI 'JIG RTEN PA NI MA YIN NO, ,PHYIS 'BYUNG PHYIR NA RGYU NYID MIN, ,ZHES BYA BA NI GANG YIN PA

, ,DER NI RGYU NYID DU NGES PA MA YIN NO ZHES BYA BA'I DON TO, ,SPYIR BTANG BAS GRUB PA'I TSUL DE NI, CI ZHIG YOD GYUR GANG MED PA, ,GANG GIS PHYI NAS MTSAMS SBYOR MED, ,CES BYA BA 'DIS DMIGS KYIS BSAL BA'I PHYIR NYES PA MED DO, ,'DIS NI 'DAS PA DUS GCIG PA RNAM RTOGS KYI, MA 'ONGS PA NI MA YIN TO, 'KHRUL PA'I PHYIR RO ZHES BYA BA YANG GZHUNG BTZUGS PA YIN NO, ,MA 'ONGS PA NYID KYIS NI RGYU MA YIN PA MA YIN TE 'ON KYANG 'KHRUL PA'I PHYIR RO, ,'DAS PA LA MI 'KHRUL NA NI RJES SU DPAG PAR MNGON PAR 'DOD PA KHO NA'O, ,DE NI RANG BZHIN YIN PAR BRJOD, ,CES BYA BA NI LOG PA'I KUN RDZOB LA LTOS NAS RUNG BA ZHES BYA BA'I RJES SU DPAG PAR BSHAD LA DE YANG 'DOD PA KHO NA'O, ,'BRAS BU LA RNAM PA GZHAN DU NI RJES SU DPAG PAR MA GSUNGS SO, ,YANG DAG PA'I KUN RDZOB LA LTOS NAS NI DE SUN DBYUNG BA YIN NO, ,DE LTAR GSUNG RAB KYI MTSAN NYID 'BRAS BU LAS THAMS CAD MKHYEN PA GRUB PA YIN NO ZHES STON PAR 'GYUR RO, ,'O NA RNAM PA 'DI YANG DE NYID DU CI STE MA BSTAN ZHEN, MANG PO'I MA YIN PA'I PHYIR DANG 'DI KHO NA DGOS PA'I PHYIR RO, ,PHYOGS 'DI NI MA GSUNGS PA NYID KYANG MA YIN NO, ,DON GYIS GSUNGS PA YANG GSUNGS PA'I PHYIR RO, ,'DI LTAR RGYU NUS PA THOGS PA MED PA CAN 'BRAS BU MED NA MI 'BYUNG BAR BSTAN BCOS MDZAD PA MI BZHED NA CI LTAR 'BRAS BU MI DMIGS PA TSAD MAR MDZAD, THA DAD GYUR PAR 'BREL PAR BRJOD PA NYID 'BRAS BUR BRJOD PA YIN NO, ,'O NA RGYU MI DMIGS PA NYID DU 'GYUR RO ZHE NA, DE KHO NAR DE NI DE KHO NA LTAR YIN NO, ,'ON KYANG BLO RTZING PO'I 'JIG RTEN GYI THA SNYAD LA LTOS NAS RGYU MI DMIGS PA'I RNAM PA NYID 'BRAS BU MI DMIGS PAR BRJOD PA YIN NO, ,GANG YANG 'BRAS BU DE NI RGYU KHYAB PA DANG MI LDOG PAS NA DE'I RANG BZHIN DANG KHYAD PAR MED PAS NA DE MI DMIGS PA NI RANG BZHIN MI DMIGS PA NYID DU BSHAD DO ZHES BYA BA 'DI LA, SLOB DPON CHOS MCHOG GIS BSHAD PA'I DE YANG MA 'BREL TE, 'DI LTAR GAL TE RGYU KHYAB PA DANG RGYU LAS THA DAD PAR MI 'GYUR

PAS ZHES BRJOD PAR 'DOD NA NI DE'I TSE RGYU KHYAB PAS ZHES BYA BA NYID BRJOD PAR BYA BA'I 'BRAS BU THAMS CAD RGYU MED PAR MI 'BYUNG BA MA YIN NO ZHES LDOG PA MED PAR BSTAN PA 'DIS CI BYA, 'ON TE LDOG PA MED PAS DE'I BDAG NYID BRJOD PA YIN NA, DE LTA NA 'BRAS BU THAMS CAD DE'I BDAG NYID DU THAL LO, ,'O NA TE DE MED PAR RGYU MI 'BYUNG BAR BRJOD PA DES NA DE'I RANG BZHIN YIN PA DE LTA NA NI RGYU DANG 'BRAS BU MED PAR MI 'BYUNG BA'I PHYIR DE YANG DE'I RANG BZHIN DU THAL LO, ,DES NA 'BRAS BU'I GTAN TSIGS KYANG RANG BZHIN GYI GTAN TSIGS SU THAL BAR 'GYUR RO, ,ME DU BA TZAM DANG RJES SU 'BREL BA'I PHYIR RO, ,'ON TE THA DAD PAS 'BRAS BU'I GTAN TSIGS SU BRJOD NA, DE LTA NA 'BRAS BU MI DMIGS PA NYID DU SMOS SHIG DES NA 'DI NI GYI NA'O, ,DES NA GZHAN DU BSHAD PAR BYA STE 'BRAS BU DE NI RGYUS KHYAB PA STE, KHYAB PAR BYED PA NYID DU DE LAS MI LDOG PA'I PHYIR TE, KHYAB PAR BYED PA DE LAS LDOG PAR BYED PA'I PHYIR TE BYA BA BYED KYI RANG BZHIN YIN PA'I PHYIR NA'O, ,DE'I RANG BZHIN DANG KHYAD PAR MED PAR ZHES 'DIR DE'I SGRA NI RGYU 'DZIN PA STE RGYU DANG KHYAD PAR MED PAR ZHES BYA BA'I DON TO, ,'DI LTA RGYU'I KHYAB BYED YIN PA'I PHYIR NA RGYU ZHES BRJOD PA YIN NO, ,DE BZHIN DU DE MED NA RGYU MI 'BYUNG BAS NA KHYAB BYED YIN PA'I PHYIR 'BRAS BU LA RGYU ZHES CI STE MI BRJOD, 'ON TE RGYU'I DUS NA 'BRAS BU MED PA'I PHYIR RGYU NYID MA YIN NO ZHE NA, 'O NA RGYU YANG 'BRAS BU'I DUS NA MED PA'I PHYIR RTZOD PA DE NYID YIN NO, ,'ON TE SNGAR YOD PA RGYU YIN TE DES NA 'BRAS BU NI RGYU NYID MA YIN NO SNYAM NA 'DIR RGYU NYID GANG YIN, 'BRAS BU'I DUS NA MED PA NI 'GAS KYANG RGYU NYID DU RTOGS PA MA YIN NO, ,'ON TE DE YOD PA MA YIN NA 'DI YANG MI 'BYUNG NGO ZHES DE LTAR DE DANG 'BREL PAR RTOGS PAS DE'I 'BRAS BU NYID DU RTOGS SO ZHE NA, DE LTA NA 'DI NI 'BRAS BU LA YANG MTSUNGS SO, ,GAL TE 'CHI BAR MI 'GYUR NA 'CHI LTAS 'DI YANG MI 'BYUNG NGO ZHES 'CHI BA DANG 'BREL PAR RTOGS PA MA YIN NO, ,THA SNYAD DE LTAR MA YIN NO ZHE NA, DON GYI THA SNYAD MED NA BRJOD PA TZAM NI MED KYANG MI SKYON NO, ,'ON TE 'GA' ZHIG TU KHYAD PAR

, ,MA MTSON PAS 'KHRUL PA'I PHYIR 'BRAS BU NI RGYU NYID DU BSNYAD PA MA YIN NO SNYAM NA, 'DI NI RGYUR MNGON PAR 'DOD PA'I KHYAD PAR LA YANG 'BRAS BU'I SPYI LA LTOS NAS RGYU MA YIN PAR 'DOD PA NYID DO, ,DE SKAD DU DE MED PAR YOD PHA NI DE LAS SLU BA'I PHYIR RO ZHES GSUNGS PA DANG, DES BSKYED PAR BYA BA'I KHYAD PAR BZUNG NA NI 'DOD PA'I PHYIR RO ZHES YANG DE'I RGYU NYID DU GSUNGS PA YIN NO, ,YANG NA MA GUS PA SPANGS PA'I DON DU 'BRAS BU LA RGYU NYID DU BRJOD PA MA YIN TE, DE LTA MA YIN NA GDON MI ZA BAR SKYES BU'I BU PHA'I PHAR GYUR PA'I PHYIR PHA LA BRNYAS PAR 'GYUR RO, ,DE MI DMIGS PA NI RANG BZHIN MI DMIGS PA NYID YIN NO ZHES CI LTAR BRJOD CE NA, 'DI LA BSHAD PA PHYOGS GCIG SBYAR BAS DE SKAD BRJOD PA YIN TE, DPER NA 'JIGS SDE LA 'JIGS PA ZHES BYA BA BZHIN NO, ,DE BZHIN DU DE'I RANG BZHIN MI DMIGS PA NI RANG BZHIN MI DMIGS PAR BRJOD PA YIN NO, ,DE'I ZHES BYA BA 'DIS RGYU BZUNG BA'I PHYIR RGYU'I RANG BZHIN GYI DE DMIGS PA YIN NO ZHES BYA BA'I DON TO, ,YANG 'DI LAS 'BYUNG BAS NA RANG BZHIN TE, RANG 'BYUNG BA NI RANG BZHIN TE RANG GI RGYU'O, ,DES NA DE MI DMIGS PA NI RANG GI RGYU MI DMIGS PA ZHES BYA BA'I DON TO, ,DE LTAR NA 'O NA DE MI DMIGS PA NI RGYU MI DMIGS PA NYID DO ZHES BRJOD PAR BYA'I, BDAG NYID KYI KHYAD PAR GYIS CI BYA ZHE NA, 'DI NI BDAG NYID KYI PHYOGS YIN GYI, GZHAN RNAMS NI DE LTAR 'DOD PA MA YIN PA'I PHYIR NYES PA MED DO, ,DES NA 'BRAS BU MI DMIGS PA NI RGYU MI DMIGS PA'I DBYE BA YIN NO ZHES BYA BA 'DI GNAS SO, ,GZHAN YANG DE LTAR MI 'DOD NA NI DE RGYU ZHES BYA BA'I RNAM 'GREL 'DI LDOG PAR BYED PA ZHES KHONG NAS DRANGS NAS KYANG GO BAR BYED PA MA YIN NO ZHES BYA BA GSAL BAR 'GYUR RO; ,CI LTAR BSHAD PA YANG DE MA THAG PA'I RNAM 'GREL GYI DON YIN PA'I PHYIR DON MED PAR YANG 'GYUR RO, ,GAL TE DE LTA NA YANG 'BYUNG BAR 'GYUR BA'I SEMS NGES PAR BYA BA NI DE'I 'BRAS BU DA LTA BA LAS DE'I RJES SU DPOG PA LA RJES SU DPAG PAS KYANG DE NGES PA'I PHYIR PHAN

TSUN BSTEN PA YIN NO, ,'ON TE, CI ZHIG YOD 'GYUR GANG MED PA, ,GANG GIS PHYI NAS MTSAMS SBYOR MED, ,CES BYA BA'I SHES PA PHYI MA 'GRUB NA, 'O NA RJES SU DPAG PAS CI BYA ZHE NA, DE NI MI RIGS TE, GANG GI PHYIR 'DI NI SPYIR NYON MONGS PA CAN GYI SEMS TZAM SEMS PHYI MA MED NA MI 'BYUNG BA NYID KYIS KHYAB PAR BSGRUB PA'I RNAM PA YIN NO, ,KHYAD PAR CAN GYI YUL LA NI RJES SU DPOG PA LA NI RJES SU DPOG PA YIN NO, ,'DI LTAR GANG DANG GANG THA MAL PA'I SEMS YIN PA DE DANG DE NI SEMS PHYI MA MED PAR MI 'BYUNG STE, DPER NA SNGAR GYI GNAS SKABS BZHIN NO, , LAM PO CHE'I SKYES BU 'CHI BA'I SEMS KYANG THA MAL PA'I SEMS YIN NO ZHES BYA BA NI 'BRAS BU'I GTAN TSIGS SO, ,GANG GIS PHAN TSUN BSTEN PA'I NYES PA'I NGES PAR 'GYUR BA 'DIR RJES SU DPAG PAS 'BYUNG BAR 'GYUR PA'I SEMS BSGRUBS PAS DE'I 'BRAS BU NYID DU NGES PA YANG MA YIN TE, CHAGS PA SNGAR RAB TU BSGRUBS PAS ZIN PA'I PHYIR RO, ,DE LTAR BKOD PA NA RANG BZHIN GYI GTAN TSIGS SU 'DOGS PAR YANG MI BYA STE, GANG DANG GANG DU DU BA YIN PA DE DANG DE NI ME LAS SKYES PA YIN TE ZHES BYA BA 'DIR YANG THAL BAR 'GYUR BA'I PHYIR RO, ,DE LTAR KHAS LEN NA YANG 'BRAS BU'I GTAN TSIG SA MED PAR 'GYUR PA'I PHYIR RO, ,DE LTAR YANG DPYOD PAR 'GYUR RO, ,DE'I PHYIR RGYU'I SPYI'I MTSAN NYID GSUNG RAB KYI KHUNGS DRANGS TE BRJOD PA 'DI NI MA 'ONGS PA YANG RGYU NYID DU GZHUNG GZUGS PA GTZOR BYED PA YIN NO, ,DE NYID KYI PHYIR MJUG SDUD PA NI DE'I PHYIR MI 'KHRUL BAS NA ZHES BYA BA'O, ,DE LA BSHAD PA SNGA MA LA LTOS NAS 'CHAD PAR 'GYUR BA NI RNAM 'GREL DU BSHAD ZIN PA'I DON YAL BAR DOR NAS DON GYI SGO NAS 'GYUR BA YIN ZHES BYA BA'I RNAM 'GREL GYI TSAD DANG SBYOR BAR BYED PAS RNAM PA CI ZHIG LTAR DON DANG BCAS PA NYID STON PAR BYED PA NI LUS LAS NI ZHES BYA BA LA SOGS PA'O, ,RE ZHIG CES BYA BA RTEN GYI SGO NAS PHAN 'DOGS PA TZAM GYIS SO, ,DPE 'GREL PAR BYED PA NI ME LA SOGS PAS ZHES BYA BA LA SOGS PA'O, ,BUM PA LA SOGS PA'I DMAR PO NYID LA SOGS PA'O, ,'DIS NI

, ,GRUB PA LA YON TAN GZHAN SGRUB PAS PHAN 'DOGS PA'I KHYAD PAR BRJOD PA YIN NO, ,DPE GZHAN BRJOD PA NI GSER LA SOGS PA'I ZHES BYA BA'O, ,'DIS NI JI SKAD BSHAD PA'I RES 'GA'I PHAN 'DOGS PAR BYED PA LAS BZLOG PAS RTAG TU RJES SU 'JUG PA'I PHYIR; GANG MED PAR RGYUN GNAS PA MI 'BYUNG BA DE NYID LOG NAS 'BRAS BU LDOG PA YIN TE, DPER NA MAR ME DANG ME LA SOGS PA LOG NA 'OD DANG DU BA LA SOGS BA BZHIN NO, ,RES 'GA' BA'I PHAN 'DOGS PAR BYED PA LOG PAS NI LDOG PA MA YIN NO ZHES GSAL BAR BRJOD DO, , LUS NI BYED PA PO NYID DU YANG NGES PAR MI NUS NA RGYUN GNAS PAR BYED PA NYID DU LTA CI SMOS SNYAM DU DGONGS PA YIN NO, ,DES NA 'CHI BA'I DUS SU DE LOG KYANG LDOG PA MA YIN NO, ,'O NA CI LTAR LDOG CE NA, GANG ZHIG CES GSUNGS TE, RGOL BA GANG GIS LTAR NA'O, ,DE MTSANG BA LAS ZHES BYA BA NI SEMS MTSANG BA LAS SO, ,LUS 'GA' ZHIG RGYU YIN PA LA 'GAL BAR BRJOD PA NI RIG PAR RANG NGAM GZHAN GYIS SAM ZHES BYA BA LA SOGS PAS SO, ,DE LTA NA 'O NA LDOG PA NYID MED DE, LOG PA'I LUS NI ZLOG BYED MA YIN LA RGYUR 'DOD PA'I SEMS NI YOD PA NYID KYI PHYIR RO ZHE NA, GAL TE RNAM PA THAMS CAD DU CHAD PA LOG PA YIN NA NI DE'I TSE LDOG PAR BYED PA KHO NA'O, ,DES NA MI MTHUN PA 'GA' ZHIG LAS LUS DE LAS LDOG PA GZHAN DU 'PHRO BA'I RGYU YOD PA YIN TE, THA NA GNAD DU NA BA LA SOGS PAS LUS DE LA BTANG SNYOMS 'JUG PA'I PHYIR RO, ,DE LTAR PHAN 'DOGS PAR BYED PA'I PHYOGS LA NYES PA BRJOD NAS YUL 'GA' ZHIG NYE BAR LEN PA YIN PA LA YANG NYES PA BRJOD PA'I PHYIR GZHAN YANG BRJOD PA NI ZHES GSUNGS SO, ,'ON TE YANG SEMS NI DBUGS PHYUNG BA DANG RNGUB PA DAG GI YANG 'BRAS BU YIN TE, DES NA 'CHI BA'I GNAS SKABS DE NYID MED PA'I PHYIR LDOG PA MED PAR THAL PA MA YIN NO ZHE NA, SEMS DE NYID LAS 'BYUNG RNGUB YIN GYI, SEMS DE NYID NI 'BYUNG RNGUB DAG LAS MA YIN NO ZHES BZLAS TE SBYAR RO, ,DES NA RJOD BYED PA'I THAL BAM SPANGS PA NYID DU DGONGS PA'O, ,'BYUNG BA RNGUB PA DAG

SEMS KYI 'BRAS BU'O ZHES CI LTAR NGES SNYAM NA, SEMS DE YOD NA YOD PA'I PHYIR RO, ,BZLOG PAR NI MA YIN NO ZHES BYA BA'I DON TO, ,'DI NYID GA LAS SHE NA, DBANG 'GYUR PHYIR ZHES GSUNGS SO, ,BSHAD PA NI THAL BAR ZHES BYA BA LA SOGS PA'O, ,'O NA GANG GI TSE LDOG PA MED PAR THAL SNYAM NA, LUS DE LTA BU NYID DU ZHES BYA BA NI RNAM PAR SHES PA BSKYED PAR MNGON 'DOD PA SNGAR GYIS RANG BZHIN RNAM PAR MTSUNGS PA'I RNAM PA CAN DE LTA BUR GYUR PA NYID GNAS PA NA'O, ,LDOG PA'AM ZHES BYA BA NI 'CHI BA'I GNAS SKABS SU SEMS LDOG PAR MI 'GYUR RO ZHES BYA BA'I DON TO; ,LUS GZHAN DU 'GYUR BA GNAS PA NA YANG LOG PAR MI 'THAD DO ZHES SBYAR RO, ,GNYI GA LTAR YANG LDOG PAR MI 'THAD DO ZHES BYA BA 'DI GA LAS SHE NA, GNAS SKABS MTHA' DAG TU RJES SU 'GRO BA'I PHYIR TE, NYAMS PA DANG 'PHEL BA LA SOGS PA'I GNAS SKABS DU MAR SEMS RJES SU 'GRO BAR NI SNGAR DMIGS PA YIN NO, ,DES NA GNAS SKABS KYI KHYAD PAR LA LTOS PA MA YIN NA, DE BAS NA GNYI GA LTAR YANG LDOG PAR MI 'THAD DO, ,'CHI BA'I GNAS SKABS NA, GNAD DU GZER BA LA SOGS PA'I GDUNG BA'I KHYAD PAR LAS SEMS LDOG PA KHO NA'O SNYAM NA, GDUNG PA'I SDUG BSNGAL NI SEMS KYI CHOS YIN PA'I PHYIR LUS LA CI ZHIG BYUNG, LUS KYANG DES RNAM PAR 'GYUR RO ZHE NA, DE LTA NA NI LUS KYIS RTEN DE YIN GYI DE'I RTEN NI LUS MA YIN TE, ,PHAN 'DOGS PA DANG GNOD PA BYED PAR MI NUS PA'I PHYIR RO, ,SHES PAS MI MTHUN LUS RGYU MIN, ,ZHES BYA BA YANG RNAM PAR SPYOD PAR 'GYUR RO, ,DE'I PHYIR LUS SEMS KYI RGYU YIN NA, DE DANG DE 'DRA BA SHI PA LAS KYANG 'BYUNG BAR THAL BA KHO NA'O, ,DE NYID KYI PHYIR LUS NI 'BYUNG BA DANG RNGUB PA DAG GI YANG RGYU MA YIN GYI, 'ON KYANG SEMS NYID YIN TE SEMS MED NA DE DAG MI 'BYUNG BA'I PHYIR RO ZHES BRJOD PA NI SEMS YOD NA DE DAG YOD PA'I PHYIR TE ZHES BYA'O, ,BZLOG PA 'BYUNG BA DANG RNGUB PA DAG LAS NI SEMS MA YIN NO, ,SEMS DE'I DBANG NYID DU MI 'GYUR RO, ,'ON TE DE DAG SEMS LA RAG LAS PA NYID MA YIN NO SNYAM NA DE DAG NI ZHES GSUNGS SO, ,RLUNG 'BYIN PA DANG 'DREN PA NI,

, ,'BA' RTZOL MED PAR GANG LAS YIN, ,ZHES 'CHAD PAR 'GYUR RO, ,RNAM PA GZHAN GYI SGO NAS KYANG SEMS KYI DBANG DU GYUR PAR STON PA NI, GAL TE GZHAN LAS ZHES BYA BA'O, ,'O NA SEMS DE DAG CI YIN PAR 'OS SHE NA, SEMS NI ZHES GSUNGS SO, ,DE DAG LAS ZHES BYA BA NI DE DAG NYID LAS ZHES NGES PA MA YIN NO, ,PHAN TSUN PHAN 'DOGS PAR BYED PA YIN NA NI SNGAR YANG DE KHO NA LTAR YIN PA'I PHYIR THOG MA MED PA NYID DO, ,GZHAN LAS SKYES KYANG ZHES KYANG GI SGRA NI SRID PA LA'O, ,GRUB PA'I MTHA'I DGONGS PA NI 'DI SRID PA NI TSANG MAR SPANGS PA YIN NO ZHES BYA BA YIN NO, ,GAL TE DE DAG SEMS KYI 'BRAS BU MA YIN TE, GNYID KYI GNAS SKABS NA SEMS MED KYANG 'BYUNG BA'I PHYIR RO SNYAM DU DOGS BA BSU BA NI, 'ON TE ZHES BYA BA'O, ,GRUB PA'I MTHA' NI GNYID KYI GNAS SKABS NA SEMS MED PAR KHAS BLANGS KYANG, DE'I DUS SU 'BYUNG BA DANG RNGUB PA DAG SEMS KYI 'BRAS BU NYID NYES PA MED DO ZHES BYA BA'I DON TO, ,SNGAR GYI SEMS LAS ZHES BYA BA NI SAD PA'I GNAS SKABS KYI SEMS LAS SO, ,GZHAN DU GYUR PA LAS ZHES BYA BA NI DRAG TU 'BYUNG BA GOMS PA LAS NI GZHAN NYID DU 'GYUR TE DRAG TU 'BYUNG BAR 'GYUR RO; ,RGYU MA YIN PA NYID CES BYA BA NI DON GYIS TE, DNGOS SU NI RLUNG 'BYIN PA DANG ZHES BYA BA LA SOGS PAS SEMS LA RAG LAS PA NYID STON PAR BYED DO, ,SEMS KYI KHYAD PAR 'BAD RTZOL MED PAR RO, ,GZHAN YANG GAL TE 'BYUNG RNGUB KYI 'BRAS BU YIN NA, 'BYUNG BA DANG RNGUB PA DE DAG 'PHEL BA DANG 'GRIB PA LAS SEMS KYANG 'PHEL BA DANG 'GRIB PAR 'GYUR RO, ,DE LTAR YANG MA YIN TE ZHES BYA BA NI 'BAD RTZOL MED PAR DE GNYIS 'BYUNG BA MA YIN NO, ,GAL TE 'BAD RTZOL MED PAR 'BYIN PA DANG 'DREN PA MI 'BYUNG BAS DE DAG RGYU'I 'BRAS BU NYID YIN MOD, 'BYUNG BA DANG RNGUB PA DAG GO, ,CI LTAR ZHE NA, DE DAG NI ZHES GSUNGS SO, ,'BYUNG BA DANG RNGUB PA DAG GO, ,'ON TE ZHES BYA BA NI DE DAG GI CHOS KYI RANG BZHIN 'BYIN PA DANG 'DREN PA NYID YIN NO, ,'O NA DE DAG GI RANG BZHIN GANG LAS SKYES SNYAM NA, RANG GI NGO BO NI RGYU GZHAN LAS ZHES SMRAS

SO; ,SEMS DE LAS NI'O, ,SUN 'BYIN PA'I BSAM PA NI 'DI YIN TE, RANG GI NGO BO NI RGYU GZHAN LAS YIN NO ZHES GANG SMAS PA DE LA GZHAN GNAS PA'I RLUNG NGAM LUS YIN PAR BRTAG ,DANG PO'I DBANG DU BYAS NAS BSHAD PA NI GAL TE ZHES BYA BA'O, ,GNAS PA DE NI'O, ,DE LAS 'BYUNG BA DANG RNGUB PA DAG 'BYUNG BAR 'GYUR LA, DE LAS SEMS DE LAS KYANG 'BYIN PA DANG 'DREN PAR 'GYUR ZHING YANG DE BZHIN DU 'GYUR BA'I PHYIR ZHI BA LAS SEMS LDOG PAR MI 'GYUR TE, GNAS PA'I RLUNG GTAN DU THAMS CAD LA YOD PAR GRUB PA'I PHYIR RO, ,GNAS PA'I RLUNG RGYU YIN NO ZHES DE SKAD DU SMRA SNYAM NA GAL TE ZHES GSUNGS TE, PHYOGS GNYIS PA ZHES BYA BA'I DON TO, ,DE'I TSE YANG SKABS KYI NYES PA NYID YOD DO ZHES STON PA NI GAL TE GNAS PA'I RLUNG ZHES BYA BA'O, ,DE'I TSE LDOG PA MED PA NYID DU ZHES BYA BA STE, LUS LAS 'BYUNG RNGUB DE LAS SEMS DE LAS 'BYIN PA DANG 'DREN PA YIN PA'I PHYIR LUS 'DI NYID RTZA BA'I RGYU YIN NO, ,DES NA LDOG PA MED PAR THAL BA SO NA 'DUG GO, ,'ON TE ZHES BYA BA NI PHYED SNGA MA BSHAD PA'O, ,RGYU YIN NA ZHES BYA BA NI BRGYUD PA STE GNAS PA'I RLUNG NYID LA BRJOD DO, ,'BYUNG BA DANG RNGUB PA DE MED PAS NA SEMS LDOG PAR 'DOD PA GANG YIN PA DE MI THOB STE, 'BYUNG BA DANG RNGUB PA NYID MI LDOG PA'I PHYIR RO, ,DE LTAR RNAM 'GREL GYI PHYED SNGA MA BSHAD NAS, PHYED PHYI MA 'CHAD PA NI 'BYUNG BA DANG RNGUB PA ZHES BYA BA'O, ,'BYUNG BA DANG RNGUB PA 'PHEL BA DANG 'GRIB PA DAG LAS RNAM PAR SHES PA 'PHEL BA DANG 'GRIB PAR NI MTHA' MED DO, ,DES NA DE DAG NI SEMS KYI GTZO BO'I RGYU MA YIN NO, ,'BYUNG BA DANG RNGUB PA DAG SEMS KYI RGYUR KHAS BLANGS KYANG BRJOD PA'I THAL BA MI LDOG GO ZHES BRJOD PA NI DE DAG LA YANG ZHES BYA BA STE, 'BYUNG BA DANG RNGUB PA DAG LA YANG THAL BA MTSUNGS SO, ,DE'I RGYU MTSANG BA MED PA'I LUS GNAS PA'I PHYIR NA SEMS LDOG PA MED PA KHO NA'O ZHES DGONGS PA'O, ,'DI NYID NI GTZOR 'CHAD PA NI 'BYUNG BA DANG RNGUB PA DAG CES BYA BA'O, ,'DI SNYAM DU ZHES BYA BA LA SOGS PAS NI TSIG RKANG LHAG MA GSUM RNAM PAR

, ,'GREL BA'O, ,CI LTAR LUS YOD NA 'BYUNG BA LA SOGS PA MI LDOG PAS NA SEMS YOD PAR THAL BA DE LTAR SBYOR BAR BYED PA NI SEMS NI GNAS PA NYID NA ZHES BYA BA'O, ,THAL BAR 'GYUR BA SKYE 'DOD PA'I SEMS LA LTOS NAS SNGA MA 'CHI KHA MA'I SEMS THA MA YANG DE'I SNGA MA 'DOD NA LDOG PA MA YIN NO, ,THA MA DANG NYE BA NI LUS KYI GNAS SO, ,THA MA NA 'BYUNG RNGUB KYI GNAS YIN NO, ,LUS DE LA SRID PA DANG LHAN CIG 'JUG PA'I LAS DE DE'I MING CAN NO, ,'DIS NI SRID PA DANG LAS BSTAN TO, ,RMONGS PA YANG NYE BAR MTSON PA BYA PA YIN NO, ,MA RIG PA LA SOGS PA'I RANG BZHIN DE NYID NI 'DU BYED CES BYA BA BAG CHAGS KYI SA BON YIN NO, ,'DU BYED DE SKYE BAR 'DOD PA LA SNGA MA'I SEMS LAS SAD PAR BYAS PA GANG YIN BA DER GYUR PA NA SNGA MA CI LTA BA BZHIN DU LUS DE LAS SEMS SKYED PAR BYED PA'AM, GZHAN DU STE SKYE BA GZHAN DU SKYED PAR BYED PA YIN NO, ,RNAM PAR DBYE BA 'DI GA LAS SHE NA, BAG CHAGS KYI ZHES BYA BA LA SOGS PA GSUNGS SO, ,GANG ZHIG SAD PA NA LUS DE NYID LA BDE BA DANG SDUG BSNGAL LA SOGS PA NYE BAR SPYOD PAR 'GYUR BA'I BAG CHAGS 'GA' ZHIG YOD PA YIN LA, GANG ZHIG SAD PA'I LUS GZHAN LA BDE BA DANG SDUG BSNGAL LA SOGS PA NYE BAR SPYOD PAR 'GYUR BA'I BAG CHAGS 'GA' ZHIG KYANG YOD PA YIN NO, ,DE LA DANG PO NI PHAN 'DOGS PA'I KHYAD PAR RNAMS KYIS, LUS DE LA SKYE 'DOD PA GZHAN DANG GZHAN LA LTOS NAS SNGA MA SNGA MA'I SEMS LA SAD PAR BYED LA, GNYIS PA NI GNAD DU NA BA LA SOGS PAS, SKYE BAR 'DOD PA'I SEMS LA LTOS NAS SNGA MAR GYUR PA THA MA'I SEMS LAS SAD PAR BYED DO, ,DE BZHIN DU BAG CHAGS KYI SA BON JI SKAD BSHAD PA NI, SNA TSOGS BAR BLTA BAR BYA'O, ,BAG CHAGS THOG MA MED PA NYID NI BSNYON PAR MI 'OS TE, MTHONG BA'I PHYIR RO ZHES BRJOD PA NI, DPER NA ZHES BYA BA'O, ,'DIS NI SHES PA SNA TSOGS PAR DNGOS SU BSHAD PA YIN NO, ,BAG CHAGS SNA TSOGS BA NI SHUGS KYIS SO, ,DE BZHIN DU BAG CHAGS

SAD PAR BYED PA'I RKYEN YANG RJES SU DPAG PAR BYA'O, ,SEMS SNA TSOGS PA DE DON SNA TSOGS PAS BYAS PA NI MA YIN TE, DON GYIS STONG BA'I PHYIR RO, ,GZHAN DU SNANG BA'I PHYOGS LA YANG BAG CHAGS SU SMRA BA NI SBANG BAR DKA'O, ,'DI LTAR DON MI NYE BA'I PHYIR NA MI SNANG BA NYID DAM, PHYIN CI MA LOG PAR SHES PA NYID DU CI STE MI 'GYUR ZHES SPYAD PA NA, RNAM PA DE LTA BU'I SHES PA'I RGYUD 'DUS BYAS PA'I KHYAD PAR SHES PA LAS SKYES PA'I BDAG GI YON TAN KHAS BLANG BAR BYA BA'AM, BDAG MED NA NI DE MA THAG PA'I RKYEN GYIS NUS PA'I KHYAD PAR YIN PA'I PHYIR, BAG CHAGS NUS PA NYID YIN NAM, 'DUS BYAS PA YIN YANG RUNG STE, KHYAD PAR 'GA' YANG MED DO, ,DE'I PHYIR MJUG SDUD BA NI BAG CHAGS SAD BA'I RKYEN DE SNA TSOGS PA'I PHYIR NA, BAG CHAGS SAD PA SNA TSOGS PA YIN LA, DE'I PHYIR SHI BA'I LUS LA SEMS LDOG PA YIN NO; ,GAL TE LUS TZAM RGYU YIN YANG SEMS LDOG PAR 'GYUR RO ZHE NA, LUS TZAM RGYU YIN PA LA YANG MA YIN TE ZHES GSUNGS TE, RIGS PA ZHES BYA BA LHAG MA'O, ,LDOG PA ZHES BYA BA YANG RJES SU 'JUG GO, ,GZHAN GYIS LAN PHRAN TSOGS NI, DE LTA BU NYID DU MTHONG BA'I PHYIR RO ZHES BYA BA'O, ,SPONG BA NI 'DI GA LAS ZHES BYA BA'O, ,RGYU NYID DU TSAD MA LAS MA GRUB PA DANG, ,GNOD PA'I PHYIR RO SNYAM DU DGONGS PA'O, ,RANG GI 'DOD PAS SDUD PA NI, SEMS KYI BAG CHAGS SNA TSOGS PA NI, MTHONG BA STE TSAD MAS NGES PA YIN NO, ,CI LTAR ZHE NA, DE LTA MIN NA RMI LAM DU SHES PA SNA TSOGS PA MI 'THAD PA'I PHYIR RO, ,YANG NA GAL TE SEMS RGYU YIN PA BZHIN DU LUS TZAM RGYU YIN PA YANG MTHONG BA NYID DO, ,DES NA DE LOG PAS KYANG LDOG PAR 'GYUR RO SNYAM DU DOGS NA, LUS TZAM ZHES GSUNGS SO, ,SEMS TZAM RGYU YIN PA LTAR LUS TZAM NA SEMS KYI RGYU YIN PAR MA MTHONG NGO ZHES BYA BA'I DON TO, , GZHAN GYIS 'DI GA LAS SHES BRAS TA, LUS TZAM RGYUR MA GRUB PA CI'I PHYIR ZHES BYA BA'I DON TO, ,LAN NI SNA TSOGS PA'I SEMS NI LUS TZAM GYI RGYU TZAM DU MI 'THAD PA'I PHYIR RO, ,SNA TSOGS PA'I RGYUR GYUR BA'I

, ,BAG CHAGS MTHONG BA STE NGES PA NA SHES PA THAMS CAD BAG CHAGS SAD PA'I RGYU CAN YIN NO, ,GANG GIS DE LA GZHAN YANG DE LTAR 'GYUR BA, GZHAN DU MI 'THAD PA'I SHES PA'I PHYIR NA, BAG CHAGS KYI SNA TSOGS PA MED PAR MI 'BYUNG BAR NGES PA'I SHES PA DE GANG YIN SNYAM NA, RMI LAM SHES PA ZHES GSUNGS SO, ,DPER NA RMI LAM GYIS SHES PA SNA TSOGS PA LUS KYI RGYU CAN DU MI 'THAD PA'I PHYIR NA, BAG CHAGS SNA TSOGS PA RGYU YIN PAR NGES PA BZHIN NO, ,NGES PA DE'I PHYIR NA, SNA TSOGS PA'I SHES PA GZHAN PA GZHAN GYI RGYU YANG BAG CHAGS SNA TSOGS PA NYID YIN GYI, LUS TZAM LA SOGS PA NI MA YIN PAR NGES PA YIN NO, ,DE LA RE ZHIG DPE NYID RNAM PAR 'GREL BA NI, GAL TE LUS DANG ZHES BYA BA'O, ,DE'I TSE ZHES KHONG NAS PHYUNG STE THAMS CAD SBYAR RO, ,SHES PA SNA TSOGS BA LUS LA SOGS PA'I RGYU CAN DU ME 'THAD PA NA BAG CHAGS PA NYID GSAL BAR BYED NUS PA YIN NO ZHES BSTAN PA NI, 'GA' ZHIG GIS ZHES BYA BA'O, ,DPE BSHAD NAS LHAG MA MJUG SDUD PAS RNAM PAR 'GREL PA NI, DE'I PHYIR SEMS THAMS CAD CES BYA BA'O, ,BAG CHAGS SAD PAS BYAS TE, NGES PAR GNAS PA YIN GYI ZHES BYA BA NI, PA NA TSUN SPANGS NAS GNAS TE, GCIG GI RMI LAM GYI SHES PA CI LTA BA DE LTAR GZHAN NI MA YIN NO, ,'ON TE ZHES BYA BA NI RMI LAM NA SNANG BA'I SHES PA RNAMS NI BAG CHAGS TZAM LAS SKYES PA'I PHYIR MI BDEN PA NYID DO SNYAM DU BSAMS BA'O, ,GRUB PA'I MTHAR NI BAG CHAGS KYIS BSKYED PA YIN YANG MI BDEN PA NI MA YIN NO ZHES BSTAN NAS, MI BDEN PAR BSGRUB PA LA BAG CHAGS LAS SKYES PA NYID MA NGES PAR BRJOD BA NI, DE YANG MI BDEN TE ZHES BYA BA'O, ,RANG DON NI BDE BA DANG YID DGA' BA LA SOGS PA'O, ,DE LTA YIN MOD, DE LTA NA YANG CI LTAR BDEN PA NYID YIN ZHE NA, YOD NYID DON BYED PA LAS ZHES GSUNGS SO, ,'CHAD PA NI DON BYED PA LAS KYI ZHES BYA BA LA SOGS PA'O, ,BTZO BA DANG BSREG PA LA SOGS PA MNGON PAR 'DOD PA'I DON BYA BA GANG YIN PA

DE BYED PA LA 'DEBS PAR TE, GZE BAR 'JUG PA GANG DAG YIN PA DE DAG LA DE SKAD CES BRJOD DO, ,MI BDEN PA NYID YIN TE DES BDEN PA'I BDAG NYID 'DOR BA GANG YIN PA DE DAG NI DE SKAD CES BYA BA'O, ,CI STE ZHES BYA BA NI GZHAN GYI'O, ,LAN NI SKYE BA LA SOGS BA'O, ,DE LTAR ZHES BYA BA BDEN PA'I LUS DANG 'BREL PAR RO, ,MTSUNGS PA NYID BRJOD PA NI, DE DAG KYANG ZHES BYA BA STE, THA SNYAD DAG KYANG NGO, ,DER ZHES BYA BA MNGON PAR 'DOD PA 'CHI BA DANG SKYE BAR 'GYUR RO, ,BDEN PA'I LUS PHAN TSUN KHYAD PAR DANG LDAN PA'I PHYIR GZHAN DU GYUR PA GANG YIN PA DE DAG LEN PA DANG, LEN PA THA SNYAD GANG LA YONG PA DE RNAMS NI DE SKAD CES BYA BA'O, ,DE LA 'CHI PA'I SEMS NI BDEN PA'I LUS DANG 'BREL PAR MTHONG BA KHO NA'O, ,SKYE BA'I SEMS LA BRJOD PA NI, 'DI LTAR ZHES BYA BA'O, ,'JUG PA'I THA SNYAD 'DOGS BA'AM MNGAL NAS BYUNG BA'O, ,BAG CHAGS KYI ZHES BYA BA NI RTZOD PA'O, ,DMIGS PA MED PAR ZHES BYA BA NI, GANG GI PHYIR MI DMIGS SO ZHES BYA BA'O DON TO, ,RGAN PO LA SOGS PA ZHES BYA BA NI LAN TO, ,GAL TE ZHES BYA BA LA SOGS PA NI GZHAN GYI'O, ,RGAN PO LA SOGS PA'I LUS LA SU 'PHO BA CI 'DRA BA DE 'DRA BA NI'O, ,LAN NI DE LTA NA YANG ZHES BYA BA STE, GAL TE YANG BYIS PA LA SOGS PA'I GNAS SKABS SU KHU KHRAG GCIG LAS BYUNG BA NYID YOD PA DE LTA NA YANG NGO, ,LDOG PA STE MED PAR 'GYUR BA MA YIN NO, ,'GA' ZHIG CE NA LUS GZHAN NYID DE, ,RE ZHIG THA DAD PA NYID NI BZLOG PAR DKA'O, ,CI'I PHYIR ZHE NA, MTSAN NYID MI MTHUN PA GNYIS NI ZHES GSUNGS SO, ,BYIS PA'I 'OG ROL BAG MA BLANGS KYI BAR NI GZHON DU STE, DE NYID KYI LUS KYANG MTSAN NYID MI MTHUN PAR GSAL BA'I PHYIR NA THAD DAD PA KHO NA'O, ,THA DAD PAR 'PHO BA YANG MTHONG BA'I PHYIR NA, KHU KHRAG GZHAN GYIS BSKYED PA LA YANG 'GAL BA CI YOD SNYAM DU BSAMS BA'O, ,'ON TE ZHES BYA BA NI GZHAN GYI'O, ,RIGS MI 'DRA BA NI SHIN TU RIGS MI MTSUNGS BA LA 'DOD DO, ,LAN NI RMI LAM GYI ZHES BYA BA'O, ,SHIN TU RIGS MI 'DRA BA'I LUS

, ,GZHAN DU 'PHO BA MA MTHONG BA DE YANG NGO, ,RGAS PA PA NI DE NI ZHES BYA BA STE, RMI LAM GYI LUS DE'O, ,LAN NI MA YIN TE ZHES BYA BA'O, ,MTHONG BA NI ZHES BYA BA MNGON SUM DU SNANG BA STE, MNGON SUM GYI RANG BZHIN ZHES BYA BA'I DON TO, ,GANG LAS MI BDEN PAR 'GYUR BA DE LA GNOD PA YANG CI ZHIG YOD, MNGON SUM LA GNOD PA 'JUG NA NI GZHAN LA YANG YID BRTAN DU CI YOD, ZLA BA GNYIS SU SNANG BA NI, ZLA BA'I RNAM PA CAN GYI BLO NYID SNANG BA YIN LA, DE LA GNOD PA NI YOD PA MA YIN NO, ,GNOD PA NI BRTAGS PA'I PHYI ROL GYI ZLA BA GNYIS NYID LA 'JUG PA YIN NO, ,DE NI SNANG BA MA YIN NO ZHES SPYOD PAR 'GYUR RO, ,LHAG PA BRJOD PA'I DON DU LAN 'DI LA NGES PA MA SKYES PAS RTZOD PA BRJOD BA NI, CI LTAR ZHES BYA BA'O, ,RMI LAM GYI LUS DE'O, ,DER NI RMI LAM GYI LUS SU'O, ,LHAG PA NYID BRJOD PA'I DON DRI BA NI, CI ZHIG CES BYA BA'I DON 'DI YIN TE, MI BDEN PA ZHES BYA BA 'DI CI YIN, GNOD PA NYID DAM, YUN RING DU MI GNAS PA NYID DAM, THUN MONG MA YIN PAR DMIGS PA YIN ZHES BYA BA'O, ,DE LA DANG PO GSAL PA'I DON DU DOGS PA BSU BA NI SAD PA'I ZHES BYA BA'O, ,GANG GI TSE ZHES BYA BA GNYID LOG PA'I GNAS SKABS NA'O, ,GZHAN GYI TSE ZHES BYA BA NI SAD PA'I GNAS SKABS SU'O, ,DE NYID KYI TSE ZHES BYA BA GNYID LOG PA'I GNAS SKABS NA'O, ,GNYID LOG PA'I DES KYANG NGO, ,CI STE ZHES BYA BA NI GZHIN GYI'O, ,RMI LAM GYI SHES PA SAD NAM DMIGS SO ZHES RTOGS PAR BYAS SO, ,SAD PA DANG MA SAD PA DAG CES BYA BA NI LAN NO, ,GZHAN DAG THA DAD PA'I RGYU MTSAN BRJOD PA NI, NGA ZHES BYA BA'O, ,GRUB PA'I MTHA' 'DI MA NGES SO ZHES BRJOD PA NI BZHES BYA BA'O, ,NGA SAD DO SNYAM PA'I SHES PA DE LAS SO, ,DE'I PHYIR ZHES BYA BA NI MJUG BSDU BA'O, ,SAD PA DANG RMI LAM GYI SHES PA NYID DMIGS PAR MTSUNGS PA LA'O, ,RI BONG GI RVA BZHIN MED BA'AM ZLA BA LTAR MI BDEN PA'O, ,ZLA BA GNYIS MI BDEN PA MI SNANG YANG GNOD PA'I PHYIR RO ZHES BYA BA LUGS NGAN GYI GZHUNG LA

LTOS NAS BRJOD PA YIN NO, ,DNGOS PO LA NI DNGOS PO DANG DNGOS PO MED PA LAS PHUNG PO GSUM PA MED DO ZHES BYIS PA YANG CHAD LA GRAGS PA YIN NO, ,DES NA GAL TE GSAL BA NYID KYIS MED PA LA LTOS NAS NI, DE'I TSE DNGOS PO NYID YIN PAR PHUNG PO GSUM GA LA YOD, GSAL BZHIN PA LA NI GNOD PA YANG YOD PA MA YIN NO ZHES BRJOD ZIN TO, ,RNAM PAR RTOG PA LHAG MA GNYIS KYI DOGS PA BSU BA NI, 'ON TE ZHES BYA BA STE DANG ZHES BYA BA NI SDUD PA'O, ,DE'I DON MI 'DI YIN TE, BAG CHAGS STOBS CHUNG BAS BYAS PA SHES PA STOBS CHUNG BA'I MING CAN RING DU MI GNAS PA DANG THUN MONG MA YIN PAR DMIGS PA GANG YIN PA DE RMI LAM GYI SHES PA'I MI BDEN PA NYID YIN GYI MED PA'AM BRDZUN BA MA YIN TE RIGS PA MED PA'I PHYIR RO ZHES BYA BA YIN NO, ,LAN BU'O NA GANG LA ZHES BYA BA'O, ,BAG CHAGS BRTAN PA ZHES BYA BA NI BAG CHAGS BRTAN PAS BYAS PA'I RING DU GNAS PA NYID BRJOD PAR 'DOD PA YIN NO, ,BZLOG PA NI BDEN PA'O, ,CHOS 'PHO BA NYID NI CHOS CAN BDEN PA'I PHYIR ZHES BYA BAR BSAMS PA'O, ,THUN MONG DU DMIGS PA ZHES BYA BA LA, YANG GANG LA BAG CHAGS BRTAN PA YOD PA DER BZLOG PA'I PHYIR 'PHO BA NYID DO ZHES SBYAR RO, ,THUN MONG DU DMIGS BA NI, GZHAN GYIS SA DANG RI LA SOGS PA CI LTAR DMIGS BA DE LTAR DE RING SKYES PAS KYANG DMIGS BA RMI LAM NI DE LTA MA YIN NO ZHES BYA BA'I DON TO, ,DE DAG SDUD PA NI NGA 'DI LTAR ZHES BYA BA'O, ,MI BDEN PA'I THA SNYAD SKYE BA NI BDEN MIN SKYE BA STE 'DI LAS SKYE BA'O, ,THUN MONG DU DMIGS PA ZHES BYA BA 'DI LA THUN MONG MA YIN PAR DMIGS PA'I BYA BA YOD PA STE 'BRU MANG BO PA'O, ,SKABS SU BAB PA SKYE BA DANG PO'I GNAS SKABS CAN YANG SAD PA'I SHES PA'I RANG BZHIN NYID YIN GYI, BDEN PA LA 'DA' BA NI MA YIN NO ZHES BYA BA NI, DES NA 'PHO BA GRUB PA'I ZHES BYA BA'O, ,'ON RMI LAM GYIS SHES PA JI LTAR MI BDEN ZHES NA, BSTAN PA MED PA NI ZHES BYA BA'O, ,DE TZAM GYIS RMI LAM MI BDEN PAR THA SNYAD BYED KYANG SKABS NYAMS PA MA YIN TE DE MED PA'I PHYIR RO, ,RMI LAM YANG

, ,MI BDEN PAR NGES PA MA YIN NO ZHES BRJOD PA NI, GANG DU ZHES BYA BA STE RMI LAM DU'O, ,GNYIG LA YANG THUN MONG DU DE LTAR SNANG BA DE NYE BAR BSTAN PA'I SMAN LA SOGS PA ZOS PAS NAD ZHI BA LA SOGS PA NYAMS SU MYONG BA'I PHYIR RO, ,'BRAS BU'I RGYUN LA LTOS NAS YUN RING DU RJES SU 'BREL BA YANG YIN PA'I PHYIR DER CI LTAR MI BDEN PA YIN, 'ON TE DE'I TSE BDEN PA NYID DO ZHES BYA BA GNYIS LA RMI LAM DU MTHONG BA SNANG BA'I DUS NA'O, ,DE LTAR BAG CHAGS BRTAN BA DANG BCAD PA'I RMI LAM DU RIGS MI MTHUN PA'I LUS SU 'PHO BA NI BDEN PAS KHYAB PAR BSTAN PA YIN NO, ,DES NA GANG 'PHO BA'I SEMS BAG CHAGS BRTAN PA DANG BCAS PA DE NI BDEN PA YIN TE, DPER NA BYIS PA NAS GZHON NU'I LUS 'PHO BA BZHIN NO, ,'JIG RTEN GZHAN NAS 'JIG RTEN 'DI'I LUS 'PHO BA'I SEMS 'DI YANG BAG CHAGS BRTAN PA DANG BCAS PA YIN NO ZHES BYA BA NI RANG BZHIN NO, ,'DIR 'PHO BA NYID YOD KYANG SNGA MA DRAN PA'I PHYIR GZHON NU'I LUS 'PHO BA NYID BDEN PA YIN NO ZHES SUN 'BYIN BA'O, ,DOGS PA BSU NAS DE LTAR YIN NA ZHES GSUNGS SO, ,'PHO BA ZHES BYA BA 'PHO BA TZAM BDEN PAS KHYAB PAR RAB TU GRUB BAS NA'O, ,KHYAD PAR YONGS SU RTOG PA'I PHYIR ZHES BYA BA NI DRAN PA DANG LDAN PA'I PHYIR ZHES BYA BAR RO, ,RNAM RTOGS DANG MTSUNGS ZHES BYA BA NI SNGA MA BZHIN CHOS MTHUN PA YIN YANG KHYAD PAR BRJOD PA NI RNAM PAR RTOG PA DANG MTSUNGS PA'O, ,YANG NA SBYOR PA NI BSHAD MA THAG PA NYID YIN LA, DPE NI DPER NA BAG CHAGS BRTAN PA DANG BCAS PA'I RMI LAM GYI LUS SU 'PHO PA BZHIN NO ZHES GZHAN DU BYA'O, ,GAL TE RMI LAM GYI GNAS SKABS SU BYUNG BA'I PHYIR NA, DE 'DRA BA'I RMI LAM GYI LUS 'PHO BA BDEN BAR 'GYUR MOD, SKYE BA DANG POR NI MA YIN TE, BZLOG PA'I PHYIR ZHES SUN 'BYIN PA'I DOGS BA BSU NAS, DE LTA YIN NA RMI LAM GYI DON THAMS CAD MI BDEN BA MA YIN NO ZHES GSUNGS SO, ,KHYAD PAR YONGS SU RTOG PA'I PHYIR ZHES BYA BA NI, RMI LAM LA SOGS PA'I KHYAD PAR YONGS SU RTOG BA'I PHYIR

RO, ,LHAG MA NI SNGA MA BZHIN BSHAD PA BYA'O, ,'PHO BA GRUB PA LA 'THAD PA GZHAN PA BRJOD NA, YANG NA ZHES BYA BA'O, ,GOMS LAS KHYAD PAR GANG 'GYUR TE, ,SKYE BA DANG POR DE BZHIN GNAS, ,ZHES BYA BA 'DI BSHAD PAS RTOGS ZIN MOD KYI DE NYID 'GREL PA'I TSUL DU GYUR PA YIN NO, ,KHYAD PAR YANG BRJOD PA NI, 'ON TE 'PHO BA LA ZHES BYA BA'O, ,CI LTAR SKYON MED CE NA, RJES DPAG G-YUL NI ZHES BYA BA'O, ,MNGON SUM GYIS YUL GANG YIN PA DE NI RJES SU DPAG PA'I YUL MA YIN TE, PHAN TSUN YUL SPANGS NAS GNAS PA'I PHYIR RO; ,'DI NYID BRJOD PA NI, MNGON SUM DANG ZHES BYA BA'O, ,PHAN TSUN SPANGS PAS GNAS PA DE NYID DO, ,LUS SAM GZHAN GO SA LA SOGS PA'I LA YANG RUNG STE, KUN DU 'DZIN PA NI, GOMS PA NYID DMIGS SO, ,DES NA SNGON GOMS PA BSGRUB PAR BYA BA LA LTOS NAS PHYOGS LA YONG PA NI DGOS PA MED PA'I PHYIR SKYE BA DANG PO KUN DU 'DZIN PA MTHONG BA DE NYID LAS, SKYE BA DANG POR 'PHO BA CI STE RJES SU MI DPOG, ,BRJOD ZIN PA'I RTZOD BA NYID GSAL BAR BYED PA NI, CI SKAD DU ZHES BYA BA'O, ,SKYON DE YANG MED DE BYA BA NYID GSAL BAR BYED PA NI DE LA LAN 'DI YIN TE ZHES BYA BA'O, ,TSIG LE 'UR BYAS PA 'GREL BA NI, GAL TE ZHES BYA BA'O, ,'BRAS BU'I ZHES BYA BA NI KUN DU 'DZIN PA LA SOGS PA'O, ,DES NA KUN DU 'DZIN PA 'DI'I SNGON GOMS PAR BYAS PA GANG YIN PA DE NYID 'DI'I SNGON GYI SEMS LAS BYUNG BA YIN NO, ,'PHO BA'I DON 'DI KHO NA YIN TE DBUS KYI GNAS SKABS BZHIN NO, ,DES NA 'PHO BA'I SEMS MNGON SUM DU BYAS PA NYID NI MKHO BA MED DO, ,KUN DU 'DZIN PA'I GOMS PA SNGON DU SONG BA CAN NI BDAG NYID LAS MTHONG BA NYID DO, ,DE LTAR 'PHO BA SPYIR RJES SU DPOG BA BSGRUBS NAS, KHYAD PAR DU BSGRUB PA'I PHYIR 'GRO BA GZHAN 'PHO BA'I DPE BSHAD PA NI, DPER NA ZHES BYA BA LA SOGS PA'O, ,CI LTAR MED PA'I KHYAD PAR LAS 'DI NI 'DRA BA ZHIG NAS 'ONGS SO ZHES RTOGS PA DE BZHIN DU BDE BA DANG, GTZANG BA'I RGYU'I NYE BAR MKHO BA LA DGA' BAS NA, SPYOD PA'I KHYAD PAR

, ,LAS 'DI NI 'DI 'DRA BA ZHIG GI 'JIG RTEN NAS SKYES SO ZHES NGES PA YIN NO, ,GAL TE LHA LA SOGS PA'I 'GRO BA NAS GZHAN DU 'ONGS PA MA MTHONG YANG KHYAD PAR 'DI CI LTAR 'GYUR SNYAM NA, GRONG GZHAN NAS 'ONGS PA LA ZHES GSUNGS SO, ,'DIS DPE DRAN PAR BYED PA'O, ,'BRAS BU'I KHYAD PAR NI RGYU'I KHYAD PAR MED PAR MI 'GYUR BA'I PHYIR NA, SHUGS NYID LA KHYAD PAR 'GRUB BO, ,DE NYID STON BA NI, DU BA LAS ZHES BYA BA'O, ,TZAM DAN LAS BYUNG BA LA SOGS PA'I KHYAD BAR DANG LDAN PA'O, ,DE LTAR YANG TZANDAN GYI BSUNG DANG LDAN PA'I DU BA LAS TZANDAN GYI MI RJES SU DPOG PA KHO NA'O, ,DOGS PA BSU BA NI ME TZAM LAS 'JUG GO ZHES BYA BA STE MNGON SUM MO, ,LAN 'DIR YANG ZHES BYA BA'O, ,YUL LA SOGS PA LAS 'PHO BA'I SPYI LA MNGON SUM 'JUG LA, GZHAN GYI NGES PA'I MNGON PAR 'DOD PA LA SOGS PA'I KHYAD PAR LA DE LTAR RJES SU DPOG PA YIN NO, ,DE BZHIN DU 'JIG RTEN GZHAN NAS 'PHO BA SPYIR GRUB PA'I PHYIR, MNGON PAR 'DOD PA LA SOGS PA'I KHYAD PAR CAN GYI 'JIG RTEN GZHAN GRUB PA ZHES BSHAD ZIN PA KHO NA'O, ,ME LA BRTEN PA'I SKABS GSAL GYIS GSAL BAR BYED PA YIN NO, ,'ON TE YANG ZHES BYA BA NI GZHAN GYI'O, ,'DI NYID SDUD PA NI 'DI LTAR ZHES BYA BA LA SOGS PA'O, ,LUS GZHAN GYIS 'PHO BA GANG GIS YIN PA DE DOR TE LUS DE NYID KYIS 'PHO BA ZHES BYA BA'I DON TO, ,BDE BAR BSGRUB PA 'GYUR BA YIN ZHES BYA BA NI BSTING CHAD DO, ,GZHAN YANG BRJOD PAS SO, ,CI LTAR RMI LAM ZHES BYA BA'I GANG GI TSE RMI LAM GYI DMIGS PA MED PA NA ZHES BYA BA'I DON TO, ,SHI BA'I PHYIR SKYE BA'I SNGON ROL TU GAL TE CHAD NA, DE'I TSE 'JIG RTEN PHA ROL SMRA BA RNAMS KYIS CI ZHIG BYAS ZHES SBYAR RO, ,JI LTAR ZHES BYED PA LA SOGS PAS NI TSIGS SU BCAD PA DANG POS BSHAD DO, ,PHYIN CI LOG TU BSGRUB PAR 'GYUR RO ZHES BYA BA NI, LUS DE MA BTANG BA NA SKYE BA NYID DU 'GRUB BA ZHES BYA BA'I THA TSIG GO, ,GZHAN YANG ZHES BYA BA NI TSIGS SU BCAD PA GNYIS PA 'CHAD PA'O, ,'DIR 'DI SKAD BRJOD DE ZHES BYA BA NI LAN NO, ,

GZHAN MTHONG BA NYID CES BYA BA NI, DA LTAR BA'I LUS KYI SKAD CIG MTHONG BA GANG YIN PA NYID SNGON GYI LUS PO YONGS SU DOR BA MED PA YIN TE MI DMIGS PA LAS MED PA GZHAN MA YIN PA'I PHYIR RO, ,DE LTAR LUS DE NYID KYIS 'GA' YANG 'PHO BA MED PA'I PHYIR RTZOD PA DANG PO BSAL TO, ,MI BDEN PA DANG, 'GREL BA'I RTZOD PA LA BRJOD PA NI, RMI LAM RIG BA THAMS CAD NI ZHES BYA BA'I RMI LAM GYI MI BDEN PA JI 'DRA BA YUL GYI RJES SU 'JUG PA MED PA TZAM GYI NYE BAR BSGRUBS PA DE KHAS BLANGS KYANG RMI LAM GYI SHES PA DNGOS SU BDEN PA YIN PA'I PHYIR NA BSKYED PAR BYA BA DANG BDEN PA'I SKYED BYED DU MI 'GAL BA YIN NO, ,DE LTAR 'JIG RTEN PHA ROL LA YANG DE GNYIS KA MI 'GAL LO, ,DES NA YOD PAR SMRA BA RNAMS KYI 'DOD PA THOG TU BAB PO SNYAM DU DOGS PA YIN NO, ,JI LTAR RMI LAM DMIGS PA MED PAR ZHES BYA BA DE LA BSHAD PA, RNAM PAR 'CHAD PA THAMS CAD NI ZHES BYA BA'I BDEN PA'I SAD PA DANG 'BREL PA YIN ZHES BYA BA NI BDEN PAS NYE BAR SAD PA'I 'BREL PA STE, SAD PA TZAM NI BDEN PA MA YIN NO SNYAM PA'I DOGS PAR MI 'GYUR BAR BYA BA'I PHYIR RO, ,'DI NI GZHAN GYI 'DOD PAS BRJOD PAR ZAD DE RNAM PAR CHAD PA NI MA GRUB PO ZHES GSAL BAR BYA'O, ,GAL TE GRONG GZHAN NAS 'ONGS PA LA SNGON GYI LUS DOR BA GAL TE RIGS PAS BSGRUBS PA DE LTAR NA YANG SKYE BA 'DI LA DE LTAR RTOGS PAR NUS PA NI MA YIN TE, YUL GZHAN NAS 'ONGS PA LTAR SNGA MA DANG PHYI MAR MNGON PAR 'DOD PA'I LUS NI DMIGS PA MA YIN NO, ,DES NA DA LTAR GYI SEMS DANG BCAS PA'I LUS NI SNGA NA MED PA NYID SKYES PA YIN NO SNYAM NA 'DI NI BSHAD ZIN TO ZHES GSUNGS SO, ,DON GYIS 'PHANGS PAS NA LUS BYUNG BA NI LUS SNGA MA BTANG BA KHO NAS YIN NO ZHES BYA BA'I DON TO, ,DE YONGS SU BRTAGS PA LA GSAL BA KHO NA'O, ,DES NA SNGON GYI LUS DO RAB NI MTHONG BA NYID DO ZHES GSUNGS SO, ,SNGON GYI LUS GRUB PA'I DON DU 'THAD PA GZHAN YANG DRAN BAR BYA BA'I PHYIR GZHAN GYI DOGS BA BSU BA NI, ,SNGON GYI LUS MA GRUB PAR ZHES GSUNGS SO, ,MA YIN TE ZHES BYA BA NI LAN TO, ,LUS KYI YUL CAN NYID

, ,KYIS NA KHYAD PAR CAN NO, ,SNGON GYI LUS DES MOD DOR BA GO CI LTAR ZHE NA, LUS DE ZHES GSUNGS SO, ,'O NA MA DMIGS PA'I PHYIR SNGON MED PA KHO NA'O SNYAM NA KHA SAD PA ZHES GSUNGS SO, ,RANG GI DUS DE'I TSE YANG NGO, ,PHYED PHYI MA BSHAD NAS, MJUG BSDU BA'I SGO NAS PHYED SNGA MA 'CHAD PA NI DES NA ZHES BYA BA'O, ,MNGON SUM DE NYID RMONGS PA LA MI DMIGS PAR BRJOD PA YIN NO, ,JI SKAD DU ZHES BYA BA LA SOGS PAS BRJOD ZIN PA'I RGOL BA DANG LAN BRJOD PA NI, KHYAD PAR BRJOD PA'I DON DU YIN NO, ,BDEN PA'I RJES SU 'GRO BA CAN ZHES BYA BA NI BDEN PA'I NYES PA'I RGYU CAN NO, ,DE LTAR GYUR PA ZHES BYA BA NI RMI LAM DANG 'DRA BA BDEN PAR 'DOD PA SNGA MA DANG PHYI MA'I DBUS SU BYUNG BA DE NI'O, ,SDOD NA NI GNAS SKABS KYI KHYAD PAR RO, ,'CHAD PAR 'GYUR RO ZHES BYA BA NI, SRID BA BAR MDO'I LUS SHIN TU DANG BA'I MI DMIGS PA MA YIN ZHES BYA BA DER RO, ,'DI YANG RMI LAM GYI SHES PA MI BDEN PAR KHAS BLANGS NAS BRJOD PA YIN NO, ,KHAS MA BLANGS KYANG NYES PA MED DO ZHES BRJOD PA NI YANG NA ZHES BYA BA'O, ,'DI NYID DU CI STE MI 'CHAD SNYAM NA 'DI'I SKABS NI DE YIN ZHES GSUNGS TE, RMI LAM DANG RMI LAM MA YIN PA KHYAD PAR MED PAS SGRUB KYI SKABS NI RNAM PAR SHES PAR SMRA BA DE NYID YIN NO, ,'CHAD PA NI RMI LAM GYI ZHES BYA BA'I SKABS KYIS 'GA' ZHIG NYID BSTAN PA GANG YIN PA DE NI, DE KHO NA NYID NI ZAB PA YIN PAS NI RIM GYIS BZOD PAR BYA BA'I DON TO, ,KHYAD PAR MED PA DE KHO NA'O, ,DE'I PHYIR ZHES BYA BA NI 'PHO BA MED PA'I PHYIR RO, ,LUS SHES PA'I RANG BZHIN YIN YANG SNGA MA DANG PHYI MA'I LUS GNYIS LA NI THOGS PA DANG BCAS PAR BRJOD DE, BAG CHAGS KYIS BYAS PA NA DE'I GNAS SU SHES PA GZHAN MI SKYE BAR NGES PA'I PHYIR RO, ,BAR MDO'I SRID PA LA NI THOGS PA MED PAS BRJOD DE, DE'I GZHAN SHES PA GZHAN SKYE BA SRID PA'I PHYIR RO, ,SOGS PA'I SGRAS NI RING DU RJES SU 'JUG BA DANG, DE LTAR MA YIN PA LA SOGS PA YANG BSDU'O, ,RGYUN NYAMS PA NI MA MTHONG BA NYID DO ZHES BYA BA NI DE LTAR YANG RNAM PA THAMS CAD DU SHES PA RGYUN CHAD PA NI

MA MTHONG BA KHO NA'O, ,RNAM PAR SHES PA CHAD PA NI SAD PA DANG 'BREL BA KHO NAR MTHONG NGO ZHES BYA BA'I DON TO, ,'DIS NI TSIG LE'UR BYAS PA GSUM PA RNAM PAR BKRAL LO, ,SNGAGS KYIS BYIN GYIS BRLABS PA'I SDONG DU NI SGRON MA'I RGYU MA YIN LA, MAR NAG GIS BYUGS PA'I SA BON YANG MYU GU'I RGYU MA YIN PA BZHIN TE, DE BZHIN DU GZHAN YANG RTOGS PAR BYA'O, ,NYES PAS ZHES BYA BA NI RLUNG MKHRIS PA LA SOGS PAS SO, ,MNYAM GYUR TSE ZHES BYA BA NI 'CHING BA'I TSOGS PAS MNYAM POR BYAS PA NI STONG CHA SNYOMS PAR GYUR PA NA ZHES BYA BA'I DON TO, , NYES PA RNAMS MNYAM PA NAD MED PA YIN NO ZHES GANG LAS RTOGS SHE NA, DE DAG MNYAM PA NAD MED PA, ,ZHES GSUNGS SO, ,BZLOG PA NI MED PA MA YIN PA BRJOD PA'I PHYIR RO ZHES BYA BA NI SMAN DBYANGS KYI BSTAN BCOS LAS SO, ,'ON TE ZHES BYA BA NI GZHAN GYI LAN DU RIMS LA SOGS PA ZHES BYA BA'O, ,THAMS CAD KYI TSE NI 'CHI BA YANG MA YIN TE, DES NI RIMS LA SOGS PA RNAM PAR 'GYUR BA MED PA KHO NA 'CHI BA'I RGYU YIN ZHING, RIMS LA SOGS PAS RNAM PAR 'GYUR BA'I MTSAN NYID KYIS MI MTHUN PA MED KYANG LOG PAS NA SEMS SKYES PAS NAL LA GEGS YOD PA MA YIN NO SNYAM DU DGONGS PA'O, ,DE LTA MA YIN NA ZHES BYA BA NI LUS MI MTHUN PA MED KYANG SEMS MI 'BYUNG NA'O, ,SEMS RGYU YIN PA LA NYES PA 'DIR MI 'GYUR SNYAM NA, SEMS KYI RGYU NI ZHES GSUNGS SO, ,LUS RGYU YIN NA NI NYES PA DE NYID DO ZHES BRJOD PA NI LUS RGYU YIN PAR 'GYUR NA NI ZHES BYA BA'O, ,MI MTHUN PA DE NI TSABS CHE STE, DES NA SEMS PHYIR SKYE BA MA YIN NO SNYAM DU DOGS NA, DE 'DRA'I LUS NYID NI ZHES GSUNGS SO, ,MA MTHONG BA'I KHYAD PAR RTOGS PA NI GAL TE YONGS SU GRUB PA'I KHYAD PAR DE LTAR MI RUNG NA RTOGS PA DE CI LTAR ZHES BYA BA DER BSAL ZIN TO, ,TSIG LE'UR BYAS PA GNYIS PA RNAM PAR 'GREL PA NI LUS RGYU YIN NA NI ZHES BYA BA'O, ,DON GYIS 'BANGS PA BRJOD PA NI, MI MTHUN PA DE 'DRA BA NYID CES BYA BA'O, ,TSIG LE 'UR BYAS PA DANG POR 'CHAD PA NI, SEMS RGYU YIN NA NI ZHES BYA BA'O, ,MI MTHUN PA

, ,MED GSON PA'I RGYU MA YIN NO ZHES BRJOD PA NI, 'GA' ZHIG NYES PA YIN ZHES BYA BA'O, ,'BRAS BU 'CHI BA DANG GSON PA RANG GI RGYU LA NGES PA'I RNAM PAR GNAS PA 'DIR MI 'GYUR RO, ,RNAM PAR MI GNAS KYANG 'BRAS BUR 'GYUR RO SNYAM NA 'BRAS BU NI ZHES GSUNGS SO, ,DES NA ZHES BYA BA NI, RNAM PAR PHYE BA MED PAS SO, ,'DI NYID GSAL BAR BYED PA NI, ,LUS KYI 'BRAS BU YIN NA ZHES BYA BA'O, ,RNAM PAR 'GYUR BA DE BZLOG PA'I PHYIR RO, ,'CHI BA NI ZHES BYA BA NI RNAM PAR 'GYUR BA ZHES RTOGS PAR BYA'O, ,BZLOG TU YOD PA DANG MED PA'I RNAM PAR 'GYUR BA GANG LA YOD PA DE DAG LA DE SKAD CES BYA BA'O, ,GSOD PA'I SBYOR BA MED PA'I MTSAN NYID 'DI NI LAN YANG YIN NO, ,'GYUR BA PA DANG PO NI CHUNG YANG ZHES 'BREL TO, ,LDOG PA MIN PA NI PHYIR MI 'BYUNG BA'O, ,SLAR LDOG RUNG BA NI MI MTHUN PA THOB NAS PHYIR LOG PA'O, ,BYAS GANG ZHES BYA BA NI GANG GIS SAM GANG LAS BYAS PA DE, DE LA ZHES BYA BAR BLTA'O, ,DER NGES BYA BA'I PHYIR RNAM PAR 'GYUR BA YOD NA ZHES BYA BA'I DON TO, ,SNGA MA'I RANG BZHIN DE NI SLAR YANG 'BYUNG BAR 'GYUR TE GSER GYI SRA BA NYID BZHIN NO, ,GAL TE DE LTA NA YANG SLAR 'TSO BAR CI LTAR THAL TE, DE SRID PAR NI 'GYUR RO SNYAM NA, GZHAN GYI LUGS KYIS SLAR 'TSO BAR BSGRUB PA'I PHYIR DE LA 'GRUB PAR RNAM PAR 'GYUR BAR DE BZLOG PA NYID STON PA NI 'DI LTAR GNYIS KYIS ZHES BYA BA'O, ,TSU ROL MDZES PA SEMS KYI RGYU LUS YIN PAR BSGRUB PA'I DON DU SEMS BA SKYES PA'I LUS MNGON SUM GYIS GRUB PA NYID NYE BAR BRTAGS PA MA YIN PAR SEMS PA GRUB PA YIN ZHING, SEMS PA MA GRUB PA'I LUS GRUB PA YANG SEMS PA MED PA GRUB PA YIN NO ZHES SMRA'O, ,DES NA GAL TE GNYID MA THUG PO'I GNAS SKABS NA DE CHAD PA RANG GIS MA RTOGS SU CHUD PA DE LTAR NA YANG SEMS PA MA SKYES PA'I LUS KYIS NI GZHAN DAG MNGON SUM GYIS NGES PAR BYED PA'AM, SAD PA LAS RANG NYID NGES PA YIN NO, ,DES NA SEMS PA DANG DRAL BA'I RNAM PAR 'GYUR BA NI, GNYID LA SOGS PA MED PAR SDIG PA YIN NO ZHES BYA BA 'DI NI GZHAN GYI LUGS LA LTOS NAS BRJOD PA YIN NO, ,DE'I GNAS SKABS NA NI

BDAG NYID LA SEMS PA MED PAR GRUB PA NI TSAD MA NI 'GA' YANG MED DO, ,YOD NA SEMS PA TSAD MAR MI 'GYUR TE, TSAD MA NI SEMS PA'I KHYAD PAR NYID YIN PA'I PHYIR RO, ,SEMS CHAD PA BDAG NYID NI SGRUB PAR BYED PA MA YIN TE, DNGOS PO MED PA NI 'GA'I YANG RTOGS PAR BYED PA MA YIN NO ZHES BYA BA'I TSUL GYIS SO, ,SAD PA'I GNAS SU YANG BDAG LA SNGAR SHES PA MA BYUNG NGO ZHES RTOGS PA YIN TE, RTOGS PA MED PA YIN NAM CI, 'O NA TE YID KYANG RJED PAR GYUR CES RANG NYID KYIS GSUNGS PA'I PHYIR RO, ,TSAD MA LAS PHYI ROL TU GYUR PA'I THA SNYAD LAS DE GRUB NA NI 'JIG RTEN PHA ROL YANG 'GRUB PA NYID DU 'GYUR RO, ,RANG BZHIN GYIS KYANG DE'I TSAD MA RTOGS PA MA YIN TE, GZHAN GYIS RGYUD NI SNANG DU MI RUNG BA'I PHYIR RO, ,SHES PA'I 'BRAS BU DBYUNG BA LA SOGS PA MED PA LAS KYANG DE 'GRUB PA MA YIN TE, RGYU RNAMS NI GNOD MI ZA BAR 'BRAS BU LDAN BSAM YIN PA'I PHYIR RO, ,DE BZHIN DU 'CHI BA'I GNAS SKABS SU YANG RANG NGAM GZHAN GYI SEMS RNAM PAR CHAD PAS MI RTOGS SO, ,'O NA CI LTAR GNYID LOG PA LTAR SHI BA BCOM PA LAS SROG GCOD PA LA SOGS PAR MI BZHAG CE NA MA YIN TE, 'JIG RTEN GYI THA SNYAD NI LUNG JI LTA BA BZHIN YIN PA'I PHYIR DANG LUNG YANG DE KHO NA LTAR YIN TE, NAD LA SOGS PAS BCOM PAS G-YO BA LA SOGS PA DANG BRAL BA LA SHI'O ZHES BRJOD PA YIN NO, ,DES NA 'DI NI 'JIG RTEN RGYANG 'PHAN PA'I LUGS LA LTOS NAS BRJOD PAR RTOGS PAR BYA'O, ,DES NA GNYID LA SOGS PA BYAS PA SEMS PA DANG BRAL BA'I MTSAN NYID KYI RNAM PAR 'GYUR BA LDOG PA LTAR 'CHI BA'I MTSAN NYID KYI RNAM PAR 'GYUR BA YANG LDOG PAR 'GYUR BA'I PHYIR SLAR 'TSO BAR THAL LO, ,'ON TE NYES PA 'DIS BRED PAS CI ZHIG LTAR RNAM PAR MCHAD PAR KHAS LEN NA, DE'I TSE YANG BRJOD PA'I THAL BA MI LDOG GO ZHES STON PA NI, 'ON TE DE LA ZHES BYA BA STE GNYID KYI GNAS DER RO, ,LDOG PA MED PA NYID DO ZHES BYA BA NI SHES PA ZHES BYA BAR BLTA STE, NUS PA'I RANG BZHIN DU RNAM PAR GNAS PA'I PHYIR RO SNYAM DU BSAMS PA'O, ,DE NYID KYI PHYIR 'GREL PAR RIG PA MED KYANG NUS PA'I RANG BZHIN

, ,DU YIN NA ZHES 'CHAD PAR 'GYUR RO, ,DES NA GNYID LOG PA LA NI SAD PA'I GNAS SKABS YOD PAR 'GYUR GYI SHI BA LA NI MA YIN NO ZHES BYA BA NI LHAG PA'I DON TO, ,DE LTAR GZHAN GYIS BRJOD PA DE NYID KYI LUGS LA BRTEN NAS SEL BA NI, DE LA SMRAS PA ZHES BYA BA'O; ,CI LTAR ZHE NA, RIG PA MED PA'I RANG BZHIN CI, ,ZHES GSUNGS SO, ,RIG PA'I RANG BZHIN MA YIN PA DE NI RIG PAR 'DOD PA MA YIN NO, ,DES NA NUS PA'I RANG BZHIN YANG RIG PA LAS GZHAN YIN PA'I PHYIR NA RIG PA'I RANG BZHIN YOD PA MA YIN PA LA KHYOD RIG PAR 'DOD PAR MI BYA'O, , DES NA SEMS PA'I NUS PA NI LUS NYID YIN TE GZHAN MED PA'I PHYIR RO, ,DES NA SEMS PA MED PA KHO NA'O ZHES BYA BAR DGONGS PA'O, ,DE LTA YIN NA CI SKYON ZHE NA, DE LTA'ANG ZHES GSUNGS TE, RIG PA MED PA DE LTAR NA YANG NGO, ,GAL TE GNYID LOG PA'I GNAS SKABS NA DE YOD NA'O; ,DE'I TSE SHI BA LA YANG YOD PAR 'GYUR BAS SLAR 'TSO BAR 'GYUR RO, ,GANG LAS SHE NA, SHING DANG ZHES GSUNGS SO, ,'ON TE DBUGS RNGUB PA LA SOGS PA'I KHYAD PAR YOD DO SNYAM NA, DBUGS RNGUB CES GSUNGS SO, ,DBUGS RNGUB PA LA SOGS PA GANG YIN PA DE THAMS CAD KYANG SNGAR DE MDUN DU'O, ,SEMS PA'I NUS PAS BYAS PA'I KHYAD PAR NI, RNAM SHES NUS PA DANG 'BREL PHYIR, ,ZHES BYA BA DE 'CHAD PA'I SKABS SU SEL BAR 'GYUR RO, ,BSHAD PA NI CI RIGS SU BSAL BA KHO NA'O, ,DES NA TE KHYAD PAR MED PA NA'O, ,DE NI RIG PA MED NA'O, ,DE ZHES BYA BA NI RIG PA'O, ,'O NA DE LUS NYID YIN PAS ZHES BYA BAS NA GZHAN MED PA'I PHYIR RO SNYAM DU DOGS PA'O, ,SEMS PA DER MI LDOG PA NYID DO, ,'ON TE ZHES BYA BA NI GZHAN GYI'O, ,LAN NI SKYED PAR BYED PA MA YIN PA DE ZHES BYA BA'I RIG PA DANG ZHES BYA BA NI DOGS PA'O, ,GNYID LOG PA LA ZHES BYA BA NI LAN NO, ,'ON TE DE LA ZHES BYA BA NI GNYID LOG PA LA'O, ,DE YONGS SU GYUR PA NI RIG PA MED PA YONGS SU GYUR PA'O, ,DE LTAR LUS LHAN CIG BYED PA NYID YIN PA SEL PA BRJOD NAS NYE BAR LEN PA'I RGYU NYID DGAG PAR YANG STON PA NI DBUGS RNGUB PA LA SOGS PA THAMS CAD SNGAR ZHES

BYA BA DE RNAM PAR 'GREL PA NI DBUGS RNGUB PA LA SOGS PA NI ZHES BYA BA LA SOGS PA'O, ,DE'I PHYIR DE GANG YIN YANG GNYID LOG PA LTAR SHI BA LA YANG RTOG PA YOD PA'I PHYIR SLAR 'TSO BAR THAL LO ZHES BYA BA'I GNAS SO, ,DE LTAR LUS RGYU NYID DU KHAS BLANGS NAS SUN 'BYIN PA DE BRJOD NAS LUS DE NI RGYU NYID DU 'THAD PA YANG MA YIN NO ZHES BRJOD PA NI GZHAN YANG ZHES BYA BA'O, ,'DIR 'DAS NAS YUN RING DU LON PA'I SHES PA'I 'DU BYED NYID SMRA BA YIN TE, TSAD MAS GRUB PA'I PHYIR RO, ,GNYID LOG PA'I GNAS SKABS SU BYUNG BA 'DAS MA THAG PA NI MA YIN TE, THE TSOM ZA BA'I PHYIR RO, ,THE TSOM ZA BA NI RGYU'AM RGYU MA YIN PAR GZHAG PAR MI NUS TE, DU BA LA SHA ZA BA BZHIN NO ZHES BYA BA'I DON TO, ,DE NYID KYI PHYIR SEMS PA CHAD PAR GRUB PA 'BAR BA NI 'BRAS BU DANG LDAN PA MA YIN TE, DE MED KYANG 'DAS NAS YUN RING DU LON PA NI RGYU NYID DU RNAM PAR GZHAG PA SLA BA'I PHYIR RO, ,'JIG RTEN RGYANG 'PHAN PA'I 'DOD PA LA LTOS NAS NI SHIN TU YANG LUS KYI 'DU BYED KYI RJES SU 'JUG PA MA MTHONG BA'I PHYIR RO ZHES BYA BAR BSAMS PA'O, ,LUS MTSUNGS PAR YOD PA YIN YANG ZHES BYA BA NI GNYID LOG PA GNYIS SO, ,'ON TE ZHES BYA BA NI DES SNGON GYI 'DU BYED KYI RJES SU 'JUG KYANG LUS RGYU YIN PA MI 'GAL LO ZHES BYA BA'I THA TSIG GO, ,GRUB PA'I MTHAR NI LA SOGS PA BZHIN DU MED PA DANG CIG SHOS DAG LHAN CIG BYED PA MA YIN NO ZHES BYA BA'I DON TO, ,GNYID MTHUG PA LA SOGS PA SEMS DANG BRAL BA'I SKYES BU LA SAD PA'I GNAS SKABS NA ZHES BYA BA NI SAD PA LAS MNGON DU PHYOGS PA'I GNAS SKABS NA'O, ,LUS BZHIN DU SNGON GYI SEMS KYANG NI YOD PA MA YIN NO, ,'O NA JI LTAR ZHES BYA BA NI GAL TE DUS GZHAN NA YOD PAR LHAN CIG BYED PA MA YIN NO ZHES BYA BA'I DON TO, ,GRUB PA'I MTHA' NI DON 'DI YIN TE, RGYA SKYEGS KYI KHU BAS 'DUS BYAS PA'I RAS BAL GYI SA BON DANG ME TOG DAG LA GCIG MED NA, RAS BAL GYI DMAR PO BZHIN DU MED PAR BSKYED BYA RNAM PA THAMS CAD DU MI 'GYUR BA DE'I TSE, 'DI'I LHAN CIG BYED BA'I SA BON BSKYED DO ZHES BYA BA'I RNAM PAR GZHAG PA 'DIR 'GYUR BA ZHIG NA, DE LTAR NA 'DIR MA YIN TE, RTOG PA MED KYANG SAD PA TZAM YOD

, ,PA'I PHYIR RO, ,KHYAD PAR CAN LA LHAN CIG BYED PA YIN PA NI LUS LA YANG BZLOG TU MED DO, ,DE TZAM GYIS NI SKABS DANG 'GAL BA MA NGAM YIN NO, ,YANG MED PA LHAN CIG BYED PA MI 'DOD PA BSAL BA'I PHYIR GAL TE SAD MA THAG TU ZHES GSUNGS SO, ,SAD MA THAG NI MTHONG MA THAG GO, ,MTHONG BA DANG SNGON GYI RNAM PAR SHES PA YOD PA DANG CIG SHOS DAG GO, ,LAN NI DE YANG RIGS PA MA YIN TE ZHES BYA BA'I NYE BAR GNAS PA LA SAD PAR 'GYUR RO ZHES BYA BA'I DON 'DI LA NGES PA YOD PA MA YIN NO, ,MTHONG BA'I LUS YIN PAS NA NYE BA NYID KYIS DON GANG ZHIG MTHONG BA DE NYID LA SNGON MTHONG BAR RTOGS PA'I MTSAN NYID DU 'GYUR BA'I PHYIR RO, ,DE DANG MTHUN PA NYID DU ZHES BYA BA NI BDAG GIS 'DI LTAR BYA'O ZHES SO, ,BAG CHAGS SAD PA NI BAG CHAGS SAD PA'I RNAM PAR RTOG PA LAS BYUNG BA'O, ,SAD PA NA ZHES BYA BA NI GNYID SAD PA NA'O, ,RTOG PA NI RNAM PAR RTOG PA'I BDAG NYID DO, ,GAL TE MTHONG BA LA MI LTOS PAR RNAM PAR RTOG PAR 'GYUR NA, CI STE THAMS CAD LA THAMS CAD MI 'GYUR SNYAM NA, BDAG GIS ZHES GSUNGS TE, CI LTAR ZHES BYA BA NI GNAS SKABS DAG TU'O, ,DER 'GYUR GYIS THAMS CAD NI MA YIN NO, ,DE LTA BUR GYUR PA NYID RTOGS KYI GZHAN NI MA YIN NO, ,GAL TE CI RNAM PAR RTOG BA KHO NA SAD PA YIN GYI CI GZHAN MA YIN NAM SNYAM PA LA, SAD PA NI ZHES GSUNGS SO, ,GNYI GA YANG SAD PA YIN TE, RNAM PA GCIG TU NGES PA NI MA YIN NO ZHES BYA BA'I DON TO, ,DE LA GNYID KYIS BZA' BTUNG ZHU BAR GANG GI TSE DBANG PO SKYON MED DANG BCAS PA'I LUS KYIS SKAD CIG BYED BA CAN 'DAS NAS RING DU LON PA'I SHES PA SNGA MAS PHYI'AM NANG GI DON CI LTAR NYE BAR GNAS PA LA BDE BA DANG, SDUG BSNGAL NYAMS SU MYONG BA DANG POR SKYED PAR BYED PA DE'I TSE NI RNAM PAR RTOG PA MED PA'I SAD PA YIN NO, ,GANG GIS GNYID LOG PA BRDEBS [*BRDEB] PA TSAR NAS MI BZAD BAS 'JIGS PA LA SOGS PA GOMS PA LAS, LUS KYI GNAS SKABS KYI KHYAD PAR LHAN CIG BYED PA CAN GYI SHES BA SNGA MAS 'DI BYA'I SNYAM PA'I RNAM PAR RTOG PA SKYED PA DE'I TSE NI RNAM PAR RTOG PA'I SHES PA NYID SAD PA YIN LA, DE'I 'OG TU NI RNAM PAR RTOG PA DANG

BCAS PA'AM RTOG PA MED PAR YANG 'GYUR BA YIN NO, ,GANG GI TSE TSOGS PA YIN PAS GNYI GA GCIG PAR SKYE BA DE'I TSE NA GNYI GA YANG SAD PA YIN NO, ,SAD PA GOMS PAR BYAS PA NYID STON PA NI GANG ZHIG CES BYA BA'O, ,BRTAN SOGS ZHES SOGS PA'I SGRAS NI 'DOD PAR BYA BA'I BUD MED GZUNG NGO, ,'DU BYED NI GOMS PA'O, ,BDE BA LA SOGS PA RIG BA DANG RTOGS PA'I RANG BZHIN SKYE BAR 'GYUR ZHES 'BREL TO, ,DE LA 'DAS NAS YUN RING DU YIN PA'I 'JIGS PA GOMS PA LAS 'BREL PA LA SOGS PA'I RANG BZHIN DANG, BDE BA SKYE BAR 'GYUR RO, ,MA BROS NA NI SDUG BSNGAL DU RIG PAR 'GYUR RO, ,KHO NA PA GOMS PAR BYAS PA LA NI MTSON 'DZIN PA LA SOGS PA'I RTOG PA'I RANG BZHIN DAD BDE BA RIG PA NYE BAR 'GYUR RO, ,'CHAD PA NI 'JIGS PA GOMS PA'I KHYIM DU ZHES BYA BA'O, ,'BROS PA DANG BDE BA LA SOGS PA'I RANG BZHIN DU RIG PA'O, ,SOGS PA'I SGRAS NI RNAM PAR RTOG PA YONGS SU GZUNG NGO, ,DE DAG NYID KYIS RANG BZHIN GANG LA YOD PA'I SAD PA DE LA DE SKAD CES BYA BA'O, ,GZHAN ZHES BYA BA NI 'BROS MI NUS NA'O, ,GZHAN LA GNOD PAR BYED PA'I RGYU YANG DE YIN LA MTSON LA SOGS PA'I 'DZIN PA YANG DE YIN PA STE, RANG BZHIN DE NYID RTOGS PA GANG LA YOD PA DE LA DE SKAD CES BYA BA'O, ,DES NA 'BRU MANG PO KHO NA YOD PA LAS 'DZIN PA'I BSDU BA'O, ,GANG GI PHYIR 'DIR RNAM PAR RIG PA TZAM LAS 'DAS PA DANG CIG SHOS DAG LHAN CIG BYED PA NYID DU MI 'THAD PA DES NA ZHES BYA BA LA SOGS PA'O, ,RNAM PAR SHES PA SPYI'I LHAN CIG BYED BA'I RGYU MA YIN NO, ,'DIS NI 'DU BYED PA DANG LHAN CIG YANG NAS SKYE BA'I ZHES GANG BRJOD PA SPANGS PA YIN NO, ,'O NA RNAM PAR SHES BA'I RGYU CI YIN SNYAM NA RNAM PAR SHES BA SNGA MA NYID RGYU YIN NO ZHES GSUNGS TE, NYE BAR SIM PA YIN NO, ,'ON KYANG RNAM PAR SHES PA SNGA MA DE JI LTAR RANG GI RGYUS DUS NGES PAR BSKYED PA DE BZHIN DU BAR DU CHAD BA'I DUS DANG, 'BREL PA'I 'BRAS BU SKYED PAR BYED PA MA YIN PA DES SANG GI DUS KYI DE MA THAG TU 'BRAS BU MI SKYED PA DANG, DUS GZHAN DANG 'BREL PA'I 'BRAS BU SKYED PAR BYED PAR 'GYUR BA TZAM DU ZAD PA YIN PA'I PHYIR SKYON MED DO, ,

, ,RGYA SKYEGS KYI KHU BAS 'DUS BYAS PA'I SA BON NI 'DAS PA'I YIN YANG, GZHAN GYI TSE 'BRAS BU NI YOD PAR THAL BA'I NYES PA MED DO, ,MA LDOG PA LA LTOS NAS RNAM PA DE LTA BU'I 'BRAS BU SKYED PAR BYED PA YIN PA'I PHYIR RO, ,'BYUNG BAR 'GYUR BA'I RGYU YANG SNGAR GYI DUS SU YOD PA LA LTOS PA KHO NAS SNA ZHOM PA LA SOGS PA'I 'BRAS BU SKYED PA YIN NO, ,'DI GNYIS NI LHAN CIG 'BYUNG BA MA YIN YANG GCIG MED NA 'BRAS BU MI SKYE BA'I PHYIR NA DON BYA BA GCIG BYED PA'I MTSAN NYID KYI LHAN CIG BYED PA NYID YIN YANG MI 'GAL LO, ,GAL TE DE LTAR LHAN CIG 'BYUNG BA MED KYANG LHAN CIG BYED PA YIN NA 'DU BYED PA YANG LUS KYIS LHAN CIG BYED PAR 'GYUR BA DES NA, 'DU BYED DE YI TSE MED NA, ,LHAN CIG BYED 'GYUR PHYIR 'THAD DKA', ,ZHES JI LTAR BRJOD CE NA, BRJOD PA, GAL TE GCIG MED PAR 'BRAS BU RTOGS PA TZAM GYIS SKYE NA NI, 'DI DE LTAR 'GYUR BA KHO NA'O, ,LUS DE LUS MED NA MI SKYE BA KHO NA'O ZHE NA, 'DI GANG GIS NGES PAR ZIN TE, RANG NGAM GZHAN GYIS NGES PAR MI 'THAD PA'I PHYIR RO, ,DES NA GANG GI PHYIR 'JIG RTEN RGYANG 'PHAN PA'I MNGON PAR 'DOD PA'I 'GRUB TU RE BA 'BRAS BU DANG BCAS PAR 'GYUR, 'DI GNYIS KYI LHAN CIG LA 'DI YANG TSAD MAS RTOGS PA MA YIN NO ZHES BYA BAR RTOGS PAR BYA'O, ,GAL TE LUS NYID NYE BAR LEN PA YIN NA DE'I TSE NYES PA CI YOD SNYAM PA'I DOGS PA SPANG BA'I PHYIR, SNGAR BSHAD PA'I RIGS PA NYID GRAGS PAR BYED PA NI DE YANG ZHES BYA BA YIN TE SHES PA SPYI'O, , LHAG MA YANG BRJOD PA NI DE BZHIN DU ZHES BYA BA'O, ,'ON TE ZHES BYA BA NI GZHAN GYI'O, ,MI MTHUN PA MED NA ZHES BYA BA NI LAN NO, ,'ON TE MI MTHUN PA TSABS CHEN PO SEMS DANG BRAL BA'I MTSAN NYID NI RANG GI RGYU LOG KYANG MI RTOG PA'I PHYIR NA, SNGAR GYI RANG BZHIN YANG 'BYUNG BA MA YIN TE, SEL BA LOG NAS RANG BZHIN GYI GNAS 'BYUNG BA NI NAM YANG MED DO, ,DES NA MI MTHUN PA MED NA SLAR LUS RNAM PAR SHES PA'I RGYU YIN NO CI STE BRJOD CES DOGS NA PHYIR MI 'BYUNG BA'I RNAM PAR 'GYUR BAR ZHES GSUNGS SO, ,GANG ZHIG RANG GI RGYUN YOD NA SKYES PA DANG, DE MED NA LDOG PAR

YANG 'GYUR ZHING YANG YOD NA 'BYUNG BAR 'GYUR BA DE NI RE ZHIG BYUNG BA DE ZHES BRJOD DE GSER GYI RNAM PAR 'GYUR BA ZHU BA NYID BZHIN NO, ,GANG ZHIG DE LTAR MI 'GYUR BA DE NI YANG MI 'BYUNG BA'I RNAM PAR 'GYUR BA YIN TE, DPER NA BUD SHING GI RNAM PAS 'GYUR BA LTA BU'O, ,NYES PA RNAMS SO DE RTZOM PAR BYED PA NYID YIN PAR KHAS LEN NA NI CHEN PO 'BA' ZHIG TU MA ZAD KYI CHUNG NGU YANG BZLOG TU MED PAR 'GYUR RO, ,DES BYAS PAS ZHES BYA BA NI LUS DE BYAS PA'O, ,RNAM PAR SHES PA ZHAN PA YANG 'JUG PA'I MTSAN NYID BZLOG CHU MED PAR 'GYUR RO ZHES 'BREL TO, ,RNAM PAR 'GYUR BA GZHAN YANG BZLOG TU MED PAR THAL BA NYID DU STON PA NI BRGYAL BA LA SOGS PA STE GNYID STUG POS LOG PA LA SOGS PA GANG DAG YIN PA DE DAG GIS RNAM PAR NI RNAM PAR SHES PA MED PA'I MTSAN NYID DE RANG BZHIN DE NYID GANG LA YOD PA DE LA DE SKAD CES BYA'O, ,DE DAG NI BZLOG TU MED PA NI MA YIN TE, DES NA NYES PA RNAM BZLOG TU RUNG BA'I RNAM PAR 'GYUR BA RTZOM PAR BYED PA KHAS BLANGS PA BYA BA YIN NO, ,DE LTAR KHAS BLANGS PA NI YANG 'DOD PA 'GRUB BO ZHES GSUNGS PA NI, PHYIR LDOG PAR RUNG BA ZHES BYA BA'O, ,GANG ZHES BYA BA NI LUS GANG LA BYAS PA'O, ,DE NI ZHES BYA BA NI LUS KYI RANG BZHIN TE, GSER GYI SRA BA NYID BZHIN NO, ,GAL TE ZHES BYA BA NI GZHAN GYI'O, ,RNAM PAR SHES PA 'BA' ZHIG RGYU YIN NO, ,BSGRUB TU MED PA NYID MED PAR 'GYUR RO SNYAM DU BSAMS PA'O, ,GSO BYA MIN PA NI BZLOG TU MED PA STE, SKABS KYI RNAM PAR 'GYUR BA'I CUNG ZAD CES BYA BA THAMS CAD MA YIN PA'O, ,TSU ROL MDZES PA PA'I PHYOGS KHAS LEN NA NI NYES PA 'BA' ZHIG MI MTHUN PA'I BYED PA YIN PAR KHAS BLANGS PAS NA, MI MTHUN PA BSGRUB TU MED PAR 'GYUR RO, ,BSGRUB PAR BYA BA MA YIN PA NYID NI ZHES BYA BA NI 'CHAD PA'O, ,BSGRUB PAR BYAR MED PA NI BSGRUB PAR BYA BA MA YIN PA STE SPRUL DANG NYE BA GANG YIN PA DAG GO, ,DE DAG KYANG YIN LA SPRUL DANG NYE BAR YANG MA YIN PA STE, DE DAG GIS BYAS PA'I RNAM PAR 'GYUR BA NI SEMS LDOG PA'I MTSAN NYID 'JIG RTEN GRAGS PA DE SEL BAR NUS PA'O, ,RNYED PAR DKA' BA'I PHYIR ZHES BYA BA'I

, ,MED PA'I NYE BAR MTSON PAR BYED BA YIN PA'I PHYIR NA MED PA'I PHYIR ZHES GSUNGS SO, ,GZHAN GYI LUGS LA YANG DE LTAR 'GYUR RO ZHES GSUNGS PA NI SEMS PA ZHES BYA BA'O, ,'JIG RTEN RGYANG 'PHAN BA'I LUGS LA NI BSGRUB BAR BYA BA MA YIN PA'I MI MTHUN PA 'GA' YANG YOD PA MA YIN NO ZHES BYA BA'I DON TO, ,'O NA ZHES BYA BA NI GZHAN GYI STE, NGED KYI PHYOGS LA ZHES 'THAD DO, ,DE NI MED DO ZHES BYA BA NI LAN NO, ,DON NI GAL TE RNAM PAR 'GYUR BA BZLOG BAR BYA BA MA YIN NA DE'I TSE 'CHOS BYED RNYED PAR DKA' BA NYID SLAR 'TSO BA'I RGYU MIN PAR 'GYUR BA NYID DO, ,RNAM PAR 'GYUR BA LOG NA YANG 'CHOS BYED NYID DON MED DO ZHES BYA BA YIN NO, ,GZHAN LA YANG ZHES BYA BA NI 'JIG RTEN PHA ROL SMRA BA LA'O, ,GAL TE TSU ROL MDZES PA LA YANG BSGRUB PAR BYA BA MA YIN PA YOD NA SKYON CI YOD, DE LTAR MA YIN NA KHYED LA YANG JI LTAR 'GYUR ZHES BYA BA NI RGOL BA'I DON TO, ,DE CI'I PHYIR SNYAM NA, 'DI LTAR ZHES GSUNGS SO, ,TSU ROL MDZES PA PA LA NI SNGON GYI LAS KYI BDAG PO NYID MED DO SNYAM DU DGONGS PA'O, ,'DIR NAD BSGRUB PAR BYA BA MA YIN PA NI, NYE BAR MTSON PA MA YIN PA STE, DE BDAG POR GYUR BAS BYAS PA'I RNAM PAR 'GYUR BA THAMS CAD GZUNG NGO, ,DE LTAR RANG GI LUGS LEGS PAR BSTAN NAS SLAR 'TSO BA THAL BA 'DI NI GZHAN KHO NA LAS YIN NO ZHES MJUG SDUD PA'I SGO NAS STON PA NI DE'I PHYIR ZHES BYA BA'O, ,DE'I PHYIR RNAM PAR SHES PA NI LUS KYIS RGYU CAN MA YIN PA'I PHYIR RNAM PAR SHES PA'I RGYU NI RNAM PAR SHES PA SNGA MA NYID YIN NO, ,DE BAS NI LUS LOG PAS NI RNAM PAR SHES PA LDOG PA MA YIN NO, ,YANG NA LUS RNAM PAR SHES PA'I RGYU CAN YIN YANG DE TZAM GYIS NI DE LOG PAS LDOG PA MA YIN TE, RGYU TZAM LOG PAS 'BRAS BU THAMS CAD MI LDOG PA'I PHYIR RO ZHES BYA BA 'DI BSTAN PA'I DON DU GZHAN YANG ZHES GSUNGS SO, ,'O NA LUS NYID NYE BAR MTSON PA'I RGYU YIN NO SNYAM NA, LUS KYANG ZHES GSUNGS SO, ,CI'I PHYIR ZHE NA, GAL TE YIN NA ZHES GSUNGS SO, ,LUS DE RNAM PAR MA GYUR PA'O, ,RNAM PAR MI 'GYUR BAR 'GYUR RO ZHES BYA BA NI SKABS

KYIS RNAM PAR SHES PA'O, ,GAL TE DE LTA NA LUS NYID RNAM PAR SHES PA'I NYE BAR LEN PA'I RGYUR 'GYUR RO SNYAM NA, LUS NI RGYU NYID YIN YANG ZHES GSUNGS SO, ,CI'I PHYIR SNYAM PA LA, DE MA GYUR KYANG ZHES GSUNGS TE, DES NA LUS NI NYE BAR LEN PA'I RGYU MA YIN NO, ,'O NA RNAM PAR SHES PA YANG CI LTAR ZHE NA, DE 'GYUR NA YANG GDON MI ZA BAR 'GYUR BA'I PHYIR RO ZHES SMRAS SO, ,DE 'GYUR NA YANG GDON MI ZA BAR 'GYUR BA MA YIN PA'I PHYIR RO ZHES 'DON PA DE NI LUS RGYU YIN PA 'GOG PA'I GTAN TSIGS KYI DON YIN NO, ,GAL TE ZHES BYA BA LA SOGS PA NI GZHAN GYI'O,, 'DIS NI HA CANG KHYAB CHES PA'I NYES PA BRJOD DO, ,DE LA MTSAN NYID GZHAN BSGRUBS PAS RE ZHIG DE DGAG PA BRJOD PA NI MA YIN TE ZHES BYA BA'O, ,RGYUN GYIS ZHES BYA BA NI S'A LU'I RGYUN GYI RGYU'O, ,GAL TE CHU NYID RGYUN GYI RGYU MA YIN NAM, DES NA HA CANG KHYAB BA'I NYES PA JI LTAR SPONG SNYAM NA, RGYUN GYI RGYU YANG ZHES GSUNGS SO, ,DE LTAR NA NI 'O NA RGYU MA YIN PA'I CHU LA CI LTOS SNYAM PA LA CHU'I NI ZHES BYA BA GSUNGS SO, ,RGYU 'BYUNG BA YANG DE NYID LAS 'GYUR MOD SNYAM NA, CHU LAS ZHES GSUNGS SO, ,CI'I PHYIR SNYAM PA LA CHU NI ZHES GSUNGS SO, ,DE LTAR RJES SU 'GRO BA MED PAR BSTAN PA'I SGO NAS NYE BAR LEN PA'I MTSAN NYID HA CANG KHYAB CHES PA'I NYES PA SPANGS PAS LDOG PA'I SGO NAS STON PA NI CHU LOG KYANG ZHES GSUNGS SO, ,ME YOD NA DU BA'I RGYUN YOD KYANG DE NYE BAR LEN BA NI MA YIN NO ZHE NA, MA YIN TE TZANDAN GYI RGYUN GYI NYE BAR LEN PA YIN PA'I PHYIR RO; ,TZANDAN GYI RGYUN YANG TZANDAN YIN GYI ME NI MA YIN TE, ME NI DU BA'I GNAS SKABS KYI RGYU YIN PA'I PHYIR RO, ,ME LAS NI TZAN DAN GYI RGYUN 'BYUNG BA MA YIN TE, ME NI SENG LDENG LA SOGS PA DANG THUN MONG PA'I PHYIR RO, ,ME LOG PAS NI TZANDAN GYI RGYU LDOG PA MA YIN TE; ME MED KYANG TZANDAN GYI RGYUN MI LDOG BA'I PHYIR RO, ,DE BZHIN DU GZHAN DAG TU YANG CI RIGS SU BRJOD BAR BYA'O, ,DES NA BSHAD MA THAG PA'I NYES PA MED DO, ,'O NA CHU RNAM PA THAMS CAD DU MKHO BA MED BAR 'GYUR ZHE NA, MYU GU LA SOGS PA DE'I ZHES GSUNGS SO, ,DE NI

, ,DE LOG NA LDOG PA YIN NO ZHES BYA BA NI SKAM PA LA SOGS PA'I TSUL GYIS SO, ,'ON TE DE LTA NA S'A LU'I RANG BZHIN LA CHU NYE BAR LEN PA MA YIN NO [?], DE'I GNAS SKABS NI DE LAS SKYES PA DANG DE LOG NA YANG LDOG PA'I PHYIR NYE BAR LEN PAR 'GYUR RO ZHE NA, DES NA CHU ZHES GSUNGS SO, ,NYE BAR LEN PA'I RGYU KHO NA STE BDAG CAG LA BCAD PA CIG YOD CES BYA BA 'DI LHUR BYED PA YIN NO, ,S'A LU'I RANG BZHIN BRGYAD PAS GNAS PA RNA LHAN CIG BYED BU [?] DAG LAS KHYAD PAR GZHAN DANG GZHAN PA NA RE ZHIG YOD PA YIN NO, ,DE LA RNAM PA JI LTA BA DE LTAR RNAM PAR GZHAG PA BGYIS TE, CHAD PA CI YANG MED DE ZHES BYA BA YIN NO, ,DE LTAR RGYUN GYI RGYU NYID NYE BAR LEN PA'I RGYU YIN NO ZHES BYA BA'I MTSAN NYID LA NYES PA MED PAR BSTAN NAS, SLOB DPON GYIS GSUNGS PA'I MTSAN NYID LA YANG BSTAN PA'I PHYIR CHU LA SOGS PA LAS NI ZHES GSUNGS SO, ,DE LA RNAM PAR SHES PA'I RGYUN GYI RGYU YIN PA NYID KYI LUS NYE BAR LEN PA'I RGYU NYID YIN PA NI, LUS LUS LAS DANG PO SKYE NA ZHES BYA BA 'DI'I SKABS SU PHYIS SEL BAR 'GYUR RO, ,DER 'GYUR BAS 'GYUR BA'I SGO NAS LUS NYE BAR LEN PA NYID YIN PA NYE BAR SDUD PA'I SGO NAS SEL BA NI DE'I PHYIR ZHES BYA BA STE, GANG GI PHYIR DE LTAR MA YIN PA DE'I PHYIR NYE BAR LEN PA'I RGYU MA YIN NO, ,CI'I PHYIR ZHE NA SMRAS PA, LUS 'GYUR BA MED PAR YANG STE NYAMS PA DANG 'PHEL BA MED PAR YANG NGO, ,RNAM PAR 'GYUR BA'I PHYIR TE NYAMS PA DANG 'PHEL BA'I PHYIR RO, ,DON 'DI NYID RNAM 'GREL GYI GSAL 'DEBS PA NI, DE NYID BSHAD PA NA ZHES BYA BA'O, ,LUS RNAM PA DE 'DRA BA NYID YIN NO ZHES STON PA NI LUS MA 'GYUR YANG ZHES BYA BA'O, ,DE'I PHYIR ZHES BYA BA NI NYE BAR LEN PA MA YIN PA'I PHYIR RO, ,BA LANG DANG BA MED CI LTAR YIN ZHE NA, ,DE MA 'GYUR YANG 'GYUR BA'I PHYIR ZHES GSUNGS SO, ,BA LANG DANG BA MEN DAG PHAN TSUN GNAS SKABS KYIS KHYAD PAR BYED PAS NI CI YANG CHAD PA MED DO ZHES BRJOD PA NI, BA MEN BA LANG GI ZHES BYA BA'O, ,GZHAN GYIS GAL TE ZHES SMRAS SO, ,SKYON YON DU 'GYUR BA MA YIN NO ZHES PA NI 'DI'I BAR GYIS NI NYES GCIG GO, ,

NYE BAR LEN PA ZHES BYA BA LA SOGS PAS NI GNYIS PA'O, ,DANG PO LA NI LAN LUS DANG SEMS KYANG DE BZHIN NO ZHES BYA BA YIN TE, BA LANG DANG MEN LTAR 'DI GNYIS NI NYE BAR LEN PA DANG, NYE BAR LEN PA LAS BYUNG BA NYID MA YIN NO ZHES BYA BA'I DON TO, ,GNYIS PA'I LAN NI RKANG PA LHAG MA GSUM YIN NO, ,LUS DANG SEMS KYI MTSAN NYID SKYE BA'I 'BRAS BU LHAN CIG GNAS PA YIN NO, ,CI'I PHYIR ZHE NA, LUS DANG SEMS 'DRIS PA DE GNYIS KYI RGYU NUR NUR PO LA SOGS PA DANG, LHAN CIG PA'I SEMS DE LHAN CIG BYED PA'I PHYIR TE, PHAN TSUN LHAN CIG BYED PA'I PHYIR RO, ,DPE BRJOD PA NI MED DANG ZANGS MA'I ZHU NYID BZHIN ZHES PA'O, ,DES NA NYE BAR LEN PA'I DANG NYE BAR LEN PA LAS BYUNG BA NYID MA YIN PA YANG LHAN CIG GNAS PAR 'THAD DO SNYAM DU DGONGS PA'O, ,DE LTAR YANG SNGAR GYI RTZOD PA LAS CI LTAR 'DAS SNYAM PA LA, 'DIR [?] ZHES BYA BA'O, ,SKABS SDUD PA NI GNAS SKABS RGYU'I DNGOS PO NI ZHES BYA BA'O, ,DNGOS PO NI LUS SO, ,GAL TE DE LTA YIN NA'O NA DE LOG NA ZHIG LDOG SNYAM NA GNAS SKABS BYED PA ZHES GSUNGS SO, ,NI'I SGRA NI GSAL LO ZHE BYA BA'I DON YIN NO, ,DE LTA NA 'O NA NYE BAR LEN PA'I RGYU GANG YIN SNYAM DU DGONGS NA, RANG GI BRJOD PA'I NYE BAR LEN PA'I MTSAN NYID DRAN PAR BYED PAS, DE LOG PA NYID NA RGYU LDOG PA'O ZHES STON PA NI, RGYUN GYI RGYU GANG YIN PA DE ZHES GSUNGS SO, ,'ON TE GNAS SKABS KYI RGYU LOG PAS KYANG RGYU LDOG PAR 'GYUR RO, ,DES NA DE YANG NYE BAR LEN PAR 'GYUR RO SNYAM PA LA, ME LOG PAS NI ZHES GSUNGS SO, ,DE BZHIN DU ME LOG NA TZANDAN GYI DU BA'I GNAS SKABS NYID LOG PAR 'GYUR RO ZHES BYA BAR RTOGS PAR BYA'O, ,GNAS SKABS KYI RGYU LOG PAS NI RGYUN LDOG PA MA YIN NO ZHES BYA BA'I DON TO, ,LAN GNYIS PA SDUD PA NI SEMS NI LUS DANG LHAN CIG CES BYA BA'O, ,LUS DANG SEMS 'DRES PA DE GNYIS KYIS 'BRAS BU MA YIN NA, 'BA' ZHIG PA'AM LUS GZHAN DANG LHAN CIG YANG RUNG STE, RGYUN DU 'BYUNG BA'I RANG BZHIN GYI SEMS LUS MED KYANG GNAS PA NYID DE, DPER NA ME DANG GSER GNYIS KYI 'BRAS BU MA YIN PA'I GSER NI ME MED KYANG GNAS PA BZHIN

, ,NO; ,BSHAD ZIN PA'I DON NYID GSAL BAR BYED PA'I PHYIR 'DI SKAD BRJOD PA YIN NO ZHES BYA BA'O, ,LUS DANG SEMS KYI MTSAN NYID CAN 'BRAS BU GNYIS NI'O, ,RGYU DE GNYIS 'BRAS BU MIN NA NI ZHES BYA BA LA SOGS PA RNAM PAR 'GREL PA NI, LUS LOG NA NI ZHES BYA BA'O,, 'ON TE ZHES BYA BA NI GZHAN GYI'O, ,DE ZHES BYA BA NI KHYAD PAR RO, ,GANG GI CHO CHU LOG NA LDOG PA MA YIN NO ZHES 'DON PA DE'I TSE NI DE ZHES BYA BA RGYUN LA BYA STE RGYUN DE NI CHU LOG KYANG MI LDOG GO ZHES BYA BA'I DON TO, ,YANG CI LTAR ZHES BYA BA NI RTZOD PA GNYIS PA'I SKYE BAR 'GYUR RO ZHES BYA BA NI RNAM PAR SHES PA NI RGYUN NO, ,DES NA RNAM PAR SHES PA'I RGYUN NI RNAM PAR SHES PA'I RGYUN GYI RGYU YIN PA'I PHYIR LUS NYE BAR LEN PAR THAL LO ZHES BYA BA NI GZHAN GYI BSAM PA'O, ,DE LA 'DIR ZHES BYA BA LA SOGS PA DANG PO SPANGS NAS, GNYIS PA SEL BAR BYED PA NI DANG POR RNAM PAR SHES PA NI ZHES BYA BA'I SNGON GYI 'DU BYED PA'I RJES SU 'JUG PAS THAMS CAD LA GRUB PA'I PHYIR RO SNYAM PA'I DGONGS PA'O, ,YANG NA RANG NGAM GZHAN GYIS MA MTHONG BA DES NA NYE BAR LEN PA MA YIN NO ZHES BYA BA'I DON TO, ,GAL TE GNOD PAS BYAS PA MED KYANG RGYUN LDOG PAR 'GYUR BA MA YIN NAM ZHE NA, NYER LEN GNOD PAR BYED PA NI, ,ZHES GSUNGS SO, ,'CHAD PAR NI 'BRU'I RGYUN GYI ZHES BYA BA STE, CHOS MI MTHUN PA'I DPE BRJOD PA'O, ,GANG LA GNOD PA MED PAR RNAM PAR SHES PA'I NYE BAR LEN PA YIN SNYAM NA RNAM PAR SHES BA'I NYE BAR LEN PA NI ZHES SMOS SO, ,NYID YIN GYI LUS NI MA YIN TE NYE BAR LEN PA'I MTSAN NYID GNYI GA MED PA'I PHYIR RO, ,'ON TE 'DI LA YANG GNOD PA SRID DO SNYAM NA DE LA NI ZHES GSUNGS SO, ,'DI TZAM GYIS NI TSIG LE'UR BYAS PA DANG PO BSHAD PA YIN NO, ,GNYIS LA SOGS PAS ZHES BYA BA NI BSHAD PA 'DI'I DANG LAG LA YIN NO, ,SOGS PA'I SGRAS NI BRGYAL BA LA SOGS PA'O, ,DUS DE TZAM DU GNOD PA YIN NO ZHES BYA BA 'DI GA LAS YIN, GANG GI PHYIR SNGA MA RNAM PA THAMS CAD DU NYAMS PA NA PHYIS LUS LAS SNGA NA MED PA'I SEMS NYID SKYE BA'I PHYIR RO SNYAM NA, SNGON GYI 'DU BYED LA LTOS PA CAN ZHES GSUNGS SO, ,'DI NI TSIG LE'UR

BYAS PA'I DON YANG BSGRUB PA YIN NO, ,RNAM CHAD MIN TE RNAM PA THAMS CAD DU MED BA MA YIN NO, ,CI'I PHYIR ZHE NA, RNAM SHES RNAM TSAD ZHES GSUNGS SO, ,GAL TE DMIGS PA'I PHYIR NA RMI LAM DU RNAM PAR SHES PA RNAM PAR CHAD KYANG 'BYUNG BA YIN NO, ,GZHAN DU GO JI LTAR SNYAM NA, SHI DANG GNYID LOG PA DAG LA, ,ZHES GSUNGS SO, ,DES NA GANG ZHIG RNAM PAR CHAD PA DE NI SAD PA DANG 'BREL PA YIN TE, DPER NA GNYID MTHUG PA'I TSAD MA BZHIN NO, ,'CHI BA YANG RNAM PAR 'CHAD PA YIN NO, ,DES NA 'JIG RTEN PHA ROL MED PA MA YIN NO SNYAM DU DGONGS PA'O, ,GNYID LA SOGS PA'I DPE LA 'KHRUL PA DOGS PA NI 'ON TE ZHES BYA BA'O, ,KHO NAR ZHES BYA BA NI PHYIS MI SKYE BA'O, ,DES NA RNAM PAR CHAD PAR NI YANG 'BYUNG BAS MA KHYAB PO SNYAM DU BSAM PA'O, ,DE NI MA YIN TE ZHES BYA BA NI LAN NO, ,RES 'GA' RNAM PAR CHAD PA KHO NAR 'GYUR RO ZHES BYA BA'I RTOG PA 'DI 'DRA BA 'DI DE GA LAS YIN 'DI SKAD BRJOD PAR 'GYUR DE 'GA' ZHIG GIS DMIGS PA'I DNGOS PO NI DE NYID DU 'GYUR GYI RNAM PAR CHAD PA NI RANG NGAM GZHAN 'GA' ZHIG GIS RTOGS PAR NUS PA MA YIN NO ZHES BYA BA'O, ,RE ZHIG RANG GI DBANG DU BYAS NAS BSHAD PA NI RE ZHIG CES BYA BA'O, ,KUN TE ZHES BYA BA NI GZHAN GYIS SMRAS PA'O MI DMIGS PA TZAM GYIS RNAM PAR 'CHAD PAR DGAG PA GA LAS YIN TE, GAL TE RNAM PAR CHAD PA RTAG TU RANG NYID MI DMIGS PA YIN PA DE LTA NA YANG MTHA' GCIG TU BYA BAR MI NUS PA'I PHYIR NA RES 'GA' GTAN DU RNAM PAR CHAD BAR YANG 'GYUR RO, ,DE LTA YIN TE RNAM PAR CHAD PA MED PAR MA NGES PA NYID 'JIG RTEN PHA ROL YOD PA'I THA SNYAD MED PAR GRUB PA SNYAM DU 'DOD PA NI SDUG BSNGAL BAS BRGAL BAR BYA'I PHYIR BRGAL DKA' BA'O, ,DE SUN 'BYIN PA NI DE YANG MA YIN TE ZHES BYA BA'O, ,DE LTA NA YANG SNGA NA MED PA SKYE BA 'THAD PAR DKA' BA'I PHYIR RO SNYAM DU DGONGS PA'O, ,DES NA RNAM PAR CHAD PA TZAM KHAS BLANGS KYANG SRID PA MI 'GAL LO ZHES BYA BA'I DON TO, ,SNGON DANG PHYI MA DAG GI MTHA' RNAM PAR CHAD PA DMIGS PA MA YIN NO ZHES BYA BA'I RJES SU 'JUG PA DE NI SNGON GYI 'DU BYED MED PAR MA YIN LA DE BZHIN DU 'DU BYED SNGA MA SNGA MA YANG NGO, ,DES NA JI LTAR SNGON BYUNG BA'I MTHA' RNAM PAR

, ,MA DMIGS PA DE BZHIN DU PHYI MAR GYUR PA YANG NGO, ,'DI LTAR DPER NA 'DU BYED SNGA MA SNGA MA RANG DANG RJES SU MTHUN PA'I RNAM PAR SHES PA MTSAMS MA SBYAR BA GNAS LA MI DBANG BA DE BZHIN DU PHYI MA PHYI MA YANG MTSAMS MI SBYAR BA CI LTAR NUS TE, TSOGS PA MTSUNGS PA CAN YIN PA'I PHYIR RO, ,KHYAD PAR YOD NA YANG BRJOD DGOS SO, ,NYON MONGS PA DANG LDAN PA LA SOGS PA THUN MONG NYID NA BSHAD PA DES NA SNGA MA DANG PHYI MA'I MTHA' GNYIS LA RNAM PAR DBYE BA MED DO, ,RNAM PAR RTOG PA GNYIS PA'I 'DUS BYAS NAS BRJOD PA NI GZHAN GYIS NI ZHES BYA BA'O, ,DMIGS BA'I MTSAN NYID DU GYUR PA MED PA'I PHYIR ZHES BYA BA NI GZHAN GYI SEMS GZHAN LA'O, ,RNAL 'BYOR BA RNAMS LA NI GZHAN GYI SHES PA DMIGS PA'I MTSAN NYID DU GYUR PA KHO NA'O, ,'ON KYANG DE DGAG PA 'JUG PA DE YANG RING BA KHO NA'O, ,DES NA SHES PA RNAM PAR CHAD PA NI RANG NGAM GZHAN GYIS DMIGS PA MA YIN NO, ,DES NA RNAM PAR SHES PA RNAM PAR CHAD PAR RTOG PA MED DO, ,'ON TE YANG 'DOD CHAGS DANG BRAL BA NI NYON MONGS PA MA LUS PA BRAL BA'I PHYIR NA SEMS KYI RGYUN GNAS PA LA NYAMS PA SRID PA'I PHYIR RNAM PAR CHAD PAR 'GYUR RO SNYAM NA 'DOD CHAGS DANG BRAL BAS GSUNGS SO, , CI'I PHYIR ZHE NA, RANG GI DON LA ZHES GSUNGS SO, ,NYES PA DANG BRAL BA YANG GZHAN DON LA MI DGA' BA NI BRAL BA MA YIN ZHING GZHAN GYI DON LA MI DGA' NA YANG NYES PA MED BA NYID KYANG 'BREL PAR 'BYUNG BA MA YIN NO ZHES BYA BA'I DON TO, ,DES NA, GANG DAG BRTZE BA CHEN PO CAN, ,GZHAN GYI DOR NI BZHUGS PA YIN, ,ZHES BYA BA'I TSUL GYIS 'DOD CHAGS DANG BRAL BA NYID LA NYAMS DMAS PA SRID PAS RGYUN CHAD PA NI MA YIN NO ZHES BYA BA DGONGS PA'O, ,'DIS NI THEG PA GCIG PA'I PHYOGS BSTAN PA YIN NO, ,THEG PA GSUM GYI PHYOGS KYANG GSUNGS PA NI YANG NA ZHES BYA BA'O, ,SKABS LA BRTEN NAS BRJOD PA NI, NYES PA MA YIN NO ZHES BYA BA'O, ,'DOD CHAGS DANG BRAL BA'I GNAS SKABS NA NI 'BRAS BU SKYED MI NUS PA'I SKAD CIG 'JOG PAS RGYUN CHAD PA YIN DU CHUG MOD, DES NA MTHA' MED PA NYID NI KUN NAS NYON MONGS PA'I GNAS SKABS LA LTOS NAS

'DOD PA YIN NO ZHES BYA BA'I DON TO, ,SKABS NYE BAR SDUD PA NI DE'I PHYIR ZHES BYA BA'O, ,'BRU LA SOGS PA LTAR RNAM PAR SHES PA NYE BAR LEN PA NYAMS PAS LDOG PA MA YIN NO, ,GAL TE LUS KYANG NYE BAR LEN PA YIN LA, DE LA NI ME LA SOGS PA NYAMS BA YOD PA MA YIN NAM ZHEN LUS ZHES GSUNGS SO, ,LUS NI NYE BAR LEN PA MA YIN TE MTSAN NYID GNYI GA MED PA'I PHYIR RO, ,'O NA SEMS GNOD PAR BYA BA LDOG PAR 'GYUR RO SNYAM NA, SEMS KYANG ZHES GSUNGS SO, ,SEMS NI NYE BAR LEN PA YIN YANG GNOD PA MA YIN NO ZHES BYA BA'I DON TO, ,DE LTA NA YANG ZHES KHONG NAS PHYUNG LA RTEN LOG PAR SBYAR RO, ,RE ZHIG RTEN GYI DNGOS PO KHAS BLANGS NAS RANG NYID RTZOD PA 'DI SEL BA YIN YANG GNOD PA MA YIN NO ZHES RNAM PAR SHES PA NI RI MO BZHIN DU RTEN SO SOR NGES PA MA YIN NO ZHES 'BREL TO, ,CI LTAR ZHE NA GANG GANG GI PHYIR DANG PO'I SKYE BAR SKYE BA GZHAN GYI LUS DANG LHAN CIG SPYOD PA'I 'DU BYED PA GANG YIN PA DE DANG RJES SU 'BREL PA DANG, RMI LAM GYI DE MA THAG TU SAD PA'I GNAS SKABS SU 'JIGS PA DANG MYA NGAN LA SOGS PAS RMI LAM GYI 'DU BYED GANG YIN PA DE DANG RJES SU 'BREL PAR DMIGS PA YIN NO ZHES BYA BA LHAG MA'I RTEN SO SOR NGES PA MA YIN MOD, DE LTA NA YANG DE ZHIG PAS CI STE MI 'JIG CE NA, RTEN SO SOR NGES PA YIN NO ZHES GSUNGS SO, ,RANG GIS SPANGS NAS DA NI RTEN NYID YOD PA MA YIN NO ZHES STON PAS RNAM 'GREL LA 'GREL PA NI GZHAN YANG ZHES BYA BA'O, ,'O NA JI LTAR RI MO LA SOGS PA 'JIG SNYAM PA LA, RI MO LA SOGS PA NI ZHES GSUNGS SO, , DES NA ZHES BYA BA NI THA DAD PA MA YIN PAS SO, ,DE'I RGYU NYID NI 'JIG PA'I RGYU NYID DO, ,GNAS PA'I RGYU DES NI GZHAG BAR BYA BA'I DNGOS PO CI ZHIG BYAS KYANG CI LTAR MED PA LA RGYU NYID KYI DON MA YIN, MED PA LA NI RGYU DANG 'BREL PA YANG 'THAD PA MA YIN TE, 'BREL BA NI GNYIS KYI CHOS YIN PA'I PHYIR RO, ,MED PA LA NI RGYUS CI YANG BYED PA MA YIN NO, ,DE LTA NA YANG BYED PA MED DO ZHES BYA BA'I DON CI YIN ZHING RTEN MA YIN PA YANG JI LTAR 'GYUR ZHE NA BDEN TE, DE KHO NAR NI MED PA LA GNYI GAR YANG MED DO, ,KUN RDZOB TU YANG SNGAR MA DMIGS BA LAS 'GA' ZHIG NYE NA NI NYE BAR 'GYUR BA'I

, ,YOD PA LA MED PA SKYE'O, ,JI LTAR ZHES RNAM PAR 'JOG PA DE BZHIN DU MED PA LA RGYU YOD DO, ,MED PA RGYU LA LTOS SO ZHES BRJOD PA YIN NO, ,DE BZHIN BRTEN BA NI RNAM PAR GNAS PA MA YIN TE, DE'I TSE NI RGYU DANG 'BRAS BU'I DNGOS PO NYID DU 'GYUR RO, ,YOD PA NYID 'GA' ZHIG LA BRTEN PA YIN NO ZHES THA SNYAD KYANG BYED PA YIN NO, ,DES NA MED PA LA NI RTEN PAR RIGS SO ZHES BYA BA YIN NO, ,'O NA YOD PA NYID LA 'GYUR RO ZHE NA, YOD PA LA YANG ZHES GSUNGS SO, ,DE NYID CES BYA BA NI GNAS PAR BYA BA'O, ,DE LTAR NA DE NYID BYAS MOD CE NA SKYON CI YOD ZHE NA, YOD PA NI ZHES GSUNGS SO, ,THA MI DAD PA'I PHYOGS LA NYES PA BRJOD NAS THA DAD PA'I PHYOGS SUN DBYUNG BA'I PHYIR DOGS PA BSU BA NI 'ON TE ZHES BYA BA'O, ,CUNG ZAD YOD PAS ZHES BYA BA NI GNAS PA'I RANG BZHIN NO, ,RTEN LA SOGS PA ZHES SOGS PA'I SGRAS NI PHAN 'DOGS PA LA SOGS BA'O, ,GAL TE GNAS PA GNAS PAR BYA BA LAS THA MI DAD PA KHO NA MA YIN NAM, DES NA DE BYAS NA DNGOS PO MA BYAS PA JI LTAR 'GYUR ZHE NA, GNAS PA NI ZHES GSUNGS SO, ,RANG GI DANG BA'I ZHES BYA BA NI SKABS KYIS GNAS PAR BYA BA LAS SO, ,CI'I PHYIR ZHE NA, LTUNG BA ZHES GSUNGS SO, ,THA MI DAD NA GZHAN NYID LA NYES PA BRJOD PA NI GAL TE ZHES BYA BA'O, ,GNAS PAR BYA BA DE'O, ,RNAM 'GREL GYI LHAG MA PHYED PO RNAM PAR 'GREL PAS LAN 'DEBS PA NI DE NI ZHES BYA BA'I DNGOS PO ZHES PA NI GNAS GANG YIN PA'O, ,'DIR THA DAD BA DANG THA MI DAD PA'I PHYOGS DAG LA NI NYES PA BRJOD ZIN PA KHO NA'O, ,'ON KYANG NYES PA LHAG PA BRJOD PA'I DON DU CI ZHES BYA BA'O, ,GZHAN DU ZHES BYA BA NI MA SKYES PA NA'O, ,DE LA DE MA THAG PA'I RNAM PAR RTOG PA'I DBANG DU BYAS NAS GSUNGS BA NI SKYES PA'I SNGON ROL DU NI DNGOS PO MA YIN TE ZHES BYA BA NI GNAS PA ZHES BYA BAR 'BREL TO, ,CI'I PHYIR ZHE NA, SKABS KYIS GNAS PA MED BA NYID KYI PHYIR RO, ,RNAM PAR RTOG PA DANG PO SEL BAR BYED PA NI THA DAD PA ZHES BYA BA'O, ,CI'I PHYIR ZHE NA, DE'I BDAG NYID DANG ZHES GSUNGS SO, ,'BREL PA MED BA MA GRUB PAR DOGS PA BSU BA NI, DE DANG 'DRES PA ZHES BYA BA'O, ,SUN 'BYIN PA NI DE DANG ZHES BYA BA'O, ,GNAS PAR BYA BA DER RO, ,NYES PA GZHAN

YANG BRJOD PA NI, GZHAN YIN NA ZHES BYA BA'I DOGS PA BSU BA NI 'PHROD PA 'DU PAS NI DNGOS PO'I RANG BZHIN SEL BA MA YIN NO SNYAM DU DGONGS PA'O, ,GZHAN DU ZHES BYA BA NI THA MI DAD PAR RO, ,DE'I TSE GNAS BAR BYA BA LAS GNAS PA GZHAN MA YIN NO ZHES BYA BA NI SKABS LAS SO, ,DE LTA NA YANG SNGAR GYI SKYON NYID DO SNYAM DU DGONGS PA'O, ,GZHAN DU KHYAD PAR DOGS PAR BYED PA NI, SO SO BA DANG ZHES BYA BA'O, ,SO SO BAR GRUB NA NI LDAN PA YIN LA, SO SO BA MA YIN PAR GRUB NA NI 'DU BA YIN NO, ,SO SO BA MA YIN PAR GRUB NA NI SO SOR MI RTOG PA'AM SO SOR MA SKYES PA'O, ,DE LA RE ZHIG PHYOGS GNYIS PA NYID SEL BA NI SHING LA SOGS PA'I ZHES GSUNGS SO, ,YAL GA SO SOR SKYES PA GNYIS 'DRES PA NI MA YIN GYIS 'ON KYANG LHAN CIG KHO NAR SKYES PA YIN NO, ,'DI LA'O ZHES BYA BA NI GZHAN GYI STE YAL GA 'DI LA YANG 'DI ZHES MI RTOG PA'I PHYIR RO ZHE NA, 'GOG PA NI MA YIN TE ZHES BYA BA'O; ;CI'I PHYIR ZHE NA, LDAN PA NYID LA GNYIS MTHONG BA'I PHYIR RO, ,'DU BA LA NI MA YIN TE BZLOG PA'I PHYIR RO, ,THAL BA'I PHYIR RO ZHES BYA BA NI RAB TU 'BREL PA STE DE'I PHYIR RO, ,'DI LA'O SNYAM PA'I BLO'I RGYU NI GNYIS MTHONG BA YIN LA, DE LA YANG LDAN PA'I YUL LA YIN NO, ,DES NA DE NYID DU 'DI LTA BU'O SNYAM PA'I BLO 'BREL BAR 'GYUR RO, ,'DU BA'I YUL LA NI DE MED PA'I PHYIR MED DO, ,DES NA DER NI BA LANG 'DI LA RIGS ZHES BYA BA 'DI RANG GI RTOG PA TZAM YIN NO, ,CI'I PHYIR ZHE NA, MGO LA GNYIS MTHONG BA LAS 'GYUR DE YI, ,YUL LAS 'GAR YANG GNYIS MTHONG MED DES NA, ,RANG GI RTOG PA TZAM ZHIG THABS SU 'GYUR, ,ZHES BYA BA DGONGS PA'O, ,RNAM PAR RTOG PA DANG PO SLONG BA NI 'ON TE ZHES BYA BA'O, ,'DU BA CAN GYI YAN LAG GANG YIN PA DAG STE GANG DU 'DU BAR 'GYUR BA'I 'BRAS BU'I RDZAS SKYES PA'O, ,'DI YANG NYE BAR MTSON PA STE, RDZAS GANG LA YON TAN LA SOGS 'DUS PAR 'GYUR BA'AM, GANG DU SPYI LA SOGS PA 'DU BAR 'GYUR BA'AM, YANG NA GANG LA RDZAS LA SOGS PA LA LTOS PA'I 'DUS PA NYID YOD PA STE, DE DANG SO SOR MA RTOGS PA NYID NI DANG PO MA YIN PAR GRUB PA MA YIN NO ZHES BYA BA'I DON TO, ,DE LTA NA YANG ZHES BYA BA NI RANG GI 'DU BA CAN RNAMS 'DUS PA NYID YIN

, ,YANG 'DIR 'DI RANG GI 'DU BA CAN GYI YAN LAG 'DUS SO ZHES DE LTA BU'I RANG BZHIN CAN THA DAD PAR RTOGS PAS SO, ,DON 'DI YIN TE GAL TE GNYIS RANG GI NGO BOS SNANG NA, DE'I TSE SO SOR MA RTOGS PA 'DU BAR RNAM PAR 'JOG 'DOD BA'I 'DU BA'I GTAN GANG NA YOD, 'ON TE THA DAD PAR SNANG BA MED PA NYID YIN NA, DE LTA NA 'ANG 'DI LA'O SNYAM PA'I RTOGS PA MED PA'I PHYIR RO, ,DE LTAR PHYOGS GCIG GIS 'BYAR BA KHAS BLANGS NAS, LDAN PA DANG 'DU BA DAG KHYAD PAR 'GA' YANG MED DO ZHES BSTAN NAS 'BYAR BAR YANG MI 'THAD DO ZHES STON PA NI, YAN LAG MED PA'I ZHES GSUNGS SO, ,YAN LAG MED PA GNAS PA'I RANG BZHIN CAN GZHAN GYIS KHAS BLANGS PA NI MA DMIGS PA'I PHYIR NA MED PA KHO NA'O, ,YANG NA YOD DU CHUG PA DE LTA NA YANG DE NI YAN LAG DANG 'BYAR BA MA YIN NO, ,YAN LAG CAN NI YOD PAR KHAS MA BLANGS PA'I PHYIR YAN LAG CAN DANG ZHES NI MA GSUNGS SO; ,CI'I PHYIR ZHE NA, YAN LAG DANG ZHES GSUNGS SO, ,THA DAD PAR RTOGS PAR THAL BA NI GNAS DANG GNAS PA CAN TE, BUM PA DANG SNAM BU BZHIN NO ZHES SKABS KYIS SO, ,BRGYA LA PHA ROL PO THA DAD PAR RTOGS PAR KHAS LEN DU 'ONG NGO ZHES DOGS PA BSU NAS RJES SU ZHUGS PA DANG ZHES GSUNGS SO, , GNAS PA LA SOGS PA'I GNAS SKABS NI RJES SU MA ZHUGS PA YIN LA, RDZAS NI GNAS SKABS THAMS CAD DU RJES SU ZHUGS PA YIN NO, ,RNAM PA THAMS CAD DU RTOG PA'I DBYE BA MED NA GANG ZHIG GANG DU 'DU BA YIN, DE LTA BU'I THA DAD PA NI RTOGS KYANG THA DAD PAR GRUB PA MA YIN TE, YUL DANG DUS DAG GI MNGON SUM GYI RNAM PA THA DAD PAR MED PA'I PHYIR RO ZHE NA, DE 'GOG PA NI 'THAD PA MA YIN NO ZHES BYA BA'O, ,CI'I PHYIR ZHE NA, MNGON SUM GYIS NI ZHES GSUNGS TE, GNAS PA LAS GZHAN NI MI DMIGS PA'I PHYIR RO ZHES BYA BA'I DON TO, ,GANG GI PHYIR DE LTAR GZHI LAS THA DAD PA THA MI DAD PA GNAS PAR MI 'THAD, LTAN [*LHAN?] CIG BYED PA ZHES BYA BA LA SOGS PA'O, ,DE LTA YIN NA YANG ZHES BYA BA NI LHAG MA'O, ,GNAS SKABS BYED PA LOG NA NI GNAS SKABS DE NYID LOG PAR ZAD DO ZHES BYA BAR DGONGS PA'O, ,'ON TE LUS NI NYE BAR LEN PA'I RGYU NYID YIN GYI KHYAD PAR GYI RGYU NI MA YIN NO SNYAM NA, LUS NI ZHES GSUNGS TE, NYE BAR LEN

PA'I MTSAN NYID GANG YANG MED PA'I PHYIR RO, ,DES NA LUS DE LOG BA NI RNAM PAR SHES PA TZAM LDOG PA MA YIN NO, ,GAL TE ZHES BYA BA LA SOGS PA NI SUN 'BYIN PA GZHAN NO, ,RNAM PAR SHES PA LA SOGS PA GANG LA'O, ,'JIG PA DE'I GAL TE GNAS PA NI MI G-YO BA DANG MI 'JIG PA LA BRJOD PA MA YIN NAM, DE LA RTEN GYIS NI MI G-YO BA'I RANG BZHIN GYIS GNAS PA NYID BYED KYI MI 'JIG PA'I RANG BZHIN NI MI BYED PA'I PHYI MA 'DI CI LTAR 'GYUR ZHE NA, BRJOD PA MI G-YO BA ZHES BYA BA NI GNAS PA DE NYID NA YOD PA MA YIN NO, ,'JIG PA YANG YOD PA DANG 'GAL PA YIN TE, 'JIG NA GNAS DE YANG YOD MI SRID DO, ,DES NA GNAS PA NI 'JIG PA DANG 'GAL BAS KHYAB PA YIN PA'I PHYIR THAL BAR 'GYUR BA RIGS SO, ,DE LA 'ANG THAL BAR MTSUNGS PA YIN NO ZHES BYA BA NI 'JIG PA DE YANG DNGOS PO LAS THA DAD PA'AM THA MI DAD PA YIN, DE LA 'JIG PAS NI DNGOS PO NYID 'JIG PA YIN NA DE'I TSE 'DI RANG GI RGYU CI LTAR SKYED PA DE KHO NA 'DRA BA NYID YIN PA'I PHYIR GNAS PA'I RGYU RTEN GYIS CI ZHIG BYA, CI'I PHYIR 'JIG PA MED PAR THAL SNYAM NA, GNAS PAR ZHES GSUNGS SO, ,'ON TE ZHES BYA BA LA SOGS PAS NI RNAM 'GREL GYI LHAG MA LA 'JUG PA'O, ,THA MI DAD PA'I PHYOGS LA NYES PA BRJOD NAS THA DAD PA'I PHYOGS LA BRJOD PA NI, DNGOS PO LAS 'JIG PA GZHAN YIN NA YANG 'JIG PA'I RGYU DES DNGOS PO LA CI ZHIG BYAS NAS GANG GIS DE'I 'JIG PAR BYED PAR 'GYUR, 'JIG PA BYAS PA DES NA 'DI 'JIG PA BYAS PA YIN NO, ,'JIG PA BZHIN ZHES GSUNGS SO, ,DES NA ZHES BYA BAS 'JIG BAR BYED PAS NA'O, ,CUNG ZAD KYANG BYED PA MA YIN PA DE'I PHYIR RO, ,GNYI GA LTAR YANG 'JIG PAR BYED PA CUNG ZAD KYANG MI BYED PA NYID MJUG SDUD PA NI GNAS PA'I RGYUS CI ZHIG BYA ZHES BYA BA'O, ,'JIG PAR BYED PAR THAL BAR 'GYUR, ,GAL TE DE 'JIG RGYU LAS 'DOD, ,GNAS PA'I RGYUS KYANG CI ZHIG BYA, ,ZHES BYA BA 'DI LA BSHAD PA GZHAN GSUNGS NA YANG NA ZHES BYA BA'O, ,BSHAD PA GNYI GA GZHAN GYI LAN GYI LAN GYI DOGS PA BSU BA NI, GAL TE ZHES 'JIG RGYU ZHES SMOS SO, ,GNAS PAR BYED PA DES 'JIG PAR BYED PA DANG PHRAD KYI BAR DU GNAS PAR BYA BA RNAM PAR GNAS PAR BYA BA YIN TE, DE LTA MA YIN NA NI 'JIG BYED 'ONG BA LA MI LTOS PA NYID DU 'JUG PAR 'GYUR RO SNYAM

, ,NA; LAN DU 'JIG PA DNGOS CHOS NYID, ,CES BYA BA'I DGONGS PA 'DI YIN TE, GAL TE GNAS PAR BYA BA GNAS PA'I DON DU GNAS PAR BYED PA MA YIN NA DE'I TSE 'JIG PA'I RGYU MED PAR RANG NYID 'JIG PAR 'GYUR LA, BZLOG NA NI 'JIG BA'I RGYU LAS 'JIG PA'I PHYIR GNAS PAR BYED PA 'BRAS BU DANG BCAS PAR 'GYUR RO, ,DE LTA NA YANG 'JIG PA RGYU MED PAR THAL BA DES NA 'JIG PA DNGOS PO'I CHOS NYID DO, ,YOD PA'I DON LA 'JIG PA 'DI PA GNOD PA YOD PA MA YIN PA'I PHYIR NA, GNAS PA'I RGYUS NI CI ZHIG BYA, ,ZHES BYA BA 'DI GNAS SO, ,RE ZHIG RTZOD PA'I CHA RNAM PAR 'GREL BA NI GNAS PAR BYED PA MED NA ZHES BYA BA'O, , GANG GI PHYIR GNAS PAR BYED PA MED BAR 'JIG PA GANG YIN PA DE NI 'JIG BYED MED PAR RANG NYID 'GYUR RO ZHES BYA BA'I DON TE, GAL TE DE LTA YIN MOD DE LTA NA YANG GNAS PAR BYED PAR BYED PA JI LTAR NYE BAR SBYOR BA YIN SNYAM NA, GNAS PAR BYED PA YOD NA, DNGOS PO 'JIG GI 'JIG PA'I RGYU MED PAR NI MA YIN NO, , GRUB PA'I MTHA' RNAM PAR GROL BA'I DON DU GSUNGS PA NI DE LTA NA YANG ZHES BYA BA STE, GNAS PAR BYED PA MED NA RANG NYID 'JIG BAR KHAS BLANGS NAS 'O NA 'JIG BA ZHES BYA BA LA SOGS PA RTOGS PAR SLA'O, ,'DI ZHES BYA BA NI 'JIG PA'O, ,'ON TE ZHES BYA BA NI GZHAN GYI'O, ,LAN DU 'JIG PA'I GEGS DE YANG ZHES BYA BYA BA'O, ,'JIG PA'I GEGS DE YANG ZHES BYA BA NI 'JIG PA LA GNOD PAR BYED PA'O, ,'ON TE ZHES BYA BA NI GZHAN GYI'O, ,GZHAN DU ZHES BYA BA 'JIG PA MA YIN PAR RO, ,LAN DU DE'I ZHES BYA BA LA SOGS PA'O, ,RGYU MED PA CAN ZHES BYA BA NI RGYU MI NUS PA DANG DON MED PA'I NYES PAS ZIN PA'I PHYIR RO SNYAM DU DGONGS PA'O, ,SUN 'BYIN PA GZHAN YANG BRJOD PA NI, DE YANG ZHES BYA BA STE 'JIG PA YANG NGO, ,DES NA 'JIG PA DNGOS CHOS NYID, ,CES BYA BA MA GTOGS PAR LHAG MA LA BSHAD PA GZHAN GSUNGS PA NA YANG NA ZHES BYA BA'O, ,'JIG PAR BYA BA DANG PHRAD KYI BAR DU MI 'JIG PAR GNAS PAR BYED PA LAS GNAS PA ZHES BYA BA GANG YIN, DE LTA YIN NA MI 'JIG PAR SKYES PAS ZHES BYA BA'I DON NI 'DI YIN TE, BRTAGS PA NI SKABS KYI RTEN PA LA, PHYIN CI LOG TU RTOG BA ZHES BYA BA NI, RGYU DANG 'BRAS BU'I DNGOS PO LA RTEN DANG BRTEN PA'I DNGOS PO GZHAN MA YIN NO ZHES BYA BAR RO, ,THOG MA MED PA'I BAG

CHAGS KYI MTHU LAS ZHES BYA BA 'DIS BZUNG BA'I DON NYID GSAL 'DEBS PA NI DE NYID KYI PHYIR ZHES BYA BA'O, ,DE NYID GZHUNG 'DZUGS PA 'DI LTAR ZHES BYA BA'O, ,YID TZAM LA BRTEN PA NI YID KYI'O, ,GNAS PAR BYED PA LA 'JIG PA'I RGYU DANG BRAL BA'I MTHAR THUG PAR SUS KYANG BZLOG PAR NUS PA MA YIN NO, ,DES NA SKAD CIG GNYIS PA LA SOGS PA'I DUS SU GNAS PAR BYED PA DON MED DO ZHES BYA BA YIN NO, ,'ON TE MI 'JIG PA'I PHYIR MED PA MA YIN MOD, LTUNG BA NI LDOG TU MED PA'I PHYIR RTEN LA LTOS SO ZHE NA MA YIN TE, LTUNG BA YANG RANG GI NGO BO LAS 'PHO BA'I RANG BZHIN YIN PA'I PHYIR RO, ,'ON TE ZHES BYA BA NI GZHAN GYI'O, ,SKAD CIG GNAS PAR YANG GNAS PAR BYED PA YOD PAR KHAS BLANGS TE, DE LTA MA YIN NA GNAS PAR BYA BAR MI 'GYUR RO SNYAM DU DGONGS PA'O, ,LAN NI DE LTA NA ZHES BYA BA'O, ,DE LTA YIN NA GNAS PAR BYED PA LAS SO SOR MI 'JIG PA'I DNGOS PO GZHAN DANG GZHAN SKYE BAR 'GYUR RO, ,DE LTA NA YANG GNAS PA'I RGYUS CI BYA SNYAM DU DGONGS PA'O, ,GZHAN YANG JI LTAR GNAS PAR BYED PA GNAS PA DE BZHIN DU GNAS PAR BYA BAR YANG 'GYUR RO ZHES BRJOD PA NI GNAS PA'I ZHES BYA BA'O, ,NGAG 'DIR GNAS PA PO GZHAN DANG GZHAN KHAS LEN RTEN BCAS THAMS CAD GNAS DANG GNAS LDAN ZHES BYA BA LA SOGS PA'I RNAM 'GREL NYID 'BYUNG BAR 'GYUR BA'I PHYIR LAN DOGS PAR BYED PA NI RANG GI RGYUS BYAS SO ZHE NA ZHES BYA BA'O, ,LAN DU GNAS PAR BYA BA'I YANG ZHES BYA BA'O, ,DE LTAR ZHES BYAS PA RGYUR BYAS PAR RO, ,RTEN 'GOG PA LA MNGON SUM DANG 'GAL BA'I BRJOD PA'I DOGS PA BSU BA NI, CI STE YANG SA PHYOGS ZHES BYA BA'O, ,MTHONG BA NI MNGON SUM GYIS YUL DU BYAS PA'O, ,RNAM PAR RTOG PA RGYAS KYANG ZHES BYA BA NI CI YOD DAM, DE STE MED CES BYA BA LA SOGS PA'I RNAM PAR RTOG PA'I SPROS PA'O, ,RNAM PAR RTOG PA LA NI RJES SU DPAG PA'I DNGOS POS BYAS PA NYID BLANG BAR BYA BA YIN GYI MNGON SUM GYIS GNOD PA'I NYES PA YOD PAR DOGS NA RANG NYID NI CI YANG MA YIN NO, ,DES NA DE BSGRUB PA'AM GNOD NA NI NGES PA KHO NAR SKABS YOD PAR MA YIN NO ZHES BYA BAR GDON MI ZA'O, ,DON DANG ZHES BYA BA NI, GSOG TU GYUR TO ZHES BYA BA 'THAD DO, ,

, ,'DI LA MTSUNGS ZHES BYA BA NI, YOD MED DAG RTEN MED PHYIR RO, ,ZHES BYA BA LA SOGS PA'I SUN 'BYIN PA'O, ,GAL TE RE ZHIG RTEN DANG BRTEN PA'I THA SNYAD 'DI NI YOD PA KHO NA YIN LA DE LA YUL NGES PA CAN YIN PAS RGYU MTSAN MED PAR YANG MA YIN NO, ,DES NA 'DI LA RGYU MTSAN CI YIN SNYAM NA, DNGOS RNAMS ZHES GSUNGS TE, DNGOS PO RNAMS SKAD CIG SOR 'JOG PA YIN PAR RIGS PA LAS 'ONGS PA YIN PA NA, DNGOS PO'I RGYU GANG YIN PA DE LTAR TE NYE BAR LEN PA'I YUL YONGS SU MA SPANGS PAR SKYE BA DE'I RGYU YIN PA'I PHYIR NA RTEN YIN NO ZHES BRJOD DO, ,DES NA GNAS PAR BYED PA NI SKYED BYED KHO NA YIN TE, GZHAN LAS GRUB NA GNAS PA NI MA YIN NO, ,DE LTA MA YIN NA NI MI 'THAD DO, ,BRTEN PA LA NI GNAS PAR BYED PA LAS CIR YANG 'GYUR BA MA YIN LA, MI BRTAN PA LA YANG BSKYED PA LAS MA GTOGS PA'I BYA BA MED PA LA MA YIN TE, PHAN 'DOGS PA MED PA NYID KYI PHYIR RO, ,YANG NA 'GRO BA'I GEGS BYED PA'I PHYIR NI RDZAS LCI BA RNAMS LA RTEN YONG DU CHUG KYANG, BLO LA SOGS PA LA NI MA YIN TE, BZLOG PA'I PHYIR RO ZHES BRTEN PA NI, 'BO BA YIS NI GEGS BYED PHYIR, ,ZHES BYA BA'O, ,CHU LA SOGS PA NI ZHES BYA BA NI KHAD KYIS 'CHAD PAR BYED PA'O, ,MTHONG BA MED DO ZHES BYA BA NI MA GRUB PA'O, ,MTHONG BA 'GAL BA'I PHYIR RO ZHES BYA BA 'DI PHYIN CI LOG TU BSTAN PA'I DON DU JI SKAD BRJOD PA YIN NO, ,GAL TE ZHES BYA BA NI GZHAN GYI'O, ,MA MTHONG BA NYID LA ZHES BYA BA NI LAN NO, ,DNGOS PO GNYIS KYI RANG BZHIN LAS GZHAN NI RTEN DANG BRTEN PA'I DNGOS PO YANG DMIGS PA'I SPYOD YUL DU GYUR PA MED DO, ,DE NYID STON PA NI BYA BA'I RTEN GANG YIN PA DE NI BYED PA PO DANG LAS DAG GIS 'DZIN PA LAS YIN NO, ,BYA BA NI BYED PA PO'AM LAS LA GNAS PA YIN TE, LAS LA SOGS PA BRTEN PA DANG BRAL BAR MI SRID PA'I PHYIR RO, ,DES NA BYED PA PO DANG LAS KYIS 'DZIN PA NYID LAS BYA PA'I RTEN YIN NO ZHES BYA BA NI LUGS YIN TE RGOL BA THAMS CAD KYIS 'DOD PA YIN NO, ,LUGS 'DI NI RNAM PAR DPYAD NA MED PA NYID DO, ,CI'I PHYIR ZHE NA, 'DZIN PA'I PHYIR ZHES GSUNGS SO, ,GANG 'DZIN PA DE MYUR BAR MA DMIGS PA CI'I PHYIR ZHE NA, LTUNG BA DANG MI LTUNG BDAG CES GSUNGS SO,,

RIGS PA 'DI DAG GIS CI ZHIG BYA STE MNGON SUM NYID KYIS SNGA MA DANG PHYI MA'I RANG BZHIN GCIG TU BYAS NAS GZUNG BAS NA, LTUNG BA GANG YIN PA DE NYID MA LTUNG BA'I CHOS CAN YIN NO ZHES RNAM PAR 'JOG PA YIN NO, ,MNGON SUM GYIS ZHES GSUNGS SO, ,GAL TE THA DAD PAR RTOGS PA'I GNAS SKABS GNYIS THA DAD MOD GNAS SKABS CAN GYI RDZAS NI GCIG YIN NO SNYAM NA LTUNG BA DANG ZHES GSUNGS SO, ,DMIGS PA GANG YIN PA DE NI PHAN TSUN RANG BZHIN RJES SU ZHUGS PA MED PA KHO NA'O, ,DE LTA NA YANG GNAS SKABS CAN MI 'DZIN CE NA, DE LTA YANG ZHES GSUNGS SO, ,GAL TE DA DUNG YOD DO ZHES BYA BAR RTOGS PA YOD PA MA YIN NAM ZHE NA, YOD PA NI BDEN MOD KYI 'ON KYANG RNAM PAR RTOG PA TZAM YIN NO, ,'DIS BRTAGS PA DUS SU MA KHYAB PAR 'DZIN PA'I RANG BZHIN CAN NI MNGON SUM BYED PA YIN PAR MI BRJOD DO, ,DE MED PHYIR NA RDZAS SU 'DZIN PA MED PA'I RNAM PAR RTOG PA TZAM BLANG BAR BYA BA MA YIN PA KHO NA'O, ,GAL TE DE LTA NA YANG DUS GZHAN KHYAB BA DANG BRAL BA'I MNGON SUM GYIS SKAD CIG GCIG NYID LA GNAS SKABS 'DZIN PA MA YIN MOD, RIM GYIS 'DZIN PAR 'GYUR RO ZHES DGONGS PA BSU BA NI RIM GYIS ZHES BYA BA'O, ,SUN 'BYIN PA NI RIM GYI DON CI YIN ZHES BYA BA'O, ,DE NYID SPYOD PA NI DNGOS PO DANG ZHES BYA BA'O, , YOD PA 'BA' ZHIG BZUNG NA NI RIM GNAS PA MA YIN ZHING, 'ON KYANG RANG NGAM 'BREL PA CAN GYI YOD PA DANG MED PA SRID NA YIN NO, ,RIM GYI THA SNYAD DE YANG DNGOS PO DANG DNGOS PO MED PA DUS THA DAD PA DAG YIN NO, ,DNGOS PO DANG DNGOS PO MED PA DE YANG GZUNG BA'AM 'DZIN PA YIN ZHES BRTAGS NAS SUN 'BYIN PA NI GO SLA'O, ,GZUNG BA YANG DER ZHES BYA BA NI RIM PA DANG LDAN PA STE, RIM PA CAN MA YIN PA LAS RIM PA MI 'BYUNG NGO SNYAM DU DGONGS PA'O, ,DE'I PHYIR ZHES BYA BA NI 'DZIN PAR BYED PA RIM PA DANG LDAN PA'I PHYIR RO, ,RNAM PAR RTOG PA'I SPYOD YUL RIM PA YIN PAS ZHES BYA BA NI RIM PA 'DZIN PA'I THA SNYAD NI RNAM PAR RTOG PAR SGRO BTAGS PA KHO NAR ZAD KYI MNGON SUM GYI SPYOD YUL NI MA YIN NO ZHES BYA BA'I DON TO, ,GANG GIS BYA BA NI RIM PA MNGON SUM DU GYUR PAS SO, ,YANG MNGON SUM GANG GIS DMIGS PA'I ZHES SBYAR RO, ,DE'I PHYIR ZHES BYA BA NI GZHAL BYA MED PA LA ZHUGS PA'I RNAM 'GREL GYI CHA NYID TSAD MA MED PA LA

, ,YONGS SU SBYAR BA YIN NO ZHES BSTAN PA YIN NO, ,'DI LTAR YOD MED DAG LA BRTEN PHYIR ZHES BYA BA RTEN DANG BRTEN PA'I DNGOS PO DGAG PA LA SBYAR BA YIN NO, ,DE LTA NA NI MNGON SUM GYIS GNOD PAS RTZOD PA LA MA LTOS NAS, YUL RTEN DANG BRTEN PA'I DNGOS PO MED PAS YUL CAN NYAMS SU MYONG BAR BRTEN PAR DGONGS PA'I PHYIR RTEN DANG BRTEN PA'I DNGOS PO NI MTHONG BA MED PA KHO NA'O ZHES SBYAR BAR BYA BA YIN NO, ,DES NA 'BRAS BUS BZLAS NAS BSHAD PA YIN NO, ,RTEN DANG BRTEN PA'I DNGOS PO DE MTHONG BA MED PAR RO, ,'O NA NI ZHES BYA BA NI BYA ROG GI LAN NO, ,PHYIN CI LOG GI RNAM PAR RTOG PA NI MTHONG BA YANG YIN TE NANG GI NI, BSLANG BA LAS BYUNG GANG YIN TE, ,ZHES BYA BA LA SOGS PAS STON PAR 'GYUR BA'I PHYIR RO, ,DE LA YANG THAL BA MTSUNGS PA YIN ZHES BYA BA'I MTHAR THUG PAR BSHAD NAS, LHAG MA 'CHAD PA NI GZHAN YANG ZHES BYA BA LA SOGS PA'O, ,GAL TE DE LTA NA YANG RTEN DANG BRTEN PA'I DNGOS PO 'PHEL NA, 'DI NI RGYU DANG 'BRAS BU'I DNGOS PO'I KHYAD PAR NYID DO ZHES BYA BA NI BSDUS PA'I DON TO, ,DE LTA MIN NA RIGS MA YIN, ,ZHES BYA BA 'CHAD PA NI SNGA MA DANG PHYI MA DAG CES BYA BA'O, ,SNGA MA DANG PHYI MA DAG GCIG TU SGRO BTAGS PA LA NI SKABS KYIS BRTEN PA LA'O, ,PHYIN CI LOG TU RTOG PA ZHES BYA BA NI RGYU DANG 'BRAS BU'I DNGOS PO LA RTEN DANG BRTEN BA'I DNGOS PO GZHAN MA YIN NO ZHES BYA BAR RO, ,THOG MA MED PA'I BAG CHAGS KYI MTHU LAS ZHES BYA BA 'DIS GZUNG BA'I DON NYID GSAL 'DEBS PA NYID KYI PHYIR ZHES BYA BA'O, ,DE NYID GZHUNG 'DZUGS BA NI 'DI LTAR ZHES BYA BA'O, , YID TZAM LA BRTEN PA NI YID KYI'O, ,GAL TE DE LTA NA DMIGS BA MED PA'I RNAM PAR RTOG PA NYID CHOS CAN YIN LA GTAN TSIGS KYANG DMIGS PA MED BA NYID YIN PA'I PHYIR BSGRUB PAR BYA BA DANG, KHYAD PAR MED PAR 'GYUR RO SNYAM NA MA YIN TE, DPER NA GONG BU RVA CAN 'DI RVA CAN NYID PHYIR RTA MA YIN ZHES BYA BA'I SKABS SA LAN 'DEBS PAR 'GYUR BA'I PHYIR RO, ,'DI LA SBYOR BA NI GANG DMIGS PA MED PA DE NI RNAM PAR SHES PA SNGA MA LAS BYUNG BA YIN TE, DPER NA SMIG RGYU LA CHUR RTOG PA BZHIN NO, ,RTEN DANG BRTEN BA'I RNAM PAR RTOG PA YANG DMIGS PA MED PA YIN NO, ,MA GRUB PA'I LAN BSHAD ZIN PA NYID LHAG

MA BRJOD PA'I DON DRAN PAR BYED PA NI ZHES BYA BA'O, ,GZHAN GYI LAN LHAG MA BRJOD PA NI DNGOS PO DU MA NYID LAS SHES ZHES BYA BA'O, ,RNAM PAR SHES PA SNGA MA'I 'BRAS BU NYID DU MA MTHONG BA'I PHYIR RO, ,SNGA MA PHYI MAR SKYE BA CAN PHYIN CI LOG GI SHES PA CAN 'DI NI, 'DI LAS GCIG TU RTOGS PA 'DI SKYES SO ZHES BYA BA NI RTOGS PAR MI NUS SO, ,DES NI SNGA MA DANG PHYI MA'I DNGOS PO GNYIS KA MTHONG BA DE NYID LAS GCIG PA NYID KYI BLOR 'GYUR BA YIN NO, ,MTHONG BA SPANGS NAS MA MTHONG BA BZOD PA NI BZOD PA YIN NO ZHES BYA BA'I DON TO, ,DE NI MA YIN TE ZHES BYA BA'O, ,DON NI 'DI YIN TE, SMIG RGYU LA CHUR RTOG PA YANG SMIG RGYU TZAM GYI RJES SU 'GRO BAR 'GYUR TE, DE TZAM MTHONG BA'I PHYIR DANG CHU MTHONG BA NA GZHAN GYIS MA MTHONG BA'I PHYIR RO, ,'ON TE SMIG RGYU RTOG PA NYID 'THAD KYI CHUR RTOG PAR CI LTAR 'GYUR SNYAM NA, DE LTA NA NI 'O NA DNGOS POS DU MA LA DU MAR ZHEN PA NYID 'THAD KYI GCIG NYID DU CI LTAR RTOG CES BYA BA 'DI MTSUNGS SO, ,DE'I PHYIR RIGS GANG LAS GRUB PA DE ZHES BYA BA'I TSUL GYIS 'DI'I 'BRAS BU'I GTAN TSIGS GZHAN LAS KHYAD PAR YOD PA MA YIN NO, ,CHUR RTOG PA CHU MTHONG BA LAS BYUNG BA BZHIN DU, GCIG NYID DU RNAM PAR RTOG PA YANG GCIG TU MTHONG PA CAN DU 'GRO BA CAN YIN MOD, DE'I PHYIR DON GZHAN MA YIN PA NYID THOG TU BAB PO ZHES GSUNGS PA NI, 'O NA DPE DANG CHOS MTHUN PA STE, DPE LA NI BRTAGS BZHIN PA NYID SNGON DU NYAMS SU MYONG BA YIN NO SNYAM NA DE NI MI 'THAD TE, BDAG NYID THAMS CAD KYI CHOS MTHUN PA'I DPE NI 'GA' YANG YOD PA MA YIN NO, ,PHYIN CI LOG GI RNAM PAR RTOG PA NI SHES PA SNGA MA DANG 'BREL PA YIN NO ZHES BYA BA DE TZAM ZHIG BSTAN BAR 'DOD PA'I PHYIR RO, ,SGRO BTAGS BZHIN PA'I YUL GYI DON CAN GYI SHES PA SNGA MA NI DON GYI DMIGS PA YIN NO ZHE NA DON MED PA CAN SNGA MA YANG SGRO BTAGS BZHIN PA'I DON GYI YUL CAN NYID YIN TE, 'ON KYANG DPE LA NI SNGA MA DNGOS PO'I YUL CAN GYI MYONG BA YIN LA, DON LA NI RNAM PAR RTOG PA TZAM YIN PA NI ZHES BYA BA 'DI KHYAD PAR 'DIS CI BYA, GNYI GA LTAR YANG SNGA MA SNGA MA NI BAG CHAGS 'JOG PA TZAM LA NYE BAR 'JOG PA YIN NO, ,DE LA DPE DON NYAMS SU

, ,MYONG BA RNAM PAR RTOG BA DE SKYED PA'I SA BON 'JOG PAR BYED PA YIN PA DE BZHIN DU DON MED PA'I RNAM PAR RTOG PAS KYANG GAL TE RIGS MTHUN PA SKYE BA'I SA BON 'JOG MOD NYES PA CI YOD, RIGS MI MTHUN PA'I RNAM PAR RTOG PA'I SA BON NI 'JOG PAR MI 'THAD DO, ,DON NYAMS SU MYONG BA LAS BYUNG BA LA NI DE YANG CHA SHAS KYIS YOD PA YIN NO, ,RNAM PAR RTOG PA TZAM GYIS RNAM PAR RTOG PA TZAM GYI BAG CHAGS SKYED PA LA NI DOGS PA YANG MED DO ZHES BSAMS NAS DES NA SKYE BA GZHAN DU YANG ZHES BYA BA'O, ,DE LTAR BLO SNGA MA DANG PHYI MA'I YUL LAS GCIG PA NYID MED PA'I PHYIR LTUNG BA'I CHOS CAN NI RTEN LAS MI LTUNG BA LA BRTEN PAR 'GYUR BA MA YIN LA, MNGON SUM GYIS GNOD PA YANG YOD PA MA YIN NO ZHES GNAS SO, ,DE LTAR GCIG NYID MED PAR BDAG LA SOGS PA YANG MED PA'I PHYIR DE'I RNAM PAR RTOG PA YANG THOG MA THA MA MED PA YIN NO ZHES STON PA NI, DE BZHIN DU ZHES BYA BA'O, ,SOGS PA'I SGRAS NI SPYI LA SOGS PA SDUD PA'O, ,JI LTAR GCIG TU 'DZIN PA DE DMIGS PA MED PA DE BZHIN DU BDAG LUS LA SOGS PAR 'DZIN PA'O, ,CHOS TZAM DE DANG LDAN PA'I CHOS CAN BLO LA, THOG MA 'GOG PA NI RGYUN THOG MA MED PA ZHES BYA BA'O, ,PHYIS KYANG MI 'CHAD PA ZHES BYA BA NI GZHAN DANG GZHAN SKYE BAS THA MA 'GOG PA'O, ,'GA' ZHIG TU RTEN DANG BRTEN PA'I DNGOS PO YOD KYANG SKABS SU BAB PA LA NI MA YIN NO ZHES STON PAS SNGAR DRIS PA'I RNAM 'GREL NYID BSHAD PA'I DON DU YI GE 'DRI BA NI GZHAN YANG ZHES BYA BA'O, ,DE LTAR YON TAN LA SOGS PA LA RTEN MED MOD; SEMS NI DE LAS BZLOG PA YIN PA'I PHYIR CI LTAR RTEN MED PA YIN ZHE NA SEMS PA ZHES GSUNGS SO, ,LUS NI SEMS SO ZHES BYA BA SPYI DANG, LUS KYI YON TAN NI BLO ZHES BRJOD PA'I PHYIR YON TAN DANG, YUL RTOGS PA'I RANG BZHIN YIN PA'I PHYIR LAS YIN NAM, GZHAN DU YANG ZHES BYA BA KHYAD PAR TE, SEMS YIN GYI SEMS MA YIN PA NI MA YIN PA ZHES BYA BA THA DAD PA'I RTOGS PA'I RGYU YIN PA'I PHYIR RO, ,YANG NA NGES PA MED PA STE, SEMS PA NI DE LTA BU NYID GZHAN DU YANG BRTAG PAR BYA BA NI MA YIN NO, ,DES NA DE LAS BZLOG PA NI MA YIN TE DE'I PHYIR RNAM PA GCIG

TU LTUNG BA'I DOGS PA MED DO ZHES BYA BA'I DON TO, ,'DU BA'I SGO NAS LAN THEBS PAR BSAMS NAS GZHAN RTZOD PAR BYED PA NI GAL TE ZHES BYA BA'O, ,DON NI 'DI YIN TE GANG ZHIG GANG DU 'DU BA DE NI DE MED NA MI 'BYUNG BA YIN TE, DPER NA 'DU BA CAN GYI RGYU MED NA DE DANG 'DUS PA'I YON TAN MED PA BZHIN NO, ,SEMS KYANG LUS LA 'DUS PA YIN NO ZHES BYA BA'O, ,SUN 'BYIN PA'I 'GRO BA LA SOGS PA NI ZHES BYA BA LA SOGS PA'O, ,RTEN DANG BRTEN PA'I DNGOS PO MA YIN YANG 'DU BAR 'GYUR RO SNYAM NA, RTEN DANG BRTEN PA'I DNGOS PO YIN YANG ZHES GSUNGS SO, ,'DI GA LAS SNYAM NA GZHAN GYI PHYIR ZHES BYA BA LAS TE, GANG GI PHYIR MA GRUB PA LA SOGS PA BRJOD LA, BRJOD PA DE'I PHYIR NA RTEN DANG BRTEN PA MED PAR 'DU BA MA YIN NO ZHES BYA BA'I DON TO, ,'DU BA MED PA 'DI NYID DO, ,RTEN DANG BRTEN PA'I DNGOS PO BSAL BA 'DIS NI GAL TE RTEN DANG BRTEN PA'I DNGOS PO BSAL BAS 'DU BA LA SOGS PA RNAMS BSAL BAR GYUR MOD, DE BZLOG PA NYID JI LTAR ZHE NA, RTEN MED PHYIR NA ZHES GSUNGS TE, BSHAD ZIN PA'I TSUL GYIS MI 'THAD SNYAM DU DGONGS PA'O, ,'DIS NI GANG ZHIG GANG DU 'DU BA DE ZHES BYA BA'I GTAN TSIGS MA GRUB PAR BRJOD PA YIN NO, , RNAM 'GREL GYI BSHAD PA MA BYAS PAR RE ZHIG MA BYAS PA NYID BRJOD PA NI RIGS LA SOGS PA NI ZHES BYA BA'O, ,GAL TE ZHES BYA BA NI GZHAN GYI'O, ,DE NI MI RTAG PAR 'GYUR BA GANG ZHIG GANG DU 'DU BA ZHES KHYAD PAR DU BYED PA'I MA NGES PA NYID MA YIN NO SNYAM PA'I, SEMS KYANG ZHES BYA BA NI LAN NO, ,RGYU GZHAN GYI SNGAR GYI SEMS GANG YIN PA DE NYID DANG 'BREL BA'I PHYIR RO, ,DPER NA 'DU BA NYID YIN PA RTAG PA'I PHYIR RTEN MED KYANG MED PA MA YIN PA DE BZHIN DU RGYU GZHAN DANG RJES SU 'BREL BA YANG RGYU MA YIN PA ZHIG KYANG RGYUN CHAD PA MA YIN PAS KHYAD PAR MED DO, ,DES NA MA NGES PA NYID DO, ,'ON TE RGYU TZAM MED PAS RGYUN CHAD PAR NI MI BRJOD KYI 'ON KYANG RTEN PAS SO SNYAM NA RTEN DANG BRTEN PA'I ZHES GSUNGS TE, RGYA CHER BKAG PA'I PHYIR RO, ,NI'I SGRA NI MA NGES PA YONGS SU RDZOGS PA'O, ,RTEN DANG ZHES BYA BA LA SOGS PA NI RNAM 'GREL 'CHAD PA'O, ,'DIS NI 'PHROD PA 'DU BA SPANGS PA YIN LA ZHES

, ,SBYAR RO, ,RTEN DANG BRTEN PA'I DNGOS PO NYID BSAL BA CI LTAR ZHE NA, SPANGS PA YIN PA'I PHYIR ZHES GSUNGS TE, 'DI NI RTEN MED PHYIR ZHES BYA BA'I 'GREL PA'O, ,'PHROD PA 'DU BA CAN GYI RGYU ZHES BYA BA NI 'PHROD PA 'DU BA CAN GYI RGYUR 'DOD PA DE KHO NA NYID DU RGYU'AM RGYU MA YIN PA NYID GCIG YIN DE LAS PHYOGS DANG PO LA BRJOD PA NI GAL TE ZHES BYA BA DES NA 'DU BA MED PA'I PHYIR 'DU BA CAN GYI RGYUR JI LTAR 'GYUR SNYAM DU DGONGS PA'O, ,GNYIS PA LA BRJOD PA NI 'ON TE ZHES BYA BA'O, ,KHYAB PAR BYED PA RGYU NYID MED PA'I PHYIR CI LTAR KHYAB PAR BYA BA'I GDUNG BAR BYA BA CAN GYI RGYUR 'GYUR ZHES BYA BA DAG STE, RIGS LA SOGS PA GANG GI DON RGYU MA YIN PA DE LA BRJOD PA NI, RIGS LA SOGS PA ZHES BYA BA'O, ,RANG GI RTEN 'DU BA CAN GYI RGYU MA YIN YANG DNGOS PO'I CHOS NYID DU RNAM PAR GNAS PAR BRJOD PA GANG YIN PA'O, ,RIGS NI TSIG GI DON GSUM PA YOD PA DANG, RDUL PHRA RAB TSAD CHUNG NGU DANG, BDAG DANG NAM MKHA' LA SOGS PA TSAD CHEN PO DANG, RTAG PA'I RDZAS RNAMS LA YOD PA'I KHYAD PAR DANG, DBANG PHYUG LA SOGS PA'I BLO STE, DE DAG KYANG SPANGS PA YIN TE DE DAG GI RNAM PAR GNAS PA DNGOS PO'I CHOS NYID KYIS MED PAR DOGS PA RTEN GZHAN MED PAR JI LTAR 'GYUR, GAL TE BRJOD NA ZHES 'DON PAR NI, GAL TE DE LTAR BRJOD NA TSUL 'DIS SBYAR BAR BYA'O, ,SKABS DANG SBYAR BA'I TSIG 'DI'I BSHAD PA GZHAN GSUNGS PA NI YANG NA ZHES BYA BA'O, ,RTEN DE NYID DE'I 'DUS PA SPANGS PA NI BA KAG PA STE, MED PA ZHES BYA BA'I DON TO, ,DE NYID GSUNGS PA NI RIGS NI ZHES BYA BA'O, ,'DIR SOGS PA SMOS PA'I BSHAD PA NI YAL BAR DOR BA YIN NO SEMS NI DE LTAR 'DOD PA MA YIN NO SNYAM NA MA YIN TE, GSAL BA GZHAN GYI SGRAS NI SNGA NA MED PA'I GSAL BA BRJOD PAR 'DOD PA'I PHYIR RO, ,SKYE BA BZHIN BA'I GSAL BA RNAMS LA YANG SNGAR NYID NAS 'DU BA NI MA YIN NO, ,'ON TE THAMS CAD THAMS CAD DU SONG BA'I PHYOGS LA GNAS NA SNGAR YOD PA YIN NA YOD MONG GONG BU DE DANG 'BREL BAR 'GYUR BA NI MA YIN TE, SKAD CIG MA DANG PO LA NI YON TAN LA SOGS PA DANG 'BREL BA MED PA'I RDZAS NYID SKYE BO ZHES BYA BA GRUB PA'I MTHA' YIN PA'I PHYIR RO, ,DE BAS NA JI LTAR SPYI GSAL BA SNGA MA

ZHIG PA NA, RJES SU MA SONG BA GSAL BA GSAL BA GZHAN PA LA RJES SU 'GRO BA DE BZHIN DU SEMS KYANG LUS GZHAN LA YIN NO, ,'ON TE SPYI NI YOD PA NYID RTEN GZHAN LA RJES SU 'JUG PA YIN LA, SEMS NI THA DAD PA KHO NA SKYE BA YIN NO ZHE NA MA YIN TE, MA 'BREL BA LAS 'BREL PA'I RANG BZHIN MI 'THAD PA'I PHYIR RO, ,SPYI YANG GCIG NYID DU SGRO BTAGS PA TZAM DU ZAD LA, SGRO BTAGS NAS NI SEMS DE NYID 'PHO BA YIN NO ZHES BYA BA YANG MI 'GAL LO, ,DES NA GZHAN NI SGRUB PAR BYED PA NI DA DUNG YANG MA NGES PA KHO NA'O, ,YANG GAL TE TSU ROL MDZES PA LA SPYI DANG 'DU BA LA SOGS PA'I TSUL LUGS MED PA DE LTA NA YANG BRGYA LA 'DI LTAR KHAS LEN DU 'ONG BAS NA BKOD PAS YIN NO, ,GAL TE DE LTAR KHAS LEN NA SPYI BZHIN DU RTEN GZHAN LA RJES SU 'JUG PAR 'GYUR BA'I PHYIR KHAS BLANGS PA DANG 'GAL BA YIN NA DE KHO NA NI SPYI ZHES BYA BA YANG MED PA NYID YIN PAS NA, RTEN GCIG MED NA BLO GZHAN LA MTSAMS SBYOR BA LA DPE CI YOD CE NA, LUS GCIG MED KYANG ZHES GSUNGS SO, ,GAL TE RNAM PA DANG DON BYA BA LA SOGS PA MTSUNGS PA'I MTSAN NYID KYI NYE BA 'GA' ZHIG GIS GZHAN LA BA LANG ZHES BYA BA LA SOGS PA RJES SU 'GRO BA'I BLOR 'GYUR BA YIN NA, MI'I LUS SPANGS NA DUD 'GRO LA SOGS PA'I LUS YONGS SU 'DZIN PA'I DUS NA NI NYE BA CI 'DRA BA ZHIG YOD, GZHAN YANG JI LTAR BLO SNGA MA LAS RJES SU 'GRO BA'I BLO GZHAN KHO NA SKYE BA DE BZHIN DU LUS GZHAN LA YANG KHO NA SKYE BA'I PHYIR GZHAN GYI 'DOD PA NYID YIN NO, ,DES NA 'PHRO BAR 'DU BAR MA YIN NO SNYAM NA 'DI LA BRJOD PA, RE ZHIG LUS GZHAN RNAM PA LA SOGS PA MI 'DRA YANG RGYUN DE LA LAS 'JIG PA NYID NYE BAR YIN NO, ,RANG GI MTSAN NYID THA DAD PA NI 'CHI BA DANG SKYE BA'I SRID PA LA SOGS PA 'DOD PA KHO NA'O, ,'PHRO BAR SMRA BA NI RGYUN GCIG PAS GCIG TU LHAG PAR ZHEN PA'I PHYIR RO, ,RGYUN GCIG PA NYID KYANG NYE BAR LEN PA DANG NYE BAR LEN PA LAS BYUNG BAS GNAS PA'I PHYIR RO, ,DE YANG SNGON GYI 'DU BYED RJES SU 'JUG PA BSGRUBS PA'I PHYIR RO, ,'DI NYID GSUNGS PA NI RNAM PA DE LTA BU'I BLO SKYE BA NI ZHES BYA BAR RO, ,DE NYID KYI PHYIR SNGON NYAMS SU MYONG BAR 'GYUR BA'I DON BYA BA LA SOGS PA'I MYONG BAS GZHAN PA'I 'DU BYED DANG LDAN PA LA DE NYID 'DI YIN NO SNYAM DU RJES SU 'GRO BA'I

, ,BLO DPE NYID DU GSUNGS SO, ,DE'I PHYIR ZHES BYA BA NI RTAN [?] SUN 'BYIN PA MJUG SDUD PA'O, ,MANG DU SMRAS PAS CI DOGS TE, RE ZHIG 'JIG PA'I DNGOS PO GANG YIN PA DE GZHAN LA LTOS PA'AM MI LTOS PA YIN, PHYOGS DANG PO LA NI DNGOS PO DE LA GNAS PA'I RGYU DEN MED DE, 'JIG PAR BYED PA MI GNAS PA NI RANG NYID GNAS PA'I PHYIR RO, ,GNYIS PA LA YANG NUS PA MED PA YIN NO, ,RNAMS ZHES BYA BA NI GSAL BA BRJOD PAR 'DOD PAS MANG PO'I TSIG GO, ,GAL TE RANG NGA MA GZHAN LAS RTEN GYIS 'JIG PA'I GNAS BYED NA DE'I TSE GANG SKYE BA CAN YIN PA DE THAMS CAD RTEN GNAS PA DANG LDAN PA YIN NO, ,LHAG MA NI GO BAR SLA'O, ,GZHAN YANG GNAS PAR BYA BA RANG NYID 'JIG PA'AM MI 'JIG PA ZHIG YIN, 'DIR YANG RIM BA BZHIN MI NUS PA DANG, MI DGOS PA NYID DO, ,SNGAR NI GZHAN GYIS KHAS BLANGS PA'I 'JIG PA'I PHYOGS NYID LA RNAM PAR PA RTAGS NAS SKYON GNYIS BSKAL PA YIN NO ZHES BYA BA NI KHYAD PAR RO, ,BSDU BA NI LHAG DANG BCAS PAR BRJOD PAR 'DOD DO, ,BRJOD PA DANG DON GYIS 'PHANGS PA SDUD PA'I TSIGS SU BCAD PA DAG GO ZHES BYA BA'I DON TO, ,DON DAM PAR NI YUL LA GNAS PA YUL DANG PHRAD PA YANG MA YIN NO, ,CI'I PHYIR ZHE NA, YID KYIS ZHES BYA BA'O, ,DE'I NI YUL GYI'O; ,MTSAMS SBYOR BAR BYED PA'I YID KYI RNAM PAR SHES BA NYID SEMS DPA' YIN NO SNYAM DU DGONGS PA'O, ,GAL TE RNAM PAR RTOG PA MED PA LA YANG YUL DANG PHRAD PA'I RNAM PA TZAM LAS GZHAN NI MED DO ZHE NA, BDEN TE RNAM PAR RTOG BA MED PA LA NI PHRAD PAR RNAM PAR GZHAG PA RJES SU MTHUN PA YIN TE; YUL DER GSAL BA'I RNAM PAR MYONG BA YOD PA'I PHYIR RO, ,RNAM PAR RTOG PA LA NI DE LTA MA YIN TE, YUL DANG RNAM PA DAG GI CHAS RJES SU 'JUG PA'I PHYIR RO, ,DE NYID KYI PHYIR DON DAM PAR NI ZHES BRJOD PA YIN NO, ,SGRON MA DE NYAMS PA DANG, 'PHEL BA'I MTSAN NYID DU 'GYUR BA'I NGANG TSUL GANG LA YOD PA STE, DE DAG GI DNGOS PO GANG DAG YIN PA'I PHYIR, NYE BAR LEN PA DANG NYE BAR LEN PA LAS BYUNG BA 'DO DANG SGRON MA DAG NI RTEN DANG BRTEN PA'I DNGOS PO YIN NO, ,CI LTAR DE 'GYUR NA 'GYUR BA NYID 'DI NYE BAR LEN PA'I MTSAN NYID SKYON MED PA YIN PA DE LTAR NI SNGAR BSTAN ZIN PA NYID DO, ,YANG BZLAS

PA NI KHYAD PAR BRJED PA'I DON DU YIN NO, ,GAL TE BLO 'GA' DANG YANG RTEN DANG BRTEN PA'I DNGOS PO MA YIN NAM, DE STE LUS KHO NA DANG MA YIN SNYAM DU DOGS NA, BLO LA BRTEN PA NYID NGES PAR BYA BA'I DON DU 'OL SPYI TZAM BRJOD PA NA, 'ON KYANG ZHES GSUNGS TE, BLO DANG SHES RAB LA SOGS PA NYID RTEN DANG BRTEN PA'I DNGOS PO YIN NO ZHES 'BREL TO, ,RTOGS PAS NA BLO LA GOMS PA'I BDAG NYID CAN SNGAR BYUNG BA'I SHES RAB DANG BRTZE BA LA SOGS PA RTOGS PA'I KHYAD PAR RNAMS BRTEN PA YIN NO, ,'DI GA LAS SNYAM PA LAS, 'DI LTAR ZHES BYA BA LA SOGS PA'O, ,BLO'I BYED PA NI GOMS PA YIN LA DE'I KHYAD PAR NI 'PHEL BA DANG 'GRIB PA'I MTSAN NYID DO, ,DES NI SHES RAB LA SOGS PA PHUL BYUNG DANG, 'GRIB PA DAG TU 'ANG 'GYUR PA YIN TE GNYI GA MA YIN PA 'BA' ZHIG TU NI MA ZAD DO, ,'DI ZHES BYA BA NI 'PHEL BA DANG 'GRIB PA'I RJES SU MI BYED PA STE, LUS DANG SEMS LA SOGS PA'I LTA BU'O; ,MAR ME'I 'OD LA SOGS PA GANG DAG YIN PA NOR BU'I 'OD LA SOGS PA RNAMS SO, ,'DIS NI 'DI SKAD CES BRTEN PA NYID NI RTEN 'PHEL BA DANG 'GRIB PA'I RJES SU BYED PAS KHYAB PA LA DE MED PA'I PHYIR NA LUS DANG, SHES RAB LA SOGS PA NI MA YIN NO ZHES BSTAN PA YIN NO, ,GAL TE LUS 'PHEL BA DANG 'GRIB PA LAS KYANG KHYAD PAR DU 'GYUR BA MTHONG BA KHO NA YIN NAM, DE CI LTAR LUS RTEN MA YIN NA, DE LAS KYANG ZHES GSUNGS PA STE LUS LAS SO, ,BLO SNGA MA NYID CES BYA BA NI GOMS PA'I BDAG NYID CAN NO, ,BLO ZHES BYA BA NI SHES RAB DANG BRTZE BA LA SOGS PA'I BDAG NYID CAN GYI'O; ,DES NA ZHES BYA BA NI GANG GI PHYIR BLO LUS 'PHEL BA DANG 'GRIB PA'I RJES SU MI BYED PA, DES NA MAR ME'I 'OD NI DPE MA YIN TE, SGRON MA'I 'PHEL BA DANG 'GRUB PA'I RJES SU MI BYED PA MA YIN PA'I PHYIR RO, ,DES NA DPER NA SGRON MA'I 'OD SGRON MA ZHIG NA 'JIG PA BZHIN NO ZHES CI STE BRJOD, ,GAL TE ZHES BYA BA NI GZHAN GYI'O, ,GAL TE BLO NI BLO'I BYED PA'I KHYAD PAR NYID KYIS BYAS MOD DE LTA NA LUS LA NI BRTEN PA KHO NA STE, DPER NA MAR ME RNAM PAR 'GYUR PA MED KYANG, MAR MA DANG NYE BAR GNAS BA TZAM DU GYUR PA'I SBRUL LA SOGS PA DAG GIS MAR ME'I 'OD RNAM PAR 'GYUR BA MA YIN YANG MAR ME

, ,LA BRTEN PA MA YIN PA BZHIN NO, ,DES NA RTEN 'PHEL BA DANG 'GRIB PA MED KYANG RTEN 'PHEL BA DANG 'GRIB PA DANG BCAS PA MTHONG BA'I PHYIR CI LTAR NA BRTEN PA LA DE'I RJES SU 'BRANGS PAR KHYAB CE NA, GRUB PA'I MTHA' MA YIN TE ZHES BYA BA'O, ,MAR ME NYID RNAM PAR 'GYUR GYI LUS NI MA YIN NO, ,SBRUL LA SOGS PA NYE BAR BYAS PA DE NI'O, ,DPAL ZHAN PA'I MTSAN NYID CES BYA BA NI MA DANGS CHUNG BA'O, ,MAR KHU LA SOGS PA RANG GI TSOGS PA LAS MAR ME'I MA DANGS GSAL BA'I RNAM PA DANG LDAN PA YIN YANG SBRUL LA SOGS PA NYE BA TZAM GYIS CHUNG BAR 'GYUR BAR MTHONG BA NYID DO, , 'DIR CI ZHIG BRJOD PAR BYA ZHE NA, SBRUL LA SOGS PA NYE BAS KYANG MAR ME'I TSOGS PA RNAM PAR 'GYUR BA MA DMIGS PA'I PHYIR, CI LTAR MAR ME'I RNAM PAR 'GYUR ZHES BYA BA 'BA' ZHIG BRJOD PAR BYA BA YIN NO, ,'DI LA YANG BRJOD PA NI GAL TE TSOGS BA DE'I RNAM PAR 'GYUR PA MNGON SUM GYIS NGES PA MA YIN PA DE LTA NA SGRON MA 'GYUR BAR MTHONG BA LAS DE RJES SU DPOG PA LA 'GAL BA CI YOD, RGYU RNAM PAR MA 'GYUR BAR NI 'BRAS BU RNAM PAR 'GYUR BA MI MTHONG BA'I PHYIR RO, ,SKABS SU BAB PA RNAM PAR 'GYUR BA CAN GYI 'OD SKYED PAR BYED PA MAR ME'I RNAM PAR 'GYUR BA NI MA 'KHRUL BA'I MNGON SUM GYIS NGES PAR BZUNG PA YIN NO SNYAM DU BSAMS PA YIN NO, ,DES NA ZHES BYA BA NI MAR ME'I RNAM PAR 'GYUR BA DBAL ZHAN PA'I MTSAN NYID KYIS SO, ,RNAM PA GZHAN DU ZHES BYA BA NI MI GSAL BA'I RANG BZHIN DU'O, ,GAL TE LUS RNAM PAR 'GYUR BAS KYANG SEMS RNAM PAR 'GYUR BAR 'GYUR RO, ,DES NA MAR ME'I 'OD DPER MI 'GAL LO SNYAM NA, BLO'I ZHES GSUNGS SO, ,DPER NA MAR ME'I 'OD RNAM PAR 'GYUR BA'I DUS NA RGYU RNAM PAR 'GYUR BA'I SGO NAS SPRUL LA SOGS PAS MAR ME'I RNAM PAR 'GYUR BAR BYAS PAR MTHONG PA DE BZHIN DU BLO'I BYED PA GOMS PA'I MTSAN NYID DANG, SHES RAB LA SOGS PA'I BLO DE DAG THA DAD PA DE'I DUS NA NI LUS KYI RNAM PAR 'GYUR BA MTHONG BA MED DO, ,DES NA MAR ME'I 'OD DPER CI LTAR 'GYUR SNYAM DU BSAMS PA'O, ,DE LAS KYANG 'DI ZHES BYA BA BSHAD PA'I PHYIR GAL TE ZHES SMOS SO, ,DES NA LUS ZHES BYA BA NI GNYI GA LTAR YANG DON GCIG KHO NA'O SNYAM DU

BSAMS PA'O, ,'DI LTAR GZHAN TZAM NI RTEN DU MI 'DOD DE, GZHI'I LUS GCIG ZHIG NA LUS GZHAN GYI GZHI DANG 'GREL PA MI 'GAL BA'I PHYIR RO, ,CHOS CAN GYI DNGOS POR BRTAGS PA TZAM NI RTEN NYID DU 'DOD PA YANG MA YIN TE, LUS LAS THA DAD PA'I BLO'I SPYOD YUL YIN PAS BLO NI CHOS TZAM GYIS STONG PA'I PHYIR RO, ,DES NA NYE BAR LEN PA'I RGYU NYID LA RTEN DU 'DOD PAS NA DON THA MI DAD DO, ,SHES RAB LA SOGS PA DER YANG NGO, ,SEMS LA PHAN 'DOGS PA NYID KYI SGO NAS LUS RNAM PAR 'GYUR BAR BYED PA YIN NO, ,ZHES BYA BA 'DI YANG GA LAS SHE NA GANG DU ZHES GSUNGS SO, , BCUD KYIS LEN LA SOGS PA'I RGYUS LUS RGYAS PAS SO, ,'GA' ZHIG CES BYA BA NI THAMS CAD MA YIN PA'O, ,'GA' ZHIG DU ZHES BYA BA NI BSTAN BCOS DANG BZO LA SOGS PA 'GA' ZHIG DU YIN GYI THAMS CAD LA NI MA YIN PA'O, ,'DI YANG CI LTAR YIN TE, GANG GI PHYIR BCUD KYIS LEN LA SOGS PA ZOS PA LAS BSTAN BCOS LA SOGS PA SHES PA SNGA NA MED PA NYID SKYE BA YIN NO SNYAM NA, DE LTA MA YIN NA ZHES GSUNGS SO, ,GAL TE CI LTAR 'DUS BYAS PA LA SOGS PAR 'GYUR BA SAD PA LAS SHES RAB LA SOGS PA'I KHYAD PAR DU 'GYUR BA MA YIN GYIS, 'ON KYANG BSTAN BCOS LA SOGS PA SHES PA SNGA NA MED PA KHO NA SKYE BA YIN NO, DE'I TSE BCUD KYIS LEN ZOS PAR 'DRA BA'I PHYIR SKYES BU THAMS CAD BSTAN BCOS DANG BZO LA SOGS PA THAMS CAD LA SHES RAB MTSUNGS PAR THAL LO, ,DE LTA YANG MA YIN TE, DES NA SHES RAB LA SOGS PA'I KHYAD PAR NI 'DUS BYAS PAS JI LTAR GYUR PA SAD PA NYID LAS YIN NO, ,DES NA SEMS LAS PHAN GDAGS PA NYID KYI SGO NAS LUS RNAM PAR 'GYUR BAR BYED PA YIN NO, ,'DI NYID KHYAD PAR GYI MTHAR THUG PAR BYAS NAS STON PA NI, DPER NA ZHES BYA BA LA SOGS PA'O, ,DE LOG CES BYA BA NI BKRES PA LOG PA NA'O, ,DE'I ZHES BYA BA NI SNGAR BKRES PAS GNOD PAR GYUR BA'I'O, ,'DI CI'I PHYIR SNYAM DU DOGS NA, BSHAD MA THAG PA'I THAL BA NYID BRJOD PA NI BCUD KYIS LEN DANG, DES BYAS PA'I 'BRANGS PA YANG MTSUNGS PA'I PHYIR RO, ,GAL TE BSTAN BCOS LA SOGS PA GOMS PA JI LTA BA BZHIN DRAN PAR MI 'GYUR BA NYID KYI 'ON KYANG BSTAN BCOS LA SOGS PA SHES PA SNGA NA MED PA NYID 'BYUNG BA YIN NA, DE'I

, ,TSE BCUD KYIS LEN DE LAS BSTAN BCOS SAM SKYES BU THAMS CAD 'CHAD PAR 'GYUR RO ZHES BYA BA NI THAL BA'O, ,GANG GI PHYIR THAMS CAD LA BSHAD PA'I NUS PA MED PA'I GTAN TSIGS DES NA NGES SO ZHES 'BREL TO, ,NI'I SGRA YAN CHOD NI NGES PA'I RNAM PA'O, ,NI'I SGRA NI GSAL BA'I DON TE NGES PAR GSAL BA YIN NO ZHES BYA BA'O, ,'DIS NI 'BAD MI DGOS PAR 'JIG RTEN PHA ROL GRUB PAR GYUR TO ZHES STON PA'O, ,GANG ZHIG LA THAMS CAD LA SKYE BA GZHAN DU GOMS PA YOD PA DE NI BCUD KYIS LEN LA SOGS PA ZOS PAR KHYAD PAR MED PAR SHES RAB THAMS CAD LA 'GYUR BA YIN NO ZHES STON PA NI GANG LA ZHES BYA BA'O, ,THAMS CAD LA GOMS PA DANG LDAN PA DE'I SHES RAB NI THAMS CAD LA KHYAD PAR MED PAR 'GYUR RO ZHES SBYAR RO, ,'DI NI MNGON PAR 'DOD PA'I THAMS CAD MKHYEN PA NYID 'OL SPYI STON PA'O, ,'DIR YANG SNGA MA BZHIN BZLOG PA SKYON BRJOD PA NI, DE LTA MIN NA ZHES BYA BA'O THAMS CAD RIG PA ZHES BYA BA NI DNGOS PO'I RNAM PA MA LUS PA RIG PA'O, ,SKABS SU BAB PA TZAM THAMS CAD RIG PA LAS SNGON GOMS PA NYID NGES PA YIN NO, ,DES NA SHES RAB LA SOGS PA'I KHYAD PAR NI LUS KYIS RGYU CAN MA YIN NO ZHES BYA BAR GNAS SO, ,GAL TE SHES RAB LA SOGS PA'I BLO'I KHYAD PAR YIN NO ZHES CI STE BRJOD, 'DI LTAR BLO NI DE DAG LAS THA DAD PA KHO NA YIN PA'I PHYIR RO, ,DE DAG LUS KYI RGYU CAN YIN PA BKAG KYANG GOMS PA'I MTSAN NYID KYI BLO SNGON DU 'GRO BA CAN DU MA GRUB PA'I PHYIR SNGON GYI NGES PAR BYED PA'I RGYUR CI LTAR 'GYUR ZHES BYA BA'I DOGS PA ZHE LA BSDOGS NAS, RE ZHIG SHES RAB LA SOGS PA BLO'I RANG BZHIN DU BSTAN PA'I PHYIR NA BSHAD PA NI MNGON SUM ZHES BYA BA'O, ,'DI NI RTOG MED KYI SHES PA NYE BAR MTSON PA TZAM MO, ,DE LAS GZHAN PA'I SHES PA MTHA' DAG NI DRAN PA YIN TE, BZUNG ZIN PA 'DZIN PA'I PHYIR RO, ,DE LDAN NA PHUNG PO GNYIS SO, ,MNGON SUM DANG DRAN PA GNYIS KHO NA BLO YIN NO ZHES BYA BA'I DON TO, ,DE LTA NA YANG SHES RAB LA SOGS PA CI LTAR BLO'I RANG BZHIN NYID SNYAM NA, SHES RAB YID GZHUNGS LA SOGS KYI, ,DBYE BA DRAN PA RAB RTOGS LAS, ,ZHES GSUNGS TE, RAB TU RTOGS PA'I DRAN PA GANG YIN PA DE LAS GZHAN YOD PA MA

YIN NO ZHES 'BREL TO, ,DRAN PA NI SHES RAB DANG YID GZHUNGS PA LA SOGS PA'I BYE BRAG KHO NA YIN NO ZHES BYA BA'I DON TO, ,GAL TE BRTZE BA LA SOGS PA RNAMS DRAN PA'I RANG BZHIN YIN MOD, SHES RAB DANG YID GZHUNGS PA GNYIS GO CI LTAR ZHE NA, CI BZHIN DRAN PA ZHES GSUNGS SO, ,SHES RAB 'CHAL PA YANG SHES RAB KYI SKABS SU BSTAN PA NI DE YANG GOMS PA'I RGYU CAN KHO NA YIN NO ZHES BSTAN PA'I DON DU'O, ,'O NA 'DI GNYIS JI LTAR 'THAD SNYAM NA, DE LA ZHES GSUNGS TE SHES RAB DANG YID GZHUNGS PA LA'O, ,DBYE BA GANG ZHE NA, SNGON GYI ZHES GSUNGS SO, ,SNGON GYI 'DU BYED TZAM LAS ZHES BYA BA NI SLOB PA'I 'BAD PA LA MI LTOS PAR ZHES BYA BA'I DON TO, ,'DIS NI SKYE BA 'DI LA MA GOMS PA'I GZHAL BYA RANG NYID DPYOD PA NI SHES RAB YIN NO ZHES BSTAN PA YIN NO, ,DE NYID KYI PHYIR GZHAN GYI 'BAD PA LA SOGS PAS SNGA NA MED PA'I GZHAL BYA NGES PA 'GOG PA MA YIN NO, ,'ON KYANG DE NI BLO TZAM YIN GYI SHES RAB NI MA YIN NO, ,RIGS GANG GIS ZHES BYA BA LA SOGS PA TSIG RKANG GSUM GYIS NI YID GZHUNGS PA'I RANG BZHIN YANG BRJOD PA YIN NO, ,DE ZHES LKOG TU GYUR PA RJOD PAR BYED PAS NI SNGON GYI GOMS PA 'PHANGS SO, ,DRAN PA'I RJES 'BRANGS PA NYID KYIS ZHES BYA BA NI BDAG GIS NI DE LTAR THOS PA'AM RTOGS PA YIN NO ZHES SGRA'AM DON NGES PA NI YID GZHUNGS PA'O, ,SHES RAB NI TU BRJOD PA RANG NYID 'JIG PAR BYED PA'I RNAM PA YIN PA'I PHYIR THA DAD DO, ,DE LTAR BLO'I RANG BZHIN YIN MOD, DE LTA NA YANG 'DI LAS SNGAR GOMS CI LTAR NGES TE, DE MED KYANG 'BYUNG BA'I PHYIR RO SNYAM DU DOGS NA, GOMS DANG ZHES GSUNGS SO, ,'DI NI SHES RAB 'CHAL PA DANG, YID GZHUNGS PA DANG, DAD PA DANG, BRTZE BA LA SOGS PA RNAM PA GNYIS KYIS NYE BAR MTSON PA YIN NO, ,'DI SKAD BRJOD PA YIN TE, SHES RAB LA SOGS PA GOMS PA MED PAR MI 'BYUNG BA ZHES BYA BA NI MNGON SUM DANG MI DMIGS PA DAG LAS NGES PA YIN NO; ,DES NA DE DAG GI SNGON GYI GOMS PA LA MI 'KHRUL PA KHO NA'O, ,RNAM PA GZHAN GYIS KYANG SHES RAB DANG YID GZHUNGS PA GNYIS KYI KHYAD PAR BRJOD PA NI, DE BZHIN DU ZHES BYA BA'O, ,SO SO SO SOR BZUNG BA'I DON RNAMS RANG BZHIN DE NYID KYI DE BZHIN DRAN PA GANG YIN PA DE NI YID GZHUNGS PA YIN PAR BRJOD

, ,LA; DE NYID ZHES BYA BA SO SO SO SOR BZUNG BA'I DON DE DAG NYID DON GCIG LA NYE BAR SBYOR BA'I DRAN BA GANG YIN PA DE NI SHES RAB YIN PAR BRJOD DO, ,CI LTAR ZHE NA, KHYAD PAR CAN DU NI STE, YID GZHUNGS PA'I RANG BZHIN LAS 'PHAGS PA'I KHYAD BAR GYIS KHYAD PAR CAN DU'O, ,'DI LTAR YID GZHUNGS PA DANG LDAN PA GZHAN GYIS BRJOD PA'I GZHUNG DKA' BA LA SOGS PA LA, DE'I DON RTOGS PA MED KYANG TSIG DE DAG DE KHO NA LTAR DRAN PA YIN LA, SHES RAB DANG LDAN PAS NI DON GCIG LA NYE BAR SDUD PAR SBYOR BAR MTHONG PA YIN NO, ,SHES RAB DE YANG GOMS PA MED PA MI 'BYUNG ZHES STON PA NI, GOMS PA MED PAR ZHES BYA BA'O, ,DE LTAR RANG GI NGO BO BSTAN TE, MI 'KHRUL BA YANG BSTAN NAS, MJUG SDUD PAS GOMS PA RJES SU DPOG PAR BYED PA STON PA NI, DES NI ZHES BYA BA'O, ,GANG GI PHYIR DE LTAR RANG GI NGO BO MA GRUB PA LA SOGS PA NYES PA MED NA, DE YI RIGS CAN DON GYIS NI, ,SNGON GYI GOMS PA RJES DPOG BYED, ,CES BYA BA LA, DE'I RIGS CAN YANG YIN LA DON DE 'BRAS BU 'ANG YIN PA DE LAS TE, GOMS PAS BSKYED PA SBYOR BAR BYED PA'I RIGS MTHUN PA LAS SO, ,SBYOR BA BYED PA'I MTSAN NYID KYI 'BRAS BU LAS ZHES BYA BA'I DON TO, ,DE BZHIN DU YID GZHUNGS PA DANG DAD PA LA SOGS PA LAS KYANG NGO, ,DES NI DON GYIS DE'I RIGS CAN, SNGON GYI GOMS PA RJES DPOG BYED, ,CES 'DON PAR NI GO BAR SLA'O, ,DA NI LHAG PA BRJOD PA'I DON DU SHES RAB LA SOGS PA RNAMS BLO'I KHYAD PAR DU BSGRUBS LA, GZHAN GYI DOGS PA'I GO SKABS BSU BA NI GAL TE ZHES BYA BA'O, ,DE LTAR MA YIN NA ZHES BYA BA NI GAL TE LUS LAS BLO MI SKYED NA DE'I TSE LUS DE'I RJES SU BYED PAR MI 'GYUR RO, ,LUS RGYAS PA LAS 'DOD CHAGS 'PHEL BA DANG, ZAD PA LAS ZHE SDANG 'PHEL BA GANG YIN PA DE NI TSUL BZHIN MA YIN PA YID LA BYED PA'I DUS 'GA'I TSE YIN GYI, DO KHO NA YID LA BYED BA'I BAG CHAGS DANG 'BREL BA'I DUS NA NI MA YIN NO ZHES BYA BA'I DON TO, ,'JIG RTEN RGYANG 'PHAN PAS BRJOD PA BDE BA DANG SDUG BSNGAL LAS SKYES PA'I 'DOD CHAGS LA SOGS PA 'PHEL BA GANG YIN PA DE YANG RES 'GA' KHO NA YIN NO ZHES BYA BA'I DON TO, ,DON 'DI NI 'GREL PAR

GSAL BAR BYED PAR 'GYUR RO, ,BDE BA LA SOGS PA YANG GAL TE LUS LAS YIN PA DE'I TSE YANG LUS NYID KYI NUS PA YIN NO SNYAM NA, GANG YANG ZHES GSUNGS TE, BDE BA DANG SDUG BSNGAL LO, ,KHAMS SNYOMS PA DANG MA SNYOMS PA LA SOGS PA NANG GI DON TO YUL DE NYID LAS SKYE BA YIN NO ZHES BYA BA NI LHAG MA'O, ,DES NA LUS NUS PA MA YIN NO SNYAM DU DGONGS PA'O, ,BU LA SOGS PA'I YUL NYE BA LAS SKYES PA'I BDE BA LA SOGS PA NI LUS KYI NUS PA MA YIN NO, ,DE LA 'GA'I TSE ZHES BYA BA LA SOGS PA RE ZHIG RNAM PAR 'GREL PA NI, RGYAS PA LA SOGS PA ZHES BYA BA'O, , TSUL NI DNGOS PO RNAMS KYI DE KHO NA NYID DO, ,BZHIN ZHES BYA BA NI RTOGS PA STE, NGES PAR RTOGS PAS STE DES NA TSUL BZHIN NO, ,GANG GIS DE LTAR BRJOD PA DE LTA BU 'GA' ZHIG MTHONG NGAM CI SNYAM NA, GANG ZHIG CES GSUNGS SO, ,BDE SDUG NI 'PHEL BAR 'GYUR RO SNYAM DU BSAMS PA'O, ,RGYUD KYANG RANG BZHIN GYIS BRTZE DANG LDAN PA LA NI BRTZE BA NYID 'BYUNG LA, TSUL BZHIN MA YIN PA'I YID LA BYED PA SHAS CHE BA LA NI 'DOD CHAGS 'BYUNG GI SDANG BA LA NI MA YIN NO, ,DES NA RGYAS PA LA SOGS PA 'PHEL BA'I RJES SU MI BYED PA'I PHYIR NA, 'DOD CHAGS LA SOGS PA NI RGYAS PA LA SOGS PA'I RGYU CAN MA YIN NO SNYAM DU DGONGS PA'O, ,'O NA BDE BA DANG SDUG BSNGAL DAG NI RGYUR 'GYUR TE, BRGYUD NAS LUS KYI RGYUR MI 'GAL BA'I PHYIR RO SNYAM DU DOGS PA LA, 'DOD CHAGS LA SOGS PA'I BDE BA DANG SDUG BSNGAL LAS SKYES PAR 'JIG RTEN RGYANG 'PHAN PAS BRJOD PA'O, ,DES CI LTAR BRJOD CE NA BDE BA MYONG NA NI ZHES BYA BA'O, ,'DI LAS BDE BA SKYES PA YOD PA NI BDE BA STE, LDOG PA'I THA DAD PA BRTAGS PAS SO, ,YANG NA BDE BA DANG LDAN PA'I DNGOS PO NI BDE BA STE, RANG RIG BA'I STOBS KYIS BDE BAR THA SNYAD BYED PA'O, ,DE BZHIN DU SDUG BSNGAL BAR GYUR PA YANG RTOGS PAR BYA'O, ,RJES SU 'BREL PA NI LDAN PA'O, ,GANG GI PHYIR DE LTA YIN PA DE'I PHYIR BDE BA DANG SDUG BSNGAL BA LAS SKYES PA YANG BRJOD PA YIN NO, ,'JIG RTEN RGYANG 'PHEN PA'I LUGS LA BRTEN PA NYID KYIS ZHE SDANG SDUG BSNGAL LAS SKYES PAR GZHAN DAG GI DOGS PA BSU BA NI, BDE BA NA NI ZHES BYA BA'O, ,DE NYID KYIS ZHES BYA BA

, ,NI BDE BA DE NYID KYIS, SNGON GYI TSUL BZHIN MA YIN PA YID LA BYED PA SAD PA YIN NO, ,BDE BA NI SNGON GYI DE NYID KYIS TSUL BZHIN MA YIN PA'I YID LA BYED PA SAD PAR 'GYUR BA YIN NO ZHES 'DON PA DER NI BDE BA'I RGYUN LA LTOS NAS SNGAR BYUNG BA'I SNGON GYI BDE BA DE NYID KYIS TSUL BZHIN MA YIN PA'I YID LA BYED PA SAD PAR 'GYUR BA YIN NO, ,DE'I PHYIR BDE BA NA 'DOD CHAGS RJES SU 'BREL PA ZHES BYA BA NI 'THAD PA YIN NA, SDUG BSNGAL PA LA GO ZHES SDANG RJES SU 'BREL BAR 'GYUR ZHES BYA BA NI LHAG MA'O, ,ZHE SDANG 'BYUNG BA CI LTAR 'THAD CES BYA BA'I THA TSIG GO, ,'DI LA 'JIG RTEN RGYANG 'PHEN PA'I LAN BRJOD PA NI, SDUG BSNGAL BA NI ZHES BYA BA'O, ,SDANG BA NYID DE CHAGS PA NI MA YIN NO ZHES BYA BA'I DON TO, ,DE LTAR BDE BA DANG SDUG BSNGAL BA LAS SKYES PAR BRJOD PA YIN NO, ,RES 'GA' ZHES BYA BA'I DON NYID GSAL BAR BYED PAS 'DI YANG SUN 'BYIN PA NI 'DIR ZHES BYA BA'O, ,GANG YANG ZHES BYA BA NI 'DIR ZHES BYA BA DE DANG 'BREL TO, ,'DOD CHAGS DANG ZHE SDANG DAG RIM PA BZHIN BDE BA DANG SDUG BSNGAL LAS SKYES PA ZHES BYA BA 'DI LA NGES PA YOD PA MA YIN NO ZHES RTOGS PAR BYA'O, ,CI'I PHYIR DE LTA MA YIN SNYAM NA, YID SDUG BSNGAL NA YANG ZHES GSUNGS SO, ,SO SOR TE STOBS KYIS YANG DAG PAR RTOGS SHING GSAL BA NI SO SOR RTOGS PA STE DE DANG LDAN PA'O, ,RANG GI SDUG BSNGAL RGYUR GYUR BAS, GNOD PAR BYED PA'I SDUG BSNGAL RNAM PA DU MA 'BYUNG BAR 'GYUR BA RNAMS YID CHES PA'I LUNG LAS RJES SU DPAG PA GANG YIN PA DE LAS GNOD PA BYED PA LA RTZA BA NYID SKYE BAR 'GYUR GYI SDANG BA NI MA YIN NO, ,CHAGS PA YANG ZHES BYA BA NI GNOD PA BYED PA LA BRTZE BA 'BA' ZHIG TU MA ZAD DE, 'ON KYANG SDUG BSNGAL PHYIR GZHIL BA'I RGYU LA CHAGS PAR YANG 'GYUR RO, ,SO SOR RTOG PA DANG BRAL YANG 'GA' ZHIG RANG BZHIN GYIS BZANG BAS NA SDANG BA SHAS CHUNG BA NI SDUG BSNGAL PHYIR GZHIL BAR BYED PA LA MOD LA CHAGS PA SA SDUG BSNGAL SKYE BA SEL BAR BYED DO ZHES BYA BA'I DON TO, ,'DIS NI BDE BAR GYUR BA RIG PA NA YANG, MI SDUG PA BSGOM PA DANG RJES SU 'BREL BAS ZHE SDANG BA DANG, 'DOD CHAGS CHUNG BAR 'GYUR BA YANG BSTAN PA YIN NO, ,DES NA BDE BA LA SOGS PA

'PHEL BA DANG 'GRIB PA'I RJES SU MI BYED PA'I PHYIR RO, ,DE DAG KYANG RGYU MA YIN PA KHO NA'O, ,DES NA LUS BRGYUD NAS RGYUR CI LTAR 'GYUR SNYAM DU DGONGS PA'O, ,GAL TE GNYI GA LTAR LUS RGYU NYID MA YIN NA, 'O NA GAL TE ZHES BYA BA LA SOGS PA'O, ,CI'I PHYIR DE LTAR SKYE BA MA YIN SNYAM PA LA LUS RTEN DU GYUR PAS ZHES GSUNGS SO, ,NYE BAR LEN PAR GYUR PAS NI MA YIN NO, ,DE'I TSE NYE BAR GNAS PA TZAM GYIS SHES PA'I YUL YIN NO, ,GAL TE LUS YUL DU GYUR BA YANG BDE BA LA SOGS PA'I SKYED BYED YIN PA'I BLO'I RTEN CI STE MA YIN SNYAM NA, YUL NI BDE BA LA SOGS PA ZHES GSUNGS SO, ,BDE BA DANG SDUG BSNGAL DE DAG GI'O, ,DE'I TSE NYE BAR GNAS PA'I YUL NI PHYI DANG NANG MTSUNGS TE DE'I PHYIR BDE BA LA SOGS PA'I YANG RTEN MA YIN NA DE'I SGO NAS SEMS KYI RGYUN GYI RTEN DU LTA 'GYUR RE YANG SKAN, GANG GI PHYIR DE LTAR NANG DANG PHYI'I YUL MTSUNGS PA'I GTAN TSIGS DES NA NANG 'BA' ZHIG RTEN DU 'GYUR BAR MA ZAD DO, ,ME TOG PHRENG DANG TZANDAN LA SOGS PA PHYI ROL YANG RGYU NYID DU THAL BAR 'GYUR RO, ,'GYUR NA RAG MOD SNYAM NA, 'DOD PA NI MA YIN TE ZHES GSUNGS TE, GZHAN GYIS KYANG PHYI ROL TU NYE BAR LEN PA NYID DU MI 'DOD DO ZHES BYA BA'I DON TO, ,GAL TE BDE BA LA SOGS PA NI THAMS CAD KYI TSE NANG DON GYIS NYE BAR BSTAN PA NYID DU SKYE BA'I PHYIR, PHYI ROL YANG NYE BAR LEN PA NYID DU THAL BAR 'GYUR RO ZHES CI STE BRJOD SNYAM NA, GANG GI TSE ZHES GSUNGS SO, ,'ON TE ZHES NANG GI YAN LAG NYID DU NYE BAR GNAS PA CI LTAR DMIGS PA MA YIN SNYAM NA, SNYING DU SDUG PA MTHONG BA LA SOGS PA ZHES GSUNGS SO, ,GANG GIS NANG GI DON MYONG BAR BYED PA YANG MI MTHUN PAR SKYE BAR 'GYUR BA, PHYI ROL 'GA' ZHIG LA YANG DE 'DRA BAR CHAGS PAR 'GYUR BA YIN NO, ,DE LA BRTEN PA MA YIN NO ZHES BYA BA NI NANG GI DON TO, ,NYE BAR LEN PA MA YIN TE, DE LTA NA NI PHYI ROL YANG RTEN NYID DU THAL BAR 'GYUR RO ZHES BYA BA'I DON DU DGONGS PA'O, ,DE LTA YIN LA RAG MOD SNYAM NA, YUL NI ZHES GSUNGS SO, ,'DI GA LAS SNYAM NA DE LDOG PAS ZHES GSUNGS SO, ,YUL GANG YANG RUNG BA CIG LOG PAS NI BDE BA DANG SDUG BSNGAL DAG MI LDOG STE, YUL GZHAN YOD PA'I PHYIR RO DES NA YUL NYE

, ,BAR LEN PAR GA LA 'GYUR, DE LTA YIN DANG LUS 'DI LA GNAS PA'I SEMS LUS GZHAN LA 'PHO BAR CI LTAR 'GYUR ZHES BRJOD PA DE YANG GSAL PA YIN NO ZHES BYA BA NI, DPER NA ZHES BYA BA'O, ,NANG GI YUL LA RGYU BA DE SPANGS NAS SO, ,'JIG RTEN PHA ROL NI GTZO BO'I SKYE BA'O, ,SOGS PA'I SGRAS NI BAR MDO'I SRID PA BZUNG NGO, ,DE NA YOD PA'I LUS GZHAN GANG YOD PA DER GSO BA YIN NO, ,BSHAD ZIN PA'I YUL GZHAN LA YANG SBYOR BA NI, 'DIS NI ZHES BYA BA STE, 'DOD CHAGS LA SOGS PA LUS LA BRTEN PA NYID GSAL BAS SO, ,'DUS PA DANG GNAS MI BZAD PAR BSNUN PA LA SOGS PA DANG LDAN PA LAS DRAN PA NYAMS PA LA SOGS PA 'GYUR BA YANG BSHAD PA YIN NO, ,CI LTAR 'DIS 'DI BSHAD CE NA, NANG DON ZHES GSUNGS SO, ,NANG DON KHYAD PAR NI BZOD PAR DKA' BA'I REG BYA'I MTSAN NYID SDUG BSNGAL GYI BLO SKYED PAR BYED PA GANG YIN PA'O; ,DE YANG DRAN PA NYAMS PAR BYED PAS SEMS RNAM PAR 'GYUR BAR BYED PA YIN NO, ,GAL TE TSUL 'DI NI 'DI KHO NAR BRJOD PA YIN GYI SNGAR NI MA YIN TE, DES NA DE BZHIN DU 'DIR YANG SBYAR BAR CI LTAR 'GYUR ZHE NA, DER YANG ZHES GSUNGS SO, ,YANG NI RIM PA GZHAN TE, LUS PA LA SOGS PA 'BA' ZHIG LAS YIN PAR NI MA ZAD DE 'ON KYANG BCUD KYIS LEN PA LA SOGS PAS KYANG NANG GI DON NYE BA NA BDE BA LA SOGS PA'I BLO SKYED PA YIN NO, ,DES NA DE BZHIN DU 'DIR YANG SBYAR BAR RIGS SO ZHES BYA BAR BSAMS PA'O, ,'DUS PA LA SOGS PAS BSKYED PA'I BDE BA LA SOGS PA'I BLO DE LAS DRAN PA NYAMS PA LA SOGS PAR 'GYUR BA YIN TE SHES RAB LA SOGS PA BZHIN NO ZHES BYA BA NI LHAG MA'O, ,LHUR BYA BA GSUNGS PA NI LUS KYI ZHES BYA BA'O, ,'ON KYANG BDE BA LA SOGS PA'I SHES PA'I YUL DU GYUR PA NYID LAS DRAN PA NYAMS PA LA SOGS PAR 'GYUR BA YIN NO SNYAM DU DGONGS PA'O, ,GAL TE DPER NA MIG LA SOGS PA RNAMS MIG GI RNAM PAR SHES PA LA SOGS PA SKYE BA'I RTEN YIN PA DE BZHIN DU, LUS KYANG SHES RAB LA SOGS PA SKYE BA'I RTEN DU 'GYUR RO, ,DES NA CI LTAR DE BZHIN DU 'DIR SBYAR BA LAS MNGON PAR 'DOD PA 'GRUB SNYAM DU DOGS NA, CI LTAR

MIG LA SOGS PA ZHES GSUNGS SO, ,KYANG NI NGES PAR GZUNG BA'I DON TO, ,MIG LA SOGS PA DE'I SHES PA'O DE BZHIN DU BCUD KYIS LEN LA SOGS PAS 'GYUR BA YANG DE YIN TE, KHYAD PAR DANG LDAN PA'I LUS MA DMIGS PA DE LAS NI, SHES RAB DANG YID GZHUNGS PA LA SOGS PA MA YIN NO ZHES BYA BA NI LHAG MA'O, ,GAL TE MA DMIGS KYANG RGYUR 'GYUR NA GANG GIS DE SKAD BRJOD CE NA, RNAM PAR SHES PA MED PA ZHES GSUNGS SO, ,BDE BA LA SOGS PA'I SHES PAS YUL DU MA BYAS PA'I LUS BDE BA LA SOGS PA'I RGYUR KHAS LEN NAM SHES PA THAMS CAD KYI RGYU YIN PAR THAL LO, ,GANG GIS YID GZHUNGS PA LA SOGS PA'I RGYUR MI 'GYUR BA MA SHES PA NYID DU NI KHYAD PAR 'GA' YANG YOD PA MA YIN NO, ,GAL TE CHOS MI MTHUN PA'I PHYIR DE LTAR LUS YID GZHUNGS PA LA SOGS PA'I RGYUR MA GYUR MOD, MIG LA SOGS PA LTAR, BDE BA LA SOGS PA LA LTOS NAS NI RTEN DU 'GYUR RO SNYAM NA, MIG LA SOGS PA NI ZHES GSUNGS SO, ,MIG YOD NA NI DE'I RNAM PAR SHES PA RGYUN 'BREL PAR 'JUG LA, LOG NA YANG LDOG CING 'GYUR NA YANG 'GYUR BA'I PHYIR NA DE NI RTEN DU 'GYUR RO, ,DE BZHIN DU GZHAN LA YANG RTOGS PAR BYA'O, ,RNAM PAR SHES PA TZAM LA LTOS NAS NI, DE RNAMS RTEN NYID DU 'DOD PA MA YIN NO, ,'DIR YANG LUS DANG CHOS MTHUN PA MA YIN PAR BRJOD PA NI LUS NI DE LTAR ZHES BYA BA STE, NANG GI DON GYI MTSAN NYID CAN NO, ,GZHAN GYI RTEN GYIS DNGOS POR BRJOD PAR BYA BA ZHES BYA BA NI LHAG MA'O, ,DE LTA NA BDE BA LA SOGS PA'I KHYAD PAR KHO NA'I RTEN DU 'GYUR GYI, BDE BA LA SOGS PA THAMS CAD LAS LTOS NAS NI MA YIN PAR 'GYUR NA, BDE BA LA SOGS PA THAMS CAD LA LTOS PA KHO NAS NI 'DOD PA YANG YIN NO, ,DE LTA MA YIN NA LUS LOG NA BDE BA LA SOGS PA LDOG PA'I PHYIR BLO LDOG BA CI LTAR GRUB PAR 'GYUR, YANG DE LTAR BRTEN PA NYID CI STE MA GRUB CE NA; DE MED KYANG ZHES GSUNGS SO, ,NANG GI DON GYI MTSAN NYID CAN BDE BA LA SOGS PA SKYED PAR BYED PA'I LUS MED KYANG NGO, ,SDUG PA'I BU LA SOGS PA PHYI ROL GYI DON NYE BAR GNAS PA LAS KYANG NGO, ,DES NA LUS NI BDE BA LA SOGS PA'I RTEN MA YIN NA, GANG GIS BRGYUD NAS 'DOD

, ,CHAGS LA SOGS PA'I RTEN DU 'GYUR, DES NA MIG LA SOGS PA LTAR LUS NI SHE SAR BA LA SOGS BA'I RTEN MA YIN NO ZHES BYA BA GRUB PO, ,DES NA SHES RAB LA SOGS PA LTAR DRAN PA NYAMS PA LA SOGS PA LUS LA BRTEN PA MA YIN NO, ,GANG GIS SKYE BA DRAN PA NYAMS PA LA SOGS PA 'DUS PA LA SOGS PAS BSKYED PA'I DRAN PA NYAMS PA DE LTAR RTOGS PA, DMIGS PA DRAN PA LA SOGS PA'I RGYU YIN PAR 'GA' ZHIG TU MTHONG NGAM ZHE NA, DRAN PA NYAMS PA YANG ZHES GSUNGS SO, ,RGYU KHYAD PAR CAN NI SNGAR BA'I KHYAD PAR TZAM MO, ,GZHAN DU ZHES BYA BA NI RNAM PAR GNON PAR RO, ,DE BZHIN DU ZHES BYA BA NI DON LA SBYOR BAR BYED PA'O, ,NYES PA LAS ZHES BYA BA 'DI'I BSHAD PA NI SKYES PA LAS ZHES BYA BA'O, ,YANG NA DMIGS PA NYE BA GANG YIN PA DE SKYED PA'I PHYIR RO ZHES BYA BA'O, ,STZOGS PA'I SGRAS NI BCUD KYIS LEN PA LA SOGS PA LAS DRAN PA SAD PA LA SOGS PA BSDU'O, ,MJUG SDUD PA'I LUS NI BLO'I RTEN MA YIN NO ZHES BYA BA'O, ,GAL TE LUS BDE BA LA SOGS PA'I RTEN YIN PA'I PHYIR, BLO YANG BRGYUD NAS LUS LA BRTEN PA NYID MA YIN NAM, DES NA LUS LOG NA BLO LDOG PA LA 'GAL BA CI YOD SNYAM NA, LUS NI ZHES GSUNGS SO, ,DES DE DAG KYANG ZHES BYA BA BDE BA LA SOGS PA YANG STE, BLO TZAM NI MA ZAD DO, ,DMIGS PA GZHAN LA ZHES BYA BA NI PHYI ROL LA'O, ,'DI'I GTZOR BYA BA NI, DPER NA NANG GI YUL LA ZHES BYA BA LA SOGS PAS BSTAN PA NYID YIN NO, ,'O NA SEMS RTEN MED PAR THAL LO SNYAM NA, DE'I PHYIR ZHES GSUNGS SO, , GANG GI PHYIR DBANG PO DANG, YUL DANG LUS NI BLO'I RTEN MA YIN PA DE'I PHYIR RO, ,DGONGS PA NI GAL TE GZHAN GYIS KUN BRTAGS PA'I RTEN DANG BRTEN PA'I DNGOS PO MED PA DE LTA NA YANG NYE BAR LEN PA DANG, NYE BAR LEN PA LAS BYUNG BA'I DNGOS POR GNAS PA'I SEMS KYI RGYUN KHO NA RTEN DANG BRTEN PA'I DNGOS PO YIN NO ZHES BYA BA 'DI YIN NO, ,YANG SEMS LUS KYI 'DU BYED PA'I RJES SU 'JUG PA MA YIN NO ZHES BYA BA 'DI GA LAS NGES SNYAM NA, LUS NI RTEN NYID DO ZHES GSUNGS SO, ,'DU BYED KYI RJES SU 'JUG PA NYID RTEN GYI RGYU MTSAN YIN PA'I PHYIR RTEN GYI SGRAS BRJOD DO, ,LUS KYI 'DU BYED PA'I RJES

SU MI 'JUG PA YANG LUS KYI PHUL BYUNG 'GRIB MED PAR ZHES BYA BA LA SOGS PAS BSHAD ZID TO, ,DE MA THAG PA'I RKYEN NI CHOS MI MTSUNGS PAR BRJOD PA NI SEMS GZHAN DANG LDAN PA ZHES BYA BA'O, ,'DI NI GZHAL BA LA SOGS PAS MI GSAL BA LA SOGS PA NYE BAR MTSON PA'O, ,'DI NYID STON PA NI 'DI LTAR ZHES BYA BA LA SOGS PA'I, ,GZHAN DU PHYOGS PAR 'GYUR ZHES BYA BA DE'I BSHAD PA NI GANG GI TSE ZHES BYA BA'O, ,RANG GI 'BRAS BU RJES SU MTHUN PA'I RIG PA BSKYED PA MA YIN NO ZHES BYA BA NI GTAN MI SKYED PA'AM, RJES SU MI MTHUN PA SKYED PA'O, ,GANG GI PHYIR DE LTAR 'DU BYED PA'I KHYAD PAR SKYED PA'O, ,GANG GI PHYIR DE LTAR 'DU BYED PA'I KHYAD PAR GYI SEMS THA DAD PAR 'GYUR BA DE'I PHYIR RO, ,RNAM PAR SHES PA SNGA MA MED NA MI 'BYUNG BA ZHES BYA BA NI, RNAM PAR SHES PA SNGA MA'I NYE BAR LEN PA CAN NYID DO, ,SEMS NYID LDOG NA SEMS LDOG GI LUS LDOG NA NI MA YIN PA'O, ,SEMS NI RNAM PA THAMS CAD BZLOG PAR MI NUS SO SNYAM DU DGONGS PA'O, , GAL TE ZHES BYA BA LA SOGS PA NI RGOL BA'O, ,LUS NYID LAS ZHES BYA BA NI DBANG PO'I BDAG NYID CAN LAS ZHES BYA BA'I DON TO, ,DBANG PO LAS RNAM PAR SHES PA SKYE BAR BSHAD PA'I PHYIR RO, ,GAL TE DE LTAR RTEN YIN MOD, DE LTAR NA YANG RANG LOG NA LDOG PAR BYED PA GO CI LTAR SNYAM NA, BRGYUD PAS ZHES GSUNGS SO, ,ME BRGYUD PAS RGYU YIN YANG ZHES 'BREL TO, ,DU BA'I RJES LA SKYES PA'I NI BSKYED BYA'I DU BA LA LTOS NAS SKYED BYED DU 'GYUR BA'I DU BA'I RJES SU LAS SO, ,DAS BSKYED PA'I ZLOG PAR BYED PA MA YIN PA NI MA YIN TE, 'ON KYANG RANG LOG PAS ZLOG PAR BYED PA KHO NA YIN TE, BRGYUD PA'I RGYU MED KYANG DE MI 'GRUB PA'I PHYIR DANG, GRUB ZIN PA YANG 'DZIN PAR BYED PA MED PA LAS NYE BAR LEN PA NYAM CHUNG BAS RANG NYID BZLOG BA'I PHYIR RO, ,'DI NI SKYE BA PHYI MA MED PA'I DPE YIN NO, ,'DIS NI DPER NA ME LAS MTHONG BA'I DU BA LAS KYANG 'BYUNG BA DE BZHIN SHES RAB LA SOGS PA YANG GOMS PA LAS GZHAN LAS KYANG 'BYUNG BA YIN NO ZHES BSTAN PA YIN NO, ,SNGA NA MED PA'I SEMS CAN SKYE BA LA YANG BRJOD PA NI ME GZHAN YANG ZHES BYA'O, ,SKABS LA NYE BAR SBYOR BA NI DE BZHIN DU ZHES BYA BA'O, ,SNGA NA MED PA LUS LAS SKYE BAS ZHES SBYAR RO, ,'DIS NI 'JIG RTEN SNGA NA MED PA BSTAN TO, ,'JIG

, ,RTEN PHYI MA MED PAR STON PA NI RGYUN CHAD PA'I CHOS CAN DU 'GYUR RO ZHES BYA BA'O, ,DU BA BZHIN NO ZHES BYA BA NI GNYI GA'I YANG DPE'O, ,MA YIN TE ZHES BYA BA NI GRUB PA'I MTHA'O, ,RANG BZHIN DANG SKYES BU DANG DBANG PHYUG LA SOGS PA'I RNAM PAR RTOG BA RNAMS DBANG PO LA MI LTOS PA'I PHYIR RO, ,DES NA GANG GIS DE LOG NA LDOG PA'AM, SNGA NA MED PA'I SEMS CAN SKYE BAR 'GYUR BA LUS NI BRGYUD PA'I RGYU MA YIN NO ZHES BYA BAR DGONGS PA'O, ,ZUR GYIS BSTAN PA'I PHYOGS SNGA MA LA BRJOD PA NI, DU BA ME LAS JI 'DRA BA ZHES BYA'O, ,'DIR NI SNGAR BSHAD ZIN PA NYID SKABS KYIS YANG BSHAD PA YIN NO, ,KHYAD PAR YANG BRJOD PA NI THAMS CAD LA KHYAB PA ZHES BYA BA LA SOGS PA STE, SEMS CAN THAMS CAD KYI RGYUD LA KHYAB BA'O, ,SKYE BA DANG PO LA SOGS PA YANG ZHES KHONG NAS PHYUNG LA, RANG BZHIN MTSUNGS PA NYID YIN PA ZHES SBYAR RO, ,DE LTAR DU BA'I DPES 'JIG RTEN SNGA NA MED PAR MA GRUB PO ZHES BSTAN NAS, 'JIG RTEN PHYI MA MED PAR YANG MA GRUB PO ZHES BSTAN PA'I DON DU DU BA NI ZHES GSUNGS SO, ,DES NA DU BA'I RGYUN NI ME'I KHYAD PAR LOG NA RNAM PAR CHAD BAR RIGS PA YIN NO SNYAM DU DGONGS PA'O, ,YID KYI BLO NI DE LTA MA YIN NO ZHES BSHAD PA NA, SHES RAB LA SOGS PA NI ZHES BYA BA'O, ,YID KYI RNAM PAR SHES PA'I MTSAN NYID KYANG SHES RAB LA SOGS PA NYID KYI LUS LAS NI MA YIN NO ZHES BYA BA'I DON TO, ,DE NI PHYIS KYANG YOD PA'I PHYIR DU BA BZHIN DU SHES RAB LA SOGS PA DUS PHYIS 'CHAD PAR JI LTAR 'GYUR TE, CI 'DRA'I 'PHEN BYED YOD GYUR NA, ,PHYIS KYANG DE DANG 'DRA BA NYID, ,CES BYA BA LUGS YIN PA'I PHYIR RO, ,DES NA ZHES KHONG NAS DE DAG LUS KYIS GNAS PAR BYAS PA MA YIN NO ZHES SBYAR RO, ,DES NA LUS LOG NA LDOG PA MA YIN PA'I PHYIR, 'JIG RTEN PHA ROL MI SRID PA MA YIN NO SNYAM DU DGONGS PA'O, ,DBANG PO LA MA LTOS PAR BSGRUBS PAS RTZOD PA DANG PO SPANGS PA GANG YIN PA DE LA, DBANG PO'I NUS PA RNAM PAR RTOG PA LA ZHOG STE, SHES PA SNGA MA LA MA LTOS PAR NI RANG GI SHES PA LA YANG NUS PA MA YIN NO ZHES BRJOD PA NI, GZHAN YANG ZHES BYA BA'O, ,GANG GI TSE RNAM PAR SHES PA SNGA MA NYID LA LTOS NAS SKYE BA YIN PA DE'I TSE DU BA

DPER CI LTAR SRID CES BYA BA'I DON TO, ,SNGON GYI 'DU BYED PA LA MA LTOS PA LAS NI MA YIN TE, 'ON KYANG SNGON GYI 'DU BYED PA LA LTOS PAS KHO NA LAS YIN TE, TSIG LE'UR BYAS PA LAS SNGON GYI RNAM PAR SHES PA LA LTOS PAR BRJOD PA DE NYID 'GREL PAR SNGON GYI 'DU BYED PA LA LTOS PAR BRJOD PA NI; 'DU BYED PA CI LTA BA BZHIN DU SHES PA SNGA MA YANG, DBANG PO'I SHES PA SNGA MA NYID DU BSTAN PA'I DON TO, ,SNGON GYI RNAM PAR SHES PA LA LTOS PA NYID BRJOD PA NI, RNAM PAR SHES PA SNGA MA G-YOS NA ZHES BYA BA'O, ,MI SKYE BA'I PHYIR RO ZHES BYA BA NI, DBANG PO'I SHES PA'O, ,GZHAN DAG MI SKYE BA MI BZOD NAS GAL TE ZHES BYA BA'O, ,DES PA MED PHYIR ZHES BYA BA NI, SNGA MA DANG PHYI MA GNYI GA DANG 'BREL TO, DES NA NGES PA MED PHYIR ZHES BYA BA'I MTHAR THUG PAS DOGS PA BSU NAS, MED PA ZHES BYA BA MED PAR RTOGS PA GANG YIN PA DE THAMS CAD KYI RIG PA NYID NGES PA MED NYID LAS KHAS LONG SHIG ,GANG GI PHYIR NGES PA MED PA'I PHYIR ZHES BYA BA'I GTAN TSIGS NI THAMS CAD LA YANG BRJOD PAR NUS PA YIN NO, ,DE LTA YIN NA CI SKYON SNYAM NA, GAL TE NGES PA MED PA'I PHYIR ZHES BYA BA'O, ,'O NA NI ZHES BYA BA NI LTA YIN NA DBANG PO'I RNAM PAR SHES PA LTAR 'JIG RTEN PHA ROL MED PA MA YIN NO SNYAM DU DGONGS PA'O, ,CI'I PHYIR MA YIN SNYAM NA, THAMS CAD DU ZHES GSUNGS TE, 'JIG RTEN PHA ROL LA SOGS PA LA YANG NGO, ,'ON TE ZHES BYA BA NI GZHAN GYI'O, ,NGES PA MED PA 'BA' ZHIG NI GTAN TSIGS MA YIN TE, 'ON KYANG RGYU MA TSANG BA'O, ,NGES PA MED PA LAS NI THA SNYAD LDOG PA TZAM YIN NO ZHES BYA BA'I DON TO, ,GANG DU NGES PA MED PA'I PHYIR MA SKYES SO ZHES THA SNYAD DU BYED PA DER NI RIG PA'I RGYU DBANG PO LA SOGS PA YIN TE, DES NA NUS PA'I RGYU YOD PA'I PHYIR, 'JIG RTEN PHA ROL LA SOGS PA LA NI TSUL 'DI YOD PA MA YIN NO, ,DES NA DNGOS PO MED PA KHO NA YIN PAS, GANG DU YANG RIG PA MED PA MA YIN NO ZHES CI STE BRJOD CE NA, GRUB PA'I MTHAR NI RNAM PA 'DI MA BKAG PA KHO NAR RNAM PA GZHAN GYI SGO NAS KYANG SKABS 'GRUB PAR 'GYUR RO ZHES STON PA NI, 'O NA NGES PA'I RGYU YANG ZHES BYA BA'O, ,'ON TE ZHES BYA BA NI GZHAN GYI'O, ,NYAMS SU MYONG NGO COG LA NI RNAM PAR RTOG PA 'BYUNG BA MA YIN TE,

, ,'ON KYANG GSAL BA LA LTOS PA YIN NO ZHES BYA BAR BSAMS PA'O, ,RIG PA'I ZHES BYA BA NI GRUB PA'I MTHA'O, ,RNAM PAR RTOG PA SKYED PA LA NYAMS SU MYONG BA BZHIN DU, NYAMS SU MYONG PA BSKYED PA LA YANG DE'I RGYU MI GSAL BAR MTSUNGS SO ZHES NI BRJOD PAR MI NUS SO ZHES BYA BA DGONGS PA'O, ,'ON TE ZHES BYA BA LA SOGS PA'I DON NI 'DI YIN TE, DE'I RANG GI RGYUD CES BYA BA NI DBANG PO DANG YUL NYE BA YIN LA, DE DAG NYAMS PA MED PA'I DUS NA NI GSAL PA YANG GNAS PA KHO NA'O ZHES BYA BA'O, ,SKYED PAR BYED PA'I ZHES BYA BA NI GRUB PA'I MTHA'O, ,'DI NI ZHES BYA BA NI SNGAR GYI SHES PA NYID LAS NGES PAR GZUNG BA'I DON DANG RIM PA BZHIN DU SBYAR BA'O, ,PHYIS NAS RANG RIG PA'I MNGON SUM BSHAD PA'I SKABS SU BAB PA NI BSHAD PAR BYA'O, ,DES NA SHES PA SNGA MA DANG LHANG CIG PA'I DNGOS PO KHO NA SKYED PAR BYED PA YIN GYI, GZHAN DU NI MA YIN SNYAM DU BSAMS PA'O, ,BDE BA DANG ZHES BYA BA LA SOGS PA NI 'CHAD PA'O, ,DBANG PO'I RNAM PAR SHES PA DANG GZHAN PA'I SEMS MTHA' DAG GO, ,RNAL 'BYOR SPYOD PA'I LUGS LA BRTEN NAS KYANG SEMS NI SEMS KYI RGYU CAN YIN GYI, BE MAS PO'I RANG BZHIN DBANG PO'I RGYU CAN NI MA YIN NO ZHES STON PA NI GZHAN YANG ZHES BYA BA'O, ,DBANG PO SHES PA'I RANG BZHIN PHYIR, ,ZHES BYA BA NI, DBANG PO'I SHES BA LTA BU'I RANG BZHIN DE SNANG BA GANG LA YOD PA'O, ,DBANG PO'I SHES PAR 'DOD PA DANG RANG BZHIN MTSUNGS PA'I PHYIR RO, ,MTSUNGS PAR SNANG BA DE YANG GANG YIN ZHE NA, MDUN NA GNAS PAR GSAL BA'I RNAM PA NYID DES, GTAN TSIGS DE'I PHYIR RO ZHES BYA BA'I DON TO, ,GAL TE GSAL BA'I SHES PA NI DBANG PO NYID LAS YIN PAR DMIGS PA MA YIN NAM, DE CI LTAR DBANG PO'I STOBS LAS BYUNG BAR DAM 'CHA' ZHES MTHONG BA DANG 'GAL BAR DOGS PA LA, GAL TE ZHES BYA BA LA SOGS PA'O, ,DE'I TSO ZHES KHONG NAS PHYUNG LA, DBANG PO MED PAR ZHES BYA BA LA SOGS PAR SBYAR BAR BYA'O, ,'ON TE ZHES BYA BA NI GZHAN GYI'O, ,GSAL BA TZAM NI 'KHRUL BAR 'GYUR GYI, GSAL BA KHYAD PAR CAN NI MA YIN NO ZHES BYA BA BSAM PA'O, ,GAL TE 'DI LTAR 'CHEL NA DE'I TSE DBANG PO'I SHES PA NYID 'GA' YANG MED DO ZHES STON PA

NI DE NI MED DE ZHES BYA BA'O, ,GAL TE DBANG PO'I SHES PA MED PA NYID YIN NA, 'O NA CI LTAR 'GA' ZHIG TU SLU BA DANG, GZHAN DU DE LTA MA YIN PAR 'GYUR SNYAM NA, DON YOD PA DANG ZHES GSUNGS SO, ,MDUN NA GNAS PAR GSAL BA'I RNAM PA CAN DU KHYAD PAR MED KYANG, SNGON PO LA SOGS PA'I RNAM PAR SNANG BA 'GA' ZHIG NI DON NYID DU LHAG PAR MOS PAS DON YIN LA, SGRA LA SOGS PA NI DON MA YIN TE, DON DU MOS PA MED PA'I PHYIR RO, ,SLU BA DANG CIG SHOS NI CI RIGS PAR TE YOD PA DANG MED PA LAS RNAM PAR GNAS PA YIN NO, ,DBANG POS BSKYED PA DANG MA BSKYED PA DAG LAS NI MA YIN NO ZHES BYA BA'I DON TO, ,'DI NYID 'CHAD PA NI DE'I RNAM PA CAN GYI ZHES BYA BA STE, MDUN NA GNAS PAR GSAL BA'I RNAM PA CAN GYI'O, ,'ON TE ZHES BYA BA LA SOGS PA NI PHYED PHYI MA LA 'JUG PAR BYED PA'O, ,DE'I RNAM PA CAN ZHES BYA BA NI YOD PA'AM MED PA YANG STE, ZHEN PAR BYED PA'I GZHAL BYA GANG DANG GANG YIN PA DE LTA BU'I RNAM PA 'DI LA YOD BA'O ZHES BYA BA NI THUN MONG GI TSUL YIN NO, ,GZUGS MED PA NA YANG NGA'O ZHES BYA BA'I RNAM PA SRID PA'I PHYIR RO, ,DES NA MDUN NA GNAS PAR GSAL BAR SNANG BA 'DI YANG SHES PA'I RANG BZHIN YIN NO ZHES BYA BA'I DON TO, ,DE'I RNAM PA CAN NYID DE YANG NGO, ,DE'I TSE DBANG PO DE DE'I RNAM PA CAN NYID DE'I RGYU MA YIN NO, ,'ON CI LTAR 'GA' ZHIG LA MI SLU BA SRID CE NA, MI SLU BA NI ZHES GSUNGS SO, ,DON YOD PA ZHES BYA BA NI SNGA MA BZHIN NO, ,GAL TE DE LTA NA YANG DBANG POS BYAS PAR 'GYUR RO SNYAM NA, GZHAN NI ZHES GSUNGS SO; ,GZHAN NI ZHES BYA BA DBANG PO NI JI SKAD BSHAD PA'I DON GZHAN GYI 'BRAS BU LA'O, ,'ON TE ZHES BYA BA NI GZHAN GYI'O, 'DIS NI DPE BSGRUB BYA MA TSANG BA'I GTAN TSIGS KHYAB PA MED PAR DOGS PA BSU BA YIN NO, ,DE LTA NA YANG SKABS NYAMS PA MED DO ZHES BYA BAR GZIGS NAS GRUB PA'I MTHA' GSUNGS PA NA, DE YANG ZHES GSUNGS SO, ,DBANG PO ZHES BYA BA NI CHOS CAN NO, ,SAD PA'I ZHES BYA BA NI CHOS CAN GYI KHYAD PAR RO, ,GOMS PA LAS SKYE BA YIN TE, ZHES BYA BA NI BSGRUB PAR BYA BA'O, ,DBANG PO YIN PA'I PHYIR ZHES BYA BA NI GTAN TSIGS SO, ,DE LAS GZHAN RMI LAM GYI

, ,DBANG PO GZHAN NO ZHES BYA BA NI DPE'O, ,KHYAB PA NI PHYED PHYI MAS STON TO, ,RMI LAM DU RMIS PA DANG GZHAN PA'I LUS NGAG GI DBANG PO NI MTSUNGS PA KHO NA YIN TE, GSAL BA'I SHES PA SKYED PAR BYED PA YIN PA'I PHYIR RO, ,DES NA RMI LAM GYI DBANG PO'I GOMS PA LAS BYUNG BA GANG YIN PA DE NI THAMS CAD LA YANG MTSUNGS PA YIN NO, ,DE NYID GSAL BAR BYED PA NI 'BRAS BU KHYAD PAR MED PA ZHES BYA BA'O, ,SPYIR BRJOD PA'I DON KHYAD PAR LA SBYOR BA NI, DBANG PO NI ZHES BYA BA'O, ,DES NA ZHES BYA BA NI MJUG SDUD PA STE, GOMS PAS BSKYED PA DES NA'O, ,DBANG PO NYID LAS ZHES BYA BA NI BEMS PO'I RANG BZHIN 'BYUNG BA LAS GYUR PA NYID LAS ZHES BYA BA'I DON TO, ,DE YANG SNGON GYI GOMS PA LAS YIN PA'I PHYIR NA SHES PA NI SHES PA LAS RAG LAS PA NYID DO, ,DES NA SNGA MA'I GTAN TSIGS KYANG KHYAB PA GRUB PA'O, ,SKABS NYE BAR SDUD PA NI RNAM PAR SHES PA SNGA MA NYID CES BYA BYA'O; ,DON NI NYE BAR LEN PA'O, ,BSHAD ZIN PA'I RNAM 'GREL NYID YANG RNAM PA GZHAN DU SBYAR BA'I DON DU 'ON TE ZHES 'JUG PAR BYED DO, ,PHA DANG MA'I RANG BZHIN NI 'DU BYED PA'O, ,NGES PA ZHES BYA BA SNGAR NI LUS KYIS LUS BYED PA LA LTOS NAS SBYAR PA YIN NO, ,PHA DANG MA'I RANG BZHIN DE RNAM PAR 'GYUR BA MED KYANG NGO, ,'GYUR BA STE MKHAS PA LA SOGS PA'I MTSAN NYID MTHONG BA'I PHYIR RO, ,PHA MA'I RANG BZHIN DE 'GYUR YANG STE MKHAS PA LA SOGS PA'I MTSAN NYID DU 'GYUR BA YIN YANG, MI 'GYUR BA ZHES BYA BA LA SOGS PA MKHAS PA LA SOGS PA'I MTSAN NYID DU MA MTHONG BA'I PHYIR RO, ,BU ZHES BYA BA NI SKABS YIN NO, ,NGES PAR 'DU BYED PA'I RJES SU 'JUG PAR KHAS BLANGS NAS NYE BAR BRJOD PA NI GAL TE ZHES BYA BA'O, ,DE'I ZHES BYA BA NI MA LA SOGS PA'I'O, ,GAL TE DE'I 'DU BYED PAR 'GYUR BA YIN NA DE'I TSE ZHES KHOR NAS PHYUNG LA MKHAS PA LA SOGS PAR YANG 'GYUR RO ZHES SBYAR RO,, 'ON TE ZHES BYA BA NI GZHAN GYI'O, ,'DU BYED PA SGRUB PAR BYED PA GANG YIN PA STE, 'DON DU 'JUG PA PO'AM, 'CHAD PA PO DE'I LHAN CIG BYED PA PO'I CHOS DE LAS SU GYUR PA GANG LA YOD PA DE LA DE SKAD CES BRJOD DO, ,DE'I NGO BO NYID NI MKHAS PA LA SOGS PA'I NGO BO NYID DO, ,'DI SKAD BRJOD PAR

'GYUR BA YIN TE, CI'I PHYIR MA LA SOGS PA'I RANG BZHIN GYI RJES SU 'JUG PAR MI 'GYUR ZHES BRJOD PA GANG YIN PA DE NI 'GYUR BA KHO NA'O, ,'DI LTAR MA LA SOGS PA LA YANG 'DU BYED PA RANG NYID BYUNG BA NI MA YIN TE, 'ON KYANG 'DON DU 'JUG PA LA SOGS PA'I 'BAD PA LAS SKYES PA YIN NO; ,BU LA SOGS PA YANG DE BZHIN DU MI 'GYUR BA KHO NA YIN LA MA LA SOGS PA'I 'DU BYED KYI RJES SU 'JUG PA YANG DE TZAM GYIS GRUB PA YIN NO ZHES BYA BA'O, ,DE NI MA YIN TE, ZHES BYA BA NI GRUB PA'I MTHA'O, ,PHA MA BZHIN DU BU LA 'DUS BYAS PA YIN YANG RES 'GA' MKHAS PA LA SOGS PA'I RANG BZHIN MED PA'I PHYIR RO DE LTA MA YIN PAR YANG STE, SLOB DPON GYI 'BAD PA MED PAR YANG YUL 'GA' ZHIG LA SPYOD PA KHYAD PAR CAN DANG LDAN PA LA SOGS PAS YOD PA MA MTHONG BA'I PHYIR RO, ,SNGON GYI GOMS PA MED PAR NI DE 'ANG MI 'GYUR RO SNYAM DU DGONGS PA'O, ,RANG GI SNGON GOMS PA'I RJES SU 'JUG PA YANG MA MTHONG BAR CI LTAR RTOG PA SNYAM NA, RANG GI RGYUD LA ZHES GSUNGS SO, ,SKYE BA 'DI NYID LA'O ZHES BYA BA BSAMS PA'O, ,'O NA DE BZHIN DU PHA DANG MA'I RANG BZHIN GYI RJES SU 'JUG PAR YANG CI STE MI RTAG SNYAM NA, RGYUD GZHAN GYI ZHES GSUNGS SO, ,'DI YANG BRJOD PA NI KHYAD PAR BSTAN PA'I DON DU'O, ,DE NYID BRJOD PA NI MKHAN PO ZHES BYA BA'O, ,MA YIN TE ZHES BYA BA NI GRUB PA'I MTHA'O, ,MKHAN PO'I 'DU BYED PA'I RJES SU 'JUG PA NI KHYAD PAR LAS YIN PAR ZHES 'BREL TO, ,SLOB MA NI MKHAN PO'I 'DU BYED PA MNGON PAR 'DU BYED PA NA, DE'I BSHAD PA LAS DE'I 'DU BYED PA'I RJES SU 'JUG SNYING 'DOD PAR 'GYUR TE, DE MED NA STE 'DOD PA MED NA, THOS PA LA MA ZHUGS PA'I SKYE BO GZHAN LA DE RJES SU BYED PA NYID MA MTHONG BA'I PHYIR RO, ,DES NA 'DU BYED PA DE YANG BRGYUD NAS RANG GI 'DOD PA LAS BYUNG BAS NA, RANG GI RGYUD KHO NA LAS GYUR PA YIN NO, ,MNGON PAR 'DOD PA DANG LHAN CIG PA ZHES BYA BA NI, GZHAN GYI DOGS PA'O, ,DON 'DI YIN TE, 'DIR RANG GI RGYUD KYI RJES SU 'JUG PA CI YOD DE MNGON PAR 'DOD PA DANG LHAN CIG PA MKHAN POS 'DU BYED PA KHO NA LAS YIN NO, ,ZHES BYA BAS MA CHOG PA CI YOD CES BYA BA YIN NO, ,YIN MOD CES BYA BA NI GRUB PA'I MTHA'O, ,'DOD PA'I

, ,LHAN CIG BYED PA LA LTOS MOD RANG GI YOD PA'I RIGS LA LTOS PA NYID DE RANG GI SEMS KYI RGYUN SNGA MA LA LTOS PA NYID KYI 'DU BYED PA SKYE BAS SPANGS BA CI YOD, DES NA ZHES BYA BA NI NYE BAR SDUD PA'O, ,'DE LTA 'O NA PHA'I RANG BZHIN MDOG DANG 'DU BYED PA'I KHYAD PAR DANG, ,MNGON PAR 'DOD PA LA SOGS PA RNAMS KYI RJES SU 'JUG PAR LA LA DANG, LA LA DAG LA MTHONG BA 'GAL LO SNYAM NA, PHA MA'I ZHES BYA BA GSUNGS SO, ,'DI NYID 'CHAD PA NI GAL TE ZHES BYA BA LA SOGS PA'O, ,'DI LA LAN NI ZHES BYA BA NI LAN 'DEBS PA'O, ,'DI GA LAS SHE NA, SMRAS PA SROG CHAGS THAMS CAD DO, ,YANG NA PHA GCIG LAS SKYES PA THAMS CAD DO, ,'ON ZHES BYA BA NI GZHAN GYIS SMRAS PA'O, ,THAMS CAD RJES SU MI 'JUG PA ZHES BYA BA NI MDOG LA SOGS PA YANG RJES SU MI 'JUG PAR 'GYUR RO ZHES BYA BA'I THA TSIG GO, ,'GAL BA MED CES BYA BAR BRJOD PA NYID MA YIN TE ZHES BYA BAS GZHUNG 'DZUGS PAR BYED DO, ,DE'I RANG BZHIN GYI RJES SU 'JUG PA'I BU DES PHA'I 'DU BYED DE'I RANG BZHIN GOMS PAR BYAS PA'O, ,THAMS CAD PHA'I RANG BZHIN GYI RJES SU 'JUG PAR THAL BA'I PHYIR RO ZHES BRJOD PA GANG YIN PA DE MI 'GRIB PAR BYA BA'I DON DU DOGS PAR BYED PA NI, 'ON TE CI LTAR ZHES BYA BA'O, ,SHING GCIG LAS DPANGS MTHON PO LA SOGS PA'I BYE BRAG THA DAD PA'I SHING DU MA 'BYUNG BA DE BZHIN DU'O, ,PHA DANG 'BREL PA'I SHES PA GCIG PA LAS PHA'I RANG BZHIN GYI RJES SU 'JUG PA DANG MI 'JUG PA'I RNAM PAR SHES PA DUM 'BYUNG BA'O, ,DES NA THAMS CAD PHA'I RANG BZHIN GYI RJES SU 'JUG PAR THAL BA MA YIN SNYAM DU DGONGS PA'O, ,LAN DU DE LTAR NA ZHES BYA BA'O, ,'ON TE YANG DE LTAR 'GYUR MED, 'JIG RTEN PHA ROL MA YIN PA'I SEMS LA BRTEN PA NI GEGS BYED PA MED PA'I PHYIR RO SNYAM DU DOGS NA, 'DI LA BSHAD ZIN TO ZHES GSUNGS SO, ,THAL BA'I PHYIR RO ZHES BYA BA'I DE MA THAG TU ZHES KYI SGRA NI BLTA BAR BYA'O, ,BSAM PA NI 'DI YIN TE, 'DI LTAR SHING WA tA LAS SHING DU MA 'BYUNG YANG SHING WA tA'I RANG GI RANG BZHIN MA YIN PA NI MA YIN NO, ,DE BZHIN DU PHA'I SHES PA GCIG LAS BU'I SHES PA DU MA SKYE NA DE'I RANG BZHIN MA YIN PAR MI 'GYUR TE, DES NA SNGAR GYI SHES PA GA CIG PA'I

RANG BZHIN GYI RJES SU 'JUG PAR THAL BA BZLOG PAR DKA'O, ,DES NA 'JIG RTEN PHA ROL PO MA YIN PA'I SEMS RTEN NYID CI LTAR 'GYUR, PHA ROL PO CI SKAD BRJOD PA'I TSUL GYI 'JIG RTEN PHA ROL PO'I SEMS LA BRTEN LA BRTEN PA NYID KYANG MED PAR STON PA NI 'O NA 'JIG RTEN PHA ROL SMRA BA LA YANG ZHES BYA BA'O, ,MA YIN TE ZHES BYA BA NI GRUB PA'I MTHA'O, ,GRUB PA'I MTHA' SMRA BA'I BSAM PA NI 'DUS PA LA SOGS PAS 'GA' 'GA' DAG TU NI DRAN PA MED PA DANG, 'GA' ZHIG TU NI RJES SU 'JUG PA YANG MTHONG BA YIN NO ZHES BYA BA'O, ,GAL TE RNAM PAR G-YENGS PAS 'DU BYED PA 'GA' ZHIG NI RJES SU 'JUG PAR YANG 'GYUR TE, DE LTAR MTHONG BA'I PHYIR RO SNYAM DU GNAS PA'I NYES PAS GO CI LTAR SNYAM PA LA SKYE BA DRAN PA YANG ZHES GSUNGS SO, ,DBANG PO LAS 'DAS PA'I PHYIR SKYE BA DRAN PA MTHONG BA NI DGAG PA'I YUL MA YIN NO, ,'JIG RTEN PHA ROL BA MA YIN PA'I SEMS RTEN YIN PAR SMRA BA NI NYES PAR 'GYUR BA KHO NA'I ZHES STON PA NI, SNGON MED PA SKYED PA LA NI ZHES BYA BA'O, ,MA LA PHAN TSUN CHAD DANG 'BREL PA'I SHES PA SNGA MA SKYES PA NI RANG GI RGYUD LAS MA SKYES PA'I PHYIR SDUG BSNGAL MA YIN NO, ,CI'I PHYIR ZHE NA, DE'I GNAS SKYABS NI ZHES BYA BA'O, ,GZHAN MED PA NI RANG GI RGYUD MED PA'I PHYIR RO, ,RJES SU MTHUN PA'I GNAS SKABS GZHAN SRID NA NI, DE LAS GZHAN PA'I GNAS SKABS THOB PA NA, SDUG BSNGAL BAR 'GYUR BA YIN GYI DE NYID KYI TSE SKYES PA LA NI DE MI SRID DO, ,DES NA DE LA NI SDUG BSNGAL BA MED DO SNYAM DU DGONGS PA'O, ,DE LTAR BYAS PAS GAL TE PHA DE NYID NYE BAR LEN PA'I RGYUD NYID KYIS SKYED PAR BYED PA YIN NA, DE'I TSE ZHES KHONG NAS PHYUNG LA, LUS GZHAN LA YANG DRAN PAR THAL ZHES SBYAR RO, ,HA CANG THAL BAR 'GYUR DU 'ONG BAS BU DANG 'BREL BA'I ZHES GSUNGS TE, RGYUD GCIG PA'I PHYIR RO SNYAM DU DGONGS PA'O, THAL BAR 'GYUR BA'I LAN GYI DOGS PA BSU BA NI, SDUG BSNGAL BAS ZHES BYA BA STE, MA LA LAS BYUNG BAS SO, ,BU 'DI 'BREL PA'I LUS LA MA DRAN NO ZHE NA ZHES BYA BA'O, ,'DI ZHES LA BSNGOGS NAS NI DE'I GNAS SKABS NI DE NYID KYIS ZHES DA LTA KHO NA SMON LAM BTAB PA DE NYID LEGS PAR BSGRUB PA'I PHYIR YANG NYE

, ,BAR BKOD PA YIN NO, ,DE NYID KYI TSE PHA'I SHES PA LAS SKYES PA DE LA NI SDUG BSNGAL YID LA MA YIN TE, RANG GI RGYUN MED PA'I PHYIR RO, ,DPER NA DUG GI SRIN BU DRUG GIS SDUG BSNGAL BA MA YIN PA DE BZHIN DU'O, ,SDUG BSNGAL YOD NA NI GZHAN BZHIN DU DER RJES SU MTHUN PA DANG 'DRA BA'I GNAS PA MA THOB PA YIN NO ZHES BYA BAR DGONGS PA'O, ,'ON TE DE LAS RJES SU MTHUN PA'I GNAS SKABS MA LA SOGS PA'I RANG BZHIN YOD PA NYID DE, DES NA SDUG BSNGAL BA YIN NO SNYAM NA, DE LTA NA NI 'O NA DUG GI SRIN BU LA YANG SDUG BSNGAL BA YOD PAR 'GYUR TE, GNAS SKABS GZHAN SRID PA'I PHYIR RO, ,DE LTA YANG MA YIN TE DES NA DE BZHIN DU DE LA SDUG BSNGAL MED DO, ,DE LTAR NA PHAS BYAS PA BUS DRAN PA THAL BAR BZLOG PA DKA'O, ,'O NA 'JUG RTEN PHA ROL PO LA YANG DE SDUG BSNGAL BA YANG MA YIN TE DRUG GI SRIN BU NYID BZHIN SNYAM NA, 'JIG RTEN GZHAN NAS ZHES BYA BA'O, , GAL TE DUG GI SRIN BU LA SDUG BSNGAL MED PA DE LTA NA YANG THAMS CAD LA NI MED PA MA YIN TE, SNGON GOMS PA'I BAG CHAGS KYIS BON YOD PA DANG MED PAS KHYAD PAR YOD PA'I PHYIR RO, ,DES NA 'JIG RTEN PHA ROL PO LA NI 'GA' ZHIG BDE BA LA 'GA' ZHIG SDUG BSNGAL LO ZHES BYA BA'I RNAM PAR DBYE PA YOD PA YIN NO, ,DE NYID KYI PHYIR SKYE BA DRAN PA YANG MTHONG BA'I PHYIR RO ZHES BRJOD PA YIN NO, ,'JIG RTEN PHA ROL NAS MA 'ONGS PAS LA NI DE LTAR 'GYUR BA NA YIN TE KHYAD PA MED PA'I PHYIR RO, ,YANG NA DE NYID KYI TSE SKYES PA LA MA LA SOGS PA'I GNAS SKABS SRID PA'I PHYIR MNGAL NA GNAS PA SDUG BSNGAL BAR 'GYUR MOD, DE LTA NA YANG NYES PA YOD PA NYID DO ZHES STON PA NI GZHAN YANG ZHES BYA BA'O, ,GAL TE MA LA SOGS PA'I SEMS BU'I SEMS KYI RTEN YIN NA DE'I TSE, KHONG NAS PHYUNG LA PHA MAS SDUG BSNGAL MYONG BAR THAL TE ZHES SBYOR RO, ,GANG GIS DE SKAD BRJOD PA, CI 'GA' ZHIG TU DE LTA BU MTHONG NGAM SNYAM PA LA; DPER NA ZHES GSUNGS TE, LUS GZHAN LA YOD PA'I SDUG BSNGAL MYONG BAR GYUR PA NA ZHES BYA BA ZHES LA GZHAG PA'O, RMI LAM GYI LUS NI GNYID LOG PA'I LUS SO, ,DES NA DPER NA GNYID LOG PA LUS GZHAN LA YOD PA'I SDUG BSNGAL RMI LAM GYI LUS LA MYONG BA BZHIN NO ZHES RTZA BA

GZHAN DU GDON TO, ,DPER NA GNYID LOG PA'I LUS GZHAN DU GTOGS PAS RMI LAM GYI SDUG BSNGAL MYONG BA BZHIN NO ZHES BYA BAR GNOD PA LA NI GO SLA'O, ,SDUG BSNGAL BYANG BAR THAL BA'I LAN GYI DOGS PA BSU BA NI, BSKYED PAR BYA BA'I SHING ZHES BYA BA'O, ,GANG GIS SA BON BTAB PAS SHING GZHAN SKYES PA DE NI SKYED PAR BYED PA'I SHING NGO, ,MA YIN TE ZHES BYA BA NI LAN NO, ,DON NI 'DI YIN TE, SEMS DANG LDAN PA DANG, SEMS MED PA RNAMS KYE TSUL THA DAD PAR TSAD MAS MTHONG BA NI BZLOG PAR NUS PA MA YIN NO, ,DES NA GAL TE MES BYAS PA'I 'BRAS BU'I SHING 'DU BYED PA NI SHING SNGA MA'I RNAM PAR 'GYUR BA BYED PA NYID DU MA MTHONG BA DE LTA NA YANG 'BRAS BU GYUR PA'I RMI LAM GYI LUS KYI RNAM PAR 'GYUR BA NI SNGAR BYED LUS KYI RNAM PAR SGYUR BYED YIN PAR MTHONG BA KHO NA'O, ,DES NA PHA MA DAG GIS SDUG BSNGAL MYONG BAR 'GYUR RO, ,DE LTAR YANG MA YIN TE DES NAM LA GNAS PA NI SDUG BSNGAL BAR MI 'GYUR RO, ,GANG GI PHYIR DE LTAR GNYI GA LTAR YANG DE SDUG BSNGAL BA MA YIN PA DES NA PHA MA DAG GIS SNGAR BYAS PA, BUS DRAN PA NYID DU 'GYUR RO, ,NYES PA GZHAN YANG BSHAD PA NI, DROD GSHER LAS ZHES BYA BA LA SOGS PA'O, ,CI'I PHYIR ZHE NA, MA LA SOGS PA MED PA'I PHYIR RO, ,BLO YOD PA YANG YIN TE ZHES KHONG NAS PHYUNG LA DE'I PHYIR ZHES BYA BA LA SOGS PA DANG SBYAR RO, DE LTAR YIN DANG CI 'GYUR SNYAM NA, DES NA MA LA SOGS PA'I ZHES GSUNGS SO, ,BSHAD PA GNYIS PA LA LTOS NAS RNAM 'GREL GYI DON NYE BAR SDUD PA NI, DE BAS NA YID KYI ZHES BYA BA BA'O, ,GAL TE ZHES BYA BA NI GZHAN GYI'O, ,BU DANG 'BREL PA'I LUS PHA'I RJES SU 'GRO BA GANG YIN PA DE LTAR DMIGS PA'I PHYIR RO, ,DE LAS THA MI DAD PA ZHES BYA BA NI 'BRAS BU'I LUS LAS THA MI DAD PA'O, ,DE'I RJES SU 'GRO BA NI SNGA MA TZAM GYIS RJES SU 'GRO BA SGRUB PA NI, DE LTAR YANG BLO SNGA MAS BSKYED PA NYID DO ZHES BSHAD MA THAG PA KHO NA'O, ,PHA MA LA SOGS PA'I SHES PA SNGA MA TZAM NI LUS THA MI DAD PAR 'GYUR BA KHO NA'O, ,'ON TE ZHES BYA BA NI 'JIG RTEN PHA ROL SMRA BA'I DOGS PA BSU BA'O, ,LA NI 'JIG RTEN PHA ROL GYI LUS KYANG ZHES BYA BA STE, THAL BAR 'GYUR BA YANG NGO, ,DE BZHIN DU ZHES BYA BA THA

, ,DAD PA NYID YIN PAS 'JIG RTEN PHA ROL DE'I RJES SU 'GRO BA CAN DU YANG MI 'GYUR RO, ,GAL TE BU LA G-YO BAG CAN LA SOGS PA'I RANG BZHIN MTHONG GI PHA LA NI MA MTHONG BA MA YIN NAM, DES NA DE'I RGYUN YIN PAR CI LTAR 'GYUR ZHE NA, BYIS PA LA SOGS PA'I GNAS SKABS SU NI ZHES GSUNGS SO, ,DE NYID CES BYA BA NI BU LA SOGS PA MTHONG BA GANG YIN PA STE, GNYI GA LA YANG BYIS PA'I GNAS SKABS NA G-YO BAG CAN LA SOGS PA NI G-YO BA MA YIN NO ZHES BYA BA'I DON TO, ,DE RGYUN NYID DO ZHES BYA BA NI BU RGYUN NYID DO, ,SKABS KYIS MA LA SOGS PA'I ZHES RTOGS PAR BYA'O, ,GRUB PA'I MTHA' NI DE YANG MI 'THAD DO ZHES BYA BA STE, SNGAR JI SKAD BSHAD PA BZHIN DU NGES PA RJES SU 'JUG PA MA YIN NO ZHES BYA BAR SHES PAR BYA'O, ,KHYAD PAR BRJOD PA'I PHYIR DE NI ZHES GSUNGS SO, ,MTHONG BA'I PHYIR RO ZHES BYA BA NI BDAG PO LAS GZHAN DU NI 'GRO BA DU MA DAG PA MTHONG BA'I PHYIR RO, ,GAL TE BU MA 'KHRUL BA MED PAR NGES PA MED DO ZHES SNGAR BRJOD PA MA YIN NAM ZHES NA BDEN TE, THOG MA MED PA'I RIGS RGYUD RNAM PA THAMS CAD DU 'KHRUL PA MED PA YIN NO ZHES BYA BAR NI NGES PAR MI NUS KYI, 'BAD PAS NGES PAR BRTAG PAR NUS PA 'GA' ZHIG LA NI GOL BA MED PAR ZHES NUS PA KHO NA'O, ,DPER NA MA LA SOGS PA'I RANG BZHIN RJES SU 'GRO BAR MA MTHONG BA DE BZHIN DU BDAG NYID KYI GOMS PA NI MA YIN NO ZHES STON PA NI, BDAG NYID KYI ZHES BYA BA'O, ,G-YO BAG LA SOGS PA'I KHYAD PAR DE'O, ,DES NA ZHES BYA BA NI MJUG SDUD PA'O, ,GAL TE G-YO BAG LA SOGS PA YANG DE DANG THA MI DAD PA YIN NO ZHES SNGAR BSHAD ZIN PA MA YIN NAM, DES NA JI LTAR 'JIG RTEN SNGA MA RJES SU DPOG SNYAM NA, SEMS 'BYUNG BA CHEN PO ZHES GSUNGS SO, ,GAL TE SEMS 'BYUNG BA CHEN PO'I RNAM PAR 'GYUR BA'AM, 'BYUNG BA CHEN PO DANG THA MI DANG PO NYID YIN YANG, DE LTAR NA YANG DE 'DRA BA'I 'DU BYED PA MA MTHONG BA'I PHYIR, 'JIG RTEN SNGA MA DANG PHYIR MA'I RANG BZHIN DU GYUR PA'I 'BYUNG BA CHEN PO NYID RJES SU DPOG PA YIN NO, ,DES NA THAMS CAD MKHYEN PA NYID KYANG 'BYUNG BA CHEN PO'I RNAM PAR 'GYUR BA YIN PAR 'GYUR BAR 'GAL BA CI YANG

MED DO, ,'DIS NI KHAS BLANGS NAS BRJOD PA YIN NO ZHES STON PA NI THA MI DANG PAR NI ZHES BYA BA'O, ,CI'I PHYIR ZHE NA, 'DI LTAR ZHES SO, ,THA DAD MED PA'I PHYIR ZHES BYA BA 'DIR BCAD DO, ,DE'I PHYIR LUS LA 'ANG YON TAN 'GYUR ZHES BYA BA NI THA MI DAD PA DE'I PHYIR RO, ,THOS PA LA SOGS PA'I 'DU BYED PA BSAL BAR 'GYUR RO ZHES RTOGS PAR BYA'O, ,'ON TE YANG LUS LA NI THA DAD PA MED PA YIN YANG, YON TAN 'GA' YANG GSAL BA MA YIN NO SNYAM NA DES NA 'DI LA YANG MI 'GYUR RO ZHES GSUNGS PA NI YON TAN ZHES BYA BA STE, DPER NA ZHES SBREL BAR BYA'O, ,DES NAD PAR NA NAG PO LA SOGS PA LUS KYI YON TAN GSAL BA DE BZHIN DU 'DI YANG 'GYUR TE, THA DAD PA MED PA'I PHYIR RO ZHES BYA BA'I DON TO, ,SEMS LA 'DU BYED PA DMIGS PA DANG, ,LUS LA NAG PO LA SOGS PA YANG THA DAD PA MED PA NYID LAS YIN NO, ,THA DAD PA MED PA DE NI SEMS KYI BDAG NYID YIN PAS NA; LUS LA YANG SEMS LTOS NAS NYAMS PA MED PA NYID DO, ,'CHAD PA NI RANG GIS MYONG BA ZHES BYA BA LA SOGS PA'O, ,YON TAN ZHES BYA BA 'DI'I BSHAD PA NI, CI LTAR LUS KYI YON TAN ZHES BYA BA'O, ,GZHAN DU 'GYUR BA STE, NANG DU MA 'DUS PAR 'GYUR BA MA YIN NO, ,NANG GI ZHES BYA BA NI GZHAN GYI DOGS PA'O, ,BZO LA SOGS PA NI NANG GI REG BYA'I KHYAD PAR YIN NO SNYAM DU SEMS PA'O, ,MA YIN TE ZHES BYA BA NI LAN NO, ,BYED PA PO LA SOGS PAS PHYIR ROL GYI REG PAR BYA BA RLUNG RTZUB MO'I RANG BZHIN DMIGS PA GANG YIN PA DE YANG GZHAN GYIS MA DMIGS PA'I PHYIR RO, ,DE NYID BSHAD PA NI MAS ZHES BYA BA'O, ,DE'I BDAG NYID YIN YANG LUS KYI NANG GI REG BYA'I BDAG NYID YIN PAS NA BZO LA SOGS PA'I PHYI ROL NA GNAS PAS MI DMIGS NA, DE'I TSE PHYIR ROL GYI REG BYA'I RANG BZHIN RLUNG REG BYA RTZUB MO GZHAN GYI CI STE MA DMIGS, DMIGS PA MA YIN NA NI RTZUB MO DE RLUNG GI REG PA NYID MA YIN GYI, ,'ON KYANG NYES PAS NYES PA CAN DU BYAS PA'I REG BAR BYED PA'I DBANG PO NYID RLUNG DANG PHRAD NAS SDUG BSNGAL GYI, MYONG BSKYED PAR BYED PA YIN NO, ,DES NA SDUG BSNGAL GYI BDAG NYID KYIS SHES PA RANG GI RIG RANG GI RIG PAR BYA BA NI LUS LAS THA DAD PA KHO NA'O, ,

, ,GZHAN GYIS SMRAS PA, GANG GIS REG BYA RTZUB MO'O RLUNG DMIGS PA DE NI RMA NYID KYIS NUS PA YIN GYI, RLUNG NYED NI REG BYA RTZUM [?] MO MA YIN NO, ,DES NA GZHAN GYIS DE LTAR DMIGS PA MA YIN NO ZHE NA, DMIGS PAR BYED PA'I KHYAD PAR GYIS ZHES BYA BA NI GRUB PA'I MTHA'O, ,RMA DANG RMA MED PA'I RANG BZHIN GYIS DMIGS PAR BYED PA KHYAD PAR DU GYUR PA GANG YIN PA DES DMIGS PAR BYA BA RLUNG REG BYA RTZUB MO DANG DE LAS GZHAN PAR DMIGS PAR 'GYUR RAM CI MI 'GYUR BA NYID DO ZHES BYA BA'I DON TO, ,DNGOS PO'I RANG BZHIN NYID NI GCIG GIS GZHAN DU RTOGS LA DE LAS GZHAN GYIS NI, GZHAN DU RTOGS PAR 'GYUR BA MA YIN NO, ,DE LTAR 'GYUR NA CI SKYON SNYAM NA, DE LTA YIN NA ZHES GSUNGS TE, GZHAN DU DMIGS NA'O, ,GNYI GA'AM GCIG CES BYA BAR DGONGS PA'O, ,DE LTAR YIN DANG BDE BA'AM SDUG BSNGAL RANG GIS RIG PAR BYA BA NI LUS LAS GZHAN YIN PAR GRUB PA NYID DO ZHES BYA BA NI GTZOR BYA BA'I DON TO, ,REG BYA'I KHYAD PAR DE NI ZHES BYA BA NI GZHAN GYI STE THA DAD PA MA YIN TE, DE LTA YIN NA NI BRJOD MA THAG PA'I NYES PAR 'GYUR RO SNYAM DU BSAMS PA'O ZHES BYA BA NI GRUB PA'I MTHA'O, ,REG PA'I KHYAD PAR DE NI 'GA' ZHIG DMIGS PAR BYA BA YIN TE, DE LTAR MA YIN NA YOD KYANG MA RTOGS PAS GNOD PA NYID DU MI 'GYUR RO, ,RANG RIG PA YIN NA YANG THA DAD PAR 'GYUR LA, DMIGS PA BYED PA GZHAN YANG NYE BAR GNAS PA MA YIN SNYAM DU DGONGS PA'O, ,YIN NOD CE SKYON CAN DE LTA NA YANG ZHES GSUNGS TE, RLUNG DMIGS PAR BYED PA NYID YIN NA'O, ,NYAMS SU MYONG BA NYID GNOD PAR RNAM PAR GZHAG PA'I PHYIR RO SNYAM DU DGONGS PA'O, ,'ON TE ZHES BYA BA NI GZHAN GYI'O, ,RMA'I REG PA RTZUB MO DE NI RMA CAN DE NYID KYIS DMIGS PA YIN TE, NYE BA'I PHYIR RO ZHES BYA BA'I DON TO, ,RMA LA REG PA ZHES BYA BA GRUB PA'I MTHA'O, ,REG PA'I DUS NYE BA GZHAN YANG KHYAD PAR MED PA'I PHYIR REG PA DE DMIGS PAR 'GYUR RO ZHES BYA BA'I DON TO, ,'ON TE RMA DANG RMA CAD BDAG NYID GCIG LA GZHAN NI NYE YANG THA DAD PA KHO NA'O SNYAM NA, DA NI SHIN TU GSAL BAR GNOD PA MI 'THAD DE MYONG BAR BYED THA DAD PA MED PA'I PHYIR RO, ,RANG RIG PA

YIN NA NI RANG RIG PA MA YIN PA LAS THA DAD PAR GRUB PO, ,BSHAD PA MDZAD PAS NI 'DI YAL BAR DOR NAS RNAM PA GZHAN DU GZHAN GYIS ZHE 'DOD BKOD DE, 'GOG PA MDZAD PA NI REG BZHIN BA'I ZHES BYA BA'O, ,GZHAN GYIS REG BZHIN PA NI REG BYA RTZUB MOR MA DMIGS TE, REG BYA RTZUB MO'I RANG BZHIN DMIGS PA MA YIN NO, ,'ON KYANG DES NI RNAMS PA'I CHA 'JAM PA TZAM ZHIG RTOGS PA YIN NO, ,MA LA REG PA RTZUB MO YOD KYANG GZHAN GYI MA RTOGS SO ZHES BYA BA'I DON TO, ,GRUB PA'I MTHA'I DON NI 'DI YIN TE, KHO BO CAG GIS NI DE NYID KYI REG BYA RTZUB MO DMIGS PAR THAL BAR BSGRUBS SO, ,GAL TE REG BZHIN PA'I RMA'I REG PA RTZUB MO'I RANG BZHIN LA GZHAN GYI REG KYANG MA RIG NA, DE'I TSE DE LAS GZHAN PA'I RANG BZHIN 'JAM PA TZAM REG PA MA YIN NA, REG BYA RTZUB MO'I RANG BZHIN DE NYID REG PAR CI LTAR 'GYUR, ,REG PAR MI 'GYUR MOD SNYAM NA, DE'I RANG BZHIN NI ZHES GSUNGS SO, ,YUL GYUR PA RMA DE NYID KYI RANG BZHIN NI STE MI BZAD PA ZHES BYA BAR 'PHANGS SO, ,DE LTA YIN DANG CI BSGRUB SNYAM NA, MA YIN PA NI DE DANG MTSAN NYID MI MTHUN PA'I PHYIR RO ZHES GSUNGS TE, DE LTA YIN NA ZHES GSUNGS SO, ,GZHAN GYI RIG PA MA YIN PAR GYUR NA'O, ,RMA CAN GYIS MI BZAD PA'I RANG BZHIN NI RANG GI YIG PA YIN NO ZHES BYA BA'I SKABS SO, ,GAL TE GZHAN GYIS RIG PA MA YIN YANG SHES PA MA YIN PA'I RANG BZHIN DU 'GYUR GYI, ,DE CI LTAR RANG RIG PA NYID DE ZHES BRJOD CE NA, RIG PA MA YIN PA DE DANG MTSAN NYID MI MTHUN PA'I PHYIR RO ZHES GSUNGS SO, ,RIG PA MA YIN PA NI BEMS PO ZHES BYA BA'I DON TO, ,DE DANG MTSAN NYID MI MTHUN PA NI RANG RIG PA DANG MTSAN NYID MI MTHUN PA'I PHYIR TE, RUNG BA'I YUL NA GNAS PA NYID YIN NA THUN MONG DU 'GYUR BA'I PHYIR RO ZHES BYA BA'I DON TO, ,DE LTA NA YANG 'BYUNG BA CHEN PO LAS THA NI DAD PAR CI STE MI 'GYUR SNYAM NA, BDE BA'AM ZHES GSUNGS SO, ,GANG GI PHYIR BDE BA LA SOGS PA RANG RIG PA NYID YIN, DE'I PHYIR RNAM PAR SHES PA 'BYUNG BA CHEN PO LAS GZHAN YIN NO, ,THUN MONG DANG THUN MONG MA YIN PA NYID KYIS THA DAD PA'I PHYIR ZHES BYA BA'I DON TO, ,DE LTA NA NI 'O NA RTEN DANG BRTEN

, ,PA'I DNGOS POR 'GYUR RO SNYAM NA, DE'I PHYIR ZHES GSUNGS SO, ,RTEN DANG BRTEN PA'I DNGOS POR YANG ZHES BYA BA NI DE'I BDAG NYID LTA SMOS SU YANG CI YOD CES BYA BA'I DON TO, ,GAL TE RTEN DANG BRTEN PA MED PA NYID YIN NA ZHES BYA BA LA SOGS PA'O, ,LAN DU LAG PA ZHES BYA BA'O, ,RIG PA DE 'GYUR BA'I PHYIR RO, ,DE LTAR ZHES BYA BA NI NGA'I LAG PAR TSOR RO ZHES BYA BAR RO, ,'ON CI LTAR THA SNYAD BYED SNYAM NA, LAG PA LA SOGS PA ZHES GSUNGS SO, ,GANG 'DIS RNAM PAR GZHAG PA TZAM DU ZAD DO ZHES BRJOD LA, CI LTAR NA 'BYUNG BA DANG RANG RIG PA LA RTEN DANG BRTEN PA'I DNGOS PO MI 'THAD SNYAM PA LA 'DI LTAR ZHES BYA BA'O, ,DGONGS PA NI 'DI YIN TE, CI RMA LA SOGS PA DANG LHAN CIG RGYU BA SDUG BSNGAL GYI RTEN DANG BRTEN PA'I DNGOS POR RNAM PAR 'JOG GAM, 'ON TE SHES PA GZHAN GYIS, DE LA RE ZHIG DE NYID KYIS NI MA YIN NO ZHES GSUNGS PA NI; RANG RIG PA RANG BZHIN TZAM NYID LAS ZHES BYA BA'O, ,CI'I PHYIR SNYAM PA LA, RANG BZHIN TZAM LA ZHES GSUNGS SO, ,'DI NYID 'CHAD PA NI RANG BZHIN TZAM RIG PA LA ZHES BYA BA'O, ,CI'I PHYIR SNYAM PA LA GNYIS RTOGS NAS ZHES GSUNGS SO, ,DE LTAR ZHES BYA BA RTEN DANG BRTEN PA RTOGS PA STE, DPER NAS PHYOGS DANG BUM PA DAG LA BZHIN NO, ,'ON TE SDUG BSNGAL SHES PA NA, BDAG NYID DANG 'BYUNG BA CHEN PO YANG RTOGS PA YOD PA NYID DO SNYAM NA, DER YANG ZHES GSUNGS TE, SDUG BSNGAL GYI SHES PA LA YANG NGO, ,DE LTAR 'GYUR BA ZHES BYA BA NI GNYIS RTOGS PA STE, RANG YANG DAG PAR RIG PA'I RANG BZHIN YIN PA'I PHYIR RO ZHES BYA BA'I DON TO, ,DES NA DE NYID NI RTEN DANG BRTEN PA'I DNGOS PO RNAM PAR 'JOG PAR BYED PA MA YIN NO ZHES GRUB PO, ,'ON TE GZHAN GYI YIN NO ZHES DOGS NA, BAG CHAGS CAM GYIS ZHES GSUNGS SO, ,RANG RIG PA'I RANG BZHIN GYI MNGON SUM GYIS NI GNYIS RTOGS PAS MI MTHUN PA'I PHYIR DE LA RNAM PAR RTOG PA NYID GZHAN YIN PAR LUS PA YIN NO, ,DE YANG BAG CHAGS KYI STOBS LAS BYUNG BA YIN PA'I PHYIR, 'BYUNG BA DANG SDUG BSNGAL GYIS SHES BRTAN DANG BRTEN PA YIN PA NI BAG CHAGS TZAM GYIS BYAS PAR 'GYUR RO, ,DE LTA YIN DANG RNAM PAR RTOG PA TZAM DU 'BA'

ZHIG TU 'GYUR GYI, DES KYANG 'BYUNG BA CHEN PO SDUG BSNGAL GYI SHES PA'I GZHI YIN PAR NI MI 'GRUB PO, ,DES NA RTEN LA SOGS PA NI RNAM PAR RTOG PA TZAM YIN NO ZHES BYA BA'I DON TO, ,DE NYID KYI PHYIR 'BYUNG BA CHEN PO NYID THA DAD PA NI MA YIN TE ZHES GSUNGS SO, ,DE YANG RNAM PAR RTOG PA TZAM YIN NO ZHES BYA BA'I DON TO, ,YANG RNAM PAR RTOG PAS 'BYUNG BA CHEN PO LA SOGS PA THA DAD PA MI RTOGS PA GTAN TSIGS CI STE SNYAM NA, RANG GI RANG BZHIN TZAM GYIS ZHES GSUNGS SO, ,'O NA DE BZHIN DU RNAM PAR RTOG PA'I RANG BZHIN GYIS 'BYUNG BA CHEN PO YANG BAG CHAGS KYI STOBS LAS BYUNG BAR 'GYUR RO,, DES NA MI RTOGS PA'I NYES PA MED DO SNYAM NA, BAG CHAGS KYI STOBS LAS ZHES GSUNGS SO, ,GAL TE RNAM PAR RTOG PA'I RANG BZHIN NYID KYIS DE BZHIN DU 'BYUNG BA CHEN PO RNAMS BAG CHAGS KYI STOBS LAS BYUNG BAR 'DOD NA, DE'I TSE DE DAG DE LTAR YIN YANG SKYON MED DO, ,RNAM PA DE LTA BU'I SNGA MA DANG PHYI MA'I 'JIG RTEN NYAMS PA MED PA'I PHYIR RO SNYAM DU DGONGS PA'O, ,ZHAR LA 'ONGS PA RDZOGS PAR BYAS NAS, RNAM PAR SHES PA 'BYUNG BA CHEN PO LAS GZHAN YIN NO ZHES RNAM PAR GZHAG PA GANG YIN PA DE NYE BAR SDUD PA NI, DE'I PHYIR ZHES BYA BA'O, ,THA DAD PA NYID DO ZHES BYA BA'I DON TO, ,THA DAD PA DES NA'O, ,'O NA GAL TE ZHES BYA BA NI PHYIR BZLOG PA'O, ,GZHAN GYIS BKRI BAR BYA BA MA YIN PA'I SEMS CAN MI GTZANG BA'I YUL DU 'GRO BA GZHAN MI 'THAD PA'I PHYIR SROG CHAGS NI 'BYUNG BA CHEN PO TZAM LAS SKYES PA YIN NO ZHES BYA BA NI RGOL BA'I DON TO, ,GRUB PA'I MTHAR NI THOS PA MED PA SMAD 'TSONG MA'I KHYIM DU 'JUG PA BZHIN DU, RJES SU 'GRO BA DANG LDOG PA DAG LAS PHYIN CI LOG DANG SRID PA DAG MI GTZANG BA'I YUL DU 'GRO BA'I RGYU YIN PAR MI 'GAL BA'I PHYIR NA, GZHAN DU MI 'THAD PA NYID NYAMS SO ZHES BYA BA'I DON TO, ,DON GNYIS PO 'DI YANG RNAM PAR 'GREL BAR GSAL BAR BYA BA'O, ,GDOD MA NAS ZHI BA'I SEMS PA DE'I DNGOS PO NI DE NYID DO, ,DE LA ZHI BA NI NYE BAR 'TSO BA DANG BRAL BA'O, ,GDOD MA'I SGRA NI PHYIS SKYE BA MED PA LHUR STON PA'O, ,NYE BAR 'TSO BA MTHA' DAG NI GNYIS DANG 'BREL BA YIN NA, GNYIS NI NAM YANG SRID PA MA YIN NO, ,DES NA RTAG TU ZHI BA

, ,NI GDOD MA NAS ZHI BAR BRJOD DO, ,'O NA CI LTAR NYE BAR 'TSO BA GNYIS DANG 'BREL BA YIN ZHE NA BDEN TE, DE KHO NA YANG DAG PAR BRTAGS NA GNYIS MED LA NYE BAR 'TSO BA YANG MED DO, ,'O NA KYANG KUN RDZOB TU GNYIS SGRO BTAGS PAS NYE BAR 'TSO BA YANG THA SNYAD BYED DO, ,DE KHO NA LA MNGON DU PHYOGS NA NI SGRO BTAGS PA YANG 'GA' YANG MED DO, ,DES NA 'DI MTHA' DAG NI NGES PAR MA BTAGS PA'I DUS NA YOD PA YIN GYI, RNAM PAR DPYAD NA NI YOD PA MA YIN NO, ,DES NA MCHOG TU YID CHES BA'I RGYU NI RNAM PAR DPYOD PA KHO NA YIN NO, ,DES NA 'KHOR BA NYID MED PA'I PHYIR YOD PA GSAL BAR MI BYA STE, 'ON KYANG RNAM PA THAMS CAD DU YOD PA MA YIN NO ZHES RTOGS PAR BYA BA'O, ,'ON TE ZHES BYA BA NI KUN RDZOB KYI PHYOGS SDUD PA'O, ,MCHOG TU RTOG PA NI BLO STE, RNAM PA GNYIS SPONG BAR BYED PA'O, ,DE GA LA YOD PA NI RTOG PA DANG LDAN PA'O, ,DE'I DNGOS PO NI DE NYID YIN TE, PHYIS DGAG PA'I BSDU BA'O, ,DMAN PA'I GNAS SU 'GRO BA NI RTOG PA DANG MI LDAN PAS SBYAR BA YIN NO ZHES BYA BA'I DON TO, ,'DI NYID GSAL BAR BYED PA NI, BDAG LA CHAGS PAS BSKUL BA NI, ,ZHES BYA BA'O, ,PHYIN CI LOG NYID DU CI STE 'GYUR SNYAM NA, DE 'DRA BA DE NI ZHES GSUNGS SO, ,DBANG PO LAS 'DAS PA'I PHYIR DE SPANG BA NI MI RIGS SO SNYAM DU DGONGS PA'O, ,LAS GANG GIS PHYIN CI LOG BSKYED PA GZHAN GYIS BKRI BAR BYA BA MA YIN PA ZHES SBYAR RO, ,DE LTA YIN DANG MNAR MED BA, SGRUB PAR BYED PA'I LAS KYIS GRANG BA'I RIMS CHEN PO'I DBANG GIS DE'I MI NYID LA BDE BA'I RGYUR BSAM PAS 'JUG PA YIN NO, ,DE BZHIN DU PHYIN CI LOG GI BLO CAN RTZE BAR 'DOD PAS MA LA SOGS PA'I GNAS SU 'JOG GO, ,DE LTAR 'GRO BA ZHES BYA BA NI, DMAN PA'I GNAS SU 'GRO BA'O, ,PHYIN CI LOG GI NUS PA BRJOD NAS, SRID PA'I NUS BA BRJOD PA NI, BDE BA DANG ZHES BYA BA'O,, KYANG NI RIM PA BZHIN DU YIN TE, PHYIN CI LOG 'BA' ZHIG GIS YIN PAR NI MA ZAD KYI, BDE BA LA SOGS PA THOB PA LA SOGS PAR 'DOD BAS KYANG YIN NO, ,GANG GIS GNYIS RGYU YIN PA'I PHYIR GZHAN DU MI 'THAD PA NYAMS PAR 'GYUR BA, CI LTA BU MTHONG BA YOD DAM SNYAM NA, THOS PA PO ZHES

GSUNGS TE, DES NA GZHAN DU MI 'THAD PA NYAMS SO SNYAM DU DGONGS PA'O, ,GAL TE SKYE BA LA DBANG PHYUG GI NUS PA BRJOD NAS GZHAN DU MI 'THAD PA NYAMS SO ZHES CI STE MI BRJOD SNYAM DU ZUR NA 'DUG PA'I BSAM PA DOGS PAR BYED PA NI, 'ON TE DE NI DBANG PHYUG GIS ZHES BYA BA'O, , SEMS CAN 'DI'O, ,LAN DU RANG NYID CES BYA BA'O, ,DON 'DI YIN TE, THAR PA'I BDAG NI DBANG PHYUG GIS SKUL BAR BYED PA MA YIN GYI 'ON KYANG SO SO'I SKYE BO YIN NO, ,'KHRUL PA DE YANG LAS KYIS 'PHANGS PA YIN PA'I PHYIR NGO, ,'DOD PAR BYA BA DON DU GNYER BAR NGES PAR 'JUG PA MTHONG BA'I PHYIR, DBANG PHYUG TU RTOGS PAR DKA' BAS CI ZHIG BYA, 'ON TE TSAD MAS GRUB PA LA DKA' BA DANG SLA BA BSAM PAS CI BYA SNYAM NA, RE ZHIG MNGON SUM GYI BYED PA MED PAR STON PA NI, DBANG PHYUG GIS BSKUL BAR NI ZHES BYA BA'O, ,RJES SU DPAG PA'I BYED PA YANG MED DO ZHES STON PA NI DBANG PHYUG TU RTOG PA ZHES GSUNGS SOS, ,RTOG PA ZHES BYA BA NI BRNYAS THABS KYIS RJES SU DPAG PA LA BRJOD DO, ,YANG NA RTOG PA'I SGRAS NI RNAM PAR GZHAG PA SUN 'BYIN PA STON PAR BYED DO, ,THE TSOM TZAM YANG BRTAGS PAR BSAL BAS BKAG PA YIN NO, ,DE'I PHYIR BDAG LA CHAGS PA NYID CES GSUNGS SO,, 'ON TE ZHES BYA BA NI GZHIN GYI'O, ,'JIG RTEN GZHAN DU YANG GZHAN GYIS BSKUL LO ZHES 'BREL TO, ,BSAL BA NI 'DI YIN TE, GAL TE BDAG LA CHAGS PA SKUL BYED DU MTHONG BA'I PHYIR DE LTAR RNAM PAR 'JOG NA, DE'I TSE KHOL PO LA SOGS PA YANG GZHAN GYIS BSKUL NAS 'JUG PAR MTHONG BA KHO NA'O; DES NA GZHAN GYIS BKRI BAR BYA BA CI MA YIN ZHES BYA BA'O, ,MA YIN TE ZHES BYA BA NI 'GOG PA'O, ,NGES PA MED PA'I PHYIR RO ZHES BYA BA NI SKUL BAR BYED PA KHO NA ZHES BYA BA'I NGES PA MED PA'I PHYIR, NGES PA MED PA YANG RNAM PA GNYIS TE, DE LA RE ZHIG BSKUL BAR BYA BA LA LTOS NAS BRJOD PA NI, BDAG LA SRED PA DANG LDAN PA ZHES BYA BA'O, ,DBANG PHYUG GIS BSKUL YANG DE LAS KHAM GCIG KYANG RE BA MED CING, PHUNG BAR YANG MI MTHONG BA NI BSKUL BAR MI NUS SO, ,SKUL BAR BYED PA LA LTOS NAS KYANG BSHAD PA NI DE YANG ZHES BYA BA'O, ,SRED PA DANG LDAN PA DE YANG NGO, ,'DOD CHAGS DANG

, ,BRAL BA LA SOGS PA DE BSKUL BAR 'DOD PA'AM, SDUG BSNGAL LDOG PA MA MTHONG BA NI SKUL BAR BYED PA NYID DU MI 'THAD DO, ,RTOG PA DANG MI LDAN PAR THAL BA'I PHYIR RO, ,DES NA BSKUL MKHAN YANG CHAGS SRED PA DANG LDAN PAR THAL LO, ,DE NI SNYING RJES 'JUG PA YANG MA YIN NO ZHES SNGAR BSTAN ZIN TO, ,CHED DU BSAMS NAS TSIG LA SOGS PAS BSKUL NA NI DE'I TSE NYES PA 'DIR 'GYUR RO SNYAM DU BSAMS NAS GZHAN DOGS PAR BYED PA NI, DE LA BSNYEN PA BYAS PAS ZHES BYA BA'O, ,'GRO BA NI BDE 'GRO'O, ,LAN DU MU STEGS BYED CES BYA BA'O, ,THAMS CAD LA BSOD NAMS DANG YE SHES GNYIS RAB KYI MTHAR PHYIN PA MED KYANG, SKYE BO GZHAN LA LTOS NAS KHYAD PAR YOD PA'I PHYIR BSNYEN PA LA SOGS BA CUNG ZAD TZAM GYIS BDE 'GRO LA SOGS PA'I RGYUR 'GYUR RO, ,PHUL BYUNG BA DANG BCAS PAS DE'I RGYU YIN NA NI DBANG PHYUG LA YANG NGES PAR MI NUS SO, ,DES NA DBANG PHYUG SKYE BA LA NUS PA YOD PA MA YIN NO, ,DE'I PHYIR DE BTAGS PAS GZHAN DU MI 'THAD PA NYAMS PAR NI MI NUS SO ZHES BYA BAR DGONGS PA'O, ,RNAM 'GREL DANG PO'I DON SDUD PA NI DE'I PHYIR ZHES BYA BA'O, ,GZHAN DU ZHES BYA BA NI SMAD 'TSOD MA'I GNAS LA SOGS PAR RO, ,RNAM 'GREL GNYIS PA'I DON BRJOD PA NI GANG LA DE ZHES BYA BA'O, ,'ON TE DE DAG DANG BRAL BA NI DBANG PHYUG GIS BSKUL BAS SKYE BA THOB PAR 'GYUR RO SNYAM NA, DE LA ZHES GSUNGS TE, ,PHYIN CI LOG DANG BRAL BA LA'O, ,DE LTAR ZHES BYA BA NI PHYIN CI LOG LA SOGS PA DANG BRAL BA LA DBANG PHYUG GIS SKYE BA SBYIN BAR NUS SO ZHES BYA BA'O, ,'DIS NI 'DI SKAD CIS, GANG LA LAS KYI 'PHANGS PAS BLO PHYIN CI LOG DANG SRED PA YOD PA DE LA DE DAG NYID KYIS SKYE BAR NUS PA'I PHYIR DBANG PHYUG GIS CI BYA STE DON MED PA'I PHYIR RO, ,GANG LA DE MED PA DE LA YANG DBANG PHYUG GIS CI BYA STE, SKYE BAR MI NUS PA'I PHYIR RO, ,GAL TE ZHES BYA BA LA SOGS PA NI GZHAN GYI'O, ,SMAN PA DON MED PAR 'GYUR RO ZHES 'BREL TO, ,DE CI LTAR ZHE NA, MI NUS PA DANG MI DGOS PAS ZHES SMRAS SO, ,DGOS PA NI DON DANG LDAN PA STE, 'BRAS BU DANG BCAS PA'O, ,DE LTA MA YIN NA NI MI DGOS PA STE, 'BRAS BU DANG BRAL BA'O, ,DES NA DBANG PHYUG MI

DGOS PA DANG MI NUS PAS NI SMAN PA YANG MI NUS PA DANG MI NUS PAR 'GYUR TE, RIGS MTSUNGS PA'I PHYIR RO ZHES BYA BA'I DON TO, ,DE LTA YANG MA YIN TE, DE NAS RTZOD PA 'DIS NI DBANG PHYUG LA YANG GLAGS MI RNYED DO ZHES BYA BAR BSAMS PA'O, ,NYES PA 'DI NI MED DO ZHES BYA BA NI GRUB PA'I MTHA' SMRA BA'I'O, ,GANG DU SMAN PA'I DPYAD MED KYANG NAD MED BA GRUB PAR BYED PA'I LAS YOD PA 'GA' ZHIG TU NI SMAN DON MED PA DANG, GANG DU SMAN PA'I DPYAD YOD KYANG NAD MED PA SGRUB PAR BYED PA'I LAS MED PA 'GA' ZHIG LA GANG YIN PA DES NI NUS PA MED PA YIN NO, ,GANG ZHIG TU SMAN PA'I DPYAD DANG LDAN CIG PA NYID DU GYUR PA NAD MED PA SGRUB PAR BYED PA'I LAS YOD PA DER NI SMAN PA MI NUS PA DANG MI DGOS PA MA YIN NO, ,LAS KYI STOBS MA DES PAS NI DE'I SMAN DPYAD THAMS CAD DU 'JUG PA YIN NO, ,DE BZHIN ZHES BYA BA NI SMAN PA BZHIN NO, ,DE NYID CES BYA BA NI 'GA' ZHIG TU 'DOD PA'I MI NUS PA DANG MI DGOS PA NYID DO, ,DE LTAR NA ZHES BYA BA NI SMAN PA BZHIN DU 'GA' ZHIG TU DON MED PA YIN NA DBANG PHYUG TU 'DOD PA DE CI SKAD BSHAD PA'I YON TAN DANG LDAN PA'I DBANG PHYUG MA YIN NO, ,CI'I PHYIR ZHE NA, DBANG PHYUG GIS 'GA' ZHIG NI ZHES PA GSUNGS SO, ,'ON KYANG 'KHOR BA LA MTHA' DAG BSKUL LO SNYAM DU DGONGS PA'O, ,DE SKAD DU YANG SKYE BO PA 'DI SHES PA YOD MIN LA, NGA ZHES BYA BA LA SOGS PA'O, ,'KHOR BA BA'I SGRAS NI 'DI SKAD BRJOD PA YIN TE, THAR PA LTA ZHOG STE, 'KHOR BA PA LA YANG THAMS CAD NI MI BSKUL LO ZHES BYA BA'O, ,'ON TE ZHES BYA BA NI, YANG GI SGRAS NI 'DOD PA 'BA' ZHIG GIS MA YIN PA DES NA GAL TE YANG THAMS CAD MI BSKUL BA DE LTA NA YANG 'DI NYID NI DBANG PHYUG YIN NO SNYAM NA, LAN DU DE LTA YIN NA ZHES BYA BA'O, ,SKYE BA PO BSNYEN PA YANG BDE 'GRO THOB LA, NYE BAR MKHO BA YIN NO ZHES 'BREL TO, ,DES NA BSKO BA PO YANG DBANG PHYUG DU THAL LO SNYAM DU DGONGS PA'O, ,SKYE BA PO NI STER MKHAN TE STER MKHAN YANG LON GNAS RNAMS BDE BAR 'DOD PAS SO, ,NYE BAR LONGS SPYOD PA LA SOGS PA BYIN PAS BDE 'GRO'I RGYUR 'GYUR TE, BDE BA'I GNAS SKABS KHYAD PAR CAN NYID BDE 'GRO YIN PA'I PHYIR RO,,

, ,SNGAR BSHAD PA HA CANG YANG THAL PA'I NYES PA SDUD PA NI DE NI ZHES BYA BA STE BSNYEN PA'O, ,MU STEGS BYED THAMS CAD CES BYA BA NI SNGA MA BZHIN NO, ,DE NYID CES NGES PAR BZUNG BA'I RNAM PAR GCAD PA BRJOD BA NI DBANG PHYUG NI MA YIN NO ZHES BYA BA'O, ,DES NA DBANG PHYUG TU RTOGS PAS GZHAN DU MI 'THAD PA NYAMS PA NI MA YIN NO SNYAM DU DGONGS PA'O, ,DES NI BLO PHYIN CI LOG PA SRED PAS MNGAL LA SOGS PA'I YUL DU SKYE BA MI 'GAL BA'I PHYIR RO, ,GZHAN DU MI 'THAD PAS SROG CHAGS 'BYUNG BA TZAM LAS SKYE BA NI MA YIN NO ZHES GNAS SO, ,GAL TE 'O NA ZHES BYA BA NI GZHAN NO, ,'GRO BA DANG 'ONG BA MED NA NI SROG CHAGS KYI SKYE BA 'BYUNG BA CHEN PO TZAM LAS YIN NO SNYAM DU BSAMS PA'O, ,DE LTA NA YANG ZHES BYA BA NI MA MTHONG NA YANG NGO, ,DPE'I DON DPE CAN GYI DON LA GSAL BAR SBYOR BA NI, SRID PA BAR MA DO'I LUS ZHES BYA BA'O, ,DE TZAM GYIS ZHES BYA BA NI SRID PA BAR MDO'I LUS SO, ,RMI LAM GYI LUS NI ZHES BYA BA NI GZHAN GYI DOGS BA BSU BA'O, ,RMI LAM GYI LUS NI LOG PA YIN TE, DES NA DE NI MA DMIGS PAS MED PA MA YIN GYI BAR MDO'I LUS NI YOD PA'I PHYIR NA DE NI MA MTHONG BAS MED PAR 'GYUR RO SNYAM NA, LEN DU MA YIN TE ZHES BYA BA'O, ,RMI LAM GYI LUS KYIS LUS KYI DON BYA BA BSKAL PA'I LUS LA RNAM PAR 'GYUR BA BYED PA NI SNGAR BSTAN ZIN TO, ,DES NA SNANG BZHIN PA DANG, DON BYA BA BYED PA MI BDEN PAR CI LTAR BRJOD BAR NUS, THOGS PA MED BA NYID KYIS NI LUS 'DI DANG RIGS MI MTHUN PAR 'GYUR TE, SRID PA BAR MA YANG DE 'DRA BA NYID NI YIN PA KHO NA'O, ,GANG GI PHYIR BAR MDO'I LUS MED PA YIN PA DE NYID KYI PHYIR LUS CAN MA YIN PA'I SEMS LA LTA BSAM DU YANG GA LA YOD DE, LUS CAN MA YIN YANG NGO, ,THOGS PA NI RDUGS PA STE, 'GRO BA'I GEGS DANG LDAN PA'O, ,THOGS MED NI RDUGS PA MED PA CAN NO, ,SPYIR BSHAD PA'I DON KHYAD PAR DU STON PA NI CHU BZHIN ZHES BYA BA'O, , 'DIR CHU BZHIN RNAM GSER LA DNGUL CHU BZHIN ZHES 'ANG GI SGRA SBREL BAR BYA'O, ,SRID PA BAR MDO'I LUS KYANG THOGS PA MED PAR 'GYUR RO SNYAM DU ZHE LA GZHAG PA'O, ,DES NA RNAM PA DE LTA BU'I SRID PA BAR MDO'I LUS NI MA MTHONG BA'I PHYIR NA MED PA MA YIN NO ZHES NYE BAR SDUD PA'O, ,DES NA SROG

CHAGS NI 'BYUNG BA CHEN PO TZAM LAS SKYES PA MA YIN NO SNYAM DU DGONGS PA'O, ,BSHAD PA MDZAD PAS NI 'DI BOR NAS MA MTHONG BA'I PHYIR SRID PA BAR MA DO MED PA YIN YANG NGED LA CHAD PA CI YANG MED DO SNYAM DU DGONGS NAS LUGS GZHAN BSDU BA'I DON DU YOD PA NYID MA DMIGS PA ZHES BYA BA 'DI DGAG PA LA MA YIN ZHES BYA BAR MA MTHONG BA'I PHYIR MED PA ZHES BYA BA SGRUB PA NYID DU 'CHAD PAR 'GYUR RO, ,DE'I TSE NI MA DMIGS PAS MED PAR SMRA BA'I LUGS LA BRTEN KYANG 'JIG RTEN PHA ROL MED PA MA YIN NO SNYAM DU DGONGS NAS MA MTHONG BA'I PHYIR NA MED PA 'ANG ZHES GSUNGS PAS SO, ,DE ZHES BYA BA DE NYID LTAR 'JUG PAR BYA BA'O, ,YANG NA MA MTHONG BA'I PHYIR NA BAR MA DO'I LUS NI MED PA NYID DO, ,GANG GI PHYIR BUM PA LA SOGS PA'I YAN LAG GI NANG DU ZHUGS PA'I CHU DANG DNGUL CHU BZHIN DU SRID PA BAR MDO'I LUS MA MTHONG BA NI MA YIN GYI, 'ON KYANG MED PA KHO NA'O ZHES 'GA' ZHIG 'DOD PA DES NA DE NI MED PA KHO NA'O, ,MED KYANG 'JIG RTEN PHA ROL MI 'GRUB PA NI MA YIN NO ZHES 'GREL PAR GSAL BAR BYA'O, ,YANG GI SGRAS 'PHANGS PA'I DON BRJOD BA NI RMI LAM GYI LUS BZHIN DU ZHES BYA BA'O, , THOGS PA MED PA YIN NO ZHES BYA BA NI SRID PA BAR MA DO'I LUS SO ZHES BYA BA BAR SKABS YIN NO, ,'GA' ZHIG LA LAR ZHES BYA BA NI THAMS CAD LA MA YIN NO ZHES BYA BA'I DON TO, ,CI DE LTAR 'GA' ZHIG MTHONG BA YOD DAM SNYAM NA, BUM PA LA SOGS PAR ZHES GSUNGS SO, ,SKABS SU BAB PA YANG THOGS PA MED PA YIN NO ZHES BYA BAR LTA'O, ,LUGS GZHAN BSDU BA'I DON DU 'ANG GI SGRA NI RNAM PA GZHAN DU 'CHAD PA NI YANG NA ZHES BYA BA'O, ,CHU BZHIN ZHES BYA BA NI BUM PA SO BTANG MA THAG LA LTOS NAS SO, ,'DIS KYANG GI SGRA SBREL BAR BYA STE, ,DES NA YANG NA BAR MA DO'I LUS NI MED PA NYID DO ZHES BYA BAR 'BREL TO, ,CI'I PHYIR SNYAM DU DOGS NA, SO BTANG MA THAG GI BUM PA LAS CHU BZHIN NAM GSER LA DNGUL CHU BZHIN DU BAR MA DO'I LUS YOD BZHIN DU MA MTHONG BA NI MA YIN GYI 'ON KYANG MED PA NYID YIN NO, ,DES NAM MTHONG BA'I PHYIR TE,

, ,MA DMIGS PA'I PHYIR NA MED PA KHO NA'O ZHES SBYAR BAR BYA'O, ,'DI LTAR ZHES BYA BA 'DIS NI KHYAD PAR BRJOD PA'I DON DU SRID PA BAR MA DO'I RNAM PAR GZHAG PAR STON PA'O, ,CHOS MNGON PA'I TSIG LE'UR BYAS PA'I BAR DU YONGS SU BTAGS PA'I SGRA BCUG PA NI TSAD MA MED PA'I PHYIR RO, ,NGES PA MED PA STON PA LHUR BYED PA'O, ,KHYAD PAR BRJOD PA NI 'DIR NI ZHES BYA BA STE LUGS GZHAN LA'O, ,DE LTAR ZHES BYA BA NI CHOS MNGON PA'I TSIG LE'UR BYAS PAS BRJOD PA'I DON TO, ,GANG GIS SKYE BA'I YUL DU YANG DE LTA BU NYID YIN PAR BRTAG PAR BYA BA SHES PA'I SKYE BA RNAM PAR CHAD PA DANG MA CHAD PA DAG TU SKYE BA LA LAR MTHONG NGAM CI SNYAM NA, YUL DANG DUS ZHES GSUNGS SO, ,CHOD PA YANG ZHES BYA BAR LTA'O, ,DE LA GNYID MTHUG POR LOG PA LA SOGS PAR SEMS DUS KYIS CHOD PA SKYE BA DANG, MCHOD PA YANG YIN PAS RNAM PA GNYIS NI SNGAR BSHAD ZIN TO, ,YUL GYIS CHOD PA DANG MA CHOD PA RNAM PA GNYIS NI BRJOD BAS NI, 'DI LTAR ZHES GSUNGS SO, ,'DI RNAM PA GNYI GA LA RMI LAM DU YIN PAR RTOGS PAR BYA'O, ,DE LTA NA GNYI GA LTAR YANG SHES PA SKYE BA'I YUL DU SKYE BAR BRTAG PAR BYA BA YIN NO SNYAM DU DGONGS PA'O, ,DE NYID KYI PHYIR DE BZHIN DU ZHES GSUNGS TE, BSHAD MA THAG PA'I RNAM PA YIN NO, ,KHYAD PAR MED DO ZHES BYA BA NI RMI LAM LAS SKYE BA YONGS SU LEN PA ZHES BYA BA LHAG MA'O; ,GAL TE RMI LAM DANG CHOS MTSUNGS PA'I PHYIR BAR MA DO'I SRID PA MED KYANG SRID PA GZHAN YOD NA DE'I TSE RMI LAM BZHIN DU MI BDEN PAR YANG 'GYUR RO SNYAM NA, RMI LAM MI BDEN PA ZHES GSUNGS SO, ,CI'I PHYIR ZHE NA, THAMS CAD KYIS ZHES GSUNGS SO, ,'ON KYANG BSGRUB PAR BYA BA LA GNAS SKABS GZHAN MA DMIGS KYANG GNAS GZHAN DU PHYIN PAR DMIGS PA DE TZAM GYIS MTSUNGS PAR BSTAN PA'I DON DU ZHUGS PA YIN NA DE NI GRUB PO, ,'DI DAG NI BDEN PA DANG MI BDEN PA DAG KYANG DE KHO NA NYID NI MA YIN TE, SNANG BA DANG DON BYA BA DAG NI GNYI GA LA THUN MONG YIN PA'I PHYIR TE, SNGAR JI SKAD BRJOD PA YIN NO, ,DES NA GNYI GA YANG RIGS MTHUN PA KHO NA'O, ,'O NA CI LTAR BDEN PA DANG MI BDEN PA DAG GIS THA DAD PAR THA SNYAD 'DOGS SNYAM NA, SKYE BA GZHAN NI ZHES GSUNGS SO, ,BDEN PAR ZHES BYA BA NI BDEN PA'I THA SNYAD DU'O, ,DE MED PA'I PHYIR RO ZHES BYA BA NI BAG CHAGS BSTAN PA MED PA'I PHYIR RO, ,DE LTA MA YIN NA RMI LAM DANG RMI LAM MA YIN PA DAG KHYAD PAR

YOD PA MA YIN NO ZHES BSTAN PA'I DON DU, THA DAD PA'I RGYU MTSAN DE DANG DE DAG DOGS PAR BYAS NAS SEL BA NI GAL TE ZHES BYA BA'O, ,SAD BA'I SHES PA MTSAN NYID KYI RNAM PA GZHAN RMI LAM LAS DUS PHYIS THOB PAS NA'O, ,DES NA ZHES BYA BA NI RMI LAM GYI SHES PA SNANG BA GZHAN GYI MTSAN NYID YOD PA'I PHYIR RO, ,SKYE BA GZHAN PA YANG ZHES BYA BA NI SAD PA'I SHES PA'I MTSAN NYID DO, ,GAL TE ZHES BYA BA NI 'CHAD PA'O, ,DE'I RGYU ZHES BYA BA NI RDZA MKHAN LA SOGS PA'I RGYU'O, ,LAN NI SAD PA'I ZHES BYA BA LA SOGS PA'O, ,SAD PA LA NI RGYU BA'I KHYAD PAR NYID TSOGS PA YIN NO SNYAM NA, RMI LAM DU YANG ZHES GSUNGS SO; ,SAD PA'I ZHES BYA BA LA SOGS PA NI PHYED SNGA MA RNAM PAR 'GREL PA'O, ,DE DAG NI ZHES BYA BA NI GZHAN GYIS SMRAS PA'O, ,DE LA RGYU'I KHYAD PAR NI ZHES BYA BA NI PHYOGS SNGA MA GZHAN YIN NO, ,DE LA RTZOD PA DANG PO SEL BA NI RMI LAM NA YANG ZHES BYA BA'O, ,DES NA RMI LAM DANG RMI LAM MA YIN PA DAG KHYAD PAR MED DO SNYAM DU DGONGS PA'O, ,GZHAN GYIS MI DMIGS PA'I PHYIR SNGAR YOD PA ZLOG PAR BYED PA YIN NO ZHES SBREL TA, ,GZHAN GYIS ZHES BYA BA NI SAD BAS SO, ,SAD PAS DMIGS PA'I RI LA SOGS PA LA YANG RMI LAM MTHONG BA DAG GIS MA DMIGS PA MTSUNGS SO, , TSIG LE'UR BYAS PA 'DI BSHAD NAS TSIG LE'UR BYAS PA SNGA MA'I PHYED PHYI MA RNAM PAR 'GREL PAS RTZOD PA GNYIS PA SEL BAR BYED PA LAS NI, CI LTAR RGYU BA'I ZHES BYA BA'O, ,DE DAG CES BYA BA NI RI LA SOGS PA DAG GO, ,RGYU BA'I TSOGS PA'I DOD PO NI RMI LAM YIN NO, ,BUM PA LA SOGS PA GLO BUR DU DMIGS PA YIN NO ZHES 'BREL TO, ,GZHAN YANG SAD PA'I GNAS SKABS NYID THA DAD PAR RTOGS PAR MI NUS PA DES NA SAD PA GZHAN GYIS DE DAG DMIGS PA'I PHYIR ZHES CI LTAR BRJOD CES BSHAD PA NI SAD PA'I ZHES BYA BA'O, ,DE YANG ZHES BYA BA NI GNYID KYI GNAS SKABS SU MTHONG BA'O, ,DE LTAR THAL BAR 'GYUR TE ZHES BYA BA NI LOG PA NYID DU THAL BAR 'GYUR BA'O, ,'ON TE RMI LAM DU MTHONG BA NYID MI BDEN PA YIN TE, SAD PAS MA DMIGS PA'I PHYIR RO SNYAM NA, PHAN TSUN ZHES GSUNGS SO, ,GNYI GA LA

, ,YANG ZHES BYA BA NI SAD PA DANG GNYID LOG PA DAG LA'O, ,DE MTSUNGS PA'I PHYIR ZHES BYA BA NI MI BDEN NO ZHES RTOGS PAR MTSUNGS PA'I PHYIR RO, ,GAL TE 'DI MI BDEN NO SNYAM PA'I RTOG PA MED PA'I PHYIR SAD PAR SHES PA MI BDEN PA CI LTAR 'GYUR SNYAM NA, DE LTAR RTOGS PA NYID KYIS NI, ,ZHES GSUNGS SO, ,DE NYID NI BDEN PA NYID DO, ,DE'I MTSAN NYID KYIS KYANG ZHES KYANG GI SGRA NI RIGS PA'I STOBS KYIS SRID PA'I DON TO, ,DE'I MTSAN NYID KHO NAS YIN NO ZHES BYA BA'I DON TO, ,RNAM PAR RTOG PA NI YOD DAM MED KYANG BLA'O, DE LTA MA YIN NA SHING NYID DU THA SNYAD MA BYAS PA'I SHING SHA PA SHING MA YIN PA NYID DU 'GYUR RO, ,DES NA SHING SHA PA NYID KYANG DE'I THA SNYAD MI 'GRUB PAR 'GYUR RO, ,GZHAN YANG ZHES BYA BA NI SUN 'BYIN PA GZHAN YIN NO, ,YANG NA RNAM PAR RTOG PA'I SHES PA 'BA' ZHIG GIS YIN PAR NI MA ZAD KYI, ,RMI LAM GYI SHES PA'I MTSAN NYID KYIS KYANG DE NYID DU STE LOG PA NYID DU 'GYUR BA'I PHYIR RO, ,DE LTA MA YIN NA THAMS CAD DU DE'I MTSAN NYID KYIS DE NYID DU RNAM PAR GZHAG PA MYOS PAR THAL PA'I PHYIR RO, ,'DI YANG 'DI YANG 'DI GNYIS SO SOR DE NYID RNAM PAR 'JOG PAR BYED PA YIN PAR KHAS BLANGS NAS BRJOD PA YIN GYI DNGOS PO LA NI DE'I MTSAN NYID KHO NAS DE NYID YIN NO ZHES BSTAN PA'I DON DU, GZHAN YANG ZHES GSUNGS SO, ,BDEN LAS GZHAN NAM ZHES BYA BA'I RNAM PAR RTOG PA NI MA YIN PA'I PHYOGS LA'O, ,CI STE NA BDEN MOD CES BYA BA NI MED PAR DGAG PA'I PHYOGS LA'O, ,DGAG PA 'DI GNYI GA YANG SHIN TU 'THAD PAR DKA'I ZHES 'BREL TO, ,CI'I PHYIR ZHE NA, DE'I RANG BZHIN DMIGS PA'I PHYIR RO, ,'DI'O ZHES LHAG PAR 'DZIN PA DANG LDAN PA'I RMI LAM GYI SHES PA MNGON SUM DU GRUB PA'I PHYIR RO, ,RNAM PAR 'GREL PA NI DE'I RANG BZHIN DU ZHES BYA BA STE, BDEN PA'I RANG BZHIN DU'O, ,DE LAS GZHAN NI BDEN PA LAS GZHAN NO, ,DMIGS PA NYID NI ZHES BYA BA NI GTAN TSIGS KYI TSIG GO, ,PHYOGS GNYIS PA RNAM PAR 'GREL PA NI, ,DE MA YIN NO ZHES BYA BAR YANG ZHES BYA BA'O, ,PHYOGS DANG PO LA 'THAD PA BRJOD PA NI, DE LAS GZHAN PA NYID NI ZHES BYA BA'O, ,YOD PA LAS GZHAN NYID NI'O, ,DE LAS GZHAN PA'I RANG BZHIN NYID KYIS ZHES BYA BA NI YOD PA LAS GZHAN NI RANG

BZHIN NYID KYIS SO, ,DE LTAR MA YIN NA ZHES BYA BA NI GAL TE DE LAS GZHAN PA'I RANG BZHIN NI, ,DE LAS GZHAN PA'I RANG BZHIN NYID KYIS MA YIN NA'O, ,DE'I TSE BDEN PA DE YANG DE LAS GZHAN DU 'GYUR RO, ,DE LTA YANG MA YIN TE, DES NA RMI LAM GYI SHES PA NI BDEN PA LAS GZHAN NYID MA YIN NO ZHES BYA BAR DGONGS PA'O, ,'DI ZHES BYA BAR DGONGS PA NGES PAR 'DZIN PA LAS KYANG BDEN PA NYID YIN PA'I PHYIR DE DANG 'GAL BA MI LDAN PA NYID DU JI LTAR 'GYUR, MNGON SUM LA NI TSAD MA GZHAN GYIS GNOD PA YANG MA YIN NO ZHES SNGAR RGYA CHER BSHAD ZIN TO, ,GNYIS PA LA YANG 'THAD PA DE NYID BSHAD PA NI, DMIGS BZHIN NYID NI ZHES BYA BA'O, ,THAMS CAD DE LTAR THAL BA'I PHYIR RO ZHES BYA BA NI, GANG GIS RE ZHIG CUNG ZAD KHAS BLANGS PA DE LA CHAD PA'I GTZO BO NI 'DI YIN NO, ,THAMS CAD LA BSNYON 'DEBS PA YANG GAL TE TSAD MA CAN YIN NA DE'I TSE 'DI'I GNOD PA'I TSAD MA BZHIN DU MNGON SUM YANG TSAD MA NYID YIN TE, DE'I MTSAN NYID DANG LDAN PA'I PHYIR RO, ,YANG NA NI MTSAN NYID GZHAN BRJOD DGOS SO, ,MNGON SUM TSAD MA MA YIN NA NI, TSAD MA GZHAN TSAD MAR MI 'GYUR RO ZHES BYA BA YANG SNGAR BSGRUBS ZIN TO, ,DE STE TSAD MA CAN MA YIN NA DE'I TSE THAMS CAD 'DOD PA LA RAG LAS NAS GRUB PAR 'GYUR RO, ,DES NA GAL TE KUN RDZOB TU YANG GNOD BYED KHAS LEN NA GNOD BYED CI LTA BA DE BZHIN DU SGRUB PAR BYED PA YANG TSAD MA NYID YIN NO, ,'ON TE ZHES BYA BA RMI LAM MI BDEN NO SNYAM PA'I RTOG PA 'DI NI'O, ,SKYES MOD KYI ZHES BYA BA NI LAN NO, ,'DI LA ZHES BYA BA NI MI BDEN NO SNYAM PA'I RTOG PA 'DI LA'O, ,DON MED PA NYID CES BYA BA NI, YUL DANG BRAL BA NYID DO, ,'DI LA ZHES BYA BA MI BDEN NO SNYAM PA'I RTOG PA DMIGS PA MED PA LAS SO, ,DES NA DE'I MTSAN NYID KHO NAS DE NYID DU RNAM PAR GNAS PA YIN NO ZHES BYA BAR DGONGS PA'O, ,BRTAN PA NI MI G-YO BA'O, ,MI SLU BA CAN NI RMI LAM DU DMIGS PA RNAMS SAD PAR RJES SU 'JUG PA MED PA'I PHYIR RO, ,RMI LAM MI BDEN NO SNYAM PA'I RTOG PA CI LTAR DON MED PA YIN TE, YUL MED PA NYID DU CI LTAR 'GYUR ZHES BYA BA'I THA

, ,TSIG GO, ,DE LTAR STON PA NI 'DI LTAR ZHES BYA BA'O, ,MOD LA ZHES BYA BAS NI KHRUS BYAS PAR SNANG BA RGYUN GYIS RJES SU 'JUG PA MED PAR BRJOD DO, ,DES NA ZHES BYA BA NI KHRUS MA BYAS PAR SNANG BA'I RJES THOGS SU'O, ,DE LTA NYID DU MI SLU BA'I PHYIR ZHES BYA BA NI KHRUS MA BYAS SNANG BA RGYUN DU 'JUG PA'I PHYIR RO; ,DES NI MA YIN TE ZHES BYA BA NI GRUB PA'I MTHA'O, ,DON NI 'DI YANG SAD PA LA MTSUNGS SO ZHES BYA BA YIN NO, ,SAD PA NA MTHONG BA'I 'DOD PA LA NYE BAR SPYOD PA NI RMI LAM MTHONG BA NA MOD LA LDOG PA YIN NO, ,LDOG PA DE LA NI SLU BA YANG MED DO, ,CI'I PHYIR ZHE NA, ,SNGAR YANG STE DUS PHYIS RGYUN GYIS RMI LAM DU LDOG PA DE YANG BZLOG PA'I SHES PA'I BDAG NYID DE NI MTHONG PHYIR RO, ,DE RIGS KYI PHYIR RO DES NA SAD PA NA MTHONG BA'I CHAGS PA'I GNAS SKABS KYANG PHYIN CI LOG DU 'GYUR RO SNYAM DU DGONGS PA'O, ,GAL TE DE LTA NA YANG 'DI NI SAD PA'I GNAS SKABS YIN LA, DE NI RMI LAM GYI GNAS SKABS YIN PA'I PHYIR, KHYAD PAR SHIN TU CHE'O SNYAM NA, RMI LAM CIG SHOS ZHES GSUNGS SO, ,CI LTAR GRUB PA YOD PA MA YIN TE, GANG GI PHYIR SLU BA LAS NI RMI LAM DU RNAM PAR GZHAG PA GRUB PA YIN NO SNYAM NA, SLU BA DE NYID KHYED KYIS RMI LAM YIN PA NYID LAS BSGRUB PAR BYA BA MA YIN NAM, RMI LAM YANG SLU BA LAS YIN TE, DE LTA YIN DANG, RMI LAM GYIS BSGRUB PAR BYA BA YIN PA'I PHYIR, SLU BA LAS RMI LAM NYID DU GRUB NA, PHAN TSUN BRTEN PA YIN NO, ,DES NA GRUB PA YOD PA MA YIN NO, ,ZHES 'BREL TO, ,RMI LAM GYI SLU BA DE DANG RJES SU MTHUN PA'I RGYU YONGS SU GYUR BA MED PA'I MTSAN NYID CAN, DE LA LTOS PA MED PAR GRUB BA CI 'DRA BA, DE 'DRA BA NI RMI LAM THOB PAR GYUR PA NA SAD BAR MTHONG BA LA YANG YOD DO ZHES NI DE MA THAG KHO NAR BSTAN PA YIN NO, ,DES NA RMI LAM DANG RMI LAM MA YIN PA GNYIS KHYAD PAR MED DO, ,RNAM PA GZHAN YANG BRJOD PA NI GZHAN YANG ZHES BYA BA'O, ,'DI NI MED CES BYA BA'I RNAM PAR RTOG PA LAS SHES PA GZHAN GYIS NI RMI LAM DANG RMI LAM MA YIN PA DAG RTOGS PAR 'GYUR PA MA YIN GYI, 'ON KYANG RNAM PAR RTOG PA NYID KYIS YIN NO 'DI NI MNGON SUM GYI BYED PA'I RJES SU 'BRANGS PA YANG MA YIN TE, ,MNGON SUM NI MDUN NA GSAL BA'I YOD PA'I RANG BZHIN DU GSAL BAR BYED KYI MED PA'I RANG BZHIN DU NI MA YIN NO, ,DES NA MED PA'I RANG BZHIN GYI RJES SU BYED PA'I RNAM PAR RTOG PA NI YID

BRTEN PA'I YUL MA YIN NO, ,RJES SU DPAG PA YANG MA YIN TE RTAGS KYI STOBS KYIS SKYED PA'I PHYIR RO, ,RTAGS KYI KHYAD PAR 'GA' YANG MED PA DE DANG 'BREL BA MA GRUB PA'I PHYIR RO, ,'DI GNYIS LAS GZHAN DNGOS PO MED PA CAN NAM, THE TSOM GYI DNGOS PO CAN GYI RNAM PAR RTOG PA YANG DON GYI DE KHO NA RNAM PAR 'JOG PA'I RGYU MA YIN NO, ,DES NA RJES SU 'DZIN PA MED PA'I PHYIR NA RANG GI RGYUD 'DI NI RTOGS PA TZAM YIN NO, ,'DIS BSGRUB PA'AM BKAG PA'I DON LA NI GUS PA YANG MED DE, DES NA DNGOS PO LA GNOD PAR BYED PA BRJOD ZIN PA'I PHYIR NA, YUL MED PA NYID DU GNAS PA YIN NO ZHES GSUNGS PA NI RTOGS PA TZAM DU ZAD DE DON YOD PA NI MA YIN NO, ,DE NYID KYI PHYIR THUN MONG PA'I MTSAN NYID YIN NO, ,GZHAN DANG THUN MONG BA'I RANG BZHIN RIG PAR BYED PA NI MA YIN NO ZHES BYA BA'I DON TO, ,DE LA 'DI SNYAM DU, CI RTOGS PA 'DI GCIG PU DE LTAR 'GYUR BA YIN NAM, YUL MED PA SRID PAR YANG CI LTAR 'GYUR SNYAM DU SEMS NA, RTOGS PA 'DI DAG NI ZHES GSUNGS TE, BRTAN PA DANG DBANG PHYUG LA SOGS PA'I RNAM PAR RTOG PA YANG ZHES BYA BA'I DON TO, ,YUL MED PA'I PHYIR NA, SNGON GAL TE SNGON GYI 'DU BYED PA'I RJES SU 'JUG PA YANG MA YIN NA NI DE'I TSE MI 'GYUR BA KHO NA'O SNYAM DU DGONGS PA'O, ,KHYAD PAR GANG GIS SHE NA ZHES BYA BA'I 'DRI BA'I DON NI 'DI YIN TE, YUL MED PA DANG BAG CHAGS NYE BA NI THAMS CAD LA THUN MONG BA YIN NO, ,DES NA 'DI NI MED DO SNYAM PA'I RNAM PAR RTOG PA GZHI NGES PA CAN DANG, RES 'GA' BAR NI CI LTAR 'GYUR ZHES BYA BA'O, ,LEN DU DE LA SEMS GTAD PAS ZHES BYA STE, RMI LAM DU MTHONG BA'I DON BDEN PA DANG MI BDEN PA NYID DU SEMS GTAD PA'I RTOGS PA PO'O, ,'DIS NI GANG GI GANG LA SEMS MA GTAD PA DE'I TSE DE LA BSGRUB PA'I DANG DGAG PA'I RNAM PAR RTOG PAR MI 'GYUR RO ZHES BSTAN PA YIN NO, ,BDAG NYID GNYID KYIS NYAMS PAR BSAM PAS NI RMI LAM DU MTHONG BA MA DMIGS KYANG MED PAR NGES PA MA YIN PA'I PHYIR KHYAD PAR DU BYED PA NI RTOGS PA POS SAD PA'I BDAG NYID DU MNGON PAR RLOM PA CAN GYIS RMI LAM DU MTHONG BA GANG YIN PA DMIGS PA DE MED PA'I KHYAD PAR GYIS NGES PA'I DUS DANG RNAM PA CAN GYI RTOGS PAR 'GYUR RO, ,NYAMS PA'I LUS NI RMI LAM DU SKYES PA'I LUS SO, ,DE DOR BAS SAD PAR MNGON PAR RLOM PA YIN NO, ,DE YANG CI LTAR SAD PAR MNGON PAR RLOM PA NYID YIN GYI SAD PA NYID

, ,MA YIN SNYAM NA, ,'DI YANG ZHES GSUNGS TE, BDAG SAD DO SNYAM DU SHES PA YANG DO, ,DE LTAR RTOGS PA'I PHYIR RO, ,BLUN PO NYID DE ZHES BYA BA NI SHES RAB DANG BRAL BA'O, ,DE'I ZHES BYA BA NI RMI LAM DU GNAS PA DES SO, ,DE DAG RNAMS ZHES BYA BA NI SAD PA NA DMIGS PA RNAMS SO, ,CI'I PHYIR ZHE NA, SAD PA NA DMIGS PA DE LA, RMI LAM NA GNAS PA DE DAG DANG 'BREL BA'I 'GRO BA LA SOGS PA'I GEGS MA YIN PA STE, BAR CHOD MA YIN PAR GRUB PA'I PHYIR RO ZHES BYA BA'I DON TO, ,SAD PA NA DMIGS PA'I RA BA LA SOGS PA'I GEGS YOD PA MA YIN PA'I PHYIR MED PA'I SGRUB PAR BYED PA GZHAN GYIS CI BYA SNYAM DU DGONGS PA'O, ,'GRO BA LA SOGS PA'I ZHES BYA BA NI PHYED PHYI MA'I RNAM PAR 'GREL PA'O, ,BYA BA'I SGO NAS ZHES BYA BA NI PHYED SNGA MA RNAM PAR 'GREL PA'O, ,RTOGS PAS BSGRUB PAR BYA BA ZHES BYA BA NI MI BDEN PA NYID KYIS SO, ,MI BDEN PA NYID DU ZHES BYA BA NI NYE BAR MTSON PA'O, ,BDEN PA NYID DU YANG NGO, ,DE LTAR RNAM PA GZHAN GYI SGO NAS RMI LAM LA MI BDEN PA NYID YOD PA MA YIN NO ZHES BSTAN NAS, RANG GIS BRJOD PA'I RNAM PAS MI BDEN PA NYID YIN NO ZHES BYA BAR MJUG SDUD PA NI DE'I PHYIR ZHES BYA BA'O, ,MOD LA 'JIG PA NI RMI LAM GYI GNAS SKABS NYID DU STE, BAG CHAGS BRTAN PA MED PA'I PHYIR RO, ,DES NA SAD PA'I GNAS SKABS NYID DU RJES SU 'BREL PA MED PAS DON BYAS ZIN PA MA YIN NO, ,DE LTA MA YIN NA THA DAD PA'I THA SNYAD MED PAR 'GYUR RO SNYAM DU DGONGS PA'O, ,DE TZAM GYIS ZHES BYA BA NI 'JIG PA TZAM GYIS SO, ,DE'I TSE YANG ZHES BYA BA NI SNANG BA'I DUS SU YANG NGO, , GANG GI PHYIR DE LTAR RMI LAM MI BDEN PA NYID DU MA YIN PA DE'I PHYIR ZHES BYA BAR SBYAR RO, ,YANG NA NI ZHES BYA BA NI BAR MDO'I SRID PA MED PA LA LTOS NAS MJUG SDUD PA'O, ,DES NA SHES PA NI 'BYUNG BA CHEN PO TZAM LAS SKYES PA MA YIN NO ZHES BYA BA NI SKABS KYI DON TO, ,RNAM PA GZHAN GYI SGO NAS KYANG, LUS DANG SEMS THA MI DAD PA SUN DBYUNG PA'I DON DU, GZHAN YANG ZHES GSUNGS SO, ,RDUL PHRA RAB SO SOR RIG PAR THAL LO ZHES BYA BA NI GCIG LA RDUL PHRA RAB KYI GRANGS TZAM GYI SEMS YOD PAR 'GYUR RO ZHES BYA BA'I DON TO, ,DE LTAR ZHES BYA BA'I RIG PA'I RANG BZHIN DU'O, ,DMIGS PA YIN NA ZHES BYA BA NI GTAN

TSIGS KYI TSIG STE, GANG GI PHYIR DMIGS PA YIN ZHES BYA BA'I DON TO, ,RDUL PHRA RAB RNAMS NI DMIGS PAR BYA BA MA YIN PAS NA, ,DE DAG NI RIG PA'I RANG BZHIN MA YIN NO, ,SNYAM DU DGONGS PA'O, ,DE LTA NA YANG ZHES BYA BA NI RDUL PHRA RAB DMIGS PAR 'GYUR RO ZHES BYA BA DANG 'BREL TO, ,CI'I PHYIR ZHE NA, DE RDUL PHRA RAB DAG LA GNAS PA'I PHYIR TE 'DU BA'I PHYIR RO, ,DE LTA NA YANG DE DAG DE LTAR CI STE THAL SNYAM NA, RDUL PHRA RAB LA REG LAS TE, ,RGYU'I DNGOS PO NYID DU BRTEN PAS TE DE'I PHYIR RO, ,GTAN TSIGS 'DI GNYIS KYIS NI RDUL PHRA RAB RNAMS 'DU BA CAN GYI RGYUR BRJOD PA YIN NO, ,DES NA DE DAG RIG PAR BYED PA MA YIN NA, ,YAN LAG CAN DE RIG PA YIN PAR GA LA 'GYUR, ,'DU BA CAN GYI RGYU'I YON TAN NI 'BRAS BU'I RDZAS KYI YON TAN RTZOM PAR BYED PA YIN PA'I PHYIR RO, ,SKUD PA DKAR PO LA 'DUS PA'I SNAM BU NI DMAR POR RIGS PA MA YIN NO, ,DES NA YAN LAG CAN KHAS BLANGS KYANG THAL BAR 'GYUR BA NI BZLOG PAR DKA'O, ,GNAS PA'I 'DU BA'O, ,'DIS NI RDUL PHRA RAB RNAMS RGYU BA TZAM YIN GYI, ,'DU BA CAN GYI RGYU NI MA YIN NO ZHES BYA BA BRJOD PA YIN NO, , 'BRAS BU RGYU TZAM GYI RJES SU 'GRO BA YANG MA YIN TE, THAGS MKHAN DANG SNAM BU LA SOGS PA BZHIN NO, ,DES NA JI SKAD BRJOD PA'I THAL BA MED DE, 'ON 'DU BA CAN GYI RGYU GANG YIN ZHE NA, GDON MI ZA BAR GZHAN GYI LUGS KYI RJES SU 'JUG PA MA YIN NO SNYAM DU SEMS PA'O, , DE LTA YIN NA ZHES BYA BA NI LAN NO, ,GAL TE 'DI 'DRA BA RGYU 'JUG NA DE'I TSE RDUL PHRA RAB RNAMS LAS YAN LAG CAN GYI RDZAS SKYES SO ZHES CI LTAR RTOGS TE, ,DE DAG NI SHES PA MA YIN PA NYID KYI RANG LAS YAN LAG CAN SKYES PAR RTOGS MI NUS PA'I PHYIR RO, ,YAN LAG CAN GYI RANG BZHIN GYI RIG PA GZHAN DU GYUR PAS RIG PAR 'GYUR NA, DE YANG MA YIN NO ZHES RANG RIG PA NI ZHES BYA BA'O, ,SHES PA NYID KYI RANG RIG PA LAS MA 'DAS PA'I PHYIR RO, ,RANG GI NGO BO RIG PA LAS MA 'DAS PA'I PHYIR RO, RANG GI NGO BO RIG PA'I DBANG

, ,GIS RANG GSAL BAR RTOGS PAR 'GYUR GYI GZHAN GYI NI GTAM YANG RIG PA MA YIN NO, ,DES NA YAN LAG CAN RIG PA'I RANG BZHIN YIN YANG RANG NYID RDUL PHRA RAB DAG LAS SKYE BAR RIG PAR JI LTAR SHES, 'DI MI BZOD PAS GZHAN 'ON TE, ,ZHES SMRAS SO,, DES NA RANG RIG GI RIG PA'I PHYOGS LA BRJOD PA NI NYES PA MED DO SNYAM DU BSAMS PA'O, ,GRUB PA'I MTHA' NI DE LTA NA YANG YAN LAG CAN GYIS RANG NYID RDUL PHRA RAB RNAMS LAS SKYES PAR SHES PAR NUS ZHES BYA BA'I SUN 'BYIN PA GZHAG NAS, TSUL CHUNG NGUS RANG RIG PA NYID DO ZHES BYA BAS BSGRUBS PA NI, 'O NA CI LTAR ZHES BYA BA'O, ,SNGON PO MYONG BA LAS SNGON PO LTAR, BDE BA YANG BDE BA NYAMS SU MYONG BA LAS LOGS SU GZHAN DANG THUN MONG DU GYUR BA NI 'GA' YANG YOD PA MA YIN NO, ,KHO BO CAG GI BDE BA NI 'DI NYID DE, SIM PAR RIG PA ZHES BYA BA GANG YIN PA'O SNYAM DU DGONGS PA'O, ,GZHAN 'DOD PA TZAM SMRA BA NI GZHAN DU GYUR BA NYID CES BYA BA'O, ,BDE BA DE LTAR TE, RIG PA CAN RNAMS KYI LTAR NA NI BDAG GI YON TAN YIN PA'I PHYIR NA, DON GCIG LA 'DU BA CAN GYI RNAM PAR RIG PA YIN NO, ,THUN MONG DU SUN 'BYIN PA BRJOD PA NI, GZHAN DU 'GYUR BA NYID RIG NA NI ZHES BYA BA'O, ,MA DMIGS PA'I PHYIR NA GZHAN RIG PA NI MED PA NYID DO SNYAM DU DGONGS PA'O, ,'O NA CI ZHIG RIG SNYAM NA, GANG LA RIG PA'I BDE BA DE NYID RIG PA YIN NO, ,BDE BA LA SOGS PA'AM, SNGON PO LA SOGS PA 'DI DAG NI BDAG NYID DU MA GYUR PA YANG MA YIN TE, DES NA DE NYID RIG PA NYID YIN NO ZHES BYA BA NI RIG PAR MTHONG NGO, ,GAL TE GANG LA BYED PA PO'I CHOS, RIG PA'I BYED PA RNAM PAR GNAS PA RIG PAR BYED PA NI RIG BZHIN PA DE GNYIS LAS GZHAN KHO NA MA YIN NAM SNYAM DU DOGS PA LA, GZHAN DU GYUR BA ZHES GSUNGS SO, ,NGES PAR BRTAGS BZHIN PA'I RIG PAR BYED PA LA LTOS NAS GZHAN DU GYUR PA'O, ,RIG PA YIN PA'I PHYIR ZHES BYA BA NI GSAL BA'I PHYIR RO, ,'DI SKAD BRJOD PAR 'GYUR TE,

GAL TE DE DAG GSAL BA YIN NA, DE TZAM GYIS RIG PAR BYED PA'I THA SNYAD RDZOGS PA'I PHYIR, RIG PAR BYED PA GZHAN GYIS CI BYA, RDZA MA LA RDZA MKHAN BZHIN DU, RIG PAR BYED PA THA DAD PA'I BYED PA YANG TSAD MAS GRUB PA NI MED DO, ,DE 'DRA BA RTOGS NA NI RTOG PA MTHAR THUG PAR YANG MI 'GYUR RO ZHES BYA BA'O, ,LUS NYID DO ZHE NA, ZHES BYA BA TSU ROL MDZES PA PA'I DOGS PA'I DON NI 'DI YIN TE, RDZA MA LA RDZA MKHAN LTAR, RIG PA LA YANG LUS NYID BYED PAR 'JUG PAR DMIGS SO ZHES BYA BA'O, ,MA YIN TE ZHES BYA BA NI DGAG PA'O, ,BDE BA DANG SNGON PO LA SOGS PA MA GTOGS PA NI LUS ZHES BYA BA YOD PA MA YIN LA, BDE BA DANG SNGON PO LA SOGS PA DE NI DMIGS PAR BYA BA NYID DU NGES PA'I PHYIR, DMIGS BYED NYID MA YIN NO, ,GANG GI PHYIR DE LTA YIN PA DE'I PHYIR ZHES 'BREL TO, ,DE LTA NYID CES BYA BA NI DMIGS PAR BYED PA NYID DO, ,DBANG PO NI DMIGS PAR BYA BA MA YIN PA'I PHYIR RO SNYAM DU BSAMS PA'O, ,BONG BA ZHES BYA BA NI LEN NO, ,DE LTA NA ZHES BYA BA NI DMIGS BYED NYID DO, ,SHIN TU BSKAL PA NYID KYIS NA 'JIG RTEN PHA ROL LA SOGS PA LTAR MED PAR KHYAD PAR MED PA'I PHYIR RO, ,DE NUS DNGOS NA ZHES BYA BA NI DBANG PO'O, ,MA RTOGS PAR DE MA SHES PAR NUS PA DE CI LTAR NA, DE LTAR ZHES BYA BAR YOD PAR 'GYUR PA DE MA THAG PA'I TSIG LE'UR BYAS PA RNAM PAR 'GREL PA NI MIG LA SOGS PA ZHES BYA BA'O, ,DNGOS PO KUN GYI NUS PA NI, ,'BRAS BU'I DON GYIS GO BA'I YUL, ,ZHES BYA BA'I BSAM PAS SMRA BA NI, 'BRAS BU'I SGO NAS ZHES BYA BA YIN NO, ,'DIS NI 'JIG RTEN PHA ROL LA SOGS PA LAS KHYAD PAR YOD PA BSAMS PA'O, , LAN NI DE DAG GI 'BRAS BU ZHES BYA BA'O, ,MIG LA SOGS PA DE DAG GI'O, ,GZHAN GYIS BDE BA LA SOGS PA DANG GZUGS LA SOGS PA DMIGS PA'I ZHES SMRAS SO, ,DE YANG ZHES BYA BA NI LAN NO, ,DMIGS PA NI SHES PA YIN LA DE YANG KHYOD KYI LTA BAS NUS

, ,PA'I RANG BZHIN KHO NA YIN NO, ,DES NA MA DMIGS PA DE LAS MIG LA SOGS PA CI LTAR 'GRUB, GANG GI PHYIR DE LTAR MIG LA SOGS PA DANG, DMIGS PA'I NUS PA YANG DMIGS PA MA YIN PA DES NA LHAG MAR GYUR BAS GZUGS LA SOGS PA DMIGS PA YIN PAR 'GYUR RO, ,DE DAG NYID LAS RNAM PAR SHES PA'I MTSAN NYID KYIS NUS PA NGES PAR 'GYUR RO SNYAM NA, DE DAG NI ZHES BYA BA GSUNGS SO, ,GANG GIS DBANG PO NYID BDE BA LA SOGS PA DANG GZUGS LA SOGS PA DAG LAS LOGS ZHIG TU RIG PAR BYED PA NYID YIN PAR BRTAGS PA RNAM PAR SHES PA'I NUS PA GANG LAS DBANG PO NGES PAR 'GYUR BA DE DAG NI RNAM PAR SHES PA'I 'BRAS BU MA YIN NO, ,'O NA NI GANG LAS DNGOS SU MIG LA SOGS PA NGES PAR 'GYUR BA GZUGS LA SOGS PA NYID NI MIG LA SOGS PA'I 'BRAS BUR 'GYUR RO SNYAM NAS MIG LA SOGS PA'I ZHES GSUNGS SO, ,SNGA NA NI MIG LA SOGS PA'I BYED PA LAS SO, ,GZUGS LA SOGS PA RNAMS LAS MED PAR THAL BAR 'GYUR RO, ,DE BZHIN DU RNAM PAR SHES PA'I 'BRAS BU LA YANG THAL PA 'DI NYID YIN NO, ,DE LTAR NI 'DOD PA MA YIN NO, ,GANG GIS SNGAR MED PAR THAL BAR 'GYUR BA, GZUGS LA SOGS PA NYID NI RNAM PAR SHES PA'I 'BRAS BU MA YIN GYI, 'ON KYANG GNAS SKABS KYI KHYAD PAR YANG YIN NO ZHES BYA BA DPYOD PA LA SOGS PA DANG THUN MONG PA'I LAN, RIG PA GZHAN GANG YIN PAR 'GYUR ZHES BYA BA LA SOGS PA GNOD PAR BYED PA'I DOGS PA BSU BA NI, DMIGS PA'I GNAS SKABS ZHES BYA BA'O, ,LAN NI RDUL PHRA RAB SO SOR ZHES BYA BA'O, ,PHYIS DON LA GNAS PA LA NI, YAN LAG CAN GZHAN MI 'THAD PA RDUL PHRA RAB RNAMS NYID YOD PA YIN PA'I PHYIR NA, MIG LA SOGS PA'I 'BRAS BU DMIGS PA'I GNAS SKABS NI RDUL PHRA RAB DAG LAS THA MI DAD PA YIN PA'I PHYIR, RDUL PHRA RAB MTHA' DAG GSAL BAR 'GYUR RO, ,DES NA RANG RIG GI RANG BZHIN DU RDUL PHRA RAB SO SOR DMIGS PAR THAL LO, ,DE LTAR YANG MA YIN TE, DE'I PHYIR NA RIG PAR BYED PA'I THA DAD PA'I 'BRAS BU DMIGS PA'I GNAS SKABS NI YOD PA MA YIN NO

SNYAM DU DGONGS PA'O, ,'DI'I PHYIR YANG 'BRAS BU MA YIN NO ZHES BRJOD PA NI, KHYAD PAR MED PA'O NI ZHES BYA BA'O, ,SNGA MA KHO NA BZHIN DU GNAS PA'I YUL LA NI GNAS SKABS KYI KHYAD PAR ZHES BYA BA YOD PA MA YIN TE, SKYE BA DANG 'JIG PA MED PA LA NI KHYAD PAR YOD PA MA YIN NO ZHES BYA BA LUGS YIN PA'I PHYIR RO, ,KHYAD PAR SRID PAR NI KHAS BLANG BAR BYAR YANG MI RIGS SO ZHES BRJOD PA NI, KHYAD PAR YOD NA NI RANG NYID RIG PAR THAL LO ZHES BYA BA'O, ,SNGAR GYI BEMS PO'I RANG BZHIN SPANGS PA'I PHYIR GSAL BAR SKYES PA YUL YIN PAS NA RANG RIG PAR SKYES PA YIN NO SHES BYA BA NYID BRJOD PAR GYUR LA, DE LTA NA YANG DE NYID SHES PA YIN GYI DE LAS SHES PA GZHAN RJES SU DPOG PA NI MA YIN NO, ,DE LTAR KHYAD PAR GZHAN MA YIN PA'I PHYOGS LA NYES PA BRJOD NAS THA DAD PA'I PHYOGS LA NYES PA BRJOD PA'I DON DU GZHAN GYI DOGS PA BSU BAR BYED PA NI NUS PA DANG ZHES BYA BA'O, ,RNAM PAR SHES PA'I NUS PA DANG LHAN CIG SKYES PA'O, ,TSU ROL MDZES PA PO'I LTAR NA NI NUS PA'I SGRA GTZO BOR YIN LA, LUGS GZHAN GYI LTAR NA NI SHES PA DANG LHAN CIG PA LA RTOGS PAR BYA BA'O; ,SHES PA DANG YUL DA LTAR SKYES PA SHES BYA BA NYID KHYAD PAR YIN NO, ,DES NA YUL RANG RIG PAR THAL BA MA YIN NO SNYAM DU BSAMS PA'O, ,DE LTA NA NI 'O NA SHES PA SKYE BA DANG LHAN CIG PA'I YUL GYI GNAS SKABS KYI KHYAD PAR THA DAD PA SHES PA GRUB PA'I SGRUB BYED YIN NA, SHES PA MA GRUB PAR NI SHES PA SKYE BA DANG BCAS PAR 'GRUB PA MA YIN NO SNYAM DU BSAMS NAS, DE NI MI RIGS TE ZHES GSUNGS SO, ,DER ZHES BYA BA NI LAN CIG PA NYID DU'O, ,MA GRUB PA ZHES BYA BA NUS PA DANG LHAN CIG PA NYID MA GRUB NA'O, ,DE'I PHYIR ZHES BYA BA NI MJUG SDUD PA'O, , RANG RIG PA NYID CES BYA BA NI RANG RIG PA MA YIN PA'O, ,'DI NYID BRTAN PAR BYED PA SMRAS PA NI RNAM PAR SHES PA BDE BA LA SOGS PA'O, ,GAL TE SHES PA 'DI 'DU BA'I SGRUB PAR BYED PA CAN NAM, RANG GIS BYAS PA YIN GRANG DE LA RANG GIS BYAS PA YIN NA NI THUN MONG MA YIN

, ,PA NYID KYIS THA DAD PA MED PA'I SGRUB BYED MA YIN NO, ,'JIG RTEN NI BDE BA ZHE'AM SDUG BSNGAL GYI GZUGS KYI SGRA'I SHES BA ZHES RTOGS PA YIN NO, ,YANG NA RTOGS PA 'DIR 'GYUR MOD, DE LTA NA YANG SKYES BU DBYUG PA ZHES BYA BA BZHIN DU THA DAD PA LA YANG 'GYUR RO SNYAM NA, 'DI LA BSHAD PA NI GZHI MTHUN PA NI ZHES BYA BA'O, ,GTZO BO MA YIN PA BKAG PA NA CI NAS KYANG GZHI MTHUN PA GTZO BO NYID DU 'GYUR BAR BYA BA'I PHYIR RO, ,GTZO BO DANG BTAGS PA'I DBYE BA LAS GZHAN MED CES BSHAD DO, ,DPER BRJOD PA GNYIS NI CI RIGS PAR YIN NO, ,DE LA GTZO BO MA YIN PA 'GOG PA NI, GAL TE ZHES BYA BA'O, ,DE NI ZHES BYA BA GTZO BO MA YIN NA'O, ,'DIR ZHES BYA BA BDE BA SHES PAR BYA BA 'DIR NI CI'I PHYIR MA GRUB SNYAM NA, GZUGS LA SOGS PA'I RANG BZHIN LAS ZHES GSUNGS SO, ,'DIS NI GAL TE YANG 'JIG RTEN PHAL CHER GZHI MTHUN PA'I THA SNYAD MI BYED PA DE LTA NA YANG RNAM PAR DPYOD PA DANG LDAN PA'I THA SNYAD YOD PA NYID DE, RNAM PAR DPYOD BA DANG LDAN PA'I 'JIG RTEN LA 'DU BA'I RGYU MTSAN CAN GYI RTOGS PA 'DI NI YOD PA MA YIN PA KHO NA STE, ,RANG GI GZHUNG LUGS TZAM DU ZAD PA'I PHYIR RTZOD PA DANG PO YANG THAG BSRING BA YIN NO, ,GZHAN GYI DPE 'DI NYID KYIS ZHES SMOS SO, ,KHRE'U 'BOD DE ZHES BYA BA LA SOGS PA NYID KYIS SO, ,GANG GZHI MTHUN PA DE NI THA DAD PA'I RGYU MTSAN NYID DE, DPER NA SKYES BU ZHES BYA BA LA SOGS PA BZHIN NO, , AUTPALA SNGON PO ZHES BYA BA LA YANG 'JUG PA'I RGYU MTSAN THA DAD PA'I YOD PA YIN NO SNYAM DU BSAMS PA'O, ,MA YIN TE ZHES BYA BA NI SUN 'BYIN PA'O, ,RJES SU DPAG PA MED PA'I PHYIR RO ZHES BYA BA NI THUN MONG GIS MA NGES PA NYID KYIS NA'O, ,DE NYID BRJOD PA NI GRANGS CAN PA RNAMS ZHES BYA BA'O, ,LUGS 'DI NI MI RIGS TE, SEMS PA DANG LDAN PAS SEMS PA CAN DU RIGS BA'I PHYIR RO ZHE NA, RE ZHIG 'DI 'DRA BA'I DAG GIS THA SNYAD LA THA DAD PA LA MI LTOS PA'I GZHI MTHUN PA NI MTHONG BA YIN NO ZHES BYA BA NYID DU SKABS SU BAB PA YIN NO, ,'ON TE 'THAD PA'I

KHYAD PAR CAN GZHI MTHUN PA'I RGYU YIN NA, 'O NA NI CI SRID THA DAD PA'I SHES PA MA GRUB PA DE SRID DU 'THAD PA NYID MA YIN LA, ,CI SRID 'THAD PA NYID MA YIN PA DE SRID DU YANG THA DAD PA'I SHES PA MA GRUB PA'I PHYIR PHAN TSUN BRTEN PAS NA GTAN TSIGS KHYAD PAR MA GRUB PAR 'GYUR RO SNYAM DU DGONGS PA'O, ,DE'I PHYIR ZHES BYA BA LA SOGS PA NI DE LTAR RIGS PA NI DE LTAR KHAS BLANG BAR RUNG BA NYID KYIS KHYAD PAR BRJOD PA YIN NO, ,DPER NA ZLA BA SNGON PO NYID DU RIG PA'I SNGON PO'I BZHIN NO ZHES DPE NI ZLA BA KHO NA'O, ,PHYOGS KYI CHOS NYE BAR SDUD PA BRJOD PA NI, GOMS LAS ZHES BYA BA'O, ,DE LTAR GYUR PA'I GZUGS LA SOGS PAS ZHES BYA BA NI GSAL BZHIN PA'I GZUGS LA SOGS PA NYID LA RIG PA GNAS PAR SHES PAR 'GYUR BA NYID DO, ,GZUGS LA SOGS PA LA NI RANG GI NGO BOR GYUR PA NYID RIG PA YIN NO ZHES BYA BA'I DON TO, ,DES NA GZUGS LA SOGS PA NI RANG GI NGO BOR GYUR PA NYID RIG PAR KHAS BLANG BAR BYA'O ZHES TSAD MA'I 'BRAS BU DPAG PAR BYA'O, ,GAL TE YONGS SU MTHONG BZHIN PA'I GZUGS LA SOGS PA NYID RANG RIG PA'I RANG BZHIN YIN NA, 'O NA NI DE'I GZHAN DE LTAR MI RIGS TE, RIG PA DE'I RANG BZHIN YIN PAS NA DER ZHUGS PA'I PHYIR RO, ,RNAM PA MED PA'I SEMS GZHAN NYID YIN NA NI MA LONG BA BZHIN DU KHYAD PAR THAMS CAD LA REG PAR 'GYUR RO SNYAM NA, GZUGS SOGS ZHES GSUNGS SO, ,'PHO BA NI 'DRE BA STE, DE'I BDAG NYID KYI RJES SU 'JUG PA ZHES BYA BA'I DON TO, ,'DI GA LAS SHE NA, GOMS PA LAS ZHES GSUNGS SO, ,YONGS SU MTHONG BZHIN PA'I GZUGS LA SOGS PA'I RANG RIG PA YANG SNGON GYI BAG CHAGS KYI STOBS NYID LAS YIN PAS GZHAN LA YANG DE 'GYUR BA GANG GIS ZLOG PAR BYED PA RNAM PA MED PA GZHAN GYIS YOD KYANG DNGOS PO LA CI ZHIG BYUNG NA, GANG GIS DE GSAL BAR 'GYUR DPER NA DNGOS PO MED PA YOD KYANG DNGOS PO LA CI YANG MA YIN PA BZHIN NO, ,'DI YANG, GAL TE SDO SOGS GSAL BA NI, ,KHYED LA RNAMS GZHAN GYIS CI BYA, 'ON TE SDO SOGS MI GSAL NA, KHYED LA RNAMS GZHAN GYIS CI BYA, ,ZHES DPYOD PAR 'GYUR RO, ,'O NA PHYI'I DON LA GNAS NAS DPYOD PA'I SKABS YIN PA'I PHYIR NA, CI LTAR GOMS PA LAS

, ,ZHES BRJOD CE NA, BAG CHAGS KYI NUS PA NI RNAM PA TZAM LA YIN TE, DON MED PA'I SHES PA LA YANG MTHONG BA'I PHYIR RO, ,GANG DU DON YONG PAR LHAG PAR MOS PA DER NI TSOGS PA KHONGS SU GTOGS PA'I DON YANG SKYED BYED DANG, RANG GI RNAM PAR GTOD PAR BYED PA YIN NO, ,ZHES RNAM PAR GZHAG GO, ,BAG CHAGS KYIS NUS PA NI DE NYID KYI PHYIR SHES PA LA, RIGS KYI DBYE BA TSAD MA DANG, CIG SHOS KYIS BYAS ZHES BYA BA NI MNGON PA'I DA RGYAL GYIS BYAS PA YIN NO SNYAM DU DGONGS PA'O, ,DE'I PHYIR DE KHO NAR NI SNA TSOGS KYI RNAM PAR NI GOMS PA KHO NA LAS YIN PA'I PHYIR NA, GOMS PA DE NYID RAB TU SON PA NA SKABS KYI THAMS CAD MKHYEN PA'I 'BRAS BU'I MTHAR THUG PA SGRUB PAR BYED DO ZHES STON PA NI RNAM PAR SHES PA DMIGS PA MA GTOGS PAR NI ZHES BYA BA'O, ,DMIGS PA NI GZHAN GYI MI 'THAD PAS NA RNAM PA'I MING CAN RANG GI CHA NYID YIN TE, GANG LA YUL GYI THA SNYAD DU BYED PA'O, ,DE MA GTOGS PAR NI DE DOR NAS SO, ,GZHAN DANG ZHES BYA BA NI RNAM PA MED PA BRTAG PA, THA DAD PA DANG NGO 'DRE BAR 'GYUR BA NI DE'I BDAG NYID KYIS 'DU BA STE, DE LTAR NA MA YIN PA'O, ,DON 'DI YIN TE, GANG GIS SHES PA ZHES BYIS PA YAN CHAD LA GRAGS PA'I DNGOS PO DE NI YONGS SU GSAL BZHIN PA RNAM PA'I TSOGS LAS THA DAD PA MA YIN NO ZHES BYA BA'O, ,DE LTAR SPYI'I TSUL BRJOD NAS KHYAD PAR LA SBYOR BA NI DES NA BDE BA LA DANG ZHES BYA BA LA SOGS PA STE, NANG DU YONGS SU GSAL BA'I PHYIR, ,THOG MAR BRJOD DO, ,GOMS PA LAS BDE BA LA SOGS PAS RANG BZHIN DU GYUR BA'I SHES PA NYID GZUGS LA SOGS PA'I RANG BZHIN DU 'GYUR BA YIN NO, ,GZUGS LA SOGS PA DANG 'DRES PAR GYUR PA ZHES BYA BA NI GOMS PA DE NYID LAS GZUGS LA SOGS PA THAMS CAD KYI BDAG TU GYUR PA YANG, GZHAN GYI BDE BA LA SOGS PA'I BDAG NYID DU 'GYUR TE, RNAM PA CI ZHIG LTAR DE'I RNAM PA'I RJES SU BYED PAR 'GYUR RO ZHES BYA BA'I

DON TO, ,'DI LTAR PHRA DANG RIGS PA DAG GIS RAGS PA RIM GYIS BRJOD PA YIN NO, ,GANG GI TSE DE LTAR 'GYUR SNYAM NA, GOMS PA LAS ZHES BYA BA NAS, RTOGS PA NAS ZHES BYA BA'I MTHAR THUG PA BRJOD DO, ,GZHAN GYI BDE BA LA SOGS PA'I RNAM PA MTHA' DAG RTOGS PA NI CHA 'GA' ZHIG GIS DE'I RANG BZHIN GYI RJES SU BYED PAR RTOGS PAR BYA'O, ,'DIR YANG DE MA YIN PA LAS LDOG PAS BRTAGS PA'I SHES PA CIG NYID NYE BAR BZUNG NAS, SHES PA DE NYID 'DI LTA 'DI LTAR SKYES SO ZHES BRJOD PA YIN TE, DPER NA ZAN DE NYID TSAD DU ZOS NA 'TSO BAR BYAD LA, TSAD LAS 'DAS PAR ZOS NA 'CHI BAR BYED DO ZHES BRJOD PA LA SOGS PA BZHIN NO, ,'O NA CI LTAR ZHES BYA BA NI GAL TE GZUGS LA SOGS PA SHES PA'I RANG BZHIN YIN NA ZHES BYA BA'I DON TO, ,BDAG NYID KYI SHES PA NI NANG DU YONGS SU GSAL BA YIN PAS NA, CI LTAR PHYI ROL NA GNAS PA BZHIN DU MIN SNYAM NA, DE NI MA YIN TE ZHES GSUNGS SO, ,LOGS SHIG TU GNAS PA DANG, GZHAN 'DI NI'O, ,RTEN LA LTOS PA NI LUS LA LTOS PA'O, ,GAL TE GZHAN RIGS PA MED PAR JI LTAR GRUB NA, GANG GIS RANG GI NGO BOR RIG PA LA LOGS SHIG TU GNAS PA'I DANG MI GNAS PA YOD PA MA YIN NO ZHES BRJOD SNYAM NA, RANG GI NGO BO RIG PA LAS ZHES GSUNGS SO, ,GZHAN GYIS RIG NA NI DE LAS PHYI ROL DU GYUR PA LOGS SU GNAS PA BZHIN DU RIG PAR 'GYUR NA, DE NI MI 'THAD DE, GANG GI PHYIR RANG GI NGO BOR GYUR BA'I RNAM PA GANG YIN PA DE LAS MA GTOGS PAR BDE BA LA SOGS PA RIG PA'I RNAM PA GZHAN NI ZHES BSHAD MA THAG PA YIN LA 'CHAD PAR YANG 'GYUR RO, ,RANG GI NGO BO RIG PA DES NA CI LTAR LOGS SHIG NA GNAS PA MED PA DE BZHIN DU DE LA LTOS PA LOGS SHIG TU GNAS PA MA YIN PA YANG CUNG ZAD YOD PA MA YIN NO, ,RNAM PAR DBYE BA 'DI MTHONG BA NYID MA YIN NAM, DE CI LTAR DE SKAD BRJOD SNYAM NA, LUS KYI RTEN LA LTOS NAS ZHES BYA BA LA SOGS PA GSUNGS SO, ,DE LTAR 'DOD PA'I SHES PA'I CHAR GYUR PA LUS NYID RTEN YIN NO, ,RNAM PAR MA DPYAD PA GZHAN DAG LUS KYI RTEN LA LTOS NAS ZHES BYA BA 'DI MI BZOD PA STE, SMRA BA LA NI GAL TE

, ,ZHES BYA BA'O, ,DE'I RANG BZHIN NI LTOS PAR 'DOD PA GZUGS DANG, BDE BA LA SOGS PA'I NGO BO'O, ,RIG PA NI CHOS KYI MTSAN NYID DE, DE MED PA NI PHAN TSUN LTOS PA ZHES BYA BA'I CHOS YOD PA MA YIN NA, GANG GIS GZUNG BA DANG 'DZIN PA'I DNGOS POR 'GYUR; DE'I RANG BZHIN NI RIG PA NYID YOD PA YIN NO, ,SNYAM DU BSAMS PA'O, ,CI LTAR LTOS PA MED CE NA, DE'I RANG BZHIN RIG PA LAS ZHES SMRAS SO, ,GANG GI PHYIR GZUGS LA SOGS PA'I RANG BZHIN GYI RNAG GI NGO BO RIG PA LAS LOGS SHIG TU GYUR PA'I LTOS PA NI SHES PA MED DO, ,SNANG BZHIN PA NYID KYIS RANG DBANG DU GYUR PA GNYIS LA 'GA' ZHIG LTOS PA YIN LA, 'GA' ZHIG NI LTOS PAR BYAS PA YIN NO ZHES BYA BAR RNAM PAR DBYE BAR NI MI NUS SO, ,DES NA LUS KYI RNAM PA NI LTOS PAR BYA BA DANG, GZHAN LOGS NA GNAS PA NI LTOS PAR BYED PA YIN NO ZHES BYA BAR MI RIGS SO, ,DE NYID KYI PHYIR LOGS SU GNAS PA DANG MI GNAS PA NYID KYIS RNAM PAR DBYE BA MI 'THAD DO, ,'DIS NI LTOS BA 'BRAS BU NYID LA BRJOD DO ZHES BYA BA YANG SPANGS PA YIN NO, ,DUS MTSUNGS PAR SNANG BA 'DI GNYIS LA NI RGYU DANG 'BRAS BU'I DNGOS PO YOD PA MA YIN NO, ,RGYU DANG 'BRAS BU YIN YANG DUS THA DAD PAS NA GZUNG BA DANG 'DZIN PA'I DNGOS PO NI MA YIN NO ZHES PHYIS STON PAR 'GYUR RO, ,DES NA DE LTAR LTOS PAR BYED BA'I DNGOS POR BSTAN PAS CI BYA, DE'I PHYIR GANG GIS GZUNG BA DANG 'DZIN PA'I DNGOS POR 'GYUR BA LTOS PA ZHES BYA BA'I CHOS NI YOD PA MA YIN NO ZHES BYA BAR GNAS SO, ,'DI NI YANG DAG PA'I SUN 'BYIN PA YIN NO SNYAM DU DGONGS NAS KHAS LEN PA MDZAD PA NI DE BDEN ZHES BYA BA'O, ,DE'I PHYIR DE LTOS PAR BYA BA DANG LTOS PAR BYED PA'I DNGOS PO MED PA NYID KYI PHYIR RO, ,DBYE BA 'DI ZHES BYA BA NI LTOS PAR BYA BA DANG, LTOS PAR BYED PA'I RNAM PAR DBYE BA DANG, LOGS SHIG NA GNAS PA DANG MI GNAS PA'I RNAM PAR DBYE BA'O, ,SKABS NYID LA SBYOR BAR BYED PA NI DE'I PHYIR ZHES BYA BA'O, ,'PHO BA ZHES BYA BA LA, RI DANG SHING DANG SA LA

SOGS PA RNAMS LA, RNAM PA MED PA'I SEMS 'PHO BA YIN NO ZHES BYA BA'I DOGS PA BZLOG PA'I DON DU, DE'I BDAG NYID KYIS ZHES GSUNGS SO, ,DON NI 'DI YIN TE, DPER NA SHES PA BDE BA'I RANG BZHIN RIM GYIS GZHAN GYI LUS LA SOGS PA'I RANG BZHIN DU SKYE BA DANG, RGYU GCIG PA NYID KYIS DE NYID DO ZHES NGES PAR 'DZIN PA YANG YIN PA DE BZHIN DU SHI BA'I RJES THOGS SU, SRID PA BAR MA 'DI RIM GYIS SAM, YANG NA MOD KHO NA LA PHA MA'I KHU BA LA SOGS PAS SKYES PA'I LUS KYI RANG BZHIN DU YANG SKYE BAR 'GYUR ZHING, DE NYID YIN NO ZHES BYA BA'I GDAGS PA LA LTOS PAR YANG 'GYUR BA YIN NO, ,GANG GI PHYIR DE LTAR RNAM PAR SHES PA'I RANG BZHIN GYIS NUS PA GZHAN MAD PA DE'I PHYIR RO, ,GANG LA BYA BA DANG BCAS PAR 'GYUR BA ZHES BYA BA NI DMIGS PAR BYED PA NYID YIN PAR 'GYUR BA'O, ,LUS KYI RTEN CAN RNAM PAR SHES PA'I NUS PA ZHES BYA BA LA, GZUGS LA SOGS PA YUL DU 'DOD PA'I RNAM PAR SNANG BA DES RANG BZHIN GZHAN NI YOD PA MA YIN NO, ,'ON KYANG DE LTA BUR GYUR PA ZHES BYA BA DANG, LUS DANG GZHAN GYI RANG BZHIN DU YONGS SU GYUR PA NI RANG RIG PA NYID KYIS SHES PA YIN TE, GZHAN GYIS RIG PA NYID NI YANG NAS YANG DU BKAG PA'I PHYIR RO, ,'O NA CI LTAR KA BA LA SOGS PA MI G-YO ZHES SBREL TO, ,DE'I BDAG NYID KYIS 'PHO BA ZHES BYA BA NI KA BA'I RNAM PAR YONGS SU 'GYUR RO, ,DE YANG ZHES BYA BA NI KA BA LA SOGS PA LA YANG NGO, ,DE NI MA YIN TE ZHES BYA BA NI GRUB PA'I MTHA'O, ,RNAM PAR SHES PA'I BDAG NYID DU SKYES PA TZAM GANG YIN PA DE TZAM 'BA' ZHIG GIS NI G-YO BA MA YIN NO, ,'O NA CI LTAR G-YO BAR 'GYUR SNYAM NA, REG PA'I RNAM PAR SHES PA ZHES GSUNGS SO, ,DGONGS PA NI 'DI YIN TE, RNAM PAR SHES PA'I BDAG NYID YIN PA TZAM GYIS NI G-YO BA MA YIN GYI, 'ON KYANG GANG GIS LUS NYID G-YO BAR 'GYUR GYI, KA BA LA SOGS PA NI MA YIN PA, 'BAD RTZOL GYI RANG BZHIN, REG PA'I RNAM PAR SHES BA NYID LA DE 'DRA BA'I NUS PA YOD PA YIN NO, ,DNGOS PO RNAMS KYI RANG GI RGYU LAS NGES PA'I RANG BZHIN LA NI BRGAL ZHING BRTAG PA YANG 'OS PA MA YIN NO, ,GANG GI TSE ZHES BYA BA NI 'CHAD PA'O, ,LUS LA SOGS PA ZHES BYA BA NI LUS LA SOGS PA KHO NA STE, KA BA LA SOGS PA NI MA YIN TE, REG PA'I RNAM PAR SHES PA NI NUS PA

, ,DE 'DRA BA CAN YIN PA'I PHYIR RO, ,GZHAN DU MA YIN NO ZHES BYA BA NI REG PA'I RNAM PAR SHES PA MED PAR RO, ,'DI YANG KUN DU THA SNYAD PA'I PHYOGS LA BRTEN NAS LAN BTAB PA YIN TE, DNGOS PO LA NI G-YO BA DANG MI G-YO BA DAG MED PA'I PHYIR TE, DE DAG NI GCIG TU SGRO BTAGS PAS BYAS PA YIN PA'I PHYIR RO, ,'DI LTAR DPER NA BAG CHAGS KYI MTHU LAS YUL GZHAN DANG GZHAN TU SKYES PA GZHAN DANG GZHAN NYID YIN NA YANG DE NYID DU SGRO BTAGS NAS G-YO BA BRJOD PA DE BZHIN DU GNAS DER SKYES PA'I SKAD CIG LA YANG, DE NYID DU SGRO BTAGS NAS MI G-YO BAR BRJOD PA YIN NO, ,DES NA BAG CHAGS KYI MTHU LAS DE LTAR SKYED PA DAG LA, G-YO BA DANG MI G-YO BA NI THA SNYAD PA NYID DANG, 'BAD RTZOL GYI NUS PA YOD PA DANG MED PA DAG GIS BSGRUB PAR BYA BA YANG YIN NO, ,RNAM PA RNAMS GCIG NYID YIN NA NI, G-YO BA DANG MI G-YO BDAG SRID PA THAG RING BA NYID DO ZHES PHYIS STON PAR 'GYUR RO, , GANG GI PHYIR RIG PA NI RANG GI RANG BZHIN LA 'JUG PA YIN BA'I PHYIR, BDAG NYID RDUL PHRA RAB LAS SKYES PAR MI RTOGS LA, DE LTAR RIG PAR BYED PA GZHAN YANG MED PA'I GTAN TSIGS DE'I PHYIR RO, ,GZUGS LA SOGS PA'I RANG BZHIN NYID DO ZHES BYA BA NI PHYI ROL GYI GZUGS LA SOGS PA'I RANG BZHIN NYID DE, DER 'DU BA'I PHYIR RO, ,DE LTA NA YANG SNGAR BSHAD PA'I THAL BAR 'GYUR BA NYID YIN NO ZHES MJUG SDUD PA'I SGO NAS STON PA NI, DES NA RDUL PHRA RAB RNAMS ZHES BYA BA'O, ,GZHAN GYIS KHYED LA YANG ZHES DRIS TA, SANGS RGYAS PA LA YANG NGO, ,LAN DU DE'I RNAM PA CAN GYI ZHES GSUNGS TE, RAGS PA'I RNAM PA PO MA YOR GCIG TU 'GYUR BA'O, ,GZHAN ZHES BYA BA NI PHYI ROL LAS GZHAN PA'O, ,DOGS PA PA NI 'DI YIN TE, PHYI ROL NI RDUL PHRA RAB KYI RANG BZHIN YIN PAS, DE SNANG NA RDUL PHRA RAB SNANG BAR THAL BAR 'GYUR GYI, GANG GI TSE RANG GI RNAM PA MYONG BA NYID LHAG PAR ZHEN PA LAS PHYI ROL RIG PA YIN PA DANG, DE BZHIN 'DI BDAG NYID CI LTA BDE BZHIN DU RIG PA YIN PA DE'I CHE, PHYI ROL GYI RJES SU MTHUN PA LA BLOS REG PA MA YIN NO ZHES BYA BA'O, ,'O NA CI LTAR 'DRA BA LAS DMIGS PAR RNAM PAR GZHAG CA NA, RDUL PHRA RAB KYI RANG BZHIN LA NI RNAM PA THAMS CAD DU SO SO'I SKYE BOS RJES SU MI 'JUG PA'I PHYIR NA, KHA DOG DANG DBYIBS NYID KYIS BYAS PA 'DRA BA YIN

TE; DE TZAM THOB PA NYID KYIS 'JIG RTEN GYI DON GRUB PA'I PHYIR RO, ,DBYIBS KYANG YUL CI 'DRA BA MNGON PAR KHYAB BAR SKYES PA DE 'DRA BA THOB PA NYID LAS RNAM PAR GZHAG PAR BYA BA YIN NO, ,GZHAN GYIS KHO BO CAG GI YANG ZHES SMRAS SO, ,DES NA RDUL PHRA RAB SO SOR RIG PAR THAL BA MA YIN NO, ,SNYAM DU BSAMS PA'O,, DE'I RANG BZHIN NI SHES PA'I RANG BZHIN DU'O, ,RDUL PHRA RAB RNAMS SHES PA'I RANG BZHIN MA YIN PA DE BRTZAMS PA YAN LAG CAN GYI RDZAS RNAM PAR SHES PA'I RANG BZHIN DU GA LA 'GYUR ZHES SNGAR BRJOD ZIN TO, ,THAMS CAD DU SNGA MA RJES SU BRJOD PA NI KHYAD PAR GYI DON YIN PAR RIG PAR BYA'O, ,DE LTAR YANG RDUL PHRA RAB DAG NI THA DAD PAR 'GYUR BA NYID DO ZHES DOGS PA BSU NAS, 'O NA NI ZHES LAN BRJOD PA YIN NO, ,DE NYID STON PA NI 'DI LTAR ZHES BYA BA'O, ,RDUL PHRA RAB RNAMS SEMS PA'I RANG BZHIN DU RNAM PAR GNAS PA NI YAN LAG CAN GYI LUS KYI NGO BO NYID DU ZHES BYA BA LA SEMS PA TZAM DANG, DKAR SHAM LA SOGS PA'I RANG BZHIN DU GNAS PA YIN NO, ,DE LTA MA YIN NA YAN LAG CAN DES BRTZAMS PA ZHES BYA BA NYID MI 'GYUR RO, ,GANG GI PHYIR YAN LAG CAN GYI LUS KYANG RDUL PHRA RAB RNAMS KYI NGO BO NYID SEMS PA CAN LA SOGS PA NYID DU ZHES BYA BA DES RNAM PAR GNAS TE, SKYE BA YIN PA DE'I PHYIR, RDUL PHRA RAB RNAMS SEMS PA CAN LA SOGS PA'I RANG BZHIN DU NGES PA YIN NO, ,DES NA RDUL PHRA RAB SO SOR DMIGS PAR THAL LO, GZUNG BAR BYA BA'I RANG BZHIN GYI RDUL PHRA RAB MTHA' DAG SEMS PA CAN DU 'GYUR RO ZHES BYA BA'I DON TO, ,NYES PA 'DI SPANGS BA'I DON DU GZHAN GYIS RDUL PHRA RAB DAG NI THA DAD PAR GYUR PA NYID DO ZHES BRJOD PA YIN PAR STON PA NI, 'ON TE ZHES BYA BA'O, ,GO RIMS 'DIR RTZOD PA 'DI'I LAN DU 'GYUR RO ZHES BYA BA'I DON TO, ,'DI LA LAN DU DE LTA YIN NA ZHES BYA BA'O, ,LUS KYI RANG BZHIN NYID DU MI 'GYUR RO ZHES SEMS PA CAN YAN LAG CAN GYI RANG BZHIN MA YIN BA STE, LUS KYI SEMS PA CAN GYI YAN LAG CAN GYI RANG BZHIN YIN PA'I PHYIR RO, ,GAL TE DE LTA NA YANG DE DAG MED PAR DAM CI LTAR 'CHA' ZHE NA, RIG PAR BYA BA NYID MA YIN PAS ZHES GSUNGS TE,

, ,RDUL PHRA RAB SO SOR RIG PAR THAL BAS DE LTAR KHAS MI LEN PA'I PHYIR RO, ,GANG GI PHYIR DE LTAR GZUNG BA DANG 'DZIN PA'I RANG BZHIN YOD PA MA YIN PA'I PHYIR TE, DE'I PHYIR RDUL PHRA RAB GZHAN DAG NI MED PA NYID DU 'GYUR RO, ,GZUNG BA DANG 'DZIN PA LA MA GTOGS PA'I PHUNG PO GZHAN MI SRID PA'I PHYIR RO, ,DE'I PHYIR YAN LAG CAN 'BA' ZHIG GO ZHES KHAS BLANGS PAR 'GYUR RO, ,DE YANG MA YIN TE ZHES BYA BA NI SUN 'BYIN PA'O, ,DE NI RDUL PHRA RAB YOD PA LA YANG MTSUNGS PA YIN NO, ,CI LTAR THAMS CAD G-YO BAR 'GYUR SNYAM NA, G-YO BA DANG MI G-YO BA'I MTSAN NYID 'GA' BA CAN NI GCIG PA MI RUNG BA'I PHYIR RO, ,GAL TE G-YO BA NYID LAS YIN GYI MI G-YO BA NI RANG GI RANG BZHIN DU GNAS BTZAM YIN GYI LAS NI MA YIN NA, DE'I PHYIR CI LTAR LAS NI GCIG LA ZHES BRJOD CE NA, BDEN TE LAS KYI SGRAS NI, CHOS TZAM NYE BAR MTSON PAR BYA BA YIN NO, ,DES NA 'GA' BA'I CHOS DAG GCIG LA MI RUNG NGO ZHES BYA PA'I DON TO, ,GZHAN DU ZHES BYA BA NI GAL TE GCIG TU MNGON PAR 'DOD PA LA YANG 'GAL BA CAN GYI CHOS GNYIS YOD NA, DE'I TSE SO SOR GRUB PAR THAL TE, RTAG PA DANG MI RTAG PA NYID LA SOGS PA BZHIN NO, ,GCIG PA NYID NI MNGON PAR RLOB PA TZAM YIN NO ZHES BYA BA'I DON TO, ,RDZAS KYI MTSAN NYID NI BYA BA CAN, YON TAN CAN, 'DU BA CAN GYI RGYU ZHES BYA BA TZAM YIN PA LA, BAR DU LDAN PA LA SOGS PA'I RGYU YIN NO ZHES BRJOD PA NI JI LTAR 'DU BA CAN GYI RGYU YIN ZHES SHES PAR 'DOD PA LA LTOS NAS BRJOD PA YIN NO, ,LDAN PA LAS DE'I RGYUR GYUR PA NA 'DU BA CAN GYI GYUR PA YIN NO ZHES BYA BA'I DON TO, ,DE LA SOGS PA'I SGRAS NI YON TAN GYI TSOGS BZUNG NAS LAS LNGA YANG 'DZIN TO, ,YANG NA SPYI DANG, NAM MKHA' CHEN PO NYID LA SOGS PA'I 'DU BA CAN RTAG PA'I TSOGS RNAM PAR GCOD PAS LDAN PA LA SOGS PA'I RGYU ZHES BRJOD PA YIN NO, ,DE LA 'DI NI BSGRIBS PA DANG, MA BSGRIBS PA'I NYES PA BRJOD PA'I DON DU BRIS PA YIN LA, BYA BA DANG YON TAN NI G-YO BA DANG, MI G-YO BA DANG, TSON GYIS BSGYUR BA DANG, MA BSGYUR BA'I NYES PA BRJOD PA'I DON DU YIN ZHING 'DU BA CAN GYI RGYU NI THAMS CAD KYI THUN MONG BA YIN NO, ,DE LA RE ZHIG BYA BA LA SBYOR BA DE LA GAL TE ZHES BYA BA'O, ,DE'I ZHES BYA BA NI BYA BA'I'O, ,DON 'DI YIN TE RDZAS

LA NYE BA TZAM NI SPYI MA YIN LA, 'DI LA BYA BA DES ZIN PA'I YUL LAS RANG BZHIN GZHAN YANG YOD PA MA YIN NO, ,DES NA GNAS DE BZHIN DU THAMS CAD G-YO BAR THAL LO, ,RNAM PA CI ZHIG LTAR GZHAN GYI LAN DOGS PAR BYED PA NI, ,YAN LAG CAN NI ZHES BYA BA'O, ,DE DANG RJES SU MTHUN PA'I LAN BRJOD PA NI LHAS BYIN DANG ZHES BYA BA'O, ,GCIG TU LHAG PAR ZHEN PA MED PA'I PHYIR RO ZHES NI BRJOD PAR MI BYA STE, LHAG PAR ZHEN PA TZAM LA NI DNGOS PO LA NGES PA YIN PAR MI 'THAD PA'I PHYIR RO, ,'DIR LHAG PAR ZHEN PA TZAM NI MA YIN GYI, DE LTAR RNAM PAR 'JOG PAR BYED PA NI MNGON SUM NYID YIN NO SNYAM PA'I BSAM PAS 'ON TE ZHES BYA BA'O, ,LHA SBYIN LA SOGS PA LA NI MNGON SUM GYI RJES LAS BYUNG BAS GCIG NYID DO ZHES BYA BA RNAM PAR RTOG PA MA YIN GYI, LAG PA LA SOGS PA G-YO BA'I DUS NA NI LUS GCIG YIN NO SNYAM DU MNGON SUM GYI DE MA THAG KHO NA NGES PAR BYED DO ZHES BYA BA'I DON TO, ,SUN 'BYIN PA NI GCIG CES BYA BA 'DI CI YIN ZHES BYA BA'O, ,GCIG NYID DU RNAM PAR 'JOG PAR BYED PA DE GANG YIN PA ZHES BYA BA'I DON TO, ,DNGOS PO RNAMS LAG PA GYEN DU BSGRENGS NAS BDAG NYID GCIG GAM DU MA YIN NO ZHES NI MI SMRA'O, ,DE NYID KYI PHYIR GAL TE ZHES RNAM PAR 'JIG BYED KYI DOGS PA BSU BA YIN NO, ,SNANG BA THA MI DAD PA GCIG NYID RNAM PAR 'JOG PAR BYED PA YIN NA ZHES BYA BA NI LHAG MA'O, ,DE NI MED DO ZHES BYA BA NI 'GOG PA'O, ,SNANG BA THA DAD PA NI MED DE, G-YO BA DANG MI G-YO BA SNANG BA DAG NI THA DAD PA KHO NA YIN PA'I PHYIR RO, ,'ON TE ZHES BYA BA NI GZHAN GYI'O, ,GANG LA CHU 'DZIN PA LA SOGS PA'I 'BRAS BU GCIG YOD PA DE'I NGO BO NI 'BRAS BU GCIG PA NYID DO, ,GCIG TU RNAM PAR 'JOG PAR BYED PA DE YIN NA, DE YANG MA NGES PA NYID YIN NO ZHES STON PA NI, GAL TE ZHES BYA BA'O, ,SA BON DANG CHU SA LA SOGS PA LTA BA DU MAS KYANG NI 'BRAS BU GCIG BYED PA MA THONG BA'I PHYIR DANG, SKOR CHOMS KYI PHYIR YANG GSAL BA'I PHYIR RO, ,LHAG MA NI GSAL BA'I PHYIR RNAM PAR MA PHYE'O, ,GNYIS PA SUN 'BYIN PA NI YAN LAG CAN BSGRIBS PA NA ZHES BYA BA'O, ,LDAN PA KHYAD PAR MED PA'I PHYIR RO ZHES PA NI, GANG GI TSE GOS LA SOGS PAS YAN LAG CAN GYI CHA BSGRIBS PA DE'I TSE, YAN LAG THAMS CAD LA LDAN PA 'DUS PAR 'GYUR BA YIN TE,

, ,SNGA MA BZHIN DU 'DU BA CAN MA YIN PA'I CHA MED PA'I PHYIR NA, THAMS CAD BSGRIBS PA BZLOG TU MED PA'I PHYIR RO, ,'ON TA YAN LAG BSGRIBS KYI YAN LAG CAN NI MA YIN NA SNYAM DU DOGS NA, YAN LAG BSGRIBS PA YIN NA ZHES SMOS SO, ,THAMS CAD CES BYA BA NI YAN LAG CAN GYI GZUGS MA GOD PAR RO, ,'ON TE YAN LAG GI SGO NAS YAN LAG CAN GYI RANG BZHIN CUNG ZAD BSGRIBS PA DES NA THAMS CAD MTHONG BA MA YIN NO SNYAM NA, YAN LAG GI SGO NAS ZHES SMOS SO, ,BSGRIBS PA'I YAN LAG 'DUS PA'I YAN LAG CAN YANG BSGRIBS PA NA YAN LAG CAN GYI RANG BZHIN CUNG ZAD KYANG MI MTHONG BA'AM, DE'I SGO NAS BSGRIBS PA LAS 'DAS TE, MTHONG NA NI RI LA MTHONG BAR 'GYUR RO ZHES 'BREL TO, ,DE LTAR 'DIS NI 'GAL BA'I CHOS DANG MTHUN PA'I PHYIR YAN LAG CAN GCIG NI GANG DU YANG GRUB BA MA YIN NO ZHES BRJOD PA YIN NO, ,'DI NYID NYE BAR SDUD PA NI, ,DE PHYIR TSOGS PA GCIG YOD MIN, ,ZHES BYA BA'O, ,TSOGS PA NI YAN LAG CAN NO, ,DU MA NYID NA'ANG SNGA MA BZHIN, ,ZHES BYA BA NYID BSHAD PA BYED PA'I 'DOD PAS SUN 'BYIN PA'I NGAG YIN NO, ,RDUL PHRA RAB KYI TSOGS TZAM YIN NA SNGA MA BZHIN DU RDUL PHRA RAB SO SOR RIG PAR THAL BAR 'GYUR RO, ,THAL BA 'DI LA GZHAN GYI DOGS PA BSU BA NI KHYAD PAR MED PHYIR ZHES BYA BA'O, ,RTOGS MIN ZHES BYA BA NI RDUL PHRA RAB SO SOR DMIGS PA MA YIN PA'O, ,LAN NI KHYAD PAR MED PAR MA GRUB CES BYA BA'O, ,CI'I PHYIR ZHE NA, KHYAD PAR CAN RNAMS NI ZHES BYA BA'O, ,GANG GI PHYIR RDUL PHRA BA KHYAD PAR CAN RNAMS DBANG YUL TE, DMIGS PAR BYA BA YIN PA DE'I KHYAD PAR MA GRUB PO, ,RDUL PHRA RAB KYI RANG BZHIN LAS 'DAS PA MA YIN YANG DMIGS PAR BYA BA MA YIN PA'I RDUL PHRA RAB DAG LAS, DMIGS PAR BYA BA'I RDUL PHRA RAB RNAMS KHYAD PAR MED PAR RIGS PA NI MA YIN NO, ,RDUL PHRA RAB KYI TSOGS LAS MA GTOGS PA'I PHYI ROL GZHAN YANG DMIGS PA MA YIN NO, ,'DIS NI KHYAD PAR MED PHYIR DANG, ,ZHES BYA BA'I GTAN TSIGS MA GRUB PAR BRJOD PA YIN NO, ,PHRA RAB PHYIR ZHES BYA BA 'DI YANG BRJOD PA NI DE PHYIR PHRA RAB MIN ZHES BYA BA'O, ,DE'I PHYIR ZHES BYA BA NI

DBANG PO'I YUL YIN PA'I PHYIR RO, ,RDUL PHRA RAB NI GANG ZHIG DBANG PO'I SPYOD YUL MA YIN PA DE NYID LA BRJOD PA YIN NO, ,GANG GI TSE 'DI DBANG PO'I YUL YIN, ,DE'I TSE RDUL PHRA RAB NYID DU YOD KYANG MED PA DANG KHYAD PAR MED PA'I PHYIR, DE NI RDUL PHRA RAB MA YIN PA KHO NA'O SNYAM DU DGONGS PA'O, ,DES NA RDUL PHRA RAB SO SOR DMIGS PAR THAL BA BZLOG PAR DKA'O, ,GSAL BA'I PHYIR NA MJUG BSDU BA NI RNAM PAR BKROL TO, ,LHAG MA RNAM PAR 'GREL PA NI GAL TE LUS ZHES BYA BA'O, ,DE'I TSE ZHES KHONG NAS PHYUNG LA, DU MA YIN NA YANG SDE BA PO, ,GAL TE RIG PA'I GNAS SKABS NYID DMIGS PA MA YIN NAM; RIG PA'I GNAS SKABS NA DMIGS PAR BYA BA YIN PA'I PHYIR RO, ,ZHES THA DAD PAR CI LTAR STON ZHE NA, SHES PA SKYE BA'I GNAS SKABS NA DMIGS PA YIN GYI, GZHAN GYI TSE NA MA YIN NO ZHES BYA BA DGONGS PA'I PHYIR NA NYES PA MED DO, ,DES NA SHES PA BSKYED PA'I NUS PAS SNGAR GYI GNAS SKABS LAS KHYAD PAR YOD PA'I PHYIR DMIGS PAR BYA BA NYID DU RIGS SO, ,DE NYID BRJOD PA NI DES NA MI DMIGS PA LAS KHYAD PAR MED PA MA YIN NO ZHES BYA BA'O, ,MI DMIGS PA LA LTOS NAS ZHES BYA BA LAS KYI LNGA PAR BYAS NAS, SGRUB PAR BYED PA LA BYED PAS ZHES BSDU BAR BYA'O, ,PHRA RAB PHYIR ZHES BYA BA DE LA BRJOD PA NI DE NYID KYI PHYIR ZHES BYA BA STE, DMIGS PAR BYA BA NYID KYI PHYIR RO, ,RANG NYID RIG PA'I GNAS SKABS NA, ,ZHES BYA BA NI RDUL PHRA RAB RNAMS KYI BDAG NYID KYI RANG BZHIN GANG YIN PA DE RIG PA'I GNAS SKABS NA'O, ,RDUL PHRA RAB NYID KYANG ZHES BYA BA NI LHAN CIG SKYES PA NYID DO, ,GEGS BYED PA MA YIN NO ZHES BYA BA NI DMIGS PA'O, ,YOD KYANG ZHES BYA BA NI RDUL PHRA RAB NYID DO, ,RDUL PHRAN MA YIN PA NI MNGON SUM GYIS RTOGS PA'I PHYIR RO, ,GAL TE LUS RDUL PHRA RAB KYI TSOGS TZAM DU GNAS PA'I PHYIR, DE RTOGS KYANG RDUL PHRA RAB SO SOR DMIGS PAR THAL THAL NA, DE'I TSE THAL BA 'DI NI KHYED CAG LA YANG 'GYUR RO ZHES SMRAS PA NA, KHYED CAG GI YANG ZHES BYA BA'O, ,KHYED KYI LTAR NA YANG YUL THAMS CAD NI RDUL PHRA RAB KYI TSOGS TZAM YIN TE, DES NA RDUL PHRA RAB SO SOR DMIGS PAR THAL BAR CI LTAR BZLOG PAR BYA STE, RANG GI RANG BZHIN DU SNANG BAR 'GYUR RO SNYAM DU BSAMS PA'O, ,RANG RIG PA'I ZHES BYA BA NI LAN 'DEBS PA'O,,

, ,RDUL PHRA RAB SO SO'I RANG BZHIN DMIGS PAR BYED PA NYID KYIS YUL DMIGS PA NI MA YIN NO ZHES BYA BA'I DON TO, ,'O NA CI LTAR SNYAM NA, 'ON KYANG ZHES SMRAS SO, ,DE'I RNAM PA CAN NYID NI KHA DOG DANG, DE TZAM GYIS YUL KHYAB PA'I RJES SU 'JUG PAS SO, ,CI LTAR RDUL PHRA RAB KYI ZHES BYA BA NI KHA DOG DANG DBYIBS KYI RNAM PA YANG RDUL PHRA RAB DE 'DRA BA DAG GIS BSKYED PA YIN PA'I PHYIR, DE LAS RDUL PHRA RAB KYI RNAM PA'I RJES SU BYED PA NYID BZLOG DKA'O ZHES BYA BA'I THA TSIG GO, ,'DI NI 'OG TU ZHES BYA BA NI CI LTAR SKRA DANG, SBRANG MA SHA LA SOGS PA YUL BAR DANG BCAS PAR GNAS PA YIN YANG ZHES BYA BA LA SOGS PA'I SKABS SU'O, ,DE LA RDUL PHRA RAB CI SNYED SKYED BYED YIN PA DE SNYED KYIS RDUL PHRA RAB KYI SHES PA SKYE BA NI MA YIN NO ZHES STON PAR 'GYUR RO, ,GAL TE ZHES BYA BA NI GZHAN GYI LAN DU 'DIS NI ZHES BYA BA'O, ,RDUL PHRA RAB KHYAD PAR CAN DU BSGRUBS PAS SO, ,RNAM 'GREL LHAG MA BZHIS NI SUN 'BYIN PA GZHAN BRJOD PA YIN NO, ,RDUL PHRA RAB RNAMS 'BYAR PA MED PA'I PHYIR ZHES BYA BA NI 'CHAD PA'O, ,DE MED PA ZHES BYA BA NI YAN LAG CAN MED PAS SO, ,GANG DU ZHE NA, RDUL PHRA RAB RNAMS LA'O, ,DER MI 'GYUR BA ZHES BYA BA NI BYED PA PO'I CHOS KYI SGRIB PAR RO; ,GANG GIS RDUL PHRA RAB RNAMS SGRIB BYED DU MI 'GYUR BA ZHES BYA BA'I DON TO, ,DE BZHIN DU RDUGS PAR BYED PA'I BYA BA THAGS PA YANG, YAN LAG CAN 'BREL BA 'GAR YANG DMIGS PA MED DO ZHES BYA BA LA SOGS PAR SBYAR RO, ,SOGS PA'I SGRAS NI CHU 'DZIN PA LA SOGS PA'O, ,RDUL PHRA RAB KYI TSOGS GSENG DANG BCAS PA YIN PAS NA, SNAM BU LA SOGS PA CI LTAR RIGS PAR RLUNG LA SOGS PA'I SKYABS SU CI LTAR 'GYUR, 'CHAD PA NI PHAN TSUN ZHES BYA BA LA SOGS PA'O, ,PHAN TSUN NANG DU 'JUG PA NI GSEB TU 'GRO BA GANG YIN PA STE, DE LA GEGS MED PA GANG YIN PA DAG GO, ,DE LA LTOS NAS 'DI DANG, 'DI LA LTOS NAS KYANG DE NANG DU 'DU BA SRID PA ZHES BYA BA'I DON TO, ,RDUL PHRA RAB RNAMS NI REG GO ZHES BYA BA LUGS YIN PA'I PHYIR RO, ,LAN NI 'DIR BSHAD PA ZHES BYA BA YIN NO, ,GAL TE REG PA RNAMS 'DZIN PA LA SOGS PA BYED MI NUS NA YAN LAG CAN NYID CI LTAR SKYED CES BYA BA'I

DON TO, ,REG GO ZHES BYA BA'I DOGS PA BSU NAS REG PA YANG ZHES SMOS SO, ,CA'I PHYIR ZHE NA, DE MED PA'I PHYIR TE, PHYOGS GCIG MED PA'I PHYIR RO, ,LDAN PA ZHES BYA BA NI GZHAN GYI'O, ,BAR DANG BCAS PA RNAMS LDAN PA SKYED PAS YAN LAG CAN SKYED DO ZHES 'BREL TO, ,LAN DU DE NYID CES BYA BA'O, ,REG NA ZHES BYA BA YANG BKOD PA NI NYES PA GZHAN BRJOD PAR 'DOD PAS SO, ,DE NYID BRJOD PA NI LDAN PA GZHAN NA MA ZHES BYA BA'O, ,BAR MTSAMS MED PA NYID LAS SKYABS LA SOGS PAR 'GRUB PA'I PHYIR RO ZHES BYA BA'I DON TO, ,'ON TE ZHES BYA BA NI BSKYED BYA LA DON MED PAR SUN 'BYIN PAS 'JIGS PAS NA BAR DANG BCAS PA NYID KHAS LAS LEN PA'O, ,LAN DU DE LTAR YIN NA ZHES BYA STE, DES NA BAR GYI SHA LHAG DANG 'DRA BA LDAN PA LA SOGS PA BRTAGS PAS CI ZHIG BYA ZHES BYA BAR DGONGS PA'O, ,GAL TE YANG LAG CAN MED CING RDUL PHRA RAB RNAMS KYANG REG PA MA YIN NA, DE'I TSE RDUL GYI PHUNG PO BZHIN DU BRDEGS NA, SO SOR CI STE MID DGYES SHING BAR DU BCAS PAS SGRIB PA LA SOGS PA SKYED PA DANG, GSENG DANG BCAS PAR CHU LA SOGS PA 'DZIN PAR YANG CI LTAR 'GYUR SNYAM NA, GANG LA ZHES BYA BA SMOS TE TSOGS PA GANG LA'O, ,SO SOR DGYES PAR 'GYUR BA NI SIL BUR 'THOR BA'O, ,DE ZHES BYA BA NI KHYOD KYIS BRTZAD PA'O, ,RDUL RNAMS MCHOG TU TSOGS PA YIN ZHES BYA BA NI MTHONG BA DANG, MA MTHONG BA DANG, MA MTHONG MTHONG BA YIN NO, ,YANG NA PA RA'I SGRA NI 'BA' ZHIG GI DON YIN PAR RDUL RNAMS TSOGS PA 'BA' ZHIG YIN ZHES BYA BA YIN TE, YAN LAG CAN GYI RDZAS NI MA YIN NO ZHES BYA BA'I DON TO, ,GNYIS PA LA BRJOD PA NI DPER NA SGRA DANG ZHES BYA BA'O, ,'BRAS BU GZHAN YANG ZHES BYA BA NI SGRIB PA LA SOGS PA'O, ,DER ZHES BYA BA NI GZHAN GYI'O, ,SGRA LA SOGS PA BAR DANG BCAS PA NYID LA RNAM PA GCIG TU RTOGS PA 'DIR 'GYUR RO ZHES BYA BAR NI YUL DER PHYIN PA LAS GNOD BYED SKYES PAS 'JOG PA YIN GYI SKABS LA NI DE LTAR GNOD BYED YOD PA MA YIN NO SNYAM DU BSAMS PA'O, ,LAN DU 'DI LA YANG ZHES BYA BA'O, ,GAL TE ZHES MA NGES PA'I DON GYIS GNOD PA'AM, SGRUB PA ZHES BYA BA 'DI SNGA NA MED PA YIN NO ZHE NA, BDEN TE 'DIS NI SRID PAR

, ,BSTAN PA'I PHYIR 'BRAS BU SKYED PA'I NUS PA ZHES SMOS SO, ,RGYU MTHONG YANG MA MTHONG BAR GYUR PA GANG YIN PA 'BRAS BU SKYED PA'I NUS PA NI RGYU LAS GZHAN MA YIN PA KHO NA'O, ,'DI NI DE LTAR MTHONG YANG RGYU'I RANG GI NGO BO BZHIN NGES PA MA YIN GYI, 'ON KYANG DE YOD NA 'BRAS BU DMIGS PA KHO NA LAS SO, ,DES NA 'BRAS BU SGRUB PAR BYED BA'I NUS PA'I RGYU'I DNGOS PO NYID YIN YANG 'BRAS BU MA DMIGS NA RGYU RTOGS SU ZIN KYANG RTOGS PA PO'I RGYUR RTOGS PAR MI 'GYUR GYI 'ON KYANG 'BRAS BU MTHONG BA KHO NAS YIN NO, ,DE BZHIN DU MI RTAG PA NYID DNGOS PO'I RANG BZHIN YIN YANG MTHA'I SKAD CIG MTHONG BA NYID NA RTOGS PAR 'GYUR BA YIN NO, ,DES NA MI RTAG PA NYID DE RTOGS PA MA RTOGS KYANG DON GYI RANG BZHIN DU GYUR PA KHO NAR RIGS SO, ,DE LTAR MA YIN TE GAL TE DNGOS PO NYID MI RTAG PA YIN PAR MA GYUR NA DE'I TSE MI RTAG PA NYID LAS THA DAD PA KHO NAR 'GYUR RO, ,RGYU MTSAN GANG RTZA BAR GYUR PAS DNGOS PO 'DI DE'I NGO BO MA YIN PAR 'GYUR BA'I RGYU MTSAN DE STON TE, GZHAN GYI RGYU MTSAN CAN YIN NAM ZHES BYA BA NI 'JIG PA RGYU DANG LDAN PAR SMRA BA'I 'DOD PAS SO, ,RGYU MTSAN MED PA CAN NYID YIN YANG RUNG STE ZHES BYA BAS NI 'JIG PA 'BYUNG BA PO NYID DU DMIGS TE RGYU MED PAR 'DOD PA NYID LA YIN GYI DNGOS PO MA YIN TE, DNGOS PO NI 'GA' YANG MED DO ZHES BYA BA 'DI LA NI BA RGAL BA 'DI MED BA KHO NA'O, ,DNGOS PO MED PA DANG DNGOS PO GZHAN DU GYUR PA MA YIN MOD, 'ON KYANG DE NI DNGOS PO'I NGES PA NYID YIN PAR BSTAN TO, ,DNGOS PO NI KHYAD PAR NYID KYI SGO NAS BSTAN PAR 'GYUR BA YIN TE, DPER NA DE YOD PA NYID KYIS BA GLANG NGO SNYAM DU RTOGS PA'I RTEN DU GYUR PA'I PHYIR DE'I RANG BZHIN PA LANG NYID LA SOGS PAS BSTAN BA DE BZHIN DU PHAN TSUN MED PA'I BDAG NYID KYIS NGES PA YANG GCIG LA GCIG MED PAS BSNYAD PA YIN LA DUS NGES PA NI SNGA NA MED PA DANG ZHIG NAS MED PA YIN TE, DES NA DON GZHAN NYID YIN MOD, CI 'GAL ZHE NA, DE LTA NA NI ZHES SMOS SO, ,MI RTAG PA NYID GZHAN YIN NA DNGOS PO DE DANG LDAN PAR TE MI RTAG PAR MI

'GYUR RO, ,CI'I PHYIR ZHEN MI DGOS PA'I PHYIR RO, ,NGES PA ZHES BYA BA'I DNGOS PO MED PA YOD PA'I PHYIR DON DE NGES PAR MI 'GYUR RO, ,DNGOS PO MED PA'I BDAG NYID KYI NGES PA KHYAD PA YIN YANG, ,DE'I DNGOS PO GZHAN DANG 'BREL BA'AM, DUS GZHAN KHYAB PA'I RANG BZHIN DE NI GZHAN DU 'GYUR BA MA YIN NO, ,DE DANG LDAN PA NYID KYIS NGES PA YIN NO ZHE NA, BSHAD ZIN TO, ,DE LTA BU'I RANG BZHIN NI GZHAN YOD KYANG DE LTA MA YIN PAR MI 'GYUR BA'I PHYIR RO, ,'O NA TE DNGOS PO GZHAN LA SOGS PA DANG MA 'BREL BA 'DI'I RANG BZHIN NYID YIN NA DNGOS PO MED PA GZHAN GYIS CI YANG BYAR MED DO, ,'DI'I DE LA NYE BAR SBYOR BA NA NI 'DI KHO NA STE, DE YOD NA DNGOS PO NGES PA NYID GANG YIN PA'O ZHE NA, DE LTA NA YANG DE'I RANG GI NGO BO NYID YOD NA DE LTAR 'GYUR BA'I PHYIR NGO BO NYID KYIS NI DNGOS PO MED PA DNGOS PO MED PA LA NYE BAR SBYOR BA MA YIN GYI; 'ON KYANG NUS PA NYID KYIS YIN NO, ,DES NA DE'I RGYU NYID DE LTA BU SGRUB PAR NUS PAR BRTAGS TE KHYAD PAR GZHAN DOR BA KHO NAR RIGS SO, ,DE BSHAD PA NI, 'ON TE DGOS NA NI DNGOS PO DE'I NGES PA'I MTSAN NYID LA 'DI PHAN 'DOGS NA NI RANG GI NGO BO NYID KYIS NGES PA YIN PA'I PHYIR DE NYID 'DI'I BDAG NYID DU GYUR PA'I MI RTAG PA YIN PAS MI RTAG PA GZHAN GYIS CI ZHIG BYA, ZHIG PA'I MTSAN NYID KYI DON GZHAN DANG LDAN PAS DNGOS PO NGES PA 'DIR GRUB PA GANG YIN PA 'DI NI RIGS PA YANG MA YIN NO, ,KHYAD PAR NYID KYIS DE DE LTA BUR 'GRUB PA LA NYE BAR MKHO NA DUS MTSUNGS PA'I DON LA BRTEN NAS NYE BAR SBYOR BAR BRJOD PAR BYA BA YIN NO, ,DES NA 'DIR RANG GI RGYU LAS DE LTA BU'I DNGOS POR MA GRUB PA NYID DO, ,DES NA RANG YOD PA'I DUS BZHIN DU DUS GZHAN DANG 'BREL PAR RUNG BA'I PHYIR RANG GI NGO BOS 'JIG BA'I DANG CAN MA YIN PA'I PHYIR NA RANG BZHIN GYIS MI G-YO BA YIN NO, ,DE LTA YIN DANG DON GZHAN DANG LNGA YANG G-YO BA NYID DU MI 'THAD PA'I PHYIR RO, ,DES NA DE LTAR DON GZHAN GYI RGYU MTSAN CAN YIN NA CHOS 'GAL BA GNAS PAS GZHAN NYID DU BSGRUBS TE, RGYUD DON THA DAD PA

, ,DAG LA 'DUS PA YIN NO, ,DE LTA NA NI 'O NA ZHES BYA BA NI SUN 'BYIN PA'O, ,RDUL PHRA RAB LA DBANG PO'I 'OD ZER DANG PHRAD PA'I MTSAN NYID KYI DBANG PO'I LDAN PA YOD PAS SO, ,LDAN PA THAMS CAD KYANG ZHES BYA BA NI MIG GI 'OD ZER RNAMS NI THAG RING PO NA GNAS PA'I RDZAS PHRA MO RNAMS LDAN PA MED PA NI THAG RING PO NYID KYI PHYIR RO, ,RAGS PA RNAMS KYANG ZHES BYA BA NI SUN 'BYIN PA'O, ,DBANG POS YUL DE SRID 'GRO MI NUS NA NI YUL DE NA GNAS PA'I RDZAS RAGS PA YANG CI LTAR 'DZIN CES BYA BA'I DON TO, ,DE LTAR 'BYOR PA DANG, 'DUS PA GZHUNG MA BTZUGS PA DANG RDO TSAN LA SOGS PA'I MTSAN NYID, RDUL PHRA RAB KYI LDAN PA DANG, DBANG PO RNAMS KYI LDAN PA NYID PHRAD PA YIN PAR BSHAD PA SUN 'BYIN PA SEL BA'I SGO NAS MDUN DU BYED PA NI, 'O NA TE LDAN PA LAS SKYES PA'I LDAN PA YANG ZHES SMRA TE, RGYU MTSAN GYI RGYU TZAM DU MI 'GYUR RO SNYAM DU BSAMS PA'O, ,MA YIN TE ZHES BYA BA NI 'GOG PA'O, , DE LA ZHES BYA BA NI GZHAN GYI LUGS LA'O, ,GANG GI PHYIR 'DU BA NI 'DI LA'O SNYAM PA'I BLO'I RGYU YIN BA DE'I PHYIR, 'DU BA YANG YOD PA YIN NO, ,GAL TE 'DI LA'O SNYAM PA'I BLO'I RGYU 'DU BA YIN MOD, DE LTA NA YANG SKABS SU BAB PA LA CIR 'GYUR SNYAM NA, LDAN PA YANG ZHES GSUNGS SO, ,RDO TSAN LA SOGS PA'I MTSAN NYID RDUL PHRA RAB RNAMS KYI LDAN PA RTOGS NA, 'DI NI DMIGS PA'I 'OD ZER DANG LDAN PA YIN NO SNYAM DU RTOGS PAR 'GYUR BA YIN NO ZHES BYA BA'I DON TO, ,'O NA TE DER LDAN PA MTHONG BA YANG DBANG PO MA MTHONG BA'I PHYIR, DBANG PO DANG RDUL GYI LDAN PA MI 'GAL BA'I PHYIR GANG LA LTOS NAS RDUL PHRA RAB KYI LDAN PA GZHI NYID DU STON CE NA DE LTA MA YIN TE, 'THAD PAS NGES PA LA YANG MA BRTEN PA'I BLO MI 'GAL BA'I PHYIR RO, ,DE BAS NA LDAN PA 'DU BA CAN GYI RGYUR THAR BAR 'GYUR BA'I PHYIR RO, ,YON TAN GYI MTSAN NYID NYAMS PA SON 'DUG GO SNYAM DU DOGS PA'O, ,SUN 'BYIN PA GZHAN BRJOD PA'I DON DU YANG LDAN PAR MYUR BAR 'DUS PA YANG GLENG SLONG BA NI GZHAN YANG ZHES BYA BA'O, ,'BRAS BU'I RDZAS YAN LAG CAN GYI LDAN PA LTOS PAR BYA BA MA YIN PAR 'GYUR RO, ,DE MED KYANG 'DZIN PAR KHAS BLANGS PA'I PHYIR SNYAM DU DGONGS PA'O, ,'ON TE ZHES BYA BA NI GZHAN GYI'O, ,LAN DU RDUL PHRA RAB KYI ZHES BYA BA'O, ,BUM BA LA SOGS

PAS ZHES BYA BA NI RDUL PHRA RAB TZAM 'DUS PA TZAM GYI RANG BZHIN NO, ,'DI LTAR PHRA RAB MI MTHONG BA YIN NA NI MTHONG BA'I DON GZHAN BRTAG PAR BYA BA YIN GYI, RDUL PHRA RAB RNAMS LA RTOGS PA'I RGYU DBANG PO'I LDAN PA YOD NA DON GZHAN GYIS CI BYA, BRJOD MA THAG PAR NI YAN LAG CAN LA DBANG PO'I LDAN PA LA LTOS NAS CI BYA ZHES BRJOD PA YIN NO, ,NYES PA DE NYID YIN NO ZHES BYA BA 'BRAS BU'I RDZAS KYI LDAN PA DON MED DO ZHES BRJOD PA GANG YIN PA'O, ,'ON TE ZHES BYA BA NI GZHAN GYI'O, ,GZHAN DU MA YIN NO ZHES BYA BA NI YAN LAG CAN YOD PA NYID DU MA YIN PA'O, ,LAN DU 'DI NI ZHES BYA BA'O, RDUL PHRA RAB RNAMS LA DBANG PO'I LDAN PA MED NA YAN LAG CAN RTOGS PA YIN NO ZHES CI STE MI BRJOD YAN LAG CAN GYI LDAN PA YOD NA NI GDON MI ZA BAR RDUL PHRA RAB KYI LDAN PA YOD DGOS SO ZHES STON PA NI, YAN LAG CAN LDAN NA ZHES BYA BA'O, ,YUL MTSUNGS PA NYID KYANG YAN LAG CAN RDUL PHRA RAB KYI YUL NA YOD PA YIN PA'I PHYIR RO, ,DES NA GDON MI ZA BAR KHAS BLANG BAR BYA BA RDUL PHRA RAB KYI LDAN PA YOD MOD, YAN LAG CAN GYI LDAN BA'AM, YAN LAG CAN GYIS CI BYA, SNGAR NI LDAN PA DANG MI LDAN PA'I RGYUR THAL BA'I SGO NAS GTZUG LAG LA LTOS PA NYES PA BRJOD PA YIN NO, ,DE LAS GZHAN PA'I GTZUG LAG GI NYES PA YANG BRJOD PA NI YANG NA ZHES BYA BA'O, ,YAN LAG CAN LA YANG RTOGS PA'I DBANG PO KHO NAS, DBANG PO'I LDAN PA BRTAGS PA YIN LA, ,DE NI RDO TSAN LA SOGS PA'I MTSAN NYID KYI LDAN PA LA YOD PA'I PHYIR, CI LTAR DBANG PO'I LDAN PA MED, DES NA RDZAS GNYIS KHO NA LA LDAN PA YOD DO ZHES BYA BA'I RNAM PAR GZHAG PAR MI 'GYUR RO ZHES BYA BA'I DON TO, ,RTEN MTHONG MED PAR GA LA RTOGS, ,ZHES BYA BA BSHAD NAS, RO GZUGS LA SOGS PA LDAN PA 'GAL ZHES BYA BA BSHAD PA'I PHYIR, ,GZHAN YANG ZHES SMOS SO, ,MTHONG BA'I PHYIR ZHES BYA BA NI SKABS KYI LDAN PA'O, ,BTUNG BA LA SOGS PA'AM, RDO TSAN LA SOGS PA'I MTSAN NYID LDAN PA MTHONG BA LA, GZUGS LA SOGS PA LDAN PAR MI 'GYUR RO, ,CI'I PHYIR ZHE NA, YON TAN LA ZHES SMOS SO, ,YON TAN NI RDZAS KHO NA'I YIN GYI, YON TAN LA NI YOD TAN YOD PA MA YIN NO, ,'ON TE GZUGS LA SOGS PA DE DAG NI YAN LAG GI YIN GYI, ,BTUNG BA LA SOGS PA'I NI MA YIN NO SNYAM NA DE LA ZHES SMOS TE, BTUNG BA'O, ,YAN LAG

, ,RNAMS KYI ZHES BYA BA NI BUR MA LA SOG PA RNAMS KYI'O, ,MNGON SUM LA DE LAS BZLOG PAR SNANG BA'I PHYIR RO SNYAM DU ZHE LA BZHAG PA'O, ,NYE BAR BRTAGS PA LAS ZHES BYA BA NI GZHAN GYI'O, ,SUN 'BYIN PA NI BLO THA DAD PAR THAL LO ZHES BYA BA'O, ,DON 'DI YIN TE BTUNG BA'I GNAS SKABS NA YOD PA'I GZUGS LA SOGS PA NYID NYE BAR 'DOGS PA YIN NO ZHES BYA BAR NI MI RIGS TE, DE NI DNGOS SU NYAMS SU MYONG BA'I PHYIR RO, ,'JIG RTEN BTUNG BA LA BU RAM LA SOGS PA RDZAS DU MA'I RANG BZHIN DU THA SNYAD 'DOGS PA YANG MA YIN GYI, 'ON KYANG DE'I GNAS SKABS NA YOD PA NYID DU'O, ,DE LTA BU'I THA SNYAD YOD DU CHUG PA DE LTAR NA YANG, BTUNG BA LA BLO THA DAD PA YOD PAR THAR BAR 'GYUR RO, ,BTUNG BA'I GNAS SKABS NA YOD PA'I GZUGS LA SOGS PA SNANG BA'I BLOR MI 'GYUR GYI, ,'O NA KYANG BUR MA LA SOGS PA YAN LAG RNAMS KYI GZUGS LA SOGS PA RTOGS PA NYID DU 'GYUR TE, DON GCIG LA 'DU BAS NYE BAR BTAGS PA YIN PA'I PHYIR RO, ,ZHO LA SOGS PA ZHES BYA BA NI 'CHAD PA'O, ,GANG LA BTUNG BA ZHES BYA BA'I LDAN PA 'DU BA DE NYID LA, GZUGS LA SOGS PA YIN PA'I PHYIR, ,DON GCIG LA 'DU BA YIN GYI BTUNG BA'I GNAS SKABS NA YOD PA'I RO DANG GZUGS GZHAN DMIGS PAR MI 'GYUR RO ZHES BYA BA LHAG MA'O, ,GAL TE NYE BAR GTUGS PA'I MTHU KHO NAS GZUGS LA SOGS PA 'GA' ZHIG TU 'GYUR BA YIN TE, DE LTA MA YIN NA GANG DU NYE BAR 'DOGS PA ZHES PA RGYAL MI MKHAS PA DAG RTZOD PA SMRA 'GYUR BAS DE LA BSHAD PA NI LDAN PA CAN GYI GZUGS GANG YIN PA ZHES BYA BA'O, ,NYE BAR BTAGS PHYIR ZHES BYA BA 'DIR BCAD DO, ,GAL TE 'DIR NYE BAR BTAGS PA'I MTHU YIN NA, DE'I TSE NYE BAR BTAGS BZHIN PA'I GZUGS LA SOGS PA NYID 'DIR MTHONG BAR 'GYUR GYI , , GANG DU NYE BAR GDAGS ZHES BRJOD PA DE LA LDAN PA NYID NYE BAR BTAGS PA'I GZHIR 'GYUR MOD, DE NYID BSTAN PA NI LDAN PA'I YANG ZHES BYA BA'O, ,'ON TE ZHES BYA BA NI GZHAN GYI'O, GANG GIS NYES PA 'DIR 'GYUR BA 'DI RNAM PA THAMS CAD DU GZUGS GZHAN KHO NA SNANG BA NI MA YIN GYI, 'O NA KYANG GZUGS DANG RO DE DAG NYID YIN TE, BUR MA LA SOGS PA YAN LAG LA 'DUS PA GANG YIN PA'O, ,DE LTAR MA YIN TE ZHES BYA BA NI BTUNG BA'I GNAS

SKABS NA, SNGA NA MED PA'I RANG BZHIN CAN DU'O, ,GCIG TU ZHES BYA BA NI DE DAG GZHAN NYID DU'O, ,GCIG GIS SMRAS BA ZHES BA BA LA SOGS BA LTAR GCIG GI SGRA NI GZHAN GYI DON BRJOD PA'O, ,YANG NA GAL TE BUR MA LA SOGS PA'I YAN LAG RNAMS 'DRAS PA YIN YANG NOR BU MDOG SNA TSOGS PA 'DRES PA LTAR THA DAD PAR RTOGS PAR BYA BA MA YIN NAM, DE JI LTAR NA BTUNG BA'I GNAS SKABS NA GZUGS DANG RO GZHAN DMIGS SHE NA, DE DAG SHIN DU 'DRES BZHI ZHES SMOS SO, ,NOR BU'I PHUD BO CI LTA 'DRES PA DE 'DRA BAR NI BTUNG BA'I GNAS SKABS NA BU RAM LA SOGS PA'I YAN LAG 'DRES PA MA YIN GYI, 'ON KYANG DE DANG MI 'DRA BA SHIN DU 'DRES PA YIN NO, ,GANG GI PHYIR SHIN DU 'DRES PA'I BU RAM LA SOGS PA'I YAN LAG GCIG TU RTOGS PA'I RGYU YIN PA DE'I PHYIR, LDAN PA CAN GYI GZUGS DANG RO NYID GZUGS DANG RO GZHAN MNGON PA YIN NO ZHES BYA BA'I DON TO, ,DE LTA NA NI ZHES BYA BA NI GRUB PA'I MTHA'O, ,GAL TE DE DAG NYID YIN NA CI LTAR GZHAN DU RTOG ZHES BYA BA'I SUN 'BYIN PA YAL BAR DOR NAS GZHAN BRJOD PA, CI LTAR GZUGS DANG RO DE DAG NYID GZHAN DU MNGON PA DE BZHIN DU RDUL PHRA RAB NYID RAGS PA'I RANG BZHIN DU MNGON PA'AM, DE LTA BU'I THA SNYAD DANG LDAN PAR 'GYUR MOD, YAN LAG CAN GYIS CI BYA, RNAM PA GZHAN DU SNANG BAR THAL LO ZHE NA, THA SNYAD LA 'TSOL BAR BYA STE, CI SKAD DU, DE YI GZUGS DANG BRAL NA YANG, ,RNAM PAR GZHAN DU SNANG BAR 'GYUR, ,ZHES 'CHAD PAR 'GYUR BA BZHIN NO, ,DE KHO NAR NI GZHAN SNANG BA MA YIN LA MED PA SNANG BA MA YIN TE, RDUL PHRA RAB KYI CHOGS KYIS BYAS PA BLO'I RNAM PA'I DNGOS PO DANG 'DRA BA KHO NA RIG PA'I PHYIR RO ZHES BRJOD ZIN TO, , SKABS SU BAB PA RDUL PHRA BAB SOGS PA TZAM GYI RANG BZHIN BU RAM LA SOGS PA'I RANG BZHIN RNAMS PHAN TSUN PHAN 'DOGS PAS DE DAG NYID KHYAD PAR CAN SKYES PA YIN TE, DE LTA DE LTA BU'I RTOGS PA SKYED PAR BYED PA GANG YIN PA'O, ,DES NA NYES PA 'GA' YANG MED DO, ,'DIS NI GAL TE NYE BAR BTAGS PA LAS 'DOD NA BLO THA DAD PAR MI 'GYUR RO ZHES BYA BA BSHAD PA YIN NO, ,CI LTAR PHRENG RING ZHES BYAR 'GYUR, ,ZHES YANG ZHES BYA BA'O, ,KHYAD PAR CAN GYI RTOGS PA YIN NO COG GANG YIN PA GAL TE DON THA DAD PA'I RGYU MTSAN CAN YIN NO, ,DE'I TSE PHRENG RING NGO SNYAM DU DOGS PAR MI 'GYUR RO ZHES

, ,BYA BA'I DON TO, ,CI'I PHYIR ZHE NA, PHRENG ZHES BYA BA NI ZHES BYA BA'O, ,GAL TE LDAN PA LA SOGS PA NYID PHRENG BA YIN NAM, DES NA DE SKAD CI STE BRJOD SNYAM NA, 'DI LTAR ZHES SMOS SO, ,LDAN PA MED PHYIR ZHES BYA BA NI PHAN TSUN MA 'BREL BAR GNAS PA'I PHYIR LDAN BA MED DO, ,'DI LTAR NYE BAR MTSON PA YIN PA'I PHYIR, YON TAN GYI TSIG GI DON MTHA' DAG BKAG PA YIN NO, ,DE'I NANG NA LDAN PA SRID PA'I PHYIR 'GOG PA YIN NO, ,DE NYID PHYIR ZHES BYA BA NI LDAN PA MED PA NYID KYI PHYIR PHRENG NI RDZAS MA YIN NO, ,RDZAS NI LDAN PAS RTZOM PA'I PHYIR RO, ,DE NI RIGS LA SOGS PA YANG MA YIN TE, GANG GI PHYIR RIGS LA SOGS PA LA NI RING PO NYID YOD PA MA YIN PA'I PHYIR RO, ,SOGS PA'I SGRAS NI BYA BA DANG SPYI DANG KHYAD PAR RNAMS 'PHANGS PA YIN TE, DE DAG KYANG RING PO'I TSAD DANG LDAN PA MA YIN NO, ,RDZAS LA LTOS PA'I PHYIR RO, ,DES NA RING PO LA SOGS PA'I KHYAD PAR MI 'THAD PA'I PHYIR NA RIGS PA MA YIN NO, ,RING PO LA SOGS PA'I KHYAD PAR DANG BRAL BA YANG RIGS LA SOGS PA'I KHONGS SU 'DU BA PA MA YIN NO ZHES BRJOD PA NI DE NI RIGS SOGS ZHES BYA BA'O, ,DE DAG KYANG RING PO'I TSAD DANG LDAN PA MA YIN NO, ,SHING GI BLO BZHIN DU GCIG LA YANG DE LTA BU'I BLO SKYE BAR THAL BA'I PHYIR RO SNYAM DU DGONGS PA'O, ,GAL TE GRANGS GCIG RING PO YIN NO SNYAM NA; DE LTA NA YANG RING PO LA SOGS PAR MI 'THAD DO ZHES, RIGS SOGS LA NI RING NYID MED, ,CES BYA BA 'DIS BRJOD PA YIN NO, ,BKOD PA'I KHYAD PAR GYIS ZHES BYA BA LA SOGS PA NI SKABS LA SBYOR BAR BYED PA'O, ,YIN ZHES RIGS ZHES BYA BA'I ZHES KYI SGRA NYE BAR SDUD PA'O, ,DON CAN NI DANG POR LTA BAR BYA'O, ,DES NA DON 'DIR 'GYUR TE, GANG GI PHYIR PHRENG ZHES BYA BA 'GA' YANG YOD PA MA YIN PA DE'I PHYIR, CI LTAR MNGON PAR 'DOD PA'I GNAS SKABS KHYAD PAR GYIS RNAM PAR GNAS PA RNAMS LA, RING PO LA SOGS PA'I BLOR 'GYUR BA DE BZHIN DU MNGON PAR 'DOD PA'I KHYAD PAR DU GNAS BA DE NYID KYIS NA, YAN LAG CAN GYI YUL CAN GYI BLO DE NI RDUL PHRA RAB RNAMS LA YIN PAR RIGS SO, ,DPER NA ZHES BYA BA 'CHAD PAR BYED PA'O, ,THA MA'I YAN LAG CAN GYI RANG BZHIN GYI ME TOG RIGS MI MTHUN PA'I RANG BZHIN GYI PHRENG BA NI RDZAS KYI NGO BO MA YIN PA'I PHYIR, GNAS BA'I KHYAD PAR TZAM GYIS ME TOG RNAMS KYI PHRENG BA RING PO ZHES BYA BA'I THA SNYAD DU 'GYUR BA YIN

NO; ,RANG BZHIN DU ZHES BYA BA DE KHO NA LTAR TE, PHRENG BA LA SOGS PA'I RING PO NYID LTA BU KHO NAR RO ZHAS BYA BA'I DON TO, ,RTZOD PA'I GNAS SU GYUR PA ZHES BYA BA NI YAN LAG CAN GYI MTSAN NYID DU 'DOD PA'I YUL GYI DON DNGOS PO MA YIN NO, ,DE LTAR RANG GI NGO BO DANG ZHES BYA BA LA SOGS PA BSHAD PA'I PHYIR, 'JUG PAR BYED PA NI GANG LAS ZHES BYA BA'O, ,SMRAS PA NI ZHES BYA BA LA CI ZHIG SMRA SNYAM NA, LDAN PA LA SOGS PA'I ZHES BYA BA'O, ,RIGS PA MTSUNGS PAS NA SKABS KYI LDAN PA SUN DBYUNG BA NYE BAR MTSON PAR BYED PAR SMRAS PA NI, GZUGS LA SOGS PA ZHES SMOS SO, ,'BA' ZHIG TU ZAD DO ZHES BYA BA NI RDZAS GZHAN BKAG PA'I PHYIR RO, ,'BYOR PA YIN NO ZHES BYA BA NI GZHAN GYI'O, ,DE BZHIN DU ZHES BYA BA NI DMIGS PA'I SPYOD YUL DU'O, ,'DI GNYIS 'BYOR PA YIN NO SNYAM PA'I BLOS NI LDAN PA KHYAD PAR NYID DU 'PHEN PAR BYED DO ZHES BYA BA'I DON TO, ,SUN 'BYIN PA NI 'BYOR PA ZHES BYA BA NI ZHES BYA BA'O, ,LDAN PA CAN NYID KYI ZHES BYA BA NI DON GNYIS LAS THA DAD PAR GYUR PA LDAN PA'I RTOGS PA NI MA YIN NO ZHES BYA BA'I DON TO, ,'O NA SGRA LA YUL THA DAD PA YOD PA YIN NO SNYAM NA, 'BYOR PA'I SGRA LA ZHES SMOS SO, ,YANG GI SGRAS NI LDAN PA CAN GYI SGRA SDUD PA'O, ,GZHAN NI YOD PA MA YIN NO ZHES BYA BA NI LDAN PA'I KHYAD PAR RO, ,'O NA LHAG PAR ZHEN PA LA LTOS NAS KYANG, SGRA DANG RTOGS PA DAG GI YUL GANG YIN SNYAM NA, DER NI ZHES SMOS SO, ,LDAN PA CAN DE LAS GZHAN 'BYOR BA'I BLA'I YUL DU GYUR PA'I LDAN PA NI YOD PA MA YIN NO, ,DE NYID KYI PHYIR 'BYOR PA'I SGRA BRJOD PAR BYA BA MED DO, ,LDAN PA GZHAN YOD PA MA YIN NO ZHES BYA BA 'DI GA LAS SHE NA, CI LTAR ZHES GSUNGS SO; ,BAR MA CHOD PA'I DON GNYIS LAS THA DAD PAR GNAS PA NI MED DO ZHES BYA BA'I DON TO, ,'O NA CI LTAR LDAN PA LA SOGS PA'I THA SNYAD THA DAD PAR 'GYUR SNYAM NA, RJES 'GRO ZHES GSUNGS SO, ,LDAN PAR MA GYUR PA DAG LA GNAS SKABS DE MA DMIGS PA'I PHYIR NA, GNAS SKABS DE LDOG PAR BRJOD PA YIN NO; ,DE DAG NI DMIGS PA'I PHYIR RJES SU 'GRO BA'O, ,GAL TE LDAN PA LA SOGS PA SGRUB PAR BYED PA'I MNGON SUM NYID YOD PA MA YIN NAM, DE LA LOG PAR RTOG PA CI 'DRA BA ZHIG YOD CE NA, MNGON SUM GYIS NI ZHES GSUNGS SO, ,DE LTA BUR GYUR PA NI BRAL BAR GYUR PA'O, ,'DI 'DRA BAR ZHES BYA BA NI BAR MCHOD PAR RO,,

, ,GANG GI PHYIR LDAN PA SNANG BA MED PA'I GTAN TSIGS DES NA, DE NYID CES BYA BA BAR MCHOD PA'I MTSAN NYING GANG YIN PA'O, ,LOGS SHIG LA ZHES BYA BA RNAM PAR DBYE BA'I DNGOS PO GNYIS LAS KHYAD PAR GZHAN SPANGS PAS 'JOG PA YIN NO, ,DE BZHIN DU KHYAD PAR GZHAN LA YANG CI RIGS PAR BRJOD PAR BYA'O, , GANG GI PHYIR DE LTAR YAN LAG CAN DANG YON TAN LA SOGS PA MNGON SUM LA THA DAD PAR SNANG BA MED PA DE NYID KYI PHYIR, SGRA SHES TE SGRA DANG, RNAM PAR RTOG PA'I BLO GANG YIN PA DE GNYIS NI BRTAGS PA'I DON CAN YIN TE, DNGOS POR RANG GI MTSAN NYID KYI YUL CAN NI MA YIN NO ZHES KHYAB BA YIN NO, GANG GIS BRTAGS PA'I YUL CAN YIN ZHE NA, BRDA'I DUS NA YOD PA DNGOS PO THA DAD PA'I RJES SU 'BRANG BA'I RNAM PAR RTOG PAS BRTAGS TE, BRTAG PAR BYA BA'I DON 'DI GNYIS LA YOD PA'I PHYIR TE, DE BRTAGS PA'I DON CAN YIN NO, ,DPER NA YON TAN LA SOGS PA RNAM PAR RTOG PA TZAM LA SNANG BA RNAMS LE'AM, YANG NA ZHI GANG DANG MA SKYES PA DAG LA STE, RA MA DANG STOBS CAN DANG, DUNG LA SOGS PA'I RNAM PAR RTOG PA DANG SGRA BZHIN NO, ,RANG NYID MTSAN NYID MED PAR NI GNYI GA LA MA GRUB PA'I PHYIR, RNAM PAR RTOG PA TZAM GYIS YUL YIN PA LA RTZOD PA MED DO, ,BSHAD BA NI YON TAN LA SOGS PA DANG, ZHIG PA DANG, MA SKYES PA LA SOGS PA LA GCIG NYID KYI THA SNYAD DU BYED PA DPER BRJOD PAR 'GYUR RO, ,GAL TE SGRA DANG RNAM PAR RTOG PA DAG DE KHO NAR DNGOS PO'I YUL CAN MA YIN NAM, DES NA DE THA DAD PA LA SOGS PA LAS DNGOS PO THA DAD PAR CI LTAR MI 'GYUR ZHE NA, SGRA'I SHES PA ZHES GSUNGS SO, ,MI MTHUN PA NI GZHAN NYID DO, ,'O NA CI LTAR YIN ZHE NA, 'ON KYANG ZHES GSUNGS SO, ,RNAM PAR RTOG PA MI MTHUN PAS DNGOS PO MI MTHUN PA MA YIN NO ZHES BYA BA 'DI GA LAS SHE NA, RNAM PAR RTOG PA CAN GYI BLO NI ZHES GSUNGS SO, ,BSLAD PAR 'GYUR BA NI RNAM PA'I KHYAD PAR YONGS SU 'DZIN PAR SKYES PA NA DE 'DRA BA NYID KYIS PHYI ROL DU MNGON PAR ZHEN PAR 'GYUR BA YIN NO, ,DE LAS ZHES BYA BA RNAM PAR RTOG PA CAN GYI BLO DE LAS SO,, 'ON TE YANG LDAN PA LA SOGS PA'I BLO DAG NI DE LTA MA YIN PA DES NA, DE LAS DON GYI DE NYID JI LTAR GNAS PAR MI 'GYUR SNYAM NA, DE LA ZHES SMOS SO, ,LDAN PA LA SOGS PA'I BLO YANG BRTAGS PA'I THA DAD PA'I RJES SU 'JUG BAS NA, BAG CHAGS KYI STOBS LAS SKYES PA NYID YIN NO SNYAM DU DGONGS PA'O, ,DES NI LDAN PA LA

SOGS PA BRTAGS PA NYID THA DAD PA STE, THA DAD PA'I THA SNYAD DU BYA BA YIN NO, ,DON GYI DE KHO NA NYID NI LDAN PA LA SOGS PAR THA DAD BA MA YIN NO, ,GAL TE BRTAGS PA'I DON THA DAD PA YANG DON THA DAD PA NYID MA YIN NAM DES NA RNAM PAR RTOG PA BAG CHAGS KYI STOBS LAS SKYES PA YIN NO ZHES CI STE BRJOD SNYAM NA, RNAM PAR BRTAGS PA'I DON THA DAD PA NI ZHES GSUNGS SO, ,THUG PA MED MOD SKYON CI YOD SNYAM PA LA, DE LTAR KHAS LEN NA NI ZHES GSUNGS SO, ,PHAN TSUN RTZOD PAR YANG MI 'GYUR RO ZHES BYA BA NI THAMS CAD KYI DON MTHA' DAG GRUB PA'I PHYIR RO, ,BAG CHAGS LAS BRTAGS PA'I ZHES BYA BA NI BAG CHAGS LAS SKYES PA'I RNAM PAR RTOG PAS BRTAGS PA ZHES BYA BA'I DON TO, RNAM PAR RTOG PA DE CI 'DRA BA ZHIG YIN ZHES BYA BA LA NI YID LA BZHAG PA'O, ,GANG GIS RNAM PAR BRTAGS PA'I DON LA SGRA DANG BLO RJES SU 'GRO BA DANG, LDOG PA DAG GIS 'JUG PA DE NYID DO, ,RJES SU 'GRO BA CAN GYI SKYES BU DANG DBYIG PA LA SOGS PA NI RGYUD LA LTOS TE NANG GI DBYE BA ZHES BYA BA BRAL BA LAS, THA DAD PA GANG YIN PA RES 'GA' BAR BRTAGS PA THA DAD PA LTA BUR DE THA DAD PA NYID NI MA YIN PAR SNANG BA'O, ,DNGOS PO DE KHO NA MED PA'I PHYIR NA THA DAD PA SNANG BA TZAM YIN NO, ,'ON TE YON TAN LA SOGS PA LA GRANGS YOD PA NYID DE, DES NA GCIG GO ZHES RTOG PA YIN NO SNYAM NA; DE LA GRANGS NI MED DO ZHES GSUNGS SO, ,DE LA ZHES BYA BA NI YON TAN LA SOGS PA RNAMS LA'O, ,RTEN GYI GRANGS NYE BAR BTAGS PA LAS GCIG CES THA SNYAD DU BYED PA YIN NO SNYAM NA, RTEN GYI ZHES GSUNGS SO, ,YON TAN GYI RTEN NI RDZAS YIN NO, ,CI'I PHYIR SNYAM NA RTEN THA DAD BYA ZHES GSUNGS SO, ,SPYI LA SOGS PA ZHES SOGS PA'I SGRAS NI YAN LAG CAN NO, ,RDZAS DU MA CAN GYI GRANGS DANG LDAN PA LA SOGS PA NYID NI GCIG NYID DU THA SNYAD BYED DO, ,DES NA RTEN GYI GRANGS NYE BAR BTAGS PA LAS DE LTAR THA SNYAD BYED PA NI MA YIN NO SNYAM DU DGONGS PA'O, ,'O NA RTEN GYI GRANGS NYE BAR BTAGS PA MED PA'I PHYIR 'DI LA GCIG NYID LA SOGS PA'I THA SNYAD DU JI LTAR 'GYUR ZHES BRJOD PA NI ZHES PA DANG ZHES BYA BA LA SOGS PA'O, ,'DIR DOGS PA BSU NAS LAN 'DEBS PA NI, GAL TE ZHES BYA BA LA SOGS PA'O, ,GAL TE ZHIG PA DANG MA SKYES PA LA SOGS PA 'DIR GCIG NYID LA SOGS PA'I THA SNYAD KYI RGYUN NI GCIG NYID DU BRTAGS PA YIN PAR 'DOD NA, DE'I TSE GANG GI RGYU MTSAN DU DE

, ,'DOD PA STE, SGRA DANG SHES BA GANG DAG GI RGYU MTSAN DU STE SKYED BYED DU 'DIR 'DOD PA'I NYE BAR BRTAGS PA DE NYID DNGOS PO THAMS CAD LA, SGRA DANG SHES PA DE DAG GI RGYUR CI STE MI 'DOD, DE 'DOD NA CUNG ZAD CHAD PA NI MED DA SNYAM DU DGONGS PA'O, ,DE NYID GSAL BAR BYED PA NI THOG MA MED PA'I ZHES BYA BA LA SOGS PA'O, ,THOG MA MED PA'I RTOG PAS GCIG NYID LA SOGS PAR LHAG PAR SGRO BTAGS PA STE NYE BAR BTAGS PA GANG YIN PA DE NYID RGYU MTSAN YIN GYI GZHAN DU MTHONG BA NI GZHAN DU LHAG PAR SGRO BTAGS PA'I RGYU MTSAN MA YIN NO, ,SGRA DANG SHES BA DAG GI ZHES BYA BA NI SKABS LAS SO, ,GCIG NYID LA SOGS PA DNGOS BRTAGS PA'I SKABS NI YOD PA MA YIN NO, ,GAL TE KUN LA NYE BAR BTAGS MIN ZHES BYA BA NI GTZO BO LA LTOS PA'I PHYIR RO SNYAM DU DGONGS PA'O, ,LAN DU THA DAD KHYAD PAR ZHES BYA BA'O, ,THA DAD PA'I KHYAD PAR CAN MA YIN YANG 'KHRUL BA MED PA'I RTOG PA'I YUL NYID KYI GTZO BO YIN PA'I PHYIR RO ZHES BYA BAR DGONGS PA YIN NO, ,RTZOD PA NI KHYAD PAR THA DAD PA MED PA LA AUTPALA DANG SNGON PO LA SOGS PA'I SGRA THA DAD DON MED DO ZHE NA, GRUB PA'I MTHA'I NI DON GZHAN ZHES BYA BA LA SOGS PA'O, ,GAL TE DER YANG ZHES BYA BA NI GZHAN GYI STE, YON TAN LA SOGS PAR YANG NGO, ,LAN DU YON TAN RDZAS NI ZHES BYA BA'O, ,GZHAN GYI PHYOGS BSAL NAS RANG GI 'DOD PA NYE BAR SDUD PA NI DON GZHAN MA YIN PA NYID KYI DON TE, YUL GANG LA YANG YOD PA'I SGRA DANG SHES PA DE DAG LA DE SKAD CES BRJOD DO, ,DE DAG GI NGO BO NI DE NYID DO, ,LDOG PA'I DBYE BA LAS THA DAD PA NI SGRA DANG RTOGS PA'O, ,GAL TE ZHES BYA BA NI 'CHAD PA'I GTZO BO CI LA BRJOD SNYAM NA, GTZO BO YANG ZHES GSUNGS SO,, 'DI LAS BZLOG PA NI PHAL PA YIN NO ZHES BRJOD PA NI KHYAD PAR ZHES BYA BA'O, ,DE'I PHYIR THAMS CAD LA NYE BAR BTAGS PA NI MI 'THAD DO, ,SANGS RGYAS LA NI GTZO BO MED PA'I PHYIR NYE BAR BTAGS PA MI 'THAD DO ZHES BRJOD PA NI KHYAD PAR LA NI ZHES BYA BA'I THA DAD PA'I KHYAD PAR CAN KHO NAR GTZO BO YIN GYI, KHYAD PAR THA DAD PA CAN MA YIN PA NI MA YIN NO ZHES BYA BA NYID GANG LAS YIN TE MA YIN PA NYID DO, ,KHYAD PAR THA DAD PA CAN MA YIN YANG GTZO BO NYID DO, ,DE NYID BRJOD PA NI KHYAD PAR THA DAD PA MED KYANG ZHES BYA BA'O, ,THA DAD PA KHYAD PAR GTZO BO ZHES BYA BA NYID KYANG, GANG LAS ZHES KHONG NAS DBYUNG BAR BYA BA KYANG GI DON SMRAS PA NI GZHAN YANG ZHES

BYA BA'O, DE'I TSE ZHES KHONG NAS PHYUNG BA LA RNAM PA 'DI LTA BU MTHA' DAG CES SBYAR BAR BYA'O, ,KHYAD PAR THA DAD PA DANG LDAN PAR MA DMIGS PA RNAM PA 'DI LTA BU MTHA' DAG GO, ,DBYUG BA CAN LA SOGS PA KHO NA GTZO BOR 'GYUR RO ZHES BYA BA'I DON TO, ,KHYAD PAR CAN YANG ZHES BYA BA NI GCIG NYID LA SOGS PA'I KHYAD PAR 'BA' ZHIG TU NI MA ZAD PA'I SKYA BA SENG GI BU LAS BYUNG BAR 'GYUR RO ZHES BYA BA LA SOGS PA NI KHYAD PAR CAN SKYA BA SENG GI BU YANG NYE BAR BTAGS PA YIN NO, ,G-YUL NGOR BRTAN PA LA SOGS PA'I RANG GI MTSAN NYID MED PA'I PHYIR RO, ,THA DAD PA MED PA LA THA DAD DON MED NA ZHES BYA BA BSHAD PA'I PHYIR, GAL TE ZHES SMOS SO, ,CI'I PHYIR ZHE NA, DE NI 'JUG PA'I RGYU MTSAN THA DAD PA ZHES SMOS SO, ,DE ZHES BYA BA NI GZHI MTHUN PA'O, ,DE LA AUTPALA SNGON PO LA SOGS PA'I SGRA RNAMS RNAM GRANGS PA YIN PA SPANGS PA'I PHYIR RE ZHIG GZHAN GYIS KUN BRTAGS PA'I GZHI MTHUN PA SEL BAR BYED PA NI, DE LA RJOD PAR MI BYED PA YIN TE ZHES BYA BA'O, ,THA DAD PAR GYUR PAR BYED PAS NA THA DAD DE, GZHI MTHUN PA GANG LA 'JUG PA'I RGYU MTSAN KHYAD PAR THA DAD PA YOD PA NI'O, ,SGRA DAG GAM DON DAG GI GZHI MTHUN PA DER 'GYUR TE MA YIN PA NYID DO, ,GANG GI TSE ZHE NA, DE'I ZHES BYA BA GZHAN LA RAG LAS PA MED PA'I KHYAD DANG KHYAD PAR TZAM SGRA LA SNANG BA NA STE'O, ,DE BAS NA'O, ,SGRA GNYIS KYI GZHI MTHUN PA NI DON GCIG LA 'JUG PA YIN LA, DON GNYIS KYI GZHI MTHUN PA NI DON GCIG LA GNAS PA YIN NO, ,SO SOR NGES PA'I DON BRJOD PA'I PHYIR RO ZHES BYA BA NI SNGON PO'I SGRAS YON TAN SNGON PO NYID BRJOD LA, AUTPALA'I SGRAS NI AUTPALA'I RIGS NYID BRJOD PA YIN NO, ,DES NA DON GCIG LA 'JUG PAR CI LTAR 'GYUR, YON TAN NAM RIGS MTSON ZIN PA DE'I GZHI RDZAS MTSAN PA YIN TE, DE MED NA MI 'BYUNG BA'I PHYIR RO, ,DES SGRA GNYIS GZHI MTHUN PAR 'JUG PA YIN NO SNYAM DU BSAMS PA'O, ,SUN 'BYIN PA NI GCIG NYID DANG ZHES BYA BA'O, , SNGON PO'I SGRAS YON TAN SNGON PO NYID DANG LDAN PA'I RDZAS BRJOD PA NA, AUTPALA'I RIGS DANG LDAN PA NYID BRJOD PAR 'GYUR RO, ,MED DO ZHES BYA BA NI GZHI MTHUN PA STE, SBYOR BA MED PA'I PHYIR RO, ,DON DAG GAM ZHES BYA BA'I PHYOGS LA, SUN DBYUNG BA BRJOD PA NI DON RNAMS ZHES BYA BA'O, ,SO SOR NGES PA'I

, ,DON BRJOD BZHIN PA'I SGRA DAG GI DON DAG NI DANG DBANG KHO NAR SNANG BA YIN NO, ,MTSON ZIN PAS MTSON PA LA DMIGS NA YANG NYES BA DE NYID YIN NO, ,GAL TE DE DAG GNYIS DANG RANG DBANG DU SNANG BA MA GRUB STE, DE DAG NI 'GA' ZHIG DANG 'BREL BAR RTOGS PA YIN PAS NA DON GCIG PO DE NYID DANG GZHI YIN NO SNYAM NA, 'BREL PA YOD PA YIN NA YANG ZHES SMOS TE, MNGON SUM GYIS MA DMIGS PA'I PHYIR, 'BREL PA NI MED PA KHO NA'O, ,DE LTA MOD KYI 'BREL PA YOD PA YIN NA YANG JI LTAR 'BREL PA CAN YIN TE, MA YIN PA KHO NA'O, ,'BREL PA GZHAN RTOG NA NI THUG PA MED PAR THAL BA'I PHYIR RO SNYAM DU DGONGS PA'O, ,'ON TE RJES SU DPAG PA LAS RANG GI NGO BO KHO NAS 'BREL BA, 'BREL PA CAN DU GRUB PO SNYAM NA, JI LTAR 'JAL BA YIN ZHES GSUNGS SO, ,DE DANG 'BREL PA'I RTAGS MA GRUB PA'I 'BREL PA RANG GI NGO BOS 'BREL PA CAN YIN PAR GANG LAS 'JAL BA YIN, DES NA 'BREL PA MA GRUB PA'I PHYIR NA DE DAG NI 'GA' ZHIG GIS 'BREL PA CAN DU RTOGS PA MA YIN NO ZHES BYA BAR DGONGS PA'O, ,SO SOR NGES PA NI DON BRJOD PA'I PHYIR SGRA DAG NI GZHI MTHUN PA MA YIN NO ZHES BRJOD PA GANG YIN PA DE LA GZHAN GYI LAN GYI DOGS BA BSU BA NI, GAL TE ZHES BYA BA'O, ,DON NI 'DI YIN TE, 'BREL PA RTOGS PAS CI BYA STE, 'DU BA'I 'BREL BA'I STOBS KYIS SNGON PO LA SOGS PA YON TAN GYI MTSAN NYID KYI DON NI SNGON PO LA SOGS PA'I SGRA LAS RDZAS DANG THA MI DAD PAR RTOGS PA'O, ,DES NA RDZAS GCIG GI, GZHAN GYI DBANG DU RTOGS PA'I DON DAG DANG, DE'I SGRA DAG GZHI MTHUN PA YIN NO SNYAM DU SEMS NA, LAN DU GCIG NYID KYIS TE, SNGON PO'I SGRAS GANG LA YON TAN SNGON PO 'DU BA DE RTOGS PHYIR, DE LA 'DU BA AUTPALA'I RIGS NYID KYANG RTOGS PA NYID DO, ,DES NA AUTPALA'I SGRA NI DON MED PAR 'GYUR TE, RTOGS ZIN PA'AM RTOGS PAR BYED PA'I PHYIR RO, ,DES NA SBYOR BA MED PA'I PHYIR GZHI MTHUN PAR GA LA 'GYUR, AUTPALA'I SGRA SBYAR BA NI RTOGS ZIN PA RTOGS PAR BYA BA'I DON NYID DU YIN NO SNYAM NA, GAL TE GZHAN GYIS ZHES RJES SU BRJOD PA GSUNGS SO, ,DON DE NYID CES BYA BA NI, DE CAM ZHIG SNGON PO'I SGRAS BSTAN PA'I DON GYI TSOGS SO, ,YON TAN SNGON PO'I MTSAN NYID KYI

DON NI SNGON PO'I DON TO, ,DE LA SOGS PA'I DE DANG 'BREL PA TZAM MO, ,SNGON PO'I SGRA LAS RDZAS KYI RANG BZHIN, AUTPALA'I RIGS DANG 'BREL BAR NI MI RTOGS SO SNYAM NA, LAN DU SNGON PO'I RDZAS 'DU BA CAN GYI RTOGS PA NA, DE DANG 'BREL PA'I AUTPALA NYID MA RTOGS PA GZHAN NI YOD PA MA YIN TE, DE NI DE LA 'DU BA'I PHYIR RO, ,DPE BSHAD PA NI JI LTAR ZHES BYA BA'O, ,DE'I DON NI 'DI YIN TE, GANG GIS GANG DANG 'DU BA CAN BZUNG BA DE NI, DER 'DUS PA YANG BZUNG STE, DPER NA GONG BU 'DZIN PA'I MNGON SUM GYIS RNA BA LA SOGS PA BZHIN NO, ,SNGON PO'I SGRA LAS SKYES PA'I SHES PAS KYANG, AUTPALA NYID KYI RIGS DANG 'DU BA CAN GYI AUTPALA'I RDZAS BZUNG BA YIN NO ZHES BYA BA NI RANG BZHIN GYIS THAL BA'O, ,DES NA SGRA GZHAN DON MED PAR 'GYUR BA'I PHYIR SNGAR BSHAD PA'I NYES PA NYID DO, ,SGRA NI ZHES BYA BA NI GZHAN GYI'O, ,GAL TE YANG SNGON PO'I SGRAS 'BREL TO, ,'PHANGS PA DE LTA NA YANG AUTPALA NYID 'DU BA'I AUTPALA'I DON BRJOD PA NI MA YIN TE, DES NA SGRA GZHAN SBYOR BA YIN NO SNYAM DU BSAMS PA'O, ,SUN 'BYIN PA NI, KHYAD PAR CAN DANG ZHES BYA BA NI, SNGON PO LA SOGS PA YON TAN GYI BDAG NYID KYI DON NI KHYAD PAR CAN GYI RDZAS LA 'DU BA YIN TE, DES NA RDZAS DANG BRAL BA'I DON DE NI GANG NA YANG MED DO, ,DE BAS NA SNGON PO SGRA LAS 'DUS PA'I SNGON PO RTOGS PA NA 'DU BA CAN YANG RTOGS PAR 'GYUR TE, ,'DU BA CAN LA SOGS PAR NI, ,'DU BA RTOGS PA MA YIN NO, ,'DU BA CAN RTOGS PA NA DE LA 'DUS PA'I AUTPALA YANG RTOGS PAR 'GYUR PA'I PHYIR, AUTPALA BRJOD PA NI DON MED DO, ,SGRA SBYAR BA NI DON RTOGS PAR BYA BA'I PHYIR YIN NA, GAL TE DON JI LTAR RUNG BAR RTOGS NA SGRA SBYAR BAS CI BYA, DES NA GZHI MTHUN PAR MI 'GYUR RO SNYAM DU DGONGS PA'O, ,SHIN DU GSAL BA MTHON TING LA SOGS PA LA MDOG SDUG GU TZAM NYID DBYIBS 'DIS GNAS PA YIN NO, ,DES NA KHYAD PAR CAN GYI DON MED PAR YANG KHYAD PAR RTOGS PA YIN NO ZHES; RMONGS PA'I DOGS BA ZLOG PAR BYED PA NI, MTHON TING ZHES BYA BA LA SOGS PA'O, ,'DI YANG SNGON PO'I KHYAD PAR CAN GYI DON GZHAN NYID DO ZHES PA'I DON TO, ,'DIS NI JI SKAD BSHAD PA'I SBYOR BA LA MA GRUB PA NYID MA YIN NO, ,GAL TE YANG 'GA' ZHIG TU DE LTA YIN PA DE LTA NA YANG NGES PA GANG LAS

, ,YIN ZHES BYA BA'I MA NGES PA SPANGS PA BRJOD PA NI DE LTAR MNGON SUM GYIS ZHES BYA BA'O, ,MNGON SUM LA YANG 'DU BA CAN RTOGS PA NYID 'DUS PAR RTOGS PA YIN TE RGYU MTSAN GZHAN MED PA'I PHYIR RO, ,'DU BA CAN 'DZIN KYANG, 'DUS PA 'DZIN PAR MI 'GYUR BA GANG YIN PA, SGRA 'JUG GZHAN DU JI LTAR YIN, ,GZHAN YANG DNGOS PO LA MNGON PAR ZHEN PAR SMRA BA 'DI LA, SNGON PO AUTPALA LA NGES SAM MA NGES ZHES DRI BAR BYA'O, ,GNYI GA LTAR YANG AUTPALA GYI SGRA MA SBYAR BA'I PHYIR NA, GANG DU GZHI MTHUN PAR 'GYUR ZHES STON PA NI, GAL TE ZHES BYA BA SNGO NYID CES BYA BA'I SNGO NYID CES BYA BAS NI CHOS BSTAN PA'I SGO NAS CHOS CAN 'DZIN PA'O, ,GAL TE AUTPALA LA NGES PA'I SNGON PO BRJOD BYA YIN NA DE'I TSE SNGON PO'I SGRAS, DE LTA BU'I SNGON PO RTOGS PA NA, AUTPALA YANG RTOGS PA'I PHYIR NA, AUTPALA'I SGRA DON MED DO, ,'ON TE BYA ROG DANG KHU BYUG LA SOGS PA AUTPALA MA YIN PA LA YON TAN SNGON PO YOD PA YIN NA, DE'I TSE SNGON PO'I SGRAS THUN MONG GI SNGON PO'I RANG BZHIN RTOGS PAR 'GYUR LA, DE LTA NA YANG BUM PA DANG, SNAM BU LTAR GZHI MTHUN PA MED PA'I PHYIR, KHYAD PAR CAN GYI DON RTOGS PA LA NYE BAR MI MKHO BA'I PHYIR AUTPALA'I SGRA DON MED DO, ,'ON TE SNGON PO NYID GZHAN KHO NA LA YOD PA YIN NO, DE LTA YIN NA YANG SNGON PO'I SGRAS DON GYI TSOGS PA GANG BRJOD PA DE, AUTPALA'I SGRAS MA BRJOD PA'I PHYIR, JI LTAR DON GCIG LA 'JUG PAS BYAS PA'I GZHI MTHUN BAR 'GYUR, DE BZHIN DU AUTPALA'I SGRAS DON GYI CHOGS GANG BRJOD PA ZHES BYA BAR YANG SBYAR RO, ,'ON TE, SNGON PO'I SGRAS KHYAB PA AUTPALA'I SGRAS RNAM PAR GCOD LA, AUTPALA'I SGRAS KHYAB PA AUTPALA'I DKAR PO LA SOGS PA YANG SNGON PO'I SGRAS GCOD PAR BYED PA YIN NO, ,DES NA AUTPALA SNGON PO GCIG LA CHOS GNYI GA YOD PA'I PHYIR NA GZHI MTHUN PAR 'GYUR RO SNYAM NA, DE YANG MI 'THAD DE, GANG GI PHYIR KHYAB PA ZHES BYA BAS NI GSAL BA'I DON BRJOD PA YIN NO, ,DES NA JI SNYED CIG GIS GSAL BA'I DON DE MTHA' DAG CI LTAR GZHAN GYIS RNAM PAR BCAD PAR NUS, MNGON SUM GYIS GSAL BA'I DON NI GZHAN GYIS RNAM PAR BCAD PAR MI NUS SO, ,'O NA GNYIS PA SBYAR BA CI DGOS SHE NA, DNGOS PO BRJOD PAR BYA BA'I PHYOGS LA 'DI NYID BCAD BAR BYA BA

YIN NO, ,DE NYID KYI PHYIR MJUG SDUD PA NI, DE'I PHYIR ZHES BYA BA LA SOGS PA'O, ,CHA MED PAR MNGON SUM LA SNANG BA'I AUTPALA SNGON PO LA SNGON PO NYID DANG AUTPALA NYID THA DAD BA YIN LA, AUTPALA GZHAN DANG ZA MI DAD PA YIN TE, GCIG TU RTOGS PA'I PHYIR RO, ,GZI MTHUN PA YANG DE LA LTOS NAS YIN TE; DES NA DON DE 'DRA BA MED KYANG BLO NYID DE LTA DE LTAR 'JUG PA'I PHYIR, RNAM GRANGS PA NYID LA SOGS MA YIN NO, ,SLU BA YANG MA YIN TE, DE MA YIN PA LAS LDOG PA'I RTZA BA YIN PA'I PHYIR RO, ,'DI YANG RNAM 'GREL MDZAD PA NYID KYIS BSHAD PA YIN NO ZHES STON PA NI 'DI LTAR ZHES BYA BA'O,, BSHAD ZIN TO ZHES BYA BA NI GRANGS SO DANG LDAN PA'I SGRA NI RNAM GRANGS MIN ZHES BYA BA'I MTHAR THUG PAS SO, ,LHAG MA CHAD PA NI DER YANG ZHES BYA BA'O, ,YON TAN GCIG GO ZHES BYA BA LA SOGS PA YON TAN LA YANG GRANGS KYI MTSAN NYID KYI YON TAN GZHAN YOD DO SNYAM DU DOGS NA, DE LTAR YIN NA ZHES PA'O; ,JI LTAR 'DI GNYIS KHYAD PAR MED PAR 'GYUR ZHE NA, 'DI LTAR ZHES GSUNGS SO, ,GAL TE DE LTA YIN MOD, SKABS LA CI 'ONGS SNYAM NA, 'PHROD PA 'DU BA CAN GYI RGYU NYID NI ZHES GSUNGS SO, ,LDAN PA LA SOGS PA'I YON TAN GYI 'DU BA CAN GYI RGYU NYID NI LDAN PA LA SOGS PA'I YON TAN DANG LDAN NA STE 'BREL 'GYUR RO, ,BTUNG BA LA SOGS PA LA YANG GZUGS LA SOGS PA'I YON TAN DANG LDAN PA YANG NGO SNYAM DU DGONGS PA'O, ,DE LTA NA YANG JI LTAR KHYAD PAR MED PAR 'GYUR TE, BYA BA DANG LDAN PA NYID MA YIN PA'I PHYIR RO SNYAM NA, LCI BA NYID CES GSUNGS SO, ,'ON JI LTAR KHYAD PAR RNAMS THA DAD MED PA'I PHYIR, BLO THA DAD PAR 'GYUR, DE'I THA DAD PA BAG CHAGS KYI STOBS LAS BYUNG BA YIN NA YANG, JI LTAR SLU BAR MI 'GYUR BA'I DOGS PA SPANG BAR RNAM 'GREL GYI LHAG MA NYE BAR SDUD PA'I SGO NAS 'CHAD PA NI DE'I PHYIR ZHES BYA BA'O, ,DE MA YIN PA'I LAS LDOG PA'I RTZA BA CAN YIN PA'I PHYI NA, SLU BA MA YIN NO SNYAM DU BSAMS PA'O, ,LAS MA YIN PA NYID DAM RDZAS MA YIN PA NYID KYANG SPYI NI MA YIN TE, SPYI LA YANG YOD PA'I PHYIR RO, DE BZHIN DU CI RIGS PAR DPAG PAR BYA'O, ,LAS MA YIN PA DANG RDZAS MA YIN PA'I SGRA DER NI'O, ,DE DANG LDAN PA LAS GRANGS LA SOGS PA THA DAD PA BZHIN DU ZHES

, ,'BREL TO, ,DE YANG CHOS GZHAN KHYAD PAR BYED PA YIN ZHES BYA BA NI CHOS GZHAN DKAR PO NYID MA YIN PA ZLOG PAR BYED PA YIN GYI, THA DAD PAR BSTAN PA TZAM GYIS, DNGOS BO THA DAD PAR 'GRUB PA NI MA YIN NO ZHES BYA BA'I DON TO, ,'DI NYID BZLOG PA NI DE TZAM ZHES BYA'O, ,DE TZAM SHES PAR 'DOD PA ZHES BYA BA NI LDOG PA TZAM SHES PAR 'DOD PA LA'O, ,'GRENG BA LA SOGS PA'I CHOS GZHAN KUN GANG YIN PA DE DAG GANG GIS 'PHANGS PA MED BAR RO, ,STON BAR BYED PA'I SGRA GZHAN GYI GO SKABS 'BYED PA NI 'PHANGS PA YIN NO, ,GANG GI TSE SOR MO LDAN PAR GYUR TO ZHES CHOS CAN DANG GZHI MTHUN PAR CHOS BRJOD PA'I SGRA SBYAR BA DE'I TSE 'GRENG BA LA SOGS PA'I KHYAD PAR GYI SKABS YOD BA YIN LA, SOR MO'I LDAN PA ZHES BYA BAR NI CHOS CAN DANG GZHI MTHUN PA'I KHYAD PAR GZHAN GYI SGRA'I GO SKABS YOD PA MA YIN NO, ,RTOGS PAR BYA BAS SHES PAR 'DOD PA YANG DE TZAM NYID YIN NO, ,DE BZHIN DU DKAR PO LA SOGS PA'I SGRA LA YANG NGO, ,GAL TE GNYI GAS KYANG DON GCIG KHO NA BRJOD PA'I PHYIR, RNAM BAR DBYE BA 'DIR JI LTAR 'GYUR SNYAM NA, DON GCIG BRJOD KYANG ZHES BYA BA GSUNGS SO, ,DE LTAR ZHES BYA BA NI CHOS DANG CHOS CAN BRJOD PA NYID DU RNAM PAR GZHAG PAR BYAS PA GANG YIN PA STE, DE LA DE SKAD CES BRJOD DO, ,DE'I PHYOGS GCIG CES BYA BA NI BA LANG 'GA' ZHIG KHO NA DKAR PO YIN PA'I PHYIR RO, ,'DZIN PA GZHAN DANG LDAN PA'I YOD BA'I ZHES BYA BA YI NI SNAM BU LA SOGS PA LA'O, ,THA DAD PA NI ZHES BYA BA NI BA LANG NYID NI RJES SU 'GRO BA LA DKAR PO NYID NI LDOG PA STE, RJES SU MI 'GRO BA'O, ,'DZIN PA GZHAN DANG LDAN PA LA LTOS NAS NI DKAR PO NYID RJES SU 'GROL, ,BA LANG NI LDOG PA YIN NO, ,DES NA BA LANG DKAR PO DAG NI THA DAD PA'I THA SNYANG TZAM DU ZAD DO, ,DKAR PO NYID 'BA' ZHIG CES BYA BA NI GANG GI TSE THAG RING RAB TZAM NAS BSGRUBS PA'I CHA GZHAN DANG BRAL BAS BLO'I TSAD TZAM DMIGS PA DE'I TSE'O, , SNGON MTHONG BA LAS ZHES BYA BA NI 'DRI BA'I LAN 'DEBS PAR BYED PA'I SDAR 'BA' ZHIG NGES PA'I PHYIR RO, ,ZHES BYA BA NI 'DRI BAR BYED PA'O, ,'DIS NI THA DAD PAR STON PA'I GZHUNG BTZUGS PA YIN NO, ,'ON THA MI DAD PAR JI LTAR STON SNYAM NA, GANG GI CHO ZHES BYA BAS GZHUNG 'DZUGS PAR BYED DO, ,'DIR YANG

NGES PAR MA SHES PA'I KHYAD PAR NYID DO, ,'ON KYANG DKAR PO 'DI CI YIN CHOS CAN DANG GZHI MTHUN PAS 'DRI BA NA, DE KHO NA LTAR LAN 'DEBS PA YIN NO, ,DE KHO NA'I DON NI 'DI YIN TE ZHES BYA BA NI DE KHO NAR GYUR PA'I DON NI DE KHO NA'I DON TO, ,'DI YIN TE ZHES BYA BA NI 'CHAD PAR 'GYUR BA'I TSIGS SU BCAD PAS BSTAN PAR BYA BA STE, THA DAD PA YI GNOD MA YIN, ,ZHES BYA BA'I THAR PA'I STON PAR BYED PA'O, ,'GA' ZHIG LAS ZHES BYA BA MIG MI GSAL BA DANG, THAG CUNG ZAD RING BA LA SOGS PA'I MTSAN NYID LAS THA DAD PAR 'DRI BA YIN NO, ,DE'I PHYIR NA DE KHO NA LTAR THA DAD PA NYID DU MKHAS PA LEN 'DEBS PAS SO, ,RNAM PA GANG GIS LAN 'DEBS SNYAM NA, YON TAN DKAR PO 'DI RTA'I YIN NO ZHES LAN 'DEBS SO, ,DE LTA BU'I RNAM PAR LAN 'DEBS SO ZHES BYA BA'I DON TO, ,'DIR NI DE LTA BU NYID DU NGES ZHES BYA BA NI 'GRO BA 'DIR DON GZHAN GNAS BA NI MED PA'O, ,RTOG PA DANG LDAN BA NI 'DRI BA'O,, DE ZHES BYA BA NI DRES PA'O, ,TSUL LUGS GZHAN GYI ZHES BYA BA NI 'DU BA'I STOBS KYIS YON TAN GYI SGO NAS, YON TAN CAN LA SGRA 'JUG PA, ,ZHES BYA BA LA SOGS PA'O, ,TSAD MA'I 'JUG PA LA LTOS NAS, ,ZHES BRJOD PA GANG YIN PA DE GSAL LA BAR BYED PA NI, MNGON SUM NYID DAM ZHES BYA BA'O, , DES NA THA DAD SRID PA YIN TE, MI SRID PAR 'DOD DO, ,'O NA THA DAD PA'I THA SNYAD DU JI LTAR 'GYUR SNYAM NA, GANG GI TSE ZHES GSUNGS SO, ,SRID PA'I PHYIR ZHES BYA BA NI KUN BRTAGS PA LAS SO, ,DE LTA NYID CES BYA BA NI THA DAD PA NYID DU'O, ,'O NA 'JIG RTEN 'DI 'DRA BA'I THA DAD PA CI STE 'DOR ZHE NA, 'GRO BA'I RTOGS PA ZHES GSUNGS SO, ,'DI LTA BU ZHES BYA BA NI DON DAM PA'I THA DAD PA MED PA'O, ,DNGOS PO SEMS DANG NI DON DAM PA'I THA DAD PA'I SEMS PAS SO, ,CHA DE TZAM GYIS DON GRUB PAR KHAS BLANGS PAS BSLAD PAR MI SEMS SO ZHES BYA BAR DGONGS PA'O, ,DE'I PHYIR ZHES BYA BA NI MJUG SDUD PA'O, ,GAL TE ZHES BYA BA NI GZHAN GYI'O, ,BUM PA'I ZHES BYA BA 'DI NI GZUGS LA SOGS PA NYID BRJOD PA YIN NO, ,DE NYID KYI GZUGS LA SOGS PA RNAMS KYI ZHES SMOS SO, ,GZUGS LA SOGS BA RNAMS KYI ZHES BYA BA NI NYE BAR MTSON PA STE GZUGS KYI GZUGS SO, ,RO'I RO ZHES BYA BA LA SOGS PA LA YANG BLTA BAR BYA'O, ,

, ,BUM PA'I BUM PA ZHES BYA BA LA NI TSOGS PA LA LTOS NAS TE GZUGS LA SOGS PA RNAMS KYI, GZUGS LA SOGS BA ZHES BYA BA'I THA TSIG GO, ,ZHES KYI SGRA NI RNAM BA DE LTAR GYI DON TO, ,GZUGS LA SOGS PA DE RNAMS KYIS MTSUNGS PA'I 'BRAS BU NI CHU 'DZIN PA LA SOGS PA YIN LA, DE'I RGYU MA YIN PA NI SNAM BU LA SOGS PA GANG YIN PA DE, DE RNAM PAR BCAD PA'I DON DU BUM PA'I SGRA 'JUG GO, ,GANG GI PHYIR GZUGS LA SOGS PA'I NUS BA'I KHYAD PAR MA SPANGS PAR 'JUG PA DES NA, PHYOGS GCIG PA 'JUG PA GZUGS LA SOGS PA'I SGRA DANG 'DI GZHI MTHUN PAR JI LTAR 'GYUR, 'DI TZAM NYID KYIS NI RIGS DANG TSOGS PA'I SGRA GNYIS KYI KHYAD PAR YANG LEGS PAR GNAS PA YIN NO ZHES BSHAD PA NI DES NA 'DI NI ZHES BYA BA'O, ,THUN MONG GI BUM PA BRJOD PA DE NYID KYIS RIGS KYI SGRA LA TSOGS PA'I SGRA THA DAD PA YIN NO, ,RIGS KYI SGRA YANG SO SOR NUS BA'I BRJOD PA'I PHYIR TSOGS PA'I SGRA LAS THA DAD PA YIN NO; ;GAL TE YAN LAG CAN MED PA'I PHYIR BUM PA'I GZUGS LA SOGS PA ZHES BYA BA 'DIS CI STON ZHE NA, BUM PA'I NI ZHES GSUNGS SO, ,DE NUS KHYAD PAR GYI GZUGS LA SOGS PA'I NUS PA'I KHYAD PAR RO, ,CI 'DRA BA ZHIG CE NA, CHU LA SOGS PA 'DZIN PA DE NYID SPYI STE THUN MONGS BAR GYUR PA YAN LAG KHYAD PAR DU BYAS PA GANG DAG YIN PA DE DAG LA DE SKAD CES BYA'O, ,THUN MONG GI NUS PA'I KHYAD PAR CAN SO SOR RANG GI NUS PA DANG LDAN PA NYID STON PA YIN NO ZHES BYA BA'I DON TO, ,'O NA NUS PA'I KHYAD PAR MED PA'I PHYIR BA LANG NYI SHU, BA LANG RNAMS KYI NYI SHU ZHES THA SNYAD THA DAD PAR JI LTAR 'GYUR SNYAM NA, PHYOGS 'DIS ZHES GSUNGS SO, ,DE DAG LA ZHES BYA BA NI BUM PA LA SOGS PA DAG LA'O, ,SO SOR NGES PA'I NUS PA MA 'PHANGS BA DES NA'O, ,DES NA 'DI RIGS DANG NI ZHES BYA BA 'CHAD PA NI, ,DE NYID KYI PHYIR ZHES BYA BA'I TSOGS PA'I SGRA 'DI NI ZHES BYA BA NI DPER NA NAGS ZHES BYA BAR 'BREL TO; ;DU BA LA SOGS PA'I GNAS NI GZUGS LA SOGS PA YIN TE DES NA RDZAS GCIG LA MA LTOS PAR BUM PA ZHES TSOGS PA'I SGRAS YIN NO, ,RIGS KYI SGRA NI ZHES BYA BA NI BUM PA'I RDZAS SO SOR CHU 'DZIN PA LA SOGS PA'I 'BRAS BU GCIG PA NYID LA STE, DPER NA SHING ZHES BYA BA BZHIN NO, ,DU BA LA

SOGS PA SO SOR GRIB MA LA SOGS PA'I 'BRAS BU GCIG SGRUB PA LA 'JUG PA LTA BU'O, ,DPER NA SHING GI SGRA RIGS KYI SGRA YIN PA DE BZHIN DU BUM PA'I SGRA YANG YIN NO ZHES BYA BA'I DON TO, ,GZUGS LA SOGS PA ZHES BYA BA NI GZUGS SA MA SPRA ZHES BYA BA LA SOGS PA THA DAD PAR BSTAN PA KHYAD PAR GANG LA LTOS PA YIN ZHES BYA BA'I DON TO, ,'BRAS BU GCIG LA LTOS NAS NI BU'I SHES PA DANG 'BREL BAR STON PA YIN LA, SO SO RANG GI 'BRAS BUL LTOS NAS NI GZUGS LA SOGS PAR BSNYAD PA YIN NO ZHES BYA BA'I DON TO, ,DI'I 'DU BYED BA'I RJES SU 'JUG PA ZHES BYA BA NI BSTAN BCOS GZHAN GYI 'DU BYED KYI RJES SU 'JUG PA'O, ,'JIG RTEN NA DANG POR BRDA SPROD PAR BYED PA SLOB PA'I PHYIR DE 'DRA BA'I GZHAL BYA NYID BYA BAR BYED DO, ,DE'I 'OG TU MU STEGS PA'I BSTAN BCOS SAM, GZHAN LAS DMAN PA NYID KYIS NA, DON DE MOD LA 'DZIN TE, DON PHRA MO BSTAN BCOS BYAD PAR CAN LAS 'DZIN PAR MI NUS SO, ,PHAL CHER ZHES BYA NI, ,DPOG PA DANG SEL BA'I NUS PA RNAM PA THAMS CAD DU NI MI 'GOG PA'O, ,DE NYID KYI PHYIR GANG ZHIG YANG DAG PAR RTOGS PA DANG LDAN PA ZHES GSUNGS SO, ,'GA' ZHIG CES BYA BA NYID GSAL BAR BYED PA NI 'BRAS BU'I KHYAD PAR NUS PA ZHES BYA BA'O, ,'DIR 'BRAS BU'I KHYAD PAR CI LA BRJOD SNYAM NA, 'BRAS BU'I KHYAD PAR YANG ZHES BYA BA'O, ,YANG NA GZUGS LA SOGS PA NYID 'GA' ZHIG DBYIBS KYI KHYAD PAR GYIS RNAM PAR GNAS PA NI BUM PA YIN LA ZHES 'BREL TO, ,CI LTAR ZHE NA DBYIBS KYI KHYAD PAR GRANG LAS ZHES BYA BA'O, ,DPER NA GZUGS LA SOGS PA BUM PA YIN NO ZHES BYA BA LTAR DE BZHIN DU GZUGS BUM PA YIN NO ZHES BYA BAR YANG 'GYUR RO SNYAM DU DGONGS NA, GZUGS BUM PAR ZHES BYA BAR NI ZHAS SMOS SO, ,PHAN TSUN KHYAD PAR MED PA BRJOD PAR 'DOD PA'I MA RTOGS PAS SHING DANG SMRAS SO, DE BZHIN DU SU TVA LA SNGON PO LA SOGS PA LA YANG MI 'GYUR TE, GNYI GA 'KHRUL BA'I PHYIR RO, ,BYAS PA DANG MI RTAG PA LA SOGS PA KHO NA LA 'GYUR TE, PHAN TSUN 'KHRUL PA MED PA'I PHYIR RO ZHES BYA BA NI RTZOD PA BO'I BSAM PA'O, ,GRUB BA'I MTHA' NI 'DI NI PHAN TSUN KHYAB PA'I DON MA YIN GYI, 'ON KYANG GCIG GIS GCIG 'PHEN PA YIN NO, DE NI SHING ZHES BRJOD PA NA SHA PA DANG SNGON PO ZHES BRJOD PA NA AUTPALA LA YOD PA

, ,YIN TE, DES NA GZHI MTHUN PA NYAMS PA MED DO, 'DIR NI BUM PA'I SGRAS GZUGS TZAM 'PHEN PA MA YIN LA, GZUGS KYI SGRAS KYANG BUM PA'I TSOGS 'PHEN PA MA YIN TE, DES NA 'DI GNYIS NI GZHI MTHUN PA MA YIN NO ZHES BYA BA'I DON TO, ,'DI GANG LAS SHE NA BUM PA'I SGRAS ZHES GSUNGS TE, SGRAS NI ZHES BYA BA'I DON TO, ,NUS PA'I KHYAD PAR NI GZUGS KYI SHES BA SKYED PAR RUNG BA'O, ,YANG JI LTAR NA PHYOGS GCIG PA'I YIN YANG SHA PA LA SHING GI THA SNYAD DU 'GYUR GYI PHYOGS GCIG TU 'GYUR BA GZUGS LA SOGS PA LA NI BUM PA'I SGRA MI 'JUG SNYAM NA, GNA'I THA SNYAD CES PAS ZHES GSUNGS SO, ,GZHAN GYI LUGS LA LTOS NAS BRJOD PA NI NUS PA NGES PA'I PHYIR RO ZHES BYA BA YIN NO, ,BUM PA'I SGRA NI GZUGS TZAM LA MI 'JUG 'ON KYANG NGO BO NYID KYI TSOGS BA KHO NA LA 'JUG PA YIN NO, ,KHYAD PAR GYI NUS PA DANG LDAN BA NI SHING SHA PA'I NUS BA DANG LDAN PA'O, ,JI LTAR 'DIR KHYAD PAR CAN GYI NUS PA DANG LDAN PA 'PHEN CE NA, 'DIR YANG ZHES GSUNGS TE, SHING GI SGRA LOG GO, ,PHYOGS 'DIS GZHAN YANG BRJOD PAR BYA ZHES BYA BA LA 'JUG BAR BYED PA NI GAL TE ZHES BYA BA'O, CI'I PHYIR ZHE NA, NYI SHU BYA BA ZHES SMOS SO, ,JI LTAR BUM PA'I SGRAS NUS PA GZHAN BRJOD PA DE BZHIN NYI SHU'I SGRAS NI MA YIN NO ZHES BYA BA'I DON TO, ,'DI GA LAS SHE NA, 'ON KYANG ZHES SMRAS SO, ,'DIR NI ZHES BYA BA NI BA LANG NYI SHUR RO, ,LAN NI DER NI ZHES BYA BA'O, MANG PO NYID KYIS ZHES BYA BA NI MANG PO NYID KYIS NYE BAR MTSON PA'I BA LANG LA SOGS PA DAG GO, ,GAL TE 'DUS PA'I KHYAD PAR BRJOD PA NYI SHU'I SGRA NYID KYIS BZHO BA DANG DGAL BA LA SOGS PA'I BYA BA DANG LDAN PA'I BA LANG RNAMS RTOGS PA NYID MA YIN NAM, DES NA BA LANG GI SGRA SBYAR BAR CI BYA SNYAM NA, DES NI BZHO BA DANG ZHES GSUNGS SO, ,GAL TE BZHO BA DANG DAG LA BA'I NUS BAS KYANG 'DUS PA'I KHYAD BAR RTOGS PAR BYED NA DE'I TSE LANG 'DUS PA'I SGRA SBYAR PAS CI BYA SNYAM PA'I DOGS PA SEL BA NI DES KYANG ZHES BYA BA'O, ,DES NA 'DI GNYIS KYANG KHYAD PAR DANG KHYAD PAR CAN GYI DNGOS POR MI 'GAL LO SNYAM DU DGONGS BA'O, ,DE BZHIN DON THA DAD BA MED BA LA YANG DE DANG DE LAS LDOG PA LA BRTEN NAS SGRA'I DON THA DAD PAR RNAM PAR GZHAG PA BYAS PA YIN NO, ,

BAG CHAGS KYI KHYAD PAR LA YANG BRTEN NAS MI 'GAL LO ZHES BYA BAR BSAMS NAS BRJOD PA NI YANG NA ZHES BYA BA'O, ,THOG MA MED PA YANG YIN LA THA SNYAD KYANG YIN PA STE, DES BSKYED PA'I BAG CHAGS GANG YIN PA DES 'DUS BYAS PA'I BDAG NYID GANG YANG YOD PA DE DAG GI THOG MA MED PA'I SKAD CIG 'DI NI RTOG PA RNAM PAR RTOG PA DANG SGRA STE DE LA YOD PA'O, ,GANG GI PHYIR THA SNYAD 'DI THOG MA MED PA'I BAG CHAGS KYI RNAM PAR 'GYUR BA'I DBANG GIS NGES PA YIN PA DES NA GANG LA'ANG ZHES BYA BA SANGS RGYAS PA LA MI BRTZAD DE ZHES BYA BA NI, DON DAM PA'I KHYAD PAR MED NA KHYAD PAR DANG KHYAD PAR CAN LA SOGS PA'I DNGOS POR JI LTAR 'GYUR ZHES BYA BAR RO, ,'DIS NI BRGAL ZHING BRTAG PAR BYA BA 'GA' YANG YOD PA MA YIN NO ZHES BSTAN PA MA YIN NO, ,RGOL ZHING RTOG PA YANG YOD PA MA YIN NO ZHES BRJOD PA NI GANG GI KYANG NI BRTZAD MI BYA ZHES BYA BA STE, RIGS PA CAN LA SOGS PAS SO, ,GAL TE DE LTAR SGRA DON RNAM PAR GZHAG PA LA 'CHAD PA MED MOD, DE LTA NA YANG SPYI LA SOGS PA LTOS PAR BYA BA YIN NO ZHES GZHAN DAG BRGYA LA SMRA BAR 'GYUR BA'I PHYIR GAL TE ZHES GSUNGS SO, ,JI SKAD DU BRJOD PA'I BLO'I RNAM PAR 'GYUR BA TZAM GYIS BKOD PA DON DAM PA MA YIN PA LA, SPYI BZHI MTHUN PA LA SOGS PA RNAM LA, GAL TE JI SKAD BRJOD PA'I RIGS PAS CAD PA 'GA' YANG MED NA, DE DE'I TSE GANG GI SPYI SOGS PA DE YOD PA LA LTOS PAR BYA BA YIN NO ZHES RTZOD PAR BYED PA RIGS LDAN MIN LA 'DIR CI SMOS TE, YAN LAG CAN DANG LDAN PA LA SOGS PA RIGS LDAN MIN LA STE, TSAD MA CAN MA YIN PA LA CI LTOS TE LTOS PAR BYA BA CI YOD DE LTAR BRJOD BYA BSLAD PAR BSTAN NAS, SKABS KYIS RJOD PAR BYED PA YANG LOG PA DANG LOG PA MA YIN PA'I RNAM PAR DBYE BA RNAM PA'I BSLAD PAR BSTAN PA'I DON DU THA MAL ZHES SMOS SO, THA MAL PA'I BSTAN BCOS LA SGRA'I 'DUS BYAS PA GANG YIN PA DER MA 'CHOL BA MTHONG BA MED DO, , GANG ZHIG CE NA RTAGS SO, ,DPER NA STON SHA RA DO ZHES BYA BA 'DI LA, SHA RAD DE DANG SAN [?] GYI MTHA' CAN DANG, PRA NED DANG, SHI RO DANG, NA BHA DANG, SKYES BU'O ZHES BYA BAS PHO RTAGS SU 'GYUR BA BZHIN NO, ,TSIG KYANG MA 'CHOL BAR MTHONG BA MED DE PER NA KHYED CAG RNAMS KYI NOR ZHES BYA BA LA,

, ,TUMHA NANG ZHES BYA BA DRUG PA MANG PO'I TSIG GI MTHA' CAN KHYED GNYIS ZHES BYA BA'I DON LA SBYOR BA BZHIN NO, ,DE SKAD DU YANG MDO LAS GNYIS LA MANG PO'I TSIG GO ZHES 'BYUNG NGO, ,GAL TE DE LTAR RTAGS LA SOGS PA THA DAD BAR 'GYUR MOD, DON NI GCIG BO NAS YIN NO SNYAM NA; DE LA DON ZHES GSUNGS SO, ,DPER NA AAS PA ZHES BYA BA, THA MA LA PAR NI BDAG NYID RJOD PAR BYED PA YIN LA, LEGS PAR SBYAR BA NI CHU 'THUNG BA RJOD PAR BYED PA BZHIN NO, ,RANG BZHIN THA DAD PA NI GSAL BAR GRAGS PA'I PHYIR MI BRJOD DO, ,DE LAS CIR 'GYUR SNYAM NA, DE LA MI RIGS YOD PA YIN, ,ZHES SMOS SO, ,DER NI RTAGS LA SOGS PA DE 'DRA BA KHO NA TSAD MA YIN PA'I PHYIR LEGS PAR SBYAR BA KHO NA BZANG PO YIN PAR 'GYUR RO SNYAM DU DGONGS PA'O, ,LEGS PAR SBYAR BA LA ZHES BYA BA NI LEGS PAR SBYAR BA'I SBYOR BA LA'O, ,DE ZHES BYA BA NI RTAGS LA SOGS PA PHYIN CI LOG DANG LDAN PA MA YIN PA'O, ,'GYUR BAR SRID PA YIN NO ZHES BYA BA NI DGOS PA'I DON TO, ,DE YANG MA YIN NO ZHES BYA BA BRJOD PA NI, MTSAN NYID KYIS NI LEGS BSGRUBS LA, ,ZHES BYA BA'O, ,RANG GI MTSAN NYID JI LTA BA YIS BYE BRAG TU BSGRUBS PA'I SGRA LAS LEGS PAR BYAS BRJOD PA YIN LA, DE NI LEGS BAR SBYAR BA DANG THA MAL PA LA MTSUNGS PA YIN NO, ,DES JI LTAR GCIG LEGS PAR SBYAR BA YIN LA GZHAN MA YIN TE, RANG RANG GI MTSAN NYID KYIS LEGS PAR BSGRUBS PA NI THAMS CAD LA YOD PA'I PHYIR RO, 'ON TE LEGS PAR SBYAR BA'I MTSAN NYID STON PA'I SKYES BU TSAD MA YIN GYI GZHAN NI MA YIN NO ZHE NA, 'DI LA RIGS PA 'GA' YANG MED DE, 'DI NI DOD PA'I DON 'DON PA TZAM DU STON PA YIN NO, ,DE'I PHYIR THA MAL PA LA SOGS PA YANG , MTSAN NYID KYIS BSGRUBS PA YIN PA'I PHYIR NA LEGS PAR SBYAR BA DANG CIG SHOS KYIS RNAM PAR DBYE BA MED PA'I PHYIR LEGS PA DANG MI LEGS PAR RNAM PAR GNAS PA MED DO, ,'ON TE, LEGS SBYAR ZHES BYA LHA YI NGAG ,DRANG SRONG CHEN PO RNAMS KYIS BSHAD, ,ZHES BYA BAS LHA'I TSIG NI LEGS BAR SBYAR BA YIN LA, DE LAS GZHAN NI LEGS PAR SBYAR BA MA YIN NO SNYAM DU DGONGS NA, LEGS PAR SBYAR DANG LEGS SBYAR MIN, ,ZHES SMOS SO, ,

'DI KHO NA LHA'I NGAG YIN NO ZHES BYA BA LA TSAD MA MED PA'I PHYIR RO, ,DES NA 'DI LTAR 'GYUR RO ZHES BRJOD PA NI 'DIR NI ZHES BYA BA STE, LEGS PAR SBYAR BA DANG, LEGS PAR SBYAR BA MA YIN PA NYID DO, ,DON YOD MA YIN YANG ZHES BYA BA'I SGRA RNAMS NI DON RTOGS PA TZAM LA NYE BAR MKHO BA YIN NA DE NI LEGS PAR SBYAR BA MA YIN PA LA YANG NYAMS PA MED DO, ,'DI ZHES BYA NA NI SGRA BYE BRAG TU BSHAD PA'O, ,PHYIS GZHAN NYID BCOS ZHES BYA BA NI BA LANG GI TSOGS KYI TSUL DU DE'I LAM DU 'JUG PA DAG GO, DES 'DIS 'DI DAG LA, ,CI ZHIG BRJOD PA MI SHES SO, ,ZHES BYA BA NI SHIN DU TSABS CHEN POR LEGS PA DANG LEGS PA MA YIN PAR 'DZIN PA'I RMONGS PA BSAL BA'I DON DU CI GZHIG BRJOD PAR BYA BA YIN TE, 'DZIN PA DAM PA NYID KYIS RIGS PA BRJOD KYANG MI RTOGS PA'I PHYIR RO, ,CHOS DANG CHOS MA YIN PA'I RGYU MTSAN NYID KYANG LEGS PAR SBYAR DANG LEGS PAR SBYAR BA MA YIN PA NYID DU RIGS PA MA YIN NO ZHES BRJOD PA NI, MA MTHONG BA'I DON BRJOD NI ZHES BYA BA'O, ,GAL TE LAS NI 'DIS CHOS SU 'GYUR RO ZHES BYA BA'I BRO BA'I TSIG LA YID CHES PA MED PA MA YIN NAM, LEGS PAR SBYAR BA MA BRJOD NA PHUNG BAR 'GYUR RO ZHES BYA BA LA SOGS PA'I TSIG LA NI YID CHES PA YIN PA'I PHYIR, KHYAD PAR CHE ZHE NA, DE LA ZHES SMOS TE, BRO BA'I NGAG BZHIN NO, ,DES ZHES BYA BA NI NYE BAR SDUD PA'O, ,DE'I PHYIR BRJOD BYA DANG RJOD BYED KYI DNGOS PO LA YANG RTOG BA RTZAM SKYABS YIN PA'I PHYIR SGRA TZAM LAS MA GTOGS PAR NI YAN LAG CAN LA SOGS PA GRUB PA MED DO ZHES GNAS SO, ,DE LTAR YAN LAG CAN BSAL BA'I PHYIR NA LUS 'BYUNG BA'I RDUL PHRA RAB KYI TSOGS TZAM ZHIG YIN PAR LUS PA YIN NO, ,DES NA SHES PA DE'I NYE BAR LEN PA CAN YIN PAR SMRA BA RNAM PAR BRTAG PA'I DON DU GAL TE ZHES GSUNGS SO, ,SKYES PA YIN NA ZHES BYA BA NI SHES PA'O, ,RTZA BA LA SOGS PA RGYU YIN PA LTA BU ZHIG GO ZHES 'BREL TO, ,YAN LAG GCIG DANG BRAL NA'ANG MIN, ,ZHES BYA BA NI LUS SO, ,MIN ZHES BYA BA NI SHES PA SKYED BAR MI 'GYUR RO, ,RDUL PHRA RAB 'PHEL BA DANG 'GRIB PA NI RTOGS PAR MI NUS PA'I PHYIR NA SER MO LA SOGS PA BRJOD PA YAN LAG GI SGRAS THA SNYAD DU BYAS SO, ,RNAM PAR RTOG PA

, ,GNYIS PA SEL BA NI RE RE ZHES BYA BA'O, ,MANG POR 'BYUNG BAR 'GYUR ZHES BYA BA NI RNAM PAR SHES PA MANG PO 'BYUNG BAR 'GYUR RO GAL TA 'BYUNG BA DANG RNGUB PA DAG NGES PAR BYED PA YIN PA'I PHYIR CIG CAR MANG PO 'BYUNG BAR MI 'GYUR RO SNYAM DU DOGS NA, DU MA NYID DU ZHES GSUNGS SO, ,LUS BZHIN DU 'BYUNG BA DANG RNGUB PA DAG KYANG YUL THA DAD PAR DANG 'BREL BA'I PHYIR DU MA NYID YIN PAR NGES BAR BYED PA MA YIN NO ZHES BYA BA'I DON TO, ,DE MED KYANG ZHES BYA BA NI GCIG MED KYANG PO, ,'ON TE ZHES BYA BA LA SOGS PAS NI RNAM PAR RTOG PA GNYIS PA SLONG BA'O, , RNAM 'GREL GYI LHAG MA PHYED PO 'CHAD PA NI, DE SKYES PAR BYED PA NI ZHES BYA BA'O, ,GAL TE 'DI DAG SKYED BYED YIN MOD, DE LTA NA YANG LUS KYI CHU DU MA LHAN CIG BYED PA YIN PA'I PHYIR CHA GCIG MED NA YANG RNAM BAR SHES PA SKYE BAR MI 'GYUR SNYAM NA, CHA SHAS GCIG 'GA' GANG YIN PA, , ZHES GSUNGS TE, ,THAMS CAD NI MA YIN PA'O, ,DE'I ZHES BYA BA NI LUS KYI'O, ,LHAN CIG BYED PA ZHES BYA BA NI SKABS KYIS 'BYUNG RNGUB DAG GI'O, ,DES NA RNAM PAR SHES PA MI SKYE BA YIN NO SNYAM DU BSAMS PA'O, ,'ON NI LHAN CIG BYED PA THA DAD PA GZHAN DANG GZHAN LAS RNAM PAR SHES PA THA DAD PAR 'GYUR RO SNYAM NA, LHAN CIG BYED PA ZHES SMOS SO, ,'BYUNG RNGUB DAG KYANG ZHES BYA BA NI LUS 'BA' ZHIG TU MA ZAD PA'O, ,DE NYID DU ZHES BYA BA NI LUS LA BRJOD PA GAN YIN PA'O, ,'DI DAG DU MA NYID KYANG YUL DU MA DANG 'BREL PA'I PHYIR RO, ,THAL BDE GANG YIN SNYAM NA YANG LAG GCIG CES GSUNGS SO, ,MI 'BYUNG BA'AM SHES BYA BA NI RNAM PAR SHES PA SKYE BAR ZHES BYA BA SKABS YIN NO, ,SKYES BU GANG LA DBUGS JI TZAM YOD PA DE TZAM LAS DMAN PA'I GNAS SKABS NA'O, ,'DI NI THAL BA GCIG GO, ,DU MA 'BYUNG BAR 'GYUR RO ZHES BYA BA SO SOR BUS PA'I PHYOGS LA THAL BA GNYIS PA'O,, GAL TE 'BYUNG BA DANG RNGUB PA DAG LA GCIG NYID DU GRUB PA MA YIN NAM, DES NA LUS BZHIN DU THAL BAR JI LTAR 'GYUR SNYAM NA, LUS BZHIN DU ZHES SMOS SO, ,GANG GI PHYIR 'GAL BA'I CHOS GNAS PA THAMS CAD LA MTSUNGS PA'I PHYIR NA LUS BZHIN DU 'DI GNYIS GCIG NYID DU MA GRUB PA DE'I

PHYIR THAL BA DE NYID DU 'GYUR RO, ,'ON TE GCIG NYID DU ZHES BYA BA NI 'BYUNG BA'AM RNGUB PA DE DUS GZHAN DU YANG RANG BZHIN GCIG NYID YIN NAM, SKAD CIG MA'I RANG BZHIN YIN, ,DE LA PHYOGS DANG PO LA BRJOD PA NI GCIG NYID YIN NA ZHES BYA BA'O, ,MA GSAL 'GYUR ZHES BYA BA NI RIM MA YIN BAR 'GYUR RO, ,DE RGYU NI RNAM PAR SHES PA DU MA'I RGYU'O, ,DES NA ZHES BYA BA NI DU MA GSAL BAR 'GYUR BA SA NA'O, ,PHYED PHYI MA 'CHAD PA NI 'ON TE ZHES BYA BA'O, ,CI'I PHYIR BRGAL ZHING BRTAG PAR 'OS PA MA YIN ZHE NA, ME NI ZHES GSUNGS SO, ,MA YIN TE ZHES BYA BA NI SUN 'BYIN PA'O, , KHYAD PAR MED PHYIR ZHES BYA BA 'DI'I BSHAD PA NI KHYAD PAR MED PA'I PHYIR RI ZHES BYA BA 'DI YIN TE, 'BYUNG BA LA SOGS PA'O, ,RE ZHIG JI LTAR ME LA THAL BA MED PA DE LTAR BRJOD PA NI ME LAS NI ZHE PA'O, ,DMIGS PA NI SKYE BA'AM TSAD MAS NGES PA'O, GAL TE MED DE NYID LAS RIM BA DANG LDAN PA'I DU BA MTHA' DAG SKYE BAR 'GYUR NA NI DE LAS YANG THAL BAR 'DIR 'GYUR BA ZHIG NA, DE LTA NI MA YIN TE, ME GZHAN DANG GZHAN NYID YIN BAR GSAL BAR NGES PAR GZUNGS BA'I PHYIR RO, ,SKABS LA NI THAL BAR 'GYUR BA KHO NA'O ZHE KHYAD PAR BRJOD PA NI 'DIR NI ZHES BYA BA'O, ,SAD PAR BYED PA'I RKYEN NI YUL NYE BA'O; ,DE YANG 'DOD CHAGS LA SOGS PA'I SEMS KYI RGYU MA YIN TE MA NGES PA'I PHYIR RO ZHES BRJOD PA NI SAD PAR BYED PA'I ZHES GSUNGS SO, ,GCIG GI SNYING DU SDUG PA GANG YIN PA DE NI GZHAN LA MA YIN NO, ,GCIG NYID LA YANG SDUG PA NYID, ,RES 'GA' MI SDUG PAR 'GYUR RO, ,ZHES BYA BA LA SOGS PA NI NGES PA MED PA'I DON TO, ,DES NA YUL NI 'DOD CHAGS LA SOGS PA'I RGYU MA YIN NO ZHES BYA BAR BSAMS PA'O, ,SAD PAR BYED PA 'DOD CHAGS LA SOGS PA'I RGYU MA YIN NO ZHES BYA BA 'DI GA LAS YIN SNYAM NA, SNGON GYI 'DU BYED CES BYA BA GSUNGS TE, STOBS DANG LDAN PAS NI 'DOD CHAGS LA SOGS PA GRAGS PAR 'GYUR LA MI LDAN PAS NI DMAN PAR 'GYUR RO, ,DES NA ZHES BYA NA NI GANG GI PHYIR DBUGS DBYUNG BA LA SOGS PA GCIG NYID LAS 'DOD CHAGS LA SOGS PA'I SEMS 'BYUNG BA'I GTAN TSIGS DES NA'O, ,SEMS KYI RGYU MA YIN NA ZHES BYA BA NI SNGAR RO, ,DE BAS NA SNGAR

, ,DANG PHYIS KYANG RGYU MA YIN BA'I PHYIR DBUGS DBYUNG BA LA SOGS PA NI RGYU NYID DU MI 'GYUR RO, ,DE STE RGYU YIN NA DE'I TSE, DE'I RANG BZHIN NAM YANG NA NYAMS PA MED PA'I PHYIR 'DOD CHAGS LA SOGS PA'I SEMS GZHAN DANG GZHAN 'BYUNG BA'I PHYIR GCIG YIN YANG GCIG NYID KYIS TSE MANG PO GSAL BAR 'GYUR RO ZHES GRUB PO, ,DE BAS NA RIM GYIS KYANG DU MA'I RGYU NYID DU MI 'THAD DO, ,DES NA TSU ROL MDZES PA LAS SNGON GYI 'DU BYED PA NYID RGYU YIN PAR THAL BAR 'GYUR RO, ,SANGS RGYAS LA LTOS NAS NI 'DI THAL BA MA YIN TE, MNGON PAR 'DOD PA NYID YIN PA'I PHYIR RO, , BRJOD PA YIN TE ZHES BYA BA NI, GCIG NYID NA'ANG MANG GSAL 'GYUR, ,ZHES BYA BA LA SOGS PA SUN 'BYIN PA'O, ,GCIG NYID DU 'THAD PA NI'O, ,DE LAS ZHES BYA BA NI 'BYUNG RNGUB LAS SO, ,YANG NA GAL TE 'BYUNG RNGUB LAS NGES PA MA YIN NA 'O NA GANG LAS NGES PA YIN SNYAM NA, DE LAS NGES PA YIN ZHES YANG BZLA BAR BYA'O, ,SNGA MA SNGA MA'I 'DU BYED PA LAS SEMS PHYI MA PHYI MA NGES PA YIN NO ZHES BYA BA'I DON TO, ,'ON TE SNGA MA DANG PHYI MAR RANG BZHIN GCIG PA'I BLO NYID KYIS DON DU MA 'DZIN PA YIN NA, DE'I TSE GCIG GIS DU MA SHES PAR MKHAS PAR GYUR PA NA, DON DU MA CIG CAR NYID SHES PAR 'GYUR RO, ,CI'I PHYIR ZHE NA 'GAL BA MED PHYIR RO, ,RTAG PA'I RANG BZHIN DON CIG CAR 'DZIN PA LA 'GAL BA CI YANG MED DO ZHES BYA BA'I DON TO, ,'ON TE DON CIG CAR 'DZIN PAR NUS PA MA YIN NO SNYAM NA, RIM GYIS KYANG MIN ZHES SMRAS SO, ,DBUGS 'BYUNG BA LA SOGS PA LAS BLO GCIG NYID DU NGES PA MA YIN PA'O, ,DES NA MANG PO GSAL BAR THAL BA JI LTAR SPANG BAR BYA SNYAM DU DGONGS PA'O, ,'O NA ZHES BYA BA NI GZHAN SANGS RGYAS PA LA 'DRI BA'O, ,GAL TE RIM GYIS DON MDZAD PA'I BLO DU MAR GYUR BA DE NI DE'I TSE DE DAG CIG CAR 'BYUNG BAR BRJOD PA MDZES PA MDZES PA ZHIG NA, 'ON KYANG DE NI GCIG KHO NA YIN NO ZHES DGONGS PAR BYED PA NI, 'ON TE ZHES BYA BA'O, ,GANG GI PHYIR GCIG NYID DON DU MAR RIM GYIS 'DZIN PA'I RANG BZHIN YIN PA'I GTAN TSIGS DES NA'O, ,'DI LA RE ZHIG RANG NYID LAN 'DEBS PA NI DE YANG ZHES BRJOD PA'O, ,BDE BA LA SOGS PA'I

RNAM PA LAS MA GTOGS PAR YID DMIGS PA MED PA'I PHYIR DE DON DU MA 'DZIN PA NYID DU JI LTAR BRJOD CES BYA BA'I DON TO, ,'ON TE GZUGS LA SOGS PA'I RNAM PA NI DON NYID KYI YIN GYI SHES PA'I BDAG NYID NI MA YIN NO, ,DE LA SNANG BA YANG GZUGS BRNYAN YIN TE, RNAM PA MED PA BLO TZAM GYI RANG BZHIN NI RNAM PA THAMS CAD KYI RJES SU 'JUG PA YIN PA'I PHYIR RO SNYAM DU BSAMS NAS, GZHAN GYIS GAL TE YID NI ZHES SMOS SO, ,GAL TE RNAM PAR SHES PA BYA BA MED PA NYID LA BRTEN NAS, ZHES BYA BA NI RNAM PA DE'I BDAG NYID DU GYUR PA DANG MA 'BREL PA'I RNAM PAR SHES PA LA BRTEN NAS SO, ,DON GYI GZUGS BRNYAN TZAM SKYE BA YIN NA, DE'I TSE DON RNAM LA SHES PA DANG NYE BA'I RIM PA KHYAD PAR MED PA'I PHYIR NYE BA'I DON THAMS CAD CIG CAR 'DZIN PAR THAL BAR 'GYUR RO, ,CHAGS PA LA SOGS PA'I GNAS SKABS SU NI 'GA' ZHIG KHO NA LA SHES PAR YANG MTHONG BA YIN NO, ,'ON TE ZHES BYA BA NI GZHAN GYI'O, ,GOMS PA'I KHYAD PAR GYI RIM PAS GANG LA CHAGS PA DE LA GZUGS BRNYAN SKYE BA'I PHYIR SHES PA YIN GYI, GZHAN LA NI MA YIN TE, DES NA CIG CAR DON 'DZIN PAR THAL BA MA YIN NO SNYAM NA, LAN DU 'O NA DE NYID CES GSUNGS TE; BSGOMS PA NYID DO, ,DON GYI RNAM PA'I ZHES BYA BA GZUGS BRNYAN GYI'O, ,DBUGS 'BYUNG BA LA SOGS PA ZHES BYA BA NI DE DAG NI YOD KYANG 'GA' ZHIG LA CHAGS PA NA BYA BA BYED PA'I PHYIR RO, ,DE LA NI KHO BO CAG KYANG SHES PA DANG RNAM PA DAG THA MI DAD PAR SGRUB PAR BYED PA DE 'DRA NGA LA 'CHOL BA MED DO, ,GANG GI DBANG GIS YUL RTOGS PAR RNAM PAR GZHAG PA, GOMS PA SNGA MA SNGA MA SNGON DU 'GRO BA CAN GYI GZUGS BRNYAN DE GRUB STA, 'BYUNG DANG RNGUB PA RGYU MA YIN NA, DE TZAM GYIS RNAM PAR SHES PA THOG MA MED PA GRUB PA DANG SHES PA DANG SHES BYA'I THA SNYAD YONGS SU RDZOGS PAS 'DIR GZUGS BRNYAN DANG THA MI DAD PA'I SHES PA BTZAL BA SA SA CI ZHIG BYA, GZUGS BRNYAN GYI SGRAS BRJOD PAR BYA BA'I DON, SNGA MA SNGA MA'I GOMS PA LAS RGYUN 'JUG PA DE NYID KHO BO CAG SHES PA BRJOD PA YIN TE, DE LAS GZHAN PA'I SHES PA LA TSAD MA MED PA'I PHYIR RO, ,DE LAS THA DAD

, ,PA'I SHES PA GRUB PA NI RIGS PAS KYANG GSAL PA'I PHYIR RO, ,DE BAS NA GZUGS BRNYAN 'DI NI LUS KYIS BSKYED PA YIN YANG GOMS PA SNGA MA SNGA MA'I BDAG PO LA STOS PA KHO NA'O, ,LTOS PA MED NA NI SHES PA THA DAD PAR KHAS BLANGS KYANG NYES PA DE GNAS PA KHO NA'O ZHES STON PA NI PHYED PO PHYI MA 'CHAD PA NI, ME LONG BZHIN DU ZHES BYA BA'O, ,'ON TE ZHES BYA BA NI CHAGS PA'I YUL LAS GZHAN 'DZIN PA'I NUS PA'O, ,DON GZHAN DE 'DZIN PAR MI 'GYUR RO, ,DE YAN CHAD KYIS NI BRTAG PA'I PHYOGS LA DBUGS 'BYUNG BA LA SOGS PA'I SHES PA'I RGYU YIN PA BSAL NAS, SKAD CIG GI PHYOGS DGAG PA'I DON DU GZHAN GYI DOGS PA BSU BA NI, 'ON TE ZHES BYA BA'O, ,DE LA YANG ZHES BYA BA NI RNAM PA MED PA'I SHES PA 'GA' ZHIG TU MA ZAD DE DBUGS 'BYUNG RNGUB LA YANG NGO, ,SKAD CIG MANG PO NI YAN LAG CAN SUN PHYUNG BA'I PHYIR RO, ,BRGYA LA DUS GCIG TU NYE BAR GNAS PA NYID DU 'GYUR RO SNYAM DU DOGS NA, SNGA MA DANG PHYI MAR YANG DE LTA BUR GYUR PA NYID DU STON PAS RIM PA CAN DU STON PA NI, RANG RIGS MIN PA'I DUS CAN GYI, ,ZHES BYA BA'O, ,'DI DAG RANG GI RIGS KYI DUS NA NGES PAR YOD PA DE BZHEN DU SNGA MA DANG PHYI MAR YANG YIN TE, DE 'DRA BA'I TSOGS PA YOD PA'I PHYIR RO, ,DE 'DRA BA'I SEMS NYID KYI ZHES BYA BA NI SKAD CIG MANG PO DUS GCIG PO DER MA NGES PA'I'O, ,DE DAG CES BYA BA NI DBUGS DBYUNG BA DANG GO, ,DANG PO NI SKYE PA DANG PO'O, ,DE'I SNGA ROL NA RANG GI RIGS KYI DBUGS 'BYUNG BA MED PA'I PHYIR RO, ,DE NYID BRJOD PA NI GANG GI PHYIR ZHES BYA BA BSNAN TE, DE RGYU DE 'DRA YOD MA YIN, ,ZHES BYA BA STE, 'JIG RTEN PHA ROL MI 'DOD PA'I PHYIR RO, ,YOD KYANG ZHES BYA BA NI DE'I RGYU DE 'DRA BA'O, ,DE NI MED BZHIN DU LA SOGS PA KHAS BLANGS BA YIN NO, ,DBUGS DBYUNG BA RNAMS DU MA NYID DU NGES SO, ,CI'I PHYIR SNYAM NA DBUGS 'BYUNG THA SNYAD YUL CAN PHYIR TE, YUL RGYA CHER KHYAB PA'I PHYIR RO, ,DE'I PHYIR ZHES BYA BA NI DBUGS 'BYUNG BA RNAMS GCIG YIN PA'I PHYIR, RNAM PAR RTOG PA RNAM CIG CAR SKYE BAR 'GYUR RO, ,'DI NI TSU ROL MDZES PA LA LA 'JIG RTEN PHA

ROL GRUB PAR THAL BA YANG BAR DOR NAS BRJOD PA YIN NO, ,RNAM PAR 'GREL PA NI DBUGS SKAD CIG MA ZHES BYA BA STE, 'DIS RANG GI GZHUNG LAS 'DAS KYANG GZHAN GYI BSGRUB BYA MI 'GRUB BA ZHES STON PA YIN NO, ,RIM GYIS 'BYUNG BA NI ZHES BYA BA NI DBUGS 'BYUNG BA YANG RIM GYIS 'BYUNG BA YIN NO SNYAM DU DGONGS PA'O, ,RNAM 'GREL GNYIS PA RNAM PAR 'GREL PA NA LAN GSUNG PA NI, DBUGS 'BYUNG BA LA SOGS PA DE NYID CES BYA BA'O, ,JI LTAR 'JIG RTEN PHA ROL KHAS MA BLANGS KYANG DBUGS NYID DBUGS KYI RGYU YIN PA DE LTAR GZHAN DAG 'DOD PA'I DOGS PA BSU BA NI PHA MA'I DBUGS NYID CES BYA BA'O, ,MA YIN TE ZHES BYA BA NI SUN 'BYIN PA'O, ,DE LTA BU'I BDAG NYID DU GYUR PA ZHES BYA BA NI PHA MA DAG GI DBUGS ZHAN PA DANG DRAG PA LA SOGS PA'I RANG BZHIN CI 'DRA BA'O, ,GZHAN YANG DE LTA NA PHA MA NYID KYI SEMS 'PHOS PAS CI STE MI BRJOD, DE LA YANG SNGAR BRJOD ZIN TO, ,DE'I PHYIR DANG PO DBUGS 'BYUNG BA MI RUNG NGO, ,DBUGS 'BYUNG THA DAD YUL CAN PHYIR, ,ZHES BYA BA LA SOGS PA RNAM PAR 'GREL BA NI KHAS BLANGS NAS ZHES BYA BA'O, ,DBUGS DANG PO 'BYUNG BAR KHAS BLANGS NAS BRJOD PA'O, ,CI BRJOD PA DE GANG ZHE NA, BSHAD PA DBUGS RNAMS NI DU MA NYID DE ZHES BYA BA'O, ,CI'I PHYIR ZHE NA, YUL ZHES BYA BA'O, ,'DI NYID GSAL 'DEBS PA NI YUL DU MA ZHES BYA BA'O, ,DE LTAR GYUR NA NYES PA CI YOD SNYAM NA, DBUGS DU MA ZHES BYA BA'O, ,YID KYI RNAM PAR SHES PA NGU MA CIG CAR SKYE BAR THAL BAR 'GYUR RO; ;SKAD CIG MA'I PHYOGS LA LTOS NAS KYANG, KYANG GI SGRAS BSDUS PA'I GNOD PAR BYED PA GZHAN BRJOD PA NI RIGS MTHUN PA'I YID NI ZHES BYA BA'O, ,DBUGS LA SOGS PA SKAD CIG GCIG LA CI 'DRA BAR GYUR PA DE 'DRA BA NI SKAD CIG GZHAN DU YANG YIN TE, DES NA YID KYI RNAM PAR SHES PA CI 'DRA BA ZHIG GCIG GI TSE SKYES PAS DE 'DRA NYID GZHAN GYI TSE YANG 'GYUR GYI DE 'DRA BA MA YIN PAR MI 'GYUR TE, RGYU RNAMS MTSUNGS PA'I PHYIR RO, ,'ON TE SKAD CIG THA DAD PA NYID LAS RIGS MI MTHUN BA SKYED PAR 'GYUR BA YIN NO SNYAM NA, SKAD CIG THA DAD PA NYID KYIS

, ,ZHES SMOS SO, ,'O NA CIS 'GYUR SNYAM NA, JI LTAR RIGS MTHUN PA'I ZHES GSUNGS SO, ,DU MA ZHES BYA BA NI RIM GYIS 'BYUNG BA'I PHYIR RO, ,GAL TE ZHES BYA BA NI GZHAN DAG YID KYI RNAM PAR SHES PA DU MA CIG CAR SKYE BAR THAL BA YOD PA'O, ,ZHING DANG SA BON DANG CHU LA SOGS PA BZHIN NO SNYAM DU YID LA GZHAG PA'O, ,'ON TE GZHAN DU YIN ZHES BYA BA NI JI LTAR SRID PAS SO, ,DE LA PHYOGS DANG PO SEL BAS NI, TSOGS PA'I RANG BZHIN GYIS ZHES BYA BA'O, ,TSOGS PA MA TSANG BA NI TSOGS PA'O, ,GZHAN DU YIN ZHES BYA BA'I PHYOGS LA BRTEN NAS BSHAD PA NI 'ON TE JI LTAR ZHES BYA BA'O, ,'DI NI JI LTAR YOD RGYU YIN, ,ZHES BYA BA'I 'GREL PA'O, ,NYE BAR GNAS PA RGYU NYID MA YIN TE ZHES BYA BA NI 'BRAS BU DE 'DRA BA NYID KYI ZHES BYA BA BSAMS PA'O, ,'ON KYANG NYE BAR GNAS PA MA YIN NO ZHES BRJOD PAR BYA'O, ,DE LTAR NI BRJOD PAR 'THAD PA MA YIN TE, CHOD PA'I RJES SU 'GRO BA DANG LDOG PA'I RJES SU MI BYED PA'I PHYIR RO, ,LDOG PA'I RJES SU MI BYED KYANG RGYU MA YIN PAR JI LTAR 'GYUR SNYAM NA, RGYU DANG 'BRAS BU NYID NI ZHES BYA BA'O, ,DES NA NYE BAR GNAS PA MA YIN PA NI RGYU MA YIN NO SNYAM DU DGONGS PA'O, ,DE BAS NA ME'I BUD SHING BZHIN DU TSANG BA DANG MTSANG BA'I RGYU NGAG NI DE 'DRA BA NYID KYI RGYU MA YIN NO ZHES STON PA NI DE'I PHYIR ZHES BYA BA'O, ,DE YOD NA YOD PA NYING CES BYA BA'I DGOS PA'I DON NI 'DI YIN TE, RGYU DANG 'BRAS BU'I DNGOS PO RNAM PAR GNAS PA'I RGYU MTSAN NI DE YOD NA YOD PA NYID YIN TE 'DIR DE'I KHYAD PAR SKYED PA LAS LTOS PA LA CI BYA ZHES BYA BA'O, ,MA YIN TE ZHES BYA BA NI DE YOD NA YOD PA NYID RGYU MTSAN ZHES BYA BA RJES SU 'JUG PA'O, ,CI'I PHYIR ZHE NA, DE YOD NA YOD PA NYID NI ZHES BYA BA'O, ,KHYAB PAR ZHES BYA BA NI LHAG MA'O, , DE 'GYUR NA 'GYUR BA NYID MED PAR DE YOD NA YOD PA NYID MI RTOGS SO ZHES BYA BA'I DON TO, ,'DI NYID STON PA NI DE YOD NI ZHES BYA BA'O, ,DE LTAR ZHES BYA BA NI RNAM 'GYUR RGYU MED PA CAN YIN NA'O, ,THAMS CAD RGYU MED PAR 'GYUR ZHES BYA BA NI DE YOD NA YOD PA NYID KYANG MED PAR 'GYUR RO ZHES BYA

BA'I DON TO, ,'ON TE ZHES BYA BA NI GZHAN GYI'O, ,DE TZAM NYID LAS ZHES BYA BA NI KHYAD PAR DANG BRAL BA'I RGYU TZAM 'BA' ZHIG LAS SO, ,LAN NI DANG PO NYID CES BYA BA'O, ,GANG GI TSE ME DANG BUD SHING STOBS DANG LDAN PA MA YIN PA DE'I TSE YANG DU BA DRAG PO NYID DU 'GYUR RAM CI ZHES BYA PA'I DON TO, ,DE'I PHYIR DE'I KHYAD PAR GYI RJES SU BYED PA DE'I TSE YANG DU BA DRAG PO NYID DU 'GYUR RAM CI ZHES BYA KHYAB PA'I PHYIR, DE YOD NA YOD PA NYID RGYU DANG 'BRAS BU'I DNGOS PO RNAM PAR GNAS PA'I RGYU MTSAN DU JI LTAR RTOGS, 'DIS NI ZHES BYA BAS NI RGYU KHYAD PAR MED PAS 'BRAS BU KHYAD PAR MED PAR BSTAN PAS SO, ,YONGS SU 'GYUR BA'I KHYAD PAR LA LTOS PA'I ZHES BYA BA NI KHYAD PAR GZHAN DANG GZHAN DAG DANG LDAN PA STE, DE LTA BU'I LUS LAS RNAM PAR SHES PA GZHAN DANG GZHAN SKYE BA YIN LA KHYAD PAR THAMS CAD MED NA 'CHI BA'I GNAS SKABS NA MI SKYE BA YIN NO ZHES BYA BA'I DON TO, ,LUS KHYAD MED PA'I PHYIR NA YONGS SU GYUR PA 'DI'I YANG KHYAD PAR GANG LAS 'BYUNG BA YIN TE, RIM PA DANG LDAN PA'I LUS RNAMS NI 'BYUNG BA CHEN PO BZHI TZAM GYI RANG BZHIN NYID KYIS KHYAD PAR 'GA' YANG MED PA'I PHYIR YONGS SU 'GYUR BA KHYAD PAR CAN DU MI 'GYUR LA, DE MED PA'I PHYIR RNAM PAR SHES PA KHYAD PAR MED PAR 'GYUR RO, ,DE MED PAR YANG 'BYUNG NA NI RGYU MED PA CAN DU 'GYUR RO, ,DES NA LNGA MA SNGA MA'I 'DU BYED PA'I DBANG GI SKYES PA LA SKYON MED DO ZHES BYA BA'I DON TO, ,RANG BZHIN KHYAD PAR MED KYANG YONGS SU GYUR PA KHYAD PAR YOD PAR STON PA NI GAL TE 'O MA ZHES BYA BA'O, ,SNOD GNYIS NA GNAS PA'I 'O MA LA, GCIG LA NI ZHO SKA BA DANG GZHAN LA NI SLA BAR MTHONG NGO, ,SKA BA DANG CIG SHOS KYI KHYAD PAR GANG LAS YIN SNYAM NA, DUS KYI MTHAR THUG PA TZAM LAS ZHES BYA BA'O, ,GRANG BA DANG DRO BA LA SOGS PA RTEN GZHAN GYI LHAN CIG BYE BA TZAM LAS ZHES BYA BA'I DON TO, ,DE BZHIN DU LUS KYANG YIN NO ZHES BYA BA NI YONGS SU GYUR PA KHYAD PAR MED PA CAN YIN YANG 'GYUR BA YIN NO, ,ZHO LA SOGS KYI RNAM 'GYUR NI, ,ZHES BYA BA NI 'O MA LA SOGS PA'I RNAM PAR 'GYUR BA'O, ,MI

, ,MTSUNGS PA GANG YIN PA DE NI 'O MA MTSUNGS PA LAS BYUNG BA NI MA YIN NO ZHES BYA BA'I DON TO, ,LUS KYI RNAM 'GYUR NI, KHYAD PAR CAN DU GYUR PA NYID CES BYA BA NI 'BYUNG BA CHEN PO BZHI'I RANG BZHIN NYID DU MTSUNGS PA'I LUS RNAMS LA, 'GA' ZHIG TU YONGS SU GYUR PA 'GA' ZHIG SEMS KYI KHYAD BAR GYI RGYU YIN NO, ,DAS NA LUS NI MTSUNGS PA DANG MI MTSUNGS PA DAG LA RJES SU MTHUN PA GOMS PA'I BAG CHAGS GANG YIN PA DE NYID RNAM PAR RTOG PA DANG RNAM PAR MI RTOG PA NI SHES PA DAG THA DAD BA'AM THA MI DAD PA'I RGYU YIN NO, ,LUS MTSUNGS PA DANG MI MTSUNGS PA DAG YOD KYANG, RNAM PAR RTOG PA DANG RNAM PAR MI RTOG PA'I SHES PA RNAMS LA THA DAD PA DANG THA MI DAD PA MED PA'I PHYIR RO, ,ZHAR LA BYUNG BA RDZOGS PAR BYAS NAS GNYUG MA NYE BAR SDUD PA NI, DE'I PHYIR ZHES BYA BA'O, ,TSOGS PA RGYU NYID YIN NA ZHES BYA BA NI THAMS CAD RGYU NYID YIN NA'O, ,DE LTA MA YIN NA ZHES BYA BA NI SO SOR SKYED PAR NUS PA'I PHYOGS LA'O, ,DU MA NYID DO ZHES BYA BA NI YID KYI SHES PA CIG CAR SKYE BAR THAL BAR 'GYUR RO ZHES GANG BRJOD PA'O, ,DE LTAR MI MTHONG BA MA YIN NO ZHES BYA BA NI BZLOG PA'O, ,DES NA DBUGS 'BYUNG BA LA SOGS PA NI SEMS KYI RGYU MA YIN NO ZHES TSAD MA'I 'BRAS BU 'PHANGS PA YIN NO, ,GANG GI ZHES BYA BA NI GZHAN GYI'O, ,DE LA DU MA CI'I PHYIR MI SKYE ZHES BYA BA DE NI RE ZHIG MI RIGS TE, RNAM PAR RTOG PA MED PA 'BA' ZHIG PA RNAMS SAM, RNAM PAR RTOG PA GCIG DANG LDAN PA RNAMS NI LHAN CIG SKYED PAR 'DOD PA'I PHYIR RO, ,'ON KYANG JI LTAR LUS LAS YIN PA LA THAL BAR 'GYUR BA LTAR YID KYI RNAM BAR SHES PA DU MA NYID SKYE BAR JI STE MI 'GYUR ZHES BRJOD PAR 'DOD PA YIN NO, ,DE LA BRJOD PA NI RNAM SHES NUS PA NGES PA'I PHYIR RO ZHES BYA BA'O, ,DON GZHAN LA CHAGS PAS SAM, DON GZHAN LA 'DZIN PA'I PHYIR ZHES PHYOGS GZHAN DU BLTA BAR BYA'O, ,BSHAD PA LA MTSUNGS PA DE MA THAG PA'I RKYEN GYI RANG BZHIN GYI RNAM PAR SHES PA GCIG CIG GI RGYU YIN NO ZHES BYA BA NI DAM BCA' BA'O, ,'DI LA GTAN TSIGS CI YOD SNYAM NA, NUS PA NGES PA

NI RJES SU MTHUN PA'I 'DU BYED KYI BAG CHAGS TE, GTAN TSIGS YIN NO ZHES 'BREL PAR BYA'O, ,GNYIS PA BRJOD PA NI CHAGS PA'I KHYAD PAR TE ZHES BYA BA'O, ,GTAN TSIGS SO ZHES 'BREL TO, ,DANG PO RNAM PAR 'GREL PA NI BAG CHAGS BRTAN PA'I ZHES BYA BA'O, ,MTSUNGS PA DE MA THAG PA'I RKYEN GYI ZHES BYA BA NI JI LTAR GRAGS PA'I'O, ,RNAM PAR SHES BYA BA NI YID DO, ,'BA' ZHIG GAM ZHES BYA BA NI JI SKAD BRJOD PA'I DE MA THAG PA LA MA LTOS PAR RO, ,CHAGS PA'I KHYAD PAR TE ZHES BYA BA 'CHAD PA NI, YANG MTSUNGS PA DE MA THAG PA'I ZHES BYA BA'O,, RJES SU MTHUN PA'I CHAGS PAS YUL GCIG LA NGES PA'O, ,DE LA PHYOGS DANG PO NI GSAL BA'I PHYIR DE MA THAG PA GNYIS LA NYAMS SU MYONG BA GSAL BAR BSTAN BA'I DON DU 'GA' ZHIG GAM ZHES BYA BA'I DBANG DU BYAS NAS 'DI LTAR ZHES GSUNGS SO, ,CHAGS PA'I PHYOGS LA BRTEN NA BSHAD PA NI RNAM PAR SHES PA 'GA' ZHIG NI ZHES BYA BA'O, ,NYE BA NYID NI CHAGS PA NYID DO, ,RNAM PAR RTOG PA GZHAN NI SKYE BAR MTHONG BA MA YIN NO, ,DE SKYE BAS BAR DU BCAD PA'I PHYIR RO, ,MTSUNGS PA DE MA THAG PA'I RKYEN GYI RNAM PAR SHES PA'I BAG CHAGS NI RNAM PAR RTOG PA SKYED PAR NUS PA GANG YIN PA STE, RNAM PAR RTOG PA SKYE BA GANG DAG LA, DE BAR DU BCAD PA ZHES BYA BA NUS PA MED PAR BYA PA YOD PA DE DAG NI SKYE PAR MA MTHONG NGO ZHES 'BREL TO, ,YANG BAG CHAGS GANG GIS BAR DU BCAD SNYAM NA, GZHAN GYIS ZHES SMOS TE RNAM PAR RTOG PA ZHES BYA BA SKABS YIN NO, ,DON GANG ZHIG GZHAN LA MI 'BYUNG BA'I DON GYIS CHAGS PA'I YUL YIN PA'I YUL DE SHES BYA NYID KYIS GANG LA YOD PA'O, ,DE LTAR RNAM PAR SHES PA LAS RNAM PAR SHES PA SKYE BAR KHAS BLANG BA NA RNAM PAR RTOG PA GCIG SKYE BA'I TSOGS PA YOD PA YIN GYI, LUS KYIS RDUL PHRA RAB RNAMS SKYED BA YIN NA NI MA YIN TE, LTOS BAR BYA BA GOMS PA LA SOGS PA LA LOG PA MED PA MED PA'I PHYIR RO ZHES BRJOD PAR 'GYUR RO, ,MA CHAGS PA'I DUS NA RNAM PAR RTOG PA MED PA BZHIN DU NYE BA'I DON RNAMS LA DUS GCIG TU RNAM PAR RTOG PA DU MA NYID CI STE

, ,MI SKYE ZHA NA, 'DI LA YANG NUS PA NGES PA'I PHYIR RO ZHES BYA BA LAN YIN NO, ,'BAD BA DANG LDAN PA LA YANG CIG CAR RNAM PAR RTOG PA GNYIS MI SKYE BA'I PHYIR NA MTSUNGS PA DE MA THAG PA'I RKYEN RNAM PAR RTOG PA GCIG SKYES PA LA NUS PA NGES PA NYID YIN NO ZHES BYA BA'I DON TO, LUS KYIS RDUL PHRA RAB GRANGS MED PA RNAMS SO SOR NUS PA YIN NA NI RNAM PAR RTOG PA DPAG TU MED PA SKYED BAR THA LA BA NYID DO, ,DE BAS NA ZHES BYA BA NI NYE BAR SDUD PA'O, ,GCIG GAM ZHES BYA BA NI RNAM PAR RTOG PA DANG BCAS PA'O, ,DU MA ZHES BYA BA NI RNAM PAR RTOG PA MED PA'O, ,LUS TZAM LAS SKYE NA NI DE LTA MA YIN NO ZHES BYA BA'I DON TO, ,GAL TE ZHES BYA BA NI GZHAN GYI'O, ,RNAM PAR SHES PA DE NYID LAS ZHES BYA BA NI GCIG GAM DU MA SKYES PA GANG YIN PA DE NYID LAS SO, ,KHYED KYI PHYOGS BZHIN DU PHYIS BLO GCIG GAM DU MA SKYE MOD, DANG PO NI LUS LAS SKYE BAR 'GYUR RO ZHES BSAMS PA'O, ,RE ZHIG GCIG LAS SKYE BA NA NGES PA 'DI 'THAD KYI LUS DU MA LAS SKYE BA LA GO JI LTAR ZHE NA DPER NA ZHES SMOS SO, ,DE BZHIN DU 'DIR YANG RGYU 'GA' ZHIG LA LTOS PA YIN NO ZHES BYA BA'I DON TO, ,CHAGS PA'I KHYAD PAR DE NYID LAS ZHES BYA BA NI 'DI NYID DU 'BREL PAR BYA'O, ,GRUB PA'I MTHAR NI DANG PO SKYES PA'I RNAM PA SHES PA LAS RGYUN 'JUG PA LA RNAM PAR RTOG PA 'DIR 'GYUR MOD, LUS LA NI BZHIN DU SKYED BAR BYED PA'I NUS PA YOD PA'I PHYIR RGYUN GZHAN DANG GZHAN YANG SKYE BAR 'GYUR RO SNYAM DU BSAMS PA YIN NO, ,DE SRID DU ZHES BYA BA NI GCIG GI TSE LUS LAS SHES PA'I TSOGS TSAD JI TZAM SKYES PA'I NUS PA NGES PAR BSTAN PA YANG MA YIN NAM SNYAM PA'I DGOS PA BSU NAS YANG GSAL BAR BYED PA NI GAL TE ZHES BYA BA DE SRID KHO NA SKYE BAR 'GYUR RO, ,CI'I PHYIR ZHE NA, LUS KYI NUS PA NUS PA ZHES SMOS SO, ,GAL TE KHYED KYI LUGS BZHIN GZHAN DANG GZHAN YANG SKYE BAR 'GYUR RO SNYAM DU BSAMS PA YIN NO, ,DE SRID DU ZHES BYA BA NI GCIG GI TSE LUS LAS SHES PA'I TSOGS TSAD JI TZAM SKYES SHES PA'I NUS PA NGES PAR BSTAN PA YANG MA YIN NAM SNYAM BA'I DOGS PA BSU

NAS; YANG GSAL BAR BYED PA NI GAL TE ZHES BYA BA'O, ,'ON TE ZHES BYA BA LA SOGS PA NI GO BLA'O, ,DON 'DI ZHES BYA BA NI RE ZHIG LUS LAS SHES PA'I TSOGS SKYE LA, NGES KYANG DE'I NUS PA NYAMS PA'I PHYIR YANG SHES PA'I TSOGS BYED PA MA YIN NO ZHES BYA BA'O, ,'O NA GANG TSAD MA'I SPYOD YUL YIN SNYAM PA LA, RNAM PAR SHES PA NYID LAS ZHES BYA BA'O, ,GOMS PA'I RANG BZHIN LAS SO, ,RNAM SHES NI ZHES BYA BA NI CHAGS PA'I RANG BZHIN NO, ,GANG GIS ZHES BYA BA NI RTOG PA DANG LDAN PA YIN PAS SO, ,'ON TE ZHES BYA BA NI GZHAN GYI'O, ,LUS LAS RNAM SHES ZHES BYA BA NI LAN NO, ,RGYU MTSAN MED PAR DOGS PA YANG MA YIN NO ZHES BYA BA LA, GAL TE GZHAN GYI LUGS LA DE LTAR 'GYUR MOD, SANGS RGYAS PA'I LUGS LA NI RNAM PAR RTOG PAS BRIS PA LAS SGRUB PAR BYED PA DANG GNOD PAR BYED PA MED PA NYID KYIS DOGS PA'I SKABS BYED PA MA YIN NAM DES NA JI LTAR RGYU MTSAN MED PA YIN SNYAM NA DE NI MI 'THAD DO, ,RNAM PA GNYIS KA MA GRUB PA'I PHYIR RO, ,GNOD PAR BYED PA NYID NYID YIN PA'I PHYIR RO ZHES STON PA NA, RNAM SHES NYID LAS RNAM SHES NI SKYE BAR ZHES BYA BA'I PHYED PHYI MA RNAM PAR 'GREL PA NI, CHAGS PA PHYOGS SU LHUNG BAR BYAS, ,ZHES BYA BA'O, ,DE SKYE BA NI PHYOGS SU LHUNG BA SKYE BA'O, ,DE BAS NA RNAM PAR SHES PA'I NGES BYED NYID NI BRGYUD NAS GOMS PA NYID LAS SKYES PA YIN NO, ,GAL TE ZHES BYA BA NI GZHAN GYI YIN NO, ,JI LTAR MI RIGS SNYAM NA CHAGS PA'I RANG BZHIN MA YIN PA'I ZHES GSUNGS SO, ,TSU ROL MDZES PA PA'I LA YANG DE LTAR 'GYUR RO SNYAM NA, GANG LA 'JIG RTEN GZHAN MED PA ZHES BYA BA'O, ,DBANG PO'I RNAM PAR SHES PA DU MA YOD KYANG RNAM PAR SHES PA GCIG 'BYUNG BA GANG YIN PA DE NI GOMS PA KHO NA LAS YIN NO ZHES BSGRUBS ZIN TO, ,DES NA ZHES BYA BA NI RNAM PAR SHES PA GZHAN SKYE BA MA BZLOGS PAS SO, ,DANG PO SKYES PA'I RNAM PAR SHES PA'I RGYUN MA GTOGS PA NUS PA'I LUS LAS YANG DE LTAR SKYES PA NA TSOGS SU 'GYUR RO ZHES BYA BA'I GNAS SKABS KYI MTHAR THUG PA'O, ,DE NI MTHONG BA MED PA'I CES BYA BA NI BZLOG PA'O, ,

, ,GCIG GI TSE RNAM PAR RTOG PA'I RNAM PAR SHES PA GCIG NYID MTHONG BA'I PHYIR RO, ,'ON TE ZHES BYA BA NI GZHAN GYI'O, ,PHYI MAR GYUR BA ZHES BYA BA NI NUR NUR PO LAS SO, ,DANG PO NUR NUR PO'I GNAS SKABS NYID SEMS KYI SKYED BYED YIN NO, ,KHO NA'I SGRA NI 'BA' ZHIG CES BYA BA 'DI NI 'OG TU BLTA BAR BYA'O, ,MED PA 'BA' ZHIG KHO NA'O, ,JI LTAR SNYAM NA PHAN GDAGS PAR BYA BA DANG ZHES BYA BA GSUNGS SO, ,'GA' ZHIG LAS SKAD CIG DANG PO SKYED PA YIN MOD, SEMS KYI RGYUN NI LUS LA BRTEN PA MA YIN NO, ,ZHES BYA BA'I DON TO, , 'ON TE ZHES BYA BA LA LUS LHAN CIG BYED PA CAN GYI RNAM PAR SHES PAS ZHES BYA BA NI BYED PA PO'O, ,RNAM PAR SHES PA ZHES BYA BA NI LAS SO, ,'DIR NI MI MTHONG BAR RTOG PA MED CES BYA BA NI LUS NI NYE BAR LEN PA NYID DU SNGAR MNGON SUM GYI NGES PA MED PA LA NYE BAR LEN PA NGES PA SNGON DU 'GRO BA CAN GYI LHAN CIG BYED PA NYID DU YANG MA YIN NO, ,RIGS MTHUN PA NYID KYIS NI SHES PAS NYE BAR LEN PA NI SHES PA NYID YIN PAR GSAL BA YIN NO ZHES BYA BA'I DON TO, ,BA LANG GI LCI BA LAS KYANG AUTPALA SKYEL, AUTPALA NYID LAS KYANG SKYE BA YIN NO ZHES GANG BRJOD PA DE NI MI 'THAD DO ZHES BRJOD PA DE NI BA LANG GI LCI BA DANG ZHES BYA BA'O, ,DE LTA YANG 'O NA, SKYE BA DANG PO'I SHES PA DANG, BAR GYI GNAS SKABS KYI RNAM PAR SHES PA DAG SHIN TU KHYAD PAR CHE BA'I PHYIR JI LTAR SKYE BA DANG PO'I RNAM PAR SHES PA RNAM PAR SHES PA GZHAN GYI SGRUB BYED DU 'GYUR SNYAM DU DOGS PA BSU NAS GSAL BA LA SOGS ZHES GSUNGS SO, ,LA LAR ZHES BYA BA NI BAR GYI GNAS SKABS NA'O, ,DANG POR ZHES BYA BA NI SKYE BA DANG POR RO, ,LUS LAS ZHES BYA BA NI NYE BAR LEN PAR GYUR BA LAS SO, ,DE'I RGYU NI LUS KYI RGYU STE MER MER PO LA SOGS PA'O, ,DE'I 'JUG PA NI RANG GI 'BRAS BU'I LUS SKYED PA LAS SNGON DU PHYOGS PA'O, ,DE THOB PA'I PHYIR YAN LAG TU 'GYUR BA NI LHAN CIG BYED PA'I RKYEN NYID DU 'GYUR BA'O, ,LDOG PA BRJOD NAS RJES SU 'GRO BA BSHAD PA NI GANG GI TSE ZHES BYA BA'O, ,MIG LA SOGS PA'I DBANG PO LNGA NI SKYE MCHED LNGA YIN NO, ,TSE

'DI NYID NI SKYE BA 'DI LA YOD PA'O, ,SEMS KYI RGYUN GNAS PA'I RGYU NI LHAN CIG KHYED PA CAN YIN NO ZHE BLTA BAR BYA'O, ,BLO DBEN PA LA SEMS KYI RGYUN GNAS RGYU ZHES BYA BA LA SOGS PA SDE BA SBYOR TZAM BYAS PA BSHAD PA'I DON DU 'DI LTAR ZHES GSUNGS SO, ,SEMS KYI RGYUN GNAS PA'I RGYU ZHES BYA BA NI RNAM 'GREL BRIS PA TZAM DU ZAD DO, ,DE'I RGYU 'JUG THOB PHYIR ZHES BYA BA 'CHAD PA DE NI DE'I RGYU 'JUG STE ZHES BYA BA LA SOGS PA'O, ,SEMS KYI RGYUN GNAS RGYU ZHES BYA BA 'CHAD PA NI SNGAR GYI SEMS LAS KYI MING CAN ZHES BYA BA'O, ,GANG GI TSE DE LUS GZHAN SKYE BA YAN LAG NYID DU 'GYUR SNYAM NA, DE'I YAN LAG NYID NI ZHES BYA BA'O, ,DES NA ZHES BYA BA KHONG NAS PHYUNG LA, GAL TE DE'I YAN LAG TU MI 'GYUR NA ZHES BYA BAR SBYAR RO, ,DE'I TSE 'BA' ZHIG CES BYA BA NI DPER NA GZUGS MED PA'I KHAMS SU BZHIN NO, ,GANG LA LAS LHAN CIG BYED PAR 'GYUR BA'I RGYU DE GANG YIN SNYAM NA, ,LUS GZHAN SKYE BA LAS NI TSE 'DI'I SKYE MCHED LNGA YIN TE ZHES SMOS SO, ,'DI NI LUS KYI RGYU MER MER PO LA SOGS PA'I MING CAN ZHES BRJOD ZIN TO, ,DE MA THAG TU SKYES PA'I MIG SOGS PA'I SKYE MCHED LNGA LA SEMS KYI BYIN GYIS BRLABS NA 'CHI BA'I MTHAR THUG PA'I SKYE MCHED LNGA PO LUS LA SRED PA DANG BCAS PA'I LAS KYI LHAN CIG BYED PA LAS, GNAS SKABS GZHAN DANG GZHAN GYIS RIM GYIS SRID PA BAR MDO'I LUS LA SOGS PA YIN NO, ,DE LTAR NA 'O NA GZUGS MED PA'I KHAMS NAS 'CHI 'PHOS PA LA JI LTAR LUS SKYE ZHE NA, GZUGS MED PA'I KHAMS NAS ZHES GSUNGS SO, ,DE NYID CES BYA BA NI TSE 'DI NYID KYI SKYE MCHED LNGA'O, ,JI LTAR ZHE NA 'DU BYED PA PO NYID KYIS TE, BAG CHAGS 'DZIN PAR BYED PA NYID KYIS SO, ,'BYUNG BAR 'GYUR BA'I SRID PA LA LTOS NAS SNGAR BYUNG BA NI 'DI NYID KYI YIN PAR BRJOD DO; ,DON 'DI YIN TE, GAL TE GZUGS MED PA'I KHAMS NAS SRID PA GZHAN DU 'PHO BA LA, DE MA THAG PA'I SKYE MCHED SNGA MA SNGA MA MED PA DE LTA NA YANG, GZUGS MED PA'I KHAMS SU 'JUG PA NA YOD PA 'GYUR BA GANG YIN PA DE NYID SRID PA GZHAN GYI LUS KYI RGYU YIN NA STE, DES

, ,GZHAG PA'I BAG CHAGS KYIS SKYED PA'I PHYIR RO ZHES BYA BA'O, ,GAL TE ZHES BYA BA NI GZHAN GYI'O, ,DE'I ZHES BYA BA NI LAS KYI'O, ,YAN LAG GI DNGOS PO NI SKYE MCHED LNGA LA ZHES BYA BA NI LHAG MA'O, ,CI'I PHYIR ZHE NA, SHI BA'I 'OG TU ZHES BYA BA LA SOGS PA'O, , 'DIS NI 'BA' ZHIG GNAS PA GA LA YIN ZHES BYA BA DE NI DMIGS PAS GNOD PAR BSTAN TO, ,GANG YANG 'BA' ZHIG GNAS PAR 'DOD PAR NYID DO ZHES BRJOD PA DE YANG 'DIS GNOD DO ZHES SMRAS PA NI, GZUGS MED PA'I KHAMS SU NI ZHES BYA BA'O, ,DE'I YAN LAG DNGOS PO DANG RGYU NYID 'GOG LA ZHES BYA BA NI LAS DE'I YAN LAG GI DNGOS PO NI LHAN CIG BYED PA NYID DO, ,NUR NUR PO LA SOGS PA'I MING CAN LUS KYI RGYU NI RGYU STE, DE GNYIS 'GOG PA LA'O, ,RAB TU BSHAD CES BYA BA NI GAL TE 'GRO BA MA MTHONG PHYIR ZHE NA ZHES BYA BA LA SOGS PAS SO, ,SKYE MCHED LNGA ZHES BYA BA'I DRUG PA NI SKYE BA GZHAN GYI LUS SKYED PA'I BYA BA LA LTOS PA'O, ,YAN LAG GI DNGOS PO NI SEMS KYI RGYUN GNAS PA'I RGYU ZHES RTOGS PAR BYA'O, ,DE LTA NA YANG MA DMIGS PA TZAM GYIS DE MED PAR NGES PA MA YIN NO ZHES 'BREL TO, ,DE MED PAR BRJOD PA'I NGES PA'I RNAM PAR BRJOD PA NI SEMS KYI RGYUN ZHES BYA BA'O, ,DE LTAR ZHES BYA BA NI YAN LAG GI DNGOS POR RO, ,TSIG RKANG LNGA PA BSHAD PA'I PHYIR 'ON TE YANG ZHES BYA BA'O, ,'GAL BAS KHYAB PA'I DMIGS PA'O ZHES BYA BA NI DANG PO NYID LA NI DGAG PAR BYA BA MTSAMS SBYOR BA DANG 'GAL BAS KHYAB PA'O,, GAL TE LHAG MA DANG LDAN PA YIN YANG 'DI LAS MNGON PAR 'DOD PA 'GRUB PAR 'GYUR RO SNYAM NA, 'DI ZHES BYA BA'O, ,LHAG MA DANG LDAN PA'I RJES SU DPAG PA LAS DON JI LTA BA BZHIN RTOGS PA NI MED DO ZHES BYA BA'I SLOB DPON PHYOGS KYI GLANG POS BSHAD PA YIN NO, ,JI LTAR LHAG MA DANG LDAN PA YIN SNYAM NA, SKYE BA GZHAN GYI DBANG PO DANG ZHES BYA BA'O, ,MI MTHUN PA'I PHYOGS LAS LDOG PAR GRUB PA ZHES BYA BA NI MI MTHUN PA'I PHYOGS DBANG PO GZHAN DANG MTSAMS SBYOR BA LAS SGRUB PAR BYED PA DBANG PO NYID LDOG PAR NGES PA MA YIN PA'O, ,'ON TE TSE

'DI PA'I ZHES BYA BA NI SNGON GYI SKYE MCHED LNGAS SKYE MCHED GZHAN GYI RANG BZHIN GYI LUS BSKYED PAR ZAD KYI, SKYE BA GZHAN GYI NI MA YIN NO ZHES BYA BA'I DON TO, ,GZHAN DU YANG ZHES BYA BA NI BSGRUB PA'I CHOS CAN 'CHI BA'I GNAS SKABS LA YANG NGO, ,DE DANG MTSAMS SBYOR BA NYID DU ZHES BYA BA NI; TSA 'DI PA'I LUS LA YOD PA'I DBANG PO DANG MTSAMS SBYOR BA YIN GYI, SKYE BA GZHAN GYI LUS DANG NI MTSAMS SBYOR BA YIN PA'O, ,DE LA YANG ZHES BYA BA NI LAN ZHES BYA BA STE, 'DI PA'I LUS LA YOD PA'I DBANG PO DANG MTSAMS SBYOR BA LA YOD DO, ,CI'I PHYIR ZHE NA, DE YANG ZHES SMOS TE, RJES SU DPAG PAR BYA BA MTSAMS SBYOR BA'I LUS SO, ,DE'I TSE ZHES BYA BA MTSAMS SBYOR BA'I DUS NA'O, ,DPER NA LTOS PA'I PHYIR TSU ROL DANG PO LA GCIG TU NGES PA MA YIN PA DE BZHIN DU 'DI LA YANG YIN PAS KHYAD PAR MED DO, ,DER YANG ZHES BYA BA NI KHYAD PAR DANG BCAS PA'I GTAN TSIG LA'O, ,DMIGS PA TZAM MED PAR MI MTHUN PA'I PHYOGS LA MED PAR RTOGS PA MA YIN NO, ,KHU KHRAG GZHAN GZHAN LAS BYUNG BA'I DBANG PO YANG YIN LA DBANG PO GZHAN DANG MTSAMS SBYOR BA YANG YIN PA'I PHYIR KHYAD PAR DANG BCAS PA'I GTAN TSIGS KYANG MA NGES PA YIN NO, ,YUL GYI KHYAD PAR BZHIN NAM ZHES BYA BA NI DPER NA DU BA'I YUL GYI KHYAD PAR ME RJES SU DPOG PA 'JIGS PA'I SKYOB PA MA YIN PA DE BZHIN DBANG PO'I KHYAD PAR KHU KHRAG GZHAN LAS BYUNG BA YANG 'JIG RTEN GZHAN GYI DBANG PO'I RJES SU DPOG PA 'JIGS PA'I SKYOB PA'I BYED PA MA YIN NO, , DPER NA BYAS PA'I KHYAD PAR NUS PA DANG SGRA'I YIN PA NYID RJES SU DPAG PAR SEL BAR BYED PA LA NUS PA MED PA DE BZHIN DU 'DI YANG YIN NO, ,'O NA GANG LAS KHYAD PAR LA BRTEN PA'I NYES PA'I GO SKABS SU MI 'GYUR BA TSE 'DI NYID KYI SKYE MCHED LNGA, LUS GZHAN SKYE BA'I RGYU YIN NO ZHES BYA BA'I SPYIS KYANG JI LTAR KHYAB PAR 'GRUB PAR 'GYUR SNYAM DU DOGS NA, 'DI LTAR ZHES GSUNGS SO, ,GAL TE DBANG PO RNAMS LA GZHAN DANG GZHAN SKYE BA NYID MED PA MA YIN NAM, DE JI LTAR NA SNGA MA RNAMS RANG GI RIGS LA NUS PA 'GRUB CE NA, 'GYUR BA MTHONG PHYIR ZHES BYA BA'O, ,GSAL

, ,BA NI SA PHYOGS LA SOGS PA RANG GI MTSAN NYID DO, ,DE LTA MA YIN NA ZHES BYA BA NI GSAL BA'I KHYAD PAR LA LTOS NA'O, ,GAL TE THA SNYAD KYANG KHYAD PAR GYI YUL CAN NYID DU 'GYUR RO SNYAM NA, THA SNYAD NI SPYI'I ZHES GSUNGS SO, ,DES NA ZHES BYA BA NI SPYI'I YUL CAN YIN PAS SO, ,DE LTA NA YANG ZHES BYA BA NI GSAL BA'I KHYAD PAR LA MI LTOS NA'O, ,DE LTA BUR ZHES BYA BA NI G-YO BA GA LA SOGS PA DANG LDAN PAR DBUS KYI GNAS SKABS SU SKYES PAR GRUB PA NA'O, ,JI LTAR MIG LA SOGS PA LAS DE DER LTAR SKYES PA YIN SNYAM NA, GOMS PA'I KHYAD PAR LAS ZHES SMOS SO, ,DE LTA BUR GYUR PA ZHES BYA BA NI G-YO BA GA LA SOGS PA DANG LDAN PA'O, ,GZHAN DU NI SKYE BA DANG POR RO, ,DE LTA BUR GYUR PA NI G-YO GA LA SOGS PA DANG BCAS PA'I DBANG PO'O, ,GAL TE SKYE BA DANG POR YANG TSE 'DI'I DBANG PO NYID RGYU MA YIN NAM, DES NA 'JIG RTEN SNGA MA MI 'GRUB BO SNYAM NA, SKYE BA DANG POR NI ZHES BYA BA'O, ,DE 'DRA BAR GYUR PA NI 'DRI BA'O, ,DES NA ZHES BYA BA NI 'DI PA'I DBANG PO MA MTHONG BA'I PHYIR RO, ,GZHAN GYI KHYAD PAR NI ZHES BYA BA NI KHU KHRAG GZHAN LAS SKYES PA LA SOGS PA'O, ,'DIS NI PHYED SNGA MA BSHAD PA YIN NO, ,PHYED PHYI MA BSHAD PA'I DON DU 'ON TE ZHES BYA BA LA SOGS PAS RTZOD PA'O, ,DES NA ZHES BYA BA NI GCIG PAS SO, ,'DIR KYANG NI SGRAS 'PHANGS PAS LAN RE ZHIG BRJOD PA NI GAL TE DE LTA YIN DU CHUG PA ZHES BYA BA'O, ,BAR GYI GNAS SKABS SU NI G-YO BA LA SOGS PA GOMS PA SNGON DU 'GRO BA CAN DU MTHONG BA YIN NO, ,DES NA SKYE BA DANG PO'I G-YO BA LA SOGS PA YANG GOMS PA SNGON DU 'GRO BA CAN DU RJES SU DPOG PA GRUB PA KHO NA'O, ,DBANG PO RE GCIG YIN NAM 'ON TE MA YIN ZHES BYA BA LA SOGS PA GZHAN NI DON MED DO, ,'ON TE GOMS PA LAS SKYES PA'I YON TAN NI LUS GZHAN LA MTHONG BA MED PA MA YIN NAM, DES NA GANG GIS 'JIG RTEN PHA ROL 'GRUB PAR 'GYUR BA SKYE BA DANG PO'I G-YO BA GA LA SOGS PA LUS GZHAN DANG 'BREL BA'I GOMS PA SNGON DU 'GRO BA CAN DU JI LTAR 'GYUR SNYAM NA, GOMS PA LAS SKYES PA'I ZHES

GSUNGS SO, ,DE BZHIN SKYE BA DANG PO'I LUS LA YANG 'GYUR RO, ,RMI LAM GYI LUS MI BDE BA MA YIN NO ZHES KYANG BSGRUBS ZIN PA NYID DO, ,KYANG GI SGRAS BSDUS PA'I LAN BRJOD NAS RNAM 'GREL LA 'JUG PA NI GZHAN YANG ZHES BYA BA'O, ,GNYID DANG NAD DANG NYAMS PAR BYAS PA LA SOGS PAS 'GYUR BA GZHAN DANG GZHAN MTHONG BA YIN NO, ,GAL TE DBANG PO RNAMS LA 'GYUR BA GZHAN SKYE YANG SKYE BA GZHAN DANG GZHAN YIN PAR JI LTAR 'GRUB CE NA, RANG GI NGO BOR GYUR PA'I ZHES GSUNGS SO, ,RANG GI NGO BO MA YIN NA NI DE'I RNAM PAR 'GYUR BA NYID DU MI 'GRUB STE DON GZHAN BZHIN NO, ,DE NA DBANG PO'I GNAS SKABS DE NYID YIN PAR 'GYUR RO, ,DES NA DE'I RANG GI NGO BO YIN PAS NA DE DANG 'DRA BAR THA DAD PA KHO NA'O, ,DPER NA SA DANG CHU DANG ME DANG RLUNG RNAMS PHAN TSUN THA DAD PA BZHIN NO, ,'DIR NI ZHES BYA BA NI MIG LA SOGS PA LA'O, ,DE NI ZHES BYA BA NI LAN TE, RGYUD GCIG TU GDAGS PA'I YUL DE DE NI'O, ,CI LTAR ZHE NA, SKYE BA GZHAN YANG ZHES BYA BA'O, ,'O NA JI LTAR DE GCIG NYID DU MI RTOGS SNYAM NA, DRAN PAS BAR CHOD PAS NA ZHES GSUNGS SO, ,BAR CHOD PA NI MED PA'O, ,THAG RING PO NI GTAN BSKAL PA STE, MED PA ZHES BYA BA'I DON TO, ,SKYE BA GZHAN DE KHO NAR YOD PA YIN YANG MED PA BZHIN DU RTOGS PA DES NA GCIG NYID DU LHAG PAR ZHEN PA MA YIN NO, ,SNGA MA BZHIN DU ZHES BYA BA NI JI LTAR LUS LAS DANG PO SEMS SKYE BAR RTOG PA LA THAL BA BZHIN DU'O, ,PHYOGS GNYIS PA LA BRJOD PA NI DBANG PO MED PA LAS ZHES BYA BA'O, ,DE LTA YIN DANG ZHES BYA BA NI DBANG PO DU MA 'BYUNG NA'O, ,THAL BDE NYID YIN NO ZHES 'BREL TO, ,CI 'DRA ZHIG SNYAM NA DBANG RNAMS ZHES BYA BA LA SOGS PA'O, ,PHYED PHYI MA BSHAD PA'I DON DU PHYOGS SNGA MA 'GOD PA NI 'ON TE, SEMS ZHES BYA BA LA SOGS PA'O; ,LAN NI GAL TE 'ON ZHES BYA BA LA SOGS PA'O, ,GAL TE DBANG PO RNAMS LUS DANG SEMS LAS SKYE BA YIN PA DES NA SHI BA'I LUS LA DBANG PO MI SRID PA YIN NA DE'I TSE NA'O, ,SNGON GYI DBANG PO RGYU NYID DI RTOG PA'I ZHEN PAS BDAG CAG LA MKHO BA MED DE, DBANG PO LA SOGS PA

, ,SEMS LAS SKYE BA KHAS BLANGS PA NYID LAS 'JIG RTEN SNGA MA 'GRUB PA'I PHYIR RO, ,DES NA ZHES BYA BA LUS LA SOGS PA LAS SEMS SKYE BAS NA'O, ,SKABS NYE BAR SDUD PA NI DES NA RGYU MA YIN PA'I LUS MA TSANG BAS ZHES BYA BA'O, ,DE'I PHYIR, 'DI 'DRA SGRUB BYED LHAG LDAN 'DOD, ,CES BYA BA 'CHAD PA NI 'CHI BA'I SEMS YIN PA'I PHYIR ZHES BYA BA NYID CES BYA BA'O, ,LHAG MA DANG LDAN PA YIN TE ZHES BYA BA NI 'CHI BA'I SEMS KYANG YIN LA, MTSAMS SBYOR BA YANG YIN PA'I PHYIR MA NGES PA NYID DO, ,CI LTAR ZHE NA, MA MTHONG BA TZAM GYIS ZHES BYA BA'O, ,LUS THA DAD PA LA GNAS PA'I PHYIR ZHES BYA BA'I DON GANG CI YIN, CI LUS LA BRTEN PA'I YIN NAM, 'ON TE LUS LA DMIGS PA YIN, ,DE LA RE ZHIG PHYOGS DANG PO NI RIGS PA MA YIN TE, GANG GI PHYIR GNAS PA'I ZHES BYA BA DE LA GNAS PA'I ZHES BYA BA'I THA SNYAD KYI DGAG PA NI SNGAR BRJOD PA YIN NO, ,GANG LAS SHE NA, RTEN BKAG PA YIS SO, ,DES NA LUS THA DAD PA LA GNAS PA'I PHYIR ZHES BYA BA'I GTAN TSIGS MA GRUB BA'O, ,PHYOGS GNYIS PA SUN 'BYIN PA NI RNAM SHES ZHES BYA BA'O, ,RNAM PAR SHES PA PHYI MA SKAD CIG LUS GZHAN DMIGS PAR 'GYUR RO, ,DES NA LUS THA DAD PA LA GNAS PA'I PHYIR ZHES BYA BA'I GTAN TSIGS MA NGES PA NYID DO, ,DE NI SNGAR SPYIR PA KAG PA YIN NO ZHES RTOGS PAR BYA'O, ,'O NA SEMS CI LA GNAS SNYAM NA, RNAM PAR SHES PA NI ZHES GSUNGS SO, ,'DI NI RTEN GYI RDZAS KYI YUL LA BSAMS NAS BRJOD PA YIN TE, DE LTA MA YIN NA NI 'DI YOD PA'I YUL NI DUS BZHIN DU BRTAGS PA DGAG PAR MI NUS SO DE NYID KYANG RTEN GYI RNAM PA YIN NO, ,DE LTAR PHYED SNGA MA BSHAD PA'I SGO NAS MA GRUB PA DE NYID BRJOD NAS PHYOGS GNYIS PA SUN 'BYIN PA NI, DMIGS PAR BYA BA'I LUS NI ZHES BYA BA'O, ,DMIGS PAR BYA BA LA GNAS PA'I THA SNYAD NI MED DO ZHES BYA BA'I DON TO, ,RNAM PA 'DI'I SGO NAS KYANG RTEN NYID DU MI 'GRUB PA ZHES BSTAN PA'I DON DU RTEN GYI SGRAR BRJOD DO, ,GAL TE GANG GI RTEN DU MI 'GYUR BA DMIGS PAR BYA BA NYID JI LTAR YIN SNYAM NA NANG GI RIG PA'I

ZHES GSUNGS SO, ,PHYED PHYI MA 'CHAD PA NI MA NGES PA NYID DU BSHAD PA NI DMIGS PA NI ZHES BYA BA NI RANG GI LUS DMIGS PAR GYUR PA BYED PA POS NI NANG BDE BA LA RAG PA NA GZHAN LA 'CHOL BA'I RNAM PAR SHES PA SKYED PAR BYED DO ZHES BYA BA'I DON TO, ,DES ZHES BYA BA GZHAN GYI LUS LA DMIGS PA PAS LUS THA DAD PA LA DMIGS PA'I PHYIR ZHES BYA BA'I GTAN TSIGS DE DAG LAM NGES PA YIN NO, ,KHYAD PAR LUS THA DAD PA NYID KYANG MA GRUB PO ZHES BRJOD PA NI LUS GZHAN NYID KYANG ZHES BYA BA'O, ,CI'I PHYIR ZHE NA, LUS GCIG NYID DU BTAGS PA'I PHYIR RO, ,'ON TE DON DAM PAR THA DAD PA YOD PA'I PHYIR, KHYAD PAR MA GRUB PA YIN NO SNYAM NA, DON DAM PAR NI ZHES BYA BA'O, ,JI LTAR ZHE NA, PHYIS PA LA SOGS PA'I ZHES SMOS SO, ,DE LTAR SLAR GTAN TSIGS MA NGES PA YIN NO SNYAM DU DGONGS PA'O, ,GAL TE LUS 'DI LA SHES PA 'DI YOD DO ZHES BYA BA MI SLU BA DANG LDAN PA'I RTOGS PA NI RE ZHIG YOD PA MA YIN NAM, DES NA JI LTAR CING 'GOG ,DE NYID KYI PHYIR LUS NI NYE BAR LEN PA NYID DU MI 'GAL LO SNYAM NA DE PHYIR ZHE GSUNGS SO, ,RTEN NYID RGYA CHER BKAG PA'I PHYIR NA LUS LAS KYI RGYUN LA PHAN 'DOGS PA YIN TE, DES NA LUS 'DI LA BLO YOD DO SNYAM DU RTOGS PA YIN GYI YID KYI RGYUN SKYE BA NI SEMS NYID LAS YIN NO, ,DPER NA 'BRU'I RGYUN LA PHAN 'DOGS PA'I PHYIR SBYANG LA SOGS PA'I DON YIN LA, SKYE BA NI 'BRU GZHAN LAS YIN PA BZHIN NO, ,DE LTA NA YANG SBYANG TSIG NA 'BRU TSIG PA BZHIN DU; LUS ZHIG PA NA SEMS KYANG 'JIG PAR 'GYUR RO ZHE NA, SBYANG TSIG PA TZAM GYIS NI 'BRU TSIG PA MA YIN TE, CI ZHIG LTAR 'BRU SBYANG NAS SPOS NA MI 'TSIG KYANG SRID PA'I PHYIR RO, ,BSREG PAR BYA BA RANG NYID ME DANG 'BREL NA 'TSIG PA YIN LA, LUS BZHIN DU SEMS LA NI BSHAD PA DANG BSREG PA LA SOGS PA YOD PA MA YIN NO, ,NO'I SGRA NI SKABS KYI DON RDZOGS PA LA'O, ,SKABS KYI DON GRUB NA MNGON PAR 'DOD PA'I DON 'GRUB PA ZHES MJUG BSDU BA'I SGO NAS STON PA NI DES NA ZHES BYA BA'O, ,GZHAN PA'I YON TAN ZHES BYA BA NI BRTZE BA DANG CHAGS

, ,PA DANG BRAL BA LA SOGS PA'O, ,DE LTAR 'JIG RTEN PHA ROL GRUB NA GOMS PA NYAMS PA MED PA'I PHYIR NA THAMS CAD MKHYEN PA LA SNYOMS PA'I RNAM BA GZHAN BRJOD PA NI GAL TE ZHES BYA BA'O, ,KHYAD PAR CUNG ZAD DANG LDAN PA ZHES BYA BA NI RAB TU 'GRO BA GANG LA KHYAD PAR CUNG ZAD TZAM YOD PA'O, ,GANG GI PHYIR RNAM PA 'GA' ZHIG TZAM DU RNAM PAR GNAS PA'I RAB TU 'GYUR BA NI GANG GI KHYAD PAR DANG LDAN PA MTHONG BA YIN NO, ,SLAR YANG NI, 'BAD RTZOD LA NI LTOS 'GYUR RAM, ,ZHES BYA BA NI MCHONG BA BZHIN NO, ,RTEN MI BRTEN PA NI CHU'I DRO BA BZHIN NO 'DI'I RTEN CHU NI MI BRTAN PAS NA'O, ,RTEN BRTAN PA'I RANG BZHIN KHO NA 'PHEL RAB KYI MTHAR THUG PA YIN NO ZHES BRJOD PAR 'DOD PA YIN PAR BSAMS NAS BRJOD PA NI RANG BZHIN DE 'DRA 'ANG ZHES BYA BA'O, ,YANG 'BAD RTZOL LA LTOS PA GANG YIN PA DE 'DRA BA ZHES BYA BAR SBYAR RO, , MCHONG BA NI LUS KYI RANG BZHIN MA YIN TE, SKAD CIG KYANG GNAS PA MI 'THOB PA'I PHYIR RO, ,DE ZHES BYA BA NI GANG ZHIG YANG 'BAD RTZOL LA LTOS PA'I RANG BZHIN DU RTEN MI BRTAN PA 'PHEL BA MA YIN PA KHO NA'O ZHES BYA BA DE CI'I PHYIR ZHE NA, DE LA ZHES SMOS TE, KHYAD PAR JI TZAM ZHIG BYAS PA'I KHYAD PAR DE TZAM LA, PHAN BTAGS NUS CAN TE, NUS PA ZAD PA'I SGRUB PAR BYED PA RNAMS LA, KHYAD PAR PHYI MA DAG LA NUS PA MED PA'I PHYIR YANG 'BAD PA LA LTOS PA'I KHYAD PAR 'PHEL BA MA YIN NO, ,RTEN THAMS CAD KYI TSE GNAS PA MED PA'I YANG PHYIR RO, ,RTEN MI BRTAN PA CAN GYI KHYAD PAR 'PHEL BA MA YIN NO, ,GAL TE GANG DANG GANG KHYAD PAR YIN PA DE THAMS CAD NI 'PHEL BA GNAS PA CAN YIN TE, ,DPER NA MCHONG BA LA SOGS PA BZHIN NO, ,SEMS KYI YON TAN RNAMS KYANG DE LTA BU YIN NO, ,DES NA DE DAG 'PHEL BA GNAS PA MED PA JI LTAR 'GYUR SNYAM NA, KHYAD PAR YIN NO COG NI ZHES GSUNGS SO, ,GAL TE MCHONG BA LA SOGS PA NI RANG BZHIN YOD PA TZAM GYIS DE LTAR 'GYUR BA MA YIN NAM, DE BZHIN DU SEMS KYI YON TAN RNAMS KYANG 'GYUR RO SNYAM NA, MCHONG BA DANG ZHES SMOS SO, ,DE LTAR ZHES BYA BA NI BOGS 'BYUNG BA GNAS PA LA

STON PAR RO, ,'O NA JI LTAR DE LTAR 'GYUR SNYAM NA, 'ON KYANG ZHES GSUNGS SO, YANG RTZOL BA LA LTOS PA NYID GSAL BAR BYA BA'I DON DU MCHONG BA NI ZHES GSUNGS SO, ,JI LTAR NA YANG RTZOL BA LA LTOS PA CAN YIN SNYAM NA, GANG LA 'PHEL BA RNAM PAR GNAS PA MED PAR 'GYUR LA, ME DANG 'BREL BA MED KYANG DE YOD PA NI MA YIN NO ZHES SMOS SO, ,GANG LAS ZHES BYA BA NI ME DANG 'BREL BA LOG KYANG GNAS PA LAS SO, ,'PHEL NA RNAM PAR GNAS PA NYID LA GNYI GAS KHYAB PA NYE BAR SDUD PA NI DE'I PHYIR 'PHEL BA MTHAR THUG PA MA YIN PA NYID NI ZHES BYA BA'O, ,GNYI GA MED PA'I PHYIR YID KYI YON TAN RNAMS NI KHYAB PAR BYED PA STON PA NI, DE MED PA'I PHYIR DANG ZHES BYA BA'O, ,BZLOG PA SRID PA'I PHYIR RO ZHES BYA BA NI RTEN BRTAN PA NYID LA SOGS PA SRID PA'I PHYIR RO, ,'O NA YANG RTZOL BA LA LTOS PA RANG GIS 'JUG PAR 'GYUR RO SNYAM NA, YANG RTZOL BA LA LTOS PA GANG YIN PA ZHES BYA BA'O,, RANG GI NGANG GIS 'JUG PAR MI 'GYUR RO ZHES BYA BA'I DON TO, ,SNGAR BRAM ZE YIN PA LA PHYIS THOS PA CAN DU GYUR PA DE NI LOG PA MED PA STE, BRTZOG PA MED PA'O, ,BSHAD ZIN PA'I YON TAN DANG LDAN PAS RAB KYI MTHAR THUG PAR 'GRO BA'I PHYIR NA DKAR YOL SAR PA LTAR THOD PA YANG ZA BA'I PHYIR RO, ,SNYING RJE LA SOGS PA YANG RTEN BRTAN PA DANG, RANG GI NGO BOR GYUR PA YIN NO ZHES ZHE LA BZHAG PA YIN NO, ,DE NYID KYI PHYIR MCHONG BA DANG CHU BSKOL BA LAS CHOS MI MTHUN PA STON PA NI GANG ZHIG YANG RTZOL BA LA LTOS PA DANG ZHES BYA BA'O, ,RANG BZHIN NYID MIN PHYIR ZHES BYA BA NI RANG GI NGANG GIS 'JUG PA YANG MA YIN PA'I PHYIR RO, ,KHYAD PAR 'PHEL YANG MTHAR THUG PAR 'PHEL BA MA YIN NO ZHES BYA BA NI LHAG MA'O, ,'O NA GANG ZHIG SHIN DU 'PHEL BA DANG LDAN PA 'GYUR SNYAM NA, GANG TSE BYAS GYUR PA ZHES BYA BA'O, ,YANG GANG GI TSE BYAS ZIN PA'I KHYAD PAR YANG RTZOL BA LA LTOS NA DE'I TSE RTZOL BA GZHAN DAG KHYAD PAR GZHAN BYED PAR 'GYUR RO, ,DE LTA BUR GYUR PA'I KHYAD PAR NI SHIN DU 'PHEL BAR 'GYUR RO ZHES BYA BA'I DON TO, ,JI LTAR 'DIR RANG BZHIN NYID MA YIN SNYAM NA, RGYU NYE BA LA LTOS PA NI ZHES GSUNGS SO, ,DE SKAD CES BYA BA NI RANG GI NGO BO

, ,NYID YIN PA'I PHYIR RO, ,DES NA ZHES BYA BA NI NGO BO NYID MA YIN PAS NA'O, ,CHOS MI MTHUN PAR BRJOD PA NI BRTZE BA LA SOGS PA ZHES BYA BA'O, ,GAL TE SHES RAB LA SOGS PA YANG GOL BA NYID DU MTHONG SNYAM NA, 'DI NI BAG CHAGS BRTAN PA MED PA LAS YIN TE; SHIN TU BRTAN PAR GOMS PAR BYAS PA BRJOD PAR 'DOD PA YIN NO, ,DE NYID BSTAN PA'I PHYIR YANG NAS YANG DU DE GOMS PAR BYAS PA'I KHYAD PAR NI LDOG PA LA BRTEN PA MA YIN NO ZHES BSHAD DO, ,DE LTA NA YANG 'DI DAG SHIN DU 'PHEL BAR JI LTAR 'GYUR SNYAM NA, DE BZHIN DU ZHES GSUNGS SO, ,'DIS NI 'DI LA PHAN BTAGS NUS CAN ZHES BYA BA DANG, BYAS TE GAL TE SLAR YANG NI ZHES BYA BA LA SOGS PA'I RNAM 'GREL RNAM PAR BKRAL BA YIN NO, ,GCIG NI ZHES BYA BA NI BRTZE BA LA SOGS PA'O, ,GZHAN NI CHU'I DRO BA LA SOGS PA'O, ,MCHONG BA DANG CHU BSKOL BA LA SOGS PA DE NI YANG RTZOL BA LA MI LTOS PAS RANG GI NGANG GIS 'JUG PA MA YIN NO, ,BRTZE BA LA SOGS PA DE LAS BZLOG PA BSHAD PA NI, BRTZE BA LA SOGS PA NI ZHES BYA BA'O, ,MCHONG BA LA SOGS PA RANG GI NGANG GIS 'JUG PA MA YIN PA DE'I PHYIR RO, ,DE DAG LA ZHES BYA BA NI SKYES BU RNAMS LA'O, ,DE NI BRTZE BA LA SOGS PA'I YON TAN NO, ,NGO BO NYID SKYES NA NI RANG GI NGANG GIS 'JUG PA'O, ,GAL TE JI LTAR YONGS SU MTHONG BA'I KHYAD PAR TZAM 'GYUR MOD JI LTA SHIN DU 'PHEL BA'I MTHAR THUG PAR 'GYUR SNYAM NA, GANG PHYIR ZHES GSUNGS SO, ,DE'I PHYIR ZHES KHONG NAS PHYUNG LA, BRTZE BA LA SOGS PA ZHES BYA BA LA SOGS PA DANG SBYAR RO, ,DE LTA YIN DANG SHIN DU 'BOGS PA'I MTHAR THUG PAR YANG 'GYUR GYI, JI LTAR YONGS SU MTHONG BA BZHIN PA'I KHYAD PAR TZAM NI MA YIN NO, ,JI LTAR SHES RAB LA SOGS PA'I BLO RNAMS LA YANG NAS YANG DU LHAG PAR 'GYUR SNYAM NA, BRTZE BA LA SOGS PA NI ZHES BYA BA SMOS SO, ,DES NA DE DAG NI SHIN DU 'PHEL BAR 'GYUR RO ZHES BYA BAR DGONGS PA'O, ,JI LTAR LTOS PA DANG BCAS PA MA YIN SNYAM NA 'DI LTAR ZHES BYA BA GSUNGS SO, ,GAL TE BRTZE BA LA SOGS PA NI LAN DU

PHAN 'DOGS PAS 'JUG PAR MTHONG BA MA YIN NAM DES NA DE SKAD JI STE BRJOD CE NA, BRTZE STZOGS LAN DU ZHES BYA BA'O, ,BYANG CHUB SEMS DPA'I BRTZE BA LA SOGS PA NI LAN DU PHAN 'DOGS PA LA LTOS PA MA YIN GYI 'ON KYANG SHES RAB LA SOGS PA RIGS MTHUN PA'I BLO LAS BYUNG BA YIN NO, ,DE NYID KYI PHYIR DE DAG NI DMAN PA MA YIN NO ZHES GSUNGS PA NI DE'I ZHING DU ZHES BYA BA'O, ,BRTZE BA LA SOGS PA'I BLO DES ZHING DU BYAS PA'I RGYU GANG LA YOD PA ZHES TSIG RNAM PAR SBYAR RO, ,DES NA ZHES BYA BAR NI CHUNG BAR 'GYUR BA MA YIN PAS NA'O, ,DE DAG CES BYA BA NI BRTZE BA LA SOGS PA'O, ,RGYAS PAR MI 'GYUR BA'I MTSAN NYID KYIS ZHAN PAR LTA GA LA 'GYUR, YANG NAS YANG DU RGYAS PA KHO NAR 'GYUR RO ZHES BYA BA'I DON TO, ,DE YANG ZHES BYA BA NI MCHONG BA YANG NGO, ,DE'I CHOS NI MNGON PAR 'PHEL BA MTHAR THUG PA MED PA'O, ,DE LTA NA YANG MA YIN TE, ,DES BZLOG PA YIN TE, SKABS KYI SHES RAB LA SOGS PA LA 'PHEL BA MTHAR THUG PA MED PA YANG MA YIN NO ZHES BYA BAR SEMS NA'O, ,STOBS DANG RTZOL BA DAG LAS MCHONG PA YIN NO ZHES 'BREL TO, ,MCHONG BA STOBS LA SOGS PA'I 'BRAS BU BSGRUB PA'I DON DU LDOG PA BRJOD PA NI, SHIN DU LEGS MCHONG GOMS PAR BYAS PA LA YANG ZHES BYA BA'O, ,DES NA DE GNYIS NI MCHONG PA'I RGYU YIN NO ZHES BYA BA DGONGS PA'O, ,'O NA NI GANG GIS MCHONG PA MTHA' THUG PA MED PAR 'GYUR BA, DE GNYIS RNAM PAR GNAS PA MED PA'I BDAG NYID DU 'GYUR RO ZHE NA; STOBS DANG ZHES BYA BA GSUNGS SO, ,RNAM PAR GNAS PA'I BDAG NYID NI NUS PA GNAS PA NYID DO, ,GNAS PA'I BDAG NYID DU ZHES BYA BA NI SO SOR NGES PA NYID DU'O, ,GZHAN DU NI MA YIN NO ZHES BYA BA NI MTHA' THUG PA MA YIN PA'O, ,GOMS PA NYID LAS YIN GYI STOBS DANG RTZOL BA LAS NI MA YIN NO, ,DES NA 'DI GNYIS NI DE'I RGYUD NYID MA YIN NO SNYAM DU BSAMS PA'O, ,DE LTA MA YIN NA ZHES BYA BA NI GOMS PA'I 'BRAS BU NYID MA YIN NA'O, ,PHYIS MA GRUB PAR THAL LO ZHES BYA BA NI SNGAR YANG ZHES BYA BAR RTOGS PAR BYA'O, ,CI'I PHYIR ZHE NA, DE'I RGYU

, ,STOBS NI SNGAR YANG YOD PA'I PHYIR RO, ,MCHONG PA'I YUL CAN GYI STOBS CAN GYI STOBS DE NI'O, ,DE LTA NA ZHES BYA BA NI MCHONG PA'I YUL CAN GYI GOMS PAS BSGRUBS PA YIN NA'O, ,DE NYID DU ZHES BYA BA NI MTHA' THUG PA MED PA MA YIN PA ZHES BYA BA LA SOGS PA DE LTA BU'I RANG BZHIN DU'O, ,SKYES BU DE NI'O, ,DE'I PHYIR ZHES BYA BA NI MI MTHUN PA GSAL BA'I PHYIR RO, ,STOBS DES NA'O, ,JI STE ZHES BYA BA NI BCUD KYIS LEN ZOS PA LAS STOBS SKYE BA YIN GYI SNGAR YOD PA NI MA YIN NO ZHE NA, LAN DU DE YANG ZHES BYA BA'O, ,GNAS PA NYID DO ZHES BYA BA NI MTHA' THUG PA MED PA MA YIN PA'O, ,SHES RAB LA SOGS PA'I TSUL DU GOMS PA NYID LAS MCHONG BA YIN NO ZHES BYA BA RNAM PA GZHAN GYIS 'GOG PA NI MING DANG ZHES BYA BA'O, ,BYA KHYUNG MI DANG SGRE'U MNGAL NAS SKYES PA DAG LAS SKYE GNAS KHYAD PAR DU GYUR PA YIN LA, SPRE'U NI MI LAS RIGS KHYAD PAR DU GYUR PA YIN NO, ,RIGS MTHUN PA NYID KYI MI RNAMS LA KHA CIG NYID BCUD KYIS LEN ZOS PA'I STOBS KYIS KHYAD PAR DU GYUR PA YIN NO, ,BRTZE BA LA SOGS PA NI MCHONG BA LAS BZLOG PAR BRJOD PA NI BRTZE BA LA SOGS PA DAG NI ZHES BYA BA'O, ,GZHAN LA MI LTOS PA NYID DO ZHES BYA BA NI BRTZE BA LA SOGS PA NI RIGS LA SOGS PA GZHAN LA LTOS PA MA YIN NO, ,GOMS PA TZAM LA LTOS PA YIN TE, DE MED NA MED PA'I PHYIR RO ZHES BYA BA'I DON TO, ,GAL TE ZHES BYA BA NI GZHAN GYI'O, ,MA YIN TE ZHES BYA BA NI LAN NO, ,DES NA STOBS NI GOMS PA'I 'BRAS BU MA YIN TE, DE 'PHEL BA NA DE MED PA'I PHYIR RO ZHES BYA BAR BSAMS PA'O, ,DE'I BDAG NYID NI SNYING RJE LA SOGS PA'I BDAG NYID DU'O, ,SNYING RJE'I BDAG NYID DU GYUR PA YOD PA YANG MA YIN NO, ,RANG SA BON LAS BYUNG BA BRTZE BA'I SA BON LAS BYUNG BA'O, ,MI MTHUN PA'I PHYOGS ZHE SDANG LA SOGS PAS GNOD PA MED PA DE'I TSE SEMS KYI RGYUN LA DE BDAG NYID DU 'GYUR TE, RANG GI NGANG GIS 'JUG PAR 'GYUR RO, ,'O NA JI LTAR DE'I BDAG NYID DU 'GYUR SNYAM NA, GAL TE RTEN BRTAN

PA YANG YIN PA ZHES BYA BA'O, ,DE NYID BSHAD PA NI DE LA ZHES BYA BA'O, ,GDON MI ZA BAR ZHES BYA BA NI BRTZE BA'I BDAG NYID GOMS PA SNGON DU 'GRO BA CAN NO ZHES KHAS BLANG BAR BYA STE, MTHONG BA'I PHYIR RO, ,MTHONG BA NYID BSHAD PA NI 'DI LTAR ZHES BYA BA'O, ,RTZA BA YIN ZHES BYA BA NI RGYU YIN PA'O, ,NI'I SGRA NI KHO NA'I DON TO, ,DE NYID KYI PHYIR BSHAD PA BRTZE BA LA SOGS PA GOMS PA ZHES BYA BA'O, ,CI'I PHYIR SNYAM NA, SKYE BA NI ZHES GSUNGS SO, ,BSGRUB PAR BYA BA YIN NO ZHES BYA BAR GCAD DO, ,SKYE BA LAS NI YOD PA NYID DE DE'I PHYIR RO, ,GANG YOD PAS 'GA' YANG BLANG BAR BYA BA NYID MA YIN PAR SNANG BAR 'GYUR BA SNANG BAR 'GYUR BA ZHES BYA BA NI KHAMS GSUM PA LA SDANG BA'I RNAM PA CAN GYI CHOS CHOS SO, ,DE BZHIN DU ZHES BYA BA NI YID LOG PA BZHIN NO, ,CHAGS BRAL NI MNYAM PA NYID KYI RNAM PA CAN DU 'CHAD PAR 'GYUR LA, CHAGS KYI RAB KYI MTHAR THUG PA NI ZAD PA LAS KHRAG 'DZAG PAS 'CHI BA'I MTHAR THUG PAR 'GYUR BA'O, ,DE LTA NA ZHES BYA BA NI YID LOG PA LA SOGS PA BDAG NYID DU GYUR PA BZHIN DU SNYING RJE DANG LDAN PA BRTZE BA ZHEN PO'I BDAG NYID DU GYUR PA YIN NO, ,GAL TE BRTZE BA DANG LDAN PA NI GZHAN GYI SDUG BSNGAL GZHOM PA NYID LA BRTZON MOD, RANG GI SDUG BSNGAL GZHOM PA'I THABS BTZAL BAS CI BYE ZHE NA, RANG GI SDUG BSNGAL MA GSAL BAR ZHES GSUNGS SO, ,'DIS NI DNGOS PO THAMS CAD MNGON DU BYAS PA MED PAR BYA BA 'DI'I NYE BAR MTSON BYED YIN NO, ,DE NYID KYI PHYIR DES NA ZHES GSUNGS TE MI NUS PAS NI'O, ,CI'I PHYIR THAMS CAD KYI TSE DE STON PA SRID PA MA YIN ZHE NA, RANG GI DON 'DOD PA ZHES SMOS SO, ,THAR PA RNAMS NI RANG GI DON 'DOD PA MED DO ZHES BYA BAR DGONGS SO, ,DMYAL BA LA SOGS PAR SKYES PA'I DUS NA YANG MED PA'I PHYIR RO, , 'DIS NI RANG GI SDUG BSNGAL ZAD PA LA MNGON PAR SBYOR BAR BRJOD DO, ,GAL TE GANG GIS 'DI YANG BRJOD PAR BYA BA DNGOS PO THAMS CAD MNGON DU BYA BA LA MNGON PAR SBYOR BA MED NA CHAD PA CI YOD SNYAM NA, 'JIG RTEN GYI KHAMS 'OD ZER CAN GYI KHAMS ZHES BYA BA LA SOGS PA GSUNGS

, ,TE; DES NA 'DI BRJOD PAR BYA BA YIN NO, ,THAMS CAD CES BYA BA NI RANG GI SDUG BSNGAL ZAD PA LA SOGS PA'O, ,MNGON DU BYED PA NA ZHES BYA BA 'PHAGS PA'I BDEN PA LA SOGS PA RNAMS SO, ,RTOG PA NI RANG GI NGO BO DANG RANG GI CHOS KYI SGO NAS NGES PAR GZUNG NAS NGES PAR RTOG PA'O, ,RNAM PAR DPYOD PA THAR PA'I 'DOD PA NI LUNG DANG RIGS PAS SDUG BSNGAL GYI RTOG PA MDZAD DO, ,GTZO BO'I DON NYID KYIS NA SDUG BSNGAL GYI RGYU YONGS SU SMOS TE, LUNG LA BRTEN PA'I PHYIR NA LAS DANG 'BRAS BU LA SOGS PA YONGS SU RTOG PAR MDZAD PA YANG BSTAN PA YIN NO, ,DE BRJOD PA NI DBANG PO LAS 'DAS PA'I DON SHES PA'I RGYU LUNG BZHIN NO ZHES BYA BA'O, ,BSHAD PA GNYIS PA LA NI 'JUG PA'I RIM PA GSAL LO, ,GZHAN DU NI MA YIN NO ZHES BYA BA NI DPYOD PA LA MNGON DU PHYOGS PA MED PAR RO, , DE'I 'OG TU NI GZHAN GYI DON GYI RJES SU DPAG PA'I RANG BZHIN GYI LUNG DU ZHES BYA BA NI BSGRUB PAR BYA BA DANG SGRUB PAR BYED PA'I CHOS LA SOGS PA 'PHANGS PA'I PHYIR NA, DON GYIS NA GZHAN GYI DON GYI RJES SU DPAG PA'I RANG BZHIN NYID YIN NO, ,THAMS CAD KYI TSE TSUL GSUM PA'I GTAN TSIGS SBYOR BAR NI MA NGES SO, ,SGRUB PAR BYED PA'I NGAG SBYOR BA NA YANG MA TSANG BA DANG, MA LHAG PA 'DI 'DRA BA NYID SBYAR BAR BYA BA YIN NO ZHES BRJOD PA YIN TE, NGAG YAN LAG LNGA PO'I SBYOR BA NI THAMS CAD DU BYA BA NI MA YIN NO ZHES BYA BAR DGONGS PA'O, ,DON DE ZHES BYA BA NI DPYOD PAS YUL DU BYAS PA'O, ,BKA' LUNG SKONG BA TZAM GYI LUNG LA SA NI DON DE MTHONG BA MA YIN NO ZHES 'BREL TO, ,CI'I PHYIR ZHE NA, SMRA BA PO ZHES GSUNGS SO, ,RIGS PAR BSGRUB PAR BYA BA NI RIGS PA NYID KYIS GZHAN LA BSTAN PAR BYA BA YIN GYI BKA' LUNG GIS CI BYA, DES NA DE LTAR MI DPYOD PA JI LTAR RTOG PA DANG LDAN PA YIN, RIGS PA MI 'DOD NA YANG MA RMONGS PA CI LTAR 'GYUR, DES NA ZHES BYA BA NI RNAM PA DE LTA BU'I LUNG DU DON MTHONG BAS NA'O, ,SDUG BSNGAL GYI RGYU ZHES BYA BA NI KUN 'BYUNG GI BDEN PA'I RANG

BZHIN NO, ,DE'I ZHES BYA BA NI SDUG BSNGAL GYI RGYU'I'O, ,DE BRTAGS PAS ZHES BYA BA NI 'BRAS BUR GYUR PA'I SDUG BSNGAL BA DANG, MI RTAG PA LA SOGS PA BRTAGS PAS SO, ,CI'I DON DU ZHE NA, BZLOG PAR RUNG BA NYID DU ZHES SMRAS SO, ,GANG ZHIG DE MED PAR MI 'GYUR BA, BZLOG PAR RUNG BA NYID DU RTOG PA LA DGOS PA CI YONG SNYAM NA, BZLOG PAR RUNG BA NYID DU ZHES GSUNGS SO, ,'BRAS BU RGYU MED PA NYID NI RTAG TU YOD PA NYID DO, ,RTAG PA'I RGYU CAN MI LDOG PA JI LTAR ZHE NA, RGYU DANG BRAL BA MED PAR NI ZHES GSUNGS SO, , DE BAS NA 'BRAS BU MED PA DANG, RTAG PA'I RGYU CAN NI LDOG PA MA YIN NO, ,'O NA NI RGYU DANG BCAS PA JI LTAR LDOG SNYAM NA, RGYU YIS BYAS PA'I ZHES SMOS SO, ,'O NA MI RTAG PA'I RGYU CAN NYID LA BRTAGS PAS CI BYA ZHE NA, MI RTAG RGYU CAN ZHES GSUNGS SO, ,SDUG BSNGAL DE'I RGYU NI KUN 'BYUNG GI BDEN PA GANG YIN PA'O, ,DE'I MI RTAG PA NYID DU RTAG PA MDZAD DO, ,RGYU NI SDUG BSNGAL GYI RGYU GNAS NA'O, ,SDUG BSNGAL GYI MTSAN NYID KYI 'BRAS LDOG GO, ,'O NA SDUG BSNGAL GYI RGYU'I MI MTHUN PA'I PHYOGS BCU'I PHYIR RTOGS PAR BYED SNYAM NA, DE RGYU GZHOM PHYIR ZHES BYA'O SNYAM DU DGONGS PAR 'GYUR TE ZHES BYA BA NI DE 'DRA BA'I BLO MNGA' BAR 'GYUR BA'O, ,BYUNG BA NI ZHES BYA BA NI RGYUN GYIS 'JUG PAR 'GYUR BA NI'O, ,GNYEN PO MED KYANG RGYU MED PAR 'GYUR BA'I PHYIR GNYEN POS CI BYA SNYAM NA, GNYEN PO MED PAR NI ZHES SMOS SO, ,GNYEN PO MED KYANG SDUG BSNGAL GYI RGYU MED PAR 'GYUR RO ZHES NI MI RIGS SO, ,DE LTA MA YIN NA ME'I GNYEN PO MED PAS NA RGYU MED PA CAN DU 'GYUR BA'I RTAG TU SDUG BSNGAL MED PA KHO NA 'GYUR RO ZHES BYA BAR DGONGS PA'O, ,GAL TE RGYU MED PA NYID LAS ZHES BYA BA NI GZHAN GYI DOGS PA BSU BA'O, ,RGYU MED PA NYID LAS SDUG BSNGAL LDOG MOD 'DI LA GNYEN PO LA BRTEN PAS CI ZHIG BYA ZHES BYA BA'O, ,GANG ZHIG 'DI SKAD BRJOD PA ZHIG DE LTAR 'DOD PA YOD DAM ZHE NA, LAS ZAD PA NYID LAS ZHES GSUNGS SO, ,LAS ZAD PA YANG

, ,DKA' THUB KYI SNYON RMONGS PA LAS SO, ,GRUB PA'I MTHA' SMRA BAS BSHAD PA NI MA YIN TE ZHES BYA BA'O, ,GAL TE LAS GCIG KHO NAR ZAD NA NI DE'I TSE SPYAD PAS ZAD BA ZHIG TU YANG 'GYUR BA YIN NA, 'ON KYANG MA RIG PA'I MTSAN NYID KYI RGYU MA ZAD NA, LAS GZHAN DANG GZHAN SKYE BA 'PHEN TO ZHES BYA BA'I DON TO, ,LAS DANG SDUG BSNGAL GYI RGYUN NI MA RIG PA YIN LA, MA RIG PA YANG GNYEN PO MED PAR MI LDOG GO, ,DE LTAR 'DIS NI LAM GYI BDEN PA 'PHANGS BA YIN NO, ,SNGAR GYI RGYU YANG PHYIR ZHES BYA BAS NI BDEN PA GSUM 'PHANGS PA YIN NO, ,DE DAG GI RAB TU SPROS PA NI MDUN BSTAN PAR 'GYUR RO, ,SKYON MED DO ZHES BYA BA NI LAM LTOS PA'I MTSAN NYID NYID SKYON NO, ,DES NA ZHES BYA BA NI DU MA'I RANG BZHIN YIN PAS NA'O, ,RGYU YIN ZHES BYA BAS NI SKABS KYI SDUG BSNGAL GYIS BDAG NYID LA GDUNG BAR BYAS PAS NA ZHES SBYAR RO, ,DE LA ZHES BYA BA NI RGYU MED PAR GZHAN LA BYAMS PA LA'O, ,JI STE DE LTA BU MTHONG NGAM SNYAM NA, BDAG GI BA LA ZHES SMOS TE, BU LA SOGS PA LA'O, ,MNGON PAR ZHEN PA NI SHIN TU BYAMS PAS KUN 'DZIN PA'O, , PHYED PHYI MA NYID RNAM PAR 'CHAD PA NI BU LA ZHES SMOS SO, ,DE'I PHYIR CHAGS PA NYID SDUG BSNGAL GYI RGYU YIN NO, ,DE'I PHYIR CHAGS PA 'O NA CHAGS PA GANG NAS BYUNG SNYAM NA, BDAG DANG BDAG GI BA LA CHAGS PA YANG ZHES GSUNGS SO, ,'JIG LA LTA BA NI 'JIG TSOGS LA LTA BA GZHAN DANG GZHAN THOG MA CAN GYIS BSKYED PA NYID DO, ,DES NA ZHES BYA BA NI BRGYUD PAS RGYU YIN PA NA'O, ,'JIG PAS NA 'JIG STE, DE YANG YIN LA TSOGS KYANG YIN PAS NA 'JIG TSOGS SO, ,DER LTA BA NI 'JIG TSOGS SU LTA BAS TE, BDAG TU 'DZIN PA'O, , GNOD PAR BYED PA YIN TE, 'GAL BA'I PHYIR RO ZHES BYA BA NI 'JIG TSOGS SU LTA BA'I RANG BZHIN CAN YIN PA'I PHYIR DANG, BDAG MED PAR MTHONG BA NI DE DANG MI MTHUN PA'I PHYIR RO, ,'DI LA 'GAL BA CI YOD, GAL TE PHAN TSUN SPANGS TE GNAS PA'I MTSAN NYID YIN

NA DE'I TSE CHOS KYI 'GAL BA YIN PAS NA BDAG TU RTOG PA DANG BDAG MED PAR RTOG PA'I DNGOS PO GNYIS LA DE'I SKABS MED PA KHO NA'O, ,'DI NI BDAG TU RNAM PAR RTOG PA NYID DANG, BDAG MED PAR RNAM PAR RTOG PA NYID GNYIS LAS 'GYUR BA YIN NA, 'ON KYANG RNAM PAR RTOG PA GNYIS NI RNAM PAR GZHAG PA TZAM DU 'GYUR LA, DE TZAM GYIS NI GCIG GIS GZHAN LDOG PAR MI 'GYUR RO, ,'DI NI DNGOS PO GNYIS KYI LDAN CIG MI GNAS PA'I 'GAL BYA'I BYED PA YIN NO, ,DE KHAS LEN NA NI GRANG BA DANG TSA BA'I RIG PA BZHIN DU SKAD CIG KYANG LTA NA CIG GNAS PAR THAL LO, ,GNYI GAS NUS PA MED PA'I SKAD CIG SKYE BA LA GDON MI ZA BAR LTOS PAR BYA'O, ,GAL TE SKAD CIG KYANG LHAN CIG GNAS PA MED PA'I PHYIR CHER SHIN TU 'GAL BA MA YIN SNYAM NA, RNAM PAR RTOG PA THAMS CAD PHAN TSUN 'GAL BAR THAL BA'I PHYIR DANG; 'GAL BA GSUM PA RNAM PAR GNAS PAR THAL BA'I PHYIR RO ZHE NA, 'DI LA BRJOD PA BDAG YOD PA DANG MED PA DAG NI PHAN TSUN SPANGS TE KHO NA'I 'GAL BA YIN NO, ,RNAM PAR RTOG PA GNYIS NI DE SGO NYID NAS 'DOGS PA YIN TE, DE LA NGES PA'I PHYIR RO, ,'O NA DE MED PA LA MI 'KHRUL PA'I SGO CAN GYI MI 'GAL BAR 'GYUR RO SNYAM NA YIN TE, NYE BAR BTAGS PA TZAM DANG KHAS LEN PA'I PHYIR RO, ,MED PA LA MI 'KHRUL GZHAN LA YANG NYE BAR BRTAGS PAR 'GYUR RO ZHE NA, MA YIN TE, DGOS BA MED PA'I PHYIR RO, ,'GAL BA NI LHAN CIG GNAS PA DGAG BA'I PHYIR RO, ,DON DU GNYER BA YIN LA BUM PA DANG SNAM BU DANG, GZUGS DANG RO LA SOGS PA LA NI LHAN CIG GNAS PA YOD PA'I PHYIR NYE BAR BTAGS PAS CI BYA, 'DIR NI BDAG LA SOGS PA MED PAR BRTAN PAR BYAS PA NA YOD PA'I RNAM PAR RTOG PA'I GO SKABS MED LA, YOD PA LA YANG MED PA'I RNAM PAR RTOG PA'I GO SKABS RNAM GRANGS KYIS KYANG MI SRID DO, ,PHUNG PO LA SOGS PA'I RNAM PAR RTOG PA NI RNAM GRANGS KYIS MI 'GAL LO, ,DES NA RNAM PAR RTOG PA 'GAL BAR THAL BA MED PA STE, DE'I PHYIR CI LTAR BTAGS PAR SHES PA'I YOD PA'I MED

, ,PA'I YUL GYI SGO NAS THA SNYAD DU BYED PA DE BZHIN DU 'GAL BA YANG YIN PA'I PHYIR NYES PA MED DO, ,LHAN CIG MI GNAS PA'I THA SNYAD KYANG MI MTHUN PA MA YIN TE, DNGOS PO'I BLO 'JUG PA NYID, BAG CHAGS KYI MTSAN NYID RGYU MI MTHUN PA SKYED PA LAS DNGOS PO MED PA'I BLOS RGYUN GCOD PA YIN NO, ,DE LA GAL TE RNAM PAR RTOG PA'I BLO GNYIS GCIG GI TSE NYE BAR GNAS PA MED PAR BRJOD PAR DE LTAN YANG DNGOS PO'I RNAM PAR RTOG BSKYED PA'I BAG CHAGS DANG DNGOS PO MED PA'I RNAM PAR RTOG BSKYED PA'I BAG CHAGS DANG DNGOS PO MED PA'I RNAM PAR RTOG PA CIG CAR 'PHRAD PA YIN PA'I PHYIR NUS PA MED PA'I SKAD CIG SKYED BAR MI 'GAL LO, ,'ON TE YANG DE'I TSE ME LAS GRANG BA LTAR, DE'I TSE GSAL BA'I DNGOS PO MED PA'I RNAM PAR RTOG PA LAS THA DAD PA BAG CHAGS ZHES BYA BA'I RJES NI YOD PA MA YIN TE DE'I NUS PA'I RANG BZHIN YIN PA'I PHYIR RO, ,DES NA GANG DANG GANG LHAN CIG TU 'BYUNG SNYAM NA, DE KHO NAR NI 'DI DE BZHIN NYID YIN NO, ,'ON KYANG CHOS CAN SEMS KYI RGYU GCIG BZHIN DU RTOGS PAS BAG CHAGS LOGS SU BSTAN PA NA, DNGOS PO MED PA'I RNAM PAR RTOG PA DANG, LHAN CIG 'BYUNG BA NYID DU BSNYAD PA YIN NO, ,DE TZAM GYIS KYANG LHAN CIG MI GNAS PA'I 'GAL BAR BRJOD PA YIN TE, DPER NA DU BA LAS BYUNG BA'I ME'I BLO LA MER THE TSOM ZA BA DANG 'GAL BAR BRJOD PA BZHIN NO, ,GANG GIS HA CANG THAL BAR 'GYUR BA SNGON PO'I RNAM PAR RTOG PA YANG DE'I BAG CHAGS MI MTHUN PAR BYED NUS PA MA YIN LA; DES NA SDUG BSNGAL BCAD PA YANG MA YIN NO, ,DES NA NYID KYIS THA SNYAD GRAGS PA LA BRTEN NAS RNAM PAR MA DPYAD PAR RNAM PAR RTOG PA RNAMS PHAN TSUN 'GAL BAR BRJOD BAS NA NYES PA MED DO, ,'DI NYID BRJOD PA NI, DE DANG RNAM PAR 'GAL BA'I ZHES BYA BA'O,, DE'I NI 'ANG GI TSOGS SU LTA BA'I'O, ,DE NI MI RTAG PA LA SOGS PA'I RANG BZHIN RTOG PAR MDZAD CES BYA BA DE'I 'BRAS BU BRJOD PA NI, MI RTAG PA YIN PAS LDOG PA YIN NO ZHES BYA BA'O, ,RTAG PA'I BZLOG PAR MI NUS SO ZHES BRJOD ZIN TO, ,'CHI BA LA SOGS PAS SDUG

BSNGAL BA GANG YIN PA DER JI LTAR MI 'GYUR, DE MED PA'I PHYIR NA BDAG DANG BDAG TU 'DZIN PA'I SGO CAN GYI SDUG BSNGAL GANG YIN PA NYID MED PAR 'GYUR MOD SNYAM DU BSAMS PA'O, ,GOMS PA LAS SKYES PA'I DRAN PA GSAL BA GANG LA YOD PA STE, RJES SU SGRUB PAR BYED PA'I SEMS KYI RGYUN DE'I YIN NO, ,'DI NI BDAG MED PAR GOMS PA 'PHEL BAR GYUR PA'I GNAS SKABS NA YIN NO, ,GNOD PA CI ZHIG YOD CES BYA BA NI MED PA KHO NA'O ZHES BYA BA'I DON TO, ,'DI NYID SGRUB PAR BYED PA NI MTSAMS SBYOR BA ZHES BYA BA'O, ,DE NYID NI NGA'O ZHES MTSAMS SBYOR BA YANG YIN LA, KUN DU 'DZIN PA ZHES BYA BA MNGON PAR DGA' BA YANG YIN NO YANG MTSAMS SBYOR BAR YOD NA KUN DU 'DZIN PA GANG YIN PA'O, ,DE MED PAR NI GDUNG BAR 'GYUR BA MA YIN NO, ,'DI SNYAM DU SDUG BSNGAL BAR MI 'GYUR MOD, DE GO JI LTAR BZLOG SNYAM NA, GANG LA ZHES SMOS SO, ,GANG LA ZHES MNGON BAR DGA' BA'I RGYU ZHES BYA BA NI MNGON PAR DGA' BA'I YUL LO, ,GAL TE DE LTA YIN MOD, DE LTA NA YANG RTZOD PA JI LTAR SPANGS PAR SNYAM NA, THA MAL BAR GOMS PAR BYAS PA NI ZHES SMOS SO, ,DE GOMS NA DE NYID LA MNGON PAR DGA' BA'I PHYIR BDE BA DANG SDUG BSNGAL DAG YOD PA MA YIN NO, ,GAL TE TSUL 'DI NYAN THOS DANG RANG SANGS RGYAS DANG THUN MONG MA YIN NAM, DES NA BCOM LDAN 'DAS LA KHYAD PAR DU 'PHAGS PA CI YOD SNYAM DU DOGS PA BSU NAS, SHIN DU ZHES GSUNGS SO; ;LUS DANG LONGS SPYOD DAG GI GNOD PAR BYED PA YOD KYANG GDUNG PAR MI 'GYUR RO ZHES SBYAR RO, ,GANG GI TSE ZHE NA, SHIN DU SEMS CAN DU LTA BA LOG PA'I DUS NA'O, ,BAG CHAGS DANG BCAS PA'I BDAG TU LTA BA LOG PA'I PHYIR BTANG SNYOMS PA GANG YIN PA DE DAG LA YANG, LUS DANG GZHAN LA SHIN TU GNOD PAR BYED PA YOD KYANG RUNG BAR MI 'GYUR BA NYID DO, ,DE PA ZHES BYA BA LA DE ZHES BYA BA NI SHIN TU SEMS CAN DU LTA BA LOG PA'O, ,BSHAD PA'I RGYU BSTAN PA'I SGO NAS SMRAS PA'O, ,SKABS KYIS 'CHAD PAR 'GYUR BA'I BCOM LDAN 'DAS KYI DBANG DU BYAS

, ,TE ZHES BYA BA YIN NO, ,DE BRJOD PA'I TSIG DE GANG YIN ZHE NA, RNAM PA DU MAR ZHES BYA BA LA SOGS PA SMOS SO, ,RTOGS PA NI RAB TU RTOGS PA'O, ,DE RGYAS PA NI SHIN DU 'PHEL BAR GYUR PA'O, ,RNAM PA MANG PO ZHES BYA BA NI RNAM PA DU MAR ZHES BSHAD PA'O,, GZHAN DANG GZHAN ZHES BYA BA NI MANG PO ZHES BYA BA'O BSHAD PA'O, ,DE LA RNAM PA DU MAR ZHES BRJOD PA NA, DUS GCIG TU YANG ZHES BYA BAR RTOGS PAR 'GYUR BAS NA, DE RNAM PAR GCAD PA'I DON DU MANG PO ZHES SMRAS SO, ,LAN MANG PO TZAM NI DUS CHUNG NGUS KYANG BYA BAR NUS PAS DE BCAD PA'I PHYIR YUN RING DUS SU ZHES GSUNGS SO, ,THAMS CAD KYI RNAM PA DE LA YANG, ,BA CIG LA NI YON TAN DANG, KHA CIG LA NI NYES PA GSAL BAR 'GYUR RO, ,DE'I TSE NI BDAG MED PA MNGON DU BYED PA NYID SKYES PA DA LTAR DNGOS PO GZHAN THAMS CAD RTOGS PA LAS 'BAD PA NI BRTZE BA LAS YIN NO, ,GAL TE DE LTA YIN MOD DE LTA NA YANG CIR 'GYUR SNYAM NA, YON TAN DANG SKYON ZHES GSUNGS SO, ,DES NA BLOS NYAN THOS LA SOGS PA LAS KHYAD PAR GRUB PO, ,DE NYID KYI PHYIR KHYAD PAR GZHAN YANG BSHAD PA NI DES NA ZHES GSUNGS SO, , DES NA BCOM LDAN 'DAS BAG CHAGS DE LUS DANG NGAG DANG YID KYI MI MTHUN PA SPANGS BA YIN NO, ,NYES PA'I RIGS THAMS CAD SHES PAR 'GYUR RO ZHES 'BREL TO, ,DE JI LTA BU ZHIG SNYAM NA, PHRA MO ZHES BYA BA LA SOGS PA'I KHYAD PAR GSUM BRJOD DO, ,DES NA ZHES BYA BA NI SHES PA NA'O, ,DE'I PHYIR ZHES BYA BA NI 'BAD PA'I PHYIR RO, ,'DI NYID NI ZHES BYA BA NI BAG CHAGS SPANGS PA'O, ,BSE RU LA SOGS ZHES BYA BA 'DI'I 'GREL PA NI, RANG SANGS RGYAS DANG ZHES BYA BA'O, ,GZHAN DON 'JUG CAN ZHES BYA BA 'DI'I BSHAD PA NI BDE BAR GSHEGS PA ZHES BYA BA'O, ,YANG NA ZHES BYA BA NI BSHAD PA GZHAN YIN NO, ,DE LTAR MA YIN NA ZHES BYA BA NI SDUG BSNGAL SPANGS PA NYID TZAM GYIS THAMS CAD MKHYEN PA NYID YIN NA'O, ,THABS KYI DBYE BA NI RGYU 'BRAS KYI RAB TU DBYE BA'O, ,GAL TE DE LTA YIN MOD DES CIR 'GYUR SNYAM NA,

DE DUS YUN RING POR ZHES BYA BA'O, ,RGYU 'BRAS KYI RAB TU DBYE BA RNAM PA MANG PO DE GOMS PAR BYAS PAS NI JI LTAR DE GSAL ZHE NA, GANG TSE ZHES SMOS SO, ,DE'I RJES 'BRANGS PAS ZHES BYA BA NI SNGON GYI SKYE BA DRAN PA'I RJES SU 'BRANGS PAS SO, ,DE DAG THAMS CAD CES BYA BA NI 'KHOR BA PA'I SKYON YON THABS DANG BCAS PA MTHA' DAG DAG GO, ,'DI LA DPE BRJOD PA NI JI LTAR GRONG GZHAN NAS ZHES BYA BA'O, ,DE YI 'DU BYED RJES 'BREL CAN, ,ZHES BYA BA NI, GRONG DER DNGOS PO DE DANG DE LA MNGON PAR DGA' BA'I 'DU BYED DE DANG RJES SU 'BREL PA DE DAG LDAN PA'O; ,DE RIG PA'I SA ZHES BYA BA NI GRONG GZHAN DU SKYED PA'I 'DU BYED RIG PAS SO, ,DE BZHIN DU SKYE BA GZHAN NAS 'ONGS PA'I SROG CHAGS KYANG SKYE BA GZHAN RIG PA SKYE BA DRAN PA CAN GYIS SHES PAR 'GYUR RO ZHES BLTA BAR BYA'O, ,GRONG DE DANG BRTEN PA DES SKYED PA'I KHYAD PAR GANG YIN PA STE, SMRA LUGS DANG ZAS KYI KHYAD PAR DANG, MNGON PAR 'DOD PA LA SOGS PA'I MTSAN NYID CAN DE MTHONG BA NA'O, ,DE RIG PAS ZHES BYA BA NI GRONG GZHAN DANG STON PAS BSKYED PA'I KHYAD PAR RIG PAS SO, ,DES NA ZHES BYA BA NI GRONG GZHAN NAS SO, ,DES NA ZHES BYA BA NI 'ONGS PA NYID DU SHES PAS NA'O, ,DON LA SBYAR BA NI DE BZHIN DU ZHES BYA BA'O, ,SKYE BA GZHAN YANG SKYE BA DRAN PAS RJES SU DPOG PA YIN NO ZHES RTOGS PAR BYA'O, ,JI LTAR SNYAM NA, SKYE BA GZHAN DES BSKYED PA'I KHYAD PAR 'DU BYED PA GANG YIN PA DE'I RGYU YIN PA NYID KYIS SO, ,'BRAS BUR GYUR PA'I 'DU BYED DE NYID LAS ZHES BYA BA'I DON TO, ,DE LA BSHAD PA DANG PO LA, ,BCOM LDAN 'DAS BSE RU LA SOGS PA RNAMS LAS KHYAD PAR NYE BAR BSTAN PA BRJOD PAR BYA BA YIN LA, GNYIS PA LA NI THAMS CAD MKHYEN PA NYID BRJOD PAR BYA BA YIN NO, ,KHYAD PAR NYE BAR BSTAN PA YANG DE NYID GTZOR BYED PA YANG YIN NO, ,DE LTAR SKYE BA DRAN PA NYID YIN NA, 'DU BYED RNAM PA SNA TSOGS KYI THABS RNAM PA SNA TSOGS NGES PAS NA, DE'I RJES SU 'BRANGS NAS SKYE BA GZHAN LA YANG, KHYAD PAR CAN GYIS GOMS PA'I RGYU

, ,DANG LHAN CIG PA'I SKYE BA GZHAN YANG SHES PAR 'GYUR RO ZHES BSTAN PA YIN NO, ,DA NI LAS DANG 'BRAS BU 'BREL PA RTOGS PA YANG SRID PAR STON PA NI, LKOG TU GYUR PA'I DON SKYE BA GZHAN NA YOD PA'I ZHES BYA BA STE, TSIGS SU BCAD PA LA GNAS PA'I SBYIN LA SOGS ZHES BYA BA 'DI DANG 'BRAL TO, ,RNAM PA 'DI YIS NI SKYE BA DRAN PAR GYUR BA NA BDAG NYID RANG LA SBYIN PA DANG LONGS SPYOD LA SOGS PA'I RGYU 'BRAS KYI DNGOS PO NYAMS SU MYONG BA LAS, GZHAN LA LONGS SPYOD LA SOGS PAS SBYIN PA LAS JI STE RJES SU MI DPOG STE, RJES SU DPOG PA KHO NA'O, ,'BRAS BUR GYUR PA RJES SU DPAG PA SKYES PAS KYANG 'BREL PA NGES PA NYID BSTAN PAR BYA BA YIN TE, DE NGES PA MED PAR NI DE MI 'BYUNG BA'I PHYIR RO, ,DE BRJOD PA NI DE LAS KYANG NI ZHES BYA BA'O, ,YUL 'DI DANG ZHES BYA BA NI YUL LA SOGS PA LONGS SPYOD PAR BYA BA DANG NGO, ,RNAM PA NI MDOG DBYI BAS SO, ,RANG BZHIN NI SMRA LUGS LA SOGS PA'O, ,BYE BRAG GI RANG BZHIN NGES PAR RTOGS PA NA ZHES BYA BA NI YUL DE NA YANG RANG BZHIN 'DI 'DRA BA YOD PA YIN LA GRONG DE NA YANG CHA 'GA' ZHIG NA RANG BZHIN 'GA' ZHIG LTAR YIN NO ZHES BYA BAR RO, ,DE BZHIN DU BRTZE BA CHEN PO'I DANG DU GYUR PA LA NI THAMS CAD DU SKYES PA'I PHYIR DANG, SKYE BA DRAN PAS BRGYUD PAS NA RIM GYIS 'PHEL BA DANG 'GRIB PA NGES PAR BZLOG PAR DKA'O, ,SO SOR NGES PA'I RANG BZHIN THAMS CAD RIG PAS NA ZHES BYA BA NI BYE BRAG GI KHYAD PAR GYIS KHYAD PAR CAN DU GYUR PA'I RANG BZHIN GANG YIN PA STE, RAGS PA DANG PHRA BA DANG, SHIN DU PHRA BA DANG, CHES SHIN DU PHRA BA DE'I RANG BZHIN THAMS CAD RIG PA'O, ,LAS DANG 'BRAS BU LA SOGS PA ZHES BYA BA NI SBYIN PA LA SOGS PA LAS LONGS SPYOD CHEN PO 'THOB PA LA SOGS PA STE, SNGON YUL 'DI 'DRA BAR GNAS PA LA SOGS PAS NI MNGON PAR 'DOD PA LA SOGS PA 'DI 'DRA BAR 'GYUR BA YIN NO ZHES BYA BA LTA BUR RO, ,BYANG GROL GYI LAM NI TSAD MAS NGES PAR BYAS TE MNGON DU BYAS PA YIN

TE; DE BAS NA NYE BAR MKHO BA'I THAMS CAD MKHYEN PA'I PHYOGS NYE BAR SDUD PA NI, MTHO RIS DANG NI ZHES BYA BA'O, ,TZAM GYI SGRAS NI THAMS CAD THAMS CAD MKHYEN PA NYID MED KYANG ZHES BYA BAR BSTAN TE, STON PA NI STON PAR MDZAD PA NYID DO, ,THAMS CAD THAMS CAD MKHYEN PA'I DBANG DU BYAS NAS BSHAD PA NI, 'GRO BA MTHA' DAG KYANG ZHES BYA BA'O, ,'DI LTAR BSAMS PA YIN TE RE ZHIG DNGOS PO LHAG TU SPYOD PA LA BRTEN PA CAN RNAMS NI, GZUGS DANG RO LA SOGS PA BZHIN GDON MI ZA BAR BRDA DNGOS SAM BRGYUD PAS KYANG RUNG STE, RGYU DANG 'BRAS BU'I DNGOS PO DANG, TSOGS PA GCIG LA RAG LAS PA DAG GIS PHAN TSUN 'BREL PA YIN NO, ,DE BZHIN DU 'GA' ZHIG BAR GCOD DANG BCAS PA YIN YANG, 'GA' ZHIG NYE BA DANG BCAS PA YIN NO, ,DE DAG DANG LHAN CIG 'BREL PA NA, GANG DAG DANG BAR CHOD PA CAN DE DAG DANG YANG 'BREL PAR 'GYUR TE, 'BREL PA DANG 'BREL PA'I PHYIR RO, ,DE BZHIN DU GZHAN DAG DANG YANG YIN NO, ,DE BAS NA THAMS CAD KYANG PHAN TSUN RGYU DANG 'BRAS BU'I DNGOS POS PHAN TSUN NYE BAR 'BREL TO, ,SKYE BA BRGYUD PAR GOMS PAS KYANG RGYU DANG 'BRAS BU'I DNGOS PO LA THUGS GSAL BAR GYUR PA YIN TE, DES NA GCIG RANG BZHIN NGES PA NA YANG DNGOS PO MTHA' DAG DANG, RNAM PA THAMS CAD RJES SU DPAG PA BZLOG TU MED DO, ,DES NA THAMS CAD MKHYEN PA NYID YIN NO ZHES BYA BA NI DNGOS PO THAMS CAD MKHYEN PA NYID DO, ,DON TE ZHES BYA BA NI GZHAN GYI'O, ,LAN GYI DON NI 'DI YIN TE, RNAM PA GCIG LA DMIGS PA'I RJES SU DPAG PA LA NI MI GSAL BA NYID DANG DON LA MA REG PA NYID LDAN PA YIN GYI, RNAM PA THAMS CAD YONGS SU 'DZIN PA LA DNGOS PO NYID SNANG PA YIN TE, DBANG PO'I RNAM PAR SHES PA BZHIN NO, , DBANG PO'I RNAM PAR SHES PA LA YANG RNAM PA THAMS CAD SNANG BA LAS GSAL BA'I DON GZHAN NI MA YIN TE, DE TZAM GYIS YONGS SU RDZOGS PA'I PHYIR RO, ,DES NA JI LTAR DBANG PO'I MNGON SUM RNAM PA THAMS CAD 'DZIN PA NYID KYIS DNGOS PO'I YUL CAN DANG, MA 'KHRUL

, ,BA YIN PA DE BZHIN DU RNAM PA THAMS CAD RJES SU DPOG PA YANG MA YIN NO, ,DE'I PHYIR MNGON SUM DANG DE LA THA DAD PA YOD PA MA YIN TE, 'ON KYANG MNGON SUM DANG MTSUNGS PA YIN NO ZHES BYA BA'I DON TO, ,GAL TE MNGON SUM NI DBANG PO LA BRTEN PA YIN LA, 'DI NI YID MA YIN NAM, DES NA JI LTAR MTSUNGS PA YIN SNYAM NA, DBANG PO DANG NI 'BREL PAS KYANG, ,ZHES GSUNGS SO, ,DE LAS ZHES BYA BA NI RNAM PA THAMS CAD YONGS SU GCOD PA LAS SO, ,DE YOD DO ZHE NA NI DE TZAM NYID KYIS DON MNGON DU BYED PAS MNGON SUM NYID DU GRUB PA'I PHYIR, DBANG PO DANG 'BREL PA'I SGRA NI GZHAN LA RAB TU GRAGS PAS YIN NO, ,DBANG PO'I BYED PA LA LTOS PAS CI BYA ZHES BYA BA'I DON TO, ,GAL TE RNAM PA THAMS CAD RJES SU DPOG PA, CI SHES PA NYID GCIG YIN NAM 'ON TE DU MA YIN; RE ZHIG GCIG NI MA YIN TE, RNAM PA SO SO LA RTAGS GZHAN DANG GZHAN GYIS BSKYED PAR BYA BA NI RJES SU DPOG PA GCIG TU 'OS PAR JI LTAR 'GYUR, 'DI 'DRA PA'I RGYU LAS SKYES PAR NGES PA NYID NI 'DI 'DRA BA'I 'BRAS BU BYED PAR NGES PA MA YIN NO, ,'ON TE DE MA YIN NA DE YANG CIG CAR RIM GYIS 'BYUNG BA ZHIG YIN TE, RE ZHIG RNAM PAR RTOG PA RNAMS LA NI CIG CAR 'BYUNG BA MI SRID DO, ,RIM GYIS YIN NA NI RNAM PAR RTOGS PA RNAMS SO SOR DMIGS PA RE RE LA DMIGS PA'I PHYIR, RNAM PA THAMS CAD SPYOD YUL DU BYED PA'I MNGON SUM LAS THA MI DAD PAR MI 'GYUR RO, ,MA 'KHRUL PA TZAM GYIS NI MNGON SUM MA YIN GYIS 'ON KYANG RTOGS PA MED PAR GYUR NA'O, ,DES NA JI LTAR RJES DPAG RNAM PAR RTOG PA MNGON SUM NYID MA YIN ZHE NA, 'DI LA SMRAS PA RNAM PA THAMS CAD RJES SU DPOG PA'I SGRAS RJES SU DPOG PA NYID NI BRJOD PAR 'DOD PA MA YIN GYI, 'ON KYANG 'BRAS BU LA RGYU NYE BAR BTAGS NAS RNAM PA THAMS CAD RJES SU DPOG PA GOMS PA BRGYUD PA LAS SKYES PA RNAM PAR RTOG PA MED PA'I YID RNAM PA THAMS CAD MNGON SUM BYED, SKAD CIG SO SO ZHING RE RER GYUR PA, ,

RNAM PA THAMS CAD LA RNAM PAR RTOG PA SKYED PA DANG, DE DANG RJES SU MTHUN PA'I THA SNYAD 'JUG BAR RUNG BA NYID 'DOD PA YIN TE, ZOR YANG BA'I PHYIR RO, ,THABS GZHAN GYIS BSGRUB PAR BYA BA MA YIN PAR BSTAN PA YANG 'DI SKAD BSTAN PA'I 'BRAS BU YIN NO, ,DE SKAD DU YANG JI LTAR RJES SU DPAG PAS DE 'DAS PA DANG MA 'ONGS PA LA SOGS PA NYID DU RTOGS PA DE BZHIN DU RJES SU DPAG PA DES SKYES PA'I MNGON SUM YANG YIN NO, ,DE SKAD DU YANG JI LTAR RJES SU DPAG PA DES BSKYED PA'I MNGON SUM NYID GZHAN DU RTOGS PA NI MA YIN NO ZHES 'CHAD PAR 'GYUR RO, ,DE'I PHYIR BRJOD PA'I SUN 'BYIN PA MED DO, ,GAL TE DE LTAR DE RNAL 'BYOR GYI MNGON SUM NYID YIN NA DE NI MNGON SUM LAS GZHAN MIN ZHES CI LTAR BRJOD CE NA, DE'I NGO BO YONGS SU MA RDZOGS PAR DGOS PA NA BRJOD LUGS 'DI 'DRA BA YIN NO, ,DPER NA 'DI BRAM ZE LAS GZHAN MA YIN NO ZHES BYA BA LTA BU'O ZHE NA, BDEN TE 'ON TE DBANG PO RNAMS YOD PA DANG PHRAD NA SKYES BUS BLO SKYES PA DE NI MNGON SUM YIN NO ZHES BYA BAR GZHAN GYI LUGS LA LTOS NA MA RDZOGS PAR DOGS PAR YOD PA NYID DO, ,DE NYID STON PA NI GAL TE DBANG PO LA ZHES BYA BA'O, ,PRA TE'I SGRA NI MTSAN NYID KYI DON YIN LA, 'DIR MTSAN NYID KYI DON KYANG RTEN GYI DON DU RTOGS PAR BYA BA YIN NO, ,DBANG PO LA RTEN PAR BYED PA'I BLO NI DBANG PO MTSON PAR BYED PA KHO NA'O, ,PRA TE KshA'I SGRA LA YOD PA'I PRA TE NI, RTEN PA'I DON TE, RTEN PA'I DON TO ZHES BYA PA'O; ,DON YIN PA'I PHYIR NA DBANG PO LA BRTEN PA ZHES BYA BA'I NGAG BRJOD PA YIN NO, ,LAN DU 'DI NI ZHES BYA BA'O, ,DBANG PO LA BRTEN PA NYID MNGON SUM GYI RANG BZHIN NI MA YIN NO, ,'O NA RANG BZHIN GANG YIN SNYAM NA, 'ON KYANG ZHES GSUNGS SO, ,'DI NYID NI RTOG PA DANG, BRAL ZHING MA 'KHRUL PA'I MTSAN NYID DAG GO, ,MNGON SUM ZHES THA SNYAD 'DOGS PA'AM, 'DOGS SU 'JUG PA YIN NO, ,DES NA MTSAN NYID NI RANG BZHIN YIN NO ZHES BRJOD PA YIN NO, ,NYE BAR MTSAN PA TZAM NI SKABS KYIS MNGON DU BYED PA NYID KYI'O, ,DES NA DBANG PO

, ,DANG 'BREL PA MED KYANG MNGON DU BYED PA TZAM GYIS MNGON SUM GYI SGRA 'JUG PAR GRUB PA YIN NO ZHES BYA BAR DGONGS PA'O, ,DBANG PO'I RANG BZHIN NGES PA NI YOD PA MA YIN GYI, 'ON KYANG DON MNGON DU BYED PA'I SHES PA SKYED PAR BYED PA NYID YIN NO ZHES BSTAN PA'I DON TE, ,GZHAN YANG ZHES GSUNGS SO, ,RAB RIB LAS BYUNG BA LA NI DBANG PO'I BYED PA YOD PA YIN NA, DNGOS PO'I RANG BZHIN MNGON DU BYED PA NI MA YIN NO, ,DES NA JI LTAR DBANG PO LA BRTEN PA TZAM GYIS MNGON SUM YIN, DE NI ZHES BYA BA NI GZHAN GYI DOGS PA BSU BA'O, ,DE NYID DU THAL PA NI DBANG PO NYID DU THAL BA'O, ,YID KYANG ZHES BYA BA NI GSAL BA MNGON DU BYED PA'I MNGON SUM SKYE BA STE, RNAM PA THAMS CAD GOMS PA'I MTHAR THUG PA'I GNAS PA DE'O, ,YID DE NI DON GSAL BAR SHES PA'I RGYU YIN PA'I PHYIR DBANG PO YANG YIN LA, LDOG PA GZHAN LAS DE MA THAG PA'I RKYEN YANG YIN PA LA 'GAL BA CI YOD, 'ON TE DBANG POS BSKYED PA TZAM GYIS NI MNGON SUM DU MI SMRA'O, ,'ON KYANG YOD PA DANG PHRAD NA SKYES PA'O, ,DES NA JI LTAR NYAMS PA LA THAL BAR 'GYUR SNYAM NA, 'DI LTAR BSAMS PA YIN TE, DE'I TSE YANG ZLA BA GCIG DANG LHAN CIG PHRAD PA YOD PA NYID PAS JI LTAR SPONGS, 'ON TE GANG ZHIG SNANG BA DE DANG LHAN CIG PHRAD PA BRJOD PAR 'DOD PA YIN NO SNYAM NA, DE LTA NA NI 'O NA YOD PA ZLA BA GCIG DANG 'BREL PA'I PHYIR ZLA BA GNYIS SU SHES PA NYID MI 'THAD DO, ,DE BAS GDON MI ZA BAR 'DI SKAD BRJOD DGOS TE, DE NI DBANG PO NYID MA YIN TE, YOD BA'I ZLA BA GCIG DANG PHRAD KYANG SHES PA LA DE'I RNAM PAR 'JOG PAR MI NUS PA'I PHYIR DANG MED PA MTHONG BA'I PHYIR RO ZHES SO, ,DE LTA NA NI 'O NA YOD PA'I RNAM PAR SNANG PA'I SHES PA BSKYED PA'I KHO NA DBANG PO YIN NA ZHES BYA BA 'DI NA GYIS BYUNG PA YIN NO, ,DE LTA NA NI YID KYANG DBANG PO NYID DU MI 'GAL LO DE LTA NA 'ON LONG MED PA LA SOGS PA YANG MA YIN TE, DE DAG GI RGYUD LAS, RNAM PA DE LTA BU'I 'DU BYED YONGS SU SMIN PA MED PA'I PHYIR RO, ,

'DIS NI MNGON DU BYED PA RGYU NYID KYI DBANG PO YIN NO ZHES BSTAN TO, ,YANG GANG GI TSE MNGON DU BYED PA LA YID KYI BYED PA 'DOD PA DE'I TSE YANG GTZO BO NI YID KHO NA YIN NO ZHES STON PAR BYED PA NI GZHAN YANG ZHES BYA BA'O, ,RNAM PAR 'KHRUGS LA ZHES BYA BA NI BSAM PA GZHAN LA ZHUGS PA'I DUS SAM, MYA NGAN LA SOGS PA'I GNAS SKABS SU'O, ,GAL TE DON GZHAN SEMS PA'I DUS NA SHES PA NYID MA SKYES PA LA YIN NAM, DE LA MI GSAL BA GANG LA YOD, MYA NGAN LA YANG DBANG PO NYID NYAMS PA'I PHYIR MI GSAL BA YIN NO ZHE NA, SMRAS PA SHIN TU NUS PA MED PA NA GA LAS SHES PA MA SKYES PA DE NYID LAS NUS PA MED PA CUNG ZAD ZI BA NA MI GSAL BA'I RNAM PA CAN 'GA' ZHIG SKYE BA YIN NO ZHES BYA BA NI RIGS PA KHO NA'O, ,MYA NGAN GYIS 'KHRUGS PA NI DBANG PO NYAMS PA MI GSAL PA'I RGYU YIN NO ZHES BYA BAS NI MI GSAL BA YID KYI NUS PA CHEN PO NYID DU GSAL PAR BYAS PA YIN TE, DBANG PO YANG RNAM PAR BSGYUR NAS SHES PA YANG MI GSAL BAR BYED PA'I PHYIR RO, ,GAL TE DBANG PO'I RNAM PAR 'GYUR BA MED PAR MI GSAL BA NYID DU MI 'GYUR BA'I PHYIR, DE NYID GTZO BO MA YIN NAM ZHE NA, MA YIN TE, DBANG PO NYAMS PAR 'GYUR BA'AM, GSAL BAR GYUR PA DE NYID LA RAG LAS PA'I PHYIR NA, 'DI NI YID DANG 'BREL PA KHO NA'O, ,'O NA MYA NGAN LA SOGS PA NYAMS PA NYID 'KHRUL PAR 'GYUR RO SNYAM NA, DE LTA MA YIN TE, YID GTZO BO YIN YANG DBANG PO LA RTOG PA'I PHYIR NI 'DI DBANG PO'I 'KHRUL PA YIN NO ZHES GNAS SO, ,GAL TE ZHES BYA BA NI RTZOD PA'O, ,DE YANG ZHES BYA BA NI LAN NO, ,'DI NI ZHES BYA BA NI RNAM PA THAMS CAD RJES SU DPAG PAR 'DOD PA NA'O, ,LKOG NYID NI LKOG GYUR SHES PA NYID DO, ,YUL MNGON DU BYED PA'I BYA BA LA 'JUG PA GANG YIN PA DE NYID MNGON SUM ZHES BRJOD PA YIN NO, ,GAL TE MNGON DU BYED PA LA 'THAD PA YIN NA MNGON SUM LA CIS GEGS BYED, YANG NA 'DI NI ZHES BYA BA NI 'DAS PA LA SOGS PA NA'O, ,JI LTAR LKOG GYUR NYID DE MA YIN PA NYID DO, ,

, ,MNGON DU BYAS PA LKOG GYUR NYID YIN NA NYES PA CI YOD SNYAM NA, MNGON DU BYAS PAS ZHES GSUNGS SO, ,'ON TE ZHES BYA BA'I RTZOD PA NI LHAG PA BRJOD PA'I DON DU'O, ,DE LA SNGAR NI MNGON DU BYED PA TZAM GYIS MNGON SUM YIN GYI, DBANG PO LA LTOS PA NI MA YIN NO ZHES BRJOD PA YIN LA, DE MA THAG PAR NI MNGON DU BYED PA RGYU YIN PA'I PHYIR YID NYID DBANG PO YIN NO SHES GZHUNG BTZUGS PA YIN ZHING, DE LTA NA NI GAL TE MNGON DU BYED PA DBANG PO LA RAG LAS NA DE'I TSE DBANG PO BYED PA YANG RJES SU DPAG PAS GRUB PAR NGES PAR KHAS BLANG BAR BYA'O ZHES BRJOD PA YIN NO, ,DE NYID BSHAD PA NI, DBANG PO BYED PA DE NYID CES BYA BA'O, ,DBANG PO'I MNGON SUM 'BA' ZHIG TU MA ZAD KYI, RNAM PA THAMS CAD RJES SU DPAG PA LA YANG NGO, ,'ON TE GANG GIS YOD PAR 'GYUR RO ZHES BRJOD PA 'DI JI LTAR RTOGS SNYAM NA RJES SU DPAG PA'I 'JUG PA NI ZHES GSUNGS SO, ,DA LTA BA DANG GZHAN PA'I MIG LA SOGS PA'I BYED PA YANG RJES SU DPAG PA NYID LAS RTOGS PA YIN TE, 'DAS PA LA SOGS PA'I DON 'BA' ZHIG TU MA ZAD DO, ,THAMS CAD LA MNGON DU BYED PA'I PHYIR, DA LTAR BA DANG GZHAN PA'I BYED PA RTOGS PA'I PHYIR RO, ,YANG NA YANG GI SGRA NI ZHES GNAS PA SO SO'I SKYE BO DANG 'BREL PA LA BLTA BAR BYA'O, ,SO SO'I SKYE BO'I DBANG PO'I BYED PA YANG RJES SU DPAG PA NYID LAS YIN GYI MNGON SUM LAS RTOGS PA NI MA YIN NO, ,'ON TE MIG LA SOGS PA'I BYED PA MED BZHIN DU MNGON DU BYED PA YIN NO ZHES BYA BAR BRJOD NA, 'ON NI MNGON SUM DU BYED PA DBANG PO'I BYED PA LA RAG LAS PA MA YIN NO ZHES BYA BAR GRUB BO, ,DES NA DBANG PO'I BYED PA MED KYANG MNGON DU BYED PA TZAM GYIS MNGON SUM GYI SGRA 'JUG PAR GRUB PO ZHES BYA BAR DGONGS PA'O, ,DE'I PHYIR 'DAS PA LA SOGS PA DANG, DE LA BRTEN PA DBANG PO'I BYED PA RJES SU DPAG PAS RTOGS PA NA DE MNGON DU BYED PA RNAL 'BYOR PA'I ZHES PA LA GNYI GA'I YANG NUS PA YOD PA KHO NA 'O, ,DES NA 'DAS PA LA SOGS PA RIG PA JI LTAR MNGON SUM

YIN TE, 'BYUNG BA DANG BYUNG BA'I DBANG PO'I BYED PAS BSKYED PA YIN PA'I PHYIR RO, ,DE LAR 'DAS PA LA SOGS PA LA RANG DANG GZHAN GYI DBANG PO'I BYED PA SRID PA'I PHYIR RNAL 'BYOR PA'I SHES PA MNGON SUM YIN NO ZHES BSGRUBS NAS, DA NI GANG KHO NA LA BSGOM PA LAS DE MNGON DU BYED PA'I SHES PA SKYES PA DE NYID KYI DBANG PO'I BYED PA NI SNGAR YANG 'DAS PA LA SOGS PA'I DON LA YOD PA YIN NO ZHES BSTAN PA'I DON DU GZHAN YANG ZHES GSUNGS SO, ,DBANG PO'I RNAM PAR SHES PAS SNGON MTHONG BA'O, ,DE'I TSE BDAG GI MIG LA SOGS PA'I YANG BYED PA RTOGS PAR BYED DO, ,GZHAN GYI MIG LA SOGS PA 'BA' ZHIG GIS NI MA ZAD DO, ,GAL TE DE LTAR NA'ANG RNAM PA THAMS CAD RJES SU DPOG PA LA DBANG PO'I BYED PA YOD PA NI LTAR 'GYUR SNYAM NA, GAR 'BYUNG ZHES SMOS SO, ,DE LA ZHES BYA BA NI RNAM PA THAMS CAD RJES SU DPOG PA LA'O, ,DE TSE NYID SKYES PA ZHES BYA BA NI MNGON SUM MA YIN PA DBANG PO'I BYED PA 'JUG TU RUNG BA'O, ,DE LA ZHES BYA BA NI DE TSE NYID SKYES PA LA'O, ,GANG GI TSE BYUNG BAR GYUR PA'I DON RJES SU DPAG PAS DPOG PA ZHES 'BREL TO, ,DE'I TSE BYUNG BAR GYUR PA'I DBANG PO'I BYED PA NYID CES BYA BAR YANG 'BREL TO, ,GAL TE GANG GIS DE SKAD BRJOD PAR 'GYUR BA 'DAS PA LA SOGS PA JI LTAR YOD PA NYID YIN SNYAM DU DOGS PA BSU NAS, DE NI ZHES GSUNGS SO, ,SNGAR MTHONG BA 'DAS PA LA SOGS PA'I DON NI'O, ,GAL TE DA LTAR BA NYID MA YIN NA JI LTAR YOD PA NYID YIN TE, MED PA NYID YIN PA'I PHYIR RO SNYAM PA NI, GAL TE ZHES BYA BA YIN NO, ,'BYUNG BAR 'GYUR BA YIN YAD JI LTAR YOD PA MA YIN PA DE STON PA NI, MNGON DU BYED NYID CES BYA BA'O, ,THAMS CAD DU ZHES BYA BA NI DA LTAR BA LA YANG NGO, , PHYED PHYI MA 'CHAD PA NI DA LTA BAR MNGON PAR 'DOD PA'I ZHES BYA BA'O, ,GAL TE MNGON DU BYED PA MED KYANG RJES SU DPAG PAS RTOGS PAR BYA BA LA YOD PA MA YIN NAM, DES NA DE LAS GZHAN YOD PA NYID YOD PA YIN NO ZHES DOGS PA BSU BA NI, GAL TE ME LA SOGS PA

, ,ZHES BYA BA'O, ,RJES SU DPAG PA LA YANG SNANG BZHIN PA NYID RNAM PAR BRTAG PAR BYA BA YIN TE, DE LTAR LHAG PAR ZHEN PA'I PHYIR RO ZHES LAN BTAB PA NI MA YIN TE DER YANG ZHES BYA BA'O, ,DE LTA BU NYID NI MNGON DU BYED PA DANG LDAN PA NYID DO, , DE CI'I PHYIR SNYAM NA, MNGON DU BYAS PA'AM ZHES GSUNGS SO, ,BYED PA'AM ZHES BYA BA NI GZHAN GYIS ZHES BYA BAR BLTA BAR BYA'O, ,GZHAN DU NA ZHES BYA BA NI MTHONG BA MED PA NYID YIN NO, ,GAL TE MTHONG NA NI BLTA BAR RUNG BA NYID MA YIN BLTA BA'I YUL NYID DU NI MA YIN ZHES BYA BAR CI STE MI 'GYUR SNYAM NA, MI 'GYUR BA NYID DO ZHES BRJOD PA NI MTHONG BA'I RJES SU 'BRANGS PA NA ZHES BYA BA'O, ,CI'I PHYIR SNYAM NA DE LTA MA YIN NA MI 'THAD PA'I PHYIR TE, MA 'BREL BA'I PHYIR RO, ,MTHONG BAR BYA BA NYID KHYAB BYED DU NYE BAR BZUNG NAS RJES SU DPAG PA YIN NO, ,MI MTHONG NA NI MIG LA SOGS PA NI GZHAN GYI DON YIN TE ZHES BYA BA NI MI MTHONG BA'I MA 'DUS PA GZHAN GYI DON YANG BSGRUB BAR 'GYUR RO, ,DES NA MI MTHONG PA ZHES BYA BA NI YOD PA NYE BAR MTSON PA MA YIN NO, ,GAL TE GANG DU RTAGS NYID 'GA' ZHIG GI MNGON SUM GYI RTAGS CAN NI MA YIN PA'I DE 'DRA BA'I DPRAL LA MTHONG BAR GYUR PA DANG, MTHONG BA DANG, MTHONG BAR 'GYUR BA RJES SU DPAG PA MA YIN NO ZHES BYA BA'I NGAL BA MED PA'I PHYIR JI LTAR MNGON DU BYAS PA LAS YOD PA NYID GZHAN MA YIN PAR 'GYUR ZHE NA, MA YIN TE, DER YANG 'BREL BA DANG LDAN PA MTHONG BA GZHAN DU MI 'THAD PAS NA MTHONG BA NYID RJES SU DPAG BAR BYA BA YIN TE, MI SLU BA YOD PA'I PHYIR RO, ,MA MTHONG BA LA NI MI SLU BA MED PA'I PHYIR RO, ,LDOG PA BRJOD PA NI, GAL TE ZHES BYA BA'O, ,GAL TE NUS PA THAMS CAD KYIS STONG PA'I MED PA NYID MA YIN NAM, JI LTAR DUS GSUM DU MTHONG BA YIN SNYAM NA, ,NUS PAR NYE BAR BRJOD BA ZHES GSUNGS SO, ,NUS BAR NYE BAR BRJOD PA THAMS CAD CES BYA BA NI MNGON SUM GYI RJES LAS BYUNG BA'I RNAM PAR RTOG PAS BSKYED PA DE NI 'DI'O ZHES BYA BAR BSNYAD

BA'O; ,DE DANG BRAL BA NI MED PA'O, ,DE NYID NI GZHAN MA YIN TE, NYE BAR BRJOD PA MED PA NYID YIN NO, ,NYE BAR RDZOD PAR BYED PAS NA NYE BAR BRJOD PA STE, DE GANG LA MED PA'O, ,DE'I NGO BO NI NYE BAR BRJOD PA MED PA STE MI SNANG BA'O, ,DUS GSUM DU MTHONG BA MED PA ZHES BYA BA'I DON TO, ,GAL TE MTHONG BAR BYA BA NYID YIN NA KHO BO CAG LA SOGS PA NYID KYIS MTHONG BAR 'GYUR BA LA SOGS PA'I RNAM PAR DBYE BA LAS 'ONGS PA LA SOGS PA'I RNAM PAR DBYE BA YIN GYI, RNAL 'BYOR PA'I NI MA YIN NO, ,THAMS CAD MTHONG BZHIN PA NYID KYIS NA DA LTAR BA YIN PA'I PHYIR RO SNYAM DU DGOS PA NI GAL TE ZHES BYA BA'O, ,DA LTAR BYUNG BA TZAM MTHONG BA MNGON DU BYED PA YIN PA'I PHYIR RO, ,DES NA ZHES BYA BA NI 'DAS PA LA SOGS PA MTHONG PA MED PAS NA'O, ,DE LA DUS DANG 'BREL PA LAS NI DA LTAR BA LA SOGS PA MA YIN TE, DE NI TSAD MAS RTOGS PA MED PA'I PHYIR RO ZHES BSHAD PA NI, DUS NI TSAD MA ZHES BYA BA LA SOGS PA'O, ,'DI GA LAS SHE NA, MNGON SUM GYIS NI ZHES BYA BA'O, ,'O NA RJES SU DPAG PAS DUS RTOGS PAR 'GYUR SNYAM NA, RJES SU DPAG PA YANG ZHES GSUNGS SO, , 'JUG PA ZHES 'BREL TO, ,GANG GI TSE MI 'JUG SNYAM NA, MNGON SUM 'JUG PA LAS 'DAS NAS SO, ,MNGON SUM GYIS NI ZHES BYA BA NI 'CHAD PA'O, ,DE'I RNAM PA TZAM DANG NI GZUGS LA SOGS PA'I RNAM PA TZAM DANG NGO, GAL TE MNGON DU GYUR BA'I DNGOS PO NYE BAR GZHAG PA NYID KYI RANG BZHIN LA BRTEN PA'I MNGON SUM GYIS DON STON PA YIN GYI RNAM PA GZHAN GYIS NI MA YIN NO ZHES BYA BA 'DI GA LAS SNYAM NA, MDUN NA GNAS PA'I RNAM PA ZHES SMOS SO, ,GAL TE BUM PA'AM G-YO BA ZHES RNAM PA GZHAN GYIS KYANG MTHONG BA KHO NA MA YIN NAM SNYAM DU DGOS NA, DE LTA MA YIN NA ZHES GSUNGS SO, ,MDUN NA GNAS PA MA YIN PA'I RNAM PA 'DZIN PA NI BYAD PAR MED PA'I PHYIR RO ZHES BYA BAR DGONGS PA'O, ,GAL TE DUS KYANG DE BZHIN DU DMIGS PA YOD PA NYID DO SNYAM NA, DUS NI ZHES SMOS SO, ,RJES SU

, ,DPAG PA YANG ZHES BYA BAS NI RJES SU DPAG PA YANG ZHES BYA BA'I TSIGS SU BCAD PA'I CHA 'CHAD PA'O, ,GAL TE DUS NI MNGON SUM LA SOGS PA TSAD MAS YANG DAG PAR RTOGS PAR BYA BA NYID MA YIN NAM, DES NA DUS NI TSAD MA GANG GIS KYANG ZHES JI STE BRJOD SNYAM DU DGOS PAR BYED PA NI 'ON TE ZHES BYA BA LA SOGS PA'O, ,YUN RING DU BYAS SO ZHES BYA BA LA SOGS PA'I RTOGS PAS NI RDZAS KYI KHYAD PAR DU DUS NGES PA YIN NO, ,'DI LA 'BREL PA CAN GYI RTAGS NI 'GA' YANG MTHONG BA MED DO, ,GZUGS SPYOD PA DANG 'DU BAS MNGON SUM MA YIN PA NYID KYANG MA YIN TE, RTAGS LAS MA SKYES PA DANG GNOD PA MED PAS MNGON SUM GYI TSAD MA YIN PA'I PHYIR RO, ,DE'I PHYIR DUS NI MNGON SUM GYI TSAD MAS GZUNG BAR BYA BA KHO NA YIN NO, ,RJES SU DPAG PAR BYA BA YIN NO ZHES BYA BA NI YANG NA BRAL BA LA SOGS PA GZHAN DU MI 'THAD PAS SO, ,DE LA RE ZHIG YUN RING BA ZHES BYA BA LA SOGS PA'I BLO MNGON SUM YIN PA SEL BA NI DUS NI ZHES BYA BA LA SOGS PA'O, ,MDUN NA GNAS PA'I DUS GANG LA YOD PA ZHES SPYIR BSDU BA'O, ,GAL TE DUS MDUN NA GNAS PA MA YIN YANG MNGON SUM NYID DU 'GYUR RO SNYAM NA, DE LTA RNAM PA DANG ZHES GSUNGS TE MDUN NA GNAS PA'I RNAM PA DANG BRAL NA'O, ,GRUB PA'I MTHA' SMRA BAS NI 'BRAS BU'I RANG BZHIN NYID YUN RING BA LA SOGS PA'I DON YIN PAR BRJOD PA NA, RGYU RNAMS ZHES BYA BA'O, ,DUS MED KYANG DAL BA NAS RIM GYIS YONGS SU RDZOGS PA NI YUN RING BA'I DON YIN NO, ,GAL TE DUS MED NA DAL BU DE NYID JI LTAR SNYAM NA, RGYU RNAMS NYE BAR MI GNAS PHYIR, ,ZHES GSUNGS SO, ,DES NA DAL BU LA SOGS PA GZHAN DU MI 'THAD PAS, DUS DPAG PAR BYA BA MA YIN NO SNYAM DU DGONGS PA'O, ,BUM PA LA SOGS PA'I ZHES BYA BA NI 'CHAD PA'O, ,DE 'THAD BA'I PHYIR RO ZHES BYA BA NI DAL BU LA SOGS PA 'THAD PA'I PHYIR RO, ,DE'I PHYIR ZHES BYA BA NI GZHAN DU MI 'THAD PA NYID NYAMS PA'I PHYIR RO, ,YANG GZHAN DAG GZHAN DU MI 'THAD PAS

DUS RJES SU DPAG PAR BYA ZHES BYA BAR DOGS PA BSU BA NI 'ON TE ZHES BYA BA NAS 'JUG NA ZHES BYA BA'I BAR RO, ,DE LA ZHES BYA BA NI LAN TE 'BRAS BU LA'O, ,RGYU MED PAR ZHES BYA BA NI DOGS PA BSU BA'O, ,'O NA ZHES BYA BA NI LAN NO, ,'O NA JI LTAR DUS NUS PA YIN ZHE NA, GAL TE ZHES BYA BA'O, ,DE'I TSE ZHES KHONG NAS PHYUNG LA, DUS RGYU'I DNGOS PO ZHES BYA BA LA SOGS PA'O, ,'O NA GANG LAS RGYUR 'GYUR BA DUS KYI MED PA NI YOD PA KHO NA 'O SNYAM NA, DUS NI ZHES GSUNGS SO, ,DUS NI MI RTAG PA DANG MA KHYAB PA YIN TE, RKYEN GYI STOBS KYIS MNGON PAR GSAL BA YANG YIN NO ZHES BYA BA'I PHYOGS PAR BYED PA NI 'O NA TE ZHES BYA BA'O, ,DUS GZHAN ZHES BYA BA NI LAN NO, ,RGYU GZHAN LAS SO ZHES BYA BA NI PHA ROL GYI LAN NO, ,GANG LAS DUS KYI RIM PA GRUB PA DE NYID LAS 'BRAS BU'I RIM PAR 'GYUR MOD, RIM PA GZHAN LA RAG LAS PA'I DUS LAS NI MA YIN NO ZHES LAN 'DEBS PA NI, 'O NA DE NYID LAS ZHES BYA BA'O, ,RANG LA GNAS PA'I RIM PA MED PA'I PHYIR NA 'DI RANG NYID RIM PA DANG LDAN PA MA YIN NO ZHES BYA BA'I DON TO, ,DOGS PA BSU PA NI RIM PA NYID CES BYA BA'O, , 'BRAS BU'I RANG BZHIN NI MA YIN PA STE, RIM PA YANG DUS YIN NO ZHES GZHAN MNGON PAR 'DOD PA YIN PA'I PHYIR RO, ,LAN DU MA YIN TE ZHES BYA BA'O, ,DE YANG ZHES BYA BA'I LHAN CIG PA DANG LHAN CIG PA MA YIN PA'AM RIM PA'O, RANG GI NGO BO LAS THA DAD PA ZHES BYA BA NI GNAS SKABS KHYAD PAR CAN GYI RANG BZHIN LAS THA DAD PA ZHES BYA BA'I DON TO, ,DA NI JI LTAR DUS GSUM PAR GNAS SNYAM DU DOGS PA BSU NAS, DUS GSUM RNAM PAR GNAS PA BRJOD PA NI MTHONG GYUR 'DAS PA'I ZHES BYA BA'O, ,GAL TE DUS MED NA MTHONG BAR [?] GYUR LA SOGS PA NYID JI LTAR ZHE NA MA YIN TE,, GANG GI TSE DMIGS SU RUNG BA MA DMIGS PA DE NI 'DAS PA YIN LA, THAMS CAD KYIS SDAR MA DMIGS PA BYIS 'GAS DMIGS PAR 'GYUR BA NI MA 'ONGS PA YIN LA, DMIGS BZHIN PA NI DA LTAR BA YIN NO, ,DE

, ,LTAR MTHONG ZIN PA LA SOGS PA'I RNAM PAR DBYE BA NI SO SO RANG GIS RIG PAR BYA BA NYID KYIS NYE BAR MTSON PA'I PHYIR RO, ,GZHAN DU NA NI DUS SMRA BA YANG GSAL PAR BYED PA'I DBYE BA MA RTOGS PAR 'DAS PA LA SOGS PA'I DUS RNAM PAR GNAS PAR JI LTAR BRJOD, DUS NI DON LAS THA DAD PAR RANG GI NGO BOS SNANG BA MA YIN NO, ,GAL TE MI SNANG NA 'O NA JI LTAR ZHES BYA BA'O, ,LAN DU 'DI NI ZHES BYA BA'O, ,DON GYI BDE BAR GNAS PA LA SOGS PA'I RANG BZHIN NYID KHYAD PAR GZHAN SPONG BA'I SGO NAS 'DI'I DUS ZHES BSTAN PA YIN TE, DE NI DE KHO NA LTAR TSAD MAS 'THAD PA'I PHYIR TE, GZHAN DU NI MA YIN NO, ,DON 'DI YANG 'JIG RTEN DANG 'GAL BA MED PA KHO NA'O ZHES GSUNGS PA NI DE BZHIN NYID DU YANG ZHES BYA BA'O, ,KHYOD KYI DUS NI JI LTAR GYUR TE BZANG PO'AM NGAN PAR GYUR PA ZHIG YIN ZHES BYA BA'O, ,GAL TE DE LTAR 'DIR YANG JI LTAR DON GYI GNAS SKABS KYI KHYAD PAR NYID LA DUS ZHES JI LTAR THA SNYAD BYED PA SNYAM NA, 'DI'I DON BRJOD PA NI KHYOD CI BDE BAR GNAS SAM ZHES BYA BA'O, ,CI ZHES BYA BA'I DON NI 'DI NYID YIN NO ZHES SMRAS PA NI DE'I RANG BZHIN NYID CES BYA BA'O, ,BDE BAR GNAS PA LA SOGS PA'I RANG BZHIN GYI KHYAD PAR DRI BAR BYA BA YIN NA, KHYOD KYI SKYES PA'I DUS GANG YIN, ,ZHES BYA BA'I TSIG 'DI RIGS PA YIN NO, ,GZHAN GYIS KUN BRTAGS PA'I DUS NI 'JIG RTEN GYI 'DRI BA'I TSIG GI YUL MA YIN TE, DE NI RANG BZHIN GCIG NYID KYIS LOG PA DANG GZHAN PA LA SOGS PA MI SRID PA'I PHYIR RO, ,YANG GANG GI TSE LA SOGS PAR KHYOD KYI DUS JI LTAR 'GYUR ZHES DRI BA DE'I TSE'ANG BDE BAR GNAS PA'AM MI BDE BAR GNAS PA'I GRONG LA SOGS PA NYID 'JIG RTEN GYI DRI BA'I YUL YIN GYI DUS THA DAD PA NI MA YIN NO, ,DES NA DUS THA DAD PA NYID MA YIN PAR NI 'JIG RTEN YANG 'DOD PA YIN NO, ,GANG GI PHYIR DE LTAR DUS ZHES BYA BA YOD PA MA YIN PA'I GTAN TSIGS DES NA DE LTAR MI MTHONG BA NI SNGAR DMIGS PA DANG PHYIS DMIGS PAR 'GYUR PA NI GO RIMS

BZHIN DU 'DAS PA DANG MA 'ONGS PA YIN NO ZHES BYA BA NI DON GYI DE KHO NA'O ZHES BYA BA NI GZHAN GYI RTZOD PA BSLANG BA'I DON DU MJUG BSDU BA'O, ,DE NYID SMRAS PA NI GAL TE ZHES BYA BA'O, ,DE LAS ZHES BYA BA NI DE LTAR GNAS PAR GYUR PA LA'O, ,RTZOD PAR SMRA BA NYID MJUG SDUD PA'I SGO NAS 'DRI BA NI DE'I PHYIR ZHES BYA BA'O, ,GANG GI PHYIR RANG GIS MI MTHONG BA MTHONG BA YIN NO ZHES BRJOD PA NA 'GAL BA YIN PA'I RGYU DE'I PHYIR RO, ,'DI LA LAN NI GZHAN GYIS ZHES BYA BA'O, ,SO SO'I SKYE BOS SO, ,DE MTHONG BA NYID KYIS ZHES BYA BA NI RNAL 'BYOR PAS MTHONG PA NYID KYIS SO,, DE LA LTOS TE DE RNAM PAR DBYE BA YOD PA MA YIN TE, DA LTAR BA'I THA SNYAD NI MTHONG BZHIN PA TZAM GYI RGYU MTSAN YIN PA'I PHYIR RO ZHES BYA BA'I DON TO, ,DE TZAM DU NI ZHES BYA BA MTHONG BZHIN TZAM GYIS DA LTAR BA'I DUS DANG 'BREL PAS NI MA YIN NO, ,DE ZHES BYA BA NI GZHAN GYIS MI MTHONG BA'O, ,SKYON MED DO ZHES BYA BA NI MA YANG YIN LA MO GSHAM YANG YIN NO ZHES BYA BAR BRJOD PA'O, ,DE LTAR RNAL 'BYOR PA LA THAMS CAD MTHONG BZHIN PA KHO NA YIN PA'I PHYIR 'DAS PA LA SOGS PA'I RNAM PAR DBYE BA MED PAS NA DE RIG PAR JI LTAR 'GYUR SNYAM NA, GZHAN LA ZHES GSUNGS SO, ,'O SKOL LA LTOS NAS RNAL 'BYOR BA'I 'DAS PA LA SOGS PA RNAM PAR DBYE BA YIN GYI RANG NYID LA LTOS PA NI MA YIN NO ZHES BYA BA'I DON TO, ,DE LTAR DUS THA DAD PA MED PA'I PHYIR NA DA LTAR BYUNG BA'I DUS DANG 'BREL BAS NI YOD PA NYID MA YIN GYI, 'ON KYANG MNGON DU BYAS PA NYID DO ZHES MJUG BSDU BA'I SGO NAS STON PA NI, DE'I PHYIR MNGON DU BYAS PA ZHES BYA BA'O, ,DBANG PO'I BYED PA MED PA MA YIN TE 'ON KYANG DBANG PO'I BYED PA YOD PA KHO NA'O, ,'DAS PA LA SOGS PA LA DBANG PO'I BYED PA JI LTAR SRID SNYAM PA LAS MNGON DU BYAS PA ZHES GSUNGS SO, ,DE ZHES BYA BA NI DBANG PO'I BYED PA'O, ,GZHAN DU NA DBANG PO'I BYED PA LAS MNGON DU BYED BA KHAS BLANGS PAR MI 'GYUR RO SNYAM DU DGONGS BA'O, ,DE LTAR DUS MED PA'I PHYIR KHO BO CAG LA LTOS NAS RNAL 'BYOR PA'I

, ,'DAS PA LA SOGS PA'I RNAM PAR DBYE'I RANG NYID NI MA YIN NO, ,DA NI DUS KHAS BLANGS NAS 'DAS PA LA SOGS PA DE'I DUS KYIS DA LTAR BA'I DUS DANG 'BREL BA DANG, 'DAS PA LA SOGS PAR YANG MI 'GAL LO ZHES BRJOD PA NI GZHAN YANG ZHES BYA BA'O, ,DE ZHES BYA BA NI'AM LA SOGS PA'I DON TO, ,DE'I TSE DE'I DUS DANG 'BREL BA GANG GI TSE MNGON DU BYAS PA DE'I TSE DA LTAR BAR MED KYANG YOD PA NYID 'THAD DKA' BAR MI 'GYUR TE, DE'I TSE DA LTAR BA'I DUS DANG 'BREL BAR 'DZIN PA'I PHYIR RO, ,GAL TE DA LTAR BA'I DUS DANG 'BREL BA MED PA'I PHYIR NA JI LTAR YOD PA NYID YIN SNYAM NA, GAL TE ZHES GSUNGS SO, ,DES NA RNAL 'BYOR BA'I SHES PA NI MNGON SUM NYID DU YANG MI 'GAL LO ZHES MJUG SDUD PA NI DES NA ZHES BYA BA'O, ,'O NA JI LTAR ZHES BYA BA NI, GZHAN GYI'O, ,GAL TE 'DAS PA LA SOGS PA'I SHES MNGON SUM GYIS 'DAS PA LA SOGS PA'I DON GYI YUL CAN YIN NA DE'I DES YONGS SU BCAD PA'I DON 'DAS PA LA SOGS PA NYID DU JI LTAR 'GYUR ZHE NA, LTA BA PO'I ZHES BYA BA NI LAN NO, ,RNAL 'BYOR PAS DE'I TSE'I DA LTAR BA NYID KYI DUS DANG 'BREL PAR 'DZIN PA'I PHYIR RO, ,GZHAN GYIS NI STE SO SO'I SKYE POS NI DE'I TSE'I DA LTAR BA'I DUS DANG RANG 'BREL PAR MI 'DZIN PA'I PHYIR RO, ,RNAM PA GZHAN GYI SGO NAS KYANG 'DAS PA LA SOGS PA NYID DU GNAS PAR GZHAG PA LA LEGS PAR GNAS PA YIN NO ZHES STON PA NI RNAL 'BYOR BAS KYANG ZHES BYA BA NI NYE BAR MTSON PA STE, MA 'ONGS PA NYID DU ZHES BYA BA 'DI YANG NGO, ,GAL TE YANG DANG YANG LTA BA NYID DU MTHONG BA DER YIN MOD DE LTA NA YANG YOD PA NYID MA YIN NO SNYAM NA, DA LTAR BA'I ZHES GSUNGS SO; ;LTA BA PO RNAL 'BYOR BA NYID KYI YIN GYI GZHAN GYI MA YIN NO, ,'DI GA LAS SNYAM NA, GZHAN GYI DUS NI ZHES GSUNGS SO, ,LTA BA PO GZHAN GYI DUS GZHAN 'DAS BA LA SOGS PA BLTA BAR BYA BA'I KHYAD PAR DU BYED PA NYID DU JI LTAR 'THAD DE MI 'THAD DO ZHES BYA BA'I

DON TO, ,'ON TE DE'I TSE ZHES BYA BA NI BYED PA PO'I DUS NA RTOGS BZHIN PA 'DAS PA LA SOGS PA'I DON JI LTAR GZHAN TE, BYED PA PO'I DUS LAS GZHAN PA'I DUS GANG YIN PA DE NI DE SKAD CES BYA'O, ,LAN DU GZHAN GYI DUS NYID DU RTOGS PA'I PHYIR RO ZHES BYA BA'O, ,'DI NYID SMRAS PA NI 'DI LTAR ZHES BYA BA'O, ,SKYES BU GANG LA DE'I TSE ZHES BYA BA DE'I DUS DANG 'BREL BAR RAM, GZHAN GYI TSE GZHAN GYI DUS DANG 'BREL BAR NGO BO GANG ZHIG RIG PA'I SNGOS PO DE NI SKYES BU DE'I NGO BO NYID DU, DE'I DUS DANG 'BREL PA'I NGO BO NYID YIN GYI, BYED PA PO'I DUS NYID NI DON DE'I MA YIN NO, ,DUS NI ZHES BYA BA NI 'CHAD PA'O, ,DON GYI ZHES BYA BA NI 'DAS PA LA SOGS PA'I'O, ,CI'I PHYIR BYED PA PO'I DUS DON GYI MA YIN SNYAM NA, DUS GZHAN GYI ZHES SMOS SO, ,RTOGS PA NI 'DAS PA LA SOGS PA'I GZHAL BYA STE BYED PA PO'O, ,DUS GZHAN GYI ZHES BYA BA NI LAS SO, ,GAL TE BYED PA PO'I DUS NYID LAS 'DAS PA LA SOGS PA'I DON MTHONG PA'I PHYIR JI LTAR GNYIS KYI DUS THA DAD PA NYID CI'I PHYIR SNYAM NA, BYED PA PO NA GSUNGS SO, ,RTOGS PAR BYA BA NI 'DAS PA LA SOGS PA'I DUS SO, ,DE ZHES BYA BA 'DAS PA LA SOGS PA'I GZHAL BYA'O, ,GZHAN DU ZHES BYA BA BYED PA PO'I DUS SU'O, ,DE LTAR GZHAL BYA NI DUS GZHAN DANG 'BREL PA YIN LA, LTA BA PO NI DA LTAR BA DUS DANG 'BREL PA YIN TE, RANG GI RGU'I GZHAN GYI DBANG YIN PA'I PHYIR RO ZHES BRJOD PA YIN NO, ,DA NI LTA BA PO DANG BLTA BYA GNYI GA DA LTAR BA KHO NA YIN TE, TING NGE 'DZIN GYI GNAS SKABS SU MTHONG BA'I PHYIR RO, ,DUS PHYIS DA LTA BA DANG GZHAN NYID KYIS DUS THA DAD PA NYID NI RNAM PAR RTOG PAS GZHAG PA YIN NO ZHES BRJOD PA NI GZHAN YANG ZHES BYA BA'O, ,BYED PA PO YANG ZHES BYA BA NI YANG GI SGRA NI GZHAL BYA SDUD PA'O, ,DE'I DUS NYID DU NI RTOGS PA'I DUS NYID DU'O, ,PHYIS ZHES BYA BA NI LANGS PA'I DUS SU'O, ,DUS GZHAN NYID DU ZHES BYA BA NI LTA BA PO DA LTAR BYUNG BA NYID DANG, BLTA BAR BYA BA 'DAS PA NYID

, ,DU'O; ,JI LTAR BYED PA PO'I DUS GZHAN YIN SNYAM DU DOGS NA DUS GZHAN NYID SNGAR BRJOD PA DRAN PAR BRJOD PA NI, GZHAN NYID DU ZHES BYA BA DE, GZHAL BYA'I DUS LAS SO, ,BSHAD ZIN TO ZHES BYA BA NI LA LTAR BA'I DUS NYID NI ZHES BYA BA LA SOGS PAS SO, ,SKABS NYE BAR SDUD PA NI, DE'I PHYIR ZHES BYA BA NI 'DAS PA LA SOGS PA'I GZHAL BYA'O, ,DE'I DUS NYID NI DE'I TSE 'DI LTAR BA'I DUS DANG 'BREL PA NYID DU'O, ,DE LTAR ZHES BYA BA NI DE'I TSE 'DI LTAR BA'I DUS DANG 'BREL BA NYID DU'O, ,GAL TE RNAL 'BYOR PA'I THA SNYAD NI BDAG GI 'DAS PA LA SOGS PA DE LTAR RTOGS SO ZHES BYA BAR 'GYUR BA MA YIN NAM, DE JI LTAR BA'I DUS NYID JI LTAR GZHAL BYA MA YIN SNYAM NA, DE NGAS DENG ZHES BYA BA LA SOGS PA GSUNGS SO, ,DE LA ZHES BYA BA NI GZHAL BYA'I DUS NYID LA'O, ,LKOG TU MA GYUR PA TZAM GYI YUL CAN YIN PAS MNGON SUM 'JUG PA MA YIN NO ZHES BYA BA'I DON TO, ,GZHAN GYIS ZHES BYA BA NI PHA LA SOGS PAS SO, ,'DI NYID GSAL BAR BYED PA NI, ,GANG LA ZHES BYA BA LA SOGS PA STE, LHA SBYIN GANG LA'O, ,DES MYONG BA NYID DU ZHES BYA BA NI LHA SBYIN GYIS NYAMS SU MYONG BAR BYA BA NYID DU'O, ,DE LA ZHES BYA NI LHA SBYIN GYIS SO, RNAL 'BYOR BA'I SHES PA CI LTAR 'KHRUL PA MA YIN, JI STE 'KHRUL PA YIN SNYAM NA, ,RNAL 'BYOR PAS NI ZHES GSUNGS SO, ,GANG GI PHYIR NGES NYAMS SU MYONG PA NYID DU ZHES 'BYUNG BAR 'GYUR BA CI'I BU DA LTAR RNAL 'BYOR PAS YIN GYI BU DANG LDAN PAS NI MA YIN PA DE'I PHYIR 'KHRUL PA KHO NA'O, ,BU 'BYUNG BAR 'GYUR BA NYID YIN NA NI DE DANG 'BREL BA'I MTSAN NYID KYANG 'BYUNG BA RANG GYUR BA KHO NA'O, ,DES NA BU DANG LDAN PA'I MI RUNG BA MI DMIGS PA NI DNGOS PO MED PA'I SGRUB PA BYED MA YIN NO, ,RNAL 'BYOR PA NI RJES SU DPOG PA DANG, RTAGS KYI KHYAD PAR KHONG DU CHUD PA'I PHYIR MA KHYAD PAR MA LUS PA NGES PAR MNGON SUM DAN LDAN PA NYID CES BRJOD PA NA JI LTAR BYA BA'O, ,BU LA SOGS PA'I DON 'BYUNG PA'I DON 'BYUNG BAR 'GYUR BA'I DUS DANG LDAN PAR RNAL 'BYOR BAS MTHONG BA,

DE LTAR DE 'BYUNG BAR 'GYUR BA STON PA LA SOGS PA'I DUS DANG LDAN PA, DE LTAR NI BU LA SOGS PA DE LA GNOD PA MED DE BU DANG LDAN PAS MI GNOD DO, ,'ON TE RNAL 'BYOR PAS DA LTAR BA DANG LDAN PAR MTHONG NA DE YANG BU DANG LDAN PAS MA MTHONG BA'I PHYIR NA JI LTAR MI GNOD SNYAM NA; DUS DE LDAN NI ZHES GSUNGS SO, ,DA LTAR BA'I RNAL 'BYOR PA DES MTHONG BA MED DO, ,DES NA RNAL 'BYOR PA MA YIN PAS, DE LTAR MA RTOGS TE NA YANG STE, MA 'ONGS PA'I DUS NYID DU LA DMIGS KYANG GNOD PA'I MTSAN NYID KYI NYES PA MED DO, ,DE MI RUNG BA MI DMIGS PA YIN PA'I PHYIR RO, ,BSKAL PA RNAMS LA NI, MED PAR NGES PA YOD PA MA YIN ZHES GSUNGS PA'I PHYIR RO, ,YANG NA BU LA PHAS DA LTAR BA'I DUS DANG 'BREL PA NYID DU MA RTOGS NA'ANG RNAL 'BYOR BA'I SHES PA LA GNOD PA YOD BA MA YIN NO, ,'BYUNG BAR 'GYUR BA'I DUS DANG LDAN PA'I YUL LA GNOD PA MED PA'I PHYIR RO, ,DES NI ZHES BYA BA'I RNAL 'BYOR PAS SO, ,BU DANG LDAN PA DE'I BU DE'I'O, ,DE LTAR MA RTOGS KYANG ZHES BYA BA NI SNGA MA DU BSHAD PAR BYA'O, ,DE'I TSE YANG ZHES BYA BA NI STON PA LA SOGS PA'I DUS SO, ,MA RTOGS NA ZHES BU DANG LNGA PAS ZHES BYA BA SKABS YIN NO, ,DE'I TSE ZHES BYA BA KHONG NAS PHYUNG LA MA RTOGS PA DES NA GNOD PAR 'GYUR RO ZHES SBYAR BAR BYA'O, ,'ON TE JI LTAR BYA BA LA 'BYUNG BAR 'GYUR BA'I DUS STON PA LA SOGS PA DANG 'BREL BA NYID DU'O, ,DES ZHES BYA BA NI RNAL 'BYOR PAS SO; ;DE ZHES BYA BA NI BU LA SOGS PA'I DNGOS PO'I, ,GZHAN GYIS KYANG ZHES BYA BA NI BU DANG LDAN PAS SO, ,DE ZHES BYA BA NI BU'O, ,DE MA MTHONG BAS NI RNAL 'BYOR LAS GZHAN GYIS MA RTOGS PAS SO, ,GAL TE YANG THAG RING PO NA GNAS PA MA YIN PAS CHUNG NGU DANG CHES SHIN DU CHUNG NGU LA SOGS PA'I KHYAD PAR DANG LDAN PA'I DNGOS PO RTOGS PA DE LTA NA YANG RING PO NA GNAS PAS NI MA YIN TE, RUNG BA NYE BA NYID MED BA'I PHYIR RO ZHES STON PAS LAN BRJOD PA NI JI LTAR ZHES BYA'O, ,GZHAN YANG ZHES BYA BA NI RING POR GNAS PA YANG NGO, ,MTHONG NGAM CI STE MA YIN PA

, ,NYID DO, ,YANG NA GCIG GIS MTHONG BA GZHAN GYIS MTHONG NGO ZHES NGES PA MA YIN NO ZHES BRJOD PA NI JI LTAR ZHES BYA BA'O, ,GZHAN GYIS ZHES BYA BA NI RGOD LA SOGS PAS SO, ,GZHAN YANG ZHES BYA BA NI THAG RING PO NA GNAS PA BYA ROG LA SOGS PA'O, ,DE BZHIN DU JI LTAR RNAL 'BYOR PAS MTHONG PA DE BZHIN DU RNAL 'BYOR PA LAS GZHAN GYIS NI MA YIN NO ZHES BYA BA'I DON TO, ,GAL TE JI LTAR RNAL 'BYOR BA LA 'DAS PA LA SOGS PA'I DUS DANG LDAN PA'I BU YOD PA DE BZHIN DU RNAL 'BYOR PA LAS GZHAN PA LA YANG MA YIN NAM, DES NA CI LTAR DE LAS GZHAN GYIS MTHONG SNYAM NA, PHRA MO LA SOGS PA ZHES GSUNGS SO, ,CHUNG BA DANG CHES SHIN TU CHUNG BA LA SOGS PA YOD PAR KHYAD PAR MED KYANG THAMS CAD KYIS NI MI MTHONG GI 'ON KYANG GROG MO LA SOGS 'GA' ZHIG KHO NAS YIN NO, ,CI'I PHYIR THAMS CAD KYIS MI MTHONG SNYAM NA, GANG LA GCIG GIS ZHES GSUNGS SO, ,SHES BYA GANG LA GCIG GIS SHES PAR NUS PA YOD PA'I SHES BYA DE LA GZHAN LA YANG SHES PA'I NUS PA DE NYID YOD PA NI MA YIN NO, ,DES NA RNAL 'BYOR PA NI DBANG PO GSAL BA'I PHYIR DANG, RJES SU DPAG PAR BYA PA NYID KYIS NYE BA YIN PA'I PHYIR MTHONG BA YIN NO ZHES DGONGS PA'O, ,'O NA DE JI LTAR MA 'ONGS PA YIN SNYAM NA, RNAL 'BYOR MIN PAS ZHES BYA BA'O, ,GAL TE TSUL 'DI DANG RNAM PA GZHAN GYIS DBANG PO 'DAS PA LA SOGS PA'I RNAM PAR GNAS PA'I ,BSTAN ZI NA PA KHO NA MA YIN NAM, DES NA CI'I DON DU RNAM PA GZHAN NYE BAR MTSON PAR BYED PA NYID DU 'DI NYID DU 'DI NYE BAR BKOD CE NA, LOG PAR RTOG PA'I YUL ZHES BYA BA NI DA LTAR BA KHO NA NYID DU BSTAN PA'I DON DU'O, ,LOG PAR RTOG PA DE NYID STON PA'I DON DU DOGS PA BSU BA NI, 'ON TE YANG ZHES BYA BA LA SOGS PA'O, ,THAG RING PO NA GNAS PAS MI MA THONG BA NYE BAR GNAS PA MA YIN PA NI 'DAS PA'AM MA 'ONGS PAR 'GYUR BA LA YIN NO, ,JI LTAR MA 'ONGS BA NYID YIN ZHES BYA BA NI DA LTAR BA KHO NA'O ZHES BYA BA'I THA TSIG GO, ,PHA ROL PO NYID KYI DA LTAR BA'I MTSAN NYID

BRJOD PA NI, GANG PHYIR DMIGS PA YOD PA NYID, ,CES BYA BA'O, ,RTOGS PA DANG MA RTOGS PA NI YOD PA DANG MED PA DANG, DA LTAR BA DANG GZHAN DAG YIN NO ZHES BYA BA'I DON TO, ,DNGOS PO NI 'DAS PA LA SOGS PA'I DUS NYID LA, RNAM PA THAMS CAD DANG LDAN PA'I RJES SU DPOG PAS LKOG TU MA GYUR PAR BYED PA YIN NO, ,LKOG TU MA GYUR PA NYID NI DA LTAR PA MA YIN TE, SHES PAS DMIGS PA DANG DUS DANG 'BREL BA DAG THA DAD PA'I PHYIR RO ZHES BYA BA'I PHYOGS 'DI LA YANG NYES PA BRJOD PAR 'DOD PAS DOGS PA BSU BA NI, CI STE ZHES BYA PA'O; ,DPYOD PA LA SOGS PA YANG DON GYI KHYAD PAR GYI DNGOS PO LAS THA DAD PA'I KHYAD PAR DE DUS 'GA' YANG MED DE ZHES BRJOD PA NI DNGOS PO LA NI THA DAD PA'I ZHES GSUNGS SO, ,'GA' ZHIG NYID CES BYA BA NI NYI MA LA SOGS PA RGYU BA'I KHYAD PAR NYID DO, ,GAL TE DUS MED KYANG 'DAS PA'I DUS NYID NI MTHONG BAR GYUR PA YIN LA MTHONG BAR GYUR PA NI MA 'ONGS PA, MTHONG BA BZHIN PA NI 'DAS PA LA YIN PA'I PHYIR 'DAS PA LA SOGS PA'I RNAM PAR DBYE BAR 'GYUR RO SNYAM NA, DE DAG NI ZHES SMRAS SO, ,RNAM PA THAMS CAD MNGON DU PHYED PA'I RNAL 'BYOR PA LA NI MTHONG ZIN PA DANG MTHONG BAR 'GYUR BA SRID PA MA YIN NO ZHES BYA BA NE NYID GSAL 'DEBS PA NI STON STZOGS LA NI ZHES BYA BA'O, ,RNAL 'BYOR PAS JI LTAR RTOGS PAR 'GYUR TE MA YIN PA KHO NA'O, ,RNAL 'BYOR PA LA DE 'DRA BA'I DBYE BA MED MOD, TSU ROL MTHONG PA LA LTOS NAS NI 'GYUR RO ZHES BYA BA 'DI, GAL TE GZHAN GYIS DMIGS MED NA, ,ZHES BYA BA 'DIS DOGS PA BSU NAS LAN 'DEBS PA NI GNYIS PO ZHES BYA BA YIN TE, 'DAS PA DANG MA 'ONGS PA GNYIS PO'O, ,DE LTAR RANG GI PHYOGS PA RNAMS KYIS SDAR BSHAD PA MNGON BAR 'DOD PA LA SOGS PAR RTOGS PAR BSTAN NAS RANG GI 'DOD PA GSUNGS PA NI, 'DOD PA BRJOD PA ZHES BYA BA YIN NO, ,JI LTAR ZHES BYA BA NI 'DAS PA LA SOGS PA'O, ,DE BZHIN ZHES BYA BA NI 'DAS PA DANG MA 'ONGS PA'I DNGOS PO'O, ,GAL TE DE RJES SU DPAG PAS

, ,RTOGS PA NA, DE LTAR 'GYUR BA YIN GYI MNGON SUM GYIS NI MA YIN TE, LKOG TU MA GYUR PA NYID LA NI 'DAS PA LA SOGS PA MI SRID PA'I PHYIR RO SNYAM DU DOGS NA, MNGON SUM YANG NI ZHES GSUNGS SO, ,MNGON SUM YANG RTOGS PA YIN NO ZHES RJES SU 'JUG GO, ,CI'I PHYIR SNYAM NA, RJES SU DPAG PA DES ZHES GSUNGS SO, ,GAL TE GANG GIS 'DAS PA LA SOGS PA 'DZIN PA'I RJES SU DPAG PAS BSKYED PA'I MNGON SUM 'DAS PA LA SOGS PA 'DZIN PA NYID DO ZHES BRJOD PA, 'DAS PA'I RGYUS BSKYED PA'I 'BRAS BU 'DAS PAR 'GYUR RAM CI SNYAM DU DOGS NA RJES SU DPAG PA DE BSKYED PA'I MNGON SUM NYID CES SMRAS SO, ,JI LTAR MNGON SUM GYI MTHONG BA RJES SU DPAG PAS RTOGS PA DE BZHIN DU RJES SU DPAG PAS MTHONG BA YANG MNGON SUM GYIS YIN NO, ,RGYU DAG 'BRAS BU DAG GI TSUL NI DE LTAR MA YIN NO, ,DES NA GANG ZHES BYA BA NI RANG GI LUGS NYE BAR SDUD PA'O, ,DE'I PHYIR SDAR BRJOD PA'I 'DAS PA LA SOGS PA RNAM PAR 'JOG PAR BYED PA'I PHYOGS NI RANG GI PHYOGS PA RNAMS KYI 'DOD PA YIN GYI, BSHAD PA MDZAD PA NI MA YIN NO ZHES SHES PAR BYA'O, ,GAL TE MNGON SUM RJES SU DPAG PAS BSKYED PA NYID NI, RJES SU DPAG PA'I PHYOGS KYI CHOS NYID DANG 'BREL PA 'DZIN PA'I RIM GYIS 'GYUR BA'I PHYIR, RNAM GRANGS KYIS 'JUG PAR 'GYUR RO, ,DES NA CIG CAR DNGOS PO DU MA 'DZIN PAR BYED PA NYID DU MI 'GYUR TE, DES NA THAMS CAD MKHYEN PA NYID SRID PA MA YIN NO ZHES DOGS PA NI, GAL TA MNGON SUM ZHES BYA BA YIN NO, ,RIM GYIS RTOGS PA YANG GOMS PAR RAB TU 'PHEL NA, SGRA DON RNAM PAR DU MA'I BDAG NYID CAN BSTAN BCOS KYI RNAM PAR RTOG PA BZHIN DU RIM MA YIN PAR SNANG BAR 'GYUR RO ZHES BSHAD PA NI DE SHIN TU GOMS PA LAS BYA BA'O, ,DPER NA GOMS PA PHUL DU BYUNG BA DANG LDAN PA'I DU BA LAS ME RTOGS PA NI PHYOGS KYI CHOS LA SOGS PA 'DZIN PA'I RIM PA LA LTOS PA MA YIN PA DE BZHIN DU 'DAS PA LA SOGS PA'I DON RJES SU DPOG PA YANG GCIG KHO NA'I CHOS DON MTHA' DAG 'DZIN

BAR 'GYUR RO, ,DES NA NGES BSKYED BA'I MNGON SUM YANG GCIG GI TSE KHO NA MTHA' MED PA'I DON 'DZIN PA'I PHYIR NA THAMS CAD MKHYEN PA NYID SRID PA YIN NO, ,RTOGS PA ZHES BYA BA NI RJES SU DPAG PAS SO, ,SKYON MED PA NI THAMS CAD MKHYEN PA NYID MED PA'I MTSAN NYID DO, ,GZHAN DAG GAL TE THOG MA THA MA MED PA'I DNGOS PO KHAS LEN NA NI JI LTAR RTOGS, DE STE DE RTOGS NA DNGOS PO THOG MA DANG THA MA MED PA JI LTAR YIN ZHES SUN 'BYIN PA BRJOD PA NI, GAL TE THOG MA THA MA MED PA ZHES BYA BA'I'O, ,GRUB PA'I MTHA' NI GANG ZHIG GNYI GA'I SKYON YIN ZHING, LAN YANG MTSUNGS PA NA ZHES BYA BA, DON 'DRA BA'I DON NI SPYOD PA NA, GCIG LA BRGAL ZHING BRTAG MI BYA, ,ZHES BYA BA'I TSUL BRJOD PA NI, THOG MED GAL TE ZHES BYA BA'O, ,DE'I TSE RIG BYED DE LAS SO, ,RTOGS PA NI 'JUG PAR BYED PA'I NGES PAR SBYOR BA BYED PA NYID DE DE LA 'DZIN PAR BYED BA'O, ,JI LTAR ZHES BYA BA NI DA LTAR GYI DUS TZAM GYI THOG MA DANG THA MA MED PA NYID DU 'DRI BA'O, ,DE LA GAL TE THOG MA DANG THA MA MED PA NYID DU YIN NA DE'I TSE RIG BYED 'DI NI BDAG NGES PAR SBYOR BA BYED PA PO YIN NO ZHES BYA BA LA SOGS PA'I RANG BZHIN NGES SBYOR 'DZIN PAR BYED PA'I RTOGS PA RNAMS YONGS SU RDZOGS PA NYID YOD PA MA YIN NO, ,DES NA RIG BYED KYI BRJOD PA 'GA' YANG RJES SU BSGRUB PAR BYA BA MA YIN PAR 'GYUR TE, GZHAN GYI TSE JI SKAD BRJOD PA'I RTOGS PA MED NA RIG BYED TSAD MA MA YIN PA'I PHYIR RO, ,DE LAS ZHES BYA BA NI RIG BYED LAS SO, ,PHYED PHYI MA 'CHANG PA NI THOG MA NGANG THA MA MED PA NYID DU'O, ,YONGS SU RDZOGS PA MED PA'I PHYIR RO ZHES BYA BA NI RTOGS PA'O, ,CI YANG ZHES BYA BA NI RIG BYED KYI BSTAN PA'O, ,CI'I PHYIR ZHE NA, GAL TE ZHES BYA BA'O, ,DE'I TSE DA LTAR YANG RIG BYED TSAD MA MA YIN NO, ,DA LTAR BA'I DUS TZAM DU ZHES BYA BA'I PHYOGS SLONG BAR BYED PA NI, GAL TE ZHES BYA BA'O, ,GZHAN GYI TSE ZHES BYA BA NI DA LTAR BA'I DUS LAS SO, ,DE LTAN YANG ZHES BYA BA NI RTOGS PA MED PA NA YANG NGO, ,'JUG PAR BYED PA NI NGES PAR SBYOR RO, ,DA LTAR BA ZHIN DU GZHAN GYI TSE YANG 'JUG PAR BYED PA

, ,BRJOD PA NYID DU MA RTOGS NA, JI SRID YOD PAR RIG BYED DON DANG 'BREL BAR MI 'GRUB PO ZHES BRJOD PA NI DE MA YIN ZHES BYA BA'O, ,'DI ZHES BYA BA NI RTOGS BZHIN PA NGES PAR SBYOR BA'I MTSAN NYID DO, ,GZHAN GYI TSE ZHES BYA BA NI SNGA MA DANG PHYI MA'I DUS DAG TU'O; ,'DI'I ZHES BYA BA NI RIG BYED KYI'O, ,DE LTAR GA LA YIN TE, RTAG PA NYID KYIS GTAN DU DE'I DON CAN MA YIN PA'I PHYIR MA YIN PA KHO NA'O, ,'ON TE SDAR DON 'DI DANG LDAN PA NYID DU DON LA DA LTAR NI NGES PA YIN PA DES NA NYES PA 'DI MED DO SNYAM NA, GAL TE ZHES BYA BA'O, , GAL TE SNGAR THE TSOM ZA BA'I DON CAN YIN NA, DE'I TSE DA LTAR 'ANG YIN TA RTAG PA'I PHYIR RO, ,DES NA SNGAR TSAD MA MA YIN PA DE BZHIN DU DA LTAR YANG MA YIN PAS NYES PA LAS 'DAS PA MED DO, ,'O NA TE ZHES BYA BA NI GZHAN GYI'O, ,DE LTA BU NYID NI DON DE DANG LDAN PA NYID DO, ,DES NA DA LTAR YANG TSAD MA YIN NO SNYAM DU BSAMS PA'O, ,LAN DU DE'I ZHES BYA BA STE SNGA MA'O, ,DE LTAR SNGA MA DANG PHYI MA'I MTHA' DAG DON DANG LDAN PAR RTOGS PA YONGS SU RDZOGS PA MED DO ZHES BRJOD PA YIN NO, ,DES NA ZHES BYA BA NI DON DANG LDAN PA NYID DU RTOGS PA YONGS SU RDZOGS PAR BYED PA'I PHYIR RO, ,GCIG LA ZHES BYA BA NI SNGA MA'AM PHYI MA LA'O, ,THE TSOM ZA NA ZHES BYA BA NI CI 'DI'I DON 'DI YIN NAM GZHAN YIN ZHES BYA BA DE LTA BU'I RNAM PAR RO, ,GZHAN LA YANG ZHES BYA BA NI GANG GI TSE DON RTOGS PA DE'I TSE YANG NGO, ,YID BRTAN DU MED PA NI RES 'GA' DON RTOGS BZHIN PA 'DI DON MA YIN NO ZHES BYA BAR 'GYUR BA'I PHYIR RIG BYED TSAD MA MA YIN, THE TSOM ZA BA'I DON CAN YIN PA'I PHYIR RO, ,CI STE ZHES BYA BA NI GZHAN GYI'O, ,SNGA MA ZHES BYA BA NI DA LTAR BA'I DON RTOGS PA LAS SO, ,SPYIR ZHES BYA BA NI DUS GSUM KHYAB PA'I DON RTOGS PAR BYED PA NYID DO, ,GCIG GI TSE NYID CES BYA BA NI DA LTAR BA'I DON RTOGS PA'I DUS NYID NA'O, ,DES NA DON DANG LDAN PA RTOGS PA YONGS SU RDZOGS PA YIN NO SNYAM DU SEMS PA'O, ,LAN DU DE LTA YIN NA ZHES BYA BA'O, ,'DIR 'DI LTAR BSAMS PA YIN TE, RIG BYED NI THOG MA DANG THA MA

MED PA NYID KYIS DON DANG LDAN PA YIN PAR RJES SU DPAG PA LAS RTOGS PA YIN NO, ,DE LTA NA YANG THOG MA DANG THA MA MED PA NYID KYIS RANG BZHIN NYAMS PA MED PA YIN NO, ,DE BZHIN DU RJES SU DPAG PA'AM, DES BSKYED PA'I MNGON SUM GYIS SAM, KHYAB PA 'DZIN PAR BYED PAS THOG MA DANG THA MA MED PA'I DNGOS PO RTOGS PA NA THOG MA DANG THA MA MED PA NYID NYAMS PA MA YIN PA KHO NA'O, ,GANG GI PHYIR DE LTA YIN PA'I PHYIR NA, RNAM PA THAMS CAD RJES SU DPOG PA ZHES BYA BA NI, RNAM PA THAMS CAD RJES SU DPOG PAS PA SKYED PA'I SHES PA LA'O, ,GAL TE DE LTAR THAMS CAD RIG PA YIN DU CHUG MOD DE LTA NA YANG THOG MA DANG THA MA MED PA'I DNGOS PO RIG PA JI LTAR 'GYUR ZHES GSUNGS PA NI DES NA ZHES BYA BA'O, ,KYANG GI SGRAS NI RJES SU DPAG PAS RIG PA YANG MA NYAMS PA MED DO, ,THOG MA DANG THA MA MED PA LA MI GNOD PA'I PHYIR RO, ,SKABS KYI DON SDUD PAR BYED PA NI DE'I PHYIR ZHES BYA BA'O, ,DE DANG 'BREL BA NI RANG GI RGYUD DANG 'BREL BA'O, ,GZHAN PA DAG KYANG ZHES BYA BA NI DE DANG 'BREL BA DANG 'BREL PA'O, ,DE'I MTHU LAS KYANG ZHES BYA BA NI 'BRAS BU'I RAB TU BYED PA SNANG BA'I STOBS KYIS SO, ,RGYU'I DBYE BA YANG SNANG BA YIN NO ZHES 'BREL TO, ,THAMS CAD GOMS PA NI YANG NAS YANG RNAM PA THAMS CAD RJES SU DPOG PA BYANG BAR BYAS PA'O, ,RIG BYED NI THOG MA DANG THA MA MED PA NYID KYIS RE ZHI GA RTOGS PAR MI BUS PA NYID DO, ,SKYES BU PHUL DU BYUNG BA MED PA'I PHYIR RO, ,RTOGS SU ZIN KYANG NYE BAR MKHO BA YANG CI'ANG MED DO ZHES BSHAD PA NI RIG BYED NI ZHES BYA BA'O, ,THOG MA MED PA NYID DU YONGS SU SHES KYANG NGO, ,THABS MA YIN NO ZHES BYA BA NI DON DANG 'BREL BA NGO BO CAN MA YIN PA'I PHYIR RO, ,SNGAR ZHES BYA BA NI STONG PHRAG PHYED DANG BZHI PAR RO, ,GAL TE YANG NYE BAR BSTAN PA GZHAN DU BYED PA'I RGYU MI SHES BA'AM CHAGS PA LA SOGS PA MED MOD DE LTA NA YANG 'DOD CHAGS DANG BRAL BA RNAMS LA NYON MONGS BA CAN MA YIN PA RIMS NAD DANG BRAL BA'I LUS LA BAG CHAGS MI MTHUN PA NI YOD PA KHO NA YIN LA, ,TING NGE 'DZIN GYI GEGS BKRES PA LA SOGS PA YANG YOD PA YIN NO SNYAM DU DOGS PA NI

, ,GAL TE ZHES BYA BA'O, ,BAG CHAGS MI MTHUN PA YIN YANG RIG BYED LAS BCOM LDAN 'DAS KHYAD PAR DU BSTAN PA'I PHYIR RE ZHIG RIG BYED KYI KHYAD BAR DU BSHAD PA NI RIG BYED LA NI ZHES BYA BA'O, ,THOG MA MED PA NYID KYIS NA GZHAN DON 'GA' ZHIG DANG 'BREL BAR 'DZIN PA MED PA'I PHYIR RO, ,DE TZAM GYIS NI ZHES BYA BA NI RNAM PAR BRTAG PAR BYA BA'I DON SNANG BA TZAM GYIS SO, ,GZHAN LA YANG ZHES BYA BA NI RIG BYED LAS GZHAN PA'I LUS LA'O, ,MTHONG BA'I PHYIR RO NI RNAM PAR BRTAG PAR BYA BA'I DON SNANG BA'O, ,GAL TE RIG BYED DE LTA YIN MOD DE LTA NA YANG 'DI LAS BCOM LDAN 'DAS KHYAD PAR DU 'PHAGS PA CI ZHIG YOD NA GANG GIS TSAD MAR GYUR SNYAM DU DOGS NA 'DI LA NI ZHES GSUNGS TE, THAMS CAD RIG PA LA NI GA ZHI RJES SU DPAG PA NYID YIN NO, ,DES NA DNGOS PO PA'I DON DAN 'BREL PA YOD PAR SHES PA YIN NO, DE LTAR 'DIS NI RANG NYID DON DANG 'BREL BA'I PHYIR NA BAG CHAGS GEGS BYED PA MA YIN NO ZHES BRJOD PA YIN NO, ,DES NI BCOM LDAN 'DAS LA SRID PA YANG MA YIN NO ZHES GSUNGS PA NI GZHAN YANG ZHES BYA BA'O, ,DES NA ZHES BYA BAS NI THABS GOMS PA PHUL DU BYUNG BA LAS GYUR PA'I GSAL BA STON PA'O, ,DE NI YOD KYANG RANG GI DON DANG LDAN PA'I PHYIR CI'I DON DU 'BAD SNYAM NA THUB CHEN ZHES GSUNGS SO, ,GZHAN GYI DON DU 'JUG PA GANG LA MNGA' BA DE'I'O, ,GZHAN GYI DON GYI GEGS YIN PA'I PHYIR NA 'DI NI GDON MI ZA BAR YANG BYA BA KHO NA'O ZHES BYA BA'I DON TO, ,KHYAD 'DI YIN ZHES BYA BA NI BSE RU LA SOGS PA STE; RANG GI DON DU 'JUG PA RANG SANGS RGYAS LA SOGS PA LAS MI MTHUN PA'I KHYAD PAR RO, ,DE LA NYES PA MTHA' DAG YONGS SU SHES PA YOD MOD DE YONGS BAR GO, ,CI LTAR 'GYUR SNYAM NA, SEMS CAN GYI DON LA DGA' BA LA NI ZHES GSUNGS SO, ,NYES PA NI BAG CHAGS KYI MTSAN NYID DO; ;DE'I PHYIR ZHES BYA BA NI GNOD PA BYED PA YIN PA'I PHYIR RO, ,DE ZHES BYA BA NI NYES PA'O, ,BRU BA TSA BA LA SOGS PA'I SDUG BSNGAL YANG BDAG DANG BDAG GI BAR 'DZIN PA'I CHAGS PA'I SNYING PO CAN GYI BAG CHAG SDANG LDAN PA RNAMS LA YIN GYI DMIGS PA'I TSOGS PA TZAM LA SAM YIN TE,

THAMS CAD KYI TSE BDE BA LA SOGS PA RNAM PA GCIG TU THAL BA'I PHYIR RO ZHES BRJOD PA NI, BRU BA LA SOGS PA YANG ZHES BYA BA'O, ,SOGS PA'I SGRAS NI SKOM PA LA SOGS PA'O, ,PHYIN CI LOG LA GOMS PAR BYED PA NYID LA ZHES BYA BA NI BDAG DANG BDAG GIR 'DZIN PA'I CHAGS PA'I SNYING PO CAN GYI BAG CHAGS DANG LDAN PA RNAMS LA'AM, BRU BA TSA BA LA SOGS PA ZLOG PAR BYED PA MED PA RNAMS KHO NA LA 'BYUNG BA YIN NO, ,GZHAN DU NI MA YIN NO ZHES BYA BA NI DE SGOM PA DANG BRAL BA RNAMS LA'O, ,'DI GA LAS SHE NA, 'DI LTAR ZHES GSUNGS SO, ,GANG GI TSE SNGON GYI STON PA, BTUNG BA DANG BZA' BA GYA NOM PA LA SOGS PAS BYAS PA DE DANG 'BREL ZHING LDAN PA DE'I TSE BKRES PA DANG SMAN PA LA SOGS PA MI SRING BA YIN NO, ,SNGON GYI STON PA JI LTAR ZHE NA, LHA SOGS NGO BO YIS ZHES GSUNGS SO, ,GZUGS NA SPYOD PA'I LHA LA SOGS PAR SKYES PAS SO, ,DE LTAR DE DANG 'BREL PAR CI LTAR 'GYUR SNYAM NA, SKYE BA DRAN PA'I ZHES GSUNGS SO, ,BKRES PA LA SOGS PA NI SA BON DANG MYU GU LA SOGS PA BZHIN DU PHYIR ROL GYI RGYU TZAM LAS 'BYUNG BA YANG MA YIN GYI 'ON KYANG GOMS PA'I RJES SU 'GRO BA DANG LDOG PA'I RJES SU BYED PA CAN DE DANG 'BREL PA NYID YIN NO ZHES BRJOD PA NA, GZHAN YANG ZHES BYA BA'O, ,LAN GSUM ZA BA'I SKYES BU GANG YIN PA DE NI GOMS PA LAS GNYIS ZA BA LAS KYANG BDE BAR GNAS PAR 'GYUR RO, GNYIS ZA BA NI LAN CIG CIG CAR ZOS PAS KYANG BDE BAR GNAS PA 'THOB PAR 'GYUR RO, ,GTAN MI 'GYUR ZHES BYA BA'I SKABS KYIS BCO NA LDAN 'DAS LA'O, ,SA BO NA DANG MYU GU BZHIN DU PHYI ROL TZAM LAS BYUNG BA YIN NA SKYON CI YONG SNYAM NA, GAL TE ZHES GSUNGS SO, ,BRU BA LA SOGS PA 'DI DNGOS PO LA RAG PA YIN NA DE'I TSE GOMS PAS BSGRUBS PA GOMS PA LA RAG LAS PAR MI 'GYUR RO, ,GZHAN GYI DON LA 'JUG PA LAS KYANG 'DI'I JI LTA BA YIN GYI GOMS PA RTOGS PAR BYA BA YIN NO ZHES MJUG BSDU BA'I SGO NAS BRJOD PA NI DE'I PHYIR ZHES BYA BA'O, ,SNGON GYI SLOB DPON GYI LUGS DANG 'GAL BAS MAN DAG MED PA NYING DU

, ,DOGS PA BSU BA NI, GAL TE SLOB DPON GYIS ZHES BYA BA'O, ,SBYOR BA NI THAMS CAD DE STON PA NYID YIN LA THABS GOMS PA YANG GZHAN YIN PA'I PHYIR 'GAL BA YIN NO ZHEN, SNGON GYI SLOB DPON GYI NI THABS GOMS PA 'DI NYID LA NYE BAR BTAGS NAS STON PAR BRJOD PA YIN NO ZHES BSHAD PA NI THABS GOMS PA 'DI NYID CES BYA BA'O, ,'DI NYID CES BYA BA'I NGES PAR GZUNG BAS NI, LUS DANG DBANG PO LA SOGS PA BDAG TU LTA BA THABS YIN PA'AM, BDAG KHAMS GSUM PA LA SDUG BSNGAL BA LA SGOM PA 'DOR BA'I RGYU YIN PAS NA THABS YIN NO ZHES BYA BA GZHAN GYI LUGS SEL BAR BYED PA YIN NO, ,'DI JI LTAR MI RIGS PA DE LTAR YANG PHYIS STON PAR 'GYUR RO, ,THABS GOMS PA 'DI NYID GA LAS YIN SNYAM NA, GANG GI PHYIR STON PA YIN PAS SO, ,GAL TE STON PA NI 'BRAS BU YIN GYI THABS NI MA YIN NO SNYAM NA, DE DON PHYIR NA ZHES GSUNGS TE, ,STON PA'I DON YIN PA'I PHYIR RO, ,STON PA'I RGYU YIN PA'I PHYIR NA 'DI NYID THABS GOMS PA YIN GYI GZHAN GYI 'DOD PA NI MA YIN TE, DE'I RGYU MA YIN PA'I PHYIR RO, ,RNAM PAR DBYE BA 'DI GA LAS SNYAM NA, GRUB LAS ZHES GSUNG TE BDE BAR GSHEGS PA NYID LAS SNGAR YOD PA'I PHYIR RO, ,GRUB PA'I RNA BZHIN STON PA'I SGRAS NYE BAR GDAGS SU RUNG BA NI 'DI KHA YIN GYI, GZHIN NI MA YIN NO, ,GAL TE 'DI RGYU NYID YIN PAS KYANG BSGRUB PAR BYA BA KHO NA MA YIN NAM ZHE NA, GNYIS PO 'DI JI LTAR NI ZHES GSUNGS SO, ,GNYIS PO 'DI JI LTAR RGYU YIN PA DE LTAR NI DE MA THAG TU BSHAD ZIN TO, ,BSHAD PAR NI GSAL BA KHO NA'O, ,PHYED SNGA MA BSHAD NAS PHYED PHYI MA BSHAD PA'I DON DU 'DRI BA NI, DE'I DON NYID GA LAS SHE NA ZHES BYA BA'O, ,THABS GOMS PA STON PA'I DON YIN PA NYID CI'I PHYIR ZHES BYA BA LA SOGS PAR BSKANGS NAS RTZA BAS LAN 'DEBS PA NI DE LAS ZHES BYA BA'O, ,THABS GOMS PA DE LAS SO, ,'BYUNG BA'I PHYIR RO ZHES BYA BA NI STON PA SKYE BA'I PHYIR RO, ,DE NYID LAS 'BYUNG BA ZHES JI LTAR SHES SNYAM NA, THABS GOMS PA DANG BLO GSAL BA DAG LAS ZHES GSUNGS SO, ,STON

PA NI BDE BAR GSHEGS PA NYID DO, ,'DIS NI GRUB LAS ZHES BYA BA BSHAD PA YIN NO, ,DE CI SNGON ZHES BYA BA NI STON PA'I RGYU YIN PA'I PHYI STON PA YIN GYI DE NYID NI MA YIN GYI ZHES BYA BA 'DI CI'I PHYIR ZHES BYA BA'O, ,GNYIS PO 'DI NI RGYU RU BSHAD, ,CES BYA BA NI RGYU PHUN SUM TSOGS PA'I DBANG DU BYAS NAS 'GRO BA LA PHAN PAR BZHED PA NYID DANG, STON PA NYID BSHAD PA YIN NO, ,'BRAS BU PHUN SUM TSOGS PA'I DBANG DU BYAS PA NI MA YIN NO, ,DES NA DNGOS MA YIN NO ZHES BYA BAR SHES PA YIN NO, ,RGYU NYID DU BSHAD PA LA YANG SGRUB PAR BYED PA'I DRI BA NI, 'DI RGYU BSHAD DO ZHES BYA BA YANG ZHES BYA BA'O, ,LAN BTAB PA NI DANG PO BRJOD PA NYID KYI PHYIR RO ZHES BYA BA'O, ,GANG GI PHYIR NA YANG DAG CES BYA BA NI TSIGS SU BCAD PA 'DIR GNYIS PO 'DI DANG POR BRJOD PA DES NA, DE RGYUR BSHAD PA YIN NO, ,DNGOS NYID BDE BAR GSHEGS PA'I RGYU CI STE MA YIN SNYAM NA DNGOS KYI STON PA NI ZHES GSUNG SO, BDAG NYID NI BDAG NYID KYI SGRUB PAR BYED PA NYID DU MI RIGS SO SNYAM DU DOGS SO, ,SKABS NYE BAR SDUD PAR BYED PA NI DE'I PHYIR ZHES BYA BA'O, ,GZHAN NI MA YIN NO ZHES BYA BA NI DNGOS KYI STON PA NI'O, ,BDE BAR GSHEGS PA NYID KYI RANG BZHIN BRJOD PA NI RGYU SPANGS ZHES BYA BA STE, SDUG BSNGAL GYI RGYU'O, ,YOD TAN GSUM NI LEGS PA NYID LA SOGS PA'I KHYAD PAR GANG LA MNGA' BA'O, ,DE LA RE ZHIG LEGS PA NYID STON PA NI SPANGS PA NI, SDUG BSNGAL GYI RTEN MA YIN TE, DES NA LEGS PA YIN NO; ;GAL TE DER GYUR NA LEGS PAR 'GYUR BA ZHIG NA DE NYID JI LTAR SNYAM DU DOGS NA, DE NI BDAG MED PA'AM ZHES GTAN TSIGS GNYIS GSUNGS SO, ,GAL TE SDUG BSNGAL GYI RTEN MA YIN PA LAS SPANGS PA GZHAN YAN LEGS PA NYID MA YIN NAM, DES NA 'DI BRJOD PAS CI ZHIG BYA SNYAM DU DOGS NA, BDAG DANG BDAG GIR 'DZIN NA NI, ,ZHES GSUNGS SO, ,SDUG BSNGAL GYI RGYU GANG YIN PA DE SPANGS PA DE SDUG BSNGAL DANG BCAS PA YIN NO, ,DES NA LEGS PA MA YIN NO SNYAM DU DGONGS PA'O, ,GAL TE BDAG TU 'DZIN PA YOD KYANG GCIG PU BDE BAR GNAS PA MA

, ,YIN NAM, SDUG BSNGAL GYI RGYU NI 'DU 'DZI YIN PA'I PHYIR RO SNYAM DU GZHAN SEMS PA'I DOGS PA BSU NAS, BDAG DANG BDAG GI BAR 'DZIN NA NI ZHES GSUNGS SO, ,MA 'DRES PA YUL DANG BRAL BA GCIG BU NI MI DGOS TE DE NI GNYIS PA 'DOD DO ZHES BYA BA LUGS YIN PA'I PHYIR RO, ,CI SPANGS PA THAMS CAD MTHONG BA LAS 'GYUR RAM SNYAM NA, MTHONG BAS SPANG BAR BYA BA ZHES GSUNGS SO, ,GAL TE SBYOR BA ZHES BYA BA CI LA BRJOD NA, GANG LAS NYON MONGS PA'I TSOGS 'ONG BA YIN SNYAM DU DOGS PA BSU NAS, SBYOR BA NI GOMS PA STE ZHES GSUNGS SO, ,YU DZA NI TING 'DZIN LA BYA'O ZHES BYA BA 'DI BZUNG BA'I PHYIR RO, ,SBYOR BA NI GOMS PA STE SGOM PA YIN LA, BSGOM PAS YANG SPANG BAR BYA BA'I TSOGS SO ZHES BYA BA NI SPONG BA ZHES 'BREL TO, ,NYON MONGS PA RNAM PA GNYIS TE, MTHONG BAS SPANG BAR BYA BA DANG BSGOM PAS SPANG BAR BYA BA'O, ,DE LA MTHONG BAS SPANG BAR BYA BA GANG YIN PA DE DAG NI MTHONG BAS SPONG LA, BSGOM PAS SPANG BAR BYA BA GANG YIN PA DE DAG NI BSGOM PA'I LAM GYIS SO, ,DES NA MTHONG BA DANG SBYOR BA'I SGRA GNYIS NI MTHONG BA DANG BSGOM PA'I LAM RJOD PAR BYED PA YIN PA'I PHYIR ZLOS PA'I DOGS PA MED DO, ,YANG NA BDAG MED PA MTHONG BA'AM ZHES BYA BA NI GZHAN GYIS SO, ,'DOD PA'I BDAG DNGOS PO MED BRJOD PAR BYED PA YIN PA'I PHYIR NA BDAG MED PA MA BSDUS PAS DE BSTAN PA'I DON DU YANG SBYOR BA NI ZHES GSUNGS SO, ,PHAN TSUN LDAN ZHES BYA BA NI YU DZI NI LDAN PA LA'O ZHES BYA BA 'DI BZUNG BA'I PHYIR RO, ,GNYIS SU MED PA'I RANG BZHIN DANG, DE SGRUB PAR BYED PA'I TSAD MA NI PHYIS 'CHAD PAR 'GYUR RO, ,YANG NA BDAG MED PA MTHONG BA'AM ZHES BYA BA NI 'PHAGS PA NYAN THOS SOGS PA'I BDAG MED PA GNYIS MNGON DU BYAS PA BRJOD PA YIN LA, BYANG CHUB SEMS DPA' RNAMS NI BDAG MED PA DE LA SBYOR BA LDAN PA STE, SHES PA BYED PA YIN GYI, MNGON DU BYED PA NI MA YIN TE, SANGS RGYAS KYI CHOS RNAMS MA THOB BAR DU YONGS SU MYA NGAN LAS 'DAS PAR THAL BA PA'I PHYIR RO, ,'DIS NI KHYAB 'JUG GI 'JIG RTEN DU SONG BA

LAS THAR BAR 'GYUR BA YIN NO ZHES BYA BA DE GSAL BA YIN NO ZHES BSHAD PA NI RNAM PA THAMS CAD DU ZHES BYA BA'O, ,PHYIR MI LDOG PA'I RANG BZHIN MI SHES PAS 'DRI BA NI PHYIR MI LDOG PA DE GANG YIN ZHE NA ZHES BYA'O, ,'DIR DE'I RANG BZHIN GYI NGO BO BZLOG PA DANG BCAD PA BSHAD PA NI SKYE DANG ZHES BYA BA'O, ,BDAG GI BA LA SOS PAR LTA BA'I SNYING PO CAN GYI KUN DU RTOG PA DE DAG SPANG BA NI SNGAR 'BYUNG BA MA YIN TE, SA BON MED PA'I PHYIR RO ZHES BYA BA'I DON TO, ,SKYON MED PA'I GNAS SKABS NI THAR BA'I GRONG KHYER DU SON PA YIN NO ZHES 'BREL TE, SKYE BA MED PA YANG THAR PA'I GRONG KHYER DU SON PA YIN NO, ,'O NA JI LTAR SLAR LDOG YIN SNYAM NA BSHAD ZIN PA'I DON NYID GSAL BAR BYA BA'I PHYIR NYES PA DANG ZHES BYA BA'O, ,NYES PA MED PA'I GNAS SKABS DE YANG GA LAS 'GYUR BA YIN SNYAM NA, BDAG DU LTA BA MED PA'I PHYIR ZHES GSUNGS SO, ,SKYE BA MED PA LA YANG GTAN TSIGS BRJOD PA NI NYON MONGS PA MED PA'I PHYIR ZHES BYA BA'O, ,DES NA ZHES BYA BA NI BDAG TU LTA BA DANG NYON MONGS BA MED PAS SO, ,GAL TE BDAG TU LTA BA LA SOGS PA MED KYANG LAS MA ZAD PA'I PHYIR NA CI LTAR SLAR MI LDOG PA YIN SNYAM NA, SKYE BA NI GNYIS LA RAG LAS PA'I PHYIR LAS YOD PAS 'BYUNG BAR JI LTAR 'GYUR ZHES BYA BA'I DON TO, ,GAL TE BDAG DANG BDAG GI RANG GI NGO BOS MTHONG BA NI 'DOD CHAGS LA SOGS PA'I RGYU MA YIN GYI, 'ON KYANG BDE BSGRUB PAR BYED PA LA SOGS PAR SHES PAS SAM, CHAGS PA'I YUL NYID KYIS SAM CHAGS PA'I SNYING PO CAN NYID KYIS YIN NO, ,DES NA DE NYID SPANG BAR BYA BA YIN GYI, RANG GI NGO BO MA YIN NO SNYAM DU DOGS PA BSU BAS, BDAG TU LTA BAR YANG MED PA'I PHYIR ZHES GSUNGS SO, ,BDAG TU LTA BA MED PA'I PHYIR TE LDOG PAS GZHAN GANG ZHIG LAS NYON MONGS PA 'BYUNG BAR 'GYUR, BDAG TU LTA BA KHO NA LAS NYON MONGS PA 'BYUNG BA YIN NO ZHES BYA BA'I DON TO, ,BDAG TU LTA BA'I BAG CHAGS SPANGS PA'I PHYIR, SLAR MI GSHEGS PA ZHES BYA BA'I TSIG GI SHUS KYI MDO MDZAD PAS BRJOD KYI DNGOS SU NI MA YIN NO ZHES BRJOD DE ZHES BYA BA YIN NO, DE NYID BRJOD PA NI BDAG LA PHAN 'DOGS LAS ZHES BYA BA'O, ,BDAG SOGS

, ,ZHES SOGS KYI SGRAS NI BDAG GI BSDU'O, ,BDAG LA ZHES BYA BA NI 'CHAD PA'O, ,BDAG LA PHAN 'DOGS PA DANG GNOD PA DE GNYIS LA GO RIMS BZHIN DU CHAGS PA DANG LDAN PA DAG YIN NO, ,GANG GIS NYES PA RNAMS KYI SKABS SU MI 'GYUR BA, GTI MUG NYID JI LTAR MED SNYAM NA, DE NI BDAG MED PA'I ZHES GSUNGS SO, ,CHOS BDAG MED PA MTHONG NA NI GTI MUG SHIN TU YANG LDOG GO ZHES BSHAD PA NI GNYIS SU MED PA ZHES BYA BA'O, ,GAL TE BDAG MED PA CIG SHES MTHONG BA DAG GNOD BYED DU MTSUNGS PA MA YIN NAM, DES NA JI LTAR BDAG MED PAR MTHONG BA CIG SHOS KYI GNOD BYED YIN PA DE BZHIN DU MTHONG BA YANG YIN NO, ,DES NA NYES BA RNAMS SLAR LDOG PA YIN NO SNYAM DU DOGS NA, GAL TE ZHES SMRAS SO, ,PHYIR MI LDOG PA MA YIN NO ZHES BYA BA NI PHYIR LDOG PA NYID DO ZHES BYA BA'I DON TO, ,DES NA ZHES BYA BA NI PHYIR LDOG PAS NA'O, ,'ON TE LUS PA GZHAN LDOG PA YIN NO SNYAM NA, SLAR LDOG PA LAS LUS PA GZHAN NI MED DO ZHES GSUNGS SO, ,SLAR LDOG PA NYID LUS PA YIN NO ZHES BYA BA'I DON TO, ,YANG DAG PA DANG YANG DAG PA MA YIN PA'I YUL CAN NYID KYI STOBS MTSUNGS BA NYID MA YIN NO ZHES LAN 'DEBS PA NI, 'DIR 'DI SKAD BRJOD DE ZHES BYA BA'O, ,BDAG MED PAR MTHONG BA DE NI BDEN PA'I PHYIR DANG, THA DAD PA'I PHYIR DANG, BDAG NYID YIN PA'I PHYIR GNOD BYED YIN NO, ,BDAG TU LTA BA NI CIG SHOS KYIS MA YIN TE, ,DE LAS LDOG PA YIN PA'I PHYIR RO, ,'O NA LUS PA GANG YIN SNYAM NA, LUS NGAG CES GSUNGS SO; ;PHYIN CI LOG TU GYUR PA YIN PA'I PHYIR ZHES BYA BA NI 'GAL BA PHYIR DE LAS LDOG PA'I PHYIR ZHES BYA BA NI, BDEN PA NYID DANG 'GAL BA NYID MED PA'I PHYIR RO, ,DE LTAR BDEN PA DANG THA DAD PA'I SGRA DAG BSHAD NAS, BDAG NYID KYI SGRA 'CHAD PA NI THA DAD PA'I BDAG NYID KYANG ZHES BYA BA'O, , BSDUS PA YIN PA'I PHYIR THA DAD PA SGRA DANG BCAD TE RJES SU BRJOD DO, ,DE LA BDEN PA DANG 'GAL BDAG NI TSAD MA DANG BCAS PA'I PHYIR NYE BAR BSTAN PA YIN LA, BDAG NYID YIN PA'I PHYIR NI 'BAD PAS BZLOG PAR BYA BA YIN PAR BSTAN TO, ,'ON TE BDAG TU LTA BA YANG DA BZHIN DU 'GYUR BA DES NA GNOD PAR

BYED PA YIN NO SNYAM NA BDAG TU LTA BA NI ZHES GSUNGS SO, ,CI'I PHYIR SNYAM NA BDAG MED PA'I PHYIR TE ZHES GSUNGS SO, ,GAL TE ZHES BYA BA NI GZHAN GYI'O, ,NYON MONGS PAS BYAS PA NI LUS DANG NGAG DANG SEMS KYI GNAS NGAN LEN TO, ,LAN NI MA YIN TE ZHES BYA BA'O, ,SLAR LDOG PA MED PAS NYON MONGS PA MED PA'O, ,PHYIR NA MED PA YONGS SU GDUNG BA MED PA YIN TE, 'KHOR BA'I SDUG BSNGAL GYIS YONGS SU GDUNG BA DANG 'BRAL BA'I PHYIR RO, ,DE YANG BAG CHAGS TZAM DANG 'BREL BA LAS LUS LA SOGS PA MI MTHUN PAR 'GYUR BA KHO NA'O ZHES BYA BA NI LHAG MA'O, ,LAM BSHAD MI GSAL BAS NI RGYU DANG 'BRAS BU'I LAM GYI RNAM PA THAMS CAD STON PA LA MI GSAL BA MTSON PA YIN NO ZHES GSUNGS PA NI LAM GYI RNAM PA DU MA ZHES BYA BA'O, ,RNAM PA DANG MA BRJOD PA LAS MI GSAL BA NI NGES PAR BRJOD PA LAS TE MA LUS PAR STON PA LA MI GSAL BA'O, ,'ON ZHES BYA BA NI GAL TE DE LTAR LUS PA SRID NA'O, ,DE'I TSE GANG LAS YOD PA YIN TE MA YIN PA NYID DO ZHES BYA BA'I DON TO, ,JI LTAR MI YONG SNYAM NA BDAG MED PAS ZHES SMRAS SO, ,SPONG BA LA NI ZHES GNOD PAR BYED PA'I TSAD MA YANG YOD PA YIN TE DE'I PHYIR YANG DE SRID PA MA YIN NO ZHES BSHAD PAS NI, JI SRID SMRA BA DE SRID DU NI ZHES BYA BA'O, ,KHO BO CAG LA SOGS PA LA SMRA BA PO NYID NI NYES PA DANG LDAN PAS KHYAB PA YIN TE 'DOD CHAGS DANG BRAL BA RDO'I DUM BU LAS LDOG PA'I PHYIR RO, ,YANG 'BRAS BU SMRA BAS RGYUN RNAM PAR RTOG PA GO BAR BYED DO ZHES SMRAS PA NI, ,SMRA BA NI ZHES BYA BA'O, ,RNAM PAR RTOG PA NI RANG GI RNAM PA LA DON DU LDAN PAR ZHE NA 'KHRUL PA YIN TE, DE MA YIN LA DER 'DZIN PA'I PHYIR RO SNYAM NA, GAL TE YANG LAM TZAM LAS LUS PA MA SPANGS PA'I DE LTA NA YANG DE LA GNAS PA'I KHYAD PAR GYI RNAM PA BSTAN PA NYID KYI LAM GZHAN SBYOR BAS LAN 'DEBS PA NI, GOMS PHYIR ZHES BYA BA'O, ,GOMS PHYIR ZHES BYA BA NI KHYAD PAR NI RNAM PA'I YUL CAN BSGOM PA'I LAM ZHES BYA BA LAS SO, ,SPANG BA GANG LA LUS PA MED PA DE NI LUS SPANGS PA'O, ,'DI ZHES BYA BA NI SMRA BA BO NYID DO, ,DE PHYIR ZHES BYA BA NI MI MTHUN PA'I PHYOGS LA LDOG PAR THE TSOMS ZA BA'I PHYIR RO, ,DE'I PHYIR ZHES BYA BA NI

, ,GOMS PA LAS SO, ,DE 'GOG BA BYED PA'I TSAD MA YANG MI MTHUN PA'I PHYOGS LA LDOG PAR THE TSOMS ZA BA NYID KYIS MA NGES PA YIN NO ZHES GSUNGS BA NI, SMRA BA TZAM GYIS ZHES BYA BA'O, ,'KHRUL BA BSGRUB PA YANG THUN MONG GI MA NGES PA YIN NO ZHES BRJOD PA NI TSIG RNAM PAR RTOG PA BSGRUB PAR BYA BA LA YANG ZHES GSUNGS SO, ,RNAM PAR RTOG PA MED KYANG SHIN TU GOMS PA LAS TSIG SO SO DANG NGAG SO SOR SMRA BA MTHONG BA'I PHYIR RO, ,DE DAG NI YOD KYANG MI RIGS PA YANG MA YIN TE, RNAM BAR RTOG PA 'DI DAG SKYE BA DANG 'GAG BA MI RIGS PA YANG MA YIN TE ZHES BYA BA'I TSUL GYIS SO, ,'PHEL BA'I ZHES BYA BA GOMS PA'I SHUGS KYIS SO, ,'DUL BYAD DANG DE DE'I BSAM PA DANG, DE'I LAM MNGON DU GZIGS PA NYID LAS RNAL 'BYOR BA'I TSIG 'JUG PA YIN NO, ,CI LTAR KHO BO CANG GI KA BA LA SOGS PA MTHONG BA NA 'DI KA BA'O ZHES BRJOD PA BZHIN NO, ,DE BRJOD PA NI BSHAD ZIN PA'I ZHES BYA BA'O, ,RNAM PA THAMS CAD RNAM RTOG NI, ,ZHES BYA BA NI DES BSKYED PA'I MNGON SUM GYI SHES PA ZHES BYA BA'I DON TO, ,GAL TE MI GSAL BAR SNANG BA MED PA RNAM PA THAMS CAD PA'I MNGON SUM LAS JI LTAR TSIG 'JUG SNYAM NA, GSAL BAR MI SNANG BA NYID LAS ZHES BYA BA'O, ,DES PAR BKAG PA'I PHYIR NA GSAL BAR SNANG BA LAS KYANG SGRA 'JUG PA YIN NO ZHES BYA BA'I DON TO, ,GANG GIS DE SKAD BRJOD PA DE'I CI LTAR MTHONG BA YOD DAM SNYAM NA, MNGON SUM GYIS MTHONG ZHES GSUNGS SO, ,SGRA'I RNAM PA BSHAD PA NI 'DI NI KA BA YIN NO ZHES BYA BA'O, ,GZHAN DU ZHES BYA BA NI GAL TE MI GSAL BAR SNANG BA KHO NA LAS SGRA 'JUG NA'O, ,DE'I TSE NI 'DI 'JUG PA MED PAR 'GYUR RO, ,'ON TE 'DIR MI GSAL BAR SNANG BA LAS SGRA 'JUG PA YIN NO SNYAM NA, 'DIR NI ZHES GSUNGS TE KA BA LA SOGS PAR RO, ,GZHAN LA YANG ZHES BYA BA NI RNAM BA THAMS CAD MNGON SUM DU MTHONG BA LA'O, ,DE LTAR RNAM PAR RTOG PAR MI BYED PA LA YANG TSIG YOD PA'I PHYIR RNAM PAR RTOG PA LA NGES PA MA YIN NO, ,DES NA SMRA BA NI THUN MONG GI MA NGES PA YIN NO, ,'DOD CHAGS LA SOGS PA DANG LDAN PA LA NI LDOG

PA LA THE TSOM ZA BA MA YIN TE, 'GAL BA MED PA'I PHYIR RO ZHES BYA BA MJUG SDUD BA NI DE'I PHYIR ZHES BYA BA'O, ,NYES PA NI 'DOD CHAGS LA SOGS PA DANG LDAN PA'AM, RNAM PAR RTOG PAR DANG LDAN PA'O, ,GAL TE BDAG DANG BDAG GIR LTA BA NI NYON MONGS PA'I RGYU MA YIN GYI, 'ON KYANG BDE BA DANG GZHAN GYI SGRUB PAR BYED PA NYID DU 'DZIN PA DANG DRAN PA YIN NO, ,DE NI BDAG LA SOGS PA LTA BA SPANGS PA LA YANG NYAMS BA MED PA'I PHYIR SEMS KYI RGYUN BZHIN DU NYON MONGS PA'I RGYUN YANG NYAMS PA MA YIN NO ZHES BYA BAR DOGS PA NI GAL TE ZHES BYA BA'O, ,GZHAN LAS ZHES BYA BA NI BDE BA LA SOGS PA'I SGRUB PAR BYED PA 'DZIN PA DANG DRAN PA'I RGYUN LAS NYES PA RNAM ZAD PA YOD PA MA YIN NO, ,DES NA BDAG LA SOGS PAR LTA BA SPANGS PA RNAMS LA YANG MED PAR MA GRUB PO, ,CI STE BDAG LA SOGS PA LTA BA SPANG PA LA NYON MONGS PA'I RGYU MA DMIGS SO SNYAM DU DOGS PA BSU NAS; SHIN TU DBANG PO LAS 'DAS PA'I DON MA DMIGS PA BZHIN DU BLTAR MI RUNG BA'I YUL CAN GYI MI DMIGS BA DE NI MED BA SGRUB PAR BYED PA MA YIN NO ZHES BRJOD PA NI, NYES PA MI ZAD PA'I RGYU ZHES BYA BA'O, ,BDAG LA SOGS BAR LTA BA SPANGS PA LA NYES PA'I RGYU MA DMIGS KYANG SHES PA MI SRID PA NI MA YIN NO ZHES BYA BA'I THA TSIG GO, ,BDAG DANG MA 'BREL BA'I BDE BA LA SOGS PA NYID SHES PA NI 'DOD CHAGS LAS SOGS PA'I RGYU MA YIN PA KHO NA HA CANG THAL BAR 'GYUR BA'I PHYIR RO ZHES BRJOD PA NI MA MTHONG BA JI LTAR RTOGS PAR BYED CES BYA BA YIN NO, ,'ON JI LTAR 'JIG PA MED PA NYID DU RNAM PAR RTOG SNYAM NA RTAG NYID PHYIR RAM ZHES GSUNGS SO, MI ZAD BA NYID DU RTOGS PA NI RGYU MTSAN YOD PA LAS YIN GYI RGYU MTSAN YANG 'JIG PA MED PA'I PHYIR RTAG PA YIN PA'AM, MI RTAG PA YIN YANG RGYUN GCOD PA'I THABS MED PAS NA, SEMS BZHIN DU RGYUN DU 'JUG PA'AM, DE GCOD PA'I THABS YOD KYANG SO SO'I SKYE BO BZHIN DU MI SHES PA'I PHYIR YIN GRANG NA'O, ,RGYU ZHES BYA BA NI RGYU MTSAN DE RTAG PA NYID LA SOS PA'O, ,DE YANG MA GRUB STE, 'DOD CHAGS LA SOS BA NI SKYE BA DANG LDAN PA YIN PA'I PHYIR RO ZHES BRJOD PA NI RGYU YOD PHYIR DANG ZHES BYA BA'O, ,RGYU MA

, ,TSANG BA MED PA LAS 'BYUNG BA YANG GRANG BA BZHIN DU RGYU'I GNYEN PO SRID NA RTZA BA DANG BCAS PA STE 'CHAD PAR 'GYUR RO ZHES BRJOD PA NI RGYU'I GNYEN PO ZHES BYA BA YIN NO, ,GNYEN PO GOMS PAR BYAS PAS RGYU ZAD PA'I PHYIR RO, ,RGYU'I RANG BZHIN SHES NA NI DE DANG 'GAL BA'I RGYU'I GNYEN PO YANG MKHAS PAS SHES PAS 'GYUR RO ZHES BRJOD PA NI, RGYU'I RANG BZHIN SHES PA'I ZHES BYA BA'O, ,BSHAD BAR NI RGYU DANG LDAN PA NYID BYED PA PO DANG LDAN PAR 'DOD PA YIN NO, ,DE ZHES BYA BA NI NYES BA ZAS PA'I RGYU'O, ,TIL MAR GNYEN PO YIN PA BZHIN NO ZHES RJES SU 'JUG GO; ;CI'I PHYIR GNYEN PO YIN SNYAM NA, DRO BA DANG SNYAM PA NYID KYIS ZHES GSUNGS SO, ,PHYI ROL NI TIL MAR LA SOGS PA'O, ,PHYI ROL GYI NI RLUNG LA SOGS PA'I'O, ,MTHU LA SOS PA'I KHYAD PAR MED PA NI SMAN GYI RDZAS RNAMS NYAMS PA'I PHYIR RO, BDAG MED PAR LHA BA NI ZHES BYA BA NI YUL GYI LHAN CIG BYED PA TZAM YIN PA'I PHYIR NYAMS MED PA YIN NO, ,LOG PAR RTOG PA MED PA YIN NO ZHES BYA BA NI BDAG MED PAR LTA BA NYAMS PA MED PA NI BDAG TU LTA BA RTZA BA MED PA CAN GYI GNOD BYED YIN PA'I PHYIR, GAL TE BCOM LDAN 'DAS BDE BAR GSHEGS PA YIN YANG SKYES BU GZHAN BZHIN DU RANG NYID TSAD MA YIN GYI, BDAG CAD RIG BYED PA RNAMS LA NI MA YIN NO, ,GZHAN GYI SHES PA GZHAN LA TSAD MAR 'GYUR BA NI MA YIN TE, NYE BAR STON PAR BYED PA MA YIN PA'I PHYIR RO, ,RIG BYED NI MI LA SOGS PA BZHIN DU DE DANG LDAN PA LA TSAD MA YIN NO ZHES DOGS PAR BYED PA NI GAL TE SMRA YANG ZHES BYA BA'O, ,JI STE GZHAN YANG TSIG GI SGO NAS GZHAN LA TSAD MA YIN NO ZHE NA BDEN TE, PHYIN CI MA LOG PAR SMRA NA DE LTAR 'GYUR BA ZHIG NA, BDE BAR GSHEGS PA NI MA YIN TE, RIG BYED KYI TSAD MAS GNOD PA'I DON STON PA'I PHYIR RO ZHES SMRAS PA NI TSAD MA NI ZHES BYA BA'O, , PHYIN CI LOG CES BYA BA NI RIG BYED DANG 'GAL LO, ,RIG BYED NI TSAD MA MA YIN TE SKYOB PA NYID MED PAS DOR BA'I YAN LAG YIN PA'I PHYIR RO, ,BCOM LDAN 'DAS NI TSAD MA YIN TE ZLOG PA'I PHYIR RO, ,NYA PHYIS LA DNGUL GYI SHES PA THOB PA TZAM GYIS MI 'DOR BA MA YIN BAS DE BZHIN DU RIG BYED

KYANG YIN NO ZHES GSUNGS PA NI, BCOM LDAN 'DAS NI ZHES BYA BA'O, ,BCOM LDAN 'DAS LA NI SKYOB PA NYID MNGA' BA'I PHYIR NA BZLOG PA'I GNOD PAR BYED PA YIN NO ZHES BRJOD PA NI, SKYOB PA ZHES BYA BA'O, ,DI'I RNAM PAR 'GREL PA NI, NYID GZIGS SAM GSUNG BA ZHES BYA BA'O, , TSIG NI MTHONG BA SNGON DU 'GRO BA CAN DU MTHONG STE, DES NA BCOM LDAN 'DAS KYANG DE BZHIN DU 'GYUR RO, ,GAL TE SLU BA'I BSAM PA CAN LA NI GZHAN DU YANG MTHONG BA YIN NO SNYAM NA, 'BRAS MED PHYIR NA ZHES BYA BA'O, THOB PAR BYA BA MA LUS PAR THOB PA NI PHYIN CI LOG TU GSUNG BA LA DGOS PA YOD PA MA YIN NO, ,THOB PAR BYA BA THAMS CAD MA THOB PA BDAG TU LTA BA CAN NO, ,THOB PAR BYA BA'I DON DU TZAM YANG SMRA BAR 'GYUR TE, TSAD MA PHUN SUM TSOGS PA MA YIN PA'I PHYIR RO, ,GAL TE THOB BAR BYA BA THOB PA YIN YANG 'PHAGS PA NYAN THOS BZHIN DU NYES PAR STON PAR MI 'GYUR BA KHO NA STE, DGOS PA MED PA'I PHYIR RO, ,SNYING RJE CAN YANG DGOS PA MED PAR NI GZHAN GYI DON TZAM DU SMRA BA MA YIN NO SNYAM DU DOGS NA, THUG BRTZER LDAN PHYIR ZHES GSUNGS SO, ,GZHAN GYI DON DU ZHES BYA BA NI, ,RANG GI DOGS PA MED KYANG GZHAN GYI DON DOGS PA, TSIG GI BYED PA GANG LA YOD PA ZHES KHYAD PAR DU BYAS PA'I PHYIR GSUNGS PA YIN NO ZHES 'BREL TO, ,GAL TE THUG BRTZE BA DANG LDAN YANG SHES PAR MI NUS PA DBANG PO LAS 'DAS PA MA SHES PA NA YANG RMONGS PA LAS NYE BAR STON PA MTHONG BA YIN NO SNYAM DU DOGS NA, THAMS CAD MKHYEN PA'I DON DU RTZOM PA MTHA' DAG NI RTZOM KUN NO, ,DE LA SBYOR BA NI GOMS PA STE DE'I PHYIR RO, ,YID GSAL BA'I PHYIR RO KHYAD PAR MA LUS PA YONGS SU SHES PA'I PHYIR 'DI LA SHES PAR MI NUS PA DBANG PO LAS 'DAS PA'I DON YOD PA MA YIN NO ZHES BYA BA'I DON TO, ,GAL TE RIG BYED LA YANG DE LTA BUR GYUR BA'I SKYOB PA YOD PAR 'GYUR RO SNYAM NA, GANG GIS ZHES GSUNGS SO, ,GAL TE GZHAN LA YANG JI LTAR YID CHES TE, MI BDEN PA BRJOD PA'I DOGS PA MI LDOG PA'I PHYIR RO SNYAM NA, GANG LA ZHES BYA BA'O, ,DES NA ZHES BYA BA NI MNGON PAR 'DOD PAR BYA BA MED PAS SO, ,RGYU MED PA'I PHYIR YANG PHYIN CI LOG GSUNG MI SRID DO ZHES GSUNGS

, ,PA NI; BRTZE BA DANG LDAN PA YIN PA'I PHYIR ZHES BYA BA'O, ,RGYU MED DO ZHES BYA BA NI BRTZE BA NYID MED PA'O, ,THUG BRTZE LDAN PHYIR RTZOM KUN YANG, GZHAN GYI DON DU SBYOR PHYIR RO, ,ZHES BYA BA 'DI NYE BAR STON PA'I RGYU BRJOD PA YIN NO ZHES STON PA NI THUGS RJE MNGA' BA'I PHYIR DANG ZHES BYA BA'O, ,'PHEN PA'I SHUS LAS ZHES BYA BA NI GOMS PA PHUL DU PHYIN PA LAS RNAM PAR RTOG PA MI MDZAD BZHIN DU STON PA'O, ,DE LTAR BCOM LDAN 'DAS MI SLU BA DANG LDAN PA'I PHYIR NA, MNGON SUM DANG RJES SU DPAG PA BZHIN DU TSAD MA YIN NO ZHES GSUNGS PA NI, DES NA ZHES BYA BA'O, ,STON PA NI 'CHAD PA STE, DE NI 'PHEN PA LAS SRID PA YIN PA'I PHYIR RO, ,'BRAS MED PHYIR NA ZHES BYA BA LA SOGS PA'I KHYAD PAR GSUM GYI RNAM PAR GCAD PA NI GO RIMS BZHIN LUNG RTOGS PA DANG, 'PHAGS PA NYAN THOS DANG BYANG CHUB SEMS DPA' RNAMS SO, ,RANG GIS GZIGS PA'I LAM GSUNGS PA NI MU STEGS BYED GZHAN DANG THUN MONG YIN PA'I PHYIR, DE LAS TSAD MAR MI 'GYUR RO ZHES PHYOGS SNGA MA BRJOD PA NI GAL TE ZHES BYA BA'O, ,PHYOGS SNGA MA SMRA BA NYID DOGS BA BSU BAR BYED PA NI 'ON TE DE DAG GI ZHES GSUNGS TE, MU STEGS BYED RNAMS KYI'O; ,LAN 'DEBS PA NI 'ON ZHES BYA BA'O, ,'DI LA YANG ZHES BYA BA NI SANGS RGYAS KYIS BSHAD PA'I LAM MO, ,GRUB PA'I MTHA' SMRA BAS 'DI LA BSHAD ZIN TE ZHES GSUNGS SO, ,LAM NI MTHONG BA DANG BSGOM PA'I BDAG NYID CAN YIN NO, ,DE DAG GI NI ZHES BYA BA NI DBANG PHYUG DANG KHYAB 'JUG LA SOGS PA'O, ,BDAG MED PA MTHONG BA NI MTHONG LAM MO, RIGS PA NI BSGOM LAM STE, DE DAG MED PAS TSAD MA MA YIN NO, ,GAL TE DE DAG LA RANG GIS MTHONG BA YOD PA MA YIN NAM, DES NA DE DAG TSAD MA YIN NO SNYAM NA, DE DAG NI ZHES GSUNGS SO, ,CI'I PHYIR ZHE SNA, NYE BAR BSTAN PA ZHES GSUNGS SO, ,'O NA DE LAS TSAD MA YIN LA SU YIN SNYAM NA, BCOM LDAN 'DAS NI ZHES GSUNG GO, DE'I PHYIR ZHES BYA BA NI, 'DI NYID KYIS GZIGS PA'I LAM GSUNGS PA'I MTSAN NYID KYI PHYIR RO, ,SKYOB PA'I SGRA'I BSHAD PA GZHAN GSUNGS PA NI YANG NA SKYOB

CES BYA BA'O, ,'DI NI THUN MONG MA YIN PA'I PHYIR NA GZHAN SKYOB PA MA YIN NO ZHES DGONGS PA'O, ,YANG NA TSIGS SU BCAD PA DANG PO'I LUGS DANG MTHUN PAR BSHAD NAS LUGS DANG MI MTHUN PAR BSHAD PA'I PHYIR, RA ZHIG SKYOB PA'I SGRA'I DON GSUNGS PA NI YANG NA SKYOB CES BYA BA'O,, 'CHAD PA NI YANG NA, BDEN PA ZHES BYA BA'O, ,GAL TE RIGS PA'I BSTAN BCOS LA SOGS PAR LUS LA SOGS PA BDAG MED PA LA BDAG TU LTA BA DANG THAMS CAD KYI THUN MONGS BA GZUGS LA SOGS PA YANG DE'I ZHES THUN MONG MA YIN PAR BDAG GIR LTA BAR SDUG BSNGAL GYI RGYU YIN LA, DE LAS BZLOG PA MTHONG BA NI BYANG GROL GYI RGYU YIN NO ZHES BYA BA LA SOGS PA BSTAN PA NYID MA YIN NAM, DE JI LTAR NA BDEN PA STON PA THUN MONGS MA YIN PA NYID YIN SNYAM DU DOGS PA BSU NAS, GAL TE YANG ZHES GSUNGS SO, ,STON PAR BYED PA NI GSAL BAR BYED PA'O, ,GAL TE LAM 'DI YANG DNGOS PO'I GNAS LUGS LA RIGS PAS MI 'THAD PA MA YIN NAM, DES NA KHYAD PAR DU 'PHAGS PA CI ZHIG YOD NA GANG GIS ZHIG YOD NA GANG GIS 'DI KHO NA LAM YIN SNYAM NA, BDAG TU SRA BA'I LTA NA YANG LUGS LA SOGS PA LA BDAG MED PAR LTA BA KHO NA 'DOD CHAGS LA SOGS PA'I GNYEN PO YIN GYI; BDAG TU LTA BA NI MA YIN TE 'GAL BA MED PA'I PHYIR RO ZHES STON PA NI, LAM 'DI NI ZHES GSUNGS SO, ,GAL TE SDUG BSNGAL LA MI RTAG PA NYID DANG, SDUG BSNGAL BA NYID DANG STONG PA NYID DANG, BDAG MED PA NYID CES BYA BA'I RNAM PA BZHI YOD KYANG SDUG BSNGAL GYI RNAM PA NYID KYIS THA SNYAD DU BYED PA CI'I DON DU YIN SNYAM DU DOGS NAS, 'DI DAG NI MING GIS KYANG ZHES GSUNGS TE, GANG LAS DE SPANG BA'I PHYIR THABS TSOL BA'I DE SKYO BAR 'GYUR BA NYID DE, DON DAM PAR DE'I RANG BZHIN YIN PA 'BA' ZHIG GIS YIN PAR NI MA ZAD PA'O, ,JI LTAR ZHE NA, DPER NA ZHES GSUNGS SO, ,KUN GYI RNAM PAR BSHAD PA NA, ,RGYU DANG RKYEN DANG RAB TU SKYE BA'I RNAM PA RNAMS DANG 'GOG PA'I RNAM PAR BRJOD PAR ZHI BA DANG GYA NOM PA DANG NGES PAR 'BYUNG BA RNAMS DANG, LAM GYI RNAM PA BRJOD PA YANG RIGS PA DANG, SGRUB PA DANG NGES PAR 'BYIN PA'I RNAM PA RNAMS

, ,BSDUS PA YIN NO, ,DE LA RE ZHIG SDUG BSNGAL GYI BDEN PA BSHAD PA YANG, SDUG BSNGAL ZHES BYA BA NI BSGRUB PAR BYA BA'O, ,'GRO ZHING 'KHOR BAS 'KHOR BA STE, ,SKYE BA DANG 'CHI BA'I RGYUN NO, ,DE GANG LA YOD PA DE DAG NI 'KHOR BA CAN NO, ,'DI NI GTAN TSIGS SO, ,PHUNG PO ZHES BYA BA NI CHOS CAN NO, ,'KHOR BA CAN NYID NI JI LTAR 'GRUB SNYAM NA, GOMS LAS ZHES GSUNGS SO, ,'DU BYED KYIS BSDUS PA'I YID KYI GOMS PA LAS 'DOD CHAGS LA SOGS PA GSAL BA KHYAD PAR DU GYUR PA MTHONG BA'I PHYIR RO, ,GZHAN LAS 'BYUNG BA NI NGES PA DES KHYAD PAR DU 'PHAGS PA DE MA YIN NO, ,'DOD RGYAL DU GLO BUR BAR SKYE BA MA YIN TE, 'BRAS BU SKYE BA 'GAL PHYIR TE MED PA'I PHYIR RO, ,RGYU MED PAR NI 'BRAS BU 'BYUNG BA MA YIN PA'I PHYIR NA, RTAG TU MED PAR 'GYUR RO, ,YANG NA RGYU MED PAR TE RGYU'I DNGOS PO MED PA LAS SKYE BA 'BYUNG BA 'GAL BA'I PHYIR TE MED PA'I PHYIR TE RTAG TU YOD PAR 'GYUR RO, ,BSHAD PA MDZAD PAS NI 'KHOR BA CAN NYID SDUG BSNGAL BA NYID DANG 'GAL BA YIN TE BZLOG PAS KHYAB PA'I PHYIR ZHES BSHAD PA NI GAL TE 'DOD CHAGS ZHES BYA BA'O, ,ZHE SDANG YANG BDE BA'I RGYU YIN PA'I PHYIR, BDE BA NYID YIN ZHING ZHES BYA BAR RJES SU 'JUG GO, ,'O NA LUS LA SOGS PA JI LTAR BDE BA YIN SNYAM 'DOD CHAGS DANG ZHE SDANG LA SOGS PA'I ZHES GSUNGS SO, ,DE LTA BU NYID CES BYA BA NI BDE BA'I RGYU YIN PA'I PHYIR BDE BA ZHES BYA BA'O, ,DES NA ZHES BYA BA NI THAMS CAD BDE BA'I RGYU NYID YIN PAS NA'O, ,BSTAN PA NI SDUG BSNGAL GYI BDEN PA BSHAD PA'O, ,DE LA RE ZHIG BDE BA'I RNAM PA NI SDUG BSNGAL GYI RNAM PA DANG 'GAL BA MA YIN TE LHAN CIG GNAS PA'I PHYIR RO, ,'ON KYANG MA NGES PA YIN TE, DUG DANG BCAS PA'I ZAS BZHIN DU SDUG BSNGAL DU RO GCIG PA'I PHYIR NA BLANG BAR BYA BA MA YIN NO ZHES BSHAD PA NI 'KHOR BA'I LAM DU ZHES BYA BA'O, ,'O NA JI LTAR PHUNG PO RNAMS LA BDE BA NYID DU MTHONG SNYAM NA, MA RIGS PAS NI ZHES GSUNGS SO, ,GZHAN DU ZHES BYA BA NI BDE BA NYID DU'O, ,'DIS NI SDUG BSNGAL GYI BDEN PA ZHES BYA BA MED DO ZHES BYA BA

BSAL TE, RTZOD PA LHAG MA BSAL BA'I DON DU DRAN PAR BYED PA NI, 'DOD CHAGS LA SOGS PA'I BDE BA'O ZHES BYA BA'O, ,PHUNG PO RNAMS LA BDE BA'I RNAM PA YANG DNGOS PO MA YIN TE, GOMS PA LAS BYUNG BA'I PHYIR RO, ,RI DAGS SHOR BA LA SOGS PA BZHIN NO ZHES BYA BA'I DON CAN 'DOD CHAGS LA SOGS PA BDE BA'I ZHES BYA BA 'CHAD PA NI 'DOD CHAGS GOMS PA'I ZHES BYA BA'O, ,DE MED MI 'BYUNG NI 'DOD CHAGS MED NA MI 'BYUNG BA'O, ,NGO BO NYID DU GRUB MIN ZHES BYA BA NI SA BON LA SOGS PA LAS MYU GU LA SOGS PA LTAR GOMS PA LA MA LTOS PAR MI SKYE BA'O; ,GAL TE RGYU LA MI LTOS PA'AM RTAG PA YIN NA NI DE'I TSE RNAM PA GZHAN MED PAS NA DOR BAR MI NUS PA DON DAM PAR YANG 'GYUR BA ZHIG GO ZHES BSHAD PA NI GAL TE ZHES BYA BA'O, ,DE'I TSE NI 'DOD CHAGS LA SOGS PA DON DAM PAR YOD DO ZHES BYA BA 'THAD PA ZHIG NA ZHES BYA BA'O, ,'DOD CHAGS LA SOGS PA GOMS PA LAS 'BYUNG BA YIN NA NI YANG DAG PA MA YIN PA NYID DO ZHES BRJOD PA NI, GANG GI TSE ZHES BYA BA NI'O, ,DE NYID LAS ZHES BYA BA NI GOMS PA NYID LAS SO, ,GTAN TSIGS DE'I PHYIR 'DOD CHAGS LA SOGS PA YANG DAG PA MA YIN PA'O, ,KUN DU RTOG PA TZAM YIN GYI DON DAM PA NI MA YIN PA'O, ,DE LTA NA'ANG DE JI LTAR 'DI SNYAM NA, DES NA GOMS ZHES GSUNGS SO, ,RGYU DOR BAS 'BRAS BU DOR BAR SLA BA YIN NO, ,DES NA ZHES BYA BA GOMS PA LA RAG LAS PA'I PHYIR RO, ,DON DAM PA YIN NA NI GOMS PA LA RAG LAS PA NYID MED PA'I PHYIR NA MI SPONG BA YIN NO, ,DE LA RAG LAS PA YIN NA NI, DE MED PAS MED PA'I PHYIR DON DAM PAR YOD PAR MI 'GYUR RO ZHES BYA BAR DGONGS PA'O, ,SEMS MNGON PAR DGA' BA'I RANG BZHIN YID KYI BDE BA YANG GOMS PA LAS BYUNG BA YIN GYI DNGOS PO PA NI MA YIN NO ZHES BRJOD PA NI SEMS DGA' BA'I ZHES BYA BA'O; ,'O NA GANG DU GOMS PA BSGRUB PAR BYA BA YIN SNYAM NA, 'KHOR BA'I CHOS ZHES BYA BA'O, ,GAL TE KHO NA GOMS PA ZHES BYA BA BTANG SNYOMS SU GNAS PA'I RGYU YIN LA, 'DOD PA YANG BDE BA NYID YIN GYI BTANG SNYOMS PA NI MA YIN PA MA YIN NAM, DES NA JI LTAR 'DOD PA MA YIN PA'I

, ,RGYU LA GOMS PA BSGRUB PAR BYA SNYAM NA, BDE BA YANG GOMS PA LAS 'DOD PA YIN TE ZHES GSUNGS SO, ,DE KHO NA GOMS PA LAS NI SEMS MNGON PAR DGA' BA'I MTSAN NYID BTANG SNYOMS NYID 'DOD PA MCHOG YIN TE, 'DI NI LDOG PA MED PA'I PHYIR RO, , 'DI THAMS CAD NI GDUNG BA'I GNYEN PO YIN PA'I PHYIR BDE BAR MNGON PAR RLOM BA YIN GYI RANG GI NGO BOS NI MA YIN NO ZHES BSHAD PA NI, DE LTAR YIN DANG ZHES BYA BA'O, ,BDE BA DON DAM PA PAR MA GYUR NA'O, ,GAL TE GOMS PA LAS 'DOD CHAGS PA'I GDUNG BA SKYED NAS GDUNG BA DE NYE BAR ZHI BA'I BDE BA BSKYED PA'I DON DU BUD MED DANG 'KHYUD PA LA SOGS PA BYA BA YIN TE NYES PA CI ZHIG TU 'GYUR SNYAM NA, BLO BZANG 'GA' YANG ZHES BYA BA'O, ,GAL TE DE KHO NA DANG GZHAN LA MNGON PAR DGA' BA DAG GOMS PA LAS BYUNG BA NYID KYI DNGOS PO DU MA YIN PAR KHYAD MED NA JI LTAR DE KHO NA NYID LA GOMS PA NYID MCHOG YIN NO ZHES BRJOD SNYAM DU DOGS PA BSU NAS, GAL TE ZHES BYA BA'O, ,DE'I TSE DE NYID LA DGA' BA'I BLO DE NI 'GYUR BA MED DE, GNOD PA BYED PA MED PAR RTAG PAR 'GYUR RO, ,GZHAN NI MA YIN TE, YUL MED PAS LDOG PA'I PHYIR RO ZHES BYA BA'I DON TO, ,DE LTAR NI CI ZHIG 'GRUB SNYAM NA, DE LAS ZHES GSUNGS TE, 'GYUR BA MED PA LAS SO, ,DE NYID MA YIN PA LA MNGON PAR DGA' BA'I BDE BA NI LDOG PA'I CHOS CAN YIN NO ZHES GSUNGS PA NI GAL TE DE NYID MA NI DGA' NA ZHES GSUNGS SO, ,DE'I TSE DE NYID MA YIN PA LOG NA BDE BA DE GA LA YOD DE MED PA NYID DO, ,GAL TE DE LTAR NA DE NYID LOG NA'AM BDE BA LDOG PAR CI STE MI 'GYUR SNYAM NA DE NYID CES GSUNGS SO, ,DE'I PHYIR ZHES BYA BA NI LDOG BA'I CHOS CAN YIN PA'I PHYIR RO, ,GAL TE SDUG BSNGAL BDE BA'I RGYU YIN PA'I PHYIR BDE BA YIN NO ZHES BRJOD PA YIN NA, BDE BA GANG SDUG BSNGAL BA JI LTAR 'GYUR SNYAM DU DOGS NA, 'DI LTAR ZHES GSUNGS SO, ,BRAL BA NA ZHES BYA BA NI BDE BA'O, ,DES NA ZHES BYA BA NI BRAL BAS NA'O, ,DE LTA YIN DANG ZHES BYA BA NI BDE BA'AM SDUG BSNGAL BA NYID DU YIN DANG NGO, ,GAL TE DE LTAR PHUNG PO RNAMS SDUG BSNGAL BAR 'GYUR MOD, 'KHOR BA CAN NYID DU

GO JI LTAR GRUB SNYAM NA, GANG GI PHYIR ZHES GSUNGS SO, ,GOMS PA LAS ZHES BYA BA NI BSAL BA ZHES BYA BA SKABS YIN NO, ,PHYIR ZHES BYA BA NI GTAN TSIGS TE SDUG BSNGAL 'BA' ZHIG TU NI MA ZAD DE 'KHOR BA PA YANG GRUB PA YIN NO, ,'DOD RGYAL NYID MIN TE ZHES BYA BA'I RNAM 'GREL GYI CHA BSHAD PA'I PHYIR PHYOGS SNGA MA 'GOD PA NI GAL TE ZHES BYA BA'O, ,RNAM PA 'GA' ZHIG LTAR ZHES BYA BA NI RGYU MED PA KHO NAR RO, ,GOMS PA LAS RGYU GZHAN LAS BSAM STE, SA BON LAS MYU GU LTAR RO, ,DES NA ZHES BYA BA NI RGYU MED PA NYID DAM RGYU GZHAN YIN PAS NA'O, ,DON DAM PA NYID NI LDOG PA MED PA'I CHOS NYID DO, ,DE'I PHYIR ZHES BYA BA NI DON DAM PA NYID KYI PHYIR RO, ,RTZOD PA GSUM PA SMRAS PA NI YANG NA ZHES BYA BA'O, ,SOGS PA'I SGRAS NI YID BDE BA LA SOGS PA GZUNG NGO, ,BDE BA NYID DO ZHES BYA BA NI SDUG BSNGAL DON DAM PA NYID MA YIN PA'I PHYIR RO, ,DE LA RTZOD PA DANG PO SEL BA BRJOD PA NI, 'DI YANG ZHES BYA BA'O, ,BDE BA LA SOGS PA 'DOD RGYAL NYID NI MA YIN TE ZHES 'BREL TO, ,CI'I PHYIR SNYAM NA, GANG GI PHYIR ZHES BYA BA LA SOGS PA'O, ,GNYIS PA SEL BAR BYED PA NI BDE BA LA SOGS PA ZHES BYA BA'O, ,LHAG MA SEL BA NI GANG GIS ZHES BYA BA'O; ,'O NA JI LTAR SDUG BSNGAL BA YIN SNYAM NA, 'ON KYANG ZHES BYA BA'O, ,DE MED CES BYA BA NI BDE BA MED NA'O, ,THAMS CAD LA ZHES BYA BA NI YUL LA'O, ,RANG BZHIN NYID DU ZHES BYA BA NI 'BAD PA LA MI LTOS PA KHO NAR RO, ,BZLOG PA NI MA YIN NO ZHES BYA BA NI, SDUG BSNGAL NI 'BAD PAS BSGRUB PAR BYA BA YIN LA, BDE BA NI DE MED PA LAS RANG BZHIN GYIS GRUB PA ZHES BYA BAR RO, ,DES NA ZHES BYA BA NI BZLOG PA MA YIN PAS NA'O, ,SDUG BSNGAL YANG ZHES BYA BA NI BDE BA 'BA' ZHIG TU MA ZAD PA'O, ,DES NA ZHES BYA BA'I BDE BA GOMS PAS BYAS PA YIN PAS NA'O, ,BDE PA LOG NA SDUG BSNGAL BA LOG PA NI 'BAD PA MED PAR 'GYUR BA'I PHYIR RO ZHES BYA BAR DGONGS PA'O, ,'O NA SDUG BSNGAL NI DON DAM PA NYID YIN TE, DES NA SPANG BAR MI NUS SO SNYAM DU SEMS NA, DON DAM PAR NI ZHES GSUNGS SO, ,JI LTAR NA SDUG BSNGAL DON DAM PA NYID MA

, ,YIN SNYAM NA, DE YANG ZHES GSUNGS SO, ,SDUG BSNGAL YANG NGO, ,DE LA ZHES BYA BA NI BDE BA MED PA LA'O, ,SKRAG PA GOMS PA LAS NI SKYO BA GOMS PA LAS SO, ,'DI LTAR 'JUG PA NI DES NA DE LA SKRAG PA'I BAG CHAGS LAS SDUG BSNGAL BA YIN NO ZHES BYA BA'O, , 'O NA JI LTAR SDUG DANG BDE BA DANG, GNYI GA DANG BRAL BA LA YANG BDE BA'I BLOR 'GYUR SNYAM NA, DES NA ZHES GSUNGS SO, ,DE MED PA'I PHYIR ZHES BYA BA NI GOMS PA LAS MED PA'I PHYIR RO, ,SDUG BSNGAL DE NYID DAM ZHES BYA BA NI MI 'DOD PA'O, ,SDUG BSNGAL YANG MA YIN PA BDE BA YANG MA YIN PA LA ZHES BYA BA NI DE'I TSE BDE BAR BYED PA'I PHYIR SDUG BSNGAL MA YIN LA YONGS SU 'GYUR BAS SDUG BSNGAL BAR BYED PA'I PHYIR BDE BA MA YIN PA STE DE LA'O, ,BDE BA'I BLOR 'GYUR BA YIN TE, DPER NA DUG GI ZAN LA SOGS PA BZHIN NO, ,DA NI SDUG BSNGAL GYI BLO SRID PAR STON PA NI, DE MED PA'I PHYIR ZHES BYA BA'O, ,BDE BA GOMS PA'I BAG CHAGS DANG MI LDAN PA'I PHYIR RO, ,BDE BA ZHES BYA BA NI SNGAR 'DOD PA LA'O, ,BDE BA YANG MA YIN SDUG BSNGAL YANG MA YIN PA LAS ZHES BYA BA NI 'PHRAL DU SDUG BSNGAL GYI RGYU YIN PA'I PHYIR NI BDE BA MA YIN LA, YONGS SU GYUR PAS BDE BA SGRUB PA'I PHYIR NI SDUG BSNGAL MA YIN PA STE, DE LA SDUG BSNGAL GYI BLOR 'GYUR BA YIN TE, ZHING RMO BA LA SOGS PA BZHIN NO, ,DON DAM PAR NI MA YIN NO ZHES BYA BA NI, BDE BA DANG SDUG BSNGAL GYI BLO DAG CES BYA BA NI SKABS KYIS SO, ,SDUG BSNGAL NI DE MED PA LAS ZHES BYA BA 'DIR BDE BA SDUG BSNGAL GYI RGYU NYID YONGS SU DOR BA'I YAN LAG TU BRJOD PA MJUG BSDU BA NI DE'I PHYIR ZHES BYA BA'O, ,DE ZHES BYA BA NI BDE BA'O, ,DPE STON PA NI, BU LA MNGON PAR DGA' BA DANG LDAN PA NI DE MED PAS SDUG BSNGAL BAR 'GYUR TE, DE MED PA LA SKRAG PA GOMS PA LAS SO, ,GOMS PA MED NA NI SDUG BSNGAL GYI RGYU'I BU DE NYID LA BDE BAR 'GYUR RO ZHES GSUNGS PA NI, DE NYID CES BYA BA'O, ,DES NA BDE BA DANG SDUG BSNGAL NI DON DAM PA MA YIN NO, ,SDUG BSNGAL YANG BAR 'DOD PAS NI BDE BA NYID DOR BAR BYA BA YIN NO ZHES BYA BA'I DON TO, ,

LDOG PA MED PA'I BDE BA DANG, DE'I RGYU YANG GOMS PAR BYA BA YIN NO, ,SDUG BSNGAL NI MA YIN NO ZHE NA, RTAG TU ZHES GSUNGS TE, ME TOG PHRENG DANG TZANDAN LA SOGS PA 'DOD PA DANG NGO, ,SDUG BSNGAL DON DU ZHES BYA BA NI, YONGS SU 'GYUR BA'I SDUG BSNGAL GYI DON DU'O, ,SDUG BSNGAL GYI SDUG BSNGAL NYID BRJOD PA NI, SDUG BSNGAL BSKYED CING ZHES BYA BA'O, ,BSKYED PAR BYA BA'I BDE BAS BSKYED PA'I SDUG BSNGAL BZLOG PAR BYA BA YIN NO ZHES BYA BA NI RTOG PA DANG LDAN PAR MI 'GYUR RO ZHES BYA BA 'DI LA 'JIG RTEN PA'I DPE NI 'DAM RDZAB CES BYA BA'O, ,GANG ZHIG SKYES BU'I DON NI BDE BA KHO NA YIN GYI GZHAN NI MA YIN LA, DE YANG SDUG BSNGAL GYIS CHOD PA NYID THOB PAR BYA BA YIN NO SNYAM DU SEMS PA DES NI DMYAL BA LA SOGS PA'I SDUG BSNGAL GYI YANG RJES SU 'JUG PAR BYA DGOS TE BDE PA'I PHYIR RO ZHES GSUNGS PA NI, 'ON TE BDE BA ZHES BYA BA'O, ,'DI 'DRA ZHES BYA BA NI SDUG BSNGAL GYIS CHOD PA NYID DO, ,GZHAN NI ZHES BYA BA NI SDUG BSNGAL GYIS MCHOD PA'O, ,CI BDE BA SKYE BAR MI 'GYUR RAM STE, 'ON KYANG BDE BA SKYE BAR 'GYUR BA KHO NA'O, ,GAL TE GANG GIS GNAS SKABS DE SPONG BAR MI 'GYUR BAR, DMYAL BA RNAMS NI RTAG TU SDUG BSNGAL YOD PA'I PHYIR JI LTAR BDE BA SKYE BAR 'GYUR SNYAM NA, GANG GI PHYIR ZHES GSUNGS SO, ,SDUG BSNGAL CHEN PO LA LTOS PA'I SDUG BSNGAL GZHAN GANG YIN PA STE CHUNG NGU LA YANG YIN TE, DE MED PA 'BA' ZHIG LA 'GYUR BAR NI MA ZAD DO, ,BDE BAR 'GYUR ZHES BYA BA NI GSAL BAR ZAD DO, ,DE'I PHYIR DMYAL BA RNAMS LA YANG SDUG BSNGAL CHEN PO LAS GZHAN PA'I SDUG BSNGAL YOD PA NA BDE BAR 'GYUR BA KHO NA STE, DES NA DE'I GNAS SKABS SPONG BAR MI 'GYUR RO, ,YANG NA 'BYUNG BA DANG MI 'BYUNG BA'I DNGOS PO 'KHOR BA PA GANG YIN PA DE DAG NI PHUNG PO PHUNG PO'I RANG BZHIN YIN NO, ,YAN LAG CAN NI MED PAR BSHAD ZIN TO, ,RDUL PHRA RAB KYANG SO SO MTHONG BAR BYA BA MA YIN KYANG TSOGS PA'I GNAS SKABS NA BLTA BAR BYA BA NYID YIN NO, ,RTAG PA JI LTAR KHYAD PAR DU 'GYUR ZHES BYA BA YANG GTAM TZAM YIN TE, THAMS CAD DE'I GNAS SKABS

, ,MA YIN PA'I PHYIR RO, ,RNAM PAR DBYE BA MED NA RNAM PAR DBYE BA MI 'THAD PA'I PHYIR RDUL PHRA RAB RNAMS NI 'JIG PA MA YIN TE, CHA MED PA'I PHYIR RO SNYAM NA MA YIN TE, SGRA DANG BLO LA SOGS PA LTAR CHA SHAS MED PAR YANG 'JIG PA'I PHYIR RO, ,DBYIBS DANG LDAN PA NYID KYIS CHA SHAS DANG BCAS PA LA YANG 'GAL BA CI ZHIG YOD, DE'I PHYIR YAN LAG CAN GYI RANG BZHIN NI BDAG LA SOGS PA'I RANG BZHIN YANG MA YIN NO ZHES BYA BA NI STON PAR 'GYUR RO, ,YANG SDUG BSNGAL GYI BDEN PA ZHES BYA BA NI 'GA' YANG MED DO ZHES BYA BA'I RTZOD PA GSAL BA'I PHYIR NA, SDUG BSNGAL 'KHOR BA CAN PHUNG PO ZHES BYA BA'I RNAM 'GREL RNAM PA GZHAN DU 'CHAD BA NI YANG ZHES BYA BA'O, ,'DU BYED KYANG SDUG BSNGAL NI RGYU'I GZHAN DBANG NYID DO, ,DE MTSAN NYID DE RANG BZHIN DE NYID GANG LA YOD PA ZHES TSIG RNAM PAR SBYOR RO, ,'O NA BDE BA CI 'DRA BA ZHIG YIN SNYAM NA, BDE BA YANG ZHES BYA BA'O, ,DE LAS BZLOG PAS NI 'DU BYED KYI SDUG BSNGAL NYID LAS BZLOG PAS SO, ,SOGS PA'I SGRAS NI DE DANG NYE BA LA SOGS PA GZUNG NGO, ,'O NA DON DAM PAR GYUR PA DON DAM PAR 'GYUR RO SNYAM NA, DE'I PHYIR DE NI DON DAM PA LAS MA YIN NO ZHES KYANG GRANG LA ZHES GSUNGS SO, ,DON DAM PA'I DON NI BDAG STE, DE LAS NI BDE BA DE MA YIN NO, ,GANG GIS DE RTAG BAR 'GYUR BA BDAG NI BDE BA'I 'DU BA CAN GYI RGYU MA YIN NO ZHES BYA BA'I DON TO, ,'O NA DE GA LAS YIN SNYAM NA 'ON KYANG ZHES GSUNGS SO, ,DE LTAR ZHES BYA BA NI BDE BA LA SOGS PA'I RANG BZHIN NO, ,'O NA 'DOD CHAGS LA SOGS PA'I RNAM PA GZHAN DU NI YIN NO SNYAM NA, 'DOD CHAGS LA SOGS ZHES GSUNGS SO, ,DE'I RTZA BA CAN NI BDE BA'I RGYU CAN NO, ,DON DAM PA'I ZHES BYA BA NI BDAG LA SOGS PA'O, ,RGYU MED PA NYID DU 'GYUR RO ZHES BYA BA NI SKABS KYI 'DOD CHAGS LA SOGS PA'O, ,RGYU MED PA LA SKYON CI YOD SNYAM NA, RGYU MED PAR ZHES BYA BA'O, ,DE'I PHYIR 'DOD CHAGS LA SOGS PA NI GOMS BA'I RGYU CAN NYID YIN NO, ,GAL TE 'DOD CHAGS LA SOGS PA'I RLUNG LA SOGS PA'I NYES BA LAS BYUNG BA NYID YIN LA,

GOMS PA LAS NI GSAL BA TZAM DU ZAD KYI RANG GI NGO BO NI MA YIN PA MA YIN NA, RGYU LA SOGS PA MED NA BONG BA LA SOGS PA'ANG 'DOD CHAGS LA SOGS PA MED PA'I PHYIR RO ZHES BYA BAR DOGS PA NI, 'ON TE YANG ZHES BYA'O, ,RTZA BA'I NYES BA BZHIN DU ZHES BYA BA NI 'DOD CHAGS LA SOGS BA'I NYES PA BZHIN DU'O, ,LUS KYI BDAG NYID DU YONGS SU GYUR PA'AM, GZHAN PA'I 'BYUNG BA RNAMS KYI YON TAN 'DOD CHAGS LA SOGS BA MA YIN NO ZHES NI SNGAR BSHAD ZIN TO, ,DE LTAR NI RLUNG DANG MKHRIS PA DANG BAD KAN GYI BDAG NYID CAN DU ZHES BYA BA NI 'DOD CHAGS BYUNG BA'I KHYAD PAR GYI YONGS SU GYUR PA LUS KYI RANG BZHIN, 'DOD CHAGS LA SOGS PA'I RGYU YIN PA RNAMS GZHAN GYI 'GOG PA'I PHYIR ZLOS PA MA YIN NO, ,DUS MIN MGO SKYA DKAR SHAM PO, ,RAB RDUL GRON MA RTOGS PA CAN, ,RMI LAM DU YANG GSAL BA NI, ,RTOG LDAN MKHRIS PA'I RANG BZHIN MI, ,ZHES BYA BA MKHRIS PA'I RANG BZHIN NI ZHE SDANG LA 'KHRUL PA YIN TE, RLUNG LA SOGS PA'I RANG BZHIN LA YANG YOD PA'I PHYIR RO ZHES LDOG PA MED PAR BRJOD PA NI 'KHRUL PHYIR ZHES BYA BA'O, ,'BRAS BU MTHONG BA LAS RLUNG GI RANG BZHIN CAN LA, MKHRIS PA'I RANG BZHIN YANG YOD PA YIN NO SNYAM DU DOGS PA BSU BA NI, GAL TE RANG BZHIN ZHES BYA BA'O, ,RANG BZHIN GANG GIS SDANG BA SKYED PAR BYED PA DE NYID KYIS DUS MA YIN PAR MIG DKAR BA LA SOGS PA'I CHOS KYANG SKYED BAR BYED BAR 'GYUR TE, TSOGS PA GCIG LAS BYUNG BA'I GZUGS LA RANG BZHIN DU MIG SKYA BA LA SOGS PA 'DI YANG 'GYUR RO, ,'GYUR BA YANG MA YIN TE, 'BRAS BU MED PA LAS KYANG MKHRIS PA'I RANG BZHIN ZHE SDANG GI TSOGS PA MA YIN NO ZHES RTOGS BA YIN NO ZHES LAN 'DEBS PA NI, DE'I CHOS DE LAS GZHAN YANG ZHES BYA BA STE, ZHE SDANG LAS GZHAN RDUL LA SOGS PA YANG JI STE MA MTHONG, RGYU MA TSANG BA MED PAS NA YANG GDON MI ZA BAR 'BYUNG BA'I PHYIR RO, ,GANG ZHIG CES BYA BA NI 'CHAD BA'O, ,DES NI ZHES BYA BA NI 'BRAS BU'O, ,DE LA ZHES BYA BA NI RGYU LA'O, ,DE YANG MA YIN TE ZHES BYA BA 'KHRUL PA NYID DO ZHES BYA BA'I DON TO, ,

, ,DES NA ZHES BYA BA NI 'KHRUL PAS NA'O, ,BZLOG PA YIN NO ZHES BYA BA RLUNG LA SOGS PA'I CHOS MA YIN PA'O, ,DE LAS ZHES BYA BA NI GNYI GA'I RANG BZHIN YOD PA LAS SO, ,DES NA ZHES BYA BA NI GNYI GA 'BYUNG BA NA'O, ,DE'I TSE NI MKHRIS PA'I CHOS SO, THAL BA LAS BZLOG PA BRJOD PA NI DE'I 'BRAS BU ZHES BYA BA'O, ,RGYU ZHES BYA BA NI TSOGS PA'O, ,GAL TE ZHES BYA BA NI DOGS PA BSU BA'O, ,ZHES SDANG GI MTSAN NYID KHO NA MKHRIS BA DE'I 'BRAS BU YIN GYI GZHAN NI MA YIN NA, 'BRAS GZHAN GA LAS YIN ZHES BYA BA'I DUS MA YIN PAR MIG SKYA BA LA SOGS PA'O, ,GAL TE DE NYID LAS NA ZHES BYA BA NI, GAL TE MKHRIS PA NYID LAS 'BRAS BU GZHAN PAR KHAS LEN NA'O, ,DE'I TSE 'DIR ZHES BYA BA ZHE SDANG GI 'BRAS BUS DPAG PA'I MKHRIS PA YOD NA'O, ,DE YOD PHYIR TE, MKHRIS PA YOD PA'I PHYIR 'BRAS BU RDUL DE'I PHYIR MA YIN, DE'I PHYIR DE'I 'BRAS BU GZHAN MA MTHONG BA'I PHYIR NA, RANG BZHIN GZHAN BRTAG PAR MI BYA'O, ,'ON TE DUS MA YIN PAR MIG DKAR BA LA SOGS PA'I 'BRAS BU MED PA'I PHYIR MKHRIS PA'I RANG BZHIN MED PA YIN NO, ,DES NA ZHES SDANG NI BAD KAN LA SOGS PA LAS YIN NO SNYAM NA, DE LA ZHE SDANG MKHRIS PA MED KYANG 'BYUNG BAS 'KHRUL BA YIN NO ZHES BRJOD PA NI, GAL TE 'BRAS BU DE ZHES BYA BA STE, ZHE SDANG DE'O, ,DE'I PHYIR ZHES BYA BA NI MJUG SDUD PA'O, ,RANG BZHIN DE LA RANG BZHIN GZHAN YANG RTOGS NA NI DROD CHE BA LA SOGS PA'I MTSAN NYID KYIS 'BRAS BU GZHAN YANG BRTAG PAR BYA STE, 'BRAS BU GZHAN MI BRTAG NA NI RANG BZHIN GZHAN RTOGS PA LEGS PA MA YIN NO ZHES BRJOD PA NI, 'BRAS BU MA MTHONG BAS ZHES BYA BA DROD CHE BA LA SOGS PA'I MTSAN NYID DO, ,RANG BZHIN GZHAN YANG ZHES BYA BA NI MKHRIS PA'O, ,GAL TE 'BRAS BU LAS RGYU YONGS SU RTOGS PA NI 'THAD PA YIN GYI, RGYU LAS NI 'BRAS BU MA YIN NO, ,'KHRUL PA'I PHYIR RO ZHES BYA BA NI DOGS PA BSU NAS, JI LTAR 'BRAS BU LAS ZHES GSUNGS TE ZHES SDANG LAS SO, ,DE LTA NA MA BRTAGS PA'I RGYU NI TSOGS PA KHO NA YIN TE, GZHAN DU NI 'BRAS BU 'BYUNG BA MA YIN NO ZHES BSHAD PA NI, DE BZHIN 'BRAS BU YANG

RGYU NUS PA THOGS PA MED PA LAS YIN NO ZHES BYA BA'O, ,'BRAS BU ZHES SDANG LAS DPAG PA'I MKHRIS PA LAS DROD CHE BA LA SOGS PA'I MTSAN NYID KYANG 'BRAS BU YONGS SU RTOGS PA YIN NO ZHES RJES SU 'JUG GO, ,'ON TE ZHES BYA BA LA SOGS PA NI DOGS PA BSU BA'O, ,DROD CHE BA LA SOGS PA'I 'BRAS BU'I RGYU NUS PA MED NA'O, ,MTHONG BA'I 'BRAS BU ZHE SDANG GI MTSAN NYID KYANG MI 'GYUR ZHES 'BREL TO, ,GANG GI TSE ZHE NA, RGYU MKHRIS PA MED NA'O, ,DE MED PAR 'BYUNG NA YANG ZHE SDANG MKHRIS PA'I 'BRAS BU MA YIN NO ZHES BSHAD PA NI, YANG NA MKHRIS PA DE ZHE SDANG DE'I RGYU NYID DU MI 'GYUR RO, ,DE'I PHYIR BAD KAN GYI RANG BZHIN NYID LAS MKHRIS PA MED PAR ZHE SDANG 'BYUNG BA YIN NO, ,GAL TE YANG BAD KAN YOD PA LA MTHONG BA'I ZHE SDANG GI RGYU MKHRIS PA YIN PAR RTOG NA DE'I TSE MTHONG BA'I BAD KAN YANG 'DOD CHAGS KYI RGYU NYID DU MI 'GYUR RO, ,CI'I PHYIR MA MTHONG BA'I RGYU GZHAN BRTAG PAR BYA'O ZHES BSHAD PA NI GAL TE ZHES BYA BA'O, ,MTHONG BA'I RGYU NI BAD KAN GYI MTSAN NYID DO, ,'DI NI TSU ROL MDZES PA'I BSAM PA BRJOD PA YIN NO, ,MA MTHONG BA NI MKHRIS PA'O, ,'ON TE RGYU MED PA YIN NA ZHES SDANG LA SOGS PA NGES PAR MI 'GYUR RO ZHES BRJOD PA NI; GZHAN NI BRTAG PAR GYIS ZHES BYA BA STE, 'DOD CHAGS KYI'O, ,NGES PA YIN NO, ,'ON TE ZHES BYA BA NI GZHAN GYI'O, ,'O NA ZHES BYA BA NI LAN NO, ,DE NI DE LTA YIN TE ZHES BYA BA NI DOGS PA BSU BA'O, ,RGYU YIN NO ZHES BYA BA NI THA TSIG GO, ,CI'I PHYIR SNYAM NA, DE LTA BU NYID DU ZHES SMRAS SO, ,RLUNG LA SOGS PA JI LTAR YOD PA NI 'DOD CHAGS LA SOGS PA'I RGYU MA YIN TE, GANG GI TSE 'DOD CHAGS 'BYUNG BA DE NYID KYI TSE ZHE SDANG LA SOGS PA 'BYUNG BAR 'GYUR BA'I PHYIR RO ZHES LAN 'DEBS PA NI, 'DOD CHAGS LA SOGS PA NI MKHRIS PA LA SOGS PA KUN GYI CHOS MA YIN NO, ,CI'I PHYIR ZHE NA, SROG CHAGS THAMS CAD ZHE SDANG LA SOGS PA DANG 'DOD CHAGS DUS MTSUNGS PAR THAL BA'I PHYIR RO, ,DE BZHIN DU 'DOD CHAGS LA SOGS PA DANG ZHE SDANG MTSUNGS BAR THAL BA'I PHYIR RO ZHES BYA BA LA SOGS PA YANG BRJOD PA BYA BA'O, ,MKHRIS PA LA SOGS PA'I

, ,RGYUS 'BRAS BU BYED PA NA ZHES SDANG LA SOGS PA DE NYID DANG LHAN CIG TU 'DOD CHAGS LA SOGS PA GZHAN YANG BYED PA'I PHYIR 'BRAS BU RNAMS LHAN CIG 'BYUNG BAR THAL LO, ,YANG NA 'DOD CHAGS LA SOGS PA MTSUNGS PAR THAL BAR 'GYUR TE, RGYU MTSUNGS PA'I PHYIR 'DOD CHAGS CHE BA DANG CHES CHE BA LA SOGS PAR MI 'GYUR RO ZHES BYA BA'I DON TO, ,GAL TE 'BYUNG BA TZAM GYIS BSKYED PA YIN YANG, DRI LA SOGS PA REG PA'I MTHAR THUG PA NI SA'I YIN NO, ,DE LA CHU NI DRI DANG BRAL BA YIN LA, ME NI RO DANG BRAL BA, RLUNG NI GZUGS DANG BRAL BA YIN NO ZHES BYA BA NI NGES PA CAN YIN NO, ,YANG DKAR PO DANG SER PO LA SOGS PA NGES PA DANG LDAN BZHIN DU 'DOD CHAGS LA SOGS PA NGES PA CAN DU 'GYUR RO ZHES BYA BAR DOGS NA NI, GZUGS LA SOGS BZHIN ZHES BYA BA'O, ,'BYUNG BA RNAMS KHYAD PAR MED KYANG GZUGS LA SOGS PA KHYAD PAR DANG LDAN PA NI KHYAD PAR DU BYED PA RGYU GZHAN GO BAR BYED PA YIN NO ZHES LAN 'DEBS PA NI, DER YANG ZHES BYA BA STE, GZUGS LA SOGS PA DER YANG NGO, ,RTZOD PA MTSUNGS PA NI, GZUGS LA SOGS RNAMS KYANG MTSUNGS PAR THAL LO ZHES BYA BA'O, ,GANG GI TSE ZHE NA, GAL TE ZHES GSUNGS TE, LAS BDAG POR KHAS MI LEN NA NYES PA MTSUNGS PA YIN NO ZHES BYA BA'I DON TO, ,CI LTAR 'DOD CHAGS LA SOGS PA MTSUNGS PAR 'GYUR SNYAM NA 'DOD CHAGS LA SOGS PA ZHES GSUNGS SO, ,'GA' ZHIG TU ZHES BYA BA NI, MKHRIS PA LA SOGS PA LAS GANG RUNG ZHIG TU'O, ,GANG GI PHYIR DE LTAR YIN PA'I RGYU DES NA'O, ,'DI NYID GSAL BAR BYA BA'I PHYIR 'DI LTAR ZHES 'CHAD DO, ,NUS MED RANG BZHIN MED PAS NA, ,ZHES BYA BA NI, 'PHEL DANG 'GRIB PA DAG KYANG KHYAD PAR DU BYED PA MA YIN TE, GANG GI PHYIR KHYAD PAR THAMS CAD LAS BYUNG BA YIN NO ZHES BYA BA'I DON TO, ,'BRAS BU MI MTSUNGS GA LAS YIN, ,ZHES BYA BA NI 'BRAS BU MTSUNGS PA KHO NA'O ZHES BYA BA'I DON TO, ,BAD KA NA LA SOGS PA'I RANG BZHIN 'DOD CHAGS LA SOGS PA'I RGYU YIN ZHES 'BREL TO, ,GANG GI TSE ZHE NA, DE 'PHEL BA DANG 'GRIB PA NA'O, ,

GANG GI TSE RANG BZHIN 'PHEL BA DANG 'GRIB PA DE'I TSE NA BAD KAN LA SOGS PA'I RANG BZHIN NYID 'DOD CHAGS LA SOGS PA'I RGYU YIN GYI, 'PHEL BA DANG 'GRIB PA NI YIN NO, ,DES NA 'DOD CHAGS LA SOGS PA MTSUNGS PA NYID DU THAL BA BZLOG PAR DKA'O, ,KHYAD PAR GZHAN YOD PA'I PHYIR ZHES BYA BA NI, SKYES BU SO SO LA RLUNG LA SOGS PA'I RANG BZHIN LAS LHAG PAR 'GYUR PA, 'PHEL BA DANG 'GRIB PA'I MTSAN NYID KYI KHYAD PAR YOD PA'I PHYIR RO, ,KHYAD PAR DE ZHES BYA BA NI 'DOD CHAGS LA SOGS PA LA GNAS PA'O, ,THAMS CAD KYI RGYU CAN MA YIN PA'I PHYIR ZHES BYA BA NI, RLUNG LA SOGS PA THAMS CAD KYI RGYU KHYAD PAR 'DI LA YOD PAS DE NI DE SKAD CES BYA BA'O, ,DES NA RLUNG LA SOGS PA THAMS CAD KYI CHOS MA YIN NO, ,'DOD CHAGS LA SOGS PA KHYAD PAR GYI CHOS SU KHAS LEN NA, THAMS CAD KYI CHOS SU KHAS BLANGS PA PHA ROL PO RANG NYID KYIS DOR BA YIN NO ZHES BYA BA'I DON TO, ,'DOD CHAGS LA SOGS PA THAMS CAD KYI CHOS SU GZHUNG 'DZUGS PA'I DOGS PA BSU BA NI JI STE YANG ZHES BYA BA'O, ,'O NA JI LTAR 'DOD CHAGS LA SOGS PA MTSUNGS PA NYID DU THAL BA SPONG SNYAM NA, DE DAG NYID KYI ZHES SMRAS TE, BAD KAN LA SOGS PA DAG GI'O, ,NANG GI BYE BRAG GANG YIN PA, DE LAS 'DOD CHAGS LA SOGS PA KHYAD PAR GYI RIM PA DANG LDAN PA YIN NO, ,DES NA 'DOD CHAGS LA SOGS PA MTSUNGS PA NYID MA YIN NO ZHE NA, RTZOD PA 'DI LA YANG DAG PAR BSTAN PA YIN ZHES BZHAD GAD BCAS PAS SEL BAR BYED PA NI, BAD KAN LA SOGS PA RNAMS KYI KHYAD PAR CAN GYI RNAM PAR 'GYUR PA'I RGYU'I 'BRAS BU NYID KYIS 'BREL BA CAN GYI KHYAD PAR 'DOD CHAGS LA SOGS PA BRTEN PA GANG ZHIG, JI LTAR DE CI 'DRA BAR NYE BAR DMIGS PAR GYUR PA DE LA YANG NI STE, DE 'DRA BA'I KHYAD PAR LA YANG, DE 'DRA BA'I BAD KAN LA SOGS PA'I KHYAD PAR MED KYANG 'BYUNG BA'I PHYIR ZHES BYA BAS 'KHRUL PA NYID CES BYA BA NI, YANG DAG PAR NI BSTAN PA YIN ZHES BZHAD GAD DU BYED PA STE, RTZOD PA 'DI NI YANG DAG PAR BSTAN PA MA YIN NO ZHES BYA BA'I DON TO, ,YANG 'DOD CHAGS LA SOGS PA MTSUNGS PA NYID DU SDAR YANG

, ,DAG PAR NI BSTAN PA YIN TE, GSAL BAR BRJOD PA YIN NO ZHES BYA BA'I DON TO, ,'CHAD PA NI RNAM PAR 'GYUR BA'I KHYAD PAR GANG ZHIG CES BYA BA LA SOGS PA'O, ,RGYU GANG LAS ZHES BYA BA NI SHES PAR BYED PA LAS TE, DMIGS PA 'BREL TO, ,GANG GI SGRA LA LTOS KYANG RGYU DE LAS ZHES KHONG NAS PHYUNG STE, DE NYID GANG GI TSE SDANG LA SOGS PA'I RGYU YANG YIN PAR NYE BAR DMIGS SO ZHES SPREL BAR BYA'O, ,YANG NA RGYU GANG LAS ZHES BYA BA NI SNGA MA DANG 'BREL TE, 'DOD CHAGS LA SOGS PA'I RGYU RLUNG LA SOGS PA GANG ZHIG LA LTOS NAS RNAM PAR 'GYUR BA'I KHYAD PAR GANG ZHIG GCES BYA BAR SBYAR RO, ,DE'I CHE ZHES BYA BA NI DE'I TSE GANG GI SGRA LA LTOS NAS RGYU DE ZHES BYA BA MDUN DU BYAS LA, THAMS CAD KYI CHOS NYID BYA BAR SBYAR RO, ,'DOD CHAGS LA SOGS PA MKHRIS PA LA SOGS PA LA MA NGES BA'I PHYIR RANG BZHIN THAMS CAD MA YIN LA, MKHRIS PA LA SOGS PA LA GNAS PA'I KHYAD PAR YANG 'DOD CHAGS LA SOGS PA KHYAD PAR THAMS CAD KYI RANG BZHIN DU 'GYUR RO, ,'KHRUL PA MTSUNGS PA'I PHYIR RO, ,GANG GI PHYIR DE LTAR 'DOD CHAGS LA SOGS PA MTSUNGS PA NYID DU GSAL BA'I RGYU DES NA'O, ,CI LTAR MI 'THAD SNYAM NA DE YANG ZHES GSUNGS TE, BAD KAN LA SOGS PA'I YONGS SU GYUR PA'I KHYAD PAR RO, ,GAL TE RLUNG LA SOGS PA'I KHYAD PAR GANG YANG RUNG BA ZHIG RGYU NYID YIN YANG, KHYAD PAR THAMS CAD 'DOD CHAGS LA SOGS PA THAMS CAD DANG LDAN PAR NI MI 'GYUR TE, THAMS CAD KYI TSE NGES PA'I 'BRAS BU MTHONG BAS RJES SU DPAG PAR BYA'O, ,DES PA'I KHYAD PAR GYI LHAN CIG BYED BA CAN YIN PA'I PHYIR RO ZHES DOGS PA BSU BA NI 'ON TE 'BRAS BU ZHES BYA BA'O, ,'O NA NGES PA'I RGYU LHAN CIG BYED PA'I KHYAD PAR DE NI GOMS PA KHO NA YIN TE, DE'I DBYE BA LAS 'DOD CHAGS LA SOGS PA'I DBYE BA MTHONG BA'I PHYIR RO, ,RGYU GZHAN RTOG NA NI DU BA YANG ME'I RGYU CAN DU MI 'GRUB PO ZHES LAN 'DE BAS PA NI ME MA MTHONG BA'I DU BA GANG ZHES BYA BA'O, ,DU BA ME DANG LDAN PAS ME YUL DE NA YOD PA YIN TE, DES NA ME NYID DU BA'I RGYU YIN GYIS PHYOGS NI MA YIN NO SNYAM NA, MA YIN TE ZHES DOGS PA

'GOG PA'O, ,DU BA'I RGYU'I KHYAD PAR DE NI GZHAN SA PHYOGS KYI YIN TE, ME NI MA YIN NO ZHES BYA BA'I DON TO, ,DES NA ZHES BYA BA ME RGYU MA YIN PAS NA'O, ,GZHAN NA ZHES BYA BA NI ME DANG BRAL BA'I YUL NA'O, ,ME DANG BRAL BAS NI MA YIN NO SNYAM DU DGONGS PA'O, ,'DIS NI MTHONG BA'I RGYU DANG 'BRAS BU'I DNGOS PO CHAD PAR BSTAN TO, ,'DI NYID KYI PHYIR GAL TE ZHES GSUNGS SO, ,THAMS CAD DU ZHES BYA BA NI, ME DANG DU BA LA SOGS PA YANG NGO, ,'ON TE DER NI ZHES BYA BA NI, ME MA MTHONG BA DU BA DANG BCAS PA'I PHYOGS SU'O, ,'O NA DER YANG ZHES BYA BA NI 'DOD CHAGS LA SOGS PA'I KHYAD PAR LA YANG NGO, ,MA MTHONG BA BAD KAN LA SOGS PA'I KHYAD PAR YONGS SU BRTAGS PAS CI ZHIG BYA SNYAM DU DGONGS PA'O, ,GZUGS LA SOGS PA BZHIN SKYON MED CES BYA ZHES BYA BA'I RNAM 'GREL RNAM PAR 'GREL BA NI GAL TE ZHES BYA BA'O, ,DE LTA MA YIN NA ZHES BYA BA NI LAS KYI BDAG PO KHAS MI LEN NA'O, ,DE DAG KYANG ZHES BYA BA NI GZUGS LA SOGS PA DAG KYANG NGO, ,DES ZHES BYA BA NI GZUGS LA SOGS PAS SO, ,DE LTAR THAMS CAD KYI CHOS YIN PA, 'DOD CHAGS LA SOGS PA MTSUNGS PAR THAL BAS BZLOG PA YIN NO, ,DA NI BAD KAN LA SOGS PA KHYAD PAR YOD KYANG KHYAD PAR MED PA'I 'DOD CHAGS LA SOGS PA NI KHYAD PAR YOD PAS KHYAB PA, RGYU KHYAD PAR GYI 'BRAS BU NYID MA YIN TE, KHYAD PAR BYED PA MED PA'I PHYIR RO ZHES BSHAD PA NI SKYON RNAMS ZHES BYA BA'O, ,MKHRIS PA LA SOGS PA RNAMS LA 'PHEL BA DANG 'GRIB PA'I MTSAN NYID KYI KHYAD PAR YOD KYANG 'DOD CHAGS LA SOGS PA'I SKYON RNAMS KHYAD PAR MED PA'I PHYIR RO, ,DE'I PHYIR DE'I 'BRAS BU NYID MA YIN NO, ,GAL TE MKHRIS PA KHYAD PAR CAN DU GYUR NA ZHE SDANG KHYAD PAR CAN MTHONG BA'I PHYIR KHYAB PAR BYED PA MED PA NI MA GRUB PO SNYAM NA, MA GRUB PA NYID MA YIN ZHES GSUNGS TE, MA GRUB PA NYID 'GOG PA'O, ,CI'I PHYIR ZHE NA, RLUNG LA SOGS PA THAMS CAD 'GYUR BA YIS, 'GYUR PHYIR DE KHYAD PAR DU 'GYUR BA'I PHYIR TE ZHES BYA BAR 'BREL LO, ,THAMS CAD 'GYUR BA'I RJES SU BYED PA NI 'GA' ZHIG KHO NA'I YIN PAR NI MI RUNG

, ,DO; ;THAMS CAD KYI 'BRAS BU NYID KYANG KUN GYI CHOS MA YIN ZHES BYA BA LA SOGS PAS BKAG ZIN TO ZHES BRJOD PA NI KUN LAS KYE BA MI NA ZHES BYA BA'O, ,GAL TE YANG RGYU KHYAD PAR YOD PAR 'BRAS BU KHYAD PAR YOD PAR MI 'GYUR DE LTAR NA YANG 'DI RANG GI NGO BOS MED PAR NI MI 'THAD DO ZHES BRJOD PA NI RGYU NI 'PHEL BAR 'GYUR BAS NA ZHES BYA BA'O, ,PHYIR LA BAD KAN 'PHEL BA KHO NAR 'GYUR TE, TSAD LA SOGS PA BZHIN NO ZHES BRJOD PA NI TSA BA LA SOGS BZHIN ZHES BYA BA'O, ,GAL TE BCUD KYIS LEN LA SOGS PA ZAS BZHUN PO ZOS NA, BAD KAN LA SOGS PA 'PHEL BAS 'DOD CHAGS 'PHEL BA YIN NO SNYAM DU ZHE LA BZHAG NAS, BDE BA'I KHYAD PAR SKYES PAS RANG GI BAG CHAGS YONGS SU SMIN PA'I PHYIR 'DOD CHAGS LA SOGS 'PHEL BA YIN NO ZHES BRJOD PA NI CHAGS SOGS KYI ZHES BYA BA'O, ,RNAM 'GREL GYI DON SDEB PA'I PHYIR NA, GZHAN GYI SMRA BA DRAN PAR BYED PA NI SKAD DU ZHES BYA BA'O, ,RGYU GZHAN YOD NA NI ZHES BYA BA BAD KAN YOD NA YANG 'BRAS BU GZHAN NI ZHE SDANG NGO, ,DE NI ZHES BYA BA NI 'BRAS BU'O, ,MA MTHONG BA'I KHYAD PAR NI RGYU LA BRTEN PA'O, ,DE RTOGS PA YIN NO ZHES SMRAS SO, ,BRJOD MA THAG PA DE LA BRJOD PA'O, ,CI ZHIG BRJOD CES DOGS NA, GZHAN GYIS BRJOD PA KHAS LEN PA NI 'GYUR MOD CES BYA BA'O, ,DER ZHES BYA BA NI RGYU LA'O, ,KHYAD PAR GZHAN ZHES BYA BA NI RGYU LA GNAS PA'O, ,YOD PA'I GTAN NA TSIGS KYI PHYIR ZHE SDANG GI MTSAN NYID KYI 'BRAS BU GZHAN ZHES BYA BAR 'GYUR RO, ,DE LTAR GZHAN GYI SMRA BA KHAS BLANGS NAS, BZLOG PA'I SGO NAS RNAM 'GREL 'CHAD PA NI, GANG GI TSE ZHES BYA BA'O, ,'BRAS BU NI 'DOD CHAGS SO, ,GAL TE JI LTAR 'DOD CHAGS KYI RANG BZHIN CAN GYI ZHE SDANG GZHAN GYI RGYU CAN YIN NO ZHES KHYAD PAR RTOG PA DE BZHIN DU 'DOD CHAGS KYI KHYAD PAR YANG DE LAS GZHAN PA'I KHYAD PAR GYI RGYU CAN YIN NO SNYAM DU DOGS PA NI DER YANG ZHES BYA BA STE, BAD KAN 'PHEL BAR YANG NGO, DE LAS GZHAN PA NI BAD KAN 'PHEL BA LAS GZHAN PA'I KHYAD PAR MED PA'I PHYIR, 'BRAS BU 'PHEL BA BZLOG PA YIN NO

ZHES RJES SU 'JUG GO, ,LAN NI DE LTA NA 'O NA ZHES BYA BA'O, ,'DOD CHAGS KYI RANG BZHIN LA GNAS PA'I KHYAD PAR DE'I, ,RGYU DANG 'BRAS BU'I DNGOS POR 'DZIN PA NI BAD KAN DANG 'DOD CHAGS GNYIS SO, ,GANG LA 'GYUR TE MI 'GYUR BA KHO NA'O, ,MTHONG BA NI MA MTHONG BA'I KHYAD PAR DU RIGS PA MA YIN NO ZHES BYA BA LA, 'BRAS BU'I KHYAD PAR MTHONG BA NI MA MTHONG BA'I KHYAD PAR TE RGYU GANG LA YOD PA STE, MA MTHONG BA'I KHYAD PAR CAN GYI DNGOS PO DER MI RIGS SO, ,'O NA JI LTAR RGYU DANG 'BRAS BU'I DNGOS POR 'DZIN ZHE NA, DE'I KHYAD PAR LA ZHES GSUNGS TE; BAD KAN 'PHEL BA LAS SO, ,KHYAD PAR DU ZHES BYA BA NI 'DOD CHAGS KHYAD PAR DU 'DZIN NA'O, ,DE LTA MA YIN NA NI RGYU DANG 'BRAS BUR 'DZIN PA MA YIN NO ZHES BRJOD PA 'DI NYID SDUD PA NI DE LAS ZHES BYA BA STE BAD KAN GYI KHYAD PAR LAS SO, ,KHYAD PAR YOD MIN ZHES BYA BA NI SKABS KYIS 'DOD CHAGS SO, ,'GRUB NYID CES BYA BA DE'I RNAM PAR 'GREL PA NI GAL TE ZHES BYA BA'O, ,MA YIN ZHES BYA BA LA SOGS PA'O, ,DOGS PA BSU BA NI RANG BZHIN GYIS ZHES BYA BA'O, ,'DI NI ZHES BYA BA NI LA 'DEBS PA'O, ,MTSUNGS PA'I PHYIR RO ZHES BYA BA NI ZHE SDANG MI 'BYUNG BA'O, ,KUN LAS SKYE BA'ANG MIN ZHES BYA BA 'CHAD PA NI 'ON TE ZHES BYA BA'O, ,'DOD CHAGS KYI RGYU KHYAD PAR YOD PA NA KHYAD PAR GZHAN MED PA LAS 'DOD CHAGS KYI KHYAD PAR MI 'GYUR MOD, ,RANG GI NGO BO GO CI STE MED PAR 'GYUR ZHES BRJOD PA NI, GZHAN YANG ZHES BYA BA NI MED PA'O; ,PHYIR ZHES BYA BA LA SOGS PAS NI SPYIR RIGS PA BRJOD PA'O, ,DES NA SKYON RNAMS KHYAD PAR YOD NA YANG KHYAD PAR MED PHYIR ZHES BYA BA 'DI LA LTOS NAS, RGYU NI 'PHEL BAR GYUR PA NA, ,'BRAS BU'I 'GRIB PA'ANG MI RUNG STE, ,ZHES BYA BA BZLOG PA MA YIN LA, 'BREL PA NYID KYANG MA YIN NO ZHES BYA BAR DGONGS PA'O, ,ZHE SDANG NYID DU ZHES PAR GZUNG BAS NI, 'DOD CHAGS TZAM YANG MED PAR BSTAN TO, ,NAD KYIS GDUNGS PAS ZHES BYA BAS NI, BAD KAN 'PHEL BA'I NAD KYIS GDUNGS PA'O, ,'ON TE JI LTAR 'DOD CHAGS LA SOGS PA 'BYUNG SNYAM NA,

, ,'DOD CHAGS LA SOGS PA NI ZHES GSUNGS SO, ,'DIS NI CHAGS SOGS KYI ZHES BYA BA BSHAD PA YIN NO, ,GAL TE DE LTA NA YANG THAMS CAD KYI 'DOD CHAGS LA SOGS PA DANG LDAN PA NYID DU 'GYUR RO SNYAM NA, BDE BA YANG GANG GI ZHES GSUNGS SO, ,DES NA ZHES BYA BA NI BAD KAN LA SOGS PA LAS SKYES PA MA YIN PA'I PHYIR RO, ,NYES PA DAG LAS ZHES BYA BA NI RLUNG LA SOGS PA LAS SO, ,BAD KAN 'PHEL YANG MI 'PHEL BA'I PHYIR RAM, MED PA'I PHYIR KHYAB PAR BYED PA MED BAS NA 'DOD CHAGS NI 'BRAS BU YIN NO ZHES MI RIGS SO; ,KHAMS SNYOMS PA LA BYUNG BA'I BDE BA LHAN CIG BYED PA CAN RGYU NYID DU KHAS BLANGS PA'I PHYIR TE, DE LHAN CIG BYED PA CAN GYI BAD KAN NI 'DOD CHAGS LA 'KHRUL BA MA YIN NO SNYAM PA'I DOGS PA BSU NAS, GAL TE ZHES BYA BA'O, ,DE NI BAD KAN NO, ,GZHAN GYIS GEGS BYAS NA ZHES BYA BA NI LHAN CIG BYED PA MA TSANG BAS GEGS BYAS NA'O, ,CHA MNYAM LAS ZHES BYA BA NI CHA MNYAM PA LAS BYUNG BA'I BDE BA LAS NI, BDE BA YANG RANG SKYES BA TZAM GYIS NI SKYED BYED MA YIN GYI, 'ON KYANG KHU BA 'PHEL BA'I RIM GYIS YIN NO ZHES SMRAS BA NI, KHU 'PHEL ZHES BYA BA'O,, DE LAS ZHES BYA BA NI KHU BA LAS SO , ,'DOD CHAGS NI CHAGS PA'O, ,SDAR NI SKYON RNAMS KHYAD PAR YOD NA YANG ZHES BYA BAS 'DOD CHAGS LA BAD KAN 'KHRUL PAR BRJOD PA YIN, DE LTA NA CHA MNYAM BRJOD PA YIN NO, ,NYES PA RNAMS CHA MI MNYAM LA'ANG CHAGS CAN MTHONG ZHES BYA BA NI DE MED KYANG YOD PA DANG, GZHAN NI CHA MNYAM NA YANG MIN ZHES BYA BAS NI YOD KYANG MED PA BRJOD DO, ,GZHAN NI ZHES BYA BA NI SDUG PA SGOM PA LA MNGON PAR DGA' BA'O, ,KHU BA YANG 'DOD CHAGS KYI RGYU MA YIN TE, DE'I RJES SU 'GRO BA DANG LDOG PA'I RJES SU MI BYED PA'I PHYIR RO ZHES BSHAD PA NI, GZHAN NI ZHES BYA BA'O, ,GZHAN NI KHU BA MED KYANG CHAGS PA CAN DU MTHONG NGO, ,JI LTAR DE DAG KHU BA DANG BRAL BAR RTOGS SNYAM NA, GANG GI PHYIR GTZO BO'I YAN LAG NAS KHRAG 'DZAG PA'I PHYIR RO, ,'DIS NI BZLOG BA'I RJES SU BYED PA MED PAR BRJOD PA YIN NO, ,RJES SU 'GRO BA MED PA

BSTAN PA'I DON DU, RANG GI NGO BO BRJOD PA NI BUD MED GCIG LA KHU NGES MED DE 'ON KYANG SNGON PO LA SOGS PA LTAR THAMS CAD KYI THUN MONG BA YIN NO, ,THUN MONG BA YIN PA DES NA BUD MED GCIG LA CHAGS PA DRAG PAR MI 'GYUR GYI, 'ON KYANG THAMS CAD LA DE BZHIN DU 'GYUR RO, ,'GYUR BA YANG MA YIN TE NGES DES NA RJES SU 'GRO BA MED DO, ,'DI SNYAM DU GANG THAMS CAD LA DOD CHAGS 'GYUR NA,KHU BA 'BA' ZHIG NI 'DOD CHAGS KYI RGYU MA YIN GYI, 'ON KYANG GZUGS DANG SPYOD TSUL LA SOGS PA'I LHAN CIG BYED PA YIN NO, ,DES NA BUD MED GCIG KHO NA LA RJES SU 'GRO BA NGES PA YIN NO SNYAM DU DOGS PA BSU BA NI, GAL TE ZHES BYA BA'O, ,MA NGES PHYIR ZHES BYA BA NI, GZUGS LA SOGS PA LA YANG 'DOD CHAGS LA 'KHRUL PA'I PHYIR RJES SU 'GRO BA MED LA, GZUGS LA SOGS PA MED KYANG KHU BA YOD NA YOD PA'I PHYIR LDOG PA MED PA YIN NO ZHES BYA BA'I DON TO, ,'DOD CHAGS LA SOGS PA RGYU NGES PA CAN MA YIN YANG KHU BA LA SOGS PA'I RGYU CAN YIN NO SNYAM DU DOGS PA BSU NAS, NGES PA MED PAR ZHES GSUNGS SO, ,GAL TE KHU BA 'DOD CHAGS KYI RGYU YIN NO, ,DE'I TSE YON TAN MA BZUNG BA MI SDUG PA BSGOM PA LA SOGS PAS MI SDUG PA LA SOGS PAR 'DZIN PA LA YANG 'DOD CHAGS YOD PAR 'GYUR RO, ,GZUGS BZANG PO LA SOGS PA TZAM 'DZIN PA NI LHAN CIG BYED PA MA YIN GYI, 'ON KYANG SDUG PA LA SOGS PAR 'DZIN PA YIN NO SNYAM DU DOGS PA BSU BA NI, GAL TE YON TAN ZHES BYA BA'O,, YON TAN THAMS CAD KYIS 'DZIN 'GYUR ZHES BYA BA NI LAN NO, ,CI'I PHYIR SNYAM NA, RGYU NI ZHES GSUNGS TE, GZUGS LA SOGS PA'I YON TAN YOD PA TZAM MO, ,DE'I PHYIR YON TAN 'DZIN PA NI RGYU YIN NO, ,DES NA KHU BA RGYU YIN NA YON TAN MI 'DZIN PA LA YANG 'GYUR RO ZHES BYA BA'I GNAS SO, ,DE NI GRANG BA DANG TSA BA'I REG PA DAG BZHIN DU 'GAL BA'I 'DOD CHAGS DANG ZHE SDANG GNYIS SAM, BDE BA DANG SDUG BSNGAL GNYIS NI TSOGS PA MTSUNGS PAS BSKYED PA NYID DU MI RIGS SO, ,BAD KAN GYI RANG BZHIN LA NI 'DOD CHAGS BZHIN DU ZHE SDANG MTHONG BA MA YIN NO ZHES

, ,BRJOD PA NI, GNAS SKABS GA LA ZHES BYA BA'O, ,'BRAS BU BZHIN DU DE'I RANG BZHIN GNYIS KYANG 'GAL BA KHO NA STE, MI 'GAL NA NI 'BRAS BU YANG DER MI 'GYUR RO ZHES BRJOD PA NI DE GNYIS ZHES BYA BA STE 'DOD CHAGS DANG ZHE SDANG GNYIS SO, ,GANG GIS 'GAL BAR MI 'GYUR PA, 'DOD CHAGS LA SOGS PA NI BAD KAN LA SOGS PA'I RANG BZHIN LA NGES PA YANG MA YIN NO ZHES BRJOD PA NI, 'DI LA NGES PA ZHES BYA BA'O, ,GZUGS LA SOGS PA YANG KHU BA BZHIN DU NUS PAR BRJOD PA NI KHYAD PAR CAN GZUGS ZHES BYA BA'O, ,SKYON MED DO ZHES BYA BA NI THAMS CAD LA 'DOD CHAGS DRAG PAR 'GYUR RO ZHES BYA BA DE LTA BU LA SOGS PA'I RANG BZHIN NO, ,'DOD CHAGS GZUGS LA JI LTAR 'KHRUL SNYAM NA, GZUGS DANG BRAL BA LA ZHES SMOS SO, ,DOGS PA NI GZUGS NGAN MA LA SPYOD TSUL DAG YOD PHYIR MA CHAGS PA YIN NO ZHES BYA BA NI SKABS SO, 'O NA GZUGS NI ZHES BYA BA NI LAN NO, ,DE MED PAR YANG 'BYUNG BA'I PHYIR RO, ,'O NA SPYOD TSUL RGYU YIN PAR 'GYUR RO SNYAM NA, SPYOD TSUL DANG NI ZHES GSUNGS SO, ,DE'I PHYIR SPYOD TSUL RGYU MA YIN NO, ,'O NA GNYI GA RGYU YIN PAR 'GYUR RO SNYAM NA LA LAR ZHES GSUNGS SO, ,'O NA CI RUNG BA ZHIG RGYU YIN NO SNYAM NA, KUN LA ZHES GSUNGS SO, ,GZUGS LA SOGS PA JI LTAR YOD PA RGYU NYID YIN PAR BKAG PA YIN NO ZHES BYA BA'I DON TO, ,NGES PA MED PA ZHES BYA BA NI GANG RUNG ZHIG MED PAR YANG MI LDOG PA'O, ,DE LAS ZHES BYA BA NI GANG MED KYANG 'BYUNG BA LAS SO, ,NGES BA LAS NI NYES PA GZHAN YANG BRJOD PA NI 'DOD CHAGS GCIG LA ZHES BYA BA STE, GZUGS DANG YON TAN DANG LDAN PA LA'O, ,CI'I PHYIR DE LTAR THAL SNYAM NA, THAMS CAD LA ZHES SMOS TE SKYES BU'O, ,YON TAN 'DZIN PA'I RGYU NI YON TAN YOD PA TZAM MO, ,DE'I TSE ZHES BYA BA KHONG NAS PHYUNG LA THOG MA MED PA'I BAG CHAGS LAS ZHES BYA BA LA SOGS PA SBYAR BAR BYA'O, ,DE 'GYUR BA MA YIN NO ZHES BYA BA NI ZHE SDANG LA SOGS PA 'GYUR BA MA YIN NO, ,'DI LA ZHES SDANG LA SOGS PA LA'O, ,'DI NYID LA YANG

BKOD PA GZHAN GSUNGS PA NI YANG NA ZHES BYA BA'O, ,GCIG LA 'DOD CHAGS DANG ZHE SDANG GNYI GA'O, ,'DI LA ZHES BYA BA NI CHAGS PA DANG SDANG BA LA'O, ,DE MED NA NI ZHES BYA BA NI ME DANG 'BREL NA'O, ,DE ZHES BYA BA NI RDUL LO, ,DE DAG GZHAN YOD MA YIN ZHES BYA BA NI RGYU'O, ,GZUGS LA SOGS KHO NA 'DOD CHAGS LA SOGS PA'I RGYU YIN NO ZHES BYA BA'I DON TO, ,DE YOD NA NI ZHES BYA BA NI GZUGS LA SOGS PA YOD NA'O, ,'ON TE ZHES BYA BA NI GZHAN GYI'O, ,NANG GI PHAN 'DOGS PA'I BAG CHAGS GANG YIN PA DE'I DANG 'BREL BA LAS TE, SAD PA NGES PA'I LAS BZLOG PA ZHES BYA BA DUS MTSUNGS PA NYID DU NGES PA LAS BZLOG PA YIN NO, ,DES NA RANG BZHIN GCIG KHO NAS RES 'GA' NI 'DOD CHAGS, RES 'GA' NI ZHE SDANG SKYED PAR BYED PA YIN NO ZHES BYA BA NI ZHES BYA BA NI GZHAN GYI BSAM PA'O, ,BAG CHAGS NYID CES BYA BA NI BDAG LA PHAN 'DOGS PA'I BAG CHAGS SO, ,GAL TE BAG CHAGS KYI KHYAD PAR YANG GZUGS LA SOGS PA SAD PAR BYED PA LA LTOS PA KHO NAS 'DOD CHAGS LA SOGS PA'I RGYU YIN NAM, DES NA DE LA YANG NYES PA 'DI MTSUNGS SO SNYAM DU DOGS PA BSU BA NI, 'ON TE YANG ZHES BYA BA'O, ,'DIR NI ZHES BYA BA NI 'DOD CHAGS LA SOGS PA LA MA NGES PAR RO, ,'GA' ZHIG GI TSE ZHES BYA BA NI LANG TSOL BAB PA LA SOGS PA'I DUS NGES PAR RO, ,RNAM PA 'GA' ZHIG LTAR ZHES BYA BA NI, CHUNG NGU DANG 'BRING PO LA SOGS PA'I DBYE BAS SO, ,RGYU 'GA' ZHIG GIS ZHES BYA BA NI, GZUGS LA SOGS PA PHYI ROL GYIS SAM, NANG GI KHYAD PAR NYE BAR MTSON PAR BYA BA MA YIN PA SEMS PA LA SOGS PAS SO, ,GZUGS LA STOS PA MED PA'I PHYIR ZHES BYA BAR BLTA BAR BYA'O, ,DE LTAR BAD KAN DANG RLUNG LA SOGS PA 'BYUNG BA YONGS SU GYUR PA 'DOD CHAGS LA SOGS BA'I RGYU YIN PA BSAL NAS GZHAN GYIS KHAS BLANG BA'I 'BYUNG BA NYID YIN PA BZLOG PA'I PHYIR GAL TE ZHES SMOS SO, ,'DIS NI ZHES BYA BA NI RLUNG LA SOGS PA'I RJES SU MI 'JUG PAS SO, ,BAG CHAGS KYANG RJES SU 'JUG PAS SO, ,'DI NI BLO LUS LA NI BRTEN PA'I PHYIR RO, ,

, ,GOMS PAS GRUB PA MED CE NA ZHES BYA BA LA SOGS PAS BKAG ZIN KYANG LOG PAR RTOG PA SRID PAS YANG 'GOG PA YIN NO, ,LOG PAR RTOG PA DE YANG MTHONG NGO ZHES BSHAD PA NI, 'DI DAG NI ZHES BYA BA'O, ,CI'I PHYIR BKAG PA YIN SNYAM NA, 'DIS NI ZHES BYA BA GTAN TSIGS KYI TSIG RNAM PAR 'GREL PA NI, THAMS CAD DU ZHES GSUNGS SO, ,GZUGS LA SOGS PA 'BYUNG BA DAG LAS THA DAD PAR KHAS BLANGS PAS ZHES BYA BA NI, RTEN GYI DNGOS PO NI THA DAD PA LA GNAS PA'I PHYIR RO ZHES BYA BA'I DON TO, ,JI LTAR GNOD PAR 'GYUR SNYAM NA, 'BYUNG BA TZAM ZHES GSUNGS SO, ,DE LTAR DPE BKAG NAS GNAS SKABS KYI RTEN DANG BRTEN PA'I DNGOS PO LA YAB NYES PA BRJOD PA NI, GAL TE SHES BA ZHES BYA BA'O, ,BZHI KHO NA'O ZHES BYA BA'I NGES PA MI 'THAD DO ZHES BYA BA'I DON TO, ,THA DAD PA MA YIN PAR KHAS LEN PA LA YANG SKYON BRJOD PA NI, THA DAD PA MA YIN NA NI ZHES BYA BA'O, ,GANG GI TSO SHES PA GCIG GI KHONGS SU 'DU BA DE'I TSE 'BYUNG BA RNAMS GCIG NYID YIN LA, DE LTA NA YANG BZHI ZHES BYA BA'I GRANGS NYAMS SO ZHES BYA BAR DGONGS PA'O, ,GANG GI TSE 'BYUNG BA RNAMS NYID DU SHES PA 'DUS PA DE'I TSE NI RDUL PHRA RAB SO SOR RIG PAR THAL LO ZHES SUN 'BYIN PA SNGAR BSHAD ZIN TO, ,GAL TE RTEN DANG BRTEN PA'I DNGOS PO 'GOG PA NI KHYED KYI DE KHAS LEN PA YANG GNOD PA YIN NO ZHES RTZOD PA NI GAL TE ZHES BYA BA'O, ,'BYUNG BA DANG GZUGS LA SOGS PA DAG RTEN DANG BRTEN PA'I DNGOS PO BKAG PA NI KHAS BLANGS PA DANG 'GAL BA YANG MED DO ZHES BRJOD PA NI MA YIN TE ZHES BYA BA'O, ,BRTEN NAS KYI SGRA NI RGYU'I DON LAS YIN TE, DUS THA DAD PA'I PHYIR RTEN DANG BRTEN PA'I DNGOS POR NI MA GRUB PO, ,GZUGS DUS MTSUNGS PA YIN NA NI, DE LA NUS PA MED PA'I PHYIR LHAN CIG GI DNGOS POS PHAN 'DOGS PA MA YIN NO, ,LHAN CIG PA'I DON NI LTOS PA MED PA'I DON YIN PA'I PHYIR RO, ,'BYUNG BZHIN PA'I GZUGS NI CI SRID MED KYI BAR DU RANG 'BYUNG BA LA, LTOS PAR BYA BA LA LTOS PA YIN LA,

LTOS PAR BYA BA'I SNGAR YOD PAR YANG DE NYID YIN NO, ,JI SRID LHAN CIG 'BYUNG BA DE SRID DU NI LTOS PA YOD PA MA YIN NO, ,'O NA JI LTAR 'BYUNG BA RNAMS DUS MNYAM PAR 'BYUNG BA'I GZUGS KYI RTEN YIN ZHES THA SNYAD BYED CES DOGS PA BSU NAS, YANG NA RANG GI RTEN DAG DANG ZHES GSUNGS SO, ,'BYUNG BA CHEN PO DAG DANG NGO, ,'BYED MED PAR GNAS PA'I PHYIR ZHES BYA BA NI, LHAN CIG 'BYUNG BA'I PHYIR RO, ,RTEN YIN ZHES BYA BA NI BRTEN PA NYID YIN PA'O, ,CI'I PHYIR DE LTAR RTEN YIN SNYAM NA, GZHAN DU 'THAD MA YIN ZHES GSUNGS SO; ,BRTEN PA'I DON NI ZHES BYA BA NI 'CHAD PA'O, ,RTEN GYI DON DANG RGYU'I DON GNYIS DUS THA DAD DANG THA MI DAD PA'I YUL CAN NYID KYIS GCIG MA YIN PA 'DI NYID GSAL BAR BYED PA NI RGYU NI ZHES BYA BA'O, ,CI'I PHYIR MI RTOG SNYAM NA, DUS MTSUNGS PA DAG LA ZHES GSUNGS SO,, DES NI ZHES BYA BA PHAN 'DOGS PA DANG PHAN GDAGS PAR BYA BA DAG MED PA NA'O, ,'DIS NI RTEN GNAS KYI DON LA RGYU'I DON DU KHAS BLANGS PA NA RTEN LA SOGS PA'I DNGOS PO KHAS BLANGS PA MED PA'I PHYIR BDAG CAG GI RTEN BKAG PA 'GAL BA MED DO ZHES STON TO, ,DBYER MED PAR 'JUG PA'I PHYIR RTEN YIN NO ZHES 'BREL TO, ,PHAN TSUN 'KHRUL BA MED PA NI DBYER MED PAR 'JUG PA YIN NO ZHES 'CHAD PA NI 'DI LTAR ZHES BYA BA'O, ,DE DAG ZHES BYA BA NI GZUGS LA SOGS PA DAG GO, ,YANG JI LTAR NA RTEN NI RNAM PAR DBYER MED PAR GNAS PA TZAM YIN SNYAM PA'I DOG SA PA SEL BAS GZHAN DU 'THAD MA YIN ZHES BYA BA 'CHAD PA NI GAL TE DE DAG CES BYA BA'O, ,DE'I RTEN KYANG ZHES BYA BA NI BRTEN PA'I RTEN YIN NO, ,BRTEN PA LA LTOS PA'I RANG BZHIN NI RTEN MED NA MED PA KHO NAS 'JIG PA YIN NO, ,MI 'JIG NA NI STE, BRTEN PA DANG BRAL BZHIN DU GNAS NA'O, ,SNGAR YANG ZHES BYA BA NI BRTEN PAR MNGON PAR 'DOD PA'I DUS TE'O, ,DE NYID NI 'DI'I ZHES DO SHES PA LAS NI RTEN NYID MA YIN NO, ,DES NA 'BYUNG BA RNAMS LA RNAM PAR DBYER MED PAR GNAS PA NYID NI GZUGS KYI RTEN NYID YIN NO ZHES BYA BAR DGONGS BA'O, ,GANG

, ,GI PHYIR DE LTAR RTEN DANG BRTEN PA'I DNGOS PO MI 'THAD PA'I GTAN TSIGS DES NA GZUGS LA SOGS PA 'BA' ZHIG TU NI MA ZAD DE, 'DOD CHAGS LA SOGS PA YANG NGO, ,'GYUR RO ZHES BYA BA NI THAL BAR 'GYUR BA'O, ,GAL TE GZUGS LA SOGS PA DAG LAS THA DAD PAR MA DMIGS PA'I PHYIR NA 'BYUNG BA CHEN PO'I RANG BZHIN MED PA NYID MA YIN NAM, DES NA CI LTAR DE LA GZUGS LA SOGS PA RNAMS RNAM PAR DBYER MED PAR GNAS PAR BRJOD SNYAM DU DOGS PA BSU NAS GZUGS LA SOGS PA LAS ZHES BYA BA GSUNGS SO, ,, GANG GI PHYIR MA DMIGS PA'I PHYIR NA GZUGS LA SOGS PA LAS THA DAD PAR 'BYUNG BA CHEN PO ZHES BYA BA'I RANG BZHIN MED PA NYID YIN PA DE BAS NA DBYER MED PAR GNAS PA NYID CES BYA BA 'DI NI GZHAN KHAS BLANGS PA KHO NAS BRJOD PA YIN NO, ,PHA ROL TSU ROL MDZES PA'AM,, SANGS RGYAS PA'I PHYOGS GCIG THAL BA LAS BZLOG PAR SMRA BA NI, 'DOD CHAGS LA SOGS PAS NI ZHES BYA BA'O, ,CI'I PHYIR ZHE NA, 'GA' ZHIG CES BYA BA'O, ,DES NA LUS NI 'DOD CHAGS KYI RTEN MA YIN NO, ,DE BZHIN DU ZHE SDANG LA SOGS PA'I YANG MA YIN NO ZHES RTOGS PAR BYA BA'O, ,'DOD CHAGS DBYER MED PAR GNAS PA NYID KYIS NI LUS KYI RTEN NYID LA KHYAB PA MA YIN TE, RNAM PAR DBYER MED KYANG CHANG DANG NUS PA DAG LA RTEN LA SOGS YOD PA'I PHYIR RO ZHES SMRAS PA NI GAL TE ZHES BYA BA'O, ,DNGOS PO LAS ZHES BYA NI LAN NO, ,CI LTAR 'DI GNYIS DBYER MED PA DE BZHIN DU RTEN LA SOGS PA'I DNGOS PO YANG MED DE THA MI DAD PA'I PHYIR RO, ,DES NA RNAM PAR DBYE BA MED PA NYID KYIS RTEN LA MA KHYAB BA MA YIN NO ZHES BYA BA'I DON TE, THA DAD PA YIN NA YANG BRTEN PA NYE BAR BSGRUB PA'I RANG BZHIN BRTEN PA ZHIG NA 'JIG PAR 'GYUR GYI GZHAN DU NI MA YIN NO ZHES BRJOD PA NI, DNGOS PO 'JIG 'GYUR TE RTEN TSANG BAR GNAS NA ZHES BYA BA'O, ,GAL TE ZHES BYA BA NI DOGS PA BSU BA'O, ,DE MTSUNGS ZHES BYA BA NI, CHANG DANG CHANG GI NUS PA DAG GI THA MI DAD PA NYID NI

LUS DANG 'DOD CHAGS LA YANG MTSUNGS PA'I LAN DU MIN ZHES BYA BA'O, ,'DOD CHAGS DANG LUS GNYIS THA DAD PA'I PHYIR THA MI DAD PA NYID NI MA YIN NO, ,THA DAD PA LA YANG RTEN DANG BRTEN PA'I DNGOS PO YOD PA NI MA YIN NO ZHES GSUNGS PA NI, SNANG BA DE MYONG BA THA DAD PA DE RTEN DANG BRTEN PA'I DNGOS PO DANG BRAL BA DE RTOGS PA DE RIGS PA'I PHYIR RO, ,GZUGS DANG RO GNYIS LHAN CIG RIG KYANG RTEN DANG BRTEN PA'I DNGOS POR 'GYUR BA NI MA YIN NO, ,CHANG DANG BU RAM CHANG ZHES BYA BA LA SOGS PA NI, RTEN DANG BRTEN PA'I DNGOS PO RNAM PAR DBYE BA MED PA NYID KYIS MA KHYAB PAR BRJOD PA YIN NO, ,BSHAD ZIN PA'I DON NYID GSAL BAR BYED PA NI, 'DI LTAR ZHES BYA BA'O, ,MNGON PAR 'BYUNG 'GYUR NYID YIN ZHING, ,ZHES BYA BA'I SKYES BU LA BSREG PAR BYAR MED PA'I RANG BZHIN GZHAN YANG ZHES SMRAS MED PAR RO, ,DE LTA NA YANG RTEN LA SOGS PA'I DNGOS PO NI MI NYAMS SO ZHES BSHAD PA NI 'DI RTEN ZHES BYA BA'O, ,DE BZHIN NYID DANG NI RTEN NYID DU'O, ,DE BZHIN ZHES BYA BA NI BUM PA BZHIN DU'O, ,DE YANG MI 'THAD DE ZHES BYA BA NI LAN NO, ,'O NA JI LTAR THA DAD PAR BSNYAD CE NA, RDZAS KYI NUS ZHES SMOS SO, ,GZHAN DAG NUS PA DON GZHAN NYID DU SGRUB PAS GAL TE ZHES SMRAS SO, ,GZHAN LA ZHES BYA BA NI SKYES BU BZHIN PA'O, ,RANG GI NGO BO MA BKAG NA NI GZHAN LA SREG PA 'THAD PA YIN NO ZHES SMRAS PA NI, NUS PA BKAG NA NI ZHES BYA BA'O, ,DE ZHES BYA BA NI ME'I RANG GI NGO BO'O, ,GZHAN NI SKYES BU GZHAN NO, ,RNAM DBYE 'DI NI ZHES BYA BA NI 'GA' ZHIG SREG LA GZHAN NI MA YIN NO ZHES BYA BAR RO, ,CI LTAR MI 'GYUR SNYAM NA DE YANG ZHES BYA BA'O, ,RANG GI NGO BO BZHIN DU NUS PA YANG GCIG KHO NA YIN PAS THAMS CAD LA THUN MONG DU YOD PA DANG MED PA YIN NO ZHES BYA BA'I DON TO, ,GZHAN DAG NUS PA RNAMS MANG BA'I PHYIR NA NYES PA 'DIR MI 'GYUR RO ZHES BRJOD PA NI, NUS PA RNAMS NI MANG BAS NA, ,ZHES BYA BA'O, ,DE BAS GZHAN NI ZHES BYA BA NI SKYES BU GZHAN SREG PAR BYED PA'O, ,YANG NA NUS PA

, ,GCIG KHO NA YIN DU ZAD MOD, DE YANG SNGAGS LA SOGS PAS NYAMS PAR BYED PA NI MA YIN NO, ,'O NA CI ZHE NA BSREG PAR BYA BA'I SKYES BU LA BSREG PAR BYAR MED PA'I RANG BZHIN GZHAN BYED PA YIN NO, ,DES NA BRAL BA NI SREG PA YIN NO SNYAM NAS YANG ZHES SMRAS SO; ,GZHAN NYID DU NI BSREG TU MED PAR RO, ,DES TSIG MA YIN TE, BSREG PAR 'GYUR BA MA YIN NO ZHES BYA BA MI 'THAD DO, ,GZHAN GYIS ZHES BYA BA NI GANG SNGAGS LA SOGS PAS GZHAN DU BYAS PA DE LAS GZHAN GYIS NA'O, ,TSIG 'GYUR ZHES BYA BA NI BSREG PAR 'GYUR RO ZHES BYA BA'I THA TSIG GO, ,GZHAN DU NI STE SNGAGS LA SOGS PA DANG BRAL PA LA NI'O, ,GANG LAS ZHES BYA BA NI RGYU'AM TSAD MA GANG LAS SO, ,DE RNAMS MED KYANG BYED BZHIN PA'I SREG PAR BYED PA 'DI'I RGYU YOD PA'I PHYIR DON GYIS GO BA NYAMS PA YIN NO ZHES BRJOD PA NI GANG GIS ZHES BYA BA'O, ,GAL TE RGYU RANG BZHIN GCIG YIN NA 'BRAS BU YANG DE BZHIN DU 'GYUR NA, 'BRAS BU NI DU MA YIN TE, DES NA RANG GI NGO BO THA DAD PA MED KYANG DON GYI GO BAS NUS PA THA DAD PAR GNAS PA YIN NO ZHES RTZOD PAR NI DNGOS PO 'DI LTOS PA YOD MIN TE ZHES BYA BA'O, ,'DI GA LAS SNYAM NA NUS PA MANG PO MED PAR NI ZHES BYA BA SMOS SO, ,'DI NYID GSAL BAR BYED PA NI ME LAS TSIG PA LA SOGS BA ZHES BYA BA'O, ,TSIG PA LA SOGS PA'I 'BRAS BU DU BA MED PA LA SOGS PA LAS RNAM PAR PHYE BAR MTHONG BA GANG YIN PA DER MI 'GYUR RO, ,NUS PA DU MA NYID KYI RJES SU DPAG PA BRJOD NAS, DES KHAS MI LEN PA MA NYES PA BRJOD PA NI ME LA SOGS PA ZHES BYA BA'O, ,YOD DAM NI SNGAGS LA SOGS PA DANG BRAL BA LA'O, ,MED PA NI MI SRID PA MA YIN PA LA STE, DE DANG LDAN PA LA'O, ,GNYI GA GCIG GI TSE NI MI RUNG STE, 'GAL BA'I PHYIR ZHES BYA BA'I DON TO, ,DE LA SNGAGS DANG BRAL BA LA SREG BYED NYID DU YOD PA'I ME NI, DE DANG MI LDAN PA LA MED PAR MI RIGS TE 'GAL BA'I PHYIR RO ZHES BRJOD PA NI, YOD NA SNGAGS LA SOGS PA DANG LDAN PA THAMS CAD KYANG SREG PA NYID DO, ,DE MED PA YIN NA STE ME LA SOGS

PA RANG BZHIN GCIG PO DE MED NA 'GA' YANG MIN TE SNGAGS LA SOGS PA DANG BRAL BA YANG ME NYID DU MI SREG PAR 'GYUR RO ZHES BYA BA'I DON TO, ,'DI GA LAS SNYAM DU DOGS PA NA GCIG NI ZHES BYA BA'O, ,DE YANG ZHES BYA BA NI LAN NO, ,NUS PA SNA TSOGS GANG LA YOD PA DE LA DE SKAD CES BYA'O, ,'BRAS BU SNA TSOGS GANG LA YOD PA YANG DE BZHIN NO, ,MA MTHONG BA NI NUS PA MANG PO NYID DO, ,'BRAS BU MA MTHONG BA NI RANG GI NGO BO NGES PA TZAM GYIS 'BYUNG BAS NUS PA DU MA 'GRUB PA LAS BZHIN DU GRUB PO ZHES SMRAS PA NI, GAL TE 'BRAS BU SNA TSOGS NI, , ZHES BYA BA'O, ,'DIR ZHES BYA BA NI 'BRAS BU DU MA BYED PA'I DNGOS PO LA'O, ,'BRAS BU DE DAG NYID YIN MOD NUS PA NI MA YIN NO, ,SREG PAR BYED PA NYID YOD PA DANG MED PA YANG BSHAD PA NI GANG GIS ZHES BYA BA'O, ,RANG BZHIN NGES PA GANG GIS SO, ,ME NI SA BON LA SOGS PA BZHIN DU SNGAGS LA SOGS PA YOD PA DANG MED PA'I LHAN CIG BYED PA CAN RNAM PA THA DAD PAR 'BRAS BU BYED PAR RANG GI RGYU LAS SKYES PA YIN PA'I PHYIR NUS PA SNA TSOGS RTOG PA DON SKYED DO ZHES BYA BA'I DON TO, ,'BRAS BU RNAM PAR PHYE NAS BYED PA NYID GSAL BAR BYED PA NI, ME NI SNGAGS DANG ZHES BYA BA'O, ,SNGAGS LA SOGS PAS BSREG PAR BYA BA NYID RNAM PA GZHAN DU BYED PA YIN NO ZHES BRJOD PA NI, SREG RDZAS RANG BZHIN DE YIN ZHES GSUNGS TE, RANG BZHIN DE YIN ZHES BYA BA NI, SREG TU MED PA'I RANG BZHIN DANG SNGAGS LA SOGS PAR BYAS PA YIN NO, ,GANG GIS TE SREG TU MED PA'I RANG BZHIN GYIS SO, ,DES NI ZHES BYA BA NI DE'I RANG BZHIN GANG ZHIG SNGAGS LA SOGS PAS BYAS PA DES NI MI 'TSIG STE 'TSIG PAR MI 'GYUR RO ZHES BYA BA'I DON TO, ,GANG ZHIG GI RANG BZHIN SNGAGS LA SOGS PAS SREG TU MED PA NYID DU MA BYAS PA GZHAN DES NI 'TSIG PAR 'GYUR TE, BSREG PAR BYA BAR 'GYUR BA YIN NO ZHES BYA BA'I DON TO, ,CI LTAR 'DOD PAS SPYOD PA 'DIR GYUR CE NA, RANG GI RGYU LAS SMOS SO, ,DES NA ZHES BYA BA NI RTEN LA SOGS PA MED PAS SO, ,DPE NI ZHES BYA BA NI, CHANG

, ,DANG CHANG GI NUS PA'I DPE'O, ,RANG BZHIN ZHES BYA BA NI RNAM PAR DBYER MED PAR GNAS PA MED KYANG RTEN LA SOGS PA'I DNGOS POR 'GYUR BA'O, ,DES NA ZHES BYA BA NI NUS PA THA DAD PA MA YIN PAS SO, ,DER NI ZHES BYA BA NI RTEN DANG BRTEN DAG GI NANG NAS SO; ,DNGOS PO NYID NI RTEN DU MNGON PAR 'DOD PA'O, ,GAL TE MTSUNGS SHE NA ZHES BYA BA RNAM PAR 'GREL PA NI 'ON TE YANG ZHES BYA BA'O, ,DE BZHIN DU 'GYUR BA NYID DO ZHE NA ZHES BYA BA NI SEMS PA BRTEN NAS THA MI DAD PAR RO, ,DES NA RTEN ZHIG NA DE 'JIG PA YIN NO ZHE NA, NUS PA LTAR 'BYUNG BA LTAR 'BYUNG BA THA MI DAD PA ZHES BYA BA 'DI'I DE MA THAG TU'AM RTEN DANG BRTEN PA'I DNGOS PO MA YIN NAM ZHES BYA BAR LTA BA'O, ,DE NYID CES BYA BA NI GNYIS MED PA'O, ,THA MI DAD PA NI MA YIN TE, SNANG BA THA DAD PA RTOGS PA MED PA'I PHYIR RO, ,RTEN DANG BRTEN PA'I DNGOS PO YANG MA YIN TE, SNANG BA THA DAD PA DE NYID KYI PHYIR TE, LOGS SU GNAS PA'I PHYIR RO, ,'DI NYID GZHUNG GZUGS PA BRJOD PA NI, SNANG BA THA DAD THAMS CAD DU, ,ZHES BYA BA'O, ,NGES PA 'DI GA LAS SNYAM NA, THA DAD 'GRUB PA'I ZHES GSUNGS SO, ,GZHAN ZHES BYA BA NI SNANG BA THA DAD PA LAS MA GTOGS PA'O, ,'ON TE YANG RTOG PA'I RGYU THA DAD PAR 'GRUB PA YIN GYI, SNANG BA THA DAD PA LAS NI MA YIN NO SNYAM DU DOGS PA BSU NAS, DBANG PO THA DAD PA DANG ZHES GSUNGS SO, ,DBANG PO THA DAD PA DANG RTOG PA PO THA DAD PA DE DAG GIS GZUNG BAR BYA BA YIN DU ZIN DANG NGO STE, RGYU THA DAD PA NI THA DAD PAR BYED PA MA YIN NO ZHES BYA BA'I DON TO, ,CI'I PHYIR SNYAM NA, THA DAD PAR BYED PA NI ZHES GSUNGS SO, ,SNANG BA'I RANG BZHIN ZHES BYA BA NI RNAM PAR RTOG PA MED PA'I RTOGS PA'I RGYU THA DAD PA NI THA DAD PA MA YIN NO ZHES 'BREL TO; ,'O NA RTOGS PA THA DAD PA DE NYID CES BYA BA NI RTOGS PA'I RGYU THA DAD PA LAS BYUNG BA'I RTOGS PA THA DAD PA GANG YIN PA'O, ,GZHAN NI ZHES BYA BA NI RGYU THA DAD PA'O, ,DE LTAR SNANG BA THA DAD PA NYID THA DAD PAR BYED PA YIN GYI, GZHAN NI MA YIN NO ZHES BSGRUBS NAS SKABS SU BAB

PA LA YANG STE, YOD PA YIN NO ZHES STON PA NI DER YANG ZHES GSUNGS TE, 'BYUNG BA DANG SEMS GNYIS KYI NANG NAS SO, ,SHES PA'I THA DAD PA BSTAN NAS, 'BYUNG BA CHEN PO LA STON PA DON NI SANGS PA DANG ZHES BYA BA'O, ,DON NI THA DAD PAR SNANG NGO ZHES SBYAR RO, ,'ON TE ZHES BYA BA NI THA MI DAD PA'I DOGS PA BSU BA'O, ,GTAN TSIGS DES NA GANG DU RIG PA'I RANG BZHIN YIN GYI, THA DAD PAR SNANG BA'I RANG BZHIN NI MA YIN NO, ,SHING LA SOGS GCIG NYID YIN YANG, THA DAD PA LAS BZLOG PAR SNANG BA NI MED DO ZHES BRJOD PA NI GANG ZHIG CES BYA BA'O, , DON NI 'DI SKABS LA SBYOR BA NI NANG GI REG BYA'I KHYAD PAR NI ZHES BYA BA'O, ,DES NA ZHES BYA BA NI, GANG LA REG BYA'I KHYAD PAR YOD PA DES SO, ,DES PHYI ROL GYI SHING BZHIN DU RIG PA MA YIN NO ZHES SBREL TE, CI STE NGE LTAR RIG PA MA YIN SNYAM NA, LUS KYI NANG NA GNAS PA'I PHYIR ZHES SMOS SO, ,LUS KYI NANG NA GNAS PA NYID CI LTAR SNYAM NA, BDAG DANG YUL GCIG PA NYID KYIS ZHES GSUNGS SO, ,'DI NI ZHES BYA BA NI BDE BA LA SOGS PA'O, ,DE NI ZHES BYA BA NI REG BYA'O, ,GANG GIS ZHES BYA BA NI GANG GIS KYANG MA YIN PA STE, DE LAS THA DAD PA KHAS MA BLANGS PA'I PHYIR RO, ,'ON TE GZHAN GYIS RIG PAR KHAS LEN NA DE'I TSE GZHAN GYIS RIG NA BDE BA LA SOGS PA REG PAR BYA BA'I 'DZIN BYED KYI, REG PA NI THA DAD YIN PAR THAL BAR 'GYUR RO, ,'ON TE ZHES BYA BA NI GZHAN GYI'O, ,DE NI ZHES BYA BA NI REG BYA'O, ,DES NA RIG PA THA DAD PAR THAL BA MA YIN NO SNYAM DU BSAMS PA'O, ,'BYUNG BA CHEN PO'I RANG BZHIN MIN, ,ZHES BYA BA NI LAN NO, ,GAL TE REG BYA RANG RIG PA'I RANG BZHIN DU KHAS LEN NA DE'I TSE 'BYUNG BA CHEN PO'I RANG BZHIN DU MI 'GYUR TE, SHES PA'I RANG BZHIN KHO NAR 'GYUR RO ZHES BYA BA'I DON TO, ,DE LTAR DE'I RANG BZHIN DU 'GYUR MOD CI SKYON ZHE NA, RANG RIG CES SMOS SO, ,GAL TE RIG BYA RANG GI RANG BZHIN GYI NGO BO YIN NA, DE'I TSE RANG RIG PA'I RANG BZHIN DE KHO NA LTAR SKYES BU GZHAN GYIS CI'I PHYIR TE CI STE MA SHES, DON MI THUN MONG MA

, ,YIN PA'I PHYIR NA, SHES KYIS KYANG SHES BYA BZLOG TU MED CES DGONGS PA'O, ,DOGS PA NI GAL TE KHONG NANG CHUD PHYIR NA, MA SHES PA MA YIN NO SNYAM NA, LAN DU NA REG NA ZHES BYA BA'O, ,'DI NYID 'CHAD PA NI, GANG ZHIG CES BYA BA'O, ,KHONG PA LA SOGS PAR LAG PA LA SOGS PA BCUG PA LAS DE'I KHONG NA GNAS PA'I SDUG BSNGAL LA SOGS RIG PAR THAL BAR 'GYUR RO, ,DE LTA YANG MA YIN NO, ,DES NA BDE BA LA SOGS PA MYONG BA NI 'BYUNG BA'I RANG BZHIN MA YIN NO, ,DE LTAR BDE BA LA SOGS PA NANG GI REG BYA'I KHYAD PAR MA YIN NO ZHES BSTAN NAS, DA NI PHYI ROL GYI RIG BYA'I RANG BZHIN YANG MA YIN NO ZHES BSTAN PA'I PHYIR, PHYI'I 'KHYUD PA'I REG PA YANG ZHES GSUNGS SO, ,DE LTAR GYUR NA CI'I SKYON SNYAM NA, GNYIS PO ZHES GSUNGS SO, ,BUD MED DAM SKYES PA GNYIS PHAN TSUN REG PA NA'O; ,GNYI GA YANG NI RIG PAR 'GYUR, ,ZHES PA NI BDE BA LA SOGS PA'I RANG BZHIN GYI REG PA GNYI GA YANG NGO, ,'DI 'ON TE GZHAN GYI RANG BZHIN GYI REG PA NYID RTOGS KYI BDAG GI RANG BZHIN NI MA YIN NO, ,DE NI GZHAN KHO NA 'DZIN PAR BYED PA YIN TE, DE GNYI GAS GNYI GA RTOGS PA MA YIN NO SNYAM DU DOGS PA BSU NAS GZHAN GYI ZHES SNOS SO, ,GZHAN GYI RANG BZHIN ZHES BYA BA NI, RGYUD GZHAN LA GNAS PA BDE BA'I REG PA'O, ,BDAG RANG BZHIN ZHES BYA BA NI BDAG NYID KYI BDE BA'I REG PA'I RANG BZHIN NO, ,CI LTAR RIG PA MED DE RIGS KHO NAR 'GYUR RO, ,DES NA GNYI GAS GNYI GA RTOGS PAR THAL BA BZLOG PAR DKA'O, ,GNYI GAS GNYI GA RIG PAR THAL BAR MI BZOD NAS, GZHAN DOGS PAR BYED PA NI 'ON TE GZHAN GYIS ZHES BYA BA'O, ,BDAG GI RANG BZHIN NI BDAG NYID KYI RIG PA'I RANG BZHIN NO, ,DE LTA YIN NA ZHES BYA BA NI RIG PA BDAG GI RANG BZHIN DE NYID BDE BAR 'GYUR BA YIN NA'O, ,DE BZHIN DU RIG PAR THAL LO ZHES BYA BA NI, CI LTAR GCIG GIS REG PA NA BDE BAR RTOGS PA DE BZHIN DU RTOGS PAR 'GYUR RO, ,REG BZHIN BA NI DON YIN PAS NA THUN MONG YIN PA'I PHYIR RO SNYAM DU DGONGS PA'O,,

DES NA GNYI GA YANG BDE BA NYID DU MTSUNGS PAR 'GYUR RO ZHES BYA BA'I DON TO, ,BDE BA NYID DU MTSUNGS BAR THAL BA SPONG BA'I DOGS PA BSU NAS BZLOG PA NI GZHAN GYIS ZHES BYA BA'O, ,CI LTAR RNAM PA THAMS CAD CES BYA BA NI, CHA SHAS MED PAS NA RNAM PA GZHAN NYID MED PA'I PHYIR RO, ,DU MA ZHAS BYA BA NI CHA SHAS DANG BCAS PA'O, ,DE LTA YIN NA ZHES BYA BA NI DU MA YIN NA'O, ,'GA' ZHIG NI RDUL PHRA RAB PO DE LTA YIN MOD CI SKYON SNYAM NA, GZHAN GYI BDE BA'I BZHI CHA TZAM YANG ZHES SMOS SO, ,'ON TE GZHAN GYIS GZHAN GYI BDE BA'I CHA RTOGS PAR KHAS LEN NA DE'I TSE RANG NYID KYANG RIG PAR GYUR PA BDE BA'I RDUL PHRA RAB RNAMS KYI NANG NAS, RDUL PHRA RAB GCIG NYID RTOGS PAR 'GYUR TE, RDUL PHRA RAB SO SOR RIG PA MED PA'I PHYIR RO ZHES BRJOD PA NYID KYANG SO SOR RIG PA RNAMS LAS GCIG NYID RTOGS PAR 'GYUR RO ZHES BYA BA'O, ,YANG NA CI'I PHYIR GZHAN GYI BDE BA'I CHA MA RTOGS SNYAM NA RANG NYID KYANG ZHES SMOS SO, ,GANG GI PHYIR RANG NYID SO SOR RIG PAR KHAS BLANGS PA'I BDE BA'I RDUL PHRA RAB RNAMS LA CHA MED BA GCIG PO GANG YIN PA DE NYID RTOGS PAR 'GYUR TE, RDUL PHRA RAB GCIG NI MA YIN NO, ,DE'I PHYIR GZHAN GYIS KYANG DE KHO NA LTAR RTOGS PAR 'THAD PA YIN TE, GZHAN DU NA 'KHRUL PA NYID DU THAL BA'I PHYIR RO, ,DES NA GZHAN GYIS DE BZHIN DU RTOGS PAR THAL BA NI YANG BAR DGA'O ZHES MJUG BSDU BA'I SGO NAS STON PA DES NA BUD MED DAM SKYES PA GNYIS MTSUNGS PAR MYONG BAR 'GYUR RO ZHES BYA BA'O, ,'KHYUD PA NA ZHES BYA BA NI SKABS YIN NO, ,'ON TE YANG RANG NYID THAMS CAD RTOGS PA MA YIN NO SNYAM NA, THAMS CAD RIG PA YIN ZHES SMOS SO, ,'ON TE ZHES BYA BA NI GZHAN GYI'O, ,MA YIN TE ZHES BYA BA LA SOGS PA NI LAN NO, ,GAL TE YANG DE RNAMS 'BYAR BA YIN NA DE'I TSE RDUL PHRA RAB RNAMS DANG DE DAG 'BYAR BA GNYIS, SO SOR RTOGS PAR 'GYUR RO ZHES BRJOD PA NI YOD KYANG ZHES BYA BA'O, ,'BYAR BAS ZHES BYA BA NI DOGS PA BSU BA'O, ,RDUL

, ,PHRA RAB RNAMS DANG 'BYAR BA GZHAN GNYIS KYANG, 'BYAR BAS RNAM PAR DBYE BA MA RTOGS SO ZHE NA, 'O NA ZHES LEN 'DEBS SO, ,MA RTOGS 'BYUNG BA'I RDUL PHRA RAB DAG LAS RTOGS BZHIN PA'I SEMS THA DAD PAR 'GYUR TE, RTOGS PA DANG MA RTOGS PA DAG THA DAD PA'I PHYIR RO, ,DE LTAR RDUL PHRA RAB TZAM KHAS LEN PA'I PHYOGS LA DE DAG LAS BDE BA LA SOGS PA THA DAD PA YIN NO ZHES BSTAN NAS, DA NI YAN LAG CAN KHAS LEN PA'I PHYOGS LA MTSUNGS PA MIN PAR THAL BA BRJOD PA NI 'ON TE ZHES BYA BA'O, , RTOG PAR MI NUS SO ZHES BYA BA NI GZHAN GYI RGYUD LA YOD PA'I BDE BA ZHES BYA BA NI SKABS YIN NO, ,'O NA DE'I ZHES BYA BA NI BDE BA YAN LAG CAN GYI'O, ,DE RTOGS NA NI GZHAN GYI BDE BA'I YUL LO, ,'KHRUL PA YIN YANG NANG GI RIG PA'I RANG BZHIN NYID KYIS RTOGS PA BZLOG TU MED DO ZHES BSHAD PA NI 'KHRUL PA YANG ZHES BYA BA STE BDE BA 'BA' ZHIG TU MA ZAD PA'O, ,DES NA ZHES BYA BA NI NANG GI REG PA'I KHYAD PAR GYI RANG BZHIN YIN PA'I PHYIR RO, ,DE BZHIN DANG ZHES BYA BA 'KHRUL PA'I RANG BZHIN DU'O, ,DE LTAR GNYI GA MTSUNGS PAR MYONG BAR BSTAN NAS, DA NI GZHAN GYI DOGS PA SNGON DU 'GRO BA CAN GYIS 'BYUNG BA DANG SEMS THA DAD DU BSHAD PA NI GAL TE ZHES BYA BA'O, ,GAL TE LUS 'DIR GCIG NI REG PAR BYA BA YIN LA, BDE BA LA SOGS PA NI GZHAN YIN GYI RANG BZHIN DE REG PAR BYA BA NYID NI MA YIN LA, DE GNYIS LAS KYANG GZHAN GYI REG PAR BYA BA GCIG NYID RTOGS PA YIN GYI BDE BA LA SOGS PA YIN NO ZHES KHAS LEN NO ZHE NA, DE LTA YIN NA BDE BA LA SOGS PA REG PAR BYA BA LAS GZHAN YIN NO ZHES GRUB PO, ,DE'I PHYIR ZHES BYA BA NI SDUD PA'O, ,'BYUNG BA DANG SEMS PA DAG RANG BZHIN THA DAD PA YIN PA NYID DO ZHES 'BREL TO, ,CI LTAR SNYAM DU DOGS NA, 'GAL BA'I CHOS NI GNAS PAS NA, ,ZHES SBYAR RO, ,DE NYID CI LTAR SNYAM NA, SNANG PA THA DAD RTOGS PA'I PHYIR, ,ZHES GSUNGS SO, ,GAL TE ZHES BYA BA NI GZHAN GYI DOGS PA

BSU BA'O, ,'DI NI BSAL ZIN PA YIN MOD KYI, SKYON LHAG PA BRJOD DU YANG DOGS PA BSU BAR ZAD DO, ,DE NYID BRJOD PA NI ZHES BYA BA STE, BDE BA 'BYUNG BA DE NI'O, ,CI RUNG GIS REG PA LA YANG DE LTAR 'BYUNG BAR 'GYUR RO ZHES BYA BA'I DON TO, ,DE ZHES BYA BA NI YID DU 'ONG BA'O, ,RGYU ZHES BYA BA NI SKABS KYIS BDE BA 'BYUNG BA'O, ,YID 'ONG 'DI GANG YIN PAR 'DOD, ,CES BYA BAS NI, RNAM PAR DPYAD NA YID DU 'ONG BA NYID NI 'GA' RNAM PAR GNAS PA MA YIN NO ZHES BYA BA'I DON TO, ,'O NA CI LTAR 'GA' ZHIG SNYING DU SDUG SNYAM NA, SKAL BDUN 'PHRO YIS 'GA' ZHIG LA, ,ZHES GSUNGS SO, ,'O NA TE PHAN 'DOGS PAR BYED PA LAS KYANG GZHAN YID DU 'ONG BA YIN NO SNYAM NA, PHAN 'DOGS PA'I ZHES GSUNGS SO, ,DE LTA YIN NA ZHES BYA BA NI BSHAD ZIN PA'I TSUL LO, ,LUS LAS YID DU 'ONG BA'I RANG BZHIN GYI SEMS PA GZHAN MED KYANG NGO, ,GNAS ZHES BYA BA NI LAS KYI RANG BZHIN RGYU'I KHYAD PAR TE, 'JIG RTEN 'DI PA NI MED PA'I PHYIR RO, ,YID DU 'ONG BA NYID NI LUS KYI CHOS MA YIN GYI, 'ON KYANG, RTOGS PA PO'I SHES PA'I CHOS YIN TE YUL RUNG BA NA GNAS PAS MI SHES PAR RANG NYID SHES PA'I PHYIR RO ZHES BSHAD PA NI GAL TE DE'I ZHES BYA BA'O, ,RGYU LAS ZHES BYA BA NI PHYI ROL GYI DON LAS SO, ,MIN NA ZHES BYA BA NI GZHAN GYIS RTOGS PAR 'GYUR BA ZHES BYA BAR 'BREL TO, ,GAL ZHES BYA BA NI GZHAN GYI'O, ,DE NI ZHES BYA BA NI YID DU 'ONG BA'O; ,PHYI ROL DU ZHES BYA BA NI LAN NO, ,DE ZHES BYA BA NI YID DU 'ONG BA'O, ,MTHONG BA ZHES BYA BA'I MING GZHAN DANG LDAN PA, DE LTA BU'I GZUGS SU SNANG PA CAN, SKYES BU SO SO LA NGES PAR RIG PA NI SHES PA NYID YIN NO ZHES BRJOD PA NI, GZUGS NI SNANG BAR GYUR NA YANG, , ZHES BYA BA STE, SDUG BSNGAL LA SOGS PA 'BA' ZHIG TU NI MA ZAD PA'O, ,RNAM PAR RTOG PA DANG BCAS PA 'GA' ZHES BYA BA NI 'CHAD PA'O, ,RNAM PAR RTOG PA DANG BCAS PA'AM, RTOG PA MED PA LAS SO, ,GSAL BA'AM MI GSAL BA YANG RUNG STE, GZUGS SNANG BA

, ,GANG YIN PA DE YANG GZHAN GYIS MI RTOGS PA MA YIN NO, ,MI RTOGS PA DES NA GZUGS SU SNANG BA DE NI RANG RIG PA NYID DO, ,'O NA TE GZHAN GYI LUS KYI NANG DU CHUD PAS ZHES BYA BA NI GZUGS SU SNANG BA GZHAN GYI LUS DANG THA MI DAD PA'O, , GZHAN GYI LUS KYANG ZHES BYA BA NI LAN NO, ,DE CI LTAR GZHAN DU DE'I BDAG NYID DE DGAG PA LA SNANG BA MI DMIGS PA MED PAR THAL BA'I PHYIR, BLTAR RUNG BA LAS THA MI DAD PA BLTAR RUNG BA NYID DU KHAS BLANGS PA DE BZHIN BLTAR MI RUNG BA LAS, THA MI DAD PA NI BLTAR MI RUNG BAR KHAS BLANG BAR BYA BA YIN NO, ,DES NA NANG DU CHUD PA BLTAR MI RUNG NA, NANG DU CHUD PA'I YUL YANG NGES PAR BLTAR MI RUNG BAR GYUR PA'I PHYIR GZHAN GYI LUS KYANG MI RIGS PAR THAL BAR 'GYUR RO ZHES BYA BA NI LEGS PAR BRJOD PA YIN NO, ,'DIS NI GZHAN GYI RNAM PAR RTOG PA MI RIG NA DE'I LUS KYANG MI RIG PAR THAL BAR BRJOD PA YIN NO, ,DA NI RANG GI LUS MA RIG NA RANG GI RNAM PAR RTOG PA MA RIG PAR THAL BAR BRJOD PA NI LUS KYI NANG DU CHUD NYID NA ZHES BYA BA'O, ,GAL TE LUS KYI NANG DU GTOGS PAR 'DOD NA DE'I TSE SKYES BU MUN RUM NA GNAS PA YUL GZHAN LA RNAM PAR RTOG PAR BYED PA NA STE RNAM PAR RTOG PA'I DUS SU, LUS DANG BRAL BA'I RNAM PAR RTOG PA LA GNAS PA'I GZUGS SU SNANG BA 'BA' ZHIG RTOGS PAR CI LTAR 'GYUR TE MI 'GYUR PA KHO NA'O CI LTAR RIGS PAR THAL BA GNYIS KYI LAS BZLOG PA BSNGO BA NI RNAM PAR RTOG PA MED NA NI LUS SO, ,GZHAN GYI LUS RIG PA YIN LA, RNAM PAR RTOG PA DE RANG GI LUS TE MED PAR RIG CES 'BREL TO, ,GANG GI PHYIR DE LTA YIN PA'I GTAN TSIGS DE NA GCIG GI TSE SGRUB PAR BYED PA LHAN CIG DMIGS PA NGES PA MED PA YIN NO, ,DE'I PHYIR SEMS PA NI NUS PA BZHIN DU THA MI DAD PA NYID MA YIN NO ZHES GNAS SO, ,THA DAD KYANG 'KHOR BA NYID MA GRUB PO SNYAM DU DOGS PA BSU BA NI 'ON TE YANG ZHES BYA BA'O, ,DE LTA NA YANG ZHES BYA BA NI THA DAD PA NYID

YIN YANG NGO, ,DE NI SHES PA'I'O, ,DES NA NI LAS RGYU YIN PAS NA'O, ,DES NA ZHES BYA BA NI BAG CHAGS DANG 'BREL PA MA YIN PAS SO, ,DES NA ZHES BYA BA NI 'JIG RTEN 'DI BA'I KHU BA LA SOGS PA RGYU YIN PAS SO, ,DES NA ZHES BYA BA NI 'JIG RTEN PHA ROL MED PAS SO, ,GAL TE YID LUS KYI 'BRAS BU'AM, LUS KYI BDAG NYID YIN NA, DE'I CHE LUS RNAM PAR MA GYUR NA, RNAM PAR RTOG PA RNAM PA GCIG KHO NAR 'GYUR RO ZHES BYA BA NI CI SRID CES BYA BA'O, ,DE'I 'BRAS BU NYID NI DER 'GYUR PAS KHYAB PA YIN PAS; DE DANG 'GAL BA DER 'GYUR BAS MI 'GYUR BA NYID YIN NA NI MA YIN NO ZHES BYA BA'I DON TO, ,GAL TE LUS 'BA' ZHIG GI 'BRAS BU NYID YIN NA, DE LTAR MA 'GYUR BA ZHIG NA, 'ON KYANG YID KYI RNAM PAR SHES PA NI DON LHAN CIG BYED PA CAN GYI LUS KYI 'BRAS BU YIN PAS LUS THA MI DAD KYANG DON THA DAD PAS RNAM PAR 'GYUR BA YIN NO, ,DES NA DE'I TSE TSOGS PA THA DAD PAS THA DAD PA DE NI DE'I 'BRAS BU KHO NA'O SNYAM DU DOGS PA BSU NAS RNAM PAR RTOG PA NI ZHES GSUNGS SO, ,RNAM PAR RTOG PA NI YUL LA MI LTOS PA'I PHYIR, LUS TZAM GYI RGYU CAN DU KHAS MI LEN NA 'GAL BAR BYAD PA GRUB PA ZHES BYA BA'I DON TO, ,GANG YANG LUS NYID DE'I RGYU YIN PA ZHES BYA BA'I DON TO, ,GANG YANG LUS NYID DE'I RGYU YIN PA ZHES BYA BA PHYOGS SNGA MAR BKOD PA DE LTA NA YANG RANG BZHIN YIN PA ZHES RJES SU BRJOD PA NI NYES PA MTSUNGS PA'I PHYIR RO, ,CI'I PHYIR SNYAM NA RGYU'AM ZHES GSUNGS SO, ,DE LTA MA YIN NA ZHES BYA BA NI LUS MA 'GYUR RANG BZHIN MTSUNGS PA NYID MA YIN NA'O, ,GZUGS SOGS BZHIN DU ZHES BYA BA DE BSHAD PA'I PHYIR LUS LA BRTEN PA'I ZHES BYA BA LA SOGS PA GSUNGS SO, ,YID KYI RNAM PAR SHES PA LUS KYI RGYU CAN YIN NA LUS THA MI DAD PAR DE THA DAD PA MTHONG BA MED PAR 'GYUR RO ZHES BRJOD PA YIN PA'O, ,DE LTA NA BAG CHAGS SAD PA RGYU NYID YIN NA LUS THA MI DAD KYANG DE THA DAD PA LAS DE THA DAD PA KHO NA'O ZHES BRJOD PA NI GANG GI TSE LUS

, ,LA ZHES BYA BA'O, ,GANG GI TSE SHES PA GANG LA BAG CHAGS SAD PA NYID KYI RGYU YOD PA'I SHES PA DE NI 'GA' ZHIG TU 'GYUR BA YIN PA DE'I TSE STE, GANG DANG DE NI RTAG TU 'BREL PA'I PHYIR RO, ,DE'I TSE NI RGYU DES NA 'GA' ZHIG LA 'GA' ZHIG GI TSE 'GA' ZHIG LTAR 'GYUR BA YIN TE, RANG BZHIN DU NI MA YIN NO ZHES 'BREL TO, ,YANG NA GANG GI TSE SHES PA 'BA' ZHIG SKYE BAR 'DOD PA'I SHES PA 'GA' ZHIG GI BAG CHAGS SAD PA'I RGYUR 'GYUR BA DE'I TSE, RGYU DES NA 'GA' ZHIG KHO NAR 'GYUR PA YIN NO; ,RNAM PAR BSHAD PA BYED PAS NI LUS LA LTOS MED PAR ZHES KHYAD PAR BKAG PAS LHAG MA KHAS BLANGS PA'I PHYIR BAG CHAGS SAD PA LA RGYU 'GA' ZHIG LA LTOS DGOS PA'I RGYU DES SKYES BU 'GA' ZHIG GI SHES PA DUS 'GA' ZHIG GI TSE, 'GA' ZHIG TU 'GYUR BA YIN NO ZHES BYA BAR LUS RGYU YIN NA NI ZHES BYA BA LA SOGS PAS BSHAD PA YIN NO, ,LUS RGYU YIN NA NI RNAM PAR SHES PA 'GA' ZHIG TU MI 'GYUR TE, SNGAR BSHAD PA'I NYES PAR 'GYUR BA'I PHYIR RO ZHES BYA BA'I DON TO, ,YANG NA LUS LHAN CIG BYED NYID KYIS RGYU YIN DU CHUG MOD DE LTA NA YANG, GANG RNAM PAR 'GYUR BAS NGES PAR RNAM PAR 'GYUR BAR BYED PA DE NYE BAR LEN PAR 'DOD PAR BYA BA YIN NO ZHES SHES PA RGYU YIN PA'I GTAN TSIGS YANG GZHAN BRJOD PA NI RNAM SHES MIN ZHES BYA BA LA SOGS PA'O, , 'DOD CHAGS LA SOGS PA GOMS PA LAS GSAL BAR MTHONG BA'I PHYIR 'KHOR BA BAR GYUR PAR NI MA ZAD KYI, RNAM PAR SHES PA MA YIN PA NYE BAR LEN PA MA YIN PA'I PHYIR YANG PHUNG PO 'KHOR BAR GRUB PA YIN NO, ,GAL TE RNAM PAR SHES PA RNAM PAR SHES PA'I NYE BAR LEN PA NYID YIN YANG 'JIG RTEN PHA ROL NI MI 'GRUB PO SNYAM DU DOGS PA BSU BA NI GAL TE ZHES BYA BA'O, ,LUGS 'DI NI GRANGS CAN NYID KYI YIN GYI, TSU ROL MDZES PA PA'I NI MA YIN NO ZHES BRJOD PA NI RTZVA MCHOG CES BYA BA LA SOGS PA'O, ,'DI

NI RIGS PA YANG MA YIN NO ZHES BRJOD PA NI RGYU NI RNAM BRGYAR ZHES BYA BA'O, ,RNAM PAR SHES PA'I NGO BO GANG ZHIG RNAM PAR 'GYUR BA'I NGO BO THA DAD PA DE NI SNGAR NUS PA'I GNAS SKABS KYI SHES PA LA MED DO, ,DES NA BLTAR RUNG BA'I NYE BAR LEN PA NI BLTAR RUNG BA NYID DU RTOGS PAR 'GYUR GYI GZHAN GYI MA YIN NO ZHES BYA BA'I DON TO, ,RNAM BRGYAR RNAM PHYE YANG ZHES BYA BAS NI BZHAD GAD DANG BCAS TE MI DMIGS PAR BRJOD PA'O, ,BLTAR RUNG BA'I RNAM PAR SHES PA NYID RNAM PAR SHES PA'I NYE BAR LEN PA YIN PAR BRJOD PA NI; RNAM PAR SHES PA MTHUN PA DANG, ,ZHES BYA BA YANG GI DON BSHAD PA NI 'DOD CHAGS LA SOGS PA ZHES BYA BA'O, ,DE NYID 'JIG RTEN PHA ROL YIN NO ZHE NA, DE LTA BU'I NUS PA ZHES SMRAS SO, ,RTZVA MCHOG GI RTZE'I GLANG PO CHE BZHIN DU 'O MA LA ZHO LA SOGS PA MA MTHONG BA KHAS LEN PAR GSAL PA YIN NO ZHES BRJOD PA NI 'DI LTAR ZHES BYA BA'O, ,RANG BZHIN GZHAN GYIS ZHES BYA BA NI GZHAN GYI DOGS PA'O, ,YUL 'DZIN PA LA SOGS PA'I MTSAN NYID CAN LAS GZHAN PA'I RANG BZHIN GANG YIN PA NI RANG BZHIN GZHAN TE DES SO, ,DE ZHES BYA BA NI YUL 'DZIN PA LA SOGS PA NYID DO, ,DE NYID YID CES BYA BA LA SOGS PA NI LAN NO, ,DE NYID NI YUL 'DZIN PA'I RANG BZHIN NYID DO, ,CI'I PHYIR DE LTAR MI BRJOD SNYAM NA, RNAM SHES LAS GZHAN ZHES BYA BA SMOS TE, YUL 'DZIN PA'I MTSAN NYID LAS SO, ,DE LAS GZHAN PA'I RANG BZHIN YOD PAS SO, ,DE ZHES BYA BA NI SHES PA'O, ,DE'I PHYIR DNGOS PO THAMS CAD RNAM PAR SHES PA'I NUS PA DANG LDAN PA NI MA YIN NO ZHES GNAS PA'O, ,RNAM PAR SHES PA NYE BAR LEN PA YIN YANG 'JIG RTEN PHA ROL MI 'GRUB PO ZHES BYAS BAR DOGS PA BSU BA NI GAL TE MA SOGS ZHES BYA BA'O, ,DE NI RNAM PAR SHES PA'O, ,DE'I ZHES BYA BA NI LAN TE MA LA SOGS PA DE'I'O, ,'DU BYED MNGON PHYOGS PA'I YON TAN NI MKHAS PA LA SOGS PA'O, ,RJES SU 'JUG

, ,'GYUR NI MI NUS SO, ,NGES BAR DE'I 'DU BYED KYI RJES SU 'JUG PAR DMIGS PA YANG MED DO, ,DES NA GANG GIS 'JIG RTEN PHA ROL MED PAR 'GYUR BA MA LA SOGS PA'I SHES PA NI NYE BAR LEN PA'I RGYU MA YIN NO, ,'ON TE ZHES BYA BA NI MGO GSIG PA'O, ,PHA MA'I 'DU BYED DANG MI MTHUN PA DE NI MES PO LA SOGS PA'I YIN NA, PHA YIN ZHES BYA BA LAS, SA BON LAS SKYES BA'I CHU SHING YANG, PHYIS SDONG BU LAS SKYES PAR 'GYUR BA NA, RIM GYIS SDONG BU LAS SKYES PA GZHAN DANG THA MI DAD PAR 'GYUR BA YIN TE, DES NA DE MA THAG PA'I RGYUS 'BRAS BU ZA DAD PAR BYED PA YIN GYI, CHOD PAS NI MA YIN NO, ,DES NA, PHA LA SOGS PA'I 'DU BYED KYI RJES SU 'JUG PAR NI BRTAG PAR MI BYA'O, ,GANG GI PHYIR DE LTAR RGYUN GZHAN LA YOD PA'I SHES PA YANG SHES PA'I NYE BAR LEN PA MA YIN PA DE'I PHYIR RO, ,SHES PA LAS ZHES BYA BA NI NYE BAR LEN PAR 'GYUR BA LAS SO, ,RE ZHIG 'DOD CHAGS LA SOGS PA 'BYUNG BA RNAMS KYI RANG BZHIN NI MA YIN TE, 'DOD CHAGS LA SOGS MED KYANG SHING DANG RDO LA SOGS PA LA 'BYUNG BA MTHONG BA'I PHYIR RO, ,LUS KYI RGYU CAN YANG MA YIN TE, DE MED KYANG NGES 'GA' 'BYUNG BA'I PHYIR RO, ,GSON PO LA YANG BTANG SNYOMS KYI DUS NA DE MED KYANG 'BYUNG BA'I RANG BZHIN MTHONG BA'I PHYIR RO, ,DE NYID KYI PHYIR, 'BYUNG BA TZAM SKYED PA YANG MA YIN NO, ,SEMS CAN NI SNGAR MED PA SKYE BA YIN GYI, SNGON NAS YOD PA MA YIN TE, DES NA SHING LA SOGS BA LTAR LUS KYI RNAM PAR 'GYUR BA YANG GSON PA DANG 'DOD CHAGS LA SOGS PA DANG LDAN PA'AM, RNAM PA GZHAN DU YANG RUNG BZHES BYA BA'I NGES PAR MI 'GYUR RO, ,NGES PA NI RANG BZHIN GYIS KHYAB PA YIN LA, RANG BZHIN MA YIN BA NI DE DANG 'GAL BA YIN BAS KHYAB PAR BYED PA 'GAL BA LAS NGES PA MED PAR 'GYUR RO ZHES BRJOD PA NI, SNGA NA MED PA 'BYUNG BA LAS ZHES

BYA BA'O, ,GAL TE 'JIG RTEN GZHAN NA YOD PA'I NGES PAR BYED PA KHAS MI LEN NA, 'BYUNG BA LA GNAS PA YANG MED PA NGES NA CI LTAR NGES PAR 'BYUNG ZHES BYA BA RNAM PAR 'GREL PA NI GAL TE 'JIG RTEN PHA ROL ZHES BYA BA'O, ,PHA ROL YOD NA NI SKYE BA SNGA MA YOD PA'I SRID PA LA SOGS PA NGES PAR BYED PA YIN PA'I PHYIR NGES PA NYID DU 'GYUR RO ZHES BRJOD PA NI GANG GI TSE ZHES BYA BA'O, ,SRED PA SU'I RGYU YIN SNYAM NA, YOD PA DE RGYUN SKYE BZHIN PA'I SROG CHAGS SKYE BA YIN GYI, SNGA MA MED PA NI MA YIN NO, ,DE LTAR NA ZHES BYA BA NI 'JIG RTEN PHA ROL RGYU YIN PA'I LTAR NA'O, ,SKYE BO 'DOD CHAGS DANG BRAL BAR MI 'GYUR TE ZHES BYA BA NI SKYE BO NI 'DOD CHAGS DANG LDAN PA KHO NA'O ZHES NGES PA'O, ,DE LTAR ZHES BYA BAS BRJOD PA'I GTAN TSIGS NYID GSAL 'DEBS PA NI 'DOD CHAGS LA SOGS PA MED PAR MI SKYE BA'I PHYIR RO ZHES BYA BA'O, ,'DOD CHAGS NI 'DOD CHAGS TZAM GYI BDAG NYID DAM 'BRAS BU NI MA YIN NO, ,'O NA CI ZHE NA LUS KYI RNAM PA CAN GYI YIN NO SNYAM DU DOGS PA BSU BA NI, 'BYUNG BA'I DAG LAS ZHES BYA BA'O,, KUN ZHES BYA BA NI LUS KYI RNAM PA CAN NO, ,DE NYID KYIS ZHES BYA BA NI LUS KYI RNAM PA CAN GYI 'BYUNG BA'I BDAG NYID CAN YIN PA'I PHYIR RAM, 'BYUNG BA'I BDAG NYID LAS MA 'DAS BA'I PHYIR RO, ,RGYU KHYAD PAR MED NA NI 'BRAS BU KHYAD PAR DU MI 'GYUR TE, DE'I THA DAD PAS KHYAB PA'I PHYIR NA SROG CHAGS NYID BZHIN NO, ,'ON TE LUS KYI RNAM PA CAN GYI 'BYUNG BA RNAMS KYI KHYAD PAR 'DOD CHAGS LA SOGS PA RNAMS KYI KHYAD PAR LA DPAG PA LAS 'DOD CHAGS MTSUNGS PAR MI 'GYUR RO SNYAM DU DOGS PA BSU PA NI, GAL TE 'BYUNG KHYAD LAS MIN NO, ,ZHES BYA BA'O, ,DES NA ZHES BYA BA NI KHYAD BAR YOD PA NA'O, ,LUS KYI RNAM PA CAN GYI 'BYUNG BA RNAMS 'BRAS BU SROG CHAGS DANG BCAS PAR KHYAD PAR MED PA YIN TE, DE TZAM LAS SKYE BA'I PHYIR RO, ,'DOD CHAGS LA SOGS PA NI DE

, ,LHA MA YIN TE, DES NA DE TZAM GYIS SKYED PAR BYED PA KHYAD PAR GYI RIM PA DANG LDAN PA RTOGS PAR BYED PA YIN LA, DE LTAR RTOGS PA DE YANG LUS KYI RNAM PA CAN GYI 'BYUNG BA DE DAG LA, 'DOD CHAGS LA SOGS PA DE 'BYUNG BA YOD PAR 'GYUR RO, ,CI'I PHYIR SNYAM NA PHUL BYUNG 'GRIB LDAN PAS ZHES GSUNGS TE, 'PHEL 'GRIB YOD PAS SO, ,GANG GI TSE 'GRIB PA DANG LDAN PAS SKYED PAR MI BYED PA DE'I TSE, 'DOD CHAGS DANG BRAL BA NYID DU 'GYUR RO ZHES BYA BA'I DON TO, ,SNGA NA MED PA 'BYUNG BA LA, ,CHAGS SOGS NGES MED 'BYUNG BAR 'GYUR, ,ZHES BYA BA LA SOGS PA'I TSIGS SU BCAD PA PHYED DANG GSUM GYIS GTZOR BYA BA'I DON 'CHAD PA NI GANG BRJOD PA LA, GZHAN GYIS BRTZAD PA ZHES 'BREL TO, ,GANG DU BRJOD CE NA CHAGS SOGS ZHES BYA BA'O, ,DE LA CI ZHIG BRTZAD SNYAM NA, SA LA SOGS PA ZHES SBYAR RO, ,GAL TE DE LTA NA ZHES BYA BA NI SUN 'BYIN PAR BYED PA'O, ,GZHAN DU YIN PA ZHES BYA BA NI SHING LA SOGS PA SROG CHAGS MA YIN PAR RO, ,THA DAD PAR YIN NA ZHES BYA BA NI CHE CHUNG GI RIM PA DANG LDAN PA'O, ,'BYUNG BA'I KHYAD PAR LAS ZHES BYA BA NI YIN NO, ,THA DAD PAR 'GYUR BA ZHES BYA BA NI 'DOD CHAGS LA SOGS PA CHE RIM DANG LDAN PA'O, ,DE BZHIN DU ZHES BYA BA NI THA DAD PAR 'GYUR BA BZHIN DU'O, ,DE LTA NA YANG ZHES BYA BA NI PHUL DU BYUNG BA DANG 'GRIB PA DANG LDAN NA YANG NGO, , RGYU NYID KYI PHYIR GANG YIN PA DE NI MI LDOG STE BRTAG PA'I PHYIR RO, ,DES NA 'DOD CHAGS LA SOGS PA ZAD PA MA YIN NO ZHES BYA BA NI DOGS PA'I DON TO, ,GAL TE 'DOD CHAGS LA SOGS PA'I RGYU THA DAD PAR MED NA SPYI NYID CI LTAR 'GYUR, RGYUD GZHAN LA GNAS PA NI RGYUD GZHAN GYI 'DOD CHAGS KYI MA YIN NO SNYAM NA, BRJOD PA 'DOD CHAGS KYI LUS KYI RNAM PA CAN GYI 'BYUNG BA NYID LAS 'BYUNG BA YIN LA, RGYU'I PHYIR YANG DE NYID LA BRJOD PA YIN NO, ,DE YOD NA 'DOD CHAGS SU 'GYUR DGOS SO ZHES BYA BA'I

THA TSIG GO, ,GAL TE 'DI NI 'BYUNG BA'I BDAG NYID LAS MA 'DAS PHYIR ZHES BYA BA LA SOGS PAS DOGS PA BSU ZIN PA NYID MA YIN NAM YIN TE, SNGAR NI 'DOD CHAGS LA 'GRIB PA'I NA RIMS YOD PA'I PHYIR 'GA' ZHIG 'DOD CHAGS DANG BRAL BAR YANG 'GYUR RO ZHES BYA BA'I THAL BA'I LAN DU 'BYUNG BA'I BDAG LAS MA 'DAS PHYIR ZHES BYA BAS DOGS PA BSU BA YIN LA, DA LTAR NI 'DOD CHAGS KYI RGYU LA 'GRIB PA'I NA RIMS YOD PA'I PHYIR 'GA' ZHIG DE DANG BRAL BAR YANG 'GYUR RO ZHES BYA BA'I THAL BA LA LAN GAL TE CHAGS SOGS ZHES BYA BAS DOGS PA BSU BA YIN NO, ,DES NA DOGS PA KHYAD PAR YOD DO, ,DE NYID KYI PHYIR GRUB PA'I MTHA' LA THA DAD PA MED KYANG SKYON MA YIN NO SNYAM DU DGONGS NAS, BDAG NYID 'DRA BA'I RGYU CAN GYI, ,ZHES GSUNGS SO, ,BDAG NYID 'DRA BA NI LUS KYI RNAM PA CAN GYI 'BYUNG BA TZAM MO, ,DE LTAR RGYU MTSUNGS PA NYID YIN NA YANG ZHES BYA BA LA DE LTAR NI DE TSE'I DON TE MTSUNGS PA NI 'BYUNG BA TZAM DU'O, ,RGYU MTSUNGS PA NYID YIN YANG 'BRAS BU MI MTSUNGS PAR 'GYUR RO ZHE NA, RGYU 'DRA BA'I ZHES GSUNGS SO, ,GAL TE 'BYUNG BA KHYAD PAR MI BA'I 'BRAS SU KHYAD PAR CAN DU 'GYUR NA NI 'BYUNG BA'I 'BRAS BU MA YIN NO ZHES BRJOD PA NI GAL TE RGYU MA MTSUNGS KYANG ZHES BYA BA'O, ,'DOD CHAGS LA SOGS PA DES 'BYUNG BA TZAM DE'I'O, ,CI PHYIR SNYAM NA DE'I RJES SU 'GRO BA DANG ZHES GSUNGS SO, , GANG GI PHYIR DA LTAR RGYU KHYAD PAR MED PA'I 'BRAS BU KHYAD PAR DANG LDAN PAR MI 'THAD, 'ON KYANG RGYU KHYAD PAR YOD PA NYID NA YIN PA DE'I PHYIR RO, ,GANG LA ZHES BYA BA NI 'BYUNG BA'I KHYAD PAR RAM, 'DOD CHAGS LA SOGS PA LA'O, ,CI LTAR MED PAR 'GYUR SNYAM NA, 'GRIB PA'I ZHES GSUNGS SO, ,CI 'DRA BAR ZHE NA, DKAR PO LA SOGS PA ZHES BYA BA'O, ,DPER NA, DKAR PO LA SOGS PA LA NA RIMS YOD PA'I PHYIR 'GA' ZHIG TU MED PAR 'GYUR BA DE BZHIN DU, 'DOD CHAGS KYI RGYU YANG YIN NO, ,YANG NA MTSUNGS PA'I PHYIR

, ,ZHES BYA BA NI GTAN TSIGS MED PA LA 'BA' ZHIG TU NI MA ZAD KYI 'BYUNG BA TZAM GYIS BSKYED PAR BYA BAR 'DRA BA'I PHYIR MI NYAMS PAR YANG 'GYUR RO, ,'DI NYID LA DPE BRJOD PA'I PHYIR 'DRI BA NI CI'I PHYIR ZHES BYA BA'O, ,LAN DU MTSUNGS BDAG CES BYA BA LA SOGS PA'O, ,MTSUNGS PA'I BDAG NYID BA LANG NYID DAM, BA LANG MA YIN PA LAS LDOG PA LAS BYUNG BA'I BA LANG GI SHES PA NI KHYAD PAR YOD PA MA YIN PA'AM, SA LA SOGS PA 'DIR YANG SROG CHAGS NYID LA SOGS PA NI KHYAD PAR GYI RIM PA YOD PA MA YIN NO ZHES 'BREL TO, ,DPE GZHAN YIN PAR RTOGS PAR BYA'O, ,'JIG RTEN RGYANG PAN PA'I LTA BA LA LTOS NAS ZHES BYA BA NI SKABS SU BAB PA'I DPE NYID DO ZHES BYA BA'I DON TO, ,DE'I PHYIR ZHES BYA BA NI NYE BAR SDUD PA'O, ,'GRIB PA YOD NA NI ZHES BYA BA NI SNGA MA'I MJUG SDUD DO, ,GAL TE NA RIMS DANG LDAN PA'I CHOS CAN LA GNAS PA NA SHIN DU CHUD PAR 'GYUR BA NI MA YIN TE, MI GNAS PA NYID NA DRO BA LDOG PA NI MA YIN NO, ,DES NA NA RIMS DANG LDAN PA NI GTAN MED PAR 'GYUR BAS MA KHYAB STE, DE MED PAR 'BYUNG BA'I PHYIR RO SNYAM DU DOGS PA BSU BA NI DRO RIM ZHES BYA BA'O, ,DE BZHIN ZHES BYA BA NI DRO BA BZHIN DU'O, ,'DIR YANG NI 'DOD CHAGS PA LA YANG NGO, ,GANG ZHIG CHOS CAN GNAS BZHIN PA LA RIM DANG LDAN PA DE NI 'BREL BAR 'GYUR BA DANG, DE DER RES 'GA' SNGAR MED PA YANG YIN TE ZHES SGRUB PA YIN NO, ,DE LTAR DRO BA NI MI LA SOGS PA GNAS BZHIN PA LA 'BRAL BAR 'GYUR BA MA YIN TE, DE MED NA ME NYID MED PAR 'GYUR BA'I PHYIR RO, ,DE NYID KYI PHYIR ME DRO BA LA SOGS THA DAD PA BKAG PAS THA DAD MED PA'I THA SNYAD KYI YUL NYID DU BRJOD PA YIN TE, NGES PAR DMIGS PA DANG MI DMIGS PA DAG KHO NAS THA DAD PA MED PAR RTOGS PA'I YUL YIN PA'I PHYIR RO ZHES LAN 'DEBS PA NI MIN, MIN DRO LAS ME GZHAN ZHES BYA BA'O, ,RE ZHIG RTZOD PA'I CHA 'GREL PA NI ME LAS ZHES BYA BA'O,,

DE BZHIN DU ZHES BYA BA NI DRO BA BZHIN DU'O, ,THAMS CAD DU SRID PA MED PA NI MA YIN NO ZHES BYA BA'I DON TO, ,LUS LAS THA DAD PA'I PHYIR RO ZHES BYA BA NI LUS YOD KYANG MED PA'I PHYIR RO, ,DE LTAR ME YOD KYANG DRO BA MED PAR MI 'GYUR RO ZHES BRJOD PA NI 'DIR ZHES BYA BA STE DPE LA'O, ,NYID KYI SGRA NI RIM PA GZHAN YIN TE, DE NYID MER MI 'GYUR RO ZHES BYA BA'O, ,'BYUNG BA YANG ME BZHIN DU 'GYUR RO SNYAM NA, 'DOD CHAGS LA SOGS PA ZHES SMOS SO, ,BTANG SNYOMS SU GNAS PA NA 'DOD CHAGS LA SOGS PA MED KYANG LUS KYI RNAM PA CAN GYI SA LA SOGS PA NYID DU MI 'GYUR BA NI MA YIN NO ZHES 'BREL TO, ,DE BZHIN DU THAL BA'I GNAS SKABS NA, DRO BA MED PAR ME YOD PA NI MA YIN NO ZHES BRJOD PA NI GAL TE ZHES BYA BA'O, ,RGYUN 'CHAD PA NYID DO ZHES BYA BA NI RGYUN MI 'CHAD PA MI SRID PA'O, ,DE'I PHYIR GANG ZHIG CHOS CAN GNAS PA LA 'GRIB PA'I NA RIMS DANG LDAN PA DE NI, GTAN 'GRIB PAR 'GYUR BAS KHYAB PA YIN TE DES NA 'GA' ZHIG 'DOD CHAGS DANG BRAL BAR YANG 'GYUR RO, ,'GYUR BA YANG MA YIN NO ZHES BZLOG PA YANG DPAG PAR BYA'O, ,YANG THUN MONG GI MA NGES PA NYID DU DOGS PA BSU BA NI 'ON TE 'BAR BA ZHES BYA BA'O, ,DE NI ZHES BYA BA NI CHOS DRO BA'O, ,DE LA NI 'BAR BA LA'O, ,DRO BA LA MI 'KHRUL BA'I CHOS CAN YIN NA, 'BAR BA NI DE LTAR MA YIN NO ZHES BRJOD PA NI SNGAGS RGYUD CES BYA BA'O, ,MTHONG BA DES NI ZHES BYA BA NI DE'I PHYIR TE, THUN MONG GI MA NGES PA NYID DU NYE BAR STON PA 'BAR BA'I 'ON TE 'DI SNYAM DU DRO BA LA 'KHRUL PA MED PA'I 'BAR BA CHOS CAN YIN NO, ,DE LA NI DRO BA'I NA RIMS YOD KYANG GTAN 'CHAD PA MED DO, ,DES NA MA NGES PAS SO, ,'DUG GO SNYAM DU DOGS PA BSU NAS DBYER MED PHYIR NA ZHES SMOS SO, ,DRO BA LAS 'KHRUL PA'I PHYIR 'BAR BA NI DRO BA LA LTOS NAS CHOS CAN NYID KYANG MA YIN TE, 'BA' ZHIG PAR YANG MTHONG BA'I PHYIR RO, ,DES NA MA NGES PA NYID MA YIN NO SNYAM DU DOGS PA'O, ,'ON TE GANG GIS NA

, ,SNGAGS RGYUD LA SOGS NUS PA'I ZHES BRJOD PA, DRO BA DANG BRAL BA'I 'BAR BA DE GANG YIN SNYAM DU DOGS PA BSU NAS, 'BAR BA MDOG DANG DBYIBS YIN TE ZHES GSUNGS SO, ,MDOG DANG DBYIBS NI 'BAR BA YIN NA MDOG DANG DBYIBS DE CI LTAR 'GYUR SNYAM NA, DE NI ME YOD DANG 'BRAL 'GYUR, ,ZHES SMOS SO, ,NI ZHES BYA BA NI GANG PHYIR GYI DON TE DE'I PHYIR NA DRO BA LA MI 'KHRUL BAS 'BAR BA DE CHOS CAN NYID YIN PAR NI MI 'THAD DO, ,DES NA DRO BA LA 'KHRUL PAS SO, ,'BAR BA DE NI DPE MA YIN NO, ,DES NA GTAN TSIGS MA NGES PA NYID DU STON PA MI MTHUN PA'I PHYOGS MA YIN NO, ,SNGAGS RGYUD LA SOGS PA ZHES BYA DE RNAM PAR 'GREL PA NI, 'BAR BA NI DRO BA MED PAR MI 'BYUNG BA MA YIN NO ZHES 'BREL TO, ,'ON KYANG 'BYUNG BA KHO NA'O, ,'DIS NYE BAR MTSON PA BRJOD PA NI DRO BA NI 'BAR BA MED PAR ZHES BYA BA'O, ,'DIR YANG 'BYUNG BA KHO NA'O ZHES BYA BA'I DON TO, ,'DIS NI GNYI GA PHAN TSAN 'KHRUL PAR BSTAN TO, ,DBYER MED PHYIR 'BAR BA ZHES BYA BA DE RNAM PAR 'BREL PA'O, ,GTAN MI 'BRAL BAS NI ZHES BYA BA'O, ,GANG GI PHYIR DE LTAR MA NGES PA NYID MA YIN PA DES NA GTAN TSIGS NI KHYAD PAR DANG BCAS PA YIN NO, ,KHYAD PAR DANG BCAS PA'I GTAN TSIGS DE NYID BRJOD PA NI YON TAN KHYAD PAR GYI RIM PA DANG PA ZHES 'BREL TO, ,GZHAN ZHES BYA BA NI YON TAN RNAMS MED PAR YANG YOD PA'O, ,GZHAN DU YOD PA DE'I GTAN NI GZHAN YON TAN NO, ,DE'I ZHES BYA BA NI GANG ZHIG GZHAN YOD CES BRJOD PA'I CHOS CAN SPYI'I KHYAD PAR TE, BYE BRAG 'GA' ZHIG TU'O, ,DE 'DRA BA'I YON TAN DE DAG NI 'CHAD PAR 'GYUR BA YIN TE, DANG PO NYID MED PAR 'GYUR BA YIN TE, DKAR PO LA SOGS PA'I YON TAN BZHIN NO, , MNGON PAR GSAL BA DANG MNGON PAR MI GSAL BA'I CHOS CAN RNAMS GANG ZHIG MI 'BRAL BA NI CHOS CAN YIN NO ZHES BYA BA LUGS YIN PA'I PHYIR, CHOS CAN GNAS PA NA RIMS DANG LDAN PA'I YON TAN NI RANG NYID BRAL BAR 'GYUR BA DANG, 'GA' ZHIG TU DANG PO NYID NAS RANG BZHIN NYID MI

'GYUR BA YIN TE, DE LA RAG MI LAS PA'I PHYIR RO ZHES BYA BA'I DON TO, ,YOD PA'I ZHES BYA BA CHOS CAN GYI KHYAD PAR RNAM PAR DBYE BA GZHAN DU BSGYUR NAS YON TAN GYI KHYAD PAR DU YANG BSTAN PA NI GNYI GAR YANG RTOGS PAR 'GYUR RO SNYAM DU BSAMS PA YIN NO, ,CI STE DPER NA DRO BA NYID ME YIN PA DE BZHIN DU DKAR PO LA SOGS PA NYID SNAM BU YIN NO, ,DES NA DE LOG NA LDOG PA KHO NA YIN NO SNYAM PAR DOGS PA BSU BA NI GANG GIS ZHES BYA BA LA SOGS PA'O, ,DRO BA LA SOGS NA NI MA'I RTOGS PA'I YUL RJES SU MI 'JUG PA KHO NA'O, ,GZHAN LA NI DKAR PO LA SOGS PA LOG KYANG RANG BZHIN GZHAN SKYES PA NA, SNAM BUR RTOGS PA'I YUL REG BYA LA SOGS PA RJES SU 'JUG PA YIN NO ZHES LAN 'DEBS PA NI DE NI BDEN TE ZHES BYA BA'O, ,DE MED KYANG ZHES BYA BA NI MDOG GI KHYAD PAR MED KYANG NGO, ,RNAM PAR NI REG BYA'O, ,DES NA ZHES BYA BA NGAG GI LHUR BYA BA BRJOD PA NI 'BYUNG BA RNAM PAR 'GYUR BA MED KYANG 'GYUR BA'I 'DOD CHAGS 'BYUNG BA LA RAG MA LAS PA NI DE YOD KYANG LA LAR MED PAR 'GYUR RO ZHES BYA BAR BSAMS PA YIN NO, ,YANG NA ME THA DAD PA YIN YANG NA RIMS DANG LDAN PA'I DRO BA NI DE YOD PA LA GTAN 'BRAL BA MA YIN TE DE DANG RNAM PAR DBYER MED PAS LHAN CIG SKYE BA DANG 'JIG PA'I PHYIR RO, ,DE LTAR 'DOD CHAGS LA SOGS PA NI LUS LAS RNAM PAR DBYER MED PA YANG YIN TE DE YOD KYANG 'BRAL BA'I PHYIR RO, ,DES NA LUS 'GA' ZHIG 'DOD CHAGS DANG BRAL BAR 'GYUR TE, RNAM PAR DBYER YOD PA CAN GYI NA RIMS DANG LDAN PA YIN PA'I PHYIR GOS KYI TSON BZHIN NO ZHES BYA BA'I DON TO, ,GZUGS SOGS BZHIN DU NGES MIN TE, ,ZHES BYA BA'I TSIGS SU BCAD PA 'CHAD PA NI, YANG NA ME NYID CES BYA BA'O, ,ME NYID RJES SU 'JUG PA NA DRO BA KHYAD PAR GYI RIM PA YOD KYANG 'BYUNG BA DANG BRAL BA MA YIN TE, DE RJES SU 'JUG PA LA DRO BA RNAM PAR MI 'CHAD PA'I PHYIR RO SNYAM DU DGONGS PA'O, ,'DOD CHAGS LA SOGS PA YANG DE BZHIN DU 'GYUR RO SNYAM NA DE BZHIN DU ZHES SMOS SO, ,CI LTAR ME RJES SU 'JUG PA NA DRO BA MI 'CHAD PA DE BZHIN DU LUS KYI RNAM PA CAN GYI 'BYUNG BRJES SU 'JUG PA NI 'DOD CHAGS LA SOGS PA RNAM PAR

, ,MI 'CHAD PA MA YIN NO, ,CI'I PHYIR ZHE NA, 'CHAD BA SRID PA'I PHYIR RO, ,'CHAD PA NI MNGON SUM DU RTOGS PA KHO NA'O ZHES DGONGS PA'O, ,GAL TE RES 'GA' 'DOD CHAGS KYI NUS PA NI MI 'CHAD PA LA MA YIN SNYAM DU DOGS PA BSU BA NI NUS PA ZHES BYA BA'O, ,MA YIN TE ZHES BYA BA NI 'GOG PA'O, ,GA LAS SHE NA NUS PA ZHES SMOS SO, ,NUS PA NI 'DOD CHAGS LAS DON GZHAN NYID DO, ,'DOD CHAGS LA SOGS PA ZHES BYA BA'O, ,DES NA DE RGYUN MA CHAD KYANG 'DOD CHAGS LA SOGS PA MCHAD PA NI MA YIN NO ZHES DGONGS BA'O, ,NUS PA YIN NO COG NI MI 'CHAD PA NI MA YIN NO ZHES BRJOD PA NI NUS PA YANG ZHES BYA BA'O, ,LA LAR NI TIL MAR GYIS BYUG PA'I SA BON LA'O, ,DE BZHIN DU LUS KYI RNAM PA CAN GYI 'BYUNG BA LA YANG 'DOD CHAGS LA SOGS PA'I NUS PA 'CHAD PAR 'GYUR RO ZHES BYA BA'I DON TO, ,GANG GI PHYIR DE LTAR 'DOD CHAGS PA MED KYANG LUS KYI RNAM PA CAN GYI 'BYUNG BA RNAMS YOD PA'I GTAN TSIGS DE NYID KYI PHYIR RNAM 'GREL MDZAD PAS BSHAD PA'I CI BSHAD CE NA, NGES MIN ZHES SMOS SO, ,'DOD CHAGS LA SOGS PA ZHES BYA BA NI SKABS SO, ,CI LTAR DKAR PO LA SOGS PA GANG RUNG ZHIG NYAMS KYANG GDON MA ZA BAR GANG RUNG ZHIG TU 'DOD CHAGS LA SOGS PA YANG 'GYUR RO SNYAM DU DOGS PA BSU NAS GZUGS SOGS BZHIN DU ZHES GSUNGS SO, ,NGES PA NI GZHAN MED KYANG GANG RUNG GZHAN YOD PA'I RANG BZHIN NO, ,CI'I PHYIR ZHE NA, GZUGS LA SOGS PA DE DAG LUS KYI RNAM PA CAN GYI 'BYUNG BA DANG DBYER MED PA'I PHYIR TE, PHAN TSUN MED NA MI 'BYUNG BA'I PHYIR RO, ,GZUGS LA SOGS PA MED PAR NI 'BYUNG BA RNAMS SAM, DE YANG RNAMS MED PAR 'BYUNG BA YIN NO, ,GAL TE LUS KYANG 'DOD CHAGS LA SOGS PA MED NA MI 'BYUNG PA MA YIN NAM SNYAM DU DOGS PA BSU BA NI GAL TE MTSUNGS SHE NA ZHES BYA BA'O, ,MI NA ZHES BYA BA NI 'GOG PA'O, ,CI'I PHYIR ZHE NA, GANG GI PHYIR LUS TZAM 'BYUNG BA'I 'DOD CHAGS LA SOGS PA RNAMS LHAN CIG 'BYUNG BA GANG YIN PA DER THAL BAR 'GYUR BA'I PHYIR RO, ,'DI YANG, RGYU NI NYE BAR PHYIR BLO RNAMS KUN THAMS CAD KHO NA SKYE

BAR 'GYUR ZHES BYA BA'I DON RTOGS PAR DGONGS NAS, LUS DANG LHAN CIG SKYE BAR THAL BA'I PHYIR RO ZHES BYA BA SKABS KYIS SKYE BA NI 'BYUNG BA YIN PAS DER THAL BAR 'GYUR RO ZHES 'CHAD PAR 'GYUR RO, ,DE MED KYANG ZHES BYA BA NI 'DOD CHAGS LA SOGS PA MED KYANG NGO, ,GZUGS RO LA SOGS PA MED PAR NI 'BYUNG BA RNAMS YOD PA MA YIN NO ZHES BYA BAR LTA'O, ,DES NA GZUGS LA SOGS PA NYID 'BYUNG BA DANG RNAM PAR DBYER MED PA YIN GYI 'DOD CHAGS LA SOGS PA NI MA YIN NO SNYAM DU DGONGS PA'O, ,GAL TE DE MTSUNGS SHE NA ZHES BYA BA RNAM PAR 'GREL PA NI 'ON TE ZHES BYA BA LA SOGS PA'O, ,DER YANG NI 'DOD CHAGS LA SOGS PA YANG NGO, ,DE LTA BU NYID DO ZHES BYA BA NI 'BYUNG BA DANG RNAM PAR DBYER MED PAR GNAS PA NYID DU MTSUNGS PA'O, ,MIN ZHES BYA BA DE'I RNAM PAR 'GREL PA NI DE YANG MA YIN TE ZHES BYA BA'O, ,CI'I PHYIR ZHE NA, 'DOD CHAGS LA SOGS PA RNAMS ZHES BYA BA'O, ,'DOD CHAGS LA SOGS PA RNAMS LUS DANG LHAN CIG 'BYUNG BA NGES PAR 'GYUR RO ZHES BYA BA'I DON TO, ,'DOD CHAGS LA SOGS PA ZHES BYA BA NI BZLOG PA BRJOD PA'O, ,THAMS CAD KYI TSO ZHES BYA BA NI BDAG MED BA BSGOM PA LA SOGS PA BTANG SNYOMS SU GNAS PAR SRID PA NA'O, ,DA NI RNAM PAR DBYER MED PA'I DON THA MI DAD PA'I DON TO ZHES 'CHAD PA NI, 'BYUNG BA CHEN PO TZAM ZHES BYA BA'O, ,SMRA BA 'JIG RTEN RGYANG PAN PA RNAMS KYI'O, ,GANG GI PHYIR GZUGS LA SOGS PA 'BYUNG BA LAS THA DAD PAR MA YIN PA DES NA RNAM PAR DBYE BA MED PA NI LHAN CIG SKYE BA YIN TE, LUS DANG GZUGS LA SOGS PA BZHIN DU 'DOD CHAGS LA SOGS PA YANG 'GYUR RO ZHES RTOGS PAR BYA'O, ,DES NA GZUGS LA SOGS PA LTAR 'DOD CHAGS LA SOGS PA DANG YANG RTAG TU LDAN PAR 'GYUR RO, ,GAL TE YUL DANG DBANG PO LA SOGS PA LHAN CIG BYED PA'I RKYEN NYE BA CAN GYI LUS NI RNAM PAR SHES PA BZHIN DU 'DOD CHAGS LA SOGS PA'I RGYU YIN NO, ,BTANG SNYOMS LA SOGS PA'I GNAS SKABS NA LHAN CIG BYED PA YOD PA MA YIN NO SNYAM PA DOGS PA BSU BA NI, GAL TE YUL GYI RGYU CAN YIN PA'I PHYIR RO ZHES BYA BA'O, ,'DOD CHAGS LA SOGS BA NI,

, ,BUD MED DANG SKYES PA LA SOGS PA RNAM PAR RTOG PAS YUL DU BYAS PA RNAMS LA 'BYUNG GI, DMIGS PA TZAM LA NI MA YIN TE, RNAM PAR RTOG PA'I BAG CHAGS LAS 'BYUNG BA NI YUL GYI DBANG GIS 'BYUNG BA YANG MA YIN NO ZHES LAN 'DEBS PA NI RNAM PAR RTOG PA YUL YIN PHYIR ZHES BYA BA'O, ,'O NA BDAG DANG BDAG GIR LTA BA'I SKYE GNAS KYI BAG CHAGS TE LUS DANG LHAN CIG PA YIN NO SNYAM DU DOGS PA BSU NAS BSHAD PA, SKAL MNYAM DE 'DRA BA TSUL BZHIN MA YIN PA YID LA BYED PA'I RGYU DANG BRAL BA'I PHYIR TE, 'JIG RTEN PHA ROL NA BSNYON PA'I PHYOGS LA MED PA'I PHYIR LUS TZAM LAS BYUNG BA'I 'DOD CHAGS LA SOGS PA NGES PA ZHES BYA BA RES 'GA' MI SKYE BA'I MTSAN NYID CAN DU MI 'GYUR, 'ON KYANG LUS 'DOD CHAGS LA SOGS PA DANG LHAN CIG 'BYUNG BAR 'GYUR RO, ,'AM GYI SGRAS NI SKYE BAR 'GYUR ZHES BYA BA LTOS NAS SDUD PA'O, , YANG NA CIG CHAR 'BYUNG BAR 'GYUR RO ZHES BRJOD PA NI THAMS CAD TSE NA ZHES BYA BA'O, ,YANG NA SKAL MNYAM RGYU DANG BRAL BA'I PHYIR, 'DOD CHAGS LA SOGS PA NGES PA ZHES BYA BA RE RE SKYE BA 'AM BRJOD PA'I RANG BZHIN GYI NGES PA MED PAR 'GYUR TE, RNAM PA THAMS CAD DU MI SRID PAR 'GYUR RO ZHES BYA BA'I DON TO, ,YANG NA 'DOD CHAGS LAS SOGS PA'I BLO RNAM PA THAMS CAD 'BYUNG BAR 'GYUR RO ZHES BRJOD PA'I RGYU NI NYE PHYIR ZHES BYA BA'O, ,DE MED PAR ZHES BYA BA NI YUL MED PAR RO, ,'DOD CHAGS LA SOGS PA 'BYUNG STE SKYE BA NYAMS SU MYONG BA'I PHYIR RO, ,'O NA BAG CHAGS NYID RGYU YIN PAR 'GYUR RO SNYAM NA, SKAL BA MNYAM PA'I RGYU YANG ZHES BYA BA'O, ,DE 'DOD NA NI 'JIG RTEN GZHAN GRUB PAR THAL BA'I PHYIR RO ZHES DGONGS PA'O, ,GANG GI PHYIR YUL GYI STOBS LA SOGS PA LAS 'DOD CHAGS LA SOGS PA 'BYUNG BA MA YIN PA DES NA'O, ,DE MED PA'I PHYIR NI SKAL PA MNYAM PA'I RGYU MED PA'I PHYIR RO, ,RES 'GA' MI SKYE BAR MI 'GYUR TE 'ON KYANG GTAN DU SKYE BAR 'GYUR RO, ,DE YANG RNAM PA GNYIS SU 'GYUR TE, 'DOD CHAGS LA SOGS PA RE RE SKYE BA LAS SAM, 'DOD CHAGS LA SOGS THAMS CAD SKYE BA LAS 'GYUR, DE LA RE ZHIG DANG PO MJUG BSDU BA'I SGO NAS

BRJOD PA NI DES NA NGES PAR LUS 'DOD CHAGS LA SOGS PA RE RE DANG ZHES BYA BA'O, ,GNYIS PA GSAL BAR BYED PA NI YANG NA ZHES BYA BA'O, ,THAMS CAD KYI ZHES BYA BA NI 'DOD CHAGS LA SOGS PA RES 'GA' BAR 'GYUR BA YIN NO SNYAM DU DOGS PA BSU BA NI 'ON TE GANG GIS ZHES BYA BA'O,, YONGS SU GYUR PA'I KHYAD PAR GANG GIS SO, ,GAL TE YONGS SU GYUR PA'I KHYAD PAR YANG LUS TZAM LAS 'BYUNG BA'I TSE'I LUS BZHIN DU THAMS CAD KYI TSE YOD PA'I PHYIR CIG CAR BA NYID DU 'GYUR RO ZHES LAN 'DEBS PA NI GAL TE DE LTA NA ZHES BYA BA'O, ,GANG GIS ZHES BYA BA NI MI YONGS SU GYUR PA YOD PAS SO, ,DE DAG NI 'DOD CHAGS LA SOGS PA'O, ,DE LTAR 'GYUR BA NI RES 'GA' DE'I NI LUS KYI'O, ,DE BAS NA 'DOD CHAGS SKYED PAR BYED PA'O, ,GAL TE 'BRAS BU'I RIM PA MTHONG BA LAS, RGYU'AM RGYU'I RGYU 'GA' ZHIG KYANG RTOGS PA MA YIN SNYAM DU DOGS PA NI GANG RUNG LAS SHE NA ZHES BYA BA'O, , GANG YANG RUNG BA ZHIG NI THAMS CAD KYI TSE YOD PA'I PHYIR DE'I RGYU CAN YANG THAMS CAD KYI TSE 'GYUR RO ZHES LAN 'DEBS PA NI MA YIN ZHE NA ZHES BYA BA'O, ,GANG YANG RUNG BA ZHIG KUN TSE'ANG 'GYUR RO ZHES BYA BA'O, ,KUN TSE'ANG 'GYUR ZHES BYA BA NI THAMS CAD KYI RGYU CAN NI THAMS CAD KYI TSE 'BYUNG PAR 'GYUR RO, ,GAL TE MA MTHONG BAS MI 'GYUR RO ZHES BRJOD NA, RGYU MED PAS THAMS CAD THAMS CAD KYI TSE MI 'GYUR RO ZHES BYA BAR YANG 'GYUR RO ZHES BRJOD PA NI 'GA' YANG ZHES BYA BA'O, ,DON 'DI YIN TE, YONGS SU GYUR BA'I KHYAD PAR NI RGYU NGES PA MED PAR YIN PA'I PHYIR RTAG TU YOD PAR 'GYUR BAR BRJOD DO, ,DE LA GAL TE MA MTHONG BA NYID LAN YIN NA, DE'I TSE 'GA' YANG RGYUD DANG BCAS PAR MI 'GYUR TE, THAMS CAD DU DE BSNYEN PAR BYA NUS PA'I PHYIR RO ZHES BYA BA'O, ,GAL TE YANG MTHONG BA'I TSUL BZHIN MA YIN PA NYID LA BYED PA'I SA BON SPANGS NAS 'DOD CHAGS LA SOGS PA NGES PA'I RGYU YONGS SU GYUR PA'I KHYAD YIN PAR KHAS LEN NA DE'I TSE DU BA YANG MES BSKYED PAR MI 'GYUR RO, ,THAMS CAD LAS 'BYUNG BA YANG MA YIN TE, ,YONGS SU GYUR PA'I KHYAD PAR MED PA'I PHYIR RO ZHES BRJOD PA NI,

, ,ME MIN LAS KYANG DU BA 'BYUNG, ,ZHES BYA BA'O, ,DE LA ZHES BYA BA NI ME MA YIN BA LAS BYUNG BA'I DU BA LA'O, ,RGYU MED PA'I DU BA LA YANG MTHONG BA'I STOBS KYI YUL LA SOGS PA MA NGES PAR 'GYUR BA KHO NA'O ZHES BRJOD PA NI DNGOS PO RGYU MED PA LA YANG ZHES BYA BA'O, ,DER YANG ZHES BYA BA NI DU BA LA'O DE'I PHYIR DE LTAR 'DOD CHAGS LA SOGS PA YAD THAMS CAD KYI RGYU CAN NAM, RGYU MED PA CAN DU 'GYUR GYI LUS KYI RGYU CAN NI MA YIN NO, ,NGES PA NI YONGS SU GYUR PA'I KHYAD PAR RAM, MTHONG BA LAS 'GYUR BA YIN NO ZHES GNAS SO, ,GAL TE YANG MA NGES PA'I RGYU CAN NYID KYIS RTAG TU YOD PAR THAL BA LAS, MA MTHONG BA NYID LAN YIN PA DE'I TSE RNAM PA THAMS CAD DU MTHONG BA GANG YIN PA DE KHO NA YOD PA YIN NO ZHES GZHAN GYIS KHAS BLANG BAR BYA BAR 'GYUR LA, DE LTA NA YANG GNYIS SU MED PA NYID RNAM PAR GNAS PAR 'GYUR RO, ,DES NA 'BAD PA MED PAR THA SNYAD MTHA' DAG RNAM PAR ZHIG PAR 'GYUR RO ZHES BRJOD PA NI MTHONG BA TZAM LA BRTEN PA NI YOD PA NYID DU 'DZIN PA STE, DE LTAR BYED NA DE'I TSE RNAM PA THAMS CAD KYIR MTHONG BA NI GNYIS SU MED PA KHO NA YIN GYI 'BRAS BU LA SOGS PA NI MA YIN NO, ,DE LTA YIN NA MI 'DOD PA CI YOD SNYAM NA 'DIR NI ZHES SMOS TE GNYIS MED DU GYUR NA'O, ,'JUG PA DANG LDOG PA'I MTSAN NYID DAM RGYU DANG 'BRAS BU SGRUB PAR BYED PA'I RNAM PAR RTOG PA'I MTSAN NYID KYI THA SNYAD 'JIG PAR 'GYUR RO, ,'ON TE 'DOD CHAGS LA SOGS PA LUS KYI RGYU CAN NYID DU MTHONG BA YIN NO, ,RJES SU 'GRO BA DANG LDOG PA'I KHYAD PAR CAN GYI RANG RIG PAS NI RGYU LA SOGS PA'I RNAM PAR RTOG PA THA SNYAD KYI MING CAN GRUB PA YIN TE, DES NI RGYU LA SOGS PA GRUB PA YIN NO SNYAM DU DOGS PA BSU NAS, 'DOD CHAGS LA SOGS PA NI BDAG DANG BDAG GIR 'DZIN PAS CHAGS PA'I RGYU CAN YIN GYI, LUS KYI RGYU CAN NI MA YIN TE, DE LTAR RTOGS PA'I PHYIR RO ZHES BRJOD PA NI GAL TE THA SNYAD CES BYA BA'O, ,GZHAN DU ZHES BYA BA NI DOR BAR NUS PA'O, ,GAL TE SKYE BA DANG PO LA SOGS PAR RANG RIG PA LAS BYUNG BA'I RNAM PAR RTOG PAS 'DOD CHAGS LA SOGS PA LUS KYI RGYU CAN NYID DU RTOGS PA YIN GYI 'DAS PA'I

BDAG DANG BDAG GIR 'DZIN PAS CHAGS PA'I RGYU CAN DU NI MA YIN NO SNYAM DU DOGS PA BSU NAS, CI LTAR 'GA' ZHIG TU DU BA ME'I RGYU CAN DU MTHONG NAS, GZHAN DU ME MA MTHONG YANG DE'I RGYU CAN DU RIG PA DE BZHIN DU 'DI YANG BLTA BAR BYA STE, NGES PA DE LTAR GNAS PA'I PHYIR RO ZHES GSUNGS PA NI CI LTAR ZHES BYA BA'O, ,SOGS PA'I SGRAS NI SKAD CIG MA NYID LA SOGS PA YANG NGO, ,DE BZHIN ZHES BYA BA NI RJES SU DPAG PAS GRUB PA'O, ,'DI NI ZHES BYA BA NI RJES SU DPAG PA CI LTAR ZHES BYA BA NI MI BYA BA KHO NA'O, ,GAL TE KHYAB PA MED NA MI 'BYUNG MNGON SUM MA YIN PA'I PHYIR MA MTHONG PA LA YANG RJES SU DPAG PA TSAD MA MA YIN, DE'I TSAD MA NI DE TZAM GYI RTZA BA CAN YIN PA'I PHYIR RO SNYAM DU DOGS PA BSU NAS THA DAD SHES DANG ZHES GSUNGS SO, ,SHES PA DON GYI THA DAD PA MNGON SUM GYIS MA GRUB LA, SNGON PO LA SOGS PAS BYAS PA YANG MA YIN LA, SNGA MA DANG PHYI MA'I NGO BOR THA DAD PA MA YIN NO, ,'DI LTAR MED NA MI 'BYUNG BA NI BDAG NYID NYAMS SU MYONG BA LAS BYUNG BA'I RNAM PAR RTOG PA LAS KHONG DU CHUD PAR BYA BA YIN NO, ,DES RTOGS PAR BYA BA YIN NO SNYAM PA'I MNGON PAR RLOM PA KHAS MI LEN NA NI KHYAD PAR DANG BRAL BA DANG RIG PA TZAM DU 'GYUR NA, DE LA NI GZUNG BA DANG 'DZIN PA DANG SNGON PO DANG GZHAN LA SOGS PA'I RNAM PAR DBYE BA SRID PA MA YIN NO, ,'O NA RNAM PAR DBYE BA GA LAS YIN SNYAM NA, DES NA ZHES GSUNGS SO, ,RANG RIG PA LA PHYIS RJES SU DPOG PAS NA RJES SU DPAG PA'I RNAM PAR RTOG PA DANG BCAS PA'I SHES PA'O, ,YANG NA RJES SU DPAG PA'I RGYU YIN PA'I PHYIR RJES SU DPAG PA YIN TE BYAS PA'O, ,THA SNYAD THAMS CAD BYAS ZHES BYA BA LA, 'JUG PA DANG LDOG PA'I MTSAN NYID KYI THA SNYAD DAM RTAGS NGES PA SNGON DU 'GRO BA CAN GYI RJES SU DPAG PA'I THA SNYAD BYAS PA YIN NO, ,GANG GI PHYIR THA DAD PA DE LTAR YIN PA DES NA'O, ,RJES SU DPAG PA ZHES BYA BA NI SNGA MA BZHIN NO, ,GANG GI PHYIR DE LTAR MTHONG BA DOR BA MA YIN PA DE'I PHYIR RO, ,GANG DAG CES BYA BA NAS, CI BZHIN NO ZHES BYA BA'I BAR DE GSAL BA YIN NO, ,MTHONG BA NI ME TOG PHRENG DANG TZANDAN LA SOGS PA'O, ,MA MTHONG BA NI 'JIG

, ,RTEN PHA ROL LA SOGS PA'O, ,RMONGS PA NI YOD PAR LTA BA'O, ,GAL TE MNGON SUM LAS SHES PA DANG DON DAG GI RNAM PAR DBYE BAR MI 'GYUR MOD, SPANG BYA DANG DOR BYA NYID KYIS THA DAD PA NI DE LAS 'GYUR RO SNYAM DU DOGS PA BSU NAS BSHAD PA NI, BLANG DANG DOR BYA ZHES BYA'O, , BLANG BYA DANG DOR BYA'I KHYAD PAR YANG MNGON SUM LAS GRUB PA MA YIN NO ZHES BYA BA'I DON TO, ,GAL TE BLANG BYA DANG DOR BYA NI MNGON SUM GYIS RTOGS PAR BYA BA'I RANG BZHIN LAS GZHAN MA YIN PA NYID MA YIN NAM, DE CI LTAR MNGON SUM GYIS MI RTOGS SNYAM DU DOGS LA BSU NAS, 'DI NI ZHES BYA BA GSUNGS SO, ,SDUG BSNGAL GYI SGRUB PAR BYED PA 'BRAS BU LA BRTEN PA'I RANG BZHIN NO, ,RANG GI NGO BO TZAM 'DZIN PA'I MNGON SUM GYIS GANG LA RTOGS TE MI RTOGS PA KHO NA'O, ,DE NYID KYI PHYIR DE LAS GZHAN BDE BA'I SGRUB PAR BYED PA BLANG BYA YANG MI RTOGS SO ZHES BRJOD PA NI MIN NO ZHES BYA BA STE SPANG BYA'O, ,MNGON SUM TZAM GYIS GAL 'GYUR TE, MI 'GYUR BA KHO NA'O, ,CI LTAR 'BRAS BU'I MTHAR THUG PA'I RANG BZHIN LA MNGON SUM MI 'JUG PA DE LTAR RGYAS PAR BSTAN PA'I PHYIR RNAM PAR RTOG PAR MDZAD PA NI BLANG BYA NYID NI ZHES BYA BA'O, , BLANG BYA NYID DU RNAM PAR GZHAG PA NI BDE BA'I SGRUB PAR BYED PA YIN PA'I PHYIR RAM, SDUG BSNGAL GYI SGRUB PAR BYED PA DOR BAR BYA BA NYID BKAG PA LAS YIN ZHES RNAM PAR RTOG PA RNAM PA GNYIS SO, ,DOR BYA NYID DU RNAM PAR GZHAG PA YANG, BLANG BYA NYID DU RNAM BAR GZHAG PA LAS ZLOG PAS YIN TE, SDUG BSNGAL GYI SGRUB PAR BYED PA YIN PA'I PHYIR RAM, BDE BA'I SGRUB PAR BYED PA BKAG PA LAS SO ZHES SMRAS PA NI DOR BYA NYID NI ZHES BYA BA RNAM PAR GZHAG PA NI ZHES 'BREL TO, ,BZLOG PA LAS ZHES BYA BA NI BLANG BYA NYID DU RNAM PAR GZHAG PA LAS BZLOG PA LAS SO, ,DE LA RE ZHIG BDE BA MNGON SUM NYID MA YIN PAR NI DNGOS PO LA BDE BA'I SGRUB PAR BYED PA NYID MNGON SUM GYIS RTOGS PAR BYA BA MA YIN NO ZHES BRJOD PA NI, DON BYED DON DU ZHES BYA'O, ,DON SREG PA LA SOGS PA DOGS PA'O, ,BYA BA STE BYED PA PO NYID NI NA'O, ,BLANG BYA NI DE NYID YIN

NA DE NI NYE BA'I RANG BZHIN 'DZIN PA'I MNGON SUM GYIS MI MTHONG NGO MNGON SUM DE LAS 'JUG PAR BYED 'DOD PA RNAMS SO, ,MA MTHONG BA DES NA BLANG BYA'I DNGOS PO NYID RIG MA YIN ZHES 'BREL TO, ,CI LTAR MNGON SUM GYIS MA MTHONG SNYAM NA, MNGON SUM 'BYUNG 'GYUR ZHES GSUNGS SO, ,'DIS NI BLANG BYA NYID YIN PA'I PHYIR ZHES BYA BA'I PHYOGS GSAL BA YIN NO, ,DOR BYA NYID NI BKAG PA LAS ZHES BYA BA'I PHYOGS 'GOG PA NI, SPANG BYA ZHES BYA BA'O, ,SPANG BYA NYID BKAG PA GA LA YOD DE MA YIN PA NYID DO, SPANG BYA DBANG PO LAS 'DAS PHYIR TE, SDUG BSNGAL SGRUB PAR BYED PA NI MNGON SUM MA YIN PA'I PHYIR RO, ,GANG GI PHYIR DE LTAR DOR BYA MNGON SUM MA YIN PA DES NA BLANG BYA 'DI LA SPANG BYA'I DNGOS PO MED DO ZHES RTOGS PA 'DI NI MNGON SUM LAS MA YIN TE, DBANG PO'I BYED PA'I RJES SU 'BRANG BA MA YIN NO ZHES BYA BA'I DON TO, ,DE BZHIN DU DOR BYA BZLOG PA LAS NYID RNAM PAR GZHAG PA YANG MED DO ZHES RTOGS PAR BYA BA'O, ,BSHAD ZIN MA THAG PA'I TSUL DU RANG GI DUS NA YOD PA TZAM 'DZIN PA'I MTSAN NYID LAS NA, RIM GYIS 'BYUNG BA'I MNGON SUM GNYI GAS KYANG BSGRUB PAR BYA BA DANG, SGRUB PAR BYED PA'I DNGOS PO 'DZIN PA MA YIN NO ZHES BRJOD PA NI BLANG DANG ZHES BYA BA'O, ,DER YANG ZHES BYA BA NI BSGRUB BYA DANG SGRUB BYED KYI MNGON SUM DAG LA'O, ,RIGS PA NI RANG GI DUS NA YOD PA TZAM 'DZIN PA'I MTSAN NYID DO, ,BZLOG NAS 'JUG PA NI BSKYAR NAS 'JUG PA'O, ,SHIN TU GOMS PA LAS MNGON SUM GYI BLANG BYA LA SOGS PA THAMS CAD 'DZIN NO SNYAM DU DOGS PA BSU BA NI GAL TE ZHES BYA BA'O, ,MA RTOGS PA LA ZHES BYA BA NI LAN TE, GANG GI PHYIR BLANG BYA LA SOGS PA MA RTOGS PA LA GOMS PA MED PA DES NA PHAN TSUN BSTEN PA ZHES BYA BA'O, ,'DI NYID BRJOD PA NI, CI SRID CES BYA BA'O, ,DON BYA BA DANG SGRUB PAR BYED PA LA DMIGS PA RIM GYIS 'BYUNG BA DAG NI PHAN TSUN RIG PA MED PAS NA RUNG BA NYID DU MA MYONG BA'I PHYIR, PHAN TSUN BSTEN PAR GSAL BA YIN NO ZHES DGONGS PA'O, ,MNGON SUM NI RUNG BA NYID KYI YUL CAN TE, DE GOMS PA GANG LAS 'BYUNG BA'I GOMS PA DE NI

, ,GOMS PA MNGON SUM 'BYUNG BA STE DE MED DO, ,DOR BYA DANG BLANG BYA NI MTHONG BAR BYA BA MA YIN NO ZHES GANG BRJOD PA DE SDUD PA NI, GAL TE MNGON SUM TZAM ZHES BYA BA'O, ,TZAM SMOS PA NI MNGON SUM GYI RJES LAS BYUNG BA'I RNAM PAR RTOG PA BSAL BA'I DON DU'O, , GAL TE DOR BYA'AM BLANG BYA MNGON SUM GYI YUL MA YIN NA, 'O NA YUL GANG YIN SNYAM NA, DE NI ZHES GSUNGS TE MNGON SUM DE NI'O, ,RANG GI NGO BO TZAM ZHES BYA BA NI, MNGON SUM RNAM PAR SHES PA'I RANG BZHIN YIN YANG BSGRUB BYA'I SHES PA'I MTHAR THUG PA NI MA YIN NO ZHES BSTAN PA'I PHYIR TZAM SMOS SO, ,DES ZHES BYA BA NI RANG GI NGO BO TZAM RIG PA DE'I PHYIR RO, ,'O NA GANG LAS SPANG BYA LA SOGS PA SNYAM NA, RJES SU DPAG PA ZHES GSUNGS TE, DE'I RANG BZHIN MTHONG BA LAS DE'I DON BYA BA RJES SU DPOG PA LA STE, DE LA BRTEN NAS SO, ,GAL TE GNYI GA MI RIG PA'I MNGON SUM NI 'BREL BA 'DZIN PAR BYED PA NYID MA YIN NO SNYAM DU DOGS PA BSU NAS, MNGON SUM GNYIS LAS BYUNG BA'I RNAM PAR RTOG PA'I 'BREL PA GRUB PA NI MNGON SUM GYIS GRUB PA KHO NA STE, THA SNYAD PA RNAMS DE LTAR LHAG PAR ZHEN PA'I PHYIR RO ZHES BSHAD PA NI DON ZHES BYA BA STE GNYIS KYI 'BREL PA NYID DO, ,THA SNYAD NI RNAM PAR RTOG PA STE DES GRUB PA YIN PAS, GZHAN ZHES BYA BA MCHOG TU GYUR PA NI YONGS SU TSOL BAR MI BYED DE MED PA'I PHYIR DANG, THA SNYAD PA RNAMS DE TZAM GYIS YONGS SU TSIM PA'I PHYIR RO, ,GAL TE DOR BYA LA SOGS PA NI MNGON SUM GYI MTHONG BA MA YIN TE, DES NI RANG GI NGO BO TZAM GYI YUL CAN YIN PA'I PHYIR RO, ,'ON KYANG SGRUB PAR BYED PA GZHAN MED PA LKOG TU GYUR PA MA YIN LA, THA DAD PA MED PA'I RANG BZHIN LA BSAMS NA, GANG DAG MTHONG BA'I DON SPANGS NAS ZHES BYA BA LA SOGS PA 'JIG RTEN PHA ROL SPANGS PA MA YIN NAM SNYAM DU DOGS PA BSU BA NI 'ON TE ZHES BYA BA'O, ,'DI YANG ZHES BYA BA NI 'JIG RTEN 'DI NYID KYANG SPONG PAR BYED BA LA RAG STE GYIS SHIG ,GANG GI PHYIR 'DI TZAM GYIS TE, 'JIG RTEN PHA ROL BZLOG BA TZAM KHO NAS SO, ,'DI NI ZHES BYA BA RANG RIG PA'I MNGON SUM

RNAM PAR GNAS PA MA YIN GYIS, 'ON KYANG GNYI GA YANG DGAG PAR BYA BA YIN NO, ,'JIG RTEN KYANG PHAN PA 'GA' ZHIG GNYI GA YANG MED DO ZHES BRNGOD PA NA, 'JIG RTEN 'DI YANG YOD MIN NI, ,ZHES BYA BA'O, ,DES NAS ZHES BYA BA NI LAN NO, ,THAR PA KHAS BLANGS PA'I PHYIR RO SNYAM DU DGONGS PA'O, ,GAL TE 'JIG RTEN GNYI GA LA BSNYON 'DEBS PA NI SHIN TU YANG CHAD PAR LTA BA MA YIN NAM, DES NA MED PA PA YANG MED CES CI LTAR BRJOD SNYAM NA, DE LTA YIN NA ZHES BYA BAS TE, 'JIG RTEN 'DI YANG BKAG PA NA'O, ,BLANG BYA DANG DOR BYA THAMS CAD SPANGS PA STE BYA BA BZLOG PA'I PHYIR TE, GTAN TSIGS DE'I PHYIR RANG RIG PA'I GNAS SKABS NA SEMS NI GROL BA NYID DE THAR PA NYID DU 'GYUR RO, ,DE SKAD SMRA BA NA NI MED PA PAR MI 'GYUR TE, SKYES BU'I DON GYI GTZO BO LA SKUR PA BTAB PA MED PA'I PHYIR RO, ,DE LA SKUR NA DE SKAD BRJOD PA'I PHYIR RO ZHES BYA BA'I DON TO, ,GAL TE 'DI NI BDEN TE RANG RIG PA'I MNGON SUM GYIS NI 'JIG RTEN PHA ROL SGRUB PAR MI BYED LA, 'JIG RTEN 'DI YANG SGRUB PA MA YIN NA'O, ,SA LA SOGS PA DE KHO NA NYID BZHIR BRJOD PA NI DPER BSTAN PA'I DON TE, 'DI LTAR RNAM PAR DPYAD NA SHIN TU GRAGS PA'I SA LA SOGS PA YANG DE KHO NA MA YIN NA, 'JIG RTEN PHA ROL LA SOGS PA LTA CI SMOS, 'DI TZAM GYIS NI THAR PA SKYES BU'I DON DU 'GYUR BA MA YIN TE, RANG RIG PA BZHIN DU 'JIG RTEN 'DI'I YUL CAN GYIS RNAM PAR RTOG PA YANG NGO BO NYID YIN PA'I PHYIR RO ZHES DOGS PA BSU BA NI 'ON TE ZHES BYA BA'O, ,RMONGS PA GZHAN DAG CES BYA BA NI 'JIG RTEN PHA ROL LA SOGS PA'I YUL CAN GYI RNAM PAR RTOG PA GZHAN TE, RAB TU MA GRUB PA NYID KYIS 'DOD PA MA YIN NO ZHES BYA BA'I DON TO, ,RMONGS PA 'DI NYID CES BYA BA NI LAN NO, ,'JIG RTEN 'DI'I YUL CAN GA LAS ZHES BYA BA NI MA YIN PA KHO NA'O ZHES BYA BA STE, GAL TE RANG RIG PA'I RANG BZHIN GYI THAR PA GNOD BYED DU MI 'GYUR NA'O ZHES BYA BAR DGONGS PA'O, ,DE'I PHYIR NGES PAR GANG NYID KYI 'DU BYED KYI RJES SU 'JUG PA, SEMS NI DE MED MI 'BYUNG BA, ,DE PHYIR SEMS LA BRTEN PA

, ,YIN; ,ZHES BYA BA'I TSUL GYIS, GANG GI TSE RNAM PAR RTOG PA THOG MA DANG THA MA MED PA NYID DANG, RANG GI RIGS MTHUN PA TZAM LAS BYUNG BAR GRUB PA DE'I TSE 'JIG RTEN PHA ROL GRUB PA KHO NA STE, THOG MA DANG THA MA MED PA NYID LA DE SKAD BRJOD PA'I PHYIR ZHES BRJOD PA NI, GAL TE THOG MTHA' ZHES BYA BA'O, ,MANG DU SMRA BA GZHAN GYIS CI ZHIG BYA STE, DON MED PA YIN PA'I PHYIR RO, ,RGYU DANG BCAS PA NYID KYIS 'JIG RTEN PHA ROL GRUB PA'I PHYIR RO ZHES BYA BA'I THA TSIG GO, ,RGYU DANG BCAS PA'I PHYOGS LA NYES PA BRJOD NAS, RGYU MED PA'I PHYOGS KYI DOGS PA BSU BA NI, 'ON TE ZHES BYA BA'O, ,RNAM PAR RTOG PA NI SNGA MA SNGA MA'I RNAM PAR RTOG PA'I BAG CHAGS KYI RJES SU BYED PA YIN YANG, RNAM PAR RTOG PA DES BSKYED PAR BYA BA MA YIN NA, 'BYUNG BA'I BSKYED PAR BYA BA LTAR 'GYUR RE YANG SKAN TE, DE KHYAD PAR MED KYANG KHYAD PAR DU 'GYUR BA'I PHYIR RO, ,DES NA 'DI RGYU MED PA CAN YIN NA 'BRAS BU THAMS CAD RGYU MED PA CAN DU 'GYUR TE, 'DI LA RGYU MED PAS ZHES BSHAD PAS SO, ,YANG NA RGYU MA YIN PAR 'GYUR RO, ,RGYU MED PA NI RGYU MA YIN TE, RANG GI DON LA KA NO'I RKYEN BRJOD PA'I PHYIR NA RGYU MED PA YIN NO, ,DE LTAR LAN 'DEBS PA NI THAMS CAD RGYU MED CES BYA BA'O, ,DE LTA YIN NA ZHES BYA BA NI THAMS CAD RGYU MED PA YIN NA'O, ,MED PA PA KHYOD KYIS SMRAS PA'I DON MED PAR 'GYUR TE, KHYOD KYIS SMRAS KYANG GZHAN RTOGS BYA'I RGYU MA YIN NO ZHES BYA BA'I DON TO, ,'DI NYID BRJOD PA NI GAL TE 'GAR YANG ZHES BYA BA'O, ,CI DON NYID DE SMRAS PA NI DGOS PA DANG BCAS PA MA YIN NO ZHES BYA BA'I DON TO, ,YANG NA KHYOD KYI DON DU GNYER BA GANG DU YIN TE KHYOD KYIS SMRAS PA LA DGOS PA CI YOD SNYAM DU DGONGS PA'O, ,'ON TE 'DI LA ZHES BYA BA NI BRJOD PA 'DI LA'O, ,DON NI DGOS PA'O, , 'DIR DE NYID KYI ZHES BYA BA NI LAN NO 'DIR ZHES BYA BA NI 'BRAS BU LA'O, ,'ON TE ZHES BYA BA NI GZHAN GYI'O, ,LAN NI GAL TE ZHES BYA BA'O, ,DE ZHES BYA BA NI GZHAN LA BRGAL ZHING BRTAG PA'O, ,GAL TE BRGAL ZHING BRTAG PA LA BSGRUB PAR BYA BA CI YANG MED MOD KYI 'ON KYANG

DE NI MA RIG PA LAS BYUNG BA YIN NO SNYAM NA NI GAL TE 'DI NI ZHES BYA BA'O, ,DE LTA NA YANG DON MED PAR SMRA BTZAM YIN PA'I DE BZHIN KHO NAR NYES PAR 'GYUR RO SNYAM NA, SU YIS LAN ZHES SMRAS TE, DGOS PA MED PA'I PHYIR MA RIG PA NYID KYIS NYES PA YIN GYI, NGED KYIS GO CI LAN ZHES BYA BA NI GZHAN GYI BSAM PA'O, ,LAN DU GAL TE BSTAN PAR BYA BA'I MA RIG PA CHAD PA MA YIN NA DE'I TSE DON MED NYID DE, DGOS PA MED PAR SMRAS PA TZAM DU ZAD DO ZHES BYA BA'I DON TO, ,'ON TE ZHES BYA BA DE DOGS PA BSU NAS DE GCOD PAR BYED PA'I TSIG NI RGYU NYID YIN PA'I PHYIR CI LTAR RGYU MED PAR SMRA ZHES LAN LDON BA NI, 'ON TE MI RIG CHAD NA YANG, ,ZHES BYA BA'O, ,BRGAL ZHING BRTAG PA MA RIG PA'I RGYU CAN YIN NA, 'JIG RTEN GZHAN 'BAD MI DGOS PAR GRUB BO ZHES BRJOD PA NI, MA RIG RGYU DANG LDAN NYID NA, ,ZHES BYA BA'O, ,CI LTAR NA MA RIG PA THOG MA MED PAR GRUB PAS 'KHOR BA NYID GRUB SNYAM NA, MA RIG RNAM RTOG LAS GZHAN MIN, ,ZHES SMOS SO, ,DE LTAR THAL BAR 'GYUR BA'I ZHAR LA 'ONGS PA RDZOGS PAR BYAS NAS MJUG SDUD PA NI, DE'I PHYIR ZHES BYA BA'O, ,GANG GI PHYIR LUS KYI RGYU CAN DU MI 'THAD PA'I RGYU DE'I PHYIR RO, ,THOG MA MED PA YANG DE YIN LA, BAG CHAGS KYANG YIN PA STE, DE YONGS SU SMIN BSAD PA DES BYA BA BSKYED PA YIN NO ZHES BYA BA NI 'DOD CHAGS DANG BDE BA LA SOGS PA RNAMS GOMS PA YIN PAR MJUG BSDUS BA'O, ,GAL TE RGYU MED PAR SKYE BA 'GAL BA'I PHYIR GOMS PAS SDUG BSNGAL BSKYED PA ZHES BYA BA NI MI 'THAD DE, RTAG PA RGYU MED PA CAN NYID GOMS PA LAS MNGON PAR BSAL BA'I PHYIR RO SNYAM NA, DE NI RES 'GA' DMIGS PA'I PHYIR RO ZHES GSUNGS SO, ,DMIGS PAR BYA BA MA YIN DMIGS PAR BYA BA NYID DU 'GYUR BA YANG SNGAR MED PA KHO NA YIN TE, YOD PA YANG DE NYID YIN NO, , GAL TE BDE BA LA SOGS PA NGES 'GA' DMIGS PAS MI RTAG PA YIN MOD, SDUG BSNGAL GO CI LTAR MI RTAG PA ZHES BYA BA TZAM NI MI MTHUN PAR 'GYUR BA'I SDUG BSNGAL MA YIN TE, ZAG BA MED PA RNAMS KYANG MI RTAG PA NYID DE LTAR THAL BA'I PHYIR SNYAM NA BSHAD PA, BDAG TU 'DZIN

, ,PA DANG CHAGS BA LA SOGS PA GOMS PA LAS BYUNG BA 'DOD CHAGS LA SOGS PA RNAMS KYI RTEN PHYIR TE, RTEN YIN PA'I PHYIR RO, ,ZAG PA DANG BCAS PA'I PHYIR RO ZHES BYA BA'I DON TO, ,RGYU NI BDAG DANG BDAG GIR 'DZIN PA YIN GYI RGYU TZAM NI MA YIN TE, SNGA MA BZHIN DU THAL BA'I PHYIR RO, ,DE'I DBANG NI DE LA RAG LAS PA'O, ,DE'I DNGOS PO NI NYID DE DE'I PHYIR RO, ,RGYU DBANG PHYIR NA SDUG BSNGAL YANG, ,ZHES YANG GI SGRA RIM PA GZHAN DU SBYAR RO, ,BSHAD PA LAS NI GOMS PA LAS BYUNG BA NYID BSDU BA'I DON DU YANG GI SGRA YIN NO ZHES SO, ,JI LTAR BDAG TU 'DZIN PA LA SOGS PA 'DOD PA LA RAG LAS PAS GOMS PA LAS BYUNG BA DAG NI SDUG BSNGAL GYI RGYU YIN PA'I GOMS PAR MA BYAS PA NYID MCHOG YIN LA, DE LAS BZLOG PA NI MI MTHUN PA'I PHYIR NA GOMS PA NYID MCHOG YIN NO ZHES BSHAD ZIN TO, ,GAL TE NGA ZHES BDAG TU 'DZIN PA RGYU MA YIN NAM, 'DI NI GOMS PA LAS BYUNG BA MA YIN PA YANG MA YIN TE, LUS DANG DBANG PO LA SOGS PA LAS THA DAD PA'I YUL CAN YIN PA'I PHYIR RO, ,SEMS PA LA SOGS PA'I GNAS SKABS SU NI DBANG PO BYED PA MED PA CAN LUS DMIGS PAR MA GYUR PA YIN YANG, DA'I ZHES BDAG TU 'DZIN PAR NYAMS SU MYONG BA YIN TE, DE SKAD DU YANG LUS MA DMIGS KYANG BDAG LA DE 'DI LTAR 'GYUR BA YIN NO ZHES BRJOD PA YIN NO SNYAM DU DOGS PA BSU NAS BDAG MIN ZHES GSUNGS SO, ,BDAG NI DMIGS PA YANG MA YIN NO, ,DE ZHIG RANG RIG PA NI YUL DANG DUS LA SOGS PA MA BCAD PAR YOD PA'I YUL CAN MA YIN TE, NYE BA'I YUL CAN YIN PA'I PHYIR RO, ,LHAG PAR ZHEN PA YANG MA YIN TE, MTHONG BA'I RJES SU 'BRANGS PA NA MTHONG BA'I LUS LA SOGS PA PHYI ROL LAS THA DAD PA LA YUL DANG DUS RNAM PAR CHAD PAR 'DZIN PA'I PHYIR RO,, DES NA LUS LAS THA DAD PA'I DNGOS PO RNAM PAR MCHAD PA'I YOD PA CAN CI LTAR 'GRUB BDEN TE, BDAG MNGON SUM NI MA YIN TE, NYE BAR GNAS PA TZAM YIN PAS SKAD CIG MA NYID DU THAL BA'I PHYIR RO, ,'O NA CI YIN ZHE NA, RNGES SU DPAG PAR BYA BA YIN NO, ,'DI LTAR 'DOD PA DANG

SDANG BA DANG 'BAD RTZOL DANG, BDE BA DANG SDUG BSNGAL GYI SHES PA 'BRAS BUR GYUR PA RNAMS NI RTEN DU GYUR BA'I RGYU BDAG CES BYA BA RTOGS PAR BYED PA YIN NO, ,NYAMS SU MYONG BA DANG DRAN PA DANG 'DOD PA LA SOGS PA DUS THA DAD PA CAN RNAMS NI DE'I DUS NA YOD PA'I DNGOS PO MED PAR 'BYUNG BA MA YIN TE, GZHAN GYI DRAN PA DANG LONGS SPYOD LA SOGS PAR THAL BA'I PHYIR RO SNYAM DU DOGS PA BSU NAS BSHAD PA, 'DOD PA LA SOGS PA NI RTEN DU GYUR PA'I BDAG GIS BYIN GYIS BRLABS PA'ANG MA YIN TE, BRTEN PA NYID DU MA DMIGS PA'I PHYIR TE, NYAMS SU MYONG BA'I BAG CHAGS TZAM BYIS 'BYUNG BA'I PHYIR RO, ,BSHAD PA NI, BDAG MIN BYIN GYIS BRLABS PA MIN, ,ZHES SDUG BSNGAL DANG GZHI MTHUN PAR BYAS TE, SNGA MA DANG 'BREL BA'I PHYIR RO, ,BAG CHAGS LAS BYUNG BA NI, GZHAN DU YANG 'THAD PAR BRJOD PA NI RGYU MIN ZHES BYA BA'O, ,DE LA BRTEN PA NYID DU MA DMIGS PAR BRJOD PA NI RTAG PA'ANG CI LTAR ZHES BYA BA'O, ,KHAS BLANGS NAS KYANG RTAG PA NYID KYIS MI STONG PA'I PHYIR RIM GYIS BYED PA NYID DANG 'GAL LO ZHES BRJOD PA NI, DE'I PHYIR GCIG LAS ZHES BYA BA'O, ,DGONGS PA 'DI NYID KYIS BCOM LDAN 'DAS KYIS SDUG BSNGAL GYI BDEN PA LA RNAM PA BZHI BSTAN TO ZHES BRJOD PA NI, MI RTAG PA NYID DANG ZHES BYA BA LA SOGS PA'O, ,DE ZHES BYA BA NI SDUG BSNGAL 'KHOR BA CAN PHUNG PO ZHES BSHAD PA 'DZIN TO, ,GAL TE RTAG PA NYID LA GOMS PA'I DBANG GIS DMIGS PAR BYA BA NYID GZHAN 'BYUNG BA YIN LA, RANG BZHIN NI RTAG PA NYID DO SNYAM NA; DMIGS PAR BYA BA NYID NI ZHES GSUNGS SO, ,RTAG PA NYID KYIS NA MA DMIGS PA'I DUS NA YANG DMIGS PAR BYA BA NYID YOD SNYAM DU DOGS PA BSU NAS THAMS CAD KYI TSE ZHES GSUNGS SO, ,DE LTA NA YANG RTAG PA LA CHAD PA CI YOD SNYAM NA, RIM GYIS DMIGS PA NI ZHES GSUNGS SO; ,GANG RIM GYIS DMIGS PA DE NI RTAG PA NYID DO, ,CI'I PHYIR SNYAM NA, GCIG LA NI ZHES GSUNGS SO, ,GANG GI RTAG PA NYID LA RIM MI SRID PA DE'I PHYIR DE LAS LDOG PA NA MI RTAG PA NYID LA GNAS PAS DES KHYAB PA YIN NO ZHES DGONGS PA'O, ,GANG GIS 'DI DES KHYAB PO ZHES

, ,BRJOD PA CI LTAR DE LA MI SRID PAR RTOGS SNYAM NA, RIM PA DANG LDAN PA NI ZHES GSUNGS SO, ,'O NA RJES SU DPAG PAR RIM PA DANG LDAN PA GCIG PA NYID DU RTOGS SO SNYAM NA, DE MED NA ZHES GSUNGS TE, MNGON SUM DE MED NA'O, ,CI LTAR SNYAM NA, MNGON SUM SNGON DU 'GRO BA CAN YIN PA'I PHYIR RO ZHES GSUNGS SO, ,'O NA RJES SU DPAG PA SNGON DU 'GRO BA CAN YIN LA RAG MOD DE LTA NA YANG RJES SU DPAG PA MED PAR CI LTAR 'GYUR SNYAM DU DOGS PA BSU NAS RJES SU DPAG PA ZHES GSUNGS SO, ,DE PHYIR ZHES BYA BA NI RIM GYIS DMIGS PAR BYA BA YIN PA'I PHYIR RO, ,'DIS NI NI RTA PA NYID CES BYA BA'I RNAM PAR BRJOD PA YIN NO, ,SDUG BSNGAL NYID CES BYA BA NI RNAM PA BSHAD PA'I DON DU BSHAD PA, SDUG BSNGAL NYID NI ZHES BYA BA NI 'KHOR BA CAN GYI PHUNG PO'I ZHES 'BREL TO, ,CI'I PHYIR SNYAM NA, CHAGS PA LA SOGS PA ZHES GSUNGS SO, ,MI RTAG PA TZAM NI SDUG BSNGAL NYID MA YIN TE, ZAG PA MED PA RNAMS KYANG DER 'GYUR BA'I PHYIR RO, ,'ON KYANG ZAG PA DANG BCAS PA'I PHYIR RO SNYAM DU DGONGS PA'O, ,RGYU NI BDAG DANG BDAG GIR 'DZIN PA'O, ,'BREL PA'I PHYIR NI RAG LAS PA'I PHYIR SDUG BSNGAL YIN GYI RGYU TZAM DANG 'BREL PA'I PHYIR NI MA YIN, SNGA MA BZHIN DU THAL BA'I PHYIR RO ZHES BYA BA'I DON TO, ,GZHAN DBANG ZHES BYA BA NI BDAG DANG BDAG GIR 'DZIN BA'I RGYU'I DBANG NGO, ,YANG GI SGRA NI ZHES BYA BA NI MA BSHAD PA SDUD PA'I DON CAN NI'O, ,GOMS PA TZAM LA BRTEN PA'I PHYIR, 'KHOR BA'I PHUNG PO RNAMS SDUG BSNGAL BA NYID DO ZHES BYA BA NI SKABS YIN NO, ,STONG PA NYID DANG BDAG MED PA NYID CES BYA BA NI RNAM PAR GNYIS GO RIMS SU BRJOD PA NI, BDAG GI RANG BZHIN MA YIN LA, ,ZHES BYA BA LA SOGS PA'O, ,CI LTAR BDAG GIS BYIN GYIS MA BRLABS SNYAM PA'I DOGS PA SPONG BAS, RGYU MIN ZHES BYA BA RNAM PAR 'GREL PA NI RGYU MA YIN PA NI ZHES BYA BA'O, ,DE LTA NA YANG BYIN GYIS RLOB PA PO RGYUR CI LTAR 'GYUR SNYAM NA, PHAN 'DOGS PA'I RGYU YANG ZHES BYA BA'O, ,DE LTAR NA BDAG GI RANG BZHIN MA YIN RNAM PA'I

DOGS PA SEL BAS RTAG PA'ANG CI LTAR SKYED BYED YIN ZHES BYA BA DE 'CHAD PA NI, GAL TE PHUNG PO RNAMS ZHES BYA BA'O, ,DE'I TSE ZHES KHONG NAS PHYUNG LA, RTAG PA NYID DU 'GYUR RO ZHES SBYAR RO, ,RTAG PA YIN MOD CI SKYON SNYAM NA, RTAG PA NI ZHES GSUNGS SO, ,SKYED BYED MA YIN NA YANG DNGOS PO NYID MA YIN NO ZHES BRJOD PA NI, SKYED PAR BYED PA MA YIN PA YANG ZHES BYA BA STE, RJES SU 'GRO BA DANG LDOG PA DAG DMIGS PA MED PA'I PHYIR RO ZHES BYA BA'I DON TO, ,GAL TE YANG PHUNG PO RNAMS BDAG GI RANG BZHIN DU KHAS LEN NA, DE'I TSE SHES PA DUS THA DAD PA LA SOGS PA YIN NO, , BYIN GYIS BRLABS PA'ANG MIN ZHES BYA BA 'DI LA MI DMIGS PA'I TSAD MA BRJOD PA NI BDAG GIS BYIN GYIS ZHES BYA BA'O, ,BDAG MIN ZHES BYA BA DE LA YANG 'DI NYID BRJOD PA NI PHUNG PO RNAMS KYIS ZHES BYA BA'O, ,BYIN GYIS RLOB PA PO DBANG PO LAS 'DAS SMRA BA DAG GIS SMRAS PA NI GAL TE ZHES BYA BA'O, ,THUB PA'I MTHAR NI SEMS MI RTA PA BYIN GYIS BRLABS PA YIN YANG 'THAD PA'I PHYIR, RTAG PA'I SEMS KYIS BYIN GYIS BRLABS PAR MA GRUB PO ZHES SMRAS PA NI MA YIN TE ZHES BYA BA'O, ,RDZOGS PA'I PHYIR RO ZHES BYA BA NI BYED PA 'JUG PA ZHES BYA BA SKABS YIN NO, ,GAL TE CI LTAR NA MI RTAG PA'I SEMS KYIS BYIN GYIS BRLABS PA TZAM GYIS RDZOGS PAR 'GYUR TE, 'JIG RTEN PHA ROL MA GRUB PA'I PHYIR RO SNYAM NA, SEMS PA YANG ZHES GSUNGS SO, ,GAL TE YANG 'BRAS BU NYAMS SU MYONG BA'I BAG CHAGS LAS BYUNG BA YIN MOD, DE LTA NA YANG 'DIR GZHAN RJES SU 'BREL PA MA YIN NO ZHES BYA BAG LAS YIN TE, DBANG PO LAS 'DAS PA SPONG BAR BYED PA NI YOD PA MA YIN NO SNYAM DU DOGS PA BSU NAS, DBANG PO LAS 'DAS PA NI MI SPONG GI 'ON KYANG GZHAN RGYU YIN NA, MTHONG BA TZAM LAS BYUNG BA'I 'BRAS BU'I KHYAD PAR BYED PA DANG 'GAL BA YIN NO ZHES MJUG BSDU BAS STON PA NI, DES NA ZHES BYA BA STE, GZHAN GYI RGYU CAN LA NI DE TZAM LAS MI 'BYUNG BAS KHYAB LA, MI 'BYUNG BA DANG 'GAL BA YANG 'BYUNG BA YIN TE, DES NA 'BYUNG BA'I MTSAN NYID LA KHYAB PAR BYED PA MED NA, YOD PA YIN YANG KHYAB PAR BYA BA NUS SRID PAR CI LTAR 'GYUR ZHES BYA

, ,BA'I DON TO, ,DE NI ZHES BYA BA NI 'BRAS BU SKYE BA MED PA'I RGYU RTAG PA RNAMS LA'O, ,DE LTAR 'DIR NI 'BRAS BU SKYE BA MED PA MA MTHONG NGO, ,CI'I PHYIR ZHE NA, MTSUNGS PA ZHES GSUNGS SO, ,RUNG BA'I KHYAD PAR NI BAG CHAGS KYI KHYAD PAR RO, ,GANG GIS DE MED PAS ZHES BYA BA NI RTAG PA MED PAS 'BRAS BU MED PAR RO, ,DES NA KHYAD PAR BYED BA DE TZAM LAS MI 'BYUNG BA MED PA YIN NO, ,KHYAB PAR BYED PA MED KYANG KHYAB PAR BYA BA YOD PAR SRID NA NI RGYU RNAMS KYI TSAD MA NGES PAR 'GYUR RO ZHES BRJOD PA NI RJES SU 'GRO BA TZAM GYIS ZHES BYA BA'O, ,NAM MKHA' LA SREG PA DE DAG NI RGYU RNAMS ZHES BYA BA NI DBANG PO RNAMS SO, ,'ON TE NAM MKHA' LA SOGS PA KHYAB BA MA YIN NO SNYAM DU DOGS PA BSU NAS, DE DAG KYANG ZHES GSUNGS SO, ,MI MTSUNGS BAR DOGS PA BSU BA NI, DE DAG NI ZHES BYA BA STE NAM MKHA' LA SOGS PA DAG GO, ,KHYAB PA DANG ZHES BYA BA NI LAN NO, ,DE NYID CES BYA BA NI BYIN GYIS RLOB PAR BYED PA PO MA YIN PA NYID DO, ,YUL KHYAB PA NYID MED BA'I PHYIR NA, DE LA NI MED PAS MED PA YIN TE, DES NA GZHAN GYI RGYU CAN GYI KHYAB PA BYAR MED PA YOD BAS NA, DE'I NUS PA SRID PA KHO NA'O SNYAM DU DOGS PA BSU NAS BSHAD PA NI, RTAG PA KHYAB BYED CES BYA BA'O, ,THAMS CAD DU ZHES BYA BA NI 'BRAS BU LA'O, ,'ON TE MA KHYAB PAS RGYANG RING PO NA GNAS PA RNAMS CI LTAR RGYU YIN SNYAM NA, NYE BA NYID KYIS ZHES GSUNGS SO, ,CI'I PHYIR DE LTAR RGYU MA YIN SNYAM NA, RING BA YIN YANG RGYUR ZHES GSUNGS SO, ,GANG GIS MA KHYAB PA'I RTAG PA DE LTAR 'GYUR BA RNAM BA DE LTA BU'I RGYUR MTHONG BA GANG YIN SNYAM DU DOGS PA BSU NAS SGRA SOGS ZHES GSUNGS SO, ,DE'I PHYIR RTAG PA NYID THAMS CAD DU RGYU NYID YIN TE, RTAG PA NYID KYIS SKYED BYED DU RANG BZHIN GCIG PA'I PHYIR RO ZHES BYA BA'I DON TO, , DES NA SKAD CIG MA YANG CI'I PHYIR THAMS CAD KYI SKYED BYED MA YIN ZHES BYA BA'I THAL BA MED DO, ,SKABS NYE BAR SDUD BA NI DE'I PHYIR ZHES BYA BA'O, ,GANG GI PHYIR SDUG BSNGAL DE RTAG PA MA YIN TE RES 'GA' BA YIN PA DES NA GRUB PA LA BAG CHAGS LA SOGS PA RGYUR BYED PA YIN TE, RJES SU

'GRO BA DANG LDOG PA DANG LDAN PA'I PHYIR RO, ,RTAG PA LTAR MI RTAG PA YANG CI LTAR RGYU YIN ZHES BYA BA NI MI 'THAD DO ZHES BRJOD PA NI, RES 'GA' BA NYID YIN PAS NA ZHES BYA BA'O, ,RGYU DANG BCAS PA NYID MA YIN NA, RES 'GA' BA NYID DU MI 'THAD DO ZHES BRJOD BA NI, RGYU MED GZHAN LA MI LTOS PHYIR, ,ZHES BYA BA'O, ,'DI RANG GRUB BAR BYA BA'I DON DU, MED PA GZHAN LA LTOS PA NA PHYIS KYANG DE KHO NA BZHIN DU 'GYUR RO, ,DE BZHIN DU YOD PA YANG RANG BZHIN SNGA MA KHO NAR YOD PA'I PHYIR DANG RANG GI NGO BO MI 'GYUR BA'I PHYIR NA, LTOS PA MED PA NYID DO ZHES BRJOD PA NI GZHAN LA MI LTOS PHYIR RO ZHES BYA BA YIN NO, ,DGONGS PA 'DI NYID KYIS NA KUN 'BYUNG GI BDEN PA BSTAN PA YIN NO ZHES BRJOD PA NI KUN 'BYUNG GI BDEN PA YANG ZHES BYA BA'O, ,SDUG BSNGAL LA RGYU MED DO ZHES BYA BA DGAG PA'I PHYIR RGYU NYID CES BYA BA NI RNAM PA YIN NO ZHES BRJOD PA NI DE LA RGYU NI ZHES BYA BA'O, ,RGYU GCIG NYID NI GTZO BO LA SOGS PA STE, DE YONGS SU SPANGS PAS SO, ,GTZO BO LA SOGS PA LTAR SRED PA LA NUS PA MED PA YIN NO SNYAM NA, RAB TU SKYE BA NI ZHES BYA BA SMOS SO, ,GTZO BO NI NYE BAR LEN PA NYID DE DE SPANGS PAS SO, ,DE LA RES 'GA' BA NYID YIN PAS NA ZHES BYA BA NI TSIGS SU BCAD PAS NI RNAM PA DANG PO SGRUB BA GTZOR BYED PA YIN NO ZHES BRJOD PA NI SDUG BSNGAL GYI NI ZHES BYA BA'O, ,DE LTAR CI STE BSTAN SNYAM NA, GZHAN NI ZHES GSUNGS SO, ,GZHAN NI RGYU MED PA'O, ,'O NA CI LTAR RES 'GA' BA YIN SNYAM NA, RGYU LDAN LA NI ZHES GSUNGS SO, ,'O NA RGYU MED PA LA CI ZHIG 'THAD SNYAM NA, RGYU MED PA'I ZHES GSUNGS SO, ,YANG NA GZHAN NYID 'GYUR ZHES BYA BA NI MED PA NYID DU'O, ,CO GANG GIS DE SKAD BRJOD PA, RGYU MED PA 'GA' ZHIG DE LTAR MTHONG BA YOD DAM SNYAM NA, DPER NA RAB RIB CAN GYI SGRA LA SOGS PA'I SHES PA YUL GYI RGYU DANG BRAL BA YIG BYE BA TZAM LAS BYUNG BA THAMS CAD DU 'BYUNG BA SDUG BSNGAL YANG RGYU DANG BRAL NA DE BZHIN DU 'GYUR RO ZHES BRJOD PA NI CI LTA ZHES BYA BA'O, ,SKRA LA SOGS PA ZHES BYA BA 'DI NYID DU BCAD DO, ,CI LTAR RTAG PAR 'GYUR SNYAM NA, YUL MED NA YANG ZHES GSUNGS SO, ,YANG NA RGYU MA NGES PA NYID

, ,KYIS RGYU MED PA'I PHYIR TE, DPER NA CHOS KYI DBYINGS RTAG TU YOD PA DE BZHIN DU SDUG BSNGAL YANG 'GYUR RO ZHES BRJOD PA NI, RANG RIG PAS NI RTOGS BYA BA, ,ZHES BYA BA'O, ,RANG RIG PAS ZHES BYA BAS NI TSAD MA BRJOD DO, ,DES NA ZHES PA NI STONG PA LA DMIGS PA RNAM PAR RTOG PA MED PA YIN TE, RMI LAM BZHIN NO, ,RANG GI NGO BO NI RMI LAM NA YANG TSAD MA CAN YIN PA'I PHYIR RO, ,GZUNG BA DANG 'DZIN PA DANG BRAL BA'I MTSAN NYID CHOS KYI DBYINGS KYI RANG BZHIN YANG DES RTOGS PAR BYA BA YIN NO, ,DE YANG MA NGES PA NYID KYIS RGYU MED PA CAN DANG BYUNG PA 'BYUNG BAR 'GYUR BA DANG, DA LTAR BA'I DUS KHYAB PAS NA RTAG TU YOD PA YIN NO, ,DE NYID KYIS RES 'GA' BA MA YIN PA YIN NO, ,CI LTAR MI RTAG PA NYID RGYU NGES PA MED PAS RGYU MED PA CAN YIN PA DANG RES 'GA' BA MA YIN PA BZHIN NO, ,MED PAR 'GYUR ZHES BYA BA NI 'CHAD PA NI MO GSHAM BU SOGS ZHES BYA BA'O, ,GAL TE RES 'GA' BA NYID KYIS SDUG BSNGAL LA RGYU YOD MOD DE NI 'BYUNG BA CHEN PO'I BDAG NYID KHO NA YIN GYI, MA RIG PA DANG SRED PA DANG LAS LA SOGS PA'I RANG BZHIN NAM, DBANG PHYUG LA SOGS PA'I RANG BZHIN NI MA YIN NO, ,'BYUNG BA CHEN PO RGYU YIN PA NYID NA, 'JIG RTEN PHA ROL GRUB PA BKAG PA YANG MA YIN TE, SRED PA DANG PO'I SEMS 'DU BYED KYI RJES SU BYED PA NYID KYIS SEMS GZHAN GO BAR BYED PA YIN PA'I PHYIR SEMS KYI RANG BZHIN GYI 'JIG RTEN GZHAN GRUB KYANG BDE BA DANG SDUG BSNGAL LA SOGS PA'I RANG BZHIN GYI GNAS SKABS RNAMS 'BYUNG BA CHEN PO TZAM GYI RGYU TZAM DU GRUB PAS NA, LAS LA SOGS PA'I SEMS PA'I RGYU CAN DU MI 'GRUB PO ZHES RTZOD PAR BYED PA NI JI LTAR ZHES BYA BA LA SOGS PA'O, ,DPER NA CHOS CAN SKYED PAR BYED BA'I 'BYUNG BA TZAM LAS SKYES PA'I PHYIR SEMS DANG LDAN PA'I RGYU MED PA DE BZHIN DU SRING PA'I PHYIR RANG BZHIN 'JIG RTEN GZHAN NA YOD PA'I SEMS CAN GYI BDE BA DANG SDUG BSNGAL LA SOGS PA'I KHYAD PAR DU RTOGS PA 'DI DAG KYANG RGYU MED 'GYUR TE, SEMS PA DANG LDAN PA'I RGYU YOD PA MA YIN PAR 'GYUR RO ZHES NI KHA CIG STE, RGYU MED PAR

SMRA BA RAB TU BRJOD DO, ,RANG BZHIN NYID KYIS BYA BA LA SOGS PA NI 'PHANG MDUNG ZHES BYA BA LA SOGS PAS RNAM PAR 'GREL TO, ,DE LA KHYAD PAR DAG KYANG ZHES BYA BA LA SOGS PA NI MGAR BA LA SOGS PA MED KYANG ZHES BYA BA LA SOGS PAR RNAM PAR 'GREL TO, ,DE LA DON NI 'DI YIN TE, 'BYUNG BA CHEN PO'I RANG BZHIN NI 'BYUNG BA CHEN PO NYID LAS BYUNG BA'I PHYIR SEMS PA DANG LDAN PAS MI BYED DO, ,'ON KYANG BDE BA DANG SDUG BSNGAL LA SOGS PA'I RANG BZHIN KHYAD PAR 'BA' ZHIG BYED PA YIN NO, ,TSOR BA'I RNO BA LA SOGS PA'I RANG BZHIN DE DAG KYANG CHOS CAN GYI RGYUS BSKYED PAR BYA BA NYID DU MTHONG NGO ZHES BYA BA'O, ,SEMS 'CHI BA ZHES BYA BA'I DON GANG YIN PA DANG, SKYE BA GZHAN YONGS SU 'DZIN PA'I SKYE BA RNAMS SO, ,MTSUNGS PA DE MA THAG PA'I SHES PA'I BDAG NYID DBANG PO NI YOD DO, ,DE TZAM LA BRTEN PA'I SHES PA NI YID KYI RNAM PAR SHES PA STE, MIG LA SOGS PA LA MI RTEN PA'I PHYIR NA, RNAM PAR RTOG PA DANG LDAN PA'I RGYU MED KYANG, RNO BA YOD PA'I PHYIR RO ZHES 'BREL TO, ,GANG GI TSE ZHES DGOS NA, KHYAD PAR MGAR BA LA SOGS PA MED KYANG ZHES BYA BA'O, ,YANG NA MGAR BA LA SOGS PA MED NA RNO BA YOD PA'I PHYIR RGYU MED PA CAN YIN NO ZHES 'BREL TO, ,GANG GI TSE ZHE NA DE MED KYANG ZHES BYA BA 'PHANG MDUNG LA SOGS PA MED KYANG NGO, ,GAL TE DE NI MGAR BA'I YANG 'BRAS BU YIN NO ZHE NA, RGYU NGES PA MED PA CAN 'DI NYID CES GSUNGS SO, ,GANG LA RGYU NGES PA MED PA YOD PA DE NI RGYU MED PA CAN NO, ,GAL TE DE LTAR RGYU MED PAR 'GYUR BAS RGYU MED PA CAN DU CI LTAR 'GYUR SNYAM NA MA YIN TE, RGYU NGES PA MED PA CAN NI DE'I RGYU CAN GYI DUS NA GZHAN GYI RGYU CAN NYID YOD PA YIN LA, GZHAN GYI RGYU CAN GYI DUS NA YANG DE'I RGYU CAN YOD PA YIN NO, ,NGES NA RGYU MED PA CAN KHO NAR 'GYUR RO, ,DON LA SBYOR BA NI DE BZHIN DU ZHES BYA BA'O, ,DPE GANG GI STOBS KYIS SDUG BSNGAL RGYU MED PA CAN DU 'GYUR BA DE NYID SUN 'BYIN PA NI GANG YOD NYID NA ZHES BYA'O, ,DE NI ZHES BYA BA NI RANG GI RGYU'I RJES SU 'GRO BA DANG LDOG PA'I RJES

, ,SU BYED PA'O, ,DE RNAMS LA ZHES BYA BA NI TSER MA'I RNO BA LA SOGS PA DAG LA'O, ,GAL TE DE LTA NA YANG GANG GIS SDUG BSNGAL RGYU DANG BCAS PAR 'GYUR BA TSOR BA LA SOGS PA RGYU DANG BCAS PAR CI LTAR 'GYUR SNYAM NA, 'DI LA BSAM PA NI ZHES BYA BA'O,, DE'I TSE ZHES KHONG NAS PHYUNG LA KHYAD PAR DE DAG NI ZHES SBYAR BAR BYA'O, ,JI LTAR RGYU MED PAR 'GYUR ZHE NA, RGYU SHUG GI ZHES BYA BA SMOS SO, ,RGYU NGES PA MED PA'I PHYIR RGYU MED PA CAN DU DOGS PA BSU BA NI, 'ON TE MGAR BAS KYANG ZHES BYA BA'O, ,DES NA NI MGAR BAS BYED PAS NA'O, ,DE SKAD CES BYA BA NI RGYU MED PA NYID DU'O, ,LAS KYI RANG GI SEMS PAS BSKYED PAR BSAMS NAS LAN 'DEBS PA NI BLO SNGON BYED PA ZHES BYA BA'O, ,GAL TE RGYU SHUG GI TSER MA LA SOGS PA MGAR BAS BYAS PA'I RNO BA LAS KHYAD PAR MED PA YIN NA DE BZHIN DU DE YANG BLO DANG LDAN PA'I RGYUR 'GYUR BA YIN LA, DE LTA NA YANG DBANG PHYUG BYED PA PO NYID DU 'GYUR LA, DBANG PHYUG KYANG SEMS PA'I RANG BZHIN LAS THA MI DAD PA YIN NO, ,GANG GI PHYIR DE LTA YIN PA'I GTAN TSIGS DE'I PHYIR RGYA SHUG GI TSER MA LA SOGS PA RGYU MED PA MA YIN NO, ,DPE DE NYID LAS ZHES BYA BA NI MGAR BAS BYAS PA'I RNO BA LAS SO, ,'O NA TE THA DAD PA'I ZHES DOGS PA BSU BA NI KHYAD PAR ZHES BYA BA'O, ,LCAGS DANG RGYA SHUG GI RNO BA GNYIS LA, KHYAD PAR RTOG PA DES NA BLO DANG LDAN PA RGYU NYID NI ZHE NA, LAN DU KHYAD PAR YOD MOD CES BYA BA'O, ,LCAGS DANG RGYA SHUG GI TSER MA'I RNO BA LA YOD PA'I KHYAD PAR RGYU DANG BCAS PA NYID YIN GYI, RGYU MA NGES PA NI MA YIN NO, ,DE NYID BRJOD PA NI 'GA' ZHIG CES BYA BA'O, ,'BRAS BU GANG ZHIG RGYA SHUG GI SA BON LAS SKYE BA DE NYID NI MGAR BA LA SOGS PA LAS MA YIN TE, DES NA RGYU NGES PA MED PA NYID MA YIN NO ZHES BYA BA'I DON TO, ,GAL TE RTZIS BSGYUR BA'I GSER BYAS PA YIN YANG MA BYAS PA BZHIN DU MTHONG BA MA YIN NAM, DE BZHIN DU LCAGS DANG RGYA SHUG GI TSER MA DAG GI KHYAD PAR MI MTHONG BA YIN NO SNYAM DU DOGS PA BSU NAS, BDEN

PAR SNANG BAR 'DOD PA YANG MI BDEN PAR 'GYUR TE, MI BDEN PA RMI LAM GYI SNANG BA DANG KHYAD PAR MED PA'I PHYIR RO ZHES BRJOD PA NI, KHYAD PAR MED PA KHO NAR ZAD CES BYA BA'O, ,JI LTAR KHYAD PAR MI SRID SNYAM NA, GANG GI PHYIR ZHES BYA BA'O, ,MTHONG BA TZAM GYIS ZHES BYA BA NI RANG BZHIN GSAL BA TZAM GYIS SO, ,DE LTA NA YANG KHYAD PAR MED PA SNANG BA TZAM NI GNYIS SU MED PAR 'GYUR ZHES BRJOD PA NI, GNYIS MED DE NYID CES BYA BA STE, SNGAR BSHAD ZIN PA GANG YIN PA'O, ,GANG ZHIG SNGAR BRJOD ZIN PA DE NYID RGYU MED PA YIN PAR 'GYUR RO, ,'O NA JI LTAR RGYU DANG BCAS PAR 'GYUR SNYAM DU DOGS NA, DE'I PHYIR GANG LAS ZHES BYA BA'O, ,'DI GANG LAS SNYAM NA, 'DI LTAR ZHES BYA BA'O, ,'DI NYID GSAL 'DEBS PA NI DE'I PHYIR GAL TE ZHES BYA BA NI KHYAD PAR MED PA YIN NA'O, ,BZLOG PA NI RGYU MED PA NYID DO, ,RGYU NYID BSGRUB PA'I PHYIR, SGRUB PAR BYED PA BRJOD PA GANG YIN PA DE LA MA NGES PA NYID DU DOGS PA BSU BA NI GAL TE ZHES BYA BA'O, ,MED PA'I PHYIR RO NI SKABS KYIS NA MTHONG BA'O, ,'DI LA NI RGYU NYID KYI SGRUB BYED DU GYUR PA'I LDOG PA MED DO ZHES RE ZHIG RANG NYID LAN 'DEBS PA NI DE NI MA YIN TE ZHES BYA'O, , DES NA ZHES BYA BA NI RNAM DBYE MED PAS NA'O, ,JI LTAR 'DI GNYIS DBYE BA MED NA GANG GIS DE MED NA MI MTHONG BA'I PHYIR MI 'GYUR SNYAM DU DOGS PA BSU NAS DER NI ZHES SMOS SO, ,DES NA DE MED PAR MTHONG BA MI SRID PA YIN GYI REG PA MED PA NI MA YIN NO ZHES BYA BA'I DGONGS PA'O, ,CI STE GZUGS YOD KYANG REG PA MED PAR MTHONG BA MA YIN NO SNYAM DU DOGS PA BSU NAS BSHAD PA, GAL TE GZUGS NA NI ZHES BYA BA NI REG PA MED PAR ZHES BYA BA DANG 'BREL TO, ,DE'I TSE ZHES KHONG NAS PHYUNG LA, MTHONG BAR 'GYUR BA KHO NA'O ZHES SBYAR RO, ,GZUGS MED NA RLUNG LA MIG GI RNAM PAR SHES PA MI 'BYUNG BA'I PHYIR RO SNYAM DU DGONGS PA'O, ,CI STE 'DI LTA BUR GYUR PA'I LDOG PA YANG RGYU NYID KYI RGYU MTSAN DU 'GYUR RO SNYAM NA, RNAM PA 'DI LTA BU'I LDOG PA LAS NI ZHES GSUNGS SO, ,RGYUR ZHES BYA BA NI REG PA MTHONG BA LA LTOS NAS ZHES BYA BA

, ,NI SKABS YIN NO, ,'O NA JI LTAR RGYU YIN SNYAM NA, 'ON KYANG ZHES SMOS SO, ,DE LTAR BSTAN PAR NUS NA NI DE'I TSE REG PA RGYU NYID DU 'GYUR RO, ,DE LTAR NI NUS PA MA YIN TE, ,DES NA RGYU MA YIN NO, ,YANG NA BRGYUD NAS RGYU YIN PA NYID DO ZHES RTZA BAS LAN 'DEBS PA NI YANG NA ZHES BYA BA'O, ,CI GANG GIS MTHONG BA'I RGYU MTSAN DU 'GYUR BA, JI LTAR REG PA GZUGS KYI RGYU NYID YIN SNYAM DU DOGS PA BSU NAS BRJOD PA NI PHAN TSUN MI 'BRAL NYID KYIS ZHES BYA BA'O, ,LHAN CIG 'BYUNG BA'I RGYU KHAS BLANGS NAS DE SKAD BRJOD PAR RTOGS PAR BYA'O, ,YANG NA SNGA PHYIR RGYU YIN NO ZHES BRJOD PA NI BRTEN PA'I RANG BZHIN GZUGS KYI ZHES BYA BA STE, LUNG GI SKAD KYIS 'BYUNG BA LAS GYUR PA'I GZUGS BRJOD PA YIN NO, ,GANG GI PHYIR DE LTAR REG PA'I GZUGS KYI RGYU YIN PA'I GTAN TSIGS DES NA'O, ,GTAN TSIGS NI, GANG YOD NYID NA GANG SKYE BA, ZHES BYA BA DE'O, ,DE'I PHYIR CI LTAR TSER MA LA SOGS PA RGYU DANG BCAS PA YIN PA DE BZHIN DU BDE BA LA SOGS PA YANG YIN NO ZHES BYA BA GNAS SO, ,DE LTAR RNAM PA DANG PO BSGRUBS NAS MJUG SDUD PA NI DE LTAR NA RE ZHIG CES BYA BA'O, ,GNYIS PA ZHES BYA BA NI RGYU GCIG NYID BKAG PA'O, ,RGYU DANG BCAS PA YIN YANG ZHES BYA BA NI RNAM PA DANG PO DANG BCAS PA YIN YANG NGO, ,RGYU GCIG NYID DU MI 'DOD DE DES NA DE DGAG PA'I PHYIR RNAM PA GNYIS PA YIN NO ZHES BYA BA'I DON TO, ,JI LTAR RTAG PA GCIG PU RGYU YIN PA BKAG CE NA, GAL TE ZHES BYA BA'O, ,GCIG CES BYA BA NI GAL TE SNGA MA DANG PHYI MAR GCIG PA'I RGYU RANG BZHIN RGYU YIN NA, DE'I TSE RTAG PA NYID DU 'GYUR RO ZHES BYA BA THAMS CAD KYI TSE 'BRAS BU THAMS CAD 'GYUR ZHES BYA BA'I DON TO, ,LHAN CIG BYED PA LA LTOS NAS RIM GYIS BYED DO SNYAM NA, LTOS PA MED PA'I PHYIR RO ZHES GSUNGS SO, ,'DI NYID GANG LAS SHE NA, RTAG PA NI ZHES GSUNGS SO, ,CIG CAR NI MA YIN NO ZHES BRJOD PA NI GTZO BO LA SOGS PA ZHES BYA BA'O, ,'GOG PA'I RGYU MTSAN RIM DANG RIM GYIS MA YIN PA

DANG BRAL BA 'DI YANG, DE GA LAS SHE NA ZHES BYA BA'I RTZOD PA SNGON DU 'GRO BA CAN GYIS GSAL BAR BYED PA NI NUS PA MED PA'I PHYIR RO ZHES BYA BA'O, ,DE NYID KYI PHYIR DBANG PHYUG LA SOGS PA NI RAB TU SKYE BA NYID MA YIN NO ZHES BRJOD PA NI, RNAM PA GSUM PA RAB TU SKYE BA NYID MA YIN NO ZHES BYA BA'O, ,'O NA DE SU'I YIN SNYAM NA, RNAM PA 'DI NI ZHES GSUNGS SO, ,DE NYID CES BYA BA NI RAB TU SKYE BA SRID PA NYID KYI YIN PA'O, ,RTAG PA RNAMS NI NUS PA MED PA'I PHYIR RO ZHES 'BREL TO, ,GANG GI PHYIR RTAG PA RNAMS NUS PA MED PA'I PHYIR RAB TU SKYE BA NYID MA YIN PA DE'I PHYIR SRID PA'I 'DOD PA NYID SKYE BA YONGS SU 'DZIN PA'I MTSAN NYID SDUG BSNGAL GYI RGYU YIN NO, ,'DI GA LAS SNYAM NA GANG GI PHYIR, 'JIG RTEN RNAMS KYI YUL GYI KHYAD PAR YONGS SU 'DZIN PA BDAG GIR BYED PA NI YUL GYI KHYAB BAR 'DOD PAS BYAS PAR MTHONG BA YIN NO, ,LAS DANG LUS MA RIG PA LA SOGS PA NI RGYU YIN YANG YUL GYI KHYAD PAR DU PHYIN PA NI SRID PA NYID KYIS BYA BA YIN NO ZHES BSHAD PA NI RGYU GZHAN NAM ZHES BYA BA'O, ,'DI NYID GSAL BAR BYED PA NI LAS SAM ZHES BYA BA'I GTAN TSIGS BRJOD PA NI SRED PA PA MED NA ZHES BYA BA'O, ,YONGS SU 'DZIN PA DES BYA BA YIN YANG SKYE BA THOB PA DE LTAR CI STE 'GYUR SNYAM NA, YONGS SU 'DZIN PA DE YANG ZHES BYA BA'O, ,GANG GI PHYIR SKYE BA RJES SU 'BREL PA YONGS SU 'DZIN PA LAS, GZHAN MA YIN PA DES NA SKYE BA RJES SU 'BREL PA 'DI RAB TU SKYE BA NI SRID PA KHO NA YIN NO, ,PHYIN PAR BYED PA'I BYA BA CAN YIN PA'I PHYIR NA SRED PA NYID RAB TU SKYE BA YIN MOD, SRED PA 'DOD GO JI LTAR YIN SNYAM NA DE NI DE NYID YIN NO ZHES BRJOD PAS NI SRED 'DOD NI ZHES BYA BA'O, ,GAL TE SRED PA TZAM NI KUN 'BYUNG MA YIN TE, MDO LAS 'DOD PA'I SRED PA LA SOGS PA GSUM KUN 'BYUNG DU BSTAN PA'I PHYIR RO SNYAM DU DOGS PA BSU BA NI, GAL TE YUL GYI ZHES BYA BA'O, ,SRED PA ZHES BYA BA NI MA 'ONGS PA'I SKYE BO DON DU GNYER BA'I RNAM PA'O, ,DE NYID KYI PHYIR YANG SRED PA'I DGOS PA CAN YIN PA'I PHYIR YANG 'BYUNG BA CAN NO, ,DGA' BA DANG 'DOD CHAGS

, ,DE GNYIS DANG LDAN PA'I 'DRES PA STE, SKYE BA DANG 'CHI BA'I RGYUN GYIS 'CHOL MAR SKYE BA'I PHYIR YIN GYI MTSUNGS PAR LDAN PA'I PHYIR NI MA YIN TE, 'DOD CHAGS GNYIS MTSUNGS PAR LDAN BA MED BA'I PHYIR RO, ,DE LA DGA' BA NI DA LTAR BA'I DON LA DMIGS PA NYON MONGS PA CAN GYI RTOGS PA'O, ,'DOD CHAGS NGA LTAR BA'I DON LA DMIGS PA'I MNGON PAR ZHEN PA NYID DO, ,'DI SKAD BRJOD PAR 'GYUR TE, GANG GI NGA LTAR GYI TSE'I DNGOS PO LA NYON MONGS PA CAN GYI RTOG BA DANG MNGON PAR ZHEN PA RAB TU SKYE BA DES NA, ,DE LTA BUR GYUR PA'AM, DE LAS KHYAD PAR 'PHAGS PA'I MA 'ONGS PA LA YANG 'DOD PA YIN NO, ,GANG DAG NGA LTAR BA'I DNGOS PO NYID LA DGA' BA DANG 'DOD CHAGS LAS GROL PA DE DAG JI LTAR MA 'ONGS PA'I DNGOS PO DON DU GNYER BAR BYED, DE DANG DER MNGON PAR DGA' BA CAN ZHES BYA BA NI SRID PA DANG LONGS SPYOD PA LA SOGS PA THAMS CAD LA DON DU GNYER PA'I RNAM PA CAN ZHES BYA BA'I DON TO, ,DE LA 'DOD BA'I KHAMS DON DU GNYER BA'I RNAM PA NI 'DOD PA'I SRED PA'O, ,'DOD PAR BYAS PAS NA 'DOD PAS DE GZUGS LA SOGS BA'O, ,DE LA DON MED PA MANG PO DANG LDAN ZHING SNYING PO MED PA RNAMS LA SNYING POR 'DU SHES PA RNAMS SRID PA BRGYUD PA THOG MA MED BA NAS GOMS PAS BSKYED PA BDE BAR SRED PA SKYE BA NI 'DOD PA'I SRED PA ZHES BRJOD DO, ,GZUGS DANG GZUGS MED PA DON DU GNYER BA NI SRID PA'I SRED PA'O, , SDUG BSNGAL DANG BRAL BAR 'DOD PA NI 'JIG PA'I SRED PA'O, ,GANG LAS ZHES BYA BA'I YANG GI SGRA NI SDUD BA'I DON CAN NI 'BREL BA'I PHYIR NA DE YANG ZHES BYA BAR 'GYUR RO, ,SRID PA'I SRED PA 'BA' ZHIG NI SRID 'DOD MA YIN GYI 'ON KYANG DE YANG YIN NO, ,DE ZHES BYA BA GANG YIN ZHE NA, 'DOD PA GANG LAS SROG CHAGS SHES RAB DANG BRAL BA 'JUG PA'I JI LTAR 'JUG SNYAM NA, BDE BA DANG SDUG BSNGAL DANG 'BREL PA THOB DANG DOR BAR 'DOD PAS SO, ,'DIR NI NYE BAR MKHO BA LA SOGS BA'I YUL CAN GYI SRED PA 'JUG BA'I RGYUR BRJOD PA YIN NO,,

BDE BA DANG SDUG BSNGAL THOB PA DANG DOR BAR 'DOD PA DE DAG NYID LA MDO LAS RNAM PAR PHYE NAS 'DOD PA'I SRID PA DANG 'JIG PA'I SRED PA'I SGRAS BRJOD DO ZHES BSHAD PA NI, 'DOD PA DANG 'JIG PA'I 'DOD PA DE DAG NYID YIN NO ZHES BYA BA'O, ,DE JI LTAR NA DE 'DRA SRID 'DOD YIN SNYAM NA, GANG 'DI ZHES GSUNGS SO, ,SOGS PA'I SGRAS NI BDE BA DANG LDAN PA DANG, SDUG BSNGAL DANG BRAL BA DAG GZUNG NGO, ,DON 'DI YIN TE SRID BA'I SGRAS NI 'KHOR BA'I RNAM GRANGS SU YIN LA, 'KHOR BA DANG GNAS DANG NYE BAR MKHO BA DANG, BDE BA DANG LDAN PA DANG, SDUG BSNGAL DANG BRAL BA'O, ,DE LA 'DOD PA YANG RNAM PA GSUM 'BYUNG BA YIN NO ZHES BYA BA'O, ,SRID PA'I 'DOD PA DE NI THAMS CAD NYID YIN TE, GCIG KHO NA NI MA YIN NO, ,'DI NYID RNAM PAR DBYE BA NI 'DOD PA'I ZHES BYA BA LA SOGS PA'O, ,RNAM PAR PHYE BA NYID NGES BAR STON PA NI GANG ZHIG CES BYA BA'O, ,SOGS PA'I SGRAS NI NYE BAR MKHO BA RTOGS PAR BYED DO, ,GANG LA 'GAL BA YOD PA MA YIN PA DE LA DE SKAD CES BYA'O, ,KUN 'BYUNG BA'I BDEN PA BSTAN PA NI SRID 'DOD CES BYA BAR RO, ,DE'I PHYIR SRED PA 'DI GSUM KA YANG KUN 'BYUNG GI BDEN PA YIN TE, 'JUG PA'I DBYE BA LAM RNAM PA GSUM DU GZHAG PA YIN NO ZHES BYA BA NI SKABS KYI DON TO, ,SRED PA NYID SKYE BA'I RGYU YIN NO ZHES RNAM PA GZHAN GYI SGO NAS SGRUB PA'I PHYIR BDAG TU CHAGS PA'I ZHES GSUNGS SO, ,KUN LA ZHES BYA BA NI GNAS DANG NYE BAR MKHO BA LA SOGS PA LA'O, ,BDE BA MA YIN PA LA BDE BAR 'DU SHES 'JUG PA'I RGYU NI BDAG TU CHAGS PA NYID YIN GYI GZHAN NI MA YIN NO, ,'JUG PA'I RGYU YIN BA DE PHYIR, SRID PA NYID SRED PA'I RTEN YIN NO, ,GAL TE BDAG MED PA'I PHYIR BSTAN PA 'DI JI LTAR 'THAD SNYAM NA NGAR 'DZIN PA'I ZHES GSUNGS SO, ,DE LA CHAGS PA SRED PA ZHES BYA BA'I MING GZHAN DANG LDAN PA GANG YIN PA DE NI RGYU YIN TE, PHAN 'DOGS PAR BYED PA YIN NO, ,JI LTAR RGYU YIN SNYAM DU DOGS NA, KUN LAS RAB TU 'JUG 'GYUR BA, ,ZHES BYA BA'I RTZA BA'I RJES SU BRJOD NAS 'CHAD

, ,PA NI, GNAS DANG LONGS SPYOD LA SOGS PA, ,ZHES BYA BA'O, ,SU ZHIG 'JUG SNYAM NA, PHYIN CI LOG BZHIS NYAMS PA DAG ,CES BYA BA SMOS SO, ,'DI NI BDE BAR 'DU SHES PA ZHES BYA BA RNAM PAR 'GREL PA'O, ,DE'I PHYIR ZHES BYA BA NI RGYU YIN PA'I PHYIR RO, ,'DI GA LAS SNYAM NA, SNYING RJER LDAN PA ZHES GSUNGS SO, ,BDAG TU SRED PA DANG BRAL BA NI GNAS DANG LONGS SPYOD LA SOGS PA LA YANG 'JUG PA MA YIN TE, SNYING RJE DANG LDAN PA YIN NA NI 'GYUR RO, ,DE NYID KYI PHYIR, SNYING RJER LDAN PA MA GTOGS PAR, , ZHES BYA BA'O, ,DE NI ZHES BYA BA NI SNYING RJER LDAN PA'O, ,'KHOR BA'I SDUG BSNGAL GYIS YONGS SU MI GDUNG BA'I PHYIR 'KHOR BA'I RGYU MA YIN NO, ,DE NYID KYI PHYIR ZHES BYA BA NI CHAGS PA'I RANG BZHIN GYI SRED PA NI THAMS CAD DU DOGS PA NYID KYIS LHAN CIG BYED PA YIN PA'I PHYIR RO, ,DE'I NI SEMS KYI'O, ,GAL TE SRED PA MED NA MI 'BYUNG BA'I PHYIR RKYEN NYID YIN NA DE'I TSE LUS MED PAR YANG SKYE BA MI 'BYUNG BA DES NA, DE YANG RKYEN DU 'GYUR RO ZHES BYA BA'I RNAM 'GREL GYI DON BRJOD PA NI GAL TE RKYEN NYID KYANG ZHES BYA BA'O, ,JI LTAR ZHES BYA BA NI TSIG GI DON RNAM PAR 'GREL PA'O, ,GANG LAS LUS 'DOD CHAGS KYI RGYU YIN PAR 'GYUR BA'I RIGS PA DE GANG YIN SNYAM NA, LUS MED PAR ZHES BYA BA'O, ,RGYU MTSAN KHAS BLANGS PHYIR NA ZHES BYA BA'I TSIGS SU BCAD PA'I DON BRJOD PA NI 'DOD CHAGS MED KYANG ZHES BYA BA'O, ,'O NA DE RGYU JI LTAR YIN SNYAM NA DE'I MNGON PAR DGA' BA'I YUL NYID NI ZHES GSUNGS SO, ,DE'I ZHES BYA BA NI SKYE BA'I'O, ,RKYEN TZAM NI NYE BAR LEN PA MA YIN NO ZHES BYA BA'I DON TO, ,NYE BAR LEN PA'I RGYU NI GTZO BO'I RGYU'O, ,BSGRUBS PA YIN NO ZHES BYA BA NI YANG DAG PAR ZHUGS PA YIN NO ZHES BYA BA'I DON TO, ,RGYU MTSAN DU KHAS BLANGS PA'I LUS NI 'DOD CHAGS LA SOGS PA'I RGYU NYID DU 'DOD PA KHO NA'O, ,NYE BAR LEN PA RTEN YIN PA NI SEL BA YIN NO, ,'DI ZHES BYA BA NI LUS NI 'DOD CHAGS KYI BAG CHAGS SAD PAR BYED PA NYID KYI

RGYU MTSAN YIN NO ZHES BYA BA'I RIGS PA'O, ,'DOD NA ZHES BYA BA NI KHAS LEN NA'O, ,RANG 'DOD LA ZHES BYA BA NI NYE BAR LEN PA YIN NO ZHES RANG GIS KHAS BLANGS PA LA, TSU ROL MDZES PAS RANG NYID KYIS GNOD PA YIN NO, ,DE LTA NA YANG 'JIG RTEN PHA ROL GRUB PO SNYAM DU DGONGS PA'O, ,DE LTA NA 'O NA 'DOD CHAGS GTAN DU 'BYUNG BAR 'GYUR RO SNYAM NA, DE NI YUL BZHIN DU ZHES GSUNGS SO, ,DES NA 'DOD CHAGS GTAN DU 'BYUNG BA MA YIN NO SNYAM DU DGONGS PA'O, ,GANG LA RGYU 'DOD CHAGS YOD PA DE'I DNGOS PO NI DE NYID DO; ,NGES PAR BRTAGS PA NI ME 'DRA BA KHYED RANG GIS ZOS PA YIN NO, ,PHA ROL PHAN TSUN RGYU NYID YIN PA MI BZOD NAS, GAL TE ZHES SMRAS PA'O, ,LUS SKYE BA DANG LHAN CIG STE, 'DOD CHAGS DUS MNYAM PAR 'BYUNG BA DES NA RGYU NYID MA YIN TE, RGYU NI SNGAR YOD PA'I PHYIR RO, ,'DI NYID GZHUNG GZUGS PA'I PHYIR GAL TE YON TAN DANG BCAS PA'I RJES NYID CES BYA BA NI BRJOD ZIN PA YIN NO, ,LHAN CIG 'BYUNG BA LA TSAD MA CI YOD SNYAM NA, SKYE LA CHAGS MTHONG PHYIR ZHES SMRAS SO, ,SKYE BA'I SNGON ROL DU 'DOD CHAGS MTHONG BA MED PAS NA SKYE BA LA CHAGS PA MTHONG BA'I PHYIR LHAN CIG 'BYUNG BA NGES PA YIN NO, ,'DI LA LAN NI SKAL MNYAM SKYE LAS ZHES BYA BA'O, ,DPER NA LHAN CIG 'BYUNG BA'I 'DOD CHAGS SKYE BA'I RGYU MA YIN PA DE BZHIN DU SKYE BA YANG 'DOD CHAGS KYI MA YIN TE, LHAN CIG 'BYUNG BA'I PHYIR RO,, DES NA SNGAR YOD PA RGYUR RTOGS NA SKAL MNYAM STE, TSUL BZHIN MA YIN PA'I YID LA BYED PA'I MTSAN NYID 'DRA BA NYID LA RTAG PAR BYA BA YIN TE, DBUS KYI GNAS SKABS NA DE BZHIN DU MTHONG BA'I PHYIR RO ZHES BYA BA'I DON TO, ,GAL TE BDAG DANG BDAG GIS LTA BA CHAGS PA'I RGYU YIN GYI CHAGS PA NYID NI MA YIN PA MA YIN NAM, DE SKAD DU YANG, BDAG DANG BDAG GIR 'DZIN BYAS PA, ,'DUS BYAS SPYOD YUL CAN CHAGS NI, ,ZHES BSHAD PA YIN NO, ,DES NA DE BZHIN DU LTA BA YANG RGYU NYID YIN GYI SRED PA 'BA' ZHIG NI MA YIN NO SNYAM NA,

, ,SRID LA ZHES GSUNGS SO, ,MI SHES PA MA RIG PA NI RGYU NYID KUN 'BYUNG GI BDEN PA BSTAN PAR RGYU NYID DU MA BRJOD DE, SGRIB PAR BYED BA NYID KYIS SKUL BAR BYED PA NYID MA YIN PA'I PHYIR RO, ,SRED PA NI BRJOD PA YIN TE, SKUL BAR BYED PA YIN PA'I PHYIR RO ZHES BRJOD PA NI SRED PA NYID BSHAD PA ZHES BYA BA'O, ,JI LTAR GCIG PU RGYU MA YIN SNYAM NA, MA RIG PA DANG ZHES SMRAS SO, ,GSUM RGYU YIN PA'I PHYIR RO ZHES BYA BA NI RTEN CING 'BREL BAR 'BYUNG BA'I YAN LAG RNAMS SU RIG PA DANG LAS KYANG BRJOD PA'I PHYIR RO ZHES BYA BA'I DON TO, ,'DI NYID LUNG LAS BDEN PA NYID DU BSTAN PA YANG MI RIGS SO ZHES BRJOD PA NI DE DANG DER ZHES BYA BA'O, ,DE MA THAG PA'I ZHES BYA BA NI NYE BAR GNAS PAS SO, ,DE MA THAG PA NYID SGRUB PA NI GTI MUG DANG LAS DAG NI ZHES BYA'O, ,DE MA THAG PAS SRED PA NYID RGYU YIN NO ZHES SNGA MA DANG 'BREL TO, ,LAS KYANG DE LTAR RGYUR GYUR PA NI MA YIN NO, ,CI'I PHYIR SNYAM DU DOGS NA, SRED PA DANG BRAL NA LAS LA NUS PA MED DO ZHES BRJOD PA NI DE YOD PA NA ZHES BYA BA'O, ,SRED PA MED NA NI ZHES BYA BA NI DE NYID KYI RNAM PAR 'GREL PA'O, ,YONGS SU 'DOR BA SRED PA DANG BRAL BAS BYAS PA NI MA YIN TE, 'ON KYANG DE'ANG LAS GZHAN KHO NAS BYAS PA YIN NO ZHES BYA BA DANG, THAR PA RNAMS LA SKYE BA MED PA YANG LAS MED PAS BYAS PA NYID YIN GYI, SRED PA DANG BRAL BAS BYAS PA NI MA YIN NO ZHES RTZOD PAR BRJOD PA NI, GAL TE ZHES BYA BA LA SOGS PA'O, ,DE LTA MA YIN NA ZHES BYA BA NI LAS ZAD PA MED PAR RO, ,RE ZHIG SRED PA DANG BRAL NA YONGS SU 'DOR BAS NI LAS GZHAN GYIS NUS PA 'PHEN PA MA YIN TE, GZHAN DU YANG SRID PA'I PHYIR RO, ,'ON TE SRED PA MED NA LAS NYID MI 'BYUNG BA DES NA YONGS SU 'DOR BA LAS MED PA BYAS PA YIN GYI LAS GZHAN GYIS BYAS PA NI MA YIN NO, ,DE LA YANG BRJOD PA NI GAL TE LAS NI ZHES BYA BA'O, ,LAS MED PA'I SGO NAS SRED PA DANG BRAL BA NYID YONGS SU 'DOR BA LA BYED PA YIN TE, DES NA SRED PA DANG BRAL BA KHO NA GTZO

BO YIN TE, RAB TU SBYOR BA PO YIN PA'I PHYIR RO, ,'ON TE SRED PA YOD KYANG LAS MED PA NYID RAB TU SBYOR BAR BYED PA YIN NA, DE'I TSE DE MED NA LAS MED PA'I PHYIR RO ZHES BYA BAR GRUB STE, DE YOD NA DE MED PA NYID MI 'GRUB PA'I PHYIR RO ZHES BRJOD PA NI, 'ON TE 'DI LA ZHES BYA BA'O, ,SDUG BSNGAL DE NI RES 'GA' MED PA'I PHYIR NA GTAN DU BA MA YIN TE, RTAG TU BA MA YIN NO ZHES BRJOD ZIN TO, ,DE CI'I PHYIR ZHE NA, RGYU KUN 'BYUNG LA GAGS TE 'GAL BA'I LAM MO, ,SOGS PA'I SGRAS NI LHAN CIG BYED PA MA TSANG BA'O, , 'DIS NI RGYU MED PA BRJOD DO, ,GAL TE GANG ZHIG 'KHOR BA PA'I PHUNG PO'I RANG BZHIN YIN PA DE NI RGYU TSANG BA CAN YIN PA'I PHYIR 'DI JI LTAR 'GOG PA CAN YIN SNYAM DU DOGS PA BSU BA NI 'KHOR BA ZHES BYA BA'O, ,MA YIN ZHES BYA BA NI SNGA MA 'GOG PA'O, ,CI'I PHYIR SNYAM NA 'DOD PA'I PHYIR RO, ,'KHOR BA GANG YIN PA DE THAR PA MA YIN NO ZHES BYA BA 'DI 'DOD PA YIN NO, ,SKAD CIG LA LTOS NAS NI 'GAL BA NYID YIN NA, RGYUN LA LTOS NAS 'GAL BAR MA GRUB PO ZHES BRJOD PA NI MA GRUB PA'I PHYIR ZHES BYA BA'O, ,GANG 'KHOR BA PA YIN PA DE NYID 'KHOR BA PA MA YIN PA NI MA YIN GYI, 'ON KYANG 'KHOR BA PA'I SEMS KYI RGYUN LAS RGYU'I KHYAD PAR THOB PAS PHYI MA'I CHAR THAR PA SKYE BA YIN NO, ,DES NA 'DI 'KHOR BA PA NYID DU MA GRUB PO, ,'KHOR BA PA YIN PA'I PHYIR ZHES BYA BA LA SOGS PAS NI SKAD CIG LA LTOS NAS 'GAL BA NYID GZHUNG BTZUGS PA YIN LA, 'ON KYANG ZHES BYA BA LA SOGS PAS NI RGYUN LA LTOS NA 'GAL BA NYID MA GRUB PO ZHES BRJOD PA YIN NO, ,MA GRUB PHYIR ZHES BYA BA 'DI NYID KYI DON GZHAN BRJOD PA NI DON DAM PAR NI ZHES BYA BA'O,, DON DAM PAR RNAM PAR DPYAD PAS NI, 'KHOR BA PA NYID MI 'GRUB KYI, KUN RDZOB TU NI SDUG BSNGAL 'KHOR BA CAN PHUNG PO ZHES BYA BA MI 'GAL LO, ,GAL TE BCINGS PA DANG GROL BA DAG GCIG CIG PA MA YIN NA DE'I TSE RTOG PA DANG LDAN PA JI LTAR RGYU SBYOR BA LA BRTZON ZHES

, ,DOGS PA NI GAL TE ZHES BYA BA'O, ,BSTAN BCOS SBYOR BAS NGAL ZHES BYA BA NI BSTAN BCOS GOMS PA 'BAD BA DANG LDAN PA'O, ,BDAG MED BAR SMRA BA LA 'GA' ZHIG LA SOGS PA 'GA' ZHIG LA ZHUGS PA MED PA'I PHYIR 'JIG RTEN PA'I LEGS PA MANG PO RNAM PAR NYAMS PAR 'GYUR RO ZHES BSTAN PA'I DON DU DPER BRJOD PA MANG DU BYAS SO, ,BDAG TU SMRA BA LA YANG, BDAG YOD PA TZAM GYIS NI 'JUG PA DANG LDOG PAR BYED PA MA YIN NO, ,'O NA CI ZHE NA DE'I SHES PAS SO, ,DE NI BDAG MED PAR SMRA BA LA YANG MTSUNGS SO ZHES BRJOD PA NI, JI SRID DU BDAG LA CHAGS PA ZHEN PA'I SNYING PO CAN GYI SHES PA MA BCOS PAR GYUR PA DE SRID DU BDAG NYID SDUG BSNGAL BA, 'KHOR BA NYID DU SGRO BTAGS NAS TE, RLOM NAS YONGS SU GDUNG BAR 'GYUR RO, ,SDUG BSNGAL GYIS GDUNG BA DANG LDAN PAR 'GYUR RO, ,DES NA SDUG BSNGAL DE SPANG BA'I DON DU THAMS CAD RJES SU BSGRUB PAS DKRUGS PAS NA RANG BZHIN DU GNAS BA NYID MI 'THOB PO, ,DES NA GROL BA PO'I BDAG MED KYANG, BDAG TU CHAGS PA'I MTSAN NYID LOG PAR SGRO BTAGS PA DE NYID KYI GZHOL BA'I PHYIR BRTZON TE, BCOM LDAN 'DAS KYIS NYE BAR BSTAN PA DANG, DE RJES SU BSGRUB PA LA BRTZON PAR 'GYUR BA'I PHYIR NA, TSANGS PAR SPYOD PA LA SOGS PA RJES SU BSGRUB PA 'BRAS BU MED PA MA YIN NO, ,'DI NYID BRJOD PA NI 'ON TE NGED LTA BU ZHES BYA BA'O, ,DE ZHES BYA BA NI NGED LTA BU'I'O, ,DE DAG CES BYA BA NI BCINGS PA DANG THAR PA'O, ,GAL TE BCINGS PA DANG THAR PA DAG GZHI GCIG PA NYID MA YIN NA, ,DE KHO NA LTAR THA SNYAD CI STE MI BYED SNYAM NA, DNGOS PO DON DAM PAR ZHES BYA BA'O, ,RTOGS PA LA LTOS PA'I PHYIR NA LHAG BAR ZHEN PA LA LTOS PA'I PHYIR RO, ,'DI NYID SGRUB PAR BYED PA NI 'DI LTAR ZHES BYA BA'O, ,LHAG BAR MOS PA'I YUL NI SPANG BA'I YUL YIN NO ZHES 'BREL TO, ,GAL TE DE KHO NA MTHONG BA DON BYAS ZIN PA'I PHYIR RANG GI DON DU MI 'JUG

PA YIN DU ZIN KYANG GZHAN GYI DON LA NI 'JUG PA KHO NA YIN PAS NA, DE 'DI'I CHED DU LAM 'DI BDAG GIS BSTAN PAR BYA'O ZHES RNAM PAR RTOG PAS 'BAD PAR CI LTAR BYED SNYAM DU DOGS PA BSU BA NI 'ON TE ZHES BYA BA'O, ,KUN RDZOB TU THA SNYAD YOD PAR 'GYUR MOD CES BYA BA NI SLOB MA YONGS SU MA RDZOGS PA'I PHYIR RO, ,DON DAM PAR CI LTAR ZHES BYA BA NI DON STON PA PO YONGS SU RDZOGS ZIN PA'I PHYIR RO, ,DE ZHIG SLOB MA NI BDAG NYID BZHIN DU STON PA PO YANG GCIG NYID YIN PAR RIG GO ZHES LAN 'DEBS PA NI, CI LTAR GCIG NYID CES BYA BA'O , STON PA PO YANG RTOGS PA MED KYANG SNGON GYI 'PHEN PA LAS 'JUG PA NA, DON DAM PAR GCIG NYID DAM THA SNYAD KYANG MTHONG BA MED BA MA YIN NO ZHES BRJOD PA NI DA LTAR DE NYID DU ZHES BYA BA'O, ,'DOD CHAGS DANG BRAL BA'I 'BAD PA YANG RANG RIG PA TZAM YIN GYI RNAM PAR RTOG PA NI MA YIN NO ZHES BRJOD PA NI, RANG GI NGO BO LAS GZHAN PA ZHES BYA BA'O, ,RNAM PAR RTOG PAR MI BYED NA JI LTAR THA SNYAD DU DOGS PA BSU NAS, JI LTAR SA BON LA SOGS PA RNAM PAR RTOG PAR MI BYED KYANG MYU GU SKYED PAR BYED PA DE BZHIN DU GRUB ZIN PA'I PHYIR RNAM PAR RTOG PAR MI BYED KYANG SNGON GYI 'DU BYED PA'I THA SNYAD SKYED PAR BYED DE ZHES BRJOD PA NI, RGYU DANG 'BRAS BU'I DNGOS PO NI ZHES BYA BA'O, ,CI'I PHYIR 'DI MKHAS PA'I TSUL MA YIN SNYAM NA, GRUB ZIN PA LA YANG RGYU DANG 'BRAS BU'I DNGOS PO NI RNAM PAR RTOG PA LAS GZHAN PA'I TSAD MAS RTOGS PA MA YIN NO ZHES BRJOD PA NI DE LTAR ZHES BYA BA'O, ,RGYU DANG 'BRAS BU DNGOS PO BRTAGS NAS ZHES BYA BA NI LHAG MA'O, CI'I PHYIR 'JUG PA DANG LDOG BAR MI 'GYUR SNYAM NA, SNGON DANG PHYI MAR ZHES GSUNGS SO, ,DE'I PHYIR RGYU DANG 'BRAS BU DNGOS PO NI RTZOD PA'I YUL MA YIN NO, ,SKAD CIG GNYIS PAR MI SDOD PA LA NI 'GA' ZHIG TU YANG 'JUG PA MI SRID DO ZHES BRJOD PA NI SKAD CIG TZAM LA ZHES BYA BA'O, ,DES NA ZHES BYA BA NI 'JUG PA MED PAS SO, ,NOR PA NI THAR PA'I DON DU 'BAD DO SNYAM PA'I RNAM PAR RTOG PA'O, ,SKAD CIG TZAM RIG PAR BYED PA'I MNGON

, ,SUM NI GRUB ZIN PA DANG MA ZIN PA GNYIS KYI BRTZE BA DANG RNAM PAR RTOG PAS 'JUG PAR BYED PA YIN NO ZHES BRJOD PA NI KHAS BLANGS NAS KYANG ZHES BYA BA'O, ,SANGS RGYAS BCOM LDAN 'DAS RNAMS NI THUGS BRTZE BAS 'KHOR BA CI SRID BZHUGS PA YIN LA, 'DOD CHAGS DANG BRAL BA RNAMS NI LAS KYIS DUS CUNG ZAD GNAS PA YIN NO, ,BCOM LDAN 'DAS RNAMS LA YANG SKU TSE RING PO MNGON PAR GRUB PAR BYED PA'I LAS NI MNGA' BA KHO NA'O, ,TSIGS SU BCAD PA'I CHA NYID LA RTZOD PA NI DAM PA'I DON ZHES BYA BA'O, ,'DI NYID LA LAN GDAB PA'I SGO NAS TSIGS SU BCAD PA'I DON SBYOR BAR BYED PA NI SPYOD PA'I YUL CAN GYI SHES PA'AM, MA KHONG NAS DBYUNG BAS MA DMIGS PA'O, ,DE RTOGS PA NI RANG RIG PA'I RANG BZHIN NYID DO, ,DER GYUR PA NA YANG SANGS RGYAS RNAMS KYI 'JUG PA NI THUGS RJE'I DBANG GIS YIN NO, ,YANG NA SKAD CIG GI RANG BZHIN GYI SHES PA RTOGS KYANG THUGS RJE'I DBANG GIS RANG GI RGYUD GNAS PAR BYA BA'I DON DU SPYOD PA 'JUG PA KHO NA'O ZHES BYA BA YIN NO, ,GANG GIS DE SKAD BRJOD, CI DE LTAR 'JUG PA MTHONG NGAM ZHES DOGS PA BSU NAS, CI LTAR RGYAL PO'I ZHES BYA BA'O, ,SKYE DGU BSRUNG BA'I BSAM PA CAN GYI RGYAL PO NI RGAS PAS BDAG NYID 'CHI BAR RTOGS PA NA YUL DE LA BDAG NYID BSRUNG BAR MTHONG YANG DE'I DON DU BU LA SOGS PA 'BAD PAS RNAM PAR GZHAG PA'I DON DU BRTZON PA DE BZHIN DU, BCOM LDAN 'DAS KYANG THUGS RJES RANG GI RGYUN GNAS DON DU 'BAD PAS MDZAD PA YIN NO ZHES BYA BA'I DON TO, ,DES NA BSKAL PA GRANGS MED PA GSUM DU BSAMS PA'I SKU TSE MNGON PAR 'GRUB PA'I BSOD NAMS KYI TSOGS DANG LDAN PA'I PHYIR, BCOM LDAN 'DAS LA LTOS PA KHO NAS, YANG NA LAS KYI YIN ZHES BYA BA'I RNAM PAR RTOG PA 'THAD PA YIN NO, ,'DOD PA'I RJES SU STON PA YANG BSOD NAMS KYI 'BRAS BU YIN TE, DES NA BCOM LDAN 'DAS NI MTHA' MED PA NYID DO ZHES BRJOD PA NI, SMON LAM GTZO BOR BYED PA ZHES BYA BA'O, ,MTHA'

MED PAR GNAS PA'I CHUN GRUB PA NYID LAS KYI 'BRAS BU YIN NO ZHES BYA BA'I DON TO, ,GANG GI PHYIR DON DAM PAR SPYAD PA ZHES BYA BA YOD PA MA YIN PA DE'I PHYIR RNAM PA DE LTA BU'I ZHES BYA BA LA SOGS PA'O, ,RNAM PA DE LTA BU'I ZHES BYA BA NI BDAG NI SDUG BSNGAL BA'I ZHES BYA BA LA SOGS PA GCIG NYID DU SGRO BTAGS PA'O, ,GAL TE ZHES BYA BA NI GZHAN GYI'O, ,DE'I TSE ZHES KHONG NAS PHYUNG LA SKYE BA GZHAN ZHES BYA BA DANG, DE'I TSE ZHES KHONG NAS PHYUNG LA GNAS PAR YANG ZHES BYA BA LA SOGS PAR SBYAR RO, ,DE LA GAL TE ZHES BYA BA'I RTZOD PA NI, LHAN CIG BYED PA ZAD PHYIR RO, ,ZHES BYA BAS SPANGS LA, 'ON TE ZHES BYA BA'I RTZOD PA NI, 'PHANGS LAS LDOG MED 'DOD PHYIR RO, ,ZHES SPANGS PA YIN NO, ,GAL TE 'BAD PA MED PAR MI LDOG NA 'O NA RTZOL BA LAS 'GYUR RO SNYAM NA, RTZOL BA YANG ZHES GSUNGS SO, ,DE BTANG SNYOMS PA NYID CI LTAR SNYAM NA, DE NI 'GAL BA YANG ZHES GSUNGS SO, ,GAL TE SEMS CAN DU LTA BA SPANGS NAS, CI LTAR SEMS CAN GYI NGOR BRTZE BA YIN, BRTZE BA SKYE NA YANG JI LTAR BDAG TU LTA BA SPANGS PA YIN NO SNYAM DU DOGS PA BSU BA NI, GAL TE BRTZE BA NI ZHES BYA BA'O, ,'DIS NI SEMS CAN DU LTA BA BSGRUB PAR BYA BA LA, BRTZE BA 'BRAS BU'I GTAN TSIGS SU BSTAN PA YIN NO, ,SEMS CAN DU LTA BA MED KYANG BRTZE BA SKYES TE, DE'I 'BRAS BU NI MA YIN NO ZHES LAN 'DEBS PA NI SDUG BSNGAL SHES LA ZHES BYA BA'O, ,GZHAN GYI SDUG BSNGAL SHES PAS PHYI ROL RGYUR SHES PA YIN NO, ,BSHAD PA MDZAD PAS NI SRED PA MED PAR BSHAD DO, ,DES NA 'GAL MED PA NI SDANG PA MED PA'O, ,SRED PA DANG BCAS PA NI DE'I BGEGS 'GA' LA SDANG BAR 'GYUR RO, ,'DIS NI MI MTHUN PA'I PHYOGS MED PA BRJOD DO, ,'DU BYED SNGA MA ZHES BYA BA LA SOGS PAS NI NANG GI RGYU BRJOD LA, DNGOS CHOS ZHES BYA BAS NI 'DOD PA DANG RMONGS PA LA SOGS PA LA MI LTOS PAR BRJOD PA YIN NO, ,DE SEMS CAN RJES 'BREL CAN MA YIN ZHES BYA BA NI, SEMS CAN DU LTA BA DANG RJES SU 'BREL BA MA YIN PA STE, 'DIS NI BRTZE BA LAS RJES SU DPAG PAR BYA BA MA YIN NO ZHES BSTAN PA YIN

, ,NO; SDUG BSNGAL NYID GSUM NI, SDUG BSNGAL DANG 'DU BYED DANG 'GYUR BA'I RANG BZHIN NO, ,MNYAM PA NYID DO ZHES BYA BA NI DE DAG BDAG KHO NA YIN GYI GZHAN NI MA YIN NO ZHES BYA BAR RO, ,JI SKAD DU, SEMS CAN KUN LA RTAG TU BYAMS DANG BDAG GI THUGS, ,MNGA' BAS KHYOD LA BDAG GIS KYANG NI CI ZHIG BYA, ,SDUG BSNGAL DAG BZHIN DE DAG LA YANG MGON KHYOD KYI, ,NGO BO NYID KYIS RTZUB PA'I TSIG NI JI LTAR 'JUG ,CES GSUNGS PA BZHIN NO, ,SEMS CAN DU LTA BA NI BRGYUD NAS SDUG BSNGAL GYI RGYU YIN PA'I PHYIR, YONGS SU DOR BA'I YUL YIN NO ZHES BRJOD PA NI DE LTA BUR GYUR PA'I ZHES BYA BA'O, ,BRTZE BA NI SEMS CAN DU LTA BA DANG 'GAL BA YIN NO ZHES BRJOD PA NI DE YANG ZHES BYA BA'O, ,'GAL BA DE NYID STON BA'I BDAG TU LTA BA MA SPANGS PA ZHES BYA BA NI BRTZE BA NI CHAGS PA'I RANG BZHIN YIN PA'I PHYIR, BDAG TU CHAGS PA MED KYANG SEMS CAN RNAMS LA BDAG GI BA NYID DU CHAGS PAS NA DE MED PA'I RANG BZHIN 'DOD CHAGS DANG BRAL BAR MI 'GYUR RO ZHES DOGS PA BSU BA NI, GAL TE 'DOD CHAGS DANG BRTZE BA ZHES BYA BA'O, , BDAG GAM DE DANG 'BREL PA LA CHAGS PA NI 'DOD CHAGS YIN NO ZHES BSHAD PA DE NI BDAG MIN ZHES BYA BA'O, ,BDAG GZHAN SGRO 'DOGS PA LAS, BDAG GIS MA 'ONGS PA'I BDE BA MYONG BAR BYA'O ZHES BYA BA NI 'DOD CHAGS SO, ,'DIS NI RGYU'I KHYAD PAR BRJOD DO; ,DE BDAG MIN PA'I CHOS LA NI, ,ZHES BYA BAS RI YUL GYI KHYAD PAR BRJOD DO, ,BDAG DANG 'BREL BA'I BDE BA SGRUB PAR BYED PA NYID DU MA BZUNG BA'I SEMS CAN GYI TSOGS LA BRTZE BA NI 'DOD CHAGS MA YIN NO ZHES BRJOD PA NI, ,SDUG BSNGAL GYI RGYUN LA REG PA NI 'DZIN PA'O, ,DE NYID 'BA' ZHIG NI TZAM MO, ,DES NA BDAG DANG 'BREL BA DANG BRAL BA'I SEMS CAN LA CHAGS PA TZAM NI BRTZE BA YIN NO ZHES BYA BA'I DON TO, ,'DOD CHAGS NI SGRO BTAGS PA DE LAS 'JUG PA YIN PA ZHES 'BREL TO, ,DE CI 'DRA BA

ZHIG CE NA, BDAG NYID MA 'ONGS PA'I ZHES SMOS SO, ,MA 'ONGS PA'I BDE BA DE LA 'DOD PA NI DGA' BA'O, ,DE LA SBYAR BA NI STOBS PAR BYED PA STE, DES BDAG NYID DBANG DU BYAS PA'I 'DOD CHAGS YIN NO, ,CI ZHIG BYAS NAS 'JUG SNYAM NA, MA 'ONGS PA MED NAS SGRO BTAGS NAS SO, ,DE'I BDAG NYID MA YIN PA LA NI BDE BA LA SOGS PA'I RANG BZHIN MA YIN PA LA'O, ,DE'I BDAG NYID DU ZHES BYA BA NI BDE BA LA SOGS PA'I RANG BZHIN DU'O, ,MNGON DU BYAS PA NYID LAS 'JUG PA YIN NO ZHES 'BREL TO, ,CI'I DON DU ZHE NA, LOG PAR MNGON PAR ZHES BYA BA'O, ,GAL TE YANG BDAG LA RANG GI BDE BA DANG, 'BREL PA NYID DU MI 'DZIN PA YIN YANG, GZHAN GYI BDE BA'I BYED PA PO NYID DU NI, BDAG LA SGRO 'DOGS PAR 'GYUR BA KHO NA'O ZHES DOGS BA BSU BA NI, ,GAL TE BDAG GIS ZHES BYA BA'O, ,'JUG PAR CI LTAR 'GYUR ZHES BYA BA NI SKABS SU BABS PA YIN NO, ,BDE BA DAG GI MTHAR THUG PA YIN NA NI GDON MI ZA BAR BDAG SGRO 'DOGS PAR 'GYUR BA YIN NO ZHES BSHAD PA NI GAL TE ZHES BYA BA'O, ,DE LTA NYID DU ZHES BYA BA NI SEMS CAN DU LTA BA MED PAR MI 'JUG PA ZHES BYA BAR RO, ,GZHAN GYI MTHAR THUG BA YIN NA BDAG SGRO 'DOGS PAS CI ZHIG BYA ZHES BRJOD PA NI, GZHAN DON ZHES BYA BA'O, ,JI LTAR CHED KA MI CHE SNYAM NA, RGYAL PO'I ZHES GSUNGS SO, ,'DI LA ZHES BYA BA NI NGA'I SNYAM PA'I BLO DANG BRAL BA 'JUG PA'O, ,MI 'THAD MED CES BYA BA NI 'THAD PA NYID DO ZHES BYA BA'I THA TSIG GO, ,YANG NA RNAM PAR RTOG PAR MI BYED KYANG SNGA MA SNGA MA'I 'DU BYED LAS 'JUG PA YIN NO ZHES BRJOD PA NI YANG SNGA MA SNGA MA'I ZHES BYA'O, ,'DI NYID GSAL 'DEBS PA NI RGYUN MTHONG ZHES BYA BA LA SOGS PA' [*PA'I?], ,MTHONG BA YOD PA MA YIN NA NI MNGON SUM GYI YUL MA YIN PA'I PHYIR RO, ,BDAG 'GA' ZHIG YOD BA YANG MA YIN NA'O, ,GNAS MA YIN NA NI SEMS CAN GYI DON GYIS STONG PA MA YIN PA'O, ,KHYED CAG CES

, ,BYA BA NI 'KHOR BA PA'O, ,ZHE SDANG GI RANG BA ZHIN DU ZHES BYA BA NI ZHE SDANG GI PHYOGS GCIG DANG MTSUNGS PAR LDAN PA'I PHYIR RO, ,GAL TE BA DAG LA GNOD BAR BYED PA LA SDANG BA NI BDAG TU LTA BA'I SNYING PO CAN NYID LAS BYUNG BA YIN GYI, BDAG TU LTA BA SPANGS PA LA NI MA YIN NO SNYAM NA, DE'I SNYING PO CAN MA YIN MOD RGYAB KYIS PHYOGS PA TZAM NI 'GYUR BA YIN NO ZHES BRJOD PA NI, MI GTZANG BA LA SOGS PA MTHONG BA LAS ZHES BYA BA'O, ,'DIR YANG, BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ,ZHES 'CHAD PAR 'GYUR BA'I LAN BRJOD PA NI, MI SDUG PA BSGOMS PAS NI ZHES BYA BA'O, ,MI RTAG PA LA SOGS PA MTHONG YANG ZHE SDANG CI STE MI 'GYUR SNYAM NA, BDAG YOD NI ZHES GSUNGS SO, ,BDAG DE BDAG CAG LA SOGS PA GZHAN LA SDUG BSNGAL BAR BYED PA YIN NO, ,MI RTAG PA NYID DU MTHONG BA NI KHRO BA DANG 'GAL BA YIN NO ZHES BSHAD PA NI, GANG GI TSE ZHES BYA BA'O, ,'DI ZHES BYA BA NI BDAG CAG LA GNOD PAR BYED PA'O, ,DE LA ZHES BYA BA NI BDAG CAG LA SOGS PA LA GNOD PAR BYED PA LA'O, ,DE'I TSE ZHES KHONG NAS PHYUNG LA SDANG BAR 'DZIN PA DON MED DO ZHES SBYAR RO, ,'DOD CHAGS DANG BRAL BA RNAMS LA NI BDAG TU LTA BA MED PA'I PHYIR BDAG TU LTA BA'I SNYING PO CAN GYI SDANG BA MI 'BYUNG NGO, ,DES NA DE DAG GI BRTZE BA ZHE SDANG DANG MTSUNGS PAR LDAN PA MA YIN NO ZHES BRJOD PA'I GTI MUG CES BYA BA LA SOGS PA'O, ,NYES RGYU NA GNOD PA BYED PA'O, ,NYES MED NI SDANG BA DANG MTSUNGS PAR MI LDAN PA'O, ,DE'I TSE ZHES KHOD NAS PHYUNG LA, 'KHRUG PAR 'GYUR BA YIN NA ZHES BYA BAR RO, ,GAL TE BCOM LDAN 'DAS 'DOD CHAGS DANG BRAL BA 'KHOR BA JI SRID DU BA ZHUGS NA LUS KYI 'CHI BA YOD PA'I PHYIR MA THAR BAR 'GYUR RO SNYAM PA'I DOGS PA BSU BA NI, GAL TE 'DOD CHAGS DANG BRAL BA ZHES BYA BA'O, ,THUGS RJES SKU MNGA' BA YIN YANG 'DOD CHAGS LA SOGS PA DRI MA DANG BRAL BA'I PHYIR

THUGS RNAM BAR GROL BA KHO NA'O ZHES GSUNGS PA NI, MA YIN TE ZHES BYA BA'O, ,GROL MED MA YIN ZHES BYA BA NI, BCOM LDAN 'DAS LA LTOS PA STE, MA GROL BA MA YIN GYI GROL BA KHO NA'O, ,MA GROL BA'I RANG BZHIN NI 'DI YIN TE, SNGON GYI 'DU BYED KYI PHUNG PO RNAMS ZAD NA GZHAN MTSAMS SBYOR BA'O, ,'DI YANG BCOM LDAN 'DAS LA MI MNGA' STE, NGES NA GROL BA MED PA MA YIN NO, ,BYANG CHUB SEMS DPA' RNAMS NI MTSAMS SBYOR BA DANG BCAS PA YIN YANG THUGS RJE'I DBANG GIS NYES PA KHO NAR GNAS PA YIN GYI, 'KHOR BA'I SKYE BO LTA BU NI MA YIN NO ZHES SMRAS PA NI, 'DU BYED NUS PA MA ZAD PA ZHES BYA STE, SNGA MA ZAD KYANG GZHAN 'BYUNG BA'I PHYIR RO, ,GNAS PA NI MYA NGAN LAS MI 'DA' BA'O, ,YANG NA SNGA MA NI NYAN THOS LA LTOS PA YIN LA, PHYI MA NI BCOM LDAN 'DAS LA LTOS PAS BRJOD PA YIN NO, ,'DU BYED KYI SGRA YANG LEGS PA'I LAS LA 'JUG PA YIN NO, ,'DU BYED YOD PA DANG MED PA LAS GNAS PA DANG MI GNAS PA 'BA' ZHIG TU YANG MA ZAD DE 'ON KYANG THUGS RJE'I KHYAD PAR YOD PA DANG MED PA DAG LAS KYANG YIN NO ZHES BRJOD PA NI, SNYING RJE DMAN PA NYID PHYIR YANG, ,ZHES BYA BA'O, ,SEMS CAN GZHAN GYI NGOR MDZAD PA RAG LAS PA CAN DE DAG NI'O, ,YANG GI SGRAS 'PHANGS PA'I GTAN TSIGS BSHAD PA NI, 'DU BYED ZAD PA'I RGYU'I PHYIR GNAS PA'I 'BAD RTZOL MED CES 'BREL TO, ,DER ZHES BYA BA NI GNAS PA'AM, THUGS RJE DANG LDAN PA LA'O,, BDAG TU LTA BA TZAM NI RMONGS PA MA YIN TE, DE MED KYANG RGYUN DU ZHUGS LA, RMONGS PAR KHAS BLANGS PA'I PHYIR RO ZHES DOGS PA BSU BA NI, GAL TE ZHES BYA BA'O, ,SRID PA CHAD BA NI 'KHOR BA LDOG BA'O, ,JI LTAR SNYAM NA 'JIGS ZHES SMOS SO, ,JI LTAR RGYUN DU ZHUGS PA LA 'JIG TSOGS DANG BRAL BA YOD PAR RTOGS SNYAM NA 'DI LTAR ZHES SMOS SO, ,CI STE YANG 'JIG TSOGS SU LTA BA DANG BRAL BA YANG NYES PA 'BYUNG BA'I RGYU YOD PAS NA, SRID PA TSAD MA YIN NO SNYAM DU DOGS PA BSU NAS SMRAS PA NI GTI MUG CES BYA BA'O, ,DES NA

, ,DE DANG BRAL NA SRID PA MI 'CHAD SNYAM DU BSAMS PA'O, ,DES NA ZHES BYA BA NI 'JIG TSOGS SU LTA BA DANG BRAL BAS SO, ,LAM GZHAN NI BSGOM PA'I LAM MO, ,RTZOD PA 'DI LA LAN BSHAD PA GAL TE ZHES BYA BA'O, ,RGYUN DU ZHUGS PA'I LAM DU SPANG BAR BYA BA'I BDAG TU LTA BA NI, MNGON PAR 'DUS BYAS PA LAS GYUR PA NYID YIN GYI, LHAN CIG SKYES PA NI MA YIN NO, ,DES MNGON PAR 'DUS BYAS PA NYID LDOG GI LHAN CIG SKYES PA NI MA YIN NO, ,DBANG PO RNON PO'I YANG RNON PO NI LAM DANG PO NYID DU SMOS PA GANG DANG BRAL BA'I PHYIR SRID PA SRID PA MED PAR 'GYUR BA KHO NA'O ZHES BRJOD PA NI, SPANGS NA ZHES BYA BA YIN NO, ,CI'I PHYIR THAMS CAD MI SPONG SNYAM NA, MNGON PAR 'DU BYED PA LAS BYUNG BA ZHES SMOS SO, ,'DI NYID SPONG GI GZHAN MA YIN NO ZHES BYA BA GANG LAS SHE NA, LAM DANG PO NI ZHES GSUNGS SO, ,MTHONG BA TZAM GYIS KYANG MNGON PAR 'DU BYED PA LAS BYUNG BA'I BDAG TU LTA BA JI LTAR LDOG CE NA, GZHI MED PA'I NYON MONGS PA YIN PA'I PHYIR ZHES SBYAR RO, ,GANG GIS DE SPONG BA GZHI MED PA'I NYON MONGS PA YIN PA CI'I PHYIR SNYAM NA, NYE BAR BSTAN PA LAS BYUNG BA ZHES BYA BA'O, ,BZLOG PA NI BDAG MED PA'O, ,'DI NI LAN DANG PO GNYI GA LDOG PA LA GSAL BA MED PAR BRJOD DO, ,'O NA LHAN CIG BYED PA JI LTAR LDOG CE NA, LHAN CIG SKYES PA'I ZHES BYA BA'O, ,BSTAN PA'I PHYIR GZHI ZUG PA'I PHYIR RO, ,BSGOM PA'I LAM NYID KYIS ZHES BYA BA NI GOMS PAS BSKYED PA'I BSTAN PA DANG LDAN PA NYID KYIS SO, ,JI LTAR DE NYID KYIS ZHES NGES PAR 'DZIN SNYAM NA ZHES BYA BA BDEN PA MTHONG BA TZAM GYIS LHAN CIG SKYES PA MA SPANGS PA'I PHYIR TE, MA BCOM PA'I PHYIR RO, ,GANG GIS 'DOD PAS ZHES BYA BA NI DBANG PO RNON PO'I RNON PO'O, ,DE BSHAD PA NI SHES RAB RNON PO ZHES BYA BA'O, ,SHES RAB RNON PO DE'I LAM DANG PO NYID DO, ,DNGOS PO MED NA NYE BAR BSTAN PA TZAM RGYU YIN PA'I PHYIR, LHAN CIG SKYES PA MNGON PAR 'DUS BYAS PA LAS GYUR PA LAS THA MI DAD BAR DOGS PA BSU BA NI, GAL TE ZHES BYA BA'O, ,DE LA NI BDAG LA'O, ,GZHAN DU NI

MA YIN NO ZHES BYA BAR NI MNGON BAR 'DUS MA BYAS PA'O, ,SKYED PAR BYED PA NI, SKYED PAR BYED PA'I ZHES BYA BA'O, ,RNAM PA THA MI DAD KYANG LHAN CIG SKYES PA BAG CHAGS TZAM LAS BYUNG BAS NA, RGYU THA DAD PA'I PHYIR THA DAD PAR BRJOD PA NI BDE BAR ZHES BYA BA'O, ,MNGON PAR 'DUS BYAS PA LAS NI DE LTAR MA YIN TE, DE MED KYANG BSTAN BCOS MI SHES PA RNAMS DANG, RGYUN DU ZHUGS PA YOD PA'I PHYIR RO, ,'ON TE DE RNAMS LA NYE BAR BSTAN PA MED PA'I PHYIR MNYAM PA NYID DU MI 'GYUR RO SNYAM NA, NGA ZHES MTHONG BA MED PAR NI, ,ZHES GSUNGS SO, ,DE DAG GI BDAG LA CHAGS PA NYID BDAG TU LTA BA'I RNAM PA CAN DU NYAMS SU MYONG BAS GRUB PO ZHES BYA BA'I DON TO, ,CHAGS PA NYAMS SU MYONG BA LA BYED PA 'BRAS BU'I RTAGS YIN NO ZHES BRJOD PA NI, BDAG LA SRED PA MED PAR YANG ZHES BYA BA'O, ,RGYU'I KHYAD PAR BSHAD PA NI THOG MA MED PA'I BAG CHAGS KYI DBANG GIS ZHES BYA BA'O, ,DE MA SPANGS PA'I PHYIR NA ZHES BYA BA NI NGA'O SNYAM PA'I BLO MA SPANGS PA'I PHYIR RO, ,DE LTA NA YANG 'DI 'KHOR BA PA MA YIN NO SNYAM DU DOGS PA BSU NAS GANG ZHIG CES GSUNGS SO, ,SEMS CAN DU LTA BA GANG GIS BCUG PA'I BDAG TU ZHE NA PA DANG 'BREL PA DE LA DE SKAD CES BRJOD DO, ,JI LTAR SRID PA MED PAR 'GYUR TE, SRID PA DANG BCAS PA NYID DO ZHES BYA BA'I DON TO, ,LAM DANG POR LHAN CIG SKYES PA MA SPANGS PA'I PHYIR THAR PA MED PAR SMRAS PA NA THAR PA LA NYON MONGS PA MED DO ZHES BRJOD PA YIN NO ZHES BRJOD PA NI, 'DIS NI ZHI BA'I ZHES GSUNGS SO, ,GAL TE BDAG MED PA'I SMRA BA LTAR NA YONGS SU TSIM PA MED BA'I PHYIR THAR PA GYA NOM PAR MI 'GYUR TE, DES NA BDAG KHAS BLANGS PA KHO NA LA THAR BA GYA NOM YOD PA YIN NO ZHES DOGS PA BSU BA NI GAL TE BDAG CES BYA BA'O, ,GAL TE 'GYUR NA ZHES BYA BA NI SKABS KYIS YONGS SU TSIM PAR RO, ,BDAG KHAS LEN PA THAR PA NYID MED DO ZHES BRJOD PA NI, SDUG BSNGAL SKYE BA'I ZHES BYA BA STE, 'KHOR BA MI SKYE BA'I'O, ,SDUG BSNGAL SKYE BA'I RGYU DE RTAG PA LA GA LAS YIN TE, MA YIN PA KHO NA'O, ,RIM DANG CIG CAR GYI DON BYED PA 'GAL BA'I

, ,PHYIR RO, ,DE BZHIN DU SDUG BSNGAL MI SKYE BA'I RGYU NYID KYANG RTAG PA LA YOD DE DE MED PA KHO NA'O, ,'DI LTAR BCINGS PA DANG THAR PA BDAG 'BREL PA NI RGYU NYID YIN NA DE YANG RTAG PA LA SRID PA MA YIN NO, ,DE NYID DANG GZHAN NYID KYI PHYOGS DAG LA KHYAD PAR MED BA 'DUG PA DANG LDAN PA YANG MED PA KHO NA'O ZHES BYA BA'I DON TO, ,DE'I TSE ZHES BYA BA NI RTAG PA DANG KHYAB PA'I TSE'O, ,DON 'DI YIN TE, JI LTAR KHYAB PA DANG RTAG PA'I RANG BZHIN NYID KYIS NA NAM MKHA' LA RJES SU 'GRO BA DANG LDOG PA MED PA'I PHYIR 'GAR YANG NUS PA MED BA DO BZHIN DU BDAG KYANG 'GYUR TE DE'I RANG BZHIN YIN PAS SO ZHES BYA BA'O, ,GZHAN YANG BDAG NI RANG DBANG DANG NUS PA YIN NA DE'I TSE JI LTAR BDAG LA SDUG BSNGAL BA SKYED NUS KYANG RANG DBANG MED PA'I PHYIR MI SKYED PA YIN NO, ,DE BZHIN DU RANG DBANG YOD KYANG NUS PA MED PA'I PHYIR SKYED PA MA YIN NO ZHES RTOGS PAR BYA BA'O, ,JI LTAR MI SKYED SNYAM NA, RANG GSAD PAR ZHES GSUNGS SO, ,RTOG PA DANG LDAN PA YANG RMONGS PA'I DBANG GIS BYED DO ZHE NA, 'ON TE 'DI ZHAS GSUNGS SO, ,BDAG SHES PA SHES PA DE KHO NA'I SHES PA GAL TE RMONGS PA'I DUS NA MED NA MA DMIGS PA MED PAR SGRUB PAR BYED PA YIN NO ZHES BRJOD PA NI, DE'I TSE BDAG NYID CES BYA BA'O, ,DE'I RANG BZHIN ZHES BYA BA NI RMONGS PA'I RANG BZHIN NYID DO, ,GZHAN DU ZHES BYA BA NI MA RMONGS PA'I RANG BZHIN NYID DO, ,RMONGS BAS SDUG BSNGAL BA NI MA YIN TE, 'ON KYANG LAS KYIS YIN NO SNYAM DU DOGS PA BSU BA NI 'ON TE ZHES BYA BA'O, ,DE LTA NA YANG ZHES BYA BA NI LAN NO, ,RTAG PA DANG KHYAB PA'I SDUG BSNGAL GANG YIN PA DE SKYED PA LA NI, CHOS MA YIN PA LA SOGS PA'I RGYU NI 'GA' YANG MED DO, ,'DI LTAR CHOS MA YIN PAS, BDAG SDUG BSNGAL GYI RANG BZHIN NAM, GZHAN LA BSKYED PA'I SDUG BSNGAL THA MI DAD PA'AM THA DAD BA ZHIG TU 'GYUR, DE LA PHYOGS DANG PO SUN 'BYIN PA NI GAL TE NGA DE DE'I CHE ZHES BYA BA'O, ,CHOS MA YIN PAS SKYED PA'I SDUG BSNGAL GYIS BDAG SDUG BSNGAL GYI RANG BZHIN CAN

LA NI CI'ANG BYAR MED DO, ,RANG NYID SDUG BSNGAL GYI RANG BZHIN YIN PA'I PHYIR ZHES BYA BA'I DON TO, ,NYES PA GZHAN NI DE'I NGO BO YIN NA ZHES BYA BA STE, SDUG BSNGAL GYI NGO BO YIN NA'O, ,,GZHAN DU MI 'GYUR TE ZHES BYA BA NI SDUG BSNGAL MA YIN PA'I NGO BOR RO, ,DES NA ZHES BYA BA NI GZHAN DU MI 'GYUR NA'O, ,RANG BZHIN GZHAN DU 'GYUR NA YANG MI RTAG PA NYID KYIS BDAG MA YIN PA KHO NAR 'GYUR RO ZHES BRJOD PA NI GZHAN GYI DNGOS POR 'GYUR NA NI ZHES BYA BA'O, PHYOGS GNYIS PA SUN 'BYIN PA NI, DE STE ZHES BYA BA'O, ,'ON TE ZHES BYA BA NI GZHAN NO, ,'DU BA YANG ZHES BYA BA LA SOGS PA NI LAN NO, ,GANG GIS DE'I STOBS LAS BDE BA GZHAN GYI BDE BAR 'GYUR BA BDE BAL SOGS PA 'DU BA DANG YANG 'BREL BA YANG CI ZHIG YOD SNYAM DU DGONGS PA'O, ,'ON TO BDAG DANG BDE BA DAG LAS 'DU BA GZHAN MA YIN DE'I TSE GZHAN MA YIN PA NYID NA NI, GANG GIS DE'I STOBS KYIS ZHES BYA BA LA SOGS PA BRJOD PA'I SKYON DE NYID DO, ,BSHAD ZIN KYANG LHAG PA BRJOD PA'I DON DU YANG ZLOS PA NI, BDE BA DANG BDE BA MA YIN PA ZHES BYA BA LA SOGS PA'O, ,SOGS PA'I SGRAS NI BSTANG SNYOMS GZUNG NGO, ,LHAG PA NYID BRJOD PA NI CI STE 'DI ZHES BYA BA'O, ,GAL TE 'KHRUL PA DAG LAS THA SNYAD PA YIN NA DE'I TSE BDAG MED DO, ,CI'I PHYIR ZHE NA RIG MED PA'I PHYIR RO, ,BDAG BDE BA'O, ,BDAG GI BA'I RGYU NI 'DI'I SNYAM PA'I 'KHRUL PA LAS MA GTOGS PAR NI BDAG GI PA YOD PA MA YIN NO, ,BDAG MA DMIGS PA MA GRUB PAR DOGS PA BSU BA NI DE'I ZHES BYA BA STE, BDAG THAMS CAD RJES SU SONG BA'I PHYIR 'KHRUL BA'I RANG BZHIN NO, ,RIG PA NI DMIGS PA'O, ,LAN NI RANG RIG CES BYA BA'O, ,RANG RIG PA YIN NA, JI LTAR 'KHRUL TE, BDAG GI RANG BZHIN BDE PA LA SOGS PAR MA 'GYUR RO, ,DE GRUB PA NYID BDAG GRUB PA'I RANG BZHIN YIN PA'I PHYIR NGO SNYAM DU DGONGS PA'O, ,KUN DGA' TSANG PA'I RANG BZHIN TE, ,THAR PA DE LAS GZHAN MA YIN, ,ZHES BYA BA DE LAS BRJOD PA NI, GAL TE THAR KYANG ZHES BYA BA'O, ,DE LA NI THAR

, ,BA LA'O, ,DE NI BDAG GO, ,RMONGS PA NI 'KHRUL PA'O, ,DON 'DI YIN TE, GAL TE BDE BA LA SOGS PAR RTOG PA 'KHRUL PA YIN NA, DE'I TSE THAR PA YANG 'KHRUL PAR THAL TE, DE LA YANG BDE BA RTOGS PAR KHAS BLANGS PA'I PHYIR RO ZHES BYA BA'O, ,BDAG MED BA KHAS BLANGS NA NI GYA NOM PA NYID YOD DO ZHES BRJOD PA NI GANG LA ZHES BYA BA'O, ,GZHI GCIG PAR SHES NA NI DON CUNG ZAD KYANG GSO BAR BYED PA MA YIN NO, ,BRJOD BA NI GANG ZHIG THAR TE ZHES BYA BA'O, ,BCINGS PAS DE BCINGS PAR SHES PAS THAR BA'I DUS DE'I TSE CI ZHIG BYA STE DGOS PA CI YANG MED DO ZHES BYA BA'I DON TO, ,'O NA DE'I TSE SNGAR BCINGS BA NYID DGOS PA YIN NO SNYAM DU DOGS BA BSU BA NI GAL TE SNGON ZHES BYA BA'O, ,LAN DU DE YANG ZHES BYA BA'O, ,CI'I PHYIR MI MKHO SNYAM NA, RTOG SNGON BYED PA CAN MI 'GYUR, ,ZHES GSUNGS SO, ,GANG GI PHYIR SNGAR GYI 'KHOR BA'I RANG BZHIN DANG GCIG PA NYID DON DAM PAR MED BZHIN DU NGES PA'I PHYIR THAR PA RTOG PA SNGON DU BYED PA CAN DU MI 'GYUR RO, ,SEMS DANG BCAS PA NI SDUG BSNGAL GYI GNAS SKABS BDE BA'I GNAS SKABS GCIG TU BYED PA MED DO, ,DES NANG SNGON DU GYUR TO ZHES BYA BA GANG DU NYE BAR MKHO, ,'ON TE GZHI THA DAD PA NYID DU MI 'THAD DO SNYAM DU DOGS PA NI, DE YANG ZHES BYA BA'O, ,DE NI ZHES BYA BA NI LAN NO, ,'O NA GZHI THA DAD PA YIN NA THAR PA'I DON DU JI LTAR 'JUG SNYAM NA, YANG NA DE NI ZHES BYA BA'O, ,NGA SDUG BSNGAL BA BDE BAR GYUR CIG SNYAM PAS NI MI 'GYUR GYI; 'ON KYANG GZHI DAD PA YIN YANG GZHAN BDE BAR BYA'O SNYAM NAS GZHAN GYI DON DU 'JUG PA NI 'GAL BA MED PA KHO NA'O, ,'DI YANG SDAR DPER NA RGYAL PO ZHES BYA BA DER BSTAN ZIN TO, ,THAR PA DE NI ZHES BYA BA NI MJUG SDUD PA'O, ,DE NI ZHES BYA BA NI, GANG LA YONGS SU TSIM PA'I ZHES BYA BA BRJOD PA'O, ,GZHAN PA ZHES BYA BA NI GZHAN GYIS KUN BRTAGS PA'O, ,BZLOG PA NI GYA NOM PA MA YIN PA'O, ,'ON TE ZHES BYA BA NI GANG ZAG TU SMRA BA'I DOGS PA BSU BA'O, ,RTAG PA BZHIN DU BRJOD DU MED PA YANG KHAS BLANG BAR MI 'OS TE, RIGS PA DANG 'GAL BA'I PHYIR RO ZHES

LAN 'DEBS PA NI, DE YANG ZHES BYA BA'O, ,MA YIN ZHES BYA BA NI MA YIN PA KHO NA'O ZHES BYA BA'I DON TO, ,RTAG PA DANG 'GAL BA DRI MA DANG DRI MA DANG CIG CAR NYID KYIS KHYAB PA'I RGYU NYID MI RTAG PA NYID LA RNAM PAR GNAS TE,, MI RTAG PA NYID KYIS KYANG KHYAB BO, ,DES NA DE MED PA'I PHYIR RO 'CHING GAL LTOS NAS RGYU NYID MA YIN NO ZHES BYA BA'I DON TO, ,RTAG PA NYID DU YANG BRJOD PAR BYA BA MA YIN PA NI RGYU MA YIN PAR BSTAN BA NI BSHAD PAR GSAL LO, ,'CHAD PA NI MI RTAG PA NYID DU ZHES BYA BA'O, ,JI LTAR MI RTAG PA NYID MED PAS RGYU YIN PA 'GOG SNYAM NA, RGYU LA NI ZHES SMOS SO, ,DES NA ZHES BYA BA NI KHYAB PA NGES PAS SO, ,'ON TE BCINGS PA DANG ZHES BYA BA LA SOGS PA NI, GNYI GA'I BDAG NYID CAN MA YIN PA RGYU NYID DU DOGS PA BSU BA'O, ,GZHI GCIG PA NYID NI MI RTAG PA 'GOG PA'I GTAN TSIGS YIN LA, RGYU YIN PA NYID NI RTAG PA 'GOG PA'I STE, DES NA GNYI GA'I RANG BZHIN NYID 'GOG PA'O, ,GNYI GA'I BDAG NYID KYIS BZLOG PA LA GTAN TSIGS GZHAN DU GRUB PO ZHES BRJOD PA NI, RTAG DANG MI RTAG CES BYA BA'O, ,CI'I PHYIR SNYAM NA THAMS CAD CES BYA BA'O, ,THAMS CAD GNYI GA'I RANG BZHIN DU DMIGS PA'I PHYIR RO ZHES BYA BA'I DON TO, ,GAL TE GZHAN DU MI 'GYUR NA ZHES BYA BA NI GNYI GA MA YIN PA'I RANG BZHIN MA YIN NA'O, ,GNYI GA'I RANG BZHIN DU 'GYUR RO ZHE NA ZHES BYA BA NI RTAG PA DANG MI RTAG PA'I RANG BZHIN DU'O, ,MI 'JIG PA NI 'JIG PA DANG 'GAL BA YIN NO ZHAS LAN LDON PA NI, GANG GI RANG BZHIN ZHES BYA BA'O, ,GAL TE GDON MI ZA BAR BDAG CAG GI 'DOD PA LAS BZLOG PAR BRJOD PAR BYA BA YIN NA, RTAG CES BYA BAR BRJOD PAR BYA BA YIN NO ZHES BRJOD PA NI, DES NA NGO TSA'I ZHES BYA BA'O, ,JI LTAR 'GAL SNYAM NA, GANG GI PHYIR ZHES BYA BA'O, , RTAG PA DANG GZHAN PA DAG 'GAL BAR TSAD MAS GRUB PAR BYA BA'I PHYIR ZHIG BA DANG MA DMIGS DANG ZHES BYA BA LA SOGS PA'O, ,DE LTA NA YANG 'DI GNYIS MI 'GAL LO SNYAM NA, DMIGS PA DANG MA DMIGS PA DAG KYANG ZHES BYA BA'O, ,CI STE GCIG TU MI 'GYUR SNYAM NA, GCIG

, ,NYID DU MI 'GYUR SNYAM DU RTOGS PA GANG ZHE NA ZHES BYA BA GSUNGS SO, ,GCIG NYID DU RNAM PAR 'JOG PA NI MI 'THAD DO ZHES BRJOD PA NI, GAL TE MA RTOGS ZHES BYA BA'O, ,GAL TE RTAG PA ZHES BYA BA NI 'CHAD PA'O, ,'DIS NI RTOGS YIN NA ZHES BYA BA'I MTHAR THUG PA RNAM PAR BKRAL TO, ,'DI NI HA CANG BAB COL YIN ZHES BYA BA RNAM PAR 'GREL PA NI DE'I TSE RTOGS PA DANG ZHES BYA BA'O, ,SNGA MA DANG PHYIR MA GCIG TU ZHES BYA BA NI LHAG MA'O, ,DE KHO NAR NI DE NYID RTOGS PA MA YIN TE, MI RTAG PA NYID DU KHAS BLANGS PA'I PHYIR RO, ,BZLOG PA NI BRJOD PA NA DE LTAR NA YANG ZHES BYA BA'O, ,JI LTAR MA 'BREL SNYAM NA, GCIG NYID DU RTOGS PA NI ZHES GSUNGS SO, ,DE NYID 'DI YIN NO ZHES MTHONG BA'I RANG BZHIN DANG, LHAN CIG GCIG NYID DU RTOGS PA'I RTAG PA GANG YIN PA DE NI, GZHAN DU ZHES BYA BA MI RTAG PA'I RANG BZHIN DU RTOGS PAR BYA MI NUS SO, ,RTOGS PA DANG MA RTOGS PA DAG GCIG PA NYID NI MA 'BREL PA YIN TE, TSAD MAS SPANGS PA YIN NO ZHES BYA BA'I DON TO, JI LTAR GZHAN DU RTOGS PAR BYA BA MI NUS SNYAM NA, MA RTOGS PA NYID NI ZHES GSUNGS SO, ,'DI LA DPE BRJOD PA NI RI BONG GI RVA ZHES BYA BA YIN NO, ,DE LA GCIG CES BYA BA NI GZHAN GYI DOGS PA BSU BA'O, ,RI BONG GI RVA DANG RTOGS PA DE LA RI BONG GI RVA GCIG RTOGS PA MED PA'I PHYIR DE NI RTOGS BA DANG GCIG MA YIN NO ZHE NA, LAN BU 'DIR YANG ZHES BYA BA YIN TE, RTOGS PA DANG MA RTOGS PA'I NANG NAS SO, ,MA RTOGS PA NI MI RTAG PA NYID DO, ,DES NA MA RTOGS PA MI RTAG PA'I RANG BZHIN NI, RTOGS PA DANG RTAG PA'I RANG BZHIN DANG LHAN CIG GCIG YIN PAR NGES PA JI LTAR NUS TE RI BONG GI RVA BZHIN NO ZHES BYA BAR DGONGS, 'ON TE MI RTAG PA NYID BZHIN DU RTAG PA YANG MA RTOGS PAR 'GYUR TE, DES NA 'DI GNYIS LA 'GAL BA MED DO SNYAM NA; BSHAD PA MTHONG BA GANG ZHIG DE NYID 'DI YIN NO ZHES MTHONG BZHIN PA DANG LHAN CIG GCIG TU RTOGS PA'I MTHONG BA DE NI MED PA DANG MA SKYES PA'I MTSAN NYID CAN MA RTOGS PAR 'GAL BA YIN TE GCIG NYID NYAMS PAR THAL BA'I PHYIR RO, ,DES NA 'DI NYID NI 'GAL BA KHO NA'O, ,MTHONG BA LAS

GZHAN RTOGS PA NI MTHONG BA MA RTOGS PA YIN NO SNYAM DU DOGS PA BSU BA NI, 'ON TE GZHAN RTOGS PA ZHES BYA BA'O, ,LAN NI SNGAR MTHONG BA'I RANG BZHIN DES MA RTOGS PA GZHAN RTOGS PA'I RANG BZHIN NI YOD BA MA YIN TE, GCIG NYID DU RTOGS PAR KHAS MA BLANGS PA'I PHYIR RO ZHES BYA BA'I DON TO; ,DA LTAR BA GZHAN DE RTOGS PA NYID MTHONG ZIN PA DE MA RTOGS PA YIN NO ZHES BYA BA NI RTZOD PA'O, ,'DI YANG DA LTAR BA NYID MTHONG NGO ZHES BYA BA 'DI DANG 'GAL LO ZHES BRJOD PA NI, DE LTA NA NI ZHES BYA BA'O, ,GZHAN GYI RANG BZHIN DA LTAR BA GANG YIN PAR RANG BZHIN GZHAN DE NYID LAS SNGAR MTHONG ZIN PA DANG GCIG PA NYID DE MED DO ZHES BYA BAR 'GYUR RO, ,DON 'DI YIN TE, SNGA MA GANG YIN PA DE NYID 'DI YIN LA, DEL LTOS NAS KYANG GZHAN YIN TE, DES NA BDAG NYID LA LTOS NAS DE GZHAN DU 'GYUR RO ZHES BYA BA'O, ,DE YANG MI RUNG NGO ZHES BYA BA NI MI 'GAL BA'O, ,'GAL BA NYID BRJOD PA NI 'DI LTAR ZHES BYA BA'O, ,'ON TE GZHAN NYID YIN YANG RTAG PA NYID DU 'GYUR RO SNYAM NA, DE NI GZHAN NYID MA YIN NA ZHES BYA BA'O, ,RTAG PA NYID NI GZHAN NYID BKAG PAS 'GRUB PA YIN NO ZHES BYA BA'I DON TO, ,JI LTAR GZHAN NYID KYIS RTAG PAR MI 'GYUR BA DE STON PA NI GZHAN NYID NA NI ZHES BYA BA'O, ,MTHONG BA ZIN PA DANG GCIG NYID DU ZHES BYA BA NI LHAG MA'O, ,MA DMIGS NA NI ZHES BYA BA NI DMIGS PA MED NA ZHES BYA BA'I DON TO, ,'O NA JI LTAR RTAG PA NYID DU 'GYUR NA, GZHAN MA NI NYID NA ZHES BYA BA'O, ,GZHAN DAG RTOGS PA DANG MA RTOGS PA DAG GCIG NYID DU BRJOD NA NI, DE NI RANG BZHIN 'GA' ZHIG GIS ZHES BYA BA'O, ,'GA' ZHIG GIS ZHES BYA BA NI LDOG PA'I RANG BZHIN GYIS SO, ,GZHAN GYIS ZHES BYA BA NI RJES SU 'GRO BA'I RANG BZHIN GYIS SO, ,GZHAN ZHES BYA BA NI DMIGS PA'O, ,LAN NI RANG BZHIN GANG GIS ZHES BYA BA'O, ,GANG GIS NI LDOG PA'I RANG BZHIN GYIS SO, ,DE NI ZHES BYA BA NI, SNGAR MTHONG ZIN PA LOG PA'I RANG BZHIN NO, ,'DI'I ZHES BYA BA NI DA LTAR MTHONG BZHIN PA'I'O, ,MTHONG MA ZIN PA'I RANG BZHIN DANG DA LTAR BA'I BREL BA DOGS PA BSU NAS SEL BA NI SNGA MA NYID DU ZHES BYA BA'O, ,DE LTA ZHES BYA BA NI SNGA MA NYID DU RTOGS PAR KHAS

, ,BLANGS NA'O, ,DE ZHES BYA BA NI SNGAR MTHONG BA'O, ,'DIS NI YONGS SU MTHONG BZHIN PA'O, ,JI LTAR MTHONG BA DANG LHAN CIG GCIG NYID YIN TE MA YIN PA NYID DO, ,'ON TE SNGA MA DANG PHYI MA'I KHYAD PAR DAD PA DAG LA RJES SU 'JUG PA'I RANG BZHIN GCIG YOD PA NI DE DANG MA BRAL BA BAR RTOGS PA YIN NO ZHES DOGS PA BSU PA NI, SNGA PHYI'I RANG BZHIN DAG DANG NI, ,ZHES BYA BA'O, ,BDE BA DANG SDUG BSNGAL GYI RANG BZHIN DAG DANG MA BRAL BA'I PHYIR TE 'BREL PA'I PHYIR NA BDAG NYID GCIG RTOGS PA YIN NO ZHE NA, LAN NI BRAL BA NYID DU ZHES BYA BA'O, ,GANG GI TSE BDE BA LA SOGS PA'I RANG BZHIN GCIG TU MTHONG BA DE'I TSE NI RANG BZHIN GZHAN MA YIN NA, DE CI LTAR MI 'BRAL ZHES BYA BA'I DON TO, ,RIM GYIS RANG BZHIN GNYIS DANG BDAG MI 'BRAL BAR DOGS PA BSU NAS SEL BA, GAL TE RIM GYIS ZHES BYA BA'O, ,DE BZHIN DU ZHES BYA BA NI RIM GYIS SO, ,BRAL BA YANG ZHES BYA BA NI MI 'BRAL BA 'BA' ZHIG TU MA ZAD PA'O, ,BRAL BA DANG ZHES BYA BA NI RTZOD PA'O, ,JI LTA JI LTAR ZHES BYA BA NI LAN NO, ,DE BZHIN DU ZHES BYA BA NI CIG CAR RO, ,CIG CAR PA NI SNGA MA DANG PHYI MA DAG GIS RIM PA DANG BCAS PA DANG LDAN PA MA YIN NO ZHES BRJOD PA NI, RIM MIN PA'I YOD PA NI MA YIN ZHES BYA BA'O, ,SNGA MA DANG PHYIS MA RTOGS PAR NA DE KHYAB PAR BYED PA MTHONG BAR YANG MI 'THAD DO ZHES STON PA NI, SNGA PHYI'I RANG BZHIN ZHES BYA BA'O, DON DAM PAR NA KHYAB BYA MA RTOGS PAR KHYAB PAR BYED PA MI RTOGS TE, DBYUG PA MA RTOGS PAR DBYIG PA CAN BZHIN NO,, DES NA SNGA MA DANG PHYI MA'I RANG BZHIN DANG LDAN PA'I BDAG DANG BRAL BA'I RANG BZHIN SNANG BA NYID NI NYE BA'I RANG BZHIN CAN DU SNANG BA DE LAS GZHAN BA SNANG BA'I RANG BZHIN NYID YIN GYI, RIM MA YIN PAR SNANG BA NI MA YIN NO SNYAM DU DGONGS PA'O, ,'ON TE DE'I SNGA MA DANG PHYI MA'I RANG BZHIN KHYAB PA NYID NI RIM GYIS RTOGS PA YIN NO SNYAM DU DOGS PA BSU NAS BSHAD PA NI, RIM GYIS KHYAB PA NYID NA NI, ,ZHES BYA BA'O, ,GAL TE RIM GYIS KHYAB BAR RTOGS NA DE'I TSE RIM MA YIN PA NI KHYAB PA NYID DU MA RTOGS PAR 'GYUR RO, ,CI'I PHYIR MA RTOGS PAR 'GYUR SNYAM NA, PHYI MA'I RANG

BZHIN DANG BCAS PAR MTHONG BA'I DUS NA SNGA MA'I RANG BZHIN DANG LDAN PA MTHONG BA NI THA DAD PA'I THA SNYAD KYI YUL YIN TE, THA SNYAD DE NI DE CAM GYI RGYU MTSAN CAN YIN PA'I PHYIR RO ZHES BSHAD PA NI, GCIG PO DE NI ZHES BYA BA'O, ,GAL TE GCIG GI TSE NYID NI GCIG NYID MTHONG BA DANG MA MTHONG BAR MI 'THAD KYI, DUS THA DAD PAR NI 'THAD PA KHO NA'O ZHES GZHAN DAG BRJOD PA NI DE'I TSE NYID DE ZHES BYA BA'O, ,GRUB PA'I MTHA' SMRA BAS GCIG PHYIR ZHES BYA BA GSUNGS SO, ,DES NA GCIG DUS THA DAD PA NYID MED PA'I PHYIR NA MTHONG BA DANG MI MTHONG BA NYID DO SNYAM DU DGONGS PA'O, ,DE LTAR RNAM PAR RTOG PA MED PA'I MTHONG BA DANG MA MTHONG BA NYID MI 'THAD DO ZHES BSTAN PA YIN NO, ,DE 'DI'O SNYAM PA'I RNAM PAR RTOG PA MTHONG ZIN PA DANG MTHONG BZHIN PA GNYIS LA GCIG TU MNGON PAR ZHEN PA NI DRAN PA'I MNGON SUM GYIS RANG BZHIN DRAN PA'I DBANG PO LA SOGS PA'I TSOGS PA LAS BYUNG BA YIN NO ZHES GZHAN GYI BSAM PA'I DOGS PA BSU BA NI, YANG NAS YANG DU ZHES BYA BA'O, ,NI ZHES BYA BA NGES PAR GZUNG BA'I DON TO, ,'DZIN PAR ZHES BYA BA DE'I 'OG TU BLTA BAR BYA BA'O, ,DE 'DI'O SNYAM PA'I RNAM PAR RTOG PA NI GZUNG BA DANG GZHAN 'DZIN PA'I RIGS PA MA YIN NO ZHES BYA BA'I DON TO, ,GAL TE DE LTA NA MNGON SUM DU 'GYUR GYI, DRAN PAR GO JI LTAR SNYAM NA, GZUNG BA DANG NGO ZHES GSUNGS SO, ,DES NA DE 'DI SNYAM PA'I RNAM PAR RTOG PA NI DRAN PA'ANG YIN NO ZHES BYA BA'I DON TO, ,LAN DU DRAN PA TSAD MA MA YIN PHYIR, ,ZHES BYA BA'O, ,GAL TE GZUNG BA TZAM 'DZIN PA NI DRAN PA YIN NA 'DI NI DE LTA MA YIN TE, MA BZUNG BA SNGA MA DANG PHYI MA'I RANG BZHIN GNYIS KYI GCIG NYID 'DZIN PA'I PHYIR RO SNYAM DU DOGS NA GANG GIS MNGON SUM ZHES SMOS SO, ,GCIG YIN PA'I PHYIR MTHONG BA SNGA MAS KYANG 'DI GZUNG BA YIN TE, DES NA BZUNG ZIN PA 'DZIN PAS NA, DRAN PA TSAD MA YIN NO ZHES BYA BA'I DON TO, ,DE NI BDEN TE DNGOS PO GCIG YIN LA, SNGAR BZUNG ZIN PA'ANG YIN NO, ,'ON KYANG DE'I DA LTAR BA NYID NI SNGA MA GZUNG BA MA YIN TE, DE'I TSE MED PA'I PHYIR RO SNYAM

, ,DU DOGS PA BSU BA NI, GAL TE DE TSE ZHES BYA BA'O, ,THA DAD MED PHYIR ZHES BYA BA NI LAN NO, ,DUS ZHES BYA BA SNGA MA DANG PHYI MA YANG YOD PA GZHAN NI 'GA' YANG MED KYI, 'ON KYANG RGYUN LA SOGS PA NYID YIN NA, ,DE DANG GCIG RIM GYIS 'BREL PA NI TSAD MAS GNOD PA YIN NO, ,GAL TE MTHONG BA SNGA MA'AM PHYI MAS NI, DNGOS PO DUS RING POR MI RTOGS TE NUS PA MED PA'I PHYIR RO, ,GCIG NYID NI NGO SHES PA KHO NAS RTOGS PAR BYED PA YIN NO SNYAM DU DOGS PA BSU NAS, DE LA MTHONG ZIN ZHES BYA BA'O, , MTHONG BA SNGA MA DANG PHYI MA DAG GIS NI, RANG GI DUS KYI DNGOS PO RNAM PAR GZHAG PA'I PHYIR, DES GNOD PAR BYA BA'I NGO BO SHES PA NI, BAG CHAGS KYI STOBS LA BRTEN PA YIN GYI GCIG NYID 'DZIN PA NI MA YIN NO ZHES BYA BA'I DON TO, ,YANG NA RNAM PAR DBYE BA 'DI JI LTAR YIN TE, TSAD MAS MTHONG BA MA YIN NO SNYAM DU DOGS PA BSU NA DE LA MTHONG ZIN ZHES BYA BA'O, ,DE LTAR SNGA MA DANG PHYI MAR GYUR PA'I GCIG NYID BSAL NAS DE YOD KYANG DE 'DZIN PA'I TSAD MA 'GA' YANG MED DO ZHES BSTAN PA'I DON DU 'DRI BA GANG STE DE'I SNGA MA DANG ZHES BYA BA'O, ,DE'I BDAG NYID GANG GIS JI LTAR RTOGS TE TSAD MA MED PA'I PHYIR RO, ,'DI LTAR SNGA MA DANG PHYI MA DAG GIS SAM, GCIG GIS RTOGS TE DE LA RE ZHIG SNGA MA DANG PHYI MA DAG GIS NI MA YIN TE, SNGA MA DANG PHYI MA NYID THA DAD PAR MA RTOGS PA'I PHYIR RO ZHES SMRAS PA NI SNGA PHYI'I SHES PA LAS SHES NA ZHES BYA BA'O, ,DGOS PA NI 'DI YIN TE, GAL TE SNGA MA DANG PHYI MA'I RTOGS PA DAG GIS RANG NYID KYIS SNGA MA DANG PHYI MA NYID RTOGS PA YIN NA DE'I TSE GZHAN YANG DER GZHAG PAR NUS PA YIN NA, DE DAG GI THA DAD PA SNGA MA DANG PHYI MA'I MTSAN NYID RTOGS PA LA NI TSAD MA 'GA' YANG YOD PA MA YIN NO ZHES BYA BA'O, ,RANG RIG PA'I TSAD MA YOD DO SNYAM DU DOGS PA BSU BA NI GAL TE ZHES BYA BA'O, ,RANG RIG PA LA NI SHES PA'AM SHES BYA'I SNGA MA DANG PHYI MA NYID SRID PA MA YIN NO ZHES LAN 'DEBS PA NI DE LAS ZHES BYA BA'O, ,

RANG RIG PA DE LAS SNGA MA DANG, PHYI MA GNYIS NYID RTOGS PAR MI 'GYUR RO, ,GZHAN RIG PA YIN YANG NYE BAR 'DZIN PA'I PHYIR SNGA MAS PHYI MA'AM SNGA MA 'DZIN BA NI MED DO ZHES BRJOD BA NI SNGA MA PHYI MA MED PA NI DE'I RTOGS PA NI DE DAG GIS RTOGS PA'O, ,SNGA MA'AM PHYI MA'I RIG PA NI PHAN TSUN THA DAD PA MA YIN TE GCIG YIN PA'I PHYIR RO ZHES BYA BA PHYOGS GNYIS PA'I DOGS PA BSU BA NI, GAL TE SNGA MA DANG ZHES PA'O, ,GCIG NA ZHES BYA BA NI LAN NO, ,'DI NYID GSAL BAR BYED PA NI, MNGON DU BYAS BZHIN PA NYID NA ZHES BYA BA'O, ,GAL TE YANG SNGON DU BYED PA SNGA MA DANG PHYI MA'I DNGOS PO MI SNANG BA DE LTA NA RNAM PAR RTOG PA LA NI SNANG BA KHO NA'O ZHES DOGS PA BSU BA NI, GAL TE SNGA MA NYID MIN NA, ,ZHES BYA BA'O, ,RNAM PAR RTOG PA NI SNGON DU BYED PA'I RANG BZHIN MA YIN TE, BAG CHAGS KYI STOBS LA BRTEN PA'I DRAN PA NYID YIN NO ZHES LAN 'DEBS PA NI 'DI RTAGS ZHES BYA BA STE, SNGA MA NYID RTOGS PA'O, ,DE RTOGS MIN NI SNGA MA NYID RTOGS PA MA YIN PA'O, ,DE DANG 'BREL PA'I PHYIR DE RTOGS PA YIN NO SNYAM PA'I DOGS PA BSU BA NI 'DI ZHES BYA BA'O, ,'DI'I NI SNGA MA NYID KYI'O, ,DE MED PAR YANG YOD PA'I PHYIR DE DANG 'BREL PA YOD PA MA YIN NO ZHES LAN 'DEBS PA NI DE'I ZHES PA NI JI LTAR BRJOD CES BYA BA'O, ,DE MED PAR NI SNGA MA NYID MED PAR RO, ,'DIS NI DNGOS SU RGYU DANG 'BRAS BU'I DNGOS PO YIN PA BSAL BA YIN NO, ,BRGYUD PAS RGYU DANG 'BRAS BU'I DNGOS POR DOGS PA BSU NAS, 'DI NI SKABS LA NYE BAR MKHO BA MA YIN NO ZHES BRJOD PA NI RGYU DANG ZHES BYA BA'O, ,DE TZAM GYIS ZHES BYA BA NI RGYU DANG 'BRAS BU'I DNGOS PO TZAM GYIS SO, ,'ON TE RNAM PAR RTOG PA RNAMS KYI 'DZIN PA NI LHAG PAR ZHEN PA YIN NO SNYAM DU DOGS PA BSU NAS BSHAD PA'I DON NI ZHES BYA BA'O, ,BZLOG PA LAS NI LHAG PAR ZHEN PA LAS SO, ,GAL TE GZUNG BAR BYA BA NI RGYU NYID YIN LA, 'DZIN PAR YANG 'BRAS BU NYID MA YIN NAM, DE SKAD DU YANG RGYU NYID LA GZUNG BAR 'THAD PA SHES PAR RIG NA ZHES BSHAD PA YIN NO, ,'DI NI DRAN PA

, ,YANG NYAMS PA MED DO SNYAM DU DOGS PA BSU NAS MYONG BAS BAR DU CHOD PA'I PHYIR ZHES GSUNGS SO, ,DRAN PA LA NI MYONG BA NYID NUS PA YIN TE, DE'I BAG CHAGS KYI RJES SU 'JUG PA'I PHYIR RO ZHES BYA BA'I DON TO, ,MYONG BA'I MTHU LAS BYUNG BA'I DRAN PA YANG DE'I PHYED BA'I YUL TZAM LHAG PAR ZHEN PAR BYED KYI SNGA MA NYID LA SOGS PA NI MA YIN TE, DE NI MYONG BAS GZUNG BA'I PHYIR RO ZHES BRJOD PA NI MYONG BA SNGA MAS ZHES BYA BA'O, ,PHYI MAS DE'I SNGA MA NYID 'DZIN PA MA YIN NO ZHES 'BREL TO, ,DES NI MI 'DZIN PAS NA'O, ,MNGON SUM GYIS BYED PA'I RJES SU 'BRANG BA'I PHYIR NA DRAN PAS KYANG DE RNAM PAR GNAS PA MA YIN NO ZHES BYA BA'I DON TO, ,DE'I PHYIR SNGA MA NYID LA SOGS PA NI THOG MA MED PA'I BAG CHAGS LAS BYUNG BA'I RNAM PAR RTOG PAS RTOGS PAR BYA BA KHO NA YIN NO ZHES BRJOD PA NI 'DAS PA'I MNGON SUM ZHES BYA BA'O, , DES NA SNGA MA DANG PHYI MAR GYUR PA'I DON NI YOD PA MA YIN TE, MA DMIGS PA'I PHYIR RO ZHES GNAS SO, ,DE YAN CHAD NI SNGA MA DANG PHYI MA DAG TU RJES SU 'GRO BA'I RANG BZHIN GCIG BSAL NAS, DA NI SNGA MA DANG PHYI MA DAG LA GCIG NYID RNAM PAR GNAS PA DANG, YOD PA YANG DMIGS PA LAS GZHAN KHO NA'O ZHES 'DOD PA TSAD MA CAN MA YIN PA'I PHYIR DGAG PA BRJOD PA NI, 'ON TE ZHES BYA BA'O, ,DE RNAMS NYID NI SKYE BA LA SOGS PA RNAMS SO, ,CI'I PHYIR DE RNAMS YOD PAR MI 'GYUR SNYAM NA, DE'I DNGOS PO DANG MI LDAN PHYIR ZHES GSUNGS SO, ,GANG GIS YOD PAR GYUR PA SKYE BA LA SOGS PA RNAMS LA SO SOR SKYE BA LA SOGS PA YOD PA NI MA YIN NO, ,'ON TE DE RNAMS LA YANG SO SOR SKYE BA LA SOGS PA KHAS LEN NA, DE LTA NA NI 'O NA DE DANG DER KHAS LEN PAS THUG PA MED PA'I PHYIR YOD PAR MI 'GRUB BO, ,DES NA SKYE BA LA SOGS PA RNAMS DE'I DNGOS PO DANG MI LDAN PA'I PHYIR YOD PA MA YIN PAR 'GYUR RO, ,GANG GIS DE DANG LDAN PA YOD THAR 'GYUR PA SKYE PA LA SOGS PA RNAMS NI CIG CAR SRID PA YANG MA YIN NO ZHES BYA BA NI GANG TSE ZHIG PA ZHES BYA BA'O, ,DE TSE YOD PAR MNGON PAR 'DOD PA DE YOD PAR JI LTAR

'GYUR, SKYE BA DANG GNAS PA DAG MED PA'I PHYIR RO ZHES BYA BA'I DON TO, ,'ON TE GANG GI TSE 'DI GNYIS YOD PA YIN NO SNYAM NA BSHAD PA SKYE BA DANG GNAS PA DE SNGAR YOD PAR RTOGS NA NI'O, ,DE YOD PA'I DUS NA YANG 'DZIN PA MED PA'I PHYIR YOD PAR MI 'GRUB BO ZHES BYA BA'I DON TO, , BSTAN PA NI NYE BA'I YUL CAN GYI MNGON SUM GYIS RTOGS PA MA YIN NO ZHES BRJOD PA NI, ,BSTAN PA LA YANG ZHES BYA BA'O, ,YOD PA'I MTSAN NYID NI RTOGS PA KHO NA YIN NO ZHES MJUG SDUD PA NI THAMS CAD CES BYA BA'O, ,GZHAN DU JI LTAR ZHES BYA BA NI, SKYE BA LA SOGS PA'I RNAM PAS YOD PAR JI LTAR 'GYUR ZHES BYA BA'O, ,DE PHYIR ZHES BYA BA NI RTOGS PA DANG MA RTOGS PA DAG 'GAL BA'I PHYIR RO, ,RTAG DANG MI RTAG PA'I ZHES BYA BA NI DMIGS PA'I'O, ,'O NA JI LTAR YOD PA YIN SNYAM NA, DNGOS RTAG PA'AM ZHES GSUNGS SO, ,MI RTAG PA NI SNGA MA DANG PHYI MA'I RANG BZHIN DU MA RTOGS PA'O, ,RTAG PA NI DE'I RANG BZHIN DU DMIGS PA'O, ,LAM GYI ZHAR LA ZHES BYA BA NI LAM STON PAS ZHAR LA NGES PAR 'BYUNG BA ZHES BYA BA DE LTA BU'I RANG 'GOG PA'I RNAM PA BZHI BSTAN PA'O, ,BSHAD ZIN ZHES BYA BA NI DE'I GNOD BYED NI, BDAG MED MTHONG BA 'GAL BA YIN, ,ZHES BYA BA 'DIS SO, ,LAM YANG LAM NYID DANG RIGS PA NYID DANG, BSGRUB PA NYID DANG, ,NGES PAR 'BYIN PA NYID CES BYA BA RNAM PA BZHI'O, ,DE LAM ZHES BYA BA 'DIS NI RNAM PA DANG PO LA ZHES BRJOD DO, ,LAM DE GOMS PA NI RJES SU BSGRUB BA YIN PA'I PHYIR GZHAN YANG BRJOD PA YIN NO, ,SGRUB PA NI RJES SU BSGRUB BA'I RANG BZHIN YIN PA'I PHYIR RO, ,DES NA GNAS 'GYUR ZHES BYA BA 'DIS RGOL BA DE GYUR PA'I RGYU NYID DU BRJOD PA NA RNAM PA BZHI PA YANG BRJOD PA YIN NO, ,RIGS PA NYID CES BYA BA'I RNAM PA NI DA DANG DER SGRUB BA'I CHAD MA BRJOD PA NYID KYIS BRJOD PA YIN NO, ,DE GOMS PA LAS GNAS 'GYUR ZHES BSDUS PAS NI BDAG DANG BDAG GIR 'DZIN PAS BYAS PA'I CHAGS BA DANG BRAL BA GNAS BRTAN YONGS SU GYUR BA NI BDAG MED PA MTHONG BA GOMS PA LAS GYUR PA YIN NO ZHES BRJOD PA YIN NO, ,GAL TE

, ,JI LTAR BDAG DANG BDAG GIR 'DZIN PA DE'I BDAG TU GYUR PA NYID LA BDAG MED PA MTHONG BAS GNOD PAR 'GYUR BA DE BZHIN DU 'DI DE'I BDAG TU GYUR KYANG BDAG LA SOGS PA'I 'DZIN PAR 'BYUNG BA KHO NA'O, ,DES NA GNAS YONGS SU GYUR PA 'GAL BA'I KHYAD PAR LA YIN SNYAM DU DOGS PA BSU BA NI, GAL TE ZHES BYA BA'O, ,BDAG GYUR KYANG NI LAM MO, ,BDAG TU 'DZIN PA LA SOGS PA'I SKYON RNAMS LAM BZHIN DU 'BYUNG ZHE NA, LAM DE'I BDAG TU GYUR PA LA NYES PA 'BYUNG BAR NI RIGS PA MA YIN TE, ,NUS PA MED PHYIR RO ZHES BYA BA BDAG TU 'DZIN PA LA SOGS PA MTHU MED PA'I PHYIR DANG, LAM NI BZLOG PA'I YIN PA'I PHYIR RO, ,KUN GZHI ZHES BYA BA NI GANG LAS 'JUG PA'I RNAM PAR SHES PA LNGA 'JUG PA DE NI KUN GZHI'O ZHES BYA BA NI RNAL 'BYOR SPYOD PA'I LUNG BSTAN PA'O, ,YONGS SU DAG PA'I RANG BZHIN NYID BRJOD PA NI BDAG DANG BDAG GIR ZHES BYA BA NI 'DRI BA'O, ,BDAG DANG BDAG GIR 'DZIN PA LA SOGS PA'I NYES PA RNAMS BCOM PA'I PHYIR RO ZHES 'BREL TO, ,GANG GIS BCOM SNYAM NA, YON TAN BDAG MED PAR LTA BAR YOD PAS SO, ,BZLOG PAR TE, YON TAN RNAMS NYES PA 'BYUNG BAS BCOM PAS DI [*'DI] LTAR MI 'GYUR ZHE NA ZHES BYA BA NI, 'DRE BA'O, ,YON TAN ZHES BYA BA NI LAN NO, ,BDAG MED PAR MTHONG BA NI DNGOS PO'I YUL CAN NYID KYIS RANG BZHIN YIN PA'I PHYIR RO, ,BDAG TU 'DZIN PA LA SOGS PA'I NYES PA RNAMS NI DE LAS BZLOG PA'I PHYIR TE, YUL MED PA NYID KYIS NA RANG BZHIN MA YIN PA'I PHYIR RO, ,GAL TE BDAG LA SOGS PAR 'DZIN PA'I RNAM PAR SHES PA YANG THOG MA MED PA'I BAG CHAGS LAS BYUNG BA'I PHYIR RGYU DANG BCAS PA YIN PAS, DMIGS PA'I RGYU DANG BCAS PA DE LAS BZLOG PA'I PHYIR TE, YUL MED PA NYID KYIS NA RNAG BZHIN MA YIN PA'I PHYIR, 'DZIN PA BDAG MED PAR LTA BA DANG THA DAD PA MED DO, ,GANG GIS GCIG NI GNOD BYED DU 'GYUR LA, GZHAN GYI RGYU DANG BCAS PA NYID YIN BZHIN DU DE LTAR MA YIN PA, DMIGS PA'I RKYEN DAG LA KHYAD PAR NI 'GA' YANG YOD PA MA YIN NO ZHES 'DRI BA DE NI DE JI LTAR ZHE NA ZHES BYA BA'O, ,

KHYAD PAR BSHAD PA NI, RNAM SHES YUL 'DZIN PA'I CHOS ZHES BYA BA'O, ,NYA PHYIS 'DZIN PA LTAR RANG BZHIN NI GNOD PA MED PA'I PHYIR RO, ,RGYU DANG BCAS PA'I YIN YANG, YUL DANG BRAL BA'I 'DZIN PA NI NYA PHYIS LA DNGUL DU 'DZIN PA BZHIN DU DE NI 'DI LTAR MA YIN NO ZHES BSKYED NAS, 'JIG PAR 'GYUR GYI RANG BZHIN NI DE LTA MA YIN NO, ,CI'I PHYIR SNYAM NA, JI LTAR YOD BDE 'DZIN PA YIN NO, ,'CHAD PAR 'GYUR BA GANG PHYIR DON, AE TE'I SGRA NI 'DIR YANG SBYAR RO, ,'DIS NI RNAM PAR SHES PA LA GNAS PA MI GNOD PA'I RGYU MTSAN BRJOD PA YIN NO, ,YUL LA GNAS PA YANG BRJOD PA NI YUL DE RNAM PAR SHES PA 'DI'I SKYED PAR BYED PA'ANG YIN NO, ,'KHRUL PA NA YANG 'DI MTSUNGS PAS KHYAD PAR DU BYED PA NI BDAG NYID DE RANG GI RNAM PAR 'JOG PAR BYED PA'O, ,'KHRUL PA'I SKYED PAR BYED PA YIN YANG, RANG GI BDAG NYID KYIS NI SKYED PAR BYED PA MA YIN NO, ,AE TE'I PHYIR GYI DON TO, ,'ANG GI SGRA NI SHES PA LA GNAS PA'I RGYU MTSAN LA LTOS NAS SDUD PA'O, ,GAL TE LAM GYI RANG BZHIN DE'I BDAG TU GYUR PA LA NI JI LTAR MI GNOD CES BRJOD PA LA, RNAMS PAR SHES PA'I RANG BZHIN GNOD PA MA YIN NO ZHES CI'I PHYIR BRJOD SNYAM NA, RNAM PAR SHES PA NI ZHES GSUNGS SO, ,GANG GIS ZHES BYA BA NI YUL 'DZIN PAS SO, ,DE'I RNAM PAR SHES PA'I'O, ,LDOG PA BRJOD PA NI RNAM PAR SHES PA NI ZHES BYA BA'O, ,RIG PA MA YIN PA RNAMS LA NI ZHES BYA BA NI YUL 'DZIN PA MED PA LA'O, ,DE LTA BU MED PA'I PHYIR RO ZHES BYA BA NI, RNAM PAR SHES PA NYID MED PA'I PHYIR RO, ,YUL 'DZIN PA DE'I RANG BZHIN YIN PA GA LAS SNYAM NA, JI LTAR YOD PA ZHES GSUNGS TE, SNGA MA BZHIN DU SBYAR RO, ,BDAG MED PAR LTA BA LA YANG RGYU MTSAN GNYIS YOD PA'I PHYIR RANG BZHIN NYID YIN NO ZHES MJUG SDUD PA'I SGO NAS RTZA BA BRJOD PA NI, DES NA ZHES BYA BA'O, ,RGYU MTSAN 'DI GNYIS DANG BRAL BA NI 'DZIN PA YIN GYI RANG BZHIN NI MA YIN TE, GNOD PA'I PHYIR RO ZHES BRJOD PA NI GZHAN NI DE'I RANG

, ,BZHIN ZHES BYA BA'O, ,'DI YIN ZHES BYA BA NI YUL 'DZIN PA'O, ,RANG BZHIN 'DI LAS RNAM PAR SHES PA DE'O, ,RKYEN GYIS NI ZHES BYA BAS NI YUL LA GNAS PA'I RGYU MTSAN MED PA BRJOD DO, ,GOL 'GYUR ZHES BYA BAS NI RNAM PAR SHES BA RANG LA GNAS PA'I RGYU MTSAN MED PA BRJOD DO, ,BZLOG PA LA RGYU MTSAN MED PA GA LAS RTOGS SNYAM NA, GANG GI PHYIR SA LA STE, LDOG PA'I RGYU MTSAN DU GNOD PAR BYED PA'I RKYEN LA LA DE'I PHYIR MA BSTAN TE, RANG BZHIN MA YIN PA NGO BO NYID DU GYUR PA MA YIN NO, ,RANG BZHIN MA YIN PA'I DPE NA, SPRUL GYI BLO BZHIN NO ZHES BYA BA YIN NO, ,RTZA BA MED PA ZHES BYA BAS NI RANG GI SKYED PAR BYED PA YUL MED PAR BRJOD DO, ,GAL TE BDAG LA SOGS PAR 'DZIN PA RANG BZHIN PAS NA SKYED PAR BYED PA'I PHYIR MI SKYE BA NYID DU 'GYUR RO ZHES PHYOGS SNGA MA 'GOD PA NI GAL TE THAG PA LA ZHES BYA BA'O, ,RTZOD PA 'DI LAN PHYOGS GZHAN DU BRJOD PA NI YOD PA LA DMIGS PAR BYED PAS NA YOD PA DMIGS PA STE, THOG MA MED PA'I MA RIG PA'I 'DU BYED DE DES SO, ,'DIS NI NANG GI 'KHRUL PA'I RGYU BRJOD DO, ,MTHONG BA'I YOD PA DE LA DOGS NI SRID PAR BYED PA STE DES BSLUS PA'O, ,YUL LA GNAS PA'I RGYU YANG BRGYUD PA NI 'DI 'DRA PA ZHES BYA BA'O, ,'AM GYI SGRA NI DANG GI SGRA'I DON TO, ,BSHAD PA MDZAD PAS SO, ,GANG GI TSE DNGOS PO SNGAR MTHONG BA BAR DU MA MTHONG BA LAS YANG MTHONG BA DE'I TSE BAR DU YOD PAR DOGS PA LAS MI RTAG PA NYID MI MTHONG NGO ZHES BSHAD PA NI, GAL TE THA SNYAD PA LAS YANG SNANG PA THA DAD PA NI YOD PA KHO NA MA YIN NAM ZHE NA, BDEN TE KHAD KYANG THA SNYAD DU MI BYED DE DGOS PA MED PA'I PHYIR RO ZHES BRJOD PA NI THA SNYAD NI ZHES BYA BA'O, ,'DIS NI DON BYA BA TZAM GYIS TSIG PA'I PHYIR NA, SNANG BA THA DAD PA MA BRTAGS PA NI DE KHO NA MA MTSON PA'I RGYUR BRJOD PA YIN NO, ,'DRA BA GZHAN BYUNG BA YANG RGYU YIN NO ZHES BRJOD PA NI YANG NA ZHES BYA BA'O, ,'DRA BA GCIG TU SGRO 'DOGS PA'I RGYU YIN PA'I DPE NI MTSE MA DANG ZHES BYA BA'O, ,GAL TE YOD PA DMIGS PA ZHES BYA BA DER YANG 'DRA BA'I GZHAN 'BYUNG BA YOD PA NYID MA YIN NAM ZHE NA,

MA YIN NO ZHES BRJOD PA NI, SNGA MAR NI ZHES BYA BA'O, ,GAL TE SNGA MAR DE LTAR BRJOD PAR 'DOD PA YIN NO ZHES BYA BA GA LAS YIN TE, 'DRA BA GZHAN MTHONG BA MED PAR NI GCIG TU LHAG PAR ZHEN PA MI 'BYUNG BA'I PHYIR RO SNYAM NA, GANG LAS ZHES BYA BA'O, ,RTZVA LA SOGS PA GZHAN DANG GZHAN LAS SKYES PA ZHES BYA BA 'DIS NI MI 'DRA BA NYID DU BSTAN TO, ,MI 'DRA YANG DON BYA BA TZAM LAS MI SLU BAS GCIG NYID DU ZHE NA, MA YIN NO, ,DES NA DER 'DRA BA GZHAN MTHONG BA LA LTOS PAS CI ZHIG BYA SNYAM DU DGONGS PA'O, ,'ON TE ME'I NYE BAR ME YIN PA DES NA DER YANG 'DRA BA GZHAN MTHONG PA NYID LAS DE LTAR ZHEN PA YIN NO SNYAM NA, DE LA NYE BAR LEN PA NI ZHES GSUNGS SO, ,JI LTAR ME NYE BAR LEN PA YIN SNYAM NA ME LAS ZHES BYA BA SMOS SO, ,'DI LAS SNYAM NA DANG PO ZHES GSUNGS SO, ,LUGS GZHAN GYIS KYANG 'DRA BA GZHAN 'BYUNG BA NYID BRJOD PA NI, YANG ZHES BYA BA'O, ,ME DE NYID LAS ZHES BYA BA NI MTHONG BA NI MTHONG BA'I RJES SU 'BRANGS NAS DPAG PA LAS SO ZHES BYA BA'I DON TO, ,'O NA RTZVA LA SOGS PA GZHAN DANG GZHAN NYE BAR LEN PA YIN PA'I PHYOGS LA DANG PO ME LAS SKYED SNYAM NAS, RIGS MTHUN PA LAS SKYE BA NI ZHES GSUNGS SO,, DE LTAR LUGS GNYIS LA BRTEN NAS 'DRA BA GZHAN 'BYUNG BAS BSLUS PAS ZHES BYA BA'I RNAM PAR RTOG PA YIN NO ZHES BRJOD PA NI, DE NYID KYI PHYIR ZHES BYA BA'O, ,DE YANG ZHES BYA BA NI YOD PA DMIGS PAS RTAG TU DE LTAR YOD PAR DOGS PAS MA BSLUS PA ZHES BYA BA'O,, BSHAD PA GZHAN GSUNGS PA NI YANG ZHES BYA BA'O, ,GANG DE LTAR YOD PA'I DOGS PA YOD PA MA YIN PA'O, ,YANG NA DE LTAR YOD PAR DOGS PAS NA, DE LTAR YOD PA LA DOGS PA'O, ,DE LTA MA YIN PA NI DE LTAR YOD PA LA DOGS PA MED DO, ,DE NYID KYI PHYIR MA BSLUS PA STE YONGS SU TSIM PA YIN NO, ,DE LTAR YOD PA LA DOGS PA MED PA NYID BRJOD PA NI, DE LTAR YOD PA NI ZHES BYA BA'O, ,'DI GA LAS SNYAM NA, TAG TU ZHES GSUNGS SO, ,SNGAR NI MA BSLUS PA BSGRUB PA'I PHYIR YOD PA DMIGS PAS ZHES BRJOD PA YIN LA, DA LTAR NI DE LTAR YOD PA LA DOGS PA

, ,MED PA NYID SGRUB PA'I DON DU RTAG TU ZHES KHYAD PAR DANG BCAS NAS BRJOD DO, ,BAR CHAD MED PAR DMIGS PA LA YANG CI STE DOGS PA MA YIN SNYAM NA, MA DMIGS NA NI ZHES GSUNGS SO, ,DMIGS PA BAR DU MI DMIGS LAS GANG GI TSE YANG DMIGS PA DE'I TSE 'DRA BA GZHAN ZHES BYA BA LA SOGS PAR BLTA'O ZHES BRJOD PA NI GANG GI TSE ZHES BYA BA'O, ,GCIG NYID DU DOGS PA BSU NAS ZLOG PAR BYED PA NI ZHIG PA ZHES BYA BA'O, ,ZHIG PA SHI BAR NGO SHES PAR BYAS PA'O, ,MA ZHIG PA DANG GCIG NYID DO ZHE NA, CI'I PHYIR TSAD MA MA YIN SNYAM DU DOGS NA, KHYAB BYED MED PA'I PHYIR TSAD MA MA YIN NO ZHES BRJOD PA NI, MNGON SUM DANG ZHES BYA BA'O, ,JI LTAR MI 'THAD SNYAM NA, DE LTAR YANG ZHES GSUNGS SO, ,YANG NA DON BYA BA DMIGS PA'AM, 'DRA BA GZHAN SKYE BA 'BA' ZHIG NI DE KHON MI RTOGS PA'I RGYU MA YIN GYI 'ON CI ZHE NA, THOG MA MED PA MA RIG PA'I BAG CHAGS KYANG YIN NO ZHES MJUG SDUD PA NI DE'I PHYIR ZHES BYA BA'O, ,DE YAN CHAD NI KUN NAS NYON MONGS PA'I RNAM PAR GZHAG PA BRJOD PA YIN NO, ,GNYIS SU MED PA LA YANG 'DI NYID DPAG PAR BYA BA'O, ,DE NYID KYI PHYIR ZHES BYA BA NI DRA MI RNAMS GLO BUR BA YIN PA NYID KYI PHYIR RO, ,'OD GSAL NI DE KHO NA 'DZIN PA'I BDAG NYID DO, ,RANG BZHIN GYIS ZHES BYA BA NI NGO BO KHO NAS SO, ,JI LTAR 'OD GSAL SNYAM NA, RTAG PA NYID DANG ZHES GSUNGS SO, ,DE LTA YIN DANG 'DI 'GRUB PO ZHES BRJOD PA NI BDAG TU 'DZIN PA LA SOGS PA DRI MA RNAMS NI GLO BUR PA STE RANG BZHIN MA YIN PAS SO, ,RTZA BA MED PA CAN NYID KYIS NI YUL MED PA CAN GYIS SO, ,GLAN PA'I RGYA TZAM DU ZAD PA'I PHYIR RO, ,MA BRTAGS PAR MNGON PAR RLOM PA TZAM YIN PA'I PHYIR RO, ,RNAM PAR DPYAD NA NI RANG RIG PA TZAM YIN PAS 'DOGS PA NYID MED PA'I PHYIR RO ZHES BYA BA'I DON TO, ,GAL TE BDAG GYUR KYANG LAM BZHIN SKYON NI 'BYUNG ZHEN ZHES BYA BA'I RTZOD PA YONGS SU SPANGS PA'I MJUG SDUD PA NI DE PHYIR SNGAR YANG ZHES BYA BA'O, ,DE'I BDAG TU GYUR PA LAS SNGAR TSU ROL PA'I GNAS SKABS NA YANG NGO, ,CI'I PHYIR PHYIS

NUS PA MED SNYAM NA, LAM BDAG TU GYUR PA 'GA' ZHIG LA NYES PA 'BYUNG BA GANG YIN PA DER YANG NA GNAS PHA NI MA YIN TE, 'GA' ZHIG LAS KHYAD PAR THOB BA'I LAM DE NYID KYIS GNOD PA'I PHYIR RO ZHES BRJOD PA NI NUS PA YONG NA YANG ZHES BYA BA'O, ,GNOD PA CAN NI LAM MO, ,DE BSKYED PAR NUS PA NI MTHU STE, BAG CHAGS KYI 'DU PHYED CES BYA BA'I DON TO, ,DE'I SNYING PO CAN SEMS KYI DNGOS PO LA SKYED PA TZAM DU NUS PA YOD KYANG YUN DU GNAS SHING 'PHEL BA'I NUS PA MA YIN TE, YUN LA YOD PA MA YIN NO ZHES 'BREL TO, ,GAL TE DAD PA LA SOGS PA ZHES BYA BA'I RTZOD PA LA TSIGS SU BCAD BA 'DI LAN YIN NO ZHES BRJOD PA NI, GAL TE SKYON SKYE BA YIN NA YANG ZHES BYA BA'O, ,GAL TE JI LTAR BDAG TU 'DZIN PA LA SOGS PA'I MA GOMS PA LAS BYUNG BA NI 'BAD PAS BZLOG PAR BYA BA YIN BA DE BZHIN DU GOMS PAS LAM DE'I BDAG TU GYUR KYANG 'BAD PAS BZLOG PAR BYA BAR 'GYUR RO ZHE NA, 'TSE BA MED DANG ZHES GSUNGS SO, ,'TSE BA MED PA NYES PA DANG MI LDAN PA LA NYES PA MTHONG BA YIN NA SPANG BA'I DON DU 'BAD PAR 'GYUR BA ZHIG NA DE YANG YOD PA MA YIN NO ZHES RGYU MED PA BRJOD PA YIN NO, ,YANG DAG DON DANG RANG BZHIN ZHES BYA BA GNYIS KYANG SPANG BAR MI NUS BA RTZOL BA MED PA'I RGYUR BRJOD PA YIN NO, ,PHYIN CI LOG GIS NI BDAG TU 'DZIN PA LA SOGS PAS MI GNOD DO, ,'BAD PA DANG LDAN PA'I BLO NYID NI MED 'BAD PA DANG LDAN PA YOD DU ZIN KYANG SPANG BA'I DON DU 'BAD PA DGAG PA LA RGYU 'GAL BA YON TAN MTHONG BA DMIGS PAR BRJOD PA YIN NO, ,DE PHYOGS 'DZIN PHYIR RO ZHES BYA BA'O, ,YON TAN LA YON TAN MA MTHONG BA YANG MA YIN ZHES BYA BA NI RNAL 'BYOR PAS YON TAN MTHONG BA NYID DO ZHES BYA BA'I DON TO, , CI LTAR ZHE NA, BDAG MED PA ZHES GSUNGS SO, ,DE'I PHYIR SPANG BA'I DON DU 'BAD PA MA YIN NO, ,DE'I PHYIR ZHES BYA BA NI 'BAD PA MED PA'I PHYIR RO, ,'DI NI BDAG MED PA MTHONG BA'O, ,DE PHYOGS 'DZIN PHYIR RO ZHES BYA BA 'CHAD PA NI SEMS NI ZHES BYA BA'O, ,YONGS SU SPANGS

, ,PA'I CHOS CAN DAG BCOM PA YANG SBYOR BAR BYED PA NI DNGOS PO MA LUS PA ZHES BYA BA LA SOGS PA'O, ,NYES PA RNAMS LA GNAS PA NA YANG DE GZHOM PA NYID LA 'BAD PAR BYED NA YON TAN RNAMS LA GNAS PA YIN NA LTA CI SMOS ZHES BYA BA'I DON TO, ,GAL TE NANG GI CHOS NI 'GAL BAS 'GAL BA YIN YANG SLAR 'BYUNG BA YIN TE, KHONG KHRO BAS 'DOD CHAGS BZHIN NO, ,BDAG TU 'DZIN PA NA NGA NYID YIN NO, ,BDAG TU ZHES BYA BA PHYOGS SNGA MA 'GOD PA NI GAL TE 'DOD CHAGS DANG ZHE SDANG DAG CES BYA BA'O, , NANG YIN PA'I PHYIR NI 'DOD CHAGS DANG KHONG KHRO NGAG 'BYUNG BA MA YIN GYI, 'ON KYANG SKYE GNAS GCIG PA'I PHYIR RO, ,'DI GNYIS KYI SKYE GNAS NI BDAG TU 'DZIN PA YIN NO, ,RGYU DANG 'BRAS BU'I DNGOS PO YIN PA'I PHYIR RO, ,DE LTAR BDAG TU 'DZIN PA DANG BDAG MED PAR MTHONG BA DAG GI SKYE GNAS GCIG PA'AM, RGYU DANG 'BRAS BU'I DNGOS PO NYID MA YIN NO, ,NANG NYID DAM PHYI ROL NYID 'GAL BA'I KHYAD PAR BYED PA NYID MA YIN NO ZHES LAN 'DEBS PA NI, BDAG 'DZIN RGYU GCIG CAN NYID DANG, ,ZHES BYA BA'O, ,RGYU DANG 'BRAS BU'I DNGOS PO YIN PA'I PHYIR YANG PHAN TSUN MI MTHUN PA YIN YANG BDAG TU 'DZIN PA YOD NA CIG CAR GTAN 'CHAD PA NI MA YIN TE ZHES SBYAR RO, ,JI LTAR 'DI DAG RGYU DANG 'BRAS BU'I DNGOS PO YIN SNYAM NA, GANG ZHIG CES GSUNGS SO, ,DMUS BYUNG BA NI SDANG BA ZHUGS PA'O, ,ZHE SDANG 'DOD CHAGS KYI RGYU NYID BSTAN NAS 'DOD CHAGS DANG ZHE SDANG GI RGYU NYID DU STON PA NI, BDE BA'I RGYUR ZHES GSUNGS SO, ,DE LA GNOD PA MED PA LA NI BDE BA'I RGYU LA GNOD PA BYED PA LA'O, ,GANG GI PHYIR 'DOD CHAGS LA SOGS PA'I BDAG TE 'DZIN PA'I RGYU GCIG PA CAN YIN PA DE NYID KYI PHYIR, BDAG MED PA MTHONG BA DE NYID LA YIN GYI, BYAMS PA LA SOGS PA NI MA YIN TE, DE DANG MI 'GAL BA'I PHYIR RO ZHES GSUNGS PA NI, DE NYID KYI PHYIR ZHES BYA BA'O, ,GAL TE DGA' BAR BYA BA DANG, 'KHRUG PAR

KUN DU RTOG PA NYID RMONGS PA YIN LA, DE NI BYAMS PA LA SOGS PAS KYANG BZLOG PA'I PHYIR 'DI LTAR LAM MA YIN SNYAM DU DOGS PA BSU NAS, DE YANG 'JIG TSOGS LTA BA YIN, ,ZHES BYA BA'O, ,DAG PAR BYA BA'I KUN DU RTOG PA YANG BDAG LA PHAN 'DOGS PAR 'DZIN PA NYID DO, ,DES NA BDAG TU 'DZIN PA NYID RMONGS PA YIN NO ZHES BYA BA'I DON TO, ,CI'I PHYIR SHIN TU NYES PAR TSAR GCOD PA MA YIN SNYAM NA, GTI MUG DANG MI 'GAL BA'I PHYIR RO ZHES GSUNGS SO, ,GTI MUG DANG NGAR 'DZIN PA GNYIS THA DAD PAR BSAMS NA GZHAN GYIS GAL TE ZHES SMRAS SO, ,GRUB PA'I MTHAR NI 'DI GNYIS THA MI DAD PA NYID DU MTHONG NAS DE NI MA YIN TE ZHES GSUNGS SO, ,GAL TE CHOS SU 'DZIN PA YANG GTI MUG NYID MA YIN NAM, DES NA JI LTAR DE YANG 'JIG TSOGS LTA BA YIN ZHES BRJOD SNYAM NA, NYON MONGS PA CAN GYI ZHES GSUNGS SO; ,'DIR 'DOD CHAGS DANG ZHE SDANG GI SKYE GNAS KYI RMONGS PA SKABS YIN GYI RMONGS PA TZAM NI MA YIN NO ZHES BYA BA'I DON TO, ,DES NA ZHES BYA BA NI NYON MONGS BA CAN MA YIN PAS NA'O, ,DE DAG NI DGRA BCOM PA'O, ,RGYUD GROL BA CI'I PHYIR SNYAM NA, 'JIG TSOGS LA LTA BA NI SPANGS PA ZHES GSUNGS SO, ,GAL TE MA RIG PA'I RKYEN GYIS 'DU BYED CES GSUNGS PA'I PHYIR MA RIG PA LOG PA TZAM RMONGS PA MA YIN NAM, 'JIG TSOGS SU LTA BA NI MA YIN NO SNYAM NA, RIG PA'I ZHES GSUNGS SO, ,DGAG PA NI MI BDEN PA DANG CHOS MA YIN PA LA SOGS PA LTAR 'GAL BRJOD PAR BYED PA YIN PA'I PHYIR RO, ,DNGOS PO MED PA NI RMONGS PA MA YIN NO, ,SO SOR RTOG PA MED PA'I RANG BZHIN MA RIG PA YIN NA, LTA BA DANG 'GAL BA BRJOD PA NI GAL TE ZHES BYA BA'O, ,DER ZHES BYA BA NI MA RIG PAR RO, ,'ON TE MYA NGAN LAS 'DAS PA LA YANG SO SOR RTOG PA MED DO SNYAM NA, PHUNG PO RNAMS ZHES SMOS SO, ,HA CANG KHYAD PAR YOD PA NYID GSAL BAR BYED PA NI PHUNG PO LHAG MA MED PA'I ZHES BYA BA'O, ,NYON MONGS PA'I GZHI MA YIN PA'I PHYIR NA, MYA NGAN LAS 'DAS PA MA RIG PA NYID MA YIN NO SNYAM PA'I DOGS PA BSU BA NI, 'ON TE DE NI ZHES BYA BA STE,

, ,MYA NGAN LAS 'DAS PA'O, ,'O NA NI ZHES BYA BA NI LAN NO, ,DA NI SO SOR RTOG PA MED PA'O, ,DE'I GZHI YIN PA'I PHYIR NI NYON MONGS PA'I GZHI YIN PA'I PHYIR RO, ,JI LTAR 'JIG TSOGS LA LTA BA NYID MA RIG PA YIN SNYAM PA'I DOGS PA SEL BAS, RIG PA'I MA MTHUN PHYOGS NYID PHYIR, ,ZHES BYA BA 'CHAD PA NI RIG PA DANG 'GAL BA'I ZHES BYA BA'O, ,RIG PA MED PA BKAG PA TZAM GYI BDAG NYID NI'O, ,DE MED PA NI ZHES BYA BA NI RIG PA LDOG PA'O, ,MYA NGAN LAS 'DA' BA YANG NI PHUNG PO LHAG MA MED PA LA YANG NGO, ,'ON TE NYON MONGS PA'I GZHI NYID NI MA RIG PA YIN LA, DE YANG MYA NGAN LAS 'DAS PA MED DO SNYAM NA, MED PA NI ZHES GSUNGS SO, ,MA YIN PA'I RANG BZHIN YANG HA CANG THAL BA'I PHYIR MA RIG PAR MI 'THAD DO ZHES BSHAD PA NI, DE LAS GZHAN PA YANG ZHES BYA BA STE, RIG PA DE LAS GZHAN MA RIG PA'O, ,CI'I PHYIR ZHE NA, GZUGS LA SOGS PA RNAMS LA YANG ZHES GSUNGS SO, ,PHUNG PO LHAG MA DANG BCAS PA'I MYA NGAN LAS 'DAS PA LA NYON MONGS PA CAN MA YIN PA'I PHUNG PO LNGA YOD DO ZHES BYA BA LUNG YIN TE, DES NA DE DAG KYANG MA RIG PA NYID DU THAL BAR 'GYUR RO, ,DE'I PHYIR ZHES BYA BA NI GNYI GA'I RANG BZHIN MA RIG PAR MI 'THAD PA'I PHYIR RO, ,'DI LTAR ZHES BYA BA LA SOGS PAS NI DPE NYID GZHUNG 'DZUGS PA'O, ,'O NA CHOS MA YIN CI ZHIG SNYAM NA, CHOS MA YIN PA NI ZHES GSUNGS SO, ,GZHAN DAG GIS BDEN PA DANG MI BDEN BA'I TSIG GNYIS 'CHOL BAR SMRAS PA NI, DE LTA YIN NA ZHES BYA BA'O, ,YANG DAG PA MA YIN PA STON PA MI BDEN PA YIN NA'O, ,MI BDEN PA NYID DU MI 'GYUR LA ZHES BYA BA NI JI LTAR BSTAN PA'I DNGOS PO YOD PA'I PHYIR YANG DAG PAR STON PA YIN PAS, 'DOD PA GZHAN DU GYUR PAS MI BDEN PAR 'DOD PAR MI 'GYUR RO ZHES BYA BA'I THA TSIG GO, ,MED KYANG NA NI 'KHRUL PAS YOD PAR SEMS PA NA GANG GI TSE YOD DO ZHES STON PA DE'I TSE YANG DAG PA MA YIN PA'I DON MI BRJOD PA'I PHYIR BRDZUN SMRA BAR 'GYUR RO, ,'DI YANG SEMS PA ZHES BYA BA 'DI'I DE MA THAG TU MED DO ZHES STON PAR

BYED PA ZHES 'BREL TO, ,SNGA MAS NI MI 'DOD PA 'THOB PAR BSTAN LA PHYI MAS NI 'DOD PA MI 'THOB PAR RO, ,YANG DAG PA NYID DAM YANG DAG PA MA YIN PA NYID NI BSAM PA LA LTOS PA YIN GYI DON LA NI MA YIN NO ZHES STON PA NI SGRA RNAMS ZHES BYA BA'O, ,DON DAM PAR DNGOS PO YOD PA YIN YANG GAL TE MED PAR NGES PAS MED DO ZHES STON NA DE'I TSE NI TSIG DE BDEN PA KHO NA STE, RNAM PAR RTOG PA YUL YIN PA'I PHYIR RO, ,GZHAN DU ZHES BYA BA NI NGES PA DANG RJES SU MTHUN PAR MI BRJOD NA'O, ,BYANG CHUB SEMS DPA' RNAMS LA NI DON CI LTA BA BZHIN GYI BSAM BA JI LTA BA NYID BRJOD PA NI BDEN PA YIN LA, GZHAN NI MI BDEN PA YIN NO ZHES BRJOD PA NI, BYANG CHUB SEMS DPA' RNAMS LA NI, ,ZHES BYA BA'O, ,DES NA ZHES BYA BA NI KHA NA MA THO BA YIN BAS SO, ,GZHAN ZHES BYA BA NI JI SKAD BRJOD PA LAS BZLOG PA'O, ,DMIGS PA YIN PA'I PHYIR ZHES BYA BA NI DMIGS PA'I RANG BZHIN YIN PA'I PHYIR RO, ,'DI SEMS LAS BYUNG BA NYID DU JI LTAR GRUB CE NA, RTEN DANG ZHES GSUNGS SO, ,RTEN LA SOGS PAS MTSUNGS PA NYID DU LDAN PAS NA MTSUNGS BAR LDAN PA ZHES CHOS MNGON PA LAS 'DI SEMS LAS BYUNG BA'I NANG DU BRJOD DO, ,DE LA GANG MA RTOGS PA'I RANG BZHIN NYID MA RIG PA YIN NA DE'I TSE 'DI DMIGS PA DANG RNAM PA LA SOGS PA MTSUNGS PAR MI GSUNG BAR 'GYUR RO, ,DE LA RTEN DANG DMIGS PAR MTSUNGS PA NI MIG LA SOGS PA'I SHES PA RNAMS DANG RTEN DANG DMIGS PA DANG 'DRA BA'I PHYIR RO, ,RNAM PA MTSUNGS PA NI SEMS BZHIN DU RTOGS PA'I RNAM PA YIN PA'I PHYIR RO, ,DUS MTSUNGS PA NI DUS MNYAM PAR BYUNG BA'I PHYIR RO, ,JI LTAR SEMS SKAD CIG GCIG LA RDZAS GCIG PA YIN PA DE BZHIN DU SEMS LAS BYUNG BA YANG RDZAS RE RE'I BDAG NYID CAN YIN PA DES NA RDZAS MTSUNGS PA NYID DO, , DES NA SEMS LAS BYUNG BA YIN PA'I PHYIR MA RIG PA RTOGS PA'I RANG BZHIN NI MA YIN GYI, 'ON KYANG RTOGS PA'I RANG BZHIN KHO NA'O, ,RIGS PAS BSGRUBS NAS DNGOS SU RJOD PAR BYED PA'I LUNG YANG BRJOD PA NI, GSUNGS BA'I YANG PHYIR TE ZHES BYA BA'O, ,SHES RAB KYI RNAM PA

, ,LAS ZHES BYA BA NI RNAM PAR 'GROL BA'O, ,GZHUNG GANG GIS GSUNGS SHE NA, DE LA ZHES BYA BA'O, ,GSUNGS PA GZHAN YANG BRJOD PA NI DE BZHIN DU ZHES BYA BA'O, ,LUNG LAS MA RIG PA GZHAN KHO NAR BSTAN PA YIN NO SNYAM PA'I DOGS PA BSU BA NI, GAL TE ZHES BYA BA'O, ,DE YANG ZHES BYA BA NI 'JIG TSOGS SU LTA BA'O, ,MA RIG PA YAN LAG TU ZHES BYA BA NI RTEN CING 'BREL PAR 'BYUNG BA LA MA RIG PA YAN LAG TU STE, DER RANG GI NGO BOS BRJOD PAR BYA BA LAS NYE BAR BTAGS PA LA DGOS BA CI YOD CES BYA BA'I DON TO, ,DE LTAR MA RIG PA BSTAN PAS NI TSAD MA 'GA' YANG YOD PA MA YIN NO ZHES BRJOD PA NI DE LTAR MA RIG CES BYA BA'O, ,BZLOG PA LA NI ZHES BYA BA NI MA RIG PA NI 'JIG TSOGS LA LTA BA NYID YIN NO ZHES BYA BA 'DI LA NI SO SOR MA BRTAGS PA'I NYES PA TSAD MA YIN NO, ,TSIGS SU BCAD PA 'DI DAG NYID 'CHAD PA NI, LTA BA'I SGO NAS ZHES BYA BA'O, ,'DIS NI GZHAN NI RIGS PA MA YIN ZHES BYA BA BSHAD DO, ,RNAM 'GREL LA 'JUG PAR BYED PA NI GAL TE ZHES BYA BA'O, ,GZHAN DU YIN YANG RUNG STE ZHES BYA BA NI PHYIN CI LOG TU DMIGS PA'I RANG BZHIN NO, ,DE ZHES BYA BA NI GTI MUG GO, ,KHYAD PAR GYI SGRA ZHES BYA BA NI 'JIG TSOGS LA LTA BA'I SGRA'O, ,SPYI NI MA RIG PA STE, DE'I DON CAN MA YIN PA'I PHYIR RO, ,LTA BA MA RIG PA DANG THA MI DAD NA THA DAD PA LA RTEN PA MTSUNGS PAR LDAN PAR BRJOD PAR MI 'GYUR RO ZHES RTZOD PA GNYIS PA'I DOGS PA BSU BA NI DE BZHIN DU ZHES BYA BA'O, ,'DIS 'GAL BAR BYED PAS 'GAL BA STE, 'GAL BAR BYED PA'I TSIG GO, ,BSHAD BYA ZHES BYA BA NI SPYI DANG KHYAD PAR DU RTOGS PAS SO, ,MA RIG PA ZHES BYA BA NI SPYI YIN LA, LTA BA ZHES BYA BA NI KHYAD PAR YIN NO, ,GCIG LA YANG NYE BAR BSTAN PA CAN GYI DNGOS POS THA DAD PAR BRTAGS PA YIN NO ZHES BYA BA NI GZHAN GYI'O, ,DE'I BDAG DANG YANG MTSUNGS PAR LDAN BAR 'GYUR BA KHO NA'O ZHES BYA BA YANG GZHAN KHA CIG GI'O, ,GAL TE 'GAL BA'I PHYIR BDAG MED PA MTHONG BAS BDAG TU LTA BA DANG 'BRAL

MOD, NYON MONGS PA THAMS CAD DANG BRAL BAR GO JI LTAR 'GYUR ZHE NA, STONG NYID LTA DANG DE 'GAL PHYIR, ,ZHES GSUNGS SO, ,'JIG TSOGS SU LTA BA DE 'GAL BA'I PHYIR DE LAS BYUNG BA BDAG TU LTA BA'I RGYU CAN KUN 'GAL BA YIN TE, DES NA NYON MONGS PA THAMS CAD SPONG BA YIN NO ZHES BYA BA'I DON TO, ,DON LA NYE BAR SBYOR BA DE BZHIN DU ZHES BYA BA'O, ,DE'I RANG BZHIN NI 'JIG TSOGS SU LTA BA'I RANG BZHIN NO, ,'DIS NI RTZOD PA GNYIS PA NYID BSAL TO, ,DANG PO NI KHAS MA BLANGS PA KHO NAS SPANGS PA YIN TE, 'JIG TSOGS SU LTA BA'I RANG BZHIN GYI MA RIG PA NYID BCOM LDAN 'DAS KYI GTZOR BSTAN PAR KHAS BLANGS PA'I PHYIR RO, ,DES NA BDAG TU LTA BA NYID MA RIG PA YIN NO ZHES BYA BAR GNAS SO, ,'DI LTAR ZHES BYA BA LA SOGS PA NI, STONG NYID LTA DANG DE 'GAL PHYIR, ,ZHES BYA BA LAS 'CHAD PA'O, ,DE LTAR BDAG MED PAR MTHONG BA LA SOGS PA'I DBANG GI STOBS DANG LDAN PA DANG, BZLOG PAR BYA BA MA YIN PA NYID DU BRJOD NAS BDAG TU LTA BA YANG BZLOG PAR BYA BA MA YIN PA'I RGYU MTSAN SROG CHAGS KYI RANG BZHIN YIN PA NI RANG BZHIN 'DI YIN PA DE LAS 'DI RKYEN GZHAN GYIS NI GOL 'GYUR ZHING ZHES BYA BA LA SOGS PAS BKAG ZIN PA YIN NO ZHES BRJOD PA NI MIN ZHES BYA BA'O, ,MI ZAD PA NI BZLOG PAR BYA BA MA YIN PA NYID DO, ,SROG CHAGS CHOS NYID PHYIR NI SROG CHAGS KYI RANG BZHIN YIN PA'I PHYIR RO, ,GZUGS LA SOGS PA BZHIN DU NYES PA RNAMS NI MA YIN NO, ,CI'I PHYIR ZHE NA GZUGS DANG RO LA SOGS PA LTAR BDAG TU 'DZIN PA NI THOG MA MED PA'I BAG CHAGS TZAM LAS BYUNG BAS NA SROG CHAGS KYI CHOS NYID DU MA GRUB PA'I PHYIR RO, ,BDAG TU 'DZIN PA YANG BZLOG PAR BYA BA MA YIN PAR DAM 'CHA' BA NI ME DRO BA MA YIN NO ZHES BYA BA LTAR MNGON SUM DANG 'GAL BA YIN NO ZHES BRJOD PA NI, GNYEN PO'I PHYOGS BDAG MED PA DANG 'BREL PA STE MNGON DU GYUR PAS NA LDOG PA'I PHYIR RO, ,GAL TE CHA DANG 'BREL PAS ZANGS MA'I SRA BA NYID BZHIN DU BDAG MED PA MTHONG BAS BDAG TU LTA BA BZLOG KYANG YANG 'BYUNG BA YIN NO SNYAM DU BSAMS NAS

, ,DAM BCAS PA MNGON SUM DANG 'GAL BA MA YIN NO SNYAM PA'I DOGS BA BSU NAS KHYAD PAR BRJOD PA NI NYES PA BDAG TU LTA BA RNAM PAR 'GAGS PA BDAG MED PA MTHONG BA DE'I BDAG TU GYUR PA NYID KYIS 'BREL MED PHYIR TE, NYE BAR GNAS PA'I PHYIR RO, ,DE LTAR ME DANG 'BREL PA'I RTAG PAR GNAS PA MA YIN NO, ,YANG NA 'BRAL BA YIN YANG DES BZLOG PA THAMS CAD YANG 'BYUNG BA NI MA YIN TE, ME LOG KYANG THAL BA SRA BA NYID KYANG PHYIR BZLOG PA MA YIN ZHES BRJOD PA NI THAL BA BZHIN DU ZHES BYA BA'O, ,DE LTAR LAM BDAG MED PA MTHONG BA LA, BDAG TU 'DZIN PA MI DGOS PAR BRJOD NAS LAM NYID DU DOGS PA BSU NAS ZLOG PAR BYED PA NI, GAL TE BDAG BSGOM PAR KYANG ZHES BYA BA'O, ,BDAG BSAM PAR BYA ZHES BYA BA LA SOGS PA'I SGRAS NI SHES PAR BYA BA BSGOM PAR BYA ZHES BYA BA'I TSIG GNYIS BRJOD PA YIN NO, ,DES NA BDAG SHES PAR BYA BA NI, LUS DANG DBANG PO LA SOGS PA'I 'BYUNG BA CHEN PO LAS THA DAD PAR RO, ,BSAM PAR BYA BA NI BLO LA SOGS PA LAS THA DAD PAR RO, ,BSGOM PAR BYA ZHES YUL 'DZIN PA LA SOGS PA'I RANG BZHIN LAS THA DAD PAR RO; ,RIG PA KUN DGA' BA GCIG GI RANG BZHIN BDAG GI DE KHO NAS BSGOM PAR BRJOD PA YIN NO ZHE NA, DE LA RE ZHIG GAL TE RIG PA CAN LA SOGS PA THA DAD PAR SMRA BA DE SKAD RJOD PAR BYED NA DE'I TSE DE'I BDAG TU LTA BA NI BDAG GI BA'I LTA BA DANG RJES SU 'BREL PA NYID DE, CHAGS PA'I RANG BZHIN YIN PA'I PHYIR RO ZHES BRJOD PA NI, GANG ZHIG CES BYA BA LA SOGS PA'O, ,BDAG DE LA NI BDAG TU SMRA BA DE NGA'O ZHES ZHEN PA'I BDAG NYID CAN NYID DU BDAG LA ZHEN CING LTA BAR 'GYUR RO, ,'THAD PA NYID KYIS BDAG MI 'BREL BA'I PHYIR CHAGS PA'I SNYING PO CAN DER LTA BA YANG MI 'BRAL BA KHO NA'O ZHES BRJOD PA NI, RTAG TU ZHEN PAR ZHES 'GYUR GSUNGS SO, ,ZHEN PA YOD NA YANG ZHEN PA'I YUL PHAN 'DOGS PA RNAMS LA SRED PAR 'GYUR BA DES KYANG DE DAG LA SDUG BSNGAL BA DANG RJES SU 'BREL PA'I SKYON RNAMS SGRIB PAR BYED DO, ,DE LTA MA YIN NA, DE MA

MTHONG BAS SKYO BAR MI 'GYUR RO ZHES BYA BA'I DON TO, ,'ON TE BDAG GNYIS SU MED PAR SMRA BA DAG 'KHOR BA PA'I SKYE BO LA GRUB PA'I SPROS PA THAMS CAD 'KHRUL PA YIN PA'I PHYIR BDAG 'BA' ZHIG MTHONG BA THAR PA'I BDAG NYID YIN PA'I PHYIR THAR PA'I GAM DU RTOGS PAR BYED NA, 'DIR YANG GANG ZHIG BDAG MTHONG ZHES BYA BA NYID BZLAS SO, ,BDE BA DANG BDE BA'I SGRUB PAR BYED PA CI 'DRA BA RNAMS LA SRED PAR 'GYUR LA, STOBS DANG LDAN PA'I CHA DE NYID KYIS 'KHRUL PA'I RANG BZHIN GYIS NYES PA DANG DE MTHONG BA MA THOB PAR BYAS PAS CHAGS PA DANG BRAL BA NYID MI 'THOB PAR BYED DO ZHES BYA BA'I DON TO, ,BDAG TU MTHONG BA LAS ZHEN PA GZHAN YIN PA'I DBANG DU BYAS NAS RTZOD PA NI GAL TE ZHES BYA BA'O, ,'DI NYID LA THA DAD PAR LTA BAS LAN DU, GAL TE BDAG LA CHAGS PAR MI 'GYUR NA, BUD MED LA SOGS PA BDAG LA NYE BAR MKHO BA LA RNAM PA GZHAN DU CHAGS PAR MI 'GYUR RO ZHES BYA BA'I DON SMRAS PA NI GANG ZHIG GZHAN LA ZHES BYA BA STE BDAG LA NYE BAR MKHO BA LA'O, ,'DI NYID GSAL BAR BYED PA NI, BDAG MTHONG NYID LA ZHES BYA BA'O, ,DE'I TSE ZHES KHONG NAS PHYUNG LA 'GA' LA YANG ZHES BYA BAR SBYAR RO, ,BDAG TU LTA BA NYID CHAGS PA'I SNYING PO CAN YIN NO ZHES BRJOD PA NI GANG ZHIG CES BYA BA'O, ,BDAG LA CHAGS PA MED KYANG GZHAN LA CHAGS PA SRID PAR DOGS PA BSU BA NI, 'ON TE ZHES BYA BA'O, ,BDAG TU LTA BA NI RANG GI BTANG NAS GZHAN LA PHAN 'DOGS PAR BYED NA RTOG PA SNGON DU BYED PA NYID DU MI 'GYUR RO ZHES LAN 'DEBS PA NI GAL TE BDAG NYID CHEN PO ZHES BYA BA'O, ,'BYUNG BAR 'GYUR BA'I 'BRAS BU MED PAR GZHAN LA PHAN 'DOGS PA TZAM GYIS 'JUG PA NI PHYUGS ZAN DU BSKYED PA BZHIN DU RMONGS PA LAS SKYES PA KHO NA YIN NO ZHES BYA BA'I DON TO, ,'ON TE SANGS RGYAS PA BZHIN DU 'BRAS BU MED KYANG GZHAN LA PHAN 'DOGS PA NYID YIN NO SNYAM DU DOGS PA BSU NA, DE LTA YIN NA ZHES SMRAS SO, ,GTAD MED NI KHYED LA RJES SU MTHUN PA MA YIN PA'O, ,SANGS RGYAS PA NI BDAG MA MTHONG BAS RANG GI DON GYIS GZHAN LA PHAN

, ,'DOGS PA NYID KLAN KAR 'OS PA MA YIN NO, ,GZHAN LA NI BDAG MTHONG BA YOD PAS KLAN KAR 'GYUR BA NYID DO, ,'ON TE ZHES BYA BA LA SOGS PA NI RTOG PA SNGON DU BYED PA MA YIN NO ZHES BYA BA'I DON TO, ,DE LTA YIN NA ZHES BYA BA NI GZHAN GYI DON BYED BA NYID BDE BA YIN NO ZHES KHAS LEN PA YIN NO, ,DE LTA NA YANG ZHES BYA BA NI THAR PA MA YIN PA NA'O, ,RANG GI BDE BA LA CHAGS BAS RMONGS PA DE 'DRA BA DAG GO, ,'DI NI ZHES BYA BA NI TSOGS CAN MA'I LUS NYID BA'O, ,RANG GI DON LA GNAS PA NI BDAG TU MTHONG BA CAN NO, ,'DI GA LAS SNYAM NA DE 'AM GZHAN LA ZHES GSUNGS SO, ,BDE BA GNYI GA GCIG TU BYED PA YANG BDAG LA ZHEN PA'I PHYIR RO, ,'DI LTAR BDAG LA CHAGS PA NI PHUL DU BYUNG BA'I BDE BA 'DOD KYANG DE MA THOB NA NGAN BA THOB BA LA YANG MTSUNGS BAR SEMS SO, ,DE BAS NA BDAG TU 'DZIN PA LA NI BDE BA GNYI GA KHYAD PAR MED DO, ,TSOGS PAR DBYUNG BA MA YIN PAR ZHES BYA BA NI KHYAD PAR YOD PAR DOGS PA BSU BA'O, ,LAN DU TSOGS MI DBYUNG BA NYID NI ZHES BYA BA'O, ,'DI NI MING BTAGS BA TZAM DU ZAD DO ZHES BYA BA'I DON TO, ,YANG KHYAD PAR YOD PA'I DOGS PA BSU NAS SBONG BA NI DMYAL PA ZHES BYA BA'O, ,MI RUNG BA NI TSOGS CAN MA LA SOGS PA DANG 'BREL PA'I BDE BA'O, ,GZHAN GYI DON GYI RGYU MTSAN NYID DU'O, ,TSOGS PAR DBYUNG BA DANG CIG SHOS KYI THA SNYAD GNYIS LAS, TSOGS PAR DBYUNG BA MA YIN PAS BDE BA SGRUB PAR BYED BA BAS NI TSOGS PAR DBYUNG PA'I THA SNYAD NYID BLA'O ZHES DOGS PA NI 'ON TE ZHES BYA BA'O, ,DE LTA NA YANG ZHES BYA BA NI KHYAD PAR MED PA YIN NA YANG NGO, ,DE'I DBANG GIS NI SRED PA'I DBANG GIS SO, ,NYES BA LA NYIS PA MED PA DANG, NYES PA MED PA YANG NYES PAR SEMS PA NI MNYAM PAR BYED PA'I DON TO, , 'DIS NI SRID PAS SKYON RNAMS SGRIB PAR BYED, ,CES BYA BA DE BSHAD PA YIN NO, ,DES NA NI SRED PA'I DBANG GIS SO, ,NYES PA BSGRIBS PAS NA ZHES KHA BSKANGS PAS NI RNAM 'GREL GYI YON TAN MTHONG BA ZHES BYA BA SDEB BAR BYED PA'O, ,YANG NA GAL TE YON TAN MTHONG BA

YIN YANG BDAG NYID DGA' BA'I RANG BZHIN DU NYE BAR GNAS PA'I PHYIR MA 'ONGS PA'I BDE BA LA 'DOD PA'I RANG BZHIN GYI SRED PAR MI 'GYUR BA MA YIN NAM SNYAM DU DOGS BA BSU NAS BSHAD PA NI, YON TAN MTHONG BA ZHES BYA BA'O, ,BUD MED LA SOGS PA DE DANG DES BSGRUBS PA'I BDE BA NI DE MED PAR YIN TZAM GYIS 'BYUNG BA YANG MA YIN NO, ,MNGON PAR GSAL BAR BYA BA YANG GSAL BAR BYED PA MED PAR NI MI 'GYUR RO, ,DES NA GSAL BAR BYED PA'AM SGRUB PAR BYED PA NI BLANG BAR BYA BA NYID DU 'GYUR RO ZHES BYA BA'I DON TO, ,DE NI ZHES BYA BA'I BDAG LA MNGON PAR CHAGS BA'O, ,BDAG TU SMRA BA RNAMS LA NI BDAG MTHONG BA YOD NA BDAG GI BA BZHIN SNANG DANG GZHAN GYI RNAM PAR DBYE BA DANG, RNAM PAR DBYE BA DE LAS BYUNG BA'I NYES PAR YANG 'GYUR RO ZHES MJUG SDUD PA'I SGO NAS BRJOD PA NI DE'I BYIR ZHES BYA BA'O, ,BDAG GI BA MTHONG BA BZHIN DU RANG DANG GZHAN GYI RNAM PAR DBYE BA YANG NYES PA'I RGYUR 'GYUR BA KHO NA'O ZHAS BYA BA'I DON TO, ,'DZIN PA NI 'CHAD PA'O, ,BDAG GI BA'I YUL CAN GYI CHAGS PA NI 'KHOR BA'I RGYU YIN GYI, BDAG GI YUL CAN NI MA YIN NO SNYAM PAR DOGS PA BSU BA NI, 'ON TE BDAG KHO NA LA ZHES BYA BA'O, ,SEMS LA SOGS PA LAS THA DAD PA'I BDAG NI MI SNANG STE, DES NA SEMS NYID BDAG YIN NO, ,SEMS NI SKAD CIG MA YIN BA'I PHYIR BDAG MA YIN PA YANG MA YIN TE, RNAM PAR RTOG PA MED PA'I SHES PAR RTOGS PAR BYA BA GZHAN DAG KYANG NYAMS SU MYONG BA JI LTA BA BZHIN SKAD CIG MA KHO NA'O, ,KHO BO CAG NYID KHA TZANG YIN LA KHO BO CAG NYID DI RING YANG YIN NO ZHES RNAM PAR RTOG PAS ZHEN PA 'BA' ZHIG TU ZAD DE, RNAM PAR RTOG PA DE LTAR 'JUG PA NI BDAG TU ZHEN PA LAS GZHAN MA YIN NO ZHES BRJOD PA NI NGES PAR BDAG LA ZHES BYA BA'O, ,GAL TE BDAG DANG RNAM PAR RTOG PA NYID SPANG BAR BYA BA YIN GYI BDAG NI MA YIN NO, ,DES NA RNAM PAR RTOG PA SPANGS BA LAS 'DOD CHAGS DANG BRAL BA MED PA MA YIN LA BDAG MED PA'I PHYIR THAR PA MED PA YANG MA YIN NO SNYAM DU DOGS PA BSU NAS NYES MED BDAG LA ZHES GSUNGS SO, ,TSAD MAS GRUB PA NYID KYIS BLO LA GNAS PAR KHAS

, ,BLANGS PA'O, ,DE'I BLO NYID CHAGS PA YIN TE, BLO'I TSAD MA MED NA NI BDAG MED PAR SMRA BAR 'GYUR RO, ,GAL TE CHAGS PA NI BDAG DANG BDAG GIR LTA BA LAS GZHAN KHO NAR KHAS LEN PA MA YIN NAM, DE YANG 'KHOR BA'I RGYU YIN PAS NA NYES BA DANG BCAS PAS SPANG BAR BYA BA YIN NO SNYAM DU DOGS PA NI, 'ON TE BDAG DANG ZHES BYA BA'O, ,DE LA NI BDAG GI BA LA'O, ,KHAS BLANGS PA 'DI LA BSHAD PA, GAL TE ZHES BYA BA'O, ,THA DAD PAR KHAS BLANGS KYANG 'DOD PA CUNG ZAD KYANG GRUB PA MED DO ZHES BRJOD BA NI DE LAS CIR 'GYUR TE CIR YANG MI 'GYUR RO ZHES BYA BA'I DON TO, ,THA DAD NA CHAGS PA DOR BAR NUS PA NYID DO SNYAM DU DOGS PA NI CHAGS PA THA DAD PA DE SPONG 'GYUR RO, ,CHAGS PA THA DAD PA YIN YUL GYI NYES PA MTHONG BA NYID LAS SPANG BA YIN GYI GZHAN DU NI MA YIN NO ZHES LAN 'DEBS PA NI 'DI'I YUL ZHES BYA BA'O, ,CHAGS PA 'DI'I YUL LO, ,CHAGS PA DE SPONG BAR RO, ,RIGS PA NYE BAR BSTAN PA SNGON DU 'GRO BA CAN RNAM PAR 'GREL PA NI, YUL GZHAN GYIS ZHES BYA BA'O, ,SKYON GZHAN GYIS ZHES BYA BA NI BDAG LAS GZHAN PA'I SKYON GYIS SO, ,YUL SKYON CHAGS PA LA ZHES BYA BA NI BDAG LA'O, ,BDE BA'I RGYU LA ZHES BYA BA NI BDAG LA SOGS PA LA'O, ,GAL TE CHAGS PA NI GOS LA SOGS PA GZHAN DU 'DOD PA DANG, SDANG BA DAG GIS LEN PA DANG 'DOR BA MA YIN NAM, DE LA YUL GYI SKYON GYI RJES SU 'BRENG BA CI YOD SNYAM DU DOGS NA, YON TAN SKYON DANG ZHES GSUNGS SO, ,GO RIMS CI BZHIN DU YON TAN SKYON DANG RJES 'BREL BA'I 'DOD PA DANG SDANG BA LA SOGS PA'I SPONG BA 'DOR BA NI DE GANG YIN SNYAM NA, YON TAN DANG SKYON DE DAG YUL LA MA MTHONG BA MED PAS YIN NO, ,YUL LA YON TAN MA MTHONG BAS NI CHAGS PA SPONG LA, NYES PA MA MTHONG BAS NI ZHE SDANG NGO, ,YUL GYI YON TAN DANG NYES PA MA MTHONG BA'I RANG BZHIN GYI RGYU MI SKYE BA'I RANG BZHIN GYI SKYE BA MED PA NI SPANG BA YIN NO, ,PHYI ROL GYI BUM PA LA SOGS PA PHYI ROL GYI RGYU LA RAG LAS PA'I YUL RNAMS LA NI YON TAN DANG NYES PA MTHONG BA LAS NYE BAR

LEN BA SPONG BA MTHONG BA NYID YIN NA TSUL 'DI NI ZHEN PA LA YANG YIN PAR MI 'THAD DO, ,GAL TE DE DAG CES BYA BA NI YUL LA BDAG GI BDE BA LA SOGS PA BSGRUB PA MA TSANG BA MED PA YIN NA'O, ,ZHEN PA'I YUL NI BDAG DANG BDAG GI BA'O, ,DE'I DNGOS PO NI NYID DE, YON TAN DANG LDAN PA NYID KYIS ZHES 'BREL TO, ,DE MED PA'I PHYIR NI YON TAN DANG LDAN PA MED PA'I PHYIR RO, ,YUL GYI TSUL 'DI NI ZHEN PA LA MI 'THAD DO ZHES BRJOD PA NI, ,ZHEN PA'I YON TAN DANG ZHES BYA BA'O, ,PHYI TSUL GANG YIN MIN ZHES BYA BA NYID GSAL BAR BYED PA NI, CHAGS YON TAN GYIS ZHES BYA BA'O, , RIGS PA BRJOD NAS SKABS LA SBYOR BAR BYED PA NI, BDAG DANG BDAG GIR LTA BA'I MTSAN NYID KYI, RGYU MA TSANG BA MED PA CAN DE LA 'BRAS BU BDAG TU LTA BA CAN GYI ZHEN PA NI ZLOG TU MED PA KHO NA'O ZHES BYA BA'I DON TO, ,YON TAN SKYON DANG RJES SU 'BREL PA ZHES BYA BA LA SOGS PAS NI, CHAGS YON TAN GYIS CHAGS PA MIN, ,ZHES BYA BA 'DI'I DON BSTAN PA YIN LA, NYES MED BDAG LA CHAGS PA DANG, ,BRAL BA'I RGYU YANG YOD PA YIN, ,ZHES BYA BA 'DI NI, ,MA TSANG MED RGYU DE LA NI, ,'BRAS BU GANG GIS ZLOG PAR BYED, ,CES BYA BA 'DI'I DON BSTAN PA YIN NO SNYAM DU DGONGS NAS BSDU BA'I TSIGS SU BCAD PA'O ZHES GSUNGS SO, ,JI LTAR BSHAD PA DE LTAR NI BSTAN PA'I DON NYID MA YIN TE, NYES MED BDAG LA ZHES BYA BA NI BDAG TU LTA BA DANG ZHEN GNYIS THA DAD PA MED PA'I BSAM PAS BRJOD PA YIN LA, MA TSANG MED RGYU ZHES BYA BA NI THA DAD PA'I BSAM PAS BRJOD PA YIN PA'I PHYIR RO, ,CHAGS PA'I NYES PA DANG LDAN PA NYID NI SDUG BSNGAL GYI RGYU NYID KYIS SDUG BSNGAL GYI RTEN NYID YIN LA DE NI SDUG BSNGAL GYI 'DU BA CAN YIN PA NYID KYIS BDAG LA YANG MTSUNGS SO, ,BDAG NI BDE BA SGRUB BYED THAMS CAD SHES PAR BYED PA DANG, DE'I 'BRAS BU SPYOD PAR BYED PA YIN TE, DES NA BDAG BZHIN DU ZHEN PA YANG BDAG GI BA'I LTA BA'I YUL NYID KYIS 'DOD CHAGS DANG BRAL BA'I YUL DU MI 'GYUR RO ZHES BRJOD PA NI, CHAGS LA SKYON YANG ZHES BYA BA'O, ,'ON TE BDAG KYANG SDUG BSNGAL GYI SGRUB PAR BYED PA SHES PAR

, ,BYED PA DANG, DE'I 'BRAS BU LONGS SPYOD PAR BYED PA NYID KYIS CHAGS PA DANG BRAL BA'I YUL NYID DU 'DOD NA, 'O NA NI 'DI LA RANG BZHIN GZHAN MED PAS CI LTAR THAR PAR 'DOD PA RNAMS KYIS BDAG SHES PAR BYA BA DANG, BSAM PAR BYA BA DANG, BSGOM PAR BYA BAR CI LTAR 'GYUR, SPANG BAR BYA BA NYID DU SHES PAR BYA BA YIN NA NI BDAG MED PAR LTA BA THAR PA'I SGRUB BYED DU 'GYUR RO, ,GANG GIS 'DI DPE NYID DU NYE BAR LEN PA CI BDAG 'DI SDUG BSNGAL GYI RGYU YIN NAM SNYAM DU DOGS PA BSU NAS BSHAD PA, SDUG BSNGAL GYI RTEN NI ZHES BYA BA'O,, BDAG YOD PA NI ZHES BYA BA NI, 'DU BA CAN GYI RGYU'AM, THAMS CAD KYI SHES PAR BYED PA DANG, SPYOD PAR BYED PA'O, ,GAL TE ZHEN PA LA SOGS LAS BSKYED PA'I SDUG BSNGAL NI BDAG 'BA' ZHIG LA 'DU BA MA YIN LA, BDAG NI SDUG BSNGAL GYI RGYU MA YIN TE, DE YOD NA YOD PA NYID DU MA SHES PA'I PHYIR RO SNYAM DU DOGS PA BSU BA NI, 'ON TE ZHES 'DI SNYAM DU ZHES BYA BA'O, ,RTZOD PA 'DIR LEN BSHAD PA NI, GAL TE DE MED NA ZHES BYA BA'O, ,'DU BA CAN GYI BDAG MED NA, ZHEN PA LA SOGS PA SDUG BSNGAL GYI RGYU MA YIN PA'I PHYIR SKYON MED PAR 'GYUR RO, ,DE LTAR ZHES BYA BA NI, PHAN TSUN MED PAR SDUG BSNGAL GYI RGYU MA YIN PA NA'O, ,GNYI GA NI BDAG DANG ZHEN PA LA SOGS PA'I TSOGS SO, ,DES NA ZHES BYA BA NI SKYON MED PA NA'O, ,BDAG BZHIN DU 'DOD CHAGS LA SOGS PA YANG KHYAD PAR GZHAN DANG LDAN PA KHO NA, SDUG BSNGAL GYI RGYU NYID MA YIN NO ZHES BRJOD PA NI, BDAG TU ZHEN PA LA SOGS PA NI ZHES BYA BA'O, ,DES NA ZHES BYA BA NI RANG LA BRTEN PA'I NYES PA MED PAS NA'O, ,DES NA NI SKYON MED PAS NA'O, ,GAL TE BDAG NI SDUG BSNGAL GYI RGYU YIN YANG SPANGS PA MA YIN GYI BSGOM PAS SPANG BAR BYA BA NI SDUG BSNGAL SGRUB PAR BYED PA DANG, SDUG BSNGAL DANG RJES SU 'BREL BA YIN NO, ,DE LTAR NA SDUG BSNGAL MI BSKYED PA'I PHYIR BDAG GI DE'I 'DU BA CAN NYID KYANG SPANGS PAR 'GYUR RO SNYAM DU DOGS PA BSU NAS, RANG GI BLOS BYAS

PA BDAG SPANG BA'I YUL MA YIN PA NYID NI BDAG GI BA LA YANG MTSUNGS PA YIN TE, DES NA JI LTAR 'DIR SDUG BSNGAL BSGOM PA SPONG BA'I RGYU YIN ZHES BSTAN PA'I DON DU LAN BRJOD PA NI, BDAG GI BA'I BLO BCOM PAS 'DIR ZHES BYA BA'O, ,'DIR ZHES BYA BA NI SBRUL GYIS BZUNG BA'I YAN LAG LA'O,, DE MA SPANGS NA NI RNAM PA CI ZHIG LTAR SPANGS PA YANG, SLAR LEN PAR 'GYUR RO ZHES BRJOD PA NI, BZLOG PA MIN ZHES BYA BA STE, BDAG GI BA'I BLO YIN PA LA'O, ,RANG GI BA'I BLO NYID DE LA MED DO ZHES KYANG BRJOD PAR MI RIGS TE, LUS NI DE'I LONGS SPYOD PA'I GZHI YIN LA, DBANG PO RNAMS NI LONGS SPYOD PA'I SGRUB BYED YIN NO ZHES BRJOD PA'I PHYIR RO ZHES BRJOD PA NI DBANG PO LA SOGS ZHES BYA BA'O, ,'GAL BA YOD PA NYID LA NI BDAG BZHIN DU BDAG GI BA LA YANG SDUG BSNGAL BSGOM PAR YONG PAR MI 'GYUR RO ZHES BYA BA'I DON TO, ,SDUG BSNGAL BSGOM PAS SPONG 'GYUR NA, ,ZHES BYA BA'I RTZOD PA'I DON BRJOD PA NI GAL TE BDE BA'I ZHES BYA BA'O, ,DE LAS BZLOG PA SDUG BSNGAL GYI RGYU YOD PA LAS SO, ,DE DAG LA NI LUS LA SOGS PA DAG LA'O, ,BYED DO ZHES BYA BA NI SROG CHAGS KYIS ZHES BYA BAR BLTA'O, ,LUS LA SOGS PA LA RANG GI BLO KHAS BLANGS BAS GRUB PA 'BA' ZHIG TU MA ZAD KYI, 'ON KYANG MNGON SUM GYIS KYANG GRUB PO ZHES BRJOD PA NI LUS LA SOGS PA ZHES BYA BA'O, ,GZHAN LA ZHES BYA BA NI MA BRJOD PA BDAG LA'O, ,DE'I TSE NI ZHEN PA DANG BCAS BA BDAG GI BA'I SKYED PA CAN YIN LA ZHES BYA BA BDAG GI BA'I BLOS BSKYED PA GANG LA YOD PA DE LA DE SKAD CES BYA'O, ,BZLOG PA NI BDAG GI BA'I BLO MED PA'O, ,GAL TE MA LA SOGS PAR 'DU SHES PA BZHIN DU LUS DANG DBANG PO LA SOGS PA BDAG GI BA RNAMS LA, BDAG GI BA MA YIN PA'I 'DU SHES LA GNAS PAS BSGOMS PAS NI SDUG BSNGAL SPANGS PA THOB BO ZHES BYA BA BYE BRAG PA LA SOGS PA'I LUGS KYI DOGS PA BSU NAS, DE LA 'DU SOGS ZHES BYA BA GSUNGS SO, ,LUS DANG DBANG PO LA SOGS PA LA DMIGS NAS SDUG BSNGAL BSGOM PA LA BRTEN PA YIN LA, DE LA DMIGS PA YANG LONGS SPYOD KYI GZHI YIN PA'I RANG BZHIN GYIS SO, ,'DU BA LA

, ,SOGS PA'I 'BREL PA DE YANG RANG GI BA'I BLO'I RGYU YIN BA DES NA, SDUG BSNGAL BSGOMS PAR GYUR KYANG RANG GI BA'I BLO DANG JI LTAR 'BREL TE, LONGS SPYOD KYI GZHI YIN PA LA SOGS PA'I BLO NYID KYIS RANG GI BLO YIN PA'I PHYIR RO, ,MTHONG DU ZIN KYANG NI SDUG BSNGAL GYI RGYU NYID DU SHES KYANG NGO, ,MA'I 'DU SHES NI MTHONG BA'I MA'I RANG BZHIN SGRO 'DOGS PA YIN GYI SDUG BSNGAL GYI 'BREL PA DANG BRAL BA DMIGS PA MA YIN NO, ,DES NA SGRO 'DOGS PA MA YIN NO, NYAN PA'I DBANG PO MA GTOGS PA MIG LA SOGS PA DANG NI, LDAN PA CAN LUS DANG LDAN PA'O, ,'ON TE LUS LA SOGS PA'I 'BREL BA NI PHAN 'DOGS PA NYID YIN GYI, LDAN PA DANG 'DU BA LA SOGS PA NI MA YIN NA, DE LTA YANG PHAN 'DOGS PA'I RGYU MTSAN CAN GYI RANG BZHIN BDAG GI BA'I BLO NI THAMS CAD LA YIN PA'I PHYIR, JI LTAR SDUG BSNGAL NYID SGRO DOGS TE, DE DANG BREL BA LA SDUG BSNGAL NYID MA MTHONG BA'I PHYIR RO ZHES BRJOD PA NI, 'DU BA CAN SOGS MED NA YANG, ZHES BYA BA'O, ,KUN LA ZHES BYA BA NI GTZO BO MED PA'I PHYIR RO SNYAM DU DGONGS PA'O, ,GAL TE GTZO BO GZHAN GYIS CI BYA STE, LUS DANG DBANG PO LA SOGS PA BDAG GI BA NYID SDUG BSNGAL GYI RGYU NYID LAS BDAG GI BA MA YIN PAR GYUR PA NI, RANG GI BA'I BLO'I YUL DU MI 'GYUR TE, SBRUL GYIS BZUNG BA'I SOR MO BZHIN NO, ,'DI YANG BDAG GI BA NYID BDAG GI BA MA YIN PAR 'GYUR BA YIN NO SNYAD DU DOGS PA NI, PHAN 'DOGS PA LAS ZHES BYA BA'O, ,DBANG PO LA SOGS PA NI GCIG TU SDUG BSNGAL BA NYID MA YIN LA, PHAL CHER YANG MA YIN TE DPER NA DUG DANG 'DRES PA'I ZAS BZHIN NO ZHES LEN 'DEBS PAR BYED PA NI, GCIG TU DE NI ZHES BYA BA'O, ,DON LA SBYOR BA NI DE BZHIN DU GONG GI ZHES BYA BA'O, ,SDUG BSNGAL DANG 'DRES PA NA BDE BA YANG SDUG BSNGAL NYID YIN NO SNYAM PA'I DOGS PA BSU BA NI GAL TE ZHES BYA BA'O, ,DE LTA NA ZHES BYA BA NI LAN NO, ,BDE BA NYID DO ZHES BYA BA NI SKABS KYIS SDUG BSNGAL YANG ZHES BYA BA'O, ,GZHAN YANG ZHES BYA BA

NI SUN 'BYIN PA GZHAN NO, ,BDE BA'I RANG BZHIN PA LA CHE BA MED PA'I PHYIR, SDUG BSNGAL BA NYID DAM, PHAL CHE BA MA YIN MOD, DE LTA NA YANG DUG DANG BCAS PA'I ZAS BZHIN DU, BLANG BYA BA MA YIN PAR 'GYUR TE, LUS MDZES PA YANG 'DZIN DAG GCIG GIS SKAL BA DAN PAR 'GYUR RO ZHES BYA BA'I TSUL GYIS SO SNYAM DU DOGS PA BSHAD PA, SDUG BSNGAL GYI CHAD MED BA NA, KHYAD PAR CAN DE LHAG PAR GYUR BA BDE BA GCIG PA'I RANG BZHIN YOD PAS NA, DE DANG 'GAL BA SDUG BSNGAL GYI CHA DANG 'DRES PA LA, CHAGS PA DANG BRAL BAR 'GYUR TE, DUG DANG BCAS PA'I ZAS BZHIN DU RGYAB KYIS PHYOGS PAR 'GYUR RO, ,GANG GI PHYIR KHYAD PAR CAN BDE BA LA SRED PAS, BDE BA CUNG ZAD YONGS SU SPONG, DE MED NA NI BDAG LA ZHEN PAS JI LTAR RNYED BZHIN LA 'JUG GO, ,'DI LA DPE NI BUD MED DAG NI ZHES BYA BA'O, ,'DOD CHAGS KYIS ZIL GYIS GNON PA NI KHYAD PAR CAN GYI BUD MED MA RNYED NA, BUD MED TZAM LA 'JUG GO, ,DE'I TSE GZHAN DU ZHES BYA BA BDE BA'I RNAM PA LA'O, ,'ON TE KHYAD PAR CAN GYI BDE BA MA RNYED PA NA, DE LA SRED PA NYID KYIS GZHAN LA CHAGS PA DANG BRAL BAR 'GYUR RO SNYAM NA, RNAM PAR SPYOD PA GRUB PO SNYAM PAR DOGS PA NI, SPYOD PAR 'GYUR RO ZHE NA ZHES BYA BA'O, ,'ON TE ZHES BYA BA NI LAN NO, ,SRID PA NI SDUG BSNGAL GYI RGYU YIN LA, SPYOD PA YANG KHYAD PAR CAN GYI BDE BA LA SRED PA'I SKYED BYED YIN NO, ,DE YANG DE LA RNYED NA SDUG BSNGAL SKYED PAR BYED PA YIN TE, DES NA MIG LA SOGS PA BDAG GI BAL NI CHAGS PA DANG BRAL BAR MI 'GYUR GYI, 'ON KYANG ZHEN PA NYID LA YIN PA'I PHYIR JI LTAR GROL BAR 'GYUR, RGYU'I STOBS LAS ZHES BYA BA NI SNGA MA SNGA MA'I DGE BA GOMS PA'I STOBS KYIS SO, ,BDAG TU LTA BA LAS ZHES BYA BA NI THAR PA 'DOD PA'I GNAS SKABS NA YOD PA'AM, GZHAN LAS KYANG RUNG STE, THAR BAR 'GYUR 'JUG GO, ,'DI LA DPE NI BUD MED DAG NI ZHES BYA BA'O, ,'DOD 'THAD PAR RO ZHES BSTAN PA YIN NO, ,DE BSGOMS KYANG RNAM PAR BYANG BA'I RGYUR MI 'GYUR RO ZHES BRJOD PA NI, BDAG BSGOM PA NI MI

, ,SRID PA NYID DE ZHES BYA BA'O, ,JI LTAR SNYAM NA, BDAG DE ZHES GSUNGS SO, ,SGOM PA MED PHYIR ZHES BYA BA'I MTHAR THUG PA NI GTAN TSIGS SO, ,SGOM PA MED PAR CI LTAR ZHES BSHAD PA BDAG DE NI ZHES BYA BA'O, ,DES NA BSGOM PA DON TO, , BSGOMS PA DON DANG BCAS PAR DOGS PA NI, 'ON TE SKYES BU'I ZHES BYA BA'O, ,DON DAM PA SO NA 'DUG GO ZHES LAN BTAB BA NI, SOL BA JI LTAR BDAR YANG NI, ,ZHES BYA BA'O, ,'O NA NI BDAG DE NYID BDAG GI NYES PA BZLOG PAR 'GYUR RO ZHE NA, NYES CAN RANG BZHIN ZHES BYA BA'O, ,JI LTAR MI NUS SNYAM NA, NYES CAN JI LTAR ZHAS GSUNGS SO, ,NYES PA CAN DE NI GZHAN DU NYES PA MED PAR 'GYUR BA MIN PA STE, GANG GI PHYIR GZHAN NYID NA 'JIG PA KHO NAR 'GYUR RO, ,DON 'DI NYID LA RNAM 'GREL SBYOR BA NI, DE NYID KYI PHYIR ZHES BYA BA'O, ,'DOD CHAGS LA SOGS BAS NYE BAR BSGRUBS PA NI RANG BZHIN LAS, DE DANG BRAL BA'I RANG BZHIN GZHAN NYID YIN PA'I PHYIR RO, ,DE LA LTOS NAS SNGA MA 'JIG PA NYID DO ZHES BYA BA'I DON TO, ,RNAL 'BYOR PA BDAG 'DOD PA ZHEN PA'I YUL DU BYED PA GANG YIN PA DE JI LTAR BDAG DE 'JIG PAR 'DOD PAR 'GYUR, YANG NA RANG GI NGO BOS ZHEN PA'I YUL DU GYUR PA'I BDAG GANG YIN PA DES, BDAG GI RANG BZHIN DE 'JIG PAR 'DOD PAR JI LTAR 'GYUR, GAL TE 'DOD CHAGS LA SOGS PAS NI BDAG LA PHAN BTAGS PA 'GA' YANG YOD PA MA YIN TE, 'ON KYANG LDAN PA TZAM YIN NO, ,THAR PA YANG DE DANG BRAL BA TZAM YIN TE , DES NA BDAG ZHIG PA NYID NI MA YIN NO ZHES DGOS PA BSU BA NI, SKYON CAN MIN ZHES 'BREL TO, ,CI'I PHYIR SNYAM NA BSHAD PA, 'DOD CHAGS LA SOGS BA DE DANG LDAN PA YANG RANG NYID DE RANG BZHIN GYIS BDAG GZHAN YIN TE, DE DANG GCIG PAR MI 'GYUR RO ZHES BYA BA'I DON TO, , DPE NI DBYUG LDAN PA NA ZHES BYA BA'O, ,DE BZHIN DU BDAG GI SKYON CAN NYID KYANG DNGOS PO PAR MI 'GYUR RO, ,DES NA BSGOMS PAS 'DI BZLOG PAR MI NUS SO ZHES GZHAN SEMS SO, ,'DOD CHAGS LA SOGS ZHES BYA BA NI LAN NO, ,'DOD CHAGS LA SOGS PA DANG LDAN PA YIN YANG,

BDAG GANG GIS 'DOD CHAGS LA SOGS PA MA MYONG BA, DE NI 'DOD CHAGS CAN LA SOGS PAR MI SRID DO, ,'DI SNYAM DU BDAG GIS 'DOD CHAGS LA SOGS PA THA DAD PA MYONG BA KHO NA'O, ,DES NA 'DOD CHAGS CAN LA SOGS PA MA MYONG BA MA YIN NO SNYAM PA'I DOGS PA BSU BA NI, GAL TE MYONG PHYIR ZHES BYA BA'O, ,LAN DU NI BUD MED CES BYA BA'O, ,GAL TE 'DOD CHAGS LA SOGS PA THA DAD PAR RIGS PAS BDAG 'DOD CHAGS CAN LA SOGS PA YIN NA DE LTA NA NI BUD MED RIG PA'I PHYIR BUD MED RIGS LDAN PAR YANG 'GYUR RO, ,GANG GIS NYES PA 'DIR 'GYUR BA, MYONG BA TZAM NI 'DOD CHAGS CAN MA YIN GYI, 'ON KYANG 'BREL BA LAS KYANG MA YIN SNYAM NA, 'BREL PHYIR ZHES BYA BA'O, ,'DOD CHAGS LA SOGS BA DANG 'BREL BA LAS KYANG 'DOD CHAGS NYID DE, MYONG BA 'BA' ZHIG LAS NI MA YIN NO, ,DES NA 'DOD CHAGS LA SOGS PA MYONG BAS DE'I RANG BZHIN CAN DU 'GYUR BA MA YIN NO SNYAM DU BSAMS PA'O, ,'DI LA LAN DU CHAGS SOGS PAS, ,ZHES BYA BA'O, ,'BREL BA LAS NI GZHAN GYI 'DOD CHAGS LA SOGS PA YANG RTOGS PA'I PHYIR RO SNYAM DU DGONGS PA'O, ,'ON TE 'DU BA'I 'BREL BAS 'DOD CHAGS LA SOGS PA RIG NA, 'DOD CHAGS CAN YIN GYI LDAN PAS NI MA YIN NO SNYAM DU DOGS PA BSU NAS, THA DAD PA LA ZHES GSUNGS TE, 'DOD CHAGS LA SOGS BDAG LAS THA DAD PA LA 'DU BAS NI RNAL 'BYOR BA CHAGS BA CAN DU 'GYUR LA, LDAN PAS NI MA YIN NO ZHES BYA BA NI KHYAD PAR CI ZHIG YOD, BDAG DE NI YID DANG LDAN PA YIN LA, YID NI GZHAN GYI BDAG DANG LDAN PA YIN TE, BRAM ZE'I LUGS KYIS KHYAB PAR BYED PA YIN PA'I PHYIR RO, ,DE LA GNAS PA'I 'DOD CHAGS LA SOGS PA DANG NI LDAN PAR 'GYUR BA'I 'DU BA'O, ,YANG NA RNAL 'BYOR BA'I BDAG DANG GZHAN GYI BDAG NI MA SKYES PA'I LDAN PAS 'GYUR BA YIN LA, DER GNAS PA'I 'DOD CHAGS LA SOGS BA DANG NI LDAN PAR GYUR PA'I 'DU BA NYID LDAN PAR BRJOD PA YIN NO, ,DES NA KHYAD PAR MED PA'I PHYIR NA, GZHAN GYI 'DOD CHAGS LA SOGS PA DANG 'BREL PA LAS KYANG RNAL 'BYOR PA CHAGS PA DANG

, ,BCAS PAR 'GYUR RO, ,'DU BA DANG LDAN PA LAS KHYAD PAR YOD PAR DOGS PA BSU BA NI THA DAD CES BYA BA'O, ,'O NA ZHES BYA BA NI LAN NA, ,GAL TE BDAG LAS 'DOD CHAGS LA SOGS PA THA DAD PAR 'DU BAS MA RTOGS PA YIN LA, LDAN PAS NI DE RTOGS PA YIN NO, DE'I TSE 'DOD CHAGS LA SOGS PA LAS BDAG THA DAD PAR TSAD MA GANG LAS 'DOD DE, THA DAD PA SGRUB PA'I TSAD MA 'GA' YANG MED DO ZHES BYA BA'I DON TO, ,RANG BZHIN THA DAD PAR MA RTOGS NA RANG NYID RIG PA YANG DE THA DAD PA'I SGRUB PAR BYED PA MA YIN NO ZHES BYA BA NI BDAG GI ZHES BYA BA'O, ,'ON TE BDAG GI RANG BZHIN THA DAD PAR RANG GIS RIG PA YIN YANG 'KHRUL PAS THA DAD PAR MA RTOGS PA YIN NO SNYAM NA, RANG BZHIN RIG NA NI ZHES BYA BA'O, ,GAL TE BDAG GI RANG BZHIN RIG PA YIN NA DE'I TSE 'KHRUL PAS THA MI DAD PAR RTOGS BAR MI 'GYUR NA, 'GYUR BA YANG YIN TE, DES NA BDAG NI MED PA KHO NAR 'GYUR RO ZHES BYA BA'I DON TO, ,BDAG NI RIG PA'I RANG BZHIN MA YIN TE, THAMS CAD RIG PAR THAL BA'I PHYIR RO ZHES DOGS PA BSU BA NI, 'ON TE 'DI NI ZHES BYA BA'O, ,JI LTAR BUM PA'I RANG BZHIN MA YIN PAR RIG PAR BYA BA DE BZHIN DU BDAG KYANG YIN NO ZHES BYA BA'I THA TSIG GO, ,LAN DU GZUNG BYA ZHES BYA BA'O, ,GAL TE BDAG GI RANG BZHIN DE GZUNG BYA YIN NA 'DZIN BYED DU MI 'GYUR RO, ,DES NA BDAG 'DI ZAB PO LAS NYAMS PAR 'GYUR RO, ,JI LTAR NA 'DI GZUNG BYA YIN PA'I PHYIR ZAB POR 'GYUR SNYAM NA, RO SOGS ZHES GSUNGS SO, ,GANG GI PHYIR BSHAD ZIN PA'I TSUL GYIS, BDAG LONGS SPYOD PAR BYA BA NYID DU THAL BA DE NYID KYI PHYIR SPYOD PA NI BDAG LAS GZHAN NYID DU 'GYUR RO, ,DE LTAR GYUR MOD CI SKYON SNYAM NA, DE LTAR YIN PHYIR ZHES GSUNGS SO, ,LONGS SPYAD PAR BYA BA LAS LONGS SPYOD PA PO GZHAN YIN NA, DE LA YANG GZHAN DOGS PAS THUG PA MED DO, ,LONGS SPYOD PA DANG 'DU BA CAN LONGS SPYOD PAR BYED PA YIN PA'I PHYIR, THUG PA MED PA MA YIN NO SNYAM PA'I DOGS PA BSU BA NI, GAL TE ZHES BYA BA'O, ,DE NI BDAG GO, ,LONGS SPYOD PA'I GZHI SPYOD PA PO YIN NA

GZUGS LA SOGS PA'I YUL NYID SPYOD PA POR 'GYUR RO ZHES LAN 'DEBS PA NI, SPYOD PA NYAMS SU MYONG LAS ZHES BYA BA'O, ,YUL DMIGS PA NYID YUL LONGS SPYOD PA YIN NO ZHES BYA BA'I DON TO, ,DE YANG ZHES BYA BA NI LONGS SPYOD PA'O, ,'JIG RTEN GYI THA SNYAD NI, YUL YANG BLO'I GZHI YIN PAS NA MTSUNGS SO ZHES BRJOD PA NI, NGA LA ZHES BYA BA'O, ,DE NI 'JIG RTEN GYI RAB TU SMRA BAS SO, ,GNYI GA LA YANG ZHES BYA BA NI BDAG DANG YUL LA YANG NGO, ,DES NA GNYI GAR YANG LONGS SPYOD PA 'DU BA YIN NO ZHES BYA BAR DGONGS PA'O, ,LONGS SPYAD PAR BYA BA LA GNAS PA'I LONGS SPYOD GZHAN DU MI 'THAD PAS LONGS SPYOD PA PO RJES SU DPOG GI SNYAM PAR DOGS PA BSU BA NI CI STE ZHES BYA BA'O, ,LAN NI MNGON SUM ZHES BYA BA'O, ,BLTAR RUNG BA'I BDAG DE LA MNGON SUM MI SRID DO, ,MA DMIGS PAR GYUR NA RJES SU DPAG PA'I GO SKABS YOD PA MA YIN NO, , BDAG TU SMRA BA'I KA SHA DANG KU SHA LA 'JUG PA'I DOGS PA BSU BA NI 'ON TE DE NI ZHES BYA BA'O, ,LAN NI DA LTAR ZHES BYA BA'O, ,CI LTAR KHYOD KYIS YOD PAR NGES PA LA RNAL 'BYOR BA NYE BAR 'DOD PA DE BZHIN BDAG CAG KYANG MED PAR NGES PA LA RNAL 'BYOR PA NYE BAR 'GOD DO ZHES BRJOD PA NI, RNAL 'BYOR PA DNGOS ZHES BYA BA'O, ,BDAG STE MED PAR MI RIG PA MIN TE, 'ON KYANG RIG PA KHO NA'O ZHES BYA BA'I DON TO, ,GZHAN MED PA'I LONGS SPYOD PA PO BSAL NAS RANG RIG PA'I MJUG SDUD PA NI DE'I PHYIR ZHES BYA BA'O, ,DE LTA MA YIN NA ZHES BYA BA NI RIG PA'I RANG BZHIN NA'O DE NI BDAG GO DE LTA YIN NA CI SKYON SNYAM NA'O DE YANG ZHES BYA BA'O, ,GZHAN DU ZHES BYA BA NI BDE BA LA SOGS PA RIG PA'I RANG BZHIN MA YIN PAR RO; ,'ON TE DA LTAR BA KHO NA'O ZHE NA, BDAG NI ZHES GSUNGS SO, ,'DAS PA NYID SDUD PA NI GAL TE ZHES BYA BA'O, ,BDAG TU SMRA BA DES NI BDAG SDUG BSNGAL BAR 'DOD PAR BYA STE, DE'I TSE NI SDUG BSNGAL BA KHO NA YIN GYI BDE BA NI MA YIN NO, ,KUN NAS NYON MONGS PA NYID YIN GYI RNAM PAR BYANG BA NI MA YIN NO ZHES BYA BA'I DON TO, ,DE GA LAS SHE NA, SDUG BSNGAL GNAS SKABS ZHES BYA BA'O, ,GNAS SKABS CAN GYI RANG

, ,BZHIN GYIS, 'DZIN PA MED BAR DOGS PA BSU BA NI, GAL TE ZHES BYA BA'O, ,GNAS SKABS NI BDE BA LA SOGS PA THA DAD PA'I BDAG NYID DO, ,DE'I NGO BO LAS GZHAN PA ZHES BYA BA NI LAN TE, GNAS KYI RANG BZHIN LAS THA DAD PAR RO, , BDE BA LA SOGS PA THA DAD PA KHO NA DMIGS KYI, GNAS SKABS CAN NI MA YIN NO ZHES BYA BA'I DON TO, ,GAL TE RANG RIG PA'I BDAG NI SHEL LTAR SHIN TU DANG BA YIN TE, SNGON PO DANG 'DOD CHAGS LA SOGS PA GZUGS BRNYAN GZHAN DANG, GZHAN NYID SKYE BA DANG, 'JIG PA YIN GYI, BLO'I RANG BZHIN NI MA YIN TE, NGO SHES PA'I YUL YIN PA'I PHYIR RO SNYAM DU DOGS PA BSU BA NI, CI STE YANG ZHES BYA BA'O, ,SNGON PO DANG 'DOD CHAGS LA SOGS PA THA MI DAD PA'I BDAG NI DE BZHIN KHO NAR THA DAD PA DANG MI RTOG PAR 'GYUR RO ZHES BYA BA'I DON BRJOD PA NI, BDE BA LA SOGS PA ZHES BYA BA'O, ,CI'I PHYIR SNYAM NA, BDE SOGS LAS NI ZHES BYA BA'O, ,RIG PA NI DE'I BDAG NYID YIN PA'I PHYIR RO ZHES BYA BA'I DON TO, ,SNGON PO DANG BDE BA LA SOGS PA NI GZHAN YIN LA, RIG PA YANG GZHAN YIN TE, SNGON PO DANG BDE BA LA SOGS PA LTAR BDAG NYID KYANG THA DAD PA MED PAR RIG PA NI MA YIN NO ZHES BRJOD PA NI THA DAD PA SNGON PO DANG BDE BA LA SOGS PA'I BDAG TU GYUR PA DE KHO NA BZHIN DU THA DAD PAS NI, THA DAD PA MED PA GCIG GI RANG BZHIN SHES BYA MA YIN NO, ,CI LTA BUR ZHE NA SMRAS PA, CI LTAR SNGON PO DANG CHAGS PA LA SOGS PA THA DAD PA KHYAD PAR DU GYUR PA DE NYID LA BZHIN NO, ,GAL TE RANG RIG PAS THA MI DAD PA MI RIG MOD, RNAM PAR RTOG PAS NI RIG PAR 'GYUR RO SNYAM DU DOGS PA BSU BA NI, RIG PA RIG PA ZHES BYA BA'O, ,RNAM PAR BTAGS PA'I NYID NI, ,RANG DANG GZHAN DAG LA YANG 'GYUR RO ZHES LAN BTAB PA NI, DE'I PHYIR ZHES BYA BA'O, ,RIG PA RIG PA ZHES SHES PA'I PHYIR NA, GNYI GA'I BDAG NYID THA MI DAD PAR 'GYUR RO ZHES BYA BA'I DON TO, ,'ON TE GZHAN GYI BDAG NI GZHAN GYIS RIG PA MA YIN NO ZHES BYA BA'O, ,RTZOD PA SPANGS NAS LAN 'DEBS PA NI, DE NI ZHES BYA BA'O, ,CI

LTAR 'THAD PAR DKA' SNYAM NA, RIG PA'I DNGOS PO ZHES BYA BA'O, ,GZHAN GYIS GZHAN GYI BDAG MI RIG NA, GZHAN BDAG MED PAR 'GYUR RO, ,GNYI GA RANG BZHIN GCIG TU MA RTOGS PA'I PHYIR RO ZHES BYA BA'O, ,RANG DANG GZHAN NI BDAG NI PHAN TSUN RJES SU MA ZHUGS PAS THA DAD PA NYID CES DOGS PA BSU NA, RANG GI BDAG KYANG SKAD CIG SO SOR RIG PA THA DAD PA'I PHYIR THA DAD PAR 'GYUR RO ZHES LAN 'DEBS PA NI, DE NI ZHES BYA BA'O, ,GANG DU'ANG ZHES BYA BA NI RGYUD GCIG NYID LA YANG NGO, ,DES NA ZHES BYA BA NI GCIG NYID MED PAS NA'O, ,SNGA MA PHYI MA DANG 'KHOR BA MYA NGAN LAS 'DAS PA DANG NGO, ,BSHAD ZIN PA'I TSIGS SU BCAD PA NYID MJUG SDUD PA NI, DE LTAR YIN DANG ZHES BYA BA'O, ,BSHAD PA GZHAN GSUNGS PA NI, THER ZUG RTAG PA NYID YIN NO, ,ZHES BYA BA'O, ,DE NYID LA NI 'KHOR BA NYID LA STE, YONGS SU RDZOGS PA'I PHYIR RO, ,'ON TE YANG 'KHOR BA PA'I BDAG GANG YIN PA DE NYID DA LTAR GROL BA YIN NO SNYAM DU DUS PHYIS NGO SHES PA LAS 'KHOR BA PA NYID DU GNAS PA MA YIN NO SNYAM DU DOGS PA BSU BA NI, GAL TE NGO SHES ZHES BYA BA'O, ,'KHOR BA NYID DU GNAS PA MA YIN NO SNYAM NA, LAN DU 'DIR ZHES SMOS TE, NGO SHES PA YOD PA 'DI LA'O,, SHIN TU YANG DE NYID DU GNAS PAR THAL BAR 'GYUR RO, ,DA LTAR BA'I RANG BZHIN NI SNGON GYI RANG BZHIN DANG THA MI DAD PAR RTOGS PA'I PHYIR RO, ,GANG GIS DE NYID LA GNAS PAR 'GOG PAR 'GYUR BA NGO SHES PA YANG DUS PHYIS SRID PA MA YIN NO ZHES BRJOD PA NI, DE'I RANG BZHIN ZHES BYA BA'O, , 'KHOR BA NYID DU BDAG GI RANG BZHIN YONGS SU RDZOGS PA YIN TE, DES NA DE'I YUL CAN GYI NGO SHES PA YANG DE'I TSE NYID 'BYUNG BAR 'GYUR GYI DUS PHYIS NI MA YIN NO, ,DES NA DE NI DE NYID DU GNAS PA MI 'GOG GO, ,YOD NA YANG TSAD MA MA YIN TE, YUL MED PA'I PHYIR RO ZHES BRJOD PA NI YUL MED PAR NI ZHES BYA BA'O, ,THER ZUG TU GNAS PA YANG RNAM PAR 'GYUR BA MED PA'I PHYIR DANG DMIGS PA'I RIM PA MED PA'I PHYIR NA, MI RTAG PA NYID DU MA RTOGS PAS RTOGS PA KHO NAR 'GYUR RO ZHES BRJOD PA NI, GAL TE THER ZUG CES BYA BA'O, ,TSIGS SU BCAD PA 'DI NYID 'CHAD

, ,PA NI, GAL TE THER ZUG CES BYA BA'O, ,RNAM PAR 'GYUR BA MED PA DANG, DMIGS PA'I RIM PA MED PA'I GTAN TSIGS GNYIS NI, RTAG PA NYID SGRUB PAR BYED PAR 'DOD PA YIN NO, ,'KHOR BA DANG MYA NGAN LAS 'DAS PA'I RIM PA DMIGS PAR 'DOD NA NI MI RTAG PA NYID DU 'GYUR RO ZHES MJUG BSDUS NAS STON PA NI GANG GI PHYIR DE LTAR RTAG PA NYID DU 'GYUR BA DE'I PHYIR, DE'I TSE ZHES KHONG NAS PHYUNG LA, DE KHOL BU NYID DU ZHES BYA BA LA SOGS PAR SBYAR RO, ,GAL TE THER ZUG TU RTAG PAS RTAG PA'I BDAG LA, GZHAN DAG GANG GIS MI RTAG PA NYID DU 'GYUR BA'O, ,GANG NAS GANG DU DMIGS PA MED PA'I BDAG NYID CAN GYI MI DMIGS PA NYID DU 'DOD KYI RIM GYIS MTHONG BAR MA YIN PA NYID CI'I PHYIR SNYAM PA'I DOGS PA BSU BA NI, MA DMIGS PA CI LTAR ZHES BYA BA'O, ,LAN DU NI SHI BAS ZHES BYA BA STE, SHI BA LA LTOS NA'O, ,'DI'I ZHES BYA BA NI NYAM CHUNG 'DI'O, ,MTHONG BA NI BDAG LA RIM PAR MTHONG BA'O, ,MA MTHONG BA'I BDAG LA DOGS PA MED PA'I PHYIR, PHYIS MTHONG BA LA LTOS PA NA, GZHAN GYI 'JIG PAR 'DOD PA NYID DO ZHES ZUR NA GNAS PA'I TSIG DOGS PAR BYED PA NI GAL TE MA MTHONG BA DES ZHES BYA BA'O, ,DE LTA YIN DANG ZHES BYA BA NI YANG MTHONG BAR KHAS BLANGS PA DE LTAR 'GYUR NA, BDAG RIM PA CAN DU 'GYUR RO, ,DES NA SNGAR THAL BAR BSGRUB PA GANG YIN PA DE NYID DU 'GYUR RO ZHE NA, LAN DU 'DI NI ZHES BYA BA'O, ,BDAG RTAG PA LA RANG BZHIN GYIS MI RTAG PA NYID DU KHAS BLANGS PA'I MTSAN NYID DO, ,MTSUNGS PA NYID DU DMIGS NA YANG, ,ZHES BYA BA LA SOGS PA'I TSIGS SU BCAD PA 'CHAD PAR BYED PA NI, YANG NA MTSUNGS PA'I ZHES BYA BA LA SOGS PA YIN NO, ,SKABS KYI RNAM 'GREL NYID LA BSHAD PA, GZHAN GSUNGS PA NI, YANG NA RTOGS PA'I RANG BZHIN NYID KYIS ZHES BYA BA'O, ,RIG PA'I RANG BZHIN DU GCIG PA'I PHYIR, RGYUD THA DAD PA MA YIN LA, SNGON PO DANG BDE BA LA SOGS PAS KYANG MA YIN TE, THA DAD PA THAMS CAD LA NI 'KHRUL PA'I PHYIR RO, ,'KHRUL PA MED PA NI RIG

PA'I RANG BZHIN YIN TE, THAMS CAD LA DGAG TU MED PA'I PHYIR RO, ,DNGOS PO GANG ZHIG YUL DANG DUS KYIS RNAM PAR BCAD PA MED PAR YOD PA DE NI RTOG PA DANG KHYAB PAR YANG 'DOD PA YIN PA'I PHYIR, BDAG KYANG KHYAB PA NYID DU BRJOD DO ZHES BYA BA'I DON TO, ,GAL TE DE LTAR NA ZHES BYA BA NI LAN NO, ,GAL TE BDAG GROL BA LA 'KHRUL PA MED PAS NA, GZHAN GYI BDAG NYID DU GNAS PA NI, DE'I 'KHRUL PA'I GNAS SKABS NA THA DAD PA GANG YIN PA DE NYID BDAG GCIG NYID YIN PAR MI 'GYUR RO, ,DES NA 'KHRUL PA'I GNAS SKABS SU NI MA DAD LA, MA 'KHRUL PA'I GNAS SKABS SU NI THA DAD PA MED PA'I RANG BZHIN DU GYUR BA'I PHYIR, SNGA MA'I RANG BZHIN PHYI MA'I DUS SU ZHIG PA DE NYID YIN NO, ,THAR PA'I BDAG 'KHOR BA'I BDAG DANG, THA MI DAD NA NI 'KHOR BA NYID DU 'GYUR RO ZHES BRJOD PA NI, DE'I GNAS SKABS NYID DU ZHES BYA BA'O, ,SRID GNAS SKABS NYID CES GSUNGS SO, ,GAL TE GROL BA ZHES BYA BA LA SOGS PA'I RKANG PA GSUM 'CHAD PA NI, GAL TE BUM PA'I ZHES BYA BA'O, ,JI LTAR RANG DANG GZHAN GYI RNAM PAR DBYE BA MED KYANG ZHIG PAR CI LTAR 'GYUR ZHE NA, NGA'O ZHES GSUNGS SO, ,RNAM PAR DBYE BA MED PA'I GNAS SKABS SU YANG NGA'O SNYAM PA'I RTOG PA'I YUL MA YIN PA'I PHYIR, DE KHO NAR BDAG MED PAR THAL BAR 'GYUR RO ZHES BRJOD PA NI, NAM MKHA' NYID DU ZHES BYA BA'O, ,'DI NI DNGOS PO'I STOBS KYIS ZHES BYA BA NI GZHAN GYI DOGS PA STE, RNAM PAR DBYE BA MED PAS BDAG RIG PA NYID 'DI NI'O, ,'O NA NI ZHES BYA BA NI LAN TE, NGA'O SNYAM PAR RTOGS PA'I YUL MA YIN PA NI, BDAG MA YIN PA'I PHYIR RO, ,RIG PA'I RANG BZHIN NAM, YOD PA'I RANG BZHIN NI RTAG PA'AM, KHYAB PAR 'THAD PA MA YIN TE, SNANG BZHIN PA NYE BAR 'GAG PA YIN PA'I PHYIR RO, ,NYE BAR GNAS PAR SNANG BA NI YUL DUS GZHAN NA YOD PA MA YIN NO, ,DE LTA YIN NA YANG NYE BAR GNAS PA'I RANG BZHIN YANG DE LTAR 'GYUR RO ZHES BRJOD PA NI, RANG BZHIN TZAM ZHES BYA BA'O, ,GAL TE GCIG TU MTHONG BA YOD PA'I RANG BZHIN NAM, RIG PA'I RANG BZHIN NI GZHAN DU YANG DE

, ,NYID YIN TE, DE LTAR NGO SHES PA'I PHYIR RO SNYAM DU DOGS PA NI, 'ON TE 'DI ZHES BYA BA'O, ,NGO SHES PAS THAR PA DANG 'KHOR BA DAG KYANG GCIG NYID DU SGRUB PO ZHES LAN 'DEBS PA NI, DE LTA YIN NA ZHES BYA BA STE, NGO SHES PA DANG MA BRAL BA'I PHYIR RO, ,GANG GI PHYIR THAR PA DANG 'KHOR BA DAG GCIG NYID MA YIN PA'I PHYIR RO, ,NAM MKHA' BZHIN DU ZHES BYA BA NI, CI LTAR BUM PA MED NA BUM PA'I NAM MKHA' MED PA DE BZHIN DU'O, ,'ON TE THAR PA NI GNAS SKABS NA, BDAG NAM MKHA' DANG 'DRA BAR 'GYUR MOD CE NA, DE 'DRI'I ZHES GSUNGS SO; ,NAM MKHA' DANG MTSUNGS PA'O, ,NGA'O ZHES BYA BA LA SOGS PAR NYAMS SU MYONG BA'I YUL BYED PA PO DANG, LONGS SPYOD PA PO ZHEN PA'I YUL NI MA RIG PA'I DBANG GIS YIN NO ZHES BYA BAR 'ON TE ZHES BYA BA LA SOGS PAS DOGS BA BSU NAS, THAR BA'I GNAS SKABS NA; MYONG BA THAMS CAD DANG, BU MO LA SOGS PA'I YUL CAN GYI THAMS CAD DANG, SHES RAB DANG, YID GZHUNGS PA LA SOGS PA'I YON TAN THAMS CAD LOG PA'I PHYIR NA, DE LA RGYU MTSAN MED PAS ZHEN PA MI 'BYUNG BA KHO NA'O, ,DES 'DIR RTOG PA DANG LDAN PA; DON DU GNYER BA CI LTAR 'GYUR, ,ZHES BRJOD PA NI, THAR PA'I GNAS KYI BDAG NYID GANG LA MYONG BA DANG THA SNYAD DANG, YON TAN GYI RANG BZHIN ZHEN PA'I RGYU'I RTEN THAMS CAD YOD PA DE LA ZHES PA STE, CHAGS PAS CI LTAR 'DOD CING KHAS LEN ZHES PA'O, ,RGYU MTSAN MED BZHIN DU ZHEN PAR JI LTAR 'GYUR ZHES BYA BA'I DON TO, ,ZHEN PA'I YUL NI 'DI 'DRA BA YIN NA, GZHAN 'DRA BAR GA LA 'GYUR ZHES BYA BAR DGONGS PA'O, ,CI'I PHYIR ZHE NA ZHES BYA BA'I RANG BZHIN GSUNGS SO, ,RDO DANG SHING BAL LA SOGS PA LA KHYAB PA'I NAM MKHA'I BDAG GANG LA YOD PA DE'I STE, BDE BA DE NYID NI'O, ,THA SNYAD THAMS CAD NI BLANG BYA DANG DOR BYA BA LA SOGS PA'O, ,DE LAS 'DAS PA NI ZHEN PA'I YUL LAS BZLOG PA ZHES BYA BA'I DON TO, ,DE 'DRA BAR ZHES BYA BA NI SNGAR MI RANG BZHIN LAS BZLOG PA THAR PA'I RANG BZHIN DU'O, ,DON DU GNYER

BA NYID MA SKYES PA'I PHYIR NA, RTOG PA DANG LDAN PA'I 'JUG PA NYID 'GAL BA YIN NO ZHES BYA BA'I DON TO, ,'KHOR BA'I BDE BA NI ZHES BYA BA NI DOGS PA BSU BA'O, ,DOGS PA'I DON NI MYA NGAN LAS 'DAS PA'I BDE BA NI 'KHOR BA'I BDE BA LAS KHYAD PAR DU GYUR PA YIN PAS NA, YONGS SU TSIM PA SKYED PAR BYED PA YIN TE, DES NA DE NYID DON DU GNYER BAR BYA BA YIN NO, ,GANG BDE BA YIN PA DE NI DON DU GNYER BAR BYA BA YIN LA, GANG ZHIG DON DU GNYER BAR BYA BA YIN PAS DE YANG YONGS SU TSIM PAR BSKYED PA BZOD PA MA YIN NO ZHES BYA BA NI LAN GYI DON TO, ,DES NA ZHES BYA BA NI DON GNYER BAR BYA BA YIN PAS NA'O, ,GAL TE ZHES BYA BA NI GZHAN GYI'O, ,MA MTHONG BA NI ZHES BYA BA NI LAN NO, ,DE NI 'DOD CHAGS DANG BRAL BA'O, ,BDAG LA ZHEN PA MED PA NI MNGON DU BYED PA MA YIN NO ZHES 'BREL TO, ,GANG GI PHYIR DON DU GNYER BA ZHES BYA BA LA LTOS NAS, DE NYID KYI PHYIR ZHES GSUNGS SO, ,YANG NA THAR PA'I GNAS SKABS NA BDAG NAM MKHA' BZHIN DU NGO BO MED PAR 'GYUR BA'I PHYIR MI RIGS PA YIN TE, BDAG TU RTOGS PA'I YUL YIN PA'I PHYIR RO, ,BDAG NI 'DI DAG GI'O, ,'DI DAG NI BDAG GI'O ZHES BYA BA'I 'BREL PA'AM, THUN MONG MA YIN PA NI 'CHING BAR BRJOD PA YIN LA, THAR PA LA NI MED PA YIN NO SNYAM NA, RNAM PA KUN DU ZHES BYA BA'O, ,BDAG GO ZHES BYA BA LA SOGS PAR RIG PA YANG, DE'I TSE MED PA KHO NA STE, GNYID KYIS LOG PA'I RMI LAM DU MTHONG BA'I RANG BZHIN THAR PA'I DPER DER SMRA BA DAG GIS BRJOD PA YIN NO, ,YANG NA BDAG GO ZHES BDAG TU MTHONG BA'I RNAM PAR 'BREL PA'AM, DE DANG THUN MONG MA YIN PA'I RNAM PA YOD DU CHUG KYANG, BDAG TU 'DZIN PA NI RNAM PA THAMS CAD DU ZHEN PA'I SNYING PO CAN NYID DO, ,DE LAS KYANG THUN MONG PA'AM, THUN MONG MA YIN PA'I BDAG GI BA LA ZHEN PA 'DREN PAR BYED DO, ,DE MED NA RANG MED PA'I 'GYUR BA'I PHYIR RO, ,'GA' ZHIG CES GZHAN DU 'CHAD DO, ,BSHAD PA MDZAD PA'I GSAL BA KHO NA'O, ,BDAG TU 'DZIN PA SPANGS PAS NI BDAG GIR ZHEN PA LA SOGS PA SRID PA MA YIN NO

, ,LA SPYI LA SOGS PA'I THA SNYAD JI LTAR YIN PA DE STON TE, SHES PA SKYE BA GANG YIN PA 'DI NI DE LA YOD PA'I DON KYANG RNAM PA GANG YIN PA'I DON DE DAG MTSUNGS SO ZHES 'DZIN TO ZHES BYA BAR 'BREL TO, ,SHES PA'I RANG GI NGO BO RGYU DANG RANG GI NGO BO'I SGO NAS STON PA NI, DNGOS PO'I RANG GI NGO BO 'DZIN PAS ZHES BYA BA'O, ,DE'I YUL CAN MA YIN YANG DE'I YUL CAN GYI RGYU MTSAN NI DE NYAMS SU MYONG BA GZHAN PA'I BAG CHAGS LA BRTEN NAS SKYE BA YIN LA, 'BRAS BU THA MI DAD PA'I DNGOS PO LAS SKYE BA NI DON THA MI DAD PAR 'DZIN PA'I RGYU MTSAN YIN NO, ,GANG GI PHYIR 'DI NYAMS SU MYONG BA'I DNGOS PO LAS DE'I 'DU BYED PA'I DBANG GIS SKYE BA DE'I PHYIR DNGOS SU NI DE'I YUL CAN NAM YIN PA DE LTAR LHAG PAR ZHEN PA YIN NO, ,DE BAS NA DE'I YUL CAN MA YIN YANG DE'I YUL CAN LTA BU ZHES BYA BAS NI DE MA YIN PA LA DER LHAG PAR ZHEN PA NYID BRJOD PA YIN NO, ,DON THA MI DAD PA 'DZIN PA ZHES BYA BA 'DIR YANG LTA BU'I SGRA BYAS PA NI SPYI LHAG PAR ZHEN PA'I RTZA BA CAN YIN PA'I PHYIR RO, ,DMIGS PA MA YIN YANG RANG BZHIN NYID KYIS MTSUNGS PAR RTOGS PA DE'I SA BON NI GZHAN LAS THA DAD PA KHO NA YIN NO ZHES STON PA NI, DON DAM PAR ZHES SMOS SO, ,DE NYID KYI PHYIR THA DAD PA NI DE DANG 'BREL PA YIN NO, ,SHES PA'I RANG BZHIN BRJOD NAS DE DANG RJES SU MTHUN PAR DE'I YUL GYI RANG BZHIN BSHAD PA NI, DE LA ZHES SMOS SO, ,DON DE NYAMS SU MYONG BA'I BAG CHAGS LAS SKYES PA'I PHYIR 'DI PHYI ROL LTA BU DANG RNAM PA THA MI DAD PA 'DZIN PA NYID KYIS GCIG PA LTA BU DANG, DE'I YUL CAN MA YIN YANG DE'I YUL CAN LTA BU NYID KYIS NI DON MI BYED KYANG DE BYED PA LTA BU'O, ,'DI NYID GZHUNG GZUGS PA'I PHYIR, THA SNYAD 'DOGS PA RNAMS ZHES SMOS SO, ,DON BYA BA BYED PA NYID DU LHAG PAR ZHEN PA'I PHYIR DE'I YUL CAN LTA BU ZHES BRJOD LA, LHAG PAR ZHEN PA DE YANG THA SNYAD 'DOGS PA RNAMS LA YOD PA YIN TE, GAL TE MED NA NI 'JUG PA NYID DU MI 'GYUR RO, ,'DI LTAR RIG PAR MA 'GYUR PA'I DON LA GAL TE DER ZHEN PA YANG MED NA NI GZHAN LAS THA DAD PA LA MI 'JUG PA KHO NAR 'GYUR RO, ,RIGS MI MTHUN PA THA DAD PA'I YUL CAN NYID KYIS KYANG DE MI BYED BA DAG

LAS KYANG THA DAD PA LTA BU'O, ,GAL TE 'DIR LDOG PAR SNANG BA MED PA'I PHYIR JI LTAR THA DAD PA LTA BU ZHES BRJOD CE NA, DE NI DON BYA BA BYED PA NYID DU ZHES SMOS SO, ,DE LTAR SNANG BA NYID DE MA YIN PA LAS THA DAD PAR SNANG BA YIN TE, JI SKAD BSHAD ZIN PA BZHIN NO, ,RNAM PAR DE NYID KYANG RNAM PAR RTOG PA'I GZUGS BRNYAN YIN PA'I PHYIR, THA DAD PA ZHES BRJOD DO, ,DE YANG DNGOS PO'I NGO BO MA YIN NO ZHES BSHAD PA NI, ,DE YANG BRTAG PA'I ZHES BYA BA'O, ,DE NI SPYI'I THA SNYAD DE LA BRTEN PA NYID DU BSHAD PA NA NI BLO LA GNAS PA'I DON DE DAG NI ZHES BYA BA YIN NO, ,GAL TE YANG DON RNAM PA GCIG NYID KYI SKABS YIN PA DE LTA NA YANG SPYI NYID GZHAN LA LTOS PA'I PHYIR MANG PO'I TSIG TU BRJOD DO, ,DE ZHES BYA BA'I THA DAD PA'I MTSAN NYID SPYIS MTSUNGS SO ZHES BYA BAR 'DZIN TO, ,GANG GI PHYIR 'DIR LOG PA'I BDAG NYID DE DAG SNANG BA YIN NO, ,RANG GI MTSAN NYID NI MA YIN TE, JI SKAD BRJOD PA'I SHES PA DE LA MI SNANG BA NYID DO, ,GZHI MTHUN PA YANG DE NYID LA YIN PAR BSHAD PA NI, DE DAG NYID CES BYA BA'O, ,BA LANG MA YIN PA LAS LOG PAR SNANG BA NI SKAR PO MA YIN PA LAS KYANG LOG PAR SNANG NGO, ,DES NA BA LANG ZHES BYA BA SNANG BA GANG YIN PA DE LA RTEN NYID DU DKAR PO ZHES SNANG BA NA DE DANG THA MI DAD PAR SNANG BA YIN TE, DE NYID DKAR PO YIN PA'I PHYIR RO, ,DES NA RNAM PAR 'DI GNYIS RNAM PAR RTOG PA LA SO SOR THA DAD PAR SNANG BA YIN YANG PAN TSUN 'BREL PAS BYAS PAS GCIG TU SNANG BA'I 'DI NYID GZHI MTHUN BA YIN GYI, GANG GIS 'DI GNYIS GZHI MTSUNGS PA YIN PA'I PHYIR GZHI MTHUN PAR 'GYUR BA CHOS CAN GSUM PA NI 'DIR YANG SNANG BA MED DO, ,BA LANG NGO SNYAM PA 'DI NYID DUS CAN RTOGS PA YIN LA DE NYID KYANG DKAR PO'I BDAG NYID DU GYUR BA YIN NO, ,'DI LA JI LTAR SHES DANG THA DAD MA YI PA ZHES BYA BA'I TSUL 'DIS BLO'I DON RNAMS LOG PA'I RNAM PAR RTOG PA LAS BYUNG BA'I BDAG NYID DU BSHAD PA DE BZHIN DU, THA DAD RNAMS 'BREL PAR RTOGS PA YANG MA GRUB PA'I PHYIR GZHI MTHUN GCIG PA NYID KYANG LHAG PAR ZHEN PA CAM GYI RANG BZHIN LOG PA'I DON KHO NA YIN NO ZHES BSTAN PA'I PHYIR, BDAG NYID KYI

, ,BYA BA'O, ,BDAG GI BA LTAR BDAG KYANG MA SPANGS PA NI YIN NO ZHES BYA BA'I DON TO, ,'O NA GANG SPANGS SNYAM NA CHAGS PA 'BA' ZHIG CES BYA BA GSUNGS SO, ,BE RA GA NI 'DOD CHAGS MED PA STE, BE RA'I SGRA NI DGAG PA'I DON YIN PA'I PHYIR RO ZHES BYA BA'I DON TO, ,BDAG LA THAR PA'I BDE BA 'DOD PA NI BDAG LA CHAGS PA DANG BRAL BA MI SRID DO ZHES RE ZHIG RANG RIG NYID LAN 'DEBS PA NI BDE BAR ZHES PA'O, ,DA NI RNAM 'GREL GYI DON GAL TE ZHES BYA BAS BRJOD DO, ,DE NYID CES BYA BA NI DOGS PA'O, , BDAG NYID CHAGS PA DANG MA BRAL BA LAS BDAG LA CHAGS PA DANG BRAL BA YIN NO ZHES BYA BA'I DON TO, ,BDAG DOR BA NYID DU MI NUS SO ZHES BRJOD PA GANG YIN PA DE NI CHAGS PA DANG BRAL BA LA YANG MTSUNGS SO ZHES LAN BRJOD PA NI, BDAG LA BDAG CES BYA BA'O, ,CIS ZHES BYA BA NI GZHAN GYI DRI BA'O, ,'O NA TE CHAGS PA NYID CHAGS PA DANG BRAL BAR 'GYUR NA, 'DI LA BRJOD PA NI DE NI GZHAN DU ZHES BYA BA STE, CHAGS PA DE NI GZHAN DU 'DOD CHAGS DANG BRAL BA NYID DU MI 'GYUR RO, ,GZHAN TE 'DOD CHAGS DANG BRAL BA YANG DE LTAR CHAGS BA'I RANG BZHIN GYIS GNAS PA MIN NO, ,CI'I PHYIR DE LTAR MA YIN SNYAM NA, BDAG NYID KUN NAM ZHES BYA BA'O, ,BDAG NYID KUN GYIS RNAM PA GZHAN DU 'GYUR NA, RANG GI GRUB PA'I MTHA' DANG 'GAL BA NYID KYIS 'THAD PAR DKA'O, ,PHYOGS GCIG GIS GZHAN DU 'GYUR NA 'THAD PAR DKA' BA NYID GSAL BAR BYED PA NI GCIG LA ZHES BYA BA'O, ,BDAG GCIG LA NI PHYOGS GCIG MED DO, ,GANG GI PHYIR PHYOGS GCIG YOD NA BDAG DE THA MI DAD PA NYID MED PAR 'GYUR RO, ,DE CI'I PHYIR ZHE NA, BSHAD PA GANG ZHIG CES BYA BA'O, ,DES NA PHYOGS GCIG GZHAN DU GYUR KYANG BDAG NI GZHAN DU GYUR PA MA YIN NO ZHES BSTAN PA YIN NO, ,'ON TE YANG PHYOGS GCIG GZHAN DU GYUR PAS BDAG GZHAN DU 'GYUR BA NYID DU 'DOD NA, DE LA YANG BRJOD PA NI DE LTAR YIN NA ZHES BYA BA STE, YANG PHYOGS GCIG GIS GZHAN DU 'GYUR BA YIN NA THUG PA MED PAR 'GYUR TE

PHYOGS GCIG PO DE LAS GZHAN YIN LA, DE LAS GZHAN YANG DE LAS GZHAN YIN PA ZHES BYA BA LA SOGS PA'I TSUL DU'O, ,DE NAS BDAG GZHAN DU 'GYUR BA MA YIN NO, ,GANG MA PHYOGS GCIG PO GZHAN DU GYUR PA DE YANG BDAG MA YIN NO, ,THA DAD PAR MED PA'I PHYOGS DOGS PAR BYAS NAS 'GOG PA NI PHYOGS GCIG PA GZHAN MIN PAR 'GYUR RO ZHE NA, DE LTA NA YANG ZHES BYA BA NI GZHAN MA YIN NA YANG NGO, ,CI LTAR THUG PA MED CE NA, DER YANG ZHES BYA BA'O, ,GZHAN MA YIN PA GANG YIN PA DA NI BDAG BZHIN DU 'GYUR BA MA YIN LA, GANG ZHIG GZHAN DU 'GYUR BA DE NI GZHAN YIN NO, ,DE YANG RNAM PA 'GAS GZHAN MA YIN NA, YANG DE NYID BZLAS PAR BYA BA'O, ,DES NA THUG PA MED DO, ,GANG GI PHYIR DE LTAR CHAGS PA DANG MA BRAL BAR GYUR PA LAS CHAGS PA DANG BRAL BAR 'GYUR BAR MI 'THAD PA'I PHYIR RO, ,DES NI THAR PAR 'DOD BAS SO, ,DE LTA NA YANG 'DOD CHAGS DANG BRAL BA BSGOMS PA DON MED DO ZHES BRJOD PA NI DE NI JI LTAR ZHES BYA BA'O, ,BDAG DOR BA NYID KYIS BDAG GI BA LA CHAGS PA DANG BRAL BA GRUB PA'I PHYIR DE LA CHAGS PA DANG BRAL BA BSGOMS PA NI DON MED DO, ,'ON TE YANG RNAM BA GANG GIS KYANG BDAG YONGS SU MI 'DOR BA DES NA CHAGS PA DANG BRAL BA BSGOM PA DON DANG BCAS PA YIN NO SNYAM NA, RNAM PA GANG GIS DON MED PA, ,ZHES BYA BA'O, ,DON MED CES BYA BA NI MI NUS PA'O, ,CI'I PHYIR ZHE NA, SDUG BSNGAL ZHES GSUNGS SO, ,RNAM PA GZHAN DU SBYAR BA ZHES PA NI, YANG NA ZHES BYA BA'O, ,GANG LA ZHES BYA BA LA LTOS NAS, DE NI 'DIR MIN PA ZHES 'BREL TO, ,CHAGS PA DANG BRAL BA'I YUL MI SPANG NGO SNYAM DU DOGS PA'O, ,GZHAN LA GRUB PA'I DPE BRJOD PA NI BDAG BZHIN ZHES BYA BA'O, ,BSGOM PA DON MED PA NYID GSAL BAR BYED PA NI SDUG BSNGAL BSGOMS PAS NI ZHES BYA BA'O, ,GAL TE DON SPYOD MED DE LAS CIR 'GYUR SNYAM NA, CI LTAR ZHES BYA BA'O, ,SDUG BSNGAL BSGOMS PAS KHYAB GROL MA YIN NO, ,ZHES BYA BA'I DON TO, ,SDUG BSNGAL BSGOMS PA NI DNGOS SU 'DOD CHAGS DANG

, ,BRAL BA MA YIN GYI, 'ON KYANG SDUG BSNGAL DE BLO LA GNAS PAR BYAS PA LAS YIN NO, ,BLO LA GNAS PAR BYAS PA DE YANG GNAS SKABS KUN DU SKYES BU LA YOD PA'I PHYIR SDUG BSNGAL BSGOMS PA'I NYE BAR BSTAN PAS CI BYA STE, DE DPYOD KYANG SHES PAR SLA BA'I PHYIR RO ZHES STON PA NI DE DAG CES BYA BA'I SKYES BU DE DAG NI SDUG BSNGAL BSGOMS PA'I NYE BAR BSTAN PAS KYANG SDUG BSNGAL NYID DE, SDUG BSNGAL GYIS SGRUB PAR BYED PA DANG, SDUG BSNGAL DANG RJES SU 'BREL PA NYID RNAM SHES BYED DE KHONG DU CHUD PAR BYED PA YIN NA, RANG BZHIN NYE BAR BSTAN PA LAS SNGAR YANG MNGON SUM BYAS PA NYID DO, ,DE NAS CHAGS PA DANG MA BRAL BA NYE BAR BSTAN PAS BRAL BAR BYED PA YANG MA YIN TE, DE YANG DE NYID RJES SU BRJOD PA TZAM YIN PA'I PHYIR RO, ,SNGAR NI CHAGS PA DANG BRAL PAR GYUR PA DANG, CHAGS PA DANG BRAL BA'I YUL MED PA'I PHYIR BSGOM PA DON MED PAR BRJOD PA YIN LA, DE LTA NA NI CHAGS PA DANG BRAL BA'I SGRUB BYED NYID MED PAR BRJOD PA YIN NO, ,KHO BO CAG GIS NI 'DU BYED KYI SDUG BSNGAL NYID LA BSAMS NAS BLANG BYA DANG DOR BYA DANG BRAL BA'I PHYIR STE'U TZAN DAN MNYAM PA NYID 'DOD CHAGS DANG BRAL BAR 'GYUR BA'I PHYIR BSGOM PA YIN NO, ,'DOD CHAGS DANG BRAL BA'I RGYU MA YIN PA NYID BRJOD PA 'DIS NI ZHES BYA BA'O, ,'DI NYID GSAL BAR BYED PA NI SDUG BSNGAL BSGOM PA ZHES BYA BA'O, ,DE LTA MA YIN NA ZHES BYA BA NI MNGON DU BYED PA'I RGYU MA YIN NO, ,DE LTA MA YIN NA NI ZHES BYA BA NI SDUG BSNGAL MNGON SUM NYID MA YIN NA'O, ,DE LTA NA YANG ZHES BYA BA NI SDUG BSNGAL MNGON SUM NYID YIN YANG NGO, ,SDUG BSNGAL BSGOM PA DON DANG BCAS PAR DOGS PA BSU PA NI GAL TE SDUG BSNGAL ZHES BYA BA'O, ,DE BZHIN DU BDE BA BSGOMS PAS 'DOD CHAGS PAR 'GYUR RO ZHES LAN BTAB PA NI DE NI MED DE ZHES BYA BA'O, ,DES NA ZHES BYA BA BDE BA'I TSOGS RNAM PAR SHES PAS SO, ,GAL TE 'KHOR BA PA'I BDE BA MTHA' DAG NI SDUG BSNGAL GYI GZHI YIN PA'I PHYIR NA SDUG BSNGAL NYID MA YIN NAM, 'DI LTAR BDE BA'I DON DU SBYOR BA NI DE BSGRUB PA LA SOGS

PAS NYON MONGS PA'I RNAM PAR RTAG PA'I SDUG BSNGAL NYID LA BDE BAR MNGON PAR RLOM PA YIN NO, ,DES NA SDUG BSNGAL BSGOMS PA NI DRANG SRONG RNAMS KYIS BSTAN PA YIN NO ZHES DOGS PA BSU BA NI GAL TE RAB TU ZHI BA'I ZHES BYA BA'O, ,SDUG BSNGAL BSGOMS PAS NI 'KHOR BA PA'I BDE BA LA SRED PAR MI 'GYUR RO ZHES 'BREL TO, ,BDAG TU MNGON PAR ZHEN PA CAN NI SDUG BSNGAL BSGOMS KYANG BDAG LA ZHEN PA YOD PA'I PHYIR BDAG GI BAR ZHAN PA MI LDOG GO ZHES LAN BTAB PA NI DE YANG MA YIN TE ZHES BYA BA'O, ,ZHI BA THAR PA NI 'KHOR BA BA'I BDE BA LA SKYO BA'I RGYU MA YIN NO, ,'ON TE RAB TU ZHI BA'I BDE BA LA RTOG PA NA 'KHOR BA NYID LAS SKYO BA'I RGYU YIN NO SNYAM NA DUR KHROD KYI NI GNAS ZHES BYA BA'O, ,'DI GA LAS SHE NA, BYA ROG CES BYA BA STE, BYA ROG NI BDAG TU LTA BA LA MNGON PAR ZHEN PA DANG 'DRA BA YIN NO, ,PADMA'I NAGS NI THAR PA DANG 'DRA BA'O, ,MI GTZANG BA'I GNAS NI 'KHOR BA DANG MTSUNGS SO, ,GAL TE BDAG TU LTA BA CAN YANG 'GA' ZHIG LA SDUG BSNGAL GYI RGYU NYID DU MTHONG BA'I PHYIR NA CHAGS PA DANG BRAL BAR MTHONG BA NYID MA YIN NAM ZHE NA, TSUL DE NYID KYIS THAMS CAD DU YANG 'GYUR BA NYID DO ZHES BYA BA'I GAL TE ZHES BYA BA LA SOGS PAS DOGS PA BSU NAS, GAL TE DE LA ZHES BYA BAS LAN 'DEBS SO, ,DE NYID GSAL BAR BYED PA NI 'DI LTAR ZHES BYA BA'O, ,CHAGS PA'I NUS PA NI BDAG GI BAR 'DZIN PA'O, ,GTAN DU NI 'DOD CHAGS DANG BRAL BA NI MA YIN NO ZHES 'BREL TO, ,'PHAGS PA'I SHES RAB KYIS ZHES BYA BA NI, BDAG TU 'DZIN PA DANG 'BREL PA'I SHES RAB GCAD PAR BYA BA'I DON DU KHYAD PAR DU BYAS PA'O, ,BLANG BA DANG DOR BA BCOM PA'I RGYU NI BDAG MED PAR LTA BA YIN GYI, BDAG TU 'DZIN PA NI MA YIN NO ZHES BYA BA'I DON TO, ,RNAM GRANGS KYIS 'DOD CHAGS PAR MTHONG BA DE NYID MJUG BSDU BAS STON PA NI, DE'I PHYIR ZHES BYA BA'O, ,BDAG TU SMRA BA LA NI KHAMS GSUM PA NI SPANG BYA YIN LA, BDAG DANG DE'I CHOS NI BLANG BYA YIN NO, ,BLANG BAR BYA BA LA CHAGS PA DE LA YANG PHAN 'DOGS PAR BYED PA GZHAN LA LTOS PA DANG BCAS PA'I PHYIR NA 'DOD CHAGS

, ,KYIS BON YIN PAR BRJOD DO, ,DE'I PHAN 'DOGS PAR BYED PA NYID NI YOD DAM MED KYANG RUNG STE, DE LA LTOS PA'I BDAG TU 'DZIN PA CHAGS PA'I SA BON NI YOD PA KHO NA'O ZHES BYA BA'I DON TO, ,BLANG BAR BYA BA LA CHAGS PAR BDAG TU 'DZIN PA'I MTSAN NYID DE YANG GNOD PAR BYED PA LA SDANG PA'I RNAM PA'I SA BON YIN NO ZHES BYA BAR YANG SPANG BA SHES PAR BYA BA'O, ,JI LTAR SA BON SNYAM NA RNAM GRANGS KYIS ZHES GSUNGS SO, ,YIN PAS NA DE CI LTAR 'GROL ZHES KHONG NAS DBYUNG NGO, ,GANG LA ZHES BYA BA NI 'CHAD PA'O, ,DE'I RGYU CAN GYI CHAGS PA DANG SDANG BA DE KHO NA BZHIN DU 'GYUR RO ZHES BRJOD PA NI 'DOD PA DANG SDANG BA ZHES BYA BA'O, ,BLANG BYA MED PA'I PHYIR CHAGS PA'ANG MA YIN LA RGYAB KYIS PHYOGS PA YANG MA YIN PA'I PHYIR GANG ZHIG SU'I SA BON YIN ZHES BRJOD PA NI, BDAG MED PAR LTA BA NI ZHES BYA BA'O, ,DE LTAR 'DOD CHAGS DANG BRAL KYANG RNAM PA THAMS CAD DU 'DOD CHAGS DANG BRAL BA NI MA YIN NO ZHES BSTAN PA YIN NO, ,DA NI BDAG TU LTA BA LA CHAGS PA DANG BRAL BA NYID MI SRID DO ZHES BRJOD PA NI, GZHAN YANG ZHES BYA BA'O, ,CI LTAR MI 'PHROD PA NYID MED SNYAM NA, RE ZHIG CES SMOS SO, ,DMIGS PA'I SGRUB PAR BYED PA ZHES BYA BA NI MIG LA SOGS PA DANG YUL LE, ,GAL TE BDAG TU LTA BA CAN YANG KHAMS GSUM PA LA CHAGS PA DANG BRAL BA YIN LA, YUL GZHAN YANG MED PA'I PHYIR CI LTAR 'GA' ZHIG 'DOD PA'AM, SDANG BAR 'GYUR SNYAM DU DOGS NA, STON MED YUL CAN ZHES BYA BA'O, ,BDAG LA CHAGS PA YOD NA NI KHAMS GSUM PA DE LA PHAN 'DOGS PA'I CHA DANG LDAN PA LA, 'DOD CHAGS DANG BRAL BA NYID MI 'GRUB BO ZHES BYA BA NI, BSAM MED BDAG LA CHAGS PA YIS, ,ZHES BYA BA LA SOGS PAS BSHAD ZIN TO ZHES BYA BA'I DON TO, ,'O NA NI NYES PA DANG LDAN PA NYID KYIS NA BDAG GI BA LA BZHIN DU BDAG LA YANG RGYAB KYIS PHYOGS PAR 'GYUR RO SNYAM PA'I BSAM PAS DOGS PA BSU BA NI, 'ON TE ZHES BYA BA'O, ,DE NI BDAG GI BA LA'O, ,SKYON MED PA 'BA' ZHIG TU NI MA ZAD DE SKYON BCAS KYANG YIN NA'O, ,DA NI ZHES BYA

BA NI LAN NO, ,GAL TE ZHES BYA BA NI RTZOD PA'I CHA RNAM PAR 'GREL BA'O, ,BDE BA YIN ZHES BYA BA NI GRUB PA'I MTHA'I CHA BSHAD PA'I DON DU 'DRI BA'O, ,GZHAN GYI LAN SDUG BSNGAL GYI RGYU NYID DO ZHES BYA BA'O, ,GRUB PA'I MTHA' SMRA BAS RNAM GRANGS KYI ZHES GSUNGS SO, , RES 'GA' ZHES BYA BA NI DOGS PA'O, ,DE NI ZHES BYA BA NI LAN NO, ,BDAG NI ZHES BYA BA NI GZHAN GYI'O, ,BDAG GI BA LA YANG ZHES BYA BA NI LAN 'DEBS PA'O, ,BDAG GI BA DOR BAR DOGS PA BSU NAS ZLOG PAR BYED PA NI NYES PA YIN PA'I PHYIR DANG ZHES BYA BA'O, ,JI LTAR LOG PA YIN SNYAM DU DOGS NA, GANG DANG GANG GI TSE ZHES GSUNGS SO, ,DE NI BDAG GI BA'O, ,CI LTAR GTAN DU MI 'DOD SNYAM NA, CI LTAR NGES PAS ZHES BYA BA'O, ,GAL TE ZHES BYA BA NI DOGS PA'O, ,DE LTA NA NI ZHES BYA BA NI PHAN NO, ,GAL TE BDE BA SDUG BSNGAL BSKYED PA'I PHYIR 'DOD NA, 'O NA SDUG BSNGAL BDE BA'I SKYED BYED YIN PA'I PHYIR BLANG BYAR 'GYUR RO ZHES BYA BA'I DON TO, ,BDAG GI BA LA ZHEN PA NI NYES PA MTHONG BAS 'DOD PA MA YIN TE YON TAN MTHONG BSAM BSKYED PA'I PHYIR RO ZHES BRJOD PA NI GZHAN YANG ZHES BYA BA'O, ,NYES PA MTHONG BA NI BSGOM PAS BSKYED PA'I NYES PA MTHONG BA'O, ,SO SO'I LUS LA SOGS PA DAG LA YON TAN MTHONG BAS BSKYED PA NI MA YIN NO, ,RJES SU 'GRO BA DANG LDOG PA MED PA'I PHYIR RO ZHES BSHAD PA NI, DE LTAR ZHES BYA BA YON TAN MTHONG BAS BSKYED PA'O, ,DE NI ZHEN PA'O, ,BYIS SOGS LA ZHES BYA BA NI LDOG PA MED PA'O, ,YON TAN LAS SKYES PA YANG MA YIN TE, LDOG PA MED PA'I PHYIR RO ZHES BSHAD PA NI, SKYON LDAN LA YANG ZHES BYA BA'O, ,RJES SU 'GRO BA MED PA BRJOD PA NI YON TAN LDAN PA ZHES BYA BA'O, ,GZHAN DAG LA NI GZHAN GYI LUS DANG DBANG PO LA SOGS PA'O, ,BDAG GI YANG YON TAN DANG LDAN PA 'DAS PA DANG MA SKYES PA LA MED PA'I PHYIR ZHES RJES SU 'GRO BA MED PAR BSHAD PA, SNGAR BDAG GI BAR GYUR PA LAS GANG GI TSE 'DAS PAR GYUR PA DE LA BDAG TU ZHEN PA MED PA'I PHYIR TE BRAL BA'I PHYIR RO ZHES BYA BA'I DON TO, ,GAL TE YON TAN MTHONG BAS BSKYED PA MA YIN NO, ,'O NA CIS BSKYED PA YIN SNYAM DU DOGS PA BSU NAS, BDAG GI BA BLO BCOM PAS 'DI 'DOR BA YIN GYI BZLOG

, ,PAS MIN ZHES BYA BAR BSAMS NAS, 'ON KYANG ZHES BYA BA'O, ,BDAG GI BA'I BLO YON TAN MTHONG BA LAS BYUNG BA NI, SDUG BSNGAL BSGOMS PAS BSKYED PA'I NYES PA MTHONG BAS MED PAR 'GYUR RO ZHES DOGS PA BSU BA NI, DE LTA NA NI ZHES BYA BA'O, ,ZHEN PA BZHIN DU BDAG GI BLO'I RGYU YANG YON TAN MTHONG BA MA YIN NO ZHES LAN 'DEBS PA NI, DE NYID PHYIR NA ZHES BYA BA'O, ,SKYON LDAN LA YANG YOD PHYIR DANG, ,ZHES BYA BA LA SOGS PA'I PHYIR RO, ,BDAG GI BA'I BLO DE YANG YON TAN MA YIN PA MTHONG BA NYES PA MTHONG BAS SPONG BA MA YIN NO, ,BDAG MED PA MTHONG BA KHO NAS SPONG BA YIN NO ZHES BYA BA'I DON TO, ,DE NYID PHYIR ZHES BYA BA RNAM PAR 'GREL PA NI NYES PA DANG LDAN PA ZHES BYA BA'O, ,LHAG MA NI GSAL BA'I PHYIR RNAM PAR MA BKRAL TO, ,PHYIR LA YON TAN MTHONG BA NYID BDAG GI BA'I BLO DANG ZHEN PA DAG LAS SKYE BA YIN NO ZHES BRJOD PA NI GZHAN YANG ZHES BYA BA'O, ,ZHEN PA'I RGYU NI BDAG GI BAR 'DZIN PA YIN LA DE DANG 'GAL PA MED PA SDUG BSNGAL BSGOM PA BSGRUBS BAS NI DE'I 'BRAS BU ZHEN PA LA MI GNOD DO ZHES MJUG SDUD PA NI DES NA ZHES BYA BA'O, ,GAL TE ZHES BYA BA NI 'CHAD PA'O, ,DE NI NYES PA MTHONG PA'O, ,MI RNYED PA CI'I PHYIR SNYAM NA, GANG GI PHYIR ZHES BYA BA'O, ,NYES PA MTHONG BA DANG 'GAL PA YON TAN MTHONG BA YIN NO ZHES BYA BA'I DON TO, ,GAL TE ZHES BYA BA NI DOGS PA BSU BA'O, ,MA YIN TE ZHES BYA BA LAN NO, ,'O NA CI LTAR BDAG TU LTA BA CAN RNAMS KYI ZHEN PA'I GNOD PA CI LTAR 'GYUR SNYAM NA, DE NI ZHES BYA BA'O, ,DE LTAR GYUR NA CI SKYON SNYAM NA, DE LTA NA YANG ZHES GSUNGS SO, ,ZHEN PAS ZHEN PA GZHAN LA GNOD PAR GYUR PA NA'O, ,DE LTAR YIN ZHES BYA BA NI NYES BA MTHONG BA GCOD BYED YIN NA'O, ,NYES PA MTHONG BA 'DI'I NI GNOD BYED DE NYID DE, BZLOG PAR BYA BA'I ZHEN PAS BSKYED PA NYID ZLOG PAR BYED PA'I ZHEN PA LA YIN NO, ,DE LAS CIR 'GYUR SNYAM NA, SPROS PA YIN NO, ,NYES PA MTHONG BA ZHES 'BREL TO, ,YON TAN MTHONG NA YANG GA LA YOD SNYAM DU DOGS PA'O, ,'ON TE YUL SNGA MA LA BYUNG BA LDOG GO, ,SKYON GYI RGYU NI MA YIN NO SNYAM NA, MA YIS ZHES

GSUNGS SO, ,DE'AM GZHAN DU YANG RUNG STE, ZHEN PA MI MTHONG BA GNOD PAS YON TAN MTHONG BA'I PHYIR, YONGS SU MA SPANGS PA 'KHOR BA PA NYID KYI MTSAN 'CHI BA DANG MTSUNGS PA LA KHYAD PAR CI YOD, JI LTAR MA'AM GZHAN GYIS ZOS PA, GZHAN GYIS ZOS PA LA 'CHI BA LA LTOS NAS KHYAD PAR 'GA' YANG MED PA BZHIN NO, ,AE TI'I SGRA KHONG NAS PHYUNG BA'I DON BSTAN PA GSUNGS PA NI, DE'I PHYIR ZHES BYA BA'O, ,RANG BZHIN NI LUS LA SOGS PA BDAG MA YIN PA'O, ,SKYES BU NI BDAG GO, ,DE GNYIS KYI BYE BRAG NI THA DAD PA STE, DE YONGS SU SHES PA LAS THAR BAR 'GYUR BA YIN NO, ,DE MA SHES PA NI DE DANG 'GAL BA'I PHYIR RO, ,DE MA SHES PA NI ZHEN PA LA SOGS PA'I SGRUB BYED YIN PA'I PHYIR 'KHOR BA'I RGYU YIN NO ZHES BRJOD PA NI, 'DI LTAR ZHES BYA BA'O, ,RANG BZHIN GZHAN DU NI SKYES BU LAS RANG BZHIN THA DAD PAR RO, ,CI LA SDUG BSNGAL SHES PA THAR PA'I YAN LAG MA YIN PA'I PHYIR NA, MA RTOGS PA DANG RTOGS PAR BLA BA'I PHYIR, NYE BAR BSTAN PAR BYA BA DE BZHIN DU, BDAG THA DAD PAR SHES PA YANG YIN NO ZHES LAN LDON PA NI, MCHOG GZHAN ZHES BYA BA'O, ,LUS DANG DBANG PO LA SOGS PA'I TSOGS, BDAG MED LA BDAG NYID DU BZUNG NA SPONG BAR SPRO BA NYID MED DE, DES NA DE DE LA 'DI NI BDAG MA YIN NO ZHES BDAG MA YIN PA NYID DU NYE BAR STON PA MA YIN NO, ,BDAG MED PAR LTA BA NYID THAR PA'I RGYU YIN PA'I PHYIR RO, ,BDAG THA DAD PAR SHES PA NI MA YIN TE, DE LAS ZLOG PA'I PHYIR RO, ,GANG GIS KHYAD PAR MTHONG BA NI ZHEN PA BZLOG PA LAS THAR BAR 'GYUR NA, GCIG TU MTHONG BAS NI ZHEN PA MA YIN NO ZHES BRJOD PA NI, BDAG LA CHAGS PA DE ZHES BYA BA'O, ,DMIGS PA LONGS SPYOD KYI NANG GI YAN LAG DBANG PO LA SOGS PA NYE BAR GNAS PA'I SGRUB BYED DAG LA'O, ,THA DAD PA MTHONG BA NI MI RTAG PA NYID MTHONG BA'O, ,DBANG PO LA SOGS PA MI RTAG BA NYID YIN YANG, BDAG GI RANG BZHIN LAS THA DAD PAR RTOGS PAR JI LTAR 'GYUR SNYAM NA, RJES SU 'GRO BA DANG ZHES GSUNGS SO, ,'DI NYID GSAL BAR BYED PA NI BDAG GI ZHES BYA BA'O, ,BDE BA LA SOGS PA ZHES SOGS PA'I SGRAS NI DBANG PO LA

, ,SOGS PA'O, ,LDOG PA NI GTZO BO YONGS SU GYUR PA'I RANG BZHIN YIN PA'I PHYIR RO, ,DE NYID CES BYA BA NI RANG BZHIN DANG SKYES BU THA DAD PA NYID DO, ,DE LTA YIN NA THAR PA MED DO ZHES BYA BA NI, RNAM PAR DBYE BA'I NGES PA MED NA, THA DAD PA'I NYE BAR BSTAN PA TSAD MAS 'THAD PA NYID DU MI 'GYUR RO ZHES BYA BA'I DON TO, ,DES NA SKYE BO RNAMS LA THA DAD PA'I BLO YOD PA NYID YIN PA'I PHYIR NA, DE NYE BAR BSTAN PAR MI RIGS SO, ,DE BSGOMS PAS NI DNGOS SU RNAM PAR DBYE BA MTHONG BAR YANG MI 'THAD DO ZHES BRJOD PA NI BDE BA DON DU GNYER BA ZHES BYA BA STE, BDAG LA ZHEN PAR DON DU GNYER BA'O, ,CI'I PHYIR GUS PA MED SNYAM NA, BDE BA LA SOGS PA DANG ZHES GSUNGS SO, ,DE'I PHYIR GCIG NYID MTHONG BAS KYANG ZHES BYA BA LA SOGS PA 'CHAD PAS KYANG, BDAG NI ZHES BYA BA'O, ,DE NI ZHES BYA BA NI DOGS PA BSU BA'O, , SNGAR GCIG KYANG SPRO BA'I DUS NA GTZO BO DANG GCIG PAR SLOB PA YIN NO SNYAM DU BSAMS PA'O, ,PHYED DANG PO 'CHAD PA NI GTZO BO'I NANG DU ZHES BYA BA'O, ,YUL NYID KYI GTZO BO NANG DU ZHUGS PA YOD PA NYID DO ZHES BRJOD PA NI, GAL TE YUL NYID CES BYA BA'O, ,BLO MED PAR YANG ZHES BYA BA NI SPROS PA LAS SNGAR RO, ,PHYED PHYI MA 'CHAD PA NI SKYES BU RNAMS KYI ZHES BYA BA'O, ,BLO DANG 'DOD PA DAG NI GTZO BO LAS MA YIN GYI, 'ON KYANG THOG MA MED PA'I BAG CHAGS LAS YIN NO, ,DES NA PHAN TSUN BSTEN PA'I NYES PA MED DO SNYAM DU DOGS PA LA, GAL TE DE LTA NA BDE BA DANG SDUG BSNGAL DAG KYANG DE LTAR 'GYUR BA'I PHYIR GTZO BO SPROS PA'I RGYU MA YIN NO ZHES BRJOD PA NI THOG MED BAG CHAGS ZHES BYA BA LA SOGS PA'O, ,'DE NI BDAG GIS BAG CHAGS KYANG BDAG LAS THA DAD PA'AM THA MI DAD PA ZHIG TU 'GYUR NA, THA DAD PA'I PHYOGS LA BRJOD PA NI GTZO BO'I ZHES BYA BA'O, ,THA DAD PA'I PHYOGS LA BRJOD PA NI DE'I PHYIR ZHES BYA BA'O, ,DE NI BAG CHAGS SO, ,ZHE SDANG YANG 'DOD CHAGS DANG 'BREL BA SGRUB PAR BYED PA'I PHYIR NYES PA MA YIN NA SNYAM NA, CHAGS BRAL MA YIN ZHES GSUNGS SO, ,CI'I PHYIR ZHE NA, DE TSE YANG ZHES GSUNGS SO, ,DA LTAR BA'I BDE BA'I DUS SU YANG NGO,,

SKABS GZHAN NI BDE BA'I SGRUB BYED DE DE TSOL BA'I PHYIR RO, ,ZHE SDANG SKYED PAS DBANG DU BYAS PA'I 'GAL BA'I RGYUD LA, GNAS SKABS GZHAN TSOL PAS 'DOD CHAGS 'BYUNG BAR JI LTAR 'GYUR SNYAM NA, ZHE SDANG NI SDUG BSNGAL GYI RGYU CAN YIN TE, SKYED BYED CAN YIN TE, DE YIN PA'I PHYIR RO, ,DE NI ZHE SDANG NGO, ,DE TZAM DU STE, SDUG BSNGAL BSGOM PA TZAM DU GNAS TE, RNAM PAR GNAS PA GANG YIN PA DE LA DE SKAD CES BYA'O, ,DE LOG NA NI 'GAL BA MED PA'I PHYIR 'DOD CHAGS 'BYUNG BA KHO NA'I ZHES BYA BA'I DON TO, ,DE NI ZHES BYA BA NI GANG PHYIR GYI DON TO; ,DON DAM PA NI 'CHAD PAR 'GYUR BA'O, ,ZHE SDANG SDUG BSNGAL RGYU CAN PHYIR, ,ZHES BYA BA BSHAD PA'I PHYIR, PHYOGS SNGA MA 'GOD PA NI, ZHE SDANG GTAN DU ZHES BYA BA'O, ,SDANG BA NYID DU GAL 'GYUR TE MI 'GYUR BA'O, ,'DOD CHAGS PA NYID DO ZHES BYA BA'I DON TO, ,GANG GI PHYIR 'DI SDUG BSNGAL DANG ZHE SDANG DANG RJES SU 'BREL PA'I PHYIR 'DI NI THAR PA NYID MA YIN TE, DE NI SDUG BSNGAL GTAN LDOG PA'I RANG BZHIN PA'I PHYIR RO ZHES BZHAD PA NI SDUD DANG SDANG BAS ZHES BYA BA'O, ,GAL TE ZHES BYA BA LA SOGS PA NI RNAM 'GREL 'JUG PA'O, ,THAR PA NI SKYE BA'I RANG BZHIN YIN PA'I PHYIR RO ZHES BYA BA'I DON TO, ,'DI NYID BRJOD PA NI 'KHOR BA LAS YID MA BYUNG BA'I ZHES BYA STE, THAR PA'I MTSAN NYID KYI DON DANG LDAN PA NI MI SKYE BA MA YIN NO ZHES BYA BA'I DON TO, ,DE LAS CIR 'GYUR SNYAM NA, SDUG BSNGAL GYIS GDUNGS ZHES BYA BA'O, ,DES NA KHYED KYIS RNAL 'BYOR PA YANG SDUG BSNGAL GYIS ZIL GYIS NON PA NYID DO ZHES BYA BA'I DON TO, ,YANG NA GAL TE SDUG BSNGAL LA CHAGS PA 'DOD CHAGS DANG BRAL BA MA YIN LA DE'I SGRUB PAR BYED PA YANG MA YIN NA, DE CI YIN SNYAM NA, BLANG DANG ZHES BYA BA'O, ,BDAG MED PAR MTHONG BAS DE LA PHAN 'DOGS PA MED PA'I PHYIR NI LEN PA MED LA, GNOD PAR BYED PA MED PAS NA 'DOR BA MED PA NI SNYAM SNYOM CAN 'DOD CHAGS DANG BRAL BA YIN NO, ,GAL TE GNAS SKABS 'DI GOMS PAS DE'I BDAG TU GYUR PA THAR PAR 'DOD PA MA YIN NAM, 'DIS PHAN 'DOGS PAR MA MTHONG NA GOMS PAR JI LTAR BYED CE NA, CI LTAR GOMS PAR MI BYED,

, ,PHAN GDAGS PAR BYA BA DANG PHAN 'DOGS PA NYID DU LHAG PAR ZHEN PA GOMS PAR MI BYED PA JI LTAR YIN, 'ON TE DER LHAG PAR ZHEN PA MED NA, DE LTA NA YANG CI LTAR GOMS PA MED PAR 'GYUR TE, GOMS BA MED PAR DE LTAR LHAG PAR ZHEN PA DANG 'BRAL BAR MA 'GYUR BA'I PHYIR RO, ,DES NA 'DI NI GYI NA'O, ,DE SKAD DU YANG, BDE BAR GYUR PA'AM, SDUG BSNGAL BAR MA GYUR ZHES SRED PA LAS, NGA'O SNYAM PA'I BLO GANG DE, ,SEMS CAN LA LTA LHAN CIG SKYES, ,ZHES BSHAD ZIN TO, ,DE LTAR MTHONG BA NI MI LDOG LA, MA MTHONG BA NI THAR PA LA GNAS PA KHO NA'O, , CHOS TZAM NI BDAG MED PA'O, ,MNYAM PA NYID NI BDAG DANG GZHAN NAM, BLANG BYA DANG DOR BYA'O, ,GAL TE SDUG BSNGAL BSGOMS PAS ZHE SDANG BAR 'GYUR GYI, 'DOD CHAGS DANG BRAL BAR MI 'GYUR NA, 'O NA MDO LAS SDUG BSNGAL GYI SDUG BSNGAL GYI SDUG BSNGAL NYID DANG 'DU BYED KYI SDUG BSNGAL NYID CES BYA BA LA SOGS PAR BSGOM PAR CI LTAR 'GYUR ZHE NA, 'DU BYED SDUG BSNGAL LA ZHES GSUNGS SO, ,SDUG BSNGAL DANG RNAM PAR 'GYUR BA'I SDUG BSNGAL PA SGOM PAR GSUNGS BA GANG YIN PA DE NI 'DU BYED KYI SDUG BSNGAL NYID LA DGONGS NAS GSUNGS PA YIN GYI, DGONGS PA GZHAN GYIS NI MA YIN NO, ,'O NA DE NYID ZHE SDANG GI RGYU YIN SNYAM NA, NGED KYI 'DU BYED KYI SDUG BSNGAL NYID DE YANG RKYEN LAS SKYES TE, RTEN CING 'BREL PAR 'BYUNG BA'I YAN LAG BCU GNYIS YIN LA, RKYEN LAS SKYES PA DE YANG BDAG MED PA'I LTA BA'I RTEN DE DMIGS PA YIN NO, ,'DU BYED KYI SDUG BSNGAL DANG RTEN CING 'BREL PAR 'BYUNG BA DANG, BDAG MED PA ZHES BYA BA 'DI NI GNYIS SU BYAR MED DO, ,'DU BYED KYI SDUG BSNGAL NYID MTHONG BA NI SNGAR YIN LA, DE'I RJES LA BDAG MED 'BYUNG BA NI, BYANG GROL SGRUB PAR BYED PA YIN NO ZHES BRJOD PA NI, STONG NYID LTA BAS ZHES BYA BA'O, ,BDAG MED PAR LTA BA NYID THAR PA'I NANG GI YAN LAG YIN TE, ZHEN PA'I GNYEN PO YIN PA'I PHYIR RO, ,'DU BYED KYI SDUG BSNGAL NYID LA SOGS PAR MTHONG BA NI DE NYID KYIS, ,SKYED BYED SKYED BYED YIN PA'I PHYIR NA RTEN YIN NO ZHES BRJOD PA NI, BSGOM BA LHAG MA

ZHES BYA BA'O, ,'DU BYED KYI SDUG BSNGAL NYID KYIS SDUG BSNGAL BA ZHES BYA BA 'DI LA, SHES PAR BYED PA BRJOD PA NI, DE PHYIR ZHES BYA BA'O, ,BDAG MED PAR THAR PA'I NANG GI YAN LAG YIN NO ZHES BYA BA 'DI LA BRJOD PA NI SDUG BSNGAL LAS NI ZHES BYA BA'O, ,BSTAN PA NI BDAG MED PA'I MTHAR THUG PA YIN PA'I PHYIR DE NYID NANG GI YAN LAG YIN NO ZHES BYA BA'I DON TO, ,SDUG BSNGAL GYI SDUG BSNGAL ZHES BYA BA NI 'CHAD PA'O, ,TZAM GYI SGRA NI 'DU BYED KYI SDUG BSNGAL BCAD PA'I PHYIR TE, 'GYUR BA'I SDUG BSNGAL NI MA YIN NO, ,'O NA BCOM LDAN 'DAS KYIS 'DI CI LTAR BSTAN SNYAM NA, 'DOD CHAGS CAN RNAMS NI ZHES GSUNGS SO, ,DE BSGOMS PAS KYANG THAR PAR CI LTAR MI 'GYUR LA, STONG PA NYID BSGOMS PAS THAR PAR 'GYUR BA YANG CI LTAR SNYAM NA, 'DU BYED KYI ZHES GSUNGS SO, ,'DI NYID KYI PHYIR ZHES BYA BA NI, SHES PAR BYED PA 'CHAD PA'O, ,'DI NI ZHES BYA BA NI, BDAG GI BA'O, ,'DI NI NGA YANG YIN NO ZHES BYA BA NI, BDAG THA MI DAD PAR RTOGS PA'O, ,'DI NI NGA'I BDAG GO ZHES BYA BA NI, BLO DANG DBANG PO LA SOGS PA BRTEN PA RNAMS KYI RTEN DU GYUR PA THA DAD PA'O, ,BLTAR RUNG NGAM ZHES BYA BA NI RIGS SAM RUNG NGAM ZHES BYA BA'I DON TO, ,BDAG MED PA MTHONG BA MED NA NI MI RTAG PA NYID DO, ,SDUG BSNGAL BA NYID DO ZHES MTHONG YANG THAR PA MA YIN NO ZHES LDOG PAS NUS PAR BRJOD PA NI BDAG TU LTA BA GANG YIN PA DES ZHES BYA BA'O, ,CI LTAR DE MI 'GREL SNYAM NA, CHAGS BRAL MIN DANG ZHES GSUNGS TE; 'BRAS BU LA RGYUS BRJOD PA'I PHYIR CHAGS BRAL MIN NI BDAG LTA CAN NO, ,SRED LDAN MIN NI BDAG DANG BDAG GI BA LA ZHEN PA DANG LDAN PA STE, SPANG BA DANG BLANG BA'I DON DU RTZOM PA LA BRTEN PA'O, ,'KHOR BA PA ZHES BYA BA NI, THAR PA MA YIN PA NYID DO, ,GAL TE 'DI THAMS CAD SKYES BU NYID DO ZHES LTA BA LA BDAG GI BA MED PA DE LA ZHEN PA RTZOM PA YANG MED PA MA YIN NAM, DES NA BDAG TU LTA BA CI STE MI 'GROL SNYAM DU DOGS PA BSU BA NI, JI STE YANG ZHES BYA BA'O, ,GAL TE ZA BA PO MED MOD, DES CIR 'GYUR SNYAM NA, BYA DANG ZHES

, ,GSUNGS SO, ,BYA BA'I RANG BZHIN DANG BRAL BA YOD PA TZAM NI BDAG GI RANG BZHIN MA YIN TE, NAM MKHA' BZHIN NO ZHES BYA BA'I DON TO, BDAG GI BA ZHES BYA BA NI 'CHAD BA'O, ,BDE BA DANG SNGON PO LA SOGS PA MTHONG BA BZHIN DU'O, ,THAMS CAD CES BYA BA NI DOGS PA BSU BA'O, ,MA YIN TE ZHES BYA BA NI LAN NO, ,'DI GA LAS NGES SNYAM NA, MA RIG PA NI ZHES SMRAS SO, ,DES NA ZHES BYA BA NI THA DAD PA MED PAS NA'O, ,BYA BA DANG LONGS SPYOD PA MED NA YANG BDAG MED PA NYID DE, DE'I BDAG NYID CAN YIN NO ZHES BRJOD PA NI, GZHAN YANG ZHES BYA BA'O, ,'DI YANG ZHES BYA BA NI, BYA BA DANG LONGS SPYOD PA'I BDAG NYID CAN NO, ,BDAG YOD PA LA MYONG BA TZAM TSAD MA YIN PAR DOGS PA BSU BA NI, DE NI RIG PAS ZHES BYA BA'O, ,RIG PA GZHAN YIN LA RIG BYA NI BDAG YIN NO ZHES KHAS BLANGS PA NA; GZUNG BAR BYA BA THAMS CAD KYANG RIG PAR THAL TE, KHYAD PAR MED PA'I PHYIR RO ZHES LAN BTAB PA NI, THAMS CAD RIG PAR THAL LO ZHES BYA BA STE, DES NA DON DAM PA NYID DU 'GYUR RO ZHES DOGS PA'O, ,GZUNG BAR BYA BA RIG PAR BYAS KYANG, DON DAM PA MA YIN PAR DOGS PA NI, RMI LAM LA SOGS PA LTAR ZHES BYA BA'O, ,RIG BZHIN BA NYID MED PA YIN NA, KHYAD PAR MED PA'I PHYIR NA BDAG KYANG 'GYUR RO ZHES GRUB PA'I MTHA' BRJOD PA NI, BDAG KYANG ZHES BYA BA'O, ,GZUNG BA MED LA 'DZIN PA YANG MED DO ZHES KHAS BLANGS PA YIN YANG MNGON SUM DA LTA BA'I PHYIR, SNANG BA NI BSAL BAR MI SRID DO, ,DES NA SNANG GNYIS MED PA NI, DNGOS PO MED PA MA YIN NO ZHES BRJOD PA NI, DE STE GNYIS MED PA YIN PA DE'I TSE SNA TSOGS GNYIS MED YIN PA'I PHYIR ZHES GSUNGS SO, ,SNANG BA TZAM NI RTAG PA NYID KYIS BDAG GNYIS SU MED PA MA YIN TE; NYE BAR GNAS PA TZAM RIG PAS NA RTAG PA NYID DU MI 'THAD PA'I PHYIR RO ZHES BRJOD PA NI, BDAG CES BYA BA'O, ,MNGON SUM GYIS ZHES BYA BA NI, RANG RIG PAS SO, ,MNGON SUM GYIS MA BZUNG BA NYID STON PA NI, SNGA MA DANG PHYI MA'I MNGON SUM DAG RE RES NI, RTAG PA NYID RTOG

PA MA YIN NO ZHES 'BREL TO, ,'O NA GNYI GAS DE RTOGS SO SNYAM NA, CIG CAR MED PA'I PHYIR RO ZHES GSUNGS SO, ,DE NYID 'DI YIN NO ZHES 'BREL PA YANG DE RTOGS PA MA YIN NO ZHES BRJOD PA NI, 'BREL PA YANG ZHES BYA BA YIN NO, ,CI'I PHYIR ZHE NA, DRAN PA ZHES BYA BA'O, ,MNGON SUM MED NA NI DE BSGRUB PA'I RJES SU DPAG PA YANG MED DO ZHES BRJOD PA NI, MNGON SUM MED NA ZHES BYA BA'O, ,DES NA ZHES BYA BA NI, DON DAM PAR BDAG MED PAS NA'O, ,MNGON PAR 'DOD PA'I DON NI THAR PA'O, ,GAL TE BDAG MED NA 'JIG RTEN GYI NGA'O, ,NGA'I'O ZHES BYA BA'I RTOGS PA GNOD PA MED PA CI LTAR ZHE NA, DE PHYIR ZHES GSUNGS TE, GANG GI PHYIR BDAG TU LTA BA CAN MI 'GROL BA DE'I PHYIR RO, ,THOG MA MED PA'I RGYUN TE RGYUN CHAGS PA GANG LA YOD PA DE NI THOG MA MED PA'I RGYU CAN NO, ,DE DANG RIGS MTHUN PA DE DAG GI SA BON SEMS CAN DU LTA BA GANG LA YOD PA DE LA DE SKAD CES BRJOD DO, ,'DIS NI BDAG MED KYANG KHYAD PAR CAN GYI BAG CHAGS RTZA BA YIN PA'I PHYIR 'BYUNG BAR BRJOD DO, ,BDAG MED PA BSGOMS PA NA YANG BAG CHAGS GZHAN 'BREL PAS NA DE'I BAG CHAGS 'GAGS PA'I PHYIR, NGAR 'DZIN PA 'GAG PA YIN NO ZHES BRJOD PA; SEMS CAN LTA BA DAG CES BYA BA'O, ,BDAG TU SMRA BA RNAMS KYI THAR PA NI YID CHES PAR BYAS PAS LUNG NI GRUB PA YIN NO SNYAM DU DOGS PA NI, GAL TE ZHES BYA BA'O, ,DBANG BSKUR BA LA SOGS PA'I CHO GA NI, DBYUG PA GSUM LA SOGS PA 'DZIN PA LA SOGS PA ZHI BA PA'I 'DU BYED LA SOGS PA'O, ,RJES SU DPAG PAS ZHES BYA BA NI NYE BAR MTSON PA TZAM STE, MNGON SUM GYIS KYANG NGO, ,SKYES BUS MA BYAS PA LA YANG RGYU'I NYES PA MED PA NYID LAS MI 'KHRUL BA CAN DU GRUB PO ZHES BRJOD PA NI, SKYES BUS MA BYAS PA'I ZHES BYA BA'O, ,SKYES BUS MA BYAS PA'I TSIG LA YANG, RJES SU DPAG PAS GNOD PA MA YIN ZHES 'BREL TO, ,LUNG NI DE LTA BU'I DNGOS YIN PA NI DON LA MI 'KHRUL PA YIN PA'O, ,DE'I RGYU MTSAN NI MNGON SUM LA RANG GI NGO BO SNANG BA'AM, RJES SU DPAG PAR DE DANG 'BREL PA

, ,CAN NO, ,'DI NI DE GNYI GA YANG YOD BA MA YIN NO, ,RAB RIB KYI SHES BA NI SKYES BUS MA BYAS KYANG TSAD MA MA YIN NO, ,GNOD PAR BYED BA RNYED PA YANG MI SRID DE, MI RUNG BA'I PHYIR RO, YID CHES PAS BSHAD PA YANG MA YIN TE, SNGAGS DANG TSE'I RIG BYED SMRA BA POS BYAS PA NYID LA TSAD MA MED PA'I PHYIR RO, ,GZHAN DE DANG 'DRA BAS GANG BYAS PA YIN NO ZHES BYA BA LA YANG TSAD MA YOD PA MA YIN NO, ,TSAD MA MA YIN PA'I RGYU MTSAN NI, DON DANG 'BREL PA NYID YIN NO SNYAM DU DOGS BA'O, ,CI LTAR MI RTOGS SNYAM NA, DE NI LUNG THAMS CAD LA ZHES BYA BA'O, ,'O NA NI THAMS CAD KYANG TSAD MA MA YIN NO SNYAM NA, LUNG THAMS CAD NI ZHES GSUNGS SO, ,'DI GA LAS SNYAM NA, DE'I DON RJES SU SGRUB PA YANG ZHES GSUNGS SO, ,GAL TE BDAG MED PAR MTHONG BA LA SOGS PA 'DOD CHAGS LA SOGS PA DANG 'GAL BZHIN DU, DBANG BSKUR BA LA SOGS PA'I CHO GA YANG SKYES BU DANG 'GAL BAR SA BON LA SOGS PA DAG LA MTHONG BA NYID MA YIN NAM SNYAM DU DOGS PA BSU NAS, SA BON LA SOGS PA LA GRUB PA'I CHO GA MI SKYED BA NYID KYI CHOS CAN NI, NUS MIN TE MTHU YOD PA MA YIN PA'O,, CI LA ZHE NA, SKYES BU MI SKYED PAR RO, ,TIL MAR GYIS BSKUS PA LA SOGS PA THAR PA'I SGRUB PAR BYED PA MA YIN PAR 'DOD PA RNAMS KYANG, SA BON LA SOGS PA LA MI SKYED PA'I CHOS CAN NYID DU MTHONG BA'I PHYIR RO, ,CI STE ZHES BYA BA NI GZHAN GYI'O, DE LTA MA YIN NA ZHES BYA BA NI LAN NO, ,DBANG BSKUR BA DE TZAM NYID LA NUS PA YIN NO ZHES BRJOD PAR NUS PA KHO NA'O, ,'O NA TE TIL MAR GYIS BSKUS PA LA SOGS PA BYUNG NA SKYE BA DANG 'GAL BA DAG KYANG, SKYE BA DANG 'GAL BA MED PA'I PHYIR, DE DANG 'DRA BA DBANG BSKUR BA LA SOGS PA'I CHO GA YANG SKYE BA DANG 'GAL BA MA YIN MOD, ,LAS DANG 'GAL BAR MI 'GYUR BA KHO NA STE, DBANG BSKUR BA DBANG PHYUG DAM PA 'DI NI CHOS DANG CHOS MA YIN PA ZAD PAR BYED PA YIN NO, ,'DI LTAR SKYES BU LCI MO DBANG BSKUR MA THAG TU YANG BAR 'GYUR BA YIN NO SNYAM DU DOGS PA BSU NAS, DE BZHIN

DU ZHES GSUNGS SO, ,SNGAR LCI BA LAS DBANG BSKUR BA'I PHYIS YANG BA MA YIN TE, DE'I PHYIR YANG SDIG BCOM BAR BYAS PA NI MA YIN NO, ,CI'I PHYIR SNYAM NA, GANG GI PHYIR DE YOD NA, DE MED PA'I LAS 'GAL BAR RTOGS PA'I PHYIR, 'DI'I LCI BA NYID DBANG BSKUR BAS BCOM PAS MED MOD, ,SDIG PA NI MA YIN NO, ,'DOD CHAGS LA SOGS PA'I SDIG PA YIS, DE'I 'DU BYED NI LCI BA MA YIN TE, LUS CAN MA YIN PA'I PHYIR RO, ,DE TZAM GYIS ZHES BYA BA NI, LCI BA TZAM GYIS SO, ,DBANG BSKUR BA NA YANG SKYED PAR BYED LA, DE YANG LCI BA SPANGS PA'I PHYIR DE DAG 'GAL BA YIN GYI, SDIG PA DANG NI MA YIN NO ZHES GSUNGS PA NI, LCI BA DANG 'GAL BA'I ZHES BYA BA'O, ,SDIG PA LCI BA'I RGYU'AM KHYAB BYA YIN NA, YANG BA 'BRAS BU DANG 'GAL BA'AM, KHYAB BYED DANG 'GAL BA YIN NO ZHES DOGS PA BSU BA NI, DE NI ZHES BYA BA'O, ,DE GA LAS ZHES BYA BA NI LAN NO, ,'DI LA SGRUB PAR BYED PA'I TSAD MA CI YANG MED DO ZHES BYA BA'I DON TO, ,LUNG YANG TSAD MA MA YIN PA DES NA DE NI SGRUB PAR BYED PA MA YIN NO, ,'GAL BAR KHAS BLANGS NAS BRJOD PA NI GZHAN YANG ZHES BYA BA'O, ,SDIG PA GANG GIS LCI BAR 'GYUR BA DE TZAM GYI SDIG PA DBANG BSKUR BA'I CHO GAS BSHIG MOD, DE LTA NA YANG, DE LAS GZHAN PA'I SDIG PA MA BZLOG PA'I PHYIR CI LTAR THAR, 'ON TE DE LAS GZHAN BZLOG PA LA DBANG BSKUR GYI CHO GA NUS PA YOD PA YIN NO SNYAM DU DOGS PA BSU NAS BSHAD PA, LCI BA NI RGYU'I SDIG PA DE BZLOG PA LA MTHU YOD PA'I PHYIR, GZHAN DU YANG BZLOG PAR NUS SO ZHES BYA BA'I DON 'DI BRTAGS PA MIN TE, RTOG PAR BYED PA'I TSAD MA YOD BA MA YIN NO ZHES BYA BA'I DON TO, ,LCI BA NI SDIG PA'I 'BRAS BU YANG MA YIN TE, MNGON SUM DANG MI DMIGS PA DAG MED PA'I PHYIR RO ZHES DOGS PA'O, ,'ON TE LHA MTHONG BA LAS THAMS CAD ZAD PAR RTOGS SO ZHE NA, LHA LA SOGS PA MTHONG BA NI ZHES GSUNGS SO, ,GAL TE MYU GU MI SKYED PA'I CHOS CAN DBANG BSKUR BA LA SOGS PA'I CHO GAS SKYE BSAD MI

, ,'GAL NA 'O NA GANG DANG 'GAL ZHES BYA BA LA SOGS PAS BSU NAS, RGYU DANG 'GAL BAS 'GAL BA YIN NO ZHES GSUNGS PA NI, DE YANG ZHES BYA BA'O, ,LOG SHES NI ZHEN PA'I SNYING PO CAN BDAG LA SOGS PAR 'DZIN PA'O, ,DE LAS BYUNG BA'I ZHEN PA NI SRED PA'O, ,DE NYID SEMS PA YIN TE, DE'I DBANG NGAM DE'I MTHUS SO, ,MA LA SOGS PAR PHYIN PA'I RANG BZHIN DMAN PA'I GNAS SU 'GRO BA NI SKYE BA YIN NO, ,'GAL BA BDAG MED PAR LTA BA DES RGYU LOG PA'I SHES PA DE BCAD PAR GYUR NA NI SKYE BAR MI 'GYUR RO, , DBANG BSKUR LA GOMS PA'I CHO GA NI DE DANG 'GAL BA MA YIN NA SNYAM DU DGONGS PA'O, ,GAL TE DBANG BSKUR BA LA SOGS PA DANG BRAL BA'I 'BYUNG BA CHEN PO SKYE BA'I RGYU NI DBANG BSKUR BA LA SOGS PA'I CHO GAS ZLOG PAR BYED PA YIN NO SNYAM DU DOGS PA BSU NAS BSHAD PA NI, 'DI LTAR ZHES BYA BA'O, ,DE DAG NYID NI LOG PA'I SHES PA DANG, SRED PA SEMS PA DAG NYID DE, SKYE BA LA NUS PA YIN NO, ,'DI LTAR BDAG TU MNGON PAR ZHEN NAS CHAGS PA'AM, SDANG BA LA RTZOM PAR BYED LA, DMAN PA'I YUL DU MA PHYIN PAR BYED KYI, DBANG BSKUR BA LA SOGS PA LAS BZLOG PAS NI MA YIN NO, ,DBANG BSKUR BA DANG NI LOG PA'I SHES PA YANG 'GAL BA MA YIN NO, ,'ON TE SEMS PA DE DAG NYID NI SKYE BA'I RGYU YIN NO ZHES MI RIGS TE, LAS KYANG RGYU YIN PA'I PHYIR RO, ,LAS LAS 'JIG RTEN SNA TSOGS SKYES, ,ZHES BYA BA YIN NO ZHES DOGS PA BSU NAS, SEMS PA DE DAG NYID CES GSUNGS SO, ,NYAMS PA MED PA NI MA TSANG BA MED PA'O, MA RIG PA DANG SRED PA DANG LAS 'DI GSUM NI, GNYIS TZAM YIN PA'I PHYIR RO, ,DBANG PO'I GNAS SU PHYIN PA LA SRID PA'I NUS PA STON BA NI, YUL LA SOGS PAR ZHES BYA BA'O, ,GAL TE SKYE BA SNGAR BYAS PA'I SBYIN PA LA SOGS PA YANG LAS NYID MA YIN NAM SNYAM PA'I DOGS PA ZHE LA BZHAG NAS, DE YANG BDAG GI 'DU BYED PA 'DI GNYIS KHO NA'I RGYU YIN GYI, DNGOS SU SKYE BA'I RGYU MA

YIN NO ZHES BRJOD PA NI, SKYE BA GZHAN 'BYUNG BYED PA'I NGANG TSUL CAN YIN PA'I PHYIR SKYE BA GZHAN 'BYUNG BA'O, ,'DIS SU BYED PA'I PHYIR NA, LAS NI DNGOS SU ZHES BYA BA'O, ,'O NA SNGA MA JI LTAR LAS YIN SNYAM NA, SNGA MA DAG NI ZHES GSUNGS TE, SBYIN PA LA SOGS PA'O, , 'O NA RNAM PA DE LTA BU'I SKYE BA'I RGYU DBANG BSKUR BAS, 'DI GNYIS NYID BCOM PA'I PHYIR NA SKYE BA MI 'BYUNG NGO SNYAM DU DOGS PA BSU NAS, CI STE YANG ZHES BYA BA'I RTZOD PA LA DON 'DI YIN TE, LOG PA'I SHES PA DANG SRED PA SEMS PA'I DBANG GIS 'GRO BZHES BYA BA NI MI RIGS TE, 'GRO BA NI 'GRO BAR BYA BA RTOGS PA SNGON DU 'GRO BA CAN YIN PA'I PHYIR DANG, RTOGS PA YANG MIG LA SOGS PA BYED PA'I TSOGS MED NA MI 'BYUNG BA YIN PA'I PHYIR RO, ,YANG NA 'GRO BAR BYA BA 'GRO BA'I RTEN NI BYED PA LAS KYI DBANG PO YIN LA, SGRA LA SOGS PA DMIGS PA RTOGS PA LONGS SPYOD PA LA NI BLO'I DBANG PO RTEN YIN TE, DES NA MED NA MED PA'I PHYIR NA SEMS PA DAG NI RTEN BYED PA RNAMS KHO NA YIN LA, BYED PA DE NI DE LAS GZHAN DU MI 'THAD PAS BRTAGS PA MTHONG BA LAS 'GYUR BA YIN NO, ,MA MTHONG BA DE NYID SEMS PA YANG MA YIN TE, KHYAD PAR LA TSAD MA MED PA'I PHYIR RO, ,MA MTHONG BA DE YANG DBANG BSKUR BA LA SOGS PA'I TSOGS ZHIG PAR 'GYUR BA'I PHYIR THAR PA YIN NO, ,DE DANG 'GAL BA YANG LUNG LAS RAB TU GRUB PA YIN TE, DE KHAS MI LEN NA SEMS PA DE DAG NYID MI 'GRUB PO ZHES BRJOD PA MA MTHONG 'JIG PHYIR ZHES BYA BA'O,, BSTAN BCOS KYI RJES SU 'BRANGS NAS, KHYAD PAR SEMS NA NI, NGED KYI LUGS KYI RJES SU 'BRANGS TE, SEMS PA LAS MA YIN GYI, 'ON KYANG BDAG GI CHOS GZHAN NYID YIN NO ZHES BRJOD PA NI, DE NI 'DU BYED SEMS PA MIN, ,ZHES BYA STE, MA MTHONG BA DE NI 'DU BYED DE, SBYIN PA LA SOGS PA'I BYA BAS BSKYED PA BDAG GI CHOS TE, DES NA DE LTAR RNAM PA GZHAN DU YANG RNAM PA SNA TSOGS PAR 'GYUR BAS 'DI SEMS PA'I RANG BZHIN DU MI 'GRUB BO ZHES BYA BA'I DON TO, ,THA MA TSIG 'DI NYID 'CHAD PA NI, DGE BA'I LAS ZHES BYA BA'O, ,DE YANG NI DGE

, ,BA LA SOGS PA'O, ,'DIR GZHAN GYI MA YIN NAM ZHES BYA BAR YANG MA YIN NA ZHES BYA BAS 'PHAGS PA'I LAN BRJOD PA NI, DON 'DI MA GRUB PA'I PHYIR RO ZHES BYA BA STE, DBANG BSKUR MA THAG TU DE 'JIG GO ZHES BYA BA'I DON 'DI'O, ,YANG NA BYED PA MA MTHONG BA LAS 'GYUR RO ZHES BYA BA'O, ,YANG NA SEMS PA LAS THA DAD PA'I 'DU BYED PAS YIN NO ZHES BYA BA'O, ,MA MTHONG BA'I RTEN BYED PA NI MA YIN GYI 'ON KYANG BLO NYID DO, ,DES NA DBANG BSKUR BA LA SOGS PA'I TSOGS SKYE BA MED PA MA YIN NO ZHES GSUNGS PA NI, GZHAN YANG ZHES BYA BA'O, ,BYED PA SKYED PA LA NI YID KYI BLO NYID NUS PAR MTHONG NGO, ,DBANG RNAMS SO SOR MNOD NA YANG, ,YID BLO'I GNOD PA YOD PA YIN, ,'DI 'GYUR NA NI DE DAG KYANG, ,'GYUR BA DAG TU MTHONG BA YIN, ,ZHES BYA BA'I RIGS PA, YONG DANG MED PA'I RJES 'JUG PHYIR, ,ZHES BYA BA 'DI LA BRJOD PA YIN NO, ,MTHONG BA YOD NA MA MTHONG BA SHUGS KYIS 'GRUB PA NI MA YIN NO ZHES BRJOD BA NI, GZHAN GYI MA YIN NA ZHES BYA BA'O, ,LUNG GI STOBS KYIS KHYAD PAR RTOGS PA MA YIN NO ZHES BYA BA'I DON TO, ,BYED PA DE NI DBANG BSKUR YANG BLO YOD PA LAS RGYUN GYIS 'JUG PAR YOD PA YIN PAS CIS MI 'GRO STE, MNGAL GYI GNAS SU 'GRO BA KHO NA'O ZHES BYA BA'I DON TO, ,'ON TE BYED PA RNAMS BLOS BSKYED BAR BYA BA YIN NO ZHES BYA BA NI BDEN TE, DE'I LHAN CIG BYED PA MA MTHONG PA NI, DBANG BSKUR BAS BCOM PA DES NA, LHAN CIG BYED PA MA TSANG BA'I PHYIR DE DAG SKYE BA GZHAN DU SKYED PA MA YIN NO SNYAM DU DOGS PA BSU NAS, DE LTA YIN NA ZHES GSUNGS SO, ,'DZIN PA NI ZHUGS PA ZLOG PA'O, ,'JUG PA NI MA ZHUGS PA GTOD PA'O, ,G-YENG BA NI RNAM PAR 'GYUR BA'O, ,'GOG BA NI ZHIG PA'O, ,DBANG PO LA SOGS PA DE DAG DE LTAR SEMS PA'I DBANG GIS MI 'GYUR RO, ,GANG GI CHA ZHI NA, DBANG BSKUR MA THAG KHO NAR MA MTHONG BA LHAN CIG BYED PA BCOM PAS BLO DE NUS PA MED NA'O, ,SKYE BA GZHAN BZHIN NO ZHES BYA BA'O, ,BLO

NYAMS PAS NI ZHES BYA BA'O, ,LHAN CIG BYED BA MA MTHONG BA BCOM PA'I PHYIR RO, ,'DI YANG RGYU YIN PA LA NI RTZOD PA MED PA'I PHYIR RO, ,BLO TZAM LAS 'BYUNG BA YIN NA BYED PA RNAMS KHYAD PAR MED PAR THAL BA'I PHYIR RO ZHES DOGS PA'O, ,GAL TE SA DANG CHU DANG SA BON GYI 'DUS PA BZHIN DU YONGS SU 'GYUR BA LA LTOS PA'I DBANG BSKUR BA DANG, BLO DANG MA MTHONG BA'I TSOGS RNAMS NYE BAR GNOD PAR BYAS NA NUS PA MED PA YIN NO SNYAM DU DOGS PA BSU BA NI, 'O NA TE SHI MA THAG TU ZHES BYA BA'O, ,YONGS SU GYUR PA LTOS PA'I RGYU YANG, ZLA BA PHYED PA DANG ZLA BA DANG, LO LA SOGS PA LA LTOS PA NI MA YIN NO ZHES LAN 'DEBS PA NI, GAL TE ZHES BYA BA'O, ,MED NA DE'I TSE SHI BA'I 'OG TU 'GYUR RO ZHES BYA BA 'DI LA, GANG GIS THAR PA DON DU GNYER BA 'JUG PAR 'GYUR BA DE 'DRA BA'I TSAD MA YOD PA MA YIN NO, ,GAL TE LUS DANG, DBANG PO DANG BLO LA SOGS PA CHOS MA YIN PA BSKYED PA DAG NI, CI SRID YOD PA MA MTHONG BA DE SRID 'BYUNG BA YIN TE, DES NA LUS DANG DBANG PO LA SOGS PA BZHIN DU BLO YANG MTSAMS MI SBYOR RO ZHES DOGS PA BSU BA NI, CI STE DE TSE ZHES BYA BA'O, ,SNGAR NI 'BYUNG BAS BSKYED PAR BYA BA YIN PAS DE MED NA MI 'BYUNG BAR RTOGS PAR BYA BA YIN LA, DA NI MA MTHONG BAS BSKYED PAR BYA BA YIN PAS DE MED NA MI 'BYUNG BA YIN NO ZHES BYA BA'I KHYAD PAR RO, ,MI 'GYUR BA NI BYED PA RNAMS SO, ,DES NA GROL BAR 'GYUR RO SNYAM DU DGONGS PA'O, ,LAN DU, BDAG TU 'DZIN PA LA SOGS PA MTSAMS SBYOR BA'I RGYU DRI MA RNAMS KYIS SAM, MA MTHONG BA GZHAN RNAMS KYIS BLO MTSAMS SBYOR BA KHO NA'O, ,DRI MA DE RNAMS SNGAGS DANG RGYUD LA SOGS PA DANG DBANG BSKUR BAS NYAMS PAR BYAS PA'I PHYIR NUS PA MED PA YIN NA NI, GSON PO'I GNAS SKABS NYID NA YANG NUS PA MED PAR 'GYUR RO ZHES BRJOD PA NI, DE RNAMS NUS KYIS NI ZHES BYA BA'O, ,BLO MED PA MA GRUB PO ZHES BRJOD PA NI, MTSAMS BRJOD PA'I ZHES BYA BA'O, ,'ON TE DBANG BSKUR BA YOD KYANG DRI MA RNAMS KYI MTSAMS SBYOR BAR MTHONG NGO SNYAM NA, 'O NA NI DRI MA NYID MA MTHONG

, ,PA'AM; 'BYUNG BA'I YONGS SU 'GYUR BA LAS 'BYUNG BAS 'CHI BA NA MED PAR 'GYUR RO SNYAM DU DOGS PA BSU NAS, GNYEN PO DANG NI RANG GI PHYOGS, ,'GRIB DANG 'PHEL NA 'PHEL BA'I PHYIR, ,ZHES GSUNGS SO, ,GNYEN PO 'GRIB PA LAS DANG RANG GI PHYOGS 'PHEL BA LAS NYES PA RNAMS 'PHEL BA'I PHYIR, NYES RGYUN RANG GI SA BON CAN YIN TE, RIGS MTSUNGS PA SNGON DU 'GRO BA CAN YIN GYI MA MTHONG BA DANG 'BYUNG BA CHEN PO LA SOGS PA SNGON DU 'GRO BA CAN NI MA YIN NO, ,GNYEN PO 'PHEL NA NYES PA RNAMS 'GRIB PA'I PHYIR DANG, RANG GI PHYOGS 'PHEL NA 'PHEL BA'I PHYIR, RANG GI SA BON LAS MYU GU 'BYUNG BA YIN NO ZHES BYA BA NI BSHAD PA MDZAD PA YIN NO, ,BDAG MED PA LA 'CHING BA DANG BRAL BA'I MTSAN NYID KYI THAR PA MI 'THAD DO ZHES DOGS PA BSU BA NI, GAL TE ZHES BYA BA'O, ,BCINGS PA DANG THAR PA GNYIS GZHAN NYID DU THAL BAR BYAS PA KHAS LEN PA NI, DAG PA GANG YIN DE ZHES BYA BA'O, ,GZHAN NI MA DAG PA'O, ,DPE BRJOD PA NI ME SHI BA NI ZHES BYA BA'O, ,THA SNYAD DU GCIG NYID DO ZHES BRJOD PA NI, DE LTA NA YANG ZHES BYA BA STE DPE MA YIN YANG NGO, , 'ON TE BDAG TU SMRA BA LA YANG DPE YOD DO ZHE NA, 'DI LA NI ZHES GSUNGS SO, ,RTAG PA DPE MED PA NYID 'DI LTAR ZHES BYA BA LA SOGS PAS GSAL BAR BYED DO, ,YANG NA DBANG BSKUR BA LA SOGS PA'I CHO GAS THAR PAR 'GYUR BA YANG BDAG NI MA YIN TE, RTAG PA NYID KYIS 'KHOR BA LA SOGS PA 'BRAS BU'I RIM PA MI 'THAD PA'I PHYIR RO ZHES BRJOD PA NI, RTAG PA LTOS PA MED PA'I PHYIR, ,ZHES BYA BA'O, ,LTOS PA MED PA'I PHYIR NI ZHES BYA BA NI 'BRAS BU GCIG SKYED PA'I DUS NYID NA, 'BRAS BU GZHAN BSKYED PAR RUNG BA YANG YOD PA'I PHYIR RO, ,RIM GYIS BSKYED PA 'BA' ZHIG 'GAL BAR NI MA ZAD DE, BYED PA YANG 'GAL LO ZHES 'BREL TO, ,GANG GI ZHE NA, 'DRA BA'I BDAG NYID DO, ,BYED DANG MI BYED PA DAG NA'O, ,MI BYED PA'I RANG BZHIN GANG YIN PA DE NYID NI BYED PA'I DUS NA YANG YIN TE, DES NA MI BYED PA KHO NAR 'THAD DO ZHES

DOGS PA'O, ,LONGS SPYOD PA'I DUS NA YOD PA NYID BYED PA'I DUS NA YOD PA YIN NA, BYED PA BO'I DUS NYID NA LONGS SPYOD PA PO NYID 'GAL BA YIN NO ZHES BRJOD PA NI, RGYU DANG 'BRAS BU'ANG ZHES BYA BA'O, ,DRAN PA DANG LONGS SPYOD PA DE DAG BDAG DE LAS THA DAD NA YANG DE DANG 'BREL PA LAS BYED PA PO DANG ZA BA PO NYID YIN PAR MI 'GYUR RO ZHES BSHAD PA NI, THA DAD NA STE DE'I BDAG NYID MA YIN PA'I PHYIR GZHAN NYID YIN NA, BYED BA PO DANG ZA BA POR YANG MI 'GYUR TE, DE'I RANG BZHIN NI DE LTAR MA RTOGS PA'I PHYIR RO, ,'ON TE DE DAG BYED PA'I PHYIR DE LTAR YIN NO SNYAM NA NUS PA YANG NI ZHES GSUNGS SO, ,BYED PA PO NYID YIN NA RIM GYIS SKYE BAR MI 'GYUR TE, STONG PAR MI RUNG BA'I PHYIR RO, ,BYED PA PO MA YIN YANG BYA BA MED DO ZHES BKAG PA YIN PA'I PHYIR NA, NUS PA YANG NI 'GRUB PA MA YIN ZHES BYA BA'O, ,DE'I BDAG NYID YIN NA ZHES BYA BA NI, BYED PA DANG LONGS SPYOD PA DAG PHAN TSUN BDAG NYID GCIG YIN NA'O, ,'ON TE BYED PA DANG LONGS SPYOD PA DAG BDAG NYID NYAMS SU MYONG BA YIN PAS, DE DAG DANG 'BREL PA YIN NO SNYAM NA, NYAMS SU MYONG BA LAS KYANG ZHES GSUNGS SO, ,GZHAN GYI BDAG BZHIN NO ZHES BYA BA NI, CI LTAR DBANG PO LAS 'DAS PA MTHONG BA GZHAN GYI BDAG ,BDAG GZHAN GYI BYED PA DANG LONGS SPYOD PA NYAMS SU MYONG BAR BYED PA YIN YANG DE BDAG DANG 'BREL PA MA YIN PA DE BZHIN DU'O, ,GAL TE DE DAG NYAMS SU MYONG BAR BYED PA DE DAG DANG 'BREL PA YIN LA, DE LTA NA YANG BYED PA PO DANG LONGS SPYOD PAR BYED PA NYID YIN NA; DE'I TSE RNAL 'BYOR PA YANG DE BZHIN DU 'GYUR RO ZHES BRJOD PA NI, RNAL 'BYOR PA ZHES BYA BA'O, ,NYAMS SU MYONG BA LAS NI BYED PA PO DANG LONGS SPYOD PAR BYED PA PO MA YIN GYI, 'ON KYANG 'BREL PA'I KHYAD PAR LAS YIN NO SNYAM PA'I DOGS PA BSU BA NI, 'ON TE 'DU BA'I ZHES BYA BA'O, ,'DU BA LAS DE LTAR BYED PA PO DANG LONGS SPYOD PA PO NYID YIN NO SNYAM NA, LAN DU MA YIN TE ZHES BYA BA'O, ,'DU BA MED PA'I PHYIR, SKABS SU BAB PA'I BDAG KYANG DE DAG DANG 'BREL PA MA YIN NO ZHES BYA BA'I DON TO, ,SRID KYANG 'DI NI RNAL 'BYOR PA RNAMS BLO GCIG GI RGYU MA YIN

, ,NO ZHES BSHAD PA NI, 'DU BA NI ZHES BYA BA'O, ,RNAL 'BYOR PAS NI 'DU BA YOD KYANG GZHAN GYI BDAG GI BYED PA DANG LONGS SPYOD PA DAG DE LAS THA DAD PAR SHES PA YIN PA DE BZHIN DU BDAG NYID KYI YANG YIN NO, ,DES NA GAL TE DE DAG DANG GZHAN GYI BDAG 'BREL NA, RANG GI BDAG LA YANG DE LTAR CI STE MI RTOGS, BDE BA'I 'BRAS BU SKYED PA LA RTAG PA LA NUS PA 'GRUB PA MA YIN NO ZHES BYA BA'I DON TO, ,GAL TE DE YANG RTAG PA'I PHYIR RIM GYIS SKYE BA DANG BYA BA 'GAL BA YIN NO, ,'O NA NI BDAG MED PA LA YANG ZHES BYA BA'I DRAN PA DANG LONGS SPYOD PA LA SOGS PA NI YOD PA YANG YIN TE, DES NA BDAG YOD PA YIN NO, ,'DI LTAR GZHAN GYIS MYONG BA NI GZHAN GYIS DRAN PA MA YIN PA'I PHYIR NA, DRAN PA MI MTHUN PA'I PHYOGS LAS LDOG PA NA, GCIG NYID KYIS KHYAB PA YIN NO, , GCIG NYID GO BAR BYED DO, ,DE BZHIN GZHAN GYIS BYAS PA NI GZHAN GYIS LONGS SPYOD PA MA YIN TE, BYAS PA CHUD ZOS PA DANG, MA BYAS PA DANG PHRAD PAR THAL BA'I PHYIR RO, ,DES NA BYED PO LONGS SPYOD PAR GRUB PO, ,DE BZHIN DU BUM PA LA SOGS PA BDAG MED PA LA BDAG MED PAS SROG LA SOGS PA MED PAR 'GYUR BA YIN LA, YOD PA NA YANG DE GO BAR BYED PA YIN NO, ,MI MTHUN PA'I PHYOGS LAS MI LDOG GI, MTHUN PA'I PHYOGS MED PA'I PHYIR DE LAS NI MA YIN NO, ,DES NA RJES SU 'GRO BA 'KHRUL PA MED PA LTAR LDOG PA 'KHRUL PA MED PA YANG GO BAR BYED PA YIN NO, ,MNYAN BYA NYID NI LDOG PA 'KHRUL PA MED PA CAN MA YIN TE, MTHUN PA'I PHYOGS LAS KYANG LDOG PA'I PHYIR RO, ,MAL CHA DANG STAN LA SOGS PA 'DUS PA DAG NI GZHAN GYI DON DU MTHONG LA, MIG LA SOGS PA 'DUS PA YIN PA'I PHYIR GZHAN GYI DON YIN NO, ,GZHAN NI 'DIR MA 'DUS PA YIN NO BZLOG PA YIN NA NI DE YANG GZHAN GYI DON YIN LA, DE YANG DE BZHIN DU 'GYUR BA'I PHYIR, THUG PA MED PAS NA SGRUB PAR NUS PA MA YIN NO, ,DES NA MI MTHUN PA'I PHYOGS BDAG MED PA LA GNOD

PAR BYED PA NI BDAG DANG BCAS PA SGRUB PAR BYED PA YIN NO ZHE NA, 'DI 'GOG PA NI DE NI MA YIN TE ZHES BYA BA'O, ,NYAMS SU MYONG BA LAS GZHAN GYIS DRAN PA DANG BYED PA PO LAS GZHAN GYIS LONGS SPYOD PA'O, ,SOGS PA'I SGRAS NI SROG LA SOGS PA DANG, 'DUS PA NYID LA SOGS PA YANG GZUNG NGO, ,'DI DAG NI BDAG PA'I GNOD PAR BYED PA MA YIN NO ZHE NA, CI'I PHYIR ZHE NA, BSHAD PA 'GA'I YANG DRAN PA MED PA'I PHYIR RO, ,GANG GIS RGYUD GZHAN LA DE MED PAS MED PAR 'GYUR RO ZHES RTOGS PAR 'GYUR BA DRAN PA NI, DRAN PA DANG MED PA'I DUS NA YOD PA GCIG GIS KHYAB PAR NI DMIGS PA MA YIN NO, ,MED PA GNYIS LHAN CIG 'BYUNG BA TZAM GYIS NI KHYAB PA MI 'GRUB STE, DNGOS PO'I 'BREL PA SNGON DU 'GRO BA CAN YIN PA'I PHYIR RO, ,GAL TE DRAN PAR BYED PA'I CHAR, MYONG BAR BYED PA'I CHA RJES SU ZHUGS PA YIN NO SNYAM NA, DES NA ZHES GSUNGS TE, NYAMS SU MYONG BA'I KHYAD PAR DES MYONG BA LAS DRAN PA DRAN PAR BYED PA 'BYUNG NGO, ,DRAN PA NI NYAMS SU MYONG BA'I BAG CHAGS KYIS BSKYED PA YIN NO ZHES BYA BA'I DON TO, ,BDAG NYID LA NI DRAN PA YOD PA MA YIN TE, NYAMS SU MYONG BAR GYUR PA THAMS CAD KYIS DRAN PA YOD PAR THAL BA'I PHYIR RO, ,DES NA BDAG KYANG NYAMS SU MYONG BA'I BAG CHAGS KYI DBANG GIS DRAN PA YIN NO, ,NYAMS SU MYONG BA'I BAG CHAGS DANG LDAN PA SKAD CIG SO SOR 'JIG PA CAN, RGYU DANG 'BRAS BUR GYUR PA'I SEMS LA DRAN PA YOD PAS NI, DON GYIS BDAG YOD PAR GO BA MA YIN NO, ,SROG LA SOGS PA YANG MNYAN BYA BZHIN DU LDOG PA MA NGES PA YIN TE, MTHUN PA'I PHYOGS MED PAR GYUR PA NA, MI MTHUN PA'I PHYOGS LA YOD PA'I PHYIR RO, ,DES NA NGES PA LDOG PA MA YIN TE, DE MED KYANG MI MTHUN PA'I PHYOGS LA YOD PAR THE TSOM MI LDOG PA'I PHYIR RO, ,THE TSOM DE NI MI MTHUN PA'I PHYOGS LA MED PA'I KHYAD PAR CAN MTHUN PA'I PHYOGS LA YOD PA'I PHYIR RO, ,DES NA NGES PA LDOG PA YIN NO, ,MI MTHUN PA'I PHYOGS LA MA

, ,MTHONG BA TZAM NI LDOG PA MA YIN TE, 'ON KYANG BSGRUB PAR BYA BA LAS LDOG PA LAS CHOS 'GAL BA YIN TE, YOD PA DANG RTAG PA NYID YIN NO, ,DE LTAR SROG LA SOGS PA NI BDAG LDOG PA DANG 'GAL BA MA YIN NO, ,'DUS PA NYID KYANG MAL CHA LA SOGS PAR 'DUS PA GZHAN GYI DON BYED PA NYID KYIS KHYAB PA YIN NO, ,DE TZAM SHES PAR 'DOD PA LA THUG PA MED PA YANG MA YIN TE, 'BRAS BU NYID KYIS DU BAS ME GO BAR BYED PA NA, 'BRAS BU GO BAR MI BYED PA'AM, THUG PA MED PAR 'GYUR BA NI MA YIN NO, , GAL TE BYA BA DANG DRAN PA DANG LONGS SPYOD PA NI, RTEN DANG DRAN PA PO DANG LONGS SPYOD PA PO MED PAR MI 'GYUR BA MA YIN NAM, 'GYUR BA NI 'GYUR BA PO LA LTOS PA YIN PA'I PHYIR RO SNYAM PA'I DOGS PA BSU NAS, DRAN PAR BYED PA PO ZHES GSUNGS SO, ,GAL TE YANG DRAN PA DANG LONGS SPYOD PA DAG GIS SKYED PAR BYED PA GZHAN KHO NA YIN PA DE'I TSE, RANG DANG GZHAN DAG NI MYONG BA DANG LAS DAG KHYAD PAR MED PA'I PHYIR, DRAN PA DANG LONGS SPYOD PA KHYAD PAR MED PAR 'GYUR RO SNYAM DU DOGS PA BSU BA NI, GAL TE ZHES BYA BA'O, ,BDAG GI NYAMS SU MYONG BA YANG DRAN PA LA LTOS NAS GZHAN NYID YIN PA KHO NA'O SNYAM DU DOGS NA GZHAN GYIS MNGON PAR 'DOD PA ZHES KHYAD PAR DU BYAS SO, ,LAN DU RGYU DANG ZHES GSUNGS SO, ,GANG GIS DRAN PA DANG LONGS SPYOD PA DAG KHYAD PAR MED PAR 'GYUR BA RANG DANG GZHAN DAG GIS MYONG BA DANG LAS DAG NI KHYAD PAR MED PA MA YIN TE, RGYU DANG 'BRAS BU NGES PAS KHYAD PAR YOD PA'I PHYIR RO ZHES BYA BA'I DON TO, ,GZHAN PA NYID NI BAG CHAGS LAS BYUNG BA'I DRAN PA LA GNOD PAR BYED PA MA YIN TE, BDAG NYID KYI YANG DE LTAR THAL BAR 'GYUR BA'I PHYIR RO ZHES GSUNGS PA NI, BDAG TU SMRA BA LA YANG ZHES BYA BA'O, ,CI LTAR RANG DANG GZHAN DANG NYAMS SU MYONG BA NYID DAM GZHAN NYID DANG KHYAD PAR MED PA'I PHYIR, DRAN PA MA YIN PA DE BZHIN DU BDAG NYID DU KHYAD PAR MED PAR YANG 'GYUR RO, ,GZHAN

GYIS BDAG THA DAD PA'I PHYIR RO ZHES SMRAS TE, NYES PA 'DIR MI 'GYUR RO ZHES RJES SU 'JUG GO, ,THA DAD PA DE NYID CES BYA BA NI LEN NO, ,SKYES BU SO SO'I BDAG RNAMS NI BDAG NYID DU KHYAD PAR YOD PA MA YIN NO ZHES BYA BA'I DON TO, ,DES NA BDAG TU SMRA BA GZHAN DU BDAG MED PAR SMRA BA RNAMS LA YANG GZHAN LAS DRAN PA SKYE BA MA YIN NO ZHES BRJOD PA NI, CI LTAR BDAG LA ZHES BYA BA'O, ,NYAMS SU MYONG BA BO DAG GI RANG BZHIN KHYAD PAR YOD PA LAS DRAN PA NGES PA'I PHYIR, RNAM PAR SHES PA SMRA BA LA NI MYONG BA PO NGES PAR 'THAD PA YIN TE, RGYU NGES PA'I PHYIR RO, ,BDAG TU SMRA BA LA NI MA YIN TE, RTAG PA NYID DU KHAS LEN PA'I PHYIR RO, ,RTAG PA NYID RGYU MA YIN PA NYID KYIS RNAM PAR DBYE BA DANG 'GAL BA RNAM PAR DBYER MED PAS KHYAB PA YIN NO ZHES BRJOD PA NI, YID LAS ZHES BYA BA'O, ,GAL TE NYI MA SNGA MA LA DMIGS PA RNAMS LA, PHYI DE NYID NA, BDAG GIS 'DI MTHONG BAR 'GYUR RO ZHES MTHONG BA PO DANG DRAN PA PO GCIG TU MTSAMS SBYOR BA NI, DE MTHONG BA MED PAR MI 'GYUR BA MA YIN NAM SNYAM DU DOGS PA BSU BA NI, GAL TE BDAG GCIG MED NA ZHES BYA BA'O, ,MTSAMS SBYOR BAR BYED PA NI, DE MTHONG BA SNGON DU 'GRO BA CAN MA YIN NO ZHES LAN 'DEBS PA NI, NYAMS SU MYONG BA DANG DRAN PA DAG GCIG TU 'BREL PA YOD PA MA YIN NO ZHES BYA BA'I SKYON 'DI NI, BDAG YOD PA LA'ANG MTSUNGS SO, ,DE CI'I PHYIR ZHE NA, GANG GI PHYIR MTHONG BA DANG DRAN PA DAG GCIG TU 'BREL PA 'DI LA TSAD MA YOD PA MA YIN NO, ,YANG NA GCIG NYID 'DI LA'O, ,BDAG YOD PA TZAM GYIS MA MTHONG YANG DE LTAR RTOGS PA NI MA YIN TE, GZHAL BYA RNAMS LA 'DI YANG TSAD MA LTOS PA YIN PA'I PHYIR RO ZHES GSUNGS PA NI, BDAG YOD KYANG ZHES GSUNGS SO, ,MNGON SUM GYIS SO ZHES BYA BA'I DOGS BA BSU BA'O, ,SNGA PHYI NYID LA ZHES BYA BA NI LAN NO, ,'O NA DE RJES SU DPAG PAS RTOGS PA YIN NO SNYAM NA, MNGON

, ,SUM MED PHYIR ZHES GSUNGS SO, ,DE BAS NA SNGA MA DANG PHYI MA NYID DU RTOGS PA NI MED PA KHO NA'O, ,KHAS BLANGS KYANG NYES PA 'DI NI 'JUG GO ZHES GSUNGS PA NI, GAL TE BDAG NI ZHES BYA BA'O, ,GAL TE BDAG GIS SNGA MA'I RANG BZHIN DU DON DAM PAR BDAG RIG NA DE'I TSE, SNGA MA'I MYONG BA DA LTAR YONG PAR 'GYUR RO, ,DE LTA MA YIN NA BDAG GIS DE LTAR RTOGS PA NI 'KHRUL PA KHO NAR 'GYUR RO, ,SNGON GYI MYONG BA DA LTAR YOD PA YANG MA YIN TE, RGYU DES NA BDAG DE LA SNGA MA'I RANG BZHIN NYID DU RIG PA GA LA SRID DE MI SRID PA KHO NA'O, ,CI STE MI SRID SNYAM NA NYAMS SU MYONG BZHIN PA NYID DO ZHES GSUNGS SO, ,MTSAMS SBYOR BA NYID TSAD MA YIN NO ZHES BYA BA NI, ,DRAN PA LAS SNGA MA NYID CES BYA BA'O, ,MA YIN TE ZHES BYA BA NI RTZOD PA 'GOG PA'O, ,CI'I PHYIR ZHE NA, GANG GI PHYIR DRAN PA NYID NI TSAD MA YIN NO, ,MNGON SUM NI MA YIN TE, YUL NYE BA CAN MA YIN PA'I PHYIR RO, ,RJES SU DPAG PA YANG MA YIN TE, RTAG PA LAS MA SKYES PA'I PHYIR RO ZHES BYA BA'I DON TO, ,NYE BAR GNAS PA NYAMS SU MYONG BAS NGES PAR BYAS PA'I THOG MA MED PA CAN GYI MTSAMS SBYOR BA'I BAG CHAGS NI SEMS KYI RGYUN GYI LHAN CIG BYED PA'I RGYU YIN PA DES NA, DON GYIS BDAG 'PHAN PA MA YIN NAM ZHES BRJOD PA NI, GAL TE DRAN LAS ZHES BYA BA'O, ,GAL TE BDAG GCIG NYID DON DAM PA MA YIN NA, DE'I TSE BDAG MED PA'I SEMS KYIS RGYUN GZHAN DU BA GCIG NYID CI'I PHYIR MI 'DOD DE; 'DOD PAR BYA BA KHO NA'O, ,GANG GI PHYIR GCIG NYID TSAD MAS GRUB PA MA YIN PA DE'I PHYIR, BDAG MED PAR SMRA BA 'BA' ZHIG TU MA ZAD KYI BDAG TU SMRA BA LAS YANG NGO, ,CI LTAR LOG PA'I BAG CHAGS KYIS SNGA MA DANG PHYI MA'I MYONG BA DANG DRAN PA DAG GCIG NYID DU SLOB PAR BYED PA'I DE BZHIN DA LTA BA DAG KYANG YIN NO ZHES BSHAD PA YIN NO, ,DE DAG CES BYA BA'O, ,GAL TE DON DAM PAR THA DAD PA'I PHYIR, RNAM PAR DBYE BA MED PAR THA DAD BYED PA CI LTAR SNYAM, GCIG NYID TZAM DANG ZHES GSUNGS SO, ,BLTA BAR BYA BA'I RGYUD BZHIN

DU MTHONG BA'I RGYUD KYANG GCIG TU 'DZIN PA'I 'BRAS BU NYID KYIS DE LTAR MNGON PAR RLOM PA'I SPRAL YIN NO ZHES BRJOD PA NI, GCIG PA NYID KYIS THA SNYAD 'DI ZHES BYA BA'O, ,'DI NI DBANG PO DU MA LAS BYUNG BA'I MTHONG BA RNAMS DANG, DE DRAN PA RNAMS KYIS MTSAMS SBYOR BA'I BAG CHAGS LAS SKYED PAR BSHAD PA YIN NO, ,GCIG TU MI SNANG BAR RLOM PA'I RGYU MTSAN YUL BSHAD NAS, NANG GI BSHAD PA NI, 'DI NI THOG MA MED CES BYA BA'O, ,GAL TE BDAG MED CING MTSAMS SBYOR BA YANG BAG CHAGS KYIS BSKYED PA'I PHYIR LOG PA YIN LA, SEMS KYANG SEMS SNGA MA'I DBANG GIS RGYUN 'JUG PA YIN NO ZHES BYA BAR LTA BA YIN NA, BDAG TU 'DZIN PA DANG, ZHEN PA LA SOGS PA GDOD MA MI SKYE BA'I PHYIR 'KHOR BAR MI 'GYUR NA, 'GYUR BA YANG TE, DES NA 'KHOR BA GZHAN DU MI 'THAD PAS BSGRUB BO SNYAM DU DOGS PA'O, ,'O NA JI LTAR ZHES BYA BA'O, ,'ON TE DRAN PA NYID GCIG DANG DU MA NYID DU STON PAS NA 'JIG TSOGS SU LTA BA YIN NO SNYAM NA DRAN PA YANG ZHES BYA BA'O, ,GCIG PA NYID DANG RTAG PA NYID GZHAN GYI BSAM PAS BRJOD PAS YIN TE, GZHAN NI BUM PA LA SOGS PA RNAMS, SNGA MA DANG PHYI MA NYID KYIS GCIG PAR SEMS KYIS BRTAG PAR NI MA YIN TE, BDAG LA SOGS PA RNAMS NYID KYIS RTAG PAR KHAS BLANGS PA'I PHYIR RO, ,DES NA ZHES BYA BA NI, 'JIG TSOGS LA LTA BA MED PAS NA'O, ,'DI LA BSHAD ZIN TO ZHES BYA BA NI LAN LON NO, ,'O NA CI LTAR KUN NAS NYON MONGS PA RNAM PAR GNAS SNYAM NA, DE LTAR NA YID KYIS ZHES GSUNGS SO, ,'DI NI ZHES BYA BA NI BDEN PA BZHI'O, ,DE LTAR ZHES BYA BA NI RTAG PA LA SOGS PA'I RANG BZHIN DU'O, , DE NYID STON PA NI, 'DI LTAR ZHES BYA BA'O, ,BDAG MED KYANG NGA'O ZHES BDAG TU 'DZIN PA THOG MA MED PA'I BAG CHAGS LAS 'BYUNG BA NI ZHES PA SKYES PAS 'KHOR BA RGYAS PAR BYED PA YIN NO ZHES BYA BA'I DON TO, ,GAL TE NGA'I SNYAM PA BDAG TU 'DZIN PA'I RGYU MED PAR NI RE ZHIG 'BYUNG BA MA YIN LA

, ,RGYU YANG YUL LAM BAG CHAGS KYIS YIN PAR 'GYUR LA, DE LA YUL GYIS BSKYED PA LTAR BAG CHAGS KYIS BSKYED MA BZLOG PAR BYA BA MA YIN PAR 'GYUR RO, ,DES NA CI LTAR RNAM PAR BYAD BAR 'GYUR SNYAM NA, DE NYID LA NI ZHES GSUNGS TE, BDEN PA BZHI PO DE NYID LA'O, ,SGRO BTAGS PA'I RNAM PA DE DAG DANG 'GAL BA DON GYI DE NYID, DE YUL GYI DE KHO NA NYID DE'I RNAM PA DE RJES SU RTOGS PAR BDAG GIR BYED PA GANG YIN PA'I YANG DAG PA'I LTA BA DE LA DE SKAD CES BRJOD DO, ,'DIS NI YUL GYI LHAN CIG BYED PA CAN YIN PA'I PHYIR, STOBS DANG LDAN PA NYID DU BRJOD PA YIN NO, ,LEGS BSGOMS NI LEGS PAR GTAN LA PHEBS PA'O, ,YANG DAG CES BYA BA NI, PHYIN CI MA LOG PA'I LTA BA'O, ,LOG PA'I LTA BA'I YUL DANG BRAL BA'I PHYIR 'GA' ZHIG LAS 'BYUNG BA NA, RJES 'BRANG BCAS TE 'JIG TSOGS SU LTA BA DANG BCAS PA'I SRED PA 'DZOMS PAR BYED DE, NYA PHYIS SU MTHONG BAS DNGUL DU MTHONG BA BZHIN NO, ,DES NA RNAM PAR BYAD BA YANG 'THAD PA YIN NO ZHES DGONGS PA YIN NO, ,RGYU 'BA' ZHIG YANG DAG PA MA YIN PA SGRO BTAGS PA YIN PAR NI MA ZAD DO, ,'BRAS BU YANG DE LTA BU NYID YIN NO ZHES BRJOD PA NI, YANG DAG PA MA YIN PA NYID CES BYA BA'O, ,RGYU YANG DAG PA MA YIN PAR SGRO BTAGS PAR BRJOD PA NI, DE SGRO 'DOGS PA'I PHYIR NA ZHES BYA BA'I LAS DANG 'KHOR BA DAG TU MNGON PAR RLOM PA PA'O, ,GZHAN DU NA ZHES BYA BA NI YANG DAG PA MA YIN PAR SGRO 'DOGS PA MED PA NA'O, ,'O NA NI MNGON PAR RLOM PA NYID DON DAM PAR 'KHOR BA YIN NO SNYAM NA, MNGON PAR RLOM PA YANG ZHES GSUNGS SO, ,MYONG BA LAS ZHES BYA BA NI RANG RIG PA LAS SO, ,MYONG BA MED KYANG ZHES BYA BA NI MNGON SUM GYIS SO, ,GAL TE DE LTA YIN DU CHUG MOD DE LTA NA YANG RNAM PAR BYANG BAR CI LTAR 'GYUR SNYAM NA, BRJOD MA THAG PA'I TSUL DES NA, DE LTA BUR GYUR PA NYID DU ZHES BYA BA MYONG BA MED KYANG MYONG BA NYID DU MNGON PAR RLOM PA LAS MYONG BA NYID DU'O, ,DE KHO NA YID LA BYED PAR GYUR PA NA, PHUNG PO LNGA PO 'DI LA BRTAN PA LA SOGS PA CUNG ZAD KYANG YOD PA MA YIN NO

ZHES RNAM PAR DPYOD PA DANG LDAN PA'I SKYES BU NI RNAM PAR DAG PA NYID DU 'GYUR RO, ,GANG GI TSE SNYAM NA BDAG MED PAR BSTAN PAR 'GYUR BAS NA ZHES SBYAR RO, ,BSTAN PA NYID JI LTAR SNYAM NA, GOMS PA LAS ZHES GSUNGS SO, ,CI LTAR THAR PA YIN ZHES BYA BA NI BDAG TU 'DZIN PA DANG SRED PA DAG KHO NA DANG, BDAG MED PAR LTA BA DNGOS DANG BRGYUD PAS 'GAL BA YIN GYI ZIN PA'I LUS DANG LAS DAG DANG NI MA YIN TE DES NA YANG LTA BA YOD KYANG DES BSKYED PA'I SRID PA 'BYUNG BA KHO NA'O SNYAM DU DOGS PA BSU NAS LAS DANG LUS DAG CES GSUNGS SO, ,RGYUN NI GSUM SKYE STE, LAS DANG LUS DANG SRED PA'O, ,SRED PA MED NA NI GZHAN YOD KYANG MI 'BYUNG STE RGYU MA TSANG BA'I PHYIR RO, ,SA BON MED PAR MYU GU SKYE BA MI SRID PA BZHIN NO ZHES 'BREL TO, ,GAL TE SRED PA DANG BRAL BA BZHIN DU SRID PA YOD KYANG LAS LA SOGS PA MED NA, RGYU MA TSANG BAR 'GYUR BA KHO NA'O SNYAM DU DOGS PA BSU BA NI, DE LTA NA NI 'O NA ZHES BYA BA'O, ,SRID PA NI BDAG MED PAR MTHONG BA'I MI MTHUN PA'I PHYOGS YIN GYI LAS LA SOGS PA NI MA YIN NO ZHES LAN 'DEBS PA NI, LAS DANG LUS DAG CES BYA BA'O, ,GNYEN PO YOD KYANG SRED PA'I SA BON YOD NA LAS GZHAN DANG GZHAN DU 'GYUR BA KHO NA ZHES BRJOD PA NI, NUS MED PHYIR RO ZHES BYA BA'O, ,'BYUNG BAR 'GYUR BA'I LAS LA SOGS PA LA LTOS NAS BRJOD PA NI, SRED PA ZLOG PAR MA RTOGS PAR, ,ZHES BYA BA'O, ,'ON TE BDAG MED PA LAS GZHAN LAS DANG LUS DANG 'GAL BA LUNG LAS RTOGS SAM SNYAM NA YANG ZHES GSUNGS SO, ,SRED PA YOD KYANG LAS 'BYUNG BA MA YIN NO SNYAM NA SRED PA DANG 'BREL PA NI ZHES GSUNGS SO, ,DE LAS NI SRED PA LA SOGS SO, ,'O NA GNYIS ZAD PA 'GRUB DGOS SO SNYAM NA, GNYIS ZAD DON DU 'BAD NA YANG, ,ZHES GSUNGS SO, ,GAL TE GRANG BA LA ME BZHIN DU LAS ZAD PA'I DON DU ZLA BA SHAR NA ZA BA DANG, SKRA 'PHAL BA LA SOGS PA'I GDUNG BA GNYEN POR 'GYUR BA NYID MA YIN NAM, DES NA GNYEN PO MI SRID PAR CI LTAR 'GYUR SNYAM DU DGOS PA BSU NAS

, ,'DI LTAR ZHES GSUNGS SO, ,'BRAS BU SNA TSOGS MTHONG BA'I PHYIR BDE BA DANG SDUG BSNGAL LA SOGS PA 'BRAS BU DU MA'I DNGOS PO NYID GZHAN DU MI 'THAD PAS LAS RNAMS KYI NUS PA THA DAD PA RJES SU DPOG PAR BYED DE, RGYU DES NA DKA' THUB KYI NYON MONGS PA RANG BZHIN GCIG TU GYUR PA 'BRAS BU DPYAD ZIN PA NI NUS PA SNA TSOGS DANG LDAN PA'I LAS RNAMS KYI NUS PA ZAD PAR MI 'THAD DO, ,'DI LTAR LAS NI 'BRAS BU'I MTHAR THUG PA YIN PAS, SDUG BSNGAL NYE BAR SPYOD PA'I RANG BZHIN NI GDUNG BAS DE'I 'BRAS BU CAN GYI LAS NYID 'JIG PAR 'GYUR GYI GZHAN NI MA YIN NO SNYAM DU DGONGS PA'O, ,BSHAD ZIN PA'I DON NYID KHYAD PAR GYI MTHAR THUG PAR BYED PA NI, DKA' THUB KYIS NYON MONGS PA ZHES BYA BA'O, ,GAL TE, SHIN TU MI BZAD LAS RNAMS BYAS PA YANG, ,BDAG LA RNAM PAR SMOD PAS SUN PAR 'GYUR, ,RAB TU BSHAGS DANG SDOM PAR BYAS PA LAS, ,DE DAG RTZA NAS 'JOMS BAR NGA SMRA'O, ,ZHES GSUNGS PA'I PHYIR KHYOD KYIS KYANG BYAS ZIN PA'I LAS RNAMS KYANG ZAD PAR 'DOD PA MA YIN NA, DES NA CI LTAR LAS ZAD PA MI RIGS SNYAM NA GANG GI PHYIR ZHES GSUNGS SO, ,BDAG GI LUGS KYIS NI BDAG LA SMOD PA DANG RAB TU BSHAGS PA LA SOGS PA RNAM PA 'GAS TE BSKYED PA'I 'BRAS BU NI CHUNG BAR 'GYUR BA'AM, YANG NA SKABS KYIS ZAD PAR 'GYUR GYI RIGS MI MTHUN PA CAN GZHAN GYIS BSKYED PA NI MA YIN NO, ,LAS GANG ZHIG GI 'BRAS BU'I CHA NYAMS SU MYONG BA'I GDUNG BAS NI DIS BSKYED PA'I 'BRAS BU CHUNG BA'AM, ZAD PAR YANG 'GYUR GYI RIGS MI MTHUN PA'I LAS KYIS BSKYED PA NI CHUNG BA'AM ZAD PAR 'GYUR BA MA YIN NO ZHES BYA BA'I BSHAD PA MDZAD PA'O, ,DE BSHAD PA NI 'BRAS BU NYAMS SU MYONG BA'I NI ZHES PA'O, ,NUS 'DRES ZHES BYA BA NI SDIG PA'I 'BRAS BU NYAMS SU MYONG BA NYID LAS BSOD NAMS KYI 'BRAS BU YANG ZAD PAS JI LTAR SNYAM NA, DKA' THUB NUS PAS SO, ,NUS PA NYID GANG LAS SNYAM NA NYON MONGS BA 'GA' ZHIG LAS ZHES GSUNGS SO, ,

DE LTA BUR GYUR PAS NUS PA 'DRES PAS ZAD PAS CIR 'GYUR SNYAM NA LHAG MAS TE, LHAG MAR BYAS PA BSRAB PAR BYAS PAR 'GYUR RO, ,DES KYANG CIR 'GYUR SNYAM NA SPONG BAR 'GYUR RO, ,GANG LAS SHE NA, NYON MONGS NI MED PA'AM STE NYON MONGS PA MED PAR RAM, NYON MONGS PA'I CHA LAS SO, ,GAL TE ZHES BYA BA LA SOGS PA'I BSHAD PA NI PHYOGS SNGA MA 'DI NYID BSTAN PAR BYED PA'O, ,GAL TE DKA' THUB LA NUS PA YOD CES KHAS LEN NA DE'I TSE 'BRAS BU CAN GYI LAS NUS PA 'DRES PA LA SOGS PAS LHAG MAR GYUR PA NYON MONGS PA MED PAR RAM SPONG BAR 'GYUR RO ZHES BYA BA NI PHYOGS SNGA MA'O, ,GAL TE DKA' THUB DE SKRA 'BAL BA DANG, ZLA BA SHAR NA ZHES BYA BA LA SOGS PA LAS GZHAN YIN NA, DE'I SBYIN PA DANG TSUL KHRIMS LA SOGS PA BSOD NAMS DANG YE SHES KYI RTZOM PA DANG, BSHAGS PA DANG SDOM PAR BYED PA LA SOGS PAS KHYED KYIS BRJOD PA LTAR 'DOD PA NYID DE, NYON MONGS PA'I CHA MA YIN PA'I PHYIR RO ZHES BRJOD PA NI, GAL TE ZHES BYA BA'O, ,GAL TE SBYIN PA DANG TSUL KHRIMS LA SOGS PA BZHIN DU GDUNG BA LNGA LA SOGS PA'I NYON MONGS PA YANG DKA' THUB NYID MA YIN NAM SNYAM NA NI, NYON MONGS PA NYID CE NA ZHES BYA BA'O, ,LAN DU NYON MONGS PA DE NI LAS 'BRAS YIN YANG DKA' THUB MA YIN NO, ,GTAN TSIGS DE'I PHYIR LAS 'BRAS SU 'DUS SO, ,BLO SNGON DU BTANG BAS BRTZAMS PA'I NYON MONGS PA LA SBYIN PA LA SOGS PA DANG BRAL BA YANG LAS KYI 'BRAS BU NYID DO, ,SBYIN PA LA SOGS PA LTAR LAS NI MA YIN NO, ,LUNG LAS LAS YIN NO SNYAM NA, THAR PA MA YIN TE LAS NI 'BRAS BU DANG 'BREL PA'I PHYIR RO, ,GTAN DU BDE BA 'DI'I 'BRAS BU YIN NO ZHES BYA BA YANG MI 'THAD DE, NYON MONGS CHA LAS GTAN TU BDE BAR 'GYUR RO ZHES NI MI RIGS SO, ,BDE BA BZHIN DU NYON MONGS PA YANG RGYUN DU 'JUG PA YIN NO SNYAM NA, 'ON NI THAR PA MA YIN TE, 'KHOR BA PA BZHIN DU NYON MONGS PA DANG RJES SU 'BREL PA'I PHYIR RO, ,DE NYID LAS ZHES BYA BA NI SBYIN PA LA SOGS PA'I

, ,DKA' THUB NYID LAS SO, ,BSOD NAMS DANG YE SHES ZHES BYA BA NI DKA' THUB KYIS LAS MA LUS PAR SPANGS BAR BYAS PA GANG YIN PA DE NI GZHAN NYON MONGS PA'I NUS PA'O, ,'ON NYON MONGS PA NYID DKA' THUB YIN NO SNYAM NA, NYON MONGS PA NYID NI ZHES GSUNGS SO, ,'ON TE DKA' THUB DE NI LAS KYI 'BRAS BU NYID DO SNYAM NA, LAS KYI 'BRAS BU NYID CES GSUNGS SO, ,CI'I PHYIR ZHE NA, TSA GRANG ZHES GSUNGS SO, ,'ON TE DE NI ZHES BYA BA DKA' THUB BO, ,'O NA LAS KYI 'BRAS BU GANG YIN SNYAM NA, LAS KYIS ZHES GSUNGS SO, , DE 'DOD PA MED PA NI LAS KYI 'BRAS BU 'DOD PA MED PA'O, ,DES NA PHYUGS LA SOGS PA RNAMS DKA' THUB NYID DU THAL BA MA YIN NO ZHES GZHAN DAG SEMS PA'O, ,RGYAL SRID CES BYA BA LEN NO, ,GAL TE GANG DANG GANG 'DOD PAS 'GRUB PA DE LAS KYI 'BRAS BU MA YIN NA, DE'I TSE RGYAL SRID LA SOGS PA 'DOD PAS 'THOB PAS CI DE LAS KYI 'BRAS BU MA YIN NAM, 'ON TE 'DOD PAS RGYAL SRID 'THOB PA NI, SU YANG MA MTHONG DO SNYAM NA LAS CI 'DRA BAS 'DOD PA'I LHAN CIG BYED PA CAN GYIS RGYAL SRID 'THOB BAR BYED PA DE 'DRA BA'I LAS KYANG YOD PA YIN TE, SPONG PAR BYED PA'I TSAD MA MED BA'I PHYIR RO, ,GAL TE ZHES BYA BA NI KHAS BLANGS PA DANG 'GAL BA BRJOD PA'O, ,DE NI DKA' THUB NYON MONGS PA'O, ,DES NA ZHES BYA BA NI, DKA' THUB KYI NYON MONGS PA NYAMS SU MYONG BAS NI RNAM PA DE 'DRA'I NYON MONGS PAR BYED PA'I SDIG PA NYID ZAD PAR 'GYUR RO, ,DES NA ZHES BYA BA NI RGYAL SRID LA 'BOGS PA'I LAS ZAD PA MA YIN PAS NA'O, ,DES NA ZHES BYA BA NI GDON MI ZA BAR MYONG BAR BYA DGOS PAS NA'O, ,DE LTA NA 'O NA NI ZHES BYA BA NI GDUNGS PA NYID YIN YANG DMYAL BA LA SOGS PA'I SDUG BSNGAL GDON MI ZA BAR NYAMS SU MYONG BAR BYA DGOS TE, GANG GIS DE'I LAS ZAD PAR 'GYUR BA SDUG BSNGAL DE NYAMS SU MYONG BAS NI DMYAL BA'I SDUG BSNGAL NYAMS SU MYONG BAM YIN NO, ,DKA' THUB KYI SDUG BSNGAL SKRA 'BAL BAS ZHES 'BREL TO, ,MA NGES NA ZHES BYA BA NI SGRA 'BAL BA LA SOGS PA'I SDUG BSNGAL GYIS SO, ,DE KHYOD SMRAS LA

MED DAM CI NYES BYAS PA NI PHYUGS KYI SDUG BSNGAL GYIS MA NGES PA'O, ,GAL TE RGYAL SRID LA SOGS BA BDE BA DOR BA NI ZHEN PA MED BAR GOMS PA DE'I BDAG TU 'GYUR BA'I PHYIR GNOD PAR BYED BA MA YIN NA, DE'I TSE DMYAL BA LA SOGS PA SDUG BSNGAL YANG BTANG SNYOMS GOMS PA'I BDAG TU GYUR PA LAS GNOD PAR BYED PA MA YIN NO, ,DES NA GDUNGS PAS CI BYA ZHES BRJOD PA NI, GZHAN YANG ZHES BYA BA'O, ,DE LA ZHES BYA BA NI THAR BA LA'O, ,CI LTAR GNOD PAR BYED PA MA YIN SNYAM NA, GOMS PA'I STOBS LAS TE, DES NA GNOD BYED YIN NO ZHES BYA BA'I DON TO, ,THAR PA 'DI BTANG SNYOMS KYI BDAG NYID KHO NA YIN GYI BDE BA'I BDAG NYID NI MA YIN NO, ,DES NA 'DOD PA LA GNOD DO ZHES BRJOD PA NI, DES NA ZHES BYA BA'O, ,LAS YOD DE ZHES BYA BA NI BYAMS PA BSGOMS PA LA SOGS PA'O, ,KHYOD NYID KYIS ZHES BYA BA NI SANGS RGYAS PAS SO, ,ZHE SDANG LA SOGS PA'I SKYON RNAMS 'GOG PAR BYED PA'I BYAMS PA LA SOGS PA GANG YIN PA YANG ZHE SDANG GIS BSKYED PA'I LAS BZLOG PAR BYA BA LA NUS PAR 'GYUR TE, ZLOG PAR BYED PA YIN PAR 'GYUR RO, ,CI'I PHYIR ZHE NA, SKYE 'GRO NYES PA BCOM PA'I PHYIR SPANGS PA'I PHYIR RO; ,LAS BYAS ZIN PA BSAGS SHING YONGS SU BZUNG ZIN PA CI LTAR NYAMS PAR 'GYUR, GANG GIS RGYU MED PAS MED PAR BSKYUR BA DE BYAS MA ZIN PA NI MA YIN NO, ,BYAS ZIN PA LAS NI GNOD PAR BYED PA MED PA'I PHYIR NA GZHAN GYIS MNGON PAR 'DOD PA'I DE KHO NA SHES PA'I LAS 'KHOR BAR 'KHYAMS PAR 'GYUR BA NYID DO, ,GANG YANG SKYES BA THA MAR LAS KYI 'BRAS BU MA LUS PA MYONG BA YIN NO ZHES BRJOD PA DE YANG LUS LAS GZHAN PA'I TSAD MAS RTOGS PAR NUS PA MA YIN NO, ,SKYE BA DU MA'I BDE BA DANG SDUG BSNGAL GYI RNAM PAR SMIN PA NI RIM PA DANG LDAN PA'I LAS KYI 'BRAS BU NI LUS GCIG GI SKAD CIG TZAM GYIS SPYAD PAR NUS PA MA YIN NO, ,GAL TE SANGS RGYAS PA LA LAS NYAMS PA MED PA YIN TE, BSHAGS PA LA SOGS PA NYAMS PA'I RGYU NI LUNG LAS GZHAN GYIS MI RTOGS PA'I PHYIR RO, ,LAS YOD NA YANG SRED PA LA SOGS PA 'BYUNG BA NYID DE,

, ,DE'I RGYU CAN YIN PA'I PHYIR RO, ,PHUG RON LA SOGS PA'I 'DOD CHAGS DANG, SBRUL LA SOGS PA'I ZHE SDANG DANG, SROG CHAGS SA DZA GAR LA SOGS PA'I GTI MUG GI LAS LAS SKYE BA YIN TE, DES NA 'KHOR BA NYID DO SNYAM DU DOGS NA LAS LAS NI NYES PA 'BYUNG BA MA YIN TE, 'ON KYANG BDAG TU LTA BA DANG BDAG GIR LTA BAR MNGON BAR 'DOD PA TSUL BZHIN MA YIN PA YID LA BYED PA LAS YIN NO, ,NYES PA NYID LAS KYI RGYU YIN NO ZHES BRJOD PA NI, SKYON LDAN BYED 'GYUR ZHES BYA BA'O, ,'DOD CHAGS LA SOGS PA NYES PA RNAMS NYID LAS SKYED PAR NUS PA YIN TE, CHAGS PA DANG SDANG BDAG BYED PAR MTHONG BA'I PHYIR RO, ,BDAG TU 'DZIN PA DANG ZHEN PA LA SOGS PA MED NA NI, ,GZHAN YOD KYANG MI BYED PA KHO NA'I ZHES BYA BA BRJOD PA NI BZLOG PAS MIN ZHES BYA BA'O, ,GAL TE DGRA BCOM PA 'JIG TSOGS LA LTA BAR ZAD PA LA YANG BDE BAR SKYE BA LUS KYI DE NI YUL MED PAR 'BYUNG BA MA YIN NO, ,RNAM PAR RTOG PA LAS BYUNG BA'I YID BDE BA NI RNAM PA GZHAN DU 'GYUR BA YIN NO, ,RJES SU 'DZIN PA'I BDAG NYID DE LA NI DES PAR MNGON PAR 'DOD PA 'BYUNG NGO, ,'DIS NI SDUG BSNGAL BA YANG BSHAD PA YIN NO, ,DE LTA NA LAS BYED NYID YIN PA'I PHYIR NA JI LTAR THAR PA YIN SNYAM DU DOGS NAS LOG PA'I RNAM RTOG CES GSUNGS SO, ,'DOD PA NI BDAG DANG BDAG GI BA LOG PAR DPYAD PAR BYA BA LA SRED PA YIN NO, ,DE YANG SKYE GNAS NGER 'DZIN PA DE MED NA MI 'BYUNG BA NYID DO, ,NYAMS SU MYONG BA DE LA NI 'DOD PA MA YIN LA, MA 'ONGS PA DON DU GNYER BA'I RNAM PA CAN GYI RTOG PA YANG RNAM PAR RTOG PA SPANGS PA RNAMS LA SRID PA MA YIN NO, ,BSGOMS PA LAS 'BYUNG BA BDE BA RE ZHIG BA YANG 'DOD PA DANG SGRO 'DOGS PA'I YUL MA YIN NO; ,SDUG BSNGAL GOMS PA YANG BDAG TU 'DZIN PA'I GOMS PA SPANGS PA RNAMS LA MI 'BYUNG STE, BDAG TU 'DZIN PA'I GOMS PA SNYING PO CAN GYI BAG CHAGS LHAN CIG BYED BA CAN GYI YUL GYIS BSKYED PAR BYA BA YIN PA'I PHYIR RO, ,DES NA NYES PA NI 'DOD CHAGS LA SOGS PA BDE

BA NYAMS SU MYONG BA LAS 'BYUNG BA YIN NO, ,DE LTA MA YIN PAR DE ZHES BYA BA NI SNYING RJES SO, ,DE NI MA YIN NO STE ZHES BYA BA NI 'JUG PA'I YUL 'BYUNG BAR 'GYUR BA LA BSAMS NAS BRJOD PA YIN NO, ,RANG GIS RIG PA'I DA LTAR BA LA DE DON DU GNYER BA'I RNAM PA CAN MNGON PAR 'DOD PA MA YIN TE, NYE BAR GNAS PA'I PHYIR RO, ,DUS GZHAN DU 'BYUNG BA NYID KYIS DON DU GNYER NA NI RNAM PAR RTOG PAR THAL BAR 'GYUR RO ZHES BRJOD PA NI, BDE BA DE YANG ZHES BYA BA'O, ,DE LTAR BDAG TU LTA BA'AM, SDUG BSNGAL BSGOM PA'AM, DBANG BSKUR BA LA SOGS PA'AM, SKRA 'BAL BA DANG, ZLA BA SHAR NA ZA BA LA SOGS PA NI THAR PA SGRUB PAR BYED PA YIN GYI, 'ON KYANG SRID PA'I RGYU SRID PA DANG, DE'I RGYU BDAG TU 'DZIN PA LA SOGS PA SPONG BA YIN NO ZHES MJUG SDUD PA NI DE'I PHYIR ZHES BYA BA'O, ,GZHAN DU NI MA YIN NO ZHES BYA BA NI DBANG BSKUR BA LA SOGS PA'I CHO GAS MA YIN NO, ,'PHAGS PA'I BDEN PA 'DI STON PAR MDZAD PA NYID SKYOB PA YIN GYI, BDAG LA SOGS PA STON PA NI MA YIN NO, ,BDEN PA BZHI STON PA'I RANG BZHIN GYIS SKYOB PA LA CI ZHIG RTOGS SNYAM NA, DES NA ZHES GSUNGS TE, SKYOB PA NYID GZIGS LA MI GSUNG BA'O ZHES BYA BA LA SOGS PAS NI RANG GI DON DANG GZHAN GYI DON GYI MTSAN NYID KYI 'BRAS BU PHUN SUM TSOGS PA RGYU PHUN SUM TSOGS PA GSHEGS PA 'GRO BA'I DON LA BRTEN NAS BSHAD DO, ,DE NI RTOGS PA'I DON LA BRTEN NAS YE SHES PHUN SUM TSOGS PA DANG, DE'I RGYU PHUN SUM TSOGS PA BSHAD PA YIN NO ZHES BYA BA'I KHYAD PAR RO, ,SU'I SGRA LEGS PA'I DON NYID YIN PA LA NI DE KHO NA MKHYEN PA'O, ,DES NA BCOM LDAN 'DAS PHYI ROL PA RNAMS LAS KHYAD PAR DU 'PHAGS PA YIN NO, ,SLAR MI LDOG PA'I DON NYID YIN PA LA NI MNGON PAR MKHYEN PA STE, DES NA RGYUN TU ZHUGS PA DANG, BYANG CHUB SEMS DPA' LA SOGS SLOB PA RNAMS LAS KHYAD PAR DU 'PHAGS PA YIN NO, ,MA LUS PA'I DON NYID LAS NI KHYAD PAR MA LUS PAR MKHYEN PA STE, DES DGRA BCOM PA DANG, BSE RU MI SLOB PA RNAMS LAS KHYAD DU 'PHAGS

, ,PA YIN NO, ,GAL TE 'DI SKYOB PA YIN NA DE LAS SU DPAG PAR 'GYUR BA BZHIN, 'ON KYANG DE MED PAR YANG DE STON PAR 'THAD PA YIN TE, RJES SU DPAG PAS MTHONG BA MI STON PA MA YIN NO, ,DES NA DE LAS BSTAN PAR MKHYEN PA LA SOGS PA SU NYID YIN SNYAM DU DOGS NAS, RJES SU DPAG PA LAS NI ZHES GSUNGS TE, 'ON KYANG MNGON SUM KHO NA LAS YIN NO ZHES BYA BA'I DON TO, ,'DI GANG LAS SNYAM NA, GZHAN LA NI ZHES GSUNGS TE, DE LTA BUR GYUR PA ZHES BYA BA NI TSAD MAS 'THAD PA'O, ,DE KHO NA NYID MKHYEN PA LA SOGS PA MNGON SUM NYID YIN YANG BDEN PA BZHI STON PA'I RANG BZHIN SKYOB PA'I RTAGS KYI KHYAD PAR LAS SHES PA YIN NO, ,SDUG BSNGAL LA CHOS SHES PA NI RANG BZHIN SHES PA YIN, DE SHES PA MTHONG BAR BYA BA RNAM PAR GROL BA'I SHES PA NI CHOS SHES PA'I BZOD PA DANG, DE DAG BSGRUB PAR BYA BA DANG, SGRUB PAR BYED PA'I DNGOS POR SHES PA NI RJES SU BYED PA YIN PA DANG, DE YANG BDAG LA YOD DO ZHES BYA BA SHES PA NI RJES SU SHES PA'I BZOD PA YIN NO ZHES BYA BA LA SOGS PA MTHONG BA DANG BSGOM PA'I LAM GYI 'BRAS BU SNA TSOGS PA CAN 'DOGS PA MED PAR STON PA NI KHYAD PAR RNAMS MNGON SUM DU MDZAD PA MED PAR RJES SU DPAG PA TZAM LAS 'GYUR BA MA YIN NO ZHES GSUNGS SO NI, RJES SU DPAG PAS ZHES BYA BA'O, ,'ON TE ZHES BYA BA'I RTZOD PA LA YANG LAN DE NYID GSUNGS PA NI, DE LTA YIN NA GZHAN DAG KYANG ZHES BYA BA'O, ,CI'I PHYIR SNYAM NA RJES SU DPAG PA 'GA' ZHIG LA NI ZHES GSUNGS SO, ,'ON TE RJES SU DPAG PA LA GSAL BA DANG MI GSAL BAS BYAS PA'I RNAM PAR DBYE BA YOD PA DES NA, 'GA' ZHIG LA RJES SU DPAG PA YIN NO SNYAM NA, GCIG LA YANG ZHES GSUNGS SO, ,DES NA ZHES BYA BA NI SKYOB PA NYID RJES SU DPAG PAS BSKYED PA MA YIN PA'O, ,DE YANG ZHES BYA BA NI BCOM LDAN 'DAS KYANG NGO, ,'DI LA LAN BDAG CAG GIS NI ZHES PA'O, ,GAL TE CI LTAR GZHAN MU STEGS PA RNAMS BZHIN DU 'KHRUL PAS STON PA LAS SRID PA MA YIN NAM SNYAM DU DOGS PA BSU BA NI, 'ON TE 'KHRUL PA LAS KYANG ZHES BYA BA'O, ,RTAG PAR NYES PA BZHIN DU SKAD CIG MA LA

SOGS PA SHES PA LA NI PHYIN CI LOG GI RGYU SRID PA MA YIN NO ZHES GSUNGS PA NI 'DRA BA GZHAN DAG CES BYA BA'O, ,THE TSOM LAS STON PA LA YANG MI SRID DO ZHES BRJOD PA NI, THE TSOM YANG ZHES GSUNGS SO, ,MNGON SUM DU MDZAD PA LA NI GNYI GA MTHONG BA YOD PA MA YIN NO SNYAM DU DGONGS PA'O, ,GAL TE BDAG CAG LTA BU LA RJES SU DPAG PA LAS NGES PA YOD PA MIN NAM, CI LTAR MNGON SUM DU MDZAD PA NYID LAS NGES PA YIN ZHES BRJOD SNYAM NA, BDAG CAG GI ZHES GSUNGS SO, ,DE SKAD CES BYA BA NI DON THAMS CAD NI SKAD CIG MAR 'JIG PA YIN NO ZHES BYA BA LA SOGS PA'O, ,GNYI GA YANG ZHES BYA BA NI, RTAG PA DANG MI RTAG PA NYID DU'O, ,DES NA ZHES BYA BA NI BDE BAR GSHEGS PA YIN PAS NA'O, ,DE LHAN CIG GNAS PA LA SKABS KYI DON NI 'DI YIN TE, GANG ZHIG TSAD MA MI SLU BA NGES PA'I DON RJOD PAR BYED PA DE NI DNGOS SAM BRGYUD NAS DON SNGON DU 'GRO BA CAN YIN TE, DPER NA ME NI SREG PAR BYED PA YIN NO ZHES BYA BA'I TSIG BZHIN NO, ,'DU BYED THAMS CAD SKAD CIG MA YIN NO ZHES BRJOD PA 'DI TSAD MAS NGES PAR MI SLU BA NGES PA'I DON RJOD PAR BYED PA YIN NO ZHES BYA BA'I DON GYI 'BRAS BU'I GTAN TSIGS SO, ,'DI MA GRUB PA NI MA YIN TE, CHOS THAMS CAD SKAD CIG GIS 'JIG PAR BSGRUBS PAS NA TSIG 'DI BDEN PA'I DON CAN YIN PA'I PHYIR 'GAL BA YANG MA YIN TE, MTHUN PA'I PHYOGS LA YOD BA'I PHYIR RO, ,MA NGES PA YANG MA YIN TE, BRJOD PA 'GA' ZHIG THE TSOM DANG PHYIN CI LOG SNGON DU 'GRO BA CAN YOD NA YANG TSAD MAS NGES PA'I DON CAN NI DNGOS SAM BRGYUD NAS DON DE MNGON DU BYED PA'I SHES PA SNGON DU 'GRO BA CAN DU MNGON SUM DANG MI DMIGS PA DAG GIS DMIGS PA'I PHYIR RO, ,DE LTA MA YIN NA DU BA LA SOGS PA LA YANG LAG TU THOB PA'I 'DOD PAR THAL BA'I PHYIR CHU DANG 'BRAS BU MA LUS PAR CHAD PAR THAL LO, ,DE SKAD DU YANG SHES PA YONGS SU MA DAG PAR BRJOD PA YONGS SU MA DAG PA MED CES BSHAD ZIN PA YIN NO, ,BDE BAR GSHEGS PA NYID LAS STON PA NYID 'GRUB PA DE'I PHYIR RO, ,BDE BAR GSHEGS PA BDAG NYID CAN GZHAN DON MKHYEN PA LA SBYOR BA BYED PA

, ,BSGRUB PA YIN NO, ,GANG GI PHYIR GZHAN DON MKHYEN PA SBYOR BA BDE BAR GSHEGS PA'I RGYU YIN BA DE'I PHYIR GZHAN GYI DON MKHYEN PA LA SBYOR BA DE STON PA YIN PAR BRJOD DO, ,RGYU LA 'BRAS BU NYE BAR BTAGS PAS THABS GZHAN MED PA NYID DU BSTAN PA'I DON DU'O, ,SBYOR BA DE LAS KYANG BRTZE BA 'GRUB BO, ,GANG ZHIG CE NA GNAS SKABS THAMS CAD DU GZHAN GYI DON GYI NGOR MDZAD PA DE GTZOR GYUR PA NYID DO, ,GTZO BO DE'I RANG BZHIN CAN YIN PAR JI LTAR RTOGS SNYAM NA, ,BSHAD PA BDE BAR GSHEGS PA NYID DU BSTAN PA'I DON GRUB PAS 'THOB PAR BYA BA GZHAN MI MNGA' BA MDZAD PA MI 'DOR BAR 'JUG PA STE, DE YANG GZHAN GYI DON NYID YIN NO, ,DE'I RANG BZHIN CAN GYI BRTZE BA DANG LDAR PAR NI DES STON PA YIN NO, ,'CHAD PA NI, BCOM LDAN 'DAS LA ZHES BYA BA'O, TSAD MAS BSGRUB PA DON DU MED PA'I PHYIR MNGA' BA NI BDEN PA ZHES BYA BAR BSAMS PA'O, ,'ON KYANG DE'I RGYU CI YIN ZHES BYA BA'I 'DRI BA LA LAN DU, GZHAN GYI DON ZHES GSUNGS SO, ,DE LTA MA YIN NA ZHES BYA BA GZHAN GYI DON LA SBYOR BA MI MNGA'O, ,GZHAN DU NA ZHES BYA BA NI THUGS BRTZE BA CAN NYID MA YIN NO, ,DE ZHES BYA BA NI THUGS RJES BSKUL BA GZHAN GYI DON LA SBYOR BA'O, ,BCOM LDAN 'DAS NI DE KHO NA NYID LA SOGS PA MKHYEN PA TZAM GYIS NI BDAG CAG LA TSAD MA MA YIN NO, ,'ON JI LTAR TSAD MA YIN SNYAM NA, DE'I TSAD MA NYID CES GSUNGS SO, ,DE LTA MA YIN NA ZHES BYA BA NI NYE BAR BSTAN PA MED NA'O, ,GANG GI PHYIR 'DI LTAR TSAD MA NYID YIN PA DE ZHES BYA BA DE'I PHYIR RNAM 'GREL MDZAD PAS BSHAD PA NI'O, ,RAB KYI MTHAR PHYIN PAR GNAS PA DE NI 'GA' ZHIG LA YOD 'GA' ZHIG LA NI MA YIN NO ZHES SHES PAR NUS PA YANG MA YIN TE, DES DE'I DBANG DU 'GYUR BA NYID YIN NO ZHES BRJOD PA NI, RTZOL BAR ZHES BYA BA'O, ,GZHAN GYI DON NI NYE BAR BSTAN PA'I MTSAN NYID KHO NA YIN TE, GZHAN GYI DON GZHAN NI TSAD MAS MI MTHUN PA'I PHYIR RO, ,JI LTAR SNGAR BSHAD PA BZHIN NO ZHES BYA BA NI, GANG DAG BRTZE BA CHEN PO CAN, ,GZHAN GYI DOR NI BZHUGS PA YIN, ,ZHES BYA BA DER RO, ,DE LTAR SKYOB PA LAS NI MKHYEN PA, DE LAS NI MDZAD PA DE YANG BRTZE BA YIN PA'I PHYIR RO, ,DNGOS SAM

BRGYUD PAS MKHYEN PA LA SOGS PA RNAMS RGYU NYID DU BRJOD PA YIN NO, ,DE NI DNGOS NYID DU YIN NO ZHES BRJOD PA NI BRTZE BAS ZHES BYA'O, ,YANG NA SNGAR GYI GO BAR BYED PA 'BRAS BU GO BAR BYA BA LA BYED PA YIN PAR BRJOD LA, DA NI RGYU'I BYED PA BSKYED PAR BYA BA LA YIN PAR BRJOD BA YIN NO ZHES BYA BA NI RNAM PAR G-YENG BA'O, ,'DIS NI ZHES BYA BA NI BRTZE BAS LEGS DANG ZHES BYA BA 'DIS NI'O, ,DANG PO BRTZE BA LAS NI THA MA SKYOB PA YIN LA, DANG 'OG MDZAD PA LAS NI THA MA LHAG PA MKHYEN PA NYID DU 'GYUR BA YIN NO, ,BZHI BO 'DI NI TSAD MA'I RGYU YIN TE, NGES PA'I RGYU YIN PA'I PHYIR RO ZHES GSUNGS SO NI, DE'I PHYIR ZHES BYA BA'O, ,DE NYID KYI PHYIR ZHES BYA BA NI TSAD MAR NGES PA NYID KYI PHYIR RO, ,DE LTA'I DNGOS STON NI TSAD MA NYID DO, ,NGAG DANG PO'I TSIGS SU BCAD PA DES BSTOD PA GANG YIN PA DE NI BCOM LDAN 'DAS KYIS NYE BAR BSTAN PA NYID LAS TSAD MA'I DE KHO NA NYID BSGRUB PAR BYA BA'I DON DU BRJOD PA YIN NO, ,GAL TE BCOM LDAN 'DAS LA YON TAN DPAG TU MED PA BZHIN SNGAR BSHAD ZIN PA DE LTA NA YANG, 'DI NI TSAD MAR GYUR PA NYID KYIS DAM PA RNAMS KYIS BSTAN PAR BYA BA YIN BA'I PHYIR NA, DE NYID KYI BSTOD PA NI TSAD MA'I DE KHO NA BSGRUB PAR BYA BA'I DON DU YIN NO ZHES BYA BA'I THA TSIG GO, ,GAL TE GANG GIS DE BRJOD PAR BYA BA CI BCOM LDAN 'DAS KYIS RJES SU DPAG PA GSUNGS SAM ZHE NA, BSHAD PA RJES SU DPAG PA TSAD MA NYID DU GSUNGS PA YIN NO, ,GANG LAS SHE NA, MI ZLOG PHYIR TE, GANG GI PHYIR RJES SU DPAG PA BKAG PA MED PA'I PHYIR RO ZHES BYA BA'I DON TO, ,YANG MNGON SUM BZHIN DU RJES SU DPAG PA YANG PHYOGS GCIG GIS GSUNGS BA YIN NO ZHES BSHAD PA NI, CUNG ZAD SKYE BA'I BDAG NYID CAN, ,ZHES BYA BA'O, ,SBYOR BA NI GZHAN GYI DON GYI RJES SU DPAG PA YIN NO, ,GAL TE TSUL GSUM BRJOD PA GZHAN GYI DON GYI RJES SU DPAG PA MA YIN NAM, GANG CUNG ZAD SKYE BA'I BDAG NYID CAN ZHES BYA BA LA SOGS BA LA NI DE YOD PA MA YIN TE, MED NA MI 'BYUNG BA TZAM ZHIG BRJOD BA'I PHYIR RO SNYAM DU DOGS PA BSU NAS BSHAD PA NI, MED NA MI 'BYUNG MTSAN NYID CAN, ,ZHES BYA BA'O, ,DE YANG ZHES BYA BA NI MED NA MI 'BYUNG BA YANG NGO, ,RJES SU

, ,DPAG PA LA NI MED NA MI 'BYUNG BA NYID GTZOR GYUR PA'I RANG BZHIN YIN PAR DE BRJOD, ,NGAG THAMS CAD BRJOD PA NYID DO ZHES BYA BA'I DON TO, ,GANG GI PHYIR BCOM LDAN 'DAS KYIS, TSAD MA GNYIS BKA' STZAL PA DE NYID KYI PHYIR GZHAN NI TSAD MA MA YIN NO ZHES GSUNGS PA NI, GANG GI PHYIR ZHES BYA BA'O, ,SLU BA SPYOD PA CAN DANG, MA SHES PA'I NGON GSAL BAR BYED PA'I MTSAN NYID GNYIS DANG LDAN PA'I TSAD MA'I DE NYID DO, ,GTAN TSIGS DE'I PHYIR NA MNGON SUM DANG RJES SU DPAG PA GNYIS DE LAS CHAD MA GZHAN YOD PA MA YIN NO, ,DE LAS CIR 'GYUR SNYAM NA, DE BZHIN GSHEGS PA NYID LAS ZHES GSUNGS SO, ,YANG NA DBANG PHYUG LA SOGS PA TSAD MA MA YIN NO ZHES BYA BA 'DI LA YANG DE BZHIN GSHEGS PA'I GSUNG YOD PA NYID YIN TE, DES NA DE DAG KYANG TSAD MA MA YIN NO ZHES BSHAD PA NI, GANG GI PHYIR BCOM LDAN 'DAS KYI RANG BZHIN GYI TSAD MA'I DE NYID NYE BAR BSTAN PA'I DON THOB PAR BYED PA NYID NI RGYU DANG 'BRAS BU'I GNAS SKABS KYI MTSAN NYID GNYIS DANG LDAN PA NI BCOM LDAN 'DAS BDE BAR GSHEGS PA NYID KYIS BSTAN PA MDZAD DO, ,RGYU DE'I PHYIR NA NYE BAR STON PAR MDZAD PA'I TSAD MA DE LAS DBANG PHYUG LA SOGS PA'I TSAD MA GZHAN NI YOD PA MA YIN NO, ,GANG GI PHYIR DE DAG TSAD MA NYID KYI GTAN TSIGS DE NYID KYI PHYIR DE BZHIN GSHEGS PA NYID LAS BLANG BAR BYA BA DANG DOR BAR BYA BA'I THABS DANG BCAS PA'AM, BSGRUB PAR BYA BA DANG SGRUB PAR BYED PA LA SOGS BA'I TSAD MA THAMS CAD 'GRUB KYI DBANG PHYUG LA SOGS PA LAS NI MA YIN NO, ,DE'I PHYIR RIGS PA DANG LUNG GIS BCOM LDAN 'DAS NYID TSAD MA YIN GYI, DBANG PHYUG LA SOGS PA NI MA YIN NO ZHES BYA BAR GNAS SO, ,BDAG 'DRA LA NI 'DI 'DRA'I BLO YOD MIN, ,DE LTAR SKYE BO 'GA' ZHIG 'DIR 'DOD PA, ,DES NA BDAG GI LAG GIS 'DI BSHAD BYAS, ,BRTZE BA'I GZHAN DBANG LAS YIN RLOM PAS MIN, ,TSUL BZHIN t'I K'A 'DI NI BYAS PA LAS, , BSOD NAMS TSAD MED BSAGS PA GANG YIN PA, ,DES NI 'JIG RTEN GSHIN RJE'I DGRA 'JOMS NI, ,MI BZAD RAB BSGRUB GNYIS MED THOB PAR SHOG ,DPAL MKHAS PA DZA M'A RIS SBYAR BA TSAD MA RNAM 'GREL GYI RGYAN GYI LE'U DANG PO'I t'I K'A RDZOGS SO,, ,,

, ,BCOM LDAN 'DAS KYIS, JI LTAR BYIS PAS RNAM BRTAGS LTAR, ,PHYI ROL DON NI YOD MA YIN, ,BAG CHAGS KYIS NI DKRUGS PA'I SEMS, ,DON DU SNANG BA RAB TU DBYE, ,ZHES GSUNGS [DD] SO; ,DE LA RNAM PAR BRTAGS PA'I RANG BZHIN MTHA' DAG GIS BDEN PA RANG NYID YONGS SU GSAL BA YIN YANG, KHA CIG GIS SNGON PO LA SOGS PA NI PHYI ROL GYI DON YON TAN DANG BYA BA LA SOGS PA'I RANG BZHIN CAN BEMS PO RNAM PA MED PA'I SHES PAS GZUNG BAR BYA BA NYID DANG, BDAG DANG BDE BA LA SOGS PA YANG MA YIN NO ZHES BYA BAR RTOGS SO, ,GZHAN NI SNGON PO LA SOGS PA NYID BEMS PO RDUL PHRA RAB 'DUS PA TZAM YIN LA, BDE BA LA SOGS PA NI RIG PA NYID DO ZHES SO, ,GZHAN DAG NA NI SNGON PO SHES PA YANG BLO NYID DE, DE'I RNAM PA CAN GYI BLOS RIG PAR BYA BA'I PHYI ROL DU, GZHAN NYID DE RTAG TU LKOG TU GYUR PA YIN NO ZHES SO, ,DE LA PHYI ROL GZHAN NI MA YIN GYI, 'ON KYANG SNGON PO LA SOGS PA DE NYID GCIG TU PHYI ROL MA YIN LA, GCIG TU NANG KHO NA YANG MA YIN NO ZHES BYA BA NI NAM MKHA'I GOS CAN NO, ,SHES PA NYID YIN TE

, ,RTAG PA KHYAB PA GCIG PU DANG, MA RIG PA'I NUS PA DANG 'BREL BA LAS MI BDEN PA'I RNAM PA'I TSOGS KYIS ZIN PA YIN NO ZHES BYA BA NI RIG BYED PA'I'O, ,'DI 'DRA BA NYID MI RTAG PA DANG MA KHYAB PA DANG, DU MA GSAL BA TZAM GYI RANG BZHIN DU YOD PA'I PHYIR RO ZHES BYA BA NI RNAM PA MED PAR SMRA BA'I'O, ,SNA TSOGS GSAL BA LAS MA GTOGS PA GANG LA DNGOS POR MNGON PAR ZHEN PA 'AM RTAG PA DANG MI RTAG PA LA SOGS PA'I RANG BZHIN DU DPYAD PAR BYA BA GSAL BA TZAM ZHES BYA BA NI 'GA' YANG YOD PA MA YIN NO, ,SNA TSOGS KYANG MI BDEN PA YIN NO ZHES BYA BA NI DBU MA PA'I KHYAD PAR RO, ,GZHAN NI PHUNG PO LNGA YANG KUN RDZOB TU YIN NO ZHES 'DI NI CHE LONG JI LTA BA BZHIN NYE BAR BKOD PA YIN TE, SGRO 'DOGS PA DANG SKUR PA 'DEBS PAS BSDUS PAS RANG GI RANG BZHIN MI GSAL BAR BYED PA'I LOG PAR RTOG PA'I NI GRANGS MED DO, ,DE DAG LA NI MNGON PAR 'DOD PA'I RANG GI DON 'GRUB PA YOD PA MA YIN TE, DES NA SGRO 'DOGS PA DANG SKUR BA 'DEBS PA DGAG PA'I DON DU CHOS TZAM GYIS MDOR BSDUS TE, YOD PA DANG MED PA'I MTSAN NYID KYI DBANG DU MDZAD NAS, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI DE LA YOD, ,DE LA YANG NI

DE LA YOD, ,CES BYA BA DANG, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES GSUNGS SO, ,YANG DAG PA MA YIN PA NI GZUNG BA DANG 'DZIN PA GNYIS, RJES LA SKYES PA'I RNAM PAR RTOG PA'I SGO NAS 'DI LA'AM 'DIS YONGS SU RTOG PA'I PHYIR NA YANG DAG PA MA YIN PA'I KUN DU RTOG PA'O, ,DE NYID NI GZHAN DBANG GI RANG BZHIN DU MDO LAS GSUNGS SO, ,YOD CES BYA BA 'DI NI DE LA SKUR BA 'DEBS PA BKAG CING, LONGS SPYOD RDZOGS PA'I SKYE BAR 'GYUR BA'I THA SNYAD DU BYA BA'I SA BON BSTAN PA YIN NO, ,YANG DAG PA MA YIN PA'I KUN TU BRTAGS PA'I SGRAS NI KUN NAS NYON MONGS PA'I DUS LA LTOS NAS SNA TSOGS SU SNANG BA'I SHES PA NYE BAR MTSON PA LHUR LEN PA'O, ,GZHAN GYI DBANG DU ZHES BYA BA'I SNANG BA DE LA SNANG BA MA YIN PA MU STEGS PA'I TSOGS MA LUS PA DANG RANG GI PHYOGS PA DAG GIS GANG CUNG ZAD SGRO BTAGS PA NI KUN BRTAGS PA'I RANG BZHIN DU BRJOD DO, ,SGRO BTAGS PA'I TSOGS 'DI YANG GZUNG BA DANG 'DZIN PA'I MTSAN NYID GNYIS KYIS PHAL CHER BSDUS SO, ,MDOR BSDU NA SGRO BTAGS PA NI RNAM PA GNYIS TE, CHOS CAN LAS SAM CHOS TZAM LAS SO, ,DE LA RE ZHIG GANG GI TSE GSAL BA MA YIN PA RDZAS SU YOD PA YAN LAG CAN DANG BDAG LA THA DAD PAR BTAGS PA DE'I TSE NI DE GZUNG BA DANG 'DZIN PA'I RANG BZHIN NYID DO, ,YANG GANG GI TSE SNANG BZHIN PA NYID LA GZUNG BA DANG 'DZIN PA'I CHA GNYIS SU RTOG PA DE'I TSE YANG NYE BAR BSTAN PA DNGOS PO GTZO BOR GYUR PA YIN PA'I PHYIR, GZUNG BA DANG 'DZIN PA NYID DU RIG PAR BYA'O; ,YANG GANG GI TSE SHES PA DES GSAL BA MA YIN PA NYID RIG PA ZHES GNAS PA DE'I TSE NA GZUNG BAR BYA BA LA, CHOS CAN DANG 'DZIN PAR BYED PA LA CHOS SU BRTAGS PA YIN NO, ,YANG GANG GI TSE SHES PA DE NYID SHES PA GZHAN GYIS RIG PA YIN NO ZHES SGRO 'DOGS PA DE'I TSE YANG, 'DZIN PAR BYED PA'I CHOS CAN DANG GZUNG BAR BYA BA'I CHOS SO ZHES BYA BAR RO, ,MTHA' GCIG MA YIN PAR SMRA BA LA YANG GZUNG BA DANG 'DZIN PA'I SGRO 'DOGS PA YIN PA KHO NA'O, ,DES NA TSIG RKANG GNYIS PAS NI DE 'GOG PA YIN NO, ,GNYIS PO NI KUN BRTAGS PA NYE BAR MTSON PA LHUR LEN

, ,PA'O; ,DES NA RTAG PA LA SOGS PA'I CHOS DANG GZUNG BA 'DZIN PA'I RANG BZHIN MA YIN PA'I BEMS PO DANG, RANG GI RGYUD LA YOD KYANG NYAMS SU MYONG BAR BYA BA MA YIN PA GSAL BTZAM LA SOGS PA'I THA DAD LDAN PA 'GAG PA 'GRUB PA KHO NA'O, ,GNYIS PA'I SGO NAS BRTAGS PA DE THAMS CAD KYIS STONG PA NYID GANG YIN PA DE NI DE LA YOD PA YIN NO, ,GTZOR BYAS PA 'DIS KYANG CHOS KYI SKU RNAM PAR GNAS PA'I SA BON BSTAN PA YIN NO, ,DE SKAD DU YANG, MDO SDE RGYAN LAS, SGYU MA JI LTAR DE BZHIN DU, ,YANG DAG MA YIN KUN RTOG BRJOD, ,SGYU MAS BYAS PA DE BZHIN DU, ,DE BZHIN GNYIS NI 'KHRUL BAR BRJOD, ,JI LTAR DE LA DE MED PA, ,DE BZHIN DON DAM YIN PAR 'DOD, ,JI LTAR DE DAG DMIGS PA BZHIN, ,KUN RDZOB KYI NI BDEN PA NYID, ,CES BYA BA LA SOGS PA RGYAS PAR BSHAD PA YIN NO, ,GNYIS PO STONG PA DE NYID MDO DAG LAS YONGS SU GRUB PA'I RANG BZHIN DU BSHAD DO, ,DBUS DANG MTHA' RNAM PAR 'BYED PA LAS, DE BZHIN NYID DANG YANG DAG MTHA', ,MTSAN MA MED DANG DON DAM NYID, ,CHOS KYI DBYINGS DANG STONG NYID DE, ,RNAM GRANGS NYID NI MDOR BSDUS PA'O, ,ZHES GSUNGS SO, ,GANG ZHIG MNGON SUM BYAS PA'I MTSAN NYID KYI LONGS SPYOD PA LAS, MTSAN MA LA SOGS PA'I RNAM PA'I TSOGS DANG LDAN PA, RNAM PAR BYANG BA'I RNAM PAR DAG PA, YANG DAG PA MA YIN PA'I KUN DU RTOG PA DANG BRAL BA LA SOGS PAR BSNYAD PAS LONGS SPYOD RDZOGS PA'I SKUR BRJOD PA NI, RANG GI DON PHUN SUM TSOGS PA BRJOD DE, MDO SDE RGYAN LAS, LONGS SPYOD RDZOGS PA'I SKU NI RANG GI DON PHUN SUM TSOGS PA'I MTSAN NYID YIN NO ZHES GSUNGS PA YIN NO, ,DE LA YANG NI DE YOD DO SNYAM ZHES BYA BA NI, CHOS CAN YANG DAG PA MA YIN PA'I KUN DU RTOG PA ZHES BYA BA'I 'BAD PA 'DI NI TSAD MAS GNOD PA NYID KYIS NA, 'DI NI MI BDEN PA YIN NO SNYAM PA'I DOGS PAR MI 'GYUR BAR BYA BA'I PHYIR RO, ,DE SKAD DU YANG, MNGON PAR RTOGS PA'I RGYAN LAS, BTAGS PA NYID KYI CHOS BDAG MED PAR CI NAS KYANG 'GYUR BAR BYA BA'I DON DU, 'DI LA BSAL BYA CI YANG MED, ,BSNAN PAR BYA BA'ANG CUNG ZAD MED, ,YANG DAG NYID LA YANG DAG LTA, ,YANG DAG MTHONG

NA RNAM PAR GROL, ,ZHES GSUNGS SO, ,THEG PA CHEN PO RGYUD BLA MA LAS KYANG, STONG PA NYID KYI DON GZHAN GSAL NAS TSIGS SU BCAD PA 'DI NYID GSUNGS SO, ,'DIS NI RNAM PA'I CHAS DANG THAMS CAD LA MI BDEN PA NYID DU SMRA BA BSAL BA YIN NO, ,LE'U'I CHA 'DIR YANG MI BDEN PAR SMRA BA RNAM PAR SHES PA RNAM PAR MED PAR SMRA BA DANG, RIG BYED KYI MTHA' BAR SMRA BA'I RNAM PAR SHES PA'I BDAG NYID DU BSGRUB PAS BSAL BA YIN NO, ,THAMS CAD MI BDEN PAR SMRA BA NI, 'DI NI DNGOS STOBS 'ONGS PA YIN, ,ZHES BYA BAS BSLANGS NAS RANG RIG PA'I STOBS LA BRTEN PA SNA TSOGS GNYIS MED KYI RGYAS 'DEBS PAR 'GYUR RO, ,DE'I PHYIR GNYIS KYIS STONG GANG YIN, ,DE NI DE'I YANG MTSAN NYID YIN, ,ZHES BYA BA 'DIS NI, SKU NYE BAR MTSON PAR 'GYUR RO, ,RNAM PA DANG BCAS PA'I SHES PA BSGRUB PA'I GZHUNG GIS NI GZHAN GYI DBANG 'CHAD PAR 'GYUR RO, ,DANG PO LA SOGS PA LHAG MA THAMS CAD KYIS NI RANG DANG GZHAN GYI PHYOGS PA DAG GIS KUN DU BRTAGS PA'I DNGOS PO'I TSOGS MA LUS PA RANG GI NGO BO NYID YIN PA SEL BA YIN NO, ,GZUNG BA DANG 'DZIN PA'I MTSAN NYID DANG LDAN PA NI SPYIR BSAL BA TZAM YOD PAR SMRA BAS BSAL BA MA YIN PA'I GNYIS MED PA'I YANG BKAG PA YIN NO ZHES BYA BA NI, MDOR BSDUS NAS LE'U'I BSDUS PA'I DON TO,, ,,GAL TE 'DI GSUNG RAB KYI RNAM GROL YIN NO ZHES BRJOD PA MA YIN NAM, DE JI LTAR NA RGYAL TSAB KYI GSUNGS DANG SBYAR ZHE NA, DE NI MA YIN TE GSUNG CHEN PO LAS RIM PA BZHIN BTUD DE BRJOD PA NI GSUNG RAB NYID DO; ,SLOB DPON GZHAN GYI NGAG BZHIN DU, MDO SDE'I GSUNG YANG KHUNGS TZAM DU NI BRJOD PAR NUS PA MA YIN NO, ,JI LTAR DON NI PHA ROL TU PHYIN PA'I TSUL GYIS RAB TU DBYE BA GZHAN DU RGYAS PAR GNAS PA DANG, LUNG LA SOGS PA DANG 'GAL BAR SNANG BA SPANG BA DANG, DBU MA DANG RNAM PA MED PA SHES PA STOBS CHE CHUNG NI MTHAR THUG PA JI TZAM PA DANG, ZHAR LA BYUNG BA GANG YIN PA, DE THAMS CAD NI GSUNG DE DANG 'CHAD PA NA GSAL BAR 'GYUR RO, ,SKABS SU BAB PA THAMS CAD NI RGYU DANG 'BRAS BU PHUN SUM TSOGS PAS TSAD MA YANG DAG PA NYID KYI BCOM LDAN 'DAS, RAB TU BSGRUB PAR GSAL BA YIN NO, ,'DIS

, ,SPROS PAS 'JIGS PA'I PHYIR NANG DU NA, LE'U GNYIS PA 'JUG PA BRJOD PA NI, DE LTAR SPYI'I MTSAN NYID BRJOD NAS ZHES BYA BA'O, ,LE'U GNYIS KYIS BRJOD PA RGYU'I GNAS SKABS GNYI GA'I BDAG NYID CAN YANG BYANG CHUB SEMS DPA' LA SOGS PA DANG THUN MONG YIN PA'I PHYIR NA SPYI'I MTSAN NYID YIN NO, ,DA NI RANG DANG GZHAN GYI DON PHUN SUM TSOGS PA'I BDAG NYID CAN 'BRAS BU'I GNAS SKABS CAN THOS PA LA SOGS PA DANG THUN MONG MA YIN PA'I PHYIR NA KHYAD PAR GYI MTSAN NYID DU GYUR PA BRJOD PAR BYA'O ZHES BYA BA'I DON TO, ,GANG, TSAD MA SLU BA MED CAN GYI, ,ZHES BYA BA NI SPYI'I MTSAN NYID YIN LA; MNGON SUM RTOGS DANG BRAL BA CAN, ,ZHES BYA BA LA SOGS PA NI KHYAD PAR GYI MTSAN NYID YIN NO ZHES BYA BA DES KYANG BCOM LDAN 'DAS KYIS 'BRAS BU'I GNAS SKABS MTSAN NYID DANG LDAN PA YIN NO ZHES BSTAN PA YIN NO, ,'O NA CHOS BDAG MED PA DE JI LTAR RTOGS PAR BYA STE, GZHAL BYA RTOGS PA NI TSAD MA LA RAG LAS PA YIN NO ZHES GSUNGS PA'I PHYIR RO, ,GZHAL BYA RTOGS PA YANG SGRUB PA DANG DGAG PAS RNAM PA GNYIS YIN YANG RJES SU DPAG PAS DMIGS PAR BYAS PA YIN NO, ,MNGON SUM GYI DMIGS PA YANG MTSAN NYID DANG SPYOD YUL DANG 'BRAS BU DPYAD PAS MNGON SUM GYIS LE'U BSGRUB PAR BYA BA YIN NO,, DE LA GAL TE TSAD MA GZHAN GYI DMIGS PAR 'GYUR NA NYES PA CI 'DRA BA ZHIG YOD SNYAM NA, DANG POR RNAM 'GREL LA 'JUG PA'I DON DU ZHE LA GNAS PA'I SKABS 'BYED PA NI, MNGON SUM DANG NI RJES DPAG DAG ,TSAD MA ZHES BYA BA'O, ,RGYU BA'I PHYIR BCOM LDAN 'DAS MNGON SUM DANG RJES SU DPAG PA'I GNAS SKABS NYID BRJOD DE, GZHAN GYIS KUN DU BRTAGS PA'I TSAD MA'I GNAS SKABS SU NI MA YIN NO ZHE NA, DANG POR RNAM 'GREL LA 'JUG PAR BYA BA'I PHYIR, MNGON SUM DANG NI RJES SU DPAG ,CES GSUNGS SO, ,DAG CES BYA BA NI RNAM GNYIS KHO NA TSAD MA YIN ZHES BSTAN PA'I DON DU'O, ,DE LTA MA YIN PA NI, MNGON SUM DANG NI RJES DPAG DAG ,TSAD MA ZHES MI LDAN PA'I RNAM PAR YANG DOGS PAR 'GYUR RO, ,RNAM PA GNYIS SU NGES PAR GZUNG PA YANG, BRDA SPROD PA BZHIN DU MNGON SUM DANG LUNG GNYIS KHO NAS GRANGS NGES PAR MI 'GYUR BAR BYA BA'I DON DU, MNGON SUM DANG NI RJES SU DPAG GSUNGS

SO; ,GAL TE JI LTAR DE GNYIS KHO NA TSAD MA YIN SNYAM NA, SPYI'I MTSAN NYID DRAN PAR BYED PA NI TSAD MA DE YANG MI SLU BA'I PHYIR RO ZHES BYA BA'O, ,MI SLU BA NI DON LA MI 'KHRUL BA'I PHYIR RO, ,DON LA MI 'KHRUL PA YANG DON LA SKYES PAS SO ZHES BYA BA'I DON TO, ,'DIS NI 'DI GNYIS KHO NA DE LAS SKYES PA'I PHYIR TSAD MA'I THA SNYAD DU BYA BA YIN GYI GZHAN DU MA YIN TE, DE MED PA'I PHYIR RO ZHES BRJOD PA YIN NO, ,'DI LA PHYIR BZLOG PA NI GAL TE ZHES BYA BA'O, ,MNGON SUM DANG ZHES BYA BA NI GRUB PA'I MTHA'O, ,'DI NYID 'GREL PA NI MNGON SUM YIN PA'I PHYIR DANG ZHES BYA BA'O, ,GAL TE MI 'KHRUL PA NYID SPONG BA LA TSAD MA YIN PAR LAN 'DEBS PA JI LTAR YIN SNYAM NA, DON DE KHO NAR NI 'DI GNYIS GCIG YIN PA'I PHYIR NA 'DI NI PHAN TSUN NYE BAR MTSON PA LHUR BYED PA YIN NO, ,DE LTAR NA YANG GTAN TSIGS 'DI DAM BCAS PA'I DON GYI PHYOGS GCIG YIN TE, MNGON SUM DANG NI RJES SU DPAG PA DAG NI TSAD MA YIN TE MNGON SUM DANG RJES SU DPAG PA YIN PA'I PHYIR RO, ,SGRA LAS BYUNG BA DANG NYE BAR 'JAL BA LA SOGS PA NI TSAD MA MA YIN TE, SGRA LAS BYUNG BA LA SOGS PA YIN PA'I PHYIR RO ZHES BYA BAR RO ZHE NA, DE LTA MA YIN TE THA SNYAD SGRUB PAR 'DOD PA'I PHYIR RO, ,'DI LTAR MNGON SUM LA NI DNGOS SU DON GYI RANG BZHIN SNANG BA'I PHYIR DANG, MED NA MI 'BYUNG BA'I RTAGS KYI STOBS KYIS BSKYED PA'I RJES SU DPAG PA LA NI, MI SNANG BAR DON DANG 'BREL BA'I PHYIR MI SLU BA BSGRUB PA YIN GYI, SGRA LAS BYUNG BA LA SOGS PA RNAMS NI DE LTA MA YIN NO ZHES BYA BA YIN NO, ,'DI LA GAL TE ZHES BYA BA LA SOGS PA NI GZHAN GYI; 'DI LTAR ZHES BYA BA LA SOGS PA'I GRUB PA'I MTHA'O, ,GZHAL BYA YOD NA 'KHRUL PA MED PAS BSAM PAR BYA BA YANG YIN TE, RI BONG GI RVA LA NI GZHAL BYA LA MI 'KHRUL PA BSAM PA'I SKABS YOD PA MA YIN NO, ,GANG BSHAD PA YIN NO ZHES BYA BA NI SNGON GYI SLOB DPON GYIS SO, ,'O NA NI GZHAL BYA GNYIS PO GNYIS LA, RES 'GA' NI MNGON SUM MA MA RJES SU DPAG PA'AM, RES 'GA' NI DE SKYE BA'I TSOGS PA DANG BRAL BA NA TSAD MA GZHAN DU 'JUG PAR 'GYUR RO SNYAM NA, RANG GI MTSAN NYID NI ZHES BYA BA LA SOGS PA'O, ,DON 'DI YIN TE, MNGON SUM GYI DON NI RE ZHIG RANG NYID SHES PA

, ,LA GSAL BZHIN BA LA BRJOD DO, ,GANG LA DE LTAR GSAL BA DE NYID NI MNGON SUM YIN NO, ,RANG GI NGO BOS MI GSAL BA NI GAL TE MED NA NI MI 'BYUNG BA'I SGO NAS KYANG MI RTOG NA NI MI RTOG PA KHO NAR 'GYUR RO, ,MED NA MI 'BYUNG BA MA YIN PA LAS KYANG RTOG NA NI HA CANG THAL BAR 'GYUR RO, , DES NA MED NA MI 'BYUNG BA'I DON MTHONG BA LAS MED NA MI 'BYUNG BA NYID RTOGS PAS 'GA' ZHIG TU LKOG TU GYUR PA 'GA' ZHIG RTOGS PA YIN LA, DE NYID NI RJES SU DPAG PA YIN NO, ,DES NA GAL TE MNGON SUM DANG RJES SU DPAG PAR BYA BA LAS DON GZHAN YOD PAR BSNYON PAR BYA BA MA YIN PAR LTA YANG TSAD MA'I YUL MA YIN TE, DES NA DE 'DRA BA NYID NI THE TSOM ZA BA MA YIN NO, ,DES NA GZHAL BYA MED CES BRJOD KYI, DON GZHAN MED DO ZHES NI MI BRJOD DO, ,DE LA YANG JI SRID MA SHES PA DE SRID DU NI THE TSOM KHO NA'O, ,'DI YANG MDUN DU RGYAS PAR 'CHAD PAR 'GYUR RO, ,'DI NYID CES BYA BA NI KHO BO CAG GIS MDOR BSDUS TE BSHAD PA NYID DO, ,RIG PAR BYED PA'I TSAD MA GNYIS TE YUL GZHAL BYA GNYIS PHYIR RO, ,CI LTAR GNYIS YIN ZHE NA, SHES PA'I MTSAN NYID KYI DON BYED PAR DNGOS SU NUS PA STE, GSAL BAR SNANG BA GANG YIN PA DANG, GZHAN BRGYUD PAS NUS PA NYID NI MI NUS PA STE, DPER NA RJES SU DPAG PA LA LTOS NAS YIN PA BZHIN NO, ,'DI NYID NI RANG GI MTSAN NYID DANG SPYI'I MTSAN NYID DO ZHES RIM GYIS 'CHAD PAR 'GYUR RO, ,'DIS NI PHUNG PO GZHAN MED PAR BSTAN TO, ,DES NA TSAD MA GZHAN GYI NI SKABS YOD PA MA YIN NO SNYAM DU DGONGS PA YIN NO, ,GAL TE GSAL BAR SNANG BA RANG GI MTSAN NYID YIN NA, RAB RIB CAN GYIS DMIGS PA'I SKRA SHAD LA SOGS PA YANG RANG GI MTSAN NYID DU THAL BAR 'GYUR RO SNYAM NA BSHAD PA, SKRA SHAD LA SOGS DON MED DO, ,RANG GI MTSAN NYID MA YIN TE, ,THA SNYAD DU NI BYED PA RNAMS DON DU MOS PA MED PA'I PHYIR RO, ,MNGON SUM DANG ZHES BYA BA LA SOGS PA NI RNAM PAR 'GREL PA'O, ,DE LTA MA YIN NA ZHES BYA BA MNGON SUM DANG RJES SU DPAG PA'I KHYAD PAR MED PA NI'O, ,STON PAR 'GYUR RO ZHES BYA BA NI, DE NI RANG GZHAN NGO BO YIS, ,ZHES BYA BA'I NANG DU'O, ,DE LA 'DI SNYAM DU GZHAL BYA GNYIS PHYIR ZHES BYA BA'I GTAN TSIGS NI, GZHI DANG 'BREL PAR MA GRUB

PA YIN TE, BSGRUB PAR BYA BA NI TSAD MA GNYIS SU BSGRUB PAR BYA BA YIN LA, DE LAS GZHAN GZHAL BYA GNYIS NI GTAN TSIGS YIN PA'I PHYIR RO SNYAM NA, BSHAD PA MNGON SUM NYID RJES SU DPAG PAR BYA BA'I RNAM PA LAS GZHAN PA'I RTOG PA YOD PA MA YIN TE, RGYU DE'I PHYIR NA GZHAL BYA GNYIS PO DE LAS GZHAN PA'I TSAD MAR MNGON PAR 'DOD PA MCHOG TU GYUR PA YOD PA MA YIN TE, TSAD MA LA STON PA GZHAN MED DO ZHES BYA BA'I THA TSIG GO, ,DE NYID RNAM PAR 'GREL BA NI MNGON SUM DANG ZHES BYA BA LA SOGS PA'O, ,BSAM PA NI 'DI YIN TE, GZHAL BYA LA GNAS PA'I CHOS NYID BZUNG NAS GTAN TSIGS SU LEN PA MA YIN GYI, 'ON KYANG MNGON SUM GYI RNAM PA'AM, RJES SU DPAG PAR BYA BA'I RNAM PAR RTOG PAR 'JUG PA SHES PA LA GNAS PAR CHOS GANG YIN PA'O, ,DES NI 'DZIN PA KHYAB PA YIN NO, ,DES NA TSAD MA GZHAN DUG LA 'GYUR SNYAM DU DGONGS PA'O, ,GAL TE DE LTA NA YANG 'DI NYAMS SU MYONG BA DANG 'GAL BA MA YIN NAM DON 'GA' ZHIG KYANG MNGON SUM LA 'BA' ZHIG GAM, RJES SU DPAG PAR BYA BA KHO NA YIN PAR NI MTHONG BA MED DO SNYAM NA, YUL GCIG NYID KYANG ZHES GSUNGS SO, ,MNGON SUM LA SOGS PA RANG BZHIN GYI YUL THA DAD PA NI MA YIN GYI 'ON KYANG GCIG NYID RES 'GA' NI DNGOS SU SNANG BA YIN LA, RES 'GA' NI RNAM PA GZHAN DU YIN TE, DES NA NYAMS SU MYONG BAS GRUB BAS RTOG PA'I TSUL THA DAD PAR RNAM PAR GZHAG PA YIN NO ZHES BYA BA'I DON TO, ,'O NA 'DI RTOG PA'I DBYE BA KHO NAR 'GYUR MOD, YUL GYI DBYER BAR RNAM PAR GZHAG PAR GO JI LTAR BYED SNYAM NA, RTOG PA'I DBYE BA YANG ZHES GSUNGS SO, ,GAL TE YUL GYI DBYE BA BRJOD PAR RTZOM PA MA YIN NAM, TSAD MA'I DBYE BA NYE BAR BSTAN PA YANG TSAD MA'I DBYE BAR GRUB PA'I DON DU YIN NA, GAL TE DE NA GRUB PAR YANG TSAD MA'I DBYE BA GRUB NA NI GZHAL BYA'I DBYE BA LA STON PA DON MED PAR 'GYUR LA, PHAN TSUN DON MED NYES PAS 'GYUR RO SNYAM NA, DE NYID NI ZHES GSUNGS SO, ,TSAD MA'I DBYE BA NYID YUL GYI DBYE BA YIN PA'I PHYIR RTZOD PA'I DANG PO MED DO, ,GAL TE ZHES BYA BA NI GZHAN GYI'O, ,DE NI BDEN TE ZHES BYA BA NI GRUB PA'I MTHA'O, ,DON NI 'DI YIN TE, RNAM PA THAMS CAD DU GZHAN THA DAD PA GZHAN GYI'O, ,

, ,GZHAN THA DAD PAS KHYAB PA NI MA YIN TE 'BREL BA MED PA'I PHYIR RO, ,SHES PA DANG SHES BYA DAG NI MA 'BREL PA MA YIN NO, ,GCIG THA DAD PA NA GZHAN THA DAD PAR SGRUB PAR BYED PA'I 'BREL PA DE NYID STON PA NI SHES PA DANG SHES BYA DAG NI ZHES BYA BA'O, ,NGES PA ZHES BYA BA NI DE KHO NA LTAR YIN NO ZHES BYA BAR MOS PA'O, ,'DI GA LAS YIN SNYAM NA SHES PA GZHAN LAS ZHES BYA BA'O, ,GANG LA'ANG NGO BO SNANG GI MED PA'I DON GZHAN NYID DU STE SPYI'I RNAM PA CAN LKOG TU GYUR PA NYID DU SHES PAR BYED DO, ,DES NA SHES PA'I TSUL THA DAD PA LAS YUL THA DAD PA RNAM PAR GZHAG GO ZHES RIGS TE, BEMS PO'I BDAG NYID CAN DON GYI RNAM PAR GZHAG PA NI DE LA RAG LAS PA'I PHYIR RO, ,'DIS NI MNGON SUM TSAD MA GNYIS GRUB PAR BRJOD PA YIN NO, ,'ON KYANG DON RTOGS PA JI SNYED PA DE SNYED NI RNAM PA GNYIS KYIS YIN TE, MNGON SUM SNANG BA DANG SPYI'I RNAM PA'O, ,TSAD MA 'DI JI SNYED PA DANG CI 'DRA BA ZHIG YIN PA MA YIN TE, DES NI 'DI NI GZHAL BYA GNYIS KYIS RNAM PAR GZHAG PA YIN TE, DE GRUB PA NA YANG GANG ZHIG DNGOS SU BYED PAS SHES PA DE NI MNGON SUM NYID LA YIN LA, GZHAN NI RJES SU DPAG PA NYID YIN NO, ,DES NA TSAD MA YANG RNAM PA GNYIS YIN PAR THA SNYAD GRUB PA YIN NO, ,DE NA MTHA' YONGS SU DGAG PA LA LTOS NAS TSAD MA'I DBYE BA YIN NO ZHES BRJOD PA YIN NO, ,PHYIS KYI RTZOM PA LA LTOS TE DE NI SHES PA LA RAG LAS PA YIN TE, DES RTZAD GCOD PA GNYIS PA YANG MED DO, ,PHAN TSUN BSTAN PA YANG MA YIN TE, TSAD MA GNYIS DANG POR GRUB PAR BRJOD PAR MI 'DOD PA'I PHYIR RO, , SHES BYA'I DON RNAMS LA GNYIS ZHES BYA BA TZAM GYIS YUL RNAM PA GNYIS GRUB PA'I PHYIR RO, ,GAL TE DE LTA NA SHES BYA'I DON RNAM PA GNYIS ZHES BYA BA TZAM GYIS TSAD MA GNYIS SU BRJOD PAR BYA'I DE'I SGO NAS YUL RNAM PA GNYIS YIN ZHING DE LAS KYANG TSAD MA RNAM PA GNYIS YIN NO ZHES BYA BA'I BRGYUD PA LA DON CI YOD SNYAM NA, BDEN TE YUL GYI DBYE BA MA BSTAN NA NI DE NYID RNAM PA GNYIS KYIS RIG PAR BYA BA YIN PA'I PHYIR TSAD MA GCIG NYID DU 'DZIN PAR 'GYUR RO, ,MIG GNYIS KYIS 'DZIN PA BZHIN NO, ,'ON TE MIG GNYIS KYIS BZUNG BA DANG CHOS MI MTHUN PAR GCIG NYID RNAM PA GZHAN DU SNANG BA'I PHYIR

NA TSAD MA THA DAD PA YIN NO SNYAM NA, DE LTA NA NI 'O NA SNANG BZHIN PA YUL GYI RNAM PA THA DAD PA'I PHYIR TSAD MA THA DAD PA YIN PA'I PHYIR NA, TSAD MA'I DBYE BA NI YUL GYI DBYE BA NYID KYIS BYA BAR 'GYUR BA YIN NO SNYAM DU DGONGS PA'O, ,DON BYED NUS DANG MI NUS PHYIR, ,ZHES BYA BA BSHAD PA'I PHYIR GANG GI TSE ZHES PA BSKYED PA LA ZHES GSUNGS SO, ,GANG GIS DON BYED PA LA ZHES SPYIR BSTAN PA KHYAD PAR 'DI YANG GA LAS YIN TE, 'DI SKAD DU 'GREL PA BYED PAS RNAM PA GANG ZHIG GIS DON BYA BAS 'GA' ZHIG LA NUS PA DE NI RANG GI MTSAN NYID LA, NUS PA THAMS CAD DANG BRAL BA NI SPYI'I MTSAN NYID YIN NO ZHES BSHAD PA YIN NO, ,DE NYID NI RIGS PAR YANG MTHONG NGO SNYAM NA, 'DI BZLOG PA'I PHYIR NA MA YIN PAR 'JUG PAS ZHES GSUNGS SO, ,'DI LA BSAM PA NI GANG GI PHYIR TSAD MA'I YUL DPYAD PA'I SKABS YIN LA, TSAD MA YANG DON BYA BA'I YUL CAN NYID DPYAD PAR BYA BA YIN TE, DON BYED NUS PA MA YIN LA; ,DE 'DOD BRTAGS PAS CI ZHIG BYA, ,MA NING GZUGS BZANG MI BZANG ZHES, ,'DOD LDAN MAS NI BRTAGS CI PHAN, ,ZHES GSUNGS PA'I PHYIR RO, ,MI DMIGS PA YANG RANG BZHIN GYI GTAN TSIGS KYI RNAM PA NYID YIN PAS DNGOS PO'I YUL CAN LAS 'DAS PA MA YIN NO, ,DE LA RANG GI MTSAN NYID KYI YUL MNGON SUM SPYI'I MTSAN NYID KYI YUL CAN NI RJES SU DPAG PA YIN NO ZHES DGONGS NA SA YUL GNYIS RNAM PAR GZHAG PA YIN NO, ,GAL TE SPYI'I MTSAN NYID DON BYED NUS PA MA YIN NA, DE'I TSE RJES SU DPAG PA TSAD MA LAS NYAMS PA NYID DU 'GYUR RO, ,LHAG PAR ZHEN PA'I YUL LA LTOS NAS TSAD MA YIN GYI, GZUNG BA'I YUL LA LTOS NAS NI MA YIN NO, ,'ON TE DE'I YUL CAN TSAD MA 'GAG PA YOD PA MA YIN MOD, DE LTA NA YANG SPYI'I MTSAN NYID BRJOD PA YIN NA, DE LTA NA YANG SKABS MA YIN PA BRJOD PA NYID NYES PA YIN NO, ,GZHAN YANG GAL TE DON BYA BA MI NUS PA NYID SPYI'I MTSAN NYID YIN PAR BRJOD NA, DE'I TSE SGRA LA SOGS PA YANG SPYI'I 'GYUR RO, ,GSAL BAR SNANG BA DANG 'GAR YANG RJES SU 'GRO BA MED PA'I PHYIR NA SPYI'I NANG DU 'DU BA MA YIN NO SNYAM NA, DE LTA NA YANG KHYAD PAR GZHAN LA LTOS NAS MTSAN NYID YIN PAR NYE BA CHEN PO YIN NO, ,DES NA YUL GSUM

, ,PAR DOGS PA NA, SKRA SHAD LA SOGS PA DON MIN TE ZHES BYA BAS 'JUG PAR BYED PA YANG MI 'THAD DE, SPYI NYID KYI NANG DU 'DU BA'I PHYIR RO, ,DE BAS NA SHES PA'I SNANG BA'I DBYE BAS YUL RNAM PA GNYIS SU BRJOD PA'I SKABS YIN TE, NGES NA SKABS LAS SAM NYE BA LAS BRGYUD NAS SHES PA SKYED PAR NUS PA NYID DON BYED MI NUS PAR BRJOD PA YIN NO, ,GZHUNG NI RTOGS PAR SLA BA NYID DO, ,GAL TE GSAL BAR SNANG BA DAG GIS DNGOS SAM BRGYUD LAS NUS PA NYID DU RNAM PAR GZHAG NA SGRA LA SOGS PAR SNANG BA DANG, SGRA LAS BYUNG BA YANG SOGS PA'I SNANG BA YANG DE LTAR THAL BAR 'GYUR TE, GO RIMS BZHIN DU GSAL BA DANG MI GSAL BA DAG YOD PA'I PHYIR RO, ,DES NA DE'I YUL CAN GYI SHES PA TSAD MAR THAL BAR 'GYUR RO SNYAM DU DOGS PA BSU NAS RAB RIB CAN GYIS ZHES GSUNGS SO, ,DON 'DI YIN PA YANG STE GANG DANG GANG DU GSAL BA DANG MI GSAL BAR SNANG BA YOD PA DE DANG DER DE LHAG PAR ZHES BYAS PA DNGOS SAM BRGYUD PAS NUS PA NI MA YIN GYI, 'ON KYANG GANG LA DON BYA BAR NUS PA YOD PA DER, DNGOS SAM BRGYUD PAS YIN TE, RNAM PA GZHAN MI SRID PA'I PHYIR RO, ,GANG DU DNGOS SU NUS PA DER NI GSAL BAR SNANG BA YIN LA, GANG DU BRGYUD NAS NUS PA YOD PA DER NI GSAL BAR SNANG BA YIN NO, ,DES NA GANG GIS DE'I YUL CAN TSAD MAR 'GYUR BA, SKRA LA SOGS PA NUS PAR JI LTAR THAL, RAB RIB CAN GYIS DMIGS PA ZHES BYA BA NI DMIGS PA NYID DU LHAG PAR ZHEN PA'O, ,DE BZHIN DU SKRA LAS BYUNG BA LA SOGS PAS DMIGS PA LA YANG DON NYID YOD PA MA YIN TE, GNYI GA LTAR YANG NUS PA MA GTOGS PA'I PHYIR RO; ,CI'I PHYIR ZHE NA DON DU MOS PA'I PHYIR RO, ,JI LTAR BDEN PA'I SKRA LA SOGS PA'I SNANG BA'I SHES PA'AM, ME LA SOGS PA'I RJES SU DPAG PA LA SNANG BA LAS BLA LHAG TU GYUR PA, 'CHING BA DANG BUD SHING BSREGS PA LA SOGS DON BYA BA BYED PA'I STOBS KYIS LOGS SHIG TU DON DU MOS PAS DES NA SNANG BA 'DI NI DES BYAS PA YIN NO ZHES RNAM PAR 'JOG PA DE BZHIN DU 'DIR NI RNAM PAR GZHAG PAR MI NUS TE, BYED PA THA DAD PA MED PA'I PHYIR DANG, SGRA LAS BYUNG BA LA SOGS PAR NI NGES PA MED PA'I PHYIR RO, ,MOS PA'I SGRAS NI 'DI SKAD DU BRJOD PA YIN TE, YOD PAR MNGON PAR 'DOD KYANG DE NI MOS PA TZAM

DU ZAD PA YIN LA, SKRA LA SOGS PA LA NI DE YANG YOD PA MA YIN NO ZHES BYA BA YIN NO, ,'DI LA YANG GTAN TSIGS BSHAD PA NI MOS PA MED PA YANG ZHES BYA BA'O, ,'DI YANG LHAG PAR ZHEN PAR BYA BA'I YUL LA LTOS PA KHO NAS SBYAR BA YIN NO, ,YANG GANG GI TSE 'BREL PA BYED PA'I DBANG GIS, SNANG BZHIN PA NYID LA DPYAD PA 'DI YIN PA DE'I SKRA LA SOGS PA DANG SKRA LAS BYUNG BA LA SOGS PA'I SNANG BA DON MIN TE, DNGOS PO MA YIN TE, DER SNANG BA'I SHES PA LA RNAM PA GNYIS KA LTAR YANG NUS PA RTOGS PA MED PA'I PHYIR TE, THA MI DAD PA NYID KYI PHYIR TE, RANG GI BDAG NYID LA NUS PA YOD PA NI 'GA' LA'ANG MI SRID DO, ,DE LTA NA YANG CI'I PHYIR DNGOS PO MA YIN TE, NUS PA THAMS CAD KYIS STONG PA'I PHYIR RO ZHE NA, DE NI MA GRUB BO, ,BDAG GIS SGRA LA SOGS PA DMIGS SO SNYAM DU LHAG PAR ZHEN PA DANG, DES BYAS PA 'JUG PA NGES PA LA SOGS PA LA GO RIMS BZHIN DU DNGOS DANG BRGYUD PAS NUS PA GRUB PA'I PHYIR RO, ,DE LA NI LHAG PAR ZHEN PAR BYAS PA'I 'CHING BA'I NUS PA NYID MED PA YIN GYI, RNAM PA THAMS CAD DU DE'I 'BRAS BU LA DE'I NUS PA MED PA NI MA YIN NO, ,DES JI LTAR DNGOS PO MA YIN SNYAM DU DOGS NA, DON DU MOS PA MED PA'I PHYIR TE ZHES GSUNGS SO, ,'DI SKAD BRJOD PA YIN TE, DE KHO NAR NI DON MED PA MA YIN MOD KYI THA DAD PA RNAMS LHAG PAR MOS PA MED PAS NI DON MA YIN PAR BRJOD PA YIN NO, ,DE'I DON BYA BA DON DU GNYER BA DE DAG NI DE LA 'JUG PAR BYA BA'I DON DU, DER LHAG PAR ZHEN PA LA YANG LTOS PA YIN NO, ,MNGON PAR 'DOD PA'I DON BYA BA MED NA NI LHAG PAR ZHEN PAS KYANG DOGS PA CUNG ZAD MED DO, ,DES NA DON MED PA NYID DU LHAG PAR MOS PA YIN NO, ,'DIS NI GANG 'GA' ZHIG TU DON MED PA SNANG BAR BRJOD PA DER NI 'JIG RTEN GYI NGOR YIN GYI, DE KHO NAS NI MA YIN NO ZHES BYA BA'O, ,'O NA THA SNYAD BYED PA PO RNAMS KYANG DON MED PAR MOS PAR JI LTAR 'GYUR TE, MTHONG BA DANG LHAG PAR ZHEN PA DANG 'JUG PA RNAMS NI DE LA YANG YOD PA'I PHYIR RO SNYAM NA, MOS PA MED PA YANG ZHES GSUNGS SO, ,YANG NA SNANG BA'I RNAM PA LA YANG DE KHO NAR DON MED PA YANG MA YIN PA CI STE MED SNYAM NA, MOS PA MED PA YANG ZHES GSUNGS SO, ,SNANG BA LA NI GNOD PAR BYED PA YOD PA MA YIN NO SNYAM DU DOGS PA'O, ,GNOD

, ,BYED NI RJES SU DPAG PA LAS GZHAN MED PA LA, SNANG BA'I RANG BZHIN NI RANG RIG PA'I MNGON SUM DU 'DUS PA'I PHYIR GNOD PA 'GA' YANG MED DO, ,GANG GI TSE DON GYI SGRA YUL GYI DON LA 'JUG PA DE'I TSE, THA SNYAD 'DOGS PA PO RNAMS YUL NYID DU LHAG PAR MOS PA MED DO ZHES BYA BA'I DON TO; ,DE LA GAL TE YUL TZAM ZHIG BRJOD PAR 'DOD NA DE'I TSE NI DE MOS PA GRUB PA KHO NA STE, BDAG LA SKRA LA SOGS PA SNANG NGO ZHES MOS PA YOD PA'I PHYIR RO, ,BRDZUN PA'I KHYAD PAR CAN DU NGES KYANG DE'I YUL TZAM ZHIG SNYAM DU MED PA'I PHYIR RO, ,DE'I PHYIR KHYAD PAR CAN GYI YUL NYID NI BDEN PA'I KHYAD PAR CAN DU BRJOD PAR BYA BA YIN PA'I PHYIR, BDEN PA NYID LA RGAL BA DANG, LAN GDAB PAR RIGS PA YIN NO, ,DES DE LTAR DNGOS SAM BRGYUD PAS NUS PA THA DAD PA NA YUL RNAM PA GNYIS SU RNAM PAR GZHAG NAS, GZHAN RNAM PA GSUM GYI SGO NAS BSTAN PA'I PHYIR BRJOD PA NI, 'DI LAS KYANG ZHES BYA BA'O, ,GANG ZHIG DPE DANG 'DRA BA'I NGO BO NYID DU RTOGS PA DE LA NI SPYI'I MTSAN NYID YIN LA, GANG ZHIG THAMS CAD LAS LDOG PA NYID DU RTOGS PA DE NI RANG GI MTSAN NYID YIN NO, ,DE BZHIN DU GANG ZHIG SGRA'I YUL NYID DU RTOGS PA DA NI SPYI YIN LA, GZHAN NI RANG GI MTSAN NYID YIN NO, ,DE BZHIN GANG LA YUL LAS GZHAN PA'I RGYU MTSAN RNAMS YOD PA PO YOD PA DE NI SPYI YIN LA GANG LA MED PA DE NI RANG GI MTSAN NYID DO ZHES BYA BA NI RNAM 'GREL GYI SDE BA SBYOR TZAM YIN NO, ,RNAM PA DANG PO LA HA CANG KHYAD PAR DOGS PA BSU BA NI, GAL TE ZHES BYA'O, ,DE LAS KYANG CIR 'GYUR ZHE NA, BRJOD PA LA GAL TE KHRA BO LA SOGS PA DANG 'DRA BA LA SER SKYA LA SOGS PAR RTOGS PA SPYI YIN NA, DE'I TSE RANG GI MTSAN NYID KYANG SPYIR 'GYUR LA, SPYI YANG RANG GI MTSAN NYID DU 'GYUR RO, ,DES NA TSAD MA GNYIS YUL GCIG LA MI 'JUG PAR MA NGES PAR 'GYUR LA DE LTA YIN YANG JI LTAR YUL GCIG LA GNYIS 'JUG PA DE BZHIN DU GSUM PA 'JUG PAR 'GYUR RO, ,YUL GYI RANG BZHIN MA 'CHOL BA LA NI NYES PA 'DIR MI 'GYUR TE, YUL GNYIS LA TSAD MA GNYIS KYIS 'JUG PA NGES PA'I PHYIR RO, ,DE YANG 'THAD PA MA YIN NO ZHES BRJOD PA YIN NO, ,DE'I YUL CAN 'DRA BAR RTOGS PA YANG TSAD MA GZHAN DU THAL BAR 'GYUR TE, RTAGS LAS MA

SKYES PA'I PHYIR RO, ,DE BZHIN DU ZHES BYA BA NI MTSUNGS PAR BRJOD PA DANG, 'BREL BA'I RTOGS PA NI NYE BAR 'JAL BA YIN NO ZHES BYA BA RIG PA CAN GYI NYE BAR 'JAL BA STON PA'O, ,'DI LTAR BA MEN NI BA LANG DANG 'DRA BA YIN NO ZHES BYA BA NYE BAR STON PA'I NGAG GIS 'DU BYED BSKYED PA CAN NI BA MEN MTHONG BA LAS DE BSAD PA NA BA MEN GYI SGRA BRJOD PAR BYA BA DE NI 'DI YIN NO SNYAM DU RTOGS PA NI NYE BAR 'JAL BA YIN NO, ,DE'I YUL YANG SPYI'I MTSAN NYID YIN NA NI, NYE BAR 'JAL BA YANG RJES SU DPAG PA'I YUL NYID DE, SKYE BA'I TSOGS PA DANG BRAL BA LA TSAD MA GZHAN YIN PAR THAL BAR 'GYUR RO ZHES BYA BA NI RTZOD PA'I DON LA YANG GANG ZHIG 'DRA BA'I RANG BZHIN DU RTOGS PA DE NI SPYI'I MTSAN NYID DO ZHES NI NGES PAR MI 'DZIN NO ZHES BRJOD PA NI, 'DRA BA'I NGO BO NYID DU NI ZHES BYA BA'O, ,'DRA BA'I NGO BO NYID DU ZHES BYA BA NI KHYAD PAR GYI NGO BO NI MA YIN PA'O, ,'DIR NI NGO BO ZHES BYA BA NI KHYAD PAR YANG RIG PA YOD PA YIN TE, DES NA SPYI'I MTSAN NYID DU 'GYUR BA'I GO SKABS MED DO, ,'O NA RANG BZHIN GNYIS KA YUL DU 'GYUR RO ZHES BYA BA'I RTZOD PA'ANG GZHAL BYA DES NA KHA DOG GI RTAGS NI RTOGS MI 'GYUR ZHES BYA BA DE'I SKABS SU SPANGS BAR BYA BA'O, ,'O NA 'GREL PAR YANG GI SGRA CI STE MI STON SNYAM NA, DE KHO NA NI 'DRA BAR RTOGS PA MED PA NYID DE, 'ON KYANG DE'I 'DOD PA'I RJES SU 'BRANG NAS GNYI GA'I RANG BZHIN YOD KYANG CI'I MTSAN NYID DU 'GYUR BA'I GO SKABS MED DO ZHES BRJOD PA YIN NO, ,'DI GZHAN GYIS GAL TE 'DRA BA'I ZHES SMRA BA'O, ,MA YIN TE ZHES BYA BA NI 'DRA BA'I NGO BO NYID DU RTOGS PA 'GOG PA'O, ,MDUN NA GNAS PA'I RANG BZHIN LAS THA DAD PAR 'DRA BAR DE'I NGO BO RTOGS PA MED PA'I PHYIR RO ZHES BYA BA NI GTAN TSIGS SO, ,'O NA JI LTAR ZHES BYA BA'I RTZOD PA LA BSAM PA NI 'DI YIN TE, 'DRA BA ZHES BYA BA SPYI LAS DON GZHAN DU 'GYUR BA NI MA YIN GYI 'ON KYANG CHA SHAS MANG PO RNAMS KYANG SPYI NYID LA 'DRA BA ZHES THA SNYAD BYED PA YIN NO, ,SPYI MED PAR NI SPYI'I BLO DANG SGRA 'BYUNG BA MA YIN NO, ,DE BAS NA 'DI 'DRA BA'O SNYAM PA'I RTOGS PAS NI, RANG GI RGYU MTSAN 'DRA BA NYID NYE BAR 'JOG PA YIN NO, ,YANG NA 'DI 'DRA'O SNYAM PA'I ZHEN PAS NI GONG DU LAS THA DAD PA'I 'DRA BAR RIGS PAR NYAMS SU MYONG BA YIN PA'I PHYIR JI LTAR, 'DRA BA MA RTOGS YIN ZHE NA, ,LHAG PAR ZHEN KYANG ZHES BYA BA

, ,LA SOGS PA GRUB PA'I MTHA'I DGONGS PA NI 'DI YIN TE, GAL TE LHAG PAR ZHEN PA YOD DU CHUG MOD DE LTA NA YANG 'DRA BA ZHES BYA BA'I DNGOS PO DE'I CHOS NYID 'DOD PA, KHA DOG DANG RNAM PA DANG YI GES STONG PA NI THA DAD PA DBANG PO'I BLO LA SNANG BA MED DO, ,THA DAD PAR MTHONG BA MED NA YANG DE KHAS BLANGS PA'I SKABS YOD PA MA YIN NO, ,RANG GI MTSAN NYID KYI DNGOS PO DE NYID GNYIS MED SHES PA YIN TE, SPYI DANG KHYAD PAR GYI RNAM PA MED PA'I KHYAD PAR GYI SHES PA 'DI LA YOD PA STE, DES NA SPYI ZHES BYA BA GZHAN NI YOD PA MA YIN NO, ,DBANG PO'I SHES PAS 'DZIN PA LTA ZHOG STE, 'DRA BAR LHAG PAR ZHEN PA DANG LHAN CIG PAS KYANG 'DRA BA THA DAD PAR RTOGS PA MED DO ZHES BYA BA'I DON TO, ,'DI NYID KYI RNAM PAR 'GREL PA NI 'DI 'DRA BA'O ZHES BYA BA LA SOGS PA'O, ,GAL TE LHAG PAR ZHEN PA NYID 'DRA BA 'DZIN PAR BYED PA YIN NO ZHES BRJOD ZIN MA YIN NAM ZHE NA, DE LA YANG BZHI POR LHAG PAR ZHEN PA LA YANG DNGOS PO'I RANG BZHIN LAS LOGS SHIG TU NI 'DRA BA 'DZIN PA YOD PA MA YIN TE, LHAG PAR ZHEN PAS KYANG 'DRA BA 'DZIN PA MA YIN NO ZHES BYA BA'I DON TO, ,DES NA SO SOR RTOGS PA YOD MIN PA, DE NYID RANG GI MTSAN NYID 'BA' ZHIG YIN NO, ,'GREL PAR NI RTOGS PAS NI ZHES BYA BA BYED PA PO'I GSUM PAR BYAS SO, ,'DRA BA ZHES BYA BA NI KHA DOG DANG RNAM PA DANG YI GES STONG PA'O, ,'DRA BA NI DNGOS PO'I CHOS SU 'DOD PA YIN LA DBANG PO'I RNAM PAR SHES PA DE 'DZIN PAR BYED PA LA NI SNANG BA YANG MA YIN TE, DES NA BAG CHAGS TZAM LAS 'BYUNG BA'I RNAM PAR RTOG PA LA SNANG BA YIN YANG, YOD PA NYAMS SU MYONG BAR JI LTAR 'GYUR TE, ,NYA PHYIS LA DNGUL BZHIN NO, ,GANG GI PHYIR DBANG PO'I BYED PA'I RJES SU BYED PA NYID DAM, DBANG PO'I RNAM PAR SHES PA SKYED PAR BYED PA NYID DU MTSUNGS PA KHO NA'O, ,GNOD PAR BYED PA LAS KHYAD PAR YOD PA MA YIN NO SNYAM NA, GAL TE 'JUG PA TSAD MA GZHAN GYIS BSAL BA'I PHYIR GNOD PA YIN NA, DE'I TSE NYID KHYAD PAR DANG BRAL BA'I DON RTOGS PAR BYED PA'I DBANG PO'I RNAM PAR SHES PAR BYED PA NYID GNOD PAR BYED PA CI STE MA YIN, DNGUL BZHIN DU SLU BA DANG LDAN PA'I LHAG PAR ZHEN PA MED PA'I PHYIR RO ZHE NA, 'O NA JI LTAR SKYE BO NYA PHYIS DNGOS PO GZHAN DU RTOG PAR

RLOM PA DE BZHIN DU 'DI 'DRA BA'O SNYAM PAR RTOGS LA, YANG DNGOS PO GZHAN 'DZIN PAR RLOM PA NI MED DO, ,'ON KYANG GSAL BAS 'DZIN PA KHO NA RLOM PA YIN TE, DE NA MI SLU BA DANG LDAN PAR RTOGS PAR GA LA THAL, DE KHO NA SEMS PAR BYED PA NI RNAM PAR RTOG PA LA DNGOS PO SNANG BAR MA MTHONG BA DANG, DNGOS PO SNANG BA LA YANG BRTAG PA'I RNAM PAR SGRO MI 'DOGS PA NA, 'DI NI SHES PA'I RNAM PA TZAM MAM BRDZUN PA SNANG BA YIN NO ZHES BYA BA'I BLOR 'GYUR BA KHO NA'O, ,DBANG PO'I RNAM PAR SHES PA'I BYED PA DE NYID STON PA NI, MDUN DU GNAS PA'I ZHES BYA BA LA SOGS PA'O, ,GAL TE YANG LHAG PAR ZHEN PA'I DBANG GIS SPYI NGES PA YIN NO ZHES BRJOD PA DE LA YANG LHAG PAR ZHEN KYANG STE, LHAG PAR ZHEN PA SGRUB PAR BYED PA YIN YANG LOGS SHIG TU 'DRA BA STE, SPYI RTOGS PA NGES PA YOD PA MA YIN TE, RJES SU 'GRO BA DANG LDOG PA NI 'DRA BA'I RDZAS GCIG PU'I YUL CAN YIN PA'I PHYIR RO, ,DE LTAR MA YIN NA DU BA YANG ME'I RGYU CAN DU MI 'GYUR RO, ,DES NA, SO SOR RTOG PA YOD MIN PA, ZHES BYED PA LA SOGS PA SMOS TE, SNGA MA BZHIN DU RIG PAR BYA'O, ,GAL TE SPYI MED PAR MTSUNGS PA'I BLO 'GYUR NA RTA LA YANG BA LANG GI BLOR CI STE MI 'GYUR SNYAM NA 'O NA NI CHU LA YANG DU BA CI STE MED CES MTSUNGS SO, ,'O NA DE LA YANG ME NYID KYI RJES SU 'GRO BA DANG LDOG PA'I RJES SU BYED PA YIN NO SNYAM NA DE LTA NA NI 'O NA MTHONG BA'I ME NI BSNYON LA MA MTHONG BA'I ME NYID KYI SGRO 'DOGS PA'I PHYIR RTOG PA DANG LDAN PA CHEN PO YIN NO, ,ME YANG RGYUR 'GYUR LA RAG GO ZHE NA, DE NYID KYIS 'GRUB PA'I PHYIR GZHAN GYIS CI BYA, ME NYID MED NA MER JI LTAR 'GYUR TE DE LTA MA YIN NA CHU YANG ME CI'I PHYIR MA YIN SNYAM NA ME NYID KYANG ME NYID MED PAR JI LTAR 'GYUR TE, DE LTA MA YIN NA CHU YANG ME NYID DU THAL BA'I PHYIR RO ZHES MTSUNGS PA'O, ,DE'I PHYIR RANG GI RGYU BRGYUD PAS BYAS PA'I NUS PA CAN GYI DNGOS PO NI 'GA' ZHIG NYID RNAM PA DE LTA BU'I DON BYED PA YIN PA'I PHYIR 'DRA BA'I BLO YANG 'DRA BA'I RGYUS BSKYED PA'I DNGOS PO'I KHYAD NYAMS SU MYONG BA LAS BYUNG BA YIN MOD KYI, DE NAS SHUGS KYIS 'DRA BA MI 'GRUB PA'O, ,DA'I PHYIR ZHES BYA BA NI MJUG SDUD PA'O, ,DON GZHAN RTOGS PA MED PA'I PHYIR RO ZHES BYA BA NI 'DRA BA'I RTOGS PA MED PA'I PHYIR RO, ,RIGS PA CAN GYI 'DRA BA

, ,LAS RTOGS PA GANG YIN PA'I NYE BAR 'JAL BA DE NI DMIGS PA MED PA YIN TE, ,TSAD MA MA YIN NO ZHES BYA BA'I DON TO, ,GAL TE 'DRA BA MED DU CHUG MOD, ,DER ZHEN PA NI RE ZHIG YOD PA NYID YIN TE, DES BYAS PA MING DANG 'BREL PA'I RTOGS PA GO CI STE TSAD MA MA YIN, 'ON TE TSAD MA YIN PA'I ZHES PAS BYAS PA TSAD MAR JI LTAR 'GYUR ZHES BRJOD NA, JI LTAR TSAD MA YIN PAS SKYED PA RTOG PA MED PA'I MNGON SUM TSAD MA YIN, DES NA RGYU TSAD MA YIN PAS NI CI YANG BYAR MED DO ZHE NA, GAL TE 'DRA BAR BRTAGS NA MING DANG MING CAN GYI 'BREL BA ZHES BYA BA NI BRDA TZAM LA RAG LAS PA NYID KYI DNGOS PO PA MA YIN PA KHO NA'O, ,DE BAS NA DE'I RGYU TSUL CAN GYI RTOG PA YANG DMIGS PA MED PA NYID DO PHYOGS 'DI LA NI 'DRA BA'I SHES PA ZHES BYA BA NI LNGA PA'I BSDU BAR 'GYUR TE, 'DRA BA LAS RTOGS PA ZHES BYA BA'I DON TO, ,SPYI'I SHES PA ZHES DRUG PA'I BSDU BA NI, BRAM ZE'I NYE BAR 'JAL BA YANG BZUNG NGO, ,JI SKAD DU; GANG ZHIG DE LAS 'DRA BA YIS, ,KHYAD PAR CAN NAM DER BRTEN PA'I, ,'DRA BA NYID DU DRAN 'GYUR TE, ,NYE BAR 'JAL BA'I GZHAL BYA YIN, ,ZHES BRJOD PA YIN NO, ,'DIS NI BA LANG MTHONG NAS BA MIN MTHONG BA NA, 'DI DANG 'DRA BA DE NI BA LANG GI SGRAS BRJOD PAR BYA BA YIN NO ZHE'AM DE'I 'DI DANG 'DRA BA NYID NI BA LANG GI SGRAS BRJOD PAR BYA BA YIN NO ZHES BYA BAR CHOS CAN DANG CHOS KYI RTOGS PA'I YUL NYID KYIS RTOGS PA'I RNAM PA GNYIS NYE BAR 'JAL PA YIN YANG BRJOD PA YIN NO, ,DE LA 'DRA BAR RTOGS PA'I RANG BZHIN YUL MED PAR BSTAN PAS DE'I KHYAD PAR CAN 'DRA BA CAN DU RTOGS PA'I RANG BZHIN YANG SUN PHYUNG BAR BSAM PAR BYA'O, ,GANG YANG BA LANG DANG 'DRA BA BA MIN YIN NO ZHES BRJOD PA LAS BA MIN GYI BA LANG DANG 'DRA BA NYID RTOGS PA YIN NO ZHES GNA' RABS DAG ZER BA DE YANG 'DI NYID KYIS BSAL BA YIN NO, ,GAL TE 'DRA BA NYID MED PA'I PHYIR 'DRA BAR RTOGS PA DMIGS PA MED PA NYID YIN NA, JI LTAR RJES SU DPAG PA'I TSAD MA 'DRA BA'I YUL CAN DU 'DOD SNYAM NA, RJES SU DPAG PA'I RTOG PA LA NI ZHES GSUNGS SO, ,DBANG PO RNAM PAR SHES PAS MA MTHONG BA'I 'DRA BA NYID DAM DE'I KHYAD PAR CAN GYI 'DRA BA NGES PAR BYED PA NI RJES SU DPAG PA TSAD MA MA YIN GYI 'ON KYANG DPE LA MTHONG BA'I RANG BZHIN NYID LHAG PAR SGRO

BTAGS TE 'DRA BAR SHES PA'O ZHES BRJOD PA YIN NO, ,'DI LTAR RI ZHOL NA GNAS PA'I ME NI RANG GI MTSAN NYID KYI RNAM PAR RTOG PA MA YIN LA DE NYID NI RTOGS PA YANG MIN NO, ,DE YANG DPE LA MTHONG BA MED PA NI MA YIN TE, DES NA DE DANG 'DRA BAR BRJOD PA YIN NO, ,'DRA BA GZHAN MED KYANG DE YIN PA LAS BZLOG PAS 'DI NI 'DRA BA'I THA SNYAD TZAM YIN NO, ,RJES SU DPAG PA'I TSAD MA NI DNGOS YUL CAN YIN TE, MNGON PAR BSAM PA LAS MI SLU BA'I PHYIR RO, ,GZHAN GYI NYE BAR 'JAL BA NI DNGOS POR GYUR PA'I 'DRA BA'I YUL CAN DANG, DE RTOGS PAR BYAS PA MING DANG MING CAN GYI 'BREL PA'I YUL CAN YIN PA'I PHYIR NYES PAR 'GYUR BA NYID DO, ,GAL TE DE LTA NA ZHES BYA BA NI GZHAN GYI'O, ,BRDA'I DUS SU MTHONG BA NYID DUS GZHAN SGRA LAS DRAN PA YIN NO, ,SOGS PA'I SGRAS NI GZHAN DU MTHONG BA'I MTSAN MO ZA BA 'GA' ZHIG TU DON GYIS GO BAS DRAN PA'O, ,'DI LA ZHES PA NI LAN NO, ,SKRA SHAD LA SOGS DON MIN TE, ,ZHES BYA BA 'DIS 'DI LTA BU THAMS CAD BSHAD PA YIN NO ZHES BYA BA'I DON TO, ,DE BZHIN DU GZHAN DU YANG ZHES BYA BA NI, GANG DANG GANG DU SLU BAR MOS PA'AM, BSGRUB PAR BYA BA DE BZHIN DU 'BYUNG BAR NGES MI NUS PAR TE, DPER NA GZUGS BRNYAN DANG GTAN TSIGS LTAR SNANG BAS BSKYED PA'I SHES PA LA SOGS PA RNAMS LA'O; ,SGRA YI YUL DANG YUL MIN PHYIR, ,ZHES BYA BA 'CHAD PA NI ZHES BYA BA LA SOGS PA'O, ,GAL TE ZHES BYA BA LA SOGS PA'I DON NI 'DI YIN TE, 'DIR NI TSAD MA'I YUL NYID GYUR PA'I SPYI DPYAD PAR BYA BA YIN TE, DES NA DE'I YUL CAN GYI SHES PA'I RGYU YIN PA'I PHYIR YANG TSAD MAR 'GYUR RO ZHES BYA BA YIN NO; ,'ON TE SHES PA NYID TSAD MAR 'DOD DE ZHES BRJOD NA, 'DI LA ZHEN PA MED DO, ,SGRA LAS BYUNG BA'I SHES PA NYID TSANG MAR 'GYUR RO, ,DES NA MI 'DOD PA MI LDOG GO ZHE NA, LAN SMRAS PA'I BSAM PA NI GAL TE SGRA TZAM GYI DBANG DU BYAS NAS DE SKAD BRJOD PA NI DE'I TSE DE LA SPYI'I YUL CAN NYID YOD PA MA YIN TE; SPYI'I MTSAN NYID NI RANG GI MTSAN NYID KHO NA YIN NO ZHES BRJOD PA YIN NO, ,SGRA TZAM GYI BRJOD PAR BYA BA NI YOD PAR MA NGES PAS NA DE RANG GI MTSAN NYID GA LA YIN ZHES BYA BA'O, ,GAL TE SGRA RNAMS SPYI'I YUL CAN DU 'DOD PA NYID MA YIN NAM SNYAM NA, MA YIN TE SEL BA YUL CAN DU 'DOD PA'I PHYIR RO,,

, ,RJES SU 'GRO BAR SNANG BA'I DBANG GIS DE NYID LA SPYI'I THA SNYAD TZAM DU BYAS PAR ZAD DO, ,'DIS NI GAL TE SEL BA THAMS CAD LA SPYI'I THA SNYAD YIN PA DE LTA NA YANG GANG LA LHAG PAR ZHEN PAR BYAS PA'O, ,DNGOS PO YOD PAR ZHEN PA DER DE KHO NAR SPYI NYID DU RNAM PAR GZHAG GO, ,GZHAN DU NI THA SNYAD TZAM MO ZHES RTOGS PAR BYA'O, ,DES NA GZHAN GYI DON GYI RJES SU DPAG PA'I BDAG NYID KYI SGRA NYID SPYI'I YUL CAN YIN PA'I PHYIR NA TSAD MAR RIGS SO, ,GAL TE SGRA NI NYE BAR BTAGS PA'I TSAD MA MA YIN, SPYI'I YUL CAN NYID YIN NA NI, DNGOS KYI TSAD MA NYID DU 'GYUR RO SNYAM, DE LTA MA YIN TE GZHAN GYI DON GYI RJES SU DPAG PA LA SPYI'I YUL CAN NYID DU NYE BAR BTAGS PA YIN PA'I PHYIR RO, ,SPYI'I YUL CAN NI SGRA BRTAN PA TSUL GSUM PA'I RTAGS KYIS BSKYED PA'I RJES SU DPAG PA KHO NA YIN NO, ,GAL TE SGRA BSGRUB PAR BYA BA'I YUL CAN NYID KYIS SPYI'I YUL CAN MA YIN NO, ,SGRUB PAR BYED PA TSUL GSUM PA'I YUL CAN NYID KYIS SPYI'I YUL CAN YIN PAR 'GYUR TE, DES BSTAN PAR BYA BA NI, DE YIN PA'I PHYIR RO SNYAM NA, MA YIN TE DE LA YANG DES BSTAN PA TZAM BYAS PA YIN PA'I PHYIR RO, ,TSUL GSUM NGES PA NI TSAD MA GSUM KHO NA LAS YIN NO, ,'O NA SPYI'I LUS CAN GYI SGRA GANG YIN ZHE NA, DE KHO NAR NI 'GAL YANG MA YIN NO, ,DE NYID KYI PHYIR SGRA NI 'GA' YANG TSAD MA NYID MA YIN NO, ,TSAD MAS MI SLU BA'I DNGOS PO STON PAR BYED PA NA, JI LTAR SGRA GZHAN LA LTOS NAS GZHAN GYI DON GYI RJES SU DPAG PA DANG GZHAN GYI DON GYI RJES SU DPAG PA 'PHEN PAR BYED PA SKAD CIG MA LA SOGS PA STON PAR BYED PA'I NGAG LA MI SLU BA NYID DU LHAG PAR ZHEN PA DE BZHIN DU TSAD MA'I THA SNYAD KYANG YIN NO, ,SPYI'I MTSAN NYID GANG YIN PA DE NYID SGRA'I YUL YIN GYI, GZHAN SGRA'I YUL MA YIN PA NI MA YIN NO, ,MI 'DOD PA'I NGES PAR GZUNG BA DGAG PA BRJOD PA NI SGRA'I YUL ZHES BYA BA LA SOGS PA'O, ,DES NA ME'I SBYIN SREG MTHO RIS SGRUB PAR BYED PA LA SOGS PA'I NGAG TSAD MAR GA LA 'GYUR TE, DE'I YUL DNGOS PO NYID YIN PAR THE TSOM ZA BA'I PHYIR RO, ,TSAD MA DRUG SNGON DU 'GRO BA CAN DON GYIS GO BA'I TSOGS LA YANG MDOR NA GANG LA MED NA MI 'BYUNG BA'I DNGOS PO'I STOBS KYIS 'GA' ZHIG TU LKOG TU GYUR PA'I DON RTOGS PA DE NI RJES SU

DPAG PA NYID TSAD MA YIN LA GANG DU TSUL GSUM LAS GANG YANG RUNG BA ZHIG MED DAM THE TSOM ZA BA DE NI BSGRUB BYA NGES PA ME DPA'I PHYIR NA SPYI'I MTSAN NYID RNAM PAR GNAS PA MA YIN LA, DE'I YUL CAN GYI SHES PA YANG TSAD MA YIN NO ZHES BYA BA YIN NO, ,DNGOS PO MED PA'I TSAD MA YANG TSA MA GRUB PA'I LE'U NYID DU SUN PHYUNG PA YIN NO, ,JI SKAD DU SGRA'I YUL MA YIN PA RANG GI MTSAN NYID YIN NO ZHES BRJOD PA DER YANG GANG ZHIG SGRA'I YUL MA YIN PA DE THAMS CAD RANG GI MTSAN NYID YIN ZHES BRJOD PA DER YANG GANG ZHIG SGRA'I YUL MA YIN PA DE THAMS CAD RANG GI MTSAN NYID YIN NO ZHES RTOGS PAR MI 'GYUR BAR BYA BA'I PHYIR NA, YUL MA YIN PAR YANG ZHES BYA BA'I, DES NA 'DI LA SKYON MED DO ZHES BYA BA NI, PHYIN CI LOG TU NGES PAR BZUNG BAS BYAS TE, SGRA TSAD MAR THAL BA'AM, DES NYE BAR MTSON PA'I SGRA LA SOGS PA'I BSRUNG BA YANG RANG GI MTSAN NYID DU THAL BAR 'GYUR RO ZHES BRJOD PA GANG YIN PA STE DE GNYI GA YANG SKYON GYI SGRAS BSGOS PA YIN NO, ,DES NA ZHES BYA BA LA SOGS PA NI MJUG SDUD PA'O, ,'GA' ZHIG NI SPYI YIN LA ZHES BYA BA NI RJES SU DPAG PA'I YUL LO, ,'GA' ZHIG NI DON MED PA ZHES BYA BA NI SGRA DANG GTAN TSIGS LTAR SNANG LA SOGS PA'I YUL LO, ,GCIG NI RANG GI MTSAN NYID CES BYA BA NI MNGON SUM GYI YUL LO; ,DON MED PA ZHES BYA BA NI SKRA SHAD LA SOGS PA'O, ,JI LTAR SHES PA'I RANG BZHIN GYI DON YIN YANG DON MED PA NYID DU 'GYUR BA DE LTAR NI BSHAD ZIN TO, ,MTSAN NYID GZHAN 'CHAD PA NI RGYU MTSAN GZHAN ZHES BYA BA'O, ,'DIR YANG SNGA MA BZHIN DU BRJOD PAR BYA'O ZHES BYA BA NI RGYU MTSAN GZHAN YOD PA NI GANG LA BLO YOD PAR 'GYUR BA, DE NI SPYI NYID DO ZHES NI NGES PAR MI BZUNG STE, RI BONG GI RVA LA SOGS PA YANG DE LTAR THAL BA'I PHYIR RO, ,'ON KYANG RGYU MTSAN GZHAN YOD NA RUNG BA'I YUL NA GNAS PA LA MI LTOS PAR DNGOS POR MNGON PAR 'DOD GANG LA BLO YOD PA DE KHO NA SPYI'I MTSAN NYID YIN NO, ,'DIS NI GAL TE RUNG BA'I YUL NA DE GNAS PAR NA BLO YOD NA DE'I TSE SPYI LA MA YIN TE, RANG GI MTSAN NYID KHO NA YIN NO ZHES BRJOD PA YIN NO, ,YANG NA ZHES BYA BA NI BSHAD PA GZHAN GSUNGS PA'O, ,PHYOGS SNGA MA LA NI RGYU MTSAN GZHAN ZHES BYA BAS LTA DANG RTZOL BA LA SOGS PA BZUNG NGO, ,DE LTA NA NI YUL 'DZIN BAR, BLO'I

, ,YUL RUNG BA'I YUL NA GNAS PA LA LTOS NAS RGYU MTSAN GZHAN MIG LA SOGS PA YIN PAR 'DOD DO, ,RGYU MTSAN GZHAN ZHES BYA BA NI MIG LA SOGS PA YOD KYANG RUNG BA'I YUL NA GNAS PA MED PA'I PHYIR NA GANG LA DE 'DZIN BA'I BLO SKYE BA MED PA DE NI'O, ,DE NYID BRJOD PA NI RANG GI NGO BOS ZHES BYA BA LA SOGS PA YIN NO, ,DAL RANG GI NGO BOS ZHES BYA BA LA SOGS PA NI SKABS DON BSDUS PA'O, ,'DI LA GAL TE ZHES BYA BA LA SOGS PAS RTZOD DO, ,GAL TE YANG RTOGS PA'I RNAM PA THA DAD PAS NA YUL RNAM PA GNYIS SU BRJOD PA DE LTA NA YANG TSAD MA'I KHYAD PAR GYI BSHAD PA NI MA YIN NO, ,LDE BYED PA YANG NI NYES PA MA MTHONG NAS RTZOD PA'O, ,RNAM PAR RTOG PA THAM LA TSIGS SU BCAD PA GCIG GIS 'GAL BA BRJOD PA YIN NO, ,'DI SNYAM DU TSAD MA GNYIS SU MED PA'I PHYIR GZHAL BYA GNYIS SU 'GYUR RO SNYAM DU DOGS PA BSU NAS BRJOD PA NI 'ON TE TSAD MA GNYIS KYIS ZHES BYA BA'O, ,YUL GNYIS KYIS TSAD MA GNYIS YIN LA; TSAD MA GNYIS KYIS KYANG YUL GNYIS YIN PA'I PHYIR PHAN TSUN BSTEN PA YIN NO, ,'DIS NI MA GRUB PA MA YIN NO, ,CI STE TSAD MA GNYIS LA LTOS NAS GZHAL BYA GNYIS SU BRJOD PA NI MA YIN GYI, 'ON KYANG RTOGS PA'I GZHAL BYA GNYIS NYID KYIS TSAD MA GNYIS SGRUB PAR BYED PA YIN PA DES NA PHAN TSUN BSTEN PA MA YIN NO SNYAM NA TSAD MA GSUM LA SOGS PA'I ZHES BYA BA'O, ,DON NI 'DI YIN TE, JI LTAR MNGON SUM GYIS RTOGS PA NI MNGON SUM YIN LA RJES SU DPAG PAS RTOGS PA NI RJES SU DPAG PAR BYA BA YIN PA DE BZHIN DU RIG BYED KYIS RTOGS PA NI NYE BAR BSTAN PAR BYA BA NYE BAR 'JAL BAS NI NYE BAR GZHAL BAR BYA BA DON GYIS GO BA LA SOGS PAS NI DON GYIS GO BA'I YUL BSGRUB PAR BYA BA MIN PA'I PHYIR BLAR 'GAL BA NYID DO, ,'DI LTAR GZHAL BYA DE YUL GYI NYE BA GANG YIN PA DE NI TSAD MA'I DBYE BA 'JUG PAS GRUB PAR BYED PA YIN NO, ,DES NA JI LTAR MNGON SUM LAS THA DAD PA'I RJES SU DPAG PAS RJES SU DPAG PAR BYA BA'I YUL NYE BAR 'JOG PA DE BZHIN DU SGRA LA SGO PAS KYANG RANG RANG GI YUL NYE BAR 'JOG PAR BYED PAR 'GYUR RO ZHES BYA BA'I DON TO, ,RNAM PAR RTOG PA GNYIS PA'I DBANG DU BYAS TE BRJOD PA NI LKOG TU GYUR PA NYID KYANG ZHES BYA BA'O, ,DON 'DI YIN TE, RE ZHIG RJES SU DPAG PAS MNGON

SUM GYI YUL 'GRUB PA MA YIN PA KHO NA'O, ,KHAS BLANGS PA YANG MA YIN NO, ,GAL TE DES LKOG TU GYUR PA YANG RTOGS PAR MI NUS NA NI DE'I TSE RJES SU DPAG PAR YUL RNAM PA GNYIS GRUB PAR JI LTAR 'GYUR ZHES BYA BA YIN NO, ,GTAN TSIGS BRJOD PA NI LKOG LA 'JUG NA YANG RJES SU DPAG PA DON MED DO ZHES BYA BA LA SOGS PA NI RTOGS PAR SLA'O, ,MIG MED MTHONG BA ZHES BYA BA BZHIN ZHES BYA BA LA JI LTAR ZHES BYA BA BSNAN PAR BYA'O, ,DE'I PHYIR ZHES BYA BA NI MJUG BSDUS BA'I THABS KYIS RNAM PAR RTOG PA DANG PO YANG BSAL BAR BRJOD PA YIN NO, ,'DI SKAD BRJOD PA YIN TE, ,MNGON SUM NI YUL GCIG KHO NA LA BYED PA LA 'JUG PA YIN LA, RJES SU DPAG PA NI GCIG LA YANG MA YIN DES NA GANG LTAR TSAD MA GNYIS NA GANG LAS TSAD MA GNYIS SU 'GYUR BA GZHAL BYA GNYIS SU JI LTAR SGRUB CES BYA BA YIN NO, ,'GAL BA YIN NO ZHES BYA BA NI GANG GI TSE TSAD MA GNYIS KYIS GZHAL BYA GNYIS 'GRUB PA NA'O, ,MA NGES PA NYID DU YANG BRJOD PA LA GAL TE YANG ZHES BYA BA'O, ,YUL GCIG LA YANG TSAD MA GZHAN 'JUG PA MI 'GAL BA'I PHYIR NA GZHAL BYA GNYIS LAS TSAD MA GNYIS KYIS MA KHYAB PA'O ZHES STON PA NI 'BREL PA GRUB PA MED PAR NI ZHES BYA BA'O, ,MNGON SUM NI KHYAB PA GRUB PAR BYED PA NYID DU NYE BAR BSTAN PA CUNG ZAD KYANG MI NUS SO, ,DE NI SPYI'I YUL NA DU MI 'THAD PA'I PHYIR RO, ,RJES SU DPAG PA YANG GSAL MA THAG PA YIN NO SNYAM DU BSAMS PA YIN NO, ,DE LTAR ZHES BYA BA LA SOGS PA NI BSDU BA'O, ,GRUB PA'I MTHA' NI RTOG PA DANG PO KHAS BLANGS PA YIN NO, ,GAL TE YUL GNYIS MNGON SUM GYIS GRUB NA, RJES SU DPAG PAS CI BYA BA'I RTZOD PA YOD PA MA YIN TE, 'DI LTAR MNGON SUM GYIS NI YUL GYI GNYIS NYID GRUB KYI YUL GNYIS NI MA YIN NO, ,GAL TE DE LTA NA YANG CHOS CAN MNGON SUM GYIS MA GRUB PA LA CHOS NI GRUB PO ZHES BYA BA 'DI JI LTAR YIN TE, CHOS RTOGS PA NI CHOS CAN RTOGS PA MED NA MED PA'I PHYIR RO ZHE NA BSHAD PA 'DRA BA DANG MI 'DRA BA NYID 'DRA BA NYID DU RTOGS PA NI BYA BA'I RANG BZHIN YIN LA, DES NA RTOGS PAR BYA BA 'DRA BA DANG MI 'DRA BA NYID MTSON PA YIN NO, ,GNAG GI PHYIR 'DAR BA NYID DU RTOGS PA, RTOGS PAR BYA BA 'DRA BA DANG MI 'DRA BA NYID MTSON PAR BYED PA DE NI, SHES PA'I RNAM PA LA BRTEN PA YIN PA'I PHYIR SHES PA NYID

, ,DE RTOGS PA NYID KYI CHOS YIN GYI YUL GYI NI MA YIN NO ZHES 'DIS NI YUL MA RTOGS PA'I SA BON BSTAN PA YIN NO, ,YUL MA REG PAR DE JI LTAR 'GRUB PA DE STON PA NI, DE YANG ZHES BYA BA'O, ,YUL LA RANG RIG PA MI 'JUG PA'I PHYIR NA, RJE SU DPAG PA DON MED PAR JI LTAR 'GYUR ZHES BYA BA'I DON TO, ,'ON JI LTAR YUL MA REG PA DE BZHIN DU DE'I 'DRA BA DANG MI 'DRA BA YANG MI RTOGS PAR 'GYUR LA, RTOG PA GANG YIN PA DE YANG SHES PA'I RNAM PAR GYUR PA KHO NA YIN TER, DAS NA YUL GNYIS SU 'GRUB PAR JI LTAR 'GYUR, 'ON TE RANG GI RNAM PA NYID LA PHYI ROL TU LHAG PAR ZHEN PA'I PHYIR NA DE LA GNAS PA'I RNAM PA GNYIS NYID RTOGS PAR BRJOD NA, DE LTA NA NI 'O NA RANG GI RNAM PAR RTOG PA NYID PHYI ROL RTOGS PA YIN PA'I PHYIR RJES SU DPAG PA DON MED PA SO NA 'DUG GO SNYAM NA, DE LA NI SNYING PO MED DE, RJES SU DPAG PA'I RNAM PAR RTOG PA'I RNAM PA NYID LA DE LTAR NGES PAR RTOGS PA'I PHYIR RO, , MNGON SUM GYI NI LKOG TU GYUR PA MNGON DU BYED PA MI SRID DO, ,DE LA YANG GAL TE YANG RJES SU DPAG PA'I RANG GI RNAM PA RIG PA NYID KYIS PHYI ROL RIG PAR RNAM PAR GZHAG PA DE LTA NA YANG PHYI ROL LA LTOS NAS NI DE RJES SU DPAG PA NYID DU THA SNYAD 'DOGS PA YIN GYI RANG RIG PA NI MA YIN NO, ,DBANG PO'I MNGON SUM BZHIN DU RTOGS PA 'CHOL BA BKAG PA'I DON DU'O, ,RTOGS PAR BYA BA'I PHYI ROL GYI DON DE YANG RJES SU DPAG PA'I DUS NA 'DRA BA'I RNAM PA NYID DU RTOGS LA, DE YANG RJES SU DPAG PA NYID KYI BYED PA PO YOD PA NI MA YIN NO, ,ME BZHIN DU RNAM PA DE YANG LKOG TU GYUR PA NI MA YIN NO, ,LKOG TU GYUR PA'I PHYOGS LA NI RANG GI SNANG BA LTAR RUNG BAS KHYAB LA SEMS KYI CHOS 'GA' YANG RTOGS PAR NUS PA MA YIN NO, ,DE BAS NA RANG GIS RIG PA'I RANG GI RNAM PA'I SGO NAS 'DRA BA DANG MI 'DRA BA NYID DU RNAM PAR 'JOG PA NA, YUL LA BRTEN PA YANG RIG PA NYID KYIS GRUB PAR BRJOD PA YIN LA RJES SU DPAG PA DON MED PA YANG MA YIN NO, ,GAL TE KHYOD KYI LTAR NA RNA PAR RTOG PA THAMS CAD 'KHRUL PA NYID MA YIN NAM DES NA, DE'I SNANG BA LA YANG JI LTAR 'DRA BA NYID DU NGES NA, GANG ZHIG PHYI ROL GYI DON DU LTAG PAR ZHEN PA NA YUL GNYIS SU GRUB PAR 'GYUR SNYAM NA, SHES PA'I RANG GI NGO BO LA, ,ZHES GSUNGS SO, ,

CI 'DI RGYAL PO'I BKA' 'AM SNYAM NA DE LA ZHES BYA BA LA SOGS PA GSUNGS SO, ,DE NYID GSAL BAR BYED PA NI 'DI LTAR ZHES BYA BA'O, ,BRJOD PAR BYA BA'I KHYAD PAR GYI YID KYI 'GYUR BA NYAMS SU MYONG LA, DE DANG RJES SU MTHUN PAR GNAS PA DANG BYED PA PHRAD PA'I 'THAD PA 'BYUNG BA YIN TE, DE LTA MA YIN NA GZHAN GYI YID BZHIN DU NYAMS SU MA MYONG NGAM, NYAMS SU MYONG BA LA YID MA CHES NA, BSNYON PA YIN PA TSIG JI LTAR 'GYUR, DE NYID KYI PHYIR 'BREL MED RTEN LA ZHES GSUNGS SO, ,BRJOD PA'I RTEN NI BSAM PA MA YIN LA DE YANG RNAM PA GNYI GA LTAR YANG 'DI'I RGYU NYID DU 'BREL PA MA YIN NO ZHES BYA BA'I DON TO; ,DE BAS NA GZHAL BYA GNYIS NI RANG RIG PAR GRUB PA YIN NO ZHES BYA BA LA GNOD PA YOD PA MA YIN NO, ,'O NA YUL NYID THA DAD PAR 'GYUR MOD, TSAD MA GO JI LTAR THA DANG PA, BSGRUB PAR BYA BA'I GTZO BO NI DE NYID YIN NO SNYAM DU DOGS PA BSU NAS TSAD MA'I DBYE BA NI DE TZAM NYID YIS 'GRUB PA YIN NO SNYAM DU DGONGS NAS DNGOS GZHAN DAG GI ZHES GSUNGS SO, ,DNGOS GZHAN DAG GI NI SHES PA LAS THA DAD PA DAG GI'O, ,SHES PA THA DAD PA DE NYID KYI NGO BO GANG LA YOD PA DE NI DE'I NGO BOR 'GYUR BA'I TSAD MA'I DBYE BA STE DE CIS MI GRUB, DE'I PHYIR RTOGS PA'I DBYE BA DANG GZHAL BYA'I DBYE BA 'DI GNYIS NI PHAN TSUN KHYAB PA YIN TE, GANG GI TSE GCIG LA THE TSOM ZHUGS PA DE'I TSE GZHAN GYIS THA SNYAD BYED PA YIN NO, ,DE LTA NA YANG TSAD MA GNYIS SU THE TSOM ZA BA LA GZHAL BYA GNYIS NYE BAR BKOD PA YIN NO, ,DE LA THE TSOM ZHUGS PA LA RTOGS PA'I DBYE BA LAS SKYABS GZHAN MED DO, ,TSAD MA'I DBYE BA GRUB PA YANG DE NYID YIN NO, ,'DI LA GZHAN DAG RMONGS NAS SMRAS PA NI RTOGS PA NYID NI ZHES BYA BA'O, ,GRUB PA'I MTHA' SMRA BA NI BZOD NAS MIN NAM ZHES GSUNGS SO, ,'DI LTAR CI'I TSAD MA RTOGS PA LAS GZHAN NYID YIN NAM, 'ON TE RTOGS PA TZAM NI TSAD MA YIN GYI 'ON KYANG KHYAD PAR CAN KHO NA ZHIG YIN ZHES KHYED 'DOD, DE LA PHYOGS DANG PO NI MA GRUB LA, GNYIS PA NI GRUB PA LA SGRUB PA YIN NO, ,DE NYID KYI PHYIR SGRA LAS BYUNG BA LA SOGS PA NI TSAD MA MA YIN NO, ,'DI YANG SNGAR BSHAD PA'I, ,TSAD MA SLU BA MED CAN GYI, ,SHES PA ZHES BYA BA NYID LAS 'GRUB STE, SHES PA'I SGRAS SHES PA MA

, ,YIN PA DANG, SLU BA MED PA'I SGRAS NI RTOGS PA TZAM RNAM PAR BSHAD PA'I PHYIR RO, ,YANG NA RTOGS PA NYID NI THA DAD 'GYUR, ,ZHES BYA BA NI TSAD MA'I RNAM PA NYID THA DAD PAR 'GYUR MOD, TSAD MA'I DBYE BAS ZHES BYA BA MNGON SUM DANG RJES SU DPAG PA'I MTSAN NYID TSAD MA KHYAD PAR CAN DU JI LTAR YIN TE, CI GZHAN YANG TSAD MA NYID MA YIN NAM ZHES BYA BA'I DON TO, ,JI LTAR THUN MONGS MA YIN PA'I RNAM CAN LAS, THUN MONG GI RNAM PA CAN LAS, THUN MONG GI RNAM PA CAN GYI SHES PA THA DAD PA DE BZHIN DU THUN MONG GI RNAM PA LA YANG SGRA DANG NYE BAR GZHAL BA LA SOGS PA'I DBYE BA YOD PA KHO NA'O, DES NA YUL THA DAD PA NYID LAS TSAD MA GZHAN YANG YOD PAR 'GYUR RO, ,'ON TE LKOG TU GYUR PA THAMS CAD NI THUN MONG GI RNAM PA CAN NYID KYIS GCIG NYID YIN NA DE'I TSE MNGON SUM DANG LKOG TU GYUR PA DAG KYANG DNGOS PO NYID DU GCIG PA'I PHYIR TSAD MA GNYIS SU YANG MI 'GYUR RO ZHE NA 'DIR GRUB PA'I MTHA' NI MNGON SUM DU ZHES BYA BA LA SOGS PA'O, ,LKOG TU GYUR PA LA NI RJES SU DPAG PA LAS GZHAN MI SLU BA MA NGES PA NYID LAS TSAD MA YIN PA SPANGS PA YIN NO, ,DES NA THOS PA LA SOGS PA'I RANG BZHIN GYIS RTOGS PA THA DAD PA YIN YANG GZHAL BYA YOD PAR NGES PAR MI BYED PAS JI LTAR TSAD MA YIN SNYAM DU DGONGS PA'O, ,GAL TE SNGAR 'DI MTSAN NYID KYIS SPANGS ZIN PA NYID MA YIN NAM, DA LTAR CI ZHIG SGRUB CE NA, BSHAD PA MNGON SUM DANG RJES SU DPAG PA DE NYID KYIS THA DAD DE RIGS MI 'DRA BA NYID DO, ,DE YANG RANG RIG PAS GRUB PA'I PHYIR, THA SNYAD NYID TZAM PO 'DI DA LTAR BSGRUB BYAR BYED PA YIN NO; ,GAL TE 'DI'I THA SNYAD KYANG GRUB PA ZIN PA NYID MA YIN NAM MNGON SUM DANG RJES SU DPAG PAS GRUB PA'I MA GNYIS LA RJES SU DPAG PA DANG MNGON SUM GYIS GRUB PAR NI GZHAN YANG MI SEMS SO SNYAM NA, BSTAN BCOS BYED PA RNAMS KYIS YANG 'KHRUL PA'I YUL NYID DU DPER BRJOD PA NI 'DI ME ZHES BYA BA'O; ,'DI LA PHA ROL PO DAG ,LTA BA'I SHES PA'I DE MA THAG TU, RIGS LA SOGS PAS KHYAD PAR CAN GYI DON GSAL BAR SNANG BA RNAM PAR RTOG PA DANG BCAS PA'I SHES PA GCIG NYID NI, DBANG PO LA SOGS PA'I BDAG POS BSKYED PA'I PHYIR NA, MNGON SUM GZHAN NYID YIN NO ZHES 'DOD DO, ,

'DI ZHES BYA BA NI MNGON SUM NYID DU SNANG BA'O, ,ME ZHES BYA NI ME NYID KYI RIGS SO, ,DE LA RIG PA BRJOD PA NI, GSAL LA 'BAR BA'I RNAM PA CAN GYI NGO BO TZAM 'DZI PA DANG, GSAL BAR SNANG BA RNAM PAR RTOG PA MED PA NI GZHAN GYI YIN LA, BTZO BA DANG BSREG PA LA SOGS PA BSGRUB PA LA YANG DE'I RANG BZHIN GYI RJES SU DPAG PA GZHAN KHO NA YIN NO ZHES BYA BA'O, ,'ON BTZO BA LA SOGS PAR NUS PA SMOS PAS CI ZHIG BYA RIGS TZAM RTOGS PA NYID LAS TSAD MAR 'GYUR MOD CES KHA CIG ZER BA DE LA BRJOD PA NI, DE LTAR, NUS PA GZUNG BA MED PAR NI, ,'JUG PA MED DO SU ZHE NA, DGOS PA'I DON SGRUB PA'I DON TE, DNGOS PO DON GNYER BA'I NGANG TSUL CAN RTOGS PAR 'DOD PA DE BSNYON PA MA YIN PA ZHES BYA BA'I DON TO, ,DE'I PHYIR RANG GI NGO BO LAS LHAG PAR SNGON MYONG BA'I DON BYA BA 'JAL BA NA RNAM PAR RTOG PA'I SHES PA 'DI STE RANG GI NGO BO TZAM SNANG BA'I MNGON SUM LAS THA DAD PA NYID DO, , RIGS ZHES BYA BA THA DAD PA NI YOD PA MA YIN NO ZHES BYA BA 'DI YANG BSHAD ZIN TO, ,GAL TE TSAD MA SLU BA MED CAN GYI SHES PA ZHES BYA BA SPYI'I MTSAN NYID YIN NA MI DE YANG GANG LAS NGES SHE NA, 'DI LA YANG SNGAR BSHAD PA'I THA SNYAD LAS NI TSAD MA NYID CES BYA BA DRAN PAR BYED PA NI 'JUG PA DANG LDOG PA'I MTSAN NYID KYI ZHES BYA BA'O, ,LE'U DANG POR ZHES BYA BAR NI RANG GIS BSHAD PAR BYA BA LTOS PA'I'O, ,GANG DU GANG LA RNAM PA GNAG GI SNYAM NA, DE LA ZHES BYA BA NI RNAM PAR RTOG PA DANG BCAS PAS SHES PA'I DUS LA'O, LHAG MA NI GO SLA'O, ,LHAG MA NI GO SLA'O, ,'O NA DE RNAM PA GNYIS SU GA LAS 'GRUB SNYAM NA RTOGS PA'I RNAM PA THA DAD PAS NI ZHES GSUNGS SO, ,BA LANG MTHONG BA LTAR RNAM PAR RTOG PA'I DUS BZHIN DU GTZIG NI BRJOD PA MED PAR GSAL BA DANG, BRJOD PA DANG 'DRES PA MA GSAL BA NI GZHAN NYID NYAMS SU MYONG BA KHO NA'O, ,RTOG PA DE'I NGO BOR GYUR PA'I TSAD MA LTA CI SMOS; MNGON SUM DE NI ZHES BYA BA NI 'BAR BA'I RNAM PA CAN NO, ,GANG ZHIG 'DI 'DRA BA'I RANG BZHIN CAN DE NI 'DI 'DRA BA'I DON BYA BA BYED PA YIN TE DPER NA SNGON MYONG BA BZHIN NO, ,DE BZHIN DU 'DI YANG YIN NO ZHES BYA BAR DON BYA BA'I NUS PA 'DRA BA NYID NI RJES SU DPAG PA KHO NA'I YUL YIN NO, ,'ON TE

, ,ZHES BYA BA LA SOGS PAS NI RANG GI PHYOGS PA'I RTZOD PA SLONG BA'O, ,BRAM ZE AA TZA tA MA GTOGS PA, GZHAN DAG NI DON BYA BA GRUB PA'I YUL CAN GYI RNAM PAR RTOG PA'I SHES PA MNGON SUM LAS GZHAN YIN MOD, DE TSAD MA NI MA YIN ZHES BYA BAR SEMS SO, ,DE NYID GZHUNG 'JUG PA NI DE DANG LDAN CIG YOD DO COG CES BYA BA'O, ,GAL TE LUS LA SOGS PA NI BEMS PO YIN PA'I PHYIR RO ZHES LAN 'DEBS PA NI SHES PA NYID YIN PA LA NI DGOS PA MED PA'I PHYIR RO, ,DNGOS PO'I RANG BZHIN MNGON SUM GYIS BZUNG BA'I PHYIR RO SNYAM DU BSAMS PA YIN NO, 'DIR SMRAS PA ZHES BYA BA NI SUN 'BYIN PA'O, ,GAL TE NYE BAR MKHO BA TZAM NI LUS LA SOGS PA YANG NYAMS PA MED, DES NA SHES PA NYID KYI KHYAD PAR DU BYAS PA YIN, ,DE LA NI RNAM PAR RTOG PA MED PA'I SHES PA LA LTOS TE, NYE BAR MKHO BA MED PA NYID BRJOD ZIN PA NYID DO SNYAM NA, DE NYID LA 'DI SKAD CES BRJOD PAR BYA STE; GAL TE MNGON SUM LA LTOS NA RNAM PAR RTOG PA NYE BAR MKHO BA MED PA YIN NO, ,DE MED PAR YANG MNGON SUM 'JUG PAR BYED PAR JI LTAR MI 'GYUR, ,JI SRID DON BYA BAR BYED PA DE SRID DU NI MTHONG BA'I DNGOS PO LA YANG 'JUG PA SU YANG MED DE, 'GRO BA NA RTZA LO RAG PA LA SOGS PA BZHIN NO ZHES SO, ,CI STE ZHES BYA BA NI GZHAN GYI'O, ,RJES SU DPAG PA NI 'JUG PAR BYED PA MA YIN NO ZHES SBYAR RO, ,JI LTAR BU ZHIG CES 'DRA BA 'DZIN PA GANG YIN TE NGES PAR BYED PA DE'I RANG BZHIN TE, DE'I RANG BZHIN GYI RJES SU DPAG PA ZHES BYA BA'I DON TO, ,'DI LTAR NUS PA'I RNAM PAR RTOG PA NI YOD KYANG MNGON SUM TZAM LAS SKYES PA YIN GYI DE'I RANG BZHIN GYI RTAGS LA BRTEN PA NI MA YIN TE, 'DI LTAR MOD KHO NAR MNGON SUM TZAM LAS SKYE BAR NYAMS SU MYONG BA DE'I RANG BZHIN GYI PHYIR 'DI NI DRAN PA TZAM YIN GYI TSAD MA NI MA YIN NO, ,DE YANG MI BDEN TE ZHES BYA BA NI GRUB PA'I MTHA'O, ,DON NI 'DI YIN TE GAL TE YANG GOMS PA'I GNAS SKABS NA RTAGS DANG RTAGS CAN GYI DNGOS PO LHAG PAR ZHEN PAR MTSOR BAR DE LTA NA YANG, DANG PO'I 'JUG PA LA NI DE'I RANG BZHIN GYIS RJES SU DPAG PA MED NA MOD KHO NAR LHAG PAR ZHEN PA DE NYID RNAM PA THAMS CAD DU SRID PA MA YIN NO ZHES BYA BA YIN

NO; ,GZHAN DAG BSAM PA MI RIG NAS, RNAM PA THAMS CAD DU MNGON SUM 'JUG PAR BYED PA NYID YIN PA 'GOG PA YIN NO SNYAM PAS DAD PO MA YIN YANG ZHES SO, ,'DI GLEN PA'I GTAM DANG 'DRA BAR BYA NAS BZHAD GANG DU BYED PA NI 'DI ZHES BYA BA'O, ,DE NYID STON PA NI GAL TE ZHES BYA BA'O, , GAL TE DUS GNYI GAR YANG MNGON SUM GYIS 'JUG PA YIN NO ZHES BYA BA 'DI LA 'GAL BA CI 'DRA BA ZHIG YOD SNYAM NA, 'DI LTAR ZHES BYA BA LA SOGS PA GSUNGS SO, ,MNGON SUM MI GSAL BA LAS NI DE'I RANG BZHIN LAS, DMIGS PA MED PAR YANG DANG PO 'JUG PA NYID MED PA'I PHYIR NA GOMS PA MED LA; DE MED PA'I PHYIR NA PHYIS SHIN TU GSAL BA MNGON SUM SKYE BAR MI 'GYUR RO ZHES BYA BA'I DON TO, ,DE'I PHYIR ZHES BYA BA NI 'JUG BSDU BA'O, ,'JUG PAR BYED PA NYID DO ZHES BYA BA 'DIS NI MI LDAN PA RNA PAR GCOD PA BRJOD PA YIN NO, ,GOMS PA'I GNAS SKABS NA YANG DE'I RANG BZHIN CAN GYI RJES SU DPAG PA NYID 'JUG BAR BYED PA ZHES BYA BA NI MA YIN NO ZHES BYA BA'I DON TO, ,GZHAN MKHO BA MED CES TE GZHAN TSE'I MKHO BA MED PA YIN ZHES DE MA THAG KHO NAR 'CHAD PAR 'GYUR RO, ,t'I K'A MDZAD PA DE NI TSE YANG MNGON SUM KHO NAR 'JUG PAR BYED PA YIN GYI DE'I RANG ZIN CAN RJES SU DPAG PA NI MA YIN NO SNYAM DU DOGS PA YIN NO, ,GAL TE YANG GOMS PA'I GNAS SKABS KYI DBANG DU BYAS PA NYID KYIS SNGON GYI RANG BZHIN DANG CHOS MTSUNGS PA LAS DE LTAR RTOGS PA RJES SU DPAG PA NI MA YIN TE DON LKOG TU MA GYUR PA'I PHYIR NOR BU DANG DNGUL LA SOGS PA'I GZUGS RTOGS PA BZHIN NO ZHES GSUNGS PA DE LTA NA YANG PHYIS THE TSOM ZA BA'I MNGON SUM PA'I SKABS YIN PA'I PHYIR RO, ,MNGON SUM MED NA YANG ZHES BYA BA NI, RJES SU DPAG PAR BYA BA'I ME'I YUL CAN MED PAR RO, ,DE YANG ZHES BYA BA NI MNGON SUM YANG NGO, ,RJES SU DPAG PA LAS 'JUG PA'I DUS NA NI DE'I YUL CAN GYI MNGON SUM YOD PA MA YIN NO ZHES BYA BA'I DON TO, ,CI STE YANG ZHES BYA BA LA SOGS PA NI GZHAN GYI'O, ,DE MED PAR NI RJES SU DPAG PA MED PAR RO, ,DE MED PAR YANG ZHES BYA BA NI RJES SU DPAG PA MED PAR YANG NGO, ,DE GRUB PA NI MNGON SUM GYIS 'GRUB PA'O, ,RJES SU DPAG PA NI GDON MI ZA BAR PHYOGS KYI CHOS LA SOGS

, ,PA'I RGYU MTSAN DU MNGON SUM LA LTOS PA YIN GYI, GOMS PAS SKYED PA'I MNGON SUM NI DE LA LTOS PA MA YIN NO ZHES BYA BA NI DGOS PA'I DON TO, ,'DIR YANG RNAM PA THAMS CAD DU RJES SU DPAG PA LA SKUR PA'AM, MNGON SUM GTZO BOR 'GRUB PAR 'GYUR GRANG, DE LA SNGAR BRJOD PA DRAN PAR BYED PAS PHYED SNGA MAS PHYOGS DANG PO 'GOG LA GNYIS PA NI PHYED PHYI MAS SO, ,DE PHYIR BYA BA NI RJES SU DPAG PA'I DRIN GYIS MNGON SUM GSAL BA YIN PA'I PHYIR RO, ,DA NYID GSAL BAR BYED PA NI GZHAN TSE ZHES BYA STE, GSAL BA'I GNAS SKABS KYI TSE'O, ,GZHAN TSE ZHES BYA BA NI MA GOMS PA'I TSE NA'O, ,'ON TE DE'I TSE RJES SU DPAG PA MI DGOS PA NYID DO SNYAM NA, GOMS PA MED PAR ZHES GSUNGS SO, ,'ON TE NYE BAR MKHO BA MED KYANG DON DU NYE BAR 'GYUR RO SNYAM NA, MKHO BA MED NA ZHES GSUNGS SO, ,'ON TE DON DU GNYER BA'I YUL GYI RJES SU DPAG PA YANG NYE BAR MI MKHO BA NYID DO SNYAM NA; DNGOS PO DON DU GNYER BA'I YUL ZHES GSUNGS SO, ,'DI NI BRAM ZE AA TZAS KYANG DE'I RANG BZHIN CAN GYI RJES SU DPAG PA NI MA GOMS PA'I GNAS SKABS KHO NAR YIN NO ZHES KHYAD PAR BRJOD PAR RIGS SO ZHES BSTAN TO, ,CI STE ZHES BYA BA LA SOGS PA'I DON NI 'DI YIN TE, GAL TE YANG RJES SU DPAG PA NYE BAR MKHO BA DE LTA NA YANG DER MNGON SUM NYID BSGRUB PAR BYA BA YIN PA'I PHYIR DE NYID GTZO BO YIN NO ZHES BYA BA'O, ,PHYED PHYI MAS NI GRUB PA'I MTHA'O, ,BSGRUB PAR BYA BA GZHAN GYI KHYAD PAR DU GYUR BA'I MTSAN NYID KYI TSUL 'DI NYID LAS TE, RIM PA 'DI NYID LAS 'DA' BAR MI 'GYUR RO, ,GANG DU ZHE NA YUL RTAGS LA'O, ,TSUL GSUM PA NYID KYI NGES PA 'JUG PA'I DON DU'O ZHES BYA BA'I DON DU'O, ,GAL TE RJES SU DPAG PA DE YANG MNGON SUM SKYE BA NYID KYI 'BRAS BU DANG BCAS PA MA YIN NAM NGES NA GAL TE MNGON SUM 'GA' ZHIG RJES SU DPAG PA SKYED PA'I YAN LAG YIN DU CHUG PA DE LTA NA YANG, SLAR DE NYID KYI MTHAR THUG PA YIN TE, RJES SU DPAG PA MNGON SUM BYAS NA YANG RJES SU DPAG PA DON DU GNYER BA YOD PA MA YIN GYI, RJES SU DPAG PA LA NI GDON MI ZA BAR MNGON SUM DON DU GNYER BA YIN TE, DE LTA MA YIN NA RJES SU DPAG PAS CI BYA, 'ON TE RJES SU DPAG PA THAMS CAD NI MNGON SUM DU BYA BA MA YIN

NO ZHE NA; ,'ON NI RJES SU DPAG PA STE GAL TE 'BRAS BU 'GA' ZHIG GI DBANG DU BYAS NAS BTON NA DE'I TSE DE THOB BA NYID KYIS DE 'BRAS BU DANG BCAS PAR 'GYUR LA, THOB PA YANG MNGON SUM GYI RANG BZHIN KHO NA'O, ,'DOD RGYAL DU THOB PA'AM, BSNYON PAS 'JUG PA NI BLANG BAR BYA BA MA YIN PA KHO NA'O, ,DE LA JI LTAR 'JUG PAR BYED PA'I MNGON SUM DU BYA BA SNANG BA'I MNGON SUM GYI 'BRAS BU DANG BCAS PA DE BZHIN DU RJES SU DPAG PA YANG MNGON SUM GYIS YIN NO, ,DE'I PHYIR BSGRUB PAR BYA BA YIN PAS NA MNGON SUM NI GTZO BO YIN LA RJES SU DPAG PA NI SGRUB PAR BYED PA NYID KYIS NA YAN LAG YIN NO ZHES BYA BAR RIGS SO, ,DE LTA YIN DANG RGYU'I GNAS SKABS NI RJES SU DPAG PA YIN LA 'BRAS BU'I GNAS SKABS NI MNGON SUM YIN NO ZHES BYA BA GRUB PA'I MTHA' YIN TE, DES NA GNYI GA MTSUNGS PAR JI LTAR 'GYUR ZHES DGONGS PA LA 'JUG PA BSDU BA'I TSUL GYIS SEL BA BRJOD PA NI, DE'I PHYIR MNGON SUM DANG RJES SU DPAG PA GNYIS YANG TSAD MA YIN NO ZHES BYA BA'O, ,DGOS PA NI 'DI YIN TE, DNGOS PO PA'I GTZO BO DANG PHAL PA'I DNGOS PO DPYOD PA'I SKABS NI MA YIN GYI 'ON KYANG TSAD MA'O, ,DE LA NI GNYI GA YANG DON RTOGS PA DANG 'JUG PA'I RGYU YIN NO, ,GZHAN SKYE BA LA YAN LAG YIN NO, ,TSAD MA NI GTZO BO DANG PHAL BA'I DNGOS PO CUNG ZAD KYANG MED DO, ,YAN LAG NYID DU MTSUNGS PA NI DE TZAM ZHIG RTOGS PAR BYA BA LA BRJOD PA YIN NO, ,GAL TE TSAD MA LA YANG KHYAD PAR YOD PA NYID DE 'DI LTAR RJES SU DPAG PA NI MNGON SUM YOD PA LA 'JUG PA YIN TE, DE GNOD PA'AM BSGRUB PA LA DE'I SKABS MED PA'I PHYIR RO, ,MNGON SUM NI RJES SU DPAG PA YOD PA DANG MED PA LA MI LTOS SO SNYAM DU DOGS NA RANG GI YUL LA ZHES GSUNGS SO, ,MNGON SUM ZHUGS PA'I YUL LA NI, RJES SU DPAG PA 'JUG PA MA YIN TE, YUL MA YIN PA NYID KYI PHYIR RO, ,RJES SU DPAG PA'I YUL LA NI MNGON SUM GYIS GNOD PA MA YIN TE, MNGON SUM DANG LKOG TU GYUR PA'I YUL DBYE BAS GNYI GA RNAM PAR GNAS PA YIN PA'I PHYIR RO, ,MNGON SUM GYIS GNOD PA'I THA SNYAD KYI RJES SU DPAG PA'I YUL MA YIN PA NYID STON PA YIN NO, ,DE'I PHYIR GNYI GA YANG KHYAD PAR MED PA YANG TSAD MA NYID YIN NO, ,GNYIS MED PA LA NI RJES SU DPAG PA LA SOGS PA YOD PA YIN TE, DE NYID KYI

, ,PHYIR GTZO BO DANG CIG SHOS YOD PA MA YIN NO, ,'DI NYID BRJOD PA NI DE KHO NA LTAR 'JIG RTEN PA LA GRAGS PA'I PHYIR RO ZHES BYA BA'O, ,YANG DAG PA'I THA SNYAD LA BRTEN PAS GNAS PA YIN NO ZHES BYA BA'I DON TO, ,'DIR TSU ROL MDZES PA PA'I DOGS PA BSU BA DE CI STE ZHES BYA BA'O; ,DE ZHES BYA BA NI RJES SU DPAG PA'O, ,MA YIN TE ZHES BYA BA NI 'GOG PA'O, ,DBANG PO'I MNGON SUM TSAD MAR 'DOD NA RIGS PA MTSUNGS PAS NA RJES SU DPAG PAS TSAD MA YIN PAR NAN GYIS 'GRUB PO ZHES STON PA NI, 'DI LTAR ZHES BYA BA LA SOGS PA'O, ,MDOR BSDU NA BRDA SPROD PA LA YANG LAN 'DI NYID YIN NO, ,TSU ROL MDZES PA LA KHA CIG MA MTHONG BA 'JIG RTEN PHA ROL LA SOGS PA'I YUL CAN RJES SU DPAG PA NI 'GOG LA, ,MTHONG BA'I YUL CAN DU BLA SOGS PA LA RJES SU DPAG PA 'DOD LA, DE LA YANG MTHONG BA'I YUL CAN GYI RJES SU DPAG PA DAG 'JUG PA MTSUNGS PA NYID YIN YANG ZHES BYA BA LA SOGS PAR SBYAR RO, ,MTHONG BA'I YUL CAN GYI RJES SU DPAG PA YANG TSUL GSUM PA YONGS SU DAG PA'I DBANG NYID KYIS 'JUG PAR BYED PA YIN LA, DE NI MA MTHONG BA'I YUL LA YANG MTSUNGS SO ZHES BYA BA'I DON TO, ,'DIR MNGON SUM DANG CIG SHOS GNYI GA ZHES BYA BA MNGON SUM SMOS PA NI DPER BRJOD PA'I DON TO, ,DE NI SPANG BAR NUS PA MA YIN TE MTHONG BA DANG 'GAL BA NYID KYI PHYIR RO, ,DE LTA MA YIN NA MNGON SUM TSAD MAR JI LTAR 'GYUR, ,'O NA TE YANG ZHES BYA BA LA SOGS PAS NI, 'O NA MTHONG BA'I RJES SU DPAG PAR YOD KYANG MNGON SUM NYID LA 'JUG PAR 'GYUR BA DES NA 'JUG PA LA MTSUNGS PA ZHES BYA BA 'DI MA GRUB PAR DOGS PA BSDU BA'O, ,MNGON SUM MA YIN ZHES BYA BA NI RJES SU DPAG PA'O, ,DE YANG MI BDEN TE ZHES BYA BA NI SUN 'BYIN PA'O, ,RANG GI PHYOGS LA RJES SU CHAGS PAS NYAMS SU MYONG BAS KHYAD PAR DU BSAD NAS, RANG GI PHYOGS BSAL BA YANG RTZIS KHONGS SU MI 'JUG STE, NYAMS SU MYONG BA NI MNGON SUM YIN PA'I PHYIR RO, ,DE NYID DE LA ZHES BYA BA LA SOGS PAS BSTAN PAR BYA'O, ,DE'I TSE NI GDON MI ZA BAR DRAN PA'I RANG BZHIN GYI NGES PAR 'GYUR BA YIN TE, DE NI DE TZAM DANG RJES SU 'BREL BA'I PHYIR RO, ,'GA' YANG ZHES BYA BA 'DIS NI, 'JIG RTEN DANG 'GAL BA YANG

STON PAR BYED PA YIN NO, DE LTAR RTOGS PA'I 'GAL BAR BSAMS PAS, RNAM PA GZHAN YANG BRJOD PA NI, ,MNGON SUM LA YANG ZHES BYA BA LA SOGS PA'O, ,BYA BA ZHES BYA BA DE'I CHOS GZHAN GYI RANG BZHIN RJES SU 'GRO LDOG DANG BCAS PA'I YOD PA NYID YIN PAR 'DOD, ,PHYOGS DANG POR NI MNGON SUM LA YANG MED DO, ,GNYIS PA NI RGYU THAMS CAD KYI THUN MONG BA NI RJES SU DPAG PA'I YANG 'JUG PA LA YOD PA YIN NO, ,DE LTAR RNAM PA CI ZHIG LTAR RJES SU DPAG PAR MA SKYES PA NI, DON DU GNYER YANG RGYU LA MI 'JUG PA YIN NO, ,GAL TE YOD PA LAS MA GTOGS PA'I BYED PA MED NA, 'O NA RGYU 'BRAS BU LA BYED PA DANG BCAS PA YIN NO ZHES JI LTAR BRJOD SNYAM NA, 'DI NI RTEN CING 'BREL PAR 'BYUNG BA ZHES BYA STE, SNA TSOGS 'DI NA'O, ,SNA TSOGS LA SOGS PA'I THA SNYAD NI DE TZAM DU ZAD PA YIN NO, ,DE LTAR NI MI 'THAD PA YANG CI YANG MED DO, ,DE LTA MA YIN NA BYED PA MED PA'AM, BYED PA DANG BCAS PA LAS JI LTAR BYED PAR 'GYUR, MNGON SUM GYI BYED PAS RJES SU DPAG PA LA BSNYON 'DEBS PA RNAM PA GZHAN GYI SGO NAS BZLOG PA'I DON DU GZHAN YANG ZHES GSUNGS SO, ,'DIR YANG NA 'JIG RTEN GZHAN KHAS BLANGS PA LA YANG NGO, ,'BREL PA'I SPROS PA NI GO BAR BLA'O, ,'O NA RJES SU DPAG PA TSAD MA MA YIN PA JI LTAR SPONG SNYAM NA, RJES DPAG TSAD MA NYID MIN NA, ,ZHES GSUNGS SO, ,RJES SU DPAG PA TSAD MAR MI SGRUB PAR CI'I PHYIR SNYAM NA, 'DI LTAR ZHES GSUNGS SO, ,GANG YIN PA ZHES BYA BA NI 'JIG RTEN PHA ROL LA SOGS PA'O, ,GZHAN MNGON SUM YIN PA'I PHYIR GZHAN LA MNGON SUM YIN PAR NI 'THAD PA MA YIN NO ZHES BRJOD PA NI, GZHAN YANG ZHES BYA BA'O, ,JI LTAR DU BA MTHONG BA LA TSAD MA YIN PA DE BZHIN DU THAMS CAD LA YIN PAR 'GYUR RO, ,DES NA GAL TE RTAGS KYI MNGON SUM GYIS LKOG TU GYUR PA YANG 'GRUB NA YANG DE'I TSE LKOG TU GYUR PA THAMS CAD GRUB PAR 'GYUR RO, ,DA LTA YIN NA CI SNYAM NA, ,THAMS CAD DON KUN RIGS PAR 'GYUR, ,ZHES GSUNGS SO, ,'BREL PA MED PHYIR ZHES BYA BA NI GZHAN GYIS DOGS PA STE, THAMS CAD RIGS PAR 'GYUR BA MIN NO, ,'BREL PA MED PA'I PHYIR ZHES BYA BA'I GZHUNG 'DIS NI DRAN PA MED PA YANG NYE BAR MTSON PA'O, ,LAN NI'O NA ZHES BYA BA'O,,

, ,DE LTAR RANG RIG PAS YUL RNAM PA GNYIS GRUB PAR DAM BCAS TE, RNAM PAR RTOG PA DANG MI RTOG PA GNYIS THA DAD PAR BSGRUB PAS 'ONGS PA DE'I RANG BZHIN GYI RJES SU DPAG PA LA LOG PAR RTOGS PA GZHAN DAG KYANG BKAG NAS SKABS SU BAB PA MJUG SDUD PA BRJOD PA NI DE'I PHYIR ZHES BYA PA'O, ,GAL TE YUL GYI DBYE BA BRJOD PAR BYA BA YIN LA DE NI RNAM PA GCIG GIS KYANG 'GRUB PA MA YIN NAM, DES NA NUS PA LA SOGS PA RNAM PA BZHI NYE BAR BKOD PAS CI BYA SNYAM DU BSU NAS RE ZHIG BRJOD MA THAG PA GSUM NI GTAN TSIGS GSUM LA LTOS NAS YIN NO ZHES STON PA NI 'DIS NI ZHES BYA BA STE 'DU BA'I RANG BZHIN NYE BAR BKOD PAS SO, ,GAL TE DPE DANG 'DRA BA NYID CES BYA BA GTAN TSIGS GSUM GA'I YANG YUL MA YIN NAM, DE JI LTAR NA 'DIS NI 'BRAS BU'I GTAN TSIGS KYI YUL BSTAN TO ZHES BRJOD CE NA, BDEN TE 'DRA BA NI GNYIS TE DNGOS PO'I DANG CHOS TZAM GYI STE THA SNYAD LAS YIN NO, ,'BRAS BU'I GTAN TSIGS LAS NI ME LA SOGS PA'I DNGOS PO NYID DPE LA MTHONG BA DANG 'DRA BAR RTOG PA'I PHYIR DNGOS PO LA BRTEN PA BRJOD LA, RANG BZHIN NAM MI DMIGS PA LA NI CHOS LA BRTEN PA NYID DO, ,DE LA DANG PO NI CHOS CAN GYI RANG BZHIN LAS THA DAD PAR RANG GI NGO BO SNANG PA'I PHYIR NA DE LA BRTEN PA'I 'DRA BA YANG DNGOS SU MTHONG BAR RNAM PAR GZHAG GO, ,CHOS TZAM GYIS NI DE LAS BZLOG PA'I PHYIR NA BTAGS PA TZAM YIN NO, ,GAL TE YANG DE KHO NAR 'DRA BA THAMS CAD BTAGS PA KHO NA YIN PA DE LTA NA YANG RTOGS PA DANG DNGOS PO LA BRTEN PAR RLOM PA'I PHYIR NA 'DRA BA'I BLOS NI DNGOS PO LA BRTEN PA'I 'DRA BA NYID DU YUL DU BYED PA YIN NO, ,DES NA DE TZAM GYI 'BRAS BU'I GTAN TSIGS KYI DBANG DU BYAS NAS 'DRA BA'I RNAM PAR BRJOD PAR 'OS PA YIN NO, ,DE BZHIN DU SGRA'I YUL NYID KYANG SGRA LAS BYUNG BA'I SHES PAS RTOGS PAR BYA BA YIN NO ZHES BYA BA NI SHING LA SOGS PA'I TSIG BRJOD PA LAS YAL GA LA SOGS PA DANG LDAN PA'I DON, SGRA LAS BYUNG BA'I SHES PA LA RTOG PA NA DE'I YUL DU RNAM PAR GZHAG PA YIN NO, ,DES NA DE'I YUL NYID NI DE'I RTOGS PA LA SNANG BA NYID DE TZAM DANG RJES SU 'BREL PA YIN PAS NA, DE'I KHYAB PAR BYED PA DANG GO BAR BYA BA YANG YIN NO, ,DE LA SGRA LAS BYUNG

BA'I SHES PAS RTOGS PAR BYA BA ZHES BYA BA NI, SGRA LAS BYUNG BA'I RTOGS PA LAS SDANG BA NYID DO ZHES BYA BA'I DON TO, ,DE NYID BRJOD PA NI SGRA LAS BYUNG BA'I SHES PA DE NYID KYANG ZHES BYA BA STE, CHOS CAN GYI CHOS SNANG BA BSTAN PAR BLTA BAR BYA STE, SGRA LAS BYUNG BA'I RTOGS PA LA SNANG BA NI SNANG BA CAN GYI DON SGRA'I RTOGS PA'I YUL NYID DU RTOGS PAR BYED PA YIN NO, ,DON GANG ZHIG SHES PA GANG LA SNANG BA CAN DE NI DE'I YUL YIN TE, DPER NA DBANG PO'I SHES PA LA SNANG BA CAN GYI RANG GI MTSAN NYID DE'I YUL YIN PA BZHIN NO, ,PHYIR MNGON PAR 'DOD PA LA YANG SGRA LAS BYUNG BA'I SHES PA LA SNANG BA CAN YIN NO ZHES BYA BA THA SNYAD SGRUB PA'O, ,GAL TE ME'I TSIG GI DON 'BRAS BU'I GTAN TSIGS KYI YUL MA YIN NAM, GANG GIS NA SGRA'I YUL NYID KYIS RANG BZHIN GYI GTAN TSIGS KHO NA'I YUL DU BRJOD PAR KHYAD PAR YANG CI ZHIG YOD SNYAM NA, DE LTA NI MA YIN TE, GTAN TSIGS GZHAN LA LTOS NAS KHYAD PAR YOD PA'I PHYIR RO; ,DPER NA 'DI NA ME YOD DO ZHES BYA BA 'DIR DU BA LA SOGS PA LA LTOS PA DE BZHIN DU SHING LA SOGS PA'I TSIG THOS PA NA NI YAL GA DANG LDAN PA LA SOGS PA'I SPYI, ,DE'I YUL CAN GYI THA SNYAD DU BYA BA LA GTAN TSIGS GZHAN LA MI LTOS TE DE'I RNAM PAR SNANG BA TZAM GYIS DE BZHIN DU RNAM PAR 'JOG PA'I PHYIR RO; ,NGAG GI DON LA NI THAMS CAD DU SGRUB PA DANG RJES BRJOD PA YOD PA'I PHYIR NA RANG BZHIN KHYAD PAR CAN GYI RJES SU DPAG PA YANG GZHAN LA LTOS PA MED DO, ,DPER NA BA LANG 'DI NI DKAR PO YIN NO, ,BA LANG KHYER LA SHOG CIG CES BYA BA 'DIR BA LANG RJES SU BRJOD NAS DKAR PO'I THA SNYAD DU YUL DU RUNG BAR SGRUB PA'I PHYIR RO, ,RTOGS PA BZHIN NO, ,KHA CIG DU NI KHYAD PAR GZHAN YANG RTOGS TE, DPER NA BA MED NI BA LANG DANG 'DRA'O ZHES BYA BA 'DIR MING TZAM GYIS GRUB PA'I BA MEN LA BA LANG DANG 'DRA BAR RTOGS PAR BYED DE BA LANG 'DRA BA'I THA SNYAD KYI YUL DU RUNG BAR BSGRUB PA'I PHYIR RO, ,KHYAD PAR DE NYID STON PA NI 'DI LTAR ZHES BYA BA'O, ,HI ZHES BYA BA NI LOGS SU GSAL BA ZHES BYA BA'I DON 'DI LA YIN NO, ,NYE BAR 'JAL BA ZHES BYA BA NI JI SKAD BRJOD PA NYE BAR 'JAL BA DAG GIS SO, ,DE LTAR SPYIR NGES PA NA BA MIN MTHONG BAS KHYAD PAR GYI MTHAR THUG PAR BRJOD PA NI 'DI NI ZHES BYA BA'O, ,DE LA BA MEN GYI

, ,RANG GI NGO BO LA YANG RJES SU DPAG PA 'JUG PA DANG 'DRA BA LA YANG MNGON SUM 'JUG PAR DOGS PA BZLOG PA'I DON DU DE'I NGO BO MNGON SUM DU ZHES GSUNGS SO, ,'DI NI BRAM ZE'I LUGS KYIS 'DI DE DANG 'DRA BA ZHES BYA BA MI 'DRA BA'I KHYAD PAR CAN GYI BA MEN 'DZIN PAR BYED PA RNAM PAR RTOG PA DANG BCAS PA NI MNGON SUM GYI TSAD MA NYID YIN LA, DE 'DI DANG 'DRA'O ZHES BYA BA NI NYE BAR 'JAL BA YIN TE, DE LKOG TU GYUR PA'I CHOS DANG CHOS CAN RTOGS PA'I PHYIR RO, ,DES NA JI LTAR 'DRA BA SGRA LAS BYUNG BA'I SHES PA'I SPYOD YUL YIN SNYAM DU DOGS PA BSU NAS 'DI LTAR ZHES GSUNGS SO, ,DON GCIG PA NYID YIN LA ZHES BYA BA NI GNYIS KA LA BRTEN PA'I 'DRA BA STON PA'I PHYIR RO, ,'ON KYANG TSIG TSUL TZAM ZHIG THA DAD PA YIN TE, DPER NA GCIG GI SPUN ZLA NYID RTOGS NA GZHAN GYI YANG SBUN ZLA NYID RTOGS PA BZHIN NO, ,DE LA YANG GZHAN GYI SPUN ZLA NYID DON GYIS GO BAS RTOGS PA YIN NO SNYAM NA MA YIN TE, DON THA DAD PA'I PHYIR RO, ,RTOGS PA'I TSUL THA DAD PA TZAM GYIS DON THA DAD PA NI, AU PA GO'I BU DANG AU PA GO LAS SKYES PA ZHES BYA BA DANG, CHUNG MA DANG BTZUN MO ZHES BYA BA LA SOGS PA LA YANG DE LTAR THAL BA'I PHYIR RO, ,DE LA GAL TE 'DI DE DANG 'DRA BA YIN NO, ZHES BYA BA MNGON SUM NYID YIN NA DE'I TSE YIN LA RAG NA, 'ON KYANG DE 'DI DANG 'DRA BA ZHES BYA BA'AM DON DE NYID YIN TE, DES NA MNGON SUM GYIS GRUB PA LA NYE BAR 'JAL BAS BRTAGS PAS CI ZHIG BYA, GRUB PA'I MTHA' NI MNGON SUM NI RTOGS PA MED PA KHO NA MNGON SUM YIN PA'I PHYIR DES NI BA LANG DAM PA MEN GYI RANG BZHIN NGO BO TZAM ZHIG RTOGS PA YIN NO ZHES BYA BA NI PHYED SNGA MA'I DON TO, ,PHYED PHYIS MA 'CHAD PA NI DE'I RJES SU BYED PA'I ZHES BYA BA'O, ,'DI LTAR DE'I RJES SU BYED PA ZHES BYA BA'I MING TZAM GYI 'DRA BA NI GNYI GA LA GNAS PA'I PHYIR RO, ,GAL TE DE LTA NA YANG GANG GIS KHYED KYANG RJES SU DPAG PA DON DU GNYER BA MNGON SUM GYIS CI STE MI 'DZIN SNYAM NA MNGON SUM GYIS NI ZHES GSUNGS SO, ,GCIG GIS SNYAM DU BSAMS PA YIN NO, ,GAL TE YANG MNGON SUM GNYIS KYIS GNYI GA'I RANG BZHIN 'DZIN PA DE LTA NA YANG GNYI GA LA GNAS PA'I 'DRA BA NI GCIG GIS KYANG RTOGS PA RMI NUS TE, GNYIS

PA MTHONG BA MED PA'I PHYIR RO, ,DES NA RANG BZHIN GYI GTAN TSIGS KHO NAS RTOGS PA YIN NO ZHES GNAS SO, ,RJES SU DPAG PA'I RNAM PA BRJOD PA NI, DE NI 'DI DANG 'DRA BA ZHES BYA BA'O, ,GAL TE DE'I RNAM PA YOD PA KHO NA 'DRA BA MA YIN NAM, JI LTAR RTAGS DANG RTAGS CAN GYI DNGOS PO YIN SNYAM NA, 'DRA BA'I THA SNYAD TZAM ZHES SMOS SO, ,SBYOR BA NI GANG ZHIG GANG GI RNAM PAR 'DZIN PA DE NI DE THAMS CAD NI DE DANG 'DRA BA'O ZHES THA SNYAD DU BYA BA YIN TE, DPER NA G-YAS PA DANG G-YON PA'I MDZUB MO GNYIS PHAN TSUN BZHIN NO, ,BA LANG DANG BA MEN YANG DE BZHIN DU BYA BA'O, ,MA NGES PA NI MA YIN TE 'DRA BA'I THA SNYAD KYI RGYU MTSAN DE TZAM DU ZAD PA'I PHYIR RO, ,SGRA LAS BYUNG BA'I RTOGS PA LA SNANG BAS RNAM PA 'DRES PAR 'DZIN PA'I PHYIR MA GRUB PA MA YIN TE, PHYI ROL GYI THA SNYAD NYAMS PA YANG MA YIN TE SNANG BA DANG RNAM PAR BRTAGS PA NGAG GCIG TU BYAS PA'I PHYIR RO, ,'O NA DE'I TSE RNAM PAR RTOG PA NYID KYI CHO 'PHUL YIN PA'I PHYIR DNGOS PO MTHONG BA MED PA NA GANG DANG GCIG TU BYED PA LAS THA SNYAD BYED CE NA, DE LTA BU'I SHES PA'I ZHES BYA BA LA SOGS PA'O, ,'DI DE DANG 'DRA BA'O, ,DE 'DI DANG 'DRA BA'I ZHES BYA BA'I RTOGS PA GNYIS KYI RGYU MTSAN DU GYUR PA ZHES BYA BA DRUG PA'I BSDU BA'O, ,GANG GI PHYIR NYAMS SU MYONG BA'I SGO NAS DE 'DRA BA'I RNAM PAR RTOG BA SKYE BAR 'GYUR BA GONG DU GNYIS LA DE LTA BU'I RANG BZHIN GYI KHYAD PAR YOD PA NI RGYU'I KHYAD PAR GYI NUS PA NYID LAS YIN NO ZHES BYA BA'I DON TO, ,'O NA 'DRA BA'I THA SNYAD LA NYAMS SU MYONG BA NYID TSAD MAR 'GYUR MONG, 'DRA BA GNYIS BDAG GIS MTHONG NGO SNYAM PA'I RNAM PAR RTOG PA'I RANG GI BYED PA NI DE NYID LA SGRO 'DOGS PA'I PHYIR RO SNYAM NA, BDEN TE GSAL BA'I GNAS SKABS NA NI DE KHO NA YIN NO, ,LKOG SHAL LA SOGS PAS BA LANG NYID DU THA SNYAD 'DOGS PA YANG RMONGS PA KHO NA MA YIN NO, ,DE'I PHYIR BLO GSAL BA NI MNGON SUM KHO NA 'DRA BA 'GRUB LA GZHAN LA NI RJES SU DPAG PA LAS THA SNYAD TZAM SGRUB PA YIN NO, ,DES NA NYE BAR 'JAL BA NI CI YANG BYAR MED DO, ,MING DANG MING CAN GYI 'BREL BA RTOGS PAS NI NYE BAR BSTAN PA'I NGAG GIS BSKYED PA 'BREL PA 'DZIN PA'I 'DRA BA LAS YIN PA'I PHYIR, RJES SU DPAG PAR GSAL BA YIN NO, ,DPE

, ,MED PA'I PHYIR MA YIN NO SNYAM NA, DE LTA MA YIN TE GANG ZHIG BA LANG DANG 'DRA BA DE NI BA MEN GYI MING GI BRJOD PAR BYA BA YIN TE, DPER NA NYE BAR BSTAN PA'I NGAG GI GNAS SKABS KYI RNAM PAR RTOG PA LA SNANG BA BZHIN NO, ,'DI YANG DE DANG 'DRA BA MIN ZHES BYA BA YIN PA'I PHYIR RO, , RNAM PAR RTOG PA'I YUL THAMS CAD 'DOD PA'I SGRAS BRJOD PAR RUNG BA NI MI MTHUN PA'I PHYOGS LA 'JUG PA'I GNOD BYED YIN NO, ,DE BAS NA MA NGES PA MA YIN NO, ,GAL TE DE LTA NA DPE'I DUS BZHIN DU RNAM PAR RTOG PA'I YUL NYID LA SGRA 'JUG PAR 'GYUR LA, SNANG BA DANG RNAM PAR BRTAG PAR BYA BA GCIG TU BYED PA LAS 'JUG PA NI DE LTA BU'I YOD PA NI MI SLU BA DANG LDAN PA YANG YIN NO, ,DES NA SGRA RNAMS PHYI ROL GYI YUL CAN NI MA YIN NO ZHE NA, 'DI NI DE BZHIN DU YIN NO ZHES MJUG BSDU BA STE, BRJOD PA NI DE'I PHYIR SGRA'I YUL NI ZHES BYA BA'O, ,GAL TE GZHAN DON RJES DPAG GANG YIN PA, ,SPYI NI DE YI SPYI'I YUL YIN; ,ZHES BRJOD PA MA YIN NAM, DE JI LTAR NA SGRA TZAM GYI YUL SPYOD CE NA, DE NI ZHEN PA'I YUL LA LTOS NAS BRJOD PA YIN TE, SGRA LAS BYUNG BA'I RTOG PA'I YUL SNANG BA NYID NI RANG GI RNAM PA RANG GI MTSAN NYID DU GYUR PA KHO NA YIN NO, ,DE LA THA SNYAD DU BYA BA'I SPYI NI GZHAN GYI DON GYI RJES SU DPAG PA'I SPYOD YUL YIN PA'I PHYIR 'GAL BA MED DO, ,RNAM PAR RTOG PA DNGOS PO'I YUL CAN YIN PA NYID NI DNGOS SU 'GOG PA MA YIN SNYAM DU BRGYA LA THE TSOM ZA'O SNYAM NA, SGRA SMOS PAS NI ZHES GSUNGS SO, ,RGYU MTSAN GZHAN YANG YOD PA NA ZHES BYA BA LA SOGS PA ZHES BYA BA NI, DNGOS PO MED PA SPYI'I CHOS NI MI DMIGS PA'I YUL YIN NO ZHES BYA BA'I DON TO, ,GAL TE YOD PA'I RNAM PAR SHES PAS NI RE ZHIG YOD PA NYID DU THA SNYAD DU BYA BA MA YIN NAM, MED PA NI 'GAR YANG NUS PA YOD PA MA YIN NAM, DES NA GANG LA BLO MED PA JI LTAR YIN ZHE NA, DE LA ZHES GSUNGS TE, BLO MED PA'I YUL LA'O, ,MA YIN 'JUG PAS ZLA BA'I SHES PA LA MI DMIGS PAR BSTAN PAS LAN BTAB PA YIN NO, ,SA PHYOGS LA SOGS PA'I RANG BZHIN GYIS NGES PA'I RNAM PA CAN YIN PA'I PHYIR RO, ,DE NYID BRJOD PA NI DES ZHES BYA BA'O, ,NGES PA'I RNAM PA CAN GYI DON GYIS BSKYED PA'I SHES PA NI BDAG NYID NGES PA'I RNAM PA CAN KHO NAR

RANG RIG PAS NYAMS SU MYONG BA YIN PA'I PHYIR, 'DI TZAM GYIS 'DI MI DMIGS LA GZHAN NI MA YIN NO, ,'DI LA BDAG ZHUGS KYI GZHAN NI MA YIN NO ZHES BYA BAR SGRUB PA DANG 'GOG PA'I RNAM PAR RTOG PA GNYIS 'PHANGS PA YIN NO ZHES RIGS SO, ,'BRAS BU BRJOD PA NI DES ZHES BYA BA'O, ,DNGOS PO'I RTOGS PA NI RNAM PA GNYIS TE, GCIG GI RANG BZHIN SGRUB PA DANG, GZHAN 'GOG PA'O, ,SKABS SU BAB PA'I RNAM PA GNYIS LA YANG RNAM PA GNYIS TE, YIN NO ZHES BYA BA RNAM PA GZHAN MED PAR STON PA'I DON DU YIN NO, ,'DI SKAD DU RNAM PA GZHAN MED PAR YANG STON PA YIN NO ZHES BSHAD PA BZHIN NO, ,MNGON SUM NYID KYIS ZHES BYA BA NI SGRUB PA'I RNAM PAR RTOG PA'I MNGON SUM GZHAN MA YIN LA, DGAG PA'I RNAM PAR RTOG PA YANG DNGOS PO MED PA'I TSAD MA'I 'BRAS BU'AM, MNGON SUM GZHAN NYID MA YIN TE, LDAN PAR 'GYUR BA'I KHYAD PAR CAN GYI DNGOS PO'I NYE BAS DNGOS PO MED PA'I GZHAL BYA 'DZIN PAR BYED PA ZHES PA'I DON TE, THA DAD PAR SMRA BA'I ZHES BYA BA NI PHYI ROL SMRA BA ZHES BYA BA'I DON TO, ,PHYI ROL SMRA BA LA THA DAD PAR SMRA BAR BRJOD PA NI, PHYI ROL DU SMRA BA MED NA MI 'BYUNG BA NYID DU BSTAN PA'I DON DU'O, , YANG NA BLO LA LTOS NAS THA DAD PA'I PHYIR DE LTAR BRJOD DE, BLO'I RANG BZHIN LA NI KHYAD PAR BRJOD PAR BYA'O ZHES BYA BA'I DON TO, ,RNAM PA GNYIS SU RTOGS PA'I GTAN TSIGS BRJOD PA NI, RTOG PA'I RNAM PA GZHAN MED PA'I PHYIR RO ZHES BYA BA YIN NO, ,SGRUB PA DANG DGAG PA'I RTOGS PA SPANGS NAS BLO'I RNAM PA GZHAN NI YOD PA MA YIN NO, ,YANG MNGON SUM NYID KYIS ZHES BYA BA 'DI LA GTAN TSIGS SU BRJOD PA YIN TE, 'DI 'DRA BA'I YUL RTOGS PA'I ZHES BYA BA DES PA'I THABS NI MNGON LAS GZHAN YOD MA YIN TE, GZHAN MED PA'I PHYIR DANG DE NYID KYIS NUS PA'I PHYIR RO, ,DE LTAR GANG LA BLO MED PA DE MI BLTAR RUNG BA'I KHYAD PAR CAN DU GYUR PA NA DNGOS PO MED PA'I SGRUB PAR BYED PA MI DMIGS PA'I YUL YIN LA KHYAD PAR DANG BRAL BA NI YOD PA'I THA SNYAD DGAG PA'I 'BRAS BU CAN YIN NO ZHES BYA BAR DGONGS PA'O, ,YANG NA SGRA'I RTOGS PA'I YUL NI NYE BAR MTSON PA'I PHYIR NA RNAM PA THAMS CAD DU THA SNYAD DU RUNG BA NYID

, ,NI RANG BZHIN GYI GTAN TSIGS KHO NA LAS YIN NO, ,'DI SKAD BRJOD PA'I GTZO BOR GYUR PA'I 'DRA BA NYID NI 'BRAS BU'I GTAN TSIGS KHO NA'I YUL TE, DES NA YUL NGES PA RNAM PA GSUM BRJOD PA YIN NO, ,YANG NA RNAM PA GSUM PA 'DI YANG SGRO 'DOGS PA 'GOG PA LHUR BYED PA'I GTAN TSIGS NYID KYI NGES PA YIN NO, ,'DI LTAR 'DRA BA NYID 'BRAS BU'I YUL YIN NO ZHES BYA BA NI, DBANG PHYUG LA SOGS PA MI 'DRA BA DPOG PA BKAG PA'I PHYIR NA DNGOS PO LA SGRO 'DOGS PA BKAG PA BSTAN PA YIN NO, ,THA SNYAD NYID NI RANG BZHIN GYI GTAN TSIGS LAS YIN NO ZHES BYA BAS NI DNGOS PO'I CHOS SU SGRO 'DOGS PA 'GOG PA BSTAN TE, ,GAL TE SKAD CIG MA LA SOGS PA DNGOS SU MA YIN YANG RNAM PAR RTOG PA MED PA'I PHYIR NA THA SNYAD SGRUB PAR BYED PAR RNAM PAR GZHAG PA MA YIN PA DE LTA NA YANG RI LA ME'I RNAM PA SPANGS PA LTAR, DE'I MNGON SUM NI SKAD CIG MA'I RNAM PA DANG BRAL BAR SKYE BA MA YIN TE; DES NA DE KHO NA SKAD CIG MA LA SOGS PA SGRUB PAR BYED PAR THA SNYAD SGRUB PAR BYED PA KHO NA'O, ,'DIS NI GANG ZHIG MNGON SUM LA SNANG BA'I DNGOS PO'I RANG BZHIN DE NYID YOD PA MA YIN PA'I PHYIR SPYI LA SOGS PA'I GZUNG BA NI MI DMIGS PAS ZIN PA'I PHYIR MI SNANG BA DGAG PAR BRJOD PA YIN NO, , SNANG BA NYID KYANG NGES ZIN PAR MA GYUR CIG CES, GANG LA BLO MED PA NYID MI DMIGS PA'I YUL YIN NO ZHES BRJOD PA YIN TE DES NA SKUR PA 'DEBS PA BKAG PA BSTAN TO, ,MI DMIGS PA MED PAR NI DGAG PA 'GRUB PA MA YIN NO, ,GANG LA MNGON SUM GYI BKAG PA DE LA NI GZHAN MNGON SUM YIN PA'I PHYIR DE NI MA YIN NO, ,DE LA NI DE NYID MI DMIGS PA YIN NO, ,RMONGS PA LA NI DE NYID RTAGS SU NYE BAR BKOD PA YIN NO, ,'O NA NUS DANG MI PHYAS PHYIR, ,ZHES BYA BA CI'I DON DU BRJOD CE NA, SKABS SU BAB PA NYID DRAN PAR BYED PA NI 'DRA BA ZHES GSUNGS SO, ,'DRA BA NYID LA SOGS PA CHOS SU BSTAN PA YIN YANG CHOS CAN NYID LA RTOGS PAR BYA'O, ,DES NA 'DRA BA NYID NI LKOG TU GYUR PA'I RTOGS PA RJES SU DPAG PA'I YUL YIN LA, MI 'DRA BA RANG GI MTSAN NYID NI CIG SHOS MNGON SUM GYI YUL YIN NO, ,DE BZHIN DU SGRA'I YUL DANG YUL MA YIN PA DANG RGYU MTSAN GZHAN YOD NA GANG LA BLO YOD

PA DANG MED CES BYA BA LA YANG SBYAR BAR BYA'O, ,DE LAS CIR 'GYUR ZHE NA, BRJOD PA DE YANG DON BYED PAR ZHES BYA BA'O, ,DNGOS SU NUS PA NI RANG GI MTSAN NYID YIN LA BRGYUD PA'I NUS PA NI SPYI'I MTSAN NYID DO, ,SHES PA YIN NO ZHES BYA BA 'DIS NI NUS PA MA NGES PA'I RGYU MTSAN LA BYA'I SKYE BA LA NI MA YIN NO ZHES BYA BA'I DON TO, ,'DRA BA DANG MI 'DRA BA NYID NI NUS PA LAS BYUNG BA MA YIN GYI 'ON KYANG SHES PA YIN NO, ,DE YANG MNGON SUM MA MA RJES SU DPAG PA DE LAS SKYES PA YIN NO, ,RE ZHIG RANG BZHIN GYI GTAN TSIGS KYANG GZHAN LA MNGON SUM GYIS DNGOS SU SKYED PAR BYED PA'I YUL MIN MOD, GANG GI TSE RNAM PAR RTOG PA'I RNAM PA LA THA DAD SGRUB PAR BYED PA DE'I TSE TSUL JI LTAR YIN, DE'I TSE NI RANG RIG PA'I MNGON SUM NYID YIN NO ZHE NA, DE'I TSE BYED PA DANG BCAS PA NYID DU RTOGS PA NYE BAR GZUNG BAS TSAD MA DANG 'BRAS BU LA BRTEN BAS SAM, RJES LAS SKYES PA'I RNAM PAR RTOG PA LA LTOS NAS THA SNYAD BYED PA LA YIN NO, ,DE'I STOBS KYIS MNGON SUM NYID DU RNAM PAR 'JOG PA'I PHYIR NA DE NYID LA MNGON SUM DU NYE BAR 'DOGS PA YIN NO, ,DE'I DNGOS SU SKYED PAR BYED PA YIN LA, DE'I DE MA THAG PA'I NI BRGYUD NAS SKYED PAR BYED PA YIN NO, ,'DIS NI SHES PA YANG DON BYA BAR NUS PA NYID KYIS YOD PA YIN NO ZHES BSTAN PA YIN NO, ,DES NA NUS DANG MA NUS DANG, ,ZHES BYA BA 'DI NI SPYI'I MTSAN NYID YIN LA, GZHAN MA DAG NI DE'I DBYE BA YIN NO, ,DE NYID KYI PHYIR DE BSAL NA TSAD MA'I RNAM PAR GZHAG NAS DE RTZOD PA'I 'DI NI GZHAL BYA GNYIS KYIS TSAD MA GNYIS GRUB PA LA, RGYAS PAR RTZOD PA GANG YIN PA SPANGS PA'I ZHAR LA 'ONGS PA YIN TE BAR DU GTAN TSIGS GSUM GYI YUL NGES PA RNAM PAR GZHAG NAS DE RTZOD PA'I LHAG MA BSAL BAR RTZOM PA NI DE LA ZHES BYA BA'O, ,GANG LA MNGON SUM NI MED PA DE ZHES SKABS LAS YIN NO, ,MNGON SUM LAS GZHAN NI GZHAL BYA LAS TE LKOG TU GYUR PA ZHES BYA BA'I DON TO; ,MNGON SUM GYI TSAD MA'I RNAM PA BRJOD PA NI NGAS GSAL ZHES BYA BA STE, MYONG BA'I BDAG NYID MNGON SUM, DE LTAR BDAG NYID RIGS PA NYID CES BYA BAR SBYAR RO, ,'DI TZAM NYID KYI ZHES BYA BAR 'DI NYID KYI DON BRJOD PA NI, NGES PA NYID DU ZHES BYA BA'O, ,'DI SKAD BRJOD PA YIN TE,

, ,LKAG TU GYUR PA ZHES BYA BA SHA ZA DANG 'DRA BAR RIGS NGES PA NI CI YANG MED KYI 'ON KYANG GANG ZHIG GANG GI TSE MA DMIGS PA DE'I TSE NA LKOG TU GYUR PAR BRJOD PA YIN NO, ,GCIG LA ZHUGS PA'I MNGON SUM 'DI NI MI DMIGS PA GZHAN NI MA YIN NO ZHES RNAM PAR RTOG PA SKYED PA KHO NA MNGON SUM DANG LKOG TU GYUR PA'I YUL RNAM PAR GZHAG PA YIN NO, ,'DI MA DMIGS SO SNYAM PA NI RES 'GA' MTHONG BA LA YANG 'GYUR TE, ME LA SOGS PA LA 'GYUR BA BZHIN NO, ,DE LA LTOS NAS KHYAB PA 'DZIN PAR 'THAD PA'I PHYIR JI LTAR RJES SU DPAG PA MI 'JUG PA YIN, DES NA MNGON SUM KHO NAS LKOG TU GYUR PA NYID RTOGS SO ZHES PAR RIGS SO, ,'O NA JI LTAR NA LKOG TU GYUR PA NYID KYI CHOS MNGON SUM GYIS RTOGS PA DE BZHIN DU CHOS DE DANG LDAN PA'I DON YANG YIN PAR 'GYUR RO ZHES BYA BA'I DOGS PA BZLOG PA'I PHYIR BSHAD PA DON GYI NGO BO NI LKOG TU GYUR PA NYID DE ZHES BYA BA'O, ,CI'I PHYIR ZHE NA DON DE LA ZHES BYA BA LA SOGS PA'O, ,DE 'JUG NA NI 'DI MA DMIGS SO ZHES BYA BA NYID DU MI 'GYUR RO, ,MNGON SUM MNGON SHES ZHES BYA BA LA SOGS PA NI GZHAN GYI'O, ,'O NA JI LTAR DE RIG SNYAM NA, DE RIG NA NI ZHES GSUNGS SO, ,KHA CIG GI LTAR NA CHOS DANG CHOS CAN GYI DNGOS PO THA DAD PA NYID YIN BAS DE'I DOGS PA BSU NAS BRJOD PA NI NGO BO NYID 'GYUR ZHES BYA BA'O, ,GANG ZHIG GANG LAS DON GZHAN YIN PA DE NI DE'I CHOS MA YIN TE, DPER NA GANGS CAN LAS MA LA YA BZHIN NO, ,LKOG TU GYUR PA LAS KYANG LKOG NYID THA DAD PA YIN NO ZHES BYA BA NI KHYAB PAR BYED PA 'GAL BA DMIGS PA THAL BAR 'GYUR RO, ,BZLOG PA NI GANG ZHIG GANG GI CHOS YIN PA DE NI DE'I RIG GI NGO BO KHO NA YIN TE, DPER NA SPYI'I PHYIR RANG BZHIN NYID BZHIN NO, ,LKOG NYID KYANG LKOG TU GYUR PA'I CHOS YIN NO ZHES BYA BA NI RANG BZHIN GYI GTAN TSIGS SO, ,CHOS DANG CHOS CAN GYI DNGOS PO LA NI 'DI 'DI'I YIN NO ZHES SBYOR BAS KHYAB PA YIN LA, DE'I BDAG NYID DANG BRAL BA'I YUL LA NI RGYU MTSAN MED PA'I PHYIR NA SBYOR BA LOG PA NA RIGS KHYAB BAR BYA BA'I CHOS CAN GYI DNGOS PO LDOG PA YIN TE, ,DES NA DE'I BDAG NYID KYIS KHYAB PA YIN NO, ,DES NA MA NGES PA MA YIN NO, ,DES NA 'BREL BA'I PHYIR ZHES BYA BA NI GZHAN GYI

DOGS PA BSU BA'O, ,THA DAD KYANG 'BREL PA 'GA' ZHIG LA BRTEN NAS SBYOR BAR 'GYUR BA'I PHYIR NA LDOG PA LA RGYU MTSAN MED PA MA GRUB PAS NA LDOG PA MA YIN TE, DES NA DE'I BDAG NYID KYI KHYAB PA GAL YOD DE DE'I PHYIR MA NGES PA NYID DO SNYAM NA, 'DI LA LAN DU 'O NA NI ZHES BYA BA'I CHOS CAN GYI RANG BZHIN CAN GYI RANG BZHIN LAS THA DAD PAR ZHES BYA BA NI NGAG GI LHAG MA'O, ,DE'I BDAG NYID MA YIN PA'I 'BREL BA PA GANG JI SNYED PA DE THAMS CAD NI 'BREL PA CAN GYI RANG BZHIN GNYIS MTHONG BA MED PAR RTOGS PAR NUS PA MA YIN NO, ,RNAM PAR RTOGS PAS NI GCIG RTOGS PAR 'GYUR BA'I ZHES BYA BA BZLOG PA'I MNGON SUM GYIS ZHES GSUNGS SO, ,MTHONG BA GNYIS NYID LA DNGOS PO PA'I 'BREL PA RTOGS PAR NUS KYI RNAM PAR RTOG PA NI BAG CHAGS TZAM GYI DBANG GIS 'BREL PA RTOGS PA'I PHYIR 'GA' YANG CHOS DANG CHOS CAN GYI RANG BZHIN THA DAD PAR RTOG PA MA YIN NO ZHES DON GYIS 'PHANGS PA YIN NO, ,DU BA YANG RTEN DANG BRTEN PAR GYUR PA'I DNGOS PO RNAM NYID LA RTOG PA YIN GYI, PHAN TSUN RANG BZHIN DBEN BAR RTOGS PA MED PA LA NI 'DI LA'O SNYAM PA'I BLO SU LA YANG MED DO, ,DE'I PHYIR 'GREL PA GZHAN MI SRID PA NYID DE, DES NA BZLOG PA LA RGYU MTSAN MED PA GRUB BO, ,'ON TE DE'I BDAG NYID LA YANG 'DI NI CHOS 'DI NI CHOS CAN NO ZHES RNAM PAR DBYE BA MED PA'I PHYIR, 'DI'I NAS SBYOR BA MI 'THAD PA NYID DO ZHE NA, MA YIN TE RTOGS PAS SBYAR BA NI DAG PAR MI NUS PA'I PHYIR RO, ,GCIG YIN YANG LDOG PA'I DBYE BA YOD PA'I SKYON MED DO, ,YANG 'BREL PA ZHES BYA BA NI GZHAN GYI DBANG YIN LA, DE YANG RE ZHIG SKYE BAR NI MA YIN TE KHAS MI LEN PA'I PHYIR DANG, MNGON SUM DANG MI DMIGS PA GSUM MI 'JUG PA'I PHYIR RO, ,GNAS PAS KYANG MA YIN TE LTUNG BA'I MED PA'I PHYIR RO, ,DE MED NA NI LTOS PA YANG 'GA'I YANG MED DO, ,DE'I PHYIR GAL TE RTOGS PA'I GZHAN GYI DBANG YANG MA YIN NA 'DI 'DI'I ZHES BYA BA 'DI ZHES BYAS PA YIN, DE NYID KYI PHYIR 'ON NI MNGON SUM GYIS ZHES GSUNGS TE, THAMS CAD KYI TSE ZHES BYA BA LHAG MA'O, ,DE MED KYANG RES 'GA' MTHONG BA DE'I RANG BZHIN GYI DBANG DU RTOGS PAR JI LTAR 'GYUR SNYAM DU DGONGS PA'O, ,DE'I PHYIR KHO BO CAG LA GCIG TU BSGRUBS PAS CI ZHIG BYA STE, THA DAD KYANG 'GRUB BYA 'GRUB PA'I

, ,PHYIR RO ZHES STON PA NI DNGOS PO DE DANG 'BREL PA'I ZHES BYA BA'O, ,YANG NA GZHAN DANG 'BREL PA NYID DU RTOGS NA CHOS RTOGS PAR 'GYUR LA, GZHAN DANG 'BREL BAR 'GYUR BA'I RANG BZHIN NI, ,GZHAN RTOGS PA MED PAR MI RTOGS PA KHO NA'O, ,DES NI CHOS MNGON SUM DU GYUR PAS CHOS CAN YANG MNGON SUM DU 'GYUR RO ZHES BYA BA'I DON TO, ,LHAG MA NI RTOGS PAR BLA'O, ,'DIR SMRAS PAS ZHES BYA BA'I GRUB PA'I MTHA'I NI 'DI YIN TE, CHOS DANG CHOS CAN GYI DNGOS PO 'DI NI RTAG PA NYID YIN LA, CHOS GCIG NYID LA YANG RNAM PAR RTOG PA NYID DE, DPER NA SNGON PO'I SNGON PO NYID DO ZHES RNAM PAR RTOG PA NA THA DAD PA LTA BU DANG GCIG PA LTA BUR SNANG NGO, ,DE BZHIN DU RNAM PAR DPYOD PAS NA SNGON PO'I RANG BZHIN DE NYID SNGON PO NYID YIN NO ZHES RNAM PAR RTOG NA THA DAD PA MED PA LTA BU DANG, DU MA LTA BUR SNANG NGO, ,DE LA GAL TE DE MA THAG PA'I RTOGS PA LA LTOS NAS BRJOD NA NI, DE'I TSE THAMS CAD GRUB PA LA SGRUB PA KHO NA'O, ,RTOGS PA DANG PO LA LTOS NAS NI THA SNYAD DU BYA BA GCIG GI RANG BZHIN MED PA KHO NA STE, MA RIG PA'I DBANG GIS BSAL BA LA DNGOS PO'I CHAR LHAG PAR ZHEN KYANG DNGOS POR RTOGS PA LA LTOS PA NYID NI MA YIN NO, ,SNGON PO NYID DU RTOGS PA LA YANG SNGON PO'I DNGOS PO NYID RTOGS PA YOD PA MA YIN NO, ,'ON TE SNGON PO NYID DU RTOGS PA NA SPYIR RNAM PAR RTOG PA CAN 'PHANGS PA NYID YIN NO, ,'O NA NI DE DE BZHIN DU LKOG TU GYUR PA NYID RTOGS PA LA YANG 'PHANGS PA YOD PA NYID DO, ,DE BAS NA KHYAD PAR LA SBYAR BA'I DON DE NYID LA GZHAN DU TSAD MA GZHAN 'JUG PAR RIGS PA YIN NO ZHES STON PA NI, RANG RIG PA'I ZHES BYA BA'O, ,GZHAN MI DMIGS SO ZHES SPYIR RNAM PAR RTOG CES PA NI LKOG GYUR NYID RTOGS PA YIN PAR BRJOD PA YIN NO, ,PHYIS NI SER PO LA SOGS PA MTHONG BA NI SNGON LKOG TU GYUR PA NI 'DI YIN NO ZHES KHYAD PAR SPYOD PAR BYED DO, ,DES NA 'BREL PA RTOGS PA YANG 'THAD PA YIN NO, ,GAL TE DE LTA NA YANG GCIG GIS GNYIS MI RTOGS PA'I PHYIR JI LTAR 'BREL BA RTOGS SNYAM NA, GNYIS RTOGS NA ZHES GSUNGS SO, ,MA YIN NO ZHES BYA BA NI GDON MI ZA BAR ZHES BYA BA LA LTOS PA'O, ,GZUGS DANG RO DAG RTOGS PA YANG THA DAD PA LA 'BREL PA 'DZIN PA

MED PA NI MA YIN NO, ,DE LA ZHES BYA BA SKABS LA SBYOR BA'O, ,JI LTAR 'BREL BA 'DZIN PA'I MNGON SUM GYI GO SKABS YOD PA DE BZHIN DU RJES SU DPAG PA'I YANG YIN NO, ,'DIS NI BSGRUB PA'I RANG BZHIN NYID LKOG NYID DU NYE BAR BZUNG NAS KLAN KA SPANGS PA YIN NO DA NI MNGON SUM GYI RTOGS PA BKAG PA TZAM LA BRTEN NAS KLAN KA SPANG BA BRJOD PA NI GZHAN YANG ZHES BYA BA LA SOGS PA'O, ,BZLOG PA MIN ZHES YA BA NI DGAG PA TZAM MNGON SUM GYI RTOGS PA LAS DNGOS POR RIGS PA MA YIN PA'O, ,'GREL PA'I THA MI DAD PAR ZHES BYA BA NI SO SOR SNANG BA YANG RNAM PAR RTOG PA LA ZHIB MOR RTOGS PA MED PAS NA LHAG PAR ZHEN PAS THA DAD PA MI RTOGS PA'I PHYIR RO, ,MNGON RTZOL GYI RTOGS PA DANG BRAL BA TZAM LKOG TU GYUR PA YIN NA CHOS CAN 'DZIN PA LTOS PAR GA LA 'GYUR, GAL TE DNGOS PO MED PA TZAM RANG RIG PA'I MNGON SUM GYI YUL DU JI LTAR 'GYUR, ,RANG RIG PA NI DNGOS PO'I CHOS YIN PAS DE NYID YUL DU BYED PAR 'GYUR RO ZHE NA GZHAN DU YANG MNGON SUM GYI DNGOS PO MED PA 'DZIN PA NI ZLA'O RANG BZHIN NGES PA NYAMS SU MYONG BA LAS GZHAN MA YIN NO, ,'DIS NI GNYIS MED PA'I DNGOS PO NI, DNGOS PO STONG PA'I MTSAN NYID DO ZHES BYA BA LA SOGS PAR CHOS KYI DBYINGS DNGOS PO MED PA CAM DU BSHAD PA LA MNGON SUM NYID NYAMS PA MED PAR 'GYUR PA STE, THA SNYAD PA LA NI GZHAN MED PA'I RNAM PAR RTOG PA SKYE BAR NGES PAS DE LTAR RNAM PAR GZHAG PA YIN NO ZHES BSTAN PA YIN NO, ,DE LTAR DON MED PA NYID SPANGS PA NA 'BREL PA 'DZIN PA MED PA'I PHYIR RJES SU DPAG PAR MI NUS PAR SNGAR BRJOD PA NYID DRAN PAR BYED PA NI CI STE ZHES BYA BA LA SOGS PA'O, ,'DI NI CUNG ZAD KYANG ZHES BYA BA NI GRUB PA'I MTHA'O, ,'DI LA CHOS LKOG NYID LA 'BREL BA 'DZIN PA'I MNGON SUM 'JUG GAM, DE STE DE DANG 'BREL BA RUNG BA'I DNGOS PO LA 'JUG CE NA RNAM PAR RTOG PA GNYIS SO, ,RE ZHIG DANG PO NI RJES SU DPAG PAS LKOG NYID SGRUB PAR MI 'DOD PA DES NA DE LA 'BREL PAR RUNG BA'I DNGOS PO LA 'JUG CE NA RNAM PAR RTOG PA GNYIS SO, ,RE ZHIG DANG PO NI RJES SU DPAG PAS LKOG NYID SGRUB PAR MI 'DOD PA DES NA DE LA 'BREL PA 'DZIN PA'I MNGON SUM GYIS CI ZHIG BYA, DBANG PO LAS 'DAS PA NYID YIN YANG ZHES BYA BA 'DIS NI PHYOGS GNYIS PA MA GRUB PAR

, ,BRJOD PA YIN MOD, GANG GI TSE MNGON SUM NYID GYUR PA YANG ZHES 'DON PA DE'I TSE NI LKOG NYID NI RANG RIG PA YIN NA YANG ZHES BYA BA'I DON TO, ,YANG NA SNGA MA BZHIN LA SOGS PA'I CHOS CAN MNGON SUM DU GYUR PA GANG YIN PA DE LA'O, ,CHOS CAN GYI RANG BZHIN YANG RJES SU DPAG PAR CI'I PHYIR 'DOD SNYAM NA DON GYI ZHES BYA BA LA SOGS PA GSUNGS SO, ,DE BAS NA LKOG NYID LA SNGAR ZHUGS PA LA LTOS PAS NI CI YANG BYAR MED DO, ,YANG DE NYID KYANG RNAM PA GZHAN GYIS GRUB PO ZHES STON PA NI GZHAN YANG ZHES BYA BA'O, ,SHUGS KYIS RNAM PAR GNAS PA ZHES BYA BA NI RANG NYID THA DAD KYI YUL DU 'GYUR GYI TSAD MA GZHAN LA LTOS PA NI MA YIN NO ZHES BYA BA'I DON TO, ,DE'I NGO BO LA RJES SU DPAG PA MI NUS PA NYID CES BYA BA NI ME LA SOGS PA BSGRUB PAR BYA BA DE'I RANG GI NGO BO DE LA 'JUG PA DE NI ZHUGS PA STE, DE YUL DU BYED PA'O, ,DE LA NUS PA MED PA'O, ,MED KYI BYA BA NI CHOS TZAM LA 'BRAS BU MED PA'I PHYIR RO; ,'O NA JI LTAR DE LA LTOS SNYAM NA DE NI 'DOD KYANG ZHES BYA BA'O, ,RJES SU DPAG PA GRUB BO, TSAD MA NI MA YIN NO SNYAM NA, 'DIS NI ZHES GSUNGS SO, ,RJES SU DPOG PA LAS LKOG TU GYUR PA'I DNGOS PO GRUB MOD TSAD MA LA CI 'BYUNG SNYAM NA, LKOG GYUR ZHES GSUNGS SO, ,'DI'I ZHES BYA BA NI RJES SU DPAG PA'I'O, ,DE DANG 'BREL BAR ZHES BYA BA NI LKOG TU GYUR PA'I DNGOS PO DANG 'BREL BA'O, ,DNGOS PO DANG 'BREL BA LAS 'THOB PAR BYED PA'I SHES PA NI TSAD MA YIN NO, ,DE YANG DNGOS PO DANG 'BREL BA'I RTAGS LAS SKYES PA NYID KYI YIN NO SNYAM DU DGONGS PA'O, ,DE NYID 'CHAD PA NI DNGOS DANG 'BREL PA TZAM GYIS NI, ,ZHES BYA BA'O, ,DE'I PHYIR GANG ZHIG DNGOS PO DANG 'BREL BA GRUB PA DE NYID TSAD MA YIN NO, ,TSAD MA YIN PAS NA RTAGS LAS RIG PA YIN TE, TSAD MA NYID DU RNAM PAR GNAS PAR 'GYUR RO ZHES BYA BA'I DON TO, ,LHAG MA DAG CES BYA BA NI BRGAL BA DANG LDAN NO, ,SNGAR NYID ZHES BYA BA NI, THA SNYAD LAS NI TSAD MA NYID CES BYA BA DER BSTAN ZIN TO, ,GAL TE ZHES BYA BA LA SOGS PAS NI YANG MA NGES PA NYID BRJOD PA'I DNGOS PO YIN PA TZAM GYIS NI 'DRA BA DANG MI 'DRA BA'I DNGOS PO RTZOM PAR BYED PA MA YIN NO ZHES BYA BA'I DON TO, ,GRUB PA'I MTHA'I DON NI 'DI YIN TE RNAM PA THAMS CAD DU

DE LTAR MA YIN MOD TSOGS PA YOD NA 'GYUR BA YIN NO, ,RNAM PA GNYIS GRUB PA STE DE TZAM GYIS KYANG NYAMS PA MED PA YIN NO, ,PHYIR BSTAN PAR BYA'O ZHES BYA BA NI, DE BZHIN BRDA LA LTOS MED PAR, DNGOS NUS NYID LA MIG BLOR 'GYUR, ,ZHES BYA BA DANG, 'BREL PA CAN GYI CHOS LA NI, ,CHOS CAN BAS NI RTOGS SKYES GANG, ,ZHES BYA BAR RO, ,GZHAN YANG 'DRA BA DANG MI 'DRA BA DANG NYAMS SU MYONG BA'I RNAM PAR GZHAG PA NI TSAD MA GNYIS MED PAR 'GYUR BA MI 'ONGS SO ZHES STON PA NI GZHAL BYA GNYIS GRUB PAS NI ZHES BYA BA'O, ,DE LTAR GNYI GA TSAD MA YIN NO ZHES MA 'BREL BA RNAM PAR BCAD PA GRUB PA YIN NO ZHES GZHAN DANG LDAN PA RNAM PAR BCAD PA'I DBANG DU BYAS TE BCAD PA NI GANG GI TSE ZHES BYA BA'O, ,GANG YUL DANG MI LDAN PA'I SHES PA DE NI TSAD MA YIN TE, DPER NA RI BONG GI RVA'I SHES PA BZHIN NO, ,MNGON SUM DANG RJES SU DPAG PA LAS THA DAD PA'I SHES PA'I YUL DANG LDAN PA MA YIN DO ZHES BYA BA NI KHYAB PAR BYED PA MED PA'O, ,MA NGES PA NYID SPANG BA'I DON DU KHYAB PA BRJOD PA NI GZHAL BAR BYA BA DANG BRAL BA'I ZHES BYA BA LA SOGS PA'O, ,CI'I PHYIR ZHE NA, RANG GI NGO BO 'AM STE THUN MONG MA YIN PA DANG GZHAN GYI NGO BO ZHES BYA BA DE DANG THUN MONG DU GYUR PA DE BZHIN DU GZHAL BYA YANG RNAM PA GNYIS KYIS KHYAB PA YIN NO ZHES BRJOD ZIN PA NYID DO, ,SGRA LAS BYUNG BA LA SOGS PA LA NI 'BREL BA MED PA'I PHYIR NA DON 'GA' YANG YONGS SU GCOD PAR BYED PA MA YIN TE, DES NA THE TSOM LA SOGS PA DANG, THUN MONG BA SEMS CAN TZAM YOD KYANG 'DIS SHES PAR BYED PA'I ZHES BYA BA'I SHES PA NI YOD PA MA YIN NO, ,GZUNG BA DANG 'DZIN PA LA SOGS PA DANG BRAL BA'I PHYIR NA DE'I KHYAD PAR NI TSAD MA YIN NO, ,DES NA SHES PA MED PA'I PHYIR NA TSAD MA'I THA SNYAD DAG LA YOD, 'DIS NI TSAD MA'I THA SNYAD LA NI YONGS SU GCOD PA'I SGRUB PAR BYED PA'I DAM PA NYID KYIS KHYAB LA YONGS SU GCOD PA YUL YOD PAS KHYAB PA DES NA GZHAL BYA MED NA YONGS SU GCOD PAR BYED PA NYID MED PAS NA KHYAB PAR BYA BA TSAD MA NYID KYANG ZLOG PAR BYED DO, ,DES KHYAB PA THUG PA'I PHYIR MA NGES PA NYID MA YIN NO, ,MA GRUB PA NI GNYIS KYIS KHYAB PA'I GZHAL BYA'I KHYAB PAR BYED

, ,PA MED PA NYID KYIS SPANGS PA YIN NO, ,JI SKAD DU SHES PA NYID MED PA'I PHYIR GANG ZHIG TSAD MAR 'GYUR ZHES BRJOD PA DE LA SHES PA YONGS SU GCOD PAR BYED PA MED MOD SNYAM DU BSAMS NAS GZHAN DAG BRJOD PA NI, BDAG YOD DO ZHE NA ZHES BYA BA'O, ,'JAL BAR BYED PA PO DE NYID TSAD MA YANG MA YIN MOD DES NA BZLOG PA LA TSAD MA MED PA NYID MA YIN NO SNYAM DU SEMS PA'O, ,LAN DU DE NYID CES BYA BA STE BDAG GI GAL TE DE TSAD MA'I RANG BZHIN NYID DU 'DOD NA DE'I TSE 'DI LTAR 'GYUR RO, ,'ON TE RNAM PA GZHAN DU YIN NA DE'I TSE BZLOG PA LA TSAD MA MED PA NYID DO ZHES BYA BA MA NGES PA NYID MA YIN NO, , DE'I PHYIR ZHES BYA BA NI SKABS KYI DON NYE BAR SDUD PA'O, ,RANG GI NGO BOS ZHES BYA BAR THUN MONG MA YIN GYIS TE, GANG LA DNGOS SU BSKYED PA'I NUS PA YOD PA'O, ,DE LAS GZHAN DU ZHES BYA BA NI THUN MONG NYID DU STE, GANG LA BRGYUD PAS SKYED PA'I NUS PA YOD PA'O, ,DNGOS DANG BRGYUD PAS NUS PA'I SGO NAS YUL RNAM PAR GZHAG PAS CI ZHIG BYA STE, 'DRA BA DANG MI 'DRA BA NYID KYIS SNANG BA TZAM GYI 'GYUR LA RAG MOD, DE LA YOD PA'I YUL CAN NI MA YIN LA, YOD PA MA YIN PA'I YUL CAN NI TSAD MA MA YIN PA'I PHYIR SKABS NYAMS PA YANG MA YIN NO, ,DE LTA NA 'O NA CI DE NYID YOD PA DANG MED PA'I MTSAN NYID YIN NAM ZHE NA; KHYED KYI MTSAN NYID KYANG CI ZHIG YIN NAM ZHE NA, DOGS PA BSU NAS YOD PA DANG LDAN PA LA SOGS PA GSAL BA GSUNGS PA NI DON DAM DON BYED CES GSUNGS SO, ,DGONGS PA NI 'DI YIN TE, GANG GI TSE SHES PA LA DGONGS SAM BRGYUD PAS NUS PA YOD PA DE'I TSE DE TZAM NYID KYIS YOD PA MA YIN LA DON BYED PA GZHAN YOD NA NI NGA 'JUG PAR YANG 'GYUR RO, ,GANG ZHIG SHES PA TZAM GYI DON BYED PAR YANG MI RUNG BA DE NI MED PA YIN NO, ,DON DAM PA'I SGRA'I RNAM PAR BCAD PA BRJOD PA NI, GZHAN NI KUN RDZOB YOD PA YIN ZHES BYA BA'O, ,'DIR GZHAN GYI SGRA NI ZLA BO BRJOD PAR BYED PA'O, ,DES NA RI BONG GI RVA DANG SKRA SHAD LA SOGS PA YANG KUN RDZOB TU BRJOD PA NI MA YIN NO, ,MED PA NI YIN PA KHO NA'O, ,GZHAN YANG GANG LA 'JIG RTEN RNAM PAR DBYE BA YOD PA'I THA SNYAD DU BYED PA DANG, DON DAM PAR NI SHES PA YIN GYI DON BYED PAR NI NUS PA DE NI KUN RDZOB TU YOD PA YIN LA, DE YANG GANG ZAG DANG YAN LAG CAN DANG SPYI LA

SOGS PA YIN NO ZHES BYA BA'I DON TO, ,'DIS NI ZHAR LA THA SHAL GYI RNAM PAR GZHAG PA LA LTOS NAS BDEN PA GNYIS RNAM PAR GNAS PA YANG SBYAR BA YIN NO, ,DE NYID KYI PHYIR 'DI NI BAR SKABS TE SKABS LAS SPROS BA'I TSIGS SU BCAD PA YIN NO, ,DE DAG RANG DANG SPYI MTSAN BSHAD, ,CES BYA BA NI, SKABS SU BAB PA RANG DANG SPYI'I MTSAN NYID BRJOD PA GANG YIN PA DE DAG NI ZHES 'DI NI SKABS YONGS SU RDZOGS PAR BSTAN PA TZAM YIN NO, ,MCHOG GI RNAM PAR GZHAG PA LA RNAM PAR GZHAG PA BZLOG PAR BSAMS NAS, JI SKAD BRJOD PA'I KUN RDZOB DANG DON DAM PA'I RNAM PAR DBYE BA MI BZOD PA'I DBU MA'I RTZOD PA BLANG BA BRJOD PA NI GAL TE ZHES BYA BA LA SOGS PA'O, ,'DIS NI DNGOS SU ZHES BYA BA LA NYE BAR BRJOD PA'O, ,DE'I SGO NAS TSAD MA LA YANG SHUGS KYIS NYES BA 'GRUB BO, ,DES NA SKABS SU BAB PA TSAD MA'I MTSAN NYID BSTAN PA LA GNOD PA YIN NO, ,DE NYID 'DI LTAR ZHES BYA BA LA SOGS PAS RGYAS PAR BSTAN PAR BYED DO, ,TSAD MA DANG GZHAL BYA SMOS PA NI DE GNYIS SKABS SU BAB PA YIN PA'I PHYIR RO, ,RTAG PA DANG MI RTAG PA BRJOD PA NI, BSTAN PA'AM MI BSTAN PA YANG RUNG STE, NUS PA SRID PA PA YIN NO ZHES CHOS KYI SGO NAS MA LUS PAR BSTAN PA'I DON DU'O, ,SHES PA DANG SHES BYA SMOS PAS NI DNGOS PO'I SGO NAS MA LUS PAR RTOGS PAR BYA BA'I DON DE BEMS PO DANG BEMS PO MA YIN PA'I PHUR PO BRJOD PAR 'DOD PA'I PHYIR RO, ,TSAD MA DANG GZHAL BYA NI DE'I KHYAD PAR YIN TE, MA LUS PA NYID MA YIN YANG SKABS SU BAB PA YIN PA'I PHYIR BRJOD PA YIN NO, ,DE LTAR GNOD PAR BYED PA'I DAM BCAS PA BYAS NAS SGRUB PAR BYED PA MED PA YANG BRJOD PA NI, DON DU BYA BA NYID DU YANG ZHES BYA BA'O, ,RE ZHIG RTAG PA DANG MI RTAG PA'I RNAM PAR RTOG PA NYE BAR BZUNG NAS DE NYID 'DI LTAR ZHES BYA BA LA SOGS PAS STON PAR BYED DO, ,RJES 'GRO LDOG PA DAG GIS NI, ,ZHES BYA BA'I 'BRAS BU LA GNAS PA'I RJES SU 'GRO BA DANG LDOG PAR RAB TU SBYOR BAR BYED PA RGYU LA GNAS PA'I RJES SU 'GRO BA DANG LDOG PA GANG YIN PA DE DAG GIS KHYAB PA NI NUS PA YIN NO, ,DE LA LHAG PA'I SNGAR YANG YOD PA'I PHYIR NA DE MED PAS RAB TU SBYAR BA 'BRAS BU MED PA RTOGS PAR MI NUS SO, ,DE BAS NA RTAG PA LA LDOG PA

, ,MED PA YIN NO, ,MI RTAG PA LA YANG DE MED NA 'BRAS BU MED PA YIN MOD KYI, DE YOD KYANG RES 'GA' MED PA'I PHYIR RJES SU 'GRO BA MA YIN NO, ,'DIR NI JI LTAR GANG GI TSE RJES SU 'GRO BA DANG LDOG PA DAG MA RTOGS PA'I PHYIR NA NUS PAR THA SNYAD BYA BA MA YIN NO ZHES BYA BA'I TSUL YIN PA DE'I TSE SGRUB PAR BYED PA MED PA YIN LA, GANG GI TSE RJES SU 'GRO BA DANG LDOG PA DAG MED PA KHO NA YIN TE, DNGOS PO'I CHOS NI RTAG PA DANG GZHAN LAS MI 'DA' BA'I PHYIR RO ZHES BRJOD PAR 'DOD PA DE'I TSE NI GNOD PAR BYED PA NYE BAR BKOD PA YIN NO, ,DE BZHIN DU GZHAN DAG TU YANG CI RIGS PAR RTOGS PAR BYA'O, , DE LTA YIN YANG GANG ZHIG GANG DANG RJES SU 'GRO BA DANG LDOG PA MED PA DE DAG NI DE DANG RGYU DANG 'BRAS BU'I DNGOS PO MA YIN NO, ,DPER NA RNGA MO DANG BONG BU BZHIN NO, ,RTAG PA DANG MI RTAG PA'I CHOS DAG LA YANG GANG YANG GANG DANG DE DAG YOD PA MA YIN NO ZHES BYA BA NI KHYAB PAR BYED PA MI DMIGS PA'O, ,YANG GANG GI TSE GANG ZHIG GANG DANG RJES SU 'GRO BA RTOGS PA MED PA DE NI DE DANG RGYU DANG 'BRAS BU'I DNGOS POR RNAM PAR MI GZHAG STE, DPER NA RNGA MO DANG BONG BU BZHIN NO, ,RTAG PA DANG MI RTAG PA'I CHOS DAG LA YANG GANG YANG GANG DANG RJES SU 'GRO BA DANG LDOG PA RTOGS PA YOD PA MA YIN NO ZHES GANG GI TSE SBYAR BAR BYAS PA DE'I TSE NI RGYU MI DMIGS PA'O, ,GAL TE RGYU LA BSNYON PA LA RGYU MI DMIGS PA'O ZHES BYA BA 'DI NI KHA NA MA THO BA DANG BCAS PA YIN LA, KHYAB PAR BYED PA MI DMIGS PA YANG KHYAB PAR BYA BA MED PAR RTOGS PA'I RGYU NYID YIN NA RTAG PA NYID DU GYUR PA YIN PA'I PHYIR, JI LTAR RGYU DANG 'BRAS BU'I DNGOS PO RNAMS LA BSNYON PAR 'GYUR LA, RJES SU 'GRO BA DANG LDOG PAS KHYAB PAR MTHONG BA'I NUS PA DE YANG GANG ZHIG YIN, DE LTA YIN NA NI RNAM PA THAMS CAD DU RGYU DANG 'BRAS BU'I DNGOS PO'I 'JIG PA MA YIN NO ZHE NA, 'DI NI MDUN DU BSHAD PAR BYA'O, ,LDOG PA MED PAR BRJOD PA GANG YIN PA DE LA GAL TE RTAG PA LAS DUS KYI KHYAD PAR GYIS LDOG PA MED PA DE LTA NA YANG YUL GYI KHYAD PAR 'GYUR RO, ,RJES SU 'GRO BA DANG LDOG PA DAG NI MNGON SUM DANG MI DMIGS PA RNAM PA GSUM GYIS NGES PAR BYED LA, DE NI JI LTAR DUS LA LTOS NAS 'GYUR BA DE BZHIN DU YUL LA LTOS NAS KYANG YIN TE, SHING LA SOGS

PA'I TSOGS JI SNYED PA MED PA GCIG LA MTHONG BA'I DU BA GANG GI TSE DE NYID KYI TSE PHYOGS GZHAN DU ME DANG BRAL BA'I TSOGS PA DE SNYED NYID LA MA DMIGS PA DE'I TSE JI LTAR YUL LA LTOS NAS JI LTAR LDOG PA MI 'GRUB PA SNYAM PA'I DOGS PA BSU NAS RTAG PA NI RGYU MED PA NYID KYIS TE, YUL MA KHYAB PAR MI SRID PAR STON PA NI RTAG PA ZHES BYA BA'O, ,RGYU LA RIG PA NI SO SOR NGES PA'I RGYUS YUL 'GA' ZHIG TU NGES PAR BYED PAR 'GYUR GYI, DE MED PA'I PHYIR NA GTAN DU THAMS CAD NA YOD PAR 'GYUR BA'I PHYIR RES 'GA' YANG GANG DU YANG 'BRAS BU 'CHAD PA MA YIN TE LHAN CIG BYED PA LA LTOS PA MED PA'I PHYIR RO, ,DE NYID BRJOD PA LA NI 'BRAS BU 'GA' LA YANG BYED PA MED PA NI ZHES BYA BA'O, ,GZHAN BSAM PA MA RIG NA KHYAB PA DANG RTAG PA NYID SUN PHYUNG BA NYID KYIS NA BTANG SNYOMS SU BZHAG STE, NYES PA GZHAN BRJOD PA NI, DE'I YUL KHYAB MED GA LAS YIN, ,ZHES BYA BA'O, ,RTOG MED LAS YIN ZHES BYA BAS NI GZHAN GYI'O; ,'DI LTAR SNAM BU LA SOGS PA'I YUL NGES PA NYID DU YONGS SU BCAD PA YIN NO ZHES BYA BA'I DON TO, ,GAL RTAG CES BYA BA NI RGOL BA'O, ,GAL TE YUL GZHAN MA KHYAB PA LA MA RTOGS PA LAN YIN NA, DE'I TSE DUS GZHAN DU KHYAB PAR YANG JI LTAR BRJOD, ,DE LA YANG MI RTOGS PA NI YOD PA'I PHYIR RO, ,DBANG PO'I RNAM PAR SHES PA NI SKAD CIG MA YIN PAS NA DE'I DUS NA NYE BAR GNAS PA'I DNGOS PO NYID 'DZIN PAS NA SKAD CIG GZHAN DANG BRAL BA KHO NA 'DZIN PA YIN NO ZHES STON PAR 'GYUR RO, ,DE BRJOD PA NI JI LTAR KHYAB BYED CES BYA BA'O, ,DA LTAR RTAG PA'I PHYOGS MI BZOD PAR BYAS NAS, , STOBS DANG LDAN PA'I RTAG PA'I PHYOGS LA BRTEN NAS SUN 'BYIN PAR RTZOM PA NI SKAD CIG YIN PHYIR ZHES BYA BA'O, ,MI RTAG PA NYID NI SKAD CIG MA KHO NA'I MTHAR THUG PA YIN TE, DE LTA MA YIN NA MTHAR YANG 'JIG PA MI 'THAD PA'I PHYIR RO, ,SKAD CIG MA BYA BA BYED PA'I DUS MA YIN NO ZHES BYA BA 'DIG LAS SHE NA, SKAD CAG MA'I ZHES BYA BA'I DNGOS PO TZAM NI SKYE BA TZAM STE SKAD CIG MA RNAM PAR GNAS PA YIN TE, BYED PA'I DUS LA REG PA MED PA'I PHYIR RO, ,GAL TE DE SKYES PA'I DUS NYID BYED PA'I DUS MA YIN NAM JI LTAR 'GA' ZHIG SKYE BA'I DE MA THAG PAR DE SKYE BA DE BZHIN DU DE SKYE BA DE MA THAG TU GZHAN SKYE ZHES BYA BA 'DI NYID

, ,RJES SU 'GRO BA YIN LA, GZHAN GYI TSE NI LDOG PA YIN NO, ,NUS PA YANG DE TZAM GYIS GRUB PA YIN NO ZHES STON PA NI GAL TE DE'I DE MA THAG CES BYA BA'O, ,RGOL BAS BRJOD PA NI DE NI GZHAN GYI YANG DE MA THAG PA YIN PHYIR, DES NA 'DI NI BONG BU LA SOGS PA GZHAN DE'I YANG 'BRAS BUR 'GYUR RO, ,MNGON PAR 'DOD PAS LAS GZHAN YANG RGYUR THAL LO ZHES BYA BA'I DON TO, ,DE NYID GSAL BAR BYED PA NI DNGOS PO ZHES BYA BA'O, ,GZHAN GYIS BRJOD PA BONG BU LA SOGS PA'I SKAD CIG DE MED PAR YANG DU BA LA SOGS PA DE YOD PA ZHES DGONGS PAS SKAD CIG LA JI LTAR ZHES GSUNGS SO; ,'GREL PA NI GO BLA'O, ,CI STE ZHES BYA BA NI GZHAN GYI MA YIN ZHES BYA BA NI DE LTA MA YIN PA'O, ,DE LAS THA DAD PA'I ZHES GSUNGS SO, ,YOD PAR KHAS BLANGS NAS KYANG SUN DBYUNG BAR BRJOD PA NI YOD NA YANG ZHES BYA BA'O, ,RGYUN DE NYID KYI YIN GYI SKAD CIG RNAMS KYI NI MA YIN NO, ,DE LTA YIN MOD CI SKYON SNYAM NA SKAD CIG RNAMS NI ZHES GSUNGS SO, ,GZHAN GYI DE DANG 'BREL PA CAN ZHES SMRAS TE, DE DAG GI YANG ZHES BYA BA NI SKAD CIG RNAMS KYI'O, ,DES NA MED PA MA YIN NO SNYAM DU BSAMS PA'O, ,MA YIN TE ZHES BYA BA NI DE LTA MA YIN PA'O, ,THA DAD PA'I NI ZHES BYA BA NI SKAD CIG DANG GZHAN DAG LA'O,, DE LA YANG ZHES BYA BA NI RGYUN LA'O, ,YANG BSHAD PA ZHES BYA BA NI SKABS KYI DON SDUD PA'I TSIGS SU BCAD PA'O, ,DE LAS ZHES BYA BA NI SKAD CIG RNAMS LAS SO, ,DE NYID CES BYA BA NI, RGYUN DE NYID YIN 'GYUR NA STE, SKAD CIG RNAMS NI MA YIN NA'O, ,SKAD CIG DE DANG 'BREL PA RGYUN GYIS NUS PA'I PHYIR RO; ,GAL TE NUS PAR RTOG BYED NA, ,ZHES BYA BA NI SKABS KYI SKAD CIG MA RNAMS SO, ,'ON TE YANG RGYUN RTAG PA NI LDOG PA MED PA'I PHYIR DON BYED NUS PA MA YIN GYI, MI RTAG PA NYID KYI RGYUN GZHAN LA LTOS NAS NUS PAR 'GYUR RO SNYAM NA, GAL TE RGYUN GZHAN DAG TU NI ZHES SMOS SO, ,SKAD CIG MA NYID KYI PHYOGS LA NI RGYUN LA YANG GZHAN KHAS BLANGS LA DE BZHIN DU DE LA YANG GZHAN YIN PA'I PHYIR THUG PA MED DO, ,DES NA NUS PA NGES PA MA YIN NO, ,'BRAS BU NYID DU YANG NGES PAR MI ZIN TE, THUG PA MED PA'I NYES PA NYID KYI PHYIR RO ZHES BRJOD PA NI, RGYUN NI 'BRAS BU NYID CES BYA BA'O,,

RGYUN GZHAN 'BRAS BU NYID DU KHAS LEN NA, SKAD CIG MA ZHES BYA BA SKAD CIG NYID KYI PHYOGS LA NI SNGA MA BZHIN 'BRAS BU NYID MED DO, ,DE LTA NA YANG THUG PA MED PAR JI LTAR 'GYUR SNYAM NA, GANG GI PHYIR RGYUN 'DI YANG RGYUN GZHAN GYI 'BRAS BU NYID BYED PAR 'GYUR TE, RTEN YIN PAR 'GYUR RO, ,DE LTAR RTAG PA DANG MI RTAG PA'I RNAM PAR RTOG PA BKAG PA NA SHES PA DANG SHES BYA'I RNAM PAR RTOG PA'I SKABS SU BAB PO, ,DE LA SHES PA GNYIS RGYU DANG 'BRAS BUR 'GYUR RAM, SHES BYA GNYIS SAM SHES PA DANG SHES BYA GNYIS YIN ZHES RNAM PAR RTOG PA'O, ,DE LA SHES BYA'I RNAM PAR RTOG PA LA NI, NYES PA'I TSOGS SNGA MA NYID YIN TE, RTAG PA DANG MI RTAG PA'I RNAM PAR RTOG PA LAS MA 'DAS PA'I PHYIR RO, ,NYES PA GZHAN BRJOD PAS SHES PA DANG SHES BYA'I RNAM PAR RTOG PA LA 'JUG PA NI GZHAN ZHES BYA'O, ,'DI LA SA BON GYI YOD PA'I THA SNYAD NI MYU GU'I 'BRAS BUS BYAS PA YIN LA, MYU GU'I YANG LJANG PAS YIN TE, DE BZHIN DU SNGA MA SNGA MA'I YOD PA PHYI MA PHYI MA'I 'BRAS BU BYED PAR NUS PAS YIN NO, ,DE LA RE ZHIG LJANG PA MED PA'I MYU GU TZAM MO, ,DE SRID DU NI DE MED PA KHO NA'O, ,DE MED NA NI SNGA MA YANG MED PAR 'GYUR TE, 'BRAS BU MED PA'I PHYIR RO, ,GAL TE SKAD CIG SO SO LA 'DRA BA DANG MI 'DRA BA SKYE BA RGYUN MI 'CHAD PA'I PHYIR NA JI LTAR 'GA' ZHIG 'BRAS BU DANG 'BRAL BAR 'GYUR SNYAM NA, BDEN TE 'ON KYANG RGYUN TE DE LA GNAS PA'I 'BRAS BU THAMS CAD NI SKAD CIG LA MTHAR PHYIN PA NI MA YIN TE, DE NYID KYI TSIG GANG LA 'BRAS BU SMIN PA LONGS SPYOD PAR THAL BA'I PHYIR RO, ,DES GANG LA SNGON GYI 'BRAS BU MED PA DE KHO NA MED PAR 'GYUR LA, DE MED NA NI DE'I SNGA MA YANG MED PAR 'GYUR BA'I PHYIR RO, ,DE BZHIN DU SNGA MA SNGA MA MED PAR NA THAMS CAD JI SRID PA MED PAR 'GYUR RO, ,'ON TE YANG 'BRAS BU NI 'BRAS BU GZHAN MA MTHONG BAR YANG 'BRAS BU NYID LAS MI NYAMS TE DE LAS 'BYUNG BAR MTHONG BA'I PHYIR RO,, DES NA DON BYA BA'I MTSAN NYID KYI YOD PA MA NGES KYANG MA BYUNG BA LAS BYUNG BA NYID DU GRUB PA KHO NA SNGA MA NUS PAR RNAM PAR 'JUG PAR BYED PA YIN NO ZHE NA, MA YIN TE DON GYI NUS PA MA NGES NA 'BRAS BU NYID DU NGES PA NYID MI RUNG BA'I PHYIR RO, ,MA BYUNG BA LAS BYUNG BA ZHES 'BYUNG BA'I SGRAS NI NUS PA NYID BRJOD PA YIN NO,,

, ,SKYES PA TZAM YIN NO ZHE NA, SKYES PA YANG SNGAR MED PA YOD PA MA THOB PA KHO NA MA YIN NAM, YOD PA'ANG YOD PA MA YIN PA'I PHYIR LHAG PAR SMRAS PAS CI BYA, RANG GI NGO BO THOB PA YIN NO ZHE NA, DNGOS PO'I RANG GI NGO BO ZHES BYA BA YANG NUS PA NYID MA YIN NAM RANG GI NGO BO NI SNGON PO LA SOGS PA YIN LA, NUS PA NI LDOG PA YIN NO ZHE NA, SKRA SHAD LA SOGS PA YANG RANG GI NGO BO THAL BAR 'GYUR RO, ,NUS PA LA MI 'KHRUL PA'I SNGON PO LA SOGS PA NI RANG GI NGO BO YIN NO ZHE NA, 'O NA NI NUS PA MA NGES NA RANG GI NGO BO MA NGES PA'I PHYIR SGRA LA SOGS PA LTAR 'BRAS BU NYID MA YIN NO ZHES BYA BAR 'GYUR RO, ,DES NA SNGA MA LA NUS PA'I MTSAN NYID KYI YOD PA NYID JI LTAR 'GYUR, 'ON TE MTHA' DAG PA'I PHYIR NA SNGA MA THAMS CAD PHYI MA PHYI MA LA NUS PA YOD PA NYID DO, ,'ON KYANG 'BRAS BU MA MTHONG BAR NGES PA TZAM MI 'JUG PAR ZAD PA YIN NO, ,NGES PA MED PA NYID NI DNGOS PO MED PA YANG MA YIN LA, DE YANG MTHONG BA JI LTA BA BZHIN 'JUG PA YIN NO, ,THA MA'I NUS PA 'BRAS BU MA MTHONG BAS NI, 'BRAS BU MTHONG BA SNGA MA'I TSOGS MTHA' DAG RGYUD NYID LAS NYAMS PAR BYED NUS PA YANG MA YIN GYI 'ON KYANG PHYIR LA DE'I DBANG GIS PHYI MA LA YANG NUS PA NYID DU RTOGS PA YIN NO, ,YANG NA GOMS PA'I GNAS SKABS 'THOB PA'I MNGON SUM GSAL BAS NI 'BRAS BU MA MTHONG YANG NUS PA MIN NO ZHE NA, 'DI MTHA' DAG NI GSOG YIN TE, 'DI LTAR MTHA' DAG PA ZHES BYA BA 'DI NI PHYIS NGES PA'I 'BRAS BU YIN NA, PHYI MA PHYI MA LA LTOS NAS NI NGES PA'I GO SKABS YOD PA MA YIN NO, ,NGES PA YANG MED LA YOD PAR THA SNYAD KYANG BYED DO ZHES BYA BA 'DI NI GZU LUMS YIN NO, ,DES NA THE TSOM BSKYED PA NYID LA GNOD PA YIN TE, NGES PA MED PA KHO NAR BRJOD PAR 'DOD PA'I PHYIR RO, ,NGES PA YANG 'GA' ZHIG TU 'JUG PAR NUS PA MA YIN TE, PHYI MA PHYI MA LA LTOS PA'I PHYIR RO, ,THA MA'I NUS PA MTHONG NA NI, SNGA MA THAMS CAD NUS PA MED PAR 'GYUR BAS PHYI MA'I NUS PA BSGRUB PAR JI LTAR 'GYUR, ,'DIS NI GOMS PA'I GNAS SKABS LA BRTEN PA YANG BSAL BA YIN TE, 'GA' ZHIG GI TSE MNGON SUM GYIS BZUNG BA YANG NAS YANG DU BZUNG NA GOMS PA ZHES BRJOD PA YIN NA DE YANG YOD PA MA YIN NO, ,SNGA MA YOD PA YIN NO, ,

DES NA THE TSOM 'DI YANG NGO SHES PA LA SOGS PA LTAR RTOGS PA TZAM YIN NO ZHES RIGS PA YIN NO, ,GNYI GA LA NUS PA MTSUNGS PAR 'GRUB PA YIN NA 'DI RIGS PAS LOG PAR RTOGS PA MED PAR 'GYUR BA YIN NO, ,DE'I PHYIR SHES PA LAS GZHAN PA'I 'BRAS BUS NI, SNGA MA YOD PAR MI 'GRUB BO ZHES BYA BAR GNAS SO, ,'O NA SHES PA'I MTSAN NYID KYIS 'GYUR RO, ,DE YOD PA NI 'BRAS BU GZHAN LA NGES PAR LTOS PA MA YIN NO, ,PHYI ROL GYI SKRA LA SOGS PA SNANG BA LTAR GSAL BA 'BA' ZHIG GI RANG BZHIN CAN SHES PA'I GSAL BA NI YOD PA LA 'KHRUL BA MI SRID DO, ,GAL TE DE'I RNAM PA CAN GYI SHES PA TZAM SKYES PA YIN PA'I PHYIR NA 'DI NI PHYI ROL GYI SKRA LA SOGS PA SNANG BA NYID MA YIN PAS DE JI LTAR SKRAR SNANG BA YOD PA LAS 'KHRUL PAR JI LTAR 'GYUR, DES NA GAL TE SNANG BA DE YOD PA LA 'KHRUL NA, DE'I TSE SHES PA'I YOD PA NYID LA 'KHRUL PAR THAL BAR 'GYUR RO ZHE NA, BRJOD PA SKRAR SNANG BA'I SHES PA GZHAN DANG THUN MONG PA NYID YIN YANG, 'DI SKRAR SNANG BA MA YIN NO ZHES BYA BA 'DI JI LTAR RTOGS PAR BYA NUS PA MED PA NYID LAS SO, ,DES NA LHAG PAR ZHEN PAS BYAS NAS, SKRA SNANG BA'I THA SNYAD DANG, YOD PA'I THA SNYAD DU GYUR PA DE'I PHYIR NYES PA MED DO, ,SHES PA'I RANG BZHIN NYID BRTAGS NAS NI GSAL BA KHO NA YOD PA YIN TE DES NA NUS PA MA NGES PAS KYANG YOD PA LA 'KHRUL PA MED DO, ,GAL TE DE'I YOD PA YANG NUS PA KHO NA YIN PA DE LTA NA YANG SHES PA'I GSAL BA NYID DE LA 'KHRUL PA MED PA YIN TE, DES NA PHYI ROL BZHIN DU 'BRAS BU MTHONG BA LA LTOS PA MA YIN NO, ,DE'I PHYIR SNGA MA'I YOD PA SHES PA'I 'BRAS BU YIN PA LA THUG PA MED PA'I NYES PA MED DO ZHE NA, 'DI LA BRJOD PA NI SHES PA'I 'BRAS BU ZHES BYA BA'O, ,THAMS CAD DU BSAL BA'I DON DANG, LHAN CIG RGYU DANG 'BRAS BU'I DNGOS POR 'GYUR BA'I PHYIR RMI LAM LA SOGS PAR MTHONG BA YANG YOD PAR THAL BAR 'GYUR NA 'GA' ZHIG KHO NA LA YANG 'DOD PA YIN TE, 'ON TE 'KHRUL PA'I SHES PA LA SNANG BA'I DON DANG SHES PA LA BZUNG BA NYID MED DO SNYAM NA 'DI LA'ANG ZHES GSUNGS SO, ,MA 'KHRUL PA'I SHES PA'I SKYE BA'I DUS NA'O, ,SHES PA'I 'BRAS BU DE DANG LDAN PA ZHES BYA BA STE, RGYU LDAN PAR JI LTAR RIG PAR 'GYUR, GAL TE RMI LAM LA

, ,SOGS PA DON MED PA NYID KYI PHYIR 'BREL PA RIG PA MA YIN NO ZHES RIGS KYI DON YOD PAR GO JI LTAR MI 'GYUR ZHE NA, SHES BYA GNYIS NI ZHES GSUNGS SO, ,'DI SNYAM DU GNYI GA SNANG BA ZHES BYA BA 'BREL PA RTOGS PA'I SGRUB PAR BYED PA YIN LA, DE NI SHES PA DANG SHES BYA DAG LA YANG YOD PAS JI LTAR DE MI RTOGS SNYAM NA, MDUN NA GNAS PA NYID DU NI ZHES BYA BA'O, ,LHUR BYA BA'I DON NI 'DI YIN TE, SHES PA THAMS CAD NI BDAG RIG PA YIN YANG DNGOS SU BDAG LA SHES PA SKYED PA NI MA YIN TE, ZHEN PA THAMS CAD NI KHA PHYIR BA LTAS PAS 'JUG PA YIN PA'I PHYIR RO, ,DES NA GAL TE MTHONG BA MYONG BA MED PAR 'DI MTHONG BAR 'GYUR TE ZHES KHYAD PAR DANG BCAS PA'I ZHEN PAR MI 'GYUR BA DE LTA NA YANG, SNGON PO 'DI MTHONG NGO ZHES GTZOR PHYI ROL NYID LA GNAS PAR BYED DO, ,DE LTAR NI GNYIS LA BRTEN PA'I 'BREL PA 'GRUB PA MA YIN NO, ,PHYI ROL GYI GNYIS RTOG PA LA NI, GO SKABS SU YANG 'GYUR BA YIN NA SHES PA DANG SHES BYA DAG RGYU DANG 'BRAS BU'I DNGOS PO NYID DU DPYOD PA LA NI DE SRID KYI TSUL YOD PA MA YIN NO, ,GAL TE RE ZHIG RTOGS PA LA NI YOD PA KHO NA'O, ,DE YAN LAG GI DNGOS PO YIN PA DANG DON GTZOR 'GYUR BA YIN NO ZHES BYA BAS GANG DU NYE BAR MKHO, ,DES NA DE'I 'BRAS BU NYID DU MI RTOGS PAR JI LTAR 'GYUR SNYAM NA, SHES PA 'BRAS BU NYID DU NI ZHES BYA BA NI SKABS SKABS KYI DON LA LTOS NAS SO, ,DE NYID KYIS NI DE RTOGS PA MA YIN NO, ,RGYU NYID KYIS DUS MI MTSUNGS PA'I PHYIR RO, ,GZHAN GYIS KYANG MA YIN TE, 'BRAS BU SHES PA NYID SHES PA MED PA'I PHYIR RO; ,GAL TE PHYI ROL GYI GNYIS KYANG GCIG GIS MI RTOGS SO ZHE NA, MI RTOGS MOD DE YANG RTOGS PA MED PA KHO NA'O ZHES MANG DU BSHAD ZIN, GAL TE DE LTA NA YANG 'DRA BA DANG BCAS PA'I SHES PAS BSKYED PA NYID GZUNG BA YIN PA'I PHYIR DU THA MI DAD PA MI RTOGS PAR JI LTAR 'GYUR ZHE NA, BDEN TE 'DI NI LUGS GZHAN DPYAD PA YIN NO, ,RNAM PA DANG BCAS PA'I PHYOGS LA NI PHYI ROL GYIS STONG PA'I PHYIR SHES PA RNAMS NYID RGYU DANG 'BRAS BU'I DNGOS POR 'GYUR NA DE YANG 'CHAD PAR 'GYUR ZHE NA, JI SKAD DU, SHES PA 'BRAS BU NYID DU NI, ,DE'AM GZHAN GYIS RTOGS PA MED, ,CES BRJOD BA DE LA DE'AM

ZHES BYA BA'I PHYOGS BSAL BAR BYED PA NI, MNGON SUM DE NYID LA MIN TE, ,ZHES BYA BA LA SOGS PA'O, ,'JUG PAR KHAS LEN NA GNOD BYED BRJOD PA NI, 'JUG NA KHYOD KYI 'BRAS MI 'GYUR, ,ZHES BYA BA STE SNGAR MED PAR 'BYUNG BA'I DON MI 'THAD PA'I PHYIR RO, ,'O NA DE LAS SNGAR MED PA'I 'BRAS BU NYID DU 'GYUR RO SNYAM NA, GAL TE DE LTA NA JI LTAR SNGAR MED PA DE BZHIN DU DE LAS SNGAR YANG YOD PA'I RGYU MA GTOGS PAR 'GYUR TE, DES NA YANG NAS YANG DU 'JUG PA NA THUG PA MED PAR 'GYUR RO, ,YANG NA 'JUG NA DE'I 'BRAS BU NYID CES BYA STE, MNGON SUM 'JUG PA DES BDAG NYID 'BRAS BU NYID DU RTOGS PA MA YIN ZHES BYA BA RJES SU 'JUG PA STE DON GYI SNGAR YOD PA NYID MA BZUNG BA'I PHYIR RO, ,DON SNGAR YOD PA'I BZUNG BA'I DON DU SNGAR YANG 'JUG NA NI THUG PA MED DO ZHES BRJOD PA NI, SNGA MA YANG NI 'JUG 'GYUR TE, ,GSUNGS SO, ,'O NA MDUN DU GSAL BZHIN PA DUS MTSUNGS PA'I DON NYID RGYUR GYUR TO ZHE NA GAL TE ZHES BYA BA'O, ,HA CANG KHYAB CHES BA'I DOGS PA 'DE BSU NAS BZLOG PA NI GZHAN DU 'GYUR BA NA ZHES BYA STE, MTHONG BA'I KA BA DANG BUM PA DAG GCIG MED PAR GZHAN YOD NA DE RGYU DANG 'BRAS BU MA GRUB NA DE LTA NA 'O NA SHES PA DANG, SHES BYA ZHES BYA BA NI, RNAM PA NYID KYANG 'GRUB MI 'GYUR, ,ZHES GNYI GAR YANG 'BREL PAR BYA'O, ,'DI NI DOGS PA DANG BCAS TE BSAL BAR BYED PA NI GAL TE ZHES BYA BA LA SOGS PA'O, ,'DI NI GZHAN DU GYUR PA MA GRUB PO ZHES BYA BA BSAL BAR BYA'O, ,SKABS SU BAB PA LA YANG MA GRUB PO ZHES BYA BAR STON PA NI SHES PA'I MTHONG BA GANG YIN YANG DON MED PAR 'JUG PAR MI 'GYUR RO, ,CI SHES PA YANG DON MED KYANG MTHONG NGO ZHES BYA BA'I DON TO, ,GAL TE ZHES BYA BA NI RTZOD PA'O, ,DES NA ZHES BYA BA NI GZHAN YIN PAS NA'O, ,LAN NI KA BA'ANG ZHES BYA BA'O, ,NGO SHES SKYE BA MTSUNGS PA YIN, ,ZHES BYA BA NI DPER NA BUM PA BUM PA ZHES RIGS GCIG TU GRUB PA LA BRTEN NAS 'KHRUL BA DE BZHIN DU SHES PA SHES PA ZHES BYA BAR YANG 'GYUR BA'I PHYIR MTSUNGS SO, ,'O NA GANG GI TSE BUM PA DE NYID GZHAN DAG TU MTHONG BAS 'KHRUL PA SMRA BA DE'I TSE JI LTAR MTSUNGS TE, SHES PA NI RGYU GCIG LA GNAS KYANG KA BA LA SOGS PA BZHIN DU GSAL BA'I NGO SHES PA YOD PA MA YIN NO, ,SHES PA

, ,SHES PA ZHES RIGS NGO SHES PA NI 'DIR NYE BAR MKHO BA MA YIN NO, ,RIGS NI GZHAN GYIS 'DOGS PA'AM BTAGS PA YIN YANG RUNG STE, GNYI GA LTAR YANG SHES PA GCIG NI GSAL BA RANG BZHIN MA YIN NO, ,DES NA BUM PA BZHIN 'KHRUL PA JI LTAR 'GYUR, DES NA GSAL BA NGO SHES PA'I PHYOGS LA LAN GANG ZHIG YIN SNYAM NA, DER YANG KA BAS SKYED PAS BUM PA NYID GZHAN DU MTHONG BA MI 'GAL TE RDZA MKHAN GYIS SKYED PA DE MED PAR MTHONG BA BZHIN NO, ,DES NA LHAN CIG DMIGS PA DAG RGYU DANG 'BRAS BU'I DNGOS POR 'GYUR BA MI SPONGS SO, ,GZHON NU MA LEN GYIS LUGS LA BRTEN TE, RING NYID LA SUN 'BYIN PA GZHAN BRJOD PA NI, DE LTA NA NI RAG 'GYUR NA, ,ZHES BYA BA STE, SHES PA DANG DNGOS PO DAG CES BYA BA NI SKABS KYIS SO, ,DE NI BDAG SEMS KYI RANG BZHIN DU 'DOD PAS, SHES PA'I GSAL BA NGO SHES PA LA MA BRTEN PAR GZHAG PAR MI NUS SO, ,DES NA SHES PA RNAMS SNGA MA DANG PHYI MA'I RANG BZHIN GYIS GCIG NYID DU 'THAD PA'I PHYIR NA RTAG PA NYID DU 'GYUR RO, ,DES NA SHES PA LA LTOS NAS 'GA' ZHIG RGYU DANG 'BRAS BUR JI LTAR 'GYUR BLO ZHES BRJOD PA DE'I GNAS SKABS KYI KHYAD PAR SKYE BA DANG 'JIG PA'I CHOS CAN YIN PA DE LA LTOS NAS NI YUL RGYU NYID YIN NO ZHES BYA BA YANG MI 'THAD DE SEMS KYI RANG BZHIN DU KHAS BLANGS PA'I PHYIR RO, ,PHYOGS 'DI NI THA DAD PA DANG MI 'THAD PA'I RTOGS PAS YANG GNOD PA MA YIN NO ZHES BSHAD PA YIN NO, ,PHYOGS GZHAN NI BRJOD PAR BYA BA MANG BA'I PHYIR BTANG SNYOMS SU DOR BA YIN NO, ,GAL TE 'O NA NGO SHES KYI STOBS KYIS DE'I RANG BZHIN GYIS BDAG GRUB NA NI GRUB LA RAG GO ZHE NA, DGAG PA BRJOD PA NI NGO SHES TSAD MA NYID MA YIN NO ZHES BYA BA STE, 'GA' ZHIG TU YANG ZHES BYA BAR BSAMS PA'O, ,CI'I PHYIR SNYAM NA SNGA MA ZHES GSUNGS SO, ,GANG ZHIG GANG GI RANG BZHIN YIN PA DE NI, DE RTOGS NA NGES PAR RTOGS PA DANG LDAN PA YIN TE SNGON PO LA ZLUM PO BZHIN NO; ,SNGA MA DANG PHYI MA NYID KYANG DNGOS PO'I RANG BZHIN NO, ,THAL BAR 'GYUR BA'I RANG BZHIN GYI GTAN TSIG SO, ,BZLOG PA NI GANG ZHIG GANG RTOGS PA NA MA RTOGS PA MED PA DE NI DE'I RANG BZHIN MA YIN TE, DPER NA AUPTALA'I DKAR PO NYID BZHIN NO, ,SNGA MA DANG PHYI MA NYID KYANG DNGOS PO MNGON SUM DU GYUR PA NA,

RTOGS PA YIN NO ZHES BYA BA NI PAR BYED PA MED PA'O, ,DE LTA MA YIN NA HA CANG THAL BAR 'GYUR BZHI BZLOG PA LA GNOD PAR BYED PA YIN NO, ,SNGA MA'I SHES PA LA NI PHYI MA LA YANG SNGA MA NYID, SNANG PA MA YIN PA'I PHYIR GNYI GA GRUB PAS NA MA GRUB PA NI MA YIN NO, ,DE'I RANG BZHIN NYID NA NI SNGON PO BZHIN DU DE GNYI GA SNANG BA NA SKAD CIG TZAM MTHONG BAS GNAS SKABS MTHA' DAG MTHONG BAR THAL BAR 'GYUR RO, ,DES NA SNGA MA LA NI SNGA MA'I RANG BZHIN NYID SNANG LA PHYI MA LA YANG PHYI MA NYID YIN NO, ,DES NA SO SO'I MNGON SUM DAG GIS NI SNGA MA DANG PHYI MA NYID RTOGS PA MA YIN TE, RANG BZHIN RE RE TZAM GZUNG BA'I PHYIR RO, , DRAN PA TZAM NI SNGA MA DANG PHYI MAR YANG GCIG KHO NA GZUNG BA YIN NO ZHES DRAN PA TZAM ZHIG 'JUG PA YIN NA DA NI MA YIN NO, ,DE NI RANG RGYUD DU TSAD MAR 'GYUR RAM, MTHONG NGAM RJES SU 'BRANG BAS YIN GRANG NA, PHYOGS DANG PO LA NI DRAN PA ZHES KHO NAR ZAD KYI 'DI DON DANG 'BREL PAR GO JI LTAR 'GYUR, YANG NA RNAM PAR RTOG PA THAMS CAD TSAD MAR CI STE MI THAL, PHYOGS GZHAN LA NI DE MTHONG BA'I RJES SU 'BRANG BA KHO NAR 'GYUR DGOS SO ZHES STON PA NI, ,RTOG PA SNGA MA PHYI MA DAG ,CES BYA BA'O, ,RTOG PA SNGA MAS NI RANG GI YUL GZHAN GYI YUL DANG MI BSREL, PHYI MAS KYANG MA YIN NO, ,DE DAG GI YUL MA 'DRES PA MED PA NA STE, THA DAD PAR BZUNG NA DRAN PA GCIG NYID SHES PAR BYED PA MA YIN PAR RIGS SO ZHES BYA BA NI LHAG MA'O, ,MED PA GCIG GI LHAG PAR ZHEN PAR BYED PA'I MNGON SUM DE JI LTAR MNGON SUM GYI MTSAN NYID DU MA BZOD DE 'KHRUL PA'I PHYIR RO ZHES DGONGS PA'O, ,YANG NA RTAG PAR SMRA BA LA NGA MA DANG PHYI MA'I RANG BZHIN SNGA MA 'AM PHYI MA'I SHES PA LA SNANG BA MA YIN TE, GCIG NYID KYIS PHAN TSUN 'GAL BA'I RANG BZHIN GNYIS MI 'THAD PA'I PHYIR RO ZHES BYA BA NI, SNGA MA PHYI MA'I NGO BO DAG CES BYA BA LA SOGS PA'I DON YIN NO, ,THA DAD 'DI NI BYA BA DANG DUS LA SOGS PA'I KHYAD PAR GYIS BYAS PA YIN NO ZHE NA, DE LTA NA LHAN CIG SKYES PA MA YIN NO ZHES BYA BAR GRUB BO, ,KHYAD PAR DE DANG LDAN LA THA DAD PA DANG MI DAD PAR DPYAD BZOD PA MA YIN TE, DES NA SNGA MA DANG PHYI MA NYID NI RNAM PAR RTOG PAS SPRUL PA YIN NO ZHES BRJOD PA NI GNYIS LA DAN PA ZHES BYA BA'O, ,DRAN PA NI RNAM PAR RTOG PA TZAM ZHIG LO PHYIR SMRAS PA YIN NO, ,

, ,DE NYID KYI PHYIR 'DI NI TSAD MA NYID MA YIN ZHES GSUNGS SO, ,YANG NA DRAN PAR 'DOD PA'I NGO SHES PA 'DI NI 'DI YIN NO ZHES SNGA MA DANG PHYI MA DAG LA 'JUG PA YIN LA, DES NA MNGON SUM GYIS BSAL BA'I YUL CAN YIN PA'I PHYIR 'DI NI TSAD MA NYID MA YIN ZHES BYA BA'I DON TO, ,'DI SNYAM DU SNGA MA DANG PHYI MA'I MNGON SUM DAG GIS SO SOR SNGA MA PHYI MA NYID MA RTOGS MOD, SNGA MAS NI SNGA MA'I RANG BZHIN 'DZIN LA PHYI MAS NI PHYI MA YIN TE, DES NA DE LTAR RJES SU BYA BA'I NGO SHES PA JI LTAR 'KHRUL PA YIN SNYAM NA, GAL TE DE LTA NA SHES PA SNGA MAS NI PHYI MA MI 'DZIN LA, PHYI MAS KYANG SNGA MA 'DZIN NO ZHES BRJOD PA NI RTOGS PA SNGA MA ZHES BYA BA'O, ,DE LAS NI MYONG BA GNYIS LAS SO, ,NYAMS SU MYONG BA GNYIS STOBS LAS NI BYUNG BAR 'DOD PA KHO NA STE, 'ON KYANG DE DAG GIS MA BZUNG BA'I GCIG NYID NGES PAR GO JI LTAR 'GYUR BA DE NYID TSAD MA YIN NO ZHE NA, 'O NA SLOB MA'I RNAM PAR RTOG PA'I TSOGS KYANG TSAD MAR THAL TE, SLOB DPON GYI NGA RO LTA BA LA SOGS PA LAS BYUNG BA'I PHYIR RO, ,GAL TE YANG RNAM PAR RTOG PA DE'I GZHAL BYA LA MNGON SUM 'JUG PAR MI SRID PAR BRJOD NA, 'DIR GANG GIS ZLOG PAR BYED, MIG GNYIS PHYE BA TZAM NI GNYI GAR YANG MTSUNGS PA YIN NO, ,'ON TE GNOD PA DANG MI GNOD PA DAG GI KHYAD PAR YOD NA 'BYUNG BAR 'GYUR BA'I DON, SLOB MAS RNAM PAR BRTAG PA GANG GIS BSAL BAR NUS, DE LTA MA YIN NA MTHO RIS KYI SGRUB BYED ME'I SBYIN SREG LA SOGS PA'I NGAG KYANG GNOD PA'I DON CAN NYID DU THAL LO, ,BSKUL BA'I GDON MI ZA BAR 'BYUNG BA NI SLOB MA'I RNAM PAR RTOG PA NI YUL MA YIN NO ZHE NA, RNAM PAR DBYE BA 'DI DAG LAS YIN TE, TSAD MA DANG TSAD MA MA YIN PAR NI BRJOD PAR NUS PA MA YIN NO, ,JI LTAR GCIG LA SGRA LAS BYUNG BA TSAD MA YIN PA DE BZHIN DU MNGON SUM THAMS CAD KYI GTZO BO YIN TE NGO SHES PA BZHIN NO, ,'ON TE MNGON SUM GNYIS KYIS RANG BZHIN RE RE BZUNG BA'I PHYIR RO, ,'O NA TE SNGA MA NYID 'DZIN PA'I MNGON SUM GYIS NI DE LA 'BREL BA RNAM PAR GCOD PA TZAM BYAS KYI PHYI MA'I NYID NI MA YIN TE, DE BZHIN DU GZHAN DU YANG BRJOD PAR BYA'O ZHE NA, 'O NA PHYI MA NYID DE SNGAR YOD DAM MED, GAL TE YOD NA NI GDON MI ZA BAR YONGS SU GCAD PAR BYA BAR 'GYUR RO, ,

DE LTA MA YIN NA NI SNGA MA NYID KYANG MI 'GYUR RO, ,MED PA NYID MA YIN NI NA RNAM PAR GCAD PAR GRUB PO, ,DE BZHIN DU PHYI MA NYID LA YANG BRJOD PAR BYA'O, ,'ON TE RANG BZHIN GNYI GA YANG RTAGS NYE BAR GNAS PA NYID YIN ZHING MNGON SUM GNYI GAS MNGON SUM DU BYAS PA NYID YIN NA DE LTA NA YANG DRAN PA TZAM GYIS RANG BZHIN CAN NGO SHES PA NYE BAR DGOD PAS CI ZHIG BYA ZHES DRAN PA'I SGRAS STON PAR BYED DO, ,DE'I PHYIR, MA SHES CHA LA RANG BZHIN DANG, ,DBANG POS MTHONG BA DRAN PA'I PHYIR, ,RTAGS KYI MA SKYES RNAM RTOG RNAMS, ,RNAM PA KUN DU TSAD MED NYID, ,GAL TE GZUGS KYI SHES PA'I DE MA THAG PA'I REG PA'I SHES PA RANG RGYUD YIN YANG MI BLU BA'I PHYIR TSAD MA YIN PA DE BZHIN DU, NGO SHES PA YANG YIN PAR 'GYUR RO, ,SKYE BA'I TSOGS PA GZHAN DU GYUR PA NYID KYANG, THUN MONG BA KHO NA'O ZHES BYA BA YANG BRTZAD PAR MI BYA STE, MI SLU BA LA NYID MED PA'I PHYIR TE, 'GA' ZHIG TU GCIG PA NYID MA RTOGS PA'I PHYIR RO, ,THAMS CAD DU SNGA MA'I DANG PHYI MA'I RANG BZHIN 'DZIN PA'I MNGON SUM GNYIS 'BYUNG BA PHYIS NI MTSAMS SBYOR BA'I RNAM PAR RTOG PAR 'GYUR RO ZHES BYA BA DE LTA BU NYID DU RTOGS PA'I PHYIR RO, ,GCIG NYID MNGON SUM GYIS MA BZUNG BA'I PHYIR NA DE DANG 'BREL BA'I RTAGS LAS SKYES PA'I RJES SU DPAG PA YANG YOD PA MA YIN TE, , GCIG NYID KYIS BSGRUB PAR BYA BA'I DON BYA BA 'GA' ZHIG KYANG DMIGS PA MED DO, ,JI LTAR SHING THA DAD PA SKYES BA DE BZHIN DU PHYIS 'BYUNG BA'I GRIB MA YANG THA DAD PA KHO NA YIN LA, JI LTAR GRIB MA RIGS MTHUN PA DE LTAR NI SHING YANG YIN NO, ,DE BAS NA THAMS CAD DU DON BYA BA NI DE DANG 'DRA BAS BSGRUB PAR BYA BAS YIN GYI DE NYID KYIS BSGRUB PAR BYA BA NI MA YIN NO, ,GTAMS PA PHYIR LEN PA LA SOGS PA NI, GZHAN GYIS DRAN DANG LONGS SPYOD SOGS, ,THAL PA GNOD BYED MA YIN TE, ,DES 'GA' DRAN PA MED PA'I PHYIR, ,NYAMS SU MYONG BA LAS NI DRAN PA 'BYUNG, ,ZHES BYA BA DER BSHAD ZIN TO, ,RO LA SOGS PA'I SHES PA LA NI DON BYA BA'I KHYAD PAR GYIS BYAS PA'I MI SLU BA BSNYON PAR RIGS PA MA YIN NO, ,GZHAN YANG GZUGS DANG SGRA DANG DRI DANG RO DANG REG BYA RNAMS NI BDAG NYID JI LTA BA BZHIN DBANG PO'I RNAM PAR SHES PA LA DNGOS SU GSAL BA YIN YANG GAL TE LOG PA NYID DU DOGS NA NI, SRID PA RANG BZHIN MED PA KHO

, ,NAR 'GYUR RO, ,DE'I TSE NI NGO SHES PA'I GTAM YANG GA LA YOD, NGO MA SHES PA NI RNAM PAR RTOG PA YIN LA, RNAM PAR RTOG PA YANG DON DU LHAG PAR ZHEN PA TZAM GYIS DNGOS SU MYONG BA NI MA YIN TE, DES DE'I YUL BKAG KYANG DNGOS PO'I RANG BZHIN NYAMS PA MED DO, ,DNGOS PO SNANG BA LA DNGOS PO NYID DU RNAM PAR 'JOG PA'I PHYIR RO, ,GAL TE RNAM PAR RTOG PA YANG RTAGS KYIS BSKYED PA YIN NA NI DE'I CHE DES GRUB PA SPANGS NA THAMS CAD SPANGS PAR 'GYUR BA KHO NA STE, MNGON SUM SUN MA PHYUNG BA NI, DES GRUB PA'I TSUL GSUM GYIS MTSON PA'I RTAGS LAS SKYES PA'I RJES SU DPAG PA SUN DBYUNG BAR MI NUS PA'I PHYIR RO, ,DES NA DE'I SKYES BU BYED PA NI MNGON SUM GYI MTHAR THUG PA KHO NA'O, ,DES NI RJES SU DPAG PAS NGES PAR BYAS PAS NI DNGOS SU BSAL BA'I DON DANG, GRUB PA DANG BDE BA GCIG PA KHO NA'O, ,RNAM PAR RTOG PA GZHAN GYIS ZHEN PAR BYAS PAS NA DNGOS SU SNANG BA MA YIN PA; DNGOS SU BSAL BA DANG GRUB PA DANG BDE BA GCIG PA YANG MA YIN TE, RJES SU DPAG PA LTAR NUS PA YOD PA MA YIN PA'I PHYIR RO, ,DES NA YID KYI RGYAL SRID DU RTOGS PAS BRTAGS PA BZHIN DU DE BKAG KYANG GNOD PA CI YOD, KHYOD KYIS MNGON SUM GYI MING BYAS KYANG DON MNGON SUM BSAL BAR NI BYA BAR MI NUS TE, DES NA RNAM PAR RTOG PA GZHAN LAS 'DI LHAG PAR ZHEN PA TZAM YIN PAR KHYAD PAR 'GA' YANG YOD PA MA YIN NO, ,DE'I PHYIR SKYON MED PA'I DBANG POS BSKYED PA'I SEMS LA DNGOS SU SNANG BA'I DON DANG, BRTAGS PA TZAM MTSUNGS PA CI YOD, YANG SNANG BA DANG LHAG PAR ZHEN PA DAG GI KHYAD PAR GANG ZHE NA, RNAM PAR RTOG PA TZAM GYIS SPYOD YUL MNGON PAR 'DOD PA'I DNGOS PO STONG PA'AM, DNGOS SU NYAMS SU MYONG BZHIN PA LA SROG CHAGS THAMS CAD KYI SO SO RANG GIS RIG PA NI BSNYON PAR MI NUS SO, ,NGO SHES PA LA YANG NYAMS SU MYONG BA'I DON NYID YOD PA MIN GYI LHAG PAR ZHEN PA TZAM NI MA YIN NO ZHES NI BRJOD PAR MI NUS TE, BYAMS PA LA SOGS PA RES 'GAS NGO SHES PAR GYUR PA TZAM LA DUS THAMS CAD KHYAB PA'I RANG BZHIN GYIS NGES PA DANG RJES SU MTHUN PAR 'JUG PA LA SOGS PAR THAL BA'I PHYIR RO, ,RNAM PAR RTOG PA NYID KYIS NGES PA'I RANG BZHIN NI DE SNANG BAR YANG KHAS

BLANG BAR BYA BA YIN TE, DE LTA MA YIN NA NGO SHES PA'I THA SNYAD NYAMS PAR THAL BA'I PHYIR RO, ,GAL TE BSAL BA'I RANG BZHIN YANG YIN LA RNAM PAR RTOG PA YANG YIN PAR JI LTAR 'GYUR ZHE NA, 'DI YANG 'DI NYID KYI NYES PA GZHAN YIN NO, ,'ON TE GNAS SKABS TZAM DUS GSUM PA NYID YIN PAR NGES KYI, GNAS SKABS NI MA YIN TE, DES NA 'JUG PA DANG LDOG PA GNAS SKABS DANG 'BREL BA YOD PA MA YIN NO ZHE NA GNAS SKABS CAN DE'ANG DON BYA BAR 'GA' ZHIG LA NYE BAR MKHO BA'ANG MA YIN, RE ZHIG MA MKHO BA YIN NA NI, GAL TE GNAS SKABS DAG LAS THA DAD PAR MI SNANG BA'I SHES PA TZAM LA BRJOD NA, PA'I RVA'I SHAS PA NYES PA CI BYAS, 'ON TE 'GA' ZHIG TU NYE BAR MKHO BAR KHAS LEN NA, DE YANG MI 'THAD DE GNAS LAS THA DAD PA'I RANG BZHIN DU MI SNANG BA NI MNGON SUM DANG MI DMIGS PA'I SGRUB PAR BYED PA CAN GYI NYE BAR MKHO BA CAN DU JI LTAR BRJOD PAR NUS, DE LTA NA NI MTHA' YAS PA'I DNGOS PO RTAG PAR YANG THAL LO, ,DE'I PHYIR GNAS SKABS LAS THA DAD PA NI SNANG BA MA YIN LA, DON BYA BA DANG LDAN PA YANG MA YIN TE, DES NA RUS SBAL GYI SPU DANG KHYAD PAR MED DO, ,DE'I PHYIR RNAM PAR 'CHAD PA'I RANG BZHIN CAN GNAS SKABS NYID DU SHES PAS GCIG TU BYED PA YIN PA'I PHYIR DE TZAM GYIS 'KHRUL PA NYID YIN NO, ,'DAS PA DANG MA 'ONGS PA DE DAG NGES PAR BYA BAR 'GYUR RO ZHES BYA BA 'DI LA NI LAN GYI SKAD TZAM YANG GA LA YOD, 'DIS NI GANG RTAGS LAS MA SKYES PA'I RNAM PAR BRTEN PA'I SHES PA DE THAMS CAD NI TSAD MA MA YIN TE, DPER NA YID KYIR GYAL SRID KYI RNAM PAR RTOG PA BZHIN NO, ,NGO SHES PA YANG RTAGS LAS MA SKYES PA'I RNAM PAR RTOG PA YIN NO ZHES BYA BA 'DI 'GAL BAS KHYAB PA DMIGS PA'O, ,BZLOG PA TSAD MA LA NI KHYAB PAR BYED PA, DRAN PA RANG RGYUD PA'I MTSAN NYID MED PAS NA GTAN TSIGS RTAGS LAS MA SKYES PA'I RNAM PAR RTOG PA LA GNOD PAR BYED PA YIN PA'I PHYIR RTAGS LAS MA SKYES PA'I RNAM PAR RTOG PA NYID TSAD MA MA YIN PA NYID LA GNAS PAS DE KHYAB PA YIN NO, ,DE'I PHYIR NGO SHES PA NI TSAD MA MA YIN NO ZHES GNAS SO, ,GAL TE MNGON SUM GNYIS KYI SNGA MA DANG PHYI MA GCIG NYID MA BZUNG BA DE LTA NA YANG, 'DZIN PAR BYED PA DAG YOD DO ZHE NA GAL TE ZHES GSUNGS

, ,SO; ,GCIG CES BYA BA NI SNGAR DANG PHYIS KYI DUS DAG TU'O, ,SHES PA BZHIN DU DUS GZHAN MA KHYAB PA MA YIN NO ZHES BYA BA'I DON TO, ,DES KYANG ZHES BYA BA NI BDAG GIS SO, ,RE ZHIG GANG GI LTAR NA BDAG MED BEMS PO YIN PA DE'I LTAR NA NI, JI LTAR BLO DANG DU BA LAS RTOGS PA YIN PA DE BZHIN DU, MNGON SUM LA SOGS PA'I YUL MA YIN PA LA MA RTOGS PA YANG YIN NO, ,DES NA RIGS BRJOD PA NI DE YANG, MNGON SUM LA SOGS PA YI DANG, ,ZHES BYA BA'O, ,SEMS KYI RANG BZHIN NYID LA NI, ,MNGON SUM LA SOGS PA'I RANG BZHIN YIN YANG, JI ZHIG LTAR THA DAD PAR YANG KHAS BLANGS PA'I PHYIR NA MI RIGS PAR BRJOD PA MA YIN NO, ,MNGON SUM LA SOGS PA'I 'JUG PA YANG DPYAD ZIN TO, ,DES BDAG NYE BAR BKOD PAS CI ZHIG BYA, 'ON TE YANG 'GA' ZHIG LA BRTEN PA'I SHES PA NI BYED PA NYID DU GYUR PAS TSAD MA YIN TE, BYED PA PO RTEN GYI GZHAN GYI DBANG YIN PA'I PHYIR RO, ,DE MED NA DE GANG GI BYED PA YIN TE, DE NI NGO BO ZHES BYA BA'I NGO BO SHES PA YAL BAR DOR NA NI BDAG YOD PA NYID DU MI 'GYUR RO, ,DES NA RNAM PA THAMS CAD DU NGO SHES PA LA BRNYAS PAR JI LTAR BYED SNYAM DU DOGS PA BSU NAS BDAG LA BRTEN PA NYID DU TSAD MA RJES SU 'GRO BA DANG, LDOG PA MED PAR STON PAR BYED PA NI BDAG LA BRTEN PA TZAM GYIS NI ZHES BYA BA'O, ,BDAG LA BRTEN PAR SHES PA TZAM GYIS ZHES BYA BAR LTA'O, ,DE LTA NA YANG SHES PA BDAG LA BRTEN PA YIN NO, ,TSAD MA GO GA LAS NGES NA TSAD MA'I THA SNYAD NI MI SLU BA LA LTOS PA NYID DO, ,SHES PA MI SLU BA YIN PAR GRUB KYANG GAL TE 'DI BDAG LA BRTEN NA TSAD MAR 'GYUR GYI, DE LTA MA YIN NA NI MI 'GYUR RO ZHES BYA BA 'DI NI RTOGS PA DANG LDAN PA SUM KYANG BZOD PA MA YIN NO, ,DE NYID STON PAR BYED PA NI MTHONG BAS PHYIS NAS ZHES BYA BA'O, ,BYED PA PO DANG LAS SU BRJOD PAR 'DOD PA TZAM NI BDAG GIS SGRUB PAR BYED PA MA YIN TE, DES NI DNGOS PO JI LTA BA BZHIN YIN PAR MA NGES PA'I PHYIR RO, ,PHUNG PO'I TSOGS BYED PA POR BRJOD PA DANG, DE'I PHYOGS GCIG SHES PAR BYED PAR BRJOD PAS 'DOD PA YOD PA'I PHYIR NA GZHAN GYIS CI BYA, SHES PA NYID NI BYED PA PO YIN LA, 'DRA BA NI BYED PA YIN NO ZHES KYANG 'CHAD PAR 'GYUR RO, ,BDAG MED PA NI ZHES

BYA BA NI GZHAN GYI'O, ,BDAG NI YID DANG SBYOR BAR BYED LA YID LA YID KYANG DBANG PO ZHES BYA BA LA SOGS PAR DUS LA LDOG PA LA LTOS PA DANG BCAS PA'I DNGOS PO SHES PA NI BDAG RTAG PA MED PAR MI 'GYUR RO SNYAM DU BSAMS PA'O ZHES BYA BA NI THE TSOM DANG PHYIN CI LOG TSOGS SO, ,'DI NI SNGAR BSTAN PA DA LTAR BSHAD PA YIN NO, ,MI SLU BA LA LTOS NA BDAG LA BRTEN PAS CI ZHIG BYA STE, SHES PA MI RTAG PA YANG MI SLU BA DANG LDAN PAR DE MA THAG PA LA SOGS PA'I STOBS KYIS SKYES PA MI 'GAL BA'I PHYIR RO, ,DES NA MNGON SUM DANG RJES SU DPAG PA DAG KHO NA BDAG YOD PA DER YANG MI SLU BA DANG LDAN PA'I TSAD MA MA YIN NO, ,DE NI SRID PAR YANG MI 'THAD DO ZHES GSUNGS PA NI SNGA MA PHYI MA'I ZHES BYA BA NI, 'DI GANG GI ZHAR LAS 'PHROS PA DE NYID MJUG SDUD PA NI, DES NA SHES PA ZHES BYA BA'O, ,SHES PA NI RGYU DON GYI 'BRAS BU YIN NO ZHES BYA BAR MI RTOGS SO ZHES BYA BA'I DON TO, ,GAL TE RE ZHIG 'GA' ZHIG RTOGS PA YIN TE, DES NA 'BRAS BU NYID DU RTOGS PAS KYANG NYES PA CI ZHIG BYAS SHE NA, SHES PA ZHES GSUNGS SO, ,BDAG DANG DE'I RIG PAR BYA BA BDUN DU SNANG BA RIG PA YIN NO, ,DE KHO NA RIG PA YIN ZHES RNAM PAR BCAD PAR BYA BAR BRJOD PA NI SNGA PHYI'I BDAG NYID CES GSUNGS SO, ,SNGA MA DANG PHYI MA'I RANG BZHIN RGYU DANG 'BRAS BU NYID LA NI MNGON SUM 'JUG PA MA YIN NO, ,MNGON SUM CAN 'JUG PA 'GOG PA LA GLAGS YOD PAR MTHONG NAS GZHAN DAG SMRA BA NI 'O NA ZHES BYA BA'O, ,'BRAS BU NI MNGON SUM GYIS RTOGS LA, DE LAS SNGAR RGYU NYID PAR NI RJES SU DPAG PAS DPOG PA YIN TE, DES NA SNGA MA DANG PHYI MA RIG PAR MED PA MA YIN NO, ,DE LAS ZHES BYA BA NI RJES SU DPAG PAS RTOGS PA LAS SO, ,LAN NI RJES SU DPAG PA DE YANG ZHES BYA BA'O, ,RJES SU DPAG PA DE YANG 'JUG PA YOD PA MA YIN NO ZHES 'BREL TO, ,GANG LA ZHE NA BSGRUB PAR BYA BA MNGON SUM GYIS RAB TU RTOGS PA MED PA'I DNGOS PO LA'O, ,KHYAB PA NYID MA GRUB PA'I PHYIR RO ZHES BYA BA'I DON TO, ,RJES SU DPAG PA GZHAN GYI KHYAB PA 'DZIN PAR 'GYUR RO ZHE NA, SNGON ROL MNGON SUM ZHES GSUNGS SO, ,MNGON SUM 'DI NI BDAG GI 'BRAS BUR MNGON PAR 'DOD PA DANG, LHAN CIG GSAL BA MDUN NA GNAS PA'I DON 'DZIN PAR BYED

, ,LA; RGYUR MNGON PAR 'DOD PA'I DNGOS PO SNGA MA LA NI MNGON SUM SNGA MA TSAD MA YIN NO, ,GANG GI TSE SNGA MA DANG PHYI MA NYID LA MNGON SUM TSAD MA MA YIN PA DE'I TSE NI RJES SU DPAG PA GZHAN YANG YOD PA MA YIN TE, DE NI KHYAB PA 'DZIN PA LA LTOS PA'I PHYIR RO, ,'DI LA YANG SNGAR RJES SU DPAG PA GZHAN YOD PA MA YIN NO ZHES RTOGS PAR BYED NA THUG PA MED PAR 'GYUR RO, ,DE LTAR SHES PA DANG SHES BYA DAG RGYU DANG 'BRAS BU NYID YIN PA'I PHYOGS BSAL BA YIN NO, ,SHES BYA NYID SHAS PA'I 'BRAS BU YIN PA'I PHYOGS LA NI, GAL TE SHES PA'I 'BRAS BUS YOD PA MIN NA NI DE'I TSE NYES PA 'DI NYID YIN NO,, 'ON TE DON GZHAN GYIS YIN NA DE'I TSE YANG, 'BRAS BU GZHAN SKYES MED PAR NI, ,'BRAS BU'ANG YOD PAN YID MI 'GYUR, ,ZHES BYA BA NYID RIGS PA YIN NO, ,PHAL CHER DE LTAR SMRA BA NI MED DE DES NA PHYOGS 'DI NI DNGOS SU MA BSTAN PAR YANG RNAM PAR RTOG PA DE NYID LA THABS CIG GIS BSAL BAR 'DOD NAS 'BRAS BU SOGS GZHAL BYA ZHES GSUNGS SO, ,PHAL CHER 'JIG RTEN GYI GRAGS PAS PHYI ROL GYI DNGOS PO'I RGYU DANG 'BRAS BU DNGOS SEMS PA YIN NO, ,DE NI SGRUB PA MA YIN NO ZHES DGONGS PA'O, ,'BRAS SOGS ZHES BYA BA NI CHOS KYI RANG BZHIN NO, ,PHYI ROL GYI CHOS CAN GANG LA 'BRAS BU NYID LA SOGS PA'I GZHAL BYA DE YOD PA'O, ,PHYI ROL DE NI RTOGS PA MED PA'O, ,DE NI MA RTOGS MOD DE LTA NA YANG 'BRAS BU NYID LA SOGS PA'I GZHAL BYA LA CHAD PA CI YOD SNYAM NA GZHI MED CES GSUNGS SO, ,CHOS KYI GZHI NI PHYI ROL GYI DNGOS PO NYID YIN TE, DE MED PA'I PHYIR DE YANG 'BANG MI DGOS PAR MED PAR GRUB BO, ,CHOS CAN MA RTOGS PAR NI CHOS RTOGS PAR MI 'THAD DO ZHES BYA BA'I DON TO, ,JI LTAR PHYI ROL GYI DNGOS PO MA GRUB SNYAM NA, SHES PA ZHES SMOS TE, GANG GI TSE ZHES BYA BA NI GTAN TSIGS TE, DMIGS PA DANG BCAS PA LA MA YIN PA'I PHYIR RO ZHES BYA BAR LTA'O, ,DE NYID KYI PHYIR DMIGS PA DANG BCAS PA NYID DU JI LTAR MA GRUB CE NA ZHES DRIS PA YIN NO, ,DER 'GYUR ZHES BYA BA NI DMIGS PA DANG BCAS PAR 'GYUR RO, ,MIG LA SOGS PA'I BLO DMIGS PA RGYU NYID YIN NA THAL BA CI YOD CE NA, GANG ZHIG CES BYA BA'O, ,DMIGS PA MED PAR GNAS PAR 'GYUR BA YANG YIN NO ZHES BZLOG PA RTOGS PAR BYA'O, ,

YANG GANG GIS BZLOG PA RTOGS PAR BYA BA YANG 'GRUB PAR 'GYUR BA MIG LA SOGS PA'I BLO DMIGS PA MED PA GANG DU MTHONG ZHE NA, ,ZLA GNYIS RNAM CAN ZHES BYA BA'O, ,GANG GI SKYED PAS 'DI DMIGS PAR 'GYUR BA ZLA BA GNYIS ZHES BYA BA'I DNGOS PO 'DI 'GA' YANG YOD PA MA YIN NO, ,RE ZHIG ZLA BA GCIG NI YOD CE NA DES CIR 'GYUR, ZLA BA GNYIS KYI SHES PA 'DI NI DE LA DMIGS PA MA YIN NO, ,CI'I PHYIR DE LA DMIGS PAR MI 'GYUR ZHE NA DE LTAR LHAG PAR ZHEN PA MED PA'I PHYIR RO, ,LHAG PAR ZHEN PA NYID KYI NYES PA YIN NO ZHES BYA BA YANG LAN MA YIN TE, DE'I RNAM PA CAN MA YIN PA'I PHYIR, GAL TE RNAM PA 'DI NYID NI ZLA BA BRGYA'I YANG YIN LA ZLA BA GNYIS KYI LTA CI SMOS SHE NA, ZLA BA DU MA YANG RNAM PA MTSUNGS PA YIN MOD, 'ON KYANG GCIG PO DE LA DU MA'I RNAM PA CAN GYI SHES PA 'DZIN PAR BYED PA JI LTAR YIN TE, RANG BZHIN 'DRA BAM YIN PA'I PHYIR RO ZHES BRJOD DO, ,DE LTA MA YIN NA 'DI YANG DAG PA'I SHES PA KHO NAR 'GYUR RO, ,GAL TE ZLA BA NYID SKYE BAR BYED PA YIN LA, ZLA BA NYID DU SNANG BA YANG YIN PA'I PHYI RJI LTAR MI 'DRA LHAG PAR MI 'DZIN PAS MI 'KHRUL PAR 'GYUR BA MA YIN NO ZHE NA, DNGOS PO GZHAN DANG LDAN PA'I DNGOS PO RANG GI RANG BZHIN DU RTOGS PA YIN NA NI LHAG PAR 'DZIN PAS 'KHRUL BAR MI 'GYUR TE DBYIG PA CAN NO ZHES BYA BAR RIGS KYI, MED PA'I RANG BZHIN GYIS DNGOS PO 'GA' ZHIG BZUNG NA NI MA BZUNG BA KHO NAR 'GYUR RO, ,DES NA SHES PA DE NI DON DANG LDAN PAR SUS KYANG SGRUB PAR MI NUS SO, ,RTA LA RVA CAN DU 'DZIN PA BZHIN NO, ,LDAN PA CAN GYI RVA THA DAD PAR BZUNG NA NI KHYAD PAR NGES PAR MA BZUNG NA NI KHYAD BAR NGES PAR MA ZIN YANG RTA MTHONG BA 'KHRUL PAR MI GZHAG GO, ,DE BZHIN DU YAL GA DANG LO MA LA SOGS PA'I DBYIBS RTOG PA LA RDUL THA DAD PA RTOGS PA NA RANG BZHIN GYIS KHYAD PAR NGES PAR MA RTOGS KYANG 'KHRUL PA MA YIN GYI, RGYUD RING POR GONG BU'I RNAM PAR RTOG PA NI 'KHRUL PA KHO NA YIN NO, ,DE BZHIN DU MED PA THA DAD PAR ZLA BA RTOGS PA NI DMIGS PA MED PA KHO NA STE, GCIG DANG MI 'DRA BA'I PHYIR DANG GNYIS NI MED PAS SKYED BYED MA YIN PA'I PHYIR RO, ,'DIR GZHAN DAG GI DOGS PA BSU BA NI CI STE RGYU NYID KYIS ZHES BYA BA'O, ,GAL TE RGYU NYID KYIS DMIGS PAR BRJOD NA DE'I TSE DE LTA BU'I RGYU MED PAR YANG 'BRAS BU'I SHES PA NI

, ,DMIGS PA MED PAR 'GYUR GYI, 'ON KYANG PHYI ROL GYI DNGOS PO NI BZUNG BA NYID KYIS DMIGS PA YIN NO ZHES BYA BAR BSAMS PA'O, ,LAM GYI DON NI 'DI YIN TE, DES SKYED PA NYID 'PHANGS PA'I BZUNG BA'I DON SNANG BA TZAM MIN NAM, MDUN DU GSAL BAR SNANG BA YIN TE, GNYI GA NI 'KHRUL PA KHA YANG YOD PA YIN NO, ,DON ZHES BYA BA LA SOGS PA LA DON BYA BA SNGON PO LA SOGS PA MYONG BA LAS GZHAN DON GYI BDAG NYID DU 'DOD DAM ZHES BYA BA NI RNAM PAR RTOG PA GCIG GO, ,'ON TE MYONG BA ZHES BYA BA'I RNAM PAR RTOG PA RNAM PA GNYIS SU BYED DE RIGS MTSUNGS PA'I MYONG BA DE NYID DAM MIN ZHES BYA BAR RIGS MI MTHUN PA GZHAN YIN, PHYOGS DANG PO LA SUN 'BYEN PA NI MED PAS DE DON GZHAN DU GYUR PA'I KHYAB PA DANG BRAL BA'I PHYIR RO, ,DON MED PAR 'GYUR BAR MI RIGS SO, ,DE MED PAS NA DE MED MIN, ,ZHES JI LTAR BRJOD DO, ,GANG GI PHYIR 'BRAS BU MED PAR NI RGYU ZHES BYA BAR MI 'GYUR RO ZHE NA DA LTAR YANG PHYOGS GNYIS TE, 'BRAS BU MED NA RGYUR 'DOD PA'I RANG BZHIN NYAMS PA'AM, RGYU'I THA SNYAD GNYIS PA'I RGYU DE BYED PA'I NUS PA DANG BRAL BA YIN, DE LA PHYOGS DANG PO LA BRTEN NAS BSHAD PA NI 'BRAS BU ZHES BYA BA'O, ,RANG GI NGO BOS GRUB CING RTOGS 'GYUR BA NI GZHAN MED PAS MED PA ZHES BYA BA NI BAB COL YIN NO, ,GZHAN MED NA NI 'BRAS BU'O, ,GZHAN MED PAR NI RGYU'O, ,HA CANG THAL BAR 'GYUR BA'I PHYIR RO ZHES BYA BA NI BUM PA MED PAR YANG SNAM BU MED PAR 'GYUR BA'O, ,RNAM PAR RTOG PA GNYIS PA'I DBANG DU BYAS TE GRUB PA GSUNGS PA'O, ,GAL TE 'BRAS BU ZHES BYA BA'O; ,'ON GAL TE NUS PA MED KYANG RANG GI NGO BO MED PA MA YIN NA, NUS PA NYID DON GYI RANG BZHIN DU JI LTAR BRJOD DE, DES NA 'GAL LO ZHE NA, MI 'GAL TE DE NYID CI TZAM GYI MTHAR THUG PA YIN ZHES BYA DPYOD PAR RTZOM PA'I PHYIR RO, ,DE YANG PHYIS 'CHAD PAR 'GYUR RO, ,YANG NA PHYI ROL DU SMRA BA LA NUS PA NYID YOD PA YIN TE ZHES RNAM PAR 'JOG PA YIN TE, BEMS PO MNGON PAR RLON PA TZAM DU YOD PA NI BSAL BA MED PAS NA, GAL TE DON BYA BAR NUS PA MED PA YIN NA, SKRA LA SOGS PAR SNANG BA DANG KHYAD PAR MED PA'I PHYIR RO, ,GANG DU PHYI ROL GNAS PAR 'GYUR, ,DE'I PHYIR PHYI ROL LA LTOS NAS NI NUS PA

YOD PAR BRJOD PA YIN, DE NI RNAM PAR SHES PA LA YANG YOD PAS KHO BO CAG GI RNYED PA KHO NA YIN NO, ,DES NA GAL TE SHES PA NI BSAL BA NYID LAS YOD PAR BSNYON DU MED PA YIN MOD KYI, ,DE LTA NA YANG DON GYIS NUS PA YANG YOD PA YIN TE DES KHYAB PAR NA SKAD CIG MA DANG SDUG BSNGAL BA LA SOGS PAR GRUB PAS YON TAN NYID YIN NO, ,RGYU DANG 'BRAS BU'I DNGOS PO GSAL BA LA SKAD CIG MA NYING JI LTAR 'GRUB PA DE NI PHYIS 'CHAD PAR 'GYUR RO, ,'DIS NI PHYOGS DANG PO BSAL NAS GNYIS PA'I RNAM PAR RTOG PA GNYIS SLONG BA NI CI STE ZHES BYA BA'O, ,RAB RIB LA SOGS PA'I SHES PA NI DE RAB TU MA ZHI BA'I BAR DU RGYUN DU 'JUG PA KHO NA'O, ,RMI LAM GYI SHES PA RGYUN CUNG ZAD 'JUG PA YIN GYI SKAD CIG GCIG NYID 'BYUNG BA NI MA YIN NO, ,RGYUN CUNG ZAD 'JUG PA NI YOD PA MA YIN PA NYID DO ZHES KYANG NGES PAR BYA MI NUS TE, GLOG GI SHES PA BDEN PA'I YUL CAN DU 'DOD PA YANG, RMI LAM GYI SHES PA'I DUS SU RJES SU 'BREL PA NI MA YIN NO, ,GLOG GI THUN MONG YIN NO ZHE NA, RAB RIB CAN GYI TSOGS LA ZLA BA GNYIS KYANG THUN MONG KHO NA'O, ,DER NI THUN MONG LHAG PAR ZHEN PA TZAM YIN GYI, SHES PA'I RNAM PAR DNGOS PO NI THUN MONG MA YIN PA KHO NA'O ZHE NA, GZHAN DU DE LTA MA YIN NO ZHES BYA BA LA NI RTAG TU DNGOS PO LA REG PA TSAD MA YIN NO, ,DE'I PHYIR DE'I RIGS CAN GYI SHES PA SKYE BA DON DAM PA YIN NO ZHES BYA BA DE NI MA YIN NO, ,RNAM PAR RTOG PA THA MA BRJOD PA NI, CI STE REG PA LA SOGS PA'I SHES PA YIN NO ZHE NA ZHES BYA BA STE DON BYA ZHES 'BREL TO, ,DE YANG MI BDEN TE ZHES BYA BA LA SOGS PA NI SUN 'BYIN PA STE GO BAR SLA'O, ,DE 'DI SNYAM DU RANG NYID 'OL MA SE'I PHUNG POR THE TSOM ZA BA'I ME NI DU BA GZHAN MTHONG BAS YOD PAR JI LTAR MI 'GYUR SNYAM NA, GZUGS RANG NYID MYONG BA YANG NGO GZHAN MYONG BA LA NI REG BYA MYONG BA LA'O, ,MI LA NI PHYIS THE TSOM ZA NA MNGON SUM NYID DE DES NA DE'I DU BA LA LTOS PAR RIGS KYI THE TSOM MED NA NI GAL TE RANG MYONG BA YANG YID CHES PA MED NA GZHAN MYONG BA LA SMOS SU CI YOD DE, DU BA BRGYA MYONG YANG NGO, ,DE MYONG BA KHYAB PA 'DZIN PA LA MOS PA'I PHYIR RO, ,YANG NA GAL TE MNGON SUM GYI ME LA YANG YID MI CHES NA DU BA YANG MNGON SUM KHO NA YIN PAS YID CHES PA KHO NA'O, ,DE'I PHYIR RIGS PA MTSUNGS PA NYID KYIS RANG MYONG BA

, ,LA YANG YID CHES NA, GZHAN GYI MYONG BA LA YANG STE SHES PA LA SMOS SU CI YOD, GZUGS SNANG BA LA THE TSOM MI ZA STE GRUB PA'I PHYIR RO, ,GZHAN NI MA DMIGS PA SPANGS PA'I PHYIR RO, ,'ON TE GZUGS KYI PHYI MTHONG BA LAS REG PA DANG LHAN CIG RGYU BA DANG MI RGYU BA THE TSOM GYI YUL YIN ZHE NA, DE LTA NA YANG KHYAD PAR RNAM PAR GZHAG PA REG PA LAS YIN GYI GZUGS DE NYID YOD PAR NI MA YIN NO, ,REG BYA DANG LHAN CIG YOD PA'I GZUGS 'DI LA GZUGS SU BRJOD DO ZHE NA, RE ZHIG SNANG BA NI BSNYON PAR MI NUS SO, ,GAL TE GZUGS SO ZHES BYA BA MI BRJOD PA DE TZAM GYIS DE DE NYID LA NYAMS PAR 'GYUR RAM, DE LTA MA YIN NA SHES PA'I RNAM PA NYID LA GZUGS SU BRJOD DO ZHES SMRA BAR NUS SO, ,DE'I PHYIR REG PA'I SHES PA MED KYANG GZUGS LAS NYAMS PA MED DO, ,DE LHAN CIG SPYOD PA'I SPYI YOD PA NI REG PA'I SHES PA LAS 'GRUB PA'AM, YANG NA DE LAS DE YANG YOD PAR MI 'GRUB PA'O, , CI'I PHYIR ZHE NA, DE MYONG LA YANG STE REG PA MYONG BA LA YANG MI BDEN PAR TE, MI BDEN PA'I YUL CAN NYID DU DOGS PAR JI LTAR MI 'GYUR TE, REG PA YOD PAS RANG DANG LHAN CIG SPYOD PA'I GZUGS BDEN PAR RTOGS PAR BYA BA YIN NA, REG PA DE YANG YOD PAR DA RUNG MA GRUB PA'I PHYIR GZHAN GYI SGRUB PAR BYED PAR JI LTAR 'GYUR, DE NYID GSAL BAR BYED PA NI LUS KYI ZHES BYA BA LA SOGS PA'O, ,YANG NA REG PA DE MYONG BA LA YANG GZUGS MI BDEN PAR DOGS PAR JI LTAR 'GYUR BA MA YIN TE, DOGS PAR 'GYUR BA KHO NA'O, ,REG PA MYONG BA BDEN NA YUL CAN DU MA GRUB PA'I PHYIR RO, ,MIG GI YUL LA DOGS PA 'DIR 'GYUR GYI, REG PA LA NI MA YIN NO ZHE NA, LUS KYI MYONG BA ZHES BYA BA'O, ,GZHAN GYIS SMRAS PA, GAL TE REG PA MYONG BAR 'GYUR BA DER NI DE DON YIN NO ZHES TSIM PA'AM YANG DOGS PA STE DES BYAS PAS TSIM PA STE, DES NA KHYAD PAR YOD DO ZHE NA, RGOL BAS SMRAS PA NI YONGS SU TSIM PA DE GA LAS ZHES BYA BA STE; GCIG TU 'GYUR BA GZHAN LA NI MA YIN NO ZHES BYA BA LAS YIN TE, MA YIN PA KHO NA'O, ,BYIS PA BZHIN DU MA DPYAD PAR YONGS SU TSIM PA NI 'DIR BRJOD PAR BYA BA MA YIN NO, ,RNAM PAR BRJOD PA LA NI GNYI GA YANG DON DU SNANG BAR MTSUNGS SO, ,DGOS PA'I PHYOGS LA NI YANG JI LTAR MTHONG BA 'GA'

ZHIG LA REG PA'I 'BRAS BU'I MTHAR THUG PA MED PA DE BZHIN DU REG PA 'GA' ZHIG LA YANG MTHONG BA YOD PA MA YIN PA'I PHYIR MTSUNGS SO, ,DBANG PO'I SGO NAS KHYAD PAR YOD PA YIN NO ZHES RNAM PAR 'GREL PA BSHAD PA NI JI LTAR MIG GI RNAM PAR SHES PA ZHES BYA BA'O, ,GAL TE MIG LA RAB RIB LA SOGS PA YOD PA LTAR REG PAR BYED PA LA NI MA YIN TE, DES NA MTSUNGS PA JI LTAR RTOGS SNYAM NA, RAB RIB LA SOGS PAS ZHES SOGS PA'I SGRAS BSDUS PA NYID 'CHAD PA NI MKHRIS PA'I RIMS KYIS ZHES BYA BA'O, ,DES NA MIG DANG LUS KYI MYONG BA GNYIS LA KHYAD PAR CI YANG MED DO, ,GAL TE DON DER TSIM ZHE NA ZHES BYA BA RNAM PAR 'GREL PA NI YONGS SU TSIM PA'I PHYIR RO ZHE NA ZHES BYA BA STE, KHYAD PAR YOD DO ZHES BYA BA BSAMS BA'O, ,LAM GYI GRANG BA'I DUS SU ZHES BYA BA'O, ,GZHAN YANG ZHES BYA BA NI NYES PA GZHAN SOGS PA'O, ,GAL TE ZHES BYA BA LA SOGS PAS NI RNAM PAR RTOG PA DANG PO LA NI DON MED PA NYID BSHAD PA'O, ,RNAM PAR RTOG PA GNYIS PA LA NI PHYED PHYI MAS BSTAN PA'I NUS PA MED PA NYID MYONG BAS GRUB PA GANG YIN PA ZHES BYA BA LA SOGS PA'I TSIGS SU BCAD PAS BCAD DO, ,'DIR YANG GZHAN PA'I ZHES BYA BA LA SOGS PA RNAM PAR 'GREL PA NI MYONG BA LAS THA DAD YIN PA'I PHYIR ZHES BYA BA LA SOGS PA YIN NO, ,YONGS SU TSAB MYONG BA'I BDAG NYID YIN NA NI LHAG PAR CUNG ZAD KYANG MA BRJOD PAR 'GYUR RO, ,DES NA GZHAN GYIS YONGS SU TSIM PAR DE LAS GZHAN KHO NAR KHAS BLANGS DGOS SO, ,DE YANG CI DGOS DRIS PA NA GZHAN GYI DON SGRUB PAR BYED DO ZHES SMRAS TE DGOS SO ZHES 'BREL TO, ,LAM DU JI LTAR GZHAN GYIS GZHAN 'GRUB CES GSUNGS SO, ,JI LTAR YONGS SU TSIM PA GZHAN DON GZHAN GYI GRUB PA'I RANG BZHIN NAM GRUB PA'I RANG BZHIN JI LTAR 'GYUR, RIGS PA NI RANG NYID GRUB PA'I NGO BO NYID YIN NA TSAD MA'I 'BRAS BU RNAM PAR GNAS PA'I SGRUB PAR BYED PA YANG YIN NO, ,THA DAD PA MED PAR SMRA BA LA NI GZHAL BYA YANG DE NYID YIN NO SNYAM DU DGONGS PA'O, ,'O NA YONGS SU TSIM PA YANG DNGOS PO MED NA MI 'BYUNG BAS DE'I GRUB PAR BYED PAR 'GYUR RO, ,'DI LTAR RIGS PA YANG DNGOS PO DANG MED NA MI 'BYUNG BA NYID KYIS DE LTAR 'GYUR BA YIN NO SNYAM DU DOGS PA NI 'BREL PA'I PHYIR RO, ,LAN NI

, ,'BREL PA GANG GIS 'GRUB CES BYA STE, YONGS SU TSIM PA'AM RIGS PA LAS YIN ZHES BYA BAR BSAMS PA'O, ,PHYOGS DANG PO'I DOGS PA BSU NAS YONGS SU TSIM PA DE'I 'BREL PA GANG YONGS SU TSIM PA GZHAN LAS YIN NO ZHES THUG PA MED PA NYID GSAL BAR BYAS PA YIN NO, , PHYOGS GNYIS PA LA YONGS SU TSIM PA MED PAR MYONG BA NYID DON DANG 'BREL PA'I GRUB PAR BYED PA YIN PA'I PHYIR, MYONG BA'I NUS PA LA GEGS BYED PA SU BYED, ,DES NA YONGS SU TSIM PA DANG PO LA DON MED DO, ,DE LTA YIN MONG SNYAM NA, DE LA YANG ZHES SMOS SO, ,DE GANG YANG YIN SNYAM NA GAL TE NYAMS SU MYONG BA LAS ZHES BYA BA'O, ,SNGAR NYAMS SU MYONG BA LAS ZHES BYA BA NI, GZUGS RIG PA LAS SO, ,DES NA 'KHRUL PA DANG, MA 'KHRUL PA KHYAD PAR MED DO ZHES BYA BAR 'GRUB PO, ,GAL TE 'KHRUL PA LA YANG YOD PA'I PHYIR YONGS SU TSIM PA NYID DE SGRUB PAR BYED PA MA YIN NO, ,YONGS SU TSIM PA MA YIN PA'I RGYU SPRUL LA SOGS PA DNGOS PO MED PA YANG MA YIN MOD KYI, 'ON KYANG DON SGRUB PAR BYED PA NI LHAG PAR MOS PA YIN NO, ,JI SRID DU 'DI NI DON NYID DO SNYAM DU LHAG PAR ZHEN BA BRTAN PA DE THAMS CAD NI DON NYID YIN LA, DE NI GNAS SKABS KYI KHYAD PAR LA LTOS NAS PHAN PA DANG GNOD PA DANG, GNYI GA MA YIN PAR SGRUB PAR BYED PA THAMS CAD LA MTHONG BA YIN NO, ,DES NA 'DI LA YONGS SU TSIM PA'AM, DON MYONG BAS CI ZHIG BYA SNYAM NA 'DI NI ZHES GSUNGS SO, ,MOS PAR MYONG BA LAS GZHAN NAM GZHAN MA YIN ZHES BYA BA LA SOGS PA RTOGS PAR SLA'O, ,'ON TE MYONG BA NI SPYI YIN LA, LHAG PAR ZHEN PA BRTAN PA'I MOS PA NI KHYAD PAR GYI RANG BZHIN NO ZHE NA, RANG GI RANG BZHIN MYONG BA LAS MA GTOGS PA'I BRTAN PA ZHES BYA BA 'DI CI ZHIG G-YO BA MED PA'O ZHE NA G-YO BA YANG RANG GI NGO BO RIG PA LAS GZHAN MA YIN PA MA YIN NAM, DE YANG RE ZHIG SNGA MA'I NI MA YIN TE, DE LA NI RANG GI NGO BO'I RIG PA LAS RNAM PA GZHAN MED PA'I PHYIR RO, ,PHYI MA'I YANG DE YANG RANG GI YUL 'DZIN PA LAS NYAMS PA MED PA'I PHYIR RO, ,'DI G-YOS KYANG SNGA MA LAS CIS YANG MI 'GYUR RO, ,PHYIS GZHAN DU RIG PA NA DE LA G-YO BA NYID DU 'JOG NA, SNGA MAS GZHAN DU RIG PAS PHYI MA YANG DE LTAR 'GYUR, 'KHRUL

BA DANG MA 'KHRUL PA DAG RIM GYIS 'BYUNG BA'I NGES PA YANG MED PA'I PHYIR, PHYIS RAB RIB CAN DU GYUR PA BZHIN NO, ,'DIS NI GNOD PAR BYA BA DANG, GNOD PAR BYED PA'I DNGOS PO SKABS SU BYED PA YANG GSAL BA YIN NO, ,RGYAS PAR NI LE'U DANG POR BSHAD ZIN PA'I PHYIR NA RE ZHIG GZHAG GO, , DES RNAM PA 'DI LTA BU DAG LA NI LHAG PAR MOS PA LA BRTEN, GZHAN MAD KYANG DES YANG DPYAD PA YIN NO, ,GZHAN YANG RANG GI NGO BO MNGON SUM DU BYED PA'I MYONG BA NI G-YO BA YIN LA DON GYIS STONG PA'I RNAM PAR RTOG PA LHAG PAR MOS PA'I SGRAS BRJOD PAR BYA BA NI MA YIN NO ZHES BYA BA 'DI LA SU ZHIG DAD PAR BYED DE; TSAD MAS BSAL BA'I BDAG LA SOGS PA LA YANG LHAG PAR MOS PA SRID PA'I PHYIR RO, ,DE'I PHYIR MOS PA NYID DON THAMS CAD KYIS SGRUB PAR BYED PA YIN GYI, YONGS SU TSIM PA LA SOGS PA GZHAN GYI MA YIN NO ZHES BYA BA NI RIG PAR BRJOD PA YIN NO, ,YANG NA MYONG BA KUN DON GYIS SGRUB PAR BYED PA KHO NA YIN TE, GZHAN 'GAS KYANG GNOD PA 'AM PHAN 'DOGS PA NI MA YIN NO ZHES BYA BA'I DON TO, ,'DIS NI ZHES BYA BA LA SOGS PAS 'KHRUL PA DANG MA 'KHRUL PA'I THUN MONG DU GYUR PA RNAM PAR RTOG PA'I KHYAD PAR GYI BDAG NYID KYANG MA 'KHRUL PAR SGRUB PAR BYED PA MA YIN NO, ,GZHAN YANG ZHES BYA BA LA SOGS PA'I DON 'DI YIN TE, GANG GIS DE DAG NYID DON RNAM PAR 'JOG PAR BYED PA YIN LA MYONG BA NI BYA BA MED PAR 'GYUR RO, ,DON MYONG BA LA SNGAR NI 'DOD PA LA SOGS PA YOD PA MA YIN NO, 'ON KYANG MYONG BAS DON GNAS PAR BYAS LA DE DAG SKYE BA YIN NO, ,GANG YANG SLOB DPON CHOS MCHOG GIS PHYI ROL GYI DON YOD PAR GRUB PAR RGYUN GYIS 'JUG PA'I DON BYED PAR MA 'KHRUL PA'I GRUB BYED DU BSTAN PA DE YANG 'DI NYID KYIS GSAL BA YIN TE, DON BYA BA CI DON GYI BDAG NYID YIN NAM ZHES BYA BA LA SOGS PA'I RNAM PAR RTOG PA GSUM BSAL BAS NA DON BYED PA LHAG PAR MOS PA TZAM DU GNAS PAR 'GYUR BA'I PHYIR RO, ,DE LTAR DMIGS PA MED PA'I SHES PA DANG KHYAD PAR BYED PA KHO NA YIN NO, ,MED MED PA'I PHYIR RNAM PAR SHES PA 'GA' ZHIG DMIGS PA DANG BCAS PA YIN NO ZHES BYA BA'I PHYOGS BZLOG PA YIN NO, ,DA NI GZHAN DAG RNAM PAR SHES PA THAMS CAD DMIGS PA DANG BCAS PA YIN NO ZHES SMRAS PA NI

, ,CI STE YANG ZHES BYA BA'O, ,DE NYID RGOL BA'I DOGS PA BSU BA NI TSAD MA DANG ZHES BYA BA'O, ,'JIG RTEN ZHES BYA BA NI LAN NO, ,RNAM PAR DBYE BA 'DI NI CI LTAR SHES ZHES BYA BA'I RGOL BA'I'O, ,GANG LAS 'JIG RTEN PA'I DON GYI YUL CAN NI TSAD MA YIN LA, GZHAN NI TSAD MA MA YIN NO ZHES NGES PAR 'GYUR BA, THAMS CAD DMIGS PA DANG BCAS PA NYID LA 'DI NI 'JIG RTEN PA LA YIN NO ZHES BYA BA'I RNAM PAR DBYE BA 'DI JI LTAR 'GYUR, GZHAN GYI GNOD BYED CIG SHOS DANG BCAS 'BREL PHYIR ZHES SMRAS SO, ,GANG LA GNOD PA YOD PA DE NI 'JIG RTEN PA MA YIN PA YIN LA, GANG LA SGRUB PA'I TSAD MA GZHAN NAM, RJES LAS SKYES PA'I NI LHAG PAR ZHEN PAR MI 'GYUR PA YOD PA DE NI 'JIG RTEN PA YIN NO, ,GANG GIS ZHES BYA BA NI RGOL BA'I'O, ,SMIG RGYU'I TSOGS THOB PA'I MTSAN NYID CHUR SGRO 'DOGS PA LA GNOD PAR BYED PA'I SHES PA GANG YIN PA DE NYID GNOD PAR BYED PA GA LAS YIN NA DE BZHIN DU GCIG SHES PA LA YANG BRJOD PAR BYA'O, ,DE LA GAL TE GNOD BYED CIG SHOS YOD PA LAS SO ZHE NA DE'I TSE THUG PA MED DO, ,JI LTAR SGRUB PAR BYED PAR RIGS MTHUN PA 'AM MI MTHUN PA'I SGRUB PAR BYED PA GZHAN LA LTOS NAS SGRUB PAR BYED PA NYID DU NGES PAR BYED PA DE BZHIN DU, GNOD PAR BYED PA YANG RIGS MTHUN PA'AM MI MTHUN PA'I GNOD PAR BYED PA GZHAN LA LTOS NAS GNOD PAR BYED PA YIN PAR 'GYUR LA, DE YANG DE BZHIN DU SGRUB PAR BYED PA DANG GNOD PAR BYED PA GZHAN LA LTOS NAS DE 'DRA BAR 'GYUR RO, ,DE BZHIN DU GZHAN DANG GZHAN LA LTOS PA NA MTHAR THUG PA MED DO, , DON BYA BA SNANG BAS KYANG MTHAR THUG PA MA YIN TE, DE LA YANG 'JIG RTEN PA MA YIN PA'I DON SNANG BA MTHONG BA'I PHYIR JI LTAR THE TSOM LDOG ,DES NA GAL TE LHAG PAR MOS PA TZAM LA MI BRTEN NA DE'I TSE SGRUB PAR BYED PA DANG, GNOD PAR BYED PA GZHAN TSOL BAS THUG PA MED PA KHO NA'O, ,DA NI THUN MONG DANG THUN MONG MA YIN PA NYID KYIS 'JIG RTEN DANG CIG SHOS GNAS PAR BYED PA'I DOGS PA BSU BA NI, GAL TE THUN MONG BA ZHES BYA BA'O, ,SUN 'BYIN PAR NI THUN MONG DANG THUN MONG MA YIN PA DAG RIG PA STE, NGES PA YOD PA MA YIN TE DES NA MA GRUB PA'I PHYIR DE YANG MTSAN NYID MA YIN NO ZHES BYA BA'I DON TO, ,

CI'I PHYIR ZHE NA, GANG PHYIR THUN MONG BA LA SOGS PA LA MNGON SUM DANG RJES SU DPAG PA YOD PA MA YIN PAS SO, ,'DI LA YANG GTAN TSIGS SU MNGON SUM GYIS ZHES BYA BA'O, ,RJES SU DPAG PA MI 'JUG PA'I RGYU MTSAN YANG 'DI NYID YIN NO ZHES GZHUNG PHYI MA 'CHAD PA YIN NO, ,RANG DANG GZHAN GYIS RIG PAR BYA BA MNGON SUM GYIS MA BZUNG BAR BSTAN NAS RJES SU DPAG PAS KYANG MA BZUNG BAR STON PA GSUM PA NI RJES SU DPAG PAS ZHES BYA BA'O, ,GZHAN GYI SPU LDANG LA SOGS PA, ,'BRAS MTHONG PHYIR NA ZHES BYA BA GSUNGS SO, ,SDU GU GANG ZHIG BDAG GIS MTHONG BA DE NYID 'DIS KYANG MTHONG NGO ZHES THUN MONG PA NYID NI 'BRAS BU SPU LDANG BA LA RJES SU DPAG PAS GRUB PO ZHES BYA BA'I DON TO, ,LAN NI RANG NYID MTHONG LA RJES SU DPAG PA MED CES BYA BA'O, ,'BRAS BU SPU LDAN PA LAS NI JI LTAR 'DIS MTHONG BA DE BZHIN DU 'DIS KYANG MTHONG NGO ZHES GRUB TU CHUG ,NGAS MTHONG BA GANG YIN PA DE NYID 'DIS KYANG MTHONG NGO ZHES NI RTOGS PAR MI NUS TE, DE DANG 'DRA BAR MTHONG BA LAS KYANG SPU LDANG BA SKYE BA'I PHYIR RO, ,GAL TE YUL DE LA GNAS PA'I LUS MDZES PA GZHAN DAG RE RE KHO NAS MTHONG BAR JI LTAR 'GYUR SNYAM NA, 'O NA RAB RIB LA SOGS PA LTAR BAG CHAGS MTSUNGS BAR SAD PA'I SKYES PA BDAG NYID SO SOR NGES PA'I SHES PA'I RNAM PA NYID YIN MOD DE JI LTAR THUN MONG PA NYID YIN, TSUL 'DI NI RAB TU GRAGS PA'I 'BRAS BU'I RJES SU DPAG PA LA YOD PA MA YIN NO ZHES STON PA NI, 'BRAS BU DU BA MTHONG BA LAS ZHES BYA BA'O, ,DPE LA MTHONG BA'I RANG GI MTSAN NYID KYI BDAG NYID DE NYID DO, ,KHYAD PAR RIG PA MIN ZHES BYA BA NI MTHONG BA'I RANG GI MTSAN NYID RIG PA MA YIN PA'O, ,GAL TE DPE LA YOD PA DANG PHYOGS LA YOD PA'I DU BA GANG YIN PA DE GNYIS THA DAD PA YIN PA DES NA PHYOGS LA YOD PA'I ME MI SGRUB STE 'ON KYANG SPYI YIN NO SNYAM DU DOGS PA NI, DER DU BA ZHES BYA'O, ,LAN NI SPU LDANG BA 'DI ZHES BYA BA'O, ,SPU LDANG BA YANG THA SNYAD PA NYID PAS JI LTAR DE LAS KYANG RANG GIS MTHONG BA 'GRUB CES BYA BA'I DON TO, ,'O NA GCIG TU MNGON PAR ZHEN PA LAS THUN MONG PA NYID DU 'GRUB PO ZHES GCIG TU MNGON PAR ZHEN PA YANG GSUNGS SO, ,GCIG NYID DU MNGON PAR ZHEN PA YANG SHES

, ,PA LAS GZHAN MA YIN TE, 'ON KYANG DE GCIG TU MNGON PAR ZHEN PA DE NI RIG PA STE, SHES PA KHO NA'O, ,DE NI RAB RIB CAN GYIS DMIGS PA'I SKRA SHAD LA SOGS PA LA YANG YOD PA'I PHYIR DE LAS KYANG THUN MONG BA NYID KYANG JI LTAR 'GRUB SNYAM NA DGONGS PA'O, ,TSIG LE'UR BYAS PA 'DI NYID BSHAD PA'I PHYIR DOGS PA BSDU BA GAL TE GA LA ZHES BYA BA'O, ,'DI NI ZHES BYA BA NI LAN NO, ,'DI NYID BSAL BAR BYED PA NI DE LA YANG ZHES BYA BA STE, RAB RIB CAN GYIS DMIGS PA'I SKRA SHAD LA SOGS PA LA YANG, GAL TE DE LTAR NA YANG RAB RIB CAN GYIS DMIGS PA NI BUM PA LA SOGS PA NI THAMS CAD KYI THUN MONG YIN NO SNYAM DU DOGS PA NA GZHAN YANG ZHES GSUNGS SO, ,GZHAN ZHIG GIS ZHES BYA BA NI RAB RIB CAN GYIS SO, ,GAL TE ZHES BYA BA NI GZHAN GYIS DOGS PA'O, ,'DI LA TSAD MA MED DO ZHES BYA BA NI GRUB PA'I MTHA'O, ,SKYES BU GNYIS PAS KYANG DE NYID 'JIG PA'O ZHES BYA BA 'DI LA TSAD MA YOD PA MA YIN NO ZHES BSHAD ZIN TO, ,THAMS CAD KYIS LTA CI SMOS BUM PA LA SOGS PA NI THUN MONG DU GRUB PA YANG MA YIN NO ZHES BRJOD PA NI RAB RIB CAN GYIS ZHES BYA BA LA SOGS PA'O, ,TSABS CHER NYAMS PAR GYUR NA THAMS CAD LA MDOG DANG DBYIBS MI MNGON PAR DUNG KHA'I RNAM PA NYID DU MTHONG BA YIN TE, DPER NA BUM PA LA SOGS PA, THUN MONG SNANG BA MA YIN NO, ,ZHES BYA BAR DGONGS PA'O, ,GAL TE DBANG PO ZHES BYA BA NI DOGS PA BSU BA'O, ,THUN MONG BA NYID MA YIN PA'I SKYON MED DO ZHE NA, DBANG PO'I ZHES BYA BA NI LAN NO, ,MI BDEN PA'I LAN ZHES BYA BA NI GZHAN GYI'O, ,'DI NI ZHES BYA BA NI SUM 'BYIN PA'O SNYAM PA MIN NA ZHES BYA BA NI DE NYID BSAL BAR BYED PA'O, ,GANG GI PHYIR DE LTA BUR THUN MONG BA NYID MA GRUB PA DES NA'O, ,CUNG ZAD KYANG ZHES BYA BA NI GZHAN GYIS DMIGS PAR BYA BA LA LTOS PA'O, ,GAL TE ZHES BYA BA NI GZHAN GYI'O, , GZHAN GYIS ZHES BYA BA LA SOGS PA NI LAN NO, ,MNGON SUM NYID KYIS DMIGS PAR BYA BA LA SOGS PA YIN NO, ,CI'I PHYIR GANG ZHIG GIS KYANG ZHE NA, GZHAN GYIS DMIGS PAR BYA BAS ZHES BYA BA LA SOGS PA'O, ,'DIR DON NI 'DI YIN TE, GANG ZHIG GANG GIS RANG BZHIN DU MA DMIGS PA

DE NI DE'I RANG BZHIN DU RNAM PAR GZHAG PAR BYA BA YIN TE, DPER NA SNGON PO LA SER PO'I RANG BZHIN BZHIN NO, ,SNANG BA YANG GZHAN GYIS DMIGS PAR BYA BA NYID DU DMIGS PA MA YIN NO ZHES BYA BA NI DMIGS PA'O, ,MA GRUB PA NI MA YIN TE, CHOS CAN SNANG BA LA GZHAN GYIS DMIGS PAR BYA BA NYID MA DMIGS PAR GRUB PA'I PHYIR RO, ,DES NA MED PAR NGES PA NYID DU DOGS PA BSU BA NI GAL TE ZHES BYA BA'O, ,DE'I NI RTOGS PA'O, ,YUL MA YIN PA'I PHYIR RO ZHES BYA BA NI BLTA BAR BYA BA MA YIN PA'I PHYIR RO, ,GAL TE GZHAN GYIS DMIGS PAR BYA BA'I RANG BZHIN GZHAN GYI YUL MA YIN NO, ,'O NA GZHAN NGES GZHAN GYIS DMIGS PAR BYA BA'I RANG BZHIN DMIGS PAR JI LTAR 'GYUR TE MI DMIGS PA KHO NA'O, ,DE'I NGO BOR ZHES BYA BA NI GZHAN GYIS DMIGS PAR BYA BA'I RANG BZHIN GYIS THA DAD PA NGO BO'O, ,'O NA CI ZHIG MI DMIGS SHE NA, GZHAN GYIS DMIGS BYA NYID DU NI, ,ZHES GSUNGS SO,, 'DI BZLOG PA'I RNAM PAR RTOG PA NI DE'I NGO BO LAS NI DNGOS PO'I NGO BO LAS SO, ,PHYOGS GNYIS PA LA BRJOD PA NI DE'I NGO BO NYID YIN NA ZHES BYA BA STE, GZHAN GYIS DMIGS PAR BYA BA NYID DNGOS PO'I RANG BZHIN NYID YIN NA DNGOS PO DMIGS PA NA JI LTAR MA DMIGS, DES NA GZHAN GYIS DMIGS PAR BYA BA NYID DU MA DMIGS SO ZHES BYA BAR MI 'THAD DO SNYAM DU DGONGS PA'O, ,PHYOGS DANG DANG PO LA BRJOD PA NI ZHES BYA BA STE GZHAN GYI NGO BO YIN NA ZHES BYA BA STE GZHAN GYI NGO BO DMIGS PAR BYA BA NYID DON GYI RANG BZHIN LAS GZHAN DU GYUR PA'I NGO BO NYID YIN NA, DON GYI NGO BO DE GZHAN GYIS DMIGS PAR JI LTAR GYUR TE MI 'GYUR BA NYID DO, ,GAL TE DES DNGOS PO'I DNGOS PO NYID NA 'O NA CI ZHIG DMIGS PAR BYA BA NYID CES SMOS SO, ,GANG GI PHYIR GZHAN GYIS NI DMIGS PAR BYA BA NYID DMIGS KYI DON DE NI MA YIN PA DE'I PHYIR RO, ,MI DMIGS PA DE YANG GANG ZHIG YIN SNYAM NA, GANG ZHIG CES BYA BA'O, ,DE NYID MI DMIGS PA YIN GYI, GZHAN NI MA YIN TE, DE LAS GZHAN YIN PA'I PHYIR RO, ,'O NA GZHAN GYIS DMIGS PAR 'GYUR RO ZHE NA, DE LTA NA YANG ZHES GSUNGS SO, ,DMIGS PA NYID LAS THA DAD PAR 'GYUR NA'O, ,'O NA GANG ZHIG DMIGS SHE NA, RANG RANG GIS ZHES BYA BA LA SOGS

, ,PA'O; ,GANG GI PHYIR DE NI THAMS CAD KYIS DMIGS PA MA YIN PA DANG, DMIGS PAR BYA BA YANG RANG RANG LA NGES PA YIN PA'I PHYIR NA, THUN MONG DU DMIGS PA NI MED DO, ,MA DMIGS PA'I PHYIR NA DE NYID DON YIN GYI GZHAN NI MED DO ZHES BYA BA GSUNGS SO, ,DMIGS PA LAS THA DAD PA'I ZHES BYA BA'O, ,BDEN TE PHYI ROL GYI DON NI DON BYED PAR NUS PA MA YIN GYI, 'ON KYANG SNGON PO LA SOGS PAR SNANG BA YANG RIGS PA 'GA' ZHIG NYID NI 'DOD CHAGS PA RIGS PA'I RANG BZHIN GYI DON BYED PA YIN, DON BYED LA 'GA' ZHIG NI MA YIN NO, ,DES NA NUS PA DANG MI NUS PA'I DBANG GIS YOD PA DANG MED PAR RNAM PAR 'JOG PA YIN NO SNYAM DU DOGS PA BSU BA NI CI STE ZHES BYA BA'O, ,RNAM PAR RIG PA TZAM GYI PHYOGS LA NI SHES PA RANG RIG PA LA LKOG TU GYUR PA NYID MED PA'I PHYIR DE'I YUL CAN GYI RJES SU DPAG PA MED PAS GNYIS NYID NYAMS SO ZHES BRJOD PA NI RANG RIG TZAM ZHES BYA BA'O, ,GAL TE RGYUD GZHAN GYIS SHES PA LKOG TU GYUR PA NA DE'I YUL CAN GYI RJES SU DPAG PAR 'GYUR RO SNYAM DU DOGS PA BSU NAS SHES GNYIS ZHES BYA BA'O, ,RANG GI RGYUD LA NI LUS KYI RNAM PAR RIG BYED LA SOGS PAR SNANG BA DANG, 'DOD PA LA SOGS PA'I MTSAN NYID KYI SHES PA GNYIS RGYU DANG 'BRAS BU'I DNGOS POR BZUNG BAR BYAS PA YIN TE, DE NA GZHAN LA 'BRAS BU MTHONG BA LAS SHES PA DE RJES SU DPOG PA YIN NA, DE YANG JI LTAR ZHES BYA BAR TSAD MA SNYAM DU GANG GIS 'DZIN TE, CI RIGS PA GNYIS PO DE NYID KYIS YIN NAM, 'ON TE DE'I RJES LAS BYUNG BA'I DRAN PAS YIN, ,RE ZHIG RIG PA GNYIS PO DE NYID KYIS NI MA YIN TE, CI'I PHYIR ZHE NA, RANG TZAM ZHES GSUNGS SO, ,'DI NYID BRJOD PA NI GANG GI TSE RGYU NI ZHES BYA BA'O, ,SNGAR MNGON SUM GYI RIG PA'I RGYU NI NYAMS SU MYONG BA'I BAG CHAGS LAS BYUNG BA'I DRAN PAS PHYI NAS SHES PA YIN NO ZHES BYA BA'I DOGS PA BSU BA NI, GAL TE RGYU NI ZHES BYA BA'O; ,RJES DPAG PA'I ZHES BYA BA NI DRAN PAS SO, ,LAN NI DE TSE ZHES BYA BA NI, NYAMS SU MYONG BA'I DUS SU NI MNGON PAR 'DOD PA'I RGYU NYID DU MA SHES NA, DA LTAR RJES SU DPAG PA LAS SHES PA JI LTAR 'GYUR TE MI 'GYUR BA NYID DOG LA TE DRAN PA DE DA LTAR YOD PA MA YIN NAM, DES NA DE YANG DE KHO NA LTAR YIN

NO ZHES DOGS PA BSU BA NI, SNGAR NI ZHES BYA BA'O GSUNGS SO DE'I SHES PA DA LTAR YOD PA YIN GYI DE NI MA YIN NO, ,SHES PA YOD PA TZAM GYIS SHES BYA YANG DE LTAR 'GYUR BA MA YIN NO ZHES LAM BRJOD PA NI SHES TE ZHES GSUNGS SO, ,RGYU'I SHES PA DE'I RGYUR MNGON PAR 'DOD PA JI LTAR RIG PAR 'GYUR TE, MA YIN PA NYID DO, ,'ON TE GANG GI TSE YOD PA DE'I TSE RJES SU DPOG PA MA YIN NO SNYAM DU DOGS PA NI SNGA MA NYID DU ZHES BYA'I'O, ,GAL TE YOD PA NYID DU RJES SU DPOG PA NYES PA 'DIR 'GYUR BA ZHIG NA, MNGON SUM GYIS RIG PA LA RJES SU DPOG PA DON MED DO ZHES LAN 'DEBS PA NI MA YIN TE MNGON SUM GYIS RIG PHYIR ZHES BYA'O, ,'ON TE SNGON GYI RIG PA LA YANG MNGON SUM GYIS MA RIG PA'I SNGA MA NYID YOD PAS RJES SU DPAG PA'I YUL YIN NO SNYAM DU DGONGS PA NI, DE'I SNGA MA NYID CES BYA BA'O, ,DE'I SNGA MA NYID RJES SU DPAG GIS RIG PA YIN NO ZHES RJES SU 'JUG GO, ,JI LTAR SNGA MA NYID MI SRID CE NA, MNGON SUM GYIS NI ZHES BYA BA'O, ,DE'I PHYIR ZHES BYA BA NI MNGON SUM GYIS GNOD PA'I PHYIR RO, ,DER NI SNGA MA NYID LA'O, ,'O NA DE NYID LAS DE 'GRUB PO ZHE NA, DES ZHES SMOS TE, DRAN PA NI TSAD MA YIN NO, ,CI'I PHYIR ZHE NA RANG RIG PHYIR NA'O, ,DE LTAR DRAN PAS RGYU NYID DU NGES PA GSAL NAS, 'BRAS BU NYID DU SHES PA YANG SEL BA NI GANG GI PHYIR BA TZAM DE RANG RIG PA TZAM LA MNGON SUM YIN NO, ,RANG RIG LA NI BDAG NYID RIG PA LA'O, ,DE'I PHYIR DRAN PA DES DA LTAR BA DE RIG PA YOD PA MA YIN NO, ,JI LTAR ZHE NA, GZHAN GYI 'BRAS ZHES GSUNGS SO, ,DE'I PHYIR ZHES BYA BA NI GZHAN GYI 'BRAS BU NYID DU MA GRUB PA'I PHYIR RO, , DA NI RTOG GE BA DGA' BAR BYA BA'I GZHAL BYA'I RNAM PAR RTOG PA BRJOD PA NI, RGYU DANG 'BRAS BU'I DNGOS PO 'DI ZHES BYA BA'O, ,GNYI GA YOD PA'AM MED PA LA YANG RGYU DANG 'BRAS BU'I DNGOS PO YOD PA MA YIN NO ZHES BYA BA'I DON TO, ,RE ZHIG 'BRAS BU MED PA'I PHYOGS LA NI, RGYU GNYI GA 'GA' YANG YOD PA MA YIN NO ZHES STON PA NI, MED PA RTA YI RVA NYID LA, ,ZHES BYA BA'O, ,'DIR GZHAN GYI TSIG GI DOGS PA BSU BA NI, GAL TE DE NI GTAN MED PHYIR, ,ZHES BYA BA'O, ,RTA'I RVA DE LA'O, ,'O NA 'BRAS BU GANG ZHE NA, BSHAD PA SNGAR MED PA NI 'BRAS BU MIN PA MIN TE, 'BRAS BU KHO NA'O ZHES BYA BA'I DON TO, ,

, ,LAN 'DI YANG LAN NYID CES BYA BA'O, ,CI'I PHYIR ZHE NA, YOD NA ZHES GSUNGS SO, ,DE NI ZHES BYA BA NI 'BRAS BU'O, ,CI'I PHYIR MED PA LA SNGA NA MED PA MI RUNG ZHE NA, MED PA'I RI BONG RVA LA NI, ,ZHES GSUNGS SO, ,RI BONG GI RVA NI MED PA NYID KYIS SNGAR MED PA DANG BRAL BA YIN NO; ,'BRAS BU YANG MED PA NYID YIN PA DES NA SNGA MA MED PA DANG BRAL BAR 'GYUR RO, ,MTHONG BA ZHES BYA BA NI DOGS PA BSU BA'O, ,'BRAS BU YOD PA NYID DU SHES PAS NA SNGA MA MED PAR RTOGS PA YIN GYI, GZHAN DU NI MA YIN ZHE NA, LAN NI PHAN TSUN BSTEN PAR ZHES BYA BA'O, ,DE NYID GSAL BAR BYED PA NI JI SRID CES BYA'O, ,JI SRID DU ZHES BYA BA NI RNAM PAR 'BREL PA'O, ,GAL TE 'JIM GONG DANG, DBYUG PA LA SOGS PA RGYUR 'DOD PA'O, ,'BRAS BU STONG PA'I MTSAN NYID KYI MED PA KHYAB PAR MED PA NI, RGYU RTOGS PA NYID KYI RTOGS PA YIN TE, DES PHAN TSUN BSTEN PA NYID MA YIN NO SNYAM DU DOGS PA BSU BA NI GAL TE ZHES BYA BA'O, ,'DI YANG SNGAR BSHAD PA'I NYES PA LAS MI 'DA'O, ,DE LTA NA YANG DE YAL BAR DOR NAS, SUN 'BYIN PA GZHAN BRJOD PA NI, STONG NYID DE NI ZHES BYA BA'O, ,DE DANG YANG ZHES BYA BA NI RGYU MA YIN PA DANG NGO, ,DE'I NI RGYU MA YIN PA DE'I 'O, ,GZHAN PA DAG KYANG ZHES BYA BA NI RGYU MA YIN PA DAG GO, ,DE DANG YANG NI RGYU MA YIN PA DANG YANG NGO, ,DE'I RJES SU 'GRO BA'I ZHES BYA BA NI DOGS PA BSU BA'O, ,BSHAD ZIN TO ZHES BYA BA NI SKAD CIG MA DANG GZHAN GYI PHYOGS DAG LA RJES SU 'GRO BA DANG LDOG PA MED DO ZHES SO, ,'DIS NI 'BRAS BU STONG PA'I RANG BZHIN SNGA NA MED PA NYID YIN PA LA, 'BRAS BU NYID HA CANG THAL BA YIN NO ZHES BSTAN PA YIN NO, ,DA NI SNGA NA MED PA DE NI TSAD MAS BSAL BA YIN NO ZHES BRJOD PA NI SNGA NA MED PA ZHES BYA BA LA SOGS PA'O, ,DE LTAR ZHES BYA BA SNGA NA MED PAR 'GYUR RO, ,DE YANG ZHES BYA BA 'DIS 'BRAS BU YANG NGO, ,'BRAS BU NYID LA SOGS PA MED NA THAMS CAD MED PAR THAL BA'I PHYIR NA, RTOG PA DANG 'GAL BA MA YIN TE, RTOG PA NI SNGON PO LA SOGS PA TZAM GYI YUL CAN YIN PA'I PHYIR RO ZHES BRJOD PA NI, DE'I PHYIR TSAD YONGS SU ZHES BYA BA'O, ,RANG BZHIN SNGON PO NYID LA SOGS PAR RO, ,SNGON PO LA SOGS PA DE LA'O, ,MNGON SUM NI SNGA NA MED PA LA

SOGS PA RNAM PAR 'JIG PAR BYED PA NYID DU MI RIGS SO ZHES BRJOD PA NI, SNGA MA DANG PHYI MA'I ZHES BYA BA'O, ,DE LTAR MED PA 'BRAS BU NYID YIN PA BSAL NAS, YOD PA YANG KHO NA 'BRAS BU YIN ZHES GZHAN GYIS BSAL BA'O, ,RGYU'I NUS PA 'GA' ZHIG LA YOD PA DANG MED PA KHO NA NYE BAR GNAS PA YIN TE GZHAN NI MED DO ZHES LAN GDAB PA NI, BLTAS MNYAN ZHES BYA BA'O, ,BLTAS ZHES BYA BA NI MIG GI DBANG POS SO, ,MNYAN PA NI RNA BA'I DBANG POS SO, ,SHES BYAS NAS ZHES BYA BA NI DE LAS GZHAN PA'I DBANG PO'AM, RJES SU DPAG PA MTHONG BYED LA CI STE MED PA NYAD DA, ,CI'I PHYIR ZHE NA BLUN PHYIR RO; ,DE NAS BRTAGS NAS MI BYED PA'I PHYIR 'BRAS BU YOD PA MA YIN NO ZHES DGONGS PA'O, ,GAL TE DE LTA NA YANG MED PA SKYE NA MED PAR KHYAD PAR MED PA'I PHYIR MED PA THAMS CAD SKYE BAR 'GYUR NA DE LTAR NA YANG MA YIN TE, DE'I PHYIR RGYU LAS 'BRAS BU YOD PA YIN NO ZHE NA BSHAD PA, RGYU'I RANG BZHIN DE 'DRA BA GANG YIN PA DE NI RGYU LA RAG LAS PA YIN PAR BYED DO, ,DE 'DRA BA ZHES BYA BA 'BRAS BU MED PA 'GA' ZHIG GI RGYU YIN GYI, THAMS CAD KYI MA YIN PA'O, ,DES NA HA CANG THAL BA MED PA'I PHYIR NA 'BRAS BU SNGA NA YOD PA MA YIN NO ZHES DGONGS PA'O, ,YANG NA 'BRAS BU'I RANG BZHIN RGYU LA RAG LAS PAR MTHONG BA GANG YIN PA'O, ,DE 'DRA BA ZHES BYA BA NI, RGYU'I BDAG NYID LA MED PA NYID DO, ,'DOD PA NI SHES PA STE NGES PA ZHES BYA BA'I DON TO, ,'O MA LA NI ZHO'I RANG BZHIN MED PA NYID DU NGES PA YIN NO, ,NUS PA'I RANG BZHIN DU GNAS PA YANG DE NYID GNAS PA MA YIN NO ZHES BYA BA NI BRTAGS ZIN TO, ,MED PAR KHYAB PAR MED PA'I PHYIR NA MED PA THAMS CAD SKYE BA YANG MA YIN TE, RGYU'I NUS PA RANG GI RGYU LA RAG LAS PA CAN YIN PA'I PHYIR RO, ,DES NA MED PA SKYE BA YIN NO ZHES BYA BA 'DI'I DON NI, MED DO COG GANG YIN PA DE SKYES PA YIN NO ZHES BYA BA NI MA YIN GYI 'ON KYANG SKYE BA GANG YIN PA DE NI MED PA KHO NA YIN NO ZHES BYA BA YIN NO, ,DES NA RGYU DANG 'BRAS BU'I DNGOS PO YOD DO ZHE NA NI 'BRAS BU MED PAR SMRA BA NYID BLA'O, ,GAL TE DBANG PHYUG RGYU YIN PA'I PHYOGS LAS 'BRAS BU MED NA MTHONG NAS BYED PA MI SRID PA'I PHYIR 'BRAS BU YOD PA KHO NA YIN NO SNYAM NA, GAL TE DBANG PHYUG RGYU YIN YANG ZHES BYA BA'O, ,

, ,GAL TE MED PA LA SHES PA MED PA'I PHYIR JI LTAR DE'I RGYU'I SBYOR BYED YIN ZHE NA, MED PA SHES PAR MI 'DOD MIN, ,ZHES SMOS TE, MED PA YANG SHES PA KHO NA'O ZHES BYA BA'I DON TO, ,CI'I PHYIR ZHE NA, GANG PHYIR DBANG PO LAS 'DAS BLO, ,ZHES GSUNGS TE, DES NA 'BRAS BU MED PA YANG DBANG PO LAS 'DAS PA'I LTA BAS MTHONG NAS NGES PA'I RGYU NGES PAR SBYAR NAS BYED PA KHO NA'O ZHES BYA BA'I DON TO, ,DE LTA NA YANG MED PA YANG BYED PA SRID PAS 'BRAS BU YOD PAR SMRA BAS CI BYA ZHES BRJOD PA NI 'DIR 'BRAS BU ZHES BYA BA'O, ,'DI NYID RNAM PAR 'BREL PA NI CI THAMS CAD CES BYA BA STE, DBANG PHYUG MED PA 'GOG PA'O, ,CI'I PHYIR 'DI MA YIN ZHE NA, YOD PA NYID CES BYA BA'O, ,DBANG PHYUG DANG BCAS PA 'GOG PA NI GCIG YOD PA NYID LA BRTEN NAS ZHES BYA BA'O, ,DBANG PHYUG DANG BCAS PA DANG CIG SHOS DAG MTSUNGS PAR DOGS PA BSU BA NI, THAMS CAD SNGA NA YOD DO ZHE NA NI ZHES BYA BA'O; ,PHYOGS GNYI GA LA LAN YANG MTSUNGS PAR BRJOD PA NI THAMS CAD KYI TSE DMIGS PAR ZHES GSUNGS SO, ,THAMS CAD KYI TSE ZHES BYA BA NI THAMS CAD DU ZHES BYA BA 'DI NYE BAR MTSON BYED YIN NO, ,GAL TE RGYU NGES PA'I PHYIR NA 'BRAS BU RNAMS YUL LA SOGS PAR NGES PA YIN TE DES NA 'GRO BA 'CHOL BA GNAS PA MA YIN NO ZHES DOGS PA BSU NAS BSHAD PA NI, DMIGS PAR BYED PA RNAMS ZHES BYA BA LA SOGS PA'O, ,DMIGS PAR BYED PA NI RGYU STE, 'BRAS BU DMIGS PA NYID DU BYED PA ZHES BYA BAS SO, ,DE LTAR 'BRAS BU YOD PA DANG MED PA NYID DU RNAM PAR BRTAGS NAS RGYU RNAM PAR RTOG PAR BYED PA NI, GZHAN YANG ZHES BYA BA NI'O, ,MED PA'I RGYU LAS ZHES BYA BA NI ZHIG PA LAS SO, ,RNAM PAR RTOG PA DANG PO SUN 'BYIN PA NI MED PA'I RGYU LAS ZHES BYA BA'O, ,MED PA THAMS CAD 'BRAS BU BYED PA NYID DU 'GYUR RO ZHES BYA BA'I DON TO, ,'ON TE SNGAR BYUNG BA LAS 'BRAS BU SKYE'O; ,GTAN MED LAS NI MA YIN NO ZHE NA ZHIG NAS ZHES BYA BA'O, ,ZHIG NAS MED PA NI 'BRAS BU'I SNGON DU RGYU ZHIG PA'I PHYIR RO, ,GTAN NAS MED PA NI RI BONG GI RVA'O, ,KHYAD PAR YOD PAS DOGS PA BSU BA NI, GAL TE SNGON YOD MYONG BA ZHES BYA BA'O, ,GANG GI TSE ZHES BYA BA NI LAN NO, ,GZHAN

GYI TSE ZHES BYA BA NI MED PA'I TSE'O, ,GZHAN GYI TSE RGYU YIN NA NI MED PA LA YANG RGYU NYID DU THAL BA'O, ,DE NYID KYI PHYIR LEGS PAR SMRAS PA YIN NO ZHE NA GTAN TSIGS SU BYAS SO, ,JI LTAR 'DI LEGS PAR SMRAS PA YIN ZHE NA, GANG GI PHYIR 'DI LTAR 'GYUR TE ZHES BYA BA'O, ,YOD PA NI RANG GI DUS BZHIN DU DUS GZHAN DU YANG RGYU MA YIN GYI, MED PA NI SNGAR ZHIG PA BZHIN DU RGYUR 'GYUR RO ZHES BYA BA'I DON TO, ,'ON TE BYED PA YOD PA'I PHYIR YOD PA RNAMS KHO NA RGYU NYID YIN GYI MED PA DAG NI MA YIN TE, DE MED PA'I PHYIR RO ZHE NA, DE DANG ZHES GSUNGS SO, ,'DI DAG RNAMS NI SNGAR BYUNG BA'I RGYUR 'DOD PA RNAMS SO, ,DES NA GNYI GA LA BYED PA MI SRID PA'I PHYIR BYED PA YOD PA LAS YOD PA RGYU YIN PAR JI LTAR 'GYUR, BYED PA YOD PA DE LTA NA YANG YOD PA DAG NI RGYUR MI 'THAD DO ZHES BRJOD PA NI GAL TE BYED PAS ZHES BYA BA'O, ,GANG LAS 'GYUR ZHES BYA BA NI RGYU 'DRI BA'O, ,GANG LAS BYUNG BA DE LAS SKYED PAR DOGS PA BSU BA NI BYED PA NA YANG YIN LA, DON YANG YIN PA'I PHYIR DE SKAD CES BYA BA NI DE LAS SO, ,'DI SUN DBYUNG BA'I PHYIR DER CI ZHES GSUNGS SO, ,BYED PA BSKYED PAR BYA BA DER BYED PA LDAN PA'I DON LAS BYED PA GZHAN THA DAD PA YIN NAM CI, GZHAN MA YIN PA NYID NAS MDUN NAS SEL BAR 'GYUR RO, ,GZHAN KHO NA'O ZHE NA GAL TE DE LA 'ANG ZHES GSUNGS SO, ,GAL TE BYED PA BSKYED PA'I BYED PA DE LA YANG BYED PA GZHAN YOD NA DE'I TSE DON TE, CHOD PAR 'GYUR BA YIN TE, 'BRAS BU BYED PA PO NYID DU MI 'GYUR ZHES BYA BA'I DON TO, ,GZHAN GYI DOGS PA BSU BA NI, BYED PA NYID LAS ZHES BYA BA STE, DON LAS NI MA YIN PA'I LAM NI SHI YANG ZHES BYA BA'O, ,'DI KHAS LEN SUN 'BYIN PA GZHAN YANG 'JUG GO ZHES GSUNGS PA NI DE LTAR ZHES BYA BA'O, ,'ON TE 'BRAS BU'I DUS NA RGYU YOD PA YIN NA DE NAS JI LTAR ZHIG PA LAS 'BRAS BU 'BYUNG ZHE NA BYED 'PHRENG 'DI NI ZHES GSUNGS SO, ,DE LTAR BYED PA THA DAD PA BSAL NAS 'DI DAG RNAMS KYI 'BYUNG BA GANG DE NYID BYA BA YIN ZHES BYA BA'I TSUL GYIS BYED PA THA DAD PA YIN PA BZLOG PA'I PHYIR DOGS PA BSU BA NI, DE STE RANG BZHIN ZHES BYA BA'O, ,DE TSE ZHES BYA BA NI RANG BZHIN GYI DUS SU'O, ,DES NA, SHI NA 'BRAS BU 'BYUNG BAR MI THAL LO, ,ZHES BYA BA NI GZHAN GYI BSAM

, ,PA'O; ,RTZOD PA RJES SU BRJOD NAS SUN 'BYIN PA RJOD PAR BYED PA'I DUS SU BYA BA'O, ,RGYU YOD PA'I DUS SU 'BRAS BU YOD PA MA YIN NA ZHES 'BREL TO, ,GRUB PA'I MTHA' GSUNG BA NI GNA' ZHIG CES BYA BA'O, ,'DI'I LAN GYI DOGS PA BSU BA NI, DE'I DE MA THAG PA 'BYUNG BA ZHES BYA BA'O, ,DE'I DE MA THAG TU 'BYUNG BA'I 'BRAS BU SKYE BA'I DUS SU RGYU YOD PA DE, DES NA ZHIG NAS RING DU LON PA LAS 'BRAS BU 'BYUNG BA MA YIN ZHES BYA BAR DOGS PA'O, ,LAN BSHAD PA NI SKYE BA ZHES BYA BA'O, ,DUS MNYAM PA DAG NI RGYU DANG 'BRAS BU'I DNGOS PO MA YIN TE, 'BRAS BU'I DUS NA MED PA NI RGYU NYID DU MI 'THAD PA'I PHYIR RO, ,DE'I DUS NA YOD PA YIN NA YANG JI LTAR RGYU NYID DU 'GYUR TE, RGYU BZHIN DU 'BRAS BU YANG LTOS PA MED PA'I PHYIR RO ZHES DPYOD PAR 'GYUR RO, ,DES NA RGYU DANG 'BRAS BU'I DNGOS PO NI, ,YOD MED NYID LA RTOGS PA MED, ,CES BYA BA 'DI GNAS SO, , GNYI GA YANG YOD PA MA YIN TE, GNYI GA'I RANG BZHIN NI 'CHAD PAR 'GYUR BAS BZLOG PA'I PHYIR RO ZHES BRJOD PA NI, CI YANG YIN SMRA SUN 'BYIN PAS, ,ZHES BYA BAS SO, ,GAL TE SNGON POR SNANG BA'I SHES PA RES 'GA' BA DBANG PO LA SOGS PA LAS SKYE BA RANG DANG RJES SU MTHUN PA'I RGYU GO BAR BYED DO, ,YIN NO ZHES DOGS PA BSU BA NI CI STE YANG ZHES BYA BA'O, ,SNGA MAR ZHES BYA BA NI SNGON 'BYUNG BAR RO, ,MNGON SUM GYIS MTHONG BA'I DNGOS PO 'DI NI MNGON SUM GYI RGYU YIN NO, ,RJES SU DPAG PAS NGES PAS GZUNG BAR MI NUS SO ZHES LAN 'DEBS PA NI RNAM PAR SHES PA'I MTSAN NYID KYI 'BRAS BU LDOG PA'I STOBS LAS BYUNG BA'I RJES SU DPAG PA LAS RIG PA SNGA MA DANG, MNGON SUM LA NI SNANG GYUR PA STE, RANG GI RNAM PAR GNOD PAS MNGON SUM LA SNANG BA'I NGANG TSUL GANG LA YOD PA THUN MONG MA YIN PA MNGON SUM DANG RJES SU DPAG PA DAG GI YUL PHAN TSUN 'DRE BA MED PA NA STE, 'CHOL PA MED PA NA'O, ,'CHOL BA NA NI RJES SU DPAG PA MNGON SUM DU 'GYUR RO, ,DE LTAR GYUR PA DE'I TSE RJES SU DPAG PA DE LAS NI RJES SU DPAG PAR GYUR PA NYID MNGON SUM GYI 'BRAS BU CAN DU RTOGS PAR 'GYUR GYI MNGON SUM LA SNANG BA, MNGON SUM DE NYID KYI 'BRAS BU GA LA YOD PA DE'I 'BRAS

BU JI LTAR RTOGS PAR 'GYUR, GAL TE ZHES BYA BA 'DI 'CHAD PA'O, ,'ON TE 'DI YANG RJES SU DPAG PAS RTOGS SO ZHE NA, RJES SU DPAG PA NI ZHES BYA BA'O, ,CI'I PHYIR RJES SU DPAG PAS DE LTAR MI RTOGS SNYAM PA'I DOGS PA SEL BAS PHAN TSUN 'DE BA MED PA NI ZHES BYA BA 'GREL PA BYED PAS NA, NYAMS SU MYONG BA NYID LA NI ZHES BYA BA STE, THUN MONG MA YIN PA MYONG BA NYID LA'O, ,CI'I PHYIR ZHE NA, DE'I YUL NI ZHES GSUNGS SO, ,'O NA MNGON SUM RJES SU DPAG PA LA 'JUG PA NA RJES SU DPAG PA DANG, CIG SHOS KYI RGYU YIN PAR RTOGS PAR NUS SO ZHES DOGS PA BSU NAS RJES SU DPAG PAR BYA BA LA ZHES GSUNGS SO, ,DES NA RJES SU DPAG PAR BYA BA NI MNGON SUM GYI RGYU YIN PAR RTOGS PAR MI NUS SO ZHES BYA BA'I DON TO, ,RJES SU DPAG PAS DON GYI RANG BZHIN RTOGS NA NI, LKOG GYUR NYID DU MI 'THAD DO, ,ZHES GSUNGS PA NI RTOGS PAR 'GYUR BA NYID NI ZHES BYA BA'O, ,LKOG TU GYUR PA NYID DU ZHES BYA BA NI DOGS PA BSU BA'O, ,DE NI MED DE ZHES BYA BA NI LAN NO, ,GAL TE RJES SU DPAG PAS DON RANG GI NGO BO RTOGS NA DE'I TSE LKOG TU GYUR PA NYID MED PA KHO NA'O ZHES BYA BA'I DON TO, ,'ON TE NGO BO LA GSAL BA DANG MI GSAL BA'I RANG BZHIN GNYIS YOD PA YIN NO, ,DE LA MI GSAL BA NI RJES SU DPAG PA'I YUL YIN NO ZHES DOGS PA BSU BA NI, RNAM PAR MI GSAL SNANG YIN NA, ,ZHES BYA BA'O, ,MI GSAL BA SNANG BA'I RNAM PA GANG LA YOD PA'I DON DE NI LKOG TU GYUR PA YIN TE, DES LKOG TU GYUR PA NYID MED PAR JI LTAR 'GYUR SNYAM DU BSAMS PA'O, ,'DIR YANG MNGON SUM GYI RANG BZHIN NYID YIN TE DES NA MNGON SUM LA RANG BZHIN GNYIS SNANG BAR 'GYUR RO ZHES LAN 'DEBS PA NI MNGON SUM DE LTA NA CIS MI 'DOD CES BYA BA'O, ,MI GSAL BAR SNANG BA'I DON GANG YIN PA DE MNGON SUM DU CI STE MI 'DOD DE 'ON KYANG 'DI NI MNGON SUM NYID YIN NO, ,DES NA DE'I RANG BZHIN 'DZIN PA'I MNGON SUM YANG RJES SU DPAG PAR THAL BAR 'GYUR RO ZHES DGONGS PA'O, ,GAL TE YANG GNYIS CIG CAR MI SNANG BA DE LTA NA YANG TSU ROL DANG PHA ROL GYI CHA 'DZIN PA BZHIN DU RIM GYIS RTOGS PA YANG MNGON SUM KHO NA YIN NO, ,BSHAD PA NI, RANG BZHIN GNYIS NI ZHES BYA'O, ,RJES SU DPAG PA YANG MI GSAL BA'I DNGOS PO

, ,RANG BZHIN REG PA'I PHYIR NA MNGON SUM KHO NA'O ZHES BYA BA'I DON TO, ,KHYAD PAR GZHAN GYI DBANG GIS ZHES BYA BA NI THAG NYE BAR RING BA LA SOGS PA'I KHYAD PAR GZHAN GYI MTHUS SO, ,RANG BZHIN NA YANG MA RTOGS PA'I DNGOS PO'I RANG BZHIN NYID RTOGS PA MED DO ZHES LAN 'DEBS PA NI GAL TE KHYAD PAR ZHES BYA BA'O, ,CI STE SNGO LA SOGS PA'I ZHES BYA BA'O, ,GZHAN GYI'O RANG GI RANG BZHIN ZHES BYA BA NI LAN NO, ,DE'I PHYIR RJES SU DPAG PA NYID KYANG MNGON SUM DU 'GYUR RO, ,RJES SU DPAG PA LA DON MNGON SUM DU BYED PA DANG, SPONG BA'I DOGS PA BSU BA NI RJES SU DPAG PA NYID NI DBANG PO DANG ZHES BYA BA'O, ,YUL DBANG PO DANG MA PHRAD PA'I PHYIR RJES SU DPAG PA MNGON SUM PA YIN NO ZHES BYA BA'I DON TO, ,LAN NI YUL DBANG PO DANG LDAN PA YANG MNGON SUM BZHIN DU DNGOS PO'I RANG BZHIN 'DZIN PA LAS RJES SU DPAG PAS CI MI DPOG STE, 'ON KYANG DPOG PA KHO NA'O ZHES BYA BA'I DON TO, ,'ON TE DE LAS BZLOG PAR 'GRUB PA NA 'DI JI LTAR RJES SU DPAG SNYAM NA, DBANG PO DANG BRAL BA NYID CES BYA BA'O, ,CI'I PHYIR ZHE NA, RJES SU DPAG PAS ZHES SMOS SO, ,DE'I NI DON GYI'O, ,'ON TE DNGOS PO MED PA'I PHYIR ZHES BYA BA NI RJES SU DPAG PA'I YUL LO, ,DBANG PO'I ZHES BYA BA NI LAN NO, ,GAL TE JI LTAR SHES PA DBANG PO LA SOGS PA RTAG PAR RJES SU DPAG PAR BYA BA DPOG PA NA, DBANG PO DANG 'BREL PA RJES SU DPOG PA DE BZHIN DU 'JUG PA'I YUL 'DI LA YANG RJES SU DPOG PA YIN PA KHO NA'O SNYAM DU DOGS PA BSU BA NI, CI STE DBANG PO DANG 'BREL PAR ZHES BYA BA'O; ,RTAG TU RJES SU DPAG PAR BYA BA BZHIN DU RJES SU DPAG PAR BYA YUL GZHAN YANG 'JUG PA'I YUL DU MI 'GYUR LA DES NA 'JUG PAR BYED PA MA YIN PA'I RJES SU DPAG PA TSAD MAR MI 'GYUR RO ZHES LAN 'DEBS PAR NI 'DIS NI ZHES BYA BA'O, ,GANG GI PHYIR RJES SU DPAG PAS 'JUG PAR MI BYED PAS NA DON MED DO, ,CI'I PHYIR 'JUG PAR MI BYED SNYAM NA LHA MIN ZHES GSUNGS SO, ,DE LTA NA YANG 'JUG PAR 'GYUR RO SNYAM NA, DON MED NYID CES SMOS TE, 'BRAS BU MED PA NYID DO, ,'O NA JI LTAR 'JUG SNYAM NA, MKHO BA DON DU GNYER BAR ZHES BYA BA LA SOGS PA GSUNGS SO, ,TSAD MA MA YIN

PA NYID DU 'GYUR RO ZHES BYA BA NI SKABS KYI RJES SU DPOG PA'O, ,DE DANG ZHES BYA BA NI PHYIS 'BYUNG BAS SO, ,LAN NI DE YANG MI BDEN TE ZHES BYA BA'O, ,DBANG PO DANG 'BREL PAR 'GYUR BAR 'DZIN NA, DE'I KHYAD PAR CAN GYI DON GYI RANG BZHIN NYID RJES SU DPAG PA LAS RTOGS PA YIN GYI SNGA MA'I RANG BZHIN NI MA YIN TE, DES RGYU NYID DU RTOGS PAR MI 'GYUR RO, ,DE RTOGS PA'I DON DU RJES SU DPAG PA NYE BAR LEN PA YIN NA, DE MI BYED NA JI LTAR DON MED PAR MI 'GYUR, DES NA 'BRAL BAR 'GYUR BA NI RJES SU DPOG PA MA YIN NO, ,RANG GI NGO BOS RTOGS BZHIN PA NI 'BYUNG BAR 'GYUR BA NYID DU 'THAD PA YANG MA YIN TE ZHES GSUNGS PA NI DE'I TSE ZHES BYA BA'O, ,GAL TE ZHES BYA BA NI DOGS PA BSU BA'O, ,RANG GI NGO BOS SNANG YANG DA LTAR BA NYID MA YIN TE, 'DAS PA LA SOGS PA'I RANG BZHIN DU SNANG BA'I PHYIR RO ZHES BYA BA'I DON TO, ,MNGON SUM GYIS MTHONG BA LA RJES SU DPAG PA DRAN PA'I RANG BZHIN GYIS 'JUG PA NA 'DAS PA NYID RJES SU DPAG PA'I YUL DU 'GYUR BA MA YIN TE, DE'I YUL MA YIN PA'I PHYIR ZHES LAN 'DEBS PA NI RJES SU DPAG PAS ZHES BYA BA'O, ,CI STE MI RTOGS SNYAM NA 'DI LTAR ZHES BYA BA'O, ,RJES SU DPAG PA NI DRAN PA'I RANG BZHIN YIN PA'I PHYIR RO ZHES BYA BAR DGONGS PA'O; ,'ON TE DE LA DE 'JUG PA YOD DO ZHE NA, MNGON SUM YANG ZHES GSUNGS SO, ,GANG GI TSE ZHES BYA BA NI DOGS PA BSU BA'O, ,DE LTAR ZHES BYA BA NI RJES SU DPAG PA'I DUS NA'O, ,'O NA NI ZHES BYA BA NI LAN NO, ,DE LA ZHES BYA BA NI 'DAS PA'I RANG BZHIN NO, ,DE LTA NA YIN MOD CI SKYON ZHE NA; DE LA YANG ZHES GSUNGS SO, ,'DAS PA'I RANG BZHIN SKYES PA LA NI NAM YANG MNGON SUM YOD PA MA YIN NO, ,GTAN TSIGS DE'I PHYIR JI LTAR RJES SU DPOG PA GANG ZHIG LA YANG MNGON SUM GYI YUL MA YIN PA DE NI DRAN PA MED DE, NYAMS MYONG LAS NI DRAN PA 'BYUNG BA ZHES BYA BA LUGS YIN PA'I PHYIR RO, ,RJES SU DPAG PA YANG DRAN PA YIN PAS JI LTAR MNGON SUM GYIS MA RTOGS PA LA 'BYUNG BAR 'GYUR, 'BYUNG BAR 'GYUR BA LA YANG RJES SU DPOG PA MA YIN TE, NAM YANG MNGON SUM MA YIN PA'I PHYIR RO ZHES GSUNGS PA NI GANG YANG ZHES BYA BA'O, ,DE NI 'BYUNG BAR 'GYUR BA LA'O, ,

, ,MTSUNGS PA NI 'DAS PA NYID DANG 'BYUNG BAR 'GYUR BA NYID DO, ,GNYI GA YANG NAM GYI TSE YANG YUL MNGON SUM GYI YUL NYID MA YIN PA'I PHYIR RO, ,GAL TE SANGS RGYAS PA LA YANG MNGON SUM GYI RANG GI YUL 'DAS PA'AM, MA 'ONGS PAR RIG PA MA YIN TE, RANG GI YUL NA YOD PA NYID KYI YUL CAN YIN PA'I PHYIR RO, ,DE RJES SU DPAG PA DE'I RNAM PA CAN DU MI 'GYUR RO ZHES BRJOD PA NI GAL TE ZHES BYA BA'O, ,'DI LTAR ZHES BYA BA 'DI 'DAS PA NYID LA SOGS PAR RO, ,DE'I RNAM PA NI 'DAS PA LA SOGS PA'I RNAM PAR RO, ,SNANG BA NI RJES SU DPAG PA'I BDAG NYID KYI SHES PA'O, , LAN NI MA YIN TE ZHES BYA BA'O, ,SANGS RGYAS PA DE NI'O, ,DE LTA NI 'DAS PA LA SOGS PA NYID DU'O, ,GZHAN YANG LAS KYANG NI CHAGS PA LA SOGS PAS SO, ,GANG GI PHYIR DE LTAR 'CHAD PAR 'GYUR BA'I RGYU DES NA DON 'DZIN PAR 'DOD PA'I SHES PA YIN NO, ,RNAM PA GZHAN DU NI 'DAS PA LA SOGS PA'I RNAM PA'O, ,GAL TE DE LTA NA YANG 'DAS PA SNANG BAR JI LTAR 'GYUR ZHE NA BAG CHAGS DANG 'BRAL PA DES NA'O, ,'DAS PA'I DUS KYI RANG BZHIN LA NI MNGON MTHONG BA LAS SO, ,'ONGS PA'I SHES PA NI RJES SU DPAG PA'O, ,'DAS PAR ZHES PA NI DON DAM PA LA 'DZIN PA MA YIN PAS SO, ,YANG NA BAG CHAGS DANG 'BREL PA DE DGA' BA 'DAS PA MAD PA'I DUS TE, 'BYUNG BAR 'GYUR BA GANG YIN PA'O, ,DON GYI RANG BZHIN DE LAS 'ONGS PA'I PHYIR RJES SU DPAG PA 'DAS PAR ZHEN PA STE SNANG BA GSAL BA YOD PA DE LA DE SKAD CES BYA BA'O, ,DPER NA ZLA BA GCIG LAS 'ONGS PA RAB RIB LA SOGS PA'I DBANG GIS ZLA BA GNYIS KYI RNAM PAR SNANG BA DE BZHIN DU BAG CHAGS KYI DBANG GIS 'DAS PA MA YIN PA LAS 'ONGS PA YANG 'DAS PA'I RNAM PAR SNANG BA YIN NO ZHES BYA BA'I DON TO, ,GAL TE RJES SU DPAG PA'I 'DAS PA'I RNAM PA CAN YIN PA YANG DON GYI RANG BZHIN DE JI LTAR 'DAS PA ZHE NA, DE NI 'DAS PA'I ZHES GSUNGS SO, ,DE ZHES BYA BA NI DON GYI RANG BZHIN THUN MONG MA YIN PA'O, ,DPER NA SNGON PO NYID DU 'DZIN PAS SNGON PO NYID DU YIN PA BZHIN NO, ,DE YANG MED PA YIN NO ZHES BYA BA NI RJES SU DPAG PAS BZUNG BA'I DON GYI RANG BZHIN NO, ,NI ZHES BYA BA NI GANG GI PHYIR TE DON GYI RANG BZHIN DE'I DA LTAR

BA NYID DE THUN MONG MA YIN PA NYID LA NI RJES SU DPAG PA TSAD MA MA YIN TE LHAG PAR ZHEN PA TZAM YIN PA'I PHYIR RO, ,GAL TE TSAD MA MA YIN NA 'O NA DON GYI RANG BZHIN DE DE LTAR 'THOB STE, MI 'THOB PA NYID DO, ,LAN NI YOD PA NYID KYI PHYIR RO ZHES BYA BA'O, ,DON DAM PAR RJES SU DPAG PA'I YUL YIN PA'I PHYIR NI DON GYI RANG BZHIN MA YIN GYI 'ON KYANG YOD PA NYID KYI PHYIR RO, ,GAL TE DON GYI RNAG BZHIN RJES SU DPAG PA'I YUL MA YIN NA, DE YOD PA NYID DU JI LTAR BRJOD CE NA, LAN DU MTHONG BA'I ZHES BYA BA'O, ,DA LTAR BA'I RTAGS NI DUS GZHAN DANG LDAN PA'I RTAGS CAN GYI KHYAB PA MA YIN TE, DES NA SHUGS KYIS BSGRUB PAR BYA BA NI DE'I TSE YOD PA MA YIN TE, DE MED NA DE'I RGYUN 'CHAD PA'I PHYIR RO, ,YANG GANG ZHIG DE RNAM PAR MI 'CHAD PA DE NI DE'I DUS NA YOD PA MA YIN TE, DPER NA BUM PA'I 'DUS NA RDZA MKHAN BZHIN NO, ,DES NA KHYAD PAR CAN GYI 'BRAS BU LA LTOS NA BSGRUB PAR BYA BA DE'I DUS NA YOD PAR BRJOD PA YIN NO ZHES DGONGS PA'O, ,DE'I SGO NAS NI RTAGS KYI SGO NAS SO, ,GAL TE SHES PAS ZHES BYA BA NI RJES SU DPAG PAS SO, ,LAN NI MI 'KHRUL PA NYID LAS ZHES BYA BA'O, ,GAL TE DU BA ZHES BYA BA NI GZHAN GYIS BRJOD PA'O, ,DU BA YANG MI 'KHRUL PA YOD PA'I PHYIR RO, ,JI LTAR ZHES BYA BA NI LAN NO; ,RANG GI SHES PA DANG BCAS PA MI'I SHES PA SKYED PAR BYED PA'O, ,DE YI RANG BZHIN DANG 'BREL PHYIR, ,ZHES BYA BA 'DI RNAM PAR GZHAG PAR BYA BA'I RANG BZHIN DANG 'BREL PA'I PHYIR RO, ,RANG BZHIN MA YIN ZHES BYA BA NI DU MA LA SOGS PA'O, ,DE LA ZHES BYA BA NI RJES SU DPAG PA'I SHES PA LA'O, ,DON DU ZHEN PA NI DON DU SNANG BA'O, ,SKABS NYE BAR SDUD PA NI DE'I PHYIR ZHES BYA BA'O, ,DE NI MI MTHONG BA NYID DO ZHES BYA BA NI RJES SU DPAG PA STE, LHAG PAR ZHEN PA TZAM GYI RANG BZHIN YIN PA'I PHYIR RO, ,DES NA ZHES BYA BA NI MI MTHONG BAS NA'O, ,'O NA RJES SU DPAG PAS LKOG NYID DU JI LTAR RTOGS SHE NA, DE NI ZHES GSUNGS SO, ,RTOGS PA MED PA NYID NI RANG GI NGO BOS SO, ,DE LTAR RANG GI PHYOGS LA GZHAN GYIS BRJOD PA'I SKYON SPANGS NAS, YANG RJES SU DPAG PA DNGOS PO'I YUL CAN NYID YIN NA, DE MNGON SUM NYID DO ZHES BSTAN PA'I DON DU BSHAD PA NI, LKOG GYUR ZHES BYA BA STE, LKOG GYUR PA LA ZHES BYA

, ,BA'I RNAM PA 'DI GAL TE RJES SU DPAG PAS DON GYI RANG BZHIN LKOG TU GYUR PA NYID RTOGS PA YIN NA DE'I TSE 'DI NI LKOG NYID DO ZHES RTOGS PA GANG YIN PA DE NI MNGON SUM NYID DO, ,DES NA 'DI NI LKOG TU GYUR PA'I ZHES MTHONG BA LA DE LA RJES SU DPOG PA NI MNGON SUM KHO NAR GYUR GYI, RJES SU DPAG PA NI MA YIN TE, DNGOS PO'I RANG BZHIN 'DZIN PA'I PHYIR RO, ,RJES SU DPAG PA DNGOS PO'I YUL CAN NYID YIN NA NI LO MA LAS BYUNG BA LA RTZVA LAS BYUNG BA YIN ZHES THE TSOM DANG 'BREL PAR YANG MI 'GYUR TE, BDAG NYID THAMS CAD RANG GI NGO BO RJES SU DPAG PA LAS NGES PA YIN NA THE TSOM MI 'THAD PA'I PHYIR RO, ,MNGON SUM GYIS MTHONG BA'I SKAD CIG MA NYID LA SOGS PA LA NI THE TSOM 'BYUNG BAR MI 'GYUR RO, ,CI STE YANG DON DANG SHES PA DAG GCIG PA'I PHYIR NA DE MTHONG BA YIN PA DES NA, LKOG TU GYUR PA MA MTHONG BA KHO NA'O ZHES CI STE BRJOD SNYAM NA, SHES DON DAG KYANG SHES GSUNGS TE, BEMS PO DANG BEMS PO MA YIN PA NYID KYIS THA DAD PA'I PHYIR RO, ,DE'I PHYIR ZHES BYA BA NI GCIG NYID MA YIN PA'I PHYIR RO, ,DON DE NI DON BYA BA BYED PA CAN NO, ,DES MNGON SUM GYI RGYU YIN PAR RJES SU DPAG PAS JI LTAR RTOGS ZHES BYA BA MJUG SDUD PA NI DE PHYIR ZHES BYA BA'O, ,DES NA ZHES BYA BA NI RJES SU DPAG PAR BYA BA MNGON SUM MA YIN PAS NA'O, ,RJES SU DPAG PA NI DE'I 'BRAS BU CAN YANG MA YIN TE, DON MED PA YIN PA'I PHYIR RO ZHES MJUG SDUD PA BSHAD PA NI, DE'I PHYIR ZHES BYA BA STE, DON 'DZIN PA'I RANG BZHIN MA YIN PA'I PHYIR RO, ,RTOGS PA NI DON MED PA'O, ,RGYU'I DNGOS PO MA YIN PA NI SKABS KYI MNGON SUM GYI'O, ,DE NYID KYI PHYIR ZHES BYA BA NI RGYU DANG 'BRAS BU'I DNGOS POS MED PA NYID KYI PHYIR RO, ,NUS MED CES BYA BA NI NUS PA 'BA' ZHIG 'GOG PA YIN GYI, RANG GI NGO BO NI MA YIN NO ZHES BYA BA'I DON TO, ,GAL TE NUS MTHONG ZHES LAN DU MTHONG BA'I PHYIR NA PHYOGS SNGA MA YANG, MTHONG BA'I YUL CAN KHO NA MA YIN NAM, MTHONG BA'I MNGON SUM GYI RANG BZHIN DU MTHONG BA MED DO ZHES BYA BA NYID RIGS SO ZHE NA, 'DI LTAR ZHES BYA BA'O, ,MTHONG ZHES BYA BA NI RANG BZHIN GYI YUL CAN NI MA YIN TE, 'ON KYANG NUS PA'I YUL CAN YIN NO, ,DE NI MNGON SUM MA YIN TE JI SKAD BRJOD PA YIN

NO; ,DES NA MTHONG BA NI 'DIR RTOGS PA BRJOD PA NI BYED PA YIN PAS, RGYU NYID LA SOGS PAR 'JIG RTEN GYIS RTOGS PA YIN NO ZHES BYA BA'I DON TO, ,RNAM PAR DBYER MED PAR ZHES BYA BA NI MTHONG BA 'DRA BAS MTHONG BAR GDAGS PA YIN NO ZHES BYA BA'I DON TO, ,DE NYID PHYIR NA ZHES BYA BA NI 'JIG RTEN GYI RTOGS PA NYID LAS SO, ,MTHONG BA YIN ZHES BYA BA NI SKABS KYI RGYU DANG 'BRAS BU'I DNGOS PO'O, ,LHAG PAR MOS PA NI, RNAM PAR RTOG PA BSTAN PA'O, ,'JIG RTEN GYI THA SNYAD NI PHAL CHER RNAM PAR RTOG PA KHO NAS BYED PA YIN NO ZHES BRJOD PA NI 'DI LTAR ZHES BYA BA'O, ,GAL TE DRAN PA NI DNGOS PO DANG 'BREL PA YOD PA KHO NA YIN TE, DES NA DRAN PAS DE GRUB PAS NA LHAG PAR MOS PAS GRUB PA JI LTAR YIN SNYAM NA, DRAN PA DANG DNGOS DANG ZHES BYA BA'O, ,RE ZHIG MNGON SUM GYIS NI DRAN PA'I 'BREL PA RTOGS PA MA YIN TE ZHES 'BREL TO, ,CI'I PHYIR ZHE NA, DRAN PA NI MNGON SUM MA YIN PA'I PHYIR TE, DBANG PO'I MNGON SUM GYI YUL MA YIN PA'I PHYIR RO, ,RANG RIG PAS KYANG DNGOS DANG 'BREL PA RTOGS PA MA YIN NO ZHES BRJOD PA NI RANG RIG PAS NI ZHES BYA BA'O, ,'O NA DON GYI MNGON SUM GYI DRAN PA'I 'BREL PA RTOGS PAR NUS SO SNYAM NA, SNGAR GYI ZHES GSUNGS SO, ,DES NA ZHES BYA BA NI 'JUG PA MA YIN PAS NA'O, ,KUN RDZOB TU NI REG PA YOD NYID DO, ,ZHES BRJOD PA NI 'DI BDAG GIS ZHES BYA BA'O, ,KHYIM NAS BYUNG BA SLAR KHYIM DU 'ONG BA MI DRAN PA'I RANG BZHIN LHAG PAR MOS PA'I DBANG GIS YIN NO, ,RNAM PAR GZHAG PA THAMS CAD KYI NI RGYU DANG 'BRAS BU DANG, GZUNG BA DANG 'DZIN PA LA SOGS PA'I SGRUB PAR BYED PA LHAG PAR MOS PA KHO NA YIN NO, ,MNGON SUM NI RANG GI NGO BO TZAM GYIS MTHAR THUG PA YIN PA'I PHYIR RO, ,SGYU MA BZHIN DU MA BRTAGS NA NYAMS DGA' BA MNGON SUM GYIS RTOG PA NYID KUN RDZOB YIN NO ZHES BYA BA BSHAD PA NI, GANG GIS RANG GI NGO BO YIS, , GZHAN GYI NGO BO SGRIB BYED PA, ,KUN RDZOB CES BYA BA KUN RDZOB KYI MTSAN NYID DANG 'GAL BA YIN ZHES BSHAD PA NI BSAM PA NI ZHES BYA BA'O, ,TSAD MAS GNAS PA'I DON DAM PA'I RANG BZHIN NI YOD PA MA YIN NO ZHES BYA BA'O, ,LHAG PAR MOS PA TZAM KUN RDZOB YIN NO ZHES BYA BA 'DI GA LAS SNYAM NA

, ,KUN RDZOB KYI DON NI ZHES BYA BA'O, ,TSAD MA YIN PA'I RNAM PAR RTOG PAS RTOGS PA'I DON NO ZHES BYA BA'I DON TO, ,GANG GIS KUN RDZOB TU 'GYUR BA LHAG PAR MOS PA TZAM GYIS 'JIG RTEN GYI THA SNYAD DU 'GYUR BA JI LTA BU YIN ZHE NA, DPER NA ZHES BYA BA LA SOGS PA'O, ,DE LTA NA YIN DANG ZHES BYA BA NI RNAM PAR DPYAD PAR LDOG PA NA'O, ,'DI ZHES BYA BA NI MTHONG BAR MNGON PAR RLOM PA'O, ,'JIG RTEN GYI THA SNYAD THAMS CAD KYANG ZHES BYA BA NI 'JIG RTEN PA RNAMS KYI 'BRAS BU LA SOGS PA'I THA SNYAD DO, ,DE LTA BU NYID NI MA MTHONG BA LA MTHONG BAR MNGON PAR RLOM PA'I MTSAN NYID DO, ,JI LTAR THAMS CAD KUN RDZOB PA YIN SNYAM NA TSAD MA MED PAR ZHES GSUNGS SO, ,GAL TE RGYU DANG 'BRAS BU DNGOS PO KUN RDZOB TZAM YIN PA JI LTAR 'GYUR TE, MNGON SUM DANG MI DMIGS PAS RAB TU GRUB PA'I RJES SU 'GRO BA DANG LDOG PA DAG GIS RAB TU BCUG PA YIN PA'I PHYIR RO SNYAM DU DOGS NAS BSHAD PA, GAL TE RJES SU 'GRO BA DANG LDOG PA DAG LAS RGYU DANG 'BRAS BU NYID DU RTOGS PA YIN NO, ,DE'I TSE DE LA RJES SU STE RJES SU 'GRO BA DANG LDOG PA DAG LA MNGON SUM STE, MNGON SUM DANG MI DMIGS PA'I BDAG NYID CAN GYI TSAD MA YOD PA MA YIN TE, DNGOS PO TZAM 'DZIN PA'I PHYIR RO, , DE'I BDAG NYID CAN GYI RJES SU DPAG PA YANG RJES SU 'GRO BA DANG LDOG PA RJES SU DPOG PA LA DE BZHIN TE, DES MTSAN NYID MA YIN TE, THUG PA MED PA'I NYES PAR 'GYUR BA'I PHYIR RO, ,'O NA MI DMIGS PA'I BDAG NYID KYI RJES SU DPOG PA DANG LHAN CIG PA'I MNGON SUM DE DAG GI TSAD MA YIN NO SNYAM NA MNGON SUM DANG MI DMIGS PA DAG LAS ZHES BYA BA'O, ,MI DMIGS PA'I BDAG NYID CAN GYI RJES SU DPAG PA KHAS LEN NA DE'I TSE PHAN TSUN TE, RJES SU DPAG PA GCIG LA GCIG LTOS PA DES NA THUG PA MED PA'I RJES SU 'GRO BA DANG LDOG PA MI 'GRUB PA DANG, YANG NA RJES SU DPAG PA YOD NA RJES SU 'GRO BA LA SOGS PA 'DZIN PA YOD PA LA, DE YOD NA YANG RJES SU DPAG PA YIN PA'I PHYIR NA PHAN TSUN BRTEN PA NI PHAN TSUN BRTEN PA KHO NA YIN NO, ,DE MA THAG PA'I TSIG LE'UR BYAS PA'I DON 'CHAD PA NI, RJES SU 'GRO BA DANG LDOG PA DAG GCIG BYA BA'O, ,GAL TE MNGON

SUM NI DNGOS PO 'DZIN PA NYID KYIS GNYI GA MI 'DZIN PA YANG RJES SU 'GRO BA 'DZIN PA NI BZLOG TU MED PA NYID DO ZHES DOGS PAS SU NAS DE YANG MED PA KHO NA'O ZHES GSUNGS PA NI RJES SU 'GRO BA MNGON SUM GYIS 'DZIN PA NI ZHES BYA BA'O, ,CI'I PHYIR ZHE NA, 'DI YOD NA ZHES GSUNGS SO, ,CI'I PHYIR DE BYA BA MA YIN ZHE NA, GNYIS 'DZIN PA TZAM GYIS ZHES GSUNGS TE, SBYOR BAR BYED PA'I BDAG NYID MA YIN PA'I PHYIR RO, ,GAL TE ME'I DE MA THAG TU DU BA MTHONG BA'I PHYIR DE'I RJES SU 'GRO BA YOD PA NYID MA YIN NAM, DE LTA MA YIN NA DE MA THAG TU MTHONG BA NYID DU MI 'GYUR RO SNYAM NA, DE MA THAG PAR 'DZIN PA YOD KYANG RJES SU 'GRO BA NI SRID PA MA YIN NO ZHES GSUNGS PA NI 'DI'I DE MA THAG TU ZHES GSUNGS SO, ,RJES SU 'GRO BA MED KYANG DE MA THAG TU MTHONG BA SRID PA'I PHYIR JI LTAR DE LA DE RTOGS SNYAM DU DGONGS PA'O, ,JI LTAR RJES SU 'GRO BA MED SNYAM NA 'DI LTAR ZHES GSUNGS SO, , 'DI NYID LAS BYUNG BA ZHES BYA BA LA SOGS PA NI GO RIMS BZHIN DU GZHAN DANG LDAN PA DANG SHIN TU MI LDAN PA DANG, MI LDAN PA RNAM PAR DPYOD PA LHUR BYED PA'O, ,YANG CI'I PHYIR 'DI TZAM ZHIG RNAM PAR BRTAG PAR BYA BA YIN ZHE NA, DON GZHAN ZHES GSUNGS SO, ,DANG PO LA BRJOD PA NI, GAL TE 'DI LAS ZHES BYA BA'O, ,'DI LAS CIR 'GYUR SNYAM NA, DE LA YANG ZHES BYA BA GSUNGS SO, ,NGES PA MED PA'I PHYIR ZHES BYA BA NI KHYAB PA MED PA'I PHYIR RO, ,GNYIS PA LA BRJOD PA NI 'DI LAS ZHES BYA BA'O, ,CI'I PHYIR 'DI LTAR NGES PAR MI GZUNG ZHE NA, DUS GZHAN DU RES 'GA' ZHES GSUNGS SO, ,GSUM PA SEL BA 'DI LAS KYANG, ,ZHES BYA BA'O, ,MI DMIGS PA LA SRID PA'I RNAM PAR RTOG PA LAS BSAMS NAS BRJOD PA NI CI STE ZHES BYA BA'O, ,DE LTAR GYUR NA YANG ZHES BYA BA NI, MI DMIGS PA LAS RTOGS PAR KHAS BLANGS PA NA'O, ,GCIG LA GCIG BRTEN PA'I NYES PA NYED BSAL BAR BYA BA'I PHYIR BRJOD PA NI 'DI LTAR ZHES BYA BA'O, ,GZHAN MA YIN PA NI DE NYID DE MNGON SUM MO, ,GZHAN DMIGS PA NYID MI DMIGS PA YIN PA'I PHYIR RO, ,GZHAN MA YIN PA'I PHYOGS SEL BA NI, MNGON SUM LAS NI ZHES BYA BA'O, ,THA DAD PA'I PHYOGS SEL BA NI

, ,'JUG PA MED PA'I PHYIR TE ZHES BYA BA NI SKABS KYI MI DMIGS PA'O, ,MNGON SUM LAS GZHAN NAM ZHES PA NI GAL TE ZHES BYA BA'O, ,'JUG PA MED 'GYUR TE ZHES BYA BA 'CHAD PA NI DE STE ZHES BYA BA'O, ,MED NA YANG ZHES BYA BA NI RJES SU 'GRO BA DANG LDOG PA 'DZIN PA MED NA YANG NGO, ,RJES SU DPAG PA GZHAN GYIS 'DZIN NA THUG PA MED DO ZHES BRJOD PA NI, RJES SU DPAG PA ZHES BYA BA'O, ,GAL TE MI DMIGS PA RJES SU DPAG PAR KHAS BLANGS NA PHAN TSUN BRTEN PA'I NYES PAR 'GYUR GYI, DNGOS PO MED PA'I TSAD MAR KHAS BLANGS NA NI NYES PA 'DI MED DO; ,DES NA DE NI MED NA MED PAR 'DZIN PA YIN NO ZHES DOGS PA NI, 'ON TE ZHES BYA BA'O, ,DNGOS PO GZUNG BYAS SHING, ,'GAL ZLA DAG KYANG DRAN BYAS NAS, ,DBANG PO LA NI DE MED PAR, ,MED PAR NGES PA'I YID SKYE'O, ,ZHES BYA BA'I TSUL GYIS DNGOS PO MED KYANG NGES PA'I YUL NYID DU DNGOS PO MED BA RTOGS PA YIN NO ZHES LAN 'DEBS PA NI DNGOS PO MED PAR CHAD MA DE LAS KYANG NGO, ,GAL TE YOD NA YOD PA NI RTAGS YIN PA DE LAS KYANG RTAGS CAN DE'I 'BRAS BU NYID RTOGS PA NI RJES SU DPAG PA MA YIN TE, 'BREL PA 'DZIN PA LA MI LTOS PA'I PHYIR RO, ,GNOD BYED MED PA'I PHYIR NA RTOGS PA ZHES BYA BA'I TSAD MAS NI YUL LA SOGS PA MA NGES PAR DE'I 'BRAS BU NYID DU RNAM PAR 'JOG PA YIN NO ZHES BYA BAR GZHAN GYI RTZOD PA BLO NI GZHAN DAG NI ZHES BYA BA'O, ,'BREL PA MTHONG PA MED PA NI RTAGS SO, ,'DI SKABS LA NYE BAR SBYOR BA NI 'DI LTAR ZHES BYA BA'O, ,NGES PA'I TSAD NYID CES BYA BA BA'O; ,RTAGS DE YOD NA YOD PA LAS RTAGS CAN THA DAD PAR BRJOD PA YIN NO, ,'BREL PA 'DZIN PA LAS MI LTOS PA NYID DUB RJOD PA YIN NO, ,YOD PA NA YOD PA DE DANG ZHES BYA BA'O, ,'ON TE 'BREL PA MA RTOGS NA RTAGS LAS DE'I 'BRAS BU NYID DU RTOGS PA MED PA KHO NA'O SNYAM NA, 'JIG RTEN PAS RTOGS PA YIN NO ZHES GSUNGS SO, ,RTOGS PA'I RNAM PAR BRJOD PA NI, GANG GI PHYIR DE LAS ZHES BYA BA'O, ,GANG GI PHYIR DE LTAR RTOGS PA DE'I PHYIR RO, ,RNAM PA GZHAN GYIS KYANG DE'I 'BRAS BU NYID DU RTOGS PA'I DOGS PA BSU BA NI, YANG NA ZHES BYA BA'O, ,GNYI GA LTAR YANG DE'I 'BRAS

BU NYID DU RTOGS PA DGAG PA BSHAD PA NI MI 'THAD DE ZHES BYA BA'O, ,JI LTAR MI 'THAD SNYAM DU DOGS PA BSU NAS, DE YOD PA NYID NA YOD PA ZHES NGES PA KHO NA YOD PA RTAGS YIN GYI DE TZAM NI MA YIN TE 'KHRUL PA'I PHYIR RO, ,GAL TE DE GRUB PO ZHE NA NI RTAGS CAN GZHAN YOD PA MA YIN TE, DES NA SPYOD PA'AM DON GYIS GO BA NI TSAD MA GZHAN NI MA YIN NO ZHES LAN GSUNGS PA MA YIN NO, ,GAL TE RTAGS DE YOD NA, YOD PA NYID RTOGS PA LAS DE'I 'BRAS BU NYID DU RTOGS PA GZHAN YIN PAR 'GYUR NA NI DE'I TSE DPYOD PA'AM DON GYIS GO BA LAS GRUB BO ZHES 'THAD PA YIN NO, ,GAL TE ZHES BYA BA'O; ,'O NA 'DI 'THAD PA KHO NA'O SNYAM NA, DE LAS 'GYUR BA MA GTOGS PAR ZHES GSUNGS TE, DE'I 'BRAS BU NYID DE KHO NA YOD PA YIN NO ZHES BYA BA'I DON TO, ,DE LTA YIN LA RAG MOD CAN, ,DE LA SKYON NI SNGAR BRJOD DE, ,ZHES GSUNGS SO, ,DE KHO NA LAS SO ZHES KHYAB BA NI NGES PA YIN NA; DE LA'ANG MNGON SUM MAM DES BSKYED PA'I RNAM PAR RTOG PAS RTOGS PAR BYA BA NI MA YIN TE YUL DANG DUS NGES PA CAN YIN PA'I PHYIR RO, ,GAL TE ZHES BYA BA NI 'CHAD PA'O, ,RTOGS PA'I YUL DU SRID PA NI, ,ZHES BYA BA NI RTAGS DE MED NA NI YOD PA LAS THA DAD PAR RO ZHES RTOGS PAR BYA'O, , TSIG LE'UR BYAS PA'I GNYIS PA'I PHYED SNGA MA RNAM PAR 'GREL PA NI, DE NI ZHES BYA BA'O, ,'ON TE YANG DE YOD PA LAS DE'I 'BRAS BU NYID GZHAN MA YIN MOD, DE NYID NI YIN PAR 'GYUR RO SNYAM DU DOGS PA SEL BAS PHYED PHYI MA 'CHAD PA NI NGES PAR ZHES BYA BA'O, ,'ON TE DUS NYID DU DE YOD NA YOD PA NYID DE'I 'BRAS BU NYID YIN NO ZHE NA, ,DE NI ZHES GSUNGS SO, ,DE'I KHYAB PA NYID KYI YIN PA'I PHYIR RO, ,'ON TE DE YOD NA YOD PA TZAM NI RTAGS YIN LA, DE YOD PA NYID NA YOD PA NI RTAGS CAN YIN NO SNYAM NA NI GAL TE ZHES BYA BA'O, ,DE TZAM LA NI NGES PA KHYAB PAR MNGON SUM GYIS GRUB PA MED DO ZHES LAN 'DEBS PA NI, GAL TE DE LTAR DE LAS ZHES BYA BA'O, ,MA KHYAB PA'I DE YOD NI YOD PA LAS KYANG DE'I 'BRAS BU NYID DU RTOGS SO SNYAM DU DOGS PA BSU BA NI DE LTA BU KHO NAR RTOGS PA'I PHYIR RO ZHE NA ZHES BYA BA'O, ,MA KHYAB PA LAS RTOGS PA GCIG TU NGES PAR MI 'GYUR RO ZHES

, ,LAN 'DEBS PA NI, 'O NA BUM PA YANG ZHES BYA BA'O, ,DE LA BUM PA LA YANG NGO, ,DE LTAR ZHES BYA BA NI DE'I 'BRAS BU NYID DU RTOGS PAR 'GYUR RO, ,'DI NYID SNAM BU NI SNAM BU LA 'KHRUL PAR MTHONG BA DE NI DE'I 'BRAS BU NYID DU RTOGS PA MA YIN ZHES DOGS PA BSU BA NI; DE LA NI 'KHRUL PA ZHES BYA BA'O, ,'O NA NI JI LTAR DE YOD NA NI YOD PA TZAM SRID PA YIN YANG BUM PA DE'I 'BRAS BU NYID MA YIN PA DE BZHIN DU MNGON PAR 'DOD PA'I DU BA LA SOGS PA YANG ME LA SOGS PAS 'BRAS BU NYID DU MI 'GYUR RO ZHES LAN 'DEBS PA NI, 'DI NYID KYIS ZHES BYA BA STE BUM PA NYID KYIS SO, ,DE LA YANG NI DU BA LA SOGS PA YANG NGO, ,'ON TE DU BA LA SOGS PA NI 'KHRUL PA MA MTHONG BA'I PHYIR NA, YID MI CHES PA NI RTOGS PA MED PA'O, ,DES NA 'BRAS BU NYID NI DE TZAM LAS RTOGS PA YIN NO SNYAM PA NI YID MI CHES PA'I RTOGS PA ZHES BYA BA'O, ,RING PO MTHONG BA MA YIN PA ZHES BYA BA NI LAN NO, ,BSU BA DE NI ZHES BYA BA YID MI CHES PA MED PA'O, ,RING PO MTHONG BA RNAMS NI LHAN CIG MA YIN PAR LHAN CIG TU MTHONG BA RNAMS LA YANG 'KHRUL PA MTHONG BA'I PHYIR MA MTHONG BA YANG YID CHES PHA'O, ,YUL DANG DUS LA SOGS PAS BSKAL PA DAG NI, MA MTHONG BAS MED PA SGRUB PA MA YIN TE, DE NA DE TZAM LAS NI DE'I 'BRAS BU NYID DU RTOGS PA GCIG TU NGES PA MED DO, ,'ON TE 'JIG RTEN PA DAG GI DE'I 'BRAS BU NYID YID CHES PA'I RTOGS PA NI MANG DU MTHONG BA NYID LAS YIN NO ZHES DOGS PA BSU BA NI 'JIG RTEN GYI THA SNYAD NI, DE LTA BU NYID DO ZHE NA ZHES BYA BA'O, ,RING PO MA MTHONG BA RNAMS KYIS YID BRTAN DU MED PA'I YUL LA SHES PA'I THA SNYAD DU BYED PA YANG KUN RDZOB KHO NA YIN GYI, DON TSAD MA CAN NI MA YIN NO ZHES LAN 'DEBS PA NI NUS PA ZHES BYA BA'O, ,DE LTA NA RGYU DANG 'BRAS BU'I DNGOS PO LA SGRUB PAR BYED PA'I TSAD MA MED DO ZHES BSTAN PA YIN NO, ,RGYU DANG 'BRAS BU RTOGS PA LA YANG SGRUB PAR BYED PA'I TSAD MA MED DO ZHES BSTAN PA'I PHYIR DOGS PA BSU BA NI CI STE DUS GZHAN DU ZHES BYA BA'O, ,DE LTA MA YIN ZHES BYA BA NI SNGAR 'BRAS BU NYID MA RTOGS NA'O, ,MTHONG BA NGO SHES PA DAG LA YANG SNGA MA BZHIN DU DE'I 'BRAS BU NYID DU 'DZIN

PA'I TSAD MA MED DO ZHES LAN 'DEBS PA NI, NGO SHES SNGAR GYI ZHES BYA BA'O, ,'ON TE DE NI DON GYIS GO BA LA SOGS PAS RTOGS SO SNYAM NA, DPYOD PA'AM ZHES BYA BA SMOS SO, ,CI STE DRAN PA LAS ZHES BYA BA NI SKABS KYIS MTHONG BAS 'BRAS BU NYID 'DZIN PA NI ZHES BYA BA'O, ,JI LTAR DRAN PA DE 'JOG PAR BYED PA YIN SNYAM NA, 'DI LTAR ZHES SMRAS SO, ,DRAN PA'ANG ZHES BYA BA NI LAN TE, NGO SHES 'BA' ZHIG TU MA ZAD PA'O, ,DRAN PA NYAMS SU MYONG BA DANG 'BREL PAR NI DE'AM GZHAN GYIS SHES PA NUS PA MA YIN LA, 'BREL PA RTOGS PA LAS DE RTOGS PA YANG MA YIN NO ZHES DGONGS PA YIN NO, ,'ON TE 'BREL PA 'DZIN PA MED PA'I PHYIR DRAN PA RTAGS MA YIN MOD, ,TSAD MA MA YIN NO SNYAM DU DOGS NA, DRAN PA NI ZHES BYA BA'O, ,DES NA DE GRUB KYANG TSAD MA GRUB PA NI MA YIN ZHES MA GUS PA BRJOD PA NI, DE GRUB PA NI ZHES BYA BA'O, ,DE LTAR DOGS PA BSU NAS ZHES BYA BA NI; 'DOD NA ZHES BYA BA'I BAR GYIS SO, ,GSUNGS SO ZHES BYA BA NI CI LTAR DE LTAR 'GYUR ZHES BYA BA LA SOGS PAS SO, ,CI LTAR DE LTAR GYUR ZHES BYA BA 'DI NI JI LTAR YIN NA YANG YIN ZHES MA GUS PA BRJOD PA NI MA YIN GYI, 'ON KYANG KUN RDZOB JI LTAR DE LTAR YIN MOD, TSAD MA 'JUG PA PAS, KUN RDZOB BKUG PAR MA BYED CIG ,CES RNAM PAR DBYE BA BRJOD PA YIN NO, ,TSAD MA BCUG NA NI 'BRAS BU NYID LA SOGS PA'O, ,KUN RDZOB RNAM PAR 'JIG PAR 'GYUR TE, RNAM PAR DBYE BA MED PA'I PHYIR RO ZHES GSUNGS PA NI 'JIG RTEN GYI THA SNYAD CES BYA BA'O, ,'DI KHO NA LTAR ZHES BYA BA NI TSAD MA MA YIN PA'O, ,DON DAM PA NI ZHES BYA BA NI TSAD MAS RNAM PAR DPYAD PA'O, ,'O NA 'JIG RTEN GYI 'BRAS BU NYID LA SOGS PA JI LTAR 'GRUB SNYAM NA MOS PA'I RNAM PAR DBYE ZHES GSUNGS SO, ,'DI LA DPE NI RMI LAM GYI ZHES BYA BA'O, ,CI LTAR RMI LAM NA BTUNG BA DANG, RKYAL BA LA SOGS PA CHU LA NGES PA'I THA SNYAD DU MOS PA TZAM GYIS YIN PA DE BZHIN DU YANG 'DIR YANG YIN NO, ,GAL TE BUM PA DANG SNAM BU BZHIN DU DU BA DANG ME DAG KYANG RGYU 'BRAS MA YIN PA'I PHYIR CI LTAR GCIG LAS 'BRAS BU NYID LA SOGS PA'I THA SNYAD DU BYED KYI GZHAN DU NI MA YIN SNYAM DU DOGS PA BSU NAS, KUN RDZOB KHO NAR

, ,THOG MA MED PA'I BAG CHAGS NGES PA LAS DE NGES PA YIN NO ZHES GSUNGS PA NI 'JIG RTEN GYI THA SNYAD KYI ZHES GSUNGS SO, ,YANG NA GAL TE NYAMS SU MYONG BA MED NA TSAD MA DANG TSAD MA MA YIN PA RNAM PAR DBYE BA NI RNAM PAR RTOG PA DANG, 'BRAS BU DANG, CIG SHOS LA SOGS PA'I RNAM PAR MI 'GYUR RO ZHES DOGS PA BSU NAS, THOG MA MED PA'I RNAM PAR RTOG PA'I BAG CHAGS YOD NA 'GYUR BA KHO NA'O ZHES BRJOD PA NI 'JIG RTEN GYI THA SNYAD KYI ZHES BYA BA'O, ,'DI NI GDON MI ZA BAR RNAM PAR SHES PAR SMRAS PAS KHAS BLANGS DGOS SO ZHES BRJOD PA NI DE LTA MA YIN NA ZHES BYA BA STE, BAG CHAGS RGYUR KHAS MI LEN NA'O, ,YANG NA GANG DAG CES BYA BA NI 'BREL PA BYED PA'O, ,KUN RDZOB CES BYA BA 'DI CI ZHIG YIN ZHES BYA BA LA SOGS PAS 'BRI BA NYID BYAS NAS, BDEN NA ZHES BYA BA LA SOGS PAS SUN 'BYIN PA'O, ,AUTPALA'I SNGON PO BZHIN DU BDEN PA'O, , KHYAD PAR DU NI KUN RDZOB 'THAD PA MA YIN NO ZHES BRJOD PA NI BRDZUN DANG DAM PA'I ZHES BYA BA'O, ,JI LTAR SNGON PO DANG SNGON PO MA YIN PA'I THUN MONG BA AUTPALA NYID SNGON POS KHYAD PAR DU BYED PA DE BZHIN DU BDEN PA NI BRDZUN PA DANG DON DAM PA DAG GI THUN MONG BA NYID MA YIN PA DE JI LTAR NA DE DAG GIS KHYAD PAR DU PHYED SNGA MA'I 'BREL PA NI KUN RDZOB KYANG ZHES BYA BA'O, ,LHAG MA NI MA BKRAL TE GSAL BA'I PHYIR RO, ,RE ZHIG DBU MA'I LUGS LA BRTEN NAS 'GAL BA MED PAR BSTAN PA'I DON DU KUN RDZOB KYI RANG BZHIN GSUNGS SO, ,KUN RDZOB CES BYA BA 'DI NI ZHES BYA'O, ,GANG GI PHYIR KUN RDZOB KYI RANG BZHIN DE 'DRA BA YIN PA DES NA'O, ,DON NI ZHES BYA BA NI 'CHAD BZHIN PA 'GAL BA MED PA'I MTSAN NYID DO, ,DE NYID BRJOD PA NI THOG MA MED PA ZHES BYA BA NAS MI 'GAL LO ZHES BYA BA'I BAR YIN NO, ,BYIN PO LA SOGS PA NI SNANG BA TSAD DU ZAD DE BDEN PA NI MA YIN NO ZHES BYA BA'I DON TO, ,SNANG PA TZAM YIN NO ZHES BYA BA 'DI GA LAS SNYAM NA, SNGON PO LA SOGS PA NI ZHES GSUNGS SO, ,GCIG DANG DU MA DANG BRAL BA'I PHYIR SNYAM DU DGONGS PA'O, ,'O NA SHES PA NI YOD PA YIN NO SNYAM NA RNAM PAR SHES PA YANG ZHES BYA BA'O, ,DES NA ZHES BYA BA NI SNGON PO LA SOGS PA LAS THA DAD PA MA YIN

PAS NA'O, ,SNGON PO LA SOGS PA NYID BZHIN DU SHES PA YANG YOD PA MA YIN NO, ,'O NA SNGON PO LA SOGS PA JI LTAR YIN SNYAM NA, GANG GI PHYIR 'JIG RTEN GYI THA SNYAD 'DI NI SNGON PO'O 'DI NI SER PO'O ZHES BYA BA LA SOGS PA'I RANG BZHIN CAN DE TSAD MA YIN TE, MED PA NYID MA YIN PA DES NA THA SNYAD LA NYE BAR MKHO BAS NA BDEN PA YIN NO, ,DE LAS CIR 'GYUR SNYAM NA, DE LTAR NA ZHES GSUNGS SO, ,DON 'DI YIN TE, SNGON PO LA SOGS PA NI GCIG DANG DU MA DANG BRAL BA'I PHYIR MED PAS NA DE DANG THA MI DAD PA'I SHES PA YANG MED PAS KUN RDZOB PA YIN NO, ,'JIG RTEN GYI THA SNYAD DU MGU BA BSKYED PA NYID YIN PA'I PHYIR NA DE'I MNGON PA'I NGA RGYAL GYIS BDEN PA YIN NO ZHES BYA BAR MI 'GAL LO ZHES BYA BA'O, ,'O NA DON DAM PA'I BDEN PA GANG YIN SNYAM NA, MJUG BSDU BA'I SGO NAS DE YANG STON PA NI DES NA ZHES BYA BA'O, ,GANG GI PHYIR KUN RDZOB KYI BDEN PA DE LTAR GNAS PA DES NA DON DAM PA'I BDEN PA NI BDAG NYID THAMS CAD DBEN PA YIN NO, ,DE NYID KYI PHYIR BDEN PA NYID NI KUN RDZOB DANG, CIG SHOS KYI THUN MONG YIN PAS KUN RDZOB DANG DON DAM PAS KHYAD PAR DU BYED PA YIN NO SNYAM DU DGONGS PA'O, ,GAL TE SNANG BA'I PHYI ROL GYI RJES SU 'GRO BA DANG RTOG PA PA'I RJES SU 'GRO BA'I PHYIR NA DE NI DON BYA BA BYED PA NYID KYI YOD PA YIN PA'I PHYIR BDAG NYID THAMS CAD JI LTAR DBEN SNYAM NA, PHYI ROL GYI ZHES GSUNGS SO, ,GAL TE DE LTA MA MTHONG MOD, ,DE LTA NA YANG DE RGYUD NYID YIN PA JI LTAR DAG SNYAM NA 'ON KYANG ZHES GSUNGS SO, ,'O NA JI LTAR SAD PA'I RTOG PA LA DE DGAG SNYAM NA; GZHAN YANG ZHES BYA BA STE, SAD PA'I RTOG PA YANG NGO, ,DE BZHIN ZHES BYA BA NI BAG CHAGS KYI RGYU YIN PAR RO, ,PHYI ROL RGYU YIN PA BKAG PA'I BDAG NYID THAMS CAD DBEN PA YIN NO SNYAM DU DGONGS PA'O, ,DE LTAR DBU MA PA'I LUGS KYIS 'GAL BA MED PAR BSTAN NAS RANG RIG PA'I MNGON SUM GYIS SHES PA YOD PA LAS THA DAD PA MA YIN PA'I SNGON PO LA SOGS PA YANG DE'I BDAG NYID DU BYED PA YIN NO, ,SKYE BA LA SOGS PA NYID NI DE LTA MA YIN TE, DE LA MED PA'I KUN RDZOB YIN LA SNGA MA DANG PHYI MA'I MNGON SUM LAS SKYES PA'I RNAM PAR RTOG PAS RTOGS PAR

, ,BYA BA YIN PA'I PHYIR, YOD PA NYID YIN NO ZHES RNAL 'BYOR SPYOD PA'I LTA BA BSHAD PA NI, YANG NA ZHES BYA BA'O, ,DE LTAR TSAD MA DANG 'JIG RTEN GYI THA SNYAD LA LTOS NAS YOD PA DANG MED PA DAG MI 'GAL YANG 'GREL PA BYED PAS 'GAL BA BRJOD PA NI RTZOD PA BSLANG BA NI, CI STE KUN RDZOB CES ZHES BYA BA'O, ,'GOG PAR BYED PA NI DE YANG MI BDEN TE ZHES BYA BA'O, ,DE LTAR ZHES BYA BA NI DON DAM PAR NUS PA LTAR RO, ,DE LTAR NI ZHES BYA BA NI RTOGS PA TZAM GYIS RNAM PAR GZHAG PA'I NUS PAS SO, ,DGONGS PA 'DI YIN TE, GAL TE RANG BZHIN GANG GIS NUS PA MED PA DE LTAR SKYE PA YIN NA NI 'GAL BAR 'GYUR BA ZHIG ,GANG GIS CHOS JI LTAR NUS PA MED PA DE LTAR NI MI SKYE LA, JI LTAR SKYE BA DE LTAR YANG NUS PA TSAD MA DANG BRAL BA YIN PA DE'I TSE 'GAG PA'I GTAM GA LA YOD CES BYA BA YIN NO, ,GAL TE SKYE BA LA SOGS PA NYID KUN RDZOB YIN PA DE'I TSE KUN RDZOB TU SKYE'O ZHES BYA BA NI, SKYE BA PO ZHES BYA BA'I NYES PAR 'GYUR RO SNYAM DU DOGS NA, SKYE PA PO ZHES BYA BAR YANG ZHES GSUNGS SO, ,GANG GI RANG BZHIN DU ZHES BYA BA'I DRI BA'O, ,KUN RDZOB TU ZHES BYA BA NI LAN TE, TSAD MAS MA BCAD PA NYID KYIS SO, ,GANG YANG 'GREL BA BYED PAS KUN RDZOB SUN PHYUNG NAS, KUN RDZOB CES MING TZAM BYAS PA YIN NA YANG ZHES BRJOD PA DE MING MA GTOGS PA'I CHO 'PHRUL YIN NO ZHES GSUNGS PA NI, DE BZHIN KUN RDZOB CES BYA BA'O, ,DE SMRAS PA GZHAN DAG KYANG BKOD NAS SUN 'BYIN PA'O, ,GANG YANG RGYU DANG 'BRAS BU DAG ,CES BYA BA'O, ,'DAS PA NYID NI 'DAS MA THAG PA'O, ,'DAS NAS ZHES BYA BA NI KHYAD PAR GYI DOGS PA BSU BA'O, ,BZLOG PA'I PHYIR MI SKYE BA'I DUS NA YOD PA'I PHYIR RO, ,KHYAD PAR MED PAR GRUB PA'I DON DU 'DRI BA NI, SKYE BA'I DUS DE GANG YIN ZHES BYA BA STE, 'BYUNG BA'I DUS LHA 'BYIN PA'I DUS YIN ZHES BYA BA'I DON TO, , GAL TE ZHES BYA BA NI DANG PO SEL BA'O, ,'BYUNG BA PO 'BRAS BU'I RGYU YOD PAR 'GYUR ZHES BYA BA'I DON TO, ,GNYIS PA SEL BA NI 'ON TE ZHES BYA BA'O, ,'BYIN PA ZHES BYA BA NI SKYED PAR BYED PA'O, ,YOD PA NI 'DAS MA THAG PA'I RGYU'O, ,DE LTA YIN NA CI SKYON SNYAM NA, DE'I PHYIR CHOD PA YANG ZHES BYA

BA'O; ,DE MA THAG PA'I RGYU NI GAL TE 'BRAS BU LAS SNGAR YOD PA YIN LA 'DAS NAS YUN RING DU LON PA NI MED PA YIN NO, ,DES NA GANG ZHIG DE MA THAG PA NYID KYIS 'BRAS BU MED PA'I DUS NA YOD PA'I DE NYID NI RGYU YIN GYI, SNGA MA DAG NI MA YIN TE CHOD PA'I PHYIR RO ZHES DOGS PA NA SKAD CIG GIS ZHES GSUNGS SO, ,DRI LA SOGS PA'I SKAD CIG KYANG GZUGS KYI SKAD CIG BZHIN DU GZUGS KYI 'BRAS BU'I DE MA THAG PA YIN PA DE DAG KYANG RGYUR 'GYUR RO ZHES BYA BA'I DON TO, ,HA CANG THAL BA SPANG BA'I DOGS PA BSU BA NI RGYUD THA DAD PA'I PHYIR ZHES BYA BA'O, ,DE MA THAG PA NYID KYI RGYU YIN NA DRI LA SOGS PA RGYUD THA DAD PA NYID DU MI 'GRUB CES LAN 'DEBS PA NI, 'DI NI ZHES BYA BA'O, ,RGYUD THA DAD PA NYID NI RGYU NYID DANG 'GAL BA YANG MA YIN TE, GNOD PA MED PA'I PHYIR RO, ,MA BRTAGS PA NI RNAM PAR RTOG PA MED PAR SHES PA YIN PAS, DES GRUB PA YANG MA BRTAGS PAS, GRUB PA YIN YANG TSAD MAS GRUB PA KHO NA YIN PAS JI LTAR KUN RDZOB YIN ZHES SUN 'BYIN PA BRJOD PA DE YANG MI BDEN PA STE ZHES KHONG NAS DBYUNG NGO, ,JI LTAR MI BDEN ZHE NA, BRTAGS PA NI TSAD MA LA BRJOD KYI ZHES BYA BA'O, ,DES NA ZHES BYA BA NI BRTAG PA TSAD MA YIN PAS NA'O, ,'O NA RGYU MI 'DOD NA GANG YIN SNYAM NA SGYU MA'I DON YANG ZHES BYA BA'O, ,'DI NYID CES BYA BA NI TSAD MA MA YIN PAS RTOGS PA'I DON NYID DO, ,'JIG RTEN LA GRAGS PA'I SGRAS TSAD MA CAN MA YIN PA'I RTOGS PA 'DOD PA YIN NO ZHES BRJOD PA NI 'JIG RTEN LA GRAGS PA'I ZHES BYA BA'O, ,TSAD MA CAN MA YIN PA'I RTOGS PA NI KUN RDZOB DANG SGYU MA LA SOGS PA'I SGRAS BRJOD PA YIN NO ZHES BYA BA'I DON TO, ,GANG GI PHYIR DE LTAR KUN RDZOB DANG SGYU MA LA SOGS PA'I SGRA'I DON MA RTOGS PAR GRAGS PA'I DON YIN PA'I RGYU DES NA MA BRTAGS NA GRAGS PA'I DON NI TSAD MAS GRAGS PA'I DON DU 'GYUR RO ZHES BYA BA'I DON SKYON MED DO, ,RTOGS PA GANG LA TSAD MA RJES SU 'GRO BA YOD PA DE NI KUN RDZOB MA YIN NO ZHES GSUNGS PA NI BSTAN BCOS BYED PA'I ZHES BYA BA'O, ,RANG RIG PA LAS PHYI ROL DU GYUR PA'I TSAD MA CIG SHOS KYI RNAM PAR DBYE BA NI, KUN RDZOB NYID YIN TE, PHYI ROL LTOS PA'I PHYIR RO ZHES GSUNGS PA NI, TSAD MA DANG TSAD MA MA YIN PA'I ZHES BYA BA'O, ,CI'I

, ,PHYIR ZHE NA 'DI LTAR ZHES GSUNGS SO, ,MI SLU BA'I RANG BZHIN BRJOD PA NA NI MI SLU BA YANG ZHES BYA BA'O, ,GANG LA LTOS NAS SGRUB PAR BYED PA'I SHES PA TSAD MAR 'GYUR BA DE NI SHES PA GZHAN YIN NO ZHES BRJOD PA NI THOB PA YANG ZHES BYA BA'O, ,DE LAS CIR 'GYUR SNYAM NA GAL TE DON ZHES BYA BA'O, ,SHES PA SNGA NA DON MYONG NA SHES PA PHYI MA DON MED PA LA CI STE LTOS TE, DE TZAM GYIS RTOGS PA'I PHYIR RO, ,DES NA THOB PA DON DU GNYER BA LA DON CI ZHIG YOD PAR 'GYUR RO, ,DES NA ZHES BYA BA NI THOB PA DON DU GNYER BA MED PA'I PHYIR RO, ,SHES PA PHYI MAS LHAG PAR RTOGS PAR DOGS PA BSU BA NI, 'ON TE PHYIS PA DE NI GZHAN YIN NO, ,ZHES BYA BA'O, ,'DI DES BSTAN PA NA ME YIN NO ZHES BYA BA NI LAN NO, ,DES ZHES BYA BA NI SHES PA SNGA MAS SO, ,DE THOB PAS TSAD MAR 'GYUR RO ZHES BYA BA NI GZHAN GYIS SMRAS PA STE, DE NI SHES PA SNGA MA'O, ,THOB PA ZHES BYA BA 'DI SKABS KYI GZHAN NO; ,DE LTA NA ZHES BYA BA NI LAN TE, GAL TE GZHAN THOB PAS GZHAN TSAD MAS YIN NA SHES PA THAMS CAD LA CI YANG RUNG BA THOB PA YOD PA'I PHYIR, TSAD MAR THAL LO ZHES BYA BA'I DON TO, ,BSAL ZIN BA'I PHYOGS GNYIS LA NI MI 'THAD PA NYID DO ZHES BRJOD PA NI CI STE NYE BAR BSTAN PA LA YANG ZHES BYA BA'O; ,DE LTA YIN NA TSAD MA DANG TSAD MA MA YIN PA'I RNAM PAR DBYE BA MED PAR 'GYUR RO ZHES BRJOD PA NI DE'I PHYIR ZHES BYA BA'O, ,CUNG ZAD KYANG ZHES BYA BA NI GZHAL BYA BA LA SOGS PA'O, ,'ON TE GZHAN TZAM GYI YUL CAN NI TSAD MA MA YIN GYI 'ON KYANG MNGON PAR 'DOD PA THOB PA'I MTHAR THUG PA CAN 'JIG RTEN MNGON PAR 'DOD PA YIN NO ZHE NA, DE LTA NA NI DE KUN RDZOB PA KHO NAR 'GYUR RO ZHES BRJOD PA NI KUN RDZOB TU JI LTA BA DE LTAR YIN DU ZAD DO ZHES BYA BA'O, ,CI'I PHYIR MNGON PAR 'DOD PA YIN SNYAM NA, DNGOS PO'I DE NYID LAS 'DAS NAS, ,ZHES BYA BA'O, ,GANG ZHIG JI LTAR YOD PA DE KHO NA LTAR DE NYID DU YOD PA LA, TSAD MA LA SOGS PA'I RNAM PAR DBYE BA YANG KUN RDZOB TU YOD PA YIN NO, ,DE LTA YIN DANG DE NI DE KHO NAR YOD PA YIN NO, ,GAL TE ZHES BYA BA LA SOGS PAS NI RNAM 'GREL BA 'JUG PA'O, ,SPYI LA YANG ZHES BYA BA NI DON BYA BA YOD PA'O, ,SPYI NI SHES PA DANG BRJOD PA THA DAD PA

MED PA'I MTSAN NYID KYI DON BYED PA YIN NO, ,KUN LA ZHES BYA BA NI SPYI LA SOGS PA LA YOD, MIN TE ZHES BYA BA NI SPYI LA DON BYA BA YOD PA ZHES 'BREL TO, ,CI'I PHYIR ZHE NA, SPYI'I MTSAN NYID LA BLO DANG 'BREL PA'I RJES SU 'GRO BA DANG LDOG PA DAG MI SNANG BA'I PHYIR RO, ,MIG DANG GZUGS SOGS BLO BZHIN NO, ,ZHES BYA BA NI CHOS MI MTHUN PA'I DPE'O, ,DMIGS PA DANG BDAG PO'I RKYEN GYIS YUL LA ZHES BYA BA NI GZUGS LA SOGS PA'I YUL DANG MIG LA SOGS PA BDAG PO STE, DE DAG NYID RKYEN YIN TE LHAN CIG BYED PA YIN PA'I PHYIR RO, ,YUL GANG YIN PA ZHES TSIG RNAM PAR SBYAR RO, ,DE BZHIN DU SPYI'I BLO DAG NI MA YIN TE ZHES BYA BA NI DMIGS PA DANG BDAG PA'I RKYEN GYI YUL LA RJES SU 'GRO BA DANG LDOG PA'I RJES SU BYED PA MA YIN NO, ,CI'I PHYIR ZHE NA, SNGON MTHONG BA'I 'BAD RTZOL ZHES GSUNGS SO, ,GAL TE SPYI'I BLO BZHIN DU DMIGS PA LA SOGS PA'I BLO DAG KYANG NANG GI BYED PA TZAM LAS 'BYUNG BA MA YIN ZHE NA, DE LTAR ZHES GSUNGS SO, ,CI'I PHYIR 'GYUR RO ZHES BYA BA NI DNGOS PO SNGAR YOD PA'O ZHES BYA BAR BLTA'O, ,GAL TE GANG GIS DON SNGAR YOD PAR RTOG PA DON LA MI LTOS NA NYES PA CI ZHIG YOD SNYAM NA, GAL TE ZHES BYA BA GSUNGS SO, ,DE'I TSE ZHES KHONG NAS PHYUNG LA, GANG LA DANG GANG DU ZHES BYA BA LA SOGS PA DANG SBYAR RO, ,CI DANG 'DRA BAR ZHE NA, RAB RIB CAN GYIS ZHES BYA BA'O, ,BZLOG PA BRJOD PA NI DE DANG ZHES BYA BA'O, ,DES NA ZHES BYA BA NI BZLOG PAS SO, ,DE LTA NA YANG JI LTAR NUS PA RTOG SNYAM NA, DES NA ZHES BYA BA DE LTAR GYI DON TO, ,SNAM BU LA SOGS PA'I DON DE LAS BLO SKYE BA NA ZHES BYA BA 'BREL TO, ,JI LTAR DE LAS SKYE NA, RJES SU 'GRO BA DANG ZHES BYA BA LA SOGS BA GTAN TSIGS KYI TSIG SBYAR TE, SPYI'I BLO NI DE LTAR MA YIN TE ZHES BYA BA NI, SPYI'I BLO NI DE LTA MA YIN TE ZHES 'BREL TO, ,CI'I PHYIR ZHE NA, GANG GI BYED PA TZAM LAS ZHES BYA BA'O, ,'DI NYID SBYOR BAS RGYAS 'DEBS PA NI, 'BRAS BU GANG ZHIG CES BYA BA'O, ,SPYI'I BLO YANG 'BAD RTZOL TZAM LAS SKYES PA YIN NO ZHES PHYOGS KYI CHOS BSDU BA NI MA BRJOD DE, GSAL BA'I PHYIR RO, ,DGAG PAR BYA BA DNGOS PO THA DAD PAR NUS PA

, ,RTOGS PAR BYED PA'I KHYAB BYED NI DE TZAM LAS MI 'BYUNG BA YIN LA, DE DANG 'GAL BA NI DE TZAM LAS BYUNG BA NYID YIN TE, DES NA KHYAB PAR BYED PA 'GAL BA DMIGS PA'O, ,'DI MA GRUB PAR DOGS PA BSU BA NI, BA LANG NYID KYI ZHES BYA BA LA SOGS PA'O, ,'ON MI SKYE BA JI LTAR YIN ZHE NA, BAG CHAGS SAD BYED DE MIN PAS, ,ZHES BYA BA STE, RTA DE MIN PAS SO, ,PHYED PHYI MA 'CHAD PA NI RTA DE NI ZHES BYA BA'O, ,CI'I PHYIR RTA DE MI PHYED PA SNYAM NA, DE NYID LA ZHES BYA BA STE, NOG LA SOGS PA DANG LDAN BA NYID LAS SO, ,PHYED SNGA MA 'CHAD PA NI BA LANG NYID MED PA LAS NI ZHES BYA BA STE, DE LA BA LANG NYID KYI BLO ZHES 'BREL TO, ,'O NA DE LA BA LANG GI BLO MED PA CI'I PHYIR ZHE NA, 'ON KYANG ZHES BYA BA'O, ,BA LANG GI TSOGS LA YANG GONG BU BZHIN DU RTA LA SOGS PA DANG MI MTHUN PA RJES SU 'GRO BA'I RANG BZHIN NI MTHONG BA LA SNANG BA MA YIN NO ZHES BSHAD PA NI, GANG GIS ZHES BYA BA STE RTOGS PA NYID KYIS SO, ,DE YOD DAM ZHES BYA BA NI BA LANG GI TSOGS LA'O, ,MA YIN ZHES BYA BA NI RTA LA SOGS PA LA STE, DE LTAR RNAM PAR GZHAG PA'I BYA BA'O, ,GANG GI PHYIR DE LTAR RTOGS PA LAS SNGA PHYIR YOD PA NYID MA YIN PA DE'I PHYIR ZHES BYA BA'O, ,GAL TE ZHES BYA BA NI YANG MA GRUB PAR DOGS PA BSU BA'O, ,DON DAM PA NI DNGOS PO'O, ,PHAN TSUN ZHES BYA BA NI LAN NO, ,THOG MA MED PA'I BAG CHAGS KYI DBANG GIS NI RNAM PAR RTOG PA'I BLO PHAN TSUN LDOG PA YIN GYI GSAL BA NI RANG GI RGYU'I STOBS LAS PHAN TSUN LDOG PAR SKYE BA YIN NO, ,DES NA GRUB PA NYE BAR 'JUG PA'I PHYIR CI ZHIG BYA, GAL TE RTOGS PAR BYA BA YOD PA LA BLO MI LDOG PA MA YIN NAM ZHE NA, BDEN TE 'ON KYANG RTOGS PAR BYA BA'I RJES SU 'GRO BA DANG LDOG PA'I RJES SU BYED PA YIN GYI, GZHAN NI MA YIN NO ZHES BRJOD PA GAL TE ZHES BYA BA'O, ,BSAL BAR BYA BAS NA BSAL BA STE SPYI'O, ,GAL TE DE MED KYANG MI 'GYUR GYI, 'ON KYANG DE YOD PA NYID NA DE YOD PA YIN NA NI, DE'I TSE NUS PA MED PAR MI 'GYUR RO, ,GAL TE THAMS CAD LA BLO YOD NA RTOGS PAR BYA BA YANG THAMS CAD NA YOD PAR 'GYUR RO ZHES DOGS PA BSU BA NI DE NI SPYI NI ZHES BYA BA'O, ,RAB RIB CAN GYIS ZHES BYA BA NI LAN NO, ,DE LTA BU

KHO NAR NI KHYAB PA NYID DU'O, ,SPYI DE LA YANG GZHAN GYIS MTHONG BA'I PHYIR KHYAB PAR BYED PA MA YIN PA ZHES BYA BA'I SKYON DU 'GYUR RO, ,DE YOD PA NI 'BAD RTZOL LA SOGS PA YOD NA'O, ,RAB RIB CAN GYIS ZHES BYA BA LA SOGS PA'O, ,JI LTAR RAB RIB NYAMS PA'I RGYU YIN PA'I PHYIR NA DE KHO NA MA YIN PA DMIGS PAR BYED PA NYID YIN PA DE BZHIN DU PHYIN CI LOG GI 'DU BYED SAD PA YANG NANG GI BYED PA NYAMS PA'I RGYU YIN PA'I PHYIR NA DE KHO NA MA YIN PA DMIGS PAR BYED PA YIN NO ZHES GSUNGS PA NI GZHAN YANG ZHES BYA BA'O, ,GAL TE ZHES BYA BA NI SDUD PA'O, ,DOGS PA LHAG PA BSU BA NI, DON BYA BA GRUB PA ZHES BYA BA'O, ,SGRA LA SOGS PA LA DON BYA BA GRUB PA MED PAS NA, MI BDEN PA'I PHYIR DBANG PO NYAMS PAR GRUB PA DES NA PHAN TSUN BSTEN PA'I NYES PA MED DO ZHE NA, LAN DU 'DI NI BRJOD MA THAG PA'I SPYI LA YANG MTSUNGS TE, DON BYA BA MED PAS MI BDEN PA YIN LA, DE LAS NI SPYI'I 'DZIN PA'I SHES PA NYAMS PA YIN NO ZHES BYA BAR 'GYUR RO, ,DES NA ZHES BYA BA'I DON BRJOD PA NI, SHES PA TZAM LA YANG ZHES BYA BA'O, ,DES ZHES BYA BA NI SPYI'I BLO NANG GI BYED PA LAS BYUNG BAR BSTAN PAS SO, ,RTZOL BA NI DRAN PA'I NUS PA'O, ,SOGS PA'I SGRAS NI MA 'ONGS PA LA SOGS PAS BSDU'O, ,DE DAG NYID NANG GI YAN LAG STE, NYE BAR GNAS PA'I RGYU YIN NO, ,DE DAG RJES SU 'JUG PA NI RJES SU BYED PA STE, DE'I PHYIR NA BLO NANG GI BYED PA LAS BYUNG BAR BSHAD PA YIN NO, ,SPYI NI 'DOGS PA NYID KYI'O, ,GRANGS SOGS ZHES BYA BA NI SOGS PA'I SGRAS BSHAD PA 'DI LA'O ZHES BYA BA LA SOGS PA'I, GAL TE RNAM PAR DBYE BA MED PA'I RDZAS KHO NA SNANG BA MA YIN NAM, RDUL PHRA RAB RNAMS NI SO SOR DBANG PO LAS 'DAS PAS NA, TSOGS PA RNAMS KYANG DBANG PO LAS 'DAS PA'I PHYIR RO, ,DES NA GCIG TU MNGON PAR ZHEN PA'I RDZAS KYI BLO SNANG GI BYED PA TZAM LA RAG LAS PA JI LTAR YIN SNYAM DU DOGS PA BSU BA NI, NANG BYED PA TZAM LA RAG LAS PAR BSTAN PA'I DON DU GZUGS CAN MA YIN PA LA SOGS PA'I RANG BZHIN CAN SNANG BA NYID DU KHAS BLANGS PA'I RDZAS LA NI MA DMIGS PAS GNOD DO ZHES BRJOD NA NI, 'DI LTAR ZHES BYA BA'O, ,GZUGS MED PA LA SOGS PA'I

, ,RANG BZHIN NI, RNAM PAR RTOG PA DANG BCAS PA 'AM, RTOG PA MED PA'I MNGON SUM LA SNANG BA MED DE, GSAL BA DANG, MI GSAL BA NYID DU GZUGS LA SOGS PA KHO NA SNANG BA'I PHYIR RO, ,DES NA YAN LAG CAN NI SRID PA MA YIN NO, ,RDUL PHRA RAB RNAMS NI SO SOR DBANG PO LAS 'DAS PA YIN YANG, TSOGS PA RNAMS PHAN TSUN PHAN 'DOGS PAS MNGON SUM NYID DU 'GYUR BA'I PHYIR DBANG PO LAS 'DAS PA MA YIN NO, ,JI LTAR RAB RIB CAN LA SKRA GCIG LA MNGON SUM MA YIN YANG, MANG PO RNAMS NI PHAN TSUN PHAN 'DOGS PAS MNGON SUM MA YIN NO, , RAB RIB MED PA LA SKRA RE RE MNGON SUM DU 'GYUR BA NI RAB RIB CAN LA PHAN PA MA YIN NO, ,PHAN PA YIN LA YANG PHRA RAB RNAMS KYI RNAL 'BYOR GYI, MNGON SUM YIN PA NYID KYANG BDAG CAG LA SOGS PA NYE BAR MKHO BAR 'GYUR RO, ,DE BAS NA RANG RIB CAN GYIS SKRA SHAD MNGON SUM NYID YIN PA DE BZHIN DU RDUL PHRA RAB RNAMS MNGON SUM NYID YIN PA MI 'GAL LO, ,'DI SKAD DU YANG 'GAL BA YANG CI YOD CES BYA BA LA SOGS PA 'CHAD PAR 'GYUR RO, ,DES NA BUM PA'I BDAG NYID KYI RDZAS LA, BUM PA'I BLO RJES SU 'GRO BA DANG LDOG PA MA YIN TE, DE MED KYANG YOD PA'I PHYIR RO, ,NANG GI BYED PA TZAM LA RAG LAS PA YIN NO ZHES BYA BA'I DON TO, ,GAL TE YAN LAG CAN MA YIN NA JI LTAR DMIGS SHE NA, MIG LA SOGS PA'I BLOS NI, ZHES GSUNGS SO, ,GAL TE GZUGS LA SOGS LA BUM PA DANG SNAM BU GNYIS LA KHYAD PAR MED PA'I PHYIR, GCIG KHO NA LA BUM PA'I BLO JI LTAR 'GYUR SNYAM NA, RANG GI RGYU'I MTHU LAS YUL DE DANG DER KHYAB PAS MI 'DRA BA NYID DU SKYES PA'I GZUGS LA SOGS PA KHYAD PAR CAN GYI DON BYA BA BYED PA, BRDA'I KHYAD PAR GYI YUL DU GYUR PA 'GA' ZHIG KHO NA DE'I BAG CHAGS SAD PA'I RGYUR 'GYUR BAS, DE'I SGRAS BRJOD PA YIN NO ZHES BYA BA'I DON, BRJOD PA NI DES NA ZHES BYA BA'O, ,'ON TE MIG LA SOGS PA'I BLO NI GZUGS TZAM LA MA YIN GYI, MTHONG BA NYID LA REG GO SNYAM PA'I RNAM PAR RTOG PA NI MTHONG BA LAS BYUNG BA YIN GYI, RANG RGYUD NI MA YIN NO, ,MTHONG BA YANG GZUGS LA SOGS PA DAG LAS THA DAD PA'AM, THA MI DAD PA'I RDZAS LA YIN, THA DAD PA DANG MI DAD PA'I RDZAS

MA MTHONG BAR 'BYUNG BA'I RNAM PAR RTOG PA'I BAG CHAGS TZAM LAS BYUNG BA YIN NO ZHES RTOG PA YIN NO ZHES BYA BA'O, ,GZHAN MIN BA'AM ZHES BYA BA NI THA MI DAD PA'O, ,DANG PO LA BRJOD PA NI GZHAN MA YIN PAR ZHES BYA BA'O, ,'DI LA GZUGS YOD PA NA GZUGS LDAN NO, ,BZLOG PAR 'DZIN PA ZHES BYA BA 'DI LA BRJOD PA NI GZHAN DU ZHES BYA BA'O, ,RNAM PA GNYIS SU ZHES BYA BA NI BZLOG PA BRJOD PA'O, ,GAL TE BAG CHAGS TZAM LAS BYUNG BA'I RNAM PAR RTOG PAS KYANG PHYI ROL RNAM PAR 'JOG PA MA YIN NAM SNYAM NA YANG THA DAD PA DANG, MI DAD PA RIG PA MED PA NYID BLTAR RUNG BA MED PAR RIG PAR BYED PA YIN NO ZHES BYA BA LAN YIN PAR LTA'O, ,GAL TE BYA BA'AM RNAM PAR RTOG PA'I PHYI ROL RTOGS PAR BYED PA YANG RANG RGYUD KHO NA YIN TE, GNOD PA MED PA'I PHYIR RO, ,RGYU NI DE GZHAN DU MI 'THAD PAS BAG CHAGS KYI RANG BZHIN NAM GZHAN YANG RUNG STE, CI YANG RUNG BA ZHIG YIN PAR 'GYUR RO ZHES DOGS PA BSU BA NI CI STE ZHES BYA BA'O, ,'KHRUL PA MED PA YIN ZHES BYA BA NI GNOD PA MED PA'O, ,BUM PA'O SNYAM PA'I RNAM PAR RTOG PAS NI BUM PA GZUGS LA SOGS PA LAS THA DAD PAR RTOGS PA PA YIN NO ZHES BYA BA'I DON TO, ,BRDA THUN MONG MA YIN PAS BYAS PA, BRDA JI LTA BA BZHIN BRJOD PA DANG, RTOG PA DAG TU 'GYUR BA'I PHYIR DE LAS DNGOS PO THA DAD PA MI 'GRUB PO ZHES LAN 'DEBS PA NI, DE YANG MI BDEN TE ZHES BYA BA'O, ,DES NA ZHES BYA BA NI BRDA THA SNYAD PAS SO, ,DE BZHIN NI THA DAD PAR RO, ,GZHAN DU ZHES BYA BA NI RANG GI DON GYI RJES SU DPAG PAR RO, ,GAL TE GANG LA GZUGS YOD PA DE NYID LA REG BYA YOD DE ZHES BYA BA NI BRDA TZAM LAS 'BYUNG BA MA YIN GYI 'ON KYANG DNGOS PO DE LTAR GYUR PA LAS YIN NO ZHES BYA BAR DOGS PA NI CI STE GAL TE ZHES BYA BA'O, ,DE LTA BU'I DNGOS PO MED KYANG DE LTA BU'I SGRAS BRJOD PA NI, DMAG LA SOGS PA DAG LA MTHONG BA MA YIN NO ZHES LAN 'DEBS PA NI; TSOGS PA GCIG LA ZHES BYA BA'O, ,TSOGS PA GCIG LA RAG LUS PA DANG, 'BRAS BU GCIG LA SBYOR BAS NA GZUGS LA SOGS PA TSOGS PA GCIG TU RAB TU BRTAGS PA YIN LA, DE LAS NI GANG LA DE LA ZHES RTOG PA YIN GYI YAN LAG CAN YOD PA NI MA YIN NO, ,GANG GIS DE SKAD

, ,BRJOD PA NA YAN LAG CAN MED PA DE LTAR THA SNYAD DU BYED PA 'GA' ZHIG TU MTHONG NGAM CI SNYAM NA, DMAG GANG LA ZHES BYA BA'O, ,'ON TE YANG GLANG PO LA SOGS PA LA NI DMAG GAM NAGS MANG PO NYID YOD PA YIN NO, ,DES NA GANG YANG DE LA ZHES BYA BAR BRJOD PA YIN NO SNYAM NA SKYES BU LA SOGS PA ZHES GSUNGS SO, ,DMAG LA SOGS PA THA DAD PA YOD KYANG THA SNYAD 'DI RDZAS LA MI 'KHRUL BA NI MA YIN TE, DE MED KYANG YOD PA'I PHYIR RO, ,DES NA DE LAS JI LTAR GRUB, GCIG TZAM SGRUB PAR BYED PA YIN TE, MI DMIGS PAS GNOD PA LA RIGS ME SRID PA'I PHYIR RO, , DE'I PHYIR THAMS CAD DU SGRA LAS BYUNG BA'I RTOG PA NI, BRTAGS PA'I YUL CAN YIN GYI, DNGOS PO'I DE KHO NA LA LTOS PA NI MA YIN TE, JI LTAR BRTAGS PA MI 'THAD PA'I PHYIR RO ZHES BRJOD PA NI, DE'I PHYIR ZHES BYA BA'O, ,GAL TE YAN LAG CAN THA DAD PA MED NA, DE LTA NA NI'O NA, THA DAD PA MED PA'I LUS SU GYUR PA STE DANG PO 'OG GI THA DAD KYANG GRUB PA DANG BDE BA GCIG PA'I PHYIR GCIG NYID DU 'GYUR BA YOD PA YIN NO ZHES BYA BA YANG 'DIS NYE BAR MTSON PA YIN NO, ,GAL TE YAN LAG CAN YAN LAG NYID YIN NA, DE'I TSE YAN LAG CAN GYI YAN LAG CES THA DAD PA'I THA SNYAD JI LTAR 'GYUR SNYAM NA, DE'I YAN LAG NI ZHES GSUNGS TE, GRUB PA DANG BDE BA GCIG PA DANG 'BREL PAR GYUR PA'I YAN LAG CAN DE'I'O, ,YAN LAG NI PHAN TSUN LDOG PA'I GZUGS LA SOGS PA'O, ,DE LTAR NA THA DAD PAR RO, ,RJES SU 'GRO BA DANG LDOG PA'I RTOG PA DE NYID BRJOD PA NI 'DI LTAR ZHES BYA BA'O, ,MTHONG BA GANG YIN PA DE LA RAG GO SNYAM PA'I RTOG PA NI GZUGS LA SOGS PA RNAMS KYIS GRUB PA DANG BDE BA GCIG PA NYID RJES SU 'BREL PA'I RANG BZHIN YUL DU BYED PA'I RJES SU 'GRO BA'I RTOGS PA'O, ,GZUGS SO SNYAM PA LA SOGS PA'I RTOGS PAS NI, LDOG PA'I GZUGS YUL DU BYED PA'I PHYIR LDOG PA'I RNAM PAR LDOG PA'O, ,GZUGS LA SOGS PA RNAMS LA MI 'BRAL BA'I RANG BZHIN RDZAS YIN PA 'BA' ZHIG TU NI MA ZAD KYI 'ON KYANG, YUL THA MI DAD PAR YANG ZHES BYA BA'O, ,GRUB PA DANG BDE BA GCIG PA NYID GCIG RTOGS NA RTOGS PA'AM, RNAM PA GZHAN DU RTOGS PAR KHAS BLANG BAR BYA BA YIN NO, ,

DE LTA MA YIN NA NI BRTAGS PA KHO NAR 'GYUR RO, ,GZUGS LA SOGS PA NI DE LTA MA YIN TE, RTOGS PA THA DAD PA CAN YIN PA'I PHYIR RO ZHES BRJOD PA NI, GAL TE ZHES BYA BA'O, ,RANG BZHIN THA DAD MED GYUR NA, ,ZHES BYA BA NI GRUB PA DANG BDE BA GCIG PA NI THA DAD PAR RTOGS PA'I MTSAN NYID YIN NO, , GZUGS SOGS DBYE BA ZHES BYA BA NI GRUB PA DANG BDE BA THA DAD PA, BRDA THA DAD PA'I RTOGS PA'I MTSAN NYID DO, ,DE NYID BRJOD PA NI SNANG BA THA DAD PAR THAL BA'I PHYIR RO ZHES BYA BA'O, ,GAL TE BUM PA ZHES RTOGS PA NI GRUB PA NI BDE BA MI 'THAD PA YIN TE, RTOGS PA GCIG PA CAN YIN PA'I PHYIR RO, , GZUGS DANG RO LA SOGS PA THA DAD PAR RTOGS PA NI KHYAD PAR THA DAD PAS BYAS PA'I 'KHRUL PA KHO NA YIN NO ZHES DOGS PA BSU BA NI 'ON TE ZHES BYA BA'O, ,'O NA JI LTAR THA DAD PAR RTOGS SNYAM NA, DBANG PO THA DAD PAS ZHES GSUNGS SO, ,THA DAD PA LTA BU 'AM THA DAD PA DANG LDAN PAR RTOGS PA'O,, 'DI NYID BRJOD PA MIG GI DBANG PO ZHES BYA BA'O, ,MNGON SUM NI THA DAD PAR 'DZIN PA YIN LA, RNAM PAR RTOG PAS THA MI DAD PAR 'DZIN PA YIN TE, DES NA STOBS CHUNG BAS STOBS DANG LDAN PA LA GNOD PAR 'GYUR ZHES LAN 'DEBS PA NI, 'DZIN PA'I DBYE BAS ZHES BYA BA'O, ,GZHAN DU ZHES BYA BA NI THA DAD PA DANG LDAN PAR RO, ,GCIG NYID DO ZHES BYA BA'I RNAM PAR RTOG PA NI MA YIN NO, ,CI'I PHYIR TSAD MA MED CE NA GCIG NYID DO SNYAM PA'I RNAM PAR RTOG PA'I SHES PA NI THA DAD PAR MTHONG BAS GNOD PA'I PHYIR 'KHRUL PA KHO NA'O ZHES BRJOD PA NI GCIG NYID NI ZHES BYA BA'O, ,GZHAN DU 'DZIN BA MED PAR ZHES BYA BA NI THA MI DAD PAR 'DZIN PA'O, ,DE NYID CES BYA BA NI THA DAD PAR 'DZIN PA NYID GCIG LA MI 'KHRUL PA YIN TE, DE NI DE LTAR NI MNGON SUM GYIS MTHONG BA'I RANG BZHIN DU'O, ,THA MI DAD PAR RTOGS PA MED NA NI DE RTOGS PA MA YIN NO ZHES BRJOD PA NI THA DAD PAR ZHES BYA BA'O,, MI 'BRAL BA DANG YUL GCIG PA NYID DE LTA MA YIN PAR MI 'THAD PAS THA MI DAD PAR DOGS PA BSU BA NI, CI STE YANG ZHES BYA BA'O, ,YUL MED PA'I PHYIR YUL GCIG BA NYID MA GRUB BO ZHES LAN BRJOD PA NI DE NI RTOGS PAR BLA STE ZHES BYA BA'O, ,'O NA YUL CAN NYID THA MI DAD DO SNYAM NA,

, ,GZUGS LA SOGS PA YUL CAN YANG SNANG BA THA DAD PA'I PHYIR GANG LAS THA MI DAD PA YIN TE, MA YIN PA KHO NA'O, ,RKANG PA GNYIS PA 'BREL PA NI, ,YUL ZHES BYA BA'O, ,DE LAS GZHAN DU SNANG MED PHYIR, ,ZHES BYA BA'I GTAN TSIGS KYI TSIG NI 'DIR YANG SBREL BAR BYA'O, ,GZHAN YANG GZUGS LA SOGS PA DAG LAS GZHAN BA'I YUL NI SNANG BA THA DAD PA NYID LAS YIN LA SNANG BA THA DAD PAR NI GZUGS LA SOGS PA RNAMS LA YOD PA'I PHYIR, JI LTAR PHAN TSUN THA MI DAD, ,CES BRJOD PA NI, DE DAG LAS ZHES BYA BA STE YUL DE'O, ,'ON TE YUL GZUGS LA SOGS PA LAS THA DAD PA NI YUL GZHAN THA DAD PAR NI ZHES BYA BA'O, ,YUL BZHIN THA DAD PAS NI GZUGS LA SOGS PA LAS YUL THA DAD PAR 'GRUB PA MA YIN NO ZHES BYA BA'I DON TO, ,CI'I PHYIR ZHE NA, THUG PA MED PAR ZHES GSUNGS SO, ,YUL GZUGS LA SOGS PA THA DAD PA YUL GZHAN THA DAD PA LAS YIN LA, DE YANG YUL GZHAN THA DAD PAS THA DAD PA YIN LA, DE BZHIN GZHAN YANG YIN PA'I PHYIR THUG PA MED PAS YUL THA DAD PA NI MI RTOGS PA NYID DU 'GYUR RO, ,'ON TE RANG GI NGO BO KHO NAS DE DAG LAS YUL THA DAD PA YIN NO ZHE NA, GAL TE THUG PA MED PAR 'GYUR BA'I PHYIR RO, ,GZHAN GYI THA DAD PA BYED PA MA YIN NA RANG GI NGO BO YANG JI LTAR YIN SNYAM NA, SNANG BA'I GZUGS LAS ZHES BYA BA'O, ,'ON TE GZUGS LA SOGS PA'I SNANG BA THA MI DAD PA'I BYA BA'O, ,'ON TE GZUGS LA SOGS PA'I SNANG BA THA MI DAD PA'I SO, ,CI'I PHYIR ZHE NA, GZUGS ZHES GSUNGS SO, ,GZUGS SNANG BA NA RO NANG DU 'DU BA MA YIN NO ZHES BYA BA'I DON TO, ,DE NANG DU 'DU NA MYONG BAS GNOD PA GZHAN NAS SUN 'BYIN PA GZHAN YANG BRJOD PA NI, DBANG PO GZHAN ZHES BYA BA'O, ,GZUGS DANG RO DAG THA MI DAD PAR THAL BAR 'GYUR BA'I PHYIR RO ZHES SBYAR RO, ,THA MI DAD PA MA GRUB PAR DOGS PA BSU BA NI, DBANG PO THA DAD PA'I PHYIR RO ZHES BYA BA'O, ,THA MI DAD PA NI GZHAN THA DAD PAS THA DAD PAR SNANG BA MA YIN NO ZHES LAN BRJOD PA NI, DE NI MI BDEN TE ZHES BYA BA'O, ,DE LTA MA YIN NA NI ZHES BYA BA NI THA MI DAD PA DBANG PO THA DAD PAS THA DAD PA YIN NO, ,'DIS NI GCIG SNANG

BA NA GZHAN SNANG BA NANG DU 'DUS PA'I MTSAN NYID MI 'BRAL BA YIN PA YANG GSAL BA YIN NO, ,BZLOG PA NI TSOGS PA GCIG LA RAG LAS PAS KYANG THA DAD PA YIN TE, DES NA THA MI DAD PA SGRUB PAR NI MI NUS SO ZHES BYA BA NI DGONGS PA'O, ,GZUGS LA SOGS PA TZAM ZHES BYA BA NI RTOGS PA THA DAD PA CAN NO, ,DNGOS PO GCIG YIN NA NI DBANG PO LAS BYUNG BA'I BLO THAMS CAD TSAD MA MA YIN PAR 'GYUR RO ZHES BRJOD PA NI GAL TE ZHES BYA BA'O, ,GZHAN DU GYUR ZHES BYA BA NI GCIG GO, ,RNAM PA GZHAN DU NI THA DAD PAR RO, ,DE'I TSE ZHES KHONG NAS PHYUNG LA, 'KHRUL PA NYID DU 'GYUR RO ZHES SBYAR RO, ,TSAD MA MA YIN PAR THAL BA'O ZHES BYA BA'I DON TO, MA 'KHRUL PA NYID NI TSAD MA'O, ,DBANG PO'I KHYAD PAR NYID LAS TE ZHES BYA BA NI DON GYI KHYAD PAR LAS MA YIN PA'O, ,SNANG BA RNAM PA DE LTA BU NI REG BYA LA SOGS PAR SNANG BA THA DAD PA'O, ,DE LTAR ZHES BYA BA NI MI BLU BA'O, ,MI BLU BA MA GRUB PAS SO, ,DBANG PO THA DAD PA NYID LAS SNANG BA THA DAD PA YIN NA NI, DE LAS THA DAD PA'I DON MED PA NYID DO ZHES THAL BAR BRJOD PA NI, MI BLU BA'AM ZHES BYA BA 'AM, JI LTAR 'DI GZHAN GANG DU BYA BA YIN SNYAM NA, DON MED PAR ZHES GSUNGS SO, ,CI STE DE LTA MA YIN ZHE NA, DE NI ZHES GSUNGS SO, ,YAN LAG CAN NO, ,GANG GI PHYIR DE LTAR DON MED PAR THAL BA DE'I PHYIR RO, ,GCIG MED PA DE'I PHYIR JI LTAR RDZAS MED PAS NA, DE'I BLO NANG GI BYED PA LA RAG LAS PA YIN NO ZHES BSGRUBS NAS, 'DOGS PA'I BLO YANG DE MED PA'I PHYIR DE BZHIN NO, ,STON PA NI 'DOGS PAR RTOGS PA YANG ZHES BYA BA'O, ,NANG GI BYED PA NYID LAS ZHES NGES PAR BZUNG BAS THOB PAS LDOG PAR BRJOD PA NI, YUN GYI STOBS KYI ZHES BYA BA'O, ,NANG GI BYED PA NYID LAS YIN NO ZHES BYA BA 'DI GA LAS YIN SNYAM NA, RTOGS PA SGRO 'DOGS PA YIN PA'I PHYIR RO, ,GAL TE NANG GI BYED PA LAS BYUNG BA YIN NA KHYAD PAR MED PA'I PHYIR THAMS CAD LA 'GYUR BA ZHIG NA DE LTA YANG MA YIN NO, ,DES NA RDZAS KYI STOBS KYIS 'BYUNG BA YIN NO SNYAM NA, DE TSOGS 'BA' ZHIG LA ZHES SBYAR RO, ,LAG PA LA SOGS PA'I SKAD CIG GIS TSOGS PA NYID LA BYUNG BA YIN TE, ,DE'I BAG CHAGS

, ,NI DE NYID KYIS SAD PA'I PHYIR RO, ,GZHAN DU MA YIN NO ZHES DGONGS PA'O, ,YANG CI'I PHYIR DE LA 'DUS PA'I BYA BA RGYU MTSAN MA YIN GYI 'ON KYANG TSOGS PA NYID YIN SNYAM NA LAG PA LA SOGS PA'I SKAD CIG GIS GSUNGS SO, ,DE LAS MA RTOGS PAR BYA BA'I SKAD CIG MA RNAMS MA DMIGS PA'I PHYIR RO, ,RGYU DE'I PHYIR NA TSOGS PA KHO NA RGYU YIN PAS DE KHO NA LAS 'GYUR BA YIN NO, ,'DOGS PA'I SPYI BZLOG PA'I DON DU GZHAN GYI 'DOD PA SLONG BAR BYED PA NI GAL TE 'DOGS PA'I BYA BA DE'I YUL MA YIN NA, DE LTA NA 'O NA ZHES BYA BA'O, ,MA YIN TE ZHES BYA BA NI 'GOG BA'O; ,GSAL BAS GSAL BAR BYA BA'I PHYIR RO ZHES BYA BA NI RANG GI GSAL BAS GSAL BAR BYA BA'I PHYIR RO, ,'DI NYID SKABS LA NYE BAR SBYOR BAR BYED PA NI LAS KYI SPYI NI ZHES BYA BA'O, ,DE LTA YIN MOD SNYAM DU DOGS PA BSU NAS MI DMIGS PA'I PHYIR NA LAS KYI SPYI MED DO ZHES BRJOD PA NI, LAG PA LA SOGS PA'I SKAD CIG GIS GSAL BA DE LA NI BRTEN PA'AM ZHES BYA BA SMOS SO, ,DE LTA MA YIN PA'I ZHES BYA BA NI BRTEN PA MA YIN PA'O, ,BAR GYI GSAL BA MED PA'I PHYIR NA, DE GZHAN GYI GSAL BAR BYA BAR 'GYUR RO ZHE NA, GSAL BA GZHAN GYIS KYANG ZHES GSUNGS SO, ,RIGS 'GA' ZHIG NI GSAL BAS GSAL BA GZHAN GYIS KYANG GSAL BAR 'GYUR RO SNYAM NA NI 'ON TE ZHES BYA BA'O, ,GSAL BAR BYA BA MA YIN PA NYID GSAL BAR BYED PA NI 'DOGS PA NYID CES BYA BA'O, ,CI'I PHYIR SNYAM NA SKAD CIG DANG PO NYID LA ZHES GSUNGS SO, ,DUS THA DAD PA DU MAS GSAL BAR BYED DO SNYAM PA NI 'ON TE ZHES BYA BA'O, ,PHYOGS 'DI YANG BRDA SPROD PA RNAMS KYI YIN NO, ,DE NYID KYI PHYIR BRDA SPROD PA PAS ZHES BYA BA'O, ,GAL TE JI SKAD BRJOD PA'I SKYON YOD PA'I PHYIR NA, RIGS RE RE GSAL BA MIN NA LAN NI TSOGS LAS GSAL BAR BYA BAR 'GYUR RO, ,CI'I PHYIR ZHE NA, RNAM PA GZHAN MED PA'I PHYIR RO ZHES GSUNGS SO, ,GANG GIS CIG CAR MA YIN BA RNAMS KYIS GSAL BAR 'GYUR BA 'DAS PA NI GSAL BAR BYED PA MA YIN TE RANG SHES PAS GZHAN GYI BLO'I RGYU NYID MI SRID PA'I PHYIR RO, ,DE NA RNAM PA GNYIS LAS RNAM PA GZHAN NI MI SRID PA MA YIN NO, ,DE LA SKAD CIG RE RES

GSAL BAR BYED PA NYID NI GSAL MA THAG PA YIN NO, ,CIG CAR TSOGS PA YANG MI SRID DE, DES NA DE GSAL BAR BYA BA NYID KYANG MA YIN NO ZHES DGONGS PA YIN NO, ,GAL TE GOMS PA LAS NOR BU DANG DNGUL LA SOGS PA GSAL BA DE BZHIN DU SKAD CIG GCIG GIS GSAL BAR BYED PA YIN NO SNYAM PA NI DOGS PA LAS ZHES BYA BA'O, ,NOR BU DANG DNGUL LA SOGS PA'I DNGOS PO SNANG BA NI, GOMS PA LAS DE LTAR GSAL BAR 'GYUR RO ZHES RIGS KYI, 'DOGS PA LA SOGS PAR NI MA YIN TE, BTAGS PA YIN PA'I PHYIR ZHES BTAB PA NI 'OG NA NI ZHES BYA BA'O, ,SHES PA DE ZHES BYA BA NI 'DOGS PA'I SHES PA'O, ,GRANGS LA SOGS PA'I RTOGS PA RNAMS KYANG DMIGS PA MED PA NYID DU STON PA'O, ,DE BZHIN DU ZHES BYA BA'O, ,GAL TE GANG GIS DE'I RTOGS PA RNAMS DMIGS PA MED PA NYID DU 'GRUB PA LDAN PA LA SOGS PA RNAMS JI LTAR MED PA YIN SNYAM NA DE SKAD DU YANG ZHES BYA BA'O, ,DE'I PHYIR SPYI LA SOGS PA LAS DON BYA BA YOD PA MA YIN TE, DES NA MTSAN NYID HA CANG KHYAB PA'I NYES PA MED DO, ,DE'I PHYIR DON BYED NUS PA NI RANG GI MTSAN NYID DO ZHES BYA BA 'DI GNAS PA YIN NO, ,DA NI DON ZHES BYA BA'I KHYAD PAR DANG BRAL BA'I NUS PA MED PA SPYI'I MTSAN NYID HA CANG KHYAB PA YIN TE, DON MED PA LA YOD PA'I PHYIR RO ZHES DOGS PA BSU BA NI GAL TE ZHES BYA BA'O, ,DON NYID NUS PA'I RANG BZHIN DU SNANG BA NI RANG GI MTSAN NYID YIN LA, NUS PA MED PA'I RANG BZHIN DU SNANG BA NI SPYI YIN NO ZHES KHYAD PAR DU BYED PAS NYES PA MED DO ZHES BRJOD PA NI, SKRA SHAD LA SOGS ZHES BYA BA'O, ,RAB RIB CAN GYIS MTHONG BA'O, ,'DI DON GYI MTSAN NYID NI MA YIN GYI, 'ON KYANG THA DAD PA'I MTSAN NYID YIN NO ZHES BYA BA'I DON TO, ,GAL TE 'DI NI DON GYI THA DAD PA'I MTSAN NYID YIN PA'I PHYIR NA DNGOS PO MED PA LA MI 'GYUR TE, DON MA YIN PA'I PHYIR RO ZHES DOGS PA BSU BA NAS BSHAD PA NI SHES BYAR GSUNGS SO, ,MED PA YANG SHES BYA NYID YIN TE, GZHAN YOD PA'I MTSAN NYID YIN PA'I PHYIR RO, ,YANG NA TSAD MAS YONGS SU BCAD PA NYID YIN LA, DOGS PA MED PAR 'GRO BA'I DON YIN PA'I PHYIR DON KYANG YIN NO, ,DES NA DON MED PAR MNGON PAR ZHEN PA YIN PA'I PHYIR NA DON

, ,MA YIN NO ZHES BYA BA NI NYES PA MED DO, ,GAL TE SKRA LA SOGS PA SPYI MA YIN NA 'O NA DE DAG SPYI YIN SNYAM NA SPYI'I RANG BZHIN BSHAD PA NI, DON NYID CES GSUNGS SO, ,RANG GI MTSAN NYID KYI BDAG NYID JI LTAR SPYI YIN SNYAM NA, SPYI'I RANG BZHIN DU RTOGS PA NA ZHES SBYAR RO, ,GAL TE DON YIN NA, JI LTAR MED PA'I DON GYI RANG BZHIN DU SMRA ZHES BYA BA'I DOGS PA BSU BA NI, GAL TE 'DI ZHES BYA BA'O, ,NUS PA MED PAR SNANG BA NYID BSHAD PA NI DNGOS SU ZHES BYA BA'O, ,SHES PA'I MTSAN NYID KYI DON BYED PA DNGOS SU MI NUS PA DE NI SPYI DANG NUS MED NYID CES SBYAR RO, ,DON NYID BRJOD PA NI BRGYUD PA YIS NI ZHES BYA BA'O, ,BRGYUD PAS NUS PA GANG YIN PA DE NI DON DANG NUS PA ZHES BRJOD PA YIN NO ZHES SBYAR RO, ,GAL TE PHYI ROL GYI DON DE LTA YIN MOD, RNAM PAR RTOG PA LA SNANG BA'I SPYI'I JI LTAR DON DU BRJOD SNYAM NA SPYI'I ZHES GSUNGS SO, ,'DI NI ZHES BYA BA NI RNAM PAR RTOG PA LA SNANG BA'I SPYI'O, ,NYE BAR 'DOGS PA'I RGYU MTSAN BRJOD PA NI BRGYUD NAS ZHES BYA BA'O, ,NUS PA'I RANG BZHIN DU SNANG BA'I DON DE 'BRAS BU GA LA YOD PA DE'I DNGOS PO NYID YIN PA'I PHYIR RO, ,YANG NA DON GYI 'BRAS BU NYID YIN PA'I PHYIR RO, ,DGOS PA NI LKOG TU GYUR PA'I DON RTOGS PA LA THABS GZHAN MED PAR BSTAN PA'I CHED DU'O, ,GAL TE RNAM PAR RTOG PA RNAM PA'I SPYI'I DON GYIS BYAS PA'AM, DON GYIS 'BRAS BU CAN YIN NA 'O NA JI LTAR ZHES BYA BA'O, ,'ON TE 'DI YANG DON KYANG BYAS PA'AM DE'I 'BRAS BU YIN NA DE JI LTAR SPYI MA YIN PA SNYAM NA, CHU KLUNG GI ZHES SMRAS SO, , GANG GI PHYIR CHU KLUNG GI 'GRAM NA ZHES BYA BA LA SOGS PA'I NGAG GI YUL RNAM PAR RTOG PA'I RNAM PA GANG YIN PA DE NI BRGYUD PAS KYANG DON BYA BA MA YIN TE, DES NA 'DI NI SPYI MA YIN NO ZHES BYA BA'I DON TO, ,'DI NI NGED KYI 'DOD PA NYID YIN NO ZHES LAN 'DEBS PA NI DE SPYI MED MOD CES BYA BA'O, ,GAL TE SGRA SPYI'I YUL CAN YIN YANG TSAD MAR MI 'GYUR BA CI STE SNYAM NA, 'DI LTAR ZHES GSUNGS SO, ,DE'I TSE ZHES KHONG NAS PHYUNG LA SGRA TSAD MAR 'GYUR RO ZHES SBYAR RO, ,SGRA SPYI'I YUL CAN YIN NA NI TSAD MA MA YIN PAR MI 'GYUR RO ZHES BYA BA'I DON TO, ,GAL TE SGRA'I YUL SPYI MA YIN NI 'O NA JI LTAR ZHES

BYA BA'O, ,BRJOD CES BYA BA NI, SGRA YI YUL DANG YUL YIN PHYIR, ,ZHES BYA BA 'DIS SO, ,GZHAN GYI DON GYI RJES SU DPAG PA'I BDAG NYID CAN SGRA 'GA' ZHIG GI YUL NI SPYI YIN TE, DON GYI 'BRAS BU YOD PA'I PHYIR RO, ,THAMS CAD KYI NI MA YIN TE DE MED PA'I PHYIR RO ZHES LAN BRJOD PA NI, SPYI KHO NA ZHES BYA BA'O, ,GAL TE SGRA'I YUL YANG 'GA' ZHIG SPYI MA YIN NA, 'O NA JI LTAR YUL NYID DU BSTAN CE NA, SGRA'I YUL NYID KYIS NI RJES SU 'GRO BA RNAM PA NYID MTSON PA YIN NO ZHES GSUNGS SO, ,GANG GIS 'GAL BAR 'GYUR BA SPYI NI MA YIN NO ZHES BYA BAR DOGS PA'O, ,YUL MIN ZHES BYA BA RANG GI MTSAN NYID LA YANG, HA CANG THAL BA SPANG BA'I DON DU DON KHYAD PAR YIN NO ZHES BSHAD PA NI, DE BZHIN DU ZHES BYA BA'O, ,GAL TE RANG GI MTSAN NYID SGRA'I YUL MA YIN PA 'GA' ZHIG RANG GI MTSAN NYID YIN NO ZHES BYA BA 'DI LTAR SNYAM NA 'DI YANG ZHES BYA BA'O, ,TSAD MA'I YUL MA YIN PA YANG SGRA'I YUL MA YIN PA YANG MA YIN PAS, SPYI'AM RANG GI MTSAN NYID MA YIN TE, TSAD MA'I YUL GYI DBYE BAS DE'I DBYE BA BSTAN PA'I SKABS YIN PA'I PHYIR RO ZHES BRJOD PA NI, SGRA'I YUL MA YIN ZHES BYA BA SMOS SO, ,GAL TE TSAD MA MA YIN YANG DE'I YUL RANG GI MTSAN NYID CI STE MA YIN DOGS NA 'DI LTAR ZHES GSUNGS SO, ,DE THA DAD PA NI TSAD MA THA DAD PA'O, ,DE'I PHYIR TSAD MA DE YUL NYID THA DAD PAR RO, ,DES NA ZHES BYA BA NI TSAD MA'I YUL THA DAD PAR BSTAN PAR BYA BA YIN PAS NA'O, , SKRA SHAD LA SOGS PA'I TSAD MA'I YUL MA YIN PA YUL NYID DU STE, SPYI DANG RANG GI MTSAN NYID DU'O, ,PHYED PHYI MA BSHAD PA'I DON DU PHYOGS SNGA MA 'GOD PA NI GAL TE ZHES BYA BA'O, ,DE'I TSE KHONG NAS PHYUNG LA, DNGOS PO MED PA NYID NI ZHES BYA BA LA SOGS PAR SBYAR RO, ,'ON TE DNGOS PO MED PA NI TSAD MA'I YUL MA YIN PA NYID DO SNYAM NA, DE NI ZHES SMOS SO, ,DNGOS PO MED PA SPYI NYID DU YANG BSGRUB PA NI, SPYI'I NGO BO YANG YIN TE ZHES BYA BA'O, ,SHES BYA NYID GSAL BAR BYED PA NI, DNGOS PO MED PA YANG ZHES BYA BA'O, ,'GA' ZHIG GI ZHES

, ,BYA BA NI SA PHYOGS LA SOGS PAS SO, ,'DI NI RANG GI 'DOD PA TZAM YIN NO ZHE NA, BSHAD PA GZHAN GYI DNGOS PO ZHES BYA BA'O, ,GAL TE DE LTAR YANG JI LTAR DON NYID YIN ZHE NA, DE YANG ZHES BYA BA'O, ,BSHAD PA GZHAN GSUNGS PA NI YANG NA ZHES GSUNGS SO, ,GAL TE GANG GIS TSAD MAR GCAD PAR BYA BA NYID 'GYUR BA DE JI LTAR DON NYID YIN SNYAM NA, DGOS PA YOD PA'I PHYIR ZHES GSUNGS SO, ,DE NYID STON PA NI DNGOS PO MED KYANG ZHES BYA BA'O, ,DES NA ZHES BYA BA NI DGOS PA DANG LDAN PAS NA'O, ,DE LA ZHES BYA BA NI DNGOS PO MED PA LA'O, ,GAL TE DON YIN NA JI LTAR DNGOS PO'I THA SNYAD DU MI 'GYUR SNYAM NA RANG GI NGO BOS ZHES GSUNGS SO, ,SKRA SHAD LA SOGS PA YANG DE BZHIN DU 'GYUR RO ZHE NA, SKRA LA SOGS PA NI ZHES GSUNGS SO, ,DON MA YIN PA STE ZHES 'BREL TE, CI'I PHYIR ZHE NA 'KHRUL PA'I ZHES GSUNGS SO, ,GAL TE SGRA LA SOGS PA YANG ZHES BYA BA NI DGOS PA DANG LDAN PA'I PHYIR DON YIN NO ZHES 'BREL TO, ,JI LTAR DE LA DGOS PA YOD SNYAM NA, GANG GI PHYIR ZHES GSUNGS SO, ,'DI LTA BUR GYUR PA ZHES BYA BA NI YUL NGES PA MED PA STE, DES NI SGRUB PAR BYED PA'I RANG BZHIN BRJOD PA YIN NO, ,MI BDEN NO ZHES BYA BA LA SOGS PA NI BSGRUB PAR BYA BA GNYIS BSTAN PA'O, ,DE LA YANG ZHES BYA BA NI DNGOS PO MED PA 'GA' ZHIG TU NI MA ZAD KYI, SKRA SHAD LA SOGS PA YANG NGO, ,DE'I PHYIR ZHES BYA BA NI DGOS PA DANG LDAN PA'I PHYIR RO, ,RTZOD PA SMRA BA NYID KYIS MI BDEN PA NYID DU YONGS SU DAM BCAS PA'I PHYIR DE DAG KYANG SPYI'I RANG BZHIN KHO NA YIN NO ZHES BYA BA'I DOGS PA BSU NAS, DE LTA YIN NA GSAL BAR SNANG BA NYID DU MI 'GYUR RO ZHES BRJOD PA NI CI STE ZHES BYA BA'O, ,DE LTAR ZHES BYA BA NI MI BDEN PAR YONGS SU BCAD PA'O, ,DE LTA NA NI ZHES BYA BA NI SPYI'I RANG BZHIN NYID NA'O, ,GAL TE SKRA SHAD LA SOGS PA DANG SPYIR SHES PA'I YUL YIN NA SNGON PO LA SOGS PA BZHIN DU GSAL BAR SNANG BA JI LTAR ZHES BYA BA'I DON TO, ,GSAL BA YANG SPYI MA YIN NO ZHES BRJOD PA NI, GSAL BAR SNANG BA NYID KYIS ZHES BYA BA'O, ,DES NA SKRA LA SOGS PA'I SHES PA YUL MED PAR MI 'GYUR RO ZHE NA, DE DAG GI YANG ZHES GSUNGS TE

SKRA SHAD LA SOGS PA'I YANG NGO, ,DA LTA'I DNGOS NI MI BDEN PAR YONGS SU BCAD PA'O, ,SPYI'I RANG BZHIN NI BKAG PA MED PA'I PHYIR RO, ,'DIS NI TSAD MA'I YUL NYID DU 'GYUR RO ZHES LAN GYIS THAL BAR BSGRUBS PAS 'DOD PA NYID DO ZHES BSTAN TO, ,GSAL BAR SNANG BA NYID DU MI 'GYUR RO ZHES BYA BA'I RTZOD PA GSAL BA NI SHES PA'I NGO BOS ZHES GSUNGS SO, ,DA NI MI BDEN PA'I YUL CAN SPYI'I RTOGS PA GANG ZHIG YIN SNYAM DU DOGS NA, ,SKRA SOGS ZHES BYA BA GSUNGS SO, ,SKRA SOGS ZHES BYA BA'I RTAGS THOGS SU MA YIN NO ZHES BYA BA 'THOB STE, DE GANG GI YANG DE LTA'I DNGOS ZHES BYA BA'I SKABS YIN PA'I PHYIR RO, ,'DIS NI RANG GI MTSAN NYID PAS ZHES BYA BA'I MTHAR THUG PA'I RTZOD PA BSAL BA YIN NO, ,'O NA DON MED GANG YIN SNYAM NA SKRAR SNANG ZHES GSUNGS SO, ,PHYI'I DON GYI DON MED PA YIN NO, ,SHES PA GANG ZHIG SKRA SHAD KYI RANG BZHIN DU SNANG BA DE NI; PHYI ROL GYI YUL CAN NYID DU KHAS BLANGS BA MED PAS NA, GNOD BYED KYI TSAD MA'I YUL YIN NO ZHES BYA BA'I DON TO, ,SKRAR SNANG BA RANG GI NGO BOS 'GOG PA MA YIN NO ZHES BSHAD PA NI, GAL TE ZHES BYA BA'O, ,SKRA SHAD LA SOGS PA NI YOD PA DANG, MED PA DAG GIS SPYI'I RANG BZHIN DU SNANG BA DE NI, PHYI ROL NYID KYI SGO NAS BRJOD PA NI MI BDEN PAS ZHES BYA BA'I DON GCIG YIN ZHE NA ZHES BYA BA'O, ,DES ZHES BYA BA NI SHES PA GZHAN NAM, SKYES BU GZHAN DES DMIGS PAR RUNG BA NYID MED PAR YONGS SU BCAD PAS SKRA LA SOGS PA DNGOS PO MED PAR NI DGAG PA LA LTOS NAS GZHAL BYA NYID YIN TE, SA PHYOGS BZHIN NO, ,GANG ZHIG YUL NGES PA MED PA DE NI MI BDEN PA YIN NO, ,DPER NA SNGON MTHONG BA'I SKRA SHAD LA SOGS PA BZHIN NO, ,SKRA SHAD LA SOGS PA 'DI YANG YUL MA NGES PA YIN NO ZHES BYA BA NI RANG BZHIN MI DMIGS PA STE, YUL MA NGES PAR DMIGS PA NI YOD PA NYID MI DMIGS PA'I RANG BZHIN YIN PA'I PHYIR RO, ,SKRA SHAD LA SOGS PA MED PA SPYI'I RANG BZHIN DU BSHAD NAS YOD PA'I SGO NAS KYANG BRJOD PA NI YANG GANG GI TSE ZHES BYA BA'O, ,GANG ZHIG 'DI LTA BUR GYUR PA DE'I TSE SKRA GZHAN DANG 'DRA BA YIN TE, DPER NA SNGON MTHONG BA'I SKRA NI TSOGS RNAM

, ,PA DE LTA BU GZHAN DANG 'DRA BZHIN NO, ,'DI YANG 'DI LTA BUR GZHAN DANG 'DRA BZHIN NO, ,'DI YANG 'DI LTA BUR GYUR PA YIN NO ZHES BYA BA NI RANG BZHIN GYI GTAN TSIGS SO, ,GAL TE SPYI'I RANG BZHIN NYID YIN NA 'O NA JI LTAR ZHES BYA BA'O, ,SHES PA'I RANG BZHIN GYI ZHES BYA BA NI RTZA BA LAS 'DEBS PA'O, ,'DIR GZHAN GYI DE LTA NA NI ZHES SMRAS SO, ,DE LTA NA YANG SPYI MA YIN NO SNYAM DU BSAMS PAS SO, ,LAN NI 'GYUR PA KHO NA ZHES BYA BA'O, ,GAL TE MNGON SUM GYI YUL NYID YIN NA JI LTAR SPYI'I RANG BZHIN NYID YIN ZHES BYA BA NI DRI BA'O, ,LAN NI RNAM PAR RTOG PA'I ZHES BYA BA STE MNGON SUM RJES LAS BYUNG BA'O, ,SNGAR GYI RJES SU DPAG PA LA LTOS NAS SPYI'I RANG BZHIN DU BRJOD PA YIN LA, DE LTA NI NGON SUM GYI RJES LAS BYUNG BA'I RNAM PAR RTOG PA'I SHES PA LA LTOS NAS YIN NO, ,RNAM PAR RTOG PA'I YUL DE NYID BRJOD PA NI 'DI LTAR ZHES BYA BA'O, ,RNAM PAR RTOG PA MED PAS YONGS SU BCAD PA NYID DU CI'I PHYIR MI 'DOD SNYAM NA, SNGA MA DANG PHYI MA'I RANG BZHIN LAS ZHES GSUNGS SO, ,DES NI SNGA MA DANG PHYI MAS SO, ,GAL TE SKRA LA SOGS PA ZHES BYA BA'I BLO SPYI'I YUL CAN YIN NA, DE YUL MED PA GANG YIN ZHE NA, BRJOD PA NI 'O NA ZHES BYA BA'O, , DBANG PO'I SHES PA ZHES BYA BA NI DE'I RJES SU 'GRO BA DANG LDOG PA'I RJES SU BYED PA'I PHYIR RO, ,DON MED PA ZHES BYA BA NI, PHYI'I DON MED PA'I PHYIR RO, ,GAL TE MNGON SUM YIN NA JI LTAR DON MED PA YIN SNYAM DU DOGS NA, BSAMS PA NI ZHES GSUNGS SO, ,RJES SU DPAG PA ZHES BYA BA NI, MNGON SUM LAS PHYIS 'JAL BA'O, ,RANG RIG PA DBANG PO LA BRTEN NAS SKYE BA'I PHYIR NA, DE'I SHES PA LAS GZHAN PA'I RANG RIG PA MED DO SNYAM DU DOGS PA BSU BA NI, DE NYID CES BYA BA'O, ,DON LA DE NI ZHES BYA BA NI LAN NO, ,DE MED PAR YANG NI DNGOS PO MED PAR YANG NGO, ,GANG GI PHYIR GSAL BAR SNANG BA DANG, CIG SHOS KYI RNAM PAR DBYE BA NI, PHYI ROL LA LTOS PA KHO NA YIN GYI, RANG RIG PA MA YIN PA'I GTAN TSIGS DE'I PHYIR MI GSAL BA THAMS CAD CES BYA BA'O, ,GSAL BAR SNANG BA NYID DBANG PO'I RJES SU 'GRO BA DANG, LDOG PA'I RJES SU BYED PA NI MA YIN TE, DE MED KYANG YOD

BA'I PHYIR RO ZHES BRJOD PA NI, RMI LAM GYI ZHES BYA BA'O, ,GANG GI PHYIR DE LTAR GSAL BAR SNANG BA NYID KYIS DBANG PO'I SHES PA NI MA YIN GYI, 'ON KYANG MI 'KHRUL PAS NA DON GYI YUL NYID KYIS YIN PA DES NA DBANG PO ZHES BYA BA'O, ,DE MED NA NI DON LA 'JUG PA MED NA'O, ,GANG GI PHYIR SKRA THOB PA MED PA DE'I PHYIR DON LA LTOS NAS YIN GYI, RANG GI RNAM PA LA LTOS NAS NI MA YIN NO, ,'GAL LO ZHES BYA BA NI SPYI'I RANG GI MTSAN NYID DANG GSAL BAR SNANG BA NYID YONGS SU SPANGS NAS GNAS PA'I PHYIR RO, ,SPYI NI DON NYID YIN PAR THAL BAR 'GYUR TE, DE YANG SHES PA'I RANG BZHIN DU KHAS BLANGS PA'I PHYIR RO ZHE NA DE LTAR 'DOD PHYIR ZHES BYA BA NI SHES PA'I RANG BZHIN GYI DON NYID DANG GSAL BAR SNANG BA NYID DU 'DOD PA'I PHYIR DER THAL BA NI NYES PA MA YIN NO, ,'O NA DE LTAR DE SPYI YIN ZHE NA, DON GYI NGO BO NYID KYIS TE, NGES PAR BRTAG PAR BYA BA NYID KYIS SO, ,SPYI NI RNAM PAR RTOG PA SNANG BA'O, ,GANG GI PHYIR RNAM PA PHYI ROL DU NGES PAR BRTAG PAR BYA BA YIN PA DE'I PHYIR DE'I SPYI YIN NO, ,SHES PA'I RANG BZHIN RANG RIG PA'I YUL NI GSAL BA YIN PAS DE LTAR NI SPYI MA YIN NO, ,SPYI NI DON RNAMS KYI MTSUNGS PA'I NGO BO YIN PAS NA DON LA BRTEN PA NYID DU RTOG PA YIN LA, DE LTAR NI GSAL BA MA YIN NO, ,'DIS NI SHES PA'I RANG BZHIN NYID PHYI'I DON GYI DNGOS POR CI STE MI 'DOD CES BYA BA GSAL BA YIN NO, ,GAL TE SHES PA'I RANG BZHIN LA NI GSAL BA NYID YOD PA MA YIN NO, ,DES NA CI STE DE LTAR 'DOD CES DOGS NA, SHES PA NI RANG BZHIN NYID KYIS NI ZHES GSUNGS SO, ,'ON TE DE'I GSAL BAR SNANG BA NI, GZHAN 'DRA BA YIN PAS DE MED PA'I PHYIR, DE LTAR JI LTAR 'GYUR SNYAM NA, DE'I GSAL BAR SNANG BA NYID NI ZHES BYA BA'O, ,GAL TE SHES PA'I RANG BZHIN MI GSAL BA NYID DU MI 'THAD NA, 'O NA MI GSAL BAR SNANG BA CI YIN ZHE NA, DON NI ZHES GSUNGS PA'O, ,SPYI'I SHES PA LA'O, ,CI'I PHYIR ZHE NA, GZHAN LA LTOS NAS ZHES BYA BA NI DBANG PO'I RNAM PAR SHES PA LA'O, ,SHES PA'I RNAM PA LA NI DE LTAR MI 'GYUR RO ZHES BRJOD PA NI SHES PA'I RNAM PAR NI ZHES BYA BA'O, ,DE'I PHYIR ZHES BYA BA GZHAN MED PA'I PHYIR RO, ,'ON TE SPYI'I SHES PA LA DON GYI RNAM PA THAMS CAD KYANG SNANG BA YIN TE, DES NA JI LTAR

, ,DMIGS PA SNYAM DU DOGS NA, DON GYI RANG BZHIN NO ZHES BYA BA BLO RANG BZHIN NI DBANG PO'I RNAM PAR SHES PA LA SNANG BA BZHIN NO, ,GZHAN ZHES BYA BA NI, SPYI'I SHES PA LA SNANG BA'I RANG BZHIN LAS SO, ,DE MI SNANG BAR ZHES BYA BA NI, RANG BZHIN MI SNANG BA'O, ,GAL TE SHES PA'I RANG BZHIN GYIS RANG GI MTSAN NYID YIN NA, 'O NA JI LTAR SHES PA'I RANG BZHIN DE'O, ,NGO BO NYID KYIS ZHES BYA BA NI LAN NO, ,'DI NYID RANG GI TSIG GIS 'CHAD PA NI, DPYAD PAS NA ZHES BYA BA'O, ,DE NYID KYIS NI GNYI GA YANG 'GRUB PO ZHES BRJOD PA NI, DON DU NGES PAR ZHES BYA BA'O, ,GAL TE DE LA DON SNANG BA'I PHYIR, JI LTAR GNYI GA'I RANG BZHIN YIN ZHE NA, DE YANG ZHES GSUNGS SO, ,SPYI'I SHES PA LA'O, ,GAL TE DON DU NGES PAR BRTAGS PA YIN YANG 'DI CI'I RNAM PAR JI LTAR 'GYUR SNYAM DU DOGS PA BSU NAS 'DI LTAR ZHES GSUNGS SO, ,RTZVA LAS BYUNG BA DANG LO MA LAS BYUNG BA LA SOGS PA THAMS CAD LA ME ME ZHES RNAM PAR RTOG PA'I RNAM PA LA SGRO BTAGS PA DE DAG GIS MTSUNGS PA NYID DU, LHAG PAR ZHEN PA DE'I SPYI'I RNAM PA NYID YIN NO, ,SGRUB PA'I RANG BZHIN SPYI'I RNAM PA BRJOD NAS, LDOG PA'I RANG BZHIN BSTAN PA'I PHYIR BSHAD PA, DON DE DAG GI RIGS MI MTHUN PA LAS LDOG PA GANG YIN PA DE LA BRTEN PA'O, ,SHES PA'I BRTEN PA NI RNAM PA GNYIS TE, DE LAS SKYES PA DANG DE LA 'JUG PA'O, ,DES NA LDOG PA DANG 'BREL PA'I PHYIR DANG LDOG PA'I RANG BZHIN NYID KYIS SPYI'I RNAM PA YIN NO, ,RNO BA DANG ZHES BYA BA NI RNAM PAR 'BREL PA'O, ,TZANDAN LA SOGS PA SENG GE'I LA SOGS PA GANG LA YOD PA DE LA MIG SHES PA NGO BO MTSUNGS PA NYID DO, ,JI LTAR NGO BO MTSUNGS PA NYID DU RNAM PAR GZHAG SNYAM NA, SNANG BA DANG ZHES SMOS SO, ,SHES PA'I RANG BZHIN DE THAMS CAD LA THUN MONG GI RANG BZHIN NYID DU RTOGS PA'I PHYIR RO, ,DE MA BZUNG NA JI LTAR DE THAMS CAD KYI YUL CAN DU JI LTAR BRJOD SNYAM NA, GCIG NYID DU LHAG PAR ZHEN PAS ZHES GSUNGS SO, ,'DI NYID JI LTAR SNYAM NA SNANG BA DANG ZHES BYA BA'O, ,GAL TE SHES PA'I RANG LA DON DU LHAG PAR ZHEN KYANG SPYI JI LTAR YIN TE, GZHAN GYIS KHAS BLANGS PA'I SPYI'I MTSAN NYID MED PA'I PHYIR RO SNYAM NA, DES BRJOD

PA'I SPYI'I MTSAN NYID NI 'DI KHO NA LA YOD PA YIN NO ZHES BSHAD PA NI 'DI LTAR ZHES BYA BA'O, ,'DI LAS CI ZHIG 'GRUB PAR 'GYUR SNYAM NA, DE 'ANG SHES PA'I RNAM PA NYID CES BYA BA SMOS TE, MTSUNGS PA RNAMS KYI NGO BO SPYI DE'O, ,JI LTAR DE GSAL BA RNAMS KYI YIN SNYAM NA, GSAL BA'I NGO BOR ZHES SMOS TE; SPYI'I RNAM PA CAN DU GYUR PA'I SHES PA'I RNAM PA KHYAD PAR CAN NI SPYI'I NGO BO YIN TE ZHES 'BREL TO, ,GAL TE RNAM PA'I KHYAD PAR SHES PA NI BDAG NYID YIN PAS NA, 'DI SPYI'I RNAM PA JI LTAR YIN ZHE NA, KHRA BO LA SOGS PA ZHES SMOS SO, ,DE DE LA GNAS PA NYID JI LTAR YIN ZHE NA, KUN RDZOB TU LHAG PAR ZHEN PA GANG YIN PA DES SO, ,GAL TE DER LHAG PAR ZHEN PA'I RGYU MTSAN NYID CI YIN SNYAM NA, DE LA ZHES SMOS TE DON LA'O, ,DE LAS NI DON LAS SO, ,DNGOS SU SKYES NAS RNAM PAR RTOG PAR 'GYUR RO SNYAM NA BAG CHAGS KYI ZHES GSUNGS SO, ,DE LTAR SNANG BA DANG RNAM PAR BRTAG PAR BYA BA GCIG TU BYAS NAS SGRUB PA'I RANG BZHIN NYID SPYIR BRJOD PA YIN NO, ,LDOG PA'I RANG BZHIN GYI SPYI STON PA NI DE NI ZHES BYA BA'O, ,SHES PA'I RNAM PA DE NI'O, ,GAL TE DON GYI RANG BZHIN LA MA REG PA'I PHYIR NA JI LTAR DE DANG DE DAG GI LDOG PA LA BRTEN NAS SKYE SNYAM NA, DE NI BRGYUD PAS ZHES GSUNGS SO, ,DE LA SKYE BA'I MTSAN NYID BRTEN PAR BSHAD NAS, DE LA 'JUG PA BSHAD PA NI, LDOG PA'I DON RNAMS LA ZHES GSUNGS SO, ,'JUG PAR BYED PA'I PHYIR RO ZHES BYA BA NI DE NI LHAG PAR ZHEN PA LAS SPYI'I RANG BZHIN NO ZHES BYA BAR 'BREL TO, ,GAL TE PHYOGS 'DI LA JI LTAR LDOG PA CI YIN SNYAM NA LDOG PA NYID NI ZHES GSUNGS SO; ,GAL TE DE LTA NA YANG RNAM PAR RTOG PA'I RNAM PA LDOG PA'I RANG BZHIN GYI SPYIR JI LTAR 'GYUR ZHE NA, LDOG PA DANG 'BREL PAS ZHES GSUNGS TE, RANG BZHIN GNYIS KYIS SO, ,LDOG PAS BSKYED PA'I RNAM PA NI LDOG PA NYID DU NGES PA YIN TE, DES NA LDOG PA'I BDAG NYID CES BYA'O, ,GAL TE SHES PA NYID RANG BZHIN DE GSAL BA LAS SKYE BA DANG, GSAL BA'I RANG BZHIN DU LHAG PAR ZHEN PA YIN NA KHYAD PAR MTSON PA MED PA'I GSAL BA NYID SPYIR 'GYUR GYI, SHES PA'I RANG BZHIN GZHAN NI MA YIN NO ZHES BRJOD PA NI, JI LTAR RNAM PA SPYI YIN ZHES BYA BA YIN NO, ,JI LTAR KHAS BLANG BAR BYA

, ,SNYAM NA, MTSON ZIN PA SHES PA'I RNAM PA'AM, SPYIS MTSON PA NYID DES SO, ,RNAM PA TZAM GYIS MTHAR THUG PAS NI KHAS BLANG BAR BYA BA MA YIN NO ZHES 'BREL TO, ,CI'I PHYIR ZHE NA, 'JUG PAR BYED PA NYID MA YIN PAR ZHES SMRAS SO, ,'O NA CI TZAM GYIS MTHAR THUG PA YIN NA; NYES PA LA BRTEN PA YIN NO SNYAM NA, SPYI 'BA' ZHIG CES SMRAS SO, ,RNAM PA BZHIN DU LCE YANG DON BYED PA DANG BRAL BA'I PHYIR RO ZHES BSAMS PA'O, ,GANG GI PHYIR DE LTAR DE'I MTHAR THUG PA MA YIN PA DE'I PHYIR SHES PA'I RANG BZHIN GYI DON SPYI GANG LA YOD PA DER SMRA BA RNAMS KYI'O, ,SHES PA'I RANG BZHIN DU SMRA BA NI SANGS RGYAS PA YIN LA, DON GYI RANG BZHIN DU SMRA BA NI RIGS PA CAN LA SOGS PA YIN PA'I PHYIR RO, ,SPYI 'BA' ZHIG TU MA ZAD KYI SHES PA'I RNAM PA DE LAS KYANG NGO, ,'ON TE PHYIS GSAL BA RJES SU DPOG PA DE NA DE YUL MA YIN NA SNYAM NA, DE LA PHYIS KYANG ZHES SMRAS TE, SHES PA'I RNAM PA 'BA' ZHIG TU NI MA ZAD KYI, RIGS PA CAN LA SOGS PAS 'DOD PA'I SPYIS KYANG NGO, ,DE GANG LA SNYAM NA DE LA YANG ZHES SMOS TE, RJES SU DPAG PA LA YANG NGO, ,'DI NI KHAS BLANGS NAS BRJOD PAR ZAD KYI, 'DI NI YOD PA YANG MA YIN NO ZHES GSUNGS PA NI, SPYI BRGYUD PA ZHES SMRAS SO, ,CI STE BRGYUD PA MA YIN SNYAM NA, THUG PA MED PA'I NYES PA BRJOD PA NI SPYI LAS ZHES BYA BA'O, ,GANG GI PHYIR SPYI DANG SHES PA'I RNAM PA DAG LAS GSAL BA RJES SU DPOG PA NI 'THAD PA DE'I PHYIR MTHAR YANG ZHES BYA BA'O, ,GAL TE RJES SU DPAG PA GSAL BA'I YUL CAN NYID DU SANGS RGYAS PAS KYANG KHAS BLANGS PA NYID MA YIN NAM DES NA JI LTAR DE YANG MA YIN NO ZHES SPONG SNYAM NA, BDEN TE 'ON KYANG KUN RDZOB TU DE'I YUL CAN NYID BRJOD PA GANG YIN PA DE NI 'DIS SPONG BA MA YIN GYI, 'ON KYANG DNGOS PO'I 'JUG PA GZHAN GYIS KHAS BLANGS PAS TE SPONG BA YIN TE, 'DI GANG LAS SNYAM NA, 'DI LTAR SHES PA'I RANG BZHIN DNGOS MIN DE BYED PAR BZUNG BA'I RANG BZHIN MA YIN NO, ,CI'I PHYIR ZHE NA, BRJOD BYA NYID PHYIR TE DON DANG DBANG PO LA SOGS PA MED KYANG, SGRA LAS BYUNG BA LA SNANG BA'I PHYIR RO, ,DBANG PO LA SOGS PA MED KYANG SGRA LAS BYUNG BA NI DNGOS PO NYID YIN NO SNYAM NA, DE'I TSE DBANG PO'I

TSOGS 'BRAS BU DANG BCAS PAR MI 'GYUR RO, ,DE BZHIN DU SGRA THOS PA NA NGO BO NYID KYI DON GO BAR 'GYUR GYI, BRDAR BYAS PA NI MA YIN NO, ,DES NA RTOGS PA NI CI YANG MA YIN NO, ,GAL TE NYES PA 'DI BDAG CAG LA NI MED DE DNGOS PO'I RANG BZHIN MI BRJOD PA'I PHYIR RO, ,SGRA NI SGRA'I GZUGS BRNYAN ZHES BYA BA'I MING LA 'JUG PA YIN NO, ,MING NI MTSAN MA LA DES NI DON GO BAR BYED PA YIN NO SNYAM DU DOGS PA BSU BA NI MING SOGS ZHES SMOS SO, ,SOGS PA'I SGRAS NI DON GYI GZUGS BRNYAN GYI MTSAN MA BRJOD PA YIN NO, ,'DI NI ZAD PAR SGOM PA LA SOGS PAR GSAL BA YIN NO, ,GAL TE DON BRJOD BYA BA MA YIN GYI, 'ON KYANG MING DANG MTSAN MA YIN NA, DE'I TSE DON LA MI 'JUG PA NYID DU MI 'GYUR RO, ,BUM PA BRJOD PA NA SNAM BU LA 'JUG PA NI MA YIN NO, ,'ON TE DE DANG 'BREL PA CAN BRJOD NA DER MI 'JUG PA JI LTAR ZHE NA, 'BREL PA DANG MA 'BREL PA BRJOD NA NYES PA SO NA 'DUG GO ZHES BRJOD PA NI, 'CHAD PA PO DANG NYAN PA PO, ,ZHES GSUNGS SO, ,'BREL PA MED PA CAN ZHES BYA BA NI GSUM KA DANG MA 'BREL PA'O, ,BRJOD BYA YIN PAR RTOGS KYANG DON DE MA RTOGS NA MI 'JUG PAR 'GYUR RO ZHES BYA BA'I DON TO, ,GZUGS LA SOGS PA NYID NI SPYI MA YIN TE, DNGOS PO MA YIN NO, ,CI'I PHYIR ZHE NA; SPYI'I SHES PA RTOGS PA STE, BRJOD BYA YIN PA'I PHYIR RO ZHES BYA BA'O, ,BRJOD BYA YIN YANG DNGOS PO MA YIN PAR JI LTAR 'GYUR ZHE NA, GZUGS LA SOGS PAS ZHES GSUNGS SO, ,GAL TE ZHES BYA BA NI RNAM PAR RTOG PA GNYIS PA SEL BA'O, ,GSAL BA ZHES BYA BA GZUGS LA SOGS PA'I GSAL BA'O, ,DE YANG ZHES BYA BA NI DBANG PO LAS BYUNG BA'I BDE BA DANG, BZLOG PA BRJOD PA NI DE LTAR NI MA YIN NO ZHES BYA BA STE, 'BRAS BU MED PA'O, ,DE'I PHYIR ZHES BYA BA NI 'BRAS BU DANG BCAS PA'I PHYIR RO, ,DES NA ZHES BYA BA NI GSAL BA'I RANG BZHIN MA RTOGS PAS SO,, ,'DIS NI PHYOGS DANG PO YANG GSAL BA YIN NO, ,MING SOGS PA ZHES BYA BA BSHAD PA'I PHYIR PHYOGS SNGA MA 'GOD PA NI DE LTA NA NI 'O NA ZHES BYA BA'O, ,MI LDAN PA NI MING DANG MTSAN MA'I MTSAN NYID DO, ,'BREL MED CES BYA BA NI GSUM KA DANG MA 'BREL PA'O, ,DE LA MING LA SOGS PA MA 'BREL PA DANG

, ,DON DANG 'BREL PA LA NI 'BREL PA MED NA YANG 'JUG PA MI 'JUG PAR 'GYUR RO ZHES BYA BA LA SOGS PAS SUN 'BYIN PAR BRJOD PAR MI 'GYUR RO, ,'CHAD PA PO DANG NYAN PA PO 'BREL PA LA BRJOD PA NI 'CHAD BA PO LA SOGS PA DANG ZHES BYA BA'O, ,'ON TE MA RTOGS PA LA YANG 'JUG PA SKYON CI YOD SNYAM NA, MA RTOGS PA LA YANG ZHES BYA BA'O, ,GANG LA 'JUG PA DE RTOGS PA DON MED PAR THAL BA'I PHYIR NI MA RTOGS PA LA 'JUG PA 'DI NI, RIGS PA MA YIN NO, ,TZI TRA AANG+GA DANG, SNA TSOGS BRTZON 'GRUS GNYIS LAS GCIG BRJOD PAS GZHAN LA 'JUG PA DER NI 'KHRUL PA YIN TE, 'KHRUL PAS 'JUG PA'I RGYU YIN GYI, MTSAN MA DANG DON DAG LAS DE LTAR RTOGS PA 'DIR NI MA 'KHRUL PA YIN NO, GANG LA MA RTOGS PA'I DON LA 'JUG PAR 'GYUR, 'KHRUL NA CI SKYON SNYAM NA 'KHRUL NA ZHES GSUNGS SO, ,DE LTAR GYUR NA ZHES BYA BA NI DMIGS PA MED PA NYID DU 'GYUR NA'O; ,DMIGS PA MED PAR 'GYUR BA'I SKYON SPANGS PA'I DON DU MING DANG MTSAN MA GZHAN DANG GZHAN RTOGS NA NI THUG PA MED DO ZHES BRJOD PA NI DE LA YANG ZHES GSUNGS TE, DMIGS PA MED PA'I NYES PA BKAL BA GANG YIN PA LA'O, ,THUG PA MED PAR 'GYUR RO ZHES BYA BA NI DE LA YANG RANG GI DO BOS BZUNG BA MED PA'I PHYIR MING DANG MTSAN MA GZHAN BRTAG PAR BYA BA YIN LA, DE BZHIN DU YANG GZHAN DANG GZHAN NI BRTAG PAR BYA BA YIN PA'I PHYIR RO, ,DES NA MING DANG MTSAN MAR SNANG BA'I RTOGS PA NI 'KHRUL PA MA YIN PA DES NA JI LTAR DES DON LA 'JUG PAR 'GYUR, DPE YANG BSGRUB BYA'I PHYOGS SU BSLAN PA NA DE'I STOBS KYIS KYANG 'DI 'GRUB PA MA YIN NO ZHES GSUNGS PA NI DE'I PHYIR ZHES BYA BA'O, ,YUL DU 'GYUR BA'I MTSAN MA DAG LA GCIG BRJOD PA 'KHRUL PAS GZHAN RTOGS PA LA NI MING LA SOGS PA NYID SNANG BA YIN GYI DON SNANG BA NI MA YIN TE, DBANG PO'I TSOGS 'BRAS BU MED PAR THAL BA'I PHYIR RO, ,MA GRUB PA NYID BRJOD PA NI DE YANG ZHES BYA BA STE DPE LA'O, ,DE RTOGS PA NYID KYIS NI MING LA SOGS BA RTOGS PA NYID KYIS SO, ,DE LTAR NA RE ZHIG DON LA MI 'JUG PA YIN NO ZHES BSHAD PA YIN NO, ,KHAS BLANGS NAS KYANG SUN 'BYIN PA BRJOD PA NI, GAL TE DON LA ZHES BYA BA'O, ,SKRA

LAS MI RTOGS PA NI DON GYI GZUGS BRNYAN YIN PA'I PHYIR DON DU 'KHRUL PAR 'GYUR ZHING DE LAS NI DON LA 'JUG PA YIN NO, ,DE BZHIN ZAD PAR BSGOMS PA LA SOGS PAR MTSAN MA RTOGS PA NA SA'O ZHES LHAG PAR ZHEN PA LAS 'JUG PA YIN NO ZHES BYA BA'I DON TO, ,DUS KUN DU 'KHRUG PA LAS 'JUG PAR MI 'GYUR RO, ,GANG MING LA 'JUG PAR MTHONG BAS 'JUG PAR MI 'GYUR RO, ,MTHONG NA NI LONG BA DANG LKUGS PAR 'GYUR BAS SKRA'I THA SNYAD NYAMS PAR 'GYUR RO, ,'ON TE THOG MA MED PA'I MA RIG PA'I BAG CHAGS LAS DE LHAG PAR ZHEN PA NYID DE, SHES PA YIN NO ZHES GZHAN GYI LUGS KHAS LEN NO ZHE NA, YUL LA 'KHRUL 'GYUR ZHES GSUNGS SO, ,YUL SMOS PA NI NYE BAR MTSON PA'I PHYIR RANG BZHIN LA 'KHRUL PA YANG BZUNG NGO, ,'KHRUL PAR MI 'DOD KYANG 'KHRUL PAR THAL LO ZHES BYA BA'I DON TO, ,YUL 'KHRUL PA YANG YOD PA YIN LA, DE YANG KHYED KYI LTAR NA MING LA SOGS PA YUL LA MI GNAS PA'I PHYIR NA MI 'GYUR RO ZHES BSHAD PA, LDOG PA'I SGO NAS BSHAD DO, ,RJES SU 'GRO BA'I SGO NAS NI MIN ZHES BYA BA DGAG PA'I SGRA DANG MA 'BREL PA'I PHYIR RO, ,BSHAD PA SNGA MA LTAR YIN NO, ,SHES PA'I RNAM PA YIN NA NI DE BAG CHAGS KYI RGYU LAS BYUNG BA'I 'KHRUL PA NYID YIN NO ZHES BRJOD PA NI SHES PA LA ZHES BYA BA'O; ,CI'I PHYIR ZHE NA, RNAM PA DE 'DRA'I BLO SKYE BA'I PHYIR RO, ,RANG GI RNAM PA LA DON DU LHAG PAR ZHEN PA'I BLO NYID BAG CHAGS LAS BYUNG BA YIN NO ZHES BYA BA'I DON TO, ,MING GI BLO NYID NI DE LTAR 'DZIN PAS 'JUG PA YIN NO ZHES BYA BA MI RIGS TE, KHAS MI LEN PA'I PHYIR RO ZHES BRJOD PA NI GZHAN LA ZHES BYA BA STE, MING DANG MTSAN NYID LTA BA LA'O, ,DE ZHES BYA BA NI RNAM PA DANG BCAS PA'I RNAM PAR SHES PA SMRA BA LA BRJOD PA GANG YIN PA DE MED DO, ,CI'I PHYIR ZHE NA, PHYI ROL GYI DON DU SNANG BA'I BLO KHAS LEN PA MED PA'I PHYIR RO, ,SHES PA PHYI ROL GYI RNAM PA CAN DU KHAS LEN NA YANG, RNAM PAR SHES PA DANG PHYI ROL GYI DON LAS THA DAD PA'I MING NI TSAD CAN MIN TE, TSANG MA YOD PA MA YIN NO, ,DE SKYED PA'I KHYAD PAR MA GRUB PA'I PHYIR LDOG PA'I RJES SU DPAG PA GRUB PA MED PA NYID KYI PHYIR RO, ,'DI NI 'DRA BAR KHAS BLANGS NAS BRJOD PA YIN GYI, GANG GIS DE RTOGS PAS

, ,DE LA 'JUG PAR 'GYUR BA MING NI DON DANG TSUL 'DRA BA YANG MED DO, ,CI'I PHYIR ZHE NA, LUS CAN DANG LUS CAN MA YIN PA ZHES GSUNGS SO, ,LUS CAN DANG LUS CAN MA YIN PA NI DBYIBS CAN DANG DBYIBS CAN MA YIN PA'O, ,DE YOD NA NI 'DRA BA YOD NA'O, ,YUL 'DI NYID DU ZHES BYA BA NI 'KHRUL PA'I RNAM PAR BRJOD PA YIN NO, ,'ON TE MING DANG MTSAN MA DON GYI YUL DANG TSUL 'DRA BA'I PHYIR NA 'KHRUL PA YIN NO SNYAM NA DE DANG ZHES GSUNGS SO, ,DE ZHES BYA BA NI MING DANG MTSAN MA DANG MTSUNGS PA DANG 'JUG PA'I YUL GYI DON GYI YUL DAG NI TSUL 'DRA BA MA YIN NO, , LUS CAN DANG LUS CAN MA YIN PA DAG 'DRA BA MED PA'I PHYIR RO ZHES BRJOD PA'I PHYIR RO, ,TSUL 'DRA BA MED KYANG 'KHRUL BA LAS DE RTOGS PAR DOGS PA BSU BA NI 'ON TE ZHES BYA BA'O, ,DON 'BA' ZHIG TU NI MA ZAD KYI YUL DE YANG NGO, ,DE LTA NA NI ZHES BYA BA NI LAN NO, ,GAL TE YUL MA RTOGS KYANG MA RTOGS PA LAS DE DANG 'BREL BA'I GZUGS LA SOGS PA LA 'JUG PA YIN NO ZHE NA, YUL MED PA'I ZHES GSUNGS SO, ,JI LTAR YUL MED PA'I SEMS DANG SEMS LAS 'BYUNG BA RTOGS PA LAS DE DANG 'BREL BA'I GZUGS LA SOGS PA MI 'JUG PA DE BZHIN DU YUL MED PA'I MING DANG MTSAN MA RTOGS PAS KYANG YIN NO ZHES BYA BA'I DON TO, ,GZHAN MING DANG MTSAN MA LA GZHAN ZHES BYA BA 'JUG PA'I YUL DON GYI RANG BZHIN DU'O, ,CI'I PHYIR DE LTAR MI RTOGS SNYAM NA BUM PA NI ZHES BYA BA'O, ,DON DE'I'O, ,DON NI MING DANG MTSAN MA LA'O, ,'O NA ZHES BYA BA LAN NO, ,GANG LHAG PAR ZHES BYA BA NI SUN 'BYIN PA GZHAN DE MING DANG MTSAN MA GANG NGO, ,GAL TE GZHAN LA LHAG PAR ZHEN PA LAS KYANG 'JUG PA MTHONG BA YIN NO SNYAM PAR DOGS PAR BSU BA NI, NYA PHYIS LA ZHES BYA'O, ,NYA PHYIS KYANG ZHES BYA BA NI LAN NO, ,DES NA ZHES BYA BA NI GANG DU DNGUL DU LHAG PAR ZHEN PA NA'O, ,MING DANG MTSAN MA'I ZHEN PA LAS YANG DE LTAR 'JUG PA YIN NO SNYAM NA MING DANG ZHES GSUNGS SO, ,CI'I PHYIR ZHE NA, YUL YONGS SU 'DZIN NA ZHES GSUNGS SO, ,YUL NI MI GNAS PAR YANG KHAS BLANGS PA YIN ZHES DGONGS PA'O, ,YUL NA MI GNAS PA NYID DU DOGS PA BSU BA NI DE NI ZHES BYA BA'O, ,DON GANG LA YANG DE LTAR 'JUG

PA YIN NO SNYAM NA MING DANG ZHES GSUNGS SO, ,YUL NI MI GNAS PAR YANG KHAS BLANGS PA YIN, MING DANG MTSAN MA'I NI MA YIN NO, ,DES NA YUL NA MI GNAS PA NYID DO, ,DE NI RIGS PA MA YIN TE, RNAM PAR DBYE BA MED PA'I PHYIR RO, ,'DI LTAR DON NI MING DANG MTSAN MA NYID DU DOGS KYI, DON LAS THA DAD PAR RTOGS PA NI MED DO, ,DES NA DON GYI YUL NYID MING DANG MTSAN MA'I YUL YIN PAS YUL LA MI GNAS PA MA YIN NO, ,YUL LA MI GNAS PA DES GNAS PA'I DOGS PA BSU BA NI NYA PHYIS KYI ZHES BYA BA'O, ,DE BZHIN DU NI DNGUL BZHIN DU'O, ,'DIR YANG NI MING DANG MTSAN MA LA'O, ,YUL MED BA YIN NO SNYAM DU DOGS PA BSU NAS SNGAR NI LHAG PAR ZHEN PAR BYAS PA'I DNGUL SKRA SHAD BZHIN YUL DER MNGON SUM GYIS GZUNG BA'I PHYIR YUL DANG BCAS PAR BRJOD PA YIN LA, DA NI BTANG SNYOMS SU GZHAG NAS DE MED PA'I PHYIR NA, ,YUL MED KYANG MING DANG MTSAN MA'I DE LTA MA YIN NO ZHES BSTAN PA'I PHYIR RO, ,'GOG PA NI MA YIN TE ZHES BYA BA'O, ,CI'I PHYIR ZHE NA, LHAG PAR ZHEN PAR BYAS PA'I DNGUL NI PHYI ROL NA MED PA'I PHYIR YUL MED PA YIN GYI ZHES BYA BA'O, ,YUL MED PA'I PHYIR 'DON PA NI MA YIN NO, ,DON LA YANG DNGUL GYI YUL MED PA YIN NO ZHES 'BREL PAR BYA BA'O, , CI'I PHYIR ZHE NA, SPYOD PA'I YUL MED PA'I PHYIR NA'O ZHES BYA BA NI KHYAB PA BRJOD PA'I TSIG GO, ,DES NA GANG MED PA DE NI YUL MED PA YIN TE, DPER NA SKRA SHAD LA SOGS PA BZHIN NO, ,LHAG PAR ZHEN PAR BYAS PA'I DNGUL YANG MED PA YIN NO ZHES BYA BA NI TSAD MA 'DOD DO, ,MING DANG MTSAN MA DON LAS LHAG PAR ZHEN PAR BYAS PA NI YUL MED PA MA YIN TE, YOD PA'I PHYIR RO, ,'DI NI LHAG PAR MED PA DE NI YUL MED PA YIN TE, DPER NA SKRA SHAD LA SOGS PA 'DI NI 'THAD PA MA YIN NO ZHES GSUNGS PA NI DNGUL NI ZHES PA'O, ,GANG GI PHYIR YUL YONGS SU 'DZIN NA YUL NA MI GNAS PAR MI 'GYUR BA DE BAS NA MING DANG MTSAN MA'I YUL 'DZIN PA MA YIN NO, ,DE'I PHYIR ZHES BYA BA NI MING DANG MTSAN MA'I YUL MI 'DZIN PA'I PHYIR DANG SGRO 'DOGS PA MI 'THAD PA'I PHYIR RO, ,'ON TE YANG MING LA SOGS PA'I 'DZIN PA SGRA'I RTOGS PAS NI NYE BAR BTAGS NAS DON 'DZIN PA YIN NO, ,DES

, ,NA 'JUG PA'I YUL YIN NO SNYAM DU DOGS PA BSU NAS BRAM ZE ZHES GSUNGS SO, ,JI LTAR BRAM ZE'I KHYE'U LA NYE BAR BTAGS PA'I MING RTOGS PAR BYED PA MING BTAGS PAS BZUNG BA DE BZHIN DU DON NI SGRA LAS BYUNG BA'I RTOGS PA 'KHRUL PAS 'DZIN PA NI MA YIN TE, DES NA MING DANG MTSAN MA 'DZIN PA NI NYE BAR BTAGS NAS DON 'DZIN PA YIN NO ZHES BYA BA'I DON TO, ,'ON TE MING DANG MTSAN MA 'DZIN PA YIN YANG SHIN TU GOMS PA'I PHYIR NA DON LA 'KHRUL PA MA YIN NO ZHES DOGS PA NI SHIN TU ZHES BYA BA'O, ,GANG LAS ZHES BYA BA NI LAN NO, ,SHIN TU GOMS PA LAS MA 'KHRUL PA'I RANG BZHIN DU 'GYUR BA NI MA YIN NO, ,CI'I PHYIR ZHE NA, TSAD MA MED PA'I PHYIR RO ZHES GSUNGS SO, ,'DI NYID 'CHAD PA NI TSAD MAS ZHES BYA BA'O, ,DE LTAR ZHES BYA BA NI BSGOM PA'I YUL NYID DU'O, ,GZHAN DU NI ZHES BYA BA NI MA RTOGS PAR RO, ,MING DANG MTSAN MA YANG TSAD MA'I YUL MA YIN PA'I PHYIR NA GOMS PA'I YUL MA YIN NO ZHES DGONGS PA YIN NO, ,THA SNYAD DU GZHAN DU MI 'THAD PA NYID LAS DE SGRUB PA'I TSAD MA GRUB PO ZHES DOGS PA BSU BA NI GZHAN DU NI THA SNYAD CES BYA BA'O, ,MA YIN TE ZHES BYA BA NI LAN NO, ,DE LTA MA YIN NA YANG ZHES BYA BA NI, MING DANG MTSAN MA MED KYANG NGO, ,'CHAD PAR 'GYUR RO ZHES BYA BA NI, JI SRID RANG GI NGO BO LA ZHES BYA BA LA SOGS PAS SO, ,SHES PA LA MTSUNGS MIN ZHES BYA BA DE BSHAD PA'I PHYIR DOGS PA BSU BA NI GANG GIS ZHES BYA BA'O, ,SHES PA LA ZHES BYA BA NI BSHAD PAR BYA BA DGOD PA'O, ,GAL TE MING DANG MTSAN MA BZHIN DU 'DIR YANG SUN 'BYIN PAR MTSUNGS SO ZHE NA, BAG CHAGS KYI STOBS KYIS ZHES BYA BA'O, ,'DI GA LAS SNYAM NA 'DI LTAR ZHES BYA BA'O, ,GZHAN GYIS ZHES BYA BA NI MING DANG MTSAN MAS SO, ,MING DANG MTSAN MA RTOGS PA NI THA SNYAD KYI YAN LAG MA YIN LA RTOGS PA NI SHES PA KHO NA YIN NO ZHES BSTAN BA'I DON DU MING DANG MTSAN MA ZHES BYA BA'O, ,RNAM PAR RTOG PA DANG PO BSAL BA'I DON BRJOD PA NI GAL TE ZHES BYA BA'O, ,MA RTOGS PA NI THA SNYAD KYI YAN LAG NYID MA YIN NO ZHES BYA BA DE TZAM GYIS SUN PHYUNG BA YIN NO SNYAM DU DGONGS PA'O, ,JI LTAR DON NYID DU MA RTOGS SNYAM NA RANG GI NGO BOS ZHES

GSUNGS SO, ,DE MA YIN TE ZHES BYA BA NI MING DANG MTSAN MA MA YIN PA'O, ,GANG GI PHYIR DNGOS PO LA GZHAN GYI RNAM PA NYID DU LHAG PAR ZHEN PA MA YIN PA DE'I PHYIR RO, ,MING DANG MTSAN MA NI ZHES BYA BA NI RNAM PAR RTOG PAS RTOGS PA MI GSAL BA'I RNAM PA CAN NO, ,'DI NI ZHES BYA BA NI RNAM PAR RTOG PA'O, , CI'I PHYIR ZHE NA, DE NA GSUNGS TE RNAM PAR RTOG PAS RTOGS PA'I MING LA SOGS PA LA'O, ,MING DANG MTSAN MA LA YANG ZHES BYA BA NI, ,DON GYI RNAM PA ZHES BYA BA NI RJES SU 'JUG GO, ,CI'I PHYIR ZHE NA, DON GYI RNAM PAR RTOG PAS MI 'THAD PA'I PHYIR TE RANG GI NGO BO TZAM 'DZIN PAR BYED PA YIN PA'I PHYIR RO; ,DON GYI RNAM PA NYID KHAS LEN PA LA YANG SUN 'BYIN PA BRJOD PAR 'GYUR RO, ,SHES PA NYID KYIS ZHES BYA BA NI DON GYI MA YIN LA MING LA SOGS PA'I YANG MA YIN PA'O, ,DES NA ZHES BYA BA NI DE'I PHYIR RO, ,BAR GYI SHA LHAG PA ZHES BYA BA NI RNAM PA MED PA DANG, DE DAG GI BAR NA GNAS ZHES BYA BA'I DON TO, ,GZHAN LA MED MING TE ZHES BYA BA'I RTZA BA BSHAD PAR 'GYUR RO SHES PA DON GYI RNAM PA CAN NYID ZHES BYA BAR NI 'THAD PA YIN TE, RANG RIG PA'I TSAD MAS RTOGS PA'I PHYIR RO ZHES BRJOD BA NI ZHES BYA BA STE, SGRA LAS BYUNG BA'O, ,GANG GIS DBANG PO'I TSOGS 'BRAS BU MED PAR 'GYUR BA DE'I DON GYI RNAM PA NYID NI DNGOS POR 'GYUR BA MA YIN NO, ,'ON KYANG DON LA BRGYUD NAS SKYED PA'I SHES PA NI 'KHRUL PA DON GYI RNAM PA CAN DU 'GYUR RO ZHES BYA BAR RIGS PA YIN TE TSAD MAS GRUB PA'I PHYIR RO, ,MING DANG MTSAN MA YANG DON GYI RNAM PA CAN DU 'GRUB PO SNYAM NA BSHAD PA, RNAM PAR RTOG PAS RTOGS PA'I MING DANG MTSAN MA 'KHRUL PAS NA DON GYI RNAM PA CAN YIN NO ZHES BYA BA 'DI DAG LAS GRUB PA YIN GYI MING DANG MTSAN MA LAS NI DON GYI RNAM PA NYID MA GRUB PO ZHES BYA BA'I DON TO, ,CI'I PHYIR SNYAM DU DOGS NA, BLO NI KHAS LEN MED PHYIR ZHES LAN RTZA BAR GSAL LO, , ,GANG GI RANG BZHIN MYONG MIN PA, ,DE NI DE YI RIG BYED MIN, ,ZHES BYA BA DGOS PA'O, ,RNAM PA MED PA'I PHYOGS LA YANG 'DZIN PAR BYED PA DE NYID KHAS BLANGS NAS RANG NYID LAN 'DEBS PA NI DE DON GYI ZHES BYA BA'O, ,MING DANG MTSAN MA'I TSAD MA NI RNAM PAR RTOG PA'I SHES PA YIN NA DE JI LTAR

, ,GNAS PA'I RANG BZHIN 'DZIN PAR BYED PA YIN NA, JI LTAR DON GYI RNAM PA NYID DU 'DZIN NA, GANG GIS SHES PA'I DON NYID KYIS RNAM PA BZHIN DU 'KHRUL PAR RTOGS PAR 'GYUR, DES NA MING DANG MTSAN MA'I DON GYI RNAM PA CAN YIN PA LA NI TSANG MA CI YANG YOD PA MA YIN NO, , GAL TE DON GYI RNAM PA MING DANG MTSAN MA LAS THA DAD PA YIN NA NI TSAD MA MED PAR 'GYUR GYI, THA DAD PA MA YIN NA NI MI 'GYUR RO ZHES DOGS PA BSU BA NI CI STE ZHES BYA BA'O, ,'O NA NI ZHES BYA BA NI LAN NO, ,RNAM PAR RTOG PAS RTOGS PA DE'I DON DANG LDAN PAR DOGS PA BSU BA NI CI STE ZHES BYA BA'O, ,RNAM PAR RTOG PAS RTOGS PA'I RNAM PA MING DANG MTSAN MA ZHES BYA BA DE NI DON BYA BA BYED PA MA YIN PAS NA'O, ,BAS NA ZHES BYA BA NI DE PHYIR RO, ,DE YANG MI RIGS PA STE ZHES BYA BA NI LAN NO, ,DON BYA BA BYED PA NYID DU SGRO BTAGS PA LAS 'JUG PAR DOGS PA BSU BA NI, LHAG PAR SGRO BTAGS PA LAS ZHES BYA BA'O; ,BSHAD ZIN TO ZHES BYA BA NI RNAM PA DE NI ZHES PA NYID KYIS ZHES BYA BAS SO, ,DE LTA MA YIN PA ZHES PAS NI SHES PA'I RNAM PA LA SGRO BTAGS PAR KHAS LEN NA'O, ,MING DANG MTSAN MA LA DON BYA BA BYED PA SGRO BTAGS PAR 'GYUR LA, DES MING DANG MTSAN MA DE LA YANG MING DANG MTSAN MA GZHAN BTAGS DGOS SO, ,DE BZHIN DU DE LA YANG GZHAN YIN PAS THUG PA MED DO, ,DE BAS NA SHES PA'I RNAM PA NYID LA LHAG PAR SGRO 'DOGS PAR 'THAD PA YIN NO, ,KHAS LEN NA YANG TSAD CAN MIN, ,ZHES BYA BA 'CHAD PA NI, DE LA YANG ZHES BYA BA MING DANG MTSAN MAR SNANG BA LA YANG SHES PA'I RNAM PA LA PHYI ROL DU 'KHRUL PA BZHIN DU 'KHRUL PA NYID DU 'DOD NA NI MING DANG MTSAN MA CUNG ZAD KYANG MED PAR 'GYUR RO, ,'KHRUL PA'I SHES PA NYID LA DE 'GRUB PO ZHE NA, BSHAD PA 'KHRUL PA'I SHES PAS BYA BA'O, ,LHAG MA BSHAD PA'I PHYIR DOGS PA BSU BA NI, RNAM PA DE NYID CES BYA STE, SNGON PO LA SOGS PA'I RNAM PA MI GSAL BA'O, ,DON NI MING DANG MTSAN MA'O, ,MA YIN TE ZHES BYA BA LA SOGS PA NI LAN NO, ,GAL TE DE LTA NA SHES PA'I RNAM PA BZHIN DU MING DANG MTSAN MA LA SGRO BTAGS PA YANG DON LA 'JUG PAR BYED PA NYID YIN NO SNYAM DU DOGS PA BSU BA NAS SHES PA'I DON GYI RNAM PA CAN DU KHAS LEN

NA NI ZHES GSUNGS SO, ,DON GYI RNAM PA NYID LA SGRO BTAGS PA YIN PAR RIGS TE SHES PA'I BDAG NYID YIN PAS MA MTHONG BA'I PHYIR RO, ,MING DANG MTSAN MA LA NI MA YIN TE, DE'I BDAG NYID MA YIN PAS NA MA MTHONG BA'I PHYIR RO, ,BDAG NYID THAMS CAD KYIS ZHES BYA BA NI DE'I RNAM PAR SHES PA KHA SKONG NGO, ,GAL TE SHES PA THAMS CAD NI RNAM PA MED PA DANG DON DANG LDAN PA YANG YIN NO, ,DE NA RNAM PAR RTOG PA'I RNAM PAR SHES PA YANG DON KHO NA LTAR KHAS BLANG PAR BYA BA YIN NO, ,DES RNAM PA DE LTA BUR 'KHRUL PA'I BLO SKYES PA NYID KYIS 'JUG PA YIN NO ZHES JI LTAR BRJOD CES DOGS PA BSU BA NI; SHES PA THAMS CAD NI RNAM PA MED PA KHO NA YIN PA DE PHYI ROL SNANG BA YIN NO ZHES BYA BA 'DI GANG LAS RTOGS SNYAM NA, RNAM PA 'DI NI ZHES GSUNGS SO, ,SHES PA THAMS CAD YUL NI THA DAD PA CAN KHO NA YIN PA'I PHYIR NA MA 'KHRUL PA DANG RNAM PA MED PAR SEMS BLO SHES PA THAMS CAD NI DON DANG LDAN PAR MI 'THAD DE RMI LAM LA SOGS PAR PHYI ROL MED PAR SHES PA MTHONG BA'I PHYIR RO, ,RMI LAM DU YANG MING LA SOGS PA MI LDAN PA'I 'DU BYED LA BRTEN NAS MTHONG BA YIN NO SNYAM NA, 'DU BYED LAS KYANG MIN ZHES GSUNGS SO, ,CI'I PHYIR 'DU BYED LAS DMIGS PA MA YIN ZHE NA, 'GAL BA DMIGS PA'I PHYIR RO ZHES BRJOD PA NI SNGON PO LA SOGS PAR ZHES GSUNGS SO, ,RMI LAM DU RMIS PA NI SNGON PO LA SOGS PA NYID KYANG MA YIN TE, THOGS MED PHYIR NA STE, RANG GI YUL DU GZHAN SKYE BA'I GEGS MA YIN PA'I PHYIR RO, ,BAR MA DO'I GZUGS BZHIN DU THOGS PA MED PA NYID YIN NO SNYAM NA, DE SHES YIN ZHES GSUNGS SO, ,GZHAN GYI SEMS BZHIN DU LHA'I MIG GIS BLTA BAR BYA BA YIN YANG THUN MONG MA YIN PA'I PHYIR NA, BAR MA DOR YANG SHES PA KHO NA YIN NO, ,DE LTA NA YANG GZUNG BA YIN YANG PHYI ROL DU MA GRUB PO, ,SNGON PO LA SOGS PA'I RANG BZHIN CAN GYI MI LA SOGS PA YANG SHES PA KHO NA YIN TE, THUN MONG MA YIN PA'I PHYIR DANG GZUNG BA NYID DU MA DMIGS PA'I PHYIR RO ZHES BRJOD PA NI, DES NI MING SOGS ZHES BYA'O, ,DE LTA YIN NO ZHES BYA BA NI, MDUN NA GNAS PA'I RNAM PAR DBYE BAR MYONG BA TZAM GYI DON DANG LDAN PA YIN NA'O, ,'KHRUL PA DANG ZHES BYA BA

, ,NI SUN 'BYIN PA'O, ,DMIGS PA DANG BCAS PA YIN NA YANG ZHES BYA BA RNAM PAR DBYE BA YOD PAR DOGS PA BSU BA'O, ,THAMS CAD DMIGS PA MED PA LA YANG TSAD MA DANG TSAD MA MA YIN PA'I RNAM PAR DBYE BAR 'GYUR RO ZHES LAN BRJOD PA NI, DE LTA NA 'O NA ZHES BYA BA'O, , CI THAMS CAD DMIGS PA DANG BCAS PA YIN NAM 'ON TE DMIGS PA MED PA YIN ZHES BYA BA 'DI LA LAN GANG YIN ZHES DOGS PA LA LAN DU DMIGS PA MED PA NYID DO ZHES GSUNGS SO, ,'DI NYID DE KHO NA YIN PAR JI LTAR 'GYUR SNYAM DU DOGS PA, 'DI LTAR DMIGS PA DANG BCAS PAR NI MI 'THAD DO ZHES 'BREL TO; ,JI LTAR ZHE NA RMI LAM LA SOGS BA DAG NA ZHES GSUNGS SO, ,GANG GI PHYIR MDUN NA GNAS PAR 'DZIN PA NI MA NGES PA YIN PA'I PHYIR DMIGS PA DANG BCAS PAR SGRUB PAR NUS PA MA YIN NO ZHES BYA BA'I DON TO, ,GAL TE SAD BA'I GNAS SKABS NA DMIGS PA DANG BCAS PA NYID DMIGS PA'I PHYIR GZHAN DU YANG DE LTAR CI STE MI 'DOD PA ZHES DOGS PA BSU NAS BZLOG PAR ZHES BYA BA'O, ,DMIGS PA DANG BCAS PA NYID MA GRUB PA'I PHYIR TE, GZUNG BAR BYA BA MA DMIGS PA'I PHYIR RO, ,'DI NYID GSUNGS PA NI DMIGS PA DANG BCAS PA NYID NI ZHES BYA BA'O, ,GAR YANG ZHES BYA BA NI SAD PA'I GNAS SKABS SU YANG NGO, ,DES NA DMIGS PA DANG BCAS PA NYID MI 'THAD PAS DMIGS PA MED PA NYID DE KHO NA YIN NO, ,SAD PA'I GNAS SKABS ZHES BYA BA NI DMIGS PA DANG BCAS PA GRUB PA'I DOGS PA BSU BA'O, ,'O NA ZHES BYA BA NI KHAS BLANGS PA BRJOD PA NAS LAN 'DEBS PA'O, ,'O NA ZHES BYA BA NI SHES PA DMIGS PA MED PA YIN PA DE'I PHYIR SHES PA NI MA YIN NO, ,GZHAN DU ZHES BYA BA PHYI ROL MED PAR YANG MTHONG BA'I PHYIR RO, ,'DU BYED LAS KYANG MI NA ZHES BYA BA BSHAD PA'I PHYIR NA DOGS PA BSU BA NI CI STE ZHES BYA BA'O, ,SNGON PO LA SOGS PA'I RNAM PA NYID MING DANG MTSAN MA YIN NO ZHE NA MING DANG MTSAN MA LA NI ZHES GSUNGS TE, SNGON PO LA SOGS PA'I RNAM PA MED PA'I PHYIR, THOGS MED PHYIR NA SNGO SOGS MI NA, ,ZHES BYA BA 'CHAD PA NI DER ZHES BYA BA STE, RMI LAM GYI SHES PA LA'O, ,SNGON PO LA SOGS PA NYID CES BYA BA NI, BDEN PA'I SNGON PO LA SOGS PA'O, ,CI'I PHYIR MI 'BAD CE

NA RNAM PA DE NI ZHES GSUNGS TE, RMI LAM DU MTHONG BA'I SNGON PO LA SOGS PA'I RNAM PA NI BDEN PA'I SNGON PO LA SOGS PA DANG MI MTHUN PA'I PHYIR RO, ,MI MTHUN PA NYID STON PA NI, BZLOG PA'I PHYIR RO ZHES BYA BA NI THOGS PA MED PA NYID YOD PA'I PHYIR RO, ,CI'I PHYIR ZHE NA, DE LTAR LA YANG ZHES BYA BA STE; RNAM PA DES SO, ,REG PAR ZHES BYA BA NI BCAD PAR RO, ,DE NYID DU BDEN PA'I GLANG PO'I KHYU YOD PAS NA DE MTHONG BA YIN NO SNYAM NA, GANG GIS ZHES GSUNGS SO, ,'O NA PHYI ROL NA 'DUG PA MTHONG BA YIN NO SNYAM NA, BCAD PA'I NANG NAS ZHES GSUNGS SO, ,GANG GI PHYI ROL NA 'DUG PA MTHONG BAR 'GYUR BA SGO BCAD PA'I NANG NAS SKYES BU PHYIR 'GRO BA NI NUS PA MA YIN NO, ,DES NA RMI LAM DU MTHONG BA NI PHYI ROL DANG MI MTHUN PA NYID YIN NO, ,PHYI'I 'BRAS BU MA MTHONG BA'I PHYIR YANG DE DANG MI 'DRA BA NYID DU BRJOD PA NI GLANG PO'I KHYU'I 'BRAS BU ZHES BYA BA'O, ,'ON TE JI LTAR SHING BCAD PA LA SOGS PA MED PA DE LTAR DE'I RANG BZHIN NO ZHE NA, ME'I 'BRAS BU ZHES GSUNGS SO, ,GLANG PO'I KHYU'I RANG BZHIN DE 'DRA BA YIN YANG ME'I RANG BZHIN NI DE 'DRA BA MA YIN TE, SRED PAR MI NUS PA NI ME MA YIN PA'I PHYIR RO, ,DES NA GAL TE RMI LAM DU RTOGS PA'I ME BDEN PA NYID YIN NA DE'I 'BRAS BU TSIG PA LA SOGS PAS SAD PA'I GNAS SKABS SU YANG MTHONG BAR 'GYUR RO, ,DE LTAR YANG MA YIN TE DES NA RMI LAM DU MTHONG BA NI BDEN PA'I SNGON PO LA SOGS PA LAS PHYIN CI LOG TU GYUR PA YIN NO, ,RMI LAM DU MTHONG BA MI MTHUN PA YIN YANG PHYI ROL NYID DU DOGS PA BSU BA NI, GAL TE ZHES BYA BA'O, , DE LTAR YIN NA ZHES BYA BA NI LAN TE, PHYI ROL NYID YIN NA'O, ,SHES PA LAS THA MI DAD PA NI THAMS CAD KYIS MI MTHONG BAR 'THAD KYI THA DAD NA GO JI LTAR DES NA SAD PA THAMS CAD DANG GZHAN GYIS KYANG MTHONG BAR 'GYUR RO, ,GZHAN GYIS DE LA ZHES SMRAS TE, SAD PA DE LA DE 'DRA BA'I TSOGS PA MED PA'I PHYIR MA MTHONG BA YIN NO ZHES BYA BA NI SKABS YIN NO, ,GANG ZHIG MA TSANG BA MTHONG BA'I TSOGS PA DE GANG YIN ZHE NA, GNYID TSOGS PA CAN ZHES BYA BA'O, ,GRUB PA'I MTHA' SMRA BAS GAL TE ZHES GSUNGS SO, ,THAL BA LAS BZLOG PA NI DE LTAR NI MA YIN TE ZHES BYA BA'O, ,CI'I PHYIR

, ,SNYAM NA YUL DE NYID DU ZHES GSUNGS SO, ,GANG DU GNYID LOG PA GCIG GIS GLANG PO MTHONG BA'I YUL DE NYID DU GZHAN GYIS NI RI KHO NA MTHONG STE DES NA DE NI MTHONG BAR BYED PA MA YIN NO, ,'O NA BAG CHAGS YONGS SU SMIN PA 'DZIN PA'I RGYU YIN LA, DE YANG MTSUNGS PA MA YIN NO, ,DES NA THAMS CAD KYIS THAMS CAD MTHONG BA MA YIN NO ZHES GZHAN DAG GIS SMRAS PA NI, RNAM PA GZHAN DU MTHONG BA NI ZHES BYA BA'O, ,'DI LTAR ZHES BYA BA NI DE NYID GZHUNG 'DZUGS PA'O, ,'DU BYED CES BYA BA NI GRUB PA'I MTHA'O DES NA ZHES BYA BA NI GZHAN MED PAS NA'O, ,DE LAS ZHES BYA BA NI 'DU BYED PA LAS SO, ,CI'I PHYIR SNYAM DU DOGS NA, MIG GI RNAM PAR SHES PA BZHIN DU SHES PA 'DU BYED LAS SKYES KYANG RANG LA BRTEN PA'I KHYAD PAR MED PA'I PHYIR THAMS CAD 'DZIN PAR 'GYUR RO ZHES BRJOD PA NI MIG LA SOGS PA'I ZHES BYA BA'O, ,'GA' ZHIG CES BYA BA NI PHYI ROL GYI DNGOS PO'O, ,RNAM PA DANG BCAS PA'I KHYAD PAR YOD NA NI THAMS CAD 'DZIN PA MA YIN NO ZHES DGONGS PA'O, ,GANG GI PHYIR THOGS PA MED PA'I GZUGS SKYES PA YIN NA, NYE BA MTHA' DAG GIS 'DZIN PAR 'GYUR BA LAS RNAM PAR PHYE NAS KYANG 'DZIN PA YIN TE, DE'I PHYIR RMI LAM DU NI THOGS PA DANG BCAS PA'AM, THOGS PA MED PA'I PHYI ROL GYI SNGON PO LA SOGS PA NI 'GA' YANG SKYES PA MED DO, ,DE'I PHYIR ZHES BYA BA 'DI NYID KYI DON BSHAD PA NI RNAM PA THA DAD PAR 'DZIN PA'I PHYIR RO ZHES BYA BA'O, ,DE NYID 'O NA JI LTAR THA DAD PA YIN SNYAM NA, SNGON MTHONG NA 'DU BYED PA'I STOBS KYIS RNAM PAR DBYE BA YOD PAR 'GYUR RO ZHES BRJOD PA NI SNGON GYI RANG BZHIN ZHES BYA BA'O, ,JI LTA ZHE NA, SNGON MTHONG BA GANG GIS ZHES BYA BA'O, ,DE NYID CES BYA BA NI SNGON PO LA SOGS PA'O, ,GZHAN GYIS ZHES BYA BA NI SNGON MA MTHONG BAS SO, ,GAL TE SNGON GYI RANG BZHIN MTHONG BA NA RNAM PAR PHYE NAS MTHONG BA 'THAD PA YIN NA'O, ,NA ZHES BYA BA NI GZHAN GYI'O, ,DE NYID GSAL BAR BYED PA NI SNGON GYI'O ZHES BYA BA'O, ,DE'I DUS SU NI DA LTAR GYI DUS SU'O, ,MA YIN TE ZHES BYA BA NI LAN NO, ,DNGOS PO DE'I 'DUS PA'I ZHES BYA BA NI SKABS YIN NO, ,CI'I PHYIR ZHE NA MED PA'I PHYIR RO ZHES BYA BA STE, RMI

LAM DU NI SHI BA YANG MTHONG BA'I PHYIR RO, ,DE NYID KYI PHYIR ZHES BYA BA NI DOGS PA BSU BA STE, DE'I DUS NA MED PA NYID KYI PHYIR RO, ,GCIG SNANG BA LA LOG PAR 'DOD DAM YANG NA SNANG BA LA LOG PAR 'DOD, RE ZHIG RNAM PAR RTOG PA GNYIS PA SEL BA NI GAL TE ZHES BYA BA'O, ,DE'I TSE PHYIN CI MA LOG TU MNGON PAR 'DOD PA DE LA PHYIN CI LOG NYID CES BYA BA'I CHOS SU GYUR PA, PHYIN CI LOG YOD MIN, GAL TE ZHES BYA BA NI RNAM PAR 'BREL PA'O, ,SNANG BA 'ANG YIN LA LOG PA'ANG YIN NO ZHES BYA BA NI MA 'BREL LO ZHES BYA BA'I DON TO, ,'ON TE SNANG BA YIN YANG RMI LAM DU MTHONG BA PHYIN CI LOG NYID YIN NO ZHE NA, THAMS CAD CES GSUNGS TE THAMS CAD CES BYA BA NI SAD PAS MTHONG BA'I BDEN PA'I SNGON PO LA SOGS PA'O, ,DE LTAR ZHES BYA BA NI PHYIN CI LOG NYID DU'O, ,DE LTAR 'DZIN PAR KHAS LEN PA MIN PA NA NI PHYIN CI LOG NYID MED PA'I PHYIN CI MA LOG PA YANG MED DO ZHES BSTAN PA'I PHYIR BSHAD PA, DE DAG KYANG ZHES BYA BA STE, SAD PAS MTHONG BA DAG KYANG PHYIN CI LOG GI RANG BZHIN DU SNANG BA YIN NO ZHE NA, GAL TE RMI LAM DANG GZHAN PA MTHONG BA THAMS CAD SNANG BA STE SHES PA YIN PA'I PHYIR LOG PA YIN NA 'O NA NI LOG PA NYID DU 'DOD PA'I LOG PA NYID GANG GANG LA LTOS NAS NI LOG PA NYID DU RNAM PAR 'JOG PA MA YIN NO ZHES BSHAD PA NI, 'KHRUL PA NYID LA ZHES BYA BA'O, ,DE BZHIN DU DNGOS PO'I PHYIN CI LOG PA YANG PHYIN CI LOG GZHAN LA LTOS PA MA YIN NO, ,DES NA THAMS CAD RANG BZHIN GCIG KHO NAR 'GYUR GYI, RNAM PAR DBYE BAR NI MI 'GYUR RO, ,GZHAN LA NI RMI LAM DU MTHONG BA LA'O, ,DE NI DANG PO GSAL BA'I PHYIR CI STE ZHES GSUNGS SO, ,GZHAN DAG SNANG BA KHO NA PHYIN CI LOG PA YIN GYI DON NI MA YIN TE, MTHONG BA MED PA'I PHYIR ZHES STON PAS PHYIN CI LOG TU SNANG BA NYID DU GZHUNG 'DZUGS PA NI SNANG BA YIN NO ZHES BYA BA YIN NO, ,DE GANG YIN SNYAM NA PHYIN CI LOG CES BYA BA STE, DON RNAM PA GZHAN DU GYUR PA GZHAN DU 'DZIN PAR BYED PA GANG YIN PA'O, ,'O NA DON KYANG PHYIN CI LOG NYID YIN NO ZHES NA, GANG GIS ZHES GSUNGS SO, ,SNANG BA'I RANG BZHIN GANG GIS DON GZHAN YANG DE LTAR PHYIN CI LOG NYID DU RTOGS PAR 'GYUR BA SNANG BA'I RANG BZHIN DU GYUR PA'I PHYIN CI LOG GZHAN GANG YIN PA DE NI GZHAN DON GYI YIN

, ,NO; ,CI'I PHYIR ZHE NA THA DAD PA'I DON LAS THA DAD PA YIN PA'I PHYIR RO ZHES BYA BA'I DON TO, ,GRUB PA'I MTHA' NI DON GYI RANG BZHIN MED PAR MTHONG BA'I PHYIR RTOGS PA DMIGS PA MED PA NYID YIN GYI, PHYIN CI LOG GZHAN SNANG BA NI MA YIN NO ZHES BSHAD PA NI DE LTA NA NI 'O NA ZHES BYA BA'O, ,DE LTAR ZHES BYA BA NI SNGON PO LA SOGS PA'I RNAM PAR RO, ,DMIGS PA MED PA'I GZHUNG 'DZUGS PA NI 'DI LTAR ZHES BYA BA'O, ,DER ZHES BYA BA NI RMI LAM GYI DUS SU'O, ,JI LTAR DE DON DU MTHONG ZHE NA, 'DU BYED LAS NI ZHES GSUNGS SO, ,DE LTAR ZHES BYA BA NI MTHONG BA'I SNGON PO LA SOGS PA'I RNAM PAR RO, ,GANG GI PHYIR YOD PA MA YIN PA NI MTHONG BA DE'I PHYIR NA, DE'I TSE NA DE LTAR SKYES PA'I SHES RAB KHO NA RANG RIG PA YIN GYI DON NI MA YIN NO, ,YUL GZHAN NA YUL GZHAN DU MTHONG ZHES BYA BA 'DI NI KHAS BLANGS PA TZAM DU ZAD DE DNGOS PO LA NI JI LTAR DUS GZHAN NA YOD PA DUS GZHAN DU MTHONG BA MED PA DE BZHIN DU YUL GZHAN YOD PA YANG YUL GZHAN DU MI MTHONG NGO, ,DE NI ZHES BYA BA'I DON TO, ,DES NA SHES PA THAMS CAD DMIGS PA DANG BCAS PA NYID DO ZHES BYA BA'I KHYAB PA GANG LA YOD PA BSAL ZIN PA'I PHYOGS KYANG RJES SU BRJOD NAS LHAG PA BRJOD PA'I DON DU BSHAD ZIN PA'I SKYON NYID ZLOS PA NI GAL TE DUS GZHAN YANG ZHES BYA BA'O, ,MA YIN TE ZHES BYA BA NI RTZOD PA SMRA BA'O, ,CI'I PHYIR ZHE NA, DE LA ZHES SMOS TE KA BA LA SOGS PA MTHONG BA DE'O, RE ZHIG GNOD BYED MA SKYES PA TZAM NI GNOD MED MA YIN TE, HA CANG THAL BA'I PHYIR RO, ,'ON KYANG GNOD BYED PA LAS GZHAN SHES PA KHO NA YIN NO ZHES LAN 'DEBS PA NI GNOD BYED MED PA NYID KYANG ZHES BYA BA'O, ,GANG GIS PHYIN CI LOG TU SNANG BAR 'GYUR BA GANG YANG RUNG BA NI GNOD BYED MED PA MA YIN GYI, 'ON KYANG THOB PA'I SHES PA'I RANG BZHIN NO ZHES DOGS PA BSU BA NI DON THOB PA'I PHYIR RO ZHES BYA BA'O, ,'DI LA YANG NYES PA NYID YOD DO ZHES BRJOD PA NI, DON THOB PA YANG ZHES BYA BA'O, ,HA CANG THAL BA SPONG BA'I DOGS PA BSU BA NI DON YOD PA LA ZHES BYA BA'O, ,KA BA LA SOGS PA MTHONG BA NA YOD PA'I PHYIR PHYIN CI LOG TU SNANG BA MA YIN NO ZHE NA LAN DU DON MTHONG BA NYID LA ZHES BYA BA'O, ,GANG GIS PHYIN CI LOG TU

SNANG BAR 'GYUR BA RMI LAM MTHONG BA LA YANG DON MTHONG BA YOD PA'I PHYIR JI LTAR MED, THOB PA MED PA'I RGYU MTSAN GYI DOGS PA BSU BA NI DE'I TSE ZHES BYA BA STE, RMI LAM GYI TSE, RIGS PA MED PA LA YANG 'DI NYID RGYU MTSAN YIN NO ZHES LAN BRJOD PA NI MED NA ZHES BYA BA'O, ,RIGS PA LA MED PA MI 'GRUB PO ZHES DOGS PA BSU BA NI GZHAN GYI TSE ZHES BYA BA NI LAN NO, ,MI 'THOB PA'I RGYU MTSAN GYI KHYAD PAR CAN GYI TSE NYID CES BYA BA LA SOGS PAS NYE BAR BKOD NAS BZLOG PA NI 'O NA JI LTAR ZHES BYA BA'O, ,DE'I ZHES BYA BA NI DUS GZHAN GYI'O, ,DUS GZHAN PA YANG MTHONG BA DANG 'THOB PAR YANG CI STE MI 'GYUR BA ZHES BRJOD PA NI THOB PA YANG ZHES BYA'O, ,THOB PAR MI NUS NA LTA BAR YANG NUS PA JI LTAR 'GYUR, MYONG BA NI DOR BAR MI NUS SO ZHES DOGS PA BSU BA NI MTHONG BA NYID KYI PHYIR ZHES BYA BA'O, ,CI ZHIG CES BYA BA NI LAN NO, ,CI ZHES BYA BA NI SHES PA TZAM MAM, THA DAD PA YIN ZHES BYA PAR RO; ,GZHAN GYIS MNGON PAR 'DOD PA THA DAD PA NGES PA LA NGO SHES PA'I TSAD MAR NGOS SHES PA'I PHYIR ZHES BYA BA LA SOGS PAS BKOD NAS MA YIN PA'I PHYIR TE ZHES 'GOG PA'O, ,CI'I PHYIR ZHE NA, RMI LAM DU SKYE BA GZHAN DU MTHONG BA NGO SHES PA MED PA'I PHYIR RO ZHES GSUNGS SO, ,SKYE BA GZHAN DU MTHONG BA NI RMI LAM DU MTHONG NGO, ,SHES PA MA YIN TE, DES NA NGO SHES PA MED PAS SNGON GYI YUL CAN GYI RANG BZHIN MA YIN PA'I PHYIR RMI LAM GYI SHES PA 'GA' ZHIG DMIGS PA MED PA YIN PA'I PHYIR, SHES PA THAMS CAD DMIGS PA DANG BCAS PA YIN NO ZHES BYA BA'I KHYAB PA JI LTAR YIN, GAL TE NGO SHES PA GZHAN DANG 'DRA BA'I PHYIR SKYE BA GZHAN DU MTHONG BA LAS YANG SNGAR MTHONG BA NYID RJES SU DPOG PA YIN NO ZHES DOGS PA BSU BA NI NGO SHES PAR 'GYUR BA GZHAN DANG ZHES BYA BA'O, ,GAL TE 'DIR YANG NGO SHES PA NYID LAS SNGON MTHONG BA NYID 'GRUB PA NA RJES SU DPAG PAS CI ZHIG BYA ZHES DOGS PA BSU BA NAS DRI ZA'I GRONG KHYER ZHES SMRAS SO, ,JI LTAR MED SNYAM NA DE LA NI ZHES SMRAS TE, DRI ZA'I GRONG KHYER LA SOGS PA DAG LA'O, ,DE LTA YIN NA NI ZHES BYA BA NI LAN NO, ,BDEN PA'I BUM PA LA SOGS PA SNGAR MTHONG BA NYID DE GANG GI PHYIR NGO SHES PAR 'GYUR BA DANG 'DRA BAS NA NGOS SHES PAR BYA BA

, ,YIN PA'I PHYIR RO ZHES BYA BA'I DON TO, ,DE LTA YIN NA THAMS CAD KYANG LOG PAR SNANG BA KHO NAR 'GYUR RO, ,'DI NI ZHES BYA BA NI SHES PA THAMS CAD LOG PAR SNANG BAR THAL BAS SO, ,DAN PA NYAMS PA YANG ZHES BYA BA NI LOG PAR SNANG BA 'BA' ZHIG TU MA ZAD PA'O, ,DRAN PA NYAMS PAS NI NYA PHYIS LA 'DI DNGUL LO ZHES SHES PAR 'GYUR RO, ,'DI LTAR SHES PA DES NI TSONG KHANG NA GNAS PA'I DNGUL NYID LA YUL GZHAN NA GNAS DRAN PA YIN TE DES NI SHES PA DES NA DRAN PA NYAMS PA YIN LA, DE YANG GAL TE YUL GZHAN NA YOD PA'I DNGUL LA SOGS PA NYID SHES PA GZHAN LA SNANG BA YIN PA NI BDEN PA'I BUM PA LA SOGS PA YANG DE BZHIN DU SNANG BA YIN PAR 'GYUR RO ZHES GSAL BA YIN NO, ,'DI NYID KYIS BSHAD PA YIN TE ZHES BYA BA LA THUN MONG MA YIN PA NYID DANG BZUNG BA NYID MA DMIGS PA NYID KYIS SO, ,JI LTAR 'DI NYID KYIS GSAL SNYAM NA, 'DI LTAR ZHES BYA BA'O, , GANG YIN ZHES BYA BA NI GANG YANG YIN NO ZHES BYA BA'I DON TO, ,GZHAN DAG LA 'JIG RTEN PA MA YIN PA'I RANG BZHIN DRIS SO SNYAM DU BSAMS NAS, DE'I RANG BZHIN SMRA BA NYID NI GZHAN GYIS ZHES BYA BA'O, ,LAN NI 'DIR BRJOD PA ZHES BYA BA'O, ,DES NI ZHES BYA BA STE 'JIG RTEN MA YIN PA'I BLO DE NI DON NYID YIN GYI SHES PA NI MA YIN NO ZHES PHYOGS SNGA MA 'GOG PA NI BZUNG BA NYID DU ZHES BYA BA'O, ,DE LA ZHES BYA BA LAN TE 'JIG RTEN PA MA YIN PAR 'DOD PA LA'O, ,'DI GA LAS ZHES DOGS PA LA RANG GI NGO BOR ZHES SMOS SO, ,'THAD PA BRJOD PA NI DON DE NI ZHES BYA BA'O, ,GANG GI PHYIR DE MA DMIGS PAS NI DON DE NI RANG GI NGO BO KHO NAR 'DZIN PA YIN GYI GZUNG BA NYID DU NI MA YIN PA DE'I PHYIR RANG GI NGO BO KHO NAR 'DZIN PA'O, ,GZUNG BAR BYA BA NYID KYIS DON YIN PAR DOGS PA BSU NAS ZLOG PAR BYED PA NI GZUNG BAR BYA BA NYID KYIS ZHES BYA BA'O, ,DE NYID NI SNANG BA'O, ,GZUNG BA PO RNAMS PA NYID KYIS DON NYE BAR MTSON PA YIN NO ZHES BYA BA'I RTZOD PA BKOD NAS SEL BA NI JI LTAR ZHES BYA BA'O, ,GZHAN GYIS ZHES BYA BA NI GZUNG BA'I RNAM BAS SO, ,GZHAN ZHES BYA BA NI GZUNG BA'I RNAM PA LAS THA DAD PA'O, ,MTHONG BAS MA RTOGS PA'I DON YANG RNAM PAR RTOG PAS RJES SU RTOGS PAR BYED PA YIN NO ZHES DOGS PA BSU

BA NI DON ZHES BYA BA'O, ,SHES PA 'DI NI RMI LAM DU MTHONG BA LAS MED DO ZHES BRJOD PA NI MA YIN TE ZHES BYA BA'O, ,DE'I PHYIR DE NI SHES PA KHO NA YIN NO, ,'O NA DE NI SNGON PO LA SOGS PA'I RANG BZHIN CAN MING DANG MTSAN MA YIN NO SNYAM NA, 'DIS NI ZHES GSUNGS SO, ,THUN MONG MA YIN PA NYID DANG, GZUNG BA MA DMIGS PA NYID DU BSTAN PAS SO, ,GZHAN YANG ZHES BYA BA NI 'CHAD PAR 'GYUR BA'I RNAM 'GREL GYI PHYED DANG PO'I YANG GZHAN GYI LTAR NA SHES PA'I BLO GANG YIN PA 'DI NYID DE 'DOD PA'I DON GANG YIN PA DE DANG LDAN PAR RGYU MTSAN GANG GIS 'DOD, GZUNG BA NYID DU SNANG BAS NI MA YIN TE, RMI LAM LA SOGS PA DANG THUN MONG YIN PA'I PHYIR RO, ,GNOD BYED MED PA YANG SLU BA MED PA'O, ,MI SLU BA KHO NA YIN LA, DE YANG THOB PA'I MTHAR THUG PA YIN NO ZHES BRJOD PA NI GAL TE DON NUS ZHES BYA BA'O, ,GZHAN LA NI RMI LAM DANG SPYI LA SOGS PA'I SHES PA'O, ,DON MED PA CAN THOS PA NI RGYU MTSAN MED PA'I PHYIR RO, ,GZHAN ZHES BYA BA LA SOGS PAS BSHAD PA DE NYID, DE NYID RNAM 'GREL 'CHAD PAR BYED PA NA BRJOD PA NI GZHAN YANG ZHES BYA BA'O, ,'DI LA ZHES BYA BA 'DI DON GYIS BSKYED PA NYID DU RNAM PAR GZHAG PA'O, ,'ON TE GANG GIS DE LTAR RNAM PAR 'JOG PA, MIG LA SOGS PA'I SHES PA LA KHYAD PAR YOD PA KHO NA'O SNYAM DU DOGS NA SNANG BA NYID DU ZHES GSUNGS SO, ,RJES SU 'GRO BA DANG ZHES BYA BA NI KHYAD PAR YOD PAR DOGS PA BSU BA'O, ,JI LTAR MTHONG ZHE NA, 'DI LTAR ZHES BYA BA'O, ,SNGAR NI THOB PA LAS SO, ,RANG DANG GZHAN GNYIS KAS KYANG MNGON GSUM GYIS NI MTHONG BA MA YIN NO ZHES BRJOD PA NI RANG NYID KYIS ZHES BYA BA'O, ,RNAM PA DE LTA BU'I SNANG BA LDOG PA'I STOBS LAS BYUNG BA'I RJES SU DPAG PAS SO, ,MIG LA SOGS PA'I RNAM PAR SHES PA NI, BSHAD PA'I KHYAD PAR GYI DON DANG LDAN PA YIN YANG RMI LAM GYI SHES PA NI DON MED PA YIN TE, GAL TE DE LTA NA NI ZHES BYA BA'O, ,DMIGS PA DANG BCAS PA LA SOGS PA'I RNAM PAR DBYE BA 'DI NI THA SNYAD PA DANG 'DA' BAR BYA BA MA YIN PA YANG YIN NO ZHES BRJOD PA NI, 'DI LTAR ZHES BYA BA'O, ,'DI LA NI DON MED PA LA ZHES BYA BA NI RMI LAM GYI SHES PA LA STE DON BYA BA MED PA'I PHYIR RO, ,'ON TE YANG GZHAN GYI LTAR NA SHES

, ,PA THAMS CAD DMIGS PA DANG BCAS PA YIN PA'I PHYIR KHYAD PAR RTOGS PA MED DO SNYAM NA, 'DI LTAR ZHES GSUNGS SO, ,'DI LA NI RMI LAM GYI SHES PA LA'O, ,RMI LAM DU MTHONG BA 'DI BAG CHAGS ZHES SNGON GOMS PA'I MTHU LAS GANG GIS BDAG LA 'DI LTAR SNANG BAR 'GYUR BA YIN NO SNYOM PA'I BLOR 'GYUR GYI, SAD PA'I RTOG PA LA NI DE SNYAM DU SEMS PA'I BLOR MI 'GYUR TE, DES NA GZHAN GYI LTAR NA YANG RNAM PAR DBYE BA RTOGS PA YOD PA KHO NA YIN NO, ,BLO GANG ZHIG YOD PA LAS 'DIR DMIGS PA DANG BCAS PA NYID DU 'DOD PA DE NI MED DO ZHES BRJOD PA NI SNGON MTHONG BA DE BDAG GIS MTHONG NGO ZHES BYA BA'I BLO ZHES BYA BA NI SKABS KYI YIN NO, ,BDAG GIS DRAN NO ZHES BYA BA'AM, DON 'DI NI 'JIG RTEN PA MA YIN NO ZHES BYA BA NI BLO NI MA YIN NO, ,'ON TE DE LTA BU'I BLO MED KYANG GNOD PAR BYED PAS 'JIG RTEN PA MA YIN PA NYID DU RTOGS PA YIN NO SNYAM NA, GNOD PAR BYED PA GANG GIS ZHES BYA BA'O, ,'ON TE DON MED PA NYID DU THAL BA'I PHYIR 'JIG RTEN PA NYID DU NI ZHES BYA BA'O, ,DE LTAR KHAS LEN NA YANG MI 'DOD PA THOG TU BAB PO ZHES BRJOD PA NI DE LA ZHES BYA BA STE, GNOD PAR BYED PA LA'O, ,KHYED NI PHYIN CI LOG TU SNANG BAR SMRA BA YANG MA YIN TE, 'JIG RTEN PA MA YIN PAR SMRA BA KHAS BLANGS PA'I PHYIR RO, ,GAL TE YANG GNOD PA BYED PA LA, ,PHYIN CI LOG GI SNANG BAR KHAS LEN NA GNOD PAR BYA BA YANG DE LTAR CI STE KHAS MI LEN NA, DE YANG SNGAR BSAL ZIN PA YIN NO ZHES DGONGS PA'O, ,DE NYID KYI PHYIR PHYIN CI LOG SNANG BA LAS LOG PAR DOGS PA BSU BA NI DE YANG ZHES BYA BA'O, ,RMI LAM GYI SHES PA 'BA' ZHIG 'JIG RTEN PA YIN PAR NI MA ZAD KYI, 'JIG RTEN PA YIN PA LAS 'JIG RTEN PA NYID RTOGS PA GNOD BYED GANG YIN PA DE YANG 'JIG RTEN PA MA YIN PA NYID DO, ,DES NA PHYIN CI LOG TU SNANG BA NI MA YIN NO ZHEN, LAN NI MA YIN TE ZHES BYA BA STE, DE YANG 'JIG RTEN PA NYID MA YIN NO, ,CI'I PHYIR ZHE NA, THUG PA MED PAR ZHES BYA BA'O, ,JI LTAR GNOD PA BYED PAS 'JIG RTEN PA MA YIN PA LA 'JIG RTEN PA NYID DU RTOGS PA DE BZHIN DU, GNOD PAR BYED PA YANG GNOD PAR BYED PA GZHAN GYIS DE LTA BU NYID DU RTOGS PA NI DE DANG 'DRA BAR 'GYUR RO, ,DE BZHIN DU GNOD PA GZHAN YANG YIN PAS THUG PA MED PAR

GYUR RO, ,MTHAR THUG BAR KHAS LEN PA NI GCIG KYANG 'JIG RTEN BA NYID DU MI 'GRUB BO ZHES DGONGS PA'O, ,DE BAS NA GNOD PAR BYED PAS 'JIG RTEN PA MA YIN PA NYID DU RTOGS PA NI DON DU MOS PA MED PA'I PHYIR DON MED PA NYID DU RTOGS PA MA YIN NO ZHES BYA BA NYID LEGS PA YIN NO, ,CI STE YANG GNOD PAR BYED PAS NI 'JIG RTEN PA MA YIN PA NYID DU RTOGS PA MA YIN NA GANG GIS DON MED PA NYID DU 'GYUR, 'ON KYANG THUN MONG MA YIN PA NYID DU YIN NO BA NI CI STE ZHES BYA BA'O, ,CI'I PHYIR ZHE NA, 'DI ZHES BYA BA STE, GANG GI PHYIR RTOGS PA NI MED DO ZHES 'BREL TE, RTOGS PA'I RNAM PA BRJOD PA NI 'DI GZHAN GYIS RTOGS SO SNYAM BA ZHES BYA BA STE, RMI LAM GYI SHES PA 'DI'O, ,DON LA NI THUN MONG MA YIN PAR RTOGS PA YOD PA YIN TE, DE LAS BZLOG PA SGRUB PAR RJES SU DPAG PA YOD PA'I PHYIR RO ZHES BRJOD PA NI DON GYI YUL LA NI SPU LANGS PA LA SOGS PA'I RTOG PA CAN GYI RJES SU DPAG PAS THUN MONG PA NYID DU RTOGS PA YIN NO; ,GANG GI TSE ZHE NA, SHES PA YOD PA NA'O, ,SBU LDANG PA LA SOGS PA GANG YIN PA DES NA DE'I DON CAN GYI SHES PA YOD PA NA DE NI DE SHES PAR BYED PA YIN NO ZHES BYA BA'I DON TO, ,'DI LTA NA RMI LAM GYI SHES PA YANG DMIGS PA MED PAR MI 'GRUB PO ZHES LAN BRJOD PA NI DE LTA NA NI 'ON ZHES BYA BA'O, , GZHAN GYI GNOD BYED KYI SGO NAS DON MA YIN PAR RTOGS PAR 'GYUR RO ZHES 'BREL TO, ,RNAM PA GANG GIS SHE NA, 'DI LA NI MED KYI ZHES SMOS SO, ,KHYED KYI ZHES BYA BA NI RMI'AM MTHONG BA'I'O, ,'DI LA YANG DON BSHAD PA NI 'DI NI RTOGS PA NYID YIN NO ZHES BYA BAR RO ZHES BYA BA YIN NO, ,BSAM PA NI 'DI YIN TE, GAL TE 'DI GZHAN GYIS MA RTOGS SO ZHES RTOGS PA'I PHYIR RO, ,THUN MONG MA YIN PA NYID YIN NA DE'I TSE GNOD PAR BYED PA LAS DON MED DO ZHES RTOGS PA LAS DON MA YIN PAR YANG 'GYUR RO ZHES BYA BA'O, ,GANG GI PHYIR DE LTAR SHES PA THAMS CAD DMIGS PA DANG BCAS PA YIN NO ZHES KHYAB PA GRUB PA DE'I PHYIR RO, ,MING DANG MTSAN MA 'CHAD PA PO DANG NYAN PA PO 'BREL PAR KHAS LEN NA MING LA SOGS PA SNANG BA GANG YIN PA DER DMIGS PA DANG BCAS PAR NI RIGS PA MA YIN TE, SGRUB PAR BYED PA MED PA'I PHYIR DANG GNOD PAR BYED PA GZUNG BA DMIGS PA MED PA NYID KYANG YOD PA'I PHYIR RO, ,'BREL PA

, ,YOD KYANG BRJOD PA NA 'JUG PAR MI 'GYUR NA 'BREL PA MED PA SMOS SU CI YOD CES BSHAD PA NI 'BREL PA MED NA YANG ZHES BYA BA'O, ,GAL TE DON DANG ZHES BYA BA LA SOGS PA DON DANG 'BREL PAR DOGS PA BSU NAS 'DAS PA DANG ZHES BYA BA LA SOGS PA SKYON BRJOD PA'O, ,DON DANG 'BREL PA ZHES BYA BA NI DON ZHIG NA ZHIG PA YIN PA DES DE NI BRJOD PAR BYA BA MA YIN NO ZHES BYA BA'I DON TO, ,MI 'JUG PA KHO NA STE ZHES BYA BA NI SKYES BU DANG SGRA'O, ,'DI NYID BSHAD PA NI GANG LA DON DANG ZHES BYA BA'O, ,'BA' ZHIG NI MING DANG MTSAN MA'O, ,GAL TE 'DAS PA LA SOGS PA'I DON MED KYANG MING DANG MTSAN MA YOD PA'I PHYIR NA JI LTAR MI 'JUG PAR 'GYUR ZHE NA, GAL TE ZHES GSUNGS SO, ,CI'I PHYIR ZHE NA, DON DE RANG GI MTSAN NYID KYI RNAM PA SGRA LAS SNANG BA DE MED PA'I PHYIR RO, ,'ON TE RNAM PA MED KYANG DE LA 'JUG GO SNYAM NA, GZHAN RTOG PAS ZHES GSUNGS SO, ,'ON TE DE'I RANG BZHIN DU SGRO BTAGS NAS DER 'JUG PA YIN NO SNYAM NAS LHAG MA NI ZHES GSUNGS TE, DE'I RANG BZHIN DU LHAG PAR ZHEN PAS ZHES BYA BA LA SOGS PA'O, ,GAL TE DON DANG 'BREL PA ZHES BYA BA DON ZHIG NAS 'JIG PA YIN TE, MI RTAG PA'I PHYIR RO, ,SPYI NI MA YIN TE RTAG PA'I PHYIR RO ZHES DOGS PA NI SGRA'I SPYI NI ZHES BYA BA'O, ,MING DANG MTSAN MA BRJOD PA LA THAL BAR MI 'GYUR RO ZHES BYA BA'I DON TO, ,MTSUNGS PA RNAMS KYI NGO BO NYID NI NGO BO CAN LA LTOS PA'I PHYIR NA DE 'DZIN PA NYID DO, ,DES NA DE 'DZIN PA LAS BRJOD PA'I NYES PA NYID DU 'GYUR RO ZHES LAN BRJOD PA NI, DE MIN ZHES BYA BA'O, ,CI STE MTSUNGS PA RNAMS KYANG NGO BO ZHES BYA BA'I NI BSHAD PA TZAM YIN GYI, DNGOS PO LA NI YOD PA'I SPYI RANG GI NGO BO YOD PA NYID GSAL BA RNAMS LA 'JUG PA YIN GYI DE'I RANG BZHIN DON LA LTOS PA NI MA YIN NO SNYAM DU DOGS NA, 'DZIN PA YANG ZHES BYA BA'O, ,NAM MKHA' BZHIN DU RANG RGYUD PAR GZUNG YANG GSAL BA DE DAG GI SPYI MA YIN TE GSAL BYED DE DAG GIS GSAL BA YANG MA YIN NO ZHES BYA BA'I DON TO, ,DE LTA YIN NA CI SKYON SNYAM NA, DES NA ZHES GSUNGS TE GSAL BA LA LTOS PA MED PA NYID NA'O, ,GSAL BA YOD PA DANG MED PA'I DUS DE GNYI GAR DMIGS PAR 'GYUR RO ZHES BYA BA'I DON TO, ,GSAL BA LA MI LTOS PA'I PHYIR 'BA' ZHIG TU NI

MDZAD DE RTAG PA'I PHYIR YANG RTAG PAR DMIGS PAR 'GYUR RO, ,'ON TE YANG JI LTAR NAM MKHA' RTAG PA YANG MIG LA SOGS PA LA LTOS NAS MNGON SUM DU GYUR PA DE BZHIN DU SPYI YANG GSAL BA 'BREL PAS MNGON PAR GSAL BA LA LTOS NAS MNGON SUM DU 'GYUR RO SNYAM PA NI, GAL TE YANG GSAL BA STE KHYAD PAR LAS SPYI MNGON SUM LA GSAL BAR 'GYUR BA YIN TE, GSAL BA GSAL BA NYID SPYI MNGON SUM DU GYUR PA'I RGYU MTSAN NO ZHES BYA BA YIN GYI, GSAL BA'I THAD NAS MNGON SUM DU GSAL BA YIN NO ZHES BYA BA NI 'THAD PAR DKA' STE, MNGON SUM DANG GSAL BA DAG KHYAD MED PA'I PHYIR RO, ,GAL TE SPYI'AM NAM MKHA' MNGON SUM GYI RANG BZHIN YIN NA NI GSAL BAR BYED PA LA LTOS PA MA YIN TE DON MED PA'I PHYIR RO, ,DE'I RANG BZHIN GSAL BAR BYED PA LA LTOS PA MA YIN TE, KHYAD PAR DU BYAR MED PA'I PHYIR RO ZHES LAN 'DEBS PA NI BDAG LA ZHES BYA BA'O, ,GZHAN DU ZHES BYA BA NI GSAL BAR MTHAR THUG PA'I RANG BZHIN DU'O, ,CI'I PHYIR 'DAS PA LA SOGS PA'I RANG BZHIN DU RTOGS PAR MI 'GYUR ZHE NA, SPYI NI ZHES BYA BA'O, ,GZHAN DU ZHES BYA BA STE BRJOD PA NI GAL TE SPYI ZHES BYA BA'O, ,DE LTA YIN NA ZHES BYA BA NI 'DAS PA LA SOGS PA'I GSAL BA DANG LDAN PAS DE LTAR LHAG PAR ZHEN PA YIN NA'O, ,DE LTAR GYUR PA LA RAG GO ZHE NA GSAL BA ZHES GSUNGS SO, ,DE MED KYANG DE'I SGO NAS DE LTAR RTOGS PAR MI 'GYUR BA'I PHYIR ZHE NA, GANG GI PHYIR 'DAS PA LA SOGS PA DE'I RANG BZHIN YUL DU BYAS PA GANG LA YOD PA'I KHRA BO LA SOGS PA DE NI GZHAN SPYI LA SOGS PA DE'I RANG BZHIN DES NYE BAR RGYU BA NYID DU 'DZIN PAR MI NUS SO; ,DES NA DE MED PA NI DE'I SGO NAS RTOGS PA MA YIN NO, ,'DZIN NA YANG ZHES BYA BA 'CHAD PA NI CI STE ZHES BYA BA'O, ,DE'I ZHES BYA BA NI GSAL BA'I RANG BZHIN GYI'O, ,DE GANG LAS SHE NA DE MED PAR ZHES BYA BA'O, ,GSAL BA SHES PA MED PAR RO, ,CI'I PHYIR DES GSAL BAR BYED PA MA YIN SNYAM DU DOGS NA, DE'I RANG BZHIN NI GSAL BAR BYED PA'I RANG BZHIN LA LTOS PAS DE MED NA MI 'GYUR RO ZHES BSTAN PA'I DON DU GSAL PA'I RANG BZHIN BRJOD PA NI, SGRON MA LA SOGS PA'I ZHES BYA BA'O, ,DES NA ZHES BYA BA NI GSAL BAS GSAL BAR BYA BA MA YIN PAS SO, ,'DI NYID GSAL BAR BYED

, ,PA NI GSAL BAS STONG PA'I ZHES BYA BA'O, ,DPER NA ZHES BYA BA NI DPER 'GOD BA'O, ,GAL TE YANG, GSAL LAS MNGON SUM LA GSAL YIN, ,ZHES BYA BA 'CHAD PA NI 'ON TE ZHES BYA BA'O, ,SKYON MED DO ZHES BYA BA NI RTAG TU DMIGS PA'I MTSAN NYID DO, ,'DI LA RE ZHIG RANG NYID KYIS RANG DPE MI MTHUN PAR BYED PA NI DE NI MI RIGS TE ZHES BYA BA'O, ,DE NYID NI SPYI'O, ,CI'I PHYIR DPE MA YIN ZHE NA, SPYI NI ZHES BYA BA GSUNGS SO, ,CI'I PHYIR PHYOGS NYID DPE MA YIN SNYAM NA, PHYOGS NYID NI ZHES GSUNGS SO, ,GSAL BA DANG MA 'BREL NA GSAL BA NYID LA RTOGS PAR JI LTAR 'GYUR TE, GZHAN DU YANG RTOGS PAR 'GYUR RO ZHES BYA BA NI RTZOD PA'I YUL YIN NO, ,DE LTA NA NI BSGRUB BYA DANG SGRUB BYED MA GRUB PA LA SOGS PA DAG DPE MA YIN PAR 'GYUR RO ZHES BRJOD PA NI DPE'I SKYON MED BAR ZHES BYA BA'O, ,GANG GI PHYIR DE LTAR SPYI DPE MA YIN PA DES NA'O, , DE LA NI SPYI LA'O, ,MNGON SUM GYI RTOGS PAS ZHES BYA BA NI GSAL BA'I YUL DU ZHES KHA BSKANGS TE, THAMS CAD DU SGRA KHO NA LAS SPYI RTOGS PAR 'GYUR RO ZHES BYA BA'I DON TO, ,MNGON SUM GYIS GZUNG NA BA RDA MED PA'I PHYIR SGRA LAS RTOGS PAR MI 'GYUR TE, DES NA MNGON SUM GYIS 'DZIN PA YIN NO ZHES DOGS PA BSU BA NI GAL TE ZHES BYA BA'O, ,SGRA NYID LAS 'BREL PA 'DZIN NA NI THUG PA MED PAR 'GYUR RO SNYAM DU BSAMS PA'O, ,MNGON SUM GYIS RTOGS PA NYID NI SGRA LAS RTOGS PA MA YIN TE THA DAD PA'I PHYIR RO, ,DES NA DE LTAR DE MNGON SUM GYIS 'DZIN ZHES LAN GDAB PA'I PHYIR RNAM PAR RTOG PAR BYED PA NI SPYI ZHES BYA BA'O, ,DANG PO LA BRJOD PA NI GAL TE ZHES BYA BA'O, ,DE NYID NI SGRA RTOGS PA GANG YIN PA'O, ,SHES PA LA LTOS TE BRJOD NAS DON LA LTOS NAS BRJOD PA NI RANG BZHIN NYID KYIS ZHES BYA BA STE, SGRAS NYE BAR BSTAN PAS SO, ,'ON TE ZHES BYA BA NI GNYIS PA LA BRJOD PA'O; ,DE LA NI MNGON SUM GYIS MTHONG BA LA'O, ,GZHAN DU ZHES BYA BA NI BRDA'I YUL MA YIN PA STE, RNAM PA MI GSAL BAR RO, ,'ON TE DE NYID SGRA LAS DE LTAR SNANG BA YIN NO SNYAM NA, SGRA'I SHES PA LA YANG ZHES BYA BA'O, ,MNGON SUM GYIS RTOGS PA'I RANG BZHIN KHO NAR ZHES BYA BA NI RANG

BZHIN GYIS MA YIN TE, GCIG LA RANG BZHIN GNYIS MI SRID PA'I PHYIR RO, ,'O NA RANG BZHIN GCIG NYID KYANG SHES PA GZHAN LA RNAM PA GZHAN DU SNANG BA YIN NO SNYAM NA, SGRA'I RANG BZHIN NI ZHES BYA BA'O, ,CI'I PHYIR ZHE NA, SPYI NI ZHES GSUNGS SO, ,DE'I RANG BZHIN NYID MNGON SUM GYIS RTOGS PA'I RANG BZHIN NO, ,DES NA SHES PA GZHAN LA RNAM PA GZHAN DU SNANG BA MA YIN NO ZHES BYA BAR DGONGS PA'O, ,THAL BA 'DI 'BA' ZHIG TU YANG MA ZAD DE, THAMS CAD TSE YANG SNANG BAR 'GYUR RO, ,DE CI'I PHYIR ZHE NA, 'DI LTAR ZHES BYA BA'O, ,CI MI DMIGS PAR BYA BA'I RANG BZHIN LA RNAM PA GZHAN DU 'GYUR BA MA YIN NO, ,GZHAN GYIS RNAM PA GZHAN DU BYED NA NI MI RTAG PA NYID DU 'GYUR RO ZHES BYA BA'I DON TO, ,SNGON PO LA SOGS PA'I RANG BZHIN MTSAN NYID DMIGS PA NA SKYE BO LA THOGS PA MED PA'I BAG CHAGS KYIS BSKYED PA SNGON PO LA SOGS PA MI GSAL BAR SNANG BA'I SHES PA SKYE LA DE'I SNANG BA LA PHYI ROL NYID DU LHAG PAR ZHEN PAS, DE LA MNGON PAR RTOGS PAS CI ZHIG BYA ZHES GSUNGS PA NI, DE LA'ANG ZHES BYA BA STE, SPYI'I RNAM PAR SHES PA LA SGRA LAS BYUNG BA LAS SU GYUR PA'O, ,RJES 'BREL NI RJES SU ZHUGS PA STE, SNGON PO LA SOGS PA'I RNAM PA'I CHA MI GSAL BA'O, ,GANG GIS SPRUL ZHES BYA BA NI SPYI SA MA YIN LA, BSAL BAS KYANG MA YIN PA STE, GNYI GA LA YANG DE 'DRA BA'I RNAM PA MED PA'I PHYIR RO, ,DE NYID KYANG SPYI MA YIN TE, DE NI RNAM PA MED PA YIN PA'I PHYIR RO, ,RNAM 'GREL DANG PO NI MA BKRAL TE GSAL BA'I PHYIR RO, ,GNYIS PA 'CHAD PA NI GSAL TE SGRA LAS ZHES BYA BA'O, ,DE'I TSE SPYI'I RNAM PA 'BA' ZHIG TU STE GSAL BA'I RANG BZHIN DANG 'BREL PAR RO, ,GSAL BA LAS YIN PAR SRID PA'I DOGS PA BSU NAS SEL BA NI GSAL BA LAS ZHES BYA BA'O, ,GANG LAS ZHES BYA BA NI GSAL BA'I RNAM PA MA YIN NO ZHES BYA BA'I DON TO, ,DES BSKYED PA'I PHYIR TE DE'I YIN NO ZHE NA GSAL BAS BSKYED PA'I PHYIR RO ZHES GSUNGS SO, ,CI'I PHYIR ZHE NA, SPYI MED PAR ZHES GSUNGS SO, ,JI LTA ZHE NA, DE LAS THA DAD PAR ZHES GSUNGS TE, SNGON PO LA SOGS PA'I RNAM PA LAS THA DAD PAR RO, ,RJES SU SONG BA'I RNAM PA NI SNANG BA NYID YIN LA, SPYI YANG

, ,DE NYID YIN NO SNYAM NA RJES SU SONG BA'I ZHES GSUNGS SO, ,SNGON PO LA SOGS PA'I RNAM PA MI GSAL BA'I SPYI'I RNAM PA NYID 'DOD NA YANG DON DE RNAMS KYIS MI 'GYUR RO ZHES BRJOD PA NI DE'I PHYIR ZHES BYA BA'O, ,SGRA LAS SNGON PO LA SOGS PA'I RNAM PA GNAS PA'I SPYI DANG DON GNYIS KA RTOGS PA'I PHYIR TE DON RNAMS KYIS SPYI YIN NO SNYAM DU DOGS PA BSU BA NI, GNYIG YANG ZHES BYA BA'O, ,LAN NI DBANG POS GZUNG BAR BYA BA NYID DU MI 'GYUR RO ZHES BYA BA'O, ,SGRA LAS BYUNG BA KHO NAS GNYI GA RTOGS NA DBANG PO DON MED PA'I PHYIR DBANG POS GZUNG BA NYID DU MI 'GYUR RO, ,'ON TE SGRA LAS 'BYUNG BAS MI GNYI GA 'DZIN LA DBANG POS NI KHYAD PAR TZAM 'DZIN PA DES NA DBANG PO 'BRAS BU DANG BCAS PA YIN NO, ,BRJOD PA NI DBANG PO ZHES BYA BA'O, ,DBANG PO'I GZUNG BA ZHES BYA BA NI KHYAD PAR TZAM ZHES BYA BA LHAG MA YIN NO, ,'DI JI LTAR MI RIGS SNYAM NA, SPYI DBANG POS MA BZUNG NA BRDA MED PAR 'GYUR BA'I PHYIR TE, SGRAS RIGS PA MA YIN NO ZHES BRJOD, LAN BRJOD PA NI SGRA LA LTOS PA MA YIN NO, ,GAL TE SGRA LAS RTOGS PA YOD PA NYID MA YIN NAM, DES NA MI 'GYUR RO ZHES JI STE BRJOD CE NA, GANG GI PHYIR SGRA LAS NI MNGON SUM GYIS GZUNG BA'I SPYI YOD DO ZHES RTOGS PAS NI MED DO, , CI'I PHYIR DE LTA BU RTOGS PA MED SNYAM NA, YID CHES PA ZHES GSUNGS SO, ,JI LTAR MNGON SUM LAS BA LANG 'DI NI BA LANG NGO ZHES YID CHES PA SKYE BA DE BZHIN DU SGRA LAS NI YID CHES PA MED PA'I PHYIR RO, ,YANG NA MA YIN TE ZHES BYA BA NI RTZOD PA DGAG PA'O, ,GSAL BA BZHIN DU SPYI YANG DBANG POS GZUNG BAR BYA BA NYID DU 'GYUR RO, ,'ON TE DBANG POS GSAL BA RTOGS PA NA SPYI MI 'DZIN PA NYID DO ZHE NA, DBANG POS ZHES BYA BA'O, ,DBANG POS BZUNG BA ZHES BYA BA LA SPYI ZHES BYA BA NI LHAG MA'O, ,LHAG MA NI BSHAD PA SNGA MA DANG MTHUN NO, ,'DI LAS KYANG DE LTAR RTOGS PA MA YIN NO ZHES BRJOD PA NI SNANG BA THA DAD PA'I PHYIR RO ZHES BYA BA'O, ,DE'I PHYIR SPYI SGRA LAS NI RTOGS PA MA YIN NO, ,GANG GI PHYIR SGRA LAS BYUNG BA'I SHES PA LA SNGON PO LA SOGS PA'I RNAM PA'I CHA 'BA' ZHIG SNANG LA GZHAN NI 'GA' YANG MA YIN PA DE'I PHYIR RO, ,DES NA DBANG PO DON MED PA NI SO NA 'DUG GO ZHES THAL BA'I

DON NYE BAR SDUD PA NI DES NA GSAL BA NYID CES BYA BA'O, ,SNGON PO LA SOGS PA'I RANG BZHIN SPYIR SMRA BA NYID, GSAL BA DANG MI GSAL BA SNGON PO LA SOGS PA'I RNAM PAR DBYE BA DBANG BO DANG SGRA LAS SKYES PA'I SHES PA DAG GI YUL RNAM PAR 'JOG PA'I PHYIR NA DBANG PO DON MED PAR 'GYUR RO ZHES BRJOD PA NI GAL TE ZHES BYA BA'O, ,MNGON SUM SHES DON NYID PHYIR NA, ,ZHES BYA BA'O, ,GSAL BA'I SHES PA'I DON YIN PA'I PHYIR RO, ,'DI LA LAN NI DE DNGOS SHES PA LA SOGS PA'O, ,SGRA DANG GZUGS DANG RO LA SOGS PA DNGOS PO GCIG LAS GSAL BA DANG MI GSAL BA GA LAS YIN TE, MNGON SUM GYIS RTOGS PA RNAM PAR MTSUNGS PA KHO NAR 'GYUR RO ZHES BYA BA'I DON TO, ,GANG ZHIG SGRA LAS BYUNG BA LA YOD PA'I PHYIR DBANG PO RNAMS 'BRAS BU MED PAR 'GYUR BA MNGON SUM NYID DE, CI 'DRA BA ZHIG YIN ZHE NA, MNGON SUM NYID NI ZHES GSUNGS SO, ,DE YOD NA ZHES BYA BA NI SGRA LAS 'BYUNG BA'O, ,GZHAN DAG RNAM PA GZHAN DU MNGON SUM GYI MTSAN NYID BRJOD PA NI, MDUN NA GNAS PA NYID DU ZHES BYA BA'O, ,DE LTA BU'I RTOGS PA NI SGRA LAS 'GYUR BA MA YIN PAS NA DBANG PO RNAMS DON MED PAR MI 'GYUR RO ZHES BSAMS PA'O, ,MA YIN PA STE ZHES BYA BA NI 'GOG PA'O, ,CI'I PHYIR ZHE NA, SGRA NI RNAM PA GZHAN DU ZHES SMOS TE, MDUN NA MI GNAS PA NYID DO, ,MTSAN NYID 'DI LA NI MA KHYAB PA'I NYES PA YOD DO ZHES BYA BA'I DON TO, ,JI SKAD DU DON GYI RANG GI NGO BO RTOGS PA KHO NA ZHES BRJOD PA DE NYID RNAM PA GZHAN MI SRID PA NYID KYIS TSIG GZHAN GYI SGO NAS DOGS PA BSU BA NI, BDAG NYID THAMS CAD CES BYA BA'O, ,DE LTA NA YANG SNGA MA BZHIN DU DBANG PO 'BRAS BU MED PAR 'GYUR RO ZHES LAN 'DEBS PA NI SGRA LAS KYANG ZHES BYA BA'O, ,DE NYID NI DBANG PO LAS RTOGS PA GANG YIN PA NYID DE DE NYID LA NI DBANG POS RTOGS PAR BYA BA LA'O, ,DES NA DBANG PO RNAMS DON MED PAR 'GYUR RO ZHES BYA BAR 'DI GNAS PA'O, ,GAL TE SGRA YONGS SU TSIM PAR BYED PA MA YIN GYI, DBANG POS DE BYED PA'I PHYIR DON MED PA MA YIN NO ZHES DOGS PA BSU BA NI YONGS SU TSIM PA'I DON GYI PHYIR DBANG PO RNAMS DON MED PA MA YIN NO ZHE NA, YONGS SU TSIM PA'I SGRA NYID LAS DER 'GYUR BA'I PHYIR NA, DE DAG DON MED PA KHO NA'O ZHES LAN 'DEBS PA NI

, ,MA YIN TE ZHES BYA BA'O, ,SRID PA'I PHYIR ZHES BYA BA NI DA LTA BA DANG NYE BA SA DA LTAR GYUR PA DANG 'DRA BA ZHES PA'I DON YIN PA'I PHYIR RO, ,DNGOS PO'I RANG BZHIN GSAL BA GCIG PU NYID YIN MOD, DE NI NYE BA DANG DA LTAR BA NYID MNGON SUM GYI YUL TE, DE LA SGRA SBYOR BA NI DON MED PAS NI GZHAN DU SBYOR BA YIN NO ZHES BRJOD PA NI DE LTA NA YANG ZHES BYA BA'O, ,CI'I PHYIR GNYIS PO YONGS SU TSIM PA'I RGYU MA YIN ZHE NA, BLTAR MI SNANG BA ZHES BYA BAR SBYAR RO, ,DES NA ZHAS BYA BA NI YONGS SU TSIM PAR BYED PA NYID KYIS SO, ,SNANG BA MED PA NYID 'DAS PA LA SOGS PA YIN NO ZHES BYA BA'I DON TO, ,RANG GI NGO BO MTHONG BA NYID LAS MA MCHOD PA DANG, YONGS SU TSIM PAR BYED PA NYID DU GRUB PO ZHES BRJOD PA NI MIG LA SOGS PAS ZHES BYA BA'O, ,RANG GI NGO BOS MTHONG BA DE YANG SGRA LAS RTOGS PA 'DAS PA LA SOGS PA LA YANG YOD DO, ,DES NA DE DAG MCHOD PA DANG YONGS SU TSIM BAR BYED PA NYID DU JI LTAR MI 'GYUR SNYAM DU DOGS PA'O, ,JI SKAD DU, MCHOD PA YONGS SU TSIM PAR BYED PA MA YIN NO ZHES BRJOD PA DE YANG MI 'THAD DO ZHES BRJOD PA NI GLU'I SGRA NI ZHES BYA BA'O, ,SGRUB PAR MI BYED PA NI MA YIN TE, 'ON KYANG SGRUB PAR BYED PA NYID DO, ,DE BZHIN DU 'DAS PA LA SOG PA LA YANG RANG GI NGO BO RTOGS PA NI SGRUB PAR BYED PA NYID DU 'GYUR RO ZHES BYA BA'I DON TO, ,SGRA MA CHOD PA NYID DU DOGS PA BSU BA NI CHU RLABS KYI TSUL DU ZHES BYA BA'O, ,'ONGS PA MA DMIGS PAS GNOD DO ZHES LAN 'DEBS PA NI NYE BAR LEN PA ZHES BYA BA'O, ,NYE BAR LEN PA NI SGRA 'DZIN PA'O, ,DE NI ZHES BYA BA NI SGRA'O, ,TSAD MAS MA RTOGS PA'I PHYIR 'ONGS PA MA YIN NO ZHES BYA BA'I DON TO, ,DE LTA NA YANG 'ONG BAR RTOGS NA NI HA CANG THAL BAR 'GYUR RO ZHES BRJOD PA NI HA CANG THAL BAR 'GYUR ZHES BYA BA'O, ,GAL TE SGRA DBANG PO'I YUL DU THAG RING POR RTOGS PA RNAMS KYANG 'ONG BAR 'GYUR RO ZHES HA CANG THAL BAR 'GYUR RO, ,'DI NYID RNAM PAR 'GREL PA NI GAL TE ZHES BYA BA'O YUL RGYANG RING PO NI SGRA'O, ,PHRAD PA DE'I TSE GZUGS LA SOGS PA YANG ZHES BYA BA YIN NO, ,DES NA ZHES BYA BA NI LUS LA GNAS PA RNAMS DANG PHRAD PAS SO, ,GANG GI PHYIR DE LTA YIN PA DES NA'O, ,'ON TE MI SLU BA MED

PA'I PHYIR NA 'DAS PA LA SOGS PA NYID YOD PA NYID MA YIN NO SNYAM DU DOGS NA MI SLU PA YANG ZHES BYA BA'O, ,DBANG PO LAS RTOGS PA YOD PA YIN GYI SGRA LAS RTOGS PA NI MA YIN SNYAM DU DOGS PA BSU BA NI CI STE ZHES BYA BA'O, ,RTZOD PA RJES SU BRJOD NAS LAN 'DEBS PA NI GAL TE ZHES BYA BA NI SKRA SHAD LA SOGS PA YANG DBANG POS RTOGS PAR BYA BA NYID KYIS YOD PAR THAL BAR 'GYUR RO ZHES BYA BA'I DON TO, ,GAL TE DBANG PO NYAMS PA'I PHYIR SBRANG BU LA SOGS PA YOD PA MA YIN NA, DE'I TSE NYAMS PA DE TSAD MA GANG GIS NGES, GAL TE DE LTA MA YIN PAR RTOGS PA'I PHYIR NA DBANG PO RNAMS NYAMS PA'I RTOGS PA LA NI SBRANG BU LA SOGS PA MED PA YIN NA DE LTAR 'O NA ZHES BYA BA LA SOGS PA LAN YIN NO, ,GANG GI PHYIR DE LTAR DBANG PO LAS RTOGS PAS YOD PA NYID MA YIN PA DE'I PHYIR RO, ,DE DNGOS GCIG PHYIR ZHES BYA BA DE'I DON NYE BAR SDUD PA NI SGRA DANG DBANG PO'I ZHES BYA BA'O, ,'DI PHYIR YANG ZHES BYA BA NI 'CHAD PA'I TSUL LAS SO, ,GSAL BA'I NGO THA DAD DU STE PHAN TSUN LDOG PAR RO, ,GAL TE ZHES BYA BA NI GZHAN GYIS KYANG KHAS BLANGS PA NYID DU STON PA'O, ,GRUB PA STE RANG GI RGYU LA SKYES PA NA DE'I TSE 'DI RIGS LDAN NYID KYI RIGS NI MED DO, ,CI'I PHYIR ZHE NA, GANG PHYIR TE GZHAN LA BRTEN NO, ,DE LTA MA YIN NA NI GZHAN LA BRTEN MED DE GZHAN DANG MA 'DRES PA 'AM GZHAN LA MI LTOS PA'I PHYIR ZHES BYA BA'I DON TO, ,KHRA BO LA SOGS PA LA NI SER SKYA LA SOGS PA MA MTHONG NGO, ,THA DAD PA GZHAN LA BRTEN PA YANG 'BRAS BU NYID YIN LA, DE NA RGYU LA SOGS PA LA PHAN TSUN YOD PA MA YIN NA GANG LAS 'BRAS BU NYID KYI LTOS PAR 'GYUR, RANG GI RGYU LA LTOS NAS 'BRAS BU NYID YOD PA YIN NO ZHE NA, DE LTA NA YANG GRUB PA NI LTOS PA MA YIN TE, GZHAN LA RAG LAS PA'I PHYIR RO ZHES GSUNGS PA NI, GRUB PHYIR ZHES BYA BA STE SKYES ZIN PA'I PHYIR RO, ,'BRAS BU YANG GZHAN LA RAG LAS PA MA YIN TE DES NA LTOS PA MED PA YIN NO, ,MA GRUB PA NA BSKYED PAR BYA BA 'BA' ZHIG TU ZAD KYI LTOS PA NI MA YIN TE RANG NYID MED PA'I PHYIR RO, ,SER SKYA LA SOGS PA 'BRAS BU MA YIN PA NI GRUB PA'AM MA GRUB PA LA LTOS PAS KYANG MA YIN TE, DE LA LTOS NAS KYANG 'BRAS BU NYID DU KHAS BLANGS PA'I PHYIR RO ZHES BRJOD PA NI, 'BRAS

, ,MIN JI LTAR ZHES GSUNGS TE, GNYI GA LTAR YANG NGO, ,CI ZHIG CES BYA BA NYID DO ZHES BYA BA'I DON TO, ,GAL TE 'DI DE'I 'BRAS BU YIN NO ZHES RANG GI RGYU DANG 'BREL PAR RTOGS PA MA YIN NAM, DE BZHIN DU 'BRAS BU MA YIN YANG DE NYID 'DI YIN NO ZHE NA, RANG GI RGYU ZHES GSUNGS SO, ,RGYU DANG 'BREL BAR BYED PA NI RTOGS PA 'BA' ZHIG GIS YIN GYI, MNGON SUM GYIS NI MA YIN TE, DE LAS BZLOG PAR DMIGS PA'I PHYIR RO, ,GSAL BA'I RANG BZHIN LAS GZHAN YIN YANG GSAL BA'I RANG BZHIN DES 'BREL PA MED PAR GRUB BO, ,GANG GI PHYIR THA DAD PA DANG CIG SHOS KYI RNAM PAR RTOG PA MI SRID PA DE'I PHYIR RIGS NI RANG BZHIN MED PA NYID DO, ,GANG ZHIG THA DAD PA DANG GZHAN DU MED PA DE NI DNGOS PO MA YIN NO ZHES BYA BA'I DON TO, ,GAL TE ZHES BYA BA RNAM PAR 'BREL BA NI RIGS DANG LDAN PA'AM ZHES BYA BA'O, ,KHAS BLANGS PA DANG PO ZLOG PAR BYED PA NI DE RE ZHIG CES BYA BA'O, , GNYIS PA NI, GZHAN NYID YIN NA DE 'BREL MED, ,CES BYA BA RNAM PAR 'BREL PA NA BZLOG PAR 'GYUR RO, ,BSHAD PA MDZAD PA YANG GAL TE THA DAD GRUB CE NA ZHES BYA BA DANG, 'BRAS BU MIN JI LTAR YANG, CI ZHIG BYA BA CI ZHES BYA BA DANG SBYAR NAS THA DAD PA'I PHYOGS LA LTOS NAS 'CHAD PA YIN NA, GZHAN NYID YIN NA DE 'BREL MED, ,CES BYA BA 'DI DON GANG ZHIG GSAL BA'I NGO BO THA DAD DU GAL TE GRUB NA ZHES BYA BA 'DI GSAL BA'I YUL CAN NYID DU 'CHAD PA NI DE BZHIN DU KHRA BO LA SOGS PA ZHES BYA BA'O, ,GNYI GA LTAR YANG LTOS BA DANG BCAS PA NYID DU RTOGS PA'I RNAM PA BRJOD PA NI, 'DI NI DE DANG MTSUNGS SO ZHES BYA BA'O, ,'BRAS BU MIN JI LTAR YANG CI ZHIG BYA BA 'DI YANG GSAL BA'I YUL CAN DU BRJOD PA NI, SHES LDAN CI LDOG PA LA MA YIN NAM ZHES BYA BA STE, 'BRAS BU MA YIN PA GSAL BA'I RANG BZHIN LAS RIGS GZHAN YIN NO ZHE NA, GSAL BA LAS GZHAN DANG DE LAS SPYI THA DAD YIN ZHES GSUNGS TE; SPYI GZHAN NYID YIN NA'O, ,GSAL BA LAS GSAL BA GZHAN DANG ZHES BYA BA NI MA 'BREL PA'I PHYIR RO, ,DE NYID GSAL BAR BYED PA NI, 'BREL PA MED PAR ZHES BYA BA'O, ,'O NA NI BA LANG NYID GSAL BA LA SOGS PA'I SPYIR MI 'GYUR TE, RI BONG GI RVA BZHIN DU DNGOS PO MED PAS NYE BA MED PA'I PHYIR RO, ,

GAL TE 'GYUR NA NI RI BONG GI RVA YANG 'GYUR RO ZHES 'O NA NI ZHES BYA BA LA SOGS PAS DOGS PA BSU NAS, MED PAR RIGS SU THAL MI 'GYUR, ,ZHES GSUNGS SO, ,CI'I PHYIR RI BONG GI RVA DANG KHRA BO LA SOGS PA DE GNYIS LA LTOS PA MED PA'I PHYIR RO, ,DNGOS PO MED PA YANG SPYIR 'GYUR RO ZHES DE SKAD BRJOD PA STE, CI YANG GI GSAL BA LA LTOS NAS SAM, GSAL BA GZHAN LA LTOS NAS RANG GI GSAL BA LA LTOS NAS NI SKYON MED DO ZHES GSUNGS PA NI RI BONG GI RVA RI BONG GI RVA ZHES BYA BA'O, ,GZHAN GYI GSAL BA'I ZHES BYA BA LA SOGS PA PHYOGS GNYIS PA'I DOGS PA BSU NAS, BRJOD PA NI CI DNGOS POR SMRA BA LA YANG ZHES BYA BA'O, ,GZHAN DAG MA YIN PA'I RGYU MTSAN BRJOD PA NI, LTOS PA MED PA'I PHYIR ZHES BYA BA'O, ,DE NI BA LANG NYID DE DE LTA NA NI 'O NA ZHES BYA BA NI GRUB PA'I MTHA' SMRA BA'O, ,'O NA JI LTAR RNAM PAR RTOG PAS YONGS SU BRGYUD PA'I BA LANG NYID DE'I SPYI'I RANG BZHIN NYID YIN ZHE NA, BSHAD PA BA LANG NI LTOS PA'I MTSAN NYID KYIS 'BREL PAR 'GYUR BA YIN NO ZHES 'BREL TO, ,DES NI DNGOS PO MED BZHIN DU SKYON YOD PA MA YIN NO, ,JI LTAR 'BREL ZHE NA, GTAN TSIGS GNYIS GSUNGS TE, BRTEN NAS ZHES BYA BA NI KHRA BO LA SOGS PA LA BRTEN NAS SO, ,DE LA ZHES BYA BA NI KHRA BO LA SOGS PA LA'O, ,CI STE YANG RANG BZHIN GANG ZHIG RNAM PAR RTOG PA LA SNANG BA'I RANG BZHIN DE NI THA DAD PA'AM THA MI DAD PA YIN YANG SLA STE, KHRA BO LA SOGS PA RNAMS LA YOD PA NYID YIN TE DE LTA MA YIN NA RNAM PA DE LTA BU'I BLONG JI LTAR 'GYUR ZHES DOGS NAS BSHAD PA, SPYI DE'I RANG BZHIN NI KHRA BO LA SOGS PA DE RNAMS LA 'BREL PA THA DAD PA YOD PA MA YIN LA, THA MI DAD PAR YANG MA YIN MOD KYI 'ON KYANG THA DAD PA DANG THA MI DAD PA DE'I RANG BZHIN MED KYANG RANG BZHIN DANG LDAN PA DE LTAR 'GYUR BA YIN NO, ,GANG GI PHYIR RIGS GSAL BA'I RANG BZHIN LAS DE NYID DANG GZHAN NYID DU BRJOD PAR BYA BA MA YIN PA DE'I PHYIR NGO BO MED PA YIN NO, ,GAL TE NGO BO MED PA YIN NA DE'I TSE DNGOS PO LA NYE BA MED PA'I PHYIR, KHRA BO LA SOGS PA DA DANG 'BREL PA 'DOD PA TZAM LAS BYUNG BAS RTOGS PA TZAM GYIS BKOD PAR 'GYUR LA, DE LTA NA YANG RI BONG GI RVA DANG YANG 'BREL PAR 'GYUR RO ZHES DOGS PA BSU NAS KHYAD PAR BRJOD PA NI,

, ,NGO BO LA BRTEN NA ZHES BYA BA'O, ,BYI BA DANG PHYUGS LA SOGS PA YANG KHRA BO MTHONG NAS KHU YU MTHONG BA NA DE NYID NI 'DI YIN NO ZHES DE NYID DU MNGON PAR RLOM GYI, NGANG PA LA SOGS PA NA NI MA YIN NO, ,RI BONG GI RVA NI DON MTHONG BA LAS BYUNG BA'I RNAM PAR RTOG PAS NYE BAR BSTAN PA YANG MA YIN NO, ,DON MTHONG BA LAS BYUNG BA'I RNAM PAR RTOG PAS NYE BAR BKOD PA'I RIGS DE NYID BRDA YOD NA SGRA RNAMS KYIS BRJOD PA YIN TE, DE NYID KYI PHYIR DON MTHONG BA LAS BYUNG BA'I RNAM PAR RTOG PAS BYA BA'I YUL CAN GYI SGRA RNAMS BRGYUD NAS DON GYI YUL CAN DU GYUR PA YIN NO ZHES BRJOD PA NI RIGS DE'I KHYAD PAR DU GYUR PA'I GSAL BA GANG YIN DE LA 'JUG DON TE, DGOS PA GANG DAG LAS YOD PA'I SGRA DE RNAMS KYIS RAB TU BSTAN PA YIN NO, ,RTOGS PA YANG YUL MTSUNGS PA'I SGRA RNAMS CI LTAR GSAL BA'I YUL CAN DU 'GYUR ZHE NA, GANG GI PHYIR RTOGS PA YANG LHAG PAR ZHEN PAS DE'I YUL CAN YIN TE, DES NA RTOGS PA DANG YUL MTSUNGS PA YIN YANG GSAL BA'I YUL CAN KHO NA'O, ,KHA CIG NI NGO BO PHAN TSUN KHYAD PAR CAN DU GYUR LA, BRGYUD NAS BRTEN NAS RTAG PA ZHES BYA BA BKOD PA YIN NO, ,KHYAD PAR YANG YIN LA RIGS KYANG YIN LA STE RNAM PAR BCAD PAS SO, ,DE LA 'JUG PA NI RTOGS PAR BYED PA GANG YIN PA'I SGRA RNAMS KYIS ZHES 'CHAD DO, ,GAL TE NGO BO MED PA YIN NA NI CI LTAR NGO BO DANG LDAN PA LTA BUR RTOGS SHE NA, 'ON KYANG ZHES GSUNGS SO, ,'DIR ZHES BYA BA NI RTOGS PAS YONGS SU BSGYUR BA'I RIGS LA'O, ,GAL TE GZHAN RTOGS PAS GZHAN LA CI LAR 'JUG SNYAM NA, DE LAS SKYES PA DE NYID KYI PHYIR ZHES GSUNGS SO, ,RIGS DE RTOGS PA NA ZHES BYA BA NI RANG BZHIN DANG LDAN PA'I RIGS RTOGS PAR 'GYUR NA'O, ,GANG GI PHYIR DE RTOGS NA KHYAD PAR RNAMS LA 'JUG PA DES NA'O, ,DE NYID RNAM PAR RTOG PAS YONGS SU BSGYUR BA NYID LA'O, ,RNAM PAR GCAD PAR BYA BA BRJOD PA NI GZHAN ZHES BYA BA'O, ,RIGS NGO BO'I RNAM PA DANG LDAN PA YIN DU ZIN KYANG ZHES BYA BA NI NGO BO MTHONG BA'I PHYIR RO, ,GSAL BA DANG LHAN CIG GCIG TU LHAG PAR ZHEN PA GA LAS YIN, MA YIN PA NYID DE GCIG NYID MA MTHONG BA'I PHYIR RO, ,GAL TE GCIG NYID BZHIN DU NGO BO YANG MA MTHONG BA MA YIN NAM, DES

NA JI LTAR NGO BO'I RNAM PA NYID YIN ZHE NA, NGO BO NYID NI ZHES GSUNGS SO, ,'O NA GCIG NYID KYANG CI STE MA MTHONG ZHE NA MA MTHONG BAR ZHES SMRAS SO, ,GSAL BA DANG SNANG BA'I RNAM PA THA DAD PA'I PHYIR RO ZHES BYA BA'I DON TO, ,GRUB PA'I MTHA' NI MA MTHONG YANG 'DI NI 'THAD DO ZHES BRJOD PA NI, DE LA ZHES BYA BA'O, , RNAM PAR RTOG PA SNANG BA'I RIGS DE LA NGO BOR SNANG BA YANG STE, MI GSAL BA'I RANG BZHIN GYI RNAM PA NYID DAM, DON LA DE NYID DU 'DZIN PA ZHES BYA BA, GSAL BA NYID DANG LHAN CIG NYID DU 'DZIN PA'O, ,GAL TE DE'I RANG BZHIN MA GRUB NA 'DI 'DRA BA'I 'KHRUL PAR JI LTAR 'GYUR ZHE NA, DUS THOG MA YOD PA MA YIN PA CAN GYI MTHONG BA GANG YIN PA DE GOMS PA SPRUL PA'O, ,DE KHO NA NYID MTHONG BA NYID KYIS ZHES BYA BA NI THA MI DAD PA MTHONG BA NYID KYIS SO, ,DE'I NGO BOR NI THA MI DAD PA'I RANG BZHIN DU SGRO 'DOGS PA'O, ,'O NA DE CI LTAR 'GYUR SNYAM NA 'KHRUL PA GCIG NAS ZHES GSUNGS SO, ,DON DE NYID DU 'DZIN PA BYA BA BSHAD NAS LHAG MA 'CHAD PA NI MI GSAL BAR ZHES BYA BA'O, ,'DI LA YANG ZHES BYA BA NI MI GSAL BAR SNANG BA LA YANG NGO, ,GANG GI PHYIR DE LTA YIN PA DE'I PHYIR RO, ,DE'I RANG BZHIN GCIG NYID DU MI GSAL BA DAG GI RANG BZHIN NO, ,DE LTAR SPYIR DNGOS POR 'GYUR BA GSAL NAS RNAM PAR RTOG PA'I RNAM PA LA DON GYI RANG BZHIN NYID KYIS SPYIR RNAM PAR GZHAG STE, DA NI GZHAN LAS LDOG PA'I RANG BZHIN, BRJOD PA'I RANG BZHIN PA NI YANG NA ZHES BYA BA'O, ,GZHAN RIGS MI MTHUN PA RNAMS LA RTOGS PA STE, LDOG PAR BYED PA NYID KYI MTSAN NYID DE NGO BO NYID GANG LA YOD PAR GZHAN LDOG PAR BYED PA'I BDAG NYID KYI DNGOS PO DE NYID SPYI YIN LA, SGRA YANG DE'I MTHAR THUG PA YIN TE, DE SPYI THA DAD PAR SMRA BA BZHIN DU BUM PA YOD PA ZHES BYA BA NI, 'DI BZHI MTHUN PA MA YIN PA YIN NO, ,DE LA NGO BO YANG CUNG ZAD YOD PA MA YIN TE, THUN MONG MA YIN PA'I RANG BZHIN GYIS STONG PA'I PHYIR RO, ,GAL TE GZHAN LAS LDOG PA YANG GZHAN LAS LOG PA'I BDAG NYID KYI DNGOS PO NYID MA YIN NAM, JI LTAR NGO BO MED SNYAM NA GZHAN LA LDOG PA'I MTSAN NYID KYI ZHES GSUNGS SO, ,RANG BZHIN ZHES LTA BA NI, THUN MONG MA YIN PA'O, ,GAL TE LTA NA YIN MOD, DE LTA NA YANG DE NI SGRAS SHES PAR BYED PA MA YIN TE, DES

, ,NA DE BRTAGS PAS CI ZHIG BYA SNYAM NA, RIGS MI MTHUN PA DE LAS ZHES GSUNGS SO, ,RIGS MI MTHUN PA DE LAS LDOG PA GANG YIN PA DE YANG 'JUG PA MED PA STE, SGRUB PA MED PA KHO NA YIN TE, THUN MONG MA YIN PA'I RANG BZHIN MED PA YIN NO ZHES BYA BA'I DON TO, , 'JUG PAR YANG ZHES BYA BA NI SGRUB PAR YANG NGO, ,DE LTA NA ZHES BYA BA NI KHYER TE MI 'ONG BA BKAG PA LAS SO, ,RANG NYID CES BYA BA NI SGRA'I BYED PA MED PAR RO, ,KHYER NAS 'ONG BA NI KHYER NAS 'ONG BAR RO, ,BUM PA MA YIN PA DE 'GOG PA NI BUM PA ZHES BYA BA'O, ,DGAG PA LA NI GZHAN LOG PA'I MTSAN NYID LA'O ZHES BYA BA NI RTOGS PA'I SPYOD YUL DU'O, ,DE YANG NI KHYER NAS 'ONG BA'O, ,BUM PA MA YIN PA DE 'GOG PA NI BUM PA ZHES BYA BA'O, ,DGAG PA LA NI ZHES BYA BA NI GZHAN LAS LDOG PA'I MTSAN NYID LA'O, ,GAL TE BA LANG MA YIN THE TSOM ZA BA NA BA LANG MA YIN PAR THAL BA YIN PAS, DER PA LANG ZHES BYA BA BA LANG MA YIN PA LAS LDOG PAR BYED PAR 'GYUR GYI, GZHAN DAG TU NI DANG PO NYID BA LANG ZHES SBYAR BA NA, BA LANG NYID SGRUB PA'I RANG BZHIN DU RTOGS PAR 'GYUR BA YIN NO ZHES DOGS PA BSU BA NI, GAL TE SGRA DANG PO'I ZHES BYA BA'O, ,DAG LA NI BYA BA'I TSIG GTZO BO YIN TE, LAS SU BYA BA NYE BAR STON PA'I PHYIR RO ZHES BRJOD PA NI DE YANG MA YIN TE ZHES BYA BA'O, ,GZHAN MIN PAR NI LEN PAR MI BYED PA'O, ,DE NI ZHES BYA BA NI LEN PAR MI BYED PA'O, ,'GOG PA NI KHYER LA SHOG CIG CES BYA BA'O, ,'DIR THAL BA YIN ZHES BYA BA NYID BRJOD PA NI, DE LA THAL BA GZHAN CI YOD CES BYA BA'O, ,DE NI THAL BA LA'O,, KHYER NAS MI 'ONG BA 'GOG PA'I KHYER NAS 'ONG BA DANG PO SMOS PA NA, DE NI BA LANG MA YIN PA YANG THAL BA BA GLANG ZHES SBYAR BA YIN NO, ,DES NA YANG NAG PO MA YIN PA THAL BA NAG PO ZHES SBYOR BA YIN TE, DES NA GZHAN SEL BA KHO NA SGRA'I DON YIN ZHES BYA BA'I DON TO, ,MA YIN PA DGAG PA KHO NA YIN PAR MED PA'I RANG BZHIN NI MA YIN TE, DE LAS GZHAN PA'I DON NI DE MED PA'I PHYIR RO, ,YOD PA YANG SPYI LA BRJOD PA'I SKYON BZHI MTHUN PA LA SOGS PA MED PA NYID DU 'GYUR RO, ,MA YIN PA YANG SGRUB PA KHO NA YIN NO ZHES RTZOD PA BRJOD PA NI GAL TE DE BKAG PA NI ZHES BYA BA DE RIGS MI MTHUN PA DE'O, ,GZHAN NI THUN MONG MA

YIN PA'I RANG BZHIN NO, ,DE LA ZHES BYA BA DGAG PA'O, ,BDEN TE MA YIN PA YANG RIGS MI MTHUN PA BZLOG PA'I BDAG NYID KHO NA YIN GYI, GZHAN THUN MONGS YIN PA'I RANG BZHIN DU NI MA YIN NO, ,DES NA MED PA DGAG PA'I RANG BZHIN DU BRJOD PA YIN GYI, DNGOS PO LAS THA DAD PA'I PHYIR RAM THUN MONG MA YIN PA'I RANG BZHIN RTOGS PAS NI MA YIN NO ZHES LAN BRJOD PA NI, 'DIR NI 'DI SKAD CES BYA BA'O, ,BKAG PA NA ZHES BYA BA NI RIGS MI MTHUN PA 'GOG PAR BYED PA NA'O, ,GZHAN GYIS ZHES BYA BA NI THUN MONG MA YIN PA'I RANG BZHIN RTOGS PA'O, ,GANG GI PHYIR THUN MONG MA YIN PA DE LA SGRA'I BYED PA MED PA YIN NO, ,GAL TE YANG THUN MONG MA YIN PA'I RANG BZHIN SGRA LAS RTOGS PA MA YIN LA 'ON KYANG LDOG PA'I BDAG NYID KYI DE NYID RTOGS PA DES NA 'JUG PAR 'GYUR BA NYID DO ZHES BRJOD PA NI RANG GIS ZHES GSUNGS SO, ,RTOGS PA NI 'JUG PA'O, ,GAL TE GZHAN LA MED PAR RTOGS PA NA GZHAN YOD PA MI RTOG PA LA SOGS PA MED PA NYID LA GZHAN LA GLANG YOD PA NYID DANG YIN PAR JI LTAR 'GYUR, 'DI LTAR THUN MONG MA YIN PA'I RANG BZHIN GYIS STONG PA LDOG PA'I RANG BZHIN YANG DNGOS PO MANG BA TZAM YIN NO ZHES BRJOD PA NI GZHAN YOD PA ZHES BYA BA'O, ,GZHAN RTOGS NA STE YUL GZHAN RTOGS PA 'DIR GANG LAS GZHAN YIN PA DE MED PA'I RTOGS PA SKYE BA'I PHYIR NA GZHAN LDOG PA'I BDAG NYID KYIS RANG GI MTSAN NYID KHO NA RTOGS PA'I YUL 'GYUR BA YIN NO, ,GAL TE RANG GI MTSAN NYID RANG GI NGO BO NYID KYIS NI RNAM PAR RTOG PA LA MI SNANG BA MA YIN NAM, MI SNANG MOD 'ON KYANG RNAM PAR BRTAG PAR BYAR NI 'GYUR BA YIN NO ZHES BRJOD PA NI RTOG PA'I RANG BZHIN GYIS ZHES BYA BA'O, ,DE SKAD BSHAD PA NI ZHES BYA BA NI GZHAN YOD PA NYID GZHAN MED PA YIN NO ZHES BYA BAR RO, ,GAL TE JI LTAR RTOGS PAS GZHAN LA LDOG BA RTOG PA DE BZHIN DU DE'I THUN MONG MA YIN PA LDOG PA YANG YIN NO, ,DES NA JI LTAR RANG GI MTSAN NYID RNAM PAR BRTAG PAR BYA BA YIN ZHES DOGS NA, JI LTAR DE LAS GZHAN MED PAR RTOGS PA DE BZHIN DU DE'I THUN MONG BA RANG GI MTSAN NYID MED PA NI MA YIN NO ZHES BRJOD PA NI RANG GI BLO NYID GZHAN DES DBEN PAR NYAMS SU MYONG BA DAG MED DO ZHES RTOGS PA'I PHYIR RO, ,THUN MONG MA YIN PAR LDOG PAR RTOGS PA NI

, ,MED DO, ,DES NA THUN MONG MA YIN PAR BRTAG PAR BYA BA YIN NO, ,THUN MONG MA YIN PA LA MED DO ZHES BYA BA'I DON TO, ,GAL TE RIGS LDAN RIGS MIN ZHES BYA BA LA SOGS PA'I SUN 'BYIN PAS SPYI GZHAN MA YIN PA MED PA LTA NA YANG RNAM PAR MED PA'I BLO LA MI GSAL BA'I RNAM PA SNANG BA GANG YIN PA DE NYID RDZAS SU YOD PA'I SPYI MIN NO ZHES RTZOD PA BRJOD PA NI GAL TE RE ZHIG CES BYA BA'O, ,DON MED RNAM PA GZHAN DU ZHES BYA BA NI MI GSAL BA'I RANG BZHIN DU'O, ,DE LA ZHES BYA BA NI SPYI LA'O, ,SPYI'I BLO LA SNANG BA NI SPYIR 'DOD DE, NAM GYI TSE ZHE NA RANG BZHIN MED NA STE, GAL TE RANG BZHIN MED PAR GRUB NA DE'I TSE'O ZHES BYA BA'I DON TO, ,GAL TE RNAM PA MED PA NYID YIN YANG DE LA SNANG BA SPYIR JI LTAR 'GYUR ZHE NA, BSHAD PA DE, SPYI NYID DU NI MTHONG PHYIR RO, ,DE LTAR NA DON DAM PAR YOD PAR 'GYUR RO ZHE NA, BSHAD PA DE SPYI NYID DU NI 'KHRUL PA YIN YANG ZHES GSUNGS SO, ,DES NA DON DAM PAR YOD PA MA YIN NO ZHES DGONGS PA'O, ,'O NA JI LTAR DE SPYI YIN ZHE NA DON DU 'KHRUL PA DE NI DON RNAMS MA BSLAD PA YIN PA'I PHYIR DANG, DON GYI NGO BOR DE NYID DU MED PA'I PHYIR SPYI YIN NO, ,DE NYID KYI PHYIR RANG BZHIN CAN MA YIN TE, DMIGS PA DANG BCAS PA'I RANG BZHIN GYI SPYI'I BLO RANG BZHIN DANG BCAS PA MA YIN NO,, DE ZHES BYA BA NI SNANG BA'O, ,SNANG BA DE SPYI'I NGO BOR MTHONG BA'I PHYIR RO, ,DE LTA NA YANG GZHAN GYIS 'DOD PA'I SPYI MI 'GRUB BO ZHES BRJOD PA NI 'ON KYANG ZHES BYA BA'O, ,KYANG GI SGRA'I DON BRJOD PA NI JI LTAR ZHES BYA BA'O, ,RNAM PA MED PA'I BLO LA YANG GANG CI SNANG BA DE THAMS CAD DON DAM PAR YOD PA NI MA YIN TE, DPER NA ZLA BA GNYIS KYI RNAM PA DE BZHIN DU SPYI YANG YIN PAR 'GYUR RO, ,'O NA JI LTAR DE KHYED KYI SPYI YIN SNYAM NA, DE YANG ZHES BYA BA'O, ,DON GYI RANG BZHIN 'BA' ZHIG TU NI MA ZAD KYI DE YANG YIN NO, ,CI'I PHYIR DE KHO NAR MED PAR RTOGS SHE NA, SPYI 'DI NI ZHES GSUNGS SO, ,DE LTA MA YIN NA ZHES BYA BA NI BRTAG MI BZOD PAR YANG YOD PAR KHAS LEN NA'O, ,GANG GI PHYIR BLO RNAM PAR MED PA LAS YANG RNAM PA DON DAM PAR YOD PA MA YIN PA DE'I PHYIR RO, ,RIGS LDAN RIGS MIN ZHES BYA BA LA SOGS PAS DE NYID DANG GZHAN DAG TU BRJOD PAR BYA BA MA YIN PA'I PHYIR SPYI DNGOS PO MA YIN NO ZHES

BRJOD ZIN BA NYID, MA NGES PA NYID LA SOGS PA'I NYES PA SPANGS PA'I DON DU ZLOS PAR BYED PA NI BRJOD BYA MA YIN PA'I PHYIR YANG ZHES BYA BA'O, ,CI'I PHYIR ZHES BYA BA LA BRJOD PAR BYA BA NYID MA YIN PA YANG YIN LA DNGOS PO MA YIN PA YANG MA YIN NO ZHES BYA BA NI DRI BA'I DON TO, ,LAN NI NGO BO MED PAS ZHES BYA BA STE, NGO BO MED PAR KHYAB PAR BYA BA BRJOD BYA MA YIN PA NYID KHYAB STE, DES NA GANG BRJOD PAR BYA BA MA YIN PA DE NI DNGOS PO MA YIN PA NYID DO, ,GAL TE DNGOS PO MA YIN PA'I GTAN TSIGS BRJOD PAR BYA BA MA YIN PA NYID MA GRUB BO ZHES DOGS PA BSU NAS SEL BA NI GAL TE RTA LA SOGS PA'I GSAL BA LAS THA DAD PA'I PHYIR NA, BA LANG NYID DE DNGOS PO 'DOD NA DE'I TSE RNAMS NI JI LTAR YANG BRJOD PAR BYA BA NYID MA YIN PA MA YIN TE, 'ON KYANG RANG GI GSAL BA LAS KYANG THA DAD PAR BRJOD PAR BYA BA YIN NO, ,KHYAB PAR BYA BA YOD PA'I PHYIR KHYAB PAR BYED PA YOD PAR BRJOD PA NI, GANG ZHIG CAS BYA PA'O; ,BRJOD PAR BYA BA MA YIN PA NYID MA GRUB PO ZHES BRJOD PA NI CI STE SPYI GZHAN LAS ZHES BYA BA'O, ,GAL TE DNGOS PO YIN NA DE'I TSE ZHES KHONG NAS PHYUNG LA RANG BZHIN GSAL BA LAS KYANG ZHES SBYAR RO, ,DE LTA YANG MA YIN NO, ,DE NYID LAS ZHES BYA BA NI RANG GI GSAL BA LAS SO, ,CI DNGOS PO YANG RANG GI RTEN LAS THA DAD PAR BRJOD PAR BYA BA MA YIN PAR DOGS PA BSU BA NI DE DANG 'BREL BA'I PHYIR ZHES BYA BA STE, RANG GI GSAL BA DANG 'BREL PA'I PHYIR RO, ,DE LAS NI GSAL BA LAS SO, ,DNGOS PO MA YIN PAS BRJOD BYA MA YIN PA LA MA KHYAB PO ZHES BYA BA'I DON TO, ,'BREL PAS BRJOD BYA MA YIN NA HA CANG THAL BAR 'GYUR RO ZHES LAN BTAB PA'I RGYU DANG 'BRAS BU'O ZHES BYA BA'O, ,DES NA ZHES BYA BA NI 'BREL PAS NA'O, ,THAL BA BZLOG PA BRJOD PA NI DU BA NI ZHES BYA BA'O, ,YUL THA DAD PAS ZHES BYA BA NAS HA CANG THAL BA SPONG BAR DOGS PA BSU BA'O, ,'BREL PA YOD KYANG ME LA LTOS NAS DU BA'I YUL THA DAD PA'I PHYIR NA BRJOD PAR BYA BA MA YIN NA MA YIN NO ZHES BYA BA'I DON TO, ,YUL CAN LAS THA DAD PA'I YUL MED PA'I PHYIR DE THA MI DAD PA'I PHYIR RO ZHES SGRUB PAR BYED PA MA YIN NO ZHES GSUNGS PA'I YUL ZHES BYA BA'O, ,YUL CAN GYI GONG BU LAS THA DAD PA SNANG BA YIN NAM MA YIN, SNANG BA MA YIN PA

, ,LA BRJOD PA NI THA DAD PA'I MI SNANG BA ZHES BYA BA'O, ,SNANG BA LA BRJOD PA NI THA DAD PAR NI ZHES BYA BA'O, ,GANG GIS ZHES BYA BA NI, JI LTAR THA MI DAD PAR MYONG BAR 'GYUR RO, ,GANG GIS YOD PAR 'GYUR BA RNAM PA GZHAN YANG ZHES BYA BA'O, ,DES NA DE NYID DANG ZHES BYA BA'O, , 'GA' ZHIG LAS ZHES BYA BA NI RANG GI GSAL BA LAS SO, ,'DI NI SPYI GZHAN KHAS BLANGS NAS BRJOD PA YIN NO, ,DA NI DE'ANG MED DO ZHES GSUNGS PA NI, SPYI GZHAN PAS KYANG ZHES BYA BA'O, ,LAN NI RI BONG GI RVA LA SOGS PA YANG ZHES BYA BA'O, ,DE DAG DON DAM PAR THA DAD PA MED PA'I PHYIR DNGOS PO NYID MA YIN NO ZHES DOGS PA BSU BA NI GAL TE DE DAG GI ZHES BYA BA STE, RI BONG GI RVA LA SOGS PA RNAMS KYI'O, ,DE NYID GZHUNG 'DZUGS PA NI RI BONG GI RVA ZHES BYA BA LA SOGS PA'O, ,LAN NI 'DI LA YANG ZHES BYA BA STE MI LA'O, ,BRJOD PA'I RNAM PA NYID STON PA NI 'DIR YANG ZHES BYA BA'O, ,GANG GI PHYIR DE LTAR SPYI THA DAD PAR GZHAN LAS SPYI THA DAD PAR MI 'DOD PA DES NA ZHES BYA BA NI SPYI YIN TE, DE NI DE'I PHYIR GYI DON TO, ,DES RNAM 'GREL MDZAD PAS BSHAD PA'O, ,CI BSHAD CE NA, SPYI NI SPYI GZHAN LAS THA DAD PAR BRJOD PA MIN PA NYID DO, ,'O NA JI LTAR SPYI RNAMS THA DAD CE NA, NYER LEN NO, ,'O NA GZHAN LAS GZHAN DU NYER BTAGS PHYIR RO, ,GAL TE ZHES BYA BA LA SOGS PA NI RNAM 'GREL LA 'JUG PA'O, ,DE LTA YANG MA YIN NO ZHES BYA BA NI BRJOD PAR BYA BA MA YIN PA YANG MA YIN TE, 'ON KYANG BRJOD PAR BYA BA NYID YIN NO, ,JI LTAR ZHE NA, GANG GI PHYIR ZHES GSUNGS SO, ,DA LTAR BA NI MA ZAD DE 'DAS PA DANG NI MA 'ONGS PA'I DON LA 'ONG NGO, ,CI STE DE LA SPYI YOD PA DES NA DE'I RGYU MTSAN CAN GYI SGRA 'JUG PA YIN NO SNYAM NA, YOD PA CI 'DAS PA LA SOGS PA MED PA'I CHOS SU JI LTAR 'GYUR, CI'I PHYIR ZHE NA, YOD PA NI ZHES SMOS SO, ,YOD PA'I CHOS SU DOGS PA BSU BA NI GSAL BA GZHAN ZHES BYA BA'O; ,DE'I CHOS SU ZHES BYA BA NI LAN TE, DA LTAR BA'I GSAL BA'I CHOS NYID DO, ,'O NA JI LTAR DE 'DAS PA NYID YIN ZHE NA SPYI NI ZHES BYA BA'O, ,DE LTA NA YANG MED PA'I CHOS NYID NI YOD PA DANG 'GAL BAS KHYAB PAR 'GYUR RO ZHES BRJOD PA NI MED PA'I CHOS ZHES BYA BA'O, ,YOD PA NYID NI KHYAB

PAR BYED PA MED PA'I CHOS DANG 'GAL BA MA YIN NO ZHES BRJOD PA NI YIN NA YANG ZHES BYA BA'O, 'DI GNYIS MA NGES PA NYID DU DOGS PA BSU BA NI CI 'GAL ZHE NA ZHES BYA BA'O, ,DE 'BREL PA MED PA NYID DO ZHES BYA BA NI LAN NO, ,JI LTAR ZHE NA MED PA NI ZHES GSUNGS SO, ,DE LTA YIN NO ZHES BYA BA NI MED PA DANG YOD PA 'BREL PA RTOGS PA NA'O, ,SPYI YANG MED PA NYID DU RTOGS PAR 'GYUR RO, ,'ON TE MED PA RTOGS PAR MI NUS SO, ,DPER NA ZHES GSUNGS TE, MED PA RTOGS PA MED PA RTOGS PA BZHIN NO ZHES 'BREL TO, ,GANG GIS GSAL BA KHO NA MED PAR RTOGS PA YIN GYI SPYI NI MA YIN PA RTOGS PA GNYIS KA KHYAD PAR YOD PA MA YIN NO ZHES GSUNGS PA NI KHYAD PAR MED PA'I PHYIR ZHES BYA BA'O, ,SPYI MED PA SPANG BA'I DON TO, ,GSAL BA NYID YOD PAR BRJOD PA NI, 'O NA ZHES BYA BA'O, ,CI'I PHYIR ZHE NA, 'DAS PA DANG ZHES GSUNGS SO, ,GAL TE ZHES BYA BA NI LAN NO, ,SHES PA ZHES BYA BA NI GZHAN GYIS SMRAS PA'O, ,SHES PA DE YANG ZHES BYA BA NI GRUB PA'I MTHA'O, ,LKOG TU GYUR PA NYID DU RTOGS PA NYID DU NA 'DAS PA NYID DO ZHES DOGS PA BSU BA NI MNGON SUM NYID DU ZHES BYA BA'O, ,RANG GI NGO BOS ZHES BYA BA NI LAN NO, ,DES NA 'DAS PA DANG MA 'ONGS PA DNGOS PO MED CES BYA BA 'DI RNAMS SO, ,DE GNAS PA NA MJUG BSDU BA NI DE'I PHYIR ZHES BYA BA'O, ,DA LTAR BA YOD PA LA NI BUM PA'I SGRA GTZO BO YIN LA, 'DAS PA LA SOGS PA MED PA LA NI TSAD MA'I YUL DU GYUR PA'I SPYI 'AM GZHAN LAS NYE BAR 'DOGS PA YIN NO ZHES DOGS PA BSU BA NI, GAL TE NYE RA BTAGS LAS ZHES BYA BA'O, ,'DAS PA LA SOGS PA LA NI SPYI NYE BAR BTAGS PA YIN PA'I PHYIR NA YOD PA DANG 'GAL BAS KHYAB PA MED PA'I CHOS NNYID DU MA GRUB PO ZHES BYA BA'I DON TO, ,DE NYID 'CHAD PA NI MED PA'I CHOS ZHES BYA BA'O, ,KHYAB PAR BYED PA MED PA'I CHOS DANG 'GAL BA YOD PA ZHES BYA BA 'DI YANG MA GRUB PO ZHES BRJOD PA NI GANG ZHIG NYE BAR BTAGS PA ZHES BYA BA'O, ,'DI NI 'DOD CES BYA BA'I MTHAR THUG PA BSHAD PA YIN NO, ,GANG GIS DE NYID LA BUM PA NYID KYI SPYI BAR 'DOGS KYI, SNAM BU LA SOGS PA MA YIN PA 'DAS PA'I BUM PA DANG DA LTAR BA'I BUM PA LA NYE BA CI ZHIG YOD, GZHAL BYAR 'DRA

, ,BA LAS DA LTAR BA'I BUM PA NYID 'DAS PA LA NYE BAR 'DOGS NA NI SNAM BU LA YANG KHYAD PAR MED DO, ,DES NA BUM PA 'DAS SO ZHES BYA BA SNAM BU 'DAS SO ZHES BYA BA'I DON DU 'GYUR RO ZHES RNAM PAR RTOG PA'I SGO NAS LAN 'DEBS PA NI, 'DIR LAN NI ZHES BYA BA'O, ,DE LTA MA YIN ZHES BYA BA NI 'BREL PA LA SOGS PA MED NA'O, ,'ON TE 'BREL PA'AM 'DRA BA YOD DO ZHE NA, MED PA DANG ZHES BYA BA'O, ,CI'I PHYIR ZHE NA, YOD PAR THAL BA'I PHYIR RO ZHES GSUNGS SO, ,RGYAL GZHAN DAG THAL BA KHAS LEN PAR 'GYUR DU 'ONG BAS 'DAS PA LA SOGS PA YANG ZHES BYA BA'O, , NYE BAR BTAGS PAS KYANG MED PA LA SGRA 'JUG PA NI DNGOS PO MED PA YUL CAN DU 'GYUR RO ZHES BRJOD PA NI ZHES BYA BA'O, ,DE LTAR 'GYUR NA CI SKYON SNYAM NA, DE YANG ZHES GSUNGS TE, SGRA'I BRJOD BYA DNGOS PO MED PA LA BRTEN PA'I SPYI'O, ,DES NA ZHES BYA BA NI DNGOS PO MED PA LA BRTEN PAS NA DNGOS PO MED PA 'GRUB STE RI BONG GI RVA LA SOGS PA BZHIN NO, ,DE LA YANG ZHES BYA BA NI GSAL BA LA NYE BAR 'DOGS PA LA YANG NGO, ,NYE BAR YOD PA YANG MA YIN ZHES DGONGS PA'O, ,'DI NYID GNYIS PA LA YANG GSUNGS PA NI SGRA NYE BAR 'DOGS PA LA YANG ZHES GSUNGS TE, NYE BAR YOD DGOS TE ZHES BYA BA LA SOGS PA NYID DO, ,GAL TE 'DAS PA DANG MA 'ONGS PA DAG LA DON BYA BA MED PA DES NA DA LTAR BA'I BUM PA DANG 'BREL PA DE DE DAG LA NYE BAR 'DOGS PA YIN TE, DA LTAR BA'I BUM PA DANG RDZAS KYI RANG BZHIN DU GCIG PAS 'DRA BA'I PHYIR RO, ,DES NA SGRA 'JUG PA YIN NO SNYAM PA NI 'ON TE ZHES BYA BA'O, , GCIG YIN PA'I PHYIR ZHES BYA BA NI DA LTAR BA DANG NGO, ,'DAS PA LA SOGS PA NYID NI DUS SU RGYU BA TZAM YIN NO ZHES BYA BA NI LTA BA LA SOGS PA 'DAS PA LA SOGS PA GCIG TU BRJOD PA YIN NO, ,JI LTAR GCIG NYID KYI PHYIR 'DRA BA YIN ZHE NA, 'DAS BA NI DE NYID YIN TE ZHES SMRAS TE, DA LTAR BA NYID DO, , 'O NA CI 'DOGS SNYAM PA NI 'ON KYANG ZHES SMRAS SO, ,DE LA ZHES BYA BA NI 'DAS PA LA SOGS PA'I GNAS SKABS LA'O, ,SPYI LTA BUR ZHES BYA BA NI DNGOS PO'I RANG GI NGO BO RTOGS PA YIN YANG DON BYA BA DANG BRAL BA NYID KYIS SPYI LTA BUR RTOGS PA YIN NO, ,GZHAN DU NI MA YIN NO ZHES BYA BA NI DON BYA BA GTZO

BO NYID YIN NA, DA LTAR BA'I RANG BZHIN GCIG TU GYUR PA'I DNGOS PO NYID RTOGS PAR 'GYUR GYI DUS DE DANG THUN MONG BA NYID DU NI MA YIN NO ZHES BYA BA'I DON TO, ,LEN NI 'O NA NI DE LTAR ZHES BYA BA'O, 'DAS PA LA SOGS PA DA LTAR BA DANG LHAN CIG GCIG YIN NA DNGOS PO'I RNAM PA THAMS CAD DA LTAR BA'I RANG BZHIN DU YOD PAS JI LTAR 'DAS PA NYID YIN, DON BYA BA DANG BRAL BA'I PHYIR 'DAS PA NYID DU DOGS PA BSU BA NI, DE ZHES BYA BA'O, ,DE DON BYED PA MED PA'I PHYIR 'DAS PA YIN NO ZHES 'BREL TO, ,DA LTAR BA BZHIN DU DON BYA BA DANG BRAL BA NYID YIN YANG DON GYI RANG BZHIN NI SPYI NYID DU 'GYUR BA MA YIN TE, SNANG BA THA DAD PA'I PHYIR RO ZHES LAN 'DEBS PA NI GAL TE ZHES BYA BA'O, ,JI LTAR 'DAS PA DNGOS PO YIN ZHES 'BREL TO, ,'DAS PA'I DON BYA BA DANG LDAN PA'I PHYIR NA DNGOS PO YIN YANG 'DAS PA NYID YIN NO SNYAM DU DOGS PA NI, DE DANG LDAN PA'I PHYIR ZHES BYA BA'O, , DE DANG LDAN PAR CIS ZHES BYA BA NI LAN NO, ,YOD PA NI MED PA DANG 'BREL PAR RTOGS PA MA YIN NO ZHES DGONGS PA'O, ,KHAS BLANGS NAS KYANG SKYON BRJOD PA NA SHES NA NI ZHES BYA BA'O, ,DON BYA BA DANG BRAL BA BZHIN DU SPYI MED PA YANG RTOGS PAR 'GYUR RO ZHES DGONGS PA'O, ,GZHAN YANG ZHES BYA BA NI DON BYA BA NI DON BYA BA MED DO ZHES BRJOD PA GANG YIN PA DE NI MA 'BREL TE, GANG GI PHYIR THAMS CAD YOD CES BLTA BA LAS 'DAS PA DE'I DON BYED PA YANG YOD PA YIN TE, DE LTA MA YIN NA DON BYED PA BZHIN DU, DNGOS PO YANG YOD PAR MI 'GYUR RO, ,DON BYA BA DE YOD PA YIN NA YANG 'DAS PA'I DNGOS PO'I MED PA DE 'DAS PA NYID JI LTAR 'GYUR TE MI 'GYUR BA KHO NA'O ZHES BYA BA'I DON TO, ,'DI GRUB PA LA SGRUB PA NYID YIN NO ZHES DOGS PA BSU BA NI, 'ON TE ZHES BYA BA'O, ,LAN NI KUN RDZOB 'DI ZHES BYA BA'O, ,GAL TE 'DAS PA DANG MA 'ONGS PA'I DON SHES PA'I DMIGS PAR YOD PA NYID YIN NO; ,DE'I TSE 'DI CI ZHIG KUN RDZOB NYID MA YIN TE, MA YIN PA KHO NA'O, ,MTHA' DAG DON DAM PA NYID DU THAL BAR 'GYUR TE, DA LTAR BA BZHIN DU SHES PA 'DAS PA LA SOGS PA RTOGS PA'I PHYIR RO, ,'O NA KUN RDZOB BDEN PA NYID DO ZHE NA, KUN RDZOB BDEN

, ,PAR JI LTAR 'GYUR ZHES BYA BA'O, ,CI'I PHYIR BDEN PA MA YIN ZHE NA, MED PA'I ZHES GSUNGS SO, ,SHES PAS DMIGS PA'I PHYOGS LA KUN RDZOB MED PAR BSTAN PA YIN NO, ,'DAS PA LA SOGS PA KUN RDZOB YIN NO ZHES BYA BA'I PHYOGS LA NI DON DAM PA MED DO ZHES BRJOD PA NI; GAL TE ZHES BYA BA'O, ,LAN NI 'DAS PA LA SOGS PA NI ZHES BYA BA'O, ,GANG GI PHYIR 'DAS PA LA SOGS PA DON DAM PA MA YIN PA'I RGYU DES NA DE'I TSE CHOS SU GYUR PA'I TSE DNGOS PO MED DO ZHES BYA BA GRUB PO, ,JI LTAR DE'I CHOS NYID YIN ZHE NA, DA LTAR BA TZAM GYI ZHES GSUNGS SO, ,SKABS NYE BAR SDUD PA NI DE'I PHYIR ZHES BYA BA'O, ,DNGOS PO BRJOD BYAR KHAS BLANGS NA NI NYE BAR BTAGS PAR MI 'THAD DE, DNGOS PO NYID DU THAL BA'I PHYIR RO, ,DNGOS PO MED PA BRJOD PAR BYA BA YIN NA NI 'GYUR BA YIN NO, ,DE'I PHYIR DNGOS PO MED PA BRJOD BYAR THAL BAR 'GYUR RO ZHES DGONGS BA'O, ,GAL TE BRJOD PAR BYA BA THA DAD PA YIN NA GTZO BOR 'GYUR BA YIN TE BA LANG BA LANG ZHES BYA BA BZHIN NO, ,DE MED PA'I PHYIR NI BTAGS PAR 'GYUR BA YIN TE, KHUR BUR BA LANG ZHES BYA BA BZHIN NO ZHES BRJOD PA NI 'ON TE ZHES BYA BA'O, ,MED PA'I YUL CAN NYID BSGRUB PA NI 'DI LTAR ZHES BYA BA'O, ,LAN NI DE YANG ZHES BYA BA'O, ,NGO BO GANG DU ZHES PA NI SNANG BA THA DAD PAR TE DE LA MI NUS PA'I PHYIR RO, ,GANG GIS TE DNGOS PO MTHONG MIN PA ZHES BYA BA NI MED PA'I YUL CAN DU THAL BA'I PHYIR RO, ,YANG SNGON MTHONG BA SGRO 'DOGS PHAR NUS PA BSU BA NI, 'ON TE ZHES BYA BA'O, ,SNGON MTHONG BA SGRO 'DOGS PAR KHAS BLANGS KYANG JI LTAR 'DAS PA LA DE'I NGO BOR RTOGS PA NYID DA LTAR SGRO BTAGS PA YIN PA DE BZHIN DU 'DAS PA MA YIN PA LA YANG 'GYUR LA DE LTA NA YANG SPYI DON DAM PAR MI 'GYUR RO ZHES LAN BRJOD PA NI, DE LTA NA NI 'O NA ZHES BYA BA'O, ,DE LTA MA YIN NA ZHES BYA BA NI SNGON MTHONG BA SGRO 'DOGS PA MED PAR RO, ,SGRA LAS BYUNG BA 'BA' ZHIG TU NI MA ZAD KYI RJES SU DPAG PAS KYANG NGO DE'I PHYIR ZHES BYA BA NI RJES SU DPAG PAS KYANG SNGON MTHONG BA SGRO BTAGS NAS RTOGS PA'I PHYIR RO, ,THAMS CAD DU ZHES BYA BA NI 'DAS PA DANG MA 'ONGS PA DANG DA LTAR BYUNG BA RNAMS LA'O, ,CI'I PHYIR ZHE NA, THAMS CAD DU ZHES BYA BA'O, ,GAL TE RJES SU

DPAG PAS GZUNG BA DON DAM PA MA YIN PA YANG MNGON SUM GYIS GZUNG BA NI DON DAM PAR 'GYUR RO ZHES DOGS PA BSU BA NI 'ON TE ZHES BYA BA'O, ,YOD PA NYID CES BYA BA NI SGROM BTAGS PA'O, ,'O NA NI ZHES BYA BA DE NI SGRO MA BTAGS PA'I RANG BZHIN NO, ,CI DE ZHES BYA BA NI RJES SU DPAG PA'I YUL LO, , GAL TE MNGON SUM GYIS MTHONG BA GSAL BA'I RANG BZHIN NI RJES SU DPAG PA'I YUL MA YIN LA, MI GSAL BA DE DE NYID 'DI YIN NO ZHE 'AM, RGYANG RING PO NAS RTOGS PA NI YUL NYID DO ZHES DOGS PA BSU BA NI 'ON TE ZHES BYA BA'O, ,DE 'DI YIN NO SNYAM PA NI RNAM PAR RTOG PA YIN PA'I PHYIR DANG RGYANG RING PO'I RAB RIB LA SOGS PA LTAR, RGYU'I NYES PA YIN PA'I PHYIR, MNGON SUM MA YIN NO ZHES LAN 'DEBS PA NI DE YANG MI BDEN TE ZHES BYA BA'O, ,DE 'DI'O SNYAM PA'I SHES PA SNGON DANG THUN MONG BA'I YUL CAN NI MNGON SUM NYID YOD PA MA YIN PA KHO NA STE, 'ON KYANG RNAM PAR RTOG PA DANG BCAS PA NYID DO, ,JI LTAR ZHE NA, DBANG PO LAS SKYES PA MED PA'I PHYIR RO, ,'ON TE DBANG PO LAS MA SKYES KYANG MNGON SUM DU BYED PA'I PHYIR MNGON SUM YIN NO SNYAM DU DOGS NA, MNGON SUM BYA BA MED PA'I PHYIR ZHES SMOS SO, ,'DI NYID BRJOD PA NI SNGA MA DANG ZHES BYA BA'O, ,MNGON SUM NI DNGOS PO'I YUL CAN NYID YIN NA, SNGON DANG THUN MONG BA NYID NI DNGOS PO MA YIN NO, ,DES NA JI LTAR DE'I YUL CAN MNGON SUM DU GYUR CES BRJOD PA NI KHYAD PAR ZHIG KYANG ZHES BYA BA'O, ,CI'I PHYIR ZHE NA, YOD PA MED CHOS ZHES BYA BA'O, ,GNYI GA THUN MONG NYID YIN NA, ,ZHES BYA BA NI DE NYID 'DI YIN NO ZHES BYA BA 'DAS PA DANG DA LTAR BA GNYI GA YIN LA DE DAG GI THUN MONG BA NYID YIN NA NI DNGOS POR YANG 'GYUR TE, YOD PA'I CHOS YIN PA'I PHYIR RO ZHES BYA BA'I DON TO, ,'DAS PAR SNANG BA DANG LHAN CIG DA LTAR BA THA MI DAD PAR NI MNGON SUM GYIS RTOGS PA MED DO ZHES BRJOD PA NI, DE YANG MI 'THAD DE ZHES BYA BA'O, ,RNAM PAR RTOG PA LA YANG DE'I BYED PA LAS MA GTOGS PAR THUN MONG BA'I RANG BZHIN YOD PA MA YIN NO ZHES BRJOD PA NI DU MA NYID DU ZHES BYA BA'O, ,DE'I PHYIR MED PA KHO NA ZHES BYA BA DON DAM PA MA YIN PA NYID DO, ,DE LTAR RGYU MTSAN MED PA'I PHYIR 'DAS PA LA SOGS PA LAS 'GA' YANG NYE BAR BTAGS PA MA YIN NO ZHES BSTAN PA

, ,YIN NO, ,DE NI 'JIG RTEN PA'I NYE BAR BTAGS PA YANG MED DO ZHES BRJOD PA NI 'DIR ZHES BYA BA'O, ,BLO NI 'KHRUL PA'ANG MED PA DANG, 'KHRUL PA'ANG GI SGRA RIM PA BZHIN DU YIN NO, ,DE DAG NI GO RIMS BZHIN DU DNGOS DANG SGRO 'DOGS PA NI RGYU MTSAN YIN NO, ,DE SKAD DU YANG CIG SHOS NI ZHES 'CHAD PAR 'GYUR TE, 'KHRUL PA'O, ,CI 'GA' ZHIG TU DE LTAR GRUB PA YOD DAM SNYAM NA BRAM ZE'I KHYE'U LA NI ZHES BYA BA'O, ,DES NA ZHES BYA BA NI 'KHRUL PAS SO, ,DE LTAR ZHES NI MA 'KHRUL PAR RO, ,GTAN TSIGS DE'I PHYIR NA DE NI DNGOS YIN NO ZHES GRUB PO, ,SKABS SU BAB PA LA YANG GNYI GA DE LTA BU NYID DO ZHES GSUNGS PA NI 'DIR ZHES BYA STE, SGRA LAS BYUNG BA'I SHES PA LA'O, ,GNYI GA NI DA LTAR DANG DA LTAR MA YIN PA'I YUL CAN DAG LA'O, ,DES NA ZHES BYA BA NI MA 'KHRUL PA'I BLO'I YUL YIN PAS NA'O, ,'DI SNYAM DU 'KHRUL PA'I SHES PA'I YUL YIN PAS NI NYE BAR BTAGS PA MA YIN GYI 'ON KYANG DON MED PA YIN PA'I PHYIR RO ZHES DOGS PA BSU BA NI MED PA'I DON NYID KYIS ZHES BYA BA'O, ,GAL TE ZHES BYA BA NI LAN NO, ,DE NYID LAS ZHES BYA BA NI MED PA'I DON CAN NYID LAS SO, ,'DI NI DNGOS MA YIN PA'I MTSAN NYID DU 'THAD PA MA YIN TE, BZLOG PA'I PHYIR ZHES BRJOD PA NI GZHAN YANG ZHES BYA BA'O, ,SGRA ZHES BYA BA NI DNGOS PO MED PAR BRJOD PA'O, ,DE LA NI DNGOS PO MED PA LA'O, ,DNGOS PO MED PA DE DANG MTSUNGS PA'I PHYIR BU LA SOGS PA'I DE'I DON MI BYED PA'I DNGOS GZHAN LA BRAL BA YIN TE, GANG GI PHYIR 'KHRUL PAR RTOGS PA CAN YIN PAS SO, ,DES NA ZHES BYA BA NI GRAGS PA'I DBANG GIS SO; ,MTSUNGS PHYIR ZHES BYA BA NI MA 'KHRUL PA CAN DU'O, ,GAL TE DNGOS PO DANG DNGOS PO MED PA'I YUL CAN NYID KYIS DON THA DAD PA MA YIN PA'I PHYIR BA LANG GI SGRA BZHIN DU DNGOS KYI DON DU 'GYUR RO SNYAM DU DOGS PA BSU NAS GNYIS KAR YANG BSTAN PAR BYA BA GCIG NYID PAR BSTAN PAR NI DNGOS PO MED PA 'DZIN PA'I ZHES BYA BA'O, ,BUM PA ZHES BYA BA'I SGRA NI 'DAS PA 'AM MA 'ONGS PA LA THA DAD PAR 'JUG PA MA YIN NO ZHES BYA BA'I DON TO, ,CI STE ZHES BYA BA STE 'JUG PA NI SGRA DANG SHES PA DAG GO, ,SPYI'I RNAM PA ZHES BYA BA NI LAN NO, ,DA LTAR BA DANG 'DAS PA LA SOGS PA RNAM PA MTSUNGS PA NYID YIN NA NI MED PA

NYID DU MI 'GYUR TE, DA LTAR BA NYID BZHIN NO, ,DE NA 'DAS PA LA SOGS PA MED PA LA 'JUG PA ZHES BYA BA 'DI GA LAS YIN TE MA YIN PA NYID DO ZHES BYA BA'I DON TO, ,RTOGS PA NYID LAS ZHES BYA BA NI DOGS PA BSU BA STE RTOGS PAR BYA BA LAS SO, ,DE LTAR 'GYUR BAS ZHES BYA BA NI YOD PAR 'GYUR BA'O, , DE'I PHYIR MED PA LA 'JUG PAR 'THAD DO ZHE NA, ZHIG PA ZHES BYA BA NI LAN NO, ,'DAS PA LA SOGS PA ZHIG PAR MA SHES PA LA'O, ,'DAS PA LA SOGS PA'O SNYAM PA'I RTOGS PA THA DAD PA GANG YIN PA DE YANG MED PA NYID DO, ,KHYAD PAR MA BZUNG BA NI THA DAD PA'I BLOR 'GYUR BA MA YIN NO, ,BZUNG NA YANG DE YANG DA LTAR BA BZHIN DU BZUNG BA'I PHYIR JI LTAR MED PA LA 'JUG PAS NYE BAR BTAGS PA NYID DU 'GYUR, 'ON TE KHYAD PAR MA BZUNG YANG RTOGS PA THA DAD PA YOD PA NYID DO SNYAM DU DOGS PA BSU NAS GANG LAS ZHES GSUNGS TE, 'DAS PA'I KHYAD PAR LA'O, ,GNYI GA'I THUN MONG YIN PA'I PHYIR NA THE TSOM NYID DU 'GYUR RO ZHES KHAS LEN PA'I DOGS PA BSU BA NI, THE TSOM ZA BA ZHES BYA BA STE, JI ZHIG PA'AM 'ON TE MA ZHIG PA LA YIN TE DE LTA BU'I RANG BZHIN DU'O, ,DE LA DNGOS PO 'DZIN PAR MI 'THAD DO ZHES LAN 'DEBS PA NI, GAL TE ZHES BYA BA'O, ,DNGOS PO 'DZIN KYANG 'DRA BA'I RGYU MTSAN CAN GYI THE TSOM DU 'GYUR RO ZHES DOGS PA BSU BA NI SNANG YANG ZHES BYA BA'O, ,'DRA BA MED PA'I PHYIR DES THE TSOM MED PA MA YIN NO ZHES LAN 'DEBS PA NI GAL TE ZHES BYA BA'O, ,DE NYID DU ZHES BYA BA'O, ,THA DAD PAR MTSON PA 'DRA BA'I RGYU MTSAN YIN PA'I DOGS PA BSU BA NI CI STE DUS ZHES BYA BA'O, ,THA DAD PAR BSGRUB PAR BYA BA DUS THA DAD PAR NI MA NGES PA YIN NO ZHES LAN 'DEBS PA NI DE YANG ZHES BYA BA'O, ,DE LAS ZHES BYA BA NI DUS THA DAD LAS SO, ,DE DANG GZHAN NI DON YOD PA NYID DANG DON MED PA NYID DO, ,CI'I PHYIR ZHE NA DON YOD NYID LA'ANG ZHES GSUNGS SO, ,CI STE DE LTAR GRUB PAR YOD SNYAM NA JI LTAR KHYED KYI ZHES BYA BA'O, ,GANG RJES SU DPAG PA YIN PA DE NI BDEN PA'I DON CAN YIN TE, DPER NA RJES SU DPOG PA BZHIN NO, ,SGRA'I SHES PA YANG RJES SU DPOG PA YIN NO ZHES PA'I DOGS PA BSU BA NI 'ON TE ZHES BYA BA'O, ,DON YOD PA NYID MA YIN NO, ,CI'I PHYIR ZHE NA RJES SU DPAG PA YANG ZHES GSUNGS SO, ,'DI NI THUN MONG GI MA NGES

, ,PA YIN NO ZHES BYA BA'I DON TO, ,RTAGS KYI KHYAD PAR LAS BDEN PA'I DON CAN DANG CIG SHOS KYI RNAM PAR DBYE BA DOGS PAR BYED PA NI RTAGS KYI KHYAD PAR LAS ZHES BYA BA'O, ,'DI NYID RNAM PAR 'BREL PA NI 'DI LTAR ZHES BYA BA'O, ,RTAGS LAS ZHES BYA BA NI THAL BA DANG DU BA LA SOGS PA LAS SO; ,DNGOS PO'I YUL CAN NYID MA YIN PA'I PHYIR NA MTSUNGS PA KHO NA'O ZHES LAN 'DEBS PA NI DE YANG ZHES BYA BA'O, ,DE NI ZHES BYA BA NI RJES SU DPAG PA'I BLO'O, ,DNGOS LA ZHES BYA BA NI DNGOS PO'I YUL LA'O, ,DE'I TSE LO MA LAS BYUNG BA DANG, RTZA BA LAS BYUNG BA LA SOGS PA'I RNAM PA GZHAN LA THE TSOM MED PAR 'GYUR, CI'I PHYIR ZHE NA, RNAM PA THAMS CAD CES SMOS SO, ,GANG GI PHYIR DE LTAR DNGOS PO'I YUL CAN NYID YIN GYI THE TSOM MED PAR 'GYUR BA DE'I PHYIR RJES SU DPAG PA DE LA YANG, ME LA SOGS PA'I RNAM PA DNGOS PO MED PA YIN NO ZHES BYA BAR RIGS SO, ,JI LTAR ZHE NA, BSHAD PA LO MA LAS BYUNG BA LA SOGS PA'I RANG BZHIN DU THE TSOM GYI YUL YIN PA'I PHYIR RO, ,DPE NI SGRA'I RNAM PA BZHIN NO ZHES BYA BA'O, ,DPER NA SGRA LAS BYUNG BA'I RTOGS PA MA LUS PA LA SOGS PA'I RNAM PA GANG YIN PA DE NI DKAR PO LA SOGS PA'I NGO BOR THE TSOM ZA BA'I PHYIR DNGOS PO MA YIN PA DE BZHIN NO, ,GAL TE RNAM PA THAMS CAD GZUNG BA LA YANG JI LTAR THE TSOM DU MI 'GYUR ZHES DOGS NA, RTOGS PA NYID LA NI ZHES GSUNGS SO, ,GAL TE GZUNG BA YANG MNGON SUM LTAR CHA 'GA' ZHIG LA NGES PA MED PA'I PHYIR MA BZUNG BAR MNGON PAR RLOM PA YIN NO SNYAM PA NI, RNAM PA GZHAN LAS ZHES BYA BA'O, ,NGES PA'I BDAG NYID CAN GYI RJES SU DPAG PA LA NI MNGON SUM GYI TSUL YOD PA MA YIN NO ZHES LAN 'DEBS PA NI, THE TSOM GYI RNAM PA GZHAN GANG YIN PA DER NI'O, ,DE LTA MIN ZHES BYA BA NI MA RTOGS PA'O, ,DE LTAR RNAM PAR RTOG NAS RIM BZHIN SEL BA NI GAL TE ZHES BYA BA'O, ,GZHAN DU ZHES BYA BA NI MA RTOGS PA THE TSOM GA LAS TE, HA CANG THAL BAR 'GYUR BA'I PHYIR RO, ,GAL TE ZHES BYA BA NI 'CHAD PA'O, ,DE LA ZHES BYA BA NI MA RTOGS PA'I RNAM PA GZHAN LA'O, ,GAL TE 'DI LA THE TSOM ZA NA SKYON CI YOD SNYAM DU DOGS NA, GAL TE MA RTOGS PA NYID LA ZHES BYA BA'O, ,THE TSOM NI THE TSOM GYI YUL LA BYA'O, ,MI SNANG BA ZHES BYA BA NI SNANG BA

NYAMS PA TZAM LA'O, ,GAL TE ZHES BYA BA NI DOGS PA BSU BA STE, MI RTOGS PA NYID LA'O, ,GANG GIS HA CANG THAL BAR 'GYUR BA LA RTOGS PA LA NI MA YIN NO, ,G-YO BA DANG MI G-YO BA LA NI RTZVA LAS BYUNG BA'AM LO MA LAS BYUNG BA ZHES BYA BA STE DE LTA BU'I RANG BZHIN CAN NO, ,GZHAN ZHES BYA BA RJES SU DPAG PA'I RDZAS LAS BYUNG BA LA'O, ,GAL TE RTOGS NA ZHES BYA BA NI LAN TE, RJES SU DPAG PA RTZVA LAS BYUNG BA LA SOGS PA NGES NA'O, ,GZHAN YANG ZHES BYA BA LA SOGS PA NI RNAM PAR RTOG PA GNYIS BYAS NAS DANG PO SEL BA NA, RNAM PAR RTOG PA'I RANG GI NGO BO ZHES BYA BA'O, ,GZHAL BYA RTZVA LAS BYUNG BA LA SOGS PA LA THE TSOM ZA BAR MI 'GYUR TE, NGES PA NYID KYIS G-YO BA MED PA'I PHYIR RO, ,GNYIS PA SEL BA NI 'ON TE ZHES BYA BA'O, ,'ON TE 'DI LAS ZHES BYA BA NI SNANG BA'O, ,GAL TE GANG GI HA CANG THAL BAR 'GYUR BA LA MTHONG BA TZAM LA NI THE TSOM ZA BA MA YIN NO, ,'ON KYANG SPYIR CHOS CAN MTHONG LA, DE'I KHYAD PAR NI MA MTHONG BA LA DE MTHONG BAR 'DOD PA THE TSOM DU 'GYUR BA LA MTHONG BA YIN NO ZHES BRJOD PA NI, GAL TE SPYI ZHES BYA BA'O, ,KHYAD PAR MNGON SUM MA YIN PA'I PHYIR ZHES BYA BA 'DI'I DON 'DRI BA NI KHYAD PAR MNGON SUM NI GANG DE'I ZHES BYA BA'O, ,MNGON SUM LAS GZHAN PA'I MNGON SUM MA PA YIN PA DRAN PA'I SHES PA'AM, MNGON SUM BKAG PA TZAM ZHIG YIN PAR 'GYUR, DE LA DRAN PA'I SHES PA'ANG KHYAD PAR GYI RANG GI NGO BO LA DMIGS PA YIN PA DES NA JI LTAR THE TSOM DU 'GYUR, MED BAR DGAG PA NI MA MTHONG TZAM GYI THE TSOM DU 'GYUR RO ZHES BSHAD ZIN TO ZHES BRJOD PA NI MED PA MA YIN PA DAG LAS ZHES BYA BA'O, ,GAL TE KHYAD PAR DRAN PA NI DMIGS PA DANG BCAS PA NYID DU, MA NGES PA'I PHYIR THE TSOM ZA BA YIN NO ZHES DOGS PA BSU BA NI, 'ON TE CI ZHES BYA BA'O, ,DE'I PHYIR ZHES BYA BA NI DMIGS PA DANG BCAS PA NYID DU MA NGES PA'I PHYIR RO, ,DE LA YANG ZHES BYA BA NI KHYAD PAR DRAN PA LA YANG NGO, ,'DI LA NYES PA YANG SNGA MA BZHIN NO ZHES BYA BA'I DON TO, ,SNANG BA GNYIS KA'I THUN MONG YIN PA'I PHYIR THE TSOM ZA'O ZHES DOGS PA BSU BA NI CI STE DE NI STE DE NI ZHES BYA BA STE, RIGS PA GZHAN DE NI'O, ,BZLOG PAR YANG NI DMIGS PA DANG BCAS PAR RO, ,DON DANG DON MA

, ,YIN PA THUN MONG BA'I SNANG BA NI DON MA YIN NO ZHES LAN 'DEBS PA NI 'O NA NI ZHES BYA BA'O, ,MA YIN PAS DRAN PA THE TSOM GYI RGYU MTSAN YIN NA SPYI MNGON SUM YIN PA'I PHYIR RO ZHES MNGON SUM KHYAD PAR DU MI RIGS SO ZHES BYA BA'O, ,KHYAD PAR GANG LAS ZHES BYA BA NI SDONG GRU LA SOGS PA LA'O, ,DE NYID YIN NAM ZHES BYA BA NI SNANG BZHIN PA 'BREL PA'I SPYI'O, ,GZHAN YIN ZHES BYA BA NI 'GRENG BA LAS GZHAN PA'O, ,DE NYID KYI RANG BZHIN YIN NO ZHE NA ZHES BYA BA NI 'GRENG BA NYID DO, ,JI LTAR SDONG GRU LA SOGS PA'I SNAM BU MTHONG BA LAS BUM PA NYID LA THE TSOM DU 'GYUR BA NI MED DO, ,DE LAS YANG ZHES BYA BA NI DOGS PA'O, ,DE ZHES BYA BA NI KHYAD PAR GYI RANG BZHIN NO, ,DE YANG RE RE PO NYID LA'O, ,GAL TE ZHES BYA BA NI LAN NO, ,RES 'GA' ZHES BYA BA NI DOGS PA'O, ,RE RE PO NYID KYI SPYI LA SDONG GRU DANG SKYES PA DAG CIG CAR MED PAS NA GANG RUNG ZHIG MA MTHONG NGO ZHES BYA BA'I DON TO, ,GZHAN GYI TSE ZHES BYA BA NI LAN NO, ,DOGS PA NI GNYIS KAR ZHES BYA BA STE, SDONG GRUB DANG SKYES BU'I BDAG NYID DO, ,LAN NI JI LTAR ZHES BYA STE GCIG GI TSE GNYIS KA MTHONG BA MED DO ZHES BYA BA'I DON TO, ,DUS KYI DBYE BA GNYIS KAR MTHONG BAR DOGS PA BSU BA NI DUS THA DAD PAR 'GYUR RO ZHES BYA BA'O, ,LAN NI DRAN PA YANG ZHES BYA BA'O, ,DE KHO NA LTAR ZHES BYA BA NI MTHONG BA NYID LAS MA 'DAS PAR RO, ,'DIR ZHES BYA BA NI GZHAN GYIS BRJOD PA NI'O, ,RE RE PO NYID LA NI SDONG GRU NYID DANG SKYES BU NYID SNGAR RIM GYIS MTHONG BA LA, 'DIR NI DA LTAR GNYI GA MI MTHONG BA DES NA THE TSOM ZA BA MA YIN NO ZHE NA, GRUB PA'I MTHA' NI 'O NA ZHES BYA BA'O, ,GAL TE KHYOD KYI NI LUGS LA YANG, MTHONG BA DANG MA MTHONG BA LA YANG THE TSOM DU MI 'GYUR BA ZHES BYA BA'I NYES PAR JI LTAR ZER BA'I PHYIR JI LTAR NYES PAR MI 'GYUR ZHES DOGS PA LA, BAG CHAGS LAS DMIGS PA MED PA'I SHES PA RES 'GA' SKYE BA NI THE TSOM GYI RGYU YIN NO ZHES BRJOD PA NI DE'I PHYIR ZHES BYA BA STE, DNGOS PO'I RANG BZHIN MA MTHONG BA'I PHYIR RO, ,SHES PA NI 'DI 'BRANG BA YIN NO ZHES BYA BAR NGES PA'O, ,THE TSOM NI SDONG GRU 'AM SKYES BU ZHES BYA BA DE LTA BU'I RANG BZHIN CAN NO, ,GAL TE

SPYI'I SHES PA DMIGS PA MED PA NYID LA YANG THE TSOM GYI SHES PA NI DMIGS PA DANG BCAS PA NYID MA YIN NAM ZHES DOGS PA BSU BA NI CI STE ZHES BYA BA'O, ,THE TSOM ZHES BYA BA NI THE TSOM GYI YUL YIN PA NI DE LTA BUR GYUR PA NI GNYI GA'I RNAM PAR GYUR PA'O, ,MA YIN TE ZHES BYA BA NI DGAG PA'O, , CI'I PHYIR ZHE NA, DON DU MOS ZHES GSUNGS SO, ,MI SLU BA DANG BCAS PA DON DU MOS PA MED PA'I PHYIR RO, ,'O NA DE LA MOS PA CI 'DRA BA BZHIN YOD SNYAM NA 'DI NI ZHES GSUNGS SO, ,'O NA JI LTAR 'JIG RTEN YIN PA THE TSOM GYI DON YIN PAR 'GYUR RO SNYAM NA, 'JIG RTEN PA MA YIN PA NYID KHAS LEN NA SHES PA NYID DU KHAS BLANGS PAR 'GYUR RO ZHES BRJOD ZIN LA, DE LTA NA YANG DMIGS PA MED PA NYID DU GRUB PO ZHES BYA BA'I DON TO, ,'DI'I PHYIR ZHES BYA BA NI DMIGS PA MED PA NYID KYI PHYIR RO, ,SNANG BA MED PAS ZHES BYA BA NI KHYAD PAR GNYI GA GSAL BA MED PAS SO, ,MA MTHONG BA NYID 'GA' ZHIG LA THE TSOM ZA BA YIN NO ZHES BYA BA'I DON TO, ,GZHAN NI MA YIN NO ZHES BYA BA NI DE SNANG BA LAS NI MA YIN PA'O, ,GANG GI PHYIR DE LTAR DNGOS PO'I YUL NYID LA THE TSOM MI SRID PA DES NA'O, ,RJES SU DPAG PA'I YUL DNGOS PO NYID YIN PAR DOGS PA BSU BA NI 'ON TE RE ZHIG CES BYA BA'O, ,GAL TE RJES SU DPAG PA DNGOS PO RANG BZHIN 'DZIN PA YIN PA MNGON SUM BZHIN DU RNAM PA BZHIN DU RTOGS PA NA YANG MI G-YO BAR 'GYUR RO, ,SNGAR GYI RTOGS PA'I RGYUN G-YO BA MA YIN LA, RGYUN GZHAN DAG KYANG 'DOD PAS 'JUG PA YIN NO ZHES BRJOD PA NI 'DI LA BRJOD PA ZHES BYA BA'O, ,DER NI RJES SU DPAG PA LA'O, ,MNGON SUM YANG DER YANG G-YO BA NYID MTSUNGS SO, ,DE MED PA'I PHYIR NI G-YO BA MED PA'I PHYIR RO, ,RNAM PAR RTOG PA YOD PA NA YANG RGYU YOD NA RANG GI NGO BO 'DZIN PA LDOG PA YIN NO, ,RGYU MED PA'I PHYIR MA SKYES PA NI RJES SU DPAG PA LA YANG MTSUNGS SO ZHES DOGS PA BSU BA NI, RJES SU DPAG PA LA YANG ZHES BYA BA'O, ,MA YIN TE ZHES BYA BA NI BTAGS PA MED PA MES MA SKYES PA NA'O, ,CI'I PHYIR ZHE NA DE NI ZHES SMOS TE, RJES SU DPAG PA'O, ,G-YO BAR MTHONG BA'I PHYIR RO ZHES BYA BA MES MA SKYES PA 'BREL TO, ,GZHAN DU ZHES BYA BA MES MA SKYES PA NYID DU DOGS

, ,SO; ,GAL TE GZHAN DU DOGS PA NA RTAG PA RGYU NYID MA YIN TE, RTAGS KYI BYED PA NI MED NA MI 'BYUNG BAR NGES PA KHO NA YIN NO ZHES DOGS PA BSU BA NI 'ON TE ZHES BYA BA'O, ,RJES SU DPAG PAS DNGOS PO'I RANG BZHIN MTHONG BA NI MED NA MI 'BYUNG BA YANG NGES PA KHO NA'O ZHES 'DON PA DE NI MI 'THAD DE ZHES BYA BA'O, ,DE ZHES BYA BA DNGOS PO'I RANG BZHIN NO, ,GANG GI PHYIR DE LTAR DNGOS PO 'DZIN PA YIN NA MI G-YO BA DE'I PHYIR DE LAS ZHES BYA BA NI RJES SU DPAG PA LAS SO, ,CI STE DNGOS PO 'DZIN PA YIN YANG GZHAN GYI NYE BAR BSTAN PA LAS G-YO BAR 'GYUR SNYAM DU DOGS NA, MTHONG BA NYID NI ZHES GSUNGS SO, ,RJES SU DPAG PA'I SHES PA'O, ,MTHONG BA NYID G-YO BA MA YIN NO ZHES BYA BA STE GANG DU GRUB SNYAM NA, DPE GSUNGS PA NI MNGON SUM LA NI ZHES GSUNGS TE, RANG GI RANG BZHIN 'DZIN PA'I BDAG NYID CAN LA'O, ,GAL TE THAG RING PO NAS MTHONG BA NI 'DI NI ME MA YIN NO ZHES BYA BAR G-YO BA MED PA NYID MA YIN NAM ZHES DOGS PA BSU BA NAS, G-YO BA YIN NA ZHES GSUNGS SO, ,G-YO BA NI REG BYA LA SOGS PA YIN NA, DE LA NI MTHONG BA YOD PA MA YIN NO ZHES BYA BA'I DON TO, ,MNGON SUM LA NI G-YO BA MED, ,CES BYA BA DE NYID 'CHAD PA NI MTHONG BA'I DON GANG YIN PA ZHES BYA BA'O, ,G-YO BA YIN ZHES BYA BA STE, 'CHAD PA NI CI STE YANG ZHES BYA BA'O, ,MTHONG BA YIN ZHES BYA BA DE NI RNAM PAR 'BREL PA NA LAN 'DEBS PAR NI ZHES BYA BA'O, ,CI'I PHYIR SNYAM NA MIG GIS REG PA ZHES GSUNGS SO, ,'BYUNG BAR 'GYUR BA YANG MNGON SUM GYI YUL MA MA YIN NO ZHES BSHAD PA NI, 'BYUNG 'GYUR RANG BZHIN ZHES BYA BA'O, ,DES NA RANG GI NGO BO MA MTHONG BA NYID G-YO BA YIN NO ZHES BYA BA'I DON TO, ,'DI NYID BSGRUB PA'I DON DU RNAM PAR RTOG PAR BYED PA NI CI 'DI ZHES BYA BA'O, ,DANG PO SEL BA NI 'DI ZHES BYA BA'O, ,GNYIS PA SEL BA NI 'ON TE GZUGS ZHES BYA BA'O, ,DE ZHES BYA BA NI TSOGS PA'O, ,DES NA ZHES BYA BA NI MA BZUNG BA NA'O, ,MA MTHONG BA KHO NA'O ZHES BYA BA NI GZUGS LA SOGS PA'I TSOGS PA'O, ,DE'I PHYIR ZHES BYA BA NI MTHONG BA'I PHYIR RO, ,MA MTHONG BA KHO NA'O ZHES BYA BA NI SNANG BZHIN PA NYID LA NI G-YO BA YOD BA MA

YIN TE, MNGON SUM DANG 'GAL BA'I PHYIR RO ZHES BYA BA'I DON TO, ,GSUM PA LA YANG 'DI NYID SBYOR BAR BYED PA NI GANG GI PHYIR MTHONG BA G-YO BA MA YIN PA'I PHYIR RO, ,RNAM PAR RTOG PA ZHES BYA BA NI RTZA BA LAS BYUNG BA 'AM LO MA LAS BYUNG BA ZHES BYA BA DE LTA BU RANG BZHIN GYI THE TSOM MO, ,THE TSOM YANG YOD DE DES NA'O, ,MTHONG BA LA YANG G-YO BA YOD PAR DOGS PA BSU BA NI GAL TE ZHES BYA BA'O, ,RNAM PA GZHAN GYI ZHES BYA BA NI SKAD CIG NYID DAM THAG RING NAS KHYAD PAR LA'O, ,DPAG BYA LA ZHES BYA BA NI MNGON SUM GYI MA NGES PA'I SKAD CIG MA NYID NI RJES SU DPAG PAS NGES PA KHO NAS YIN LA, THAG RING PO NAS KHYAD PAR GYI CHA MA MTHONG BA LA YANG NGO, ,'OG GI CHA LA SOGS PA 'GA' ZHIG NI MTHONG BA YIN YANG RJES SU DPAG PA KHO NAS YIN TE, DNGOS PO NI DU MA NYID YIN PA'I PHYIR RO, ,GAL TE MTHONG BA DANG RJES SU DPAG PAR BYA BA DAG THA MI DAD PA'I PHYIR NA, DE LA THE TSOM YIN NA NI MTHONG BA LA YANG 'GYUR RO ZHES DOGS NA, MTHONG BA NYID DPAG BYA YIN ZHES GSUNGS SO, ,DE GNYIS NI GCIG NYID MA YIN NO ZHES BYA BA'I DON TO, ,SNANG BZHIN PA'I SKAD CIG MA NYID NI G-YO BA MA YIN MOD KYI MI GSAL BAS NA RJES SU MTHUN PA'I RNAM PAR RTOG PA MED PA 'BA' ZHIG TU ZAD DO, ,DE BAS NA MTHONG BAS NI G-YO BA MA YIN NO ZHES RNAM PAR GNAS PA YIN NO, ,GAL TE DON BZHIN DU SNANG BA LA YANG RJES SU DPAG PA JI LTAR MI G-YO SNYAM NA SNANG BA LA NI ZHES GSUNGS SO, ,MNGON SUM NYID DU YANG MTSUNGS PA MED PA 'BA' ZHIG TU ZAD DO, ,DE BAS NA G-YO BA MA YIN NO ZHES BYA BA'I DON TO, ,'O NA JI LTAR MNGON SUM DANG RJES SU DPAG PA DAG THA DAD CE NA, PHYI ROL GYI DNGOS PO LA LTOS NAS ZHES GSUNGS SO, ,MNGON SUM DANG DER SNANG BA NYID KYIS THA DAD PA YANG PHYI'I DNGOS PO LA LTOS PA KHO NA YIN NO ZHES BRJOD PA NI DES NA ZHES BYA BA STE GSAL BA'I RANG BZHIN GYIS SO; ,'GA' ZHIG CES BYA BAR RAB RIB CAN LA SOGS PA'I SNANG BA DANG RJES SU DPAG PA NYID KYANG MNGON SUM LTAR SNANG BA NYID YIN TE, MNGON SUM DANG RJES SU DPAG PA LA SOGS PA'I DBYE BA RNAM PAR RIG PA LA LTOS PA NI MA YIN NO ZHES BYA BA'I DON TE, DE'I PHYIR MNGON SUM BZHIN DU RJES

, ,SU DPAG PA NI DNGOS PO'I RANG BZHIN SNANG BA MA YIN NO, ,YANG NA DE SNANG BA YIN DU ZIN KYANG DE TZAM GYIS NA 'BYUNG BAR 'GYUR BA'I RANG BZHIN LA MI SLU BA MED NA TSAD MA MA YIN TE RAB RIB LAS BYUNG BA BZHIN NO ZHES BRJOD PA NI YANG NA ZHES BYA BA'O, ,RJES SU DPAG PA DE BDEN PA NYID DU JI LTAR 'GYUR BA KHO NA'O, ,GZHAN GYIS 'GYUR TE ZHES SMRAS TE BDEN PAR ZHES 'BREL TO, ,CI'I PHYIR ZHE NA, DE NI ZHES BYA BA SMOS TE RJES SU DPAG PA DE NI'O, ,RTOGS PA'I PHYIR RO ZHES BYA BA NI MNGON SUM GYIS SO, ,GAL TE ZHES BYA BA NI GRUB PA'I MTHA'O, ,DE LA ZHES BYA BA NI SKYES BU GZHAN GYIS SHES PAS SO, ,'BYUNG BAR 'GYUR BA'I RANG BZHIN DU ZHES BYA BA NI DA LTAR BA NI RAB RIB LAS BYUNG BA YANG YOD PA'I PHYIR RO, ,DE ZHES BYA BA NI SKYES BU GZHAN GYIS SHES PA'O, ,DE NYID KYI PHYIR RAB RIB CAN GYI ZHES GSUNGS SO, ,MI BDEN PA KHO NAR 'GYUR RO ZHES BYA BA NI SKYES BU GZHAN GYI MNGON SUM MO, ,DE'I PHYIR SKYES BU GZHAN GYIS KYANG 'BYUNG BAR 'GYUR BA'I RANG BZHIN NYID DU RTOGS PAR BYA BA YIN TE, RANG BZHIN DE LA NI MNGON SUM MA YIN NO, ,DES NA SKYES BU GZHAN GYIS 'BYUNG BAR 'GYUR BA RTOGS PA YANG RJES SU DPAG PA NYID YIN PAS JI LTAR MA GRUB PA NYID KYIS MA GRUB PA SGRUB PA DE'I PHYIR SKYES BU GZHAN GYIS SHES PA LAS NI YUL DANG BCAS PA NYID MA YIN TE, DES NA RAB RIB CAN GYIS SHES PA BZHIN DU YUL MED PA KHO NAR 'GYUR RO, ,'O NA DE MA 'ONGS PA'I RANG BZHIN GYI YUL CAN NYID YIN PAS NA, JI LTAR YUL MED PAR 'GYUR SNYAM NA, 'BYUNG BAR 'GYUR BA'I RANG BZHIN SRID PA YIN YANG ZHES GSUNGS SO, ,'ON TE DE SRID PA NI YOD PA KHO NA'O ZHE NA, DE NI DE'I TSE ZHES GSUNGS SO, ,DE NI ZHES BYA BA NI MA 'ONGS PA'O, ,DNGOS PO'I YUL CAN NI DNGOS PO SNANG BA'O, ,GAL TE DE LTAR RJES SU DPAG PA YUL MED PA YIN NAM MNGON SUM YANG DE BZHIN DU 'GYUR RO ZHES DOGS PA BSU BA NI MNGON SUM YANG ZHES BYA BA'O, ,DE NYID LA NI 'BYUNG BAR 'GYUR BA LA'O, ,'DI GA LAS SHE NA 'DI LTAR DE LAS ZHES GSUNGS SO, ,DE LTA MA YIN NA ZHES BYA BA NI DA LTAR BA'I RANG BZHIN RTOGS PAS SO, ,DE NI ZHES BYA BA NI LAN NO, ,DES NA

ZHES BYA BA NI DNGOS PO'I RANG BZHIN MI SNANG BAS SO, ,MED PA LA YANG ZHES BYA BA NI DNGOS PO'I RANG BZHIN MA YIN PA 'DZIN PAR MTSUNGS PA'O, ,MNGON SUM GYI BLO YANG DE LTA BU NYID YIN NAM CI SNYAM NA, MNGON SUM GYI BLO NI ZHES GSUNGS SO, ,DNGOS PO MED PA LA MI 'BYUNG BA ZHES BYA BA NI DNGOS PO 'DZIN PA ZHES BYA BA'I DON TO, ,DNGOS PO MED PA'I YUL CAN KHO NA GTZO BO MA YIN PA'I MTSAN NYID CES DOGS PA BSU BA NI 'ON TE ZHES BYA BA'O, ,RJES SU DPAG PA THAMS CAD BTAGS PAR 'GYUR RO ZHES LAN 'DEBS PA NI RJES SU DPAG PA ZHES BYA BA'O, ,'DI NI ZHES BYA BA NI DNGOS PO MED PA'I YUL CAN NO; ,CI'I PHYIR ZHE NA PHYIN CI LOG TU ZHES GSUNGS SO, ,DNGOS PO'I YUL CAN YANG DNGOS PO MA YIN PA DANG DNGOS PO'I YUL CAN YANG DNGOS SU MTHONG BA'I PHYIR RO, ,PHYIN CI LOG TU MTHONG BA NYID GSAL BAR BYED PAS YOD PA DANG MED PA'I YUL CAN NYID NI BTAGS PA DANG DNGOS PO NYID KYI MTSAN NYID MA YIN GYI, 'ON KYANG 'KHRUL PA DANG MA 'KHRUL PA'I RTOGS PA'I YUL NYID DE, DE LTA BU KHO NAR 'JIG RTEN PAS RTOGS PA'I PHYIR RO ZHES BRJOD PA NI 'DI LTAR ZHES BYA BA'O, ,JI LTAR ZHES BYA BA NI DPE'O, ,MED PA SMRA BAS NA MED PA BRJOD DE, GTZO BO LA SOGS PA'I MNYAN PO'O, ,KHYOD KYIS 'DOD PA NI GTZO BO LA SOGS PA DNGOS PO MA YIN TE, TSAD MAS GNOD PA'I PHYIR RO, ,MED PA RJOD PAR BYED PA'I MNYAN PA DE NI GRANGS CAN GYI SKYES BU ZHES NUS PA MED PA'I DNGOS PO LA YANG BYED LA GTZO BO'I SGRA NI 'BRAS BU DU MA NUS PA LA YANG BYED PA YIN NO, ,DES NI 'BRAS BU DU MA RUNG BA NYID DU KHAS BLANGS PA YIN TE, DES NA YOD PA'I YUL CAN YIN YANG NYE BAR BTAGS PA NYID YIN NO, ,MED BA'I YUL CAN LA YANG DNGOS PO NYID YIN PAR BRJOD PA NI RTOGS PA CI BZHIN NYID CES BYA BA'O, ,GRANGS CAN GYI RTOGS PA DANG RJES SU MTHUN PA'I DNGOS PO MED KYANG GTZO BO LA SOGS PA'I MNYAN PAR BYED PA BZHIN ZHES 'BREL TO, ,'JIG RTEN NI KHYOD KYI 'DOD PA DANG MI MTHUN PAR MTHONG NGO ZHES BYA BA'I DON TO, ,KHYOD KYI 'DOD PAS GRANGS CAN GYI SKYES BU LA SOGS PA'I SGRA PHAL BA YIN NO ZHES 'BREL TO, ,JI LTAR ZHE NA DE DAG GI ZHES SMOS TE, GTZO BO LA SOGS PA DAG NI THAL BA

, ,DAG GI BZLOG PA BRJOD PA NI, DE LTA YANG MA YIN NO ZHE'O, ,GAL TE BU LA SOGS PA DAG LA NI'O, ,LHAG PAR SGRO BTAGS NA GTZO BO DANG SKYES BU LA SOGS PA'I SGRA RNAMS 'JUG PAS NA DNGOS PO MA YIN NO ZHES DOGS PA BSU BA NI CI STE GZHAN ZHES BYA BA'O, ,'ON TE ZHES BYA BA NI DNGOS PO MA YIN PA NYID YIN LA LHAG PAR SGRO MA BTAGS PAR 'JUG PA NI DNGOS PO MTSAN NYID THAL LO ZHES BYA BA'I DON TO, ,GAL TE DNGOS PO LA YANG GTZO BO LA SOGS PA LHAG PAR SGRO BTAGS PA NI MED PA'I YUL CAN NYID, DNGOS MA YIN PA'I MTSAN NYID YIN TE, SGRO BTAGS PA MED PA'I PHYIR RO ZHES RTZOD PA BRJOD PA NI DE GZHAN ZHES BYA BA STE, BU LA SOGS PA DE LA GTZO BO LA SOGS PA'O, ,DE NI BU LA SOGS PA'O, ,DE'I ZHES BYA BA NI SGRO BTAGS PA'I'O, ,DES NA ZHES BYA BA NI MED PAS NA'O, ,DE NYID CES BYA BA NI, DNGOS PO DANG CIG SHOS KYI YUL CAN NYID DO, ,'O NA NI ZHES BYA BA NI LAN NO, ,DE LTA NA CI ZHIG 'GRUB SNYAM NA, RJES SU DPAG PAS ZHES GSUNGS SO, ,BUM PA LA SOGS PA'I SGRA NI NYE BAR BTAGS PA 'KHRUL PAR RTOGS PA'I YUL NYID KYANG 'DAS PA LA SOGS PA LA NI MED PA NYID DO ZHES BRJOD PA NI DE'I PHYIR ZHES BYA BA STE, DNGOS PO'I YUL CAN MA YIN PA NYID KYI PHYIR RO ZHES PA 'DAS PA DANG MA 'ONGS PA DA LTAR BA LA STE YOD PA'AM MED PA LA YANG DE 'DRA BA NYID DE DANG MTSUNGS PA NYID DE, DE BYAS PA'I KHYAD PAR NI YOD PA MA YIN NO, ,MNGON SUM LA NI MED PA LA MI 'BYUNG BA NYID DO ZHES KHYAD PAR BRJOD PA NI SNANG BA LA SOGS PA ZHES BYA BA'O, ,GAL TE 'DAS PA DANG MA 'ONGS PA LA NI BLO 'KHRUL PA MED PAR 'JUG PA DE NYID, SPYI TZAM 'DZIN PAS DON YOD PA'I PHYIR RO, ,GTZO BO LA SOGS PA'I BLO YANG JI LTAR BTAGS PA ZHIG SPYI YUL CAN NYID DO ZHES DOGS PA BSU BA NI, SPYI TZAM ZHES BYA BA'O, ,SEMS GNYIS DAG NA NI ZHES BYA BA NI DA LTAR BA DANG CIG SHOS KYI YUL CAN DAG GO, ,GSAL BA'I MTHAR THUG PA MA YIN PA NA DE SPYI MA YIN PA LA 'DAS PA LA SOGS PA MA YIN NO ZHES LAN BRJOD PA NI, DE 'BA' ZHIG NI ZHES BYA BA'O, ,BZLOG ZIN TO ZHES BYA BA NI, ,DE MTSUNGS MIN DANG GSAL BA YIN, ,ZHES BYA BA DER RO, ,'BA' ZHIG

'DZIN PAR KHAS BLANGS NAS SUN 'BYIN PAR BRJOD PA DE NI SPYI TZAM ZHIG CES BYA BA'O, ,'BA' ZHIG CES BYA BA NI 'CHAD PA'O, ,GAL TE THA DAD PA DANG 'BA' ZHIG PA BZUNG NA NI SPYI MA YIN PAR 'GYUR RO, ,THA DAD PA MA YIN PA LA NI NYES PA 'DI MED DO ZHES DOGS PA BSU BA NI 'ON TE ZHES BYA BA'O; ,KHYAD PAR MED PA NI GANG GI YIN TE, SHES PA'I RANG BZHIN GYI 'AM PHYI ROL GYI YIN DE LA DANG PO SEL BA NI GAL TE SHES PA'I ZHES BYA BA'O, ,GNYIS PA SLOB PA NI 'ON TE ZHES BYA BA'O, ,DE ZHES BYA BA NI KHYAD PAR MED 'DZIN PA'O, ,RANG BZHIN ZHES BYA BA NI NGO BO NYID CES BYA BA'I DON TO, ,GSAL BA RNAMS KYI RANG BZHIN NI PHAN TSUN BZLOG PAR 'DOD PA YIN TE, LDOG PA MA YIN PA NYID DU NI RTOGS PAR NUS PA MA YIN NO, ,DES NA RNAM PAR RTOG PA NI DE LA REG PA MA YIN NO ZHES LAN 'DEBS PA NI DE YANG MA YIN TE ZHES BYA BA'O, ,PHAN TSUN 'GAL BA DAG NI GCIG TU MI 'THAD PA'I PHYIR RO ZHES BYA BA'I DON TO, ,'ON TE DE NI GNYIS KA'I RANG BZHIN YIN NO, ,NGO BO NYID GNYIS YOD NA YANG, ,ZHES GSUNGS SO, ,MTHONG BA NI MI 'THAD PA MA YIN NO ZHES DOGS PA BSU BA NI BA LANG ZHES BYA BA'O, ,RJES SU SONG BA NI MA MTHONG BA NYID DU BSTAN PA'I PHYIR GZHAN LA 'DRI BA NI RJES SU SONG BA ZHES BYA BA 'DI ZHES BYA BA YIN NO, ,GZHAN GYI BA LANG ZHES SMOS SO, ,CI ZHES BYA BA NI GRUB PA'I MTHA'O, ,DE LTA'O ZHE NA ZHES BYA BA NI GAL TE RJES SU SONG BA LA YANG RJES SU SONG BA GZHAN YOD PA DE'I TSE THUG PA MED DO, ,RJES SU SONG BA DANG PO BZHIN DU RJES SU SONG BA DANG PO'I RJES SU SONG BA GZHAN KHAS BLANGS PA'I PHYIR RO, ,DE BZHIN DU GZHAN LA YANG NGO, ,THUG PA MED PAR THAL BA SPANG BA'I DON DU THA MI DAD PA'I PHYOGS KYI DOGS PA BSU BA NI DE NI ZHES BYA BA'O, ,DE NI ZHES BYA BA NI RJES SU SONG BA'I RANG BZHIN NO, ,DE'I NI RJES SU SONG BA CAN GYI'O, ,CI 'DI ZHES BYA BA NI SUN 'BYIN PA'O, ,GANG GIS DE NI DE'I RANG BZHIN GYI NGO BO NYID DO ZHES BRJOD PAR 'GYUR BA CI 'DI RANG GI NGO BO NYID KYIS ZHES BYA BA GSAL BA LAS THA DAD PAR DMIGS SAM ZHES BYA BA'O, ,RTOGS PA NI MNGON SUM GYIS SO, ,'DI SNYAM DU RJES SU SONG BA'I RANG BZHIN NI GSAL BA'I NGO BO YIN PA'I PHYIR NA RNAM PA GNYIS MNGON SUM DU 'GYUR BA MA

, ,YIN NO ZHES DOGS PA BSU BA NI DE'I RANG BZHIN NI ZHES BYA BA'O, ,DON GYI NGO BO NYID YIN GYI NGO BO NYID MA YIN PA NI MA YIN NO ZHE NA GAL TE GSAL BA'I RANG BZHIN LDOG PA MED PA GCIG YIN NA DE'I TSE GSAL BA NYID DU MI 'GYUR RO, ,DE NI LDOG PA'I MTSAN NYID CAN YIN PA'I PHYIR RO ZHES LAN 'DEBS PA NI RANG BZHIN ZHES BYA BA STE GSAL BA RNAMS KYI NGO BO'O, ,RJES SU SONG BA NI PHAN TSUN 'DRES PA'O, ,DE NYID YIN PA ZHES BYA BA'O, ,SPYI NI RE ZHIG GSAL BA MED KYANG GNAS SO ZHE NA DE LTA NA YANG ZHES GSUNGS SO, ,GSAL BA MED PAR GYUR NA SPYI MED DE MTSUNGS PA RNAMS KYI NGO BO NI SPYI YIN NO ZHES GRUB PA'I MTHA' YIN PA'I PHYIR RO, ,'ON TE YANG RJES SU SONG BA'I RANG BZHIN GSAL BA RNAMS KYI NGO BO NI MA YIN GYI, 'ON KYANG THA DAD PA YIN TE, DES NA DE DAG MED PA MA YIN NO SNYAM DU DOGS PA NI 'ON TE DE DAG CES BYA BA'O, ,DE LTA NA YANG ZHES BYA BA NI LAN NO, ,THA DAD PAR KHAS BLANGS KYANG SPYI YOD PA MA YIN TE, MNGON SUM LA SNANG BA MED PA'I PHYIR RO, ,GAL TE YANG MNGON SUM GYIS GNYI GA MA YIN MOD, 'ON KYANG RNAM PAR RTOG PA DANG LHAN CIG PAS NI DMIGS PAR 'GYUR RO ZHES DOGS PA NI 'ON TE GSAL BA ZHES BYA BA'O, ,DMIGS PA KHO NA'O ZHES BYA BA NI MNGON SUM GYIS SO, ,RJES SU SONG BA'I RNAM PA CAN GYI SHES PA ZHES BYA BA NI RNAM PAR RTOG PA'O, ,GZHAN DU NA ZHES BYA BA NI DNGOS PO LA BDAG NYID GNYIS MED NA'O, ,'DI ZHES BYA BA NI SPYI DANG KHYAD PAR GYI SHES PA'O, ,RNAM PAR RTOG PA GNYIS BYAS NAS RE ZHIG DANG PO SEL BA NI RJES SU SONG BA'I RNAM PAR SHES PA YIN NO ZHES BRJOD NA ZHES 'BREL TO, ,DE YIS ZHES BYA BA NI SHES PAS SO, ,CI STE SHES PA'I RJES SU SPONG BA BZHIN DU MI 'THAD PAS DON RJES SU SONG BA YIN NO ZHES DOGS PA BSU BA NI DON RJES SU SONG BA NYID KYIS ZHES BYA BA'O, ,'DI SNGON PO'I ZHES BYA BA BZHIN DU 'DI SPYI'I ZHES BYA BAR YANG MDZUB MOS CI STON ZHES LAN 'DEBS PA NI, DE NYID CES PA DON NYID DE LTAR RJES SU SONG BA NYID DU BSNYAD PAR BYA STE, SNGON PO LA SOGS PA BZHIN NO, ,GZHAN LA ZHES BYA BA RJES SU SONG BA'I SHES PA LA BSNYAD PAS CI ZHIG BYA, 'ON TE THAMS CAD GZHAN TE MI LA 'THAD PA'I SGO

NAS BSNYAD PA YIN NO ZHE NA, SNGON PO LA SOGS PA DAG CES BYA BA'O, ,MDO SDE PA'I LUGS LA BRTEN NAS BSHAD PA NI SNGON PO LA SOGS PA LA YANG ZHES BYA BA'O, ,DE LTAR ZHES BYA BA NI SHES PA LA BSNYAD PAS SO, ,'DI NI MA YIN TE ZHES BYA BA NI LAN GYI DON NI 'DI YIN TE, GAL TE 'GA' ZHIG DE LTAR THA SNYAD BYED PA DE LTA NA YANG 'JIG RTEN NI MA YIN GYI, 'ON KYANG SNGON PO DANG SER PO DAG SHES PA LAS SAM PHAN TSUN THA DAD PAR RTOGS TE SNGON PO MTHONG NGO ZHES BYA BAR RO, ,DE BZHIN DU SPYI LA YANG 'DI RNAMS LA RJES SU SONG BA YIN LA, 'DI NI DE LTA MA YIN NO ZHES THA DAD PAR RIGS PAR 'GYUR RO, , THAL BA LAS LDOG PAR KHAS LEN PA'I DOGS PA BSU BA NI, DE NI THA DAD DU BYA BA MA YIN PA NYID DO ZHE NA ZHES BYA BA'O, ,'DI BZLOG PA'I DON DU RGYU MTSAN 'DRI BA NI 'O NA DA NI ZHES BYA BA'O, ,GZHAN RGYU MTSAN SMRA BA NI BSTAN PAR MI NUS PA'I PHYIR TE ZHES BYA BA'O, ,'GAL BA DMIGS PA'I PHYIR RGYU MTSAN MED PAR BRJOD PA NI GAL TE ZHES BYA BA'O, ,BSGRUB PAR BYA BA MA YIN PA NYID DO ZHE NA, GRUB NA YANG ZHES BYA BA SMOS PA'O, ,BDE BA LA SOGS PA YANG ZHES BYA BA NI RTZOD PA'O, ,DE DAG KYANG NI BDE BA LA SOGS PA'O, ,RANG RIG PA'O ZHES BYA BA NI LAN NO, ,BDE BA BSTAN PAR BYA BA'I RGYUD LA YOD PA ZHES BSTAN PAR BYA BA'I RGYUD LA YOD PA DE NI BSTAN PA DON MED DO ZHES BRJOD PA NI KHYOD LA ZHES BYA BA'O, ,MNGON SUM GYI DON LA NI NYE BAR BSTAN PA CHEN PO MA YIN NO, ,PHYOGS GNYIS LA YANG RNAM PAR RTOG PA GNYIS TE TSIG GAM RTAGS LAS RTOGS PAR BYA BA YIN ZHES BYA BA'O, ,DANG PO NI KHYED CES BYA BA LA SOGS PAS DOGS PA BSU BA NAS MA YIN TE ZHES BYA BAS 'GOG PA'O, ,GNYIS BA LA BRJOD PA NI 'ON TE SPU LDANG BA ZHES BYA BA'O, ,'ON TE YANG DE LA BDE BA YOD DO ZHES MA BRJOD PAR RTAGS LAS NI MI RTOGS SO SNYAM DU DOGS PA BSU BA NI GANG GI PHYIR ZHES BYA BA GSUNGS SO, ,SPYI GRUB PA LA YANG TSUL 'DI 'DRA BAR DOGS PA BSU BA NI 'DIR YANG ZHES BYA BA STE, SPYI GRUB PA LA YANG NGO, ,LAN NI DE LTAR ZHES BYA BA'O, ,RJES SU SONG BA'I RTOG PA NI BAG CHAGS LAS BYUNG BA LAS NA SPYI DON GYIS 'PHEN PAR BYED PA MA YIN NO ZHES BRJOD PA NI 'ON KYANG 'DI NI ZHES BYA BA'O, ,'DI NYID GSAL

, ,BAR BYED PA NI 'DI'I RGYU MTSAN NI ZHES BYA BA'O, ,JI LTAR BAG CHAGS NYID 'DI'I RGYU MTSAN YIN GYI SPYI MA YIN ZHE NA, THA DAD PAR DANG ZHES GSUNGS SO, ,SKABS SDUD PAR BYED PA NI SPYI GZHAN NYID NI ZHES BYA BA'O, ,'O NA GZHAN DANG GZHAN MA YIN PAR 'GYUR RO SNYAM NA, GZHAN DANG GZHAN PA ZHES GSUNGS SO, ,RNAM PA GZHAN YOD PA NYID NA 'GYUR BA YIN NO ZHES BYA BA'I DON TO, ,JI LTAR DE KHAS BLANGS KYANG RNAM PA GZHAN SRID PAR 'GYUR ZHE NA, 'DI LTAR ZHES GSUNGS SO, ,GAL TE DE LTA NA YANG THA DAD PA MA YIN PA THA DAD PA CI'I PHYIR MI 'GYUR ZHE NA, BZLOG PAS DE NYID GANG YIN PA, DE BZHIN DU TSOR BA MED PA ZHES GSUNGS SO, ,BZLOG PA STE THA DAD PAS DE NYID GANG YIN PA ZHES BYA BA'I DON TO, ,DE NI ZHES BYA BA NI GZHAN NYID DO, ,GZHAN DU ZHES BYA BA NI GZHAN MA YIN PAR RO, ,TSOR BA MED PA NI 'GAL BA'I PHYIR RO, ,DE'I PHYIR THA MI DAD PA NI THA DAD PA MA YIN NO ZHES BYA BA'I DON TO, ,GAL TE THA DAD PA NI THA MI DAD PA NYID DU RIGS PA NYID DE MTHONG BA NI MI 'THAD PA ZHES BSAMS NAS GZHAN DAG SLONG BAR BYED PA NI, LAG DUB NYID DANG THA DAD KYANG ZHES BYA BA'O, ,LAG DUB SOGS PAS ZHES BYA BA NI LAN NO, ,GANG LAS ZHES BYA BA NI TSAD MA 'DRI BA'O, , BAG CHAGS LAS BYUNG BA'I RNAM PAR RTOG PAS KYANG DON 'PHEN PAR BYED PA MA YIN NO ZHES BSHAD ZIN TO ZHES BYA BAR BSHAD PA NI RJES SU 'GRO BAR ZHES BYA BA'O, ,'DI NI ZHES BYA BA NI RJES SU 'GRO BA NYID DO, ,MED PA NYID DU BSTAN ZIN TO ZHES BYA BA'O, ,SPYI THA DAD PA YIN NA, 'BREL PA MED PA NYID BRJOD PA NI CI STE ZHES BYA BA'O, ,'DI NYID RTZA BA DANG SGRIB PAR BYED PA NI GAL TE ZHES BYA BA'O, ,GAL TE MTSUNGS PA'I RANG BZHIN GSAL BA DE DAG LAS GZHAN NYID YIN PAR GYUR NA ZHES 'BREL TO, ,RTA NYID NI KHRA BO LA SOGS PA DANG 'BREL PA MED PA KHO NAS YIN PAS NA KHYAD PAR DU BYED PA NI DE DAG CES BYA BA'O, ,DE DAG GI ZHES BYA BA NI LAN NO, ,GZHAN LAS LDOG PA'I SPYI NI DNGOS PO MA YIN PAS THA DAD PA DANG THA MI DAD PA'I RNAM PAR RTOG PA'O, ,BZHI PA YIN NO ZHES BRJOD PA NI BZLOG PA NI ZHES BYA BA'O, ,RNAM PAR RTOG PAS NI DNGOS PO DE MA YIN PA LAS LDOG PAR MTSUNGS PA BZHIN

DU ZHEN PAR BYED DO ZHES BYA BA'I DON TO, ,YANG NA GAL TE DE DAG GI MTSUNGS PA'I DNGOS PO DE YIN PAR 'DOD NA, DE'I TSE DE DAG LAS GZHAN NYID YIN PAR 'GYUR ZHES 'BREL TO, ,GAL TE BUM PA NI SPYI'I RANG BZHIN NYID MA YIN PA'I PHYIR NA SNAM BU'I SPYI MA YIN GYI SNAM BU NYID NI DE'I RANG BZHIN YIN PA'I PHYIR DE'I SPYI YIN NO ZHES DOGS PA BSU BA NI SPYI'I BDAG NYID MA YIN PA'I PHYIR ZHES BYA BA'O, ,LAN GYI DON NI 'DI YIN TE, SPYI'I RANG BZHIN NYID LA YANG GSAL BA DANG 'BREL PA MED PA NI DE'I GNAS SKABS NYID YIN NO ZHES BYA BA'O, ,'BREL PA GRUB PA'I RGYU BRJOD PA NI DE DANG ZHES BYA BA'O, ,BSGRUB PAR BYA BA NYID SGRUB BYED DU 'GYUR NA NI THAMS CAD GRUB PO ZHES BRJOD PA NI DE NI 'BYUNG BA YIN TE ZHES BYA BA'O, ,GNYUG MA NYID LA YANG RNAM PA 'DI NYID YIN NO ZHES BRJOD PA NI, 'DI ZHES BYA BA'O, ,DE NYID NI 'BREL PA NYID DO, ,DE LTAR MA YIN NA ZHES BYA BA NI MA GRUB KYANG GTAN TSIGS NYID YIN NA'O, , 'DIS NI SPYI'I RANG BZHIN NYID KHAS BLANGS NAS GSAL BA DANG 'BREL PA MA GRUB PAR BSTAN PA YIN NO, ,DE NI SPYI'I BDAG NYID KYANG MA GRUB PO ZHES BRJOD PA NI SPYI'I MNGON PAR DOGS PA LAS YANG ZHES BYA BA'O, ,'BREL PA GRUB PAR KHAS BLANGS NAS SKYON BRJOD PA NI 'ON TE ZHES BYA BA'O, ,'BREL PA NI RANG BZHIN NYID MA BZUNG BA'I PHYIR NA NYES PA MED DO ZHE NA, 'BREL PA'I NGO BO NYID CES GSUNGS SO, ,DE'I RANG BZHIN NI GZHAN NYID YIN NO ZHES DOGS PA BSU BA NI RNAM PA ZHES BYA BA'O, ,DE LTA NA YANG 'BREL PA NYID BRJOD PA YIN NO ZHES LAN 'DEBS PA NI, RNAM PAR MTSUNGS PA NYID CES BYA BA'O; ,JI LTAR ZHE NA, RNAM PA MTSUNGS PA NYID NI ZHES BYA BA'O, ,RANG BZHIN GANG ZHIG LA LTOS PA DE MA BZUNG BAR NI DE MI 'DZIN TO ZHES BRJOD PA NI GSAL BA LA ZHES BYA BA'O, ,MI 'DZIN PA'I PHYIR RO ZHES BYA BA NI SPYI'I'O, ,'DZIN NA YANG GSAL BA MA LUS PA 'DZIN PAR THAL BAR 'GYUR RO, , GZHAN LAS LDOG PA LA NI NYES PA 'DI MTSUNGS PA MA YIN NO ZHES BRJOD PA NI, GZHAN LAS LDOG PA NI ZHES BYA BA'O, ,JI LTAR SKYON DU 'GYUR BA MED CE NA, PHAN TSUN ZHES GSUNGS SO, ,GZHAN DU BYED CES BYA BA NI RIGS MI MTHUN PAR RO, ,'O NA SPYI'I THA SNYAD JI LTAR SNYAM NA, DE DON BYA BA ZHES

, ,BYA BA'O, ,GAL TE GSAL BA BZHIN DU DON BYA BA YANG THA DAD PA NYID MA YIN NAM, DES NA JI LTAR DE'I SGO NAS, DE LTAR DE THA SNYAD BYED SNYAM DU DOGS PA BSU NAS, DU MA NYID MA 'PHRIGS PA'I ZHES GSUNGS SO, ,MI MTSUNGS PA DAG LA ZHES BYA BA NI RTZOD PA'O, , MA YIN TE ZHES BYA BA NI 'GOG PA'O, ,DE NYID KYIS ZHES BYA BA NI SPYI'I BLO NYID KYIS SO, ,'DI GA LAS SHE NA MTSUNGS PA'I RNAM PA CAN GYI ZHES GSUNGS SO, ,DE LA ZHES BYA BA NI KHRA BO LA SOGS PA LA'O, ,GANG GI PHYIR MTSUNGS PA'I RANG BZHIN NI DNGOS PO LAS DE NYID DANG, GZHAN DAG TU BRJOD PAR BYA BA MA YIN PA DE NYID KYI PHYIR DNGOS PO MED PA YIN NO ZHES BRJOD PA DE'I PHYIR ZHES BYA BA'O, ,RNAM PAR RTOG PA GCIG PUS RTOGS PAR BYA BA NI DE NYID DANG GZHAN DAG TU MNGON SUM GYI YUL DU 'GYUR BA MA YIN NO ZHES BYA BA'I DON TO, ,YANG NA GANG GI PHYIR SPYI'I RANG BZHIN GSAL BA DANG 'BREL PA NYID DU MI 'THAD PA DE'I PHYIR DE DNGOS PO MED PA KHO NA'O ZHES BRJOD PA NI DE'I ZHES BYA BA YIN NO, ,RNAM PAR RTOG PA GCIG PUS RTOGS PAR BYA BA GSAL BA DANG 'BREL PA NYID NI MNGON SUM GYI YUL MA YIN NO ZHES BYA BA'I DON TO, ,DNGOS POR YOD PA'I SPYI NI 'BRAS BU 'AM GZHAN ZHIG YIN GRANG, RE ZHIG 'BRAS BU NI MA YIN TE DUS KYI DBYE BAS THA DAD PA'I GSAL BA'I 'BRAS BU NYID KYI DU MA NYID YIN NA SPYI MA YIN PAR THAL BAR 'GYUR BA'I PHYIR RO ZHES BRJOD PA NI DE 'BRAS SHE NA ZHES BYA BA'O, ,'BRAS BU NYID YIN PA'I PHYIR GSAL BA BZHIN DU 'JIG PAR GYUR NA, DE YANG DE LTAR 'DOD PA NI MA YIN NO ZHES BRJOD PA NI 'JIG PAR 'GYUR, DE YANG 'DOD MA YIN ZHES BYA BA'O, ,'BRAS BU YANG MA YIN LA RTAG PA YANG MA YIN PA LA CI 'GAL ZHE NA, 'JIG PA DNGOS PO TZAM DANG NI, ,ZHES GSUNGS SO, ,DNGOS PO NYID NI DON BYA BA BYED PA'I MTSAN NYID LA YANG 'BRAS BU NYID LA MI RTAG PA NYID KYIS KHYAB PA YIN TE, RTAG PA NYID LA NI 'GAL BAS KHYAB PA YIN NO ZHES BYA BA'I DON TO, ,'ON TE NYES PA 'DIS 'JIG PAS 'BRAS BU MA YIN NO ZHES DOGS PA YOD PA KUN LA RAG MA LAS ZHES BYA BA'I TSUL GYIS NA, SPYI GSAL BA RNAMS DANG MA 'BREL PAS NA, NAM MKHA'

BZHIN DU SPYI MA YIN PAR 'GYUR RO ZHES BRJOD PA NI RIGS RNAMS ZHES BYA BA'O, ,MA 'BREL BA NI GSAL BA RNAMS DANG NGO, ,DNGOS MED NI RI BONG GI RVA BZHIN DU NGO BO NYID MED PA'O, ,JI LTAR MTSUNGS PA NYID DNGOS PO'I MTSAN NYID MA YIN ZHE NA, RTOG PA 'KHRUL PA'I ZHES GSUNGS SO; ,GANG GI PHYIR RNAM PAR RTOG PA GCIG PUS RTOGS PAR BYA BA YIN PA'I PHYIR RO ZHES BYA BA'I DON TO, ,GAL TE SPYI NI RNAM PAR RTOG PA'I RNAM PA LAS THA DAD PAR RTOG PA NYID MA YIN NA MA ZHES DOGS PA NI 'ON TE ZHES BYA BA'O, ,GSAL BA GNYIS KA YOD NA NI RNAM PA GNYIS SO, ,DE GZHAN YOD NA NI RNAM PA GSUM PA RTOGS PA JI LTAR BSNYON ZHES BYA BA'O, ,DE LTA NA YANG DE NI 'BRAS BUR THAL LO ZHES BRJOD PA NI DE LTA NA'O NA ZHES BYA BA'O, ,DE LTAR GYUR DANG ZHES BYA BA NI GSAL BA NYID DU GYUR PA'O, ,DU MA NYID DU ZHES BYA BA NI RNAM PAR GNYIS LA SOGS PAR THA DAD PA'I PHYIR RO; ,'ON TE DU MA NYID NI NGO SHES PAS GNOD PA YIN NO, ,DOGS PA NI NGO SHES PA YIN PA'I PHYIR RO ZHES BYA BA'O, ,GSAL BA BZHIN DU 'PHEL BA'I RNAM PA CAN GYI SPYI LA YANG 'PHEL BA'I RNAM PA CAN GZHAN YOD LA, DE LA YANG GZHAN YOD PA'I PHYIR THUG PA MED PAR 'GYUR RO ZHES LAN 'DEBS PA NI SPYI LA YANG ZHES BYA BA'O, ,SPYI LA SPYI MA RTOGS NA NI GSAL BA LA YANG MI RTOGS PAS MTSUNGS SO ZHES BRJOD PA NI 'ON TE ZHES BYA BA'O, ,GAL TE GSAL BA LA BA LANG BA LANG ZHES NGO SHES PA NI SPYI SGRUB PAR BYED PA YIN NO ZHES DOGS PA BSU NAS NGO SHES PA NI ZHES GSUNGS SO, ,MA NGES PA NGES PA MED PA NI STE 'KHRUL PA YIN NO ZHES BYA BA'I DON TO, ,BA LANG NYID DANG RTA NYID LA SOGS PA'I SPYI DAG LA NI, SPYI GCIG GI RGYU MTSAN CAN GYI NGO SHES PA YOD PA YIN NO, ,RNAM 'GREL LAS, ,BRJOD PA'I 'BRAS BU YIN PA'I PHYIR, ,ZHES BYA BA'I GTAN TSIGS SLA BA'I PHYIR BZHAG NAS GTAN TSIGS GZHAN BRJOD PA NI, GSAL BA ZHIG NA 'JIG PA'I PHYIR RO ZHES BYA BA'O, ,GSAL BA DANG 'DUS PA'I RANG BZHIN NI DE ZHIG NA GNAS PAR JI LTAR 'GYUR, GNAS NA YANG GSAL BA YANG GNAS PAR THAL BA'I PHYIR RO, ,JI LTAR

, ,NGO BO MED PAR 'GYUR ZHE NA, DNGOS PO NYID NI ZHES BYA BA'O, ,DE LAS CIR 'GYUR ZHE NA, SPYI KHYAB PA NI ZHES GSUNGS SO, ,CI'I PHYIR YOD PA MA YIN ZHE NA, DUS KYI ZHES GSUNGS SO, ,GAL TE DE LTAR MA DMIGS KYANG DE LTAR YOD PA CI STE MA YIN ZHE NA DMIGS PA NYID CES GSUNGS SO, ,DE MED NA ZHES BYA BA NI DMIGS PA MED NA'O, ,YOD PA NI DMIGS PA LA GZHAN YIN NO ZHES DOGS PA BSU BA NI YOD PA NYID DANG ZHES BYA BA'O, ,DE LTA NA THUG PA MED DO ZHES LAN 'DEBS PA NI, YOD PA NYID KYANG ZHES BYA BA'O, ,'DI NI KHAS BLANGS NAS BRJOD PAR ZAD DE; KHYED KYI LTA BA NI MA YIN TE, TSIG GI DON GSUM YOD PAR BYED PA NI YOD PA YIN NO ZHES BRJOD PA'I PHYIR RO ZHES GSUNGS PA NI, SPYI NI ZHES BYA BA'O, ,YOD PA'I PHYIR RO ZHES BYA BA NI YOD PAR KHAS BLANGS PA'I PHYIR RO, ,'O NA DE NI RANG GI NGO BOS YOD PA KHO NA YOD PA YIN SNYAM NA, DE NI ZHES GSUNGS TE, RANG GI NGO BOS YOD PA DE NI'O, ,DES NA ZHES BYA BA NI MA DMIGS PAS SO, ,YANG RANG GI NGO BOS YOD PAS YOD PA NYID YIN PAS SUN 'BYIN PA'I PHYIR BONG BU'I ZHES GSUNGS SO, ,KHYED LA YANG ZHES BYA BA NI DOGS PA NI, SANGS RGYAS PA LA YANG NGO, ,RGYU MED PA'I PHYIR RO ZHES BYA BA NI LAN NO, ,DE BZHIN NO ZHES BYA BA NI GAL TE RGYU MED PA'I PHYIR RI BONG GI RVA MED PA YIN NO, ,DE'I TSE SPYI YANG MED PAR 'GYUR RO, ,CI'I PHYIR ZHE NA, DE LA YANG ZHES GSUNGS TE, SPYI LA YANG NGO, ,YUL MED PAR NI BLO RNAMS MI SKYE'O ZHES DOGS PA BSU BA NI SPYI NI ZHES BYA BA'O, ,RI BONG GI ZHES BYA BA NI LAN NO, ,'ON TE RI BONG GI RVA LA SOGS PA NI RNAM PAR DPYAD NA YOD PA MA YIN NO ZHES DOGS PA BSU BA NAS SPYI YANG DE BZHIN DU 'GYUR RO ZHES BRJOD PA NI, NGES PAR BRTAGS NA ZHES BYA BA'O, ,GAL TE SGRA LAS BYUNG BA'I BLO LA SNANG BA GANG YIN PA DE NYID KYI SPYI YIN, DE YANG KHYAB PAR BYED PA 'GAL BA DMIGS PA YANG DNGOS PO MA YIN NO ZHES BRJOD PA NI GZHAN YANG ZHES BYA BA'O, ,GANG ZHIG BRDA'I STOBS KYIS SNANG BA DE NI DNGOS PO MA YIN TE, DPER NA GSAL BYA LA SOGS PA'I SPYI BZHIN NO, ,BA LANG NYID LA SOGS PA'I SPYI

YANG BRDA'I STOBS KYIS SNANG BA YIN NO, ,GAL TE 'DI NI MA NGES PA YIN TE, DNGOS PO LA YANG BRDA'I STOBS KYIS SNANG BA SRID PA'I PHYIR RO ZHES DOGS NA, DNGOS PO NYID NI BRDA'I STOBS LA MI LTOS PAR SNANG BAS KHYAB PA DE DANG 'GAL BA YOD NA MI 'GYUR RO ZHES BRJOD PA NI 'DI LTAR ZHES BYA BA'O; ,SKABS SU BAB PA LA KHYAB PAR BYED PA DANG 'GAL BA NYID STON PA NI BRDA LA MI LTOS PA DE LTAR NI SNANG BA MED KYI 'ON KYANG DE LA LTOS PAR SNANG NGO, ,GAL TE BRDA LA LTOS PA'I SHES PA LA YANG DNGOS PO MED PA KHO NA LA JI LTAR 'GYUR ZHES DOGS PA BSU BA NAS BRDA BYED PA NI ZHES GSUNGS SO; ,GANG GI PHYIR DE LTAR BRDA BYED PA MA YIN GYI, 'ON KYANG SNGA MA DANG PHYI MA SGRO BTAGS PA KHO NAS YIN, DE'I PHYIR DE LA LTOS PA'I SHES PA PA YANG DNGOS PO MED PAR SGRO BTAGS PA KHO NA MA YIN NO, ,'ON TE YANG SNGA MA DANG PHYI MA SGRO BTAGS PA MED KYANG BRDA BYED PA YIN TE, DES NA DE LA LTOS PA'I RTOGS PA NI DNGOS PO LA YANG 'GYUR BA YIN NO ZHES DOGS NA 'DI LTAR ZHES GSUNGS SO, ,GAL TE NYE BA TZAM LA BRTEN NAS KYANG BYED PA YIN NA NI DE'I TSE DE'I MTHAR THUG PA NYID KYIS THA SNYAD KYI DUS SU RJES SU 'GRO BAR 'GYUR BA DES NA SGRA LAS DON RTOGS PAR MI 'GYUR RO, ,GAL TE BRDA NI RJES SU 'GRO BA MED KYANG SGRA'I STOBS KHO NAS DON RTOGS SO SNYAM DU DOGS PA NI, SGRA'I MTHU NYID KYIS ZHES BYA BA'O, ,BRDA'I RJES SU 'GRO BA MED PAR SGRA LAS DON RTOGS PA MI SRID DO ZHES LAN 'DEBS PA NI, GAL TE ZHES BYA BA'O, ,GAL TE SPYI'I SHES PA BRDA LA LTOS PA YIN NO ZHES GA LAS RTOGS ZHES DOGS PA NA, BRDA MED PAR NI ZHES BYA BA'O, ,BHID RDI DANG A'AD AEE ZHES BYA BA LTAR 'DI BA LANG NGO ZHES BYA BA'I BRDA LA YANG NGO, ,'DI NI BA LANG GI SGRAS BRJOD PAR BYA BA YIN NO ZHES PA'I DON YIN PA'I PHYIR NA, BRDA MED PAR NI GANG DU YANG SGRA RJOD BYED NYID MA YIN NO ZHES BYA BA'I DON TO, ,DNGOS GNYIS MTHONG LA ZHES BYA BA'I RNAM 'GREL NYE BAR BKOD PA KHO NAR 'CHAD PA NI SGRA MED PAR YANG ZHES BYA BA'O, ,MTHONG BA'I BA LANG GI GSAL BA LAS BA LANG GI GSAL BA GZHAN NI GSAL BA GZHAN TE, DE MTHONG BA LAS NI'O, ,SGRA MED PAR YANG ZHES

, ,BYA BAR NI BRDA LA MI LTOS PAR SPYIR BLOR 'GYUR RO ZHE NA LAN DER YANG ZHES BYA BA STE, GSAL BA GZHAN MTHONG BAR YANG NGO, ,DE NYID NI GSAL BA GZHAN NYID DE BRDA YIN NO, ,DE'I NGO BO ZHES BYA BA NI SPYI LA THA SNYAD DO, ,DNGOS POR 'GYUR BA'I NGANG TSUL GANG LA YOD PA DE NI DE'I THA SNYAD KYI DNGOS PO STE DE LA'O, ,DE LTA NA NI 'O NA BRDA LA MI LTOS SO ZHES BYA BAR BRJOD PA NI RIGS SO ZHES DOGS PA BSU NAS BRDA SMOS PA NI ZHES GSUNGS SO, ,RTAGS LA YANG LTOS PA MA YIN NO ZHES BYA BA NI SKABS KYIS DNGOS PO'I STOBS KYIS BSKYED PA'I SHES PA'O; ,CI'I PHYIR ZHE NA, RTAGS KYANG ZHES SMOS TE, SGRA 'BA' ZHIG TU NI MA ZAD DE, CI LTAR BA LANG NYID LA SOGS PA'I RIGS RTAGS DANG BRDA LA SOGS PAS BSKYED PA'I SHES PA LA RTOGS PAR BYA BA LA YIN PA DE BZHIN DU BRAM ZE NYID LA SOGS PA'I RIGS KYANG YIN NO ZHES BRJOD PA NI DE BZHIN DU GSAL BYA LA SOGS PA ZHES BYA BA'O, ,GAL TE BRDA DANG LHAN CIG PA'I MNGON SUM NI RIGS KYIS GRUB PAR BYED PA MA YIN PA DES NA, DNGOS PO MED PA MA YIN NO ZHES DOGS PA BSU BA NI BRAM ZE LA SOGS PA LA ZHES BYA BA'O, ,MNGON SUM BRDA LA LTOS PA'I PHYIR NA DE LA LTOS PA MED PA YIN NO ZHES BRJOD PA NI MA YIN TE ZHES BYA BA'O, ,KHYAB PAR BYED PA 'GAL BA DMIGS PAS DNGOS PO YUL CAN MA YIN PA NYID DU BRJOD PA NI BRDA TZAM LA LTOS PA NI ZHES BYA BA'O, ,MNGON SUM GYI LHAN CIG BYED PA CAN YIN PA'I PHYIR NA DMUS LONG BRGYUD MA YIN NO ZHES DOGS PA BSU BA NI, LHAN CIG BYED PA'I ZHES BYA BA'O, ,BZUNG BA ZHE NA ZHES BYA BA NI DES NA'O, ,MA NGES NA YANG NYE BAR BSTAN PA MI 'THAD DE, DES NA RANG NYID MED PA'I PHYIR DON MED DO ZHES BRJOD PA NI, MNGON SUM GYIS MA BZUNG NA YANG ZHES BYA BA'O, ,JI LTAR NI MI NUS PA ZHE NA, MTHONG BA LA NI ZHES GSUNGS SO, ,NUS PA NI TSAD MA'O, ,'DI GZHAN GYIS KYANG 'DOD PA YIN NO ZHES BRJOD PA NI, DE SKAD DU YANG ZHES BYA BA STE RI KHROD RJES BSHAD PA YIN NO, ,DE NI ZHES BYA BA NI DBANG PO LAS 'DAS PA DAG LA NYE BAR BSTAN PA STE, SKYES BU BLOS

BSKYED PA NI TSAD MA MA YIN PA KHO NA'O, ,BSHAD ZIN PA'I RTZOD PA NYID LHAG PA BRJOD PA'I DON DU DGOD PA NI, CI STE YANG ZHES BYA BA'O, ,BRAM ZE NYID NI RIGS NI MI 'GYUR ZHES BYA BA JI LTAR ZHE NA DE NI DE LTAR ZHES GSUNGS TE BRAM ZE NYID DE NI BRDA MED PAR BTAGS PA'I PHYIR RO CI'I PHYIR ZHE NA, BA LANG NYID BZHIN DU BRAM ZE NYID LA SOGS PA'I RIGS NI GSAL BAS GSAL BAR BYED PAR MA MTHONG GI ,'ON KYANG NYE BAR BSTAN PA KHO NAS YIN NO, ,DE'I GSAL BYED GSAL SNANG BA YIN PAR JI LTAR RTOGS SHE NA, BA LANG NYID LA NI GSAL TE 'DI BA LANG MA YIN NO ZHES DAG GZHAN BRJOD PA DE'I TSE BA LANG NYID 'DIR 'GA' ZHIG THE TSOM 'GYUR RAM CI STE MI 'GYUR BA KHO NA'O, ,DES 'DI'I GSAL BAR BYED PA NI GSAL BA YIN NO ZHES RTOGS PA YIN NO, ,BRAM ZE NYID LA NI RTOGS PA 'DI YANG YOD PA MA YIN NO ZHES BRJOD PA NI, BRAM ZE NYID LA ZHES BYA BA'O, ,GZHAN LAS KYANG NGES PA MA YIN NO ZHES BRJOD PA NI BYA LAS DER NI ZHES BYA BA'O, ,CI'I PHYIR ZHE NA, GZHAN GYI SMOS TE, DMANGS RIGS LA SOGS PAS SO, ,BRAM ZE LA SOGS PA'I RIGS BZHIN DU GSAL BYA LA SOGS PA'I RIGS LA YANG NYE BAR BSTAN PA KHO NA GSAL BYED YIN NO ZHES BRJOD PA NI, BSTAN PA MED PAR ZHES BYA BA'O, ,GSAL BA NI MNGON PAR GSAL BA'O, ,'DI SNYAM DU GSAL BYA LA SOGS PA'I RIGS NI RANG GI NGO BO MED PA'I PHYIR DE NYID KYIS GSAL BA YIN NO ZHES DOGS PA BSU BA NI GAL TE ZHES BYA BA'O, ,DE MED NA ZHES BYA BA NI RANG GI NGO BO MED NA'O, ,LAN NI BA LANG DANG BRAM ZE LA SOGS PA'I RIGS LA YANG DE CI STE 'DOD, SGRA GCIG 'JUG PAR BYA BA'I DON DU'O ZHE NA, 'O NA GSAL BYA LA SOGS PA LA SGRA GCIG 'JUG ,SGRA GCIG GIS BRJOD PAR BYA BA NYID KYI RANG BZHIN DU GYUR PA'I RIGS YOD PA'I PHYIR RO ZHE NA, DE LTA NA NI 'O NA JI LTAR DBYANGS LA SOGS PA LA ZHES BYA BA'O, ,GAL TE KHRA BO LA SOGS PA'I GSAL BA MTHA' YAS PAS RIGS GCIG MED PAS DE DAG SGRA GCIG JI LTAR SBYOR TE KHYAD PAR RNAMS NI MTHA' YAS BAS 'KHRUL PA'I PHYIR RO ZHES BYA BA NI LUGS YIN PA'I PHYIR ZHES DOGS PA BSU BA NI

, ,BA LANG GI NYID CES BYA BA'O, ,DER NI GSAL BA MTHA' YAS PA DER RO, ,DE YANG ZHES BYA BA NI LAN NO, ,JI LTAR MTHA' YAS SNYAM NA, GONG DU SPONG SOGS ZHES GSUNGS SO, ,CI STE BRDA MA BZUNG BAS KYANG GSAL BYA LA SOGS PA LA DE NYID NI 'DI'O ZHES MTSAMS SBYOR BA LAS BRDA BYED PA YIN NO SNYAM DU DOGS NA 'DI NI KHRA BO LA SOGS PA LA YANG MTSUNGS SO ZHES BRJOD PA NI NGO SHES PA LAS ZHES BYA BA'O, ,GANG GI SGRA GCIG GI BRJOD BYA NYID LA GTOGS PAR BRAM ZE NYID LA SOGS PA'I RIGS YOD PA MA YIN PA DE'I PHYIR RO, ,KHRA BO LA SOGS DON RNAMS KYI NYE BA'O, ,GAL TE RIGS MED SGRA DANG 'DZIN PA GCIG DANG LDAN PA JI LTAR SRID SNYAM NA, DE MA YIN TE ZHES BYA BA'O, ,JI LTAR BA LANG NYID RGYU MTSAN GZHAN MED KYANG DE LTAR MTHONG BA LAS KHRA BO LA SOGS PA NYID LA YOD PA DE BZHIN DU DER 'DZIN PA YANG YIN NO, ,DE BZHIN DU MIG LA SOGS PA NYID LA GZUGS KYI SHES PA RGYU MTSAN GZHAN MED PAR NGO BO NYID KYI YOD PA YIN GYI, RNA BA LA SOGS PA LA NI MA YIN PA BZHIN NO ZHES DPER BYA'O, ,MIG LA SOGS PA RNAMS LA NI NYE BA YOD PA KHO NA STE, LHAN CIG BYED PA YIN PA'I PHYIR RO, ,KHRA BO LA SOGS PA LA NI MA YIN NO ZHES DOGS PA BSU BA NI, LHAN CIG BYED PA RNAMS LA ZHES BYA BA'O, ,MIG LA SOGS PA BZHIN DU KHRA BO LA SOGS PA RNAMS LA YANG LHAN CIG BYED PA NYID LAS BLO GCIG 'JUG PA YIN PAS SPYIS CI ZHIG BYA ZHES LAN 'DEBS PA NI DNGOS PO GNYIS MTHONG BA LA YANG ZHES BYA BA'O, ,BLO YANG YIN LA GCIG KYANG YIN PA STE, RIGS MED PAR YANG 'GYUR RO ZHES PA'O, ,RIGS MED NA BLO GCIG TU JI LTAR 'GYUR ZHES DOGS PA BSU BA NI, MTSUNGS PA'I RNAM PA NYID CES SMRAS TE, GZHAL BYA'I RANG BZHIN NO; ,MA YIN TE ZHES BYA BA NI RTZOD PA 'GOG PA'O, ,CI'I PHYIR ZHE NA GZHAL BYA ZHES SMOS SO, ,BLO GCIG PA LAS MA GTOGS PAR NI MTSUNGS PA'I RNAM PA NYID LA DMIGS TE, DE BAS NA DE NI MED PA KHO NA'O ZHES BYA BA'I DON TO, ,DE NYID KYI PHYIR MIG LA SOGS PA DPE YIN NO ZHES

BRJOD PA NI DE NI ZHES GSUNGS TE BLO GCIG BSKYED PA'O, ,'DI SNYAM DU MIG LA SOGS PA LA YANG BLO GCIG SKYED PAR BYED PA NYID KYI SPYI YOD PA KHO NA'O, ,DES NA MED PAR BSGRUB PA LA DE DAG DPE NYID DU JI LTAR 'GYUR ZHES DOGS PA BSU BA NI DE DAG LA YANG ZHES BYA BA'O, ,SKYED PAR BYED BA NYID KYANG BLO GCIG SKYED PA LAS GZHAN NI MED DO ZHES LAN 'DEBS PA NI KHRA BO LA SOGS PA LA YANG ZHES BYA BA'O, ,BLO GCIG BSKYED PA NYID SPYI YIN NO SNYAM PAR DOGS PA NI GAL TE DE NYID CES BYA BA'O, ,DE LTA MA YIN ZHES BYA BA NI SKYED BYED KYI MTSAN NYID DU 'GYUR BA'I SPYI MED NA'O, , RIGS KYI STOBS KYIS BLO NGES KYANG DE NYID GA LAS NGES ZHES LAN 'DEBS PA NI, 'O NA RIGS KYANG BYA BA'O, ,RIGS GZHAN LAS ZHES BYA BAR KHAS LEN NA NI, THUG PA MED DO ZHES BRJOD PA NI DE LA ZHES BYA BA STE RIGS LA'O, ,RNAM PAR 'BYED PAR BYED PA ZHES BYA BA NI NGES PA'I GSAL BAS GSAL BAR BYED PA NYID DANG RTEN DU BYED PA ZHES BYA BA'I DON TO, ,GSAL BA'I RGYU NI NUS PA NYID LAS RNAM PAR DBYE BA YIN PA'I PHYIR THUG PA MED PA MA YIN NO ZHES DOGS PA MED PA BSU BA NI 'ON TE ZHES BYA BA'O, ,DE LTA YIN NA RIGS DON MED DO ZHES LAN 'DEBS PA NI DE LTA NA YANG 'O NA ZHES BYA BA'O, ,GAL TE THA DAD PA RNAMS KYI BLO GCIG BSKYED PA NYID DU BZLOG PAR BYA BA MA YIN GYI, 'ON KYANG GCIG SNANG BA YIN NO ZHES BRJOD DO SNYAM DU DOGS NA, MIG LA SOGS PA LA YANG ZHES BYA BA'O, ,JI LTAR ZHE NA GANG GI PHYIR RNAM PA 'GAS KYANG SNGON PO LA SOGS PA BZHIN DU MNGON SUM LA SNANG BA YOD PA MA YIN PA'I PHYIR RO, ,GAL TE MI SNANG BA'I PHYIR SPYI MED NA, MIG LA SOGS PA YANG 'GYUR RO ZHE NA, DBANG PO NI GZUGS DANG LDAN PA YIN PA'I PHYIR NA DBANG PO LAS 'DAS PA THOB PA LA SNANG BAR 'GYUR RO ZHES SRID PAR STON PA NI GA TE DBANG PO RNAMS KYI LTA BA PO ZHIG YOD NA, DE'I TSE DE'I LUS NI SNANG BA YIN TE GZUGS CAN YIN PA'I PHYIR RO, ,RIGS RNAMS NI GZUGS DANG LDAN PA MA YIN NO, ,CI'I PHYIR ZHE NA, YAN 'GAR BA GSAL BA NI 'DZIN PA DANG BRAL BA RNAMS MI MTHONG BA'I PHYIR RO, ,

, ,CI STE DE LTAR MTHONG BA YOD PA KHO NA'O, ,GSAL BA 'DZIN PA'I TSE NA 'ANG GSAL BA DE'I SGRA DNGOS PO DE LAS GZHAN RIGS KYI RANG BZHIN NI SNANG BA MED DO, ,MI DMIGS PA MA GRUB PAR BRJOD PA NI 'BRAS BU'I SGO NAS KYANG ZHES BYA BA NI LAN NO, ,'BREL PA YANG THAMS CAD DU RANG BZHIN GCIG PA'I PHYIR SPYI YIN NO ZHES DOGS PA BSU BA NI THAMS CAD DU GCIG PA'I 'BREL PA YANG ZHES BYA BA'O, ,MA YIN TE ZHES BYA BA NI LAN NO, ,'DI NYID BRJOD PA NI DE'I DE MA THAG TU ZHES BYA BA'O, ,DE LTAR MI DMIGS PA LA GRUB PA NYID SPANGS PA'I DON DU MI SNANG YANG NUS BA ZHES BYA BA'O, ,DE LA NI ZHES BYA BA NI DBANG PO LA'O, ,DBANG PO BZHIN NO ZHES BYA BA'I DPE YANG MA GRUB PO ZHES BRJOD PA NI 'BRAS BU LDOG PAS NI ZHES BYA BA'O, ,LUS KYI NI DBYE BA ZHES BYA BAS NI GSUM MO, ,MIG LA SOGS PA BAG CHAGS KYI KHYAD PAR YIN PA'I LUGS BRJOD PA NI GANG ZHIG CES BYA BA'O, ,GANG GI PHYIR DE LTAR LUGS THA DAD PA YIN PA DE'I PHYIR NA'O, ,DE'I SGO NAS ZHES BYA BA NI DBANG PO RJES SU DPOG PA'I SGO NAS SO, ,GAL TE DBANG PO RJES SU DPAG PAS MA GRUB NA 'O NA DE'I SGRUB PAR BYED PA GANG YIN ZHE NA, GZUGS DANG LDAN PA NYID NI ZHES BYA BA'O; ,LUNG YIN TE ZHES BYA BA NI RJES SU DPAG PA YOD PA MA YIN NO ZHES BYA BA'I DON TO, ,DE LTAR YIN NA ZHES BYA BA NI LUNG LAS GRUB PA'I GZUGS DANG LDAN PA NYID NA'O, ,RIGS RNAMS NI MA YIN NO ZHES BYA BA NI 'CHAD PA NI SPYI NI DE LTA MA YIN TE ZHES BYA BA STE, GZUGS DANG LDAN PA NYID MA YIN NO; ,JI LTA ZHE NA 'BA' ZHIG PA ZHES GSUNGS SO, ,SPYI 'BA' ZHIG MI MTHONG BA DE DE'I RANG BZHIN NYID LAS NYAMS PAR 'GYUR RO ZHES BRJOD PA NI, GAL TE RNAL 'BYOR PAS ZHES BYA BA'O, ,DE'I NI BLO'I'O, ,'DI NI SPYI'O, ,DE LTA NA ZHES BYA BA NI LAN NO, ,RNAL 'BYOR PA BZHIN DU KHYED KYIS KYANG SPYI MTHONG BAR 'GYUR RO ZHE NA, BDAG GIS NI ZHES BYA BA'O, ,SPYI'I 'BA' ZHIG MI MTHONG BA'I RGYU MTSAN DU GZHAN GYI 'DOD PA NYID BRJOD PA NI, GAL TE SPYI NI ZHES BYA BA'O, ,GZUGS NI SNANG BA MED KYANG DMIGS PAR 'GYUR GYI, GSAL BA MED PAR NI SPYI DMIGS PA MED PA

MA YIN NO ZHES BRJOD PA NI, DE YANG MI RUNG STE ZHES BYA BA'O, ,THA DAD KYANG YUL GCIG PA'I PHYIR THA DAD PA MI DMIGS SO ZHES SMRAS PA NI, 'ON TE YUL ZHES BYA BA'O, ,GANG ZHIG GANG DANG YUL GCIG PA DE NI DE DANG THA DAD PAR DMIGS PA MA YIN NO ZHES BYA BA NI KHYOD KYI 'DOD PAS 'KHRUL PA YIN NO ZHES LAN BRJOD PA NI GZUGS DANG ZHES BYA BA'O, ,GZUGS DANG RO LA SOGS PA YANG YUL GCIG PA'I PHYIR THA DAD DMIGS PAR MI 'GYUR BA ZHIG MA 'GYUR BA YANG YIN TE, DES NA 'DI MA NGES PA YIN NO ZHES BYA BA'I DON TO, ,SHIN TU 'DRES PA NA GANG ZHIG GANG DANG YUL GCIG PA ZHES KHYAD PAR DU BYED PA'I PHYIR MA NGES PA NYID MA YIN NO ZHES DOGS PA BSU BA NI, DE RNAMS NI ZHES BYA BA STE GZUGS LA SOGS PA RNAMS SO, ,DE NI ZHES BYA BA NI SPYI DANG GSAL BA GNYIS LA'O, ,SHIN TU ZHES BYA BA NI LAN NO, ,RANG BZHIN 'DRES PA CI ZHE NA, CI GA RANG BZHIN 'DRES PAR GYUR TAM DE MA 'DRES PA NYID DO, ,CI'I PHYIR ZHE NA, GANG GI PHYIR RANG BZHIN 'DRES PAR 'GYUR NA NI SPYI GANG BU LAS THA MI DAD PA KHO NAR 'GYUR RO, ,CI LTAR ZHE NA GANG GI PHYIR 'DRES PAR 'GYUR NA NI SPYI GANG PHYIR RANG BZHIN TE NGO BO GANG YIN PA NI THA DAD PA MED PA NYID YIN PAS SO, ,'DRES PAS THA DAD PAR MI RTOGS NA NI SPYI MED PAR THAL BAR 'GYUR RO, ,DES NA KHYAD PAR MED PA NYID DU YUL GCIG PA'I GTAN TSIGS RGYU YIN PAS DA NI DE LAS DNGOS PO NYID KYANG MA NGES PA NYID DU YANG BRJOD PA NI, RANG BZHIN GZHAN PHYIR ZHES BYA BA'O, ,GTAN TSIGS 'DI NI MA GRUB PA YANG YIN TE GANG GI PHYIR, RANG BZHIN LAS NI GZHAN 'GYUR BAR ZHES BYA BA'O, ,YUL TZAM MA GRUB PA NI SHIN TU GSAL BAR DE'I KHYAD PAR MA GRUB PO ZHES BYA BA'I DON TO, ,DNGOS PO LAS THA DAD PAR ZHES BYA BA NI 'CHAD PA'O, ,YUL THA DAD PA YIN DU ZIN KYANG DE LTA NA YANG DE THA DAD PA NI 'DIR MA GRUB PO ZHES GSUNGS SO, ,GAL TE DNGOS PO ZHES BYA BA'O, ,YUL GZHAN GA LA YOD CES GANG BRJOD PA NI DE 'THAD PA NYID DU DOGS PA BSU BA NI GAL TE YUL GYI DBYE BAS SPYI LA SOGS PA YUL CAN DANG, YUL DAG THA DAD PA YIN NO, ,YUL NI DNGOS PO LAS THA DAD PA

, ,GZHAN KHO NA YIN NO ZHES BYA BA'I DON TO, ,DE LTAR NA THUG PA MED PAR 'GYUR RO ZHES LAN 'DEBS PA NI, DE'I DBYE BA GA LAS YIN ZHES BYA BA'O, ,DES NA YUL GCIG PA NYID NI SGRUB BYED MI RUNG NGO, ,DE'I PHYIR ZHES BYA BA'I RTZA BAS 'PHANGS PA'I DON BRJOD PA NI; GANG GI PHYIR ZHES BYA BA'O, ,GCIG GI BLO NI GSAL BA RNAMS LA YIN NO ZHES BYA BAR YANG BLTA BAR BYA STE, DE NYID KYI PHYIR RO SPYI TZAM GYI DON BYA BA LTA ZHIG STE, RNAM PAR RTOG PA DANG GZHAN PA'I SHES PA TZAM GYI DON BYA BA LA YANG SPYI DE RUNG BA MA YIN NO, ,DE LTAR GYUR PAS CI GRUB CE NA, DE MI RUNG PHYIR ZHES GSUNGS SO, ,DE LTA NA YANG JI LTAR DE LTAR DNGOS PO MA YIN ZHE NA, GANG GI PHYIR MI RUNG BA NYID NUS PA THAMS CAD BRJOD PA DANG BRAL BA DE NI DNGOS MED MTSAN NYID YIN NO, ,DE LTA BAS NA MI RUNG BA NYID KYIS NA DE NI NYE BAR BRJOD PA MED PA YIN NO ZHES BYA BA'I DON TO, ,GAL TE RANG GI NGO BOS SNANG BA MA YIN YANG DE SHES PA TZAM GYI DON BYA BA BYED PA YANG CI MI RUNG BAR GO CI LTAR 'GYUR ZHE NA, GANG DANG GANG ZHES BYA BA SHES PA LAS THA DAD PA SHES PA'I RGYUR 'GYUR BA NI DMIGS PA'I RKYEN NAM BDAG PO'I RKYEN ZHIG TU 'GYUR BA, RE ZHIG BZUNG BAR MNGON PAR 'DOD PA RANG GI NGO BOS SNANG BA MA YIN PA DE NI, DMIGS PA'I RKYEN MA YIN TE CI'I PHYIR ZHE NA, RANG GI RNAM PA ZHES PA SMOS SO, ,BDAG PO'I RKYEN NYID KYANG DOGS PA BSU NAS SMOS PA NI MA YIN TE ZHES BYA BA'O, ,CI'I PHYIR ZHE NA, DE LA YANG ZHES GSUNGS TE, BDAG PO'I RKYEN NI GA LA ZHES PA RJES SU 'GRO BA DANG LDOG PA'I RJES SU BYED PA DE NYID YIN TE, DPER NA MIG LA SOGS PA BZHIN NO, ,SHES PA SPYI NI RJES SU 'GRO BA DANG LDOG PA'I RJES SU BYED PA MA YIN NO, ,DES NA GNYIS KA LTAR YANG RGYU MA YIN PA'I PHYIR NA RUNG BA NYID MA YIN NO ZHES BYA BA'I DON TO, , DE NI DNGOS PO MA YIN TE BRJOD BYA YIN PA'I PHYIR DANG, DE NYID DANG GZHAN DAG TU BRJOD PAR BYA BA MA YIN PA'I PHYIR DANG, SHES PA TZAM GYI DON BYED PAR YANG MI RUNG BA'I PHYIR NA SPYIR MTSAN NYID DO, ,DNGOS PO MED PAR JI SKAD BRJOD PA DE LAS BZLOG PA GANG YIN PA RANG GI NGO BOS SNANG BA DANG

BRJOD PAR BYA BA DANG, BRJOD PAR BYA BA MA YIN PA NYID CES BYA BA LA SOGS PA NI, RANG GI MTSAN NYID NI MTSAN NYID YIN NO ZHES BRJOD PA NI, JI SKAD BRJOD PAS ZHES BYA BA'O, ,GAL TE ZHES BYA BA NI RTZOD PA'O, ,MA YIN TE ZHES BYA BA NI LAN NO, ,RANG DGA' NYID SPONG BA CI BYA BA NYID DANG BYED PA'I ZHES BYA BA'O, ,RTOGS PA THA DAD PA YIN YANG RANG GI RANG BZHIN KHO NA'I MTSAN NYID DU RIGS KYI GZHAN NI MA YIN NO ZHES BRJOD PA NI, RANG GI NGO BO NYID CES BYA BA'O, ,JI LTAR GZHAN MTSON SNYAM NA, GZHAN GYI NGO BOS ZHES BYA BA'O, ,GAL TE THAMS CAD DU RANG GI RANG BZHIN NYID MTSAN NYID YIN NA, 'O NA JI LTAR SPYI MTSAN NYID YIN TE, MA YIN PA NYID DO ZHES BYA BA'I DON TO, ,GAL TE RANG BZHIN MTSAN NYID YIN NO, JI LTAR SPYI MTSAN NYID MA YIN SNYAM NA GSAL BA MA KHYAB PA'I PHYIR RO ZHES SMRAS TE, KHRA BO LA SOGS PA'I GSAL BA KHYAB PAR BYED PA NYID MA YIN PA'I PHYIR NA RANG GI RANG BZHIN SPYI'I MTSAN NYID MA YIN NO, ,DE YANG ZHES BYA BA NI RNAM PAR RTOG PA LA SNANG BA'I PHYIR MNGON PAR 'DOD PA'O, ,'O NA DE LTAR DE SPYI YIN ZHE NA, THA SNYAD LAS ZHES GSUNGS TE, RNAM PAR DBYE BA MED PAR 'JUG PA LAS DE LTAR ZHES BYA BAS SPYI NYID DU BRJOD PA YIN, GAL TE RNAM PAR DBYE BA MED PAR 'JUG PA LA YANG JI LTAR TE GSAL BA DU MA'I ZHES GSUNGS SO, ,GSAL BA'I RANG BZHIN DU LHAG PAR SGRO 'DOGS PA LA YANG RGYU MTSAN CI YOD SNYAM NA DE LAS SKYES PA'I PHYIR RO ZHES GSUNGS SO, ,DNGOS PO MED PA NYID YIN NA ZHES BYA BA NI GZHAN GYI STE SKABS KYI SPYI'O; ,MNGON SUM DANG RJES SU DPAG PA GNYIS BZHIN DU BRTAGS PA RNAMS THA DAD PA YIN NO, ,MNGON SUM DANG ZHES SMOS SO, ,'DI LTAR CI STE MA YIN SNYAM NA, 'DI LTAR ZHES GSUNGS SO, ,DE STE MTHONG NGO ZHE NA ZHES BYA BA NI, RTAGS KYI DBYE BA ZHES 'BREL TO, ,RTAGS KYI DBYE BSGRUB PAR BYED PA NI MNGON SUM NYID YIN PAS YUL GYI DBYE BAS CI BYA BA ZHES BYA BA'I DON TO, ,DE LTA YIN NA HA CANG THAL BAR 'GYUR RO ZHES GSUNGS PA NI, ,'O NA RNAM PA DRUG TU ZHES BYA BA STE, RGYU DANG 'BRAS BU DANG LDAN PA CAN DANG DON GCIG LA 'DU BA CAN DANG 'GAL BA

, ,CAN ZHES BYA BA'O, ,'ON TE ZHES BYA BA NI RTZOD PA GNYIS PA'O, ,'DI LA ZHES BYA BA NI RTZOD PA GNYIS PA 'DI LA'O, ,SPYI STE RNAM PA GSUM KHO NA'O, ,JI LTA ZHE NA, DNGOS DANG ZHES BYA BA'O, ,GAL TE SPYI LA ZHES DBYE BA MED NA 'O NA NI YUL GYI DBYE BAS BRTAGS PA THA DAD PAR MI 'GYUR RO ZHES DOGS PA BSU NAS DNGOS PO DANG, DNGOS PO MED PA DANG GNYIS KA LA BRTEN PA'I SGO NAS ZHES GSUNGS SO, ,DNGOS PO SHING DANG DNGOS PO MED PA BUM PA MED PA DANG GNYI GA MED DE, RANG GI NGO BOS YOD PA'I PHYIR DANG, DU BA'I NGO BOR MED PA'I PHYIR RO, , GANG LA RTEN DE DAG YOD PA DE'I DNGOS PO STE, DE'I SGO NAS 'BRAS BU RJES SU DPAG PA'I PHYIR RANG BZHIN LA SOGS PA'I GTAN TSIGS THA DAD PA YIN NO ZHES 'BREL TO, ,GAL TE SHES PA DE GANG GIS NYE BAR LEN PA CAN YIN PA DE THA DAD PAR 'GYUR MOD, RTAGS GO CI LTAR ZHE NA DE BYED PA NYID KYIS ZHES GSUNGS SO, ,'DI NYID BRJOD PA NI 'DI LTAR ZHES BYA BA'O, ,'BRAS BU'I RTAGS LAS SKYES PA'I RNAM PAR RTOG PA RANG GI NYE BAR LEN PA CAN JI LTAR YIN ZHE NA, 'BRAS BU'I GTAN TSIGS NI THA DAD PA ZHES BYA BA'O, ,THA DAD PA JI LTAR ZHE NA, THA DAD PA ZHES BYA BA GSUNGS SO; ,DNGOS PO'I RANG BZHIN NI RANG DANG GZHAN YOD PA DANG MED PA DAG GI GNYI GA'I RANG BZHIN DU 'GYUR BA NA RANG BZHIN LAS LDOG PA RIGS GZHAN DU NI MA YIN NO, ,DNGOS PO MED PA'I YIN NA NI THA DAD PAR MI 'GYUR TE, RI BONG GI RVA BZHIN NO, ,GZHAN GYI RANG BZHIN YIN YANG THA DAD PAR MI 'GYUR TE SHING SHA PA LAS SHING NYID BZHIN NO, ,DES NA THA DAD PAR NI YOD PA DANG MED PA DAG GIS YIN NO, ,THA DAD PA NA YANG DE'I NYE BAR LEN PA CAN GYI RNAM PAR RTOG PA GNYIS PA'I NYE BAR LEN PA CAN KHO NA YIN NO, ,YANG NA DNGOS PO MED PA DAG LAS ZHES BYA BA NI SNANG BA THA DAD PA'I MING CAN GRUB PA THA DAD PA DAG GIS SO, ,SPYIR THA DAD PA'I DON SKABS LA SBYOR BA NI, BSGRUB PAR BYA BA THA DAD PA YANG ZHES BYA BA'O, ,GNYI GA LA BRTEN PA'I MA NGES PA NYID BSDU BA'I DON DU BSHAD PA GZHAN GSUNGS PA NI YANG NA ZHES BYA BA'O, ,DNGOS PO NI SHING NYID DANG ME'O, ,DNGOS PO MED PA NI BUM PAS

STONG PA'I SA PHYOGS RJES SU DPAG PA'I BDAG NYID KYI RNAM PAR RTOG PA GANG LA NYE BAR LEN PA DE GNYIS YOD BA'I DE'I DNGOS PO NYID KYIS NYE BAR LEN PA BRGYUD PA'I RGYU MED PA LA SOGS PA'I THA DAD PA GANG YIN PA DE LAS RNAM PAR RTOG PA'I THA DAD PA LA BRTEN NAS MED PA LA SOGS PA'I YUL THA DAD PA YIN NO; ,GAL TE SPYI DNGOS PO'I NYE BAR LEN PA CAN LAS, 'BRAS BU DANG RANG BZHIN GYI GTAN TSIGS CI LTAR THA DAD CE NA, DNGOS PO GNYIS NI ZHES GSUNGS SO, ,GANG GI PHYIR DE LTAR GTAN TSIGS RNAM PA GSUM DU 'DUS PA DES NA GNYIS KA'I ZHES BYA BA'O, ,GAL TE RANG GI MTSAN NYID KYIS NI DNGOS PO'I RTEN CAN MA YIN TE, MI SNANG BA'I PHYIR RO, ,SNANG BA NI 'GYUR BA YIN NA DE LTAR NA NI SPYI DNGOS PO YIN PAR 'GYUR RO ZHES BRJOD PA NI, GAL TE DNGOS PO'I RTEN ZHES BYA BA'O, ,DE'I TSE DNGOS PO SHES PAR 'GYUR GYI DNGOS PO MED PA'I SPYI NI SHES PAR MI 'GYUR RO, ,'GYUR BA YANG YIN TE DES NA DE NI DNGOS PO KHO NA LA MA YIN NO ZHES BYA BA'I DON TO, ,DNGOS PO 'DZIN PA NYID KYIS DE'I 'BRAS BUR YANG 'GYUR RO ZHES BRJOD PA NI, DNGOS PO 'BREL PHYIR ZHES BYA BA'O, ,YANG RNAM PAR RTOG PA DNGOS PO LA BRTEN PA'I PHYOGS LA NYE BAR DOGS PA BSU BA NI, GAL TE RNAM PAR RTOG PA CAN GYI SHES PA DNGOS PO LA BRTEN PA YIN NA DE'I TSE DNGOS PO RANG GI MTSAN NYID SHES PAR 'GYUR GYI DNGOS PO MED PAR NI MA YIN NO, ,CI'I PHYIR ZHE NA, DNGOS PO 'BREL PHYIR ZHES BYA BA'O, ,BSHAD PA GNYI GA LA YANG DON NI 'DI YIN TE, RANG BZHIN DNGOS PO LA BRTEN PA DE NI DNGOS PO'I YUL CAN YIN TE, DPER NA MNGON SUM BZHIN NO, ,RNAM PAR RTOG PA'I RNAM PAR SHES PA YANG DNGOS PO LA BRTEN PA YIN NO ZHES BYA BA'O, ,LAN NI MIN, LAN BTAB PHYIR DANG ZHES BYA BA'O, ,RNAM PA 'GAS KYANG RNAM SHES LA, ,DE DNGOS PO SNANG BA MED PA'I PHYIR RO ZHES BYA BA DANG, SHES PA TZAM GYI DON BYED PAR YANG MI RUNG NGO ZHES BYA BA DANG, RANG GI MTSAN NYID SNANG BA YIN NA YANG DBANG PO'I TSOGS 'BRAS BU MED PAR BSTAN PA'I PHYIR RO, ,'BYUNG BAR 'GYUR RO, ,'BYUNG BAR 'GYUR RO SNYAM NA NI SHES PA CI LA DMIGS PA YANG MTHONG BA'I PHYIR 'DAS PA 'AM MA 'ONGS PA NI SPYI MA

, ,YIN NO ZHES BRJOD PA NI, RNAM PA GZHAN DU ZHES BYA BA STE SPYI MED PAR YANG NGO, ,DNGOS PO LA BRTEN PA YIN YANG RANG GI MTSAN NYID KYI YUL CAN DU NI MI 'THAD DO ZHES RE ZHIG 'CHAD PA NI, SHES PA DNGOS PO LA BRTEN PA ZHES BYA BA'O, ,DNGOS PO LA ZHES BYA BA'I RANG GI MTSAN NYID KYI YUL LA'O, ,CI'I PHYIR MI 'GYUR SNYAM DU NA DNGOS PO'I YUL NYID NI ZHES BYA BA'O, ,'ON TE RANG GI RANG BZHIN 'DZIN PA YIN PA NYID DO, ,SPYI'I YUL CAN GYI ZHES BYA BA'O, ,GAL TE GANG GI NYES PA 'DIR 'GYUR BA DNGOS PO LA ZHES BYA BA 'DI YUL GYI BDUN PA NI MA YIN GYI 'ON KYANG RGYU MTSAN GYI BDUN PA YIN NO ZHES DOGS PA NI 'ON TE DNGOS PO YOD NA ZHES BYA BA'O, ,DE LTAR RANG GI MTSAN NYID KYI YUL CAN NYID DU MI 'THAD DO ZHES BRJOD NAS SPYI'I YUL CAN KHO NA NYID KYANG MA YIN NO ZHES BRJOD PA NI, GAL TE SHES PA DE ZHES BYA BA'O, ,RNAM PAR RTOG PA'I RNAM PAR SHES PA DE'O, ,DE'I TSE ZHES KHO NAR PHYUNG LA 'DAS PA LA SOGS PA NI ZHES SBYAR RO, ,CI'I PHYIR ZHE NA, DNGOS PO NI ZHES SMOS TE, SPYI'I RANG BZHIN MA KHYAB PAR GYI RANG BZHIN NO, ,'O NA 'JIG RTEN GYI RTOG PA'I DBANG GIS 'DAS PA YUL NYID YIN NO SNYAM NA 'DI LA ZHES GSUNGS TE, RNAM PAR RTOG PA'I RNAM PAR SHES PA LA'O, ,'O NA JI LTAR RTOGS SHE NA, DNGOS PO MED PA DANG ZHES BYA BA'O, ,RANG GI NGO BOR ZHES BYA BA NI NGO BOR 'DZIN PAR 'GYUR RO, ,DE LTAR 'KHRUL PA TZAM DU RTOGS PA YIN NO ZHES RJES SU 'JUG PAR BYA BA'O, ,GAL TE 'DI DAG GIS CI ZHIG STON SNYAM NA, LAN BTAB PA'I PHYIR DANG ZHES BYA BAS NI ZHES GSUNGS SO, ,BZLOG PA SPYI MED PA LA TSAD MA MI DMIGS PA 'JUG PA YIN PAR RNAM PA 'GAS KYANG RNAM PAR SHES LA, DE DNGOS PO SNANG MED PHYIR RO ZHES BYA BA LA SOGS PAS BSTAN PA BRJOD PA YIN NO, ,GZHAN GYIS MNGON PAR 'DOD PA'I GTAN TSIGS NI GANG ZHIG DNGOS PO LA BRTEN ZHES BYA BA 'DI'O, ,GAL TE RNAM PAR RTOG PA'I RNAM PAR SHES PA NI GNYIS KA LTAR YANG 'BYUNG BA'I PHYIR NA, JI LTAR DNGOS PO LA BRTEN PA NYID DU BRJOD CES DOGS PA NI GAL

TE ZHES BYA BA'O, ,DE'I PHYIR BSHAD PA ZHES BYA BA NI DNGOS PO'I CHOS NYID NYAMS PA'I DON DU'O, ,RNAM PAR RTOG PA'I RNAM PAR SHES PA NI RGYUD NAS RANG GI MTSAN NYID KYI RANG BZHIN LA BRTEN PA BRJOD PA YIN NO ZHES BYA BA'I DON TO, ,DE SHES ZHES BYA BAR 'DIR NGES PAR BZUNG BA BRJOD PAR 'DOD PA YIN NO ZHES BSHAD PA NI, DE NI SHES PA NYID CES BYA BA'O, ,NYID KYI SGRAS NI SPYI DMIGS PA NYID YIN PA 'GOG PA'O, ,DE NYID BRJOD PA NI DE LA ZHES BYA BA STE, RNAM PAR RTOG PA'I RNAM PAR SHES PA LA'O, ,CI'I PHYIR DMIGS PA MED PA YIN ZHE NA, SPYI ZHES SMOS TE, GTZO BO LA SOGS PA LTAR MTSAN MA'I YUL MA YIN PA'O, ,'DI LTAR ZHES BYA BA NI GSAL BAR BYED PA'O, ,RANG GI MTSAN NYID KHO NA TSAD MA'I YUL YIN PA'I PHYIR GZHAL BYA YIN NO ZHES BRJOD PA NI RANG GI MTSAN NYID GCIG CES BYA BA'O, ,CI'I PHYIR ZHE NA, SPYI ZHES BYA BA NI ZHES GSUNGS SO, ,'O NA GANG GZHAL BYA YIN SNYAM NA, DON DAM PAR ZHES GSUNGS SO, ,GAL TE DNGOS PO LA SHES PA NYID 'JUG PA YIN NA RANG GI MTSAN NYID SNANG BA MNGON SUM DANG SPYI'I MTSAN NYID SNANG BA RJES SU DPAG PA'O, ,DE SKAD DU YANG, GZHAL BYA GNYIS PHYIR TSAD MA GNYIS, ,ZHES BSHAD PA YIN NO, ,DE NA GCIG KHO NAR JI LTAR 'GYUR SNYAM NA, DE NYID YOD PA DANG ZHES GSUNGS SO, ,RJES SU DPAG PA LA YANG RANG GI MTSAN NYID KHO NA DPYAD PAR BYA BA YIN GYI, SPYI NI MA YIN NO, ,DE GANG LAS ZHES BYA BAS DOGS PA BSU BA NAS DE LAS GRUB PHYIR RO ZHES LAN 'DEBS PA STE RANG GI MTSAN NYID LAS SO, ,RANG GI MTSAN NYID KHO NA THUN MONG DU MTSON PA NA SPYI'I MTSAN NYID YIN NO, ,DE LTA NA YANG SNANG BA THA DAD PA'I SGO NAS GZHAL BYA GNYIS SU 'THAD PA YIN NO, ,RANG GI MTSAN NYID KHO NA RJES SU DPAG PAR YOD PA DANG MED PA NYID DU DPYOD PA YIN TE, RNAM PAR DPYOD PA'I BDAG NYID YIN PA'I PHYIR RO; ,'DZIN PA NI MA YIN NO ZHES BYA BA'I DON TO, ,RTOG PA DANG LDAN PA DAG NI RANG GI MTSAN NYID YOD PA DANG MED PA GTAN LA DBAB PA'I DON DU TSAD MA DPYOD PA'I BSTAN BCOS BYED PA YIN NO ZHES BRJOD PA NI, DON BYA BA BYED PA'I DNGOS PO ZHES BYA BA'O, ,GAL TE RANG

, ,GI MTSAN NYID DON DU GNYER NA 'O NA TSAD MA BTZAL BAS CI SNYAM NA, TSAD MA TSOL BA YANG ZHES GSUNGS SO ZHES BYA BA NI RANG GI MTSAN NYID DO, ,DE LTA MA YIN NA ZHES BYA BA NI RANG GI MTSAN NYID RTOGS PA'I DON DU MA YIN PA'O, ,GANG GI PHYIR RANG GI MTSAN NYID RTOGS PA'I DON DU TSAD MA TSOL BA DE'I PHYIR RO, ,DON DANG LDAN PA ZHES BYA BA NI SKYES BU'I DON DANG BCAS PA'O, ,GANG GI PHYIR BSTAN BCOS RANG GI MTSAN NYID KYI DON DU YIN PA DES NA DE DON STON PAR BYED PA'I TSAD MA GNYI GA YANG RANG GI MTSAN NYID KYI YUL CAN GYI BRJOD PAR 'GYUR RO ZHES BRJOD PA NI DES NA ZHES BYA BA'O, ,DE LTA MA YIN NA ZHES BYA BA NI RANG GI MTSAN NYID YUL DU BYA BA MA YIN NA'O, ,GAL TE GNYI GAS KYANG ZHES BYA BA NAS SHE NA ZHES BYA BA'I BAR NI RTZOD PA'O, ,RTZOD PA SMRA BA NYID KYIS 'ON TE YUL GCIG YIN YANG ZHES BYA BA LA SOGS PAS DOGS PA BSU BA NAS GZHAL BYA DON MED PAR 'GYUR RO ZHES BRJOD PA NI DE LTA YIN NA ZHES BYA BA'O, ,'GAL MOD SNYAM NA SLOB DPON GYIS KYANG GSUNGS SO ZHES 'BREL TO, ,GZHUNG GANG GIS SHE NA, GANG GI PHYIR ZHES BYA BA'O, ,GANG GI PHYIR RANG DANG SPYI'I MTSAN NYID GZHAL BYA YIN PA DE'I PHYIR TSAD MA GNYIS YIN NO ZHES BYA BA'I DON TO, ,SLOB DPON DANG 'GAL BA NI RUNG BA MA YIN NO SNYAM DU BSAMS PA'O, ,MA NGES PA NYID YIN PA'I PHYIR YANG GTAN TSIGS 'DI TSAD MA'I DBYE BA SGRUB PAR MI NUS SO ZHES BYA BA BRJOD PA NI, TSOGS PA'I DBYE BAS ZHES BYA BA'O, ,'ON TE GZHAL BYA GNYIS YIN PA LAS TSAD MA THA DAD PA YIN NO ZHES BYA BA'I DOGS PA BSU NAS, DE YANG MA NGES PA'I NYES PAS NYES PA CHAGS PA YIN NO ZHES BRJOD PA NI GZHAL BYA'I DBYE BAS ZHES BYA BA'O, ,TSAD MA MTHA' YAS PAR THAL BAR 'GYUR BA MA YIN NO, ,CI'I PHYIR ZHE NA, THA DAD GYANG ZHES BYA BA STE, ,GZUGS DANG RO LA SOGS PA'I YUL GYI'O, ,GAL TE GCIG YIN PA'I PHYIR MNGON SUM THAMS CAD GCIG YIN NA, DBANG PO LA SOGS SKYES PA NYID YOD PA LAS KYANG CI STE CI LTAR MI 'GYUR ZHES DOGS PA BSU BA NI TSOGS PA THA DAD PA YIN NA YANG ZHES BYA BA'O, ,

DBANG PO LAS SKYES PA NYID NI MNGON SUM RJES SU DPAG PA LAS THA DAD PA'I RGYU MTSAN MA YIN TE, DE MED KYANG RIG PA LA SOGS PA MNGON SUM YIN PA'I PHYIR RO ZHES LAN BRJOD PA NI, MA YIN TE ZHES BYA BA'O, ,DE LTAR YANG ZHES BYA BA NI MTSAN NYID NI YIN PA'O, ,GANG GI PHYIR MNGON SUM THAMS CAD TSAD MA GCIG KHO NA YIN LA, SGRA DANG NYE BAR 'JAL BA LA SOGS PA RJES SU DPAG PA LAS TSOGS PA THA DAD PAS BSKYED PA'I TSAD MA YIN TE, DON DANG 'BREL PA MA GRUB PA'I PHYIR DANG, GRUB NA NI RJES SU DPAG PA NYID DU 'GYUR BA'I GTAN TSIGS DE'I PHYIR GZHAL BYA GNYIS YIN PA NYID LAS ZHES BYA BA SNANG BA BZHIN PA RNAM PA GNYIS YIN PA NYID LAS SO, ,DE LTA MA YIN ZHES BYA BA NI GZHAL BYA RNAM PA GNYIS YIN PA'O, ,DES NA HA CANG KHYAB PA LA SOGS PA'I NYES PA MED DO ZHES BYA BA'I DON TO, ,GZHAL BYA GNYIS PHYIR ZHES BYA BA NI MI RIGS TE, SNGON PO LA SOGS PA'I RANG BZHIN MTHA' YAS PA'I PHYIR RO ZHES DOGS PA BSU BA NI JI LTAR ZHES BYA BA STE, MTHA' YAS PA KHO NA'O ZHES BYA BA'I DON TO, ,MA YIN TE ZHES BYA BA NI LAN TE, MTHA' YAS PA NYID MA YIN NO, ,CI'I PHYIR ZHE NA, SNGON PO LA SOGS PA ZHES GSUNGS SO, ,MTHA' YAS PA NYID YIN NA JI LTAR RNAM PA GNYIS YIN SNYAM NA 'DI LTAR ZHES GSUNGS SO, ,MNGON SUM DANG GZHAN PA'I TSAD MA BYED PA THA DAD PA LAS RANG GI MTSAN NYID GCIG PU RNAM PA GNYIS SU 'JOG PA YIN NO ZHES BYA BA'I DON TO, ,JI LTAR ZHES DOGS PA BSU NAS RE ZHIG RANG GI MTSAN NYID KYI RANG BZHIN RNAM PAR GZHAG PA'I PHYIR SNGON PO LA SOGS PA'I DBYE BA MTHA' YAS PA YIN YANG ZHES GSUNGS SO, ,RANG GI MTSAN NYID NI DON DAM PAR MI 'GYUR LA, GNYI GA'I RANG BZHIN YIN PA YANG GZHAL BYA GZHAN DU THAL BAR 'GYUR RO ZHES DOGS PA BSU BA NI, GAL TE ZHES BYA BA'O, ,DOGS PA DE ZHES BYA BA RANG GI MTSAN NYID RTOGS PA MED CING GZHAN ZHES BYA BA RJES SU DPAG PA RTOGS PA'I DUS NA'O, ,DE LTAR RTOGS PA PO GCIG LA LTOS NAS DON DAM PA MA YIN PA NYID DU BRJOD NAS, RTOGS PA PO THA DAD PA LA LTOS KYANG BRJOD PA NI DE BZHIN DU BYA BA'O, ,GCIG LA ZHES BYA BA NI MNGON SUM

, ,MTHONG BA LA'O, ,GZHAN LA ZHES BYA BA RJES SU DPOG PA PO LA'O, ,DE LTA MA YIN NA ZHES BYA BA NI RANG GI MTSAN NYID MA YIN PA'O, ,DE LTAR 'GYUR MOD SNYAM NA RTOGS PA PO LA ZHES SMOS TE, DNGOS PO RANG BZHIN GCIG YIN PA'I PHYIR RO ZHES BYA BAR BSAMS PA'O, , DE LTAR YANG THA DAD NA NI RTAGS PA KHO NAR 'GYUR ZHES GSUNGS PO'I NI LTOS PAS BYAS PA'I ZHES BYA BA'O, ,DE GNYIS KA'I ZHES BYA BA RANG SPYI'I RANG BZHIN GYI'O, ,DE LA ZHES BYA BA NI GNYIS KA'I RANG BZHIN LA'O, ,GZHAN LA ZHES BYA BA GSUM PA 'BYUNG BAR 'GYUR TE, 'JUG PAR 'GYUR RO, , GANG GI PHYIR DE LTAR RNAM PAR DPYAD PA NA, DE NI RANG GZHAN NGO BO YIN, ,RTOGS PHYIR GZHAL BYA GNYIS SU 'DOD, ,CES BYA BA MI 'THAD PA'I PHYIR 'DI NI ZHES BYA BA LA SOGS PA NI MI RUNG NGO, ,CI'I PHYIR ZHE NA, DON DAM PA RANG GI MTSAN NYID DE GZHAL BYA NYID DE GZHAL BYA NYID YIN NA, SNGON PO LA SOGS PA'I NANG GI DBYE BAS GZHAL BYA NYID NI MTHA' YAS PAR 'GYUR RO, ,'ON TE GCIG NYID TSAD MA'I BYED PA THA DAD PAS THA DAD PA YIN NA NI DE LTAR NA THA DAD PA'I MTSAN NYID RTOGS PAR 'GYUR RO ZHES BRJOD PA NI LTOS PAS BYAS PA ZHES BYA BA'O, ,MTSAN NYID MIN PAR 'GYUR ZHES BYA BA NI THA DAD PA'I ZHES BYA BAS KHA BSKANG NGO, ,GRUB PA'I MTHA' SMRA BAS DON DAM PA'I MTSAN NYID GSUNGS PA NI, DMIGS PA YIS NI ZHES BYA BA'O, ,GANG ZHIG MNGON SUM GYIS MTSON PA NYID DAM PAS YIN TE, DE LAS DON BYA BA 'THOB PA'I PHYIR RJES SU DPAG PAS DMIGS PAS NI MA YIN TE, DE LAS DON BYA BA MI 'THOB PA'I PHYIR RO, ,GAL TE DMIGS PAS DON MTSON PA YIN NA, 'O NA JI LTAR DMIGS PA NYID YOD PA YIN NO ZHES BRJOD SNYAM NA DON DAM DMIGS PA NI MED PA YIN LA, DE LAS BZLOG PAS DMIGS PA NYID YOD PA YIN GYI GZHAN NI MA YIN NO ZHES LAN BRJOD PA NI DMIGS PA NYIN NI DNGOS PO RNAMS KYI DON DAM PA'I YOD PA YIN NO ZHES RNAM PAR GZHAG STE BZLOG PAS DON DMIGS PAS NI MED PA YIN NO ZHES BSTAN PA'I PHYIR RO, ,RE ZHIG PHYED SNGA MA SNGAR RNAM PAR 'GREL BA NI DNGOS PO RNAMS ZHES BYA BA'O, ,GAL TE ZHES BYA BA LA

SOGS PAS PHYED PHYI MA 'PHANGS TE, RI BONG GI RVA LA SOGS PA ZHES BYA BAS 'CHAD PA'O, ,GAL TE MED NA MI DMIGS PA YIN GYI, MI DMIGS PA NYID NI MED PA MA YIN NO, ,DES NA, BZLOG PA LAS 'DAS DMIGS PA NI, ,YOD PA YIN NO ZHES CI STE BRJOD CES DOGS PA BSU BA NI GAL TE DE LA YANG ZHES BYA BA STE, RI BONG GI RVA LA SOGS PA LA'O, ,MA DMIGS PA LAS ZHES BYA BA NI LAN NO, ,MED PA NI MI DMIGS PA LAS GZHAN KHO NA'O ZHES DOGS PA BSU BA NI MA DMIGS PAS ZHES BYA BA'O, ,CI ZHIG CES BYA BA'I DRI BA SNGON DU BTANG BA CAN MI DMIGS PA NYID RNAM PA GSUM DU RNAM PAR RTOG PA NI DMIGS PA MED PA YIN NAM ZHES BYA BA LA SOGS PA'O, ,GAL TE ZHES BYA BA NI DNGOS PO SEL BA'O, ,DE'I TSE ZHES KHONG NAS DRANGS LA, DE LAS CI LTAR ZHES SBYAR TE, LDOG PA'I MTSAN NYID KYI DMIGS PA DE LAS SO, ,CI'I PHYIR MI RTOGS SNYAM DU DOGS PA BSU BA NAS JI LTAR DMIGS PAR BYA BA MED PAR NI DMIGS PAR BYA BA MA YIN PA DE BZHIN DU DMIGS PA MED PA YANG DMIGS PA MA YIN PA NYID DO ZHES BRJOD PA NI, DNGOS PO MED PA NI ZHES BYA BA'O, ,DE LTAR DNGOS PO MED PA NI 'GA' ZHIG RTOGS PA'AM, RTOGS PA'I RGYU MA YIN NO ZHES BYA BAR BSGRUB PAR YIN NO, ,DE YANG JI LTAR RTOGS ZHES BSTAN PA'I DON DU DNGOS PO MED PA YANG ZHES BYA BA SMOS TE, DMIGS PA DNGOS PO MED PA DE YANG NGO, ,GAL TE DON BZHIN DU SHES PA LA NI DMIGS PA GZHAN MED PA DE NA DE MED PAS DMIGS PA MED PA RTOGS PAR BYA BA MA YIN PA'I PHYIR JI LTAR THUG PA MED PAR 'GYUR SNYAM DU DOGS PA BSU BA NI GAL TE ZHES BYA BA'O, ,DMIGS PA LAS NI ZHES BYA BA NI RNAM PA MED PA LA'O, ,GANG GIS ZHES BYA BA NI DMIGS PA MED PAS SO, ,DE NI ZHES BYA BA NI DMIGS PA MED PA'O, ,GAL TE SHES PA LA DMIGS PA GZHAN MED DO ZHES BYA BA 'DI GA LAS SHE NA, SHES PA NI LKOG TU GYUR PA YIN PA'I PHYIR ZHES SMRAS SO, ,GAL TE SHES PA ZHES BYA BA NI LAN NO, ,DE ZHES BYA BA NI RNAM PA MED PA'I SHES PA'O, ,YOD PAR MA RTOGS NA NYES PA CI YOD SNYAM NA, JI LTAR DON ZHES BYA BA'O, ,MI DMIGS PA LAS BYA

, ,PA NI TSAD MA LA LOG PA'I RANG BZHIN LAS SO, ,GAL TE BLO NI TSAD MA LNGA LOG PAR MA GRUB STE, DON GYI SGO BAR YOD PA'I PHYIR ZHES DOGS PA NI, 'ON TE ZHES BYA BA'O, ,DE LA NI SNANG BZHIN PA'I DON LAS THA DAD PA'I BLO LA'O, ,DES NA ZHES BYA BA DON GYIS GO BAR YOD PAS SO, ,DE LTA NA DON GYIS GO BA'I BLO MED PAR 'GYUR TE TSAD MA LNGA MED PA'I PHYIR RO ZHES LAN 'DEBS PA NI DON GYIS GO BA YANG ZHES BYA BA'O, ,'ON TE DE LA ZHES BYA BA NI DANG PO LA'O, ,GZHAL BYA RTOGS PA ZHES BYA BA NI, DON GYIS GO BA'I RANG BZHIN GYIS SHES PA GANG ZHIG GRUB PA'I DON DU DON GYIS GO BAR 'GYUR BA'I SHES PA DE NI GZHAL BYA YIN LA, DE RTOGS PA NI GAL TE GSAL BA'O, ,YANG DON GYIS GO BAS ZHES BYA BA NI DE LTAR DON GYIS GO BA'I BLO GZHAN DANG GZHAN GYIS GZHAN DANG GZHAN BSGRUB PAR BYA BA YIN PAS NA, THUG PA MED PA'I PHYIR NA GANG DU NYE BAR MI GNAS PA DE KHO NAR MED PA NYID DU 'GYUR RO, ,'ON TE MTHAR GYIS PA'I DON GYIS GO BAR NI DE GZHAN LA MI LTOS TE, MTHONG BA'I PHYIR RO ZHES DOGS PA BSU BA NI GAL TE RTOG PA ZHES BYA BA'O, ,GAL TE ZHES BYA BAS NA CI ZHIG BYA ZHES BYA BA'I BAR NI LAN NO, ,DON GYIS GO BAS ZHES BYA BA NI RTZOD PA'O, ,GAL TE DE LTAR NA ZHES BYA BA NI LAN NO, ,DE'I PHYIR SHES PA LKOG TU GYUR PAR ZHES BYA BAR NI MI 'THAD DE, GAL TE RIGS PA RNAMS NI CI LTAR SHES PA GZHAN GYIS MNGON SUM DU BYED PA YIN NA DE'I TSE DE MED KYANG DMIGS PA MED PA GZHAN GYIS RTOGS PAR BYA BA YIN PA'I PHYIR NA; THUG PA MED PA NYID GNAS PA YIN NO, ,RANG RIG PA'I PHYOGS LA YANG DE BZLOG TU MED PA YIN NO ZHES BRJOD PA NI, GANG GI TSE ZHES BYA BA'O, ,DE ZHES BYA BA NI MNGON SUM DU GYUR PA'I BLO BZHIN MED PAR RTOGS PA LA'O, ,JI LTAR DON MED PA DMIGS PA MED PA GZHAN GYIS RTOGS PA DE BZHIN DU DE MED PA YANG GZHAN GYIS YIN LA DE YANG GZHAN GYIS YIN PA'I THUG PA MED DO, ,'ON TE YANG SHES PA BZHIN DU DE MED PAR YANG RANG NYID LAS 'GRUB PA DES NA, THUG PA MED PA MA YIN NA DE LTA NA DON MED PA YANG RANG LAS 'GRUB PAR 'GYUR TE, NGO BO MED PAR KHYAD MED PA'I PHYIR RO, ,

DES NA MI DMIGS DON MED DO, ,DES NA DON MED PA BZHIN DU, ,SHES PA MED PA YANG RANG LAS 'GRUB PA MA YIN PAS NA THUG PA MED PA KHO NA'O, ,GAL TE DON DANG DMIGS PA DAG GI MI DMIGS PA GCIG YIN PA'I PHYIR NA, DE MED PAR RTOGS PA LA THUG PA MED PAS MA GRUB PA NYID MA YIN NO ZHES DOGS PA BSU BA NI 'ON TE ZHES BYA BA'O, ,DE DAG GI MI DMIGS PA GCIG YIN NA YANG, JI LTAR DON YOD PAR 'GYUR BA DE BZHIN DU DMIGS PA YANG YOD PAR 'GYUR RO ZHES LAN 'DEBS PA NI, DE LTA YIN NA ZHES BYA BA'O, ,MA GRUB PA NYID KYI NYES PAS BTANG SNYOMS SU BYAS TE, MA NGES PA NYID BRJOD PAR RTOGS PAR BYA'O, ,DES NA DNGOS PO MED PA THA DAD PAR SMRA BA RNAMS KYI LTAR NA, MA DMIGS PA LAS NI DON DANG DMIGS PA DAG LAS GCIG KYANG MED PA MI GRUB PO ZHES DGONGS PA'O, ,MA NGES PA NYID SPONG PA'I DOGS PA BSU BA NI; DE NYID MED PA YIN NO ZHE NA ZHES BYA BA STE DON RANG DMIGS PA DAG GIS DMIGS PA NYID MED PA YIN NO ZHE NA, DE LTA NA DNGOS PO DANG DMIGS PA DAG KYANG DE'I BDAG NYID DU GRUB PAR 'GYUR RO ZHES LAN 'DEBS PA NI, GAL TE ZHES BYA BA'O, ,SHES PA GCIG LA BDE BA DMIGS PAS KYANG DE LAS GZHAN DMIGS PA MED PAR NGES PAR BYED PA YIN TE MA 'DRES PA'I PHYIR RO, ,DES NA BRJOD MA THAG PA'I NYES PA'I RNAM PA DAG PA YOD PA MA YIN NO ZHES BRJOD PA NI, 'O NA GZHAN DMIGS PA NYID CES BYA BA'O, ,DE LTA NA YANG MA NGES PA'I NYES PA LAS MI 'GROL LO ZHES BRJOD PA NI DE YANG RIGS PA MA YIN NO ZHES BYA BA'O, ,MI DMIGS PA ZHES MING BTAGS PA'O, ,DE ZHES BYA BA NI DOGS PA STE, DGAG PAR BYA BA DE'O, ,GANG 'DI LA LAN BTAB ZIN TO ZHES BYA BA NI DNGOS PO MED PA NI RTOG PA MA YIN NO ZHES BYA BAS SO, ,MING GIS NI GZHAN DMIGS PA NYID MI DMIGS PA MA YIN GYI, 'ON KYANG DGAG PAR BYA BA GZHAN LAS 'JUG PA MED PA'O, ,RTZOD PA SLONG BA NI GZHAN DMIGS PA DE NYID CES BYA BA STE, SA PHYOGS 'BA' ZHIG PA LA SOGS PA DMIGS PA NYID DE, DE LAS GZHAN MI DMIGS PA YIN

, ,NO ZHES 'BREL TO, ,CI'I PHYIR ZHES DOGS NA, GZHAN LA MI 'JUG PA'I PHYIR ZHES SBYAR RO, ,DE NA YANG MA NGES PA KHO NA'O ZHES LAN 'DEBS PA NI GAL TE GZHAN LA ZHES BYA BA'O, ,'DI YOD PAR DOGS PA BSU BA NI 'ON TE ZHES BYA BA NAS ZHE NA ZHES BYA BA'I BAR GYIS SO, ,DE LTA MA YIN NA ZHES BYA BA NI, MED PA MA YIN NA'O, ,DE LA YANG ZHES BYA BA DGAG PAR BYA BA LA, DMIGS PA 'JUG PA NYID DO ZHES BYA BA'O, ,CI'I PHYIR ZHE NA YANG ZHES SMRAS SO, ,DE BZHIN DU NI ZHES BYA BA NI SA PHYOGS BZHIN DU'O, ,DMIGS PA YANG MA YIN NO ZHES BYA BA NI BZLOG PA BRJOD PA'O, ,RANG GI RIG PA GZHAN GYIS DBEN PA LAS DMIGS PA MED PA'I RANG BZHIN GYIS MI DMIGS PA GZHAN NI MA GRUB STE, DES NA THUG PA MED PA KHO NA'O ZHES LAN 'DEBS PA NI MED PA'I MTSAN NYID CAN TE ZHES BYA BA'O, ,GANG GIS ZHES BYA BA 'GAGS KYANG MA YIN NO, ,DMIGS PA MED PAR DE NYID YIN NO ZHES BRJOD PA NI THUG PA MED PA DE NYID ZHES BYA BA'O, ,SO SOR ZHES BYA BA NI MA GRUB PA SPONG BAR DOGS PA BSU BA'O, ,SO SOR NGES PA'I RNAM PA DMIGS PA'I PHYIR DE MI DMIGS PAR NGES PA YIN NO ZHES 'BREL TO, ,CI 'DI ZHES BYA BA NI LAN NO, ,NGES PA'I RNAM PAR DMIGS PA GZHAN DU NI MI 'THAD PA NI DMIGS PA'I SGRUB PAR BYED PA YIN NO, ,DE LTA'O ZHES NA ZHES BYA BA NI GAL TE DON GYIS GO BA KHAS LEN NA DE'I THUGS PA MED DO, ,'DI LTAR DON GYIS GO BA NI BLO YIN NO, ,DE YANG LKOG TU GYUR PA DES NA DON GYIS GO BA GZHAN GYIS RTOGS PAR BYA BA YIN NO, ,DE YANG DE LAS GZHAN GYI YIN NO ZHES BRJOD PA NI BSTAN ZIN TO, ,'ON TE NGES PA'I RNAM PAR DMIGS PA LAS NI MED PAR 'GRUB PA MA YIN GYI, 'ON KYANG RIG PAR BYAS PAR NI MI DMIGS PA DE NYID YIN GYI DNGOS PO MED PA NI MA YIN NO, ,DES NA THUG PA MED PA MA YIN NO ZHES DOGS PA BSU BA NI SO SOR NGES PA'I RNAM PA ZHES BYA BA'O, ,DE LTA NA NI 'O NA ZHES BYA BA NI LAN NO, ,GAL TE DNGOS PO NI RANG DANG GZHAN LA LTOS NAS DNGOS PO DANG DNGOS PO MED PA'I RANG BZHIN YIN YANG DMIGS PA NYID YOD PA YIN NO ZHES JI LTAR

THA SNYAD BYED SNYAM NA, SO SOR NGES PA'I ZHES GSUNGS SO, ,DE YANG DMIGS PA NYID KYI RANG BZHIN YIN NO ZHES BYA BA'I DON TO, ,DES NA ZHES BYA BA NI SO SOR NGES PA'O, ,GAL TE SO SOR NGES PA'I RANG BZHIN NI GZHAL BYA MA YIN NAM DES NA DE DMIGS PAR NI GZHAN KHO NA YIN PA'I PHYIR NA, CI LTAR DMIGS PA NYID YOD PA YIN SNYAM DU DOGS PA NI, GAL TE ZHES BYA BA'O, ,DE NYID NI ZHES BYA BA NI DMIGS PA NYID DO, ,LAS NI GAL TE DMIGS PAR BYA BA'O, ,'O NA JI LTAR SO SOR NGES PA'I BLOR 'GYUR ZHE NA, DMIGS PA DRAN PA NYID LAS ZHES GSUNGS SO, ,GANG GI PHYIR DMIGS PA MED PAR NI SO SOR NGES PA'I BLOR MI 'GYUR BA DES NA'O, ,PHYOGS GNYIS PA BSAL BAS GSUM PA LA BRJOD PA NI 'ON TE ZHES BYA BA'O, ,DPYAD ZIN TO ZHES BYA BA NI MED PA DANG MA YIN PA'I PHYIR DBYE BAS PHYOGS GNYI GA LA YANG NYES PA BRJOD PA'I PHYIR RO, ,DE LTAR DMIGS PA NYID DON DAM PAR YIN PA YIN PA YIN NO ZHES BYA BA BSHAD NAS GAL TE RTOGS PA'I DBYE BAS ZHES BYA BA LA SOGS PA'I RTZOD PA SPANG BA'I DON DU DOGS PA BSU BA NI GAL TE DE NYID CES BYA BA'O, ,DE NYID NI DMIGS PA NYID DO, ,DE'I TSE RJES SU DPOG PA PO'I SKYES BU'I GZHAN LA LTOS, SKYES BU'I GZHAN LA LTOS NAS KYANG DMIGS PAR BYED PA DE NI DE LTA BU KHO NA ZHES BYA BA DMIGS PAR BYA BA KHO NA YIN NO, ,LKOG TU GYUR PA NYID KYIS ZHES BYA BA'I DOGS PA BSU BA NI, DE NYID KYI TSE NI RJES SU DPOG PA'I DUS NA'O, ,DE NI DMIGS PAR BYA BA'O, ,DE NYID KYIS ZHES BYA BA NI LAN NO, ,DMIGS PAR BYA BA NYID KYI'O, , DMIGS PAR BYA BA'I RANG BZHIN NYID RJES SU DPAG PAR BYA BA YIN TE, 'ON KYANG MI NYE BA LAS MNGON SUM DU SNANG BA YIN NO, ,'DI GA LAS SHE NA, GAL TE 'GAS KYANG ZHES BYA BA STE RANG NGAM GZHAN 'GAS KYANG NGO, ,DMIGS PAR BYA BA YANG YIN PA'I YUL CAN GYI RJES SU DPAG PA NI MI SLU BA MED PA'I PHYIR NA TSAD MA NYID DU MI 'GYUR RO ZHES BYA BA'I DON TO, ,GAL TE RJES SU DPAG PA'I DUS SU DMIGS PAR BYA BA'I RANG BZHIN DU MA RTOGS PAR DMIGS PAR BYA BA YIN NO ZHES NI RIGS PA MA YIN NO ZHES BRJOD PA NI, DE'I TSE MA RTOGS PA ZHES BYA BA'O, ,DE'I TSE DE DE LTAR

, ,MA YIN NO ZHES BYA BA NI LAN NO, ,DE LTA MA YIN PA NI DMIGS PA MA YIN PA'O, ,DMIGS PA ZHES BYA BA NI DOGS PA DE, RANG GI RANG BZHIN DU DMIGS PA MED PA'O, ,DE LTA MA YIN NO ZHES BYA BA NI DMIGS PAR BYA BA MA YIN PA'O, ,'O NA ZHES BYA BA NI LAN NO, ,MA DMIGS PA NI MA NGES PAS DNGOS PO MED PAR BSGRUB PA MA YIN NO ZHES ZHES DOGS PA BSU BA NI YOD KYANG ZHES BYA BA'O, ,YOD PA LAS ZHES BYA BA NI LAN NO, ,MA DMIGS PA'I RANG BZHIN GYI YUL YOD PA LAS TSAD MA YOD PA STE SRID PA YIN NA, DNGOS PO YOD KYANG MA DMIGS SO ZHES DE SKAD BRJOD PAR BYA BAR 'GYUR GYI, GANG GI TSE MA DMIGS PA NYID TSAD MAS YUL DU MA BYAS PA'I PHYIR NA MI DMIGS PA'I RANG BZHIN LA TSAD MA MI SRID PA DE'I TSE JI LTAR YOD PA LA YANG MI DMIGS PA SRID DO ZHES BRJOD DO, ,SHA ZA BA LA SOGS PA TSAD MA'I YU NYID DU SRID PA LA YANG YOD KYANG MA DMIGS PA YIN NO ZHES BRJOD PA YIN NO, ,'ON TE MA DMIGS PA'I RANG BZHIN LA RJES SU DPAG PA YOD PA NYID DE, DES NA YOD KYANG MA DMIGS SO ZHES BRJOD DO ZHES DOGS PA NI, RJES SU DPAG PA ZHES BYA BA NI, ,DE YANG ZHES BYA BA LAN TE, RJES SU DPAG PA YANG MTHONG BA'I RANG BZHIN NYID KYI RJES SU 'BRANG BA'I DMIGS PAR BYA BA'I RANG BZHIN LA NI MA YIN NO, ,DES NA MA DMIGS PA'I RANG BZHIN NI MED PA KHO NA'O, ,GAL TE RJES SU DPAG PA'I DUS NA DON LA BLTA BAR BYA BA NYID MED PA NYID MA YIN NAM, DES NA MTHONG BA'I RANG BZHIN NYID KYI RJES SU 'BRANG NGO ZHES BYA BA JI LTAR BRJOD CE NA, DOGS PA BSU BA NI PHYIS ZHES BYA BA STE, MTHONG BA'I DUS NA'O, ,SNGAR RJES SU DPOG PA'I DUS SU'O, ,GAL TE ZHES BYA BA'I LAN NO, ,DE'I TSE YOD PA NYID JI LTAR YIN TE BLTA BAR BYA BA MA YIN PA NI YOD PA MI 'THAD PA'I PHYIR RO, ,RTOGS PA BSU BA NI PHYIS ZHES BYA BA STE, MI SLU BA'I DUS NA'O, ,PHYIS NYID CES BYA BA NI LAN NO, ,SNGAR JI LTAR ZHES BYA BA NI RJES SU DPAG PA'I DUS SU'O, ,PHYIS DMIGS PAR BYA BA NYID GZHAN DU MI 'THAD PAS SNGAR YOD PA YIN NO ZHES DOGS PA BSU BA NI GAL TE SNGAR MED NA ZHES BYA BA'O, ,DMIGS PAR BYA BA NYID DO ZHES BYA BA LAN NO, ,DMIGS PA'I

PHYIR NA PHYIS KHO NA YOD PA YIN GYI SNGAR MA YIN NO, ,GAL TE RJES SU DPAG PA'I DUS SU DE LTAR RTOGS PA NI BLTA BAR BYA BA MA YIN PA KHO NAR 'GYUR TE ZHES DOGS PA BSU PA NI DMIGS PAR BYA BA'I NYID DU ZHES BYA BA'O, ,DE LTA MA YIN PA NI ZHES BYA BA NI RTOGS PA NI RJES SU 'JUG GO, ,GZHAN DU ZHES BYA BA NI DMIGS PAR BYA BA MA YIN PA'O, ,GZHAN GYI TSE ZHES BYA BA NI, RJES SU DPAG PA'I DUS YANG NGO, ,DE'I RANG BZHIN DU NI DMIGS PAR BYA BA'I RANG BZHIN DU'O, ,GZHAN DU ZHES BYA BA NI DMIGS PAR BYA BA YIN PAR RO, ,GZHAN DU ZHES BYA BA NI DMIGS PAR BYA BA MA YIN PA NYID DU'O, ,DE LTAR RE ZHIG RJES SU DPAG PA'I DUS SU YANG YOD PA NYID NI DMIGS PAR BYA BA MED PA YIN NO ZHES BSTAN NAS, NGA NI RJES SU DPAG PA'I 'BYUNG BAR 'GYUR BA'I YUL CAN GYI TSAD MA YIN TE, DES NA DE'I YUL DU SONG BA LAS DE'I YUL DMIGS PAR BYA BA NYID BZLOG TU MED DO ZHES BRJOD PA NI, RJES SU DPAG PA NI ZHES BYA BA'O, ,'BYUNG BAR 'GYUR BA'I YOD PA LA ZHES BYA BA NI THOB PA'I SHES PA'I YUL LA YIN GYI, RJES SU DPAG PA'I DUS NA YOD PA'I MA DMIGS PA LA NI MA YIN NO, ,DE NYID KYI PHYIR RJES SU DPAG PA'I DUS NA YOD PA NYAMS SU MA MYONG YANG YOD PAR RTOGS PA NI MI 'THAD DE, RJES SU DPAG PA LAS YUL DU MA BYAS PA'I PHYIR RO, ,GAL TE GNYI GA YANG DMIGS PAR BYA BA KHO NA'I YUL CAN YIN NA, 'O NA JI LTAR ZHES BYA BA'O, ,GZHAL BYA GNYIS MED PA KHO NA'O ZHES BYA BA'I DON TO, ,DE NYID CES BYA BA NI LAN NO, ,DMIGS PAR BYA BA NYID DO, ,GZHAN GYI NGO BOS ZHES BYA BA NI SNGON MTHONG BA'I NGO BOS SAM SHES PA'I RNAM PA'I NGO BOS SO, ,DPE DANG ZHES BYA BA NI DE NYID GSAL BAR BYED BA'O, ,DE LTAR ZHES BYA BA NI DMIGS PAR BYA BA YOD PA NYID DU'O, ,JI LTAR GCIG NYID DU MAR 'GYUR SNYAM NA, DE NYID CES SMOS TE, DMIGS PAR BYA BA'I RANG BZHIN NYID DO, ,DE'I ZHES BYA BA DPE LA MTHONG BA'I NGO BOR SGRO BTAGS PA'I PHYIR RO, ,DE LTA NA NI 'O NA ZHES BYA BA LA SOGS PAS LTOS PAS BYAS BA THA DAD NA DON DAM MTSAN NYID MIN PAR 'GYUR ZHES BRJOD PA'I RTZOD PA RJES SU BRJOD PAS BDEN TE ZHES BYA BAS LAN 'DEBS PA'O, ,'O NA JI LTAR ZHES THA SNYAD 'DOGS SNYAM NA,

, ,DNGOS PO LA MI SLU BA'I SGO NAS ZHES GSUNGS SO, ,SNANG BA DANG RNAM PAR BRTAG PAR BYA BA THA DAD PA NYID DU GANG GIS MA RTOGS PA'O, ,GANG GI PHYIR DE LTAR THA SNYAD BYED PA'I RGYU DES NA SNANG BA DANG, RNAM PAR BRTAG PAR BYA BA'I DON GCIG TU BYED PAR DNGOS PO NYID YIN PA DE LA LTOS NAS SO, , 'ON TE GNYI GA'I RANG BZHIN YIN PA'I PHYIR ZHES BYA BA LA SOGS PAS GCIG NYID MTSAN NYID DANG GZHAN YIN NA NI DE GNYI GA'I RANG BZHIN GYI GZHAL BYA GZHAN YIN PA'I PHYIR ZHES BYA BA'I, RTZOD PA BRJOD PA NAS DE NI MI RIGS TE ZHES BYA BA LA SOGS PAR BYED DO, ,RTOGS PAR KHAS LEN NA YANG NYES PA YOD DO ZHES BRJOD PA NI, RTOGS YANG ZHES BYA BA'O, ,GAL TE GZHAL BYA 'CHOL NA TSAD MA GNYIS SU JI LTAR 'GYUR SNYAM NA, RTOGS PA'I DBYE BA NYID KYIS ZHES GSUNGS TE, GZHAL BYAR BYA BA'I RANG GI NGO BO THA DAD PAS NI MA YIN NO, ,RJES SU DPAG PAS NYE BAR ZIN PA'I RANG BZHIN NI MI GSAL BA YIN TE, DE NA GNYI GA'I RANG BZHIN NYID MED PA'I PHYIR NA, DNGOS PO'I MTSAN NYID DANG 'CHOL BA MA YIN NO, ,'DI YANG RNAM PA JI ZHIG LTAR GCIG NYID GNYI GA'I RANG BZHIN YIN PAS KHAS BLANGS NAS BRJOD PA YIN GYI DE NI DON DAM PAR NI RIGS PA MA YIN TE, LTOS PA BYAS PA YIN PA'I PHYIR ZHES BRJOD PA NI YANG NA ZHES BYA BA'O, , GCIG GI MTSAN NYID GANG ZHIG GSAL BA THA DAD PA MI GSAL BA NYID KYIS RTOGS PA THA DAD PA'I LAS YIN PA DE NI DON DAM PA MA YIN PA KHO NA STE, DES NA GCIG LA MTSAN NYID GNYIS YOD PA MA YIN NO, ,GAL TE GCIG LA YANG LTOS PAS THA DAD PAR MTHONG BA NYID MA YIN NAM, DES NA JI LTAR GCIG GI RANG BZHIN DGAG PA TZAM YIN SNYAM NA, SNGON PO LA SOGS PA NI ZHES BYA BA'O, ,DE NI ZHES BYA BA NI SNGON PO NYID LA SOGS PA'O, ,THA DAD PA MA YIN NO ZHES BYA BA NI RNAM PA DU MA DANG LDAN PA YIN PA'O, ,DE'I PHYIR GANG GIS TSAD MA GZHAN DU THAL BAR 'GYUR BA GCIG LA NI RANG BZHIN GNYIS YOD PA MA YIN NO, ,GAL TE GZHAL BYA'I DBYE BA DON DAM PA MA YIN NA, 'O NA JI LTAR ZHES BYA BA'O, ,TSAD MA NYID DU ZHES BYA BA NI RJES SU DPAG PA'O, ,GZHAL BYA'I DBYE BA DE NYID BRTAGS PA'I RANG BZHIN YIN PA'I PHYIR DON DAM PA YIN GYI, DNGOS PO NYID MA YIN TE, MNGON SUM BZHIN DU RJES SU DPAG PA'I DNGOS PO'I RANG

BZHIN THOB PA GANG ZHIG PA DE NI DON DAM PA LAS GZHAN MIN TE, DES NA MNGON SUM BZHIN DU RJES SU DPAG PA YANG TSAD MA KHO NA'O ZHES DOGS PA'O, ,GZHAN GYIS YUL GCIG MNGON SUM DANG RJES SU DPAG PA DAG THA DAD PA MED PAR 'GYUR RO ZHES BRJOD PA NI, 'O NA ZHES BYA BA STE RJES SU DPAG PA MNGON SUM LAS THA DAD PA MED PA NYID DU 'GYUR RO ZHES BYA BA'I DON TO, ,DE NYID GSAL BAR BYED PA NI, RANG GI NGO BO DNGOS SU ZHES BYA BA'O, ,'ON TE GAL TE RANG GI NGO BOS YUL DU BYED PA MA YIN GYI 'ON TE, 'ON KYANG GZHAN GYI NGO BOS YIN NA JI LTAR DE RTOGS TE, DKAR PO NI SER PO NYID KYIS RTOGS PA MA YIN NO ZHES BRJOD PA NI, RANG GI NGO BO DE LA MA RIG STE, MNGON SUM GZUNG GI 'ON KYANG GZHAN GYI RANG BZHIN DU MNGON ZHE NA ZHES BYA BA'O, ,DES NA 'KHRUL BA'I PHYIR DE JI LTAR RTOGS SHE NA, RJES SU DPAG PA NI RANG GI SNANG BA DON MED PA LA DON DU LHAG PAR ZHEN NAS 'JUG PA'I PHYIR NA 'KHRUL BAR 'DOD PA NYID DO ZHES LAN BTAB PA NI JI BZHIN MNGON ZHE NA ZHES BYA BA'O, ,DE KHO NA NYID JI LTAR BA BZHIN DU MNGON BZHIN YIN PA'I PHYIR TE, PHYIN CI LOG TU MNGON PAR ZHEN PA'I MTSAN NYID KYI PHYIR NA, MNGON SUM LA LTOS PA'I GNYIS PA RJES SU DPAG PA'I RTOG PA NI 'KHRUL PA NYID YIN PAR 'DOD DO, ,CI LTAR DON DE ZHES BYA BA NI 'CHAD PA STE, YUL DANG DUS DANG RNAM PA NGES PA'I DON DE'O, ,DUS LA SOGS PA NGES PA NYID BSHAD PA NI, DA LTAR ZHES BYA BA LA SOGS PA'O, ,DE LTAR ZHES BYA BA NI DUS NGES PA'O, ,DES NA ZHES BYA BA NI YUL NGES PA'O, ,RGYU'I DBYE BAS THA DAD PAS ZHES BYA BA NI RANG BZHIN DU MNGON PA'O, ,GAL TE DE'I RANG BZHIN DU MNGON PAR ZHEN PA MED NA, JI LTAR DE LA 'KHRUL PA YIN SNYAM NA, DNGOS PO LA MA REG KYANG DER LHAG PAR ZHEN PA'I PHYIR RO ZHES GSUNGS SO, ,DE LA MA REG NA JI LTAR REG ,LHAG PAR ZHE NA SNYAM NA, SNGAR MTHONG BA'I DON GYIS ZHES GSUNGS SO, ,RE ZHIG 'CHAD PAR 'GYUR BA'I RNAM 'GREL GYI DON LDOG PA'I SGO NAS BRJOD PA NI GAL TE ZHES BYA BA'O, ,MI 'GYUR RO ZHES BYA BA NI SKABS KYI DON RJES SU DPAG PA'O, ,DE NYID SMRAS PA ZHES BYA BA NI RJES SU DPAG PA NYID TSAD MA MA YIN PA'O, ,GAL TE GZHAN GYI NGO BOS NI RTOGS NA 'O NA DE TSAD MA MA YIN NO, ,CI'I PHYIR ZHE NA, 'KHRUL PA ZHES GSUNGS TE GZHAN RTOGS PA NA GZHAN THOB PA'I PHYIR RO ZHES BYA BA'I DON TO, ,RJES SU

, ,'GRO BA'I SGO NAS 'CHAD PA NI GAL TE ZHES BYA BA'O, ,GAL TE YANG NGA YI RNAM PA MTHONG BA LA GZHAN GYI NGO BOR SGRO 'DOGS PA YIN YANG, MNGON PAR 'DOD PA 'THOB PA LA NI BSAM PA JI LTAR BA BZHIN MI LUS BAR BYED PAS NA, TSAD MA YIN TE MNGON SUM BZHIN NO ZHES BRJOD PA 'DI NI, LAM DU ZHES BYA BA'O; ,GAL TE JI LTAR BSAM PA THOB PA NA, JI LTAR GZHAN LA GZHAN GYI RNAM PAS RTOG PA'AM, 'KHRUL PA NYID YIN PAR 'GYUR ZHE NA, RNAM PA GZHAN GYIS KYANG ZHES GSUNGS SO, ,JI LTAR DKAR PO LA SER PO'I RANG BZHIN DU 'KHRUL PAR RTOG PA MTHONG BA DE BZHIN DON GYI RANG BZHIN GSAL BA YANG MI GSAL BA'I RNAM PAR RTOG PA'I PHYIR 'GAL BA MED DO, ,YANG NA GAL TE RJES SU DPAG PA DON GYI RANG BZHIN LA MA REG PAS 'KHRUL PA YIN NA JI LTAR DON LA 'JUG PAR BYED PA YIN SNYAM NA, RNAM GZHAN GYIS KYANG ZHES GSUNGS PA'O, ,RTOG PA NI 'JUG PA STE, SBYOR BAR BYED PA YIN LA, DE NI DNGOS PO LA REG PA MED PAR YANG MTHONG STE, DPER NA LHA SBYIN MCHOD SBYIN DU RLOM PA LAS 'JUG PA YIN NO, ,YANG NA RJES SU DPAG PA'I RANG BZHIN LAS 'BA' ZHIG TU MA ZAD KYI, RTOG PA'ANG RNAM PA GZHAN DU MTHONG STE, RTOGS PA NI MNGON SUM LA BYA'O, ,GZHAN DU ZHES BYA BA 'THOB PAR BYA BA'I DNGOS PO LA MA REG KYANG TSAD MA NYID YIN PAR MTHONG NGO, , GAL TE JI LTAR BSAM PA THOB PA YIN NA, THOB PAR BYA BA NYID SNANG BA YIN NO ZHES JI LTAR RTOGS PAR MI BYED SNYAM NA, PHYOGS 'DI LA ZHES GSUNGS SO, ,JI BZHIN MNGON ZHEN MIN PA'I PHYIR, ,ZHES BYA BA LA SOGS PA RNAM PAR RTOG PA DNGOS POR 'DZIN PA NI BKAG ZIN TO ZHES BYA BA'I DON TO, ,GAL TE RJES SU DPAG PA'I RTOG PA DON JI LTA BA BZHIN MA YIN PAR LHAG PAR ZHEN PA JI LTAR YIN TE, MNGON SUM BZHIN DU MI LUS BA YIN PA'I PHYIR RO ZHES DOGS PA NI BZHIN DU ZHES BYA BA STE, MNGON SUM LA YANG NGO DE NI BSAM PA LA SLU BA MED PA'O, ,'DI LA YANG RJES SU DPAG PA LA'O, ,RJES SU DPAG PA NI DON CI LTA BA BZHIN ZHE NA ZHE NA PA YIN NO ZHES BYA BA'I DON TO, ,'DI ZHES BYA BA LA SOGS PA NI LAN NO, ,THA SNYAD PA DAG LA NI MNGON SUM BZHIN DU RJES SU DPAG PA DON CI LTA BA BZHIN MNGON PAR ZHEN PA NYID DO, ,'O NA JI LTAR RJES SU DPAG PA DON JI BZHIN MA YIN PA RTOGS PAR JI LTAR 'GYUR ZHE NA, 'DI NI 'CHAD PAR BYED PA RNAMS KYIS ZHES GSUNGS SO, ,RJES SU DPAG PA'I RTOGS

PA NI DON CI LTA BA BZHIN DU MA YIN PAR MNGON PAR ZHEN PAS 'KHRUL PA YIN NO ZHES BYA BA'I RTOGS PA NI 'CHAD PAR BYED PA RNAM PA NYID YIN GYI THA SNYAD BYED PA RNAMS KYI NI MA YIN NO ZHES BYA BA'I DON TO, ,GAL TE RJES SU DPAG PA LA BDAG GIS ME THOB PAR BYA'O SNYAM PA'I BSAM PA JI LTAR YOD DE RANG GI RNAM PA TZAM MTHONG BA'I PHYIR RO, , DE NA BSAM PA MED PA'I PHYIR NA DE LA BSAM PA LA MI SLU BA YOD PA YIN NO, ,DES NA 'DI NI DE LA YANG YOD PA'I PHYIR RO ZHES JI LTAR BRJOD SNYAM DU DOGS PA NI, GZHAN MTHONG BA'I PHYIR ZHES BYA BA'O, ,BUM PA MTHONG BA NI SNAM BU LA BSAM PA 'BYUNG BA MA YIN NO ZHE NA, THA SNYAD BYED PA PO'I SKYE BO LA LTOS NAS BSAM PA LA MI SLU BA YIN NA JI LTAR DE LAS SO SOR NGES PA'I DON LAS DON NO ZHES BYA BA'O, ,DE KHO NA LA RIGS PA LA LTOS NAS NI 'KHRUL BA YIN LA GZHAN LA LTOS NAS NI BSAM PA LA MI SLU BA YIN NO ZHES BYA BA'I DON TO, ,'DI NI ZHES BYA BA GZHAN MTHONG BA NA YANG GZHAN LA BSAM PA BYED PA NYID NA'O, ,GAL TE RNAM PAR RTOG PA DON LA NGES PA MA YIN NA NI JI LTAR DE LAS SO SOR NGES PA'I DON LA 'JUG SNYAM DU DOGS PA SEL BAS, RNAM GZHAN GYIS KYANG RTOGS PA MTHONG, ,ZHES BYA BA RNAM PAR 'GREL PA NI, DES NA ZHES BYA BA STE BAG CHAGS PA 'THUS SO, ,GANG GI DE KHO NA NYID DNGOS PO'I RANG BZHIN YONGS SU MA DPYAD PA'I RJES SU DPAG PA LA STE, DNGOS PO'I RANG BZHIN DE LA'O,, CI'I PHYIR 'DI BRTZAD PAR BYA BA MA YIN SNYAM NA, MTHONG BA LA NI ZHES GSUNGS SO, ,MNGON SUM YANG DNGOS PO'I RANG BZHIN MA REG PA KHO NAR RJES SU DPAG PA BZHIN DU 'JUG PAR BYED PA YIN ZHES BSTAN PA'I PHYIR MNGON SUM LA YANG ZHES GSUNGS SO, ,CI'I PHYIR ZHE NA, DE YANG ZHES GSUNGS PA STE, SGRUB PAR BYED PA'I MNGON SUM LA YANG NGO, JI LTAR ZHE NA NYE BAR GNAS PA ZHES GSUNGS SO, ,NYES NA ZHES BYA BA NI RJES SU DPAG PA NI RNAM PAR RTOG PA DANG BCAS PA YIN PA'I PHYIR NA, THOB PAR BYA BA 'BYUNG BAR 'GYUR LA REG PA YOD PAS 'JUG PAR BYED PAR 'GYUR GYI, MNGON SUM NI MA YIN NO, ,CI'I PHYIR ZHE NA, NYE BAR GNAS PA TZAM NI ZHES GSUNGS SO, ,'JUG PA NI 'THOB PA'I DON DU YIN NA DE LA YANG BYUNG ZIN PA ZHUGS PAS CI BYA, DER YANG ZHES BYA BA NI MNGON SUM LA YANG NGO, ,DE DANG ZHES BYA BA NI DA LTAR 'BYUNG BAR 'GYUR BA DANG NGO, ,DES NA ZHES BYA BA NI GCIG TU LHAN CIG LHAG PAR ZHEN PAS NA'I, ,DE LTA BU'I DE ZHES BYA BA NI MNGON SUM BZHIN

, ,NYID DO, ,MTSUNGS PA NYID DU ZHES BYA BA NI RJES SU DPAG PA MNGON SUM DANG NGO, ,MTSUNGS PA NYID MI 'THAD PAR DOGS PA BSU BA NI 'ON KYANG ZHES BYA BA'O, ,MNGON SUM NI GCIG TU LHAG PAR ZHEN PA'I RNAM PAR RTOG PA SKYED PA'I SGO NAS 'JUG PAR BYED PA YIN LA, RJES SU DPAG PA NI DE LTA MA YIN NO ZHES BYA BA'I DON TO, ,RJES SU DPAG PA LA YANG DE'I 'OG TU 'BYUNG BA'I RNAM PAR RTOG PA GCIG NYID DU LHAG PAR ZHEN PA LAS 'JUG PAR BYED PA YIN TE, MNGON SUM DANG 'DRA BAR YIN NO ZHES LAN 'DEBS PA NI, DE NI MI RIGS TE ZHES BYA BA'O, ,GANG GIS DE YANG 'JUG PAR BYED PA NYID DU 'GYUR LA, RJES SU DPAG PAS NYE BAR GNAS, ,BZUNG BA NA NI RNAM PAR RTOG PA GZHAN LHAG PAR 'BYUNG BA NYID DU GDON MI ZA BA YIN NO, ,RNAM PAR RTOG PA GZHAN GYIS KYANG 'JUG PAR BYED PA NYID JI LTAR 'GYUR SNYAM NA, RNAM RTOG GZHAN NI GNAS PAR 'GYUR, ,ZHES GSUNGS SO, ,DES NA DE'I SGO NAS DE YANG 'JUG PAR BYED PA YIN NO ZHES BYA BA'I DON TO, ,'DI LTAR RJES SU DPAG PAS NYE BAR GNAS PAS 'DZIN ZHE NA, RANG GI NGO BOS BZUNG BA'I PHYIR ZHES SBYAR RO, ,RNAM PAR 'GREL PAR NI GSAL BAR ZHES BYA BA RANG GI NGO BO'I KHYAD PAR DU BYAS PA'I YUL RUNG BA GNAS PAR MI SHES PA, ,RANG NYID SHES PHYIR DE SHES YIN, ,ZHES BSTAN PAR BYA BA'I DON 'DU BA YIN NO, ,DER YANG NI RJES SU DPAG PA LA YANG NGO, , 'ON TE ZHES BYA BA NI RNAM PAR RTOG PA THA DAD PA MED PA'O, ,DE LTA NA 'O NA DE TSAD MA YIN NO ZHE NA DNGOS PO LA RIG PA MED PA NYID CES SMRAS SO, ,'O NA MNGON SUM YANG TSANG MAR MI 'GYUR RO, ,MNGON SUM ZHES BYA BA SMOS SO, ,DNGOS PO LA REG PA NI TSAD MAR 'GYUR BA'I RGYU MTSAN MA YIN NO ZHES LAN 'DEBS PA NI DE YANG RUNG BA MA YIN TE ZHES BYA BA'O, ,ZHEN PA MNGON SUM LA YOD YIN, ,ZHES BYA BA NI RNAM PAR RTOG PA MED PA YIN PA'I PHYIR RO, ,'O NA RANG BZHIN DE NYID CES BYA BA NI RNAM PAR RTOG PA MED PA'I RANG BZHIN NO, ,RNAM PAR RTOG PA LA YANG 'JUG PAR BYED PA NYID MED PA'I PHYIR NA JI LTAR DE'I SGO NAS MNGON SUM 'JUG PAR BYED PA YIN ZHES BYA BA LAN 'DEBS PA NI; GANG GIS ZHES BYA BA STE 'JUG PAR BYED PA GANG GIS SO, ,'ON TE 'JUG PAR BYED PA MA YIN PA'I RNAM PAR RTOG PA SKYED PAR BYED PA NYID KYIS 'JUG PAR BYED PA YIN NO ZHE NA DE NI MI RIGS TE CI'I PHYIR ZHE NA DE RANG NYID CES GSUNGS SO, ,'DI SNYAM DU RANG NYID MI 'JUG PAR BYED PA MA YIN PA NYID YIN LA, 'JUG PAR BYED PA'I RNAM PAR

RTOG PA BSKYED PA'I SGO KHO NAS 'JUG PAR BYED PA YIN NO ZHES DOGS PAR BYED PA NI GAL TE RNAM RTOG CES BYA BA'O, ,LAN NI, DNGOS 'DZIN MIN PAR 'JUG BYED DU, ,JI LTAR 'GYUR TE, MI 'GYUR BA KHO NA'O, ,RNAM PAR RTOG PA DNGOS PO 'DZIN PA MA YIN YANG 'JUG BYED YIN NA NI, RJES SU DPAG PA YANG DER 'GYUR RO ZHES BRJOD PA NI, DE LTAR YIN YANG ZHES BYA STE, DNGOS PO 'DZIN PA MA YIN YANG GAL TE RNAM PAR RTOG PA 'JUG PA STE YIN NA, DE'I TSE RJES SU DPAG PA LA YANG 'JUG PAR BYED PA 'DI CIS MI 'DOD DE, 'DOD PAR BYA'O, ,GAL TE RNAM PAR RTOG PA'I 'JUG PAR BYED PA NYID NI TSAD MA'I RGYU MTSAN DU MI 'DOD PA KHO NA MA YIN NAM, DES NA RJES SU DPAG PA YANG DE 'DOD PAR BYA BA'O ZHES CI STE BRJOD NA, GAL TE RNAM PAR RTOG PA NYID BSKYED PA'I SGO NAS ZHES BYA BA'O, ,RNAM PAR RTOG PA TSAD MAR MI 'DOD NAS MNGON SUM DE SKYED PA'I SGO NAS TSAD MA MA YIN PA NI TSAD MAR JI LTAR 'GYUR, RANG NYID TSAD MA MA YIN PA'I RNAM PAR RTOG PA SKYED PA'I SGO NAS TSAD MAR 'GYUR RO ZHES MI RIGS SO, ,DE'I PHYIR MNGON SUM PAR RTOG PA SKYED PA'I SGO NAS 'JUG PAR BYED PA NYID DU 'DOD NA, DE LA YANG DE 'DOD PA NYID DO, ,DE LTA YIN NA ZHES BYA BA NI RNAM PAR RTOG PAR 'JUG PAR BYED PA NYID DU KHAS LEN PA YIN NA'O, ,RJES SU DPAG PA NI ZHES BYA BA NI DOGS PA BSU BA'O, ,'O NA ZHES BYA BA NI LAN TE, RNAM PAR RTOG PA JI LTAR TSAD MA YIN ZHES 'BREL TO, ,GZHAN GYIS DER ZHES SMRAS TE, MNGON SUM DANG RNAM PAR RTOG PA DE GNYIS KYI GNAS BSAM PAS MNGON SUM GYI DNGOS PO 'DZIN PA'I PHYIR DES BSKYED PA'I RNAM PAR RTOG PA TSAD MA MA YIN NO ZHE NA, LAN MNGON SUM GYIS DNGOS PO 'DZIN PA MA YIN NO ZHES 'GREL TO, ,CI'I PHYIR ZHE NA, RNAM PAR RTOG PA ZHES SMOS TE, SNGA MA DANG PHYI MAR GYUR PA'I DNGOS PO'I RGYUN RNAM PAR BRTAG PAR BYA BA STE DE LA'O, ,DE ZHES BYA BA NI MNGON SUM MO, ,DE'I RGYUN LA ZHES BYA BA NI DOGS PA STE, 'BYUNG BAR 'GYUR BA'I RGYUN LA'O, ,JI LTAR ZHES BYA BA NI LAN NO, ,GZHAN LA ZHES BYA BA NI DA LTAR BA'I SKAD CIG LA'O, ,GZHAN LA ZHES BYA BA 'BYUNG BAR 'GYUR BA LA'O, ,DE LTAR YIN NO ZHES BYA BA NI SKAD CIG LA ZHUGS PAS RGYUN LA ZHUGS PAR 'GYUR BA'O, ,BRJOD PA NI RJES SU DPAG PA YANG ZHES BYA

, ,PA'O; ,'ON TE NYE BAR BTAGS PAS RJES SU DPAG PA LA DON LA ZHUGS PAS THA SNYAD BYED PA YIN NO ZHES BYA BA'I GZHAN GYI LAM ZLOG PAR BYED PA NI DE ZHES BYA BA'O, ,MNGON SUM ZHES BYA BA NI ZLOG PAR BYED PA'O, ,YANG RNAM PA GZHAN GYI SGO NAS MNGON SUM DANG RJES SU DPAG PA DAG KHYAD PAR YOD PAR DOGS PA BSU NAS SEL BA NI MNGON SUM NI DE'I RIGS LA ZHES BYA BA STE, 'BYUNG BAR 'GYUR BA'I RGYUN GYI RIGS DANG PO'I SKAD CIG LA'O, ,DE LA YANG NI SKAD CIG DANG PO LA YANG NGO, ,JI LTAR ZHE NA MNGON SUM GYI ZHES SMOS SO, ,RJES SU DPAG PA BZHIN DU RNAM PAR RTOG PA YANG DNGOS PO'I YUL CAN MA YIN PA'I PHYIR NA DE'I RIGS CAN LA MI 'JUG GO, ,DE LTAR NA YANG TSAD MA YIN NA NI RJES SU DPAG PA LA YANG BZLOG PAR BYA BA MA YIN NO ZHES BYA BA'I DON TO, ,GAL TE DE'I RIGS LA MNGON SUM 'JUG PA'I PHYIR RNAM PAR RTOG PA TSAD MA YIN NO ZHES BYA BA LAN YIN NA DE'I TSE RJES SU DPAG PA LA YANG LAN NI MTSUNGS SO, ,JI LTAR ZHE NA RJES SU DPAG PA'I YUL ZHES GSUNGS SO, ,TSANG BANG GIS ZHES BYA BA NI DE NYID GSAL BAR BYED PA'O, ,RJES SU DPAG PA'I YUL LA ZHES BYA BA NI DOGS PA'O, ,DE NI MNGON SUM MO, ,THAMS CAD CES BYA BA NI LAN NO, ,MTSUNGS PA NYID BRJOD PA NI 'DI LTAR ZHES BYA BA'O, ,JI LTAR RJES SU DPAG PA'I YUL LA MNGON SUM MI 'JUG PA DE BZHIN DU MNGON SUM GYIS PHYIS 'BYUNG BA'I RNAM PAR RTOG PA'I YUL LA MNGON SUM MI 'JUG PA MA YIN NAM CI, 'ON KYANG MNGON SUM MI 'JUG PA KHO NA'O, ,DES NA RJES SU DPAG PA'I YUL DU RNAM PAR RTOG PA YANG TSAD MAR MI 'GYUR RO ZHES BYA BA'I DON TO, ,GZHAL BYA GZHAN LA ZHES BYA BA NI TSANG BANG GNAS PA'I ME'I GSAL BA LA ZHUGS PA YIN PA'O, ,DES NA RJES SU DPAG PA 'JUG PAR BYED PA DANG TSAD MA NYID DU MNGON SUM GYIS MI BYED PA NA 'DI NI RNAM PAR RTOG PAR BYED PA LA YANG MTSUNGS TE DES NA MNGON SUM DES NI RNAM PAR RTOG PA YANG TSAD MAR BYED PAR MI 'GYUR RO ZHES BRJOD PA NI, RNAM RTOG DES BSKYED MNGON SUM CI, ,ZHES BYA BA'O, ,CI STE YANG MNGON SUM GYI YUL DANG RANG BZHIN YUL GCIG NYID DU RNAM PAR RTOG PAS ZHEN PAR BYED, ,DES NA MNGON SUM GYI RNAM PAR RTOG PA TSAD MAR BYAS PA YIN NO ZHES DOGS NA GCIG TU LHAG PAR ZHES GSUNGS SO, ,GNYI GA LA

NI RNAM PAR RTOG PA DANG RJES SU DPAG PA DAG LA'O, ,RJES SU DPAG PA YANG RANG GI YUL LA MNGON SUM GYI YUL GCIG PA NYID LHAG PAR ZHEN PAR BYED DE, ,DES NA MNGON SUM GYI RJES SU DPAG PA YANG CI STE TSAD MAR MI BYED, GAL TE RNAM PAR RTOG PA NI 'THOB PAR BYA BA'I RANG BZHIN 'DZIN PA DES NA TSAD MA YIN GYI RJES SU DPAG PA NI MA YIN TE, DES NA TSAD MA MA YIN NO ZHES DOGS PA BSU NAS BSHAD PA, DNGOS PO THOB PAR BYA BA DE'I SPYI NI RNAM PAR BRTAG PAR BYA BA DANG RJES SU DPAG PAR BYA BA GNYI GAR YANG RNAM PAR RTOG PA DANG RJES SU DPAG PA DAG GIS 'DZIN PA YIN NO, ,DES NA GNYI GAR THOB PAR YANG BYA BA'I RANG BZHIN NYID MI 'DZIN PA'I PHYIR TSAD MA 'AM TSAD MA MA YIN PA NYID DU MTSUNGS SO, ,LHAG PAR BRJOD PA'I DON DU YANG DOGS PA BSU BA NI, RNAM PAR BRTAG PAR BYA BA'I ME'I SKAD CIG YIN PA DE DAG GI DANG PO'I SKAD CIG DBANG PO'I YUL YIN NO, ,DES BZUNG BA DE'I 'DZIN PAR 'GYUR BA LA RNAM PAR RTOG PA 'JUG PAR BYED PA YIN PA'I PHYIR TSAD MA YIN GYI, RJES SU DPAG PA'I NI MA YIN ZHE NA, LAN NI GZHAN SKAD CIG DANG PO BZUNG BA NI GZHAN RNAM PAR BRTAG PAR BYA BA 'BYUNG BAR 'GYUR BA BZUNG BA MA YIN NO ZHES DPYAD ZIN PA NI MA YIN NAM, DE MA BZUNG NA YANG DE'I YUL CAN GYI RNAM PAR RTOG PA RJES SU DPAG PA BZHIN TSAD MAR MI 'GYUR RO ZHES DOGS PA'O, ,'ON TE GANG YANG RUNG BA GZHAN BZUNG BAS NI GZHAN BZUNG BAR MI 'GYUR TE, BUM PA BZUNG BAS KYANG SNAM BU BZUNG BAR THAL BA'I PHYIR RO, ,'ON KYANG 'BREL BA CAN BZUNG BAS NA 'BYUNG BAR 'GYUR PAS BZUNG BA YIN NO ZHES DOGS PA NI DE DANG 'BREL PA ZHES BYA BA'O, ,'BYUNG BAR 'GYUR BA DE DANG 'BREL BA SKAD CIG DANG PO STE BZUNG BA NA 'BYUNG BAR 'GYUR BA DE BZUNG BAR 'DOD NA'O, ,'BREL PA 'DZIN PA JI LTAR MTSUNGS SNYAM NA, MNGON SUM LAS BYUNG BA'I RNAM PAR RTOG PA NI 'BYUNG BAR 'GYUR BA'I RGYU MTHONG ZHING RJES SU DPAG PA LAS YANG 'BRAS BU DU BA LA SOGS PA'I RTAGS MNGON SUM GYIS MTHONG BA YIN TE, DES NA 'BREL PA 'DZIN PA MTSUNGS SO, ,DE'I PHYIR JI LTAR MNGON SUM GYI 'BREL PA 'DZIN PA'I PHYIR NA MA BZUNG BA LA 'JUG PA'I RNAM PAR RTOG PA TSAD MAR BYED PA DE BZHIN DU RJES SU DPAG

, ,PA YANG BYED PAR 'GYUR ZHES BYA BA'I DON TO, ,JI LTAR 'BREL PAR KHYAD PAR MED SNYAM NA RGYU DANG 'BRAS BU'I 'BREL PA ZHES BYA BA GSUNGS SO, ,RNAM PAR RTOG PA DANG RJES SU DPAG PA'I YUL 'BRAS BU DANG RGYU DAG GIS, RGYU DANG 'BRAS BU'I SGO NAS 'BREL PA NI GNYIS KYIS MNGON SUM GNYIS LAS MTSUNGS SO, ,DES NA GCIG NI TSAD MAR BYED LA RJES SU DPAG PA NI MA YIN ZHES MNGON SUM DANG RJES SU DPAG PA DAG NI THOB PAR BYA BA'I RANG BZHIN NGO BO MI 'DZIN PA NYID KYIS NA TSAD MA 'AM CIG SHOS DAG TU MTSUNGS PA YIN NO ZHES BSTAN ZIN TO, ,DE NI KHYAD PAR GZHAN SEMS PA NA MNGON SUM NYID TSAD MA YIN GYI, RJES SU DPAG PA NI MA YIN NO ZHES BRJOD PA NI RGYU LAS ZHES BYA BA'O, ,RJES SU DPAG PA NI MA YIN NO ZHES BYA BA NI RGYU RTOG PA'I RANG BZHIN NI TSAD MA MA YIN PA MA YIN NO ZHES BYA BA NI NGES PA'I PHYIR RO, ,'ON TE ZHES BYA BA NI DOGS PA'O, ,LAN NI MNGON SUM NYID NI ZHES BYA BA'O, ,GANG LA MA NGES PA BRJOD PA NI DE LA NI MNGON SUM MA YIN NO ZHES BRJOD PA NI, 'BYUNG 'GYUR BA LA NI ZHES BYA BA'O, ,'ON TE DE LA YANG DE MNGON SUM NYID DO ZHE NA, DE'I RIGS LA ZHES SMOS TE, 'BYUNG BA'I RIGS RGYU'O, ,DE LA YANG NI 'BYUNG BAR 'GYUR BA LA YANG NGO, ,JI LTAR NA RTZOD SNYAM DU DOGS NA, ME LA SOGS PA RJES SU DPAG PA'I YUL LA YANG MNGON SUM NYID DU 'GYUR TE, TSANG BANG LA SOGS PA DE'I RIGS LA MNGON SUM ZHUGS PA'I PHYIR RO ZHES BRJOD PA NI, RJES SU DPAG PA'I YUL LA YANG ZHES GSUNGS TE, RNAM PAR RTOG PA'I YUL 'BA' ZHIG LA YIN PAR NI MA ZAD DO, ,GANG ZHIG DE'I RIGS YIN PA DE NI TSANG BANG LA SOGS PAR MNGON SUM GYI YUL DU GYUR PA YIN NO, ,SPYI'I YUL CAN NYID YIN YANG, 'DI NI MNGON SUM GNYIS KYI KHYAD PAR YIN NO ZHES BRJOD PA NI, DER ZHES BYA BA RJES SU DPAG PA LA'O, ,'DI LA NI RNAM PAR RTOG PA LA'O, ,DES NA RNAM PAR RTOG PA BZHIN DU RJES SU DPAG PA TSAD MAR 'GYUR RO BSAMS PA'O, ,GZHAN DAG KHYAD PAR BRJOD PA NI, DER NI ZHES BYA BA STE, RJES SU DPAG PA LA'O, ,GSAL BA GZHAN TSAD MA LA SOGS PA LA YOD PA LA'O, ,'DIR NI RNAM PAR RTOG PA LA'O, ,DE NYID LA ZHES BYA BA NI GSAL BA GCIG LA'O, ,LAN DU YUL MI MTSUNGS PA NYID MA YIN NO, ,CI'I PHYIR

ZHE NA; 'BYUNG BA DANG ZHES GSUNGS SO, ,RGYUD GZHAN LAS LDOG PA YANG MTSUNGS PA KHO NA'O ZHES BYA BA'I DON TO, ,RNAM PA GZHAN GYIS KYANG SPYI'I YUL CAN NYID DU KHYAD PAR MED DO, ,'BYUNG BAR 'GYUR BA DANG ZHES BYA BA'O, ,DE LAS GZHAN LAS BZUNG BA NI GCIG NYID LA DE DANG RIGS MTHUN PA'AM MI MTHUN PA NYID DU 'DZIN PA MA YIN NO, ,GZHAN DU ZHES BYA BA NI GZHAN GYI LAN GYI DOGS PA STE, YUL DANG DUS GZHAN DU MTHONG BA LA 'BYUNG BAR 'GYUR BA DANG RIGS GCIG TU 'DZIN PA'I PHYIR RIGS 'DRA BA YIN NO, ,'DI LTAR DUS GZHAN DU SNGON PO BZUNG NAS, DON DU GNYER NAS 'JUG PAS NI DE 'THOB PA YIN LA DE'I RJES SU DUS GZHAN DU DE MTHONG BA NYID LAS GANG DANG GANG SNGON PO YIN PA DE DANG DE NI 'BYUNG BAR 'GYUR BA'I SNGON PO DANG RIGS MTSUNGS PA YIN TE, DES NA SNGON PO MTHONG BA BZHIN NO, ,'DI YANG SNGON PO YIN NO ZHES NGES PAR 'GYUR RO ZHE NA, 'DI YANG LAN DU 'O NA NI ZHES BYA PA'O; ,MA NGES PA YIN NO ZHES BRJOD PA GANG YIN PA DE SPONG BA'I DOGS PA BSU BA NI, 'ON TE ZHES BYA BA'O, ,GANG NA ZHES BYA BA NI LAN NO, ,GDON MI ZA BAR 'BYUNG BAR 'GYUR BA YIN NA NI 'BYUNG BAR 'GYUR BA DE RGYU YIN NO ZHES BRJOD PA NI GDON MI ZA BAR ZHES BYA BA'O, ,GANG GI PHYIR DE LTAR 'BYUNG BAR 'GYUR BA RGYU NYID YIN PA'I GTAN TSIGS DES NA'O, ,'JUG PAR BYA BA LA NI THOB PAR BYA BA LA'O, ,MNGON SUM GYI DNGOS PO LA REG PAS TSAD MA YIN GYI GZHAN MA YIN TE, DE MED PA'I PHYIR RO ZHES DOGS PA NI 'ON TE ZHES BYA BA'O, ,THOB PAR BYA BA NI YUL MED NA MDUN NA GNAS PA'I RNAM PA NYID NI 'KHRUL PA DAG LA MTSUNGS PAS NA, DES NI TSAD MA DANG CIG SHOS SU 'GYUR BA MA YIN NO ZHES LAN 'DEBS PA NI THOB PAR BYA BA'I ZHES BYA BA'O, ,'KHRUL PA YANG DA LTAR BA KHYAD PAR MED DO ZHES BYA BA'I DON TO, ,DON YOD PA DANG ZHES BYA BA NI KHYAD PAR YOD PAR DOGS PA BSU BA'O, ,MA YIN PA ZHES BYA BA NI RTZOD PA 'GOG PA'O, ,CI'I PHYIR ZHE NA, MI SLU BA MED PAR ZHES BYA BA'O, ,MDUN NA GNAS PA'I RNAM PA NYID DU KHYAD PAR MED PA'I PHYIR RO ZHES BYA BA'I DON TO, ,RANG NYID MI SLU BA MA YIN YANG GZHAN GYI MI SLU BA LAS DNGOS PO'I YUL CAN NYID DO ZHES DOGS PA BSU BA NI 'ON TE ZHES BYA BA'O, ,LAN NI DE YANG ZHES BYA BA STE, ,

, ,SKYES BU GZHAN GYI MI SLU BA LAS DNGOS PO'I YUL CAN NYID YIN PA DE YANG RJES SU DPAG PAS RTOGS PAR BYA BA NYID YIN TE, MNGON SUM MA YIN PA'I PHYIR RO, ,RJES SU DPAG PA'I DNGOS PO'I YUL CAN MA YIN PA NA GZHAN DNGOS PO'I YUL CAN DU JI LTAR RNAM PAR 'JIG PAR BYED; DE BAS NA MNGON SUM DANG RJES SU DPAG PA DAG NI KHYAD PAR YOD PA MA YIN NO, ,'O NA JI LTAR DNGOS PO LAM REG PA TSAD MA YIN ZHE NA, DE'I PHYIR ZHES GSUNGS TE, SNGAR BSHAD PA'I PHYIR RO, ,DE LTA MA YIN NA ZHES BYA BA NI DNGOS PO 'DZIN PAR NYE BA KHO NA MA YIN NA'O, ,GAL TE DON 'DI LTAR RTZA BA DANG 'GRIB CE NA, DE LA 'DI LTAR ZHES GSUNGS SO, ,THOB PAR BYA BA'I RANG BZHIN GYI NGO BO NI 'DZIN PA'I PHYIR NA 'KHRUL PAS KYANG RJES SU DPAG PA'I BDAG NYID CAN GYI RTOGS PA MTHONG STE TSAD MAS SO, ,DPER NA MNGON SUM DU MNGON PAR ZHEN BZHIN DU ZHES BYA BA'I DON TO, ,'DI'I BSHAD PA NI MNGON SUM LA YANG NA 'JUG PAR BYED PA NYID LTAR 'GYUR TE ZHES BYA BA NAS NYIS NA MNGON SUM NYID TSAD MA YIN PAR 'GYUR BA YIN, RJES SU DPAG PA NI MA YIN ZHES BYA BA'I BAR DU RGYA CHER BRJOD PA YIN NO, ,BSHAD PA GZHAN GSUNGS PA NI YANG NA GAL TE 'JUG PA'I DON TO ZHES BYA BA'O, ,'DI YANG DES NA JI LTAR DE KHO NA YONGS SU MA BCAD PAR ZHES BYA BAS BSHAD ZIN TO, ,GAL TE THOB PAR BYA BA'I RANG BZHIN MA RTOGS NA 'O NA JI LTAR 'THOB CE NA, LAN DU DON YOD PA'I PHYIR RO ZHES BYA BA'O, ,'DI NYID BSHAD PA NI YOD PA MA YIN PA DE NI ZHES BYA BA'O, ,CI DE LTAR 'BA' ZHIG TU MTHONG BA YOD DAM ZHE NA, 'DI LTAR ZHES GSUNGS SO, ,'DI SNYAM DU THOB PA 'DI NI MA NGES PA STE NGES PA NI DNGOS PO LA REG PA MED PAR MI 'THAD DO ZHES DOGS PA NI NGES PA ZHES BYA BA'O, ,LAN NI 'BREL PA'I ZHES BYA BA STE, RTAGS DANG 'BREL PA'I STOBS KYIS SO, ,DES NA 'THOB PA 'BA' ZHIG TU MA ZAD DE YOD PA NYID KYANG 'BREL PA CAN RTAGS YOD PA LAS TE, PHYOGS KYI CHOS NYID LAS SO ZHES BYA BA'I DON TO, ,'BREL PA 'DZIN PA'I RGYU MTSAN CAN GYI RJES SU DPAG PA TSAD MA YIN GYI DE MED PAR NI MI 'GYUR RO ZHES DOGS PA BSU BA NI, JI LTAR ZHES BYA BA'O, ,MNGON SUM LA YANG ZHES BYA BA NI LAN NO, ,DON DAM PAR 'BREL BAR

NGES PAR BYA MI NUS PA'I PHYIR GZHAN DAG RKANG PA BRKYANG BA TZAM GYIS DOGS PAR BYED PA NI DE LTA BU NYID DU ZHES BYA BA'O, ,GNYI GAR YANG ZHES BYA BA NI LAN NO, ,DE LTA BU NYID MTHONG BA'I PHYIR ZHES BYA BA'I LAN NI MNGON SUM DANG RJES SU DPAG PA DAG GIS 'BREL PA RTOGS PA GNYI GAR YANG MTSUNGS SO; ,DE'I PHYIR GNYI GA TSAD MA YIN PA LA RTZOD PA MED DO, ,GAL TE RJES SU DPAG PA LTAR, RNAM PAR RTOG PA NI TSAD MA MA YIN PA'I PHYIR JI LTAR DE ZLAR BYAS NAS RJES SU DPAG PA TSAD MAR SGRUB CES DOGS PA BSU BA NI, 'ON TE DER NI ZHES BYA BA STE, THOB PAR BYA BA DER RO, ,DE NYID CES BYA BA NI RNAM PAR RTOG PA MA YIN PA'O, ,DES NA RNAM PAR RTOG PA DES RJES SU DPAG PA TSAD MAR MI GRUB PO ZHES BSAMS PA'O, ,LAN NI RJES SU DPAG PA ZHES BYA BA'O, ,DE NYID CES BYA BA NI 'BREL PA 'DZIN PA'O, ,KHAS MI LEN PA'I RGYU DOGS PAR BYED PA NI DE NYID CES BYA BA STE KHYAB PA 'DZIN PA'O, ,'DI NI RNAM PAR RTOG PA LA YANG MTSUNGS SO ZHES LAN BRJOD PA NI RTOG PA SKYE BA'I ZHES BYA BA'O, ,CI'I PHYIR ZHE NA, RGYU DANG ZHES BYA BA GSUNGS SO, ,RGYU DANG RNAM PA THAMS CAD SNGAR YOD MIN ZHES BYA BA DER RO, ,'ON TE ZHES BYA BA NI DOGS PA'O, ,RJES SU DPAG PA'I DUS SU NI DE'I YUL CAN GYI MNGON SUM YOD PA MA YIN TE, DES NA RJES SU DPAG PA SKYED PAR BYED PA DE NI TSAD MA MA YIN LA, RJES SU DPAG PA YANG DON SGRUB PAR BYED PA MA YIN NO ZHES BYA BAR BSAMS PA'O, ,MA YIN TE ZHES BYA BA NI LAN TE, DANG PO'I MNGON SUM GYI SKAD CIG KHO NAR NGES PA'I PHYIR RO ZHES BYA BA'I DON TO, ,'ON TE ZHES BYA BA NI DOGS PA'O, ,DE LTA MA YIN NA ZHES BYA BA NI TSAD MA YIN PA'O, ,'O NA ZHES BYA BA NI LAN NO, ,'ON TE SNGA MA RNAMS THOB PAR BYED PA NGES PA SKYED PA'I PHYIR TSAD MA MA YIN NO ZHE NA, SNGA MA DAG CES GSUNGS SO, ,PHYI MA RNAMS TSAD MA MA YIN PA NI GRUB PA DANG BDE BA MTSUNGS PA'I PHYIR RO, ,PHYI MA RNAMS JI LTAR TSAD MA MA YIN TE, NGES PAR 'BYED PA YIN PA'I PHYIR RO ZHES DOGS PA BSU NAS, THE TSOM ZA BA NI ZHES GSUNGS SO, ,GAL TE SHES PA DANG PO YOD KYANG THE TSOM ZA NA JI LTAR DE LAS NGES PA YIN PA NGES SO ZHE NA NI THE TSOM ZA BA MA YIN TE GNYI GA PHAN TSUN 'GAL BA'I PHYIR RO, ,DES NA PHYI MA RNAMS NYE BAR SBYOR BA MED PA'I PHYIR TSAD MA MA YIN NO ZHES BYA BA'I DON TO,,

, ,'DIS NI JI SKAD DU SHES PA'I SKAD CIG DANG PO NYID KYIS DON BZUNG ZHING NANG DU 'DUS PA'I ZHEN PAS NGES PAR YANG BYAS PA YIN TE DE MA NGES NA YUL DE LA 'DZIN PAR MI 'THAD PA'I PHYIR RO ZHES BRJOD PA NI GSAL BA YIN TE, GANG GI PHYIR TSAD MA'I BYA BA NGES PAR MTHAR THUG PAS YONGS SU RDZOGS PA LA NI THE TSOM YOD PA MA YIN TE, THAMS CAD DU DE LTAR YIN PAR THAL BA'I PHYIR RO, ,'ON TE SNGA MA RNAMS ZHES BYA BA NI DOGS PA BSU BA STE, THE TSOM GYIS ZIN PA'I BYED PA CAN YIN PA'I PHYIR RO ZHE NA, DE LTA YIN ZHES BYA BA NI TSAD MA MA YIN PA NYID YIN NA'O, ,DE LAS 'JUG PA MED PA'I PHYIR ZHES BYA BA NI MNGON SUM SNGA MA LAS SO, ,'GA' YANG ZHES BYA BA NI MNGON SUM SNGA MA'AM PHYI MA YANG STE MDUN NA GNAS PA'I RNAM PA CAN NYID DU KHYAD PAR PHYIR, RJES SU DPAG PA YANG KHYED KYI LTAR NA TSAD MA MA YIN PA KHO NA'O ZHES BYA BA'I DON TO, ,DE NYID KYI PHYIR 'JUG PA LAS SNGAR GYI 'JUG PAR BYED PA NYID MA NGES PA'I PHYIR NA THE TSOM ZA BA'I PHYIR YUL LA 'JUG PA YANG TSAD MA KHO NA LAS YIN NO ZHES BRJOD PA NI RE ZHIG CES BYA BA'O, ,DE LTAR 'JUG PA KHAS LEN NA NI THE TSOM GYIS 'JUG PA DE NI RJES SU DPAG PA LA YANG MTSUNGS SO, ,DES NA GANG GIS DE KHO NA TSAD MA YIN LA, RJES SU DPAG PA NI MA YIN PAR 'GYUR BA, MNGON SUM DANG RJES SU DPAG PA LAS KHYAD DU 'PHAGS PA CI ZHIG YOD, DE LTAR RNAM PA GZHAN GYIS KYANG RTOGS PA MTHONG ZHES BYA BA'I RGYA CHER BSHAD NAS MJUG SDUD PA NI DE'I PHYIR ZHES BYA BA'O, ,BSHAD PA SNGA MA GNYIS LA NI RTOG PA 'KHRUL PA'I RJES SU DPAG GI RANG BZHIN DANG 'JUG PA'I RANG BZHIN DU BSTAN PA YIN LA, 'DIR NI MNGON SUM YIN PAR 'DOD DO, ,GZHAN GYI RANG BZHIN DU ZHES BYA BA NI THOB PAR BYA BA LAS GZHAN GYI RANG BZHIN DU'O, ,GZHAN ZHES BYA BA THOB PAR BYA BA LAS GZHAN LA RTOGS PA NYID GA LA YANG ZHES 'BREL TO, ,GZHAN CI 'DRA BA ZHIG CES DOGS NA, DNGOS PO'I NGO BO ZHES BYA BA NI DBANG POS GZUNG BAR BYA BA'I SKAD CIG DANG PO DANG, RANG GI NGO BO ZHES BYA BA RANG BZHIN PA'I BZUNG BA LA ZHES BYA BAR SBYAR RO, ,DE'I PHYIR 'BYUNG BAR 'GYUR BA'I DNGOS PO LA NI MNGON SUM DANG RJES SU DPAG PA DAG KHYAD PAR 'GA' YANG YOD PA MA YIN NO, ,GAL TE YUL GCIG NYID YIN NA 'O NA ZHES BYA BA'O, ,GNYI GA THOB PAR BYA BA'I YUL GCIG NYID YIN

NA TSAD MA'I DBYE BSGRUB PA'I DON DU NYE BAR BKOD PA'I GZHAL BYA'I DBYE BA JI LTAR 'GRUB CES BYA BA'I DON TO, ,LAN NI GSAL BA ZHES BYA BA'O, ,GSAL BA MNGON SUM LA MI GSAL BA DE'I RANG BZHIN GYI RJES SU DPAG PAS RTOGS PA 'BYUNG BAR 'GYUR LA, SGRO 'DOGS LA NI GSAL BA RJES SU DPAG PA LA YANG DUS PHYIS 'BYUNG BA'I MNGON SUM GYIS RTOGS PAS SGRO 'DOGS PA YIN NO, ,RNAM PAR BRTAG PAR BYA BA NI MI GSAL BA YIN LA, GZHAN NI GSAL BA YIN NO ZHES BYA BA'I DON TO, ,GSAL BA LA YANG PHYI ROL DU SGRO 'DOGS PA NI RJES SU DPAG PA KHO NA YIN TE, RJES SU DPAG PA GZHAN BZHIN NO ZHES BRJOD PA NI YANG NA RNAM PA GZHAN DU YIN TE ZHES BYA BA STE TSAD MA'I YUL GYI DBYE BA BRJOD PAR BYA'O ZHES BYA BA'I LHAG MA'O, ,DE LTAR MDUN NA GNAS PA'I RNAM PA CAN GANG DU 'BYUNG BAR 'GYUR BA RTOGS PA DER NI DE'I RANG BZHIN GYI RJES SU DPAG PA TSAD MA YIN NO, ,DA NI MNGON SUM GANG YIN SNYAM NA, LHAG PAS ZHES GSUNGS TE LHAG MA NI KHYAD PAR DU 'PHAGS PA STE, SHIN TU GOMS PA LAS RNAM PAR RTOG PA LA MI LTOS PA STE DE MA 'ONGS PA DON DU GNYER BAS DA LTAR BA LA 'JUG PA NI MNGON SUM KHO NA TSAD MA MA YIN NO, ,PHYED PHYI MA RNAM PAR 'GREL PA NI GANG DU SHIN TU ZHES BYA BA'O, ,DE LTA MA YIN NAM ZHES BYA BA NE RNAM PAR RTOG PA LA RAG LAS PAS 'JUG PAR BYED PA NYID YIN PA'O, ,'DI NYID GSAL BAR BYED PA NI GAL TE GANG LA ZHES BYA BA'O, ,MNGON SUM NYID MA BUNG BA 'DZIN PA NYID KYI TSAD MA YIN GYI, ,RNAM PAR RTOG PA NI MA YIN TE, BZLOG PA'I PHYIR RO ZHES DOGS PA NI 'ON TE ZHES BYA BA'O, ,DPYAD ZIN TO ZHES BYA BA NI CI RNAM PAR RTOG PA LA 'JUG PAR BYED PA NYID YOD DAM ZHES BYA BA DER RO, ,DES NI RNAM PAR 'JOG PAS SO, ,LDAN DU ZIN KYANG NI 'BREL DU ZIN KYANG NGO, ,'ON KYANG STE ZHES BYA BA RNAM PAR RTOG PAS SO, ,LAN NI MNGON SUM ZHES BYA BA STE, RNAM PAR RTOG PA NYID KYIS 'JUG PA'I PHYIR RO ZHES BYA BA'I DON TO, ,DE MED NA YANG ZHES BYA BA NI RTOGS PA STE MNGON SUM MED NA YANG NGO, ,'O NA ZHES BYA BA NI LAN NO, ,PHYOGS 'DI LA YANG LAN BTAB ZIN ZHES BYA BA BSHAD PA'I DON DU DOGS PA BSU BA NI 'ON TE ZHES BYA BA'O, ,'O NA MNGON SUM YANG ZHES BYA BA NI LAN NO, ,'ON TE JI LTAR RNAM PAR RTOG PA TSAD

, ,MA MA YIN ZHES DOGS NA, DE'I PHYIR ZHES BYA BA'O, ,MNGON SUM 'OG ROL ZHES BYA BA NI DOGS PA BSU BA'O, ,MNGON SUM GYI 'OG ROL GYI DUS SU 'JUG PA'I RNAM PAR RTOG PA 'JUG PA LA MNGON SUM NUS PA YOD PA YIN NA ZHES RNAM PAR DBYE BA BSGYUR TE 'BREL TO, , CHOD PAS NA ZHES BYA BA NI LAN NO, ,SGRUB PAR BYED PA DAM PA MED PA'I PHYIR RO ZHES BYA BA'I DON TO, ,CHOD KYANG ZHES BYA BA NI MNGON SUM MO, ,DE LTA NA ZHES BYA BA NI LAN NO, ,SHES PA MA YIN PA'I PHYIR ZHES BYA BA NI DOGS PA STE, MIG LA SOGS PA NI BEMS PO MA YIN PA'I PHYIR TSAD MA MA YIN PA NYID DO ZHE NA, MTSUNGS PA DE MA THAG TU ZHES BYA BA NI LAN NO, ,GZHAN ZHES BYA BA NI 'JUG PAR BYA BA MA YIN PA'I RNAM PA CAN YIN PA'I PHYIR RO, ,YUL MTSUNGS PA NYID NI ZHES BYA BA NI LAN NO, ,DE TSAD MAR 'GYUR RO ZHES BYA BA'I DON TO, ,'GYUR BA KHO NA'O ZHES BYA BA'I DOGS PA STE, DE MA THAG PA'I RKYEN YUL MTSUNGS PA NYID YIN NA TSAD MAR 'GYUR BA KHO NA'O ZHE NA MA YIN TE ZHES BYA BA'I LAN TE, TSAD MA ZHES 'BREL TO, ,CI'I PHYIR ZHE NA, DE LA ZHES GSUNGS SO, ,SHES PA MED PHYIR RO ZHES YONGS SU GCOD PAR BYED PA MA YIN PA'I PHYIR 'JUG PA'I YUL SHES PA MA YIN NO ZHES BYA BA'I DON TO, ,JI LTAR MI SHES PA ZHE NA SKAD CIG MA SNGA MA ZHES GSUNGS SO, ,GANG GI PHYIR DE LTAR MNGON SUM TSAD MA YIN PA DE'I PHYIR RO, ,YONGS SU GCOD PAR BYED PA MA YIN PA'I PHYIR ZHES BYA BA NI MA GRUB PAR DOGS PA BSU BA NI 'ON TE YANG ZHES BYA BA'O, ,DE LTAR NA YANG ZHES BYA BA NI LAN TE SHES PA MA YIN PA NYID MA GRUB NA YANG NGO, ,GZUNG BA 'DZIN PAS ZHES BYA BA NI DOGS PA'O, ,LAN NI 'JUG PAR BYED PA'I ZHES BYA BA'O, ,RNAM PAR RTOG PA MED PAR NI MNGON SUM 'JUG BYED DU MA MTHONG NGO, ,DES NA RNAM PAR RTOG PA NYID 'JUG PAR BYED PA YIN PAS NA TSAD MA YIN NO; ,CI DANG 'DRA BA ZHE NA, DPER NA ZHES BYA BA STE, SKAD CIG MA NYID RJES SU DPOG PA NI MNGON SUM GYI BZUNG BA LA YANG TSAD MA YIN PA DE BZHIN DU RNAM PAR RTOG PA YANG YIN NO ZHES BYA BA'I DON TO, ,BZUNG BA LA ZIN PA 'DZIN PA YANG 'JUG PAR BYED PA'I PHYIR JI LTAR TSAD MA YIN ZHE NA,

SNANG BA TZAM GYIS NI ZHES GSUNGS SO, ,CI'I PHYIR ZHE NA, SKAD CIG CES SMRAS SO, ,'GYUR BA KHO NA'O ZHES BYA BA NI DOGS PA STE, MNGON SUM GYIS BZUNG BAR RO, ,SKAD CIG MA ZHES BYA BA NI LAN NO, ,'ON TE ZHES BYA BA NI DOGS PA'O, ,LAN NI RNAM PAR RTOG PA YANG ZHES BYA BA'O, ,DE LTAR ZHES BYA BA NI THA SNYAD SGRUB PA'O, ,TSAD MAR 'GYUR RO ZHES BYA BA NI DE'I RANG BZHIN RJES SU DPOG PA NYID KYIS SO, ,GAL TE DE LTA NA GNYI GA YUL GCIG YIN PA JI LTAR YUL GYI DBYE BAS THA DAD PAR 'GYUR ZHE NA, DE'I PHYIR ZHES BYA BA'O, ,GANG GI PHYIR RJES SU DPAG PA YANG TSAD MA YIN PA DE'I PHYIR RO, , MNGON SUM DANG RJES SU DPAG PA DAG 'BYUNG PAR 'GYUR BA'I YUL 'JUG PAR BYED PA NYID DU MTSUNGS PA YIN PA YANG BZUNG BA'I SNANG BA GSAL BA DANG MI GSAL BA'I DBYE BAS ZHES BYA BAS ZHES BYA BA'O, ,CI'I PHYIR, BSAM PA LA NI SLU MED PHYIR, ,'KHRUL BA YIN YANG TSAD MA NYID, ,CES BYA BA LEGS PAR BRJOD PA YIN NO ZHES BRJOD PA NI DES NA GZHAN GYI ZHES BYA BA'O, ,GAL TE MI SLU BA MED PA JI LTAR GZHAN GYIS NGO BOS RTOGS SHE NA, JI LTAR ZHES BYA BA'O, ,MI SLU BA LAS TSAD MA YIN YANG, TSAD MA YANG 'KHRUL PA DANG 'GAL BA MED DO ZHES BYA BA DPER BRJOD PA NI, DE KHO NA RIG PA LA RJES SU DPAG PA 'KHRUL PA YIN YANG THA SNYAD PA RNAMS LA MI SLU BA LA LTOS NAS TSAD MA YIN TE, NOR BU'I 'OD LA NOR BUR SHES PA 'KHRUL PA YIN YANG, THA SNYAD PA LA MI SLU BA YIN PA BZHIN NO, ,SGO GSEB KYI BU GA NA YOD PA'I NOR BU DBYIBS KYI KHYAD PAR GANG LA YOD PA DE NI DE SKAD CES BRJOD DO, ,SGRON MA'I 'OD CES BYA BA LA YANG SGO GSEB KYI ZHES BYA BA LA SOGS PA THAMS CAD RJES SU 'JUG GO, ,KHYAD PAR MED MOD CES BYA BA NI GNYI GA LA YANG SGO GSEB KYI BU GA'I YUL NA NOR BU MED PA'I PHYIR RO, ,'GA' ZHIG NI YOD PA KHO NA'O ZHES BYA BA NI NOR BU'I 'OD LA'O, ,DES NA ZHES BYA BA NI THOB PAS BYAS PA'I KHYAD PAR YOD PAS SO, ,DON JI LTA BA BZHIN MA YIN PA'I SHES PA YANG GNOD BYED MA SKYES NA 'JUG BYED DU MTHONG NGO ZHES BRJOD PA NI NOR BU MA MTHONG YANG ZHES BYA BA NI, GAL TE 'KHRUL PA'I PHYIR NA JI LTAR GCIG TSAD MA

, ,YIN LA GZHAN NI MA YIN ZHE NA 'KHRUL LO COG NI ZHES GSUNGS SO, ,JI LTAR MI MTSUNGS SNYAM NA, TSOGS PA'I ZHES GSUNGS SO, ,RGYU THA DAD LAS THA DAD PAR NI GDON MI ZA BAR 'DOD DGOS TE, DE LTA MA YIN NA SNA TSOGS GCIG TU 'GYUR RO ZHES BRJOD PA NI SHES PA YIN PA'I PHYIR ZHES BYA BA STE, 'ON KYANG 'GA' ZHIG KHO NA'O, ,DE LTA MA YIN NA JI LTAR 'KHRUL PA'I PHYIR GNYI GA TSAD MA MA YIN PA DE BZHIN DU SHES PA NYID DU KHYAD PAR MED PA'I PHYIR THAMS CAD 'KHRUL PAR 'GYUR BAS NA MNGON SUM YANG DE BZHIN DU 'GYUR RO, , GANG GI PHYIR TSOGS PA'I DBYE BAS THA DAD PA DE'I PHYIR RO, ,'KHRUL PA NYID YIN NA JI LTAR MI SLU BAS 'GYUR SNYAM DU DOGS PA BSU BA NAS, DPE BRJOD PA NI TSOGS PA'I ZHES BYA BA'O, ,JI LTAR DNGOS PO NYID LA SOGS PAR KHYAD PAR DANG LDAN PAR 'GYUR BA DE BZHIN DU 'KHRUL PA NYID DU KHYAD PAR MED KYANG RGYU'I KHYAD PAR LAS 'GA' ZHIG MI SLU BA DANG LDAN PAR 'GYUR BA YIN GYI, GZHAN NI MA YIN NO ZHES BYA BA'I DON TO, ,YANG NA GANG GI PHYIR TSOGS PA'I KHYAD PAR LAS KHYAD PAR DE 'BREL BA'I DON GYIS BSKYED PA NYID GANG LA YOD PA DE NI DE DANG LDAN PA YIN TE, DES NA 'KHRUL PA NYID YIN YANG MI SPU BA YIN NO ZHES BYA BA'I DON TO, ,RJES SU DPAG PA 'KHRUL PA LAS GZHAN KHYAD PAR YOD PAR BRJOD PA NI 'BREL BA'I LAS ZHES BYA BA'O, ,TSAD MA SKYES PA STE MNGON SUM SKYE PA'I RGYU MTSAN YIN NO, ,DE NYID KYI PHYIR MNGON PAR 'DOD PA 'THOB PA'I RGYU YIN NO, , DPE STON PA NI 'JUG PAR BYAD PA'I MNGON SUM SKYE BA DE NI RGYU MTSAN DE'I RANG BZHIN GYI RTAGS KYIS BSKYED PA'I RJES SU DPAG PA'I SHES PA GANG YIN PA DE BZHIN NO, ,MNGON SUM GYI DON CAN GYI RJES SU DPAG PA BZHIN DU, RJES SU DPAG PA NI TSAD MA NYID YIN NO ZHES BYA BA'I DON TO, ,BSGRUB PAR BYA BA NI RNAM PAR 'GREL PA NI, RJES SU DPAG PA NI ZHES BYA BA'O, ,MNGON SUM SKYE BA NI DUS PHYIS 'BYUNG BA'O, ,DPER RNAM PAR 'GREL PA NI MNGON SUM YANG ZHES BYA BA'O, ,GAL TE MNGON SUM GYI SNGON PO LA RJES SU DPAG PA MED PA MA YIN NAM, JI LTAR DE DPE YIN SNYAM NA 'DI LTAR ZHES

GSUNGS SO, ,SNGON PO'I MNGON SUM NI MA GOMS PA'O, ,GAL TE NGES PA YOD NA 'JUG BYED YIN LA, NGES PA YANG DE'I RANG BZHIN GYIS RJES SU DPAG PA YIN NO, ,DES NA MNGON SUM TSAD MAR BYED PA RJES SU DPAG PA TSAD MAR BSGRUBS SO ZHES BYA BA'I DON TO, ,RJES SU DPAG PA'I TSAD MA'I RGYU MTSAN CAN MI SLU BA'I RANG BZHIN GYI MNGON SUM YIN PAR BGYID PA NI, DE BZHIN RJES DPAG CES BYA STE, 'JUG PAR BYED PA MIN ZHES BYA BA RJES SU 'JUG PAR BYA BA'O, ,MNGON SUM ZHES BYA BA NI DUS PHYIS 'BYUNG BA'O, ,'O NA 'DI GNYIS LA KHYAD PAR CI YOD SNYAM NA MNGON SUM DANG RJES SU DPAG PA GNYIS KYI KHYAD PAR NI 'DI NYID YIN TE, MYONG BA'I RJES DPAG NYID 'JUG BYED MA YIN PA LA MA YIN YANG 'JUG PAR BYED PA'I MNGON SUM LA YANG SNGAR DE'I RANG BZHIN GYI RJES SU DPAG PA LA GDON MI ZA BAR LTOS PAR BYA BA YIN TE, DE LTA MA YIN NA DER MI 'GYUR RO, ,'DAS PA'I ME LA SOGS PA BSGRUB PA MA YIN YANG ME LA SOGS PA SGRUB PA'I RJES SU DPAG PA LA LAR NI GDON MI ZA BAR PHYIS KYI MNGON SUM LA LTOS PAR BYA BA YIN TE, DE LTA MA YIN NA SO SOR NGES PA'I YUL LA THE TSOM ZA BA DANG 'BRAL BAR MI 'GYUR RO, ,GNYI GA LAS GCIG KYANG GZHAN LA MI LTOS PA ZHES BYA BA'I KHYAD PAR NI YOD PA MA YIN NO, ,JI SKAD BRJOD PA'I SNGA MA DANG PHYI MA'I DNGOS PO 'GOG PAR BYED PA'I PHYED PHYI MAS KHYAD PAR YOD PAR DOGS PA BSU BA NI, RJES SU DPAG LAS ZHES BYA BA'O, ,'DI RKANG PA GNYIS PA 'CHAD PA NI CI STE YANG ZHES BYA BA'O, ,MNGON SUM NI RJES SU DPAG PA SNGON DU 'GRO BA MA YIN GYI, RJES SU DPAG PA NI MNGON SUM SNGON DU 'GRO BA CAN YIN PA'I PHYIR KHYAD PAR YOD PAS JI LTAR KHYAD PAR MED NGES ZHES BYA BA'I DOGS PA'I DON TO, ,GAL TE MNGON SUM SKYES PAS NA RJES SU DPAG PA LA MI LTOS KYANG THA SNYAD NI LTOS PA KHO NA STE, DE LTA MA YIN NA TSAD MA NYID DU MI 'THAD PA'I PHYIR RO ZHES GSUNGS PA NI, DE YANG MI RUNG STE ZHES BYA BA'O, ,DE LTAR ZHES BYA BA NI RANG RIG PA TZAM GYIS SO, ,TSAD MA YIN YANG ZHES BYA BA NI GNYIS SU MED PA LAS GZHAN MA GRUB BO ZHES BYA BA'I DON TO, ,'DI NYID BRJOD PA NI MNGON SUM RANG RIG CES BYA BA'O, ,THA DAD PAR YANG MI 'GRUB BO ZHES SBYAR RO, ,DE'I

, ,PHYIR ZHES BYA BA NI RJES SU DPAG PA LA LTOS PA'I PHYIR RO, ,DE NI MNGON SUM MO, ,RKANG PA DANG PO 'CHAD PA NI, MNGON SUM NI ZHES BYA BA STE, RJES SU DPAG PA'I DBANG GIS BYUNG BA'I MNGON SUM MO, ,MNGON SUM NI THA SNYAD LA RJES SU DPAG PA LA LTOS SO ZHES RIGS KYI RJES SU DPAG PA NI DE LA LTOS PA MA YIN TE, RANG NYID NGES PA'I BDAG NYID CAN YIN PAS NA THA SNYAD DU BYED PA'I PHYIR RO, ,MNGON SUM LA LTOS PA MED PA NYID BRJOD PA NI, 'DI LTAR ZHES BYA BA'O, ,MNGON SUM LA MA LTOS NA JI LTAR DON THOB SNYAM NA, NYID LAS ZHES SMOS TE, RJES SU DPAG PA LAS SO, ,DE MA YIN TE ZHES BYA BA NI MNGON SUM LA MI LTOS PA NYID DO, ,CI'I PHYIR ZHE NA, MNGON SUM MIN NA ZHES SMOS TE, DUS PHYIS 'BYUNG BA MED PAR RO, ,DUS PHYIS 'BYUNG BAR MNGON SUM NYID KYIS, SO SOR NGES PA'I YUL GYI KHYAD PAR CAN GYI ME MTHONG BAR NUS PA YIN NO ZHES BYA BA'I DON TO, ,RJES SU DPAG PA NI PHYOGS KYI CHOS KYI STOBS KYI YUL GYI KHYAD PAR CAN RNAM PAR 'JUG PAR BYED PA YIN YANG SO SOR NGES PA'I YUL GYI KHYAD PAR CAN NYID NI RNAM PAR 'JIG PAR BYED PA MA YIN TE NGES MNGON SUM LA LTOS PA YIN NO ZHES BRJOD PA NI, RJES SU DPAG PAS ZHES BYA BA'O, ,DE CI'I PHYIR SNYAM NA, RTZIG PA LA SOGS PAS ZHES GSUNGS SO, , GAL TE DE LTA NA YANG RJES SU DPAG PA MNGON SUM LA JI LTAR LTOS SNYAM NA RTZIG PA'I PHYI ROL GYI ZHES GSUNGS SO, ,CI STE YANG MED DE DE NI YUL MA NGES PA CAN KHO NA YIN TE, DES NA MNGON SUM GYI SO SOR NGES PA'I YUL DANG 'DZIN CES DOGS NA, YUL SO SOR ZHES BYA BAR RO, ,RJES SU DPAG PAR RTOGS PAR MI SKYE BAR MI 'GYUR TE, DES MNGON SUM GYIS YUL GYI NGES PA 'DZIN PA YIN NO ZHES BYA BA'I DON TO, ,RJES SU DPAG PA DANG NOR BU'I 'OD LA NOR BUR SHES PA DAG NI THE TSOM DANG PHYIN CI LOG DAG GIS SO SOR NGES PA'I YUL MA BZUNG BAR MTSUNGS SO ZHES BRJOD PA NI, ,NOR BU'I 'OD LA ZHES BYA BA'O, ,'ON TE NYES PA 'DI NI NOR BU'I 'OD LA NOR BUR SHES PA KHO NA YIN GYI RJES SU DPAG PA'I NI MA YIN NO ZHE NA, THE TSOM ZA DANG ZHES GSUNGS SO, ,NOR BU'I 'OD LA NOR BU'I SHES PA LAS RJES SU DPAG PA'I KHYAD PAR DOGS PAR BYED PA NI 'ON TE YANG ZHES BYA BA'O, ,RJES SU DPAG PA'I YUL NGES PA LA YANG THE TSOM GYI BDAG NYID YIN

PA'I PHYIR NA DE LA 'JUG PAR BYED PA NYID DU 'THAD PA MA YIN NO ZHES BRJOD PA NI GNYI GA'I CHA LA ZHES BYA BA'O, ,PHYIN CI LOG NI DE LTA MA YIN PA DES NI 'JUG PAR BYED PAR 'GYUR RO ZHES BRJOD PA NI PHYIN CI LOG NI ZHES BYA BA'O, ,THE TSOM NI ZHES BYA BA NI 'CHAD PA'O, ,CHA GNYIS SU ZHEN PA DES NA STON PAR BYED PA MA YIN PA DES NA DE LA 'JUG PAR BYED PA MA YIN NO ZHES BYA BA'I DON TO, ,GANG GI PHYIR THE TSOM GYIS DER 'JUG PAR BYED PA NI MA YIN GYI 'ON KYANG ME TZAM NYID YUL KHYAD PAR YOD PAR SGRO 'DOGS PAS 'JUG PAR BYED PA YIN PA DES NA CHA TSOD PA MED PA DES ZHES BYA BA'O, ,GAL TE DE LTAR YIN NA MNGON SUM NYID YUL NGES PAR BYED PA YIN PA'I PHYIR TSAD MA YIN GYI RJES SU DPAG PA NI MA YIN TE, YUL NYE BAR MA BSTAN PA ZHIG PA'I PHYIR RO ZHE NA, MA YIN TE RJES SU DPAG PA 'BA' ZHIG YUL LA KHYAD PAR MED PA RTOGS PA DE NYID MNGON SUM GYI YUL NGES PAR RNAM PAR 'JIG PAR BYED PA DES NA MNGON SUM DANG LHAN CIG BYA BA GCIG PA CAN GYI RJES SU DPAG PA NI YUL KHYAD PAR YOD PA LAS BYUNG BA NYES PA BDAG GIR BYED PA MA YIN NO ZHES BYA BAR DGONGS PA'O, ,NOR BU'I 'OD LA NOR BUR SHES PA'I PHYIN CI LOG KYANG RJES SU DPAG PA DANG LHAN CIG TU GYUR PA NA BYA BA THA DAD PA'I NYES PA DANG LDAN PA MA YIN NO ZHES BYA BA NI NOR BU'I 'OD LA ZHES BYA BA'O, ,RJES SU DPAG PA LAS SPONG BA YIN PA'I ZHES 'BREL TO, ,RJES SU DPAG PA LAS ZHES BYA BA NI GANG ZHIG NOR BU'I RNAM PA SNANG BA DE NI YUL GZHAN NA YOD PA'I NOR BU LAS 'KHRUL PA MED PA YIN TE, DPER NA SNGON NYAMS SU MYONG BA BZHIN NO, ,SGO GSEB KYI BU GAN YANG NOR BU'I RNAM PA SNANG BA YIN NO ZHES BYA BA'I DE LTA BU'I RANG BZHIN CAN LAS TE, MNGON SUM DANG RJES SU DPAG PAS NYE BAR BSTAN PA LAS SNGAR NYID THE TSOM DANG PHYIN CI LOG TU GYUR PA YIN NO ZHES BYA BA'I DON TO, ,DE LTAR NA NOR BU'I 'OD LA NOR BUR SHES PA TSAD MA YIN PA NYID KYI DPER BKOD PA YIN NO ZHES BRJOD PA NI, NOR BU'I 'OD LA ZHES BYA BA'O; ,DE NI RJES SU DPAG PA YIN NO ZHES BYA BA'I LOG PAR RTOG PA YOD PAS NA DE'I TSAD MA GANG YIN ZHES RANG GI LUGS GSUNGS PA NI DE NI ZHES BYA BA'O, ,'KHRUL PA NYID KYIS MNGON SUM MA YIN PAR DOGS PAS NA 'DRI BA NI JI LTAR ZHES BYA BA'O, ,GAL TE MNGON SUM MA YIN NA JI LTAR 'KHRUL PA

, ,YIN ZHE NA YANG JI LTAR MNGON SUM YIN ZHES BYA BA'I DON TO, ,LAN NI NOR BU'I 'OD LA NOR BUR SHES PA DE NI DE 'DRA NYID YIN BZHIN DU MNGON SUM GYI TSAD MA YIN NO, ,GAL TE GANG GIS MNGON SUM DU 'GYUR BA MI BDEN PA'I 'KHRUL PA NYID YIN NA JI LTAR TSAD MA YIN ZHES DOGS, MI SLU BAS ZHES SMOS TE, MA 'KHRUL BA NYID KYIS NI MA GRUB PA'I PHYIR RO, ,DE NYID KYI PHYIR 'KHRUL PA DANG MA 'KHRUL ZHES GSUNGS SO, ,MTSAN NYID MTSUNGS PA'I PHYIR NA RE ZHIG NOR BU'I SHES PA TSAD MA NI YIN PA NYID DO ZHES GSUNGS PA NI TSAD MA NI ZHES BYA BA'O, ,MI SLU BA LAS GZHAN PA'I MA 'KHRUL BA NYID DE'I RGYU MTSAN DU DOGS PA NI, GAL TE ZHES BYA BA'O, ,DON GYI DE KHO NA NYID JI LTA BA BZHIN PA'I MA 'KHRUL PA NI MI SLU BA YIN GYI, DON GZHAN NI MA YIN NO ZHES BRJOD PA NI, YUL DANG ZHES BYA BA STE, MA 'KHRUL BA'I THA SNYAD MI SLU BA'I RGYU MTSAN YIN GYI, MI SLU BA NI MI 'KHRUL BA'I RGYU MTSAN YIN TE, DE MED PAR MA 'KHRUL BA NYID MI 'KHRUL BA'I PHYIR RO ZHES BYA BA'I DON TO, ,MA 'KHRUL BA'I RGYU MTSAN GZHAN NYID YIN PAR DOGS PA NI GNOD PA MED PA'I PHYIR RO ZHES BYA BA'O, ,MA YIN TE ZHES BYA BA NI DOGS PA 'GOD PA'O, ,CI'I PHYIR ZHE NA, MI SLU BA NYID LA ZHES GSUNGS SO, ,DE SKAD CES BYA BA NI GNOD PA MED PA NYID DU BRJOD PA'I PHYIR RO, ,DE NYID GA LAS SNYAM NA MI SLU BA MA YIN PA ZHES GSUNGS SO, ,GNOD PA MED LA YIN GYI YANG ZHES BYA BA NI DANG PO'O, ,DE NYID CES BYA BA NI MI SLU BA MA YIN PA'O, ,'O NA ZHES BYA BA NI LAN NO, ,CI STE YANG MA 'KHRUL BA NYID NI MI SLU BA LAS MA YIN TE, RJES SU DPAG PA 'KHRUL PA YIN YANG MI SLU BA YOD PA'I PHYIR RO ZHES DOGS PAR BSU NAS BRJOD PA NI, RJES SU DPAG PA MI SLU BA ZHES BYA BA'O, ,GAL TE ZHES BYA BA NI RANG GI PHYOGS PA'I RTZOD PA'O, ,'KHRUL PA DANG MA 'KHRUL PA NYID LAS KHYAD PAR GZHAN NI MED DO ZHES BYA BA'I THA TSIG GO, ,MA 'KHRUL BA'I DON NI MI SLU BA'I DON YIN PA'I PHYIR NA DE LAS NI KHYAD PAR YOD PA MA YIN GYI, 'ON KYANG RNAM PAR RTOG PA DANG CIG SHOS NYID KYIS YIN NO ZHES LAN BRJOD PA NI, SNANG BA THA DAD PA'I PHYIR RO ZHES BYA BA'O, ,'KHRUL BA NYID DU KHYAD PAR MED NA JI LTAR SNANG BA THA DAD SNYAM NA 'KHRUL PA NYID LAS YANG ZHES GSUNGS SO, ,JI LTAR MNGON SUM SNANG BA DANG RJES SU DPAG PA DAG SNANG BA DANG

RNAM PAR RTOG PA DANG CIG SHOS NYID KYIS THA DAD PA DE BZHIN DU MNGON SUM DANG RJES SU DPAG PA DAG KYANG YIN NO ZHES BYA BA'I DON TO, ,DE LTAR NA MA 'KHRUL PA MNGON PAR 'DOD PA LA MI SLU BA NYID NA NI GNYI GA LA YANG KHYAD PAR MED DO ZHES BSTAN NAS, ,DA NI MNGON SUM RANG GI NGO BO LA LTOS NAS MA 'KHRUL PA NYID YIN LA, 'GAL YANG 'KHRUL PA NYID DU MI 'GYUR RO ZHES BRJOD PA NI, TSAD MA'I SHES PA THAMS CAD NI ZHES BYA BA'O, ,RJES SU DPAG PA GZHAN GYI RANG BZHIN LA LTOS NAS, 'KHRUL PA NYID YIN NA NI, MNGON SUM YANG DE LTAR 'GYUR RO, ,ZHES BRJOD PA NI ZHES BYA BA'O, ,JI LTAR KHYAD PAR MED CE NA, 'KHRUL PA NI ZHES GSUNGS SO, ,MTSUNGS PA NYID BRJOD PA NI JI LTAR ZHES BYA BA'O, ,GANG YANG DAG PA'I SHAS PA SNGON DU 'GRO BA CAN YIN PA'I PHYIR RO ZHES BYA BA YANG DAG PA'I SHES PA MI SLU BA'I DON SKABS SU MI SLU BA'I DON BRJOD PA MA 'KHRUL PA SMOS PAS CI BYA ZHES BRJOD PA DE YANG SDUD PAR BYED PA'I BDAG NYID MDOR GZHAG PA'I TSIG LA NYES PA YIN TE, DE LTA MA YIN NA RTOG PA DANG BRAL BA NYID KYANG DON LA SHES PA'I SNANG BA GANG ZHIG CES BYA BA'I RNAM PAR RTOG PA MED PA'I SKABS SU GYUR PA LAS BRJOD NAS BSHAD PAR BYA BAR 'GYUR RO, ,GANG GI PHYIR MI SLU BA MA 'KHRUL BA'I DON YIN LA NYES PA 'GA' YANG MED PA DE'I PHYIR ZHES BYA BA'O, , 'BYUNG BAR 'GYUR BA DE'I ZHES BYA BA NI DOGS PA BSU BA'O, ,'DI NI ZHES BYA BA NI LAN NO, ,NOR BU'I 'OD LA NOR BU'I 'DZIN PA LA GZHAN SNGON PO 'DZIN PA'I MNGON SUM LA'O, ,MTSUNGS PA ZHES BYA BA NI THE TSOM SEL BAR BYED PAR 'BYUNG BAR 'GYUR BA RJES SU DPOG PA TSAD MAS SGRUB PA'O, ,DER NI ZHES BYA BA NI DOGS PA STE; SNGON PO 'DZIN PA'O, ,MNGON SUM GYI RJES LA 'BYUNG BA DE'I RANG BZHIN GYIS RJES SU DPOG PA THE TSOM SEL BAR BYED PA'O, ,YUL GANG DU MTHONG BA'I YUL DE NYID DU RJES SU DPOG PA YIN TE, DES NA YUL MA THA MI DAD PAR RLOM PA YIN GYI NOR BU'I 'OD LA NOR BUR SHES PA LA NI DE LTA MA YIN NO, ,YUL GANG DU GZHAN DU SPYOD YUL THA DAD PAS TSAD MA GZHAN DU SEMS PA'I PHYIR RO ZHES BRJOD PA NI, NOR BU'I SHES PA LA NI ZHES BYA BA STE, RJES SU DPAG PA'I BDAG NYID LA'O, ,MA YIN TE ZHES BYA BA NI 'GOG PA'O, ,CI'I PHYIR ZHE NA, SHIN TU ZHES GSUNGS SO, ,'KHRUL PAR RLOM PA YOD PA DANG MED PA DAG GI KHYAD

, ,PAR YOD PAR DOGS PA NI GAL TE ZHES BYA BA'O, ,NOR BU'I SHES PA MNGON SUM GYI BDAG NYID CAN LA'O, ,MNGON SUM THAMS CAD NI NGES PA LA LTOS PA'I BYED PA CAN YIN NO, ,RANG GI YUL SPANGS NAS RNAM PAR RTOG PA'I YUL LA 'GYUR BA YIN NO ZHES LAN 'DEBS PA NI 'DI LA BRJOD PA ZHES BYA'O, ,DON DAM PAR NOR BU'I 'OD LA NOR BUR SHES PA KA BA LA SOGS PA'I SHES PA MTSUNGS PA NYID DO, ,JI LTAR KA BA LA SOGS PA'I SHES PA NGES PA LA LTOS PA RANG GI YUL LAS 'DAS PAS DE'I YUL LA MNGON SUM YIN PA DE BZHIN DU 'DI LA NOR BUR SHES PA YIN PAS DE LTAR MTSUNGS PAS NA, MNGON PAR RLOM PA TSAD MA YIN PA LAS KHYAD PAR DU 'GRUB PA NI LOG PA NYID YIN NO ZHES BYA BA'I DON TO, ,DES NA MA GOMS PA'I GNAS SKABS NI THAMS CAD LA 'JUG PA'I YUL STON PAR BYED PA NI MNGON SUM DANG RJES SU DPAG PA SDOM PA RTZOM NA YIN GYI RE RE NI MA YIN ZHES GSUNGS PA NI; DE NI GNYI GA TSAD MA NYID CES BYA'O, ,SGO GSEB KYI BU GA'I YUL GYI NOR BU'I RNAM PA CAN GYI NOR BU'I 'OD KYI SHES PA NI 'DI NOR BU'O ZHES NGES PA'I YUL GYI NOR BU LA MNGON SUM GYI TSAD MA YIN GYI RJES SU DPAG PA'I TSAD MA MA YIN NO, ,DE'I RJES SU GANG ZHIG NOR BU'I RNAM PAR SNANG BA ZHES BYA BA'I RJES SU DPAG PA YANG NOR BU DE NYID LA PHYIN CI LOG ZLOG PAR BYED PA'I TSAD MA YIN NO, ,JI LTAR KA BA LA SOGS PA'I SHES PA MNGON SUM GYI TSAD MA YIN PA DE'I RJES LA THE TSOM ZA BA NA DE'I RANG BZHIN GYI RJES SU DPAG PA YIN PA BZHIN NO, ,MNGON SUM DANG RJES SU DPAG PA DAG LA, TSAD MA GZHAN NI YOD LA ZHES BYA BA NI GO RIMS BZHIN DU RJES SU DPAG PA DANG MNGON SUM MO, ,MNGON PAR RLOM PA MED PAS THA DAD PA YIN NO ZHE NA, MNGON PAR RLOM PA MED PA ZHES BYA BA DE TZAM GYIS NI DNGOS PO THA DAD PAR 'GYUR PA MA YIN NO ZHES GSUNGS SO, ,MNGON PAR RLOM PA DE YOD PA MED PA DAG LA NI 'DI LA NI 'OD LA NOR BUR SHES PA DANG KA BAR SHES PA DANG GNYIS KHYAD PAR YOD PA MA YIN NO, ,GANG GI PHYIR KHYAD PAR MED PA DE'I PHYIR RO, ,MNGON SUM MA MA ZHES BYA BA LA NI RANG GI LUGS SO, ,YANG NA RJES SU DPAG PA NYID CES BYA BA NI SH'AKYA BLO'I LUGS SO, ,'DI LTAR

NOR BU'I 'OD LA NOR BUR SHES PA NI 'KHRUL PA YIN LA MI SLU BAS TSAD MA YIN NO, ,GAL TE DE LTA NA MNGON SUM DANG RJES SU DPAG PA LAS GZHAN PA'I TSAD MA GSUM PAR THAL BAR 'GYUR TE, 'DI LTAR 'DI RE ZHIG MNGON SUM MI 'DU STE, 'KHRUL BA'I PHYIR DANG RTOG PA DANG BCAS PA'I PHYIR, RJES SU DPAG PA'ANG MA YIN TE RTAGS LAS SKYES PA MED PA'I PHYIR RO, ,TSAD MA MA YIN PA YANG MA YIN TE DNGOS PO LA MI SLU BA'I PHYIR RO ZHE NA, 'DI LA BRJOD PA TSAD MA GZHAN DU THAL BA MA YIN TE, RJES SU DPAG PA KHO NAR 'DU BA'I PHYIR RO, ,'DI LTAR RJES SU DPAG PA'I SPYI'I MTSAN NYID NI 'BREL PA CAN GYI DON GZHAN LAS LKOG TU GYUR PA'I DON RTOGS PA NI RJES SU DPAG PA YIN NO ZHES RJES SU DPAG PA YIN, SPYI'I MTSAN NYID DE MA THAG TU 'CHAD PAR 'GYUR RO, ,'DIR NI NOR BU DANG 'BREL PA'I NOR BU'I 'OD NI DE'I 'BRAS BU YIN PA'I PHYIR DANG NOR BU'I 'OD DE LAS KYANG NOR BUR 'KHRUL PA SKYE BAS NA, DE'I 'BRAS BU'I RTAGS LAS SKYES PA'I PHYIR RJES SU DPAG PA KHO NA'O, ,GAL TE RTAGS DU BA LAS RTAGS CAN LAS SHES PA SKYE BA NAS DU BA NYID LA ME SGRON 'DOGS PAS 'JUG PA NI MA YIN GYI 'ON KYANG YUL PHYOGS GZHAN DU YIN NO, ,NOR BUR 'KHRUL PA NI RTAGS NOR BU'I 'OD NYID LA RTAGS CAN SGRO 'DOGS PAR BYED PA YIN NO ZHE NA, DE LAS CHIR 'GYUR 'DI TZAM GYIS NI 'BREL PA CAN LAS SKYES PA NYAMS PA MA YIN NO, ,YUL GZHAN DU SGRO 'DOGS PA LAG PA YOD DO ZHES BYA BA 'DI TZAM ZHIG BRJOD PAR BYA BA YIN NA NI, YUL DE NYID DU NOR BU THOB PAR BYED PA NYID KYIS NI TSAD MAR 'GYUR BA MA YIN NO, ,NOR BU TZAM THOB PAS RJES SU DPAG PA YIN PA SUS KYANG BZLOG TU MED DO ZHES BYA BA NI, THAMS CAD LA YANG YUL LA 'KHRUL PA NI 'DOD PA KHO NA'O, ,NOR BUR 'KHRUL PA RJES SU 'GRO BA DANG LDOG PAR DRAN PA MED DO ZHE NA, MED MOD DE TZAM GYIS RJES SU DPAG PAR MI 'GYUR BA MA YIN NO, ,GANG ZHIG RJES SU 'GRO BA DANG LDOG PA MA DRAN PAR MOD KHO NAR DU BA LAS ME RTOGS PA'I SHES PA DE RJES SU DPAG PAR MI 'DOD DAM CIG ,TSUL GSUM PA'I RTAGS LAS DE SKYES PA YIN

, ,TE; DE TZAM GYIS NA RJES SU DPAG PA NYID YIN NO, ,SGO GSEB KYI BU GA'I YUL GYI NOR BU'I 'OD SHES PAS KHANG PA'I PHUG GI YUL NA NOR BU'I RANG BZHIN MA BZUNG BA'I PHYIR NA JI LTAR MNGON SUM YIN TE, KA BA LA SOGS PA'I SHES PA NI 'BYUNG BAR 'GYUR BA'I RANG BZHIN SHES PA MA YIN YANG DE'I RANG BZHIN 'DZIN PA'I PHYIR MNGON SUM YIN NO ZHES DOGS PA BSU BA NI 'ON TE ZHES BYA BA'O, ,'BYUNG BAR 'GYUR BA THOB PAR BYA BA'I RANG BZHIN DE LA BZUNG NA, SHES BA DANG SHES BYA'I RANG BZHIN DE NAM GZHAN GYI 'BYUNG BAR 'GYUR BA LAS GZHAN 'DZIN PA'I SHES PA SNGA MA DE NI GNYI GA LA YANG MTSUNGS PA NYID DO, ,DES NA GNYI GA LA YANG MNGON SUM YIN PA'AM YANG NA NI 'GA' YANG MA YIN NO, ,DE'I RANG BZHIN MA BZUNG BA DE LTAR THOB CE NA, GNYI GA LTAR YANG ZHES GSUNGS TE, DE'I BDAG NYID DAM DE LAS BYUNG BA'I 'BREL PA LAS KYANG NGO, ,DE SKAD DU YOD DO, ,DE BDAG DE LAS BYUNG BA YI, ,MTHU YIS ZHES PA TSAD MA NYID, ,CES BSHAD ZIN TO, ,THOB PAR BYA BA'I ZHES BYA BA NI 'CHAD PA'O, ,JI LTAR KHYAD PAR MED DE, GANG GI PHYIR NOR BU DANG DE'I 'OD LA NI SNANG BA THA DAD PA YOD DO, ,DES NA MIG SER POR SHES PA BZHIN DU NOR BU SNANG BA TZAM NI MNGON SUM LTAR SNANG BA YIN NO ZHES DOGS NA NI NOR BU SNANG BA NI NOR BU NYID DANG ZHES GSUNGS SO, ,DES NA NOR BU'I 'OD LA NOR BU SNANG BA TZAM MA YIN TE, BDEN PA'I NOR BU'I SNANG BA DANG KHYAD PAR MED PA'I PHYIR RO, ,GAL TE SNANG BA KHYAD PAR MED KYANG NOR BU'I 'OD LA NOR BUR SHES PA NI YUL LA 'KHRUL PA YIN LA NOR BU'I SHES PA NI DE LTA MA YIN NO ZHE NA, DE LA LA LAR NI ZHES GSUNGS SO, ,'KHRUL PA NYID DU YANG KHYAD PAR YOD PA MA YIN NO ZHES BYA BA'I DON TO, ,SPYI'I ZHES PA LAS SPYI NI ME TZAM MO, ,DE'I RJES SU DPAG PA NI 'DIR 'GA' ZHIG NA ME YOD DO SNYAM PA'I SHES PA STE, DE NI GNYI GA LA YANG 'KHRUL PA YIN NO, ,'DIS NI TSU ROL MDZES PA LA SOGS PA GSAL BA MA YIN NO ZHES MJUG SDUD PA NI, ,DES NA ZHES BYA BA'O, ,JI LTAR RIGS PA MA YIN SNYAM NA, MNGON SUM YANG ZHES BYA

BA'O; ,RANG GI NGO BO LA LTOS NAS MA 'KHRUL PA NYID YIN NA NI THAMS CAD KYANG MA 'KHRUL PA NYID YIN DU 'GYUR BA DES NA TSAD MA DANG GZHAN PA'I RNAM PAR DBYE BAR MI 'GYUR RO ZHES BRJOD PA NI RANG GI NGO BO LA NI ZHES BYA BA'O, ,DE LTAR ZHES BYA BA NI RANG GI NGO BO LA LTOS PA NYID KYIS SO, ,GANG DE LTA NA ZHES BYA BA NI MNGON SUM YANG 'KHRUL PA YIN PA'O, ,'DI LA ZHES BYA BA NI DRAN PAR BYED DO, ,DE LTAR NI ZHES BYA BA NI RTZOD PA STE, GSAL BA DANG MI GSAL BAR RO, ,GANG ZHIG CES BYA BA NI LAN NO, ,GANG GIS ZHES BYA BA NI RANG RGYUD NYID LA SOGS PA'O, ,DE NYID CES BYA BA NI 'DZIN PA PO RANG DBANG NYID LA SOGS PA'O, ,GAL TE DON GYI NUS PA LAS BLO SKYE BA DE NI RANG RGYUD NYID DANG, BAR CHAD MED PAR 'DZIN PA YIN PAS DE NI MNGON SUM YIN TE, DON GYI NUS PA NYID JI LTAR RTOGS SNYAM NA, RJES 'GRO ZHES BYA BAR SBYAR RO, ,DE LAS ZHES BYA BA NI RANG DBANG DU 'DZIN PA'I DON LAS GZHAN ZHES BYA BA GZHAN GYI DBANG GIS GZUNG BAR BYA'O, ,DNGOS SU SNANG BA YANG ZHES BYA BA'O, ,RKANG PA LHAG MA 'GREL PA NI, GAL LA ZHES BYA BA'O, ,DE BZHIN ZHES BYA BA NI RANG GI MTSAN NYID LAS SO, ,JI LTAR DE DBANG PO LAS 'DAS PA YIN SNYAM NA, DE LA NI ZHES GSUNGS TE GANG ZHIG BAG CHAGS SAD PAS SNANG BA'I YUL DU GYUR PA'O, ,JI LTAR RJES SU DPAG PA'I YUL DBANG PO LAS 'DAS TE DNGOS PO NYID LAS RTOGS PA'I PHYIR RO ZHES PHYIR RGOL BA NI GAL TE ZHES BYA BA'O, ,'ON TE RJES SU DPAG PAS RNAM PAR RTOG KYANG ME'I RANG BZHIN MA RTOGS PA'I PHYIR LKOG TU GYUR PA YIN NO SNYAM NA, DE'I RNAM PA LAS ZHES SMRAS SO, ,DES NA ZHES BYA BAS NI RJES SU DPAG PAS SO, ,GANG ZHIG CES BYA BA NI ME'I RANG GI MTSAN NYID DO, ,'ON TE ZHES BYA BA NI RGOL BA'I DOGS PA BSU BA'O, ,'ONGS ZHES BYA BA NI LAN NO, ,'ON TE BRGYA LA RGOL BA 'DI LTAR KHAS LEN NO SNYAM NA, DE NI DE LTAR ZHES SMRAS TE DBANG PO'I BYED PA MED PAS LKOG TU GYUR PA NYID YIN PAR NI MA YIN TE, YID LA SOGS PA'I MNGON SUM MED PAR THAL BA'I PHYIR RO, ,GANG GI PHYIR RJES SU DPAG PA DNGOS PO'I RANG BZHIN MTHONG BA YANG YIN LA, LKOG TU GYUR PA'I YUL CAN GANG YIN PAR NI 'GAL BA DE'I PHYIR RO, ,MI SNANG BA LKOG TU GYUR PA'I YUL GANG LA YOD PA DE LA DE SKAD CES

, ,BRJOD DO, ,GAL TE RJES SU DPOG PA'I RTOG PA DE LTA BU YIN NA, DE'I TSE DNGOS MTHONG MIN TE, DNGOS PO 'DZIN PAR MI 'GYUR RO, ,DNGOS PO MTHONG BA YIN NA YANG LKOG TU GYUR PA NYID DU MI 'GYUR RO ZHES BRJOD PA NI, RTOG PA ZHES BYA BA'O, ,'DI NYID RNAM PAR 'GREL PA NI GAL TE ZHES BYA BA'O, ,DNGOS PO LA ZHES BYA BA NI PHYED SNGA MA 'CHAD PA STE BSKAL PA'O, ,KHYED KYI LUGS LA YANG RJES SU DPAG PA LKOG TU GYUR PA'I YUL CAN NYID DU MI 'GRUB BO ZHES LAN 'DEBS PA NI, 'O NA SPYI'I ZHES BYA BA'O, ,'DI NI 'CHAD PA NI DE LA SPYI NI ZHES BYA BA'O, ,BRGYUD PAS DNGOS PO'I YUL CAN NYID DU DOGS PA BSU BA NI, MTSAN PAR BYAS PA'I SPYIS MTSON PAR NGES, DNGOS PO RTOGS PA'I PHYIR RO ZHE NA, SPYI DANG KHYAD PAR GYI RANG BZHIN DAG GIS MTSON PAR SRID PAS NA, DRI BA NI KHYAD PAR RANG BZHIN GANG GIS ZHES BYA BA'O, ,KHYAD PAR GYI MTSON PA LAS NYES PA BRJOD PA NI, GAL TE ZHES BYA BA STE, KHYAD PAR RTOGS PA'O, , SGRA LA SOGS PA NYID LAS ZHES BYA BA NI MTSON PAR BYAS PA'I RMI LAM NI MA YIN NO ZHES BYA BA'I DON TO, ,DE NYID KYI PHYIR BAR MDO'I ZHES GSUNGS SO, ,SPYIS MTSAN PA LA YANG NYES BA BRJOD PA NI, SPYI'I RANG BZHIN GYIS ZHES BYA BA'O, ,'O NA KHYAD PAR NYID KYIS MTSON NO SNYAM NA, BSHAD ZIN PA'I NYES PA TSAD YOD PAR BYAS NAS GZHAN BRJOD PA NI KHYAD PAR GYI ZHES BYA BA'O, ,SPYI SNANG BA DANG KHYAD PAR NI MI SNANG BA NA LKOG TU GYUR PA'I YUL CAN NYID DU ZHES BYA BAR DOGS PA BSU BA NI 'ON TE ZHES BYA BA'O, ,'DI YANG ZHES BYA BA NI LAN TE, SANGS RGYAS PA'I LUGS LA'O, ,JI LTAR ZHES BYA BA NI RTZOD PA'O, ,DE YUL NYID YIN ZHES BYA BA NI YUL YIN PA'O, ,DE LA ZHES BYA BA NI LAN NO, ,MA BRTAGS ZHES BYA BA NI LAN NO, ,THAMS CAD DU ZHES BYA BA NI LAN NO, ,CI LA LAR DE LTAR MTHONG NGAM SNYAM DU DOGS NA, LHAS BYIN ZHES GSUNGS SO, ,DE LA ZHES BYA BA NI DOGS PA STE MTSUNGS PA MTHONG BA'O, ,'DIR SLU BA YIN NA RJES SU DPAG PA LA YANG 'GYUR RO ZHES BYA BA'I DON TO, ,MA YIN TE ZHES BYA BA NI SLU BA NYID 'GOG PA'O, ,CI'I PHYIR ZHE NA, 'CHAD PA'I PHYIR RO ZHES GSUNGS SO, ,'CHAD PAR 'GYUR PA'I RGYU DES GANG YIN ZHE NA, 'BREL PA LAS ZHES BYA BA'O, ,GAL TE BAG CHAGS KYI STOBS LAS BYUNG BA'I PHYIR RJES SU DPAG PA

'KHRUL PA NYID YIN NA GANG GIS MI SLU BAR GYUR PA'I DON DANG 'BREL PA NI, CI'I PHYIR ZHE NA ZHES DOGS PA BSU BA NI GAL TE 'DI ZHES BYA BA'O, ,DON NI RJES SU DPAG PAR BYA BA'O, ,MA YIN ZHES BYA BA NI BAG CHAGS 'BA' ZHIG DANG 'BREL PA ZHES BYA BA NGES PA 'GOG PA'O, , CI'I PHYIR ZHE NA, BAG CHAGS ZHES GSUNGS TE SAD PAR BYED PA'I RTAGS KYANG NGO, ,DE LTA NA YANG JI LTAR DON DANG 'BREL BA YIN SNYAM NA, DON NI BAG CHAGS SAD PAR BYED PA DE DANG 'BREL PAS RGYU YIN PA'I PHYIR ZHES 'BREL TO, ,'DI NYID CES BYA BA NI DON DANG 'BREL PA'O; ,GAL TE DON RANG GI GO BAS MA BRTAGS NA JI LTAR DER 'BREL PA MED PA YIN SNYAM NA MA MTHONG ZHES GSUNGS SO, ,YANG NA GAL TE YANG GANG ZHIG RANG GI NGO BOS MA RTOGS PA DE GZHAN GYIS BRTAGS KYANG DE YOD DO ZHES GANG LAS YIN TE, GTZO BO LA SOGS PA NI DE LTAR RTOGS KYANG YOD PA NI MA YIN NO ZHES DOGS NA, MA MTHONG ZHES GSUNGS SO, ,RANG GI RANG BZHIN MTHONG BA GZHAN LAS RTOGS PA HA CANG THAL BA SPONG BA NI GAL TE ZHES BYA BA STE, BSGRUB PAR BYA BA BRTEN PA'I CHOS CAN NAM, YANG NA CHOS CAN DE DU BA GANG LA YOD PA'I SGRUB PAR BYED PA'I CHOS DANG 'BREL PA CAN DE NGES PA NYID DE NGES PAR BYED PA YIN NA DE'I TSE GZHAN GO BAR BYED PA YIN GYI, GANG GI HA CANG THAL BAR 'GYUR BA GZHAN TZAM GYIS MA YIN NO, ,RANG GI NGO BO ZHES BYA BA NI 'CHAD PA'O, ,'BREL PA CHOS CAN DANG BSGRUB BYA DAG DANG NGO, ,GANG GI 'BREL PA ZHES KHYAD PAR DU BYED PA GANG YANG RUNG BA LAS RTOGS PA NYES PA CI YOD SNYAM NA GZHAN LA ZHES GSUNGS TE, DE'I PHYIR 'BREL PA CAN KHO NA LAS RTOGS PA YIN GYI, GZHAN TZAM RANG GI NGO BOS NI MA YIN NO ZHES GNAS SO, ,DE NYID KYI PHYIR BSHAD PA GAL TE RTEN DANG ZHES BYA BA LA CHOS CAN DANG, DE DANG ZHES BYA BA LA BSGRUB PAR BYA BA DANG NGO, ,'DI LA JI LTAR ZHES BYA BA'I RTZOD PA NYID 'CHAD PA NI 'BREL PA LAS ZHES BYA BA'O, ,'DRA BA LAS KYANG ZHES BYA BA NI MA 'BREL PA LAS SO, ,THAL BA DE NYID DO ZHES BYA BA NI GZHAN TZAM LAS RTOGS PA LA BRJOD PA GANG YIN PA'O, ,

, ,DE LTA BU NYID DU MTHONG BA'I PHYIR RO ZHES BYA BA'I LAN 'CHAD PA NI MA YIN TE ZHES BYA BA'O, ,CI'I PHYIR ZHE NA, 'CHAD PAR 'GYUR BA'I 'BAD PA RTZOL BA DANG, SOGS PA'I SGRA MA 'BREL PA'I 'DRA BA MTHONG BA LA SOGS PA STE, DE DAG GIS BSKYED PA'I DRAN PA NI GZHAN DU RJES SU DPAG PA DANG MI MTHUN PA NYID DU GYUR PA YIN PA'I PHYIR TE, SKYES PA YIN PA'I PHYIR DE NYID BRJOD PA NI, 'DI NI YUL 'DI NI YOD PA YIN NO ZHES YUL LA SOGS PAS KHYAD PAR GYUR PA'I RNAM PAR GNAS PA GANG LA YOD PA DE LA DE SKAD CES BRJOD DO, ,RJES SU DPAG PA NI 'DI LAS BZLOG PA YIN NO ZHES GSUNGS PA NI YUL DU BYED CES GSUNGS TE, KHYAD PAR CAN DRAN PA YIN NO ZHES RJES SU 'JUG GO, ,'DRI BA'I DRAN PA DE GA LAS YIN SNYAM NA, DE RTEN DANG ZHES GSUNGS SO, ,BSGRUB PAR BYA BA DE DANG DE'I RTEN DANG 'BREL PA'I RTAGS LAS SO, ,'DI NYID 'CHAD PA NI CHOS CAN DANG DBANG BSGRUB BYA DANG ZHES BYA BA'O, ,'BAD RTZOL LA SOGS PA LAS NI ZHES BYA BA NI PHYED SNGA MA 'CHAD PA STE, NUS PA'I DNGOS PO RTOGS PA NI YIN NO ZHES 'BREL TO, ,CI'I PHYIR ZHE NA, DE LTAR ZHES GSUNGS SO, ,DE ZHES BYA BA 'BAD PAR RTZOL BAS NA'O, ,DE NAS ZHES BYA BA NI BZUNG ZIN PA 'DZIN PAS NA'O, ,'ON 'DRA BA'I MTHONG BAS BSKYED PA'I DRAN PA NI TSAD MA YIN NO ZHES DOGS PA 'DRA BA BZUNG BA LAS ZHES GSUNGS SO, ,BA MEN NI LANG JI LTA BA DE LTA BU'O ZHES NYE BAR BSTAN PA'I NGAG THOS PA BROG TU BZUNG NA, BA LANG DANG 'DRA BA'I MEN MTHONG BA LAS BA MEN 'DI DANG 'DRA BA NI BA LANG DE YIN NO ZHES RTOGS PA NI NYE BAR 'JAL BA'O, ,GAL TE DE LTA NA YANG JI LTAR TSAD MA MA YIN SNYAM NA 'DRA BA NYID NI ZHES GSUNGS SO, ,YUL DANG DUS KHYAD PAR CAN ZHES BYA BA NI BA GLANG NGO, ,NAM YANG ZHES BYA BA NI NYE BAR MTSON PA YIN PA'I PHYIR NA THAMS CAD DU ZHES BYA BAR YANG 'GYUR RO, ,CI'I PHYIR TE YUL LA SOGS PA YANG MA NGES SHE NA, DU ME NI ZHES GSUNGS TE, ZAL PO DANG DKAR PO YUL LA SOGS PA RNAMS SO, ,'DI DANG 'DRA BAR LKOG TU GYUR PA RTOGS PA NI RANG GI NGO BOS KYANG NGES PA MA YIN NO ZHES BYA BA'I DON TO, ,'O NA MI 'DRA BA NI YUL LA SOGS PA NGES PA YIN NO SNYAM NA, GZHAN NO ZHES GSUNGS TE, BUM PA DANG SNAM BU LA SOGS PA DU MA'O, ,DE LTA NA YUL LA SOGS PA KHYAD PAR

SO SOR NGES PA NI, 'DRA BA'AM MI 'DRA BAR RTOGS PA MA YIN PA'I GTAN TSIGS DE'I PHYIR NA 'DRA BA RTOGS PA DE NI TSAD MA MA YIN NO, ,JI LTAR BA MEN LA LTOS NAS NI DU MA 'DRA BA DANG JI LTAR MI 'DRA BA'I SHES PA YUL LA SOGS PA'I KHYAD PAR CAN NYE BAR 'JOG PAR BYED PA MA YIN PA'I PHYIR, TSAD MA MA YIN PA DE BZHIN DU 'DRA BA'I SHES PA YANG NGO, ,MTHONG BA'I BA GLANG DE YANG 'DI DON BYA BA DE BYED PA'AM, GZHAN GYIS 'DRA BAR YIN NO ZHES BYA BA NI MNGON SUM YIN TE, DE LTA MA YIN NA 'JUG PA MED PA'I PHYIR ZHES GSUNGS PA NI MTHONG BZHIN PA'I BA MED DE DANG 'DRA BA SNGON MTHONG BA'I BA LANG NGES PAR BYA BA NI BA MEN ZHES BYA BA NI SKABS KYIS SO, ,DE'I PHYIR NA MTHONG BZHIN PA'I BA MEN DON BYA BA DE BYED PA DE LA GOMS PA'I STOBS LAS BYUNG BA 'DRA BA 'DZIN PA'I MNGON SUM TSAD MA NYID DO, ,DE LTA MA YIN PAR ZHES BYA BA NI 'DRA BA 'DZIN PAR MED NA'O, ,TSAD MA YIN NO ZHES BYA BA NI MNGON SUM MA YIN PA'O, ,'DIS NI 'DRA BA 'DZIN PA'I PHYIR NA RJES SU DPAG PA MNGON SUM DANG MTSUNGS PA YIN NO ZHES BRJOD PAR 'GYUR RO ZHES 'CHAD PA NI 'BREL PA LAS KYANG ZHES BYA BA'O, ,DE LTA BU NYID DU ZHES BYA BA NI 'DRA BA 'DZIN PA NYID LAS SO, ,GAL TE YANG DE DANG 'DRA BAR RANG GI NGO BOS MI 'DZIN KYANG DE DANG 'BREL PA NI RTOG PA KHO NA'O ZHES BRJOD PA NI 'BRAL PA LAS KYANG ZHES BYA BA STE, CHOS CAN DANG BSGRUB BYA DAG DANG NGO, ,KYANG GI SGRA NI RIM PA BZHIN DU YIN TE, RJES SU DPAG PA'I BDAG NYID KYANG ZHES BYA BA'O, ,YANG NA GNAS JI LTA BA BZHIN NGES PAR BZUNG BA'I DON TO, ,GAL TE GNOD PA MED PA'I YUL CAN LA SOGS PA YANG RTAGS KYI MTSAN NYID MA YIN NAM DES NA 'BREL PA LAS ZHES CI STE BRJOD SNYAM NA, CHOS DANG BSGRUB BYA DANG 'BREL BA KHO NA RTAGS KYI MTSAN NYID YIN GYI, GANG GI PHYIR 'BRAS SOGS NI DE'I ZHES GNOD PA MED PA'I YUL CAN LA SOGS PA NI MA YIN NO ZHES BRJOD PA NI 'DI LTAR ZHES BYA BA'O, ,GANG GI PHYIR 'BRAS SOGS RTAGS NI DE'I ZHES BYA BA CHOS CAN DBANG BSGRUB BYA DANG 'BREL PA'I MTSAN NYID RTAG PA GA LA YOD PA DE'O, ,DNGOS PO NYID KYI GO BYED DU 'DOD PA DE'I PHYIR NA, DE'I MTSAN NYID LAS GZHAN PA, GNOD PA MED PA'I YUL CAN LA SOGS PA'I MTSAN NYID NI GZHAN DU GSAL BA ZIN PA'I PHYIR YOD PA MA YIN NO, ,GAL

, ,TE DE LTA NA YANG RJES SU DPAG PA 'DRA BA 'DZIN PAR JI LTAR 'GYUR SNYAM NA, SHING GI ZHES GSUNGS SO, ,GANG ZHIG DPE LA SHING GI DON BYA BA BYED PA'AM, MES SKYED PA'I DU BA LA SOGS PA MTHONG BA DE NI 'DI YIN NO ZHES BRTAGS SO ZHES KHA BSKANG STE, DE'I KHONG NAS PHYUNG BA DU BA LA SOGS PA'I RGYU NYID DANG, SHA PA LA SOGS PA'I 'BRAS BU NYID DO, ,DE'I PHYIR DON YANG ZHES GSUNGS SO, ,SHA PA LA SOGS PAR RO, ,YOD PA'I PHYIR SKAD CIG MA YIN NO ZHES PA 'DIR YANG 'DRA BA RTOGS PA NYID DO ZHES BRJOD PA NI, MI RTAG PA'I RANG BZHIN GYI ZHES BYA BA'O, ,GZHAN GYI NI DNGOS PO GZHAN GYI'O, , GAL TE 'BRAS BU LAS NI 'DRA BA RTOGS KYI RANG BZHIN LAS NI MA YIN TE, DPE MED PA'I PHYIR ZHES BYA BA NI KHA CIG GO, ,DE SPANG BA'I PHYIR BSHAD PA NI RJES SU DPAG PA'I ZHES BYA BA'O, ,'DAS PA DANG DA LTAR BA'I BSGRUB PAR BYA BA RTOGS PA YANG RNAM PA DE LTA BU'I RTAGS LAS 'GYUR NA 'DRA BAR RTOGS PA KHO NA'O ZHES BRJOD PA NI, KHYAD PAR 'GA' ZHIG GIS ZHES BYA BA'O, ,THAL BA LA SOGS PA'I RANG BZHIN NI ZHES BYA BAR RJES SU 'JUG GO, ,JI LTAR NA GNYI GA CI RIGS PAR GO BAR BYED PA YIN SNYAM NA, 'DI LTAR ZHES GSUNGS SO, ,DU BA LA SOGS PA'I DNGOS PO GANG ZHIG KHYAB PA'I DUS SU LAN CIG JI LTAR DE RGYU NYE BAR GNAS PA CAN NAM, NYE BAR GNAS PA CAN MA YIN PAR RNAM PA GANG GIS MTHONG BA DE NI GZHAN TSE, RJES SU DPAG PA'I DUS DE LTA BUR TE, RANG BZHIN DE GNYIS KYIS DRAN PA STE, NYE BAR GNAS PA'AM NYE BAR MI GNAS PA'I RGYU CAN DU MI 'DZIN PA'I RJES SU DPAG PA'I BDAG NYID SAD PAR BYED PA'I RGYU YIN NO, , DE LTAR NA ZHES BYA BA NI DRAN PA SAD PA LAS MA 'DAS PAR CI RIGS PAR ZHES BYA BA NI GANG DU JI LTAR RIGS PA DER SKYES BU DE LTAR 'JUG PAR BYED PA YIN TE, RNAM PA DE LTA BU'I DRAN PA'I STOBS KYIS NI ZHUGS PA YIN YANG MI SLU BA MA YIN NO ZHES BRJOD PA NI GZHAN DU ZHES BYA BA'O, ,KHYAB PA'I DUS SA SNGON GYI MTHONG BA LAS G-YOS TE DRAN PA STE, DU BA LAS BZLOG PA SBRANG BU'I TSOGS PA LA YANG YOD PA'I PHYIR RO, ,DE'I TSE NI ME'I RGYUN CAN NYID DU NGES PA LAS SBRANG BU'I TSOGS PA LA SOGS PA DE LTA BU 'JUG PA YIN YANG, LHAG PAR ZHEN PAR BYAS PA'I DNGOS PO LA MI SLU BA DANG 'BREL PA NI RNYED PAR DKA' BA KHO NA'O, ,'O NA JI

LTAR DRAN PA NI MI SLU BA DANG 'BREL BAR 'GYUR ZHE NA, MNGON SUM ZHES GSUNGS SO, ,DU BA LA SOGS PA'I RTAGS DRAN PA NI MNGON SUM DE LA BRTEN PA MI SLU BA YIN NO, ,JI LTAR 'DI MI SLU BA YIN PA DE GZHAN DU SNGON MTHONG BA'I ME'I 'BRAS BU NYID GAL TE DU BA LA SOGS PA LA RJES SU DPAG PA'I BDAG NYID KYI DRAN PA SKYE BA YIN NA, DE'I TSE TSAD MA YIN GYI GZHAN DU NI MA YIN NO ZHES BYA BA'I DON TO, ,GAL TE MTHONG BA 'KHRUL BAS NA, ,ZHES BYA BA CHU'I RNAM PA CAN MTHONG BA NI SMIG RGYU'I TSOGS LA YANG YOD PAS NA CHU LA 'KHRUL PA YIN NO, ,DES NA MTHONG BA 'KHRUL PAS NA DE BZHIN YIN YANG DE MTHONG BA BZHIN DRAN PA YIN YANG CHU DRAN PA NI TSAD MA YIN NO, ,DE BZHIN DU DU BA LA SOGS PA'I RTAGS DRAN PA YANG TSAD MAR MI 'GYUR RO ZHES BYA BAR PHA ROL GYIS BSAMS PA'O, ,RANG RIG PA'I MTHAR THUG PA'I MTHONG BA NI RANG BZHIN GNYIS PAS 'KHRUL PA NI MA YIN GYI, 'ON KYANG DRAN PA RNAM PA GZHAN DU GYUR PA LAS YIN NO ZHES LAN BRJOD PA NI, MTHONG BA 'KHRUL PA DE YANG NI ZHES BYA BA'O, ,RNAM PA GZHAN DU BYUNG BA NYID BRJOD PA NI 'DI LTAR ZHES BYA BA'O, ,SMIG RGYU'I TSOGS PA MTHONG BA NI DMIGS PA MED PA YIN TE, LHAG PAR SHES PAR BYAS PA'I CHU DMIGS PA MED PA'I PHYIR RO, ,GAL TE DE LTA NA YANG TSAD MA JI LTAR MA YIN SNYAM NA, DRAN PA RNAM PA GZHAN DU YIN ZHES GSUNGS TE, MTHONG BA JI LTA BA BZHIN DU DRAN PA NI MA YIN GYI 'ON KYANG 'DI NI CHU'O ZHES BYA BAR NI, DES NA NI TSAD MA MA YIN NO ZHES BYA BA'I DON TO, ,DES NA MTHONG BA DE NI SMIG RGYU'I TSOGS KYI DMIGS PA DANG BCAS PA STE, DMIGS PA DANG BCAS PA YANG DE MTHONG BA DE BZHIN TE MTHONG BA'I RJES SU 'BRANGS NAS DRAN PA MA YIN TE, DES NA TSAD MAR MI 'GYUR RO, ,'ON TE TSAD MA MA YIN NO, ,MTHONG BA GO CI STE TSAD MA YIN NO ZHE NA, DRAN PAS ZHES GSUNGS SO, ,MTHONG BA BTANG SNYOMS SU GNAS KYANG DRAN PA NYID KYANG PHYI ROL GYI YUL CAN DU RNAM PAR GZHAG PA YIN NO, , JI LTA BA BZHIN RNAM PAR 'JOG PA'I DRAN PA NI TSAD MA YIN GYI GZHAN DU TSAD MA MA YIN NO ZHES BRJOD PA NI DRAN PA DE YANG ZHES BYA BA'O, ,YANG GAL TE MTHONG BA YOD KYANG GANG GIS DE TSAD MA YIN PAR 'GYUR BA RNAM PA GZHAN DU DRAN PAR JI LTAR 'GYUR ZHES DOGS NA, DRAN PA DER YANG ZHES GSUNGS SO, ,GANG

, ,GI PHYIR GSAL BA MA YIN PA LAS DRAN PA RNAM PA GZHAN DU MIN PA DE'I PHYIR GSAL BA'I STOBS KYIS NI DE NYID DU ZHES BYA BA 'BRAS BU NYID LA SOGS PAR DMIGS SHING GTAN LA 'BEBS PA'I 'BRAS BU DANG RANG BZHIN DAG LAS NI'O, ,GZHAN DU ZHES BYA BA NI NYE BAR MI MTHONG ZHING DMIGS PA RNAM PA MED PAR NI DRAN PA 'KHRUL PAR 'GYUR PA YIN NO, ,GANG GI PHYIR MTHONG BA RANG NYID LA BRTEN PA'I NYES PA MA YIN PA DES NA'O, ,SLU BA NI 'KHRUL PA'I ZHES BYA BA'I MING CAN NO, ,GANG GI PHYIR GTAN LA PHEBS PA'I 'BRAS BU DANG RANG BZHIN DAG LAS MTHONG BA'I DON DRAN PA DE'I PHYIR ZHES BYA BA'O, ,DE YANG MI DRAN PA'O, , DE NYID KYI PHYIR ZHES BYA BA NI RJES SU DPAG PA NYID KYI PHYIR RO ZHES BSHAD PA NI TSE ZHES BYA BA'O, ,YANG NA GAL TE JI LTAR RANG GI NGO BO RTOGS PA DE BZHIN DU RANG GI NGO BO DANG 'BREL PA LAS KYANG YIN NO, ,DES NA RANG GI 'KHRUL PAR 'GYUR BA RJES SU DPAG PAS RANG GI NGO BO MI RTOGS PAR JI LTAR 'GYUR ZHE NA, DE TSE ZHES GSUNGS SO, ,'BREL PA 'DZIN PA'I DUS SU MTHONG BA DANG 'DRA BAR RJES SU DPAG PAR BYA BA'I GO BAR BYED PA YIN LA GO BAR BYA BA YANG YIN GYI, DE'I DUS SU DES 'DI KHYAB PA YIN NO ZHES BYA BA NI MA YIN TE, DES NI GO BYED RJES SU 'GRO BA DE DANG 'DRA BAR DE'I SPYI'I NGO BO NYID DU RTOGS KYI, RANG GI NGO BO NYID KYI NI MA YIN NO ZHES BYA BA'I DON TO, ,YANG NA SPYI'I GANG ZHIG GO BAR BYED PA'I RJES SU DPAG PA 'GRO BA'I BYED PA DES RTOGS PAR BYA BA LKOG TU GYUR PA'I DON RTOGS SO, ,LUNG DANG DON GYI GO BA LA SOGS PA 'BREL PA 'DZIN PA LA MI LTOS PA DAG NI RANG GI NGO BOS LAM DE LTA MA YIN PAR YANG GO BAR BYED PA MA YIN NO ZHES GSUNGS PA NI DES NA ZHES BYA BA'O, ,YANG CI'I PHYIR KHYAD PAR DU MI RTOGS SNYAM NA, GO BAR BYA BA MI RTOGS PA NI ZHES GSUNGS SO, ,DE LAS CIR 'GYUR ZHE NA, GO BAR BYED PA DE YANG ZHES GSUNGS SO, ,DE ZHES BYA BA GO BAR BYED PA LA GNAS PA'I KHYAD PAR RO, ,GAL TE DE LTA NA YANG CI'I PHYIR KHYAD PAR MI RTOGS SNYAM NA, GO BAR BYED PA'I SPYI'I NI GO BAR BYA BA'I KHYAD PAR LAM NGES PA YIN ZHES BRJOD PA NI DU BA LA SOGS PA'I ZHES BYA BA'O, ,DE'I PHYIR ZHES BYA BA NI THAMS CAD LA MTHONG BA'I PHYIR RO, ,DE LAS NI DU BA LA SOGS PA'I SPYI LAS SO, ,KHYAD PAR NI RTZVA LAS BYUNG BA DANG LO MA LAS BYUNG BA LA SOGS PA'O, ,KHYAD PAR ZHES BYA BA

NI DOGS PA STE, RTAGS KYI'O, ,RTOGS SO ZHES BYA BA NI KHYAD PAR NYID DO, ,KHYAD PAR NYE BAR MTSON PA MA YIN NO, ,CI'I PHYIR ZHE NA, NANG TSAN GYI ZHES GSUNGS SO, ,'GA' ZHIG GIS ZHES BYA BA LA SOGS PAS RTOGS PA BO'I KHYAD PAR LA LTOS TE KHYAD PAR NYE BAR MTSON PAR DOGS PA BSU NAS SHIN TU KHYAD PAR GYUR PA NI MTSON PAR BYED MI NUS SO, ,ZHES BRJOD PA NI, MA YIN TE ZHES BYA BA'O, ,GAL TE TZANDAN GYI DU BA LAS TZANDAN GYI RTOGS PA NI KHO NA MA YIN NAM DES NA JI LTAR KHYAD PAR MTSON PAR MI NUS PA ZHE NA, KHYAD PAR NYE BAR ZHES GSUNGS SO, ,DER NI RTAGS LA'O, ,TZANDAN GYI DU BA LA RIGS MTHUN PA DANG MI MTHUN PA MA LUS PA LAS LDOG PA'I RANG BZHIN GO BAR BYED PA MA YIN TE, MTSON PAR MI NUS PA'I PHYIR RO, ,'ON KYANG NANG GI SPYI'I RANG BZHIN DANG KHYAD PAR GYI BDAG NYID KYI NYE BAR MTSON PA'I PHYI RO, ,DE NYID KYI PHYIR GANG SRID PA DE TZAM ZHIG CES GSUNGS SO, ,RNAM PA THAMS CAD RTOGS PA NI RTAGS KYI GANG YIN PA ZHES BYA BA NI SKYES BU KHYAD PAR CAN NO, ,DE NI RJES SU DPAG PA'O, ,GAL TE LKOG TU GYUR PA YANG SPYI MTHONG BA'I RJES SU DPAG PA LAS KHYAD PAR GYI RANG BZHIN DU RTOGS PA YOD PA YIN NAM ZHES DOGS PA NI KHYAD PAR MTHONG BA LAS ZHES BYA BA'O, ,MA YIN TE ZHES BYA BA NI LAN NO, ,'DI NYID CES BYA BA NI LKOG TU GYUR PA GO BAR BYED PA NYID DU RJES SU 'GRO BA SPYI'I RANG BZHIN DU RTOGS PA NYID NA'O, ,YANG NA LKOG TU GYUR PA NI GO BAR BYED PA'I RJES SU 'GRO BA SPYI'I RANG BZHIN DU RTOGS PAR 'GYUR MOD, ,DE LTA NA YANG DE RJES SU DPAG PA JI LTAR YIN ZHES DOGS NA, TSUL GSUM PA'I RTAGS LAS SKYES PA NI RJES SU DPAG PA KHO NA YIN TE, GZHAN GYI GO BAR BYED PA NYID DU NI MI 'THAD PA'I PHYIR RO ZHES BRJOD PA NI, 'BREL PA CAN GYI ZHES BYA BA'O, ,'BREL PA CAN SGRUB PAR BYED PA DANG, CHOS CAN DAG DANG NGO , ,GANG GI PHYIR LKOG TU GYUR PA'I RIGS PA MTHA' DAG NI RJES SU DPAG PA KHO NA YIN PA DES NA LKOG TU GYUR PA RNAMS KYI SGRUB PAR BYED PA NI GCIG KHO NAR NGES PA YIN TE, LUNG LA SOGS PA NI MA YIN NO ZHES BYA BA'I DON TO, ,GCIG KHO NA GO BAR BYED PA YIN NO ZHES BYA BA 'DI GA LAS SNYAM NA, MTSAN NYID GZHAN ZHES GSUNGS SO, ,GAL TE GZHAL BYA GZHAN GYI ZHES BYA BA NI SHIN TU LKOG TU GYUR PA MTHO RIS LA SOGS PA'I SGRUB PAR BYED PA'I

, ,YUL CAN GZHAL BYA GZHAN GANG LA YOD PA DE NI TSAD MA YIN TE, LUNG YIN NO, ,DE LTA MA YIN NA GSUM PA LA MI 'JUG PAR 'GYUR RO, ,DES NA MTSAN MA GNYIS SU NGES PA MI 'GRUB BO ZHES BYA BA NI RTZOD PA'I DON TO, ,LAN 'DEBS PA NI 'DEBS PA ZHES BYA BA NI, LUNG YANG GTZO BO'I DON LA MI SLU BA NYID KYIS THAMS CAD MKHYEN PA 'GRUB PA DANG MTHUN PA'I PHYIR RJES SU DPAG PA'I RGYU NYID KYIS RJES SU DPAG PA KHO NA'O, ,MTHO RIS KYI SGRUB PAR BYED PA LA SOGS PA NI LUNG TSAD MA YIN TE, YUL GNYIS RNAM PAR DAG PAS NA DON LA LHUR PHYOGS PA'I THE TSOM GYIS 'JUG PA YIN NO ZHES DGONGS PA YIN NO, ,GZHAL BYA NI TSAD MA 'GRUB PA'I RGYU MTSAN MA YIN TE, BZLOG PA YIN PA'I PHYIR RO ZHES DOGS PA BSU BA NI, GAL TE ZHES BYA BA'O, ,TSAD MA YANG RANG RIG PA'I MNGON SUM GYIS GRUB PA KHO NA SGRUB PAR BYED PAR 'GYUR BA YIN NO ZHES BSHAD PA NI TSAD MA'I RANG GI NGO BO NI ZHES BYA BA'O, ,GAL TE GZHAL BYA GNYIS LAS TSAD MA GNYIS SU LAS BRJOD PA MA YIN NAM, DE NI JI LTAR SHES PA'I RNAM PA THA DAD PA LAS YIN PAR BRJOD CE NA, RANG RIG PA NI ZHES GSUNGS SO, ,GAL TE DE LTA NA 'O NA GZHAL BYA GNYIS PHYIR ZHES BYA BA 'DI'I DON CI YIN ZHE NA, BSHAD PA NI GZHAL BYA GNYIS PHYIR ZHES BYA BA NI ZHES GSUNGS SO, ,DON DU LHAG PAR MOS PA'I YUL GYI RNAM PA GNYIS SGRUB PA'I DON DU DE SKAD BRJOD PA YIN NO, ,GAL TE GZHAL BYA GCIG KHO NA'AM, YANG NA SPYI DANG RANG GI MTSAN NYID DANG GNYI GA ZHES BYA BA GSUM MA YIN NAM, DES NA MNGON PAR 'DOD PA JI LTAR 'GRUB SNYAM NA, RANG GI RNAM PA ZHES GSUNGS SO, ,GCIG CES BYA BA NI RANG GI MTSAN NYID DAM SPYI'I MTSAN NYID GCIG KHO NA'O, ,GSUM PA LA SOGS PA ZHES BYA BA'I SGRAS NI GNYI GA MA YIN PA'O, ,DE LTAR TSAD MA GNYIS ZHES BYA BA LA SOGS PAS MTSAN NYID MI MTHUN PA'I RNAM PA GNYIS NYAMS SU MYONG BA LAS NYAMS SU MYONG BA RNAM PAR PHYE BA GNYIS YIN GYI, GCIG MA YIN LA GZHAN YANG MA YIN NO ZHES BRJOD PA YIN NO, ,DA NI GZHAL BYA GNYIS PO 'DI NI RNAM PAR BYED PA KHO NA YIN GYI, GNYI GA'I BDAG NYID GCIG YOD PA NI MA YIN NO, ,GANG GI DE'I YUL CAN RNAM PA GSUM PAR 'GYUR DE BZHIN GANG GIS GCIG KHO NA TSAD

MAR 'GYUR BA RANG GI MTSAN NYID GCIG KHO NA YANG MA YIN NO, ,DE LTAR NA GSUM MAM GCIG NYID NI GZHAL BYA GNYIS KYIS 'GOG PAR BYED DO ZHES GSUNGS SO, ,GZHAL BYA GNYIS NI MTHONG BA'I PHYIR ZHES BYA BA'O, ,SNGAR NI GZHAL BYA GZHAN MED PA'I PHYIR, GSUM PA LA SOGS PA MA YIN NO ZHES BRJOD PA MA YIN LA, DA NI GZHAN MED KYANG GNYIS PO DE GCIG TU GYUR PA'I GSUM LAS 'PHEN PA MA YIN NO ZHES BYA BA NI KHYAD PAR YIN NO, ,RNAM PAR BSHAD PA YANG KHO NA LTAR BSHAD PAR BYA'O, ,GAL TE RANG GI MTSAN NYID GCIG KHO NA SPYI DANG KHYAD PAR GYI RANG BZHIN GYIS RTOGS PA YUL BZHIN PA'I PHYIR NA, GZHAL BYA GNYIS PA MED PA MA YIN NAM ZHES DOGS PA NI 'ON TE ZHES BYA BA'O, ,SPYI MED PAR NI LOGS SHIG TU GZHAL BYA MA YIN PA'I PHYIR NA RANG GI MTSAN NYID GCIG KHO NA RNAM PA GNYIS KYIS RTOGS PAR BYED PA YIN NO ZHES LAN BRJOD PA NI KHO NA'ANG 'DOD CES BYA BA'O, , DE YANG ZHES BYA BA NI RANG GI MTSAN NYID LAS GZHAN 'O NA CI LTAR GZHAL BYA GNYIS YIN ZHE NA, DE NYID CES GSUNGS SO, ,MED PA ZHES BYA BA'I GTAN TSIGS NI GZHAL BYA MA YIN PA BSGRUB PAR BYA BA MA NGES PA YIN TE, MED PA'I GZHAL BYA YOD PA'I PHYIR RO ZHES BRJOD PA NI GZHAN YANG ZHES BYA BA'O, ,DNGOS PO YANG YIN PAR RANG BZHIN GYIS MED PAR NI GZHAN GYI LTAR NA GZHAL BYA YIN NO ZHES BRJOD PA NI, SPYI'I YUL CAN GYI RJES DPAG TSAD MA YIN MOD, MED PA NGES PA'I RANG BZHIN NI TSAD MA GNYIS PAR 'GYUR RO, ,DE NI RJES SU DPAG PA'AM GZHAN YIN NA YANG RUNG STE KHYAD PAR MED DO ZHES BRJOD PA NI DE LA TSAD MA ZHES BYA BA'O, ,GAL TE DBANG PO NI YOD PA GSAL BAR BYED PA YIN PAS DE'I KHYAD PAR MED PA YANG GSAL BAR BYED PA YIN TE, DBANG PO BYED PA DANG LDAN PAS DE RTOGS PAR MTHONG BA'I PHYIR RO ZHES DOGS PA MED PA, DBANG SKYES ZHES GSUNGS SO, ,DE LAS RNAM PAR DBYE BA MTHONG BAS DE DRAN PA DE MED PAR NGES PAS BYUNG BAS NA BDAG NYID SKYE BA NI DBANG PO LA LTOS PA MA YIN NO, ,GAL TE DRAN PA DE MED PAR NGES PAS BYUNG BAS NA BDAG NYID SKYE BA NI DBANG PO LA LTOS PA MA YIN NO, ,GAL TE DRAN PA LA SOGS PAR BSGRUBS PA'I DBANG PO MED PAR SHES PA'I RGYU MA YIN NAM ZHE NA, DON GYI STOBS LA ZHES GSUNGS SO, ,DON

, ,NYE BA DANG MI NYE BA DAG LAS SHES PA'I SNANG BA THA DAD PA DANG LDAN PA NI DES SKYES PA YIN NA, DNGOS PO NYE BA DANG MI NYE BA DAG LAS MI SNANG BA THA DAD PA MA YIN TE, KHYAD PAR MED PAR DMIGS PA'I PHYIR RO, ,'ON TE DON GYIS SKYED PAR BYED PA NYID NI DMIGS PA KHO NA YIN PA'I GZHAN NI MA YIN LA, DE NI DNGOS PO MED PA LA YANG KHYAD PAR MED DO SNYAM PA DON GYI NUS PAS ZHES BYA BA'O, ,NYE BA DANG MI NYE BA DAG LAS SNANG BA THA DAD PA LA MI LTOS PAR DE DMIGS PA TZAM GYIS DON SKYED PAR BYED PA NYID YIN NA NI, DU BAS ME RTOGS PA LA YUL DANG THAL BA LAS ME RTOGS NA DUS KYIS BAR CHOD PA DANG, SOGS PA'I SGRA RTAGS RAGS MOS PHRA MO SHES PA NA, RANG BZHIN GYIS BSKAL PA YIN YANG DBANG BSKYED PA NYID YOD PAR 'GYUR RO, ,DE'I TSE NI DBANG PO'I BYED PAS YOD PA MA YIN NO, ,DE LA DBANG PO GZHAN DU ZHUGS PA YIN NA 'DI YANG CI STE MI 'DOD, NYE BA DANG RING BA DANG LAS SNANG BA THA DAD PA MED PA NI DES MA BSKYED PA'I GTAN TSIGS 'DIR KHYAD PAR YOD PA MA YIN NO, ,YANG NA GAL TE DBANG PO LAS MED PA NGES PA NA DE JI LTAR TSAD MA GZHAN YIN ZHE NA, MED LA DBANG BSKYED BLO MIN TE, ,ZHES GSUNGS SO, ,'DI GA LAS SNYAM NA, DON GYI NI ZHES GSUNGS SO, ,GAL TE DBANG PO'I SHES PA DON GYI NUS PA LA MI LTOS NA DE'I TSE DU BA LAS ME RTOGS PA NA ZHES BYA BA LA SOGS PA SNGA MA BZHIN NO, ,DE LA NI ZHES BYA BA NI DBANG PO'I RNAM PAR SHES PA LA'O, ,GAL TE RO LA SOGS PA BZHIN DU MED PA LAS YANG DBANG PO'I BYED PA YOD PA NYID MA YIN NAM DNGOS PO'I KHYAD PAR DU 'DZIN PA'I PHYIR RO ZHES DOGS NA, DE 'DI NYAN NA ZHES GSUNGS TE, BUM PA LA SOGS PA STE YUL 'DI NA'O, ,DE'I NI BUM PA LA SOGS PA'I'O, ,MED KYANG DBANG PO'I SPYOD YUL YIN NA CI SKYON SNYAM NA, CHOS KYANG ZHES GSUNGS SO, ,RNAM PAR 'JIG PA'I PHYIR RO ZHES BYA BA NI RNAM PAR 'JIG PA NYID DU THAL BA'I PHYIR RO ZHES BYA BA'I DON TO, ,GAL TE GANG LA 'DI MED PA DE NI KHYAD PAR CAN DU MNGON SUM GYI YUL DU GYUR PA MA YIN TE, 'ON KYANG GANG ZHIG YUL LA SOGS PA NYE BAR 'GYUR BA BUM PA LA SOGS PAS DBEN PA'O, ,DES NA CHOD PA RTOGS PAR 'GYUR BA'I NYES PA MED DO ZHES BRJOD PA NI, 'ON TE ZHES BYA BA'O, ,DBEN PA ZHES BYA BA 'DI CI ZHIG CES BYA BA LA SOGS PA NI DNGOS PO

MED PA NGES PA DBANG POS BSKYED PA MA YIN PA NYID KYIS RGYAS PAR STON PA'O, ,'O NA RIG PA LAS ZHES BYA BA NI MNGON SUM LAS NI MA YIN PA'O, ,GAL TE RIG PA NYID MI SNANG BA LA LTOS NAS RIG PA MED PA YIN TE, DES NA MNGON SUM NYID LAS DNGOS PO MED PA SEL BA YIN NO ZHES RTZOD PA NI, DE LAS GZHAN ZHES BYA BA NI; GANG LA LTOS NAS DE BZHIN DU 'GYUR BA SNANG BZHIN PA NI GZHAN DU 'GYUR BA MA YIN NO ZHES LAN BRJOD PA NI DE MA RIG PA ZHES BYA BA'O, ,DE SNGAR ZHES BYA BA NI DGOS PA STE, DGAG PAR BYA BA BUM PA LA SOGS PA DE, BUM PA DANG BCAS PA'I SA PHYOGS KYI DUS SU'O, ,DE'I TSE ZHES BYA BA NI LAN TE, SA PHYOGS 'GA' ZHIG DMIGS PA'I DUS DE'I TSE DGAG PAR BYA BA DE'O, ,JI LTAR BUM PA LA SOGS PA DANG 'BREL PA NYID KYIS KHYAD PAR DANG BCAS PA'I MED PAR RTOGS TE, MI RTOGS PA NYID DE DE'I PHYIR ZHES BYA BA'O, ,DBANG PO'I BYED PA LAS 'DAS PA'I PHYIR RO, ,DES NA ZHES BYA BA NI DBANG PO SKYED PA LAS YIN PAS NA'O, ,MNGON SUM NYID LDOG PA LAS DE MED PA LAS MED PAR NGES PA MA YIN NO ZHE NA ZHES BYA BA NI, RANG LOG PA NA DNGOS PO MED PA NGES PAR BYED PA YIN NO ZHES BYA BA'I DOGS PA RJES SU BRJOD PA'O, ,LAN NI 'GAL BA'AM ZHES BYA BA NI GNOD PA'O, ,'ON KYANG DNGOS PO MED PAR 'GYUR BA'I LDOG PAS NI YOD PA BZHIN DU MED PA LA NGES PAR BYED PA MI 'THAD PA'I PHYIR RO ZHES BYA BA'I DON TO, ,'ON TE YANG MNGON SUM LDOG PA NI DNGOS PO MED PAR NGES PAR BYED PA MA YIN GYI, 'ON KYANG DE BTANG BA'I RANG BZHIN GYI LDOG PAS YIN NO SNYAM NA, LDOG PA LAS MED PA NGES PAR SMRA BAS RJES SU DPAG PA KHAS BLANGS PA NYID DO ZHES BRJOD PA NI, DE NYID CES BYA BA'O, ,JI LTAR NA 'DI 'GAL BA YIN SNYAM NA, MNGON SUM NYID CES BYA BA'O, ,JI LTAR NA RIG PA MED PAR DNGOS PO MED PAR NGES PA'I RGYU MA YIN ZHE NA, 'DI SMRA BA PO DAG CES GSUNGS SO, ,MA NGES PA'I PHYIR YANG NGES PA'I RGYU MA YIN NO ZHES BRJOD PA NI, DES NA MED PA'I RGYU RIG PA MED PA LAS ZHES BYA BA'O, ,'ON TE NYES PA 'DI GSAL BA'I DON DU GZHAN DAG BRGYA LA SNANG BA MI DMIGS PAR KHAS LEN NA DES NA SNANG BA MI DMIGS PA LAS MED PAR NGES PAR RTOG PA NI 'ON TE ZHES BYA BA'O, ,SNANG BA MI DMIGS PA KHAS LEN NA RANG GI GZHUNG MI 'GRUB PO ZHES LAN 'DEBS PA

, ,NI; 'O NA NI ZHES BYA BA'O, ,GZHAN YANG DE LTA NA NI RJES SU DPAG PA KHAS BLANGS PAR YANG 'GYUR RO ZHES BRJOD PA NI GAL TE ZHES BYA BA'O, ,DE LAS ZHES BYA BA NI YOD PA'I LAS SO, ,DE BAS NA ZHES KHONG NAS BYUNG LA, RJES SU DPAG PA'I ZHES SBYAR RO, ,GAL TE DE LTA NA RJES SU DPAG PA THAMS CAD KHAS BLANG PA JI LTA BAR 'GYUR ZHE NA, 'DIS NI ZHES GSUNGS TE, DE NYID LDOG PA DANG ZHES BYA BA LA SOGS PAS SO, ,GAL TE GZHAN GYI SEMS YOD DO ZHES GA LAS SHES ZHES DOGS NA, SGRA SOGS LA NI ZHES GSUNGS SO, ,DE'I NGO BO YANG NGES PAR GRUB CES BYA BA NI GZHAN GYI SEMS NGES PAR GRUB PA'O, ,GZHAN TE GZHAN GYIS SEMS MNGON SUM NYID LAS GRUB PA MA YIN NAM, DES NA RJES SU DPAG PA KHAS BLANGS PAS CI BYA SNYAM NA, GZHAN GYI SEMS NI ZHES GSUNGS SO, ,JI LTAR MI 'GRUB SNYAM NA, GZHAN GYI SEMS YOD PA YIN NAM ZHES BYA BA'O, ,DE'I RNAM PAR ZHES GSUNGS SO, ,DE LTAR RTOGS PA'I PHYIR RO ZHE NA ZHES BYA BA NI MNGON SUM NYID DO, ,GZHAN GYI SEMS NI DE LTAR RTOGS PA YANG MA YIN NA, DE'I PHYIR DE NI THA SNYAD PA RNAMS KYIS RJES SU DPAG PA KHO NA LAS RTOGS PA YIN NO, ,GAL TE GZHAN GYI SEMS TZAM NGES KYANG ZHE SDANG LA SOGS PA'I KHYAD PAR JI LTAR NGES SHE NA, SNANG BA LA SOGS PA NI ZHES BYA BA'O, ,DA NI PHYED PHYI MA ZHES BSHAD PA'I DON DU DOGS PA BSU BA NAS, SDANG BA LA SOGS PA NI ZHES BYA BA'O, ,GAL TE RNAM PA CI ZHIG LTAR ZHES BYA BA STE, RNAM PA GANG YANG RUNG BAS SO, ,LEN NI BRJOD PA LA SOGS PA'I ZHES BYA BA'O, ,DE DANG RJES SU MTHUN PA ZHES BYA BA NI TSAD MAS GRUB PA'I SEMS PA DANG RJES SU MTHUN PA'I'O, ,JI LTAR RUNG BA ZHES BYA BA NI DOGS PA'O, ,'JUG PA ZHES BYA BA NI BRJOD PA LA SOGS PA'I MTSAN NYID DO, ,TSAD MA MED PA NYID 'JUG PA NI MA YIN NO, ,CI'I PHYIR ZHE NA, DPYAD NAS ZHES GSUNGS SO; ,THABS GZHAN ZHES BYA BA NI DOGS PA STE, BRJOD PA LA SOGS PA LA GZHAN NO, ,LAN NI THABS ZHES BYA BA'O, ,NGES PA NI MI DMIGS PA'I RTAGS KYIS BSKYED PA'O, ,'DI JI LTAR TSAD MA YIN ZHE NA, DE YANG ZHES GSUNGS SO, ,GZHAN GYIS ZHES BYA BA NI 'JIG RTEN RGYANG 'PHEN PA'I

DGOS PA'O, ,DE SKAD CES BYA BA NI GZHAN GYI SEMS YOD PAR SGRUB PA'I RJES SU DPAG PA'O, ,MA YIN TE ZHES BYA BA LA SOGS PA'I LAS KYI DON NI 'DI YIN TE, GZHAN GYIS KHAS BLANGS PA NI GZHAN KHO NA RTOGS PAR BYA BA YIN GYI BDAG NYID NI MA YIN NA, RANG NYID GO JI LTAR GZHAN GYI SEMS RTOGS PAR BYED, GZHAN GYI SEMS MA RTOGS NA YANG JI LTAR GZHAN GYI DON DU BSTAN BCOS BYED PAR 'GYUR ZHES BYA BA'O, ,RE ZHIG RTEN GZHAN ZHES BYA BA NI RTZOD PA'O, ,RJES SU DPAG PA DOR NAS NI GZHAN GYI SEMS PA RTOGS PA LA THABS GZHAN LA MTHONG STE, THABS GZHAN MED PA DES NA DE LTAR ZHES BYA BA RJES SU DPAG PA LA SEMS PA NGES PAR BYAS NAS BDAG BSTAN BCOS BYED PA LA SOGS PA LA 'JUG PA YIN NO, ,LAN NI 'JIG RTEN PHA ROL YANG ZHES BYA BA'O, ,JI LTAR RTEN GZHAN MED PAS BRJOD PA LA SOGS PA'I RTAGS LAS DE'I SEMS RTOGS PA DE BZHIN DU RTAGS GZHAN LAS 'JIG RTEN PHA ROL YANG DPOGS SHING, 'JIG RTEN PHA ROL YANG ZHES BYA BA NI DGOS PA'O, ,DER YANG NI 'JIG RTEN PHA ROL LA'O, ,DE LTAR ZHES BYA BA NI LAN TE, 'JIG RTEN PHA ROL DOR BA DANG DA LTAR RO, ,'DI LAS ZHES BYA BA NI 'DI TSAD MA CAN MA YIN TE, 'DI LAS KHYAB PA 'DZIN PA'I TSAD MA 'GAL BA YANG YOD PA MA YIN NO ZHES BYA BA'I DON TO, ,SUN 'BYIN PA GZHAN YANG BRJOD BZHED, RNAM PAR RTOG PA MDZAD PA NI 'TSO BA DON DU GNYER BA YANG ZHES BYA BA NI, DE LAS ZHES BYA BA NI RIM BZHIN SEL BA'O, ,RNAM PAR RTOG PA GNYIS BZLOG GNAS PHYOGS GZHAN DGOS PAR BYED PA NI MA 'ONGS PA'I ZHES BYA BA'O, ,'O NA NI ZHES BYA BA NI LAN 'DEBS PA NI 'DIS ZHES BYA BA NI GZHAN GYI SEMS NGES PAS SO, ,GZHAN GYI NI MA YIN NO ZHES BYA BA NI THABS MED PAR RO, ,RJES SU 'GRO BA DANG LDOG PA DAG LAS ZHES BYA BA NI THABS KYI RJES SU 'GRO BA DANG RJES SU BYED PA'I 'TSO BA'O, ,'DIS NI 'JIG RTEN RGYANG 'PHEN PAS MA 'ONGS PA'I RGYU RJES SU DPOG PA KHAS BLANGS PAR 'GYUR RO ZHES BRJOD PA YIN NO, ,JI LTAR RUNG BA ZHES BYA BA NI TSAD MA CAN MA YIN PA'O, ,DANG PO LA BRJOD PA NI GAL TE ZHES BYA BA'O, ,GNYIS PA LA BRJOD PA NI 'ON TE GZHAN LA ZHES BYA BA'O, ,THABS MED PA KHO NA ZHES BYA BA NI TSAD MA MED PA KHO NA'O, ,DE

, ,LTAN YANG GZHAN GYI SEMS RTOGS PA GRUB PO ZHES BRJOD PA NI DE LTA YIN PA ZHES BYA BA'O, ,'ON TE 'DI YANG ZHES BYA BA NI GZHAN LA THABS MED PAR RTOGS PA'O, ,LAN DE LTA NA NI 'O NA ZHES BYA BA'O, ,YID CHES PAS MED PA NI CI GZHAN LA THABS MED PAR RTOGS PA YOD DAM 'ON TE MED CES BYA BAR RO, ,DES NA 'JIG RTEN RGYANG 'PHEN LAS PHA ROL DU GYUR PA'I GZHAN JI LTAR RTOGS PAR BYED DE THABS MED PAR NA MI RTOGS PA KHO NA'O ZHES BYA BA'I DON TO, ,BDAG RE ZHIG CES BYA BA NI DOGS PA'O, ,DE LTAR ZHES BYA BA NI THABS MED PA KHO NAR RO, ,'O NA ZHES BYA BA NI LAN NO, ,BRJOD PA NI GZHAN RTOGS PA'I DON DU YIN PAS GAL TE THABS MAD PA KHO NAR TE RTOGS NA 'O NA BRJOD PAS CI BYA, JI LTAR BDAG TSAD MA MED PAR DE RTOGS PA DE BZHIN DU GZHAN YANG YIN NO ZHES DOGS PA NI GZHAN YANG ZHES BYA BA'O, ,MA YIN TE ZHES BYA BA LA SOGS PA NI LAN NO, ,JI LTAR BDAG RTOGS PA DE BZHIN DU GZHAN YANG YIN NO ZHES BYA BA 'DI LA TSAD MA CI YANG MED DE ZHES BYA BA'I DON TO, ,GANG GI PHYIR BRJOD PA LA SOGS PA'I 'JUG PA LAS DE YOD PA NGES PAR NGES NA'O, ,GANG GI PHYIR BRJOD PA'I PHYIR TE ZHES TSUL DU RJES SU DPAG PA SPANGS NAS GNAS PAR NUS PA MA YIN PA DES NA, GZHAN NA 'JIG RTEN RGYANG 'PHEN GYIS KYANG RJES SU DPAG PA KHAS BLANG BAR BYA BA YIN NO, ,GAL TE RJES SU DPAG PA KHAS BLANGS MOD, TSAD MAR GO JI LTAR 'GYUR SNYAM NA, SLU MED PHYIR TE ZHES GSUNGS SO, ,GAL TE SMRA BA NYID LA THAMS CAD MKHYEN PA MA YIN PA DANG, 'CHI BA'I SEMS NYID LA YANG MTSAMS SBYOR BA MED PAS KHYAB PA YIN YANG NGES PAR BYED PA MA YIN NA, 'O NA GZHAN LA YANG YID BRTAN DU CI YOD DE DE'I MTSAN NYID CAN YIN PA'I PHYIR RO, ,DES MI SLU BA MA YIN TE, DE LTAR NYE BAR BSTAN PA THOB PAS MI BYED PA'I PHYIR RO ZHES DOGS PA BSU BA NI, GAL TE ZHES BYA BA'O, ,LAN 'DEBS PA NI RTAGS LOG STE RTAGS NGAN PA MTHONG BA GANG YIN PA DE NI DE 'DRA STE, RTAGS MA YIN NO SNYAM PAS RTAGS DE MA NGES TE RNAM PAR MI 'BYED PA YIN TE, SMRA BA NYID LA SOGS PA NI THAMS CAD MKHYEN PA NYID DANG 'GAL BA MA YIN PA LA SOGS PA 'GAL BA YANG MA YIN 'GAL BA PA'I 'BRAS BU YANG MA YIN, DES KHYAB PA YANG MA YIN TE, DES NA THE

TSOM ZA BA YIN NO, ,SHIN TU PHYE BA'I 'BRAS BU'AM KHYAB PAR BYA BA DE LAS NI NGES PA YIN NO, ,LA LAR ZHES BYA BA NI DE'I BU LA SOGS PAR RO, ,BZLOG PAR NI TSAD MA LA MIN PAR RO, ,JI LTAR SNANG BA YIN ZHE NA 'BREL BA MED PAS ZHES GSUNGS SO, ,'BREL PA MED PAN YID BRJOD PA NI DE'I BU NYID NI ZHES BYA BA'O, ,PHA DE NI TSOGS PA GCIG YIN LA DE NI DE DANG 'BREL PA NYID DO ZHES DOGS PA NI TSOGS PA GCIG LA ZHES BYA BA'O, ,DE'I BU NYID DANG SNGO BSANGS NYID NI TSOGS PA GCIG LA RAG LAS PA DES NA RANG BZHIN MTSUNGS PA NYID YIN TE NGO BO GCIG YIN NO, ,DE'I BDAG NYID YIN NO ZHES BYA BA'I DON TO, , LAN DU DE'I BDAG NYID MA YIN NO, ,CI'I PHYIR ZHE NA, TSOGS PA ZHES GSUNGS SO, ,JI LTAR ZHE NA LAS DANG ZHES GSUNGS SO, ,SNGO BSANGS NYID LA NI RGYU LHAG MA YOD PA'I PHYIR RO ZHES BYA BA'I DON TO, ,TSOGS PA GCIG LA RAG LAS PA NYID DU KHAS BLANGS PAS NYES PA BRJOD PA NI, TSOGS PA GCIG , LA RAG LAS PA YIN LA NI ZHES BYA BA'O, ,TSOGS PA GCIG LA RAG LAS PA'I GZUGS DANG RO DAG NI DUS GCIG KHO NAR SKYE BA YIN NO, ,DE BZHIN DU SNGO BSANGS NYID DANG DE'I BU DAG KYANG GYUR NA DE LTA NA YANG MA YIN NO, ,DANG PO NI BUR 'GYUR BAS PHYIS NI SNGO BSANGS SU 'GRO BA DAG KYANG 'GYUR BA'I PHYIR RO,, GANG GI PHYIR DE DANG 'BREL PA MA YIN PA'I DES NA RTAGS KYI ZHES BYA BA'O, ,'DI LTA BU'I TSUL CAN ZHES BYA BA NI, SMRA BA NYID LA SOGS PA DANG 'DRA BA DAG GO, ,GANG ZHIG MI 'KHRUL TE GANG YANG MA YIN NO, ,'GAL BA'I 'BRAS BU'AM KHYAB BYA NI 'GA' YANG GRUB YANG GRUB PA MED DO, ,RES 'GA' DE LA YOD PA TZAM GYIS NI DE'I 'BRAS BU'AM DE'I KHYAB BYAR MI 'GRUB STE, HA CANG THAL BA'I PHYIR RO ZHES BYA BA'I DON TO, ,DNGOS PO GANG LAS DNGOS PO 'GA' LA RGOL BA DE'I RTOGS PA GRUB PAR 'GYUR PA STE, NGES PA'I RANG BZHIN NGES PA'I MI MTHUN PA'I PHYOGS LAS LDOG PA NGES PAR GYUR PA'I DNGOS PO NI DE LTAR RTOGS PA'I YUL DE LAS SKYE BAS 'BRAS BU'AM, DE'I NGO BO KHYAB PAR BYA BA YIN PAR GDON MI ZA'O, ,DE LAS NGES PA NI DE'I 'BRAS BU 'AM KHYAB PAR BYA BA MA YIN PA MI SRID DO, ,NGES PA NYID LA DE LTAR BRJOD PA'I PHYIR RO, ,GAL TE RJES SU DPAG PA THAMS CAD DE'I BU NYID LA SOGS PA DANG, MTSUNGS PA

, ,MA YIN NO ZHES BYA BA 'DI GA LAS YIN SNYAM NA DE'I BDAG NYID DANG DE LAS ZHES SMOS SO, ,GAL TE GANG LA BSGRUB PAR BYA BA 'KHRUL PA MED PAR RTOGS PA DE NYID RTAGS MA YIN NAM, DE'I BDAG NYID DANG DE LAS BYUNG BA'I 'BREL PAS NI CI BYA SNYAM NA, GANG LAS ZHES BYA BA'O, , DE LTA MA YIN NA NI ZHES BYA BA NI DE'I BDAG NYID DE LAS BYUNG BA'I 'BREL PA MED NA'O, ,HA CANG THAL BA NI KHAS BLANGS PAR YANG MI 'THAD DO ZHES GSUNGS PA NI, THAMS CAD LAS NI ZHES GSUNGS SO, ,GANG GI PHYIR GANG YANG RUNG BA LAS RTOGS PA NI 'KHRUL PA YIN PAR DE'I PHYIR RO, ,GAL TE 'BREL PA DU MA YOD PA MA YIN NAM, DES NA DE'I BDAG NYID DANG DE LAS BYUNG BA'I 'BREL PA NYID DANG LDAN PA ZHES CI STE SA BRJOD SNYAM NA, 'BREL PA NI BKAG PA'I PHYIR RO, ,TSOGS PA GCIG LA RAG LUS PA'I 'BREL PAS YANG DE LAS BYUNG BA'I MTSAN NYID KHO NA YIN NO ZHES BRJOD PA NI TSOGS PA GCIG LAS ZHES BYA BA'O, ,DE NYID LAS ZHES BYA BA NI 'BREL PA RNAM PA GNYIS KHO NA LAS SO, ,DE YOD KYANG MI 'KHRUL BA JI LTAR ZHE NA, 'DI LTAR ZHES GSUNGS SO, ,GZHAN DU DE MED KYANG 'GYUR BA MED KYANG DES KYANG JI LTAR DE LA MI 'KHRUL PA YIN SNYAM NA, DE DAG RANG BZHIN ZHES BYA BA STE, 'BRAS BU DANG RANG BZHIN DAG GI RANG BZHIN BSGRUB PAR BYA BA MED NA MI 'BYUNG BA NYID DPE LA MTHONG BA YIN PA NYID GZHAN YANG RANG BZHIN YIN TE, DES NA JI LTAR 'KHRUL PAR 'GYUR, RE ZHIG PHYED PHYI MA 'CHAD PA NI 'BRAS BU DANG ZHES BYA BA'O, ,DE NYID CES BYA BA BSGRUB PAR BYA BA MED NA MI 'BYUNG BA NYID DO, ,DE'I BU NYID LA SOGS PA NI 'DI YOD PA MA YIN NAM, NGES PA THAMS CAD DE DANG MTSUNGS PA NYID DU JI LTAR 'GYUR ZHES BRJOD PA NI, DE'I BU ZHES BYA BA LA SOGS PA'O, ,DA NI PHYED DANG PO 'CHAD DE RGYU DANG ZHES BYA BA'O, ,GAL TE RE 'GA' RGYU DANG RANG GI NGO BO YIN YANG GZHAN GYI TSE YANG DE LTAR YIN PAR GA LAS SHE NA, DE LTAR RTOGS PA ZHES GSUNGS SO, ,CI STE YANG DON DAM PA'I TSAD MA SPYOD PA NA THA SNYAD MED PAR THAL BA CI STE BRJOD SNYAM NA 'DI NI ZHES GSUNGS SO, ,GZHAN DON DAM PA'I SKABS NI MA YIN NO, ,DE'I PHYIR THA SNYAD 'CHAD PAR THAL BAR GRUB PA NI 'THAD PA YIN LA, THA SNYAD MED PA YANG MA YIN TE, DES NA THA

SNYAD PA DAG GIS ZHES BYA BA'O, ,GAL TE RJES SU DPAG PA NI 'JUG PA'I THABS MA YIN NA, DES NA JI LTAR DE DON DU GNYER BA ZHES DOGS PA NI THABS MED PAR ZHES BYA BA'O, ,MA YIN TE ZHES BYA BA NI LAN NO, ,CI'I PHYIR ZHE NA, RAB TU GRUB PA'I PHYIR ZHES BYA BA STE THA SNYAD DU'O, ,RNAM PAR DPYAD NA ZHES BYA BA NI DOGS PA'O, ,MA YIN TE ZHES BYA BA NI RTZOD PA 'GOG PA'O, ,CI'I PHYIR ZHE NA, RNAM PAR DPYOD PA YANG ZHES BYA BA'O, ,RJES SU DPAG PA SPANGS KYANG DE GDON MI ZA BAR KHAS BLANGS PAR 'GYUR RO ZHES BYA BA'I DON TO, ,'DI NYID DPE'I SGO NAS BZHAG GANG DU MDZAD PA NI DE NI ZHES BYA BA STE TSUL LUGS DE NA'O, ,GANG ZHE NA LAM DU ZHES BYA BA'O, ,'BRAS BU DANG RANG BZHIN GYI RTAGS DANG 'BREL BA'I PHYIR GO BAR BYED PA NYID YIN NO, ,MI DMIGS PA GO CI LTAR DE, DE MED PA'I PHYIR RO ZHES DOGS PA BSU BA NI 'O NA ZHES BYA BA'O, ,'BREL PA RNAM PA GNYIS SRID PA KHO NA LAS GO BAR BYED PA YIN NO ZHES BRJOD PA NI DE'I BDAG NYID DANG ZHES BYA BA'O, ,RANG GI NGO BO NI SHING LA SOGS PAR RANG RGYUN ME LA SOGS PA LA'O, ,BLTAR RUNG ZHES BYA BA NI RANG BZHIN KHYAD PAR CAN DU GYUR PA'O, ,MTHONG BA'I RGYU GZHAN DAG YOD PAR ZHES BYA BA NI RKYEN GZHAN TSANG BA'O, ,SNANG BA MED NA NI ZHES BYA BA NI JI LTAR YOD CES 'BREL TO, ,'DIR NA RANG BZHIN MI DMIGS PA BSTAN TO, ,DE DANG LDAN PA'ANG ZHES BYA BA NI RIM PA GZHAN DU BYAS PA'O, ,RANG GI NGO BO NGES PA DANG LDAN PA STE, JI SKAD BRJOD PA'I MI DMIGS PA DANG LDAN PA ZHES BYA BA NI MI 'THAD DE, RGYU DANG KHYAB PAR BYED PA MI DMIGS PA DAG GIS NI, DMIGS PAR MI RUNG PA DANG LDAN PA DAG KHO NA MED PAR NGES PA'I PHYIR RO, ,'DIS NI RGYU DANG KHYAB PAR BYED PA DAG BSHAD PA YIN NO, ,DE LTA MA YIN NA ZHES BYA BA NI 'BREL PA NYID MA YIN NA'O, ,GAL TE DE DANG 'BREL PA'ANG YIN LA DE MED PAR YANG YOD PA LA 'GAL BA CI YOD CE NA, GAL TE DE MED NA ZHES BYA BA'O, ,DE MED PA NA YOD PA YANG YIN LA MED PA YANG YIN NO ZHES BYA BA NI 'GAL BA YIN LA 'GREL PA YANG MED PA NYID YIN NO, ,GAL TE DE LTA NA YANG RJES SU DPAG PA TSAD MA YIN NO ZHES BSGRUBS PAR JI LTAR 'GYUR TE, TSAD MAR KHAS MA BLANGS KYANG KHO BO CAG LA NYES PA MED PA'I PHYIR RO ZHES DOGS PA NI GANG GI PHYIR ZHES BYA BA'O, ,SPYI ZHES

, ,BYA BA LKOG TU GYUR PA'I BLO TSAD MA MA YIN NA YANG RANG GI KHAS BLANGS PA'I LKOG TU GYUR, KHYIM DANG KUN DGA' RA BA LA SOGS PA DE MED 'THOB 'GYUR TE, BDAG CAG GIS 'DOD PA'I 'JIG RTEN PHA ROL GYI DNGOS PO BZHIN NO, ,'ON KYANG YANG KHYIM DANG KUN DGA' RA BA LA SOGS PA MTHONG BA DAG NI YANG MTHONG BA YOD PA YIN TE, DES NA MED PA MA YIN LA, 'JIG RTEN PHA ROL NI NAM YANG MA MTHONG BAS NA MED PAR 'GYUR RO ZHES DOGS PA NI, GAL TE DBANG RNAMS KYIS ZHES BYA BA'O, ,KHYIM DANG KUN DGA' RA BA LA SOGS PA NI DBANG PO MTHONG BA LAS PHYIS MA MTHONG YANG, YANG PHYIS MTHONG BA YIN GYI 'JIG RTEN PHA ROL NI DE LTAR MA YIN NO ZHES BYA BA'I DON TO, ,LAN NI DE YIN ZHES BYA BA STE, RNAM GRANGS KYIS MTHONG BA ZHES BYA BA DE NI MA YIN TE, SHES PA SKYES PAR NUS PA'I BDAG NYID KYIS DBANG PO DANG 'BRAS BU TZAM SKYES PA'I BDAG NYID KYI NUS PA LA'O, ,CI'I PHYIR ZHE NA DBANG PO BLO NI SRID PHYIR ZHES GSUNGS SO, ,DBANG PO DANG NUS PA LA SOGS PA DAG NI DBANG PO'I BLOS 'DZIN PA MA YIN TE, DES NA 'JIG RTEN PHA ROL BZHIN DU KHYED NYID KYIS 'DOD PA'I DBANG PO LA SOGS PA MED PAR THAL LO ZHES BYA BA'I DON TO, ,DE YANG MED MOD CES BYA BA NI MI RIGS TE, RGYU MED PAR MTHONG BA KHAS LEN PA 'GAL BA'I PHYIR RO ZHES GSUNGS PA NI MED PAR RTOGS PA ZHES BYA BA'O, ,GAL TE DBANG RNAMS KYIS ZHES BYA BA RNAM PAR 'GREL PA NI 'ON TE ZHES BYA BA'O, ,RNAM PA DE LTA BU NYID CES BYA BA NI 'JIG RTEN PHA ROL DANG MTSUNGS PA DAG KHO NA'O, ,DE MIN ZHES BYA BA'I 'ANG GI SGRA YOD PAS 'PHANGS PA'I LAN NYID RE ZHIG BRJOD PA NI GANG GI TSE ZHES BYA BA'O, ,MA MTHONG BA'I MOD KHO NA LA KHYIM DANG KUN DGA' RA BA LA SOGS PA DE NYID KYI TSE MTHONG BA LAS YOD PAR GRUB MOD, DE LAS SNGAR NI YOD PAR MI GRUB STE TSAD MA MED PA'I PHYIR RO, ,DE'I TSE SROG CHAGS GZHAN GYIS MTHONG BA YIN NO ZHES DOGS PA NI SNGAR YANG ZHES BYA BA'O, , 'JIG RTEN PHA ROL NI LUS KYANG RTOGS PA MA YIN TE, DES NA MED PA KHO NA'O ZHES BYA BA'I DON TO, ,'JIG RTEN PHA ROL YANG ZHES BYA BA NI LAN NO, ,GZHAN GYI RTOGS PA MED PA BZHIN DU KHYIM DANG KUN DGA' RA BA LA SOGS PA DAG LA YANG DE'I RTOGS PA SGRUB PAR BYED PA'I TSAD MA NI 'GA' YANG YOD PA MA

YIN NO ZHES BRJOD PA NI, 'JIG RTEN PHA ROL LAS ZHES BYA BA'O, ,GZHAN BUM PA DANG SNAM BU LA SOGS PA KHYED KYIS MTHONG BA NYID KYANG NGO, ,SNAM BU'I RTOGS PA DANG RJES SU MTHUN PA'I THA SNYAD MTHONG BA LAS GZHAN RTOGS PAR 'GRUB PO ZHES DOGS BA BSU BA NI DE LTAR ZHES BYA BA'O, ,LAN NI RJES SU DPAG PA ZHES BYA BA'O, ,'ANG GI SGRAS 'PHANGS PA'I SUN 'BYIN PA BRJOD NAS DE MIN ZHES BYA BA RNAM PAR 'GREL PA NI DBANG PO'I 'AM ZHES BYA BA'O, ,RUNG BA NYID LA ZHES BYA BA NI RGYU RNAMS KYI NUS PA LA'O, ,'O NA KHYED KYIS DE CI LTAR RTOGS SHE NA, 'BRAS BU RANG ZHES GSUNGS SO, ,DE DAG CES BYA BA NI DBANG PO DANG RUNG BA DAG GO, ,DES NA DBANG PO LA SOGS PA LA YANG MED PAR 'GYUR RO ZHES DOGS PA'O, ,DE LTA YIN MOD CI SKYON SNYAM NA, DE MED NA NI ZHES GSUNGS SO, ,DBANG PO DANG RUNG BA DBANG MAD NA'O, ,DE NYID KYI PHYIR RTZA BAR YANG, ,BLO DANG SKYE BA RGYU MED 'GYUR, ,ZHES ZLAS DBYE BA YIN NO; ,RGYU MTSAN MED PA NYID KYANG MA YIN TE DE'I PHYIR RO, ,'BRAS BU MTHONG BA DANG ZHES BYA BA NI RJES SU 'GRO BA'O, ,DE LA ZHES BYA BA NI DBANG PO LA SOGS PA'O, ,DES NA ZHES BYA BA NI RJES SU DPAG PAR BYA BA YANG YOD PAS NA'O, ,DE LTA BU NYID DO ZHES BYA BA NI DBANG PO LA SOGS PA BZHIN DU SHIN TU LKOG TU GYUR PA RJES SU DPAG PAR BYA BA NI YOD PA KHO NA'O, ,GANG GI PHYIR LKOG TU GYUR PA MNGON SUM 'JUG PA MA YIN PA DES NA'O, ,SPYI ZHES BYA BA NI LKOG TU GYUR PA'O, ,MNGON SUM GYIS SPYI MI RTOGS SO ZHES BYA BA 'DI GA LAS SHE NA, 'DI LTAR RNAM RTOG MED NYID KYIS NA ZHES BYA BA'O, ,GTAN TSIGS KYI GTAM PA'O, ,'O NA JI LTAR SPYI 'DZIN ZHE NA, RNAM RTOG MED PAR ZHES GSUNGS TE, SPYI NI RNAM PAR RTOG PA KHO NAS 'DZIN PA YIN NO ZHES BYA BA'I DON TO, ,SPYIR 'DZIN PA YANG RJES SU DPAG PA KHO NA YIN NO ZHES BRJOD PA NI, DE PHYIR ZHES BYA BA MNGON SUM MI 'JUG PA'I PHYIR RO, ,DBANG PO LA SOGS PA DE LA RJES SU DPAG PA NYID TSAD MA YIN GYI MNGON SUM NI MA YIN NO, ,DE LTAR GZHAL BYA RANG GI MTSAN NYID GCIG KHO NA'O, ,RANG DANG SPYI'I MTSAN NYID BZHIN GYI RTOGS PA'I YUL YIN TE, DES NA MTSAN MA GCIG KHO NA YIN NO ZHES BYA BA GSAL BA YIN NO, ,RTOG PA'I DBYE BA NYID TSAD MA'I DBYE BA YIN PA'I PHYIR RO, ,DA NI RANG DANG SPYI'I MTSAN

, ,NYID CAN GCIG TU GYUR PA'I GZHAL BYA GSUM PA YOD PA'I PHYIR DE'I YUL CAN TSAD MA GSUM PAR 'GYUR RO ZHES BYA BA'I RTZOD PA 'GOD PA NI 'O NA KHA DOG LA SOGS PA ZHES BYA BA'O, ,GAL TE SPYI DANG KHYAD PAR RANG BZHIN GYIS GZHAL BYA RNAMS PA GNYIS KHO NA YIN NO ZHES BYA BAR NGES PA YIN NA; 'O NA RANG GI MTSAN NYID 'DI MI RTAG PA LA SOGS PA'I RNAM PA SPYI'I BDAG NYID CAN DAG GIS 'DZIN PA GANG YIN PA DE CI LTAR DE RTOGS PAR MI 'GYUR TE, RTOGS PA YANG YIN TE DES NA DE'I BLO NI TSAD MA GZHAN YIN NO, ,JI LTAR ZHE NA 'DI NI ZHES BYA BA'O, ,DES TSAD MA GZHAN YIN TE MNGON SUM DANG RJES SU DPAG PA DAG LAS GCIG GIS KYANG RANG BZHIN GNYIS KA MI 'DZIN PA'I PHYIR RO, ,MNGON SUM DANG RJES SU DPAG PA DAG LAS GCIG GIS KYANG RANG BZHIN GNYIS KA MI 'DZIN TO ZHES BYA BA 'DI GA LAS SHE NA, KHYOD NI ZHES BYA BA'O, ,RTZOD PA 'DI NYID RNAM 'GREL DU GSAL BAR BYED PA NI GZHAL BYA DES NA ZHES BYA BA NI RANG GI MTSAN NYID NI MNGON SUM KHO NA'I YUL YIN LA, SPYI NI RJES SU DPAG PA KHO NA'I YIN NA'O, ,RANG GI MTSAN NYID KYI KHA DOG SPYI MI RTAG PA NYID RTOGS PAR MI 'GYUR RO, ,RTOGS PA YANG YIN TE, DES NA GNYIS KA'I BDAG NYID DE'I BLO NI TSAD MA GZHAN NYID DU 'GYUR RO, ,MNGON SUM NI MA YIN TE, SPYI'I CHA SNANG BA'I PHYIR RO, ,RJES SU DPAG PA YANG MA YIN TE, KHYAD PAR GYI CHA SNANG BA'I PHYIR RO, ,RTAGS MED PA'I PHYIR YANG RJES SU DPAG PA MA YIN NO ZHES BRJOD PA NI RTAGS MED PAR NI ZHES BYA BA'O, ,GZHAL BYA ZHES BYA BA NI 'CHAD PA'O, ,DE LTA NA YANG TSAD MA GZHAN JI LTAR YIN ZHE NA, KHA DOG LA SOGS PA ZHES BYA BA'O, ,GZHAL DU ZHES BYA BA NI MNGON SUM DANG RJES SU DPAG PA LAS THA DAD PAR RO, ,JI LTAR MTSAN MA GZHAN YIN ZHE NA, RTAGS MED PAR YANG ZHES BYA BA'O, ,RJES SU DPAG PA MA YIN MOD, MNGON SUM CI STE MA YIN ZHE NA, SPYI 'DZIN PA'I PHYIR ZHES GSUNGS SO, ,SPYI 'DZIN PA'I PHYIR MNGON SUM MA YIN NO, ,RJES SU DPAG PAR GO CI STE MI 'GYUR ZHE NA, RANG GI MTSAN NYID LA NI ZHES GSUNGS TE, 'DZIN PA YANG MA YIN NO ZHES 'BREL TO, ,RANG GI MTSAN NYID 'DZIN PAR RJES SU DPAG PAR JI LTAR MI 'GYUR ZHE NA, RTAGS MED PAR ZHES SMRAS SO, ,'O NA JI LTAR MNGON SUM MA YIN ZHES DOGS NA,

SNGAR BSHAD ZIN PA'I RGYU MTSAN NYID DRAN PAR BYED PA NI CI YANG ZHES BYA BA'O, ,KHYAD PAR MTHONG BA NI RTAGS YOD KYANG RJES SU DPAG PA MA YIN TE, SPYI'I YUL CAN MA YIN PA'I PHYIR RO ZHES BRJOD PA NI, KHYAD PAR ZHES BYA BA'O, ,CI'I PHYIR SPYI'I YUL CAN YIN ZHE NA, DE DANG RTAGS 'BREL BAR MA BZUNG BA'I PHYIR RO ZHES BRJOD PA NI, SPYI DANG RTAGS ZHES BYA BA'O, ,KHYAD PAR MTHONG BA DE NI TSAD MA GZHAN YIN NO, ,MNGON SUM MA YIN TE DBANG PO LAS MA SKYES PA'I PHYIR RO, ,RJES SU DPAG PA YANG MA YIN TE, SPYI'I YUL CAN MA YIN PA'I PHYIR RO, ,DES NA TSAD MA GZHAN KHO NA'O, ,GZHAL BYA DES NA ZHES BYA BA DE'I SHUGS KYIS GRUB PA BRJOD PA NI GZHAL BYA MANG PHYIR ZHES BYA BA'O, ,KHYAD PAR MTHONG LA ZHES BYA BA 'DI LAS SHUGS KYIS GRUB PA BRJOD PA NI GCIG LA YANG ZHES BYA BA KHYAD PAR LA TSAD MA DU MA NYID NI 'JUG PA'I PHYIR TE, MANG PO NYID DO ZHES BYA BA NI SKABS SU BAB PA'O, ,DPER NA KHYAD PAR MTHONG BZHIN MIN DANG 'BREL PAS YANG NA MANG PO NYID 'GOG PA'I RNAM PAR RTOG PA STE, GCIG NYID KYIS YONGS SU BCAD PA'I PHYIR RO, ,DPER NA BYED PA NI DPER NA KHYAD PAR MTHONG BA GZHAL BYA LA DU MA 'JUG PA'I PHYIR GCIG KHO NAS YONGS SU BCAD PAS NA TSAD MA MA YIN NA BZHIN NO, ,DE LTA YIN DANG GSUM GCIG GRANGS NI GSAL BA'AM ZHES GSUM DANG GCIG GI GRANGS GSAL BAR BRJOD PA DER MI 'GYUR RO ZHES BRJOD PA NI GCIG GSUM ZHES BYA BA'O, ,SEL MI 'GYUR ZHES BYA BA NI MI 'GYUR BA KHO NA'O ZHES BYA BA'I DON TO, ,DPER NA KHYAD PAR MTHONG BA'I TSAD MA BZHIN NO ZHES GSUM PA'I MTHA' CAN BSHAD PA LA NI GCIG LA YANG ZHES PA'I YANG GI SGRA NI 'JUG PHYIR YANG ZHES RGYU MTSAN GYI RNAM PAR RTOG PA'O, ,JI LTAR GCIG GI GRANGS GSAL BAR MI 'GYUR SNYAM NA YUL NGES PA NI ZHES SMRAS SO, ,JI LTAR GSUM GYI GRANGS GSAL BAR MI 'GYUR SNYAM NA, GZHAL BYA GZHAN NI ZHES BYA BA'O, ,GRANGS KYIS GSUM GYI GRANGS GSAL BAR MI 'GYUR BA GZHAL BYA GZHAN YOD TZAM LAS GZHAN DU JI LTAR 'GYUR ZHE NA, KHA DOG LA SOGS PA ZHES BYA BA SMRAS SO, ,KHYAD PAR MTHONG BA YANG TSAD MA GZHAN DU THAL LO ZHES BSHAD PA NI KHYAD PAR MTHONG BA LA YANG ZHES BYA BA'O, ,DES NA ZHES BYA BA NI KHYAD PAR GYI YUL CAN NYID NGES NA'O, ,GAL

, ,TE KHYAD PAR GYI YUL CAN YIN PA'I PHYIR MNGON SUM KHO NAR 'GYUR BA MA YIN NAM TSAD MA GZHAN DU JI LTAR 'GYUR ZHE NA DNGOS SU ZHES SMRAS SO, ,'O NA RJES SU DPAG PAR 'GYUR RO SNYAM NA SPYI'I ZHES SMRAS SO, ,JI LTAR GCIG GI GRANGS NGES PA MED SNYAM NA DPER NA ZHES SMRAS SO, ,DER ZHES BYA BA NI GCIG GI GRANGS GSAL BAR RO, ,CI'I PHYIR ZHE NA MNGON SUM NYID CES SMRAS SO, ,'O NA JI LTAR GSUM DANG GCIG GI GRANGS SEL SNYAM NA, YUL NGES PAR YIN LA ZHES BYA BA'O, ,'O NA GNYI GA LTAR YANG MNGON PAR 'DOD PA GRUB PO ZHE NA, BSHAD PA'I TSUL GYIS ZHES SMRAS SO, ,GNYI GA LA YANG ZHES BYA BA NI YUL NGES PA DANG GZHAL BYA GZHAN PA'O, ,'JUG PHYIR YANG ZHES BYA BA'I RNAM PAR RTOG PA 'BREL PA NI, TSAD MA NGES PAR 'JUG PA'I ZHES BYA BA'O, ,MANG PO NYID DGAG PA'I RNAM PAR RTOG PA NI BSAL BA'I PHYIR DE BSHAD DO, ,GAL TE ZHES BYA BA NI ZLOG PAR DOGS PA'O, ,THA DAD PAR SNANG BA LA YANG GCIG NYID DU DOGS PA DES NA ZLOS PA MA YIN NA BAR BRJOD PAR NI BDEN MOD KYI ZHES GSUNGS SO, ,'DI YANG ZHES BYA BA NI KHA DOG MI RTAG CES DRIS PA'I RANG BZHIN GYI GZHAL BYA'O, ,'GAL BA MI 'KHRUL BA CAN ZHES BYA BA NI NUS ZHES BYA BA 'DIS BSGRUB PA'I GZHAL BYA GZHAN GSAL BA GANG YIN PA DE DANG 'GAL BA GZHAL BYA GZHAN YOD PA DE LA MI 'KHRUL PA GNYI GA'I BDAG NYID MTHONG BAR RIGS PA CAN LA SOGS PAS PHA ROL POS NYE BAR BYAS PA DES NA 'DI NI RIGS PA NYID LAS ZLOS PA MA YIN NO, ,GAL TE DE'I PHYIR LKOG GYUR DON RNAMS KUN, ,ZHES TSAD MA MA NGES PA YANG BSAL BA MA YIN NAM DES NA 'DI YANG BKOD PAS CI ZHE NA, DE'I PHYIR ZHES GSUNGS SO, ,DES NA ZHES BYA BA NI SKABS NYE BAR BSDU BA STE, GANG GI PHYIR GZHAL BYA GZHAN SRID PA DANG, GCIG LA YANG DU MA 'JUG PA NGES PA'O, ,'DI LA ZHES BYA BA NI GZHAL BYA NGES NA ZHES BYA BA NAS BRTZAMS NAS, GZHAL BYA GZHAN NI YOD PHYIR RO, ,ZHES BYA BA'I BAR LA'O, , KHA DOG KYANG MI RTAG NYID BZHIN DU SPYI'I NGO BOS RNAM PAR RTOG PA'I YUL YIN NO ZHES BSHAD PA NI SKYON 'DIR ZHES BYA BA'O, ,MI RTAG PA NYID BZHIN DU KHA DOG KYANG SPYI NYID YIN TE, RNAM PAR RTOG PA'I YUL YIN PA'I PHYIR RO ZHES BYA BA'I DON TO, ,SBYOR BA'I RNAM PA BRJOD PA NI MI RTAG PA'O ZHES BYA BA'O, ,DES NA ZHES NI SBYOR BAS

NA'O; ,GAL TE KHA DOG LA SOGS PA'I SPYI LA MI RTAG PA NYID LA SOGS PA SBYOR NA DNGOS PO'I CHOS NYID DU MI 'GYUR LA KHYAD PAR LA LHAG PAR ZHEN PA DANG 'JUG PAR YANG JI LTAR 'GYUR ZHES DOGS PA NI, GAL TE ZHES BYA BA'O, ,SPYI YANG ZHES BYA BA NI KHA DOG LA SOGS PA'I'O, ,DE'I ZHES BYA BA NI MI RTAG PA NYID LA SOGS PA'I RANG BZHIN TE NGO BO NYID YIN NO, ,GAL TE DE LTA NA YANG JI LTAR DNGOS PO'I CHOS MA YIN SNYAM NA SPYI NI ZHES SMRAS SO, ,DNGOS PO NYID DE LTAR LHAG PAR ZHEN PAR BYA BAS SPYI YIN PAS DES NA DNGOS PO'I CHOS MA YIN PA MA YIN LA DE LA LHAG PAR ZHEN PA DANG 'JUG PA DANG MI 'GAL LO ZHES LAN 'DEBS PA NI, DNGOS MED NGO BO NYID YIN TE, MI RTAG PA'I SGRA LAS KHA DOG GI SPYI NI DNGOS PO LAS GZHAN MA YIN NO, ,CI'I PHYIR ZHE NA, DNGOS PO DE NYID DE LTAR DE BYAS PA YIN PAR GRUB PA STE, NGES PAR GRUB PHYIR RO, ,GAL TE RANG GI MTSAN NYID GZHAN MI SNANG BA'I PHYIR MA 'BREL BA'I RNAM PAR RTOG PA GZHAN GYIS JI LTAR 'THOB SNYAM DU DOGS PA NI RANG GI MTSAN NYID GZHAN LA MI SNANG BA'I PHYIR MA 'BREL PA'I RNAM PAR RTOG PA GZHAN GYIS 'GRUB PA MA YIN TE, 'THOB PA MA YIN ZHE NA MA YIN ZHES BYA BA'O, ,RANG GI MTSAN NYID RNAM PAR RTOG PA LAS 'GRUB PA YANG YIN NO ZHES BYA BAR NI MI 'THAD DO, ,RANG GI MTSAN NYID DE NYID BRGYUD NAS 'BREL PA'I RNAM PAR RTOG PAS 'GRUB PA'I PHYIR DE 'THOB PA'I PHYIR RO, ,GAL TE SPYI ZHES BYA BA NAS ZHE NA'I BAR GYIS KHA DOG DANG MI RTAG PA GNYI GA SPYI'I RANG BZHIN YIN PA'I PHYIR DNGOS PO MA YIN PAR DOGS PA BSU BA'O, ,DA LTA KHA DOG NYID NI DNGOS PO'I CHOS DNGOS PO'I RANG BZHIN MA YIN NA, MI RTAG PA LA SOGS PA DE YANG DNGOS PO NYID MA YIN PAR 'GYUR RO ZHE NA, LAN DU DNGOS PO MA YIN PA MA YIN NO, ,CI'I PHYIR ZHE NA, DNGOS PO NYID CES BYA BA'O, ,DE LTAR ZHES BYA BA NI RNAM PAR RTOG PA LA GNAS PA'I RANG BZHIN DU'O, ,GAL TE DNGOS PO'I RANG BZHIN MI SNANG BA'I PHYIR NA DNGOS PO DE LTAR JI LTAR 'GRUB SNYAM NA RNAM PAR RTOG PA LA ZHES BYA BA'O, ,DE LA YANG YOD PA YIN NO ZHES BYA BA GA LAS SHE NA, LAN DU DNGOS PO MA YIN PA MA YIN NO, ,CI'I PHYIR RANG GI MTSAN NYID NYAMS SU MYONG BA NYID LAS ZHES GSUNGS SO, ,'DI NI THA SNYAD BYED PA'I SKYE BO LA LTOS NAS BSHAD PA MA YIN NO, ,GZHAN LA GZHAN 'GRUB YIN ZHE NA ZHES BYA BA RNAM PAR 'GREL PA NI GAL TE RNAM PAR RTOG PA ZHES

, ,BYA BA'O, ,LAN NI SGRUB PAR BYED PA NYID MA YIN PA MA YIN NO, ,CI'I PHYIR ZHE NA BRGYUD NAS ZHES GSUNGS SO, ,RANG GI MTSAN NYID MI SNANG YANG BRGYUD NAS 'BREL BA'I PHYIR RO, ,'DI NYID BRJOD PA NI DNGOS SU ZHES BYA BA'O, ,MI SLU BA DANG LDAN PA NYID NI SGRUB PAR BYED PA NYID DO, ,RJES SU DPAG PA DNGOS PO DANG 'BREL BA 'GOG PAR DOGS PA BSU BA NI GAL TE ZHES BYA BA'O, ,LAN NI DE'I BAG CHAGS DE'I DNGOS PO DANG ZHES BYA BA STE, RJES SU DPAG PA DE'I BAG CHAGS RTAGS KYIS SHES PA NI KHYAB PAR BYED PA'I DNGOS PO DANG 'BREL BA'I PHYIR RO, ,DE'I BAG CHAGS DANG 'BREL PA YIN YANG DNGOS PO DANG 'BREL PAR JI LTAR 'GYUR ZHE NA, ZHES DRIS PA LA BRJOD PA NI ME DANG SHING LA SOGS PA'O, ,DNGOS GANG JI LTA BUR GYUR PA ZHES BYA BA NI ME MA YIN PA'I BDAG NYID LA LDOG PA DE NI RGYU YIN NO, ,GANG GI ZHE NA, DE 'DRA BA'I RTAGS SEMS KYI'O, ,DE 'DRA BA'ANG YIN TE DU MA MA YIN PA DANG SHA PA MA YIN PA LAS LDOG PA'I RANG BZHIN YIN GYI, YOD PA DANG LO MA LA SOGS PA LAS BYUNG BA NI MA YIN PAS SO, ,RTAGS KYANG YIN TE 'BRAS BU'AM KHYAB PAR BYA BA YIN PAS SO, ,DE DAG GI SEMS KYI'O, ,DE LAS CI 'KHRUL SNYAM NA, GANG GI PHYIR DE LTA MA YIN PA DE'I PHYIR JI LTA BA BZHIN DU GYUR PA DE LTA BU'I DNGOS PO LA STE, YUL RGYU MTSAN LA DES BSKYED DE RTAGS KYIS BSKYED PA RTAGS CAN GYI BLOR 'GYUR BA YIN TE, RTAGS KYI SGO NAS DE DES BSKYED PA'I PHYIR NA 'BREL BAR 'GYUR BA YIN NO, ,DBANG PHYUG LA SOGS PA'I BLO NI MA YIN TE BZLOG PA'I PHYIR RO, ,GAL TE DNGOS PO DANG 'BREL KYANG DE SNANG BAS STONG PA'I PHYIR NA JI LTAR RJES SU DPAG PA MI SLU BA YIN SNYAM NA DES NA ZHES SMOS SO, ,DES NA 'BREL PA YIN NO ZHES 'BREL TO, ,RTAGS DANG RTAGS CAN BLO ZHES BYA BA NI 'CHAD PAR GYUR PA'I TSUL GYIS RJES SU DPAG PA'I BDAG NYID CAN DAG GO, ,GAL TE SNANG BAS STONG NA JI LTAR MI SLU BA YIN ZHE NA, SNANG BA NYID LAS ZHES BYA BA'O, ,MNGON SUM NYID LAS SO, ,LHAG PAR ZHEN PA LAS KYANG ZHES BYA BA NI RJES SU DPAG PA LAS KYANG NGO, ,JI LTAR ZHE NA 'JUG PAS ZHES BYA BA'O, ,'ON TE SNANG BA MED NA 'JUG PA NYID DU MI 'GYUR ZHE NA, 'JUG PA NI ZHES BYA BA'O, ,DE LTA MA YIN NA ZHES BYA BA NI GAL TE RJES SU DPAG PAS DANG PO MI 'JUG NA, PHYIS MNGON

SUM GYIS 'JUG PAR MI 'GYUR RO, ,'O NA JI LTAR MNGON SUM 'JUG SNYAM NA DANG PO ZHES GSUNGS SO, ,LHAG PAR ZHES PAS NI RJES SU DPAG PAS SO, ,DE LAS ZHES BYA BA NI LHAG PAR ZHEN PA LAS SO, ,GAL TE GANG GIS 'THOB PAR 'GYUR PA SNANG BA MA YIN PA JI LTAR YOD PA NYID YIN ZHES DOGS NA, JI LTAR ZHES BYA BA'O, ,GNYI GA LA YANG MI SNANG BA DANG GZHAN DAG LA'O, ,SNANG BA THOB PA NI GANG NA YANG MED PA'I PHYIR 'DI NI KHAS BLANGS PA KHO NAS BRJOD PA YIN NO ZHES BRJOD PA NI SNANG BA NI ZHES BYA BA'O, ,GAL TE MI SNANG NA NI YOD KYANG DE JI LTAR RTOGS SHE NA, JI LTAR ZHES BYA BA'O, ,'BREL PA SNANG BA LAS KYANG YOD PAR SHES SO ZHES 'BREL TO, ,'ON TE MI SNANG BA'I PHYIR THOB PA'I YUL MED PA NYID DE ZHE NA GAL TE ZHES BYA BA'O, ,'ON TE MI SNANG BA'I PHYIR THOB PA'I YUL MED PA NYID DO ZHE NA, DE'I PHYIR ZHES BYA BA STE, GANG GI PHYIR THOB PAR BYA BA'I YUL MED NA 'KHRUL PA DANG, CIG SHOS KYI RNAM PAR DBYE BA MED PA DE'I PHYIR THOB PAR BYA BA LKOG TU GYUR PA RTOG NA 'KHRUL PA GCIG SHOS KYI RNAM PAR DBYE BAR 'GYUR BA YIN NO, GZHAN DU NI MA YIN NO ZHES BYA BA NI LKOG TU GYUR PA MA RTOGS PAR NI MA YIN TE, RANG GI NGO BOS NI THAMS CAD KYANG MA 'KHRUL BA'I PHYIR RO ZHES BYA BAR NGES PA YIN NO, ,'BREL BAR 'GYUR BA'I 'BREL BA'I YUL NGES PAR BYED PA NYID RJES SU DPAG PA'I MI SLU BA SLU BA MED PA'I RANG BZHIN GYI TSAD MA YIN NO ZHES BRJOD NAS, 'CHAD PA PO'I LOG PAR RTOG PA BSAL BA'I DON DU TSIGS SU BCAD PA YANG 'DON PA NI DE LTAR RTAGS DANG ZHES BYA BA'O, ,RTAGS CAN GYI SHES PA BZHIN DU DE NGES PAR BYED PA'I RTAGS KYI SHES PA YANG RTAGS DE DANG 'BREL PA'I PHYIR DE LA MI 'KHRUL BA NYID YIN NO ZHES BYA BA'I DON TO, ,GAL TE DON DANG 'BREL PA DANG LHAG PAR ZHEN PA DANG THOB PAR BYED PA LA SOGS PA YIN YANG JI LTAR 'KHRUL PA YIN TE 'GAL BA'I PHYIR RO ZHES DOGS NA, SGRUB PAR BYED PA NYID LHAG PAR ZHEN PAR BYED PAR RTAGS DANG RTAGS CAN GYI SHES PA DE NI RTAGS CAN DE'I NGO BO YIN PA'I PHYIR, 'KHRUL PA RNAM GZHAN BYAS PA YIN, ,DE'I NGO BO ZHES BYA BA NI DE MNGON DU BYED PAS STONG PA DAG STE, 'DI NI GTAN TSIGS SO, ,RANG GI NGO BO DNGOS SU BYED PA NYID NI MA 'KHRUL PA YIN NO, ,BSHAD PA MDZAD PA NI RANG BZHIN GYI RJES SU DPAG PA NI RTAGS KYI SHES PA YIN TE, RTAGS CAN

, ,YANG RTAGS NYID THA MI DAD PA'I PHYIR RO, ,'BRAS BU'I RJES SU DPAG PA NI RTAGS CAN GYI SHES PA YIN NO ZHES 'CHAD DO, ,'DI LA KHA CIG NA RE ZHES BYA BA NI SLOB DPON CHOS MCHOG LA SOGS PA YIN TE, DU BA LA SOGS PA ZHES BYA BA NAS BRTZAMS NAS GTZO BO NYID DU YIN NO ZHES BYA BA'I BAR RO, , RTAGS CAN GYI SHES PA BZHIN RTAGS KYI SHES PA YANG RTAGS CAN GYI YUL CAN YIN TE, RTAGS MED NA MI 'BYUNG BAR NGES PA'I RANG BZHIN NYID RTAGS KYI BYED PA YIN PAS NA RTAGS CAN YANG 'DUS PA'I PHYIR RO ZHES BYA BA NI, SLOB DPON CHOS MCHOG LA SOGS PA'I LUS RNAM PAR GZHAG PA'O, , 'DI GSAL BA'I RTZOD PA BRJOD PA NI, DES NA JI SKAD DU ZHES BYA BA STE, BDE BYED KYIS SO DE BSAL BA YIN TE ZHES BYA BA RGYANG RING POR 'BREL TO, ,JI SKAD SMRAS SHE NA, 'DIR ZHES BYA BA'O, ,RTAGS SMOS PA NI SKABS SU BAB PA MA YIN TE, RTAGS CAN GYI BLO NYID KYI SKABS YIN PA'I PHYIR RO, ,DES NA RTAGS KYI BLO DPYAD PAS CI ZHIG BYA, CI STE DE YANG ZHES BYA BA NI RTAGS KYI BLO'O, ,DE LTA NA NI ZHES BYA BA NI RTAGS KYI BLO RJES SU DPAG PA'I BDAG NYID DU GYUR PA NA'O, ,RTAGS DANG RTAGS CAN BLO ZHES THA DAD PAR SMOS PA DON MED DO, ,SNGON GYI BLO NYID BDAG NYID YIN NA YANG DER SNANG BAS STONG PA ZHES MI 'THAD DO ZHES BRJOD PA NI, GAL TE RTAGS RTOGS PA ZHES BYA BA'O, ,BSGRUB PAR BYA BA'I RNAM PAR STONG PAS 'KHRUL PA YIN NA YANG HA CANG THAL BAR 'GYUR RO ZHES BRJOD PA NI, RTAGS CAN SNANG BAS ZHES BYA BA'O, ,DE NI ZHES BYA BA NI BSGRUB PAR BYA BA STE YUL MA YIN PA'I PHYIR RO, ,'DI GA LAS SHE NA BUM PA'I ZHES SMOS SO, ,JI LTAR 'DIS BSGRUB SNYAM NA RTAGS DANG ZHES SO, ,YUL CIG PA NI RTAG CAN DU'O, ,RTAG CAN GYIS KHYAD PAR DU BYAS PA'I RTAGS NI MNGON SUM NYID KYANG MA YIN NO ZHES SMOS PA NI, MNGON SUM MA YIN PA'I PHYIR RO ZHES BYA BA'O, ,DE LTAR GZHAN DAG 'DOD LA, GAL TE RTAGS NI ZHES BYA BA LA SOGS PA'I RJES SU BRJOD NAS SEL BAR BYED PA NI PHYOGS KYI CHOS NYID 'DZIN PA'I DUS NA THUN MONG GI RANG BZHIN CAN MTSUNGS PA NI CHOS DAG GI 'BREL PA NI RJES SU DPAG PA LAS YIN TE, DE'I YUL MA YIN PA'I PHYIR NA MNGON SUM GYIS NI MA YIN NA, DE'I TSE THUG PA MED PAR 'GYUR RO ZHES

BRJOD PA NI, DE LTA YIN NA THUG MED 'GYUR, ,ZHES BYA BA'O, ,JI LTA ZHE NA, DE LA'ANG ZHES GSUNGS TE, RJES SU DPAG PA LA'O, ,'ON TE RTAGS NI ZHES BYA BA LA SOGS PAS NI CI STE GOMS PA LAS DE MED NA MI 'BYUNG BA'I RTAGS NI DE MED NA MI 'BYUNG BA NYID DO, ,RTOGS PA YIN NO ZHES BYA BA'I DOGS PA BSU NAS, MNGON SUM DE NI RTAGS SNANG BA KHO NA YIN TE, DE MI SNANG BA DE MED NA MI 'BYUNG BA NYID DU 'DZIN PA MI 'THAD PA'I PHYIR RO ZHES LAN 'DEBS PA NI, DE LTA YIN ZHES BYA BA DE MNGON SUM GYI YUL NYID YIN NAM, JI LTAR 'GYUR ZHES BYA BA NI MNGON SUM DE'O, ,CI STE BYA ZHES BYA BA LA GZUNG YANG ZHES BYA BA LA DPE LA'O, ,DE'I TSE ZHES BYA BA NI PHYOGS KYI CHOS NYID 'DZIN PA'I DUS NA'O, ,DE LTA NA ZHES BYA BA NI MED NA LA'O, ,DE NI DRAN PA'O, ,DE LA ZHES BYA BA NI MED NA MI 'BYUNG BA NYID LA'O, ,CI'I PHYIR ZHE NA TSAD MA NYID KYIS ZHES BYA BA'O, ,'ON TE ZHES BYA BA NI DOGS PA'O, ,'O NA ZHES BYA BA NI LAN NO, ,RJES SU DPAG PA NI ZHES BYA BA NI DE'I RANG BZHIN GYIS RTAGS LAS SKYES PA'I PHYIR RO, ,DE ZHES BYA BA NI RJES SU DPAG PA'O, ,SNGAR ZHES BYA BA NI PHYOGS KYI CHOS NYID 'DZIN PA LAS SO, ,DE LA ZHES BYA BA NI MED NA MI 'BYUNG BA NYID LA'O, ,GANG GI PHYIR DE LTAR GZHAN GYI BSHAD PA MI 'GRIG PA DE'I PHYIR RO, ,GAL TE RTAGS KYI BLO'I SGRAS RTAGS CAN GYI BLO CI LTAR BRJOD CE NA, DON DAM PAR ZHES GSUNGS SO, ,RGYU'I YUL CAN GYI RTAGS CAN GYI BLO YANG RTAGS KYI BLO'I SGRAS RTAGS CAN GYI BLO CI LTAR BRJOD CE NA, DER NI THA DAD PA'I PHYIR ZHES BYA BA STE RGYU DANG 'BRAS BU DAG LA'O, ,DE ZHES BYA BA NI RTAGS KYI BLO'O, ,CI STE YANG DU BA'I RANG BZHIN ME MI 'BYUNG BA NYID DU KHAS MI LEN NA RTAGS MA YIN TE, DES NA DE LA RJES SU DPAG PA JI LTAR 'BYUNG SNYAM NA SHIN TU ZHES BYA BA'O, ,SBRANG BU'I TSOGS LA SOGS PA DANG MTSAN NYID MI MTHUN PA'I RANG BZHIN SHIN TU GOMS PA LAS NI ME MA RTOGS KYANG SHIN TU GSAL BAR NYAMS SU MYONG BAS NYE BAR MTSON PA'I DU BAS RJES SU DPAG PA SKYED PAR BYED PA NI RTAGS KHO NA'O ZHES BYA BA'I DON TO, ,GOMS PA MED NA NI DE'I RANG BZHIN GYI RTAGS LAS MI 'BREL BAR 'DZIN PA KHO NA RTAGS BLO YIN NO ZHES BRJOD PA NI, DU'I ZHES GSUNGS SO, ,DE NYID NI DU BA NYID DU NI'O, ,MES BSKYED PA RNAM PA DE LTA BU NYID LA DU'O

, ,ZHES BSNYAD PA'I PHYIR DU BA NYID DE DANG 'BREL PA YIN LA, DE BZUNG BA NYID KYANG DE DANG 'BREL PAR BZUNG BA YIN NO, ,DE NYID GA LAS RTOGS SNYAM NA, DU BA NYID KYANG NGO SHES PA LAS SO ZHES BYA BA'O, ,DE NYID RTAGS KYI SHES PA YIN NO ZHES NGO SHES PA LA YANG ZHES GSUNGS SO, ,GAL TE RJES SU DPAG PA 'DI LA YANG DE RANG BZHIN GYI RTAGS PHYOGS KYI CHOS SU GRUB PA'I DON DU RJES SU DPAG PA GZHAN DANG GZHAN GYI RJES SU 'GRO BA'I PHYIR THUG PA MED PAR 'GYUR RO ZHE NA, SHIN TU GOMS PA LAS SO ZHES BYA BA'O, ,GANG GI PHYIR MED NA MI 'BYUNG BA NYID DU NGES PA'O NI RTAGS 'DZIN PA NYID DU MI 'THAD PA DE'I PHYIR RANG GI MTSAN NYID CES BYA BA'O, ,GZHAN GYIS 'BREL PA NGES PA NYID RTOGS 'DZIN BRJOD PA GANG YIN PA DE NI RTAGS CAN 'DZIN PA KHO NA YIN TE RTOG PA GZHAN MED PA'I PHYIR RO ZHES BSHAD PA NI DE'I ZHES BYA BA'O, ,'BREL PA NYID 'DZIN PA NYID YIN PA DE NI ZHES 'BREL TO, ,DE NI SPYI'I 'DZIN PA RJES SU DPAG PA YIN ZHES 'BREL TO GZHAN DU ZHES BYA BA NI RJES SU DPAG PA'I RANG BZHIN MA YIN PA RTAGS KYI SHES PA YIN PAR RO, ,RJES SU DPAG PA DNGOS PO DANG 'BREL PA DE NYID NYE BAR SDUD PA NI DE'I PHYIR DNGOS PO ZHES BYA STE, DNGOS POR RTOGS PAR BYA BA'I DNGOS PO RTOGS PAR BYA BA LA'O, ,KHYAB BYED NI RGYU MTSAN YIN NO SU'I ZHE NA KHYAB PAR BYED PA YANG SEMS KYI'O, ,KHYAB PAR BYED PA YANG DE'I NGO BO'AM RGYU YIN PAR 'GYUR RO, ,KHYAB PAR BYA BA'I SEMS DE YANG KHYAB PAR BYED PA DE'I BLO'I RGYU YIN NO, ,GAL TE GANG GIS DNGOS PO RTOGS PAR BYA BA LA'O, ,BYED PA BSGRUB PAR BYA BA GZHAN DAG KYANG SRID DAM SNYAM NA BSGRUB PAR BYA BA ZHES GSUNGS SO, ,DE LTAR BSGRUB PAR BYA BA YIN SNYAM NA, GANG GI PHYIR ZHES GSUNGS SO, ,JI LTAR DE'I RGYU YIN ZHE NA DE YANG ZHES BYA BA'O, ,DE LTA NA JI LTAR RJES SU DPAG PA TSAD MA YIN ZHE NA, DE YANG ZHES BYA BA STE KHYAB PAR BYA BA'I SEMS KYANG NGO, ,DE BSGRUB PA'I YUL CAN GYI RJES SU DPAG PA TSAD MA NYID DU BSGRUBS NAS DGAG PA'I YUL CAN YANG BSGRUB PA'I PHYIR MI DMIGS PA ZHES SMOS SO, ,GANG GIS DE'I YUL CAN GYI SHES PA TSAD MAR 'GYUR BA JI LTAR 'BREL PA YOD CES DRIS PA LA STON PA NI ZHES BYA BA'I DON TO, ,THAMS CAD DU ZHES BYA BA NI 'GA' ZHIG TU DGAG PA ZHES BYA BA'O COG DER NI MI DMIGS PA KHO NA YIN NO, ,'DI GA LAS

SHE NA DMIGS PA'I BDAG NYID KYIS TSAD GRUB PA STE, NGES PAR SMRA BA RNAMS KYI DON GYIS ZHES BYA BA MED PA RTOGS PA'I RNAM PA GZHAN MED PA'I SHUGS KYIS SO, ,BZLOG PA NYID LAS ZHES BYA BA NYID 'DZIN PAR BYED PA'I TSAD MA BZLOG PA LAS SO, ,MI DMIGS PA NYID LAS 'GAG PA 'GRUB PA ZHES BYA BA 'DI GA LAS SHE NA, GANG DU DNGOS PO'I ZHES BYA BA'O, ,DNGOS PO DE DGAG PA NI'O, ,DES NA ZHES BYA BA NI DMIGS PA NI DNGOS PO MED PA'I SGRUB BYED NYID DU MI 'THAD PA'I PHYIR RO, ,BZLOG PA NYID KYIS ZHES BYA BA NI MI DMIGS PA NYID KYIS SO, ,GAL TE GANG GIS DE SKAD BRJOD PA MI DMIGS PAS DGAG PAR 'GRUB LA GZHAN GYIS CHEN CHER 'DZIN PA'AM ZHEN CHED CHER 'DZIN TO ZHES BSTAN PA'I DON DU RNAM PA GCIG DPER BRJOD PA NI 'DI LTAR ZHES BYA BA'O, ,DMIGS PAR RIGS PA NI LTAR RUNG BA'O, ,GAL TE GZHAN GYI LTAR NA RNAM PA CI ZHIG LTAR MED PAR RTOGS PAR 'GYUR BA YIN NA, KHYED LA JI LTAR TSAD MA DANG LDAN PA'I RTOGS PA DANG LDAN PA'I MNGON SUM PA'AM 'BREL PA CAN MA YIN PA MED DO ZHES DOGS PA BSU NAS BSTAN PA'I 'BREL PA GSAL BAR BYED PA NI DE TZAM DANG ZHES BYA BA'O, ,MI DMIGS PA LAS GZHAN PA'I DGAG PA LA NI 'BREL PA MED PAR YANG 'GYUR GYI, NGED KYI LA NI MA YIN GYI, GZHAN MA YIN PAS NA DE'I BDAG NYID YIN PA'I PHYIR RO ZHES BYA BA'O, ,GAL TE DGAG PA NYID NI THAMS CAD DU MI DMIGS PA LAS GRUB PA YIN ZHES BYA BA NI MI 'THAD DE, 'GAL BA DMIGS PA LA SOGS PA YANG MED PA'I SGRUB BYED YIN PA'I PHYIR RO, ,MI DMIGS PA NI 'DIR DE'I BDAG NYID KYANG MA YIN TE, RUNG BA MA YIN PA'I YUL CAN NYID KYIS DGAG PA LAS THA DAD PA'I PHYIR ZHES DOGS PA NI 'GAL BA YANG ZHES BYA BA'O, ,DNGOS SAM ZHES BYA BA NI 'GAL BA MI DMIGS PA LA'O, ,BRGYUD PAS ZHES BYA BA NI RGYU 'GAL BA LA SOGS PA'O, ,'DI LA ZHES BYA BA NI RGYU 'GAL BA'O, ,'GAL BA 'DZIN PA'I DUS NAS RTOGS PA'I SNANG BA MI DMIGS PA DE'I RANG BZHIN MTHONG BA LAS DPAG PA NYID DNGOS PO MED PA'I THA SNYAD KYI RGYU YIN NO ZHES LAN 'DEBS PA NI 'GAL BA BRJOD PA MTHONG BA GANG YIN ZHES BYA BA'O, ,GANG GI ZHE NA, DGAG PAR BYA BA GRANG BA DE'AM DE'I RGYU'I STE BA SPU LANGS PA LA SOGS PA GANG LA RGYU GRANG BA DE DGAG PA LA'O, ,MTHONG BA LA GANG YIN PA DE LA YANG GRANG BA LA

, ,SOGS PA DE NYID TSAD MA NYID MED PA STE, MI DMIGS PA STON PAR BYED PA YIN TE, DPOG PAR BYED PA YIN NO, ,'GAL BA DANG DMIGS PA LA SOGS PA'I SGO NAS MI DMIGS PA NYID RJES SU DPOG PA YIN NO ZHES BYA BA'I DON TO, ,'BAR BA'I GZUGS MNGON SUM DU MTHONG BAS NI TSOGS PA GCIG LA RAG LAS PA NYID KYIS GRANG BA MI DMIGS PA'I RANG BZHIN DRO BA'I REG PA GO BAR BYED PA YIN TE, DES NI RJES SU DPAG PAS MI DMIGS PA GRUB PA YIN NO, ,DES MI DMIGS PA DANG 'GAL BA LA 'BREL CI YOD CES BRJOD PA DE GSAL BA YIN NO, ,DE LA TSOGS PA GCIG LA RAG LAS PA'I ME'I GZUGS KYIS NI DRO BA'I BDAG NYID KYI REG PA DPOG PA YIN NO ZHES KYANG 'CHAD PAR 'GYUR RO, ,'GAL BA NI ZHES BYA BA NI GRANGS PA'I REG PA'O, ,DOGS PA NI MED PA'I TSUL DU ZHES BYA BA'O, ,DE LTA NA NI ZHES BYA BA NI LAN NO, ,DE LTA MA YIN NA DE MTHONG BA LAS DE MED PAR JI LTAR RTOGS DE DANG NI ZHES BYA BA NI GRANG BA MED PA DANG STE ME DANG GRANG BA MED PA DAG NI LHAN CIG YIN PA'I PHYIR RO, ,GANG LA MED DE YOD PA DER GRANG BA MED PAR 'GYUR BA LA NI DE GA LAS ZHES BYA BA'O, ,DE LTA BU NYID DU ZHES DOGS PA BSU NAS, CI ZHES BYA BA'I RNAM PAR RTOG PA GNYIS BYAS NAS GAL TE ZHES BYA BAS DANG PO SEL BA'O, ,DE STE ZHES BYA BA NI GNYIS PA'O, ,MI DMIGS PA KHO NA LAS ZHES BYA BA NI 'GAL BA MTHONG BAS DPAG PA LAS SO, ,GZHAN DU ZHES BYA BA NI 'GAL BAR BSGRUB PAS MI DMIGS PA RJES SU DPAG PA MA YIN NA'O, ,ME LA SOGS PA'I DNGOS PO GCIG YOD PAR BRJOD PAS GZHAN GRANG BA'I REG PA LA SOGS PA MED PAR RO, ,GANG LAS ZHES BYA BA NI TSAD MAS SO, ,DE NYID KYANG NI 'GAL BA NYID KYANG NGO, ,DE NI ZHES BYA BA NI LHAN CIG MI GNAS PA'O, ,TSAD MA MED PA NYID NI MI DMIGS PA NYID DO, ,'ON TE GCIG YOD PA NYID LAS GZHAN 'GOG PA'I PHYIR MI DMIGS PAS CI BYA ZHE NA, GAL TE ZHES BYA BA'O, ,'ON TE GZHAN DGAG PA NI 'GAL BA LAS YIN PA DES NA HA CANG THAL BA MA YIN NO ZHE NA LHAN CIG CES GSUNGS SO, ,GAL TE DE LTA ZHES BYA BA LA SOGS PAS MU STEGS PA'I LUGS DOGS PA BSU BA'O, ,'DI 'GOG PA SLOB DPON CHOS MCHOG GI LUGS KYIS DOGS PA BSU BA NI CI STE 'GAL BA BSGRUB PA'I ZHES

BYA BA'O, ,SNGON ZHES BYA BA NI 'GAL BA 'DZIN PA'I DUS SU'O, ,DE'I RJES SU 'BRANG BA NYID KYIS ZHES BYA BA NI SNGON ZHUGS PA'I MI DMIGS PA'I RJES SU 'BRANG BA LAS SO, ,DE NYID CES BYA BA NI SNGON ZHUGS PA'I MI DMIGS PA'O, ,'BREL BA 'DZIN PA NYID LAS RJES SU DPAG PAR BYA BA 'GRUB PAS NA RJES SU DPAG PAR TSAD MA DUS SU'O, ,DE'I RJES SU 'BRANG BA NYID KYIS ZHES BYA BA GAL TE DE LTA NA ZHES BYA BA'O, ,KHONG PAR MTHONG BA NI SNANG BA MI DMIGS PA STE 'GAL BA 'DZIN PA'I DUS NA ZHUGS PA DES, GAL TE BSGRUB PAR BYA BA DNGOS PO MED PAR 'GRUB PAR 'GYUR BA ME'I RJES SU DPAG PAR CHAD MAR JI LTAR 'GYUR TE MI 'GYUR BA NYID DO, ,GAL TE GZHAN RNAM PA GZHAN DU 'GYUR BAS GZHAN RNAM PA GZHAN DU JI LTAR 'GYUR ZHE NA, RJES SU DPAG PA'I ZHES GSUNGS TE RTAGS KYI'O, ,DE NYID LAS ZHES BYA BA NI MNGON SUM NYID LAS SO, ,DER ZHES BYA BA NI, LKOG TU GYUR PA LA'O, ,LAN NI LKOG TU GYUR PA'I ZHES BYA BA'O, ,'JUG PA GANG YIN PA ZHES BYA BA NI, GRANG BA LA SOGS PA DGAG PAR BYA BA LKOG TU GYUR PA'O, ,'O NA NI 'GAL BA 'DZIN PA'I DUS NA YOD PA'I MI DMIGS PA DRAN PA'I YUL DU GYUR PA NYID MED PA'I SGRUB PAR BYED PA YIN NO, ,ZHES DOGS PA BSU BA NI CI STE ZHES BYA BA'O, ,'DI YANG ME'I RJES SU DPAG PA DANG MTSUNGS PA YIN NO ZHES LAN 'DEBS PA NI DE'I 'DI YANG ZHES BYA BA'O, ,DER YANG ZHES BYA BA NI, LKOG TU GYUR PA'I ME LA YANG NGO, ,'O NA JI LTAR 'GAL BA DMIGS PA LA SOGS PAR MI DMIGS PA LAS MI 'GRUB PA JI LTAR YIN ZHE NA, DOGS PA BSU NAS MJUG SDUD PA'I SGO NAS MJUG GI LUGS BRJOD PA NI DE'I PHYIR ZHES BYA BA'O, ,'DI LAS ZHES BYA BA NI 'CHAD PAR 'GYUR BA'O, ,DE KHO NA'I DON CAN ZHES BYA BA LUNG GI SKAD KYIS NI DON GYI DE NYID BRJOD PA YIN NO, ,GANG GI PHYIR 'GAL BA 'DZIN PA'I DUS NA ME GRANG BA MED PA DANG 'BREL PA NI DMIGS PA BRTEN PA DES NA ME DE GRUB PAS GRANG BA'I REG PA MED PAR GRUB PA'O, ,DE LTA NA YANG MI DMIGS PA SGRUB PAR BYED PAR JI LTAR 'GYUR ZHE NA, MED PA DE YANG ZHES BYA BA'O, ,DES NA ZHES BYA BA NI GZHAN LA YIN PAS NA'O, ,MI DMIGS PA NYID CES BYA BA NI GRANG BA MED PA'I RANG BZHIN DRO BA'I REG PA'I NGO BO NYID DE, ,GAL TE GANG GIS DPER 'GYUR BA MNGON

, ,SUM GYIS GRUB PA'I MI DMIGS PAR BRJOD PA YOD DAM ZHE NA, GANG 'CHAD PAR 'GYUR RO ZHES GSUNGS SO, ,GAL TE DE LTA NA YANG RJES SU DPAG PAS GRUB PA YIN NO ZHES BYA BAR JI LTAR 'GYUR SNYAM NA, 'DIR YANG ZHES GSUNGS SO, ,MNGON SUM RANG NYID LAS ZHES BYA BA NI NYE BAR MTSON PA YIN NO ZHES BYA BA'I DON TO, ,'O NA RGYU 'GAL BA DMIGS PAR MI DMIGS PA LAS DNGOS PO MED PAR JI LTAR 'GRUB SNYAM NA GANG GI TSE ZHES BYA BA NI SLA ZHING 'BAR BA'I GZUGS CAN GYIS SO, ,'DI NYID BRJOD PA NI DE LA TSOGS PA GCIG LA ZHES BYA BA'O, ,DE YANG NI DRO BA'I REG PA'O, ,DE MI DMIGS PA NYID NI ZHES BYA BA NI DRO BA'I REG PA DMIGS PA NYID NA'O, ,GANG GI PHYIR DE LTAR SPU LANGS PA MED PAR SGRUB PAR BYED PA'I RGYU NGES NA'O, ,DRO BA'I REG PA GRANG BA MED PA'I RANG BZHIN CAN BSGRUB PAR BYA BA LA GZUGS NI 'BRAS BU'I GTAN TSIGS YIN LA, SPU LANGS PA MED PA'I BSGRUB PAR BYA BA LA GRANG BA MED PAR NI RGYU MI DMIGS PA YIN TE, DE GNYIS SU LANGS PA MED PA'I MTSAN NYID KYI BSGRUB PAR BYA BA GCIG LA 'JUG PA'I PHYIR RO, ,DES NA ZHES BYA BA NI 'GAL BA RTAGS CAN GZHAN MA YIN PAS NA'O, ,GRANG BA'I MED PA'I RANG BZHIN CAN DRO BA'I REG PA LA NI GZUGS 'BRAS BU'I GTAN TSIGS YIN LA, DE'I 'BRAS BU MED PA LA GRANG BA MED PA RGYU MI DMIGS PA YIN NO ZHES BRJOD PAR NI DE'I PHYIR DE NI ZHES BYA BA'O, ,GANG YANG 'BREL PA 'DZIN PA'I MNGON SUM RJES SU DPAG PA NYID LAS RJES SU DPAG PAR GRUB PA NA, RJES SU DPAG PA MED PAR ZLOG PAR BYED PA DE YANG MI 'THAD DE, MNGON SUM LAS RJES SU DPAG PAR BYA BA THA DAD PAR MED PA YIN NA, DE GRUB NA RJES SU DPAG PAR BYA BA NYID GRUB PA YIN PA'I PHYIR RO ZHES BRJOD PA NI, GAL TE DE LTA NA NI ZHES BYA BA NAS RJES SU DPAG PAR DNGOS PO'I YUL CAN YIN NO ZHES BYA BA YIN NO, ,GAL TE DMIGS PA YOD NA DE'I TSE MI DMIGS PA MED PAR 'GYUR RO ZHES DOGS PA BSU BA NI, MI DMIGS PA NYID CES BYA BA'O, ,YIN MOD CES BYA BA NI LAN NO, ,MI DMIGS PA NYID MED PA YIN PAR KHAS LEN NA, MI DMIGS PA LAS MED PAR BSGRUB BO ZHES BYA BA'I PHYOGS NYAMS PAR 'GYUR RO ZHES DOGS PA BSU BA NI MES ZHES BYA BA'O, ,MI DMIGS PA LAS MED PA THA DAD PA MA YIN NA, GANG ZHIG GANG GIS SGRUB

CES LAN 'DEBS PA NI ME NYID CES BYA BA'O, ,'ON TE YANG ME NYID NI GRANG BA MED PA MA YIN GYI, 'ON KYANG DE LAS GZHAN YIN NO SNYAM NA, DRO BAS ZHES BYA BA'O, ,ME GRANG BA MED PA'I RANG BZHIN YIN NA NI RANG BZHIN GYI GTAN TSIGS NYID DU 'GYUR RO ZHES DOGS PA BSU BA NI ZHES BYA BA'O, ,MI DMIGS PA NI ZHES BYA BA NI LAN NO, ,JI LTAR DMIGS PA LAS MED PA NYID THA MI DAD PA DE BZHIN DU GZHAN DMIGS PA'I RANG BZHIN GYI MI DMIGS PA LAS KYANG THA MI DAD DE DES NA THA SNYAD LAS MI RTOGS PA'I BSGRUB PAR BYA BA NI, MED DO GANG GI PHYIR GRANG BA MED PA'I THA SNYAD BSGRUB PAR BYA BA LAS ME RANG BZHIN GYI GTAN TSIGS YIN PA DES NA 'DI NA ZHES BYA BA'O, ,GANG GI PHYIR JI SNYED BSGRUB PAR BYA BA LAS ME RANG BZHIN MI DMIGS PA NYID DNGOS PO MED PAR BSGRUB PAR BYA BA YIN PA DE'I PHYIR MI DMIGS PA ZHES BYA BA RANG SGRAS BRJOD NA YANG NGO, ,YANG GI SGRAS NI 'GAL BA DMIGS PAR RANG GI SGRA MA YIN PAS BRJOD PA YANG NGO, ,KHA CIG NA RE YANG SGRA NI MA BRJOD NA YANG ZHES BYA BA YIN NO ZHE'O, ,BSHAD PAR NI 'GAL BA'I SKABS YIN PA'I PHYIR RANG GI SGRA NI DE'I SGRA LA BYA'O ZHE'O, ,RGOL BA GANG LA GZHAN DMIGS PA'I RANG BZHIN MA DMIGS PA MNGON SUM MAM RJES SU DPAG PA LAS GRUB PA NI MED PA'I THA SNYAD SGRUB PA'I TSAD MAR MI 'DOD KYI, 'ON KYANG DNGOS PO RNAMS KYI MED PAN YID 'GA' ZHIG LAS BSGRUB PAR BYA BAR 'DOD PA NGES NA DGAG PA BRJOD PAR BYA BA MA YIN NO ZHES BRJOD PA NI, GANG LA ZHES BYA BA'O, ,RNAM KUN ZHES BYA BA NI 'GAL BA NYE BAR BSTAN PA'AM, TSAD MA GZHAN GYIS KYANG RUNG BA'I PHYIR RO, ,DA NI PHYED PHYI MA 'CHAD DE GANG LA DE ZHES BYA BA'O, ,GAL TE RNAM PA GZHAN DU YANG DGAG PA RTOGS PA YIN NO ZHE NA, DPAG PA LA NI ZHES BYA BA'O, ,DES NI ZHES BYA BA NI 'GAL BA DMIGS PA NYE BAR BSTAN PA'I TSUL GYIS SO, ,DGAG PAR BYA BA DE DANG 'GAL BA MED PA LA SOGS PA'I DON DE'I 'BRAS BU DU BA DE BRJOD PA YANG BSHAD PA YIN NO, ,'O NA 'GAL BA DMIGS PA LA SOGS PA'I DBYE BA JI LTAR ZHE NA SBYOR BA NYID CES GSUNGS SO, ,'O NA RANG BZHIN MI DMIGS PA'I NANG DU JI LTAR 'DU SHES NA, THAMS CAD DU NI ZHES GSUNGS TE RANG BZHIN 'GAL LA SOGS PA DMIGS PAR RO, ,GANG GI PHYIR DON DE RANG BZHIN MI DMIGS PA'I

, ,NGO BO NYID DANG, BSGRUB PAR BYA BAS GYUR PA THA SNYAD KYI NGO BO NYID THA DAD PA MED PA DES NA KHONGS SU 'DUS PA YIN NO ZHES BYA BA'I DON TO, ,DE LA YANG ZHES BYA BA NA 'GAL BA'I 'BREL LA YANG NGO, ,JI LTAR RJES SU DPAG PA YIN ZHES DOGS PA BSU BA NA, DES NI 'DI LTAR YIN NO ZHES BRJOD PA NI 'DI LTAR ZHES BYA BA'O, ,SNGAR BSHAD TSUL GYIS ZHES BYA BA NI DRO BA'I REG PA NI GRANG BA MI DMIGS PA'I RANG BZHIN YIN PA'I PHYIR RO, ,GZHAN DU ZHES BYA BA NI 'GAL BA'I STE DRO BA'I REG PA MED PA'I RANG BZHIN MA YIN NA DE'I TSE GRANG BA MED PA MI 'GRUB PA ZHIG NA 'GRUB PA YANG YIN TE, DES NA 'GAL BA'I 'BRAS BU DMIGS PA DER YANG BRGYUD PA KHO NAS GRANG BA LA SOGS PA MED PAR 'GRUB PA YIN NO, ,DBU BA LAS ZHES BYA BA NI 'CHAD PA'O, ,DU BA LAS RAB TU 'GRUB PA GRANG BA'I REG PA MED PA'I RANG BZHIN CAN ME LAS DE MED PA'I THA SNYAD 'GRUB PA YIN NO ZHES BYA BA'I DON TO, ,GANG GI PHYIR DE LTAR THAMS CAD LA DON THA MI DAD PA DES NA'O, ,JI LTAR BRJOD PA'I MI DMIGS PA DANG BRAL BA'I SBYOR BA LA NI MED PA 'GRUB PA MED DO ZHES BRJOD PA NI 'GAL BA DANG ZHES BYA BA STE, 'GAL BA MA GRUB PAR DGAG PA BSGRUB PAR BYA BA LA TSAD MAR SMRA BA GANG YIN PA DE NI RIGS PA'I RJES SU 'BRANG BA CAN MA YIN NO, ,'GAL BA DE YANG THAMS CAD MKHYEN PA MA YIN PA NYID LA SOGS PA'I THABS DANG 'DI LHAN CIG TU 'JUG PAS THABS DANG BCAS PAR BKAG PAR TE BSTAN PA MED PAR RO, ,DNGOS SU 'GAL BA MED PA'I PHYIR NA DE'I RGYU'I SGO NAS TSIG DGAG PAR BYA BA DANG 'GAL BA MA BSTAN PA DGAG PA BRJOD PA NI MI 'THAD DO ZHES BYA BA'I DON TO, ,JI SKAD BRJOD PA'I MI DMIGS PA DANG BRAL BA'I SBYOR BA'I DPE BRJOD PA NI SMRA BA NI TSIG GO, ,DE LA SOGS PA 'CHI BA'I SEMS NYID LA SOGS PA GANG YIN PA DES KUN MKHYEN DANG, 'JIG RTEN GZHAN ZHES BYA BA MTSAMS SBYOR BA LA SOGS PA 'GOG PA'O, ,DE YANG RNAM PA GZHAN MI SRID PA'I PHYIR NA 'GAL BA SGRUB PA LAS 'GYUR GRANG NA, SMRA BA NYID LA SOGS PA YOD NA THAMS CAD MKHYEN PA NYID LA SOGS PA MED PA'AM SPANG PAS GNAS PAR RTOGS PA YANG YOD PA MA YIN TE DBANG PO LAS 'DAS PA'I PHYIR RO ZHES BRJOD PA NI, DBANG PO LAS 'DAS ZHES BYA'O, ,SKAD CIG MA MA YIN PA NYID NI SNGON PO LA SOGS PA'I RANG BZHIN DU SGRO

BTAGS PAS NA, BLTAR RUNG BA YIN PA'I SKAD CIG SMRA BA NYID RANG 'GAL BA KHO NA'O ZHES DOGS PA'O, ,TSIG NI THAMS CAD RIG PA DANG 'GAL BA MA YIN TE, DES NA DE BSGRUB PAS NI DE MED PA MA YIN NO ZHES BRJOD PA NI, SMRA BA NI ZHES BYA BA'O, ,CI'I PHYIR ZHE NA, DBANG PO LAS 'DAS ZHES GSUNGS SO, , 'BRAS BUS RGYU MED PAR GO BAR BYED PA YANG MI 'THAD DO ZHES BRJOD PA NI TSIG NI ZHES BYA BA'O, ,DE MED PAR NI SHES PA MED PA'O, ,GAL TE SHES PA TZAM DANG NI MI 'GAL GYI, 'ON KYANG THAMS CAD SHES PA DANG NGO ZHES DOGS PA NI THAMS CAD SHES PA ZHES BYA BA'O, ,'GAL BA 'DZIN PA'I TSAD MA 'GA' YANG MED DO ZHES LAN BRJOD PA NI GANG GIS ZHES BYA BA'O, ,GAL TE NYON MONGS PA DANG LAM SHIN TU 'GAL BA YIN TE, LAM YOD PA DE 'OG NAS 'OG TU 'GRIB PA'I PHYIR RO, ,DE BZHIN DU RIGS PA DANG TSIG DAG KYANG BRTAG PAR BYA BA YIN NO ZHES BYA BAR NI MI 'THAD DE, RIGS PA 'PHEL NA TSIG 'PHEL BAS PHYIN CI LOG TU 'GRUB PA'I PHYIR RO ZHES BRJOD PA NI GAL TE ZHES BYA BA'O, ,DE LA LEGS PA CI YOD SNYAM NA, THAMS CAD SHES PA LA ZHES GSUNGS SO, ,DE LTAR YIN PA KHO NA'O ZHE NA, DE LTAR NI ZHES GSUNGS SO, ,TSIG NI RIGS PA'I RGYU CAN YIN TE, DES 'PHEL NA 'PHEL BA'I PHYIR RO ZHES BYA BA'I DON TO, , GAL TE THAMS CAD RIGS PA DAN TSIG GNYIS LHAN CIG 'JUG PA MA MTHONG BA'I PHYIR DE DANG SMRA BA 'GAL BA YIN NO ZHES DOGS PA NI GAL TE ZHES BYA BA'O, ,DE LTA YIN NA TSIG LAS THAMS CAD RMONGS PA NYID DU RJES SU DPOG PAR THAL LO ZHES LAN 'DEBS PA NI SMRA BAS SO ZHES BYA BA'O, ,MKHAS PA MTHONG BAS DE RJES SU DPOG PA LA GNOD DO ZHES DOGS PA NI SMRA BA'O ZHES BYA BA'O, ,LA NI DE YANG ZHES BYA BA STE THAMS CAD RIG PA YANG NGO, ,GAL TE DA LTA THAMS CAD RIG PA DANG SMRA BA GNYIS LHAN CIG RIGS PA MED PA'I PHYIR NA PHYIS CI STE MI 'GAL ZHE NA, 'DI LTAR ZHES BYA BA'O, ,'GAL BA'I SGRUB BYED DE 'PHEL NA 'GRIB PA NYID MED DO ZHES BYA BA'I DON TO, ,GAL TE DE 'DRA BA MI DMIGS PA'I KHYAD PAR CAN GYI SMRA BA PO NYID NI GRANG BA MA DMIGS PA'I KHYAD PAR CAN GYI DRO BA'I REG PA BZHIN DU 'GAL BA KHO NA MA YIN NAM ZHES DOGS PA BSU BA NI DE 'DRA BA MI DMIGS PHYIR ZHE NA ZHES BYA BA'O, ,'O NA MI DMIGS

, ,PA DE NYID THAMS CAD RIGS PA MED PAR GRUB PA LA BRJOD PAR BYA BA'I DE'I KHYAD PAR CAN GYI SMRA BA NYID KYIS CI ZHIG BYA, RE ZHIG PHYED SNGA MA 'CHAD PA NI DPER NA ZHES BYA BA'O, ,DE MED KYANG NI RMONGS PA NYID MED KYANG NGO, ,GANG GI TSE ZHE NA MKHAS PA'I DUS SU'O, ,DE BZHIN DU GAL TE ZHES BYA BA NI GNAS SU YANG KHYAD PAR DU GYUR NA ZHES 'BREL TO, ,DE'I TSE CI 'GAL TE CI YANG MI 'GAL LO ZHES BYA BA'I DON TO, THAMS CAD 'PHEL BA DANG NI MI 'GAL MOD KYI 'ON KYANG THAMS CAD RIG PA DANG 'GAL BA YIN NO ZHES DOGS PA BSU BA NI SHIN TU ZHES BYA BA'O, ,MA YIN TE ZHES BYA BA NI LAN NO, , DA NI PHYED PHYI MA 'CHAD DE, DE LTA BU'I ZHES BYA BA'O, ,SNANG BA MI DMIGS PA KHO NA GO BAR BYED PA YIN NO ZHES BYA BA 'DI LA RGYU CI YOD SNYAM NA, MI DMIGS PA NI DE LTA BU ZHES BYA BA GSUNGS TE, BLTAR RUNG BA'I KHYAD PAR DANG BRAL BA'O, ,GAL TE MI DMIGS PA TZAM LAS MED PAR MI NGES NA 'O NA YOD PAR NGES PAR 'GYUR RO ZHES DOGS PA BSU NAS DE'I PHYIR ZHES GSUNGS SO, ,RES 'GAL LKOG TU GYUR PA NI TSAD MA DAG GIS YOD PA'AM, MED PAR NGES PA YIN NO, ,DBANG PO NI RTAG TU LKOG TU GYUR PA YIN YANG DON GYIS GO BAS RTOGS PA YIN NA THAMS CAD MKHYEN PA LA SOGS PA NI MA YIN NO ZHES GZHAN GYIS KHAS BLANGS PA YIN NO, ,DE LTAR 'GAL BA MA BSGRUB PAR DGAG BA BRJOD PA'I RIGS PA'I RJES SU 'BRANG BA CAN MA YIN NO ZHES BYA BA BSHAD PA NAS, DE NI THABS BCAS PAR ZHES BYA BAR BSHAD PA'I DON DU THAMS CAD RIG PA GSAL BAR DON THAMS CAD MTHONG BA NI RNAM PAR RTOG PA DANG 'GAL BA YIN LA DE'I 'BRAS BU TSIG DANG YANG 'GAL BA YIN TE, DES NA SMRA BA NYID NI 'GAL BA'I 'BRAS BU YIN TE ZHES DOGS PA BSU BA NI 'ON TE YANG ZHES BYA BA'O, ,THAMS CAD MKHYEN PA ZHES PA ZHES BYA BA NI GSAL BAR RO, ,'O NA TSIG JI LTAR 'BYUNG BA YIN ZHE NA, SNGA MA DANG ZHES BYA BA'O, ,SMRA BA PO GZHAN BZHIN DU THAMS CAD MKHYEN PA YANG RTOGS PAS 'JUG PA YIN TE, MA BRTAGS MA DPYAD PAR NI TSIG MI SMRA BA'O ZHES LUNG LAS GSUNGS PA'I PHYIR RO, ,YANG NA DE MED KYANG SNGON GYI BRJOD PAR 'DOD PA'I 'PHAN SHUGS YOD PA DES NA GCIG MI SRID PAR JI LTAR 'GYUR ZHES BYA BA GNYIS PO 'DI LHAN CIG BRJOD PAS TSIGS SU BCAD

PA GCIG GIS BRJOD PAS NI DON KUN ZHES BYA BA'O, ,BRJOD 'JUG PAR GYUR TE, GOMS PA'I PHYIR RO ZHES BYA BA NI PHYOGS DANG PO LA'O, ,SNGON GYI DUS NA YOD PA'I BRJOD PAR 'DOD PA GOMS PA LAS BRJOD 'JUG PA ZHES BYA BA NI PHYOGS GNYIS PA LA'O, ,DE'I PHYIR THAMS CAD MKHYEN PA DE LA RNAM PA GNYIS KA LTAR YANG TSIG MED PAR JI LTAR 'GYUR, ,GAL TE MTHONG BA'I DUS NA RNAM PAR RTOG PA MED PA'I PHYIR JI LTAR SMRA SNYAM NA BSGOMS STOBS LA ZHES BYA BA'O, ,BSGOMS PA'I STOBS LA BRTEN NAS DON DPAG TU MED PA'I RNAM PA SHIN TU GSAL BAR MTHONG BA GANG YIN PA DE DANG DUS MTSANGS BRJOD PAR 'DOD PA MI 'BYUNG BA NI MA YIN TE, 'DI GA LAS SNYAM NA, NYE BAR GNAS PA'I ZHES GSUNGS SO, ,CE DE LTAR 'GA' ZHIG TU MTHONG BA SNYAM DU DOGS PA BSU NAS 'DIR MTHONG BA KHO NA'O ZHES BRJOD PA NI, YID GZHAN DU ZHES BYA BA'O, ,MTHONG BA GZHAN YANG BRJOD PA NI SNGAR GOMS PA ZHES BYA BA'O, ,NYE PAR GNAS PA LA ZHES BYA BA NI SNGON LA MTHONG BA DANG PO NYID NYE BAR GNAS PA LA ZHES BYA BA'I DON TO, ,JI LTAR 'DIS 'DI GSAL BA YIN ZHE NA, 'GAL TE ZHES BYA BA'O, ,GZHAN GYI 'GAL BA GZHAN TE DPER NA GRANG BA DANG ME BZHIN NO, ,GZHAN GYIS THA MI DAD PAR SGRO BTAGS PA'I 'GAL BA YANG 'GAL BA YIN NO ZHES BRJOD PA NI THA MI DAD LA ZHES BYA BA'O, ,'GAL BA GNYIS PO 'DI NYID KHYAD PAR GYI MTHAR THUG PAR BYED PA NI KHA BA MED LA ZHES BYA BA STE GRANG BA MED PA'I, ,DE DANG THA MI DAD PAR KHAS BLANGS PA'I SKYE BA LA YOD PA NYID GNOD PAR BYED PA YIN PA BZHIN NO, ,CI THA DAD PA MED PA LHAN CIG MI GNAS PA'I MTSAN NYID KYI 'GAL BA YOD NA ZHES DOGS NA YOD PA DANG ZHES GSUNGS TE, YOD PA DANG SKYE BA DAG NI 'GAL BA YIN NO ZHES 'BREL TO, ,RNAM PA CI 'DRA BAR ZHE NA PHAN TSUL ZHEN PA GSUNGS SO, ,THA DAD PA MED PA NI YOD PA DANG SKYE BA DANG KHAS BLANGS PA'I YUL YIN NO, ,GZHAN GYIS KHAS BLANGS PA DE NYID STON PA NI SKYE BA NI ZHES BYA BA'O, ,YOD PA DANG SKYE BA DAG NI 'GAL BA YANG YIN NO, ,'GAL BA NYID BRJOD PA NI YOD PA NYID NI ZHES BYA BA'O, ,THA DAD PA LA 'GAL BA NYID MED PAR DOGS PA BSU BA NI THA DAD PA MED PA DAG CES BYA BA'O, ,GZHAN GYIS ZHES BYA BA NI LAN TE GRANGS CAN GYIS

, ,SO; ,'GAL BA'I RANG BZHIN MA RTOGS PA NI GAL TE ZHES BYA BA'O, ,BZLOG PAR BYA BA NI LAN NO, ,'GAL BA'I RANG BZHIN 'DI NYID STON PA NI 'DI LTAR ZHES BYA BA'O, ,'BYUNG BA ZHES BYA BA NI RGYUN GYIS 'JUG PA'O, ,MED PAR 'GYUR BA NI DE'I TSE DE GNYIS BZLOG PAR BYA BA DANG ZLOG PAR BYED PA YIN PA'I MTSAN NYID KYI 'GAL BA DE MTHONG BAR 'GYUR RO, ,GANG LA ZHE NA ME DANG GRANG BA'I BDAG NYID LA'O, ,RE ZHIG 'GAL NA 'DI NYID RNAM PAR SPYOD PA NI GAL TE ZHES BYA BA'O, ,SKAD CIG MA'I PHYOGS LA YANG GZHAN GYIS GZHAN 'JIG PA MA YIN PA ZHES BRJOD PA NI SKAD NI ZHES BYA BA'O, ,MA SKYES PA LA 'JIG PA JI LTAR MI 'THAD SNYAM NA MA SKYES PA NI ZHES BYA BA'O, ,'O NA SKYES PA LA YANG DE CI LTAR MI 'THAD SNYAM NA SKYES PA YANG ZHES GSUNGS SO, ,'O NA GZHAN GYIS DUS GZHAN DU 'JIG PAR BYED DO SNYAM DU GZHAN GYIS DUS SU NI ZHES GSUNGS SO, ,DE LAS ZHES BYA BA NI SKAD CIG LA'O, ,'O NA RGYUN GZHAN MED MOD, ,'ON KYANG SKAD CIG YOD PA YIN LA DE'I 'JIG PA YANG SKAD CIG BRGYUD PA PHYI MA'I GEGS BYAS PA LAS GZHAN MA YIN NO ZHES DOGS PA BSU BA NI GAL TE PHYI MA'I ZHES BYA BA'O, ,RGYU YOD PA DANG MED PA'I PHYOGS DAG LA RGYUN GZHAN GYIS GEGS BYED PA MA YIN NO ZHES LAN BRJOD PA NI GAL TE ZHES BYA BA'O, ,SKAD CIG BRGYUD PA PHYI MA'I RGYU YOD NA'O, ,RGYU MED PA LA NI 'BRAS BU MA SKYES PA 'GAL BAS BYAS PA YIN NO ZHES BRJOD PA NI, DE STE ZHES BYA BA'O, ,GAL TE ZHES BYA BA NI 'CHAD PA'O, ,GAL TE RGYU YOD PA'AM, MED PA LA YANG 'GAL BAS 'BRAS BU BZLOG PAR MI NUS NA, 'O NA 'GAL BAS RGYU MA TSANG BAR BYAS PA'I SGO NAS 'BRAS BU 'GOG PAR BYED PA YIN NO ZHES DOGS PA NI, CI STE 'GAL BAS ZHES BYA BA'O, ,RGYU MED PAS NI 'GAL BAS MA TSANG BAR BYED SRID DE RANG NYID KHO NA MED PA'I PHYIR RO ZHES BRJOD PA NI GAL TE MED PA ZHES BYA'O, ,RANG GI NGO BOS YOD PA LA 'GAL BAS PHYIN CI LOG TU BYA BAR MI NUS SO ZHES BRJOD PA NI, RANG GI NGO BOS ZHES BYA BA'O, ,JI LTAR BYED DE MI BYED PA KHO NA'O ZHES BYA BA'I DON TO, ,RGYU MA TSANG BA MED PAR YOD NA RGYU YANG SU DANG YANG 'GAL BA MA YIN NO ZHES BRJOD PA NI GAL TE DE LA ZHES BYA STE RGYU LA'O, ,DE NI RGYU'O, ,GANG GIS

'BRAS BU LDOG PAR 'GYUR BA CI STE DE MED PAR 'GYUR, DE MED NA YANG 'GAL BA CI YANG YOD PA MA YIN NO ZHES BRJOD PA NI, 'ON TE MA TSANG ZHES BYA BA'O, ,DE NI ZHES BYA BA NI RGYU'I BDAG NYID DO, ,DE MA THAG PA'I TSIG LE'UR BYAS PA'I PHYED SNGA MA 'CHAD PA NI MA TSANG BA ZHES BYA BA'O, ,PHYED PHYI MA 'CHAD PA NI DE'I RGYU ZHES BYA BA'O, ,DE'I PHYIR RNAM PAR DPYAD NA NI 'GAL BA YOD PA MA YIN NO ZHES BYA BA NI SKABS KYI DON TO, ,BSDAD NAS BYED PA'I RGYU DANG 'BRAS BU'I KHYAD PAR NYID 'GAL BA YIN NO ZHES LAN 'DEBS PA NI, ME NI ZHES BYA BA'O, ,GANG LA LHAN CIG BYED PA MED PA'I GRANG BA DES NI GRANG BA GZHAN SKYED DE, LHAN CIG BYED PA MED PA'I GRANG BA NI SKYED PAR BYED PA YIN NO ZHES BYA BA'I DON TO, ,LHAN CIG BYED DANG ZHES BYA BA NI MED DANG NGO, ,DE NI ZHES BYA BA GRANG BA'O, ,PHYED PHYI MA NYID RNAM PAR 'BREL PA NI GRANG BA'I ZHES BYA BA'O, ,GRANG BA'I REG PA SNGA MA NI ME'I LHAN CIG BYED PA NYID KYI PHYIR CI SRID DU GZHAN PA DANG CHES GZHAN PA LA SOGS PA'I GRANG BA'I REG PA NAS SKYED PAR BYED PA NAS GRANG BA'I REG PA GZHAN SKYED PAR BYED PA MA YIN PA DE SRID KYI BAR DU 'GYUR RO ZHES JI SRID GONG DU BTON LA DE SRID KYANG KHONG NAS PHYUNG SDE SBYAR BAR BYA BA'O, ,DE LTA NA YANG GANG GIS 'GAL BAR 'GYUR BA GRANG BA'I ZLOG PAR BYED PA JI LTAR YIN ZHE NA, DE ZHES SMOS TE SKYED BYED MA YIN PA'I GRANG PA'I REG PA'O, ,GZHAN YANG ZHES BYA BA NI GRANG BA'I REG PA'O, ,GAL TE DE'I RGYU NUS PA MED PAS SKYED PA LAS SKYED BYED NYID YIN PA'I PHYIR JI LTAR LDOG PAR BYED PA YIN ZHE NA, DES BYAS PA ZHES SMOS TE, ME DES BYED PA GRANG PA'I REG PA'I DE'I RGYU NUS PA LA MED PA SKYE BA ZHES BYA BAS SO, ,DE LA ZHES BYA BA NUS PA MED PA'I SKAD CIG LAS SO, ,JI LTA BUR GYUR PA SKYE BA MED PA ZHE NA SNGA NA MED PA'I MTSAN NYID GANG LA YOD PA DE STE MYU GU SKYE BA MED PA BZHIN NO, ,GAL TE PHYI MA'I SKAD CIG LDOG PA NYID DES BYAS PAR CI KHAS MI LEN ZHE NA, RGYU'I BYED PA NI ZHES BYA BA'O, ,DE'I PHYIR NUS PA MED PA'I SKAD CIG SKYES PAS ME GRANG BA'I ZLOG PAR BYED PA YIN TE, GZHAN DU NI MI 'THAD PA'I PHYIR RO ZHES GNAS SO, ,YANG NA SDOD PA MED PAR DE'I KHYAD PAR 'GAL BA YIN NO ZHES BRJOD PA NI GRANG BA'I ZHES BYA BA'O, ,GANG GIS ZHES BYA BA NI NGO BO NYID KYIS SO, ,GAL TE RANG GI NGO BO DE ME NYE BA KHO NA YIN GYI GZHAN GYI TSE MA YIN NO ZHES BYA BA GANG LAS ZHE NA, DNGOS PO

, ,RNAMS KYI NUS PA NI ZHES BYA BA'O, ,'GAL BA DAG TSOGS PA MI SRID PAR DOGS PA NI 'GAL BA ZHES BYA BA'O, ,DE LTAR ZHES BYA BA NI LAN TE, GCIG LA TSIG PA NYID DU GYUR PA YIN NA'O, ,GZHAN DU NI ZHES BYA BA NI TSOGS PA YIN PAR RO, ,SDOD PA'I PHYOGS LA NI ME DANG GRANG BA SKAD CIG DANG POR TSOGS PA GNYIS MI 'GAL LO ZHES BRJOD PA NI SKAD CIG CES BYA BA'O, ,JI LTAR 'DI GNYIS DE'I TSE MI 'GAL BA NGES SHE NA ME ZHES BYA BA'O, ,SHIN TU GSAL BA'I SNANG BA DANG MI NYE BAS MUN PA DANG KHA BA DAG 'JIG PA KHO NAR BYED DO ZHES DOGS PA NI SHIN TU GSAL BA'I ZHES BYA BA'O, ,DE NYID LA ZHES BYA BA NI SNANG BA TSOGS PA'I DUS PA NYID LA'O, ,MA YIN TE ZHES BYA BA NI RTZOD PA DGAG PA'O, ,CI'I PHYIR ZHE NA, DE LA YANG ZHES BYA BA SHIN TU GSAL BA'I SNANG BA YOD PA LA YANG NGO, ,GSAL BA'I DE'I RGYU DANG LHAN CIG PA'I MUN PA NI'O, ,SHIN TU GSAL BA'I MI DANG SNANG BA NYE BA NA NI DE 'DRA BA'I RGYU DANG LHAN CIG PA NI MUN PA DANG KHA BA'I RGYU NYID MA YIN NO, ,YES ZIN PA SEL BA NI MA YIN NO ZHES BYA BA'I DON TO, ,SKYES ZIN PA NYID BZLOG PA YIN NO ZHES DOGS PA BSU BA NI, DE NYID CES BYA BA STE, SNANG BA'I RGYU DANG LHAN CIG PA GANG YIN PA'O, ,LAN NI DE NYID ZHIG PA MA YIN NO, ,CI'I PHYIR ZHE NA, SNANG BA'I RGYU DANG LHAN CIG PA'I MUN PA DE NI'O, ,SKYES KYANG DE NYID MI 'DZIN PA DE LTAR ZHE NA, RANG BZHIN GANG GIS ZHES GSUNGS SO, ,SNANG BA'I YUL CAN NI MA SKYES PA NYID KYIS 'JIG PA MA YIN NO ZHES GSUNGS PA NI, RANG BZHIN GANG DU ZHES BYA BA'O, ,GANG GI PHYIR SKYES PA DANG MA SKYES PA DANG 'JIG PA MA YIN PA DE'I PHYIR DE NYID NI ZHES BYA BA'O, ,MTHONG BA NYID DE ZHIG PA YIN PAR DOGS PA NI, GAL TE ZHES BYA BA'O, ,GANG GI TSE MTHONG BA MED PA DE'I TSE DE MA RTOGS PA'I PHYIR DE ZHES BYA BA'I BLO JI LTAR DON DAM PA YIN ZHES LAN 'DEBS PA NI ZHIG PA'I GNAS SKABS SU ZHES BYA BA'O, ,JI LTAR MI SRID SNYAM NA, GANG GI ZHES BYA BA'O, , DES DE'O SNYAM PA'I BLO NI DON DAM PA NYID MA YIN NO ZHES BYA BA'I DON TO, ,GANG GI PHYIR ZHES BYA BA LA SOGS PA CHOD PA'O, ,GAL TE ZHES BYA BA NI LAN NO, ,GAL TE MA DMIGS PA ZHIG PA YIN NA, DE'I TSE BUM PA DANG BRAL BA'I LAS PHYOGS SU DE MA DMIGS PAS NA BUM PA DE YANG ZHIG PAR 'GYUR RO, ,MA YIN

KYANG ZHIG GO ZHES BYA BAR THA SNYAD BYED PA NI MA YIN NO, ,'ON TE KHYAD PAR CAN GYI MA DMIGS PA ZHIG PA YIN PA DES NA, NYES PA 'DI MED DO SNYAM PAR DOGS PA NI GANG ZHIG SNGAR ZHES BYA BA'O, ,DE YANG ZHES BYA BA NI LAN TE, YUL GZHAN DU SONG BA'I BUM PA'O, ,GANG DU MTHONG BA ZHES BYA BA LA SOGS PA NI RTZOD PA'O, ,DE NYID KYI TSE NI MTHONG BA NYID KYI TSE, DE NYID KYI TSE ZHES BYA BA NI LAN NO, ,'GAL BA NYID SPONG BA'I DOGS PA BSU BA NI DE MA THAG PA'I ZHES BYA BA'O, ,SNGAR DMIGS PA DE'I YOD PA MA DMIGS PA NI ZHIG PA YIN PA DES NA MI 'GAL LO ZHES BYA BA'I DON TO, ,BAR DU ZHES BYA BA NI LAN NO, ,JI LTAR DE MA THAG PAR YUL GZHAN DU MA DMIGS PAR ZHIG PA DE BZHIN DU PAR DU MCHOD PAR YUL GZHAN DU MI DMIGS PA JI LTAR ZHIG PA MA YIN TE, RIGS PA MTSUNGS PA'I PHYIR ZHIG PA NYID DO ZHES BYA BA'I DON TO, ,GAL TE YUL GZHAN DU MI DMIGS PA NI DE NYID KYI TSE YUL GZHAN NA YOD PA MA YIN GYI DUS GZHAN NA YOD PA NI DE NYID KYI TSE DUS GZHAN NA YOD PA MA YIN NO ZHES DOGS PA DUS GZHAN ZHES GSUNGS SO, ,GANG ZHIG SNGAR MTHONG BA LA SOGS PA'I DUS GZHAN DU MA MTHONG BA DE GAL TE ZHIG PA YIN NA DE'I TSE YUL DU MA MTHONG BA CI STE ZHIG PA MA YIN NO, ,'ON TE YUL KHYAB PA'I DON GZHAN DU MTHONG BA NI GZHAN DUM MTHONG BA LAS 'JIG PAR 'GYUR BA YIN NA, DE KHYAD PAR NI 'GA' YANG YOD PA MA YIN NO, ,DES NA GZHAN DU MTHONG BA GZHAN DU MA MTHONG BAS ZHIG PAR JI LTAR 'GYUR SNYAM DU DOGS PA NI YUL GZHAN KHYAB PA ZHES BYA BA STE BUM PA'O, ,DUS GZHAN LA NI JI LTAR YOD CES BYA BA NI LAN TE, YUL GZHAN BZHIN DU DUS GZHAN KHYAB PA YANG 'GA' DANG YOD PA MA YIN NA DE JI LTAR DUS GZHAN DU MTHONG BA DUS GZHAN DU ZHIG PA YIN, GAL TE ZHES BYA BA NI 'CHAD PA'O, ,DE NYID CES BYA BA NI YUL GZHAN DU SONG BA'O, ,DE YANG ZHES BYA BA NI DUS GZHAN DANG 'BREL PA'O, ,YUL GZHAN DU ZHES BYA BA NI RTZOD PA'O, , YUL GZHAN BZHIN DU ZHES BYA BA NI LAN NO, ,DUS GZHAN DU ZHES BYA BA NI DOGS PA'O, ,MA DMIGS PA 'DI NI YUL DANG DUS GNYIS KA LA YANG MTSUNGS PA'O, ,GANG GI PHYIR KHYAB PA MA DMIGS PA'I PHYIR RO, ,JI LTAR ZHES BYA BA NI MA KHYAB PA NYID DU'O, ,DE LTA NYID YIN ZHES BYA BA NI MA KHYAB PA NYID DO, ,

, ,GZHAN DU MIN TE BYAS PA NYID NI MA YIN NO, ,DPE GSUNGS PA NI SNGON PO NYID DU ZHES BYA BA'O, ,DES NA DE NYID CES BYA BA NI SKABS NYE BAR SDUD PA'O, ,GZHAN ZHES BYA BA NI MUN PA DANG GRANGS LA SOGS PA'I SKAD CIG GO, ,CI STE MI SKYE ZHE NA, RGYU MED PAS SO, ,DES NA SUS KYANG SU YANG GZHIG PA MA YIN GYI 'ON KYANG 'DI NI THA SNYAD TZAM YIN NO ZHES MJUG SDUD PA DE MA MTHONG BA NA ZHES BYA BA'O, ,YUL DE LTA BU ZHES BYA BA NI RGYU MED PAS MA SKYES PA'I YUL LA'O, ,'O NA DE KHO NA NYID 'GAL BA CI 'DRA BA YIN ZHE NA, DON DAM PAR NI ZHES BYA BA'O, ,GRANG BAS GRANG BA GZHAN SKYES PA NI ME DANG LHAN CIG SKYES PA'I SKYED PAR MI NUS PAS NI RGYU DANG 'BRAS BU'I KHYAD PAR NYID 'GAL BA YIN NO, ,'ON PHAN TSUN SPANGS TE GNAS PA'I 'GAL BA TSUL JI LAR YIN ZHES NA, DE YANG TSUL 'DI LAS 'DA' BA YIN NO ZHES BRJOD PA NI, PHAN TSUN ZHES BYA BA'O, ,ME DANG LHAN CIG PA'I GRANG BAS GRANG BA GZHAN MI SKYED PA BZHIN DU SKAD CIG MA'I RANG BZHIN DANG BRAL BA BRTAG PA'I RANG BZHIN SKYED PAR BYED PA MA YIN PA'O, ,'DIR BRJOD PA NI SKAD CIG CES BYA BA'O, ,DES NA ZHES BYA BA NI MI NUS PA DE'O, ,MI SKYED PA NYID DO ZHES BYA BA NI 'GAL BA YIN NO ZHES SKABS KYIS SO, ,'O NA SNGON PO DANG SNGON PO MA YIN PA DAG LA 'GAL BA 'DI JI LTAR ZHE NA; JI LTAR ZHES BYA BA'O, ,SNGON PO NYID LA SOGS PA NI SNGON PO'I RANG BZHIN 'BA' ZHIG PA NYID SKYED PAR BYED PA YIN GYI, SER PO LA SOGS PA DANG LHAN CIG PA'I RANG BZHIN NI SKYED PAR NUS PA MA YIN NO, ,'O NA JI LTAR SLOB DPON CHOS MCHOG GI LUGS BZHIN DU THA DAD PAR 'GYUR ZHE NA, 'GAL BA 'DI GNYIS NI ZHES BYA BA'O, ,GAL TE 'DI GNYIS LA RNAM PA CI ZHIG LTAR KHYAD PAR YOD DU CHUG PA DE LTA NA YANG SKYE BA MED PAS BYAS PA'I KHYAD PAR NI 'GA' YANG YOD PA MA YIN NO ZHES BYA BA'I DON TO, ,SER PO DANG SNGON PO BZHIN DU ME DANG BCAS PAS DE DANG BRAL BA 'GAL BA YIN NO ZHES BRJOD PA NI DES NA ZHES BYA BA'O, ,RGYU'I DBANG GIS ZHES BYA BA NI JI SKAD BSHAD PA LAS SO, ,DE YANG ZHES BYA BA NI MI MTHUN PA'I MTSAN NYID KYI RANG BZHIN NYID DO, ,DE LTA MA YIN NA ZHES BYA BA NI DON GYI RANG BZHIN MA YIN NA ME LA SOGS PA'I DON RNAMS KYI NGES PA'I RANG BZHIN MED PAR THAL BAR 'GYUR BA'I PHYIR RO, ,GAL TE 'GAL BA'I DON GYI RANG BZHIN YIN NA

GANG GIS MI DMIGS PA NYID MI DMIGS PA JI LTAR YIN ZHE NA, DE DAG NI ZHES GSUNGS SO, ,DBANG PO LAS 'DAS PA NI 'GA' YANG LHAN CIG 'GAL BA YOD PAR MI 'GRUB PA DES NA 'GAL BA DMIGS PA SRID PA LA YIN NO ZHES BRJOD PA NI, DBANG PO LAS 'DAS PA ZHES BYA BA'O, ,MI DMIGS PA TZAM GYIS KYANG MED PA MI 'GRUB PO ZHES SBYAR RO, DE GA LAS SHE NA, MA DMIGS SO ZHES BYA BAS SO, ,'O NA MI DMIGS PA LAS MED PAR BRJOD PA NI MDZES PAR 'GYUR BA DE GANG YIN ZHE NA, GANG GI ZHES SMOS SO, ,'O NA DE NYID KYIS THAMS CAD MKHYEN PA NYID 'GOG PAR 'GYUR RO ZHE NA, DE'I TSE YANG ZHES BYA BA'O, ,'O NA THAMS CAD MKHYEN PA MI SPONG MOD, 'JIG RTEN PHA ROL LA SOGS PAR 'GYUR RO ZHE NA 'JIG RTEN PHA ROL ZHES GSUNGS SO, ,CI'I PHYIR ZHE NA, DE LA ZHES GSUNGS SO, ,DE LTAR GNOD BYED MED PA BRJOD NAS, SGRUB PAR BYED PA YOD PA BRJOD PA NI, BZLOG PA LA NI ZHES BYA BA STE, THAMS CAD RIG PA DANG, 'JIG RTEN PHA ROL YOD PA'I TSAD MA NI TSAD MA GRUB PA'I LE 'UR BSHAD ZIN TO,, ,,GANG GI PHYIR LKOG TU GYUR PA RNAMS LA DMIGS PA LAS MED PAR NGES PA DE'I PHYIR RO, ,YANG NA JI LTAR DMIGS PA LAS YOD PAR GRUB PA DE BZHIN DU MA DMIGS PA LAS KYANG MED PA 'GRUB BO, ,DES NA MA DMIGS PAR NGES BYED JI LTAR MA YIN ZHES DOGS PA BSU NAS JI LTAR ZHES GSUNGS TE, DPER NA DU BA LA SOGS PA'I DNGOS PO NYID LKOG TU GYUR PA'I DNGOS PO RNAMS KYIS GRUB PA STE, NGES PA LA SGRUB PAR BYED PAR 'DOD PA'I DMIGS PA NI MA YIN PA DE BZHIN DU DNGOS PO NYID RANG LOG PA NA DNGOS PO RNAMS KYI LDOG BYED DU 'DOD KYI, MI DMIGS PAR BYED PA YIN NO ZHES BYA BA'I DON TO, ,JI LTAR ZHES BYA BA NI RNAM PAR 'GREL PA'O, ,LDOG PA BRJOD PA NI 'BREL PA MED PA NI ZHES BYA BA NI, DE BZHIN DU ZHES BYA BA NI 'BREL PAS SO, ,CI'I PHYIR ZHE NA, 'BREL PA MED PAR NI ZHES GSUNGS SO, ,SPYIR BRJOD PA'I DON KHYAD PAR GYI MTHAR THUG PAR BYED PA NI DPER NA ZHES BYA BA'O, ,DE LTA MA YIN NA ZHES BYA BA'O, ,GAL TE KHYAB PAR BYED PA MED PAS KHYAB PAR BYA BA MED PAR MI 'GYUR NA, DE'I TSE 'BREL PA DE YIN NO, ,DNGOS PO SGRUB BYED NYID DU BSTAN PA'I ZHAR LA DNGOS PO MED PAR 'DOD PA TZAM LAS BYUNG BA'I SGRUB PAR

, ,BYED PA YIN PA NYID DO, ,BRJOD PA NI 'DIS NI ZHES BYA BA STE, DNGOS PO NYID SGRUB PAR BYED PAR BSTAN PA LAS SO, ,SOGS PA'I MI MTHUN PA'I PHYOGS MA YIN PA NYID KYI CHOS BSGRUB PAR BYA BA RTAG PA'AM MI RTAG PA NYID CI YANG RUNG BA LA MI SRID PA'I PHYIR RO, ,CI'I PHYIR DE LTAR SRID SNYAM NA, GANG GI PHYIR RTOGS PAS SBYAR BA'I CHOS YIN PAS SO, ,DNGOS PO'I CHOS MA YIN PA KHO NA SGRUB PAR BYED PA YIN GYI GZHAN NI MA YIN NO ZHES BYA BA'I DON TO, ,JI LTAR 'DIS 'DI GSAL ZHE NA, PHYOGS DANG ZHES GSUNGS SO, ,JI LTAR NA GNYIS LAS GCIG DANG MA 'BREL ZHE NA, PHYOGS NI ZHES GSUNGS SO, ,DE LTA BU NYID DO ZHES BYA BA NI 'DOD PAS BYAS PA KHO NA'O, ,'DI LTAR BSGRUB PAR BYA BA'I CHOS KYI SPYI PHYOGS DANG MTHUN PA'I PHYOGS YIN NO, ,DE YANG NA JI LTAR DE DANG DE LAS MTHUN PA'I PHYOGS MTSUNGS PA DON DAM PA MA YIN PAR 'GYUR, ,DNGOS PO ZHES BYA BA NI LAS SO, ,JI LTAR GO BAR BYED PA MA YIN NO ZHES DOGS PA BSU NAS, RJES SU 'GRO BA DANG LDOG PA MED PA'I PHYIR RO ZHES BRJOD PA NI, GZHAN DU ZHES GSUNGS SO ZHES 'DOD PA LA'O, ,GZHAN NI DNGOS PO'O, ,RJES SU 'GRO BA MED PA BRJOD NAS LDOG PA MED PA BRJOD PA NI GANG GIS ZHES BYA BA STE, LDOG PAR BYED PAS SO, ,DE ZHES BYA BA NI RTAG PA DANG MI RTAG PA DAG GO, ,'GA' ZHIG LAS ZHES BYA BA NI RTAG PA'AM MI RTAG PA LAS SO, ,GANG GI PHYIR DE LTAR DNGOS PO DANG 'BREL PA MA YIN PA DES NA'O, ,'O NA JI LTAR SGRUB PA DGAG PA 'GRUB CE NA, BSHAD PA NI DE'I PHYIR ZHES BYA BA'O, ,CI DNGOS PO MTHA' DAG DANG LDOG PA NA DNGOS PO MTHA' DAG GI LDOG PAR BYED PA YIN NAM, 'ON TE 'GA' KHO NA YIN ZHE NA, DE LA YANG ZHES BYA BA STE DNGOS PO RNAMS LA'O, ,KHYAB PAR BYED PA LDOG PA GCIG KHYAB PAR BYA BA LDOG PA GO BAR BYED PA YIN GYI KHYAB PAR BYED PA YIN PA NI MA YIN NO, ,GANG GI TSE ZHES GAL TE ZHES BYA BA'O, ,'DIS NI THAMS CAD NI SGRUB PAR BYED PA MA YIN GYI

'ON KYANG KHYAB PAR BYED PA KHO NA MA YIN TE, DES NA DNGOS PO RNAMS BSGRUBS LA, ,DNGOS NYID SGRUB PAR BYED PAR 'DOD, ,CES BYA BA YANG THAMS CAD LA NI MA YIN NO ZHES BRJOD PAR 'GYUR RO, ,SPYIR BRJOD PA TSIGS SU BCAD PA SNGA MA'I DON 'DIR BSDUS TE 'DZIN PAS BSDU BA STE, KHYAD PAR DU RNAM PAR 'JOG PAR BYED PA ZHES BYA BA'I DON TO, ,RANG BZHIN MI DMIGS PA LA YANG ZHES BYA BA'I RTZOD PA'I DON NI 'DI YIN TE, DMIGS PA LOG PA SNANG BA MI DMIGS PA'I RANG BZHIN YANG DNGOS PO'I BYED PA ZHES LDOG PAR BYED PA YIN NO ZHES NI CI STE BRJOD CES BYA BA YIN NO, ,RANG BZHIN MI DMIGS PA NI DNGOS PO MED PA'I GO BAR BYED PA MA YIN NO ZHES LAN 'DEBS PA NI DE LA ZHES BYA BA'O, ,CI'I PHYIR ZHE NA, DMIGS PA'I ZHES BYA BA'O, ,SKABS KYI RTZOD PA BSAL NAS GAL TE RANG GI LDOG PA NI ZHES BYA BA 'CHAD PA NI DES NA ZHES BYA BA'O, ,SGRUB PA DES ZHES BYA BA NI, KHYAB PA MED PAS SO, ,DE BAS NA DNGOS PO NYID LDOG PA NA DNGOS PO MED PA SGRUB PAR BYED PA YIN NO, ,GAL TE KHYAB PAR BYED PA LDOG PA NI GZHAN DMIGS PA'I RANG BZHIN YIN PA'I PHYIR NA MNGON SUM GYIS GRUB PA MA YIN RNAM NGES NA RNAM 'DRAR ZHES CI STE BRJOD CE NA, BSHAD PA GANG GI PHYIR MED PAR BSGRUB PAR BYA BA LA KHYAB PAR BYED PA DE NYID KYI TSAD MA MED PA STE MI DMIGS PA RTAGS SU BRJOD PA GANG YIN PA DE NI SHIN TU RMONGS PA'I DON DU YIN TE, DES NA DE LTAR BRJOD PA YIN NO ZHES BYA BA'I DON TO, ,PA RMONGS PA RNAMS LA YANG RTAGS NYID CI STE YIN ZHE NA, GNAG RID MO BAR ZHES GSUNGS SO, ,DMIGS PAR DMIGS PA MA YIN MA DMIGS PAR NI MED PA'I THA SNYAD KYI YUL YIN PAR BYIS PA RNAMS KYIS KYANG NGES PA DES NA DE NGES PA'I DON DU KHYAB BYED MI DMIGS PA LA SOGS PA'I RJES SU 'BRANG BA'I NI DMIGS PA 'GAL BA YIN NO, ,YANG BRJOD PA GANG YIN DE NI SHIN TU RMONGS TE ZHES GANG GI DON 'DZIN PA'O, ,SHES PA GCIG LA 'DRE BA CAN GANG GI TSAD MA MED PA MI DMIGS PA DE NYID KYI MED PA LA STE, MED PA'I THA SNYAD LA RTAGS SU BRJOD PA NI SHIN TU RMONGS PA'I DON DU YIN NO ZHES BYA BA'I DON TO, ,RANG BZHIN MI DMIGS PA LA ZHES BYA BA NI 'CHAD PA'O, ,GAL TE GNAG RDZI LA SOGS PA SPYOD PA DANG BRAL BA YANG 'DIR MA RMONGS PA YIN NA, 'ON RMONGS PA DE GANG YIN ZHE NA,

, ,'ON KYANG ZHES BYA BA'O, ,JI LTAR RTOGS PAR BYED CE NA MED PA'I THA SNYAD CES BYA BA'O, ,DE LTA MA YIN NA ZHES BYA BA NI MI DMIGS PA'I RGYU MTSAN CAN DU KHAS MI LEN PA'O, ,BDAG DANG BDE BA LA SOGS PA THA DAD PAR RTOGS PA'I RGYU NI, BSTAN BCOS 'DI MIN NA ZHES BYA BA'O MA YIN TE, BSTAN BCOS NI DON DANG 'BREL PA MED PAS TSAD MA YIN PA'I PHYIR RO, ,BSTAN BCOS NYID DANG ZHES BYA BA NI BDE BA LA SOGS PAR MA ZAD PA'O, ,BSTAN BCOS GZHAN KHO NA LAS THA DAD PA YIN NA NI THUG PA MED PAR 'GYUR RO, ,GAL TE PHAN TSUN THA DAD PAR DMIGS PA NI THA DAD PA'I SGRUB PAR BYED PA'I 'DOD PA NYID YIN GYI MI DMIGS PA NI MA YIN ZHES DOGS NA, THA DAD PAR ZHES GSUNGS SO, ,MI DMIGS PA KHAS MI LEN PA LA YANG NYES PA GZHAN DAG BRJOD PA NI, GSAL BA NI ZHES BYA BA STE GSAL BA NI CHEN PO PA NYID LA SOGS PA'I 'BRAS BU'O, ,DMIGS PA LA NI GTZO BO'O, ,DES DMIGS PA GDON MI ZA PAR TSAD MAR BYAS PA YIN NO, ,GAL TE DNGOS PO'I RANG BZHIN GANG LA NI, ,DNGOS PO YOD PAR RTOGS DON CAN, ,TSAD MA LNGA PO MA SKYES PA, ,DER NI DNGOS MED TSAD MA MED, ,CES BRJOD PA'I PHYIR TSAD MA LNGA PO MED PA YANG TSAD MAR CI'I PHYIR KHAS MI LEN ZHE NA MI DMIGS PA NI ZHES GSUNGS SO, ,MI DMIGS PA'I TSAD MA 'DI KHO NA TZAM ZHIG BSGRUB PAR BYA BA MED PA LA DNGOS SU MED PA'I 'BRAS BU CAN YIN GYI, TSAD MA RTOGS PA NI MA YIN TE SNGAR NYID BKAG ZIN PA'I PHYIR RO, ,DE GANG YIN ZHE NA DE YANG NGO, ,DGAG BYA'I RGYU'AM RANG BZHIN DE KHYAB PAR BYED PA SNANG BAR 'DOD BA SNANG MED NYID DE MI DMIGS BA NYID DO, ,CI'I PHYIR 'DI TZAM NYID MI DMIGS PA NYID CE NA, YANG ZHES GSUNGS TE, RGYU LA SOGS PA YANG NGO, ,GZHAN DANG ZHES BYA BA NI RGYU MA YIN PA LA SOGS PA NI, RNAM PA GZHAN DU ZHES BYA BA NI MI RUNG BA'O, ,DE'I PHYIR ZHES BYA BA NI KHYAB PAR BYED PA LA SOGS PA MED PA LA NGES PA'I PHYIR RO, ,MI DMIGS PA LA SOGS PA DE DAG GIS BSKYED PA'O, ,DES NA ZHES BYA BA NI MI SLU BA'I PHYIR RO, ,DES NI RTAGS CAN GYI SHES PAS SO, ,DE LTAR ZHES BYA BA NI KHA DOG LA SOGS PA NI MI RTAG PA'O ZHES BYA BAR RO, ,DES NA MI RTAG PA LA SOGS PA NI DNGOS PO'I CHOS MA YIN NA, 'DIS NI MI RTAG PA NYID KHA DOG GI SPYI LA SBYOR BA'I PHYIR NA MI RTAG PA NYID DNGOS

PO'I CHOS MA YIN PAR 'GYUR RO ZHES BRJOD PA NI GANG YIN PA DE SPANGS PA YIN NO, ,GAL TE DNGOS PO MED NGO BO YIN TE, ,RANG GI MTSAN NYID GRUB PAR GRUB PHYIR RO, ,ZHES BYA BAS RJES SU DPAG PAS DANG, MNGON SUM GYI RJES LAS 'BYUNG BA'I SHES PA RANG GI MTSAN NYID KYI YUL CAN DU BSTAN PA MA YIN NAM, DA NI GANG LA KHA DOG SPYI LA SBYOR PHYIR RO, ,ZHES BRJOD LA, MI RTAG PA NYID KYI SPYI DANG SBYAR BA'I KHA DOG GI SPYI SNANG BA DE DANG YIN SNYAM DU DOGS PA NI, GAL TE KHA DOG 'DI ZHES BYA BA LA SOGS PA LA NI RJES SU DPAG PAS ZHES BYA BA LA SOGS PA'O, ,RNAM PAR RTOG PA NI LHAG PAR ZHEN PAS RANG GI MTSAN NYID KYI YUL CAN YIN YANG DNGOS PO'I 'JUG PA LA DE'I RANG BZHIN LA MA REG PA'I PHYIR NA SPYI'I YUL CAN KHO NA YIN NO, ,DES NA RJES SU DPAG PAS MI RTOG PA LA SOGS PA 'DZIN NA KHA DOG SPYI LA SBYOR PHYIR RO ZHES BYA BA'I TSUL 'DI YIN PAR 'DOD PA NYID DO, ,GAL TE RJES SU DPAG PAS KYANG KHA DOG NYID SPYI LA MI RTAG PA NYID RTOG PA YIN NA CHOS CAN GYI DE TSAD MA GZHAN GYIS RTOGS PAR BYA BA YIN TE MNGON SUM GYI YUL MA YIN PA'I PHYIR DANG RJES SU DPAG PAS RTOGS NA YANG THUG PA MED PA'I PHYIR RO, ,RNAM PAR DPYOD PA DANG LDAN PA'I MNGON SUM GYI DE MA THAG TU KHA DOG LA SOGS PA 'DI NI MI RTAG PA'O SNYAM PA'I SHES PA GANG YIN PA YANG TSAD MA GZHAN YIN TE, RANG GI MTSAN NYID LA SBYOR BA'I PHYIR RO SNYAM NA, GZHAN DU ZHES GSUNGS SO, ,CI'I PHYIR ZHE NA, NGES PAR SKYES PAR NUS PA'I MNGON SUM GYIS BZUNG BA'I KHA DOG NYID LA SOGS PA LA 'DI NI SNGON PO ZHES BYA BA LA SOGS PA'I RNAM PAR RTOG PAS 'DZIN PA'I PHYIR NA, DE NI TSAD MA GZHAN NYID DU 'DOD PA MA YIN NO, ,PHYED SNGA MA 'CHAD PA NI RANG DANG ZHES BYA BA'O, ,RANG GI MTSAN NYID BRJOD PAR BYA BA MA YIN PA DANG, SPYI'I MTSAN NYID KHA DOG NYID DE, RNAM PA DE DAG TU KHA DOG LA SOGS PA MNGON SUM GYIS BZUNG ZHING NGO, ,RNAM PA GZHAN YANG BSHAD PA NI, MI RTAG PA NYID DU YANG ZHES BYA BA STE, MNGON SUM GYIS BZUNG NAS SO, ,'DI TZAM GYIS NI DANG POR YOD PA'I TSAD MA'I BYED PA BSTAN PA YIN NO, ,DE'I 'OG TU YID KYIS MTSAMS SBYOR BAR BYED PA YIN NO ZHES GSUNGS PA NI, KHA DOG LA SOGS PA

, ,MI RTAG PA STE ZHES BYA BA'O, ,YID KYIS ZHES BYA BA NI RNAM PAR DPYOD PA'I BLO CAN LA LTOS TE, MNGON SUM GYI RJES LAS BYUNG BA DANG, BLO DMAN PA LA LTOS TE DE NI RJES SU DPAG PA LAS SO ZHES BYA BA'I DON TO, ,SLOB DPON GYIS ZHES BYA BA NI PHYOGS KYI GLANG POS SO, ,TSAD MAR THAL BA NI DGAG PAR 'OS PA YIN PA DES NA THAL BA BRJOD PA NI KHA DOG GI SPYI LA ZHES BYA BA'O, ,DE LTAR TSAD MA GZHAN YOD PAR 'GYUR SNYAM NA, CHOS CAN SPYIR THUG PA MED PAR 'GYUR BAS NA, RJES SU DPAG PAS NI MI 'DZIN TO, ,MNGON SUM GYIS KYANG MA YIN TE, DE'I YUL MA YIN PA'I PHYIR RO, ,DES NA DE'I YUL CAN GYI SHES PA TSAD MAR GZHAN DU 'GYUR RO ZHES BRJOD PA NI, CHOS CAN GYI DE ZHES BYA BA'O RNAM PAR RTOG PA'I SHES PA TSAD MA GZHAN DU THAL BAR 'GYUR RO ZHES GSUNGS PA NI, GANG GI TSE ZHES BYA BA'O, ,THAL ZIN PA'I RTZOD PA GNYIS KA LA YANG NGO, ,DE LA RNAM PAR RTOG PA LA'O, ,GAL TE RE ZHIG KHA DOG LA SOGS PA GZUGS DANG RO LA SOGS PA NI DNGOS PO YIN PA'I PHYIR MNGON SUM GYIS 'GRUB PAR 'GYUR BA MIN NA, DNGOS PO MED PA'I RANG BZHIN YIN PA'I PHYIR MI RTAG PA NYID DES 'GRUB PAR JI LTAR 'GYUR SNYAM NAS BRJOD PA NI MI RTAG PA NYID CES BYA BA'O, ,'DI LTAR ZHES BYA BA NI LAN NO, ,SNGON PO LA SOGS PA'I DNGOS PO LAS MI RTAG PA NYID GZHAN YOD PA MA YIN TE, THA MA'I SKAD CIG MTHONG BA NA THA DAD PAR NGES PA'I PHYIR RO, ,SNGAR YANG DNGOS PO DMIGS PA NI MI RTAG PA NYID KYI SNYING PO CAN YIN TE, THA DAD PA MED PA'I PHYIR RO ZHES BRJOD PA NI, DE YANG ZHES BYA BA'O, ,SNGAR ZHES BYA BA'I RNAM PAR RTOG PA STOS NAS SO, ,GAL TE MI RTAG PA NYID KHA LA SOGS PA LAS THA DAD PA MA YIN NA, DE'I TSE BRJOD CES PAR BYA BA THA DAD PA MED PA'I PHYIR KHA DOG LA SOGS PA MI RTAG PA'O ZHES BYA BA GZHI MTHUN PA NYID DU MI 'GYUR GYI, 'ON KYANG RNAM GRANGS PAR 'GYUR RO ZHES DOGS PA BSU NAS BRJOD PA NI, DU MA'I DNGOS DE ZHES BYA BA'O, ,BRJOD PAR BYA BA THA DAD PA LDOG PA THA DAD PA'I RGYU MTSAN CAN YIN PA'I PHYIR TE NYES PA 'DI MED DO ZHES BYA BA'I DON TO, ,GAL TE THUN MONG MA YIN PA'I PHYIR NA DNGOS PO'I RANG BZHIN JI LTAR SPYI YIN ZHES DOGS PA BSU NAS, RNAM PAR RTOG PAS ZHES GSUNGS SO, ,DE NYID CES BYA BA NI DNGOS PO'I RANG BZHIN

NYID DO, ,CI'I PHYIR ZHE NA, MI NUS PA'I PHYIR RNAM PAR RTOG PAS DNGOS PO'I RANG BZHIN 'DZIN PAR MI NUS PA DE'I PHYIR NA RANG BZHIN NO, ,DE BAS NA SPYI NI 'DZIN PA'I BYED PA'AM, DNGOS PO LAS GZHAN NI MED DO, ,GAL TE RNAM PAR RTOG PA LA SPYI THA DAD PAR SNANG BA MA YIN NAM, DES NA GZHAN NI MED DO ZHES JI LTAR BRJOD SNYAM NA, 'DIS NI ZHES BYA BA'O, ,MNGON SUM LAS SNANG BA'I RANG BZHIN GYI RNAM PAR BRJOD PA NI, 'DI NI SNGON PO ZHES BYA BA'O, ,DE NYID LA ZHES BYA BA NI RANG GI MTSAN NYID LA'O, ,DE LTAR ZHES BYA BA NI 'DI NI SNGON PO'O ZHES BYA BAR SBYAR RO, ,MNGON SUM GYIS MA BZUNG BA'I SPYI NYID RNAM PAR RTOG PAS 'DZIN PA YIN NO ZHES DOGS PA BSU BA NI, 'ON TE ZHES BYA BA'O, ,'DIR YANG LAN 'DI NYID YIN NO ZHES BRJOD PA NI, DE NI MI RIGS TE ZHES BYA BA'O, ,DE NI RNAM PAR RTOG PAS SO, ,GAL TE SPYI MED PAR THA SNYAD 'DIR JI LTAR 'GYUR SNYAM NA, THA SNYAD KYI ZHES GSUNGS SO, ,GAL TE ZHES BYA BAS DON DAM PA'I DU MA NYID DU DOGS PA'O, ,DE NI DON DAM PA MA YIN ZHES LAN 'DEBS PA'I DON DU RANG GI MTSAN NYID NI RE ZHIG BRJOD PAR BYA BA MA YIN NA ZHES GSUNGS PA NI, 'DI LA BRJOD PA ZHES BYA BA'O, ,BRJOD PAR BYA BA NYID NI BRTAGS PA'I THA DAD PA MIN NO ZHES BRJOD PA NI THA DAD PA NI ZHES BYA BA'O, ,YANG NA DON DAM PA'I CHOS THA DAD PA MED PAR RNAM PAR RTOG PA THA DAD PAR JI LTAR SNYAM NA, THA DAD NA NI ZHES BYA BA'O, ,JI LTAR THOG MA MED PA'I BAG CHAGS KYI RGYU CAN YIN SNYAM NA RNAM PAR RTOG PA NI ZHES BYA BA'O, ,GAL TE RNAM PAR RTOG PA'I SPYI LA GZHI MTHUN PA YIN PA DE CI LTAR NA RNAM PAR RTOG PAR GZUNG BA 'DZIN PAR 'GYUR SNYAM NA BSHAD PA SPYI'I CHOS KYI RTEN DANG DE LAS LDOG PA'I DNGOS PO DE NGES PA BSKYED PAR NUS PA'I MNGON SUM GYIS GRUB PA NA SPYI DE NYID NI GRUB PA KHO NA YIN TE, SKAD CIG MA MTHONG BA RNAMS KYIS NGES PA'I PHYIR RO, ,DES NA RNAM PAR RTOG PA GZUNG BA 'DZIN PA YIN NO ZHES BYA BA'I DON TO, ,'O NA TE DES STONG PA'I DON MTHONG YANG GAL TE THA MA'I SKAD CIG MTHONG SPANGS YIN PAS MI NGES NA DE NGES PAR BYED PA'I DON RJES SU DPAG PAR 'DOD PAR BYA DGOS SO ZHES BRJOD PA NI, DE MA GRUB PA ZHES BYA BA STE SPYI STE MA GRUB NA NI DE LTAR DE RGYU MTSAN RAB TU BSTAN PAS RAB TU GRUB PHYIR ZHES BYA BA DNGOS PO RAB TU GRUB PA'I PHYIR NI MA YIN PA'O, ,PHYED SNGA MA

, ,'CHAD PA NI SPYI NI ZHES BYA BA'O, ,GZHI MTHUN PAR ZHES BYA BA NI SBRA MI RTAG PA'O ZHES SO, ,GZHAN DU ZHES BYA BA NI GZHI THA DAD PAR TE SGRA'I MI RTAG [?] PA'O ZHES BYA BAR RO, ,THA SNYAD MA GRUB NA NI ZHES BYA BA NI PHYID PHYI MA RNAM PAR 'GREL PA'O, ,THA SNYED YUL GYI DNGOS PO NYID DU DRAN PAR BYED PA YIN NO ZHES 'BREL TO, ,JI LTAR ZHE NA RGYU MTSAN DRAN PA'I SGO NAS SO, ,JI LTAR RGYU MTSAN BSTAN PAS ZHES BYA BA'O, ,GZHAN NI MA YIN NO ZHES BYA BA NI DNGOS PO NYID DO, ,GAL TE MTHONG BA'I DNGOS PO LA DE'I RNAM PAR RTOG PA THA SNYAD SGRUB PA YIN TE, 'DI LKOG SHAL LA SOGS PA DANG LDAN PA'I PHYIR NA BA LANG NGO ZHES BYA BA BZHIN NO, ,'DI ME DANG LDAN PA YIN TE DE DU BA DANG LDAN PA'I PHYIR RO ZHES BYA BA NI MA YIN TE, ME DANG LDAN PA NYID MA MTHONG BA'I PHYIR ZHES DOGS PA NI GAL TE ZHES BYA BA'O, ,'BRAS BU'I RJES SU DPAG PA LA NI DNGOS PO MA MTHONG BA NYID KYIS THA SNYAD SGRUB PAR BYED PA YIN NO ZHES BRJOD PA NI, DE YANG MI 'THAD DE ZHES BYA BA'O, ,DE NYID LA NI ZHES BYA BA RJES DPAG RTOGS PA NYID LA'O, ,GAL TE ZHES BYA BA NI 'CHAD PA'O, ,GAL TE RJES SU DPAG PA BDAG NYID THAMS CAD KYIS DNGOS PO MA MTHONG BA NYID KYIS THA SNYED SGRUB PAR BYED PA YIN NO ZHES BRJOD PA NI, DE GAL TE ZHES BYA BA'O, ,RUNG BA'I RGYU LAS ZHES BYA BA NI DPE GSUM BRJOD PA'O, ,DON GSUM BRJOD PA NI DE LA ZHES BYA BA LA SOGS PA'O, ,DPER NA TSOGS PA'I DBANG GIS RUNG BA'I SKYES PA'I RGYU NI GDON MI ZA BAR 'BRAS BU SKYED PAR BYED PA DE BZHIN DU RANG GI RGYU LAS SKYES PA'I SNGON BDAG NYID THAMS CAD KYIS DNGOS PO 'DZIN PA YIN NO, ,JI LTAR RGYU MED PAS 'BRAS BU MI SKYE BAS DE BZHIN DU DE MED PA'I PHYIR RJES SU DPAG PA BDAG NYID THAMS CAD 'DZIN PAR BYED PA YIN NO, ,YANG DPER NA ME GRANG BA ZHES BYA BA NI TSAD MA DANG 'GAL BA YIN PA DE BZHIN DU RJES SU DPAG PAR BDAG NYID THAMS CAD 'DZIN PA YIN NO ZHES BYA BA DE DANG 'GAL BA YIN TE, TSAD MA GZHAN 'JUG PA'I PHYIR TE, TSAD MA GZHAN LA LTOS PA'I PHYIR RO ZHES BYA BA'I DON TO, ,MI SRID PA DANG 'GAL BA KHAS LEN NA NI RJES DPAG PA DNGOS PO MI 'DZIN TO ZHES RANG NYID KYIS KHAS BLANGS PA YIN NO, ,ZHES LAN BRJOD PA NI 'DI NI

ZHES BYA BA'O, ,RJES SU DPAG PA DANG BDAG NYID THAMS CAD 'DZIN PA MI SRID PA DANG, TSAD MA GZHAN 'JUG PA NI MTSAN NYID KYI 'GAL BA YIN NA DNGOS PO 'DZIN PA GANG LAS YIN TE MA YIN PA KHO NA'O, ,'ON TE DE LTA YANG DNGOS PO 'DZIN PAR 'DOD NA DE'I TSE, 'DZIN PA DANG MI 'DZIN PA 'DI GNYIS GCIG GI YIN PAR THAL NA 'GAL BA DANG LDAN PA DE YANG RIGS PA MA YIN NO, ,PHYED SNGA MA BSHAD NAS PHYED PHYI MA 'CHAD PA NI, DE 'DZIN NA ZHES BYA BA STE, MI NGES NA DE DANG THA MI DAD PA'I KHYAD PAR MI 'DZIN PAR JI LTAR 'GYUR, JI LTAR MI 'GYUR ZHE NA, DE NYID KYI TSE ZHES BYA BA'O, ,GZUGS PAR RTOGS PA MI 'THAD PA NYID BRJOD NAS, 'DZIN PAR RTOGS PA GSUNGS PA NI DE BZHIN DU BYA BA'O, ,ME'I KHYAD PAR LAS MA RTOGS PA DE NYID NI YOD PA YANG MA YIN TE, DE MI 'DZIN PA THAMS CAD MI 'DZIN PA NYID DO, ,DES NA GCIG LA 'DZIN PA DANG MI 'DZIN PA NI 'THAD PA MA YIN NO, ,DE'I PHYIR RJES SU DPAG PA NI THA SNYAD SGRUB PAR BYED PA NYID DO ZHES DGONGS PA'O, ,GAL TE RTAGS MED LA MI 'KHRUL BA ZHES BYA BA DE 'DZIN PA'I RGYU YIN GYI RNAM PA THAMS CAD 'DZIN PA NI MA YIN TE, DE MI 'DZIN PA THAMS CAD MI 'DZIN PA NI MA YIN TE, 'KHRUL BA PHYIR RO ZHES DOGS PA NI CI STE 'DU SNYAM DU ZHES BYA BA'O, ,PHYIR RGYU MA YIN ZHE NA, LO MA LAS BYUNG BA LA SOGS PA KHYAD PAR RAB TU 'GRUB PAR MI 'GYUR PA'I PHYIR RO, ,CI'I PHYIR 'GRUB PAR MI 'GYUR ZHE NA, 'KHRUL PHYIR ZHES BYA BA'O, ,DE GNYIS GA LAS SHE NA, SPYI LA ZHES GSUNGS TE, GSAL BA THAMS CAD LA THUN MONG DU GYUR BA'I PHYIR RO ZHES BYA BA'I DON TO, ,DE LTA YIN NA RJES SU DPAG PA DE DNGOS PO 'DZIN PA MA YIN NO ZHES LAN BRJOD PA NI GAL TE DE LTA NA NI ZHES BYA BA'O, ,DE'I TSE JI LTAR KHYAD PAR 'DZIN PA YIN TE MA YIN PA NYID DO, ,KHYAD PAR 'DZIN PA NYID YIN PA NYID DO ZHE NA, 'DI NA ZHES BYA BA'O, ,'O NA CI ZHIG RTOGS ZHE NA, ME TZAM ZHES SMOS SO, GANG GI PHYIR DE LTAR KHYAB PAR 'DZIN PA MIN PA DES NA DNGOS PO 'DZIN NAM YIN NO ZHES BRJOD PA NI SNGAR DU MA ZHES BYA BA'O, ,GAL TE KHYAD PAR GYI THE TSOM YOD KYANG RJES SU DPAG PA DNGOS PO LA DGE BA YIN NO ZHE NA, MNGON SUM DU ZHES GSUNGS SO, ,MNGON SUM BZHIN DU DNGOS PO LA REG PA YIN NA RJES SU DPAG PA LA YANG KHYAD PAR LA THE TSOM ZA BA YOD PAR MI 'GYUR LA, YOD PA MA

, ,YIN TE DES NA DNGOS PO 'DZIN PA MA YIN NO ZHES BYA BA'I DON TO, ,THOB PA GZHAN DU MI 'THAD PAS THE TSOM MI SRID PAR DOGS PA NI THE TSOM ZA NA ZHES BYA BA'O, ,THE TSOM NI THOB PA DANG 'GAL BA MA YIN NO ZHES LAN 'DEBS PA NI THOB PA YANG ZHES BYA BA'O, ,DES NA ZHES BYA BA NI SKABS NYE BAR SDUD PA'O, ,RANG BZHIN GYI ZHES BYA BA RTZOD PA'O, ,LAN DU DON NI ZHES BYA BA 'O NA JI LTAR THOB CE NA KUN TSE ZHES BYA BA'O, ,GANG GIS 'THOB PA DNGOS PO MA BZUNG BAR DER 'JUG PAR JI LTAR 'GYUR ZHE NA, 'KHRUS PAS KYANG ZHES BYA BA'O, ,DE DON DON GNYER RNAMS NI DON DU GNYER BA RNAMS SO, ,DE NYID GSAL BAR BYED PA NI SKRA SHAD LA SOGS PA ZHES BYA BA NI RAB RIM CAN GYIS DMIGS PA DAG LA'O, ,KUN TSE YOD PA LAS ZHES BYA BA RNAM PAR 'GREL PA NI GANG DU ZHES BYA BA'O, ,'BYUNG BAR 'GYUR BA YIN PA'I PHYIR NA THAMS CAD DU 'JUG PA'I YUL 'DZIN PA MA YIN NO ZHES BRJOD PA NI MNGON SUM DANG ZHES BYA BA'O, ,'BYUNG BAR 'GYUR BA'I ZHES BYA BA NI DOGS PA'O, ,RANG BZHIN GYIS BSTAN GYI GTAN TSIGS LA SOGS PA DAG TU NI DNGOS PO 'BYUNG BAR 'GYUR BA'I RANG BZHIN NYID DU 'DZIN PA YIN TE, DES NA MA BZUNG BA THOB PA NI MA YIN NO ZHES BYA BA'I DON TO, ,LAN NI 'BYUNG BAR 'GYUR BA'I RANG BZHIN GYIS NI 'DZIN PA MA YIN NO, ,CI'I PHYIR ZHE NA DE LTAR ZHES SMOS SO, ,'BYUNG BAR GYUR PA NYID DU DNGOS PO LA RTOGS PA'I PHYIR RO, ,DE'I RANG BZHIN DU RTOGS NA YANG SKYON YOD DO ZHES BRJOD PA NI CI STE ZHES BYA BA'O, ,GZHAN DU ZHES BYA BA NI THOB PA'I DUS NA DA LTAR BYUNG BA NYID DU'O, ,DE'I TSE YANG 'BYUNG BAR 'GYUR BA NYID DU RTOGS PAR 'GYUR RO ZHES BYA BA'I DON TO, ,SPYI'I YUL CAN NYID KYIS DNGOS PO 'DZIN PAR DOGS PA NI GAL TE ZHES BYA BA'O, ,DE LTA NA 'O NA MA RTOGS PA'I KHYAD PAR JI LTAR 'THOB CES BRJOD PA NI SPYI RTOGS PA NA ZHES BYA BA'O, ,THOB PA'I RGYU MTSAN DOGS PAR BYED PA NI YOD PA'I ZHES BYA BA'O, ,JI LTAR GZHAN RTOGS PA NI GZHAN YOD SNYAM NA 'DI LTAR ZHES BYA BA'O, ,LAN NI 'O NA ZHES BYA BA'O, ,DE NYID LAS ZHES BYA BA NI RTAGS NYID LAS SO, ,GZHAN ZHES BYA BA NI RTZOD PA'O, ,SPYI YANG ZHES BYA BA NI LAN NO, ,DES NA BRGYAL ZHING BRTAG PA MTSUNGS KYANG GCIG LA NI BRGAL ZHING

BRTAG PAR BYA BA YIN LA, GZHAN LA NI MA YIN NO ZHES BYA BA'I TSUL 'DI CI ZHIG YIN, GANG GIS BRTAG CING BRGAL BA MTSUNGS PA NYID DU 'GYUR BA, DU BA BZHIN DU THA DAD NI MA YIN PA KHO NA'O ZHES DOGS PAR BYED PA NI GAL TE SPYI NI ZHES BYA BA'O, ,GAL TE GZHAN KHO NAR GCIG TU NGES PA MA YIN GYI, 'ON KYANG GZHAN MA YIN PA KHO NA YIN GYI, DE'I TSE SPYI NI GZUNG BA DANG DE NYID CES BYA BA SPYI GZUNG BA NYID DON NI GZUNG BAR 'GYUR RO, ,DE LTA YIN NA CI YOD SNYAM NA, DE LTA YIN NA ZHES GSUNGS TE DON BZUNG BA YIN NA'O, ,CI'I PHYIR ZHE NA, GZUNG BA ZHES SMOS SO, ,DE'I THE TSOM MO, ,SPYI'I TSUL GYIS ZHES BYA BA NI DOGS PA'O, ,KHYAD PAR GYI RANG BZHIN LAS ZHES BYA BA NI LAN NO, ,DE YANG ZHES BYA BA NI DOGS PA STE, KHYAD PAR GYI RANG BZHIN NO, ,CI'I DON DU ZHES BYA BA NI LAN NO, ,MNGON PAR 'DOD PA GRUB ZIN PA'I PHYIR RO ZHES BYA BA NI DOGS PA'O, ,'GA' ZHIG GIS NI MA YIN NO ZHES BYA BA NI KHYAD PAR GYI RANG BZHIN GYIS SO, ,PHYOGS 'DI GNYIS KA LA YANG YOD PA DANG MI NUS PA'I SKYON RIM PA BZHIN BRJOD PAR NI TSUL GANG GIS ZHES SBYAR RO, ,CI'I PHYIR ZHE NA, MI NUS PA'I PHYIR RO ZHES BYA BA STE, KHYOD KYI 'DOD PAS NI MA SHES PA LA 'JUG PAR NUS PA 'GA' YANG MED DO, ,THE TSOM LAS 'JUG PA YIN NO ZHE NA, SPYI SHES PA LA NI THE TSOM MI ZA'O, ,'O NA MI SHES PA LA THE TSOM GYIS 'JUG PA YIN NO SNYAM NA, BSHAD PA KHYAD PAR GYI RANG BZHIN MA SHES PA LA YANG THE TSOM ZA BA MA YIN NO ZHES 'BREL TO, ,CI'I PHYIR ZHEN, THE TSOM NI ZHES GSUNGS SO, ,GZHAN GYI LTAR NA NI THE TSOM YANG DNGOS PO LA REG PA YIN TE, DES NA DNGOS PO'I GNAS LUGS KYI KHYAD PAR MA RTOGS PAS NA DE LA ZHEN PA'I THE TSOM DU MI 'GYUR RO, ,RTOGS PA LA YANG THE TSOM YOD PA MA YIN TE, GNYIS KA YANG RANG GI NGO BO RTOGS PA'I PHYIR RO, ,DE'I PHYIR THE TSOM LAS 'JUG PA ZHES BYA BA NI THEG PA MA YIN NO, ,RTOGS PA'I SPYI LA 'JUG PA NYID NI DE DANG THA MI DAD PA'I NA MA RTOGS PA'I KHYAD PAR LA YANG 'JUG PA YIN GYI THE TSOM LAS NI MA YIN NO ZHES DOGS PA BSU BA NI, GAL TE SPYI DANG ZHES BYA BA'O, ,KHYOD KYI LUGS KYIS YUL DU MA BYAS PA LA 'JUG PA MI 'THAD DO ZHES LAN BRJOD PA NI MA YIN TE ZHES BYA BA'O, ,NGO BO GCIG PA'I

, ,PHYIR ZHES BYA BA YANG MA GRUB CES BRJOD PA NI, RTOGS PA DANG ZHES BYA BA'O, ,RTOGS PA NI SPYI'O, ,MA RTOGS PA NI KHYAD PAR RO, ,JI LTAR DE GNYIS GCIG MA YIN PAR BRJOD SNYAM NA, SNGAR BSHAD ZIN PA DRAN PAR BYED PA NI SHES PA ZHES BYA BA STE, SPYI DANG KHYAD PAR DAG LA RANG BZHIN GCIG NYID KYIS RTOGS PA'I SKYES BU NI DE DAG GIS GCIG NYID RTOGS PAR 'GYUR BA YIN GYI GNYIS KA MA RTOGS PAR NI MA YIN NO, ,RJES SU DPAG PA'I DUS NA NI KHYAD PAR RTOGS PA YANG MA YIN TE, SPYI 'BA' ZHIG RTOGS PA'I PHYIR RO ZHES DOGS PA'O, ,'ON TE ZHES BYA BA LA SPYI RTOGS PAS GZHAN PA'I DUS NI DUS GZHAN NI DER MNGON SUM GYIS RTOGS PA'I KHYAD PAR SNGAR RTOGS PA'I SPYI DANG GCIG TU RTOGS PA'I SKYES BU'O, ,GRUB PA'I MTHAR NI SNGON GYI DUS SU RTOGS PA'I SPYI DUS GZHAN DU MNGON SUM DANG RJES SU DPAG PA DAG MED PAS MA RTOGS PA'I PHYIR JI LTAR DE DANG GCIG NYID RTOGS ZHES BRJOD PA NI, DUS GZHAN LA ZHES BYA BA'O, ,BSTAN ZIN TO ZHES BYA BA NI, DE DANG GCIG LA TSAD MED MIN, ,ZHES BYA BA DER RO, ,GAL TE MI RTAG PA NYID DNGOS PO'I CHOS NYID YIN NA CHAG PA'I BUM PA BZHIN DU RDO RJE'I RDO RJE BA LA SOGS PA DAG KYANG RTOGS PAR 'GYUR RO ZHES DOGS PA NI, GAL TE ZHES BYA BA'O, ,DES PA YOD PA YANG MA YIN TE, DES NA MI RTAG PA NYID NI DNGOS PO'I CHOS MA YIN NO ZHES BYA BA'I DON TO, ,NGES PA MED KYANG DE'I NGO BOR MI 'GAL LO ZHES LAN GSUNGS PA NI 'DI NI ZHES BYA BA'O, ,LA LAR ZHES BYA BA NI RDO RJE LA SOGS PA LA'O, ,DE ZHES BYA BA NI MI RTAG PA NYID YONGS SU MI SHES TE MI NGES SO, ,'DRA BA GZHAN RGYUN 'JUG PAR YOD PA'I PHYIR RO, ,RIGS MI MTHUN PAR SKYE BA MED PA'I PHYIR RO, ,'KHRUL PA YIN TE DES NA THA DAD PA LA NGES PA BSAL BA MED PA'I PHYIR MTHONG YANG MTHONG BA KHO NA'O ZHES BRJOD PA NI, THA DAD MTHONG BA MED PHYIR RO ZHES BYA BA STE, DPER NA SGONG GI THA DAD PA BZHIN NO, ,RGYU MA BYED PA DAG NI SGONG GCIG BSTAN NAS DE LAS GZHAN STON PAR BYED DO, ,DE DA KYANG THA DAD PAR MTHONG YANG DE NYID DU RTOGS PAS MTHONG BA DANG 'DRA BA YIN NO, ,MA NGES PA'I PHYIR RO, ,SGONG DE LA SGONG GZHAN NYID DU RTOGS PA'I PHYIR RO, ,GAL TE ZHES BYA BA NAS CI YIN ZHE NA'I BAR NI RTZOD PA'O, ,RTZOD PA PO NYID KYIS

GAL TE SGRIB PAR ZHES BYA BA LA SOGS PAS BSKAL BAR DOGS PA BSU NAS, BSGRIBS PA ZHES BYA BA ZHES LAN BRJOD PA'O, ,CI'I PHYIR YOD PA MA YIN ZHE NA, RANG GI NGO BOS ZHES GSUNGS SO, ,DE LTA NA YANG STE KHAS LEN NA NI GNYI GA YANG DE 'GYUR RO ZHES BRJOD PA NI YANG NA ZHES BYA BA'O, ,JI LTAR GNYI GA BSGRIBS PAR 'GYUR ZHE NA, PHAN TSUN ZHES BYA BA'O, ,'ON TE SEMS ZHES BYA BA NI DOGS PA'O, ,DE LTA NA NI ZHES BYA BA NI LAN NO, ,SKABS KYI DON NI 'DI YIN NO, ,GAL TE THA DAD PAR BZUNG NAS BSGRIBS PA'I DON CI YIN, DE 'DZIN PA MED NA YANG THA DAD PAR MTHONG BA MA 'KHRUL PAR GNAS PA NYID DO ZHES BYA BA'O, ,SNGON GYI RIG PA DANG DE'I YUL MED PA'I PHYIR DES NI RNAM PAR RTOG PA MA YIN GYI 'ON KYANG RJES SU MTHUN PA'I THA SNYAD KYI GEGS BYED PA'I PHYIR NA, DE NI RNAM PAR RTOG PAS BSGRIBS PAR 'GYUR RO ZHES LAN BRJOD PA NI, 'DIR SMRAS PA ZHES BYA BA'O, ,MTHONG BA DANG BLTA BAR BYA BA DE THA DAD PAR SKYE BOS MTHONG BA MED DO, ,CI'I PHYIR ZHE NA ZHIG PHYIR RO, ,'O NA CI MTHONG SNYAM NA, RTAG PA NYID DU ZHES BYA BA'O, ,SNGAR GYI ZHES BYA BA NI 'CHAD PA'O, ,'O NA 'DAS PA NYID DU THA SNYAD GANG GIS DGOS PO, ,SNYAM NA, THA SNYAD KYANG ZHES BYA BA'O, ,GANG GI PHYIR GNYIS KA 'DAS PA DANG, THA SNYAD KYANG RTAG PA NYID DU BYED PA DES NA'O, ,'DI ZHES BYA BA NI RTAG PA NYID KYI THA SNYAD DO, ,GAL TE MTHONG BA BZHIN DU RNAM PAR RTOG PA YANG JI LTAR THA SNYAD BYED PA YIN ZHE NA, PHYIN CI LOG TU GSUNGS SO, ,DES NA ZHES BYA BA NI YOD PAS SO, ,GAL TE DE DE LTA NA YANG DE MTHONG BA JI LTAR BSGRIBS TE CI YANG MA BYAS PA'I PHYIR RO ZHE NA, DES NA ZHES BYA BA'O, ,JI LTAR THA SNYAD MED PA YIN ZHE NA GZHAN ZHES GSUNGS TE, SKAD CIG PHYI MA SKAD CIG SNGA MA LAS THA DAD PAR NYE BAR MA MTSON PA'I PHYIR RO, ,DE LAS NI ZHES BYA BA NI SNGA MA LAS SO, ,GAL TE MKHAS PAS SGONG LA SOGS PA THA DAD PAR RTOGS PA NYID MA YIN NAM RIGS MTHUN PA'I SKAD CIG MA SKYES PAR NI DON GYI RGYU 'GAL YANG NI THA DAD PAR RTOGS PA MA YIN NO, ,DES DE BZHIN NO, ,'DIR YANG THA DAD PA JI LTAR YIN ZHE NA, RIGS MI MTHUN PA LAS SKYES KYANG DE DMIGS PA BRJOD PA NI DE LTAR ZHES BYA BA STE MKHAS PA LTA ZHOG STE RTAGS MED DE RTAGS MED PA KHO

, ,NAR 'JIG RTEN BYIS PA'I BAR GYI SKYE BOS KYANG NGO, ,PHYIS 'BYUNG BA DANG SNGA MA 'BREL PA MED PA GANG YIN PA DE LTAR MAR ME LA SOGS PA'I DNGOS PO 'DI'I GNAS SKABS MA YIN PAR MTHONG NGO, ,'JIG PA YONGS SU GCOD PA NI 'DZIN PA'O, ,'JIG PA DANG DE'I GNAS SKABS MA YIN PA DAG NI DON GZHAN MA YIN PA'I PHYIR DES NA SGYU MA'I SGONG BZHIN DU 'DIR YANG THA DAD PAR DMIGS PA YOD PA NYID DO, ,PHYIS 'BYUNG BA DANG MI 'BREL MED DE 'BREL PA MED PA GANG YIN PA DE'I THA MA'I SKAD CIG DES ZHES SBYOR BA NI, LA LAR DE'I SA MI SHES TE ZHES BYA BA LA SOGS PA'I KHYAD PAR BRJOD PA NYID KYIS DON GO BA YIN NO, ,BKOD PA'I RNAM 'GREL BSHAD PA'I DON DU PHYOGS SNGA MA 'GOD PA NI GAL TE ZHES BYA BA'O, ,NGES PAR RTOGS PAR BYED PAS NI DBANG PO'I SHES PAS KYANG SKAD CIG NYID 'DZIN PA YIN NO ZHES LAN 'DEBS PA NI 'DI LTAR ZHES BYA'O, ,CI STE YANG SGRON MA LA SOGS PA NI DE'I GNAS SKABS KHO NA YIN TE, DES NA SKAD CIG MA NYID JI LTAR 'DZIN ZHE NA, SGRON MA LA SOGS PA NI ZHES BYA BA'O, ,'O NA JI LTAR DE NYID YIN NO ZHES RTOGS SNYAM NA, DE LTA MOD KYI ZHES GSUNGS SO, ,'DRI'I ZHES BYA BA NI RANG GI NGO BOS SO, ,TSOGS PA MTSUNGS PA ZHES BYA BA NI RGYU'I SGO NAS SO, ,GCIG NYID KYI TSE ZHES BYA BA NI MAR ME 'BAR BA GZHAN DANG GZHAN YOD PA MA YIN NO ZHES BYA BA'I DON TO, ,GCIG YIN NA MAR ME LA SOGS PA PHYI MA DON MED DO ZHES LAN 'DEBS PA NI GAL TE DE NI ZHES BYA BA'O, ,DE LA ZHES BYA BA NI TIL TSIGS MA DANG PO LAS GZHAN PA'I MAR KHU LA SOGS PA DON MED DO, ,RAG LAS PA MED PA'I PHYIR ZHES BYA BA NI RANG DBANG YIN PA'I PHYIR RO, ,RANG DBANG JI LTAR ZHE NA GRUB ZIN PAS ZHES BYA BA'O, ,DUS GZHAN DU GNAS PAR SKYE NAS TSOGS PA GZHAN DON MED PAR BRJOD NAS, DUS GZHAN MI GNAS PAR SKYE BA LA MA NUS PA MED PA BRJOD PA NI DUS GZHAN DU MI GNAS PAR ZHES BYA BA'O, ,TSOGS PA GZHAN GYIS GZHAN SKYED PA'I PHYIR JI LTAR DON MED PA YIN ZHE NA BSHAD PA GZHAN SKYED NAS NI DE NYID CES BYA BA'O, ,DE LTAR SGRON MA LA SOGS PA SKAD CIG DANG PO NYID LAS DUS GZHAN DU GNAS PAR SKYES PA LA SGONG BU DANG RAS BAL LA SOGS PA'I TSOGS PA MED PAR BRJOD NAS, MIG LA SOGS PAS KYANG SKAD CIG DANG PO NYID LA

BDAG NYID THAMS CAD BZUNG BA'I PHYIR RJES SU 'JUG PA'I MIG LA SOGS PA DON MED PAR 'GYUR RO ZHES BRJOD PA NI DE BZHIN DU ZHES BYA BA'O, ,RNAM PA 'DZIN PA RNAM PA GNYIS SU DOGS PA BSU NAS NI 'ON TE ZHES BYA STE, DUS GZHAN DUS GNAS PA'I DE YIN LA 'DZIN PA'I YIN PA DE ZHES BYA STE RNAM PAR RTOG PA GNYIS PA'O, ,LAN NI DE LTAR GYUR NA ZHES BYA BA STE, MTHONG BA GZHAN DANG GZHAN GYIS 'DZIN NA'O, ,RNAM PAR RTOG PA GNYIS PA LA BRJOD PA NI 'DZIN PA ZHES BYA BA'O, ,CIG CAR TSE NA ZHES BYA BA NI SKAD CIG GCIG LA'O, ,DE LTAR ZHES BYA BA NI RTAG PA NYID DU'O, ,GANG GI PHYIR DE LTAR DUS GZHAN DU GNAS PA NYID 'DZIN PAR MI 'THAD PA DE'I PHYIR RO, ,GAL TE LAN MTHONG BAR GYUR PA NI DUS YUN RING POR GYUR NA, DE'I TSE GLOG LA SOGS PA THAMS CAD KYANG DE LTAR 'GYUR TE, DUS RING POR 'GYUR SNYAM NA, MTHONG BA ZHES GSUNGS SO, ,'DI NI GZHAN GYI LUGS KYIS BRJOD PAR ZAD KYI 'DI 'THAD PAR NI MA YIN NO ZHES BYA BAR DGONGS PA'O, ,JI LTA JI LTAR ZHES BYA BA PHYED PHYI MA 'CHAD PA'O, ,PHYED SNGA MA RNAM PAR 'BREL PA NI DUS GCIG NYID DU ZHES BYA BA'O, ,DES NA ZHES BYA BA NI DUS YUN RING POR MA MTHONG BAS NA'O, ,'O NA JI LTAR RMONGS SNYAM NA NI GAL TE ZHES BYA BA'O, ,MTHONG BA YIN YANG GSAL BA MED PA'I PHYIR, MTHONG BA MA NGES PAR YIN NO ZHES LAN BRJOD PA NI NUS PA DNGOS PO LAS THA MI DAD PAS BZUNG BZHIN DU YANG RMONGS 'GYUR TE NGES PA MED PAR 'GYUR RO, ,GANG LAS ZHES NGES GSAL MED PHYIR RO, ,GSAL BA MED PA NYID JI LTAR ZHE NA 'BRAS BU MTHONG BA MED PA'I PHYIR RO, ,JI LTAR MTHONG BA MED SNYAM NA DE MA THAG MED PAS ZHES BYA BA'O, ,DE BZHIN DU MI RTAG PA NYID DE LAS THA MI DAD PAS DE BZUNG BAS BZUNG NYID YIN BZHIN DU YANG RMONGS PA NI NGES PA GSAL BA MED PA'I PHYIR DE CHOD PAS NA SKAD CIG THA MA'I 'BRAS BU MA MTHONG BA'I PHYIR RO, ,'DI'I RIGS MI MTHUN PA'I RGYU RTAG TU NYE BA NI MA YIN ZHES BYA BA DPE'I DON CI SHUGS KYIS 'PHAGS PA YIN NO ZHES STON PA NI, DPER NA ZHES BYA BA'O, ,DE NYID CES BYA BA RMONGS PA BZLOG PA'I CHED DU YOD PA'I PHYIR SKAD CIG MA YIN NO ZHES BYA BA'I RJES SU DPAG PA BRJOD PA YIN GYI DNGOS PO'I RANG BZHIN GRUB PA'I DON NI MA

, ,YIN NO, ,BGOMS PA LAS DE'I RANG BZHIN NYE BAR MTSON PA'I MTHONG BA NYID LAS NI MTHA' SKAD CIG MTHONG BA MED KYANG NGES PA YIN NO ZHES BRJOD PA NI BLO GROS CHEN PO ZHES BYA STE, GANG LA BLO GROS CHEN PO MNGA' BA'O, ,BLO GROS CHEN PO YANG BGOMS PA LAS GSAL BA NYID DO RNAM PA YANG YIN LA THAMS CAD KYANG YIN PAS RNAM PA THAMS CAD DE, MI RTAG PA DANG SDUG BSNGAL BA DANG, BDAG MED PA DANG STONG PA'I RANG BZHIN RNAMS SO, ,DE DAG NI MTHONG BA NYID LAS NGES PAR BYED DO, ,DES NA NI RMONGS PAS NA'O, ,DE'I PHYIR NI MA NGES PA'I PHYIR RO, ,DES NA ZHES BYA BA NI SKABS KYI DON NYE BAR SDUD PA'O, ,GANG LAS ZHES BYA BA NI MI 'DRA BA'I SKAD CIG MTSAMS SBYOR BA LA'O, ,DNGOS PO GCIG GI RJES SU 'BRANG BA YIN LA JI LTAR CHOS THA DAD PA'I RJES SU 'BRANG BAR MI 'GYUR SNYAM NA, SNGON PO NYAMS SU MYONG BA ZHES GSUNGS SO, ,RJES SU 'BRANG BA NA YANG NGES PAR BRTEN PA'I RJES SU DPAG PA BRTAG PA'I YUL CAN DU 'GYUR RO; ,'DOD PA TZAM LAS BYUNG BA'I RTOGS PAS NI THAMS CAD LA DKA' BA MED PA'I PHYIR RO ZHES BYA BAR DGONGS PA'O, ,'DI DNGOS PO'I RANG BZHIN GCIG GI RJES SU 'BRANG BA'AM, 'DOD PA TZAM LAS BYUNG BA NI MA YIN GYI 'ON KYANG DE DANG DE LAS LDOG PA'I RGYU MTSAN CAN YIN NO ZHES BRJOD PA NI, 'DI LA LAN DU ZHES BYA BA'O, ,DE DANG DE LAS BZLOG PA'I RGYU MTSAN CAN GYI CHOS DANG NYE BAR STON PAR BYED PA'I BLOS NI THA DAD PA'I RTEN CAN BZHIN DU RJES SU DPAG PA 'JUG PAR 'GYUR TE, 'DIS NI BSGRUB PAR BYA BA DANG SGRUB PAR BYED PA DAG THA DAD PAR BRJOD PA YIN NO, ,BRDA YOD PA NA SGRAS KYANG THA DAD PA 'DI NI BRJOD PA YIN NO ZHES BRJOD PA NI JI LTAR BRTAGS PA'I SGRA ZHES BYA BA'O, ,GAL TE DNGOS PO THAMS CAD LAS LDOG PA YIN NA, JI LTAR 'GA' ZHIG LAS LDOG PA NYID DU NGES SHE NA, 'KHRUL RGYU MED NA ZHES GSUNGS TE, GOMS PA BSAL BA'I PHYIR 'KHRUL PA'I RGYU MED NA NI DON MED RANG DANG RJES SU MTHUN PA'I BLO BSKYED PAR 'GYUR RO, , SKAD CIG YIN PA LAS LDOG PA'I RANG BZHIN LAS NI MA YIN TE, 'KHRUL PA'I RGYU MTSAN SRID PA'I PHYIR RO, ,DES NA BSGRUB PAR BYA BA DANG SGRUB PAR BYED PA MI 'GAL LO ZHES BYA BAR DGONGS PA'O, ,RNAM PAR BSHAD PA YANG MED BZHIN DU GRANG BAR BYA BA'O, ,THABS GCIG NYID KYIS ZHES BYA BA NI 'DZIN PA'I BDAG NYID KYI BYA

BA GCIG NYID KYIS SO, ,JI LTAR THAMS CAD LAS LDOG PA MI NGES TE, NGES PA KHO NAR 'GYUR RO, ,DES NA MI RTAG PA NYID LA SOGS PA SGRUB PAR BYED PA'I RJES SU DPAG PAS CI ZHIG BYA ZHE NA, DE'I RGYU MTSAN GSUNGS PA NI 'KHRUL PA'I ZHES BYA BA'O, ,'KHRUL PA'I RGYU MTSAN DE BAS YIN ZHE NA, NANG GI 'KHRUL PA'I RGYU MTSAN GSUNGS PA NI, SNGAR MTHONG BA ZHES BYA BA'O, ,GAL TE SNGAR MTHONG BA'I SKAD CIG SKAD CIG PHYI MA'I DUS NA DE KHO NA NYID BZHIN DU DRAN PAR 'GYUR NA NI MI RTAG PA NYID DU NGES PAR GYUR PA ZHIG NA, DE LTAR DRAN PA NI MA YIN TE, DES NA 'KHRUL PA'I RGYU MTSAN SRID PA YIN NO, ,DE NYID KYI PHYIR DRAN PA NYAMS PA MED NA RTAG TU LDOG PA DRAN PAR 'GYUR RO ZHES BRJOD PA NI, SNGAR 'DI MTHONG ZHES BYA BA'O, ,GAL TE SNGON MTHONG BA NYID KYIS DRAN PA YIN YANG JI LTAR NGES SHE NA, 'DI LTAR ZHES GSUNGS SO, ,GANG ZHIG NYAMS SU MYONG BA 'DI DRAN PA SKYE BA 'DI NYID NI NYAMS SU MYONG BA NGES PA YIN NA, DE YOD NA LDOG PA LAS LDOG PA MI NGES PAR JI LTAR 'GYUR, JI LTAR 'DI NYID NGES PA YIN ZHE NA, BSHAD PA NYAMS SU MYONG BA LAS GZHAN DU DRAN PA SKYE BA GCIG TU NGES PAR GYUR NA PHYIN CI LOG YIN ZHE NA, LOG PA NYID DU YIN NO, ,DPER NA SMIG RGYU DAG LA CHUR LHAG PAR ZHEN PA BZHIN NO, ,NYAMS SU MYONG BA DANG DE LAS BZLOG PA DAG LA NGES PA MED PAR DRAN PA SKYE BA NI NGES PA YIN NO, ,LDOG PA BRJOD PA NI NYAMS SU MYONG BA ZHES BYA BA'O, ,RJES SU 'GRO BA BRJOD PA NI JI LTA BA BZHIN DU ZHES BYA BA'O, ,GANG GIS LDOG PA THAMS CAD NGES PAR 'GYUR BA JI LTAR NI DE KHO NA BZHIN DRAN PAR 'GYUR ZHE NA, JI LTA BA BZHIN DU GSUNGS SO, , DES NA ZHAS BYA BA NI 'KHRUL PA'I RGYU MI SRID PAS SO, ,GAL TE TSU ROL MTHONG BA RNAMS LA RNAM PA GZHAN DU DRAN PA 'BYUNG BA'I PHYIR NA, JI LTAR MI RTAG PA NYID DU NGES SHE NA, DE LTA MA YIN PA MA MTHONG BA'O, ,DE MA THAG TU NGES PAR MI BYED NA NI MI DRAN PA STE PHYIN CI LOG TU DRAN PA'O, ,DE LTAR MI RTAG PA NYID RANG GI NGO BOR GYUR PA YIN PA'I PHYOGS LA TSAD MA GZHAN DU THAL BAR YOD PA MA YIN NO ZHES BRJOD PA YIN NO, ,DA NI MI RTAG PA NYID DNGOS PO'I NGO BO MA YIN PA'I PHYOGS LA YANG THAL BA DER MI 'GYUR RO ZHES RANG GI PHYOGS PA DAG KHO NAS BRJOD PA NI GZHAN DAG CES BYA BA STE MI RTAG PA NYID DNGOS PO'I RANG BZHIN DU SMRA

, ,BA LAS GZHAN PA'ANG GI PHYOGS PA DAG GO, ,JI SKAD SMRA ZHE NA, YANG NA ZHES BYA BA'O, ,DNGOS PO NYID MI RTAG PA NYID DU MNGON SUM GYIS MA GRUB PA'AM, 'JIG PA GZHAN MI RTAG PA YIN PAR 'GYUR MOD, DE LTA NA YANG MTHA'I SKAD CIG 'DIR MI DMIGS PA'I RTAG PA LAS 'JIG BA GRUB PA KHO NA'O, ,DMIGS PA'I MTSAN NYID DU GYUR PA DE MA THAG PA NI PHYIS MI DMIGS PA'I PHYIR NA SNGAR GYI DNGOS PO YANG MI RTAG PA YIN PAR 'GRUB PO, ,SKAD CIG SO SOR MI 'JIG NA MTHA'I SKAD CIG LA YANG RANG BZHIN DE NYID YIN TE, DES NA SNGAR BZHIN DU PHYIS KYANG MI 'JIG PAR 'GYUR RO, , MTHAR 'JIG PA'I PHYIR NA SNGAR YANG 'DI DE'I CHOS CAN KHO NA YIN NO ZHES NGES PAR BYED DO, ,MI GAL BA LA NI DGAG PAR BYA BA MI DMIGS PA'I RANG BZHIN BZLOG ZLA'I MNGON SUM LAS DGAG PA 'GRUB PA YIN LA DE LTA NA YANG TSAD MA GZHAN DU THAL BA MA YIN NO ZHES BYA BAR BSAMS PA'O, ,'CHAD PA NI DNGOS PO THAMS CAD CES BYA BA'O, ,MNGON SUM ZHES BYA BA NI BSGRUB PAR LHAG PAR ZHEN PA STE, DGAG PAR LHAG PAR ZHEN PA NI MED PAR SGRUB PAR BYED PAR MI 'GAL PA'I PHYIR TE, DPER NA RANG BZHIN 'GAL BA DMIGS PA LA SOGS PA BZHIN NO, ,RIGS PA PA'I 'DOD PA LAS 'DI KHYAD PAR DU 'PHAGS PAR BSTAN PA'I DON DU DE'I DON DU BA'I DOGS PA BSU BA NI GAL TE ZHES BYA BA'O, ,YOD PA SGRUB PAR BYED PA'I TSAD MA NYID KYIS ZHES BYA BA NI SGRUB PAR ZHEN PA YIN PA'I PHYIR MI DMIGS PAS MA YIN PA'O, ,RANG GI NGO BO TZAM GYIS NI MI RTAG PA MA YIN NO ZHES BYA BA NI RIGS PA'I LTAR NA STE, NAM MKHA' LA SOGS PA YANG MI RTAG PA NYID DU THAL PA'I PHYIR RO ZHES BYA BA'I DON TO, ,'O NA JI LTAR MI RTAG PA YIN ZHE NA, 'O NA CI ZHE NA ZHES BYA BA'O, ,DE LTA NA YANG TSAD MA GZHAN DU THAL BAR JI LTAR MI 'GYUR ZHE NA, DNGOS PO MED PA NI ZHES BYA BA'O, ,RGOL BA GZHAN GYI LTAR NA ZHES BYA BA NI SNANG BYED KYI LTAR NA'O, ,SNGA MA DANG PHYI MA'I MTHA' GNYIS NYID KYI ZHES BYA BA NI SNGA NA MED PA DANG ZHIG NAS MED PA'I MTSAN NYID GNYIS KYI'O, ,'DI JI LTAR ZHES BYA BA NI YANG NA 'DIR NI ZHES BYA BA LA SOGS PA'O, ,'DI LA BSHAD PA ZHES BYA BA NI GRUB PA'I MTHA' SMA BA'O, ,JI LTAR BSHAD CE NA, SNGA NA MED PA DANG ZHIG NAS MED PA'I MTSAN NYID CAN GYI MTHA' GNYIS

KYIS CHOD BA NI, BAR CHOD BYED PA'I YOD PA'AM, DE DANG 'BREL PA CAN MI RTAG PA YIN PA'O, ,MI RTAG PA NI MTHA' GNYIS DANG LDAN PA'I DNGOS PO YIN LA MI RTAG PA'I SGRA'I DNGOS PO'I RKYEN NI YOD PA'AM DE DANG 'BREL PA LA YIN NA ZHES BYA BAR 'DOD PA'I RGOL BA NI DES MTHA' DE DAG GANG LA BRJOD DE DNGOS PO MED PA LAS MA GTOGS PA GANG ZHIG YIN PAR 'DOD PA DER KHAS LEN PA NI DE MI DMIGS PAS 'DZIN GYI MNGON SUM DANG RJES SU DPAG PA LAS MA GTOGS PA'I TSAD MA GZHAN GYIS NI MA YIN NO, ,RE ZHIG CES BYA BA NI 'CHAD PA'O, ,KHYAD PAR MED PAR ZHES BYA BA NI MTHA' GNYIS KYI KHYAD PAR MED DO, ,MI RTAG PA DANG THAL BA'I PHYIR RO ZHES 'BREL TO, ,'O NA MI RTAG PA NYID GANG YIN SNYAM NA MTHA' GNYIS KYI ZHES BYA BA'O, ,GAL TE DE LTA BUR GYUR PA'I MI RTAG PA NYID NI DMIGS PAS BSGRUB PAR BYA BA MA YIN NO ZHE NA, DNGOS PO MED PA MA RTOGS PA'I MTHA' GNYIS NYID NI 'GA' YANG YOD PA MA YIN NO ZHES GSUNGS SO, ,DE LTA NA YANG DNGOS PO MED PA MI DMIGS PAS SGRUB PAR 'GYUR GYI MI RTAG PA NYID NI MA YIN NO SNYAM DU DOGS PA SEL BA NI GAL TE ZHES BYA BA NA'O, ,DNGOS PO MED PA MI DMIGS PAS 'DZIN PA YIN GYI, MI RTAG PA NYID NI MA YIN NO ZHE NA, DE'I TSE DE NYID CES BYA BA SNGA PHYIR MED PA NYID MI RTAG CES MA YIN TE YIN PA NYID DO, , DES NA NYES PA'I NI MED DO ZHES BYA BAR BSAMS PA'O, ,YANG NA YOD PA DANG DE DANG 'BREL PA'I DUS NA NI DNGOS PO MED PA KHO NA YIN NA, DE JI LTAR 'DI YOD PA DANG DE DANG 'BREL PA DAG GI KHYAD PAR DU 'GYUR, 'ON TE DUS THA DAD PAS KYANG SNGAR DANG PHYIS MED PA YIN NO, ,DNGOS PO'I DUS NA NI KHYAD PAR BLOS BSDEBS PA YIN NA, DE'I TSE DNGOS PO'I DUS NA NYE BAR GZUNG BA'I DNGOS PO'I MED PA NYID MI RTAG PAR JI STE MI 'DOD DE, DE NYID MI RTAG PA YIN MOD, MI RTAG PA 'THAD PA MED PA GZHAN KHAS BLANGS PAS CI BYA, 'DOD PA LA NYES PA DOGS PAR BYAS, SEL BAR BYED PA NI DRUG PA SOGS ZHES BYA BAR RO, ,DRUG PA LA SOGS PA'I SBYAR BA NI 'BREL PAS RAB TU PHYE BA YIN NA, DNGOS PO SNGA NA MED PA LA SOGS PA DANG 'DU BA DANG LDAN PA LA SOGS PA'I MTSAN NYID KYIS 'BREL PA YOD PA MA YIN NO, ,'DRA BA DANG LDAN PA DAG NI DNGOS PO KHO NA'I YIN NO, ,KHYAD PAR DANG KHYAD PAR CAN GYI 'BREL PA NI LDAN LA LTOS PAS DNGOS PO DAG KHO NA'I YIN

, ,NO; ,DE'I PHYIR DNGOS PO DANG DNGOS PO MED PA DAG NI, 'BREL PA 'GA' YANG YOD PA MA YIN NO, ,'BREL PA MED PA DE BAS NA DRUG PA DANG BDUN PA LA SOGS PA'I RNAM PAR DBYE BA DANG, CHOS DANG CHOS CAN GYI THA SNYAD DANG MI 'THAD DO, ,DRUG PO LA SOGS PA'I 'THAD PA DE BAS NA MED PA NI MI RTAG PA NYID DU MI 'DOD DO ZHE NA, DE'I TSE YOD PA LA SOGS PA DANG GZHAN 'GA' ZHIG TU YANG RUNG STE, BAR CHOD DU 'GYUR BA'I YOD PA ZHE'AM, DE GNYIS KYI KHYAD PAR CAN ZHES PA DE LTAR SBYAR BA SNGA NA MED PA DANG, ZHIG NAS MED PA'I MTHA' LA YANG DRUG PA LA SOGS PA'I SBYOR BA'AM, KHYAD PAR DANG KHYAD PAR CAN GYI DNGOS PO DE TZAM LTAR 'GYUR TE, MI 'GYUR BA KHO NA'O, ,'GYUR BA YANG MA YIN TE, DES NA DE DANG 'DRA BAR DNGOS PO LA YANG SNGA NA MED PA LA SOGS PA LA LTOS NAS DRUG PA LA SOGS PA'I SBYOR BA'AM, KHYAD PAR DANG KHYAD PAR CAN GYI DNGOS POR 'GYUR BA YIN NO, ,'GYUR BA NI THAMS CAD LA 'GYUR LA MI 'GYUR NA NI 'GAR YANG MA YIN TE, KHYAD PAR MED PA'I PHYIR RO ZHES DOGS PA'O, ,BSHAD PA NI, GAL TE BSAM PA 'DI YIN TE, ,ZHES BYA BA'O, ,BSAM PA GANG ZHE NA, GAL TE ZHES BYA BA'O, ,MED PA YIN NA DE'I TSE DNGOS PO'I ZHES SBYAR RO, ,CI'I PHYIR MED PAR 'GYUR SNYAM NA, DNGOS PO DANG ZHES BYA BA'O, ,CI'I PHYIR ZHE NA, DNGOS PO DANG ZHES GSUNGS SO, ,SOGS PA SMOS PAS NI KHYAD PAR CAN GYI DNGOS PO BZUNG NGO, ,DNGOS PO DANG DNGOS PO MED PA DAG 'BREL PA MI 'THAD PA'I PHYIR RO ZHES BYA BA 'DI GA LAS YIN SNYAM NA MI 'THAD PA'I PHYIR RO ZHES GSUNGS TE, MI 'THAD PA YANG RNAM 'GREL BSHAD PA NYID DU GSAL BAR BYAS NAS YANG MI 'DOD DO, ,CI ZHIG SMRAS SHE NA, KHYAD PAR ZHES BYA BA'O, ,DNGOS PO NI DNGOS PO MED PA DANG 'BREL PA MED PA'I PHYIR NA DNGOS PO'I SNGA NA MED PA DANG, ZHIG NAS MED PA MI RTAG PA NYID YIN NO ZHES DRUG PA LA SOGS PA'I RGYU SBYOR BAR MI 'GYUR RO ZHES BYA BA'I 'DOD PA NI MI 'THAD DE 'BREL PA YOD PA'I PHYIR RO, ,'BYUNG BA LA SOGS PA'I 'BREL PA BZLOG ZIN TO SNYAM NA, BZLOG MED KHYAD PAR DANG KHYAD PAR CAN GYI DNGOS PO YANG 'DU BA LA SOGS PA'I 'BREL PA GANG GIS ZLOG PAR BYED CING DRUG PA LA SOGS PA'I SBYOR BA YANG GANG GIS BZLOG ,'O NA KHYAD PAR DANG KHYAD PAR CAN

GYI DNGOS PO YANG 'DU BA LA SOGS PA'I 'BREL PA MED PAR MI 'GYUR NA 'O NA NI ZHES SMOS TE, BSHAD PA 'DI NI GSAL LO, ,'DI NI GNYIS KYI BAR GNAS PA NYID KYI KHAS BLANGS NAS BRJOD PA YIN NO, ,DA NI DE NYID YOD PA MA YIN NO ZHES BRJOD PA NI, YOD PA NYID DANG 'BREL ZHES BYA BA'O, ,'CHAD PA NI MTHA' GNYIS KYIS ZHES BYA BA STE, DE NI SKYE 'JIG CAN MA YIN NO ZHES BYA BA'I DON TO, ,'ON TE RTAG PA PHYIR NA YOD PA DANG DE'I 'BREL PA MTHA' DAG GI KHYAD PAR DU 'GYUR BA MA YIN MOD KYI, 'ON KYANG DON GANG LA DE GNYIS YOD, ,DE NYID MTHA' DAG GI KHYAD PAR DU BYED PAR 'GYUR RO ZHE NA, DE LTA NA NI 'O NA ZHES GSUNGS SO, ,DE'I KHYAD PAR CAN NI MTHA' GNYIS KYI KHYAD PAR CAN NO, ,BSAM PA NI 'DI YIN TE, SGRA'I 'JUG PA'I RGYU NI DNGOS PO YIN NA MI RTAG PA'I RGYU NI YOD PA'AM DE DANG 'BREL PA DAG MA YIN GYI, 'ON KYANG MI RTAG PA NYID YIN NO, ,DES NA MI RTAG PA'I SGRA LAS DNGOS PO RTOG PAR JI LTAR 'GYUR ZHES BYA BA'O, ,GAL TE YOD PA MI RTAG PA NYID DU MI 'DOD LA MI RTAG PA'I SGRA'I DNGOS PO'I RKYEN KYANG THA DAD PA'I MI RTAG PA NYID RJOD PAR BYED PA MA YIN NO, ,DE'I TSE THA DAD PA MED PA'I PHYIR NA SGRA'I MI RTAG PA NYID CES BYA BA'I DRUG PAR MI 'GYUR RO ZHES DOGS PA BSU NAS BRJOD PA NI YOD PA NYID KYIS ZHES BYA BA'O, ,JI LTAR THA DAD PA MED KYANG YOD PA NYID GNAS SO ZHES BYA BAR 'GYUR BA DE BZHIN DU DNGOS PO'I MI RTAG PA ZHES DRUG PAR CI STE MI 'DOD, ,DE LTA NA MI RTAG PA NYID THA DAD PAR 'THAD PA MA YIN NO, ,YANG NA SGRA'I TSUL LAM RIGS PAS MTHA' GNYIS KYI KHYAD PAR CAN GYI YOD PA MI RTAG PA NYID YIN NO ZHES BYA BA'I PHYOGS MED PA'I PHYIR NA, SNGA NA MED PA DANG ZHIG NAS MED PA NYID THA DAD PA'I MI RTAG PA YIN NO ZHES BYA BA'I PHYIR LA NI DRUG PA LA SOGS PA MED PA'I NYES PA'I GO SKABS SU MI 'GYUR RO ZHES SMRAS PA NI, GZHAN YANG ZHES BYA BA'O, ,DE LAS ZHES BYA BA NI DNGOS PO LAS SO, ,DE LTAR SNGA NA MED PA DANG ZHIG NAS MED PA'I BAR NAS YOD PA'I YOD PA NYID MI RTAG PA NYID DU MI 'THAD LA DER KHAS LEN NA YANG DE GNYIS NYID MI RTAG PAR THAL LO ZHES BSTAN PA YIN NO, ,DA NI DNGOS PO DANG DNGOS PO MED PA GANG GI 'BREL PA KHAS MI LEN PA'I PHYIR MED PA GNYIS KYI DBUS NA GNAS PA'I YOD PA MI RTAG PA NYID MA YIN LA, DE KHAS BLANGS PA SNGON DU SONG BA CAN GYI

, ,SNGA NA MED PA LA SOGS PA NYID KYANG MI RTAG PA NYID MA YIN GYI, 'ON KYANG RGYU DANG 'BRAS BUR GYUR PA'I YANG GNYIS KYI DBUS NA GNAS PA'I YOD PA MI RTAG PA NYID YIN NA ZHES BSAMS NAS GZHAN DOGS PA BSU BA NI, CI STE ZHES BYA BA'O, ,BUM PA'I RGYU NI RDZA MKHAN LA SOGS PA YIN LA, 'BRAS BU NI GYO MO LA SOGS PA YIN NO, ,DE LTAR YIN DU ZAD MOD, DES CIR 'GYUR SNYAM NA, RGYU DANG 'BRAS BU DE DAG GIS, ,ZHES GSUNGS SO, ,JI LTAR MI RIGS PA MED PA SNYAM NA, RGYU DANG 'BRAS BU ZHES GSUNGS TE, SNGON GYI MTHA' DANG PHYI MA'I MTHA' MTSAN NYID CAN DAG DANG NGO, ,DNGOS PO'I ZHES BYA BA NI DBUS NA GNAS PA'I'O, ,GAL TE DE LTA NA YANG RGYU DANG 'BRAS BUR GYUR PA'I MTHA' GNYIS KYI DBUS NA GNAS PA'I YOD PA JI LTAR MI RTAG PA NYID YIN ZHE NA, YOD PA NYID DANG ZHES GSUNGS SO, ,RTZOD PA RJES SU BRJOD PA SNGON DU 'GRO BA'I LAN RNAM 'GREL GYI PHYED KYIS STON PA NA GAL TE ZHES BYA BA'O,, GAL TE JI SKAD BRJOD PA'I RGYU DANG 'BRAS BU GNYIS MTHA' YIN NO, ,DE'I TSE KHYAD PAR MED PA NYID DU 'GYUR TE, RGYU DANG 'BRAS BUR GYUR PA'I MTHA'O, ,DE DAG NI YOD PA'I KHYAD PAR MI 'GYUR RO ZHES BYA BA'I DON TO, ,CI'I PHYIR DE DAG KHYAD PAR DU MI 'GYUR ZHE NA 'BREL PA MED PA'I PHYIR RO, ,RTAG PA NI RGYU DANG 'BRAS BUR GYUR PA'I MTHA' DAG DANG 'BREL PA YOD PA MA YIN TE, RANG GI NGO BO NYAMS PAR THAL BA'I PHYIR RO, ,'ON TE DNGOS PO GANG LA YOD PA DANG 'BREL PA DAG GNAS PA DE'I KHYAD PAR RGYU DANG 'BRAS BUR GYUR PA'I MTHA' DAG YIN NO ZHE NA, 'DI YANG LOG PA YIN TE MTHA' DE DAG NI DE'I YANG KHYAD PAR MA YIN TE, SNGON MED PA DANG 'BREL PA KHAS MI LEN PA'I PHYIR RIGS PA CAN PA YIS NI DNGOS PO LA SNGA NA MED PA 'DOD PA MA YIN NO, ,DE NYID KYI PHYIR DE'I LUGS KYI NI DNGOS PO SNGA NA MED PA ZHES BYA BA'I THA SNYAD KYANG MED PA KHO NA'O, ,GAL TE DE LTA YIN MOD DE LTA NA YANG RGYU DANG 'BRAS BU DNGOS PO'I YIN PAR JI LTAR MI 'GYUR ZHE NA, SNGA NA MED PA DE'I KHYAD PAR CAN GYI BRJOD PA GANG LA YOD PA DE NI DE'I KHYAD PAR CAN NO, ,BRJOD PA DE GANG DAG LA YOD PA'I RGYU DANG 'BRAS BU DE YANG MI 'GRUB PO, ,DE'I KHYAD PAR CAN GYI BRJOD PA SNGA NA MED PA LA BRTEN NAS RGYU DANG 'BRAS BU'I THA SNYAD THOB PA NI, ,DNGOS PO'AM RIG PA CAN DE

LA MI 'GRUB BO, ,CI'I PHYIR ZHE NA GANG ZHIG CES BYA BA'O, ,'ON TE 'BREL PA YOD PA NYID DO SNYAM NA, DNGOS PO NI ZHES GSUNGS SO, ,CI'I PHYIR KHAS MI LEN SNYAM NA, KHAS LEN ZHES GSUNGS SO, ,SNGA NA MED PA DANG ZHIG NAS MED PA NYID MI RTAG PA YIN NO ZHES BYA BAR GSUNGS SO, ,DES NA YOD PA'I YOD PA NYID MI RTAG PA YIN NO ZHES BYA BAR RANG GI GZHUNG NYAMS PA DANG, SNGA NA MED PA DANG, ZHIG NAS MED PA MTHA' YIN NO ZHES BYA BA'I PHYOGS LAS RGYU DANG 'BRAS BU MTHA' YIN NO ZHES BYA BA'I MTHA' PHYOGS GZHAN DE LA BRTEN PA YANG NYAMS PAR 'GYUR RO ZHES RJES SU 'JUG GO, ,GANG GI PHYIR DNGOS PO DANG DNGOS PO MED PA DAG 'BREL PAR KHAS MI LEN NA NYES PA 'DI YOD PA DES NA'O, ,'ON KYANG 'BREL PA MED MOD, DE LTA NA YANG DNGOS PO'I RGYU DANG 'BRAS BUR 'GYUR RO SNYAM NA BRJOD PA'I KHYAD PAR 'DI NI ZHES BYA BA'O, ,DE MED NA ZHES BYA BA NA SNGA NA MED PA'I KHYAD PAR MED PA'O, ,DER ZHES BYA BA NI BRJOD PA'I KHYAD PAR DU'O, ,GANG MED PAR 'GYUR BA BRJOD PA'I KHYAD PAR DE YANG GANG YIN ZHE NA, 'DI NI ZHES BYA BA'O, ,'O NA RGYUR 'GYUR RO SNYAM NA, 'BRAS BU MED PA'I ZHES GSUNGS SO, ,DE LTAR SNGA NA MED PA'I KHYAD PAR LA LTOS PA RGYU DANG 'BRAS BU NYID NI DE MED NA MI 'GYUR RO ZHES BRJOD PA YIN NA NI DE'I KHYAD PAR LA MA LTOS PA'I PHYIR YANG ZHES BYA BA'O, ,RGYU DANG 'BRAS BU NYID KYI RANG BZHIN DE NI GANG RNAM PAR GZHAN NI GANG ZHIG DES DE MED PAR NI JI LTAR 'GYUR ZHE NA, 'DI LTAR ZHES BYA BA'O, ,GANG GIS DE MED PAR 'GYUR BA SNGA NA MED PA NYID DU KHYAD PAR CAN NI RGYU MA YIN GYI 'ON KYANG 'BRAS BU YOD PA NYID DANG 'BREL PA DE 'DU BA'AM, 'BRAS BU RANG GI RGYU DANG 'BREL PA'I 'DU BA DE BYED PA'I PHYIR NA RGYU YIN NO ZHES GRAG GO, ,SGRA NI 'DOD PA NYID MA YIN PA'O, ,DE LTAR PHYED SNGA MAS DE'I RANG BZHIN BRJOD PA'O, ,RE ZHIG DNGOS PO'I RANG BZHIN NI BYED PA MA YIN LA YOD PA DANG 'BREL PA YANG RTAG PA YIN NO ZHES BYA BA NI RNAM PA GZHAN BRJOD PA'O, ,'O NA 'DIR 'BRAS BU GANG ZHES BYA BA NI 'DOD PA DANG 'BREL PA DANG RGYU DANG 'BREL PA LA SKYE BAR KHAS LEN NA YOD PA NI RE ZHIG BYED PA MA YIN TE RTAG PA'I PHYIR RO, ,DE NYID KYI PHYIR 'BREL PA YANG MI BYED DO, ,DES CI YANG MI BYED PA DES NA GANG ZHIG SKYED PAR BYED PAS RGYU YIN, DES NA PHYI MAS NI

, ,DE MED PAR BRJOD PA YIN NO, ,SKYE BZHIN PA'I 'BRAS BU NYID RANG GI RGYU DANG 'DU BA YIN NAM, SKYES ZIN PA'I 'BRAS BU 'DU SHES DE LTAR LUGS GNYIS BSDU PA'I PHYIR NA PHAL CHER GYI SGRA SMRAS SO, ,DE LTAR PHYED SNGA MA BSHAD NAS PHYI MA 'CHAD PA NI YOD PA NYID DANG ZHES BYA BA'O, ,'O NA DNGOS PO 'BRAS BU NYID DU 'GYUR RO SNYAM NA, DNGOS PO YANG PA NI ZHES BYA BA NI YOD PA DANG 'BREL PA BYAS PA MED PAR RO, ,DE ZHES BYA BA NI DNGOS PO'O, ,RANG GI NGO BO KHO NAS SNGA NA MED PA'I KHYAD PAR MED PAR RO, ,GANG ZHIG MED PA DE BYED NA ZHES BYA BA NI DE LTAR YIN NO ZHES BYA BA'I THA TSIG GO, ,KHYOD KYI 'DOD PA DANG SBYAR NA NI DE LTAR YANG MA GYUR TE ZHES BRJOD PA NI DNGOS PO SNGAR MED CES BYA BA'O, ,LDOG BZHIN PA'I DNGOS PO NYID DNGOS PO MED PA YIN PA'I PHYIR SNGA NA MED PA DANG MA 'BREL YANG DNGOS PO 'BRAS BU NYID DU 'GYUR RO ZHES BYA BA'I GZHAN GYI 'DOD PA BRJOD PA NI GAL TE ZHES BYA BA'O,, DES NA ZHES BYA BA NI MED PA'I PHYIR RO, ,'DI SEL BAR BYED PA NI GANG ZHIG CES BYA BA'O, ,DE LTA MA YIN NA ZHES BYA BA NI GAL TE MED PA DANG LHAN CIG 'BREL BA MED PAR YANG MED PA YIN NA DE'I TSE'O, ,GAL TE DE LTA NA YIN MOD, DE LAS CIR 'GYUR ZHEN DE NA ZHES BYA BA'O, ,DE LTA NA YIN MOD CE NA KHAS KYANG ZHES GSUNGS SO, ,DE'I PHYIR ZHES BYA BA NI SNGA NA MED PA DANG LHAN CIG MI 'BREL PA'I PHYIR RO, ,GANG GI TSE DE LTAR DNGOS PO SNGA NA MED PA LA SOGS PA DANG MA 'BREL NA NYE BAR 'GYUR BA KHO NA GANG GI DNGOS PO'I DNGOS PO MED PA DE MI RAG PA NYID DU 'GYUR BA SNGA NA MED PA DANG ZHIG NAS MED PA'I MTSAN NYID CAN DNGOS PO'I DUS NA YOD PA MA YIN PA'I DNGOS PO MED PA DANG, DNGOS PO JI LTAR 'BREL ZHE NA, DE'I PHYIR ZHES BYA BA'O, ,DON MED SGRO 'DOGS PA NI DON LA REG PA DANG BRAL BA'I STE BLA'O, ,GANG DAG LA DON DU MNGON PAR 'DOD PA THA DAD PA YOD PA MA YIN PA'I SGRA DE DAG LA YANG BRJOD BYA THA DAD PAR SBYOR BAR BYED DO, ,DE'I PHYIR BLO DE NYID LDOG PA STE THA DAD ZHIG PA DANG THA DAD PA MI RTAG PA ZHES BYA BA DE LTA BU'I RANG BZHIN GYIS RTEN DE RGYU MTSAN YIN NO, ,DON THA DAD DAM ZHES BYA BA NI, GANG GI SGRAS BSDUS PA DON THA DAD PAR MNGON PAR 'DOD PA DAG LA 'BREL PA RTOGS PAS BKOD PAR BRJOD PA NI DNGOS PO LAS ZHES BYA BA'O, ,'BREL PA NI

GNYIS LA GNAS PA'I PHYIR THA DAD PA KHO NAR 'BREL PA YIN NO ZHES BSAMS NAS GZHAN DAG DOGS PAR BYED PA NA THA DAD PA NYID CES BYA BA'O, ,THA DAD PA NI 'BREL PA MA YIN NO ZHES DOGS NAS GRUB PA'I MTHA' SMRA BAS GSUNGS PA NI GAL TE ZHES BYA BA'O, ,GAL TE THA DAD PA NYID 'BREL PA YIN NO ZHES BSHAD ZIN PA MA YIN NAM, DES NA 'DI SKAD CI STE BRJOD SNYAM NA, THA DAD PAR NI ZHES GSUNGS SO, ,THAMS CAD LA 'BREL PA YOD PAR 'GYUR ZHES BYA BA'I DON TO, ,DE'I BDAG NYID CES BYA BA LA SOGS PAS 'BREL PA GZHAN DAG KYANG DOGS PA BYAS NAS SBONG BA THA DAD YIN NA ZHES BYA BA'O, ,PHYED SNGA MA YAN RKANG PA GNYIS PA 'BREL PA NI THA DAD PA LA NI ZHES BYA BA'O, ,GAL TE ZHES BYA BA LA NI RTZOD PA'O, ,MA YIN TE ZHES BYA BA NI RTZOD PA'O, ,DE LAS NI ZHES BYA BA NI THA MI DAD PA LA'O, ,JI LTAR BRTAG PA'I YUL CAN DU 'GYUR BA ZHE NA DE LA ZHES BYA BA'O, ,RKANG PA DANG PO 'CHAD PA NI THA DAD PA NYID CES BYA BA'O, ,RGYU DANG 'BRAS BU'I 'BREL PA'I DOGS PA BSU BA NAS 'GOG PA NI GAL TE ZHES BYA BA'O, ,JI LTAR RTAG PA'I YUL CAN DU 'GYUR ZHE NA, MNGON SUM GYIS ZHES GSUNGS SO, ,PHYED PHYI MA NI BLA BA'I PHYIR MA BKROL TO, ,GANG GI PHYIR RNAM PAR DPYAD NA MI GNAS PA DE'I PHYIR 'DI NI 'BREL PA'O, , GANG GI PHYIR DON DAM PA MIN PA DE'I PHYIR RO, ,SKABS KYI MJUG SDUD PA NI DE BAS NA ZHES BYA BA'O, ,DE'I PHYIR DNGOS PO'I SNGA NA MED PA DANG ZHIG NAS MED PA YANG MI RTAG PA NYID DANG, BDAG NYID MA YIN PA DANG MI DMIGS PAS BSGRUB PAR BYA BA YANG YIN NO, ,GANG GI PHYIR DE LTAR KHA DOG LA SOGS PA MI RTAG GO SNYAM PA'I SHES PA KHA DOG GI SPYI LA MI RTAG PA NYID LA SOGS PA SPYI SBYOR BAS SKYE BA NI TSAD MA GZHAN MA YIN TE, GZHAL BYA GZHAN GYI YUL CAN MA YIN PA DE BAS NA'O, ,TSAD MA GZHAN YOD PA MA YIN NO ZHES BYA BA NI SKABS KYIS KHA DOG LA SOGS PA SKAD CIG MA NYID LA SOGS PAR SHES BA ZHES BYA BA YIN NO, ,CI'I PHYIR ZHE NA, GZHAL BYA ZHES SMOS TE, SPYI DANG KHYAD PAR CAN GYI GZHAL BYA GZHAN MED PAS SO, ,CI'I PHYIR MED SNYAM NA KHA DOG GI SPYI LA MI RTAG PA NYID KYI SPYI SBYOR BA'I PHYIR TE, 'DI SKAD BRJOD PA YIN TE, GANG GI PHYIR KHA DOG LA SOGS PA NI MI RTAG PA'O SNYAM PA'I SHES

, ,PAS NI KHA DOG GI SPYI LA MI RTAG PA'I SPYI SBYAR BA YIN TE, DES NA DE NI GZHAL BYA GZHAN MA YIN NO ZHES BYA BA'O, ,GAL TE TSAD MA'I RJES LAS BYUNG BA DE NYID 'DI YIN NO, ,MNYAM DU MTSAMS SBYOR BAR BYED SPYI DANG KHYAD PAR GYI BDAG NYID CAN GYI GZHAL BYA'I YUL CAN NI TSAD MA GZHAN YIN NO ZHES DOGS NA YANG DANG YANG NGO SHES KYANG TSAD MA GZHAN MIN ZHES 'BREL TO, ,DRAN PA DANG 'DOD PA CAN NO, ,CI'I PHYIR ZHE NA, MI 'DOD PAR THAL PHYIR ZHES GSUNGS SO, ,MI 'DOD PAR ZHES BYA BA NI TSAD MA RNAMS KYI TSAD NGES PA MED PA'I PHYIR NA MI 'DOD PAR THAL BA'I PHYIR RO, ,DON 'DI YIN TE TSAD MAS MTHONG BA LA YANG DANG YANG NGO SHES PAR BYED PA NI TSAD MA SNGA MA DANG KHYAD PAR MED PA'I YUL CAN DE DANG GRUB PA DANG BDE BA GCIG PA DES NA TSAD MA GZHAN MA YIN TE DPER NA DRAN PA LA SOGS PA'I SHES PA BZHIN NO, ,DE LTA NA YANG TSAD MA YIN NA NI, TSAD MA RNAMS KYIS DRANGS PA DES PA NYAMS PAR 'GYUR RO ZHES BYA BA NI YIN NO, ,'DI YANG GZHAN NI GZUNG BA'I 'DZIN PA'I PHYIR NA TSAD MA NYID MI 'DOD CES BYA BA LA SOGS PAS BSHAD ZIN PA YIN LA RGYAS PAR BSHAD PA'I PHYIR YANG SMRAS PAS NA NYES PA MED DO, ,YANG NGO SHES PAR ZHES BYA BA NI 'CHAD PA'O, ,DRAN PA NYID CES BYA BA NI TSAD MA MA YIN PA'O, ,DBANG PO'I BYED PA LAS ZHES BYA BA LA SOGS PA'I TSOD PAR NI DBANG PO'I BYED PA'I RJES DPAG DANG MI SLU BA TSAD MA DE'I RGYU MTSAN DU BRJOD PA YIN NO, ,DE LA DBANG PO'I BYED PA LA BRTEN PA NYID DE ZHIG DGAG PA'I PHYIR BRJOD PA NI YANG NGO, ,SHES PAR BYED PA NI DBANG PO'I BYED PA BRTEN PA MA YIN NO, ,CI'I PHYIR ZHE NA, DBANG PO'I BYED PA NI ZHES GSUNGS SO, ,GZHAN NYE BA TZAM GYI YUL CAN DU MYONG BAS BRJOD PA NI GAL TE ZHES BYA BA'O, ,JI LTAR 'JUG STE MI 'JUG PA NYID DO, ,'JUG PA YANG YIN TE DE'I PHYIR NYE BA'I YUL CAN MA YIN PA NYID DO ZHES BYA BA'I DON TO, ,GRUB PA'I MTHA' NI DE NYID CES BYA BAS NI RTOG PA DANG LDAN PA 'JUG BA NYID MIN TE RNAM PA GZHAN DU 'JUG PAR MTHONG BA'I PHYIR RO ZHES BRJOD PA NI DE NI DE LTAR ZHES BYA BA'O, ,'O NA JI LTAR 'JUG CE NA, DE NI PHAN 'BRAS ZHES BYA BA'O, ,GAL TE DE NYID CES BYA BA NI 'CHAD PA'O, ,CI'I PHYIR ZHE NA, RTOG PA DANG LDAN PA ZHES BYA'O, ,GAL TE YANG 'JUG PA'I YUL DON BYA BA SGRUB

BAR BYED PA YIN PA DE LTA NA YANG DON BYA BA SGRUB PAR BYED PA DE NI DE NYID YIN NO ZHE NA, DE NYID KYIS ZHES BYA BA STE, SNGAR MTHONG BA DE NYID KYIS SO, ,CI'I PHYIR ZHE NA, RANG GI ZHES GSUNGS SO, ,'ON TE MNGON SUM YANG DON BYA BA SGRUB PA'I YUL CAN NYID YIN NA DES BYAS PA'I 'JUG PA NI DE SGRUB PA'I YUL CAN DU GYUR PA DES NA TSAD MA MA YIN PA'I RGYU MTSAN GYI DRAN PA NYID GANG ZHIG YIN, DRAN PA YIN YANG TSAD MA YIN NA NI TSAD MA RNAMS MTHA' MED PAR 'GYUR RO ZHES BYA BA'I DOGS PA ZHE LA BZHAG PAS LAN 'DEBS PA NI DON BYED PA'I 'BREL PA NI ZHES BYA BA'O, ,GAL TE DON BYED PA'I 'BREL PA MNGON SUM GYI YUL YIN NA NI NYES PA 'DIR 'GYUR NYID NI 'ON KYANG 'DI NI MNGON SUM GYI YUL MA YIN TE, GSAL BA MED PA'I PHYIR RO, ,'O NA DE SU'I YUL YIN ZHE NA, SNGON MTHONG NYID CES GSUNGS SO, ,ME LA SOGS PA'I DON BYED PA DANG 'BREL PA NI MNGON SUM DANG MI DMIGS PA DAG GIS SNGAR MTHONG BA YIN TE, DE NYID DO SHES PAS DRAN PA'I PHYIR NGO SHES NYID KYI YUL YIN NO, ,DES NA DRAN PA NYID LA SOGS PA'I NYES PA NI 'DI KHO NA'I YIN NO ZHES BYA BAR DGONGS PA'O, ,CI STA 'DI YIN DRAN PA MA YIN TE, DNGOS PO PA'I RANG GI NGO BO 'DZIN PA'I PHYIR RO ZHES DOGS PA BSU NAS, DE'I DON ZHES GSUNGS SO, ,SNGON MTHONG BA'I DON BYA BA BYED PA NYID KYIS SO, ,DE LTA NA YANG JI LTAR DRAN PA YIN ZHE NA, SNGON MTHONG BA NYID DU ZHES GSUNGS SO, ,TSAD MAS MTHONG BA LA YANG DE SHES PAR BYED PA NI, SNGAR GYI TSAD DANG YUL KHYAD PAR MED PA DES NA GRUB PA DANG BDE BA THA DAD PA MA YIN PAS NA, DRAN PA GZUNG BA LA 'DZIN PAR BYED PA YIN PAS NA, DRAN PA GZUNG BA LA 'DZIN PAR BYED PA YIN GYI TSAD MA GZHAN NI MA YIN NO ZHES BYA BA'I DON TO, ,'ON TE SPYI DANG KHYAD PAR BDAG NYID GZHAL BYA'I YUL CAN YIN PA'I PHYIR NA TSAD MA GZHAN YIN NO ZHE NA 'DI LA ZHES GSUNGS SO, ,SBYOR BA'I RNAM PAR BRJOD PA NI DE'I DON BYED PAR DUNG BA'I ZHES BYA BA'O, ,'DI LA YANG ZHES BYA BA NI DPE LA MTHONG BA 'BA' ZHIG TU MA ZAD KYI, DE LTAR MNGON SUM GYIS MTHONG BA LA YANG NGO, ,SPYI TZAM GYI YUL CAN YIN PA'I PHYIR NA NYES PA 'DIR THAL BA MED DO ZHES BYA BAR BSAMS PA'O, ,GAL TE RJES SU DPAG PA YANG JI LTAR TSAD MA YIN TE, SKAD CIG MA NYID KYIS BSTAN PA'I DON MI SKYE BA'I PHYIR

, ,RO ZHES DOGS PA BSU PA DE DAG CES GSUNGS SO, ,BSTAN PA DANG THOB PA DE DAG THA MI DAD PA NYID DU SGRO BTAGS NAS, GCIG NYID KYI THA SNYAD BYED DE DES NA 'DI YANG NYE BAR THOB PAR BYED PA'I PHYIR TSAD MA YIN NO ZHES BYA BA'I DON TO, ,GAL TE DNGOS LA TSUL GCIG BA CAN MA YIN, 'O NA MI SLU BA YUL GCIG PA CAN DU 'GYUR RO ZHE NA, MI SLU BA YANG ZHES GSUNGS TE, TSAD MA 'BA' ZHIG TU NI MA ZAD PA'O, ,CI'I PHYIR ZHE NA, DU MA NYID YIN YANG ZHES GSUNGS TE, NYE BAR BTAGS PA'I GCIG PA NYID DU NI MA ZAD DE, BGROD PAR BYA BA MA YIN PAR MA LA SOGS PAR 'GRONG BAR LUNG LAS NYE BAR BSTAN PA NI SKAD CIG GI RGYUR MA LTOS PA YIN GYI, SKAD CIG GCIG GI YUL CAN NI MA YIN NO, ,NYE BAR LEN PA DANG NYE BAR LEN PA LAS BYUNG BA'I RGYU NI GCIG GI THA SNYAD KYI YUL YIN PA'I PHYIR RO ZHES BRJOD PA NI BGROD PAR BYA BA MA YIN PAR BGROD PA ZHES BYA BA LA SOGS PA'O, ,DE LTAR NA MNGON SUM GYI RJES LAS BYUNG BA'I MTSAMS SBYOR BA NI GZUNG BA 'DZIN PAS THA SNYAD TZAM GYI YUL CAN YIN PAS YID NI SPYI TZAM GYI YUL CAN YIN TE, DES NA GZHAL BYA GZHAN SRID PA MA YIN NO, ,DES NA GZHAL BYA BA RNAM PA GNYIS KHO NA ZHES GRANGS NGES PA GRUB PO ZHES BRJOD PA YIN NO, ,DE NI GANG LAS YUL RNAM PA GNYIS NGES PAR 'GRUB PA STE LAS MNGON SUM DANG RJES SU DPAG PA DAG GI YUL NGES PA'I MTSAN NYID KYI NGES PAR GRUB PA YIN NO ZHES GSUNGS PA NI DES NA ZHES BYA BA'O, ,SPYI'I YUL CAN ZHES BYA BA NI MNGON DU GYUR PA'I YUL CAN NO, ,KHYAD PAR GYI YUL CAN ZHES BYA BA NI LKOG TU GYUR PA'I YUL CAN NO, , 'DI TZAM GYI NI 'ON GANG ZHIG KHA DOG LA SOGS PA ZHES BYA BA LA SOGS PA'I RTZOD PA'I LAN BRJOD PA YIN NO, ,DA NI GCIG LA YANG DU MA NYID NI 'JUG PHYIR TE ZHES BYA BA LA SOGS PA SPANG BAR 'DOD PAS DE NYID ZLOS PAR BYED PA NI GAL TE ZHES BYA BA LA SOGS PA'O, ,MNGON SUM GYIS MTHONG BA'I KHYAD PAR RJES SU DPAG PA DE NI KHYAD PAR MTHONG BA'I RJES SU DPAG PA'I KHYAD PAR KHO NA ZHES BYA BA NI MNGON SUM GYIS MTHONG BA KHO NA'O, ,KHYAD PAR MTHONG BA'I RJES SU DPAG PAS KHYAD PAR KHO NA 'DZIN PA YIN TE, SNGAR NI DE MNGON SUM GYIS BZUNG NAS PHYIR YANG DE NYID LA DES SNGAR MTHONG BA NI DE NYID YIN NO ZHES 'DU BA'I SGO NAS

RTOGS SO, ,DES NA TSAD MA YUL GCIG LA 'JUG PA YIN NO, ,'DIS NI 'DI LTAR TSAD MA 'DOD PA YIN TE, GANG TSAD MA YIN PA DE NI YUL NGES PA CAN MA YIN NO, ,DPER NA KHYAD PAR MTHONG BA'I RJES SU DPAG PA'I SHES PA BZHIN NO, ,MNGON SUM YANG TSAD MA YIN NO, ,DES NA DE YANG DE LTAR 'GYUR RO, ,SPYI'I YUL LA ZHUGS PA NA YANG TSAD MA GCIG TU SMRA BA NYID LA SOGS PA YIN NO, ,YANG NA GZHAL BYA GNYIS PHYIR TSAD MA GNYIS ZHES RNAM PAR GZHAG PA GANG YIN PA DE SPANGS PAS GZHAL BYA BA GCIG LA TSAD MA DU MA 'JUG PA'I PHYIR NA, TSAD MA RNAM PA MANG PO NYID DU 'DOD PA YIN NO, ,DE YANG NA, GZHAL BYA GNYIS NI MTHONG BA'I PHYIR, ,GSUM GCIG GRANGS KYANG BSAL BA YIN, ,ZHES BRJOD PA GANG YIN PA DE SEL PHYOGS SNGA MA 'DI YIN NO, ,MNGON SUM DANG RJES SU DPAG PA DAG YUL NGES PAS GCIG LA 'JUG PA MED PA'I PHYIR NA, GZHAL BYA BA GNYIS NI SPYIR TSA DAM GNYIS ZHES BYA BA LA SOGS PA GANG BRJOD PA NI MA NYAM PA KHO NA'O ZHES LAN 'DEBS PA NI DE YANG MI RIGS TE ZHES BYA BA'O, ,MNGON SUM GYIS MTHONG BA'I KHYAD PAR LA NI NGO SHES PA SRID PA MA YIN NO, ,CI'I PHYIR ZHE NA SKAD SO SOR ZHES GSUNGS TE, THA DAD PA GZHAN DANG YOD PA'I PHYIR RO, ,CI STE THAD PA GZHAN NYID LA NGO SHES PA YIN NO ZHE NA DE'I TSE SKABS NYAMS SO ZHES BRJOD PA NI, KHYAD PAR YUL CAN NYID KYANG MIN, ,ZHES BYA BA'O, ,DE LA GZHAN PA'I YUL CAN YIN NA NI SKABS SU BAB PA MNGON SUM GYIS MTHONG BA'I KHYAD PAR GYI YUL CAN NYID DU MI 'GYUR RO, ,SKAD CIG DE RANG GI NGO BOS DE'I YUN NI MA YIN GYI 'ON KYANG MNGON NA SUM GYIS MTHONG BA'I SKAD CIG DANG, ,BYI MA'I SKAD CIG DE MTSUNGS PAR DU BA'I SGO NAS 'DZIN PA'I PHYIR RO, ,DE LTAR NA YANG RJES SU DPAG PA DE NI SPYIR MTHONG BA NYID NI MI 'GYUR RO ZHES BYA BAR DGONGS PA'O, ,GANG GI TSE ZHES BYA BA NI 'CHAD PA'O, ,THA DAD PA NI RNAM PAR GYUR PA'O, ,GAL TE SNGAR MTHONG BA'I KHYAD PAR GYI YUL CAN MA YIN NA, YOD BA'I KHYAD PAR GYI YUL CAN NYID DU 'GYUR NGO ZHE NA, THA DAD PAR ZHES BYA BA'O, ,GYUR PA LA ZHES BYA BA NI YOD PA LA'O, ,LHAG PAR ZHE NA PAS ZHES BYA BA NI MTHONG BA DANG GCIG PAR LHAG PAR ZHEN PAS SO, ,PHYIR NYID CES BYA BA NI KHYAD PAR YOD PAR YUL DU BYED PA NI MA YIN

, ,PA'O, ,DE LTAR NA GNYI GA LTA YANG KHYAD PAR GYI YUL CAN NYID MA YIN NO ZHES DGON PA'O, ,'ON TE RTAG PAR PHYOGS LA SNGON MTHONG BA'I KHYAD PAR YUL NYID DU 'GYUR RO ZHE NA, DOGS PA NI 'O NA ZHE NA ZHES BYA BA'O, ,DE LA NI BSTAN PA LA'O, LAN NI 'DI ZHES BYA BA'O, ,'GYUR BA MED PA'O, ,CI'I PHYIR MI RTOGS SNYAM NA, MI SDANG BA NI ZHES BYA BA'O, ,'GYUR BA MED PA NYID DU DOGS PA CI STE ZHES BYA BA'O, ,GZHAN DU YANG NI GSAL BA GZHAN DU'O, ,DE LTA BU NYID DU ZHES BYA BA NI RNAMS PAR 'GYUR BA MED PA NYID DU'O, ,DE LTAR NA NI ZHES BYA BA NI LAN TE, GSAL BA GZHAN LA RNAM PAR 'GYUR BA MED PAR MTHONG BA NI'O, ,KHYAD PAR GYI YUL CAN MA YIN GYI 'ON KYANG SPYI'I YUL CAN YIN TE DES NA SBYOR BA MTHONG BA'I RJES SU DPAG PA NYID DO, ,GAL TE KHYAD PAR MTHONG BA'I RJES SU DPAG PAS NI 'BREL PA 'DZIN PA'I DUS SU MTHONG BA'I KHYAD PAR NYID DU BYED PA MA YIN NAM, DE DANG 'DRA BA MA YIN NO ZHES DGOS PA NI ZHES BYA BA'O, ,DE NYID CES BYA BA NI MNGON SUM MI 'JUG PA'I DUS NA RJES SU DPAG PAR BYA BA GANG YIN PA NYID DO, ,DES NA DGOS PA'I DON NI MNGON SUM GYIS MTHONG BA'I KHYAD PAR BYED PA KHA NA'O ZHES BYA BA YIN NO, ,LAN NI DPE NYID YIN PA'I PHYIR ZHES BYA BA'O, ,GAL TE ZHES BYA BA NI 'CHAD PA'O, ,'DI LA ZHES BYA BA NI SNGAR MNGON SUM GYIS GRUB PA LA'O, ,JI LTAR 'DI LAS RJES SU DPAG PA DON MED PA YIN ZHE NA, GAL TE ZHES BYA BA'O, ,DE'I TSE DE NYID KYIS ZHES BYA BA SNGAR GYI MNGON SUM NYID KYIS SO, ,'O NA DE GANG DU 'JUG SNYAM NA RJES SU DPAG PA NI ZHES GSUNGS SO, ,DE NYID LA NI ZHES BYA BA NI MNGON SUM GYI YUL NYID LA'O, ,GAL TE ZHES BYA BA NI GZHAN GYI SOGS PA STE, MNGON SUM GYI YUL LA 'JUG PA NYID KYI PHYIR RO, ,LAN NI KHYAD PAR ZHES BYA BA STE GZUNG BA'I 'DZIN PA'I PHYIR RO ZHES DGONGS PA'O, ,GZUNG BA 'DZIN PA SPONG 'DOD PA NI CI STE ZHES BYA BA'O, ,GZHAN NI 'BYUNG BAR 'GYUR BA'O, ,SGRUB PAR BYE DAM DAM PA YIN PA'I PHYIR TSAD MA NYID YIN NO ZHES BYA BA'I THA TSIG GO, ,LAN NI GAL TE ZHES BYA BA'O, ,MNGON SUM GYIS MTHONG BA DANG RJES SU DPAG PAR BYA BA DAG GCIG MA YIN PA'I PHYIR NA KHYAD PAR GYI YUL CAN MA YIN NO ZHES DGONGS PA'O, ,'ON TE ZHES BYA BA NI

RNAM 'GREL LA 'JUG PAR BYED PA'O, ,DE NI RJES SU DPAG PAR BYA BA'O, ,DE NYID KYI PHYIR NA NI BRJED PA NYID KYI PHYIR NA'O, ,RE ZHIG RTZOD PA'I CHA RNAM PAR 'GREL PA NI GAL TE ZHES BYA BA'O, ,JI LTA BA BZHIN DU ZHES BYA BA NI SNGAR MTHONG BA NYID DU'O, ,'O NA NI ZHES BYA BA NI GRUB PA'I MTHA'O, ,DE NYID GSAL BAR BYED PA NI DPE'I SGO NAS ZHES BYA BA'O, ,DE ZHES BYA BA NI DPE'O, ,'ON TE MA BRJOD NA DE'I TSE NYIS PA YOD DO ZHES BRJOD PA NI, GAL TE RTAGS KYI ZHES BYA BA'O, ,DE NI MNGON SUM GYIS MTHONG BA'O, ,GRUB ZIN PA GRUB NA NI THUG PA MED PAR 'GYUR RO ZHES BRJOD PA NI DE NYID CES BYA BA'O, ,BRJOD BA YANG NYES PA YOD DO, ,ZHES BRJOD PA NI 'ON TE ZHES BYA BA'O, ,BRJED PA DPE MA YIN MOD, ,DE MED PA KHO NAR DU BLOR BUR BA LAS MED RTOGS PA BZHIN DU RTAGS LAS RTOGS PA GANG GIS ZLOG PAR BYED SNYAM DU DOGS PA BSU NAS, 'DU BYED MNYAM PA'I MNGON SUM GYIS BZUNG BA LA DE MI SRID PA NYID LA SRAD KYI TSAD MA NYID NI MA YIN NO ZHES LAN BRJOD PA NI CI STE ZHES BYA BA'O, ,DE ZHES BYA BA NI MNGON SUM GYIS MTHONG BA'O, ,KHYAB PA DE'I ZHES BYA BA NI RJES SU DPAG PAR BYA BA GANG YIN PA DE'I KHYAD PAR RTOGS PA MED PAS SO, ,SNGAR GYI MNGON SUM GYIS ZHES BYA BA NI, MTHONG BA'I 'DU BYED MA NYAMS PA CAN GYIS SO, ,JI LTAR KHYAD PAR MA RTOGS SHE NA, DUS KYI CHA ZHES GSUNGS TE, RTAG PA'I PHYIR RO ZHES BYA BA'I DON TO, ,MTHONG BA'I 'DU BYED NYAMS NA NI RJES SU DPAG PA'I TSAD MA YIN PO ZHES DGONGS PA BSU BA NI, DRAN PA YOD NA ZHES BYA BA DE RJES SU DPAG PA YOD NA'O, , DE LA ZHES BYA BA NI MTHONG BA'I 'DU BYED NYAMS PA'I MNGON SUM GYIS BZUNG BA LA'O, ,THA SNYAD BYED PA'I PHYIR DE NYID TSAD MA YIN NO ZHES SBYAR RO, ,'DI NYID GSAL BAR BYED PA 'DI LTAR ZHES BYA'O, ,RANG BZHIN GYI GTAN TSIGS KYIS ZHES BYA BA NI DE'I RANG BZHIN CAN GYI MTSAN NYID LAS SO, ,JI LTA BA BZHIN DU ZHES BYA BA NI DPE LA MTHONG BA'I BYED PA DANG, CHOS MTSUNGS PAR THA SNYAD BYED PA NA'O, ,RJES SU DPAG PA TSAD MA YIN NO ZHES BYA BA NI SKABS YIN NO, ,GANG LA JI LTA BA BZHIN THA SNYAD BYED SNYAM NA BDAG NYID THAMS CAD CES GSUNGS TE, MI GSAL BA'I MNGON SUM GYIS BDAG NYID THAMS CAD

, ,BZUNG ZIN PA NYID LAS SO, ,MA YIN TE ZHES BYA BA NI DOGS PA 'GOG PA'O, ,CI'I PHYIR DE LTA NA MA YIN ZHE NA, SNGON ZHES GSUNGS TE RANG BZHIN GYI GTAN TSIGS LA'O, ,'DIR NI ZHES BYA BA NI KHYAD PAR MTHONG BA LAS SO, ,LTA ZHES BYA BA NI RANG BZHIN GYI GTAN TSIGS KYI RJES SU DPAG PA'AM, GLO BUR BA'I RJES SU DPAG PA'I LTAR TE, BSGRUB PAR BYA BA ZHES PA NI SKABS YIN NO, ,CI'I PHYIR DE LTA MA YIN ZHE NA, SNGON ZHES GSUNGS TE KHYAD PAR MTHONG BA'I RJES SU DPAG PA LAS SNGAR RO, ,DE 'DRA BA MED PA'I PHYIR RO ZHES BYA BA NI 'BREL PA 'DZIN PA LA BRJOD PA NYID MED PA'I PHYIR TE, RANG GI GZHAN GYI RJES SU DPAG PA LTAR SGRUB PAR BYED PA MA YIN NO, ,GLO BUR PA'I RJES SU DPAG PA DANG 'DRA BAR SGRUB PAR BYED PA YANG MA YIN NO ZHES GSUNGS PA NA, GOMS PAS BSKYED PA MA YIN PA'I PHYIR RO ZHES BYA BA'O, ,GLU BUR PA'I RJES SU DPAG PA LA NI GOMS PA YOD PA YIN NO ZHES BYA BA'I THA TSIG GO, ,DES NA DE LTAR KHYAD PAR MTHONG BA NI MNGON SUM GYIS MTHONG BA'I YUL CAN MA YIN LA, DE'I YUL CAN YIN YANG TSAD MA GZHAN MA YIN NO ZHES BRJOD NAS, DA NI DE'I YUL CAN MA YIN PA RJES SU DPAG PA KHO NA YIN NO ZHES BRJOD PA NI 'DI NI MTHONG BA ZHES BYA BA'O, ,CI'I PHYIR MA 'BREL ZHE NA, RNAM PA GZHAN DU ZHES GSUNGS TE, DE LTA MA YIN PA MTHONG BA GANG YIN PA DE NYID SRID PA'I PHYIR RO, ,'DI NYID GSAL BAR BYED PA NI 'DI ZHES BYA BA'O, ,'ON KYANG MA BZUNG BA NYID YIN NO, ,GANG PHYIR DE LTA YIN PA DES NA 'DI NI MTHONG BA YIN NO, ,ZHES BYA BA'I DRAN PA TSAD MAR GRUB PO ZHES 'BREL TO, , CI'I PHYIR ZHES DOGS NA BSHAD ZIN PA NYID GSAL BAR BYED PA NI MA BZUNG BA NYID DE, GZHAN DU GYUR BA NYID YIN PA'I PHYIR RO, ,DU BA'I RTAGS LAS SKYES PA'I TSAD MA YANG MNGON SUM MA YIN NA RJES SU DPAG PA KHO NA YIN GYI KHYAD PAR MTHONG BA NI MA YIN NO ZHES BYA BAR DGONGS PA'O, ,GANG GI RJES SU DPAG PAR 'GYUR BA RJES SU RNAM PA GZHAN DU 'GYUR BAR SRID SNYAM NA, MNGON SUM GYIS NI ZHES GSUNGS SO, DE LTA MA YIN NA ZHES BYA BA NI RANG GI DUS KYI MTHAR THUG PA'I RANG BZHIN MI 'DZIN NA'O, ,'CHI BA'I MTHA' DANG BCAS PA'O, ,DE NYID KYI TSE NA ZHES BYA BA NI 'TSI [*'TSE?] MTHA' 'DZIN DUS KYI DE MA THAG PA'I DUS

NYID DU'O, ,DE LA YANG MA YIN TE, DUS NI RANG GI DUS KYI MTHAR THUG PA'I RANG BZHI NYID MNGON SUM GYIS 'DZIN PA YIN NO, ,DES NA 'DI NA MA MTHONG BA NYID YIN NO SNYAM PA'I DRAN PA NI MTHONG BA YIN PAR MI 'THAD DO ZHES GNAS SO, ,'ON TE 'DI YANG, KHYAD PAR YUL CAN NYID KYANG MIN, ,ZHES BYA BA 'DIS DON BRJOD PA'I PHYIR YANG ZLOS PA'I DON YIN ZHE NA, NYES PA LHAG PAR BRJOD PA'I DON TO, DE NYID BRJOD PA'I DON DU GZHAN DAG DGOS PAR BYED PA NI RJES SU DPAG PA NYID KYIS ZHES BYA BA STE RGYUN GYI RJES SU 'JUG PA NYID KYIS SO, ,'DI GA LAS SHE NA, MNGON SUM RING POS ZHES GSUNGS SO, , GAL TE DE LTA NA YANG 'CHI BA'I MTHA' DANG BCAS PAR 'DZIN PAR THAL BA LAS JI LTAR THAR SNYAM NA, RING MIN PAS NA ZHES SMRAS SO, ,DE LTAR NA CI 'GRUB SNYAM NA, DE NYID KYI TSE NA ZHES SMRAS SO, ,DE LTA NA YANG NYES PA GZHAN YOD DO ZHES BRJOD PA NI GAL TE ZHES BYA BA'O, ,DES NA ZHES BYA BA NI DUS GZHAN KHYAB PA 'DZIN PAS NA'O, ,CI STE ZHES BYA BAS DON DAM PAR MTHONG BA'I YUL CAN MA YIN PA'I MA YIN PA'I YUL CAN YIN ZHES BYA BA'I DOGS PA BSU NAS 'DI LA BRJOD PA ZHES BYA BAS SEL BAR BYED DO, ,DE LA ZHES BYA BA NI SKYES PA LA'O, ,DE'I DNGOS PO ZHES BYA BA NI MNGON MTHONG BA'I DNGOS POR GRUB PA'O, , TSAD MAS ZHES BYA BA NI MNGON MTHONG BAS SO, ,DE'I TSE DNGOS PO GZHAN LA STE MA MTHONG BA LA MTHONG BA DE NYID SGRO 'DOGS PA'I NI 'KHRUL PAR 'GYUR RO, ,MNGON SUM GYIS GRUB PA NYID KHYAD PAR MTHONG BAS GRUB PA YIN NA GZUNG BA'I 'DZIN PHYIR TSAD MA MA YIN PA NYID DO ZHES BRJOD PA NI DE GRUB CES BYA BA'O, ,RE ZHIG RTZOD PA'I CHA NYID RNAM PAR 'GREL PA NI GAL TE ZHES BYA BA'O, ,GZHAN MIN ZHES BYA BA NI GZHAN KHO NA'O, ,DE NYID NI MTHONG BA'O, ,GZHAN BA YANG SNGAR GYI MNGON SUM BZUNG BA NYID DO ZHE NA, SNGAR MTHONG BA DE NI ZHES GSUNGS SO, ,MA BZUNG BA NI MNGON SUM GYIS SO, ,DE NYID DU MTHONG BA NYID DU'O, , GZHAN DU MA MTHONG BA NYID DU'O, ,RJES SU DPAG PAS MA BZUNG, 'DZIN PA NI MA YIN TE ZHES 'BREL TO, ,GAL TE DRAN PA 'DZIN PA'I RJES SU 'BRANG NA, RJES SU DPAG PAS JI LTAR ZHE NA, RJES SU DPAG PA NI ZHES BYA BA'O, ,CI STE RJES SU DPAG PA ZHES BYA BA NI MNGON SUM GYIS MTHONG BA NYID KHYAD PAR MTHONG

, ,BAS 'DZIN PA YIN NO ZHES BYA BA'I DON TO, ,MNGON SUM CIG SHOS ZHES BYA BA NI MNGON SUM DANG RJES SU DPAG PA'O, ,GCIG GRUB PA NA ZHES BYA BA NI GNYIS KYI NANG NAS GCIG KHO NA GRUB MDO, GNYIS KAS CI ZHIG BYED DANG 'BREL BA'I PHYIR ZHES BYA BA NI MIG LA SOGS PA'I BYAD PA DANG RJES SU 'BREL PA'I PHYIR RO, ,GANG TSE SNANG BA YOD PA DE'I TSE YANG 'DZIN PA MA YIN NO ZHES BRJOD PA NI, 'O NA SNANG BA DE ZHES BYA BA'O, ,DNGOS PO 'DZIN PA NYID DU DGOS PA BSU NAS SEL BA NI SNANG BA DANG BRAL BA NI ZHES BYA BA'O, ,DE LTAR GYUR PA NA NI ZHES BYA BA NI SNANG BA DANG LDAN PA DE DANG DRAL BAR 'DZIN PA'O, ,DE NYID CES BYA BA NI 'BA' ZHIG 'DZIN PA NYID DO, ,GAL TE KHYAD PAR MTHONG BA MA YIN NA 'O NA DA CI YIN ZHE NA, GZHAN DANG ZHES BYA BA'O, ,SNGON MTHONG BA'I DON DANG MTSAMS SBYAR BA'I ZHEN PA NGES PA STE RIGS PA ZHES PAS DRAN PA YIN PAR SHES KYI TSAD MAS NI MA YIN NO, ,DES NA MNGON SUM NYID YIN NO ZHES BYA BA'I DON TO, ,'ON TE DU BA LA SOGS PA LA LTOS NAS 'GYUR BA'I PHYIR JI LTAR TSAD MA MA YIN ZHE NA, DOGS PA BSU NAS SEL BA NI GAL TE ZHES BYA BA'O, ,DE NI RTAGS LA LTOS PA'I PHYIR DRAN PA NI MA YIN GYI, ,'ON KYANG TSAD MA YIN NO ZHE NA, DRAN PA MA YIN PA MA YIN TE, 'ON KYANG DRAN PA KHO NA'O, ,CI'I PHYIR ZHE NA 'KHRUL PHYIR RO, ,GZHAN YANG ZHES BYA BA'O, ,MTSAMS NI ZHES BYA BA'I 'GREL PA'O, ,RNAM PAR DPYOD PAR BYA BA BRJOD PA NI GSAL BA'I RANG BZHIN DU ZHES BYA BA'O, ,'DI LA SUM 'BYIN PA NI DE'I TSE DRAN PA NYID YIN TE KHYAD PAR MTHONG BA NI MA YIN NO,, 'DI NYID GSAL BAR BYED PA NI MNGON SUM DANG ZHES BYA BA'O, ,GAL TE DE BTAGS ZHES BYA BA RNAM PAR 'BREL PA NI GAL TE ZHES BYA BA'O, ,DA NI MA YIN TE ZHES BYA BA NI GRUB PA'I MTHA' 'GREL PA'O, ,'DI LAS NI DU BA LA'O, ,CI'I PHYIR RTAGS NYID MED CE NA, TSUL GSUM PA MED PA'I PHYIR RO ZHES BYA BA STE KHYAD KYI 'DOD PAS SO, ,DE NYID JI LTAR ZHE NA DPE DANG ZHES GSUNGS SO, ,DES NA DU BA NI 'KHRUL PA YIN NO ZHES DGONGS PA'O, ,RANG GI NGO BO 'DZIN PA'I PHYIR JI LTAR SPYI'I YUL CAN ZHAN GANG ZHIG CES BYA BA'O, ,DRAN PAR BYA NI DONG YI RANG BZHIN DU LHAG PAR GZHAN PAR BYA BA STE SPYI

YIN NO, ,GZUNG BAR BYANG MA YIN PA CI'I PHYIR ZHE NA, GZUNG BAR BYA BA NYID DU ZHES GSUNGS SO, ,GAL TE RJES SU DPAG PAR NI DRAN PA MA YIN PA DES NA DE LTAR JI STE BRJOD SNYAM NA RJES SU DPAG PA NI ZHES GSUNGS SO, ,SKABS NYE BAR SDUD PA NI DE'I PHYIR ZHES BYA BA'O SHES PA GANG GIS SO, ,GAL TE KHYAD PAR MTHONG BA DNGOS PO'I 'DZIN PA'I RANG BZHIN MA YIN NA 'O NA ZHES SBYOR RO, ,DA LTAR ZHES BYA BA NI LAN NO, ,CI'I PHYIR ZHE NA PHYOGS DE NA ZHES GSUNGS SO, ,GANG GI PHYIR DE LTAR KHYAD PAR MTHONG BA SPYI'I YUL CAN YIN PA DE'I PHYIR DE LTA YIN PA ZHES BYA BA'O, ,SKABS CHEN PO NYE BAR SDUD PA NI DE'I PHYIR GZHAL BYA GNYIS ZHES BYA BA'O, ,JI LTAR TSAD MA RNAM PAR GNYIS YIN ZHE NA, MNGON SUM DANG ZHES BYA BA'O, ,YUL RNAM PA GNYIS JI LTAR ZHE NA DNGOS DANG ZHES BYA BA'O, ,MNGON SUM RTOG DANG BRAL BAR NI, ,MNGON SUM NYID KYI GRUB PA YIN, ,ZHES BSHAD PA MTHONG BA'I PHYIR NA BSHAD PAR BYA PA'I MDO NYID 'GOD PA NI, DE LA MNGON SUM NI ZHES BYA BA'O, ,DE DANG BRAL BA NYID SGRUB PA'I DON DU RTOG PA DANG 'KHRUL PA'I RANG GI NGO BO GSUNGS PA NI KHYAD PAR ZHES BYA BA'O, ,KHYAD PAR LA SOGS PA DANG SGRA LA SOGS PA DANG, 'BREL PA 'DRES PA'I DON GYI RNAM PAR GANG LA YOD PA STE DE NI RTOG PA YIN NO, , GZHAN DU ZHES BYA BA NI PHYIN CI LOG NYID DU'O, ,DE GNYIS DANG ZHES BYA BA NI SPYIR RTOG PA DANG 'KHRUL PA GNYI GA DANG NGO, ,GZHAN DU ZHES BYA BA NI MA 'KHRUL TE DUNG DKAR PO LA SER PO LA SOGS PAR SHES PA 'KHRUL PA NYID NI MIG SMAN LA SOGS PAS GSAL BAR BYAS PA'I MNGON SUM DUNG DKAR PO MTHONG BA LAS NGES PA YIN NO, ,CHOS CAN GYI CHOS BSTAN PA'I PHYIR NA RTOG PA NYID DANG, BRAL BA DE'I DNGOS DE NYID GANG LAS NGES YIN TE, 'GA' LAS KYANG MA YIN NO ZHES BYA BA'I DON TO, ,GAL TE RJES SU DPAG PA LAS NGES PA MA YIN NAM, DE NA DE SKAD CI STE BRJOD SNYAM NA, MNGON SUM DE MED NA'O, , 'O NA MNGON SUM GYI RTOG PA DANG BRAL BA NYID NGES PA YIN, DE SNGON DU 'GRO BA'I RJES SU DPAG PAS KYANG YIN NO ZHE NA, MNGON SUM MTHA' DAG KYANG ZHES BYA BA'O, ,DE'I YANG ZHES BYA BA NI SPYOD PA LA SOGS PA'I YANG NGO, ,DES CI 'GYUR ZHE NA DE ZHES BYA BA'O, ,DE YANG NI RNAM PAR RTOG PA DANG BCAS PA'I MNGON

, ,SUM YANG NGO, ,GAL TE RNAM PAR RTOG PA NI SHA ZA BZHIN DU BLTAR MI RUNG BA'I PHYIR NA JI LTAR MNGON SUM GYIS MED PA'I THA SNYAD DU BYED SNYAM NA KUN GYI RNAM RTOG CES BYA BA'O, ,MING STE DGRA'I RTEN NI MI RTEN CAN TE, SGRA DANG 'DRE BAR RUNG BA'I SNANG BA CAN ZHES BYA BA'I DON TO, ,RTOG PA PO GSAL PA LA LTOS TE NI THAMS CAD MNGON SUM NYID KYIS DNGOS PO MED PA'I THA SNYAD DU BYED KYI MI DMIGS PAS NI MA YIN NO ZHES BSHAD ZIN TO, ,DE LAS GZHAN LA LTOS TE NI 'GA' ZHIG TU MI DMIGS PAS YIN GYI, THAMS CAD DU NI MA YIN GYI, DPE MED PAR THAL BA'I PHYIR RO ZHES KYANG BSTAN ZIN TO, ,DE'I BDAG NYID DGAG PA LA NI KHYAD PAR DANG BRAL BA'I MI DMIGS PA YIN LA, THA DAD PA DGAG PA LA NI KHYAD PAR DANG BCAS PA NYID KYIS YIN NO, ,SHES PA GCIG LA 'DRE BA NYID KYANG 'KHRUL PA MED PAR DMIGS PA'I NYE BAR MTSON BYED YIN TE, NGES NA DBANG PO'I RNAM PAR SHES PA DANG RNAM PAR RTOG PA DMIGS PA PA LA 'KHRUL PA MED PA CAN DAG LAS, DBANG PO'I RNAM PAR SHES PA GCIG DMIGS PA NYID DMIGS PA'I MTSAN NYID DU GYUR PA'I RNAM PAR RTOG PA MI DMIGS PA YIN NO, ,'DIR NI RANG BZHIN KHYAD PAR CAN NYID BRJOD DO 'CHAD PA NI MNGON SUM ZHES BYA BA'O, , GAL TE RNAM PAR RTOG PA DANG GZHAN DAG LHAN CIG 'BYUNG BAS THA DAD PA MED PA'I PHYIR JI LTAR RTOG PA DANG GZHAN GYI RNAM PAR BYED PAR 'GYUR SNYAM NA, RNAM PAR RTOG PAR BYA BA NI RANG RIG PAS ZHES SO, ,RNAM PAR BRTAG PAR BYA BA NI MI GSAL BA'O, ,SNANG ZHES BYA BA NI GSAL BA'O, ,GANG GI PHYIR DE LTAR NYAMS SU MYONG BA DES NA GSAL BA DANG MI GSAL BA'I CHOS 'GAL BA'I GNAS PA NA'O, ,DE YOD PA ZHES BYA BA NI RNAM PAR RTOG PA DANG BCAS PA DANG CIG SHOS DAG YOD PAS SO, ,RKYEN GZHAN TSOGS PA DANG LDAN PAR STON PAS LAN BRJOD PA NI THAMS CAD LAS NI ZHES BYA BA STE, YUL THAMS CAD LAS RNAM PAR RTOG PA'I SEMS BSDUS NAS SO, ,G-YO MED PA STE RTOG BA'I RLUNG DANG BRAL BA'I PHYIR BRTAN PAR GNAS PA NA'O, ,'DIS NI RNAM PAR RTOG PA MED KYANG YOD PA'I PHYIR NA, RNAM PAR RTOG PA NI THA DAD PA YIN NO, ,ZHES BSTAN TE, ,THAL BAR 'GYUR BA'I SGO NAS 'CHAD PA NI, GAL

TE ZHES BYA BA'O, ,RNAM PAR RTOG PA'I TSOGS PA MED NA ZHES BYA BA NI, RIGS MTHUN PAR RNAM PAR RTOG PA'I RGYU MED NA'O, ,DE'I TSE MED PA ZHES BYA BA RAGS MTHUN PA'I RNAM PA'I TSOGS PA MED PAR DON 'DZIN PA'I DBANG PO'I BYED PA MED PAR 'GYUR RO, ,MED PA YANG MA YIN NA DES NA'O, ,DE'I ZHES BYA BA RNAM PAR RTOG PA BSDUS PA'I GNAS SKABS NA'O, ,RNAM PAR RTOG PA DANG MA 'BREL PA ZHES BYA BA NI, RNAM PAR RTOG PA DANG BRAL BA'O, ,GAL TE THAMS CAD LA RNAM PAR RTOG PA YOD PA'I PHYIR NA RNAM PAR RTOG PA DANG BRAL BA'I GNAS SKABS MED PA NYID MA YIN NAM ZHES DOGS PA NI GAL TE ZHES BYA BA'O, ,'DI LA ZHES BYA BA NI RNAM PAR MED PA LA'O, ,DE'I TSE NYID CES BYA BA NI RNAM PAR RTOG PA MED PA'I DUS NA'O, ,DE'I TSE ZHES KHONG NAS PHYUNG LA JI LTAR ZHES BYA BA LA SOGS PAR SPYAR RO, ,DE'I TSE ZHES BYA BA NI RTOG PA MED PA'I DUS NA'O, , NYAMS SU MYONG BA NI RANG GI YUL LA RANG GI BYED PA'I RJES SU 'BRANG BA'I RNAM PAR RTOG PA BSKYOD PAS NA, DE LAS SNGAR 'BYUNG BA YIN GYI DE DANG DUS MTSUNGS BAR NI MA YIN NO ZHES LAN 'DEBS PA NI 'DI LAS BSHAD PA ZHES BYA BA'O, ,SNGAR BSHAD GNAS SKABS KYI ZHES BYA BA NI RNAM PAR RTOG PA DANG MA 'BREL BA'I GNAS SKABS KYI'O, ,DBANG PO'I RTOG PA LAS NI, KHO BO'I RNAM RTOG 'DI 'DRAR 'GYUR, ,ZHES BYA BA DE MED DO, ,GAL TE RNAM PAR RTOG PA NI RNAM PAR RTOG PA'I DUS NYID NA 'DI LA YOD PAR THA SNYAD BYED PA MA YIN NAM, DES NA GNAS SKABS 'GA' ZHIG RNAM PAR RTOG PA DANG BRAL BAR JI LTAR BRJOD SNYAM NA, DE NYID KYI TSE ZHES SMOS SO, ,RNAM PAR RTOG PA MED PA'I DUS NYID KYI TSE'O, ,'DI NI RNAM PAR RTOG PA MED PA'O, ,RNAM PAR RTOG PA DE RNAM PA CI 'DRA BA ZHIG SNYAM NA, 'DI RNAM PAR RTOG PA MED PA'O SNYAM PA'O, ,GANG GIS DE DGAG PAR BRJOD PA YIN PA'I THA SNYAD DU BYED PA'I RNAM PAR RTOG PA YOD NA CI NYES SNYAM NA, DE LTA MA YIN PA ZHES GSUNGS TE, GAL TE YOD PA'I THA SNYAD DU BYED PA'I RNAM PAR RTOG BA DE BZHIN DU YOD NA DE'I TSE MNGON SUM RNAM PAR RTOG PA MED PAR SMRA BA 'BA' ZHIG TU NI MA ZAD KYI MNGON SUM RNAM PAR RTOG PA DANG BCAS PAR SMRA LA YANG NGO, ,'DI NI RNAM PAR RTOG PA RNAM PAR RTOG PA

, ,GZHAN DANG DUS MTSUNGS PAR KHAS BLANGS TE BRJOD PAR SHES PAR BYA'O, ,DE LA ZHES BYA BA NI RNAM PAR RTOG PA DANG BCAS PA'I MNGON SUM LA'O, ,GZHAN GYI BYA BA NI DUS MTSUNGS PA'I RNAM PAR RTOG PAS SO, ,LAN NI RNAM PAR RTOG PA MED PA LA YANG NGO ZHES BYA BA NI RNAM PAR RTOG PA ZHES BYA BA NI DUS MNYAMS PAR 'BYUNG BAS SO, ,DES NA DE LTAR RNAM PAR RTOG PA DANG BCAS PA BZHIN DU RNAM PAR RTOG PA MED PA LA YANG DUS MTSUNGS PA'I RNAM PAR RTOG PAS YOD PA'I THA SNYAD BYA BAR MI NUS LA, RANG RIG PA'I PHYOGS LA NI DON MED DO ZHES BSTAN PA YIN NO, ,'O NA RANG RIG PA'I PHYOGS LA DUS PHYIS 'BYUNG BA NYID KYIS DE BZHIN DU RNAM PAR RTOG PA YIN GYI THAMS CAD NI MA YIN NO ZHES DOGS BA PA NI 'ON TE ZHES BYA BA'O, ,DE LTA NA NI 'O NA DE NYID TSE 'DI RNAM PAR RTOG PA MED PA'O ZHES BYA BA DE DAG GNAS PA YIN NO ZHES STON PAS RNAM 'GREL RNAM PAR 'GREL PA NI 'DI LA YANG ZHES BYA STE, RNAM PAR RTOG PA GZHAN DANG BCAS PA'I RTOG PA MED PA LA'O, ,RNAM PAR RTOG PA BSDUS PA'I GNAS SKABS NA, DE LTAR THA SNYAD MI BYED PA CI'I PHYIR ZHE NA, DE LA ZHES GSUNGS SO, ,RNAM PAR RTOG BA BSDUS PA'I SKABS SU'O, ,DE'I TSE ZHES BYA BA NI THA SNYAD KYI DUS NA'O, ,SHI BA LA ZHES BYA BA NI LAN NO, , DE LTA MA YIN NA ZHES BYA BA NI GAL TE DE LA THA SNYAD MED NA'O, ,DE'I TSE RNAM PAR RTOG PA DANG BCAS PA ZHES BYA BA'O, ,YANG ZHES BYA BA NI DOGS PA'O, ,DE'I RIGS CAN NI RNAM PAR RTOG PA'I RIGS CAN NO, ,GNYIG YANG NYE BAR SDUD PA NI DES NA ZHES BYA BA'O, ,MTSAN NYID THA DAD PA DANG ZHES BYA BA NI, GSAL BA DANG MI GSAL BA'I RANG BZHIN THA DAD PA DANG PHAN TSUN MED PA YANG ZHES BYA BA NI, RNAM PAR RTOG PA MED PA DANG CIG SHOS DAG RE RE MED KYANG YOD PA'I PHYIR GCIG NYID MA YIN NO, ,PHAN TSUN MED PAR 'BYUNG BAR DOGS PA BSU BA NI CI STE ZHES BYA BA'O, ,DRAN PA DANG DBANG PO LA SOGS PA YOD PA'I PHYIR RO, , DE MED PAS NI DE 'DRA'I TSOGS MED PAS SO, ,DBANG PO 'BA' ZHIG YOD PA LAS, ,ZHES BYA BA'I DON TO, ,GANG ZHIG RNAM PAR RTOG PA DANG BCAS PA'I TSOGS PA'I KHYAD PAR LAS GZHAN NYID SKYE BA DE NI DA MED PAR 'GYUR BA MA YIN GYI, GANG ZHIG DBANG PO 'BA' ZHIG LAS BYUNG BA DE NI GZHAN KHO NA YIN TE, BCAS

BA GANG YIN PA DE NYID MA YIN NO, ,DE BAS NA PHAN TSUN MED PAS 'BYUNG BA MA YIN PA'I PHYIR 'DI NI RNAM PAR RTOG PA DANG BCAS PA'I TSOGS GCIG KHO NA YIN NO ZHES BYA BA NI DOGS PA'I 'DON TO, ,LAN DE NI MA 'BREL TE ZHES BYA BA'O, ,JI LTAR ZHE NA BRJOD PA GAL TE RNAM PAR RTOG PA DANG BCAS GCIG PA NYID TSOGS PA LAS YIN PAR RTOG NA DE'I TSE SNGON PO DANG SER PO DAG THA DAD PA MED PAR 'GYUR, CI'I PHYIR ZHE NA, BA SDOMS PAS ZHES BYA BA'O, ,DE NI ZHES BYA BA NI 'CHAD PA'O, ,DE LA ZHES BYA BA NI BSDOMS PA DANG, 'BA' ZHIG PA DAG GI NANG NAS SNGON PO DANG SER BO GCIG PAR MI BZOD NAS GZHAN DAG DOGS PAR BYED PA NI CI STE NGO SHES PA'I PHYIR TE ZHES BYA BA'O, ,DE NYID CES BYA BA SO SOR MTHONG BA GANG YIN PA'O, ,LAN NI THA DAD PAR ZHES BYA BA'O, ,DE'I PHYIR ZHES BYA BA NI THA DAD PA'I PHYIR RO, ,DBANG PO SOGS PA'I TSOGS PA KHAS BLANGS NAS SUN PHYUNG BA YIN NO, ,DE 'THAD PA YANG MA YIN NO ZHES BRJOD PA NI, DRAN PA LA SOGS PA ZHES BYA BA'O, ,CI'I PHYIR ZHE NA, DBANG PO'I ZHES GSUNGS SO, ,'O NA DON GYI SHES PA NYID RNAM PAR RTOG PA DANG BCAS PA YIN TE, BRDA SBYAR BA LA 'DZIN PA'I PHYIR RO ZHE NA, DBANG BA ZHES GSUNGS SO, ,CI'I PHYIR ZHEN DE BRJOD PA NYID KYI ZHES BYA BA STE RANG GI MTSAN NYID BRJOD BA'O, ,JI LTAR DE BRJOD PA NYID MED CE NA, RANG GI MTSAN NYID LA ZHES GSUNGS SO, ,'O NA SPYI 'DZIN PA'I DBANG PO'I SHES PA NI RTOG PA DANG BCAS PA YIN TE, DE LA BRDA SRID PA'I PHYIR RO ZHE NA SPYI ZHES GSUNGS SO, ,GAL TE RANG GI MTSAN NYID DANG, SPYI DAG BRDA'I YUL MA YIN PA DANG, DBANG PO'I GZUNG BA MA YIN PAR JI LTAR 'GRUB CES BSAMS NAS GZHAN DAG DOGS PAR BYED PA NI CI'I PHYIR ZHES BYA BA'O, ,DE LTAR GNYIS PA'I'O, ,DE LA RE ZHIG RANG GI MTSAN NYID BRDA'I YUL MA YIN PAR SGRUB PA NA GCIG TU ZHES BYA BA'O, ,'DIS NI MNGON SUM GYI YUL GYI KHYAD PAR NI RNAM PAR RTOG PA'I YUL MA YIN NO ZHES BRJOD PA YIN NO, ,SPYI NI RNAM PAR RTOG PA'I YUL YIN YANG DBANG PO'I SHES PA'I GZUNG BA YIN NO ZHES BRJOD BA YIN NO, ,DE LAS ZHES BYA BA STE KHYAD PAR LAS SO, ,GZHAN NI THA DAD PA ZHES BYA BA'I DON TO, ,PHYED SNGA MA 'CHAD PA NI KHYAD PAR NI ZHES BYA BA'O, ,JI LTAR RJES SU 'GRO BA MA YIN

, ,ZHE NA, GANG GI PHYIR ZHES GSUNGS SO, ,GCIG TU YUL LAM DUS SU'O, ,GZHAN DU ZHES BYA BA NI NGES PAR YUL LAM DUS SU'O, ,DE NYID NI DA LTAR BYUNG BA'O, ,GZHAN GYI NI DUS PHYIS 'BYUNG BAS SO, ,CI'I PHYIR MI MTHONG SNYAM NA DE NA ZHES GSUNGS TE MNGON SUM MO, ,'DI NYID GSAL BAR BYED PA NI MNGON SUM GYIS NI ZHES BYA BA'O, ,DES NA ZHES BYA BA NI DUS GZHAN DU GNAS PA MED PAS SO, ,MNGON SUM SNGA MA NI PHYI MA LA MI 'JUG LA MNGON SUM PHYI MA YANG SNGA MA LA MI 'JUG GO ZHES BYA BAR SBYAR RO, ,NGO SHES PA'I MNGON SUM NI SNGA MA DANG PHYI MA DAG LA 'JUG PA YIN NO ZHES DOGS PA NI GAL TE ZHES BYA BA'O, ,MA YIN TE ZHES BYA BA NI LAN NO, ,JI LTAR MNGON SUM MA YIN ZHE NA DE LA ZHES GSUNGS SO, ,NGO SHES PA LA'O, ,JI LTAR DBANG PO'I BYED PA MED SNYAM NA, JI LTAR ZHES GSUNGS SO, ,'ON TE DBANG PO LA BRTEN PA'I RNAM PAR SHES PA 'DAS PA LA SOGS PA LA 'JUG PA YIN NO ZHE NA; DE LA BRTEN PA'I ZHES GSUNGS SO, CI'I PHYIR 'DAS PA LA SOGS PA DBANG PO MI 'JUG SNYAM NA, DBANG PO'I SHES PAS ZHES GSUNGS SO, 'DZIN PA LA NYES PA BRJOD PA NI DE LTAR YIN NA ZHES BYA BA STE, YUL DANG DUS DANG KHYAB PA 'DZIN NA'O, ,PHYER PHYI MA 'CHAD PA'I PHYIR DOGS PA BSU BA NI GAL TE ZHES BYA BA'O, ,'CHAD PA SNGA MA LAN 'DEBS PA NI GAL TE ZHES BYA BA'O, ,DE'I TSE MIG KYANG 'JUG PAR 'GYUR RO, ,JI LTAR SHES PA 'JUG NA MIG KYANG 'JUG PAR 'GYUR ZHE NA, MIG CES GSUNGS SO, ,SHES PA 'JUG PA LAS GZHAN DU'O, ,'O NA 'DAS PA LA SOGS PA 'DZIN PA LA MIG BYED PA YOD PA KHO NA'O ZHE NA, SNGA MA DANG ZHES GSUNGS SO, ,CI'I PHYIR ZHE NA, SRID PAR ZHES BYA BA NI, RGYU SNGA MA LAS 'BRAS BU PHYI MA DANG 'BRAS BU PHYI MA LAS RGYU SNGA MA LAS SRID PAR RJES SU DPOG PA'O, ,RJES SU DPAG PA 'JUG PA NYID DBANG PO 'JUG PA YIN NO ZHES DOGS PA NI GAL TE ZHES BYA BA'O; LAN NI RJES SU DPAG PA YANG ZHES BYA BA'O, ,GANG GI PHYIR KHYAD PAR GCIG TU MTHONG BA NI GZHAN DU MTHONG BA DE'I PHYIR RO, ,PHYED PHYI MA BSHAD PA'I PHYIR DOGS PA BSU BA NI SPYI ZHES BYA BA'O, ,KHYAD PAR LAS THA DAD PA DANG THA MI DAD PA'I SPYI NI YOD PA MA YIN NO, ,DES NA GANG GI DBANG PO SHES PA RNAM

PAR RTOG PA DANG BCAS PAR 'GYUR BA DE DBANG POS GZUNG BA NYID JI LTAR YIN ZHES BSTAN PA'I DON DU LAN 'DEBS PA NI KHYAD PAR DE LTAS THA DAD PA NI YOD PA MA YIN NO, ,CI'I PHYIR ZHE NA, THA DAD MED PHYIR ZHES BYA BA'O, ,KHYAD PAR RNAMS LA NI THA DAD PA DANG THA MI DAD PA'I SPYI DANG KHYAD PAR GYI RNAM PA CAN GYI BLO NYAMS SU MYONG BA NI MED DE 'ON KYANG KHYAD PAR RNAM PA NYID YIN NO, ,SPYI NI MA DMIGS PA'I PHYIR MED PA KHO NA'O ZHES PA'I DON TO, ,GAL TE GSAL BA DANG SPYI DAG RJES SU 'GRO BAR SRID PA'I PHYIR, JI LTAR BRDA'I YUL LA YIN ZHE NA, KHYAD PAR RNAMS ZHES GSUNGS SO, ,DBANG POS GZUNG BAR BYA BA'I SPYI YANG RJES SU 'GRO BA MA YIN TE ZHES 'BREL TO, ,CI'I PHYIR ZHE NA, DE NI MED PA'I PHYIR RO ZHES BYA BA'O, ,KHYAD PAR RNAMS RJES SU 'GRO BA MA YIN LA ZHES BRJOD PA NYID GSAL BAR BYED PA NI, ,KHYAD PAR RNAMS NI ZHES PA'O, ,SPYI YANG ZHES BRJOD PA GSAL BAR BYED PA NI SPYI ZHES BYA BA STE, DBANG POS GZUNG BA MA YIN PA'O, ,DE NYID KYI PHYIR DE NI ZHES GSUNGS TE, SA'I DBANG POS GZUNG BA'I ZHES BYA BA NI SPYI'O, ,CI'I PHYIR ZHE NA, 'DIR CI NI ZHES BYA BA'O, ,'DIR NI KHYAD PAR RNAMS LA'O, ,CI'I PHYIR MI SNANG SNYAM PA'I DOGS PA SEMS PAS THA DAD BLO MED PHYIR ZHES BYA BA RNAM PAR 'GREL PA NI RNAM GZHAN ZHES BYA BA'O, , DE NYID KYI PHYIR ZHES BYA BA NI MI DMIGS PA'I PHYIR RO, ,THA DAD PA DANG THA MI DAD PA'I SPYI NI MED PA NYID YIN LA, MI DMIGS PA LAS MED KYANG BLA STE DE KHAS LEN NA NYES PA GZHAN YANG BRJOD PA NI BRJOD DU MED PA YANG MED PA NYID DO, ,GANG GI PHYIR SPYI MED PA DE'I PHYIR DBANG PO LAS SKYES BLO ZHES BYA BA'O, ,GAL TE KHYAD PAR NYID SGRA'I YUL YIN PA DES NA DE 'DZIN PA'I DBANG PO SHES PA RTOGS PA MED PAR JI LTAR 'GYUR SNYAM NA KHYAD PAR RNAMS LA ZHES GSUNGS SO, ,CI'I PHYIR 'JUG PA MI SRID SNYAM NA KHYAD PAR ZHES GSUNGS SO, ,GAL TE KHYAD PAR NYID SPYI YIN PA DES NA DBANG PO'I RNAM PAR SHES PA KHYAD PAR GYI YUL CAN DU JI LTAR 'GYUR SNYAM NA, RJES SU 'GRO BA MED PAR ZHES GSUNGS SO, ,KHYAD PAR RNAMS LA ZHES BYA BA LA SOGS PA 'CHAD PA NI KHYAD PAR ZHES BYA BA'O, ,CI'I PHYIR RJES SU 'GRO BA MED PA LA BRDA MI 'JUG SNYAM NA BRDA NI ZHES GSUNGS SO, ,DE LTA MA YIN NA ZHES BYA BA NI GAL TE YUL DANG DUS GZHAN

, ,DU THA SNYAD 'JUG PA'I DON DU BRDA MI 'DOD NA'O, ,DE'I TSE ZHEN ZHES PA DE NYID DU ZHES BYA'O, ,THA SNYAD 'JUG PA'I DON TO, ,MA YIN NO ZHES DOGS PA NI CHOS KYI ZHES BYA BA'O, ,LAN NI DE LAR ZHES BYA BA'O, ,DES NA ZHES BYA BA NI YUL GZHAN LA SOGS PAR THA SNYAD PAR 'JUG PA'I DON YIN PAS NA'O, ,DE'I PHYIR ZHES BYA BA NI SO SOR NGES PA LA BRDA MI 'JUG PA'I PHYIR RO, ,KHYAD PAR SGRA'I YUL MA YIN MOD, DE LTA NA YANG DE SBYAR NAS 'DZIN PAR JI LTAR MI 'DOD CES NA, SGRA RNAMS ZHES GSUNGS TE, DE LAR BRDAR BTAGS PA RNAMS KYI YUL LO, ,GANG ZHIG YIN PA ZHES BYA BA NI YUL LA SOGS PAR RJES SU 'GRO BA GANG YIN PA'O, ,DE NYID CI ZHES BYA BA NI RJES SU MI 'GRO BA NI MA YIN PA'O, ,DE RNAMS KYIS ZHES BYANG NI DE LTAR BRDAR BTAGS PA'I SGRA RNAMS KYIS SO, ,SBYOR BYED CES BYA BA BUM PA DE NI 'DI'O ZHES BYA BA'O, ,DES ZHES BYA BA NI KHYAD PAR LA BRDA MED PAS NA'O, ,DE'I PHYIR ZHES BYA BA NI SBYAR NAS 'DZIN PA MED PA'I PHYIR RO, ,CI'I PHYIR ZHES BYA BAS NI RGYU CI'I PHYIR NA KHYAD PAR NYID DANG SBYOR GYI KHYAD PAR NI MA YIN ZHES BYA BA'I THA TSIG GO, ,ZHES PA LA RNAM PAR RTOG PAS SHES PA LA'O, ,GANG YIN PA'I DON DE DAG NYID DO, ,CI'I PHYIR ZHES DRIS PA NA BRJOD PA NI 'DI ZHES GSUNGS SO, ,SHES PA GANG GIS THA SNYAD KYI DUS SU RTOGS PAR BYA BA YIN TE, CI GANG LA LKOG TU GYUR PA'I DON YOD PA RNAM PAR RTOG PA DANG BCAS PA DES SAM ZHES BYA BA'O, ,RE ZHIG RNAM PAR RTOG PA THA MA SEL BA NI GAL TE ZHES BYA BA'O, ,RNAM PAR RTOG PA DANG PO'I DBANG DU BYAS TE BRJOD PA NI 'ON TE ZHES BYA BA'O; ,CI'I PHYIR ZHE NA, DE'I TSE ZHES BYA BA STE, THA SNYAD KYI DUS NA'O, ,DBANG PO'I YUL GYI DON RTOGS BZHIN PA MED PA'I PHYIR RO, ,'DIS NI 'DI SKAD BRJOD DE GAL TE DBANG PO'I YUL GYI DON RANG GI MTSAN NYID LA BRDA BYED PA YIN NA NI DE'I TSE THA SNYAD KYI DUS SU DE NYID RTOGS PAR 'GYUR BA ZHIG NA, DE LTAR YANG MA YIN TE, DES NA DE LA BRDA BYED PA MA YIN NO ZHES BYA BA'O, ,YANG NA ZHES BYA BA LA SOGS PAS NI RNAM 'GREL LA 'JUG PAR BYED PA'O, ,DON DANG SGRO MED KYANG 'BREL BAR BYED PA'I PHYIR NA DE'I TSE DBANG PO'I SPYOD YUL GYI DON 'BREL BA MA YIN NO ZHES 'BREL TO, ,'ON TE YANG GANG GI TSE DON 'DAS TE MED PA NA

YANG BRDA BYED PA YIN NO ZHES BRJOD PA NI, ,DE'I TSE YANG RNAM PAR RTOG PA'I BLO LA DON SNANG BA YOD PA YIN LA, SNANG BA DE NYID KYANG DON YIN PA DES NA DON KYANG BRDA BYED PA YIN ZHE NA, SNANG BA THA DAD YIN YANG ZHES GSUNGS SO, ,RNAM PAR RTOG PA LA NI MI GSAL PAR SNANG BA YIN NA, DE JI LTAR NA MNGON SUM LA SNANG BA GSAL BA'I DON DE LA CIG CAR 'GYUR ZHES BYA BAR DGONGS PA'O, ,'DIR SLOB DPON CHOS MCHOG GI LUGS KYI DOGS PA NI GAL TE ZHES BYA BA'O, ,RTAG PAR 'DZIN PAS NI 'KHRUL PA MA YIN NO ZHES BYA BA'I DON TO, ,'O NA JI LTAR DNGOS PO RNAMS THA DAD CE NA, THA DAD PA NI ZHES BYA BA NI 'DI LA BRJOD PA NI DON BYED PA ZHES BYA BA'O, ,SNANG BA THA DAD PA NYID DON BYED PA THA DAD PA'I SGRAS BRJOD BAR BYA BA YIN NO, ,GAL TE BUM PA DANG SNAM BU DAG CI LTAR THA DAD CES BYA BA 'DIR CHU 'DZIN PA LA SOGS PA 'BRAS BU THA DAD PA'I PHYIR RO ZHES BRJOD PA MA YIN NAM DES NA SNANG BA THA DAD PA NYID DON BYED PA THA DAD PA JI LTAR YIN SNYAM NA GZHAN DU GYUR PA'I 'BRAS BU THA DAD PA NI RGYU THA DAD PA'I MTSAN NYID MA YIN NO, ,RGYU'I SNANG BA THA DAD BA MED BAR ZHES 'BREL TO, ,DE NYID LAS ZHES BYA BA NI SNANG BA THA DAD PA NYID LAS SO, ,THUG PA MED PAR 'GYUR RO ZHES BYA BA NI, 'BRAS BU GZHAN DANG 'BRAS BU GZHAN THA DAD PA'I SGO KHO NAS THA DAD PA YIN LA DE YANG DE LAS GZHAN GYIS YIN PA'I PHYIR RO, ,'BRAS BU THA DAD PA SNANG BA THA DAD PA LAS YIN NO ZHE NA NI, DE'I TSE RGYU YANG SNANG BAS THA DAD PA DE NYID LAS SO, ,GZHAN YANG BRJOD PA NI DON BYED PA ZHES BYA BA'O, ,DE NI ZHES BYA BA MI SLU BA'O, ,DES NA RJES SU DPAG PA DENG YANG NGO, ,GANG GI PHYIR DE LTA MA YIN PA DE'I PHYIR THA DAD PA NI THAMS CAD DU ZHES BLTA'O, ,DE LTAR BU LA ZHES BYA BA NI MIG MNGON SUM PHYE BA'I RTOGS PA PO LA'O, ,'O NA JI LTAR 'BREL SNYAM NA, 'DI'I ZHES GSUNGS TE ZHES RNAM PA DE LTAR BSTAN BA STE, BRJOD PA'I DON GANG YIN PA NYID SBYONG BA YIN NO, ,DOD DE NYID DBANG BO'I SHES PA'I YUL YIN PA'I PHYIR RNAM PAR RTOG PA DANG BCAS PA YIN NO SNYAM NA, MNGON SUM LA NI ZHES GSUNGS SO, ,DON RKYANG BA TZAM ZHES BYA BA NI RTAGS KYI DON TZAM MO, ,RE ZHIG 'DI NI KHAS BLANGS NAS BRJOD PA YIN TE, RNAM PA'I DBYE BA'I DON NI SNAD BA MA YIN NO ZHES BSTAN PA'I DON DU'O, ,RTAGS KYI DON GZHAN DU RNAM PAR

, ,DBYE BA'I DON YANG CI STE MI SNANG ZHE NA, BRJOD PA NI 'DI LTA ZHES BYA BA'O, ,GAL TE 'DI'I ZHES BYA BA'I 'BREL PA PHAN GDAGS PAR BYED PA DANG, PHAN 'DOGS PAR BYED PA DAG MA YIN NA 'O NA JI LTAR 'DI'I RJOD PAR BYED PA NI 'DI YIN NO ZHES 'DRE LA PA YIN, ,'DIR NI BRJOD PAR BYA BA DANG RJOD PAR BYAD PA DAG PHAN GDAGS PAR BYA BA DANG PHAN 'DOGS PAR BYED PA'I DNGOS PO YOD PA MA YIN NO ZHES DES ZHES BYA BA'O, ,BLO'I YUL GYI DON LAS RES 'GA' SGRE 'BYUNG STE SKYE LA, RES 'GA' NI SGA LAS BLO LA GNAS PA'I DON YIN PA'I PHYIR TE RNAM PA DE LTAR BLO'I RANG BZHIN DANG NGAG GI RNAM PAR RIG BYED DE GNYIS SO; ,GAL TE DE LTAR YANG MNGON SUM NYID KYI 'BREL BA BYED DO, ,DES NA MNGON SUM LA SNANG BA'I DON NYID LA BRDA BYED PA YIN NO ZHE NA, MNGON SUM LA ZHES GSUNGS SO, ,DE NI MNGON SUM LA SNANG BA'O, ,MIG LA SOGS PA SKYED PA'I SHES PA LA SNANG BA'I DANG TSUL GANG LA YOD PA DE LA BRDA BYED PA YIN NA DE'I TSA RANG GI MTSAN NYID DE NI THA SNYAD KYI DUS NA SGRA BRJOD PA'I RJES SU SNANG BAR 'GYUR RO, ,SNANG BA NYID DO SNYAM NA, DE LTAR NI MA YIN TE ZHES GSUNGS SO, ,CI'I PHYIR MIN ZHE NA, RANG NYID CES GSUNGS SO, ,GAL TE BRDA MA BYAS KYANG DON RTOGS NA NI DE'I TSE BRDA MED PAR RTOGS TSOGS PAR 'GYUR RO DE LTAR YANG MA YIN TE, 'DI NYID RNAM PA GZHAN DU BSHAD PA'I PHYIR YANG NA ZHES GSUNGS SO, ,DE LTA BU NYID NI BRDA MED PA NYID DO, ,'ON TE GSAL BAR SNANG BA RNAM PAR RTOG PA MED PA LAS MI GSAL BAR SNANG BA'I RNAM PAR RTOG PA'I SHES PA 'DI NI GZHAN KHO NA YIN NO ZHE NA, 'DIR RNAM PAR RTOG PA ZHES BYA BA'O, ,GAL TE RNAM BAR RTOG PA GZHAN YIN NA, DE'I TSE DE'I GZUNG BA LKOG TU YIN PAR 'GYUR RO, ,DE LTA YANG MA YIN NO ZHE NA STON PA NI 'DI LA ZHES BYA BA'O, 'ON TE ZHES BYA BA LA SOGS PA NI GZHAN DAG NYID SANGS RGYAS PA'I DOGS PA BSDU BA'O, ,SNGAR YANG ZHES BYA BA NI MNGON SUM GYI DUS NA YANG NGO, ,DE ZHES BYA BA NI RANG GI MTSAN NYID DO, ,'DIR ZHES BYA BA NI RNAM PAR RTOG PA'I DUS NA'O, 'ON TE KHYAD TE KHYAD BAR 'DI NYID MED DO ZHE NA, MTHONG BA NYID NI ZHES BYA BA GSUNGS SO, ,RKANG PA THA MA RNAM PAR 'GREL PA NI SHES PAR GYUR PA NYID NI ZHES BYA BA'O, ,PHA ROL NYID KYI DOGS PA BSU BA NI RNAM PHYIR NA ZHES BYA BA STE, MI

BDEN PA NYID DO ZHES BYA BA STE, MI BDEN PA NYID DO ZHES 'BREL TO, ,'DI GZHAN GYI BRJOD BA NI 'DIR TSAD GANG ZHES BYA BA'O, ,RNAM PAR RTOG PA YANG YIN LA BDEN PA NYID KYANG YIN MOD 'GAL BA CI YOD, ,'ON TE DE LTA BU KHO NAR RNAM PAR RTOG PA'I SHES PA MI BDEN PAR BRJOD NA RNAM PAR RTAG PA MED PA'I BLO LA YANG ZHES SMRAS SO, ,MNGON SUM DU BYED PA ZHES BYA BA NI, RNAM PAR RTOG PA'I SHES PA ZHES BYA BA LHAG MA NI'O, ,'DI NI ZHES BYA BA NI BA LANG BA LANG SBRUL SBRUL ZHES BYA BA LA SOGS PA'O, ,MNGON SUM GYI YUL CAN YIN YANG 'DI NI RJES SU DPAG PA NYID YIN NO ZHE NA, YUL GYI DBYE BA NYID LAS ZHES BYA BA'O, ,'ON TE MNGON SUM GYI YUL GCIG KHO NA LAS MNGON SUM DANG RJES SU DPAG PA LAS 'JUG PA DES NA LKOG TU MA GYUR PA'I YUL CAN YIN YANG RJES SU DPAG PA NYID DO ZHES NA, TSAD MA NGES PA MED PA NYID CES SMRAS SO, ,'DI MA GRUB PA'I MTHA' BRJOD PA NI DE THAMS CAD NI ZHES BYA BA'O, ,'JUG PA MYUR PHYIR ZHES BYA BA NI 'DI NI GZHAN GYI LUGS LA LTOS PA KHO NA GRUB PA'I MTHA'I NANG DU SMOS PA YIN NO, ,RANG GI MTSAN NYID CES BYA BA NI BA LANG LA SOGS PA'I RANG GI MTSAN NYID 'DZIN PA LTUNG GYUR PA'O, ,YI GE'I RNAM PA ZHES BYA BA NI BA LA SOGS PA'I YI GER ZHEN PA'O, ,DE LAS ZHES BYA BA NI BA LANG LA SOGS PAR SNANG BA LAS SO, ,'O NA MNGON SUM GYI SHES PA GANG ZHIG YIN SNYAM NA, BDUN NA ZHES GSUNGS SO, ,CI LTAR NA SHES PA 'DI NYID MNGON SUM YIN GYI, SNGA MA YIN ZHE NA, DE LA NI ZHES BYA BA STE SNGA MA LA'O, ,'DI NYID CES BYA BA NI PHYI MA NYID DO, ,GRUB PA'I MTHA' SMRA BAR RNAM PAR DPYOD PAR BYED PA LA LTOS NAS NI MED PA KHO NA ZHES BYA BA'O, ,SNANG BA THA DAD PAS ZHES BYA BA NI BA LA SOGS BA'I YI GER ZHEN PA NI MI GSAL BAR SNANG LA, KHRA BO LA SOGS PA NI GSAL BAR SNANG BA'O, ,RE ZHIG BA LA SOGS PA'I YI GE RNAM PAR RTOG PA DANG, KHRO BO LA SOGS PA SNANG BA YIN PA LTA BAR ZHOG STE, YI GE BA DANG DA LA SOGS PA'I RNAM PAR RTOG PA RNAMS KYANG GCIG NYID MA YIN NO ZHES BSTAN PA'I DON DU YE GE BA LA SOGS PA'I ZHES BYA BA'I KHYAD PAR GYI DNGOS PO GCIG NYID MA YIN PA'I GTAN TSIGS KYI TSIG BRJOD PA NI RIM GYIS ZHES BYA BA'O, ,RIM

, ,GYIS 'BYUNG BA DAG LA NI GCIG NYID SRID PA MA YIN NO, ,'ON TE YI GE BA LA SOGS PAR ZHEN PA GANG YIN PA NYID RNAM PAR RTOG PA MED PAR KHRO BO RTOG BAR BYED PA YIN NO ZHE NA, YI GER ZHES BYA BA'O, ,DE ZHES BYA BA YI GER SNANG BA MED KYANG NGO, ,GZHAN GYI DE MED KYANG ZHES SMRAS TE, YI GER SNANG BA MED KYANG NGO, ,RANG BZHIN DE NYID DU SNANG BA NI NGES PA YIN NO ZHE NA SNGON GYI ZHES GSUNGS SO, ,GZHAN ZHES BYA BA LA SNGON SNANG BA NGES PA ZHES BYA BA DE LTAR DE SNGON SNANG BA DE DANG GCIG TU NGES PAR BYA BA NYID NGES PA'I SGRAS BRJOD PAR BYA BA YIN NO ZHES BYA BA'I DON TO, ,GAL TE DON DAM PAR SHES PA DE GNYIS GCIG PA NYID MA YIN NA, ,DE'I TSE JI LTAR BLO DMAN PA RNAMS GCIG TU NGES PA YIN ZHES BSAMS NAS SMRAS PA NI 'O NA ZHES BYA BA'O, ,'BRAS BU ZHES BYA BA NI GRUB PA'I MTHA'O, ,GAL TE DE DAG THA DAD PA KHO NA YIN NA, DE'I TSE 'O NA RIM GYIS ZHES BYA BA'O, ,RIM GYIS 'DZIN PAR NGES NA MA YIN PA ZHES BYA BA NI, 'ON KYANG DUS GCIG TU 'DZIN PAR NGES PA YIN NO KHYED KYI LTAR NA NI 'DZIN PA 'BA' ZHIG KHO NA REM GYES YIN LA, LHAG PAR ZHEN PA NI CIG CAR KHO NA YIN NO, ,DES NA JI LTAR KHYED KYI 'DOD PAS DE DAG THA DAD KYANG CIG CAR LHAG PAR ZHEN PAR BYED PA YIN PA DE BZHIN DU, ,KHO BO CAG GI LTAR NA 'DZIN PA YIN PAR 'GYUR RO ZHES BSAMS PA'O, ,RNAM PAR RTOG PA DE LA'O, ,DE LA YANG ZHES BYA BA NI PHA ROL NYID SANGS RGYAS BA'I DOGS PA BSU BA'O, ,DE NYID KYIS SMRAS BA NI 'ON NI ZHES BYA BA'O, ,ZHUGS PAS ZHES BYA BA NI CHAGS PAS SO, ,RNAM PAR RTOG PA DES SO, ,'DIR GRUB PA'I MTHA' SMRA BA YUL MED PA NYID DU DOGS NAS BAR CHAD 'GOG PAR BYED PAR BYED PA NI MA YIN TE ZHES BYA BA'O, ,GZHAN YANG ZHES BYA BA LA SOGS PAS NI DE'I LUGS NYID KYIS GRUB PA'I MTHA' BRJOD PA'O, ,GZHAN GYI LTAR NA RIGS PA PA'I LTAR NA YOD DO, ,RIGS NI THA DAD PA'I RNAM PAR RTOG TSE NI BRDAR RO, ,JI LTAR BA LANG GI MTHONG BA RGYUN 'CHAD PA MIN ZHES BYA BA NI LTOS PA'O, ,PHYED SNGA MA 'CHAD PA NI MNGON SUM ZHES BYA BA'O, ,GZHAN GYI ZHES BYA BA NI RIGS PA CAN GYI LTAR NA'AM, YANG NA MTHONG BA'I DON GYI MNGON SUM GYI SHES PA'I RANG BZHIN NYID MA YIN NO, ,DE LA ZHES BYA BA NI RIGS MI MTHUN PA'I RNAM PAR RTOG PA'I DUS NA'O, ,RIGS MI

MTHUN PA'I RNAM PAR RTOG PA LAS SNGON ROL GYI MTHONG BA GANG YIN PA DANG, DE BZHIN DUS KYI 'BYUNG BA'I MTHONG BA GANG YIN PA DE NYID KYI DNGOS PO NI STOBS DANG LDAN PAS MTHONG BA DE GNYIS KYI BAR DU ZHUGS PA MTHONG BA MA YIN PA RIGS MI MTHUN PA'I RNAM PAR SGRIB PA'O, ,MI SRID DO ZHES BYA BA NI RIGS MTHUN PA'I RNAM PAR RTOG PA'I DUS SAM, RIGS MI MTHUN PA'I RNAM PAR RTOG PA'I DUS SU YANG BAR DU GCOD PA NI SRID PA MA YIN NO, ,BAR CHOD RTOGS PAR THAL BA'I PHYIR RO, ,BAR CHOD YOD KYANG MYUR BA'I PHYIR BAR DU MCHOD PAR RTOGS PA YIN NO ZHE NA, GYUR PA'I PHYIR ZHES BYA BA'O, ,YI GE DAG KYANG ZHES BYA BA NI SAR DANG SA RA ZHES BYA BA LA SOGS PAR RO, ,RIM DANG LDAN PA LA YANG ZHES BYA BA NI BAR CHOD YOD PA LA YANG NGO, ,DE LA NI MTSO DANG RO ZHES BYA BA LA SOGS PAR RO, ,DUS GCIG TU THOS PA MA YIN PA NI RIM GYIS THOS PA'O, ,'DIR ZHES BYA BA NI GRUB PA'I MTHA' STE, RIGS MI MTHUN PA'I RTOG PA DANG RTOG PA MED PA GNYIS LA'O, ,GZHAN GYIS SMRAS PA RDUL GYI TSAD LA SOGS PA DANG LDAN PA'I MTSAN NYID CAN YIN GYI DBANG PO DAG DUS GCIG TU 'JUG PA MED PA'I PHYIR RO, ,DE LAS BYUNG BA'I SHES PA RIM GYIS 'BYUNG BA YIN TE, DES NA MYUR BA NYID LAS DUS GCIG PA MNGON PAR RLOM PA YIN NO ZHES BYA BA'I DON TO, ,'DI LAS BRJOD PA NI 'DI NI ZHES BYA BA'O, ,DE LTA MA YIN NA ZHES BYA BA NI MYUR PA MED NA'O, ,RIM GYIS SKYE BA DAG LA GAL TE MYUR BA YANG MED NA NI, ,DE'I TSE DUS GCIG TU MNGON PAR ZHEN PAR MI 'GYUR RO ZHES MNOS PA'O, ,MCHOG TU GYUR PA ZHES BYA BA NI KHYAD PAR DU 'PHAGS PA'O, , YI GE RNAM PA GCIG THOS PA'I RGYU MGYOGS PA NYID MED DO ZHAS BRJOD PA GANG YIN PA DE LA BRJOD PA NI DBANG PO'I NYES PA LNGA PO RNAMS KYIS CHOS KYANG CHOD PA MED PA DE BZHIN DU SNANG BA'I RNAM PAR RTOG PA'I BLO GANG YIN PA DE CHOD PAR SNANG DO ZHES BYA BA NI NGO MTSAR TE, YA MTSAN CHE'O, ,'DIR YANG CHOD PAR SNANG BA NYID DU 'GYUR RO ZHES BYA BA'I DON TO, ,CI'I PHYIR ZHA NA, MING STE SGRA'I MTHAR THUG PA'I SKAD CIG GANG YIN PA DE DANG 'DRE BA'I PHYIR TE 'DU BA'I PHYIR RO, ,DE LTAR LHAG PAR ZHEN PA NI CIG CAR BA NYID DU ZHEN PA'O, ,JI LTAR MI 'GYUR BYA BA NI TZAG CAR BA NYID DU LHAG PAR ZHEN PAR ZHES 'BREL TO, ,DE BAS

, ,KYANG ZHES BYA BA NI SA RA DANG SA RA ZHES BYA BAS KYANG NGO, ,DRI ZHIM PA'I TSIG NI DRI NYE BA'O, ,BLTA NA SDUG BA'I NA CHUNG NI GZUGS SO, ,KHA'I RO MYANG BA ZHES BYA BA NI REG BYA DANG RO DAG GO, ,DER NI ZHES BYA BA NI RNAM PAR SHES PA DRUG SKYE BA'I DUS NA'O, ,DE 'DRA BA ZHES BYA BA NI YI GE RNAMS KYI MGYOGS PA CI 'DRA BA DE DANG 'DRA BA'O, ,YI GE RNAMS LA YANG ZHES BYA BA NI RO DANG MTSO ZHES BYA BA RNAMS LA'O, ,SA RA SA RA ZHES BYA BA LA SOGS PA'I YI GE'I YUL CAN SKAD CIG MA'I SHES PA GANG YIN PA DES BAR DU CHOD PA DER MGYOGS PAS CIG CAR ZHEN PA BSGRUB PAR JI LTAR MI 'GYUR TE, 'GYUR BA KHO NA'O ZHES BYA BA'I DON TO, KHYAD MED NA ZHES BYA BA NI THAMS CAD LA'O, ,DE'I TSE DON NYE BA LA YANG ZHES BYA BA TSOGS PA LA YONG NGO, ,YUL GZHAN LA CHAGS PA GANG YIN PA DES NUS PA NYAMS PAR 'GYUR BA GANG YIN PA DE YOD PAR YIN NA NI RKYEN DU MI 'GYUR TE SKYED BYED DU MI 'GYUR RO, ,GANG GI ZHE NA NYE BAR GNAS PA THAMS CAD KYI RNAM PAR SHES PA BSKYED PA'I'O, ,GZHAN GYI MTSUNGS PA MA YIN TE ZHES SMRAS SO, ,YID KYI ZHES BYA BA NI DBANG BA'I'O, ,'DI LA BRJOD PA NI DE LTA NA YANG ZHES BYA BA'O, ,'DI NI YID KHAS BLANGS TE BRJOD PA YIN NA NI DE NYID KYANG MI SRID DO ZHES BRJOD PA NI RNAM PAR SHES PA SNGA MA LAS MA RTOGS PA'I ZHES BYA BA'O, ,MTSAMS SBYAR BAS ZHES BYA BAS NI SNGA PHYI MTSAMS SBYAR BAS NI MA YIN TE, MI GSAL BAR SNANG BA THOB PA'I PHYIR RO, ,MGAL ME LA SOGS PA MYUR DU 'JUG PA'I RJES SU 'GRO BA 'KHOR BA'I MTSAN NYID GANG YIN PA DES GNOD PA GANG LA YOD PA'I MIG GANG YIN PA DE LA DE SKAD CES BRJOD DO, ,MTHONG BA STE SHES PA RNAMS MTSAMS SBYOR BA NI MA YIN NO, ,DA NI RANG NYID BLO CIG CAR BA NYID DU BSGRUB PA'I DON DU GZHAN GYI TSUL NYE BAR 'GOD PA NI CI STE YANG ZHES BYA BA'O, ,GRUB PA'I MTHA' SMRA BAS GSUNGS PA 'O NA NI ZHES BYA BA'O, ,CIG CAR SNANG BA LA YANG TSAD MA CI YOD SNYAM NA, CIG CAR ZHES GSUNGS SO, ,DE ZHES BYA BA NI CIG CAR SNANG BA'O, ,DE LTAR ZHES BYA BA NI 'KHRUL PA'I MTSAN NYID DU'O, ,GZHAN GYI 'DOD PA NI BRAM BRE'I 'DOD PA'O, ,SOGS PA'I SGRAS NI DON BRJOD PA NA NYAMS SU MYONG BA'I RNAMS PAS 'JUG PA ZHES BYA BA'O, ,DPE

NYID BSGRUB PA NI BYIS PA'I ZHES BYA BA'O, ,DE SKAD SMRA BA'I BRAM ZE DE DAG GI LUGS LTAR NA MNGON SUM KHO NAR 'GYUR GYI RNAM PAR RTOG PA MA YIN TE, BRDA MED PA'I PHYIR RO ZHES DOGS PA'O, ,'GYUR MOD CES BYA BA LA SOGS PAS GZHAN GYI TSIG GI DOGS PA BSU NAS BRJOD PA NI MA YIN TE ZHES BYA BA'O, ,CI STE ZHES BYA BA NI DOGS PA'O, ,SNGA MA DANG PHYI MAR RTOG PA ZHES RJES SU 'JUG GO, ,LAN NI PHYIS KYANG ZHES BYA BA'O, ,THABS MED PA NYID BSGRUB PA NI BRDA 'DZIN PA'I ZHES BYA BA'O, ,DE NI ZHES BYA BA RNAM PAR RTOG PA'O, ,DES NA ZHES BYA BA NI RNAM PAR DPYOD PA'I YID BRDA 'DZIN PA'I PHYIR PHYIS ZHES BYA BA RTOG PA'I GNAS SKABS NA'O, ,GNOD PAR BYED PA LA GZHAN YANG BRJOD PA NI BYIS PA'I ZHES BYA BA'O, ,'BREL PA MED PA'I PHYIR RO ZHES BYA BA NI, GAL TE DBANG PO'I SHES PAS KYANG RDA 'DZIN NUS NA DE LA GNOD PAR BYED PA CI YOD CES BYA BA DGONGS PA'O, ,THAMS CAD DU ZHES BYA BA NI SHED BYED LA YANG NGO, , DE LTAR NI RNAM PAR RTOG PA MED PAR RO, ,BYIS PA KHO NA'I RNAM PAR RTOG PA MED PAR 'GYUR GYI, ,GZHAN GYI NI RNAM PAR RTOG PA DANG BCAS PAR 'GYUR RO ZHES BYA BA'I DON TO, ,'ON TE DPE DES GZHAN YANG RTOG PA MED PA NYID DU 'GRUB PO SNYAM NA, GNOD PAR BYED PA'I ZHES GSUNGS SO, ,GNOD BYED KYI TSAD MAS 'BREL PA GRUB PA STE, NGES PA GANG YIN PA DE MED PAR RO, ,CI STE GZHAN DOGS PAR BYAS NAS 'DI ZHES BYA BAS LAN 'DEBS TE, DBANG PO'I SHES PA 'DI'O, ,GZHAN DAG MNGON DU BYED PAS SNGA PHYI 'DZIN PAS STONG PAR STON PA NI MNGON SUM DU ZHES BYA BA'O, ,DON MED PA NYID STON PA NI RTOG PA MED PA NYID NI ZHES BYA BRO, ,DE'I RJES SU 'BRANGS NAS ZHES BYA BA NI MNGON SUM GYI RJES SU 'BRANGS NAS SO, ,CI STE ZHES BYA BA LA SOGS PA NI GZHAN DAG BYIS PA'I RNAM PAR SHES PA NYID RNAM PAR RTOG PA MED PA YIN PAR MNGON DU BYED PAS BSGRUB PAR BYA BA YIN GYI, GZHAN NI MA YIN PA DES NA DBANG PO LAS SKYES PA LA SOGS PA DON MED PAR MI 'GYUR RO ZHES STON PA'O, ,'DIR YANG ZHES BYA BA NI SHED BYED BA LA YANG, ,SKAL BA LA ZHES BYA BA NI SKABS PA'I YUL CAN GYI RNAM PAR RTOG PA LA'O, ,GZHAN LA ZHES BYA BA NI RNAM PAR RTOG PA LA'O, ,LKOG TU MA GYUR PA'I YUL CAN YIN PA'I PHYIR ZHES BYA BA NI MNGON DU BYED PA NYID YIN PA'I PHYIR RO, ,

, ,'ON KHYOD KYANG MNGON DU BYED PA NYID LA RNAM PAR RTOG PA MED PA 'GRUB PAR 'DOD PA NYID MA YIN NAM, ,DES NA TSIG GANG GIS RTOG PA MED PA 'GRUB PAR BYA BA'I DON DU MNGON DU BYED PA SGRUB PAR BYED PAR SLOB DPON GYIS GSUNGS SHE NA, MNGON SUM DU BYED PA DE NI ZHES GSUNGS SO, ,BRJOD DO ZHES BYA BA NI, NYE BAR MTSON PAR BYED PA'O, ,RNAM PAR RTOG PA MED PAR GRUB PAR BYA BA LA GTAN TSIGS SNGON DU BYED PA NYID GANG YIN ZHE NA, RNAM PAR RTOG PA NYID NI ZHES SGRUB PAR BYED PA'I DNGOS PO DGAG PAR BYED PA NI RTOG PA DANG BCAS PA YIN LA, DE YANG 'GAL BA YANG RTOG BA MED PA YIN ZHING DES NI MNGON DU BYED PA KHYAB PA YIN TE DES NA 'GAL PAS KHYAB PA DMIGS PA YIN NO, ,RNAM PA GZHAN GYIS KYANG BSGRUB PAR BYA BA DANG, SGRUB PAR BYED PA'I DNGOS PO GSUNGS PA NI YANG NA ZHES BYA BA'O, ,DE LAS KYANG ZHES BYA BA NI MNGON DU BYED PA LAS KYANG NGO, ,'KHRUL PA YIN NA MNGON DU BYED PA YIN NO, ,DES NA 'KHRUL PA ZLA BA GNYIS SU SNANG BA RNAM PAR RTOG PA MED PA YIN YANG MNGON DU BYED PA MA YIN PAS DE MNGON SUM DU GAL 'GYUR, GAL TE ZHES BYA BA LA SOGS PA NI RNAM PAR RTOG PA DANG BCAS PA THAMS CAD NI 'KHRUL PA NYID YIN PA'I PHYIR SPANG BAR 'GYUR RO ZHES BSAMS PA'O, ,GAL TE 'DI'I 'DOD PAS MA 'KHRUL PA ZHES PA'I TSIG MI SLU BA'I DON YIN PA DE LTA NA YANG SLOB DPON CHOS MCHOG GI LUGS KYIS GRUB PA'I MTHA' GSUNGS PA NI MA YIN TE ZHES BYA'O, ,GANG GIS GZHAN GYI LUGS LA LTOS PA'I MTSAN NYID LA MA 'GRUL BA NYID MED PA YIN TE, MNGON SUM RTOG PA DANG BRAL BA ZHES BYA BA TZAM ZHIG GSUNGS PA'I PHYIR RO; ,DES NAM 'KHRUL BA'I TSIG MED PA NYID KYIS RNAM PAR RTOG PA DANG BCAS PA JI LTAR GCOD SNYAM NA, 'KHRUL PA MED PA NYID DU ZHES GSUNGS SO, ,SLOB DPON PHYOGS KYI GLANG POS SO, ,DMIGS KYIS BSAL BA ZHES BYA BA NI, MNGON SUM LTAR SNANG RAB RIB BCAS ZHES DMIGS KYI BSAL BA'I SGO NAS SO, ,DE LTAR NA RE ZHIG RNAM PAR RTOG PA MED BA'I TSIG GIS MNGON DU BYED PA NYID NYID NYE BAR MTSON NAS BSGRUB PAR BYA BA DANG, SGRUB PAR BYED PA'I DNGOS PO BSTAN PA YIN NO, ,DE NYID RNAM PA GZHAN GYI SGO NAS SAM MNGON DU BYED PA NYID BRJOD PA YIN NO ZHES STON PAS GANG NA ZHES GSUNGS SO, ,DBANG

LA BRTEN PA NYID DES NA'O, ,YANG NA ZHES BYA BA LA SOGS PA NI MNGON SUM GYI TSIG NYID KYIS MNGON DU BYED PA NYID BRJOD PA YIN NO ZHES GSUNGS PA YIN NO, ,DES NA BYA BA NI MNGON SUM NYID KYIS NA'O, ,YANG NA ZHES BYA BA LA SOGS PAS NI RNAM PAR RTOG PA MED PAS ZHES BYA BA 'DI 'BA' ZHIG NYID RNAL 'BYOR SPYOD PA PA'I LUGS KYIS MTSAN NYID DU BRJOD DU BRJOD PA YIN NO ZHES GSUNGS PA YIN NO, ,'DIR BRTZAD PA NI 'O NA ZHES BYA BA'O, ,MNGON SUM DU BYED PA ZHES BYA BA NI LAN BRJOD PA'O, ,GAL TE 'GA' ZHIG 'KHRUL PAS MNGON SUM YIN PA YOD NA NI, ,DE GCAD PA ZHIG NA DE LTA BU NI SRID PA MA YIN NO ZHES DGONGS PA'O, ,'O NA PHYI ROL LA YANG DE MNGON SUM JI LTAR MI 'GYUR ZHE NA, SNANG BA'I RANG BZHIN LAS ZHES GSUNGS SO, ,'DIR NI PHYI ROL PA NI TSANG MA YIN TE, RTOG PA'I RANG BZHIN YIN PA'I PHYIR ZHES BSTAN TO, 'KHRUL PA NYID 'DOD PA'I SHES PA NI YID KYI 'KHRUL PA GANG YIN PA DE'I YUL CAN YIN PA'I PHYIR 'KHRUL PA NYID YIN GYI DON DAM PAR DE YOD PA MA YIN NO, ,GZHAN LA ZHES BYA BA LA SOGS PAS RNAM PA GZHAN GYI RNAM PAR RTOG PA MED PA NYID DU GRUB PA BRJOD PA YIN NO, ,THAMS CAD DU YANG SBYOR BA MI SRID DO ZHES STON PA NI 'DI LTAR ZHES BYA BA'O, ,GYUR DU CHUG KYANG ZHES BYA BA NI SBYOR BA ZHES 'BREL TO, ,'DI ZHES BYA BA NI SO SOR SNANG BA'O, ,'DI NYID BRJOD PA NI RIGS DANG ZHES BYA BA'O, ,DE NYID KYI PHYIR NI ZHES BYA BA NI THA DAD PAR SNANG BA MED PA NYID KYI PHYIR RO, ,DE LTAR 'GYUR RO ZHES BYA BA NI 'DRES PAR SNANG BAR RO, ,RANG BZHIN THA DAD PA KHO NA'I PHYIR SNANG BA THA DAD PAR 'GYUR BA YIN TE, DE LTAR ZHES BYA BA NI THA DAD PAR RO, ,DE LA ZHES BYA BA NI YUL DANG DUS THA DAD PA LA'O, ,RLUNG DANG NYI MA DAG CES BYA BA NI TSAD MAS GRUB PA'I DPE'O, ,THAMS CAD DU ZHES BYA BA NI SPYI LA SOGS PA GCIG TU MNGON PAR 'DOD PA DAG LA YANG NGO, ,DE LTAR ZHES BYA BA NI GCIG TU 'DRES PAR RO, ,DU PA'I STOBS KYIS YON TAN DANG BYA BA LA SOGS PA RNAMS THA DAD PA MI SNANG BA YIN NO ZHES RTOG PAR THAL BAR 'GYUR RO, ,THAMS CAD CES BYA BA NI CHU LA SOGS PAR SNANG YANG CHU TZAM GYI SGRUB BYED DU MI 'GYUR TE, ME LA SOGS PA DAG KYANG GCIG TU 'DRES NAS SNANG BA'I PHYIR RO, ,GAL TE BA LANG

, ,ZHES RTOGS PA LA DE'I KHYAD PAR GANG YIN ZHES DRIS PA NA, DBYUG PA BZHIN DU THA DAD PAR CI STE MI BRJOD SNYAM NA, DE NI 'DI YIN NO ZHES BYA BA'O, ,GZHAN DAG DPE YANG MI 'THAD PAR BYED PA NI DBYUG PA CAN BYA'O ZHES DOGS PA BSU BA NI DBYUG PA ZHES BYA BA'O, ,GAL TE DBYUG PA MI SNANG NA DE'I TSE SNGAR NYID DBYUG PA CAN DU CI STE MI RTOGS SHE NA, GZHAN LAN 'DEBS PA NI MA YIN TE ZHES BYA BA'O, ,GAL TE TSOGS PA YOD KYANG CI DE KHYAD PAR CAN NYID DON GZHAN KHO NA YIN NAM ZHE NA, SKYES LA ZHES GSUNGS SO, ,KHYAD PAR CAN DE RTOGS PA MED PA'I PHYIR RO, ,GAL TE DER DBYIG PA YANG SNANG NA CI NYES SHE NA, GAL TE DBYIG PA YANG ZHES BYA BA'O, ,GRUB PA'I MTHA' GSUNGS PA NI, ,DE THAMS CAD NI ZHES BYA BA'O, ,GAL TE SKYES BU 'GA' ZHIG SNANG NA NI DE'I TSE GANG ZHIG RTOGS PA MA YIN PA DE LA DE SKAD CES BRJOD DE DE NI KHYAD PAR NYID DU MI 'GYUR TE, RTOG PA KHO NA KHYAD PAR YIN PA'I PHYIR, KHYAD PAR MA BZUNG BAR KHYAD PAR CAN BLO MI SKYE'O ZHES BYA BA LUGS YIN PA'I PHYIR RO, ,GAL TE DBYIG PA LA SOGS PA'I KHYAD PAR RTOGS PA KHO NA'O ZHE NA, DE STE ZHES BYA BA LA SOGS PA'O, ,'DIS NI GANG DU YANG JI LTAR YANG KHYAD PAR CAN GYI DNGOS PO MI 'THAD DO ZHES BSTAN PA YIN NO, ,'BA' ZHIG LA ZHES BYA BA NI SKYES BU LA'O, ,DBYIG PA CAN ZHES BYA BA'I RTOGS PA LA YANG KHYAD PAR CAN NYID DU RTOGS PAR MI 'GYUR TE, KHYAD PAR MI SNANG NA SKYES BU 'BA' ZHIG SNANG BA'I PHYIR RO, ,'ON TE GANG GIS DE LA RTOGS NA, KHYAD PAR CAN NYID DU RTOGS PAR MI 'GYUR BA DBYIG PA NI KHYAD PAR CAN MA YIN NO, ,'ON KYANG KHYAD PAR CAN GYI BLO'I YUL GANG YIN PA'I DNGOS PO DE NYID YIN NO ZHES STON PA NI GAL TE ZHES BYA BA'O, ,GRUB PA'I MTHA' SMRA BAS 'DI LA BRJOD PA NI ZHES RNAM PAR RTOG PA MDZAD NAS PHYOGS DANG PO SEL BA NI, BDE BA LA SOGS ZHES GSUNGS SO, ,GANG GI TSE SNGON PO LA SOGS PA NYE BA LAS BDE BA SOGS PA'I RANG BZHIN SNGON PO LA SOGS PA'I RNAM PAR SHES PA SKYE BA DE'I TSE RNAM PAR SHES PA LA RANG LA BRTEN PA'I KHYAD PAR YOD PA DES NA CI DE RNAM PAR RTOG PA DANG BCAS PAR 'GYUR RAM ZHES BYA BA'O, ,GAL TE BDE BA LA SOGS PA'I KHYAD PAR DE YUL GYI MA YIN NA DE'I CHE YUL MED

BAR ZHES BYA BA LA SOGS PA'O, ,'DI LA LA NI MA YIN TE BYA BA'O, ,RNAM PAR RTOG PA GNYIS PA LA BRJOD PA NI KHYAD PAR ZHES BYA BA'O, ,'ON TE KHYED DBYUG PA CAN GYI RTOGS PA YUL MED PA NYID DU 'DOD NA DE NYID LTAR DNGOS PO GNYIS KA'I YUL CAN YIN ZHES BRJOD SNYAM NA, GNYIS KA YANG ZHES GSUNGS TE; DBYUG PA DANG SKYES BU GNYIS KA'O, ,THA SNYAD TZAM ZHES BYA BA NI LHAG PAR ZHEN PA TZAM MO, ,GNYI GA ZHES BYA BA NI GZHAN GYIS SMRAS PAS SO, ,DBYUGS PA DANG SKYES BU GNYIS KA'I'O, ,'DI NI ZHES BYA BA NI GRUB PA'I MTHA' STE GCIG GI TSIG DANG GNYIS KYI TSIGS LA SOGS PA'O, ,THA SNYAD TZAM NYID BSGRUB PA NI GTZO PO MA YIN PA'I ZHES BYA BA LA SOGS PA'O, ,DE NI ZHES BYA BA KHYAD PAR RO, ,'DI NYID BZHAD GAD DU BYED PA 'DRA BAR GSUNGS PA NI GAL TE ZHES BYA BA'O, ,GCIG GI TSIG BSTAN PA 'DIS NI'O, ,DBYUG PA SNANG BA NI YOD PA KHO NA'O ZHES BYA BA'I DON TO, ,KHYAD PAR GDON MI ZA BAR RDZOGS PAR BYA BA YIN NO ZHES BYA BA NI BZOD PAS GZHAN DAG SMRA BA NI CI STE ZHES BYA BA'O, ,BUM BA DANG SNAM BU LA SOGS PA'I YUL DANG DUS SOGS KHYAD PAR CAN RNAMS DANG, DUS LA SOGS PA DANG BRAL BA 'BA' ZHIG SNANG BA NYID YIN TE, 'DIR YUL DANG DUS NI RTOGS PA MA YIN GYI, DE LA YANG SHES PA'I KHYAD PAR CAN NYID NI MI SNANG BA MA YIN TE, SNANG BA NYID YIN NO, ,GRUB PA'I MTHA' SMRA BA RNAM PAR RTOG PAR MDZAD PA'I KHYAD PAR ZHES BYA BA NI DON GZHAN DANG 'BREL PA KHYAD PAR CAN YIN NO, ,DON GYI RANG BZHIN MI MTHUN PA NYID KHYAD PAR CAN YIN, ,DE'I TSE ZHES BYA BA NI PHYOGS GNYIS KA LA YANG NGO, ,DE NI ZHES BYA BA NI DON GZHAN DANG 'BREL BA'I MTSAN NYID KYI KHYAD PAR CAN NI SNGA MA DANG PHYI MA LA SOGS PA'I SHES PA LA SNANG BA'I NGANG TSUL GANG LA YOD PA'I BUM PA LA SOGS PA'I DE LA YOD PA MA YIN NO, ,BUM PA LA SOGS PA SNANG BA LA NI DUS LA SOGS PAR YANG SNANG BAR NYAMS SU MYONG BAR BYED DO, ,RNAM PAR RTOG PA GNYIS BRJES SU BRJOD NAS SUN 'BYIN PA NI CI STE ZHES BYA BA'O, ,NYES PA GZHAN YANG BRJOD PA NI MI 'DRA BA NI ZHES BYA BA'O, ,SNGAR SO SOR MTHONG BA DE NYID SBYOR BA GANG GI SNGON DU 'GRO BA DE LA DE SKAD CES BYA BA'O, ,DE BAS NA RIGS LA SOGS PA KHYAD PAR YIN YANG RIGS LA SOGS PA DE YANG GDON MI ZA BA SNANG BAR

, ,'GYUR BA YIN TE, DE LTA MA YIN NA SBYOR BA MI 'THAD PA'I PHYIR RO, ,SGRA DANG GSAL BA ZHES BYA BA NI BA LANG ZHES BYA BA NI BA LANG ZHES BYA BA'I SGRA DANG TSIG GSAL BA'I RANG BZHIN GYIS GSAL BA STE DE DAG SNANG BA'O, ,'DIR ZHES BYA BA NI RJES SU 'GRO BA'I SHES PA LA'O, ,MING TZAM DANG 'BREL PA NYID BRJOD PA NI 'DI YANG ZHES BYA BA'O ZHES RNAM PA 'DIS MING SGRA DANG BZHON PA DANG, BZHON PA LA SOGS PA'I DON BYA BA MTSUNGS PA YIN NO, ,DON NI 'GA' ZHIG GI YANG ZHES BYA BA NI BZHON PA LA SOGS PA'I YANG STE, DE YANG GSAL BA SO SOR THA DAD PA'I PHYIR RO, ,RNAM PA NI RNAM PAR RTOG PA LA SNANG BA'O, ,DE YANG ZHES BYA BA NI RNAM PA YANG NGO, ,SO SOR NGES PA'I RNAM PAR RTOG PA'I RANG BZHIN NYID BRJOD PA NI BA LANG ZHES BYA BA'O, ,RNAM PA GCIG NI RNAM PAR RTOG PA THAMS CAD RTOGS PA MA YIN NO ZHES DGONGS PA'O, ,DES NA RNAM PAR RTOG PA'I RNAM PA DE NI SPYI'I RNAM PAR RTOG PA MA YIN NO, ,RNAM PA GCIG TU NI NYAMS SU MYONG BA ZHUGS PA MED DE, ,DES NA DRAN PA YANG DE LTAR MI 'THAD DO ZHES BYA BA'I DON TO, ,'O NA JI LTAR SPYI MED PAR GSAL BA THAMS CAD SGRA GCIG GIS BRJOD CE NA, SGRAS 'DI NI ZHES SMOS TE, BA LANG LA SOGS PA'I SGRA 'DI NA'O, ,MTHO RIS LA SOGS PA DGU LA'O, ,GAL TE YANG DA LTAR GYI NI SGRA DON BCU LA GRAGS PA DE LTA NA YANG SNGON GYI GRAGS PA LA LTOS NA DE SKAD BRJOD PA YIN NO, ,DON DUG PO DE DAG LA NI RJES 'GRO BA GCIG YOD PA MA YIN NO ZHES DGONGS PA'O, ,BRDA BYED PAS BYED PA GANG YIN PA DANG, NYAN PAS NYAN PA GANG YIN BA DE DAG GI YUL GYI BRDA'O, ,'DI YANG KHAS BLANGS NAS BRJOD PAR ZAD DE, DON DAM PAR NI GANG LA SOGS PA DE DAG GI NANG GI DBYE LA STOS TE MTHA' YAS PA'I PHYIR RO, ,'DI NI MI GSAL BA'I RNAM PA SPYI'I RANG BZHIN YIN YANG DBANG PO SHES PA LA MI SNANG BA'I PHYIR NA, RNAM PAR RTOG PA MED PA KHO NA'O ZHES BSTAN PA YIN NO, ,SNGON GYI MI GSAL BA GANG YIN BA DE YID NI GSAL BA 'DI YIN NO ZHES NGO SHES PA LAS GSAL BA DANG MI GSAL BA DAG GCIG NYID YIN TE DES NA GSAL BAS SNANG BA NYID SPYIR SNANG BA YIN NO, ,DE LTA NA YANG DBANG PO'I RNAM PAR SHES PA RNAM PAR RTOG PA DANG BCAS PA NYID DO ZHES BRJOD

PA NI DE NYID 'DI'I ZHES BYA BA'O, ,RGYU THA DAD PA BSHAD PA NI MIG LA SOGS PAS NI DBANG PO'I SHES PA SKYED LA, BAG CHAGS KYIS NI RNAM PAR RTOG PA'I RNAM PA'O, ,'DIS NI CHOS 'GAL BA GNAS PA DANG, RGYU THA DAD PAR BSTAN TO, ,RNAM PA'I ZHES BYA BA NI GSAL BA DANG MI GSAL BA'I RANG BZHIN GYI'O, , DE NI ZHES BYA BA NI DBANG PO'I SHES PA DANG RNAM PAR RTOG PA'I MTSAN NYID KYI BLO'O, ,'DU BA GSAL BA'I DON DU GZHAN GYI LUGS 'GOG PA NI, ,GAL TE ZHES BYA BA'O, ,'PHROD PA 'DU BA YOD MED DES MI 'GRUB SNYAM NA, RIGS LA SOGS PA ZHES SMRAS SO,,'PHROD PA 'DU BA MNGON SUM GYIS NI DMIGS PA MA YIN NO, ,'O NA CI ZHE NA, SNAL MA 'DI RNAMS LA SNA MA BU'O ZHES BYA BA LA SOGS PAR SHES PA LAS SO ZHES GZHAN GYI SMRAS PA NI CI STE ZHES BYA BA'O, ,'JIG RTEN 'GAR YANG NGO, ,DE MED PAS ZHES BYA BA NI 'DI LA'O ZHES BYA BA'O BLO MED PAS SO, ,GAL TE BLO 'DI NYID KYIS 'PHROD PA 'DU BA 'GRUB PA'I PHYIR, DE LA BCAD PA CI YOD CE NA, LKOG SHAL LA SOGS PA ZHES GSUNGS TE, DE LA NI BA LANG LA'O, ,GANG ZHIG CES BYA BA NI BA LANG NGO, ,DE DAG LA NI LKOG SHAL LA SOGS PA DAG LA'O, ,YAN LAG LHAG MA DAG LA ZHES BYA BA NI RIS LAS GZHAN PA'I YANG LAG LA BA LANG ZHES RTEN NYID DU RTOGS NA'O, ,YANG JI LTAR NA YAN LAG LHAG MA RTEN NYID DANG, RVA NI BRTEN PA NYID DU RTOG GI, ,DON DAM PAR NI 'DI YOD PA MA YIN ZHE NA, ,'DI LTAR ZHES BYA BA'O, ,DE'I PHYIR 'BYUNG BA ZHES BYA BA NI SNAL MA NI PHYIS 'BYUNG BA'O, ,DU BA DANG ME LA SOGS PA DUS THA DAD PA DAG NI RGYU DANG 'BRAS BU'I DNGOS PO 'BA' ZHIG NYID DAM, SPYI BO SKYES DANG DU BA DAG NI 'BREL PA MED PAR YANG 'GYUR RO, ,GAL TE RGYA SHUG LTUNG BA KHAR GZHONG GI GNAS PAR BYED PAS GNAS BRTEN BRJOD PA MA YIN ZHE NA, GNAS NI ZHES GSUNGS SO, ,RGYA SHUG DE'I RNAG BZHIN GYI KHYAD PAR LAS GNAS PA GZHAN NI YOD PA MA YIN NO, ,DES NA GNAS PA BYAS NA RGYA SHUG NYID BYAS PAR 'GYUR RO, ,SHES PA DES ,NA BRTEN PA'I DNGOS PO NI RGYU DANG 'BRAS BU KHO NA YIN NO, ,SNAL MA DANG SNAM BU DAG KYANG DE KHO NA LTAR RTEN DANG BRTEN PAR 'GYUR RO ZHES NA, SNAL MA DANG ZHES GSUNGS SO, ,RGYU'I RANG BZHIN 'BRAS BU LA SGRO BTAGS PAS SO, ,SHES BA SGRO BTAGS

, ,PA LAS YIN NO ZHES JI LTAR SHES SHE NA, 'DI LTAR GSUNGS SO, ,DE LTA MA YIN TE GAL TE DER RGYU SGRO 'DOGS PA MA YIN GYI 'ON KYANG DE'I TSE NYID SNAL MA YOD PA YIN NA, DE'I TSE SNGAR GYI GNAS SKABS MA MTHONG BA YANG SNAL MA DE DAG NI 'DI'O, ,ZHES SHES PAR 'GYUR NA, 'GYUR PA YANG MA YIN TE, DES NA RGYU BTAGS PA KHO NAS SHES PA 'DIR 'GYUR RO ZHES RTOGS PA YIN TE, DE LTAR NA 'BRAS BU'I GNAS SKABS NA SNAL MA MED DO ZHES BRJOD PA NAS SNAL MA LAS THA DAD BA'I SNAM BU LA MED DO ZHES BRJOD PA NI YANG NA ZHES BYA BA'O, ,DES NA ZHES BYA BA NI SNAM BU THA DAD PA YOD PA MA YIN PAS NA'O, , RANG BZHIN GCIG LA NI RTEN DANG BRTEN PA ZHES BYA BA YOD PA MA YIN NO, ,PHAN GDAGS PAR BYA BA DANG, PHAN 'DOGS PAR BYED PA NYID KYIS BSHAD PA RTZOM PAR BYED PA NI DE LA ZHES BYA BA'O, ,LDAN PA'I KHYAD PAR LAS ZHES BYA BA NI GZHAN GYI BSAM PAS BRJOD PA YIN NO, ,RNAM CHAD DMIGS SU MED PA NYID 'CHAD PA NI JI LTAR ZHES BYA BA'O, ,GZHAN DU YANG ZHES BYA BA NI, RGYU MTSAN MED PAR YANG NGO, ,SPYI'I RGYU MTSAN NYID DU CI STE MI 'GYUR SNYAM NA, DE LAS THA DAD PA'I ZHES GSUNGS TE, KHUNG BU BA LAS THA DAD PA'O, ,GANG ZHIG CES BYA BA NI DANG PO BRDA'I YUL DNGOS PO GANG YIN PA DE DANG 'DRA BAS NA GANG ZHIG DE'I RANG BZHIN SGRO BTAGS PA DE LA 'JUG PA GANG YIN PA RE NI DNGOS PO MA YIN NO, ,DER BLO JI LTAR 'KHRUL ZHE NA, ,SNAL MA'I ZHES GSUNGS SO, ,SNAL MA'I TSUL NI 'DRA BA LA SOGS PA LA LTOS PA'I 'BAD PA MED PAR DE NYID LAS BRDA BYED PA STE DE MED NA'O, ,CHOS GZHAN NI BA LANG NYID LAS GZHAN GTZANG SBRA MED PA NYID LA SOGS PA STE, 'DI RJES SU 'BRANGS PAS 'DRA BA GANG YIN PA DE LAS 'KHRUL BA YIN NO, ,GAL TE CHOS GZHAN GYI RJES SU 'BRANGS PAS CI BYA ZHE NA, DE'I ZHES GSUNGS STE, CHOS GZHAN DE'I RJES SU 'BRANG BAR NI BA LANG LA SOGS PA DE DANG 'DRA BAR 'GYUR BA MA YIN TE, GTZANG SBRA CHUNG BA LA SOGS PA MED NA NI 'DRA BAR 'GYUR PA MA YIN NO, ,GZHAN ZHES BYA BA NI BA LANG GCIG LAS BA LANG GZHAN LA'O, ,DON 'CHAD PA NI KHRA BO LA SOGS PA MTSAN NYID MI MTHUN PA DAG LA YANG NA LANG NGO SNYAM PA'I BLO'O, ,DE LA ZHES BYA BA'I BA LANG NGO SNYAM PA'I

BLO SKYE BA LA YANG MTSUNGS BA'I BA LANG NYID RGYU MTSAN YIN NO ZHE NA, 'DI NI LAN DU MI RUNG STE ZHES GSUNGS SO, ,GAL TE DPER NA DBYUG PA CAN ZHES BYA BAR RTOG PA NYID KUN RDZOB PA'I RGYU MTSAN CAN MA YIN PA DE BZHIN DU BA LANG GI SHES PA YANG YIN NO ZHE NA, 'DI LTAR ZHES GSUNGS SO, ,DE LTAR MA YIN ZHES BYA BA NI GAL TE DBYIG PA RGYU MTSAN YIN NA, DE'I TSIG GCIG NA GNAS PA'I DBYUG PA NYID KYIS THAMS CAD DBYUG PA CAN DU 'GYUR RO, ,DE LA YANG ZHES BYA BA NI 'BREL BA LA YANG NGO, ,CI STE DBYUG PA LA 'BREL BA MED PA KHO NAR DBYUG PA NI 'BREL BA CAN YIN NO ZHES RTOGS NA DE LTA YIN NA NI ZHES BYA BA'O, ,DE NYID CES BYA BA NI KUN RDZOB PA NYID DU'O, ,DE LAS ZHES BYA BA NI, DBYUG PA LAS THA DAD PA'I'O, ,'ON TE GNYIS PO DE NYID LAS 'BYOR BAR BRJOD CE NA, GNYIS PO TZAM ZHES GSUNGS SO, ,PHAN 'DOGS PAR BYED PA'I DNGOS PO JI LTAR KUN RDZOB MA YIN ZHE NA, DE YANG ZHES GSUNGS SO; ,GANG GI PHYIR DE LTA YIN PA DE'I PHYIR KHYAD PAR CAN GYI RTOG PA NI 'GA' YANG DBANG PO LAS BYUNG BA MA YIN NO, ,DE BZHIN DU PA LANG NYID LA SOGS PA YANG DON DAM PA KHO NA YIN NO ZHES 'BREL TO, ,RIGS LA SOGS PA NI GSAL BA LAS THA DAD BAR MI SNANG BA'I PHYIR NA DON DAM PAR MI 'GYUR BA MA YIN NA ZHES SBYAR RO, ,'PHROD PA 'DU BA'I STOBS KYIS RIGS LA SOGS PA THA DAD PAR MI SNANG DU CHUG MOD, 'PHROD PA 'DU BA NYID THA DAD PAR CI STE MI SNANG ZHE NA, BRJOD PA NI 'PHROD PA 'DU BA NYID CES BYA BA'O, ,BA LANG NYID LA SOGS PA'I RGYU MTSAN ZHES BYA BA NI BA LANG NYID LA SOGS PAR RTOGS PA'I RGYU MTSAN YIN NO ZHES BYA BA'I DON TO, ,THA DAD PA NYID LA ZHES BYA BA NI PHAN TSUN THAD DAD PAS DU MA'I RANG BZHIN DU GYUR PA'I BZHO BA LA SOGS PA'O, ,PHYED PHYI MA 'CHAD PA NI JI LTAR ZHES BYA BA'O, ,DE BZHIN DU BA LANG NYID LA YANG 'DRI NA'O, ,GAL TE RIGS MED NA THA SNYAD 'JUG PAR 'GYUR RO ZHE NA, RIGS NI THA SNYAD KYIS ZHES GSUNGS SO, ,DE'I TSE GZHAN DU YANG DE LA ZHES BYA BA DNGOS PA LA MA LTOS PAR SGRA MI 'JUG PAR 'GYUR NA LTOS PA MED PA NI MTHONG BA YANG DNGOS PO MED KYANG SGRA 'JUG PAS NI MTHONG BA YIN NO, ,DES NA BA LANG LA SOGS PA 'DI LA YANG DE KHO NA BZHIN 'GYUR RO ZHES DGONGS PA'O, ,

, ,GAL TE TSIG DON DRUG PO RNAMS LA DNGOS PO NYID THA DAD PA YOD PA DE NYID SGRA'I RGYU MTSAN YIN NO ZHE NA, RDZAS LA SOGS PA'I ZHES GSUNGS TE, DRUG PO 'DI RNAMS NYID KYI NANG NAS GANG RUNG ZHIG DNGOS PO NYID DU 'GYUR PA YIN TE, DE LTA MA YIN NA TSIG GI DON BDUN PAR THAL PA'I PHYIR RO; ,RE ZHIG RDZAS MA YIN NO ZHES BYA BA'O, DE BZHIN DU YON TAN LA SOGS PA LA YANG BRJOD PAR BYA'O, ,DES KYANG SPYI SOGS PA DANG LDAN PA'AM 'DU BA MA YIN PA'I PHYIR RO, ,KHANG BZANGS KYIS GRA NI RE ZHIG RDZAS KYI RGYU MTSAN CAN DU 'GYUR RO ZHE NA, KHANG BZANGS KYANG ZHES GSUNGS SO, ,RIGS MI MTHUN PA'I YAN LAG GI RDZAS MI RTZOM PA'I PHYIR LDAN PA NYID DU 'GYUR RO ZHE NA, DE LA BSHAD PA NI ZHES GSUNGS PA, ,DE PHRENG DE NI CI ZHIG YIN, ,ZHES BYA BA NI, RDZAS DANG YON TAN DANG LAS NI PHRENG BA MA YIN NO, ,SO SOR SEL BA NI RDZAS NI YON TAN LA ZHES BYA BA STE, KHANG BZANGS KYI MTSAN NYID KYI LDAN PA LA'O; ,LDAN PA NI YON TAN YIN PAS GANG GIS PHRENG BA DE LA 'DU BA 'GYUR BA YON TAN LA NI RDZAS KYI 'DU BA YOD PA MA YIN NO, ,YON TAN LA MED PA NYID KYI PHYIR PHRENG BA YON TAN YANG MA YIN NO, ,YON TAN NI YON TAN MED PA YIN NO ZHES BYA BA LUGS YIN PA'I PHYIR NA, ,LDAN PA'I MTSAN NYID KYI KHANG BZANGS YON TAN LA PHRENG BA MED PAR JI LTAR 'GYUR, ,PHRENG BA NI LAS KYANG MA YIN TE, LAS NI RDZAS LA BRTEN PA YIN PA'I PHYIR RO, ,YON TAN LA MI BRTEN PA'I PHYIR DANG, KHANG BZANGS KYANG YON TAN YIN PA'I PHYIR RO, ,'DU BA DANG KHYAD PAR MA YIN TE, DE DAG GI 'BRAS BU GANG YIN PA 'DI LA'O SNYAM PA'I BLO DANG PHAN TSUN LDOG PA'I BLO DE MED PA'I PHYIR RO, ,YON TAN LA YANG ZHES BYA BA NI LDAN PA'I MTSAN NYID KHANG BZANGS LA SOGS PA LA YANG NGO, ,DE LTAR KHAS LEN NA ZHES BYA BA NI THA DAD PA KHAS LEN NA'O, ,MTSUNGS PA'I THA SNYAD DON DU ZHES BYA BA NI RIGS RIGS ZHES BYA BA THAD SNYAD KYI DON DU'O, ,DER YANG ZHES BYA BA NI RIGS KYI RIGS RNAMS LA YANG NGO, ,THA SNYAD KYI ZHES BYA BA NI RIGS ZHES BYA BA DE LTA BU'I RANG BZHIN CAN NO, ,DE'I PHYIR RTOGS PA 'THAD PA MA YIN NO, ,CI'I PHYIR ZHE NA, RTOGS MTHA' MED PAS ZHES BYA BA STE, RGYA MTSAN MTHA' MED PAS ZHES BYA BA'I DON TO, ,'DI NYE BAR BTAGS PA NYID DU

ZHES BYA BA NI PHRENG BA CHEN PO ZHES BYA BA LA SOGS PA'I THA SNYAD 'DI'O, ,DE LTAR ZHES BYA BA NYE BAR BTAGS PAR KHAS BLANGS PAR RO, ,GAL TE NYE BAR BTAGS PA NYID DU MA GTOGS MOD, ,DE LTA NA YANG DON GZHAN DU 'GYUR PA'I CHEN PO NYID LA SOGS PA MED PA'I PHYIR NYE BAR BTAGS PA NYID DO ZHES BSAMS NAS GZHAN DAG BRJOD PA NI CHEN PO NYID CES BYA BA'O, ,GAL ZHES BYA BA NI RTOGS PA'I PHYIR RO ZHES BYA BA DGONGS PA'O, ,'ON TE NYE BAR BTAGS PA RTOGS PA YIN NO ZHES BRJOD NA, ,DE'I TSE MED PA GRUB CES BYA BA LA SOGS PA'O, ,RDZAS KYI MTSAN NYID YOD PA MA YIN NO ZHES BYA BA NI PHRENG BA CHEN PO CHE RTOGS PA'I PHYIR, CHEN PO NYID KYI MTSAN NYID KYI YON TAN YOD PA'I MA YIN NO, ,YON TAN LA LTOS NA 'DU BA CAN GYI RGYU NYID KYANG YIN TE, DES NA RDZAS KYI MTSAN NYID DANG LDAN PA'I PHYIR, ,PHRENG BA NI RDZAS NYID DU 'GYUR RO ZHES DGONGS PA'O, ,BSDUS PA MTSAN NYID MA YIN NO ,ZHES BYA BA 'DI YANG JI LTAR SHES SNYAM NA, NAM MKHA' LA SOGS PA ZHES BYA BA'O, ,GAL TE ZHES BYA BAS DOGS PA BSU NAS LAN BRJOD PA NI RTOG PA YOD PA'I PHYIR ZHES BYA BA'O, GNYIS KA YANG DGAG PA JI LTA ZHE NA, ,RE ZHIG GTZO BO NI ZHES BYA BA'O, ,NYE BAR BTAGS PA'I RGYU MTSAN ZHES BYA BA NI DON GCIG 'DU BA'O, ,DE NYID STON PAR BYED PA NI DPER NA ZHES BYA BA'O, ,NAGS ZHES BYA BA NI GRANGS SAM TSOGS PA'I RANG BZHIN NO, ,PHRENG BA CHEN PO ZHES BYA BA LA SOGS PA NI DON GCIG LA 'DU BA YANG MED PA NYID DE, KHANG BZANGS LA SOGS PA LDAN PA'I RANG BZHIN GANG LA PHRENG BA 'DUS PA NI MA YIN PA'I PHYIR RO, ,RGYU GZHAN DANG LDAN PA ZHES BYA BA NI THA DAD PA GZHAN DANG LDAN PA'O, ,SRID PA MA YIN TE ZHES BYA BA NI BRTAG PAR RUNG BA MA YIN NO, ,RANG GI NGO BO NYID 'JUG PA'I RGYU MTSAN MA YIN NO ZHE NA, RANG GI NGO BO NYID 'JUG PA'I RGYUD MTSAN YIN NA ZHES BYA BA'O, ,CHEN PO LA SOGS PA'I THA SNYAD NI BUM PA LA SOGS PA GZHAN DU YON TAN GZHAN ZHES BYA PA YON TAN CHEN PO NYID KYI RGYU MTSAN CAN YIN PAS PHRENG BA LA SOGS PA GANG LA DE MED PAR 'JUG NA DER PHAL PA YIN NO, ,GZHAN RUNG STE ZHES BYA BA NI RGYU MTSAN MED PAR YANG NGO, ,DE DANG NI GRAGS PA DANG NGO, ,MTSUNGS GANG YIN PA DE LA LTOS NAS SO, ,DE LTA MA YIN NA ZHES BYA BA NI GRAGS PA DNGOS KYI

, ,RGYU MA YIN NA DE'I TSE PHYIN CI LOG TU ZHES BYA BA DNGOS PO MED PA LA 'JUG PA'I SGRA NI DNGOS MA YIN PAR 'GYUR LA BU LA SOGS PA YOD MED PA'I SGRA 'JUG PA NI GTZO BO NYID DU MTHONG BAR 'GYUR RO, ,'DI NYID GSAL BAR BYED PA NI GZHAN DU RGYU MTSAN MED PA NI GTZO BO LA SOGS PA MED PA LA SGRA 'JUG PA'I NYE BAR BTAGS PA GANG YIN PA DE'I RGYU MTSAN DU 'GYUR RO, ,DE MED KYANG ZHES BYA BA RGYU MED KYANG SGRA YOD PA'I PHYIR RO, ,GAL TE RGYU MTSAN MED PAR YANG DNGOS PO MED PA LA SOGS PA LA SGRA 'JUG MOD, ,SGRA NI RGYU MTSAN GYI 'BRAS BU YIN PA'I PHYIR RO ZHES DOGS NA, GANG ZHIG GANG MED KYANG ZHES BYA BA'O, ,CI STE SGRA 'JUG PA'I RGYU MTSAN NI RGYU NYID MA YIN NO, ,DES NA RGYU NYID BKAG KYANG RGYU MTSAN MA BKAG PA KHO NA'O ZHES DOGS PA BSU NAS BRJOD PA NI, RGYU MTSAN NI RGYU YIN NO ZHES BYA BAS STEG, RGYU MTSAN GYI SGRAS NI RGYU NYID BRJOD PA YIN NO ZHES BYA BA'I DON TO, ,DPER NA SDE BA SBYOR BA DAG GI SDE BA SBYOR GYI DBYE BA DPYID KYI THIG LE DANG, PAD MA DANG PHRENG LDAN MA LA SOGS PA'I RNAM PA DANG, SGRA'I CHA SU PA DANG, ,TING NGA LA SOGS PA DANG MING DANG BZHIN DANG RKYEN SOGS PA STE DE BZHIN NO, ,'DIS NI 'DOD PA LA RAG LAS PA NYID BSTAN PA YIN NO, ,LDOG PA BRJOD NAS RJES SU 'GRO BA GSUNGS PA NI; 'JUG PA'I RGYU MTSAN MED KYANG ZHES BYA BA'O, ,'DI MA GRUB PA'I MTHA'I SMRA BAS BRJOD PA NI RGYU MTSAN LA YANG ZHES BYA BA'O, ,'DIR GZHAN GYI RGYU MTSAN MED NA ZHES BYA BA SMOS SO, ,'DI 'GOG PA'I NI MA YIN TE ZHES BYA BA'O, ,DE LA ZHES BYA BA NI RIGS MED PAR BRAM ZED DON GYED MI NUS SO ZHES BYA BA'I GZHAL BYA 'DI LA'O, ,'ON TE RIGS TSAD MA'I YUL MA YIN DU CHUG PA DE LTA YANG DE BRAM ZE'I DON BYA BA LA NUS PA YOD PAS DES DE MED PAR DE DON JI LTAR 'GYUR ZHES BRJOD PA NI, ,RJES SU 'GRO BA DANG ZHES BYA BA'O, ,DE LTA MA YIN NA ZHES BYA BA NI GAL TE RJES SU 'GRO BA DANG LDOG PA MA MTHONG BA YANG NUS PAR RTOG PA DE'I TSE, PHRENG BA 'DZIN PA LA SOGS RNAM PA CI LTAR 'DOD PAR YONGS SU RDZOGS PA NYID RE ZHIG BRJOD PA NI, YI GE'I RIM PA LA NI ZHES BYA BA'O, ,DE LTA MA YIN NA ZHES BYA BA NI GAL TE YI GE'I RIM PA LA DE KHO NAR RGYU MTSAN 'GA' ZHIG YOD NA DE'I TSE'O, ,'ON TI RGYU MTSAN DE NYID BRDAS GSAL BAR BYED DO ZHEN MA YIN

TE ZHES BYA BA'O, ,JI LTAR GZUGS LA SOGS PA DNGOS POR GYUR BA RTOGS PA NA BRDA LA MI LTOS PA DE BZHIN DU 'DI YANG BRDA LA MI LTOS PAR 'GYUR RO, ,RTOG PA ZHES BYA BA NI NYAN PA'I RTOGS PA STE, NYAN PAS MA RTOGS PA'I RANG BZHIN LA NI, ,SMRA BA POS KA YUNG BRDA BYA BA MI NUS SO, ,DE LTA'O ZHE NA NI THA SNYAD KYI TSE NA NYAN PA POS MI RTOG PA KHO NAR 'GYUR RO, ,DE NYID 'CHAD PA NI CI SRID DNGOS PO MTHA' MED PAR ZHES BYA BA'O, ,DA NI RANG BZHIN LA SOGS PA JI LTAR 'DOD PA BZHIN YIN PAR BRJOD PA NI, RANG BZHIN LA SOGS PA DAG NI ZHES BYA BA'O, ,'O NA JI LTAR YOD DO ZHES BYA BAL SOGS PA 'GRUB PA CE NA 'DI LTAR ZHES BYA BA'O; ,YANG JI LTAR NA BRDA RGYU MTSAN THA DAD PAS MA SBYAR CE NA, 'DOD PA DANG ZHES GSUNGS SO, ,GAL TE SPYI MED NA 'O NA JI LTAR ZHES BYA BA'O, ,RNAM PAR DE LTAR BU'I ZHES BYA BA GCIG TU 'DZIN PA BSKYED PAR NUS PA'I MNGON SUM MO, ,DPE NYID BSGRUB PAR BYA BA NI BDE BA LA SOGS PA'O ZHES BYA BA'O, ,DE LTA BU NYID YIN ZHES BYA BA NI DON LA BRTEN PA'I BDE BA NYID YOD PA YIN NA'O ,DE LTA BUM YIN PA NYID NI SDUG BSNGAL NYID DO, ,JI LTAR KHA DOG DANG DBYIBS KYI PHYI ROL NA YOD PAS NA DUS GCIG TU RNAM PAR SHES PA'I RNAM PAR GNYIG GAR 'GYUR BA DE BZHIN DU, ,BDE BA DANG SDUG BSNGAL PHYI ROL NA YOD PAS NA RNAM BAR SHES PA DUS GCIG TU GNYI GA'I RNAM PA CAN DU 'GYUR RO, ,THAL BA SPONG BA BRJOD PA CI STE ZHES BYA BA'O, ,LAN NI DE LTA GYUR NA ZHES BYA BA'O, ,MA MTHONG BA KHO NAS ZHES BYA BA NI PHYIR ROL NA NI BDE BA DANG SDUG BSNGAL DAG YOD PA MA YIN NO ZHES DGONGS PA'O, ,DE LTA GYUR PA ZHES BYA BA NI BDE BA DANG SDUG BSNGAL GYI RANG BZHIN NO, ,MA MTHONG BAS NI YOD PA'I DNGOS PO NGES PAR BYED KYI, , SGRUB PAR NI MA YIN TE, ,DES LA STE PHYI ROL NA BDE BA DANG SDUG BSNGAL YOD PA DE LTA NA YANG DE DAG GI NANG NA MTHONG BA'I DBANG GIS GCIG KHO NA MTHONG BA YIN GYI GZHAN NI MA ZHES NGES PAR 'THAD PA YIN NA ZHES BRJOD PA NI MA MTHONG BA NI ZHES BYA BA'O, ,SGRUB PA NYID MCHOG YIN PA NYID BRJOD PA NI MA MTHONG BAS NGES PAR BYED PA NA RTOG PA DU MAR 'GYUR TE, ,RE ZHIG PHYI ROL BDE BA DANG SDUG BSNGAL BAR BRTAGS PAR BYA BA YIN LA, DE LAS KYANG GZHAN NGES PAR BYED PAR YIN NO, ,'DI NYID BRJOD PA NI 'DI LTAR ZHES BYA

, , BA'O; MA MTHONG BAS SGRUB PA BYED PAR RTOGS PA NA MA MTHONG BA 'BA' ZHIG RTOG PA YIN GYI GZHAN NI MA YIN NO, ,'DZIN PA DE RJES SU 'GRO BA NYID LAS SPYI'I DON RJES SU DPAG PA LA SOGS PA 'GRUB KYI SPYI'I DBANG GIS NI MA YIN NO, ,GANG GI PHYIR DE LTAR 'DU BA'I DBANG GIS GCIG TU RTOGS PA MI 'THAD PA DE'I PHYIR NA SPYI DE RTOGS PA GANG YIN PA DE LA NUS PA MED DO, ,DE BZHIN DU ZHES BYA BA NI RTOGS PA'I NUS PA MED PA NANG GI BYED PA LA RAG LAS PA DE BZHIN DU'O, ,RIGS ZHES BYA BA YANG SHES PA NYID LA BRJOD DE, ,DES NA RIGS GZHAN KHAS BLANGS BA MI RIGS PA MA YIN NO, , 'O NA JI LTAR THAMS CAD LA BA LANG BA LANG ZHES BYA BA'I SGE RJES SU 'GRO ZHE NA, LHAG MA NI ZHES GSUNGS TE, ,GANG LA 'BRAS BU THA MI DAD PAR ZHEN PA YOD PA BA LANG LA SOGS PA DE DAG GI DNGOS PO NYID DE DES SO, ,CI STE YANG RANG GI NGO BO LAS THA DAD PAR DE'I 'BRAS BU CAN GYI SPYI YOD PAR 'GYUR RO ZHE NA, 'DI LA BRJOD PA NI DE LTA NA NI ZHES BYA BA'O, ,CIG TU RTOGS PAR ZHES BYA BA NI, ,SA BON LA SOGS PA YANG 'DI NI ZHING NGO ZHES BYA BAR 'GYUR RO, ,MA YIN TE ZHES BYA BA NI GRUB PA'I MTHA'O, ,JI LTAR BA LANG GI GSAL BA RNAMS LA DE'I 'BRAS BU CAN NYID KHYI DBANG GIS BA LANG BA LANG ZHES RTOGS PA DE BZHIN DU ZHING LA SOGS PA RNAMS LA YANG DE'I 'BRAS BU CAN NYID KYI DBANG GIS SA BON SA BON ZHES RTOGS PAR 'GYUR RO, ,'GYUR BA YANG MA YIN TE, ,DES NA DE'I 'BRAS CAN NYID CES BYA BA'I SI THA DAD PA NA THA DAD PAR RTOGS PA'I RGYU MA YIN NO, ,SPYI YOD DAM 'ON TE MED CES BYA BA LA SOGS PA'ANG DER DUB BA STE NYON MONGS PA DE NI DGOS PA MED DO, ,'JUG PA'I RGYU MTSAN ZHES BYA BA NI 'JUG PA NI YOD PA YIN, ,DE NYID RGYU MTSAN YIN TE 'BRAS BU GCIG PA DE NYID DO, ,DE DANG LDAN PA NI RAB TU BCUG PA'O, ,RNAM PA DANG LDAN PA NYID DU JI LTAR MI 'THAD CE NA, ,MA 'DRES PA LA STE, GZHAN LAS LDOG PA LA NI RNAM PA MED PA'I PHYIR TE, RANG BZHIN CAN MA YIN PA'I PHYIR RO, ,DE LAS GZHAN DANG ZHES BYA BA NI NGES PA KHO NANG RNAM PAR DANG LDAN PA'O, ,BLO DANG 'BREL BA YIN NA 'GYUR GYI GZHAN DU NI MA YIN NO, ,'DIS NI RE ZHIG BLO'I RNAM PA GDON MI ZA BAR KHAS BLANG BAR BYA BA NYID DU BSTAN PA YIN NO, ,'DI LTAR

YIN PA CI'I PHYIR ZHE NA, ,'DI LTAR ZHES BYA BA'O, ,GAL TE DE LTAR JI SRID BLO THOG MA MED PA'I BAG CHAGS DANG 'BREL BAR KHAS LEN NA BLO DER SNANG BA'I RGYU NI CI NYID YIN PAR KHAS BLANG BAR BYA'O SNYAM NA 'DI LA BA LA NGO SNYAM PA'I YOD PA MA YIN NO ZHES BYA BA NI GZHAL BYA SNANG BA MA YIN PA'O, ,SPYI MI SNANG MOD DE DE LTA NA YANG DE YUL DU JI LTAR MI 'GYUR ZHE NA, GZHAL BYA'I RNAM PAR ZHES BYA BA'O, ,DE DANG NI BAG CHAGS DANG NGO, ,DE NYID LA MI SLU BAR ZHES BYA BA NI BAG CHAGS GNYID LA MI SLU BAR RO, ,DE'I 'BRAS BU MED PA LAS LDOG PA YONGS SU GCOG MOD, ,CI SKYON SNYAM NA, ,DE'I 'BRAS BU CAN NYID DE YANG ZHES BYA BA STE, LDOG PA YANG NGO, ,YANG NA PHYI ROL GYI RANG BZHIN GYI LDOG PA NYID YIN NO, ,'DIS NI LDOG PA YONGS SU GCOD PA NA PHYI ROL GYI RANG BZHIN YONGS SU GCAD PAR BSTAN PA YIN NO, ,DE ZHES BYA BA NI SGRUB PA'I RANG BZHIN NAM, LDOG PA'I RANG BZHIN GYI PHYI ROL GYI RANG BZHIN NO, ,GAL TE PHYI ROL GYI MTHAR THUG PA YIN NA DE'I TSE PHYI ROL LA REG PAR CI STE MI 'GYUR SNYAM NA, ,BRGYUD PAS ZHES GSUNGS SO, ,DE DANG THA MI DANG PA'I ZHES BYA BA NI RNAM PAR RTOG PA'I GZUGS BRNYAN GYI RANG BZHIN NO, , GTAN TSIGS GNYIS PA NI GZHAN LAS LDOG PA DAG LA ZHES BYA BA'O, ,'DI GNYIS GSAL BAR BYED PA NI PHYI ROL LA ZHES BYA BA LA SOGS PA'O, ,DE ZHES BYA BA NI RNAM PAR RTOG PA'I GZUNG BA'O, ,DE LAS GZHAN ZHES BYA BA NI, ,THA DAD PAR SNANG BA LAS GZHAN NO, ,'GAL BA CI YOD CES BYA BA NI KHA DOG DBANG DBYINGS SU SNANG BA DANG LDAN PA RNAM PAR RTOG PA LA SNANG BA GAL TE DNGOS PO YIN MOD, DE'I TSE CI 'GAL ZHES BYA BA'I DON TO, 'DI LA BRJOD PA NI GANG GI PHYIR ZHES BYA BA'O, ,RNAM PAR RTOGS PA'I GZUGS BRNYAN PHYI ROL GYI DNGOS PO MA YIN MOD, ,BLO'I MTSAN NYID NI DNGOS PO YIN PAS DE NYID SGRA DAG GI BRJOD PAR BYA BAR 'GYUR RO ZHES BRJOD PA NI DE LTA YIN MOD CES BYA BA'O, ,SGRA'I DON GZHAN SEL BA MA GTOGS PAS GZHAN DAG BRJOD PA NI 'O NA NI GZHAN SEL BA YANG ZHES BYA BA'O, ,DE YIN NA ZHES BYA BA NI BLO'I RNA PA YIN NA'O, ,DE ZHES BYA BA NI BLO'I RNAM PAR SGRA LAS RTOGS PA NA'O, ,MI 'GYUR MOD KYI CI SKYON SNYAM NA GZHAN SEL BA NI ZHES BYA BA'O, ,GZHAN SEL BA NI DON GYI CHA NYID DO ZHES BYA BAR YANG JI

, ,LTAR SHES SNYAM NA SGRAS ZHES BYA BA'O, ,'ON TE BLO'I RNAM PA NYID NI DON LA YANG YOD DE DES NA DE LA DON GYI CHA NYID KYANG MNYAMS PAR YOD DO ZHE NA, ,RNAM PA DE YANG ZHES BYA BA'O, ,DE'ANG ZHES BYA BA NI BLO'I RNAM PA'I MTSAN NYID DO, ,BLO NYID BZHIN NO ZHES BYA BA NI MTHONG BA BZHIN NO, ,DPER NA MTHONG BA RJES SU 'GRO BA MED PA DE BZHIN DU BLO'I RNAM PA YANG YIN NO, ,'ON TE 'DI RJES SU 'GRO BA MED PA'I MTHONG BAS BSKYED PA DE DE LTA NA YANG RJES SU 'GRO BAR 'GYUR BA YIN NO SNYAM NA, ,RJES SU 'GRO BA CAN MA YIN PA'O ZHES GSUNGS SO, ,GZUGS BRNYAN ZHES BYA BA NI BLO'I RNAM PA'O, ,DNGOS PO NI ZHES BYA BA NI PHYI ROL LO, ,SPYI RTOGS PA MED PA NYID GSAL BAR BYED PA'I DNGOS PO LA BRTEN PA'I ZHES BYA BA'O, ,DE NI ZHES BYA BA NI RTOGS PA'I DNGOS PO CHA'I RANG BZHIN DU GYUR BA'I GZHAN SEL BA MI RTOGS LA, ,GZHAN SEL BA'I DNGOS PO CHA'I RANG BZHIN DU YANG KHYOD KYIS BRJOD PA YIN NO ZHE NA, LAN NI 'DI LA ZHES BYA BA'O, ,BLO'I RNAM PA LA DNGOS PO'O SNYAM DU SGRO 'DOGS PAR JI LTAR 'GYUR ZHE NA, ,DE DANG GCIG TU ZHES GSUNGS SO, ,DNGOS PO DANG BLO'I RNAM PA GCIG TU ZHEN NAS SO, ,DE YANG ZHES BYA BA NI BLO'I RANG BZHIN NO, ,DE'I ZHES BYA BA NI THAMS CAD LA RTOGS PA'I PHYIR DANG DNGOS PO DANG LHAN CIG TU BYAS PA'I PHYIR RO, ,'O NA NI GZHAN SEL BA'I YUL CAN DU'ANG 'THAD PA MA YIN TE, LOG PAR SNANG BA'I PHYIR RO ZHE NA, ,GZHAN SEL BA NI BDEN PA'I PHYIR RO ZHES GSUNGS SO, ,JI LTAR BDEN SNYAM NA DNGOS PO RNAM PA LTAR ZHES GSUNGS TE, DPER NA DNGOS PO'I RNAM PAR BYA BA YIN PA LA GDON PA YOD PA DE BZHIN DU GZHAN SEL BA DE LA NI YOD PA MA YIN NO, ,'DI NYID GSAL BAR BYED PA NI 'DI NI ZHES BYA BA STE, 'DIS NI GNOD PA'I RNAM PA BRJOD PA YIN NO, ,GANG LA GNOD PA BYED PA YOD PA NI DE MA YIN NO, ,GAL TE GNOD BYED YOD PA DANG MED PA DAG GIS MA RTOGS PA DANG, RTOGS PAR GZHAG PA NI MI 'THAD DE SNANG BA YOD PA DANG MED PA DAG KHO NAS RNAM PAR GZHAG PAR RIGS PA'I PHYIR RO SNYAM NA DE'I PHYIR RO ZHES BYA BA'O, ,CIG SHOS ZHES BYA BA NI DNGOS PO'I RNAM PAR RTOG PA'O, ,'GRO BA YIN NO ZHES BYA BA RTOGS PA YIN TE NGES PA YIN NO ZHES BYA BA'I DON TO, ,GZHAN SEL BA DE

LA SKYES BU 'JUG PAR BYED PA YANG YIN NO, ,DE'I PHYIR RGYU RNAM PA 'DI GNYIS KYI PHYIR NA MNYAN PA NI GZHAN SEL BAR BYED PAR BYED PA YIN NO, ,PHYI ROL DE'I THA SNYAD KYI YUL DANG RGYU DE'I DNGOS PO NYID DU RNAM PAR 'JOG PA STE GNAS PA'O, ,GAL TE SHES PA DE LAS LHAG PAR SGRE BTAGS PA LA LHAG PAR ZHEN PA ZHES BRJOD PA YIN GYI DE LA MA RTOGS KYANG 'JUG PA'I RGYU NYID LA NI MA YIN NO ZHES BYA BA'I DON DU RTZOD PA BRJOD PA NI DE LA ZHES BYA BA LA SOGS PA'O, ,SHES PA GZHAN YIN MOD CI SKYON SNYAM NA, GAL TE ZHES GSUNGS SO, ,DES ZHES BYA BA NI LHAG PAR ZHE NA PA'I RANG BZHIN GYIS RNAM PAR RTOG PAS SO, , RIGS PA CAN LA SOGS PA'I LUGS KYI DOGS PA BSU BA NI GZHAN DU ZHES BYA BA'O, ,GANG GI TSE SMIG RGYU LA CHUR SGRO BTAGS PA DE NYID KYI TSE SGRO 'DOGS PAR BYED PA'I SHES PA DE NYID KYIS GZHAN NA GNAS PA'I CHU 'DZIN PA YIN NO ZHES BYA BA NI DE DAG GI RNAM PAR GZHAG PA YIN NO, ,GRUB PA'I MTHA' SMRA BA 'DRI BA NA CI DE ZHES BYA BA STE SGRO BTAGS PA DE'O, ,GZHAN GYI LAN NI DE'O ZHE NA ZHES BYA BA'O, ,DE NI GZHAN NA YOD PA NYID DO ZHES BYA BA'I DON TO, ,'DI LA BRJOD PA NI LHAG PAR ZHES BYA BA'O, ,GZHAN NA YOD PA'I CHU NYID DES GZUNG BA'I PHYIR SGRO BTAGS PA YIN NO, ,'ON TE MED DO ZHES NA ZHES BYA BA NI GZHAN NA'O, ,GANG LA ZHES BYA BA NI SMIG RGYU LA SOGS PA'O, ,DE ZHES BYA BA NI CHU LA SOGS PA'O, ,DE YANG NI SMIG RGYU LA SOGS PA YANG NGO, ,DE'I TSE ZHES BYA BA NI NI GA LTAR NA YANG NGO, ,'DI'I LAN NI DE LA DE RTOGS PA STE ZHES BYA BA'O, ,'DI NYID KYI DON BRJOD PA NI DE DANG ZHES BYA BA'O, ,DON DE LTAR 'GYUR MOD CI SKYON SNYAM NA, DE'I TSE YANG ZHES BYA BA'O, ,'ON TE ZHES BYA BA NI DOGS PA STE CHU LA SOGS PA MED PA NYID LA'O, ,MED PA NYID CES GRUB PA'I MTHA' DANG LDAN PAS DRIS PA NA GZHAN GYI LAN NI DE'I ZHES BYA BA'O, ,MA YIN TE ZHES BYA BA NI 'GOG PA'O, ,CHU LA SOGS PA MED PA ZHES BYA BA NI SMIG RGYU BA DAG LA RTOGS PA'I CHU NI GZHAN GYI YUL MA YIN PA'I PHYIR JI LTAR GZHAN GYIS MED PAR RTOGS, ,BDAG NYID KYIS RTOGS PA'I CHU NI GZHAN GYIS YUL DU BYED PA MA YIN TE, DE'I SHES PA'I RANG BZHIN YIN PAS NA THUN MONGS MA YIN PA'I PHYIR RO ZHES DGONGS PA'O, ,DE LTAR ZHES BYA BA NI CHU MA YIN PA LA YANG CHU'I RNAM PAR RO, ,DE NI

, ,ZHES BYA BA NI SNANG BZHIN PA'I CHU'O, ,RANG RI RNAMS PAR RTOG PA YIN YANG, PHYI ROL GYI THOB PAR BYA BA'I THA SNYAN BYED PA'I RGYU'I PHYIR NA, THOB PAR BYA BA MA YIN PA RANG GI RNAMS PA'I THA SNYAD MI BYED PA YIN NO ZHES BYA BA'I DON TO, ,'DI'I MING NI 'DI YIN TE ZHES BYA BA NI 'DI NYID KYI DON NI 'DI LAS NI DUS GZHAN DU YANG 'DI ZHES BYA BA'O, ,RANG GI MTSAN NYID NI MA YIN NO ZHES BYA BA NI YUL DANG DUS GZHAN NA MED PA'I PHYIR RO ZHES DGONGS PA'O, ,BZLOG PA NI ZHES BYA BA NI GOMS PA'AM, RTOG PA SNGON DU GTONG BA CAN YIN PAS SO, ,RTOG PA PO GNYI GA YANG MDOR BSDUS NAS STON PA NI 'DI LTAR ZHES BYA BA'O, ,'DI'I MING 'DI ZHES BYA BA NI BRDA NYID KYI DON TO, ,DE LTAR RE ZHIG GANG ZHIG DNGOS PO KHO NAR BRDA 'DZIN PA BRJOD PA YIN NO, ,DE NI ZHIG RANG NYID KHO NA THA SNYAD LAS BRDA RTOGS PA DE BRJOD PA NI DE BZHIN DU ZHES BYA BA'O, ,DE LA NA YANG RTOGS PA LDAN PA DAG RTOG PAR 'GYUR RO ZHES BLTA PAR BYA'O, ,'GA' ZHIG GIS 'DI 'ON CIG CES BRJOD PA LAS SO, ,SGRA 'DI LAS ZHES BYA BA NI RNAM PA 'DI LTA BU'I SGRA LAS SO, ,YANG NA ZHES BYA BA LA SOGS PAS NI DE PHYIR BRDA'I DUS NA YANG ZHES BYA BA'I RNAM 'GREL NYID RNAM PA GZHAN DU 'CHAD PA'O, ,SNGAR ZHES BYA BA NI BRDA'I DUS NA'O, ,RANG GIS RTOGS PA'I 'BRAS BU CAN ZHES BYA BA 'DI'I DON BRJOD PA NI, GZUGS DE'I 'BRAS BU YANG ZHES BYA BA'O, ,LDOG PA NI THA DAD PA KHO NA'O ZHES BYA RGYAL BA 'GA' ZHIG DGONGS PAR 'GYUR BAS NA DE NYE BAR BKOD NAS SUN 'BYIN PA NI LDOG PA DE NI ZHES BYA BA'O, ,BKAR NAS ZHES BYA BA NI GSAL BA LAS SO, ,LDOG PA YAN RTOG PAS BKAR NA, DA DE DANG GCIG TU THA SNYAD BYED PA'I PHYIR RO, ,DE LTAR GYUR NA ZHES BYA BA 'DI NYID KYI DON NI SGRUB PA'I TSUL DU ZHES BYA BA LA SOGS PA'O, ,JI SRID DU RIGS MTHUN PA'I GSAL BA MTHA' DAG LA SGRA MTHONG BA DE SRID DU SGRA NYID DU MI 'GYUR RO ZHES BYA BA'I DON TO, ,GAL TE GSAL BA RNAMS LA BRDA BYED PA YIN NA DE'I TSE NYES PA 'DIR 'GYUR BA ZHIG NA CIS KYANG BRDA NI SPYI LA YIN NO ZHE NA, SPYI LA YANG ZHES BYA BA'O, ,CI RIGS MI MTHUN PA'I GSAL BA DAG LA MED PA DANG BCAS PA RTOGS PAR BYA BA'I DON DU SGRA GZHAN DU MA MTHONG BA LA LTOS PA YIN NO ZHES BYA BA NI RTZOD PA'I DON TO, ,'O NA NI ZHES BYA BA NI LAN

NO; ,'DI NYID GSAL BAR BYED PA NI GSAL BA NYID CES BYA BA'O, ,DE LAS GZHAN LAS ZHES BYA BA NI RIGS MI MTHUN PA MED PA DANG LDAN PA'O, ,GAL TE GSAL BA RTOGS PA MED PA NYID DE BA LANG TZAM ZHIG RTOGS PA'I PHYIR RO, ,DES NA GSAL BA NYID RTOG PAR 'GYUR GYI, CI STE BRJOD SNYAM DU BSAMS NAS SMRAS PA NI GSAL NYID NI ZHES BYA BA'O, ,MA YIN TE ZHES BYA BA NI SUN 'BYIN PA'O, ,CI NYIS RIM GYIS ZHES DRIS PA NA GZHAN LAN 'DEBS PA NI, RTOG PA NYID DO ZHES BYA BA'O, ,NANG GI KHYAD PAR ZHES BYA BA NI THUNG DU DANG RING PO LA SOGS PA'I RANG BZHIN GYI KHYAD PAR RTOG PA NI MI SRID PA'O, ,DA YANG ZHES BYA BA NI KHRO BO LA SOGS PA KHYAD PAR GYI RANG BZHIN NO, ,GSAL BA RNAMS ZHES BYA BA NI RIGS MTHUN PA DANG MI MTHUN PA LAS LDOG PA RNAMS SO, ,SPYIS ZHES BYA BA NI BA LANG NYID KYIS SO, ,KHYAD PAR GYI RANG BZHIN DE GDON MI ZA BAR RTOGS PA NYID YIN NAM ZHES BYA BA'I DON 'DI LA TSAD MA MED DE, NGES NA JI LTAR GDON MI ZA BAR KHYAD PAR 'GA' ZHIG YOD CES BYA BA'I DON TO, ,DE LTAR NA 'DI NI SPYI RTOGS PAR KHAS BLANGS NAS BRJOD PA YIN NO, ,DE YANG YOD PA MA YIN NA ZHES BRJOD PA NI CI YANG ZHES BYA'O, ,BLO NYID DE DE YUL GYI MA YIN NO, ,GAL TE JI LTAR GZHAN LAS LDOG PA LAS 'JUG PA ZHES BRJOD PA DE BZHIN DU, KHO NO CAG KYANG GSAL BA NYID DAM SPYI NYID LA 'JUG GO ZHES BRJOD DO, ,STONG PA'I RANG BZHIN GYI LDOG PA LA NI SU YANG 'JUG PA MA YIN TE, DNGOS PO KHO NA 'JUG PAR MTHONG BA'I PHYIR RO ZHES DGOS PA LA BRJOD PA NI GAL TE ZHES BYA BA'O, ,SLU BAR GYUR NA ZHES BYA BA NI GZHAN GYIS SMRAS PA'O, ,SLU BAR GYUR NA JI LTAR SPYI 'AM GSAL BAR SGRA'I DON MA YIN PA DE BZHIN DU GZHAN SEL BA YANG NGO ZHES BSAMS PA'O, ,'DI LA BRJOD PA NIG ZHAN MTHONG BA ZHES BYA BA'O, ,DON 'DI YIN TE GZHAN SEL BA NI SLU BA MED PA NYID DO, ,'DI LTAR BUM PA KHYER LA SHOG CES BYA BA'I NGAG 'DI'I DON NI BUM PA MA YIN PA KHYER LA MA 'ONG ZHES BYA BA YIN NO, ,BTZUGS PA'I SKYES BU YANG BUM PA MA YIN PAR MTHONG YANG DE MI LEN TE DES NA SGRA'I DON GANG YIN PA DE LA NI SLU BA MED DO, ,BUM PA NYID NAS 'ONG BA'I SGRA'I DON NYID MA YIN TE, DES NA BUM PA MA MTHONG BA GAL TE KHYER NAS 'ONG BA MED PA DE LTA

, ,NA YANG SGRA'I DON MA YIN PA'I PHYIR SLU BA MED DO ZHES BYA BA'O, ,DE NYID BRJOD PA NI BUM PA LAS GZHAN MA THONG YANG DE LAS GZHAN MI LEN PA'I PHYIR TE, BUM PA LAS GZHAN MI LEN PA'I PHYIR RO, ,SLU BA YOD PA MA YIN NO ZHES SBYAR RO, ,'DI NYID GSAL BAR BYED PA NI BUM PA MA YIN PA'I RANG BZHIN DE NI'O, ,GZHAN ZHES PA NI BUM PA MA YIN PA LAS GZHAN DE BUM PA'I RANG BZHIN NO, ,DE LTAR NA RE ZHIG RTOGS PA GANG ZHIG GZHAN GYI BRDA 'DZIN DU BCUG PA DE LA LTOS NAS RNAM 'GREL SBYAR BA YIN NO, ,DA NI GANG ZHIG BDAG NYID THA SNYAD LA BRDA RTOGS PA DE LA LTOS NAS SBYOR BAR BYED PA NI YANG NA ZHES BYA BA'O, ,BYE BRAG TU ZHES BYA BA NI RNAM PAR DBYE BAR RO, ,DNGOS PO 'DI 'ON CIG CES BYA BA'I DAG 'DI'I BYED PA NI LEN PA MA YIN TE, DNGOS PO NYID LA NI MA YIN NO, ,MED PA NI BLANG BAR MI NUS SO, ,DES NA KHYER TE 'ONG BA LA, BYED PA 'JUG PA'I PHYIR NA YOD PA NYID LA YANG BYED PA 'JUG PA YIN NO ZHES BYA BA NI RTZOD BA'I DON TO, ,GAL TE GDON MI ZA BAR BYED KHYER TE 'ON BAR 'GYUR NA NI DE'I TSE YOD PA NYID LA BYED PA 'JUG PAR 'GYUR BA ZHIG NA, 'ON KYANG GDON MI ZA BA KHYER TE 'ONG BA NI MA YIN TE ZHES BYA BA NI LAN GYI DON TO, ,'O NA YOD PA NYID DU GANG LA RTOGS SHES DE NI ZHES BYA BA STE SGRAS NI MA YIN NO ZHES BYA BA'I DON TO, DPER NA BYIS PA MNGON PAR 'DOD PA'I DNGOS PO SLONG BA DE LA 'DI BYIS PA 'DIS BLANG BA DE NA GOR MA CHAG PA DNGOS PO YOD DGOS SO ZHES BYA BA'I DON GYIS GO BAR 'GYUR RAM CI DE BZHIN DU GZHAN DAG LA YANG DON GYIS GO BA YOD PA MA YIN NO, ,GZHAN DU NI MA YIN NO ZHES BYA BA NI MI SRID NA NI LEN PA YIN NO; ,GZHAN DAG NI ZHES BYA BA NI LHA DBANG LA SOGS PA'O, ,RJES SU 'GRO BA DANG LDOG PA GCIG TU GTZO BO YIN LA, SGRUB PA NI PHAL PA NYID DU KHAS BLANGS PA YIN NO ZHES BYA BA'I DON TO, ,'DI LA LAN DE NI MI BDEN TE ZHES BYA BA'O, ,'DI YANG KHAS BLANGS NAS BRJOD PAR ZAD KYI 'DI NI YOD PA MA YIN NO ZHES BRJOD PA NI ZHES BYA BA'O, ,CI'I PHYIR ZHE NA GSAL BA CIG CES GSUNGS SO, ,YANG NA LA LA KHO NAR SGAS BSTAN PA DE THOB PA DE LA LTOS TE MTHONG BA'I PHYIR RO, ,'DI NYID 'CHAD PA NI ZHES BYA BA NI ZHES BYA BA'O, ,'DI'I MI 'DI YIN NO ZHES BRJOD PA 'DI LAS NI 'DIR

THA DAD DU BYA BA YIN NO ZHES BYA BA 'DI TZAM ZHIG YIN TE ZHES BYA BAR RO, ,GZHAN DU ZHES BYA BA NI DNGOS PO MTHONG NA'O, ,JI LTAR ME'I KHYAD PAR LA THE TSOM ZA ZHES BYA BA NI SPYI MTHONG BA'I PHYIR DANG, KHYAD PAR MA MTHONG BA'I PHYIR DANG, KHYAD PAR DRAN PA'I PHYIR THE TSOM DU 'GYUR RO ZHES BYA BA'I DON TO, ,LAN NI RTOGS PA TZAM GYIS ZHES BYA BA'O, ,'DI NYID STON PA NI RE ZHIG CES BYA BA YIN NO, ,GANG DU ZHES BYA BA NI RTZOD PA'I GZHI NI 'DI YIN TE CI ME YOD DAM 'ON TE MED CES THE TSOM ZA'O ZHES CI STE BRJOD DE, GANG GI PHYIR 'DI LA ME YOD DO ZHES NGES PAR RTOGS PA'I PHYIR RO ZHES BYA BA YIN NO, ,'DI LA LAN NI MA YIN NO ZHES BYA BA NI 'DI LA LAN NI MA YIN TE ZHES BYA BA'O, ,DE LA NI REG PA'I KHYAD PAR LA'O, ,JI LTAR RTOGS ZHES BYA BA NI 'DRI BA'O, ,DRO BA TZAM ZHIG CES BYA BA NI LAN NO, ,KHYAD PAR GYI RIM PA NYID YOD PA'I PHYIR RO ZHES BYA BA NI KHYAD PAR RIM PA LA MA GTOGS PA DRO BA'I SPYI NI YOD PA MA YIN NO, , DGONGS PA 'DI NYID GSAL BAR BYED PA NI KHYAD PAR RIM PA LA SOGS PA'I DBYE BA LA'O, ,GCIG NYID NI ZHES BYA BA NI YUL GCIG PA'O, ,RES 'GA' NI 'DI LTA BU ZHES BYA BA RTZA LAS BYUNG BA'AM RES 'GA' NI 'DI LTA BU ZHES BYA BA NI LO MA LAS 'BYUNG BA STE, DE LTAR YUL DANG GZHAN LA BLO SKYE BA'I PHYIR GCIG PA NYID DU MI 'GYUR RO, ,GCIG NI ZHES BYA BA NI RTZVA LAS 'BYUNG BA'AM, 'O MA LAS 'BYUNG BA'O, ,DE 'THAD PA YIN NO, ,BYA BA NI GZHAN SEL BA'I YUL CAN DE'O, ,LDAN PA SNANG BA'I PHYIR RDZAS 'BREL PA'I RTOG PA DBANG PO'I RNAM PA SHES PA LA YOD PAR 'GYUR RO ZHES BYA BAR BLTA'O, ,GZHAN RTOGS PA'I RGYUS MDUN NA GNAS PA DE LA SKYES BU RNAM PA RTOG PA MI BYED KYANG DNGOS PO GNYIS PO DE'I NGO BOR SNANG BA NI MED PA'I PHYIR RO, ,DE NYID CES BYA BA NI DE TZAM 'BA' ZHIG SNANG BA NYID DO, ,LDAN RTOG PA YANG ZHES BRJOD PA NI GNYI GA'O, ,LAS LAS SKYES PA'I LDAN PA NI SHA GZHAN GNYID KHO NA'I'O, ,GANG YANG RUNG BA'I LAS LAS [?] SKYES PA NI GANGS CAN DANG MI LA SOGS PA'I'O, ,LDAN PA LAS SKYES PA ZHES BYA BA NI NAM MKHA' DANG 'BRAS BU'I LDAN PA SKYE BA'O, ,'DI LA GZHAN GYIS BRJOD PA NI, DNGOS PO GNYIS PO DE NYID NI LDAN PAR GYUR PA YIN NO ZHES RTOGS PA YANG MED PAR GYUR TE LDAN PA MED PA'I PHYIR RO, ,DES

, ,NA STE DE LTA BUR GYUR PA'I RTOGS PA'I YID PA'I PHYIR LDAN PA GZHAN YIN NO ZHES BSAMS PA'O, ,SNGA MA DANG LHAN CIG TU RTOGS PA MED PA'I PHYIR LDAN PAR GYUR PA RTOGS PA NI MA YIN NO ZHES BYAR RO, ,GANG ZHIG MI LDAN PAR GYUR PA DE NI LDAN PAR GYUR PA 'DI YIN LA, DE BZHIN DU 'DI NA SLAR YANG BRAL BAR 'GYUR TE, SO SOR 'GYUR BA DANG 'DI GNYIS KYI DANG NAS GCIG GIS BDAG NI 'BRAS BU BYED MKHAN YIN NO ZHES DE LTAR RTOGS PA GSUM SRID PA NA LDAN MED RTOGS PAR 'DOD PA YIN NO, ,GAL TE RTOGS PA DE LTA BU MED NA NI DE'I TSE LDAN PAR RTOGS PA DON MED PA KHO NA'O, ,'O NA 'BRAS BU DANG BCAS PAR JI LTAR 'GYUR SNYAM NA, 'DI NI GCIG 'GYUR ZHES BYA BA'O, ,LDAN PA'I DNGOS PO 'DI NI 'BA' ZHIG KYANG 'GYUR BA YIN NO ZHES BYA BA'I DON TO, ,MNGON SUM NI DE LTAR 'JUG PA MA YIN TE, 'BYUNG BA DANG BYUNG ZIN PA DANG DAG LA DE 'JUG PA MI 'THAD PA'I PHYIR RO, ,DES NA MNGON SUM LA NI LDAN PA SNANG BA MA YIN NO, ,GAL TE DE LTAR LDAN PA MI SNANG BA'I PHYIR RDZAS 'BREL PA'I RTOGS PA MA YIN MOD, SGRA SBYOR BAR NI 'GYUR BA YIN TE DES NA DBAN PO'I SHES PA RNAMS PAR RTOG PA MED PA MA YIN TE DES DANG PO'I RNAM PAR RTOG PA MA YIN NO ZHE NA, SGA SBYOR BAR BYED PA YANG ZHES GSUNGS SO; ,DE LA ZHES BYA BA NI MNGON SUM LA SNANG BA'I DNGOS PO LA'O, ,DOGS PA NI BRDA'I DUS NA ZHES BYA BA'O, ,'DI LA RJOD PA NI DE DANG ZHES BYA BA STE, BRDA'I DUS NA YOD PA DANG NGO, ,RE ZHIG BRDA 'CHAD PA NI 'DI LA BA LANG NGO ZHES BYA BA'O, ,'DI NI MNGON SUM LA SNAG BA'O, ,GAL TE 'DI BA LANG GI SGRA MA YIN NA, 'O NA JI LTAR NA 'DI 'DI ZHES BYA BA DANG BA LANG GI SGRA DANG, GZHI MTHUN PAR 'GYUR SNYAM NA, DE DANG 'BREL PA NI BA LANG GI SGRA DANG 'BREL PA'O, ,GAL TE 'DI LA BA LANG GI SGA'I ZHES RNAM PA DE LTAR NA BRDA MI BYED KYI, 'ON KYANG 'DI NI BA LANG NGO ZHES BYA BA YIN NO SNYAM NA, DE LA TSIG GI ZHES GSUNGS TE, BA LANG GI SGRA ZHES BYA BA 'DI'O, ,PHYOGS GCIG NI BA LANG ZHES BYA BA YIN TE DE SBYAR BAS SO, ,TSIG GI PHYOGS GCIG GI RNAMS PA BRJOD PA NI BA LANG NGO ZHES BYA BA'O, ,BRDA BSHAD NAS DRAN PA 'CHAD PA NI BA LANG DE NI ZHES BYA BA'O, ,GAL TE 'DAS PA DANG 'BREL PA GZUNG PA NA 'DAS PA

'DZIN GYI 'BREL PA MED PAR NI MA YIN NA DE CI LTAR THAMS CAD PA BRJOD PAR BRJOD SNYAM NA ZHES GSUNGS SO, ,DRAN PAR BYA BA DANG YONGS SU MTHONG BZHIN BA NYID LHAN CIG NYID DU'O, ,DE DANG ZHES BYA BA NI DRAN PAR BYA BA MI BDEN PA DANG NGO, ,DE NYID CES BYA BA NI SNGON MTHONG BA NYID DO, ,DE'I DON BYA BA GANG YIN PA DE BYED BA'I PHYIR RO, ,DON BYA BA DON BYA BA ZHES BYA BA DE YANG DRAN PA NYID YIN TE, DE NI DA LTA MNGON SUM GYIS GZUNG BA MED PA'I PHYIR RO, ,DE NYID 'DI YIN NO ZHES BYA BA LA YOD PA'I DE'I SGRAS BRJOD PAR BYA BA NYID KYANG DRAN PA NYID DO, ,DES NA MNGON SUM GYI YUL MA YIN NO ZHES DGONGS PA'O, ,GZHAN YANG DE NYID KYIS DON BYA DGOS SO ZHES BYA BA'I NGES PA YANG MED DE GZHAN GYIS KYANG BYED BA'I PHYIR RO, ,DES NA DON BYA BA DE BYED PA'I PHYIR DNGOS PO 'DI DE NYID YIN NO ZHES KYANG 'GRUB PA MA YIN NO ZHES STON PA NI DE NYID KYIS ZHES BYA BA'O, ,'DI NI THA SNYAD TZAM DU ZHES BYA BA NI, DE NYID 'DI YIN NO ZHES BYA BA LA SOGS PA'O, ,GAL TE GCIG MED PAR NI DON NYID DU MI 'GYUR RO ZHE NA, DE'I DON NYID NI ZHES GSUNGS SO, ,MTSAMS SBYOR BAR BYED PA LAS, BLANGS PA LA YON TAN BRJOD PA NI, MTSAMS SBYOR BA PO GCIG YIN ZHE NA ZHES BYA BA'O, ,MA YIN TE ZHES BYA BA NI LAN NO, ,DA NI BDAG GI KHAS BLANGS KYANG SNGA MA DANG PHYI MA DAG GCIG TU 'DZIN PA MED DO ZHES STON PA NI GAL TE MNGON SUM ZHES BYA BA'O, ,DE TZAM GYI ZHES BYA BA NI BDAG LA BRTEN PA TZAM GYI SOS, ,DE NI MNGON SUM MO, ,DE NI ZHES BYA BA NI MNGON SUM GYIS SHES PA'O, ,'O NA DBANG PO NYID SNGA MA DANG PHYI MA DAG LA 'JUG PAR 'GYUR TE, DES NA DE LA BRTEN PA YANG 'JUG PA YIN NO SNYAM NA DBANG PO YANG ZHES BYA BA'O, ,DBANG PO SNGA MA DANG PHYI MA LA MI 'JUG MOD, DE'I RJE SU 'BREL PA NI 'JIG GOG SNYAM PA NI DE'I ZHES BYA BA'O, ,MA YIN TE ZHES BYA BA NI LAN NO, ,DE'I ZHES BYA BA DBANG PO'I'O, ,DE NYID CES BRJOD PA NI SNGON GYI ZHES BYA BA'O, ,SNGON GYI DNGOS PO LA ZHUGS PA'I SHES PA GANG YIN PA DE'I RJES SU 'BRANGS PA DE'I MED PA NI SNGA MA LA 'JUG PA MA YIN NO ZHES 'BREL TO, ,CI'I PHYIR ZHE NA, DE LAS GZHAN PA'I ZHES GSUNGS TE, MIG LA SOGS PA LAS THA DAD PA'I SHES PA MNGON SUM ZHUGS PA'I RJES SU 'BRANGS PA NI DBANG PO DE'I RJES SU 'BRANGS PA YIN NO ZHES BYA BA 'DI NI BA CHOL YIN NO, ,DE NYID BSDUS TE

, ,STON PA NI GCIG NYID DU BYA BA'O, ,MNGON SUM LA GCIG NYID DU RTOGS PAR 'GYUR BA GANG YIN PA DE NI DBANG PO LAS SKYES PA YIN NO ZHES BYA BA'I RTZOD PA 'GOG PA NI MA YIN TE ZHES BYA BA'O, ,MNGON SUM LA GCIG NYID DU RTOGS PA GANG YIN PA DANG, GZHAN GANG YIN PA STE, GNYIS PO DE NI KHYAD PAR MED DE, GNYIS KA YANG GCIG TU RTOGS PA'I RANG BZHIN YIN PA'I PHYIR RO, ,MNGON SUM LA GCIG NYID DU RTOGS PA YIN PA DE NI GSAL BA YIN LA, GZHAN NI MI GSAL BA YIN TE, DES JI LTAR KHYAD PAR MED CES BRTZAD PA NA GRUB PA'I MTHA' GSUNGS PA NI GSAL NYID DANG ZHES BYA BA'O, ,DE LTAR BYUNG BA NI GSAL BA'I RANG BZHIN DANG GCIG TU 'GYUR MOD, SNGAR MTHONG BA DE LTA BU DANG GCIG PAR JI LTAR 'GYUR DE NI MI GSAL BA'I PHYIR RO, ,GAL TE SNGON MTHONG BA 'DI DANG GCIG PAR MNGON SUM GYIS KHONG DU CHUD PAR MI 'GYUR MOD, DE LTAR MTHONG BA 'DI GO SNGON MTHONG BA DE DANG CIG CAR MNGON SUM GYIS CI STE MI RTOGS ZHE NA, ZHES BYA BA'O RTZOD BA 'GOG PA NI MA YIN TE ZHES BYA BA NI MTSUNGS PA NYID GZUNG 'JIG PA NI GNYI GA ZHES BYA BA'O, ,GAL TE DRAN PA MED PAR MTHONG BA 'BYUNG MOD, DE LTA NA YANG DRAN PA DBANG PO'I LHAN CIG BYED PAR NI 'GYUR BA YIN NO ZHE NA GANG ZHIG GANG GI ZHES BYA BA'O, ,'DIR DPER NA SA LA SOGS ZHES BYA BA'O, ,DRAN PA DBANG PO'I LHAN CIG BYED PA MA YIN GYI'O, ,DE ZHES BYA BA NI DBANG PO'I RNAM PAR SHES PA'O, ,GZHAN DUN ZHES BYA BA NI RNAM PAR RTOG PA THA MI DAD PAS RTOG PA DANG BCAS PA NYID YIN NA'O, ,MTHONG BA DE YOD NA YANG ME DPAR 'GYUR LAM THONG BA DE MED NA YANG YOD PA'I RNAM PAR RTOG PA GANG YIN PA DE DANG STE DE LTA BU'I RNAM PAR TOG PA DANG MTHONG BA DE GCIG NYID DU JI LTAR 'GYUR TE, BSHAD ZIN PA'I MTSAN NYID CAN 'GAL BA'I CHOS DANG LNGA PAR BRJOD PA'I RNAM PAR RTOG PA CAN DE NI'O, ,GAL TE SHES PA DE NYID MTHONG BA DE YOD KYANG 'BYUNG BA DANG MI 'BYUNG BA YANG YIN NA DE'I TSE 'GAL BA'I CHOS DANG LDAN PAR BRJOD PA MDZES PA ZHIG NA, 'ON KYANG GANG ZHIG 'GA' ZHIG PA DE NI GZHAN KHO NA YIN LA, DE DANG LHAN CIG PA GANG YIN PA DE YANG GZHAN YIN TE, DES NA 'GAL BA'I CHOS DANG LDAN PAS THA DAD PAR JI LTAR 'GRUB SNYAM DU BSAMS PA'O, ,'DI LA BRJOD PA NI DE LTA YIN

NA NI ZHES BYA BA'O, ,SHES PA DE NYID 'DI YIN NO ZHES BYA BAR NGO SHES PA YOD KYANG, 'DIR THA DAD PAR KHAS BLANGS PA'I PHYIR GZHAN DU YANG NGO, ,SHES PA LAS GCIG PA NYID DU MI 'GRUB PO ZHES DGONGS PA'O, ,HA CANG THAL BAR YANG ZHES BYAS BA NI SNGON PO DANG SER PO DAG KYANG GCIG PA NYID DU THAL BAR 'GYUR TE, DE YANG SNGON PO 'BA' ZHIG BA LAS TSOGS PA THA DAD PA'I PHYIR RO ZHES SNGAR BSHAD ZIN TO, ,DE NI ZHES BYA BA NI MTHONG BA'O, ,GZHAN GYI TSE YANG ZHES BYA BA NI RNAM PAR RTOG PA MED PAR RO, ,NAM YANG ZHES BYA BA NI PHUN PO LNGA'I MTSAN NYID KYI LUS NI SHES PA'I RGYU YIN PA'I PHYIR RO, ,SHES PA DE GNYIS ZHES BYA BA NI MIG DANG RNAM BA'I SHES PA'O, ,GZHAN DU YANG ZHES BYA BA NI BA LANG MTHONG BA'I DUS SU BA LANG DU RNAM PAR RTOG PA NI YANG NGO, ,GNAS SKABS DE NA ZHES BYA BA NI BRDAR RNAM PAR RTOG PA'I GNAS SKABS NA'O, ,THA SNYAD LAS ZHES BYA BA NI BA LANG LA 'JUG PA DANG LDOG PA'I MTSAN NYID LAS SO, ,'DIR ZHES BYA BA NI RNAM PAR TOG PA BSGRUB PAR BYA BA 'DIR RO, ,'DRA ZHES BYA BA NI BA LANG GI RNAM PAR RTOG PA BDE BA'I 'BRAS BU YIN PAS JI LTAR MI 'DZIN TE, BA LANG GI RNAM PAR RTOG PA DE YANG YOD PA KHO NA'O ZHES BYA BAR BSAM PA'O, ,SGRA SBYOR BAR BYED PA ZHES BYA BA NI BA LANG GI RNAM PAR RTOG PA'O, ,RTOGS PAR 'GYUR BA NYID DO ZHES BYA BA'I DON TO, ,SBYOR BA NI 'DIR LTAR YIN TE GANG ZHIG GANG DU THA SNYAD BYED PA DE THAMS CAD NI DE'I RNAM PAR TOG PA SNGO DU 'GRO BA CAN YIN TE, DPER NA BA LANG GI RNAM PAR RTOG PA'I DE MA THAG PA BZHIN NO, ,RNAM PAR RTOG PA GZHAN GYIS DE MA THAG PA 'DI YANG THA SNYAD YIN NO ZHES BYA BA'O, ,'ON TE ZHES BYA BA LA SOGS PAS NI GZHAN NYID KYIS SGRUB PA'I MTHA' GRA BA'I DOGS PA BSU NAS LAN 'DABS PA NI MA YIN TE ZHES BYA BA'O, ,'DIR GRUB PA'I MTHA' SMRA BAS BRJOD PA NI MA YIN TE ZHES BYA BA'O ,DE'I RJES SU BYA BA NI ME RJES SU DPONG PA'I TSE'O, ,RJES SU DPAG PA NYID STON PA NI RIG PA STE DRO BA'I RNAM SHES DANG, GZHAN GYI THA SNYAD DE MI BDE BA LA SOGS PAS SO, ,'DI NYID BRJOD PA NI LKOG TU GYUR PA'I ME BDAG NYID NI GRANG BA ZLOG PA NA STE, BDE BA LA SOGS PA'I THA SNYAD DE LAS SAM, RANG GI RIG PA'I RNAM PAR SHES PA LAS RTOGS PA ZHES DE LTAR

, ,GRUB PA'I MTHA' SMRA BAS BRJOD PA LA GZHAN GYIS DE YANG 'THAD PAR DKA' ZHES SMRAS SO, ,THE TSOM GYI RNAM PA BRJOD PA NI RES 'GA' ME MED KYANG ZHES BYA BA'O, ,DU BA'I RANG BZHIN LAS ME RTOGS PA GANG YIN PA DE DE'I DUS PHYIS KYI RIG PA'I RNAM PAR SHES PA'AM GRANG BA BZLOG PA'I THA SNYAD GANG YIN PA DES SO, ,DE RTOGS NA STE ME DE RTOGS PAR KHAS LEN NA, REG PA'I RNAM PAR SHES PA'I MTSAN NYID DAM, GZHAN GYI THA SNYAN GYI RJES SU DPAG PA'I MTSAN NYID DE LA'O, ,'DI LTAR GANG DANG GANG LA REG PA'I RNAM PAR SHES PA'AM GRANG BA SEL BA'I THA SNYAD YOD PA DE NA MED YOD PA SNGON NYAMS SU MYONG BA BZHIN NO, , 'DI NA YANG DE BZHIN NO ZHES BYA BA NI RJES SU DPAG PA YIN NO, ,RJES SU DPAG PA DE LA YANG MI 'KHRUL PA YANG RJE SU DPAG PA GZHAN GYIS YIN NO ZHES BYA BA 'DI GANG LAS SHE NA, RJES SU DPAG PA NYID DU ZHES BYA BA'O, ,GNOD PAR BYED PAG ZHAN YANG BRJOD PA NI RIG PAS NI ZHES BYA BA STE, DRO BA'I RIG PAS SO, , GZUGS ZHES BYA BA NI MDOG GSAL BA'O, ,REG PA'I SHES PA NI GZUGS TZAM GYI SGRUB BYED YIN GYI, ,GZUGS KYI KHYAD PAR SGRUB NA NI MA NGES PA YIN NO ZHES DGONGS PA'O, ,DUNG SER PO NI SHES PA'I YUL GSER MDOG DUR GANG YIN PA DE LA 'ONG BA'I PHYIR RO, ,'DI NI RAB TU GRAGS PA'I DUNG DANG GSER MDOG GI DUNG LA RE GA'I RNAM PAR SHES PA MTSUNGS PA YIN TE, GZUGS KHYAD PAR DKAR PO'AM SER PO NI SGRUB PAR MI NUS SO ZHES BSTAN PA YIN NO, ,GAL TE REG PA'I RNAMS PAR SHES PA 'KHRUL NA 'O NA GZHAN GYIS ME 'DI BA'I THA SNYAD LAS ROGS SO SNYAM NA, GANG DU ZHES GSUNGS SO, ,BLO SNGON DU BTANG NAS BYAS PA ZHES BYA BA NI RNAM PA GZHAN DU YANG YOD PA'O, ,DPER 'OL MA DE'I PHUNG PO GRANG BA BZLOG PA'I DON SPRE'U RNAMS KYIS BSTEN PAR BYA BA YIN DE CI ME 'DE BA'I THA SNYAD MTHONG BA LAS RJES SU DPAG PAR BYA BA YIN NAM, CI ZHES BYA BAR DGONGS PA'O, ,'DI LA GRUB PA'I MTHA' SMRA BAS GSUNGS PA NI, DE YANG MI BDEN TE ZHES BYA BA'O, ,DE YANG ZHES BYA BA NI RJES SU DPAG PA'O, ,RNAM PAR ROG PA'I SGRUB BYED NI DE LTAR DE DU BA DANG 'BREL PA MA YIN NO, ,DE MI ZHES BYA BA NI LKOG TU GYUR PA'O, ,RGYANG RING BA LA SOGS PA ZHES SOGS PA'I SGRAS NI LKOG TU GYUR PA NYID GZUNG NGO, ,DES NA GZHAN RNAM PAR RTOG PA'I

DUS NA NI RNAM PAR RTOG PA RANG RIG PA'I MNGON SUM GYI YUL YIN PA'I PHYIR RJES SU DPAG PA MI 'THAD DO ZHES DGONGS PA'O, ,GAL TE ZHES PA LA DBANG PO LAS 'DAS PA YOD PA NYID DE, DE LTA MA YIN NA GZHAN GYIS CI'I PHYIR MA DMIGS DES NA RNAM PAR ROG PA YOD KYANG RES 'GA' DMIGS PAR MI 'GYUR ZHE NA, KHRA BO NYID KYANG ZHES MTSOS TE DBANG PO LAS 'DAS PA NYID KYANG NGO, ,KHYI MTHONG BA NI G-YUNG BA'O, ,DE LTAR RTOGS PAR BYA BA NI GRANG BA'I RANG BZHIN DU RTOGS PA'O, ,GZHAN DU 'GYUR BA NYID BRJOD PA NI 'DI LTAR ZHES BYA BA BA'O, ,SKYE SBU GOMS PA MED PA'I THA SNYAD NA, DPYOD SOGS TE RNAM PAR RTOG PA DANG, THE TSOM LA SOGS PA MED PA'I PHYIR THA SNYAD SRID PA MA YIN NO, ,DE YOD NA ZHES BYA BA NI GOMS PA DANG LDAN PA NYID YOD NA NI RNAM PAR DPYOD PA LA SOGS PA MED KYANG THA SNYAD DE 'GYUR BA YIN NO, ,RNAM PA GZHAN DU YANG ZHES BYA BA NI SNGA MA DANG PHYI MA DPYOD PA MED PAR YANG NGO, ,GZHAN DU NI MA YIN NO ZHES BYA BA NI KHO PO CAG GI BRJOD PA GANG YIN PA DE NI GZHAN DU MA YIN TE MI BRDZUN TO ZHES BYA BA'I DON TO, ,DE'I PHYIR RNA PAR RTOG PA MED KYANG GOMS PA LAS SROG CHAGS RNAMS KYI THA SNYAD 'JUG PA YIN NO, 'O NA MA GOMS PA'I GNAS SKABS NA RJES SU DPAG PAS RANG GI RGYUD KYI THA SNYAD RTOGS PAR 'GYUR RO ZHE NA, MTHONG BA DE NYID LA BRTEN TE DMIGS PA KHO NA YIN NO, ,DES NA MNGON SUM GYI SGRUB PA'I PHYIR RO, ,GOMS PA'I GNAS SKABS SAM, MA GOMS PA'I GNAS SKABS SU THA SNYAD KYI RJES SU DPAG PA MA YIN NO, ,DPYOD SOGS ZHES BYA BA NI, RNAM PAR RTOG PA LA SOGS PA'O, ,RNAM PA GZHAN DU 'ANG ZHES BYA BA NI DPYOD PA LA SOGS PA MED PAR YANG NGO, ,DPE DANG DON DAG MTSUNGS PA NYID STON PA NI DE LA YANG ZHES BYA BA'O, ,'BREL PA MED PAR NI MI SLU BA NYID MI SRID DO ZHES THA SNYAD TZAM DU 'BREL PA NYE BAR BSTAN PA'I PHYIR BRJOD PA NI 'DI LTAR ZHES BYA BA'O, ,GZHI MTHUN PA STE YUL MTSUNGS PA DAG LA YOD PA DE LA DE SKAD CES BRJOD DO, ,DE'I ZHES BYA BA NI PA LA NGA GI MTSAN NYID KYI'O, ,RTOGS PA 'DI NYID YIN NO BRJOD PA NI BA LANG GI SGRA NI ZHES BYA BA'O, ,DE LTAR BUR GYUR PA'I YUL ZHES BYA BA NI MNGON SUM GYI YUL LA'O, ,'DI YANG THA SNYAD KYI BRJOD PA YIN TE, DE LTAR MA YIN NA BRJOD PAR 'DOD PA TZAM LAS BYUNG

, ,BA'I SGRA RNAMS GANG LA MI SRID PAS YIN, DE MTHONG BA NA ZHES BYA BA NI SHING MTHONG BA NA'O, ,CI DE LTAR RTOGS PA MTHONG NGAM ZHE NA, BDAG GIS ZHES BYA BA'O, ,MTHONG BA LA NI MTHONG BZHIN PA'O, ,DE NYID BRJOD PA NI DE NI 'DI ZHES BYA BA'O, ,DE ZHES BYA BA SNANG BA THA DAD PA THA DAD PAR BYED PA STE, THA DAD PA'I RANG BZHIN MA YIN NA'O, ,DNGOS PO 'GA' YANG THA DAD PAR MI 'GYUR RO, ,'O NA 'DI'O ZHES SNANG BA NI DON BYA BA BYED PA'I DNGOS PO'I 'DZIN PA YIN TE, DES NA MNGON SUM DU 'GYUR RO ZHE NA 'DI'O ZHES BYA BAR SNANG BA YANG ZHES BYA BA'O, ,'DI NI DE'O ZHES BYA BA NI, SHES PA 'DI LA 'DI'O ZHES BYA BAR SNANG BA YANG MDUN NA GNAS PA THAMS CAD KYI THUN MONG MA YIN PA'I RANG BZHIN GANG YIN PA LHAG PAR ZHEN PA YIN TE, DES NA MNGON SUM DU JI LTAR 'GYUR TE, THUN MONG BA'I DNGOS PO MED PAS NA DNGOS PO LA REG PA'I NYID MED PA'I PHYIR RO, ,'ON TE GANG GI TSE MDUN NA GNAS PA'I DNGOS PO GCIG LA LHAG PAR ZHEN PAR BYED PA DE'I TSE JI LTAR 'GYUR ZHE NA, THUN MONG BA NYID DANG BRAL NA NI ZHES GSUNGS SO, ,RNAM PA GZHAN GYIS GO NAS RNAM PAR RTOG PA MED PA NYID DU SGRUB PAS BRJOD PA NI GAL TE ZHES BYA BA'O, ,LKOG TU GYUR PA'I DON LA 'JUG CING ZHES BYA BA NI, MNGON SUM DU GYUR PA LA SGRA MKHO BA MED PA'I PHYIR RO, ,DE LA ZHES BYA BA NI SGRA'I YUL LA'O, ,SGRA DANG RTAGS DANG RNAM PAR RTOG PA RNAMS NI YUL GCIG PA'I PHYIR RO, ,'ON TE LKOG TU GYUR PA'I YUL CAN YIN PA'I PHYIR DMIGS PA MED PA JI LTAR 'GYUR ZHE NA, LKOG TU GYUR PA LA 'JUG KYANG RANG BZHIN DNGOS SU MED PA KHO NA'O SNYAM NA, RANG GI NGO BO LA REG NA NI ZHES GSUNGS SO, ,KHYAD PAR MED PA'I PHYIR ZHES BYA BA NI DRAN PA DANG MNGON SUM GNYI GA LA LKOG TU GYUR PA LA 'JUG PA'I PHYIR RO, ,'ON TE SGRA YANG RANG GI MTSAN NYID KHO NA LA 'JUG PA YIN LA, DE DANG YUL MTSUNGS PA DBANG PO'I RNAM PAR SHES PA YANG DE NYID LA 'JUG PAR 'GYUR BA YIN PA DES NA THAL BA 'DIR JI LTAR 'GYUR SNYAM NA, SGRA'I SHES PA NI ZHES BYA BA'O, ,RNAM 'GREL 'DI NYID KYIS BSHAD PA GNYIS GSUNGS PA NI CI STE ZHES BYA BA NI CI STE THUN MONG YIN YANG, RNAM PAR RTOG PA DANG BCAS PA YIN NA NI, GANG DU MNGON SUM LA 'DOD PA'I RJES SU BYED PA

MED PA DE DMIGS PA DANG BCAS PA YIN NO ZHES DOGS PA NI 'ON TE ZHES BYA BA'O, ,LAN NI GAL TE ZHES BYA BA'O, ,DE'I TSE ZHES BYA BA NI DON GYI RJES SU BYED PA MNGON SUM GYI MTSAN NYID YIN NA'O, ,DE LTA NA YANG JI LTAR RNAM PAR RTOG PA MED PA YIN ZHE NA, SGRA'I RNAM PA NYID NI ZHES BYA BA'O, ,DE LTA YIN NA ZHES BYA BA NI, MNGON SUM RTOG PA DANG BCAS PA YIN PAR GYUR NA'O, ,DE LTA MA YIN NA ZHES BYA BA NI, GAL TE RNAM PAR RTOG PA DANG BCAS PAR MA GYUR NA'O, ,NGES SO ZHES NAS 'JIG RTEN ZHES 'BREL TO, ,NGES PA'I RNAM PAR BRJOD PA NI 'DI NI ZHES BYA BA'O, ,TSOGS PAS ZHES BYA BA NI BAG CHAGS DANG DBANG PO TSOGS PA LAS SO, ,SHES PA NI SKYE BAR 'GYUR PA ZHES BYA BA NI RNAM PAR RTOG PA DANG BCAS PA'I MNGON SUM SKYE BAR 'GYUR PA'O, ,TSAD MA NYID STON PA 'DI LTAR ZHES BYA BA'O, ,THA DAD PA NI ZHES BYA BA NI RNAM PAR RTOG PA DANG DON GYI RJES SU BYED PA'I SHES PA'O, ,RGYU THA DAD PA NYID STON PA NI SGRA DANG ZHES BYA BA'O, ,CI STE SHES PA GNYIS GAL TE GCIG TU MA GYUR NA THA SNYAD NYID MED PAR NI 'GYUR RO ZHE NA THA SNYAD NI ZHES GSUNGS SO, ,'O NA JI LTAR THA SNYAD BYED SNYAM NA, TSOGS PA TZAM GYIS ZHES GSUNGS SO, ,RNAM PAR RTOG PA MED PAR YANG THA SNYAD STON PA NI GZHAN ZHES BYA BA'O, ,DE'I TSE YANG MTHONG BZHIN PA LA ZHEN PA YOD PA YIN NO ZHES RNAM PAR RTOG PA GZHAN ZHES BYA BA'O, ,DE LTAR NA RE ZHIG 'JUG PA'I YUL DE LA RNAM PAR RTOG PA MED KYANG THA SNYAD YOD PAR BSTAN NAS, DA NI RNAM PAR RTOG PA YOD KYANG THA SNYAD MED DO ZHES GSUNGS PA NI SGRA SBYOR BAR BYA BA'O, ,DON BYA BA SBYOR BA'I RANG BZHIN NYID DBANG PO'I RNAM PAR SHES PA 'GYUR RO SNYAM NA, DON BYA BA YANG ZHES BYA BA'O, ,RJES SU DPAG PA MED PAR THAL BA ZHES BYA BAS NI, 'DAS PA DANG MA 'ONGS PA DAG LA YANG MNGON SUM 'JUG PAS NA DE NYID KYIS GRUB PA'I PHYIR RO, ,BSHAD PA NI GZHAN DU YANG BLTA BAR BYA'O ZHES BYA BA NI, DE BZHIN DU ZHES BYA BA'O, ,DPER NA DE NYID YIN NO ZHES BYA BA NI DES DE ZHES BYA BA'I CHA MED PA YOD KYANG 'BYUNG BA DBANG PO LAS SKYES PA YIN PA DE BZHIN DU BLO GZHAN YANG DBANG PO LAS SKYES PAR 'GYUR RO ZHES BYA BA'I DPE'I DON TO, ,YANG JI LTAR NA 'DI'O ZHES BYA BA LA SOGS PA'I RNAM PAR 'JUG PA MDUN NA GNAS PA'I DNGOS PO NGES PA NYID

, ,MI 'THAD SNYAM NA 'DI LA ZHES SMOS SO, ,NGES PAR MA BYAS PA ZHES BYA BA NI RNAM PAR RTOG PAS MA BZUNG BA'O, ,GZUGS ZHES BYA BA NI GZUGS SO ZHES BYA BA'I RNAM PA CAN GYI RNAM PAR RTOG PAS SO, ,DE LA ZHES BYA BA NI GZUGS KYI BLO LA'O, ,CI STE NYAMS SU MYONG BA NYID MED CES BYA BA NI GZUGS KYI BLO LA'O, ,RIG PA NYAMS SU MYONG BA MED KYANG KHYED KYI 'DOD PA DON GYIS GO BA LA SOGS PAS NGO BO'I THA SNYAD SRID PA YIN NA, RNAM PAR RTOG PA MED PAR GYUR PAS GSAL BA'I RNAM PAR NYAMS SU MYONG BA'I RANG BZHIN LA THA SNYAD MI SRID PAR JI LTAR 'GYUR ZHES 'BREL TO, ,DE LTAR BLO NYAMS SU MYONG BA MED PAR KHAS BLANGS NAS BRJOD PA YIN NO, ,DE NI GZUGS KYI BLO LA YANG NYAMS SU MYONG BA YOD PA NYID DO ZHES BSGRUB PA BRJOD PA NI DE ZHES BYA BA'O, ,DE'I TSE ZHES BYA BA NI GZUGS MTHONG DUS NA'O, ,BDAG GI GZUGS MTHONG BA'I ZHES BYA BA'I RNAM PA CAN RNAMS PAR RTOG PA DANG BCAS PA'I MNGON SUM DE'O, , GZUGS MTHONG BA NYID YIN NAM ZHES BYA BA NI GZUGS MTHONG BA'I RANG BZHIN NO, ,BRTAG PAR BYA BA BDAG NYID CES BYA BA NI BDAG GIS GZUGS MTHONG BA ZHES BYA BA'I RNAM PAR BRTAG PAR BYA BA BDAG NYID RTOG PA NI, DE'I TSE RNAM PAR RTOG PA GNYIS ZHES BYA BA GZUGS KYI RNAM PAR RTOG PA DANG, RANG GI NGO BO'I RNAM PAR RTOG PA'O, ,CI STE DANG PO GZUGS RNAM PAR RTOG PA YIN LA, PHYIS NI BDAG NYID RNAM PAR RTOG PA YIN, GCIG LA ZHES GSUNGS SO, ,DUS GCIG TU RNAM PAR RTOG PA 'BYUNG PA KHO NA'O ZHE NA, MTHONG BA YANG ZHES SMOS SO, ,DE NYID CES BYA BA NI GZUGS KYI BLO'O, ,GZUGS LA SOGS PA NYAMS SU MYONG BA'I BDAG NYID CAN DANG RANG GI NGO BO MYONG BA'I BDAG NYID CAN NO, ,DE'I TSE RIM PA YANG RIM PA MA YIN PA ZHES BYA BA NI BLO LTA YIN PA'I PHYIR, DUS GCIG TU GNYI GA YANG 'GYUR, ,DOGS PA NA RIM PA MA YIN PA NYID YIN PAR 'GYUR RO, ,GZHAN DAG BSAM PA MI RTOGS PAS SMRA BAS NI, DE YANG ZHES BYA BA STE RIM PA MED PA'O, , 'DI LA BRJOD PA NI THUG PA MED PAR ZHES BYA BA'O, ,GAL TE BLO GCIG CES BYA BA LA SOGS PA YANG BZLAS PAR BYA BA YIN PA'I PHYIR RO, ,GANG GIS RIM MA YIN PAR 'GYUR RO ZHES BRJOD PA NI, GCIG LA RIM PA JI LTAR MI RING ZHE NA, GZUGS LA ZHES BYA BA'O, ,'ON TE GCIG LA MNGON PAR ZHE NA PA NA GZHAN LA

MNGON PAR ZHEN PAR MI 'GYUR MOD DE LTA BAS NA YANG BLO GCIG NYID KHO NA RES 'GA' NI DE LA MNGON PAR ZHEN PAR BYED LA, RES 'GA' GZHAN YIN NO ZHE NA MNGON PAR ZHEN PA MA YIN PA'I ZHES BYA BA'O, ,DE LA YANG ZHES BYA BA NI MNGON PAR ZHEN PAR BYED PA LA'O, ,RNAM PAR TOG PA GNYIS PA LA RNAM 'GREL NYID 'GOD PA NI DES NI ZHES BYA BA'O, ,DUS MTSUNGS PA'I RNAM PAR SHES PA NYAMS SU MYONG BA LA, GZUGS KYI RNAM SHES NYAMS SU MYONG BA DANG, 'DI NI GZUGS KYI RNAM SHES MYONG BA'O ZHES BYA BA DE LTA BU'I RNAM PA CAN YOD PA NA GCIG PAR RTOG PA GNYIS SU THAL LO, ,RNAM PAR RTOG PA GNYIS SU 'GYUR MOD SNYAM NA NYAMS SU MYONG BA'I GNOD PA BZHAG NAS SUN 'BYIN PA GZHAN NYID BRJOD PA NI DES NA DE LA YANG ZHES BYA BA NI 'DI NI GZUGS KYI RNAM PAR SHES PA'O ZHES BYA BA LA SOGS PA DE LTA BU'I RNAM PA CAN LA'O, ,GZHAN LA DU ZHES BYA BA NI 'DI NI GZUGS KYI RNAM PAR SHES PA'O ZHES BYA BA LA SOGS PA'I RNAM PAR RTOG PA CAN DU'O, ,GZHAN PHYIS 'BYUNG BA NYID BRJOD PA NI, MNGON SUM MAM ZHES BYA BA'O, ,DE'I TSE YANG ZHES BYA BA NI BLO PHYIS MA SKYES PA'I TSE YANG NGO, ,RIG PA NI ZHES BYA BA NI GZUGS RIG PA'O, ,'DI NI GRANGS CAN GYI LUGS YIN TE DE DAG GI NI RIG PA RTAG PA NYID DU KHAS BLANGS PA'I PHYIR RO, ,'DI LA BRJOD PA NI 'O NA ZHES BYA BA'O, ,GZUGS 'DZIN PA'I RANG BZHIN GYI RIG PA BLO PHYI MAS MI GZUNG BA'I 'ON KYANG RIG PA TZAM ZHIG MTHUN PAR 'GYUR RO ZHES DGONGS PA'O, ,GAL TE GZUGS NYAMS SU MYONG BAR BGYI BAS MA BZUNG MOD, DE LTA NA YANG GZUGS KYI BLO NI GZUNG BAR 'GYUR RO ZHE NA BLO GZHAN YANG ZHES GSUNGS TE, GANG GIS GZUGS 'DZIN PA'I RANG BZHIN MA BZUNG BAR BLO GZUNG BAR 'GYUR BA GZUGS 'DZI PA LAS GZUGS KYIS BLO GZHAN YANG YOD PA NI MA YIN NO ZHES BYA BA'I DON TO, ,CI STE BLO'I RANG BZHIN RTOGS PA SEMS PA YOD PA'I MTSAN NYID CAN YIN PAS PHYIR MA 'DZIN PA'I DUS NA YANG YOD PA YIN NO ZHES BLTA BAR BYA'O, ,LAN BRJOD PA NI 'O NA NA NI ZHES BYA BA'O, ,DE'I TSE NI PHYI MA 'DZI PA'I DUS NA'O, ,GANG DU NYE BAR MKHO BA YIN ZHES BYA BA NI RTOG PA'I RANG BZHIN GZUNG YANG GZUGS 'DZIN PA MA BZUNG BA'I PHYIR RO, ,GANG YANG NYE BAR MKHO BA MED DO, ,GZUGS 'DZIN PA'I RANG

, ,BZHIN MA BZUNG MOD, CI SKYON SNYAM NA DES NA ZHES SMOS SO, ,'DI YIN NO ZHES DA LTAR BAR BSTAN PA MI 'THAD DE GZUNG BZHIN PA NYID LA DE LTAR BSNYAD PA'I PHYIR RO, ,GZUGS 'DZIN PA DE NI 'DAS PA'I RANG BZHIN KHO NAR MNGON SUM GYIS 'DZIN PA DES NA BYUNG BAR GYUR TO ZHES BYA BAR 'GYUR RO ZHE NA DE LTAR NI ZHES GSUNGS SO, ,'ON TE ZHES BYA BA NI GZHAN GYI'O, ,DE LTA NA YANG 'DAS PA NYID KYIS NI BYUNG BAR GYUR RO ZHES BYA BAR 'GYUR LA, DA LTAR BA NYID KYIS NI MNGON SUM GYIS GZUNG BA NYID DU 'GYUR BA YIN NO ZHES BYA BA NI GZHAN GYIS BSAMS PA'O, ,LAN NI DE LTAR YIN NA ZHES BYA BA'O, ,BLO PHYI MA'I DUS NA CI LTAR GZUGS 'DZIN PA GNYI GA'I RANG BZHIN YIN PA DE BZHIN DU SNGAR YANG YIN TE DES NA 'DAS PA NYID KYANG SNGAR YOD DO ZHES BYA BA 'DI LTAR ZHES BYA BA'O, ,KUN GYI TSE 'DAS PA YIN GYI RGYUS GZUGS 'DZIN PA DE NI KUN TSE STE, DUS THA DAD DU DA LTAR BA MA YIN NO, ,DE LTAR YIN DANG GZUGS 'DZIN PA YOD DO ZHES BYA BA MA 'THAD PAR 'GYUR TE, 'DAS PA NI DA LTAR BA NYID DU BSTAN PA MI 'THAD PA'I PHYIR RO, ,'ON TE SNGAR GZUGS 'DZIN PA DA LTAR BYUNG BA YIN LA ZHES RIG PAR BYA'O, ,GCIG CES BYA BAR MI 'GYUR RO ZHES BYA BA NI DA LTAR DANG 'DAS PA DAG PHAN CHUN SPANGS TE 'GAL PA'I PHYIR RO, ,'ON TE 'DAS PA DANG DE LTAR GCIG YIN NA GNYI GA YANG DA LTAR BA DANG 'DAS PA NYID DU 'DZIN PAR 'GYUR RO, ,RIM GYIS GNYI GA YANG YIN ZHES RIM GYIS 'DZIN NA ZHES SMOS SO, ,JI LTAR MNGON SUM GYIS GZUNG BA'I DNGOS PO DE KHO NA LTAR RNAM PAR 'JOG PA YIN TE, DE LTA MA YIN NAM 'DRES PA NYID DU MI 'GYUR RO, ,MNGON SUM GYIS SNGON PO'I RANG BZHIN DU GZUNG BA YANG SNGON PO MA YIN PAR THAL BA'I PHYIR RO, ,DE BZHIN DU GAL TE MNGON SUM LA RIM PAR SNANG NA 'DI RIM PA CAN KHO NAR 'GYUR TE, RIM GYIS GZUNG BA NI RIM PA MED PAR MI 'THAD DO, ,RIM PA CAN YANG JI LTAR GCIG TU 'GYUR, GCIG LA RIM PA CI LTAR MI 'THAD SNYAM NA GCIG SPANGS NAS ZHES BYA BA'O, ,GAL TE NGES PA LA RIM GYIS 'DZIN PA MI SRID NA 'O NA DRAN PAR 'GYUR RO ZHE NA DRAN PA YANG ZHES BYA BA'O, ,GZUGS 'DZIN PA'I RTOG PA GANG YIN PA STE, MNGON SUM GYI RANG BZHIN NAM DRAN PA'I RANG BZHIN NAM, RJES SU DPAG PA'I RANG

BZHIN YIN YANG RUNG STE MED PA KHO NAR THAL LO, ,RNAM 'GREL GYI PHYED DANG PO BSHAD NAS PHYAG PHYI MA 'CHAD PA NI GAL TE ZHES BYA BA'O, ,MYONG BA 'DI'I RANG GI NGO BOS RTOGS PA MED MOD, CHAD PA CI YOD SNYAM NA DE LTA NA 'DI SU'I ZHES BYA BA'O, ,GZHAN GYI RTOG LA RJES SU DPAG PA'I RANG BZHIN GANG YIN PA DE DANG RANG GI RANG BZHIN 'DZIN PA 'DRA BA NYID DU 'GYUR TE, 'DI NI RANG GI BLO YIN NO ZHES RTOG PAR MI 'GYUR RO, ,GZHAN GYI RTOG PA GANG YIN PA DANG BDAG GI BLO GANG YIN PA NYID GANG YANG 'DAS PA DRAN PA RANG BZHIN DU KHYAD PAR MED PA'I PHYIR RO, ,'DI JI LTAR SHES PAR BYA BA YIN ZHES BYA BA NI, 'DI'I DON CI YIN ZHES BYA BA'I DON TO, ,'DOD PA NYID DO ZHES BYA BA NI RANG RIG PA MED PAR SMRA BAR RIG PA CAN LA SOGS PA NI JI LTAR GZHAN GYI BLO BLO GZHAN GYIS YONGS SU GCOD PA DE BZHIN DU, RANG GI BLO YANG YONGS SU GCOD PAR 'DOD PA NYID DO, ,DES NA JI LTAR DE LA 'DI THAL CANG THAL BAR 'GYUR, RNAM PAR RTOG PA GNYIS PA GSAL BA'I DON DU SMRAS PA NI 'ON TE ZHES BYA BA'O, ,GZHAN GYI BLO GANG YIN PA DE YONGS SU GCOD PA DANG, RANG GI BLO YONGS SU MTSUNGS PA NYID YIN NA, DE LA GZHAN GYIS SMRAS PA NYID DE NI MA YIN TE ZHES BYA BA'O, ,GZHAN GYI BLO YONGS SU GCOD PA MED PA'I PHYIR RO ZHES BYA BA NI GZHAN GYI BLO YONGS SU GCOD PA DANG RANG GI BLO YONGS SU GCOD PA NI MTSUNGS PA NYID MED PA'I PHYIR RO ZHES BYA BA'I DON TO, ,DE NYID GSAL BAR BYED PA NI GZHAN GYI BLO NI ZHES BYA BA'O, ,JI LTAR YONGS SU GCOD CES PA NI RANG GI BLO'O, ,DE LTA MA YIN NA ZHES BYA BA NI, GAL TE MNGON SUM BYAS PA YANG 'DAS PA NYID DU 'GYUR BA'I'O, ,DE YANG NI RJES SU DPAG PA'O; ,MTSUNGS PA NYID DU ZHES BYA BA NI GZHAN GYI BLO YONGS SU GCOD PA DANG, DANG GI BLO YONGS SU GCOD PA'O, ,GZHAL BA'I TSAD MAS ZHES BYA BA NI, DON GYIS GO BA LA SOGS PA'O, ,YANG JI LTAR NA RJES SU DPAG PA NYID DU KHYAD PAR MED NA GZHAN GYI BLO BZHIN DU RANG GI BLO YANG GZHAN 'BREL BA NYID MI RTOG SNYAM PA GZHAN DU ZHES BYA BA'O, ,GZHAN NI ZHES BYA BA NI RANG GI BLO'I RANG BZHIN NO, ,RNAM PA GZHAN DU ZHES BYA BAS NI GZHAN GYI BLO'I RANG BZHIN NYID DU'O, ,MNGON SU BYED PA'I RANG BZHIN DU 'DZIN PA YIN NA NI RJES SU DPAG PA'I DRAN PA LA, RANG GI BLO'I RANG BZHIN DU NGES PA 'DI SRID PAR 'GYUR RO, ,JI LTAR

, ,SRID SNYAM NA 'DZIN PA SNGA MA'I RJES 'JUG PHYIR TE RJES SU 'JUG PA'I PHYIR RO, ,GAL TE MNGON SUM GYIS DE'I RANG BZHIN NAM YANG MA RTOGS NA DE'I TSE JI LTAR RJES SU DPAG PAS KYANG RTOGS PAR 'GYUR ZHES BSAMS PA'O, ,DE BZHIN DU ZHES BYA BA NI GZHAN DANG 'BREL PA NYID DU MNGON SUM MED PA'I PHYIR RO, ,RANG GI PHYOGS LA SKYON SPONGS PA NI RANG RIG PA NYID YIN NA ZHES BYA BA'O, ,DE DANG GZHAN GYIS BYAS PA ZHES BYA BA NI RANG RIG PA MA YIN PAS BYAS PA'O, ,DE LTA MA YIN NA NI ZHES PA RANG GI LUS DANG 'BREL PA NYID DU RJES SU DPAG NA NI GZHAN YIN NO ZHES BYA BA RANG GI BLO'O, ,'DI LA LAN NI BDAG GI ZHES BYA BA LA SOGS PA'O, ,'BYUNG BAR GYUR PA'I RNAM 'GREL GYI DON BRJOD PA NI, 'ON TE ZHES BYA BA'O, ,RTZOD PA 'DI LA RE ZHIG RANG NYID KYI SKYON BRJOD PA NI, GZUGS LA SOGS PA ZHES BYA BA'O, ,DE'I RANG BZHIN GYI BLO ZHES BYA BA NI GZUGS KYI RNAM PA CAN GYI BLO 'DZIN PA NYID GZUGS 'DZIN PA YIN GYI, GZUGS 'DZIN PA GZHAN NI YOD PA MA YIN NO, GZUGS KYI BLO LA YANG DE LTAR 'DZIN PA YIN NO ZHE NA, BLO NI DE LTAR 'DZIN PA MA YIN TE, CI'I PHYIR ZHE NA, GZUGS KYI BLO'I BLO DUS PHYI MA 'BYUNG BA DAG YIN PA DE 'DZIN PA MED PA'I PHYIR TE, BLO GZHAN KHAS MA BLANGS PA'I PHYIR RO, , DPER NA GZUGS KYI RNAM PA CAN GYI SHES PA RIG PA NYID GZUGS RIG PA YIN PA DE BZHIN DU GAL TE GZUGS KYI BLO'I RNAM PA CAN RIG PA SRID NA NI, DE'I TSE RIG PA ZHIG NA 'ON KYANG BLO'I RNAM PA CAN GYI SHES PA RIG PA NI SRID PA MA YIN TE THA DAD PA MI SRID PA'I PHYIR DANG, RANG RIG PA NI KHAS MA BLANGS PA'I PHYIR RO, , BLO'I BLO YANG ZHES BYA BA NI, GZUGS KYI BLO'I BLO GANG YIN PA DE YANG 'DZIN PA DE DE'I 'DZIN PAR BYED PA YANG GZHAN YIN NA ZHES BYA BA'I DON TO, ,DE LTAR 'GYUR NA NI ZHES BYA BA NI THUG PA MED PAR 'GYUR PA'O, ,THAMS CAD MA BZUNG BA NYID DU BA NI GCIG MA GRUB NA THAMS CAD MI 'GRUB PO ZHES DGONGS PA'O; ,GZUGS KYI BLO'I BLO GANG YIN PA DE MA BZUNG BA NYID PA YIN NA STE, 'DZIN BYED KYI BLO PHYI MA MED NA'O, ,DE ZHUGS PA ZHES BYA BA NI GZUGS KYI BLO'I BLO LA ZHUGS PA'I GZUNG BA GZUGS KYI BLO'I MTSAN NYID DO, ,DE LTA MIN NA GZUGS KYI BLO MA RTOGS NA GZUGS KYI BLO'I BLO GANG YIN PA DE MA

BZUNG BA NYID YIN NA STE, 'DZIN BYED KYI BLO PHYI MA MED NA'O, ,DE ZHUGS PA ZHES BYA BA NI GZUGS KYI BLO'I MTSAN NYID DO, ,DE LTA MIN NA GZUGS KYI BLO MA RTOGS NA, GZUGS KYI BLO MA ZHUGS PA'I GZUGS KYANG MI RTOGS SO ZHES BYA BA'I DON TO, ,DA NI RNAM 'GREL LA BRJOD PA'I GNOD BYED BRJOD PA NI BLO'I BLOS ZHES BYA BA'O, ,CI STE BLO DANG PO'I ZHES BYA BA NI GZUGS KYI BLO GCIG TU DE'I DE MA THAG TU NI BLO'I, ,DE BZHIN DU YANG GZUGS KYI BLO DE NAS YANG DE'I BLO'I BLO YIN NA ZHES BYA BA'I DON TO, ,'CHAD PAR 'GYUR RO ZHES BYA BA NI, RGYUN MI 'CHAD PAR SNANG MI 'GYUR, ,ZHES BYA BA DER RO, ,GCIG TU NI RIGS GCIG PAR RO, ,MNGON SUM DU GCIG NYID CES BYA BA NI MNGON SUM GYI NGO BOR GCIG PA NYID GANG YIN PA DE DANG LDAN PAR RTOGS PAR MI 'GYUR RO, ,RIGS GCIG PA'I BLO MNGON SUM GYI RANG BZHIN GCIG TU MI 'GYUR RO ZHES BYA BA'I DON TO, ,CI'I PHYIR ZHES RNAM PAR CHAD PAR ZHES BYA BA STE, BLO DE LA RIGS MTHUN PA'I RIGS BLO SNGA MA DANG, PHYI MA RNAMS RNAM PAR CHAD PAR SNANG BA YIN GYI, RGYUN MI 'CHAD PA'I NGO BOR NI MA YIN NO, ,GCIG SNANG BA NA GNYIS PA SNANG BA MED PAR THAL BA'I PHYIR RO, ,DE LTAR YIN DANG GANG GI TSE BLO SNGA MA GCIG SNANG BA DE'I RJES THOGS LA BLO GZHAN SNANG BA DE'I TSE BLO SNGA MA MI SNANG BA'I PHYIR DE LA LTOS NAS BLO'I BLO DRAN PAR 'GYUR RO ZHES SNGAR BRJOD ZIN TO, ,KYANG SGRA NI DE LTAR NA YANG ZHES BYA BA'I DON LA YIN TE DE LTA NA YANG 'GAL BA MED DO ZHES BYA BA'I DON TO, ,SHES PA GANG GIS BRDAR BYA MI NUS PA DE LA DE SKAD CES BYA'O, ,RNAM PAR RTOG PA MED PA'I 'DZIN PA GANG YIN PA'I GZUNG PA DE LA DE SKAD CES BYA'O, ,DE LTAR BUR GYUR PA'I GZUNG BAR BYA BA RANG GI NGO BO 'DZIN PA GANG LA YOD PA ZHES DE LA YANG 'BRU MANG POS BSDU PA'O, ,GZHAN DANG YANG ZHES BYA BA NI LHAN CIG PA'I DON GYI GSUM PA YIN LA, RANG GI NGO BO NYID KYIS ZHES BYA BA NI BYED PA PO'I GSUM PA'O, ,DE BZHIN DU YIN PAR PAS BLANGS NA NI, DE'I TSI GZUGS LA SOGS PA YANG BYED PA PO 'DZIN BYED GZHAN GYIS SGRA'I CHOS GZHAN DANG LHAN CIG SBYOR BAR NUS PA MA YIN NO, ,CI'I PHYIR ZHE NA, RANG GI NGO BOS ZHES BYA BA LA SOGS PA'O, ,'O NA SNANG BA MA YIN PA'I PHYIR RO ZHE NA, RANG GI NGO BOS SNANG BA MA YIN PA ZHES GSUNGS SO, ,MI

, ,SNANG BA LA NI RANG GI NGO BO RTOGS PA NYID MED PAR DE SBYOR BAR CI LTAR 'GYUR, DE DANG DON GCIG NA ZHES BYA BA NI SGRA DE DANG DON GCIG PA DE RTOGS PA GANG LA YOD PA DE LA DE SKAD CES BYA BA'O, ,DE'I DON ZHES BYA BA NI SPYOD PA PA'I'O, ,DE LTA YIN NA NI 'DI BA LANG NGO SNYAM PA'I RNAM PA DANG, , BCAS PA SGRA'I RNAM PA DANG, 'DRES PA'I SHES PA NI KHYAD PAR TE RANG GI MTSAN NYID 'DZIN PA MA YIN NO, ,KHYAD PAR SNGAR DANG SBYOR BA MED PA'I PHYIR RO, ,RGYU THA DAD PA NYID STON PA NI 'DI LTAR ZHES BYA BA YIN NO, ,BRDA'I DUS DE BRDA PA'I TSE NYAMS SU MYONG BA'I SGRA GANG YIN PA DES GOMS PA ZHES BYA BA'I BAG CHAGS GZHAN PA GANG YIN PA DE'I STOBS NYID LA STE, PADMA'I DBANG GIS SKYE BA'ANG YIN NO, ,NYID KYI SGRA'I RNAM PAR GCAD PAR BYA BA BRJOD PA NI MIG LA SOGS PA ZHES BYA BA'O, ,SPYI'I RNAM PA GNYIS KYANG ZHES BYA BA NI MI 'DRA BA RNAMS LA YANG BA LANG ZHES NANG GI PA'I MTSAN NYID DO, ,DE MIG LA SOGS PA LAS MI 'BYUNG BA CI'I PHYIR ZHE NA, BSHAD PA MIG LA SOGS PA YOD KYANG ZHES BYA BA'O, ,DE DANG RJE SU MTHUN PA'I BAG CHAGS GANG YIN PA DE DANG BRAL BA'I SEMS GANG LA YOD PA'I SKYES BU LA SGRA DANG SPYI'I RNAM PA DE MED PA'I PHYIR RO, ,MIG LA SOGS PA'I RGYU RJES SU 'BREL PA LA SNANG BAS DON GANG YIN PA DE DANG LHAN CIG 'DI BA LANG ZHES BYA BA'I RNAM PA 'DIS ZHIG MTHUN PA'O, ,DE DANG ZHES BYA BA NI MNGON SUM GYI GZUNG BA DANG NGO, ,DE 'DZIN PA'I SHES PA MNGON SUM GYI MTSAN NYID DANG, MIG LA SOGS PA'I RGYUN GCIG LA RAG LAS PA'I SHES PA GANG YIN PA DE 'DI'O SNYAM PAS DES GZUNG BA MA YIN PAR MNGON SUM LA SNANG BA'I GEG LA SOGS PAR MI 'GYUR TE, GZHAN GYI GZUNG BA DE DANG YANG GZHI MTHUN PA CAN NYID SRID PA'I PHYIR RO, ,DA NI GZHI MTHUN PA NYID MI SRID DO ZHES BRJOD PA NI, RNAM PA GNYIS ZHES BYA BA STE GSAL BA DANG MI GSAL PA'I RNAMS PA GNYIS NYAMS SU MYONG BA DE LAS MA GTOGS PA'I'O, ,KHYAD PAR MED PA NYID BSTAN PA'I DON DU GZHAN GYI BRJOD PA NI RANG BZHIN GNYIS ZHES BYA BA'O, ,'DI LTAR ZHES BYA BA LA SOGS PAS NI DON DAM PAR GZHI MTHUN PA MED PA NYID DU STON PAR BYED DO, ,SHES PA 'DI GNYIS PO 'BA' ZHIG CES BYA BA LA, DE ZHES BYA BA NI SHES PA GCIG YIN LA 'DI ZHES BYA BA NI SHES PA

GNYIS PA YIN NO, ,GNYIS SU SNANG BA GZHAN LA ZHES BYA BA NI BUM PA DANG SNAM BU LA SOGS PA'O, ,BAG CHAGS ZHES BYA BA NI LAN NO, ,BAG CHAGS SAD PA YANG GZHAN LA CI STE MED SNYAM NA DON BYA BA'I ZHES GSUNGS SO, ,SHES PA GNYIS ZHES BYA BA NI GZHAN SMRA BA'O, ,LAN NI BAG CHAGS ZHES BYA BA'O, ,RNAM PAR RTOG PA DANG BCAS PA DANG, LHAN GYI SKYEN RGYU GCIG MNGON SUM GANG LA YOD PA DE'I DNGOS PO NYID DO, ,RTOGS PA MED PAR MED PA NI KHYAD PAR GANG GIS RTOGS PAR 'GYUR ZHES BYA BA 'DI LA GZHAN GYI LAN GYI DOGS PA BSU BA NI CI STE ZHES BYA BA'O, ,BDAG NYID THAMS CAD DAM RNAM PA 'GA' YANG SKYI LAS KHYAD PAR THA DAD PA MED PA GANG YIN PA DE'I PHYIR GAL TE KHYAD PAR RNAM PA RTOG PA DANG BCAS PA'I SHES PA'I RIGS PA YIN NA, DE'I TSE SHES PA KUN GCIG TU 'GRO BAR 'GYUR TE, SHES PA THAMS CAD SPYI DANG KHYAD PAR GYI RNAM PA CAN DU RTOGS PAR 'GYUR RO ZHES DGONGS PA'O, ,DE DANG THA MI DAD PA'I PHYIR RO ZHES BYA BA NI SPYI LAS THA MI DAD PA'I PHYIR RO, ,KHYAD PAR DANG BCAS PA'I SPYI SGRA'I SHES PA LA MI SNANG BA YIN NO ZHE NA 'DI LA BRJOD PA NI DE NYID CES BYA'O, ,KHYAD PAR DE DANG LHAN CIG RJE SU ZHUGS PA MA YIN TE 'DRES PA MA YIN PA NI'O, ,PHYIS NI MNGON SUM GYI 'DZIN PA'I DUS NA'O, ,'DI LA PA BRJOD PA NI 'DI NYID CES BYA BA STE, SNGAR 'BA' ZHIG RTOGS PA GANG YIN PA'O, ,DE'I TSE NI 'DRES PAR GYUR PA'I DUS NA'O, ,SNGAR 'BA' ZHIG RTOGS PA DE RJES SU 'JUG PA NI MA YIN NO, ,DE PHYIS RJES SU 'JUG PAR MI 'GYUR BA CI'I PHYIR ZHE NA, DE NI ZHES GSUNGS SO, ,KHYAD PAR DANG MI 'DRI BA'I RANG BZHIN GANG GI RANG GI SHES PA SGRA LAS BYUNG BA LA SPYI SNANG BAR 'GYUR BA'I RANG BZHIN DE NYID KYI SPYI DE DE KHO NA STE, RANG BZHIN YIN NO, ,DPER NA AUTPALA SNGON PO'I RANG BZHIN GANG GI RANG GI SHES PA LA SNANG BA DE NYID DE'I DE KHO NA YIN TE, SER PO'I RANG BZHIN GYIS NI MA YIN PA BZHIN NO, ,KHYAD PAR DANG MA 'DRES PA 'BA' ZHIG PA'I RANG BZHIN DE MNGON SUM GYI DUS NA MED NA NI SPYI NYID PAR 'GYUR TE, SNGON PO MED NA AUTPALA BZHIN NO, ,'DI NYID STON PA NI, GAL TE SPYI DE SGRA LAS BYUNG BA SHES PAS MTHONG BA'I RANG BZHIN DENG, MNGON SUM

, ,LA SNANG NA DE'I TSE JI LTAR RJES SU 'JUG PAR RTOGS TE, 'BA' ZHIG SNANG BA'I PHYIR MA RTOGS PA KHO NA'O, ,GAL TE SNGAR MTHONG BA'I RANG BZHIN 'BA' ZHIG PA DER SNANG BA MA YIN GYI, 'ON TE 'DRES PA NYID DU SNANG BA YIN PA DE'I TSE YANG, JI LTAR RJES SU 'JUG PA RTOGS TE SNGAR MTHONG BA'I RANG BZHIN TE, ZHIG PAS NI, 'DREN PA GZHAN KHO NA ZHIG SNANG BA'I PHYIR RO, ,GAL TE SNANG BA MED NA DE NI GCIG MA YIN LA DU MA YANG MA YIN TE, GCIG DANG DU MA NYID LA DU MA YANG MA YIN TE, GCIG DANG DU MA NYID NI SNANG BA LA SEMS PA'I PHYIR RO, ,SPYI YANG MNGON SUM GYI DUS NA SNANG BA MA YIN TE, DES NA JI LTAR 'GYUR ZHES DGONG PA'O, ,DES NA RGYU MIG LA SOGS PA MED PAS SKRA LAS BYUNG BA'I SHES PA LA GCIG TU SNANG BA MED PA'I KHYAD PAR YANG DU MA NYID YIN NO, ,'ON TE KHYAD PAR KHONG DU CHUD PAR KHAS LEN TE, MIG LA SOGS PAS KHYAD PAR SKYES PA GA LA YOD PA'I RIG PA STE RIG DE LAS SO, ,RTOG PA DANG BCAS PA DANG, RTOG PA MED PA DAG GI RGYU GCIG KHO NA YIN TE, DES NA DE DANG RGYU MTSUNGS BA NA GZHAN DAG KYANG RNAM PAR RTOG PA DANG BCAS PAR 'OS PA KHO NA'O SNYAM NA, RNAM PAR RTOG PA DANG BCAS PA'I ZHES GSUNGS SO, ,PHAN TSUN SPANGS TE GNAS PA'I NGO BO GANG DAG YIN PA'I TSOGS PA DE DAG GI STOBS KYIS BSKYED PA'I DBANG PO'I RNAM PAR SHES PA NYID KYI NGO BO 'GYUR PA'I RTOGS BA GANG YIN PA DE GNYIS LA DE SKAD CES BRJOD DO, ,RANG GI NGO BO STE RANG BZHIN GYI TSOGS PA GANG YIN PA DE LAS 'BYUNG BA SKYES PA DE LA BRTEN PA LA DE SKAD CES BYA BA'O, ,GCIG NI RANG BZHIN DANG ZHES BYA BA'I DON TO, ,TSOGS PA THA DAD PA BRJOD PA NI SBYOR BA NI ZHES BYA BA'I DON TO, ,DE LA NI ZHES BYA BA NI DBANG PO RNAM PAR SHES PA LA'O, ,RGYU MED PA NYID BRJOD PA NI, ,RGYU MED PA ZHES BYA BA'O, ,PHYIR ROL SGRA DANG SPYI LA SOGS PA DANG 'BREL PAR KHAS BLANG NAS RNAM PAR RTOG PA MED PA NYID SGRUB PA DON DU BRJOD PA NI DE YANG MI BDEN TE ZHES BYA BA'O, ,GANG ZHIG DANG 'BREL PA DE NI DER SNANG BA KHO NA YIN NA, DES NA CI STE TSAD MA'I YUL DU

'GYUR BA MA YAN SNYAM NA, DE LTA YIN NA ZHES GSUNGS SO, ,'ON TE ZHES BYA BA NI DOGS PA BSU BA'O, ,PHYOGS 'DI LA YANG RE ZHIG SGRA DANG 'DRES PA NI MED DO ZHES BRJOD PA NI, ,DE YANG MI BDEN TE SGRA MI 'DZIN PA ZHES BYA BA'O, ,DE LTA MA YIN NA ZHES BYA BA NI SNAM BU LA SOGS PA LA SGRA YOD NA'O, , THE TSOM ZA BAR MTHONG BA NYID DU SGRUB PA NI DON TE ZHES BYA BA STE, SNAM BU'I MTSAN NYID KYI DON TE MNGON SUM GYIS GRUB KYANG RJOD PAR BYED PA'I BYE BRAG SNAM BU LA SOGS PA'I SGRA MI DRAN PA'I PHYIR RO, ,GAL TE SNAM BU LA SOGS PA LA MED PA'I PHYIR SGRA LA SOGS PA MNGON SUM LA MI SNANG MOD MTSUNGS BA'I RNAM PAR NYID NI 'GYUR RO SNYAM PA NI MTSUNGS PA'I RNAM PA NYID DU NA ZHES BYA BA'O, ,MA YIN TE ZHES BYA BA NI LAN NO, ,GANG GI TSE DANG PO KHO NAR BA LANG MTHONG BA DE'I TSE MTSUNGS PA'I RNAM PA NYID DU NGES PA YANG MED DO ZHES BYA BAR BSAMS PA'O, ,'DI BA LANG NGO SNYAM PA LA SOGS PA'I SHES PA RNAM PAR RTOG PA DANG BCAS PA NI SKYED PAR BYED PA YIN NO ZHES 'BREL TE MA LTOS PAR NI ZHES BYA BA NI BRDA DRAN PA LA ZHES 'BREL TO, LHAN CIG BYED PA GZHAN DAG KYANG BSTAN PA'I PHYIR BRJOD PA NI GANG GI TSE ZHIS BYA BA'O, ,RGYU DES NA BRDA MA BZUNG BA DANG SNGON MTHONG BA DANG BRAL BA LA NI 'DI BA LANG NGO SNYAM PA'I SHES PA MI 'GYUR BA NYID DE, BRDA 'DZIN PA DANG SNGON MTHONG BA LHAN CIG BYED PA MED PA'I PHYIR RO, ,DE DANG ZHES BYA BA NI SNGON MTHONG BA DANG NGO, ,RE ZHIG SNGAR NYAMS SU MYONG BA YOD PA YIN NO ZHES BSGRUBS NAS DRAN PA YANG YOD DO ZHES STON PA NI SO SOR BA'I ZHES BYA BA'O, ,SNGON GYI SEMS SU MYONG BA DANG DRAN PA DAG SRID PAR BRJOD NAS PHYOGS KYI CHOS NYID YOD PAR SGRUB PA'I DON DU, DA LTAR BA'I RTAGS MTHONG BA STON PA NI SO SOR NGES PA'I ZHES BYA BA'O, ,MTHONG BA KHO NAR SAD BYED DU 'GYUR RO SNYAM NA, SO SOR NGES PA'I ZHES GSUNGS SO, ,RGYU DES MNGON SUM GYIS GZUNG BA'I DON DE MTHONG BA NA'O, ,DE DRAN PA NA ZHES BYA BA NI RJOD PAR BYED PA DRAN PA'I BYA PA LA'O, ,'ON TE ZHES BYA BA LA SOGS PA NI GZHAN GYI'O, ,'GA' ZHIG MNGON SUM GYI KHYAB PA GDON MI ZA BAR RTOGS DGOS TE, DE LTA MA YIN NA RJES SU DPAG PA THUG PA MED PAR 'GYUR BA'I PHYIR RO ZHES BSAMS PA'O, ,CHA SHAS ZHES BYA BA NI LAN NO, ,CHA SHAS RNAM PA NYID JI LTAR CI YIN ZHE NA, CHA

, ,SHAS RNAMS KYI MTSUNGS PA YANG ZHES BYA BA NI DE 'DRA BA'I ZHES BYA BA'O, ,YAN LAG CHA SHAS KYI BYE BRAG RNAMS SO, ,JI LTAR ZHE NA JI SRID DU ZHES BYA BA'O, ,DBANG PO'I BYED PAS SBYOR BA NI ZHES BYA NI BA LANG ZHES BYA BA DE LTA BU LA SOGS PA STE, DE NI MNGON SUM KHO NA'O, ,DE LTA YIN NA ZHES BYA BA NI LAN NO, ,PHYOGS 'DI NA NI ME'O ZHES BYA BA'I RNAM PA 'DIS SA PHYOGS DANG ME SBYOR BAR BYED PA GANG YIN PA DE NI DBANG PO'I BYED PA DANG BRAL NA 'GYUR BA MA YIN NO, ,GAL TE DBANG PO'I BYED PA DANG MA BRAL BAR MNGON SUM GYIS SBYOR BA YIN NA RJES SU DPAG PA JI LTAR MNGON SUM NYID MI 'GYUR TE, 'GYUR BA NYID DO ZHES BYA BA'I THA TSIG GO, ,SBYOR BA NI ZHES BYA BA NI PHYOGS DANG ME SBYOR BA NA'O, ,PHYOGS TZAM LA NI ZHES BYA BA NI PHYOGS TZAM GYI YUL LA MNGON SUM SKYE BA YIN LA, PHYOGS DANG ME SBYOR BA NI RJES SU DPAG PA LAS YIN NO, ,YANG JI LTAR ME SBYOR BA NYID MNGON SUM MA YIN ZHE NA, ME LA ZHES GSUNGS TE, GANG GI PHYIR ME'I YUL LA DBANG PO'I SHES PA MED PA DE'I PHYIR, JI LTAR SBYOR BA MNGON SUM DU 'GYUR, GAL TE MNGON SUM GYIS ME MA BZUNG BA DE LTA NA YANG DE SBYOR BA NI MNGON SUM DU 'GYUR RO ZHE NA, GANG GI PHYIR MA BZUNG BA NI SBYOR BA MA YIN NO, ,RJES SU DPAG PA KHO NA LAS ZHES BYA BA NI, MNGON SUM LAS MA YIN PA'O, ,MNGON SUM GYIS MA BZUNG BA ZHES BYA BA NI ME LA SOGS PA'O, ,DE DANG ZHES BYA BA NI SA PHYOGS DANG ME RTOGS PA NI ME LA SOGS PA STE MNGON SUM GYIS SO, ,DE DANG PAS NI PHYOGS DANG LDAN PAR RTOGS SO ZHES BYA BA NI RANG GI TSIG DANG 'GAL BA YIN NO, ,GANG LA RTOGS PA TZAM NYID PA DE LA RTOGS PA'I KHYAD PAR JI LTAR YOD CES BYA BA'I THA TSIG GO, ,DE LTAR NA RE ZHIG GRUB PA'I MTHA' PAS MNGON SUM GYIS NI SBYOR BA MI SRID DO ZHES BSTAN PA NA, GZHAN DAG RJES SU DPAG PAS MI SRID DO ZHES BRJOD PA NI, RJES SU DPAG PA'I ZHES BYA BA LA SOGS PA'O, , RI LA SOGS PA'I PHYOGS LA NI RJES SU DPAG PA 'JUG PA MA YIN NO, ,GAL TO PHYOGS SU DPAG PAS MA RTOGS KYANG MED DANG SBYOR RO SNYAM NA MA BZUNG BA NI ZHES SMRAS SO, ,'O NA PHYOGS KYANG RJES SU DPAG PAS RTOGS SO SNYAM NA, MNGON SUM DON NI ZHES BYA BA'O, ,SA PHYOGS RJES SU DPAG PAR BYA BAR

KHAS LEN NA NI MNGON SUM NYID DU MI 'GYUR RO, ,'ON TE TSAD MA'I RNAM PAR GZHAG PA TSOL BA'I PHYIR NA MNGON SUM GYI YUL GANG YIN PA DE NYID RJES SU DPAG PAR BYA BA YIN NO SNYAM NA TSAD MA'I RNAM PAR GZHAG PA NYAMS PAR NI MI 'DOD DO ZHES GSUNGS SO, ,'DI LA GRUB PA'I MTHA' BAS BRJOD PA NI DON DAM DU NI ZHES BYA BA'O, ,'O NA PHYOGS DANG ME JI LTAR SNYAM NA, RNAM PA DE LTA'I ZHES BYA BA'O, ,GNYI GA'I ZHES BYA BA NI MNGON SUM DANG RTAGS NGES PA'I'O, ,MNGON SUM NI RIL SOGS PA TZAM 'DZIN PA YIN LA RJES SU DPAG PA NI RTAGS NYID DE RJES SU DPAG PA'I RGYU YIN PA'I PHYIR DANG SHES PAR BYED PA'I RGYU'I SKABS YIN PA'I PHYIR RO, ,NGES PA YANG SHUGS KYIS 'THOB STE, DES MNGON SUM DANG RTAGS NGES PA'I RJES SU BYUNG BA ZHES BYA BA'I DON TO, ,RNAM PAR RTOG PA RNAM PAR BRJOD PA NI, 'DI NI 'DI LA'O ZHES BYA BA'O, ,DE YANG ZHES BYA BA NI RNAM PAR RTOG PA'O, ,'DI'I RGYU MTSAN BRJOD PA'I DON DU PHYOGS SNGA MA 'GOD PA BRJOD PA NI RJES SU DPAG PA YANG JI LTAR SBYOR BAR BYED PA'I RANG BZHIN DU SKYE BA YIN ZHES BYA BA'O, ,LAN BRJOD PA NI MNGON SUM GYIS DE LTAR GZUNG BA'I PHYIR RO ZHES BYA BA STE, CHAD PA LA SOGS PA GZHAN DU GNYI GA'I RANG BZHIN MTHONG BA'I PHYIR RO ZHES BYA BA'I DON TO, ,GAL TE DBANG PO'I RNAM PAR SHES PA DRAN PA LAS KYANG 'GYUR BA NI, DE'I TSE DUS GZHAN DU ZHES BYA BA DON MED PA'I DUS SU YANG DBANG PO'I BLO 'BYUNG BAR 'GYUR RO, ,'ON TE DUS GZHAN DU NI DRAN PA YANG MED PA KHO NA YIN PA DES NA JI LTAR DBANG PO'I RNAM PAR SHES PA SKYE STE, RGYU MED PAR PHYIR RO ZHE NA, 'BA' ZHIG LA ZHES GSUNGS SO, ,DE'I TSE SRID PA'I PHYIR RO ZHES BYA BA NI DON MED PA'I DUS NA'O, ,GANG GI PHYIR DBANG PO'I RNAM PAR SHES PA'I RGYUR GYUR PA DRAN PA'I MTSAN NYID KYI RNAM PAR RTOG PA CAN GZHAN SRID PA'I PHYIR ZHES BYA BA LA SOGS PAR BSDEBS SO, ,DE KHO NA DE LTAR ZHES BYA BA NI RNAM PAR RTOG PA MED PA'I SHES PA'I RGYU NYID DU'O, ,GNYIS ZHES PA NI RNAM PAR RTOG PA DANG BCAS PA DANG RTOG PA MED PA'O, ,GZHAN DU NI MA YIN NO ZHES BYA BA NI DRAN PA DANG BRAL BAS SO, ,DE LTAR ZHES BYA BA NI LHAN CIG PA NYID DU'O, ,MNGON SUM SKYED PA NA DRAN PA DBANG PO LA LHAN CIG PA NYID DU MTHONG BA KHO NA'O ZHE NA DRAN PAS NI ZHES BYA BA'O, ,'ON TE ZHES BYA BA NI GZHAN

, ,GYI'O; ,MIG LA SOGS PA'I SHES PA DRAN PA NGES PA'I RANG BZHIN DU BYED PA YIN NO ZHES SBYAR RO, ,LAN NI DE YANG ZHES BYA BA'O, ,RANG BZHIN DE ZHES BYA BA NI MNGON SUM GYIS GZUNG BA'I RANG BZHIN LHAG CHAD MED PAR RO, ,THA DAD MED PHYIR ZHES BYA BA NI MNGON SUM SNGA MA'I YUL DE'O, , DE DNGOS MED NA ZHES BYA BA NI NGES PA'O, ,'ON TE DE LA ZHES BYA BA NI NGES PA LA'O, ,DE ZHES BYA BA DES PA'I SHES PA'O, ,DBANG PO'I SHES PA LAS RANG BZHIN GZHAN DU'O, ,DE NYID LA ZHES BYA BA NI MNGON SUM GYI MTHONG BA NYID LA 'JUG PA'O, ,'DI'I ZHES BYA BA NI RNAM PA 'DIS 'JUG PA'I RNAM RTOG MED PA NYID DU 'GYUR TE, YID KYI MNGON SUM NYID DU 'GYUR RO ZHES BYA BA NI THA DAD DO, ,DON BYA DANG SOGS PA'I SGRAS NI RIGS LA SOGS PA DANG 'BREL BA GNAG YIN PA DANG, DE NYID KYI SNGA MA DANG PHYI MAR TE GNYIS PO DER MI RTOGS PA'I PHYIR RO, ,GAL TE DON DANG 'BREL BA LA SOGS PA RNAM PAR RTOG PAR MI BYED MOD, DE LTA NA YANG 'DI NI RNAM PAR RTOG PA NYID YIN NO ZHE NA, RNAM PAR RTOG PAR MI BYED PA NYID NI ZHES SMOS SO, ,DE NI ZHES BYA BA NI GSAL BA'I RNAM PA CAN MNGON SUM GYI YUL NI DE LTAR ZHES BYA BA RNAM PA GSAL BA NYID DU'O, ,DE MED NA ZHES BYA BA NI DRAN PA MED NA'O, ,DE'I RANG BZHIN DU SHES PA ZHES BYA BA NI, DE'I RNAM PA GSAL BAR 'DZIN PA'I SHES PA'O, ,YOD KYANG ZHES BYA BA NI YOD PA MIN YANG 'DI'O ZHES BYA BAR SNANG BA DES NI KHYAD PAR GZHAN YOD PA MA YIN PA'I PHYIR ZHES BYA BA NI, THA DAD PAR RTOGS PA'I KHYAD PAR GZHAN RTOGS PA MED PA'I PHYIR RO, ,'JUG PA LA ZHES BYA BA NI DOGS PA BSU BA STE, 'DI ZHES BYA BAR SNANG BA ZHES 'BREL TO, ,LAN NI DE MED KYANG ZHES BYA BA STE ZHES BYA BA NI SNANG BA MED KYANG NGO, ,'BREL PA GRUB PA STE SGRA DANG 'DRES PA NGES PAR BYA BA'I DON DU'O, ,DE ZHES BYA BA NI MNGON SUM GYI YUL GYI DON TO, ,DE LTAR ZHES BYA BA NI SGRA DANG 'DRES PA NYID DU MA GRUB NA, DE'I TSE MNGON GYI YUL GYI DON DE RTOGS PA LA DRAN PA MI MKHO BAR 'GYUR RO, ,'JUG PA LA MKHO BA YIN NO ZHES SMRAS ZIN TO ZHE NA DANG PO'I ZHES SMOS SO, ,'JUG PAR BYED PA YANG ZHES BYA BA NI, 'JUG PA LA YANG BYED PA YOD BA MA YIN NO

ZHES BYA BA'I DON TO, ,GAL TE RNAM PAR RTOG PAS DGOS PA MED NA DE'I TSE 'DI CI'I DON DU 'JUG CE NA, 'DI NI ZHES GSUNGS SO, ,DES ZHES BYA BA NI MIG LA SOGS PA'I BLOS SO, ,SPYI GZUNG BA NA YANG BA LANG JI BU ZHIG CES KHYAD PAR 'DZIN PA LA LTOS PAR RTOGS PA NI 'JIG RTEN NA MTHONG BA YIN NO, ,DE LA NI DBANG PO'I RNAM PAR SHES PA LA'O, ,MDUN GNAS PA'I GZUGS TZAM LA MI 'JUG BAR RTOGS TE SHES PA YIN NO, ,MDUN NA GNAS PA TZAM LA MI 'JUG PA MTHONG GI GZHAN DU NI MA YIN NO ZHES BYA BA'I DON TO, ,GAL TE DE LTA YIN MOD DE LTA NA YANG BYED PA GZHAN LA 'JUG GO SNYAM NA, GZHAN DU ZHES GSUNGS SO ,DRAN PA'I 'OG ROL GYI DUS SU'AM DRAN PA LAS SNGAR MNGON SUM SKYES KYANG RUNG STE, RNAM PAR RTOG PA MA YIN PA NYID DO, ,CI'I PHYIR ZHE NA, YUL ZHES GSUNGS TE, RNAM PAR RTOG PA DANG BCAS PA DANG, RTOG PA MED PA'I YUL GANG YIN PA DE THA DAD PA NYID KYI PHYIR RO, ,GAL TE MIG LA SOGS PA LA BRTEN NAS SKYES PA GANG YIN PA DE KHO NA MNGON SUM YIN NA, 'O NA NI DE'I TSE YID LA SOGS PA MNGON SUM DU MI 'GYUR TE, MIG LA SOGS PA LA MI BRTEN PA'I PHYIR RO SNYAM NA, GANG ZHIG CES GSUNGS SO, ,GZHAN LAS ZHES BYA BA NI GOMS PA LA SOGS PA LA'O, ,YANG NA ZHES BYA BA LA SOGS PA'O, ,YID LA SOGS PA YANG MNGON SUM GYI SGRAS BRJOD PAR BYA BA NYID DU BYE BRAG TU BSHAD PA GZHAN GYI SGO NAS STON TO, ,CI'I PHYIR DBANG PO'I SGO NAS BSNYAD PAR MI 'THAD SNYAM NA, DBANG PO'AM ZHES SMRAS SO, ,ZLA BA GNYIS LA SOGS PA'I SHES PA YANG DBANG PO LAS SKYES PAS NA, MNGON SUM DU THAL BAR 'GYUR RO ZHES BYA BA'I DON TO, ,GAL TE YUL GYI RANG BZHIN 'DZIN PA THAMS CAD KYANG MNGON SUM MA YIN TE, DES NA DES KYANG JI LTAR BSNYAD SNYAM NA, YUL GYI ZHES SMRAS SO, ,GAL TE DBANG PO LA BRTEN PA NYID MNGON SUM NYID LAS 'KHRUL PA YIN MOD, DE LTA NA YANG DES THA SNYAD BYED PAR 'GYUR RO ZHE NA, 'KHRUL BA MED PA'I RGYU MTSAN ZHES SMOS SO, ,'DI LA NI 'KHRUL PA YOD PA DES NA THA SNYAD DU BYA BA MA YIN NO ZHES BYA BA'I DON TO, ,GRUB PA'I MTHA' BRJOD PA NI YUL GYI ZHES BYA BA'O, ,GZHAN GYI DOGS PA BSU BA NI DE

, ,NI ZHES BYA BA'O ,YUL NI RNAM PAR 'JOG PAR NUS PA'I RGYU YIN NA ZLA BA GCIG NI DE LTA MA YIN TE, DES NA YUL DU JI LTAR 'GYUR, ,'GRUB PA'I MTHA' BRJOD PA NI 'O NA NI ZHES BYA BA'O, ,DE NI ZHES BYA BA NI ZLA BA GNYIS SU SHES PA SKYED PAR BYED DO, ,NYAMS KYANG CI STE DBANG PO MA YIN SNYAM NA, DBANG PO NI ZHES BYA BA'O, ,DE LTAR RE ZHIG DBANG PO SKYED PA DANG YUL GYIS BSKYED PA THAMS CAD MNGON SUM YIN PAR GRUB PA'I MTHA' MTSUNGS PAS BYAS NA GZHAN DAG GI PHYOGS SNGA MA 'GOD PA NI DE LTA NA NI 'O NA ZHES BYA BA'O, ,RGYU NYID DU ZHES BYA BA NI MNGON SUM GYI SHES PA'I RGYU NYID DU MTSUNGS PA YIN NA DE KHO NAR MIG LA SOGS PAS THA SNYAD BYED KYI YUL GYI NI MA YIN NO ZHE NA, RTOG PA MNGON DU ZHES SMOS SO, ,SBYAR BAR BYA BA YANG DE'I CHOS ZHES BYA BA NI, SBYAR BAR BYA BA NI GO BAR BYED PA NYID DE'I CHOS TE, KHYAD PAR BYA BA YIN NO, ,GO BAR BYED PA NYID STON PA NI GANG DBANG PO LA BRTEN PA DE ZHES BYA BA'O, ,GAL TE DBANG PO LA BRTEN PA NYID YIN ZHING, MNGON SUM NYID DU MI 'GYUR TE, ZLA BA GNYIS LA SOGS BA'I SHES PA BZHIN NO, ,DES NA JI LTAR GO BAR BYED PA YIN SNYAM NA, NYAMS PAS ZHES GSUNGS TE DBANG POS SO, ,'KHRUL PA ZHES BYA BA NI YUL GYIS BSKYED KYANG MNGON SUM MA YIN PA'I MTSAN NYID DO, DE NI ZHES BYA BA NI ZLA BA GNYIS KYI SHES PA SKYED PAR BYED PA STE ZLA BA GCIG PA'O, ,LAN BRJOD PA NI DE NI ZHES BYA BA'O, ,DE NI ZHES BYA BA NI ZLA BA GCIG PA'O, ,DE'I TSE DBANG PO MA NYAMS PA'I MNGON SUM ZLA BA GCIG PO JI LTAR 'GYUR, DBANG PO YANG DE BZHIN DU 'GYUR RO ZHE NA, DBANG PO NYID NI ZHES SMOS SO, ,DER YANG ZHES BYA BA NI NAS MA YIN PA'I MYU GUR YANG NGO, ,'ON TE ZHES BYA BA NI DOGS PA'O, ,ZLA BA GNYIS KYI SHES PA LA NI YUL GYI RANG BZHIN 'DZIN PA YOD PA MA YIN NO ZHES BSAMS PA'O, ,YUL 'DZIN PA'I PHYIR RO ZHES BYA BA NI MING DANG MTSAN MA'I RANG BZHIN GYI YUL GYI RANG GI NGO BO NYID 'DZIN PA'I PHYIR RO ZHES BSHAD PA YIN NO ZHES BYA BA NI SLOB DPON CHOS KYI GRAGS PAS SO, ,MA NGES PA'I PHYIR TE ZHES BYA BA NI DON GYI MTHU LAS SKYES PA YANG DE'I RNAM PA'I RJES SU MI BYED PA'I PHYIR RO, ,DE NYID BRJOD NA ZLA BA GNYIS KYI SHES PA'O, ,RIGS

PA 'DIS ZHES BYA BA NI DON GYI MTHU LAS SKYES PA'I MTSAN NYID KYIS SO, ,DE NI DON GYI MTHU LAS SKYES PA MA YIN PA'I PHYIR RO, ,'O NA SLOB DPON GYI GZHUNG JI LTAR GZHUNG GZUGS SNYAM NA DE'I PHYIR ZHES GSUNGS SO, ,'DIR ZHES BYA BA NI DON GYI MTHU LAS NA, YANG DAG SKYE BA YIN PHYIR RO, ,ZHES BYA BA NI 'DIR RO JI LTAR NA DBANG PO LA DON GYI THA SNYAD DU BRJOD CE NA, BSHAD PA DON DU MNGON PAR ZHEN PA'I PHYIR RO, ,GANG GI PHYIR DBANG PO LA DON DU MNGON PAR ZHEN PA YIN, DON GYI YUL CAN YIN PA'I PHYIR, DE SKAD BRJOD PA YIN NO ZHES BYA BA'I DON TO, ,DBANG PO'I RNAM PAR SHES PA DE NI GZUGS 'DZIN PAR SO SOR NGES PAR BYED PA'I MIG GI STOBS KYIS KYE BA NA SNGON PO LA SOGS PA'I RANG BZHIN KHO NA'I RJES SU BYED PAR 'GYUR GYI SGRA'I RNAM PAR NI MA YIN NO, ,DE LTA NA YANG SGRA'I RNAM PA DANG BRAL BA'I PHYIR RO, ,RNAM PAR RTOG PA MED PA YIN NO ZHES BYA BA'I DON DU 'ON TE GZHAN GYI STOBS KYIS GZUGS KYI NGO BO RJES SU BYED PA'I SHES PA NI SGRA'I RNAM PA CAN DU'ANG 'GYUR TE, GZUGS NYID SGRA'I BDAG NYID CAN BSU NAS GANG GIS DE SNANG BA NA DE DAG KYANG SNANG BAR 'GYUR BA DON LA SGRA'I YOD PA'AM DE'I BDAG NYID NI MA YIN NO ZHES GSUNGS TE, ,DE LTAR BSHAD PAR BYA BA YIN NO, ,KHYAB PAR BYED PA'I ZHES BYA BA NI GO BAR BYED PA'I RANG BZHIN NO, ,LOG PA'I PHYIS ZHES BYA BA NI YUL LA BRTEN PA ZHES BYA BA'I THA SNYAD 'DI LA GO BAR BYED PA NYID SNGOG PA YOD PA YIN TE DES NA'O, ,DE'I BDAG NYID BRJOD PA NI RTOG PA SNGON DU ZHES BYA BA'O, ,DE NYID CES BYA BA NI SBYAR BA NYID DO ,BDEN PA DE GANG YIN ZHE NA SKYES BU ZHES SMOS SO, ,SKYES BU TSAD MA YIN PA NYID DU NGES PAR MI NUS PA'I PHYIR RO ZHES BYA BA'I DON TO, ,RTAGS NYID YIN PA LA KHYAB BYAR BRJOD PA ZHES BYA BA NI DON DAM PAR NI MA YIN NO, ,CI'I PHYIR ZHE NA, GANG GIS ZHES GSUNGS SO, ,RNAM PAR RTOG PA DANG BCAS PA'I YUL NI SNGA MA DANG, PHYI MAR GYUR PA YIN LA DE YANG DE KHO NAR RNAM PA DE LTAR YOD PA MA YIN TE, DNGOS PO'I TSOGS NI SKAD CIG MAR 'JUG PA'I PHYIR RO, ,DES NA YUL MED PA'I PHYIR NA, YUL LA STON PA ZHES BYA BA'I THA SNYAD DU JI LTAR 'GYUR SNYAM NA, RNAM PAR RTOG PA DANG BCAS PA'I MNGON SUM GYI ZHES SMOS SO, ,'JIG RTEN NA DE LTAR

, ,NA GRAGS PA MED DO ZHE NA 'DI NI ZHES GSUNGS SO, ,DE NYID GZHUNG 'DZUGS PA NI 'DI LTAR ZHES BYA BA'O, ,GAL TE 'JIG RTEN NA DE LTAR RTOGS MOD, DE LTA NA YANG TSAD MA YIN NO ZHE NA, GNOD PA MED PA'I ZHES GSUNGS SO, ,MNGON DU BYED PA'I RNAM PAS 'JUG PA NYID SHES PA YIN PA DES NA, JI LTAR RJES SU DPAG PA YIN SNYAM NA, MNGON DU BYED PA NI ZHES GSUNGS SO, ,SNGA MA DANG PHYI MA DANG SNGOM PA'I RANG BZHIN GYI NGO SHES PA NI MNGON DU BYED PA MA YIN NO, ,MNGON DU BYED PA'I DE NYID LA YUL LA BRTEN PA ZHES SHIG DBANG PO LA BRTEN PA'I THA SNYAD KYIS CI BYA SNYAM NA DE NA ZHES GSUNGS SO, ,DE LTAR THA SNYAD BYA BA LA NI ZHES BYA BA NI YUL LA BRTEN PA ZHES BYA BA 'DIS BRJOD PA'I BYA BA'I YUL LA'O, ,YUL BRTEN PA ZLA BA GCIG GIS SHES PA YANG MNGON SUM DU THAL BA'I PHYIR RO, ,DE LTA NA YUL LA BRTEN NO ZHE NA, MNGON SUM KHO NAR BRJOD LA RAG MOD, NYES PA CI YOD SNYAM NA MNGON SUM LA YANG ZHES BYA BA'O, ,ZLA BA GNYIS PA'I SHES PA NI TSAD MA NYID MA YIN NA MNGON DU LTA GA LA ZHES BSAMS PA'O, ,GAL TE DBANG PO LA BRTEN PAS KYANG MNGON DU BYED PA TZAM DU MTSON GYI MNGON SUM NYID DU NI MA YIN NO, ,DES NA DBANG PO LA BRTEN PA NYID NYE BAR MKHO BA JI LTAR YIN SNYAM NA, MNGON DU BYED PA LAS ZHES GSUNGS SO, ,MNGON DU BYED PA NYID MTSON PA NA MNYAM PA'I DBANG PO LA BRTEN PA NYID KYIS MNGON SUM NYID DU MTSON PA YIN NO ZHES BYA BA'I DON TE, 'DI SKAD CES ZHES BYA BA NI SLOB DPON PHYOGS KYI GLANG POS SO, ,DE DANG 'GAL PA'I PHYIR ZHES BYA BA NI RTOG PA MED PA DANG 'GAL PA'I PHYIR RO, ,DE KHO NA LTAR ZHES BYA BA PHAN TSUN SPANG PA'I RANG BZHIN NYID DU'O, ,SPYI 'DZIN PA RNAM PAR RTOG PA DANG BCAS PA NYID RANG DBANG DU BSGRUB PA'I DON DU RNAM PAR RTOG PAR BYED PA NI TSOGS LAS ZHES BYA BA'O, ,DE LAS THA DAD PAR ZHES BYA BAS NI, SPYI'I RTEN GYIS GSAL BA LAS MA GTOGS PAR TSOGS PA GZHAN SNANG BA MED PA'I PHYIR RO, ,'DIS NI MI DMIGS PA NYE BAR BKOD DO, ,GZHAN ZHES BYA BA NI GSAL PA RNAMS LAS THA DAD PA'I TSOGS PA'I SPI ZHES BYA BA'I MING CAN NO, ,GAL TE SNANG BAR 'DOD DU ZIN KYANG GZHAN TE SNANG BA MED DE TSOGS PA NI

MA YIN TE, RANG DBANG DU RTOGS PA NI TSOGS PA NYID DU MI 'THAD PA'I PHYIR TE, DE NI 'BREL BA CAN GYI RANG BZHIN YIN PA'I PHYIR RO, ,DE YIN BA NYID NA YANG ZHES BYA BA NI RANG DBANG DU SNANG BA YANG GAL TE GSAL BA LA LTOS TE SPYI'I RANG BZHIN YIN PA DE'I TSE YANG DE DAG NYID CES BYA BA SPYI'I RTEN DU GYUR PA'I GSAL BA RNAMS NYID DO, ,RNAM PAR RTOG PA GNYIS PA DGONGS PA NI 'ON TE ZHES BYA BA'O, ,DE YANG ZHES BYA BA NI LAN TE, RANG BZHIN GZHAN BRTAGS DE YANG NGO ,RTOG PA'I YUL GYI TSOGS PA NYID MNGON SUM GYI YUL YIN NO ZHE NA BRTAGS PA'I ZHES SMOS SO, ,GZHAN LAS ZHES PA LA LTOS TE, RGYUR GYUR PA'I NUS PA MA SKYES PA'I RDUL GANG YIN PA DE DAG LA DE SKAD CES BYA BA'O, ,PHRA MO MA YIN PA RAGS PA NI DE MTHONG BA DAG LA DE SKAD CES BYA'O, ,DES NA ZHES BYA BA NI DES NA GZHAN YOD PA NA'O ,THAMS CAD KYIS BSKYED MOD, ,DES CIR 'GYUR SNYAM NA SHES PA DE NI ZHES GSUNGS SO, ,TSUN ZHES BYA BA NI DOGS PA'O; ,GRUB PA'I MTHA' NI SGRA LA SOGS PAS ZHES BYA BA'O ,RANG GI RGYU LA SOGS PA GANG YIN PA RANG GI RNAM PA GTOD PA'I NUS PA MED PA DE'I PHYIR TE, DE LAS MI SNANG BA YIN NA'O, ,'O NA ZHES BYA BA LA SOGS PAS NI 'KHRUL PA NYID DU BSGRUBS PA MNGON SUM NYID DANG 'GAL, GZHAN RTOG PA DANG BCAS PA NYID DU YANG SGRUB PA NI LHAG PAR ZHES BYA BA'O, ,'ON TE DER ZHES BYA BA NI MNGON SUM LA'O, ,RTOG PA LA LTOS TE SNANG BA SHAR BA MED PA GANG YIN PA DE DAG LA DE SKAD CES BRJOD DO, ,DE LTAR GYUR NA RNAM PAR RTOG PA DANG BCAS PA NI MNGON SUM LA BRJOD PA MA YIN NO, ,'DZIN PA YIS NI ZHES BYA BA NI MNGON SUM GYIS SO, ,DE ZHES BYA BA RNAM PAR RTOG PA'I RANG BZHIN NYID SEL TE 'DIR RO, ,CI'I PHYIR ZHE NA, MNGON SUM NI MNGON DU BYED PA'I RANG BZHIN YIN PA'I PHYIR RO, ,MNGON DU BYED PA NYID LHAG PAR ZHEN PAR 'GYUR RO ZHE NA, MNGON DU BYED PA NYID NI ZHES GSUNGS SO, ,DE NYID DU NI ZHES BYA BA NI LHAG PAR ZHE NA BA NYID DU'O, ,DE LAS BZLOG PA NI MNGON DU BYED PA LAS BZLOG PAR 'GYUR RO, ,BSHAD CES BYA BA NI SLOB DPON DBYIG GNYEN GYIS SO, ,'DI DAG NI ZHES BYA BA NI RNAM PAR SHES PA'I TSOGS LNGA PA'O, ,RDZAS KYI RANG GI MTSAN NYID CES BYA BA NI RDUL PHRA RAB KYI RANG GI MTSAN NYID DO, ,'DI NI ZHES BYA BA NI SKYE MCHED

, ,KYI RANG GI MTSAN NYID CES BYA BA LA SOGS PA'O, ,GTAN TSIGS DE'I PHYIR NA YUL CAN NYID YIN PAR 'GAL BA MED DO, ,DA NI RNAM PAR RTOG PA DANG BCAS PAR 'GYUR RO ZHEN, GANG YANG ZHES GSUNGS SO, ,'O NA GANG ZHIG RNAM PAR GCOD PA'I DON DU RTOG PA DANG BRAL BA NYID BRJOD PA RNAM PAR RTOG PA DANG BCAS PAR BRJOD PA GANG YIN ZHE NA, GZHAN LA GRAGS PA LA BRTEN NAS ZHES SMOS SO, ,GZHAN LA RIGS PA CAN LA SOGS PA LA'O, ,RJES SU DRAN PA'I RNAM PAR RTOG PA ZHES BYA BA 'DI SNGAR MTHONG BA'O ZHES BYA BA LTA BU'I RNAM PA CAN MA 'DI NI SNGON PO SNYAM PA LA SOGS PA'I RANG BZHIN CAN GYIS SO; ,DE ZHES BYA BA NI DE LTA BUR GYUR PA'I RTOG PA NYID DO, ,BZLOG PAR DKA'O ZHES BYA BA NI RNAM PAR RTOG PA DANG BCAS PA NYID DO, ,GCIG GI TSE KHO NAR ZHES BYA BA GCIG NYID KYIS DU MA MTHONG DO SNYAM NA, SHES PA ZHES GSUNGS SO, ,DE LTAR NA NGE ZHIG GCIG GI TSE RDUL PHRA RAB DU MA 'DZIN PA MED PA'I PHYIR RNAM PAR RTOG PA NYID DU BA SGRUBS NAS RNAM PAR MI RTOG PA NYID GRUB PA'I DON DU RDUL PHRA RAB RNAMS LA YAN LAG CAN GYI RDZAS GCIG NYID KHO NA DES DOGS SO ZHES SNGON PA NI YANG NA NI ZHES BYA BA'O, 'DI LA BRJOD PA NI DNGOS PO DU MA SHES PA GCIG GIS MI 'DZIN PA GA LAS YIN ZHING, DE'I YAN LAG GCIG PA YANG GA LAS YIN, CIG CAR 'DZIN PA'I PHYIR YAN LAG CAN NYID YIN TE, DE LTA MA YIN NA YID GCIG YIN PA'I PHYIR, DU MA LA BYED PA JI LTAR LTAR 'JUG SNYAM NA, TIL ZHES GSUNGS SO, ,YID LA BYED PA ZHES BYA BA NI, ,SNGAR GYI YID LA BYED PA TZAM NYID LA YID NYID DU GRAGS KYI, YID GZHAN NI YOD PA MA YIN NO, ,DE YANG RNAM PAR SHES PA DU MA BSKYED PA NYID BZLOG PAR MI NUS TE, GCIG GIS KYANG SHES PA DU MA BSKYED PA LA 'GAL BA MED PA'I PHYIR RO, ,MGYOGS PA NI ZHES BYA BA CIG CAR 'DZIN PA SNANG BA BSKYED PA NI MED PA'I PHYIR RO, ,CI'I PHYIR MED CE NA BSHAD ZIN PA'I PHYIR RO ZHES GSUNGS SO, ,GNOD BYED GZHAN NGAG KYANG BRJOD PA NI MGYOGS PA'I PHYIR ZHES BYA BA'O, ,'ON TE GCIG LA RIM PA MTHONG BAS THAMS CAD LA RTOGS PA YIN NO ZHES DOGS PA BSU NAS BRJOD PA NI, ,DE LTAR NA NI ZHES BYA BA'O, ,GCIG LA ZLA BA GNYIS KYI SHES PA 'KHRUL PA'I PHYIR THAMS CAD

'KHRUL PA KHO NAR THAL LO ZHES BYA BA LA SOGS PA'I NI HA CANG THAL BA'O, ,DE LTAR ZHES BYA BA NI, ,MGYOGS PA LAS RIM MA YIN PAR GZUNG BAR RLOM PA NYID DU'O, ,'DI LA YANG ZHES SKABS SU BAB PA'I TIL DANG 'BRAS LA SOGS PA LA'O, ,DE ZHES BYA BA NI MGYOGS PA'O, ,CIG CAR ZHES BYA BA NI DOGS PA'O, ,DE NYID KYANG ZHES BYA BA NI LAN NO, ,'DI NI CIG CAR 'DZIN PAR RLOM PA YIN GYI CIG CAR 'DZIN PA MA YIN NO ZHES BYA BA 'DI'O, ,DE MA GRUB PA ZHES BYA BA NI 'DZIN PA MYUR BAR MA GRUB PA'O, ,GAL TE BLO RIM PA DANG LDAN PA DANG, SKAD CIG MA YIN PA DE LTA NA YANG DON NI RIM GYIS SNANG PA YIN TE, DON NI SKAD CIG MA YIN PA'I PHYIR RO, ,NGES NA THAMS CAD LA CIG CAR 'DZIN PAR RLOM PA JI LTAR YIN SNYAM NA, GSAL BYA SNANG BA NI ZHES GSUNGS SO, ,GAL TE DON SKAD CIG MA YIN PA DE LTA NA YANG DUS JI SRID BLO GNAS PA DE SRID KHO NAR DE LTAR SNANG BA YIN NO ZHES BYA BA'I DON TO, ,DE KHO NA LTAR NI CIG CAR KHO NA'O, ,GAL TE SHES PA CIG CAR KHO NA SKYE NA, 'O NA DE'I TSE THAMS CAD DU CIG CANG KHO NA SNANG BAR 'GYUR RO ZHE NA, GANG DU ZHES GSUNGS SO, ,SHES PA RNAMS CIG CAR KHO NA SKYE'O ZHES BYA BA JI LTAR SHES SHIN RIM GYIS 'DZIN PA KHAS LEN NA RNAM PAR RTOG PA MED PA'I SNANG BA MI SRID PA KHO NAR 'GYUR TE SNGA MA 'DZIN PA NI PHYI MA 'DZIN PA'I DUS NA RNAM PAR RTOG PA DANG BCAS PA KHO NAR 'GYUR RO ZHES BYA BA'I DON TO, ,THAMS CAD RNAM PAR RTOG PA DANG BCAS PA YIN MOD, KHO BO CAG GI 'DOD PA KHO NA YIN NO ZHE NA BSHAD PA RTOG MED NYID DU 'GYUR NA, DON GSAL BA'I 'DZIN PA MI SRID PAR 'GYUR TE, THAMS CAD MI GSAL BAR SNANG BA NYID DU 'DZIN PAR 'GYUR RO ZHES BYA BA'I DON TO, ,YANG JI LTAR NA DRAN PAR RTOGS PA LA GSAL BAR SNANG BA NYID MI 'THAD CE NA, SNGON PO MTHONG BA'I DNGOS PO SGRO BTAGS PA GANG YIN PA GSAL BAR SNANG BA JI LTAR 'GYUR TE, SGRO BTAGS PA GSAL BAR SNANG BA DANG 'GAL BA'I PHYIR RO, ,GZHAN GYIS SMRAS PA SHIN TU GOMS PAR GYUR PA LAS SGRO BTAGS PA YANG GSAL BAR SNANG BAR 'GYUR RO SNYAM NI, ,'DI LA BRJOD PA NI SGRO BTAGS PA GSAL BAR SNANG MED NI RTOG PA MED PA KHO NA 'GYUR TE, GSAL BAR SNANG BA NI

, ,RTOG PA DANG BCAS PAR MI 'THAD PA'I PHYIR RO, ,DE BZHIN NYID CES BYA BA NI GSAL BAR SNANG BA NYID LA YIN NO, ,GAL TE DE LTAR NI RIM GYIS SKYE BA YIN YANG RNAM BA GSAL BA'I PHYIR, RTOG PA MED PA NYID DU 'GYUR MOD, ,RIM GYIS SKYE BA 'GAG PA NI MI 'GRUB PO ZHE NA, DE LTA YIN DANG ZHES GSUNGS SO, ,SNGON GYI RANG BZHIN 'DZIN PA MED PA'I PHYIR ZHES BYA BA NI, ,SNGON GYI RANG BZHIN DU 'DZIN PA MED PA'I PHYIR RO ZHES BYA BA'I DON TO, ,PHYE MA LEB KHRA BO LA SOGS PA NYID DO MTSAR BA YANG MTSAN SKYE BA YIN LA DE BAS CHOS SO, ,KHRO BO ZHES BYA BA NI BCOS MA MA YIN PA'I PHYE MA LEB KHRA BO'I BDAG NYID DO, ,RNAM PAR DBYE BA DANG LDAN PA NI SO SOR BYED PA DANG LDAN PA'O ,DE LA YANG ZHES BYA BA NI BCOS BU MA YIN PA'I PHYIR MA LEB KHRA BO LA SOGS PA LA YANG NGO DE LA NI RIN PO CHE'I PHUNG PO LA'O, ,THAMS CAD LA ZHES BYA BA NI BCOS MA MA YIN PA'I PHYE MA LEB KHRA BO LA SOGS PA LA YANG NGO; ,DE'I TSE NA NI BCAD PA DANG PHUG BA LA SOGS PA'I DUS NA PHYE MA LEB KHRA BO LA SOGS PA LA YAN LAG CAN GYI RDZAS ZHIG MA YIN PA NA ZHE NA, LAN NI 'DI SNGA KUN LA ZHES BYA BA STE, RIN PO CHE'I PHUNG PO YANG MA 'BYAR BA'I DUS NA RDZAS ZHIG YIN TE, DES NA DER YANG GCIG NYID YIN PAR 'GYUR RO, ,DE LTAR ZHES BYA BA NI MA 'DRES PA'O, ,DE LA NI ZHES BYA BA NI BCOS MA MA YIN PA'I PHYE MA LEB KHRA BO LA SOGS PA'O, ,DE'I REG PA RANG BZHIN GCIG YIN PA'I PHYIR ZHES BYA BA NI SNGON PO'I REG PA CI 'DRA BA SOR REG BDE YANG DE 'DRA BA YIN NO, ,SNGON PO LA SOGS PA'I RNAM PAR DBYE BA BZHIN GYI KHYAD PAR RO, ,RNAM PAR DBYE BA MED PAR KHYAD PAR MED PA'I REG PA SOGS PA GANG YIN PA DE DANG LHAN CIG RGYU BA NI'O, ,GCIG MA ZHES BYA BA NI BCOS MA MA YIN PHYE MA LEB KHRA BO LA'O, ,GZHAN LA ZHES BYA BA NI BCOS MA LA'O, ,DE LA GCIG TU MNGON PAR ZHEN PA NYID SKYABS SU GYUR PA YIN NA ZHES BYA BA NI, GAL TE DE LA GCAG TU MNGON PAR ZHEN PA YOD NA, DES NA DE LA YAN LAG GCIG NYID YOD PA YIN NO ZHES RNAM PA DE LTA BU'I RANG BZHIN DU'O, ,DE NI ZHES BYA BA NI GCIG TU MNGON PAR ZHES PA MTSAN NYID KYI SKABS SO, ,DES NA JI LTAR DER YAN LAG CAG MED KYANG GCIG TU MNGON PAR ZHEN PA DE BZHIN DU BCOS MA MA YIN PA

RNAMS LA YANG 'GYUR RO ZHES DGONGS PA'O, ,GAL TE YAN LAG CAG GCIG MED NA, DE'I TSE GCIG DRANGS NA THAMS CAD 'ONGS PA JI LTAR 'GYUR ZHE NA, GCIG DRANGS PA ZHES GSUNGS SO, ,DER YANG ZHES BYA BA NI KHA LONG DANG LCAGS DAG LA'O, ,BCOS MA'I DNGOS PO RNAMS LA YOD PA'I YON TAN SNGON PO LA SOGS PA GANG YIN PA DE GANG GI DMIGS PA NI RIM GYIS KHO NAR 'GYUR BA YIN LA, DE LAS GZHAN BCOS MA MA YIN RNAMS LA NI'O, ,BLO GCIG NI ZHES BYA BA BCOS BU'I YUL CAN NO, ,GZHAN NI ZHES BYA BA NI BCOS BU MA YIN PA'I YUL CAN NO, ,GCIG DANG DU MA'I RNAM PAR DBYE BA ZHES BYA BA NI BCOS BU MA YIN PA'I SNA TSOGS KYANG GCIG KHO NA YIN LA, BCOM BU'I NI DU MA YIN NO ZHES BYA BA DE LTA BU'I RNAM PA'O, ,DE'I NGO BOR RNAM PAR 'JOG PA LA ZHES BYA BA NI, GCIG DANG DU MA'I RANG BZHIN DU RNAM PAR 'JOG PA LA'O, ,DE LTAR ZHES BYA BA GCIG DANG DU MA'I DANG BZHIN RNAM PAR 'JOG PA LA RTZOM PA GEGS MED PA STE, GEGS DANG BRAL BA'I RTZOM PA GANG LA YOD PA'I BLO DE DAG KYANG STE, GCIG DANG DU MA SNANG BA DANG LDAN PA DAG KYANG NGO, ,GCIG TU MNGON PAR ZHEN PA LA SOGS PA CHOS MTHUN PA TZAM DE NYID KYIS RGYU MTSAN DES NYE BAR BTAGS PA'I TSAD MA GANG LA YOD KYI BLO GZHAN DES SO, ,BYED NA DE'I TSE ZHES KHONG NAS PHYUNG LA, CHOS MTHUN PA 'DI ZHES BYA BA LA SOGS PA SBYAR RO, ,'DI NYID TSIG LE 'UR BYAS PA GNYIS KYIS SDUD PA NI DE'I PHYIR ZHES BYA BA'O, ,DON RANG BZHIN SNA TSOGS PA DANG 'BREL PA GRUB PA'I BLO DE DAG NI SNANG BA GZHAN DAG LAS NI ZHES BYA BA MNGON BAR SNANG BA'I KHYAD PAR GCIG LAS SNANG BA GZHAN SOR BO'I RANG BZHIN CAN DON MED CES BYA BAR BRJOD PA STE, SNANG BA GANG LA DON SNA TSOGS PA YOD PA DE NI MED DO DU MA YOD PA'O, ,DE'I DNGOS PO NI DON MED DE DON THA DAD PA CAN ZHES BYA BA'I DON TO, ,'ON TE GCIG TU MNGON BAR ZHEN PA YOD PA'I PHYIR NA DE 'DRA BA'I BLO YOD PA DAG LA YANG, GCIG NYID YIN NO ZHE NA, GAL TE ZHES BYA BA'O, ,DE ZHES BYA BA NI CHOS MTSUNGS PA TZAM MO, ,'GAR YANG MIN ZHES BYA BA NI, GCIG LA CHOS MTHUN PA TZAM GYIS MI 'GRUB BA NA THAMS CAD LA MI 'GRUB STE, CHOS MTSUNGS PA TZAM NI THUN MONG YIN PA'I PHYIR RO, ,'GAL

, ,ZLA DANG STE MI MTHUN PA'I PHYOGS DANG LDAN PA ZHES BYA BA 'BREL PA DE 'DZIN PAS SO, ,STOBS MTSUNGS PA'AM MI MTSUNGS PA ZHIG SEL GRANG NA, DANG PO LA BRJOD BA NI STOBS MTSUNGS PA NYID YIN NA ZHES BYA BA'O, ,GNYIS PA LA BRJOD PA NI STOBS MI MTSUNGS NA YANG ZHES GSUNGS SO; ,SEL BAR BYED PA GANG YIN BA DA LTOS TE, STOBS MI MTSUNGS PA NYID YIN NA YANG JI LTAR TSAD MA YIN TE, DES TSAD MA NI SEL BA MI SRID DO ZHES DGONGS PA'O, ,'ON TE ZHES BYA BA NI DOGS PA BSU BA'O, ,LAN NI GANG ZHIG CES BYA BA'O, ,DES NA ZHES BYA BA NI DON MED NA MI 'BYUNG BAS NA'O, , DE NYID NI RJES SU DPAG PA'O, ,GZHAL BYA'O ZHES BYA BA NI THA DAD PA'I'O, ,RGYU NYES PAS GZHAL BYA GZHAN LA BLO RNAM PA GZHAN DU YANG SKYE'O ZHES BYA BA 'DI NI RIGS PA KHO NA YIN NA, SHES PA YONGS SU GSAL BA'I NGO BO NYID LA NI, ,RGYU'I RKYEN SKYOB BRGYA PHRAG GIS KYANG BLO RNAM PA GZHAN DU JI LTAR 'THAD DE, MI 'THAD PA KHO NA'O, ,RIM PA DANG LDAN PA'I SNANG BA'I RANG GI NGO BO BCOS MA'I PHYE MA LEB KHRO BO LA SOGS PA DAG LA NI, ,RIM PA MED PAR 'GYUR RO ZHES MI RIGS SO, ,CI'I PHYIR ZHE NA, RANG BZHIN GCIG LA NI ZHES BYA BA'O, ,DE LTAR ZHES BYA BA NI DU MA NYID DU'O, ,GAL TE SNANG BA 'DI RANG BZHIN DU MA NYID YIN PA DE LTA NA YANG GCIG CES BYA BA KHYED GCIG NYID MNGON PAR 'DOD PA NI DU MA NYID DU SNANG BA YIN NO ZHES BYA BA NI GZHAN GYI RTZOD PA'O, ,'GOG PA NI MA YIN TE ZHES BYA BA'O, ,GAL TE RIM MA YIN PA NI SNANG NA DE'I TSE RANG GI NGO BO NYID MA YIN NO ZHES DGONGS PA'O, ,DE LA ZHES BYA BA NI BCOS MA'I PHYE MA LEB KHRA BO LA SOGS PAS SO, ,RIM PA YANG SNANG BA'AM MA YIN, GAL TE RE ZHIG MI SNANG PA 'KHRUL PA YIN NA, DE'I TSAD DNGOS PO THAMS CAD LA GNYID LOG PA'I GNAS SKABS NA 'KHRUL PAR 'GYUR BA BZLOG PA MED DO, ,PHYOGS DANG PO LA BRJOD PA NI DE LTAR DE NYID CES BYA BA STE RIM PA'I RANG BZHIN NYID DU'O, ,RNAM PA GZHAN DU YANG RNAM PAR BRTAG PAR BYAS NAS SUM 'BYIN PA NI GAL TE GZHAN SNANG ZHES BYA BA'O, ,GAL TE TSUL GZHAN GANG YIN SNANG NYID BRJOD PAR 'DOD PA'I TSUL LA 'KHRUL BAR BRJOD NA, DE'I TSE BRJOD PAR 'DOD PA DE'I RANG GI NGO BO SNANG BAR JI LTAR

'GYUR, RANG GI NGO BO MI SNANG NA YANG BA DE MED PAS JI LTAR 'KHRUL, ,'CHAD PA NI GAL TE ZHES BYA BA'O, ,DE'I NI BRJOD PAR 'DOD PA'I'O, ,'ON TE BRJOD PAR 'DOD PA'I SNANG BA YOD PA NYID DO, ,'ON KYANG MA DMIGS PA YIN NO SNYAM NA, GAL TE MI SNANG NA YANG ZHES BYA BA'O, ,'KHRUL BA YANG BRJOD PAR BYA BA STE BLO GZHAN SNANG BA LA YANG BLO THAMS CAD YOD PA'I PHYIR RO, ,DE ZHES BYA BA NI BRJOD PAR 'DOD PA'I TSUL GYI YUL CAN NO, ,DE ZHES BYA BA NI RIM PA YIN PA'O, ,GZHAN DU SNANG BA'I PHYIR ZHES BYA BA NI RIM MA YIN PA'I YUL DAG LA RIM PA'I RANG BZHIN DU SNANG BA'I PHYIR RO, , RIM PA'I BLO NYID 'KHRUL PAR 'GYUR RO ZHES BYA BAR BSAMS PA'O, ,'ON TA TI LA LA SOGS PA YANG RIM PA YIN PAR MI 'GYUR NA, 'DI LA BRJOD PA NI 'O NA NI ZHES BYA BA'O, ,GAL TE RIM MA YIN PA ZHES BYA BA DNGOS PO NYID YIN NA, DE'I TSE BLO'I RANG BZHIN YANG RIM YIN PAR 'GYUR BA MA YIN GYI, 'ON KYANG RIM PA DANG LDAN PA KHO NAR 'GYUR TE, RIM MA YIN PA NI 'GAR YANG MI SRID PA'I PHYIR RO, ,DE LTAN YUL YANG RIM PA DANG BCAS PA YIN LA BLO YANG DE BZHIN DU YIN PAS NA 'KHRUL PAR MI 'GYUR RO, ,GAL TE DNGOS PO'I RANG GI NGO BO'I BLO GANG YIN PA DE LA, BLO GZHAN 'DZIN PAR BYED PA YIN NA STE, DNGOS PO 'DZIN PAR BYED PA'I BLO NI RIM CAN GYI RANG BZHIN LA RIM MA YIN PAR 'DZIN PAR BYED PA'I BLO GZHAN 'BYUNG BA YIN NO ZHES BYA BA'I DON TO, ,BLO GZHAN DE YANG RIM CAN GYI DNGOS POR BLO 'DZIN PAR BYED PA YIN NA STE, RIM PAR 'DZIN PAR BYED PA'I NGO BO DE YANG JI LTAR RIM PA MA YIN PAR SNANG BAR 'THAD BAR 'GYUR, 'DI NI MA 'KHRUL BA'I PHYOGS BRJOD PA YIN LA, 'KHRUL BA'I PHYOGS LA NI GNOD BYED MDUN DU 'CHAD PAR 'GYUR RO, ,YANG NA GAL TE DNGOS PO'I YUL CAN GYI BLO LAS DE BZHIN DU BLO GZHAN SKYE BA YIN NA, DE'I TSE RIM 'DZIN PA'I RANG BZHIN NI ZHES BYA BA RIM PA DANG LDAN PA'I DNGOS PO 'DZIN PAR BYED PA'I RANG BZHIN NI RIM MA YIN PAR SNANG BAR MI 'THAD DE, BLO GZHAN NYID RIM MA YIN PAR SNANG MOD DNGOS PO'I YUL CAN RIM PA DANG LDAN PA'I BLO GO JI LTAR RIM MA YIN PAR SNANG BAR 'GYUR, ,DES NA DNGOS PO RNAMS KYI RIM PA MED PAR 'GYUR TE, DE'I BLO'I RIM PA DANG BCAS PA KHO

, ,NAR SNANG BA'I PHYIR TE, BLO'I SNANG BA JI LTA BA BZHIN YUL RNAM PAR 'JOG PA'I PHYIR RO, ,'DI NYID RNAM PAR 'GREL PA NI GAL TE ZHES BYA BA'O, ,DE 'DZIN PA'I ZHES BYA BA NI NOR BU DANG MU TIG LA SOGS PAR 'DZIN PAR BYED PA'O, ,GAL TE BLO RIM MA YIN PAR SNANG NA DNGOS PO YANG DE BZHIN DU SNANG BAR 'GYUR RO ZHE NA, BLO 'DZIN PAR BYED PA YANG ZHES BYA BA'O, ,BLO'I BLO GANG ZHIG GZHAL BYA LA RNAM PA THAMS CAD DU MI 'JUG PA DE'I SNANG BA'I DBANG GIS JI LTAR GZHAL BYA DE'I RANG BZHIN DU THA SNYAD BYED CES BSAMS BA'O, ,RIM MA YIN PAR ZHES BYA BA LA SOGS PA NI, ,BSHAD PA DANG PO GNOD BYED GZHAN BRJOD PA'O, ,GAL TE DNGOS PO'I BLO RIM CAN KHO NA YIN NA, DE'I TSE DE BLO'I BLO LA YANG RIM MA YIN PAR SNANG BA'I PHYIR MI 'THAD DO ZHES BYA BA'I DON TO, ,GAL TE 'KHRUL PAS RIM MA YIN PA DE BLO'I BLO LA SNANG BA YIN NO ZHE NA, DE'I TSE SNGAR BSHAD PA DE NYID DE, 'KHRUL MED YIN PAR THAL TE RANG GI NGO BOR 'DZIN PA'I PHYIR RO, ,JI LTAR BLO'I BLOS RIM MIN PAR 'DZIN PA DE BZHIN DU DNGOS PO'I BLO DE'I GZHAL BYA 'DZIN PA DE DE LTAR DE RIM MA YIN PA'I RANG BZHIN DU YIN PA GANG GIS BZLOG ,GZHAL BYA YANG RIM MA YIN PA KHO NAR 'DZIN PAR 'GYUR RO ZHES DGONGS PA'O, ,TSIG LE'UR BYAS PA BSHAD PA'I PHYIR, RE ZHIG SNGAR BSHAD ZIN PA NYID BRJOD PA NI, GAL TE ZHES BYA BA'O, ,DE LTAR ZHES BYA BA NI RIM RANG BZHIN DU'O, ,GCIG GIS NI BLO'I BLOS SO, ,DNGOS PO'I YUL CAN GYI BLO'I RANG BZHIN DU MI 'DZIN PAR THAL LO, ,'ON TE DNGOS PO'I YUL CAN GYI BLO NI RANG BZHIN DU MI 'DZIN PAR THAL LO, ,'ON TE DNGOS PO'I YUL CAN GYI BLO NI RANG BZHIN GCIG NYID DU BLO'I BLOS RTOGS PA DES NA, DU MA 'DZIN PAR JI LTAR THAL SNYAM NA, SNGA MA DANG ZHES GSUNGS SO, ,DNGOS PO'I YUL CAN SNGA MA DANG PHYI MA'I 'DZIN PA DAG LA NI, ,GCIG NYID YOD PA MA YIN NO, ,CI'I PHYIR ZHE NA, GCIG NYID DU RTOGS PA MED PA'I PHYIR RO, ,RANG GI NGO BOS GCIG NYID MA YIN MOD, DE LTA NA YANG BLO PHYI MAS GCIG NYID RTOG PA YIN NO ZHES BYA BA'I RTZOD BA LA LAN BRJOD PA NI, RIM PA DANG LDAN PA DE YANG ZHES BYA BA STE BLO PHYI MA'O, ,GCIG TU ZHES BYA BA NI 'DZIN PA SNGA MA DANG PHYI MA RNAMS SO, ,GAL TE RIM PA DANG LDAN PA YIN NA DE LTAN YANG SNGA MA DANG PHYI MA'I 'DZIN PA

THAMS CAD DE LTAR SNANG BA DES NA, GCIG NYID DU RTOGS PAR 'GYUR BA YIN NO ZHE NA, 'DZIN PAR BYED PA RIM PA DANG LDAN PA BLO PHYI MA'I MTSAMS NYID GANG YIN PA DE'I DUS LAS 'DA' BA MA YIN NO, ,'DZIN PA THAMS CAD KYANG MTSAN NYID THA DAD PA YIN TE, DES NA GCIG NYID GANG GIS RTOGS PA ZHES DGONGS PA'O, ,'DI NI ZHES DBYE BA NI BLO PHYI MA'O, ,RIM MED PA NYID DO ZHES BYA BA NI, ,DE NI BLO GCIG SGRIB PA DE LA ZHES BYA BA'O, ,DBANG POS SONG NAS DON GZUNG BAR BYA BA NI MA YIN TA, ,'ON KYANG 'DUG BZHIN DU'O, ,DE'I TSE BSGRIBS PA LA YANG 'GYUR TE, BSGRIBS PA DANG MI BSGRIBS PA DAG LA DBANG PO MI 'GRO BAR KHYAD PAR MED PA'I PHYIR RO, ,GZHAN RANG GI PHYOGS LA SGRIB PA 'THAD PAR STON PA NI, ,PHRAD NAS ZHES BYA GSUNGS SO, ,DBANG PO NI SGRIB PA LA THOGS PA'I PHYIR PHYIR NA, SGRIB PA LAS BRGYAL NAS 'GRO BAR MI NUS PA'I PHYIR RO, ,GAL TE DBANG PO MA SONG BA BZHIN DU 'DZIN NA NI, DE'I TSE JI LTAR NYE BAR 'DZIN PA BZHIN DU CHOD PA YANG 'DZIN PAR 'GYUR TE, KHYAD PAR MED PA'I PHYIR RO ZHES BYA BA'I DON TO, ,RANG GI PHYOGS LA NYES PA MED PAR BRJOD PA NI, ,SHIN TU THAG RING POR YANG 'GRO BA MED PA'I PHYIR, NYAMS PA 'THAD PA YIN NO ZHES 'BREL TO, ,'DI THAMS CAD SUN 'BYIN PA NI, DE NI MA YIN TE ZHES BYA BA'O, ,RUNG BA LA LTOS PA'I PHYIR SGRIB PA YOD NA NYAMS PAR 'THAD DO ZHES SBYAR RO, ,DPE NYID 'CHAD PA NI KHAB LONG NI ZHES BYA BA'O, ,THAMS CAD CES BYA BA NI DPAG TSAD DANG RKYANG GRAGS NA GNAS PA RNAMS KYANG NGO, ,'ON TE DE LA YANG ZHES BYA BA NI KHAB LONG LA YANG NGO, ,LCAGS DANG KHAB LONG REG PA YOD PA'O, ,CI STE MA MTHONG SNYAM NA PHRA BA'I PHYIR ZHES BYA BA'O, ,GRUB PA'I MTHA' BRJOD PA NI 'DI SKAD CES BYA BA'O, ,MIG GI 'OD ZER MED PA NYID DO, ,GZHAN GYIS ZHES BYA BA NI SANGS RGYAS PAS SO, ,DE NYID CES BYA BA NI MIG GI 'OD ZER GYIS REG PA NYID DO,, 'DI ZHES BYA BA NI MIG PHRAD NAS 'DZIN PA'I MTSAN NYID DO,,SHIN TU YANG ZHES BYA BA NI, SHIN TU YANG CHAD PA GZHAN GYIS ZHES BYA BA DANG, SHIN TU YANG TSOGS CHEN POR BRTAGS BA ZHES BYA BA DANG, SHIN TU YANG BZHAD GAD NYID DU 'GYUR RO ZHES GSUM KA LA 'BREL TE, ,YANG DAG RIG PA NI DAM

, ,BCAS PA'I DON SGRUB PA'I CHED DU 'JUG PA MA YIN TE, DAM BCAS BA'I DON SGRUB PAR BYED PA MA YIN NO ZHES BYA BA'I THA TSIG GO, ,'DREN PAR MTHONG BA NI SKAM BA DANG LCAGS SGOM LA SOGS PA LA'O, ,SNGAGS KYI BDEN PA LA 'GYUR MOD NYES BA CI YOD SNYAM NA, DES 'GUGS PA STE SNGAGS KYI 'BRAS BU LA SOGS PA 'GUGS PA LA YANG SNGAGS DANG REG PAR THAL BAS NA 'DREN PA LA THAL CHES PAR 'GYUR RO, ,DER YANG ZHES BYA BA NI SNGAGS KYIS DRANGS BA LA YANG NGO, ,SNGAGS DANG REG PAR GYUR PA KHO NA'O ZHE NA, 'DI LA LAN BTAB PA NI SGRA NI ZHES BYA BA'O, ,YON TAN YIN PA'I PHYIR RO ZHES BYA BA NI, NAM MKHA'I YON TAN YIN PA'I PHYIR RO, ,REG PA NI KHYED KYI LTAR NA LDAN PA'I MTSAN NYID KYI YON TAN GYI NGO BO YIN NA, DE GO YON TAN SGRA LA JI LTAR 'GYUR TE, YON TAN NI YON TAN MED PA YIN PA'I PHYIR RO ZHES DGONGS PA'O, ,'DI NYID CES BYA BA NI BSGRUB PAR BYA BA MTSAN NYID KYI CHOS SBYOR NA STE, KHAS LEN NA DE'I TSE 'GAR YANG MA NGES PAR YOD PAR MI 'GYUR RO, ,YIN NA DE'I TSE CI'I PHYIR, DPAG TSAD LA SOGS PAR SHIN TU THAG RING PO NA GNAS PA MI MTHONG NGO, ,DE LA NI BAR NA 'GA' YANG MED PA'I PHYIR NA THOGS PAR BYED PA MED PA KHO NA'O, ,DES NA MTHONG NA BZLOG PAR DKA'O ZHES DGONGS PA'O, ,'DIR GZHAN GYIS SMRAS PA NI, ,MAR ME'I 'OD BZHIN DU ZHES BYA BA STE, MAR ME'I 'OD MA CHOD PA REG PAR BYED PA BZHIN DU MIG GI 'OD KHO NA DUS SU MA KHYAB NA, RNAM PAR GNAS PA MA YIN NO, ,'O NA SNGA MA DANG PHYI MA'I RANG BZHIN GYI BLO THAMS CAD DE LA SNANG BA'I PHYIR NA, GCIG NYID DU RTOGS PA 'THAD PA YIN NO ZHES BYA BA NI GZHAN GYI BSAMS PA'O, ,LAN NI DE LTA YIN NA BLO PHYI MA GCIG GIS BLO SNGA MA'I RANG BZHIN DE YANG DU MA NYID KYIS NA CI NYID DU ZHES BYA BA NI, BLO'I RANG BZHIN DU'O, ,RANG GI GZHUNG NYID STON PA NI RIGS MI MTHUN RNAMS ZHES BYA BA LA SOGS PA'O, ,RIGS MI MTHUN PA'I RNAL MA RNAMS KYI LDAN PA GANG YIN PA NGES BSKYED PA'O, ,DE NI ZHES BYA BA NI RING MO'I YUL CAN NO, ,LAN NI DE TSE YANG ZHES BYA BA STE, 'KHRUL PA'I TSE YANG NGO, ,'ON TE BDEN PA MA YIN PA 'KHRUL PA'I SHES PA LA SNANG BA NI DUM YANG 'DZIN PAR 'GYUR BA YIN NO ZHE NA, BDEN MIN ZHES

GSUNGS SO, ,RANG BZHIN DE NI ZHES BYA BA NA, RI MO'I YUL CAN GYI BLO DE LA SNANG BA GANG YIN PA'I RIM MO'O, ,DE JI LTAR ZHES BYA BA NI MA YIN PA STE, MI BDEN PA RANG BZHIN NI BDEN PA'I BDAG NYID DU 'GYUR BAR 'THAD PA MA YIN NO, ,MI BDEN PA YANG PHA ROL PO RANG NYID KYIS KHAS BLANGS PA YIN TE RNAM PA DANG BCAS PA'I SHES PAR KHAS MI LEN PA'I PHYIR RO, ,GAL TE BLO GCIG KHO NA LA RANG BZHIN 'GA' ZHIG NI BDEN LA, RANG BZHIN 'GA' ZHIG NI MI BDEN PA YIN NO SNYAM NA, GCIG NYID YON NA ZHES BYA BA'O, ,BDEN PA DANG MI BDEN PA'I MTSAN NYID KYI RNAM PAR DBYE BA 'DI NI BDEN PA MA YIN TE BLO GCIG NYID YIN PA'I PHYIR RO, ,GCIG LA NI DANG BZHIN 'GA' ZHIG BDEN PA DANG MI BDEN PA YANG MI 'THAD DE, PHAN TSUN 'GAL BA'I CHOS GNAS PAS GCIG NYID DU MA 'THAD PA'I PHYIR RO, ,DE NYID KYI PHYIR YANG NA GCIG MA YIN TE BLO DU MAR THAL LO, ,BRGYA LA KHYED KYI THA SNYAD 'DI MI BDEN PAR 'GYUR TE BLO GCIG MIN PA'I PHYIR RO, ,'ON TE BDEN PA DANG MI BDEN PA'I YUL CAN GYI TA SNYAD NI BDEN PA YIN NA, DE'I TSE DU MA NYID DU THAL BAR 'GYUR RO ZHES DGONGS PA'O, ,DE'I NGO BOR NA CIG CAR 'DZIN PA MI SRID PA'I PHYIR RO, ,'DI LA LA SOGS PA'I PHYIR ROL DE'I RANG BZHIN MA YIN NA STE, GAL TE BLO'I RANG BZHIN KHO NA YIN NA ZHES BYA BA'I DON TO, ,DE'I TSE BLO'I RANG BZHIN GYI SNGON PO DANG SER PO LA SOGS PA DE LA, ,CIG CAR 'DZIN PA'I MTSAN NYID DE LTAR RTOGS PA 'DI RIGS PA MA YIN NO, ,BLO'I RANG BZHIN DE YANG DU MA NYID KYIS NA CIG CAR 'DZIN PA MI SRID PA'I PHYIR RO, ,'DI LA GZHAN GYIS BRJOD PA NI CI STE ZHES BYA BA'O, ,YID 'GRO BA LA SOGS PA'I MTSAN NYID CES BYA BA LA, YID KYI SGRAS NI RLOM PAR BYED SHES PAR BYED CES BYA BA'I BSHAD PAS MIG LA SOGS PA NYID LA BRJOD DO, ,YANG NA MIG LA SOGS PA MTHONG BAS NA NANG GI BYED PA YIN 'DZIN PA YANG NYE BAR MTSON BA YIN NO, ,NGES NA 'BAD PA CHEN PO YOD DO, ,CIG CAR 'DZIN PA NI SRID DO ZHES BYA BA'O DON DU MA'O, ,LAN NI GAL TE ZHES BYA BA'O, ,TSIG DUM BU SNGA MA GNYIS PO DE NYID RIM PA JI LTAR BA BZHIN DU 'CHAD PA NI GAL TE ZHES BYA BA'O, ,SANGS RGYAS PAS MDZOD NAS MIG DANG SNANG BA DANG YID DE LUNG LAS 'BYUNG

, ,BA'I DBANG PO DAG NI MA PHRAD PA'I YUL CAN MA YIN NO ZHES JI SKAD BRJOD PA BZHIN NO, ,DE'I TSE ZHES BYA BA DE LTAR KHAS LEN PA NA BSGRIBS TE, YOD PA LAS DANG GZHAN DU NI ZHES BYA BA NI SGRIB PA MED PAS SO, ,'DI NYID BSGRUBS PA'I DON DU ZER BA DAG KYANG REG PAR BYED PA YIN NO ZHE NA, LAN NI DE LTA NA 'O NA ZHES BYA BA'O, ,'O NA NI MAR ME DANG CHOS MTHUN PAS SHIN TU NYE BAR 'DZIN PAR THAL LO, ,'DI NYID GZHUNG 'DZUGS PA NI MAR ME'I 'OD NI ZHES BYA BA'O, ,DE NYID CES BYA BA NI CHOS GZHAN NO, ,REG PA NYID DU 'DZIN PA'I RGYU'O, ,GAL TE MIG LA SOGS PA LAS 'OD ZER YOD LA, DE DAG KYANG PHYIS 'PHROS NAS LDAN PAR 'GYUR BA YIN NA, DE'I TSE MUN PA YANG 'DZIN PAR THAL LO, ,SHIN TU THAG RING BA LA MGYOGS PA MI SRID PA'I PHYIR RO, ,ZHES SUN 'BYIN PA BRJOD PA GANG YIN PA DE LA GZHAN DAG LAN BRJOD PA NI 'O NA ZHES BYA BA'O, ,'BAD PAS BRTAG PA ZHES BYA BA NI RE ZHIG NUS PA'I KHYAD PAR DANG LDAN PA'I YID KHAS BLANG BAR BYA BA YIN LA, DE LAS NI MIG LA SOGS PA RNAMS KYI MYUR BA DE LAS NI CIG CAR SHES PA MI SKYE BA YIN ZHING, DE LAS NI CIG CAR SNANG BA 'KHRUL BA YIN NO ZHES BYA BA'O, ,DE LTAR NA RE ZHIG YID KHAS BLANGS NAS SUN 'BYIN PA BRJOD PA YIN NO, ,DA NI YID NYID MED DO ZHES BRJOD PA NI, ,DE LTA BU'I ZHES BYA BA STE, RTOGS PA DANG RDUL PHRA RAB KYI TSAD TZAM MO ZHES BYA BA LA SOGS PA'I RANG BZHIN NO, ,'O NA YID JI 'DRA BA ZHIG SNYAM NA, ,RNAM PAR SHES PA'I ZHES BYA BA'O, ,YID DE'I DON BYED PA'O, ,GAL TE RNAM PAR SHES PA CIG CAR MI SKYED PA LAS YID DPAG PA MA YIN NAM, DES NA JI LTAR SPONG ZHE NA, DE ZHES GSUNGS TE RNAM PAR SHES PA SNGA MA'I MTSAN NYID KYI YID DE'O, ,DE'I PHYIR ZHES BYA BA NI RNAM PAR SHES PA CIG CAR MI SKYE BA'I MTSAN NYID KYI PHYIR RO, ,RNAM PA GZHAN DU YANG ZHES BYA BA NI, YID BYED GNYIS LAS RNAM PAR SHES PA CIG CAR MI SKYE BA GRUB PA'I PHYIR RO, ,JI LTAR SKAM PAS DON DE 'DZIN PAR MTHONG BA DE LTAR RNAM PAR SHES PAS MA YIN NO, ,RIM LA YOD PA'I RNAM PA DU MA GANG YIN PA DE DAG 'DZIN PA CIG CAR SKYES PAS NI, MA 'KHRUL PA NYID DO ZHES GNAS SO, ,DE LA ZHES BYA BA NI RIM PA'I RNAM PA DU MA DAG LA'O, ,DE LA GZUGS KYI YON

TAN ZHES BYA BA NI LDAN PA LA'O, ,GZUGS KYI MTSAN NYID KYI YON TAN NI 'DU BA MA YIN TE, YON TAN NI YON TAN MED PA'I PHYIR RO, ,GAL TE 'GYUR NA NYES PA CIR 'GYUR ZHE NA, DE LTAR 'GYUR NA ZHES GSUNGS TE YON TAN DU NA'O, ,YON TAN DANG LDAN PA 'DU BA CAN GYI RGYU NI RDZAS YIN NO ZHES BYA BA'I RDZAS KYI YON TAN NI YIN PA'I PHYIR NA, ,NAM MKHA' BZHIN DU RDZAS NYID DU THAL PAR 'GYUR RO, ,LDAN PA YON TAN DANG LDAN PA YIN NA NYES PA GZHAN YANG BRJOD PA NI, DE LTA NA YANG ZHES PA STE, LDAN PA RDZAS YIN NA'O, ,'DI GNYIS NI ZHES BYA BA NI ME RTOG RGYAS PA'I NAGS ZHES BYA BA'I BLO DANG, RI MO DANG LDAN PA YIN NO ZHES BYA BA'I BLO GNYIS SO, ,MI MTSUNGS PA NYID GZHUNG 'DZUGS PA NI MANG PO'I GRANGS NYID KYIS BYA BA'O, ,GRANGS LAS THA DAD PA'I NAGS NI KHAS MI LEN PA'I PHYIR NA, NAGS KYI BRJOD PAR BYA BA NI GRANGS MANG PO NYID YIN NO, ,GANG LA ZHES BYA BA NI SHING RNAMS LA'O, ,DES NA ZHES BYA BA NI MANG PO'I GRANGS KYI MTSAN NYID DANG, ME TOG RGYAS PA DAG SHING RNAMS LA 'DU BA'I PHYIR RO, ,'DIR YANG RANG BZHIN DU 'GYUR RO SNYAM NA SNA TSOGS PA NI 'DIR ZHES BYA BA'O, ,DE LTAR 'GYUR ZHES BYA BA NI, DON GCIG LA 'DU BA'I STOBS KYIS NYE BAR BTAGS PAR 'GYUR BA'O, ,RE ZHIG ME LA ME NYID DU GZUNG BA NI, PHYIS BRAM ZE'I KHYE'U LA YOD PA'I CHOS MTHUN PAR RNO BA GNYI GA YIN PA GZUNG PA DES, ME'I BAG CHAGS MER RTOG PA BSKYED PA'I NUS PA SAD PAR 'GYUR BA'I SKYES BU GANG YIN PA DE NI DE'I DRAN PAS BRAM ZE'I KHYE'U LA YANG MER SGRO 'DOGS PAR BYED DO, ,GCIG GZUNG BA'I DUS SU ZHES BYA BA NI, SNGON PO LA SOGS PA DAG LAS GANG YANG RUNG BA ZHIG GZUNG BA GANG YIN PA DE'I DUS SU'O, ,BZUNG BZHIN PA LA ZHES BYA BA NI GANG YANG RUNG BA MDUN NA GNAS PA LA'O, ,RNAM 'GREL PHYIS 'CHAD PAR 'GYUR PAS RE ZHIG RANG NYID KYIS BRJOD PA NI, ,DE LA NI ZHES BRAM ZE'I KHYE'U DAG LA'O, , 'ON TE NYE BAS SO ZHES BYA BA LA, NYE BAR NI LHAG PAR NYE BA STE, GANG LA SNGON PO YOD PA DE NYID LAS SER PO NYE BAR GNAS PA STE, DE LTAR NYE BAR SGRO 'DOGS PAR 'GYUR BA YIN NA LAN NI NYE BAR GNAS PA'I 'DZIN PA DE NI ZHES BYA BA STE, DANG PO GCIG LA MTHONG BA PHYIS GZHAN MTHONG BA NA GZUNG BA MA YIN NO, ,YUL

, ,DER ZHES BYA BA NI SNGON PO'I YUL DU SER PO GZUNG BA'I PHYIR SGRO 'DOGS PA YIN NO ZHES 'BREL TE LAN NI YUL DER ZHES BYA BA'O, ,DE NYID CES BYA BA NI SGRO BTAGS PA'O, ,'ON TE ZHES BYA BA LA SNGAR MTHONG BA'I SNGON PO LA SOGS PA DRAN PAR BYA BA NI, SER PO 'DZIN PA'I DUS NA GZUNG BAR BYA BA NYID DU SNANG BA YIN NO, ,CI'I PHYIR ZHE NA SNGA MA DANG PHYI MA THA DAD PAR MA BZUNG BA'I PHYIR RO ZHE NA, 'DI LA BRJOD PA NI JI LTAR ZHES BYA BA'O, ,GZHAN LA ZHES BYA BA NI DRAN PAR BYA BA LA'O, ,GZHAN DU ZHES BYA BA NI BZUNG BZHIN PA NYID DU'O, ,'ON TE DRAN PAR BYA BA NI RANG BZHIN DU MI SNANG BA KHO NA'O ZHE NA, DE NI ZHES BYA BA'O, ,'DZIN PA YIN MOD DE LAS CIR 'GYUR SNYAM NA DES NA ZHES BYA BA'O, ,GZUNG BAR BYA BA NYID DU SNANG NA RNAM PAR RTOG PA'I RANG BZHIN NYID KYI BSRE BA MA YIN MOD, DU MA 'DZIN PA'I RANG BZHIN NYID NI BSRE BA YIN PAR 'GYUR RO ZHES BRJOD PA NI, 'ON TE ZHES BYA BA'O, ,LAN NI DE LTA YIN NA ZHES BYA BA LA SOGS PA'O, ,'ON TE DU MA GCIG GIS 'DZIN PAR JI LTAR 'GYUR SNYAM NA, MIG GI ZHES BYA BA STE SNGON PO DANG SER PO THAMS CAD KYI RTOGS PA GANG YIN PA DE'I RTOGS PA'I PHYIR TE MTHONG PA'I PHYIR RO, DE LTAR 'GYUR MOD SNYAM DU DOGS NA 'DOD PA NI MA YIN NO ZHES GONG 'OG BSNOL TE BLTA BAR BYA'O, ,MA 'BREL BA NI 'BREL BA MED PA STE, DE'I RTOGS PA GANG YIN PA NYID DRI MA YIN NO, ,DES NYE BAR MTSON PA'I SKYES BU BLUN PO GSANG YIN PA DE DAG GIS BRTAGS PAS NI CHOG GO ZHES BYA BA YIN NO, ,SNGON POR RNAM PAR RTOG PA'I DUS NA, SER PO'I RNAM PAR RTOG PA YANG YOD PA YIN NO ZHE NA, RNAM PAR RTOG PA DU MA NI ZHES GSUNGS SO, ,GZHAN DAG TSOGS PA'I RNAM PAR RTOG PA BSAMS NAS SMRA BA NI SNA TSOGS PA ZHES BYA BA'O, ,GCIG LA YANG ZHES BYA BA NI SNGON PO LA YANG NGO, ,DES NA GANG GI TSE RE ZHIG GCIG NYID RNAM PAR RTOG PA DE'I TSE GZHAN MTHONG BA NI RNAM PAR RTOG PA MED PA KHO NA'O ZHES DGONGS PA'O, ,DE LTAN YANG ZHES BYA BA NI CIG CAR SHES PA MI SKYE BA BZLOG PA NA'O, ,'DI SKAD CES BYA BA NI 'CHAD BZHIN PA'O, ,STON PA YANG STE ZHES BYA BA NI GZHAN NO, ,KHYED KYIS ZHES BYA BA NI SANGS RGYAS PAS SO, ,RNAM DBYE ZHES BYA BA NI BLO NI SNA TSOGS PA'I RNAM BA CAN YIN YANG GCIG KHO NA YIN LA PHYI ROL NI DU MAR 'GYUR RO ZHES BYA

PA DE LTA BU LA SOGS PA'I RANG BZHIN NO, ,SLAR LA BLO NYID LA LHAG PAR THA DAD PAR 'GYUR RO ZHES STON PA NI GANG LA ZHES BYA BA'O, ,DE'I TSE BLO GNAS PA'I NGO BO LA SNA TSOGS PA NYID DU CI STE 'GYUR BA 'GYUR BA KHO NA'O ZHES BYA BA'I DON TO, ,'DI SKAD CES BYA BA NI 'CHAD BZHIN PA'O, ,JI LTA JI LTA ZHES BYA BA NI GCIG NYID DAM DU MA NYID DU'O, ,RNAM PAR 'BREL ZHES BYA BA NI STONG PAR 'GYUR PA'O, ,DNGOS STOBS NI TSAD MA'I STOBS KYIS SO, ,JI LTAR NA GCIG GAM DU MA NYID DU MI 'THAD SNYAM NA, 'DI LTAR ZHES GSUNGS SO, ,BLO GCIG LA SNA TSOGS TE DU MA RE ZHIG JI LTAR 'GYUR, GCIG LA DU MA NYID MI 'GYUR BA KHO NA'O ZHES BYA BA'I DON TO, ,'O NA DU MA LA 'GYUR RO SNYAM NA BLO DE LA YANG ZHES SMOS TE, BLO DU MA LA YANG SNA TSOGS PA NYID MI 'GYUR RO, ,BLO'I RTUL PHRA RAB RNAMS PHAN TSUN TSUL LUGS MI SHES PA'I PHYIR NA, SNA TSOGS SU SNANG BA MED PAR THAL LO, ,'O NA SNA TSOGS SU SNANG BA 'DI JI LTAR YIN ZHE NA, GAL TE DON RNAMS ZHES GSUNGS SO, ,'DIR ZHES BYA BA NI GCIG DANG DU MA DANG BRAL YANG SNANG BA ZHES PA LTAR RO, ,RE ZHIG SNA TSOGS SU SNANG BA NI NYAMS SU MYONG BA KHO NA'O, ,'DI NI SNA TSOGS PAR SNANG BA MA YIN NO ZHES NI BRJOD PAR NUS PA MA YIN TE, GAL TE 'DI GCIG DANG DU MA NYID DU MI 'THAD PA DE'I TSE, GCIG DANG DU MA NYID DE MED MOD, KHO BO CAG LA NI CHAD PA CI YANG MED DO, ,SNA TSOGS SU SNANG BA NI GCIG DANG DU MA DANG BRAL BA YANG MED DO ZHES BRJOD PAR BYA BA MA YIN TE, DE LTA MA YIN PA GZHAN GYIS GCIG DANG DU MA MED PA NYID DU 'GRUB, ,DE'I YAN LAG CAN GYI SUN 'BYIN PA 'JUG PA NI BLO SNA TSOGS SU SNANG BA'I BDAG NYID GCIG DANG DU MA DANG BRAL BAR KHAS BLANGS KYANG NYES PA YANG MED DO ZHES BYA BA NI GZHUNG GI TSOGS KYI DON TO, DE LA YANG ZHES BYA BA NI BLO BLA YANG NGO, ,GAL TE RNAM PA SNA TSOGS PA LA STON PA YIN PA DE LTA NA YANG DE LAS THA DAD PA'I BLO NI GCIG TU 'GYUR RO ZHES DOGS NA DNGOS PO'I MTSAN NYID NI ZHES BYA BA'I RNAM PA LAS THA DAD PA'I BLO NI DMIGS PAS GNOD PA'I PHYIR RO ZHES BYA BA'O, ,DNGOS YANG ZHES BYA BA NI BLO'I MTSAN NYID CAN NA CHAD PA CI YOD CES BYA BA NI CHAD PA 'GA' YANG MED PA'O, ,'DIR NI 'DIS NI YAN LAG CAN 'GOG PA'I SKABS

, ,YIN LA YAN LAG CAN DE SEL BA NA YANG GAL TE BLO YANG DU MA NYID DU KHAS LEN NA, DE'I TSE DE LA CHAD PA CI ZHIG YOD, GDON MI ZA BAR BLO GCIG GI PHYOGS KHAS BLANGS NAS YAN LAG CAN BSLAD BAR BYA BA NI MA YIN TE, BSTAN BCOS GNAS NAS RTZOD PA MA YIN PA'I PHYIR RO ZHES BYA BA'I DON TO, ,SUN 'BYIN PA GZHAN YANG BRJOD PA NI RDUL PHRA RAB DU MA'I RTOGS PA GANG YIN PA DE MED PAR THAL BAR 'GYUR RO, ,BLO'I RDUL PHRA RAB DE DAG NI DU MAR RTOGS PAR BZOD PA MA YIN TE, PHAN TSUN TSUL LUGS MI SHES PA'I PHYIR RO, ,'O NA GZHAN 'GA' ZHIG GIS DU MA NYID RTOGS PA YIN NO ZHE NA; RTOG PA BO GZHAN YANG ZHES BYA BA'O, ,'DI NYID GZHUNG 'DZUGS PA NI RANG RIG PA ZHES BYA BA'O, ,MTHONG BA NYID KYI PHYIR RO ZHES BYA BA NI SNA TSOGS SU SNANG BA'O, ,'DI LA GZHAN BRJOD PA NI 'O NA NI ZHES BYA BA'O, ,'DI YANG ZHES BYA BA NI RANG RIG PA MED PA RIG PA MI SRID DO ZHES BYA BA YANG NGO, , GZHAN YANG RANG RIG PA YIN NA NI SHES PA GZHAN RIG PA LA DGOS PA NYID YOD PA MA YIN NO, ,DES NA GZHAN RIG PAS RIG BYA GAL TE RDUL PHRA RAB RNAMS RANG RIG PA NYID KYIS PHAN TSUN TSUL LUGS MI SHES PA YIN, RTOG PA PO GZHAN YANG MED PA YIN PA DES NA, GANG GIS MANG PO NYID RTOGS PA YIN ZHES GZHAN DAG SMRA BA NI 'O NA ZHES BYA BA'O, ,'GA' YANG MA YIN NO ZHES BYA BA NI GRUB PA'I MTHA'O, ,DE LA THA DAD PA NI RDUL PHRA RAB LAS THA DAD PA'O, ,'DIS NI DU MA'I PHYOGS LA YANG DU MA NYID DU SNANG BA MI 'THAD DO ZHES BSGRUBS PA YIN NO, ,GNYI GA'I YANG MJUG SDUD PA NI DE'I PHYIR ZHES BYA BA'O, , DU MA NYID LA SNA TSOGS PA MED PA 'DI SHIN TU GSAL TE SHIN TU YANG GSAL LO, ,GANG GI PHYIR DE LTAR GCIG NYID DAM, ,DU MA NYID DU DNGOS PO 'THAD PA MA YIN PA'I GTAN TSIGS DE'I PHYIR NA, ,BCOM LDAN 'DAS KYIS RNAM PAR SHES PA NI ZHES BYA BA LA SOGS PA GSUNGS SO, ,CI STE ZHES BYA BA NI DOGS PA BSU BA'O, ,SGYU MA DANG ZHES BYA BA NI GRUB PA'I MTHA'O, ,DPER NA SGYUR MA LA SOGS PA RNAMS MED KYANG SNANG BA DE BZHIN DU, ,BUM PA'AM SNAM BU LA SOGS PA YANG YIN NO ZHES DGONGS PA'O, ,GZHAN GYIS DE DAG KYANG ZHES SMRAS TE, SGYU MA LA SOGS PA DAG KYANG NGO, ,LAN NI DON BYA BA

ZHES BYA BA'O, ,GAL TE SNANG BA NYID LA YOD PAR BRJOD PA MA YIN NAM DES NA DON BYED PAS CI ZHIG BYA ZHE NA, SNANG BA BSAM GYIS ZHES BYA BA'O, ,DE LA YANG ZHES BYA BA NI, DON BYED PA GZHAN LA YANG NGO, ,DE NYID CES BYA BA NI SNANG BA'I RANG BZHIN NYID DE DON BYED PA YIN NA'O, ,'DI LA LAN SNANG BA THAMS CAD CES BYA BA'O, ,'GA' ZHIG NI BZLOG PAS YIN ZHES BYA BA NI, ,THA DAD PA LAS BZLOG PA STE, THA MI DAD PA NYID DON BYA BA YIN NO ZHES BYA BA'I DON TO, ,DE LA BUM PA DANG SNAM BU LA SOGS PA'I DON BYA BA CHU 'DZIN PA LA SOGS PAS NI THA DAD PA KHO NA YIN LA, BDE BA LA SOGS PA'I DON BYED PA NI THA DAD PA MED PA KHO NA YIN TE, DE DAG GI YOD PA NI NYAMS SU MYONG BA TZAM GYI RNAM PAR 'JOG PA'I PHYIR RO, ,'DI NYID 'CHAD PA NI SNANG BA TZAM NYID KYIS NI ZHES BYA BA'O, ,GANG ZHIG DON BYED PA NYID DU ZHES BYA BA NI, THA MI DAD PA'I PHYOGS LA'O, ,THA DAD PA'I PHYOGS LA NI DON BYED PA SGRUB PA NYID DU'O, ,DON BYED PA'I RANG BZHIN YIN NO ZHES BYA BA NI, ,THA MI DAD PA'I PHYOGS LA DON BYED PA NYID RANG GI NGO BO YIN LA, THA DAD PA'I PHYOGS LA NI DON BYED PA'I RANG GI NGO BOS SO, ,GAL TE 'DI DON BYED PA'I RANG BZHIN YIN MOD, ,DE LTA BU MED PA NYID DO ZHE NA, DON BYED PA'I RANG BZHIN NI ZHES BYA BA'O, ,'GA' ZHIG CES BYA BA NI BUM PA LA SOGS PA'AM BDE BA LA SOGS PA'O, ,GANG GI PHYIR DE LTA YIN PA'I RGYU DES NA, DON BYED PA NI SNANG BA LAS THA DAD PA YOD PAR SMRA BA'I SDE BA RNAMS KYIS KHAS BLANGS PA YIN NO, ,GAL TE 'GA' ZHIG GI DON BYED PA NI, SNANG BA LAS THA DAD PA KHO NAR YOD PA MA YIN NAM DES THAMS CAD MED PAR JI LTAR 'GYUR SNYAM NA, SNGON PO LA SOGS PA'I RANG BZHIN LAS ZHES BYA BA STE, SNGON PO LA SOGS PAS SNANG BA'I RANG BZHIN LAS SO, ,GZHAN YOD PAR SGRUB PA'I DON DU DON BYED PA STON PA NI GANG ZHIG CES BYA BA'O, , 'DI NI 'DI NI ZHES BYA BA'I, ,DON RNAMS SKYES BU LA SOGS PA LAS THA DAD PA NI MA YIN TE, BDAG MED PAR THAL BA'I PHYIR RO, ,GZHAN GYIS GDUNG BA ZHES SMRAS SO, ,LAN NI MA YIN TE ZHES BYA BA'O, ,DE NYID BRJOD BA NI GOMS PA'I ZHES BYA BA'O, ,THAMS CAD CES BYA BA NI GDUNG BA

, ,BZLOG PA DANG TSIM PA'O, ,LDOG PA BRJOD PA NI GOMS PA MED NA NI ZHES BYA BA'O, ,GAL TE DE LTA NA ZHES BYA BA NI GOMS PA'I STOBS KYIS THAMS CAD SKYE BA NA'O, ,YANG JI LTAR NA MA RIG PA'I STOBS KYIS SKYES PA NYID MED PA NYID YIN PAR 'GYUR RO ZHE NA, DE LTA BU ZHES BYA BA STE GOMS PA'I STOBS KYIS SKYES PA'O, ,GAL TE DE LTAR RNAM PAR BRTAGS PAR BYA BA DE LTAR NA YANG SNANG BA YOD PA MA YIN NA, DES NA MED PAR JI LTAR 'GYUR ZHE NA, SNANG BTZAM ZHES BYA BA'O, ,DON LA NI ZHES BYA BA NI SHES BYA BA NI SHES PA LA YANG ZHES BYA BAR BLA'O, ,DE BDAG NYID GCIG LA BKAG PA NYID KYI PHYIR DANG ZHES BYA BA LA SOGS PA 'CHAD PA NI CI STE RAGS PAR SNANG BA NI ZHES BYA BA'O, DE DAG NI MANG PO KHO NA YIN GYI RAGS PA NI MA YIN NO, ,CI'I PHYIR ZHE NA, CI'I PHYIR ZHE NA, RAGS PA NYID CES BYA BA'O, ,DE DAG LAS ZHES BYA BA NI RDUL PHRA RAB MANG PO RNAMS LAS SO, ,RNA PA GZHAN GYIS KYANG RAGS PA NYID SUN 'BYIN PA'I DON DU BRJOD PA NI; RAGS PA'I THA SNYAD NI ZHES BYA BA'O, ,LING LING PO GCIG CES BYA BA NI, BAR CHAD DANG BRAL BA'I SEMS GCIG GI PHAN TSUN THA DAD PAR SNANG BA GANG YIN PA DE LA NI'O, ,'ON TE BAR MI SNANG BA DES NA RAGS PA NYID SNANG BA YIN NO ZHE NA, 'O NA NI ZHES BYA BA'O, ,PHAN TSUN RANG BZHIN GYIS SPANGS NAS GNAS PA DE DAG NI GDON MI ZA BAR BAR SNANG BA DANG BCAS PAR KHAS BLANGS DGOS SO, ,DE LTA NA MA YIN NA PHAN TSUN DBEN PA NYID DU MI 'THAD PA'I PHYIR RO, ,DE'I PHYIR GAL TE BAR CHAD DANG BCAS PA'I RANG BZHIN NYID KYIS SNANG BA MIN NA NI DE LTA NA RANG GI NGO BOS SNANG BAR 'GYUR GYI GZHAN DU NI MA YIN NO, ,BRGYA LA PHYI'I DON DU SMRA BA DAG YAN LAG DANG YAN LAG CAN YANG SUN PHYUNG BA NA 'DI SKAD BRJOD PAR 'GYUR ZHES YONGS SU BRTAG PA'I MTHA' BZUNG NAS NYE BAR 'GOD PA NI CI STE ZHES BYA BA STE, RDUL PHRA RAB RNAMS NGES TE ZHIG PA NA RDUL PHRA RAB DE DAG LDAN PA LAS SO, ,DE ZHES BYA BA NI DE'I TSE, YAN LAG CAN GYI DUS NA'O, ,RDUL PHRA RAB BAM YAN LAG NI ZHES 'DI'I SGRAS BRJOD PA'AM, ,'DI'I SGRAS KYANG RUNG STE, 'DI DAG LA DON NI THA DAD PA MA YIN NO ZHES BYA BA'O, ,'DI LTAR 'GYUR MOD CI SKYON ZHE NA, DES NA ZHES GSUNGS SO, ,LDAN PA DANG ZHES BYA BA NI, RANG GI LDAN PA DANG NGO ZHES BYA BA'I TSUL 'DIS SNAL

MAL SOGS PA'I 'DU BA CAN GYI RGYU NYID DU KHYAS BLANGS PA GANG YIN PA DE MI 'GYUR RO, ,GAL TE DE'I TSE RDUL PHRA RAB RNAMS MED MOD, DE LTA YANG 'DU BA CAN GYI RGYUR 'GYUR RO ZHE NA, 'BREL BA NI ZHES GSUNGS SO, ,YAN LAG CAN GYI 'DU BA NI 'BREL BA DANG BCAS PA'I RGYU RNAMS LA 'DU BA CAN GYI RGYU ZHES BRJOD PA YIN LA 'DU BA 'BREL BA YANG GNYIS LA GNAS PAR 'GYUR BA YIN NO, ,YAN LAG CAN GYI DUS NA NI RDUL PHRA RAB SRID PA MA YIN LA, RDUL PHRA RAB KYI DUS NA YANG YAN LAG CAN SRID PA MA YIN NO, ,DES NA GANG GIS 'DU BA CAN GYI RGYU NYID DU 'GYUR BA RGYUD DANG 'BRAS BU DAG 'DU BAR JI LTAR 'GYUR ZHES BYA BA'I DON TO, ,SUN 'BYIN PA GZHAN YANG BRJOD PA NI 'DI LA'O, ,BDUN PA'I DON NI RDUL PHRA RAB KYI MTSAN NYID DO, ,DE ZHES BYA BA NI YAN LAG CAN NO, ,SOGS PA'I SGRAS NI LOGS LA SOGS PA YANG GZUNG BAR THAL LO, ,PHA ROL GYA CHA YANG MTHONG MOD CI SKYON SNYAM NA, PHA ROL GYI CHA GZUNG NA ZHES BYA BA'O, ,PHA ROL YANG ZHES BYA BA NI GZUNG BA'I PHA ROL GYI SGRA'I CHAS PAR DU CHOS PA'I BUM PA YANG MTHONG PAR 'GYUR RO, ,DE LTA YIN DANG CHOD PA'I DE YANG YAN LAG CAN YIN PA'I GTAN TSIGS KYI PHYIR, ,PHA ROL GYI CHA MTHONG BAR 'GYUR RO, ,DES NA SKYES BU THABS DON THAMS CAD MTHONG BAR 'GYUR RO, ,MED PA'I PHYIR RO ZHES BYA BA NI CHA MED PA NYID KYIS PHA ROL GYIS CHA MI SRID PA'I PHYIR RO, ,LAN NI GZHAN GYIS ZHES BYA BA'O, ,DE SKAD DRIS PA LA GZHAN GYI LAN BRJOD PA NI DE ZHES BYA BA STE GZHAN GYIS MTHONG BA NI PHA ROL GYI CHA NI GZHAN NYID DO ZHE NA, 'DI LA BRJOD PA NI 'O NA CI ZHES BYA BA'O, ,'DI ZHES BYA BA NI SNGA MA DANG PHYI MA'I CHA DANG LDAN PA'O, ,DE LTAR GAL TE THA DAD PAR KHAS LEN NA, DE'I TSE SKABS KYIS SMRA BA NYAMS SO ZHES BRJOD PA LA, GZHAN DAG THA MI DAD PAR KHAS BLANGS NAS BRJOD PA NI DE NI ZHES BYA BA'O, ,GAL TE PHA ROL GYI CHA DANG TSU ROL GYI CHA DANG GZHAN MA YIN PA DE LTAN CHU ROL GYI 'DZIN PA'I DUS NA, PHA ROL GYI CHA NI MI 'DZIN PA NYID DE 'ON KYANG RNAM GRANGS KYIS 'DZIN PA YIN NO ZHES BYA BA'I DON TO, ,LAN NI MA YIN TE ZHES BYA BA'O, ,GZHAN 'DI NYID YIN NO ZHES 'DI'I MTHONG BA 'DI NYID KYIS PHYIS MTHONG BA NYID YIN NO ZHES RTOGS PAR YANG MI NUS SO, ,GZHAN DU MTHONG BA

, ,NYID STON PA NI MTHONG BA DANG ZHES BYA BA'O, ,GANG BDAG GIS MTHONG BA DE NYID LA REG GO ZHES RTOGS PA'I PHYIR RO ZHES BYA BA'I DON TO, ,MA YIN TE ZHES BYA BA NI 'GOG PA'O, ,SNGA MA DANG PHYI MA BLTAS PA DANG REG PA DAG GCIG PA LA TSAD MA YOD PA MA YIN NO ZHES BYA BA'I DON TO, ,CI STE YANG BSHAD ZIN PA'I TSUL GYIS GCIG NYID DU RTOGS PA YOD DO ZHE NA, PHAN TSUN BU ZHES GSUNGS SO, ,MTHONG BA NI REG PA'I RANG BZHIN YONGS SU SPANGS PA DANG REG PA NI MTHONG BA'I RANG BZHIN YONGS SU SPANGS PA DANG REG BA NI MTHONG BA'I RANG BZHIN SPANGS NAS RTOGS PA YIN TE, DES NA 'DI GNYIS GCIG TU JI LTAR 'GYUR ZHES BYA BA'O, ,DOGS PA BSU BA NI MTHONG BA DANG REG PA DAG GI PHAN TSUN GYI RNAM PAR DBYE BA NI 'DZIN PA STE, SHES PAS BYAS PA YIN NO ZHE NA, LAN NI 'O NA NI ZHES BYA BA'O, ,THAMS CAD RNAM PAR DBYE BA NI 'DZIN PAS BYAS PA YIN GYI, GZUNG BAR BYA BA NI GCIG KHO NA'O ZHES BRJOD PAR BYA BAR 'GYUR RO ZHES BYA BA'I DON TO, ,SUN 'BYIN PA GZHAN BRJOD PA NI DE YANG ZHES BYA BA STE YAN LAG CAN YANG NGO, ,DE LAS THA DAD PA'I SNANG BA LAS THA DAD PAR RO, ,'O NA CI ZHIG LUS SHE NA SNANG BA TZAM ZHES BYA BA'O, , 'DIR RTZOD PA NI GAL TE ZHES BYA BA'O, ,CI GAL TE SHES PA'I RIG PA NI PA DE LTA NA YANG GZHAN YANG RIG PAR 'GYUR TE DES THA DAD PAR SNANG BA CI LTAR MI 'THAD SNYAM NA RANG RIG PA YIN NA NI ZHES BYA BA STE RANG RIG PA YIN PAR 'GYUR NA NI GZHAN RIG PA MA YIN TE, RANG DANG GZHAN RIG PA DAG NI PHAN TSUN SPANGS PAS 'GAL BA'I PHYIR RO, DES ZHES BYA BA NI PHAN TSUN RIG PAS NA'O, ,RTZOD PA DE LA YANG RTZOD PA ZHES PA NI LHAG MA'O, ,SO SOR ZHES BYA BA NI SNGON POS SER PO SER POS KYANG SNGON PO ZHES RTOGS PAR KHAS BLANGS PA NA'O, ,JI LTAR RGYUD GZHAN GYIS RIG PA NA 'DI GNYIS YIN NO ZHES MI RTOGS PA STE DE KHO NA BZHIN TSAD MA ZHES BYA BA RTOGS PAR YANG 'GYUR RO, ,'DI LTAR SNGON POS NI SER PO NYID RIG GI RANG GI BDAG NYID MA YIN LA, SER POS KYANG SNGON PO 'BA' ZHIG RIG GI RANG GI RANG BZHIN NI MA YIN NO, ,DE LTA NA YANG 'DI NI GNYIS YIN NO ZHES JI LTAR RTOGS, RGYUD GCIG LA GNAS PA'I SHES PAS SNGON PO NYAMS SU MYONG LA GZHAN GYIS NI SER PO RTOGS PA NI 'DI GNYIS

YIN NO ZHES BYA BA NI, RTOGS PAR SRID PA MA YIN NO, ,DE BZHIN DU BYED PA POS RANG RIG PA MA YIN PAR 'GYUR NA, BDAG GIS SNGON PO 'DI YONGS SU BCAD DE RIG GO ZHES RTOGS PAR MI 'GYUR RO, ,GANG GI TSE SNGON POS SER PO RIG PA DE'I TSE 'AM, SER POS SNGON PO RIG PA DE'I TSE NI BDAG NYID RTOGS PA MA YIN TE, DES NA CI LTAR GZHAN GYI RGYUD LA YOD PA'I SHES PAS SNGO PO RTOGS PAS NA, 'DI BDAG GIS RIGS PA YIN NO ZHES MI 'GYUR PA DE BZHIN DU, RANG NYID RTOGS PA LA YANG MI 'GYUR TE BDAG NYID RTOGS PA MED PA'I PHYIR RO, ,TSIG LE'UR BYAS PA RNAM PAR DGROL BA'I DON DU RE ZHIG PHYOGS GZHAN BSHAD PA NI GAL TE DE DAG CES BYA BA'O, ,'ON TE GANG YIS RANG GI RANG BZHIN RIG BA DE NYID KYIS GZHAN YANG YIN NO, ,DES NA GNYIS SO JI LTAR THAL ZHE NA RANG GI NGO BOR RIG NI ZHES BYA BA'O, ,'JU PA MA YIN PA NI BDAG GIR MI BYED PA STE, 'DI BDAG NYID LA STON PA NI MA YIN NO ZHES BYA BA'I DON TO, ,RANG DANG GZHAN RIG PA DAG NI PHAN TSUN NYID KYIS 'GAL BA'I PHYIR RO, ,DA NI TSIG LE'UR BYAS PA'I DON BRJOD PA NI 'DON TE ZHES BYA BA'O, ,RANG RIG PA MA YIN NA NI BYED PA PO MI SNANG BA'I PHYOGS GANG GI PHYIR RANG RIG PA DANG GZHAN RIG PA TZAM MA YANG MI 'THAD PA DE'I PHYIR NA'O, ,DE LTA YIN DANG ZHES BYA BA NI, RANG RIG PA KHAS LEN PA NA'O, ,PHAN TSUN THA DAD PA'I PHYIR RGYUD GZHAN RTOGS PA BZHIN DU GNYI GA YANG RTOGS PAR MI 'GYUR RO, ,'DIR ZHES BYA BA NI SNA TSOGS SU SNANG BA MED PA NYID DU THAL BA'O, ,RANG RIG PA DANG GZHAN RIG PA KHAS BLANGS PA LA BDAG KYANG SNGA MA'I TSUL LAS MA 'DAS TE, DES NA BDAG DE YANG RANG RIG PA'AM GZHAN RIG PAR 'GYUR ZHES PA'I BRGAL ZHING BRTAGS PA 'DI NYID LAS 'PHAR BA MA YIN NO, ,GZHAN YANG ZHES BYA BA NI, ,RANG GI RANG BZHIN DU MA ZAD PA'O, ,'DI LA LAN NI RANG BZHIN DE NYID DAM ZHES BYA BA STE, BRJOD PAR 'DO PA 'GA' ZHIG DNGOS PO DE'I RANG BZHIN GYIS SO, ,GZHAN GYIS ZHES BYA BA NI SKABS SU BAB PA DE LAS THA DAD PA'I RANG BZHIN GYIS

, ,SO; ,DANG PO SEL BA NI RANG ZHES BYA BA'O, ,DE NYID GSAL BAR BYED PA NI RANG GI RANG BZHIN ZHES BYA BA'O, ,RNAM PAR RTOG PA GNYIS PA LA YANG BRJOD PA GZHAN GYI SGO NAS ZHES BYA BA'O, ,RANG LA MNGON DU PHYOGS PA'I RANG BZHIN GANG YIN PA DE LAS GZHAN PA KHO NAR 'GYUR BA GZHAN LA MNGON DU PHYOGS PA'I RANG BZHIN GYIS GZHAN RIG NA ZHES BYA BA'I DON TO, ,DES ZHES BYA BA NI GZHAN LA MNGON DU PHYOGS PA'I RANG BZHIN GYIS SO, ,GANG GI PHYIR RANG LA PHYOGS PA'I RANG BZHIN GYIS NI RANG GI RANG BZHIN KHO NA RIG CING, GZHAN LA PHYOGS PAS KYANG RANG BZHIN GZHAN KHO NA RIG PA DES NA'O, ,GANG LA YOD PA ZHES BYA BA'I BDAG GO, ,LAN NI 'DI NI ZHES BYA BA STE MNGON DU PHYOGS PA'O, ,DE NYID DO ZHES BYA BA NI DGOS PA STE BDAG NYID DO, ,RANG LA MNGON DU PHYOGS PA DANG, GZHAN LA MNGON DU PHYOGS PA'I RANG BZHIN DAG LA 'DI NI GNYIS YIN NO ZHES RTOGS PA DANG LDAN PA NI ZHES 'BREL TO, ,RANG DANG GZHAN LA MNGON DU PHYOGS PA'I RANG BZHIN PHAN TSUN 'GAL BA DE DAG NI RANG LA MNGON PAR PHYOGS PA'AM, GZHAN LA MNGON DU PHYOGS PA GCIG GIS RIG PAR MI 'THAD DE, DES NA MNGON DU PHYOGS PA GZHAN GNYIS KHAS BLANG BAR BYA DGOS PAR 'GYUR RO, ,DE BZHIN DU DE RIG PA'I DON DU GZHAN YIN PAS NA THUG PA MED DO, ,GANG GI PHYIR DE GZHAN RIG PA LA NYES PA YOD PA DES NA, RANG RIG PA'I RANG BZHIN GSUM ZHES BYA BA NI, RANG DANG GZHAN LA MNGON DU MA PHYOGS PA GNYIS BDAG DANG GSUM MO, ,DE'I PHYIR GSUM PO DE RNAMS PHAN TSUN LA LUGS MA SHES PA'I PHYIR NA, DE GSUM RIG PAR BYA BA'I DON DU'O, ,GAL TE RNAMS PA RNAMS MI BDEN PA DE LTA NA YANG SHES PA NI YOD PA KHO NA MA YIN RNAM DES NA STONG PAR JI LTAR 'GYUR SNYAM NA, 'DI LTAR GSUNGS SO, ,DE'I YANG ZHES BYA BA NI SHES PA'I YANG NGO, ,GNYI GA YANG ZHES BYA BA NI RNAM PAR DANG SHES PA'O, ,DE LTAR NI SPANG PAR BYA BA'O, ,GNYIS KA YANG ZHES BYA BA NI DGOS PA BSU BA STE, RNAM PAR DANG SHES PA'O, ,'DI 'GOG PA NI MA YIN TE ZHES BYA BA'O, ,DE NYID DRAN PAR BYED PA NI RANG

RIG PA ZHES BYA BA'O, ,RANG RIG PA NI MED DE SNA TSOGS PA MA YIN PAR THAL BA'I PHYIR RO, ,GZHAN RIG PA YANG MA YIN TE, RANG NYID RIG PA NI GZHAN RIG PAR 'JUG PA MA YIN NO ZHES BRJOD 'DZIN ZIN PA'I PHYIR RO, ,RE ZHIG DBU MA PA'I PHYOGS LA BRJOD PA NI, GZUGS DANG ZHES BYA BA'O; ,DNGOS PO RNAMS KYI RNAM PAR GZHAG PA GANG YIN PA'I DNGOS PO RNAMS THA DAD GNAS PA 'DIR ZHES 'BREL TE, ,RNAM PAR SHES PAR BYED PAS NA, RNAM PAR SHES PA ZHES BYA BA STE, GZUNG BA DANG 'DZIN PA'I RNAM PA GANG DAG YIN PA DE DAG LA PHYIR ROL DU GYUR PA'I RNAM PAR SHES PAR BYED PA'I MTSAN NYID KYI RNAM PAR SHES PA NI YOD PA MA YIN NO, ,DE LTAR RNAL 'BYOR SPYOD PA MNGON PAR 'DOD PA'I STONG PA NYID BRJOD NAS PHYI'I DON DU SMRA BAS 'DOD PA'I STONG PA NYID BRJOD PA NI, PHUNG PO LA SOGS PA ZHES BYA BA'O, ,DE LAS GZHAN DAG KYANG ZHES BYA BA RNAM PAR SHES PAR SMRA BA'I BSTAN PA'O, ,CHOS THAMS CAD SONG BA NYID DON DAM PA KHO NA BCOM LDAN 'DAS KYIS BSTAN PAR RIGS SO ZHES BYA BAR BSAMS SO, ,JI LTA BA'I RKYEN ZHES BYA BA NI BDAG NYID JI LTA BA'I RKYEN GYI LTOS PA STE LTOS PAR BYED PA GANG YIN PA DES NA, DE NYID DE NI RIG PA MA YIN, ,ZHES BYA BA NI RANG BZHIN DE NYID MA RIG PA STE, DE KHO NA MA YIN PA'I RNAM PA NYID KYIS MA SHES PA YIN NO ZHES BYA BA'I DON TO, ,DE LA NI ZHES BYA BA NI TSU ROL MTHONG BA RNAMS KYI DE'O, ,KHO NA NYID KYI DON GANG DAG GIS BTANG SNYOMS NYID DU MDZAD PA'I BCOM LDAN 'DAS DES SO, ,'JIG RTEN THUGS ZHES BYA BA NI 'JIG RTEN GYI NGOR RO, ,'DI NYID SHAD PA'I DON DU SNGAR BSHAD PA'I RTZOD PA NYID DRAN PAR BYED PA NI GAL TE ZHES BYA BA'O, ,PHYI ROL GYI ZHES BYA BA NI CHOS THAMS CAD STONG PA NYID LAS PHYI ROL DU GYUR PA'I DON RNAM PAR SHES PA LA SOGS PA GANG YIN PA DES STON PA MDZAD PA'O, ,DON RJES SU BRJOD PAS ZHES BYA BA'I PHYIR ROL GYI DON RJES SU BRJOD PAS RTOG PA LA SOGS PA'I RANG BZHIN CAN GYI BDAG 'GAG PA GANG YIN PA DE BRJOD PAR 'DOD PA'I PHYIR TE, 'JIG RTEN NA GRUB PA'I PHYI ROL GYI DON GANG YIN PA DE LA NI BDAG MED DO ZHES BYA BA'O, ,RJES SU BRJOD PA YANG MI 'THAD DE PHYI'I DON DE

, ,SNANG BA MED PA'I PHYIR RO ZHES BRTZAD PA LA MA YIN NO ZHES GSUNGS SO, ,GANG GIS 'JIG RTEN GYI BSAM PAS KYANG BCOM LDAN 'DAS RJES SU BRJOD PAR MDZAD PAR 'JIG RTEN NYID LA PHYI'I DON BYED BZHIN DU DER MNGON PAR ZHEN PA'I BLO JI LTAR SKYE BAR 'GYUR ZHE NA, 'JIG RTEN GYI ZHES BYA BA'O, ,'DIR YANG GZHAN GYI BLOS GZHAN STON PAR MDZAD PA NYID DU MI RIGS PA'I PHYIR, BCOM LDAN 'DAS LA YANG 'JIG RTEN GYI BLO MNGA' BA YIN NO ZHES GZHAN GYIS RTOGS PA YIN NO, ,DE NYID RJOD PA NI GAL TE ZHES BYA BA'O, ,'JIG RTEN GYI BLO NI BCOM LDAN 'DAS LA MI MNGA' LA, GZHAN GYI BLOS STON PAR MDZAD PA YANG MI SRID DO ZHES DGONGS NAS GSUNGS PA NI MA YIN TE ZHES BYA BA'O, ,SNGON GYI SHUGS NI SNGON GYI 'DU BYED PA'O, ,'O NA 'JIG RTEN THUGS NI ZHES BYA BA 'DI'I DON CIG YIN ZHE NA, DES NA ZHES BYA BA'O, ,'JIG RTEN GZHUG PA'I DON DU ZHES BYA BA NI, JI LTAR NA CHOS THAMS CAD STONG BA LA 'JIG RTEN 'JUG PAR 'GYUR ZHES BYA BA DE'I DON DU'O, ,BCOM LDAN 'DAS NI 'JIG RTEN GYI DE KHO NAR DU MAR STON PA YIN NO ZHES BYA BA'I DON TO, ,'DRI BA NYID BRJOD PA NI RNAM PAR DBYE BAR NUS PA'I ZHES BYA BA'O, ,SNA TSOGS KYI SHES PA LA SNGON PO LA SOGS PAR SNANG BA GANG YIN PA DE NI SHES PA'I KHYAD PAR SHES PA'I BDAG NYID DU GYUR PA YIN GYI GZHAN LA STON PA GZHAN DANG BCAS PA DE LTA BU NI MA YIN TE, GZHAN STON PA MED PA 'BA' ZHIG PAR GYUR PA NI MTHONG BAR NUS PA MA YIN NO, ,SNGON PO LA SOGS PA SER PO LA SOGS PA DANG LHAN CIG PAR DMIGS BA GANG YIN PA DE NI 'BA' ZHIG BLTA PAR NUS PA MA YIN NO ZHES BYA BA'I DON TO, ,GAL TE SER PO LA SOGS PA BKAB KYANG SNGON PO LA SOGS PA MTHONG BA MA YIN NAM, DES NA JI LTAR 'BA' ZHIG MI MTHONG NGO ZHES BRJOD SNYAM NA, SNGON PO LA SOGS PA RNAMS LA NI RNAM DBYE STE SO SOR 'BYED PA NI DON LA 'JUG PAR 'GYUR RO, ,SHES PA'I KHYAD PAR ZHES BYA BA'I DON TO, ,SNA TSOGS PA'I SHES PA'I BDAG NYID DU GYUR PA'I SNGON PO LA SOGS PA GANG YIN PA NI ZHES BYA BA'O, ,GZHAN STON MED CES BYA BA 'DI'I DON NI, ,YAN 'GAR RU ZHES BYA BA'O, ,GZHAN STON MED CES BYA BA 'DI'I DON NI, YAN 'GAR DU ZHES BYA BA'O, ,DE LA NI ZHES BYA BA LA SOGS PA BSHAD PA'I DON

DU PHYOGS SNA MA 'GOD PA NI GAL TE ZHES BYA BA'O, ,GZUGS LA SOGS PA DANG LHAN CIG TU 'GYUR RO ZHE NA GAL TE ZHES BYA BA NI LAN NO, ,'ON TE ZHES BYA BA NI DOGS PA BSU PA'O, ,SGRA'I SNANG BA DANG 'BRAL BA GZUGS LA SOGS PA'I SNANG BA NI SGRA'I SNANG BA DANG LHAN CIG NYID DU MI 'GYUR RO ZHES BYA BA'I DON TO, ,LAN NI DE YANG MA YIN TE ZHES BYA BA'O, ,SHES PA ZHES BYA BA NI SGRA DANG GZUGS LA SOGS PAR SNANG BA'I SHES PA RNAMS PAR BYED PA NI MA YIN NO, ,CI'I PHYIR ZHE NA DE'I TSE ZHES BYA BA STE, SGRAR SNANG BA MED PA'I DUS NI SNGAR GYI SNANG BA ZHES BYA BA SGRA DANG LHAN CIG PA MED PA'I PHYIR RO, ,GAL TE SNANG BA SNGA MA NYID 'BA' ZHIG PAR 'GYUR NA, DE'I TSE RNAM PAR 'BYED PA 'GYUR NA, DE LTAR NI MA YIN NO ZHES DGONGS PA'O, ,SGRA NI SGRA'I SNANG BA'O, ,DES NA THAD CAD PA YIN NO ZHES BYA BA NI SGAR SNANG BA NI GZUGS LA SOGS PAR SNANG BA LAS THA DAD PAR 'GYUR RO, , DE NI ZHES BYA BA NI SGRA'O, ,GAL TE SGRAR SNANG BA YIN PA DE LTA NA YANG 'DI CI JI LTAR SHES PA YIN SNYAM NA, DON NI RIG PA MA YIN PA'I PHYIR RO ZHES BYA BA'O, ,SGRA DANG LHAN CIG TU SNANG BA SNGAR GYI SHES PA'I RNAM PA NYID LAS SO, ,YAN 'GAR BA NI SGRA DANG BRAL BA'O ZHES RNAM PA DE LTAR RNAM PAR 'BYED PA'O, ,DES NA JI LTAR GNYIS SU MED PA YIN TE, SNGA MA DANG PHYI MA'I SHES PA'I SNANG BA DAG THA DAD PAR KHYED NYID KYIS KHAS BLANGS PA'I PHYIR RO ZHES BSAMS PA'O, ,KHYED KYI LTA BA NYID KYIS SNGA MA DANG PHYI MA'I SHES PA DAG DBANG THA DAD PAR KHAS BLANGS NAS GRUB PA'I MTHA' 'DI KHO BO CAG GIS BRJOD PAR ZAD KYI, DON DAM PAR NI 'CHAD PAR 'GYUR BA NYID GRUB PA'I MTHA' GYUR RO ZHES STON PAS BRJOD PA NI YANG MA YIN TE ZHES BYA BA'O, ,'DI MYONG BAR GYUR RO ZHES BYA BA JI LTAR MI 'GYUR ZHE NA, RANG RIG PA'I ZHES GSUNGS SO, ,'GAS PA NI THAMS CAD KYI TSE LKOG TU GYUR PA KHO NA YIN TE, DE NI RANG RIG PAS DMIGS PA MA YIN NO, ,'ON TE DRAN PAS LKOG DU GYUR PA SHES PAR BYED DO ZHE NA ZHES 'BREL TO, ,NGA LAS DRAN PA 'DI SKYES SO ZHES BYA BA 'DI NI NYAMS SU MYONG BA KHO NAS RTOGS PA YIN NO ZHE NA, NYAMS SU MYONG BA'I ZHES SMOS SO, ,GANG ZHIG NYAMS

, ,SU MYONG BA'I DUS NA YOD PA DE NYID DES RTOGS PAR BYA BA YIN LA, DRAN PA NI NYAMS SU MYONG BA'I DUS NA YOD PA MA YIN NA, DES NA DE DES JI LTAR RTOGS, GAL TE BDAG NI NYAMS SU MYONG BA LAS SKYES SO ZHES DRAN PA NYID KYIS SHES SO ZHE NA, DRAN PA 'DI NI ZHES BYA BA'O, ,DES NI ZHES BYA BA NI DRAN PAS SO, ,GAL TE NYAMS SU MYONG BA SHES PA YIN NA, DE'I TSE BDAG NYAMS SU MYONG BA LAS SKYES SO ZHES KYANG SHES PAR 'GYUR BA ZHIG NA, NYAMS SU MYONG BA RIG PA MED DO, ,DE NYAMS SU MYONG BA NYAMS SU MYONG BA NYID DO SNYAM NA, NYAMS SU MYONG BA YIN NYANG ZHES GSUNGS SO, ,NYAMS SU MYONG BA DRAN PAS MYONG BA YIN NA YANG NYAMS SU MYONG BA KHO NAR 'GYUR GYI DRAN PA NI MA YIN NO, ,GANG GI PHYIR DE LTAR SNGA MA DANG PHYI MAR 'DZIN PA MI 'THAD PA DE'I PHYIR ZHES BYA BA'O, ,DE NYID KYI TSE ZHES BYA BA NI, DUS GANG GI SER PO LA SOGS PA DANG BCAS PA'I SNGON PO DMIGS PA'I TSE'O, ,GCIG GIS BYA BA NI 'BA' ZHIG PA'O, ,MTHONG BA GANG YIN PA ZHES BYA BA NI SNGON PO 'BA' ZHIG PA'O, ,'DI LA LAN NI 'ON NI ZHES BYA BA'O, ,RANG NYID KYIS RNAM PAR DPYOD PAR KHAS BLANGS PA'I PHYIR RO, ,RANG RIG PA LA ZHES BYA NI DE NI RANG NYID KHO NA RIG PA'I PHYIR RO, ,GANG ZHIG GZHAN GYIS KYANG DMIGS PA DE NI PHYI ROL NYID DU THA SNYAD BYED PA YIN GYI, GZHAN NI MA YIN NO ZHES BYA BAR BSAMS PA'O, ,SEMS KYI ZHES BYA BA NI SEMS KYI RNA PA KHO NA GCIG TU 'GYUR GYI DON GYIS NI MA YIN NO ZHES BYA BA'I DON TO, ,YANG JI LTAR NA DON GYI YANG MI 'GYUR ZHE NA ZHES PA MA GTOGS PAR ZHES BYA BA ZHES GSUNGS SO; ,GZUNG BAR 'DOD PA GANG YIN PA 'DZIN PAR 'DOD PA GANG YIN PA DANG, DE BZHIN DU SNGON PO DANG SER PO LA SOGS PA'I RNAMS PA GANG LA YOD PA'I BLO SNA TSOGS PA'I DE LA DE SKAD CES BYA BA'O, ,DE LTAR NI RE ZHIG DU MA NYID DU KHAS BLANGS NAS RNAM PAR DBYE BAR MI NUS PA'I RANG BZHIN GYIS GCIG NYID DU BSHAD PA YIN NO, ,DE NI DU MA NYID MED DO ZHES BRJOD PA NI YANG NA ZHES BYA BA'O, ,SNA TSOGS MA YIN PA LA ZHES BYA BA NI RIG PA'I RANG BZHIN GCIG LAS SO, ,PHAN TSUN THA DAD PAR GNAS PA GANG YI PA DE NI MED PA'I PHYIR RO, ,RANG RIG PA NI GDON MI ZA BAR RANG BZHIN GCIG TU KHAS BLANG BAR

BYA BA YIN TE, DE LTA MA YIN NA RTUL PHRA RAB KYI MTHAR THUG PA'I THA DAD PA NI RANG RANG GI RANG BZHIN LA MI GNAS PA'I PHYIR MI SNANG BA KHO NAR 'GYUR RO, ,SNANG BYANG YOD DE DES NA SNANG BA MED PA'I PHYIR RIG PA RANG BZHIN GCIG NYID DO, ,RIG PA RANG BZHIN GCIG YIN PA DE LAS KYANG JI LTAR DU MA NYID RNAM PAR GNAS PAR 'GYUR TE, PHYIR LA GCIG NYID GNAS PAR 'THAD PA YIN NO, ,DES NI RANG GI NGO BO KHO NAR RIG PAR 'GYUR LA, RIG PA GCIG GI RANG BZHIN YANG GCIG KHO NAR 'THAD PA YIN NO ZHES DGONGS PA'O, ,DNGOS PO DANG DNGOS PO MED PA DAG GIS ZHES BYA BA NI GNYIS MED PA'I DNGOS PO DANG GZHAN GNYIS NI DNGOS PO MED PA STE, DE DAG GIS SO, ,GANG GI PHYIR THA DAD PA MED PA'I DE'I PHYIR THA DAD PA'I DNGOS PO MED PA LAS THA MI DAD PA GNYIS SU MED PA'I GZHAN DU RNAM PAR GNAS PAR MI 'GYUR RO, ,GAL TE THA DAD PA'I DNGOS PO GNYIS DNGOS PO MED PAR MA RTOGS PA NI DE'I TSE NYID DNGOS PO MED PAR MA RTOGS PAS NI, GNYIS MED PAR MNGON PAR 'DOD PA THA DAD PA NYID GA LAS YIN TE MA YIN PA KHO NA'O, ,DE LTAR RTOGS PAR 'GYUR MOD, NYES PA CI YOD PA SNYAM NA YANG DE LTA NA YANG ZHES BYA BA'O, ,DNGOS PO MED PA GNYIS DANG DNGOS GNYIS MED PA YANG NGO, ,BUM PA GNYIS 'DI LA KA BA MED DO ZHES BYA BA'I DGAG PA NI MED NYID DNGOS PO MED PA MA YIN TE, KA BA 'GOG PA MIN ZHES BYA BAR LTA'O, ,GAL TE DE LAS KA BA'I MED PA YOD NA NI DE'I TSE KA BA YANG 'GOG PAR 'GYUR RO, ,DES NA 'DI YANG THA DAD PA MED DE ZHES THA DAD PA'I MED PA RTOGS PAR BYA STE, DE LTA MA YIN NA DE DGAG PA MI 'THAD PA'I PHYIR RO, ,DE LTA YIN DANG GNYID MED DANG GNYIS KYI DNGOS YOD PA DANG MED PA GANG YIN PA DE DAG GI THA DAD PA'I RIG PA STE ROG PA 'ONGS SO, ,CI 'DRA BA ZHIG CE NA MED PA CAN TE GOD MI ZA BA 'GYUR PA'O, ,THA DAD PA MED NA MI 'BYUNG BA CAN ZHES BYA BA NI DNGOS PO THA DAD PA MED NA MI 'BYUNG BA CAN NO, ,'ON TE GNYIS DGAG PA MI BYED DO ZHE NA, DGAG PA MA RTOGS NA NI ZHES GSUNGS , CUNG ZAD KYANG ZHES BYA BA NI GNYIS SAM GNYIS MED PA'O, ,GNYIS PA GZHAN YANG BRJOD PA NI GZHAN ZHES BYA BA'O, ,GZHAN NI 'GA' YANG RTOGS PAR BYED

, ,PA MA YIN TE, 'ON KYANG RNAM PA 'DIS BDAG NYID KHO NA RTOGS PAR BYED DO ZHES BYA BA'I DON TO, ,DE LTAR NA NI ZHES BYA BA NI SUN BYI PA'O, ,GANG GI TSE RMONGS PA SRID PA DE'I TSE GNYIS MED PA NI MA RMONGS PA'I RANG BZHIN YIN NO, ,RMONGS PA DANG MA RMONGS PA DAG KYANG PHAN TSUN THA DAD PA DES NA JI LTAR GNYIS MED PA YIN, RMONGS PA MED NA NI BDAG NYID RTOGS PAR BYED PA NYES BAR MKHO BA MA YIN NO, ,DE NYID BRJOD PA NI RMONGS PA GSAL BAS NA ZHES BYA BA'O, ,GZHAN NI MA RMONGS PA'O, ,NYES PA GZHAN YANG BRJOD PA NI SNGA MA DANG ZHES BYA BA'O, ,DANG PO NI RMONGS PAS BZLOG PAR BYA BA YIN LA, DUS PHYIS NI MA RMONGS PAS 'JUG PAR BYA BA YIN NO ZHES SNGA MA DANG PHYI MA DAG NI JI LTAR RTOGS PA THA DAD PA ZHES BYA BA 'DI NI RNAM PAR THAMS CAD DU MA MTHONG NGO ZHES DE LTAR GNYIS MED PAR SMRA BA GANG GIS BSGRUBS PAR 'GYUR BA DE LA RTOGS PA 'DI MA 'BREL PAR 'GYUR RO ZHES 'BREL TO, ,YANG JI LTAR NA THA DAD PA MTHONG BA MA YIN SNYAM NA RE ZHIG CES BYA'O, ,SNGA MA DANG PHYI MA NI 'DAS PA DANG MA 'ONGS PA'O, ,DE'I TSE ZHES KHONG NAS PHYUNG LA, DA LTAR BA NYID DU 'GYUR RO ZHES BYA BAR SBYAR RO, ,GNYIS PA BZHIN NO ZHES BYA BA NI DA LTAR BA BZHIN NO, ,GAL TE 'DAS PA'I PHYIR NA, DE SNANG DU ZIN KYANG DA LTAR BA JI LTAR 'GYUR ZHE NA DE'I ZHES BYA BA'O, ,'ON TE MI STANG NGO ZHES BYA BA NI RNAL 'BYOR BA'I MNGON SUM LA SNANG BA NI 'DAS PAR MNGON PAR 'DOD PA'I YANG 'DAS PA NYID MA YIN NA ZHES BYA BA'I DON TO, ,DE'I TSE JI LTAR 'DAD PA LA SOGS PA RIG PA DMIGS PA YIN ZHES BLTA'O, ,DE NI GNAS SKABS NI RNAL 'BYOR BA'I GNAS SKABS SO, ,GANG DU ZHES BYA BA NI GNYIS SU MED PAR SMRA BAR RO, ,GZHAN DAG SNANG BA NYID DU STON PA NI, RMI LAM BDEN PA ZHES BYA BA'O, ,SKYE BA 'DI NYID DU'O, ,'DI 'GOG PA NI MA YIN TE ZHES BYA BA'O, ,DE LTAR THA SNYAD BYED PA'I PHYIR RO ZHES BDAG GIS 'DAS PA RTOGS SO ZHES THA SNYAD BYED PA'I PHYIR RO, ,DMIGS PA'I GNAS SKABS NI DE DAG GIS KYANG DE DA LTAR BA KHO NAR DMIGS PA YIN NO ZHES DGONGS PA'O, ,DE SNA ZHES BYA BA NI MA RTOGS PAS NA'O, ,DE LAS ZHES BYA BA NI 'DAS PA DANG MA 'ONGS PA LAS SO, ,KHYAD PAR MA RTOGS PAR

NI KHYAD PAR CAN RTOGS PA MA YIN NO, ,'DAS PA DANG MA 'ONGS PA YANG THA DAD PA'I KHYAD PAR YIN NO ZHES DGONGS PA'O, ,'ON JI LTAR 'JIG RTEN 'DAS PA RTOGS PA YOD SNYAM NA 'DAS PA NI ZHES BYA BA'O, ,DRAN PA DE NYID KYIS 'DAS PA RTOGS PAR 'GYUR RO ZHES GSUNGS TE, DRAN PA YANG NGO, ,'ON TE RJES SU DPAG PAS MA 'ONGS PA LAS DA LTAR BA THA DAD PAR 'GYUR RO ZHES BLTA'O, ,RJES SU DPAG PA NYID GA LAS SKYE SNYAM NA BRTAN PA LA SOGS PA'AM ZHES SMRAS SO, ,GANG GI TSE DNGOS PO BRTEN PA MTHONG BA DE'I TSE 'DI NI YUN RING POR GNAS PAR 'GYUR RO ZHES SHES PA YIN NO, , SOGS PA SMOS PA NI SNYING MI MTHONG BAS NA 'DI NI RING PO MI GNAS SO SNYAM DU SHES PAR 'GYUR RO, ,DE BZHIN DU RGYU MTHONG BA LAS KYANG 'BRAS BU RTOGS PAR 'GYUR RO DUS PHYIS 'BRAS BU 'BYUNG BAR 'GYUR RO ZHES BYA BAR RO, ,DE LTA NA YANG THA DAD PAR RTOGS PAR NUS PA YIN NO ZHES BYA BAR BSAMS PA'O, , 'BYUNG BAR 'GYUR BA'I DON DE DANG 'BREL PAR RIG PA'I RGYU LAS 'BYUNG BAR 'GYUR BA'I DON RJES SU DPOG PAR 'GYUR BA YIN NO, ,GAL TE 'DI KYANG 'BREL PA RTOGS PA PA YOD DO ZHE NA, RGYUD DANG BRTAN PA NYID DAG LA NI 'BYUNG BAR 'GYUR BA'I DON DANG 'BREL PAR MNGON SUM GYIS RIG PA MED PA NYID DO, ,GAL TE GNYIS MED PAR SMRA BA'I LTAR 'BREL PA ZHES BYA BA MED PA MA YIN NAM DE NI GNYIS LA BRTEN PA'I PHYIR RO, ,DES NA 'BREL PA YOD NA RJES SU DPOG GO ZHES CI'I PHYIR BRJOD SNYAM NA, 'BREL PA LAS ZHES GSUNGS SO, ,'DIS NI GZHAN GYI KHAS BLANGS KA KHO NAS DE SKAD BRJOD PA YIN NO ZHES BSHAD PA YIN NO; ,HA CANG THAL BA NYID NI BUM PA LAS KYANG SNAM BU DPOG PAR THAL LO, ,'DI LA GZHAN GYI BRJOD PA NI MA MTHONG BA ZHES BYA BA'O, ,GAL TE ZHES BYA BA NI GRUB PA'I MTHA'I PA'I'O, ,GAL TE RJES SU DPAG PAS MTHONG BA NYID DU BRJOD NA NI DE'I TSE RJES SU DPAG PA DE NYID SEMS PAS NA JI LTAR NA RJES SU DPAG PA DES MTHONG BA ZHES BRJOD, 'O NA MNGON SUM GYIS MTHONG BA NYID YIN NO ZHE NA RJES SU 'JUG GO, ,DE NI ZHES BYA BA NI RJES SU DPAG PA'O, ,GAL TE RJES SU DPAG LA LKOG TU GYUR PA'I YUL CAN YIN MOD, DE LTA NA YANG MNGON SUM GYIS JI LTAR MI RTOGS SHE NA, LKOG TU GYUR PA LA YANG ZHES

, ,GSUNGS SO, ,LKOG TU GYUR PA'I YUL CAN GYI RANG BZHIN GYIS JI LTAR RJES SU DPAG PA BDAG GIR BYED DE JI LTAR MNGON SUM GYIS RTOGS PA'I MTSAN NYID YIN, YANG JI LTAR NA LKOG TU GYUR PA'I YUL CAN RJES SU DPAG PA'I MNGON SUM GYIS MI RTOGS SHE NA, LKOG TU GYUR PA ZHES GSUNGS SO, ,YUL DU MI BYED PAS NI ZHES BYA BA MNGON SUM GYIS SO, ,YUL DE'I KHYAD PAR CAN NI ZHES BYA BA NI LKOG TU GYUR PA'I YUL GYI KHYAD PAR CAN NO, ,DE'I YUL CAN GYI RJES SU DPAG PA MNGON SUM GYIS MI RTOGS MOD, RJES SU DPAG PA TZAM NI RTOGS SO ZHE NA, 'ON TE ZHES GSUNGS SO, , GAL TE RJES SU DPAG PA MI RTOGS NA 'ON CI ZHIG NYAMS SU MYONG SNYAM NA RANG GI NGO BO ZHES GSUNGS SO, ,DE LTAR ZHES BYA BA NI RANG GI NGO BOR RIG PAR RO, ,'O NA TE DE KHO NA LTAR THA SNYAD BYED PA YIN NO ZHES BYA BA NI RJES SU DPAG PA MTHONG BA'I MTSAN NYID KYI'O, ,DE LTA YIN NO ZHES BYA BA GRUB PA'I MTHA'O,, DOGS PA NI THA DAD PAR ZHES BYA BA'O, ,GRUB PA'I MTHA' NI MTHONG BA ZHES BYA BA'O, ,THA DAD PAR ZHEN PAR NI MI RUNG BA YIN PA'I PHYIR NA, SPANG BA KHO NAR RIGS SO ZHES BYA BAR DGOS PA'O, ,DE LTA'O ZHES BYA BA NI THA DAD PAR MNGON PAR ZHEN PA MTHONG BA NI, SPANG PA'I MU NUS SO ZHES BYA BA 'DI'O, , THA DAD PA YOD DO ZHES BYA BA DE LTA BU'O, ,MTSAN NYID CAN GYIS NYES BAR BSTEN PA GANG YIN PA DE BRTZON PA'O, ,DED KYI THA MI DAD PA LA MNGON PAR ZHEN PA YANG MTHONG BA NYID KYIS SPANG BAR MI NUS PA'I PHYIR ZHES BYA BA'I DON TO, ,KHYED KYI YANG ZHES BYA BA NI THA MI DAD PAR SMRA BA'O, ,DON MED PA NYID DO ZHES BYA BA NI THA DAD PA LA MNGON PAR ZHEN PA NI MTHONG BA'I PHYIR NA DOR BA MI NUS LA GNYIS SU MED PAR BSTAN PA 'DI YANG THA DAD PAR MNGON PAR ZHEN PA KUN DU RMONGS PA'I MTSAN NYID SPANG BA'I DON DU BSTAN PA YIN NO ZHE NA, 'DI 'GOG PA NI MA YIN TE ZHES BYA BA'O, ,DE LTA BU BRJOD PA'I DON DU ZHES BYA BA NI THA DAD PAR MNGON PAR ZHEN PA 'DI NI MA MTHONG BA KHO NA STE, GSAL BA NI MA YIN NO ZHES DE LTAR BSTAN PA'I DON DU NYES BAR BSTAN PA YIN NO ZHES BYA BA NI , GAL TE RE ZHIG MA MTHONG YANG THA DAD PAR MNGON PAR ZHEN PA DE NI YOD PA MA YIN NAM, DES NA JI LTAR SPANG ZHE NA, DE LTA YIN DANG ZHES BYA BA'O, ,MA

MTHONG BA NI MED PA'I PHYIR NA MA MTHONG BA'I THA DAD PAR ZHEN PA YANG JI LTAR BDEN ZHES BSAMS PA'O, ,YANG JI LTAR NA THA DAD PA MTHONG BA MED SNYAM NA 'DI LTAR ZHES BYA BA'O, THA DAD PA BRTEN PA STE, RTOGS PA YOD PA MA YIN PA NA DE SKAD CES BYA BA'O, ,GAL TE LTAR BA'I SNANG BAS THA DAD PA MI RTOGS NA; DE LTAR NA 'O NA 'DAS PA DANG MA 'ONGS PA DAG GIS RTOGS PAR 'GYUR RO ZHE NA, SNGA MA PHYI MA'I ZHES BYA BA'O, ,SO SOR ZHES BYA BA NI RE RES THA DAD PAR MI 'DZIN TO, ,RE RES THA DAD PAR MI 'DZIN YANG 'DUS LAS ZHES BYA BA SNA TSOGS NAS DE LTAR ZHES BYA BA THA DAD PAR 'DZIN PAR 'GYUR RO, ,DPER NA BU RAM DANG DOD GRA DAG RE RES BYA BAR MI NUS PA'I 'BRAS BU DE TSOGS NAS BYED PA DE BZHIN NO ZHES BYA BA NI DPE'I DON TO, ,GRUB PA'I MTHA' NI DER NI ZHES BYA BA'O, ,'BRAS BU GCIG PA NI BUR MA DANG DONG GRA DAG GI PHYIR TE, RGYU DES NA DUS NAS TE LOG NA BYED PA YIN NO, ,'DIR YANG THA DAD PAR 'DZIN PA'I MTSAN NYID KI 'BRAS BU GCIG YOD PA'I PHYIR NA LOG NAS BYED PAR 'GYUR RO ZHE NA, 'DIR NI ZHES GSUNGS SO, ,DE LAS THA DAD PAR RANG BZHIN NI GZUNG BA MED PA'I PHYIR RO ZHES BYA BA'I DON TO, ,GAL TE DRAN PA'I MTSAN NYID KYI 'BRAS BU THA DAD PA YOD PA MA YIN NAM, DES NA LOG NAS BYED PA NYID MI 'GAL LO ZHES BRJOD PA NI DE LAS GZHAN PA'I ZHES BYA BA'O, ,SNGA MA DANG PHYI MA'I MYONG BA DAG LAS BYUNG BA GANG YIN PA STE, DES NA DE LAS LOG NAS BYED PAR 'GYUR RO ZHES BYA BAR BSAMS PA'O, ,LAN NI THA DAD PAR NI ZHES BYA BA'O, ,GAL TE NYAMS SU MYONG BA DE LTA YANG DRAN PA NI YOD DO SNYAM NA NYAMS MYONG MED PAR ZHES GSUNGS SO, ,GZHAN YANG GAL TE DRAN PA KHO NA NYAMS SU MYONG BA MED KYANG SNGA MA DANG PHYI MA'I SEMS DAG THA DAD PAR 'DZIN PAR BYED PA YIN NA DE'I TSE DRAN PA 'DI NI NYAMS SU MYONG BA KHO NA YIN TE DES NA DRAN PA DE DANG DUS MTSUNGS PA NYID KYIS SEMS SNGA MA DANG PHYI MA NYID NI RIG PA YIN NA DE YANG GNYIS MED THOB PAR 'GYUR RO, ,DER NI 'BRAS BU GCIG PA'I ZHES BYA BA LA SOGS PA ZHES BYA BA LA SOGS PA GZHES BYA BA'O, ,DES ZHES BYA BA NA BU RAM DANG DONG GRA DAG GIS BZLOG PAR BYA BA'I NAD GANG YIN PA DE ZLOG PAR BYED PA'O, ,SNGA MA DANG PHYI MAR RTOGS PA

, ,'BRAS BU YIN NO ZHE NA, RTOGS PA NI ZHES GSUNGS SO, ,DE DAG GI ZHES BYA BA NI SEMS SNGA PHYI DAG GI'O, ,DE YANG ZHES BYA BA NI RTOGS PA'O, ,THA DAD PA NA ZHES BYA BA NI SNGA MA DANG PHYI MA'I SEMS KYI RANG BZHIN LTAR THA DAD PA NYID YIN NA'O, ,GZHAN GYIS SMRAS PA NI SNGA MA DANG ZHES BYA BA'O, , MA YIN TE ZHES BYA BA NI 'GOG PA'O, ,DES NA DRAN PA YANG ZHES BYA BA NI GNYIS 'DZIN PA'O, ,'O NA SLOB DPON GYIS JI LTAR DE SKAD BSHAD CES ZHES BYA BAR BLTA'O, ,GZUGS DANG REG PA'I RNAM PAR SHES PA THA DAD KYANG MA GRUB PA'I PHYIR RO ZHES BYA BA'O, ,'DI LA BRJOD PA NI THA DAD PAR 'DZIN PA ZHES BYA BA'O, , DE LTA BU'I ZHES BYA BA NI THA DAD PA'I'O, ,'ON TE SNGA MA DANG PHYI MA'I SEMS DAG GIS THA DAD PA MI 'DZIN PA DE LTA NA YANG DRAN PAS 'DZIN PA YIN NO SNYAM NA, ,GANG GIS GSUNGS SO, ,GAL TE DRAN PAS SEMS SNGA MA DANG PHYI MA DAG RANG RIG GO DE KHO NAS DNGOS SU BYED DO SNYAM NA DUS MTSUNGS PA ZHES BYA BA'O; ,'DOD PA YIN GYI ZHES BYA BA NI KHYED 'DOD PA YIN GYI, NYAMS MYONG NI THA DAD PA'I 'DZIN BYED MIN NO ZHES 'BREL TO, ,DE'I PHYIR NA THA DAD PAR RIG PA 'DI NI KUN RDZOB YIN PAR 'GYUR RO, ,KUN RDZOB NYID BSGRUB PA NI 'DI LTAR ZHES BYA BA'O, ,KHO BO CAG GIS GCIG TU 'DOD PA GANG YIN PA DE NI SNA TSOGS TE, DU MAR RTOGS PA STE SHES PAR 'GYUR RO, ,RNAM PA GANG GIS SHE NA, MNGON SUM NI DE LTAR 'JUG PA YANG MA YIN TE, DE'I PHYIR ZHES BYA BA LA SOGS PA'O, ,'ON TE RE ZHIG SNANG BA NI YOD PA YIN TE DES NA DE TZAM KHO NAS THA DAD PA RTOGS PAR 'GYUR RO ZHE NA SNANG PA TZAM GYIS ZHES BYA BA'O, , SNA TSOGS DANG SNA TSOGS MIN NYID NI THA DAD PA DANG THA MI DAD PAR RTOGS PA'O, ,GANG GI PHYIR SNANG BA TZAM GYIS THA DAD PA DANG THA MI DAD PA ZHES MI RTOGS PA DES NA'O, ,DRAN PA GOMS PA LAS GSAL BAR 'GYUR BA'I MNGON SUM GANG YIN PA DES SO, ,GANG ZHIG CES BYA BA NI THA DAD PA 'DZIN PA'O, ,GOMS MA KYANG ZHES BYA BA NI MI GSAL BA'I MNGON SUM SNANG BA'I RANG BZHIN GANG YIN PA DE NYID GOMS PA LAS GSAL BAR SNANG BA NYID KYIS LHAG PAR 'GYUR BA YIN NA, MI GSAL BA'I MNGON SUM GYIS THA DAD PA GZUNG BA YANG MA YIN NO, ,DES NA GOMS PA LAS SKYES PAS 'DZIN PAR 'GYUR, DER YANG ZHES

BYA BA NI GSAL BA'I MNGON SUM LA YANG RNAM DBYE DES ZHES BYA BA NI THA DAD PA DANG THA MI DAD PA'I RNAM PAR DBYE BA'O, ,DRAN PA DE LAS NI DRAN PA DANG NYAMS SU MYONG BA DAG YAN 'GAR BAR MYONG BA STE, THA DAD PAR 'DZIN NO ZHES BYA BA'I DON TO, ,GAL TE DE SKAD BRJOD NA DE'I TSE YANG DU MA'I RANG BZHIN DE YANG KHYED KYI 'DOD PAS DRAN PA DANG NYAMS SU MYONG BA DAG GI YIN PAS DE LA YANG RNAM DBEN TE RNAM PAR DBYE BA YOD PA MA YIN GYI 'ON KYANG DRAN PA LA SNANG BA'I DRAN PA DANG NYAMS SU MYONG BA DAG KYANG GCIG KHO NA'O ZHES BYA BA'I DON TO, ,CI'I PHYIR THA MI DAD CE NA RANG NGAM ZHES BYA BA'O, ,DE NYID DU ZHES BYA BA NI DON DAM PAR RO; ,GAL TE YANG RNAM PAR GCAD PAR BYA BA MI NUS PA DE LTA NA YANG THA DAD PAR 'GYUR RO SNYAM NA, GANG ZHIG LOGS SU BCAD NAS SKYO BAR MI NUS SHING, GZHAN DU ZHES BYA BA 'BA' ZHIG BLTA BAR YANG MI NUS PA THA DAD NA YANG CI ZHIG BYAR YOD, CI'I PHYIR ZHE NA, BLANG DANG DOR NYID BYAR MED PHYIR RO, ,DE NI 'GA' ZHIG SPANG BA'AM, BLANG BAR NUS PA SRID DO, ,DE DANG ZHES BYA BA NI NYAMS SU MYONG BA DANG NGO, ,DE THA DAD PAR SMRA BA'I LUGS LA YANG JI LTAR DRAN PA GZHAN NYID YIN ZHE NA, THAMS CAD RGYU DANG ZHES BYA BA STE, RGYU SKYED BYED DANG RANG GI NGO BO'I DBYE BA STE, RGYU'I DBYE BA DANG BCAS PA'I RANG GI NGO BO'I DBYE BA LAS SO ZHES BYA BA'I DON TO, ,DE ZHIG RGYU'I DBYE BA NYID BRJOD PA NI DE LA ZHES BYA BA'O, ,DBANG PO'I SHES PA NI DE LTAR ZHES BYA BA BAG CHAGS TZAM LAS SKYE BA MA YIN NO, ,RANG GI NGO BO'I DBYE BA BRJOD PA NI DRAN PA NI ZHES BYA BA'O, ,'DI DAG NI ZHES BYA BA NI DRAN PA DANG MYONG BA DAG GO, ,KA BA LA SOGS PA LTAR ZHES BYA BA NI JI LTAR KHYED KYI LTAR NA, KA BA LA SOGS PA THA DAD PA DE BZHIN DU ZHES SO, ,RGYU DANG LDAN PA NYID RIG PA GANG YIN PA DE LA DE SKAD CES BYA BA DE MED PA'O, ,DE MI 'DZIN PHYIR ZHES BYA BA NI RGYU DE MI 'DZIN PA'I PHYIR GAL TE MNGON SUM GYI RGYU MI 'DZIN PA'O, ,DE LTA NA YANG RJES SU DPAG PAS 'DZIN TO SNYAM NA, RJES SU DPAG PA YANG ZHES BYA BA'O, ,DRAN PA TZAM DU ZAD KYI 'DZIN PA NI MA YIN GYI DE'I RANG BZHIN MED PA'I PHYIR RO, ,'ON TE GANG GI TSE RGYUR MNGON PAR 'DOD PA 'DZIN PA DE NYID DU 'DZIN MOD SNYAM NA GANG GI TSE DE ZHES GSUNGS SO, ,DE NI RGYU MNGON PAR 'DOD PA'O, ,'O NA 'BRAS BU

, ,'DZIN PAR 'GYUR RO ZHE NA, 'BRAS BU 'DZIN PA'I DUS NA YANG ZHES GSUNGS SO, ,'O NA DRAN PA NYID KYIS DE RGYU NYID DU RTOGS SO ZHE NA, NYAMS SU MA MYONG BA LA ZHES GSUNGS SO, ,RGYU NI MNGON SUM GYIS MYONG BA KHO NA YIN TE, DES NA DRAN PA 'BYUNG NGO SNYAM NA RGYU NYID DU ZHES GSUNGS SO, , DE ZHES BYA BA NI 'DAS ZIN PA'I RGYU YANG NGO, ,GAL TE DUS MTSUNGS PAR MNGON SUM GYI RGYU DANG 'BRAS BU NYID DU NYAMS SU MYONG BA DE LTA YIN NA NI SNGA MA'I RANG BZHIN ZHES BYA BA LA SOGS PAR SBYAR RO, ,'ON TE ZHES BYA BA NI DGOS PA'O, ,JI LTAR MNGON SUM MED PAR RJES SU DPAG PA 'JUG STE, GAL TE SNGA MA'I RANG BZHIN NYID LA YANG MNGON SUM GYI SPYOD YUL DU 'GYUR NA, DE'I TSE RJES SU DPAG PAS KYANG RTOGS PAR 'GYUR BA ZHIG NA, 'DI YANG YOD PA MA YIN NO ZHES STON PA NI, MNGON SUM GYIS NI ZHES BYA BA'O, ,SNGAR ZHES BYA BA NI RGYU 'DZIN PA'I DUS NA'O, ,SNGA MA NYID DU ZHES BYA BA NI RGYU'I RANG BZHIN SNGA MAR GYUR BA NYID DO, , SNGAR GYI MNGON SUM DES SNGA MA NYID MA 'DZIN PA CI'I PHYIR ZHE NA, MNGON SUM THAMS CAD NI ZHES BYA BA'O, ,'DZIN PA PHYI MA LA LTOS NAS ZHES BYA BA NI, 'BRAS BU 'DZIN PA LA LTOS NAS SO, ,DES NI ZHES BYA BA NI MNGON SUM SNGA MAS SO, ,CI'I PHYIR MI 'DZIN ZHE NA RANG BDAG NYID LA GNAS PHYIR ZHES GSUNGS TE GZHAN GYI TSUL LUGS MI SHES PA'I PHYIR RO ZHES DGONGS PA'O, ,RANG BDAG NYID KYI DUS GANG YOD PA'I DNGOS PO DE'I RANG GI NGO BO 'DZIN PA'I MNGON SUM GYIS SO, ,MNGON SUM PHYI MA LA'ANG DE BZHIN NO ZHES BYA BAR RANG GI 'BRAS BU'I RANG GI NGO BO 'DZIN PA'O, ,RANG GI DUS KYIS RANG NGO BO YONGS SU GCOD PA SNGA MA LA LTOS PA'I BDAG NYID JI LTAR 'DZIN PAR 'GYUR ZHES RJES SU 'JUG GO, ,DE LA ZHES BYA BA NI SNGA MA DANG PHYI MA LA'O, ,DRAN PAS KYANG ZHES BYA BA NI RJES SU DPAG PA'I RANG BZHIN GYIS SO, ,RIG PA MA YIN PA ZHES BYA BA NI MNGON SUM GYIS SPYOD YUL DU MA BYAS PA LA'O, ,RNAM PAR RTOG PA NYIS PA SPANG BA'I DON DU BRJOD PA NI 'ON TE ZHES BYA BA'O, ,DRAN PA TZAM YIN GYI DE TSAD MA NI MA YIN NO ZHE NA, GANG GIS ZHES BYA BA SNGA MA DANG PHYI MA LA LTOS PA RIG PA GANG GIS 'BRAS BU RIG PAR 'GYUR BA DRAN PA TZAM DE LAS SNGA MA DANG PHYI MA LA LTOS PA'I RIG PAR JI LTAR 'GYUR, GCIG NYID DU ZHES BYA BA SNGA MA DANG PHYI

MA'I ZHES PA DAG GCIG NYID DU GZUNG BA'O, ,NGAS 'BA' ZHIG MTHONG BA GANG YIN BA DE NYID TSOGS PA 'DI YIN NO ZHE'AM BDAG NYID TSOGS PAR MTHONG BA GANG YIN PA DE NYID 'BA' ZHIG PA 'DI YIN NO ZHES SNGA MA DANG PHYI MA DAG GCIG NYID DU DO SHES PA NYID LHAG PAR ZHEN PA NYID DE, DES NI RNAM PAR 'BYED PA STE, SNGON PO'I RNAM PA LOGS SU BYED PA YIN NO, ,DES NA GNYIS SU MED PAR JI LTAR 'GYUR ZHES BSAMS PA'O, ,'DI GRUB PA'I MTHA' PAS BRJOD PA NI DE NYID YIN NO ZHES BYA BA'O, ,DE NYID CES BYA BA NI DRAN PA'I RANG BZHIN YIN LA 'DI ZHES BYA BA NI NYAMS SU MYONG BA'I RANG BZHIN YIN TE SKAL LDAN CHEN PO BSHAD PA MDZAD PA'I BZHED PAS NI, DE NYID KYIS MNGON SUM YIN PA'I PHYIR RO, ,DRAN PA DANG 'DI'O ZHES 'DZIN PA DAG MTHONG BA YIN NO, ,DRAN PA YANG TSAD MA MA YIN TE, DES SNGA MA DANG DA LTAR BA GCIG TU JI LTAR 'DZIN ZHES DGOS PA'O, ,'O NA ZHES BYA BA NI DOGS PA BSU BA'O, ,JI LTAR SHING RTA DANG SHING RTAS BSKYOD PA'I SKYES BU DE GNYIS THA DAD PAR RTOGS PA JI LTA BA BZHIN NO ZHES BYA BA NI DPE'I DON TO, ,'DI LA BRJOD PA NI GAL TE ZHES BYA BA'O, ,DE LTA BU KHO NAR ZHES BYA BA NI THA DAD PA KHO NAR RO, ,RNAM PAR DPYAD PA NYID BRJOD PA NYID RANG PA DANG ZHES BYA BA'O, ,DE LTA YIN NA ZHES BYA BA NI GCIG TU RTOGS NA'O, ,DE NYID DU ZHES BYA BA NI DRAN PA DANG MNGON SUM GYI RNAM PA CAN NYID DU'O, ,DRAN PA'AM MNGON SUM GCIG KHO NAR 'GYUR RO ZHES BYA BA'I DON TO, ,DE LTAR 'GYUR MOD CI SKYON SNYAM NA, DE LTA YIN NA ZHES GSUNGS SO, ,DRAN PA'I RNAM PAS ZHES BYA BA NI DRAN PAR BYAS SO, ,MA RTOGS PA NI NYAMS SU MA MYONG BA'O, ,SNGA MA NYID KYANG MNGON DU BYED PA'I RNAM PA KHO NAS RTOGS SO ZHE NA, MNGON SUM DU ZHES GSUNGS SO, ,DON RNAMS KYIS GZHAN DE SNGON PO'AM SER PO LA SOGS PA'I RANG BZHIN THA DAD PA NYID DAM CIG SHOS GZHAN MA YIN PA NA'O, ,RTOGS PA LA LTOS TE GRUB PA MA YIN PA'I THA DAD PA'O, ,GRUB PA'I MTHA' PAS BRJOD PA NI 'DI NI ZHES BYA BA STE, THA DAD PA'I THA SNYAD MED PAR 'GYUR RO ZHES BRJOD PA GANG YIN PA'O, ,GZHAN GYIS MI MTSUNGS TE ZHES SMRAS SO, ,DE DON DU GNYER BA ZHES BYA BA NI THOB PAR BYA BA DON DU GNYER BA'O, ,'DI ZHES BYA BA NI 'JUG PA'O, ,DE ZHES BYA BA NI THOB PAR BYA BA'O, ,SHES NA ZHES BYA BA

, ,NI MNGON DU BYED PA'I SHES PAS NYAMS SU MYONG BA NA'O, ,'JUG PAS KYANG DE'I YUL CAN MNGON DU BYED PA'I SHES PA SKYED PA NYID THOB PA YIN GYI GZHAN NI MA YIN NO, ,GAL TE DANG PO SKYES NA DE'I TSE CI'I DON DU 'JUG PAR BYED, MO GSHAM GYI BU LA ZHES BYA BA MNGON DU MA BYAS PAR KHYAD PAR MED PA'I PHYIR RO, ,MO GSHAM GYI BU DE DE MED PA'I PHYIR DANG THOB PAR BYA BA 'DI NI YOD PA'I PHYIR RO, ,'DI KHO NA LA 'JUG GI MO GSHAM GYI BU LA NI MA YIN PA LA BRJOD PA NI DE NYID CES BYA BA'O, ,MNGON DU BYED PA'I SHES PA MED NA THOB PAR BYA BA NI YOD LA MO GSHAM GYI BU NYID MED DO ZHES BYA BA 'DI NYID JI LTAR SHES DE LTAR NA MTHONG BA LA SOGS PA LAS YOD PA YIN NO ZHES SHES PA YIN NO ZHE NA, REG PA LA SOGS PA ZHES GSUNGS SO, ,RIG PA MED PA NI RIG PA YOD PA MA YIN PA'O, ,RIG CE NA ZHES BYA BA NI MNGON DU BYAS SHE NA'O, ,'DI LA BRJOD PA NI 'O NA ZHES BYA BA'O, ,'JUG PA'I 'BRAS BU MNGON DU BYED PA NI YOD ZIN PA'I PHYIR RO ZHES DGONGS PA'O, ,DE'I PHYIR KHYAD PAR LA THA DAD PA RIG PA YIN NO ZHE NA, DE'I TSE KHYAD PAR MA RTOGS PA'I PHYIR, JI LTAR KHYAD PAR LAS 'JUG PAR 'GYUR, GAL TE SPYI KHYAD PAR LAS THA MI DAD PA YIN NA, SPYI DE MNGON DU BYAS PA NA KHYAD PAR YANG MNGON SUM DU BYAS PAS NI CI'I DON DU 'JUG ,SPYI THA DAD PA DANG THA MI DAD PA KHAS LEN NA NI JI LTAR DE RANG BZHIN GANG GIS SPYI THA DAD PA'I RANG BZHIN DES NI RTOGS SU ZIN KYANG KHYAD PAR MA RTOGS PA'I PHYIR NA, KHYAD PAR THA MI DAD PA DE LA MI 'JUG PA KHO NA'O, ,JI LTAR DE RANG BZHIN GANG GIS SPYI THA MI DAD PA'I RANG BZHIN DES NI SPYI RTOGS PA NA, KHYAD PAR YANG RTOGS PA'I PHYIR THOB ZIN PAS DES ZHUGS PA LA DON CI YOD, CI MNGON SUM LAS 'JUG PA MTHONG NGAM 'ON TE RJES SU DPAG PA LAS PHYOGS DANG PO LA RE ZHIG BRJOD PA NI, RANG DON RIG PHYIR ZHES GSUNGS TE, RANG GI YUL GYI RANG BZHIN TZAM ZHIG MTHONG BA'I PHYIR RO; ,'ON TE 'JUG PA'I YANG RANG GI YUL GYI RANG BZHIN NYID MIN NA DES NA DE YANG MNGON SUM GYIS RIG PA YIN NO SNYAM NA, 'JUG PA SNGA PHYI'I ZHES GSUNGS SO, ,DE LA ZHES BYA BA NI SNGA MA DANG PHYI MA'I RANG BZHIN LA'O, ,DE'I PHYIR PHYI'I DON LA YANG RNAM PA THAMS CAD DU YANG 'JUG PA'I 'THAD PA

YIN PA'I PHYIR NA; PHA ROL POS BDAG CAG LA GNYIS PA LA YANG JI LTAR 'JUG BA SRID CES BYA BA DE LTA BU'I RNAM PAR RTZOD PA GANG YIN DE GSAL BA YIN NO, ,'DI JI LTAR GSAL SNYAM NA DON 'DI NI ZHES BYA BA STE, 'DI NI GZHAN YIN LA BDAG NI GZHAN MA YIN NO ZHES BYA BA'I DON 'DI NI BDAG DANG GZHAN LA YANG MA GRUB PA'I PHYIR RO, ,DON 'DI RANG BZHIN LA GRUB PA MA YIN NO ZHES BYA BA 'DI NYID GANG LAS GRUB SNYAM NA 'DI LTAR SKYE BA GRUB PA NI RANG RIG PA NYID YIN GYI ZHES GSUNGS SO, ,'DRI BAR BYED PA BDAG DANG 'CHAD PAR BYED PA GZHAN 'DI ZHES DE LTAR RNAM PA 'DIS RGOL BA GNYIG YANG RANG GI RNA PAR NYE BAR BSGYUR BA'I SHES PA RIG BA NYID DPER NA RMI LAM GYIS RTOGS PA RGOL BA DANG PHYIR RGOL BA'I RNAM BA YIN GYI RTOGS PAS NYE BAR BSGYUR BA RIG PA TZAM YIN BA BZHIN TE DON DAM PAR NI RNAM PAR DBYE BA YOD PA MA YIN NO, ,SMYON PA'I RTOGS PAS YANG MGYOGS 'GRO LA SOGS PA'I RNAM PA CAN GYI RTOGS PA RIG BA TZAM YIN GYI, MGYOGS 'GRO LA SOGS PA'I RNAM PA RNAM PAR DBYE BA NI YOD PA MA YIN PA BZHIN NO, ,'O NA NI ZHES BYA BA LA SOGS PAS DOGS PA BSU NAS BRJOD PA NI 'DI ZHES BYA BA LA SOGS PA'O; ,GZHAN GYIS ZHES BYA BA NI PHYIR RGOL BAS SO, ,'DI LA BRJOD PA NI CI ZHES BYA BA'O, ,JI LTAR BYED PA MA MTHONG SNYAM NA JI LTAR ZHES BYA BA'O, ,'O NA JI LTAR ZHES BYA BA NI DGONGS PA'O, ,GRUB PA'I MTHA' NI KHYED KYIS ZHES BYA BA'O, ,GAL TE DU BA LA SOGS PA ME LA SOGS PA LA YOD PAR MNGON SUM GYIS DMIGS PA NYID MA YIN NAM SNYAM NA, RGYU DANG 'BRAS BU'I ZHES GSUNGS SO, ,DON NI 'DI YIN TE RE ZHIG RIG PA BDAG NYID NI LDOG PA NYAMS SU MYONG BA MA YIN TE, LDOG PA'I DUS NA RANG NYID MED PA'I PHYIR RO, ,RIG PA GZHAN GYIS BYANG SPYOD YUL DU MI 'GYUR BA NYID DU'O, ,DES KYANG DE MED PAR JI LTAR 'DZIN ZHES BYA BA'O, ,CE STE RES 'GA' BA NYID DU YANG YOD PA KHYOD KYIS RTOGS SAM ZHES 'BREL TO, ,'O NA SLOB DPON GYIS DE JI LTAR BSHAD SNYAM NA, THA DAD PAR SMRA BA LA ZHES GSUNGS SO, ,'DIR SNA TSOGS GNYIS MED 'DI NI TSIG RE RE LA YANG LOG PAR RTOGS PA BRGYA PHRAG DU MA DANG 'BREL BA YIN MOD KYI, GZHUNG MANGS KYIS 'JIGS PAS NA BDAG CAG GIS MA BKOD DO, ,DE'I PHYED LA SOGS PAR ZHES BYA BA NI,

, ,SNGAR MTHONG BA GANG YIN PA DE'I PHYED DAM CUNG ZAD MA RDZOGS PAR ZHES BYA BA'I DON TO, ,SEMS MIN ZHES BYA BA'I PHYI ROL BA'O, ,GAL TE DNGOS PO JI LTA JI LTAR MTHONG BA DE DE LTA BU KHO NAR SKYES PA YIN NA, DE'I TSE LKOG TU GYUR PA NYID DANG GZHAN GYIS BLTA BAR BYA BA NYID DU YANG MA MTHONG BA DES NA RTOG PA NYID DAM, GZHAN GYIS BLTA BAR BYA BA NYID DU MA SKYES PAR 'GYUR RO, ,SKYES PA YANG MA YIN TE, DE LTA MA YIN NA PHYI ROL NYID NYAMS PAR 'GYUR RO SNYAM DU DGONGS PA'O, ,PHYOGS NYID LA GNOD PAR BYED PA GZHAN BRJOD PA NI, RGYU GZHAN GYIS NI ZHES BYA BA'O, ,YANG JI LTAR NA LKOG TU GYUR PA NYID DANG GZHAN GYIS BLTA BAR BYA BA DNGOS PO MA SKYES SHE NA DNGOS PO NI ZHES BYA BA GSUNGS SO, ,TSIG LE'UR BYAS PA GNYIS 'GREL PA NI, RGYU GZHAN LAS ZHES BYA BA'O, ,'DZIN PA'I RNAM PA DANG 'DRA BAR ZHES BYA BA NI SHES PA BZHIN DU'O, ,DON KHO NA'O ZHES BYA BA NI SHES PA MA YIN PA'O, , RE ZHIG BDE BA LA SOGS PA NI DMIGS PAR BYA BA'I RANG BZHIN YIN YANG RNAM PAR SHES PA'I RANG BZHIN NI MA YIN NO ZHES BRJOD PA NI NE PA LAS ZHES BYA BA'O, ,GAL TE DE YANG DON GYI RANG BZHIN YIN NA DE'I TSE SNGON PO LA SOGS PA BZHIN GZHAN GYIS CI STE DMIGS SHE NA, NANG GI ZHES SMOS TE NANG YIN PA'I PHYIR GZHAN GYIS DMIGS PA MA YIN NO ZHES BSAMS PA'O, ,GZHAN DAG SHES PA GRUB PAR BYA BA'I DON DU TSAD MA NYE BAR 'GOD PA NI GANG GIS ZHES BYA BA'O, ,'DI LA BRJOD PA NI DE YANG MIN ZHES BYA BA'O, ,GANG GI TSE SHES PA ZHES BYA BA MED PA DE'I TSE, DMIGS PAR BYA BA RANG NYID RIG PA YIN PAR 'GYUR RO, ,DES NA SHES PA YOD PA NYID SGRUB PAR BYED PAR JI LTAR 'GYUR GZHAN DAG SHES PA YOD PAR BSGRUB BA'I PHYIR SMRA BA NI DMIGS PAR BYA BA NYID DMIGS PA ZHES BYA BA LA, DMIGS PA PO NI BDAG YIN LA DMIGS PAR BYED PA ZHES BYA BA NI DMIGS PA'I BYA BA STE, SHES PA ZHES BYA BA'I DON TO, ,DE LTA MA YIN NA ZHES BYA BA NI GAL TE SHES PA ZHES BYA BA YOD PA MA YIN NA, DE'I TSE 'DI GANG GIS DMIGS ZHES BRGAL ZHING BRTAG PA NA GAL TE DON GYIS GO BA MI 'JUG NA DE'I TSE LAN NYID MED PAR 'GYUR RO ZHES BYA BA YIN LA, GAL TE GZHAN GYIS DMIGS PAR BYA BA GANG

YIN PA DE GTAN TSIGS YIN NA DE'I TSI GANG GIS DMIGS PAR BYED DE, MA GRUB PA NI GTAN TSIGS SU MI RUNG BA'I PHYIR RO, ,GAL TE GZHAN GYIS DMIGS PAR BYA BA DE YANG GZHAN GYIS TE, GZHAN GYIS DMIGS PAR BYA BA'I MTSAN NYID GZHAN DAG GIS DMIGS PA YIN NA, DE LTA YIN NA RE ZHIG GZHAN GYIS DMIGS PAR BYA BA NYID NI SHES PA'I RTAGS YIN LA, GZHAN GYIS DMIGS PAR BYA BA NYID DE YANG DMIGS PA YIN TE, DES NA DE LA YANG GZHAN GYIS DMIGS PAR BYA BA NYID YOD DE DES NA DE LA DE RJES SU DPOG PA YIN NO ZHE NA, 'DI LA BSHAD PA NI DE LTA NA NI ZHES BYA BA'O, ,GTAN TSIGS DE YANG GZHAN GYIS DMIGS PAR BYA BA YIN LA DE YANG GZHAN GYIS YIN NA THUG PA MED DO, ,RNAM PAR RTOG PA GNYIS PA LA BRJOD PA NI RANG NYID KYIS NI ZHES BYA BA'O, ,GZUNG BA LA YANG RANG NYID DMIGS PAR THAL LO, ,JI LTAR 'DZIN PAR BYED PA RANG NYID KYIS DMIGS PAR BYA BA'I RANG BZHIN YIN PA DE BZHIN DU GZUNG BAR BYA BA YANG YIN PAR THAL LO ZHES BYA BA'I DON TO, ,'ON TE ZHES BYA BAS DOGS PA BSU NAS BRJOD PA NI GAL TE GZHAN LA ZHES BYA BA'O, ,GZHAN LA LTOS PA GANG YIN PA DE GZHAN MED PAR GZHAN LA LTOS PA NYID DU JI LTAR 'GYUR TE, GZHAN LA LTOS PA MA YIN PA KHO NA ZHES PA'I DON TO, ,DES NA GAL TE GZHAN LA LTOS PAR RIG NA DE'I TSE GZHAN YANG YANG RIG PAR 'GYUR RO, ,'ON TE GZHAN THE TSOM GYI YUL YIN PA DE LAS GZHAN LA LTOS PA NYID RTOGS PA YIN NO ZHE NA, THE TSOM ZA NA ZHES GSUNGS SO, ,GAL TE GZHAN LA LTOS PA NYID THE TSOM ZA BA DE LTA NA YANG SHES PA YOD PA LA GZHAN LA LTOS PA NYID GTAN TSIGS SU 'GYUR RO SNYAM NA GTAN TSIGS GZHAN LA LTOS PA NYID MA NGES PAS NA, NGES PAR BYED PA ZHES BYA BA SHES PA YOD PAR NGES PAR BYED PA'O, ,BUM PA LA SOGS PA LA RANG BZHIN GNYIS YOD DE BDAG LA LTOS PA'I RIG BYA NYID DO ZHES KHAS BLANGS NAS GZHAN DAG BRJOD PA NI, 'ON TE BDAG LTOS ZHES BYA BA'O, , 'DI BRJOD PA NI DE TZAM GYIS NI ZHES BYA BA'O, ,GAL TE BUM PA DANG SNAM BU DANG LUS LA SOGS PA NI THAMS CAD BDAG RIG PA YIN NA, DE'I TSE JI LTAR NGA NI ZHES BYA BA LA SOGS PAR SBYAR RO, ,GAL TE GZHI MTHUN DBANG GIS NA, ,ZHES BYA BA 'DI 'JIG RTEN GYIS BRJOD PA STE, DPER NA RGYAL PO'I BKA' DRIN

, ,GYIS, ,ZHES BYA BA BZHIN NO, ,BDAG NI DKAR SHAM BDAG NI SNGO BSANGS ZHES BYA BA LA SOGS PA'O, ,GZHAN YANG BRJOD PA NI GAL TE GANG LA GZHI MTHUN PA YOD PA DER GDON MI ZA BAR GCIG 'GYUR NA'O, ,DE MED PAS ZHES BYA BA NI GCIG NYID MED PAS SO, ,DU MAR ZHES BYA BA GZHI MTHUN PA MED PAR RO, ,DE'I TSE GZHI MTHUN PA GCIG NYID DANG, DE MED PA DU MA'I SGRUB PAR BYED PAR 'GYUR RO, ,DE LTAR MA GYUR NA STE JI SKAD BRJOD PA KHAS MI LEN NA, GRUB BYA MA YIN ZHES BYA BA NI GZHI MTHUN PA LAS GCIG NYID MA YIN LA, GZHI MTHUN BA MED BA LAS BZLOG PA DU MA NYID KYANG MA YIN NO, ,'O NA TE GZHI MTHUN PA MED PA LAS DU MA NYID YOD PA YIN NO ZHES BRGYA LA BRJOD PAR 'ONGS PAS DE LA BRJOD PA NI DE BZHIN DU ZHES BYA BAS DPE YIN TE, DE LTA BU YANG ZHES BYA BA'I DON TO, ,GAL TE THA DAD PA MED PAR MTHONG BA GCIG GIS SGRA GCAN GYI MGO ZHES BYA BA DE BZHIN MTHUN MA YIN PAS RAB TU BSGRUBS PA'I DU MA NYID LA GNOD NA, DE'I TSE 'DIR YANG ZHES BYA BA BUM PA DANG SNAM BU DANG LUS LA SOGS PA LA YANG THA DAD PAR LTA BAR SGRO BTAGS PA LA GNOD PAR BYED PA DANG RIG PA YOD PA YIN NO, ,DE LAS LOG PAR ZHES BYA BAS THA MI DAD PAR DMIGS PAS SO, ,SNGON PO DANG LUS DANG BDE BA LA SOGS PA DANG, RIG PA NI THA DAD PA DANG LDAN PA ZHES BYA BA THA DAD PA DANG BCAS PA NYID MA YIN NO, ,GANG GIS ZHES BYA BA NI GZHI MTHUN PA MTHONG BA MED PAS SO, ,RIG PA'I DON NI SKYES SO ZHES BYA BA RNAM BA 'DIS GZHI MTHUN PA MTHONG BA MED DAM, CI STE YOD PA KHO NA'O ZHES BYA BA'I DON TO, ,RJES 'GRO ZHES BYA PA NI LUS SNGON PO DANG SER PO LA SOGS PA RIG PAR RJES SU 'GRO BA'O, ,SNGON PO LA SOGS PA NI DE DAG LAS BZLOG PA YIN NO, ,GAL TE DON DAM PAR THA DAD PA MED NA, RJES SU 'GRO BA DANG LDOG PAR RTOGS PA YANG JI LTAR ZHE NA, RJES 'GRO LDOG PAR RIG PA NI, ,ZHES GSUNGS SO, ,RJES SU 'GRO BA DAG LDOG PA PA NYID SGRUB PAR BYED PA NI GZUGS LA SOGS PA NI ZHES BYA BA'O, ,GZHAN NA YANG ZHES BYA BA NI YUL DANG DUS GZHAN NA LUS MED PAR YANG GZUGS LA SOGS PA YOD PA NYID DO, ,'DIS NI LUS LDOG PA DANG SNGON PO LA SOGS PA NI RJES SU 'GRO BAR STON TO, ,BDAG KHO NAS SNGON PO DANG SER PO MTHONG NGO

ZHES LHAG PAR ZHEN PA LAS NI RJES SU 'GRO BA DANG SNGON PO LA SOGS PA NI LDOG PA YIN NO ZHES KYANG RTOGS PAR BYA BA'O, ,YUL DANG DUS DANG RANG BZHIN RNAMS 'BREL PA STE, DE DAG LA NGES PA'I PHYIR RO, ,GAL TE RJES SU 'GO PA DANG LDOG PA DAG KYANG DON DAM PAR RIG PA YIN NA DE'I TSE RANG NYID GNYIS SU MED PAR MA YIN NO ZHES RTOGS PAR 'GYUR RO ZHE NA RJES SU ZHES GSUNGS SO, ,RJES 'GRO DANG ZHES BYA BA NI THA MI DAD PA NYID KYANG NGO, ,YANG JI LTAR NA MNGON SUM GYIS THA DAD PA MED PA NYID 'DZIN SNYAM NA, RANG BZHIN NYID NI ZHES GSUNGS TE, GANG GI PHYIR RANG BZHIN NYID RIG PA YIN PA DE'I PHYIR NA THA MI DAD PA RIG PA YIN NA ZHES BYA BA'I DON TO, ,RIG MED CES BYA BA NI MA RTOGS PA LA'O, ,GAL TE MA RTOGS PA LA RTOGS SO ZHES RLOM PAR JI LTAR 'GYUR ZHE NA, 'GA' ZHIG CES BYA BA'O, ,'DI LA YANG ZHES BYA BA NI THA DAD PA MTHONG BAR MNGON PAR RLOM PA LA YANG PHYIN CI LOG TU THA DAD BAR SGRO 'DOGS PA'I RGYU MTSAN YOD PA NYID DO ZHES DGONGS PA'O SNYAM DU MNGON PAR ZHEN PA'I RGYU MTSAN NI 'DU BYED ZAD PA YIN NO ZHES BYA BA'I RTZOD PA LA BRJOD PA NI MA YIN TE ZHES BYA BA'O, ,DNGOS PO DE SNGAR NI MTHONG BA MED PA KHO NA'O, ,GANG GIS 'DU BYED ZAD PA MTHONG BAR MNGON BAR RLOM PA'I RGYU MTSAN DU 'GYUR BA 'DU BYED DE'I YUL NA DU CI LTAR 'GYUR, DE NYID BRJOD PA NI 'DU BYED PA NI ZHES BYA BA'O, ,'O NA DE'I YUL CAN GYI 'DU BYED KYANG YOD DO ZHE NA, SKYES PA ZHES BYA BA'O, ,'JIG PA'I RGYU MI 'THAD PA NI BSTAN ZIN PA'I PHYIR RO, ,PHYIN CI LOG TU SGRO 'DOGS PA'I ZHES BYA BA NI MA MTHONG YANG MTHONG BAR MNGON BAR RLOM PA'I'O, ,GA LTER RJES SU 'GRO BA DANG LDOG PA DAG DON DAM PA NYID YIN PAR 'GYUR NA, DE'I TSE GANG GIS 'DU BYED ZAD PA RGYU MTSAN DU MA GYUR PA JI LTAR NA 'DI GNYIS MNGON PAR RLOM PA TZAM YIN SNYAM NA, MNGON PAR RLOM PA LAS ZHES GSUNGS SO, ,RNAM PAR DBEN PAR GZUNG YANG ZHES SNGON PO DANG SER PO TSOGS PA GANG YIN PA DANG SO SO BA GANG YIN PA DE GNYIS SO SOR GZUNG YANG NGO, ,DE MED PAR ZHES BYA BA NI YAN LAG CAN MTHONG BA MED NA'O, ,THA DAD PA'I ZHES BYA BA NI RNAM PAR DBYE BAR GNAS PA'I'O, ,DE'I PHYIR TE BSHAD PA'I TSUL DU YAN LAG CAN MED PA'I PHYIR RO, ,DE KHO NA LTAR ZHES BYA BA NI SHES PA GCIG NYID KYIS SO, ,DON DAM PAR NA 'DZIN PA ZHES

, ,BYA BA 'GA' YANG MED MOD KYI, DON KYANG BLO DE'I RNAM PAR SKYE BA NYID DE 'DZIN PA YIN NO, ,'ON TE DNGOS PO GCIG KHO NAS BLO SKYED PAR BYED KYI DU MAS NI MA YIN TE DES NA GCIG GI 'DZIN BYED YIN GYI DU MA NI MA YIN NO SNYAM NA, DU MA GCIG GI ZHES GSUNGS SO, ,RANG GI LUGS LA LTOS PA'I DPE BSTAN NAS GZHAN GYI LUGS LA LTOS PA YANG BRJOD PA NI BDAG DANG ZHES BYA BA LA SOGS PA'O, ,GAL TE RDUL PHRA RAB MANG PO DAG KYANG RNAM PAR SHES PA GCIG SKYES PA YIN NA, DE'I TSE CI 'GAL BA 'GA' YANG YOD PA MA YIN NO, ,SHES PA SKYED PA 'DIR RDUL PHRA RAB CHEN PO NYID KYIS NI KHYAD PAR DU 'GYUR BA MA YIN GYI, 'ON KYANG KHYAD PAR DE NI NUS PA PHUL DU BYUNG BA YIN NO, ,GAL TE CHEN PO NYID KHYAD PAR MA YIN NA, DE'I CHEN PO MA YIN PAR KHYAD PAR MED PA'I PHYIR RO, ,RDUL PHRA RAB GCIG PU YANG 'DZIN PAR 'GYUR RO ZHE NA, NUS PA MED PHYIR ZHES GSUNGS SO, ,RDUL PHRA RAB GCIG NI RNAM PAR SHES PA BSKYED PA LA NUS PA MED PA'I PHYIR RGYUR MI 'GYUR RO, ,CHEN PO MIN PHYIR ZHES BYA BA NI CHEN PO MA YIN PA'I RGYUS NA, 'BA' ZHIG PA'I GNAS SKABS NA RGYUR MI 'DOD PA NI MA YIN NA, GANG GIS PHRA BA'I PHYIR TSOGS PA'I GNAS SKABS NA YANG SKYED BYED MA YIN PAR 'GYUR, RANG GI TSIG LE'UR BYAS PA NYID BSHAD PA'I DON DU 'JUG PAR BYED PA NI GAL TE ZHES BYA BA'O, ,DE NI ZHES BYA BA NI RANG GI NGO BOS RJES SU BYED PA'I BLO SKYED PA'I MTSAN NYID KYI BLTAR RUNG BA NYID DO, ,SGRA LA SOGS PA LA MTHONG BA'I PHYIR RO ZHES BYA BA NI 'DI NYID 'CHAD PA NI DPER NA ZHES BYA BA'O, ,DE BZHIN DU ZHES BYA BA NI MA 'DRES PA DAG KHO NA SOMS SHIG GI DBYIBS SNANG BAR 'GYUR BA'I PHYIR 'GAL BA MED DO, ,PHRA MO STE PHRA MO TSOGS PA'I GNAS SKABS SU DE YANG ZHES BYA BA DE LTAR YANG JI LTAR BSKYED 'DI LA BRJOD PA NI YAN 'GAR BA RNAMS ZHES BYA BA'O, ,SGRA NYID BZHIN NO ZHES BYA BA NI DPER NA SGRA NYID PHRA MO NYID YIN YANG RGYU'I DNGOS PO YIN TE NUS PA YOD PA'I PHYIR RO, ,DE BZHIN DU RDUL PHRA RAB DAG LA YANG NUS PA YOD PA'I PHYIR RO, ,GZHAN YANG GAL TE RAGS PA NYID RGYU'I DNGOS PO'I RGYU MTSAN YIN NA DE'I TSE MIG LA SOGS PA MI 'GYUR TE, DBANG PO RNAMS 'BA' ZHIG PA'I GNAS SKABS

LAS TSOGS PA'I GNAS SKABS SU RAGS PA NYID 'GA' ZHIG SKYES PA NA YOD PA MA YIN NO ZHES BSTAN PA'I DON DU BRJOD PA NI TSOGS PA'I ZHES BYA BA'O, ,NYES PA GZHAN YANG BRJOD PA NI MTSUNGS PA NYID YIN NA ZHES BYA BA'O, ,MTSUNGS PA NYID NI NUS PA THAG RING PO'I YUL DANG THAG NYE MO'I YUL DAG TU RTOGS PA PO LA 'DRA BA NYID YIN NA, 'DI LA BRJOD PA NI YUL ZHES BYA BA STE, YUL THAG RING BA NYID KYIS NA LHAN CIG BYED PA'I RNAM PAR DBYE BA YIN LA DE LAS NI 'GA' ZHIG TU SKYE ZHING 'GA' ZHIG TU NI MI SKYE BA YIN NO, ,RNAM PAR DBYE BA GA LAS 'GYUR, ,ZHES BYA BA NI YUL THAG RING BAS NI MI SKYED LA, THAG NYE BAS NI SKYE BA'O ZHES BYA BA DE LTA'I MTSAN NYID CAN NO, ,'DI LA BRJOD PA NI TSOGS PA GZHAN ZHES BYA BA'O, ,THAG NYE BA NI TSOGS PA GZHAN RJES SU ZHUGS PA'I PHYIR RDUL PHRA RAB RNAMS MIG LA SOGS PA'I LHAN CIG BYED PAR 'GYUR PA YIN LA THAG RING NA NI MI 'GYUR PA YIN TE, TSOGS PA GZHAN RJES SU ZHUGS PA MED PA'I PHYIR RO, ,RTZOD PA DANG 'GAL BA NI 'BRAS BU MTHONG BA NYID LAS RDUL PHRA RAB DE RNAMS BLTAR RUNG BA MA YIN YANG NUS PA RJES SU DPAG PA YIN NO ZHES BYA BA'I LAN RTOGS PAR BLA BA'I PHYIR MA BRJOD DO, ,GZUGS KYI SKYE MCHED DU MTSUNGS PAS ZHES BYA BA NI SNGON PO'I RNAM PA TZAM RU'O, ,DE BRJOD PA NI 'DI LTAR ZHES BYA BA'O, ,GZHAN DU ZHES BYA BA NI PHYI ROL DU DON YOD PA MA YIN LA, DE LA YAN LAG CAN NI MED PA DES NA GDON MI ZA BAR SNGON PO'I RNAM PA NYID SNANG BA NA, RDUL PHRA RAB RNAMS KHO NA YIN PAR 'THAD PA YIN NO ZHES BYA BAR BSAMS PA'O, ,MI 'DZIN PA NYID DO ZHES BYA BA NI RANG GI YAN LAG RNAMS DANG LHAN CIG MI 'DZIN PA NYID KYIS 'BA' ZHIG 'DZIN NO SNYAM PA'O, ,'DI 'GOG PA NI MA YIN TE ZHES BYA BA'O, ,DE NYID DANG ZHES BYA BA NI KHYAD PAR DU GYUR BA DANG NGO, ,CHA NI YAN LAG TU GYUR PA'O, ,DE DANG BA LANG GZUNG PA'I PHYIR YAN LAG RDZOGS PAR MI 'DZIN PAR THAL LO, ,THAMS CAD BYA BA NI YAN LAG MTHA' DAG GO, ,KHYAD PAR NYID GZHAN DAG GIS KHYAD PAR TZAM NYID DU RTOGS PA'I PHYIR DANG KHYAD PAR NYID GZHAN GYI TSE SKYES BU DE NYID KYI KHYAD PAR CAN NYID DU RTOGS PA'I PHYIR RO, ,DNGOS PO'I RANG BZHIN NI RNAM

, ,PAR MI GNAS PA NYID DU 'THAD PA MA YIN TE, DON RNAMS SKYES BU SO SO LA THA DAD NA BDAG MED PAR THAL BA'I PHYIR RO ZHES BYA BA NI DUS GCIG TU RNAM PAR RTOG PA GNYIS MI 'THAD PA'I PHYIR RO, ,GAL TE KHYAD PAR DANG KHYAD PAR CAN NYID DNGOS PO NI RNAM PAR RTOG PA MED PA'I MNGON SUM GYIS GZUNG BA MA YIN NAM, DES NA KHYAD PAR DU MA DUS GCIG KHO NAR 'DZIN PAR 'THAD DO SNYAM NA RNAM PAR RTOG PA MED PA NI ZHES BYA BA'O, ,BA LANG ZHES BYA BA NI BA LANG NYID DANG LDAN PAR 'DOD PA'I DNGOS PO GANG YIN PA'O, ,DE NI BA LANG NYID DANG MI LDAN PAR RANG NYID KYIS BA LANG MA YIN PA YANG MA YIN TE, BA LANG NYID DANG LDAN PA'I PHYIR BA LANG YIN NO, ,DE BZHIN DU GZHAN LA YANG SBYAR RO, ,THA DAD PAR BYED PA ZHES BYA BA NI KHYAD PAR DU BYED PA'O, ,PHYIS NI ZHES BYA BA NI BLO GCIG 'OG TU'O, ,'DI DAG GI ZHES BYA BA NI BA LANG NYID DANG DKAR PO NYID LA SOGS PA RNAMS KYI'O, ,THA DAD PAR SBYOR BA ZHES BYA BA NI BA LANG NYID NI 'DI'I TSOGS YIN LA 'DI'I NI MA YIN NO, ,'DI NI DKAR PO 'DI NI NAG PO YIN NO ZHES DE LTAR RNAM PAR PHYE NAS SBYOR BA MI SRID PAR 'GYUR RO, ,DE NYID GSAL BAR BYED PA NI 'DI LTAR ZHES BYA BA'O, ,THA DAD PAR SBYAR BA NA ZHES BYA BA YUL THA DAD PAS THA DAD PA'I DNGOS PO LA'O, ,GCIG GI YIN NO ZHES BYA BA NI THAMS CAD GZUNG BA'I RJES LA DE YANG 'DZIN PA'I PHYIR RO ZHES DGONGS PA'O, ,DU MA NI KHYAD PAR DANG KHYAD PAR CAN NO, ,THA DAD PA'I PHYOGS SUN 'BYIN PA BRJOD ZIN PA'I PHYIR NA, THA MI DAD PA'I PHYOGS LA BRJOD PA NI THA DAD PA 'GA' YANG MED PA'I PHYIR RO ZHES BYA BA'O, , KHYAD PAR GCIG DE'I BDAG NYID YIN PAS THAMS CAD GCIG YIN PA'I PHYIR RO ZHES DGONGS PA'O, ,DU MA NYID YIN PA'I PHYIR ZHES BYA BA NI SNYING STOBS RDUL DANG MUN PAS THA DAD PA YIN PA'I PHYIR RO, ,DE TZAM LNGA'I ZHES BYA BA NI GZUNGS LA SOGS PA YUL RNAMS KYI'O, ,'DIS NI SGRA LA SOGS PA LNGA'I BDAG NYID CAN DU BSTAN TO, ,YANG NA BUM PA LA SOGS PA'I DNGOS PO YON TAN GSUM GYI BDAG NYID CAN YIN NO, ,GAL TE DE TZAM RNAMS SAM YON TAN GSUM MA BZUNG YANG SGRA TZAM GCIG PU KHO NAR 'DZIN PA YIN TE, DES NA DU MA 'DZIN PAR JI LTAR THAL SNYAM NA DE MA BZUNG BAR NI

ZHES GSUNGS SO, ,DE TZAM RNAMS SAM YON TAN GSUM MA BZUNG BAR NA'O, ,GAL TE DE TZAM LA SOGS PA RNAMS LAS SGRA LA SOGS PA 'BRAS BU GZHAN GCIG NYID SKYE BA MA YIN NAM, ,DES NA DE GZUNG BAR JI LTAR 'GYUR SNYAM NA, 'BRAS BU GZHAN ZHES BYA BA'O, ,DE NYID LAS ZHES BYA BA NI DE'I RANG GI NGO BO LAS SO, ,'DIR YANG BRGYA LA GTZO BO DANG PHAL PA'I DNGOS PO DU MA 'DZIN PAR SGRAR 'ONGS PAS DE LAS BRJOD PA NI, LHAG MA NI ZHES BYA BA'O SNGA MA BZHIN ZHES BYA BA NI, CIG CAR YAN LAG RDZOGS 'DZIN MIN, ,ZHES BYA BA LA SOGS PAS BRJOD ZIN PA'O, ,BSAGS PA DANG NI TSOGS PA YIN, ,DE SPYI DE LA DBANG PO'I BLO, ,ZHES BYA BA LA SOGS PAS GZHAN GYI RTOG PA DANG BCAS PA NYID DU BSGRUB PA DE BZLOG NAS, MJUG SDUD BRJOD PA NI DE'I PHYIR ZHES BYA BA'O, ,GAL TE ZHES BYA BA NI DOGS PA BSU BA'O, ,GAL TE MNGON SUM GYIS CHOS CAN MI 'DZIN MOD NYES PA CI YOD SNYAM NA CHOS CAN MNGON SUM GYIS ZHES BYA BA'O, ,CHOS CAN GRUB PA ME LA SOGS PA SGRUB PA'I RJES SU DPAG PA 'JUG PAR 'GYUR GYI, DE LTA MA YIN NA RTAGS THAMS CAD RTEN MA GRUB PA'I NYES PAS ZIN PAR 'GYUR RO ZHES BSAMS PA'O, ,GAL TE MNGON SUM GYIS CHOS CAN 'DZIN PAR MI NUS NA, 'O NA RJES SU DPAG PAS 'DZIN LA RAG GO SNYAM NA, CHOS CAN YANG ZHES BYA BA'O, ,'O NA MNGON SUM GYIS CHOS CAN 'DZIN NO COG GI SKYON SNYAM NA, CHOS CAN GZUNG BA NI ZHES SMRAS SO, ,'DI LA RE ZHIG CHOS KYI GRAGS PA'I ZHAL SNGA NAS KYIS MDO BSHAD PA'I DON DU RE ZHIG SLOB DPON CHEN PO PHYOGS KYI GLANG PO'I ZHAL SNGA NAS KYIS MDO 'CHAD PA NI, CHOS CAN DU MA'I ZHES BYA BA'O, ,'ON KYANG RANG NYID KYIS ZHES BYA BA NI BUM PA LA SOGS PA RANG GI RANG BZHIN THUN MONG MA YIN PA GANG YIN PA'I RANG BZHIN DE NYID KYIS BUM PA LA SOGS PA RIG PAR BYA BA DANG BYED PA POS ZHES BYA BA THUN MONG MA YIN PA RANG NYID KYIS SHES PAS RIG PAR BYA BA YIN NO, ,GZUGS LA SOGS PA DE DAG GZHI GCIG PA NYID DU STE, CHOS CAN DE LA BRTEN PA NYID DU NI, MNGON SUM GYIS RTOGS PA MED PA'I PHYIR TE RIG PA MED PA'I PHYIR RO, ,GZHAN PA'I GZHI NI 'DZIN PA'I SPYOD YUL DU 'GYUR BA MED DO ZHES 'BREL TO, ,DE LA BRTEN PA NI GZHI

, ,GZHAN LA BRTEN PA'I GZUGS LA SOGS PA NI 'DZIN PA'I SPYOD YUL DU GYUR PA MED DO ZHES BYA BAR SBYAR RO, ,GCIG PA NYID DU ZHES BYA BA NI MTHONG BA DANG REG PA DAG GO, ,'O NA JI LTAR BDAG GIS MTHONG BAR GYUR PA NYID LA REG GO ZHES RTOGS PA SKYE ZHE NA GZUGS DANG ZHES GSUNGS SO, , DE NYID STON PA NI 'DI LTAR ZHES BYA BA'O, ,MIG NI GZUGS TZAM NYID RIG PAR BYA BA'I PHYIR ZHES BYA BA GZUGS TZAM RTOGS PA NI MTSAN NYID KYI DON DU 'JUG PA YIN LA GZHAN NI ZHES BYA BA REG PA'I DBANG PO LAS SKYES PA NI, REG PA TZAM NYID RIG PA'I PHYIR RO, ,RIG PA 'JUG PA YIN NO ZHES MTHONG NGO, ,RE ZHIG 'DI LAS GCIG GIS KYANG BLTA BAR BYA BA DANG REG PAR BYA BA'I THUN MONG PA'I DNGOS PO YONGS SU 'BAD PA NI MED DO, ,'O NA SHES PA GZHAN GYIS GCOD PAR 'GYUR RO ZHE NA, DE DAG PHAN TSUN ZHES GSUNGS SO, ,GZUGS DANG REG PA DE DAG GO, ,MTHONG BA YIN NO ZHES BYA BA NI GZUGS DANG REG PA BDAG STE GCIG NYID DU'O, ,BDAG GIS MTHONG BA DE NYID LA REG GO ZHES RTOGS PAR RIG PA'I PHYIR RO, ,REG PA NI GZUGS LA MI 'JUG PA'I PHYIR RO ZHES BYA BA NI, SNGAR MTHONG BA NI GZUGS LA REG PA NYID DU 'JUG PA STE, MNGON PAR ZHES PA MED PA'I PHYIR RO, ,'DI NYID LDOG PA'I SGO NAS BRJOD PA NI GAL TE ZHES BYA BA'O; ,MTHONG BA'I DKAR PO GANG YIN PA DE NYID REG PAS DRI MA CAN DU BYED PA DANG, DE NYID YIN NO ZHES LAG PAR GZUNG BAR YANG DMIGS PA MA YIN NAM, JI LTAR DON GCIG TU MNGON PAR ZHEN PA MED SNYAM NA, MUN KHUNG NA GNAS PA GANG GI TSE DNGOS PO DE LA REG PA DE'I TSE SHES PAS GANG GIS REG PA YUL DU GYUR PA'I SHES PA DES GZUGS RTOGS PA MED DO ZHE NA, DE'I TSE MNGON SUM NYID THA DAD RTOGS PA'I PHYIR RJES SU DPAG PA'I THA DAD PA'I SGRUB BYED MA YIN NO, PHAN TSUN 'DZIN PAR BYED PA'I ZHES BYA BA NI GZUGS DANG REG PA 'DZIN PAR BYED PA'I'O, ,MNGON SUM DAG CES BYA BA NI GZUGS DANG REG PA 'DZIN PA DAG GO, ,'JUG PA MED PA NI ZHES BYA BA NI, PHAN TSUN TE GZUGS 'DZIN PAR BYED PA REG PA'I RNAM PAS STONG LA REG PA 'DZIN PA YANG GZUGS KYI RNAM PAS STONG PA NA, MNGON SUM GYIS THA DAD PA YONGS SU GCOD PAR 'GYUR LA MNGON SUM GYIS THA DAD PA YONGS SU BCAD PAS NA'O, ,'O NA

KYANG YID KYIS RTOGS PA TSAD MAR 'GYUR BAR JI LTAR 'OS SNYAN NA DBANG PO LAS SKYES PA NYID CES SMRAS SO, ,DBANG PO LAS BYUNG KHO NA TSAD MA YIN NO ZHES SANGS RGYAS PA MNGON PAR 'DOD PA'I DON 'DI LA TSAD MA 'JUG PA NI 'GA' YANG MED DO, ,DES NA DBANG PO LAS SKYES PA KHO NA TSAD MA YIN NO ZHES 'DIS TSAD MA MA YIN PAR JI LTAR BRJOD GAL TE YID TSAD MA YIN PA LA RGYU MTSAN 'GA' ZHIG BRJOD PAR BYA BA MA YIN NAM, DE LTA MA YIN NA THAMS CAD TSAD MAR THAL BA'I PHYIR RO ZHES DOGS PA BSU NAS BRJOD PA NI DNGOS PO LAS ZHES BYA BA'O, ,GAL TE DBANG PO LAS BYUNG BA DANG DBANG PO LAS BYUNG BA NYID KYIS TSAD MA YIN NA, YID LAS SKYES PA YANG YID LAS SKYES PA NYID KYIS TSAD MA YIN NO ZHES KYANG BRJOD PAR NUS SO, ,DE NYID KYI BRJOD PA NI ZHES BYA BA'O, ,YID NI YID KHO NA STE, DE LAS SKYES PA'I PHYIR RO ZHE NA 'DI LA BRJOD PA NI DE NI ZHES BYA BA'O, ,RJES SU DPAG PAR NI MI 'KHRUL PAR TSU ROL MTHONG BAS MA RTOGS TE, MI 'KHRUL BA NI RJES SU DPAG PA KHO NA LAS RTOGS PA YIN NO ZHES BYA BA'I DON TO, ,DE NYID BSTAN PA'I PHYIR BRJOD PA NI DE LA ZHES BYA BA'O, ,SNGAR MTHONG BA NYID CES BYA BA NI BRGAL ZHING BRTAG PA'I RNAM PA'O, ,KHYOD KYIS NI RIG PA PAS SO, , DE'I TSE JI SKAD BRJOD PAR BLTA'O, ,GZHAN GYIS DE LTA BU NYID DU RTOGS PA'I PHYIR RO ZHES SMRAS SO, ,GCIG NYID DU RTOGS PA'I PHYIR RO ZHES BYA BA'I DON TO, ,LAN DU 'DI NI MA YIN TE ZHES BYA BA'O, ,DE NYID DES NA DRI BA 'DIR REG PA PA'I LAN YIN NO, ,LAN GYI RNAM PA BRJOD PA NI GANG GIS ZHES BYA BA'O; ,DE YIN PAR ZHES BYA BA NI MTHONG BA GANG YIN PA DE NYID REG PA YIN PAR RO ZHES RNAM PA 'DI GZHAN RJES SU DPAG PA STON PA DE NYID DO, ,RJES SU DPAG PA DE NYID KHAS LEN PAS BRJOD PA NI 'O NA ZHES BYA BA'O, ,GZUGS NI NYAMS PAR BYED PA YIN TE DES NA GZUGS NYID REG PA YIN NO ZHES BSAMS PA'O, ,LAN NI REG PA NYID NA ZHES BYA BA'O, ,REG PA NI ZHES BYA BA LA DKAR PO CIG SHOS SNGON PO DAG LA MTSUNGS PA'I RANG BZHIN YIN TE, DES NA REG PAS 'DI DKAR PO YIN NO ZHES CI LTAR RTOGS TE SNGON PO LA YANG YOD PA'I PHYIR RO, ,MTSUNGS PA NI REG BYA'O, ,MI MTSUNGS PA NI DKAR

, ,PO'O; ,CI STE RTOGS SO ZHES BYA BA NI REG PA'I DUS NA GZUGS LA SOGS PA YANG RTOGS SO ZHE NA LAN NI DE LA ZHES BYA BA'O, ,RNAM PAR DPYAD PA NYID BRJOD PA NI CI ZHES BYA BA'O, ,GZUGS LA SOGS PA THA DAD PA NA ZHES BYA BAR THA DAD PAR KHAS LEN NA'O, ,RANG GIS ZHES BYA BA THUN MONG MA YIN PA'I SHES PA'I RANG BZHIN GYIS RIG PAR BYA BA YIN PA'I PHYIR DE SKAD CES BRJOD DO, ,DE NYID KYI PHYIR ZHES BYA BA NI THUN MONG MA YIN PA NYID KYI PHYIR RO, ,'ON TE GAL TE 'DI BRJOD PAR BYA BA YIN MOD DE LTAR NA YANG DE LTAR CI STE MI RTOGS SNYAM NA, BSTAN PAR BYA BA MA YIN PA NI ZHES SMOS TE; HA CANG THAL PA'I PHYIR RO ZHES BSAMS PA'O, ,DE'I PHYIR NA DE LTAR RTOGS PA NYID LAS SO, ,SHES PA DE YIS NI ZHES BYA BA NI NGO SHES PA'I SHES PAS DE LTA MA YIN NA ZHES BYA BA GAL TE DON DE SNANG NA'O, ,SGRA LAS RTOGS PA'I DUS NA DON GYI SNANG BA 'GYUR BA YIN MOD KYI, DNGOS PO DANG DNGOS PO MED PA THUN MONG DU SNANG BA 'BA' ZHIG TU ZAD DO, ,DES NA THE TSOM ZA BA YIN NO ZHES BYA BA NI SNANG BA LA YANG THE TSOM ZA BAR 'GYUR BA YIN NO ZHE NA, 'DI LA BRJOD PA NI MNGON SUM LA YANG ZHES BYA BA'O, ,'DI GZHAN GYIS DE LA ZHES SMRAS TE MNGON SUM LA'O, ,DE LTAR NI THE TSOM DU'O, ,'DIR YANG ZHES BYA BA NI SGRA LAS BYUNG BA'I RTOGS PA LA'O, ,GZHAN GYI KHYAD PAR MED PA'I PHYIR RO ZHES SMRAS TE, DNGOS PO DNGOS MED DAG GI RANG RNAM PA GANG YIN PA DE SGRA LAS BYUNG BA'I MI SNANG BA DES NA THE TSOM ZA BA YIN NO ZHE NA LAN DU DE LTA NA NI ZHES BYA BA'O, ,NYES PA GZHAN YANG BRJOD PA NA GAL TE ZHES BYA BA'O,, GAL TE SGRA RANG GI NGO BO RTOGS PA YIN NA DE'I TSE DE MTHONG BA ZHES BYA BA MNGON SUM MO, ,'ON TE SGRA LAS DON SPYI'I RNAM PAR RTOGS KYI, YOD PA'AM MED PA ZHES KHYAD PAR DE NI RTOGS PA MA YIN NO SNYAM NA 'DIR BRJOD PA NI DE LTA NA NI ZHES BYA BA'O, ,DE YANG ZHES BYA BA NI DGONGS PA STE, DUNG DKAR PO LA SER PO SHES PA DE YANG NGO, ,LAN NI MA YIN TE ZHES PA STE, DUS PHYIS BYUNG BA DKAR POR RTOGS, ,SHES PAS GNOD PA YIN NO ZHES DGONGS PA'O, ,GZHAN GYI BA LANG ZHES SMRAS SO, ,'GOG PA NI MA YIN TE ZHES PA'O, ,GNOD PA NYID STON PA BA LANG ZHES BYA BA'O, ,DE NI YOD PA NYID DO, ,GAL TE YOD NA ZHES BYA

BA NI BA LANG NGO, ,DE'I TSE DE KHYER SHOG CES BYA BA SMRA BA PO'I BSAM PA YIN NO ZHES BYA BA'I DON 'DI LA LAN NI DE'I ZHES BYA BA'O, ,GAL TE RNAM PA 'DIS SGRA LAS BYUNG BA'I SHES PA TSAD MA YIN MOD, DON GO CI LTAR MI 'DZIN SNYAM NA, CHAD MA'ANG MA YIN PAS NI ZHES GSUNGS SO, ,GAL TE SGRA LAS BYUNG PA'I RTOGS PAS DNGOS PO MI 'DZIN NA DE'I TSE KHYER NAS 'ONGS PA LA SOGS PA LA MI 'KHRUL SNYAM NA LAN NI 'KHRUL PA ZHES BYA BA STE, SKYES BU 'GA' YANG KHYER TE 'OD BA MA BYAS PA'I PHYIR RO, ,RNAM PAR RTOG PA DANG PO LA BRJOD PA NI BYED PA PO YIN NA ZHES BYA BA'O, ,GAL TE 'BRAS BU'I BYED PA PO MA YIN NA NI, DE'I TSE THOB PA NYID DU MI 'GYUR RO ZHE NA, THOB PA NI ZHES BYA BA'O, ,BYED PA POS DBANG PO BYAS PA NA'O, ,RNAM PAR RTOG PA GNYIS PA SEL BA NI, SHES PAR BYED PA NYID NI ZHES BYA BA'O, ,'BYUNG BAR 'GYUR BA'I BYA BA'I RANG GI NGO BO GANG YIN PA DE MED PAS SO, ,'ON TE DE'I NGO BO YOD PA NYID DE DES NI 'DZIN PA YIN NO SNYAM NA RANG GI NGO BO YOD NA NI ZHES GSUNGS SO, ,DE LTAR NA THUN MONG MA YIN PA'I RANG GI NGO BO 'DZIN PA'I MNGON SUM GYIS MA RTOGS PA'I PHYIR DANG, RJES SU DPAG PAS RTOGS NA YANG THUG PA MED PAR 'GYUR BA'I PHYIR, CHOS CAN RTOGS PA NYID DU MI 'GYUR RO ZHES BYA PA'I BSAM PAS RTZOD PA SNGA MA NYID RJES SU BRJOD PA GSUNGS PA NI 'O NA CHOS CAN GYI ZHES BYA BA'O, ,GAL TE GANG GIS BRTAGS PA ZHES BRJOD PA CHOS LA SOGS PA'I THA SNYAD DON DAM PA PA'I NYID DU CI'I PHYIR KHAS MI LEN SNYAM NA, 'DI LTAR ZHES BYA BA'O, ,DE DAG KYANG ZHES BYA BA NI KHA DOG LA SOGS PA'O, ,DE LAS ZHES BYA BA NI BUM PA LAS SO, ,DMIGS KYIS BSAL TE BTAGS PA NYID BRJOD PA NI GAL TE ZHES BYA BA'O, ,DE LTAR THAL BA BRJOD NAS BZLOG BA BRJOD PA NI, DBYIBS LA SOGS PA ZHES BYA BA'O, ,DE DAG NI SNGON PO DANG DBYIBS DAG GO, ,'O NA JI LTAR DON DAM PAR 'GYUR SNYAN NA GAL TE ZHES BYA BA'O, ,YAN LAG CAN GYI DON GCIG LA SNGON PO DANG DBYIBS DAG 'DU BA GANG YIN PA DE NI, THA DAD PA MA YIN PAR SNANG BA'I RGYU YIN PA'I PHYIR RO, ,'DIR GRUB PA'I MTHA' LAS GSUNGS PA NI GZUGS DANG ZHES BYA BA'O, ,DBANG POS THA DAD PA'I GZUNG BA NYID KYIS DON GCIG LA

, ,'DU BA YIN YANG THA DAD PAR SNANG BA YIN NO ZHES STON PAS GZHAN DAG SMRA BA NI DE LA NI ZHES BYA BA'O, ,LAN NI GAL TE ZHES BYA BA'O, ,DON GCIG LA 'DU BA BSGYUR NAS THA MI DAD PAR SNANG BA'I RGYU MTSAN GZHAN BRJOD PA NI YUL GCIG PA'I PHYIR ZHES BYA BA'O, ,'DI LA BRJOD PA NI GZUGS DANG ZHES BYA BA'O, ,DE BZHIN DU ZHES BYA BA NI JI LTAR SNGON PO LAS DBYIBS KYI THA DAD PAR RNAM PAR GZHAG PA DE BZHIN DU BA LANG NYID LA SOGS PA LAS KHRO BO LA SOGS PAR THA DAD PAR GDAGS PAR BYA BA YIN NO, ,GAL TE BA LANG NYID DANG KHRA BO DAG GCIG NYID YIN NA NI DE'I TSE KHRA BO MA YIN PA'I SER SKYA GANG YIN PA DE BA LANG NYID MA YIN PAR 'GYUR RO, ,DE BZHIN DU KHRA BO DANG KHU YUL SOGS PA THA MI DAD NA, DE'I TSE KHRA BO MA YIN PA'I SER SKYE LA KHU YU LA SOGS PAR MI 'GYUR RO, ,DA NI STON PA'I THA DAD PA NYID STON PA NI DE LA ZHES BYA BA'O, ,GAL TE THA DAD PA ZHES BYA BA LA BA LANG NYID KHRA BO LA SOGS PA DAG LAS GZHAN DU GYUR PA'AM, THA DAD PA'AM THA MI DAD PA'AM, YANG MED NA NI DE'I KHRA BO LA SOGS PA BA LANG NYID DE DANG, THA MI DAD PA RNAMS THA DAD PAR MI 'GYUR TE, GAL TE DE LTAR MNGON SUM LA CHOS DANG CHOS CAN THA DAD PAR SNANG NA DE'I TSE MNGON SUM GYIS RTOGS PA'I PHYIR RJES SU DPAG PAS CI ZHIG BYA, DES NA RJES SU DPAG PAS RTOGS PA'I PHYIR, ,'DI NI GZHAN MNGON SUM MA YIN PA KHO NA'O SNYAM NAS GZHAN SMRA BA NI GAL TE SNANG BA ZHES BYA BA'O, ,'DI LA BRJOD PA NI 'DI NI ZHES BYA BA'O, ,DER YANG GAL TE ME MNGON SUM LA SNANG BA RJES SU DPAG PAS CI ZHIG CES BYA PA YIN NO, ,GCIG TU MNGON SUM GYIS RAB TU GRUB PA'I ME NYID YUL DANG DUS GZHAN RJES SU DPOG GO ZHES GZHAN GYIS BRJOD PA LA 'DIR YANG ZHES GSUNGS TE, CHOS DANG CHOS CAN THA DAD PAR RJES SU DPOG PA LA YANG NGO, ,DE LTAR 'GYUR RO ZHES BYA BA NI YUL GZHAN DANG DUS GZHAN DU RAB TU GRUB PA'I MNGON SUM PA'I CHOS DANG CHOS CAN THA DAD PAR RJES SU DPOG PAR 'GYUR RO, ,'DIR ZHES BYA BA NI CHOS DANG CHOS CAN THA DAD PA LA'O, ,RJES SU DPAG PA GZHAN LA DPE GRUB NA, ,RJES SU DPAG PA GZHAN DE YANG DPE GZHAN BLANG DGOS PA RJES SU DPAG PA DE LA YANG GZHAN

YIN PA'I PHYIR, 'DIR NI LONG BA BRGYUD PA YIN NO, ,DE BZHIN NO ZHES BYA BA NI RJES SU 'GRO BA DANG LDOG PA YIN NO ZHES BYA BA'O, ,'O NA THA DAD PAR JI LTAR ZHES DRIS PA LA BRJOD PA NI CIG CAR ZHES BYA BA'O, ,GAL TE BUM PA DANG SNAM BU DAG RJES SU 'GRO BA DANG LDOG PAR KHAS MI LEN NA, DE'I TSE CIG CAR YOD PA'I SNA TSOGS SU SNANG BA NI GCIG NYID DU 'GYUR TE LHAN CIG SNANG BA'I PHYIR RO, ,DES NA RJES SU 'GRO BA DANG LDOG PA DAG NI GDON MI ZA BAR KHAS BLANG DGOS SO ZHES BRJOD PA NI, 'ON TE ZHES BYA BA'O, ,DE LTA NA NI ZHES BYA BA'O, ,MA 'DRES PAR ZHES BYA BA NI SO SOR RO, ,THA DAD GNAS PA NI THA DAD PA RTOGS PA'O, ,DBYIBS DANG MDOG DAG LA NI SO SOR SNANG BA DE MED PA NYID DO, ,DE BAS NA BUM PA DANG SNAM BU DAG DANG MDOG DBYIBS DAG NI MTSUNGS PA MA YIN TE, DES NA BUM PA DANG SNAM BU DER DE GNYIS NI THA DAD PA MA YIN NO, ,DA NI BA LANG DANG PA LANG NYID GNYIS GO RIMS CI LTA BAR LDOG PA DANG RJES SU 'GRO BA DAG LAS THA DAD PAR MI 'THAD PA NYID DE DE MA GRUB PA'I PHYIR RO ZHES STON PA NI BA LANG NYID LA SOGS PA'I ZHES BYA BA'O, ,DE NI SPYI YI RJES SU 'GRO, ,MI 'GRO BA LAS ZHES BYA BA NI BA LANG LA SOGS PA LAS SO, ,'O NA RJES SU 'GRO BA NYID DU THA SNYAD CI LTAR BYED SNYAM NA, GCIG TU ZHES GSUNGS SO, ,DE DAG NYID CES BYA BA NI BA LANG LA SOGS PA RNAMS SO, ,DE LTAR NA ZHES BYA BA NI DOGS PA'O, ,MA YIN TE ZHES BYA BA NI 'GOG PA'O, ,MTHONG BA MI 'THAD PA NYID MA YIN TE, 'ON KYANG 'THAD PA NYID DE MA MTHONG BA YANG 'THAD PA MA YIN NO, ,CI'I PHYIR SNYAM NA MTHONG BA DANG ZHES BYA BA'I, ,DE BZHIN DU ZHES BYA BA NI GCIG TU ZHE NA PA BZHIN DU'O, ,THA DAD PA MED PA YANG ZHES BYA BA NI SPYI'O, ,'DI NI GNAS PA MA YIN NO ZHES BYA BA NI TSOGS PA MA YIN PA'O, ,DE NI ZHES BYA BA NI GCIG TU 'DZIN PA'O, ,GZHAN YANG GAL TE DE GCIG NYID DU MTHONG BAR 'GYUR NA DE'I TSE GCIG TU GNAS PA LAS GCIG TU GYUR PA YIN NO ZHES BRJOD PA NI, GCIG TU 'DZIN PA 'DI NI ZHES BYA BA'O, ,DMIGS PA'I THA DAD NAS GCIG TU MNGON PAR ZHEN PAR SKYE BA YIN NA, MNGON SUM GYI BDAG NYID CAN GYI DMIGS PA DE YANG RIM PA DANG LDAN PA YIN GYI GCIG NYID NI MA YIN NO, ,'ON TE DMIGS PA

, ,DE NYID SKAD CIG THA DAD PA CAN GYI DNGOS PO'I YUL LA SKYE BA NA GCIG TU MNGON PAR ZHEN PA YANG YUL DE NYID SKYED PAR BYED PA YIN TE, DES NA GCIG TU ZHEN PA NI GCIG GI YUL YANG YIN PA'I PHYIR, JI LTAR NA GCIG NYID LA MA MTHONG ZHES BRJOD SNYAM NA, SKAD CIG RE RE NI ZHES GSUNGS SO, ,SKAD DANG SKAD CIG LA SO SOR RIG PA GANG YIN PA STE, KHYAD PAR CAN GYI RIG PA NGES PA'I BDAG NYID CAN GANG YIN PA DE MED PA'I PHYIR RO, ,DE NYID CES BYA BA NI BRTAGS PA NYID DO, ,RES 'GA' NI MA YIN NO ZHES BYA BA NI DON RES 'GA' BA NYID MA YIN NO, ,'DIS NI RGYU THA DAD PAR BRJOD DO RANG GI NGO BO THA DAD PAR BRJOD PA NI MNGON SUM GYI RNAM PA NI ZHES BYA BA'O, ,GNYIS PO 'DI NYID NYE BAR BSDUS NAS STON PA NI DES NA ZHES BYA BA'O, ,SHES PA NYID THA DAD PAR BSTAN PA NA DE'I YUL DAG KYANG THA DAD PAR BSTAN PAR 'GYUR RO ZHES DGONGS PA'O, ,DKAR PO NI DBANG POS DBYIBS LAS THA DAD PAR YANG 'DZIN PA MA YIN NO ZHES 'BREL TO, ,SGRAS NI DKAR PO DBYIBS LAS THA DAD PAR 'DZIN TO, ,DE BZHIN DU CHOS CAN LA SOGS PA DANG, SOGS PA'I SGRAS NI CHOS NYID DU SGRAS 'DZIN PA YIN NO, ,DE BZHIN DU MI GSAL BA DANG SOGS PA'I SGRAS RJES SU SONG BA NYID SGRAS 'DZIN PA YIN NO, , PHYIR TE GTAN TSIGS DE'I PHYIR NA STE, DBANG PO'I SHES PA DANG SGRA'I SHES PA DAG BSHAD ZIN PA'I TSUL GYIS 'GAL BA'I CHOS GNAS PA LAS THA DAD PA'I PHYIR NA DBANG PO'I BLOR NI BRJOD DU MED PA'I RANG BZHIN NYID RTOGS PA YIN NO, ,DE'I PHYIR DON GCIG NYID YIN NA STE, YUL GCIG NYID YIN NA SHES PA GNYIS RANG BZHIN THA DAD PAR MI 'THAD DO, ,RTEN THA DAD PA LAS ZHES BYA BA NI RGYU THA DAD PA LAS SO, ,RTEN THA DAD PA LAS SHES PA'I RNAM PA THA DAD PA NYID STON PA NI 'DI LTAR ZHES BYA BA'O, ,DE BZHIN DU SKYES BU RAB RIB CAN DAG GSAL BA LA GZHAN DU MI GSAL BAR MTHONG BA DE BZHIN DU'O, ,'DIR YANG ZHES BYA BA NI SGRA DANG DBANG PO'I SHES PA DAG LA'O, ,DA NI GZHAN DAG DANG PHA ROL GYI NYE BAR BKOD PA'I DPE DANG MTSUNGS PAR SGRUB PAR BYED PA SUN 'BYIN PA BRJOD PA NI, SER PO LA SOGS PAR SNANG ZHES BYA BA'O, ,CI 'GA' ZHIG NUS PA'I KHYAD PAR SMRAS SAM SNYAM NA, GANG GIS ZHES BYA BA'O, ,YANG JI

LTAR NA NUS PA'I KHYAD PAR GSAL SNYAM NA, RNAM PA GZHAN DU ZHES GSUNGS SO, ,CHOS DANG CHOS CAN DAG THA DAD PA PAR RAM GZHAN DU MI GSAL BA NYID LA SOGS PAR SGRA LAS BYUNG BA'I RTOGS PAS MNGON SUM GYIS RTOGS PA LA LTOS NAS RNAM PA GZHAN DU RTOGS PAR KHAS LEN PA LA NI 'KHRUL PA NYID BZLOG TU MED PAR 'GYUR RO, ,'DI ZHES BYA BA NI SGRA'I SHES PA'O, ,DE NYID CES BYA BA NI BDE BA DANG SDUG BSNGAL GYI MTSAN NYID DO, ,'DI LA BRJOD PA NI DON BYA BA 'DI NI ZHES BYA BA'O, ,DON GCIG NYID LA NI YUL GCIG NYID LA'O, ,SHES PA DE LA ZHES PA NI SNGON PO'I YUL CAN GYI RNAM PAR SHES PA LA'O; ,'ON TE GZHAN KHO NA SNANG BA YIN NO SNYAM NA, MED PA'O ZHES GSUNGS SO, ,GAL TE 'DI NI DE NYID GZHAN DU SNANG BA YIN NO SNYAM NA, GZHAN SNANG BA NA ZHES GSUNGS SO, ,GZHAN 'BREL PAR STON PA NI CI STE ZHES BYA BA'O, ,'DI LA BRJOD PA NI DE LTA NA NI ZHES BYA BA'O, ,GCIG NYID 'GAL BAR 'GYUR RO ZHES BYA BA NI KHYED KYIS NI SNGON PO'I YUL CAN GYI DBANG PO'I SHES PA DANG, SGRA LAS BYUNG BA'I SHES PA GNYIS DON GCIG PAR DAM BCAS SO, ,MIG KYANG SGRA'I SHES PA'I LUGS YIN NA DE 'GAL BA YIN NO, ,DE NYID STON PA NI MIG KYANG ZHES BYA BA'O, ,MIG YUL YIN NA NI BLO RNAMS DON GCIG NYID YIN YANG ZHES BYA BA 'DIR RTEN THA DAD PAS ZHES BYA BA NYAMS PAR 'GYUR RO, ,JI LTAR ZHE NA, YUL NYID CES GSUNGS SO, ,YUL NYID YIN NA NI RTEN GYI DNGOS PO YIN PAR YANG BRJOD PA MI 'THAD DE, SNGON PO LA SOGS PA BZHIN NO, ,DES KHYED KYIS YUL GYI DNGOS PO NYID DU BRJOD PAR BYA BA DES NA NGAG GI ZHES BYA BA LA SOGS PAR SBYOR RO, ,GAL TE SNA TSOGS PAS ZHES NI MI BRJOD KYI DON KYANG SGRA RTEN YIN PA'I PHYIR RO ZHES SO, ,DE NA YIN DANG DON GCIG YIN YANG SGRAS BSKYED PA'I PHYIR RNAM PA YIN NO ZHES BYA BA'I DON TO, ,'O NA SGRA LAS BYUNG BA'I SHES PA NI YUL DU 'GYUR TE, SKYED BYED YIN PA'I SNGON PO LA SOGS PA BZHIN NO ZHES DOGS PA BSU NAS, BRJOD PA NI RTOGS PA'I SGRA LAS ZHES BYA BA NYAN PA'I SHES PA RTOGS PA LAS SO, ,DES CIR 'GYUR SNYAM NA 'DI NI ZHES BYA BA STE SGRA'O, ,RTOGS ZIN PA STON NA DON MED PA'I PHYIR RO ZHES BYA BA'O, ,

, ,GAL TE SNGON PO'I SGRA DANG DON DANG SGRA'I SHES PA MTSAN NYID KYIS MTHUN PA'I RNAM PA CAN YIN PA DE LTA NA YANG SKYED BYED YANG YIN PA'I PHYIR DANG SGRA LAS RTOGS PA YIN PA'I PHYIR, 'DI'I YUL NI DON NYID YIN GYI SKYED PAR BYED PA YIN YANG SGRA NI MA YIN TE, DE NI RTOGS ZIN PA'I PHYIR ZHES BYA BA NI GZHAN GYI BSAM PA'O 'DI LA BRJOD PA NA NI DE LTA NA NI ZHES BYA BA'O, ,DE LAS ZHES BYA BAS NI SGRA LAS BYUNG BA'I SHES PA LAS SO, ,'BREL BA MED NYID BRJOD PA NI DE NI ZHES BYA BA'O, ,GZHAN LAS ZHES BYA BA NI RANG GI NGO BO MA YIN PA RNAM PAR SHES PA LAS SO, ,DE LAS ZHES BYA BA NI SGRAR SNANG BA'I SHES PA LA'O, ,DE LAS RNAM PA GZHAN ZHES BYA BA NI, SGRA'I SHES PA LAS SO, ,SHES PA THAMS CAD NI RANG GI RANG BZHIN MNGON DU BYED PA'I PHYIR RO, ,DE NI ZHES BYA BA NI BA LANG LA SOGS PA'O, ,GAL TE DE LTAR RJES SU DPAG PA NYID KYI YUL YIN NO ZHES BRJOD PA NI, DE RJES SU DPAG PA'I YUL DU BRJOD PAR 'GYUR RO SNYAM DU BSAMS NAS GZHAN BRJOD PA NI 'O NA ZHES BYA BA'O, ,MA YIN NO ZHES BYA BA NI 'GOG PA'O, ,'O NA RJES SU DPAG PA LAS MI SNANG BA LA JI LTAR 'JUG CES BYA BA NI GZHAN GYI'O, ,'DI LA BRJOD PA NI THAMS CAD DU ZHES BYA BA STE, MNGON SUM DANG RJES SU DPAG PA LAS YANG NGO, ,DE NYID CES BYA BA'I SGRA'I YUL KUN RDZOB PA NYID DO, ,GAL TE DE NYID KYIS DON DAM PAR 'GYUR RO SNYAM NA GAL TE ZHES BYA BA'O, ,DE'I RANG BZHIN ZHES BYA BA NI DBANG PO'I RNAM PAR SHES PA'I RANG BZHIN GYI YUL GYI'O, ,DE LAS NI SGRA LAS RTOGS PA'I YUL LA'O, ,'DI BRJOD PA NI GAL TE ZHES BYA BA'O, ,DE'I TSE GZHAN GYIS KYANG GSAL BA'I RANG BZHIN GYIS MTSON PA'I DON RTOGS PAR 'GYUR ZHE NA, GSAL BA'I RANG BZHIN 'DZIN PAS ZHES BYA BA'O, ,GAL TE GSAL BA'I RANG BZHIN GYIS SHES PA YIN NA, DE'I TSE GSAL BA'I DNGOS PO RTOGS PAR 'GYUR RO, ,DES NA SGRA LAS BYUNG BA'I SHES PAS KYANG GSAL BAR SNANG BA 'DZIN PAR 'GYUR RO ZHES BSAMS PA'O, ,DBANG PO'I SHES PA DANG SGRA'I SHES PA GANG YIN PA DE GNYIS KYI RNAM PA GANG YIN PA DE GSAL BA DANG MI GSAL BA DAG GIS THA DAD KYANG NGO SHES PA LAS GCIG NYID DU MI GSAL LO ZHE NA, LAN NI DE YANG NGO ZHES

BYA BA'O, ,GNOD PAR BYED PA NYID STON PA NI, RTOGS PA THA DAD PA ZHES BYA BA'O, ,JI LTAR YOD SNYAM NA DRAN PAR BYA BA'I ZHES BYA BA'O, ,DE LTAR NA YANG RNAM PA THA DAD PAR JI LTAR 'GYUR SNYAM NA, DRAN PA DE NI ZHES GSUNGS SO, ,NGO SHES PA'I MTSAN NYID DE NI'O, ,MTHONG BA NI ZHES BYA BA NI MNGON SUM NI DA LTAR BA'I DNGOS PO LA YIN NO, ,DES NA NGO SHES PA DANG MTHONG BA GNYIS 'DAS PA DANG DA LTAR BA'I YUL CAN YIN PA'I PHYIR RNAM PA THA DAD PA KHO NA'O, ,DE'I PHYIR DE NYID YUL GCIG PA'I GNOD BYED YIN NO ZHES DGONGS PA'O, ,BSTAN ZIN TE ZHES BYA BA NI, DBANG TSOGS 'BRAS BCAS NYID PHYIR RO, ,ZHES BYA BA DER 'O NA JI LTAR NGO SHES PA DE SKYED SNYAM NA MTHONG BA LAS NI ZHES BYA BA'O, ,SUN PHYUNG BA'I RNAM PA BRJOD PA NI BRJOD PA DANG ZHES BYA BA'O, ,GTAN TSIGS MA GRUB PA NYID DU YANG BRJOD PA NI RJES SU 'GRO BA NI ZHES BYA BA'O, ,CI LTAR NA MNGON PA'I NGA RGYAL TZAM YIN SNYAM NA, MTHONG BA JI LTA BZHIN ZHES BYA BA'O,, SPYI NI MTHONG BA MA YIN NO ZHES DGONGS PA'O, ,GZHAN YANG MTHONG BA LA SGRA'I RNAM PAR SHES PAS MA REG NA STE MA RTOGS NA YANG NGO, ,'BREL PA MA RTOGS PAR 'BREL PA RTOGS PA MI 'THAD PA'I PHYIR RO, ,GANG GI PHYIR DE LTA MIN PA DES MTHONG BA NYID MA RTOGS PA'I PHYIR DE LA CI YOD DO ZHES JI LTAR RTOGS BUM PA LA SOGS PA MA RTOGS PA NI DE LA CHU YOD DO ZHES RTOGS PAR SRID DO, ,THA DAD PA'AM THA MI DAD PA'I RNAM PA STE RJES SU SONG BA'I SPYI GANG YIN PA 'DZIN PA DER NUS PA DE'I LAM DU GNAS PA'I MTHONG BA NI MA YIN NO, ,RNAM PA GZHAN MI SRID PA'I PHYIR ZHES BYA BA NI SPYI GZHAN RJES SU SONG BA MI SRID PA'I PHYIR, RANG NYID KYIS GOMS PA BAG CHAGS DANG RJES SU MTHUN PA'I 'DU BYED SNGAR GYI GSAL BA MTHONG BAS GZHAG PA'I 'DU BYED GANG YIN PA'I SA BON SAD PAS NUS PA GSAL BAR DE LTAR RTOGS PA DER ZHUGS PA'O, ,RIGS LA SOGS PA'I RTOGS PA GANG YIN PA DE MED PA'I LAM DU ZHUGS PA GANG YIN PA DE NA RJES SU MANG BA'I MTSAN NYID KYIS RTOGS PA DE'I DBANG GIS YIN NO, ,YID KYI MNGON SUM BSHAD PA'I PHYIR, PHYOGS KYI GLANG PO'I ZHAL SNGA NAS KYIS MDO RE ZHIG 'CHAD PA NI, YID KYANG DON DANG CHAGS LA SOGS, ,ZHES BYA BA'O, ,DON DANG CHAGS PA LA SOGS PA'I RANG BZHIN GANG YIN PA DE DAG RIG PA'O, ,'DIS NI YID KYI

, ,MNGON SUM DANG RANG RIG PA YANG BRJOD PA YIN NO, ,MDO 'DI NYID KYIS 'BREL PA'I GZHUNG NI DON DANG ZHES BYA BA LA SOGS PA'O, ,MNGON SUM GYI GTAN TSIGS NI NYAMS SU MYONG BA'I RNAM PAR ZHES BYA BA'O, ,'ON TE MIG LA SOGS PA'I RNAM PAR SHES PA NYID YID KYANG YIN NO SNYAM NA, SMRAS PA MIG LA SOGS PAS SKYED PA GANG YIN PA DE NI DBANG PO'I SHES PA NYID YIN NO, ,'ON TE DE LAS ZHES BYA BA MIG GI RNAM PAR SHES PA LA SOGS PA LAS SKYED PA YID YIN NA'O, ,'DIS ZHES BYA BAS NI YID KYIS SO, ,KHAS BLANGS NAS KYANG BRJOD PA NI DRAN PAR BYA BA MA YIN PAR ZHES BYA BA'O, , BRGYA LA GRUB PA'I MTHA' PAS RTOGS PA LAS NGO SHES PA GTAN TSIGS SU SMRA BAR 'GYUR BAS DE LA BRJOD PA NI NGO SHES PA NI ZHES BYA BA'O, ,MA MTHONG BA ZHES BYA BA GAL TE MIG LA SOGS PA'I SHES PAS MA MTHONG BA GANG YIN PA DE NYID YID KYIS 'DZIN NA'O, ,GZHAN GYIS ZHES BYA BA NI MA LONG BAS SO; ,DON THAMS CAD 'DZIN PAR THAL BA NI THAMS CAD MKHYEN PAR 'GYUR RO ZHES BYA BAR THAL BA'O, ,RANG BZHIN DE NYID CES BYA BA NI SHES PA SNGA MAS YONGS SU BCAD PA'O, ,SNGAR YONGS SU BCAD PA GANG YIN PA DE NYID SHES PA PHYI MAS BYA DGOS PA DES NA, DES CI ZHIG BYA 'DI LA GRUB PA'I MTHA' PAS BRJOD PA NI, YONGS SU MA BCAD PA LA ZHES BYA BA'O, ,GZHAN GYIS RANG GI NGO BOR SNANG BA NYID DO ZHES SMRAS SO, ,'DI LA GRUB PA'I MTHA' SMRA BAS BRJOD PA RANG GI NGO BOR SNANG BA DE GZHAN LA YANG ZHES BYA BA YONGS SU BCAD PA YANG NGO, ,'DI LA GZHAN GYIS BRJOD PA NI DE LTAR NA ZHES BYA BA'O, ,SHES PA SNGA MA LA SNANG BA GANG YIN PA DE NYID SHES PA PHYI MA LA YANG YIN NO ZHES SMRAS PAS RTAG PA NYID DU KHAS BLANGS PAR 'GYUR RO ZHES BSAMS PA'O, ,'DI LA GRUB PA'I MTHA' PAS DA LTAR ZHES GSUNGS SO, ,'DI 'GOG PA NI MA YIN NO ZHES BYA BA'O, ,DE NYID KYIS ZHES BYA BA NI SHES PA SNGA MAS SO, ,SHES PA GZHAN GYIS RTAG PA NYID 'DZIN PAR 'GYUR RO ZHE NA, 'DI 'GOG PA NI MA YIN TE ZHES BYA BA'O, ,RTAG PA GANG LA YID CHES PA STE RTOGS PA YOD PA MA YIN TE DE'I DNGOS PO DE'I PHYIR RO, ,SHES PA GZHAN GYIS NI RTOGS PAR MI NUS SO ZHES BSAMS PA'O, ,'DI NYID STON PA NI DE'I PHYIR ZHES BYA BA STE RTAG PA

NYID DU 'DZIN PA GZHAN DU MI SRID PA'I PHYIR RO, ,DE NYID KYIS ZHES BYA BA NI SNGA MAS SO, ,JI LTAR DON MED SNYAM NA DE'I RANG BZHIN DU ZHES GSUNGS TE, 'DZIN PAR BYED PA GZHAN GYIS KYANG SNGAR GZUNG BA'I RANG BZHIN NYID DU RTOGS PA'I PHYIR RO ZHES BYA BA'I DON TO, ,DE'I RNAM PA 'DZIN PA ZHES BYA BA NI RNAM PA GCIG MNGON DU BYED PA'O, ,DE'I DUS 'DZIN PAR ZHES BYA BA NI SNGON GYI DUS 'DZIN PA NYID DU'O, ,GZHAN DAG NI ZHES BYA BA NI YID TSAD MAR BYED PA'O, ,GAL TE YID KYI ZHES BYA BA NI GAL TE YID KYI DNGOS PO GZUNG BA MED NA DE'I TSE YID KYI RNAM PAR SHES PAS DRAN PAR MI 'GYUR RO, ,GAL TE DBANG PO'I RNAM PAR SHES PAS GZUNG BA YID KYIS DRAN PAR BYED DO SNYAM NA, 'DIR 'GAS ZHES SMRAS TE, BUS BU GANG 'GA' ZHIG GIS MYONG BA'I DNGOS PO NI, DE LAS GZHAN 'GA' ZHIG NI DRAN PA NI NAM YANG MED DO, ,DE'I PHYIR YID KYI RNAM PAR SHES PAS DRAN PA'I PHYIR DNGOS PO MNGON DU BYED PA'I YON TAN NI YOD PA NYID DO SNYAM NA, 'DI LA GZHAN GYI SUN 'BYIN PA BRJOD PA NI GAL TE ZHES BYA BA'O, ,DE'I RNAM PAR RTOG PA DANG BCAS PA'I YID KYIS KYANG RNAM PAR RTOG PA MED PA'I YID KYIS GZUNG BA DNGOS PO DRAN PAR MI 'GYUR TE, RTAG PAR RTOG PA DANG BCAS PA DANG, RTOG PA MED PA DE DAG KYANG THA DAD PA'I PHYIR RO, ,GAL TE GNYI GA GANG YANG GANG YIN PA'I PHYIR GCIG GIS GZUNG BA GZHAN GYIS DRAN PAR 'GYUR RO ZHE NA, SHES PA YIN PA'I PHYIR YANG ZHES GSUNGS TE, DBANG PO'I SHES PAS GZUNG BA YANG YID KYI DRAN PAR 'GYUR TE GNYI GA YANG SHES PA YIN PA'I PHYIR RO, ,DES NA DRAN PA'I STOBS KYIS YID YONGS SU RTOGS PA NI MI 'THAD PA KHO NA'O, ,'DZIN PA LA ZHES BYA BA NI, 'DI ZHES BYA BAR LHAG PAR ZHEN PA STE DE LA NI SNGAR GYI GOMS PA'I BYED PA 'JUG PA YIN NO, ,DES NA 'DI MIG LAS BYUNG BA JI LTAR YIN ZHES DGONGS PA'O, ,'DI NYID MJUG BSDUS TE BSTAN PA NI DE NA 'DI LA ZHES BYA BA'O, ,'DI LA NI 'DZIN PA LA'O, ,CI STE ZHES BYA BA NI DGONGS PA'O, ,DON MED PA MA YIN TE ZHES BYA BA NI GRUB PA'I MTHA'O, ,MOS PA NI LHAG PAR 'DZIN PA'O, ,DE NYID BRJOD PA NI 'DI ZHES BYA BA'O, ,SHIN TU GOMS PA LAS RNAM PAR RTOG PA MED PA KHO NAR RO, ,GZHAN RNAM PAR RTOG PAR

, ,NA STE DE'I YUL CAN GYI RNAM PAR RTOG PA MED PAR YANG NGO, ,NYE BAR GNAS PA LA NI DA LTAR GYI DUS NA YOD PA LA'O, ,RNAM PA GNYIS ZHES BYA BA NI, DBANG PO'I SHES PA RGYUN GYIS 'JUG PA DANG, RNAM PA GCIG GI DBANG PO'I SHES PA'I MTSAN NYID KYIS YIN LA, GZHAN NI YID KYI RNAM PAR SHES PA'I MTSAN NYID DO, ,'DI LA GRUB PA'I MTHA' LAS BRJOD PA NI 'DI ZHES BYA BA'O, ,DPER NA RAB RIB CAN NYID KYIS RANG RANG GI RNAM PA THA DAD PA KHO NAR NYAMS SU MYONG MOD KYI, DE LTA NA YANG GCIG NYID DU LHAG PAR ZHEN PA DE BZHIN DU 'DIR YANG PHAN TSUN MTSAN NYID MI MTHUN PA'I RNAM PA DBANG PO'I SHES PA DANG YID KYI SHES PA LA BRTEN PA GNYIS NYAMS SU MYONG MOD KYI, 'ON KYANG 'KHRUL PAS GCIG TU LHAG PAR ZHAN PA YIN NO ZHES BYA BA'O, ,BDE BA LA SOGS PA KHO NA YIN PAR ZHI BA BZANG PO LA SOGS PAS BRJOD PA GSAL BA'I DON DU 'GOD PAR BYED PA NI 'O NA ZHES BYA BA'O, ,'DI'O ZHES BYA BA LA SOGS PA RTOGS PA BZHIN DU BDE BA LA SOGS PA YANG GOMS PA'I RJES SU 'BRANG BA 'JUG PA'I PHYIR RO ZHES BSAMS PA'O, ,'DI LA GZHAN GYI TSIG GI TSUL NYID KYIS LAN GDAB PA'I PHYIR BRJOD PA NI DES NA ZHES BYA BA STE, BDE BA LA SOGS PA YIN PAS NA'O; ,GZHAN GYIS BDEN DE ZHES SMRAS SO, ,GZHAN NYID KYIS GRUB PA'I MTHA' PAS GZHUNG DANG 'GAL BA BRJOD PA'I DOGS PA BSU BA NI, DBANG PO LAS 'BYUNG BA'I ZHES BYA BA'O, ,PHA ROL PO YANG BDE BA LA SOGS PA DBANG PO LAS BYUNG BA'I GZHUNG YIN PAR BSAMS NAS SMRA BA NI 'DIR YANG ZHES BYA BA'O, ,'DIR YANG BDE BA LA SOGS PA DBANG PO LAS BYUNG BA YIN YANG, MIG LA SOGS PA'I RNAM PAR SHES PA BZHIN DU RANG RIG PA'I RANG BZHIN MI 'GAL TE, DES NA DBANG PO LA MI LTOS PA'I PHYIR ZHES BYA BA'I TSIG THOS PA LAS GZHAN DAG 'GAL BAR SEMS PA YAL BAR DOR NAS DE NYID LA DRI BA NI; 'O NA NI CHOS KYI GRAGS PA 'DI GRAGS PA MA YIN PA'I PHYIR RO ZHES BYA BA'O, ,PHA ROL PO'I 'GAL BA SNANG BA'I DON DU NGAG 'DI 'CHAD PA NI, DBANG PO PA NYID BDE BA DANG BDE BA MA YIN PA ZHES BYA BAR BDE BA LA SOGS PA'I SGRAS NI ZHES BYA BA STE, DBANG PO PAS NI DBANG POR GZUNG BAR BYA BA BDE BA LA

SOGS PA'I RGYU STE, BDE BA LA SOGS PA BSKYED PAR SNANG BA YANG BRJOD PA YIN NO, ,DE SKAD CES BYA BA NI DBANG PO PA NYID DU'O, ,DE LTA NA YANG BDE BA LA SOGS PA NI YID KHO NA YIN PAS GZHUNG DANG 'GAL BA CI YANG MED DO ZHES GZHAN GYIS BSTAN PA LA GRUB PA'I MTHA' PA 'DRI BA NI GAL TE ZHES BYA BA'O, ,GZHUNG 'DIR NI DBANG PO'I RNAM PAR SHES PA DMIGS PA MED PA BSGRUB PA'I DON DU GOMS PA'I DBANG GIS DE RNAM PAR MA NGES PA NYID DU STON PAR 'DOD PA YANG YIN NO, ,YANG GANG GI TSE BDE BA LA SOGS PA'I RNAM PAR SHES PA YID KHO NA YIN LA, DE NYID DBANG PO'I RNAM PAR SHES PA YANG YIN NA DON NGES PA'I RNAM PA CAN YIN PA'I PHYIR, DMIGS PA DANG BCAS PA KHO NAR 'GYUR RO, ,DE LTA NA YANG SKABS KYI DON MA BSGRUB PA'I PHYIR, KHYED KYIS BSHAD PA LTAR NA GZHUNG 'DI DON MED PA KHO NAR 'GYUR RO ZHES BYA BAR BSAMS PA'O, ,'DIR PHA ROL POS MA YIN TE ZHES SMRAS SO, ,DER YID KYIS 'BA' ZHIG GOMS PA'I DBANG GIS RNAM PA GZHAN DANG GZHAN SKYE BA ZHES BYA BAR 'DOD PA NI MA YIN GYI, 'ON KYANG NYE BAR MTSON PAR BYED PA YIN PA'I PHYIR, DBANG PO'I RNAM PAR SHES PA YANG GOMS PA'I DBANG GIS NYE BAR SKYES PA GSAL BA LA SOGS PA RNAM PA MANG POS 'DOD PA KHO NA'O, ,DES NA DE YANG DMIGS PA MED PA NYID DU BSTAN PA KHO NA'O ZHES BYA BAR BSAMS PA'O, ,GAL TE GOMS PA'I LHAN CIG BYED PA CAN GYI MIG LA SOGS PA NYID RNAM PAR SHES PA'I SKYED PAR BYED PA YIN NO ZHES BYA BA 'THAD NA, 'O NA BDE BA LA SOGS PA YANG DBANG PO PA NYID DU 'GYUR TE DE DAG KYANG GOMS PA LHAN CIG BYED PA CAN GYI MIG LA SOGS PAS SKYED PA NYID DU NYAMS SU MYONG BA'I PHYIR RO, ,MAN NGAG DAG DANG BRAL BAR RJOD PAR BYED PA MA YIN PA'I GZHUNG 'CHAD PAR BYED PA GANG GI DON DU 'DI RTZOM PAR BYED PA DES NA SGRAS BSTAN PA YIN NO ZHES BYA BA LHUR LEN PAS CHOG GO ZHES BSAMS NAS GRUB PA'I MTHA' PAS BRJOD PA NI, DBANG PO'I SHES PA YANG ZHES BYA BA'O, ,'DI LTA YIN DANG BDE BA LA SOGS PA NI MA YIN NO ZHES DGONGS PA'O, ,'O NA BDE BA LA SOGS PA LTAR 'DI ZHES BYA BA LA SOGS PA'I RNAM PA CAN GYI SHES PA YANG GOMS PA'I LHAN CIG BYED PA CAN MIG LA SOGS PA'I RGYU LAS SKYED

, ,PA NA, DBANG PO LAS BYUNG BA NYID DU 'GYUR GYI YID NI MA YIN NO ZHES BSAMS NAS BRJOD PA NI DE LTA NA 'O NA ZHES BYA BA'O, ,'DI 'GOG PA NI MA YIN TE ZHES BYA BA'O, ,'DI ZHES BYA BAR RTOGS PA LA NI GOMS PA NYID KYI NUS PA YOD KYI DBANG PO NI MA YIN NO, ,DE LTA MA YIN NA GOMS PA DANG BCAS PA LA JI LTAR MIG LA SOGS PA'I BYED PA'I RDZAS KHO NAR BDE BA LA SOGS PA'I RNAM PA CAN GYI, RNAM PAR SHES PA SKYE BA DE BZHIN DU 'DIR YANG 'GYUR NA, DE LTAR YANG MA YIN TE, DBANG PO'I BYED PA NI DE MA THAG TU DBANG PO'I RNAM PAR SHES PA SKYES PA NA PHYIS 'DI ZHES BYA BA LA SOGS PAR RTAGS NYAMS SU MYONG BA'I PHYIR RO, ,DES NA 'DI NI YID NYID YIN GYI DBANG PO LAS SKYES PA NI MA YIN TE, DE YOD PA DANG MED PA'I RJES SU MI BYED PA'I PHYIR RO, ,DE BZHIN NYID DU ZHES BYA BA NI YID KYI BYED PA YIN PA NYID DU'O, ,DE ZHES BYA BA'I YID KYI RTOGS PA LKOG TU GYUR PA LA JI LTAR MI 'JUG CES SBYAR RO; ,DA NI ZHES BYA BA NI DE ZHES BYA BA'I RNAM PA CAN GYI SHES PA'O, ,DE'I RJES SU 'GRO BA'I ZHES BYA BA NI DES BSKYED PA'I'O, ,'DI LA GZHAN GYIS SMRAS PA NI DE NYID KYIS ZHES BYA BA STE, SKAD CIG GNYIS PAS SO, ,LAN NI MIG GI ZHES BYA BA'O, ,DBANG PO'I RNAM PAR SHES PA KHO NAS 'DZIN NO ZHES JI LTAR SHES SNYAM NA, DE LTAR YANG ZHES GSUNGS SO, ,DBANG PO'I RNAM PAR SHES PAS MTHONG BA YIN NO, ,JI LTAR RKYEN YIN ZHES PA NI YID KYI'O, ,DBANG PO'I SHES PA SNGA MA NYID MTSUNGS PA DE MA THAG PA'I RKYEN YIN NO ZHE NA RANG GI ZHES SMRAS SO, ,DUS SNGA MA NYID BSGRUB PA NI YUL NI ZHES BYA BA STE, RGYU MA YIN PA NI YUL DU MI 'GYUR RO, ,GAL TE DE LTA NA YANG RANG GI SHES PA DANG DUS MTSUNGS PAR 'GYUR RO SNYAM NA, RGYU YANG ZHES GSUNGS SO, ,SNGAR NI 'BRAS BU LAS SO, ,MED PA NI RGYU STE DER 'GYUR RO, ,RGYU SNGAR MED PA YANG NUS PA MED DO, ,'ON TE 'BRAS BU'I DUS SU YANG 'BRAS BU YOD PA NYID MA YIN TE, DES NA NUS SO SNYAM NA GAL TE ZHES BYA BA'O, ,GAL TE SNANG BA DON GYI NGO BO YIN NA DE'I SNGON PO LA SOGS PA LNGAR ZHES SBYAR RO, ,DE NYID CES BYA BA SNANG BA NYID DO, ,SNGAR YANG ZHES BYA BA NI SHES PA'I SNGON ROL DU'O, ,GAL TE SHES PA MED PAR YANG SNANG BA NA NI DE'I TSE SHES PA DON MED DO

ZHES SBYAR RO, ,'DI LA BRJOD PA NI 'DI NI KHYED NYID KYIS ZHES BYA BA'O, ,DE'I NGO BO NYID NI SNANG BA'I NGO BO NYID DO, ,'DI GA LAS SHE NA DE NYID YOD PA LA ZHES BYA BA'O, ,SNANG BA'I NGO BO ZHES BYA BA'I TSIG GIS NI SNANG BA YOD PA YIN NO ZHES BSTAN PA YIN LA PHYIS DE YANG MED DO ZHES BSTAN PA YIN NA, CHOS CAN GCIG LA SNANG BA DANG MI SNANG BA PHAN TSUN 'GAL BA DAG GNAS PAS JI LTAR 'GYUR BA MTHONG GI ZHES BYA BA SNANG BA DMIGS PA'O, ,SHES PA YOD NA ZHES BRJOD PA NI, BYED PA PO NYID DU ZHES BRJOD PA YIN NA, DE YANG MI 'THAD DO ZHES STON PA NI, CI DA NI ZHES BYA BA'O, ,BYED PA PO NYID DU 'GYUR MOD DE LAS CIR 'GYUR ZHE NA, BYED PA PO NYID KYANG ZHES BYA BA'O, ,DUS MNYAM YANG BYED PA PO NYID CI STE MA YIN ZHE NA, MED PA ZHES BYA BA LA SOGS PA'O, ,DUS MNYAM PA NYID DU ZHES BYA BA NI DOGS PA BSU BA'O, ,DE LTA NA NI 'O NA DE NYID KYI TSE SNANG BA MIG GI THAD NAS SKYES PA YIN TE, RGYU DES NA SNGAR GNAS PA'I DON GYI NGO BO MA YIN NO, ,GANG GNAS PA NYID NA GANG 'JIG PAR 'GYUR ZHES 'BREL TO, ,YOD NA PHYIS 'BYUNG ZHES BYA BA NI ME LONG LA SOGS PA LA SKYE BA DE BZHIN DU KHO BO'I SNANG BA YANG PHYIS SKYE BA NA, DON LAS THA DAD PA NYID DU 'GYUR RO ZHE NA, 'DI LA BRJOD PA NI GAL TE YUL THA DAD PA'I PHYIR ZHES BYA BA'O, ,DER YANG PHYIS SKYES PAS NI THA DAD PA MA YIN GYI, 'ON KYANG YUL THA DAD PA YIN NO ZHES BSAMS PA'O, ,GZHAN YANG GDONG DANG GZUGS BRNYAN THA DAD DO ZHES BYA BA'O, ,'DI LA'ANG TSAD MA YOD DO ZHES, ,ZHES BRGYA LA SANGS RGYAS PAS BRJOD PAR BYA BAR 'GYUR BA DE LA BRJOD PA NI DON LAS SNANG BA THA DAD PA GANG YIN PA DE'I SGRUB PAR BYED PA NI MTHONG BA MED DO, ,DA LTAR 'BYUNG 'GYUR BA ZHES BYA BA NI DA LTAR SKYE BAR 'GYUR RO, ,DE BZHIN SNGO SOGS KYANG 'GYUR TE SKYE BAR 'GYUR RO, ,SNGON PO LA SOGS PA YANG SNANG BA DANG GRUB PA DANG BDE BA GNYIS MTSUNGS PA'I PHYIR RO, ,SNGON ROL DU NI SHES PA'I SNGON ROL DU'O, ,DE BZHIN DU NI STE DON BZHIN DU SNANG BAR SNGA ROL NYID DU 'BYUNG BAR 'GYUR TE, DON DANG SNANG BA DE'I BDAG NYID DU YIN PA'I PHYIR RO, ,DE LTAR 'GYUR MOD SNYAM NA DE LTAR DE NI ZHES SMRAS SO, ,'ON TE SNANG BA NI DON LAS GZHAN NYID YIN NO ZHES BYA BA'I PHYOGS GNYIS PA LA BDAG

, ,CAG GI 'DOD PA NYID GZHAN GYIS KYANG KHAS BLANGS PA YIN NO ZHES MJUG SDUD PAR STON PA NI DE'I PHYIR ZHES BYA BA'O, ,RJES SU MTHUN PA'I DPE BRJOD PA NI, PHA GZUGS 'DZIN PA JI BZHIN NO, ,ZHES BYA BA'O, ,SNGAR BKOD PA'I MDO NYID KYIS RANG RIG PA LA LTOS, 'GREL PA'I GZHUNG PHYOGS KYI GLANG PO'I ZHAL SNGA NAS KYIS MDZAD PA 'GOD PA NI BDE BA LA SOGS PA ZHES BYA BA'O, ,RNAM PAR RTOG PA'I RANG GI NGO BO YANG YIN PA DE MNGON SUM MA YIN PA NYID DU 'GYUR TE RNAM PAR SHES PA NI LKOG TU GYUR PA YIN NO ZHES BYA BA BRAM ZE'I GZHUNG GANG YIN PA DER THAL BAR 'GYUR RO, ,'O NA CI'I DON DU BDE BA LA SOGS PA SMOS PA MDZAD DE, SHES PA TZAM GYIS ZHES CI STE MA GSUNGS SHE NA, BDE BA LA SOGS PA SMOS PA NI ZHES BYA BA'O, ,DE'I NI ZHES BYA BA RNAM PAR RTOG PA'O, ,'GAL BA'I CHOS GNAS PAS THA DAD PAR 'GYUR RO ZHES BSAMS PA'O, ,DE LAS MA RTOGS PA NI ZHES BYA BA NI BDE BA LA SOGS PA'I RANG GI NGO BO LA MA RTOGS PA'O, ,DE'I TSE YANG ZHES BYA BA NI DNGOS SU BYED PA'I DUS NA'O, ,SNGA MA DANG PHYI MA'I DNGOS PO DANG MNGON PAR BRJOD PA DE DAG GI SGO NAS SBYOR BA DE'I SKABS CI ZHIG YOD, DE LA BYIS PA BRDA LA BLO MA BYANG BA LA SOGS PA NI MNGON PAR BRJOD PA DANG MI SBYOR YANG NU MA LA SOGS PA LA DE NYID 'DI YIN NO ZHES SNGA MA DANG PHYI MA MTSAMS SBYOR BA KHO NA'O, ,BRDA LA BYANG BA NI BRJOD PA YANG SBYOR BAR BYED DO, ,DES NA GNYI GA YANG GZUNG BA YIN NO, ,DE'I TSE ZHES BYA BA DUS PHYIS RIG PA DANG BDE BA LA SOGS PA DE MED PA'I PHYIR TE, GANG GIS GANG ZHIG SBYOR ZHES BYA BA'I DON TO, , DUS PHYIS NI DE DAG LA SNGA MA NYID DU GZUNG BAR BYA BA YIN NO, ,DE LTA YIN DANG GZHAN GYIS ZHES BYA BA NI SHES PA GZHAN GYIS SO, ,RNAM PA GZHAN DU ZHES BYA BA NI MI GSAL BA NYID DU'O, ,DE NI ZHES BYA BA NI BDE BA'O, ,DE'I TSE DRAN PA'I RANG BZHIN BDE BA'I RIG PA NYID MA YIN TE, SNGAR ZHUGS PA'I RANG BZHIN DU RTOGS PA'I PHYIR RO, ,GZHAN GYIS BDE BA RIG PA'I DUS BZHIN NO, ,GAL TE BDE BA DE NI DRAN PA'I DUS KHO NAR SKYE BA MA YIN NAM, DUS NA SNGAR ZHUGS PA'I RANG BZHIN DU DRAN PAS YUL DU CI LTAR BYED SNYAM NA, DE'I TSE NYID NI ZHES BYA BA STE, DRAN PA'I DUS NYID NA'O, ,GAL TE BRJOD PA DANG 'BREL

PA'I RTOG PA NYID YIN NO ZHE NA, BSHAD PA BDE BA BRJOD PAR BYA BA NYID YOD PA MA YIN NO, ,DES NA BDE BA DE LAS THA DAD NA STE SGRAS DBEN BA YIN NA JI LTAR BRJOD PA DANG 'BREL BA SRID, 'ON TE SGRA YANG DUS KYANG MTSUNGS PAR GSAL BA NYID YIN NO ZHE NA, DUS GCIG RIG PA TZAM GYIS NA ZHES BYA PA'O, ,YID KYANG ZHES BYA BA NI SNANG BZHIN PA'O, ,JI LTAR NA GZUGS LA SOGS PA CAN MA YIN ZHE NA, RANG BDAG NYID LA ZHES BYA BA'O, ,DE LTA YIN MOD DES CIR 'GYUR ZHE NA, SKYE BA DE TSE ZHES BYA BA'O, ,'DI NI ZHES BYA BA NI YOD DO, ,DE YIS ZHES BYA BA NI YID KYIS DON GZUNG BA MED PA'I PHYIR DON LA RNAM PAR RTOG PA DANG BCAS PA MA YIN, DE MA BZUNG BA YANG RNAM PAR RTOG NA, HA CANG THAL BAR 'GYUR BA'I PHYIR RO, ,NGO BO NYID LA YANG MI RTOG PHYIR, NGO BO NYID LA YANG RNAM PAR RTOG PA DANG BCAS PA MA YIN NO ZHES 'BREL TO, ,'DIR ZHES BYA BA NI DON DU SGRO 'DOGS PA LA'O, ,SGRO 'DOGS PA YANG DON 'DZIN PA ZHIG YIN NA, GNYI GA LTAR NA YANG SNGAR BSHAD PA'I NYES PAR 'GYUR RO ZHES BSAMS PA'O, ,'DZIN PA DANG SGRO 'DOGS PA DE GNYIS YOD PA'I PHYIR ZHES BYA BA'I RTZOD PA LA BRJOD PA NI GAL TE ZHES BYA BA'O, ,'DZIN PA DANG SGRO 'DOGS PA DAG PHAN TSUN THA DAD PA'AM THA MI DAD PAR 'GYUR, DE LA GCIG PA NI 'DZIN PA DANG SGRO 'DOGS PA GNYIS YOD DO ZHES BYA BA 'DI BDEN PA MA YIN TE, SGRO 'DOGS PA 'BA' ZHIG LA 'DZIN PA 'BA' ZHIG YOD PAR 'GYUR RO ZHES BYA BA'I DON TO, ,DE LTAR 'GYUR MOD CI SKYON SNYAM NA, DE LA ZHES GSUNGS SO, ,'ON TE ZHES PHYOGS GNYIS PA LA BRJOD PA'O, ,RNAM RTOG BCAS PA'I RIG PA'I ZHES BYA BA NI SGRO 'DOGS PA'O, ,RTOG MED CES BYA BA NI 'DZIN PA'O, ,DE LA NI GNYI GA LTAR YANG NYES PA SMRAS ZIN TO, ,'O NA MED PAR RTOG PA MED DO SNYAM PA'I DOGS PA BSU NAS RANG GI PHYOGS LA RNAM PAR RTOG PA RNAM PAR GNAS PA BRJOD PA NI, DE'I PHYIR ZHES BYA BA'O, ,BRTAGS PAS ZHES TSAD MAS 'THAD PA'O, ,GZHAN DAG 'DI YANG SUN 'BYIN PA SMRA BA NI DE LA ZHES BYA BA'O, ,GRUB PA'I MTHA' YAS PAS 'DZIN PA MED PAR NI ZHES SMOS TE, DON MA BZUNG BA SKYES BU 'JUG PAR BYED PA GANG YIN PA DE NYID NGA RGYAL YIN NO ZHES BYA

, ,BA'I DON TO, ,GZHAN GYIS BRJOD PA NI GAL TE MA BZUNG BA'I DON LA SHES PA DE 'JUG PAR BYED PA YIN NA, DE'I TSE YUL THAMS CAD LA CI LTAR 'JUG PAR BYED PA MA YIN TE, KHYAD PAR MAD PA'I PHYIR RO ZHE NA 'DI LA BRJOD PA NI GAL TE ZHES BYA BA'O, ,CI'I PHYIR ZHE NA ZHES BYA BA NI CI'I DON DU 'JUG PA STE, MNGON DU BYED PA'I SHES PA NYID DE'I YUL CAN YIN PAR 'GYUR PAS DE LA THOG PA GZHAN NI MED DO, ,SHES PA DE YANG SNGAR NYID SKYES ZIN PAS NI CI DON DU 'JUG PA YIN DES NA GZUNG BA LA 'JUG PA MI 'THAD PA'I PHYIR NA, MA BZUNG BA NYID LA 'JUG PA YIN NO ZHES SMRAS SO, ,'DI LA GZHAN GYIS ZHES SMRAS SO, ,LAN NI 'DIR ZHES BYA BA'O, ,RNAM PAR RTOG PA MED PA'I MTSAN NYID BRJOD PA NI GANG LA ZHES BYA BA'O, ,MNGON SUM GYI MTSAN NYID BRJOD PA NI MNGON DU ZHES BYA BA'O, ,DE LTAR NA 'JIG RTEN GYI RTOGS PAS RNAM PAR GNAS PA 'DI 'DRA BA YIN GYI, DON DAM PAR MA YIN NO ZHES BRJOD PA PA NI DON DAM DU NA ZHES BYA BA'O, ,GZHAN YANG ZHES BYA BA LA SOGS PAS NI, RNAM PA GZHAN DU YANG RNAM PAR RTOG PA DANG BCAS PA DANG, RTOG PA MED PA'I MTSAN NYID BRJOD PA YIN NO, ,'DI THAMS CAD KYANG THA SNYAD KYIS BRJOD PA YIN TE DE LTAR MA YIN NA, THAMS CAD BAG CHAGS KYI STOBS LAS 'BYUNG BA YIN PA'I PHYIR RO ZHES DGONGS PA'O, ,BSHAD ZIN PA'I MTSAN NYID KHO NAS BDE BA LA SOGS PA RNAM PAR RTOG PAS MED PAR 'GYUR RO ZHES BRJOD PA NI, BDE SOGS ZHES BYA BA'O, ,DE DAG CES BYA BA NI BDE BA LA SOGS PA RNAMS KYI'O, ,LAS DANG BYED PA'I ZHES BYA BA NI GANG GI CHE BRJOD PA DANG 'DRES PA'I DON 'DZIN PA DE'I TSE BRJOD PA NI BYED PAR 'GYUR LA GANG GI TSE BRJOD PA NYID DON DANG 'BREL BAR RTOGS PA DE'I TSE NI LAS SU 'GYUR BA YIN NO, ,'DI LA ZHES BYA BA NI BDE BA LA SOGS PA'O, ,RANG BZHIN ZHES BYA BA NI DON GYI RANG BZHIN 'DZIN PA DANG BDE BA LA SOGS PA'I RANG BZHIN 'DZIN PA'O, ,RANG RIG PA DANG ZHES BYA BA NI BDE BA LA SOGS PA 'DI YID KYI ZHES BYA BA NI, 'DI NI BDE BA LA SOGS PA ZHES BYA BA DE LTA BU'I RNAM PA CAN NO, ,'DI LA BRJOD PA NI 'GYUR BA NYID DE ZHES BYA BA'O, ,DE LTA NA 'O NA RNAM PA GNYIS SU THA SNYAD CI STE MI 'GYUR

ZHE NA, RAB RIB CAN GNYIS KYIS ZHES BYA BA'O, ,DE LA YANG ZHES BYA BA NI RAB RIB CAN GNYIS KYIS ZLA BA GNYIS SU MTHONG BA LA YANG NGO, ,DE LTAR ZHES BYA BA NI GNYIS KYIS THA SNYAD DU'O, ,'DI LA BRJOD PA LA NI DE LTAR ZHES BYA BA'O, ,DE GCIG NYID DU RJES DPOG GI ,ZHES BYA BA NI DE NYID DU RJES SU DPOG PAS RJES SU DPAG PAS NA GCIG NYID KYI THA SNYAD DU 'GYUR RO ZHES 'BREL TO, ,DE LA GCIG NYID DU MNGON PAR RLOM PA NYID JI LTAR ZHE NA, GNYIS PA ZHES GSUNGS SO, ,RAB RIB CAN GCIG GIS ZLA BA GNYIS DMIGS PA GANG YIN PA DE NYID RAB RIB CAN GNYIS PAS MA MTHONG BA DES NA, GCIG NYID DU MNGON PAR RLOM PA YIN NO, ,'O NA 'DIR ZHES BYA BA NI BDE BA LA SOGS PA DANG DE'I YID DAG LA'O, ,'DI LA GRUB PA'I MTHA' PAS BRJOD PA NI GAL TE ZHES BYA BA'O, ,YID KYANG RANG RIG PA TZAM YIN LA BDE BA LA SOGS PAS MA YIN PAS GZHAN GYI TSUL MI SHES PA DES NA GNYIS GANG GIS RIG SKYES BU ZHES BYA BA NI BDAG GO, ,YID DANG RANG RIG PA DE DAG GIS KYANG NGO, ,'ON TE ZHES BYA BA NI DOGS PA'O, ,'DI LA BRJOD PA NI RANG GIS ZHES BYA BA'O, ,DER YANG NI GZUGS DANG RO LA SOGS PA YANG NGO, ,THAL BA'I PHYIR RO ZHES BYA BA NI, GAL TE GZHAN GYIS RIG PA YIN NA; DE'I TSE GZHAN GYI MYONG BA GZHAN GYIS MYONG BAR 'GYUR RO ZHES BYA BAR THAL LO, ,'DI NI ZHES BYA BA NI YOD PA DANG RANG RIG PA LA SOGS PA'O, ,YANG JI LTAR DBANG PO'I RTOGS PA LA SOGS PA'I RNAM PAR DBYE BA DON DAM PA MA YIN SNYAM NA, DBANG PO'I ZHES BYA BA GSUNGS SO, ,DBANG PO SKYES PA'I SHES PA NI DBANG PO'I SHES PA ZHES BRJOD PAR BYA BA YIN LA DBANG PO'I BYED PA YANG SHES PA DANG DUS MTSUNGS PAR NYAMS SU MYONG BA YIN TE, DES NA JI LTAR RGYU NYID YIN SNGA MA NYID DU 'DOD CHAGS MED PA NI YOD PA TZAM DU YANG MA GRUB NA, 'DI RGYU NYID DAM GZHAN DU LTA GA LA 'GRUB CES BYA BAR BSAMS PA'O, ,GZUGS LA SOGS PA BZHIN NO ZHES BYA BA NI DPE'I THABS GZUGS LA SOGS PA YANG SHES PA'I RGYU NYID MA YIN TE, DUS MTSUNGS PAR MYONG BA'I PHYIR RO ZHES BSTAN PA YIN NO, ,'DI LA GZHAN DAG GIS 'ON TE ZHES SMRAS SO, ,GRUB PA'I MTHA' BAS DE BZHIN DU ZHES

, ,BYA BA'O, ,'DI NI BDE BA LA ZHES BYA BA'I RNAM PA CAN GYI YID DANG BDE BA LA SOGS PA RANG RIG PA DE DAG DANG DE BZHIN DU BUM PA'O ZHES BYA BA'O, ,RNAM PA CAN GYI YID DANG BDE BA LA SOGS PA'I RIG PA DANG YUL CAN GYI DBANG PO STE, DE DAG THA DAD DO, ,THA SNYAD PA'I THA SNYAD MED KYANG ZHES BYA BA'I GRUB PA'I MTHA' PA'I'O, ,KHYAD PAR GYI RANG BZHIN LA NI ZHES BYA BA NI, THUN MONG MA YIN PA'I RANG BZHIN LA'O, ,RIG PA MA YIN ZHES BYA BA NI BUM PA LA SOGS PA LTAR BEMS PO'I BDAG NYID DO, ,GRUB PA'I MTHA' PAS DOGS PA BSU BA NI GAL TE ZHES BYA BA'O, ,'DI 'GOG PA NI MA YIN TE ZHES BYA BA'O, ,'O NA JI LTAR RIG SNYAM NA, GZHAN GYI GZHAN GYIS ZHES SMRAS SO, ,YANG JI LTAR NA RNAM PAR SHES PA LAS THA MI DAD PA NYID DU RTOGS SNYAM NA, RNAM PAR SHES PA'I RANG BZHIN LTA BUR ZHES GTAN TSIGS KYI SGO NAS KHYAD PAR BYED DO, ,BDE BA LA SOGS PA RNAM PAR SHES PA LAS THA DAD PA'I MNGON SUM MAM RJES SU DPAG PAS GRUB PAR BYED, DE LA RE ZHIG RIM PA BZHIN SEL BA NI KHYED KYIS ZHES BYA BA'O, ,PHYED DANG PO 'CHAD PA NI BDE BA LA SOGS PA ZHES BYA BA'O, ,PHYED PHYI MA 'CHAD PA NI RJES SU DPAG PA YANG ZHES BYA BA'O, ,RGYU THA DAD PA ZHES BYA BA LA, RGYU THA DAD PA NYID 'BRAS BU THA DAD PA'I RTAGS YIN PA'I PHYIR RO, ,'O NA BDE BA LA SOGS PA DANG RNAM PAR SHES PA DAG NI 'BRAS BU THA DAD PA NYID LAS RGYU THA DAD PAR RJES SU DPAG PA NA, THA DAD PAR 'GRUB PO SNYAM NA, 'BRAS BU THA DAD PA NI ZHES BYA BA'O, ,'DIR YANG 'BRAS BU THA DAD PAR KHAS BLANGS NAS BRJOD PAR ZAD DO, , DE NA NYID MED CES BRJOD PA NI BDE BA LA SOGS PA DANG ZHES BYA BA'O, ,DA NI RNAM 'GREL GYI DON NYID BRJOD PA NI, THA MI DAD PA'I RGYU CAN DANG ZHES BYA BA'O, ,RNAM 'GREL 'DI NYID SLAR RNAM PA GZHAN DU 'CHAD PA NI YANG ZHES BYA BA'O, ,GZHAN GYI BRJOD PA NI MIG DANG ZHES BYA BA'O, ,'DI LA BRJOD PA NI DES NA ZHES BYA BA'O, ,DE LTA YIN DANG ZHES BYA BA NI SKYE BA YIN DANG NGO, ,DE NI BDE BA LA SOGS PA'O, ,SHES PA MA YIN TE ZHES BYA BA NI CI STE MA SHES ZHES BYA BA STE, 'DI NI RNAM PAR SHES PAS DMIGS PAR BYA BA NYID DO ZHES BYA BA'I DON TO, ,DE'I TSE NA BDE BA MED PA NYID NI DES NA MA DMIGS PA YIN NO

ZHES BZLOG PA NI MA YIN TE ZHES GSUNGS SO, ,'DI NI BDE BA'O, ,KHYED KYI ZHES BYA BA SANGS BA'I PHYOGS LA YANG NGO, ,DE LTAR ZHES BYA BA NI THAMS CAD KYI TSE NA BDE BA'I RANG BZHIN GYI RNAM PAR SHES PA'O, ,RNAM PA GZHAN DU ZHES BYA BA NI BTANG SNYOMS KYI RNAM PAR RO, ,YANG NA ZHES BYA BA SOGS PAS BRJOD PA BSHAD PA GNYIS PA RNAM 'GREL GYI DON SBYOR BA NI RGYU YOD NA ZHES BYA BA'O, ,MI SHES PAR ZHES BYA BA NI GANG LA 'DZIN PAR BYED PA'I RNAM PAR SHES PA YOD PA MA YIN TE, DE LA DE SKAD BRJOD PA YIN NO, ,BSHAD PA 'DI LA NI RNAM 'GREL GZHAN DU 'JUG PAR BYED PA NI, 'ON TE ZHES BYA BA'O, ,DE'I TSE ZHES BYA BA NI, BDE BA MTSOR BA'I DUS NA'O, ,BDE BA MED PA NI SHES PA MA YIN TE, 'DZIN PA'I RNAM PAR SHES PA DANG LDAN PA MA YIN TE, RNAM PAR SHES PA'I RGYU GANG YIN PA DE NYID BDE BA LA SOGS PA'I RGYU YIN NO, ,DE'AM ZHES BYA BA NI RNAM PAR SHES BA'I RGYU'O, ,DE MA YIN PA NI CHOS LA SOGS PA'O, ,DE NYID CES BYA BA NI RNAM PAR SHES PA'I RGYU NI BDE BA LA SOGS PA'I RGYU YIN PA'O, ,CHOS LA SOGS PA'I RGYU NYID YIN PA STON PA NI, BDE BA NI ZHES BYA BA'O, ,DE LA NI 'DOD PA DANG MI 'DOD PA CHOS DANG CHOS MA YIN PA LA'O, ,LDOG PA MED PAR ZHES BYA BA NI 'BRAS BU LDOG PA MED PAR RO, ,DES NA BDE BA LA SOGS PA TZAM LA NI CHOS LA SOGS PA NUS PA MA YIN NO, ,'O NA GANG LA NUS SNYAM NA, 'DOD PA ZHES BYA BA BSGRUBS PA LA STE RGYU LA'O, ,DE NYID 'CHAD PA NI CHOS LA SOGS PA NI ZHES BYA BA'O, ,DE'I SGRUB PAR BYED PA NI BDE BA LA SOGS PA'I SGRUB PAR BYED PA'O, ,DES NA ZHES BYA BA NI RGYU MTHA' DAG TSOGS KYANG 'BRAS BU LDOG PAS NA'O, ,DE LAS ZHES BYA BA NI MYA NGAN LA SOGS PA'I TSOGS PA LAS SO, ,SDUG BSNGAL SKYES PA NA RGYU MED NYID KYIS BDE PA MA SKYES PA YIN NO ZHES BSAMS PA'O, ,GZHAN LAS NI CHOS MA YIN PA LAS SO, ,DES ZHES BYA BA CHOS SAM CHOS MA YIN PAS SO, ,THA DAD DU ZHES BYA BA NI BDE BA'AM SDUG BSNGAL LO, ,KHYOD LA NI RIGS PA CAN LA'O, ,DE NYID BRJOD PA NI BDE BA LA SOGS PAS ZHES BYA BA'O, ,DE NI BDE BA'O RKANG PA NYID LAS ZHES BYA BA NI BDE BA DANG SDUG BSNGAL DANG BRAL BA BTANG SNYOMS

, ,PA'I 'BA' ZHIG LAS SO, ,DE TZAM GYI RGYU THA DAD PA YOD PAS NI, GCIG NGES PAR THA DAD PAR MI 'GRUB BO, ,DE NYID CES PA NI RNAM PAR SHES PA'O, ,KHYAD PAR CAN NI BDE BA'I RANG BZHIN NO, ,CHOS MA YIN PA LA SOGS PA PHAN 'DOGS PA NA LHAG PA GANG YIN PA DES NA RNAM PAR SHES PA'I RGYU'I MTSAN NYID KYIS TSOGS PA DE NYID KHYAD PAR DU BYED PA'I PHYIR RO, ,'DI LA BRJOD PA NI TSOGS PA DE NYID KYIS ZHES BYA BA STE, RNAM PAR SHES PA'I TSOGS PA DE NYID KYI'O, ,SKYU RU RA'I SA BON ZHES BYA BA NI BYED PA PO'I TSIG GI RANG BZHIN NO, ,DE LAS ZHES BYA BA NI SKYA RU RA'I RANG BZHIN LAS SO, ,KHYAD PAR GZHAN ZHES BYA BA NI MNGAR BA LA SOGS PA'O, ,'ON TE ZHES DOGS PA BSU NAS 'GOG PA NI MA YIN NO ZHES BYA BA 'DIR YANG GI SGRA'I DON 'GOG PA YIN TE GAL TE THA DAD PA YANG SKYED DO ZHES BRJOD PA DE'I TSE, SHUGS KYIS THA MI DAD PA YANG SKYED PAR BYED DO ZHES BRJOD PAR 'GYUR RO, , DE LTA NA YANG BDE BA LA SOGS PA RNAMS RNAM PAR SHES PA LAS MTHA' GCIG KHO NAR THA DAD PAR BSTAN PAR MI 'GYUR RO, ,DE NYID STON PAR BYED PA NI GAL TE ZHES BYA BA'O, ,GZHAN YANG GAL TE CHOS LA SOGS PA TZAM GYIS LHAG PA'I PHYIR, BDE BA BEMS POR SKYED NA DE'I TSE SHES RAB LA SOGS PA YANG DE LTAR THAL BAR 'GYUR TE, CHOS LA SOGS PA NYID LAS SKYES PA'I PHYIR RO ZHES BRJOD PA NI, GZHAN YANG ZHES BYA BA'O, ,DE DAG KYANG ZHES BYA BA NI SHES RAB LA SOGS PA RNAMS SO, ,DE DAG GI ZHES BYA BA NI BDE BA LA SOGS PA RNAMS KYI'O, ,'DOD PA LA SOGS PA SGRUB PAR BYED PA GANG YIN PA DE NYE BA NYID DO, ,'DI LA BRJOD PA NI DE LTA NA ZHES BYA BA STE, DE'I RGYU'I CHOS LA SOGS PA LAS SKYE BAR KHAS BLANGS PA'I PHYIR RO, ,BDE BA LA SOGS PA'I RGYU CHOS LA SOGS PA GANG YIN PA'I RGYU DE RGYUD SHES RAB LA SOGS PA GANG LA YOD PA DE LA DE SKAD CES BYA BA'O, ,'O NA CHOS LA SOGS PA'I RGYU CAN DE GANG YIN ZHE NA, SHES RAB YOD PAR GYUR PA LAS BDE BA SKYE BA GANG YIN PA DE NI CHOS LA SOGS PA'I RGYU CAN YIN NO, ,CHOS LA LTOS TE GZHAN GANG YIN PA DE LAS MI 'GYUR RO, ,MANG PO DAG SHES RAB LA SOGS PA GOMS PAR BYED KYANG, GOMS PA LAS THAMS CAD LA SHES RAB LA SOGS

BA BSGRUB PA NI MA YIN TE, DES NA CHOS LA SOGS PA KHO NA RGYU YIN NO, ,BLUN PO'I PHYIR ZHES BYA BA NI SKYES BU GANG LA GOMS PA YOD KYANG SHES RAB LA SOGS PA MI 'BYUNG BA DE NI SHIN TU YANG BLUN PA YIN TE, DES NI DE LA SHES RAB LA SOGS PA MED PA YIN NO ZHES BYA BA'I DON TO, ,'BRAS BU MED PA NI GOMS PA'I ZHES BYA BAR BLTA'O, ,SKYES BU'I BYE BRAG GI RGYUD KYI KHYAD PAR GANG YIN PA DE LAS BDE BA LA SOGS PA 'BYUNG BA YIN GYI, CHOS LAS NI MA YIN TE, SHES RAB LA SOGS PA BZHIN NO, ,NGO BO NYID KYIS ZHAN PA MA YIN PA NI 'KHOR BA'I PHONGS BA'I RGYU THAMS CAD YOD KYANG STE, 'KHOR BA'I YUL LA SDUG BSNGAL DU MI BRTZI BA GANG YIN PA DE LA ZHES BYA BA'I DON TO, ,NGO BO NYID KYI KHYAD PAR GYIS MA YIN GYI, CHOS LA NI MA YIN NO, ,CHOS LAS BDE BA CI STE MI 'BYUNG SNYAM NA, DAM PA MA YIN PA ZHES SMOS TE CHOS MA YIN PA BYED PA LA'O, ,BDE BA DE TSE SNGA MA'I CHOS KYIS BYAS PA YIN NO ZHES KYANG BRJOD PAR BYA BA MA YIN TE, DE DANG LHAN CIG PA'I CHOS NYID LAS BDE BA LA SOGS PA YIN NO ZHES BLTA BAR BYA BA'O, ,DE LTA NA 'ON CHOS LA NUS PA MED DO ZHES BYA BA NI GAL TE GOMS PA LA SOGS PA MED PAR CHOS KYI BDE BA LA SOGS PA SKYED PAR BYED NA, NUS PAR 'GYUR BA ZHIG NA DE LTA NA YANG MA YIN NO ZHES DGONGS PA'O, ,GOMS PA SNGON DU 'GRO BA CAN YIN PA'I PHYIR YANG ZHES BYA BA NI SUN 'BYIN PA CAN YIN NO, ,GANG LA RGYU RNAM PAR SHES PA YOD PA DE LAS TE SHES PA LAS SKYES PA SHES PA'I RGYU NI DUS BYAS PA YIN NO ZHES BRJOD PA'I PHYIR RO, ,BDAG GIS MTHONG BA GANG YIN PA DE 'DI YIN NO ZHES DE'I RANG BZHIN DU SHES PA NI SNGON GYI 'DU BYED PA LAS BYUNG BA YIN NA, SNGON GYI 'DU BYED PA LAS SKYES PA 'DI BDE BA LA SOGS PA LA YOD DAM CIG BDE BA LA SOGS PA NI, SNGON GYI 'DU BYED PA LAS 'BYUNG BA MA YIN PA KHO NA'O ZHES BSAMS PA'O, ,'DI ZHES BYA BA NI SNGON GYI 'DU BYED PA'O, ,YID KYI RNAM PAR SHES PA NYID CES BYA BA NI DBANG PO LAS SKYES PA RNAMS KYI ZHES BYA BA NI, DBANG PO LAS SKYES PAR 'DOD PA RNAMS KYI'O, ,DE NYID LAS ZHES BYA BA NI GOMS PA NYID LAS SO, ,DE 'DZIN PA ZHES BYA BA NI BDE BA LA SOGS

, ,PA DE 'DZIN PA'O, ,PHYED SNGA MA RNAM PAR 'GREL PA NI GZHAN DANG GZHAN ZHES BYA BA'O, ,'O NA GANG GI TSE GOMS PAR 'GYUR SNYAM NA GAL TE ZHES BYA BA'O, ,DON 'DI NI DON 'DI LA YOD PA YIN NO ZHES BRJOD PA NI DON NI ZHES BYA BA'O, ,GCIG LA ZHES BYA BA NI GZHAN GYI'O, ,DON KYANG GCIG NYID DU YIN PAS DE LA YANG YANG NAS YANG GI DON CI YIN NO ZHES BYA BA'I DOGS PA BSU NAS SMRAS PA NI DON NI ZHES BYA BA'O, ,YUL ZHES BYA BA DON GCIG PAR GA LAS RTOGS PAR SHES PA PHAN TSUN THA DAD PA RNAMS LA RANG BZHIN GCIG RTOGS PA MED PA'I PHYIR, YUL GCIG PAR JI LTAR 'GRUB CES BYA BA'I DON TO, ,GAL TE NGO SHES PAS GCIG NYID DU RTOGS SO ZHE NA, BDE SOGS LA 'DI ZHES GSUNGS SO, ,DE GCIG PA'I PHYIR NI YUL GCIG PA'I PHYIR RO, ,NGO SHES PA NI ZHES BYA BA NI GRUB PA'I MTHA' PA'O, ,DMIGS PA RNAMS KYANG THA DAD PAS NA DE LA NGO SHES PA LTAR 'BYUNG BA ZHES DGONGS PA'O, ,DE LTA NA YANG YUL 'DI NI GCIG KHO NA YIN TE, DES NA DE LA NGO SHES PA 'THAD PA KHO NA'O SNYAM NA SHES PA THA DAD PA LA NI ZHES BYA BA'O, ,GAL TE THA DAD PA LA DO SHES PAR 'GYUR BA MA YIN NA, DE'I TSE SHES PA LA NGO SHES PA JI LTAR 'GYUR BAR 'GYUR, 'DI LA GZHAN GYIS BRJOD PA NI, DE LA DON DAM PAR NA ZHES BYA BA'O, ,'O NA DE LAS CI YIN ZHE NA ZHES SMOS SO, ,DE ZHES BYA BA SHES PA GCIG PU'O, ,'ON TE SHES GZHAN GYIS RIG PAR BYA BA YIN NO ZHES BYA BA'I PHYOGS PA'AM 'ON TE SHES PA NI DON GYIS GO BAS RIG PAR BYA BA YIN NO ZHES BYA BA'I PHYOGS LA YIN, GAL TE RANG RIG PA LA BRTEN NAS BRJOD NA NI, DE'I TSE JI LTAR NGO SHES PA DON GCIG PA NYID KYIS DE GCIG PA NYID DU LHAG PAR ZHEN PA 'GYUR, YONGS SU GSAL BAR THA DAD PAR MTHONG BA RANG RIG PA'I SHES PA LA DE NYID KYI TSE NA STE, DE YOD PA'I DUS NYID DU GCIG TU 'KHRUL PAR 'GYUR BA NI MA YIN NO, ,RANG RIG PA'I ZHES BYA BA NI 'CHAD PA'O, ,DES BYAS BA ZHES BYA BA NI YUL GCIG PA NYID KYIS BYAS PA'O, ,PHYOGS GNYIS PA LA BRJOD PA NI, SHES PA GZHAN GYIS ZHES BYA BA'O, ,THA MA LA BRJOD PA NI DON GYIS ZHES BYA BA'O, ,DES NA ZHES BYA BA NI DON THA DAD MA YIN PA'I PHYIR RO, ,'DI LA

GZHAN GYIS BRJOD PA NI 'ON TE ZHES BYA BA'O, ,RIG PA TZAM NYID NI ZHES BYA BA NI GSAL BA TZAM GYIS NI RIG PA STE, SHES PA TZAM DU 'DZIN PAR BYED PA YIN NO ZHE NA, 'DI LA GRUB PA'I MTHA' PAS BRJOD PA NI, DON GCIG NYID NI SHES PA DU MAS GZUNG BAR BYA BA MA YIN TE, DE'I SHES PA GCIG TU BRTAG PAR BYA BA YIN NO, ,MTSAMS SBYOR CAN ZHES BYA BA NI, DON SNGA MA PHYI MA DAG GCIG TU RTOGS PA DANG LDAN PA'O, ,DRAN PA YOD PHYIR TE ZHES BYA BA NI, SNGON MTHONG BA'I DON GYIS DRAN PA YOD PA YIN NO, ,DRAN PA NI SNGA MA NYID DU RTOGS PA TZAM YIN LA MTSAMS SBYOR BA SNGA PHYI GCIG TU BYED PA STE, 'DI'I NUS PA NI DE GNYIS LA YOD PA YIN NO ZHE NA 'DI ZHES BYA BA NI, RTOGS PA'I RANG BZHIN GYIS BDAG GI'O, ,ZLOS PA NI SKYOR BA'O, ,THA DAD PA DANG THA MI DAD PA ZHES BYA BA LA SHES PA LAS THA DAD PA DANG THA MI DAD PA'I PHYOGS LA'O, ,SHES PA DANG DBYE BA MED PAS ZHES BYA BA NI, BDAG NI SHES PA'I RANG BZHIN YIN PA'I PHYIR SHES PA THA DAD NA DE YANG THA DAD PA KHO NA'O, ,DES NA JI LTAR DES DON GCIG TU RTOGS PAR NUS, ,DE LTAR SHES PA GCIG TU BRTAG PAR BYA BA YIN NO, ,'DI NYID BRJOD PA NI SHES PA THA DAD NA ZHES BYA BA'O, ,DE DANG THA MI DAD PA ZHES BYA BA NI ZHES BYA BA BDAG NYID DU GYUR PA'I BDAG GO, ,DES NI ZHES BYA BA NI SHES PA LAS THA DAD PA'I RANG BZHIN GYIS SO, ,BDAG GCIG NYID DU 'GYUR RO, ,DES NA ZLOS PA MA YIN NO ZHES BYA BA NI BSKYAR NAS BRTAG PA MA YIN TE TSAD MA MA YIN PA'I PHYIR RO, ,'ON TE ZHES BYA BA LA SOGS PAS NI RIG PA CAN GYI PHYOGS LA'O, , DE'I TSE BDAG STE SHES PAS RTOGS PAR BYED PA YIN LA, SHES PA DE YANG THA DAD PA YIN TE, DES NA SHES PA DES BDAG THA MI DAD PAR JI LTAR 'DZIN, YANG NA BDAG DE NI BYED PAR 'GYUR BA'I SHES PAS PHYI ROL RTOGS PA YIN LA SHES PA DE YANG THA DAD PA YIN TE, DES NA JI LTAR SHES BA BYED PAR 'GYUR BDE PHYI ROL THA DAD PAR 'DZIN TO, ,MI 'DZIN PA KHO NA'O DE'I PHYIR SHES PA THA DAD PA YIN NA GCIG NYID 'DZIN PA MI 'THAD DO, ,JI LTAR RO ZHES BYA BA NI DON DANG GCIG PA NYID KYIS GCIG PAR SGRO 'DOGS PA'O, ,DU MA NYID MA 'GRIGS PA'I SHES PA GANG YIN PA DE'O, ,CI'I PHYIR RTOGS DNGOS MIN TE RTOGS

, ,DNGOS NYID DU 'GYUR RO ZHES BYA BA'I DON TO, ,RTOGS PA'I RANG BZHIN DE PA NI, SHES RAB LA SOGS PA BZHIN NO ZHES BYA BA'I DON TO, ,RTOGS PA'I RANG BZHIN GYIS BZUNG STE, RTOGS PA'I 'GRO BA LA SOGS PA RTOGS PA'I RANG BZHIN GANG YIN PA DER MA DMIGS PA'I PHYIR RO, ,'PHEL 'GYUR ZHES BYA BA NI 'BIGS PAR 'GYUR BA'O, ,'BRAS BU DE BZHIN NYID CES BYA BA NI GOMS PA GANG GIS MYONG BA'I 'BRAS BU YOD PA DE NI DE BZHIN DU 'GYUR RO, ,DE LTAR ZHES BYA BA NI NANG GIS MYONG BA'I RANG BZHIN NYID DU'O, ,RIG PA STE TSAD MA BRTEN PA'I DGA' BA GANG LA YOD PA DE LA DE SKAD CES BRJOD DO, , DE LTA BUR GYUR PA NYID CES BYA BA NI, RANG RIG PA'I RANG BZHIN NYID DO, ,'O NA ZHES BYA BA LA SOGS PA 'GOG PA MA YIN TE ZHES BYA BA'O, ,DE LTA BU YIN PA'I PHYIR ZHES BYA BA NI, SNGAR GYI MYONG BA GOMS PA SNGON DU 'GRO BA CAN YIN PA'I PHYIR RO, ,'DI LTAR JI SPANGS PA'I YIN ZHE NA RTOGS PA DANG ZHES BYA BA GSUNGS SO, ,BDE LA SOGS KYANG DE LTAR DE SGOM PA 'PHEL BA LAS SKYES PA CAN YIN TE GTAN TSIGS DES NA RANG RIG CES MA YIN TE YIN PA NYID DO, ,GZUGS LA SOGS PA RNAMS KYANG RNAM PAR SHES PA'I RANG BZHIN DU CI'I PHYIR MI 'GYUR SNYAM NA, GZUGS LA SOGS PA ZHES GSUNGS SO, ,NANG GI RANG BZHIN NYID DU GOMS PA SRID PA MA YIN NO, ,'DI NYID GZHAN GYI LUGS KYI SGO NAS STON PAS BRJOD PA DE NI RE ZHIG CES BYA BA'O, ,RTOG PA'I RANG BZHIN MA YIN PAR, ,ZHES BYA BA NI SHES RAB LA SOGS PA LA RANG RIG PA'I RANG BZHIN MA YIN PA MED PAR RO, ,GANG DAG CES BYA BA NI RIG PA CAN LA SOGS PA'O, ,DE ZHES BYA BA NI BLO'O, ,DE LTA MA YIN NA ZHES BYA BA NI GAL TE RTOGS PA'I RANG BZHIN MA YIN NA'O NA GZHAN NYID DU 'GYUR MOD CI SKYON SNYAM NA, 'DZIN PAR BYED PA NYID DU NI, ,ZHES BYA BA'O, ,'DI ZHES BYA BA'O, ,'DZIN PA'I BLO'O, ,MNGON SUM LA GZHAN LA ZHES BYA BA NI, BDAG DANG 'DU BA CAN YID KYI MNGON SUM LA'O, ,DE LA STE MNGON SUM GZHAN DE LA GNAS PA GANG YIN PA'I 'DZIN PA'I RANG BZHIN NYID DE LTAR RO, ,DE LTAR YANG ZHES BYA BA NI BLO 'DZIN PAR BYED PA'I YID KYI MNGON SUM LA'O, ,DE LTA MA YIN NA NI DE LA LTOS PA'I 'DZIN PAR BYED PA NYID MI SNANG BAR THAL BAR 'GYUR BA'I PHYIR RO, ,SKAD

CIG GNYIS PA LAS BYUNG BA'I YID KYI MNGON SUM DE LA YANG DON DE SNANG BA KHO NA'O ZHE NA, ZHIG PA ZHES GSUNGS SO, ,SKAD CIG MA YIN PA'I PHYIR NA SKAD CIG GNYIS PA LA DE MI SRID DO ZHES DGONGS PA'O, ,DON MED PA'I BLO 'BA' ZHIG SNANG SNYAM NA BLO 'BA' ZHIG CES GSUNGS TE, RANG GI YUL DANG BRAL BA'O, ,'DZIN PA'AM ZHES BYA BA NI, RIG PA PA'I 'DOD PA SHES BYED NYID DU STE, SHES PAR BYED PA YIN PA'I PHYIR RO, ,'DZIN PAR BYED PA POR ZHES BYA BA NI, KHO BO CAG GI 'DOD PAS BYED PA PO'I RANG BZHIN DU STE, BYED PA PO THA DAD PA MED PA'I PHYIR RO, ,BDAG LA SOGS PA YANG ZHES BYA BA NI, DON MI SNANG NA 'DZIN PAR BYED PA NYID DU SNANG BAR MI 'GYUR RO, ,DE'I PHYIR RE RE LA YANG GNYIS GNYIS SU SNANG BAR 'GYUR RO ZHES BYA BA'I NYES PAR 'GYUR RO, ,DES NA RTZOD PA 'DI LA BDAG DANG 'DRA BA NYID DAM, DE'I BDAG NYID DU ZHES BYA BA BEMS PO'I RANG BZHIN DU SGRO 'DOGS PA 'DI NI THOG MA MED, PA'I DUS CAN NYID YIN GYI, BLO DE BDAG DANG 'DU BA CAN NAM, BEMS PO'I RANG BZHIN MA YIN TE, DON MI SNANG BAR THAL BA'I PHYIR RO ZHES BYA BA GDON MI ZA BAR LAN YIN NO, ,DE LTAR NA RE ZHIG BRAM ZE DANG RIG PA PA DAG GIS RANG NYID KYIS RNAM PAR BZHAG NAS DON GYI PHYOGS LA NYES PA BRJOD PA NI, DE LTA YIN DANG ZHES BYA BA'O, ,SHES RAB LA SOGS PA'AM ZHES BYA BA'AM GYI SGRAS NI BZHIN SGRA STON TE, SHES RAB LA SOGS BZHIN DU ZHES BYA BA'I DON TO, ,GZHAN DAG CES BYA BA NI BRAM ZE DANG RIG PA CAN LA SOGS PA'O, ,'DI LA BRJOD PA NI GAL TE ZHES BYA BA'O, ,'DI LTA BUR GYUR PA ZHES BYA BA BEMS PO'I RANG BZHIN MA YIN PA DANG DON YANG GSAL BAR BYED PA'I BLO GSAL BA DE YOD PA YIN NO ZHES BYA BAR RIGS SO, ,RGYU DES NA RTOGS PA SHES PA DANG 'DRES PA STE, DON GCIG LA 'DU BA'I MTSAN NYID KYIS 'BREL BA LA SOGS PA'I NGO BO SNANG BA YIN GYI, RANG NYID RTOGS PA'I NGO BO YIN PAS NI MA YIN NO ZHES SO, ,THOG MA MED PA'I GOMS PA'I BAG CHAGS GANG YIN PA DE YOD PA LAS BDE BA LA SOGS PA 'DI NI DE LTAR RTOGS PA'I RANG BZHIN YIN ZHES PAS NA DE LAS TSUL GZHAN GANG YIN PA DE BDE BA LA SOGS PA BDAG LA 'DU BA CAN NI DON GCIG LA 'DU BA CAN GYI SHES

, ,PAS RTOGS PA YIN ZHES BYA BA DE LTA BU LA SOGS PA'I RNAM PAR RTOG PA NI, 'JIG RTEN GYIS BYED PA MA YIN NO, ,LUGS GZHAN GYI RNAM PA BRJOD PA NI, 'DI NI 'DI DANG 'DI LTA BU ZHES BYA BA'O, ,NYES PA GZHAN YANG BRJOD PA'I DON DU GSUNGS PA NI, DON GCIG LA BYA BA'O, , SA'I ZHES BYA BA LA SOGS PAS GZHAN GYI DON GCIG LA 'DU BA'I SGRUB PAR BYED PA BSTAN PA NA BRJOD PA NI, DE LTA NA 'O NA ZHES BYA BA'O, ,'DI LA GZHAN GYI BDAG NI ZHES SMRAS SO, ,JI LTAR DE RAG LAS ZHES BYA BA NI, GZHAN LA 'DU BA MA YIN PA NYID DO, ,GZHAN LA RAG LAS PA ZHES BYA BA NI GZHAN LA 'DU BA YIN PAR RTOGS PA'O, ,MI RTAG CES BYA BA NI GTAN TSIGS SO, ,RTAG PAS ZHES BYA BA NI RANG DBANG GI RTAGS YIN LA DE YANG MI RTEN PA'I YIN NO, ,GCIG KYANG ZHES BYA BA NI YON TAN NYID DAM RTEN NYID DO, ,DE NI YON TAN NYID DO, ,CI'I PHYIR YON TAN NYID MA YIN SNYAM NA, GZHAN LA BRTEN PA MA GRUB PA'I PHYIR RO ZHES SMOS SO, ,RDZAS LA BRTEN PA YON TAN MA YIN PA ZHES BYA BA LA SOGS PA'I YON TAN YID KYI RGYU MTSAN YIN NA, 'DIR RDZAS LA BRTEN PA NYID NI GRUB PA MED DO, ,DE'I PHYIR YON TAN DU 'GYUR BA YIN LA DE LTA NA YANG PHAN TSUN BSTEN PA'I NYES PAR 'GYUR RO ZHES DGONGS PA'O,, BDE BA LA SOGS PA NI RANG DBANG NYID MA YIN TE ZHES 'BREL TO, ,BZLOG PA'I PHYIR ZHES BYA BA NI RTAG PA LAS BZLOG PA MI RTAG PA YIN PA'I PHYIR RO, ,TSIG LE'UR BYAS PA'I DON 'GREL PA'I DON DU LHAG PA YANG BRJOD PA NI GAL TE ZHES BYA BA'O, ,DE JI LTAR ZHES BYA BA NI MED PA DE'O, ,GAL TE RAG LAS PA'I CHOS NYID LA DE'I TSE YOD PA NYID YIN PAR 'THAD KYI MED PA 'DI JI LTAR 'GYUR JI LTAR RE ZHIG RNAM PAR SHES PA'I RANG BZHIN DU BSGRUB PA YIN NO, ,RANG RIG PA'I RANG BZHIN NYID DU YANG NYID KYIS BSGRUB PO, ,DE LTA NA YANG SLOB DPON GYI SGO NAS KYANG BSGRUB PA'I DON DU BRJOD PA NA, BDE BA LA SOGS PA ZHES BYA BA'O, ,MYONG NA PHAN 'DOGS PAR BYED PA NYID DU 'GYUR RO ZHE NA, 'ON TE GZHAN GYIS ZHES BYA BA NI DBANG PO LAS SKYES PA MA YIN PAS SO, ,DON GANG NI GZUGS LA SOGS PA'O, ,GAL TE GZUGS LA SOGS PA YANG MI BZHUGS PAS DE LA BLO SBYOR BA MA YIN NAM BDE BA LA SOGS PA LA YANG MIG 'JUG

PA KHO NA STE DES NA DER YANG DE SBYOR BAR BYED PA YIN NO ZHE NA BDAG GI MIG CES BYA BA'O, ,'ON TE BDE BA LA MI BZHUGS KYANG DE'I YUL LA RNAM PAR SHES PA BSKYED PAR 'GYUR ZHES GZHAN GYIS BSTAN PA NI 'ON TE ZHES BYA BA NI, BDE BA 'DZIN PA'I RNAM PAR SHES PA NI GZUGS NYID RNAM PAR ZHUGS PA'I MIG GIS 'JUG PA STE BSKYED PAR 'GYUR NA'O, ,'DI LA GRUB PA'I MTHA' PAS BRJOD PA NI DE LTA YIN NA ZHES BYA BA'O, ,GAL TE GCIG ZHUGS PA'I MIG GIS YUL GZHAN GYI RNAM PAR SHES PA BSKYED NA, DE'I TSE BUM PA LA SOGS PA LA GCIG LA ZHUGS PA'I MIG GIS KHAMS GSUM PA THAMS CAD KYI YUL CAN GYI RNAM PAR SHES PA SKYED PAR 'GYUR RO, ,DE BZHIN DU DU BA LA SOGS PA GZHAN LA ZHUGS PA'I MIG GIS LKOG TU GYUR PA'I YUL GYI SHES PA SKYED PA'I PHYIR NI, ,RJES SU DPAG PA YANG MIG LAS 'BYUNG BAR 'GYUR RO ZHES BYA BA NI HA CANG THAL BA'O, ,'DZIN PAR BYED PA'I RNAM PAR SHES PA NI BDE BA LA SOGS PA RNAMS 'DZIN PAR BYED PA'I RNAM PA'O, ,RGYU DES NA DBANG PO'I RNAM PAR SHES PA DE NYID KYIS BDE BA LA SOGS PA 'DZIN PA YIN PAR BRJOD DO ZHE NA, 'DI LA BRJOD PA NI 'O NA ZHES BYA BA'O, ,RNAM PAR BRTAG PAR ZHES BYA BA NI RNAM PAR RTOG PA'I YUL GYI RNAM PA'O, ,DUS MTSUNGS PA'I ZHES BYA BA NI, DBANG PO'I RNAM PAR SHES PA DANG DUS MTSUNGS PA'I'O, ,DE LA YANG 'DZIN PA'I RNAM PA GZHAN MA DMIGS PA'I PHYIR RO, ,DE BZHIN DU RJES SU DPAG PAR BYA BA ME LA SOGS PA YANG 'DZIN PAR BYED PA GZHAN MA DMIGS TE, DES NA DER YANG DBANG PO'I RNAM PAR SHES PA NYID KYIS GZUNG BAR THAL LO ZHES BRJOD ZIN TO, ,GZHAN GYIS 'ON TE ZHES SMRAS TE, RJES SU DPAG PAR BYA BA'I MTSAN NYID KYIS GZUNG BA'I RNAM PA LAS DE DE LTA BU'I ZHES BYA BA RJES SU DPAG PA'I RANG BZHIN GYIS YONGS SU RTOGS PA'O, ,DE BZHIN DU RNAM PAR BRTAG PAR BYA BA'I SGRA LA SOGS PA DBANG PO DANG DUS MTSUNGS PA LA BYUNG BA LA YANG GZUNG BA'I RNAM PA MTHONG BA LAS 'DZIN PAR BYED PA'I RNAM PAR BRTAG PA GZHAN RTOG PA'O, ,'DI MTSUNGS SO ZHES BYA BA NI RJES SU DPAG PAR BYA BA DANG RNAM PAR BRTAG PAR BYA BA'O, ,PHA ROL PO NYID SANGS RGYAS PA'I DOGS PA BSU BA NI, BDE BA LA SOGS PA YANG ZHES BYA BA'O, ,GAL TE RJES SU DPAG

, ,PAR BYA BA LA SOGS PA LA GZUNG BA'I RNAM PAR MTHONG BA LAS 'DZIN PAR BYED PA GZHAN RTOG NA DE'I TSE BDE BA LA SOGS PA YANG GZUNG BA'I RNAM PA MTHONG BA'I PHYIR NA, DBANG PO'I RNAM PAR RNAM PA LAS GZHAN PAR BYED PA CI STE MI RTAG CES DOGS PA BSU NAS 'GOG PA NI MA YIN TE ZHES BYA BA'O, ,GAL TA GZUNG BA NYID DU MYONG NA DE LA 'DZIN PAR BYED PA GZHAN BRTAG PAR BYA BA YIN TE, ,DPER NA RJES SU DPAG PAR BYA BA LA SOGS PA BZHIN NO, ,BDE BA LA SOGS PA NI GZUNG BA NYID DU NYAMS SU MYONG BA MA YIN NA JI LTAR 'DZIN PAR BYED PA GZHAN BRTAG PAR BYA BA YIN ZHES BYA BA'I THA TSIG GO, , GZUNG BAR BYA BA NYID DU MYONG BA MED PA'I PHYIR RO ZHES PHA ROL POS BRJOD PA GANG YIN PA DE 'GOG PA NI DON GCIG LA ZHES BYA BA'O, ,'DZIN PAR BYED PA GZHAN GYIS BYA BA NI SHES PA GZHAN GYIS SO, ,DES NA 'DIR YANG GZUNG BA NYID MTHONG BA LAS 'DZIN PAR BYED PAR GZHAN RTOGS SHIG CES DGONGS PA'O, ,GCIG TU 'DRES PA NYID DU ZHES BYA BA NI, SHES PA DANG BDAG DANG BDE BA LA SOGS PA DRAN PA NYID DU SNANG STE, DES NA BDE BA LA SOGS PA GZUNG BA NYID MA YIN NO ZHE NA, DE LA BRJOD PA NI 'O NA ZHES BYA BA'O, ,DE BDAG GAM ZHES BYA BA NI, BDAG KYANG YIN LA DE YANG YIN PAS NA BDAG STE ZHES BYA BA LA SOGS PA'I DON TO, ,GAL TE MYONG BA BDE BA'I RNAM PAR KHAS BLANGS PA NA, MYONG BA MYONG BA MA YIN PA'I BDE BA GZHAN NI YOD PA KHO NA'O, ,SHES PA BUM PA'I RNAM PA YIN NA BUM PA THA DAD PA MED DO ZHES NI BRJOD PAR MI NUS SO ZHES GZHAN SMRA BA NI, MYONG BA NI ZHES BYA BA KHO NA'O, ,GZHAN YANG NI BEMS PO'O, ,SHING LAS BYA BA NI CHOS MTHUN PA'I DPE'O, ,DPER NA SHING LA GONG BU'I RNAM PAR RTOG PA NI, GONG BU'I RNAM PA CAN GYI SHING GZHAN GONG BU'I RNAM PA CAN DU SGRO BTAGS PA MA YIN PA DE BZHIN DU, BDE BA LA SOGS PA RIG PA YANG BDE BA GZHAN GYIS SGRO BTAGS PA'I BDE BA'I RNAM PAR RTOG PA MA YIN NO ZHES BYA BA'I DON TO, ,'ON TE GZHAN GYIS ZHES BYA BA'I RNAM PAR RTOG PA GNYIS PA SUN 'BYIN PA'I DON DU GNYER BAR 'GOG PA NI 'ON TE BDAG DANG ZHES BYA BA'O, ,BDAG DANG YID DE DBANG PO GANG YIN PA DE GNYIS 'BREL PA NI LDAN PA STE DE TZAM LAS SO, ,'DI LA BRJOD PA NI DE

LTA YIN NA ZHES BYA BA'O, ,DE MYONG BA ZHES BYA BA NI BDE BA MYONG BA'O, ,RNAM 'CHAD MED PA NI BAR MA CHAD PA'O, ,'ON TE RNAM PAR 'CHAD PAR NI MI SNANG BA NYID DO, ,RNAM PAR CHAD PA KHO NAR SNANG BA'I PHYIR RO ZHES DOGS PA NI BDE BA LA SOGS PA 'DZIN PA NI ZHES SMOS SO, ,GZUGS LA SOGS PA 'DZIN PA NI DBANG PO LAS SKYES PA DANG NGO, ,GAL TE BDE BA LA SOGS PA 'DZIN PA RIM CAN NYID LHAN CIG DMIGS PA MA YIN NAM ZHES DOGS NA DE LA ZHES BYA BA'O, ,RNAM PAR MA CHAD PAR RTOGS PA ZHES BYA BA 'DI NYID MA CHAD PA RTOGS PA KHO NA STE, 'ON KYANG BDE BA LA SOGS PA'AM GZUGS LA SOGS PA'I BAR RTOGS PA MED PA YIN NO ZHE NA, 'DI LA BRJOD PA NI MYUR BA DE NI ZHES BYA BA'O, ,BDE BA MI 'DZIN PA NI GZUGS 'DZIN PA LAS GZHAN MA YIN TE, GZUGS 'DZIN PA BDE BA MI 'DZIN PA YIN NO, ,DE BZHIN DU GZUGS MI 'DZIN PA YANG BDE BA 'DZIN PA LAS GZHAN MA YIN TE, BDE BA 'DZIN PA NYID DU GZUGS MI 'DZIN PA YIN NO ZHES BYA BA'I DON TO, ,'GYUR RO ZHES BYA BA'I THAL BA DON MI 'THAD PAR 'GYUR BA GZUGS LA SOGS PA ZHES BYA BA 'DIR 'GYUR RO, ,BZLOG PA LA YANG ZHES BYA BA NI, GZUGS LA SOGS PA MI 'DZIN PA RGYUN MI 'CHAD PAR 'GYUR RO ZHES BYA BA'I THAL BA 'DI'I DON YANG 'DI YIN TE, BDE BA LA SOGS PAR RGYUN MI 'CHAD PAR 'DZIN PAR 'GYUR RO ZHES BYA BA YIN NA, DE NI YIN PAR NYID DO ZHES BYA BA'O, ,PHA ROL PO NYID DU MJUG SDUD PA NI DE'I PHYIR ZHES BYA BA'O, ,DE NI DE'I DBEN PAS NA ZHES BYA BA NI DE NI BRJOD PAR 'DOD PAS DES DBEN PA'I PHYIR MED PA NYID DU RIG PA YIN NO, ,DES NA DE NI DE MED PA YIN NO, ,DES DE DBEN PAR 'DZIN PA MI 'GYUR BA NYID DU MA YIN NO, ,DES NA GZUGS LA SOGS PAR 'DZIN PA DE RNAM PAR MA CHOD PAR YOD PAS SO, ,GAL TE GZUGS LA SOGS PA DMIGS PAS NA, BDE BA LA SOGS PA YANG DMIGS PAR 'GYUR MOD, CI SKYON ZHE NA GZHAN ZHES BYA BA'O, ,BDE BA LA SOGS PA GZHAN DMIGS PA NA, GZHAN GZUGS LA SOGS PA DES DBEN PAR RO, ,GZHAN GYI BRJOD PA GZUGS LA SOGS PA 'DZIN PA NA, BDE BA LA SOGS PA DES DBEN PAR 'DZIN PA NYID DO, ,DE'I RANG BZHIN ZHES BYA BA NI BDE BA'I RANG BZHIN NO, ,DES

, ,ZHES BYA BA NI GZUGS LA SOGS PA 'DZIN PAR RO, ,MA ZHUGS PA'I PHYIR RO ZHES BYA BA NI MA CHUD PA'I PHYIR RO, ,'DI LA BRJOD PA NI MA YIN TE ZHES BYA BA'O, ,PHAN TSUN DANG RJES SU MA ZHUGS PA NYID 'DZIN MOD, DE LTA NA YANG BDE BA DANG GZUGS LA SOGS PA 'DZIN PA DAG RIM CAN NYID MI 'GRUB PO, ,GAL TE DUS MNYAM PAR PHAN TSUN RANG BZHIN RJES SU MA ZHUGS PA'I 'DZIN PA GNYIS RIG PA YIN NA, DE'I TSE DUS GCIG PA NYID DU 'GYUR BA YIN NO, ,'DIR DPER NA YAN LAG DANG ZHES BYA BA'O, ,BAR DANG BCAS PA STE BAR CHAD DANG LHAN CIG GNAS PA LA DE SKAD CES BYA BA'O, , BAR DANG BCAS PA'I SKRA DANG DU MA DE DAG 'DZIN PA'I DUS NA, BAR NA GNAS PA'I BAR CHOD MA BZUNG YANG SKRA'I RANG BZHIN GZUNG BA NYID YIN NO, ,DES NA DE LA STE BAR DANG BCAS PA'I SKRA 'DZIN PA'I DUS SU SKRA'I RANG BZHIN PAR MED PAR 'DZIN PAS DE'I BAR ZHES BYA BA SKRA DE DE RNAMS KYI BAR CHAD 'DZIN PA GANG YIN PA DE LA GNOD PA BZHIN DU BAR MI 'DZIN PAS SKRA 'DZIN PA LA GNOD PA NI MA YIN NO, ,DE BZHIN DU YANG BDE BA LA SOGS PA DANG GZUGS KYI BAR CHOD GANG YIN PA DE MI 'DZIN PA NI, 'DZIN PA'I GNOD BYED MA YIN NO, ,DE LA ZHES BYA BA NI BAR DANG BCAS PA'I SKRA DU MA 'DZIN PA'I DUS NA'O, , PAR CHAD DE SKRA'I BAR MI 'DZIN PA NI YOD PA MA YIN PA NYID DE, DES NA DE 'DZIN PA'I GNOD BYED DU JI LTAR 'GYUR, ,DE NI GNOD BYED DU YANG MI 'GYUR RO ZHES BRJOD PA NI, MED PA GNOD PAR BYA BA MIN, ,ZHES BYA BA'O, ,DE LTAR NA RE ZHIG 'DI RIGS PAS MI 'THAD PA YIN NO, ,SANGS RGYAS PAS 'DOD PA YANG MA YIN NO ZHES BRJOD PA NI 'DOD MIN ZHES BYA BA'O, ,'O NA JI LTAR GNOD PAR BYA BAR 'GYUR SNYAM NA, 'JIG RTEN 'DOD PAR ZAD CES BYA BA'O, ,BAR CHAD DE SKRA RNAMS KYI NANG NA GNAS PA'I SNANG BA LA SOGS PA 'DZIN PA NYID SKRA MI 'DZIN PA'I RANG BZHIN CI'I PHYIR MA YIN ZHES DRIS PAS NA, 'DI NI ZHES GSUNGS SO, ,BAR CHAD CES BYA BA NI SNANG BA LA SOGS PA'O, ,BAR CHAD 'DZIN PA MA SKYES PA NA GNOD PAR BYA BA YANG MA YIN GYI ZHES 'BREL TO, ,'ON TE BDE BA DANG GZUGS LA SOGS PA 'DZIN PA'I DUS NA YANG BAR DANG BAR DU BDE BA LA SOGS PA'AM, GZUGS LA SOGS PA 'DZIN PA'I 'AM, MA SKYES

PA KHO NA STE DES NA GNOD PAR BYA BA MA YIN LA, GNOD PAR BYED PA YANG MA YIN NO ZHE NA, DER NI ZHES GSUNGS SO, ,MI 'DZIN PA ZHES BYA BA NI, BDE BA 'DZIN PA NYID GZUGS MI 'DZIN PA YIN LA, GZUGS 'DZIN PA YANG BDE BA MI 'DZIN PA NYID YIN NO, ,DES NA RIM GYIS 'DZIN PA NA, GZUGS DANG BDE BA LA SOGS PA DAG MI 'DZIN PA NYID DU THAL LO, ,DE LTA YIN DANG RIM GYIS SNANG ZHES SBYAR RO, ,MI 'DZIN PA NI YOD PA KHO NA STE ZHES BYA BA NI BDE BA 'DZIN PA NYID GZUGS MI 'DZIN PA YIN NO, ,'O NA JI LTAR MI DMIGS SNYAM PA'I DOGS PA BSU NAS, PHA ROL PO NYID KYIS SMRAS PA NI DE LAS ZHES BYA BA STE, GZUGS MI 'DZIN PA'I BDAG NYID BDE BA 'DZIN PA LA'O, ,'DZIN PA LA 'DZIN PA GZHAN MED DO ZHES GDON MI ZA BAR LAS BLANG DGOS SO, ,GZHAN GYIS KYANG 'DZIN PA PO LA 'DZIN PA PO GZHAN YOD PAR 'DOD PA NYID DU KHAS BLANG BA YIN NO, ,DE LTA MIN NA ZHES BYA BA GAL TE 'DZIN PA LA YANG 'DZIN PA GZHAN STON NA DE'I TSE THUG PA MED PAR THAL BA'I PHYIR NA MA 'BREL PA NYID DO, ,GAL TE DBANG PO'AM GZHAN DAG LA SEMS PA LAS 'DZIN PAR BYED PA GSAL BA YIN GYI, 'DZIN PA PO LAS MA YIN NO ZHES PHA ROL POS SANGS RGYAS PA'I PHYOGS RJES SU BRJOD PAR BYAS PA'O, ,'DI LA BRJOD PA NI SKYON GZHAN ZHES BYA BA'O, ,'DI NYID KYIS ZHES BYA BA NI 'DZIN PA RANG GSAL BAR KHAS BLANGS NA 'DZIN PA PO GZHAN KHAS LEN PA'I'O, ,DE NI 'DZIN PA PO GSAL BAR BYED PA ZHES BYA BA NI GRUB PA'I MTHA'O, ,DE LTAR RE ZHIG GCIG PAR BAR DU MI 'DZIN PA NYID GZHAN GANG YANG RUNG BAR 'DZIN PA'I RANG BZHIN NI YOD PA KHO NA'O ZHES BSTAN PAS GNOD PAR BYED PA NYID DU STON PA NI, PHAN TSUN ZHES BYA BA'O, ,DES NA SKRA'I BAR NA GNAS PA'I SNANG BA LA SOGS PA 'DZIN PA LTAR RO, ,BDE BA 'DZIN PA'I GNOD BYED DU RNAM PAR GZHAG PA'O, ,SNANG BA LA SOGS PA'I SKRA'I BAR GANG YIN PA RIG PA DE JI LTAR THAMS CAD KYI TSE GNOD BYED YIN PA DE BZHIN DU BDE BA YANG CI STE MI GNOD, GAL TE RE ZHIG DUS GCIG GI TSE NI GNOD PA YOD PA KHO NA'O ZHE NA, DE TSE ZHES BYA BA STE, YID 'PHROG PA'I GZUGS B'A ZHIG 'DZIN PA'I TSE'O, ,DER NA DER YOD PA MA YIN PA'I BDE BA NYID 'DZIN PA GNOD PAR BYA BA YIN NAM CI ZHES

, ,BSAMS PA'O, ,YUL NYE BA NA NI GANG GI TSE RNAM PAR SHES PA MI SKYE BA DE'I TSE 'DZIN PA GNOD PA NYID DU THA SNYAD DU BYA STE, SGRA'I BAR NI SNANG BA 'DZIN PA BZHIN NO 'DIR NI DE TA MA YIN NO ZHES DGONGS PA'O, ,BDE BA LA SOGS PA 'DZIN PA LA YANG THAMS CAD KYI TSE GNOD PAR 'GYUR RO ZHES 'BREL TO, ,GZHAN YANG DE NI SKRA 'DZIN PA NYID MA YIN TE, DES NA DPER NA SGRA 'DZIN PAS BAR CHAD MI 'DZIN LA GNOD PA DE BZHIN DU BAR CHAD MA BZUNG, GZUNG BAS SKRA 'DZIN PA LA GNOD PA MA YIN NO ZHES 'DI DPER JI LTAR BYED CES STON PA NA DON DAM PAR NI ZHES BYA BA'O, ,DE TSE BDE BA LA SOGS PA ZHES BYA BA 'CHAD PA NI GANG GI ZHES BYA BA'O, ,SKYES PA ZHES BYA BA LA BDE BA SKYES PA MA BZUNG BA NYID 'BA' ZHIG CES BYA BA SHES PA TZAM DU STE, DE'I YUL CAN MA SKYES SO ZHES RNAM PAR 'DZIN PA NI MA YIN NO, ,GAL TE BDE BA SKYES PA NYID MED KYI 'ON KYANG MI DMIGS PA'I PHYIR MA SKYES SO ZHES THA SNYAD MED PA YIN NO ZHES STON PA NI, MA DMIGS PA'I PHYIR ZHES BYA'O, ,'DI LA BRJOD PA NI DE NI ZHES BYA BA'O, ,BUM PA LA SOGS PA MA SKYES PAR 'DOD PA'I DUS NA YANG SKYES PAR 'DOD PA'I DUS NA YANG SKYES PA KHO NA STE, 'ON KYANG DE MA DMIGS PA TZAM DU ZAD DO ZHES BRJOD PAR NUS PA'I PHYIR RO ZHE NA, DE BZHIN DU MA DMIGS PA YANG 'DZIN PAR 'GYUR TE, 'GAR YANG MED PA BSGRUB PAR MI NUS PA'I PHYIR RO, ,DE'I TSE ZHES BYA BA NI BDE BA LA SOGS PA SKYE BA'I DUS NA'O, ,RIGS PA KHYED KYI GZHUNG LTAR NA SGRA'I BAR 'DZIN PAS ZIL GYIS NON PA LTAR 'GYUR RO, ,DON DANG BDE BA LA SOGS PA 'DZIN PA YIN NA NI, DE'I RIM MA YIN PAR 'DZIN PA RIGS PA ZHIG NA'O, ,DE LTA NA DE LTAR 'GYUR RO ZHE NA DE LTA YANG ZHES BYA BA STE, MIG LA SOGS PA BLO GCIG NYID KYIS GNYIS 'DZIN PA 'DI NI KHYED KYIS KHAS BLANGS PA YANG MA YIN NO ZHES STON PA NI BDE BA LA SOGS PA NI ZHES BYA BA'O, ,DE LTAR YANG ZHES BYA BA NI DBANG PO'I BLO NYID KYIS GNYIS 'DZIN PAR 'GYUR RO, ,BDE BA LA SOGS PA DBANG PO'I BLO'I RGYUR NGES PAR MI 'DZIN YANG CI'I PHYIR ZHE NA, DBANG PO'I BLO NI ZHES BYA BA LA SOGS PAR SBYAR RO, ,'DI NYID GSAL BAR BYED PA NI GANG ZHIG CES BYA BA'O, ,DE NI SNGON PO LA'O, ,DE NI SNGON PO'I NUS PA MED PA

KHO NA'O SNYAM NA, DE LTA MOD KYI ZHES BYA BA'O, ,BDE BA'I NUS PA'ANG DE BZHIN DU 'GYUR RO SNYAM NA BDE BA NI ZHES SMOS SO, ,DE LTAR ZHES BYA BA NI GZUGS MED KYANG SHES PA SKYED PAR BYED PA NYID DU'O, ,KHAS BLANGS NA YANG ZHES BYA BA NI BDE BA'I PA RNAM PA CAN GYI SHES PA SKYED PA LA BDE BA'I NUS PA KHAS BLANGS NA YANG NGO, ,GNYIS KYI NI GZUGS DANG BDE BA'O, ,BDE BA 'BA' ZHIG 'DZIN MOD CI SKYON SNYAM NA, DE ZHES BYA BA BDE BA DE MYONG BAR NI MI RIGS SO, ,GANG GI TSE ZHE NA BDE BA DE'I RGYUR GYUR PA'I DON SHES PAS GZUGS LA SOGS PAS GSUNG BAR RO, ,BDE BA LA SOGS PAS KYANG CI'I PHYIR MI SKYE ZHE NA, RNAM PAR SHES PA'I SNGON ROL DU NI ZHES GSUNGS SO, ,GZUGS LA SOGS PA LTAR ZHES BYA BA NI CHOS MI MTHUN PA'I DPE'O, ,BDE BA NI SNGAR JI LTAR MED SNYAM NA, DE NI ZHES GSUNGS TE, BDE BA DE NI'O, ,DUS MTSUNGS PAR 'BYUNG BA'I BDE BA NI SHES PA'I LHAN CIG 'BYUNG BA'I RGYU NYID DU BYE BRAG TU SMRA BAS 'DOD PA YIN NO, ,BDE BA LA SOGS PA DANG SHES PA DAG RIG BYED KYI DNGOS POR NI MA YIN NO, ,DA NI RIG BYED KYI DNGOS PO NYID GSAL BA'I DON DU BRJOD PA NI, RIG PA'I RANG BZHIN MIN PA NI, ,ZHES BYA BA'O, ,GAL TE RNAM PAR SHES PA NI RANG GI RGYU NYID LAS BDE BA LA MNGON DU PHYOGS PA YIN TE, DES NA RNAM PAR SHES PA 'DI DUS MTSUNGS PA YIN YANG BDE BA RIG PA'I RANG BZHIN GYIS MNGON DU PHYOGS PA'I PHYIR BDE BAR 'DZIN PAR BYED PA YIN NO SNYAM PA'I DOGS PA BSU NAS BRJOD PA NI, BDE BA LA NI MNGON DU PHYOGS TE ZHES BYA BA'O, ,GZUGS BZHIN DU BDE BA LA YANG DBANG PO'I BYED PA YOD DE, DES NA DBANG PO'I RNAM PAR SHES PA BDE BA'I YUL NA DU YANG 'GYUR RO SNYAM NA DE LA ZHES BYA BA'O, ,BDE BA RNAM PAR SHES PA BSKYED PA LA SO SOR NUS PA YIN NO, ,GAL TE RIG PA NYID MA YIN NAM, DE JI LTAR MI 'THAD SNYAM NA, RIG PAR BYA BA NYID KYANG ZHES BYA BA'O, ,'DI NI SHIN TU MI 'THAD PA NYID LHUR BYED PA LHAG PAR BRJOD PA TSIG STE, DE LA RIG PA NI YOD PA MA YIN NO, ,'GA' ZHIG 'DOD PA MIN ZHES BRJOD PA NI GANG YIN PA DE DANG DE LTAR GSAL BAR BYED PA NI NA CHUNG ZHES SAL BAR BYED PA NI NA CHUNG ZHES BA NI NA CHUNG SGEG MO RTOGS PA'I DUS NA'O, ,MTHONG DANG ZHES BRJOD PA GANG

, ,YIN PA DE'I BSHAD PA NI, DE LTAR MI DMIGS PA YANG MA YIN NO ZHES BYA BA'O, ,LHAN CIG PA ZHES BYA BA NI GZUGS DANG LHAN CIG PA'I BDE BA'O, ,ZLA BA GNYIS PA YANG NUS PAR 'GYUR RO, ,DES NA DE YANG MED PAR BYAR MI NUS SO, ,RJES SU 'GRO BA DANG LDOG PA NI 'DOD PA YANG MA YIN NO ZHES RJES SU 'JUG GO, ,CI'I PHYIR MI 'DOD SNYAM NA MIG LAS ZHES BYA BA'O, ,DE LAS ZHES BYA BA BDE BA LA SOGS PA LAS SKYO BAR RO, ,'BA' ZHIG NI BDE BAR RO, ,'O NA CI LTAR ZHE NA, RGYU 'GA' ZHIG CES GSUNGS SO, ,LHAN CIG GZUNG BA NA ZHES BYA BA NI, GZUGS LA SOGS PA DANG BDE BA LHAN CIG 'DZIN PA'I DUS SU'O, ,'DI LA BRJOD PA NI 'O NA NI ZHES BYA BA'O, ,GAL TE LHAN CIG TU GZUNG BA DAG LA RGYUR RTOGS NA DE'I TSE RES 'GA' SNGON PO DANG SER PO DAG LHAN CIG TU RTOGS PA NA, DE DAG KYANG RGYU NYID DU RTOGS PAR 'GYUR RO, ,'DI NI ZHES BYA BA NI LHAN CIG RTOGS PA RGYU NYID YIN PA NI 'THAD PA MA YIN NO, ,DE'I TSE PHYI ROL MI MTHONG BAR 'GYUR RO ZHES BYA BA NI, PHYI ROL MTHONG BAR MI 'GYUR BA'O, ,BDE BA MYONG BA NI DE MED NA MI 'BYUNG BA YIN PA'I PHYIR RO ZHES BYA BA NI PHYI ROL MTHONG BA MED NA MI 'BYUNG BA YIN PA'I PHYIR RO, ,'DZIN PA'I TSOGS PA MED PA NYID BSTAN PA'I DON DU BRJOD PA NI DBANG PO DANG ZHES BYA BA'O, ,DES NA ZHES BYA BA LA BDE BA LA SOGS PA'I SHES PA SKYED PAR BYED PA'I YID GNYIS PA MED PAS NA'O, ,DE LAS ZHES PA GZUGS LA SOGS PA LAS SKYES PA'O, ,GZHAN DAG GRUB PA LA SGRUB PA NYID STON PA NI 'ON TE ZHES BYA BA'O, ,GRANG BA'I DUS NA GANG TSE DRO BA'I DUS NA REG PA NYE BA DE'I TSE GRANG BA DANG ZHES BYA BA LA SOGS PA SBYAR RO, ,RTAG TU ZHES BYA BA NI BDE BA DANG SDUG BSNGAL SKYED PAR BYED PA'I DON DAG NYE BAR GNAS PA NA, RTAG TU BDE BA DANG SDUG BSNGAL DAG MYONG BAR 'GYUR RO ZHES BYA BA'I DON TO, ,BDE BA DANG SDUG BSNGAL GNYIS RTAG TU 'GYUR BA KHO NA'O ZHE NA, G-YUL DE 'THAB MO SPROD PA'I RES SEMS 'PHROGS PA STE, YID BSDUS PA GANG YIN PA DE RJE'I LA GANG YIN PA STE, RIM GRO YO BYAD NYE BAR SPYAD PA PA DE'I GZHAN GYI DBANG DU GYUR PA'I BDAG NYID 'BRAS BU DANG BCAS PAR BYA BAR 'DOD PA NI MTSON GYIS REG PAR ZHES BYA BA BRDEGS PA'I SDUG BSNGAL RIG PA MA YIN NO, ,GAL TE DE LA MTSON

BRDEGS PAS SDUG BSNGAL NYID MA SKYES PA DES NA JI LTAR RIG PAR 'GYUR SNYAM NA BSHAD PA SDUG BSNGAL RGYU MTSON GYIS BRDEGS PA YOD PA NA GDON MI ZA BAR SDUG BSNGAL DE SKYE BA YANG YIN NO, ,DES NA ZHES BYA BA NI SDUG BSNGAL SKYES PAS NA'O, ,GZHAN GYIS NI BDE BAS SO, ,GZHAN NI SDUG BSNGAL LO, , CHEN PO NYID LA SOGS PAS ZHES BYA BA NI BDE BA CHE BAS SO, ,LA LAR YANG ZHES BYA BA NI BDE BA NYID LA'O, ,GOMS PA NYID 'DU BYED PA YIN LA BDE BA LA SOGS PA YANG DE LAS SKYES PA YIN MOD, NYES PA CI YOD SNYAM NA, BSGOMS PA'I STOBS LAS ZHES GSUNGS SO, ,SHES PA GANG ZHIG BDE BA LA SOGS LA SKYE BA DE NYID BSGOMS PA'I STOBS LAS 'GYUR BA YIN GYI, BDE BA LA SOGS PA NI MA YIN NO, ,BDE BA LA SOGS PA DE DAG NI GZUGS LA SOGS PA'I MTSAN NYID NANG GI BEMS PO'I DON GYI STOBS KYIS BSKYED PA YIN NA, DE'I TSE GOMS PA RGYUR MI 'GYUR RO ZHES BYA BA NI GRUB PA'I MTHA'I DOGS PA'O, ,DE LTA ZHES BYA BA NI DNGOS PO'I STOBS LAS SKYE BA'I SHES PA LA GOMS PA LAS SKYES PA KHAS LEN NA'O, ,DNGOS PO'I STOBS LAS 'BYUNG BA'I SHES PA GOMS PA MED PAR YANG 'BYUNG BA STON PA NI, SNGAR MA BSAMS PA'AM ZHES BYA BA'O ZHES PA 'BA' ZHIG GOMS PAR RO, ,'ON TE DON DANG ZHES BYA BA NI SHES PA DON DANG LHAN CIG GOMS PA'I PHYIR GOMS PAS SKYES PA'I SHES PA YANG DON MED PAR MI 'BYUNG NGO ZHE NA, 'DI LA BRJOD PA NI DE LTA YIN NA ZHES BYA BA'O, ,RNAM PAR SHES LAS PHYIR BAR NI RANG BZHIN THA DAD PAR RO, , GZHAN DAG NI RIGS PA PA'O, ,'ON TE DE NYID CES BYA BA NI 'GAL BA'I NYE BAR LEN PA'I RGYU MA YIN PA NYID DO, ,GANG GI PHYIR BDE BA LA SOGS PA 'GAL BA RNAMS LA YANG SHES PA RGYUN MTHONG BA YIN NO, ,RNAM PAR SHES PA MA YIN PA'I ZHES BYA BA NI, RIGS PA CAN LA SOGS PA'I LUGS LA BDE BA LA SOGS PA BEMS PO'I RANG BZHIN GYI'O, ,BDAG PO DE NI 'BRAS BU 'GAL BA LA YANG YOD PA NYID DO, ,DE'I PHYIR ZHES BYA BA LA SOGS PA'I RNAM 'GREL NYE BAR 'GOD PA TZAM ZHIG BYAS PA NI DON 'DI 'PHEL BAS RNAM 'GREL 'DI 'JUG PA YIN NO ZHES BSTAN PA'I DON DU

, ,YIN NO, ,SNGAR BSHAD PA'I GNOD BYED NYID RE ZHIG RANG NYID DRAN PAR BYED PA NI GAL TE ZHES BYA BA'O, ,KHYED KYI LTAR NA YANG ZHES BYA BA NI, SANGS RGYAS PA'I LTAR NA'O, ,BAG CHAGS SAD PA NYID CI 'DRA BA ZHIG MED SNYAM NA, ,GZUGS LA SOGS PA'I ZHES BYA BA STE, DPER NA GZUGS LA SOGS PA'I RNAM PAR RTOG PA SAD PA'I RGYUN RES 'GA' ZHIG YIN PA DE BZHIN NO ZHES BYA BA'I DON TO, ,'GA' ZHIG GI ZHES BYA BA NI BDE BA'AM SDUG BSNGAL GYI'O, ,DE LA NI RIGS PA LA'O, ,GAL TE BAG CHAGS RGYU YIN MOD DE LTA NA YANG DE'I 'BRAS BU RTOGS PA NYID JI LTAR YIN ZHE NA, BAG CHAGS STOBS LAS ZHES GSUNGS SO, ,BAG CHAGS NI DRAN PA DANG NGO SHES PA'I RGYU NYID YIN PAR RTOGS TE, ,DES NA BAG CHAGS NI SHES PA NYID KYI RGYU YIN GYI, SHES PA MA YIN PA NI MA YIN NO ZHES BYA BA'I DON TO, ,DE LA DRAN PA NI SNGA MA NYID DRAN PA TZAM YIN LA NGO SHES PA NI SNGON MTHONG BA DANG DA LTAR MTHONG BZHIN PA GCIG NYID DU SGRO 'DOGS PA'O ZHES BYA BA NI KHYAD PAR YIN NO, ,GAL TE ZHES BYA BA LA SOGS PA NI BRAM ZE'I LUGS SO, ,DE LA YANG ZHES BYA BA NI DRAN PA LA SOGS PA LA YANG NGO, ,RNAM PAR SHES PA YANG SNANG BA NYID DE, DES NA DE YANG RIG PA'I RANG BZHIN NYID YIN NO SNYAM NA, DER YANG ZHES BYA BA'O, ,'DI LA GRUB PA'I MTHA' BAS GSUNGS PA NI GAL TE ZHES BYA BA'O, ,DER NI ZHES BYA BA NI DRAN PA LA YANG NGO, ,DE'I TSE DON DE'I DRAN PA NI MNGON SUM BZHIN DU 'DZIN PA NYID DU 'GYUR RO, ,DRAN PA LA SOGS PA YANG MNGON SUM NYID DU THAL BAR 'GYUR RO ZHES DGONGS PA'O, ,SNANG BA DES NI ZHES BYA BA NI SKABS KYI DRAN PA'O, ,'DI ZHES BYA BA DRAN PA DANG MNGON SUM GNYIS KHYAD PAR MED PA'I NYES PA'O, ,LKOG NYID DU MNGON SUM MA DMIGS MOD, DE LTA NA YANG DRAN PA LA NI SNANG BA KHO NA'O SNYAM NA MNGON SUM GYIS NI ZHES SMOS SO, ,GZHAN DU ZHES BYA BA NI MNGON SUM GYIS MTHONG BA'I DON LA DRAN PA MI 'JUG GI ,'ON KYANG MTHONG BA NYID 'JUG PA YIN NA, DE'I TSE SNGA NA MED PA'I RANG BZHIN 'DZIN PAR 'GYUR LA, DE LTA NA YANG DE DRAN PAR JI LTAR 'GYUR, DRAN PAR 'GYUR BA YANG YIN TE DES NA MNGON SUM GYIS GZUNG BA'I DON NYID DRAN PA YIN

NO ZHES BRJOD PAR BYA BA'O, ,LKOG TU GYUR PA NI MNGON SUM GYIS GZUNG BA YANG MA YIN NO, ,DES NA DE DRAN PA LA SNANG BAR JI LTAR 'GYUR ZHES BSAMS PA'O, ,DOGS PA NI 'ON TE ZHES BYA BA'O, ,GRUB PA'I MTHA' PA RNAM PAR RTOG PAR MDZAD PA NI, LKOG NYID CES BYA BA'O, ,GAL TE LKOG NYID DON GYI NGO BO YIN NA DE'I TSE MNGON SUM LA SNANG BAR 'GYUR TE, MNGON SUM NI DON GYI RANG BZHIN MNGON SUM BYED PA YIN PA'I PHYIR RO, ,NUS PA NGES PA'I PHYIR ZHES BYA BA NI DNGOS PO RNAMS NUS PA SNA TSOGS PA CAN YIN PA'I PHYIR RO, ,DNGOS PO'I RANG BZHIN YANG 'GA' ZHIG MNGON SUM LA SNANG BA MA YIN TE, 'ON KYANG GZHAN DU YIN NO ZHES BYA BA'I DON 'DI LA DPE'I SGO NAS BRJOD PA NI DPE NI ZHES BYA BA'O, ,RANG BZHIN GZHAN GYIS ZHES BYA BA NI BUM PA LA SOGS PA'I RANG GI NGO BOS SNAM BU LA SOGS PA'I DNGOS PO MED PA'I RANG BZHIN GANG YIN PA DE NI DNGOS PO MED PA'I TSAD MA'I YUL YIN NO ZHE NA, DE YANG ZHES BYA BA NI LAN NO, ,DNGOS PO YIN NA NI ZHES BYA BA NI DNGOS PO'I RANG BZHIN YIN NA'O, ,DE LAS NI DNGOS PO LAS SO, ,DE NI DNGOS PO MED PA'I THA DAD NA DNGOS PO'I STE, DON DNGOS PO DANG DNGOS PO MED PA'I RANG BZHIN GNYI GAR JI LTAR 'GYUR TE, DNGOS PO MED PA NI DE LAS THA DAD PA'I PHYIR RO, , GAL TE DNGOS PO DANG DNGOS PO MED PA'I CHOS GNYIS THA DAD PA DE LTA NA YANG DNGOS PO GCIG YIN LA 'GAL BA CI YOD SNYAM NA, DNGOS PO THA DAD PA'I ZHES GSUNGS SO, ,DNGOS PO DAG NI ZHES BYA BA NI DON DAG GO, ,YANG JI LTAR NA DNGOS PO DAG KHO NA THA DAD KYI DNGOS PO MED PA DAG NI MA YIN TE ZHE NA, GO RIMS BZHIN GTAN TSIGS GNYIS BRJOD PA NI, DNGOS PO DAG CES BYA BA STE, BUM PA DANG SNAM BU DAG GO, ,DNGOS PO MED PA LAS ZHES BYA BA NI, GCIG LA GCIG MED PA LAS SO, ,DNGOS PO DANG DNGOS PO MED PA DAG KYANG DE BZHIN DU THA DAD PAR 'GYUR RO SNYAM NA, DNGOS PO DANG ZHES BYA BA'O, , DNGOS PO MED PA YANG GZHAN NI GCIG LA GCIG MED PA DAG GO, ,DE LTA MA YIN NA ZHES BYA BA NI GAL TE DNGOS PO DANG DNGOS PO MED PA DAG LA YANG DNGOS PO MED PA YOD NA, DE'I TSE NGAG THA DAD PAR BYA BA LA YANG GCIG LA GCIG MED PA'I MTSAN NYID KYI DNGOS PO MED PA GZHAN DAG LA DE LA YANG GZHAN

, ,YIN PA'I PHYIR THUG PA MED PAR 'GYUR RO ZHE NA 'DI LA BRJOD PA NI, GAL TE DNGOS PO MED PA DNGOS PO LAS GZHAN MA YIN NA, DE'I TSE DNGOS PO DANG DNGOS PO MED PA DAG GZHAN TE THA DAD PAR 'DZIN PA JI LTAR YIN, MNGON SUM DANG DNGOS PO MED PA'I MTSAN NYID DE 'DZIN PAR BYED PA'I TSAD MA GNYIS THA DAD PA'I PHYIR DNGOS PO DANG DNGOS PO MED PA DAG THA DAD PA YIN NO ZHE NA, THA DAD MED PAR ZHES SMOS TE, THA MI DAD PA 'DZIN PA NI MED DE, THAMS CAD DU THA DAD PA KHO NAR 'GYUR RO ZHES BYA BA'O, ,PHYED PHYI MA 'CHAD PA NI GAL TE ZHES BYA BA'O, ,GZHAN GYIS ZHES BYA BA NI RNA BA'I SHES PA LA SOGS PA'O, ,DES NA JI LTAR DER BYED PA PO RNAMS THA DAD PAR GZUNG YANG THA MI DAD PAR GZUNG BAR RTOGS PA DE BZHIN DU 'DIR YANG TSAD MA GNYIS KYI DNGOS PO DANG DNGOS PO MED PA DAG THA DAD PAR RTOGS KYANG THA MI DAD PAR YANG RTOGS PAR NUS PA YIN NO ZHES RTZOD PA BRJOD PA NI 'DI NI ZHES BYA BA'O, ,'DIR YANG ZHES BYA BA NI DNGOS PO DANG DNGOS PO MED PA DAG LA'O, ,DNGOS PO MED PA LAS THA DAD PAR RTOGS PA DE GANG YIN PA DE YANG THOGS PA MED PA'I BAG CHAGS NYID LAS 'GYUR TE, DES NA DNGOS PO LAS DON GZHAN DNGOS PO MED PA BRTAGS PAS CI ZHIG BYA DNGOS PO MED PA'I BLO'I RGYU MTSAN DU DNGOS PO MED PA RTOGS PA YIN NA BLO DE NI GZHAN DU YANG MA 'THAD PAS DA NI DNGOS PO MED PAS CI ZHIG BYA, GAL TE DNGOS PO MED PA ZHES BYA BA'I TSAD MA YOD PA'I PHYIR GDON MI ZA BAR DE'I GZHAL BYA YOD DGOS SO ZHES BRJOD PA NI, DNGOS PO MED PA ZHES BYA BA'O, ,GAL TE DNGOS PO MED PA'I TSAD MA DANG, GZHAL YANG MI SRID PA YIN, 'O NA DNGOS PO RNAMS PHAN TSUN LDOG PA NYID DU 'GYUR, GANG LA GANG GIS DNGOS PO MED PA DANG MI MTHUN PA MI 'GYUR TE, BUM PA LA BUM PA'I RANG BZHIN NO ZHE NA, 'DI LA BRJOD PA NI DE DANG MI 'DRA NYID KYIS ZHES BYA BA'O, ,GAL TE MI 'DRA BA NYID YOD PA LA TSAD MA CI YOD SNYAM NA, MI 'DRA BA YANG ZHES BYA BA'O, ,DE'I DUS PHYIS 'BYUNG BA DE'I STOBS LAS BYUNG BA'I PHYIR RO ZHES GTAN TSIGS KYI DNGOS POS KHYAD PAR BYAS PA'O, ,GAL TE DNGOS PO MED PA'I TSAD MA DES DNGOS PO MED PAR RTOGS SO SNYAM PA MTHONG BA MA YIN NAM,

DES NA DNGOS PO MED PA'I TSAD MA MED PAR JI LTAR 'GYUR SNYAM NA, DNGOS PO MED PA'I TSAD MAS BDAG GI BYA BA'O, ,SO SO RANG GI ZHES BYA BA NI DPYOD PA PA NYID KYIS SO SOR NGES PA'I'O, ,MTSUNGS PAS NA DON GCIG PAR RO, ,'DI NYID DNGOS PO MED PA'I TSAD MAR 'GYUR RO SNYAM NA, MI DMIGS PA DE YANG ZHES GSUNGS SO, ,JI LTAR MNGON SUM GYIS MA BZUNG BA DNGOS PO MED PA'I CHA 'DZIN PA DNGOS PO MED PA TSAD MA GZHAN YIN PA DE BZHIN DU MNGON SUM GYIS MA BZUNG BA'I LKOG NYID 'DZIN PA'I PHYIR DRAN PA YANG TSAD MA GZHAN DU 'GYUR RO, ,'ON TE MI'I LKOG TU GYUR PA NYID RTOGS PAR GYUR PA DE'I TSE DE'I RJES SU DPAG PAS RTOGS PA YIN TE, MNGON SUM LA RJES SU DPAG PA MI 'JUG PA'I PHYIR RO, ,DES LKOG NYID RIG PA LA DGOS PA YOD PA NYID DO ZHE NA RJES DPAG CES BYA BA'O, ,LKOG TU GYUR PA NYID GZUNG BA LAS NI RJES SU DPAG PA 'JUG PA MA YIN NO ZHES BYA BA'I DON TO, ,PHYED PHYI MA BSHAD PA'I PHYIR RTZOD PA BYED PA NI 'DI SNYAM NA ZHES BYA BA'O, ,DES NA 'DI ZHES BYA BA NI RJES SU DPAG PA 'JUG PA'I MTSAN NYID 'DI'O, ,SKYE BZHIN PA'I RJES SU DPAG PAS ME 'DZIN PA STE, NGES PAR BYA BA LA DE'I ZHES BYA BA NI RJES SU DPAG PA'I SNGAR DE SNGON ROL DU LKOG TU GYUR PA NYID DU NGES PAR 'DZIN PA NI SU YANG MED DO, ,YANG JI LTAR NA THAMS CAD KYI TSE DGOS PA LTOS PAR BYA BA NYID DU 'GYUR ZHE NA, SBYOR BAR BYED PA'I ZHES GSUNGS SO, ,DES NA GAL TE RJES SU DPAG PA SKYE BA NA, RES 'GA' LKOG TU GYUR PA NGES PA NYID LA LTOS PA DE'I NI, DE SBYOR BAR BYED PA NYID MA YIN PAR 'GYUR RO ZHES DGONGS PA'O, ,RGYU'I MTSAN NYID NI DE TZAM RJES SU 'GRO BA DANG DE LDOG PA NYID TZAM DU ZAD PA'I PHYIR RO, ,DRAN PA NI RJES SU DPAG PAS BYA BA NYID DU NGES PA YIN NO ZHE NA, RJES SU DPAG PAS ZHES BYA BA'O, ,DE LTA MA YIN NA ZHES BYA BA NI, GAL TE RJES SU DPAG PAR BYA BA NYID DRAN PA'I SPYOD YUL DU 'GYUR NA'O, ,DRAN PAS NI ZHES BYA BA NI DOGS PA BSU BA'O, ,'O NA ZHES BYA BA NI GRUB PA'I MTHA'O, ,GAL TE DRAN PAS DE'I TSE YOD PA YANG DU MA RTOGS NA DE'I TSE DE LKOG TU GYUR PA NYID DU RTOGS PAR BYA BA DE GANG ZHIG YIN ZHES BYA BA'I DON TO, ,SNGON MTHONG BA PO ZHES BYA

, ,BA NI DPE LA MTHONG BA'I ME NYID LKOG TU GYUR PA YIN PAR DRAN PAS RTOGS PA YIN NO ZHE NA, 'DI BRJOD PA NI 'O NA ZHES BYA BA'O, ,DE'I DUS KYI MTHAR THUG PA ZHES BYA BA NI SNGON GYI DUS KYI MTHAR THUG PA NYID DO, ,GZHAN NI MA YIN PAS NA ZHES BYA BA NI RJES SU DPAG PA'I DUS NA YOD PA'I LKOG TU GYUR PA NYID NI DRAN PAS RTOGS PA NYID NI MA YIN NO, ,DE LTAR NA YANG DRAN PAS BYA BA CI YOD DE, RJES SU DPAG PAR BYA BA'I LKOG TU GYUR PA NYID NI MA RTOGS PA'I PHYIR RO ZHES DGONGS PA'O, ,DRAN PAS ZHES BYA BA NI DOGS PA BSU BA'O, ,'DI LA BRJOD PA DRAN PAS 'JUG GO ZHES BYA BA'O, ,DPYOD PA'I RNAM PA NYID BRJOD PA NI CI ZHES BYA BA'O, ,GAL TE THOB MI NUS MONG DE LTA NA YANG 'JUG GO SNYAM NA RTOGS LDAN ZHES BYA BA'O, ,GZHAN DU ZHES BYA BA NI THOB BYA'I DON MED NA'O, ,RNAM PAR RTOG PA GNYIS PA LA BRJOD PA NI, DA LTA BA'I DUS LA NI ZHES BYA BA'O, ,RGYU DES NA DRAN PA JI LTAR TSAD MA YIN, BSHAD PA'I DON NYID GSAL BAR BYED PA NI SNGAR GYI ZHES BYA BA'O, ,DE NI ZHES BYA BA NI SNGAR GYI DUS KYI DON TO, ,LKOG TU GYUR PA NYID MNGON SUM GYIS 'DZIN PA NYID STON PA NI MNGON SUM GYIS NI ZHES BYA BA'O, ,DUS KYI ZHES BYA BA DA LTAR BYUNG BA'I DUS KYI'O, ,DE'I RNAM PA NYID NI ZHES BYA BA NI LKOG TU GYUR PA'I DNGOS PO'I RNAM PA NYID NI'O, ,'DI NI 'DI YIN TE LKOG TU GYUR PA ZHES BYA BA RNAM PA THAMS CAD DU GZUNG BAR MI NUS SO ZHES DE SKAD DU NI MI BRJOD KYI, 'ON KYANG DRAN PAS LKOG TU GYUR PA NYID RTOGS SO ZHES GANG BRJOD PA DE NI MA 'BREL TE, DRAN PAS NI RANG GI RNAM PA TZAM ZHIG RTOGS PA'I PHYIR RO ZHES BYA BA YIN NO, ,DE LTA BUR GYUR PA'I ZHES BYA BA NI, MI GSAL BA'I RNAM PA CAN NO, ,LAN NI DON MOS PA MED CES BYA BA STE, GAL TE DON YIN NA DON DU MOS PA YANG YOD PAR 'GYUR NA YOD PA YANG MA YIN TE, DES NA DON MA YIN NO ZHES BYA BA'I DON TO, ,DRAN PA'I RNAM PA NI MI GSAL BA'I RNAM PA YIN LA DE LA NI MOS PA DE YOD PA MA YIN NO, ,GAL TE BDAG GI MTHONG BA GANG YIN PA DE NYID DRAN PAS YUL DU BYAS SO ZHES 'JIG RTEN PA RNAMS LAS LHAG PAR ZHEN PA YOD PA NYID MA YIN NAM, DES NA JI LTAR DON DU MOS PA MED SNYAM NA 'DI LTAR ZHES GSUNGS SO, ,RNAM PAR DPYOD PA CAN DAG NI 'DI LTAR RTOGS KYI DON NYID DU LHAG PAR MOS

BA NI MA YIN NO ZHES BYA BA'I DON TO, ,DE YAN CHAD NI DRAN PA RANG GI RNAM PA TZAM MNGON DU BYED PA NYID DU RIM PA BZHIN BSGRUBS NAS DE NI DPE'I STOBS NYID KYIS BDE BA LA SOGS PA YANG RANG RIG PA'I RANG BZHIN DU BSGRUB PAS RNAM 'GREL GYI BSHAD PA RTZOM PA NI, DE'I PHYIR ZHES BYA BA'O, ,MYONG BA'I 'DU BYED LAS ZHES BYA BA NI SNGAR ZHUGS PA'I MNGON SUM BYAS PA'I 'DU BYED LAS SO, ,DE DAG KYANG ZHES BYA BA NI BDE BA SOGS PA'O, ,GOMS PA'I 'DU BYED LAS BYUNG BA STE NYE BAR GNAS PA'I NANG GI REG BYA LA SOGS PA'I KHYAD PAR GANG YIN PA DE'I BDAG NYID DU GYUR PA'O, ,'O NA ZHES BYA BA LA SOGS PA'I 'DRE BA LA BRJOD PA NI, DE'I SGO NAS ZHES BYA BA'O, ,REG PA DANG LHAN CIG 'BREL PA LAS BYUNG BA'I BDE BA'I RNAM PA MYONG BA GANG YIN PA DE LAS SEMS KYI RGYUD LAS SKYES PAR GYUR PA'I 'DU BYED DE NI DE DANG 'DRA BA'I RANG BZHIN DE MTHONG BA'I LAS SAD PAR 'GYUR RO, ,'CHAD PA NI MA KHYUD PA'I ZHES BYA BA'O,, 'DI NYID CES BYA BA NI RANG RIG PA'I RANG BZHIN NYID DO, ,DE LTA MA YIN TE ZHES BYA BA NI GAL TE RANG GI RNAM PA MYONG BA TZAM GYIS DON RIG GO ZHES BYA BAR MI 'GYUR GYI, 'ON KYANG DON DAM NYID DU DON RIG PA MA YIN NA, DE'I TSE SHES PA DES GZHAN RIG GO ZHES DON DANG SHES PA DAG 'BREL PAR MI 'GYUR RO, , RANG GI RGYU LAS NI ZHES BYA BA NI RANG GI NGO BO RIG PA NI RGYU LAS SKYES PA'I PHYIR RO ZHES BYA BA'I DON TO, ,DE NI THA DAD PHYIR ZHES BYA BA NI, GZHAN DE RANG GI NGO BO LAS THA MI DAD PA'I PHYIR RO, ,PHYI ROL THA DAD PA'I RANG BZHIN NI GZHAN SHES PA'I NGO BO YIN PAR MI 'THAD DO, ,DE LAS TE SHES PA LAS GZHAN GSAL BAR JI LTAR 'GYUR, ,GAL TE BUM PA SNANG BA LAS THA DAD PA NYID NGES GSAL BA MA YIN NAM SNYAM NA, SGRON MA LAS NI ZHES BYA BA NI, GAL TE DE BZHIN DU RNAM PAR SHES PA LAS KYANG GSAL BA'I RANG BZHIN GYIS DON SKYE BA MA YIN NAM, DES RNAM PAR SHES PAS GSAL BA YIN NO ZHE NA, GSAL BA'I ZHES GSUNGS SO, ,SHES PA LA GSAL BA'I RANG BZHIN GYIS DON JI LTAR MI SKYE SNYAM NA, 'BRAS NYID CES GSUNGS SO, ,DON SHES PA'I 'BRAS BU NYID DU KHAS LEN NA RGYUR GYUR PA'I SHES PA DES DON JI LTAR RTOGS PAR 'GYUR TE, MI 'GYUR BA KHO NA'O DE LTA MA YIN NA ZHES BYA BA'O, ,GAL TE SKYES

, ,PA LAS SKYES PA GANG YIN PA DE SHES PAS RIG PA YIN NA'O, ,DES NI RTOGS PAS SO, ,RANG BZHIN ZHES BYA BA NI SHES PA'I RANG BZHIN NO, ,DE NI ZHES BYA BA NI DON NYID KYI THA DAD NAS KYANG SNGON DU PHYOGS PAR SKYES PA YIN NO ZHE NA, 'DI LA BRJOD PA NI MIG LAS SO, ,KYANG ZHES BYA BA STE SHES PA DE NI MIG GI THA DAD NAS KYANG MNGON DU PHYOGS PAR SKYES PA YIN TE, DES NA SHES PA DE NI JI LTAR MIG DE RIG PA MA YIN NA, MIG GI THA DAD NAS KYANG SHES PA DON NYID LA PHYOGS PAR SKYES PA YIN GYI, MIG LA PHYOGS PAR NI MA YIN NO, ,DES NA DON NYID RIG PA YIN NO ZHE NA 'DI LA BRJOD PA NI SHES PA NI DON LA ZHES BYA BA'O, ,SHES PA 'DI LA DON LA MNGON DU PHYOGS PA NYID YOD DO ZHES JI LTAR RTOGS, 'O NA DON LA PHYOGS PA NYID JI LTAR RTOGS PAR 'GYUR SNYAM NA, GAL TE ZHES BYA BA GSUNGS SO, ,MNGON DU PHYOGS PA NYID MED PAR RO, ,DE DANG NI MNGON DU PHYOGS PA DANG NGO,, DE LAS GZHAN ZHES BYA BA NI LHAN CIG SNANG BA LAS SO, ,LHAN CIG SNANG BA TZAM KHO NA YOD PA YIN NO ZHES DGONGS PA'O, ,RGYU DES NA LHAN CIG SNANG BA'I DON DE'O, ,NGES PAR CIG CAR TE DUS GCIG TU SNGON PO LA SOGS PA DANG BDE BA GNYIS 'DZIN PA GANG YIN PA DE MI RIGS SO, ,BDE BA LA SOGS PA ZHES BYA BA NI, BDE BA LA SOGS PA'I RANG BZHIN SGRA LA SOGS PA'O, ,CHEN PO ZHES BYA BA NI BLO'I DE TZAM ZHES BYA BA NI YUL LO, ,BLO'I DBANG PO LNGA ZHES BYA BA NI NYAN PA DANG PAGS PA DANG MIG DANG LCE DANG SNA ZHES BYA BA'O, ,LAS KYI DBANG PO LNGA NI RKUB DANG MDOMS DANG LAG PA DANG RKANG PA DANG DAG CES BYA BA'O, ,GAL TE DE LTA NA YANG 'DI THAMS CAD BDE BA DANG SDUG BSNGAL DANG GTI MUG GI RANG BZHIN CAN GTZO BO YONGS SU GYUR PA YIN NO ZHES BYA BA 'DI TZAM ZHIG GRUB MOD, SGRA LA SOGS PA BDE BA LA SOGS PA'I RANG BZHIN CAN DU GO JI LTAR ZHE NA, RNAM PAR 'GYUR BA YANG ZHES BYA BA'O, ,BDE BA LA SOGS PA NI BDE BA LA SOGS PA'I RANG BZHIN CAN GYI GTZO BO GANG YIN PA DE'I RANG BZHIN KHO NA YIN NO ZHES BYA BA 'DI GA LAS YIN, GTZO BO DE'I RANG BZHIN GYIS RJES SU 'GRO BA MTHONG BA'I PHYIR RO, ,'DI ZHES BYA BA NI, GRUB PA'I MTHA' PAS SMRA BA'I'O, ,GANG ZHIG GANG

LAS SKYES PA DE NI DE'I RANG BZHIN GYIS RJES SU BYED PA YIN NO ZHES BYA BA 'DI NI MA NGES PA YIN, GAL TE PHRA MO BSAG PA MI DMIGS PA RLUNG NYID DAM, SGRA'I RDUL YOD PA YIN LA DE DAG GI YONGS SU GYUR PA NI SGRA'I RANG BZHIN DU GYUR PA MA YIN NAM, DES NA MA NGES PAR JI LTAR 'GYUR SNYAM NA, GAL TE YANG ZHES GSUNGS SO, ,DE GRUB PA MA YIN TE 'DI TSAD MA MTHONG BA MA YIN NO, ,'DI YANG ZHES BYA BA NI RDO BA DANG, DBYIG PA'I SBYOR BA LAS SKYES PA'I SGRA LA'O, ,DE'I RANG BZHIN GYI ZHES BYA BA NI, 'JIM PA LA SOGS PA'I RANG BZHIN CAN NO, ,GANG GI PHYIR DE LTA NA YANG DPE 'GA' ZHIG NYE BAR BSTAN NAS SGRUB PA NUS PA'I GTAN TSIGS DES NA'O, ,PHYOGS GZHAN YANG BRJOD PA NI BZLOG PA 'GRUB BO ZHES BYA BA STE, RIGS MTHUN PA KHO NA LAS SKYES PA YIN NO ZHES BYA BA 'DI LAS BZLOG PA 'GRUB PO, ,'DI GA LAS SHE NA, LHAN CIG PA MA YIN PA ZHES GSUNGS SO, ,'ON KYANG RIGS MTHUN PA YANG RIGS MI MTHUN PA DANG, LHAN CIG PA NYID RGYUR MTHONG NGO, ,DES NA GANG 'BRAS BU YIN PA DE NI RIGS MTHUN PA DANG RIGS MI MTHUN PAS SKYES PA YIN TE, DPER NA BUM PA LA SOGS PA BZHIN NO, ,SGRA LA SOGS PA YANG 'BRAS BU YIN NO, ,DES NA RIGS MTHUN PA NYID DU MI 'GRUB PO ZHES BSAMS PA'O, , 'ON TE ZHES BYA BA NI DGONGS PA'O, ,'DI LA BRJOD PA NI 'DI LA BSHAD ZIN TE ZHES BYA BA'O, ,BSHAD ZIN PA NYID DRAN PAR BYED PA NI LHAN CIG PA ZHES BYA BA'O, ,GZUNG BA NYID LA SOGS PA'I SGRAS DNGOS PO NYID LA SOGS PA RJES SU 'GRO BA'I PHYIR RO, ,'ON TE YANG ZHES BYA BA NI DNGOS PO NYID LA SOGS PA YANG NGO, ,DE YANG BDE BA LA SOGS PA'I BDAG NYID CAN JI LAR YIN ZHE NA, DNGOS PO NYID LA SOGS PA ZHES GSUNGS SO, ,BDE BA LA SOGS PA BUM PA'I BDAG NYID CAN YIN PA'I PHYIR RO ZHES BYA BA NI DA LTA BUM PA LA SOGS PA'I BDAG NYID CAN DU MTHONG STE, BUM PA LA SOGS PA'I BDAG NYID DE RJES SU MTHONG BA'I PHYIR, GTZO BO YANG BUM PA LA SOGS PA'I BDAG NYID KHO NAR 'GYUR RO, ,'ON TE ZHES BYA BA NI GZHAN GYI'O, ,DE'I GTZO BO'I 'DI LA BRJOD PA NI GAL TE ZHES BYA BA'O, ,RNAM PAR 'GYUR BA'I TSOGS NI BUM PA LA SOGS PA'I RANG BZHIN NO, ,MNGON PAR GSAL BA DANG MI GSAL BA TZAM

, ,RNAM PAR 'GYUR BA'I DNGOS PO YIN NO, ,DE NYID GSAL BAR BYED PA NI MNGON PAR GSAL BA NI ZHES BYA BA'O, ,GSAL BA 'DI CI ZHIG CES DRIS PA LA NI MNGON PAR MI GSAL BA YANG 'PHANGS PA YIN TE, DE NI GSAL BA MED PA'I RANG BZHIN CAN YIN PA'I PHYIR ZHES BSAMS NAS GNYI GA LA YANG GZHAN LAN 'DEBS PA NI, MTHONG BA'I BDAG NYID NI GSAL BA ZHES BRJOD LA, MTHONG BA'I BDAG NYID MED PA NI DE MED PA'O, ,DON DE NYID BRJOD PA NI MI DMIGS PA NI ZHES BYA BA'O, ,TSAD MAS GRUB PA'I BUM PA LA SOGS PA'I RANG GI NGO BO NI GTZO BO LA MA DMIGS SO ZHES BYA BAR NUS KYI RANG GI NGO BO TSAD MAS MA GRUB NA MED PA KHO NAR 'GYUR RO, ,MED PAR KHO NAR 'GYUR MOD CI CHAD SNYAM NA, DES NA ZHES GSUNGS SO, ,DE LTAR ZHES BYA BA NI JI LTAR DA LTAR YOD PA DE KHO NA LTAR GAL TE GTZO BO'I GNAS SKABS SU YANG YOD NA DE'I TSE GTZO BO RGYUR BRTAGS PAS CI ZHIG BYA, DE DAG GI ZHES BYA BA BUM PA LA SOGS PA RNAMS KYI'O, ,THA DAD PAR ZHES BYA BA NI SGRA'I RANG BZHIN LAS SO, ,GAL TE BUM PA LA SOGS PA DANG BDE BA LA SOGS PA DAG RNAM PA THA DAD PAR 'DZIN MOD, DE LTA NA YANG GCIG NYID DU MI 'GYUR SNYAM NA, THA DAD PAR SNANG BA CAN GYI ZHES BYA BA'O, ,DPE NYID RNAM PAR 'GREL PA NI SNGON PO LA SOGS PAR ZHES BYA PA'O, ,'ON TE DE LA YANG BSGOMS PAS KHYAD PAR DU 'GYUR BA YOD DO ZHES NA DE LTA YIN NO ZHES BYA BA STE, SNGON PO LA SOGS PA'I RNAM PA YANG BSGOMS PAS KHYAD PAR SRID PA YIN NA NI'O, ,GOMS PA'I RJES SU 'GRO BA CAN GOMS PA'I 'BRAS BU'I DE KHO NA MA YIN PA NI DNGOS PO STE, 'DOD LDAN MA'I RNAM PA BZHIN NO, ,DE NI ZHES BYA BA NI PHYI ROL MA YIN PAR NGES PA'I SNANG BA'I RANG BZHIN NO, ,MA YIN TE ZHES BYA BA NI LAN NO, ,'KHRUL BA'I RGYU NI RAB RIB LA SOGS PA YOD DU CHAD PA KHO NA YIN TE, DE DAG MA MTHONG BA'I PHYIR DANG PHYI ROL MA YIN PAR SNANG BA LA YOD PAR BYED PA MED PA'I YANG PHYIR RO, ,DE BZHIN DU BLO YANG ZHES BYA BA GTZO BO YONGS SU GYUR PA'I RANG BZHIN YIN NO, ,BDAG GI ZHES BYA BA NI SKYES BUS SO, ,'DIS NI PHYI ROL NYID DU RTOGS PAR 'GYUR RO ZHES GANG BRJOD PA DE SPANGS NAS DA NI BDE BA LA SOGS PA KHYAD PAR GYI RIM PA CAN DU MI 'GYUR RO ZHES GANG BRJOD PA DE SONG BA NI BSGOMS PA'I ZHES BYA BA'O, ,

DE'I BDAG NYID CAN GYI ZHES BYA BA NI BLO'I RANG BZHIN DU GYUR PA'I'O, ,BSGOMS PA'I BLO KHYAD PAR 'GYUR BA NYID PHA ROL PO STON PA NI, BSGOMS PA'I ZHES BYA BA NI ZHES PA'O, ,YANG JI LTAR NA 'DI GNYIS KYIS BSGOMS PAS 'JUG SNYAM NA NGA RGYAL DE YANG ZHES BYA BA'O, ,NGA'O SNYAM PA'I RNAM PA CAN GYI NGA RGYAL NI BLO YANG YIN NO, ,SNYING STOBS LAS BYUNG BA'I NGA RGYAL ZHES BYA BA NI, NGA RGYAL YON TAN GSUM GYI BDAG NYID SNYING STOBS SHES CHE BA'I PHYIR SNYING STOBS LAS BYUNG BA ZHES BRJOD DO, ,DES NA GANG GI TSE BLO SNYING STOBS LAS BYUNG BA'I NGA RGYAL LA RAG LAS PA DE'I TSE, BDE BA'I BDAG NYID 'THOB PAR 'GYUR BA YIN NO, ,DE BZHIN DU MUN PA LAS BYUNG BA'I NGA RGYAL LAS RAG LAS PA DE'I TSE SDUG BSNGAL GYI RANG BZHIN 'THOB PAR 'GYUR LA, RDUL LAS BYUNG BA'I NGA RGYAL LA RAG LAS PA'I TSE NI GTI MUG GI RANG BZHIN NYID 'THOB PAR 'GYUR BA YIN NA, DE LTAR ZHES BYA BA NI BDE BA LA SOGS PA'I RANG BZHIN DU'O, ,'DI LA BRJOD PA NI GAL TE ZHES BYA BA'O, ,SGRA LA SOGS PA YANG GTZO BO YONGS SU GYUR PA'I RANG BZHIN NYID YIN TE, DE DAG KYANG BDE BA LA SOGS PA'I RANG BZHIN YIN PA'I PHYIR RO ZHE NA PHYI ROL ZHES GSUNGS SO, ,DE'I RANG BZHIN RJES SU 'GRO BAR MTHONG BA'I PHYIR NA, SGRA LA SOGS PA RNAMS GTZO BO YONGS SU GYUR BA'I RANG BZHIN NYID YIN NO SNYAM NA, 'DI DAG DE'I RANG BZHIN GYIS ZHES GSUNGS SO, ,GANG GI TSE BLO LA YANG BDE BA LA SOGS PA'I RANG BZHIN NYID YOD PA DE'I TSE SGRA LA SOGS PA RNAMS LA BDE BA LA SOGS PA'I RANG BZHIN RJES SU 'GRO BAR TSAD MAS GRUB PA MA YIN NO, ,BDE BA LA SOGS PA 'DI DAG RES 'GA' BLO'I RANG BZHIN YIN PAR 'GYUR RO ZHES BYA BA'I DON TO, ,DE'I TSE 'BRAS BU RGYU'I RJES SU 'GRO BA ZHES BYA BA NI 'BRAS BU NI RGYU'I RANG BZHIN GYI RJES SU BYED PAR 'GYUR BA YIN NO, ,DE LTAR BYAS PAS DE LTA BU'I RGYUS ZHES BYA BA SGRA LA SOGS PA BDE BA LA SOGS PA'I RANG BZHIN GTZO BO'I MTSAN NYID KYI RGYUS SKYED PA YIN PAR 'JIG RTEN GYIS SHES PAR 'GYUR RO, ,GTZO BO YONGS SU GYUR PA YIN PA'I GTAN TSIGS NYID KYIS BDE BA LA SOGS PA RJES SU 'GRO BA DE LTAR NGES SO ZHE NA 'DI NI ZHES BYA BA SGRA LA SOGS PA'O, ,DE NYID YIN PAR NGES ZHES BYA

, ,PA NI GTZO BO YONGS SU GYUR PA NYID DU NGES PA NI GTZO BO YONGS SU GYUR PA NYID DU NGES NA'O, ,BDE BA LA SOGS PA RJES SU 'GRO BAR NGES PAR BYA BA YIN NO, ,DE LTAR NA RE ZHIG GTZO BO YONGS SU GYUR PA'I RANG BZHIN NYID DU MA GRUB BO ZHES BSTAN NAS, DA NI SGRA LA SOGS PA LA GTZO BO'I YONGS SU GYUR PA NYID DU KHAS BLANGS NAS BDE BA LA SOGS PA'I RANG BZHIN YIN PA 'GOG PA NI GZHAN YANG ZHES BYA BA'O, ,DE NI DU BA'O MTSUNGS SO ZHES BYA BA NI SGRA LA SOGS PA YANG BDE BA LA SOGS PA'I RANG BZHIN NYID NI MNGON SUM GYIS GNOD PA KHO NA'O, ,BDE BA LA SOGS PA'I RANG BZHIN CAN GYI BLO NI BDE BA MA YIN PA LA SOGS PA'I RANG BZHIN SGRA LA SOGS PA DE DAG GI 'DZIN BYED MA YIN PAR 'GYUR RO, ,DE NI SKYES BU'O, ,BZLOG PA'I ZHES BYA BA NI GTZO BO'I BDAG NYID YIN PA'I PHYIR RO, ,DES RIGS MI MTHUN PAS NA SKYES BU DANG SGRA LA SOGS PA GZUNG BA DANG 'DZIN PA'I DNGOS POR MI 'GYUR RO, ,DE NI SKYES BU'O, ,GAL TE 'DZIN PAR BYED PA KHO NA ZA BA YIN NA, DE'I TSE 'DZIN PAR BYED PA MED NA, 'ON KYANG ZA BA NI GZHAN KHO NA YIN NO ZHES DOGS PA BSU NAS BRJOD PA NI, NYAMS SU MYONG BAR BYED PA LAS ZHES GSUNGS SO, ,CI'I PHYIR ZHES DRIS PA NA, KHONG NAS DBYUNG BA DANG BCAS PA'I RTZA BA DGOD PA NI BLO DANG ZHES BYA BA'O, ,'DI NYID 'CHAD PA NI GANG GI PHYIR ZHES BYA BA'O, ,GZHAN DU MA YIN NO ZHES BYA BA NI RGYU DANG 'BRAS BU LAS RNAM PA GZHAN GYIS NI GZUNG BA NYID DU 'GYUR BA MA YIN NO, ,DES NA ZHES BYA BA NI RGYU DANG 'BRAS BU DANG GZUNG BA DANG 'DZIN PA'I DNGOS PO PHAN TSUN 'KHRUL PA MED PAS NA'O, ,RGYU DANG 'BRAS BU NYID DU ZHES BYA BA NI, BLO NI 'BRAS BU NYID DANG RGYU LAS SOGS PA NI RGYU NYID DU'O, ,GAL TE YANG SPROS PA NAS NGES KYI BAR DU BLO GCIG YIN NO ZHES 'DOD PA DE LTA NA YANG SGRA LA SOGS PA RNAMS KYI BLO LA GNAS SKABS KYIS KHYAD PAR BYED PA KHO NA'O, ,SKYES BU YANG ZHES BYA BA NI SKYES BU'I YUL YANG NGO, ,DE YANG ZHES BYA BA NI SKYES BU'O, ,DE DAG GI SGRA LA SOGS PA'I'O, ,DE LTAR YANG MA YIN ZHES BYA BA NI SKYES BU 'BRAS BU MA YIN PA'O, ,DES GZUNG BA NYID KYIS RGYU DANG 'BRAS BU'I DNGOS PO'I SGRIB PA LA MA NGES PA NYID DO, ,SNGAR GYI PHYOGS LA MA NGES PA NYID

BRJOD NAS DA NI RGYU DANG 'BRAS BU'I DNGOS PO MA GRUB PA'I PHYIR, JI LTAR DE RGYU DANG 'BRAS BU'I DNGOS PO GRUB CES BRJOD PA NI, MA GRUB PA NYID KYI PHYIR RO ZHES BYA BA'O, ,SNGAR NI RGYU DANG 'BRAS BU YIN NO ZHES STON PA YIN NA, DA NI SA DGAG PA KHONG NAS PHYUNG LA RGYU DANG 'BRAS MIN ZHES BRJOD PA YIN NO, ,SKYES BU DANG SGRA LA SOGS PA'I RANG BZHIN GYIS BDE BA'O, ,GZHAN GYI DON NI ZHES SMRAS SO, ,'DI NYID RJES SU BRJOD NAS GRUB PA'I MTHA' GSUNGS PA NI, 'O NA NI ZHES BYA BA'O, ,DE LTA YIN NA CI SKYON ZHES BRJOD PA NI DE LTA YIN DANG ZHES BYA BA'O, ,SKYES BU DANG SGRA LA SOGS PA YANG GZUNG BA DANG 'DZIN PA'I DNGOS PO YOD PA'I PHYIR RO, ,YANG NA 'DOD PAR MI 'GYUR MOD, GZUNG BA DANG 'DZIN PA'I GTAN TSIGS SKYES BU DE NYID KYIS MA NGES PA NYID DU 'GYUR RO, ,DGAG PA KHONG NAS BTON NAS BSHAD PA GZHAN YANG GSUNGS PA NI, YANG NA ZHES BYA BA'O, ,'ON TE GZUNG BA DANG 'DZIN PA MED PA NYID CI'I PHYIR ZHE NA, YOD NA'ANG ZHES GSUNGS TE, GZUNG BA DANG 'DZIN PA YOD NA YANG NGO, ,GZUNG BA DANG 'DZIN PA DE NA BUM PA DANG SNAM BU LA SOGS PA GZHAN LA'ANG 'GYUR, BEMS PO'I RANG BZHIN CAN GYI BLO 'DZIN PAR BYED PA NYID YIN NO, ,ME LONG LA SOGS PA YANG 'DZIN PAR 'GYUR RO ZHES DGONGS PA'O, ,CI'I PHYIR ZHES BYA BA NI, YANG CI'I PHYIR MYONG BAR BYA BA YIN PA TZAM GYIS SEMS PA CAN NYID YIN ZHES BYA BA'I DON TO, ,NANG NYID DU MYONG BA'I PHYIR NANG NYID DO, ,NANG NYID DU MYONG BA GANG YIN PA DE NI 'KHRUL PA KHO NA'O ZHE NA, PHYI ROL NYID LA ZHES GSUNGS SO, ,'DI NYID GZHUNG 'DZUGS PA NI DNGOS GANG ZHES BYA BA'O, ,PHYI ROL GYI ZHES BYA BA NI PHYI ROL BDE BA LA SOGS PA'I RANG BZHIN GYI RJES SU BYED PAR RO, ,GAL TE PHYI ROL GYI BDE BA LA SOGS PAR YOD PA YIN TE, 'ON KYANG MYONG BA DE'I RANG BZHIN GYI RJES SU BYED PA MA YIN PAR ZAD DO ZHE NA, MYONG BA YANG GZHAN LA ZHES GSUNGS SO, ,MYONG BA'I PHYI ROL GYI RJES MI BYED LA, PHYI ROL GYI DNGOS PO GZHAN NO ZHES BYA BAR MI 'THAD DO, ,'THAD PA GZHAN YANG BRJOD PA NI DE LTAR ZHES BYA BA'O, ,'ON TE BDE BA LA SOGS PA RIG PA NI RANG RIG PA'I RANG BZHIN DU 'JUG PA MA YIN NO ZHE NA, BDE BA LA SOGS PA GZHAN GYIS ZHES GSUNGS SO, ,'O NA GZUGS LA

, ,SOGS PA YANG GZHAN GYIS RIG PA MA YIN NO ZHES GZUGS LA SOGS PAS NI ZHES BYA BA'O, ,DE'I NANG DU CHUD PA ZHES BYA BA NI BDE BA'I RNAM PA CAN GYIS RTOGS PA'I NANG DU CHUD PA'O, ,BUM PA LA SOGS PA BZHIN NO ZHES BYA BA NI, DPER NA BUM PA'I RNAM PA CAN GYI SHES PA YIN YANG PHYI ROL GYI BUM PA YANG YOD PA NYID YIN PA DE BZHIN DU BDE BA'I RNAM PAS BDE BA RTOGS NA, PHYI ROL GNAS PA BZLOG DU MED PA KHO NA'O ZHES DGONGS PA'O, ,'DI LA BRJOD PA NI DE NI MI RIGS TE ZHES BYA BA'O, ,DE LA ZHES BYA BA NI SHES PA LA GNAS PA BUM PA'I RNAM PA LA NI GOMS PA'I BYED PA MA RTOGS TE, NGES NA GZHAN BUM PA NYE BAR GNAS PAS BSKYED PA'I PHYIR, PHYI ROL GYI BUM PA YANG YOD PA NYID DO, ,GAL TE BDE BA RNAM PA LA YANG GOMS PA'I BYED PA RTOGS PA MED PA MA YIN NAM, DES GZHAN NYE BAR GNAS PA LAS 'GYUR BA YIN NO SNYAM NA, BDE BA LA SOGS PA'I ZHES GSUNGS SO, ,DE'I RANG BZHIN DU MA GYUR PA ZHES BYA BA BDE BA LA SOGS PA'I RANG BZHIN DU MA GYUR PA'I MYONG BA STE, SKYES BUS RIG PA'O, ,'DI LA BSHAD PA ZHES BYA BA LA SOGS PAS GZHAN GYI RTZOD PA RJES SU BRJOD PA SMRAS PA YIN NO, ,DE'I RNAM PA CAN MA YIN PA ZHES BYA BA NI, BDE BA LA SOGS PA'I RANG BZHIN MA YIN PA'O, ,DES ZHES BYA BA DE RNAM PA CAN MA YIN PAS NA'O, ,DE ZHES BYA BA NI SKYES BU'O, ,DE'I RNAM PA CAN MA YIN PA'I PHYIR RO ZHES BYA BA NI, BDE BA LA SOGS PA'I RANG BZHIN MA YIN PA'I PHYIR RO, ,'O NA JI LTAR BDE BA LA SOGS PA RIG PA YIN SNYAM NA; DE'I ZHES BYA BA SMRAS SO, ,BLO'I NANG DU ZHUGS PA ZHES BYA BA NI, BLO LA GZUGS BRNYAN DU SHAR BA'O, ,DE DANG ZHES BYA BA NI, BLO'I NANG DU GTOGS PA'I BDE BA LHAN CIG 'DU BA STE 'BREL BA'O, ,'BREL PA YANG BLO GANG LA BDE BA LA SOGS PA DE'I GZUGS BRNYAN SHAR BA DE NYID LAS SKYES BU'I GZUGS BRNYAN 'CHAR BA ZHES BYA BA YIN NO, ,GAL TE BLO DANG MYONG BA PHAN TSUN THA DAD PA KHO NA YIN NA DE'I TSE THA DAD PAR JI LTAR MA RTOGS SHE NA, DES ZHES SMRAS SO, ,'DU BAS 'BREL BA'I PHYIR ZHES BYA BA NI BLO GCIG LA SKYES BU DANG BDE BA LA SOGS PA'I GZUGS BRNYAN 'PHOS PA NYID 'DU

BA'I SGRAS BRJOD PA NI, DE LTAR RTZOD PA RJES SU BRJOD NAS GRUB PA'I MTHA' BRJOD PA NI, MNGON SUM ZHES BYA BA'O, ,BLO ZHES BYA BA 'DI CI ZHIG CES DRIS PA NA, GRANGS CAN GYI LHAG PAR ZHES PA ZHES BRJOD PA'O, ,RIG PA DE GANG YIN CES DRIS PA LA BRJOD PA NI NYAMS SU MYONG BA'O ZHES BYA BA'O, ,'DI LA GRUB PA'I MTHA' SMRA BAS BRJOD PA NI, THA DAD PA LA ZHES BYA BA'O, ,DE SKAD CES BYA BA NI THA DAD PAR RO, ,PHA ROL PO RNAM GRANGS NYID YIN PA SEL BA NI YUL GYIS ZHES BYA BA'O, ,'DI LA GRUB PA'I MTHA' BAS BRJOD PA NI RNAM PA MED PA'I ZHES BYA BA'O, ,RIG PA ZHES BYA BA NI SKYES BU'O, ,SKYES BU KHAS LEN PA'I RGYU NI TSAD MA YIN TE, DE MED PA'I PHYIR NA KHAS LEN PA'I RGYU MED PA YIN NA, MNGON SUM MED KYANG RJES SU DPAG PA RIG PA'I SGRUB BYED DU 'GYUR RO ZHE NA, MNGON SUM ZHES GSUNGS TE, RJES SU DPAG PA NI MNGON SUM SNGON DU 'GRO BA CAN YIN PA'I PHYIR RO, ,DES NA ZHES BYA BA NI TSAD MED PAS NA'O, ,MYONG BA GZHAN ZHES BYA BA NI BDE BA DANG SDUG BSNGAL DAG LAS THA DAD PA'O, ,SANGS RGYAS PA KHYED BDE BA DANG SDUG BSNGAL DAG LAS NGES PAR GROL BA MED PA NYID DU JI LTAR THAL BAR 'GYUR, GAL TE MYONG BA YOD NA NI DE'I TSE BDE BA DANG SDUG BSNGAL DAG LAS GROL BA'I THAR PA 'THAD PAR 'GYUR GYI, GANG GI TSE RIG PA ZHES BYA BA MED PA DE'I TSE JI LTAR THAR TE, BDE BA DANG SDUG BSNGAL DAG YOD PA'I PHYIR RO ZHES BYA BA'I DON TO, ,'ON TE SANGS RGYAS PA BDE BA DANG SDUG BSNGAL YONGS SU 'DOR BAR 'DOD DO ZHE NA, RANG BZHIN ZHES SMOS SO, ,RNAM PAR SHES PA'I RANG BZHIN BDE BA DANG SDUG BSNGAL DOR NA CHOS MED PA ZHES BYA BA RNAM PAR SHES PA'I RGYUN 'JIG PA NYID DU 'GYUR TE, RANG BZHIN GZHAN MED PA'I PHYIR RO, ,RANG BZHIN YONGS SU 'DOR BAR KHAS BLANGS NAS NYES PA BRJOD PA NI MA YIN NO, ,RANG BZHIN NI DOR BAR YANG MI NUS SO ZHES BRJOD BA NI RANG GI ZHES BYA BA'O, ,RANG GI PHYOGS LA 'THAD PA BRJOD PA NI BDE BA LA SOGS PA ZHES BYA BA'O, ,DA LTA'I GNAS SKABS NI MA GROL BA'I GNAS SKABS NA'O, ,DE LTA NA YANG SPANG BAR NUS PA NYID DE, RANG BZHIN DANG SKYES BU'I KHYAD PAR SHES PA LAS THAR PA YIN NO ZHES BRJOD PA'I PHYIR RO, ,THA DAD PAR ZHES BYA

, ,BA NI MYONG BA LAS THA DAD PAR LHAG PAR NGES PA GANG YIN PA DE'I SPYOD YUL DU BYAS PA'O ZHES 'DI LA GRUB PA'I MTHA' BRJOD PA NI, GAL TE ZHES BYA BA'O, ,GAL TE BDE BA LA SOGS PA DANG MYONG BA DAG THA MI DAD NA DE'I TSE 'DOD PA'I THAR PA MI 'GRUB PA KHO NAR 'GYUR RO ZHE NA, BDAG GI 'DOD PA ZHES GSUNGS SO, ,DON ZHES BYA BA NI RANG BZHIN DANG SKYES BU DAG THA DAD PA'O, ,'ON TE RGYU DAG NI BDAG CAG GI 'DOD PA SGRUB PAR BYED PA YIN TE, DES NA GAL TE THA DAD PA MA YIN NA NI, RGYU RNAMS THA DAD PA NYID SKYED PAR MI BYED DO ZHES NA RGYUN RNAMS YIN ZHES GNAS SO, ,DON 'DI LA ZHES BYA BA NI BDE BA DANG SDUG BSNGAL LA SOGS PA DANG BRAL BA'I MYONG BA TZAM LA'O, ,GZHAN DAG TSAD MA NYID STON PA NI DA LTA NYID NA ZHES BYA BA'O, ,CHA ZHES BYA BA NI BDE SDUG GI CHA STE, DE YOD PAR MTHONG BA'I PHYIR NA RIG PA TZAM ZHIG GNAS PAR 'GYUR BA YIN NO ZHES KHONG NAS DBYUNG NGO, ,'DI LA BRJOD PA NI DA LTAR BAR NI ZHES BYA BA'O, ,DE LTAR THAR PA'I GNAS SKABS SU YANG RIG PA GZHAN NYID SKYE BAR 'GYUR GYI THA DAD PA NI MA YIN NO ZHES DGONGS PA'O, ,BAR DU ZHES BYA BA NI RIG PA DANG SGRA LA SOGS PA'I BAR DU'O, ,GZHAN ZHES BYA BA NI BLO'I RANG BZHIN NO, ,GAL TE DON THA DAD PA MED PAR THA DAD PAR JI LTAR 'GYUR ZHES BYA BA 'DI LA LAN CI YOD SNYAM PA'O, ,'DI NYID BRJOD PA NI DE LTA MA YIN NA ZHES BYA BA'O, ,'ON TE GCIG DANG DU MA NYID MED MOD, DNGOS PO'I RNAM PAR GZHAG PA MTHA' DAG GI JI LTAR 'JIG PAR 'GYUR SNYAM NA, GCIG DANG DU MA LAS ZHES GSUNGS SO, ,'DI ZHES BYA BA THA DAD PA MED PAR MYONG BA GCIG NYID KYIS SGRUB BYED MA YIN NA, THA DAD PA'I GRUB PAR BYED PA YANG MI 'GRUB PO, ,GCIG MA GRUB NA ZHES BYA BA THA MI DAD PAR MA GRUB NA, GNYIS KA YANG ZHES BYA BA THA DAD PA DANG THA MI DAD PA'O, ,GANG DAG LAS CHEN PO YOD PA DE DAG THAMS CAD LA KHYAD PAR BYED PA GNAS SKABS KYI KHYAD PAR 'DZIN PAR BYED PA RNAM PAR RTOG PA DANG BCAS PA RNAMS SO, ,CI STE MI 'DOD CES BYA BA NI THA DAD PAR 'DOD PAR BYA BA KHO NA'O ZHES BYA BA'I DON TO, ,DES NA THA DAD PA MED PAR RIG PA NI GCIG YIN NO ZHES THA DAD PA MED PAR RIG PA NYID GCIG SGRUB PA LA SEMS THA DAD PA SEMS KYI 'KHOR DU GYUR PA GANG YIN PA DE DAG GIS MA NGES SO, ,BLO DANG

MYONG BA DAG KYANG RES 'GA' DE LTAR THA DAD PAR MTHONG NGO, ,DES THA DAD PAR MA RTOGS KYANG THA DAD PAR 'GYUR RO ZHE NA, BLO DANG MYONG BA DAG NI DE LTA MA YIN TE ZHES GSUNGS SO, ,'O NA SEMS LAS BYUNG BA RNAMS LA YANG THA DAD PAR MI 'DZIN PA MED PA NYID DO ZHE NA, SEMS LAS BYUNG BA DAG NI ZHES GSUNGS SO; ,MTSAN MAR 'DZIN PA LA SOGS PA ZHES BYA BA NI, MTSAN MAR 'DZIN PA GANG YIN PA 'DU SHES KYI RNAM PAR SHES PA NYID YIN PAR DMIGS KYI, RNAM PAR MI RTOG PA NI MA YIN NO, ,DES NA JI LTAR DE LA MTSAN MAR 'DZIN PA LA SOGS PA RNAM PAR GZHAG SNYAM NA, MA YIN TE ZHES GSUNGS SO, , DE LA YANG ZHES BYA BA NI RNAM PAR RTOG PA MED PA LA YANG NGO, ,JI LTAR SNYAM NA DES NA ZHES GSUNGS SO, ,SNGAR ZHES BYA BA NI TSAD MA GRUB PA'I LE'UR RO, ,DON GYI MTHU LAS BYUNG BA'I PHYIR, ,RNAL 'BYOR PA'I SHES PA DE LTAR GYI DON YUL CAN NI'O, ,MED PA RI BONG GI RVA LA SOGS PA DE'I YUL CAN NO, , 'DI LA BRJOD PA NI MED PA'I ZHES BYA BA'O, ,DE LTA BU GSAL BA'I RANG BZHIN CAN GYI 'BRAS BU GANG YIN DE LA NUS PA'O, ,GANG DU GZHAN NA MED PA'I YUL BSGOMS PA GANG YIN PA DE YANG 'BRAS BU'I RANG BZHIN GYIS 'BRAS BU LA NUS PA YIN NO ZHES SBYAR RO, ,'ON TE GANG ZHIG DON GYI MTHU LAS MI SKYE BA DE RNAM PAR RTOG PA DANG BCAS PA KHO NA'O ZHE NA YANG DAG PA MA YIN PA'I ZHES BYA BA'O, ,DE LTAR ZHES BYA BA NI LKOG TU GYUR PA'I YUL CAN NYID DU'O, ,GAL TE BSLAD PA'I DBANG GIS RNAM PAR RTOG PA YANG 'GAL TE GSAL BA'I RNAM PA CAN DU GYUR NA, DE'I TSE NYAMS PA CI YOD SNYAM NA, RNAM PAR RTOG PA NI RMI LAM NA YANG ZHES GSUNGS SO, ,'ON TE RMI LAM DU MI GSAL BA'I RNAM PA CAN GYI RNAM PAR RTOG PAR MI 'GYUR BA KHO NA'O ZHE NA, NYAMS SU MYONG BA DRAN PA YI, ,ZHES GSUNGS SO, ,MED PA'I DNGOS PO NI DANG GI NGO BO NYID MED PA DES NA, DE 'DZIN PA LA SHES PA LA CI ZHIG SNANG BAR 'GYUR, 'O NA KHYED KYI LUGS KYI RNAL 'BYOR PA 'DAS PA LA SOGS PA RIG PAR JI LTAR 'GYUR SNYAM NA, RNAL 'BYOR PA'I ZHES GSUNGS SO, ,'ON TE ZAD PA LA SOGS PA NI YOD PA NYID YIN TE, DES NA DE DAG 'DZIN PA YIN NO ZHE NA, MI GTZANG BA LA SOGS PA

, ,NI ZHES BYA BA'O, ,'ON TE ZHES BYA BA NI DGONGS PA'O, ,BSGOMS PA TZAM GYIS ZHES GSUNGS SO, ,RIGS PA'I MTSAN NYID SEMS DE LAS BYUNG BA DE'I RANG BZHIN GYI SHES PA'O, ,TSAD MA YIN LA DE DANG LDAN PA NI RNAL 'BYOR PA'I YIN NO ZHES BYA BA NI SHES PA DE DANG LDAN PA'O, ,ZHI GNAS TE ZHI BAR GNAS PA'I TING NGE 'DZIN DANG LHAG MTHONG STE SHES RAB DE GNYIS DANG LDAN PAS GZUGS GANG YIN PA DE NYID 'BREL PA STE, MTSUNGS PAR 'JUG PA'I LAM DE'O, ,GAL TE 'BYOL YANG ZAD PAR CHU LA SOGS PA SNANG BA KHO NA MA YIN NAM ZHE NA, DE LA GAL TE ZHES GSUNGS SO, ,'DI DAG CES BYA BAR ZAD PAR SA LA SOGS PA'O, ,DE TZAM GYIS ZHES BYA BA NI SNANG BA TZAM GYIS SO, ,GAL TE SNANG NGO ZHE NA, DE TZAM GYIS DE KHO NAR 'GYUR RO SNYAM NA, SNANG BA TZAM GYIS ZHES SMRAS SO, ,GAL TE BRTAG BZOD PA MA YIN MOD, DE LTA NA YANG RE ZHIG DE BSGOMS PAS NI GSAL BAR BYED PA YIN LA, BSGOMS PAS GSAL BAR BYAS PA NI DE KHO NA MA YIN PA'I RANG BZHIN DU 'THAD PA YANG MA YIN NO SNYAM NA, RTOG PA TZAM LAS ZHES BYA BA'O, ,'O NA BSGOMS PA NI DE KHO NA RTOGS PA'I RGYU NYID MA YIN PAR 'GYUR TE, DES NA SKAD CIG MA NYID LA SOGS PA GSAL BAR BYAS PA YANG DE KHO NA MA YIN PAR 'GYUR RO ZHE NA, TSAD MA'I ZHES GSUNGS SO, ,DE LTAR YIN NO ZHES BYA BA NI DE KHO NA SOGS PA'I RGYU'O, ,DNGOS PO'I SGO NAS RTOGS PAR 'THAD NA NI DE KHO NA NGES PAR TE, GTAN LA PHEBS PAR 'DOD PA'I YIN NO, ,GAL TE MED PA NI SUS KYANG BSGOM PA NYID DU BYED PA MA YIN TE, DES NA DE GSAL BA NYID DU JI LTAR 'GYUR ZHE NA, YOD PA 'BA' ZHIG NI ZHES BYA BA'O, ,GZHAN YANG ZHES BYA BA NI MED PA YANG NGO, ,GSAL BA DANG MI RTOG PA'I BLO'I 'BRAS BU GANG LA YOD PA DE LA DE SKAD CES BYA BA'O, ,GZHAN DU 'GYUR BAR ZHES BYA BA NI MI GSAL BA'I SHES PA'I RGYUR RO, ,SLU BA MED PA CAN GANG YIN PA DE'I YUL CAN NYID MNGON SUM YIN NO ZHES 'BREL TE, YUL DE GANG YIN ZHE NA, SNGAR SPYAD CES SBYAR RO, ,'DOD PA LA SOGS PA'I YUL CAN NI ZHES BYA BA NI, 'DOD PA LA SOGS PA'I YUL GYI RGYU MTSAN GANG LA YOD PA DE NI TSAD MA MA YIN NO, ,DE NI ZHES BYA BA NI 'DOD PA LA SOGS PA'I YUL CAN NO, ,DE DAG GI

SHES PA NI BSGOMS PA'I STOBS LAS SKYES PA NYID MA YIN SNYAM NA, DE DAG LA YANG ZHES SMRAS TE, MU STEGS PA RNAMS LA YANG NGO, ,GAL TE DE DAG GIS RANG GI LUGS KYI BRTAGS PA DE DAG MA BSGOMS PA NYID YIN NO, ,DE'I TSE 'JIG RTEN GYI THUN MONG BA'I DON NYID RJES SU MA BRJOD PAR 'GYUR RO, ,DE LTAR NA 'JIG RTEN DANG THUN MONG BA'I DON GANG YIN PA DE 'GA' ZHIG KHO NA LA YOD PA YIN GYI GZHAN LA NI MA YIN NO ZHES BYA BA'I NGES PA GANG YIN PA DE CI RIGS PA LAS 'DA' BAR GNAS PA MA YIN NAM STE, 'DAS PA NYID YIN NO ZHES BYA BA'I DON TO, ,GAL TE DE DAG GI DON DE BSGOMS PA LAS GYUR PA MA YIN GYI 'ON KYANG 'JIG RTEN DANG THUN MONG KHO NA YIN NA DE'I TSE THAMS CAD KYIS CI'I PHYIR MA DMIGS ZHES BSAMS PA'O, ,DE DAG GIS ZHES BYA BA NI RNAL 'BYOR RNAMS KYIS SO, ,DE'I TSIG LA NI RNAL 'BYOR PA'I TSIG LA'O, ,GZHAN ZHES BYA BA NI DBANG PHYUG LA SOGS PA'I TSIG LA'O, ,'DI LA BRAM ZER BRJOD PA NI GAL TE ZHES BYA BA'O, ,DE ZHES BYA BA NI SKYES BU'I TSAD MAS SO, ,YUL MTSUNGS LA ZHES BYA BA NI YUL GANG LA DBANG PO LAS 'DAS PA'I YUL CAN GYI TSAD MA 'JUG PA DE NYID LA GAL TE SKYES BU'I TSAD MA YANG 'JUG PA YIN NA, GNOD PAR BYA BA DANG GNOD PAR BYED PA'I DNGOS POR 'GYUR BA ZHIG NA DE LTAR YANG MA YIN NO, ,'DI LA GRUB PA'I MTHA' PAS BRJOD PA NI, RNAL 'BYOR PA'I SHES PAS KYANG ZHES GSUNGS SO, ,SHIN TU DBANG PO LAS 'DAS PA'I YUL CAN DE'I TSIG GI RGYU GANG YIN PA'I RNAM PAR SHES PA'I RANG BZHIN DE SHES PA DE LA GNOD PA NYID DU DE BZHIN GSHEGS PA'I GSUNG GIS BSTAN PA YIN NO ZHES 'BREL TO, ,JI LTAR ZHES DBANG PO LAS 'DAS PA'I YUL CAN GYI TSAD MA DE DAG GI, DE BZHIN GSHEGS PA'I GSUNG DAG DANG 'GAL BA RNAM PAR GNAS PA'I PHYIR RO, ,'DI NI BZLOG PA LA YANG MTSUNGS SO ZHES BYA BA NI JI LTAR DE BZHIN GSHEGS PA'I GSUNG GI DBANG PO LAS 'DAS PA'I YUL CAN GYI TSAD MA DE DAG GNOD PA DE BZHIN DU DE DAG GIS DE BZHIN GSHEGS PA'I GSUNG LA GNOD PAR 'GYUR RO ZHES BSAMS PA'O, ,LAN NI DE LTA MA YIN TE ZHES BYA BA'O, ,DE'I TSIG LAS ZHES BYA BA NI RIG PAR BYED PA'I TSIG LAS SO, ,YANG JI LTAR NA DBANG PO LAS 'DAS PA'I DON BRJOD PA'I TSIG LA MI

, ,'JUG SNYAM NA, DBANG PO LAS 'DAS PA'I DON DANG PHAN TSUN 'GAL BA YANG MU STEGS PA THAMS CAD KYI TSIG LA YOD PA YIN TE, PHYUGS RNAMS MCHOD SBYIN DON DU NI, ,RANG BYUNG RANG NYID KHO NA SPRUL, ,ZHES BYA BA DANG, SROG CHAGS 'GA' LA'ANG 'TSE MI BYED, ,MI 'TSE BA NI CHOS KYI MCHOG ,CES BYA BA BZHON PA GANG GI PHYIR DE LTA YIN PA DES NA, DE LA 'GA' YANG 'JUG PAR MI 'GYUR RO, ,CIG SHOS BDAG CAG LA SOGS PA LTA BU RNAMS KYIS GCAD PAR TE, NGES PAR NUS PA DON GANG YIN PA DE LA DE SKAD CES BRJOD DO, ,MI SRID PA'I PHYIR ZHES BYA BA NI, GAL TE GZHAN GYIS YONGS SU GCAD PAR NUS PA'I DBANG PO LAS 'DAS PA'I DON SRID NA DE'I TSE DE LTA BU NYID STON PAR 'GYUR BA ZHIG NA, 'ON KYANG 'DI DE LTAR MI SRID PA DES JI LTAR STON ZHES BYA BA'I DON TO, ,RANG BZHIN GYIS GRUB PA'I RNAL 'BYOR PA'AM, RIG BYED NI DBANG PO LAS 'DAS PA'I DON DE'I STON BYED YIN PAS NA, DBANG PO LAS 'DAS PA'I DNGOS PO NGES PA YIN NO ZHE NA, DE'I TSE 'DIR DE DANG NI, GDOS PO LA TSAD MA GA LA YOD DE, DE NI DES DON DE 'DRA BA KHO NA YIN NO ZHES MI SHES SO ZHES BYA BA'I DON TO, ,DE DON GNYER RNAMS KYIS ZHES BYA BA NI, DBANG PO LAS 'DAS PA DON DU GNYER BA RNAMS KYI'O, ,DES NA GCAD PAR MI NUS PA KHO NA NYE BAR STON PA YIN NO ZHE NA, DE NI MI RIGS SO, ,'DI LTAR 'KHOR PA'I SDUG BSNGAL DANG BRAL BA'I DON DU GNYER BA RNAMS KYIS NI, RE ZHIG SDUG BSNGAL DANG BRAL BA'I RGYU BTZAL BAR BYA BA YIN TE, DE RNAMS KYIS SDUG BSNGAL CHAD PA NI GTZO BO MA YIN PA MA YIN NO, ,DES NA GCAD PAR NUS PA YIN YANG GAL TE SDUG BSNGAL DANG BRAL BA'I THABS NYE BAR STON NA, DE'I TSE GANG GIS GCAD PAR MI NUS PA KHO NA NYE BAR STON PA CI DE DAG GIS BLANG BYAR MI 'GYUR RAM ZHES BYA BA'I DON TO, ,BDAG DANG BDAG GIR 'DZIN PA DANG LDAN PAS BDE BA DANG YANG 'BREL PA YIN TE, DES BDAG DANG BDAG GIR 'DZIN PA DANG BRAL NA BDE BA RNAMS DANG YANG 'BRAL BAR 'GYUR RO ZHE NA, SDUG BSNGAL MED PA BDE PA'I MCHOG ,CES GSUNGS SO, ,BDAG DANG BDAG GIR 'DZIN PAS RAB TU SBYAR BAS CI BYA STE, SDUG BSNGAL MED PA DE NI YOD PA KHO NA YIN PA DES NA 'DI BLANG BAR BYA BA YIN NO, ,'DI NYID GZHUNG 'DZUGS PA NI

GAL TE ZHES BYA BA'O, ,GAL TE RTAG TU STE DUS THAMS CAD DU SDUG BSNGAL LAS BZLOG PA RIG PA YOD NA, DE'I TSE SDUG BSNGAL LAS BZLOG PA DE LAS GZHAN BLANG BYA GANG ZHIG YOD DE, SDUG BSNGAL LAS BZLOG PA DE NYID BLANG BYA RIG PA DANG 'BREL PA YIN NO ZHES BYA BA'I DON TE, SDUG BSNGAL LAS BZLOG PA'I RANG BZHIN RIG PA NYID THAR PA YIN NO ZHES BYA BA MI BZOD PAS GZHAN GYIS BRJOD PA NI MAR ME ZHES BYA BA'O, ,'GOG PA NI 'DI NI ZHES BYA BA'O, ,TSAD CAN MIN PA NYID NYE BAR BSTAN PA'I DON DU BRJOD PA NI 'DI LTAR ZHES BYA BA'O, ,GAL TE DE LTA NA YANG RNAM PAR SHES PA NI KHYI RDUL DANG 'DRA BA'I PHYIR NA, BSGOMS PAS BCAD PAR NUS PA MA YIN NAM SNYAM NA, DE'I GNAS SKABS ZHES GSUNGS TE, MYA NGAN LAS 'DAS PA'I GNAS SKABS RTOGS PA'I RNAL 'BYOR PA DE'O, ,RNAM 'BYED LAS ZHES BYA BA NI MAR ME LTAR ZHI BA 'DI NI MCHOG YIN LA RNAM PAR SHES PA NI BZANG PO MA YIN NO ZHES RNAM PAR 'BYED PA LAS RGYAB KYIS PHYOGS PAR 'GYUR TE, RNAM PAR 'BYED PA DE 'DRA BA NI MED DO ZHES BYA BA'I DON TO, ,'DI LA GZHAN GYIS BRJOD PA NI GAL TE SKYO BA LAS TE, SKYO BA SKYED PAR BYED PA'I RNAM PAR SHES PA'I PHUNG PO LA RGYAB KYIS PHYOGS NA, DE'I TSE 'DI LA 'GAL BA CI ZHIG YOD SNYAM NA, 'DI LA BRJOD PA NI MNYAM PA NYID NI ZHES BYA BA'O, ,KHAS BLANGS NAS KYANG BRJOD PA NI, YANG NA RGYAB KYIS PHYOGS PAR 'GYUR MOD, DE LTA NA YANG GAL TE RNAM PAR SHES PA'I PHUNG PO LA NYE BAR 'TSE BA CUNG ZAD MTHONG NA, DE'I RNAM PAR SHES PA DE YANG 'DOR BAR 'GYUR BA ZHIG NA, RNAM PAR SHES PA DE LA NI GNOD PAR BYED PA 'GA' YANG YOD PA MA YIN NA, DE JI LTAR RNAM PA DE LTA BU NGES PAR ZHI BAR 'DOD PAR 'GYUR, 'ON TE BKRES PA LA SOGS PA GNOD PAR BYED PA YOD DO SNYAM NA TING 'DZIN ZHES BYA BA'O, ,DE LTAR NI TING 'DZIN LA SOGS PA'O, ,GZHAN YANG BSGOMS PA'I STOBS NYID LAS DPA' BA LA SOGS PA YANG YOD PA YIN TE, DES NA DE LA MTSON GYIS BRDEGS KYANG DPA' BRTAN CAN BZHIN DU GNOD PAR BYED PA MA YIN GYI, PHYIR LA DGA' BA KHO NA BYED PA YIN NO, ,GAL TE NYI MA RE RE ZHING ZAS LA SOGS PA TSOL BAS RES 'GA' SKYO BA SKYE YANG SRID DE, DES NA SEMS NYID 'GOG PAR BYED DO SNYAM NA, BRTAN PA ZHES GSUNGS

, ,SO; ,ZAS TSOL BA NI LUS RGYAS PA'I DON DU YIN NO, ,LUS RGYAS PA NI DE LAS BRTAN PA TZAM DU 'GYUR BA YIN TE, DES NA ZAS LA SOGS PA TSOL BA MA YIN NO, ,GYI NA'I ZHES BYA BA NI ZAS NGAN DON LA SOGS PAS SO, ,DE LTA YIN DANG KHA ZAS MED KYANG YONGS SU RGYAS PA'I MTSAN NYID CAN YIN PA'I PHYIR DE'I DON NI YOD PAR SRID DO, ,GAL TE DON THAMS CAD BSGOMS PAR MI NUS PA'I PHYIR NA, DE LA THAMS CAD MKHYEN PA NYID JI LTAR SRID SNYAM NA SKYE BA ZHES GSUNGS SO, ,DES NA NI SKYO BA GZHAN SOGS RIGS NA'O, ,'DI NYID GSAL BAR BYED PA NI RGYU DANG ZHES BYA BA'O, ,GAL TE BSGOMS PA LAS BYUNG BA'I SHES PA NI MU STEGS PA RNAMS LA YANG BSHAD DO ZHES SMRAS ZIN PA MA YIN NAM ZHE NA, DE NI NGED CAG CES BYA BA'O, ,DNGOS PO RNAMS KYI BDAG MED PA LA SOGS PA RTOGS PA NI, RNAM PA THAMS CAD BRTAN ZHING 'KHRUL PA LA MED PAR RTOGS PA NI SKYOB PA YIN NO, ,MU STEGS PA RNAMS KYI YANG DE LTAR 'GYUR BA DES NA YANG KHYAD PAR CI ZHIG YOD SNYAM NA, CHAGS LA ZHES GSUNGS SO, ,DE LTAR ZHES BYA BA NI SKYOB PA JI LTA BAR RO, ,BCOM LDAN 'DAS LA DE 'DRA BA'I MKHYEN PA MNGA'O ZHES JI LTAR SHES SNYAM NA, DE LTAR 'GYUR BA'I ZHES BYA BA STE, TSAD MAS DE LTAR 'GYUR BA'I DON GSUNGS PA'I TSIG LAS DE BYED DE, DE TSIG BYED PA PO MKHYEN PA DANG LDAN PAR RTOGS SO, ,GAL TE TSIG TSAD MAS MI SLU BA DANG PHAN PAR MTHONG BA DE LTA NA YANG MKHYEN PA DE LTA BU NYID DU JI LTAR 'GYUR SNYAM NA, SHES PA ZHES BYA BA'O, ,TSIG GIS SPROS PA GANG YIN PA DE NI RANG RTOGS TE, RANG GI RNAM PAR BOD PA'I RJES SU 'BRANGS PAS YIN GYI MNGON DU MTHONG BAS NI MA YIN NO ZHE NA, 'DI LA BRJOD PA NI RANG GI RTOG PA'I RJES SU 'BRANG BA TZAM GYIS MA YIN GYI, 'ON KYANG BSGOM PA'I SHES PA YANG DE LA MNGA' BA YIN NO, ,YOD PA'I DON LA TSAD MAS 'THAD PA'I DON LA MA GUS PA NI MA YIN NO, ,DES NA 'THAD PA'I DON DE BSGOM PA YANG YOD PA YIN NO, ,DES NA NI BSGOMS PAS NA'O, ,DE NI ZHES BYA BA NI DON THAMS CAD SHES PA'O, ,'DI LA BRJOD PA NI DE DAG 'BAD PA ZHES BYA BA STE, NYAN THOS LA SOGS PA DE DAG GO, ,DE DAG GIS THAMS CAD RIG PA NI 'BAD PA MA BCUG GO, ,DE GRUB PAR GYUR PA NA ZHES BYA BA NI 'DOD CHAGS LA SOGS PA ZAD PA DE YONGS SU

RDZOGS PA NA'O, ,GONG DU ZHES BYA BA NI THAMS CAD RIG BA BSGRUB PA'I YUL LA'O, ,YANG CI DE DAG 'BAD BA MI BYED SNYAM NA, NGAL SO'I BDE BA THOB 'DOD PAS TE, NGAL SOS PA'I MTSAN NYID KYI BDE BA GANG YIN PA STE THOB PAR 'DOD PAS SO, ,'O NA JI LTAR THAMS CAD KYIS KYANG THAMS CAD MKHYEN PA KHO NA THOB PAR BYA BA YIN ZHES RAB TU SMRA BA YIN SNYAM NA, KUN MKHYEN ZHES BYA BA'O, ,BDAG LA ZHES BYA BA NI RNAM PAR SHES PA'I MTSAN NYID LA'O, ,GAL TE RTOG PA MNGON DU BYAS PA'I RNAL 'BYOR PA DE DE LAS LHAG PA ZHES BYA BA NYON MONGS PA MED PA'I RNAM PAR SHES PA'I RGYUD LAS LHAG PAR 'DOD NA'O, ,DE'I TSE 'DI NYID NYON MONGS PA MED PA'I RNAM PAR SHES PA'I RGYUN DE LA YANG GUS PA MED PA STE DE CHAD PA'I PHYIR MI 'DZIN PAR BRAL BAR 'DOD PA JI LTAR YIN TE MA YIN NO, ,DON 'DI YIN TE, RE ZHIG GAL TE DES MNGON PAR 'DOD PAR BYA BA GZHAN 'GA' ZHIG YOD NA DE'I TSE DUS SU MAR GOMS PAS BSKYED PA'I GSAL BA DANG LDAN PA NYON MONGS PA MED PA'I RNAM PAR SHES PA'I RGYUN NI RTAG PA DANG LDAN PA DES GCIG GCAD PAR MI 'THAD DE, DE NYID LA YON TAN GZHAN LHAG PAR BSGRUB PAR BYA BA YIN GYI, DE CHAD PA NYID DU GO CI STE 'DOD DE, RTOG PA DANG MI NYAN PA NYID DU 'GYUR BA'I PHYIR RO ZHES BYA BA YIN NO, ,'DI LA BRAM ZE DAG THAR PA'I GNAS SKABS NA BDE BA GCIG KYANG MED PA'I PHYIR THAR PA NYE BAR MKHO BA MED DE ZHES STON PA NI, 'DOD CHAGS DANG BRAL LA BUD MED DANG ZHES BYA BA LA SOGS PA'O, ,'DI LA BRJOD PA NI DE NI 'DI LTAR ZHES BYA BA'O, ,'DI KUN ZHES BYA BA NI, CHANG 'THUNG BA LA SOGS PA'O, ,THAR PA MED PA LA ZHES BYA BA NI BRAM ZE RNAMS LA'O, ,MA LA SOGS PA'I 'DOMS DANG 'BREL PA'I BDE BA YANG SOG PO PAR TSIG MA YIN PA LA MED DE, DES NA DE YANG BRAM ZE DON DU GNYER BAR BYA BA NYID DU 'GYUR RO, ,DE NYID CES BYA BA NI, BDAG CAG KYANG KHYAD PAR DU 'PHAGS PA'I BDE BA NYID 'DOD PA YIN NA BUD MED 'KHYUD PA LA SOGS PA NI ZHI BA'I BDE BA LA KHYAD PAR DU 'PHAGS PA MA YIN NO, ,DES NA DE MED KYANG GNOD PA 'GA' YANG MED DO, ,DE LA THAMS CAD MKHYEN PA SRID PAR BSTAN PA'I PHYIR, THABS STON PAR BYED PA NI THABS NI ZHES BYA BA'O, ,DE SHES PA YANG JI LTA BU YIN ZHES BYA BA DE LA BRJOD PA NI THAMS CAD

, ,RIG PA ZHES BYA BA'O, ,DE BDAG CAG GIS SHES PA NI MA YIN GYI, DE NI RANG NYID RTOGS PA YIN TE, DE'I RANG BZHIN BSTAN PA LA SOGS PA RJES SU BSGRUBS PA RNAM PA DE 'DRA BA'I DNGOS PO 'THOB PA'I PHYIR RO, ,RTZOD PA GSUM PA SPANG BA'I DON DU BRJOD PA NI THAMS CAD MKHYEN PA YIN NA ZHES BYA BA'O, ,GZHAN 'DOD CHAGS DANG BRAL BA'I RGYUD RIG PA'I DUS NA, DES 'DOD CHAGS DANG BRAL BA NYID KYANG RIG PAR BYA BA YIN NO, ,DE LTA YIN NA 'DOD CHAGS DANG BRAL BAR RIG PA DE LA, 'DOD CHAGS DANG BCAS PA'I RGYUD KYIS ZIN PA'I CHAGS PA CAN NYID KYANG RIG PAR BYA BAR 'GYUR RO, ,DE LTAR YIN DANG, RNAL 'BYOR BA DE LA GNYI GA YANG YOD DO ZHES BYA BA'O, ,SHIN TU 'GRIGS PAR DKA'O, ,'DOD CHAGS DANG 'DOD CHAGS MED PA DAG DUS GCIG TU MI SRID PA'I PHYIR RO, ,GNYI GA YANG ZHES BYA BA NI 'DOD CHAGS DANG CHAGS BRAL BSKAL PA GNYI GA YANG DE'I TSE NYID YOD PA YIN ZHE NA, 'DI 'GOG PA NI GCIG KYANG ZHES BYA BA'O, ,GZHAN GYI CHAGS PA DANG BRAL BA GCIG GIS KYANG THAMS CAD MKHYEN PA'I RGYUD GANG YIN PA ZIL GYIS MNAN PA DE MED NA, THAMS CAD MKHYEN PA DE, 'DOD CHAGS CAN DU JI LTAR 'DOD, ,'O NA JI LTAR GZHAN GYIS CHAGS PA SOGS RIG SNYAM NA, BTANG SNYOMS PAR NI ZHES BYA BA'O, ,JI LTAR ZHES BYA BA NI 'DOD CHAGS CAN DU'O, ,DE NI ZHES BYA BA NI RNAL 'BYOR PA'I STE, GZHAN GYIS 'DOD CHAGS LA SOGS PA RIG PAR JI LTAR RNAM PAR GZHAG RANG GI NGO BOR 'GYUR PA'I 'DOD CHAGS RIG NA NI BDAG NYID KYI 'DOD CHAGS SU GYUR NA DE NI BDAG NYID KYI YANG MA YIN NO, ,DES RANG GI NGO BOR GYUR PA'I 'DOD CHAGS RIG PA NI MA YIN NO, ,'O NA JI LTAR GZHAN GYI 'DOD CHAGS SU 'GYUR SNYAM NA DE NYID CES SMOS TE, RANG NYID KYIS RIG BZHIN PA'O, ,'DI LTAR ZHES BYA BA LA SOGS PAS NI SUN 'BYIN PA GNYI GA YANG MDOR BSDUS NAS STON TE, DE NYID DU ZHES BYA BA NI RANG GI NGO BOR RO, ,LUS DAG RNAM PAR 'GYUR BA NYID DU CI STE MI 'GYUR SNYAM NA, GANG GI PHYIR 'DOD CHAGS LA SOGS PA'I BAG CHAGS NI GZHAN GYI RGYUD LA GNAS PA YIN PA DES LUS DANG NGAG RNAM PAR 'GYUR BA MA YIN NO, ,RGYUD GANG LA 'DOD CHAGS LA SOGS

PA'I BAG CHAGS YANG PA DE NYID LA LUS DANG NGAG DANG RNAM PAR 'GYUR BAR BYED PA YIN NO, ,GNYI GA YANG NI ZHES BYA BA NI LUS DANG NGAG GI RNAM PAR 'GYUR BA DAG GO, ,GOMS PA'I 'DU BYED GANG YIN PA DE NYID BAG CHAGS YIN NO, ,DE LA ZHES BYA BA DE LTAR GNAS PA NA STE, GOMS PA'I 'DU BYED YOD NA RNAL 'BYOR PA DE LA BAG CHAGS MED PAR JI LTAR 'GYUR, 'ON TE BSGOM PA YOD PA DE LTAR NA YANG BAG CHAGS MED PA KHO NA YIN TE, 'DI GNYIS THA DAD PA'I PHYIR RO SNYAM DU DOGS PA BSU NAS BRJOD PA NI GOMS PA DANG ZHES BYA BA'O, ,'DOD CHAGS LA SOGS PA'I GO BAR BYED PA BA SBU LDANG BA LA SOGS PA GANG YIN PA DE'I KHYAD PAR MTHAR PHYIN PAR RTOGS PA NA, GZHAN GYI SEMS 'DOD CHAGS LA SOGS PA GANG YIN PA DE'I KHYAD PAR SNANG BAR 'GYUR BA YIN NO, ,GANG GIS NYES PA 'DIR 'GYUR BA DE LA 'DOD CHAGS LA SOGS PA NYID NI SNANG BA MA YIN NO ZHES DGONGS PA'O, ,DE LA NI ZHES BYA BA NI 'DOD CHAGS LA SOGS PA GO BAR BYA BA NI RTAGS KYI KHYAD PAR GANG YIN PA DE NYE BAR 'TSE BA LA STE, NYE BAR MTSON PA'I RGYU MTSAN DU SGOM PA'I BYED PA 'JUG PA YIN GYI DE LA ZHES BYA BA RTAGS KYI KHYAD PAR BSGRUB PA'I DUS NA GO BAR BYA BA'I DON GYI BSGOM PA GANG YIN PA DE'I BYED PA NI YOD PA MA YIN NO, ,YANG NA GO BAR BYA BA BSGOM PA NI YOD KYANG BDAG NYID KYANG 'BREL PAR NI SGOM PAR BYED PA 'JUG PA MA YIN TE RGYU DES NA'O, ,DE LA ZHES BYA BA NI 'DOD CHAGS LA SOGS PA LA'O, ,'DI'I STE RNAL 'BYOR PA'I LAS LAS SKYES PA'I DBANG POS MI GTZANG BA LA SOGS PA RIG NA, MI GTZANG SOGS BCAS 'GYUR TE GOMS PA'I STOBS LAS 'BYUNG BA'I DBANG PO GZHAN DAG GI RIG PA NI, MI GTZANG BA LA SOGS PA DANG BCAS PAR 'GYUR BA YIN NO DE NI ZHES BYA BA RMI LAM MO, ,MI SLU BA NYID BSTAN PA'I PHYIR BRJOD PA NI GANG TSE ZHES BYA BA'O, ,DE'I TSE ZHES BYA BA NI DUS DE RMI LAM DE LTAR RMIS PA'I DUS NA'O, ,DE'I SGRA GNYIS PA NI GANG GI TSE SGRA LA LTOS TE SBYAR BAR BYA'O, ,KHYED LA YANG NI BRAM ZE LA YANG NGO, ,BSTAN BCOS NI TSAD DANG BCAS PA'I PHYIR NA, SKAD CIG GCIG KHO NA LA DE'I DON SNANG BAR RUNG GI RNAL 'BYOR PAS RIG PAR BYA BA GANG YIN PA DE NI THOG MA DANG THA MA MED PA YIN NA, DE SKAD CIG GCIG

, ,GIS RIG PAR JI LTAR 'GYUR ZHE NA, 'DI LA BRJOD PA NI TSAD DANG ZHES BYA BA'O, ,BSTAN BCOS TSAD DANG LDAN PA ZHES BYA BA DE TZAM GYIS NI, DE'I DON MTHA' DAG SNANG BA ZHES BYA BA NI MA YIN GYI, 'ON KYANG GOMS PA LAS YIN NO, ,GOMS PA NI DON THAMS CAD RIG PA LA YANG SRID PA YIN NO ZHES DGONGS PA'O, ,'DI LA GZHAN GYIS BRJOD PA NI BSTAN BCOS KYI ZHES BYA BA'O, ,DON 'DI YIN TE SNGAR NYAMS SU MYONG BA LA SNANG BA GANG YIN PA DE NYID PHYIS DRAN PA LA SNANG BA YIN GYI, ,SNGA NA MED PA NI SNANG BA MA YIN NO, ,NYAMS MYONG LAS NI DRAN PA 'BYUNG, ,ZHES BYA BA LUGS YIN PA'I PHYIR RO, ,DES NA MA 'ONGS PA LA SOGS PAS RIG PA NI RNAM PA THAMS CAD DU MI SRID DO ZHES BYA BA YIN NO, ,'DI 'GOG PA NI MA YIN TE ZHES BYA BA'O, ,GZHAN YANG ZHES BYA BA NI SNANG BA YANG NGO, ,GAL TE DNGOS PO RNAMS LA YANG 'BREL PA YOD PA NYID MA YIN NAM, DES GCIG 'GA' ZHIG SNANG BA NA SNGA NA MED PA YANG SNANG BAR 'GYUR RO ZHES DOGS PA BSU NAS PHA ROL PO NYID KYIS SMRAS PA NI, THOG MA DANG THA MA MED PA'I ZHES BYA BA'O, ,'DI LA BRJOD PA NI THAMS CAD MTSUNGS ZHES BYA BA'O, ,'DI NYID GZHUNG 'DZUGS PA NI 'DI LTAR ZHES BYA BA'O, ,DON RNAMS LA ZHES BYA BA NI BSTAN BCOS KYIS BRJOD PAR BYA BA'I DON RNAMS LA'O, ,THA SNYAD LA YANG ZHES BYA BA THA SNYAD DU BYAS PAS THA SNYAD DE, 'JIG RTEN GSUM NA YOD PA'I DON GYI TSOGS MTHA' DAG GO, ,DE LA YANG RGYU DANG 'BRAS BU'I 'BREL PA DE NI, JI LTAR YOD PA MA YIN TE YOD PA KHO NA'O, ,'DI'I NI 'JIM PA LA SOGS PA'I'O, ,'DI YIN TE ZHES BYA BA NI BUM PA LA SOGS PA'O, ,SNGA MA ZHES BYA BA NI RGYU'O, ,SKYE BA SNGA MA LA SOGS PA RIG PAR GYUR PA NA YANG PHAN TSUN 'BREL PA'I DNGOS PO GANG YIN PA DE RNAM PA THAMS CAD KYI RIG PA YIN LA, SKYE BA SNGA MA SHES PA LAS BSKAL BA YANG RIG PA YIN NO,, DE LTA NA BSKAL BA NAS BSKAL PA GZHAN SKYE BA NA, RGYU DANG 'BRAS BU'I DNGOS POR RIG PA SRID PA YIN NO, ,DES NA 'GRO BA KUN GYIS DE NYID DE RANG BZHIN RIG LA, RANG BZHIN DE'I NANG GI KHYAD PAR BDE BA DANG SDUG BSNGAL LA SOGS PA'I SGRUB BYED DU RNAM PAR GNAS PA RIG PA YIN NO, ,DES NA

THAMS CAD RIG PA SRID PA NYID DO, ,DE NYID MJUG SDUD PA NI, DE LTAR DE BSHAD ZIN PA'I TSUL GYIS DON THAMS CAD RIG PA BSTAN PA YIN NO, ,CI ZHIG BYAS NAS SHE NA, LUGS KUN TE BRAM ZE LA SOGS PA'I 'DOD PA SPANGS NAS SO, ,SANGS RGYAS PA 'DIR GZHUNG GANG YIN PA DE'I RJES SU 'BRANGS TE, MCHOG STE DAM PAR GYUR PA DE NYE BAR MKHO BA'I THAMS CAD MKHYEN PA GANG YIN PA DE YANG GZHAN DAG GIS BDE BLAG TU RTOGS PAR BYA'O, ,MTHA' DAG MKHYEN PA SGRUB PA NA, NYE BAR MKHO BA RIG PA YANG BDE BLAG TU 'GRUB PA YIN NO ZHES DGONGS PA'O, ,RNAM 'GREL LA 'JUG PAR BYA BA'I DON DU GAL TE ZHES BRJOD DO, , GZHAN DU NA ZHES BYA BA NI DON DNGOS SU GSAL BA MED PA NI, GAL TE MI GSAL BA'I RNAM PAS RJES SU BYED PA YANG MED NA NI, DON DE LA TSAD MA NYID DU MI 'GYUR RO ZHES DOGS PA BSU NAS PHA ROL PO NYID KYIS BRJOD PA NI, 'O NA ZHES BYA BA STE, RANG GI NGO BO LA YANG RNAM PA MI GSAL BA NYID 'DOD PAR BYA'O ZHE NA; 'DI 'GOG PA NI MA YIN TE ZHES BYA BA'O, ,DON LA NI DE LTA MA YIN NO ZHES BYA BA NI JI LTAR RNAM PAR RTOG PA'I RNAM PAR SHES PA LA RNAM PAR SNANG BA DE LTAR DON NI MA YIN NO, ,GANG GI PHYIR DE LTAR YIN PA DES NA, RNAM PA GSAL BA RANG GI NGO BOR GYUR PA NI, RANG RIG PAS RIG PA'I PHYIR, RANG GI NGO BO LA RNAM PAR MI RTOG PA YIN LA DON LA NI RNAM PAR MI GSAL BA'I PHYIR, RNAM PAR RTOG PA DANG BCAS PA YIN NO, ,DE LTAR DE RNAM PA 'DIS NA DRAN PA ZHES GRAGS PA'I RNAM PAR SHES PA GANG YIN PA DE NI DON DRAN PA YIN LA, RANG GI NGO BO LA NI MNGON SUM YIN NO, ,'DI LA GZHAN GYIS RANG GI NGO BO LA ZHES GSUNGS SO, ,LAN NI RANG GI NGO BO NI ZHES BYA BA STE, RANG GI NGO BO KHO NAS RIG PAR BYA BA YIN PA'I PHYIR RO, ,GZHAN GYIS DON NI MYONG BA GZHAN GYIS RIG PA'I PHYIR RO, ,GAL TE DE LTA YIN MOD, DE LTA NA RANG GI NGO BO LA NI MA 'KHRUL PA YIN LA, DON LA NI 'KHRUL PA YIN NO ZHES BYA BA'I RNAM PAR DBYE BAR JI LTAR 'GYUR ZHE NA, DE'I PHYIR DES BYA BA MYONG BA GZHAN GYIS SO, ,RNAM PA GZHAN DU ZHES BYA BA NI MI GSAL BA'I RNAM PAR RO, ,'ON TE RANG GI NGO BO LA 'KHRUL PA MA YIN MOD, RTOG PA GO CI STE MA YIN ZHES DOGS PA BSU NAS 'KHRUL PA NYID BZLOG PA NYID KYIS RTOG PA YANG BZLOG PAR 'GRUB BZHIN DU

, ,KHAS BLANGS KYANG BRJOD PA NI, RANG GI NGO BO LA NI ZHES BYA BA'O, ,DE NI RANG GI NGO BO'I, ,GANG ZHIG SNGAR YOD PA DANG RIG PA DE NYID DRAN PAR 'GYUR BA YIN NO, ,RANG GI NGO NI DE LTAR MA YIN NO ZHES DGONGS PA'O, ,'ON TE RANG GI NGO BO YANG SNGAR YOD PA KHO NA YIN NO SNYAM NA GAL TE ZHES SMOS SO, ,DE NYID KYI SNGA MAS SO, ,'DOD CES BYA BA NI MNGON SUM NYID DU'O, ,DON LA NI MNGON SUM NYID DU 'DOD PA MA YIN TE, DE LA NI RNAM PAR RTOG PA'I RGYU'I PHYIR RO, ,BSHAD DO ZHES BYA BA NI SLOB DPON PHYOGS KYI GLANG POS SO, ,'ON TE GANG GI TSE GZHAN GYIS RANG GI NGO BO 'DZIN PA DE'I TSE DES SGRA DANG 'DRES PA NYID DU 'DZIN PA'I PHYIR, RNAM PAR RTOG PA DANG BCAS PAR 'GYUR RO SNYAM NA DE NYID KYIS ZHES SMOS TE, RANG GI NGO BO NYID KYIS SO, ,DE ZHES BYA BA RANG GI NGO BO'O, ,GZHAN GYIS GZUNG BA NI DE MNGON DU BYED PAR MI 'GYUR RO ZHES BYA BAR BSAMS PA'O, ,GZHAN GYI YANG ZHES BYA BA NI RNAM PAR MI RTOG PA'I'O, ,SPYI MA YIN LA ZHES BYA BA NI GZHAN GYIS BSAMS PA'O, ,MNGON PAR ZHEN PA'I YUL NI GCIG TU MNGON PAR ZHEN PA'O, ,DE MA YIN PA NI RANG GI LUS KYIS SO, ,GAL TE RANG GI NGO BO SGRA'I DON MA YIN MOD, DE LTA NA YANG DE 'DZIN PA RNAM PAR RTOG PAR JI LTAR MI 'GYUR ZHE NA, RTOG PA'I SGRA'I DON ZHES SMOS SO, ,DE'I PHYIR ZHES BYA BA NI SGRA'I DON 'DZIN PA MED PA'I PHYIR RO, ,BTANG BA'I PHYIR ZHES BYA BA NI, GANG GI TSE RTOG PA'I SHES PA LA SNANG BA'I DNGOS PO GANG YIN PA DE'I RANG BZHIN DOR PA'I PHYIR GZHAN THOB PA'I DE'I TSE SNGAR MI GSAL BAR 'GYUR MOD, RANG GI NGO BO 'DOR BA MED PA KHO NA YIN PA DES NA, RANG GI NGO BO YANG MI GSAL BAR 'GYUR ZHES BYA BA'I DON TO, ,RANG RIG PA MED MOD CI SKYON SNYAM NA, DE LTA DE LTA NA NI ZHES BYA BA'O, ,DE LA YANG ZHES BYA BA NI DON GYI RANG BZHIN LA YANG NGO, ,DE YANG ZHES BYA BA NI DON GYIS GO BA GZHAN YANG NGO, ,DE LTA YIN PAS ZHES BYA BA NI, DON GYIS GO BAS SHES PAR BYA BA YIN PAS SO, ,GZHAN YANG DON MYONG BA GRUB PA NA, PHYIS DON GYIS GO BAS BSGRUB PA'AM, 'ON TE MA GRUB PA NA DANG PO LA BRJOD PA NI GAL TE ZHES BYA BA'O, ,GAL TE DON GRUB NA DON GYIS GO BA GRUB PA YIN GYI DON MYONG BA GRUB PA NI MA YIN TE DE NI GRUB PAR BYA BA

YIN PA'I PHYIR RO ZHES DOGS DON GRUB PA DE GANG YIN ZHES BYA BA'O, ,GAL TE SKYE BA NYID DON GRUB PA YIN NA, DE'I TSE DON THAMS CAD SKYE BA YIN PA'I PHYIR THAMS CAD 'GRUB PAR 'GYUR RO, ,DE LTA NA YANG DON GYIS GO BAS THAMS CAD SHES PAS 'GRUB PAR 'GYUR RO, ,'ON TE DON SHES PA 'GRUB PA YIN NA, DE'I TSE DON 'DIR 'GYUR TE ZHES BYA BA'O, ,'DI LA BRJOD PA MIG GI BYED PA YOD NA ZHES BYA BA'O, ,'DI ZHES BYA BA NI SNANG BA'O, ,DA NI GRANGS CAN GYI LUGS 'GOD PA NI RNA BA ZHES BYA BA'O, ,RNA BA LA SOGS PA'I 'JUG PA ZHES BYA BA NI RNA BA LA SOGS PA RNAMS KYI YUL LA MNGON DU PHYOGS PA'I KHYAD PAR YANG RNA BA LA SOGS PA'I 'JUG PA ZHES BRJOD DE, DE LTA BU'I RNA BA LA SOGS PA'I 'JUG PA'I SHES PA'I MTSAN NYID KYI RNA BA LA SOGS PA'I 'JUG PA SHES SO ZHES BYA BA'I DON TO, ,'DIR YANG MA GRUB NA DBANG PO RNAMS KYIS DE LA MNGON PAR PHYOGS PA YANG MI GRUB PO ZHES BYA BA YAL BAR DOR NAS GZHAN BRJOD PA NI, RNA BA LA SOGS PA'I 'JUG PA NI MNGON SUM YIN TE, RGYU DES NA RNA BA LA SOGS PA'I 'JUG PA DE NI SHES NA SHES PA GO GANG LAS SHES PA YIN, MNGON DU PHYOGS PA'I MTSAN NYID KYI RNA BA LA SOGS PA'I 'JUG PA NI, GANG DU YANG SHES PA DANG 'BREL PAR MI GRUB PO ZHES PA NI THAMS CAD KYI TSE LKOG TU GYUR PA'I PHYIR RO, ,DES NA DE LA SHES PA GANG LA 'GRUB CES DGONGS PA'O, ,GZHAN GYIS DE LTA MA YIN NA ZHES BRJOD DE, GAL TE RNA BA LA SOGS PA'I 'JUG PA LA SHES PA SHES PAR BYA BA MA YIN NA, DE'I TSE RNA BA LA SOGS PA'I 'JUG PAS CI BYA ZHE NA, 'DI LA BRJOD PA NI CI ZHES BYA BA'O, ,GZHAN DU ZHES BYA BA NI GAL TE DGOS PA MED PA MI 'BYUNG NA, KHYED KYI DGOS PA MED PAR DNGOS PO 'BYUNG BAR MI 'GYUR BA ZHIG NA, 'BYUNG BA YANG YIN TE, DES NA GAL TE RNA BA MNGON DU PHYOGS PAR 'GYUR MOD, DE LTA NA YANG SHES PA LA YANG CI ZHIG 'ONGS, GAL TE ZHES BYA BA LA SOGS PA NI GZHAN GYI'O, ,LAN NI GAL TE ZHES BYA BA'O, ,DE LTA NA YANG ZHES BYA BA NI SHES PA SKYES KYANG NGO, ,DE ZHES BYA BA NI SHES PA SKYE BA'O, ,'ON TE RMI LAM GYI SHES PA SLU BA DANG BCAS PA DE JI LTAR MNGON SUM DU 'GYUR SNYAM DU DOGS PA BSU NAS MI SLU BA YANG

, ,ZHES SMRAS SO, ,'DI NI MED DE ZHES BYA BA LA SOGS PAS NI RNAM 'GREL 'DIS SLOB DPON PHYOGS KYI GLANG PO'I GZHUNG 'PHANGS PA YIN NO ZHES BSTAN TO, ,DE BSHAD PA ZHES BYA BA NI RNAM PA BZHI NYID BRJOD PA'I RTEN TA DBANG PO LA SOGS PA RNAMS RAB RIB LA SOGS PAS BSLAD PA DE LAS BYUNG BA GANG YIN PA DE THAMS CAD NI RTOG PA MED PA GCIG YIN NO, ,DON GZHAN REG PA SGRO 'DOGS PA DE'I PHYIR DANG, DE'I NGO BOR ZHES BYA BA YAN LAG CAN GYI RNAM PAR RTOG PAS 'JUG PA'I PHYIR RO, ,SLOB DPON PHYOGS KYI GLANG PO'I GZHUNG 'DI 'CHAD PA NI 'OD ZER ZHES BYA BA'O, ,SHES PA SNGA MA SNGA MAS BRTAGS PA'I YAN LAG CAN GYI RDZAS KYANG BRTAGS PA STE, SGRO BTAGS PA'I PHYIR RO, ,GAL TE YANG RTOG PA'I MTSAN NYID THA MI DAD PA DE LTA NA YANG MTSAN NYID GCIG DANG LDAN PA'I DPER BRJOD PA SNA TSOGS PA STON PA YIN NO SNYAM NA, DU MA TZAM ZHES SMRAS SO, ,HA CANG THAL BA NI RTOG PA THAMS CAD STON PAR THAL BA'O, ,DGOS PA ZHES BYA BA NI DPER BRJOD PA DU MA'I'O, ,TSIG DANG PO ZHES BYA BA NI DBANG PO DANG DON PHRAD PA LAS BYUNG BA ZHES BYA BA 'DIS SO, ,DE NI ZHES BYA BA NI ZAB GNYIS KYI SHES PA'O, ,SGRUB BYED YIN PHYIR ZHES BYA BA NI DPE YIN PA'I PHYIR RO, ,YANG JI LTAR NA DPE GRUB DGOS SNYAM NA, MA GRUB PAS NI ZHES GSUNGS SO, ,'DIR ZHES BYA BA NI DBANG PO LAS SKYES PA NYID LA'O, ,GAL TE DBANG PO LAS SKYES PA NYID LA GZHAN GYI 'KHRUL PA'I RGYU YOD NA DE'I TSE 'KHRUL PA DE BZLOG ,BSGRUB PAR BYA BA 'GYUR BA ZHIG NA, YOD PA YANG MA YIN NO, ,DES NA CI ZHIG SGRUB TU YOD CES BYA BA'I THA TSIG GO, ,'ON TE CHU NI SGRO 'DOGS PA NYID YIN PAS DE JI LTAR RNAM RTOG YIN ZHE NA, CHU NI ZHES SMOS SO, ,YOD PA'I PHYIR ZHES BYA BA NI SNGAR YOD PA'I PHYIR RO, ,BZLOG PA NYID STON PA NI SGRO BTAGS PA NI ZHES BYA BA'O, ,GNYI GAR NI YAN LAG CAN DANG CHU LA'O, , GNYI GA NI SGRO 'DOGS PA DANG RNAM PAR RTOG PA'O, ,DER ZHES BYA BA NI SGRO 'DOGS PA DANG RNAM PAR RTOG PA DER RO, ,DE DAG NYID CES BYA BA NI SGRO 'DOGS PA DANG RNAM PAR RTOG PA DAG GO, ,DES ZHES BYA BA NI NYE BAR GNAS PA'I RANG BZHIN GYIS SO, ,RJES SU DPAG PA NYID BRJOD PA NI JI LTAR ZHES BYA BA LA

SOGS PA'O, ,DE LA ZHES BYA BA NI NYAMS SU MYONG BA DRAN PA LA'O, ,LTOS PA'I RJES SU 'BRANG BA STE RAG LAS PA'O, ,MNGON SUM LAS NYAMS PAR 'GYUR TE MNGON SUM MA YIN NO ZHES BYA BA'I DON TO, ,GAL TE RJES SU DPAG PAS NI 'BREL PA 'DZIN PA LA LTOS PAR BYA BA YIN GYI, BRDAL NI MA YIN NAM DES NA BRDA LA LTOS SO, ,CI STE BRJOD SNYAM NA, RJES SU DPAG PA'I ZHES BYA BA'O, ,DER NI MNGON SUM DU'O, ,GAL TE RJES SU DPAG PA NI NYAMS SU MYONG BA DRAN PA LA LTOS PAS MNGON SUM MA YIN GYI, YAN LAG CAN GYI RNAM PAR RTOG PA GO JI LTAR NYAMS SU MYONG BA DRAN PA LA LTOS TE, 'GAR YANG YAN LAG CAN MTHONG BA MED PA'I PHYIR RO, ,DES NA NYAMS SU MYONG BA DRAN PA LA LTOS PA'I GTAN TSIGS MA GRUB NA, MNGON SUM MA YIN PAR SGRUB PA'I NUS PA YOD PA MA YIN NO SNYAM NA DE BZHIN DU ZHES GSUNGS SO, ,RTOGS PA'I GZUGS LA SOGS PA LA LTOS PAR MA GYUR PA RO LA SOGS PA DAG GO, ,GAL TE RTOGS PA 'DIS DKAR PO DANG RTZUB MO DAG GCIG NYID DU RTOGS PA MA YIN NAM, DES NA YAN LAG CAN THA DAD PAR JI LTAR 'GRUB SNYAM DU DOGS PA BSU NAS PHA ROL PO NYID KYIS SMRAS PA NI 'DI LTAR ZHES BYA BA'O, ,'DI LA GRUB PA'I MTHA' BAS BRJOD PA NI GAL TE ZHES BYA BA'O, ,DE DAG CES BYA BA NI KHA DOG DANG REG PA DAG GO, ,NYE BAR BRTAGS PAR 'GYUR MOD CI SKYON SNYAM NA 'DI LA ZHES BYA BA GSUNGS SO, ,'ON TE NYE BAR BRTAGS PA RTOGS PA YOD PA NA'O SNYAM NA NYE BAR BRTAGS PA YOD KYANG ZHES BYA BA'O, ,DE LTA MA YIN NO ZHES BYA BA NI RNAM PA GZHAN GYI SGO NAS NYE BAR BRTAGS PA GANG YIN PA DES KYANG NGO, ,RNAM PA DE NYID STON PA NI YUL ZHES BYA BA'O, ,DE 'GYUR NA 'GYUR BA NYID BRJOD PA NI REG PA MNYES PAR 'GYUR BA NA ZHES BYA BA'O, ,GZHAN NYID CES BYA BA NI YAN LAG CAN GYI MTSAN NYID DO, ,DE DAG CES BYA BA NI GZUGS LA SOGS PA RNAMS YAN LAG CAN DE LAS THA DAD PAR RO, ,CI STE ZHES BYA BA STE DGOS PA'O, ,YAN LAG CAN NI ZHES BYA BA NI LAN NO, ,DE GSUM ZHES BYA BA NI GZUGS DANG REG BYA DANG YAN LAG CAN NO, ,'DU BA'I 'BREL PA'I STOBS KYIS MA 'GYES PA YIN NO ZHES GZHAN GYI DOGS PA BSU NAS DE YANG ZHES GSUNGS SO, ,'DU BA YANG BYA BAR 'GYUR RO, ,MA 'GYES PA ZHES BYA BA 'DI NYID 'DU BA'I RANG BZHIN

, ,YIN NO SNYAM NA 'DI NYID DANG PO ZHES GSUNGS TE GANG GI YAN LAG CAN MED KYANG MI 'GYES PA GZUGS LA SOGS PA RNAMS KYI RANG BZHIN YANG 'DI NYID YIN NO, ,GZUGS LA SOGS PA 'DI LA NI RANG BZHIN YIN PAR YANG SRID DE SKYE BA YOD PA'I PHYIR RO, ,'DU BA LA NI THAMS CAD MI SRID PA KHO NA'O ZHES BSTAN PA'I DON DU BRJOD PA NI, RANG GI RGYU LAS ZHES BYA BA'O, ,'DI THAMS CAD RIM GYIS RNAM PAR 'GREL PA NI, GAL TE ZHES BYA BA'O, ,DE NI ZHES BYA BA NI MI 'GYES PA'I MTSAN NYID DO, ,'PHROD PA 'DU BA'I RTEN GZUGS LA SOGS PA GANG YIN PA DE'O, ,RANG GI RGYU GANG YIN PA DE'I RANG BZHIN NI 'DI YIN TE, GANG ZHIG GANG GIS GZUGS LA SOGS PA DES BSKYED PA BSTAN NAS 'DU BA MI 'GYES PAR 'GYUR BA'O ZHE NA 'DI BRJOD PA NI DE LTAR ZHES BYA BA'O, ,BRGYUD PA NYID STON PA NI GANG GIS BYA BA'O, ,DE DAG CES BYA BA NI GZUGS LA SOGS PA DE'I RGYU NYID GZUGS LA SOGS PA DE DAG MI 'GYES PA'I RGYU YIN NO ZHES BYA BA'I PHYOGS 'DI LA MCHOG CI YOD NA GANG GI DON 'DU BA LA SOGS PA BRJOD PA'I RANG BZHIN CAN BRGYUD PA 'DOD, DE LAS LHAG PA NI GZUGS LA SOGS PA LAS THA DAD PA'O, ,DE ZHES BYA BA RTOG PA BA DANG PO ZER BA NYID BZLOG PA'I DON DU'O, ,DE SMOS SO ZHES BYA BA RAB RIB BABS ZHES SMOS SO, ,DE LTA MA YIN ZHES BYA BA GAL TE RAB RIB LAS BYUNG BA RTOGS PA MED PA MA YIN NO, ,'DI YANG NI RAB RIB LAS BYUNG BA'O, ,'DI LA GZHAN GYI BRJOD PA NI GAL TE ZHES BYA BA'O, ,GAL TE RAB RIB LAS BYUNG BA'I SHES PA RTOG PA DANG BCAS PA NYID NA, DE'I TSE MNGON SUM DU 'GYUR TE, RTOG PA DANG BRAL BA'I PHYIR RO, ,SLOB DPON PHYOGS KYI GLANG POS MNGON SUM NI RTOG PA DANG BRAL BA'I ZHES 'DI TZAM ZHIG MNGON SUM GYI MTSAN NYID DU BRJOD PA'I PHYIR RO ZHE NA 'DI LA BRJOD PA NI RTOG PA DANG BRAL LO COG NI ZHES BYA BA'O, ,BRTAGS TE ZHES BYA BA NI RNAM PAR DPYAD NAS SO; ;DE DANG BRAL BA LAS NI DMIGS KYIS BSAL BA DANG BRAL BA'I YUL LA'O, ,'DI LA ZHES BYA BA NI SPYIR BRJOD PA LA KHYAD PAR BRJOD PAS GNOD PAR BYED PA YIN NO ZHES BYA BA'I DON 'DI LA TSAD MA CI YOD SNYAM NA'O, ,MI MTHUN PA'I PHYOGS LA MTHONG BA TZAM GYIS GTAN TSIGS RTOG PA DANG

GAL BA TZAM LAS, GANG RTOG PA DANG BRAL BA DE THAMS CAD NI MNGON SUM YIN NO ZHES BYA BA DE LTA BU'I RNAM PA CAN LHAG MA DANG LDAN PA DE MA NGES PA'I RJES SU DPAG PA GANG GI TSE 'JUG PAR BYED HA CANG THAL BAR 'GYUR BA'I RJES SU DPAG PA DE LA KHYAD PAR ZHES BYA BA MA 'KHRUL BAR GYUR PA'I RTOG PA MED PA GANG YIN PA DE NI MNGON SUM YIN NO ZHES DE LTAR MTSAN NYID BYAS PA NA GSAL BA'I KHYAD PAR DE NYID GNOD PAR BYED PA YIN NO, ,RGYU DES NA DE LAS GZHAN NYID LA ZHES BYA BA KHYAD PAR GYI RNAM PAR GCAD PA LAS, GZHAN PA'I DON LA RJES SU DPAG PA SNGA MA DE NI 'JUG PA NYID DE RAB TU 'JUG PA KHO NA'O, ,GAL TE DE LTAR SPYI DANG KHYAD PAR GYI DON DAG GNOD PAR BYA BA DANG GNOD PAR BYED PA'I DNGOS POR 'GYUR MOD, TSIG DAG LA GO JI LTAR ZHE NA, DON DE ZHES SMOS SO, ,DE NYID CES BYA BA NI DON GYI GANG YIN PA NYID DO, ,SPYIR MTHONG BA'I RJES SU DPAG PA LAS ZHES BYA BA NI GANG RTOG PA DANG BRAL BA TZAM LAS SO, ,DE'I ZHES BYA BA NI KHYAD PAR GYI RJES SU DPAG PA'I DON TO, ,RE ZHIG DANG PO NI, SPYIR BSTAN PA NYID BYAS LA PHYIS NI KHYAD PAR BYA DGOS PA'I PHYIR 'DI NI GLANG PO'I KHRUS DANG 'DRA BAR 'GYUR RO ZHE NA, 'DI LA BRJOD PA NI MA YIN TE ZHES BYA BA'O, ,RTOG PA DANG BRAL PA SMOS PA DE MA THAG PA KHO NAR RAB RIB BCAS ZHES SMOS PAS THOB PAR BYA BA MA 'KHRUL PAR DON THOB PAR BYA BA'I PHYIR YIN NO ZHE NA, 'DI BRJOD PA NI MA YIN TE ZHES BYA BA'O, ,GAL TE DE'I DE MA THAG KHO NAR BSTAN PA'I MI 'KHRUL PA SMOS PA RTOG PA DANG BRAL BA SMOS PA DANG LHAN CIG MA 'BREL NA, DE'I TSE DE LHAN CIG TU SMOS PAS KYANG CI BYA 'BREL BA YOD DO ZHE NA NI, PHYIS SMOS KYANG MTSUNGS SO ZHES BYA BA'I DON TO, ,DON DU ZHES BYA BA NI DON GYI SGO NAS MI MTSUNGS PA MA 'BREL BA RNAMS LA NI DE MA THAG PA NYID DU RGYUR 'GYUR BA MA YIN NO, ,DE NA DE MA THAG TU BSTAN KYANG 'BREL PA LA LTOS DGOS LA, 'BREL PA DE NI MED PA LA YANG 'GYUR BA'I PHYIR KHYAD PAR MED DO, ,RNAM PA 'DI NI GNOD BYED KYI DNGOS PO DANG JI SNYED PA DE MTHA' DAG NI GAL TE TSAD MA'I YUL YIN NA, DE'I TSE BSTAN PAS KYANG 'GYUR BA YIN GYI, DNGOS SU BSTAN PA 'BA' ZHIG GIS NI YIN PAR MA ZAD DO ZHES BYA BAR BSTAN TO, ,GAL TE DUS GZHAN DU MA

, ,'KHRUL PA SMOS PAR BYA BA YIN NA, DE'I TSE 'DI NYID DU CI'I PHYIR MI BYED CES BYA BA NI PHA ROL PO'I BSAM PA'O, ,'DI BRJOD PA NI BDEN TE ZHES BYA BA'O, ,BDEN LUGS NYID STON PA NI MNGON SUM NI ZHES BYA BA'O, ,DE YANG NI MNGON DU BYED PA'O, ,JI LTAR MA 'KHRUL PA SMOS PAS RTOG PA'I SHES PA MA BZLOG PA DE BZHIN DU BSGRUB BYA YANG, MI 'GRUB PO ZHES BRJOD PA NI DON DU ZHES BYA BA'O, ,'O NA CI'I PHYIR RTOG PA DANG BRAL BA SMOS PA GZHAG NAS MA 'KHRUL PA DE NYID CI STE MA SMOS SNYAM NA, PHA ROL DAG NI ZHES GSUNGS SO, ,DE'I DBANG DU NI PHA ROL PO'I DBANG DU'O, ,'DI GNYIS NI RTOG PA DANG BRAL BA DANG MA 'KHRUL PA'O, ,BSHAD DO ZHES BYA BA NI, SLOB DPON PHYOGS KYI GLANG POS SO, ,YANG NA ZHES BYA BA LA SOGS PA NI SPYI DANG KHYAD PAR DAG RNAM PA GZHAN GYI SGO NAS GNOD BYA GNOD BYED DU BSTAN TO, ,SKYES BU GANG GIS GNOD BYED MTHONG BA MED PA DE LA DE SKAD CES BYA BA'O, , GNOD PAR BYED PA RAB RIB BCAS, ,ZHES SMOS PA MTHONG BA LAS SO, ,GAL TE MI 'CHE BA NI CHOS KYI MCHOG CES BYA BA DANG, PHYUGS RNAMS MCHOD SPYIN DON DU SPRUL, ,ZHES BYA BA 'DIR YANG DANG POR SPYIR RTOGS PA YIN LA, PHYIS NI KHYAD PAR DU NGES PA YIN NO ZHES GNOD BYA GNOD BYED KYI DNGOS POR 'GYUR RO ZHE NA SKYES BUS MA BYAS PA'I ZHES BYA BAS SO, ,SNGAR GYI BA ZHES BYA BA NI RTOG PA DANG BRAL LO COG NI MNGON SUM YIN NO ZHES BYA BA 'DI'O, ,BLO PHYI MAS ZHES BYA BA NI RAB RIB BCAS ZHES BYA BA LAS SKYES PAS SO, ,RIG BYED LAS KYANG DE BZHIN DU 'GYUR RO SNYAM NA, RIG BYED PA NI ZHES GSUNGS SO, ,DE LTAR NA NI ZHES BYA BA NI GAL TE RIG BYED LAS KYANG BLO 'KHRUL BA SKYE NA DE'I TSE TSAD MA MA YIN PAR 'GYUR RO, ,THAMS CAD CES BYA BA RIG BYED KUN LTA BAS 'KHRUL PA'I BLO SKYED BYED DU THAL BA'I PHYIR RO, ,BLO GANG ZHIG GANG GNOD PA DE NI TSAD MA MA YIN GYI, GNOD PA MED NA NI BLO TSAD MAR 'GYUR RO ZHE NA, 'GOG PA NI MA YIN TE ZHES BYA BA'O, ,RTOG PAR BYED PA'I SKYES BU LA RIG BYED KYI DON DE NYID RNAM PA GZHAN DU 'GYUR BA YIN NO ZHES BYA BA NI MTHONG BA YIN NO, ,DE LTA BU NI ZHES BYA BA NI GNOD BYED 'BYUNG BA'O, ,RIG BYED SMRA BAS KYANG TSAD MA NI BRTAN PAR KHAS BLANGS PA YIN NA ZHES

BRJOD PA NI DE LTAR YIN DANG ZHES BYA BA'O, ,DE LTA MA YIN NA ZHES BYA BA NI, GAL TE TSAD MA DANG 'GAL BA'I DON DOR BAR BYA BA MA YIN NA DE'I TSE'O, ,RAB RIB BCAS ZHES BYA BA 'DI NI RTOG PA DANG PHRAL BA LAS SMOS PA'I BZLOG PA'I ZHES BYA BA NI MTHUN PA'I DPE YIN NO, ,DE LTA BU'I CHOS ZHES BYA BA NI, SANG BSKYED PAR BYED PA'I CHOS CAN NO, ,G-YO BA MED PA STE, MI 'GYUR BAR GNAS PA'I MIG GNYIS KYI DBUS NA GNAS PA'I ZLA BA ZUR GNYIS SU MIG GNYI GAS RIM GYIS DMIGS PA NA, DUS CHA PHRA BA'I PHYIR NA DUS GCIG BZHIN DU MTSON PA YIN NO, ,DES NA ZUR GNYIS SU DMIGS PA GCIG KHO NA LAS GNYIS NYID DU SGRO BTAGS PA YIN NO ZHES BYA BA'O, ,DE'I ZHES BYA BA NI DBANG PO'I RNAM PAR RIG PA'O, ,DE LTA BU'AM ZHES BYA BA NI RNAM PAR RIG PA DE LTA BU'O, ,GZHAN DU GYUR PA NI NYE BAR GNOD PA'O, ,JI LTAR GZHUNG 'DI 'GAL SNYAM NA, ZLA BA GNYIS SU SNANG BA ZHES BYA BA SMOS TE; ZLA BA GNYIS SU SNANG BA'I RGYU YIN NO ZHES DBANG PO RGYU YIN PAR BRJOD PAR MI NUS TE MI 'THAD DO, ,YID YIN YANG DBANG PO ZLA BA GNYIS SU SNANG BA'I BRGYUD PA'I RGYU NYID LA'O, ,BRGYUD PA'I RGYU YIN YANG 'GAL BAR JI LTAR MI 'GYUR SNYAM NA DNGOS SU ZHES SMOS SO, ,DE'I RNAM PA CAN NI ZHES BYA BA NI DON GYI RNAM PA CAN DU'O, ,RNAM PA GZHAN GYIS ZHES BA NI DE'I RNAM PA CAN MA YIN PAR RO, ,GANG LAS ZHES BYAS PA NI DON LAS SO, ,MI SRID PA'I PHYIR RO ZHES BYA BA NI, DE'I RNAM PA CAN DU'O, ,MI SRID PA NYID BRJOD PA NI RDUL PHRA RAB RNAMS ZHES BYA BA YIN NO, ,SHES PA GNAS PA RIL PO GCIG GI RNAM PA RAGS PA NYID DE NI, RDUL PHRA RAB RNAMS LA MED PA'I PHYIR RO, ,BUM PA LA SOGS PA GZUNG BAR BYA BA NI, DANG PO NI RDUL PHRA RAB PHAN TSUN DBEN PA DAG SNANG BA YIN NO, ,TSIG LE'UR BYAS PA 'DI NYID BSHAD PA'I DON DU GSUNGS PA NI GZHAN DAG NA RE ZHES BYA BA'O, ,DE'I YANG ZHES BYA BA NI, RNAM PAR RTOG PA NI RNAM PAR SHES PA'I'O, ,RDUL PHRA RAB DAG KYANG DE BZHIN DU RNAM PAR RTOG PA'I RNAM PAR SHES PA'I YUL MA YIN NO, ,GZHAN DU GYUR PA ZHES BYA BA NI, NYE BAR GNOD PA'O, ,ZLA BA GNYIS KYI YID KYIS SHES PA'O, ,DES NA GAL TE BUM PA LA SOGS PAR RNAM PAR

, ,RTOG PA'I YID LA LTOS NAS BRGYUD PA'I RGYU YANG YUL NYID YIN NA, DE'I TSE MIG LA SOGS PA YANG ZLA BA GNYIS LA SOGS PA'I SHES PA LA LTOS NAS YUL NYID DU 'GYUR RO ZHES DE LTAR t'I K'A BYED PA GZHAN GYIS SLOB DPON PHYOGS KYI GLANG PO'I GZHUNG BSHAD DO, ,DE LA SLOB DPON GYIS NYES PA 'DI YOD DO ZHES STON PA NI, 'DI LA BRJOD PA ZHES BYA BA'O, ,RANG NYID KYIS KYANG NYES PA GZHAN BRJOD PA NI, YID NYID YIN NA ZHES BYA BA STE, ZLA BA GNYIS KYI SHES PA YID YIN NA'O, ,YUL MED PA'I PHYIR RO ZHES BYA BA NI, 'DI NI RNAM PA GZHAN KHO NAS YUL MED PAR 'GRUB BO ZHES DGONGS PA'O, ,'DI LA ZHES BYA BA NI DANG PO NI RDUL PHAN TSUN DBEN PA SNANG BA YIN LA LI LA SOGS PA RNAM PA CAN GYI RNAM PAR RTOG PA NI PHYIS 'BYUNG BA YIN NO ZHES BYA BA 'DI LA TSAD MA CUNG ZAD KYANG MED DO, ,PHAN TSUN DBEN PA'I RDUL DU SNANG BA NI RNAM PA THAMS CAD DU NYE BAR MTSON PA MED PA'I PHYIR RO,, DE LTAR BYAS NA SLOB DPON PHYOGS KYI GLANG POS, DER MI SNANG PHYIR ZHES BYA BA LA SOGS PA'I LAN NI RIG PA KHO NA'O, ,YID NYID CES HA CANG THAL BAR BRTZAD PA NI RIGS PA MA YIN NO, ,DE NYID PHYIR ZHES BYA BA NI, RIGS PA'I RGYU NYID KYI PHYIR BRJOD PA NI'O, ,YID NYID DU GZHUNG 'DZUGS PA NI DANG PO NI ZHES BYA BA'O; ,RANG GI RNAM PA NI RDUL PHRA RAB KYI RNAM PA NI SHES PA'O, ,PHYIS DON GYI RNAM PA ZHES BYA BA NI, LINGS PO GCIG GIS RNAM PAR SNANG BAR YID LA SNANG BA YIN NO, ,DES NA KA BA LA SOGS PA'I YUL CAN LINGS GCIG TU SNANG BA'I SHES PA NYID DU THAL BAR 'GYUR RO, ,CI STE 'DI LA TSAD MA MED DO ZHES BYA BA KA BA LA SOGS PA'I YUL GYI SHES PA'I GZHAL BYA BSHAD ZIN PA'I MTSAN NYID CAN YIN PA LA TSAD MA MED DO, ,RDUL PHRA RAB KYI RNAM PA CAN GYI SHES PA NI RNAM PA THAMS CAD DU NYE BAR MTSON PA MED PA'I PHYIR RO ZHE NA, 'DI LA GRUB PA'I MTHA' PAS BRJOD PA NI DE LTA NA NI ZHES BYA BA'O, ,DE LA YANG DANG PO NI ZLA BA GCIG GI RNAM PA CAN GYI SHES PA SKYES SO ZHES BYA BA 'DIR TSAD MA MED PA MA YIN NO ZHES BYA BA'I DON TO, ,DBANG PO LA BRTEN PA YANG ZHES BYA BA NI DANG POR SKYES PA ZLA BA GCIG GI RNAM PA CAN NO, ,DNGOS SU'O ZHES BYA BA NI GANG ZHIG DBANG PO RNAM PAR 'GYUR NA, DNGOS SU RNAM PAR 'GYUR BA DE NI DBANG PO

LA BRTEN PA YIN NA, ZLA BA GNYIS KYI SHES PA NI BRGYUD NAS RNAM PAR 'GYUR BA YIN TE, DES NA DE NI DBANG PO LA BRTEN PA MA YIN NO SNYAM NA, 'DI 'GOG PA NI MA YIN TE ZHES BYA BA'O, ,GZHAN LA ZHES BYA BA ZLA BA GCIG GI RNAM PA CAN GYI SHES PA LA RNAM PAR 'GYUR BA GANG YIN PA DE MTHONG BA MED PA'I PHYIR RO; ,GAL TE DPE TZAM GYIS BSGRUB BYA 'GRUB NA, DE'I TSE DBANG PO LA RTEN NYID DU 'DOD PA ZLA BA GCIG GI RNAM PA CAN GYI SHES PA DE YANG YID NYID YIN PAR THAL TE, DES NA DBANG PO LAS SKYES PA'I RNAM PAR 'GYUR BA GZHAN LA BRTEN PAR BYA BA LA, DE YANG RNAM PAR 'GYUR BA'I PHYIR YID YIN PAS THUGS PA MED DO, , 'DI NYID CAS BYA BA NI ZLA BA GNYIS KYI RNAM PA CAN NYID DBANG PO LAS SKYES PA YIN NO, ,ZLA BA GNYIS LA SOGS PA'I SHES PA YANG LDOG GO SNYAM NA, ZLA BA GNYIS LA SOGS PA'I ZHES GSUNGS SO, ,MIG RAB RIB CAN GYIS BSGRIBS TE RANG BZHIN GZHAN DU RNAM PAR 'GYUR BA DANG LDAN PAR GYUR PA NA YANG NAG PO LA SOGS PA'I RANG BZHIN YOD PA KHO NA'O, ,DE LTA NA YANG RAB RIB YOD DAM MED KYANG YOD PA'I THAG PA NAG PO NYID JI LTAR LDOG ,DPE SGRUB KYI SHES PA LAS LDOG PA MA GRUB PAS 'DI SGRUB BYED DO, ,DPE CI LTAR 'GYUR, BSGRUB BYAS STONG PA'I PHYIR RO ZHES DGONGS PA'O, ,DE YANG MI RIGS TE ZHES BYA BA LA DE'I DON NI DBANG PO'I BSLAD PA LOG KYANG YOD PA NYID DU 'GYUR RO ZHES BYA BA 'DI YIN LA, YID NYID DU MNGON PAR 'DOD PA'I 'KHRUL PA YANG DE LTAR 'GYUR BA NI MA YIN NO, ,'DI NYID STON PA NI YID KYI CHUR ZHES BYA BA'O, ,DE BZHIN GZHAN GYIS BRGYUD PA NI BRJOD PA DAG GI 'GA' TSE 'JOG PA GANG YIN PA DE YANG MI RIGS SO ZHES STON PA NI CHUR 'KHRUL PA NI ZHES BYA BA NI, MTHONG PA NYID STON PA NI TSAD MAS ZHES BYA BA'O, ,DE LTAR ZHES BYA BA NI, CHUR 'KHRUL MTHONG BA DRAN PA LTOS MI 'GYUR, ,ZHES BYA BA DE YANG MA 'BREL LO ZHES STON PA NI SPRUL DU ZHES BYA BA NI, YONGS SU GSAL BAR SNANG MI 'GYUR, , ZHES BRJOD PA YANG RIG PA DANG 'BREL BA MA YIN NO ZHES BRJOD PA NI, YONGS SU GSAL BAR ZHES BYA BA'O, ,DBANG SKYES GANG YIN ZHES BYA BA LA SOGS PA LANG MA 'BREL BA YIN NO ZHES BRJOD PA NI, DE YANG NA YOD PA DANG ZHES BYA BA'O, ,NAG PO LA SOGS PAR SNANG BA NYID KYANG NGO, ,YID KYANG ZHES BYA BA NI

, ,YONGS SU GSAL BAR SNANG BA NYID DU 'GYUR RO ZHES 'BREL TO, ,MA YIN TE ZHES BYA BA NI LAN NO, ,DE ZHES BYA BA NI YID KYI YONGS SU GSAL BA'O, ,DE LTA YIN DANG ZHES BYA BA NI RNAM PAR RTOG PA MED PA NYID YIN NA'O, ,GZHAN DAG YID YIN PA'I PHYIR RNAM PAR RTOG PA DANG BCAS PA DANG 'DOD PA YIN NO ZHES BYA BA 'DI JI LTAR SHES SNYAM NA, 'DI LTAR ZHES GSUNGS SO, ,GANG GI PHYIR SLOB DPON GYIS 'DI 'DIR BSGRUB PAR BYA BA YIN PA DES NA, PHA ROL PO DAG GI 'DI LAS BZLOG PA NYID DU 'DOD PA YIN NO, ,DE LTA YIN NA 'DI BSGRUB PAR BYA BA NYID DU MI 'GYUR RO ZHES DGONGS PA'O, ,'KHRUL PA THAMS CAD RNAM PAR RTOG PA DANG BCAS PA YIN NO ZHES GZHAN GYI MNGON PAR 'DOD PA NI DE'I TSE ZHES BYA BA 'KHRUL PA RNAM PA GNYIS SU GYUR PA NA GSAL BAR 'GYUR RO, ,DE MED PA'I PHYIR ZHES BYA BA NI, BSGOM PA MED PA'I PHYIR RO, ,DE LA YANG ZHES BYA BA NI ZLA BA GNYIS SU 'KHRUL PA LA YANG NGO, , BRJOD PA DANG BRAL BA YIN TE ZHES BYA BA NI THAMS CAD LA BAR DU GCOD PA'I GOMS PA YOD PA YIN NO ZHES BRJOD PAR NUS PA'I PHYIR RO, ,GAL TE GOMS PAS SKYED PA SGRUB PA LA SOGS PA 'KHRUL PA YANG RNAM PAR RTOG PA MED PA YIN LA, NAG PO LA SOGS PAR SNANG BA YANG DBANG PO LAS BYUNG BA YIN NA, DE'I TSE 'O NA GANG ZHIG DPER 'GYUR, SPRUL DU 'KHRUL PA'I YID RNAM PAR RTOG PA DANG BCAS PA DANG CHU LA SOGS PA 'KHRUL PA GANG YIN ZHE NA, 'DI LA BRJOD PA NI PHAN 'DOGS PAR BYED PA DANG,GNOD PAR BYED PAR SNANG PA NI RNAM PAR RTOG PA'I RANG BZHIN DES KYANG 'KHRUL PA YIN NO ZHES 'BREL TO, ,GZHAN DAG LA YANG ZHES BYA BA NI, YONGS SU GSAL BAR SNANG MI 'GYUR, ,ZHES BYA BA LA SOGS PA LA'O, ,SLOB DPON GYIS MNGON SUM LTAR SNANG BA RNAM PA GNYIS NYID BSTAN TO ZHES BYA BAR JI LTAR SHES SNYAM NA'O ZHES BYA BAS ZHES GSUNGS SO, ,DE LTA MA YIN NA ZHES BYA BA NI GAL TE RNAM PA GNYIS SU MI BZHED NAS ZHES SOGS SHIG TU GCOD PAR STON PA NI, MI MKHAS PA BRJOD PA'I RGYUR 'GYUR RO, ,'KHRUL PA'I SHES PAS 'KHRUL PA NYID NI YID KYI 'KHRUL PA STE, MI GSAL BA'I RNAM PA'I YUL CAN YIN NO ZHES BRJOD PA'I PHYIR ZLA BA GNYIS KYI SHES PA NI, YID GNYIS YIN PAR

BZHED PA YIN NO ZHE NA, 'DI LA BRJOD PA NI DE NI ZHES BYA BA'O, ,GANG GI ZHES BYA BA NI RIG PA CAN GYI'O, ,YANG JI LTAR NA DE'I LUGS DANG SBYAR NA, 'KHRUL PA NYID YIN PAR GNAS SHE NA DBANG PO DANG ZHES GSUNGS SO, ,DBANG PO DANG PHRAD PA LAS BYUNG BA'I SHES PA GANG YIN PA DE LA NI, RE ZHIG 'KHRUL PA NYID MI SRID DE DES NA LHAG PAR GYUR PAS ZHES BYA BA LA SOGS PAR SBYAR RO, ,SGRA LA SOGS PA'I YUL CAN GYI 'KHRUL PA GANG YIN PA'O, ,DBANG PO DANG DON LAS SKYES PA'I SHES PA GANG YIN PA DE LA NI BRJOD PA THA MA NYID DANG, SKOM PA SMOS PAS 'KHRUL PA LA SOGS PA SRID PA MA YIN NO ZHES SLOB DPON PHYOGS KYI GLANG POS BRJOD PA YIN NO, ,DES NA 'KHRUL PA NI DON SMOS PA NYID KYIS GSAL BA YIN NO, ,DES NA DON SMOS PA NYID DE GSAL BA'I PHYIR 'KHRUL PA NI YID KYI YUL CAN KHO NAR RNAM PAR GNAS SO ZHES DGONGS PA'O, ,NGO BO BRJOD PA LHUR BYED PA NYID STON PA NI, DBANG PO DANG ZHES BYA BA'O, ,RANG BZHIN NI GANG YIN GZHAN LA MI SRID PA DANG DE LA NE, DE YANG YOD PA DE LA BRJOD DO, ,ZHEN PA'I RANG BZHIN NYID NI DBANG PO LAS SKYES PA 'GA' YANG MI SRID PA YIN TE, RNAM PAR RTOG PA MED PA YANG DBANG PO LAS SKYES PA YIN PA'I PHYIR RO, ,GZHAN MNGON SUM MA YIN PAR 'DOD PA LA YANG YOD PA YIN TE, DES NA DE NI BRJOD PAR BYA BA MA YIN NO ZHES BRJOD PA NI MA YIN TE ZHES BYA BA'O, ,DE'I PHYIR ZHES BYA BA NI BRJOD PAR MI 'THAD PA'I PHYIR RO, ,DE NI MNGON SUM YIN GYI ZHES BYA BA NI DE KHO NA MNGON SUM YIN PA'O, ,GZHAN NI ZHES BYA BA NI ZHEN PA'I BDAG NYID NI MNGON SUM MA YIN NO ZHES RNAM PA DE LTAR RNAM PAR GCAD PAR BYA BA NYID DU 'THAD DO, ,CUNG ZAD NI ZHES BYA BA NI ZHEN PA'I BDAG NYAD CES BYA BA 'DI'O, ,CUNG ZAD NI ZHES BYA BA NI MA 'KHRUL PA ZHES BYA BA LA SOGS PA'O, ,GNYI GA YANG STON PA NI DES NA ZHES BYA BA'O, ,NGO BO BRJOD PA LA YANG MA 'KHRUL PA NYID BRJOD PAR RIGS SO, ,CI'I PHYIR ZHE NA, DE LTA NA ZHES SMOS SO, ,BRJOD DU MED PA NI YUL CAN NYID DU BSTAN PAS NI DGOS PA CI YANG MED DO, ,'ON TE DGOS PA MED PAS DE LTA NA YANG NGO BO TZAM BRJOD PA YIN NO SNYAM NA RANG GI NGO BO BRJOD NA ZHES GSUNGS SO, ,BDAG LA SOGS PA YANG PHRAD PA YANG THUN MONG MA YIN PA KHO NA STE, DES NA DE YANG

, ,BRJOD PAR BYA'O ZHEN BDAG LA SOGS PA THUN MONG BA NI ZHES BYA BA STE, RJES SU DPAG PA YANG BDAG LA SOGS PA PHRAD PA LAS SKYES PA YIN PA'I PHYIR RO, ,DE LTA NA 'O NA ZHES BYA BA NI GAL TE MNGON SUM NYID KYIS THUN MONG MA YIN PA GANG YIN PA DE NYID BRJOD PAR BYA BA YIN NA DE'I TSE, DE LTAR RIGS PA'I MTSAN NYID SUN BTON NAS, BRAM ZE'I YANG SUN 'BYIN PA NI ZHES BYA BA'O, ,'DI LA SUN 'BYIN PA GZHAN YANG BRJOD PA'I DON DU RNAM PAR RTOG PA GNYIS BYED PA NI, 'DI LTAR ZHES BYA BA'O, ,DON GZHAN BSGRUB PA'I DON DU NGO BO BRJOD PA YIN ZHES BYA BA NI RNAM PAR RTOG PA GNYIS PA'O, , DANG PO LA BRJOD PA NI DE LA ZHES BYA BA'O, ,DE'I TSE YOD PA DANG PHRAD PA'I SHES PA NI MNGON SUM YIN NO ZHES BYA BA NYID BRJOD PAR BYA BAR 'GYUR GYI, GZHAN NI MA KHO BA MED DO, ,PHRAD PA YANG GZUNG BA 'DZIN PA'I MTSAN NYID YIN NO, ,DE LTA YIN DANG DON GANG ZHIG RNAM PAR GNAS PA STE BRJOD PA NI YOD PA'I ZHES BYA BA'O, ,YANG NA DBANG PO LAS SKYES PA'I SHES PA GNOD PA MED PA NI MNGON SUM YIN NO ZHES BYA BA NYID BRJOD PAR BYA BAR 'GYUR RO, ,YOD PA DANG PHRAD NA SKYES BU'I DBANG PO NYID KYI BLO SKYE BA GANG YIN PA DE MNGON SUM YIN NO ZHES DE SKAD NI BRJOD PAR MI BYA BA'O, ,RNAM PAR RTOG PA GNYIS PA 'GOD PA NI CI STE ZHES BYA BA'O, ,RGYU DES NA RANG GI LUGS KYI MTSAN NYID KYIS GZHAN SANGS RGYAS PA LA SOGS PA'I MTSAN NYID RNAMS GSAL BAR BYA BA YIN NO, ,YANG CI'I DON DU SANGS RGYAS PA LA SOGS PA'I MTSAN NYID GSAL BAR BYA ZHE NA, SANGS RGYAS PA'I ZHES BYA BA'O, ,'ON TE GAL TE SANGS RGYAS PA'I MTSAN NYID BDAG CAG GI MTSAN NYID KYIS GSAL BAR MI NUS PA DE LTA NA YANG PHYI ROL GYI DON SGRUB PAR BYED PA YIN NO SNYAM NA, BSHAD BRDEG 'CHOS PAS NI RNGA MO 'DZIN PA STE, 'PHROG PAR MI NUS SO, ,RNGA MO NI STENG DU ZHON NAS DBROG PAR BYA BA YIN NO, ,DES GAL TE 'DIR YANG MTSAN NYID KYIS RMONGS PAR 'GYUR NA DE'I TSE PHYI ROL GYI DON SGRUB PAR YANG 'GYUR BA ZHIG NA GANG GI TSE KHYED MTSAN NYID KYI 'OG TU BSGYUR BA DE'I TSE PHYI ROL GYI DON JI LTAR SGRUB PAR BYED, GAL TE DE LTA NA ZHES BYA BA NI, GRUB PA'I MTHA' SMRA BA'I'O, ,DON DAM PAR MI 'GRUB PA NYID DO ZHES BYA BA NI CHOS MA NGES PA'O, ,

GZHAN DU ZHES BYA BA NI GANG GI TSE DPYOD PAS CHOS 'KHRUL PA SREG PA DE'I TSE'O, ,LUGS GZHAN LA ZHES BYA BA NI SANGS RGYAS PA LA SOGS PA'I LUGS LA CHOS KYI MING YANG MID PAR 'GYUR RO, ,DES NA 'JIG RTEN GYI GRAGS PA RJES SU BRJOD PA YIN NO ZHES MI BYA STE, CHOS NYID KYANG 'JIG RTEN LAS GRUB PAR THAL PHYIR RO, ,DES NA TSAD MAS GRUB PA NYID RJES SU BRJOD PAR BYA BA YIN NO, ,DE NYID BRJOD PA NI DE'I PHYIR ZHES BYA BA'O, ,DE BZHIN DU ZHES BYA BA NI, JI LTAR RJES SU BRJOD PA TSAD MAS GRUB PAR BYED PA DE LA THUG PA MED PA'I NYES PA YANG MED PA DE BZHIN DU MTSAN NYID KYANG BYA BA YIN NO, ,'DI YANG ZHES BYA BA NI TSAD MA CHOS KYI RGYU MTSAN YIN PA NYID DO, ,SNGAR ZHES BYA BA NI TSAD MA GRUB PA'I LE'UR RO, ,DE LTAR BRAM ZE'I MTSAN NYID KYANG BSAL BA NAS, SLOB DPON DBYIG GNYEN GYIS MDZAD PA'I MTSAN NYID GZHUNG GZUGS PA'I DON DU BRJOD PA NI, DON DE LAS ZHES BYA BA'O, ,DE NI ZHES BYA BA NI ZLA BA GNYIS KYI SHES PA'O, ,DE NYID LAS ZHES BYA BA NI SNANG BZHIN ZLA BA GNYIS KYI MTSAN NYID LAS SO, ,GZHAN LAS ZHES BYA BA NI ZLA BA GCIG LAS SO, ,SLOB DPON NI PHYOGS KYI GLANG POS SO, ,GANG ZHIG SNANG BA'I RNAM PAR RIG PA DE NI DE LAS SKYE BA MA YIN NO, ,CI LTAR ZHE NA LNGA PO ZHES BYA BA DBANG PO LNGA'I RNAM PAR SHES PA'O, , BSAGS PA STE RAGS PA LA DMIGS PA GANG YIN PA STE, DE LTAR GYUR PA YIN NO, ,DE NI RAGS PA LAS SKYE BA MA YIN TE, RDUL PHRA RAB RNAMS LAS SKYE PA'I PHYIR RO, ,'DI 'CHAD PA NI DMIGS PA'I ZHES BYA BA'O, ,'ON TE GAL TE SHES PA RDUL PHRA RAB KYI RNAM PA CAN MA YIN MOD, DE LTA NA YANG DE LAS SKYES PA TZAM GYIS DE'I LUS CAN DU 'GYUR RO SNYAM NA, RGYU YIN PA'I PHYIR RO ZHES BYA BA'O, ,DE DAG KYANG ZHES BYA BA NI MIG LA SOGS PA'I RDUL PHRA RAB DAG GO, ,'DI SLOB DPON GYIS JI LTAR GSUNGS ZHES BYA BA NI PHYOGS SNGA MA'O, ,'DI LA GRUB PA'I MTHA' BAS BRJOD PA NI, 'DI NI ZHES BYA BA'O, ,RTZOD PA SGRUB PA NI SLOB DPON DBYIG GNYEN GYIS MDZAD PA STE, DE NI TSIG NI'O, ,RNAM PAR DPYOD PA STON PA NI DON DE LAS ZHES BYA BA'O, ,GAL TE RE ZHIG SNANG BZHIN PA'I DON LAS SKYE BA'I SHES PA GANG YIN PA STE, MNGON SUM YIN NA DE'I TSE 'DI MA GRUB PA YIN NO, ,SNANG BZHIN PA'I DON LAS NI SHES PA SKYE BA MA YIN TE SNANG BZHIN

, ,PA'I RANG GI RNAM PA YIN PA'I PHYIR RO, ,'ON TE RANG GI RNAM PA LAS KYANG MNGON SUM SKYE NA 'O NA NI ZLA BA GNYIS PA YANG RANG GI RNAM PA LAS SKYE BA'I PHYIR MA NGES PA YIN NO, ,SUN 'BYIN PA GZHAN NI PHYED PHYI MAS SO, ,DE NYID RNAM PAR 'GREL PA NI RDUL PHRA RAB DAG NYID CES BYA BA'O, ,RDUL PHRA RAB DAG NYID SKYED PAR BYED PA YIN NO, ,GAL TE RNAM PA GZHAN DU GYUR PA DE DAG SKYED BYED TZAM GYIS DMIGS PA NYID YIN NA, DE'I TSE MIG LA SOGS PA'I RDUL PHRA RAB RNAMS KYANG 'GYUR RO, ,DA NI PHYED SNGA MA RNAM PAR 'GREL PA NI CI STE ZHES BYA BA'O, ,MA NGES PA YANG YIN NO ZHES BYA BA 'DI NYID BSHAD PA'I PHYIR DOGS PA BSU BA NI CI STE ZHES BYA BA'O, ,TSOGS PAR SNANG BA'I DNGOS PO NI PHYI ROL GYI DON MA YIN PA NI DES NA DE CI LTAR DES SKYED PA YIN, YIN DU CHUG PA DE LTA NA YANG 'KHRUL PA'I SHES PAS MA NGES PA NYID DO, ,DE YANG PHYI ROL DES SKYED PA NI YOD LA, DE'I PHYI ROL DMIGS PA NI MA YIN NO, ,RANG SKYE BA LAS SNGAR GYI DON GYI YOD PA NI SHES PAS 'DZIN PA MA YIN NO, ,'ON TE SHES PA GZHAN GYIS SNGAR YOD PA 'DZIN NA DE'I TSE SHES PA DE YANG MTSAN MNGON SUM YIN PAR BRJOD PAR BYA BA YIN LA, MNGON SUM YANG DON GYIS BSKYED PA KHO NA YIN NO, ,DES NA SHES PA GZHAN DE YANG JI SRID DON GYIS BSKYED PA NYID DU MA GRUB PA DE SRID NI MNGON SUM NYID MA YIN LA, DON GYIS BSKYED PA NYID KYANG DON GYI SNGAR YOD PA MA BZUNG BAR MI SRID DO, ,DES NA SHES PA DE NI GANG YIN PA DE YANG GZHAN GYIS YOD PAR SHES PAR BYA BA YIN TE, DES NA THUG PA MED DO, ,RJES SU DPAG PAS DON GYI SNGAR YOD PA SHES PA KHAS LEN NA, RJES SU DPAG PA DE YANG MNGON SUM NYID LAS YIN NO, ,DE LTA NA YANG RJES SU DPAG PA YIN, MNGON SUM GYI RGYU CAN YIN LA, MNGON SUM YANG RJES SU DPAG PA'I RGYU CAN YIN NO, ,DE LTAR PHAN TSUN RGYU YIN NA, DANG PO GANG ZHIG 'BYUNG BAR 'GYUR TE, GANG YANG MA YIN NO, ,'ON TE MNGON SUM DANG RJES SU DPAG PA DAG DUS MTSUNGS PA KHO NA YIN TE, DES NA PHAN TSUN BRTEN PAR MI 'GYUR RO SNYAM NA, MNGON SUM DANG NI ZHES GSUNGS SO, ,GRANGS CAN GYI MTSAN NYID KYANG SUN 'BYIN PA NI RNA BA LA SOGS PA'I ZHES BYA BA YIN NO, ,SUN 'BYIN PA GZHAN NI, RNA BA LA SOGS 'JUG PA NI, ,SHES PA MED PAR MTSON MA YIN; ,ZHES

BYA BA'O, ,RE ZHIG PHYED PHYI MA 'CHAD PA NI, 'JUG PAR 'DOD PAS ZHES BYA BA'O, ,RNA BA LA SOGS PA'I 'JUG PA MA SHES PAR MTSAN NYID MA YIN NO ZHES BYA BA GANG LAS SHE NA, MA RTOGS PAR CI LTAR ZHES BYA BA'O, ,MTSAN NYID NI 'JUG PAR BYED PA YIN PAR BRJOD PAR BYAS PA YIN NO ZHES DGONGS PA'O, , 'O NA NI ZHES BYA BA NI MNGON SUM GANG GIS RNA BA LA SOGS PA'I 'JUG PA NYE BAR MTSON PAR BYA BA YIN TE DE'I'O, ,DES NA DE LA PHA ROL POS 'DI LTAR LAN GDAB PAR BYA BA YIN NO ZHES STON PA NI DE YANG ZHES BYA BA STE, RNA BA LA SOGS PA NI 'JUG PA 'DZIN PAR BYED PA'I MNGON SUM YANG NGO, ,PHYED SNGA MA 'CHAD PA NI 'KHRUL PA'I SHES PA LA YANG RNA BA LA SOGS PA'I 'JUG PA YOD PA DES NA JI LTAR DE MNGON SUM GYI MTSAN NYID YIN, 'ON TE RNA BA LA SOGS PA 'JUG PA GANG ZHIG DON LA 'JUG PA STE, MTSAN NYID YIN LA 'KHRUL PA'I SHES PA LA NI DON LA 'JUG PA MED PA'I PHYIR SKYON MED DO ZHE NA, 'DI LA BRJOD PA NI DON LA ZHES BYA BA'O, ,CI STE DON DE'I NGO BO GANG YIN PA DE RIG PA NYID MTSAN MA YIN NA 'DI LA YANG BRJOD PA NI DE LTA NA ZHES BYA BA'O, ,DE LTAR MNGON SUM LTAR SNANG BA RDZOGS PAR BYAS NAS TSAD MA DANG 'BRAS BU RNAM PAR GZHAG PAR BYA BA'I PHYIR DRI BA NI YANG ZHES BYA BA'O, ,LAN NI GZHAL BYA ZHES BYA BA'O, ,LAN NI GZHAL BYA ZHES BYA BA'O, , GAL TE KHYOD KYI LTA BA LA DE NI SHES PA NYID YIN GYI GZHAN NI 'GA' YANG MA YIN NO, ,SHES PA DE LA YANG 'BRAS BU YIN PAR BRJOD PA DE'I PHYIR TSAD MA GANG YIN, TSAD MA NI 'BRAS BU LAS THA DAD PA YIN PAR 'THAD PA YIN NA, SHES PA'I MTSAN NYID KYI 'BRAS BU LAS THA DAD PA NI 'GA' YANG YOD PA MA YIN NO, ,DES NA TSAD MA NYID MED PAR 'GYUR RO ZHE NA RTZOD PA 'DI LA GZHAN DAG GIS BRJOD PA NI, KHA CIG NA RE ZHES BYA BA'O, ,DBANG PO DANG DON DAG GI PHRAD PA DANG LTA BA'I SHES PA DANG KHYAD PAR GYI SHES PA NI TSAD MA YIN NO ZHES SO, ,SHES PA'I BDAG TU GYUR PA RTOGS PA'I SGRUB BYED KYANG DBANG PO LA SOGS PA BSKYED PA'I RGYUD NYID YIN NO, ,RNAM PAR GZHAG PAR BYA BA 'DOD PA'I DON GANG YIN PA DE BZHIN DU'O, ,MA YIN NA NI RNAM PAR MA BZHAG PA BZHIN DU RNAM PAR GZHAG PAR 'OS PA YANG RNAM PAR MI GZHAG PAR 'GYUR RO, ,NYAMS SU MYONG BA DE LA NI, RNAM PAR BZHAG PA DANG RNAM PAR MA

, ,BZHAG PA'I DON DAG LA YOD PA TZAM LAS MA RTOGS PA KHYAD PAR MED PA'I PHYIR RO, ,'DI NYID GZHUNG 'DZUGS PA NI 'DI LTAR ZHES BYA BA'O, ,GAL TE KHYOD KYIS ZHES BYA BA NI GZHAN GYIS SMRAS PA'O, ,'DI NI BDAG GI RANG GI NGO BO LAS ZHES BYA BA NI, SNGON PO LA SOGS PA GCOD PAR BYED PA'I LAS SO, ,GRUB PA'I MTHA' NI GAL TE ZHES BYA BA'O, ,NGAG NI BDAG GI DE'I BDAG NYID DU GYUR PA YIN YANG ZHES BYA BA NI, SNGON PO YONGS SU GCOD PA'I RANG BZHIN DU NI YIN YANG GAL TE BDAG NYID KYIS RANG BZHIN MI SHES NA, DE'I TSE DE'I KHYAD PAR CAN GYI DON DE YANG NGAS MA SHES PA KHO NAR 'GYUR TE, RGYU DES NA SKYES BU NI 'JAL BYED MA YIN NO, ,DE NYID GSAL BAS BYED PA NI SKYES BU'I ZHES BYA'O, ,'JIG RTEN DE YANG DON DE'I RTOGS PAR BYED PA PO'I BDAG MI SHES JI LTAR LONGS SPYOD PA SHES PA DE LTAR ZHES BYA BA NI, BDE BA DANG SNGON PO LA SOGS PA RTOGS PA BAR RO, ,GAL TE BLO LONGS SPYOD PA YIN MOD, DE LTA NA RNAM PA JI LTAR TSAD MA YIN NA, BDE BA LA SOGS PA ZHES GSUNGS SO, ,BLOS ZHEN PAR BYA BA'I DON SKYES BUS SEMS PAR BYED PA DES NA, RIG PA GZHAN GYIS CI BYA ZHES JI LTAR BRJOD SNYAM NA, 'DI LA BRJOD PA NI BLO DE GANG YIN ZHING ZHES BYA BA'O, ,'DI LA GZHAN GYIS LAN GSUM BTAB PA NI ZHES BYA BA'O, ,GRUB PA'I MTHA' BA SUN 'BYIN PA NI SKYES BUS ZHES BYA BA'O, ,LAS NYID DU 'DOD PA ZHEN PA'I BYED PO NI SKYES BU NYID YIN PA DES NA BLOS CI BYA RTOGS PA POS SGRUB CES RJES SU 'JUG GO ,'DI LA BRJOD PA NI RTOGS PA DANG ZHES BYA BA'O, ,KHYAD PAR MED PA NYID BRJOD PA NI, DE'I RNAM PA ZHES BYA BA'O, ,PHA ROL PO KHYAD PAR STON PA NI DE'I TSE ZHES BYA BA'O, ,MNGON DU ZHEN PA NI RTOGS PA'I MTSAN NYID YIN PA DE STE, ,SKYES BU'I BYED PA YIN NO ZHES BYA BA NI, PHA ROL PO'I BSAM PA'O, ,GAL TE BLO'I RNAM PA CAN YIN MOD, DE LTA NA YANG MA YIN TE, SKYES BU JI LTAR RTOGS BYED YIN TE MA YIN PA KHO NA'O, ,'ON TE BLO'I RANG BZHIN MNGON DU BYED PA'I PHYIR, RIG PAR BYED PAR BRJOD NA, DE'I TSE DE LTAR ZHES BYA BA NI BLO'I RANG BZHIN LTAR MNGON DU DON NYID CES MI BYED PA 'CHAD PA NI GAL TE ZHES BYA BA'O, ,YUN RING PO MA YIN PA'I DON GYI RNAM PAR RTOGS SO, ,DON NI 'DI YIN TE, GAL TE BLO MED NA DE'I

DON GYI RNAM PA MA BSTABS PA'I PHYIR NA NYE BAR GNAS PA NYID DU MA RTOGS PAR 'GYUR RO ZHE NA, 'DI LA BRJOD PA NI BDAG KHYAB PAR ZHES BYA BA'O, ,GAL TE BLOS DON GYI RNAM PA STOBS NA DE'I TSE YUL THAG RING PO ZHES BYA BAR RTOGS PAR YANG MI 'GYUR TE, DON GYI RNAM PA MTHA' DAG NI BLOS BSTABS PA YIN PA'I PHYIR RO, ,GAL TE BLO DE'I RNAM PA CAN KHAS LEN NA, DE'I TSE DE LAS THA DAD PA'I DON YOD DO ZHES BYA BAR YANG MI 'GYUR RO, ,BLO KHO NA LAS ZHES BYA BA NI, ,ZHES BYA BA NI RANG BZHIN LAS NI BLO SKYE LA DE LAS NI, DNGOS SAM BRGYUD PAS THAMS CAD SKYE BA YIN NO, ,BDE BA NA DE KHO NA LAS DE'I RNAM PA CAN GYI DON RNAMS SKYE BA YIN GYI DON LAS NI DE'I RNAM PA CAN GYI SKYE BA MA YIN NO ZHES BYA BA NI, KHYED KYI GRUB PA'I MTHA' YIN NO ZHES BYA BA NI GRUB PA'I MTHA' YIN, DE JI LTAR PHYIN CI LOG TU KHAS LEN, RANG GI BZHIN LTAR ZHES BYA BA NI GZHAN GYI'O, ,GANG DU DON RNAMS 'PHROS PA DE NI BLO YIN TE DE LTAR DES BLO NI JI LTAR DON MED PA NI GZHAN NI STE DON RNAMS NI YUL RUNG BA MA YIN PA NYID MA YIN NO, ,GAL TE THABS GZHAN DU 'PHOS PA KHO NA RTOGS PAR BYA BA YIN NO, ,DE'I TSE ME LONG LA YANG ZHES BYA BA SBYAR RO, ,DE YANG NI ME LONG YANG NGO, ,'GRO BA LDONG BAR 'GYUR RO, ,LDONGS PA MA YIN TE, DES NA BLO NI GDON MI ZA BA KHO NAR SHES GZHAN GDON MI ZA BA KHO NAR SHES PAR BYA BA YIN NO, ,JI LTAR BLO GZHAN DU MA 'PHOS PA KHO NA RTOGS PA DE BZHIN DU DON YANG RTOGS MOD, BLOS CI BYA DES NA NYES PA SO NA 'DUG GO ZHES DGONGS PA'O, ,YANG BLO DON MED PA NYID DU STON PA NI BDAG CES BYA BA'O, ,PHA ROL PO DGOS PA NYID YOD DO ZHES STON PA NI, DE DAG GIS ZHES BYA BA STE BYED PA RNAMS KYIS SO, ,'DI LA BRJOD PA NI MA YIN NO ZHES BYA BA'O, ,BDAG NI MNGON PAR GSAL BA 'DZIN PAR BYED PA MA YIN ZHING BDAG GIR BYED PA MA YIN TE, MNGON PAR GSAL BAR MI 'GYUR RO ZHES BYA BA'I DON TO, ,BYED PA MED PA NYID CES BYA BA NI JI LTAR DON MI 'DZIN PA'I DUS NA MNGON PAR GSAL BA MA YIN PA DE BZHIN DU 'DZIN PA'I DUS SU YANG MA YIN TE, DE NI RANG BZHIN GCIG YIN PA'I PHYIR RO ZHES BYA'I DON TO, ,ME LONG BZHIN DU ZHES BYA BA NI PHA ROL PO'O, ,BDAG KYANG DON GYI RNAM PA CAN YIN MOD KYI 'ON KYANG JI LTAR ME LONG LA DE'I

, ,RNAM PA 'BYUNG YANG RNAM PAR 'GYUR BA CUNG ZAD KYANG BYED PA MED PA DE BZHIN DU SKYES BU YANG YIN NO ZHE NA 'DI 'GOG PA MA YIN TE ZHES BYA BA'O, ,BDAG LA BRTEN NAS DE'I RNAM PA CAN GYI BLO SKYE BA ZHES BYA BA NI MED PA KHO NA'O, ,DE LTA MA YIN TE GAL TE ME LONG LA BRTEN NAS DE'I RNAM PA CAN GYI BLO SKYE BA MA YIN NA, DE'I TSE 'PHOS PA'I DON CI YIN DE'I RNAM PA CAN GYI BLO SKYE BA'I SGO NAS RNAM PAR 'GYUR BA NYID 'PHOS PA'I DON YIN GYI GZHAN NI MED DO ZHES DGONGS PA'O, ,BDAG LA BRTAN NAS DE'I RNAM PA CAN GYI BLO SKYE BA NI MED PA KHO NA STE DES NA RNAM PAR 'GYUR BA NYID DER 'PHOS BA'I DON DU BRJOD PAR BYA BA YIN NA, 'DIR YANG ZHES BYA BA NI PHA ROL PO'I'O, ,DE LA YANG RNAM PAR 'GYUR BA CI YANG MED LA, DE BZHIN DU SKYES BU LA RNAM PAR 'GYUR BA MED CES BYA BA'I DON TO, ,'DI LA BRJOD PA NI 'O NA ZHES BYA BA'O, ,GAL TE SNAM BU LA SOGS PA'I BDAG NYID 'KHRUL PA YIN NA, JI LTAR GTZO BO DANG SKYES BU'I BDAG NYID KYANG 'KHRUL PAR 'GYUR ZHE NA, 'DI YANG ZHES BYA BA'O, ,RNAM GZHAN DU ZHES BYA BA NI, GNAS SKABS GZHAN GYI GRANGS CAN GYI SKABS KYIS SO, ,'DI BSTAN PAR BYA BA MA YIN NO ZHES BYA BA'I DON TO, ,GAL TE RNA BA LA SOGS PA ZHES BYA BA NI, DES NA DE THA DBAB LAS SNGON PO DANG SER PO LA SOGS PA RNAM PAR GNAS PAR 'GYUR ZHES BYA BA NI PHA ROL GYI BSAM PA'O, ,DBANG PO LA SOGS PA THA DAD PA ZHES BYA BA NI RNA BA LA SOGS PA 'JUG PA'I MTSAN NYID DO, ,DE NI ZHES BYA BA NI DBANG PO LA SOGS PA'I THA DAD PA NI'O, ,DE ZHES BYA BA DAG GO, , RNAM PA DANG BCAS PAR ZHES BYA BA NI GAL TE DBANG PO LA SOGS PAS BDAG SKYES PA YIN NA, DE'I TSE 'BRAS BU RGYU DANG RJES SU MTHUN PAR BYED PA SKYE BAR 'DOD PA'I PHYIR BDAG KYANG RNAM PA NGANG BCAS PAR THAL LO, ,'ON TE RNAM PA 'GA' ZHIG LTAR DBANG LA SOGS SKYE YANG BDAG RNAM PAR NYID DU 'DOD NA, DE LTA NA YANG RNAM PA MED NA, DON SO SOR NGES PA RNAM PAR 'JOG PA BYED PA MA YIN PA'I MTSAN NYID KYI SKYON DE NYID DU 'GYUR RO, ,DE LTA NA YANG GZHAN RIG PA MED PAS NA, RANG GI BDAG NYID KHO NA RIG PAR THAL TE, RIG PAR BYED PA NYID DU KHAS BLANGS PA'I PHYIR RO, ,RNAM PAR RTOG PA GNYIS PA'I DBANG

DU BYAS NAS BRJOD PA NI 'ON TE ZHES BYA BA'O, ,DBANG PO LA SOGS PA'I MTSAN NYID KYI DON MA SHES PA NA DBANG PO LA SOGS PA NGES PA'I SHES PA'I BYED PA YIN PAR JI LTAR 'GYUR, ,NGES PA NYID LAS DBANG PO LA SOGS PA YANG SHES SO ZHE NA, DBANG PO LA SOGS PA SHES PAR BYED PA LAS, BDAG GI SNGON PO DANG SER PO LA SOGS PA LA NGES PA NYID SHES PAR BYA BA YIN LA, SNGON PO DANG SER PO LA SOGS PA LA NGES PA SHES NA, YANG SHES PAR BYED PA DBANG PO DBANG PO SOGS PA SHES PAR BYA BA YIN PA'I PHYIR PHAN TSUN BRTEN PA NYID DO, ,JI LTAR DBANG PO SOGS PA SHES PAR BYED PAS DON SHES PAR BYA BDE BZHIN DU DBANG PO LA SOGS PA DE SHES PAR BYA BA LA SOGS PAR SBYAR RO, ,SNANG BA YANG SGRA LA SOGS PA RTOGS PA'I DUS NA, JI LTAR SHES PAR BYED PA YIN TE, DE'I TSE MED PA'I PHYIR RO, ,YANG NA GANG DU SNANG BA LA SOGS PA YOD PA DER MIG LA SOGS PA DON MED PAR 'GYUR RO, ,THAMS CAD DU SNANG BA SHES PAR BYED PA YANG MA YIN NO ZHES BYA BA 'DI LAN 'DEBS PA NI, DE DAG NYID CES BYA BA STE, RNA BA LA SOGS PA DAG NYID DO, ,'DI ZHES BYA BA NI BDAG GO, ,'DI NI ZHES BYA BA LA SOGS PA NI NGES PA'I RNAM PA YIN NO, ,RNAM PA LAS SGRUB PAR BYED PA GZHAN YIN NA, SNGON PO DANG SER PO LA SOGS PA'I LAS DANG 'BREL PA MI 'GRUB BA'O, ,DE NYID SGRUB PA'I DON DU BRJOD PA NI, GAL TE ZHES BYA BA'O, ,CI STE GZHAN 'GA' ZHIG CES BYA BA'I DON DANG SHES PA LAS THA DAD PA'I RANG BZHIN NYID MNGON DU BYED PA YIN NO ZHES BYA BA'O, ,DE LTAR RNAM PAR RTOG PA GSUM LAS DANG PO LA BRJOD PA NI GAL TE ZHES BYA BA'O, ,RNAM PAR SHES PA NYID MNGON DU BYED PAR GRANGS PAR YIN TE, DES NA MNGON DU BYED PA DE DON GYI YIN PA JI LTAR 'GYUR TE, MI 'GYUR BA KHO NA'O, ,GNYIS PA NYE BAR BKOD NAS SUN 'BYIN PA NI 'ON TE ZHES BYA'O, ,DON DE ZHES BYA BA NI SHES PA MNGON DU BYAS PA NA GZHAN MNGON DU BYAS PAR NI MI 'GYUR RO, ,GSUM PA LA BRJOD PA NI GZHAN LA ZHES BYA BA'O, ,DE NYID RIM GYIS BSHAD PA'I PHYIR, RNAM PAR RTOG PA DANG PO LA RE ZHIG SUN 'BYIN PA GZHAN BRJOD PA NI, 'DI LTAR ZHES BYA BA'O, ,RNAM PAR RTOG PA GNYIS PA'I SUN 'BYIN PA KHA SKONG DANG BCAS TE, BRJOD PA

, ,NI 'ON TE ZHES BYA BA'O, ,'DI ZHES BYA BA NI MNGON DU BYED PA'O, ,DON LTA BA'I SKYES BU MTHONG BA'I RGYU DES NA, DON MTHONG NGO ZHES BRJOD DO ZHE NA, 'DI LA BRJOD NA CIS MTHONG ZHES BYA BA'O, ,'DIR GZHAN GYI LAN NI RANG GI NGO BOS SO ZHES BYA BA STE, DON GYI RANG GI NGO BO GANG YIN PA DES DON MTHONG NGO ZHE NA, 'DI LA BRJOD PA NI 'ON NI ZHES BYA BA'O, ,RANG GI NGO BO NI GDON MI ZA BAR RIG PA'I RANG BZHIN DU MTHONG NGO ZHES RE ZHIG KHAS BLANG BAR BYA STE, DE LTAR MA YIN TE RANG GI NGO BO MYONG BA MED NA THAMS CAD MI RIG PAR THAL BA'I PHYIR RO, ,DE BZHIN DU DON KYANG DON GYI RANG BZHIN DU MTHONG BA YIN NO, ,THA DAD PA MED PA NYID BSTAN PA'I PHYIR BRJOD PA NI, DON GYI RNAM PA ZHES BYA BA'O, ,GAL TE DON GYI RNAM PA NYAMS SU MYONG BA NA DON RTOGS PA MA YIN GYI, 'ON KYANG BDE BA'I RNAM PA LA SOGS PA'I RNAM PA NYAMS SU MYONG BA YIN NO SNYAM NA, BDE BA LA SOGS PA'I ZHES GSUNGS SO, , DE'I KHYAD PAR LAS ZHES BYA BA NI BDE BA LA SOGS PA'I RNAM PA'I KHYAD PAR LAS SO, ,BDE BA NYID 'BA' ZHIG CES BYA BA NI, DON NI BDE BA'I RGYUR NYAMS SU MYONG BAR NUS PA MA YIN NO, ,GANG GI PHYIR DON LA BDE BA MYONG BA DES NA BDE BA'I RGYU NYID DU NYAMS SU MYONG BA YIN NO SNYAM NA, SNGON PO LA ZHES GSUNGS SO, ,MTSUNGS PAR ZHES BYA BA NI MI MTHUN PA NYID DU'O, ,GAL TE TSAD MA'I 'BRAS BU DE RANG GI NGO BO NYID YIN NO, ,DE'I TSE DE LA RIG BYAR MED PA YIN TE, BDAG NYID LA NI BYED PA MI 'THAD PA'I PHYIR RO ZHES BYA BA NI PHA ROL PO'O, ,GRUB PA'I MTHA' NI 'DI LA ZHES BYA BA'O, ,GAL TE SHES PA LA BYED PA ZHES BYA BA YOD PA MA YIN NO, ,DE'I TSE SKYES BU JI LTAR 'JUG PA YIN ZHE NA, SKYES BU'I ZHES GSUNGS SO, ,DON GYI RIG PA NI DON RIG PA YIN NA DON LA BYED PA YANG MED PA'I PHYIR JI LTAR DON RIG PA 'BRAS BU YIN ZHES BRJOD SNYAM NA, 'DI LA BRJOD PA NI 'BRAS BU ZHES BYA'O, ,GAL TE SNGON PO MYONG BA NI SNGON PO'I RANG BZHIN YIN PA DE'I TSE SNGON PO'I SHES PA SER BA LA MA 'PHO BAR 'GYUR RO, ,CI'I PHYIR GZHAN GYIS ZHES SMOS SO, ,RGYU DES NA SHES PA DE SNGON PO LAS THA DAD PAR GZHAG PA YIN NO, ,DE YANG ZHES BYA BA NI THA DAD PA DANG BYED PA DANG BCAS PAR RNAM PAR

'JUG PA'I RIGS PA YANG NGO, ,DENG DE MA YIN PA SNGON PO MA YIN PA'I RNAM PA CAN NO, ,RJES SU 'GRO BA DANG LDOG PA NYID JI LTAR 'GRUB SNYAM NA, THOG MED CES GSUNGS SO, ,RJES SU 'GRO BA DANG LDOG PA DE DAG MNGON SUM SNGON DU 'GRO BA CAN NI MA YIN NO, ,RIGS MI MTHUN PA'I SHES PA SNGA MA GANG YIN PA DE'I NYAMS SU MYONG BA GANG YIN PA DES GZHAG PA'I BAG CHAGS GANG YIN PA DE NI LDOG PA STE, THA DAD PA DANG BYED PA'I RTOGS PA'I SA BON YIN NO, ,BAG CHAGS DE YANG 'BA' ZHIG PA STE, MNGON SUM DANG BRAL BA YIN NA, ,DES NA LOR BA BRGYUD PA YIN NO, ,DES NI DON GYIS SO, , DE LA NI SHES PA LA'O, ,DE ZHES BYA BA NI PU LA'O, ,DE'I RNAM PA NI PHA'I RNAM PA'O, ,'DI LA NI SHES PA LA'O, ,RE ZHIG DE'I RNAM PA CAN GYI DNGOS PO LAS DE'I RNAM PA CAN DU GYUR PA NI DMIGS PA NYID DO, ,DE LA YANG GAL TE MTHONG BA LA ZHES BYA BA 'DOD CHAGS LA SOGS PA MTHONG BA LA, RGYU BAG CHAGS NUS PA YOD NA DE'I TSE NYAMS SU MYONG BA SNGA MA SNGA MA LAS DE'I RNAM PA NYID YIN NO, ,GCIG NYID LA YOD PA YIN ZHES BYA BA NI THUN MONG MA YIN PA KHO NA'O, ,DON NI GNAS PAR GYUR NA STE PHYI ROL YOD NA NI THAMS CAD LA THUN MONG DU SKYE BAR 'GYUR TE, KUN GYIS DMIGS PAR 'GYUR RO ZHES BYA BA'I THA TSIG GO, ,SKYON BRGAL BA'I PHYIR RE ZHIG DAM 'CHA' BAR BYED PA NI DON SO SOR ZHES BYA BA'O, ,'DI LTA BU KHO NAR ZHES BYA BA NI RNAM PA'I STOBS NYID KYIS SO, ,DE NYID KYI ZHES BYA BA NI 'DI NI 'DI'I NGES PA'I SHES PA YIN NO ZHES BYA BA'I THA SNYAD DO, ,DE LA NI ZHES BYA BA SO SOR NGES PA'I DON RNAM PAR GNAS PA LA'O, ,BYA BSGRUB PAR BYED PA TZAM NI KHYAD PAR DU 'PHAGS PA YIN NO, ,DE NI RGYU THAMS CAD LA YOD PA'I PHYIR RO, ,NGES PAS NA BYA BA SGRUB PAR BYED PA DE NI YOD KYANG DE LA ZHES BYED PA PO DE RNAMS KYI NANG NAS GANG ZHIG BYA BA LA CHOD PA MED PA DE NYID SGRUB PAR BYED PA DAM PA STE BYED PA YIN NO, , MA THOB NA ZHES BYA BA NI MI LDAN NA DE'I TSE DE'I RNAM PA CAN GYI ZHES BYA BA YUL THAG RING BA LA SOGS PAR GNAS PA'I DON RNAM PAR MI GNAS SO, ,DE DANG BAR MCHOD PA ZHES BYA BA NI RNAM PA DANG BAR MCHOD PAR 'GYUR BA'O ZHES BYA BA DON YONGS SU GCOD PAR BYA BA YIN NO, ,SHES PA DE'I RNAM PA'I KHYAD

, ,PAR GANG YIN PA DE LAS MYONG BA'I YUL YIN NO ZHES SHES PAR BYA BA YIN NO, ,RGYU DE'I PHYIR NA MA NYAMS PA DE NI RNAM PAS CHOD PA YIN NO, ,GAL TE RNAM PA NGES PAS GRUB NA NI DE'I TSE DON DE NYID DON RNAM PAR 'DZEG PA YIN TE, RNAM PA NGES PA GRUB BA LAS DON GNAS PA GZHAN MED PA'I PHYIR RO, ,DE LAS GZHAN NYAMS PA MED PA NI DON RNAM PAR GNAS PA LAS RGYU MA YIN NO, ,GAL TE DE LTA NA YANG NYAMS PA MED PA TSAD MAR 'GYUR RO SNYAM NA, DON GNAS PA GRUB ZIN PA LA NYAMS PA MED PAS CI ZHIG RGYAS PAR BYED, GRUB PA NYE BAR 'JOG PA NI, RNAM PAR GNAS PA LA MA KHO BA MA YIN NO ZHES BYA BA'I DON TO, ,DE GRUB NA ZHES BYA BA NI RNAM PAR NGES PA GRUB NA'O, ,DA NI SLOB DPON CHOS MCHOG GI LUGS SUN PHYUNG BA'I DON DU NYE BAR 'GOD PA NI, DE'I RNAM PA YANG ZHES BYA BA'O, ,DE'I TSE ZHES BYA BA GOMS PA'I DUS NA'O, ,DES NA YOD PA MA YIN PA'I PHYIR TSAD MAR JI LTAR 'GYUR ZHES BYA BA'I DON TO, ,DE YANG NI RJES SU DPAG PA YANG NGO, ,DE BZHIN DU THUN MONG MA YIN PA YANG GZHAN NI MA YIN NO ZHES 'BREL TO, ,YANG JI LTAR NA RNAM PA LAS GZHAN THUN MONG MA YIN PAR MI 'GYUR SNYAM DU DOGS PA BSU NAS KUN GYI ZHES GSUNGS SO, ,SHES PA KUN GYI'O, GAL TE SNGON PO DE SER PO DANG DE GNYIS MA YIN PA'I YUL LA YANG DBANG PO DE NYID MA YIN NAM DE DBANG PO RNAMS THA DAD PA NI 'GA' YANG NYE BAR MTSON PA MED DO, ,DES NA DBANG PO GZHAN DANG GZHAN 'BYUNG BA MA YIN NAM ZHES BRJOD CES DOGS PA BSU NAS PA ROL PO NYID BRJOD PA NI DE LA ZHES BYA BA STE, SNGON PO DANG SER PO DANG DE GNYI GA YANG MA YIN PA LA MNGON PAR PHYOGS PA'O, ,KHYAD PAR ZHES BYA BA NI SNGON PO DANG SER PO LA SOGS PA'I YUL MNGON PAR PHYOGS PA ZHES BYA BA 'DI NI SNGON PO DANG SER PO LA SOGS PA DE DAG GI RNAM PA GANG YIN PA DE THA DAD PA MED PAR RO, ,DE THA DAD PA YIN YANG ZHES BYA BA NI MNGON SUM DU PHYOGS PA THA DAD PA YIN YANG NGO, ,RNAM PA DANG BRAL BA ZHES BYA BA NI DON GYI RNAM PA DANG BRAL BA 'DI DBANG PO'O, ,GAL TE SNGON PO DANG SER PO LA SOGS PA'I KHYAD PAR RTOGS PA YOD PA NYID, DES NA MNGON DU PHYOGS PA'I KHYAD PAR RTOGS PAR 'GYUR RO ZHES

GAL TE YOD NA ZHES BYA BA STE, SNGON PO DANG SER BO LA SOGS PA'I KHYAD PAR YOD NA'O, ,DE LAS BZLOG BAR ZHES BYA BA NI KHA DOG DANG DBYIBS KYI BDAG NYID LAS BZLOG PAR RO, ,SNANG BZHIN PA'I SNGON PO DANG SER PO LA SOGS PA NYID SHES PA'I RANG BZHIN YIN PA MI BZOD PAS PHA ROL PO 'DRI BA NI, 'O NA ZHES BYA BA'O, ,GAL TE BDE BA DANG SNGON PO LA SOGS PA LAS MA GTOGS PA SHES PA MA DMIGS NA, LKOG TU GYUR PA NYID DU 'GYUR LA DE STE BLTAR RUNG BA YIN NA NI MED PA KHO NAR 'GYUR RO ZHES BYA BA'O, ,LKOG GYUR MIN ZHES BYA BA NI GSAL BZHIN NYID DO, ,GAL TE DE LA SHES PA YIN NO ZHES BRJOD NA, DE'I TSE LKOG TU GYUR PA NYID CES BYA BA'I MING CAN GSAL BZHIN PA NYID SHES PA YIN NO, ,SHES PA GZHAN GYIS CI BYA, YANG JI LTAR NA LKOG TU GYUR PA SHES PA YIN ZHE NA, DON GNAS NA NI ZHES BYA BA'O, ,'DI ZHES BYA BA NI GSAL BZHIN PA'O, ,MED PA YANG ZHES BYA BA NI SHES PA MED PA YANG NGO, ,GAL TE DE LTA NA SNGON PO LA SOGS PA LAS GSAL BZHIN PA'I SHES PA NI GZHAN YIN NO ZHE NA, NYAMS SU MYONG BA ZHES GSUNGS SO, ,DE NI ZHES BYA BA LKOG TU MA GYUR PA'O, ,'O NA GSAL BZHIN PA NI SHES PA YIN PA'I PHYIR DON ZHES BYA BA MED PAR 'GYUR RO; ,DE'I ZHES GSUNGS TE, LKOG TU MA GYUR PA'I'O, ,ME LONG GI BZHIN GYI GZUGS BRNYAN GANG YIN PA DE LA BZHIN NYID JI LTA BA DE BZHIN DU LKOG TU GYUR PA LAS SNGON PO YANG DE YIN NO, ,DE NI ZHES BYA BA NI GSAL BZHIN PA'I SNGON PO LA SOGS PA'O, ,GAL TE RNAM PA DE NI BEMS PO'I RANG BZHIN DU RTOGS SO ZHES BRJOD PA MA YIN NAM SNYAM NA 'DI LA BRJOD PA NI RANG NYID CES BYA BA'O, ,GAL TE LKOG TU MA GYUR PA NYID DON LAS YIN MOD, DE LTA NA YANG DON GYIS BSKYED PA LKOG TU GYUR PA NI DON GYI RANG BZHIN NYID DU 'THAD KYI, SHES PA'I RANG BZHIN NI MA YIN NO SNYAM NA, GAL TE ZHES GSUNGS SO, ,GAL TE RNAM PA 'DI BAG CHAGS KYI STOBS LAS SKYES SU CHUG MOD, DE LTA NA YANG 'DI NI DON KHO NA YIN NO ZHE NA, DON NI ZHES GSUNGS SO, ,DE ZHES BYA BA DON MED PAR THAL BA'I PHYIR RO, ,BAG CHAGS KYI KHYAD PAR GANG GIS SAD PAR MTHONG BA'I RNAM PA DON GYIS STONG PAR MI 'GYUR

, ,BA DE LA YOD PA YIN NO, ,'DI LAS NI RNAM PA'O, ,BAG CHAGS DE NYID LAS SO, ,RNAM PA NYID CES BYA BA NI, SAD PAR MTHONG BA'I RNAM PA'O, ,GZHAN DU ZHES BYA BA NI, RMI LAM DU SNANG BA'I RNAM PA NI DON MED PA NYID DU RTOGS PA'O, ,LAN NI 'DIR YANG ZHES BYA BA STE, SAD PA MTHONG BA LA YANG NGO, ,'O NA DE'I RIGS CAN YIN PA'I PHYIR SAD PAS MTHONG BA'I RNAM PA YANG DON DANG BRAL BA NYID DO ZHE NA, BAG CHAGS KYI ZHES GSUNGS SO, ,LKOG TU MA GYUR PA'I ZHES BYA BA NI BLO'I MA YIN PA'O, ,DE NI ZHES BYA BA NI BLO'O, ,DE LTAR ZHES BYA BA DON GYI RNAM PA LTA BUR RO, ,DPE NYID 'CHAD PA NI ME LONG LA ZHES BYA BA'O, ,'DI LTAR SNANG NGO ZHES BYA BA NI DON GYI RNAM PA NYID DU'O, ,KHYED LA YANG NI SANGS RGYAS PA LA YANG NGO, ,TSAD MA CI YOD CES BYA BA NI BLO DON GYI RNAM PA CAN DU SGRUB PAR BYED PA CI YOD CE NA, 'DI LA BRJOD PA NI THA MI DAD PAR ZHES BYA BA'O; ,DE NI ZHES BYA BA THA MI DAD PAR DMIGS PA'O, ,DON THOB PA'I PHYIR SHES PA DON GYI RNAM PA CAN YIN PA'I GNOD BYED YIN NO ZHES 'DI 'GOG PA NI MA YIN NO ZHE NA, LHAG MA ZHES BYA BA NI DBANG PO RNAMS LAS LHAG MAR GYUR PA'O, ,RNAM PA LAS 'DAS TE ZHES BYA BA NI RNAM PA LA MI LTOS PAR ZHES BYA BA'I DON TO, ,DE DAG KYANG ZHES BYA BA NI LTA BA LA SOGS PA RNAMS KYANG NGO, ,DE BZHIN TE ZHES BYA BA NI KHYAD PAR GYI BLO BZHIN NO, ,DE DAG KYANG ZHES BYA BA NI KHYAD PAR LA SOGS PA'I SHES PA YANG NGO, ,KHYAD PAR CAN LA BRTEN PA'I RANG BZHIN NYID KHYAD PAR YIN MOD, DE LTA NA YANG KHYAD PAR CAN MA RTOGS PAR JI LTAR MI 'DZIN SNYAM NA, DE'I RANG BZHIN LA ZHES GSUNGS SO, ,KHYAD PAR CAN LA BRTEN PA'I RANG BZHIN GANG YIN PA DE MA BZUNG BAR KHYAD PAR 'DZIN PAR CIR 'GYUR, KHYAD PAR MA BZUNG BAR NI DE LA BRTEN PA NYID 'DZIN PA MI SRID LA KHYAD PAR CAN GYI BLOS MI 'DZIN NO ZHES DAGS PA'O, ,DE'I RNAM PA ZHES BYA BA KHYAD PAR CAN LA BRTEN PA'I RANG BZHIN 'DZIN NA YANG NGO, ,DE NYID KYI TSE ZHES BYA BA NI KHYAD PAR GYI BLO'I DUS NYID DU'O, ,DE 'DZIN PAR BYED PA ZHES BYA BA NI, KHYAD PAR 'DZIN PAR BYED PA'I BLO GANG YIN PA DES BSKYED PA'I 'DZIN PAR BYED PA GANG YIN

PA DE'I GZUNG BAR BYA BA MA YIN NO, ,DE'I DUS SU YANG ZHES BYA BA NI KHYAD PAR 'DZIN PA'I DUS SU YANG NGO, ,DE 'DZIN PA ZHES BYA BA NI KHYAD PAR 'DZIN PA DON MED DO, ,SNGA MA BZHIN DU ZHES BYA BA NI, SGRUB PAR BYED NYID MED PAR THAL, ,ZHES BYA BA'O, ,DON GCIG LA ZLOS PA STE RJES SU 'JUG PA GANG YIN PA DE'I BYE BRAG GI SHES PA RNAMS KYI RIM PAR 'GYUR BA YIN NO ZHE NA, DE'I 'GOG PA NI MA YIN TE ZHES BYA BA'O, ,KHAS BLANGS KYANG BRJOD PA NI, RIM GYIS 'GYUR BA YIN MOD, DE LTA NA YANG SHES BA SNGA NAS PHYI MA'I SKYE BA NYID BYED KYI RTOGS PA NI MA YIN NO, ,CI'I PHYIR ZHE NA, SHES PA SNGA MA DANG PHYI MA KHYAD PAR MED PA'I PHYIR RO, ,GAL TE DKAR PO LA SOGS PA DANG LDAN PAR 'GYUR BA'I BUM PA DANG 'BREL PA YIN NA, DE LTA NA YANG DKAR PO DE 'DZIN PA ZHES BYA BA GA LAS DE LTA MA YIN ZHES BYA BA NI GA LAS TE DBANG PO DANG LDAN PAR GYUR BA'I DON DANG 'BREL PA YOD PA TZAM GYIS GZHAN 'DZIN PAR BRJOD NA, DE'I TSE DU BA DBANG PO DANG SBYOR BA NA DU BA DANG 'BREL PAR BYUNG BA'I ME YANG RTOGS PAR 'GYUR RO, ,'DU BA'I 'BREL PA LAS ZHES BYA BA NI, 'BYOR PA'I 'DU BA LAS YIN GYI, 'BYOR PA'I SBYOR BA LAS NI MA YIN NO ZHES BYA BA'O, ,DON GCIG LA 'DU BA ZHES BYA BA NI RNAM PA GCIG LA REG PA YANG 'DUS TE, DES NA JI LTAR 'BYOR PA'I 'DU BA'I 'BREL PA LAS GZUGS RTOGS PAR 'GYUR RO, ,GSAL BA NYID BRJOD PAR NI JI LTAR ZHES BYA BA'O, ,'DI LA YANG YUL GCIG PA YOD DE ZHES DGONGS PA'O, ,MIG GI GZUNG BA MA YIN PA'I PHYIR RO, ,REG PA LA SOGS PA MI RTOGS SO ZHES BYA BA NI GZHAN GYI'O, ,LAN NI DON ZHES BYA BA'O, ,DE NYID NI MIG GI GZUNG BA NYID DO, ,DE DANG SBYOR BA NA ZHES BYA BA NI PHYI'I DANG NGO, ,CHOS KYANG ZHES BYA BA NI YUL THAG RING PO NA GNAS PA'I CHOS CAN GYI'O, ,KHA DOG KYANG GSAL BAR SNANG BAR 'GYUR RO ZHES 'BREL TO, ,DBYIBS TZAM NI SNANG BAR 'GYUR BA MA YIN NO ZHES BYA BAR BLTA'O, ,BYED PA'I ZHES BYA BA NI DBANG PO'O, ,MI 'DZIN PA NYID DO ZHES BYA BA NI DBYIBS TZAM YANG 'DZIN PAR MI 'GYUR RO, ,DE LTA BUR GYUR PAR ZHES BYA BA NI LA LAR NI 'GYUR LA LAR NI MA YIN

, ,PA'O ZHES BYA BAR RO, ,LAN MA YIN TE ZHES BYA BA STE, MDOG DBYIBS DAG LAS THA DAD PA MED PA'I PHYIR NA, DBYIBS RTOGS PA NA KHA DOG KYANG RTOGS PAR 'GYUR RO ZHES BYA BA DGONGS PA'O, ,KHA DOG MI DMIGS SO ZHES BYA BA NI MUN PA'I MDOG NI NAG PO 'DI YIN NA MUN PA 'DI NI DNGOS POR 'GYUR BA MA YIN NO ZHES BSAMS PA'O, ,RTOGS PA'I PHYIR RO ZHES BYA BA NI MUN PAR RO, ,DES NA MUN PA NI DNGOS PO MA YIN PA NYID DE SNANG BA LA DE MED PA'I PHYIR RO, ,DES NA JI LTAR DE SNANG BA LA MED KYANG DMIGS PA DE BZHIN DU GZHAN DU YANG YIN NO ZHE NA, 'GOG PA NI MA YIN TE ZHES BYA BA'O, , DE NI ZHES BYA BA NI SNANG BA LA MUN PAR RTOGS PA NI'O, ,HA CANG THAL BA NYID BRJOD PA NI PHYI'I DON MED PAR THAL BA'I PHYIR RO ZHES BYA BA'O, ,GAL TE BYED PA PO'I BDAG NYID CAN NI BYA BA NYID MI 'GYUR BA'I MA YIN NAM, DES NA JI LTAR BYED PA PO'I BDAG NYID DU 'GAL BA MA YIN SNYAM NA, BYED PA NI ZHES GSUNGS SO; ,THA MI DAD PA NYID BRJOD PA NI PHYAR BA DANG ZHES BYA BA'O, ,DE NYID CES BYA BA NI DE LTA NYID DO, ,DE ZHES BYA BA NI SKYES PA NYID DO, ,GCIG DANG DU MAR RTOGS PA NYID BRJOD PA NI RE ZHIG CES BYA BA'O, ,DE LA ZHES BYA BA NI DE LTAR RNAM PAR GNAS PA NA'O, ,DE LAS ZHES BYA BA NI LHAS BYIN LAS SO, ,SKABS SU BAB PA LA BYA BA DANG BYED PA'I RTOG PA BSHAD PA NI DE BZHIN DU ZHES BYA BA'O, ,DE LAS KYANG ZHES BYA BA NI 'BRAS BU LAS KYANG TSAD MAR THA DAD PA YIN NO, ,'BRAS BU NYID NI TSAD MAR 'GYUR RO, ,CI'I PHYIR ZHE NA, BYED PA DANG BCAS PA LTA BUR RTOGS TE LHAG PAR ZHEN PA'I PHYIR RO, ,RNAM PAR SHES PA SMRA BA LA 'JUG PA'I DON DU SLOB DPON PHYOGS KYI GLANG PO'I MDO NYE BAR DGOD PA NI, YANG NA ZHES BYA BA'O, ,GNYIS SU SNANG BA'I ZHES BYA BA NI, GZUNG BA DANG 'DZIN PA BZHIN DU SNANG BA YIN NO, ,GANG GI PHYIR 'JIG RTEN PA DON DU GNYER BA DE'I PHYIR, DON RIG PA 'BRAS BU YIN NO ZHE NA, 'DI LA RE ZHIG RANG NYID LAN 'DEBS PA NI 'DIR ZHES BYA BA'O, ,GAL TE MTHONG BA KHO NA LA NI DON DU GNYER BA YIN TE, THOS PA LA YANG DON DU GNYER BA MTHONG BA'I PHYIR RO ZHEN THOS PA YANG ZHES BYA BA'O, ,SO SOR RIG CES BYA BA NYID RNAM PAR 'GREL PA NI GAL TE SO SOR ZHES BYA BA'O, ,RKANG PA DANG PO NYID 'CHAD PA NI GAL TE

ZHES BYA BA'O, ,RKANG PA DANG PO 'CHAD PAR BZHED PAS GRUB PA'I MTHA' PAS GSUNGS PA NI, RAB RIB CAN ZHES BYA BA'O, ,DER NI NYAMS SU MYONG BAR BYA BA 'GA' YANG YOD PA MA YIN NO, ,DE LA JI LTAR NYAMS SU MYONG BA BZHIN PA MED KYANG 'DI NI NYAMS SU MYONG BAR BYA'O ZHES BYA BAR 'GYUR BA DE BZHIN DU'O, ,BDEN PA'I BUM PA LA SOGS PAR 'DOD PA LA YANG NYAMS SU MYONG BAR BYA BA MED BZHIN DU DE LTAR 'GYUR BA YIN NO ZHES DGONGS PA'O, ,GAL TE NYAMS SU MYONG BA KHA CIG NI DON LA BRTEN PA NYID DU MTHONG NGO ZHE NA, 'DI LA LAN NI DE NYID CES PA'O, ,NYAMS SU MYONG BA NI MTHONG BA YIN NO, ,'ON KYANG NYAMS SU MYONG BA 'DI PHYI ROL GYI DON GYI YIN NO ZHES DON DANG LHAN CIG 'BREL PAR NI MTHONG BA MED DO, ,'ON TE ZHES BYA BA'O, ,DE'I MYONG BA YIN NO ZHE NA, GAL TE ZHES BYA BA'O, ,DE LAS NI MIG LAS SO, ,GAL TE NGED KYI 'DOD PA LA NI DON RIG PA MED KYI 'ON KYANG DE'I RNAM PA CAN GYI SHES PA MTHONG BA LAS DE'I RNAM PA CAN GYI DON RJES SU DPAG PA YIN NO SNYAM NA, JI LTAR ZHES GSUNGS SO, ,DE YANG NI MIG GO, ,DE NYID NI MIG NYID DO, ,DE'I YUL DU NI ME LONG GI YUL DU'O, ,DES NA KHA DOG GI BDAG NYID KYI DBYIBS GANG YIN PA DE DANG GAL TE RDUL PHRA RAB LA LDAN PA YIN NA, DE'I RIGS PA NYID DU THAL BAR 'GYUR TE, KHA DOG GI RIGS PA NYID DU SNANG BA'I PHYIR RO, ,'DIR SLOB DPON CHOS MCHOG GI LUGS DGOD PAR BYED PA NI, CI STE ZHES BYA BA'O, ,DE ZHES BYA BA NI RAGS PA NYID KYI CHOS SO, ,'DI LA LAN NI GAL TE ZHES BYA BA'O, ,'DI GZHAN 'GOG PA NI MA YIN TE ZHES BYA BA'O, ,BAR NI YUL MA YIN TE DES NA DE MI 'DZIN GYIS NI 'KHRUL PA NYID KYANG MA YIN TE, BUM PA GZUNG BA NA SNAM BU LA SOGS PA MA BZUNG BAS KYANG 'KHRUL PA NYID DU THAL BA'I PHYIR RO ZHES BYA BA'I DON TO, ,'DI GRUB PA'I MTHA' PAS BRJOD PA NI GAL TE ZHES BYA BA'O, ,GAL TE BAR YUL NYID MA YIN NA, DE'I TSE SHES PA TZAM LA YANG NUS PA MED PA'I PHYIR DE MED PA NYID DU 'GYUR RO ZHES BYA BA NI, BAR DNGOS PO MED PA'I PHYIR RO, ,PHA ROL PO 'DI 'GOG PA NI BAR MED PA ZHES BYA BA'O, ,MI 'THAD PA NYID STON PA NI, DNGOS PO CHA SHAS DANG ZHES BYA BA'O, ,MNGON SUM GYIS GSAL BA'I PHYIR ZHES BYA BA NI, RAGS PA

, ,NYID MNGON SUM GYIS DMIGS PA'I PHYIR RO, ,GZHAN YANG MNGON SUM GYIS NI RE ZHIG RDUL PHRA RAB GANG DU DMIGS PA MED LA, ,RJES SU DPAG PA YANG DE SNGON DU 'GRO BA CAN DU 'GYUR BA YIN NA, ,DES NA JI LTAR MNGON SUM MED PAR RJES SU DPAG PA RDUL PHRA RAB KYI SGRUB BYED DU 'GYUR, JI LTAR RAGS PA BUM PA LA SOGS PA PHRA MO TSOGS PA'I PHYIR RO, ,GZHAN YANG MNGON SKAR KHUNG GI LAM NAS ZHUGS PA'I RDUL YANG RAGS PA NYID KYI PHRA MO BSAGS PA'I RANG BZHIN YIN LA, DE'I MTHA' THUG PA GANG YIN PA DE YANG RDUL PHRA RAB YIN NO ZHES BYA BA NI GZHAN GYIS BSAMS PA'O, ,'DI LA LAN NI 'DI ZHES BYA BA'O, ,YONGS SU MTHONG BA'I PHRA MO CI TZAM DE SRID TZAM ZHIG BRTAG PAR BYA BA YIN PA, DE LTA NA RDUL PHRA RAB MI 'GRUB PO ZHES DGONGS PA'O, ,GZHAN YANG ZHES BYA BA LA SOGS PAS KYANG 'KHRUL PA NYID BRJOD PA YIN NO, ,'ON KYANG 'DI LA NYES PA LHAG PAR BRJOD PAR BYA BA YIN NO ZHES SDUD PAS GZHAN YANG ZHES SMOS PAR ZAD DO, ,DON DANG MYONG BA RNAMS KYANG ZHES BYA BA LA, BUM PA LA SOGS PA RIGS MTHUN PA'I DON YANG PHAN TSUN RIGS PAR 'GYUR LA DE BZHIN DU RGYUD THA DAD PA LA YOD PA'I SNGON PO'I YUL CAN GYI MYONG BA RNAMS KYANG NGO, ,DE NYID GSAL BAR BYED PA NI RGYUD GZHAN GYI ZHES BYA BA'O, ,DE LTA MA YIN ZHES BYA BA NI GAL TE RNAM PA DE DE MA THAG NYID LAS SKYES PA YIN LA DE'I TSE'O, ,DE ZHES BYA BA NI DE MA THAG PA'O, ,RTZOD PA 'DI LA GZHAN DAG GI LAN SUN DBYUNG BA'I PHYIR 'GED PA NI GZHAN DAG CES BYA BA'O, ,DE LTA BU NYID DU SHES PA YANG YIN NO ZHES BYA BA NI, 'JIG RTEN NA YANG DE LTAR RTOGS PA YIN NO ZHES BYA BA'I DON TO, ,DE NYID STON PA NI 'DI LTAR ZHES BYA BA'O, ,JI LTAR PHYI'I DON DU SMRA BA'I LTAR NA SNGON PO'I RNAM PA MYONG BA NYID SNGON PO MYONG BA YIN PA BZHIN DU SNGON PO'I RNAM PA DRAN PA YIN GYI GZHAN NI MA YIN NO ZHES DGONGS PA'O, ,DRAN PA 'DI LAS DNGOS SU DON MTHONG BA NI MED DO, ,DE LTAR GZHAN GYI LAN SUN DBYUNG NAS RANG NYID KYI BRJOD PA ZHES BYA BA'O, ,'DI LTAR DANG PO NI SNGON NYAMS SU MYONG BAR 'GYUR LA PHYIS SNGON PO GOMS PA'I MTHA' THUG PA NA, SNGON PO

DNGOS SU SNANG BAR 'GYUR BA'O, ,SNGON POR SNANG BA'I SHES PA DE'I YUL NI DANG POR SKYES BA'I SNGON PO NYAMS SU MYONG BA YIN PAR 'GYUR RO, ,DE 'DRA BA'I ZHES BYA BA NI SNGON PO RNAM PA GSAL BA CAN NO, ,BAR DU BYUNG BA MED PA'I PHYIR RO ZHES BYA BA NI DE'I DE MA THAG PA NYID NI DE TZAM YIN TE, 'JIG RTEN NA RIGS MTHUN PAR MCHOD BA NYID LA BAR MED PA ZHES RTOGS PA YIN NO, ,DPER NA CHE GE MO'I KHYIM DANG BAR MCHOD PA NI BDE BYED KYI KHYIM YIN NO, ,DE 'DRA BA'I ZHES BYA BA NI, DER NI KHYIM GZHAN GYIS BAR MA CHOD PAS NA BAR MED PA ZHES BRJOD KYI, SKYE SHI LA SOGS PAS BAR MA CHOD PA NI MA YIN NO, ,GAL TE DE LTAR BAR MED PAR 'GYUR MOD, CHOD MGO SKYED BYED JI LTAR MIN SNYAM NA, 'DI LA LAN ZHES BYA BA'O, ,YANG JI LTAR 'DI LA LAN BTAB PA SNYAM NA BAR DU ZHES GSUNGS SO, ,RNAM PAR RTOG PA RNAMS GANG ZHIG GOMS PA LAS DE MA THAG TU GSAL BA'I RNAM PA CAN SKYED PAR BYED PA DE YUL DU 'GYUR RO, ,GANG GI PHYIR DE LTAR RNAM PAR 'KHRUL PA'I RGYU DES NA'O, ,GAL TE DON MED NA 'O NA RNAM PA 'DI JI LTAR SKYE ZHE NA RIGS GANG ZHES BYA BA LA SOGS PA'O, ,GAL TE DON GNAS PA NI NGES PA LAS YIN NA, DE'I TSE ZHES KHONG NAS PHYUNG LA 'DI LA BRJOD PA NI, ZHES 'CHAD PAR 'GYUR BA DANG 'BREL TO, JI LTAR NGES PA LAS DON RNAM PAR GNAS SHE NA, NGES PA NI ZHES BYA BA'O, ,DE MA THAG PA'I RKYEN LAS ZHES BYA BA NI 'DI YUL DAM THAG PA'I RKYEN LAS BYUNG BA YIN NO ZHES NGES PA NI MED DO, ,GAL TE DON NGES PA YIN MOD, DE LTA NA YANG JI LTAR NGES PA LAS DON RNAM PAR GNAS SHE NA, DON NYAMS SU MYONG BA ZHES GSUNGS SO, ,MNGON SUM DE LAS GZHAN PA'I RNAM PAR RTOG PA DE BAS ZHAN PA'I DON DE MTHONG NGO ZHES BYA BA 'DI NI GZU LUMS YIN NO, ,DE DE LTA MA YIN NA ZHES BYA BA NI GAL TE DON NYAMS SU MYONG BA NI MA YIN GYI, 'ON KYANG RANG GI NGO BO MYONG BA KHO NA YIN NA, DE'I TSE NGES PA DE LTA BU NYID DE RANG GI NGO BO MYONG BAR NGES PAR 'GYUR RO ZHE NA, 'DI 'GOG PA NI DE NI DE LTA MA YIN TE ZHES BYA BA'O, ,GAL TE GOMS PA DE YANG MYONG BA NYID LAS 'GYUR BA YIN TE, DES NA 'GA' ZHIG GI TSE GDON MI ZA BAR DON NYAMS SU MYONG BAR 'GYUR DGOS SO, ,DES NA 'DI PHYIN CI LOG TU JI LTAR NGES SHE NA, 'DI LA BRJOD

, ,PA NI 'DI YANG ZHES BYA BA'O, ,PHYIN CI LOG TU NGES PA NI MTHONG BA YANG YIN TE, BDAG LA SOGS PAR NGES PA BZHIN NO, ,GAL TE BLTA BA'I SHES BAR 'BYED PAR MI BYED NA, DE'I TSE NGES PA YANG RANG NYID NUS PA MED PAR JI LTAR BYED, JI LTAR ZLA BA GNYIS KYI SHES PA YOD NA SKYE BA'I NGES PA MA YIN PA DE RNAM PAR 'BYANG BAR MI BYED PA BZHIN NO, ,RGYU MA YIN PA'I PHYIR ZHES BYA BA NI RGYU MED CAN YIN PA'I PHYIR RO, ,GANG GI TSE SO SOR NGES PAR NYAMS SU MYONG BA NYID MA GRUB PA DE'I GOMS PA YANG JI LTAR 'GRUB CES BYA BA'I DON TO, ,'DRI BA'I DON GANG ZHIG YIN ZHES BYA BA NI 'DRI BA 'DI MI 'THAD DO ZHES BYA BA'I DON TO, ,MI 'THAD PA DE NYID STON PA NI 'DI LTAR ZHES BYA BA'O, ,SLAR BZLOG PA RNAM PAR BRJOD PA NI DON LA ZHES BYA BA'O, ,GZHAN GYIS RNAM PA 'DI LTA BU'I 'DRI BA NI ZHES SMRAS SO, ,CI'I PHYIR 'DRI BA NI RTZED MO YIN ZHES DRIS PA LA GZHAN GYIS MTHAR THUG PA ZHES SMRAS SO, , GAL TE ZHES BYA BA NI GRUB PA'I MTHA' SMRA BA'I'O, ,DE'I MYONG BA DE BDAG NYID DE ZHES BYA BA BSHAD PA YIN NO, ,DA RKANG PA GNYIS PA 'CHAD PA NI 'DIS ZHES BYA BA'O, ,'O NA JI LTAR ZHES BYA BA NI DRI BA'O, ,'DI 'GOG PA NI MA YIN TE ZHES BYA BA'O, ,'O NA JI LTAR MNGON SUM GYIS RIG PAR BYA BA NYID YIN SNYAM DU DOGS PA BSU NAS PHYED PHYI MA 'CHAD PA NI, MNGON SUM RIG BYAR DE YI NI, ,ZHES BYA BA'O, ,DRUG PA'I DON YOD NA THA MI DAD PA JI LTAR 'GYUR SNYAM NA, DRUG PA'I ZHES BYA BA'O, ,'DI NI ZHES BYA BA NI DRUG PA'I DON NO, ,YANG NA ZHES BYA BA LA SOGS PAS NI RNAM PA GZHAN 'GREL PA RNAMS GZHAN DU 'CHAD DO ZHES BYA BA NI, SNGON PO LA SOGS PA'I RNAM PA'O, ,NYAMS SU MYONG BAR ZHES BYA BA NI NYAMS SU MYONG BAR BYA BAR RO, ,DE'I NGO BO NI ZHES BYA BA RANG GI RANG BZHIN DU GYUR PA NYAMS SU MYONG BA'I NGO BO NI'O, ,DE LTAR YIN NA ZHES BYA BA NI, GZHAN LA YANG RANG BZHIN DU GYUR PA'I NYAMS SU MYONG BA'I NGO BO YOD NA DE'I GZHAN NYID DU MI 'GYUR RO, ,'DIS NI DE'I MYONG BA DE ZHES BYA BA NYAMS SU MYONG BZHIN PA NI, BDAG NYID YIN LA DE YANG SHES PA GZHAN 'GA' ZHIG GIS NI MA YIN NO ZHES BYA BA DE LTAR BSHAD PA YIN NO, ,LHAG MA NI SNGA MA BZHIN NO, ,'DI NYID YANG RNAM PA GZHAN DU SBYOR

BA NI YANG NA ZHES BYA BA'O, ,SHES PA LKOG TU GYUR PA GANG YIN PA DE NYID KYIS NYAMS SU MYONG BA GANG YIN PA NYID YIN PAR 'GYUR RO ZHE NA, 'DI LA BRJOD PA NI GAL TE ZHES BYA BA'O, ,DON DE'I BDAG NYID DE NI MYONG BA STE, MNGON DU BYED PA YIN PAR 'GUR RO, ,GZHAN LA ZHES BYA BA NI GZHAN ZHES BYA BA'I DON TO, ,DON GYI BDAG NYID KHO NAR RANG GI BZHIN MNGON DU BYED PA YIN MOD, CI SKYON SNYAM NA DE ZHES SMOS TE, NYAMS SU MYONG BA DE GZHAN ZHES BYA BA DON 'GA' ZHIG GIS NI MA YIN NO, ,'DI GA LAS SHE NA BSHAD PA GAL TE DON GYI BDAG NYID NYAMS SU MYONG BAR GYUR PA YIN NA, DE'I TSE GZHAN LA YANG ZHES BYA BA SKYES BU GZHAN LA LTOS NAS KYANG DE KHO NA LTAR NYAMS SU MYONG BA'I RANG BZHIN DU 'GYUR TE, DON NI THUN MONG MA YIN PA'I PHYIR RO, ,DES NA SKYES BU THAMS CAD DE MTHONG BA STE DE NYAMS SU MYONG BAR 'GYUR RO, ,'GYUR BA KHO NA'O ZHE NA BRJOD BA GZHAN LA NI ZHES BYA BA'O, ,SKYES BU GZHAN LA LTOS NAS NI, DE LTAR ZHES BYA BA NYAMS SU MYONG BA'I RANG BZHIN YANG MA YIN NO, ,YANG NA ZHES BYA BA LA SOGS PA'I 'DRI BA LA, RNAM 'GREL GYIS LAN BTAB PA NI BDAG NYID CES BYA BA'O, ,'DI NYID GSAL BAR BYED PA NI SEMS NYID CES BYA BA'O, ,BDAG NYID GZHAN MED PA'I PHYIR NA SEMS KYI RGYUN NYID BDAG YIN NO, ,GAL TE GZHAN 'GA' ZHIG YOD NA DE LAS PHYI ROL DU 'GYUR BA ZHIG GANG GI TSE GZHAN ZHES BYA BA MED PA DE'I TSE, SNGON PO'I RNAM PA 'DI PHYI ROL DU GYUR PA GA LA YIN, JI SRID LUS KYI RNAM PA LAS SNGON PO'I RNAM PA PHYI ROL DU GYUR PAR BRJOD PA DE SRID DU LUS KYI RNAM PA NYID DU SNGON PO'I RNAM PA LAS PHYI ROL DU GYUR PA ZHES CI STE MI BRJOD, DES NA GANG ZHIG GA LAS PHYI ROL GYI YUL CAN GYI YIN ZHES BSAMS PA'O, ,KHYED KYIS KYANG ZHES BYA BA NI REG BYED KYI MTHA' LAS KYANG NGO, ,DE LAS THA DAD PA NI BDAG LAS THA DAD PA'O, , DE NI ZHES BYA BA NI BDAG TU SMRA BA'O, ,KHYOD NI RNAM PAR SHES PAR SMRA BA YIN NA, DE JI LTAR 'DI 'BREL LA YIN ZHES BYA BA NI PHA ROL PO'I BSAM PA'O, ,'DI LA BRJOD PA NI MA YIN TE ZHES BYA BA'O, ,SNA TSOGS PA'I RNAM PA MYONG BA'I RGYU'I PHYIR MED PAR MI 'THAD DO, ,KHYED KYI LTAR NA NI BDAG

, ,RNAM PA MED PA YIN, SNA TSOGS KYI RNAM PA NI MANG PO KHO NA YIN NO, ,DES NA NGED KYI 'DOD PA DANG JI LTAR MTSUNGS, MA RIG PA'I DBANG GIS BSKYED PA'I PHYIR NA SNA TSOGS KYI RNAM PA NI MED PA YIN NO ZHES BYA BA NI GZHAN GYI'O, ,'DI LA BRJOD PA NI DE NI MYONG BA KHO NA'O ZHES BYA BA'O, , MA RIG PA YANG NYAMS SU MYONG BAR BYA BA YIN PA'I MYONG BA KHO NA'O, ,DES NA DE'I DBANG GIS SKYES PA'I SNA TSOGS KYI RNAM PA MED PAR JI LTAR 'GYUR, DE LTAR NA RE ZHIG BDAG TU SMRA BA NI RIGS PAS 'THAD PA MA YIN PAR BSTAN PA YIN NO, ,DA NI DE LA 'BRAS BU CUNG ZAD KYANG YOD PA MA YIN NO ZHES BRJED PA NI, BDAG TU SMRA BA'I ZHES BYA BA'O, ,BDAG MED PA YANG NYE BAR MI MKHO BA'O SNYAM NA, 'DOD CHAGS ZHES SMOS SO, ,RANG GI NGO BO GSAL BAR BYED PA'I PHYIR, RANG NYID DE LTAR ZHES BYA BA RANG GI NGO BO GSAL BAR BYED PA'I RANG BZHIN 'GYUR BA YIN NO, ,GAL TE GANG GIS DE SKAD BRJOD PA SNGON PO LAS GZHAN PA'I NYAMS SU MYONG BA MED PAR JI LTAR 'GRUB SNYAM NA 'BA' ZHIG CES SMOS SO, ,RNAM PA DANG BRAL BA'O, ,GAL TE 'DI THA DAD PA YIN YANG THA DAD PA NYID DU NGES PA YIN NO SNYAM NA, GANG ZHIG CES GSUNGS SO, ,GAL TE THA DAD PA MED NA, SNGON PO'I MYONG BA ZHES THA DAD PA'I THA SNYAD DU JI LTAR 'GYUR ZHE NA, LDOG PA ZHES SMOS TE, LDOG PA'I THA SNYAD DO, ,DE'I PHYIR ZHES BYA BA NI, LDOG PA'I THA SNYAD LAS SO, ,DE LTAR MIN ZHES BYA BA NI LDOG PA NYID DU 'GYUR BA MA YIN NO, ,SNGAR ZHES BYA BA NI MCHI GU'I LUS ZHES BYA BA BZHIN NO ZHES BYA BA DER RO, ,RNAM 'GREL LA 'JUG PAR BYED PA NI JI LTAR ZHES BYA BA'O, ,YANG JI LTAR NA SGRON MA LA SOGS PAS GSAL BAR BYA BA RANG NYID GSAL BA MA YIN ZHE NA, BDAG NYID LA NI ZHES GSUNGS SO, ,BZLOG PA LA YANG ZHES BYA BA NI RANG GSAL BA LA YANG NGO, ,GAL TE DE YANG GSAL BYED GZHAN MED NA, JI LTAR SGRON MA GSAL BAR 'GYUR SNYAM NA, GAL TE ZHES BYA BA'O, ,BRGAL ZHING BRTAG PA MA YIN PA DE LTA BU NYID DU MTHONG BA'I PHYIR RO ZHES DOGS PA'O, ,BUM PA YANG ZHES BYA BA LA SOGS PAS NI GZHAN GYIS GSAL BAR BYED PA ZHES BYA BA NI MED DO ZHES STON PA YIN NO, ,DE LAS NI SGRON MA'O, ,RANG GSAL BA'I DPE

SGRON MA NYID 'GOG PAS PHA ROL PO SMRA BA NI CI STE ZHES BYA BA'O, ,SGRON MA LA SOGS PA LAS GSAL BA'I RANG BZHIN DU SKYES PA DE'I GSAL BAR BYED PA MIG LA SOGS PA NYID YIN NO, ,MI GSAL BA'I PHYI ROL YANG MIG DANG SGRON MA LA SOGS PA LAS GSAL BA'I RANG BZHIN DU SKYE BA'I PHYIR SGRON MAS GSAL BAR BYED DO ZHES BRJOD PA JI LTA BA BZHIN DU MIG LAS KYANG SHES PA GSAL PA'I RANG BZHIN NYID SKYE BA YIN NO ZHES 'DOD BAR BYA'I, DON DAM PAR NI GZHAN GYIS GSAL BA 'GA' YANG YOD PA MA YIN NO ZHES DGONGS PA'O, ,JI LTAR SRID PA ZHES BYA BA NI SRID PA LAS MA 'DAS PA STE DE LTAR RO, ,GAL TE 'GA' ZHIG LA ZHES BYA BA SGRON MA LA NI GSAL BYED GCIG YIN LA, GZHAN DAG LA ZHES BYA BA BUM PA LA NI GNYIS YIN LA GZHAN PA DAG LA NI SHES PAR BYA BA SHES PA LA NI YANG NA'O, ,DE'I ZHES BYA BA RANG NYID GSAL BA'O, ,'ON TE RANG BZHIN DANG YANG 'GAL BAR 'GYUR NA DE'I TSE 'DI NI THAMS CAD SNYAM PAR DE 'JIGS PAR BYED PAR 'GYUR RO, ,GAL TE 'GAL BA MED NA 'O NA RAL GRI'I SO YANG BDAG NYID KYIS GCOD PAR 'GYUR RO ZHE NA, ,CHAD PA NI ZHES SMOS SO, ,'DI NYID YIN NO ZHES BYA BA NI DE NYID KYIS BSKYED PA MA YIN NO ZHES BYA BA DE LTA BU'I RANG BZHIN NO, ,DE'I TSE 'THAD PAR 'GYUR GYI ZHES BYA BA RANG NYID GSAL BA SUN 'BYIN PA'O, ,GZHAN DU NI MA YIN NO ZHES BYA BA NI RANG GI RGYU LAS RANG GSAL BA'I RANG BZHIN DU SKYES NA'O, ,DON DE MA THAG GSAL BA NI DES DON GZHAN GSAL LO ZHES BYA BA'I BRJOD PAR MI 'GYUR RO, ,GAL TE DON GSAL ZHE NA NI DON DE YANG SHES PA DE LTA BU NYID DU'O ZHES BYA BA'I DON TO, ,GZHAN GYIS NI SHES PAS SO, ,DE'I TSE NI ZHES BYA BA GNYI GA GSAL BA'I DUS NA'O, ,GSAL BYA BA DANG ZHES BYA BA NI, GSAL BYA NYID DU 'DOD PA'I DON, ,GSAL BYED CES BYA BA NI GSAL BYED DU 'DOD PA NI SHES PA DAG GSAL BA NYID DU KHYAD PAR 'GA' YANG YOD PA MA YIN NO, ,DE'I BYED PA LAS ZHES BYA BA NI SHES PA'I BYED PA LAS SO, ,DE LAS NI DON LA RIM GYIS RTOGS PA RTOGS PA NYID KHYAD PAR YOD PA'O, ,PHA ROL PO 'DI NYID GSAL BAR BYED PA NI 'DI LTAR ZHES BA BA'O, ,DE'I NI BUM PA'O, ,RGYU DES NA BUM PA

, ,DANG SGRON MA DE GNYIS DE NYID DE GSAL BYA DANG GSAL BYED NYID YIN NA 'DI LA BRJOD PA NI DE LTAR ZHES BYA BA STE, GSAL BA'I RANG BZHIN NYID DU SKYES PAR CI STENG MI 'DOD NA, DE KHO NA LTAR SKYE BAR RIGS SO, ,DES NA DE LA GSAL BYA GSAL BYED NYED CI ZHIG YOD, KHYAD PAR ZHES BYA BA NI SGRON MAS BYAS PA'O, ,'ON TE RANG NYID CES BYA BA DE NYID 'GREL PA NI THA SNYAD CES BYA BA'O, ,'DI LA BRJOD PA NI NYAMS SU ZHES BYA BA'O, ,DE LTAR ZHES BYA BA NI SHES PA LTAR RO, ,RNAM PA THAMS CAD DU ZHES BYA BA NI THAMS CAD KYI TSE RIG PAR RO, ,DES NA RIG PAR BYA BA NI LKOG TU GYUR PA YANG 'THAD PA YANG 'THAD PA YIN NO, ,GAL TE SHES PA BZHIN DU PHYI ROL YANG THAMS CAD KYI TSE RIG PA NYID YIN NA NI DE'I TSE SHES PA DANG, SHES BYA DAG KHYAD PAR 'GA' YANG MED PAR 'GYUR RO, ,DES NA PHYI ROL GYI DNGOS PO RIG PAR BYA BA MA YIN PA YANG SPONG BA KHO NA'O ZHE NA, 'DI LA BRJOD PA NI DE NI MI 'THAD DE ZHES BYA BA'O, ,RIG BYA MIN LA ZHES BYA BA NI RIG PAR BYA BA MA YIN PA NYID RTOGS SO ZHE NA, BRJOD PA RIG PAR BYA BA NYID MED NA RIG PA NYID DU JI LTAR 'GYUR, GAL TE MNGON SUM GCIG GIS MA RTOGS PA RJES SU DPOGS PAS RTOGS ZHES BYA BA 'DI 'CHAD PA CI YOD SNYAM NA DE YANG ZHES GSUNGS SO, ,DON GZHAN MED DO ZHES BYA BA KHO BO CAG GI PHYOGS YIN GYI DON DE LA MNGON SUM GYIS RTOGS PAR BYAS PA NYID 'BA' ZHIG YOD DO ZHES BYA BA NI PHYOGS MA YIN TE, DE LTAR YIN DANG RTOGS BZHIN PA LAS DON GZHAN NI MED DO ZHES BYA BA 'DI LA CHAD PA CI YOD, YANG NA MNGON SUM GYIS RTOGS PAR BYA BA NYID 'BA' ZHIG YOD DO ZHES BYA BA'I PHYOGS LA YANG NYES PA MED DO ZHES STON PA NI, RJES SU DPAG PA LAS ZHES BYA BA'O, ,DE LTA MA YIN PA ZHES BYA BA NI, RANG NYID KYIS PHYIS MTHONG BA'O, ,DE LAS NI GZUNG BA LAS SO, ,'DI 'GOG PA NI MA YIN TE ZHES BYA BA'O, , RTOGS PA'I PHYIR ZHES BYA BA NI GZUNG BA'I RNAM PA LA THA DAD PA'I DON MA RTOGS PA'I PHYIR RO, ,MA RTOGS KYANG YOD DO ZHE NA, MA RTOGS PA ZHES GSUNGS SO, ,MA RTOGS PA NYID MA GRUB STE RJES SU DPAG PAS RTOGS PA'I PHYIR RO ZHE NA 'DI LA BRJOD PA NI 'O NA ZHES BYA BA'O, ,MNGON DU BYED PA MA

YIN PA KHO NAR RJES SU DPAG PAS RTOGS PA DES NA, MNGON SUM DU JI LTAR 'GYUR ZHE NA, 'DI LA SMRAS PA NI DE ZHES BYA BA'O, ,MNGON DU BYED PAS NI MA YIN NO ZHES BRJOD PA NA MNGON DU BYED PA NYID BKAG PA YIN LA RTOGS SO ZHES BRJOD PA NA NI DE NYID BSGRUBS PA YIN TE, DE LTA MA YIN PA RTOGS PA MED PA'I PHYIR RO, ,SGRUB PA DANG DGAG PA 'DI YANG GCIG NYID 'THAD PA MA YIN NO, ,JI LTAR MI 'THAD SNYAM NA DON CI YIN ZHES BYA BA SMOS TE, CI YANG MA YIN PA'O, ,RANG GI NGO BOR MA RTOGS PA LA NI RJES SU DPAG PAS RTOGS PA MED PA'I PHYIR GZUNG BA LAS THA DAD PA'I PHYI ROL GYI DON CI LTAR KHAS LEN ZHES BYA BA'I DON TO, ,'DI ZHES BYA BA NI SNGON PO LA SOGS PA'O, ,DE'I TSE MYONG BA'I RGYU LAS SNGON PO'I RANG BZHIN GYI DNGOS PO NI SER PO LA LTOS TO, RANG BZHIN THA DAD PAR CI LTAR 'GYUR TE, MYONG BA'I DBANG GIS SNGON PO DANG SER PO DAG THA DAD PAR JI LTAR 'GYUR ZHES BYA BA'I DON TO, ,YANG JI LTAR THA DAD PAR MI 'THAD SNYAM NA, RTOGS PA'I ZHES GSUNGS SO, ,DES NA RTOGS PA'I DBYE BAS THA DAD PAR 'GYUR DGOS SO, ,SHES PA GZHAN THA DAD PAR NI TSAD MAS 'THAD PA MA YIN NO, ,DE DANG 'BREL PAS NI SHES PA'I BDAG NYID YIN PAS NA, DE NYID NA ZHES PAS THA DAD NA DON THA DAD PA'O, ,'DI LA BRJOD PA NI SHES PA LAS DON GZHAN YOD PAR GA LA 'GYUR, 'DI NYID GSAL BAR BYED PA NI DE DANG ZHES BYA BA STE, SHES PA DANG LHAN CIG GCIG TU GYUR PA'I DON NI, SHES PA DE LAS GZHAN PAR GA LA 'GYUR TE, 'DI LA TSAD MA MED DE ZHES BYA BA'I DON TO, ,RJES SU 'GRO BA DANG LDOG PA DAG LAS SHES PA DANG DON THA DAD PAR SO SOR RTOGS SO ZHE NA, 'DI LA BRJOD PA NI MA YIN TE ZHES BYA BA'O, ,RJES SU 'GRO BA DANG LDOG PA DAG RJES SU DPAG PAS RTOGS SO ZHE NA 'DI 'GOG PA NI MIN ZHES BYA BA'O, ,RJES SU DPAG PA NI MNGON SUM SNGON DU 'GRO BA CAN NYID YIN NA, DE LA MNGON SUM ZHUGS PA YANG MA YIN TE, DES NA JI LTAR RJES SU DPAG PAR 'GYUR, DES NA MNGON SUM DE MED NA RJES SU DPAG PA MED PAS NA LONG BA BRGYUD PA LAS 'BA' ZHIG TU 'GYUR GYI, DNGOS PO GRUB PA NI MA YIN NO, ,GAL TE ZHES BYA BA NI DGOS PA'O, ,KHYAB PAR BYED PA'I DON MED PAR

, ,KHYAB PAR BYA BA'I SHES PA YOD PAR JI LTAR 'DI LA BRJOD PA NI MA RTOGS PA'O ZHES BYA BA'O, ,DE TSE ZHES BYA BA DON GRUB PA'I DUS SU'O, ,GAL TE DE'I DUS BAR MA RTOGS NA 'O NA SNGAR KHYAB PAR BYED PA NYID DU JI LTAR RTOGS YUL DANG DUS RANG BZHIN KHYAB PA'I PHYIR, KHYAB PAR BYED PA NYID DU 'GYUR BA YIN NO, ,GAL TE DE'I DUS MA RTOGS NA DE'I TSE JI LTAR KHYED KHYAB PAR BYED PA NYID DU 'GYUR, DA LTA NA DON YOD DO ZHES BYA BA'I RTOGS PA GANG YIN PA DE SNGAR SKYES NA, DE LAS KHYAB PAR BYED PA NYID DU JI LTAR RTOGS DES NA SNGAR YANG RTOGS PA TZAM KHO NA YIN GYI, DON RTOGS PA NI MA YIN NO, ,DE LTAR NA YANG DE'I DON GYIS KHYAB PAR JI LTAR 'GYUR, 'DI LA GZHAN GYIS GAL TE ZHES SMRAS SO, ,JI LTAR DU BA ME MED NA MI 'BYUNG BA DE BZHIN DU ME'I RNAM PA CAN GYI RTOGS PA YANG ME MED PAR YANG MI 'DOD DO, ME'I 'BRAS BU YIN PA'I PHYIR RO, ,DES NA DE JI LTAR RTOGS PA TZAM YIN, SHES PA'I RNAM PA NYID YIN NA NI; DU BA YANG ME'I 'BRAS BUR MI 'GRUB STE, SHES PA BSKYED PA'I PHYIR RO ZHES BYA BA NI GZHAN GYI BSAM PA'O, ,BRJOD DE ZHES BYA BA NI BRAM ZES SO, ,'DI LTAR ZHES BYA BA NI NGO SHES PA'I STOBS KYIS RNAM PAR RIG PA TZAM BZLOG PA NYID STON PA'O, ,GAL TE DON MYONG BA'I NANG DU 'DUS NA, DE'I TSE NGO SHES PA'I YUL GANG YIN NGO SHES PA LA YUL YOD PA LA YANG YIN TE, THAMS CAD DU NA PHYI ROL DMIGS, ,ZHES BSGRUBS PA'I PHYIR RO, ,DES NA DON NI MYONG BA'I NANG DU 'DUS PA MA YIN TE, 'ON KYANG PHYI ROL KHO NA YIN NO, ,DE NYID BRJOD PA NI GAL TE MYONG BA MIN ZHES BYA BA NI BAR NA YOD PA ZHES BYA BA'I SNGAR GYI MTHONG BA DANG PHYIS KYI MTHONG BA GNYIS KYI DBUS NA YOD PA'I MA RTOGS PA GANG YIN PA MED PAR RO, ,'DI LA BRJOD PA NI SNGA MA DANG ZHES BYA BA'O, ,'ON TE ZHES BYA BAS DOGS PA BSU NAS SPYI NYID CES GSUNGS TE, THAMS CAD DU NGO SHES SHES BYA SPYI'I YUL CAN NYID YIN MOD, DES NA SPYI NYID GCIG TU 'GYUR GYI GSAL BA NI MA YIN NO, ,SPYI GCIG NYID DU 'DOD PA KHO NA'O ZHE NA, SPYI YANG ZHES BYA BA'O, ,GAL TE BAR GYI RANG BZHIN YANG NGO SHES PA DES DMIGS PA YIN GYI, SNGA PHYI'I RANG BZHIN TZAM NI MA YIN NO ZHE NA, NGO SHES DE NYID NI ZHES GSUNGS SO, ,'ON TE NGO SHES

PAR DMIGS PA NYID DU NI MTHONG BA KHO NA'O SNYAM NA, MTHONG NA NI ZHES BYA BA'O, ,GAL TE RANG BZHIN SNGA MA LKOG TU GYUR PA YIN NA, DE JI LTAR SHES PA YIN SNYAM NA, 'DI LA BRJOD PA NI GNAS SKABS ZHES BYA BA'O, ,GAL TE NYAMS NA ZHES BYA BA NI 'DAS PA LA MNGON SUM NYID MED PAR RNAM PAR SHES PA NYID LAS NYAMS PAR 'GYUR NA, DE'I TSE 'DAS PA'I DON YANG DA LTAR GYI DUS SU DON NYID LAS NYAMS PAR 'GYUR RO, ,DE NI ZHES BYA BA NI BAR NA YOD PA NI'O, ,DON BYED PA MED PA ZHES BYA BA NI DA LTAR GYI DUS NA DON BYED PA MED PA'I DON 'DAS PA JI LTAR DON NYID YIN TE, DON NA DON BYED PA NYID LAS YIN NO, ,DON BYA BA BYED PA YANG DA LTAR BA YIN GYI 'DAS PA NI MA YIN NO, ,DA LTAR YANG DON BYA BA BYED DO ZHE NA, MYONG BA MED PA NI ZHES BYA BA'O, ,RGYU DES NA BAR GYI DUS NA YOD PA DE DANG NGAM, 'DAS PA DANG LHAN CIG DA LTAR BYUNG BA NYID GCIG PA NYID MED DO, ,'O NA RJES SU DPAG PAS GCIG TU 'GYUR RO ZHE NA RJES SU DPAG PA'I ZHES BYA BA'O, ,PHA ROL NYID SANGS RGYAS PA'I DOGS PA BSU BA NI, BAG CHAGS ZHES BYA BA'O, ,SNGON PO DANG SER PO LA SOGS PA'I DBYE BA MTHA' YAS PA BAG CHAGS GANG LA YOD PA DE LA DE SKAD BRJOD DE, DE'I RNAM PA CAN GYI SHES PA GANG YIN PA DE'I SKYED PAR BYED PA YIN NA, DE'I TSE BAG CHAGS DE DANG PHYI ROL GYI DON THA DAD PA CI YOD PA DE MED PA KHO NA'O, ,DE NI BAG CHAGS SO, ,DON NI LUS CAN YIN LA, RNAM PAR SHES PA NI RNAM PAR SHES PA'I BDAG NYID YIN PA'I PHYIR LUS CAN NYID MA YIN NO, ,RTAG TU NYE BAR 'TSE BAR BYED PA ZHES BYA BA NI, THOGS PA LA SOGS PA'I MTSAN NYID KYI NYE BAR 'TSO BAR BYED PA'O, ,SHES PA'I RNAM PA NI RTAG TU NYE BAR 'TSO BAR BYED PA MA YIN TE, SNANG BA'I DUS KHO NA DE NYID 'TSO BA'I RGYU YIN PA'I PHYIR RO, ,SNANG BA'I ZHES BYA BA NI SHES PA'I RNAM PA'O, ,PHYI ROL KHYAD PAR MED KYANG BSGOMS PA'I KHYAD PAR GYIS SHES PA GSAL BA LA SOGS PA'I KHYAD PAR DU GYUR PA'I RGYU'I PHYIR, SHES PA'I RNAM PA NYID SNANG BA YIN GYI DON NI MA YIN NO, ,MA YIN TE ZHES BYA BA NI 'DIS 'GOG PA'O, ,NYE BA MA YIN YANG ZHES BYA BA NI YUL DANG DUS DE NA NYE BAR MI GNAS PA YANG MTHONG BAR KHAS BLANGS PA'I PHYIR RO, ,

, ,'DI NYID STON PA NI 'DI LTAR ZHES BYA BA'O, ,DRAN PA BRJOD PA NI DRAN PA NYAMS PA STE 'OD BYED PA RNAMS KYI'O, ,MED PAR RIG PA NI GZHON NU MA LEN PA RNAMS KYI'O, ,MED PAR SNANG BA NI RIGS PA CAN LA SOGS PA RNAMS KYI'O, ,THAMS CAD THAMS CAD LA YANG 'DOD, ,CES BYA BA NI GRANGS CAN PA RNAMS KYI'O, ,SKYON MTSUNGS PA NYID DO ZHES BYA BA NI THAMS CAD SNANG BAR THAL BA'I MTSAN NYID DO, ,NGO SHES SNGAR NI DUS MA MTHONG BA YOD PA YIN TE, DES NA DRAN PAS NYAMS PA NA ZLA BA GNYIS MTHONG BA'I DUS NA DNGOS GZHAN YANG DU MA CI'I PHYIR MA MTHONG, 'ON TE BAG CHAGS LA BRTEN NAS 'GA' ZHIG KHO NA DMIGS KYI THAMS CAD NI MA YIN NO ZHES BRJOD NA DE LA BRJOD PA NI BAG CHAGS KYI STOBS NI RNAM PAR SHES PA SMRA BA LA YANG MTSUNGS TE, DES NA RNAM PAR SHES PA NI SNGAR ZHES BYA BA'O, ,PHYIN CI LOG TU SNANG BA'I PHYOGS LA YANG MTSUNGS PAR STON PA NI PHYIN CI LOG TU ZHES BYA BA'O, ,DE LTAR NA RE ZHIG SLOB DPON CHOS MCHOG LA SOGS PAS 'DOD PA'I BAG CHAGS KYI PHYOGS LA YANG PHA ROL POS BRJOD PAS NYES PA BSAL NAS RANG GI 'DOD PA BRJOD PA NI DE MA THAG PA'I ZHES BYA BA'O, ,SHES PA SNGA MA'I BDAG NYID DU GYUR PA'I SNANG BA THAMS CAD RANG GI RANG BZHIN LA GSAL BA'I PHYIR NA GSAL ZHING G-YO BA'I RANG BZHIN DE NYID BAG CHAGS YIN NO, ,GZHAN DUS PHYIS 'BYUNG BA CAN DE LTA'I BDAG CES BYA BA GSAL BAR SNANG BA'I RANG BZHIN GYIS MYONG BA NI, SKYED BYED MED PAR BAG CHAGS DE GA LAS YIN, BAG CHAGS DE NI DE'I RNAM PA CAN GYI RNAM PAR SHES PA PHYI MA SKYED PAR BYED PA NYID DO ZHES BYA BA'I DON TO, ,'O NA RANG RNAM PAR SHES PA THAMS CAD CIG CAR 'JUG PAR 'GYUR RO ZHE NA SAD BYED CES SMOS SO, MNGON PAR 'DOD PA DANG GZHAN DU STE, MI 'DOD PAR SNANG BAR SHES PA GANG LA YOD PA DE LA DE SKAD CES BYA'O, ,DE LAS NAm RNAM PAR SHES PA SNGA MA LAS SO, ,'DIR DPE NI SAD PA'I ZHES BYA BA'O, ,DUS GZHAN DU ZHES BYA BA NI GZOD NAS PHA ROL PO SMRA BA NI CHOS PA LAS ZHES BYA BA'O, ,DE NYID NI SNGAR MTHONG BA NYID DO, ,DE MA THAG PA'I RKYEN GYIS NI RMI LAM LA SOGS PA SNGA NA MED PAR SKYED PA MA YIN PA DES NA, JI LTAR DPE YIN SNYAM NA, 'DI LA

BRJOD PA NI MA YIN TE ZHES BYA BA'O, ,DE'I RNAM PAR RTOG PA GZHAN NYID SKYE BA ZHES BYA BA 'DI NYID DON YIN GYI, SHES PA'AM DON 'DAS ZIN PA DE NYID SNANG BA NI MA YIN NO, ,DE NI 'DAS PA NYID DA LTAR SNANG BA'I MI 'THAD PA'I PHYIR RO, ,DE NYID KYIS NI NYAMS SU MYONG BA'I'O, ,'DI KHO NA LTAR DMIGS PA ZHES BYA BA NI RMI LAM DU MTHONG BA DANG SAD PAR MTHONG BA'I SHES PA DAG GO, ,GAL TE BAG CHAGS YOD DO ZHES BYA BA TZAM LA TSAD MA YOD MOD, ,RNAM PAR SHES PA SNGA MA'I BYE BRAG YIN PA LA NI TSAD MA MED DE DE NI 'DAS PA'I MNGON SUM MED PA'I PHYIR RO ZHE NA, THOG MA MED PA'I ZHES GSUNGS SO, ,'DI NYID GSAL BAR BYED PA NI JI LTAR ZHES BYA BA'O, ,PHYI ROL NI BUM PA LA SOGS PA'O, ,PHYI ROL NI DE'I RGYU MTSAN NI BAG CHAGS KYI RGYU MTSAN NO, ,RGYU MTSAN NYID BRJOD PA NI RGYU MTSAN ZHES PA'I BYE BRAG STE ZHES BYA BA STE, BAG CHAGS DE YIN NO, ,SHES PA'I BYE BRAG STE ZHES BYA STE, DE'I ZHES GSUNGS TE, SHES PA DE'I DBYE BA'ANG BAG CHAGS KYI BYE BRAG DE LAS YIN NO, ,DE'I NI DON GYI'O, ,DE ZHES BYA BA NI DON GYI DBYE BA RGYU MTSAN MED PA'O, ,'O NA DON GYIS G-YO BA'I RGYU SHES PA'I DBYE BA YIN MONG SNYAM NA, SHES PA'I DBYE BA LAS ZHES BYA BA'O, ,MA 'BREL BA NYID DO ZHES BYA BA NI RANG GI BDAG NYID LA BYED PA 'GAL BA'I PHYIR RO, ,GAL TE DON GYI DBYE BA DE RANG KHO NA'I RGYU MTSAN YIN NA, DE'I TSE NYES PA 'DIR 'GYUR BA ZHIG NA, DE LTAR NI 'DOD PA MA YIN GYI 'ON KYANG DON GYI DBYE BA GZHAN YIN NO ZHE NA, 'ON TE ZHES BYA BA'O, ,MI SNANG BA'I BAG CHAGS THA DAD PAR BYED PA LA YANG NYES PA NI DE LA ZHES BYA BA STE, MI SNANG BA LA YOD DO, ,GZUNG BA THA DAD PAR NI SKYED PAR MI 'GYUR RO, ,DRAN PA TZAM NYID KYI GZUNG BA'I RNAM PAR BSKYED PAR NI MA MTHONG NGO, ,DE'I ZHES BYA BA RANG GI RNAM PA CAN GYI SHES PA SKYED PAR BYED PA SNGON GYI RNAM PAR SHES PA DE JI LTAR THA DAD PAR BYED PA MA YIN, LCAGS SGROG GIS BCINGS PA'I BDAG NYID MED KYANG DE LTA BU'I TSUL DU ZHES BYA BA 'KHOR BA'I TSUL DU 'GRO BA'I RGYU YIN PA DE BZHIN DU BAG CHAGS KYI DBYE BAS KYANG YIN NO ZHES SBYAR RO, ,DER YANG NI 'DOD PA LA SOGS PA'O, ,GAL TE DER PHYI ROL NYID DMIGS PA YIN NA, DE'I 'DOD PA CAN GYI

, ,'DOD LDAN MA GOMS PAS MNGON DU BYAS PA CI STE MI 'THOB SNYAM NA, DE'I TSE DE NYID NA ZHES BYA BA STE, DUS DE'I TSE YUL DER RO, ,DE NI YUL DANG DUS GZHAN DU MED PA YIN PA'I PHYIR, DE'I TSE DANG DER MA THOB MONG, MED PA'I PHYIR MA THOB PA NI MA YIN NO ZHES DGONGS PA'O, ,YUL LA SOGS PA YIS, GZHAN NYID YIN PAR JI LTAR 'GYUR, ,ZHES BYA BA NI GANG ZHIG JI LTAR SNANG BA DE NI, DE KHO NA KHAS BLANG BAR BYA BA STE, DES NA YUL DANG DUS 'DI PA NYID DU RTOGS PA'I PHYIR, DE NI YUL DANG DUS 'DI PA NYID DO, ,DE LTA MA YIN NA SNGON PO'I RNAM PA LA YANG SER PO'I RNAM PA NYID SNGON PO'I RNAM PA NYID DU SNANG BA'I PHYIR DNGOS PO 'GA' YANG RNAM PAR GNAS PA MED PAR 'GYUR RO, ,RNAM PA GZHAN LA ZHES BYA BA NI SNGON PO'I RNAM PAR SNANG BA SER PO'I RNAM PA NYID YIN PA LA TSAD MA MED PA DES NA SNGON PO RNAMS SER PO'I RNAM PA MA YIN NO ZHES LAN 'DEBS PA NI, YUL DANG DUS 'DI BAR SNANG BA NI, YUL DANG DUS GZHAN MA YIN PA'I PHYIR GSUNGS SO, ,'DI LA PHA ROL POS RNAM PA LA NI ZHES SMRAS SO, ,GNOD PA MED PAS RNAM PA NI YOD PA NYID DO ZHES BYA BA'I DON TO, ,DE LA NI YUL DANG DUS DANG LDAN PA'O, ,DE LA YANG NI YUL DANG DUS DANG LDAN PA LA YANG NGO, ,YUL DANG BRTEN PA'I DON DE GNYIS LAS MA GTOGS PA 'GREL PA GZHAN NI 'GA' YANG MTHONG BA MED DO, ,YUL DANG BRTEN PA DE GNYIS DMIGS NA SHES PA DMIGS PA MED PAR JI LTAR 'GYUR, GAL TE DER NI YUL DANG DE LA BRTEN PA DAG GIS 'GREL BA SNANG BA MED DE DES NA DMIGS PA NYID BZLOG PAR DKA'O ZHE NA 'BREL PA NI ZHES SMRAS SO, ,'DI LA LAN NI GAL TE ZHES BYA BA'O, ,BAB COL NYID STON PA NI GAL TE ZHES BYA BA'O, ,THAMS CAD 'GYUR BA'I PHYIR ZHES BYA BA NI, JI LTAR ZLA BA GNYIS PA LA SOGS PA LOG PAR SNANG BA DE BZHIN DU BDEN PA'I KA BA LA SOGS PA'I YUL CAN GYI SHES PA THAMS CAD 'GYUR BA'I PHYIR RO, ,GZHAN DU ZHES BYA BA NI BDEN PA'I YUL CAN NYID DU BSTAN PAS SO, ,GNOD PAR BYED PA'I SHES PA ZHES BYA BA BDEN PA'I KA BA LA SOGS PA'I YUL CAN LA GNOD BYED MED PA'I PHYIR LOG PAR SNANG BA NYID MA YIN NO ZHE NA, 'DI LA

BRJOD PA NI GNOD PAR BYED PA'I ZHES BYA BA'O, ,GNOD BYED KYI SHES PA MED PA YANG CANG MED NA MA YIN GYI, 'ON KYANG SHES PA GZHAN BDEN PA'I KA BA RJES SU 'DZIN PA NYID YIN NO, ,THAMS CAD LOG PAR SNANG BA KHO NA YIN NA NI, GNOD MED PAR YANG LOG PAR SNANG BA KHO NA'O, ,DE LTA NA YANG DE NGED LAS DON RNAM PAR GNAS PAR JI LTAR 'GYUR, DE'I PHYIR GNOD BYED MED PA STE, GNOD PAR BYED PA MED PA NYID NI BDEN PA MED PA YIN TE, GNOD PAR BYED PA LA SOGS PAR SNANG BA YIN PA'I PHYIR RO, ,GANG DU DUS GZHAN DU ZHES BYA BA NI, 'DAS PA NYID DA LTAR BA NYID DU SNANG BA YIN NO ZHES BYA BA 'DI LA RE ZHIG DANG PO NYID SNANG BA NI MA YIN TE, DE NI 'DAS PA NYID KYIS MED PA'I PHYIR RO, ,DES NA DER DE 'DRA BA'I SNANG BA BSKYED PA LA BAG CHAGS KYI BYED PA RTOGS KYI DON GYIS NI MA YIN NO, ,GSON POR GAR BYED PA GZHAN DU SNANG BA ZHES DE SHI BA YANG DE LTAR 'GYUR BA NI MA YIN NO, ,MA YIN PA NYID STON PA NI, MA SKYES PA NI ZHES BYA BA'O, ,'O NA LHAN CIG PA GNYIS PO NYID BSGO BAR BYED PAR 'GYUR RO ZHE NA, PHAN TSUN ZHES GSUNGS SO, ,RGYU DANG 'BRAS BU'I DNGOS PO NYID SKAD CIG MA RNAMS MI 'THAD DO SNYAM NA, DE NI ZHES GSUNGS SO, ,BZLOG PA SGRUB PAR BYED PA ZHES BYA BA NI BSGO BYED MED PAR BSGRUB PA LA 'DI BSTAN NA 'GAL BA YIN NO, ,DES NA DRAN PA'I SHES PA NA, GZUNG BA'I RNAM PA DANG BRAL BA 'DZIN PAR BYED PA'I KHYAD PAR GZHAN NI YOD PA MA YIN NO, ,'ON KYANG GZUNG BA DANG 'DZIN PA'I RNAM PA GNYIS NI THA MI DAD PA KHO NA'O, ,DRAN PA DE LA YANG DON YOD PA MA YIN NO, ,DES NA DE'I SKYED PAR BYED PA NI BAG CHAGS KHO NA YIN GYI, DON NI MA YIN NO ZHES GRUB PA'O, ,YANG JI LTAR NA 'DI RGYU DANG 'BRAS BU KHO NA YIN ZHE NA, 'JIG PA SNGA MAS ZHES GSUNGS SO, ,RTAG PA LA YANG DE KHO NA LTAR BSGO BAR BYA BA'I DNGOS POR 'GYUR RO SNYAM NA, BRTEN PA'I ZHES GSUNGS SO, ,'DI GA LAS SHE NA, RTAG PA ZHES SMOS TE, GANG GI PHYIR RTAG PA LA RGYU DANG 'BRAS BU'I DNGOS PO YOD PA MA YIN PA DES NA DE'I KHYAD PAR CAN BSGO BAR BYA BA DANG BSGO BAR BYED PA'I DNGOS PO JI LTAR 'GYUR, 'ON TE YANG BRTEN PA MI SKYE BA DE LTA NA NI YANG SKYE BA'I BAG CHAGS DANG 'BREL PA'I PHYIR BSGOS PAR

, ,'GYUR RO ZHE NA, BRTAN PAR GNAS PA SNGA MA LAS, ,ZHES GSUNGS SO, ,CI'I PHYIR ZHE NA, SNGA MA BZHIN DU GNAS PA DE LA NI BAG CHAGS SU 'GYUR BA MA YIN TE, KHYAD PAR MED PA'I PHYIR RO, ,SKAD CIG MA'I PHYOGS LA YANG JI LTAR BAG CHAGS SU 'GYUR SNYAM NA, SNGA MA 'DRA DANG ZHES GSUNGS TE, SHES PA'I SKAD CIG YIN PA DANG 'DRA BA DANG, THA DAD PA YANG YIN PA DES NA 'DI SHES PA SNGA MA'I BAG CHAGS SU 'GYUR BA YIN NO, ,GAL TE SKAD CIG NYID LA 'DRA BA JI LTAR ZHE NA, SKAD CIG MA YANG ZHES BYA BA'O, ,GAL TE SKAD CIG MA YIN NA, SKYES MA THAG TU 'JIG PA'I PHYIR RO; ,GANG GIS BAG CHAGS BSGO BAR BYA BA DANG BSGO BAR BYED PA NYID 'GYUR LA, 'BRAS BU RTZOM PA NYID DU JI LTAR 'GYUR ZHE NA, RNAM SHES ZHES GSUNGS SO, ,GAL TE DE NYID DRIS PA MA YIN NAM JI LTAR DE LAN YIN SNYAM NA, RJES 'GRO MED PAR ZHES GSUNGS SO, ,DE'I TSE SNGAR YOD PA'I ZHES BYA BA NI, DUS SNGAR YOD PA'I KHYAD PAR MI 'GAL YANG PHYI MA'I BLO LA MED DO ZHE NA, DE'I TSE JI LTAR 'DRA ZHES BYA BAR BLTA'O, ,'DI 'GOG PA NI MA YIN ZHES BYA BA'O, ,GAL TE RJES SU MTHUN PA'I PHYIR SHES PA SNGA MA BAG CHAGS YIN NA DE'I TSE, GANG GI TSE BA LANG GI BLO'I RJES THOGS SU GLANG PO'I BLOR GYUR PA DE'I TSE MI MTHUN PHYIR NA ZHES BYA BA RJES SU MTHUN PA MED PA'I PHYIR, BA LANG GI BLO GLANG PO'I BLO'I BAG CHAGS SU MI 'GYUR RO ZHE NA, 'DI LA BRJOD PA NI, GZHAN BA LANG GI BLOS BAR DU CHOD NA YANG SNGAR GYI GLANG PO'I BLO NI PHYIS KYI GLANG PO'I BLO BRTEN PA'I PHYIR RO, ,'ON TE GLANG PO'I BLO NI SHIN TU YANG CHOD PA'I PHYIR NA, DE BAG CHAGS SU JI LTAR 'GYUR SNYAM NA, BRTAN PA SGRUB BYED CES SMOS SO, ,'O NA GLANG PO'I BLO DE LAS SKYES SNYAM NA GLANG PO'I SHES PAS ZHES GSUNGS SO, ,'O NA BAR DU BA LANG GI BLO GANG LAS SKYES SNYAM NA, BAR DU ZHES GSUNGS SO, ,DE LTAR RE ZHIG RANG NYID 'DOD PA'I BAG CHAGS RNAM PAR BZHAG NAS, SLOB DPON CHOS MCHOG LA SOGS PAS 'DOD PA'I BAG CHAGS RNAMS NI, RNAM PAR SHES PA SNGA MA'I BDAG NYID DU GYUR PA YIN PA'I PHYIR, RNAM PAR SHES PA SNGA MA ZHIG NA BAG CHAGS MTHA' DAG 'JIG PAR 'GYUR RO ZHES BRJOD PA'I SKYON YOD PA NI ZHIG

PA GCIG NI ZHES BYA BA'O, ,GAL TE GCIG ZHIG PA NA DE'I NUS PA RNAMS KYANG 'JIG NA NI, DE'I TSE RGYA SKYEGS KYI KHU BAR SPANGS PA'I ME TOG ZHIG PA NA, 'BRAS BU DMAR PO GA LAS SKYES, ,'ON TE SA BON DANG MYU GU LA SOGS PA LAS 'BRAS BU DMAR PO SKYE'I ME TOG LAS NI MA YIN NO ZHE NA, SA BON ZHES GSUNGS SO, ,'BRAS BU DMAR PO DANG MI MTHUN PA LAS DMAR PO JI LTAR SKYE ZHES 'BREL TO, ,'ON TE SA BON LA SOGS PA DE YANG ME TOG DMAR PO DES BSKYED PA NA, RIM GYIS 'BRAS BU'I BYED PA PO YIN NO SNYAM NA, 'DI NA ZHES GSUNGS SO, ,RGYU DE'I PHYIR BAG CHAGS 'DI DAG THAMS CAD LAS RNAM PA THAMS CAD DANG LDAN PA'I SHES PA SKYES PA NI SKAD CIG GCIG NYID KYIS 'JIG PAR 'GYUR BA MI RIGS PAS SO, ,GAL TE NUS PA RNAMS KYI RTEN ZHIG NA, GDON MI ZA BAR NUS PA 'JIG PA'I PHYIR, RNAM PAR SHES PA CI ZHIG PA NA, NUS PA RNAMS KYANG 'JIG PAR 'GYUR DGOS SO; ,DE LTA NA YANG RNAM PAR SHES PA THAMS CAD KYANG ZHIG PA YIN NO SNYAM NA DE STON ZHES SMOS SO, ,'O NA NUS PA RTAG PAR THAL LO ZHE NA NUS PA THA DAD CES GSUNGS TE, SHES PA LAS THA MI DAD PA DE'I PHYIR RO, ,'ON TE RNAM PAR SHES PA'I RGYU BZHIN DU BAG CHAGS KYI RGYUN YANG SRID PA'I PHYIR, BAG CHAGS DANG SHES PA GNYI GA LAS RNAM PAR SHES PA DU MA DUS GCIG NYID BSKYED PAR BYA BA YIN NO ZHE NA, 'DI LA BRJOD PA NI BAG CHAGS LDAN PA RNAMS ZHES GSUNGS SO, ,BAG CHAGS KYI RGYUN MI 'DOD PA YIN TE, GANG GI PHYIR BAG CHAGS NI NUS PA YIN TE, NUS PA YANG SA BON LA SOGS PA BZHIN DU RGYUN DU 'BYUNG BA MA YIN NO, ,DA NI BAG CHAGS LAS NI SHES PA SHES PA LAS KYANG BAG CHAGS YIN PAS PHAN TSUN BRTEN PA'I RKYEN DU 'GYUR RO ZHES GZHAN GYIS BRJOD PA YOD PA NI, BAG CHAGS LAS NI MNGON PAR 'DOD PA'I SHES PA SKYE ZHING, SHES PA GZHAN DE DAG LAS KYANG BAG CHAGS YIN GYI, SHES PA DANG BAG CHAGS DE DANG MTSUNGS PA NYID DU STE, DUS NYID DU NI NAM YANG PHAN TSUN BYED PA MA YIN NO, ,GAL TE RNAM PAR SHES PA MTSUNGS PAR SKYED PAR BYED PA'I BAG CHAGS YIN NA, DE'I TSE GANG GI TSE SER PO'I SHES PA LAS SNGON PO'I SHES PA SKYE BA DE'I TSE, SER PO'I SHES PA BAG CHAGS SU MI

, ,'GYUR TE MI 'DRA BA'I PHYIR RO ZHE NA, 'DI LA BRJOD PA NI NUS PA'I BDAG NYID CAN GYI RGYU ZHES BYA BA'O, ,'DIS NI GANG GIS SNGON PO'I SHES PA SKYED PAR BYED PA SER PO'I SHES PA NYID LA SNGON PO'I RNAM PAR SHES PA SKYED PAR BYED PA'I NUS PA DE 'DRA BA GZHAN NYID YOD PA YIN NO ZHES BSTAN PA YIN NO, ,MJUG SDUD PA NI DE PHYIR LDOG PAR ZHES BYA BA'O, ,DNGOS NI BAG CHAGS 'DI YOD PA MA YIN NO, ,DE LAS KYANG NI ZHES BYA BA BAG CHAGS LAS KYANG 'BRAS BU GZHAN CI'I PHYIR MI SRID DE SRID PA KHO NA'O, ,GANG DAG CES BYA BA LA SOGS PA NI, BRAM ZE'I LUGS LAS SUN 'BYIN PA BRJOD PA NI, BRAM ZE DE'I LUGS LA NI, BDAG LA SOGS PA 'GA' YANG BAG CHAGS 'DZIN PAR BYED PA MA YIN TE, BDAG NI RTAG PAS NA SNGAR BZHIN DU PHYIS KYANG 'DZIN BYED DU MI 'GYUR BA'I PHYIR RO, ,BAG CHAGS SU YANG DE 'DOD MIN, ,ZHES BYA BA NI, RTEN MED PA NA BRTEN PAR 'GYUR BA'I BAG CHAGS KYANG MI 'THAD DO ZHES BYA BA'I DON TO, ,NGED KYI PHYOGS LA NI 'THAD PA NYID DO ZHES STON PA NI ME TOG CES BYA BA'O, ,DE'I RANG BZHIN ZHES BYA BA NI RGYA SKYEGS LA SOGS PA'I RANG BZHIN NI 'BRAS BU MA DU LUNG GA LA SOGS PA'I RANG BZHIN NI 'BRAS BU YIN PA'I PHYIR RO, ,RNAM PAR DBYE BA ZHES BYA BA NI SNGON PO DANG SER PO LA SOGS PA'I RNAM PAR DBYE BA CAN NO, ,PHYI ROL DON MED CES BYA BA PHYI'I YUL DANG BRAL BA'O, ,MJUG SDUD PA NI DE'I PHYIR ZHES BYA BA'O, ,TSAD MA YIN NO ZHES BYA BA NI PHYOGS KYI GLANG PO'I ZHAL SNGA NAS GSUNGS PA YIN NO, ,GAL TE ZHES BYA BA LA SOGS PA'I PHYOGS SNGA MA 'GOG PA NI MA YIN TE ZHES BYA BA'O, ,DON ZHES BYA BA NI SHES PA THAMS CAD NI ZHES BYA BA LA SOGS PA'I DON MA SHES PA'I PHYIR RO, ,'O NA DON DE GANG ZHIG YIN ZHE NA, TSAD MAS ZHES GSUNGS SO, ,TSAD MAS ZHES BYA BA GTAN TSIGS SHES PA YIN PA'I PHYIR RO ZHES BYA BA LA SOGS PHYOGS ZHES BYA BA NI MA YIN TE ZHES BYA BA'O, , DPE ZHES BYA BA RMI LAM GYI SHES PA DMIGS PA MED PA NYID NI, RANG NYID GRUB PA'I RGYU'I PHYIR RO, ,SHES PA THAMS CAD CES BYA BA LA SOGS PA RIGS PA LDAN NO, ,'DI NI ZHES BYA BA NI SHES PA THAMS CAD NI DMIGS PA MED PA YIN TE ZHES BYA BA 'DI'O, ,JI LTAR KHYAB PA GRUB CES BYA BA GANG DANG GANG SHES

PA YIN PA DE THAMS CAD DMIGS PA MED PA YIN NO ZHES CI LTAR GRUB SNYAM NA, RIGS GANG ZHES BYA BA'O, ,'DI NI RMI LAM GYI SHES PA GOMS PA TZAM GYI RJES SU 'GRO BA DANG LDOG PA'I RJES SU BYED PAR MTHONG BA'I PHYIR, SHES PA THAMS CAD KYANG DE LTA BU NYID YIN NO ZHES BYA BA KHYAB PA GRUB PO ZHES DOGS SO; ,DE LTA MA YIN NA ZHES BYA BA NI, GAL TE DE'I RIGS CAN NYID YIN YANG DES BSKYED BA NYID MA YIN NO, ,GAL TE RJES SU 'GRO BA DANG LDOG PA DAG LAS RGYU DANG 'BRAS BU'I DNGOS PO NYID DU MI 'GYUR BA MA YIN NAM, DES RMI LAM GYI SHES PA GOMS PA'I RJES SU 'GRO BA DANG LDOG PA'I RJES SU BYED PAR MTHONG YANG GOMS PAR BSKYED PA NYID NI MA YIN NO, ,DES NA RIGS GANG ZHES BYA BA LA SOGS PA'I RIGS PA 'JUG PAR JI LTAR 'GYUR SNYAM NA, RGYU DANG ZHES GSUNGS SO, ,RMI LAM GYI SHES PA NI RE ZHIG BAG CHAGS KYIS BSKYED PA YIN LA, GZHAN YANG DE DANG 'DRA BA YIN NO ZHES STON PA NI; GUS PAR GOMS PAR BYAS PA 'DI DANG LDAN PA SAD PA'I TSE, MTHONG BA GANG YIN PA DES MTHONG BA DE NYID NI RMI LAM DU YANG MTHONG STE, RGYU DES NA SAD PA'I SHES PA GZHAN YANG DE LTA NYID CES BYA BA GOMS PAS BSKYED PA NYID DO, ,GZHAN TSE ZHES BYA BA NI, RMI LAM GYI DE MA THAG TU'O, ,DE'AM ZHES BYA BA NI RMI LAM MTHONG BA'AM LAN PA'I SKYES BUS SO, ,DE NYID KYI TSE ZHES BYA BA NI RMI LAM MTHONG BA'I DUS NYID NA'O, ,GZHAN GYIS ZHES BYA BA NI YUL DANG DUS DE NA NYE BAR GNAS PA'I SAD PA RNAMS KYIS SO, ,RGYU DE'I PHYIR NA RMI LAM GYI SHES PA DE NI DMIGS PA MED PA YIN GYI, SHES PA NYID YIN PA'I PHYIR NI MA YIN NO, ,DES NA JI LTAR KHYAB PA 'GRUB CES BSAMS PA'O, ,SAD PA'I GNOD BYED KYI SHES PA GANG YIN PA DES NI, RMI LAM GYI SHES PA DE'I DMIGS PA BZLOG PAR BYAS PAS NA'O, ,'ON TE RMI LAM GYI SHES PA BZHIN DU SAD PA'I SHES PA LA YANG GNOD PAR BYED PA YOD LA DES NA, SAD PA'I SHES PA YANG DMIGS PA MED PA NYID YIN NO ZHES DOGS PA BSU NAS PHA ROL PO'I LAN NYID SMRA BA NI, RMI LAM GYI ZHES BYA BA'O, ,RMI LAM GYI SHES PA DE JI LTAR DPE YIN TE, RIGS MI MTHUN PA'I PHYIR RO ZHE NA, 'DI LA RNAM PAR RTOG PA GNYIS TE, GNOD PAR BYED PA SAD PA'I SHES PAS

, ,RMI LAM GYI SHES PA'I YUL DBROG PAR BYA BA'AM, YUL MED PAR SHES PAR BYA BA MA YIN, DE LA RNAM PAR RTOG PA DANG PO LA BRJOD PA NI GNOD BYED CES BYA BA'O, ,'O NA JI LTAR ZHES DRIS PA LA BRJOD PA NI SHES PAR BYA BA NYID DO ZHES GSUNGS SO, ,'DI LA NI RMI LAM GYI SHES PA LA'O, ,GZHAN GYIS NI SAD PA'I SHES PAS SO, ,GAL TE 'GAL ZLA MED PAR SGRUB PAR BYED PA 'GAL BA DMIGS PA YANG YOD PA MA YIN NAM, DES NA JI LTAR MI DMIGS PA KHO NA MED PA SGRUB PAR BYED PA YIN ZHES BRJOD SNYAM NA, 'GAL BA YANG ZHES GSUNGS SO, ,RMI LAM SHES PA LA SNANG BA'I GZHAL BYA LAS GZHAL BYA GZHAN DMIGS PA NYID SAD PA NYID SHES PA GNOD BYED YIN NO, ,DE NI ZHES BYA BA NI SAD PA'I SHES PAS DMIGS PA'I GZHAL BYA LAS GZHAL BYA GZHAN DMIGS PA NYID NI RMI LAM GYI SHES PA LA YANG YOD PA YIN TE, DES NA RMI LAM GYI SHES PA NYID SAD PA'I SHES PA GNOD PAR BYED PA CI LTAR MA YIN DE NI SAD PA'I SHES PA LA YANG THAMS CAD YOD PA YIN NO ZHES 'DON PAR NI BUM PA DANG SNAM BU'I YUL CAN SAD PA'I SHES PA DAG KHO NA PHAN TSUN LTOS NAS GZHAL BYA DMIGS PA YIN PA'I PHAN TSUN GNOD BYED DU 'GYUR RO ZHES BYA BA YIN NO, ,BUM PA LA SOGS PA GCIG DMIGS NAS BUM PA LA SOGS PA GZHAN DMIGS PA'I DUS NA, NGAS DMIGS PA'I BUM PA LA SOGS PA NI MA YIN NO ZHES DE LTAR SAD PA'I SHES PA LA MI 'GYUR BA DES NA, JI LTAR BUM PA'I SHES PA GZHAN GYI GNOD PAR JI LTAR 'GYUR, RMI LAM GYI SHES PAS DMIGS PA NI, SAD PA'I SHES PA DUS NAS BDAG GIS MTHONG BA DE NI BRDZUN YIN NO ZHES LHAG PAR ZHEN TE DES NA RMI LAM GYI SHES PAS DMIGS PA SAD PA'I SHES PAS GNOD DO ZHES RIGS KYI BZLOG PA NI MA YIN NO ZHES BYA BA NI, GZHAN GYI BSAM PA'O, ,'DI LA BRJOD PA NI 'DI NI ZHES BYA BA'O, ,RIG PA'I 'BRAS BU NI 'DI NI DE LTAR YIN NO ZHES BYA BA YIN NO, ,RIG PA MED PA'I 'BRAS BU NI 'DI NI DE LTAR MA YIN NO ZHES BYA BA YIN NO, ,DE LAS CIR 'GYUR SNYAM NA, DE NA ZHES GSUNGS SO, ,GAL TE RIG PA MA SKYES NA DE'I 'BRAS BU NYID MI 'THAD DO, ,DE NA 'BRAS

BU NYID MTHONG BA LAS RIG PA RJES SU DPOG GO ZHES STON PA NI RIG PA MED PAR ZHES BYA BA'O, ,'DI LA BRJOD PA RANG RIG PAS SNGON PO'I RNAM PAR RIG PA'I PHYIR RO, ,DE NYID LA ZHES BYA BA RANG GI RANG BZHIN NYID LA 'DI BLTA'O, ,'DI NI DE LTA MA YIN NO ZHES BYA BAR RTOGS PAR 'GYUR GYI DON LA NI MA YIN TE, DES NA JI LTAR 'BRAS BU RANG GI NGO BO LA GNAS TE DE BZHIN DU MNGON SUM DU RIG PA YANG RANG GI RIG PA TZAM YIN GYI, DON RIG PA NI MA YIN NO, ,DE'I DE MA THAG TU BYUNG BA'O, ,'BRAS BU 'DI NI DE LTA MA YIN NO ZHES BYA BA NI DE LTA BU'I RNAM PA CAN RNAM PAR RTOG PA'I SHES PA SKYES PA NA, DON DE'I GO BYED DU 'GYUR GYI GZHAN DU ZHES BYA BA NI, GAL TE DON RIG GO MA SHES NA, DE'I GO BYED PA MA YIN NO, ,DE NI SAD PA'I SHES PA'I DON TO, ,GZHAN NI SKYES BU GZHAN GYIS SO, ,LAN NI RMI LAM DU YANG ZHES BYA BA'O, ,DE YOD PA'I PHYIR ZHES BYA BA NI GNYID LOG PA'I SHES PA'O, ,SEMS 'DI NI GNYID KYIS MA NYAMS PAR BYAS PA YIN NO ZHES DE LTAR RTOGS PA MA YIN NO, ,'DI LA BRJOD PA NI THAMS CAD NI ZHES BYA BA'O, ,KHYED KYI BRJOD PA NI RNAM PAR DBYE BA GANG YIN PA RMI LAM GYI SHES PA LA NI SAD PA'I SHES PAS GNOD PAR BYED PA NYID YIN LA RMI LAM GYI SHES PA SHES PA NI SAD PA'I SHES PA'O, , GNOD BYED MA YIN NO ZHES BYA BA DE LTA BU'I RANG BZHIN 'DI GANG GIS KYANG MA YIN NO, ,'ON TE SAD PA DAG LA NI YID CHES PA MTHONG STE, DES NA SAD PA'I SHES PA NYID GNOD PAR BYED PA YIN NO ZHE NA, RMI LAM DU YANG ZHES GSUNGS SO, ,DE LTAR ZHES BYA BA NI YID CHES PA MTHONG BA'O, ,MI BDEN PA YIN NO ZHES RMI LAM DU YANG YID CHES PA MA MTHONG NGAM CI DES NA RMI LAM YANG BDEN PA NYID DU 'GYUR RO, ,DE NYID KYI PHYIR ZHES BYA BA NI RES 'GA' NI BDEN PA ZHES BYA BAR RES 'GA' NI LOG PA MA YIN NO ZHES YID CHES PA MTHONG BA'I PHYIR RO, ,'DI LA BRJOD PA NI 'DI YANG ZHES BYA BA STE SAD PA YANG NGO, , DER ZHES BYA BA NI SAD PA'I GNAS SKABS SU'O, ,'DI LA LAN NI 'DI NI ZHES BYA BA'O, ,DER YANG NI SAD PA'I GNAS SKABS SU YANG YID DU 'ONG BA LA SOGS PA MTHONG BA MOD LA 'JIG PAR 'GYUR RO, ,NYI MA GANG LA YID DU 'ONG BA MTHONG BA RGYUN MI 'CHAD PAR TE, YUN RING POR MTHONG BA DE LTA BU'I NYI MA NI

, ,RMI LAM NA YANG YANG NGO, ,PHYOGS DANG DPE MA GRUB PA NI GANG GI TSE RMI LAM DANG RMI LAM MA YIN PA DAG RNAM PAR GRUB PA DE'I TSE SAD PA'I SHES PA NI PHYOGS YIN LA RMI LAM GYI SHES PA NI DPE YIN NO ZHES GRUB PA ZHIG NA GANG GI TSE THA DAD PA SGRUB PAR BYED PA'I SHES PA TSAD MA YIN PA DE'I TSE PHYOGS DANG DPE DAG JI LTAR 'GRUB PHYOGS DANG DPE MA GRUB MOD GTAN TSIGS SHES PA NYID LA SKYON CI YOD SNYAM NA, DMIGS PA MED PA NYID CES SMRAS SO, ,DE NI ZHES BYA BA RMI LAM MA YIN PA'I SHES PA 'DOD PAR BSGRUB PA'I SHES PA'O, ,GAL TE TSAD MA YIN NA, DMIGS PA DANG BCAS PAR 'GYUR BA DES NA, SHES PA NYID KYI GTAN TSIGS MA NGES PAR 'GYUR RO ZHE NA, TSAD MA THAMS CAD CES SMOS SO, ,'O NA JI LTAR DMIGS PA MED PA NYID YIN NA TSAD MA YIN ZHE NA DMIGS PA MED PAS KYANG ZHES BYA BA'O, ,'DI NYID GSAL BAR BYED PA GAL TE ZHES BYA BA'O, ,GAL TE RMI LAM DANG GZHAN PA'I SHES PA DAG GIS THA DAD PA'I DMIGS PA DANG BCAS PA MA YIN PAS BYAS PA YIN NO, ,DE LTA MA YIN NA THA DAD PA CI BYAS SNYAM NA, DE GNYIS ZHES GSUNGS SO, ,SANGS RGYAS PAS THA MI DAD PAR SGRUB PAR BYED DO, ,DE'I TSE GZHAN SANGS RGYAS PA LA NYES PA CI YOD, CHOS CAN YIN ZHES BYA BA NI BSGRUB PAR BYA BA TSAD MA NYID KYI'O, ,DE JI LTAR ZHES BYA BA NI BRGAL ZHING BRTAG PA'I RNAM PA'O, ,DE SKAD BRGAL ZHING BRTAGS PA NA, ,BRAM ZHES JI LTAR BRJOD PAR BYA, ,GAL TE RIG BYED TSAD MA MA YIN NA, DE'I TSE RIG BYED 'JIG RTEN PA'I TSIG DANG 'DRA BA'I PHYIR JI LTAR RIG BYED DE CHOS CAN YIN PAR 'GYUR, 'ON TE DANG PO KHO NAR TSAD MA NYID RAB TU BSGRUB PO, ,TSAD MAS BSGRUBS PA NA YANG THA DAD PAR CHOS CAN 'GRUB PO ZHE NA, 'DI LA BRJOD PA NI DE LTA NA ZHES BYA BA'O, ,'DI ZHES BYA BA NI BRJOD ZIN PA'I MTSAN NYID DO, ,GAL TE ZHES BYA BA NI DGOS PA'O, ,'GOG PA NI MA YIN TE ZHES BYA BA'O, ,GZHAN DAG KYANG ZHES BYA BA NI 'JIG RTEN PA'I TSIG KYANG NGO, ,DE NA DE 'DRA'I THA DAD PAS KYANG CI ZHIG BYA, GANG GIS 'JIG RTEN PA LAS THA DAD PAR GRUB PA DE NYID THA DAD PAR BRJOD PAR BYA BA YIN NA, 'DI NI BRJOD PAR NUS PA YANG MA YIN NO ZHES

DGONGS PA'O, ,SHES PA NI RE ZHIG CES BYA BA NI SAD PA'I GNAS SKABS SU MNGON PAR 'DOD PA'I RMI LAM DU RAB TU GRUB PA NI, SAD PA'I GNAS SKABS NA YOD PA'I SHES PA 'DI LAS CI THA DAD PA YIN NAM 'ON TE THA MI DAD PA YIN ZHES RTOGS PA NA, DAM PAR TE MCHOG TU JI LTAR 'GYUR BA DE LTAR BA LTA'O ZHES BYA BA YANG MTSUNGS SO ZHES SNGA MA DANG 'BREL TO, ,GZHAN DAG CES BYA BA NI SAD PA'I SHES PA'O, ,THA DAD PA LA ZHES BYA BA NI RMI LAM DANG RMI LAM MA YIN PA DAG DMIGS PA MED PA DANG, DMIGS PA DANG BCAS PA DAG GI KHYAD PAR YOD PA'O, ,THA DAD 'DZIN PA ZHES BYA BA NI RMI LAM MA YIN PA RMI LAM LAS THA DAD PAR CHOS CAN NYID DU 'DZIN PA'O, ,DA LTA ZHES BYA BA NI BSGRUB PAR BYA BA DMIGS PA MED PAR GRUB PA'I DUS NA'O, ,DE LTA YIN DANG ZHES BYA BA NI KHYED KYI YANG RIG BYED TSAD MA DANG TSAD MA MA YIN PA THUN MONG CHOS CAN NYID DU RTOGS PAR SNGAR GYUR PA GANG YIN PA DE TSAD MAR GRUB PA'I DUS KYI TSE NA, TSAD MA MA YIN PAR 'GYUR RO, ,DE BZHIN DU CHOS CAN RTOGS PA TSAD MA MA YIN PA'I PHYIR, DE'I SGO CAN TSAD MA'I SGRUB BYED NYID KYANG MA YIN PAR 'GYUR RO, ,RIG BYED TSAD MAR MI 'GRUB PAR NI MA ZAD DE, BRAM ZE'I GZHUNG DANG SBYAR NA, RI LA SOGS PA LA ME LA SOGS PA LA YANG SGRUB PAR MI NUS PAR 'GYUR RO ZHES STON PA NI, DES NA ZHES BYA BA'O, ,DER YANG DANG POR NI ME MED PA NI THUN MONG BA'I CHOS CAN RTOGS PAS SO, ,ME GRUB PA'I DUS NI SNGAR YOD PA'I THUN MONG DU RTOGS PA TSAD MA MA YIN PA NYID DO, ,DE SGO NAS ME RTOGS PA YANG TSAD MA MA YIN PA'I PHYIR BSGRUB BYA DANG SGRUB BYED KYI DNGOS PO CHAD PAR 'GYUR RO, ,DE'I 'DZIN PA ZHES BYA BA NI RIG BYED TSAD MA DANG TSAD MA MA YIN PAR THUN MONG DU 'DZIN PA'O, ,DUS PHYIS TSAD MAR GRUB KYANG TSAD MA MA YIN PAR MI 'GYUR TE, THUN MONG BA DE NYID LA LHAG PAR BSGRUB PA'I PHYIR RO, ,'O NA GANG GI TSE TSAD MA YIN PAR 'GYUR ZHE NA, GAL TE ZHES BYA BA'O, ,'DI LA BRJOD PA NI DE YANG ZHES BYA BA'O, ,GANG GI TSE CHOS CAN RIG BYED DE NYID KYI RANG BZHIN DANG TSAD MAR YANG GRUB PAR BYED PA DE'I TSE RIG BYED DE LA TSAD MA GANG YIN PA DE DANG BRAL BAR CHAD MAR SGRUB PA'I SHES PAS 'DZIN KYANG

, ,JI LTAR NA SNGAR GYI THUN MONG BAR RTOGS PA TSAD MA GYUR, RIG BYED TSAD MA YIN PA DE LAS ZHES BYA BA THUN MONG BA LAS BZLOG PA THUN MONG MA YIN PA DER 'DZIN PA NA, DE LAS BZLOG PA ZHES BYA BA BZUNG BA BZHIN DU THUN MONG MA YIN PA LAS BZLOG PA'I GZHAL BYA GANG YIN PA THUN MONG BA ZHES BYA BA DE BSAL NA, JI LTAR SNGAR GYI THUN MONG BAR 'DZIN PA TSAD MA MA YIN PAR MI 'GYUR, RANG GI NGO BOS NI LHAG PAR 'GYUR BA YANG MA YIN NO, ,GAL TE TSAD MA LHAG MA GRUB NA, SHIN TU YANG THUN MONG BAR 'DZIN PAR TSAD MA MA YIN PAR BYED PAR 'GYUR RO ZHES STON PA NI, RANG GI NGO BOS NI ZHES BYA BA'O, ,PHA ROL PO RANG GI NGO BO LA YANG LHAG PA NYID DU GZHUNG 'DZUGS PA NI MA BZUNG BA NA ZHES BYA BA'O, ,RIG BYED KYI TSAD MAR DE'I RANG GI NGO BO KHO NA YIN MOD KYI, 'ON KYANG THUN MONG BAR CHOS CAN RTOGS PAS MA BZUNG BA DES NA, LHAG PAR BRJOD PA YIN NO ZHES BYA BA'I DON TO, ,'DI LA BRJOD PA NI MA BZUNG ZHES BYA BA'O, ,RIG BYED KYI RANG BZHIN GYI TSAD MAS CHOS CAN RTOGS PAS MA BZUNG NA DE'I TSAD MAR JI LTAR 'GYUR, GAL TE RANG BZHIN THAMS CAD GZUNG BAS NI TSAD MA MA YIN TE, 'ON KYANG THUN MONG BAR RTOGS PAS RANG BZHIN 'GA' ZHIG GZUNG BA YIN NO; ,DE'I TSAD MA NI DE TZAM GYIS YIN ZHE NA, 'DI 'GOG PA NI MA YIN TE ZHES BYA BA'O, ,RANG GI TSE DES RANG BZHIN 'DZIN PA DE'I TSE RANG BZHIN MTHA' DAG GZUNG BAR 'GYUR RO ZHES BYA BA'I DON TO, ,DE LTA MA YIN NO ZHES BYA BA NI CHOS GCIG 'DZIN PA NA CHOS MTHA' DAG 'DZIN PAR THAL BA MA YIN TE, CHOS RNAMS PHAN TSUN DANG CHOS CAN LAS KYANG THA DAD PA'I PHYIR RO, ,'DI 'GOG PA NI MA YIN TE ZHES BYA BA'O, ,THUG PA MED PA NYID BRJOD PA NI, GANG TSE ZHES BYA BA'O, ,GANG TSE TSAD MA NYID LA SOGS PA'I CHOS RIG BYED LAS THA DAD NA DE'I TSE RIG BYED DANG CHOS CAN DE'I SBYOR BA STE, 'BREL PA GZHAN DU 'GYUR RO, ,DE BZHIN DU SBYOR BA YANG GZHAN DU 'GYUR LA, SBYOR BA GNYIS PA DANG SBYOR BA YANG GZHAN YIN PA'I PHYIR NA, CHOS KYI BSLAD PA MTHA' MED PAR 'GYUR, DE GNYIS NYID KYI ZHES BYA BA NI TSAD MA DANG RIG BYED GNYIS KYI'O, ,DE'I TSE JI LTAR LDAN PA THA DAD PAR MA YIN PA DE BZHIN DU TSAD MA NYID

KYANG THA MI DAD PAR 'GYUR TE, KHYAD PAR MED PA'I PHYIR RO, ,DE LTAR BYAS PAS JI LTAR KHYOD TSAD MA THA MI DAD PAR 'DOD PA MI 'GAL BA DE BZHIN DU NGED KYI CHOS THA MI DAD PA YANG 'DOD PAR BYA BA'O, ,GAL TE THA MI DAD PA'I PHYOGS LA YANG SNGAR GYI THUN MONG DU 'DZIN PA'I SHES PA TSAD MAR MI 'GYUR TE, DES NA RJES SU DPAG PA MTHA' YAS DAG 'CHAD PA NI SO NA 'DUG GO ZHE NA, SGRO 'DOGS KYIS NI ZHES GSUNGS SO, ,DPYAD PAS ZHES BYA BA NI RNAM PA GCIG TU 'DZIN PA'I DBANG GIS THA DAD PA MED PA STE, THUN MONG BA NYID DU RTOGS PA'I PHYIR TE, JI LTAR TSAD MA YIN, CI LTAR 'DZIN PA YIN ZHE NA, ME LA SOGS PA'I KHYAD PAR GYIS KHYAD PAR CAN DU GYUR PA'I RI LA SOGS PA GZHAN LAS THA DAD PAR GZUNG BA YANG THA MI DAD PAR LHAG PAR ZHEN PA'I SGRO 'DOGS KYI NGO BO LAS SO, ,'DIS NI GAL TE MNGON SUM LA THUN MONG MA YIN PA'I DNGOS PO SNANG BA DE LTA NA YANG CHA GANG LA DE 'JUG PAR BYED PA YIN PA'I CHA DE NYID LA TSAD MA YIN TE, DES NA DNGOS PO GCIG KYANG GAL TE KHYAD PAR GZHAN LA MNGON SUM GYIS 'JUG PAR NUS PA NYID DU MA BYAS PA DE YANG CHA 'GA' ZHIG LA MNGON SUM GYIS 'JUG TU RUNG BAR BYAS PA'I PHYIR TSAD MA KHO NA YIN NO ZHES BSTAN PA YIN NO, ,NGA LA YANG 'DI LTAR ZHES BYA BA NI RMI LAM MA YIN PA DAG THA DAD PAR MNGON PAR RLOM PAR RO, ,BRAM ZE LA SOGS PA GZHAN DAG KYANG SHES PA THAMS CAD NI DMIGS PA DANG BCAS PA YIN TE, SHES PA NYID YIN PA'I PHYIR RMI LAM LA SOGS PA LA GNOD PAR BYED PA SAD PA'I SHES PA BZHIN NO ZHES CI STE SGRUB PAR BYED DE, SGRUB PAR BYED PA KHO NA'O ZHE NA, RMI LAM SHES PA LAS SHES PA GZHAN SHES PAR 'BREL TO, ,PHA ROL ZHES BYA BA NI MCHOG TU GYUR PA STE, BDEN PA NYID DU MNGON PAR 'DOD PA SAD PA'I SHES PA NI DMIGS PA MED PA'I PHYIR, 'DI LTAR LAM GYI SGRUB BYED YIN TE, 'DI 'GAL BA SPYI MI 'KHRUL BA CI LTAR YIN ZHES DRIS NAS DE LTAR NA YANG DMIGS PA MED PA NYID DU GRUB PO ZHES SBYOR BAR BYA'O, ,GNOD PAR BYED PA'I CHAD MAS NGES PA YANG YIN LA DMIGS PA MED PA NYID DANG, LHAN CIG 'BREL PA GANG YIN PA STE, DE'I PHYIR RO DE NYID CES BYA BA NI NGED 'DOD PA'O, ,DMIGS PA MED PA NYID NI DE NYID LA

, ,BRJOD DE, GANG ZHIG GCIG LA YANG MA NGES PA'O, ,KHYED KYIS 'GAL BA MI 'KHRUL PA CAN NYE BAR BKOD PA DE NYID BSGRUBS TE, DES NA BDAG CAG GI 'DOD PA NYID BSGRUBS PA YIN NO, ,'DI LA YANG 'GREL PA KHAS BLANGS NAS BRJOD PAR ZAD KYI, DMIGS PA DANG BCAS PA DANG SHES PA NYID 'GREL PA YANG MED DO ZHES STON PA NI, DMIGS PA DANG BCAS PA NYID CES BYA BA LA'O, ,DMIGS PA MED PA LA YANG JI LTAR 'BREL PA YOD SNYAM NA, GNYIS KA YANG ZHES BYA BA STE SAD PA DANG RMI LAM GYI SHES PA GNYIS KA YANG NGO, ,GZHAN PA ZHES BYA BA NI PHYI ROL GYI DON TO, , DE BZHIN DU SAD PA'I SHES PA LA YANG RANG GI NGO BO RIG PA TZAM ZHIG TU MTHONG NGO, ,GAL TE RMI LAM GYI SNANG BA NI, GZHAN GYIS MA DMIGS PA'I PHYIR RO, ,RANG GI RANG BZHIN TZAM RIG PAR 'THAD KYI SAD PA'I SHES PA LA JI LTAR TE GZHAN GYIS KYANG DMIGS PA'I PHYIR RO SNYAM NAS SAD PAR SNANG BA'I RIG PA YANG ZHES BYA BA'O, ,DE LA YANG ZHES BYA BA NI RMI LAM LA YANG NGO, ,DMIGS PA YOD PA NYID DO ZHES BYA BA NI YUL DANG DUS RNAMS GZHAN DU GYUR PA'I BDAG NYID CAN YOD PA'O, ,'DI LA LAN NI CI'I PHYIR ZHES BYA BA'O, ,GAL TE ZHES BYA BA NI GZHAN GYI'O, ,GAL TE DON BYED PA MED NA DE YOD PA JI LTAR YIN ZHES DOGS PA BSU NAS, PHA ROL PO NYID BRJOD PA NI GCIG MED PAS ZHES SMRAS SO, ,DON BYED PA MED PAS RTOGS BZHIN PA MED PAR MI 'GYUR RO ZHES BYA BA'O, ,PHA ROL PO NYID SANGS RGYAS PA'I DOGS PA BSU BA NI, THAMS CAD KYI TSE DU BA MED PAR ME MA YIN PA NYID DO SNYAM NA 'DI LA PHA ROL PO LAN 'DEBS PA NI DE LTA NA 'O NA ZHES BYA BA'O, ,JI LTAR RGYA SKYEGS KYI SHING GI TSOGS DU MA'I MTSAN NYID DON BYA BA BYED PA MA YIN YANG RANG GI NGO BOS YOD PA DE BZHIN DU RMI LAM GYIS MTHONG BA DE 'DRA BA'I DON BYA BA MI BYED KYANG RANG GI NGO BOS NI YOD PA NYID DO ZHE NA, 'DI LA GRUB PA'I MTHA' PAS GSUNGS PA NI, KENG SHU KA'I PHUNG POS GZHAN GYI DON BYA BA MI BYED KYANG RANG GI DON BYA BA NI BYED PA NYID DO, ,RMI LAM DU MTHONG BA NI DE LTA MA YIN TE DES NA DE BDEN PAR JI LTAR 'GYUR ZHES BYA BA'I DON TO, ,RMI LAM DU DMIGS PA YANG RANG GI DON BYA BA BYED DO ZHE NA RMI LAM DU ZOS PAS NI

ZHES GSUNGS SO, ,GAL TE GZUGS NYID ZOS KYI REG BYA NI MA YIN NO, ,'GRANGS PAR BYED PA YANG REG BYA YIN TE DES NA REG BYA MED PA'I PHYIR RMI LAM DU ZOS PAS 'GRANGS PA MA YIN NA 'DI LAS BRJOD PA NI MA YIN TE ZHES BYA BA'O, ,GZHAN GYIS DRIS PA LA BRJOD PA NI, BAG CHAGS ZHES BYA BA STE; GNYIS PO 'DI NI DON YIN PAR 'GAL LO, ,DON NI BAG CHAGS KYI STOBS LAS BYUNG BA MI 'THAD DO, ,THUN MONG MA YIN PA'I PHYIR YANG RANG NYID KYI RTOGS PAR MI 'THAD DO, ,SANGS RGYAS PA KHYED KYI YANG JI SRID RMI LAM DU DMIGS PA DE THAMS CAD RNAM PAR SHES PA YIN NO ZHES BYA BA 'DI JI LTAR MING TZAM BYAS PA MA YIN ZHE NA, LAN NI MA YIN TE ZHES BYA BA'O, ,'THAD PAR DGA' BA NYID BRJOD PA NI DE'I RANG BZHIN ZHES BYA BA STE BLO'I'O, ,RGYU DES NA DON MA ZHUGS NA STE, RANG GI RANG BZHIN MA YIN NA RIG PA MA YIN NO, ,NYES PA 'DI THAMS CAD NI BLO'I RANG BZHIN RIG PA LAS DON YOD PAR RTOGS PA LAS BLTA BAR BYA BA YIN NO, ,BLO LA GSAL BA MED PA'I PHYOGS LA NI RNAM PA DU MAR SUN PHYUNG ZIN PA'I CHA YAL BAR DOR PA YIN NO ZHES BYA BA NI, RAB RIB CAN GNYIS KYIS RANG GI RNAM PA TZAM RIG PA YIN YANG NGAS MTHONG BA'I ZLA BA GNYIS PO GANG YIN PA DE NYID 'DIS KYANG RIG GO ZHES 'KHRUL PA NI JI LTA BA BZHIN DU KA BA LA SOGS PA YANG YIN NO ZHES DGONGS PA'O, ,DGOS PA NI DE GNYIS YANG ZHES BYA BA STE, RAB RIB CAN GYIS ZLA BA GNYIS MTHONG BAR YANG NGO, ,GZHAN YANG YIN NO ZHES BYA BA NI 'KHRUL PA'I SHES PA'I YUL LO, ,LAN NI DE NI MI RIGS TE ZHES BYA BA'O, ,GZHAN GYI RIG PA LA LTOS TE THUN MONG BA'I DON NYID NI MNGON SUM GYIS RTOGS PA MA YIN TE GZHAN GYI RIG PA LA DE MI 'JUG PA'I PHYIR RO, ,'DI NI GZHAN GYI RIG PA'I YUL YIN NO ZHES KHYAD PAR CAN DU RTOGS PA MI 'THAD PA'I PHYIR RO, ,'ON TE MNGON SUM GYIS GZHAN GYI RIG PA YANG RTOGS SO SNYAM NA, DE LTAR MA YIN NA ZHES GSUNGS SO, ,DE NYID NI ZHES BYA BA NI 'DRA BA NYID DO, ,GZHAN GYIS DE 'DRA BA NYID RTOGS SO ZHES JI LTAR SHES ZHES DOGS PA BSU BA PHA ROL NYID 'JIG RTEN GYIS RTOGS, SGRUB BYED NYID DU 'GOD PA NI JI LTAR ZHES BYA BA'O, ,'GOG PA NI MA YIN PA ZHES BYA BA'O, ,DOGS PA BSU BA NI DER YANG

, ,ZHES BYA BA STE RMI LAM DU YANG NGO, ,YOD PA NYID DO ZHES BYA BA NI RTOGS PA'O, ,RMI LAM DU YANG DE LTAR RTOG PA YOD DO ZHES JI LTAR SHES SHE NA, RANG BZHIN NYID DO ZHES BYA BA STE, SAD PAR MTHONG BA'I RANG BZHI NE NYID DO, ,DES NA JI LTAR 'DIR DE 'DRA BA'I RTOGS PAR 'GYUR BA DE BZHIN DU DER YANG 'GYUR BA GANG GIS ZLOG PAR BYED, DE DANG MTSUNGS PA'I PHYIR ZHES BYA BA 'DI SAD PA'I YUL DANG THUN MONG MA YIN PA'I PHYIR RO, ,DE YANG ZHES BYA BA NI RMI LAM DU DMIGS PA'O, ,'GOG PA NI MA YIN NO ZHES BYA BA'O, ,DE 'DRA BA ZHES BYA BA NI SKYES BU GZHAN GYI RNAM PAR RO, ,DE NA NI RMI LAM NA'O, ,JI LTAR LAM GYI GNAS SKABS NA GZHAN MED KYANG SKYES BU GZHAN GYI RNAM PAR SNANG BA DE BZHIN DU SAD PA'I GNAS SKABS SU YANG YIN TE, DES NA RMI LAM DANG RMI LAM MA YIN PAR GNYI GAR YANG RANG GI NGO BO TZAM ZHIG SNANG BA YIN GYI, DON DAM PAR NI MTSUNGS PA ZHES BYA BAR YOD PA MA YIN NO, ,'CHOL BA ZHES BYA BA NI RNAM PAR DMIGS PA STE, RTA LA SOGS PA YANG MI'I RANG BZHIN DU YANG YONGS SU 'GYUR BA'O, ,DES NA RMI LAM DU MTHONG BA DANG SAD PAR MTHONG BA RNAMS JI LTAR MTSUNGS SHE NA, LAN NI DE NI MA YIN TE ZHES BYA BA'O, ,GZHAN YANG YIN TE SNGON PO LA SOGS PAR SNANG BA NYID 'CHOL BA YIN NO ZHES BYA BA'I DON TO, ,'CHOL BA GZHAN DU YIN DU ZIN PA DE LTAR NA YANG DE GOMS PA'I STOBS LAS BYUNG BA YIN TE, RGYU DES NA RMI LAM DANG RMI LAM MA YIN PA DAG 'DI JI LTAR THA DAD PAR GNAS PAR 'GYUR, 'DI LA BRJOD PA NI 'BAD PA MED PAR ZHES BYA BA'O, ,'CHOL BA NYID KYANG NGES PAR GZUNG MI NUS SO ZHES STON PA NI, 'DI NI 'CHOL LO ZHES BYA BA'O, ,DE NI ZHES BYA BA NI SAD PAR GNAS SKABS SU 'CHOL BAR MTHONG BA'O, ,DE LA YANG ZHES BYA BA NI 'CHI LTAS MA YIN PA GNYIS PA'O, ,DE LA YANG ZHES BYA BA NI RANG GZHAN LA YANG NGO, ,'DI NI ZHES BYA BA RNAM PAR RTOG PA STE RANG GI RANG BZHIN LA MNGON SUM YIN PA'I PHYIR RO, ,DES NA DE YANG RANG GI NGO BO TZAM GYIS MTHAR THUG PAR 'GYUR BA'I PHYIR DES KYANG THA DAD PA RNAM PAR GNAS PA MA YIN NO ZHES BYA BA'I DON TO, ,DE LTA NA LAN ZHES BYA BA NI GANG GI SHES PA THAMS CAD NI BAG CHAGS KYIS BSKYED PA YIN NO ZHES

BRJOD PA BAG CHAGS DANG YANG SHES PA 'BREL PA CI LTAR 'DZIN ZHES BSAMS PA'O, ,'DI LA BRJOD PA NI DON DAM PAR ZHES BYA BA'O, ,'O NA JI LTAR BAG CHAGS MED PAR RNAM PAR SHES PA TZAM DU 'GRUB SNYAM NA, BAG CHAGS KYIS ZHES BYA BA'O, ,DA NI RE ZHIG YOD PA YIN LA DES BSKYED PA'I PHYIR SAD PA'I SNANG BA'I RNAM PAR SHES PA'I RANG BZHIN YIN NO ZHES BYA BA'I PHYOGS 'DI LA GZHAN GYIS BRJOD PA NI GAL TE ZHES BYA BA'O, ,'DI LA LAN NI RMI LAM GYI ZHES BYA BA'O, ,PHA ROL PO LAN 'DEBS PA NI LANGS PA LA NI ZHES BYA BA'O, ,LANGS PA'I SKYES PA LA BAG CHAGS LAS BYUNG BA NYID DU RTOGS PAR 'GYUR GYI SAD PA'I GNAS SKABS NA NI, BAG CHAGS LAS BYUNG BAR RTOGS PA MA YIN NO ZHE NA, 'DI 'GOG PA NI 'DI SPANG BAS NI ZHES BYA BA'O, ,DE NYID BRJOD PA NI 'DI LTAR ZHES BYA BA'O, ,RMI LAM DU YANG RMI LAM GZHAN MTHONG LA DER YANG SAD PAR MTHONG BA'I PHYIR KHYAD PAR CI YOD, SAD PA GZHAN GYIS ZHES BYA BA NI, SAD PAR MNGON PAR 'DOD PA'I SHES PAS SO, ,RMI LAM GYI SAD PA'I GNAS SKABS GANG YIN PA DE YANG NGO, ,'DI NI ZHES BYA BA NI SAD PA'I GNAS SKABS SO, ,'DI LA BRJOD PA NI GAL TE ZHES BYA BA'O, ,DE'I MTSAN NYID YIN PA NYID KYIS ZHES BYA BA NI DU BA NI MTSUNGS PAS SO, ,'DIS NI BDAG NYID THAMS CAD KYIS MTSUNGS PA MA YIN YANG, GAL TE NYE BAR MKHO BA'I CHAS MTSUNGS SO ZHE NA, RMI LAM DANG SAD PA'I GNAS SKABS GNYIS THA MI DAD PA YIN NO ZHES BSTAN PA YIN NO, ,DES NA CHOD PA'I BAG CHAGS NYID SAD PAR SNANG BA'I RGYU YIN PA'I PHYIR, MA MTHONG BA TZAM GYIS DGAG PA MA YIN NO, ,'CHI BA'I MTSAN NYID KYIS GNYIS GANG YIN PA DE LDOG PA'I TSE NA, SKYE BA NYID RMI LAM DANG 'DRA BAS RMI LAM STE, DE LTAR CI'I PHYIR MI RTOGS TE RTOGS PA KHO NA'O, ,'CHI BA'I MTSAN NYID KYIS LOG PA YIN MOD, DE LAS CIS 'GRUB SNYAM NA, DE LTAR ZHES BYA BA NI RMI LAM BZHIN DU'O, ,GNYID LOG PA SAD PA LAS NYIN LA SNA TSOGS PA MTHONG BA CIS NI MA YIN, SNGAR GYI 'GYUR NA, MTHONG BA GANG YIN PA DE NI PHYIS DON MTHONG BA'I RGYU YIN NO, ,DES NA RMI LAM DANG RMI LAM MA YIN PA DAG MTSUNGS SO, ,SNGA NA MED PA'I YANG SAD PA'I GNAS SKABS NA MTHONG NGO

, ,ZHES BYA BA'O, ,DE LTA YIN PA ZHES BYA BA NI SNGA NA MED PA MTHONG BA'O, ,RMI LAM DU 'GRO BA DANG 'ONG BA MTHANG LA 'GRO BA DANG 'ONG BA DE LA YANG SNGA NA MED PA'I DON DMIGS PA YOD PA DE BZHIN DU SAD PA'I RMI LAM DU YANG 'GRO BA DANG 'ONG BA SNGA NA MED PA'I DMIGS PAR BYED PA CI MI 'DOD, MTSUNGS PAR BSGRUBS NAS GNOD BYED GZHAN YANG GNOD PA NI, SKAD CIG MA ZHES BYA BA'O, ,GRUB PA'I MTHA' NI DE ZHES BYA BA'O, ,BDAG NYID KYIS BDAG 'KHOR BA NYID DU DMIGS PA DES NA, JI LTAR GNYID LOG PA YIN, GAL TE GNYID RTZOM PA NA, BDAG NYID 'KHOR BA NYID DU MA DMIGS TE, DES NA GNYID LOG PA KHO NA'O, ,DANG PO GNYID LOG CES SMOS SO, ,NYE BAR SBYOR BA MA YIN PA NI RMI LAM MI MTHONG BA'I PHYIR RO, ,RMI LAM DU MTHONG BA MI BDEN PAR BRJOD PAR BYA BA YIN NO, ,DANG PO'I DUS NA NI RMI LAM MTHONG BA YOD PA MA YIN NO, ,GANG GI TSE RMI LAM MTHONG BA DE'I TSE NI BDAG NYID GSAL BAR MTHONG BA NA JI LTAR GNYID KYIS LOG PA NYID LOG PA NYID DU RTOGS PAR BYED, DE NYID CES BYA BA NI DANG PO'I GNYID LOG PA GANG YIN PA DE NYID RMI LAM DU MTHONG BA'I RNAM PA DE'I RGYU YIN PA DE DES NYAMS PAR BYAS PA'I PHYIR MI BDEN PA YIN NO ZHES DGONGS PA'O, ,LAN NI MA YIN TE ZHES BYA BA NI DANG PO GNYID LOG PA KHYAD PAR MED KYANG RMI LAM KHYAD PAR CAN DU MTHONG BA'I PHYIR DANG PO GNYID RTZOM PA NI RMI LAM GYI MTHONG BA'I RGYU MA YIN TE, GNYID RTZOM PA NI DE MED NA RMI LAM GYI MTHONG BA MED PA'I PHYIR RO, ,GNYID RTZOM PA NI RGYU NYID DO ZHE NA RGYU MTSAN TZAM ZHES GSUNGS SO, ,DES NA GNYID RTZOM PA NI RMI LAM GYI KHYAD PAR GYI RGYU MA YIN PA'I PHYIR DES BSKYED PAS MI BDEN PA NYID DU BRJOD PAR MI NUS SO, ,SUN 'BYIN PAR GZHAN BRJOD PA NI, 'DI YANG ZHES BYA BA STE, SAD PAR MNGON PAR 'DOD PA YANG NGO, ,GZHAN GYIS SAD NA ZHES SMRAS TE; SAD NAS DPA' SNANG BA YIN PA DES NA JI LTAR MTSUNGS SNYAM NA, 'GOG PA NI MA YIN TE ZHES BYA BA'O, ,DE LTAR ZHES BYA BA SAD DO ZHES RTOGS PA'O, ,MJUG SDUD PA NI DE'I PHYIR ZHES BYA BA'O, ,DE ZHES BYA BA NI BRAM ZE'O, ,JI LTAR SNYAM NA BRJOD PA DE'I KHYAD PAR ZHES GSUNGS SO, ,PHYIN CI

LOG TU ZHES BYA BA NI DMIGS PA MED PA LAS PHYIN CI LOG TU DMIGS PA DANG BCAS PA NYID DU GRUB PA'O MA YIN TE ZHES BYA BA NI 'GOG PA'O, ,JI LTAR KA BA LA SOGS PA'I YUL CAN SAD PA'I SHES PA LA SOGS PAR SNANG BA MED PA DE BZHIN DU RMI LAM GYI SHES PA LA YANG LOG PAR SNANG BA MED PAR THAL LO, , DE LTAR GYUR MOD SNYAM NA, DE LTA NA YANG ZHES GSUNGS TE, LOG PAR SNANG BA MED NA YANG NGO, ,DMIGS PA DANG BCAS PA NYID LA GNOD PAR BYED PA'I SHES PA MNGON SUM GYIS MI DMIGS PA NI, SHES PA NYID LA SOGS PA'I GTAN TSIGS KYIS GZHAN DU BYA BAR NUS PA MA YIN TE, GANG GI PHYIR RJES SU DPAG PA NI MNGON SUM GYIS GNOD BYED DU 'GYUR BA MA YIN NO, ,MI DMIGS PA ZHES BYA BA NI DMIGS PA DANG BCAS PA NYID DMIGS PA'I RANG BZHIN NO, ,'DI NYID LA DPE BRJOD PA NI GAL TE ZHES BYA BA'O, ,BZLOG PA LA NI ME MED PA LA'O, ,DE CI RJES SU DPAG PA TSAD MA YIN NAM, DE BZHIN DU SHES PA NYID LA SOGS PA LAS TSAD MA MA YIN NO, ,CI ZLA BA GNYIS KYI YUL CAN DE MNGON SUM DU 'GYUR RAM ZHE NA, 'GOG PA NI MA YIN TE ZHES BYA BA'O, ,DE LTA MA YIN NA ZHES BYA BA NI GAL TE SNGAR GCIG TU MA MTHONG NA'O, ,GAL TE SNGA RJES SU DPAG PA MED NA MNGON SUM YANG MED PAR 'GYUR BA'I PHYIR MTSUNGS SO ZHE NA MNGON SUN NI ZHES BYA BA'O, ,GAL TE MNGON SUM RJES SU DPAG PA SNGON DU 'GRO BA CAN YIN NA, DE'I TSE MNGON SUM GYI YUL DE YANG RJES SU DPAG PA NYID GNOD BYED DU 'GYUR RO, ,DE LTAR 'GYUR NYID CI 'GAL ZHE NA, DE LTA NA YANG ZHES GSUNGS SO, ,DE LAS ZHES BYA BA NI MNGON SUM LAS SO, ,SNANG BA'I RANG BZHIN DON BYED PA DANG LHAN CIG 'BREL PA RJES SU DPAG PAS GZUNG NA STE, KHYAD PAR CAN GYI CHOS CAN GYI MTHAR THUG PA'I 'GREL PA DRAN PA NA, MNGON SUM 'JUG PAR BYED PA YIN NO, ,GRUB PA'I MTHA' PAS GAL TE DE LTA NA ZHES SMOS SO, ,'O NA KHYED KYI LTA BA LA TSAD MA MA YIN PA KHO NAR THAL LO ZHE NA, 'DI BSHAD ZIN TE ZHES BYA BA'O, ,'DI NI 'DOD PA KHO NA STE, MI 'DOD PA NI MA YIN NO ZHES DGONGS PA'O, ,DE YANG ZHES BYA BA NI THA DAD PA'I YUL GYI TSAD MA YANG NGO, ,GAL TE JI LTAR MNGON SUM RANG GI YUL LA RJES SU DPAG PA MED PAR 'GYUR BA DE BZHIN DU RJES

, ,SU DPAG PA YANG MNGON SUM MED PA KHO NA RANG GI YUL LA 'JUG PAR 'GYUR RO ZHES BRJOD PA NI RJES SU DPAG PA YANG GNOD, GANG ZHIG GANG GI YUL YIN PA DE NYID LA DE'I GNOD PAR BYA BA DANG GNOD PAR BYED PA'I DNGOS PO BSAM PAR BYA BA YIN GYI GZHAN DU NI MA YIN NO ZHES BSAMS NAS SMRA BA NI JI LTAR ZHES BYA BA'I GRUB PA'I MTHA' PAS 'JUG PAR ZHES GSUNGS SO, ,GAL TE MNGON SUM NI 'DZIN PA NYID KYI TSAD MAR 'THAD PA MA YIN NAM SNYAM NA, 'DZIN PAR BYED PA YIN NA NI ZHES GSUNGS SO, ,DE NYID GZHUNG 'DZUGS PA NI 'DI LTAR ZHES BYA BA'O, ,DE NI ZHES BYA BA NI THOB PAR BYA BA MA 'ONGS PA'O, ,RANG GI NGO BOS THOB PA'I DON LA JI LTAR 'JUG GAL TE DNGOS PO'I RANG GI NGO BOS THOB KYANG DON BYA BA MA THOB PA'I PHYIR, DE DON DU GNYER BAS 'JUG GO ZHE NA 'O NA ZHES GSUNGS SO, ,SKYES BU GANG LA DON BYA BA GSAL BAR TE 'DRA BA DE YANG DON BYA BA THOB PA'I DON DU 'JUG GO ZHE NA THOB PO ZHES GSUNGS SO, ,DE LA ZHES BYA BA THOB PAR BYA BA MI GSAL BA LA'O, ,DE LA YANG ZHES BYA BA NI THA DAD PA'I DON LA'O, ,DE NI ZHES BYA BA NI RJES SU DPAG PA'O, ,DE LA ZHES BYA BA NI LONG BA BRGYUD PA LAS BYUNG BA'I RJES SU DPAG PA LA'O, ,PHA ROL PO NYID SANGS RGYAS PA'I DOGS PA BSU BA NI, ZLA BA NI GNYIS KYI YUL CAN GYI SHES PA MNGON SUM MA YIN PA'I PHYIR GZHAN GYI GNOD PA YIN NO SNYAM NA, PHA ROL PO 'DRI BA CI'I PHYIR ZHES BYA BA'O, ,'DI LA SANGS RGYAS PA'I LAN NI GNOD PA'I PHYIR ZHES BYA BA'O, ,'DI LA GZHAN GYIS PHAN TSUN ZHES SMRAS SO, ,SANGS RGYAS PA'I DOGS PA BSU BA NI, ZLA BA NI GNYIS KYI YUL CAN GYI SHES PA'O, ,PHAN TSUN LTOS NAS GNYIS KA LA YANG GNOD PAR BYA BA DANG GNOD PAR BYED PA YANG 'GYUR ZHES BSAMS PA'O, ,'DI GRUB PA'I MTHA' 'GOG PA NI MA YIN TE ZHES BYA BA'O, ,GCIG NI ZHES BYA BA NI DUS PHYIS BYUNG BA ZLA BA GCIG GI YUL CAN NO, ,'DI NI GDON MI ZA BAR KHAS BLANG BAR BYA STE, DE LTAR MA YIN NA MNGON SUM GZHAN GYI GNOD PAS SKABS NYAMS PAR 'GYUR RO, ,DE LTA YIN MOD DE LTA NA YANG ZLA BA GCIG GI YUL CAN GYI ZLA BA GNYIS KYI SHES PA GNOD DO ZHES STON PA NI, DE LTA NA NI ZHES BYA BA'O, ,ZLA BA

GNYIS KYI SHES PA LA THOB PAR BYA BA MED DO ZHES ZLA BA GCIG GI YUL CAN GYI SHES PAS SHES PA YIN LA DE YANG RJES SU DPAG PA'I YUL YIN NO, ,DES NA DE LA GNOD NA RJES SU DPAG PA NYID LA GNOD PA MA YIN NO ZHES BSAMS PA'O, ,LAN BRJOD PA NI RANG GI NGO BO LA ZHES BYA BA'O, ,DE LA YANG ZHES BYA BA NI BSGRUB PAR BYA BA RANG GI NGO BO LA DMIGS PA NYID LA'O, ,DE NI ZHES BYA BA NI MNGON SUM DANG DES BSLANG BA'I RJES SU DPAG PA THA MI DAD PA DMIGS PA'I BSGRUB PAR BYA BA NI'O, ,DE LA ZHES BYA BA NI DMIGS PA THA DAD PAR SGRUB PA LA'O, ,RTZA NA MED PA'I PHYIR RO ZHES BYA BA NI 'DI NI RJES SU DPAG PA YIN LA; DE YANG 'GA' ZHIG TU MNGON SUM GYIS MA DMIGS PA THA DAD PA GZHAN DU MA DMIGS PA DES NA 'DI NI RTZA BA MED PA KHO NA'O, ,GAL TE MI SOGS GNOD BYED KYI BLO BZHIN ZHES BYA BA'I DPE YANG MI 'THAD DO ZHES STON PA NI, RMI LAM LA SOGS PA ZHES BYA BA'O, ,RMI LAM LA SOGS PA DMIGS PA DANG BCAS PA GANG YIN PA DE LA GNOD PAR BYED PA SAD PA'I BLO GANG YIN PA DE NI DMIGS PA MED PA YIN NO, ,DMIGS PA MED PA NYID GANG YIN PA SHES PA GZHAN SAD PA'I RNAM PAR SHES PAR GYUR PA DE LA GNAS PA DE NI SHES PA YIN PA'I PHYIR ZHES BYA BA'I GTAN TSIGS GANG YIN PA DES BSKYED PA'I BLO 'DIS SO; ,DE NI ZHES BYA BA NI SHES PA GZHAN LA GNAS PA'I DMIGS PA MED PA NYID DO, ,DES NA RJES SU DPOG PA'I BLO'I DPE NYID KYI RJES SU DPAG PA'I BLO LA DE LAS GZHAN PA SAD PA'I SHES PA YANG BSGRUB PAR BYA BA THA DAD PA GANG YIN PA DE'I YUL CAN NYID YIN TE, DES NA LAN GYI TSAD MA MED PAR JI LTAR 'GYUR ZHE NA, 'DI LA BRJOD PA NI GAL TE ZHES BYA BA'O, ,DE YANG ZHES BYA BA SAD PA'I BLO'O, ,DE LTAR ZHES BYA BA THA DAD PA'I DMIGS PA CAN DU'O, ,'DI ZHES BYA BA NI DMIGS PA BSGRUB PA'I RJES SU DPAG PA'I BLO'O, ,DE LAS BZLOG PA'I ZHES BYA BA NI DE LAS GZHAN SAD PA'I BLO GANG YIN PA DE'O, ,'DI NI KHAS BLANGS NAS BRJOD PAR ZAD KYI, RJES SU DPAG PA'I BLO DMIGS PA MED PAR SGRUB PAR BYED PA 'DI NI THA DAD PAR ZHES BYA BA GZHAN LA GNAS PA'I DMIGS PA MED PA NYID SGRUB PAR BYED PA YANG MA YIN NO, ,THA DAD SGRUB PA NYID STON PA NI THA DAD PA ZHES BYA BA'O, ,GZHAN LAS CIG SHOS LA DMIGS

, ,PA ZHES BYA BA NI RANG GI NGO BO LA DMIGS PA ZHES BYA BA'I DON TO, ,RJES SU DPAG PA'I BLO DE NI MI 'KHRUL PAR TE, MI SLU BAR BYED PA'O, ,GAL TE MI SLU BA 'DI YANG NAM GYI TSE 'GYUR SNYAM NA, MI 'KHRUL PA DE YANG ZHES BYA BA STE, RANG GI RANG BZHIN GYI DMIGS PA'I YUL CAN DE LA YANG RANG GI NGO BO NYAMS SU MYONG BAR MNGON PAR ZHEN PA LHAG PAR ZHEN PA DE LA DE SKAD CES BRJOD DO, ,RNAM PAR RTOG PA'I MI SLU BA DE NI DE KHO NA YIN GYI GZHAN NI MED DO, ,RNAM PAR RTOG PA GANG GI PHYIR DE LTA YIN PA DES NA RJES SU DPAG PA'I BLO DE NI DE'I BDAG NYID KYI DMIGS PA MED PA NYID RTOGS PAR BYED PA YIN NO ZHES 'BREL TO, ,DMIGS PA RNAM PA NYID DGAG PA DANG SGRUB PA'I SGO NAS BRJOD PA NI, DA LTAR SHES PA GZHAN LA GNAS PA'I DMIGS PA NYID DE NI NGA LA 'DIR SNANG BA NI MA YIN NO, ,'ON KYANG BDAG NI RANG GI RNAM PA'I MTHAR THUG PA YIN NO ZHES BYA BAR RO, ,'DI ZHES BYA BA NI DMIGS PA MED PAR SGRUB PA'I BLO STE, 'DI NYID DMIGS PA DANG BCAS PAR MA GRUB PA'I PHYIR RO ZHES BYA BA'I DON TO, ,DA NI GAL TE DE'I RANG BZHIN ZHES BYA BAS RNAM 'GREL LA 'JUG PAR BYED DO, ,DE'I RANG BZHIN NI SHES PA GZHAN LA GNAS PA'I DMIGS PA MED PA NYID DO, ,'DI LA LAN NI DE LA ZHES BYA BA'O, ,'O NA JI LTAR RIG PAR BYED PA'I RNAM PAR RTOG PA SNYAM NA, SKRA SOGS ZHES GSUNGS SO, ,'ON TE SKRA SHAD LA SOGS PA RIG PAR BYA BA'I DNGOS PO MA YIN PA NYID DU CI LTAR 'GRUB CE NA, SKRA SHAD LA ZHES GSUNGS SO, ,'DI LAS KYANG ZHES BYA BA NI 'CHAD BZHIN PA'I RIGS LAS SO GANG YIN PAR ZHES BYA BA NI GANG GI PHYIR GYI DON TO, ,DES NI ZHES BYA BA NI SKRA SHAD KYI SHES PA LA SOGS PA'I DPES SO, ,GZHAN ZHES BYA BA NI GZHAN LA YANG ZHUGS PA NI THOB PAR MNGON PAR RLOM PA'I MTSAN NYID CAN NO, ,GAL TE RANG BZHIN 'GA' ZHIG THUN MONG YIN PA'I PHYIR NA DMIGS PA DANG BCAS PA NYID KYANG 'GRUB PAR 'GYUR RO ZHE NA DMIGS PA DANG BCAS PA NYID NI ZHES GSUNGS SO, ,DE LTA MA YIN NA ZHES BYA BA NI THOB PAR BYA BA'I RANG BZHIN SNANG NA'O, ,THOB PAR BYA BA DE SNANG BA'I PHYIR RO, ,DE YANG ZHES BYA BA NI YANG SNANG BA DE YANG SNANG BA YIN NA'O, ,THUG PA MED DO ZHES BYA BA NI KHYOD KYIS YANG 'DI SKAD

CES YANG SNANG BA'I DON DU 'JUG GO ZHES BRJOD PAR BYA BA DE LA YANG LAN 'DI NYID YIN PAS THUG PA MED DO, ,NYES PA GZHAN YANG BRGAL BA'I DON DU GZHAN LA 'DRI BA NI YANG ZHES BYA BA'O, ,DE'I DON DU ZHES BYA BA NI BDEN PA'I DON DAM 'DZIN PA'I DON DU'O, ,DE YANG ZHES BYA BA NI BDE BA DANG 'DZIN PA YANG NGO, ,DE LAS NI RTOGS PA NYID LAS SO, ,RTOGS PA GZHAN ZHES BYA BA 'JUG PA'I MTSAN NYID DO, ,'ON TE RGYU MED PAR 'BYUNG BA NA, THAMS CAD DU THAMS CAD KYI TSE 'BYUNG BAR 'GYUR RO SNYAM NA, JI LTAR MTHONG BA ZHES GSUNGS SO, ,SNGAR NI THOB PAR BYA BA THA DAD PAR MA RTOGS PA'I PHYIR DANG, PHYIS ZHUGS PA'I RJES THOGS SU YANG THOB PAR BYA BA THA DAD PA TSAD MA MED PA'I PHYIR JI LTAR THA DAD PAR RTOGS, 'DIS NI ZHAS BYA BA NYID RNAM PAR 'GREL PA NI SNGA MA DANG ZHES BYA BA'O, ,DON BYA BA THA DAD PA TSAD MAS MI 'THAD PA'I PHYIR RO, ,RANG GI NGO BO NYID CES BYA BA SNANG BA'I RANG BZHIN NYID DON BYED PA YIN NO ZHES BRJOD PAR BYA'O, ,SNANG BZHIN PA'I NGO BO DON BYA BA DE NI RMI LAM LA YANG YOD PA DES NA, RMI LAM DANG GZHAN DAG MTSUNGS SO, ,DE LTA BU NYID CES BYA BA NI GZUNG BA DANG 'DZIN PA NYID DO, ,DE YANG ZHES BYA BA NI RNAM PAR RTOG PA YANG NGO, ,RNAM PAR GNAS PA NI MA YIN NO ZHES BYA BA NI GZUNG BA DANG 'DZIN PA'O, ,DE NYID CES BYA BA NI DON NYID DO, ,JI LTAR PHA ROL YIN PAR BRJOD CES BYA BA NI SHES PA'I NANG DU 'DUS PA LAS GZHAN PA'I RIG PA MI 'THAD PA'I PHYIR DANG, RIG PAR BYA BA MA YIN PA YANG SHES PA LAS PHYI ROL DU GYUR PA NYID KYIS RTOGS PAR MI 'THAD PA'I PHYIR RO, ,'ON TE RIG PA MA YIN PA'I DUS NYID NA SNGON PO GZHAN GYIS RTOGS PA DES PHYI ROL YIN NO ZHES BRJOD DO ZHE NA, GZHAN GYIS MYONG BA MIN NA DES ZHES GSUNGS SO, ,SKYES BU GZHAN GYIS SNGON PO MYONG NA JI LTAR PHYI ROL DU GYUR PA NYID KYIS RTOGS PAR YANG GAL TE SNGON PO MYONG NA DE ZHES BYA BA LA SOGS PA BRJOD PAR BYA BA MA YIN PA'I PHYIR RO, ,'ON TE DER YANG SKYES BU GZHAN GYIS RIG PA YIN NO ZHE NA, DE LA BRJOD PA GZHAN GYIS ZHES BYA BA'O, ,SUN 'BYIN PA GZHAN BRJOD PA NI 'DI NI ZHES BYA BA STE, SKYES BU GZHAN GYIS MYONG BA GANG YIN PA BDAG GIS CI LTAR NGES PA YIN, DE 'BRAS ZHES BYA BA

, ,SNGON PO LA SOGS PA MTHONG BA'I 'BRAS BU DGA' BA LA SOGS PA GANG YIN PA DE LAS NGES PA YIN NO ZHE NA DE MIN TE ZHES 'GOG PAR BYED DO, ,JI LAR 'BRAS BU RAB TU MA GRUB CE NA, RGYU DANG 'BRAS BU'I DNGOS PO KHAS BLANG SNAS KYANG SUN 'BYIN PA GZHAN BRJOD PA NI, RJES SU DPAG CES BYA BA'O, ,RJES SU DPAG PA NI SPYI'I YUL CAN GYI YIN GYI, RANG GI MTSAN NYID KYI YUL CAN NI MA YIN NO, ,DES NA DGA' BA LA SOGS PA MTHONG BA LA GANG YIN PA DE RNAM PA 'DI LTA BU'I DNGOS PO MTHONG BA SNGON DU SONG BA CAN YIN NO ZHES GRUB MOD, BDAG GI MTHONG BA'I DNGOS PO MTHONG BA SNGON DU 'GRO BA CAN ZHES BYA BA NI MA YIN NO, ,DE GCIG NYID BYA BA NI JI LTAR SNANG BZHIN PA'I SNGON PO LA SOGS PA DE GZIG NYID YIN PA DE BZHIN DU SPU LDANG BA LA SOGS PA'I 'BRAS BU MTHONG BA DE NYID LAS RANG GI BDE BA DANG GZHAN GYI BDE BA DAG KYANG GCIG NYID DU GRUB PAR THAL LO, ,GAL TE GZHAN DE'I BDE BAR GZHAN KHO NA YIN NO ZHES BRJOD NA, DE'I TSE GZHAN DE'I GZUNG BA SNGON PO LA SOGS PA YANG GZHAN DU 'GYUR RO, ,BDE BA LA SOGS PA YUL THA DAD PAS GCIG NYID DU BSGRUB PAR MI NUS SO, ,ZHE NA, DE NYID DU NA ZHES GSUNGS SO, ,YUL THA DAD PA NYID MA GRUB PO ZHES BYA BA'I DON TO, ,BDE BA DE NYID LAS ZHES BYA BA NI BDAG LA GNAS PA'I BDE BA LA SOGS PA NYID LA GZHAN DAG CES BYA BA GZHAN GYI LUS LA GNAS PA'I SPU LDANG BA LA SOGS PAR 'GYUR RO ZHES BRJOD MOD GAL TE BDAG DANG GZHAN GYI LUS LA GNAS PA'I SPU LDANG BA LA SOGS PA GCIG MA YIN LA, DE TZAM GYIS NI BDE BA LA SOGS PA YANG GZHAN NYID DU GRUB PO ZHE NA, BRJOD PA GZHAN LA ZHES BYA BA STE, SPU LDANG BA LA SOGS PA GZHAN DU GYUR PA YANG SNGON PO LA SOGS PA GZUNG BAR BYA BA YANG GZHAN YIN NO ZHES CI'I PHYIR MI 'DOD, SUN 'BYIN PA GZHAN YANG BRJOD PA NI, GAL TE SPU LDANG BA LA SOGS PA YANG BDAG CAG GI RIG PA'I NANG DU 'DUS PA KHO NA YIN TE, DE LTA MA YIN NA DE DAG KYANG SNANG BAR MI 'THAD PA'I PHYIR ZHES BYA BA YIN PA, DE'I TSE BDAG CAG GI RIG PA'I NANG DU 'DUS PA DE DAG LAS SKYES BU GZHAN GYIS TSIM PA LA SOGS PAR SNANG BA GANG YIN PA DER RTOGS PAR JI LTAR GSAL TE, JI LTAR

DES BDAG GI RIG PAR 'DUS PA'I SPU LDANG BA LA SOGS PA NI GZHAN GYI BDE BA LA SOGS PA DPAG PAR MI 'OS SO, ,DE NI ZHES BYA BA NI GZHAN TE, RGYU DES NA RANG DANG GZHAN GYI BDE BA GNYIS GCIG NYID MA YIN TE, GZHAN GYI BDE BA YOD PA'I PHYIR DANG, KHO BO CAG NI BDE BA CAN NI MED PA'I PHYIR RO ZHE NA, , 'DI LA BRJOD PA NI KHO BO'I GZUNG BAR ZHES BYA BA'O, ,DE'I PHYIR JI LTAR DE'I GZUNG BA DANG BDAG CAG GI GZUNG BA THA DAD PA MED PA NYID YIN NA, SPU LDANG BA LA SOGS PAR GYUR PA DE BZHIN DU BDE BA YANG THA DAD PA MED PA YIN NA, SPU LDANG BA LA SOGS PAR 'GYUR BA YIN NO ZHES KHYED KYI KHAS BLANGS DGOS SO, ,GAL TE ZHES BYA BA NI DOGS PA BSU BA'O, ,DER YANG ZHES BYA BA NI BDE BA LA'O, ,'DI LA BRJOD PA NI BDE BA NGO BO NYID KYIS DBYER MED PA'O, ,GZUNG BAR BYA BA DE LA YANG THA DAD PA MED PAR YANG 'GYUR RO, ,DE LTA NA YANG BZUNG BA 'DI LKOG TU GYUR PAR MI 'GYUR RO, ,GZHAN GYI LAN NI TSAD MA GZHAN GYIS ZHES BYA BA'O, ,'DI LA BRJOD PA NI GAL TE ZHES BYA BA STE, THUN MONG NYID DU SNANG BA'I MTSAN NYID CAN GYI MNGON SUM LAS SO, ,DE YANG ZHES BYA BA NI TSIG KYANG NGO, ,GANG YIN PA ZHES BYA BA NI DON GYI THUN MONG BA NYID DO, ,PHAN TSUN LHAN CIG PA NYID KYI TSIG GIS MNGON SUM DAG TSAD MA YIN NO SNYAM NA, RAB RIB CAN GNYIS ZHES GSUNGS SO, ,DE NYID YIN ZHES BYA BA NI NUS PA'O, ,MED PA NYID DO, ,RTOGS PA'I RANG BZHIN ZHES BYA BA NI SHES PA'I RANG BZHIN TE, RNAM PAR RIG PA TZAM GYI RANG BZHIN YIN GYI RTOGS PAR BYED PA'I RANG BZHIN NI MA YIN NO, ,DES NA ZHES BYA BA NI PHYI ROL MED PA'I PHYIR RO, ,DE NYID LA ZHES BYA BA NI BLO NYID LA'O, ,SNGON PO LA SOGS PA RANG GI NGO BO NYID KYIS 'DZIN PAR BYED PA CAN GANG YIN PA DE LA STE, GSAL BA'I BDAG NYID LA'O, ,DPE 'GA' YANG MED DO ZHES BYA BA'I DON TO, ,BZLOG PA MED PA LA ZHES BYA BA NI GSAL BA LAS THA DAD PA MED PA LA'O, ,DPE DE GANG YIN ZHE NA, RI BONG GI ZHES BYA BA'O, ,MNGON SUM GYIS GRUB PA ZHES BYA BA NI RTOGS PA PO GSAL BA LA LTOS NAS GSAL BA DANG DNGOS PO DAG THA MI DAD PAR DMIGS PA NI MNGON SUM NYID TSAD MA YIN NO ZHES BYA BA'I DON TO, ,RANG GI CHA ZHES BYA BA LA SOGS PA NI PHA ROL PO'I GZHUNG

, ,NGO; ,'DI'I DON NI 'DI YIN TE, SANGS RGYAS PA LA DMIGS PA MED PAR BSGRUB PA NA RANG GI NGO BO'AM, PHYI ROL GYI RANG BZHIN GYIS DMIGS PA MED PA SGRUB PA DE LA RANG GI NGO BOS DMIGS PA MED PA NI, BDAG CAG KYANG 'DOD PA NYID DO, ,DES NA DAG PA NYID CES BYA BA KHYAD PAR DANG BRAL BA PHYOGS SU 'GYUR RO, ,DE YANG MNGON SUM GYIS GSAL BA YIN NO, ,GAL TE SKYON CAN GYI SHES PAS GZUNG BA'I DON NI DAG PAR RIGS PA YIN GYI, GANG GI TSE SKYON CAN GYI SHES PA GZUNG BA NYID 'GA' YANG MI SRID PA DE'I CI ZHIG DGAG PAR BYA ZHES STON PA NI SKYON CAN SHES PAS ZHES BYA BA'O, ,'DI LA LAN GZUNG MED CES BYA BA'O, ,MA BZUNG BA'I PHA ROL GYI DON LA GZUNG BAR 'DZIN PA STE, GZUNG BAR MNGON PAR RLOM PA GANG YIN PA DE 'GOG PA LA MI 'THAD PA CI YOD DE, DES NA SKYON CAN GYI SHES PAS GZUNG BA LA GDON MI ZA BAR LTOS PA CI YOD, GAL TE GZUNG BA NYID GNOD PAR 'GYUR GYI, MA BZUNG BA NI MA YIN NA, DE'I TSE SANGS RGYAS PA'I RANG GI PHYOGS GANG YIN PA DE MI 'GRUB PA STE, GZUNG BA GNOD PA DANG MI LDAN PAS GZUNG BA NYID GNOD PAR 'GYUR NA, DMIGS PA MED PA NYID GNOD PA'I PHYIR RO, ,MA BZUNG BA DMIGS PA DANG BCAS PA NYID DO ZHES KHYED CAG YOD PA NYID DU JI LTAR BRJOD, MA BZUNG BA NI 'GAG PA NYID BSHAD KYI YOD PA NI MA YIN NO, ,GZHAN GYIS BRJOD PA'I NYES PA GZHAN YANG 'GOD PA NI KHYAD PAR ZHES BYA BA'O, ,SHES PA NI KHYAD PAR CAN NO, ,DMIGS PA MED PA NYID NI KHYAD PAR DU BYED PA YIN TE, RI DANG ME BZHIN NO, , DE LA KHYAD PAR DANG KHYAD PAR CAN DAG THA DAD PAR MA BZUNG BA'I PHYIR NI GNYI GA RAB TU MA GRUB PAR BRJOD PAR BYA BA YIN NO, ,YANG NA GANG YANG RUNG BA SANGS RGYAS PA KHYAD PAR DANG KHYAD PAR CAG DAG RAB TU MA GRUB PA MA YIN TE, THA DAD PAR MA GRUB PA'I PHYIR RO ZHES 'DI LA BRJOD PA NI ZHES BYA BA'O; ,'BRAS MED PAR ZHES BYA BA NI, BSGRUB PAR BYA BA DANG SGRUB PAR BYED PA LA SOGS PA'I BYA BA BYED PA'O, ,BRAM ZES RANG GI TSIG GIS GNOD PA'I NYES PA YANG BRJOD DO, ,'DI LTAR GANG GIS GZHAN DAG DMIGS PA MED PA NYID DU RTOGS PAR BYA BA DE'I TSE RGOL BA'I TSIG DE LAS PHYIR

RGOL BA LAS SKYES PA'I SHES PA GANG YIN PA DE DMIGS PA DANG BCAS PA'O ZHES KHAS BLANGS NAS RGOL BA'I TSIG BRJOD PA YIN LA, RGOL BA RANG NYID LAS DMIGS PA MED PA NYID KYIS YUL CAN GYI SHES PA SKYES PA GANG YIN PA DE YANG DMIGS PA DANG BCAS PA KHO NA YIN TE, DE LTA MA YIN GYI GZHAN RTOGS PAR BYED PA MI 'THAD PA'I PHYIR RO ZHES BYA BA'O, ,NYES PA 'DI YANG BRJOD PA NI, 'CHAD PA PO BSTAN PA PO'I ZHES BYA BA STE, SANGS RGYAS PA DANG MU STEGS PA DAG GI'O, ,SHES PA DE DMIGS PA MED PA NYID KYIS RANG GI TSIG DANG 'GAL BA MED DO, ,GAL TE DMIGS PA DANG BCAS PAR KHAS BLANGS NAS DMIGS PA MED PA NYID SGRUB NA, DE'I TSE DAG RANG GI TSIG GIS GNOD PAR 'GYUR BA ZHIG NA, 'ON KYANG DE LTAR NA MI BYED DO ZHES BYA BA'I DON TO, ,DE'I PHYIR RNAM PAR DPYOD PA LAS SNGAR BZLOG PA'I DBYE BAS BRTAGS PA KHYAD PAR CAN DAG GI RAB TU DBYE BA YOD PA NYID YIN PA'I RGYU DES NA, SAD PA'I SHES PA DMIGS PA MED DO ZHES BYA BA DAM BCAS PA'I DON NI BRTAGS NA MDZES PA KHO NA'O, ,KHYAD PAR DANG KHYAD PAR CAN GYI DBYE BA SRED NA NGES PAR BRTAGS PA 'DI 'THAD PA'I PHYIR RO, ,GZHAN YANG ZHES BYA BA LA SOGS PAS NI PHA ROL POS BRJOD PA'I NYES PA GZHAN YANG YOD PAR BYED DO, ,RGYU DES NA DMIGS PA MED PA NYID 'DI LA BZLOG PA ZHES BYA BA DNGOS PO MED PA'I RANG BZHIN LA SOGS PA'I SGRAS DNGOS PO'I RANG BZHIN NYID DOR RO, ,'DRI BA ZHES BYA BA NI DMIGS PA MED PA NYID DNGOS PO'I RANG BZHIN NI 'ON TE DNGOS PO MED PA'I RANG BZHIN ZHES BYA BA LA SOGS PA 'THAD PA MA YIN NO, ,SUN 'BYIN PA DE NYID STON PA NI, GAL TE DMIGS PA MED PA NYID DNGOS PO MED PA YIN NA, DE'I TSE JI LTAR KHYED CAG LA DMIGS PA MED PA NYID DU RTOGS PAR BYED PA'AM, RANG GI BLOS KYANG DMIGS PA MED PA NYID JI LTAR RTOGS TE, MED PA NI RTOGS PAR MI 'THAD PA'I PHYIR MA RTOGS PA'I DON KYANG GZHAN LA BSTAN PAR MI NUS PA'I PHYIR RO, ,'ON TE DMIGS PA MED PA NYID DNGOS PO MA YIN PA DE LTA NA YANG BRTAGS NAS SGRUB PAR BYED PA YIN NO ZHES BYA BAR SANGS RGYAS PA DOGS PA BSU NAS PHA ROL PO SUN 'BYIN PA BRJOD PA NI DMIGS PA MED PA

, ,NYID MED LA, RTOGS PA CI 'DRA ZHIG STE, CUNG ZAD KYANG MI SRID DO, ,'ON TE DMIGS PA NYID RTOGS NA DE'I TSE DNGOS POR THAL BAR 'GYUR RO, ,DE LTA NA YANG DMIGS PA MED PA'I MTSAN NYID KYI DNGOS PO LA DMIGS PA RJES SU DPAG PA'I SHES PAS 'KHRUL PA YIN NO ZHES BSAMS PA YIN NO, ,GAL TE DNGOS PO MED PA RNAM PAR BRTAG PAR BYA BA MI NUS NA, DE'I TSE ZHIG NAS MED PA LA SOGS PA LA JI LTAR RNAM PAR RTOG PAS 'DOD CES SANGS RGYAS PA'I DOGS PA BSU NAS BRJOD PA NI, DE YANG ZHES BYA BA STE, DNGOS PO MED PA YANG NGO, ,JI LTAR NA 'DI THAMS CAD 'THAD PA MA YIN ZHE NA, 'DI NI BSHAD ZIN TE ZHES GSUNGS SO, ,SO SO BA LTA BU ZHES BYA BA NI CHOS CAN SHES PA LAS THA DAD PA LTA BUR TE DPER NA SHING MA YIN PA LAS LDOG PA NYID BZHIN NO, ,DE LTA BU'I ZHES BYA BA DMIGS PA MED PA'I RANG GI NGO BO SHES PAR BYA BA'I PHYIR RNAM PAR 'JOG PA YIN GYI, DMIGS PA MED PA NYID DNGOS PO THA DAD PAR NI YOD PA MA YIN NO, ,DNGOS PO MED PA LA ZHES BYA BA NI DMIGS PA MED PA NYID LA'O, ,LAN NI DE NYID KYI PHYIR TE ZHES BYA BA STE, DNGOS PO MED PA NYID KYI PHYIR RO, ,DE LTA MA YIN NA ZHES BYA BA NI DNGOS PO NYID YIN NA'O, ,DE LTA ZHES BYA BA RTOGS PA NYID YIN NA, DNGOS PO MED PAR THAL BAR 'GYUR RO, ,DE NYID GZHUNG 'DZUGS PA NI MED PA LA RTOG PA 'JUG PAR 'GYUR RO, ,DNGOS PO MED PA DE NI DNGOS POR YOD PA MA YIN NO, ,DE'I PHYIR RTOG PA NI DNGOS PO MED PA KHO NA LA 'JUG PA YIN NO, ,DE LTA YIN DANG DMIGS PA MED PA NYID THA DAD PAR NI DNGOS PO MA YIN PAR GRUB BO, , CI STE ZHES BYA BA NI DOGS PA'O, ,LAS KYI PHYOGS LA NI SHES PAR BYA BAS NA SHES PA YIN LA, DE NI DMIGS PA MED PA NYID DANG KHO BO CAG 'DOD PA KHO NA'O, ,GANG GIS DE DMIGS PA MED PA NYID DU BSGRUB PAR BYA BA RTOGS PAR BYA BA BUM PA LA SOGS PAS NI GZHAN RTOGS PA 'GA' YANG MED DO, , DE NYID BRJOD PA NI LAS NI ZHES BYA BA STE, RTOGS PA CUNG ZAD KYANG YOD PA MA YIN NO ZHES BLTA BAR BYA BA'O, ,LAS SU BSHAD PAR BYA BA NI PHYOGS 'DI NI BSHAD PA TZAM GYIS DON DU RNAM PAR BRTAG PAR BYAS PAR ZAD KYI SUN 'BYIN PA NI BRJOD PA ZIN TO, ,DE BZHIN DU BYED PA PO LA SOGS PA YANG NGO

ZHES BYA BA NI RTOGS PAR BYA BA NI LAS MED PA RMI 'GYUR RO, ,DE MED PA NI PHYI ROL GYI DON MED PA'O, ,'DI 'GOG PA NI DE NI MA YIN TE ZHES BYA BA'O, ,BYED PA PO DANG BYED PA'I PHYOGS DAG LA YANG NYES PA SPONG BA NI BDAG NYID RTOGS PAR BYED DO, ,'DIS BDAG NYID RTOGS PAR BYED DO ZHES BYA BA 'DI LA 'GAL BA CI YOD DE, PHYI'I DON 'PHEN PA MED PA'I PHYIR RO, ,GAL TE 'DI ZHES BYA BA SNGON PO LA SOGS PA'O, ,SNGON PO LA SOGS PA DE RANG GI NGO BOS TE, GSAL BA'I RANG BZHIN NYID KYIS DMIGS PA YIN NO ZHE NA, 'DI LA BRJOD PA NI DA NI ZHES BYA BA'O, ,GAL TE SNGON PO LA SOGS PA RANG GI NGO BOS DMIGS PA YIN NA DE'I TSE SANGS RGYAS PA LA SGRUB PA YIN NO, ,GAL TE SNGON PO LA SOGS PA NI KHYAB PA DANG RTAG PA'I BDAG GIS DMIGS PAR BYA BA NYID DU MA RTOGS PA MA YIN NAM, RTOGS PA'I RNAM PAR BRJOD PA NI NGAS SNGON PO RTOGS SO ZHES BYA BA'O, ,'DI SUN 'BYIN PA NI DE NI ZHES BYA BA'O; ,NGA'O ZHES BYA BA DE LTA BU'I RNAM PA CAN GYI SHES PA NI LUS DBANG PO DAG GI RANG BZHIN RIG PA YIN GYI, BDAG THA DAD PA NI RIG PA MA YIN NO, ,NGA'O SNYAM PA'I RNAM PA CAN GYI SHES PAS LUS LA SOGS PA RIGS PA YIN NO ZHES CI LTAR SHES SHE NA, NGAR 'DZIN PAR NI ZHES BYA BA LA SOGS PAS SO, ,SKUL BAR BYED PA'I BDAG GZHAN THA DAD PA NI RIG PA STE RTOGS PA MED DO, CI'I PHYIR ZHE NA, DBANG PO LA SOGS PA 'DI DAG RANG GI RGYU LAS RANG GI RANG BZHIN SKYE BA LA SKUL BAR BYED PA GZHAN NI DMIGS PA MED DO, ,DES NA BDAG THA DAD PAR JI LTAR 'GRUB PAR 'GYUR, DE DAG GI ZHES BYA BA NI DBANG PO LA SOGS PA DAG GO, ,GAL TE BDE BA DANG DBANG PO'I RNAM PA CAN GYI BLO'I THANG NAS SNGON PO LA SOGS PA'I RNAM PA DANG LDAN PA'I BLO GZHAN SKYE, DE'I TSE LAS DANG BYED PA PO GANG LAS YIN, LAS SU BSHAD PA'I PHYOGS LAS NI RTOGS PA YOD PA MA YIN NO ZHES BRJOD PA DE NYID GSAL BAR BYED PA NI, GZUGS LA SOGS PA ZHES BYA BA'O, ,'DI 'GOG PA NI DE NI YE NAS MA YIN TE ZHES BYA BA'O, ,DMIGS PA MED PAR MI 'DOD KYI 'ON KYANG GZUGS LA SOGS PA'I RTOGS PA NI DMIGS PA DANG BCAS PA NYID DU 'DOD PA YIN NO, ,JI LTAR ZHE NA, GANG GI PHYIR

, ,SNGON PO LA SOGS PA NI RTOG PA MED PA'I RANG BZHIN LAS LDOG PAS NA RANG GI CHA LA DMIGS PA YIN NO, ,'O NA RNAM PA GANG GIS DMIGS PA MED PA NYID SGRUB SNYAM NA, THA DAD PA'I ZHES GSUNGS SO, ,DMIGS PA THA DAD PAS DMIGS PA MED PA NYID YIN GYI, RANG GI RANG BZHIN RNAM PAR SHES PA'I BDAG NYID KYIS NI DMIGS PA DANG BCAS PA NYID DO ZHES BSTAN ZIN TO, ,MED PA'I SGRAS BSGRUB BYA MI STON PA'I SGRA DAG CES BYA BA NI SBYOR BAS ZIN PA BSGRUB BYA DANG SGRUB BYED RJOD PAR BYED PA MED PA'I SGRA DANG, SHES PA'I SGRA DAG BYED PA PO NYID DAM, BYED PA NYID YIN NA BSGRUB PAR BYA BA 'GA' ZHIG YOD PAR 'GYUR GYI, SGRA DE DAG DMIGS PA MED PA NYID YIN NA NI, PHYOGS MED PA NYID DU 'GYUR RO, ,DMIGS PA'I PHYIR DANG SHES PA'I SGRAS KYANG SGRUB BYED MI STON PA'I PHYIR RO ZHE NA, 'DI LA GRUB PA'I MTHA' AA BRJOD PA NI DE YANG SHIN TU LEGS PAR ZHES BYA BA'O; ,SGRA BLA LHAG MA TZAM ZHES BYA BA NI 'DI NI DON MED PA'I SGRA TZAM 'BA' ZHIG TU ZAD KYI SUN 'BYIN PA NI CUNG ZAD KYANG MA YIN NO ZHES BYA BA'I DON TO, ,DON NI SGRA'I DMIGS PA MA YIN GYI 'ON KYANG LDOG PA TZAM YIN NO, ,DES PHYOGS NYID MI 'GAL TE SGRAS BSTAN PAR BYA BA YOD PA'I PHYIR RO, , DE NI SGRUB PAR BYED PA'I YUL ZHES BYA BA NI, SGRA GANG LAS YUL SGRUB PAR BYED PA YOD PA DE LA DE SKAD CES BYA BA'I STE, SGRA'I YUL NI SGRUB PAR BYED PA YIN GYI PHYOGS NI MA YIN NO, ,YANG PHYOGS DE NI'O, ,PHYOGS DE NI SGRUB PAR BYED PA'I YUL YIN GYI SGRA'I MA YIN NO ZHES BYA BA'O, ,DE LTAR NA RE ZHIG SGRA YANG RTOGS PA NYID DU KHAS BLANGS PAS NA BRJOD PA YIN NO, ,DA NI DE NYID MED DO ZHES STON PA NI RTOGS PA ZHES BYA BA'O, ,DE LTA MA YIN NA SGRA LAS ZHES BYA BA NI SGRA THAMS CAD BSHAD PAS DON GZHAN DU BYED PA'I PHYIR RO, ,GAL TE PRA TA YA ZHES BYA BA SPYI'I SGRA YIN PA'I PHYIR, JI LTAR SHES PA'I MTSAN NYID KYI KHYAD PAR RTOGS SHE NA, CI'I ZHES GSUNGS SO, ,BYED PA PO LA SOGS PA'I RTOGS PA'I PHYI ROL DE'I RGYU CAN YIN NA'ANG NGO, ,DES NA BYED PA PO LA SOGS PA'I RTOGS PA PHYI ROL GYI RGYU CAN MA YIN PAS NA, JI LTAR RANG GI TSIG GIS GNOD, ,'ON TE RANG GI RANG BZHIN LA NI JI LTAR LAS

LA SOGS PA YOD, DES NA GDON MI ZA BAR PHYI ROL KHAS BLANG BAR BYA BA'O, ,DE BAS NA GNOD PA KHO NA'O ZHES BRJOD PA NI, DPER NA BDAG CAG GI NYID LAS DANG YIN PA DE BZHIN THA DAD PA MED PA'I SHES PA LA YANG 'GYUR RO ZHES DGONGS PA'O, ,RTOGS PA'I SGRA'I DON BYED PA PO DANG BYED PA GNYIS NI PHYI ROL ZHES BYA BA PHYI'I LAS KYI RGYU MTSAN CAN MA YIN NO ZHES BYA BA'I DON TO, ,NGED CES BYA BA BDAG CAG GI 'DZIN PAR BYED PA'I DNGOS PO GRUB STE, GANG GI PHYIR 'DZIN PAR BYED PA NI DNGOS PO GZHAN KHO NA YIN PA'I PHYIR RO, ,DE LA YID DANG PHYI ROL YANG GZUNG BAR 'GYUR RO ZHES BSAMS PA'O, ,RTOGS PA LA LTOS PAR ZHES BYA BA NI BSHAD PA LA MA LTOS PAR RO, ,'O NA JI LTAR DNGOS PO 'GRUB SNYAM NA RNAM PAR DPYOD PA'I ZHES GSUNGS SO, ,RIG PA LAS 'JIG RTEN GZHAN DU KHAS BLANGS NAS BRJOD PAR ZAD KYI DE NI MA YIN NO ZHES BRJOD PA NI, RIG PA LAS NI ZHES BYA BA'O, ,RIG PA LAS MA GTOGS PA'I 'JIG RTEN MA GRUB NA, DE JI LTAR MA GRUB PA'I 'JIG RTEN DES DON GRUB, 'ON TE RIG PA NYID 'JIG RTEN YIN PA DES NA DON 'GRUB PAR 'GYUR RO SNYAM NA RIG PA ZHES GSUNGS SO, ,YANG NA 'JIG RTEN RIG PA LAS GZHAN YIN NO, ,DE LTA YANG 'JIG RTEN DES KYANG RIG PA NYID KYI SGO NAS DON RNAM PAR GZHAG PAR BYA BA YIN NA, RIG PA YANG DMIGS PA MED PA DES NA, JI LTAR DON 'GRUB CES STON PA NI GAL TE ZHES BYA BA'O, ,GANG YANG ZHES BYA BA LA SOGS PA YANG, SHES PA PHYOGS SU BYED PA NA, DMIGS PA DANG BCAS PA'AM DMIGS PA MED PA ZHIG BYED PA DE LA DMIGS PA DANG BCAS PA DE KHAS BLANGS NAS GAL TE PHYOGS SU BYED NA NI, DE'I TSE DMIGS PA MED PAR SMRA BA KHYED KYIS KHAS BLANGS PA LA GNOD PAR 'GYUR LA, CHOS CAN GYI KHYAD PAR MA GRUB PAR YANG 'GYUR RO, ,DMIGS PA DANG BCAS PA NYID NI CHOS CAN GYI KHYAD PAR YIN LA, DE YANG KHYED CAG SANGS RGYAS PA LA GRUB PA MED DO, ,LHA MIN PA ZHES BYA BA DMIGS PA MED PA'I SHES PA PHYOGS SU BYED PA NI KHYAD PAR DMIGS PA MED PA NYID NGES LA RAB TU MA GRUB PO, ,DNGOS PO GZHAN RTOGS PAR BYED PA DMIGS PAR BYED PA'I RTOGS PA GANG YIN PA DE'I KHYAD PAR CAN DMIGS PA DANG BCAS PA NYID

, ,KYIS KHYAD PAR DU BYA BA NI, PHYOGS NI KHYED LA MA GRUB PA GZHAN DU GYUR BA ZHES BYA BA JI SKAD BRJOD PA LAS BZLOG PA NI DED PA'O, ,DE BZHIN DU ZHES BYA BA NI SUN 'BYIN PA GZHAN STON PA'I BDAG GI CHOS SU GYUR PA'I SHES PA PHYOGS SU BYED DAM RANG RGYUD PA GAL TE BDAG GI CHOS YIN NA DE'I TSE MA GRUB STE, SANGS RGYAS PA'I LTA BA LA BDAG NYID MED PA'I PHYIR RO, ,DE STE RANG RGYUD PA YIN NO, ,DE'I TSE BDAG CAG LA MA GRUB STE, SHES PA RANG RGYUD PA NI NGED KYIS KHAS BLANGS PA'I PHYIR RO, ,'ON TE KHYAD PAR RNAM PAR MA DPYAD PA'I RTOGS PA TZAM GTAN TSIGS SU BYED DO ZHE NA, BRJOD PA NI RTOGS PA TZAM NI ZHES BYA BA'O, ,TSIG LE'UR BYAS PA GNYIS PO 'DI NYID RIM PA JI LTA BA BZHIN 'CHAD PA NI 'DI LTAR ZHES BYA BA'O, ,'DI 'GOG PA NI DE NI RNAM PA CI ZHIG LTAR ZHES BYA BA'O, ,RTZOD PA'I GZHIR GYUR PA DMIGS PA MED PA'O, ,DE'I TSE SGRUB PAR BYED PA SHES PA NYID NYE BAR 'GOD PAS CI ZHIG SGRUB PA STE, DON MED PA'I PHYIR CI YANG SGRUB PA MA YIN NO, ,DE ZHES BYA BA DMIGS PA THA DAD PA MED PA DE MA GRUB PA'I SGO NAS KHYAD PAR CAN RTOGS PA MA GRUB PAS GANG YIN PA DE BRJOD PA'I DON DU KHYED KYIS BRJOD PA GANG YIN PA DMIGS PA MED PA'I MTSAN NYID KYI CHOS DE NYID NI KHYED DANG LHAN CIG RTZOD PA'I GZHIR GYUR PA BDAG CAG GI BSGRUB PAR BYA BA YIN NO, ,DMIGS PA THA DAD PA MED PA DES NA'O, ,DPE LA DON NI GRUB NA ZHES BYA BA NI 'JIG PA'O, ,PHYOGS KYI SGRA NI KHYAD PAR GRUB PA NYID DU MI 'THAD DO, ,SGRA LAM GRUB PA'I MI RTAG PA NYID BSGRUB PAR BYA BA YIN PA'I PHYIR RO, ,'ON TE DPER NA 'JIG PA MA GRUB NA DE'I TSE GTAN TSIGS SKYON CAN DU GYUR GYI PHYOGS NI MA YIN NO, ,DAM PA NYID DAM ZHES BYA BA NI DPE LA BSGRUB BYA MED PAR KHYAB PA 'DZIN PA MI RUNG BA'I PHYIR TE, THUN MONG MA YIN PA'I MA NGES PA BZHIN NO, ,'GAL BA NI GANG GI TSE DPE LA MED CING MI MTHUN PA'I PHYOGS BSGRUB PAR BYA BA LA BZLOG PAS KHYAB PAR YANG MTHONG BA DE'I TSE 'GAL BAR 'GYUR BA YIN NO, ,DE NYID KYI PHYIR ZHES BYA BA NI PHYOGS LA MA GRUB PA NYID KYI PHYIR RO, ,SGRA DON ZHES BYA BA NI JI LTAR GZHAN SPYI SMRA BA RNAM RIG TZAM GYI RANG BZHIN GYIS CHOS CAN NYID DU NGES PA RTOGS

PA DE LTA'ANG STE, RNAM PA DES KYANG KHYED SANGS RGYAS PA LA GRUB PA MED DO, ,RGOL BA SANGS RGYAS PA DES NI PHAN ROL GYI RGOL BAS CHOS CAN LA SOGS PA RNAM PAR RTOG PA YIN NA NI PHYIR BZLOG PAR MI NUS SO ZHES BYA BA'O, ,KHYAD PAR DMIGS PA MED PA NYID RAB TU MA GRUB PAR 'GYUR TE, GANG GI PHYIR DPE MA GRUB PA NYID YIN PAS SO, ,CI STE ZHES BYA BA LA SOGS PAS SANGS RGYAS PA'I DOGS PA BSU NAS, PHA ROL PO NYID BRJOD PA NI GAL TE ZHES BYA BA'O, ,'ON TE BLO LA ZHES BYA BA LA SOGS PAS SANGS RGYAS PA'I DOGS PA BSU NAS DE NYID KYI LAN 'DEBS PA NI, RANG GI ZHES BYA BA STE, RANG GI RNAM PA LA DMIGS PAS SANGS RGYAS PA LA KHAS BLANGS PA'I PHYIR RO, ,DE MED PAR NI ZHES BYA BA RANG GI RNAM PA MED PAR NI 'GAL BA YIN NO, ,GZUNG BA MED PAR GZUNG BA'I RNAM PA MED PA'O, ,DE NI KHYED SANGS RGYAS PA 'DOD PA MA YIN NO, ,DE LA ZHES BYA BA NI DE LTAR GYUR DANG NGO, ,GZUNG BDAG NYID CES BYA BA NI, GZUNG BA'I RNAM PA DMIGS PAR 'GYUR BA YIN NO, ,DES NA GANG GI RNAM PA CAN GYI SHES PA DE LA DMIGS PA BZLOG PAR 'GYUR, DE LA SANGS RGYAS PA SUN 'BYIN PA NI CI STE ZHES BYA BA'O, ,PHYI'I DMIGS PA MED PAR SGRUB NA YANG GAL TE PHYI ROL LO ZHES BYA BA'I RNAM PA 'DIS 'DZIN PA MED NA, DE'I TSE KA BA LA SOGS PA LA PHYI ROL LO SNYAM PA'I BLO DE MED PAR 'GYUR TE, PHYI ROL LO SNYAM PA'I THUN MONG MA YIN PA YUL DU BYA BAR MI NUS PA MA YIN NO, ,PHYI ROL LO SNYAM PA'I BLOR 'GYUR BA YANG YIN TE DES NA PHYI ROL YOD PA KHO NA'O, ,KHO NA GZHI MTHUN PA NYID KYIS PHYI ROL GYI BUM PA ZHES BYA BA RTOGS PAR MI 'GYUR RO SNYAM NA DE DANG ZHES BYA BA'O, ,YANG DOGS PA BSU BA NI 'ON TE ZHES BYA BA'O, ,DE'I TSE KA BA RIG PA MTHONG BA'I PHYIR NA, DE DANG ZHES BYA BA MTHONG BA DANG 'GAL BAR THAL LO, ,ZLA BA GNYIS LA SOGS PA YANG KHA DOG MTHONG BA MTSUNGS PA ZHES BYA BA'O, ,DES NA JI LTAR DE LTA BU'I DNGOS PO GNYIS MTHONG YANG DNGOS PO DE LTA MA YIN PA DE BZHIN DU KA BA LA SOGS PA YIN NO ZHES BSAMS PA'O, ,DE LTAR SANGS RGYAS PA'I DOGS PA BSU NAS SUN 'BYIN PA NI DBANG PO ZHES BYA BA'O, ,DER NI ZLA BA

, ,GNYIS KYI SHES PA LA'O, ,YANG JI LTAR NA DBANG PO DANG MA PHRAD PA'I DON DBANG PO'I BLOS GZUNG NGO ZHES BYA BAR SHES SNYAM NA, 'DI NI ZHES BYA BA'O, ,ZLA BA GCIG LAS BZLOG PA ZLA BA GNYIS LAS DMIGS PA MED PA NYID DO, ,PHA ROL PO 'DI NYID STON PA NI'O, ,'BREL BA YOD PAS NI YOD PA 'DZIN PAR 'JOG LA 'BREL PA MED PAS NI MED PA 'DZIN PAR 'JOG BA YIN GYI, THAMS CAD DU YANG DON RIG PA NI YOD PA NYID DO, ,SHES PA MI DMIGS PA MED PAR SMRA BA KHYED LA NI DBANG PO RNAMS MED PAS NA 'DZIN PA MED PAS DMIGS PA'I RGYU MED PAR 'GYUR RO, ,DES NA DMIGS PA 'GA' YANG MA MTHONG BAS DGAG PA NYID MI 'THAD DO, ,KHYED KYIS BRJOD PA'I SUN 'BYIN PA YIN TE, BDAG CAG LA SUN 'BYIN PA YOD PA MA YIN NO ZHES BYA BA'I DON TO, ,DE LTA MA YIN TE ZHES BYA BA NI SKABS LA SOGS PA KHAS MI LEN NA'I SGRA LAS ZHES BYA BA NI DMIGS PA MED PA'I SGRA LAS SO, ,DON 'DI ZHES BYA BA NI RANG GI CHA LUGS DMIGS PA'I MTSAN NYID KYI DON TO, ,RJES SU MTHUN PA'I DPE BRJOD PA NI GAL TE ZHES BYA BA LA SOGS PA'O, ,DE LA YANG ZHES BYA BA NI RAB RIB CAN GYIS SKRA SHAD KYI SHES PA LA YANG SNANG BZHIN PA'I SKRA SHAD LA SOGS PA NYID DMIGS PA YIN PAR 'GYUR RO, ,GAL TE SKRA SHAD KYI SHES PA LA 'JIG RTEN PA MA YIN PA'I DON SNANG BA MA YIN NAM, DES NA DE NI DMIGS PA DANG BCAS PA YIN NO SNYAM NA, THAMS CAD LA ZHES GSUNGS TE, KA BA LA SOGS PA'I SHES PA LA YANG NGO, ,'GA' LA YANG ZHES BYA BA NI RIB RIB CAN SHES PA LA YANG NGO, ,CI STE ZHES BYA BA NI DOGS PA BSU BA'O, ,ZLA BA GCIG GI SHES PA GO JI LTAR DMIGS PA MED PAR 'GYUR ZHE NA, 'DI LA BRJOD PA NI DE YANG ZHES BYA BA'O, ,GNOD PAR BYA BA'I PHYIR ZLA BA GNYIS KYI SHES PA DMIGS PA MED PA YIN NO ZHE NA LAN NI DE LA YANG ZHES BYA BA STE, ZLA BA GCIG GI SHES PA LA YANG NGO, ,BEMS PO NI GSAL BAR MI 'THAD PA'I PHYIR RO, ,'ON TE ZHES BYA BA NI DOGS PA BSU BA'O, ,DE LTA YIN PA DES NA 'OD ZER GYIS GDUNGS PA NYID DE'I DMIGS PA YIN NO ZHES BYA BAR BSAMS PA'O, ,'DI LA BRJOD PA NI ROL SOGS PA ZHES BYA BA'O, ,DE LA ZHES BYA BA NI BDEN PA'I

CHU LA'O, ,GNYIS KA ZHES BYA BA NI BDEN PA DANG MI BDEN PA'I YUL CAN NO, ,DE LTA MA YIN PAR ZHES BYA BA NI DMIGS PA DANG BCAS PAR RO, ,GAL TE SNANG BZHIN PAS DMIGS PA DANG BCAS PAR YIN NA DE'I TSE DGON DUNG 'OD ZER GYIS GDUNGS PA MED PAR CHU'I SHES PA MI 'GYUR RO, ,DES NA DE NI 'DI'I DMIGS PA YIN NO ZHES BYA BA 'DI BRJOD KA MED DE, 'OD ZER GYIS GDUNGS PA'I DGON DUNG BA DE NI MI SNANG BA'I PHYIR RO, ,YIN PAR 'GYUR TE ZHES BYA BA NI DMIGS PA ZHES BYA BAR 'BREL TO, ,BDE BA'I CHU'I YUL CAN GYI SHES PA NYID DMIGS PA DANG BCAS PAR 'GYUR RO ZHES BSAMS PA'O, ,'DI LA BRJOD PA NI MNGON SUM DANG ZHES BYA BA'O, ,SUN 'BYIN PA GZHAN YANG BRJOD PA NI 'JIG RTEN GRAGS BRTEN ZHES BYA BA'O, ,CI'I PHYIR ZHE NA THAMS CAD CES SMOS SO, ,SMIG RGYU BA LA CHUR MTHONG BA DES THAG RING RAB TU CHU THOB PAR BRGYA LA SRID PAR GYUR NA YANG DE'ANG DMIGS PA DANG BCAS PAR 'GYUR RO, ,PHA ROL PO'I 'DI SPONG BA NI DE LA NI KUN GYI TSE THOB PAR NGES PA YIN NO ZHE NA, 'DI LA BRJOD PA NI THAMS CAD LA ZHES BYA BA STE, SHES PA THAMS CAD LA YANG KUN GYI TSE MTHONG BA THOB PA NI MED DE MTHONG BA NI ZHIG BA'I PHYIR RO, ,GZHAN GYIS SMRAS PA NI MTHONG BA MA ZHIG NA THOB PAR 'GYUR BA NYID DO ZHES BYA BA'O, ,LAN NI DE NI JI LTAR MI 'JIGS 'GYUR TE, SKAD CIG MA NYID DU SGRUB PA'I PHYIR RO, ,NGO SHES PAS GCIG NYID SGRUB PAR BYED DO ZHE NA, NGO SHES PA NI ZHES SMOS SO, ,'GA' ZHIG TU SANGS RGYAS PAS DMIGS PA DANG BCAS PAS MTHONG BA DES NA, JI LTAR 'GOG PA SNYAM NA, LHAG MA NI BSHAD PA YIN ZHES BYA BA SMOS SO, ,NI'I SGRA NI RIG PA GZHAN DU YIN TE, GANG GI PHYIR MI MTHUN PA'I PHYOGS MA SHES PA DE'I PHYIR JI LTAR BSGRUB PAR BYA BA YIN ZHES BYA BA'I DON TO, ,SANGS RGYAS PAS 'DOD PA'I DMIGS PA MED PA NYID JI LTAR BSGRUB PAR BYA BA YIN TE; PHYI ROL GYI DNGOS PO STE PHYI'I YUL NYID DU'ANG DU MA MA GRUB PA'I PHYIR RO, ,JI LTAR KHYAD PAR MA GRUB NA GZHAN RTOGS PAR BYA BA MI NUS PA'I PHYIR PHYOGS MI 'GRUB PA DE BZHIN DU KHYAD PAR DMIGS PA MED PA NYID KYIS KHYAD PAR DMIGS PA PHYI ROL GYI ZHES BYA BA GANG YIN TE, MA GRUB NA YANG MI

, ,'GRUB PAR MI 'GYUR RO, ,GAL TE PHYI ROL GYIS ZHES BYA BA'I KHYAD PAR MA GRUB MOD, DE LTA NA YANG RE ZHIG SPYI'I DON MI GRUB PO SNYAM NA, TSIG DON ZHES GSUNGS SO, ,DE NI ZHES BYA BA DAG GI DON NI DE ZHES BYA BA TSIG GI DON SNGON DU 'GRO BA CAN YIN PA'I PHYIR RO, ,'ON TE, DE DAG NI DON BSGRUB PAR BYA BA NYID MA YIN NO SNYAM NA, PHYOGS KYANG NI ZHES GSUNGS SO, ,'O NA JI LTAR NA 'GAL BA MI 'KHRUL PA CAN ZHES BYA BA GTAN TSIGS KYI SKYON DU 'GYUR BA SNYAM NA, 'GAL BA'I ZHES GSUNGS SO, ,GAL TE ZHES BYA BA NI DOGS PA'O, ,YUL GZHAN LA SOGS PAR MTHONG BA LAS 'KHRUL PA MED PA'I PHYIR DGAG PAR MI 'THAD DO ZHES DOGS PA'O, ,GAL TE 'KHRUL PA MED PAR DE LTAR NA YANG 'GA' ZHIG GIS GZHAN DU BRTAGS PAS 'GOG GO SNYAM NA, YUL SOGS ZHES GSUNGS SO, ,DER ZHES BYA BA NI YUL GZHAN DU'O, ,'DI ZHES BYA BA NI YUL GZHAN DU MTHONG BA'O, ,RE ZHIG 'KHRUL PA DE NI TSAD MAS BZLOG PA YIN NO, ,GANG ZHIG THAMS CAD DU THAMS CAD KYI TSE 'KHRUL PA GANG YIN BA DE BDAG CAG GIS BZLOG PAR BYA BA LA JI LTAR MI BZOD DE, GAL TE DE ZHES BYA BA NI YUL LA SOGS PA GZHAN DU 'KHRUL PA GANG YIN PA'O, ,GNOD PAR BYED PA ZHES BYA BA NI MED BA NYID DO, ,DES NA 'GA' YANG 'KHRUL PAR MI 'GYUR RO ZHES STON PA NI, 'DI LTAR ZHES BYA BA'O, ,DE GCOD DAM ZHES BYA BA NI GNOD BYA'I SHES PA'I RANG BZHIN NYID DAM, GZUNG ZHES BYA BA GNOD BYA'I SHES PA'I GZUNG BYA 'JIG PAR BYED PA'AM, GZUNG BA MED PA ZHES PA GNOD BYA'I SHES PA'I GZUNG BYA MED PAR BYED PA YIN TE, PHYOGS GSUM PA 'DI NI LAS GZHAN NI YOD PA MA YIN NO, ,DE SKYES PA'AM MA SKYES PA ZHES BYA BA NI, GNOD BYA'I SHES PA DANG DE'I DMIGS PA'O, ,RANG GI RGYUD LAS SKYES PAS GNOD PAR BYA BA STON MOD LA GNOD BYED LAS NI MED DO ZHES BYA BA NI 'DI NI BYUNG RGYAL YIN TE, GCIG NYID LA GCIG GI TSE YOD PA NYID DANG MED PA NYID MI 'THAD PA'I PHYIR RO, ,'DI THAMS CAD KYIS KYANG HA CANG THAL BA BRJOD NAS GNOD PAR BYED PA GZHAN BRJOD PA NI, DON DE NI RANG BZHIN ZHES BYA

BA RANG BZHIN GYIS DNGOS PO DE MA SKYES PA DE'I'O, ,DES NA DE NYID RANG BZHIN GYIS DMAR BA'I KENG SHU KA BZHIN NO, ,DE'I NGO BOS KYANG ZHES BYA BA NI MA SKYES PA'I RANG BZHIN GYIS SO, ,GAL TE MA SKYES PA DE'I RANG BZHIN GYIS PHYIS 'JUG PA YIN NA, DE'I TSE ZHIG PA LAS SNGAR RANG BZHIN GANG GIS MA SKYES PA DE'I RANG BZHIN DU 'GYUR RO, ,'ON TE SNGAR DE'I RANG BZHIN CAN YIN PA DE NYID NA DE'I TSE DE'I NGO BOR ZHES SBYAR RO, ,'ON TE RANG BZHIN DE NI SNGA MA KHO NAR SKYES PA DES NA PHYIS NI 'JIG PA YIN NO SNYAM NA BRJOD PA, GANG DE RANG BZHIN DE SNGA MA KHO NAR YIN NO, ,DE'I TSE PHYIS DE'I RANG BZHIN MED PAS NA RANG NYID MED PAR 'JIG PAR BYED PAS CI BYA, PHYIS 'JIG PA YIN NO ZHES BYA BA'I SKABS KYIS SNGAR 'JIG PA YANG 'DOD PA YIN PAS RNAM PAR RTOG PA DE LA BRJOD PA NI, 'DI NI ZHES BYA BA STE, RANG BZHIN 'JIG PA NI SNGA MA KHO NA YIN GYI PHYIS NI MA YIN NO ZHE NA, 'DI LA BRJOD PA NI DNGOS PO DE NI RANG GI RGYU NYID LAS RANG BZHIN DE LTA BUR BYUNG BAR 'GYUR BA YIN TE, DE LTA YANG 'JIG PAR BYED PAS GZHAN CI BYAR YOD, NYES PA 'DI NI GNOD BYA'I SHES BYA'I YUL 'JIG PA LA YANG MTSUNGS SO, ,DE NYID STON PA NI 'DI LTAR ZHES BYA PA'O, ,JI LTAR MA SKYES PA DE LTAR NI 'JIG PA MA YIN TE, DON MED DGOS PA'I PHYIR RO, ,JI LTAR SKYES PA DE LTAR YANG MA YIN TE MI NUS PA'I PHYIR RO, ,DES NA 'JIG PA'I MTSAN NYID 'DI TSAD MA RTOGS PA'I PHYIR, SEMS DANG LDAN PA RTOGS PA DANG BCAS PA DAG RTOG PA TZAM DU YANG JI LTAR 'GYUR, RNAM PAR RTOG PA GSUM PA 'GOD PA NI 'ON TE ZHES BYA BA'O, ,DNGOS DE ZHES BYA BA NI GNOD BYA'I NI SHES PA'I DMIGS PA'O, ,DE LTA YIN MOD KYI CI NYES SNYAM NA DE'I TSE ZHES BYA BA NI STE, MA MTHONG BA'I DUS NA DON GYI DNGOS PO MA GRUB PAR GYUR NA, DE'I MED PA NI 'DI YIN NO ZHES DNGOS PO MED PA KHYAD PAR DANG BCAS PAR MI 'GYUR RO, ,KHYAB PAR MA GRUB MOD, RE ZHIG DNGOS PO MED PA NI RTOGS PA KHO NA'O ZHE NA, KHYAD PAR ZHES BYA BA DON RAB TU MA GRUB NA KHYED LA RTOGS NUS TE, DNGOS PO MED PA SHES PA'I NUS PA JI LTAR YOD, DNGOS PO MED PA NI DNGOS PO MA RTOGS PAS RTOGS NUS PA MA YIN NO, ,'ON TE KHYAD PAR GYIS DNGOS PO GZHAN DU GRUB PA NYID DGAG PA'I GNAS

, ,'DIR NI RJES SU BRJOD PA TZAM ZHIG BYED PA YIN NO, ,DES NA KHYAD PAR GZHAN DU GRUB PA'I PHYIR, DNGOS PO MED PA KHYAD PAR DANG BCAS PA KHO NAR RTOGS SO SNYAM NA, 'DI LA BRJOD PA NI KHYAD PAR DE NI GZHAN DER DNGOS PO'I RANG BZHIN DE NYID DU KHO NAR RTOGS TE, DES NA DE NI DNGOS PO MED PA'I KHYAD PAR NYID DU MA DMIGS TE, DNGOS PO MED PA KHYAD PAR DU BYA BA MA DMIGS PA'I PHYIR RO, ,DE NYID CES NI GZHAN DU DMIGS PA NYID DO, ,DE LTA BU NYID CES BYA BA NI RANG BZHIN GANG DU DE SNGAR RTOGS PA'I RANG BZHIN DE NYID DU GAL TE DGAG PA'I DUS NA YANG RTOGS NA DE'I TSE DON DE'I DGAG PA LA DON CI YOD, GAL TE ZHES BYA BA NI DOGS PA'O, ,DER NI ZHES BYA BA DGAG PA'I GNAS PA'O, ,DRAN PA ZHES BYA BA NI LAN NO, ,GAL TE DRAN PAS RANG BZHIN 'DZIN NA, DE'I RANG BZHIN YOD PA YIN PA'I PHYIR JI LTAR DGAG PA DE STE MI 'DZIN NA DE'I TSE DON DNGOS PO MED PA'I KHYAD PAR DU MI 'GYUR RO, ,SNANG BAR 'GYUR BA ZHES BYA BA NI LHAG PAR ZHEN PAR 'GYUR RO, ,'BYUNG BAR 'GYUR BA DANG LHAN CIG GCIG NYID DU SGRO BTAGS NAS DE LA DE'I BAR DU STE, DE'I DBUS SU GNOD PAR BYED PA'I SHES RAB MNGON PAR 'DOD PA ZHUGS PAR GYUR NA, GNOD PAR BYED PA NYID DU RNAM PAR GZHAG PA BYED DO, ,'DI NYID BRJOD PA NI DON 'DI 'CHAD PA MED PA KHO NAR GYUR PA LAS CHAD PA YANG YIN TE, DES NA 'DI NI GNOD BYED YIN NO, ,RGYU DE'I PHYIR NA CHAD PA'I RGYU NI GNOD PAR BYED PA'I SHES PA YIN NO, ,RGYU DES NA BAR DU ZHUGS PA DE NI GNOD BYED YIN NO, ,DMIGS PA'I DNGOS PO NYID SBYOR BAR BYED PA NI 'DI LTAR ZHES BYA BA'O, ,LKOG TU GYUR PA BUM PA LA SOGS PA'I DON LA 'BYUNG BAR 'GYUR BA NYID DU SGRO BTAGS PA NAS SO, ,DE'I RNAM PA CAN ZHES BYA BA NI, BUM PA'I RNAM PA CAN DU SHES PA SKYES SO, ,DE ZHES BUM PA DE LA NI DMIGS PA NYID DU 'JOG PA YIN NO, ,GAL TE GSAL BZHIN PA'I DON 'DI MED PAR 'GYUR NA, RAB TU GSAL BA'I RNAM PAR SHES PA 'BA' ZHIG NI YONGS SU 'KHYAM PAR 'GYUR TE, BRTAN PA MA YIN PAR 'GYUR RO, ,YONGS SU 'KHYAM PA'I RNAM PA NYID BRJOD PA NI CI 'DIR ZHES BYA BA'O, ,DON GYI RANG BZHIN YONGS SU MTHONG BA NA NI BRTAN PAR

'GYUR TE, DPER NA SKYES BU 'KHYAM PO SGRAM [?] DU PHYIN NAS BRTAN PAR 'GYUR BA BZHIN NO, ,RGYU DES NA BUM PA LA SOGS PA DE NI DMIGS PA YIN NO ZHES RNAM PAR GZHAG PA YIN NO, ,'KHYAM PA NYID YONGS SU GTOD PA GANG YIN PA DE'I RGYU MTSAN GYIS DON GYI DMIGS PA NYID DU RNAM PAR 'JOG GO, ,'DI LA GZHAN GYIS GAL TE ZHES SMRAS TE, DE LTAR THA SNYAD BYED PA'I DE KHO NA NYID CI STE MA YIN SNYAM NA, MA YIN ZHES GSUNGS TE BSHAD ZIN PA'I MTSAN NYID CAN GYI DON 'DI NI MNGON SUM DANG, RJES DPAG DAG GIS MA RTOGS PA'I RGYU YIN NA, DNGOS PO NYID MA YIN NO, , CI'I PHYIR ZHE NA ZHES BYA BA NI GZHAN GYIS DRI BA'O, ,DE LA ZHES BYA BA LKOG TU GYUR PA'I DMIGS PA'O, ,DNGOS PO DU BA LA SOGS PA ME DANG 'BREL PA 'GRUB CING DNGOS PO DE LAS NA'O, ,DE'I PHYIR ZHES BYA BA RJES SU DPAG PA DNGOS PO GO BAR BYED PA'I PHYIR RO, ,DE LAS ZHES BYA BA NI MNGON SUM DANG BCAS PA NYID LAS SO, ,DE LAS ZHES BYA BA NI RJES SU DPAG PA LAS SO, ,DNGOS PO ZHES BYA BA NI PHYI'I DON TO, ,MNGON SUM DANG RJES SU DPAG PA'I TSAD MAS PHYI'I DNGOS PO'I RANG BZHIN YONGS SU MA SHES PA'I RGYUS NA KHAS BLANGS 'BA' ZHIG YIN NO, ,SNGAR GSUNGS SO; ,RNAM PAR RTOG PA SNGA MA DANG SNGA MA YOD PA'I PHYIR RO ZHES BYA BA'I DON TO, ,RTOG PA DE ZHES BYA BA RTOG PA SNGA MA SNGA MA'I RJES SU 'BRANGS NAS KHYAD PAR PHYI ROL DMIGS PA MED PA DANG, KHYAD PAR CAN SHES PA DE GNYIS KYI DNGOS PO NI DE NYID NI SNGAR NGAS BSTAN CING KHYED KYIS KYANG RTOG PA JI LTAR ZHE NA, DNGOS PO DE'I RANG BZHIN BRTAGS PA STE, RNAM PAR RTOG PA GANG YIN PA DE MA BYAS PA YIN NO, ,YANG PHYIS RNAM PAR DPYAD CING BRTAGS NA JI LTAR NA, PHYI ROL DE RNAM PA DES NA GAL TE RIG PA'I MTSAN NYID KYIS RNAM PAR DPYAD NAS PHYI ROL DE MED PA NYID DO, ,PHYI ROL MED PA 'DIR SKYON CI YOD DE MED PA KHO NA'O, ,'DI LA GZHAN GYIS GAL TE ZHES SMRAS SO, ,SNGA PHYI SHES PA BDAG CAG CES BYA BA NI SNGA PHYI'I DON YOD CES RTOG PA DANG PHYI ROL MED CES PHYIS RTOGS PA STE, SHES PA DE DAG PHAN TSUN GNOD BYA GNOD BYED YIN ZHE NA, 'DI LA BRJOD PA NI RANG NYID RTOGS NA ZHES

, ,BYA BA'O, ,RANG NYID KHO NA NAS DANG PO PHYI ROL YOD DO ZHES RTOGS LA, PHYI NAS DE MED DO ZHES RTOGS PA 'DI LA SKYON CI YOD, SKYES BU 'GA' ZHIG BDAG NYID LA GZIGS NAS BRGAL ZHING BRTAG PA BYED PA NI MA MTHONG NGO, ,GANG GIS SNGAR PHYI ROL YOD PA NYID DO ZHES RTOGS PA DE'I 'KHRUL PA NYID GA LAS YIN ZHES PHA ROL POS DE SKAD BRJOD PA NA, BSHAD PA BDAG LA ZHES BYA BA'O, ,GZHAN YANG PHYI ROL RTOGS PA 'DI NI RE ZHIG 'KHRUL PA YIN LA, DE 'KHRUL PA NYID DU NGES PA NA NGA LA 'KHRUL PA 'DI 'DRA BA GA LAS 'BYUNG ZHES RGYU'I RTZAD BCAD PAS CI BYA, RNAM PAR BRTAGS PA 'DI NI DNGUL MA YIN NO ZHES BYA BA'O, ,RGOL ZHING RTOG PA'I RNAM PAR BRJOD PA NI, JI LTAR NGAS ZHES BYA BA'O, ,DE'I KHYAD PAR NI DNGUL GYI KHYAD PAR CAN NO, ,KHYAD PAR DNGUL RAB TU MA GRUB NA YANG DNGUL DE'I KHYAD PAR CAN JI LTAR SHES PA YIN ZHES SO, ,JI LTAR RANG NYID DE LTAR MI 'GYUR BA DE BZHIN DU GZHAN LA GRUB NA DE KHO NA LTAR YIN NO, ,GAL TE ZHES BYA BA NI GZHAN GYI LAN NO, ,DE NI MED DO ZHES BYA BA'O, ,RGYU YOD PAS NA 'KHRUL PA MIN, ,ZHES BYA BA NI RGYU YOD PA NI ZHES BYA BA TZAM GYIS NI 'KHRUL PA MA YIN NO, ,GANG GI PHYIR DON DAM PA PA LA YANG RGYU YOD PA NYID YIN NO, DON DAM PA NI RGYU LAS BYUNG YANG 'KHRUL PA NI MA YIN NO, ,DES NA GAL TE RGYU DANG BCAS PA'I PHYIR 'KHRUL PA YIN NA, DE'I TSE BRAM ZE KHYED KYI 'DOD PA NI, DON DAM PA NI MTSAN NYID KYANG NYAMS PAR 'GYUR TE, RGYU DANG BCAS PA NYID KYIS 'KHRUL PAR THAL BA'I PHYIR RO, ,DE LTAR ZHES BYA BA MA 'KHRUL PA NYID DU RTOGS PA'I PHYIR, 'DI 'KHRUL PA YIN NO ZHE NA BRJOD PA 'KHRUL PA NYID DU RTOGS PA'I PHYIR 'DI 'KHRUL PA YIN NO ZHES 'KHRUL PA LA YANG MTSUNGS SO, ,'KHRUL PA NI ZHES BYA BA LA NI DOGS PA BSU BA'O, ,GAL TE PHYI'I YUL CAN MA 'KHRUL PAR 'GYUR NA, DE'I TSE 'DI PHYI ROL LA 'KHRUL PA YIN NO ZHES 'GYUR RO ZHES BYA BA NI GZHAN GYI BSAM PA'O, ,GZHAN GYIS SMRAS PA, MA 'KHRUL PA ZHES YOD MOD 'ON KYANG DE CI LTAR RTOGS PAR BYA, JI LTAR RTOGS PAR MI NUS SNYAM DU DOGS PA BSU NAS PHA ROL PO NYID MI RTOGS PA'I RGYU MTSAN SMRA BA NI, 'KHRUL PA NI ZHES BYA BA'O, ,PHYI ROL GYI YUL

CAN MA 'KHRUL PA MED PAS MA 'KHRUL PA YANG RTOGS PAR MI NUS SO ZHES BSAMS PA'O, ,'DI LA BRJOD PA NI GZHAN LA YANG ZHES BYA BA'O, ,MTSUNGS PA NYID BSGRUB PA NI MA 'KHRUL BA YANG ZHES BYA BA'O, ,DE NYID DE LTAR ZHES BYA BA NI BSGRUB PA'I TSUL DU KHAS LEN PA'O, ,DE LA NI PHYI ROL LA'O,, GAL TE RGYU BCAS PHYIR 'KHRUL NA, ,KHYED KYI 'DOD PA LAS NYAMS 'GYUR, ,ZHES BYA BA 'DI LA PHA ROL GYIS LAN BRJOD PA NI 'ON TE ZHES BYA BA'O, ,DE LTA NA NI 'O NA ZHES BYA BA NI LAN NO, ,KHYAD PAR DANG BCAS PA NYID BRJOD PA NI, 'KHRUL PA'I RGYU NI YOD PA LA, ,ZHES BYA BA'O, ,'KHRUL PA'I RANG BZHIN NYID SHES PAR 'GYUR NA, 'KHRUL PA'I RGYU RGYU DES NA YANG 'KHRUL PAR SHES PAR BYA BA YIN TE, DES NA PHAN TSUN BRTEN PA NYID GCIG LA YANG GNAS PA MED PAS NA, GNAS PA MED DO ZHES BRJOD DO, ,GNAS PA MED DO RGYU MED PAR JI LTAR 'KHRUL SNYAM NA, RANG GI NGO BO ZHES GSUNGS SO, , DA NI RANG GI NGO BO DE ZHES RGYU 'DRI BA'O, ,'DIS ZHES BYA BA NI GRUB PA'I MTHA'O, ,'DI LA PHA ROL GYIS 'KHRUL PA'I ZHES SMRAS SO, ,PHYI ROL YOD DO ZHES 'KHRUL PA GANG YIN PA DE RANG GI NGO BOS RTOGS PA PHYI ROL MED DO SNYAM DU RTOGS PA DE YANG 'KHRUL PA MA YIN NO ZHES GA LAS NGES, DE YANG 'KHRUL PAR 'GYUR RO ZHES BSAMS PA'O, ,'DI LA LAN NI GAL TE ZHES BYA BA'O, ,PHYI ROL YOD DO ZHES RTOGS PA 'DI 'KHRUL PAR RTOGS PAR 'DOD PA DE LTAR PHYI ROL MED DO SNYAM PA'I RTOGS PA DE YANG 'KHRUL PA NYID DU RTOGS NAS, DE'I TSE 'KHRUL PA YIN MOD, CI ZHIG SKYON YOD PA NYID DE, 'DI LTAR GAL TE PHYI ROL MED DO SNYAM PA'I RTOGS PA 'KHRUL PAR 'GYUR NA, DE'I TSE PHYI ROL YOD DO ZHES BYA BA'I RTOGS PA SNGA MA MA 'KHRUL BAR 'GYUR RO ZHE NA 'DI LA LAN NI DE YANG ZHES BYA BA'O, ,DANG PO DNGUL DU RTOGS PA LA DNGUL DU RTOGS PA DE LOG PA NA NYA PHYIS SU RTOGS PAR 'GYUR RO, ,GAL TE LDOG PA'I RGYU GZHAN YOD NA NYA PHYIS SU RTOGS PA DE YANG LDOG PA DE'I TSE DNGUL DU 'DZIN PA'I RTOGS PA DE SLAR BDEN PAR JI LTAR 'GYUR, GNYI GA DAG KYANG MED DO ZHES, ,RTOGS PAS YANG MTHONG MED DAM CI, ,DNGUL DANG NYA PHYIS GNYI GA YANG DE NA MED DO ZHES BYA BA NI MTHONG BA KHO NA'O, ,GZHAN GYIS GAL TE

, ,ZHES SMRAS SO, ,BDEN PA DE LA BSTAN PA YOD PA'I PHYIR GZHAN MED PA LA BZLOG PA 'KHRUL PAR 'GYUR BA YIN NO, ,'DI NYID GZHUNG 'DZUGS PA NI GNOD BYED CES BYA BA'O, ,GAL TE DMIGS PA DANG BCAS PA DE LAS BZLOG PA BDEN PA NYID BYED PA'I GNOD PAR BYED PA MED PA NYID YIN NA DE'I TSE BZLOG PAR DMIGS PA DANG BCAS PA NYID MED PA'I NGO BOR GANG GIS RTOGS PAR BYED CE NA, GRUB PA'I MTHA' LAS 'DI LA ZHES GSUNGS SO, ,GAL TE BZLOG PA RIG GAM DE LTAR MA YIN YANG RUNG STE, DE LTA NA YANG DNGOS PO MED PA NGES PAR JI LTAR 'GYUR, BUM PA'I SHES PA YOD PA NA GANG GI TSE SNAM BU'I SHES PA SKYES PA DE'I TSE YANG BUM PA MED PAR NGES PAR 'GYUR RO, ,'ON TE MED PAR NGES PA MI DMIGS PAS BYAS PA YIN NA 'O NA GNOD PAR BYED PA GZHAN GYIS CI BYA, PHA ROL GYIS SMRAS PA NI BZLOG PA DMIGS PA GANG YIN PA DE NYID DMIGS PA MI GRUB PA YIN NO ZHE NA, DE LTA NA 'O NA RANG RIG PA TZAM DU 'GYUR TE, RGYU DE'I PHYIR NA PHYI ROL RIG PA MED PAR 'GYUR RO, ,DE NI ZHES BYA BA NI DMIGS PA'O, ,'DI LA YANG ZHES BYA BA NI DMIGS PAS BCAS PA LA YANG NGO, ,DE LTA MA YIN NA ZHES BYA BA NI LDAN PA'I DON BSGRUB PAR YIN NA DMIGS PA MED PA BSGRUB BYAR MI 'GYUR RO, , GANG GIS ZHES BYA BA NI SANGS RGYAS PAS SO, ,JI LTAR DE NYID CES BYA BA NI LDAN PA'I DON NYID DO, ,GAL TE SANGS RGYAS PA LDAN PA'I DON BSGRUB BYAR MI 'DOD MOD, DE LTA YANG RIG PA DE NYID BSGRUB BYAR 'GYUR RO ZHE NA, 'DOD PA ZHES BYA BA'O, ,DE LTA BU ZHES BYA BA NI LDAN PA'I MED DE'O, ,DE LTAR RE ZHIG LDAN PA'I DON MED PA NYID BSGRUB PAR BYA BA YIN ZHES KHAS BLANGS NAS BRJOD PA NI, DNGOS PO MED PA DANG ZHES BYA BA STE, DMIGS PA'I DNGOS PO MED PA DANG LDAN PAR RO, ,GAL TE DON DAM PA'I DON BSGRUB PAR BYA BA MA YIN NAM, DNGOS PO MED PA DANG LDAN PA NI DON DAM PA MA YIN TE, KHYAD KYI LTA BA LA DON DAM PA'I DNGOS PO MED PA'I PHYIR RO, ,DES NA JI LTAR DNGOS PO MED PA DANG LDAN PA BSGRUB BYA YIN NAM SNYAM NA DON DAM PAR ZHES BYA BA'O, ,DON DAM PA'I LDAN PA'I DON NYID BSGRUB PAR BYA BA YIN NO ZHES BYA BA'I DON 'DI LA NI TSAD CI YANG MED DO, ,GAL TE RTOG PA LA YANG

GDON MI ZA BAR RGYU MTSAN CUNG ZAD CIG BRJOD PAR BYA BA MA YIN NAM SNYAM NA, RANG BZHIN DU ZHES TE GAL TE KUN RDZOB DNGOS PO YIN NA DE'I TSE DE NYID DE DNGOS PO NYID DO, ,MING GZHAN GYIS ZHES BYA BA NI BDEN PAR MNGON PAR ZHEN PA'O, ,SGRA BSHAD PA GSUM PA NI DE KHO NA LA ZHES BYA BA'O, ,SNANG BA'I RANG BZHIN ZHES BYA BA NI LHAG PAR ZHEN PAR BYA BA'I RANG BZHIN NO, ,DE TZAM GYIS ZHES BYA BA'I TSIG TZAM GYIS SO, ,DE LA JI LTAR BDEN PA ZHES BRJOD SNYAM NA 'KHRUL PA LA ZHES BYA BA'O, ,DMIGS PA CAN LA SOGS PA MED NA JI LTAR 'DIR 'DRA'I 'KHRUL PA YIN, DOGS PA BSU BA NI YOD DO ZHE NA ZHES BYA BA'O, ,LAN NI ZLA BA LA SOGS PA YOD PA YANG CI LTAR 'KHRUL PA NYID YIN, DOGS PA NI GAL TE ZHES BYA BA STE, ZLA BA YOD KYANG DE NYID MA YIN PAR SNANG BAS 'KHRUL BA YIN NO SNYAM NA, 'DI LA BRJOD PA NI DE MIN ZHES BYA BA STE, DE NYID MA YIN PAR SNANG NA JI LTAR KUN RDZOB MA YIN TE, KUN RDZOB NYID DO ZHES BYA BA'I DON TO, ,GAL TE DE NYID MA YIN MED BDEN PA GO CI LTAR YIN, KUN RDZOB KYANG YIN LA BDEN PA YANG YIN NO ZHES BYA BAR NI 'THAD PA MA YIN NO ZHES 'DI LA BRJOD PA NI, BDEN PAR SNANG BA ZHES BYA BA STE, BDEN PA NYID DU LHAG PAR ZHEN PA'O, ,MI BDEN PA YANG BDEN PAR MNGON PAR ZHEN PAR NI 'GYUR BA KHO NA STE, DES NA DON DAM PAR NA KUN RDZOB NYID YIN PAS GANG YIN PA DE NI LHAG PAR ZHEN PA LA LTOS NA BDEN PA YIN PA'I PHYIR NYES PA CI YOD DO, ,DES NA PHA ROL PO DAG GIS KUN RDZOB KYI BDEN PA ZHES BYA BA'I BRJOD PA 'DI SLU BA'I TSIG YIN ZHES BRJOD PA GANG YIN PA DE LA 'BREL TO ZHES STON PA NI DES NA ZHES BYA BA'O, ,JI LTAR KHA CHU LA MCHU'I SBRANG RTZI ZHES BRJOD PA SLU BA'I TSIG MA YIN PA DE BZHIN DU KUN RDZOB KYI BDEN PA ZHES BYA BA'AM, BDEN PAR SNANG BA ZHES BYA BA SLU BA'I TSIG TU JI LTAR 'GYUR, SLU TSIG MA YIN PA DE NYID GZHUNG 'DZUGS PA NI DON GANG ZHIG BDEN PA MA YIN PAR 'GYUR BA NA, BDEN PAR SNANG BA NYID MI 'THAD PA'I DON DE'I BDEN PA MA YIN PA NYID BRJOD PA NI, DE'I TSE SLU BA CI ZHIG YOD DE CI YANG MED DO, ,CI'I PHYIR GZHAN SANGS RGYAS PA'I BSAM PA GANG YIN PA DE MA SHES PA'I RGYUS NA, BDAG STOD PA BRJOD PAR 'DOD PAS KUN RDZOB KYI BDEN PA ZHES BYA

, ,BA LA SOGS PA 'DI NI SANGS RGYAS PA RNAMS KYI 'DRID TSIG YIN NO ZHES BYA BA LA SOGS PA'I SMRA BA 'BA' ZHIG PO DE LAS 'DRID PA GZHAN NI YOD PA MA YIN TE, BRJOD PA 'DI NI DA BRJOD PA CHEN PO YIN NO ZHES DGONGS PA'O, ,GAL TE DMIGS PA'I DNGOS PO THA DAD PA MED DO ZHES PA MA YIN BAR DGAG PA SGRUB PAR BYED DAM MED PAR DGAG PA SGRUB KYANG RUNG STE, DE'I TSE GRUB PA LA SGRUB PA NYID DE, BUM PA LA SOGS PA NI GZHAL BYA'I RANG BZHIN NYID DU SHES PA LAS THA DAD PAR MED PA KHO NA'O, ,BUM PA LA SOGS DE YANG SHES PAR DMIGS PA YIN BA'I PHYIR NGED KYI MI 'DOD PA CI ZHIG YOD, GAL TE SHIN TU THA DAD PAS DMIGS PA MID PAR BRJOD NA YANG DE'I TSE KHYED KYI LNGAR GYI PHYOGS DE LTAR BRTAGS PA DANG 'GAL LO, ,KHYOD KYIS DA LA SHIN TU THA DAD PAS DMIGS PA MED PAR BSGRUB PO ZHES DA LTAR BRTAGS PA DE DANG SNGAR GYI PHYOGS 'GAL BAR 'GYUR RO ZHES BYA BA'I THA TSIG GO ZHES BYA, DNGOS RTZOM ZHES GSUNGS STE, DNGOS PO'I RNAM PA GANG YIN PAR THA DAD PAS SANGS RGYAS PA BLO DMIGS PA MED PAR 'DOD PA NYID YIN NO, ,DE NI SHIN TU THA DAD PA DMIGS PA MED PA NYID SGRUB BAR BYED PA YIN LA DNGOS PA LA YANG SHIN TU THA DAD PA NYID YOD PA MA YIN TE, GZHAL BYA NYID LA SOGS PAS THA MI DAD PA'I PHYIR RO, ,DES NA DNGOS PO LAS THA DAD PA 'GA' ZHIG GIS DMIGS PA MED PA NYID DU BSGRUB PAR BYA BA YIN NA, DE NI KHYED SANGS RGYAS PA 'DOD PA YIN PAS 'GAL BA YIN NO, ,'ON TE 'DZIN PA LAS GZUNG PA THA DAD PA MED PAS BSGRUB BAR BYA BA YIN NA; DE LA BRJOD PA NI NUS PA'I ZHES BYA BA'O, ,GCIG NYID LA BYED PA PO'I NUS PA DANG, LAS KYI NUS PA GSAL BA YIN NO, ,'ON TE SANGS RGYAS PA THAMS CAD ZAD PAS BRGYA LA 'DI SKAD CES SMRA BAR 'GYUR DU 'ONG NGO ZHES BSAMS NAS BRJOD PA NI, GAL TE ZHES BYA BA'O, ,DE NI ZHES BYA BA NI SHES PA THAMS CAD DMIGS PA MED DO SNYAM NA'I BLO'O, ,YANG DAG PA'I SHES PA 'DI SKYES PA'I SGRUB PAR BYED PA'I SHES PA THAMS CAD DMIGS PA MED DE ZHES GRUB BO SNYAM DU DOGS PA BSU NAS BRJOD PA NI KHYED NI ZHES BYA BA'O, ,SGRUB PAR BYED PA SHES PA NYID KYI PHYIR ZHES BYA BA LAS SKYES BA'I BLO SHES PA

THAMS CAD NI DMIGS PA MED PA YIN NO SNYAM PA'I NAG PO LA SOGS PA'I SHES PA MDUN NA GNAS PA'I RNAM PA CAN GYI CHOS SU GYUR PA'I DMIGS PA MED PA NYID 'DZIN NAM MI 'DZIN, GAL TE 'DZIN PA DE'I TSE SGRUB PAR BYED BA'I BLO DE NYID KYIS MA NGES TE SHES PA YANG YIN LA DMIGS PA MED PA YIN NAM MA YIN TE, DPER NA RJES SU DPAG PA'I SHES PA DE NYID BZHIN NO, ,'ON TE MI 'DZIN DE'I TSE RJES SU DPAG PA'I SHES PA 'DI NI SMIG RGYU LA CHU'I BLO BZHIN DU RANG GI CHA LA 'DZIN PA YIN NO, ,DES NA GZUNG BA DANG 'DZIN PA'I BLO DE GNYIS YUL THA DAD PA'I PHYIR NA GA PA LA LA SOGS PA'I SHES PA BUM PA LA SOGS PA 'DZIN PAR BYED PA'I DMIGS PA MED PA NYID KYIS 'GAL ZLAR GYUR PA DE BZLOG PA MED PA'I RGYU'I PHYIR NA, NAG PA LA SOGS PA'I SHES PA RNAMS NGO BO NYID KYIS DMIGS PA DANG BCAS PAR 'GYUR BA YOD PA DE GANG GIS ZLOG PAR BYED DE 'GAS KYANG MA YIN NO, ,GAL TE ZHES BYA BA NI SANGS RGYAS PA'I DOGS BSU BA'O, ,SGRA GANG LA RIG PA'I DMIGS PA YOD PA DES 'GOG NA DE'I TSE GRUB PA LA SGRUB PA YIN NO, ,'ON TE RTOGS PA'I SGRA LA BLO BSKYED PA'I NUS PA YOD BA DMIGS PA DANG BCAS PA'I SGRA'I BRJOD PAR BYA BAR GYUR PAS 'GOG NA DE'I TSE SANGS RGYAS PA'I KHYED KYI BSGRUB BYA MI 'GRUB PO, ,RTOGS PAR BYED PA MED PAR NI SGRUB PAR BYED PA SBYOR BA MED DO, ,KHYED KYIS BLO SKYED PAR BYED PA NYID KYIS BKAG PAS NI RTOGS PAR BYED PA NYID KYIS BKAG PAS DE JI LTAR BSGRUB BYA 'GRUB, SUN 'BYIN PA GZHAN YANG BRJOD PA NI BRJOD PAR ZHES BYA BA STE, SGRA'I RJOD PAR BYED PA NI 'BREL PA MED PAR MI 'GYUR RO, ,'BREL PA MED PA YANG THA DAD PAR MI 'GYUR TE 'BREL PA NI GNYIS LA GNAS PA'I PHYIR RO, ,THA DAD PA DE YANG DAG LA BRTEN PA'I THA DAD PAR RTOGS PAR BYED PA'I BLO MED PA MA YIN NO, ,DMIGS PA MED PAR SMRA BA KHYED KYI LTAR NA NI, DE 'DRA BA'I BLO YOD PA MA YIN TE DES NA RGYU MED PA'I DAG SBYOR PA NYID KYANG MI 'THAD DO, ,GZHAN YANG RTOGS PA PO RNAMS KYIS ZHES BYA BA DBANG PO DANG, NYAN PA PO RNAMS KYIS CHA SHES DANG BCAS PA DAG SO SOR MA BZUNG BA DE BZHIN DU DAG GI BRJOD PAR BYA BA PHYOGS LA SOGS PA SO SOR MA BZUNG BA DANG, DE BZHIN DU RTZOD PA

, ,GANG DAG YIN PA'I RGOL BA DANG PHYIR RGOL BA DE DAG SO SOR MA BZUNG BAR NI SGRUB PAR BYED PA SBYOR BAR MI 'GYUR RO, ,GAL TE DE DAG CES BYA BA SNGAR BRJOD PA DE DAG KUN KHAS BLANGS NAS DMIGS PA MED BAR SMRA BA DAG SGRUB PAR BYED NA SBYOR BAR 'DOD NA, DE'I TSE KHYED KYI DAM BCA' BA DMIGS PA MED PA NYID SNGAR GYI DMIGS PA DANG BCAS PA NYID DU KHAS BLANGS PAS GNOD DO ZHE NA, GRUB PA'I MTHA' PA ZHES BYA BA NI, THAMS CAD NI CES GSUNGS SO, ,DE'I TSE YOD KYANG ZHES BYA BA NI GZHAL BYA NYID LA SOGS PA'I CHOS DANG LDAN PA YANG NGO, ,GZHAL BYA LAS ZHES BYA BA NI, BUM PA LA SOGS PA LA'O, ,DE ZHES BYA BA NI GZHAL BYA NYID DO, ,RIG PA DANG DE LAS GZHAN PA'I SNGON PO LA SOGS PA DE DAG GAL TE GZHAL BYA NYID KYIS RANG BZHIN GYIS THA DAD PA MED PA YIN NA, DE'I TSE MYONG PA LAS SNGON PO LA SOGS PA DE GZHAN MA YIN GYI 'ON KYANG SNGON PO LA SOGS PA DE NI SHES PA NYID DU 'GYUR RO, ,JI LTAR GRUB PA LA SGRUB PAR MI 'GYUR SNYAM NA, RTOGS MED YIN NA THA DAD PAR 'GYUR GYI RTOGS PA NYID NI MA YIN NO, ,DES NA DMIGS PA MED NA ZHES BYA BA NI SHIN TU THA DAD PA DES DMIGS PA MED NA'O, ,GAL TE DE LTA NA YANG SNGON PO DANG SER PO LA SOGS PA'I RANG BZHIN GYIS THA DAD PA YOD PA NYID MA YIN NAM ZHE NA, SHES PA'I RNAM PA ZHES GSUNGS SO, ,GZUNG BA'I ZHES BYA BA NI GZUNG BA'I RNAM PA LA SOGS PA'O, ,GAL TE SNGON PO LA SOGS PA YANG SHES PA YIN DU CHUG MOD, DE LTA NA YANG DE NI SNGON PO LA SOGS PA NYID DU 'GYUR RO, ,DES NA DMIGS PA MED PAR JI LTAR 'GRUB SNYAM NA, GNYIS KA ZHE SMOS TE, SNGON PO DANG SER PO GNYIS KA'O, ,DPE GSUNGS PA NI BDE BA DANG SDUG BSNGAL GNYI GA RTOGS PA YIN NA DMIGS PA DANG BCAS PA NYID DE YOD PA MA YIN NO, ,DE BZHIN DU SNGON PO LA DANG SHES PA GNYI GA RTOGS PA YIN NA DMIGS PA NYID DER MI 'GYUR RO, ,RTOGS PA LAS THA DAD PA MED PA LAS GZUNG BA DANG 'DZIN PA'I DBYE PA DANG, DKAR PO DANG SNGON PO LA SOGS PA'I DBYE BAR YANG JI LTAR 'GYUR ZHE NA, 'DI LA BRJOD PA DNGOS PO GANG ZHIG TA MI DAD PA MED MIN TE, THA DAD PA SNANG TSOGS PA NYID YOD PA YIN NO, ,BSAMS

PA NI 'DI YIN TE, DNGOS THA DAD PA MED PA'I PHYIR NA DNGOS PO DANG SHES PA DAG THA DAD PA MED DO ZHES BRJOD PA YIN GYI, SNGON PO DANG SER PO LA SOGS PA'I RANG BZHIN GYIS NI THA DAD PA YOD PA KHO NA'O, ,DES NA GZUNG BA NYID LA SOGS PA'I DBYE PA YANG 'DI NYID LA NGES PA YIN NO ZHES BYA BA YIN NO, ,'DI NYID GSAL BAR BYED PA NI DPER NA ZHES BYA BA LA SOGS PA'O, ,GZUNG BA DANG CIG SHOS 'DZIN PA'I BDAG NYID DE BZHIN RIG PA NI YOD PA MA YIN NO, ,DE KHO NA NYID THA DAD PA ZHES BYA BA NI RANG BZHIN THA DAD PA'O, ,MA RUNG BA'I BDAG NYID BRAM ZE LA SOGS PA RNAMS KYIS SO; , SNGAR GYI PHYOGS LAS ZHES BYA BA DMIGS PA MED PA'I PHYOGS LA SO, ,DE BZHIN THAMS CAD SKYE PA NI ZHES BYA BA NI DMIGS PA MED PA'O, ,PHYOGS 'DI GNYI LA SGRUB PAR BYED PA'I KHYAD PAR NI 'GA' YANG YOD PA MA YIN NO, ,DES NA JI LTAR CHOS BSGRUB PAR BYA BA MA YIN, DE NI ZHES BYA BA NI DMIGS MED PA NYID DO, ,GAL TE RTOGS PA'I SGRA 'DI NYID CES BYA BA LA SOGS PA LA BRJOD PA NI RTOG 'I [?] SGRA ZHES BYA BA'O, ,PHA ROL GYI 'KHRUL BA NI DMIGS PA DANG BCA' PA NYID SGRUB PAR BYED BSHES PA NYID BZLOG PA YIN TE, DPER NA DU BAS ME MA YIN PA LAS GZHAN LDOG PA BSGRUB PA BZHIN NO, ,DE LTA MA YIN NA ZHES BYA BA'O, ,DON 'DI RGOL BAS RTOGS PAR MA GYUR NA'O, ,DE DMIGS PA MED PA'I BLO YANG ZHES BYA BA NI SHES PA THAMS CAD NI DMIGS PA MED PA NYID DO SNYAM PA'I RJES SU DPAG PA'I BLO GANG YIN PA YANG NGO, ,DOGS PA BSU NAS RJES SU DPAG PA'I BLO DMIGS PA DANG BAS PA NYID MED DO ZHES BYA DE NI JI LTAR MI SLU BA YIN NA ZHE NA, 'DI LA BRJOD PA DMIGS PA DMIGS PA'I RGYU'I PHYIR RO, ,'DI GNYIS GZHAN LA DRI BA'I SOGS NAS BSGRUB PA NI BUM PA MED DO ZHES BYA BA LA SOGS PA'I BLO'O, ,GAL TE SNANG BA MA DMIGS PAS DON DE MA DMIGS PAS DE'I TSE NI SLU BA 'DI 'GYUR PA YIN NO ZHE NA, ZHES GZHAN GYIS LAN BTAB PA NA DE LTA NA NI ZHES GSUNGS SOS, ,DE KHO NA NYID NGES PA ZHES BYA BA NI DMIGS PA MED DO ZHES BYA BA GANG YIN PA DE'I RGYU MTSAN YIN NO, ,PHYIS DMIGS PA MA DMIGS PA'I PHYI RNA MI SLU PA YIN NO , ,DMIGS PA GZHAN SEL BA NI STE

, ,DNGOS PO MED PA MI DMIGS PA MED PA NYID DE'I RTOGS PAR BYED PA YIN NO, ,BRJOD PA 'BREL BA MED PA MIN, ,ZHES BYA BA LA SOGS PA BRJOD PA NI DE BAS NA ZHES BYA BA'O, ,DON RNAMS KYI 'BREL BA YOD PA NYID LA BRTAGS BA'I THA DAD PA YANG YOD DO ZHES 'BREL TO, ,THA DAD PAR 'DZIN PA BLO GANG YIN PA DE'I YUL YANG BRJOD DU YOD PA NYID DO, ,DE LA YANG ZHES BYA BA NI RGOL DBANG PHYIR RGOL PA THA DAD PAR 'DZIN PA'O, ,SNGAR ZHES BYA BA NI GNYIS SU MED PAR STON PAR BYED PA'I RNAM 'GREL BSHAD PA'I SKABS SU'O, ,DE MED PAR ZHES BYA BA NI THA DAD BA MED PAR SGRUB PA LA'O, ,RANG GI SNANG BA NYID CES BYA BA NI BUM PA LA SOGS PA LA'O, ,JI LTAR GNOD CE NA DE YANG ZHE SMRAS TE, RANG GI SNANG BA NYID DU RTOGS PAR BYA'I BUM PA LA BO PA YANG NGO, ,GAL TE DOGS PAR BYED PA RNAMS KYIS RE ZHIG DE NYID RTOGS PA MA YIN NAM, DE JI LTAR DE'I TSIG LAS KYANG YID CHES PA MED PAR JI LTAR 'GYUR SNYAM NA RTOGS PAR BYED PA RNAMS ZHES BYA BA'O, ,PHYOGS GCIG TU LHUNG BAS ZHES BYA BA NI DMIGS PA MED PA'I PHYOGS LHUNG BAS SO ,PHAN TSUN 'GAL BA ZHES BYA BA NI, DMIGS PA DANG BCAS PA DANG, DMIGS PA MED PA NYID DE, PHAN TSUN 'GAL BA'I DMIGS PA DANG BCAS PA'I RTOGS PA CAN NO, ,DE DANG 'GAL ZHES BYA BA TSAD MAS GRUB PAS DE DANG 'GAL BA SNGAR GYI KHAS BLANGS PA GANG YIN PA SEL TO ZHES BYA BA THA DAD PA'I BLO'O, ,PHYIN CI LOG TU SONG BA ZHES BYA BA DE LTA MA YIN PAR 'GYUR BA'O, ,CI STE 'GAL BAR BYA BA MA YIN ZHE NA, GAL TE ZHES SMOS SO, ,RNAM PA CI ZHIG LTAR KHAS BLANGS PA'I THA DAD PAS TSAD MAS YONGS SU DAG PA'I THA MI DAD PA LA GNOD KYI TSAD MA'I STOBS KYI SHUGS LAS 'ONGS PA'I THA MI DAD PA 'DIS NI SNGA MA THA DAD PA LA GNOD PA MA YIN NO ZHES BYA BA'I MI 'THAD PA 'DI PAS BSTOD NAS JI LTAR BRJOD, GANG LA ZHES BYA BA LA SOGS PA NI THAMS CAD KYI MJUG SDUD PA'O, ,SLOB DPON DANG BDANG NYID CHOS DANG CHOS MA YIN PA RTOGS PA GRUB PA MED NA TSES LA SOG PA NYE BAR STON PA MI 'THAD DO, ,DE SGRUB PA PHYIR NA ZHES BYA BA NI NYE BAR BSTAN PA DES RJES SU BSGRUB PA'I PHYIR RO, ,DE LTAR RE ZHIG NYE BAR BSTAN PA GZHAN DU MI

'THAD PA THA DAD PA KHAMS BLANGS PAR BSGRUB PAS NAS, DNGOS PO NYID DU BSGRUB PA'I DON BRJOD PA NI, GSAL PAR NGES ZHES BYA BA'O, ,DE MED PAR BSGRUB PA NI LUNG DANG 'GAL BAR 'GYUR PA YIN, PHYOGS LA ZHES BYA BA NI DMIGS PA MED PA NYID LA'O, ,THAMS CAD MED PA'AM ZHES BYA BA NI DMIGS PA NYID KYANG MED PAR 'GYUR RO, ,SGRUB PAR BYED PA'I BLO PHYIN CI LOG YIN NA NI, DES BSGRUB PAR BYA BA DMIGS PA MED PA NYID KYANG MED PAR 'GYUR RO, ,CI 'DOD PAR MA TSANG LA SOGS, ,ZHES BYA BA NI GAL TE SGRUB PAR BYED PA BRJOD, DE'I TSE BDEN PAR BYA BA'I MA TSANG PA MA YIN PA DANG, LHAG MA YANG MA YIN PAR SGRUB PAR BYED PAR 'GYUR BA ZHIG NA GANG GI TSE SGRUB PAR BYED PA'I BLO BRDZUN PA YIN PA DE'I TSE JI LTAR SBYAR BYA LA RAG PAR 'GYUR BAR RO, ,DE DAG CES BYA BA NI SHES PA THAMS CAD NI DMIGS PA MED DO ZHES BYA BA SGRUB PAR BYED PA'I BLOS BSKYED PA'I SHES PA RNAMS SO, ,MA NGES PA NI SHES PA NYID KYI GTAN TSIGS SO, ,SHES PA'ANG YIN LA DMIGS PA MED PA YANG MA YIN TE, DPER NA SGRUB PAR BYED PA SKYED PA'I SHES PA BZHIN NO ZHES BYA BAR RO, ,SANGS RGYAS PA'I DOGS PA BSUN BA NI DE LAS GZHAN PA ZHES BYA BA NI, SGRUB PAR BYED PA SHES BYA LAS SKYES PA LAS GZHAN DAM BCAS PA YIN NO ZHE NA, PHYI ROL PA SUN 'BYIN PA NI DE LAS GZHAN PA'I ZHES BYA BA SGRUB PAR BYED PA'I SHES BYA LAS GZHAN NO ZHES BYA BA'I RTOGS PA GANG YIN PA DE NI BRDZUN PA YIN TE, SGRUB PAR BYED PA LAS SKYES PA'I SHES PA KHO NA BDEN PA'I PHYIR DANG, GZHAN NI THAMS CAD MI BDEN PA'I PHYIR RO, ,YANG JI LTAR NA GZHAN SNYAM PA'I SHES PA BRDZUN NO ZHE NA, PHYOGS SOGS ZHES GSUNGS SO, ,GANG GIS DE BZHIN NO SNYAM PA'I SHES PA LA NI PHYOGS LOG PA YOD PA MA YIN NO ZHES BYA BA'I DON TO, ,JI LTAR ZHE NA PHYOGS PA'I NANG DU MA 'DUS NA MA YIN PA'I PHYIR PHYOGS LA SOGS PA'I NANG DU 'DUS PA'I PHYI RO ZHES BYA BA'I DON TO, ,'DI LTAR SGRUB PAR BYED PAS BSKYED PA'I BLO KHO NA LA PHYOGS NYID MED KYI , DE LAS GZHAN PA'I RTOGS PA THAMS CAD LA NI PHYOGS NYID YOD PA YIN NO, ,DE LTA YIN DANG SGRUB PAR BYED PA'I SHES PA LA 'DI

, ,DAG GZHAN YIN NO SNYAM PA'I SHES PA GANG YIN PA DE YANG PHYOGS NYID YIN TE, SGRUB PAR BYED PAS SKYED PA'I BLO LAS GZHAN YIN PA'I PHYIR RO, ,GZHAN SNYAM PA'I SHES PA'I BRDZUN PA NYID YIN MOD, NYES BA CI YOD SNYAM NA, DE NI LOG PAR ZHES GSUNGS SO, ,SGRUB PAR BYED PA'I SHES PA LAS GZHAN PA'I SHES PA GANG YIN PA DE DAG DMIGS PA MED PA NYID DU BSGRUB PAR BYA BA YIN NA, GANG GI TSE GZHAN ZHES BYA BA'I SHES PA 'KHRUL BA YIN BA DE'I TSE SHES PA DES YUL DU BYAS PA'I GZHAL BYA MED PA'I PHYIR NA GANG ZHIG PHYOGS NYID YIN, DE NYID BRJOD PA NI, DE TSE ZHES BYA BA'O, ,GAL TE SGRUB PAR BYED PA'I SHES PA DANG GZHAN NO SNYAM PA'I SHES PA LAS GZHAN PHYOGS SU BYED DO SNYAM NA, JI SRID CI SRID CES SMRAS SO, ,SGRUB PAR BYED PA'I SHES PA DANG, GZHAN SNYAM PA'I SHES PA LAS KYANG GZHAN GANG YIN PA DE DAG PHYOGS YIN NO ZHES BYA BA GANG GI TSE DAM BCAS PA DE'I TSE PHYI MA GZHAN SNYAM PA'I SHES PA PHYI MA LOG PA YIN PA'I PHYIR DAG PO LA GNANG NGO, ,SUN 'BYIN PA GZHAN YANG BRJOD PA NI, RJES SU DPAG PAS ZHES BYA BA'O, ,'GAL PA MI 'KHRUL BA NYID STON PAN PHYI ROL ZHES BYA BA'O, ,'DI NI RJES SU DPAG PA YIN PA'I PHYIR RJES SU DPAG PAS GSAL PA YANG YIN MOD, DE YANG ZHES BYA BA RMI LAM LA SOGS PA LA GNOD PA'I BLO YANG LOD PA YIN NO ZHES GSUNGS RGYAS PA SMRA NA, DE'I TSE RMI LAM LA SOGS PA'I SHES PA GNOD PA MA YIN TE, DE LA GNOD PAR BYED PA SHES PA LOG PA YIN BA'I PHYI RO, ,RMI LAM LA SOGS PA MED PA YIN NA, YANG DA NI KHYED SANGS RGYAS PA'I SGRUB PAR BYED PA GANG YIN PA DE THAMS CAD NI DMIGS PA MED PA YIN NO ZHES BYA BA LA, DPER NA RMI LAM LA SOGS PA BZHIN NO ZHES CHOS MTHUN PA'I DPE MED PAR 'GYUR RO, ,GNOD PAR BYED PA GZHAN BRJOD PA NI RNAM SHES ZHES BYA BA'O, ,DE NYID KYIS ZHES BYA BA NI RNAM PAR SHES PA YOD PA YIN DANG, THA DAD PA DANG SKAD CIG MA NYID KYIS SHES PA NYID CES BYA BA'I GTAN TSIGS MA NGES PAR 'GYUR RO, ,RNAM PAR SHES PA NYID LA 'GOG PA'I BLO RNAMS LOG PA GANG YIN PA DE RTOGS PAR KHAS LEN NA PHYOGS LA

GNOD PAR THAL LO, ,LTA YIN DANG ZHES BYA BA NI DE KHO NA NYID 'GA' YANG MED NA'O, ,DE PHYIR ZHES BYA BA NI BCINGS PA DANG THAR BA MED PA'I PHYIR, THAR PA'I 'BAD PA LA BSGOM PA LA SOGS PA GANG YIN PA DE 'BRAS BU MED PAR KHAS LEN NO ZHE NA, DA NI GRUB PA'I MTHA' SMRA BAS DE NI ZHES GSUNGS SO, ,'DOD CHAGS KYI SGRAS NI MI 'DOD PA GZUNG NGO, ,DE NI ZHES BYA BA NI 'KHOR BA'O, ,DNGOS PO GANG LA SKYES BU GANG GIS DE NYID KYI BLO YOD PA DE NI DE LA 'JUG GO, ,JI LTAR 'JIG RTEN LA 'JUG PA DE BZHIN DU BCOM LDAN 'DAS KYANG GLANG PO'I GZIGS TSUL DU MDZAD NAS DNGOS PO DE DANG DE NYE BAR STON PA YIN NAM CI STE STON PA KHO NA'O, ,DER ZHES BYA BA BCOM LDAN 'DAS KYIS NYE BAR BSTAN PA'I DNGOS PO LA'O, ,DES DE'I BSAM PAS ZHES BYA BA 'KHOR BA'I SKYE BO'O BSAM PAS GSUNGS PA'I MDO SDE DAG GIS SO, ,'JIG RTEN KUN GYI GRAGS PAS KYANG, ,ZHES GANG BRJOD PA DE LA BRJOD PA NI, DE LA NI DE NYID MA RIG PA LA NI DMIGS BA THAMS CAD DANG BRAL BA MA BSTAN TO, ,DE LA NI DE NYID MA RIG PA LA'O, ,DMIGS PA THAMS CAD MED KYANG NGO, ,SKYON MED PA NYID STON NA NI DE'I ZHES BYA BA NI DMIGS PA MED PA'I SGRUB BYED KYI RJES SU DPAG PA NYID DMIGS PA MED PAS DMIGS PA MED PA'I RJES SU DPAG PA DE LAS DMIGS PA MED PA NYID DE MA 'GRUB PO ZHE NA, 'DI LA BRJOD PA NI SLU MED CES BYA BA'O, ,DMIGS PA YOD PA NYID NI BSGRUB PAR YANG BA YIN NA, DES NA SGRUB PAR BYED PAS BSKYED PA'I SHES PA DE NI CHOS MTHUN PA CAN DPE ZHES BYA BA MTHUN PA'I PHYOGS YIN PA'I PHYIR RO, , DE LTAR YIN DANG DE LAS GZHAN PA'I DAM BCA' BA LOG PA NYID YIN PAR 'DOD PA KHO NA'O, ,DE SNA LOG PA ZHES BYA BA NI GZHAN GYIS SHES PA'I LOG PA SNGON DU 'GRO PA CAN GYI SKYON GYIS SO, ,JI LTAR NA THUG PA MED PAR MI 'GYUR SNYAM NA, DE LAS GZHAN PA ZHES GSUNGS SO, ,MI SLU BA'I SHES PA YANG DMIGS PA MED PA JI LTAR YIN SNYAM NA, SLU BA MED PA ZHES GSUNGS SO, GAL TE RMI LAM LA SOGS PA LA GNOD PA'I BLO DMIGS PA DANG BCAS PA NYID YIN NA, RMI LAM LA SOGS PA DANG DMIGS PA MED PAR BSGRUB PA'I SKABS KYI MTHUN PHYOGS NYID DU 'GYUR PA GAL TE GNOD PA'I BLO

, ,DMIGS PA DANG BCAS PA YIN NA DE'I TSE DE NYID KYIS MA NGES SO SNYAM NA RMI SOGS ZHES GSUNGS SO, ,RMI LAM LA SOGS PA LA GNOD PAR BYED PA'I BLO BDEN BA NI RMI LAM LA SOGS PAR MI DMIGS PAS BSGRUBS PA YIN GYI GNOD BYED KYI DMIGS PA DANG BCAS BA NI MA YIN NO; ,DES BSKYED PA ZHES BYA BA NI RMI LAM LA SOGS LA GNOD PA'I BLOS BSKYED PA'O, ,RNAM SHES YOD PA DANG THA MI DAD PA DANG ZHES BYA BA LA SOGS PA LA BRJOD BA NI SKAD CIG CES BYA BA'O, ,SHES PA SKAD CIG YIN GYI PHYI ROL NI MA YIN NO, ,RGYU DES PHYI RO DANG BCAS PA'I DMIGS PA DANG BCAS PA NYID MA GRUB PO, ,PHYI ROL GYI DMIGS PA MA GRUB PO ZHES DGONGS PA'O, ,GAL TE KHYOD KYIS DMIGS PA MED PA NYID KYANG MI 'GRUB PA KHO NA STE, SKAD CIG MA'I BLO NI RNAM PAR SHES PA LA DMIGS PA'I PHYIR RO ZHE NA, GZHAN GYI PHYOGS YIN NO SHES GSUNGS TE, DMIGS PA GZHAN GYIS NI DMIGS DANG BCAS PA RMI 'GYUR RO ZHES BYA BA NI BDAG CIG GI PHYOGS YIN NO, GAL TE DANG GI NGO BOS DMIGS PA DANG BCAS PAR 'GYUR NA, DE'I TSE 'GYUR LA RAGS TE, RANG GI RANG BZHIN NI DMIGS PAR 'DOD PA'I PHYIR RO, ,DE LTA BUS ZHES BYA BA NI BDAG CHAG GI PHYOGS YIN NO; ,RNAM PAR SHES PA'I DBANG NYID DU GYUR PAS DMIGS PA DANG BCAS PA NYID DE'I PHYIR DMIGS PA DANG BCAS PAS NI MA YIN NO, ,DMIGS PA THA DAD PAR ZHES BYA BA NI 'DZIN PAR BYED PA LAS GZHAN NO, ,DE NI PHYI ROL YIN NAM SHES PA YIN YANG RUNG STE, KHYAD CI YONG CES BYA BA NI GZHAN GYIS BSAMS PA'O, ,'DI LA BRJOD PA NI SKAD CIG NYID KYI ZHES BYA BA'O, ,DE RE ZHIG RJES SU DMIGS PA NI SHES PA GZHAN NA MA KHYI ROL GYIS NI DMIGS PA DANG BCAS PA MA YIN TE, DE NI RANG DMIGS PA RNAM PA DU MA'I SGO NAS GZHAN SEL BA DANG BCAS PAR BSAMS ZIN PA'I PHYIR RO, ,GAL TE RJES SU DPAG PAR MI SLU BAR BYED PA YIN NAM, CI LTAR DMIGS PA MED SNYAM NA, SLU BA MED PA ZHES GSUNGS SO, ,YANG JI LTAR DE MNGON SUM NYID YIN SNYAM NA DNGOS SU BYAS NA ZHES GSUNGS SO, ,RIG PA DE'I BDAG TU GYUR PA'I SKAD CIG MA NYID GANG YIN PA DE NI GANG DE'I BDAG TU GYUR PA'I RIG PA DE LAS

GZHAN PA'I RIG PAS GZUNG BAR NUS PA MA YIN NO, ,CI STE ZHES DOGS PA BSU NAS, DE'I RANG BZHIN GSUNGS SOS, ,DE'I RANG BZHIN RIG PAR BYED PA MA YIN PA GZHAN GYIS KYANG DE RIG PAR 'GYUR RO SNYAM NA, RIG PA MED PAR ZHES GSUNGS SO, ,DON GSAL BA GZHAN DU MI 'THAD PAS RIG BAR BYED PA THA DAD PA KHAS LEN PA YIN LA, GSAL BA YANG RANG LAS 'GYUR PA NYID DE LTAR NA MTHONG BA NI RANG NI KHO NA GSAL BAR KHAS LEN PA DE BZHIN DU GSAL BAR BYED PA THA DAD PAS CI ZHIG BYA ZHES DGONGS PA'O, ,'ON TRE RANG BZHIN CAN GYI MTSAN NYID BDAG SNGON PO LA SOGS PA MYONG MONG BAR BYED PA NI LTA BA PO YIN NO ZHE NA, DE'I TSE BDAG DE'I MTHONG BYED GA LAS 'DOD, DE LTA MA YIN NA THUG PA MED PAR THAL BA'I PHYIR, RANG RIG PA YIN ZHE NA, DE LTAR ZHES SMOS TE, RANG NYID RIG PAR BYED PA NI'O, ,SNGON PO LA SOGS PA YANG RANG RIG BAR BYA BA'I DON TO, ,GNYIS KA'I RANG BZHIN ZHES BYA BA NI RDZAS DANG RANG RIG PA'I RANG BZHIN NO, ,RIG BYA RIG BYED GANG YIN BDE NI GCIG YIN TE, DES NA RTOGS PA'I RANG BZHIN DANG RDZAS KYI RANG BZHIN GNYIS SU GCIG TU 'THAD PA YIN NO, ,DES NA BDAG DANG SNGON PO YANG RIG BYA RIG BYED KYI RANG BZHIN NYID KYIS GCIG TU 'GYUR RO, ,GAL TE SNGON PO DANG SNGON POR RIG PAR BYED PA DANG GI YUL THA DAD PA NYID KYIS GCIG TU RMI 'THAD DO ZHES BRJOD PA NI, YUL THA DAD PAR ZHES BYA BA'O, ,GAL TE YUL 'THAD DAD PAS GCIG MA YIN NA DE'I TSE BDAG KYANG RIG PAR BYED PA DAG KYANG RANG BZHIN THA DAD PAS NA JI LTAR GCIG YIN, DE LTA ZHES BYA BA NI GAL TE YUL THA DAD PAS RANG BZHIN THA DAD PAR BYED PA YIN PA RGYUR NA'O, ,DE'I SE KHYAB BYED NA MKHA' LA SOG PAR RANG BZHIN YIN PAR BYED PAR 'GYUR RO, ,DE LTA YIN DAG BCING NAS PA DANG GROL PA LA SOGS PA RNAMS GZHANG TU MA YIN ZHES BYA BA LOG PAR BRJOD PA NI BCING SGROL ZHES BYA BA'O, ,'ON THAR PA LA 'BAD BA MI BYA'O SNYAM NA, GAL TE PHYI ROL LA SOGS PA RNAM PAR DBYE BA NI RE ZHIG KHYOD DO SNYAM NA, PHYI SOGS ZHE GSUNGS SO, ,RNAM PAR RTOGS PA MED PA'I DBANG GIS THA SNYAD 'DIR 'GYUR PA MA YIN NO ZHES BYA BAR BSAMS PA'O, ,'DIR ZHES BYA BA NI SHES PA YOD PA NYID

, ,LA'O; ,MI 'THAD CES BYA BA NI RIGS PAR LDAN ZHES BYA BA'O, ,GAL TE RNAM PA GZHAN MED PAS RNAM PAR RTOG PA TZAM MAR KHAS LEN NA THAR PA LAGS ZHES GSUNGS SO, ,DE BZHIN DU TSAD MA YIN PAR YANG KHAS BLANGS DGOS TE, TSAD MAS SGRUB PAR BYED PA MED PA'I PHYIR RO ZHES BYA BA'I DON TO, ,BAG CHAGS DANG 'BREL PAR 'GYUR BA'I RANG BZHIN GANG LA YOD PA'I SNANG BA GANG YIN PA'O, ,MI MNGON PA'I ZHES BYA BA NI RNAM PAR MA DPYAD PA'I RANG BZHIN NO, ,'DI YANG ZHES BYA BA NI MI SLU BA DON DAM PA MA YIN PA NYID DO, ,DE DAG LAS BZLOG PA ZHES BYA BA NI NYE BA DANG CHOS BSTAN PA DAG LAS SO, ,'DI DAG GRUB PA'I ZHES BYA BA NI GZHAN GYI'O, ,'DI LA BRJOD PA NI 'DI NI ZHES BYA BA'O, ,GAL TE THAMS CAD KYANG LOG PA NYID YIN PA'I PHYIR SANGS RGYAS PA'I LTA BA BZHIN DU MU STEGS PA LA SOGS PA YANG CI STE DAD PA LA SOGS PA MI BYA SNYAM NA, SANGS RGYAS ZHES GSUNGS SO, ,CI'I PHYIR GNOD PAR BYED PA MED SNYAM NA, DE LTAR ZHES GSUNGS SO, ,GAL TE BAG CHAGS YOD PA DE LTAR NA YANG GNOD PAR 'GYUR RO ZHE NA, GNOD BYED BSKYED PA'I RGYU NI BAG CHAGS DE NYID YIN NO, ,DE LTA MA YIN NA YANG GEGS BYED PA YANG DAG PA'I SHES PA MED NA 'KHRUL PAR JI LTAR SHES JI LTAR RTZOD PA DANG PHAS KYI RGOL BA RTOGS PAR BYED PA MI 'THAD SNYAM NA, GAL TE DE LA ZHES GSUNGS SO, ,PHA ROL PO LA'O, ,CI STE BAG CHAGS SAD PA MNGON DU GYUR PA MA YIN NA DE'I TSE TSIG BRGYAS KYANG RTOGS PA MA YIN NO ZHE NA, 'DI LA BRJOD PA NI DE NI MI BDEN TE ZHES BYA BA'O, ,DE YIS ZHES BYA BA NI RNAM PA DES SO, ,BLO'I ZHES BYA BA NI SAD PA'I BLO'O, ,DE YIN NA ZHES BYA BA NI BRDZUN PA NYID YIN NA'O, ,RNAM GZHAG CES BYA BA NI 'GA' ZHIG NI BDEN LA 'GA' ZHIG NI BRDZUN ZHES BYA BAR MI 'GYUR TE, THAMS CAD BRDZUN PA KHO NAR 'GYUR RO, ,KHYED SANGS RGYAS PA LA SAD PA DANG RMI LAM GYI RNAM SHES DAG GI DBYE BA YANG GANG GIS BYAS, JI LTAR GNOD BYED SHES PA LA ZHES BYA BAR NI JI LTAR RMI LAM LA SOGS PA'I SHES PA LA SEL BYED DMIGS PA DE BZHIN DU SAD PA'I SHES PA LA NI 'GA' YANG MA DMIGS SO ZHES BYA BA'O, ,JI LTAR 'DI SPANGS PA YIN ZHE NA,

RTOGS PA'AM ZHES GSUNGS SO, ,DE KHO NA LTAR ZHES BYA BA NI DE LTA BUR GYUR PA'I BAG CHAGS SAD PA NA, GZHAN DON DU GNYER BAR 'GYUR BA NGES PAR RTOGS NAS DE'I BAG CHAGS SAD PA'I DON DU TSIG 'JUG GO, ,DES NA, GAL TE BLO NI MI BDEN NA, ,ZHES BYA BA LA SOGS PA 'DRI BA LA, DE LTA BU'I BAG CHAGS SAD PA MED PA'I PHYIR RO ZHES BYA BA LAN YIN NO ZHES BYA BA'I DON TO, ,'DI NYID LA 'O NA ZHES DRI BA'O, ,'DI LA BRJOD PA NI BAG CHAGS ZHES BYA BA'O, ,MI BDEN PA'I DON NI DMIGS PA MED PA'O, ,JI LTAR SLU BAR 'GYUR SNYAM NA, PHYIN CI LOG CES GSUNGS SO, ,'DI TZAM DU ZHES BYA BA NI BAG CHAGS DANG 'BREL PA ZHES BYA BA TZAM DU BYA BA'O, ,GAL TE RMI LAM LA SOGS PA'I SHES PA NI GNOD BYED KYI SHES PA'I STOBS KYIS MI BDEN PA'I DON NYID MA YIN NAM SAD PA'I SHES PA LA NI GNOD PAR BYED PA MA YIN TE NGES NA MI BDEN PA'O, ,DON DU JI LTAR 'GYUR SNYAM NA, GANG GIS ZHES GSUNGS SO, ,DE MED PAS NI GNOD BYED MED PAS SO, ,'DIR GZHAN GYIS GAL TE ZHES SMRAS SO, ,'DI NI ZHES BYA BA SAD PA'I SHES PA'O, ,GZHAN NI RMI LAM GYI SHES PA'O, ,JI LTAR 'DI 'THAD SNYAM NA GCIG LA ZHES SMRAS SO, ,RANG GIS DER MI SLU BA NYID DU 'GYUR BA ZHES BYA BA NI LHAG MA'O, ,LAN NI DE NI ZHES BYA BA'O, ,SHES PA THAMS CAD BAG CHAGS DAG 'BREL PA YIN YANG NGO, ,JI LTAR SNGON PO LOG PA'I DBYE BA DANG MYUR BA DANG YUN RING POR 'JIG PAR 'GYUR BA DE BZHIN DU MI SLU BA LA SOGS PAR CIS MI 'GYUR TE 'GYUR BA KHO NA'O, ,GAL TE BAG CHAGS DANG 'BREL PAR KHYAD PAR MED PA'I PHYIR SNGON PO LA SOGS PA'I DBYE BA YANG MI 'THAD DO SNYAM NA, RNAM 'GAS ZHES GSUNGS SO, ,DE BLTA'O ZHE NA, MI NYID DU NI ZHES BYA BA'O, ,GZHAN YANG BRAM ZE KHYED KYI LTAR NA SHES PA THAMS CAD NI DMIGS PA DANG BCAS PA YIN NO, ,DES NA JI LTAR DON DANG 'BREL PA NYID DU MTSUNGS NA YANG SHES PA KUN MI SLU BA CAN MA YIN PA DE BZHIN DU 'GA' ZHIG NI MI SLU BA YIN LA, GZHAN NI DE LTA MA YIN PA 'DI NI BZLOG PA DMIGS PA MED PA NYID DU MTSUNGS PA NYID LA YANG GLO BUR DU MI SRID PA JI STE SRID PA KHO NA'O, ,'DIR PHA ROL GYIS SMRAS PA DON LA DMIGS

, ,PA'I RIM PA RNAMS LA NI BAG CHAGS DANG 'BREL PA SRID PA MA YIN TE, GANG GI PHYIR RIG PA THAMS CAD NI DON DU LHAG PAR ZHEN PA NYID DU MTHONG BA YIN ZHE NA, 'DI GSUNGS PA NI DE NI MA YIN TE ZHES BYA BA'O, ,SHES PA 'GA' ZHIG LA GNOD PAR BYED PA'I SHES PA YUL MED PAR 'DZIN PA JI LTAR TE MI 'GRUB PA KHO NA ZHES BYA BA'I DON 'DI LA GZHAN GYIS 'JIG RTEN ZHES BYA BA LA SOGS PA SMOS SO, ,DE LHA'I ZHES BYA BA RNAM PA DES YANG DON YOD PA MA YIN TE, DES NA MI SLU BA DANG BCAS PA MA YIN NO, ,SNGON MTHONG BA'I RJES SU 'BRANG BA'I PHYIR 'GYUR BA YIN NO ZHE NA, DE'I TSE JI LTAR BAG CHAGS RGYU MA YIN PA STE BAG CHAGS NYID RGYU YIN NO ZHES BYA BA'I DON TO, ,DPE LA SBYAR NAS DON LA YANG SBYOR BAR BYED PA NI RIG PA 'DI NI ZHES BYA BA'O, ,DE LTA MA YIN NA ZHES BYA BA NI GAL TE THAMS CAD KYIS NGES PA KUN RDZOB KYI BDAG NYID TSAD MAS MI BYED NA DE'I TSE'O, ,GAL TE PHYIN CI LOG TU SNANG BA DANG LDAN PA LAS 'DI LTAR SNANG BA YIN NO ZHES NGES PA YANG 'JIG RTEN PA RNAMS LA YOD PA MA YIN NAM, DES NA DE YANG TSAD MAR 'GYUR RO SNYAM NA, 'DIR ZHES GSUNGS SO, ,GAL TE PHYIN CI LOG LA SOGS PAR RIG PA YIN NA DE'I TSE RIG PA DE RIG PA SNGA MA DE LAS BYUNG BAR KHAS BLANGS TE, THAG PA LA SBRUL GYI BLO BZHIN NO, ,RIG PA 'GA' ZHIG RIG PA SNGA MA'I RGYU CAN YIN MOD SNYAM NA, DES NA ZHES GSUNGS SO, ,DE LTA NYID CES BYA BA NI RIG PA SNGA MA'I RGYU CAN DU'O, ,GZHAN GYIS GZHAN LA ZHES SMRAS TE 'DAS PA'I SHES PA LA'O, ,'DI LA BRJOD PA NI KUN LA ZHES BYA BA'O, ,GAL TE DON YIN NO SNYAM PA'I NGES PA NI YOD PA YIN LA NGES PA DE'I PHYIR NA, DE LTA MIN NA ZHES BYA BA DON THOB PAR BYA BA MA YIN NO ZHES BYA BA DE LTAR BRTAG PAR BYA BA MA YIN NO SNYAM NA, DE NI MI 'THAD DE PHYI'I DON YIN NO SNYAM PAS NGES PA DE 'JIG RTEN MIN PA DNGOS PO SOGS PA'I SGRAS PHYIN CI LOG TU SNANG BA LA SOGS PA LA YANG MI 'GYUR RAM CI STE YOD PA NYID DO, ,DES NA DER YANG DE LTAR NGES PA LAS DON THOB PA YOD PAR 'GYUR RO, ,DES NA TSAD MAS BSGRUB PA DON MOD DO SNYAM PA'I NGES PA LAS NI GANG DU YANG DON

THOB PA YOD PA MA YIN NO ZHES BYA BAR DGONGS PA'O, ,GAL TE DON MED PAR NGES PA YANG 'KHRUL BA NYID MA YIN NAM, DE LAS KYANG DON MED PA'I THA SNYAD DU JI LTAR 'GYUR SNYAM NA, DON LA ZHES GSUNGS SO, ,DE'I ZHES BYA BA NI DON LA YANG 'JUG PAS MA NGES PA NYID MA YIN NO, ,DON MOD SNYAM PA'I NGES PA NI DON LA MA ZHUGS PA'I PHYIR GANG GIS DER YANG DON MOD DO SNYAM PA'I NGES PA 'JUG PAR 'GYUR BA DON NI 'GA' YANG SRID PA MA YIN NO, ,BAG CHAGS KYANG GZHI CAN NYID DU YONGS SU SHES PA NYID DON DU SNANG BA'I GNOD BYED YIN TE, RGYU DES NA SAD PA'I SHES PA LA NI GNYEN PO MI SRID PA YONGS SU MA YIN GYI, 'ON KYANG BAG CHAGS KYI RGYU CAN DU NGES PA ZHES BYA BA GNOD PAR BYED PA YOD PA KHO NA'O, ,DE NYID STON PA NI SHES PA SNGON MTHONG ZHES BYA BA'O, ,SAD PA'I KA SOGS ZHES BYA BA NI GZHAN GYIS SANGS RGYAS PA'I LUGS NYE BAR BKOD PA'O, ,DE'I GNAS SKABS NI RNAL 'BYOR PA'I GNAS SKABS SO, ,GNOD PA 'DI NI ZHES BYA BA NI SAD PA'I KA BA LA SOGS PA GNOD PA'O, ,DE LTAR SANGS RGYAS PA'I DOGS PA BSU NAS GZHAN GYI SUN 'BYIN PA BRJOD PA GANG YIN PA DE NYID STON PA NI, DES NI ZHES BYA BA STE SANGS RGYAS PA DES NA'O, ,RE ZHIG SKYE BA 'DI LA NI SAD PA'I SHES PA LA GNOD PAR BYED PA'I SHES PA ZHES BYA BA LHAG MA'O ZHES BYA BA GZHAN GYIS BRJOD PA GANG YIN PA DE SPANG BA YIN NO ZHES SNGA MA DANG 'BREL TO, ,JI LTAR BSAL SNYAM DU DOGS NA 'DI LTAR ZHES BYA BA LA SOGS PAR SBYAR RO, ,KHYED KYIS ZHES BYA BA SANGS RGYAS PAS GNYEN PA'O, , 'DI 'DRA BA'I BLO CAN GANG YIN PA DE DAG KYANG GAL TE RNAL 'BYOR PA YIN NA, DE'I TSE MYA NGAN LAS 'DAS PAS BSLAD PA YANG CI STE RNAL 'BYOR BA MA YIN 'DI 'DRA LA ZHES BYA BA NI DMIGS PA MED PA NYID LA'O, ,KHYED KYI LA NI ZHES BYA BA NI DMIGS PA DANG BCAS PAR BSGRUB PA RNAMS LA'O, ,DES NA ZHES BYA BA LA SOGS PA NI GNOD PAR BYA BA NYID DU BSGRUB PA'O, ,GANG YANG BLO YIN PA DE NI GNOD PAR BYA BA YIN TE, DPER NA SMIG RGYU LA SOGS PA'I BLO BZHIN NO, ,KA LA SOGS PA'I BLO RNAM PA DE 'DI DBANG BLO YIN NO ZHES SBYOR BA BLTA BAR BYA'O, ,'DOD PA NYID CES BYA BA NI GAL TE GNYEN PO DANG

, ,BCAS PA RNAMS SGRUB NA DE'I TSE NI 'DOD PA NYID DE SMIG RGYU'I BLO LA SOGS PA RNAMS KYIS GNYEN PO DANG BCAS PA YIN PA'I PHYIR RO, ,KA BA LA SOGS PA'I BLO RNAM PA DE'I BDAG NYID KYIS DE SMIG RGYU LA SOGS PA RANG BZHIN GYIS GNOD PAR BYED PA YIN NA NI 'DOD PA NYID DO, ,GZUNG BA ZHES BYA BA BUM PA LA SOGS PA'I MTSAN NYID GZUNG BAS KYANG GNOD PAR BYA BA NYID DU 'DOD PA YIN NO, ,'DI LA BRJOD PA 'DI NI ZHES BYA BA'O, ,DE LTAR NI GNOD BYED GNAS PA MA YIN TE, GANG GI PHYIR RTZA BA GCOD PAR BYED PA GNOD BYED DU BRJOD PAR 'DOD KYI SMIG RGYU'I SHES PA LA SOGS PA GZHAN LA NI MA YIN NO, ,DE'I PHYIR CI LTAR RUNG BAR ZHES BYA BA SMIG RGYU LA SOGS PA'I SHES PAS KYANG KA BA LA SOGS PA'I SHES PA RNAMS GNYEN PO DANG BCAS PAR BRJOD PA 'DI NI RANG GIS MI SHES PA'I GSAL 'DEBS PA YIN NO, ,GAL TE GANG DANG BLO YIN PAR DE GNOD PAR BYA BA YIN, DE'I TSE GNOD PAR BYED PA'I SHES PA NYID GNOD BYA YIN NAM MA YIN, GAL TE YIN NA JI LTAR DES GZHAN GNOD DE MA YIN NA DE'I TSE GNOD BYED DE SAM NGES TE, BLO YANG YIN LA GNOD BYA YANG MA YIN TE DPER NA GNOD BYED KYI BLO BZHIN NO ZHES BYA BAR 'GYUR RO, ,'ON TE GNOD BYED LAS GZHAN PA'I BLO GNOD PAR BYA BA YIN NO ZHES 'DOD NA DE'I TSE LAS GZHAN PA'ANG SNGA MA BZHIN TE, THUG PA MED PA LA SOGS PA'I NYES PA 'GAL BA SUN DBYUNG NGO, ,SANGS RGYAS PA LA SOGS PA'I SHES PA LAS GZHAN PA'I SHES PA RNAMS GZHAN NYID DU SGRUB PAR BYED PA'I SHES PA YANG BRDZUN PA NYID DU 'GYUR TE, 'DI NI 'DOD PA YANG MA YIN NO ZHE NA, 'DI LA BRJOD PA NI 'DIR YANG ZHES BYA BA'O, ,RMI LAM LA SOGS PA NA YOD PA LOG PA'I BLO LA LTOS NAS GNYEN PO NYID DU 'GYUR TE, PHYIN CI LOG TU KHYAD PAR MED PA'I PHYIR RO ZHE NA, 'DI LA BRJOD PA NI SNGA MA NYID DU ZHES BYA BA LA SOGS PA'O, ,LOG PA NYID YIN YANG BAG CHAGS CHE CHUNG YOD PA LAS BLO THAMS CAD KHYAD PAR GYI RIM PA'I DNGOS PO YIN LA, DE LAS GNOD BYA GNOD BYED KYI DMIGS PA YIN NO, ,JI LTAR CI'I DNGOS PO DANG 'BREL PA'I DBANG GIS BLO THAMS CAD PHYIN CI LOG PA YIN YANG GNOD BYA GNOD BYED KYI DNGOS PO YIN PA BZHIN NO, ,

RNAL 'BYOR PA NYID DANG 'DOD CHAGS LA SOGS PA ZAD PA DAG GI MTSAN MA GANG YIN PA DE DANG LDAN PA'I BLO'O, ,'DOD CHAGS PA LA SOGS PA ZAD PA DANG RNAL 'BYOR PA GNYID LOG PA'I MTSAN MA MKHYEN PA STE, RTOGS PA'I KHYAD PAR CI STE BCOM LDAN 'DAS LA 'DOD PA DE MA THAG BKAG PA'I PHYIR GTAN TSIGS 'GAL BA NYID YIN NO, ,JI LTAR RMI LAM KA BA LA SOGS PA'I SHES PAS GNYEN PO DANG BCAS PA LAS LOG PA NYID YIN PA DE BZHIN DU KA BA LA SOGS PA'I SHES PA LOG PA YIN NO, ,KA BA'I SHES PA'I GNYEN PO YANG DE BZHIN GSHEGS PA'I THUGS YIN TE, DES NA DE YANG LOG PAR THAL LO ZHES BYA BA'I DON TO, ,DE NI GTAN TSIGS MA LUS PA'I NUS PA STE MTHU GANG YIN PA 'GOG PA MIN TE, 'ON KYANG DE 'DRA BA DE NI GTAN TSIGS THAMS CAD LA 'GAL BA YIN PAR 'GYUR RO, ,KHYAD PAR GYI GNYEN PO DANG BCAS PA NYID NI MA YIN NO ZHES BYA BA NI, LOG PA'I SHES PA'I MTSAN NYID KYI KHYAD PAR GYI GNYEN PO NYID NI SANGS RGYAS PA SGRUB PAR BYED PA MA YIN NO, ,DE BZHIN DU ZHES BYA BA LA SOGS PA NI YANG GTAN TSIGS NYID DU MI 'GYUR RO ZHES STON PA'O, ,NAM KA BA'I YON TAN NYID KYANG BSTAN BCOS KHAS BLANGS PA'I PHYIR BSGRUB PAR BYA BA KHO NA'O, , DES GNOD PA'I PHYIR GTAN TSIGS 'GAL BA KHO NAR 'GYUR RO SNYAM NA, BSTAN BCOS ZHES GSUNGS SO, ,RJES SU DPAG PAS GNOD PA STON PA NI GAL TE ZHES BYA BA'O, ,BZLOG PA'I SGRUB BYED BRJOD PA NI RTZOD PA'I GZHIR GYUR PA'I ZHES BYA BA'O, ,MTHONG BA TZAM ZHES BYA BA MTHUN PA'I PHYOGS LA MTHONG BA TZAM GYIS SGRUB PAR BYED PA GANG LA YOD PA DE LA DE SKAD CES BRJOD DO, ,DPE YANG MI 'GRIG PAR BYED PA'I DON DAM PAR ZHES BYA BA'O, ,'ON TE KUN RDZOB TU RMI LAM GNOD PAR BYED PA'I BLO GNOD BYA MA YIN PAR BRJOD NA, DE'I TSE KA BA LA SOGS PA'I BLO YANG KUN RDZOB TU GNOD BYA MA YIN PA NYID DE, DE LA 'CHAD PA CI YANG MED DO, ,BLOS ZHES BYA BA NI RMI LAM MTHONG BA'I BLOS SO, ,RMI LAM LA SOGS BZHIN ZHES BYA BA NI JI LTAR RMI LAM GYI KA BA LA SOGS PA'I SHES PA MI GNOD PA DE BZHIN DU RMI LAM GYI GNOD PA BYED PA'I BLOS KYANG RMI LAM GNOD PAR MI 'GYUR TE, MI BDEN PAR

, ,KHYAD PAR MED PA'I PHYIR RO ZHE NA, 'DI LA BRJOD PA NI CHE CHUNG ZHES BYA BA'O, ,BDEN PA'I PHYIR ZHES BYA BA NI DMIGS PA DANG BCAS PA'I PHYIR RO, ,'O NA JI LTAR GNOD SNYAM NA, DE'I GZHAL BYA ZHES GSUNGS SO, ,DE ZHES BYA BA NI DE'I GZHAL BYA MA DMIGS SO, ,DE NI ZHES BYA BA PHYIN CI LOG DMIGS PA'I RANG BZHIN NO, GANG GI TSE RIGS PA LA ZHES BYA BA NI RMI LAM GYI BLO LA'O, ,DE LAS BZLOG CES BYA BA NI RMI LAM GYI SHES PA'I DMIGS PA LAS BZLOG PA'O, ,GZHAN LA ZHES BYA BA NI RMI LAM GYI BLO LA'O, ,SGRUB BYED SHES PA NYES ZHES BYA BA NI GTAN TSIGS KYI DON TE DOGS PA BSGRUB PA NA GAL TE SAD PA'I BLO RNAMS KYANG RMI LAM GYI BLO DANG MTSUNGS PA DE'I TSE NGED LA GNOD BYA GNOD BYED KYI DNGOS POS CI ZHIG DOGS TE, 'DIR DRAN BYA ZHES BYA BA NI GNOD BYED NYID BSGRUB PA'I GTAN TSIGS BLO NYID LA DRAN PAR BYA BA YIN TE, SNGAR GYI SGRUB PAR BYED PA SHES PA NYID DE'I RGYAN DE LA YANG DA LTAR MDOR BSDUS TE BRJOD PA YIN NO ZHES BYA BA'I DON TO, ,PHYED SNGA MA 'CHAD PA NI RTOGS PAR BYED PA'I ZHES BYA BA LA SOGS PA'O, ,DAM BCAS PA'I DON GYI PHYOGS GCIG YIN PA'I RGYUS NA, GTAN TSIGS SHES PA NYID THA DAD PA BRJOD PAR MI NUS PA'I PHYIR RO, ,'DI LTAR SHES PA NYID NI CHOS CAN YIN LA GTAN TSIGS KYANG DE NYID YIN NO, ,GAL TE ZHES SANGS RGYAS PA DANG BRAM ZE RTAG LA'O, ,DE LA ZHES BYA BA'O, ,'ON TE 'DRA BA DANG SHES PA MA YIN PA DAG LAS LDOG PA NI RTOGS PA THAMS CAD LA YOD PAS DE NYID SPYIR 'GYUR RO SNYAM NA, 'DRA DANG ZHES GSUNGS SO, ,GNYIS KA LA NI SANGS RGYAS PA DANG BRAM ZE RTAG LA'O, ,'DI LA BRJOD PA NI 'DI NI ZHES BYA BA'O, ,DNGOS POR NI ZHES BYA BA NI DON DAM PAR RO, ,RTOGS PA ZHES BYA BA NI SPYI 'DI'I DON CI YIN ZHE NA, DON BRJOD PA NI NYAMS SU MYONG BA STE ZHES BYA BA'I SHES PA CHOS CAN YIN, DE BZHIN DU RANG RGYUD DAM BDAG GI CHOS ZHIG YIN ZHES BYA BA LA SOGS PA BRJOD PA GANG YIN PA DE DRAN PAR BYED PA NI, KHYAD PAR CAN NI ZHES BYA BA'O, ,'GAL BA NYID NI DMIGS PA DANG BCAS PA NYID KYIS KHYAB PA'I PHYIR RO, ,DPE RMI LAM BSGRUB BYAS STONG PA NYID NI THAMS CAD KYANG DMIGS PA DANG BCAS PA YIN PA'I PHYIR RO, ,JI LTAR RANG

RIG PA NYID 'BRAS BU YIN ZHE NA, RNAM PAR SHES PAR ZHES BYA BA LA SOGS PA'O, ,'DIR PHYI'I DON SMRA BAS BRJOD PA'O, ,'BAD PA 'DI LA ZHES BYA BA NI DMIGS PA MED PAR BSGRUB PA'I MTSAN NYID LAS SO, ,JI LTAR ZHES BYA BA NI DMIGS PA DANG BCAS PAR RO, ,DMIGS PA MED PA NYID DU BSGRUBS PAS 'JIG RTEN GYI THA SNYAD NYID GZHAN DU BYED PA YIN NO ZHE NA, DMIGS PA ZHES BYA BA'O, ,GAL TE THA SNYAD DE LTAR MI 'GYUR MOD, DE LTA NA YANG DMIGS PA MED PA NYID DU BSGRUBS PA LA 'BRAS BU GZHAN NYID YOD DO ZHE NA, THA SNYAD LAS ZHES SMRAS SO, ,DE'I TSE THA SNYAD CI LTAR ZHES BYA BA'I RIG BYED SKYES BUS BYAS PA NYID DU YIN PA DE LTAR DE SKYES BUS BYAS PA NYID DU 'GYUR MOD, RIG BYED SKYES BUS MA BYAS PA NYID DU BSGRUB PA'I 'THAD PA'I LAM 'BRAS BU CI YOD DE CI YANG YOD PA MA YIN NO, ,'ON TE GAL TE SKYES BUS MA BYAS PA MA YIN NA, DE'I TSE MCHOD SBYIN LA SOGS PA'I THA SNYAD MED PAR 'GYUR RO ZHE NA, GANG GIS ZHES GSUNGS SO, ,DES NA ZHES BYA BA NI SKYES BUS BYAS PA MED NA'O, ,DE NYID CES BYA BA NI MCHOD SBYIN LA SOGS PA LA'O, ,RNAM PAR DPYAD PA ZHES BYA BA NI, SKYES BUS MA BYAS PA NYID DU NGES PAS SO, ,GZHAN DU YANG ZHES BYA BA NI SHES PA TZAM ZHES BYA BA 'DI LA'O, ,LAN 'DI NI GZHAN SANGS RGYAS PA LA SANGS RGYAS PA LA YANG MTSUNGS SO, ,DE NYID BRJOD PA NI SKYES BUS MA BYAS PA ZHES BYA BA'O, ,GZHAN YANG ZHES BYA BA LA SOGS PAS NI DGOS PA NYID BRJOD DO, ,DE YANG ZHES BYA BA NI 'DOD CHAGS LA SOGS PA'I NYES PA ZAD PA'O, , DE NYID DPYOD PA NYID NI PHYI ROL GYI ZHES BYA BA'O, ,RNAM PAR DPYAD PA'I DON DU RE ZHIG GZHAN GYI PHYOGS BRJOD PA NI GAL TE ZHES BYA BA'O, ,DE'I RNAM PA CAN ZHES BYA BA NI PHYI ROL SNGON PO LA SOGS PA LTA BU'I RNAM PA GANG LA YOD PA DE NI DE'I RNAM PA CAN NO, ,YANG DE NYID CES BYA BA NI SNGON PO LA SOGS PA'I DON TO; ,DE'I TSE RNAM PA MED PA DE NYID THAMS CAD MTHONG BA YIN MOD, RNAM PA 'GA' ZHIG BRTAGS PAS DGOS PA CI YOD, DE NGES PAR RTOG PA'I RNAM PA ZHES BYA BA 'DI NYID KYI DON NI MTHONG BA'I RNAM PA ZHES BYA BA'O, ,SNGON PO LA SOGS PA'I RNAM PA NI MA YIN NO ZHES BYA BA'I DON TO, ,DES NA MNGON PA THAMS

, ,CAD NI RNAM PA MED PA KHO NA'O ZHES BYA BAR GRUB BO ZHE NA, 'DI LA BRJOD PA NI DE'I TSE ZHES BYA BA'O, ,GNYIS KA YANG ZHES BYA BA NI SHES PA DANG DON TO, ,'DI LA BRJOD PA NI DE LTA NA ZHES BYA BA'O, ,PHAN TSUN ZHES BYA BA NI JI LTAR SHES BAS DON 'DZIN PA DE BZHIN DU DON GYIS KYANG SHES PA 'DZIN PAR 'GYUR RO, ,DE NYID CES BYA BA NI SNGON PO LA SOGS PA'I RNAM PA'O, ,BLO MED PAR ZHES BYA BA NI DPYOD PA BAS 'DOD PA'I BLO MED PAR RO, ,DES NA JI LTAR RNAM PA GZHAN DU MI 'THAD PAS SNGON PO LA SOGS PA PHA ROL DU KHAS LEN PA DE BZHIN DU GSAL BA GZHAN DU MI 'THAD PAS MDO SDE PAS BLO YANG KHAS BLANG BAR BYA'O ZHES DGONGS PA'O, ,'ON TE BLO MED BAR LKOG TU MA GYUR PA NYID DO SNYAM NA, DE LTA YIN NA PHYI ROL GZHAN RTOGS PAR BYA BA MA YIN TE, GANG GI PHYIR PHYI ROL MED PAR DE'I RNAM PA CAN GYI BLO YANG MTHONG BA YIN TE, GZHAN DU MI 'THAD PA NI KHAS BLANG BAR BYA'O, ,DES NA DON GZHAN CI ZHIG BYA, GZHAN NI MA YIN NO ZHES BYA BA 'DI SNANG BA LAS PHYI ROL DU GYUR PA NYID DE SNGON PO RNAMS SNANG BA MED DO, ,SNGON PO SNANG BA LAS THA DAD PAR RNAM PAR GNAS PA LA NI TSAD MA CI YANG MED DE, DES NA ZHES BYA BA TSAD MA MED PAS NA SNANG BA LAS THA DAD PA'I SNGON PO KHAS BLANG BAR MI BYA'O, , 'ON TE ZHES BYA BA NI DGOS PA'O, ,DE NI ZHES BYA BA NI SNGON PO LA SOGS PA'O, ,'DI LA BRJOD PA SHES PA THA DAD PA YOD PA YIN, SNGON PO LA SOGS PA DE SNANG BAR MI 'GYUR TE, SHES PA SNGON PO LA SOGS PA GSAL BAR MI 'GYUR RO ZHES BYA BA'I DON TO, ,'DI GA LAS SHE NA, DES NI ZHES BYA BA'O, , GAL TE SHES PA THA DAD PA YIN NA, LDON PO LKOG TU MA GYUR PAR MI 'GYUR TE, RANG GI NGO BOS LKOG TU MA GYUR PA GANG YIN PA DE LAS LKOG TU MA GYUR BA NYID GZHAN NI YOD PA MA YIN TE, RANG GI NGO BOS LKOG TU MA GYUR PA NYID LKOG TU MA GYUR PA YIN NO ZHES SHES PA THA DAD PA LKOG TU MA GYUR PAR NI LDON PO'I RANG BZHIN LKOG TU MA GYUR PA NI MA YIN NO, ,GAL TE MIG LA SOGS PA'I SNGON DANG PHYIS KYANG DON YOD PA MA YIN NAM, DES NA JI LTAR MIG LA SOGS PAS SKYED PA YIN ZHE NA, DON GYI ZHES GSUNGS SO, ,'ON TE ZHES BYA BA NI PHA ROL GYI'O, ,'DI LA GRUB PA'I MTHA' BAS BRJOD PA NI,

BLO DANG ZHES BYA BA'O, ,MIG LA SOGS PA'I SNGON ROL DU YOD PAR CI'I PHYIR MI RTAG CES 'BREL TO, ,DE BZHIN NYID DO ZHES BYA BA NI MIG LA SOGS PA'I SNGAR YANG 'DZIN PA'I RNAM BA YOD PA ZHES BYA BA'O, ,'GAL BA NYID STON PA NI RTOGS PA ZHES BYA BA'O, ,GZUNG BA'I RNAM PA LA YANG DE BZHIN DU 'GAL BAR 'GYUR RO SNYAM NA, THA DAD PA'I DON NO ZHES SO, ,'DI LA BRJOD PA NI THA DAD DO ZHES TSAD MA GANG GIS RTOGS, GAL TE LKOG TU MA GYUR PA LAS PHYI ROL DU 'GYUR BA'I DON GRUB NA, DE'I TSE MIG LA SOGS PA LAS DON SNGAR YOD PAR YANG 'GYUR BA ZHIG 'ON KYANG PHYI ROL DU GYUR PA NYID MA GRUB PO ZHES BYA BA'I DON TO, ,DE NYID KYI PHYIR ZHES BYA BA NI PHYI'I DNGOS PO NGES PA MED PA NYID KYI PHYIR RO, ,'DIR PHA ROL PO NYID SANGS RGYAS PA'I PHYOGS KYI DOGS PA BSU BA NI, GSAL BA'I MING CAN LKOG TU MA GYUR PA NYID KYANG CI'I PHYIR DE LTAR ZHES BYA BA SNGAR YOD PAR THE TSOM MI ZA ZHES BYA BA'O, ,'DI LA NYES PA DE NYID BRJOD PA NI, LKOG TU MA GYUR PAR ZHES BYA BA'O, ,GAL TE SNGAR NGAL LKOG TU MA GYUR PA NYID YOD NA DE'I TSE YANG DNGOS PO LKOG TU MA GYUR PA NYID DU THAL LO, ,MIG LA SOGS PA'I SNGA ROL DU DNGOS PO LKOG TU MA GYUR PA NYID DU NI SRID PA YANG MA YIN NO, ,DES NA LKOG TU MA GYUR PA NI YOD PA MA YIN NO ZHE NA, 'DI 'GOG PA NI MA YIN TE ZHES BYA BA'O, ,LKOG TU MA GYUR PA SNGAR MED DO ZHES BRJOD PA GANG YIN PA DE NI MA 'BREL TE, SKYES BU GZHAN LA DON DE LKOG TU MA GYUR PAR 'GYUR GYI NGA LA NI LKOG TU GYUR PA YIN NO ZHES RTOGS PAR 'GYUR RO, ,RNAM PA THAMS CAD DU LKOG TU MA GYUR PA NYID MED PAR NI RTOGS PAR MI NUS SO ZHES BYA BA'I DON TO, ,DPE NYID 'CHAD PAR NI GAL TE ZHES BYA BA'O, ,DE DANG THA DAD PHYIR ZHES BYA BA NI LKOG TU MA GYUR PA LAS DON THA DAD PA MED PA'I PHYIR RO, ,DE MED PAS NI LKOG TU GYUR PA MED PAS DON DE MED PAR 'GYUR RO, ,DON DANG LKOG TU MA GYUR PA DAG THA MI DAD PA NYID DU MA NGES SO ZHE NA'O, ,DE LAS THA DAD PA'I ZHES BYA BA NI ME'I RANG BZHIN LAS THA DAD PA'O, ,DE LAS ZHES BYA BA DANG RANG BZHIN LAS THA DAD PAR MI MTHONG BA'I PHYIR THA DAD PAR MA GRUB BO ZHE NA, 'DI LA BRJOD PA NI THAMS CAD CES BYA BA STE, LKOG TU GYUR PA LAS THA DAD PAR YANG

, ,DON MA MTHONG BA'I PHYIR THA DAD PA MI 'GRUB PO ZHES BYA BA'I DON TO, ,DE LTAR NA RE ZHIG MNGON SUM GYIS LKOG TU MA GYUR PA LAS THA DAD PA RTOGS PAR MI NUS SO ZHES BSTAN NAS RJES SU DPAG PAS MI RTOGS SO GSUNGS PA NI RJES SU ZHES BYA BA'O, ,'DI LA ZHES BYA BA NI RJES SU DPAG PA LA'O, ,DE LTA BU'I ZHES BYA BA LKOG TU MA GYUR PA'I RANG BZHIN NYID DO, ,DE DANG ZHES BYA BA LKOG TU MA GYUR PA DANG THA MI DAD PA'I PHYIR RO ZHES BYA BA NI, SNGAR RTOGS PA LAS LHAG PAR RTOGS PA MED PA'I PHYIR RO, ,GAL TE LHAG PAR MA BRTAGS PA NI, JI LTAR TSANG MA YIN TE GZUNG BA ZIN PA 'DZIN PA'I PHYIR RO ZHE NA 'DI LA NI DE LTAR ZHES BYA BA STE, 'CHAD PAR 'GYUR BA'I TSUL DU'O, ,DE'I ZHES BYA BA SNGAR RTOGS PA'I RANG BZHIN NYID DU'O, ,DE YANG ZHES BYA BA NI SNGAR GYI MTHONG BA'O, ,LHAG PAR BRTAGS PA NI DU BA 'DI NI THAMS CAD DU ME MED PAR MI 'BYUNG NGO ZHES BYA BA'I RNAM PA CAN NO, ,MTHONG BA DON DU GNYER BA'I SKYES BU LA 'DI NI ME YOD DO ZHES STON PAR MI 'GYUR RO, ,GZHAN DU MA YIN NO ZHES BYA BA NI SNANG BA NYID DU MA RTOGS PAR NI DON GNYER BA MA YIN NO, ,SNGAR MTHONG BA'I CHU SMIG RGYU'I YUL LA SGRO 'DOGS PA BZHIN NO, ,GANG LA SNGAR GYI ME SGRO 'DOGS PAR BYA BA LA GNAS PA'I ME DE NI LKOG TU GYUR PA YIN NO ZHES 'DI 'GOG PA NI MA YIN TE ZHES BYA BA'O, ,RI LA YOD PA'I ME DE MA RTOGS PA'I PHYIR DE YOD CES CI LTAR RTOGS, DE NYID CES BYA BA NI SGRO BTAGS PAR BYA BA'I ME RANG BZHIN NYID DO, ,RANG GI NGO BOS RTOGS PA GO LKOG TU GYUR PA JI LTAR 'THAD SNYAM NA, GZHAN GYIS ZHES SMRAS SO, ,GANG GI TSE GZHAN GYI RTOGS PA DE'I TSE, DES RANG GI NGO BO KHO NA RTOGS TE, DES NA ME 'DI NA SKYES BU GZHAN LA LKOG TU GYUR PA NYID YIN NO, ,DES RANG GI NGO BO MA RTOGS PA'I PHYIR, MA RTOGS TE JI LTAR YOD PA YIN NA ZHES GANG BRJOD PA DE NI MA 'BREL TE; GZHAN GYI RANG GI NGO BOR RTOGS PA YOD PA'I PHYIR RO ZHE NA, 'DI LA BRJOD PA NI DE NYID CES BYA BA'O, ,GANG GI TSE GZHAN GYIS RTOGS PA DE'I TSE ME LKOG TU MA GYUR PA KHO NA YIN LA DE TZAM GYIS DE'I LKOG TU MA GYUR PA NYID LA 'KHRUL PA MED PA NYID YIN NO ZHES BYA BA'I DON TO, ,GZHAN GYIS ZHES BYA BA LA SOGS

PA NI SUN 'BYIN PA GZHAN YIN NO, ,LOG PA NYID STON PA NI DE PHYIR ZHES BYA BA STE BUM PA LA SOGS PA'O, ,JI LTAR 'GYUR ZHES BYA BA NI SHES PA LAS THA DAD PA'I DON GZHAN YOD PAR RTOGS PA MA YIN NO ZHES BYA BA'I DON TO, ,GAL TE ZHES BYA BA NI DOGS PA'O, ,LAN NI MIG CES BYA BA'O, ,SKRA LA SOGS PAR SNANG BZHIN NO ZHES BYA BA NI JI LTAR DON MED KYANG MIG TZAM LAS 'KHRUL PAR 'DOD PA'I SHES PA RNAMS LA SKRA LA SOGS PAR SNANG BA DE BZHIN DU KA BA LA SOGS PA YANG YIN NO, ,GRUB PA'I MTHA' PAS NYAMS SO ZHES BYA BA GA LAS ZHES DRIS PA NA PHA ROL GYI SGRA ZHES SMRAS SO, ,'DI LA LAN DU SNGON PO LA SOGS PAR SNANG BA LAS MA 'KHRUL BAR 'DOD PA'I SHES PA RNAMS YANG MIG LA SOGS PA NYAMS PA BRTAG PAR BYA'O ZHES BYA BA'O, ,SNGON PO LA SOGS PA RANG BZHIN GCIG TU'O, ,'DI NYID GSAL 'DEBS PA NI JI LTAR ZHES BYA BA'O, ,JI LTAR MIG BSGYUR NA SKRA LA SOGS PA DE BZHIN DU SNGON PO LA SOGS PAR 'GYUR RAM CI GAL TE MIG GI RNAM PAR SHES PA LAS PHYI ROL DU 'DOD NA SNGON PO LA SOGS PA CI STE MI 'DOD DO, ,SNGON PO LA SOGS PA DANG MIG LA PHYI ROL GYI KHYAD PAR CI YOD, 'DI NYID GZHUNG 'DZUGS PA NI JI LTAR ZHES BYA BA'O, ,MIG DE LAS GZHAN SNGON PO LA SOGS PA RGYU YIN NO, ,SHES PA ZHES BYA BA MYONG BA NGES PA STE, YUL NGES PA DANG RNAM PA NGES TE, MYONG BA DES PA DE'I PHYIR PHYI'I DON 'GRUB PO ZHE NA, 'BRAS BU LDOG PA STE, 'BRAS BU LDOG PA DE'I TSE GRUB PA'I DON DU MIG NYID BRTAG PA BLA'O, ,GAL TE MIG LA SOGS PA YANG RNAM PAR SHES PAR SMRA BA RNAMS KYI 'DOD PA MA YIN NAM, DES NA DE YANG JI LTAR RTOGS SNYAM NA, DE YANG ZHES GSUNGS SO, ,'O NA RNAM PAR SHES PAR SMRA BA RNAMS CI ZHIG 'DOD SNYAM NA, DE MA THAG PA'I ZHES GSUNGS SO, ,DE ZHES BYA BA NI LUS BEMS PO'O, ,DER ZHES BYA BA LUS SU SNANG BA YOD NA SNGON PO LA SOGS PAR SNANG BA YIN NO ZHE NA, DA LTA NA YANG ZHES BYA BA'O, ,LUS SU SNANG BA DANG ZHES BYA BA LA SOGS BA NI SUN 'BYIN PA GZHAN YIN NO, ,GAL TE PHYI'I DON MED NA DE MA THAG PA'I RKYEN GYI KHYAD PAR TZAM LAS JI LTAR YUL LA SOGS PA NGES PAR 'GYUR SNYAM NA, 'DI LTAR ZHES GSUNGS SO, ,SAD

, ,BYED NGES PA YIN PA'I PHYIR GYI DMIGS PA NGES PA LAS NI MA YIN NO, ,YANG SAD PAR BYED PA DE YOD PA MA YIN YANG RNAM PAR RTOG PA RNAMS NGES PAR MTHONG BA DE BZHIN DU DMIGS PA'AM SAD PAR BYED PA MED PA BZHIN DU SNGON PO LA SOGS PAR SNANG BA NGES PA DANG 'BREL PAR 'GYUR BA YIN NO, ,DE DAG LA ZHES BYA BA NI 'DOD CHAGS LA SOGS PA LA'O, ,'KHRUL PA'I PHYIR ZHES BYA BA NI DMIGS PA MED KYANG 'BYUNG BA'I PHYIR RO, ,GAL TE DMIGS PA MED PA DE LTAR NA YANG RE ZHIG SAD PAR BYED PA NI KHAS BLANG BAR BYA BA YIN LA, DE YANG PHYI ROL NYID YIN PA'I PHYIR PHYI ROL NA NGES PAR SNANG BA SKYE BAR JI LTAR 'GYUR ZHE NA, PHYI ROL NYID NI ZHES GSUNGS SO, ,'DI'I DPE NI DPER NA ZHES BYA BA'O, ,THAMS CAD MTHONG BA'I PHYIR DANG ZHES BYA BA NI SKYE BA GZHAN DU THAMS CAD MTHONG BA'I PHYIR THAMS CAD RMI LAM GYI GNAS SKABS SU SNANG BAR 'GYUR RO, ,DE'I TSE ZHES BYA BA NI RMI LAM GYI DUS SU NI SKYE BA GZHAN DU MTHONG BA MED PA'I PHYIR RO, ,DER RAM ZHES BYA BA YUL LO, ,DE'I TSE ZHES BYA BA NI DUS DE'I TSE'O, ,SNGON GYI DON NYID LAS NGES PA YIN PAR RTOG NA, DA NI RE ZHIG SNANG BA DON GYIS STONG PAR 'GYUR BA YIN TE, DES NA GANG GIS SNGAR GYI SNANG BA NYID LAS NGES PA 'DIR MI 'GYUR BA SNANG BAS CI ZHIG BYA DER NI YUL DU'O, ,'ON TE SNGAR SNANG BA NYID DA LTAR 'DIR YANG SNANG BA YIN NO SNYAM NA, SNANG BA NI ZHES BYA BA'O, ,CI STE DER ZHES BYA BA NI PHYI'I DON DU SMRA BA LA'O, ,GRUB PA'I MTHA' SMRA BAS DER LDAN NO ZHES BYA BA GA LAS ZHES DRIS PA LA, GZHAN LAN 'DEBS PA NI MI SLU BA'I ZHES BYA BA'O, ,MI SLU BA YANG ZHES BYA BA NI LAN NI MI SLU BA'I MTSAN NYID KYI SNANG BA GANG YIN PA DE NYID BRGYUD PAR RIGS KYI DON NI MI 'GRUB PO, ,YANG CI'I PHYIR RJES SU MI 'JUG SNYAM NA, DE'I GNAS SKABS DE 'DRA BAS SO, ,'ON TE DON BYA BA SAD PA'I GNAS SKABS NA DMIGS PA MED NA, JI LTAR DON MED SNYAM NA, DON BYED PA LA ZHES GSUNGS SO, ,DES NA SNGON PO DANG RTOGS PA'I RNAM PA GNYIS LAS GZHAN DON RIG PA GANG YIN PA DE MED PA'I PHYIR RO, ,'O NA GANG 'BRAS BU YIN SNYAM NA, RNAM PA GNYIS ZHES GSUNGS SO, ,'DOD PA'AM MI 'DOD PA DE'I DNGOS POR MA GRUB PA GANG

YIN PA DE LA DE SKAD CES BYA BA'O, ,RNAM PAR RIG PA DE NI 'DOD PA DANG MI 'DOD PA DE LTAR MYONG BA YIN NO, ,'O NA RNAM PAR SHES PA SMRA BA LA YANG DON RIG PA NYID 'BRAS BU YIN GYI, RANG RIG PA NI MA YIN NO SNYAM NA, DON RIG PA 'BRAS BU SMRAS PA NA, RANG RIG PA'I KHO NA BRJOD PA YIN NO ZHES STON PA NI, DE'I TSE BZUNG BA'I ZHES BYA BA'O, ,DE NYID CES BYA BA NI BZUNG BA'I RNAM PA NYID DO, ,MI 'DOD PA CAN GYI SHES PAS KYANG 'DOD PA'I DON GYI RIG PA LA 'DOD PA'I RNAM PA TZAM GYI SHES PAS KYANG MI 'DOD PA NI DON RIG NA, DE'I TSE DNGOS KYI 'JUG PAS DON RIG PAR 'GYUR BA YIN NO, , DE LTA MA YIN NA NI ZHES BYA BA GANG GI TSE 'DOD PA'I RNAM PAR RIG PA LAS MI 'DOD PA'I DON RNAM PAR 'JOG PA LAS BZLOG PA YIN PA DE'I TSE NI NYE BAR BTAGS NAS RIG PA YIN NO, ,GAL TE DON RANG GI NGO BOS RIG PA YIN NA DE'I TSE SHES PA'I 'DOD PA DANG MI 'DOD PA'I RNAM PA LA MI SNANG NA LTOS PA KHO NAR 'DOD PA DANG MI 'DOD PAR RIG PAR 'GYUR RO ZHES BYA BA'I DON TO, ,DE NYID CES BYA BA NI RANG GI NGO BO NYID DO, ,RTEN PAR RANG GI RIG PA KHAS LAN NA NI, PHYI'I DON NYID RTEN MED PAR CI STE KHAS MI LEN GAL TE PHYI ROL MED NA GANG ZHIG RIG CES DRIS PA NA, GAL TE RTEN PAS RANG GI NGO BO RIG PA YIN NO ZHES BYA BA LAN MA YIN DE'I TSE PHA ROL GYIS KYANG JI LTAR MED PA'I RANG RIG BA KHAS LEN PA DE BZHIN DU MED PA'I PHYI ROL RIG PA NYID KHAS BLANG BAR BYA'O ZHES BRJOD PAR NUS PA KHO NA'O, ,DE NYID CES BYA BA NI RANG RIG PA NYID DO, ,MA RIG PA NYID BRJOD PA NI RIG PA ZHES BYA BA'O, ,'ON TE DON GCIG MANG POS RIG PA MA YIN NA, DE JI LTAR RNAM PA DU MAR THAL SNYAM NA, RTOGS PAR BYED PAS GSUNGS SO, ,PHYI ROL DU LTA BA RIG PA CAN DANG MDO SDE PA LA SOGS PA 'DOD PA YIN NO, ,RANG BZHIN DU MA ZHES BYA BA NI BDE BA DANG SDUG BSNGAL LA SOGS PAR MED PA'O, ,DON THA DAD PAR KHAS BLANGS KYANG GCIG LA GNYIS KYIS NYAMS SU MYONG BAR MI 'GYUR RO, ,'O NA JI LTAR SKYES BU GNYIS KYIS DON GCIG LA MYONG BAR 'GYUR SNYAM NA, GAL TE RNAM PA GZHAN YANG ZHES BYA BA'O, ,DE NYID DU ZHES BYA BA NI, SKYES BU GCIG LA SNANG BA'I BDE BA'I RNAM PAR SDUG BSNGAL LA SOGS PA'I RNAM

, ,PA YANG ZHUGS PAR SNANG BA YIN NA NI, DE'I TSE DON GCIG LA GNYIS KYANG MYONG BAR 'GYUR BA YIN NO, ,GANG GI TSE GCIG GI BDE BA'I RNAM PA GANG YIN PA DE GZHAN LAS SNANG BA MA YIN PA DE'I TSE NI JI LTAR DON GCIG LA GNYIS KYIS MYONG BAR 'GRUB PAR 'GYUR NA YANG DON THA DAD PAR KHAS LEN NA, RANG DANG GZHAN LA SNANG BA'I RNAM PA GNYIS PO DAG SKYES BU GCIG NYID KYIS NYAMS SU MI MYONG BAR MI 'GYUR TE, 'ON KYANG MYONG BA KHO NAR 'GYUR RO, ,'GYUR BA YANG MA YIN TE, GCIG GI RNAM PA GCIG KHO NAR RTOGS PA'I PHYIR RO, ,YANG JI LTAR NA RE RE'I MTHA' THUG PAR MYONG BAR MI 'GYUR SNYAM NA, THAMS CAD CES GSUNGS SO, ,RNAM PA GCIG MTHONG BA NI ZLA BA GNYIS MTHONG BA'I 'DOD PA YIN TE, DPER NA ZLA BA GCIG KHO NA LA RAB RIB KYIS BSLAD PAS ZLA BA GNYIS KYI RNAM PAR RTOG PA DE BZHIN DU DNGOS PO GNYIS KA'I RNAM PA CAN LA MTHONG BA'I DBANG GIS RNAM PA GCIG TU RTOGS PA YIN NO, ,DES NA RAB RIB KYI 'DOD PA NI MTHONG BA YIN LA, ZLA BA GNYIS MTHONG BA'I 'DOD PA RNAM PA GCIG TU MTHONG BA YIN, DON GYI DBANG GIS ZHES BYA BA DON LA RAG LAS PA LAS RTOGS PA MA YIN TE ZLA BA GNYIS BZHIN NO, ,DE 'DRA BA KHAS LEN GYI 'DI LTAR CI STE KHAS MI LEN ZHES STON PA NI, MA MTHONG BA GNYIS KYIS ZHES BYA BA'O, ,BTUD PA'I YUL NA GNAS PA'I DON RNAM PA DU MAR 'GYUR BA RTOGS PAS SGRIB PAR JI LTAR NUS PAR BRJOD DGOS SO, ,DE NYID CES BYA BA NI GOMS PA'I DBANG NYID DO, ,SLOB DPON GYIS ZHES BYA BA NI PHYOGS KYI GLANG POS SO, ,DES ZHES BYA BA NI DON GYI RNAM PA SNANG BAS SO, ,SDU GU LA SOGS PA ZHES BYA BA NI BDE BA LA SOGS PAR RO ZHES BYA BA'I BAR DU ZHES BYA BA 'DIS NI 'DI'I MTHA' THUG PA NI SLOB DPON GYIS GZHUNG YIN NO ZHES BSTAN PA YIN NO; ,DE DANG RJES SU MTHUN PAR ZHES BYA BA NI 'DZIN BA'I RNAM PA DANG RJES SU MTHUN PA'O, , GAL TE SNANG BA MA YIN MOD DE LTA NA YANG MNGON SUM GYIS RIG PA KHO NA'O SNYAM NA, GANG GI PHYIR ZHES BYA BA'O, ,RE ZHIG RJES SU DPAG PAS NI LKOG TU GYUR PAR RIG PA YIN LA, DE'I DON RIG PA NI 'BRAS BUR 'GYUR RO SNYAM NA, MNGON SUM GYI 'BRAS BU ZHES GSUNGS SO, ,DE'I ZHES BYA BA RIG PA'I'O, ,

BLO LA GNAS DON ZHES BYA BA NI RNAM PA'O, ,DE'I ZHES BYA BA NI RNAM PA'I'O, ,PHA ROL PO NYID SANGS RGYAS PA'I DOGS PA BSU BA NI DE DANG 'DRA BA'I PHYIR RO ZHE NA ZHES BYA BA'O, ,DE 'DRA'O ZHES BYA BA NI PHA ROL GYI'O, ,DON RIG PAS BAG CHAGS KHYAD PAR CAN STON PA NI BAG CHAGS NI ZHES BYA BA'O, ,DON GYI NUS PA NI RNAM PA'O, ,YUL GZHAN DU MTHONG BA ZHES BYA BA NI PHA ROL PO NYID SANGS RGYAS PA'I DOGS PA BSU NAS LAN 'DEBS PA NI GAL TE ZHES BYA BA'O, ,DUS GANG GI TSE YUL GZHAN NA DNGOS PO YOD PA DER SNANG BA YIN GYI, DON DANG BRAL BA'I DUS SU NI MA YIN NO ZHES BYA BA NI GZHAN GYIS BSAMS PA'O, ,'DI LA BRTZAD PA NI GAL TE ZHES BYA BA'O, ,SNANG BA'I THABS CI YOD GDON MI ZA BAR 'GA' ZHIG NA YOD DO ZHES SNANG BA LAS KYANG JI LTAR RTOGS SNYAM NA, DON MED NA ZHES BYA BA'O, ,DE LTA NA 'O NA NAM YANG MA MTHONG BA GANG YIN PA DE JI LTAR SNANG, YOD PA TZAM GYIS SNANG NA NI YOD PA THAMS CAD SNANG BAR THAL BA'I PHYIR GDON MI ZA BAR YUL DANG DUS GZHAN DU MTHONG BA NYID SNANG BAR KHAS BLANGS DGOS TE, DES MA THOB BA NI SNANG BAR 'THAD PA MA YIN NO ZHES BYA BA'I DON TO, ,RAB RIB DE NYID YUL DANG DUS GZHAN DU GNAS PA'I DON MTHONG BA'I RGYU JI LTAR YIN, 'DI NYID KYIS ZHES BYA BA SMIG RGYU LA CHUR MTHONG BA NYID KYIS YUL DANG DUS GZHAN NA GNAS PA'I DON GZHAN DU MTHONG BAR MI 'GYUR RO ZHES BYA BA'I DON 'KHRUL PA YIN NO, ,'DI LA GZHAN GYIS BRJOD PA NI, DON DAM PAR MTHONG BA NI SNANG BA MED DO ZHES BYA BA 'DI NI SMIG RGYU LA CHUR SHES PA NYID KYIS 'KHRUL TE, DES NA DE SKAD BRJOD PA NI NGA LA YANG MTSUNGS SO, ,DE NYID CES BYA BA NI SMIG RGYU LA CHUR SHES PA DE LA SNANG BA'O, ,DON MED PA'I PHYIR TE ZHES BYA BA NI DNGOS PO DON BYED PA YIN NA, DE LA NI DON BYA BA 'GA' YANG DMIGS PA MA YIN PAS JI LTAR DON YIN NO ZHES BYA BA'O, ,THAMS CAD CES BYA BA NI KA BA LA SOGS PA YANG NGO, ,'ON TE KA BA LA SOGS PA LA NI DON BYA BA THOB KYI SMIG RGYU LA CHUR SHES PA LA SOGS PAR NI MA YIN TE, DES NA KHYAD YOD PA KHO NA'O, ,DE'I PHYIR GCIG 'JIG RTEN PA MA YIN NA, THAMS CAD 'JIG RTEN PA MA YIN PAR JI LTAR 'GYUR SNYAM NA,

, ,MTHONG BA LAS ZHES SMOS SO, ,DON BYA BA YANG SNANG BA'I RANG BZHIN KHO NA YANG YIN GYI, DE YANG 'JIG RTEN PA MA YIN PA YIN NA KA BA LA SOGS PA YANG DE'I DBANG GIS 'JIG RTEN PA NYID DU JI LTAR RNAM PAR GNAS, THOB PA'I ZHES BYA BA NI, KA BA LA SOGS PA LA THOB PA'I KHYAD PAR YOD DO ZHE NA, 'DI LA BRJOD PA NI DE YANG ZHES BYA BA'O, ,THOB PA'I RANG BZHIN YANG NGO, ,'ON TE KA BA LA SOGS PA NI GZHAN GYIS MTHONG BA ZLA BA GNYIS LA SOGS PA NI MA YIN PA DES NA KHYAD PAR YOD PA KHO NA'O SNYAM NA, GZHAN GYIS ZHES SMOS SO, ,KA BA LA SOGS PA NI GZHAN GYIS MTHONG BA MA YIN TE RANG GI NGO BO KHO NA MTHONG BA'I PHYIR RO ZHES SNGAR BSTAN ZIN TO, ,THOB PA'I SUN 'BYIN PA GZHAN YANG BRJOD PA NI JI LTAR ZHES BYA BA'O, ,DAD PA'I DUS NA DANG PO'I SHES PA NI KA BA LA SOGS PA'I SHES PA'O, ,DE ZHES BYA BA KA BA'O, ,'GA' ZHIG CES BYA BA NI KA BA LA SOGS PA THOB PA'I SHES PA'O, ,DE LTA'I DNGOS YIN LA ZHES BYA BA NI THOB PA'I RANG BZHIN YIN PA LA'O, ,THAMS CAD MTSUNGS PA LA NYID DO ZHES BYA BA NI, JI LTAR KA BA LA SOGS PA'I SHES PA RANG NYID KO NA THOB PA'I RANG BZHIN YIN PA DE BZHIN DU KA BA LA SOGS PA DANG ZLA BA GNYIS KA YANG MI BDEN PAR 'GYUR RO, ,SHES TE ZHES BYA BA NI KA BA LA SOGS PA'I SHES PA'O, ,DE'I SHES PA YANG ZHES BYA BA NI RGYU DAG PAR 'DZIN PA'I SHES PA YANG NGO, ,RGYU DES NA KA BA LA SOGS PA'I SHES PA DE DAG KYANG DE LTAR ZHES BYA BA BAG CHAGS LAS BYUNG BA ZHES BYA BAR BRTAG PAR BYA'O, ,KHYOD LA YANG NYES PA 'DI YOD DO ZHE NA, THOG MA MED PA'I ZHES GSUNGS SO, ,DE LTAR RNAM PAR SHES PAR SMRA BA RNAM PAR GNAS PA NA, DE LA NYE BA LTA BUR GANG CI SNANG BA DE BSAMS PA'I DON DU PHYOGS SNGA MA 'GOD PA NI GAL TE ZHES BYA BA'O, ,THA DAD PA YIN NA GANG GIS 'DZIN ZHES BYA BA NI RANG GI NGO BO LAS GZHAN RIG PA MED PA'I PHYIR RO, ,GAL TE DE NI ZHES BYA BA NI 'BREL PA'O, ,DE'I ZHEN PA'I DBANG GIS ZHES BYA BA NI DON DAM PA NI 'BREL PAR 'DZIN PA MDO SDE ZHES BYA BA 'DI BDAG CAG 'DOD PA KHO NA'O, ,THA SNYAD DU NI SNGON NYAMS SU MYONG BA YANG DRAN PA 'DI SKYES SO ZHES LHAG PAR ZHEN PA LAS RGYU DANG

'BRAS BU RNAM PAR GNAS PA YIN NA ZHES BYA BA'I DON TO, ,'DIR BDAG GIS MA SNGON MTHONG BAR 'GYUR RO, ,'DI NYID NI DRAN NO ZHES BYA BA'I DON RTOGS PAR YOD PA YIN LA, DE LA GNOD PAR BYED PA YANG YOD PA MA YIN NO, ,PHYI ROL GANG LA RNAM PAR SHES PA'I 'BRAS BU YOD PA DE LA DE SKAD CES BYA BA'O, ,RNAM BAR SHES PA NI SNGAR MTHONG BA'I PHYIR RNAM PAR SHES PA'I 'BRAS BU CAN DU 'THAD PA YIN NO, ,DE 'BRAS ZHES BYA BA NI PHYI ROL GYI 'BRAS BU NYID DU 'DOD PA NI GZHAN DU ZHES BYA BA PHYI ROL MED PAR SKYE BA'I PHYIR RO, ,SBRANG BU'I TSOGS LA DU BA'I BLO DANG SMIG RGYU LA NI CHU'I BLO BZHIN NO, ,PHYI ROL GYI 'BRAS BU'I PHYOGS LA NI DU BA DANG CHU MED PAR YANG DU BA DANG CHU'I BLOR 'GYUR BA'I PHYIR 'KHRUL PAR 'GYUR RO, ,PHYI ROL ZHES MING TZAM BYAS PAR 'GYUR TE, PHYI ROL NI BAG CHAGS KYI STOBS LAS 'GYUR BA MA YIN NO, ,MING TZAM DE YANG 'JIG RTEN PA NYID KYIS BYAS PA YIN PAS SO, ,JI LTAR RMI LAM MTHONG BA RNAMS YUL PHYOGS GCIG NYID LA SNANG BA SNA TSOGS PAR 'GYUR TE, DER PHAN TSUN GCIG LA MTHONG BA NI YOD PA MA YIN TE, RANG RANG GI SNANG BA TZAM RIG PA'I PHYIR RO, ,DE LTA NA YANG BDAG CAG GIS MTHONG BA'I RMI LAM DE NI 'DIS KYANG YIN NO, ,GCIG TU LHAG PAR ZHEN PA YANG YOD PA YIN NO, ,DE BZHIN DU SAD PA'I GNAS SKABS KYANG YIN PA NYID DO, ,BAG CHAGS DANG 'BREL PA'I RMONGS PA'I SEMS KYIS G-YO BA STE, RNAM PAR GYUR PA YIN GYI GTZO BO LA SOGS PA 'BA' ZHIG YOD PA NI MA YIN NO, ,DE LTAR MIN NA STE, GAL TE BAG CHAGS BYED PA PO MA YIN NA, DE'I TSE 'DI LTA BU'I 'GRO BA'I BYED PA PO GANG YIN PA DE JI LTAR RTOGS PA MNGON DU BYED PA YIN TE, 'ON KYANG RTOGS PA DANG MI LDAN PA KHO NAR 'GYUR RO, ,RTOGS PA DANG LDAN PA'I RNAM PA JI LTAR 'DI 'DRA BA BYED PAR MI 'GYUR RO, ,'ON TE DBANG PHYUG 'DI NI NYE BAR BSTAN PA NYID BYED PA YIN GYI, CI THOD THOD BYED PA NI MA YIN NO SNYAM NA, 'DI NI RANG DON SKYE BA LA ZHES BYA BA'O, ,GANG LA SOGS PA'I DON SKYE BA DE LA NYE BAR BSTAN PAR BYED PA'O, ,GZHAN DU ZHES BYA BA NI JI SRID CIG RUNG RUNG MA BYAS PA DE SRID DU LOGS PAR BYA BA MI NUS SO, ,'DI LA BRJOD PA NI 'DI ZHES BYA BA'O, ,PHYI'I DON DU SMRA BA DE'I BSAM PA MTHAR THUG PAR BSKYAL BA'I DON DU 'DI BRTZAMS PA

, ,YIN NO, ,YANG CI'I PHYIR 'DI BSGRUB PAR MI NUS SNYAM NA SHIN TU ZHES BYA BA'O, ,RNAM PAR DBYER MED KYANG ZHES BYA BA NI GZUNG BA DANG 'DZIN PA'I RANG BZHIN DANG SNGON PO DANG SER PO LA SOGS PA'I RNAM PAR RA, ,BSTAN ZIN TO ZHES BYA BA NI SHES PA LA SNGO SOGS SNA TSOGS ZHES BYA BA DIR [?] RO; ,'ON KYANG RTOGS PA NYID DO ZHES BYA BA LHAG PAR ZHEN PA NYID DO, ,GZUNG BA LA SOGS PA BSAL BA NI MA YIN GYI 'ON KYANG DE NI LHAG PAR ZHEN PA TZAM YIN NO ZHES BYA BA'I DON TO, ,DE'I THA SNYAD LA RGYU MTSAN CI YOD SNYAM NA, DA MED KYANG ZHES GSUNGS SO, ,SGRO 'DOGS PA'I RNAM PA BRJOD PA NI 'DI DE LTAR ZHES BYA BA'O, ,'ON TE ZHES BYA BA NI DNGOS PO'O, ,DE YANG STE GZHAN DE YANG NGO, ,MA YIN TE ZHES BYA BA NI DE 'GOG PA'O, ,GAL TE 'BRAS BU MTHONG BAS RTOGS PA YIN NA, DE'I TSE RANG DANG GZHAN DAG GIS MTHONG BA'I KA BA LA SOGS PA DAG KYANG GCIG NYID DU RTOGS PAR MI 'GYUR RO, ,CI'I PHYIR ZHE NA, DU BA LA SOGS PA ZHES GSUNGS SO, ,'ON TE RANG DANG GZHAN GYIS MTHONG BA DAG NYID SPU LDANG BA LA SOGS PA LA GCIG TU RTOGS PA YIN NA, DE'I TSE RANG DANG GZHAN DAG GIS MTHONG BA'I KA BA LA SOGS PA DANG, KA BA LA SOGS PA'I NGO BO NYID MNGON SUM YIN GYI GZHAN GYIS MTHONG BAR BYA BA NI MNGON SUM MA YIN PA'O, ,GZHAN GYIS MTHONG BZHIN ZHES BYA BA NI LAN NO, ,DE NYID KYI PHYIR ZHES BYA BA NI TSAD MA MED PA NYID KYI PHYIR RO, ,GZHAN GYIS MTHONG BA LA THE TSOM ZA'O, ,KHYAD PAR CAN SNGON PO'I RANG BZHIN DU MTHONG BA LA SER PO'I RANG BZHIN DU YANG THE TSOM ZA BAR 'GYUR NA, THE TSOM ZA BA YANG MA YIN TE, DES NA JI LTAR SER PO'I RANG BZHIN DANG 'GAL BA SNGON PO'I RANG BZHIN DU DMIGS PA NA SER PO'I RANG BZHIN NYID SEL BAR BYED PA DE BZHIN DU GZHAN GYIS DMIGS PAR BYA BA DANG 'GAL BA RANG GIS DMIGS PAR BYA BA NYID DMIGS PA NA GZHAN GYIS DMIGS PAR BYA BA NYID SEL BAR BYED KYI, THE TSOM ZA BA NI MA YIN NO ZHES DGONGS PA'O, ,PHYIS ZHES BYA BA NI DOGS BA BSU BA'O, ,RNAM PAR SHES PA LKOG TU GYUR PA'I YUL CAN NI RNAM PA THAMS CAD DU SRID PA MA YIN NO ZHES STON PA NI MA YIN TE ZHES BYA BA'O, ,MI RIGS PA NYID STON PA NI GAL

TE SHES PA DER LKOG TU GYUR PAR 'DOD PA'I DAM PA'I DON SNANG NA, DE'I TSE 'DIR LKOG TU GYUR BA CI ZHIG YIN TE, 'ON KYANG MNGON SUM KHO NAR 'GYUR RO, ,'ON TE YANG SNANG BA MED PAR LKOG TU GYUR PA'I DON ZHES BRJOD PA DE'I TSE SHES PA DES MI SNANG BA'I DON RTOGS SO ZHES BYA BA 'DI NI BDAG GI TSUL BRGYANG BA TZAM YIN NO ZHES DPYAD PA'O, ,MI SNANG NA NI MA RTOGS PA KHO NA'O ZHES BYA BAR DGONGS PA'O, ,SNGAR GO ZHES BYA BA NI RJES SU DPAG PA SKYE BA'I DUS NA, DE LAS RNGA MA NYID JI LTAR RTOGS, PHA ROL POS BRJOD PA NI DE NYID CES BYA BA 'BYUNG BAR 'GYUR BA'I DNGOS PO RJES SU DPAG PA NYID DON GYI DNGOS YOD MIN PAR JI LTAR ZHE NA, DE'I TSE 'BYUNG BAR 'GYUR BA'I DNGOS PO'I RJES SU DPAG PA GANG YIN PA DE MED PA'I DUS NA, 'BYUNG BA'I DNGOS PO JI LTAR RTOGS PAR 'GYUR, DE'I TSE NI 'BYUNG BA'I DNGOS PO YOD PA MA YIN NO, ,'ON TE 'BYUNG BAR 'GYUR BA LA RJES SU DPAG PA NYID MI 'GYUR RO ZHE NA; THAMS CAD DU NI ZHES SMOS SO, ,'DI RTOG PA ZHES BYA BA NI GCIG NYID DU'O, ,'DIR PHA ROL GYI LKOG TU GYUR ZHES SMRAS SO, ,'DI LA LAN NI DE LTA NYID DU ZHES BYA BA'O, ,MTHONG PHYIR ZHES BYA BA LA SOGS PA DOGS PA BSU NAS, DE LTAR ZHES LAN 'DEBS TE, SNGAR GYI DUS SU YOD PA NYID DO, 'O NA JI LTAR DE RJES SU DPOG SNYAM NA, DE BZHIN DU ZHES BYA BA STE, BLTA BAR BYA BA NYID DU'O, ,YOD CES JI LTAR SHES ZHES DRIS PA 'DI LA GZHAN GYIS ZHES LAN BRJOD PA GANG YIN PA DE YANG MI RUNG NGO, ,DE YANG ZHES BYA BA NI GZHAN NO, ,PHAN TSUN BSTEN PA NYID STON PA NI GZHAN DANG THUN MONG BA'I YOD PA NYID 'DZIN PA'O, ,'ON TE NYES PA 'DI RNAM PAR SHES PAR SMRA BA LA YOD PA NYID DO SNYAM NA, GZHAN DU'ANG ZHES BYA BA'O, ,RTOGS PA 'DI ZHES BYA BA NI RANG RANG GI RANG BZHIN RIG PA CAN ZHIG YOD KYI GZHAN DANG THUN MONG BAR ZHEN PA NI 'KHRUL PA YIN NO ZHES BYA BA'O, ,DE KHO NA BZHIN ZHES BYA BA NI GZHAN GYIS RIG PAR BYED PA NYID DU'O, ,BZLOG PA LA YANG ZHES BYE BA NI GZHAN GYIS RIG PAR BYA BA MA YIN NO ZHES BYA BA 'DI LA YANG NGO, ,PHYOGS GNYIS ZHES BYA BA NI BLTA BAR BYA BA DANG, BYA BA MA YIN PAR RO, ,GZHAN GYIS DE LTAR ZHES BYA BA GLANG PO LA SOGS PA'I RANG BZHIN DU 'DZIM DUM LA

, ,SOGS PA MA RTOGS PA DE LTA NA YANG NGO, ,PHA ROL NYID DOGS PA BSU BAR BYED PA NI RJES SU DPAG PAS SO ZHES BYA BA STE, GZHAN GYIS MA RTOGS SO ZHES RJES SU DPAG PAS RTOGS PA MA YIN NO ZHES BYA BA'O, ,BZLOG PA ZHES BYA BA NI GZHAN GYIS RTOGS SO ZHES BYA BA 'DI LA YANG NGO, ,YANG SANGS RGYAS PA'I DOGS PA BSU BA NI, BZLOG PA LA ZHES BYA BA STE, BDAG GIS MTHONG BA GANG YANG YIN PA DE NYID GZHAN GYI RIGS SO ZHES BYA BA 'DI LA'O, ,JI LTAR ZHES BYA BA NI PHA ROL PO'I'O, ,DA NI GRUB PA'I MTHA' 'CHA' BA NI GCIG NYID DANG ZHES BYA BA'O, ,GAL TE RANG DANG GZHAN GYIS MTHONG BA CIG MA YIN NA, JI LTAR GZHAN YANG SPU LDANG BA LA SOGS PA DE 'DRA BA NYID DU 'GYUR SNYAM NA, 'DRA BA RJES SU DPAG PAS KYANG ZHES GSUNGS SO, ,MA MTHONG BA ZHES BYA BA NI GLANG PO LA SOGS PA MA MTHONG BA DANG RJES SU MTHUN PA BDE BLAG TU GNAS PA LA SOGS PA'O, ,GAL TE 'DI ZHES BYA BA GLANG PO LA SOGS PA DON YIN LA, DE'I TSE GZHAN GYIS KYANG MTHONG BAR 'GYUR RO, ,GZHAN PA PHYI'I DON DU SMRA BAS KHAS BLANGS PA YIN TE, GZHAN GYIS MTHONG BA YANG MED DE DES NA 'DI NI DON MA YIN NO, ,DE DON DU GNYER BAS ZHES BYA BA NI CHEN PO DON DU GNYER BA NYID KYIS NYE BA DANG RGYANG RING PO NA GNAS PA DAG NYE BAR 'GRO BA THUN MONG BAR THAL BAR 'GYUR RO ZHES BYA BAS DE DON DU MA YIN NO, ,GZHAN DU ZHES BYA BA NI GZHAN GYIS MA MTHONG BA NYID CES RJES SU DPOG PA'O, ,LTA BA DE ZHES BYA BA NI GZHAN GYIS KYANG MTHONG BA YIN NA ZHES BYA BA'I MTSAN NYID CAN NO, ,YANG NA ZHES BYA BA NI RNAM PA GZHAN GYIS RIG PAR BYA BA NYID 'GOG PA'O, ,JI LTAR RJES SU SNANG BZHIN ZHES BYA BA NI JI LTAR LHAG PAR ZHEN PA BZHIN NO, ,DE LTAR 'GYUR BA'I PHYIR RO ZHES BYA BA NI GSAL BA'I PHYIR RO, ,RIGS PA YIN NO ZHES BYA BA NI 'BRAS BU'O, ,THOB PA NI 'DZIN PA LA YANG YOD PA YIN NO ZHES BSAMS NAS BSHAD PA NI YANG NA ZHES BYA BA'O; ,LHAG MA NI ZHES BYA BA DON GZHAN NI LHA DBANG BLO LA SOGS PA GZHAN DAG GIS BSHAD PA NYID DO, ,GAL TE GZUNG BA LA SOGS PA MED PA MA YIN NA, 'O NA DE DAG CI 'DRA BA YIN ZHE NA, GAL TE ZHES BYA BAS TE 'ON KYANG NGO, ,DE NI BDAG PO DE NYID LAS ZHES BYA BA RANG BZHIN LAS ZHES NYAMS PA'O, ,DE DAG

NI GZUNG BA LA SOGS PA'O, ,SNA TSOGS SU ZHES BYA BA GZUNG BA LA SOGS PA'I RANG BZHIN DU JI LTAR SNANG, GZUNG BA LA SOGS PAR GSAL BA YANG PHA ROL GYIS KHAS BLANGS PAS BRJOD PA YIN NO, ,GAL TE THA DAD PA SNANG YANG BDAG GCIG YIN NA, DE'I TSE GZHAN DU MNGON PAR 'DOD PA LA YANG DAG PAS THA DAD PA NYID YOD PA MA YIN NO, ,DE ZHES BYA BA NI THA MI DAD PA'O, ,MI SNANG YANG ZHES BYA BA NI GZUNG BA LA SOGS PA'I RNAM PA NI THA DAD PA KHO NAR SNANG BAR JI LTAR DE DAG THA MI DAD CES BSAM BA'O, ,GAL TE ZHES BYA BA NI SUN 'BYIN PA GZHAN BRJOD BA'O, ,THA DAD PA DE DAG CES BYA BA NI GZUNG BA LA SOGS PA'I RNAM PA'O, ,GSAL BA DANG ZHES BYA BA NI BDAG DANG LHAN CIG THA MI DAD PA'O, ,BRJOD ZIN PA'I DON NYID GSAL 'DEBS PA NI, JI LTAR BDAG GSAL BA DE BZHIN DU RNAM PA THAMS CAD KYANG GSAL BAR KHAS LEN NA, BDAG BZHIN DU YOD YOD PA NYID DU 'GYUR RO, ,RNAM PA RNAMS KYANG MA YIN MOD CI SKYON SNYAM NA, BSHAD PA DES NA MTHA' DAG CES BYA BA'O, ,BDAG GI RANG BZHIN DU GSAL BA'I RANG BZHIN YIN LA, RNAM PA RNAMS KYANG GSAL BA'I RANG BZHIN DU YOD PA YIN NA DE DAG KYANG BDAG TU 'GYUR RO, ,SUN 'BYIN PA GZHAN YANG BRJOD PA NI 'KHRUL BA YANG ZHES BYA BA'O, ,'ON TE BDAG NYID LA ZHES BRJOD DO SNYAM NA, 'KHRUL PA BAS BYA BA GZHAN GYIS 'KHRUL PA MED NA NI ZHES BYA BA LA SOGS PA BRJOD LA, GAS PA NI BZLOG BYA NYID DU ZHES BYA BA NI THA DAD PA 'DI NI JI SRID DU MA GRUB PA NYID DE SRID DU BZLOG BYA NYID DU MI 'GRUB LA, BZLOG BYA NYID DU GRUB NA YANG 'KHRUL PA NYID DU MI 'GRUB PAS NA PHAN TSUN BSTEN PA YIN NO, ,DE BZHIN DU JI SRID DU BZLOG PAR BYA BA NYID DU MA GRUB PA DE SRID 'KHRUL PAR MI 'GRUB LA, BZLOG PAR BYA BA NYID KYANG JI SRID DU 'KHRUL PA NYID DU DES NA BZLOG PA LA GAL TE BZLOG PA'I DON DU MI 'JUG PA DE SRID MI 'GRUB LA ZHUGS PA NA YANG BZLOG PAR BYA BA NYID YIN PA'I PHYIR 'KHOR LOR 'GYUR RO, ,'O NA DU MAR SNANG BA NYID DON DAM PA YIN NO ZHE NA, MYONG BA MA YIN PA NI ZHES BYA BA GSUNGS SO, ,DE NI ZHES BYA BA NI DU MA NI'O, ,DE'I ZHES BYA BA NI GCIG GI NANG DU 'DUS PA'I PHYIR THA DAD PA YANG RTOGS PA YIN NO ZHE NA, 'DI LA BRJOD PA NI DE'I NANG DU

, ,ZHES BYA BA'O, ,GANG GI PHYIR SNA TSOGS KYI RNAM PA GCIG CES BYA BA NYID KYIS NGAG YONGS SU RDZOGS PA YIN NA, ,DU MA NI MED PA NYID DO ZHES BYA BA NI 'DI NYID DGAG PA DANG 'BREL GYIS NGA MA NI MA YIN NO, ,'DI NA NI MTHA' DAG GNYIS MED PA KHO NA STE, THA DAD PA NI SNANG BA MA YIN NO ZHES BRJOD PA MA YIN NO, ,DE LA MA YIN PA ZHES BYA BA NI THA MI DAD PA'I RANG BZHIN NO, ,'DIS NI THA DAD PA MA YIN LA, THA MI DAD PA YANG MA YIN TE, GSAL BA TZAM MI BDEN PA YIN NO ZHES BSTAN TO, ,'ON TE GOMS PA 'DI NI BZLOG PAR MI NUS PA'I PHYIR BDEN PA KHO NA'O ZHE NA, GOMS PAR BYED PA ZHES GSUNGS SO, ,GAL TE ZHES BYA BA'I RTZOD PA LA 'DOD PA NI NANG GI RGYU TZAM ZHIG CES BYA BA'O, ,SHES PA THAMS CAD KHYAB PAS SO, ,RMI LAM LA SOGS PAR NI BAG CHAGS LAS MA GTOGS PA NANG GI RGYU YOD PA MA YIN NO, ,GANG GI ZHES BYA BA GZHAN GYI'O, ,DE DANG ZHES BYA BA DANG PO MTHONG BA DANG MTSUNGS PA'I PHYIR RO, ,DE LTA MA YIN PAR MTHONG NA ZHES BYA BA NI DANG PO MTHONG BA MED PAR 'KHRUL PA NA'O, ,DE'I TSE 'KHRUL PA THAMS CAD MTHUN PA MTHONG BA LAS JI LTAR YIN TE, CHOS MTHUN PA MTHONG BA MED KYANG SRID PA'I PHYIR RO ZHE NA, 'DI 'GOG PA NI MA YIN ZHES BYA BA'O, ,RANG GI BDAG NYID LA ZHES BYA BA NI BZHIN GCIG LA'O, ,THA DAD PA MA YIN DU CHUG MOD CES BYA BA NI TSAD MA DANG GZHAL BYA DANG 'BRAS BU RTOGS PA PO RNAMS SO, ,YANG JI LTAR SNGON PO LA SOGS RIGS PA YANG BDE BA LA SOGS PA LTAR RNAM PAR GZHAG CE NA, SNGON PO'I RNAM PA'AM ZHES BYA BA'O, ,DE ZHES BYA BA BDE BA LA SOGS PA'O, ,'DI LA GRUB PA'I MTHA' PAS BRJOD PA NI, BDE BA LA SOGS PA LA JI LTAR 'DZIN PA RNAMS BDAG NYID DU GYUR PA YIN, 'DI LA GZHAN GYI LAN NI RANG NYID CES BYA BA'O, ,GRUB PA'I MTHA' PAS 'DRI BA NI GSAL BA'I ZHES BYA BA'O, ,GZHAN LAN 'DEBS PA NI LKOG TU ZHES BYA BA'O, ,'DI LA GSUNGS PA NI GAL TE DE LTA NA ZHES BYA BA'O, ,GAL TE SNGON PO LA SOGS PA NI GZHAN GYI STOBS KHO NAS LKOG TU MA GYUR PA YIN RANG GI NGO BOS NI DE DAG LKOG TU MA GYUR PA MA YIN NO ZHES STON PA NI GAL TE ZHES BYA BA'O, ,MIG 'JUG KYANG SNGON PO LKOG TU MA GYUR PAR MI BYED LA MIG

MA ZHUGS KYANG SNGON PO LKOG TU MA GYUR PA SRID PA YIN NO ZHES BYA BA DE NYID STON PA NI 'DI LTAR ZHES BYA BA'O, ,GAL TE YUL DE MI SNANG NA DE'I TSE LKOG TU MA GYUR PA KHO NA'O ZHES BRJOD PA NI, GAL TE YUL DE MI SNANG NA DE LTA NA YANG LKOG TU MA GYUR PA KHO NA'O SNYAM NA GAL TE ZHES BYA BA'O, ,MIG LA SOGS PA LAS BYUNG BAR MNGON PAR 'DOD PA GANG YIN PA DE'I'O, ,GZHAN DU SNANG BA BAG CHAGS KYI RGYU CAN YIN NA DE'I TSE GZHAN DU SNANG BAR 'DOD PA'I SNANG BA LA LTOS TE, RANG GI NGO BOR SNANG BA GZHAN DU GYUR PA YIN TE YANG BAG CHAGS KYI RGYU CAN DU YIN NO ZHES BYA BA'I DON TO, ,SNANG BA NYID LAS SHES SO SNYAM NA SNANG BA TSAD MA YIN TE ZHES BYA BA'O, ,GAL TE SNANG BAR 'KHRUL PA YIN TE DNGOS PO GZHAN DU GNAS PA LA RNAM PA GZHAN DU 'GYUR NA, DE'I TSE BRTEN PA GANG LAS YIN TE, 'GA' LAS KYANG MA YIN NO, ,RANG GI NGO BOS SNANG BAR 'DOD PA LAS GZHAN PA'I SNANG BA MIG LA SOGS PA NYES PA'I RGYUS SKYED PAR 'DOD PA STE DE BZHIN NO, ,GAL TE SHES PA ME LONG LTAR SHIN TU GSAL BA YIN NA, DE'I NYE BAR GZHAG PA NYE BAR GNAS PA'I GZUGS BRNYAN 'JOG PA'I PHYIR NA MIG LA SOGS PA SNANG BAR THAL NA DE NI SNANG BAR MTHONG BA YANG MED DE DES NA ME LONG LTAR SNANG BA MA YIN NO, ,THAL BA NYID BSTAN PAR BYED PA NI ME LONG LA NI ZHES BYA BA'O, ,CI ME LONG SNANG BA'I RGYU YIN PA DE BZHIN DU MIG LA SOGS PA YANG YIN NO ZHES BRGYA LAM SANGS RGYAS KHAS LEN PA DE LA SMRAS PA NI ME LONG LA SOGS BZHIN DU ZHES BYA BA'O, ,DER BSHAD PA'I RNAM PA CHEN PO MA YIN PAR MTHONG BAR 'GYUR TE, CHEN PO MA YIN PA NYID DU SNANG MOD CI SKYON ZHE NA, DES NA ZHES GSUNGS SO, ,RE ZHIG KHA DOG NI NGES PAR 'GYUR RO SNYAM NA LING TOG CES SMOS SO, ,GANG GI TSE LING TOG DANG RAB RIB LA SOGS PAS MIG RNAM PA GZHAN DU GYUR PA DE'I TSE DER SHAR BA'I MDOG KYANG RNAM PA GZHAN DU 'GYUR BA YIN NO, ,DES NA DE'I SGO NAS YUL DE'I MDOG CAN DU JI LTAR NGES ZHES BYA BA'I THA TSIG GO, ,GAL TE MIG GI 'OD ZER MIG 'BRAS NAS 'THON NAS CHEN PO LA SOGS PA'I GZUGS LA ZHUGS PA NI CHEN PO LA SOGS PA RANG GI RANG BZHIN DU 'DZIN PAR BYED PA YIN NO, ,

, ,GSAL BAR BYED PAS NA SGRON MA STE MIG GI SNANG BA'O, ,DE DANG 'BREL PA LAS GAL TE NGO BO KHYAD PAR CAN SKYE NA, DE'I TSE SGRON MA DANG 'BREL PA'I GZUGS KYI RANG BZHIN RIG PAR MI 'GYUR RO, ,'ON TE SGRON MA DANG 'BREL PA'I GZUGS LA SOGS PA LA YANG 'DZIN PAR BYED PA GZHAN 'DOD NA DE'ANG THUG PA MED DE, DE YANG BSHAD ZIN PA'I NYES PA YOD PA'I PHYIR RO, ,'ON TE GZUGS KYI RANG BZHIN RIG PA YOD PA NA DE'I TSE 'OD ZER DE DAG 'DZIN PAR BYED PA YIN TE, MA YIN PA NYID DO, ,DES NA SKYES PA TZAM LAS ZHES BRJOD PAR BYA BA YIN NO, ,DE LTA NA YANG SHES PA THAMS CAD KYI RNAM PA CAN DU THAL BAR 'GYUR RO, ,RGYU NYID KYI YUL YIN NA NYES SNYAM NA RGYU NYID KYIS GSUNGS SO, ,DE'I RNAM PA TZAM GYIS YUL YIN NA YANG NYES PA BRJOD PA NI DE'I RNAM PA NYID KYIS ZHES BYA BA'O, ,GNYI GA LA ZHES BYA BA NI DE'I SKYED BYED DANG RNAM PAR 'JOG PAR BYED PA LA'O, ,MYONG BA NYID DAM ZHES BYA BAR RANG RIG PA DANG, DE LTA MA YIN PAR RANG RIG PA MA YIN NA YANG NGO, ,RTOGS PA DANG GZHAN PA'I GNAS SKABS MI RUNG BA NYID BRJOD BA NI GAL TE ZHES BYA BA'O, ,GRANGS CAN GYI LTA BA LA NI RNAM PA DANG LDAN PA BLO YIN NO, ,DES NA GAL TE BLO'I RANG BZHIN RTOGS NA DE'I TSE SEMS YOD PA GZHAN GYIS CI BYA, DON MED PA'I PHYI ROL ZHES BYA BA NI BLO'I RANG BZHIN RTOGS PA NYID LAS DE NA GNAS GRUB PA'I PHYIR RO, ,'ON TE BLO'I RANG BZHIN MA RTOGS NA, DE'I TSE YANG RTOGS PA'I RANG BZHIN GYIS YUL RNAM PAR 'JOG PAR MI NUS TE RNAM PA DANG BRAL BA'I PHYIR RO, ,'ON TE MA RTOGS PA'I BLO NYID KYIS YUL RNAM PAR 'JOG PAR BYED CE NA MA RTOGS BA NI ZHES BYA BA GSUNGS SO, ,RTOGS PA ZHES BYA BA RNAM PAR GZHAG PA'I YUL ZHES BYA BA RGYU MA YIN NO, ,BLO NI SHES PAR BYED PA YIN NA RANG NYID MA SHES PAR JI LTAR YUL SHES PAR BYED PAR 'GYUR, GAL TE BLO'I RANG BZHIN RTOGS SO ZHE NA NI DE NYID DE'I RANG BZHIN RTOGS PA YIN TE, SEMS PA YOD PA GZHAN GYIS CI BYA BA SNYAM DU DGONGS PA'O, ,DE LTA NA TSAD MA DANG 'BRAS BU DAG GCIG TU JI LTAR 'THAD SNYAM NA BYA BA GZHAN DANG ZHES GSUNGS SO, ,DE NYID CES BYA BA NI SHES PA'I RNAM PA'O, ,DA NI GZHAN YANG ZHES BYA BA LA SOGS PAS BSHAD PAR BYA BA

SLOB DPON PHYOGS KYI GLANG PO'I GZHUNG NYE BAR DGOD PA'O, ,DE DANG KHYAD PAR MED PAR ZHES BYA BA NI YUL GYI SHES PA DANG KHYAD PAR MED PAR RO, ,'DI NYID 'CHAD PA NI YUL GYI SHES PA ZHES BYA BA'O, ,'ON TE DRAN PAS YUL DU BYAS PA'I SNANG BA 'DI NI DON NYID YIN NO SNYAM NA DON DANG SNANG BA GCIG PA NYID YIN NA'O; ,DE NYID LA DE NI 'DI LTA BUR GYUR PA'I SNANG BA YIN NO ZHES BYA BA DE LTA BU'I RNAM PA CAN GYI NGES PA DANG, DE LTA BU'I RNAM PA CAN GYI MA NGES PA'O, ,CHA GNYIS DANG ZHES BYA BA NI PHRA MO DANG PHRA MO MA YIN PA'I MTSAN NYID DO, ,'DI'I LAM NI 'DI NI PHYIS ZHES BYA BA'O, ,'O NA SHES PA YOD PAR JI LTAR 'GRUB SNYAM NA DE LA ZHES GSUNGS SO, ,JI LTAR DON SHES PA STE GSAL BA'I MCHOG TU GYUR NA, DON GYIS GO BAS SHES PA YONGS SU RTOGS PA DE BZHIN DU DRAN PA GZHAN DU MI 'THAD PAR TE, DRAN PAR DON GSAL BA GZHAN DU MI 'THAD PAS KYANG DRAN PA RTOGS PA YIN NO, ,SHES PA RIG PA MA YIN LA, SHES PA DE LA TSUL GNYIS KYANG YOD NA NI MA YIN TE, RNAM PA GNYIS KA MYONG BA MED PA'I PHYIR RO, ,'O NA RJES SU DPAG PAS BSGRUB BO SNYAM NA, GTAN TSIGS THE TSOM LA BRJOD PHYIR, ,ZHES GSUNGS SO, ,SUN 'BYIN PA GZHAN YANG BRJOD PA NI GTAN TSIGS DPE LA ZHES BYA BA'O, ,BRAM ZE DAG CES BYA BA BRJOD PA DE NI MI RIGS SO ZHES 'BREL TO, ,SKRA SHAD LA SOGS PA NI SHES PA LA'O, ,DUNG DKAR PO LA SER POR SHES PA'O, ,DE LA YANG KHYED KYIS DAM BCAS PA NYID MNGON SUM GYI GNOD PA YIN NO ZHES STON PA NI DE LA ZHES BYA BA'O, ,NGES PA ZHES BYA BA NI DRAN PA'O, ,NGES PA'I RNAM PA NYID BRJOD PA NI, DE DE LTA BUR SDANG NGO ZHES BYA BA'O, ,'ON TE YUL SHES PA'I SHES PA RANG BZHIN CI 'DRA BA ZHIG SNYAM NA YUL SHES PA LA ZHES SMRAS SO, ,RGYU NYID KYIS ZHES BYA BA NI YUL SHES PA'I SHES PA RGYU YIN PAS SO, ,NYAMS MYONG BA YANG DE LTA BUR ZHES BYA BA DON GYI RNAM PAR 'GYUR RO, ,DE YANG ZHES BYA BA NI DON SHES PA'I SHES PA DRAN PA'I MTSAN NYID LA SNANG BA'O, ,DE LTA BU NYID DU ZHES BYA BA NI GSAL BAR RO, ,DE LTAR SNANG NGO ZHES BYA BA NI MI GSAL BAR RO, ,GAL TE DRAN PA LA SNANG BA 'DI DON YIN NA DE'I TSE SKYES BU GZHAN GYIS KYANG RTOGS PAR 'GYUR RO, ,SUN 'BYIN PA GZHAN YANG BRJOD PA NI

, ,BDAG LA RTAG TU ZHES BYA BA'O, ,DE LTA YIN DANG ZHES BYA BA NI BDAG LA 'BREL BA NYID NA'O, ,BDAG LA 'BREL BA'I BDE BA LA SOGS PA NI BRJOD KYANG GZHAN GYIS RTOGS PA MA YIN NO, ,DE LTAR MA YIN PAR YANG ZHES BYA BA NI MA BRJOD KYANG NGO, ,GZHAN NYID DO ZHES BYA BA NI BDAG GI DRAN PA LAS GZHAN NO, ,'DI NI GCIG GO ZHES BYA BA NI 'DIS RTOGS LA GANG YIN PA NYID NGAS RTOGS SO ZHES RNAM PA DE LTAR RTOGS PA NI SKYES BU DE GNYIS LA MI 'GYUR TE, DON DE NI SO SOR BDAG NYID THA DAD PA'I PHYIR RO, ,CI'I PHYIR MTSAMS SBYOR BAR MI 'GYUR SNYAM NA, SEMS DE GNYIS NI ZHES GSUNGS SO; ,'DIR ZHES BYA BA NI 'CHAD PA PO DANG NYAN PA PO'I SEMS DAG LA'O, ,GZHAN LA GNAS PA YANG ZHES BYA BA NI GZHAN GYIS MA BRJOD KYANG 'DRA BA DANG DNGOS POR GYUR PA YOD PAS NA, RANG GI RTOGS PA'I RJES SU 'BRANGS NAS RGYUN GZHAN LA YANG RTOGS PAR 'GYUR RO, ,'DI NYID 'CHAD PA NI GAL TE BDAG GIS KYANG ZHES BYA BA'O, ,MI BDEN PA BRJOD PA'I DUS NA NYAN PA'I BLO DON DANG BRAL BA YIN MOD, DE LAS CIR 'GYUR SNYAM NA JI LTAR ZHES BYA BA'O, ,MI BDEN PA BRJOD PA'I DUS NA NI SMRA BA PO'I SEMS LA DE 'DRA BA'I DON SNANG BA YOD PA MA YIN NO, ,DE LTA NA YANG NYAN PA POS SMRA BA PO LA DE 'DRA BA'I SNANG BA YOD DO ZHES PAR BYED DO, ,RNAM PA GANG GIS SHES PA GNYIS SNGON PO NYAMS SU MYONG BA'I CHA GNYIS LA DMIGS SNYAM NA, SNGON POR SNANG BA ZHES BYA BA NI DON GYI RNAM PA 'CHAD DE CHA GCIG GO, ,SHES PA ZHES BYA BA NI RTOGS PA'I BDAG NYID DE CHA GNYIS PA'O, ,GZHAN DAG GIS ZHES BYA BA NI BRAM ZE LA SOGS PAS SO, ,JI LTAR ZHES BYA BA NI SNGON PO'I SHES PA'O, ,'BA' ZHIG PAR ZHES BYA BA NI DON GYI RNAM PA DANG BAL BAR RO, ,DON GYIS GO BAS BRTAGS PA DE LTAR NI RJES SU 'BRANG BA SU YANG MED DO, ,DE LTAR RJES SU 'BRANG BA LTA RE ZHIG GZHAG STE, DON GYIS GO BAS YANG MI SRID DO ZHES GSUNGS PA NI DON GYIS GO BA NI ZHES BYA BA'O, ,'ON TE DON GYIS GO BAS BLO THA DAD PAR RJES SU DPOG PA DE'I NYES PA CI YOD SNYAM NA DON GYIS GO BAS ZHES SMRAS SO, ,YANG JI LTAR DE NGES PAR BYA BA MA YIN SNYAM NA, GANG GI PHYIR RTOGS PAR BYED PAR NUS PA MA YIN PA'I PHYIR RO, ,DE NYID BRJOD PA NI GZUGS LA

SOGS PAR ZHES BYA BA'O, ,RKYEN THA DAD PAS ZHES BYA BA RTOGS PA ZHES BYA BA 'DI LA NI, GHA NYA'I RKYEN YIN LA BLO ZHES BYA BA LA NI KtI NA'I RKYEN YIN NO, ,'DI NYID SDUD PA NI KtI DANG NI ZHES BYA BA'O, ,DON THA DAD PA YIN NA NI GHA NYA'I RKYEN GYI MTHA' CAN RTOGS PA DES, KtI NA'I RKYEN GYI MTHA' CAN GYI BLO 'CHAD PA STE BLO NI RTOGS PA'O ZHES BYA BA DE LTA BU'I RNAM PAR JI LTAR 'GYUR, 'O NA SNGON PO'I BLO ZHES THA DAD PAR JI LTAR STON SNYAM NA, SNGON PO LA SOGS PA DE NYID CES BYA BA'O, ,DE'I RNAM PA NYID RJES SU RTOG PA ZHES BYA BA NI SNGON PO'I RNAM PA NYID KYI RJES SU 'BRANG BA'O, ,PHYI MA'I SHES PAS ZHES BYA BA NI SNGON PO'I SHES PA'I DE MA THAG TU BYUNG BA 'DI NI SNGON PO'I RNAM PA YIN NO ZHES BYA BA'I RNAM PAR RTOG PAS SO, ,THA DAD PAR ZHES BYA BA NI RTOGS PA'I BZOS SPRUS PAS SO, ,DE LTAR NA TSAD MAS GRUB PAR GYUR PA GANG YIN PA DE LA BRTEN NAS, GZHAN TSAD MAS MA GRUB BA 'GOG PAR 'GYUR BA YIN NO, ,'DI NYID SBYOR BAR BYED PA NI GAL TE ZHES BYA BA'O, ,'ON TE DE NI TSAD MAS GRUB BA LA BRTEN NAS BLO NYID DGAG PAR BYA'O SNYAM NA DE LA RE ZHIG CES BYA'O, ,CI STE BLOR SMRA BAS KYANG DON KHAS BLANG BAR BYA STE, DE LTA MA YIN NA BLO NYID RAB TU MI 'GRUB PAR 'GYUR RO SNYAM NA, BLO DANG LDAN PAS NI ZHES BYA BA STE, RNAM PAR SHES PAR SMRA BAS NI'O, ,GAL TE JI LTAR BLO RANG RIG PAS GRUB PAR KHAS BLANGS NAS DON YONGS SU 'DOR BA DE BZHIN DU DON YANG RANG RIG PAR KHAS BLANGS NAS BLO DOR BAR BYA'O SNYAM NA, 'ON TE SNGON PO LA SOGS PA'I RNAM PA LAS THA DAD PA'I BLO MED DO ZHE NA NI DE YOD PAR JI LTAR 'GYUR SNYAM NA 'DI LA BRJOD PA NI JI LTAR SKAD CIG CES GSUNGS SO, ,BLO GZHAN DRAN PA DE LTAR SNGON PO LA SOGS PA'I RNAM PAR RO, ,DES NA ZHES BYA BA NI BLO GZHAN GYIS SO, ,SNGON PO'I RNAM PAR SHES PA SNGA MA DE NYID DRAN PA LA GNAS PAR TSAD MAR GANG LAS NGES PAR BYA ZHE NA, 'DI LA BRJOD PA NI DE BZHIN NYID DU ZHES BYA BA'O, DE LTAR RTOGS KYANG GAL TE DE LTAR THA SNYAD MI BYED NA NI DE'I TSE THAMS CAD 'JIG PAR 'GYUR RO ZHES BYA BA'I DON TO, ,'O NA 'DI LTAR DE LA DON GYI RNAM PA YANG SNANG BA JI LTAR YIN SNYAM NA DE LA SHES PA NI ZHES GSUNGS SO, ,DE DANG 'BREL BA NI DON DANG 'BREL PA'O, ,

, ,RGYU DES NA ZHES BYA BA SHES PA'I YUL DE'O, ,GZHAN DU ZHES BYA BA NI DON MED PA'O, ,DE LTAR NI DON DANG BCAS PAR RO, ,GAL TE DE LTAR NA YANG DON THA DAD PA NYID DRAN PAR 'GYUR MOD SHES PA SNGA MA'I BDAG NYID DU GYUR PAR GO DRAN SNYAM NA DE LA ZHES BYA BA STE, DON LA RGYU DES NA DE'I RNAM PA NYID DU RTOGS PA GANG YIN PA DE NYID LA STOBS ZHES BRJOD PA YIN LA, DE YANG 'KHRUL NAS 'GYUR BA YIN NO, ,DE LTAR ZHES BYA BA DON GYI RNAM PA NYID DU RTOGS PAR 'GYUR RO, ,GNYIS LA YANG ZHES BYA BA SNANG BA DANG YID LA BYED PA LA YANG NGO, ,GANG GI PHYIR DE LTA BU'I NYES PA YOD PA DES NA DE NI MI RUNG NGO, ,'ON TE GZUGS MED PAR SNANG BA GZUNG BAR MI NUS PAS NA SNANG BA GZUGS SU 'GYUR RO, ,RNAM PAR SHES PA NI GZHAN DU YANG 'DZIN PA YIN NO SNYAM NA, JI LTAR GZUGS ZHES GSUNGS SO, ,'BRAS BU NYID KYIS DE LTAR RTOGS NA YANG ZHES BYA BA NI RNAM PAR SHES PA 'BRAS BU YIN PA'I PHYIR DE DRAN NA RGYU GZUGS KYANG DRAN PA YIN NO ZHES KHAS LEN NA'O, ,YANG JI LTAR NA NGES PA 'DIR MI 'GYUR SNYAM NA DON DE NANG DU ZHES GSUNGS SO, ,DANG PO ZHES BYA BA NI DON 'DZIN PA'O, ,GNYI GA'I RANG BZHIN MA YIN TE ZHES BYA BA NI 'DI NYID GSAL BAR BYED PA NI 'DZIN PA'I RNAM PA 'BA' ZHIG CES BYA BA'O, ,GNYIS PA YANG ZHES BYA BA NI DON GYIS SHES PA LA 'DZIN PAR BYED PA LA YANG NGO, ,NGES PAR 'DZIN PA'I SEMS KYIS ZHES BYA BA DE NYID GSAL BAR BYED PA NI GNYIS PA ZHES BYA BA STE, SHES PA GNYIS PA LA NGES PAR 'DZIN PA DRAN PA'I MTSAN NYID KYI SEMS DE DES SO, ,DE YANG ZHES BYA BA NI GNYIS PA YANG NGO, ,RANG BZHIN GCIG PA NYID LA ZHES BYA BA 'DI NYID KYIS DON BRJOD PA NI 'DZIN PA'I RNAM PAR ZHES BYA BA'O, ,GNYIS PA ZHES BYA BA NI DON SHES PA DRAN PA'O, ,BLO SNGA MA ZHES BYA BA NI DON 'DZIN PA'O, ,RNAM PAR SHES PA SNGA MA DON GYI RNAM PA CAN DU SBYOR BAR BYED DO ZHES BYA BA'I DON TO, ,'DI NYID LDOG PA'I SGO NAS BRJOD PA NI GAL TE ZHES BYA BA'O, ,GAL TE DON GYIS SHES PA DON RNAM PA CAN DU MA GYUR NA DE'I TSE BLO SNGA MA 'BA' ZHIG KYANG DMIGS PAR 'GYUR RO, ,'DZIN PA LA YANG THE TSOM ZA BA YIN TE GZUNG BA MA DRAN NA NI 'DZIN PAR BYED PA MA YIN NO, ,PHYED PHYI

MA 'CHAD PA NI 'DZIN PHYIR ZHES BYA BA'O, ,DE NYID CES BYA BA NI GZUNG BA'I BYA BA DANG BRAL BA NYID 'DZIN PAR BYED PA DE'I RANG BZHIN YIN PA STE, GZUNG BA NYE BA NA GZHAN NYID DU ZHES BYA BA GZUNG BA'I BYED PA DANG LDAN PA'I RANG BZHIN DU NI GYUR PA MA YIN NO, ,RGYU DES NA 'DZIN PAR BYED PA MA YIN PA'I RANG BZHIN GZHAN DU DRAN PAR GYUR PA DE NI DE LTA BUR GYUR PA NYID CES BYA BA 'DZIN PAR BYED PA MA YIN PA'I RANG BZHIN DU DRAN PAR BYA BA DE JI LTAR 'DZIN PAR BYED PA YIN, DE SNANG BA NYID CES BYA BA NI GZUNG BA SNANG BA NYID DO, ,'DI'I ZHES BYA BA NI 'DZIN PAR BYED PA'O, ,GZUGS LA SOGS PA'I BDAG NYID DANG 'DZIN PAR BYED PA GCIG NYID DO, ,DE SKAD DU SLOB DPON PHYOGS KYI GLANG POS SO, ,DE NI ZHES BYA BA NI SHES PA SNGA MA SNGA MA'O, ,YUL MA YIN PA'I PHYIR ZHES BYA BA NI YUL GYI RNAM PA DANG BRAL BA'I PHYIR RO, ,'DI NYID GZHUNG 'DZUGS PA NI GANG GI PHYIR ZHES BYA BA'O, ,DE LAS TE SHES PA DANG PO LAS BYUNG BA'O, ,DE'I ZHES BYA BA SHES PA SNGA MA'I DON GYI RNAM PA DANG RIG PA'I RNAM PA GANG YIN PA'O, ,SHES PA'I SHES PA DRAN PA'I MTSAN NYID CAN SKYES PAR GYUR PA NA, DE'I ZHES BYA BA SHES PA SNGA MA'I RNAM PA DANG LDAN PAR 'GYUR BA YIN TE, DPER NA THAG RING PO'I SHING LAS SKYES PA'I SHES PA SHING GI RNAM PA DANG LDAN PAR 'GYUR BA YIN NO, ,DE GNAS PA NYID CES BYA BA NI DON GNAS PA NYID SHES PA DE'I RANG BZHIN NO, ,BDE BA LA SOGS PA'I RANG BZHIN DU SHES PA NGES PAR RTOG PA YIN NO SNYAM NA, BDE BA LA SOGS PA'I ZHES SMOS SO, ,BDE BA LA SOGS PA'I ZHES BYA BA NI 'CHAD PA'O, ,KHYED LA ZHES BYA BA NI RIGS PA CAN LA SOGS PA LA'O, ,'ON TE BDE BA LA SOGS PA YUL YIN YANG RNAM PAR SHES PA NI DE DAG LAS THA DAD MA YIN GYI, 'ON KYANG DE DAG NYID YIN NO SNYAM NA JI LTAR ZHES BYA BA'O, ,GNYIS KA YANG ZHES BYA BA NI BDE BA LA SOGS PA DANG SNGON PO LA SOGS PA'O, ,'ON TE BDE BA LA SOGS PA KHO NA SNGON PO LA SOGS PA'I 'DZIN PAR BYED PA YIN NO, ,DES NA SNGON PO LA SOGS PA LAS THA DAD PAR SHES PA RTOG PA KHO NA'O SNYAM NA, BDE BA LA SOGS PA NI ZHES BYA BA'O, ,DE MED KYANG ZHES BYA BA NI BDE BA LA SOGS PA MED KYANG RANG GI NGO BO'I KHYAD PAR ZHES BYA BA GSAL BA'I RANG BZHIN GYIS BYAS PA NYID DO, ,DE

, ,MED PAR TE GSAL BA'I RANG BZHIN MED PAR 'DZIN PAR BYED PA MED PA'I PHYIR RO, ,SNGON PO LA SOGS PA NI ZHE LKOG TU MA GYUR PA NYID GSAL BA'I RANG BZHIN MED PAR SNGON PO LA SOGS PA'I 'DZIN PAR BYED PA DMIGS PA MED KYI 'ON KYANG SNGON PO LA SOGS PA'I 'DZIN PA'I BYED PA NI GSAL BA'I RANG BZHIN KHO NA YIN NO, ,DE YANG BDAG NYID DU GYUR PA MA YIN NO ZHES BRJOD PA NI DE'I PHYIR ZHES BYA BA'O, ,PHYI ROL GYI ZLA BA NYID LA ZLA BA BDAG GNYIS SU MTHONG BA NYID KYIS THA DAD PAR MTHONG BAR 'GYUR BA DE BZHIN DU RNAM PAR SHES PA BDAG NYID LA YANG YUL GYI RNAM PA DANG RTOGS PA'I RNAM PA GNYIS SU RNAM PAR SHES PA RANG BZHIN GCIG NYID LA MTHONG BA YIN LA, YUL GYI RNAM PA DANG RTOGS PA'I BDAG NYID KYANG THA DAD KHO NAR SNANG BA YIN NO ZHES 'GA' ZHIG 'CHAD PA SUN DBYUNG BA'I DON DU PHYOGS SNGA MA BRJOD PA NI GAL TE ZHES BYA BA'O, ,DE'I ZHES BYA BA RNAM PAR SHES PA'I BDAG NYID LA NI JI LTAR THA DAD PAR MTHONG RANG BZHIN DE NYID NI GZHAN DU 'GYUR BA MA YIN, 'DI NYID 'CHAD PA NI JI LTAR ZHES BYA BA'O, ,DE NYID KYIS ZHES BYA BA NI SHES PAS SO, ,GZHAN GYI NGO BOR ZHES BYA BA NI RANG BZHIN THA DAD PAR RO, ,DE ZHES BYA BA RANG BZHIN LA MA RTOGS PAR THAL BA'I PHYIR RO, ,YUL GCIG LA YANG THA DAD PAR MTHONG BAR RIGS TE ZHES PHA ROL GYIS BRJOD PA GANG YIN PA DE RE ZHIG SUN 'BYIN PA NI DE NI MA YIN TE ZHES BYA BA'O, ,'DI LTAR ZHES BYA BA NI GZHAN GYI RANG NYID KYIS RANG BZHIN CI 'DRA BA DES KYANG GZHAN RTOGS PAR MI NUS NA, GZHAN GYIS LTA BA GZHAN RTOGS PAR NUS RE SKAD NA, DES NA YUL GCIG LA YANG THA DAD PAR MTHONG BA ZHES BYA BA NI SNGAR ZLA BA GCIG YIN NO, ,LHAG MA NI KHAS LEN PA NYID DO, ,'O NA RNAM 'GREL 'DI'I DON CI SNYAM NA, DES NA DON 'DI YIN TE ZHES BYA BA'O, ,GAL TE THA DAD PA MI RTOGS NA CI ZHIG RTOGS SHE NA GAL TE ZHES BYA BA'O, ,RJES SU 'GRO BA ZHES BYA BA NI SNGAR ZLA BA GCIG MTHONG BAR 'GYUR RO ZHES BYA BA'O, ,ZLA BA GNYIS PA NI DE LTA KHO NA MTHONG NGO ZHES BYA BA NI LDOG PA'O, ,DES NA 'DI GNYIS THA DAD DO ZHES BYA BA NI RTOGS PA YIN NO, ,DE LTA NA 'O NA ZHES DOGS PA BSU BA NAS GRUB PA'I MTHA' BYED PA NI DE NI DE BZHIN TE ZHES BYA BA'O, ,THA DAD PA'I RGYU ZHES BYA

PA NI THA DAD PA'I THA SNYAD KYI RGYU'O, ,SNGON PO DANG SER PO DAG NI GRUB PA DANG BDE BA THA DAD PA'I PHYIR GCIG MA YIN NO ZHES BYA BA 'DI NI KHAS BLANGS PA TZAM YIN NO, ,GANG GIS 'GAL BA CHOS GNAS PAR 'GYUR, 'DI LA 'GAL BA GANG ZHIG YOD SNYAM NA, 'DI LA 'GAL BA YANG ZHES BYA BA'O, ,RNAM PA GZHAN BRJOD PA NI THA DAD PAR NI ZHES BYA BA LA SOGS PA'O, ,GAL TE ZHES BYA BA NI THA DAD PA DANG NYE BAR SBYAR BA'O, ,GZHAN LA ZHES BYA BA NI SANGS RGYAS PA LA'O, ,YANG JI LTAR NA 'DI MING TZAM YIN SNYAM NA, GAL TE DE LA ZHES BYA BA'O, ,'O NA JI LTAR ZHES DOGS PA BSU BA NAS BRJOD PA NI DE'I TSE ZHES BYA'O, ,SER PO DANG MI 'BRAL BA'I SNGON PO GANG YIN PA DE NYID KHYER LA SHOG CES BRJOD PA NI SNGON PO TZAM ZHIG KHYER NAS 'ONGS PAR MTHONG GI SER PO NI MA YIN NO ZHES BRTZAD PA LA, LAN LDOG PA NI BRAL BA MED PA'I SNGON PO ZHES BYA BA'O, ,GAL TE DE LTAR YANG SNGON PO DANG SER PO THA DAD PA'I THA SNYAD MTHONG BA JI LTAR BSGRUB SNYAM NA, THA DAD PA'I THA SNYAD NI ZHES BYA BA'O, ,'ON TE ZHES SHES PA GZHAN GYIS DON MTHONG BA YIN NO SNYAM NA, 'DI LA BRJOD PA NI DE ZHES SMOS TE DON DE'O, ,DER SNGON PO'I RNAM PA KHO NA DON YIN PAR 'GYUR RO SNYAM NA, DE ZHES GSUNGS SO, ,SNGON PO'I RNAM PA YANG NGO, ,GZHAN DU NI ZHES BYA BA NI KA BA DANG BCAS PAR 'DOD PAR RO, ,RGYUR GYUR PA PHYI'I DNGOS PO 'GA' ZHIG MA TSANG BAS GZHAN KA BAS STONG PAR KA BA'I RNAM PA CAN GYI SHES PA MI 'BYUNG BA'O, ,GAL TE DE LTA NA YANG ZHES BYA BA NI KHYAD PAR DANG BRAL BA MTHONG BA'I SHES PA DANG GCIG NYID YIN PAS JI LTAR DON BSGRUB PAR 'GYUR ZHE NA, PHYI ROL GYIS ZHES SMOS SO, ,DE LTA BUR GYUR BA ZHES BYA BA NI RJES SU DPAG PAR BYA BA'I DON TO, ,GZHAN ZHES BYA BA NI DE MA THAG PA LAS THA DAD PA'O, ,'O NA JI LTAR SNGAR GTAN MTHONG BA MED PA'I DON RTOGS PAR BYED SNYAM NA, RTEN GZHAN MED PAR ZHES SMOS SO, ,GZHAN DU NI MA YIN NO ZHES BYA BA NI RNAM PA THAMS CAD SNGON MA MTHONG BA'I DON YONGS SU RTOGS PA'O, ,DE NYID KYIS NI ZHES BYA BA NI GONG BU'I RNAM PAR SNANG BA'I SHES PA NI SKYED PAR BYED PA'I SHES PA MTHONG BA MA YIN TE, GONG BU'I RNAM PA DE NI SHES PA'I RNAM PA YIN PA'I PHYIR JI LTAR PHYI ROL MTHONG BA YIN TE, SKYES BU

, ,GZHAN GYIS GONG BU'I RNAM PAR SNANG BA'I SHING GI RNAM PA SKYED PAR BYED PA'I SHING MTHONG NGO ZHE NA, 'DI LA DPYAD ZIN TE, DES KYANG CI LTAR MTHONG STE, DE YANG RANG GI RNAM PA TZAM RIG PA'I PHYIR RO ZHES BYA BA DER RO, ,GAL TE YANG DE TZAM GYIS RTOGS PA YIN MOD KYI DE LTAR NA YANG NYES PA GZHAN BRJOD PA'I DON DU PHA ROL NYE BAR 'GOD PA NI DE NYID KYIS ZHES BYA BA NI, GANG LA GONG BU'I RNAM PA CAN GYI SHING DU SNANG BA BSKYED PA DE NYID KYIS PHYIS SHING MTHONG NGO ZHE NA, 'DI LA BRJOD PA NI GAL TE ZHES BYA BA'O, ,PHYIS MTHONG BA YANG RIGS PA MA YIN NO ZHES BYA BA NI CHUG KYANG GI SGRA'I DON TO; ,PHYIS NYID 'GYUR MOD SNGAR GONG BU'I RNAM PA CAN GYI SHING MTHONG BA'I DUS SU NI MA YIN NO, ,CI'I PHYIR ZHE NA DMIGS PA ZHES BYA BA'O, ,GZHAN YANG DUS PHYIS 'BYUNG BA'I SHING DU RTOGS PA DE YANG SHES PA'I RNAM PA NYID YIN GYI DON GYI NI MA YIN NO, ,DES NA MA 'DRES PA'I YAN LAG CAN GYI SHING RTOGS PA DER YANG NGO, ,NGES PA'I RGYU ZHES BYA BA NI SNGON PO DANG SER PO'I RNAM PA'I RGYU'O, ,'O NA JI LTAR PHYI ROL GYI GZHAL BYA YANG RJES SU DPAG PAR NUS SHE NA, GAL TE ZHES BYA BA'O, ,RTOG PA LA NI PHYI ROL GYI GZHAL BYA KHAS LEN PA YOD PA MA YIN NO ZHES BYA BAR DGONGS SO, ,PHYI ROL GYI DON MED PAR GYUR NA, RGYU DANG 'BRAS BU NYID NI SHES PA YIN PAR 'GYUR RO, ,SHES PA DE DAG LA YANG RIGS PA 'DI NI SNGAR 'GYUR DGOS LA, 'DI NI PHYIS KHO NA'O ZHES BYA BA RNAM PA NYID YIN GYI DON GYI NI MA YIN NO, ,DES NA MA 'DRES PA'I YAN LAG CAN GYI SHING RTOGS PA DER YANG NGO, ,NGES PA'I RGYU ZHES BYA BA NI SNGON PO DANG SER PO'I RNAM PA'I RGYU'O, ,'O NA JI LTAR PHYI ROL GYI GZHAL BYA YANG RJES SU DPAG PAR NUS SHE NA, RTOG PA LA NI PHYI ROL GYI GZHAL BYA KHAS LEN PA YOD PA MA YIN NO ZHES BYA BAR DGONGS SO, ,PHYI ROL GYI DON MED PAR 'GYUR NA, RGYU DANG 'BRAS BU NYID NI SHES PA MA YIN PAR 'GYUR RO, ,SHES PA DE DAG LA YANG RIGS PA 'DI NI SNGAR 'GYUR DGOS LA, 'DI NI PHYIS KHO NA'I ZHES BYA BA RNAM PA DE LTA BU'I MTSAN NYID CAN GYI NGES PA GANG YIN PA DE MED PA'I PHYIR, 'BRAS BU MED CING RGYU YANG MED DO, ,NGES PA MED PA NYID STON PA NI, 'DI LTAR ZHES

BYA BA'O, ,DE LAS NI SO SOR SNANG BA LAS SO, ,SER POR SNANG BA LAS MA GTOGS PAR ZHES BYA BA NI, SNGON POR SNANG BA NI RNAM PAR SHES PA DANG BRAL BA'I SNGON POR SNANG BA NYID SER POR SHES PA DE'I RGYU YIN PAR 'GYUR RO, ,YANG JI LTAR DE SER POR SNANG BA DANG BRAL SNYAM NA SER PO MED PAS ZHES BYA BA'O, ,GAL TE DE'I TSE SER PO YOD PA YIN NA NI DE DANG LHAN CIG PA'I SNGON PO'I SHES PA NYID SER PO'I SHES PA'I RGYUR 'GYUR BA YIN NO, ,'O NA TSUL 'DIS SNGON POR SNANG BA NYID SER POR SHES PA'I RGYUR GYUR LA RAG GO SNYAM NA, DE LA YANG NGES PA ZHES GSUNGS SO, , CI'I PHYIR NGES PA MED SNYAM NA, GANG GI PHYIR SER POR SNANG BA'I RNAM PAR SHES PA DE LAS KYANG SNGON POR SNANG BAR 'GYUR BA'I PHYIR RO, ,PHYI'I DON GYI PHYOGS LA YANG NYES PA 'DIR JI LTAR MI 'GYUR SNYAM NA, DER ZHES BYA BA NI, SER PO'I SHES PA'I DE MA THAG PA SNGON PO'I SHES PA'I DE MA THAG PA LA'O, ,GAL TE DE LTA NA YANG SER PO LA SOGS PA'I MTSUNGS PA DE MA THAG PA'I RKYEN GCIG KHO NA LAS SNGON PO DANG SER PO'I RNAM PAR SHES PA 'BYUNG BAR JI LTAR 'GYUR SNYAM NA, MTSUNGS PA DE MA THAG PA'I ZHES SMOS SO, ,MYA NGAN GYI YUL LA GNAS PA'I RDO RJE'I DUM BU LA SOGS PA CHUNG DU LAS KYANG NGO, ,BZLOG PAR NI MA YIN NO ZHES BYA BA NI MYU GU LA SOGS PA SKYE BA NI'O, ,DE LAS KYANG ZHES BYA BA NI MYU GUR SNANG BA LA'O, ,GANG LA DU BA YOD PA DE NA GDON MI ZA BAR GZHAN GYI MER SNANG BA YOD PA NI MA YIN NO NGES PA MED PA'I PHYIR RO ZHES BYA BA NI, GANG NA DU BAR SNANG BA YOD PA DER GDON MI ZA BAR 'GYUR RANG GI MER SNANG BA YOD PAR 'GYUR RO ZHES BYA BA NGES PA YOD PA MA YIN TE, 'BREL PA LA SOGS MI SRID PA'I PHYIR RO, ,CI'I PHYIR BLO NYID LA BRTEN NAS DE LTAR RNAM PAR GZHAG PAR BYA'I GZHAN DU NI MA YIN ZHE NA, GANG GI ZHEN SNANG BA NYID DGOS KYI MI SNANG BA'I DON NI MA YIN TE, DES NA SNANG BA NYID LA BRTEN NAS RNAM PAR 'JOG PA NI RIGS PA DANG LDAN PA YIN NO, ,'ON TE GAL TE DON MED NA DE'I TSE SNANG BA NYID YOD PAR MI 'GYUR RO, ,DES NA SNANG BA KHAS BLANG PA'I DON DU YANG GDON MI ZA BAR DON KHAS BLANGS BAR BYA'O, ,'DI LTAR ZHES

, ,GSUNGS SO, ,SNANG BA MED PAR YANG DON 'GYUR BA NYID DO, ,DES NA SNANG BA DANG BRAL BA'I DON NYID KHAS BLANG BAR BYA'O SNYAM NA, SNANG BA MED NA ZHES GSUNGS SO, ,SNANG BA DANG BRAL BA'I PHYI ROL NI KHAS BLANG BAR MI NUS PA KHO NA'I ZHES BYA BA'I DON TO, ,SA BON DU SNANG BA DANG BRAL BA'I MYU GU 'BA' ZHIG SNANG BAR 'GYUR NA MYU GUR SNANG BA RGYU MED PA NYID DU 'GYUR RO, ,MYU GUR SNANG BA'I RGYU MED PA GA BON DU SNANG BA MED KYANG DE YOD PA'I PHYIR RO, ,PHA ROL PO NYID SANGS RGYAS PA'I DOGS PA BSU BA NI 'ON TE ZHES BYA BA'O, ,MYU GUR SNANG BA DE NA SKYES BU GZHAN GYI SA BON DU SNANG BA YOD PAS NA'O, ,'DI PHYI ROL PO 'GOG PA NI MA YIN TE ZHES BYA BA'O, ,DE GDON MI ZA BAR GZHAN GYI SNANG BA YOD DO ZHES BYA BA'I NGES PA GANG YIN PA MED PA'I PHYIR RO ZHE NA, 'DI LA GRUB PA'I MTHA' BAS DE YANG MTSUNGS SO ZHES GSUNGS SO, ,LAN BTAB ZIN TO ZHES BYA BA NI PHYIS NYID YOD MOD, SNGAR GO YOD PAR JI LTAR 'GRUB CES BYA BA DER RO, ,'BRAS BU GRUB PA MYU GU LAS MI SNANG BA YANG SA BON YOD PAR SHES SO, ,'DI LA ZHES BYA BA NI SNANG BA SA BON LA SOGS PA YANG KHYAD PAR 'DZIN PA'I DUS SU MTHONG BA NYID YIN NO ZHE NA 'DI 'GOG PA NI 'O NA ZHES BYA BA'O, ,GAL TE PHYI ROL NI DON DAM PA KHO NA YOD PA YIN GYI SGRO BTAGS PA TZAM DU NI MA YIN NO SNYAM NA, RJES SU DPAG PA'I DUS SU SMOS SO, ,GZHAN ZHES BYA BA NI DU BA BSKYED PA LAS SO, ,DON YANG GZHAN NYID DE SKAD CIG YIN PA'I PHYIR RO, ,GANG GIS DU BA BSKYED PA NYID NI DE TSE YOD PA MA YIN NO, ,DE YANG NI PHYI LA YANG NGO, ,JI LTAR NGAS MTHONG BA'I ZLA BA GNYIS PO GANG YIN PA DE NYID 'DIS KYANG YIN NO ZHES DON DAM PAR THA DAD PAR YANG THA SNYAD DU 'GYUR BA DE BZHIN DU BDAG GIS DU BA LAS DPAG PA'I MER SNANG BA GANG YIN PA DE NYID 'DIS KYANG RTOGS SO ZHES GZHAN LA YANG ZHES BYA BA SNANG BA GCIG NYID LA YANG THA SNYAD DU 'GYUR RO, ,PHYI NAS NYID NI ZHES BYA BA NI RJES SU DPAG PA'I NYID DU'O, ,RTOGS PAR ZHES BYA BA NI THAMS CAD KYI TSE RTOGS PAR 'GYUR PA'O, ,DE LTA NA YANG RJES DPAG DUS SU SNGAR MA RTOGS PA NA DON THAMS CAD KYI RNAM PA THAMS CAD DU RTOGS PAR 'GYUR RO, ,DES NA RJES SU DPAG PA

LAS 'GA' ZHIG 'JUG PAR JI LTAR 'GYUR TE, MA RTOGS PAR RANG BZHIN 'GA' YANG MED PA'I PHYIR RO, ,SNGAR NYID CES BYA BA NI RJES SU DPAG PA'I DUS NYID DU'O, ,'ON TE ME NYID GZHAN GYI RANG BZHIN DU RTOGS PA DES NA YOD PA YIN SNYAM NA, GZHAN GYI NGO BOS ZHES GSUNGS SO, ,DES ZHES BYA BA NI PHA ROL GYI SEMS SO, ,'DIR GZHAN GYIS SMRAS PA NI DE MA YIN TE ZHES BYA BA'O, ,GAL TE RJES SU DPAG PA'I DUS NA DON MED KYI 'ON KYANG 'JUG PA'I DE MA THAG YOD NA DE'I TSE PHYIS 'JUG PA'I DUS SU DON DAM PAR 'CHAD PA STE, SNGAR GYI DUS SU GNAS PA'I SKAD CIG GZHAN GYIS MA BSKYED PAR JI LTAR MIN ZHE NA, 'DI LA BRJOD PA NI DE MED PAR ZHES BYA'O, ,GANG GI TSE MED PAR GYUR PA DE'I TSE SNGAR MED PA'I ME DE MED PA NYID RNAM PAR CHAD PAR JI LTAR 'GYUR, DES NA JI LTAR DNGOS PO MED PA RNAM PAR CHAD PA NYID DU 'GYUR BA DE BZHIN DU DNGOS PO YANG 'GYUR BAS SKYON CI YOD CES BYA BA'I DON TO, ,GANG GI TSE RNAM PAR CHAD PAR JI LTAR YOD CES 'DON PA DE'I TSE NI 'DI RTZOD PA SMRA BA'I TSIG NYID DE, SNGAR YOD PA'I ME DE MED PAR RNAM PAR CHAD PA'I ME DE YOD PAR JI LTAR 'GYUR ZHES BYA BA'I DON TO, ,'DI LA GRUB PA'I MTHA' PAS BRJOD PA NI GAL TE ZHES BYA BA'O, ,SNGAR GYI MED SNANG BA DE KHO NAS MER SNANG BA DE BSKYED LA, BAR DU MI CHAD PA'I RGYU BAG CHAGS YOD PA YIN NO, ,'DI LA PHA ROL GYIS DE LTA YIN YANG ZHES SMRAS SO, ,LAN NI DON LA YANG ZHES BYA'O, ,ZHUGS PA'I DE MA THAG PA'I MTHONG BA'I ME NI RJES SU DPAG PA'I DUS NA YOD PA'I MA MTHONG BA DANG GCIG YIN PAR RTOGS PAR NUS PA MA YIN NO, ,DER GNAS PA ZHES BYA BA RIGS MI MTHUN PA'I SNANG BA DER GNAS PA BZHIN DU'O, ,'DI GNYIS LA ZHES BYA BA NI PHYI ROL DANG RNAM PAR SHES PAR SMRA BA DAG LA'O, ,MER SNANG BA LA ME'I BAG CHAGS RTOGS PA YIN NO ZHES BRJOD NAS DU BAR SNANG BA LA YANG BRJOD PA NI DU BAR ZHES BYA BA'O, ,'DI NI ZHES BYA BA JI LTAR PHYI ROL RGYU NYID DU MI 'THAD DE DE NI BSTAN ZIN TO, ,DE NYID CES BYA BA DU BAR SNANG BA NYID DU BA YIN NO, ,DE LTA YIN DANG DE NYID CES BYA BAR SNGAR BSHAD PA NYID CES RGYU DANG 'BRAS BU YIN NO, ,DE'I BYA BA DU BA'I BAG CHAGS SAD PA'I RJES SU

, ,MTHUN PA NYID CES SO, ,DU BA YANG ZHES BYA BA NI DU BA YANG MER SNANG BA'I BAG CHAGS SAD PA DANG RJES SU MTHUN PA'I PHYIR RO, ,DU BA RGYU NYID YIN NA YANG DU BA DE LAS 'BRAS BU ME NGES PAR RTOGS PA GA LA YOD CE NA, BAG CHAGS DE YANG ZHES BYA BA NI MER SNANG BA SKYED PAR BYED PA'O, , TSAD MA YIN NO ZHES BYA BA NI DU BAR SNANG BA'O, ,DU BA DES TSOGS PA GCIG LA RAG LAS PA ZHES BYA BA NI DU BA DANG LHAN CIG MER SNANG BA TSOGS PA YIN PA DES NA 'THOB PA YIN NO, ,LKOG TU GYUR PA DANG MA GYUR PA NI GCIG YIN TE, DES NA GANG GIS DU BA BSKYED PA DE NYID THOB PA YIN GYI TSOGS PA GCIG LA RAG LUS PA NI MA YIN NO ZHES BSAMS PA'O, ,BAG CHAGS KYI DBANG ZHES BYA BA NI LHAG PAR ZHEN PA'I DBANG GIS SO, ,PHYI ROL LA MI SLU BA DANG MTHONG BA NI YOD PA MA YIN NO, ,RMI LAM NA YANG SRID PA MA YIN NO ZHES BYA BA 'DI NI 'JIG RTEN GYI SMRA LUGS YIN NO, ,'DI LTAR ZHES BYA BA LA SOGS PAS NI THAMS CAD DU 'BYUNG BAR 'GYUR BA YUL CAN NYID TSAD MA MA YIN LA DE YANG PHYI ROL LA SRID PA MA YIN NO ZHES BSTAN PA YIN NA'O, ,DE BZHIN ZHES BYA BA NI RNAM PA DES SO, ,DE LTA MA YIN NA ZHES BYA BA NI GAL TE 'BYUNG BAR 'GYUR BA'I DON RTOGS PA MED NA'O, ,GAL TE 'BYUNG BAR 'GYUR BA DANG DA LTAR BDAG GCIG TU LHAG PAR SGRO BTAGS NAS ZHUGS PA NA 'BYUNG BAR 'GYUR BA'I YUL CAN DU JI LTAR 'GYUR TE, DA LTAR BA YANG SGRO BTAGS PA'I PHYIR RO ZHE NA, RIG PA NI THOB PAS ZHES BYA BA'O, ,YID MOD DES CING 'GYUR SNYAM NA, DES NA ZHES SMOS SO, ,BZLOG PA YIN PA'I PHYIR ZHES BYA BA NI THOB PA'I PHYIR RO, ,SHAS PA'I DUS NA YOD PA MA YIN PA DES NA JI LTAR SHES PA SKYED PAR BYED PA YIN ZHES BRAM ZHES SMRAS PA GANG YIN PA DE GSAL BA YIN NO, ,JI LTAR GSAL BA SNYAM NA 'BYUNG BAR 'GYUR BA ZHES BYA BA'O, ,MNGON SUM LA SOGS PA NI 'BYUNG BAR 'GYUR BA'I DON LA LTOS NAS THA SNYAD KYI RGYU MTSAN MA YIN TE, YOD PA DMIGS PAR BYED PA YIN PA'I PHYIR RO ZHES BYA BA DE YANG SPANGS PA YIN NO, ,'BYUNG BAR 'GYUR BA'I MER SNANG BA DANG LHAN CIG NYID DU'O, ,DE'I NGO BOR ZHES BYA BA NI ME'I NGO BOR SPANG BA LA'O, ,SNANG BA MTSAMS SBYONG LDAN ZHES BYA BA NI RGYUD DU

'JUG CES BYA BA'I DON TO, ,DE'I TSE DE RMI LAM GYI BDEN PA NYID MA YIN YANG ZHES BYA BA NI RMI LAM GYI BDEN PA YIN YANG DE 'DRA BA'I BDE BA RGYUN GYIS SKYE BA YIN NA, KHYOD LA CHAD PA CI YOD THAR PA 'DOD PA DE DAG GI CHOS LA 'JUG PA GANG YIN PA DE NA 'KHOR BA DE'I BZLOG PA THOB PA'I DON DU YIN NO, , CHOS LA 'DOD PA YANG MNGON PAR 'DOD PA 'GA' ZHIG GIS 'JUG PA NI MA YIN NO, ,'DIR GAL TE ZHES BYA BAS DOGS PA BSU BA'O, ,BAG CHAGS KYANG GANG YANG RUNG BAS SNANG BA'I RGYU NI MA YIN GYI 'ON KYANG RIGS MTHUN PA YIN NO, ,STON PA NI DE YANG ZHES BYA BAR MER SNANG BA'O, ,DE'I BAG CHAGS NI DU BA'I BAG CHAGS SO, ,SNGAR BYUNG BA RANG BZHIN GANG GIS NGO BOR SNANG BAS RAB TU SBYAR BA'I BAG CHAGS 'DU BYED CES BYA BAR GRAGS PA DE NI DE'I NGO BOR SNANG BA'I RGYU YIN GYI, RANG BZHIN GZHAN DU SNANG BA NI MA YIN NO, ,DE NI ZHES BYA BA DU BAR SNANG BA'O, ,BAG CHAGS GZHAN GYIS BSKYED PAR BYA BA DU BAR SNANG BA ZHES BYA BA GANG YIN PA DES NI SKYED BYED MA YIN PA GZHAN ME'I BAG CHAGS ZHES BYA BA GO BAR BYED PA MA YIN NO, ,YANG CI LTAR NA DUS MTSUNGS PA NYID YIN ZHE NA, MA 'ONGS PA NI ZHES SMOS PAS SO, ,SKAD CIG 'DI LA ZHES BYA BA DANG DA LTAR SKAD CIG TU GO'AM CI STE MA YIN PA NYID DU'O ZHES BYA BA'I DON TO, ,DE NYID KYI TSE ZHES BYA BA 'DI LTA'I DUS NYID DU'O, ,GAL TE ZHES BYA BA NI GZHAN GYI'O, ,'DI LA GRUB PA'I MTHA' PA 'DRA BA NI JI LTAR TSAD MA YIN ZHES BYA BA'O, ,'DIR GZHAN GYIS DON STON PA'I PHYIR ZHES SMOS SO, ,LAN NI BSTAN PAS KYANG ZHES BYA BA'O, , DES KYANG ZHES BYA BA NI DA LTAR BAS SO, ,'BYUNG BAR 'GYUR BA ZHES BYA BA NI DOGS PA BSU PA'O, ,'DI YANG ZHES BYA BA NI DA LTAR BA'O, ,RGYU DA LTAR YOD PA'I SKAD CIG LA 'BRAS BU MA 'ONGS PA'I SKAD CIG NYE BAR BTAGS PA'I PHYIR RO, ,'DI LA BRJOD PA NI GAL TE ZHES BYA BA'O, ,DES ZHES BYA BA BAG CHAGS KYIS SO, ,DON LA YANG ZHES BYA BA NI PHYI ROL LA YANG MTSUNGS TE, DA LTA'I SKAD CIG NI DON BYA BA MI BYED PA'I PHYIR RO, ,DE YANG ZHES BYA BA NI DA LTAR BA'O, ,BAG CHAGS LA YANG ZHES BYA BA NI, BAG CHAGS KYI 'BRAS BU 'BYUNG BAR 'GYUR BA'I MER SNANG BA'I DON BYED PA YIN PA'I PHYIR BAG

, ,CHAGS LA YANG DE BYED PAR BRJOD PA YIN NO ZHES BYA BA'I DON TO, ,SLOB DPON GYIS ZHES BYA BA NI PHYOGS KYI GLANG POS SO, ,GANG GI PHYIR RNAM PAR SHES PAR SMRA BA NYID RIGS KYI PHYI ROL DU SMRA BA NI RIGS PA MA YIN PA'I PHYIR RO, ,PHYI'I DON KHO NA LA TSUL GNYIS YIN NO ZHES BYA BA BA JI LTAR ZHE NA, THA DAD PA DAG LA NI ZHES GSUNGS SO, ,DE NYID CES BYA BA NI 'DZIN PAR BYED PA'O, ,'DIS NI 'DZIN PA'I RNAM PAR RJES SU 'GRO BA BRJOD DO, ,DA NI GZUNG BA LA BRJOD PA NI, SNGON PO DE NYID CES BYA BA'O, ,SNGAR SER PO 'DZIN PA'I DUS SU MTHONG BA'I 'DZIN PA'I RNAM PA GANG YIN PA DE NYID SNGON PO 'DZIN PA'I DUS NA YANG YIN LA, DE BZHIN DU SDUG BSNGAL GYI RNAM PAS GZUNG BA'I DNGOS PO LA SOGS PA GANG YIN PA DE NYID BDE BA'I RNAM PAS 'DZIN PA YIN NO ZHES BYA BA NI SHES PA 'DI YANG MNGON SUM YIN NAM 'ON TE RJES SU DPAG PA YIN ZHES RNAM PAR RTOGS PA'O, ,RNAM PA GZHAN YANG ZHES BYA BA NI DGAG PA'I RANG BZHIN LAS RNAM PA GZHAN DU GSAL BA DANG, MI GSAL BA LA SOGS PA'I RANG BZHIN DU'O, ,'ON TE DAG PA'I RANG BZHIN GCIG NYID RNAM PA SNA TSOGS PAR 'GYUR BA YIN NO ZHE NA, JI LTAR ZHES GSUNGS SO, ,'ON TE DON YANG RNAM PA SNA TSOGS PA KHO NA'O SNYAM NA, DON NI MA YIN TE ZHES GSUNGS SO, ,DPER NA SHES PA ZLA BA'I RNAM PA NYID DU KHAS BLANGS PA LA, RAB RIB LA SOGS PA'I STOBS KYIS GNYIS KYI RNAM PAR YANG 'GYUR BA BZHIN NO, ,GANG GI TSE DON GYI RNAM PA NYID MA YIN PA DE'I TSE NI RNAM PA GZHAN NYID LHAG PAR YANG YOD PA MA YIN NO ZHES BYA BA'I DON TO; ,DON DAM PAR MAR ME'I RANG BZHIN DE 'DRA BAR SKYES PA YIN TE, DES NA DE LTAR MTHONG BA YIN GYI DE'I SHES PA'I RNAM PA NI MA YIN NO ZHE NA DE'I TSE ZHES GSUNGS SO, ,YANG NA DE YANG ZHES BYA BA RAB RIB KYIS MIG GI NUS PAR BYAS PA YANG NGO, ,DE'I ZHES BYA BA NI MIG GI NUS PA'O, ,NUS BA NYAMS PAR BRTAGS PA'I RGYU MTSAN GYI 'BRAS BU DE YANG BDEN PA MTHONG BA'AM MI BDEN PA MTHONG BA YIN NO, ,GAL TE BDEN PA MTHONG ZHING NYAMS PAR BRTAG PAR BYA BA NI MI BDEN PA MTHONG BA LA NI SHIN TU BRTAG PAR 'GYUR RO, ,DES NAM NYAMS PA ZHES BYA BA MED PAR 'GYUR

NGO; ,'ON TE DE 'DRA BA'I MAR ME'I YOD PA YIN YANG GZHAN GYIS BLTAS MED PA YIN LA DE MTHONG BAS DBANG PO NYAMS PA YIN NO SNYAM, DE LTA YIN NA ZHES GSUNGS SO, ,DE LTAR YANG MA YIN TE ZHES BYA BA NI 'DI GZHAN GYIS BLTAR MED PA'I MAR ME MTHONG BA YIN YANG BUM PA LA SOGS PA GSAL BAR MI MTHONG BA YIN TE, DES NA 'DI YANG DAG PA'I MAR ME'I MTHONG BA CAN YIN NO, ,KHYAD PAR MED PA'I PHYIR RO ZHES BYA BA NI YANG DAG PA NGANG YANG DAG PA MA YIN PA LA'O, ,SPONG BA MTHONG YANG GANG GIS GCIG NI YANG DAG PA MTHONG LA GZHAN NI YANG DAG PA MA YIN PA MTHONG BAR 'GYUR BA KHYAD PAR GZHAN GANG ZHIG CES BYA BA'I DON TO, ,GAL TE YOD PA YIN NA 'O NA MAR ME DE JI LTAR GZHAN GYIS MI MTHONG SNYAM DU DOGS PA BSU NAS MTHONG BA MI 'THAD PA ZHES SMOS SO, ,DE LTA NA YANG ZHES BYA BA NI RAB RIB LA SOGS PAS BSKYED PA YIN YANG NGO, ,GZHAN NI ZHES BYA BA MAR ME'I'O, ,SHES PA GZHAN DU YUL SNANG BAR KHAS LEN PAS NA'O, ,MI RUNG BA BRJOD PA NI GANG DU ZHES BYA BA DANG, GANG DU YUL RANG GI NGO BOS SNANG BA'I RNAM PAR SHES PA LA SNANG BA YIN NA THUB PA MED DO, ,'ON TE SHES PA GANG LA YUL SNANG BA DE LAS GZHAN LA SNANG BA MA YIN NO SNYAM NA, RANG SNANG BA ZHES GSUNGS SO, ,'O NA TE MAR ME'I DKYIL 'KHOR GYI RANG BZHIN GYIS YUL DU SHES PA SNANG BA YIN LA, SHES PA LA YUL SNANG BA YIN NO ZHES NA, GAL TE ZHES GSUNGS SO, ,DE LTA BU LA SOGS PA'I GNOD PA BYED PA YOD PA DE BAS NA'O, ,DE'I RANG BZHIN GYI ZHES BYA BA NI SHES PA DANG 'DRA BA YUL YIN YI SNANG BA TZAM NI MA YIN NO, ,GAL TE RMA BYA'I MDONGS KYI RNAM PA CAN MAR ME'I DKYIL 'KHOR LA YANG DE KHO NA BZHIN DU NUS PA BRTAG PAR BYA BA YIN NO SNYAM NA, RMA BYA'I ZHES BYA BA'O, ,KA BA LA SOGS PA YANG SHES PA LAS THA DAD PAR JI LTAR 'GRUB SNYAM NA, KA BA ZHES SMOS SO, ,SOGS PA'I SGRAS NI ME LA SOGS PA'I 'DIR YANG ZHES BYA BA NI RMA BYA'I MDONGS KYI RNAM PA LA'O, ,DE DAG LA ZHES BYA BA NI RAB RIB KYIS BSLAD PA GZHAN RNAMS YANG 'KHRUL PA NYID MTSUNGS PA'I PHYIR RO, ,'ON TE DE DAG NA BDEN PA KHO NA MTHONG BA YIN PAS JI LTAR DE DAG 'KHRUL PA YIN SNYAM NA, 'KHRUD PA ZHES BYA BA'O, ,GNYIS KA YANG ZHES BYA

, ,BA NI RMA BYA'I MDONGS KYI RNAM PA NYAMS SU MYONG BA'I SKYES BU GNYIS GANG LA YANG NGO, ,'KHRUL PA NYID DU 'DOD PA'I SKYES BUS DMIGS PA'I ME DE NI'O, ,SA GZHI'I TSIG PA MA MTHONG BA YANG DON NYID LAS MI NYAMS SO ZHES BYA BA NI, GZHAN GYI ZHES KHONGS SU 'DI 'GOG PA NI MA YIN ZHES BYA BA'O, ,ME YANG YIN LA SREG PAR BYED PA NI MA YIN NO ZHES DE LTAR RTOGS PA 'GA' YANG MED PA'I PHYIR RO, ,DE LTA MA YIN PA LA ZHES BYA BA NI PHYI ROL MA YIN PA LA'O, ,DE LTAR ZHES BYA BA NI PHYI ROL DU'O, ,PHA ROL GYI 'JIG RTEN GYI THA SNYAD CES SMRAS SO, ,GAL TE 'JIG RTEN GYI THA SNYAD LA MI LTOS NA DE'I TSE DON BYA BA MED PAS JI LTAR MI BDE BAR 'GYUR ZHES MNOS PA'O, ,DON NYID KYANG ZHES BA NI MYONG BA NI GDON MI ZA BAR KHAS BLANG BAR BYA BA YIN TE, DE LTAR MA YIN NA DON YANG KHAS BLANG BAR MI 'THAD PA'I PHYIR RO, ,MYONG BA'I DNGOS PO KHAS LEN NA YANG THAMS CAD RANG RIG PA NYID YIN TE GZHAN MI 'THAD PA'I PHYIR RO, ,DE LA ZHES BYA BA NI MUN KHUNG NA'O, ,'DI LA BRJOD PA NI TSOGS PA GCIG PA ZHES BYA BA'O, ,DE LTA NA MA YIN NO ZHES BYA BA NI, MUN PA'I GNAS SKABS NA BUM PA GNAS PA MA YIN NO, ,DE LTA BU NYID CES BYA BA NI MAR ME'I DKYIL 'KHOR TSOGS PA KHO NA RGYU YIN NO SNYAM NA, 'DI LA BRJOD PA NI MA YIN TE ZHES BYA BA'O, ,SNGON PO LA SOGS PA NI SER PO LA SOGS PA LTOS PA NYID 'DZIN PA MA YIN TE, 'BA' ZHIG KYANG 'DZIN PA'I PHYIR RO, ,DE BZHIN DU DKYIL 'KHOR YANG MAR ME MED PAR 'DZIN PAR 'GYUR RO, ,GZHAN GYIS DE LTAR NA ZHES SMRAS SO, , RE ZHIG GANG GI TSE SNGON PO DANG SER PO DAG DUS GCIG NYID DU GZUNG BA DE'I TSE GNYIS KA'I BYED PA BRTAG PAR BYA BA DE BZHIN DU 'DIR YANG MAR ME'I DKYIL 'KHOR GNYIS KA'I BYED PA BRTAG PAR BYA BA YIN NO ZHE NA, 'DI LA BRJOD PA NI MAR ME TZAM GYIS BYA BA'O, ,DE NYID CES BYA BA NI DKYIL 'KHOR NYID DO, ,DE LTA NA YANG SHES PA'I TSOGS PA BSKYED PAS NI DE NI SHES PA KHO NA'O, ,MIG DANG GZUGS NYID DU MNGON PAR 'DOD PA DE LAS MA GTOGS PA'I SHES PA NI MED DO, ,DE NYID GZHUNG 'DZUGS PA NI 'ON KYANG ZHES BYA BA'O, ,BZLOG PA BRJOD PA NI 'DI NI ZHES BYA BA STE, GSAL BA DANG

MI GSAL BA'I RANG BZHIN DANG 'BREL PA NI MTHONG BA YANG YIN NO, ,'ON TE PHYI ROL SNANG YANG THA DAD PAR 'GYUR BAS 'DI LA CI BYAR YOD SNYAM NA, NGES PA DANG LDAN PA'I ZHES BYA BA'O, ,DE'I RANG BZHIN ZHES BYA BA PHYI ROL GYI RANG BZHIN THA DAD PAR THAL BA'I PHYIR RO, ,MTSAN NYID NI DE YIN PA'I PHYIR RO, , ZHES BYA BA NI SNANG BA'I RANG BZHIN YIN PA'I PHYIR RO, ,DON THA DAD PA NYID DU 'GYUR MOD CI NYES SNYAM NA, DON THA DAD PA YIN NA YANG ZHES GSUNGS SO, ,GSAL DE RANG NYID KYI RANG BZHIN DU ZHES BYA BA MI GSAL BA YIN ZHE NA, BRJOD PA JI LTAR ZHES BYA BA SMOS TE, DE LTAR GSAL BA'I RANG BZHIN DU JI LTAR 'GYUR, GSAL BA DANG MI GSAL BA DAG NI THA DAD PA'I PHYIR RO, ,DE'I NGO BOR ZHES BYA BA NI MI GSAL BA YANG GSAL BA DE'I NGO BOR RTOGS PA'I PHYIR DE ZHES BYA BA DE'I RANG BZHIN DU RTOGS PA DE GSAL BA DANG MI GSAL BA DE RANG BZHIN THA DAD PA LAS JI LTAR BDEN PAR 'GYUR TE, 'ON KYANG 'KHRUL PA KHO NAR 'GYUR RO, ,'DI NYID BRJOD PA NI GSAL BA DANG MI GSAL BA DAG MED PAR RTOGS PAR 'GYUR BA YIN NO, ,RTOGS PA NYID THA DAD PAR 'GYUR TE DON NI MA YIN NO, ,'ON TE RTOGS PA DANG MA RTOGS PA DAG LA THA DAD PA MED DO ZHE NA, BSHAD PA GZUNG BA'I RANG BZHIN THA MI DAD PA YIN NA'O, ,MTHONG BA'I BYE BRAG NI SHES PA'I BYE BRAG GO, ,CI DON GYI RANG BZHIN SNANG BA YIN NAM 'ON TE MA YIN ZHES BYA BA'I RNAM PAR RTOG PA GANG YIN PA DE GNYIS LAS MA 'DAS PA'I PHYIR RO, ,DE ZHES BYA BA SNANG BA BZHIN NO, ,THA DAD PA ZHES BYA BA NI GSAL BA DANG MI GSAL BA'I RANG BZHIN NO, ,DE DANG BRAL BAR ZHES BYA BA NI YAN LAG PHRA MO DANG BRAL BAR ZIN PA'O, ,GZHAN DU NI ZHES BYA BA DANG BCAS PAR 'DZIN PA NA NI, GZHAN DU ZHES BYA BA YONGS SU GSAL BA'I RNAM PAR GYUR BA'O, ,GANG GI TSE SNGON PO MED PAR GZUNG BA DE'I TSE CI SNGON PO DE MI GSAL BA ZHES BYA BAR BRJOD DAM, DES NA YAN LAG PHRA MO GZHAN MA BZUNG YANG YAN LAG CAN DE'I RANG BZHIN NI 'DZIN PA NYID DO, ,DES NA GSAL BA KHO NAR 'DZIN PAR 'GYUR RO, ,DU MA NYID YIN NA ZHES BYA BA NI RDUL PHRA RAB KYI RANG BZHIN YIN NA'O, ,YAN LAG PHRA MO GZUNG BA DE DAG LAS GZHAN PA'I YAN LAG MI 'DZIN PA'I PHYIR MI GSAL BAR 'GYUR RO ZHES BYA'O, ,GAL TE RANG BZHIN

, ,YIN NA DE'I TSE DE LAS GZHAN PA MA ZHUGS MOD DE LTA NA YANG DE'I RANG BZHIN NI DE NYID DE, DE GSAL BA YIN PAS JI LTAR MI GSAL BA YIN, ,SER PO LA SOGS PA GZUNG BA NA, SNGON PO BZHIN DU 'GYUR BA NI MA YIN NO, ,'ON TE PHYI DON DE LAS YONGS SU MI GSAL BA NYID DE SKYE BA YIN NA 'DI LA BRJOD PA NI 'O NA NI ZHES PA'O, ,YONGS SU MI GSAL BAR SNANG BA DE GZHAN GYIS MA MTHONG NA NI MI GSAL BAR RTOGS PA NYID YIN TE DON NI MA YIN TE, DUNG YUL GNAS PAS MI SHES TE, RANG BZHIN SHES PA NYID CES BYA BA'I TSUL GYIS SO, ,'JIG RTEN GYI THA SNYAD KYANG DE KHO NA LTAR YIN NO ZHES BRJOD PA NI 'DI LTAR ZHES BYA'O, ,NYE BAR BTAGS PA NYID BRJOD PA NI MI GSAL BA'I ZHES BYA BA'O, ,MI GSAL BA DANG LDAN PA MTHONG BA GANG YIN PA DE DANG 'BREL PA LAS TE, RGYU DANG 'BRAS BU'I MTSAN NYID KYI 'BREL PA LAS SO, ,MTHONG BA LA ZHES BYA BA SHES PA LA NI GANG GIS DE YANG MI GSAL BA ZHES BRJOD PAR BYA BA MI GSAL BA'I MTSAN NYID KYI 'BRAS BU GZHAN YOD PA MA YIN NO, ,'ON TE MI GSAL BA'I DON DANG 'BREL PA LAS SO ZHES BRJOD NA, 'DI LA BRJOD PA'I DON NI ZHES BYA BA STE, DON NI MTHONG BA DE'I 'BRAS BU MA YIN NO, ,'ON TE YANG GAL TE MI GSAL BA'I DON 'BRAS BU MA YIN MOD DE LTA NA YANG RE ZHIG 'BREL PA TZAM ZHIG NI YOD PA YIN PAS DE NYID LAS MTHONG BA 'DI LA MI GSAL BAR BRJOD DO SNYAM NA, GAL TE MTHONG BA LA MI GSAL BA'O ZHES DE BZHIN DU BRJOD PA NI 'BREL PA LAS YIN NA, DE'I TSE MTHONG BA DE LA SNGON PO LA SOGS PA YANG BRJOD PAR BYA'O, ,DE STE BRJOD DO ZHE NA NGA'I ZHES GSUNGS SO, ,DE'I PHYIR MTHONG BA MI GSAL BA KHO NA YIN GYI NYE BAR BRTAGS PAS THA SNYAD 'DIR 'GYUR BA NI YIN NO, ,'ON TE BLO MI GSAL BA ZHES BYA BA'I THA SNYAD NI 'KHRUL PA KHO NA YIN NO SNYAM NA, RGYU MED PAR NI ZHES GSUNGS SO, , GZHAN DU ZHES BYA BA NI 'KHRUL PA NYID DU'O, ,SKABS NYID NYE BAR SDUD PA NI DES NA ZHES BYA BA'O, ,BLO'I RANG BZHIN 'DI NYID THA DAD PAS NI MA YIN NO ZHES BYA BA NI BLO'I RANG BZHIN NYID RANG GI NGO BO'I RNAM PA THA DAD PA NI MA YIN NO, ,RNAM PA 'DI ZHES BYA BA NI MI GSAL BA'O, ,GO DHA DANG RI BONG GI TSUL ZHES BYA

BA NI JI LTAR RI BONG LUS CHE BA DE BZHIN DU GO DHA'I MJUG MA YANG NGO, ,SHIN TU GSAL BAR 'GYUR RO ZHES BYA BA NI RANG GI SNA LA SOGS PAR RO, ,DON GZHAN YIN LA SGRIB PA YANG GZHAN YIN TE, DES SKYES ZIN PA'I DON DE DAG GI SNANG BA GCAD PA DES NA MTHONG NGO ZHES SEMS RTZOD PA 'DI LA 'CHAD PAR 'GYUR BA'I BAR TI KAS BTAB PA'I LAN GANG YIN PA DE BRJOD PA NI DE LTA YIN NA ZHES BYA BA LA SOGS PA'O, ,DE'I ZHES BYA BA'I DON GZHAN DE'I SNANG BA GANG YIN PA DE BSGRIBS PA'I PHYIR RO, ,MA YIN TE ZHES BYA BA LA GAL TE SGRIB PA DE NYE BAR GNAS PA'I DON GYIS RGYAB TU GNAS PA YIN NO, ,DE'I CHO GA BA LA SOGS PA YUL THA DAD PAR MTHONG BAR 'GYUR RO, ,DE NI ZHES BYA BA YUL GCIG TU RTOGS PA NI 'KHRUL BA YIN NO ZHE NA, 'DI LA BRJOD PA NI DON ZHES BYA STE, DON GYI DE KHO NA NYID MTHONG BA'I LTA BA GANG LA YOD PA RIG PA CAN LA SOGS PA RNAMS KYI LTAR NA 'KHRUL PA GA LA SRID GZHAN GYI YUL LA ZHES SMRAS TE, DNGOS PO'I RANG BZHIN GYIS SNANG BA'I MTSAN NYID KYIS 'KHRUL PA NI SRID PA MA YIN NO ZHES PHA ROL POS BSAMS PA'O, ,YUL GCIG NA MED PA'I DNGOS PO YANG GAL TE DER MTHONG NA DE'I TSE DUS GCIG NA MED PA'I DNGOS PO JI LTAR JI LTAR MTHONG BA DANG 'BREL PA MA YIN TE, MTHONG BA NYID DU 'GYUR ZHES BYA BA'I DON TO, ,'ON TE DUS DES MED PA YANG MTHONG NA 'DI LA BRJOD PA NI THAMS CAD DON THAMS CAD MTHONG BA ZHES BYA BAR 'GYUR TE, 'DAS PA DANG MA 'ONGS PA MED PA DAG KYANG MTHONG BA'I PHYIR RO, ,THAMS CAD THAMS CAD MTHONG BA NYID YIN PA DE LTAR YANG MED DO, , 'DI DAG CES BYA BA NI MED PA YANG 'GA' ZHIG MTHONG GI THAMS CAD NI MA YIN NO ZHES BYA BA'O, ,MA MTHONG BA DE NYID LAS THAMS CAD MTHONG BA SKYE BAR 'GYUR RO ZHES GZHAN GYIS KYANG GZHUNG GZUGS PAR 'GYUR RO, ,DES NA 'GA' YANG SUN DBYUNG BA'AM BSGRUB PAR MI NUS PAR 'GYUR RO ZHES BSAMS PA'O ZHES BSHAD PA NI ZHES BYA BA NI SUN 'BYIN PA 'DI NYID BRJOD PA NI ZHES BYA BA'O, ,GZHAN GYIS TE GSAL BAR MTHONG BA GANG YIN PA DE BSGRIBS PA'I PHYIR RO, ,THAG RING PO NAS DNGOS PO GSAL BA MA MTHONG BA GANG YIN PA DANG, MI GSAL BA GZHAN MTHONG BA GANG YIN PA DE LA MA MTHONG BAS BYAS PA

, ,NYID JI LTAR 'DIR YANG ZHES BYA BA DON DANG DON MA YIN PA DANG BRAL BA YANG NGO, ,LAN BTAB ZIN PA NYID DRAN PAR BYED PA NI LOG PAR BRJOD PA YANG ZHES BYA BA'O, ,MED PA NYID JI LTAR SNYAM NA RGYU ZHES SMOS SO, ,'ON TE SKYES PA BYED PA LAM YIN DUS MTSUNGS PA NYID 'DZIN PA YIN NO SNYAM NA 'GREL PA MED PA ZHES GSUNGS SO, ,YANG NA GZUNG PA NYID RANG GI RGYUS SO SOR NGES PA DE 'DRA BAR BSKYED PA YIN TE, GANG GI DE NYID KYIS 'DZIN GYI GZHAN GYIS MA YIN PAR 'GYUR RO, ,YANG NA GNYIS KA YANG NGES PAR BSKYED PA YIN TE, DES NA THAMS CAD 'DZIN PAR THAL BA YIN NO; ,DE DAG LAS ZHES BYA BA NI YUL DANG SHES PA DAG LA'O, ,DE TZAM GYIS ZHES BYA BA NI LHAN CIG BYED PA'I DNGOS PO TZAM GYIS SO, ,GZUNG BA DANG 'DZIN PA'I RGYU LAS BYUNG BA YIN NA CI ZHES BYA BA'O, ,SHES PA GNYIS NI DUS MNYAM PAR YOD PA YIN NO ZHE NA GNYIS ZHES GSUNGS SO, , DUS MNYAM PA NA YOD PA'I 'DZIN PA'I BYED PA GCIG PO DE NI DE LAS GZHAN PA'I 'DZIN PAR BYED PA DANG DUS MTSUNGS PA YIN LA, DE BZHIN DE YANG GZHAN DANG MIN PAS THUGS PA MED DO, ,DE'I TSE ZHES BYA BA NI SHES PA 'DZIN PA'I DUS NA'O, ,GNOD PAR BYED PA GZHAN YANG BRJOD PA NI DANG PO ZHES BYA BA'O, ,DE'I RANG BZHIN NI SNGAR GZUNG BAR BYA BA MA YIN PA'I RANG BZHIN NO, ,DNGOS PO DE NI SNGAR YANG GZUNG BA'I RANG BZHIN NYID DO, ,DES NA GZUNG BA NI SNGAR GYI RANG BZHIN NYID RTOGS SO SNYAM NA 'DI LA BRJOD PA NI SNGAR YANG ZHES BYA BA STE, GZUNG BA'I RANG BZHIN NI SNGAR YANG MED BA'I PHYIR RO ZHES BYA BA'I DON TO, ,SNGAR YANG GZUNG BA YIN MOD CI SKYON SNYAM NA, 'DI 'GOG PA NI MA YIN TE ZHES BYA BA'O, ,DE ZHES BYA BA GZUNG BA'I RNAM PA DUS MNYAM PAR SNANG BA'O, ,DE'I GZUNG BA'I RNAM PA DE ZHES BYA BA LA SOGS PAR SBYAR RO, ,SHES PA'I TSOGS LAS SKYES PA'I PHYIR RO ZHES DOGS SO, ,DE LTA BU YANG ZHES BYA BA SHES PA TSOGS PA SKYED PA YANG DON YIN NA DE'I TSE 'DZIN PAR BYED PA YANG DON YIN PAR 'GYUR RO, ,GZHAN DU GYUR BA ZHES BYA BA NI SNGAR YOD PA MA YIN PA'I PHYIR RO ZHE NA, 'DI LA BRJOD PA NI SNGAR YOD PA NI ZHES BYA BA STE, SNGAR YOD PA NI GZUNG BAR NUS PA MA

YIN NO, ,RTOG GO ZHE NA RTOG PA YIN NO ZHES GSUNGS SO, ,GZHAN GYI LTA BA LA ZHES BYA BA NI MOD SDE BA'I LTA BA LA'O, ,DE'I RNAM PAR NI DON GYI RNAM PAR RO, ,GAL TE DE MED NA JI LTAR SNGAR SNYAM NA RANG MA ZHES BYA BA'O, ,GAL TE RJES SU DPAG PA LAS DON RTOGS PA YIN NA DA LTAR MED SNYAM NA DON DAM PAR NI ZHES SMOS SO, ,DUS MTSUNGS PAR 'BYUNG BA NYID KYI 'DZIN PAR 'GYUR RO SNYAM NA, LHAN CIG SKYES PA'I ZHES GSUNGS SO, ,DES PHAN BTAGS PA MED PA'I PHYIR ZHES BYA BA NI, LHAN CIG SKYES PA'I DON DES SHES PA LA PHAN BTAGS PA MED PA'I PHYIR RO, ,DES ZHES BYA BA NI, DE'I RNAM PA CAN DU STE, SKYES PA'I SHES PAS SO, ,DE ZHES BYA BAR DUS MTSUNGS PAR BYUNG BA DE LTAR DE DANG POR RIG NA YANG DE'I DBANG TZAM GYIS ZHES BYA BA BYE BRAG PA DE'I DBANG TZAM GYIS YIN NO, ,SHUGS KYIS ZHES BYA BA NI RNAM PA GZHAN DU NA RIG PA MI THAD PAS SO, ,DE'I RNAM PA ZHES BYA BA DON GYI RANG BZHIN MTHA' DAG RANG GIS BDAG GIR BYED 'DZIN PAR BYED MNGON DU BYED PA'O, ,DE'I RNAM PAR MTHA' DAG RANG GIS BDAG GIR BYED PA YANG DE YIN LA, MYONG BA YIN PA STE RNAM PA DE LTA BU'I SHES PAS SO, ,'O NA DON 'DI DUS KHYAB PA 'DZIN PA MA YIN TE, DE'I TSE DUS GCIG DANG 'BREL PAR 'DZIN PA'I PHYIR DUS GCIG GI TSE 'DZIN PAS JI LTAR RTAG PA YIN, SHES PA DE LTA MA YIN PA'I PHYIR RO ZHES BYA BA NI SHES PA NI SKAD CIG MA NYID KYIS SNGA MA DANG PHYI MA'I RANG BZHIN NYID MA YIN PA'I PHYIR RO, ,GZHAN DU 'GYUR BA YIN NO ZHES BYA BA NI SGYU GNAN [?] LA RAG LAS PA'O, , RGYU NYE BAR BSGRUBS PAS NYE BAR GNAS PAR BYAS PA'I MIG LA SOGS PA GANG YIN PA DE LA DE SKAD CES BYA BA'O, ,DE RNAM PAR MA CHAD PAS ZHES BYA BA NI MIG LA SOGS PA RNAM PAR MA CHAD PAS SO, ,RNAM PAR CHAD PHA MED PAR TSAD MA SKYE PA NI MA YIN GYI 'ON KYANG RNAM PAR CHAD PA NYID LA TSAD MA YOD PA YIN NO ZHES BYA BA'I DON TO, ,SLOB DPON GYIS KYANG NI PHYOGS KYI GLANG PO'I ZHAL SNGA NAS KYANG NGO, ,DE BSHAD PA ZHES BYA BA 'DI NI TSANG MA KUN LAS BTUS PA'I 'GREL BA'I GZHUNG YIN NO, ,GAL TE 'DIR YANG YUL GYI RNAM BRJOD PAR BYED PAR MED DO SNYAM NA DER YANG ZHES GSUNGS SO, ,'DIR YUL

, ,GYI RNAM PAR BSGRUB PA'I SKABS YIN NO, ,JI LTAR SHES SHE NA RNAM PAR SHES PA ZHES GSUNGS SO, ,GAL TE RIG PAR BYA BA DANG RIG PAR BYED PA'I RNAM PA NYID KYIS TSUL GNYIS SU 'GYUR MOD, YUL GYI RNAM PAS NA MA YIN NO ZHES DA LTAR NYID BRJOD PA MA YIN NA, DE JI LTAR RNAM PAR SHES PA TSUL GNYIS PA ZHES BYA BA'I SKABS YIN PA'I PHYIR RO ZHES BRJOD CE NA DE YANG ZHES GSUNGS SO, ,DES NA YUL GYI RNAM PA NYID KYIS TSUL GNYIS YIN GZHAN DU NI MA YIN NO ZHES DGONGS PA'O, ,DE BDAG NYID KYIS NI RIG PA'I BDAG NYID KYIS SO, ,RGOL BA THAMS CAD KYI LTAR NA YANG RIG PA TZAM YIN NO ZHES 'DOD PA YIN GYI RIG PA NYID MED DO ZHES NI MA YIN NO, ,DES NA RANG RIG PA 'BA' ZHIG BSGRUB PAR RIGS SO, ,RANG GIS MYONG BA NYID DAM ZHES BYA BA 'DI NI SLOB DPON PHYOGS KYI GLANG PO'I GZHUNG STE, GZHUNG 'DIS SLOB DPON PHYOGS KYI GLANG POR RANG RIG PA BSGRUB PAR 'GYUR RO, ,PHAN TSUN ZHES BYA BA NI DON DANG SHES PA DANG DE'I SHES PA LA SOGS PA PHAN TSUN KHYAD PAR CAN DU DRAN PA GANG YIN PA DE 'DIR YANG DAG DRAN GYI SGRAS BRJOD PAR 'DOD PA YIN NO, ,SNGON PO'I RNAM PA GSAL BA SO SOR NGES PA GANG YIN PA DES NYE BAR BRGYUD PA'I DBANG GIS SO, ,MTSE MA LA SOGS PA DANG LA ZHES BYA BA NI SNGA TSOGS BRTZON 'GRUS LA SOGS PA LA'O, ,DE LA NI GCIG MTHONG BA NI DUS PHYIS KYI SNA TSOGS BRTZON 'GRUS MTHONG NGAM, CHAGS LUS BYIN YIN ZHES BYA BAR 'GYUR GYI, RNAM PAR PHYE NAS DRAN PA NI MA YIN NO DE LA ZHES BYA BA YUL ZHES BYA BA NI, 'KHRUL PA MED PA'I PHYIR TE ZHES BYA BA NI, SHES PA NYAMS SU MYONG BA'I SKABS SU'O, ,YUL YANG NYAMS SU MYONG BA DES NA YUL YANG DRAN PAR 'GYUR RO, ,RANG NYID SHES PA RANG BZHIN DU THA DAD PA MED KYANG YUL DE THA DAD PA NYID LAS THA DAD PA DRAN PA'O, ,DPE YANG 'JIG PAR BYED PA NI MTSE MA DAG KYANG ZHES BYA BA'O, ,'ON TE DRAN PA KHYAD PAR LDAN PAR SKYES PA DES NA DRAN PA MNGON SUM MA YIN PA'I PHYIR ZHES JI LTAR BRJOD SNYAM NA DPER NA ZHES BYA BA'O, ,YUL GYI DBANG GIS ZHES BYA BA NI YUL GSAL BA'I DBANG GIS SO, ,DE BZHIN DU DRAN PAR BYA BA'I RNAM PA GZHAN DU MI

'THAD PAR RTOGS PA YIN NO, ,DE YANG RNAM PA'I KHYAD PAR NYID LAS KHYAD PAR DU GYUR PA YANG RTOGS PA YIN NO, ,DE LTAR BA'I DRAN PA'I RTOG PA'I YUL GYI RNAM PA DE'O, ,DES NA DRAN PA LA SNANG BA'I RNAM PA DE DANG DE DANG LTAR BA YIN NA, JI LTAR DRAN PAR BRJOD DE YUL LA RNAM PA DE MI SNANG BA'I PHYIR RO; ,'ON TE RNAM PA DE NI YUL NYID KYI YIN LA RAG GO SNYAM NA BRJOD PA DE'I TSE MYONG BA'I STE, NYAMS SU MYONG BA'I RNAM PA CI STE MA YIN, RNAM PA'I RANG BZHIN GYI SHES PA YIN PAR KHAS LEN NA MYONG BA'I YANG YIN PAS KHAS BLANGS TE SHES PA NYID DU KHYAD PAR MED PA'I PHYIR RO ZHES BYA BA'I DON TO, , 'ON TE MYONG BA LAS DRAN PA SKYE BA MA YIN TE, 'ON KYANG DON NYID LAS SKYE BA YIN NO, ,DES NA DRAN PA RNAM PAR DAG LDAN PA YIN YANG MYONG BA NI RNAM PA DANG LDAN PA NYID MA YIN NO, ,DRAN PA RNAM PA'I KHYAD PAR NI DON DE NYID KYIS BSTAN PA'I PHYIR SNYAM NA DOGS PA BSU NAS 'DI LTAR ZHES SMOS SO, , GAL TE DON LAS DRAN PA 'BYUNG BA'I NYAMS SU MYONG BA LAS MA YIN NA DE'I TSE KHYAD PAR MED BA RGYU DE'I PHYIR NA DON KUN LA 'BYUNG BAR 'GYUR RO, ,'ON TE DON THAG RING BA LA SOGS PA KUN LA DRAN PA MI 'BYUNG NGO ZHE NA, DNGOS RNAMS RNAM ZHES BYA'O, ,GANG GI PHYIR RGYANG RING PO DANG CHOD PA LA YANG DRAN PA SKYE BA KHO NA YIN TE, DES RGYANG RING PO LA SOGS PAS SO, ,DRAN PA SKYE BA LA MI GNOD PA'I PHYIR NA DON THAMS CAD LA DRAN PA 'BYUNG BAR 'GYUR ZHES BYA BAR 'GYUR RO, ,'ON TE DON DE NYID MYONG BA LA BRTEN NAS RGYU YIN NO ZHE NA MYONG BA DE NYID RGYUR 'GYUR MOD, DE'I PHYIR MYONG BA NI DON GYI RGYU MA YIN GYI 'ON KYANG MYONG BA 'GA' ZHIG YIN NO, ,'ON TE DRAN PAS RNAM PA DANG LDAN PA'I RNAM PAR SHES PA DMIGS SU CHUG MOD, DE LTA NA YANG DE NI DE LTA BU MA YIN NO SNYAM NA, GANG ZHIG MOS PAS ZHES BYA BA'O, ,DE LAS ZHES BYA BA NI DPE LAS SO, ,DE LTA BU'I BDAG NYID CAN LA NI ZHES BYA BA NI GZUNG BA DANG 'DZIN PA'I BDAG NYID CAN LA'O, ,'O NA BLO NI RANG GI BDAG NYID KYIS RIG PAR BYA BA YIN PA'I PHYIR GSAL BAR BYA BA YIN LA, DON YANG RIG PAR BYED PAS GSAL BAR BYED PA YANG YIN NO SNYAM NA, 'DI LA SMRAS PA NI BLO DMAN GNYIS NI ZHES BYA BA'O, ,DPER NA DBANG PO DON

, ,GYIS GSAL BAR BYED PA YIN YANG RANG GI BDAG NYID RIG PA NGES PA MA YIN PA DE BZHIN DU BLO YANG YIN ZHES BYA BA'I DON DU DBANG PO NYE BAR BKOD DO, ,GAL TE ZHES BYA BA LA SOGS PAS NI PHA ROL NYID SANGS RGYAS PA'I DOGS PA BSU BA'O, ,DE YANG MA YIN TE ZHES BYA BA NI SUN 'BYIN PA'O, ,DER YANG NI BDAG LA'O, ,PHYED PHYI MA 'CHAD PA NI RDZAS GZHAN DANG ZHES BYA BA'O, ,KHYED LAN SANGS RGYAS PA'I CHA LA NI'O, ,GZHAN GYIS RTOGS PA GANG LA YOD PA MA YIN PA DE LA DE SKAD CES BRJOD DO, ,DE RTOGS PHYIR ZHES BYA BA NI DON GSAL BA'I PHYIR RO, ,MAR ME LA SOGS PA NI DE LTA MA YIN TE ZHES BYA BA NI GSAL BYED GZHAN LA LTOS PA MA YIN NO, ,'ON TE SGRON MA YANG DBANG PO GSAL BAR BYA BA YIN NO SNYAM NA DBANG PO YANG ZHES GSUNGS SO, ,DE ZHES BYA BA NI SGRON MA LA'O, ,BDE BA LA SOGS PA BDAG GIS RTOGS PA DES NA JI LTAR RIG PAR BYED PA GZHAN MED SNYAM NA, BDE STZOGS ZHES GSUNGS SO, ,PHYI ROL NYID DU ZHES BYA BA BUM PA LA SOGS PA LTAR PHYI ROL GYI YUL DU SNANG BAR 'GYUR RO, ,'PHROD PA 'DU BAS BSDUS PA'I DBANG GIS BDE BA LA SOGS PA PHYI ROL MA YIN PA NYID DU SNANG NGO ZHE NA, DE'I TSE DE NYID RANG GI RIG PA NYID DU 'GYUR RO, , SO SOR MA GRUB PA DAG LAS 'PHROD PA 'DU BA ZHES BRJOD PA YIN TE, BUM PA DANG SNAM BU DAG BZHIN NO, ,GAL TE BDAG DANG BDE BA LA SOGS PA YANG SO SO MA YIN PA GRUB NA DE'I TSE THA DAD PA MED PA'I PHYIR RANG RIG PA'I RANG BZHIN NYID DU 'GYUR TE, BDAG BZHIN NO ZHES BYA BA'I DON TO, ,'DI NI 'PHROD PA 'DU BA KHAS BLANGS NAS BRJOD PAR ZAD KYI DE YANG MED DO ZHES BRJOD PA NI 'DU BA ZHES GSUNGS SO, ,GANG LA'O SNYAM PA'I SHES PA 'JUG PA DE NYID 'DZIN PAR BYED PA YIN LA GANG DU MI 'JUG PA DE NYID NI GZUNG BA YIN NO ZHES BYA BA 'DI GNYI GA YANG MA YIN NO ZHES BRJOD PA NI, DE NI MA YIN NO ZHES BYA BA'O, ,DE YOD NA YANG ZHES BYA BA NI PA'O SNYAM PA'I RTOG PA YOD KYANG NGO, ,MA MTHONG BA NI RANG RIG PA NYID MA YIN PAR RO, ,DE BZHIN ZHES BYA BA NI NGA'O SNYAM PA'I RTOG PA DANG 'BREL BA'O, ,SNGO BSANGS LA SOGS PA LA NI NGA'O SNYAM PA'I RTOG PA MTHONG GI ,GZUGS LA SOGS PA LA NI MA YIN NO

SNYAM NA, SNGO BSANGS LA SOGS PA ZHES SMOS SO, ,'O NA BDAG GO SNYAM PA'I RTOG PA GZUGS KYI RGYU MTSAN YIN MOD SNYAM NA, GZUGS LA SOGS PA NI ZHES GSUNGS SO, ,RTOGS PA 'DI NI 'DZIN PAR BYED PA'I RGYU MTSAN LA, GANG LA NGA DKAR MO SNYAM PAR RTOGS PA NI NYE BAR BTAGS PA LAS, 'GYUR BA YIN NO ZHES BRJOD PA NI 'ON TE ZHES BYA BA'O, ,'O NA ZHES BYA BA NI GRUB PA'I MTHA'O, ,THA DAD MED PA'I PHYIR ZHES BYA BA NI, DKAR SHAM DANG GZUGS GNYIS LA THA DAD MED PA'I PHYIR RO, ,NGA'O SNYAM PA LDOG PAS ZHES BYA BA MED PAS SO, ,DE NYID CES BYA BA NI RNGO BA'O, ,RANG RIG MIN NYID KYANG ZHES BYA BA NI RTZIG PA LA SOGS PA BDAG RIG PA NYID MA YIN YANG NGO, ,DES NA RANG RIG PA MA YIN PA'I BDAG NYID DU KHYAD PAR MED KYANG JI LTAR DE GNYIS THA DAD PA DE BZHIN DU RANG RIG PA YIN YANG 'GYUR RO ZHES BYA BA'I DON TO, ,'ON TE MIG GNYIS LA SOGS PA'I 'DZIN PAR BYAD PAR 'GYUR RO, ,DES NA JI LTAR RANG RIG PAR 'GRUB SNYAM NA, MIG NI ZHES BYA BA LA SOGS MIN NI ZHES GSUNGS SO, ,DE LTA BU NYID DU ZHES BYA BA NI RANG RIG PA NYID DU'O, ,'BREL PA MI RTAG PHYIR ZHES BYA BA NI RTAG TU RTZIG PA DANG 'BREL PA NI MA YIN TE, DE NA RES 'GA' KHO NA DMIGS PA'I PHYIR RO, ,LUS NI THAMS CAD KYI RJES SU 'BREL PAR DMIGS PA DES NGAR 'DZIN PA DE NI LUS DE DANG 'BREL PAR 'GYUR BA YIN NO, ,GZHAN YANG GANG GIS NGAR 'DZIN PA MED PAS RTZIG PA RANG RIG PA NYID DU MI 'GYUR BA NGAR 'DZIN PA'I PHYIR NI RANG RIG PA MA YIN PA'AM, 'GRUB PAR 'GYUR BA MA YIN TE, GZHAN LA LTOS PA MED PAR RIG PA TZAM GYIS DE LTAR RANG RIG PA NYID DU THA DAD PA MED PA'I PHYIR RO, ,DE NI ZHES BYA BA NI RTZIG PA'O, ,DE'I RNAM PA ZHES BYA BA 'DZIN PA'I RNAM PAR RIG PA MED PA'I PHYIR RO, ,MIG LA SOGS PA LAS MA GTOGS PA'I 'DZIN PAR BYED PA GZHAN NI 'DIR CUNG ZAD DMIGS PA MA YIN NO, ,'O NA MIG LA SOGS PA 'DZIN PAR BYED PA YIN NO SNYAM NA, DE KUN ZHES GSUNGS TE, MIG LA SOGS PA'O, ,'O NA BDE BA LA SOGS PA NYID 'DZIN PAR BYED PA YIN NO SNYAM NA, DE LA ZHES GSUNGS SO, ,GZUGS LA SOGS PA DE LA MA GTOGS PA

, ,RO; ,PHA ROL GYI 'GYUR BA NYID DO ZHES SMRAS TE THA DAD PAR RO, ,CI'I PHYIR ZHE NA, 'DOD PA DANG 'DOD PA MA YIN PA THA DAD PA NA, SDUG PA DANG MI SDUG PAR SNANG GI RIM BZHIN SNANG BA'I PHYIR RO, ,MI SDUG BA LA SOGS PA'I ZHES BYA BA'O, ,DES ZHES BYA BA NI 'DZIN PAR BYED PAS SO, ,'DI LA YANG THUN MONG MA YIN PA'I PHYIR SHES PA NYID DU THAL BAR 'GYUR RO ZHES BYA BA NI SUN 'BYIN BA YAL BAR DOR NAS GZHAN BRJOD PA NI GAL TE ZHES BYA BA'O, ,'JIG RTEN NI RIG PA STE, DON GYIS GO BAS SHES PA MA YIN NO, ,JI LTA BU ZHIG CE NA, GZUGS LAS RANG BZHIN THA DAD DU'O, ,CI'I PHYIR ZHE NA, BLO DE'I RNAM PA GANG YIN PA DE NI GSAL BA'I NGO BOR MA RTOGS PA'I PHYIR RO, ,GAL TE BLO'I RANG BZHIN LUS CAN MA YIN NA, 'O NA DE'I RANG BZHIN CI 'DRA BA ZHIG YIN SNYAM NA, DE'I RANG BZHIN NI ZHES GSUNGS SO, ,GAL TE RI BONG GI RVA LA SOGS PAR 'DZIN PAR BYED PA'I RANG BZHIN DE LTAR MA RTOGS PA'I PHYIR 'DZIN PA MA YIN NO SNYAM NA BRJOD PA, BLO YANG RTOGS PA MED PA KHO NA'O, ,DES NA DE'I YANG 'DZIN PAR BYED PA MA YIN TE, RI BONG GI RVA NYID BZHIN NO, ,'ON TE NGA'I BLO YOD DO SNYAM PAR RTOGS NA, NGA'I BLO ZHES GSUNGS SO, , GZUGS LA SOGS PA LAS GZHAN PA'I RIG PA YANG YOD PA PA MA YIN TE, 'ON KYANG GZUGS LA SOGS PA'I RANG BZHIN NYID RIG PA YIN NO ZHES DGONGS PA'O, ,DE GCIG CES BYA BA 'DZIN PAR BYED PA DANG, GZUNG BAR BYA BA GCIG RTOGS PA MED PA'I PHYIR NA'O, ,GZHAN DU 'GYUR ZHES BYA BA NI GCIG MA RTOGS NA YANG GZHAN YANG MA RTOGS PAR 'GYUR RO, ,'DI NYID 'CHAD PA NI GCIG RTOGS NA ZHES BYA BA LA SOGS PA'O, ,JI LTAR NA 'DI LTAR GSAL ZHE NA, GZUGS LA SOGS PA'I ZHES BYA BA'O, ,GCIG RTOGS PAS GZHAN YANG GDON MI ZA BAR RTOGS PA'I PHYIR 'DIR THAL BAR JI LTAR 'GYUR ZHES JI LTAR DGONGS PA'O, ,'DZIN PAR BYED PA NYID CES BYA BA NI GZUNG BA NI MA YIN PA'O, ,GAL TE 'DZIN PAR BYED PA'I PHYIR DRAN PA DE'I TSE GZUNG BA YANG DRAN PA YOD PA NYID DO ZHE NA, SPYI LA NI ZHES SMOS SO, ,GAL TE ZHES RTOGS SO ZHES THA SNYAD BYED PA'I PHYIR JI LTAR RANG RIG PA

YIN NO STE, GZHAN GYIS RIG PAR BYA BA NYID DU ZHEN PA'I PHYIR RO ZHE NA, NGAS ZHES GSUNGS SO, ,BLO DE NI GZHAN GYIS 'DZIN PAR 'GYUR GYI, RANG GI NGO BOS SA RIG PA NI MA YIN NO ZHES BYA BA'I DON TO, ,YANG JI LTAR NA RIG PA SNGA MA 'GAGS SNYAM NA, DE NI ZHES GSUNGS TE BLO'O, ,GZUNG BAR BYA BA MYONG BA SNGA MA'I RANG BZHIN YANG 'GAGS PA'I PHYIR RO, ,GAL TE MYONG BA SNGA MA'I RANG BZHIN MED MOD DE LTA NA YANG DE NI NYAMS SU MYONG BA KHO NA'O SNYAM NA, RANG GI MED PA NI ZHES GSUNGS SO, ,'O NA MYONG BA GNYIS PA BDAG GI RANG BZHIN RIG PA YIN NO SNYAM NA, RANG GI RANG BZHIN YANG ZHES GSUNGS SO, ,DE NI ZHES BYA BA'I RANG GI NGO BO'O, ,'ON TE SHES PA YUL GYI RNAM PA NYID DU 'GYUR RO ZHES KHAS LEN NA DE'I RANG RIG PA NYID KHAS BLANG BAR BYA BA YIN PA DES NA MNGON BAR 'DOD PA GRUB PO, ,'ON TE YUL GYI RNAM PA NI 'DOD PA KHO NA STE, 'ON KYANG DE NI GZHAN GYIS MYONG BA YIN NO SNYAM NA, THUG BA MED PAR ZHES GSUNGS SO, ,BZLOG PA'I RNAM 'GREL GYIS BRJOD PA'I PHYIR, RANG NYID THAL BA BRJOD PA NI GAL TE ZHES BYA BA'O, ,BLO YANG SPYI'I DNGOS PO NYID DU RTOGS PA YIN NO SNYAM DU DOGS PA BSU NAS RNAM 'GREL LAS BRJOD PA'I BZLOG PA NI, BLO NI ZHES SMOS SO, ,DRAN PAS BLO 'DZIN PA NA YANG BDAG GI BA NYID KYIS NANG DU SNANG BAR 'GYUR RO, ,DE LTAR ZHES BYA BA NI PHYI ROL DU PHYOGS PAR RO, ,'DI YANG ZHES BYA BA NI BLO DE MA NGON SUM GYIS 'DZIN PA NI RANG GI NGO BO THA DAD PA'I PHYIR RO, ,DE LTAR PHYI ROL DU PHYOGS PA YIN NO ZHES JI LTAR MI 'DOD PA SUN 'BYIN PA GZHAN YANG BRJOD PA NI, THA DAD PA'I ZHES BYA BA'O, ,DE LTAR ZHES BYA BA NI 'DZIN PAR BYED PA DANG THA MI DAD PAR RO, ,YUL MTSUNGS KYANG ZHES BYA BA NI GZUGS DANG RO LA SOGS PAR RO, ,'ON TE GZUNG BA DANG 'DZIN PA 'DRES PAS RNAM PAR DBYE BA MA RTOGS PA YIN NO SNYAM NA, 'DRES PAS ZHES BYA BA'O, ,DPER NA GONG BU'I RNAM PA 'DZIN PA YIN PA BZHIN NO, ,THAMS CAD CIR YANG MI RUNG BAR 'GYUR RO ZHES BYA BA NI YUL GYI RNAM PA NYAMS SU MI MYONG NA, YUL YANG NYAMS SU MYONG BA MA YIN NO ZHES BYA BA'I DON TO, ,RANG GI TSIG LE 'UR BYAS

, ,PAS RNAM 'GREL LAS 'CHAD PA NI GAL TE ZHES BYA BA'O, ,DE'I NGO BOR YUL RNAM PAR RO, ,DE NYID CES BYA BA NI DE'I RNAM PA NYID DON MYONG BA YIN NO, ,DE'I BYA BAR RANG RIG PA'I RANG BZHIN MED NA'O, ,DON YANG RIG PAR MI 'GYUR RO, ,'ON TE RANG RIG PA MED NA JI LTAR BLO YIN NO ZHE NA, GZHAN RIG PAS ZHES SMOS SO, ,'ON TE RIG PA BLO'I MTSAN NYID YIN PA DES NA JI LTAR DE MED PAR DER 'GYUR SNYAM NA, DON GYI ZHES GSUNGS SO, ,BDAG KYANG ZHES BYA BA NI GRANGS CAN GYI 'DOD PA'O, ,DE NI RANG RIG PA YIN GYI BLO'I RANG BZHIN MA YIN NO, ,DES NA BDAG NYID RIG PA NI BLO'I MTSAN NYID MA YIN TE 'KHRUL BA'I PHYIR RO, ,GZHAN GYIS ZHES BYA BA NI GZHAN DANG 'DRA BA'I RNAM PAS SO, ,DE'I TSE YANG ZHES BYA BA NI DE'I RNAM PA TZAM YIN NA'O, ,DE NYID BRJOD PA NI DE'I RNAM PA TZAM GYI ZHES BYA BA'O, ,'ON TE 'DU BA'I 'GREL PA'AM GZHAN GYIS BDAG RTAG PA'AM KHYAB PA LA GNAS PA GANG YIN PA DE NYID BLO YIN PA DES NA YUL GYI RNAM PA DES KYANG GZHAN NI BLO NYID MA YIN TE, BDAG LA GNAS PA NYID MED PA'I PHYIR RO ZHE NA, 'DI LA BRJOD PA NI DE YANG MI RUNG STE ZHES BYA BA'O, ,GANG GI TSE RTZOL BA GCIG LA RTZOL BA GZHAN SKYES PA DE'I TSE RTZOL BA GNYIS PHAN TSUN BLO NYID DU 'GYUR RO, ,BDAG LA GNAS PA'ANG JI LTAR RIG CING RTOGS TE, BDAG NYID MI RTOGS PA'I PHYIR RO ZHES DGONGS PA'O, ,CI STE THA DAD PAR MA RTOGS NA DE'I BDAG NYID KYANG BLO GNYIS LAS THA DAD PAR RTOGS PAR 'GYUR TE DE LTAR MA YIN TE, RTEN GYI THA DAD PAR MI RTOGS NA BRTEN PA MI RTOGS PA'I PHYIR RO, , GTAN TSIGS DES 'DI GSUM ZHES BYA BA BLO GNYIS DANG BDAG DE GSUM MO, ,'DI NYID GSAL BAR BYED PA NI BDAG MA RTOGS PAR NI ZHES BYA BA'O, ,GZUGS LA SOGS PA ZHES BYA BA NI BUM PA LA SOGS PA'O, ,DES NA JI LTAR BDAG MA RTOGS NA DE'I TSE GZUGS LA SOGS PA YANG DE LA BRTEN PA NYID DU RTOGS PAR 'GYUR RO, ,DE LAS ZHES BYA BA BLO LAS THA DAD PAR RO, ,GANG GI PHYIR BYED PA PO MED PA'I PHYIR BYA BA MI SRID PA DES NA, GDON MI ZA BAR BDAG YOD DGOS LA BYED PA PO YANG BDAG YIN NO ZHES BSAMS PA'O, ,MIG LA SOGS PA ZHES BYA BA NI GRUB PA'I MTHA' BA'I'O, ,DE

DAG GI ZHES BYA BA NI DOGS PA STE DMIGS PA RNAMS KYI'O, ,LEN NI BYED PA ZHES BYA BA'O, ,GAL TE MIG LA SOGS PA NYID BYED PA PO YIN NA JI LTAR BYED PA YIN, DE NYID BYED PA PO DANG BYA BA YANG 'THAD PA NI MA YIN NO ZHE NA DE DAG CES BYA BA'O, ,BYED PA PO BDAG GZHAN MED PAR MIG LA SOGS PA DE DAG BYED PAR MI 'GYUR BA MA YIN TE, BYED PA PO DANG BYED PA'I DNGOS PO NI BRTAGS PA YIN PA'I PHYIR GCIG NYID BYED PA PO DANG BYED PAR YANG 'GYUR BA YIN NO, ,DE NYID KYI PHYIR ZHES BYA BA NI RANG GI BLO NUS KYI NANG DU CHUD PA'I PHYIR RO, ,GZHAN DU ZHES BYA BA NI NANG DU PHYOGS PAR SNANG BA NYID DU'O, , 'DI LA BRJOD PA NI 'O NA ZHES BYA BA'O, ,SKABS NYE BAR SDUD PA NI DES NA ZHES BYA BA'O, ,DE LA NI ZHES BYA BA GZHAN GYI LAN DE LA NI'O, ,DE DAG KYANG ZHES BYA BA PHAN TSUN 'DRA BA'I DON DE DAG KYANG NGO, ,'O NA SNGAR DON RNAMS RIG PAR THAL BAR BRJOD KYI BLOR THAL BA NI MA YIN NO ZHES DOGS NA MYONG BAR THAL LO ZHES BYA BA STE, RANG RIG PAR THAL LO ZHES BRJOD BA'I SANGS RGYAS PA GANG YIN PA DE NYID KYIS 'DRA BA DE DAG NYID DU THAL LO ZHES BRJOD BA YIN NO, ,DE LA ZHES BYA BA SANGS RGYAS PAS BLOR THAL BA BSGRUB PA LA DE NYID CES BYA BA BLO NYID YIN PAR 'DRA BA NYID LAN DU JI LTAR 'GYUR, KHYAD PAR MED PA NYID STON PA NI GANG GI PHYIR ZHES BYA BA'O, ,DE LAS ZHES BYA BA NI MYONG BA LAS KHYAD PAR GZHAN BRJOD PAR BYA BA YIN LA, KHYAD PAR DE YANG 'DRA BA LAS KYANG GZHAN YIN PAR BRJOD PAR BYA'O, ,DE LTAR MA YIN NA BUM PA LA SOGS BA MTSUNGS PA YANG RIG PAR THAL BA'I PHYIR RO, ,THAL BA 'DIR MI 'GYUR TE 'DZIN PAR BYED PA MA YIN PA'I PHYIR RO ZHE NA, 'DI LA BRJOD PA NI GAL TE ZHES BYA BA'O, ,'DZIN PAR BYED PA NYID 'GA' ZHIG RNAM PAR GNAS PA YIN NA, 'DZIN BAR BYED PA 'DI LAS ZLOG PA NI 'DZIN PAR BYED BAM YIN PAR GNAS PA ZHIG NI DE NYID CES BYA BA 'DZIN PAR BYED BA NYID NI GNAS PA MED DO, ,DER ZHES BYA BA TSAD MA CAN MA YIN PA GZUGS LA SOGS PA LAS THA DAD PAR RTOGS NA'O, ,CI'I DON DU ZHES BYA BA NI GAL TE 'DRA BA BLO'I MTSAN NYID MA YIN NA'O, ,'DI LA BRJOD PA NI DES ZHES BYA BA STE, SHES PAS BYAS PA'I MYONG BA GANG YIN PA DE SNGON PO DANG SENG BO

, ,LA SOGS PA'I YUL CAN DU NGES BA'I RGYU ZHES BYA BA RNAM PAR 'JOG PAR BYED PA NYID YIN PA DE'I PHYIR 'DRA BA DE TSAD MAR 'DOD PA YIN NO, ,'DI NI ZHES BYA BA RANG RIG PA DANG 'DRA BA DAG THA MI DAD PA ZHES BYA BA BDEN MOD KYI'O, ,'DIS NI ZHES BYA BA NI 'DRA BAS SO, ,GZHAN GYIS NI ZHES BYA BA NI TSUL LUGS GZHAN GYIS SO, ,'ON TE RANG GI NGO BO RIG PA'I SGO NYID NAS PHYI'I DON CI STE RNAM PAR MI GZHAG SNYAM NA, RE ZHIG CES SMOS SO, ,DE LTAR MA YIN PAR ZHES BYA BA NI 'DRA BA MED PAR RO, ,GZHAN RIG NA JI LTAR GZHAN RIG PAR 'GYUR ZHE NA, 'DI LTAR ZHES BYA BA LA SOGS PA'O, ,GZHAN RIG PA NI GANG GI TSE 'DI BDAG GIS RTOGS SO ZHES BYA BA'I THA SNYAD 'JUG PA YIN NO, ,DE'I NGO BO NI DE DANG 'DRA BA'O, ,DPER NA TZI TRA AANG GA DANG SNA TSOGS BRTZON 'GRUS LAS GANG YANG RUNG BA ZHIG MTHONG BA NI GZHAN LA BDAG GIS RIG GO ZHES BYA BAR THA SNYAD BYED PA DE BZHIN DU RANG GI NGO BOR GYUR BA'I SNGON PO LA SOGS PA RIG PA NA SNGON PO LA SOGS PA THA SNYAD BYED PA YIN NO, ,DE'I MTSAN NYID CES BYA BA NI DE DANG 'DRA BA GZHAN RIG PA NA'O, ,DE LA ZHES BYA BA PHYI ROL DON LA'O, ,DE LA ZHES BYA BA NI RANG GI NGO BO SNGON PO LAS GZHAN PA'I SNGON PO DE ZHES BYA BA GSAL BZHIN PA'I SNGON PO'O, ,'DI NYID KYIS ZHES BYA BA NI SNGON PO DANG RIG PA GNYIS KYIS SO, ,GAL TE PHYI DON DU SMRA BA LA SNGON PO THA DAD PAR RIG PA YANG JI LTAR SNYAM NA, SNGON PO LA SOGS PA LKOG TU ZHES GSUNGS SO, ,DE'I ZHES BYA BA NI RANG GI RANG BZHIN DU GYUR PA'I SNGON PO LA SOGS PAR RIG PA LAS SO, ,'DRA BA DON MED PAR BYA BA'I PHYIR 'DRI BA NI GAL TE ZHES BYA BA'O, ,GAL TE 'DRA BA MED KYANG RANG RIG PAR 'GYUR NA, DE'I TSE DE LTAR GYUR PA ZHIG NA, 'ON KYANG GANG LA YANG RANG RIG PA YOD PA DE LA NI, 'DRA BA DE RANG YOD PA DES NA 'DRA BA LAS RIG PA YIN NO ZHES BRJOD PA DES NA 'DRA BAS CI BYA ZHES CI STE BRJOD SNYAM NA 'DI LA BRJOD PA NI, DE NI YOD PA MA YIN NO ZHES BYA BA'O, ,'DRA BA MED NA RANG RIG PA DES DON RIG PAR MI 'GYUR RO, ,DES NA 'DRA BA NYID LA RIG PAR BRJOD BA YIN ZHE NA, 'DI LA BRJOD PA NI DE YANG ZHES BYA BA'O, ,'ON SHES PA NYID KYIS KHYAD

PAR 'PHAGS PA DES NA DON NYID DU MI 'GYUR RO SNYAM NA SHES PA NYID KYIS ZHES GSUNGS SO, ,SNGON PO MTHA' DAG CES BYA BA NI YUL DANG DUS GZHAN NA GNAS PA'I SNGON PO YANG RIG PAR 'GYUR TE, RTOGS PA'I RANG BZHIN MA RTOGS PA'I RANG BZHIN GYIS MTSUNGS PA'I PHYIR RO, ,'O NA JI LTAR RIG PAR 'GYUR SNYAM NA DE'I RANG BZHIN ZHES SMOS SO, ,'DRA BA DE LAS SKYES PA DAG KHO NAS RIG PAR BYED PA THA SNYAD BYED PA YIN NO ZHES BYA BA 'DI YANG YOD PA MA YIN TE, GZHAN YANG MTHONG BA'I PHYIR RO, ,DE NYID BRJOD PA NI MTSE MA DAG CES BYA BA'O, ,SHES PA PHYI MA RTOGS PA'I RANG BZHIN GYIS NI SHES PA SNGA MA DANG MTSUNGS PA YIN TE, DE LTAR NA YANG NYAMS SU MYONG BA YANG RIG BAR THAL LO, ,JI LTAR SNGON PO LA SOGS PA NYE BAR 'JOG PAR BYED PA CAN YIN PA DE BZHIN DU MYONG BA YANG NYE BAR 'JOG PAR BYED PA CAN DU BRTAG PAR BYA BA YIN NO, ,DES NA NYAMS SU MYONG BA'I 'DOD PA NYID PA DES NA JI LTAR THAL BA YIN SNYAM NA, DE YANG MA YIN TE ZHES BYA BA'O, ,DE DANG 'DRA BAR SNGON PO LA SOGS PA LA YANG NYE BAR 'JOG PAR BYED PA THA DAD PA BRTAGS PA NI RIG PA DANG LDAN PA MA YIN NO, ,NYAMS SU MYONG BA NYID NYE BAR 'JOG PAR BYED PAR BRTAGS PAS CHOG MOD, DON BRTAGS PAS CI BYA ZHES DGONGS PA'O, ,DE LA ZHES BYA BA SKRA SHAD LA SOGS PAR SNANG BA'O, ,THAMS CAD DU ZHES BYA BA NI KA BA LA SOGS PAR SNANG BA LA YANG NGO, ,DE BZHIN DU PHYI'I DON MED PAR KA BA LA SOGS PA'I SHES PA 'DI SKYES PA YIN TE, SKRA SHAD LA SOGS PAR SNANG BA DANG MTSUNGS PA'I PHYIR DANG MI SLU BA LA SOGS PA YANG SUN PHYUNG BA'I PHYIR RO, ,'O NA 'GAL BA MI 'KHRUL BA CAN DE SONG STE, SNGAR GYI KA BA LA SOGS PA'I SHES PA DANG 'DRA BA'I PHYIR DMIGS PA DANG BCAS PA YIN LA SKRA SHAD DU SNANG BA DANG 'DRA BA'I PHYIR NI DMIGS PA MED PA YIN PAR 'GYUR BA'I PHYIR RO SNYAM NA, 'GAL BA ZHES GSUNGS SO, ,'BREL PA GZUNG BA MED PA NYID CI'I PHYIR ZHE NA, DON NI ZHES GSUNGS SO, ,'O NA NYAMS SU MYONG BA LA YANG NYE BAR 'JOG PAR BYED PA JI LTAR RTOG STE, DE YANG MA MTHONG BA'I PHYIR RO SNYAM NA MTHONG BA SNGA MA NI ZHES GSUNGS SO, ,'ON TE DON YANG SNGAR GYI KA BA LA SOGS PA'I

, ,SHES PAS DMIGS PA MA YIN NAM, DES NA DE YANG BRTAG GO ZHE NA, DON ZHES GSUNGS SO, ,RNAM PA GZHAN YIN NA ZHES BYA BA NI GANG GI TSE SNGON PO'I RNAM PAR SHES PA'I RJES THOGS SU SNGON PO'I RNAM PAR SHES PA SKYES PA DE'I TSE RE ZHIG 'DI 'GYUR MOD, GANG GI SER POR SHES PA DE SKYE BA DE'I TSE NYE BAR 'JOG PA GANG YIN ZHE NA, 'DI 'GOG PA NI MA YIN TE ZHES BYA BA'O, ,'DIS NI 'DIR BAR DU CHOD PA NYID KYIS SNGON PO'I SHES PA NYE BAR 'JOG PAR BYED PA YIN NO ZHES BSTAN TO, ,JI LTAR 'JIG RTEN DON MYONG BAR 'GYUR ZHES NGES PA DE BZHIN DU NYAMS SU MYONG BA NYAMS SU MYONG NGO ZHES NGES PA DE NI MA YIN NO, ,DE'I PHYIR 'BRAS BU NGES PA MA MTHONG BA'I PHYIR MYONG BA NYAMS SU MYONG BA NI MA YIN NO, ,DE LTAR ZHES BYA BA NI MYONG BA YANG NGES BAR 'GYUR RO, ,LA LAR ZHES BYA BA SMIG RGYU LA SOGS PA NYAMS SU MYONG BA LA YANG CHU LA SOGS PA'I RANG BZHIN DU 'KHRUL BA MTHONG BA'I PHYIR RO, ,DES NA SHES PA NYAMS SU MYONG BA YANG 'KHRUL BAS NGES PAR MI 'GYUR BAS JI LTAR NA NGES PA MED PAS MYONG BA MED PAR 'GRUB CES BYA BA'I DON TO, ,DE'I PHYIR ZHES BYA BA NI SMIG RGYU LA SOGS PA'I DON MYONG BA YOD KYANG NGES PA MED PA DANG RMI LAM LA SOGS PAR DON DE MED KYANG YOD PA'I PHYIR RO, ,DE KHO NA ZHES BYA BA DON NYAMS SU MYONG BAR GNAS, 'ON TE 'DI NI NYAMS SU MYONG BA YIN NO ZHES BYA BAR YANG JI LTAR RNAM PAR GZHAG PAR BYA BA STE, NGES PA MED PA'I PHYIR RO ZHE NA, NYAMS SU MYONG BA ZHES GSUNGS SO ,'ON TE NGES PA MED PA NYID KYIS NYAMS SU MYONG BA NI MED DO ZHES NGES PAR BYED NA, 'DI LA BRJOD PA NI RGYU ZHES SMRA BA'O, ,MYONG BA MED BAR ZHAS BYA BA NI MYONG BA SNGA MA'I MYONG BA GANG YIN PA DE MED PAR RO, ,DE LTAR NA ZHES BYA BA NI NGES PA MED PAS NA'O, ,MYONG BA'I RANG BZHIN NI SNANG BA MA YIN TE, DES 'DI LA BRTAG PA CI YOD SNYAM NA; DON YOD PA TZAM NI ZHES SMOS SO, ,GAL TE MTHONG BA DE LHAG PA NYID DU 'GYUR MOD, DE LTAR NA YANG GZHAN SNANG BA NI MA YIN NO SNYAM NA, GAL TE ZHES SMOS SO, ,DE NI ZHES BYA BA NI RIG PA'I RANG BZHIN GSAL BA ZHES BYA BAR GRAGS PAR DON MTHONG BA NI'O, ,DKAR PO LA SOS PA MNGON PAR

GSAL BA'I SGRAS CI ZHIG BRJOD PAR BYA SNYAM NA, KHYED KYIS ZHES SMOS TE, BRAM ZE DANG RIGS PA CAN LA SOGS PAS 'DOD PA SHES PA PHYI MA DON GYIS GO BA LA SOGS PA'I SGRAS BYED CAN NO, ,LAS NYID LA RNAM PAR BRTAG PA BYAS NAS SUN 'BYIN PA NI GAL TE ZHES BYA BA'O, ,GAL TE DON TZAM LAS LHAG PA LAS YIN NA DE YANG RTOGS PA YIN NO, ,LAS DE LA YANG RTOGS PA GZHAN YOD PAR 'GYUR LA, RTOGS PA DES YANG LAS GZHAN YOD PAR 'GYUR RO, ,DE LAS RTOGS PA MIN PA'I PHYIR THUG PA MED DO, ,JI LTAR SGRON MA LA SOGS PA LAS MA DANG SU GSAL BA YIN PA DE BZHIN DU DON GYIS GSAL BA NI DE 'DRA BA MA YIN NO, ,GAL TE NGE ZHES BYA BA NI, SHES PA'I RANG BZHIN GYIS GSAL BA'O, ,THAMS CAD GSAL BAR THAL BA NI RANG GI NGO BO TZAM YOD PA'I PHYIR RO, ,RANG GI NGO BO'I KHYAD PAR GSAL BA YIN GYI RANG GI NGO BO TZAM NI MA YIN NO, ,KHYAD PAR DE YANG THAMS CAD LA MED PA DES NA THAMS CAD GSAL BA MA YIN NO ZHE NA, 'DI LA BRJOD PA NI SHES PA GZHAN ZHES BYA BA'O, ,DE LTA BU NYID CES BYA BA SHES PA GZHAN KHO NAS RANG GI NGO BO'I KHYAD PAR GSAL BAR BYED DO ZHES BYA BA'I DON TO, ,'DI LA BRJOD PA NI 'DI ZHES BYA BA'O, ,RGYU GANG ZHES GSAL BA GNYIS PA GZHAN DA MI RTOGS PA DE'I PHYIR GSAL BA SNGA MA'I RANG GI NGO BO NYID GSAL BAR KHAS BLANG BAR BYA'O, ,'ON TE GSAL BA GNYIS GZHAN KHO NAS GSAL BA DANG PO'I RANG GI NGO BO GSAL BAR BYED NA DE'I TSE GSAL BA DANG PO'I RANG GI NGO BO DE YANG GZHAN GSAL BA PHA ROL PO GNYIS PAS GSAL BA YIN NA, GSAL BA GNYIS PA GZHAN DE YANG MI RTOGS PA'I PHYIR, DER GZHAN KHAS BLANG DGOS PA THUG PA MED DO, ,MA RTOGS PA ZHES BYA BA GSAL BA MA YIN PA LAS BZLOG PA'I RANG BZHIN DU'O, ,DE LTA YIN NA ZHES BYA BA GSAL BA MA YIN PA LAS BZLOG PAR RTOGS PAR KHAS LEN NA'O, ,'O NA DE DAG GIS JI LTAR 'DOD CE NA, KHYED NI ZHES GSUNGS SO, ,JI LTAR ZHES BYA BA 'JIG RTEN GYI THA SNYAD TZAM DU DON RTOGS PA YIN NO ZHES BYA BA'O, ,THA SNYAD YIN GYI DANG DAM PAR NI MA YIN PA NI DE LTAR NI BSHAD ZIN TO, ,DES NA KHYED KYI LTA BA LA DON 'DE MTHONG NGO SNYAM PA 'DI JA LTAR

, ,ZHES NGED KYIS DRIS PA DE NI RIGS PA KHO NA'O, ,GAL TE KHYED LA YANG DON MED BA'I PHYIR NA DON 'DI MTHONG NGO ZHES JI LTAR NGES SHE NA, NGED KYI LTAR NA ZHES GSUNGS SO, ,'DI'I ZHES BYA BA SHES PA'I DE LTA BUR GYUR PA STE DON DANG 'DRA BA'O, ,'DIS NI BA ROL BOS 'DRA BA LA NI LOG PAR RTOGS PA MA YIN, 'ON KYANG RANG RIG PA LA'O ZHES BSTAN PA YIN NO, ,DE LAS GZHAN GYIS ZHES BYA BA NI DBYIG PA DANG SKYES BU DAG LAS THA DAD PA'I RIG PAS SO, ,DE LTA BUR GYUR PA ZHES BYA BA NI DBUGS DANG BCAS PA'I SKYES BU'O, ,'DI NYID LAS GZHAN GYIS BSAM PA BRJOD PAS GSUNGS PA NI, RANG RIG PAS NI ZHES BYA BA'O, ,'DI LA BRJOD PA NI KHYED KYI ZHES BYA BA'O, ,DE LTA BUR GYUR PA ZHES BYA BA NI, KHYAD PAR DANG KHYAD PAR CAN GYI RNAM PA'O, ,DON DE LTA BUR GYUR PA ZHES BYA BA NI, KHYAD PAR DANG KHYAD PAR CAN DU GYUR PA'O, ,'ON TE DE'I ZHES BYA BA DON DANG 'DRA BA'I RANG BZHIN NO, ,GZHAN GYIS ZHES BYA BA NI, SHES PA GNYIS PAS DON DANG 'DRA BA'I SHES PA DE'I RANG BZHIN DU DON DANG 'DRA BA'I MTSUNGS PA'I RNAM PA CAN GYI SHES PA DANG RNAM PA MTSUNGS PAR RO, ,'DI LA BRJOD PA NI 'O NA ZHES BYA BA'O, ,RE ZHIG DANG PO NI MTHONG BA NI KHYAD PAR MED PA NI DON NYID RTOGS PA YIN TE, MTHONG BA MA RTOGS PA'I PHYIR RO, ,GZHAN GYIS NI SHES PA GNYIS PAS SO, ,CI LTAR RTOGS ZHES BYA BA NI GCIG 'KHRUL BAR THAL BA'I PHYIR RO ZHES BYA BA'I DON TO, ,'ON TE GCIG GI TSE NYID MTHONG BA'I KHYAD BAR CAN DANG, KHYAD PAR MED PA RTOGS PA DE'I TSE NYES PA 'DIR 'GYUR BA ZHIG NA, 'ON KYANG DANG PO NI KHYAD PAR MED PAR RTOGS LA PHYIS NI KHYAD PAR CAN DU YIN TE, DPER NA DANG BO'I SKYES BU'I DBYIG PAS KHYAD PAR DU MA BYAS PAR RTOGS LA, PHYIS NI DES KHYAD PAR DU BYAS 'DZIN BZHIN NO, ,DES NYES PA CI YOD DU BSAMS NAS PHA ROL PO BRJOD PA NI 'ON TE PHYIS ZHES BYA BA'O, ,SUN 'BYIN PA NI DE YANG ZHES BYA BA'O, ,SHES PA DANG PO DE NI PHYIS SEMS GZHAN GYIS DON GYI RIG PA YIN NA, SEMS DANG PO DE DON GYI RNAM PA NYID YIN MOD, GZHAL BYA DON GYI KHYAD PAR CAN NYID NI MA YIN NO, ,MTHONG BA DES NI DON DA RANG GIS KHYAD PAR DU BYAS

PA NYID DU NI RIG PA MA YIN NO, ,DE LTAR 'GYUR MOD CI SKYON SNYAM NA, DE LTA MIN PA ZHES GSUNGS SO, ,GZHAN NI SHES PA GNYIS PA'I DUS NA'O, ,DE'I TSE 'DIR BDEN BA GANG YIN PA DE 'GA' YANG MA YIN NO, ,'BA' ZHIG DANG 'BA' ZHIG PA NYID DU GYUR BA'I DON DANG SHES PA DAG NI'O, , DON RTOGS PA'I DUS SU NI, DE'I SHES PA RTOGS PA MED PA'I PHYIR LA, SHES PA RTOGS PA MED PA'I DUS NA YANG DON MA YIN PA'I PHYIR RO, ,DE'I SHES PA'I DUS NA DON SGRO BTAGS NAS DE LTAR RTOGS PA YIN NO ZHE NA, DE SGRO 'DOGS NA NI ZHES GSUNGS SO, ,DE'I RNAM PA DE NI SHES PA TZAM NYID YIN GYI DON NI MA YIN TE, SGRO BTAGS PA TZAM GYIS NI DON DU 'GYUR BA MI SRID DO, ,DE LA YANG ZHES BYA BA NI DON SHES PA LA'O, ,DER ZHES BYA BA RNAM PA GANG LA DON DU SGRO BTAGS PA DE MI SRID BA'I PHYIR RO, ,DON RTOG PA NI MTHONG BA MA YIN NAM ZHES PA'O, ,'DI NYID RNAM PAR 'GREL PA NI KA BA LA SOGS PA NI ZHES BYA BA'O, LAN DE GANG YIN SNYAM NA GAL TE ZHES BYA BA'O, ,DKAR PO LA SOGS PA'I MTHONG BA NA 'DI RIG PA GANG YIN PA DE GAL TE KHYED KYIS 'DOD PA'I MNGON PAR GSAL BA LAS, RANG BZHIN GZHAN YIN NA, DE'I TSE DKAR PO LA SOGS PA GSAL BAR MI 'GYUR RO, ,GAL TE GANG GIS 'DI SKAD BRJOD PA SNANG BZHIN PA'I RANG BZHIN MI GSAL BAR SUS KHAS BLANGS SHE NA, GZHAN GYIS BRJOD BA'I ZHES SMOS TE, SNANG BZHIN PA'I RANG BZHIN NI RANG GI NGO BOS GSAL BA MA YIN NO ZHES BYA BA 'DI'I DON TE, SNGON PO LA SOGS PA GZUNG BA'I RNAM PA GSAL BA GANG YIN PA 'DI BLO'I NANG DU ZHUGS PA BLO DE LKOG TU GYUR PA YIN NA, SNGON PO LA SOGS PA SNANG YANG LKOG TU 'GYUR TE, LKOG TU GYUR PA'I RANG BZHIN GYI BLO LAS THA MI DAD PA'I PHYIR RO, ,GANG GI PHYIR GZHAN GYIS BRJOD PA'I DON 'DI YIN PA DES NA'O, ,SNANG BZHIN PA'I SNGON PO LA SOGS PA LKOG TU GYUR MOD, CI SKYONGS SNYAM NA DE LTA YIN DANG ZHES SMOS SO, ,JI LTAR YIN DANG DE BZHIN DU LKOG TU 'GYUR ZHE NA, RJES SU DPAG PA LAS YANG ZHES SMOS SO, GSAL BAR SNANG BA LKOG TU GYUR BA DE NI MNGON SUM LA YANG YOD DE,

, ,DES NA DON LKOG TU GYUR PA KHO NAR 'GYUR RO, ,'ON TE RJES SU DPAG PA LA RE ZHIG DON RTOGS PA NI YOD PA NYID DO, ,DE DANG 'DRA BAR MNGON SUM YANG 'GYUR RO, ,DES NA LKOG TU GYUR PA YIN YANG CI CHAD SNYAM NA, GAL TE ZHES BYA BA'O, ,RIG PA DE NYID BRJOD PA NI, GAL TE RANG GI ZHES BYA BA'O, ,RANG GI CHA STE RANG BZHIN MI RIG NA, BLOS RANG GI DMIGS PAR BYA BA'I DON DANG, BDAG NYID KYANG MI RIG PAR 'GYUR RO, ,DMIGS PA'I KHYAD PAR BRJOD PA NI, GZUGS LA SOGS PA'I YUL CAN YIN NO ZHES BYA BAR TE, YUL CAN GYI BDE BA PHAN TSUN THA DAD PA KHO NA'O, ,GOMS PA'I KHYAD PAR BRJOD PA NI, DE BZHIN DU ZHES BYA BA LA SOGS PA'O, ,'ON TE YUL LA SOGS PAS BSKYED PA NI YIN PA RNAM PAR SHES PA'ANG MA YIN PA'I PHYIR 'GAL BA CI YOD SNYAM NA, GAL TE ZHES BYA BA'O, ,DE LA ZHES BYA BA NI YUL LA'O, ,RNAM PAR SHES PA'I TSOGS PAS BSKYED PA'I RNAM PAR SHES PA NYID YIN PA'I PHYIR TE, RNAM PAR SHES PA GZHAN BZHIN NO ZHES BYA BA'I DON TO, ,'DI DAG CES BYA BA NI RNAM PAR SHES PA'I RANG BZHIN CAN GYI BDE BA LA SOGS PA RNAMS SO, ,GAL TE 'DZIN PAR BYED PA GZHAN DMIGS PA MED KYANG DE DAG CI LTAR RANG RIG PA NYID YIN SNYAM NA, 'DZIN PAR BYED PA RTOGS PA MED PA NA MNGON SUM DU GYUR PA GANG YIN PA DE NYID RANG RIG PA ZHES BRJOD PA YIN NO, ,DE LTAR MNGON SUM DU GYUR PA NI 'DOD CHAGS LA SOGS PA LA YANG YOD PAS JI LTAR RANG RIG PA MA YIN 'DI DAG CES BYA BA NI BDE BA DANG CHAGS PA LA SOGS PA'O, ,GZHAN GYI RGYU LA YOD PA'I SHES PAS KYANG BDE BA LA SOGS PA GZUNG BA NYID DU RIG PAR 'GYUR LA, RANG GI RGYUD LA YOD PAS KYANG DE BZHIN DU YIN PAS KHYAD PAR 'GA' YANG MED DO, ,'DI LA DPE BRJOD PA NI GZHAN GYI ME ZHES BYA BA'O, , GZHAN GYI LA CI DER ZHES BYA BA SIM PAR BYED PA NYID DU 'GYUR RAM, 'O NA YID DGE BA LA GZHAN GYI TZANDAN JI LTAR 'GYUR ZHE NA, DE NI ZHES SMOS SO, ,'DIR RE ZHIG YID DGE BA MA YIN PA LA NI, GZHAN GYI TZANDAN GYIS BDE BA NYID BSKYED PA DES NA, DE LA TSUL JI LTAR ZHES SMOS SO, ,'DI LA PHA

ROL PO'I LAN NI YID DGE BA MA YIN PA DE LA NI, GZHAN GYIS TZANDAN LA BRTEN NAS RANG GI BDE BA SKYES PA YIN NO, ,DE BZHIN DU GZHAN GYI BDE BA RIG PA NA GANG GI TSE BDE BA RIG PAR 'GYUR BA DE'I TSE NA BDE BA DE BDAG NYID KHO NA'I SKYES PA YIN GYI, GZHAN GYI BDE BAS BDE BA NI MA YIN NO ZHE NA, 'DI LA GRUB PA'I MTHA' PAS GSUNGS PA NI, GANG GI TSE GZHAN GYI BDE BA TSOR YANG RANG GI BDE BA MA SKYES PA DE'I TSE YANG GZHAN GYI BDE BA RIG PAR BYED PA SKYES BU DE'I CI STE BAR GNAS PA MA YIN, DE LTAR BRTZAD PA LA GZHAN GYIS SMRAS PA, RANG GI BDE BAS BDE'I GZHAN GYI BDE BAS NI MA YIN TE; DES NA GZHAN GYI BDE BA RIG PA NA RANG GI BDE BA SKYE BA YIN PAS NA, DE'I TSE BDE BAR 'GYUR BA MA YIN NO ZHE NA, 'DI LA BRJOD PA NI MA YIN ZHES BYA BA'O, ,RANG GI BDE BA CI 'DRA BA GZHAN GYI YANG DE 'DRA BA KHO NA YIN TE, DES NA DE DAG GI RANG BZHIN RNAM PAR DBYER MED DO, ,GNYI GA YANG TSIM PAR BYED PA'I RANG BZHIN YIN PA'I PHYIR RO, ,DES NA JI LTAR RANG GI BDE BAS BDE BA BZHIN DU GZHAN GYI BDE BAS KYANG 'GYUR RO, ,GZHAN GYI BDE BAR RING BA'I PHYIR, DES BDE BA NYID DU MI 'GYUR RO ZHE NA 'DI LA BRJOD PA NI, DE'I RANG BZHIN NYID RIG NA ZHES BYA BA STE, BDE BA'I RANG GI NGO BO RIG NA RING BA NYID YOD PA MA YIN NO ZHES BYA BA'I DON TO, ,GAL TE GZHAN GYIS BDE BA LAS RGYUD GZHAN LA SHES PAS GNAS PA'I SHES BSAM RAG PA DE'I PHYIR BDE BAR MI 'GYUR RO, ,'DI LA BRJOD PA NI 'O NA RANG NYID KYIS BDE BA LA REG PA YIN LA REG PA NA YANG RANG RIG PA NYID DU 'GYUR TE, DE LTA MA YIN NA REG PA'I SGRA'I DON MI 'THAD PA'I PHYIR RO, ,'DI NYID BSGRUB PA NI RANG GI BDE BA NI BDAG NYID THAMS CAD DAM PHYOGS GCIG GIS REG ,RE ZHIG PHYOGS DANG PO LA BRJOD PA NI BDAG NYID CES BYA BA'O, ,GNYIS PA LA GSUNGS PA NI, DE LTA MA YIN NA ZHES BYA BA RJES SU MA ZHUGS NA'O, , BDE BA RIG PA RNAM PAR DBYER MED PA DER MI 'GYUR RO, ,'DIR DBYE BA CI YOD CES DRIS PA LA LAN DE LAS ZHES BYA BA STE BDE BA LAS SO, ,DER NI BDE BAR RO, ,DE LTA BU GANG YIN PA DE BDE BA'I BLO STE, BDE BA RIG PAR BYED PA YIN NO ZHES BYA BA'I DON TO, ,BLO DE NI YUL LAS SKYES PA NI MA YIN NO, ,

, ,JI LTAR ZHE NA RJES SU DPAG PA'I ZHES SMOS TE, GZHAN GYI BDE BA NI MNGON SUM DU RTOGS PAR MI NUS PA'I PHYIR RO, ,DE'I RANG BZHIN DU ZHES BYA BA BDE BAR SNANG BA MNGON SUM GANG YIN PA DANG NGO, ,'DIS NI BDE BA LAS DNGOS SU SKYES PAR BSTAN TO, ,YUL LAS DNGOS SU SKYES PA GANG YIN BDE MNGON SUM YIN GYI GZHAN NI MA YIN TE, DE LTA BU'I MNGON SUM LAS BDAG GI BDE BA RIG PAR 'GYUR BA YIN NO, ,PHYED PHYI MA 'CHAD PA NI GZHAN ZHES BYA BA'O, ,KHAS BLANGS PA ZHES BYA BA PHA ROL GYI KHAS BLANGS PA NYID LAS SO, ,JI LTAR MIG LA SOGS PAS MNGON SUM BSKYED PA DE BZHIN DU RTAGS MTHONG BAS KYANG YIN PA'I PHYIR NA MIG LA SOGS PA DANG RTAGS MTHONG BA NI MTSUNGS SO, ,GNYI GAR YANG ZHES BYA BA NI DE LAS SKYES PA DANG DE SNANG BAR PHYED SNGA MA 'GREL PA NI KHAS BLANGS PAS NI ZHES BYA BA STE, DE'I RANG BZHIN NYID DES RTOGS PA YIN NO ZHES BYA BA DE LTA BU'I MTSAN NYID KYIS NA'O, ,'DI NYID DO ZHES BYA BA NI 'CHAD BZHIN PA'O, ,RTAGS LAS SKYE BAR ZHES BYA BA NI YUL DU GYUR PA'I GZHAN GYI BDE BA LAS DNGOS SU SKYE BAR 'GOG PA YIN NO, ,'DI LA BRJOD PA NI DE LTA NA NI ZHES BYA BA'O, ,SPYI ZHES BYA BA NI BDE BA NYID KYI PHYIR RO, ,DE'I ZHES BYA BA YUL GYI RNAM PAS STONG PA NYID DO, ,GAL TE RJES SU DPAG PA YIN NA JI LTAR RANG RIG PA YIN ZHE NA, GAL TE ZHES BYA BA SMOS SO, ,GZHAN GYI ZHES BYA BA MI GSAL BA NYID DU SNANG BA'I RNAM PA LA'O, ,DE LA ZHES BYA BA NI MI GSAL BA'I RANG BZHIN NO, ,LAN NI MA YIN TE ZHES BYA BA'O, ,GAL TE ZHES BYA BA NI GAL TE GZHAN GYIS MA RIG PA DE LTA NA YANG DE NI DE NYID KYI YIN NO ZHE NA, GZHAN GYIS ZHES GSUNGS SO, ,'ON TE CHOD PA DANG MA ZAD PA LA SOGS PAS GZHAN GYIS MTSOR BA YIN NO ZHE NA DE LA ZHES BYA BA'O, ,'ON TE BAR CHAD LA SOGS PA SRID PA KHO NA'O ZHE NA, BAR DU ZHES BYA BA GSUNGS SO, ,DE DANG NI GZHAN DANG NGO, ,DE NI GZHAN DANG 'BRAL BA'O, ,GAL TE RGYAL PO'I BKA' LUNG GI DBANG GIS DE SKAD SMRA NA SMRAS MOD, 'ON KYANG THA SNYAD NI GANG DU YANG DE LTAR MA MTHONG NGO ZHES BYA BA'I DON TO, ,'ON TE ZHES BYA BA NI PHA ROL GYI'O, ,

GAL TE GZHAN GYIS BDE BA'I RANG BZHIN DE NYID RTOGS NA DE'I TSE DE YANG BDE BAR 'GYUR RO SNYAM DU DOGS NA, DE LTA NA YANG ZHES SMRAS SO, ,RJES SU DPAG PAS BDE BA SPYAD PAS NI BDE BAR 'GYUR BA MA YIN NO ZHES SBYAR RO, ,SHES PA RNAM PA MTSUNGS PA CAN DAG LA MNGON SUM DANG RJES SU DPAG PA'I MTSAN NYID THA DAD PA DE DAG LAS YIN, RANG GI ZHES BYA BA NI RNAM PAR 'GREL PA'O, ,DE LTA NA YANG ZHES BYA BA NI 'ON KYANG ZHES BYA BA'I DON TO, ,'O NA RANG GI NGO BO THA DAD PA NYID DU 'GYUR RO ZHE NA, GNYI GA'I ZHES GSUNGS SO, ,MTHONG NGO ZHE NA ZHES BYA BA NI RGYU THA DAD PAR RO, ,RANG GI BRJOD PA NI RANG GI NGO BO'O ZHES BYA BA'O, ,DES NA ZHES BYA BA RANG GI NGO BO THA DAD PAS SO, ,SOGS PA'I SGRA'I GSUNGS PA NI, DE BZHIN DU ZHES BYA BA'O, ,DON GCIG LDAN ZHES BYA BA NI BSHAD PA NI DON GCIG LA ZHES BYA BA'O, ,DE NYID GANG LA 'DEBS PA NI 'DI LTAR ZHES BYA BA'O, ,DE LTA BU DANG DE LTA BU MA YIN PA ZHES BYA BA 'DI NYID 'CHAD PA NI, GZHAN GYI BDE BA NYID RTOGS PA NA, SDUG BSNGAL LA SOGS PAR 'GYUR BA YIN NO ZHES SO, ,GANG GI PHYIR DE LTA BU'I NYES PA YOD PA'I GTAN TSIGS DES NA MNGON SUM LAS RJES SU DPAG PA THA DANG PAR RAM, MA MTHONG BA DES MNGON SUM DANG RJES SU DPAG PA THA DAD PAR MI RIGS SO, ,'DI YANG NI BDE BA DANG SDUG BSNGAL LA SOGS PA'O, ,DES NA KHYED KYI 'DI NI MI 'DOD PA THOG TU BAB PA MA YIN NO ZHES BYA BA NI GZHAN GYI BSAM PA'O, ,'GYUR MOD CES BYA BA NI GRUB PA'I MTHA'O, , BDE BA LA SOGS PA NI YANG MA MTHONG BA'I DBANG GIS YIN NO, ,'DI KHO BO MI RTZOD KYI 'ON KYANG RANG RIG PA DANG RNAM PA DANG BCAS PA NYID KYANG MA MTHONG BA NYID KYI DBANG GIS 'GRUB PAR 'GYUR RO, ,DE LAS TE DANG PO GSAL BAR MTHONG BA LAS MNGON SUM NYID DU GNAS KYI DBANG PO LAS SKYES PA NYID KYIS NI 'JIG RTEN MNGON SUM NYID DU NGES PA MA YIN NO ZHES DGONGS PA'O, ,CI'I PHYIR ZHE NA, BDAG GIS MI GSAL BAR RTOGS PA GANG YIN PA DE NI MNGON SUM LAS MA YIN NO ZHES RTOGS PA'I PHYIR RO, ,PHYED PHYI MA RNAM PAR 'GREL PA NI GANG GI PHYIR ZHES BYA BA'O, ,'DAS MA THAG PA NYID

, ,PHA ROL PO STON PA NI 'DI LTAR ZHES BYA BA'O, ,GNYIS ZHES BYA BA DANG GSAL BA DANG DBANG PO MED PA'I PHYIR NA YANG DAG PAR 'DZIN PA DANG, NYE BAR RIG PA GNYIS PO NI JI LTAR YANG YOD PAR MI 'GYUR RO, ,DE'I ZHES BYA BA MNGON SUM GYI YAN LAG NYE BAR GNAS PA RIG PA NYID RJES SU DPAG PA LA MA TSANG BA'I PHYIR LA YANG MNGON SUM MA YIN PAR 'GYUR RO, ,DE DAG GI ZHES BYA BA NI RING PO DANG RING PO MA YIN PA MTHONG BA DAG GI'O, ,DE'I ZHES BYA BA NI RING PO MTHONG BA BYA RGOL LA SOGS PA'O, ,DE NYID DE RING NA 'DUG PA'I DNGOS PO NYID GSAL BA'I PHYIR THAG RING PO MA YIN NO ZHES BRJOD PAR BYED DE, GANG GI PHYIR DBANG PO'I NUS PA GANG YIN PA DE LA LTOS NAS RING PO DANG RING PO MA YIN PA RAM PAR GNAS PA'I PHYIR RO, ,GANG LA DBANG PO'I SHES PA BSKYED PA'I NUS PA YOD PA ZHES BYA BA'O, ,DE YANG ZHES BYA BA RNAM PAR SHES PA YANG RNAM PA MED PA KHO NAR ZAD MOD, DA NI GRUB PA'I MTHA' GSUNGS PA NI, DE NI MI RUNG STE ZHES BYA BA'O, ,GZHAN DAG CES BYA BA NI RJES SU DPAG PA LAS SO, ,DE YANG ZHES BYA BA NI RJES SU DPAG PA YANG NGO, ,RJES SU DPAG PA DE YANG RTAGS LAS 'JUG PA YIN NO, ,RJES SU DPAG PAR BYA BA'I SHES PA DANG 'BREL PA DANG LDAN PA GZHAN NI MED DE, DES DBANG PO LA SOGS PA KHO NA RTAGS YIN NO, ,GAL TE DE NI DON GYIS GO BAS DPOG PAR 'DOD PA YIN NO, ,DON GYIS GO BA DE NI 'BREL PA MTHONG BA NYID LAS MA YIN NO, , DES NA YID LA BYED PA'I MTHAR THUG PA RNAMS LAS GZHAN KHO NA ZHIG RTAGS SU 'GYUR RO ZHE NA, DON GYIS GO BA YANG ZHES GSUNGS SO, ,GZHAN DU NI SHES PA MED PAR RO, ,'ON TE NUS PA'I RGYU MTHONG BA LAS 'BRAS BU RJES SU DPOG NA DE'I TSE DE JI LTAR 'KHRUL SNYAM NA, NUS PA YOD CES SMOS SO, ,DBANG PO GANG LA RNAM PAR SHES PA'I MTSAN NYID KYI 'BRAS BU MTHONG BA YOD PA MA YIN PA DE MTHA'I SKAD CIG NYID THOB PAR JI LTAR NGES DON KYANG DE BZHIN DU RTAGS MA YIN NO ZHES 'BREL TO, ,GZHAN GYI TSE ZHES BYA BA NI RNAM PAR SHES PA PHYI MA'I DUS SU'O, ,DE NYID KYI

RI KHROD RJES BSHAD PA YIN NO ZHES SBYAR RO, ,RJES SU DPAG PA LAS ZHES BYA BA NI GSAL BA'I DON GZHAN DU MI 'THAD PA LAS SO, ,GCIG GI TSE ZHES BYA BA NI GSAL BA NYID RTAGS SU KHAS BLANGS PA NA'O, ,GZHAN GYI TSE ZHES BYA BA NI GSAL BAR GYUR BA RTAGS SU KHAS LEN PA NA'O, ,GSAL BA MA SHES NA GSAL BAR GYUR PA MI NGES PA'I PHYIR TE, DBYIG PA MA RTOGS PAR DBYIG PA CAN DU MI RTOGS PA BZHIN NO, ,'ON TE RJES SU DPAG PA NYID KYIS GSAL BA NYAMS SU MYONG BA DES NA GSAL BAR 'GYUR BA'I DON NGES LA DE LAS SHES PA RJES SU DPOG PA YIN NO SNYAM NA, RJES SU DPAG PAS ZHES SMOS SO, ,'ON TE GSAL BA NI MNGON SUM NYID KYIS RTOGS PA DES NA, GSAL BAR GYUR BA'I DON NGES PA NI BLO RJES SU DPOG PA YIN NO ZHE NA, DON GYI ZHES GSUNGS TE, DE NYID BLO YIN NO ZHES BYA BA'I DON TO, ,'O NA BYA BA NYID DPAG MOD BLO JI LTAR ZHE NA, BYA BA YANG BLO YIN NO ZHES SMOS SO, ,GZHAN DU MIN ZHES BYA BA NI BYA BAS BYAS PA'I KHYAD PAR SPANGS NAS NI LAS SU 'GYUR BA MA YIN NO, ,KHYAD PAR LAS NYID YIN NO ZHE NA'O, ,DE'I TSE BYA BA TZAM RJES SU DPOG PAR 'GYUR GYI, BYA BA'I KHYAD PAR DU 'GYUR BA'I BLO NI MA YIN NO, ,'DI NI BYA BA KHAS BLANGS NAS BRJOD PA YIN NO, ,DA NI BYA BA NYID MED DO ZHES BRJOD PA NI, DNGOS PO'I RANG BZHIN LAS ZHES BYA BA'O, ,BYA BA'I RANG BZHIN GYI MTHONG BA NA SNANG BZHIN PA LAS GZHAN NAM, LTA BA LAS GZHAN PA MA YIN NO, ,GZUNG BA NYID DU RIG PA YIN LA, GZUNG BA MTHONG PA DE LAS NI 'DZIN PAR BYED PA RJES SU DPOG GO SNYAM NA, 'DI LA BRJOD PA NI DE NI MI RUNG STE ZHES BYA BA'O, ,BYED PA NI NGAS GZUNG NGO ZHES BLOS SO, ,BLO'I BYED PAS ZHES RANG BRJOD PA'I PHYIR RO, ,DE LAS ZHES BYA BA NI BYED PA LAS SO, ,'ON TE BYA BA'I MING CAN 'DZIN PA'I MTSAN NYID KYIS MTHONG BA YANG DON LAS GZHAN YIN NA, DE'I TSE RANG BZHIN GNYIS SU MTHONG BAR 'GYUR TE, MTHONG BA'I RANG BZHIN DANG DON GYI RANG BZHIN DU'O, ,JI LTAR GNAS PA BZHIN ZHES BYA BA NI DON DE JI LTAR GNAS PA DE LAS MA 'DAS PAS 'DZIN PA TZAM GYI BLOS BYED PAR ZAD KYI DON DE LA KHYAD PAR 'GA' ZHIG BYED PA NI

, ,MA YIN NO, ,'ON TE 'DI GZUNG BZHIN BA NYID KYIS KHYAD PAR DU 'PHAGS PAR 'GYUR RO ZHES GZUNG BA ZHES SMOS SO, ,GZHAN DU ZHES BYA BA JI LTAR GNAS PA'I RANG BZHIN DANG MI MTHUN PAR 'DZIN NA YANG NGO, ,RANG GI DUS THAMS CAD DANG MA 'BREL YANG SGRON MA LA SOGS PA BUM PA LA SOGS PA'I GSAL BYED YIN NO, ,JI LTAR BUM PA LA SOGS PA RNAMS JI SRID GNAS PA'I DUS DE SRID PA 'BREL PA NI SGRON MAS BUM PA GSAL BAR BYED PA MA YIN PA DE BZHIN DU SHES PAS KYANG YIN NO ZHE NA, 'DI LA BRJOD PA NI DE LA'ANG ZHES BYA BA'O, ,MTSUNGS PA NYID DU SGRUB PA NI GAL TE ZHES BYA BA'O, ,DES KYANG ZHES BYA BA NI SGRON MAS KYANG NGO, ,DE LTA BU'I ZHES BYA BA GSAL BA'I RANG BZHIN NYID DU BYA BA DE'I TSE DON DE NYID DE LTA BU ZHES BYA BA GSAL BA'I RANG BZHIN DU GYUR BAR SKYE'O ZHES DE LTAR BRJOD PAS NA, DE LTAR DON ZHES BYA BAR SBYAR TE, SKAD CIG NYID LA NI BYA BA DANG BYED PA DANG LAS DANG BYED PA PO'I DNGOS PO'I 'THAD PA MA YIN TE, DE NI RTAG PA'I DON LA BRTEN PA'I PHYIR RO, ,'O NA THA SNYAD 'DIR JI LTAR 'GYUR SNYAM NA, NGAS ZHES GSUNGS SO, ,CI SKAD DU BSHAD PA NI ZHES BYA BA NI SLOB DPON GYIS TE, SKYED PAR BYED PA NYID KYI NYE BAR SPYOD BA'I KHYAD PAR GANG YIN DE'I DBANG GIS RGYU DANG 'BRAS BU'I DNGOS PO'I CHA'I KHYAD PAR GANG YIN PA DE LAS SO, ,'ON TE GZUNG BA DANG 'DZIN PA ZHES BYA BA NI MED PA NYID DU'O ZHES JI LTAR RTOGS SHE NA, 'DI LTAR ZHES GSUNGS SO, ,'O NA BLO GANG YIN PAR 'GYUR SNYAM NA, KHYAD PAR NI ZHES BYA BA STE, SHES PAR 'GYUR BA NYID KYI KHYAD PAR NYID LA DE LTAR ZHES BYA BA BLO ZHES RAB TU BRJOD DE BLOS CI ZHIG BYA ZHES BYA BA'I DON TO, ,'ON TE DON SHES PAR 'GYUR TE ZHES SHES PA NYID DE, SHES PAR 'GYUR PA NYID DU YONGS SU BCAD PA NI MA YIN NO SNYAM NA, DON SHES PAR 'GYUR RO ZHES PA'I SKYES BU NI DON TE SHES PA YIN NO ZHES RTOGS PA YIN TE, DES NA SHES PA DON LAS THA DAD PAR MI 'GYUR RO, ,'O NA JI LTAR SHES PA DANG BRAL BA'I DON TZAM SHES SNYAM NA, DON SHES TZAM DU ZHES BYA BA STE, DON SHES PAR GYUR TO ZHES NI MA YIN PAR GYUR NA, DON DE RIG PA NYID DU 'GYUR LA DE LTA NA YANG HA CANG

THAL BAR 'GYUR TE, DON TZAM LAS RJES SU DPOG PA NA THAMS CAD KYI SHES PA RJES SU DPOG PAR THAL BA ZHES BYA BA LA SOGS PA'O, ,'ON TE DON SHES PAR 'GYUR RO ZHES BYA BA LA SOGS PA'I RNAM PA 'DIS NI DON GYI RANG BZHIN DU GYUR PA'I SHES PA NYID RTOGS SU CHUG PA DE LTA NA YANG THA DAD PAR 'GYUR RO ZHE NA, DE'I ZHES BYA BA NI LAS SO, ,DES NA SHES PA YANG THA MI DAD PA NYID YIN TE, THA MI DAD PA NYID DU RTOGS PA'I PHYIR RO, ,DE LTA MA YIN NA NI ZHES BYA BA NI GAL TE MTHONG BA MA MTHONG BA LA YANG MTHONG NGO ZHES THA SNYAD BYED NA, DE'I SKYES BU GZHAN GYIS MTHONG BAR GYUR PA'I DON LA YANG MTHONG BAR GYUR PA'I THA SNYAD DU BYED PAR 'GYUR RO, ,DE NYID DU BRJOD PA NI 'DI NI ZHES BYA BA'O, ,JI LTAR DON GYI KHYAD PAR MTHONG SNYAM NA, DE ZHES SMOS TE DON TO, ,DON MTHONG BA ZHES PA TZAM GYIS DE'I KHYAD PAR YANG MTHONG BAR 'GYUR RO, ,DE LTA MA YIN NA RANG GIS RTOGS PA'I DUS DE YANG DE'I KHYAD PAR CI LTAR RTOGS DGONGS PA'O, ,KHYAD PAR DE ZHES BYA BA NI SHES PAS BSKYED PA'O, ,DE DAG KYANG ZHES BYA BA NI GZHAN GYIS BSKYED PA'I KHYAD PAR DAG KYANG NGO, ,DE LTA MA YIN NA RUNG YUL GNAS PAS MI SHES PA ZHES BYA BA LA SOGS PA'I GNOD PA SRID PAR 'GYUR BA'I PHYIR RO, ,DE YANG ZHES BYA BA NI KHYAD PAR YANG NGO, ,DE LA YANG ZHES BYA BA NI KHYAD PAR LA YANG NGO, ,GCIG KHO NA ZHES BYA BA NI SKYES BUS MTHONG BA'I DON LA YANG MTHONG BAR GYUR PA NYID DE NI GCIG KHO NA YIN NO ZHE NA, LAN NI DE LTA MA YIN NA NI ZHES BYA BA'I, ,'DI NYID GSAL BAR BYED PA NI GANG GI TSE ZHES BYA BA'O, ,KHYAD PAR MED PA NYID STON PA NI RANG GIS ZHES BYA BA'O, ,DE ZHES BYA BA RANG GIS MTHONG BA DANG 'BREL PA MA RTOGS NA'O, ,MTHONG BAR GYUR PA NYID CES BYA BA NI GZHAN GYIS MTHONG BAR 'GYUR BA'O, ,RNAM DBYE 'DIR NI ZHES BYA BA NI RANG NGAM GZHAN GYIS ZHES BYA BA'I MTSAN NYID CAN NO, ,'ON TE NGA'I BDE BA MA YIN NA DE'I TSE JI LTAR NGA'I SPU LDANG BAR GYUR SNYAM NA 'DI LTAR ZHES SMOS SO, ,SUN 'BYIN PA GZHAN YANG BRJOD PA NI GANG GI BDE BAS ZHES BYA BA'O, ,DE'I ZHES BYA BA BLO'I RGYU'I'O, ,GZUGS LA SOGS PA DON RNAMS KYI DNGOS

, ,BO STE RANG BZHIN MTHONG BA DE NYID NYE BA YIN LA, GZHAN DU NI RING PO YIN PA'I PHYIR CI 'GAL ZHES BSAMS PA'O, ,DE ZHES BYA BA DBANG PO MED KYANG GZHAN GYI BDE BA 'DZIN PA'I RJES SU DPAG PA LA LTOS NAS GZHAN GYI BDE BA GSAL BAR MTHONG BA'I PHYIR NA THAG RING PO NYID DO; ,DES NA DBANG PO'ANG NYE BA NYID KYI RGYU MA YIN NO, ,SNAM BU LA SOGS PA'I YUL CAN DBANG PO'I RNAM PAR SHES PA DANG RJES SU DPAG PA LA SOGS PA'I YID KYI SHES PA DAG GO, ,'ON TE RJES SU DPAG PA DES NI GZHAN GYIS BDE BA MNGON SUM DU BYED PA MA YIN NO, ,DE'I TSE YANG GZHAN GYIS BDE BA DE'I RNAM PA GSAL BA MED PA'I GZHAN GYI BDE BA 'DZIN PA'I RJES SU DPAG PA LA GANG CUNG ZAD SNANG BA DE NI RANG KHO NA'I YIN LA, DE LTA NA YANG RNAM PA DANG BCAS PA NYID DO, ,RNAM PA DANG BCAS PA NA YANG RANG RIG PA KHO NA'O, ,LHAG MA NI ZHES BYA BA NI, MA MTHONG BA DANG DON GCIG LA LDAN PA LA SOGS PA'O, ,DBANG PO DANG YUL DE DAG TSIG PA DE LAS SO, ,DE ZHES BYA BA RNAL 'BYOR PA DE LTAR BDE PA NYID LA SOGS PA'O, ,'O NA BDE BA SU'I YIN SNYAM NA, BDE BA LA SOGS PA ZHES GSUNGS SO, ,GANG GI DBANG PO DANG YUL DAG LAS SKYES PA'I SKYES BU DE'I YIN NO, ,CI STE MI SKYED CES DRIS PA'I DON NI, SPU LDANG BA LA SOGS PA'I THUN MONG DU SKYED PAR 'GYUR RO ZHES BYA BA'O, ,DE LTA'O ZHE NA ZHES BYA BA NI SKYED PAR BYED PA YIN NO ZHE NA, THUN MONG DU ZHES GSUNGS SO, ,GAL TE BUD MED DANG SKYES PA GNYIS LA BDE BA SKYES PA DES KYANG THUN MONG DU SPU LDANG BA LA SOGS PA BSKYED NA DE'I TSE DE DAG GI DGA' BA YANG THUN MONG DU 'GYUR RO, ,GZHAN DU NI ZHES BYA BA NI SKYES BU TZAM GYIS NI MA YIN PA'O, ,'ON TE DER BDE BA DER MA SKYES LA DBANG PO'I PHRANG BA YANG MED DO SNYAM NA, LDAN PA YANG MA YIN TE ZHES GSUNGS TE, YOD PA NYID DO ZHES BYA BA'I DON TO, ,DE LA ZHES BYA BA NI DOGS PA BSU BA NI DE GNYIS GANG RUNG LA'O, ,DER NI BDE BA LA'O, ,KHYOD LA NI SANGS RGYAS PA LA'O, ,RNAL 'BYOR BA LA ZHES BYA BA ME LA SOGS PA NYAMS SU MYONG BA MED PA'I PHYIR RO, ,DOGS PA BSU

BA NI GZHAN RNAL 'BYOR PA MA YIN PA DAG LA ME MYONG BA NA GDUNG BAR JI LTAR 'GYUR ZHE NA MA YIN TE ZHES LAN 'DEBS PA LA'O, ,DE LTA BU ZHES BYA BA SDUG BSNGAL SKYED PAR BYED PA NYID DU'O, ,GZHAN DU ZHES BYA BA DMIGS PA'I RANG BZHIN DU'O, ,DE'I RIG PA NI BDE BA LA SOGS PA RIG PAR BYED PA'O, ,DMIGS PA DANG MYONG BA DE GNYIS LA'O, ,DE'I RNAM PA ZHES BYA BA NI SHES PA GNAS PA'I BDE BA NI DE'I RNAM PA'O, ,DES ZHES BYA BA NI RANG GI SDUG BSNGAL GYIS SO, ,RNAL 'BYOR PA NI DE LTA MA YIN PAS ZHES BYA BA NI GZHAN GYI BDE BA'AM, DES BSKYED PA'I RNAM BAS BDAG NYID DU ZIN PAR MI SEMS PA'O, ,DE BZHIN DU NI SO SO SKYE BO BZHIN NO, ,DE LTA MA YIN TE ZHES BYA BA NI RANG RIG PA MA YIN NA'O, ,DE DAG NI ZHES BYA BA NI SHES BYA BA NI SHES RAB LA SOGS RNAMS SO, ,DON DE YANG ZHES BYA BA NI SNANG BZHIN PA'O, ,DE LA NI SNANG BZHIN PA'I DON LA'O, , DE LTA NI SHES RAB LA SOGS PA LA'O, ,GOMS PAS NI SNANG BZHIN PA'I DON MNGON PAR 'DUS BYAS PA MA YIN NO, ,GANG GI PHYIR DE LTA YIN PA DE'I PHYIR SNANG BA'I DON LAS THA DAD PA YIN, SHES RAB GZHAN DE NI RNAM PA DANG BCAS PA MA YIN NO, ,PHA ROL PO NYID SANGS RGYAS PA'I TSIG GI DOGS PA BSU BA NI SHES RAB LA SOGS PA ZHES BYA BA'O, ,PHA ROL PO NYID SUN 'BYIN PA NI DE NI MA YIN TE, SROG CHAGS THAMS CAD LA YOD PA'I PHYIR NA SROG CHAGS SO SO LA THA DAD PA DE BZHIN DU DON YANG THA DAD PAR 'GYUR TE, RANG BZHIN MTHONG BA LAS SKYES PA'I PHYIR RO, ,RGYU THA DAD PAS 'BRAS BU YANG THA DAD PA NI, RIG PAS THOB PA YIN NO ZHES DGONGS PA'O, ,GZUGS LA SOGS PA DE'I KHYAD PAR SKYES BU DU MAS NGES PA'I DUS NA, SHES PAS BSKYED PA'I GZUGS LA SOGS PA THAMS CAD DMIGS PAR 'GYUR RO, ,DE NA SKYES BU DE DAG GI SHES PA RANG BZHIN SNA TSOGS SU SNANG BAR 'GYUR RO, ,GAL TE RANG RANG GI SHES PAS BSKYED PA NI DON KHO NA DMIGS KYI, ,GZHAN GYI SHES PA BSKYED PA NI MA YIN PA DES NA RANG BZHIN DU MAR SNANG BAR CI LTAR THAL SNYAM NA, SO SO RANG NYID CES GSUNGS SO, ,'ON TE SHES PAS

, ,BSKYED PA'I GZUGS LA SOGS PA RANG GI KHO NAS DMIGS PAR BYA BA DE GAL TE RANG GI RIGS PAR KHAS LEN NA, DE'I TSE SHES PA NYID 'GYUR BA ZHIG NA, 'ON KYANG DE LTAR NI KHAS LEN PA MA YIN NO, ,'ON TE JI LTAR ZHE NA, SHES PAS BSKYED PA'I DON DE YANG SHES PA GZHAN GYIS DMIGS PA YIN NO SNYAM DU BSAMS NAS PHA ROL PO SMRA BA NI, DE STE GZHAN GYIS ZHES BYA BA STE SHES PA GZHAN GYIS SO, ,LAN 'DEBS PA NI DE LTAR NA ZHES BYA BA'O, ,DES BSKYED PA NYID KYIS ZHES BYA BA NI SHES PA DANG BSKYED PAS SO, ,DE LA YANG ZHES BYA BA NI SHES PA DANG POS BSKYED PA'I DON LA YANG NGO, ,MTHONG BA'I ZHES BYA BA RI LA GNAS PA'I DU BA MTHONG BA YIN YANG NGO, ,RTAGS DE NYID LAS ZHES BYA BA GZUGS LA SOGS PA NYID LAS SO, ,DE LTA YIN NA ZHES BYA BA NI DPE SMOS NA'O, ,MTSAN NYID GZHAN ZHES BYA BA NI RTOG PA DANG BRAL BA NYID LA SOGS PA'O, ,'DI LA YANG NI RJES SU DPAG PA LA YANG NGO, ,GAL TE MCHAN NYID THA DAD PA TZAM GYIS MNGON SUM NI RJES SU DPAG PA LAS GZHAN YIN NA, RJES SU DPAG PA YANG MNGON SUM LAS GZHAN YIN PAR 'GYUR TE, DE LA YANG MTSAN NYID THA DAD PA YOD PA'I PHYIR RO, ,'ON TE ZHES BYA BA NI DOGS PA'O, ,DE LTAR ZHES BYA BA NI GRUB PA'I MTHA'O, ,'DI NYID GSAL BAR BYED PA NI, GAL TE ZHES BYA BA'O, ,RTOGS SO ZHE NA ZHES BYA BA NI MDUN NA GNAS PA'O, ,DE'I TSE DE LA YANG ZHES BYA BA LA SOGS PAR SBYAR RO, ,GZHAN DU ZHES BYA BA NI BDAG NYID MA RTOGS NA'O, ,RANG NYID CES BYA BA NI BLO MED PA KHO NA'O, ,DE DANG 'BREL PA CAN ZHES BYA BA NI BLO DANG 'BREL PA CAN TE G-YO 'GUL LA SOGS PA'O, ,GZHAN GYIS ZHES BYA BA NI BDAG NYID LA BLO MA RTOGS PAR RO, ,RJES SU DPOG GO ZHES BYA BA NI GANG GI DON MTHONG BA DE NI BLO DANG LDAN PA YIN TE DPER NA DE BZHIN NO, ,GZHAN YANG DON RTOGS PA YIN NO ZHES RJES DPOG GO ZHES BYA BA'I DON TO, ,GRUB PA'I MTHA' PAS DPE NYID MA GRUB PO ZHES BRJOD PA NI RANG NYID CES BYA BA'O, ,DE LA YANG ZHES BYA BA NI GANG GIS MTHONG BA NYID RTOGS PA'O, ,DON

GYIS RJES SU DPAG PA GANG YIN PA LA'O, ,DE ZHES BYA BA NI RANG DANG 'BREL PA'I MTSAN NYID KYIS MTHONG BAR GYUR PA'O, ,'ON TE BLO NI BDAG NYID RTOGS PA NYID DE 'ON KYANG GZHAN GYI YIN NO SNYAM NA DE ZHES BYA BA SMOS TE, BLO'I BDAG NYID DO THUG PA MED PA'I TSUL BSTAN PA NI DE LA YANG ZHES BYA BA STE SHES PA GZHAN LA YANG NGO, ,SHES PA DE NI MTHONG BAR 'GYUR LA, PHYIS NA RTOGS PA MTHONG BAR 'GYUR LA DE NAS NI RTOGS PA'I RTOGS PA MTHONG BA ZHES BYA BA LA SOGS PA THUG PA'I TSUL LO, ,DER YANG ZHES BYA BA NI YID KYI SHES PA LA'O, ,LAN BTAB ZIN TO ZHES BYA BA NI, RIGS DON MA YIN DE LDAN MIN, ,ZHES BYA BA LA SOGS PAS SO, ,DE NI YID KYI SHES PAS SO, ,SNANG BAR ZHES BYA BA NI GZHAN GYI'O, ,MI SLU BA GANG YIN PA'O ZHES BYA BA NI GZHAN GYI LAN NO MA YIN TE ZHES BYA BA NI 'GOG PA'O, ,DE'I ZHES BYA BA NI SNANG BZHIN PA'I RANG BZHIN LA'O, ,DES NI ZHES BYA BA SNANG BZHIN PA'I RANG BZHIN GYIS SO, ,DE LTAR ZHES BYA BA DON BYA BA RTOGS PA LA RANG GI NGO BO TZAM ZHIG SNANG BA YIN NO, ,RANG RIG PA LAS GZHAN NI 'DI 'DRA BAR 'GYUR BAR MI 'OS SO, ,'ON TE YID SHES PA LA SNANG BA DE NI SHES PA GZHAN GYIS KYANG RIG GO, ,GANG ZHIG DRAN PA DES RTOGS PA DE NYID NI SNGAR YANG MNGON SUM GYI YUL DU BYAS PA YIN PA DES NA JI LTAR RANG RIG PA YIN ZHE NA, 'GOG PA NI MA YIN NO ZHES BYA BA'O, ,YID KYI SHES PA 'DI NI DRAN PA YIN LA DE YANG SNGAR GYI DUS NA YOD PA'I MTHONG BA NYID MNGON PAR ZHEN PA YIN NA, SNGA MA'I RANG BZHIN NI YID KYI SHES PA LA SNANG BA MA YIN NO, ,DES NA 'DI NYID SNGAR YANG RTOGS PAR JI LTAR 'GYUR 'DI YANG ZHES BYA BA DA LTAR BA'I RANG BZHIN YANG DRAN PAS YUL DU BYED DO ZHE NA, 'DI 'GOG PA NI 'O NA ZHES BYA BA'O, ,'O NA YID KYI RNAM PAR SHES PA 'DI JI LTAR MI BDEN PA YIN ZHE NA GZHAL BYA DANG ZHES SMOS SO, ,BLO GZHAN GYIS ZHES BYA BA 'DI NYID KYI DON BRJOD PA NI DON GYIS GO BA'AM, GZHAN GYIS KYANG RUNG STE ZHES BYA BA'O, ,JI LTAR PHAN TSUN GSAL BAR MI 'THAD SNYAM NA BLO DAG CES SMOS SO, ,GSAL MIN BDAG TU ZHES BYA BA NI GSAL BAR BYA BA DANG GSAL BAR BYED PA NYID DU 'DOD PA'I BLO DAG GO, ,GSAL BAR

, ,BYED PA'I BLO YANG GSAL BA MA YIN TE, RANG RIG PAR KHAS MA BLANGS PA'I PHYIR RO, ,GZHAN GYIS ZHES BYA BA NI MI GSAL BA'I SGRON MA'O, ,DE DAG LAS GZHAN ZHES BYA BA NI GSAL BA'I SHES PA LAS GZHAN PA'I DON TO, ,DE'ANG NI ZHES BA'O, ,'DI NI SHES PA'O MYONG YIN ZHES BYA BA NI RANG RIG PA YIN PA'O, ,DE NYID BZHIN DU ZHES BYA BA NI SGRON MA NYID BZHIN DU'O, ,DE DANG CHOS MTSUNGS NYID KYIS NA, ,ZHES BYA BA NI CHOS MTSUNGS SO, ,'DI 'DZIN NA ZHES BYA BA NI RNAM PAR SHES PA 'DZIN NA'O, ,'DI ZHES BYA BA DON RIG PA 'DI PHYI ROL MA YIN NA DE'I TSE JI LTAR MAR ME DANG MTSUNGS PA NYID YIN YANG PHYI ROL DU MI 'GYUR BA DE BZHIN DU RANG RIG PA NYID DU JI LTAR MI 'GYUR, 'O NA JI LTAR MAR ME DPE YIN ZHE NA, DE YANG ZHES GSUNGS TE MAR ME YANG NGO, ,DPER NA MAR ME SNANG BA GZHAN GYIS GSAL BA MA YIN PA DE BZHIN DU SHES PA YANG YIN PA DE TZAM GYI DPE NYID DO, ,BLO LA ZHES BYA BA NI BLO'I BLO LA'O, ,BLO ZHES BYA BA DON GYI BLO'O, ,BLO NI ZHES BYA BA NI DON GYI BLO'O, ,DON GZHAN NI DON GYI RANG BZHIN DU SKYED PA SHES PA'I GSAL BAR BYED PA YIN NO, ,BLO GCIG CES BYA BA NI BLO'I BLO'O, ,GZHAN NI ZHES BYA BA NI DON GYI BLO'O, ,'O NA GSAL BA MA YIN PA'I DON YANG JI LTAR GSAL SNYAM NA, DON DE'I NGO BOS ZHES SMOS TE, SHES PA'I NGO BOS SO, ,DE'I RANG BZHIN GYIS SHES PA NYID LAS GSAL BAR BRJOD PAR ZAD KYI DON DAM PAR NI 'DI GSAL BA NYID MA YIN NO, ,'O NA JI LTAR DE GSAL BA NYID DU THA SNYAD BYED SNYAM NA DE BZHIN DU ZHES SMOS SO, , BUM PA SNGAR YANG YOD PA YIN LA PHYIS KYANG YOD PAR 'GYUR BA YIN NO ZHES BYA BA NI RJES SU 'GRO BA'O, ,GSAL BA'I RANG BZHIN NI SNGAR DANG PHYIS MED KYI 'ON KYANG DE'I TSE YOD PA YIN NO ZHES BYA BA NI LDOG PA'O, ,'ON TE MTHONG BA NYID KYI THA SNYAD LAS MIG MNGON DU PHYOGS SO ZHES NGES SO ZHE NA, 'DI LA BRJOD PA NI DE LA YANG ZHES BYA BA STE, MIG MNGON DU PHYOGS PA NYID LA YANG NGO, ,DE LTA BUR GYUR PA ZHES BYA BA NI MYONG BAR GYUR PA NYID DO, ,'ON TE SNGAR BRJOD PA NI YI GE'I PHYI MO GANG YIN PA DE NYID DANG LHAN CIG DE'I TSE'I YI GE PHYI MO GCIG NYID DU 'DZIN PA YIN PA DES NA RING PO NYID RIGS SO ZHE NA 'DI LA BRJOD PA NI, MI

GNAS BZHI ZHES BYA BA'O, ,'ON TE PHYI MO RE RE 'DZIN PA NYID 'DI 'DZIN PAR 'GYUR BA YIN NO ZHE NA, PHYI MO ZHES GSUNGS TE, THUNG DU YANG RING BO NYID DU 'DZIN PAR THAL BA'I PHYIR RO, ,'ON TE PHYI MA RNAMS KYI TSOGS RTOGS PAR NA RING POR RTOGS PA YIN NO SNYAM NA, CHOGS PA ZHES SMOS SO DE YANG ZHES BYA BA NI BSDOMS PA'O, ,RANG RIG PA MED PAR NI SNGA MA DANG PHYI MA RTOGS PA MA YIN NO ZHES DGONGS SO, ,RING PO ZHES BYA BA NI DGONGS PA'O, ,RTOGS MOD KYI ZHES BYA BA NI GRUB PA'I MTHA' STE, DON TZAM RTOGS SO ZHES NI 'DOD PA'I KHO NA'O, ,'ON KYANG KHYAD PAR YOD DO ZHES BYA BAR STON PA NI 'ON KYANG ZHES BYA PA'O, ,GANG GIS NA SANGS RGYAS PA'I'O, ,'DI LA BRJOD PA NI DE'I ZHES BYA BA'O, ,BLO GCIG PA NYID KYANG RIGS MI MTHUN PA'I BLOS PAR MCHOD PA LAS RIG PAR BYA'O, ,GNAS SKABS 'DI GNYIS ZHES BYA BA NI RANG DANG GZHAN GYIS RIG PA LA'O, ,'DI LTAR ZHES BYA BA LA SOGS PAS NI PHA ROL PO BLO YANG GZHAN GYIS RIG PAR BYA BA NYID DU SGRUB PAR BYED DO, ,PHYI MO RNAMS NI MI GNAS PA NYID MA YIN TE, 'ON KYANG GNAS PA KHO NA YIN TE, DE'I PHYIR RING PO LA SOGS PA 'DZIN PA YIN NO ZHES BYA BA'O, ,YUL THA DAD NA BLO YANG THA DAD DO ZHES BYA BA 'DI LA GZHAN YANG BZLOG PAR RTOGS PA MED PA KHO NA'O ZHES STON PA NI DE SKAD DU YANG ZHES BYA BA STE, GAL TE 'DIS NI PHA ROL POS BLO RTOGS PA TZAM BRJOD KYI THA DAD PA NI MA YIN NO ZHE NA, JI LTAR ZHES GSUNGS TE ZHES BYA BA NI BLO'O, ,RNAM 'GREL BSHAD PA'I DON DU RE ZHIG RANG NYID BRJOD PA NI GAL TE 'DI ZHES BYA BA'O, ,GCIG NYID DO ZHES BYA BAR MI 'GYUR RO ZHES BYA BA NI SNGA MA LDOG PA'I PHYIR DANG PHYI MA 'JUG PA'I PHYIR RO, ,PHYED PHYI MA 'CHAD PA NI 'DI RING PO ZHES BYA BA'O, ,DE'I TSE NI ZHES BYA BA THA MA'I GNAS SKABS NA'O, ,RIM PA MED PA ZHES BYA BA NI CHA THAMS CAD DE'I TSE NYID NYE BAR GNAS PA'I PHYIR 'DZIN PA YANG RIM PA MED PA KHO NA'O, ,GAL TE YUL YANG GNAS PA MA YIN NAM DE JI LTAR YUL MI GNAS PA'I PHYIR ZHES BRJOD PA YIN SNYAM NA MA 'PHEL PA'I ZHES SMOS SO, ,DE LTA YIN NO ZHES NA ZHES BYA BA NI MA 'PHEL BA NYID 'PHEL BA GZHAN YANG KHAS BLANGS DGOS SO, ,YANG 'PHEL BA GZHAN DU YIN TE KHYAD PAR MED PA'I PHYIR RO, ,DE LTA NA YANG THUG PA MED PA YIN TE DE NYID KYIS ZHES BYA BA

, ,NI RTZOL BAS SO, ,DE ZHES BYA BA RANG BZHIN SNGA MA LAS THA MI DAD PA'I PHYIR RO, ,GZHAN NI RTZOL BA'O, ,BLO THA MA ZHES BYA BA NI GANG GI PHYIR NYAMS SU MA MYONG NGAN DRAN PAR MI 'GYUR LA BLO SNGA MA RNAMS KYANG NYAMS SU MYONG BA MA YIN PA DES NA DE DAG NI DRAN PA MA YIN GYI 'ON KYANG THA MA GCIG PU DRAN PAR 'GYUR RO, ,'DI NYID GSAL 'DEBS PA NI BLO SNGA MA DAG NI ZHES BYA BA STE, RING PO'I CHA SNGA MA 'DZIN PAR BYED PA DAG GO, ,'ON TE THA MA NYID KYIS RING PO 'DZIN LA DE LA YANG MYONG BA YOD PA DES NA RING PO BLO DRAN PAR 'GYUR RO ZHE NA, THA MA YANG ZHES GSUNGS SO, ,DE'I PHYIR ZHES BYA BA NI RING PO'I CHA SNGA MA DANG PHYI MA 'DZIN PA'I BLO THAMS CAD NYAMS SU MA MYONG BA'I PHYIR RO, ,DE NI GZHAN LA'ANG ZHES BYA BA NI 'DIR YANG DE SKAD CES DPER NA SGRA'I CHA 'DZIN PA'I BLO RNAMS MYUR BAR 'JUG PA'I RGYU LAS SBYOR BAR BYED KYI BRJOD PA DE BZHIN DU YI GE'I CHA 'DZIN PA'I BLO'I BLO YI GE'I BLO MED PA'I RANG BZHIN RNAMS MYUR BAR 'JUG PA'I PHYIR NA YI GE RTOG PA NYID DU 'GYUR RO ZHES BRJOD PAR NUS SO, ,RE ZHIG GNAS PA'I PHYOGS BRJOD PA NI THUNG DU GNYIS NI ZHES BYA BA'O, ,GCIG PA'I BLO ZHES BYA BA NI 'DI NI YI GE'I BDAG NYID GCIG YIN NO ZHES BYA BA DE LTA BU'I RNAM PA CAN GYI BLO'O, ,PHYI MO RNAMS LA ZHES BYA BA NI YI GE RING PO LA SOGS PA'I CHA SHAS KYI RANG BZHIN RNAMS LA'O ZHES BYA BA NI THUNG DU GNYIS LA YOD PA'I RNAM PAR 'CHAD PA GANG YIN PA DE'O, ,DE LTA NA YANG ZHES BYA BA RNAM PAR CHAD PA YOD KYANG NGO, ,'ON TE JI LTAR THUNG DU GNYIS BRJOD PA LA RNAM PAR CHAD PA YOD PA DE BZHIN DU RING PO LA SOGS PA BRJOD PA LA YANG YIN NO ZHE NA, 'DIR NI ZHES GSUNGS SO, ,'DI NI ZHES BYA BA NI RNAM PAR CHAD PA NYID DU SNANG BA ZHES BYA BA 'DI'O, ,GAL TE MA MTHONG PA'I PHYIR BLO CIG CAR MI SKYED PAR SGRUB PAR BYED NA DE'I TSE MI DMIGS PA TSAD MAR KHAS BLANGS BAR BYA BA YIN NO, ,DE'I TSE YANG YI GE CHA RNAM PAR CHAD PAR SNANG BA MED PA KHO NA STE MA MTHONG BA'I TSAD MA NI RNAM PAR MA CHAD PA DE LA YANG YOD PA'I PHYIR RO, ,DES MA MTHONG BA'I TSAD MA MA YIN PA'I PHYIR RNAM PAR CHAD PA MED PAR NGES NUS PA MA YIN NO, ,RING PO LA SOGS PA BRJOD PA'I DUS SU RIGS PA CAN LA SOGS PAS 'DOD PA'I RNAM PAR CHAD PA'I BLO SKYE BA MED PA GANG YIN MED PAR SGRUB PAR BYED PA

MA YIN PA'I MI DMIGS PA GANG YIN PA DE NYID SANGS RGYAS PA 'DOD PA'I CIG CAR BA MED PA'I SGRUB PAR BYED PA YIN NAM CI KHYED LA NI SANGS RGYAS PA LA'O, ,GNAS PA MA YIN ZHING ZHES BYA BA NI 'DI NYID KYI DON NI GO SKABS MED DO ZHES BYA BA YIN NO, ,DON LA SBYOR BA NA MIG LA SOGS PA'I ZHES BYA BA'O, , JI LTAR DUS GCIG BU BUM PA GCIG GI YUL CAN GYI MIG GI RNAM PAR SHES PA GNYIS MI 'BYUNG BA BZHIN NO, ,GZUNG BA DANG 'DZIN PA'I ZHES BYA BA LA SGRA 'DZIN PA'I SHES PA NI GZUNG BA YIN LA DE'I YUL CAN NI 'DZIN PA YIN NO, ,DE LTAR NA RE ZHIG RNAM PAR RTOG PA LA GSAL BAR SNANG BA NYID MED DO ZHES BRJOD PA YIN NO, ,DA NI KHAS BLANGS NAS KYANG BRJOD PA NI, GSAL BAR SNANG BA YIN NA YANG ZHES BYA BA'O, ,GANG GIS GNOD CES GRUB PA'I MTHA' PAS DRIS PA NA, PHA ROL PO LAN 'DEBS PA NI BAR DU CHOD PAS SO ZHES BYA BA'O, ,'DI LA YANG ZHES BYA BA NI DE SU NA 'BYIN PA STE RING PO LA SOGS PA BRJOD PA'O, ,SNGON MYONG BAR GYUR PA DANG LTAR MYONG BZHIN PA GCIG NYID GANG YIN PA DE LTAR 'DZIN PA'I RANG BZHIN NO, ,'ON TE DA LTAR DRAN PAS SPYOD YUL DU BYAS PA GANG YIN PA DE NYID MNGON SUM GYIS KYANG 'DZIN PA YIN NO SNYAM NA, DRAN PA'I YUL GYIS ZHES GSUNGS SO, ,NGO SHES PA NI MNGON SUM GYI RANG BZHIN YIN PA'I PHYIR RUNG BA'I YUL NA GNAS PA'I RANG BZHIN YIN NA, SNGON MTHONG BA'I RANG BZHIN NI RUNG BA'I YUL NA GNAS PA MA YIN TE, DES NA RUNG BA'I YUL NA GNAS PA'I RANG BZHIN 'DZIN PA'I NGO SHES PAS NI DE 'DZIN PA MA YIN PA'I PHYIR CI LTAR SNGA MA DANG PHYI MA'I RANG BZHIN 'DZIN PA YIN ZHES STON PAR BYED PA NI GAL TE DE LTA NA ZHES BYA BA LA SOGS PA'O, ,DRAN PA ZHES BYA BA NI DE NYID 'DI YIN NO ZHES BYA BA STE, DE LTA BU'I RNAM PA CAN GYI DRAN PA MED PAR RO, ,DE LTAR ZHES BYA BA NI GCIG NYID DU MNGON SUM GYIS CI STE MI RTOGS 'DI LA PHA ROL POS BRJOD PA NI, DE DANG ZHES BYA BA STE SNGAR GYI YUL DANG LHAN CIG 'BREL PA GANG YIN PA DE DANG BRAL BA'I PHYIR DE LTAR MI RTOGS SO 'O NA ZHES BYA BA NI LAN NO, ,GANG GIS ZHES BYA BA NI MNGON SUM MAM RJES SU DPAG PAS SO, ,DE LTA MA YIN NA ZHES BYA BA NI RTOGS PA TZAM TSAD MAR KHAS LEN NA'O, ,'ON TE SNGAR GYI DUS LA

, ,SOGS PA DANG 'BREL PA MA RTOGS MED DO, ,RE ZHIG 'BREL PA CAN NI RTOGS PA YIN NO SNYAM NA GAL TE SNGON GYI ZHES BYA BA'O, ,'ON TE DA LTA NYID DU SKYES PA NI SNGAR NYID YOD PA MA YIN PAS NA JI LTAR BRTAG PAR 'GYUR ZHE NA, GAL TE ZHES GSUNGS SO, ,DA LTAR BA DE SNGAR MA SKYES PA CI LTAR YOD CES GZHAN GYIS DRIS PA LA SNGAR ZHIG PA'I BUM PA LA SOGS PA YANG JI LTAR YOD DE, DE YANG BRTAG PA NYID DU MI 'GYUR RO, ,PHA ROL PO KHYAD PAR STON PA NI KHYAD PAR 'DI ZHES GSUNGS TE, 'BYUNG BAR 'GYUR BA NI DRAN PA MA YIN NO ZHES DGONGS PA'O, ,'DI LA GRUB PA'I MTHA' PAS GSUNGS PA NI, SNGAR ZHES GSUNGS SO, ,PHA ROL GYIS SMRAS PA NI 'BYUNG BA NYID DU ZHES BYA BA'O, ,'DI LA LAN NI 'BYUNG BAR 'GYUR BA ZHES BYA BA'O, ,'DIR YANG ZHES BYA BA NI ZHIG PA LA YANG NGO, ,'DI LA BRJOD PA NI DBUS SU ZHES BYA BA'O, ,RE ZHIG GANG GI TSE RTOGS PA DE'I TSE YOD, MED PAR NA YOD DO ZHES BYA BAR GO JI LTAR 'GYUR TE BAR DU MA RTOGS PA'I PHYIR RO, ,PHA ROL POS DA LTAR ZHES SMRAS SO, ,DA LTAR MTHONG BAS DBUS SU YOD PAR JI LTAR ZHE NA SNGAR ZHES SMRAS SO, ,LAN NI 'O NA ZHES GSUNGS SO, ,'O NA RJES SU DPAG PAS SNGAR YOD PA NYID DU RTOGS SO ZHE NA; RJES SU DPAG PA YANG ZHES SMRAS SO, ,BAR MED PA ZHES BYA BA NI 'DI NI SNGAR ZHES GNAS PA NYID MTHONG BA YIN GYI DNGOS PO GZHAN MTHONG BAS BAR CHOD PA NI MA YIN PA DE LA'O, ,SUN 'BYIN PA NI MA YIN TE ZHES BYA BA'O, ,DE NYID CES BYA BA NI NGA'I MTHONG BA'I RGYUN MA CHAD DO ZHES BYA BA'I DRAN PA NYID DO, ,DE NYID KYIS ZHES BYA BA NI SNGAR GNAS PA NYID KYIS NI MA YIN PA'O, ,DE LTA MA YIN TE ZHES BYA BA NI GAL TE DE NYID KYIS BYED NA'O, ,DE NYID CES BYA BA NI SNGAR GNAS PA NYID DO, ,DE NYID KYI TSE ZHES BYA BA NI SNGAR GNAS PA NYID DU'O, ,DE NYID LA NI SNGAR GNAS PA NYID LA'O, ,THUG PA MED PA NYID STON PA NI GANG GI PHYIR ZHES BYA BA'O, ,DE LA YANG ZHES BYA BA NI DE NYID DON BYA BA NI YIN NO ZHES BYA BA DE LA YANG NGO, ,BAR BCAD PA'I PHYIR ZHES BYA BA NI BLO'I BLOS SO, ,'ON TE ZHES BYA BA LA SOGS PA NI GCIG GI TSE NYID PHYI MA LA SOGS PA 'DZIN PA DANG 'DZIN PAR YANG 'GYUR BA

YIN TE, DES NA PHYI MO 'DZIN PA THAMS CAD DUS MTSUNGS PA KHO NAR DE 'DZIN PAS NYAMS SU MYONG BA'I PHYIR BLO YUN RING PO DRAN PA 'THAD PA KHO NA YIN NO ZHES BYA BA NI GZHAN GYI ZHE RTZIS SO, ,'DI LA BRJOD PA NI DE YANG MI 'THAD DE BYA BA'O, ,DON DE DANG SHES PA GNYIS KYIS MYONG BA GANG YIN PA DE DAG GO, , YANG JI LTAR NA SHES PA CIG CAR 'BYUNG BA MI 'DOD SNYAM NA SHES PA CIG CAR ZHES BYA BA'O, ,PHYED PHYI MA 'CHAD PA NI DON SNANG BA'I ZHES BYA BA'O, ,'O NA CI LTAR RTOGS SNYAM NA RANG GIS ZHES GSUNGS SO, ,GZHAN GYIS BYAS PA'I DPE NYID MI 'GRIG PAR STON PA NI GAL TE BDE BA ZHES BYA BA'O, ,DE'I BLO YANG ZHES BYA BA NI BDE BA LA SOGS PA'I BLO YANG NGO, ,THA DAD PAR YANG CI STE MI 'GYUR ZHE NA, THA DAD PAR SNANG BA ZHES GSUNGS SO, ,'O NA BDE BA RIGS PA CI LTAR GZHAG PAR RIGS SHE NA, BDE BA MYONG BA ZHES BYA BA'O, ,DON LA YANG DE KHO NA LTAR RIGS SO ZHES STON PA NI DE BZHIN DU ZHES BYA BA NI YANG MYONG NGO ZHES RIGS SO; ,'DI NA ZHES BYA BA NI SNGON PO LA SOGS PA LA'O, ,SNANG BA GZUGS LA SOGS PA LAS THA DAD PA MED PA KHO NA'O, ,GANG GI TSE ZHE NA GSAL TE ZHES BYA BA'O, ,DON LA BRJOD PA NI RIG PA DANG ZHES BYA BA'O, ,DE'I TSE RIG PA DANG SNGON PO LA SOGS PA THA DAD PA DE LTAR BRTAG PA YIN NA, DE LTA YANG ZHES BYA BA RIG PA DANG SNGON PO LA SOGS PA THA DAD PAR MTSON PA YANG MA YIN NO, ,'BA' ZHIG NI GZUGS DANG BRAL BA'O, ,GZUGS DANG SNANG BA DANG BRAL BAR BYIS PA LA SOGS PA 'GA' ZHIG GIS DMIGS PA YIN NO, ,DE BZHIN DU RIM GYIS PA LA YANG DON DANG DON SNANG BA ZHES BYA BA LA SOGS PAR SBYAR RO, , NYES PA DE NYID STON PA NI 'DI LTAR ZHES BYA BA'O, ,RE ZHIG DANG PO NI DON RIG PAR 'GYUR BA YIN NO, ,DE NAS NI DON SNANG BA'I SHES PA RIG GO, ,'ON TE DON RIG PA RIG PA'I DUS NA DON DU SNANG BA MI RIG PA STE DON RIG PA TZAM RIG PA'I PHYIR RO ZHE NA, DON RIG PA NI ZHES GSUNGS SO, ,DAG PA'I DON DU SNANG BA DANG BRAL LO, ,DES NA DON RIG PA RIG YIN NA, NGES PAR DUS SU SNANG BA RIG PAR 'GYUR RO, ,DES NA DON GYI RNAM PA LAN GNYIS SU SNANG BAR 'GYUR RO, ,DE LTA MA YIN NA ZHES BYA BA NI GAL TE DON DU SNANG BA MA RIG NA'O, ,RNAM 'GREL 'DI NI MNGON PAR 'DOD PA'I DON BSHAD PA'I DON DU SUM 'BYIN PAR BYED PAS SMRAS PA

, ,NI 'DIR ZHES BYA BA'O, ,DE LA YANG ZHES BYA BA NI BDE BA LA SOGS PA'I RIG PA 'DZIN PA LA YANG NGO, ,SKABS NYID LA ZHES BYA BA NI, DRAN PA LAS KYANG BDAG RIG GRUB, ,CES BYA BA 'DI LA'O, ,'PHO BAR MI 'GYUR BA NYID SGRUB PAR BYED PA NI PHYI MA PHYI MAS ZHES BYA BA'O, ,GEGS BYED PA ZHES BYA BA NI SHES PA SNGA MA SHES PA PHYI MAS MYONG BA LA'O, ,DE LA ZHES BYA BA NI BLO PHYI MA LA'O, ,PHYI'I GEGS BYED PA MED PA NA BLO SNGA MA PHYI MAS MYONG BAR 'GYUR RO, ,DON GYIS GO BAS ZHES BYA BA NI NYAMS SU MYONG BAR GYUR PA'I DON GZHAN DU MI 'THAD PAS SO, ,RGYUN MI 'CHAD PAS ZHES BYA BA NI PAR CHAD MED PAR RO, ,DE'I TSE YANG SO SOR DON NYAMS SU MYONG BA'I MTSAN NYID GZHAN RNAMS LA DON GYIS GO BA CI ZHIG YOD DES NA BLO'I SKAD CIG DE MTHA' DAG NYAMS SU MYONG BAR 'GYUR RO, ,DE LTA YIN DANG DUS DE SRID BDAG GIS MTHONG NGO ZHES DRAN PAR YANG MI 'GYUR RO, ,SUN 'BYIN PA GZHAN YANG BRJOD PA NI DON GYIS GO 'DREN PA ZHES BYA BA'O, ,GZHAN DU NI MA YIN NO ZHES BYA BA NI NYAMS SU MYONG BAR RO, ,DES NA DON GYI BLO NYAMS SU MYONG BA MA GAGS BYAS PA'I PHYIR BLO NYAMS SU MI MYONG ZHING DRAN PAR YANG MI 'GYUR RO ZHES BYA BA NI SKABS NYE BAR BSDU BA'O, ,NYI STE NYAMS SU MYONG BA NYAMS SU MYONG BAR 'GYUR PAS CI BYA STE, DON YOD PA TZAM GYIS MYONG BAR 'GYUR BA YIN NO ZHE NA, YOD PA TZAM LAS ZHES GSUNGS SO, ,GZHAN GYIS SMRAS PA, DBANG PO DANG 'BREL PA LAS DON NYAMS SU MYONG BAR 'GYUR GYI, ,MYONG BA NYAMS SU MYONG BA LAS NI MA YIN NO ZHE NA, 'DI LA BRJOD PA NI DBANG PO DANG 'BREL PA DE YANG TSAD MA GANG LAS RTOGS PAR BYA; DAL YANG ZHES BYA BA 'DAS PA LA SOGS PA'I RNAM PAR RTOG PA LA YANG NGO, ,DES ZHES BYA BA NI YUL DANG DUS GZHAN GYI BDAG NYID CAN GYIS SO, ,DE NYID KYIS ZHES BYA BA DE 'DRA BA'I DON GYIS PHYOGS PA'I PHYIR TE KHYER PA'I PHYIR RO, ,'DI NYI GZHUNG 'DZUGS PA DBANG PO'I ZHES BYA BA'O, ,RES 'GA' ZHES BYA BA NI DON NYE BA'I GNAS SKABS NA'O, ,RES 'GA' NI ZHES BYA BA DON MI NYE BA NA'O, ,DE LTA MA YIN PAR ZHES BYA BA NI RGYUN CHAD PAR RO, ,'DI NI KHAS BLANGS NAS BRJOD PAR ZAD KYI 'THAD KYI NI MA YIN TE, DON NYE BAR MA YIN PA'I GNAS SKABS MED PA'I PHYIR RO, ,DON GZHAN LA CHAGS PAS TE 'CHAL PAS NUS PA

NYAMS KYANG NGO, ,GCIG SHES ZHES BYA BA NI THOGS PA MED PA'O, ,DE'I PHYIR BLO SNGA MA NUS PA MED PA'I PHYIR PHYIS DON GYI BLOR MI 'GYUR RO, ,'JUG PA'I RNAM PAR SHES PA THAMS CAD DE'I DBANG PO'I SHES PA LNGA PO GANG YIN PA'O, ,'ON TE 'JUG PA'I RNAM PAR SHES PA SNGA MA YANG RGYU YIN LA KUN GZHI'I RNAM PAR SHES PA YANG YIN PA'I PHYIR NYES PA CI YOD SNYAM NA 'JUG PA'I ZHES GSUNGS SO, ,GAL TE KUN GZHI'I RNAM PAR SHES PA NYID RGYU YIN NA NI DE'I TSE DUS PHYIS KYANG 'JUG PA'I RNAM PAR SHES PA SNGA MA NYID SKYE BAR 'GYUR NA DE LTA YANG MA YIN TE, DES NA SNGA MA DANG RIGS MTHUN SHIN TU GSAL PA GCIG NYID 'BYUNG BA LAS NI RIGS MTHUN PA'I RNAM PAR SHES PA LAS SNGA MA NYID DE MA THAG PA'I RKYEN YIN NO, ,BDAG CAG GIS NI KUN GZHI'I RNAM PAR SHES PA KHAS MA BLANGS TE, NYES BA 'DI NI GANG GIS KHAS BLANGS PA DE NYID LA 'GYUR RO ZHES THUGS LA BZHAG NAS RE ZHIG ZHOG CIG CES GSUNGS SO, ,DE YANG ZHES BYA BA NI DE MA THAG PA'I RKYEN TO, ,'GA' YANG MED PAR 'GYUR RO ZHES BYA BA NI SHES PA PHYI MA MI 'GYUR RO, ,CHAGS PA ZHES BYA BA NI KUN DU CHAGS PA DANG LDAN PA'O, ,DE LA YANG ZHES BYA BA NI YID LA'O, ,DE YANG NI YID KYI DBANG PO'I YANG NGO, ,DE YANG ZHES BYA BA NI CIG CAR MI SKYE BA'O, ,RNAM PAR SHES PA SNGA MA GZHAN CHAGS PA GANG YIN PA DE NUS PA NYAMS PA NYID KYIS GRUB PA'I PHYIR JI LTAR YID 'GRUB, GANG GIS YID BRTAG PAR 'GYUR PA THAMS CAD KYI TSE RNAM PAR SHES PA CIG CAR MI SKYE BA NYID KYANG MA YIN NO ZHES STON PA NI, LHAN CIG SKYE BA YANG ZHES BYA BA'O, ,'JUG PA MTSUNGS PA LA'ANG ZHES 'ANG GI DON BRJOD PA NI GZHAN DU 'ANG ZHES BYA BA'O, ,'DI NYID KYI DON BSDUS TE BSTAN PA NI THAMS CAD KYI ZHES BYA BA'O, ,MAR ME DU BAS MTHONG ZHES BYA BA NI MAR ME GANG LA 'BRAS BU MTHONG BA DU MA YOD PA DE LA DE SKAD CES BYA BA'O, ,'ON TE LTA BA BO DU MA'I DBANG GIS SGRON MAS SHES PA MA BSKYED DO ZHE NA, LAN DU 'DI LA YANG ZHES BYA BA STE, SKABS SU BAB PA'I YUL LNGA NYE BAR GNAS PA LA YANG NGO, ,KHYAD PAR NI DE'I BDAG NYID DU MI 'GYUR TE, DUS PHYIS 'BYUNG BA'I PHYIR DAD RGYU THA DAD PA'I PHYIR RO, ,'ON TE KHYAD PAR DE GZHAN KHO NA'O ZHE NA, DE'I TSE GA LA

, ,TE KHYAD PAR DE GZHAN NA YID RTAG PA GCIG BU'I RANG BZHIN DE'I CI YIN TE CI YANG MA YIN NO, ,'ON TE KHYAD PAR DE YID DANG 'BREL PA YIN NO ZHE NA, YID DE DANG KHYAD PAR DE 'BREL NA'ANG KHYAD PAR 'DI YID DE'I YIN PAR 'GYUR MOD KYI, RANG BZHIN GCIG YIN PAR MI 'GYUR RO, ,DES NA KHYAD PAR GZHAN SKYES KYANG SNGA MA BZHIN DU YID DE SKYED PAR BYED PA'AM, SKYED PAR MI BYED PA THAMS CAD KYI TSE 'GYUR RO, ,RNAM PAR SHES PA DE NYID CES BYA BA NI LUS DANG SKYES BU DAG RTAG PAS KHYAD PAR DU 'GYUR BA MI 'THAD PA'I PHYIR RO ZHES BYA BA'I DON TO, ,'DU BYED DE GANG LAS PHYIS SKYE BA YIN 'DI LA GZHAN GYIS BRJOD PA NI SHES PA LAS SKYES PA ZHES BYA BA'O, ,KHAS LEN PAS GAL TE ZHES BYA BA'O, ,'O NA BAG CHAGS NYID BLO'I SKYED BYED YIN GYI BLO NI MA YIN NO SNYAM NA, BLO LAS ZHES GSUNGS SO, ,DE LTA BU NYID DU MTHONG NGO ZHES BYA BA NI SNANG BA'I RANG BZHIN SHES PA SKYED PAR BYED PA THAMS CAD NI GZUNG BA ZHES BYA BA NI 'KHOR BAR MA MTHONG NGO, ,'ON TE ZHES BYA BA NI GZHAN GYI 'O BSAM PA NI 'DI MIN TE, RANG BZHIN 'GAS RNAM PAR SHES PA DE BSKYED PA YIN YANG GZUNG BAR BYA BA MA YIN PAR YANG 'GYUR RO ZHES BYA BA'O, ,'DI 'GOG PA NI MA YIN TE ZHES BYA BA'O, ,SHES PA SNGA MA'I GZUNG BA'I NUS PA GANG YIN PA DE NYAMS PAR 'GYUR GYI SKYED PAR BYED PA'I RANG BZHIN NI NYAMS PA MA YIN NO, ,DES NA BLO SNGA MA LAS SHES PA PHYI MA SKYED PAR PHYED DO'I ZHE NA, 'DI LA BRJOD PA NI DE NI MI RIGS TE ZHES BYA BA'O, ,DE DNGOS POR NGES PA NI SKYED BYED KYI DNGOS POR NGES PA'O, ,SKYED PAR BYED PA DE NI BLO LA YANG YOD PA'I PHYIR RO, ,DE NYID KYI ZHES BYA BA NI GZUNG BA NYID DU'O, ,DER YANG ZHES BYA BA NI GZHAN GYIS SMRAS PA RINGS PAR BGRANG BA'I TSE YANG NGO, ,MA YIN TE ZHES BYA BA NI 'GOG PA'O, ,DA NI RNAM PAR RTOG PAR BYED DE DON GYIS GO BA 'DI DON NAM DON RIG PA'AM GNYI GA LAS SKYE GRANG NA, RE ZHIG DON LAS NI SKYE BA MA YIN TE, DE'I TSE NI DON DE LAS RANG DANG GZHAN GYI RGYU LA YOD PA'I BLO THAMS CAD RTOGS PAR 'GYUR RO, ,DON NI THUN MONG YIN PA'I PHYIR RO ZHES DGONGS PA'O, ,DON RTOGS PA LAS KYANG DON GYI BLO RTOGS PA TZAM DU

'GYUR GYI 'DI NGA'I DON RTOGS PA YIN NO ZHES NI MA YIN NO, ,DE NYID PHYIR NA ZHES BYA BA NI NYES PA BSHAD ZIN PA NYID KYI PHYIR RO, ,'ON TE DON RIG PA LAS RIG PA RTOGS PA YIN NO ZHE NA, 'DI LA TSIG LE'UR BYAS PAS BRJOD PA'I NYES PA GZHAN NYID BRJOD PA NI DON RIG PA DE NYID CES BYA BA'O, , 'ON TE DON RIG PA NI MTHONG BA NYID DE DES NAM MTHONG BA'I RTOGS PAR 'GYUR RO ZHE NA, DON MYONG BA YANG ZHES BYA BA'O, ,RNAM PAR RTOG PA GSUM PA LA BRJOD PA NI, DE NYID KYI PHYIR ZHES BYA BA'O, ,GNYIS PA NI DPON DANG RIG PA'O, ,'ON TE RIG PA GCIG PU MI MTHONG MOD GNYI GA CI STE MI MTHONG ZHE NA, GCIG MA MTHONG NA ZHES GSUNGS SO, ,'ON TE KHYAD PAR MED KYANG RES 'GA' 'DZIN LA RES 'GA' MI 'DZIN PA'I PHYIR NYES PA CI YOD SNYAM NA GAL TE YUL LA ZHES GSUNGS SO, ,DE ZHES BYA BA NI 'DZIN PA'I RNAM PAR DBYE BA'O, ,KHO BO CAG GIS THAL BAR SGRUB PA'I YUL GZHAN LA 'PHO BAR 'GYUR BA NI KHYED KYIS MA SPANGS SO ZHES DGONGS PA'O, ,NUS PA DU MA DANG GCIG PA DE RNAMS MED KYANG DNGOS PO RNAMS NI 'BRAS BU DU MA DANG GCIG KYANG BYED PA YIN NO, ,'DI JI LTAR ZHES BYA BA NI BRGAL ZHING BRTAG PA'I RNAM PA'O, ,DE ZHES BYA BA NI SO SOR NGES PA'O, ,DE LTA MA YIN NA ZHES BYA BA NI GAL TE RANG GI RGYU'I NUS PA KHAS MI LEN NA'O, ,CHOG MOD CES BYA BA NI GANG LA NUS PA SNA TSOGS MED KYANG 'GA' ZHIG 'BRAS BU SNA TSOGS BYED LA NUS PA GCIG MED KYANG 'GA' ZHIG NI 'BRAS BU GCIG BYED PA 'DI NI DNGOS PO RNAMS KYI RANG BZHIN YIN NO ZHES BYA BAS SO, GAL TE NUS PA THA DAD PA'I RTOGS PA 'DI MED NA DE'I TSE 'DI'I NUS PA ZHES THA DAD PAR RTOGS PA JI LTAR ZHE NA, RANG GI NGO BOR ZHES GSUNGS TE, RANG BZHIN DU GYUR PA'I CHOS GANG YIN PA DE THA DAD PAR SGRO BTAGS NAS 'DI LTAR RTOGS PA YIN GYI DE KHO NA NYID DU NI MA YIN NO, ,'DI JI LTAR RTOGS PAR BYA ZHES BRTZAD PA NA BRJOD PA NI NUS PA LA YANG ZHES BYA BA'O, ,DE NYID GZHUNG 'DZUGS PA NI 'DI LTAR ZHES BYA BA'O, ,MA YIN ZHES BYA BA NI RTZOD PA 'GOG PA'O, ,DES NA 'BRAS BU 'GA' ZHIG NI GCIG LAS 'GYUR BA YIN LA 'BRAS BU 'GA' ZHIG NI TSOGS PA LAS JI LTAR MTHONG BA BZHIN 'BYUNG BA MA

, ,YIN NO, ,DE DAG DE'I YIN NO ZHES BYA BA'I THA SNYAD MED PA NYID DE, DES NA DE LAS PHAN PA DPYAD PAS CI ZHIG BYA SNYAM NA, GZHAN DU NI ZHES BYA BA STE, DE DAG DE'I ZHES 'BREL PA MED NA'O, ,DE LTAR ZHES BYA BA THA DAD PAR MTHONG BAR THAL BA YIN NO, ,DES NA JI LTAR NUS PA RNAMS DE DAG DE'I ZHES NYE BAR BSTAN PA'I DON GCIG LAS PHAN PA DON DU GNYER BAR BYED PA DE BZHIN DU 'BRAS BU DU MA YANG GCIG LAS PHAN PA LA BRTEN PAR 'GYUR NA, CI NYES ZHES DGONGS PA'O, ,YANG NA ZHES BYA BA LA SOGS PAS NI MA YIN ZHES BYA BA'I DGAG PA 'GA' ZHIG GCIG LAS GCIG CES BYA BA DANG 'BREL NAS 'CHAD PA'O, ,JI LTAR ZHES BYA BA'I NUS PA DU MA LAS PHAN 'DOGS PA'I SGO NAS SO, ,DE BZHIN DU ZHES BYA BA NI 'BRAS BU DU MA LAS PHAN 'DOGS PA'I SGO NAS SO, ,GNYI GA ZHES BYA BA NI DON GYI BLO DANG RANG GI YUL CAN GYI BLO'O, ,SNGAR NI ZHES BYA BA BLO SNGA MA'I DUS NA SNANG BA YIN LA PHYIS NI ZHES BYA BA BLO'I DUS SU NI DE'I BLO'O, ,'ON TE ZHES BYA BA NYID PHA ROL PO GSAL KA BSKYED PA NI BLO NI ZHES BYA BA'O, ,'DI LA LA NI 'O NA ZHES BYA BA'O, ,DON GYIS ZHES BYA BA NI DON GSAL BA'I DON GYIS SO, ,GTAN 'GYUR ZHES BYA BA NI RGYUN MI 'CHAD PAR DU MA 'DZIN PA'I RIM PA GANG YIN PA DE'I DUS SU YANG NGO, ,GZHAN GYI TSE ZHES BYA BA NI PHYIS KYANG RTOGS PAR MI 'GYUR RO, ,DES NA DON GYIS GO BAS DON GYI RIG PA YIN PA NA, LAN BRGYAR ZHES BYA BA DON LA MANG POR SNANG BAR 'GYUR RO, ,DE'I TSE YANG GSAL BA LA SOGS PA GANG LAS DON GYIS GO BAR 'GYUR BA RANG GI BLO STON PAR BYED PA DE'I TSE NI GSAL BA LA SOGS PA MTHONG BA 'GA' YANG YOD PA MA YIN NO, ,CI'I PHYIR ZHE NA, DE'I TSE ZHES BYA BA RANG GI BLO STON PA'I DUS NA, GSAL BA LA SOGS PA DON GYIS GO BAR BYED PA GANG YIN PA DE 'DAS PA'I PHYIR RO, ,DRAN PAR GYUR PA ZHES BYA BA GSAL BA ZHES BYA BA'I DON MTHONG BA LAS SO, , 'DI LA BRJOD PA NI DRAN PA NYID CES BYA BA'O, ,DRAN PAR GYUR PA LAS NI DRAN PA RTOGS KYI MYONG BA MA YIN TE, DE LTA MA YIN NA NI NAM GYI TSE YANG RTAG TU MED PAR 'GYUR RO, ,KHAS BLANGS NAS KYANG BRJOD PA NI DER YANG ZHES BYA BA STE, BRTAGS PA'I MYONG BA LAS YANG NGO, ,BRJOD PA GNYIS DANG GNYIS

SU SNANG BAR DRAN PA DANG MYONG BAR YANG 'GYUR RO, ,'ON TE DRAN PAR BYA BA LAS NI DRAN PA RTOGS LA DE GANG MYONG BA MED PAR MI 'JUG PA DES NA MYONG BA RTOGS PA YIN NO ZHE NA, DE NI MA YIN TE ZHES GSUNGS SO, ,BDAG GIS NYAMS SU MYONG 'GYUR ZHES RNAM PA DE LTAR DRAN PA 'JUG PA NA, NGA'I BLO YOD PAR GYUR TO ZHES BYA BA RNAM PA DE LTAR DON GYIS GO BA NI MI SRID PA KHO NAR TE DRAN PA TZAM GYIS 'JUG PA'I PHYIR RO, ,PHYIS KYANG DON GYIS GO BA MA YIN TE, DRAN PA NYID NI TSAD MA MA YIN PAS DON GYIS GO BA MA YIN PA'I PHYIR RO, ,DRAN PA LAS GZHAN PA'I DON GYIS GO BA YANG MYONG BA MED DE, DES NA DRAN PA GA LA SRID DE, NYAMS SU MYONG BA DON GYIS GO BSAM GRUB PA'I PHYIR RO, ,KHAS BLANGS NAS KYANG BRJOD PA NI GANG GI TSE ZHES BYA BA'O, ,'ON TE MI GSAL BA'I RNAM PA GNYIS NI YOD PA MA YIN TE, DON LKOG TU GYUR PA'I PHYIR RO, ,MI GSAL BA'I RNAM PA GNYIS SU RIG PA NI YOD PA KHO NA'O ZHE NA, 'DI LA BRJOD PA NI DE YANG ZHES BYA BA STE, MI GSAL BA'I RNAM PA GNYIS RIG PA DE YANG NGO, ,GANG ZHIG CES BYA BA'I DON NAM SHES PA GANG GI TSE DON GYIS GO BAR 'DOD PA DE'I TSE KHO NA DE DON GYIS GO BA YIN NO, ,'DI NYID GSAL 'DEBS PA NI GANG GI PHYIR ZHES BYA BA'O, ,GANG GI THA MA YIN SNYAM NA, GAL TE YUL ZHES BYA BA'O, ,GZHAN GYIS NYAMS SU MYONG BAR GYUR PA BZHIN ZHES BYA BA NI, SKYES BU GZHAN GYIS MYONG BAR 'GYUR PA NI DON NYAMS SU MYONG BAR MI 'GYUR BA DE DANG 'DRA BAR RO, , DON GANG GIS MYONG BA NYAMS SU MYONG BAR MA GYUR PAR NI DE NYAMS SU MYONG BAR GYUR PA NYID MI SRID PA'I PHYIR RO, ,DBANG POR GYUR PA'I BAR YANG NYAMS SU MYONG BAR GYUR PA MA YIN NO, ,GZHAN GYIS MYONG BAR GYUR PA BZHIN DU ZHES BYA BA'I DPE NYID GSAL BAR BYED PA NI DPER NA ZHES BYA BA'O, ,GZHAN GYIS NYAMS SU MYONG BAR 'GYUR YANG GZHAN DES NYAMS SU MYONG BA NI, SKYES BU GZHAN NYAMS SU MYONG BA MED PA'I PHYIR SKYES BU PHA ROL POS DON NYAMS SU MA MYONG BA DE BZHIN DU GZHAN GYIS NYAMS SU MYONG BAR GYUR PA'I DON LA YANG MYONG BA NYAMS SU MYONG BAR MA GYUR

, ,PA'I PHYIR MA MYONG BAR 'GYUR RO, ,'ON TE GSAL BA LA SOGS PA LAS RANG GIS NYAMS SU MYONG BAR RTOG GO ZHE NA, 'DI LA BRJOD PA NI DON GYI RANG BZHIN DE NI ZHES BYA BA STE, GSAL BA NYID LA SOGS PA'O, ,JI LTAR MYONG BA YIN ZHES BYA BA NI BDAG DANG 'BREL PAR YONGS SU BRTAG PA'O, ,GZHAN GYIS KYANG MYONG BAR CI STE MI RTAG CES DGONGS PA'O, ,GZHAN NYAMS SU MYONG BA NA ZHES BYA BA NI GANG GI TSE GZHAN GYIS DON MYONG BA DE'I TSE'O, ,DE KHO NAR NI GZHAN GYIS MYONG BAR GYUR PA LA JI LTAR BDAG NYID KYI MNGON SUM YIN PAR RNAM PAR 'JOG MI NUS PA DE BZHIN DU BDAG GIS MYONG BAR GYUR PA YANG BDAG GI GZHAN GYI'O ZHES RNAM PAR GZHAG PAR MI NUS SO, ,GZHAN RTOGS PAS ZHES BYA BA NI NYAMS SU MYONG BA RTOGS PAS SO, ,GZHAN ZHES BYA BA NI SNANG BZHIN PA'I DON GYI RANG BZHIN NO, ,SNGON PO LA SOGS PA'I DON RTOGS PA NI BDEN MOD KYI, 'ON KYANG RANG NYID CES BYA BA RANG GI NGO BO KHO NAS RTOGS PA YIN GYI SHES PA NI BRTAG PAR MI BYA'O, ,DE YANG BDAG GO, ,BYED PA PO NYID DU NI RTOGS PA'I'O, ,DES NA RANG RIG PA MA YIN TE GZHAN RIG PA'ANG YOD PA'I PHYIR ZHES BYA BA NI GZHAN GYI BSAM PA'O, ,CI LTAR LUS YIN SNYAM NA GANG GI PHYIR ZHES BYA BA'O; ,GANG GI TSE LUS NYID RIG PA DE'I TSE LUS RANG RIG PA MED PA KHO NA'O, ,DES ZHES BYA BA NI BDAG GIS SO, ,BDAG RANG RIG PAS NYAMS SU MYONG BA MED KYANG BDAG NYAMS SU MYONG NGO ZHES BYA BA'I THA SNYAD JI LTAR MI 'DOD GSAL BA SHES PAS DON GSAL BA'I PHYIR RO, ,JI LTAR ZHES BYA BA NI MIG MA RTOGS PA'I PHYIR RO ZHES BSAMS PA'O, ,LAN NI NGA'I ZHES BYA BA'O, ,RANG RIG PA MA YIN NA ZHES BYA BA NI RANG RIG PA KHAS MI LEN NA'O, ,DE'I TSE MTHA' DAG CES BYA BA NI MTHA' GSAL BAR 'GYUR RO ZHES HA CANG THAL BAR 'GYUR GDON MI ZA BAR 'GA' ZHIG LA 'GA' ZHIG GI GSAL BA SKYES PA'I PHYIR RO, ,'ON TE GANG GI GSAL BA GANG LA SKYES PA DE LA DE GSAL BA'I PHYIR HA CANG THAL BA MA YIN NO SNYAM NA, GANG GI ZHES GSUNGS SO, ,'BREL PA YANG MI 'BYUNG STE GSAL BA MA RTOGS PA'I PHYIR DE'I RANG BZHIN NO, ,TSAD MA RNAM 'GREL RGYAN GYI t'I K'A LAS, MNGON SUM GYI LE'U STE GNYIS PA'O,, ,,

, ,RNAM DAG RIGS PA BLA MED SNA TSOGS PA, ,RANG DON GNAS SKABS GNOD MED BSHAD NAS NI, ,DE YI GZHAN GYI DON BYED GNAS SKABS MCHOG ,SKYE BO KUN LAS PHUL BYUNG BRJOD [DD] PAR BYA, ,BCOM LDAN 'DAS KYI GNAS SKABS NI RNAM PA BZHI STE, 'DI LTAR RGYU'I GNAS SKABS BSAM PA DANG SBYOR BA'I DBYE BAS GNYIS DANG, 'BRAS BU'I GNAS SKABS KYANG RANG DANG GZHAN GYI DON PHUN SUM TSOGS PA'I DBYE BAS RNAM PA GNYIS YIN PA'I PHYIR RO, ,DE STON PAR BYED PA'I LE'U YANG RNAM PA BZHI KHO NA'O, ,DE LA SLOB DPON GYIS BRTZAMS PA'I 'JUG PA 'DI LAS LE'U GNYIS KYI RGYAN MDZAD NAS; LE'U THA MA'I RGYAN LA DE KHO NA LTAR BYA BA'I PHYIR BRJOD PA NI RANG GI DON GYI ZHES BYA BA LA SOGS PA'O, ,'ON TE GRANGS CAN BZHIN DU RANG GI DON GYI RJES SU DPAG PA MED BZHIN DU GZHAN GYI RJES SU DPAG PA BRJOD DAM SNYAM DU DOGS PA BSU NAS BRJOD PA, RANG GI DON GYI RJES SU DPAG PA SHIN TU NGES PAR BYAS PA'I TSUL GSUM PA'I RTAGS TE, DE RGYU YIN PA'I PHYIR, DE LAS SKYES PA LKOG TU GYUR PA'I

, ,SHES PA DE'I DE MA THAG TU'O, ,DE MED PAR NI TSUL GSUM BA'I RTAGS BRJOD PA'I BDAG NYID GZHAN GYI DON GYI RJES SU BAG PA MI BRJOD DO ZHES BYA BA'I DON TO, ,'DI GA LAS SHEN, RANG GI DON GYI RJES SU DPAG BA SNGON DU 'GRO BA CAN YIN PA'I PHYIR RO ZHES SMOS SO, ,DE SNGON DU 'GRO BA CAN MA YIN NA NI GZHAN GYI DON GYI RJES SU DPAG BA RA MI RIGS PA'I PHYIR RO ZHES BYA BA'I DON TO, ,DES NA GRANGS CAN GYIS BRTAGS PA'I TSUL GSUM PA 'CHAD BA NA GZHAN GYI DON GYI RJES SU DPAG PA MA YIN NO ZHES BRJOD PAR 'GYUR RO, ,'DIR NI 'DI LTAR BSAMS PA YIN TE, CI LTAR RJES SU DPAG PA GNANG DE'I RGYU'I 'BRAS BU TSIG LA RJES SU DPAG PAR BRJOD PA DE LTAR, DE MNGON SUM DANG DE'I RGYU'I 'BRAS BU NI MA YIN TE DES NA MNGON SUM DU NI MI BRJOD DO, ,TSIG NI RJES SU DPAG PA'I RGYU YIN PAS KYANG GZHAN GYI DON GYI RJES SU DPAG PA YIN GYI, GZHAN GYI DON GYI MNGON SUM NI MA YIN TE, DE'I RGYU MA YIN PA'I PHYIR RO ZHES DE MA THAG TU STON PAR 'GYUR RO, ,RNAM RTOG MING GI RTEN YIN PA DANG 'BRAS BU YANG YIN NO ZHES BYA BA'I TSUL GYIS SO, ,DES NA 'DI NI RI DAGS RGYUGS PA'O ZHES BYA BA'I TSIG GZHAN GYI DON GYI MNGON SUM DU JI LTAR BRJOD, GAL TE YANG 'DIR

'DI'I GO RIMS BRJOD PAR BZHED PA YIN NA DE'I TSE 'DI SKAD CES RANG GI DON GYI RJES SU DPAG BA BRJOD NAS, GZHAN GYI DON GYI RJES DPAG BRJOD DO ZHES GSUNG PAR 'GYUR TE, SPYI'I MTSAN NYID BRJOD NAS KHYAD PAR GYI MTSAN NYID BSHAD PA ZHES BYA BA BZHIN NO, ,GO RIMS BRJOD NA NI GTAN TSIGS 'GOD PAR YANG MI RIGS TE SNGA MA NYID BZHIN NO, ,'ON TE DER NI RTOGS PAR SLA BA'I PHYIR MA BKOD DO ZHE NA, 'ON 'DIR YANG DE BZHIN DU 'GYUR BAS GTAN TSIGS DGOD PAS CI BYA, GO RIMS NI THAMS CAD DANG MI 'GAL BAR BSTAN ZIN PA KHON TE, DES NA SKABS DANG RJES SU MTHUN PAR BSHAD PA SNGA MA NYID LEGS PA YIN NO, ,MNGON PAR 'DOD PA'I GO RIMS BRJOD PA'I DON LA TSAD MA GRUB PA'I KLAD DU BSHAD ZIN TO, ,GAL TE DE LTAR GYUR NA GZHAN GYI DON GYI RJES SU DPAG PA DE CI 'DRA BA ZHIG TU RNAM PAR GNAS ZHES DOGS PA BSU NAS SLOB DPON GYI THUGS LA GNAS PA'I MTSAN NYID BRJOD PAS, DE LA ZHES BYA BA STE RANG GI DON GYI RJES SU DPAG PA'I DE MA THAG PAR GYUR BA NA'O, ,GZHAN DON RJES SU DPAG PA NI, RANG GIS MTHONG BA'I DON RAB TU GSAL BAR BYED PA NYID DU RNAM PAR GNAS KYI, LUNG LA SOGS PAS GZHAN GYIS MTHONG BA RAB TU GSAL BAR BYED PA NI MA YIN NO ZHES BYA BA'I DON TO, ,RANG GIS MTHONG BA'I DON NI TSAD MAS MTHONG BA'I TSUL GSUM PA'I RTAGS TE, RAB TU GSAL BAR BYED PA'O, ,'DIS GSAL BAR BYED PA NA ZHES BYA BA'I BSHAD PAS NI TSIG LA SOGS PA GZUNG NGO, ,'DI RNAM PAR 'GREL BA NI RANG GI ZHES BYA BA STE RGOL BA LA SOGS PA'I BDAG GIS SO, ,DE NYID KYI PHYIR RGOL BA DANG PHYIR RGOL BA RANG GIS ZHES GSUNGS SO, ,GANG GI TSE RGOL BA YANG DAG PA'I SGRUB BYED BRJOD PAS STON PAR BYED PA DE'I TSE PHYIR RGOL BA YANG DAG BA MA YIN PA'I NYES PA BRJOD PA'I PHYIR BSTAN PAR BYA BA NYED YIN LA; GANG GI PHYIR RGOL BA YANG DAG PA'I NYES PA BRJOD PAS STON PAR BYED PA YIN PA DE'I TSE NI, RGOL BA MA DAG PA'I SGRUB PAR BYED PA BRJOD PAS BSTAN PAR BYA BA KHO NA'O, ,DES NA RGOL BA DANG PHYIR RGOL BA BSTAN PAR BYA BA DANG STON PAR BYED PA DAG RANG GIS RAB TU GSAL BAR BYED

, ,PA ZHES BYA BA LA LTOS SO, ,DE DAG GIS CI ZHIG RAB TU GSAL BAR BYED SNYAM NA, RANG GIS MTHONG BA ZHES BYA'O, ,GAL TE GZHAN GYI DON GYI RJES SU DPAG PA GANG YIN PA 'DI DAG KHO NA LA RANG GIS MTHONG BA RAB TU GSAL BAR BYED PA YIN NAM SNYAM NA, GAL TE ZHES SMOS SO, ,DE'I TSE ZHES KHONG NAS PHYUNG LA, DE DAG RNAMS KYANG ZHES SBYAR TE DRUG BA 'DI YANG BYED PA LA SOGS SU YIN NO, ,DE DAG 'BA' ZHIG RANG GIS MTHONG BA GSAL BAR BYED PA YIN BAR NI MA ZAD DE, DE DAG GIS MTHONG BA'O, ,GAL TE MTSAN NYID BSTAN PA NI LOG PAR RTOGS PA BSAL BA'I CHED KHO NAR MA YIN NAM, 'DIS NI LUNG LAS GZHAN GYIS MTHONG BA YANG SGRUB PAR BYED PA YIN NO ZHES BYA BA'I LOG BAR RTOGS PA BSAL BA MA YIN NO, ,DES NA MTSAN NYID 'DIS LOG PAR RTOGS PA ZHES GSUNGS SO, ,SHUGS NYID LAS ZHES BYA BA NI RANG GIS MTHONG BA'I DON SMOS PA'I SHUGS LAS, LUNG LAS MTHONG BA RAB TU GSAL BAR BYED PA RJES SU DPAG PA YIN NO ZHES BYA BA'I LOG PAR RTOGS BA BSAL BA YIN NO, ,DE YANG ZHES BYA BA, DES NA RANG BZHIN GNYIS KA YANG GSAL BAR BYED PA YIN NO, ,GANG ZHIG GSAL BAR BYED PA RANG GIS MTHONG BA DE GANG YIN SNYAM NA, RANG GIS MTHONG BA'I DON ZHES GSUNGS TE, DON MED PA NI MA YIN NO ZHES BYA BA'I DON TO, ,'DIS NI RTOG PAS SGRO BTAGS PA RTAGS MA YIN NO ZHES BRJOD PA YIN NO, ,DON YIN YANG THAMS CAD NI MA YIN NO ZHES STON PA NI TSUL GSUM PA'I ZHES BYA BA'O, ,GAL TE ZHES BYA BA LA SOGS PAS NI TSUL GSUM PA DANG, RTAGS ZHES GANG BRJOD PA DE GNYI GA YANG PHA ROL BO SPONG BA'O, ,TSUL GSUM PA ZHES BYA BA GA LAS YIN LA, RTAGS ZHES KYANG GA LAS YIN ZHES SO SOR 'BREL TO, ,BSGRUB PAR BYA BA 'DI LA PHA ROL PO GTAN TSIGS SMRA BA NI RANG GIS MTHONG DON SMOS PA NI ZHES BYA BA'O, ,DON TZAM YIN PAS RJES SU DPAG PAR BYA BA YANG STON PA YIN PA'I PHYIR RO, ,GANG GI TSE RJES SU DPOG PA PO DU BA LA SOGS PA LAS ME LA SOGS PA'I DON RTOGS PA DE'I TSE DE RANG GIS MTHONG BA YIN PA'I PHYIR DE YANG

RANG GIS MTHONG DON SMOS PAS STON PA YIN PAR 'GYUR RO, ,DE LAS CIR 'GYUR ZHE NA, DES NA ZHES SMOS SO, ,LAN NI 'DI LA BRJOD PA ZHES BYA BA'O, ,GANG ZHIG GZHAN GYI DON GYI RJES SU DPAG PAR 'GYUR BA GZHAN GYI STE, RJES SU DPAG PAR BYA BA'I GSAL BYED NI YOD PA MA YIN NO; ,'ON KYANG TSUL GSUM PA'I RTAGS NYID KYIS GSAL BAR BYED PA YOD PA YIN NO, ,GZHAN LA GSAL BAR BYED PA MED PA'I RGYU TZAM ZHE NA, DE NI ZHES BYA BA SMOS SO, ,GANG GI PHYIR BSGRUB PAR BYA BA'I RANG BZHIN DE NI BRJOD KYANG GZHAN GYIS RTOGS PAR BYA BA MI NUS PA DE'I PHYIR NA BSGRUB PAR BYA BA LA NI GSAL BAR BYED PA YOD PA MA YIN NO, ,NUS PA BRJOD PA'I TSIG NI GSAL BYED YIN TE TSAD MAS GRUB PA'I DON BRJOD PA'I PHYIR RO, ,MI NUS BA BRJOD PA'I TSIG NI GSAL BYED MA YIN TE BZLOG PA'I PHYIR RO, ,GAL TE BSGRUB PAR BYA BA BRJOD PA CI LTAR GSAL BAR BYED PA MA YIN ZHE NA, GANG LA ZHES SMOS SO, ,DON GANG LA BSTAN PAR BYA BA GZHAN NO, ,DE NYID KYI PHYIR ZHES BYA BA NI GZHAN YID CHES PA'I YUL LA GSAL BAR BYED PA ZHES BRJOD PA DE NYID KYI PHYIR RO, ,RAB KYI TSIG CES BYA BA NI RANG GIS MTHONG DON RAB GSAL BYED, ,CES BYA BA NI 'DIR RAB TU SBYAR BA'O, ,TSAD MAS MA RTOGS PA LA LTOS NAS TSAD MAS RTOGS PA YANG KHYAD PAR DU 'PHAGS PA YIN NO, ,GZHAN NI BSTAN PAR BYA BA'O, ,DE LTA NA 'O NA BSGRUB PAR BYA BA YANG GZHAN DAG TSAD MAS RTOGS PA YIN NO, ,DES NA DE LA YANG RAB TU GSAL BAR BYED PA YOD DO SNYAM NA, GAL TE ZHES SMOS SO, ,YANG ZHES BYA BA NI RTAGS 'BA' ZHIG TU MA ZAD PA'O, ,RTZOD PA MED PA NYID DO ZHES BYA BA NI BSGRUB PAR BYA BA GRUB ZIN PA'I PHYIR NA DAM BCA' BA RJOD PA DON MED DO, ,GAL TE BSGRUB PAR BYA BA GRUB ZIN PA'I PHYIR, CI LTAR DAM BCA' PA BRJOD PA DON MED PA DE BZHIN DU RTAGS BRJOD PA YANG DON MED PAR 'GYUR TE, BSGRUB PAR BYA BA MA GRUB PA'I PHYIR RO ZHE NA, TSUL GSUM PA'I ZHES SMOS SO, ,TSIG CES BYA BA NI TSUL GSUM PA'I RTAGS GSAL BAR BYED PA'O, ,DE LAS NI TSIG LAS SO, ,DE YANG NI

, ,TSIG GIS SO, ,GZHAN GYI GAL TE ZHES SMOS TE, DE'I CHO TSIG GZHAN GYI DON GYI MONG DU YANG 'GYUR RO ZHES 'BREL TO, ,DE NI ZHES BYA BA NI LAN NO, ,CI LTAR TSUL GSUM PA'I TSIG LAS BZUNG ZIN PA'I 'BREL PA DRAN PAR GYUR PA NA, PHYOGS KYI CHOS BZUNG BA LAS RJES DPAG SKYE BA DE BZHIN DU TSIG LAS MNGON SUM NI SKYE BA MA YIN NO, ,'DI GA LAS SHEN, TSUL GSUM ZHES SMOS SO, ,GZHAN LA ZHES BYA BA NI BSTAN BAR BYA BA LA'O, ,'DIS NI 'DI SKAD CES, TSIG NI GZHAN GYI DON GYI RJES SU DPAG BA'I RGYU YIN PAS GZHAN GYI DON GYI RJES SU DPAG PAR BRJOD KYI, GZHAN GYI DON GYI MNGON SUM DU NI MA YIN TE, TSIG NI MNGON SUM GYI RGYU MA YIN PA'I PHYIR RO ZHES BSTAN PA YIN NO, ,GAL TE ZHES BYA BA LA SOGS PAS NI PHA ROL PO DAG GZHAN GYI DON GYI MNGON SUM GYI RGYU YIN PA'I PHYIR GZHAN GYI DON GYI MNGON SUM YIN NO ZHES STON PAR BYED PA'O, ,TSIG 'DI NI MNGON SUM GYI RGYU YIN PA DES NA TSIG 'DI GZHAN GYI DON GYI MNGON SUM YIN NO ZHE NA, LAN MA YIN TE ZHES BYA BA LA SOGS PA'O, ,MA TSANG BAR MNGON SUM SKYED PA NI MA YIN NO, ,CI'I PHYIR ZHE NA, RI DAGS RGYUG PA LA LTOS ZHES BRJOD BA DANG YANG NGO DON 'DI YIN TE, MNGON DU PHYOGS PAR GYUR PAR RUNG BA NYID LA NI MNGON SUM SRID PAS KHYAB PAR RTOGS PA YIN TE, DES NA MNGON DU PHYOGS PAR RUNG BA'I MCHAN NYID KYIS SGRUB PAR BYED PA LTOS ZHES BYA BA DE LTAR RTOGS PA LAS MNGON SUM SKYE BAR SRID PA DE RJES SU DPOG PA SKYE BA YIN GYI, DE MA THAG PAR NI MNGON SUM SKYE BA MA YIN NO, ,DES NA RJES SU DPAG PA NYID DE MA THAG PA YIN NO, ,'DI NYID BRJOD PA NI 'DI LTAR ZHES BYA BA'O, ,RI DAGS LA SOGS BA'I DON LA MNGON DU PHYOGS PA, MNGON SUM SRID PAS KHYAB PA BDAG NYID LA SNGAR MTHONG BA LA RTOGS PAR BYA BA STE, LTOS ZHES BYA BA'I TSIG 'DIS SBYOR BA YIN NO, ,DES NA DON 'DI YIN TE, GANG ZHIG DON GANG LA MNGON DU PHYOGS PAR GYUR PA DE NI MTSANG BA DANG GAGS [*'GAGS?] BYED PA MED NA DON DE MNGON SUM DU BYED PA CAN YIN TE, DPER NA KHYED DAM PA'I SNGAR GYI GNAS SKABS BZHIN NO, ,KHYOD KYANG DON DE LA MNGON

DU PHYOGS PAR RUNG BA YIN NO ZHES BYA BA'O, ,GAL TE NGES PAR SBYOR BAR BYED PA PO NI NGES PAR SBYOR BA'I TSIG GIS BDAG NYID KYI DON DE LA MNGON DU PHYOGS PA'I DNGOS PO MI BRJOD PA MA YIN NAM, DES NA BSTAN PAR BYA BAS DON DE LA MNGON DU PHYOGS PAR GYUR PA MA RTOGS PAR BDAG NYID LA DE MI SRID PAR DGOS PA NA, DE LA DE'I MNGON SUM DON DU GNYER BAS 'JUG PAR MI 'GYUR BA KHO NA'O ZHES DOGS PA BSU NAS BRJOD PA NI, NGA YIS ZHES BYA BAS SO, ,DE LTAR ZHES BYA BA NI RING GSAL SOGS PA'I DON RTOGS PA BO NGAS RTOGS LA, BSTAN PAR BYA BA LA YANG BSTAN PA YIN NO, , CI'I PHYIR ZHE NA, DON GYIS ZHES BYA BA'O, ,MNGON SUM GYI DON MED NA MI 'BYUNG BA NYID DU KHAS BLANGS PA SNGON DU 'GRO BA CAN BRJOD PA'I SHUGS KYIS SO, ,DE LTA MA YIN NA, TSIG DE BRJOD PAR MI 'THAD PA'I PHYIR RO, ,GAL TE NGES PAR SBYOR BAR BYED PA PO MNGON DU PHYOGS PAR GYUR BA CI 'DRA BAS MNGON SUM DANG LDAN PA DE 'DRA BA NI NGES PAR SBYOR BA TSIG LAS MI 'GYUR BA MA YIN NAM, DE CI LTAR NA DE'I MNGON SUM DON DU GNYER BA DE LA 'JUG SNYAM NA, MNGON DU PHYOGS PA NI ZHES BYA BA'O, ,NGES PAR SBYOR BA BO'I NGA'I MNGON DU PHYOGS BA CI 'DRA BA DE LTAR KHYOD LA YANG DE 'DRA BA KHO NAR DE BZHIN DU 'GYUR RO ZHES RTOGS PAR BYA BA'I NGES PAR SBYOR BA'I TSIG GI 'BRAS BU MNGON DU PHYOGS PAR 'GYUR BA NI SHUGS KYIS BSTAN BA YIN NO, ,DE LTA MA YIN PAR NI MNGON SUM GYI RGYU NYID DU KHAS BLANG BAR MI 'THAD PA'I PHYIR RO, ,MNGON SUM GYIS RGYU'I PHYOGS LA NI 'DI RJES SU DPOG PA YIN NO ZHES DGONGS PA'O, ,MJUG SDUD PA NI DES NA ZHES BYA BA'O, ,DE LTAR ZHES BYA BA NI BRJOD ZIN PA'I TSUL DU'O, ,MNGON DU PHYOGS PAR GYUR PA LA ZHES BYA BA 'DI NI THUN MONG BA STE MNGON SUM BSKYED PA NYID LA NI MA YIN NO, ,RGYU RNAMS KYI ZHES BYA BA NI TSIG RNAMS KYI'O ZHES DE LTAR DRAN PA'I SKYES BU NI NGES PAR SBYAR BAR BYA BA NI MNGON DU PHYOGS PA LA 'DUG PA ZHES SBYAR RO, ,RGYU DE'I PHYIR NA NGES PAR SBYOR BA'I TSIG NI RJES SU DPAG PA NYID YIN TE TSUL GSUM PA'I RTAGS GSAL BAR BYED PAS NA RJES SU DPAG PA'I RGYU YIN PA'I PHYIR RO, ,GANG GI PHYIR DE LTA YIN PA DES NA RJES SU DPAG PAS

, ,TE; DE LA MNGON DU PHYOGS PA'I MTSAN NYID KYI RTAGS KYIS MNGON SUM SRID PAR BLTAS TE, NGES PAR SBYOR BA'I TSIG LAS MNGON DU PHYOGS PA LA 'JUG PA YIN NO ZHES RTOGS PAR BYA'O, ,DE LTA NA 'ON ZHES BYA BA LA SOGS PA NI GZHAN GYI'O, ,'O NA NI BSHAD ZIN PA'I TSUL GYIS NGES PAR SBYOR BA PO'I MNGON SUM GYI YUL LA, NGES PA SBYOR BA'I TSIG LAS, GANG ZHIG DON GANG LA MNGON DU PHYOGS PAR GYUR PA ZHES BYA BA LA SOGS PA SRID PA'I RJES SU DPAG PA STE, RTAGS 'JUG PA STE GSAL BA NA RANG BZHIN GYI RTAGS TSUL GSUM YIN PA'O, ,DE LTAR 'GYUR MOD CI SKYON SNYAM NA TSIG GI 'BRAS BU'I GTAN TSIGS TSUL GSUM PA NI GSAL BA MA YIN NO, ,KHYAB PA NYID TSIG GIS BSTAN PA'I PHYIR RO, ,GANG GI PHYIR PHYOGS KYI CHOS NYID NI DNGOS SU GRUB PA KHO NA YIN PAS DE LA NI TSIG DGOS PA MED PA'I PHYIR RO, ,'DI NYID STON PA NI 'DI LTAR ZHES BYA BA LA SOGS PA'O, ,DES NA 'BRAS BU'I RTAGS BRJOD PA'I GZHAN GYI DON GYI RJES SU DPAG PA MA YIN PAR 'GYUR TE, TSUL GNYIS PA'I RTAGS BRJOD PA'I PHYIR RO ZHES BSAMS PA'O, ,'ON TE TSUL GNYIS STON PAR BYED PA'I BRJOD PA YANG GZHAN GYI DON GYI RJES SU DPAG PA YIN NO SNYAM NA, DES NA GZHAN GYI ZHES BYA'O, ,DE NI ZHES BYA BA LA SOGS PA NI LAN NO, ,DES NA ZHES BYA BA NI BZUNG BA BRJOD PA'I 'BREL PA DRAN PA'I DON DU YIN PA'I PHYIR RO, ,DE LA NI 'BREL PA BRJOD BA'I TSIG LA'O, ,TSAD BRJOD CES BYA BA NI GZHAN GYI DON GYI RJES SU DPAG PA'I TSIG GO, ,MNGON SUM GYI DON LA CI STE MA YIN ZHE NA, MNGON SUM GYIS NI ZHES GSUNGS SO, ,GAL TE TSAD MAS RTOGS PA LA TSIG DON MED PAR RNAM 'GREL MDZAD PAS BRJOD DAM ZHE NA, MKHAS PA RNAMS LA NI ZHES BYA BA'O, ,GAL TE 'DI CI LTAR SHES PAR BYED PA YIN TE, GANG GI PHYIR 'DIR KHYAB PA GRUB PA'I PHYIR DE BRJOD PA NI MA YIN GYI, MA GRUB PA'I PHYIR GTAN TSIGS 'BA' ZHIG BRJOD PAR BYA BA YIN NO ZHES BYA BA'I DON RTOGS PA'I PHYIR RO ZHE NA, DE BZHIN DU ZHES BYA BA STE, 'DI NI NYE BAR MTSON PA TZAM DU ZAD DE 'DI LTAR YANG BLTA BAR BYA BA YIN NO ZHES BYA BA'I DON TE, 'DIS NI RTOGS PA PO MA RMONGS PA'I

DBANG DU BYAS NAS PHYOGS KYI CHOS LA SOGS PA RNAMS LAS TSUL GCIG GRUB NA TSUL GNYIS STON PA YANG GZHAN GYI DON GYI RJES SU DPAG PA YIN NO ZHES PA BSTAN TO, ,DE RTOGS PA YANG SKABS LA SOGS PA LAS RTOGS PAR 'GYUR RO, ,RTOGS PA BO RMONGS PA'I DBANG DU BYAS NAS NI TSUL GSUM PA'I RTAGS STON PA GZHAN GYI RJES SU DON GYI RJES SU DPAG PA YIN NO ZHES BRJOD PA NI YANG NA ZHES BYA BA'O, ,DER YANG ZHES MNGON SUM DU MTHONG BA'I DU BA LA'ANG NGO, ,GAL TE MNGON SUM DU GRUB PA LA TSIG DGOS PA CI YOD SNYAM NA, TSIG GI DON NI ZHES GSUNGS SO, ,'DI DU BA'O ZHES BYA BA'I TSIG GI DON TE DGOS PA NI 'DI YIN TE ZHES BYA BA 'CHAD PAR 'GYUR BA'I MTSAN NYID DE TSUL GSUM PA'I RTAGS GSAL BA'O, ,MNGON SUM GYIS GRUB PA STON PA NI TSIG GI DOGS PA MA YIN NO ZHES BYA BA'I DON NO, ,DE NYID BRJOD PA NI DE LA ZHES BYA BA STE SA PHYOGS SU'O, ,MNGON SUM GYIS MTHONG BA'I DON TE RANG GI MTSAN NYID DO, ,DE NI ZHES BYA BA TSIG NI GZHAN GYI DON GYI RJES SU DPAG PA YIN GYI GZHAN GYI DON GYI MNGON SUM NI MA YIN NO ZHES BYA BA'I DON TE, DE'I RGYU YIN PA'I PHYIR RO ZHES BYA BA NI RJES SU DPAG PA'I RGYU YIN PA'I PHYIR RO, ,TSIG 'DI CI LTAR DE'I RANG BZHIN CAN GYI RANG BZHIN GYI TSUL GSUM PA'I RTAGS STON PAR BYED PA'I PHYIR RJES SU DPAG PA YIN PA DE DE STON PA NI, 'DI NI DU BA NYID DE ZHES BYA BA'O, ,GAL TE DE LTAR NA YANG TSUL GSUM PA'I RTAGS STON PAR BYED PA CI LTAR YIN TE, 'BREL BA MA BRJOD PA'I PHYIR RO ZHE NA, DE NI ZHES BYA BA SMOS SO, ,YANG CI LTAR RNAM PA GZHAN DU GYUR PA MA YIN ZHE NA, DE'I ZHES SMOS TE, SNGAR DMIGS PA'I DU BA DANG RANG BZHIN MTSUNGS PA YIN PA'I PHYIR RO, ,GAL TE DON 'DI TSIG GIS DNGOS SU BSTAN TO ZHES 'JIG RTEN THA SNYAD BYED PA MA YIN NAM, DES NA CI LTAR DE'I TSIG MNGON SUM GYI RGYU MA YIN ZHE NA, DOGS PA BZLOG PA'I DON DU BRJOD PA NI DES NA ZHES BYA BA'O, ,GZHAN DU ZHES BYA BA NI 'DI DU BA'O ZHES BRJOD PAS MNGON SUM DU MTHONG BA BSTAN PAR RO, ,'O NA TSIG NI ZHES BYA BA LA SOGS PA NI GZHAN GYI'O, ,GAL TE MNGON SUM LA SGRA'I BYED PA MED NA, 'O NA TSIG NI ZHES SBYAR RO, ,CI'I PHYIR ZHE NA, DE'I ZHES BYA BA RANG BZHIN RJES

, ,SU DPOG PA'I RGYU YIN PA'I PHYIR RO, ,TSIG NI RGYU RJES SU DPOG PA NI MA YIN TE ZHES 'BREL TO, ,RGYU RJES SU DPOG PA MA YIN PA'I TSIG DE GANG ZHE NA, 'DI NA DU BA YOD DO ZHES BYA BA SMOS SO, ,CI'I PHYIR ZHE NA, TSIG NI ZHES GSUNGS SO, ,GRUB PA'I MTHAR NI, RANG GI DON GYI RJES SU DPAG PA LA YANG RGYU RJES SU DPAG PA NI YOD PA NI MA YIN NO ZHES STON PA NI DE NI ZHES BYA BA STE, GZHAN GYI DON GYI RJES SU DPAG PA KHO NAR RGYU RJES SU DPAG PA MED DO ZHES BYA BA DE NI MA YIN NO, ,CI'I PHYIR ZHE NA, RANG DON ZHES SMOS TE, GZHAN GYI DON GYI RJES SU DPAG PA'I DUS 'BA' ZHIG TU NI MA ZAD DE RANG DON RJES SU DPAG PA'I DUS SU YANG BAR DU RANG BZHIN GYI GTAN TSIGS 'JUG GO, ,GANG DU ZHE NA, DU BA'I RANG BZHIN LA TE, DE'I DU BA NI DE'I RANG BZHIN CAN GYI RJES SU DPAG PA'I RANG BZHIN YIN PA'I PHYIR RO, ,BAR DU RANG BZHIN GYI RTAGS ZHUGS PA YIN ZHE NA, DER YANG ZHES SMOS TE DU BA'I RANG BZHIN LA YANG DPYOD PA'O ZHES BYA BA RJES SU DPOG PA PO RANG BZHIN RTAGS TE DE'I RANG BZHIN GYI RJES SU DPAG PA MED PAR 'KHRUL PA LDOG PA MA YIN NO, ,DES NA RANG DON GYI RJES SU DPAG PAR YANG RGYU RJES SU DPAG PA MED DO ZHES BYA BA'I DON TO, ,YANG GZHAN GYI DON GYI RJES SU DPAG PA NYID LA 'BRAS BU'I GTAN TSIGS MED DO ZHES PHA ROL PO STON PA NI, 'DIR SMRAS PA ZHES BYA BA NAS, ZHE NA ZHES BYA BA'I BAR DU'O, ,'DI LA ZHES BYA BA NI DE'I RANG BZHIN GYI RJES SU DPAG PAS BAR BCAD PA DANG 'BRAS BU'I GTAN TSIGS LA'O, ,CI STE MI NYAMS SNYAM NA, DE NI BAR DU ZHES SMOS TE 'BRAS BU'I GTAN TSIGS DE NI'O, ,RANG GI DON GYI ZHES BYA BA NI 'CHAD PA'O, ,GANG DU NYE BAR MKHO ZHES BYA BA NI 'GAL BA MED DO ZHES BYA BA'I DON TO, ,'DI LTAR GAL TE YANG RANG GI DON GYI RJES SU DPAG PAR DU BA 'BRAS BU'I GTAN TSIGS YIN PA DE LTA NA YANG 'BRAS BU'I GTAN TSIGS SU YANG 'GYUR BA YIN NO, ,DANG PO DU BA LA LA MTHONG BA NI 'BRAS BU'I GTAN TSIGS YIN LA, DE'I RJES LA 'KHRUL PA SRID PAS DE'I RANG BZHIN GYI RJES SU DPAG PA BYED PA'I DUS SU NI RANG BZHIN GYI GTAN TSIGS YIN LA, PHYIS NI RGYU RJES SU DPOG PA YIN NO, ,DE LA GAL TE YANG DE'I RANG

BZHIN GYI RJES SU DPAG PAS BAR CHOD PA DE LTA NA YANG 'BRAS BU'I GTAN TSIGS NYID NI MI 'GAL LO, ,DE LTAR NA RGYU RJES SU DPAG PA NI 'JUG PA KHO NA'O, ,'O NA GZHAN GYI DON GYI RJES SU DPAG PAR YANG RGYU RJES SU DPAG PAR 'GYUR BA KHO NA'O SNYAM NA, GZHAN GYI DON GYI RJES SU DPAG PAR NI ZHES SMOS SO, ,GZHAN GYI DON GYI RJES SU DPAG PA NI TSIG NYID YIN LA, TSIG KYANG DNGOS SU RANG BZHIN GYI GTAN TSIGS STON PAR BYED PA'I PHYIR RANG BZHIN GYI RJES SU DPAG PA KHO NA STE, DES NI GZHAN GYI DON GYI RJES SU DPAG PA LA NI 'BRAS BU'I GTAN TSIGS YOD PA MA YIN NO, ,DES NA ZHES BYA BA NI 'BRAS BU'I GTAN TSIGS MED PAS NA, ME RJES SU DPOG PA ZHES BYA BA NI RGYU BSGRUB PAR BYA BA LA'O, ,LAN NI DE NI MA YIN TE ZHES BYA BA'O, ,JI LTAR SRID PA ZHES BYA BA 'DI NI DU BA YIN NO ZHES BYA BA'I TSIG NI RANG BZHIN LA BRTEN NAS GZHAN GYI DON GYI RJES SU DPAG PA NYID YIN GYI, 'BRAS BU LA BRTEN NAS NI MA YIN NA'O, ,GZHAN LA ZHES BYA BA RGYU LA GZHAN GYI DON GYI RJES SU DPAG PA NYID DE MED DE, BSTAN BCOS LAS NI RANG BZHIN LA BRTEN NAS GZHAN GYI DON GYI RJES SU DPAG PAR BRJOD PA YIN NO ZHES BYA BA'I DON TO, ,GANG YANG 'GAL BA CI ZHIG YOD CES BYA BA LA SOGS PA BRJOD PA DE YANG RTOGS PA PO 'KHRUL PA LA LTOS PA KHO NAS 'THAD PA YIN GYI, RTOGS PA PO 'KHRUL PA MED PA LA LTOS NAS NI JI LTAR RANG GI DON GYI RJES SU DPAG PA LA MCHOD PA KHO NAR 'BRAS BU'I GTAN TSIGS YIN PA DE BZHIN DU GZHAN GYI DON GYI RJES SU DPAG PA LA YANG YIN NO ZHES BSTAN PA'I PHYIR BRJOD PA NI YANG NA ZHES BYA BA'O, ,'BRAS BU'I GTAN TSIGS GANG DU 'KHRUL PA MED PA DER NI RANG BZHIN GYI GTAN TSIGS KYIS CHOD PA MED PA NYID DO, ,TSUL DE NYID CES BYA BA NI RANG GI DON GYI RJES SU DPAG PA LA BRJOD PA GANG YIN PA'O, ,DNGOS KHO NAR ZHES BYA BA NI PHYOGS KYI CHOS NYID BRJOD PA MED PAR DE'I RANG BZHIN GYI RJES SU DPAG PA MED PAS SO, ,SGRA LAS ZHES BYA BA NI 'BREL PA TZAM BRJOD PA LAS SO, ,RTOGS PA PO 'KHRUL PA MED PA LA LTOS NAS NI 'BREL PA TZAM ZHIG TSIG GIS BRJOD KYI PHYOGS KYI CHOS NYID NI TSIG MED PAR RTOGS PA YIN NO, ,DES NA 'DIR YANG DU

, ,BA NI MCHOD PA KHO NAR 'BRAS BU'I RTAGS YIN NO, ,'DI SNYAM DU GAL TE 'KHRUL PA NYID MED NA DE BRJOD PAS CI ZHIG BYA SNYAM BA STON PA NI, 'KHRUL BA MED NA ZHES BYA BA'O, ,LAN NI 'BREL PA ZHES BYA BA'O, ,DE LTAR NA'O NA GZHAN GYI DON GYI RJES SU DPAG PA NI TSUL GSUM PA'I RTAGS STON PA'O ZHES BYA BA 'GAL LO SNYAM NA, TSUL GSUM PA'I ZHES GSUNGS SO, ,JI LTAR SRID PAR ZHES BYA BA NI 'KHRUL PA LA TSUL GSUM BRJOD PAR BYA BA YIN GYI MA 'KHRUL PA LA NI MA YIN TE DE'I 'BREL PA'I TSIG TZAM LAS RTOGS PA'I PHYIR RO ZHES BYA BA'O, ,DE LTAR NA 'DI NA DU BA YOD DE ZHES BYA BA'I TSIG NI RGYU'I 'BRAS BU RJES SU DPAG PA MA YIN TE RANG BZHIN GYI RJES SU DPAG PA YIN PA'I PHYIR RO ZHES BYA BA RNAM PA GNYI GA LTAR YANG BSAL NAS, ,RNAM PA GZHAN GYIS KYANG BSAL BA'I PHYIR GZHAN YANG ZHES GSUNGS SO, ,RJES SU DPAG PA'I RGYUS BYAS PA'I RJES SU DPAG PA NYID DE MED PAR NI TSIG LAS TSAD MA MED KYI 'ON KYANG TSIG NI RJES SU DPAG PA'I RGYU YIN PA NYID KYIS TSAD MA YIN NO, ,DES NA 'DI TZAM NYID RANG GIS MTHONG DON RAB GSAL BYED CES BYA BA 'DIR MNGON PAR 'DOD PA YIN GYI, GANG GIS GZHAN GYI DON GYI RJES SU DPAG PAR RGYU'I RJES SU DPAG PA MED PA'I PHYIR MTSAN NYID 'DI MI 'GRIG PAR 'GYUR PA 'DI NA DU BA YOD DO ZHES BRJOD PA'I TSIG RNAMS THAMS CAD NI DE LTAR TE RJES SU DPAG PA'I RGYUR BRJOD PAR 'DOD PA MA YIN NO, ,'ON TE YANG CI LTAR MNGON SUM DANG RJES SU DPAG PA DAG THA SNYAD KYI RGYU YIN PA'I PHYIR RJES SU DPAG PA YIN PA DE BZHIN DU TSIG KYANG YIN GYI, RJES SU DPAG PA'I RGYU YIN PA'I PHYIR NI MA YIN NO ZHES BYA BA'I PHYOGS SNGA MA GZHAN GYI KHA NAS NYE BAR 'GOD PA NI CI SKAD DU ZHES BYA BA'O, ,TSIG KYANG TSAD MA YIN NO ZHES 'BREL TO, ,CI'I PHYIR ZHE NA, THA SNYAD KYI ZHES GSUNGS SO, ,DE NYID GSAL BAR BYED PA NI TSIG MED PAR NI ZHES BYA BA'O, ,RJES SU DPAG PA'I RGYU LAS GZHAN DU YANG TSIG TSAD MAR KHAS BLANG BAR BYA'O ZHES BYA BA'I DON TO, ,SUN 'BYIN PA NI DE LA BSHAD PA ZHES BYA BA'O, ,'DI GSUM MED PAR YANG 'JIG RTEN GYI THA SNYAD DAM CI, 'ON KYANG DRAN PA LAS KYANG YOD

PA KHO NA'O ZHES BYA BA'I DON TO, ,CI GANG 'DI TZAM GYIS DRAN PA DE LA TSAD MA NYID YIN NAM STE MA YIN PA KHO NA'O, ,THA SNYAD 'JUG PA MED DAM CI ZHES SBYAR RO, ,'ON TE DRAN PA DE TSAD MA MA YIN PA NYID NA ZHES BYA BA LA THA SNYAD KYI RGYU YIN YANG ZHES BYA BA NI LHAG MA'O, ,LAN NI DE LTA BU ZHES BYA BA'O, ,DE LTA BU'I DON CAN NI THA SNYAD KYI DGOS PA CAN NO, ,MTSUNGS PA NI DRAN PA DANG TSIG GO, ,'O NA CI LTAR TSUL GSUM PA STON PAR BYED PA TSAD MA YIN ZHES DOGS PA SEL BAS TSIG LE'UR BYAS PA DANG PO RNAM PAR 'GREL PA NI, GANG DU ZHES BYA BA'O, ,GZHAN DU NI MA YIN NO ZHES BYA BA NI THA SNYAD KYI RGYU YIN PA NYID KYIS NI MA YIN PA'O, ,GAL TE RJES SU DPAG PA THAMS CAD KYI RGYU NYID KYIS TSIG TSAD MA YIN PAR MTSAN NYID DU CI STE MI 'DOD CE NA, 'DIR NI 'DI TZAM ZHIG CES GSUNGS TE, RANG GIS MTHONG DON ZHES BYA BA LA SOGS PA'I MTSAN NYID KYI NGAG 'DIR NI RJES SU DPAG PA'I RGYU YIN PA NYID KYIS TSIG TSAD MA YIN PA 'DI TZAM ZHIG BRJOD PAR 'DOD PA YIN GYI, GANG GIS GZHAN GYI DON GYI RJES SU DPAG PAR RGYU'I RJES SU DPAG PA'I RGYU NYID MA YIN PA'I PHYIR NA MTSAN NYID 'DI MI 'GRIG PAR 'GYUR BA RJES SU DPAG PA THAMS CAD KYI RGYU YIN PA NYID KYI LA NI MA YIN NO, ,'DI NYID BRJOD PA NI TSIG THAMS CAD CES BYA BA'O, ,'DI NA DU BA YOD DO ZHES BRJOD PA'I TSIG NI RANG BZHIN RJOD PAR BYED PA YIN YANG RJES SU DPAG PA THAMS CAD KYI RGYU YIN PA'I PHYIR NA RGYU'I RJES DPAG GI RGYUR YANG 'GYUR BA YIN NO, ,'O NA CI ZHIG BRJOD PAR 'DOD SNYAM NA, BRJOD ZIN PA NYID KYI DON BRTAN PAR BYED PA NI TSIG GI RJES SU DPAG PA NYID DE ZHES BYA BA RJES SU DPAG PA'I RGYU NYID TSAD MA YIN GYI, RJES SU DPAG PA'I RGYU MA YIN PAR RANG RGYUD KYIS NI MA YIN NO, ,RJES SU DPAG PA'I RGYU DE NI RANG BZHIN GYI RTAGS KYI RGYU NYID KYANG NYAMS PA MED DO, ,MTSAN NYID KYI TSIG LA TSIG THAMS CAD RJES SU DPAG PA NYID GANG YIN PA DE LTAR BSTAN PA LA NI NYE BAR MKHO BA MED DO, ,DES NA GZHAN GYI DON GYI RJES SU DPAG PAR RGYU'I RJES SU DPAG PA MI SRID KYANG MTSAN NYID KYI TSIG LA GNOD PA MED DO ZHES DGONGS PA'O, ,GANG GI PHYIR TSUL GSUM PA'I RTAGS LA MA GTOGS PA GZHAN LA GSAL BAR

, ,BYED PA MED PA DES NA TSUL GSUM STON PA NYID CI LTAR SRID PAR RJES SU DPAG PA YIN NO ZHES BYA BA NI SKABS SU BAB PA YIN TE, DE NI RGYU YIN PA'I PHYIR DANG 'BRAS BU YIN PA'I PHYIR ZHES DGONGS PA'O, ,DON GYI NI GRANGS CAN GYIS YONGS SU BRTAGS PA'I RTAGS STON PA NI RJES SU DPAG PA MA YIN NO ZHES GNAS SO, ,RIG BYED DU SMRA BAS RIG BYED TSAD MA MA YIN PAR THAL BA MTHONG NAS 'DRI BA NI 'ON ZHES BYA BA'O, ,LAN NI DER YANG ZHES BYA BA STE, TSUL GSUM PA STON PAR BYED PA 'BA' ZHIG TU NI MA ZAD DE RIG BYED LA YANG NGO, ,MNGON SUM GYI DON STON PA NI LHAG PAR ZHES PAS SO, ,GZHAN DU NI ZHES BYA BA MTHO RIS LA SOGS PA SHIN TU DBANG PO LAS 'DAS PAR RO, ,DOGS PA BSU BA NI SKYES BUS MA BYAS PA NYID KYIS DBANG PO LAS 'DAS PA'I DON LA RIG BYED TSAD MA YIN NO ZHE NA, MA YIN TE ZHES 'GOG PA'O, ,CI'I PHYIR ZHE NA, YID CHES PA MED PA'I PHYIR RO, , TSAD MA NI NGES PAR BYED PA YIN NA, DBANG PO LAS 'DAS PA'I DON NI RIG BYED LAS NGES PA MA YIN NO, ,'ON TE DBANG PO LAS 'DAS PA'I DON LA RIG BYED NGES PAR BYED PA YIN TE, MNGON SUM BZHIN NO SNYAM NA, GAL TE ZHES BYA BA'O, ,CI STE RIG BYED LAS DBANG PO LAS 'DAS PA'I DON THAMS CAD MI RTOGS PA ZHES BYA BA NI SKABS TE, BRDA LA LTOS PAS CI ZHIG BYA STE, MNGON SUM NI BRNGA LA LTOS NAS DON STON PAR BYED PA MA YIN PA DE BZHIN DU RIG BYED KYANG 'GYUR RO, ,PHA ROL POS SKAD CIG MA ZHES SMRAS TE, SOGS PA'I SGRAS BDAG MED PA LA SOGS PA BSDU'O, ,PHA ROL PO NYID SANGS RGYAS PA'I DOGS PA BSU BA NI 'KHRUL PAS SO ZHES BYA STE, SKAD CIG MA NYID LA SOGS PAS RJES SU DPAG PAS RTOGS PA MA YIN NO SNYAM NA, DE NYID BRJOD PA NI, 'DIR YANG ZHES BYA BA STE RIG BYED LA'O, ,'DIS NI SKAD CIG MA NYID RJES SU DPAG PA DANG RIG BYED DAG MTSUNGS PA NYID DU BSTAN TO; ,LAN NI RJES SU DPAG PA ZHES BYA'O, ,YOD PA NYID NI CHOS CAN SGRA LA SOGS PA LA SKAD CIG MA NYID LA SOGS PA SGRUB PAR BYED PA YIN LA, DE YANG DE'I RIGS CAN GYI BUM PA LA SOGS PA'I DPE LA SKAD CIG MA NYID DANG LHAN CIG 'BREL PA BSGRUB PA'I RJES SU DPAG PA ZHUGS PA YIN

NO; ,DE NYID KYANG YOD PA NYID NI SKAD CIG MA MED PAR MI 'GYUR RO ZHES NGES SHING YID CHES PA'I GNAS TE RTEN YIN NO, ,DES NI RJES SU DPAG PA LA NI ZHES BYA BA SKAD CIG MA NYID SGRUB PAR BYED PA'I RTAGS LA RES 'GA' 'GA' ZHIG TU SKAD CIG MA NYID MED KYANG YOD PAR 'GYUR SRID DO SNYAM PA'I 'KHRUL PA BZLOG PA YIN TE, DES NA YOD PA LAS SKAD CIG MA NYID RJES SU DPAG PA NI TSAD MA YIN NO, ,RIG BYED LA YANG DE LTAR 'GYUR RO ZHE NA, RIG BYED LA NI ZHES GSUNGS TE ME'I SBYIN SREG LA SOGS PA'I NGAG LAS SO, ,DE'I RIGS CAN GYI TSIG GIS 'KHRUL PA BZLOG PA MA YIN NO; ,RIG BYED DANG RIGS GCIG PA'I TSIG NI BDEN PA'I DON CAN DU SGRUB PAR BYED PA YIN LA 'DI LA NI BZLOG PA LA GNOD PA'I TSAD MA CI YANG MED DO, ,DES NA NGES RIG BYED LA 'KHRUL PA BZLOG PA MA YIN TE MA NGES PA'I PHYIR RO, ,DE BAS NA 'DI GNYIS NI MI MTSUNGS SO, ,MI MTSUNGS PA NYID STON PA NI RJES 'GRO DANG NI ZHES BYA BA'O, ,'DIS RJES SU 'GRO BAS NA RJES 'GRO NI RGYUS TE BSGRUB PAR BYA BA DANG 'BREL BA'I RTAGS SO, ,DES NA 'BREL BA YIN PAS NA RJES SU DPAG PA TSAD MA NYID YIN GYI, GZHAN DU NI MA YIN NO, ,BSGRUB PAR BYA BA DANG 'BREL PA YANG TSAD MA LAS NGES PA KHO NA'O, ,RIG BYED LA NI DON DANG LHAN CIG 'BREL PA MTHONG BA MED DO, ,SNGAR ZHES BYA BA NI STONG PHRAG PHYED DANG BZHI PAR RO, ,'DI NI PHYOGS KYI CHOS NYID KHAS BLANGS NAS BRJOD PA YIN NO, ,DE NI DE YANG YOD PA MA YIN ZHING, SKYES BUS MA BYAS PA LA YANG LDOG PA TZAM GYIS NI GO BAR BYED PA NYID MA YIN NO ZHES BSTAN PA'I DON DU YANG NA ZHES GSUNGS SO, ,DE LA NI RIG BYED LA'O, ,'DI GA LAS SHE NA DE LA NI ZHES BYA BA STE RIG BYED LA'O, ,PHYOGS KYI CHOS ZHES BYA BA DBANG PO LAS 'DAS PA'I DON GYI CHOS CAN GYI CHOS MED PA NYID DO, ,SKYES BU'I CHOS NYID DU RTOGS PA'I PHYIR RO, ,CI LTAR BDEN PA'I DON NYID RJES SU 'GRO BA MED SNYAM NA, 'DI LTAR ZHES GSUNGS SO, ,LDOG PA NI RIG BYED KYI TSIG GO, ,RJES SU 'GRO BA MED PA NI MTHUN PA'I PHYOGS MED PA'I PHYIR RO, ,RJES SU 'GRO BA KHAS BLANGS KYANG MNGON PAR 'DOD PA 'GRUB PA NI MA

, ,YIN NO ZHES BSTAN PA'I PHYIR DOGS PA BSU BA NI, CI STE ZHES BYA BA'O, ,LAN NI 'DI LA BRJOD PA ZHES BYA BA'O, ,YANG NA ZLA BA BCU GNYIS LO YIN NO ZHES BYA BA 'DIR BDEN PA NYID DANG RJES SU 'GRO BA YOD MED DE LTA NA YANG ME LA SBYIN SREG LA SOGS PA'I NGAG LAS CI 'ONG 'ON TE DE YANG RIG BYED YIN PA'I PHYIR BDEN PA NYID DANG RJES SU 'GRO BA YIN NO ZHE NA, MA YIN TE NGES PA MED PA'I PHYIR RO, ,SKYES BUS MA BYAS PA NYID LAS RIG BYED YIN NO ZHE NA, 'GA' ZHIG GIS NI ZHES BYA BA STE RIG BYED NYID DU MNGON PAR 'DOD PA'I NGAG 'DI SKYES BUS BYAS PA NYID DU'ANG DOGS TE; RIG BYED MA YIN PA 'BA' ZHIG TU NI MA ZAD DO, ,CI'I PHYIR ZHE NA, SKYES BU 'GA' ZHIG GIS BYAS PAR SRID PA'I PHYIR RO, ,GAL TE RIG BYED BYAS PA YIN NA CI LTAR SKYES BUS MA BYAS PA YIN ZHE NA, 'DI NI ZHES BYA BA STE ME LA SBYIN SREG LA SOGS PA'I NGAG GO, ,DOGS PA 'DI SA BON MED PA YANG MA YIN NO ZHES BRJOD PA NI 'GA' ZHIG TU ZHES BYA BA'O, ,DE LTA BU'I ZHES BYA BA NI BYAS PA'I'O, ,YID CHES PA MED PA'I PHYIR RO ZHES BYA BA NI TSAD MA MED PA'I PHYIR NA DRAN NA DE LTA BU'I THA SNYAD YIN NO ZHES YID CHES PAR MI NUS SO ZHES BYA BA'I DON TO, ,GZHAN LAS YANG ZHES BYA BA NI GZHON NU 'BYUNG BA CAN LA SOGS PAR YANG DE LTA BU'I THA SNYAD DE NI DRAN NA YIN NO ZHES BYA BA 'DIR THAL BAR 'GYUR BA'I PHYIR RO, ,BSTAN ZIN PA NI ZHAL 'GREL LE'U DANG PO LA SOGS PAR RO, ,DE BAS NA TSUL GSUM PA'I RTAGS NYID RANG GIS MTHONG BA'I SGRAR 'DOD PA YIN GYI, RJES SU DPAG PAR BYA BA LA SOGS PA NI MA YIN TE GSAL BAR BYED PA MED PA'I PHYIR RO, ,PHA ROL PO RANG GIS MTHONG DON SMOS PA TSUL GSUM PA'I RTAGS KYI DON YIN NA, DON MED PA BRJOD PA NI GAL TE ZHES BYA BA'O, ,'GOG PA NI MA YIN TE ZHES BYA BA'O, ,LOG PAR RTOGS PA BSAL BA'I MTSAN NYID KYI DON TE DGOS PA GZHAN RANG GIS MTHONG DON SMOS PA GANG LA YOD PA STE DE'I PHYIR RO, ,GAL TE YANG TSUL GSUM PA'I RTAGS SMOS PAS KYANG BSHAD PA LA LTOS TE LOG PAR RTOGS PA BSAL BA YIN MOD KYI 'ON KYANG MTHONG DON KHO NAR LOG PAR RTOGS PA BSAL BA'I DON DU RANG GIS MTHONG DON SMOS PAR BYAS PA YIN NO,

ZHES BYA BA'I DON TO, ,DE NYID STON PA NI 'DI LTAR ZHES BYA BA'O, ,GZHAL BA NI PHYIR RGOL BA'O, ,BDAG GI RGOL BA'O, ,GZHAN DAG GIS NI PHYIR RGOL BA DAG GIS SO, ,KHA CIG NI GRANGS CAN NO, ,GZHAN GYIS ZHES BYA BA LA SOGS PA NI PHYOGS SNGA MA'I RNAM PAR 'GREL BA'O, ,RANG GIS ZHES BYA BA RGOL BAS RTOGS PA DBANG DU BYA BA MA YIN PA'O, ,CI'I PHYIR BRJOD PAR MI BYA SNYAM NA, RGOL BAS RTOGS KYANG ZHES BYA BA'O, ,GZHAN DAG NI PHYIR RGOL BA'O, ,GAL TE DE YOD CES BYA BA NI PHYIR RGOL RANG NYID RTOGS PAR GYUR NA'O, ,DE'I TSE RANG NYID RTOGS PA DE NYID RTAGS 'DIR 'GYUR MOD, GZHAN RGOL BAS RTOGS BAS CI ZHIG BYA STE CI YANG BYAR MED DO ZHES BYA BA'I DON TO, ,'DI NI BSTAN PAR BYA'O, ,'DIR NI RTAGS LA'O, ,GNYIS ZHES BYA BA NI RGOL BAS SO, ,NGAS NI PHYIR RGOL BAS SO, ,GRUB PA'I MTHA'I CHA RNAM PAR 'GREL BA NI BSAM DE ZHES BYA BA'O, ,GAL TE DE LTA NA ZHES BYA BA NI GZHAN GYIS SMRAS PA'O, ,RANG GIS MTHONG DON SMOS PA NI RANG GIS MTHONG PAR BSTAN PA'I PHYIR BYAS PA YIN NO, ,NGAG THAMS CAD RNAM PAR GCOD PA'I 'BRAS BU CAN YIN PA NYID KYIS RANG KHO NAS MTHONG BA ZHES NGES PAR BZUNG BA NI GDON MI ZA BAR BYA BA YIN NO, ,DES NA RGOL BAS MTHONG BA KHO NA SGRUB PAR BYED PA YIN GYI PHYIR RGOL BAS MTHONG BA NI MA YIN NO ZHES BYA BAR 'GYUR RO, ,DE LTA NA YANG LUNG LAS GRUB PA KHO NAR 'GYUR RO, ,TSAD MAS GRUB PA NYID YIN NA NI GNYI GA LA GRUB PAR THAL BA'I PHYIR NA NGES PAR BZUNG BA 'BRAS BU MED PAR 'GYUR RO, ,DES NA GZHAN GYIS MTHONG BA RNAM PAR BCAD PA'I PHYIR DON MED PA GZHAN ZHES BYA BA DON GZHAN MA YIN PA GANG YIN PA RNAM PAR RTOG PA TZAM GYI BKOD PA SGRUB BYED DU 'GYUR BA THOG TU BAB PO ZHE NA, 'DI LA LAN NI MA YIN TE ZHES BYA BA'O, ,RANG GIS MTHONG BA SMOS PA NI GZHAN GYI MTHONG BA 'GOG PA MA YIN GYIS, 'ON KYANG GZHAN KHO NAS MTHONG BA SGRUB PAR BYED PA YIN NO ZHES BYA BA'I NGES PA 'GOG PA YIN NO, ,NGES PAR BRJOD PAR 'DOD BA GANG YANG RANG KHO NAS ZHES NGES PAR BZUNG BA MA YIN GYIS 'ON KYANG MTHONG BA KHO NA'O ZHES SO, ,DES NA GNYI GAS MTHONG BA YANG MI 'GAL BA KHO NA'O, ,DES NA RANG GIS MTHONG BA SMOS

, ,PA'I MTSAN NYID 'DI NI RANG GI BRJOD PAR BYA BA GNYI GAS MTHONG BA NYID RANG GZHAN KHO NAS ZHES NGES PAR 'GOG PA'I MTSAN NYID CI LTAR GNAS PA NYID DO, ,RANG GI MTHONG BA'I SGRA NI RANG GIS MTHONG BA NYID SGRUB PAR BYED PA KHO NAS NGES PAR 'GOG PA SHES PAR BYED PA YIN NO, ,DES NI ZHES BYA BA GNYI GAS MTHONG BAR BSTAN PA'I DON GYIS NI LOG PAR RTOGS PA LUNG LAS GZHAN GYIS MTHONG BA SGRUB PAR BYED PA YIN NO ZHES BYA BA DE LTA BU'I RANG BZHIN NO, ,CI STE DE'I DON NYID DO ZHES BYA BA NI, GTZOR LOG PAR RTOGS PA BSAL BA'I DON KHO NAR MTSAN NYID BYAS PA YIN GYI, RANG GIS MTHONG BA BSTAN PA'I DON NI MA YIN PA'O, ,RANG GIS MTHONG BA'I SGRA NI LOG PAR RTOGS PA SEL BA KHO NAS SHUGS KYIS RANG GI MTHONG BA NYID DU RTOGS PAR BYED PA YIN NO ZHE NA, LAN NI GANG GIS DON DU ZHES BYA BA'O, ,CI ZHIG MI RIGS SNYAM NA GANG GIS DON DU ZHES BYA BA STE, GANG GIS DON TE DGOS PA RANG GI MTHONG BA BSTAN PA'I MTSAN NYID GANG YIN PA 'DI RTZOM PA DE LA DE SKAD CES BYA'O, ,DE NI ZHES BYA BA RANG GI MTHONG DON SMOS PA'I MTSAN NYID DO, ,RANG GI SGRAS BSDU BA NI DON GYIS RTOGS PAR BYA BA STE DE NI MI RIGS SO, ,CI LTAR MI RIGS SNYAM NA RANG GIS ZHES SMOS SO, ,GAL TE RANG GIS MTHONG BA'I SGRAS RGOL BAS MA MTHONG BA MI BSGRUBS NA DE'I TSE RGOL BA RANG GIS MA RTOGS PAR GZHAN GYIS RTOGS SO ZHES BRJOD PAR MI NUS PAR 'GYUR RO, ,DE NI RTAGS SO, ,GZHAN GYIS NI PHYIR RGOL BAS SO, ,GZHAN GYIS ZHES BYA BA RGOL BAS RTOGS SO ZHES YONGS SU SHES PA NI PHYIR RGOL BA LAM KHO NA MED DO, ,CI'I PHYIR ZHE NA, RANG ZHES BYA BA STE, PHYIR RGOL BA GZHAN LA CHOG PA'I PHYIR RO ZHES NA, 'O NA ZHES BYA BAR RANG GIS NI RGOL BAS SO, ,GZHAN LA ZHES BYA BA NI PHYIR RGOL BA LA 'GRUB PAS SO, ,'O NA GZHAN PHYIR RGOL BA LA GRUB PA RTAGS YIN NO ZHES BYA BA LA RGOL BAS YONGS SU SHES PA DE NYID DU 'GYUR RO, ,GAL TE RGOL BA LA RTAGS 'DI NI PHYIR RGOL BAS TSAD MAS NGES PA YIN NO SNYAM PA'I NGES PA YOD PA YIN NA DE'I TSE DE RGOL BAS KYANG NGES PA KHO NA STE, GZHAN DU NI GZHON LA GRUB PAS ZHES BRJOD PAR MI BYA BAR 'GYUR RO, ,GANG GI PHYIR DE LTA BU'I NYES PA YOD PA DES NA RGOL PA

RANG GIS MA RTOGS PAR 'DI NI GZHAN LA GRUB PA YIN NO ZHES BYA BA 'DIR CI LTAR 'GYUR TE MI 'GYUR PA KHO NA'O, ,GZHAN GYIS RTAGS PAR GRUB PA LA MNGON SUM DANG RJES SU DPAG PA DAG MED PAS BRJOD PA NI TSU ROL MTHONG ZHES BYA BA RGOL BA GZHAN GYIS ZHES BYA BA PHYIR RGOL BA'I RTOGS PA'O, ,RANG GIS RTOGS PA LA ZHES BYA BA NI GZHAN GYIS RTOGS PA LA 'KHRUL PA MED PA'I RTAGS KHYAB PA SGRUB PAR BYED PA'I TSAD MAS RGOL BA RANG GIS SHES PAR BYA BA YIN TE, DE LTAR NA PHYIR RGOL BAS RTOGS PAR RGOL BAS SHES PAR 'GYUR PA YIN TE, DES NA GZHAN GYIS RTOGS PA SHES PA'I RGOL BA RANG GIS KYANG RTOGS PAR 'GYUR BA YIN TE, DES NA GZHAN KHO NAS MTHONG BA ZHES NGES PAR CI LTAR 'GYUR DE NYID BRJOD PA NI DES NA ZHES BYA BA STE, RANG GIS RTOGS PA LA LTOS PAS SO, ,GZHAN GYIS RTOGS BA'O ZHES NGES PA GANG YIN PA DE NI RGOL BA RANG GIS KYANG RTOGS PA YIN NO, ,NGED KYI LTAR NA NI TSAD MAS MTHONG BA'I SGRUB PAR BYED PA BRJOD PAR BYA BA YIN PA'I PHYIR NA NYES PA MED DO, ,GZHAN GYIS NI PHYIR RGOL GYIS SO, ,RANG GIS NI RGOL BAS SO, ,'O NA CI LTAR RANG GIS MTHONG BA ZHES MI BRJOD SNYAM NA, 'ON KYANG ZHES SMOS SO, ,GANG YIN PA DE YANG ZHES BYA BA NI MI RTAG PA NYID LA SOGS PA'O, ,RJES SU DPAG PA'I YUL NI MI RTAG PA NYID LA SOGS PA LA LUNG GI TSIG TSAD MA NYID DU 'DOD PA KHAS LEN PA MA YIN NO, ,CI'I PHYIR ZHE NA, YONGS BRTAGS YONGS SU LEN PHYIR TE, ,KHAS LEN PA'I PHYIR RO, ,DES NA LUNG LAS GZHAN GYI GRUB BRTAGS YIN NO ZHES CI LTAR BRJOD, YANG NA GAL TE RJES SU DPAG PA'I YUL LA TSIG TSAD MA NYID DU 'DOD PA MA YIN NA, 'O NA GANG DU 'DOD SNYAM NA, YONGS BRTAGS YONGS SU LEN PHYIR RO, ,ZHES BYA BA STE MNGON SUM DANG RJES SU DPAG PA GNYIS KYIS YUL RNAM PAR DAG PAR GYUR PA NA SHIN TU LKOG TU GYUR PA PHUNG PO GSUM PA GNOD PA MED PA LA YONGS SU BRTAGS PA TSAD MAR KHAS LEN PA'I PHYIR NI PHUNG PO GSUM PA LA LUNG TSANG MA YIN NO, ,GAL TE RJES SU DPAG PA'I YUL LA YANG TSAD MAR 'DOD NA DE'I TSE SKYON CI YOD SNYAM NA, DER NI ZHES SMOS TE BRJES SU DPAG PA'I YUL LA TSIG TSAD MAR KHAS LEN NA RJES SU DPAG PA 'JUG PAR MI 'GYUR TE, RTOGS

, ,ZIN PA RTOGS PA LA DON MED PA'I PHYIR TE, TSIG TZAM GYIS DON GRUB ZIN PA'I PHYIR RO, ,BAS BLANGS BAS GRUB PA'I TSAD MAR BSTAN PA'I DON DU GZHI 'DING BAR BYED PA NI LUNG DE ZHES BYA BA LA SOGS PA'O, ,MNGON SUM DANG RJES SU DPAG PA'I YUL MA YIN PA LA ZHES BYA BA NI MA YIN PA DGAG PA BRJOD PA'I PHYIR PHUNG PO GSUM PA LA TSAD MA YIN NO, ,MNGON SUM LA SOGS PA'I YUL LA YANG DE KHO NA LTAR 'GYUR RO SNYAM NA DE'I YUL LA NI ZHES SMOS TE MNGON SUM LA SOGS PA'I YUL LA'O, ,THAMS CAD DU ZHES BYA BA NI PHUNG PO GSUM KA PA YANG NGO, ,RJES SU DPAG PA DON MED PA NYID GSAL BAR BYED PA NYID 'DI LTAR ZHES BYA BA'O, ,DER ZHES BYA BA NI SKYE BA CAN NAM MI RTAG PA LA'O, ,DE'I TSE SANGS RGYAS BA'I TSIG 'BA' ZHIG TU NI MA ZAD DE, BDE BA LA SOGS PA NI SEMS PA MED PA YIN TE ZHES BYA BA'I GRANGS CAN GYI TSIG KYANG TSAD MA YIN PA DE BAS NA'O, , DE NYID KYI ZHES BYA BA NI GRANGS CAN GYI TSIG NYID LAS SO, ,MI RTAG PA NYID LA SOGS PA NI SANGS RGYAS BA'I TSIG BDE BA LA SOGS PA NI MI RTAG PA DANG SKYE BA DANG LDAN PA YIN NO ZHES BYA BA'I TSAD MAS GRUB PA YIN NO, ,DE NYID KYIS ZHES BYA BA NI TSAD MAR GRUB PA BDE BA LA SOGS PA SEMS PA CAN YIN NO ZHES ZER BA'I SANGS RGYAS PA'I LUNG NYID KYIS SO, ,RJES SU DPAG PAS ZHES BYA BA NI GRANGS CAN PA'I RJES DPAG GIS PHYIN CI LOG SEMS BA MYONG BAR MI 'GRUB PO, ,DE LAS BZLOG BA NI SEMS PA CAN LAS BZLOG PA'O, ,GANG ZHI TSE LUNG LA GNOD PA'I PHYIR BSTAN BAR BYA BA LA SGRUB PAR BYED PA BRJOD PAR RTZOM PA DE NYID KYI TSE LUNG DE NI TSAD MA YIN BDE BAS NA LUNG DES GRUB BA'I MI RTAG PA NYID LA SOGS BA MA LUS PA NI GRUB BA MA YIN PA KHO NA'O, ,KHAS BLANGS PAS ZHES BYA BA NI KHAS BLANGS PAS TSAD MA'I DNGOS BOS BYAS PA DES NA'O, ,DE ZHES BYA BA KHAS BLANGS PA DER NA LUNG DE'I TSAD MA NYID KYANG DE BZHIN DU ZHES BYA BAR DOR BAR 'GYUR RO, ,DES RAB TU GRUB BA ZHES BYA BA LUNG LAS GRUB PA'I GTAN TSIGS NYAMS PAR 'GYUR RO, ,GAL TE GZHAN NYAMS BAS GZHAN YANG NYAMS SO ZHES CI LTAR 'GYUR ZHE NA, DE LA ZHES SMOS SO, ,KHAS BLANGS BA LAR GLAS PA'I BDAG

NYID TSAD MA DANG GTAN TSIGS KYIS SGRUB PAR BYED PA LA SOGS PA'I MTSAN NYID THAMS CAD DANG LDAN PA'I LUNG GANG YIN PA DE NI KHAS BLANGS BA DE'I RJES SU MI 'JUG BA MA YIN TE RJES SU 'JUG PA KHO NA'O, ,KHAS BLANGS PA NYAMS PAS NYAMS BA KHO NAR 'GYUR BA'O ZHES BYA BA'I DON TO, ,DE LTA MA YIN NA NI DE LA RAG LAS PA NYID MA YIN PAR 'GYUR RO, ,RTOGS PAR BYED PA NI GTAN TSIGS GRUB PA LA ZHES BYA BA STE MI RTAG PA NYID LA SOGS PA'I SGRUB PAR BYED PA GRUB PA LA SOGS PA TSAD MA NYID CES BYA BA NI BSTAN PAR BYA BA'I LUNG ZHES BYA BA SKABS SU BABS PA YIN NO, ,LAN NI DE MA YIN TE ZHES BYA BA'O,, 'GA' ZHIG LA ZHES BYA BA NI SEMS PA CAN NYID LA'O, ,THAMS CAD PA ZHES BYA BA NI MI RTAG PA NYID LA SOGS PA LA YANG NGO, ,MI RTAG PA NYID LA SOGS PA STON PAR BYED PA'I TSIG GI PHYOGS GCIG PO GANG YIN PA DE NI'O, ,'ON TE TSAD MAS GRUB KYANG PHA ROL GRANGS CAN LAS PHA ROL LAS RAB TU GRUB PA NYID DO, ,CI'I PHYIR ZHEN, TSAD MA'I GTZUG LAG MI SHES PA'I PHYIR RO, ,RANG GI MTSAN NYID NI RANG GI GSAL BAR BYA BA STE, TSAD MA'I GTZUG LAG MI SHES PA NYID GSAL BAR BYED DE STON PAR BYED PA NYID YIN NO, ,DE LTA MOD KYI ZHES BYA BA LA SOGS PA NI GZHAN GYI STE RGOL BAS SGRUB PAR BYED PA MA SHES KYANG NYES PA MED PA NYID DO, ,PHYIR RGOL BA LA BSGRUB BAR BYA BA NGES PA YOD PA'I PHYIR RO, ,SGRUB BAR BYED PA MA YIN PA'I NYES PA YANG MED DO ZHES SMRAS PA NI, RANG LA ZHES BYA BA STE, PHYIR RGOL BA BDAG NYID LA GRUB PA'O, ,RGOL BA DE'I PHYIR RGOL 'DI'O, ,GZHAN DU MI RTAG PA NYID LA SOGS PA'I RTAGS LA MA SHES PA TZAM GYIS KUN DU SEMS PA MED PA NYID LA YANG MI SHES PA NI MI 'OS PA KHO NA'O, ,RTAGS MA SHES KYANG BSGRUB PAR BYA BA SHES PA NI RGOL BA LA YOD PA NYID DO ZHES BYA BA'I DON TO, ,PHYED PHYI MA 'CHAD PA NI GTAN TSIGS ZHES BYA'O, ,TSAD MA'I GTZUG LAG MA SHES PA'I PHYIR NA; MI RTAG PA NYID LA SOGS PA'I GTAN TSIGS BSGRUB PAR NUS PA MA YIN ZHES TE, GRANGS CAN TE BSGRUB PAR BYA BA SEMS PA MED PA NYID BSGRUB PA LA YANG MI NUS PA NI MA YIN NO, ,GAL TE GRANGS CAN LA BSGRUB BYA GRUB PA MED PHYIR RGOL BA LA GO CI LTAR ZHE NA, DE NI RE ZHIG CES SMOS TE, RTOGS

, ,PAR BYA BA DE NI GTAN TSIGS DE LAS ZHES BYA BA MI RTAG PA NYID LA SOGS PA LAS SO, ,CI'I PHYIR ZHE NA, RANG LA ZHES BYA BA'O, ,PHA ROL PO SANGS RGYAS BA'I DOGS PA BSU BA NI CI STE ZHES BYA BA'O, ,GRANGS CAN 'DI SGO MED PAR TE THABS DANG BRAL BAR BYA NUS BA STE, BSGRUB BYA RTOGS PA'I THABS SU GYUR PA SGRUB PAR BYED PA'I RANG BZHIN GSAL BA MED PA'I PHYIR RO, ,DE LTAR BYAS PAS RGOL BA BRTAN PO MA YIN NO ZHE NA, SUN 'BYIN PA NI DE YANG ZHES BYA BA'O, ,GZHAN GYIS ZHES BYA BA NI GRANGS CAN RGOL BA MKHRANG PO YIN PAS SO, ,'DI NYID GSAL BAR BYED PA NI 'DI LTAR ZHES BYA BA'O, ,KHYOD LA STE BSTAN PAR BYA BA LA GTAN TSIGS TE GRUB NA'O, ,NGA GRUB CES BYA BA NI STON PAR BYED PA LA GRUB PAS SO, ,'ON TE YANG GTAN TSIGS STON PAR BYED BA LA MA GRUB NA 'DI LAS BSTAN PAR BYA BAS BSGRUB BYA CI LTAR RTOGS SNYAM NA, THAMS CAD DANG YIS BYA BA STE STON PAR BYED BAS SO, , GTAN TSIGS KYANG ZHES BYA BA NI MI RTAG PA NYID LA SOGS PA'O, ,'ON TE GTAN TSIGS KYI RANG BZHIN BSTAN BAR BYA BAS MI SHUS PA NYID YIN BA DES NA DE LA GRUB BA'I RTAGS KYI SHES PA CI STE BRJOD SNYAM NA, THAMS CAD CES SMOS SO, ,YANG SANGS RGYAS BA'I DOGS PA BSU BA NI, 'ON TE ZHES BYA BA'O, ,DE NI ZHES BYA BA NI BSTAN PAR BYA BA LA GRUB PA'I RTAGS KYIS RTOGS PAR BYA BA ZHES BYA'O, ,GZHAN GYI LAN NI DE YANG ZHES BYA BA'O, ,'DIR ZHES BYA BA NI, DE LTA MOD KYI ZHES BYA BA LA SOGS PA'I RTZOD PA LA LAN BRJOD BA'O, ,GZHAN GYIS NI PHYIR RGOL PAS SO, ,RGOL BA 'DIS MI RTAG PA NYID LA SOGS PA RTOGS SO ZHES BYA BA'I BLOR RO, ,'DI NI ZHES BYA BA NI 'CHAD PA STE, BSTAN PAR BYA BA 'DI STON PAR BYED PA NGAS SO, ,'DI ZHES BYA BA NI BSTAN PAR BYA BA'O ZHES DE LTAR RTOGS BA CI LTAR ZHES 'BREL TE, DE LTAR SUS MA RTOGS PA ZHE NA, RANG GIS TE RGOL BA GRANGS CAN NYID KYIS MA RTOGS PAR RO, ,'DIS CI BYA ZHES BYA BA NI GA ZHAN GYIS RTOGS SO ZHES SHES PAS SO, ,BSLUS NAS KYANG ZHES BYA BA NI MA 'BREL BA'I TSIG BRJOD NAS KYANG NGO, ,RGOL BA NGAS RTOGS PAS PHYIR RGOL KHYED LA MI RTAG PA NYID KYI SGRUB PAR BYED PA 'DIR DGOS PA GZHAN CI ZHIG YOD DE CUNG ZAD KYANG MED DO ZHES

BYA BA'I DON TO, ,MA RTOGS PA NI RTAGS KYI YUL CAN NO, ,NGAS ZHES BYA BA NI SGRUB BYED LTAR SNANG BA BRJOD PAS SO, ,KHYED LA PHYIR RGOL BA LA'O, ,GZHAN GYIS DOGS BA NI NGAS KYANG ZHES BYA BA STE PHYIR RGOL BAS SO, ,DE LTAR NI RGOL BLTAR RO, ,'ON ZHES BYA BA NI LAN NO, ,RGOL BA LA'O, ,BRJOD PAR BYA BA MA YIN PA NI PHYIR RGOL BAS SO, ,'O NA CI ZHIG BRJOD PAR BYA ZHE NA, 'DIR ZHES SMOS TE, RTAGS 'DIR PHYIR RGOL BA'I'O, ,MA RTOGS PA ZHES BYA BA NI GZHAN GYI'O, ,'DI LA LAN NI DE LTA NA ZHES BYA BA'O, ,'DIR NI SGRUB PAR BYED PA LA'O, ,'DI LTAR NI TSUL 'DIS SO, ,DE LTAR MA YIN NA ZHES BYA BA NI 'A THAD PA DANG BCAS PAS MI BRJOD NA'O, ,'DIR CI LTAR NGAS ZHES BYA BA NI RGOL BAS SO, ,'ON TE GZHAN LA DON GRUB PAR NGES PAS CI DGOS TE, MA SHES BA BSGRUB BA'I DON DU RTZOM PA'I PHYIR RO SNYAM NA, GZHAN GYI DON DU ZHES GSUNGS SO, ,DE'I DON DU ZHES BYA BA NI RGYAL BAR 'DOD PA TZAM GYIS DON DU'O, ,'O NA CI LTAR GZHAN GYIS RTOGS PAR NGES SNYAM NA, DE'I PHYIR ZHES SMOS SO, ,SGRUB PAR BYED PA RANG GIS RTOGS NA RGOL BA 'DIS NI RTAGS 'DI RTOGS SO ZHES BYA BAR RO, ,MA RTOGS PAR BSTAN NA NYES PA CI YOD SNYAM NA 'DIS ZHES GSUNGS TE, GRANGS CAN GYIS SGRUB PAR BYED PA GANG LA RTOGS PA MED PA STE BRJOD BA NI BRDZUN NYID YIN NO, ,GAL TE DE LTAR NA YANG STEN PAR BYED PA NYID LAS NI MA NYAMS SO SNYAM NA, RANG GI ZHES BYA BA STE, RGOL BA RANG NYID KYI RTAGS KYI YUL CAN GYI RTOGS PA GANG YIN BA DE MED BAR NI RGOL BA STON BAR BYED PA MA YIN PAR 'GYUR RO, , GANG GI TSE ZHE NA, GAL TE GZHAN PHYIR RGOL BA SGRUB PAR BYED PA'I RANG GI NGO BO RTOGS PAR KHAS MI LEN NA'O, ,RES 'GA' KHAS LEN PAR 'GYUR RO SNYAM NA, BDAG NYID CES BYA BA SMOS TE PHYIR RGOL BA'O, ,RGOL BAS SGRUB PAR BYED BA'I RANG GI NGO BO RTOGS NA NI NYES PA MED DO ZHES STON PA NI RANG NYID CES BYA'O, ,PHYIR RGOL BA KHAS LEN KYANG MI BDEN BA SMRA BA NYID DU RTOGS PAR 'GYUR RO, ,DES NA MI BDEN PA SMRA BA SPANG BA'I PHYIR RGOL BAS NYE BAR BKOD PA'I TSAD MAS GRUB PA'I SGRUB PAR BYED PA GZHAN GYIS KHAS BLANG BAR BYA BA KHO NA'O, ,DES NA RANG GIS RTOGS PA'I SGRUB PAR BYED PA NI GZHAN GYIS

, ,RTOGS SO ZHES SHES PAR NUS KYI GZHAN DU NI MA YIN NO, ,'ON TE ZHES BYA BA NI GZHAN GYIS TE, RGOL BAS SGRUB PAR BYED PA RANG GIS RTOGS KYANG GZHAN PHYIR RGOL BA RTAGS RTOGS SO ZHES CI LTAR SHES, RANG GI TSAD MAS RTOGS PA LA YANG GZHAN GYIS MA RTOGS PA MTHONG BA'I PHYIR RO ZHE NA, 'ON TE PHYIR RGOL BSAM RTOGS NA RGOL BA RTOGS PAR BYED PA MA YIN PA NYID DU 'GYUR RO SNYAM NA, GAL TE PHYIR RGOL BAS ZHES BYA BA'O, ,NGES ZHES BYA BA NI PHYIR RGOL GYIS SO, ,DE LA NI PHYIR RGOL BA RTOGS BA BSKYED PA'I TSOGS BA MED PA YIN NO, ,GAL TE PHYIR RGOL BA LA BRJOD PAR DON MED PAR GYUR PA'I PHYIR RTOGS PAR BYED PA MA YIN PA'I NYES PA KHO NA'O SNYAM NA, RGOL BA'I NYES PA NI ZHES GSUNGS SO, ,DER ZHES BYA BA NI PHYIR RGOL BA DMUS YONG DU GYUR BAR RO, ,NYES BA NI RTOGS PAR BYED BA MA YIN PA'I MTSAN NYID DO, ,DE TZAM GYIS ZHES BYA BA NI NYAN PA PO RNAMS RTOGS PA TZAM GYIS SO, ,CI STE YANG ZHES BYA BA NAS GSAL BA NYID CES BYA BA'I BAR NI RTZOD PA'O, ,SNYING RJE DANG LDAN PA'I RGOL BAS NI TSOGS PA 'BA' ZHIG RTOGS BAR BYA BA NI MA YIN TE, 'ON KYANG PHYIR RGOL BA YANG YIN NO, ,'O NA CI ZHIG 'DOD PA YIN SNYAM NA, DE DAG NI ZHES SMOS SO, ,'DI NYID SABS [?] DANG SBYOR BAR BYED PA NI, ,PHYIR RGOL BAS RTOGS BAR BYA BA'I ZHES BYA BA'O, ,NYAN PA PO NYID KYANG YOD PA MA YIN TE, GNYIS LAS GANG RUNG GI PHYOGS SU LHUNG BA'I PHYIR RO ZHES BRJOD PA NI, GZHAN YANG ZHES BYA BA'O, ,NYAN PA PO RNAMS PHYOGS SU LHUNG BAR GYUR PA NA, RGOL PA'AM PHYIR RGOL BA GCIG TU 'GYUR RO, ,DE LA PHYIR RGOL BAR GYUR PA'I PHYOGS LA BRJOD PA NI, DE PHYOGS ZHES BYA BA STE PHYIR RGOL BA DE'I PHYOGS SU LHUNG BA DES NYAMS PA'O, ,DER YANG ZHES BYA BA NI PHYIR RGOL GYI PHYOGS KYIS NYAMS BA'I NYAN PA PO LA YANG NGO, ,DE LTAR 'GYUR MOD KYI SKYON SNYAM NA, NYAN PA PO PHYIR RGOL ZHES BYA BA'O; ,NYAN PA PO DANG PO PHYIR RGOL GYI PHYOGS KYIS NYAMS PA'I PHYIR PHYIR RGOL BAR GYUR BA NA NYAN PA PO DANG PO LAS NYAN PA PO GZHAN DU GYUR PA NI, NYAN PO GZHAN TE DER YO BAS THUG BA MED PAR 'GYUR RO, ,RGOL BA NYAN PA PO GNYIS PA LA RTZOD PA BYED PAN PHYIR RGOL PA NYID DU 'GYUR GYI NYAN PA BO NI MA

YIN LA, DE BZHIN DU GSUM PA LA SOGS PA YANG YIN TE, DE LTAR 'GA' YANG NYAN PA PO NYID DU MI 'GYUR RO, ,RGOL BAR GYUR PA'I PHYOGS BSAL BA'I DON DU YANG BRJOD PA NI, 'ON TE ZHES BYA BA'O, ,DE LTA NA YANG ZHES BYA BA NI PHYOGS SU LHUNG YANG GNYIS LAS GCIG PU PHYOGS SU LHUNG BA NI NYAN PA PO NYID MA YIN NO, ,CHAGS PA LAS GYUR TE GNYIS LAS GCIG GIS PHYOGS SU LHUNG BA NA YANG RIG PAS 'THAD PA'I PHYOGS LA YANG YID GTOD PAR MI 'GYUR BA DES NA CI LTAR TSOGS YIN, DE'I PHYIR NYAN PA BO NI MED BA KHO NA'O, ,DE'I PHYIR NA NYAN PAR BYED PA DAG GIS RTOGS PA NYID DO ZHES CI LTAR RTOGS PAR BYED SNYAM NA, RTZOD PA GNYIS PA 'DI LA LAN RIM GYIS BRJOD PA NI, 'DI GZHAN GYIS DON BYED DO ZHES BYA BAR BRJOD PA NI SKAL BA YOD PA LA YIN NO, ,DES NA GZHAN GYI DON BYED PA ZHES BYA BA 'DI SKAL MED LA YANG DE LTA'AM ZHES BYA BA NI GZHAN GYI DON BYED PA NYID YIN NAM MA YIN PA KHO NA'O, ,DE LTAN 'O NA SNYING RJE CAN MA YIN PAR 'GYUR RO SNYAM NA, NUS PAS ZHES BYA BA STE NUS PA MED PAS GZHAN GYI DON MA BYAS KYANG 'DI SNYING RJE'AM BDAG NYID CAN MA YIN PAR NI MI 'GYUR RO, ,DE NI SNYING RJE DANG 'GAL BA MA YIN NO ZHES BYA BA'I DON TO, ,NYAN PA PO SRID BAR BRJOD PA NI NYAN PA PO RNAMS ZHES BYA BA'O, , DE LTAR YIN DANG NYAN PA PO MI SRID PAR 'GYUR RO SNYAM NA THAMS CAD CES BYA BA'O, ,RTZOD PA MA YIN PA'I RGYU MTSAN GNYIS PA BRJOD PA NI, PHAN TSUN LTOS PA'I PHYIR RO ZHES BYA BA'O, ,DE DAG KYANG ZHES BYA BA NI TSOGS PA RNAMS SO, ,GANG GI PHYIR DE LTAR NYAN PA PO YOD PA DE'I PHYIR RO, ,MA ZIN PA LA SOGS PA ZHES BYA BA NI LUNG YIN NAM, SMRANG RGYAS PA LA RJES SU MI BRJOD PA'O, ,SOGS PA'I SGRAS NA TSIGS DOR LA SOGS PA BSDU'O, ,PHYIR RGOL BA RTOGS PA LA YANG NUS PA NYAMS PA MA YIN NO ZHES MJUG BSDU BA'I SGO NAS STON PA NI, DE'I PHYIR ZHES BYA'O, ,SKABS NYE BAR SDUD PA NI DES NA ZHES BYA BA'O, ,LUNG LAS GRUB PA NYID YIN GYIS TSAD MAS GRUB PA NI GZHAN LA GRUB PA MA YIN PA'O, ,TSAD MAS GRUB PA MA YIN PAS NI GZHAN YANG RTOGS PA MA YIN NO ZHES DGONGS PA'O, ,GZHAN GYIS NI PHYIR RGOL GYIS SO, ,DE LA RAB TU GRUB PA NI LUNG LAS RAB TU GRUB PA'O, ,

, ,LAN NI MA YIN TE ZHES BYA BA'O, ,PHYOGS GCIG GNOD PAR GYUR PA CAN GYI LUNG NI'O, ,BDE BA LA SOGS PA SEMS PA YOD PA'I SANGS RGYAS KYI LUNG GI NI, GRANGS CAN GYI RJES SU DPAG PAS GNOD PA YIN NO, ,GAL TE LUNG DE DANG LDAN PA'I SANGS RGYAS PA LA MI RTAG PA NYID LA SOGS PA'I SGRUB PAR BYED PA GRUB PA YIN NA DE'I TSE GANG GI LUNG GANG YIN, GZHAN GYIS ZHES BYA BA NI SANGS RGYAS PAS SO, ,LUNG DE DANG LDAN PA YIN NA ZHES BYA BA NI SANGS RGYAS PA'O, ,DE'I TSE GRANGS CAN YANG LUNG DE DANG LDAN PA YIN PAS, MI RTAGS PA NYID LA SOGS PA'I SGRUB PAR BYED PA NI GNYI GA LA GRUB PA YIN NO, ,CI STE GRANGS CAN GYIS SANGS RGYAS PA'I LUNG KHAS MA BLANGS PA'I PHYIR DE LTAR ZHES BYA BA GNYI GA LA GRUB PA NYID MA YIN NA DE'I TSE 'GA' YANG ZHES BYA BA SANGS RGYAS PA YANG, LUNG DE DANG LDAN PA ZHES BYA BA MI RTAG PA NYID LA SOGS PA STON PAR BYED PA'I LUNG DANG LDAN PA MA YIN TE, DE BAS NA 'GA' LA YANG SGRUB PAR BYED PA MA GRUB PO, ,DES NA NI LTAR GZHAN LA GRUB PA'I RTAGS KYIS GZHAN NYID RTOGS PAR BYED CES BRJOD, PHYED PHYI MA 'CHAD PA NI DE NI ZHES BYA BA'O, ,TSAD MA LTAR SNANG BA'I LUNG LAS SGRUB PAR BYED PA RTOGS PAR LAS LEN NA NI SANGS RGYAS PA DE RMONGS PA NYID YIN PAS RGOL BA GRANGS CAN DE GZHAN SANGS RGYAS PA'I RMONGS PA DE MA BZLOG PA'I PHYIR RO, ,'ON TE PHYIR RGOL RMONGS PA MA YIN NO SNYAM NA, LUNG TSAD MA LTAR SNANG BA MI SHES BA'I PHYIR RGOL GZHAN CI LTAR RMONGS PA MA YIN TE RMONGS PA KHO NA'O, ,GAL TE MI BDEN PA NYID LA RMONGS NA YANG NGES PA MA YIN TE, DES NA DE LAS GRUB PA'I SGRUB PAR BYED PA LAS PHYIR RGOL BAS BSGRUB BYA 'GRUB BO SNYAM NA, MI SHES PA YANG MA YIN TE ZHES GSUNGS TE, 'ON KYANG SANGS RGYAS PAS MI BDEN PA NYID DU NGES PA KHO NA'O ZHES BYA BA'I DON TO, ,CI'I PHYIR ZHE NA, 'DI LTAR ZHES BYA BA'O, ,SANGS RGYAS PA'I LUNG GIS BSGRUBS PA'I SEMS PA CAN DANG 'GAL BA SEMS PA MED PA NYID DE KHAS LEN PA LUNG DE NYID KYIS SANGS RGYAS BDE CI LTAR 'GYUR GYI, GAL TE DE BDEN PA MA YIN PA NYID DU MI SHES NA'O, ,'ON TE DE DANG 'GAL BA'I DON KHAS LEN PA

YANG TSAD MA NYID YIN NO ZHEN, DE DANG ZHES GSUNGS TE, SANGS RGYAS PA'I LUNG GIS BSGRUBS PA'I SEMS PA YOD BA DANG 'GAL BA SEMS PA MED PA NYID KHAS LEN NA DE CI LTAR TSAD MA YIN, 'DI ZHES BYA BA NI SANGS RGYAS BA'O, ,DE MED BAR MI 'BYUNG BA'I PHYIR RO ZHES BYA BA NI MI BDEN PA NYID DU RTOG PA MED NA MI 'BYUNG BA'I PHYIR RO, ,'DI SNYAM NA SANGS RGYAS PA RMONGS PA YIN PA DES NA BRJOD MA THAG PA'I NYES PA MED DO SNYAM NA, SUN 'BYIN PA NI RMONGS NA NI ZHES BYA BA'O, ,PHYIR RGOL BA RMONGS NA NI RGOL BA STON BAR BYED PA MA YIN NO ZHES SO, ,GZHAN GYI RMONGS PA ZHES SMOS SO, ,DE NI SANGS RGYAS PA'O, ,BZLOG PA NI BDE BA LA SOGS PA SEMS PA CAN DU KHAS BLANGS PA LAS BZLOG PA STE, DE LTAR BYAS PAS RGOL BA GRANGS CAN GYI 'BRAS BU 'GRUB BO, ,DES NA RGOL BA NI STON PAR BYED PA KHO NA'O ZHES BYA BAR BSAM PA'O, ,LAN NI MA YIN TE ZHES BYA BA'O, ,'O NA GANG GI TSE ZHES BYA BA NI GZHAN GYI'O, ,LAN NI NYAN PA BO ZHES BYA BA'O, ,GANG GI TSE ZHEN SKAL LDAN YANG NI ZHES BYA BA'O, ,'ON TE ZHES BYA BA NI RTZOD PA'O, ,DE LTA BU'I ZHES BYA BA NI RTAG PA NYID LA SOGS PA'I MTSAN NYID SGRUB PAR BYED PA'O, ,DE YANG NI PHYIR RGOL BA'O, ,GAL TE GANG ZHIG SUN 'BYIN PA 'BREL MED BRJOD PAR 'GYUR BA DE LA SGRUB PAR BYED PA YANG 'BREL MED KHO NA BRJOD PAR BYA BA YIN NO ZHES BYA BA 'DI GA LAS SNYAM NA, 'DI LTAR ZHES SMRAS SO, ,TSONG BA DANG RIN CI 'DRA BA DE DANG 'TSAM PA'I PHUR MA 'CHING GIS MI 'TSAM PAR NI MA YIN NO, ,DE BZHIN DU SGRUB PAR BYED PA YANG GZHAN GYIS SUN 'BYIN PA CI 'DRA BA BRJOD PAR BYA BA DE 'DRA BA KHO NA BRJOD PAR BYA BA YIN NO ZHE NA, LAN NI 'DI GLEN PA'I ZHES BYA BA'O, ,NGA'I SLONG PHOR DU 'DIS CHANG 'THUNGS SO ZHES BYA BA 'DI DANG NI BDAG LA 'DIS MA 'BREL BA'I SUN 'BYIN PA BRJOD DO ZHES BYA BA 'DIS MTSUNGS PA YIN LA, BDAG GIS DE'I SLONG BAR DU GCIN BTUNG BAR BYA'O ZHES BYA BA 'DI DANG MTSUNGS PA NI BDAG GIS 'DI LA SGRUB PAR BYED PA MA 'BREL PAR BRJOD PAR BYA'O ZHES BYA BA YIN NO, ,RGOL BAS NI GZHAN GYI RMONGS PA BSAL BAR BYA BA YIN NO, ,'DI NI GNYI GA LA YANG LONG BA DANG 'DRA BAS RGOL PHYIR RGOL GYI MING MI 'THOB BO

, ,ZHES BYA BA'I DON TO, ,DON DE ZHES BYA BA NI SEMS MED PA'I DON SGRUB PAR BYED PA'O, ,DE ZHES BYA BA RANG LA BSGRUB PA'I SGRUB BAR BYED PA'O, ,RANG NYID LA RAB TU GRUB PA'I ZHES BYA BA NI, RANG GIS BSGRUB BAR BYA BA SEMS PA MED PA NYID RAB TU GRUB PA STE, NGES PA'I RGYU MTSAN GYIS SGRUB PAR BYED PA'O, ,'DI NYID RAB TU GRUB PA NI, GTAN TSIGS GSAL BA'I ZHES BYA BA'O, ,DGA' BAR BYED PA'I NGAL BA NI GZHAN LA GRUB PA SGRUB BYED DU 'GOD PA'O, ,GZHAN GYIS GRANGS CAN LA ZHES SMRAS SO, ,DE ZHES BYA BA SEMS PA MED PA NI GRANGS CAN GYI LUNG LAS SO, ,LAN NI LUNG DE NYID CES BYA'O, ,DE NYID NI GRANGS CAN GYI'O, ,GZHAN LA YANG NI SANGS RGYAS PA LA YANG NGO, ,SGRUB PAR BYED PA NYID NI SEMS PA MED PA'I 'O, ,MA YIN TE ZHES BYA BA NI GZHAN GYIS SMRAS PA'O, ,GZHAN LA NI SANGS RGYAS PA LAS SO, ,LAN NI TSAD MA MA YIN PA LA ZHES BYA BA'O, ,DE LA ZHES PA NI GZHAN GYIS GRANGS CAN LA'O, ,LAN NI GAL TE ZHES BYA BA'O, ,THAMS CAD LA ZHES BYA BA NI, SANGS RGYAS PA LA YANG NGO, ,GZHAN GYIS KHAS BLANGS PA ZHES SMOS SO, ,LAN NI GRANGS CAN YANG ZHES BYA BA'O, ,GZHAN GYIS DES ZHES SMRAS TE GRANGS CAN GYIS SO, ,LAN NI GAL TE ZHES BYA BA'O, ,GZHAN ZHES BYA BAS SANGS RGYAS PA LA YANG KHAS BLANGS PA NYID 'GYUR RO, ,'DIS KYANG NI SANGS RGYAS PAS SO, ,DOGS PA BSU BA NI SANGS RGYAS PA DE RIGS PA KHAS MA BLANGS PA'I PHYIR RO ZHE NA, LAN DE LTA NA ZHES BYA BA'O, ,GAL TE LUNG 'DZIN PA'I RIGS PA KHAS MI LEN NA; DE'I TSE MI RTAG PA LA SOGS PA'I PHYIR SEMS PA MED PA YIN NO ZHES BYA BA'I RIGS PA YANG CI LTAR KHAS LEN, 'ON TE MI RTAG PA'I PHYIR SEMS PA MED PA YIN NO ZHES BYA BA NI RIGS PAS THOB PA YIN GYI LUNG NI MA YIN NO SNYAM NA, RIGS PA LAS ZHES SMOS SO, ,GAL TE DE LTAR SANGS RGYAS PAS GRANGS CAN GYI BSTAN BCOS KHAS BLANGS PAR 'GYUR MOD, DE LTA NA YANG CI 'GRUB SNYAM NA, DE LTA YIN DANG ZHES BYA BA'O, ,BSTAN BCOS KHAS BLANGS PAR GYUR NA GNYI GA LA GRUB PA LUNG GI MTSAN NYID SEMS PA MED PA'I SGRUB PAR BYED PA SRID PA NA LUNG GI MTSAN NYID KYIS SGRUB

PAR BYED PA LAS GZHAN GANG YIN PA MI RTAG PA NYID LA SOGS PA DE NYE BAR 'GOD PA NI 'GA' YANG BYA BA NYID MA YIN NO, ,GAL TE ZHES BYA BA NI GZHAN GYI'O, ,SEMS PA MED PA LA SOGS PA'I MTSAN NYID KYI NI RNAL 'BYOR PAS RTOGS PAR BYA BA YIN GYI RIG PAS NI MA YIN NO ZHE NA, LAN NI 'DI NI ZHES BYA BA'O, ,GZHAN SANGS RGYAS PAS KYANG RANG GIS BSGRUB PAR BYA BA BDE BA LA SOGS PA MED PA'I MTSAN NYID LA BRJOD PAR NUS SO, ,'ON TE SANGS RGYAS PA LA RANG GI RNAL 'BYOR PA'I YUL CAN GYI TSAD MA MED DO SNYAM NA, DE'I ZHES GSUNG SO, ,SNGAR THA MAL PAR GYUR PA LA SGRUB PAR BYED PA'I TSAD MA GANG DAG GIS MI RTAG PA NYID LA SOGS PA BSGOM PA'I MTSAN NYID CAN GYI THABS RTOGS PA DANG, DE NAN TAN DU BYAS PA LAS DNGOS BO MA LUS PA MNGON DU BYED PA'I YE SHES SKYED PAR BYED PA'I DBANG BO'AM, YANG NA DON DE RTOGS PA'I RANG BZHIN GYIS MNGON SUM NYID DBANG PO YIN TE, DE DAG 'BYUNG BAR 'GYUR BA'I SGRUB PAR BYED PA'I TSAD MA DE DAG NI, SANGS RGYAS PA DE'I DON NUS TE SKAD CIG MA NYID LA SOGS PA BSGOM PA'I MTSAN NYID KYI THABS SU GYUR PA'I DON GYI NUS PA GANG YIN PA STE, GSAL BAR SNANG BA'I SHES PA SKYE BA'I YUL CAN DE SHES PAR GYUR BA NA, DE'I RNAL 'BYOR PAS RTOGS PA'I YUL GYI DON KHAS LEN PAR NUS PA LA YIN TE MTHU YOD PA YIN NO, ,TSAD MAS MTHONG BA'I DON MNGON DU BYED PA'I MTSAN NYID KYI RNAL 'BYOR PA LA NI SANGS RGYAS PA'I TSAD MA YOD PA KHO NA'O ZHES BYA BA'I DON DU'O, ,RANG BZHIN GYIS GRUB PA ZHES BYA BA NI, MI RTAG PA DA [*DE] KHO NA BSGOM PA LA MI LTOS PA'O, ,DE SGRUB PAR BYED PA'I THABS RTOGS PA NI RNAL 'BYOR PA SGRUB PAR BYED PA'I THABS RTOGS PA'O, ,DON DE RTOGS PA'I RANG BZHIN GYIS MNGON SUM ZHES BYA BA NI RGYU LA 'BRAS BU BRTAGS NAS BRJOD PAR BLTA'O, ,DNGOS KYI DON BRJOD PA NI, YANG NA DBANG BO NYID DO ZHES BYA BA'O, ,RTOGS PA LA SOGS PA'I SGRUB PAR BYED PA DE DAG NI DE'I RNAL 'BYOR PAS RTOGS PA'I DON KHAS LEN PAR BYA BA LA NUS PA NYID DO ZHES 'BREL TE, CI LTAR GYUR PA NA ZHE NA, THABS SU GYUR PA'I DON GYI ZHES BYA BA LA SOGS PAR SBYAR RO, ,GANG GI PHYIR DE LTA YIN PA

, ,DES NA MI RTAG PA NYID LA SOGS PA MED PA'I SGRUB PAR BYED PA STE NYE BAR DGOD PAS CI ZHIG BYA STE CI YANG BYAR MED DO ZHES BYA BA'I DON TO, ,'O NA CI LTAR BRJOD PAR RIGS SNYAM NA, CI LTAR ZHES GSUNGS SO, ,DE LTA YIN DANG SNGAR SEMS PA MED PA LA SOGS PA'I BSGRUB PAR BYA BA SGRUB PAR BYED PA GANG GIS 'DIS RTOGS PAR GYUR PA DE NYID KYIS GZHAN LA YANG BSGRUB PAR BYA BA YIN NA, DE LTA NA YANG GRANGS CAN GYIS MA BRJOD DE DES NA SGRUB PAR BYED PA DE NI SRID PA MA YIN NO, ,DE NYID KYI PHYIR 'ON TE ZHES GSUNGS TE, ,DE'I SGRUB PAR BYED PA NI SEMS PA MED PA NYID LA SOGS PA'I SGRUB PAR BYED PA'O, ,'DIR NI SEMS PA MED PA NYID LA'O, ,RJES 'GRO RNAM CHAD CAN ZHES BYA BA NI DPE LA RJES SU 'GRO BA DES PA MED PA'O, ,DON GANG ZHIG SGRUB PAR BYED PAS RJES SU RTOGS PAR NUS PA DE LA BSGRUB PAR BYA BA DANG SGRUB PAR BYED PA SEMS PA YIN NO ZHES 'BREL TO, ,CI LTAR RJES SU RTOGS SNYAN NA SPYI NYID DAM ZHES BYA BA'O, ,DON 'DI NI ZHES BYA BA NI SEMS PA MED PA NYID LA SEMS PA'O, ,LUNG GCIG PUS RTOGS PAR BYA BA YANG MA YIN NO ZHES BYA BA NI SPYI'I DON DANG 'BRAL BA MED PA'I PHYIR RO, ,DE LA ZHES BYA BA NI SPYI DANG KHYAD PAR GYIS NA RTAG PAR BYA BA MA YIN PA LA TSAD MA 'JUG PAR BYA BA'I GRANGS CAN GYI'O, ,DE NI ZHES BYA BA NI SKYES BU'I BSAM PA'O, ,DON YOD CES BYA BA NI RTAGS KYI MTSAN NYID DO, ,MED PA NI MI RTAG PA NYID LA SOGS PA'I MTSAN NYID DO, ,SGRUB BYED NI SEMS PA MED PA LA SOGS PA'O, , GAL TE SEMS PA MED PA YOD PA KHO NA MA YIN NAM, DES NA SGRUB PAR BYED PA MED PA LAS KYANG SKYE STE SHES PA LA SKYON CI YOD SNYAM NA, BSHAD PA, SEMS PA CAN MA YIN PA NYID YOD KYANG RTOGS PA RTOGS PA MED PA DANG MTSUNGS TE, RTOGS PA LTAR SNANG BA YIN NO ZHES BYA BA'I DON TO, , CI'I PHYIR ZHE NA, GANG GIS PHYIR DNGOS PO STE RTAGS DANG 'BREL MED DE 'BREL PA MED PA'I STE DNGOS POR GYUR PA'I RTAGS MED PAR SKYES PAS ZHES BYA BA'I DON TO, ,DE MED NA ZHES BYA BAR NI MNGON PAR 'DOD PA'I RTAGS DE MED NA SHES PA GANG YIN PA DE YOD DO ZHES GANG LAS YIN, GZHAN GYIS KYANG NI

SANGS RGYAS PAS KYANG NGO, ,KHYED LA NI SANGS RGYAS PA LA'O, ,DE BZHIN DU GZHAN SANGS RGYAS PA YANG RTOGS PAR BYED DO ZHES 'BREL TO, ,CI ZHIG RTOGS PAR BYED SNYAM NA, MI RTAG PA NYID LA SOGS PA'I SGRUB PAR BYED PA 'DI NI KHYOD GRANGS CAN LA'O, ,DE LTA NA YANG SEMS PA MED PA NYID CI LTAR 'GRUB SNYAM NA, CI LTAR TSAD MAS ZHES BYA BA'O, ,NGA LA NI SANGS RGYAS PA LA'O, ,RTOGS PA ZHES BYA BA NI SEMS PA CAN MA YIN PA'O, ,GZHAN YANG NI GRANGS CAN YANG NGO, ,DE LTA MA YIN NA ZHES BYA BA NI TSAD MAS GRUB PA KHAS MI LEN NA'O, ,'ON TE GRANGS CAN GCIG BU MI RTAG PA NYID LA SOGS PA'I GTAN TSIGS KHYOD LA GRUB PA YIN NO ZHES SMRA'I SANGS RGYAS PA NI MA YIN NO SNYAM NA, BDAG GCIG PU ZHES GSUNGS SO, ,SKABS NYE BAR SDUD PA NI DE'I PHYIR ZHES BYA BA'O, ,DE LTAR NA RANG GI DON GYI RJES SU DPAG BA SNGON DU 'GRO BA CAN GYI TSIG NYID GZHAN GYI DON GYI RJES SU DPAG PA YIN GYIS, GZHAN NI MA YIN NO ZHES GNAS SO, ,DE LAS ZHES BYA BA LAS THAL BA SGRUB PAR BYED PA LAS SO, ,GAL TE DE LAS BSGRUB PAR BYA BA NGES PA MA YIN NA, 'O NA THAL BAR SGRUB PA DE CI'I DON DU YIN ZHE NA, 'BREL PA DE ZHES SMOS SO, ,DI CI'I PHYIR ZHE NA, BSGRUB BYA MED PAR ZHES SMOS SO, ,YANG THAL BAR SGRUB PA DE GANG YIN ZHE NA, THAL BAR SGRUB PA DE NI 'DI YIN ZHES SMOS SO, ,DU MA LA YOD PAR KHAS BLANGS PA'I CHA MED PA'I GCIG PU GANG YIN PA DE NI YUL LA SOGS PA'I KHYAD PAR CAN GYI GONG BU GZHAN DANG LDAN PA MA YIN TE, YUL DANG DUS DANG GNAS SKABS KYI KHYAD PAR DU NGES PA'I GSAL BA GCIG PU GANG YIN PA DE DANG 'DRES PA STE, 'BREL PA GANG YIN PA DES RNAM PAR MA BCAD PA'I STE KHYAD PAR DU MA BYAS PA'I RANG BZHIN GZHAN GYIS STONG PA'I PHYIR RO ZHES BYA BA'O, ,THAL BA'I SGRUB BYED GNYIS PA BRJOD BA NI DE BZHIN DU ZHES BYA BA'O, ,YUL LA SOGS PA'I KHYAD PAR CAN GZHAN DANG LDAN PA MA YIN PA CI'I PHYIR ZHE NA, GANG GI PHYIR ZHES BYA BA'O, ,DE LTA BU'I DNGOS PO ZHES BYA BA NI NGES PA'I GSAL BA GCIG DANG 'BREL PA CHA MED PA'I SPYI GCIG PA'O, ,GZHAN GANG RANG BZHIN GZHAN GYIS STONG BA'I PHYIR ZHES BYA BA'I GTAN TSIGS MA NGES PA NYID DU BRJOD PA NI GAL

, ,TE ZHES BYA BA'O, ,RANG BZHIN GZHAN DANG BRAL BA YIN YANG, GAL TE YUL LA SOGS PA DU MA DANG LDAN PAR 'GYUR BA DE, DE'I TSE 'GAL BA CI YOD PA DE'I PHYIR RANG BZHIN GZHAN GYIS STONG PA YANG YIN LA YUL LA SOGS PA'I KHYAD PAR CAN GZHAN DANG YANG LDAN PAR YANG 'GYUR BA'I PHYIR MA NGES PA NYID DO ZHE NA, LAN NI 'GAL BA MED PA MA YIN TE ZHES BYA BA'O, ,'O NA SNGON DANG PHYI MA'I DNGOS PO KHYAB PA'I DUS YOD PAR 'GYUR RO ZHE NA DE'I DUS SU ZHES GSUNGS SO, ,GAL TE ZHES BYA BA NI GZHAN GYI'O, ,DE BZHIN DU YUL YANG MED PA'I PHYIR SNGA MA LA SOGS PA'I THA SNYAD DU CI LTAR 'GYUR ZHES 'BREL TE, LAN NI DUS YOD KYANG ZHES BYA BA'O, ,DUS THA DAD PA'I PHYIR TE ZHES BYA BA NI DOGS PA'O, ,DE NYID GZHUNG 'DZUGS PA NI 'DI LTAR ZHES BYA BA'O, ,MI LA SOGS PA'I DNGOS PO GANG ZHIG SNGON GYI DUS LA SOGS PA DANG LDAN PA DE NI SNGON LA SOGS PA'I SGRAS BRJOD PA YIN NO, ,GAL TE DUS KYI DBYE BAS DNGOS PO RNAMS KYI SNGA MA NYID LA SOGS PA YIN NA NI DUS KYI DBYE BA YANG DUS GZHAN LAS YIN PA'I PHYIR THUG PA MED PAR 'GYUR RO SNYAM NA DE'I YANG ZHES GSUNGS TE, DUS DE'I YANG SNGON DANG PHYI MA NI YOD PA YIN MOD KYI 'ON KYANG RANG GI NGO BO KHO NA LAS YIN GYI, DUS GZHAN THA DAD PA LAS NI MA YIN NO, ,DE BZHIN DU YUL YANG YIN NO ZHES BYA BA NI RANG GI NGO BO KHO NA LAS SHAR BA LA SOGS PA YIN NO ZHE NA, LAN DU 'DI NI ZHES BYA BA'O, ,DE DAG CES BYA BA NI YUL DANG DUS DAG GO, ,DOGS PA BSU BA NI LHAN CIG SPYOD PA MA LA SOGS PA'I DE BZHIN TE SNGON DANG PHYI MA YIN PA'I PHYIR YUL DANG DUS DAG KYANG DER 'GYUR RO ZHE NA, LAN DU PHAN TSUN ZHES BYA BA'O, ,DE LTAR 'GYUR BAS ZHES BYA BA NI SNGON DANG PHYI MAR 'GYUR BAS SO, ,'DIR YANG ZHES BYA BA NI DUS LA'O, ,CI LTAR PHAN TSUN BRTEN PAR 'GYUR SNYAM NA, LHAN CIG SPYOD PA'I ZHES GSUNGS SO, ,GCIG NI ZHES BYA BA'I DUS SAM LHAN CIG SPYOD PA'O, ,'ON TE DNGOS PO DANG DUS LA SOGS PA DAG GIS SNGA MA DANG PHYI MA NYID KHAS MI LEN GYI, 'ON KYANG LHAN CIG 'BYUNG BA KHO NA YIN NO SNYAM NA, DE'I TSE DNGOS PO DANG DUS LA SOGS PA GNYIS PO

DAG LHAN CIG 'BYUNG BAR KHAS LEN PA YIN NA NI SNGON NYID PHAN TSUN GYI BYAS PAR MI 'GYUR RO, ,DANG PO NI GSAL BA NYID BAS TSIG LE'UR BYAS PA GNYIS PA RNAM PAR 'GREL PA NI CI SRID CES BYA BA'O, ,GZHAN GYI PHYOGS BSAL NAS RANG GI LUGS NYE BAR SDUD PA NI RANG BZHIN TE RANG GI RGYUS ZHES BYA'O, ,GAL TE GZHAN GYI DNGOS PO SNGA MA DANG PHYI MA NYID YIN NA, DE'I TSE RGYU YOD PA DANG MED PA DAG NYID LAS 'GYUR MOD, DE NI GDON MI ZA BAR KHAS BLANG BAR BYA BA'I PHYIR RO ZHES GSUNGS PA NI GZHAN YANG ZHES BYA BA LA SOGS PA'O, ,SNGA MA 'DAS PA DANG, PHYI MA MA 'ONGS PA DANG, DA LTAR BYUNG BA YANG RNAM PAR GNAS PAS TE, RNAM PAR GNAS PAS NI DUS MED PAS KYANG GRUB PAS SO, ,CI'I PHYIR ZHE NA, 'BRAS BU YOD DANG MED DE'I PHYIR RO, ,'BRAS BU YOD PA ZHES BYA BA 'DI LAS NI DA LTAR BA RNAM PAR GNAS LA, MED PA ZHES BYA BA 'DI LAS NI 'DAS PA DANG MA 'ONGS PA DAG GO,, 'BRAS BU YOD PA DANG MED PA ZHES BYA BA 'DI NYID GA LAS SHE NA, RGYU YOD PA DANG ZHES BYA BA STE, RGYU YOD PA LAS NI 'BRAS BU YOD PA YIN LA, MED PA LAS NI MED PA'O, ,DANG GI SGRAS NI 'BRAS BU 'GA' ZHIG NI GYO MO LA SOGS PA 'BRAS BU MI 'DRA BA YOD PA LAS MED PA YIN NO ZHES BYA BAR RTOGS PAR BYA'O; ,'BRAS BU NI RNAM PA GNYIS SO, ,DE LA GANG ZHIG RGYU'I RGYUN LA LTOS NAS GNAS PA CAN DE NI RGYU YOD PA LAS YOD PA'I DA LTAR BA YIN, MED PAS MED PA ZHES BYA BA NI MA SKYES PA MA 'ONGS PA DANG, 'DAS PA 'GAGS PA YIN TE, DPER NA DU BA LA SOGS PA'I 'BRAS BU BZHIN NO, ,GANG ZHIG RGYUN LA MI LTOS PAR GNAS PA CAN DE NI RGYU YOD PA LA YOD PA ZHES BYA BA DA LTAR BA YIN LA, MED PAS MED PA ZHES BYA BA NI MA 'ONGS PA YIN LA, MI 'DRA BA'I 'BRAS BU YOD PA LAS NI 'DAS PA YIN TE, DPER NA BUM PA LA SOGS PA'I 'BRAS BU BZHIN NO, ,DES NA DUS MED KYANG SNGA MA DANG PHYI MA NYID NI NYAMS PA MED PA KHO NA'O, ,DES NA MA MTHONG BA'I DUS RTAG PA CI ZHIG BYA SNGON DANG PHYI MA DANG BAR GYI DNGOS PO NI YOD PA DANG MED PA RNAM PAR GNAS PA YIN NO, ,BAR GYI NI DNGOS PO NI ZHES BYA BA'I BAR NI 'BRAS BU YOD PA LA LTOS PA YIN NO, ,SNGA MA DANG PHYI MA NI 'BRAS BU MED PA LA LTOS NAS SO, ,TSIG LE'UR

, ,BYAS PAR NI PHYI MA'I SGRAS DA LTAR BA DANG MA 'ONGS PA GNYI GA BSDUS PA YIN NO, ,'DAS PA LA LTOS NA GNYI GA LA YANG PHYI MA YIN PA'I PHYIR RO, ,'O NA CI LTAR RGYU SNGA MA DANG PHYI MA'I DNGOS POR 'GYUR SNYAM NA, RGYU DE YANG ZHES BYA BA'O, ,'ON TE ZHES BYA BA LA SOGS PA LA, YUN RING MOR BYAS SO ZHES BYA BA'I THA SNYAD LA BYAS SO ZHES BYA BA'I BSNYAD PA NI LAS KYI DNGOS PO'I RGYU MTSAN CAN YIN LA, YUN RING MO ZHES BYA BA NI RDZAS KYI DNGOS PO'I RGYU MTSAN CAN YIN TE, DES NA RDZAS KYIS DNGOS PO DUS YOD PAR 'GYUR PA YIN NO, ,GAL TE YUN RING PO DANG MYUR BA LA SOGS PA'I BLO'I GZUNG BAR BYA BA DUS YIN PAR 'DOD NA, ,DE'I TSE THOG MA DANG THAM MED PA'I DUS LAS, CI LTAR NA MYUR BA LA SOGS PA'I BLOR 'GYUR, THOG MA DANG THAM MED PA'I SGRAS NI RTAG PA NYID BRJOD PA DANG KHYAB PA NYID KYANG NYE BAR MTSON PA YIN TE, DES NA GZUNG BAR BYA BRTAG PA DANG KHYAB PA YIN NA 'DZIN PAR BYED PA'I BLO MYUR BA LA SOGS PAR CI LTAR 'JUG ,DE NYID CES BYA BA NI DUS SO, ,GZHAN GYIS ZHES BYA BA NI KHYAB PA MA YIN PAS SO, ,DE LTA BUR MA GYUR PA NI ZHES BYA BA NI KHYAB PA'O, ,'ON TE YUN RING PO LA SOGS PAR BZUNG YANG 'DI NI RTAG PA NYID LA SOGS PA'I RANG BZHIN NYID YIN NO SNYAM NA, GZUNG BA'I RANG BZHIN GANG YIN PA ZHES GSUNGS SO, ,RANG BZHIN NI YUN RING BA DANG MYUR BA LA SOGS PA'I MTSAN NYID DO, ,RNAM PA GZHAN DU NI ZHES BYA BA NI CI LTAR GZUNG BA'I RANG BZHIN LAS GZHAN PA RTAG PA LA SOGS PAS SO, ,BO NA YUN RING BA DANG MYUR PA LA SOGS PA'I RANG BZHIN NYID DUS YIN NO SNYAM NA, YUN RING ZHES BYA BA LA SOGS PA'O, ,THAL 'GYUR BAS ZHES BYA BA NI YUN RING BA DANG MYUR BA LA SOGS PA'I DBYE BA'O, ,DE BAS NA DUS KHYAB PA DANG GCIG NYID CI LTAR YIN, 'ON TE ZHES BYA BA NI DOGS PA BSU BA'O, ,DON 'DI DUS NI YUN RING ZHES BYA BA'I GNAS LUGS TE, RNAM GZHAG 'DI RNAM PAR DBYE BA LAS TE THA DAD PA LAS YUN RING PO LA SOGS PA'I KHYAD PAR DUS KYI RANG BZHIN GYI RJES SU 'GRO BA GANG DAG YIN PA DE DAG NI DNGOS PO NYID DER 'GYUR BA NYID DO, ,YUN RING BA DANG ZHES BYA BA LA SOGS PA NI 'CHAD PA'O, ,DE DANG LDAN PA NI BA LANG NYID DANG LDAN PA'O, ,LAN NI DE LTAR NA NI 'O NA ZHES BYA BA'O, ,GTAN

TSIGS DE'I PHYIR DUS NI 'GRUB PAR MI 'GYUR TE, DUS KYI SPYI NYID MED PA'I PHYIR RO, ,CI'I PHYIR ZHE NA, DUS NI RDZAS KYI ZHES SMOS SO, ,'DI NI KHAS BLANGS NAS BRJOD PA YIN TE, 'DI NI DE LAS THA DAD PAR YOD PA NYID KYANG MA YIN NO ZHES BRJOD PA NI, YUN RING BA LA SOGS PA LAS ZHES BYA BA'O, ,DE DAG LA ZHES BYA BA NI YUN RING BA LA SOGS PA LA'O, ,'O NA NI YUN RING BA LA SOGS PA NYID DUS YIN NO SNYAM NA, YUN RING ZHES BYA BA SMOS SO, ,DE MED PA'I PHYIR ZHES BYA BA MNGON SUM MED PA'I PHYIR RO, ,RJES SU DPAG PAS KYANG BYA BA RTOGS PA MA YIN NO ZHES 'BREL TO, ,TSAD GYUR LAS ZHES BYA BA NI LAS LA GNAS PA'I BYA BA MED PAR BRJOD PA'O, ,'GRO BA LAS GZHAN ZHES BYA BA NI BYED PA PO LA GNAS PA'O, ,'O NA 'DI'I BYA BAS ZHES THA DAD PA'I THA SNYAD DU CI LTAR 'GYUR SNYAM NA, THOG MED CES BYA BA GSUNGS SO, ,THOG MA MED PA'I BAG CHAGS KYI DBANG DU BYAS PA'I RGYUD KYIS NA DON GYI DE KHO NA NYID LA MNGON PAR ZHEN PA NYAMS PAR GYUR PA'I SO SO'I SKYE BO GANG YIN PA DE LA DE SKAD CES BRJOD DO, ,'DI GA LAS SHE NA 'DI LTAR ZHES BYA BA'O, ,GAL TE ZHES BYA BA LHAS BYIN LAS THA MI DAD PAR GYUR NA DE'I TSE SKYES BU GZHAN DAG BYA BA DANG LDAN PA DER MI 'GYUR RO, ,LHAS BYIN GYI RANG BZHIN NI MCHOD SBYIN GYIS YIN PAR MI 'THAD DO, ,LHAS BYIN DANG MCHOD SBYIN DAG LA NI 'GRO BA YOD PA RA YANG YIN TE, DES NA BYA BA NI RDZAS GZHAN KHO NA'O, ,'DIS BZLOG PA THA DAD BAR BRJOD DO, ,RJES SU 'GRO BA BRJOD PA NI GZHAN YANG ZHES BYA BA STE, RANG BZHIN DANG SKYES BU BYA BA DANG LDAN PA LAS SKYES BU GZHAN YANG KHYAB PA DANG LDAN PA'I PHYIR BYA BA GZHAN YIN GYI GZHAN NI MA YIN NO ZHES BRTAG STE RNAM PAR GZHAG PA YIN GYIS DON DAM PAR NI THA DAD PAR MTHONG BA YANG MA YIN NO, ,'DI YANG ZHES BYA BA NI THA DAD PAR LHAG PAR ZHES PA'O, ,BSTAN ZIN PA NYID DO ZHES BYA BA NI SMRA BAR BYED PA'I YUL ZHES BYA BA DER RO, ,GAL TE RJES SU 'GRO BA DANG LDOG PA DAG NI MNGON SUM GYIS RTOGS PAR BYA BA MA YIN NAM, DE CI LTAR RNAM PAR RTOG PA TZAM GYIS YUL YIN PAR BRJOD CE NA, THOG MA MED PA'I ZHES GSUNGS SO, ,RJES SU 'GRO BA DANG LDOG PA ZHES BYA BA NI BYA BA LA GNAS PA RJES SU 'JUG PA DANG LDOG

, ,PA'O; ,YOD PA NYID DU 'GYUR BA MA YIN PA ZHES BYA BA NI RJES SU GYUR PA MA YIN PA'O, ,GAL TE ZHES BYA BA NI GRUB PA'I MTHA' SMRA BA'I'O, ,RTAGS NI MO RTAGS LA SOGS PA'O, ,SOGS PA'I SGRAS NI GRANGS GZUNG NGO, GANG GI PHYIR DE LTAR BYA BA DE LTAR BYA BA MED PA DES NA'O,, CI DANG 'DRA BAR ZHE NA, CI LTAR ZHES BYA BA LA SOGS PA'O, ,'DI NYID 'GREL PA NI 'DI LTAR ZHES BYA BA LA SOGS PA'O, ,DE LTAR LA SOGS PA YANG ZHES CI LTAR DE LTAR 'DI LTAR ZHES BYA BA LA SOGS PA YANG NGO, ,DUS LA SOGS PA ZHES SOGS PA'I SGRA LA SOGS PA'I TSIG GI DON BSDU'O, ,DE'I RGYU MTSAN ZHES BYA BA NI CI LTAR LA SOGS PA'I RGYU MTSAN DU'O, ,GAL TE TSAD MAS RTOGS PA CI LTAR GYI 'DOD SNYAM NA, MA RTOGS PA YANG ZHES BYA BAS SMOS SO, ,DE DAG CES BYA BA NI CI LTAR ZHES BYA BA LA SOGS PA'O, ,YUN RING BA LA SOGS PA YANG BYA BA'I KHYAD PAR NYID YIN PAS SO, , SKABS NYE BAR SDUD PA NI DE'I PHYIR ZHES BYA BA'O, ,GANG GIS 'DZIN PA MED CE NA, MNGON SUM GYIS ZHES BYA BA'O, ,DE'I PHYIR DUS KHYAB PA NI MI 'DZIN PA KHO NA'O, ,'ON TE ZHES BYA BA NI GZHAN GYI'O, ,MA YIN TE ZHES BYA BA NI 'GOG PA'O, ,CI'I PHYIR ZHE NA, DE LA YANG ZHES BYA BA STE YUL KHYAB PA LA YANG NGO; ,CI LTAR MI DMIGS SHE NA, DE'I RTEN LAS ZHES BYA BA'O, ,'O NA NI DON GYI RANG BZHIN GYI RJES SU ZHUGS PA'I SPYI NYID YUL LA SOGS PA THA DAD PA DANG LDAN PAR 'GYUR RO SNYAM NA, DE LTA BU'I RANG BZHIN NI ZHES SMOS TE YUL LA SOGS PA NGES PA'I DON GYI RJES SU ZHUGS PA NI'O, ,CI'I PHYIR 'GAL ZHE NA, DER ZHES GSUNGS TE YUL LA SOGS PA'I NGES PA'I GONG BUR RO, ,GZHAN DU YANG NI GONG BU GZHAN DU'O, ,DE LTAR NI KHONGS SU ZHUGS PAR RO, ,GZHAN DU RJES SU 'JUG PA LA NYES PA BRJOD PA NYID SPYI LA THA DAD PA MED PAS GSAL BA THAMS CAD DER RJES SU ZHUGS PAR GYUR NA GONG BU GCIG TU 'GYUR RO, ,CI'I PHYIR ZHE NA, RTEN ZHES BYA BA'O, ,'DI GNYIS SO ZHES BYA BA NI THA DAD PA'I RTOGS PA'O, ,MTSUNGS SO ZHES BYA BA NI THA MI DAD PA'I RTOGS PA'O, ,'DIR BRJOD PA ZHES BYA BA NI MTSUNGS PA 'DI NYID DE BLO'AM DON GYI YIN GRANG, DE LA RE ZHIG BLO'I NI MA YIN NO ZHES GSUNGS PA NI

GZHAN DU NI ZHES BYA BA BLO LA'O, ,MTSUNGS TE ZHES BYA BA NI BLO LA YOD PA'I MTSUNGS PA NYID DES NI GZHAN LA ZHES BYA BA DON LA MTSUNGS PA YOD PAR 'GYUR BA MA YIN NO, ,PHYOGS GNYIS PA'I DOGS PA BSU NAS SEL BA NI MTSUNGS RNAMS ZHES BYA BA'O, ,DON KHRA BO LA SOGS PA LA'O, ,RNAM PAR BRTAG PAR BYA BA'I DON DU GZHI 'DINGS [*'DENGS?] PA NI, RJES SU 'GRO BA'I RNAM PA CAN GYI ZHES BYA BA'O, ,'DI'I DON DPYAD PAS CI BYA ZHE NA, DON ZHES GSUNGS SO, ,MTSUNGS PA'I RNAM PA CAN GYI BLO ZHES BYA BA'I SGRA DANG 'BREL PA'I BRJOD PAR BYA BA'I DON GANG YANG YIN PA DE RNAM PAR DPYAD NA RNAM PA GNYIS SU 'GYUR RO ZHES SBYAR RO, ,RNAM PA GNYIS PO NYID STON PA NI BRGYA ZHIG LA RANG GI NGO BO ZHES BYA BA'O, ,DE LA RNAM PAR RTOG PA DANG PO SEL BA NI RANG GI NGO BO ZHES BYA BA'O, ,'O NA BLO'I NGO BO NYID SPYIR 'GYUR RO SNYAM MO, ,BLO'I RNAM PA DE YANG ZHES GSUNGS SO, ,DE SPYI NI ZHES BYA BA NI BLO'I RNAM PA'O, , CI'I PHYIR ZHE NA, BLO GZHAN LA ZHES BYA BA'O, ,BLO DANG PO LAS GZHAN PA'I BLO NI BLO GZHAN TE, DE LA BLO DANG PO LA YOD PA'I RNAM PA DE MED PA'I PHYIR RO, ,DE SKAD DU YANG, BLO YI RNAM PA'ANG BLOR GNAS TE, ,DON DANG BLO GZHAN LA MI 'GRO, ,ZHES GSUNGS SO, ,'DIS NI TSIG GI LE'UR BYAS PA DANG PO RNAM PAR BKRAL LO, ,DA NI GNYIS PA RNAM PAR 'GREL PA NI 'ON TE ZHES BYA BA'O, ,RNAM PA GNYIS NI GSAL BA DANG SPYI'I RNAM PA GNYIS SNANG BAR THAL BA'I PHYIR RO, ,SNANG BA NYID DO ZHES BYA BA NI, RNAM PAR RTOG PA MED PA'I BLOS DNGOS PO GNYI GA'I BDAG NYID CAN YANG 'DZIN PA YIN NO ZHES BSAM PA'O; ,GAL TE PHYI MA YIN NA NI DE'I TSE CI LTAR SER PO LAS THA DAD PA'I SNGON PO SER PO DANG MI MTSUNGS PA'I MTHONG BA DE BZHIN DU SNGON PO GZHAN DANG YANG MI MTSUNGS PAR MTHONG BAR 'GYUR RO, ,DE'I PHYIR RNAM PAR RTOG PA MED PA'I BLOS KYANG DNGOS PO GNYI GA'I BDAG NYID CAN 'DZIN PA YIN NO, , RANG GI LTA BA'I PHYOGS SU LTUNG BAS GAL TE MNGON PAR 'DOD PA'I DNGOS PO 'GRUB NA NI DE'I 'JIG RTEN MTHA' DAG MNGON PAR 'DOD PA'I DON 'GRUB PAR 'GYUR RO, ,CI'I PHYIR ZHE NA, SGRA NI KUN LA ZHES BYA BA'O, ,SNGON PO YANG SNGON PO GZHAN LAS THA DAD PA KHO NA STE, 'ON KYANG THOG MA MED PA NAS

, ,PHYIN CI LOG TU RNAM PAR RTOG PA GOMS PAS BSKYED PA'I RNAM PAR RTOG PA CAN GYI BLOS GCIG TU SGRO 'DOGS PA YIN NO ZHES BYA BA'I DON NO, ,'DI NI BLO MED DE BLO GROS NGAN PA'I BLO 'KHRUGS PA YIN NO, ,GANG ZHE NA RNAM PA MTSUNGS PA'I ZHES BYA BA'O, ,DE DANG ZHES BYA BA NI LKOG SHAL LA SOGS PA DANG LDAN PA DANG NGO, ,CI'I PHYIR GCIG MA YIN ZHE NA, DE LTAR MNGON SUM GYIS ZHES BYA BA LA SOGS PA'O, ,GCIG NYID DU KHAS BLANGS NAS KYANG NYES PA BRJOD PA NI, GCIG PHYIR ZHES BYA BA'O, ,PHYED PHYI MA RNAM PAR 'GREL PA NI RNAM PA ZHES BYA BA'O, ,RNAM PA GCIG BZUNG NA YANG ZHES BYA BA NI SPYI'I RANG BZHIN GYI RNAM PA BZUNG NA YANG NGO, ,GZUNG PA NYID DO ZHES BYA BA NI GSAL BA MTHA' DAG LA 'DU BA'I RNAM PA GZUNG BA NYID DO, ,RNAM PA DANG LDAN PA ZHES BYA BA NI YUL LA SOGS PAS CHOD PA'O, ,DE LAS ZHES BYA BA NI BZUNG BZHIN PA'I RNAM PA DANG LDAN PA GZHAN THA DAD PA'I PHYIR RO, ,THA DAD PA ZHES BYA BA NI MDUN NA 'DUG PA'I RNAM PA CAN LAS RNAM PA CAN GZHAN PA'O, ,GAL TE MDUN NA 'DUG PA RNAM PA DANG LDAN PA RNAM PA BZUNG BA NA RNAM PA DANG LDAN PA GZHAN GYIS 'DZIN NA DE'I TSE RNAM PA DANG LDAN PA GZHAN LA GNAS PA'I RNAM PA YANG MA BZUNG BAR 'GYUR RO, ,GZHAN NI ZHES BYA BA'O, ,GSAL BA LAS GZHAN PA'I RNAM PA THA DAD PA NI GSAL BA GZHAN LA GNAS PA YIN YANG 'DZIN PA YIN NO, ,CI'I PHYIR ZHE NA, DE'I BDAG NYID KHO NA LAS TE BZUNG BA'I RNAM PA LAS RNAM PA GZHAN THA DAD PA MA YIN PA'I PHYIR RO, ,DE LA BDAG NYID KYIS ZHES BYA BA NI, RNAM PA GZHAN GANG ZHIG GSAL BA GZHAN GYI BDAG NYID CAN YIN PA DE'I BDAG NYID CAN DU GYUR PA BZUNG BZHIN PA'I RNAM PA GZHAN DE DANG DE'I BDAG NYID DU GYUR PA NI GSAL BA GZHAN LA GNAS PA'I RNAM PA GZHAN YIN TE, BZUNG BZHIN PA'I RNAM PA'I RANG BZHIN DU BRJOD PA NA, DE'I BDAG NYID MA YIN PAR BRJOD PA NI MA YIN TE, 'ON KYANG DE'I BDAG NYID DU BRJOD PA YIN NO, ,DE LTAR RNAM PA GNYIS DE'I BDAG NYID YIN PA'I PHYIR GCIG LA GZUNG BA NA RNAM PA THAMS CAD KYI RANG BZHIN BZUNG BA MED DO, ,GANG GIS DE BZUNG BAS GSAL BA GZHAN YANG BZUNG BAR THAL BA GSAL BA GZHAN DANG GSAL BA

GZHAN GYI LHAN CIG DE'I BDAG NYID JI LTAR YIN ZHE NA BRGYUD PAS ZHES BYA BA'O, ,RNAM PA DANG NI RNAM PA GZHAN DNGOS SU DE'I BDAG NYID YIN LA, RNAM PA GZHAN NI GSAL BA DANG GCIG DANG DE'I BDAG NYID YIN PAN GSAL BA RANG YANG YIN PAR 'GYUR RO, ,DES NA BRGYUD NAS RNAM PA DANG LDAN PA GZHAN YANG RNAM PA DANG LDAN PA GZHAN DANG DE'I BDAG NYID YIN LA DE LTAR NA RNAM PA BZUNG BA NA RNAM PA DANG LDAN PA GZHAN BZUNG BAR THAL LO ZHES BYA BA'I DON TO, ,PHYED SNGA MA 'CHAD PA NI RNAM PA GZHAN NI ZHES BYA BA'O, ,PHYED PHYI MA RNAM PAR 'GREL PA NI RNAM PA GZHAN DE ZHES BYA BA'O, ,DE DANG THA MI DAD PA'I ZHES BYA BA NI RNAM PA DANG THA MI DAD PA'I'O, ,DE'I TSE RNAM PA GZHAN BZUNG YANG DE LAS GZHAN ZHES BYA BA LA GSAL BA GZHAN LA GNAS PA'I RNAM PA GZHAN 'DZIN PAR MI 'GYUR RO, ,'ON TE DE'I BDAG NYID KHO NAS 'DZIN PA YIN NO SNYAM NA THA MI DAD PA NI ZHES GSUNGS SO, ,THA MI DAD PA YIN YANG KHYED KYI LUGS KYIS DE 'DZIN PA NA DE 'DZIN PA NI MA YIN NO, ,CI'I PHYIR ZHE NA, RNAM PA DANG LDAN PA GZHAN ZHES BYA BA'O, ,RNAM PA BZUNG BA NA DE DANG THA DAD MED PA'I RNAM PA DANG LDAN PA CHOD PA 'DZIN PAR 'DOD PA NI MA YIN NO, ,DES NA RNAM PA GCIG BZUNG YANG GZHAN BZUNG BA NYID DU MI 'GYUR RO; ,'ON TE ZHES BYA BA NI DOGS PA BSU BA'O, ,DE DANG ZHES BYA BA RNAM PA SNGA MA DANG RNAM PA GZHAN THA MI DAD PA'I PHYIR RO, ,DE ZHES BYA BA NI YUL LA SOGS PAS CHOD PA'I GSAL BA GZHAN LA GNAS BA'O, ,DE LTAR NA NI ZHES BYA BA NI LAN NO, ,RNAM PA THA MI DAD PA NI RNAM PA DANG LDAN PA LAS THA DAD PA MA YIN PA'I PHYIR RNAM PA DANG LDAN PA YANG THA DAD PAR MI 'GYUR RO, ,THA MI DAD PA LAS THA MI DAD PA NI THA DAD PAR 'GYUR BA MI 'OS SO, ,'DIS NI ZHES BYA BA NI RNAM PA DANG LDAN PA THA MI DAD PAR THAL BAS NI'O, ,RNAM PAR BSHAD PA BYED PA NI RI KHROD RJE'O, ,RNAM PAR BSHAD PA'I TSIG GANG ZHE NA, GCIG LA ZHES BYA BA LA SOGS PA'O, ,YANG CI LTAR NA 'DI SPANGS SHE NA, RNAM PA ZHES GSUNGS SO, ,RNAM PA THA DAD PA MED PA'I PHYIR RNAM PA DE DANG THA DAD PA MED PA NI GSAL BA GZHAN NYID MA YIN TE, SPYI'I RANG BZHIN DU GYUR PA'I PHYIR RO, ,RNAM PA GZHAN BZHIN NO ZHES BYA

, ,BA NI; DPER NA KHRA BO LA GNAS PA'I RNAM PA LAS SER SKYA LA GNAS PA'I RNAM PA THA MI DAD PA DE BZHIN DU'O, ,'ON TE ZHES BYA BA NI RTZOD PA'O, ,GSAL BA NI YON TAN LA SOGS PA'I DBYE BAS DE DANG LDAN PA'I GSAL BA THA DAD PA'I PHYIR THA DAD PAR 'THAD KYI RNAM BA NI GZHAN MA YIN TE, YON TAN LA SOGS PA'I DBYE BAS RNAM PA DU MA NYID DU 'GYUR BA MA YIN PAS TE, DE NI YON TAN LA SOGS PA DANG BRAL BA'I PHYIR RO ZHEN, DE NI MA YIN TE ZHES BYA BAR GRUB PA'I MTHA' BYED PA'O, ,NAG PO LA SOGS PA GSAL BA 'BYED PAR BYED PA DE THA DAD PA'AM, THA MI DAD PA ZHIG YIN DE LA RE ZHIG PHYOGS DANG PO SEL BA NI GAL TE ZHES BYA BA'O, ,DE ZHES BYA BA NAG PO LA SOGS PA THA DAD BSAGS LA BAS THA DAD PA GANG LAS YIN, DPER NA NOR BU THA DAD PAS TE THA DAD BA MA YIN PA DE BZHIN DU NAG PO LA SOGS PA'I DON GZHAN THA DAD PAS GSAL BA THA DAD PA MA YIN NO, , DE DANG ZHES BYA BA YON TAN LA SOGS PA DANG 'BREL PAS, GAL TE GSAL BA THA DAD NA DE'I TSE RNAM PA LA'ANG THA DAD PA DER CI STE MI 'DOD DE, RNAM BA LA DE DANG 'BREL BA'I PHYIR RO, ,GAL TE ZHES BYA BA LA SOGS PA NI RNAM BAR 'GREL PA'O, ,DE ZHES BYA BA NAG PO NYID LA SOGS BA THA DAD PAS SO, ,RGYU CI'I PHYIR ZHE NA, GZHAN ZHES BYA BA SMOS TE YON TAN LA SOGS PA'I RANG BZHIN NO, ,GZHAN NI GSAL BA'I RANG BZHIN NO, ,RGYU NYID KYI ZHES BYA BA NI DOGS PA BSU BA'O, ,GZHAN THA DAD PA NI RGYU NYID KYIS GZHAN THA DAD PAR BYED PA YIN NO ZHE NA, LAN DU MA YIN TE, BYA BA STE, NAG PA NYID LA SOGS PA LA NI RGYU NYID MED PA'I PHYIR RO, ,CI'I PHYIR ZHE NA, YON TAN ZHES BYA BA'O, ,NAG BA NYID LA SOGS PA'I YON TAN NYID NI, GSAL BA'I RANG BZHIN RDZAS KYI RGYU MA YIN NO, ,CI'I PHYIR RGYU MA YIN ZHE NA, DE DANG ZHES BYA BA'O, ,YON TAN DE DANG RDZAS GRUB BAS BDE BA GCIG TU SKYE BA'I PHYIR RO, ,GANG ZHIG GANG DANG LHAN CIG GRUB PA DANG BDE BA GCIG PA DE NI DE'I RGYU MA YIN NO, ,YANG NA NAG BA LA SOGS PA RGYU YIN MOD DE LTA NA YANG SKYON NYID DO ZHES GSUNGS PA NI, RGYU NYID CES BYA BA STE, GAL TE YON TAN RDZAS KYI RGYU YIN

YANG; DE'I TSE YON TAN DE LAS GSAL BA'I BDAG NYID GZHAN THA DAD BA SKYES PA YIN NO, ,RGYU DANG 'BRAS BU DAG KYANG DUS THA DAD PA'I PHYIR 'BREL BA CAN MA YIN TE, RDZAS LA LTOS NAS YON TAN 'BRAS BU'I DUS SU RJES SU MI 'JUG PA'I PHYIR RO, ,MED PA NI 'BREL BA CAN DU 'GYUR BA MA YIN TE, DES NA DUS THA DAD BA CAN DAG NI 'BREL BA CAN DU 'GYUR BA MA YIN NO, ,DUS THA MI DAD NA YANG BUM PA DANG SNAM BU BZHIN DU 'BREL BA CAN NYID MA YIN NO, ,DBYIG PA DANG SKYES BU DAG LA NI DE LTAR RTOG PAS BKOD PA NI YIN GYI DNGOS PO LAS NI MA YIN NO, ,DE'I PHYIR GAL TE YON TAN GYIS RDZAS BSKYED NA DE'I TSE YON TAN 'BREL PA CAN NYID MA YIN NO, ,DES NA DE LA YANG STE RGYUR GYUR PA'I YON TAN DANG MA 'BREL BA'I RDZAS LA YANG 'BREL BA CAN GZHAN YOD PAR 'GYUR RO, ,DE YANG KHYED KYI LUGS KYI RGYU YIN LA, RGYU YANG 'BRAS BU'I DUS NA ZHIG PAS 'BREL BA CAN MA YIN BAS DE'I 'BREL PA GRUB PA'I DON DU RGYU GZHAN TSOL BAS NA THUG PA MED DO, ,THA DAD PA'I YANG PHYIR TE, GANG ZHIG GANG LAS DON GZHAN YIN BA DE NI DE'I 'BREL BA CAN MA YIN TE, DPER NA BUM BA DANG SNAM BU BZHIN NO, ,RGYU YANG 'BRAS BU LAS DON GZHAN YIN NO, ,DE BAS NA DE DANG 'BREL BA CAN MA YIN NO, ,RGYU 'BREL PA CAN NYID YOD NA HA CANG THAL BA'I NYES PA BRJOD PA NI RGYU NYID NI ZHES BYA BA'O, ,DOGS BA NI DE LTAR ZHES BYA BA NI ME NI DU BA'I 'BREL BA CAN MA YIN NO, ,CI'I PHYIR ZHE NA, MA MTHONG BA'I PHYIR ZHES BYA BA'O, ,'O NA NI ZHES BYA BA NI LAN NO, ,'BREL BA CAN NI NAG PO NYID LA SOGS PA'O, ,'O NA THA MI DAD PA'I PHYOGS LA YON TAN CAN GYI THA DAD PAR BYED PA CAN YIN NO SNYAM NA, BSHAD PA, YON TAN DANG RDZAS DAG THA DAD PA MIN PA'I PHYOGS LA GAL TE GSAL BA THA DAD PA YIN NA DE'I TSI RNAM BA'ANG THA DAD BA DER CI STE MI 'DOD, GAL TE NAG PO LA SOGS BA'I THA DAD LA, RNAM PA DANG LDAN PA THA MI DAD LA, NYES KYANG DE THA DAD PAR BYED PA YIN NA, DE'I TSE RNAM PA DANG LDAN PA THA DAD BA LAS DBYER MED PA NI RNAM PA YANG THA DAD PA NYID DO, ,CI'I PHYIR ZHE NA, THA DAD LAS DBYER MED THA DAD CES GSUNGS SO, ,YON TAN GYI KHYAD BAR CAN GYI RDZAS

, ,THA DAD PA LAS DBYER MED PA'I RNAM PA GANG YIN PA DE NI THA DAD PA NYID DE, NAG PO LA SOGS PA THA DAD PA LAS THA MI DAD BA'I RNAM PA DANG LDAN PA GANG YIN BA DE NI THA MI DAD PA KHO NA'O, ,DE LAS THA MI DAD PA'I RNAM PA YANG THA DAD PA YIN NO ZHES BYA BA'I DON TO, ,GZHAN DU ZHES BYA BA NI THA DAD PA'I RDZAS LAS GAL TE THA MI DAD PA'I RANG BZHIN GYI RNAM PA THA DAD PA MA YIN NA, DE'I TSE GSAL BA DANG RNAM BA DAG THA MI DAD PAR MI 'GYUR TE, GRUB PA DANG BDE BA THA DAD PA'I PHYIR RO, ,RE ZHIG RTZOD PA'I CHA NYID RNAM PAR 'GREL BA NI NAG PO ZHES BYA'O, ,THA DAD PA LAS ZHES BYA BA NI NAG PO LA SOGS PA LAS THA MI DAD PA NI GSAL BA'I RANG BZHIN NO, ,DES GSAL BA RNAMS THA MI DAD PA YIN NO ZHES SEMS PA'O, ,GRUB PA'I MTHA'I CHA RNAM PAR 'GREL BA NI, 'O NA NI ZHES BYA BA'O, ,CI'I PHYIR ZHE NA, RNAM PA YANG ZHES SMOS SO, ,RNAM PA THA DAD PA NYID NYE BAR SDUD PA NI, DES NA ZHES BYA BA'O, ,GANG LA LTOS TE SNANG BZHIN PA MDUN NA 'DUG PA'I RNAM PA THA DAD PAR 'GYUR SNYAM NA RNAM PA DANG LDAN PA GZHAN DANG, YUL GZHAN NA GNAS PA'I RNAM PA LAS KYANG NGO, ,RNAM PA NI ZHES BYA BA NAS ZHE NA'I BAR DU NI RTZOD PA'O, ,YON TAN DU GYUR PA ZHES BYA BA NI, RNAM PA NI LDAN PA YIN LA, DE YANG YON TAN YIN NO, ,YON TAN RNAMS YON TAN CAN LAS THA DAD PA YIN NA 'DI BRJOD PAR RIGS TE, YON TAN CAN LA NI YON TAN RNAMS 'DU BA YIN GYIS YON TAN RNAMS NI PHAN TSUN 'DU BA MA YIN NO ZHES BYA BAR RO, ,YON TAN DANG YON TAN CAN GCIG PAR GYUR NA NI; 'DI BRJOD PAR MI RIGS SO ZHES 'BREL TO, ,GANG ZHIG MI RIGS SNYAM NA, YON TAN LA SOGS PA 'DI NI YON TAN CAN 'DIR YIN GYIS, YON TAN CAN 'DI LA NI MA YIN NO ZHES BYA BA'O, ,CI'I PHYIR ZHE NA, DBYER MED PHYIR TE GSAL BA DANG YON TAN DANG THA DAD PA MA YIN PA'I PHYIR RO, , DES NA NAG PO NYID LA SOGS PA SNA TSOGS PA DANG THA MI DAD PA'I PHYIR GSAL BA RNAMS SNA TSOGS PA YIN PA DE BZHIN DU GSAL BA DANG THA MI DAD PA'I RNAM BA YANG YIN NO, ,DES NA NYAS PA SNGA MA LAS MI 'GREL LO, ,GAL TE NAG PO LA SOGS PA DANG GSAL BDAG THA MI DAD NA NYES PA YOD NA, 'O NA THA

DAD PAR 'GYUR MOD, GZHAN GYIS BRJOD PA'I LAN NI, 'DI NI ZHES BYA BA'O, ,RTZED MO NYID KYI GZHUNG 'DZUGS PA NI THA DAD PHYOGS NI ZHES BYA BA'O, ,PHYOGS GZHAN ZHES BYA BA NI THA MI DAD PA'I PHYOGS SO, ,DER YANG NI THA MI DAD PA'I PHYOGS LA YANG NGO, ,SNGA MA ZHES BYA BA THA DAD PA'I PHYOGS LA BRTEN PA'I PHYIR RO, ,'DIS NI ZHES BYA BA NI RNAM PA SPYI YIN PA SPANGS PAS SO, ,DE NYID BRJOD PA NI DE YANG ZHES BYA BA STE GTZO PO YANG STE, GTZO BO DE'I GNAS SKABS THAMS CAD 'DZIN PA'I PHYIR SKYES BU THAMS CAD KYIS THAMS CAD MTHONG BAR THAL LO, ,CI'I PHYIR ZHE NA, DE KHO NA ZHES BYA BA'O, ,THAMS CAD MTHONG BAR THAL BA NYID SPONG BA NI 'ON TE ZHES BYA BA'O, ,THAMS CAD THAMS CAD KYI BDAG NYID YIN PA NI RTOGS PAS GNOD DO ZHES LAN 'DEBS PA NI DE YANG ZHES BYA BA'O, ,GTZO BO'I MTSAN NYID KYI SPYI KHAS LEN NA, GRANGS CAN RANG GI LUGS DANG 'GAL BA YANG YIN NO ZHES BSTAN PA'I DON DU DE'I LUGS 'GOD PA NI, THAMS CAD CES BYA BA NAS MTHONG BA YIN ZHES BYA BA'I BAR RO, ,'BRAS BU THAMS CAD GTZO BO'I BDAG NYID CAN GYI RGYU LA NUS PA'I RANG BZHIN TE MNGON PAR MI GSAL BA'I RANG BZHIN DU GNAS PA GANG YIN PA DE NI GTZO BO YIN TE, DON DAM PAR YOD PA NI YIN NO, ,CI LTAR DE DAG DER GNAS SHE NA, 'GRO BA KUN DE LAS SHES PAR BYA BA STE, GANG GI PHYIR 'GRO BA MTHA' DAG NI GTZO BO DE LAS SKYE BAR 'GYUR BA YIN TE, GSEG MA LA SOGS PA LAS TIL MAR LA SOGS PA MED PA NI SKYE BA MI SRID DE, DES NA GANG ZHIG GANG GIS SKYED BYED YIN PA DE LA DE GNAS PA YIN NO ZHES RTOGS PA YIN NO, ,'ON GTZO BO LAS SPYI GZHAN YIN NO SNYAM NA, GAL TE ZHES BYA BA'O, ,DE NYID CES BYA BA NI GTZO BO NYID SPYI YIN NO, ,GAL TE SPYI'I MTSAN NYID MED PA'I PHYIR CI LTAR DE SPYI YIN ZHE NA, KHYAB PA DANG NI ZHES BYA BA'O, ,'O NA 'DI GSAL BA'I RANG BZHIN MA YIN BAS NA GTAN MI MTHONG BA KHO NA'O SNYAM NA, MTHONG BZHIN PA NI ZHES BYA BA STE, BUM PA DANG SNAM BU LA SOGS PA MTHONG BA RNAMS PHAN TSUN THA DAD PA'I PHYIR GSAL BA STE, KHYAD PAR GANG YIN PA DE NYID THAR BA'I GNAS SKABS NA GTZO BO GSAL BA STE MNGON

, ,PAR GSAL BA YIN NO, ,DES NA DE GTAN MI MTHONG BA NI MA YIN NO, ,GAL TE DE LTAR MNGON BAR 'DOD NA, 'DIR 'DI NI 'GAL PA YIN TE'O, ,GANG ZHIG 'GAL SNYAM NA, YON TAN ZHES BYA BA LA SOGS PA'O, ,YON TAN SNYING STOBS DANG RDUL DANG MUN PA RNAMS KYI RANG BZHIN MCHOG CES BYA BA SPYI'I GNAS SKABS SU GYUR PA'I MTSAN NYID NI MTHONG BA'I LAM DU 'GRO BA MA YIN TE, RNAL 'BYOR BAS RTOGS PAR BYA PA YIN BA'I PHYIR DANG, THAMS CAD KYANG DE NYID DU BAG LA ZHA BAR GNAS PA'I PHYIR RO, ,YANG SKYED MOS MTSAL DANG KUN DGA' RAB LA SOGS PA'I MTHONG BA'I LAM DU GANG GYUR PA DE NI GTZO BO YANG SHIN TU GSOG PA NGO BO NYID MED PA YIN NO ZHES BYA BA'O, ,'DI CI LTAR 'GAL SNYAM NA, GANG GIS PHYIR ZHES BYA BA'O, ,'BRAS BU GZHAN DU MI 'THAD PA'I SGO NAS 'BRAS BU GANG ZHIG NUS PA'I RANG BZHIN GYIS GTZO BO LA BRTAGS BA STE SROG NYID KYIS GTZO BOR DE YANG NI GSOG NYID 'GYUR RO, ,YANG CI LTAR NA 'BRAS BU GSOG TU GYUR BAS DE YANG GSOG NYID YIN SNYAM NA, RGYU LA ZHES GSUNGS TE GTZO BO ZHES GRAGS PA LA'O, ,DE'I RANG BZHIN TE NUS PA'I RANG BZHIN NYID YOD PA'I PHYIR RO, ,GTZO BO NA NI 'BRAS BU NUS PA'I RANG BZHIN DU YOD PA YIN LA, NUS PA YANG GSAL PA NYID DAM, YANG NA DNGOS PO GZHAN YIN PAR 'GYUR RO, GAL TE GSAL BA NYID NUS PA YIN NA NI DE'I TSE GTZO BO DANG NUS PA DE'I BDAG NYID YIN PA'I PHYIR NA, 'BRAS BU'I RANG BZHIN GYIS GSAL BA RNAMS GSOG YIN NA GTZO BO YANG GSOG NYID DO, ,DES NA GTZO BO YOD PA YIN NO ZHES KHAS BLANGS PA 'GAL BAR 'GYUR RO, ,DE'I PHYIR GSAL PA 'BRAS BU'I TSOGS RNAMS GSOG NYID YIN NA, DE'I SGO NAS BRTAG PAR BYA BA NUS PA'I RANG BZHIN GYI 'BRAS BU GANG YIN PA DE YANG GSOG NYID DU 'GYUR TE, DE LAS THA MI DAD BA'I PHYIR RO, ,DE GSOG YIN PA NA DE DANG THA MI DAD PA'I PHYIR GTZO BO GANG GSOG TU 'GYUR RO, ,GAL TE GSAL BA'I MTSAN NYID 'BRAS BU NYID NUS PA YIN NA DE'I TSE 'DI LTAR 'GYUR BA ZHIG NA, 'ON KYANG GSOG GI RANG BZHIN DU GYUR BA'I GSAL BA LAS GSOG MA YIN PA'I RANG BZHIN GYIS NUS PA NI GZHAN KHO NA YIN PAS GTZO BO DE DANG BDAG NYID GCIG PA YIN YANG

GSOG MA YIN PA NYID DO ZHES BYA BA'I PHYOGS GNYIS PA'I DOGS BA BSU BA NI, CI STE ZHES BYA BA NI RGYU LA YOD PA'I 'BRAS BU NUS PA'I RANG BZHIN CAN NI GSAL BA LAS GZHAN NYID YIN GYI GSOG GI RANG BZHIN NI MA YIN NO, ,'DIS NI DE'I RANG BZHIN NI YOD PHYIR ZHES BYA BA'I GTAN TSIGS MA GRUB PAR BRJOD PA YIN NO, ,LAN 'DEBS PA NI DE ZHES BYA BA'O, ,GAL TE RGYU'I BDAG NYID LA YOD PA'I NUS PA'I RANG BZHIN GSOG MA YIN NA DE'I TSE DE LAS 'BRAS BU GSOG TU GYUR PA SKYE BA NI SNGA NA MED PA NYID BAS 'BRAS BU SNGAR YOD PAR SMRA BA NYAMS PAR 'GYUR RO, ,GAL TE RGYU LA 'BRAS BU MI GSAL BA NI RANG BZHIN DU YOD PA MA YIN NAM, DES NA 'BRAS BU SNGA NA YOD PAR SMRA BA MI NYAMS SO SNYAM NA, GANG ZHIG CES SMOS SO, ,NUS PA'I RANG BZHIN GANG ZHIG LKOG TU GYUR PA MNGON SUM GYIS MTHONG BA MA YIN PAS, RTAGS MED BAS RJES SU DPAG PAS KYANG MA YIN PA DE NYID DON DAM PA MA YIN PA YOD PA'I THA SNYAD DU MI RUNG BA YIN NO, ,DE LA NI GNOD PAR BYED PA YANG BRJOD ZIN BA NYID DE, DES NA DE NI RNAM 'BYED BAS RTOGS PAR BYA BA YIN NO ZHES KYANG BRTAG BAR BYA BA MA YIN NO, ,DE'I PHYIR GZHAN GYIS YON TAN RNAMS KYI RANG BZHIN MCHOG CES BYA BA LA SOGS PA BRJOD PA GANG YIN PA DE NI 'GAL BA YIN NO, ,DUS MTSUNGS PA YUL THA DAD PA'I GSAL BA GANG YIN PA DE KHYAB PA'I SPYI NI 'DZIN PA NYID DO, ,GAL TE GSAL BA MA BZUNG YANG SPYI DGOS PA MED PA CI'I PHYIR SNYAM NA, DE 'DRA'I ZHES BYA'O, ,GANG GI PHYIR GZHAN GYI LUGS LA, BRDA'I DUS SU GSAL BA THA DAD PA LA SPYIR KHYAB PAR MA BZUNG NA DUS PHYIS DE LTAR THA SNYAD BYED PA MI 'THAD DO, ,SPYI NI THA SNYAD KYI DON DU 'DOD PA YIN NA DE LTAR NI KHYAB PA BZUNG BA MA YIN NO, ,DES NA SPYI NI DGOS PA MED PA KHO NA'O, ,RA DKAR PO GANG ZHIG SNGAR LHA LA GSOL BA MTHONG BA YOD PA DE'I RIGS ZHES BYA BA NI RA'I RIGS RJES SU 'GRO BA'I PHYIR RO, ,THA SNYAD PA DAG GIS ZHES BYA BA NI DE NYID 'DI'O ZHES THA SNYAD BYED PA DAG GIS SO, ,CI'I PHYIR JI LTAR 'DOD SNYAM NA, DUS GCIG TU ZHES BYA BA'O, ,DE NI ZHES BYA BA NI SPYI'I THA SNYAD LA'O, ,CI'I PHYIR ZHE NA, GNYI GA YANG ZHES BYA BA'O, ,'O NA SNGAR GYI RJES SU

, ,'BRANGS NAS RTOGS PA GANG DAG YIN PA DE LA SPYI YOD MOD SNYAM NA, SNGA MA DANG ZHES BYA BA'O, ,THA DAD PA'I ZHES BYA BA NI MDOG DANG RNAM PA DANG YI GES STONG PA'O, ,DE BZHIN DU DUS MTSUNGS BA DAG LA YANG SPYI MTHONG BA MED DO ZHES BRJOD PA NI, DE BZHIN DU DUS MTSUNGS BA DAG LA YANG GSAL BA DANG MI GSAL BA'I RNAM PA LAS GZHAN PA'I SPYI YOD PA MA YIN NO ZHES 'BREL TO, ,GAL TE DUS MTSUNGS BAR BYUNG BDAG LA SPYI MED PA NYID NA, 'O NA CI LTAR ZHES BYA BA NI GZHAN GYI'O, ,LAN NI RTOGS PA 'DI NI ZHES BYA BA'O, ,DE LA ZHES BYA BA NI SNGA PHYIR BYUNG BA DAG LA'O, ,GSAL BA DUS MTSUNGS PA DAG LA YANG 'BREL PA CAN GYI SPYI MNGON SUM GYI MTHONG BA MED DO, ,DE NYID KYI PHYIR SPYI ZHES BYA BA NI ZHES GSUNGS SO, ,TSIG GI LHAG MA MED NA NI MA 'BREL BA BRJOD PAR 'GYUR TE, BSAL BA RNAMS NI MYONG BAS GRUB BA'I PHYIR RO, ,SNGA MA DANG ZHES BYA BA NI RNAM PAR 'GREL BA'O, ,'BA' ZHIG CES BYA BA NI DMIGS PA MED PA'O, ,RTOGS PAR BYA BA'I SPYI'I BDAG NYID KYI DMIGS PA MA MTHONG BA'I PHYIR RO, ,RTOGS PAR BYA BA'I RNAM PAR SHES PA ZHES BYA BA NI, KHA DOG DANG DBYIBS SU SNANG BA LA LANG GI RNAM PAR RTOG BA'O, ,DES DE NI KHA DOG LA SOGS PA DANG BRAL BA'I SPYI 'GA' YANG RTOGS PA MED DO, ,DE'I GZUNG BA ZHES BYA BA NI RTOGS PA DE LA MDOG LA SOGS PA DANG BRAL BA'I GZUNG BA SPYI SNANG BA MED PA'I PHYIR RO, ,SNGA MA DANG PHYI MA'I KHYAD PAR GANG YIN PA DE BZHIN NO, ,'DIS NI RANG BZHIN GYI RTAGS BSTAN TO, ,GANG ZHIG CES BYA BA LA SOGS PA NI RNAM PAR 'GREL BA'O, ,DE LA ZHES BYA BA LA NI RTOGS PA LA'O, ,RANG BZHIN GYI GTAN TSIGS SO ZHES BYA BA NI DMIGS PA MED PA NYID BSGRUB PAR BYA BA LA PHYI ROL MI SNANG BA NYID RANG BZHIN YIN NO, ,THAMS CAD CES BYA BA NI NGANG PA DANG KHRA PO LA SOGS PA LA'O, , CI LTAR YUL NGES BAR SKYE ZHES KHONG NAS DBYUNG NGO, ,DE NYID KYI PHYIR 'GA' ZHIG NYID LA ZHES 'CHAD PAR 'GYUR RO, ,LDOG BA'I RANG BZHIN CI 'DRA BA YIN SNYAM NA DE YANG ZHES BYA BA'O, ,DE TZAM GYIS NI SGRO BTAGS PA'I RNAM PA TZAM GYIS SO, ,'DIR NI RIGS LA'O, ,CHOS DANG CHOS

MIN TE DGE BA DANG SDIG PA GRUB PA'I DON DU'O, ,BRAM ZE'I RIGS LA BYIN NA NI CHOS YIN LA, BSAD NA NI SDIG PA YIN NO, ,DE'I BYA BA NI RIGS KYI'O, ,GRUB KYANG ZHES BYA BA NI MA GRUB PA 'GA' ZHIG TU NI MA ZAD PA'O, ,CI'I PHYIR ZHE NA, RIGS GZHAN LAS ZHES BYA BA STE DMANGS RIGS LA SOGS BA BA'I RIGS LAS BRAM ZE'I RIGS NYID THA DAD PA MED PA'I PHYIR RO, ,GANG GIS CHOS LA SOGS PA'I SGRUB BAR BYED PA NYID DU BYE BRAG TU NGES PAR 'GYUR BA RANG GI NGO BO GRUB KYANG RIGS RNAM PHAN TSUN THA DAD PA NI MA YIN TE RNAM BA THAMS CAD KYIS STONG BA'I PHYIR RO, ,DE BZHIN DU ZHES BYA BA NI BYE BRAG TU'O; ,SPYI NYID CI STE MI RTOGS SNYAM NA, GZHAL BYA'I RNAM PA ZHES BYA BA'O, ,'ON TE SPYI'I RNAM PA CAN NI RTOGS PA NI MED PA KHO NA'O SNYAM NA, SPYI'I RNAM PA'I ZHES BYA BA'O, ,SNGAR BSTAN PA NYID DO ZHES BYA BA NI MTSUNGS PA'I RNAM PAR RTOG PA GANG ZHES BYA BA LA SOGS PAS SO, ,SPYI THA MI DAD BA SUN 'BYIN PA NI SNANG BA'I RANG BZHIN LA YANG ZHES BYA BA'O, ,DE'I PHYIR GCIG NI YUL GZHAN LA SOGS PA DANG LDAN PAR 'GAL BA'I PHYIR MA NGES PA NYID MA YIN NO, ,MA GRUB PA NYID KYANG MA YIN NO ZHES STON PA'I DON DU PHYOGS SNGA MA 'GOD PA NI GAL TE ZHES BYA BA'O, ,GSAL BA GCIG GI MTHAR THUG PA'I PHYIR TE RANG BZHIN GZHAN GYIS STONG BA'I PHYIR RO ZHES BYA BA'O, ,THAL BA SGRUB PAR BYED PA ZHES BYA BA NI THAL BA NI 'THOB PA'I RANG BZHIN YIN PA'I PHYIR DANG, SGRUB PAR BYED PA YANG LDOG PA'I 'BRAS BU CAN YIN BA DANG, 'BREL PA'I RTZA BA CAN YIN PA'I PHYIR RO, ,DES NA ZHES BYA BA NI THAL BA BSGRUB PA'I DUS NA'O, ,CI LTAR 'DI THAL BA'I SGRUB PA YIN ZHE NA, GAL TE ZHES BYA BA STE, GAL TE KHYAB BYA 'DIR 'GYUR NA, KHYAB PAR BYED PA 'DIR YANG 'GYUR RO, ,'ON TE KHYAB PAR BYED PAR 'GYUR BA MIN NA, KHYAB BYA DANG KHYAB BYED GNYI GA'ANG MI 'GYUR RO ZHES 'DOD PA'I PHYIR RO, ,DES NA 'DIS NI THAL BA'I SGRUB PAR BYED PA YIN NO ZHES DGONGS PA'O, ,BSHAD ZIN PA'I DON NYID KHYAD PAR LA SBYOR BA NI GAL TE ZHES BYA BA'O, ,'DI LTAR THAL BA DANG BZLOG PA GNYIS KYI SA NI GZHAN GYIS YONGS SU BRTAGS PA LA 'GAL BA BRJOD PAR BYA BA TZAM ZHIG ZAD KYI, ,'DI NYID LA SANGS RGYAS PA'I

, ,GRUB PA'I MTHA'I SGRUB PAR BYED PA NI MA YIN NO, ,DE KHO NAR SGRUB PAR BYED PA NYID DU KHAS MA BLANGS PA'I PHYIR RO, ,GZHI MA GRUB PA NI DE KHO NA NYID DU GTAN TSIGS YIN PA BSHAD PAR MDZAD PA BZHED PA MA YIN NO, ,RNAM PA 'DIS KYANG SPYI LA SOGS PA BZLOG PA NI 'GRUB BA'I PHYIR RO, , SLOB DPON CHOS MCHOG LA SOGS PA'I LUGS BZLOG PA NI PHYIS 'CHAD PAR 'GYUR RO, ,GSAL BA GCIG MTHAR THUG PA ZHES BYA BA 'DI LA NI RNAM PAR NGES PA 'DI NYID SLOB DPON GYIS THAL BA'I GTAN TSIGS SU BZHED PA YIN NO ZHES STON PA'O, ,GAL TE ZHES BYA BA LA SOGS PA NI RTZOD PA'O, ,THAL BA THAMS CAD NI THAL BA BZLOG PA'I MTHAR THUG PA'I PHYIR NA 'DI YANG BZLOG PA'I MTHAR THUG PAR 'GYUR DGOS SO, ,'DI NI GSAL PA GCIG GI MTHAR THUGS PA'I PHYIR GZHAN DANG LDAN BA MA YIN NO ZHES BYA BA NI THAL BA YIN NO, ,'DI'I BZLOG BA STON PA NI, GAL TE GZHAN DANG LDAN PA ZHES BYA BA'O, ,DE'I TSE NI GRUB PA YANG SGRUB PA YIN NO, ,SKYON 'DI NI MED DE ZHES BYA BA LA SOGS PAS NI GZHAN GYI MNGON BAR 'DOD BA GSAL BA DU MA'I MTHAR THUG PA NYID SUN 'BYIN PA'O, ,DE NI ZHES BYA BA NI SPYI'O, ,GAL TE SPYI KHYAB PA YIN PA DE LTA NA YANG KHYAB PA MA YIN PA'I RANG BZHIN DU 'DZIN PA YIN NO SNYAM NA, DE'I NGO BO ZHES BYA BA SMOS TE KHYAB PA'I RANG BZHIN NO, ,GZHAN GYIS ZHES BYA BA NI MA KHYAB PA'I'O, ,'ON TE SPYI NI KHYAB PA NYID DU RTOGS PA KHO NA'O SNYAM NA, GAL TE ZHES BYA BA'O, ,CI'I PHYIR ZHE NA, KHYAB PAR BYA BA ZHES BYA BA'O, ,KHYAB PAR BYA BA NI GSAL BA YIN LA, KHYAB PAR BYED PA NI SPYI YIN TE, GSAL BA MTHA' DAG KHYAB PA'I PHYIR RO, ,RTOGS PA YANG MED DO ZHES BYA BA NI KHYAB BYA'O, ,DE LTA BU ZHES BYA BA NI KHYAB PA'I RANG BZHIN NO, ,DNGOS PO'I NYES PA 'DI NI RGYU DANG 'BRAS BU'I DNGOS PO LA SOGS PA LA YANG MTSUNGS SO, ,DES NA ZHES BYA BA NI KHYAB PAR BYED PA MA YIN PA NYID KYIS SO, ,CHOS GNYI GA ZHES BYA BA NI BSAL BA GCIG GI MTHAR THUG PA DANG, YUL LA SOGS PA GZHAN DANG MI LDAN PA MED PA'I RANG BZHIN GYI CHOS SO, ,GAL TE DE LTAR YIN NA CHOS CAN MA GRUB PA'I LAN CI LTAR YIN ZHE NA, GAL TE ZHES BYA BA'O, ,'O NA

'DIS CI ZHIG BYA SNYAM NA, 'DI NI ZHES BYA BA'O, ,KHO BO CAG NI SANGS RGYAS PA'O, ,DE LTA BUR GYUR PA ZHES BYA BA NI CHA MED DU MA LA KHYAB PA'O, ,GZHAN ZHES BYA BA NI SPYI LAS GZHAN GNYI GA LAS GRUB PA'O, ,MA MTHONG BA'I PHYIR ZHES BYA BA NI MNGON SUM MED PA'I PHYIR RO, ,'O NA RJES SU DPAG PA SPYI'I SGRUB PAR BYED PAR 'GYUR RO SNYAM NA, RJES SU DPAG PA NI ZHES BYA'O, ,GZHAN DU MI 'THAD PA ZHES BYA BA NI RJES SU 'GRO BA'I RNAM PA'I RTOG PA GZHAN DU MI 'THAD PAS SPYI LKOG TU GYUR BA BRTAG PAR BYA BA'O, ,DON THAMS CAD DANG ZHES BYA BA NI LUS CAN GYI DNGOS PO'I CHOS DU MA NYID LA SOGS PA DE DANG MI MTHUN PA NYID DO, ,DE LA NI SPYI LA'O, ,GZHAN GYI CHOS ZHES BYA BA NI LUS CAN GYI DNGOS PO'I CHOS DU MA NYID 'GAL BAS SO, ,'GAL BAS NI DUM LA 'JUG PA NYID DO, ,GZHAN GYI ZHES BYA BA NI LUS CAN GYI CHOS GZHAN SPYI DANG NGO, ,SUN 'BYIN PA NI DE NI MA YIN TE ZHES BYA BA'O,, GZHAN DU MI 'THAD PA'I NYES PA DES NA DE NI SPYI 'GRUB PA MA YIN NO ZHES BSTAN PA YIN NO, ,LUS CAN MA YIN PA NYID KYANG KHYAB PA SGRUB PAR BYED PA MA YIN TE, MA NGES PA'I PHYIR RO, ,THA MA'I KHYAD PAR NI LUS CAN MA YIN YANG MA KHYAB PAR RIG BA CAN GYIS 'DOD PA YIN NO, ,'O NA NI 'DI MA KHYAB PA'I SGRUB PAR BYED PAR 'GYUR RO ZHE NA, DE BZHIN ZHES SMOS TE THA MA'I KHYAD PAR BZHIN DU'O, ,'DI NA 'KHRUL PA'I PHYIR GNYI GA'I SGRUB PAR BYED PA MA YIN NO ZHES BYA BA'I DON TO, ,DE NI ZHES BYA BA NI KHYAD PAR GYI TSIG GI DON TO, ,DE NYID KYI PHYIR ZHES BYA BA NI KHYAD PAR GYI TSIG GI DON NYID KYI PHYIR RO, , RNAM PAR DBYE BZHES BYA BA NI LUS CAN NYID KYIS BYAS PA'I MA KHYAB PA DANG LUS CAN MA YIN PAS BYAS PA'I KHYAB PA NYID CES BYA BA'O, ,CI'I PHYIR RNAM PAR DBYE BA 'DIS DES MA BYAS SHE NA KHYAB PA DANG ZHES BYA BA'O, ,KHYAB PA'I SGRUB PAR BYED PA NI SPYI YIN LA, MA KHYAB PA'I SGRUB PAR BYED PA NI KHYAD PAR YIN NO, ,PHA ROL PO PHYOGS 'DI KHAS LEN PA'I DOGS PA BSU BA NI YIN MOD CES BYA BA'O, ,MA GRUB PA ZHES BYA BA NI GRUB PA'I MTHA'O, ,BSGRUB PAR BYA BA NI GRUB PAS BSGRUB BYA RTOGS PAR BYED PA'O, ,DE LA KHRA BO LA SOGS PA LA MA KHYAB PA'I SGRUB PAR BYED PA KHYAD PAR GYI

, ,RANG BZHIN GRUB PA'I PHYIR GRUB PAR BYED PA DE LA NI RTZOD PA MA YIN GYI, SPYI'I RANG BZHIN GYI SGRUB BAR BYED PA NI MA GRUB STE, NGES NA BSGRUB BAR BYA BA KHYAB PA NYID CI LTAR GO BAR BYED, PHA ROL BO MA GRUB PA NYID YOD PA NI SPYI NI ZHES BYA BA'O, ,SUN 'BYIN PA NI DE NI MA YIN TE ZHES BYA BA'O, ,KHYAB PA NYID MA BZUNG NA SPYI LTAR CI'I RANG BZHIN BZUNG BAR BRJOD, 'DIS NI BSGRUB PAR BYA BA DANG SGRUB PAR BYED PA DAG PHAN TSUN BRTEN PA'I PHYIR NA GCIG KYANG MA GRUB PO ZHES BSTAN TO, ,'ON TE GZHAN LA MI LTOS PA'I RANG BZHIN GYIS 'DZIN PA'I PHYIR NYES PA 'DI MED DO ZHE NA, GAL TE ZHES BYA BA'O, ,GAL TE SPYI DE GSAL BA DU MA LA KHYAB PA'I RANG BZHIN LA MA LTOS PAR 'DZIN NA DE'I TSE RANG GI NGO BO 'DZIN PA DE'I PHYIR CI LTAR SPYI BZUNG STE MA YIN PA KHO NA'O, ,BSAL BA DU MA LA KHYAB PA'I RANG BZHIN MA RTOGS PA NI SPYI LA DE LTAR RTOGS PAR 'GYUR BA MA YIN NO, ,DES NA SPYI'I RANG BZHIN NI MA GRUB PA'O, ,SPYI ZHES BYA BA NI 'CHAD PA'O, ,CIG SHOS SU ZHES BYA BA NI KHYAB PA MA YIN PA'I RANG BZHIN DU'O, ,DE LA PHYOGS DANG PO DOGS PAR BYAS NAS 'GOG PA NI KHYAB PA NYID DU ZHES BYA BA'O, ,PHYOGS GNYIS PA BKOD NAS SEL BA NI 'ON TE ZHES BYA BA'O, , GAL TE DE LTAR YIN NA NYES PA CI YOD SNYAM NA, DE LTAR 'O NA ZHES BYA BA'O, ,BSAL PA GZHAN GYI KHYAD PAR CAN DU ZHES BYA BA NI SPYI'O, ,CI LTAR RTOGS ZHES BYA BA NI MNGON SUM GYIS SO, ,'O NA TE RNAM PA DE LTAR RTOGS PA NI MNGON SUM KHO NA YIN NO ZHE NA, DE NYID 'DI ZHES BYA BA'O, ,SPYI YIN PA'I PHYIR ZHES BYA BA'I GTAN TSIGS MA GRUB PA'I MJUG SDUD PA NI DE'I PHYIR ZHES BYA BA'O, ,SKABS NYE BAR SDUD PA NI DE'I PHYIR BYA BA'O, ,LUS CAN MA YIN PA NYID NI SGRUB PAR BYED PA MA YIN TE 'KHRUL PA'I PHYIR RO, ,SPYI YANG MA YIN TE MA GRUB PA'I PHYIR RO, ,GAL TE PHA ROL PO LA DE'I SGRUB PAR BYED PA MED DE DE LTAR NA YANG SANGS RGYAS BA LA GNOD PAR BYED PA NI TSAD MA CI ZHIG YOD SNYAM NA, MNGON SUM GYIS KYANG ZHES BYA BA'O, ,'DIS NI SNANG BA MI DMIGS PAS GNOD PAR BRJOD PA YIN NO, ,GAL TE ZHES BYA BA NI RTZOD PA'O, ,KHYAB PA MA YIN PAR SGRUB CES BYA BA NI GSAL

BA GCIG GI MTHAR THUG PA'I PHYIR ZHES BYA BA'I SGRUB PAR BYED PAS SO, ,DE LA NI SPYI LA'O, ,CHOS NI MA KHYAB PA NYID DO, ,DE NI ZHES BYA BA LA LAN NO, ,RTZA BA ZHES BYA BA NI GZHAN GYIS KHAS BLANGS PA LA MI LTOS PA'O, ,DE NYID GSAL 'DEBS PA NI KHYOD CES BYA BA STE RIGS PA CAN LA SOGS PA'O; ,MNGON SUM DANG DE LA SOGS PA ZHES BYA BA RJES SU DPAG PAS SO, ,GZHAN ZHES BYA BA NI THA MI DAD PA'O, ,RNAM PA NYID CES BYA BA NI YAN LAG GI BKOD PA'O, ,RNAM PA NI SPYI MA YIN TE, KHYAB PA MED PA'I PHYIR RO, ,'ON TE RNAM PA NI KHYAB PA NYID DU DMIGS PA KHO NA'O ZHE NA, DES NA CI LTAR MA KHYAB SNYAM NA, KHYAB PA NYID DU ZHES GSUNGS SO, ,'DI NYID KYI DON GSAL BAR BYED PA NI DE LTAR YIN DANG ZHES BYA BA STE KHYAB PA NYID DU DMIGS NA YANG NGO, ,DE'I PHYIR RNAM PA NI SPYI NI DMIGS PA MA YIN NO, ,GTAN TSIGS 'DI NI MA GRUB PA YANG MA YIN NO ZHES BRJOD PA NI; RNAM PA NI GSAL BA'I RANG BZHIN YIN PAS DE GRUB NA DE'I RANG BZHIN GYI RNAM PA YANG GRUB PA KHO NA'O, ,DES NA GTAN TSIGS GSAL BA GCIG GI MTHAR THUG PA NYID MA KHYAB PA NYID DU BSGRUB PA'I DON DU NYE BAR BKOD PA NI GZHI MA GRUB PA MA YIN NO, ,GAL TE PHYOGS 'DI LA CHOS CAN MA GRUB BA NYID SPANGS PA YIN NA 'O NA CI LTAR ZHES BYA BA NI GZHAN GYI'O, ,RNAM PA SPYI YIN PA'I PHYOGS LA NI PHYOGS KYI CHOS NYID KYANG YOD PA NYID DE DES NA TSUL GSUM DANG LDAN PA'I PHYIR RO, ,GANG GIS 'DI THAL BA'I SGRUB PAR BYED PA MA YIN NO ZHES BRJOD NA, CI LTAR 'DI SGRUB PAR BYED PA NYID MA YIN ZHE NA; GRUB PA'I MTHA' SMRA BAS, PHA ROL POS NI ZHES GSUNGS SO, ,RGOL BA GCIG GIS NI DBYIBS KYI MTSAN NYID RNAM PA NYID SPYI YIN PAR BRJOD LA, RIGS PA LA SOGS PA GZHAN GYIS NI RNAM PA LAS GZHAN RIGS YIN PAR BRJOD DO, ,DES NA SPYI THA DAD PAR SMRA BA'I DBANG DU BYAS NAS THAL BA GRUB PAR BYED PA YIN TE, GZHI MA GRUB PA'I PHYIR RO ZHES BRJOD DO, ,CI THA MI DAD PAR SMRA BA LA LTOS NAS NI RANG RGYUD KYI SGRUB PAR BYED PA KHO NA'O, ,DE LTAR NA RE ZHIG GANG YANG RUNG BA'I LUGS LA GSAL BA GCIG GI MTHAR THUG PA'I PHYIR RO ZHES BYA BA 'DI THAL BA SGRUB PA YIN NO ZHES GZHUNG

, ,BTZUGS PA YIN NO, ,GSAL PA GCIG GI MTHAR THUG PA NYID DGAG PAR BSGRUB PAR BYA BA LA NI, KHYAB PA'I PHYIR ZHES BYA BA'I SGRUB PAR BYED PA RGOL PA GNYI GA'I LUGS KYIS MA GRUB PA'I PHYIR NA THAL BA SGRUB PA YIN NO ZHES BSTAN PA'I PHYIR YANG NA ZHES BYA BA'O, ,KHYAB PA'I PHYIR ZHES BYA BA 'DI 'GAL BA YIN PAR NI DU MA LA 'JUG PA'I PHYIR RO ZHES BYA BA 'DIS BRJOD PA YIN LA, 'DI NI SPYI GNYI GA'I PHYOGS LA YANG MA GRUB PO, ,GCIG PA GCIG GI MTHAR THUG PAR DGAG PA NI THAL BA YIN PAR LHAG MAS BRJOD PA YIN NO, ,BZLOG PA NI RTZA BA'I GTAN TSIGS YIN NO ZHES BYA BA NI BSAL BA GCIG GI MTHAR THUG PAR YANG DMIGS PA YIN NO ZHES BYA BA NI GRUB PA'I PHYIR RO, ,GAL TE THAL BA'I SGRUB BYED SGRUB BYED MA YIN PA NYID YIN NA'O NA NGES CI ZHIG BYA BA YIN SNYAM NA, THAL BA NI ZHES BYA BA'O, ,SLOB DPON CHOS MCHOG LA SOGS PA'I LUGS SUN DA BYUNG BA'I DON DU NYE BAR 'GOD PA NI GZHAN DAG NI ZHES BYA BA'O, ,BRAL BA'I PHYIR RO ZHES BYA BA NI RNAM NGES KYI DKYUS DUM BU'O, ,DE NI GRUB PA NYID DO ZHES PHYI MA DANG 'BREL TO, ,GANG GI TSE ZHE NA, SPYIR DNGOS PO MED PA YIN NA YANG NGO, ,GTAN TSIGS DNGOS MED TZAM YIN NA ZHES BYA BA NI, BRAL BA TZAM KHYAB PAR BYED PA MI DMIGS PA YIN PA NA'O, ,DE ZHES BYA BA BRAL BA TZAM NI CHOS CAN GANG DANG YANG NGO, ,SPYI DNGOS PO MA YIN PA'I PHYIR SGRUB PAR BYED PA DANG BRAL BA TZAM DE DANG 'BREL PA MA YIN NO, ,CI LTAR BSGRUB BYA SGRUB PAR BYED PA YIN ZHES BYA BA NI GZHI MA GRUB PA'I PHYIR RO, ,DES NA GZHI MA GRUB PA NI; DNGOS PO LA TSUL GSUM PA NYID MA YIN NO ZHES DGONGS PA'O, ,'DI SNYAM DU BRAL BA TZAM NI GTAN TSIGS MA YIN NO, ,'O NA CI ZHE NA, GSAL BA GZHAN DANG 'BREL PA'I RANG BZHIN GYI BRAL BA GTAN TSIGS YIN NO ZHES PHA ROL PO STON PA NI 'ON TE ZHES BYA BA'O, ,DE'I TSE YANG ZHES BYA BA NI GRUB PA'I MTHA'O, ,DE'I PHYIR NGES BAR ZHES BYA BA NI, DE LTA YIN DANG 'GAL BA BRJOD PA NYID LEGS PA YIN NO ZHES BYA BAR DGONGS PA'O, ,GZHAN GYIS NI MU STEGS PA'I'O, ,GZHAN GYIS KHAS BLANGS PA NI, SANGS RGYAS PAS KHAS BLANGS PA'O, ,GAL TE SANGS RGYAS BAS MU STEGS PA

LA GZHAN SEL BA GSAL BA GCIG GI MTHAR THUG PA'I PHYIR MA KHYAB PAR BSGRUBS NA DE'I GRUB PA MA BSGRUBS PA YIN TE, GZHAN SEL BA KHYAB PA MA YIN PAR NI MU STEGS PA RNAMS 'DOD PA'I PHYIR RO, ,SANGS RGYAS PA NI 'DOD PA MA YIN PA KHO NA'O ZHES BRJOD PA NI GZHAN YANG ZHES BYA BA'O, ,MED PA BSGRUB PA LA RUNG BA ZHES BYA BA NI GZHAN GYI DOGS PA'O, ,MA YIN TE ZHES BYA BA LA SOGS PA NI LAN NO, ,CI LTAR SHING DANG SHING SHA BA DAG DE'I BDAG NYID DU GRUB PA NA, KHYAB PAR BYED PA SHING MA DMIGS PAS, SHING SHA PA MED PAR RTOGS PA'I TSE SHING NYID BSGRUB PA LA SHING SHA PA NYID RTZA BA'I GTAN TSIGS YIN GYI, YUL NYE BAR MA BSTAN PA CAN GYI KHYAB PAR BYED PA MI DMIGS PA NI MA YIN PA DE BZHIN DU 'DIR YANG YIN NA, KHYAB PAR BYED PAR BYED PA MI DMIGS PAS MI MTHUN PA'I PHYOGS LAS BZLOG PA, GSAL BA GCIG GI MTHAR THUG PA'I PHYIR ZHE'AM, KHYAB PA YIN PA'I PHYIR ZHES BYA BA DE LTA BU'I RANG BZHIN BSGRUB PA'I RANG BZHIN NYID RTZA BA'I GTAN TSIGS YIN PAR 'GYUR GYI KHYAB PAR BYED PA MI DMIGS PA NI MA YIN NO, ,DE'I STOBS KYIS ZHES BYA BA NI, RJES SU 'GRO BA'I SGO NAS 'BREL BA BZUNG BA'I STOBS KYIS SO, ,MED PA TZAM ZHIG NYE BAR STON TE ZHES BYA BA NI KHYAB PAR BYED PA MI DMIGS PAS SO, ,RTZA BA'I GTAN TSIGS NI MA YIN NO ZHES BYA BA NI KHYAB BYED MI DMIGS PA'O, ,'DIS NI, DE DAG MED NA'ANG DE MED CES, ,BRJOD PA LAS KYANG DE RTOGS PHYIR, ,ZHES BYA BA NI, YUL NYE BAR MA BSTAN PA CAN GYI KHYAB PAR BYED PAR BYED BA MI DMIGS PA LAS LTOS TE BRJOD PA YIN NO ZHES BSTAN TO, ,YOD PAR BSGRUB PA NA NI TSUL 'DI NYID YIN PAR RTOGS PAR BYA'O, ,GAL TE ZHES BYA BA NI GZHAN GYI'O, ,BSGRUB PA GO BAR BYED PA 'BA' ZHIG TU NI MA ZAD DE, KHYAB PAR BYED PA MI DMIGS PA YANG RTZA BA'I GTAN TSIGS YIN NO; ,SO SOR NGES PA'I ZHES BYA BA NI YUL NYE BAR BSTAN PA CAN NO, ,DE LTA YIN NA ZHES BYA BA NI LAN NO, ,'DI NA ZHES BYA BA NI SA PHYOGS LA SOGS PAR RO, ,GZHAN ZHES BYA BA NI DNGOS POR YOD PA'I SPYI'O, ,'DIR YANG ZHES BYA BA NI BRAL BA'I PHYIR RO ZHES BYA BA'I SGRUB PAR BYED PA LA YANG NGO, ,

, ,DNGOS PO DANG DNGOS PO MED PA'I THUN MONG ZHES BYA BA NI SPYI'O, ,GZHAN ZHES BYA BA NI DNGOS PO DANG DNGOS PO MED PA LAS THA DAD PA MED PA STE, DNGOS PO DANG DNGOS PO MED PA LA MED PA'I PHYIR RO, ,BA LANG NYID NI DNGOS PO'I RANG BZHIN NAM DNGOS PO MED PA'I RANG BZHIN DU NGES PAR 'GYUR GYI, DNGOS PO'I RANG BZHIN GYI BA LANG NYID LA THUN MONG BA'I RANG BZHIN GZHAN NI YOD PA MA YIN TE, SPYI LA NI SPYI MED DO ZHES BYA BA GZHUNG LUGS YIN PA'I PHYIR RO, ,GZHAN MED PA'I PHYIR ZHES BYA BA'I GTAN TSIGS MA GRUB PA'I DOGS PA BSU BA NI, RNAM PAR RTOG PA YIN ZHES BYA BA'O, ,PHYI ROL NA GNAS PA'I DNGOS PO DANG DNGOS PO MED PA LA NI RNAM PAR RTOG PA'I SNANG BA THUN MONG MA YIN NO ZHES BYA BA'I DON TO, ,LAN 'DEBS PA NI DE LTA NA ZHES BYA BA'O, ,RNAM PAR RTOG PA LA SNANG BA'I CHOS CAN LA DNGOS PO'I NYE BAR LEN PA CAN MA YIN PA BSGRUB PA NA SNANG BA MI DMIGS PA KHO NA YIN GYI KHYAB PAR BYED PA MI DMIGS PA NI MA YIN NO, ,KHYED KYIS NI KHYAB PAR BYED PA MI DMIGS PA NYID RTZA BA'I GTAN TSIGS SU GZHUNG 'DZUGS PAR BYA BA YIN NO, ,DES NA GZHAN ZOS NAS GZHAN SKYUGS PA ZHES BYA BA'I TSUL 'DI CI YIN, MI DMIGS PA NI SNANG BA MI DMIGS PA'O, ,GZHAN ZHES BYA BA NI KHYAB BYED MI DMIGS PA LA LTOS NAS GZHAN NO, ,DE NAS SLOB DPON CHOS MCHOG GIS BZHED PA 'DI NI GYI NA'O, ,NYE BAR SDUD PA NI DE'I PHYIR ZHES BYA BA'O, ,'DIR ZHES BYA BA NI CHOS CAN SPYI GSAL BA LAS THA DAD PA LA, BRAL BA'I PHYIR ZHES BYA BA RTZA BA'I GTAN TSIGS NI MA YIN GYI, 'ON KYANG THAL BA DANG BZLOG PA GNYI GA YANG DE KHO NAR GZHI MA GRUB PA'I PHYIR NA 'GAL BA STON PAR BYED PA'I 'BRAS BU CAN YIN NO, ,CI'I PHYIR ZHE NA, SPYI ZHES GSUNGS SO, ,SPYI THA MI DAD BA'I PHYOGS LA NI 'DI THAL BA'I SGRUB PAR BYED PA MA YIN NO ZHES BRJOD PA NI, GZUGS LA SOGS PA NYID CES BYA BA'O, ,'DI ZHES BYA BA NI BRAL BA'I PHYIR ZHES BYA BA DANG, GSAL BA GCIG GI MTHAR THUG PA'I PHYIR ZHES BYA BA THAL BA BSGRUB PA MA YIN GYIS, 'ON KYANG KHYAB PA YIN PA'I PHYIR ZHES BYA BA NYID THAL BA'I SGRUB PAR BYED PA YIN TE, RANG GI NGO BO MA GRUB PA'I PHYIR RO, ,'DI SGRUB PAR BYED PA

MA YIN PA CI'I PHYIR ZHE NA, DE DAG KHYAB PA ZHES GSUNGS TE, GZUGS LA SOGS PA GSAL BA GCIG GI MTHAR THUG PA NI MNGON SUM GYIS GRUB PA NYID DO, ,DES NA THAL BA'I SGRUB BYED MA YIN NO, ,DE LTAR NA GNYI GA LTAR NA YANG THAL BA'I SGRUB PAR BYED PA LAS NI BSGRUB BYA 'GRUB PA MA YIN TE; 'ON KYANG KHYAB PA BSGRUB PA'I 'BRAS BU CAN YIN NO ZHES BSTAN NAS, SKABS NYE BAR SDUD PA NI, DE'I PHYIR ZHES BYA BA'O, ,DE LTAR RANG GIS MTHONG BA SMOS PA'I RNAM PAR GCAD PAR BYA BA BSTAN NAS, DON SMOS PA'I RNAM PAR GCAD PAR BYA BA BSTAN PA'I DON DU PHYOGS SNGA MA 'GOD PA NI, GAL TE ZHES BYA BA'O, ,PHA ROL PO DON SMOS PA'I 'BRAS BU NI DE LTAR MA YIN PAR YANG 'GRUB PO ZHES BSTAN PA'I DON DU SMRA BA NI GAL TE MA GRUB PA ZHES BYA BA LA SOGS PA'O, ,RTOG PAS SBYAR BA NI GTAN TSIGS MA YIN PA MA YIN NO, ,ZHES BYA BA'I DON TO, ,CI LTAR ZHE NA, GAL TE ZHES BYA BA'O; ,'DI LA NI RTOG PAS SBYAR BA LA'O, ,RANG GI DON GYI RJES SU DPAG PA'I ZHES BYA BA NI, RJES SU DPAG PAR BYA BA LA TSUL GSUM PA'I RTAGS LAS SHES PA GANG YIN PA ZHES BYA BA DANG, 'BREL PA CAN GYI CHOS DAG LAS CHOS CAN LA RTOGS PA SKYE BA GANG ZHES BYA BA RANG GI DON GYI RJES SU DPAG PA'I MTSAN NYID YIN PAS, DE NYID LAS RTOGS PA TZAM GYIS BKOD PA GTAN TSIGS YIN PA BZLOG PAR 'GYUR RO, ,TSUL GSUM PA'I RTAGS LA MA GTOGS PA'I DON GZHAN NI, GZHAN GYI DON GYI RJES SU DPAG PAR BRJOD PA YANG MA YIN NO ZHES BRJOD PAR NI GZHAN GYI ZHES BYA BA'O, , 'DIR ZHES BYA BA NI GZHAN GYI DON GYI RJES SU DPAG PAR RO, ,DER YANG ZHES BYA BA NI RANG DON DU'O, ,DE NYID DU ZHES BYA BA NI RANG DON RJES DPAG NYID DU'O, ,YANG NA DGOS PA'I KHYAD PAR YOD PA'I PHYIR 'DI NYID DU DON SMOS PAR BYA BA YIN NO ZHES BRJOD PA NI 'DIR BYAS PA ZHES BYA BA'O, ,RANG GI DON DU ZHES BYA BA NI RANG GI DON GYI RJES DPAG TU'O, ,CI'I PHYIR ZHE NA, SU YANG ZHES BYA BA'O, ,RTOG PA SNGON DU BYED PA NI RANG RTOGS PA'I DON DU DNGOS PO MA YIN PA'I RTAGS SU RJES SU 'BRANG BA NI MED DO, ,GZHAN KHO NA BLA'I BDAG NYID NI MA YIN NO, ,'DIR ZHES BYA BA NI GZHAN DON RJES DPAG TU'O, ,GAL TE

, ,GANG GIS DON SMOS PAS GSAL BAR BYA BA RTOG PAS SGRO BTAGS PA GTAN TSIGS YIN NA CI NYES SHE NA, DON DAM PAR NI ZHES BYA BA'O, ,RTOG PAS SGRO BTAGS PA'I GTAN TSIGS NI PHYOGS DANG PHYOGS GANG YANG RUNG BA NYID LA SOGS PA'O, ,DNGOS PO'ANG GZHAN DU SRID PA'I PHYIR ZHES BYA BA NI 'DOD PA DANG DNGOS PO MI MTHUN PAR YANG 'GYUR BA'I PHYIR RO, ,RTAGS DANG PHYOGS DANG MTHUN PHYOGS GANG RUNG NYID LA SOGS PA NI 'KHRUL PA KHO NA'O, ,DE NYID KYIS NI DON SMOS PA NYID KYIS SO, ,DON SMOS PA MED NA NI MA 'BREL PA YANG RTAGS YIN PAR 'GYUR RO, ,GAL TE SLOB DPON PHYOGS KYI GLANG PO'I GZHUNG LA 'BREL PA STON PAR BYED PA YOD PA MA YIN NAM, DE NYID CI LTAR 'DI NYID KYIS 'BREL PA 'PHEN ZHES BRJOD CE NA, GANG DU YANG ZHES GSUNGS SO, ,GANG GIS DON SMOS PAR 'DI GSAL BAR BYA BA CI LTAR 'DI MA NGES PA YIN SNYAM NA, PHYOGS DANG ZHES GSUNGS SO; ,CI'I PHYIR ZHE NA, GANG DANG ZHES BYA BA NI, 'DI SNYAM DU PHYOGS DANG MTHUN PA'I PHYOGS GANG YANG RUNG BA'I PHYIR ZHES BYA BA'I DON SGRA DANG BUM PA'I MI RTAG PA NYID KYI SPYI LA MI MI 'KHRUL PA'I CHOS DANG LDAN PA'I PHYIR RO ZHES BYA BA NI MI 'DOD KYI, 'ON KYANG PHYOGS SU BYAS PA CIG SHOS NYID DU'O, , PHYOGS SU BYAS PA'I CIG SHOS NYID CES BYA BA GANG YANG RUNG BA NYID DE, CIG SHOS KYI SGRAS NI PHYOGS SU BYAS PA NYID BRJOD PAR 'DOD PA YIN NO, ,DES NA BRJOD MA THAG PA'I NYES PAR MI 'GYUR RO ZHES SEMS PA'O, ,DE TZAM GYIS ZHES BYA BA NI MI RTAG PA NYID DU BRJOD PAR 'DOD PA TZAM GYIS SO, , CI'I PHYIR MI 'GRUB SNYAM [?] NA, RTAG PA NYID DU BRJOD PAR 'DOD NA MI RTAG PA NYID MED PAR 'GYUR BA'I PHYIR RO, ,'ON TE DNGOS PO LA MI RTAG PA NYID KYI PHYOGS SU 'GRUB PA DES NA RTAG PA NYID DU BRJOD PAR 'DOD KYANG DE MED PAR MI 'GYUR RO ZHES DOGS NA GAL TE DNGOS PO LA ZHES BYA BA'O, ,SGRUB PAR BYED PA NI GRUB PAS BSGRUB BYA BSGRUB PAR NUS PA MA YIN NO, ,DES NA GAL TE MI RTAG PA NYID KYI PHYOGS NYID YIN PA DNGOS PO'I SGRUB PAR BYED PA GRUB PAR GYUR NA, DE'I TSE SGRA NI MI RTAG PA'I PHYIR NA MI RTAG PA YIN NO ZHES BYA BA GRUB PA LA SGRUB PA NYID DU 'GYUR RO, ,DE LTAR NI RIGS PA MA YIN TE,

DES NA PHYOGS SU BYAS PA GZHAN NYID DU BRJOD PAR 'DOD PA'I PHYIR ZHES BYA BA NI GTAN TSIGS KYI DON MA YIN NO, ,SKABS NYE BAR SDUD PA NI DE'I PHYIR ZHES BYA BA'O, ,GAL TE DE LTAR NA RANG GIS MTHONG BA'I DON SGRUB PAR BYED PAR 'GYUR MOD, TSUL GSUM BA KHO NA YIN NO ZHES BYA BA NI GA LAS SHE NA, RANG LA ZHES BYA BA STE GZHAN NI SGRUB PAR BYED PA NYID DU MI RUNG BA'I PHYIR RO ZHES DGONGS PA'O, ,DES NA ZHES BYA BA NI TSUL GSUM PA'I RTAGS STON PA GZHAN GYI DON GYI RJES SU DPAG PA YIN PAS NA'O, ,DE NI ZHES BYA BA PHYAGS NI MA GRUB PAS KYANG BSGRUB BYA CI STE MI 'GRUB SNYAM NA, BSGRUB BYA ZHES GSUNGS SO, ,BSGRUB BYA NYID NI BSGRUB BYA SGRUB PAR BYED BYED PA MA YIN NO ZHES 'BREL TO, ,TSIG CES BYA BA NI DAM BCA' BA'I TSIG GO, ,BSGRUB BYA MA GRUB KYANG TSIG GRUB PA'I PHYIR SGRUB PAR BYED PA YIN NO ZHES BSAM PA'O, ,'GOG PA NI TSIG NI ZHES BYA BA'O, ,CI'I PHYIR 'BREL PA MED SNYAM NA, TSIG GIS ZHES GSUNGS SO, ,GANG ZHIG DON TZAM DANG YANG MA 'BREL PA DE BSGRUB PAR BYA BA'I DON DANG GAL 'BREL ZHES BYA BA'I DON TO, ,DE'I PHYIR NI MA 'BREL BA'I PHYIR RO, ,SGRA NI MI RTAG STE BYAS PA'I PHYIR RO ZHES BYA BA'I TSIG 'DI LA, TSUL GSUM DANG LDAN PA'I BYAS PA NYID RTAGS YIN PAS BSGRUB PAR BYA BA MI RTAG PA NYID GO BAR BYED PA YIN TE, TSUL GSUM PA'I BYAS PA DE MI RTAG PA DE LA MI 'KHRUL PA'I PHYIR RO, ,NGES PAR GZUNG BA'I RNAM PAR GCAD PA BRJOD PA NI PHYOGS KYI TSIG GIS ZHES BYA BA'O, ,DE LTA MA YIN NA ZHES BYA BA'I TSIG GO BAR BYED PA YIN NA'O, ,DE'I ZHES BYA BA GTAN TSIGS KYI TSIG GI DON GZHAL BYA BA NYID MI RTAG PA NYID DER MA 'BREL PA'I PHYIR GZHAL BYA NYID GTAN TSIGS MA YIN NO, ,'ON TE DAM BCAS PA TZAM NI ZHES BYA BA NI GZHAN GYI'O, ,LAN NI CI LTAR DAM BCAS PA'I TSIG SGRUB PAR BYED PA MA YIN PA SGRUB PAR BYED PA YIN TE, GTAN TSIGS NYID DU NYE BAR BKOD PA'I PHYIR RO, ,LHAN CIG PA STE GTAN TSIGS KYI TSIG DANG BCAS PA SGRUB PAR BYED PA YIN GYI 'BA' ZHIG NI MA YIN TE, DPER NA SA BON DANG BCAS PA MYU GU'I SGRUB PAR BYED PA YIN PA BZHIN NO, ,MKHO BA MED PA ZHES BYA BA NI PHYOGS KYI TSIG STE MA 'BREL PA'I PHYIR RO, ,

, ,CI LTAR NA BSGRUB PAR BYA BA GRUB PA'I DON DU GTAN TSIGS KYI TSIG DANG LHAN CIG TU BYED, GTAN TSIGS KYI TSIG KYANG PHYOGS KYI TSIG DANG LHAN CIG TU CI LTAR BYED, RDO'I DU MA BU NI MYU GU BSKYED PA'I DON DU CHU LA SOGS PAS LHAN CIG PAR LTOS PAR BYA BA MA YIN NO, ,LTOS NA YANG MYU GU'I SKYED BYED DU 'GYUR BA MA YIN NO, ,DNGOS PO LA CI'I PHYIR TSAD MA MA YIN ZHE NA, DE LAS THE TSOM DAG CES BYA BA'O, ,DER ZHES BYA BA NI DON LA'O, ,DE LTA MA YIN NA ZHES BYA BA NI DAM BCA' BA'I TSIG DON DANG MA 'BREL NA'O, ,'O NA ZHES BYA BA NAS CE'I BAR NI GZHAN GYI'O, ,DE LAS ZHES BYA BA NI TSIG LAS SO, ,DER YANG NI SGRUB PAR BYED PA LA YANG TSIG DE 'BREL PA MED PA NYID DO, ,'BREL PA YIN NA NI ZHES BYA BA NI GAL TE DE SGRUB PAR BYED PA LA 'BREL NA'O, ,DE'I TSE BSGRUB PAR BYA BA DANG 'BREL PA GANG GIS ZLOG PAR BYED DE 'GAL BA MED PA KHO NA'O, ,DAM BCA'I TSIG 'BRAS BU DANG BCAS PA STON PA NI SGRUB PAR BYED PA LA YANG ZHES BYA BA'O, ,DER NI ZHES BYA BA NI SGRUB PAR BYED PA DU MA LA SOGS PA'O, ,'O NA KHYAB PAR BRJOD PA YANG DON MED DO ZHE NA, TSIG GIS NI ZHES BYA BA'O, ,SNGON ZHUGS PA'I TSAD MA DE LA'O, ,DE LA TSIG GIS ZHES BYA BA NI MNGON SUM GYIS GRUB PA'I SGRUB PAR BYED PA LA'O, ,DE'I PHYIR NA TSIG GIS SGRUB PAR BYED PA'I TSAD MA NI 'PHEN PA MA YIN PA'I PHYIR NA BSGRUB PAR BYA BA LA YANG TSIG GI TSAD MA 'PHEN PAR GAL 'GYUR, CI'I PHYIR SGRUB BAR BYED PA MA YIN SNYAM NA, RANG NYID MI NUS PA NI ZHES BYA BA BA SMOS SO, ,NUS PA LA MA BRTEN PAR NUS PA DANG LDAN PAR MI 'GYUR RO, ,'O NA PHYOGS KYI TSIG SGRUB PAR BYED PAR 'GYUR RO ZHE NA, PHYOGS KYI TSIG GIS NI ZHES GSUNGS SO, ,'O NA GTAN TSIGS KYI TSIG CI LTAR SGRUB PAR BYED PA YIN ZHE NA GTAN TSIGS KYI ZHES SMOS SO, ,'DI NYID BSAL BAR BYED PA NI BSGRUB BYA'I DON LA ZHES BYA BA'O, ,GANG GI PHYIR DE LTAR TSIG GZHAN GYI DON GYI RJES SU DPAG PA YIN PA DES NI GANG BRJOD PA DE YANG BSAL BA YIN TE ZHES 'BREL TO, ,CI SKAD BRJOD PA DE ZHE NA, GZHAN DON DANG ZHES BYA BA'O, ,CI LTAR 'GAL SNYAM NA 'DI LTAR ZHES BYA BA'O, ,RANG GI DON NYID

YIN GYI GZHAN GYI DON NI MA YIN NO, ,RJES SU BRJOD PA TZAM NI TSAD MA MA YIN PA'O, ,BSTAN PAR BYA BA LA LTOS NAS NI RANG GI DON NYID DO ZHES GANG BRJOD PA, RE ZHIG SUN 'BYIN PA NI 'DI LTAR ZHES BYA BA'O, ,DE NI TSIG GO, ,GYI NA BRJOD PA NYID DE ZHES BYA BA NI BSTAN PAR BYA BA LA LTOS TE TSIG RANG GI DON GYI RJES DPAG MA YIN PA'I PHYIR RO, ,'DI NYID STON PA NI DE LA NI ZHES BYA BA'O, ,TSIG RANG GI DON MA YIN TE'O, ,CI'I PHYIR ZHE NA, TSIG DE LAS DON BSGRUB PAR BYA BA RTOGS PA MED PA'I RGYU'I PHYIR RO, ,DRAN PAR ZHES BYA BA NI DOGS PA BSU BA'O, ,DRAN PAR BYED PA'I BYED PAS DE YANG STE BSGRUB PAR BYA BA YANG NGO, ,SGRUB PAR BYED PA DRAN PA'I BYED PAS TSIG PHAN 'DOGS PAR BYED BAS 'BA' ZHIG TU NI MA ZAD KYI, 'ON KYANG BSGRUB PAR BYA BA DRAN PA SKYED PA'I TSIG KYANG RTOGS PA'I RGYU MTSAN YIN TE, DES NA RTOGS PAR BYA BA LA LTOS NAS RANG GI DON GYI RJES SU DPAG PAR BRJOD DO ZHE NA, MA YIN TE ZHES 'GOG PA'O, ,RTOGS PAR BYA BA LA LTOS NAS KYANG TSIG NI RJES SU BRJOD PA TZAM YIN NO ZHES BYA BA'I DON TO, ,'O NA CI LTAR GZHAN GYI DON YIN SNYAM TE, DE'I ZHES SMOS SO, ,RGOL BA LA LTOS NA GZHAN PHYIR RGOL BA GANG YIN PA DE LA TSIG DE DGOS PA NYID NI LTOS PAR 'GYUR BA'I RGOL BA LA LTOS NAS YIN NO, ,CI'I PHYIR ZHE NA, STON PAR BYED PA LA NI ZHES SMOS SO, ,DE LTAR GZHAN GYI DON DU 'GYUR MOD, RJES SU DPAG PA CI LTAR YIN ZHE NA, DE'I ZHES SMOS SO, ,TSIG NI CHOS CAN PHYIR RGOL BAS RJES SU DPAG PA SKYED PAR BYED PA YIN TE, DES NA PHYIR RGOL BA LA LTOS PA KHO NAS RJES SU DPAG PA'I RGYU YIN PA'I PHYIR TSIG RJES SU DPAG PA YIN NO, ,RGOL BA'I RJES SU DPAG PA NI TSUL GSUM PA'I RTAGS KHO NAS SKYED KYI TSIG DES NI MA YIN NO, ,DES NA DE LA LTOS NAS NI TSIG RJES SU DPAG PA MA YIN MOD KYI GZHAN GYI DON DU NI 'GYUR BA KHO NA'O, ,DES NA TSIG GCIG KHO NA RGOL BA DANG, PHYIR RGOL BA LA LTOS NAS GZHAN DON DANG RJES SU DPAG PAR YANG BRJOD PAR YIN GYI DON DAM PAR NI MA YIN NO ZHES BYA BA'I DON TO, ,DE LTA MA YIN NA ZHES BYA BA NI STON PAR BYED PA LA LTOS NAS KYANG RJES SU DPAG

, ,PA'I RGYU NYID YIN NA'O, ,DGOS PA YANG BSHAD ZIN TO ZHES BYA BA NI TSIG RJES SU DPAG PA'I RGYU YIN PA NYID KYIS DON STON BAR BYED BA YIN GYI, DE'I RGYU YIN PA NYID MA RTOGS PAR NI RANG RGYUD DU DON STON PAR BYED BA MA YIN NO ZHES SO, ,GAL TE ZHES BYA BA NI GZHAN GYI'O, ,DE NYID KYI PHYIR ZHES BYA BA NI GRUB PA'I MTHA'O, ,TSAD MA MA YIN PA NYID KYI PHYIR TSIG LAS TSAD MA MA YIN BA NI DRAN PA 'BYUNG BAR YIN NO, ,SGRA RNAMS PHYI'I DON LA TSAD MA MA YIN BA NYID DU YANG BSTAN ZIN PA KHO NA'O, ,DE LTA MA YIN NA ZHES BYA BA NI TSIG TSAD MA NYID YIN NA'O, ,DE LAS NI TSIG LAS SO, ,TSAD MAR GYUR PA'I TSIG LAS NI TSAD MAR GYUR PA'I SHES PA KHO NA SKYE BAR 'GYUR RO ZHES BSTAN TO, ,LDOG PA BRJOD PA NI DRAN PA MA YIN NO ZHES BYA BA'O, ,DRAN PA NI TSAD MA MA YIN PA'I PHYIR RO, ,TSIG NI DRAN PA LA YANG TSAD MA MA YIN TE, BYED PA PO YIN PA'I PHYIR RO ZHES BRJOD PA NI DRAN PA LA YANG ZHES BYA BA'O, ,DON DANG ZHES BYA BA LA SOGS PA NI RTZOD PA'O, ,DON DANG MA 'BREL BA'I PHYIR TSIG DE LAS DRAN PA DE NYID CI LTAR 'BYUNG, CI'I PHYIR ZHE NA, DU BA NI ZHES SMOS SO, ,GTAN TSIGS 'DI MA NGES PA YIN NO ZHES BSTAN PA'I DON DU DE NI MA YIN TE ZHES GSUNGS SO, ,'BREL PA LA DRAN PA TZAM MAM, DRAN PA'I KHYAD PAR 'BYUNG BAR 'GYUR, DE LA RE ZHIG DRAN PA TZAM NI 'BREL PA KHO NA LAS YIN NO ZHES NGES PA MED DO, ,CI'I PHYIR ZHE NA, DRAN PA YANG ZHES BYA BA'O, ,MTHONG BA'I DON 'DAS PA'I YUL LAM 'BREL BA'I 'BAD PA'I RTZOL BA LAM DRAN PA BSKYED PA MIN NAM CI STE SKYE BA KHO NA'O, ,DA LTAR BA'I DON MED KYANG 'BAD RTZOL YOD PA'I PHYIR RO, ,GANG DU DON 'GA' ZHIG LAS ZHES BYA BA NI MA 'BREL PA LHAN CIG SPYOD PA'I DON LAS SO, ,CI RES 'GA' KHO NA LHAN CIG SPYOD PA LAS SAM ZHE NA, MANG DU ZHES BYA BA STE, PHAL CHER RO, ,DPER NA MTSON GYIS CHOD PA DANG LHAN CIG SPYOD PA'I BYA BA NYID LAS DRAN PA 'BYUNG BA'AM, YANG DPER NA GOS 'KHRUD MKHAN MTHONG BA LAS BONG BU DRAN PA BZHIN NO, ,GNYIS PA'I DBANG DU BYAS NAS BSHAD PA NI, 'ON TE ZHES BYA BA'O, ,NGES PA'I RANG BZHIN ZHES BYA BA NI DU BA LAS ME LA DRAN PA'O, ,GRUB PA'I MTHA' SMRA BA KHAS LEN PA NI DE NI RIGS TE ZHES BYA BA'O, ,CI LTAR RIGS SNYAM NA, 'BREL BA MED PAR ZHES BYA BA'O, ,

DE NI DU BA'O, ,DE NI ME LA'O, ,GAL TE RTAGS LAS BZHIN DU SGRA LAS KYANG NGES PAR CI STE MI 'DOD SNYAM NA, 'ON KYANG ZHES BYA BA'O, ,DES NA ZHES BYA BA NI NGES PA'I RANG BZHIN MA GRUB PAS NA SGRA RNAMS DON DANG 'BREL BA MI 'GRUB BO, ,'DI NYID BRJOD PA NI 'DI LTAR ZHES BYA BA'O, ,SGRUB PAR BYED PAS BSGRUB PAR BYA BA LA 'BREL PA MA BRTAGS PA'I SKYES BU DAG NI RTAGS BRJOD PA LAS THE TSOM NYID DU 'GYUR GYIS NGES PAR NI MA YIN NO, ,GANG DANG GANG NA DU BA YOD PA DE DANG DE NA ME YOD DO ZHES BRJOD PA LAS NI 'BREL BA MI SHES PA YANG 'DI NI ME YOD DE ZHES NGES PAR 'GYUR BA MA YIN NO, ,CI'I PHYIR ZHE NA, RGYU LAS ZHES GSUNGS SO, ,'O NA CI LTAR ZHES BYA BA NI GZHAN GYI'O, ,GAL TE SGRA LAS THE TSOM KHO NAR 'GYUR NA'O NA CI LTAR NGES, NGES PA'I RNAM PA NYID BRJOD PA NI, RNAM GANG GIS DES SGRA SMRAS PA DE NI DE KHO NA LTAR YIN TE, NGES PA KHO NA YIN NO ZHES BYA BA'O, ,SGRA 'DIS DON GANG ZHIG BSTAN PA DE NI DE KHO NA LTAR YIN GYI GZHAN DU NI MA YIN NO ZHES BYA BA'I DON TO, ,MA YIN TE ZHES BYA BA NI LAN NO, ,NGES PA DE NI ZHES BYA BA NI DON NGES PA NI'O, ,MA NGES PA NI SGRA LAS MA YIN GYI, 'ON KYANG TSAD MA LAS YIN NO, ,'DI GA LAS SHE NA; 'DI LTAR ZHES BYA BA'O, ,TSAD MA LAS MA NGES PAR 'GYUR MOD, TSAD MAR NGES PA NI SGRA LAS YIN NO,, DE LTAR NA YANG ZHES BYA BA NI TSAD MAR NGES PA BSKYED PA NA YANG NGO, ,DE LTAR ZHES BYA BA'I TSIG DE NI TSAD MA 'DI LA TSAD MAR 'DOD PA KHO NA'O, ,RANG NYID DE RANG BZHIN NYID KYIS NI, DON LA TSIG DE TSAD MA MA YIN NO, ,GAL TE DA LTAR YIN NA TSIG TSAD MA NYID MI 'DOD PA THOG TU BAB PO ZHE NA, GANG PHYIR DON 'DI ZHES GSUNGS SO, ,SNGAR ZHUGS PA 'BREL PA 'DZIN PAR BYED PA'I TSAD MA'I YUL 'DI LA TSIG TSAD MAR GRUB KYANG DE LA TSAD MA CI YANG MED PA KHO NA STE, DES NA MI 'DOD PA THOG TU BAB PA YIN NO, ,'DI THAMS CAD NI KHAS BLANGS NAS BRJOD PAR ZAD KYI, DA NI DE YANG MA YIN NO ZHES BRJOD PA NI TSAD MA YANG ZHES BYA BAS SO; ,GZHAN GYIS SMRAS PAS SO, ,GZHAN GYIS SMRAS PA NI CI TSIG MED PAR YANG NGES PAR YIN NAM CI ZHES BYA BA'O, ,LEN NI YIN PA NYID DE ZHES BYA BA'O, ,'ON TE BDEN PA'I TSIG TSAD MA YIN NO SNYAM NA, BDEN PA DANG ZHES BYA BA'O, ,'ON TE DON LA MI 'KHRUL PA NYID KYIS SAM, GZHAN DU YANG KHYAD PAR RTOGS

, ,PA YOD PA KHO NA'O SNYAM NA, DON LA ZHES BYA BA STE, GAL TE TSIG GIS KHYAD PAR BDEN PA DANG MI BDEN PA NYID DU RTOGS PAR KHAS LEN NA DE'I TSE LKOG TU GYUR PA'I DON LA TSIG DE RANG GI DON GYI RJES DPAG KHO NAR 'GYUR TE, DU BA BZHIN NO, ,DON MED NA MI 'BYUNG BA NYID DU NGES PA'I TSIG LAS NI RANG NYID DON RTOGS PA'I PHYIR RO, ,KHA CIG NI TSIG LA 'KHRUL PA SPANG PA'I DON DU 'DI LTAR SBYOR BAR BYED DE, GAL TE DU BA LA SOGS PA 'BREL BA'I DON LA RTOGS PAR KHAS LEN NA DE'I TSE DE NI RANG GI DON GYI RJES SU DPAG PA KHO NAR 'GYUR GYI GZHAN GYI DON NI MA YIN TE, RTAGS LAS SKYES PA'I PHYIR DANG, GZHAN GYI DON NI TSIG GI BDAG NYID YIN PA'I PHYIR RO ZHES BYA BAR RO, ,GAL TE SGRA RNAMS DON DANG 'BREL BA MED NA DE LAS CI LTAR DRAN DE NA TSIG LA KHYAD PAR MTHONG BA MED CES CI LTAR BRJOD SNYAM NA, DRAN PA LOG PAR 'JUG PA NI ZHES BYA BA'O, ,'ON SNGAR GYI TSAD MA'I RANG BZHIN NGES PAR 'DZIN PAR BYED PA'I TSIG NI DE LA TSAD MAR 'GYUR RO SNYAM NA, DE'I PHYIR ZHES BYA BA'O, ,RTAGS GANG ZHIG SHIN TU DPYAD PA STE, RTAGS 'GA' ZHIG PO DE LAS SNGAR GYI 'BREL BA 'DZIN PA'I TSAD MA BZHIN TE NGES PA STE RNGES SU MTHUN PA DRAN PA YIN GYI TSIG LAS NI MA YIN NO, ,DES NA TSIG GI TSAD MA LA TSAD MA MA YIN NO, ,DON PHYI ROL LA YANG MA YIN, 'BAD RTZOL LA YANG MA YIN NO, ,YANG 'BAD RTZOL YANG PHYI'I DON LA TSAD MA MA YIN NO, ,GANG GI PHYIR DE LTAR TSIG TSAD MA MA YIN PA DES NA LKOG TU GYUR PA'I ZHES BYA BA'O, ,PHA ROL PO RJES SU DPAG PA'I DUS NA 'BREL PA 'DZIN PA'I TSAD MA MED PA'I PHYIR NA 'BREL BA NGES PA MED PAR BRJOD PA NI; GAL TE ZHES BYA BA'O, ,TSAD MA DES ZHES BYA BA NI LAN NO, ,TSAD MA LAS ZHES BYA BA NI ME DUD KYI 'BREL BA 'DZIN PA LAS SO, ,DRAN PA NI ZHES BYA BA NI DUS GZHAN DU RIL DU BA MTHONG BA LAS DU BA 'DI NI THAMS CAD DU ME DANG 'BREL PA YIN NA ZHES KHYAB PA LHAG PAR ZHEN PA NI, RGYUD NAS SKYES PAS NYE BAR BTAGS NAS TSAD MA CI LTAR MA YIN, 'DI NI GDON MI ZA BAR KHAS BLANGS PAR BYAS PA YIN TE, DE LTAR MA YIN NA RJES SU DPAG PA SKYE BA MED PA'I PHYIR RO, ,HA CANG THAL BA YANG MA YIN TE, NYE BAR MA BTAGS NA NI GNYIS KHO NA TSAD MA YIN LA, NYE BAR BTAGS PA LAS NI TSIG KYANG YIN

NO ZHES 'DOD PA'I PHYIR RO, ,DE LTAR NA 'O NA DRAN PA MTHA' DAG TSAD MAR 'GYUR RO SNYAM NA, TSANG MA YIN LA ZHES BYA BA'O, ,DE NI DRAN PA'O, ,DRAN PA 'DI NI ZHES BYA BA NA NYER 'JOG NYID CES BYA BA'I RTZOD PA'O, ,KHYAB PA 'DZIN PA'I MTSAN MA LAS NI KHYAB PA NGES PA'I RANG BZHIN GYI DRAN PA SKYA BA YIN NO ZHES TSAD MA DANG DRAN PA DAG RGYU DANG 'BRAS BU'I DNGOS POR 'DZIN PA'I TSAD MA NI DRAN PA KHO NA YIN NO, ,'DZIN PAR BYED PA'I DRAN PA DE YANG GZUNG BAR BYA BA DE GNYIS DANG 'BREL PA NI DRAN PA GZHAN GYIS SHES PAR BYA BA YIN TE, DE LTAR MA YIN PAR 'BREL PA CI LTAR 'DZIN, DRAN PA GNYIS PA DE YANG DE DAG DANG 'BREL PAR 'GYUR BA YIN LA, DE'I 'BREL PA YANG DRAN PA GZHAN GSUM LA YIN NO, ,DE TSAD MA DANG DRAN PA GNYIS DANG 'BREL PA YANG DRAN PA GZHAN GYIS SHES PAR BYA BA YIN PA'I PHYIR THUG PA MED PAS DRAN PA LAS NGES PA SKYE BAR GAL 'GYUR TE, MI 'GYUR BA KHO NA'O ZHES BYA BA'I DON TO, ,DRAN PA 'DI BSTAN PA YIN ZHE NA ZHES BYA BA NI DRAN PA DANG PO NYID DRAN PA GZHAN LA MI LTOS PAR 'DI, 'DI LAS BYUNG BA YIN NO ZHES NGES PAR BYED PA YIN NO ZHES BYA BA'O, ,LOG PA LA DRAN PA BSTAN PA NYID MED DAM CI STE MED PA LA YANG DRAN PA BSTAN PA MTHONG NGO ZHES BYA BA'I DON TO, ,BSTAN PA NI DON THOB PA'I PHYIR LOG PA MA YIN NO SNYAM NA, THOB PA NI GRUB PA NYER 'JOG NYID DO, ,GAL TE GNOD PA MED PA LA TSAD MAR CI STE MI 'DOD DE, DON DAM PAR NI GNYI G-YANG MI SRID PA'I PHYIR RO SNYAM NA, THA SNYAD KYANG ZHES GSUNGS SO, ,GZHAN ZHES BYA BA NI GNOD PA MED PA NYID KYI MTSAN NYID DO, ,RTOGS PA DANG LDAN PA GNOD PA DANG BRAL BA DON DU GNYER BAS TSAD MA'AM TSAD MA MA YIN PA TSOL BA NI MA YIN GYI, 'ON KYANG DON BYA BA'I DON DU GNYER BAS MA YIN NO, ,DES NA DON THOB PA'I MTSAN NYID KYI THA SNYAD KHO NA TSAD MA'I RGYU MTSAN YIN GYI GZHAN NI MA YIN NO, ,THA SNYAD LAS NI ZHES BYA BA DON THOB PA'I MTSAN NYID LAS NI MA YIN PA'O,, THOB PA LA BRTEN NAS ZHES BYA BA NI, THOB PA YANG DAG PAR RGYUN MI 'CHAD PAR BRTEN PA LAS DE YONGS SU BZUNG BA LAS SO, ,DON BYA BA GOMS PA LAS ZHES BYA BA'I DON TO, ,DE LTA YIN MOD, CI NYES SNYAM NA, GZHAN ZHES SMOS TE, DON BYA BA'I SHES BA'O, ,GZHAN DU ZHES BYA BA NI DRAN PA LA'O,,

, ,DON BYA BA MYONG BA DANG GOMS PA DES NA DE NYID BSTAN PAR 'BYUNG MOD, DRAN BA NI MA YIN NO, ,DES NA DRAN PA 'GA' ZHIG RAB NYID LAS BSTAN PA YIN NO ZHES CI LTAR BRJOD CES BYA BA'I DON TO, ,'CHAD PAR 'GYUR NA DE LTA YANG MA YIN NO ZHES BYA BA'O, ,DE'I PHYIR ZHES BYA BA NI MJUG SDUD PA'O,, DES NA 'DI 'DI LAS BYUNG BA'O ZHES DRAN PA NI RNAM PA DE LTA BU'I DON THOB PAS NA MNGON PAR 'DOD PA LA MI SLU BA KHO NAS TSAD MA YIN PA'I PHYIR THUG BA MED PA MA YIN NO ZHES BYA BA'I DON TO, ,SLOB DPON NI PHYOGS KYI GLANG PO'O, ,DE NYID BRJOD PA NI RANG NYID CES BYA BA'O, ,RJES SU DPAG PAR BYA BA BSTAN PA ZHES BYA BA NI BSTAN BCOS SU ZHES BYA BAR BLTA'O, ,'O NA DON GANG YIN SNYAM NA, 'ON KYANG ZHES BYA BA'O, ,SGRA MI RTAG GO ZHES DANG BOR DAM BCA' BA BSTAN PAR BYA BA MA YIN LA, DE'I PHYIR NA SGRA MI RTAG GO ZHES THA MAR MJUG BSDU BAR YANG BSTAN PAR BYA BA MA YIN NO, ,CI'I PHYIR ZHE NA, TSUL GNYIS PA TZAM GYIS ZHES BYA BA'O, DE LA'ANG ZHES BYA BA NI PHYOGS KYI TSIG LA'ANG NGO, ,DAM BCA' BA'I TSIG 'BA' ZHIG TU NI MA ZAD KYI, 'ON KYANG MI MTHUN PA'I PHYOGS KHAS LEN PA LA YANG GTAN TSIGS KYI TSIG 'JUG PA 'DI NI MTSUNGS SO, ,DES NA SGRUB PAR BYED PA'I TSIG GI CHA RNAMS THUG PA MED DO, ,DE YANG ZHES BYA BA NI BSGRUB BYA'I TSIG GO, ,'DI DAG SGRUB PAR BYED PA YIN YANG CI LTAR NGAG YAN LAG RNAM PA BCUR 'GYUR ZHE NA, 'DI NI 'DIR ZHES BYA BA LA SOGS PA'O, ,DE'I PHYIR ZHES BYA BA NI GTAN TSIGS KYI TSIG 'JUG PA'I PHYIR RO, ,DE YANG NI MI MTHUN PA'I TSIG KYANG DAM BCA' BA BRJOD PA DE DANG LHAN CIG GO, ,CI DE ZHES BYA BA NI GZHAN GYI'O, ,DON LA ZHES BYA BA GZHAN DU BYA BA LA GNAS PA'I DON TE DGOS PA'O, ,GAL TE ZHES BYA BA LA SOGS PA NI LAN NO, ,DE ZHES BYA BA NI DAM BCA' BA'I TSIG GO, ,'O NA BSGRUB BYA 'GRUB PA'I NANG GI YAN LAG GI NUS PA GANG YIN ZHE NA, GANG GIS ZHES BYA BA'O, ,DE LA NI TSUL GSUM LA'O; ,DE TSIG NYID CES BYA BA TSUL GSUM GYI TSIG NYID LA TO, DAM BCA' BA'I TSIG LA NI MA YIN PA'O, ,DANG PO NYID DU ZHES BYA BA NI GTAN TSIGS BSTAN PA'I GONG ROL DU'O, ,DE NI BSGRUB BYA'O, ,GZHAN GYI DON GYI RJES SU DPAG PAR YANG DANG POR BSGRUB BYA DGOD PA MA YIN NO ZHES BYA BA'O, ,

DE LTAR DAM BCA' BA BRJOD PA BSAL NAS MJUG BSDU BA BRJOD PA BSAL BA'I DON DU DOGS PA BSU BA NI PHYIR ZHES BYA BA'O, ,PHA ROL PO ZHES BYA BA RTOGS PAR BYA BA LA YANG NGO, ,TSUL GSUM LAS ZHES BYA BA NI TSUL GSUM PA'I PHYOGS BRJOD PA'I 'OG ROL TU TSUL GSUM PA'I RTAGS MTHONG BA LA RTOGS PA NYE BAR SKYE BA'I TSE'O, ,DE'I TSE RTOGS PA DE RANG GI DON GYI RJES SU DPAG PA DANG KHYAD PAR CI YOD DE CI YANG MED PA KHO NA'O, ,GZHAN GYI RTOGS PA YANG RANG LA GRUB PA'I RTAGS KYIS RJES SU 'BRANG BA KHO NA'O ZHES BYA BA'I DON TO, ,'O NA NYE BAR GTOD PA NI BRJOD PAR BYA'O SNYAM NA, NYE BAR GTOD PA YANG ZHES BYA BA'O, ,MTHONG BA'I NUS PA CAN GYI GTAN TSIGS GANG YIN PA DE STON PA DON DU GNYER BA YIN PA'I PHYIR RO, ,GTAN TSIGS GANG ZHIG BSGRUB PAR BYA BA RTOGS PA LA NUS PA MTHONG BA DE NYID NYE BAR BSTOD PAS STON PAR ZAD KYIS LHAG PA NI MA YIN NO, ,DES NA GAL TE DANG PO BSGRUB PAR BYA BA RTOGS PA SKYES NA, DE'I TSE NYE BAR GTAD PAS CI BYA, 'ON TE MA SKYES NA DE'I TSE NUS PA MTHONG BA'I GTAN TSIGS YANG BRJOD PA NI NYE BAR GTOD PA'O ZHES BYA BA NYE BAR GTOD PA'I MTSAN NYID NYAMS SO, ,DES NA NUS BA MTHONG BA STON PA TZAM LHUR LEN PA'I PHYIR NA NYE BAR GTOD PA NI BRJOD PAR BYA BA MA YIN NO, ,RNAM PA GZHAN GYI SGO NAS KYANG NYE BAR SDUD PA BRJOD PA NI DON MED DE ZHES BRJOD PA NA DE DE NA ZHES BYA BA'O, ,GTAN TSIGS DE RI LA SOGS PA'I CHOS CAN DE NA'O, ,PHYOGS KYI CHOS NYID LAS ZHES BYA BA NI, BYAS PA'I PHYIR ZHES BYA BA DE LTA BU'I RANG BZHIN LAS SO, ,TSAD MA ZHES BYA BA NAS ZHE NA'I BAR NI GZHAN GYIS BRJOD PA'O, ,GANG YIN PA ZHES BYA BA NI GANG GI PHYIR TE, GANG GI PHYIR TSAD MA THAMS CAD KYI BYED PA 'JUG PA DES NA'O, ,RGYU'I DBANG ZHES BYA BA NI TSAD MA THAMS CAD KYI BYED PA 'JUG PA NI RANG GI RGYU'I DNGANG GIS BYUNG BA'I PHYIR RO, ,DE LTAR ZHES BYA BA NI RGYU'I DBANG GIS BYED PA 'JUG PA'O, , RGAL ZHING BRTAG PA'I RNAM PA BRJOD PA NI CI STE 'DI LTAR 'GYUR ZHES BYA BA'O, ,GAL TE ZHES BYA BA NI GRUB PA'I MTHA'O, ,GAL TE DE LTAR TSAD MAR 'GYUR NA DE BDEN PA ZHIG NA, DE LTAR NI TSAD MA MA YIN NO ZHES BYA BA'I DON TO, ,DE NYID BRJOD PA NI, DAM BCA' BA NI ZHES BYA BA'O, ,NYE BAR 'JAL

, ,BA NI RTZOD PA'O, ,GRUB PA'I MTHA' SMRA BA NYID PHYOGS KYI CHOS NYID KHAS LEN DU GZHUG PA'I DON DU PHA ROL LA 'DRE BA NI, SPYIR 'BREL PA GZUNG BA NI ZHES BYA BA'O, ,BYAS PA NYID LA SOGS PA ZHES BYA BA NI GZHAN GYI LAN NO, ,KHYAD PAR GYI RTEN CAN DE NYID CES BYA BA NI GRUB PA'I MTHA'O, ,NYE BAR 'JAL BAR RAB TU GRAGS PA'I PHYOGS KYI CHOS GANG YIN PA DES SO, ,DE YANG ZHES BYA BA NI NYE BAR 'JAL BA'I YUL LO, ,DER ZHES BYA BA NI SGRA'I KHYAD PAR DANG 'BREL BA SGRUB PA LA'O, ,SGRA DANG 'BREL BA NI NYE BAR 'JAL BA'I YUL YIN PAR 'DOD DO, ,DE YANG BRGYUD PA'AM DNGOS SU RTOGS GRANG NA, DE LA RE ZHIG DNGOS SU RTOGS NA NI MNGON SUM DU THAL BAR 'GYUR RO, ,BRGYUD NAS RTOGS NA YANG DE DE DANG 'BREL PA GZUNG BAR BYA BA YIN LA, DE YANG 'GA' ZHIG TU DE MTHONG BA SNGON DU 'GRO BA CAN KHO NAS DE LTA NA YANG TSUL GSUM DANG LDAN PA'I PHYIR RJES SU DPAG PA'I NANG DU 'DUS PA KHO NA YIN NO; ,'ON DE LA TSAD MA GNYIS 'JUG PAR 'GYUR RO SNYAM NA, DE'I PHYIR NYE BAR 'JAL BAR SMRA BA ZHES BYA BA'O, ,NYE BAR 'JAL BA NI TSAD MA'I YUL LA NI NYE BAR 'JAL BAR SMRA BA RNAMS KYIS KYANG RJES SU DPAG PA'I TSAD MA GZHAN DU 'DOD PA MA YIN NO, ,DE'I ZHES BYA BA NI NYE BAR 'JAL BA'I'O, , DBYIG PA THOGS PA'I SKYES BU GNYIS PO DE LAS MA GTOGS PAR DBYIG PA CAN ZHES BYA BA'I 'DRA BA NI CUNG ZAD KYANG MED DO, ,DE LA ZHES BYA BA NI GZHAN GYI'O, ,GAL TE DE LA 'DRA BA GZHAN MED NA, DE'I TSE 'DI 'DRA BA'I ZHES RTOGS PA CI LTAR YIN, RTOGS PA 'DIS NI GONG BU TZAM LAS BLA NA LHAG PA'I DON LA REG PA YIN TE, GONG BU TZAM ZHIG YIN NA NI 'DI NI KHRA BO 'DI NI BA LANG NGO ZHES RTOGS PAR 'GYUR GYI 'DI 'DRA BA ZHES BYA BAR MA YIN NO, ,'DI NI 'DRA BA'O ZHES RTOGS PA YANG YOD PA YIN TE DES NA GONG BU LAS LHAG PA'I 'DRA BA GZHAN RTOGS PAR 'GYUR RO ZHE NA, DE NI MA YIN TE ZHES BYA BA NI GRUB PA'I MTHA'O, ,'BRAS BU LAS RGYU RTOGS PA NI RNAM PA GNYIS TE, DU BA LAS ME BZHIN DU RGYU DANG LHAN CIG 'BRAL BA MTHONG BA LAS SAM, NUS PA'I RGYU GZHAN YOD KYANG 'BRAS BU MI SKYE BA LAS TE, DPER NA DE'I NYES PA MI SKYE BA LAS DBANG PO BZHIN NO, ,DE RE ZHIG DANG PO SEL BA NI GAL TE

ZHES BYA BA STE, GAL TE MNGON SUM DANG MI DMIGS PA DAG GI RGYU DANG SKAD CIG 'BREL PA MTHONG BA'I 'BRAS BU LAS RGYU RTOGS PA YIN NA, DE'I TSE 'DRA BA'I MTSAN NYID KYI RGYU YANG MTHONG BA NYID 'THOB BO, ,DPER NA DU BA LAS BRTAG PAR BYA BA'I ME BZHIN NO, ,MTHONG BA YANG MA YIN TE DES NA CI LTAR 'BREL BA MTHONG BA'I 'BRAS BU LAS DE BRTAG PAR BYA BA YIN NA, MNGON SUM GYIS KYANG 'DRA BA BRTAG PAR BYA BA MA YIN NO ZHES GSUNGS PA NI, GZHAN YANG ZHES BYA BA'O, ,DE NYID DU ZHES BYA BA NI 'DRA BA NYID DAM SRA BA NYID DO, ,'O NA RNAM PAR RTOG PA LA NI SNANG BAR 'GYUR RO SNYAM NA, DNGOS PO'I ZHES BYA'O, , DE LTA NA YANG 'DRA BA RNAM PAR 'JOG PAR BYED DO ZHE NA RANG SNANG MED PAR BYA'O, ,RNAM PAR RTOG PA GNYIS PA'I DBANG DU BYAS NAS BRJOD PA NI 'DRA BA THOGS MED CES BYA BA'O, ,YONGS BRTAGS NA ZHES BYA BA RNAM PAR DPYAD PA NA DE KHO NA NYID DU RANG BZHIN 'GA' ZHIG KYANG 'DRA BA DE LA YOD PA MA YIN TE, DES NA 'DRA BA NI MED PA KHO NA'O, ,'O NA CI LTAR 'DI NI 'DRA BA'O ZHES RNAM PAR RTOG PAS MI SLU BA'I THA SNYAD DU 'GYUR ZHE NA, DNGOS DANG ZHES BYA BA'O, ,'DIS ZHES BYA BA 'DI NI 'DRA BA'O SNYAM PA'I SHES PAS DON BYA BA'I BYED PA'I DNGOS PO'I THA SNYAD 'GRUB PA YIN NO, ,GANG LAS SHE NA DNGOS PO DON DAM PA DANG BRGYUD NAS 'BREL BA'I PHYIR RO, ,DES NA 'DI NI 'DRA BA'O SNYAM PA'I SHES PAS GZHAN DU MI 'THAD PA LAS NI 'DRA BA RTAG PAR BYA BA MA YIN NO, ,'O NA 'DRA BA'I DON BYA BA GZHAN DU MI 'THAD PAS 'GYUR RO ZHE NA, 'DRA BA NYID LAS NI DON YANG ZHES BYA BA 'DRA BA'I DON BYA BA BYED PA MTHONG BA MED DE, MA HE LA SOGS PA LAS KYANG 'O MA LA SOGS PA'I DON BYA BA MTHONG BA'I PHYIR RO, ,NANG KHYAD CES BYA BA NI 'DRA BA DANG CIG SHOS KYIS BSKYED PA'I DON BYA BA DAG LA'O, ,DER YANG ZHES BYA BA NI 'DRA BA RNAMS LA YANG NGO, ,'DRA BA NYID LAS NI ZHES BYA BA LA SOGS PA 'CHAD PA NI GANG GIS ZHES BYA BA'O, ,DES NA 'DRA BA'I DON BYED PA LAS MI SLU BA NYID MED DE 'DRA BAR BRTAG PA'I SHES PA MA NGES PA'I PHYIR RO, ,GZHAN DU ZHES BYA BA NI 'DRA BA RNAMS LA'O, ,CI LTAR 'DRA BA'I DON GZHAN BSTAN PA DE BZHIN DU MI 'DRA BA YANG BRTAG DGOS SO ZHES BYA BA'I DON TO, ,'DRA BA BZHIN DU NI MI 'DRA BA NI GZHAN GYI 'DOD PA YANG MA YIN NO, ,DE NI ZHES BYA BA NI

, ,RTZOD PA NI MI 'DRA BA DE'O, ,LAN NI 'DRA BA YANG ZHES BYA BA'O, ,'DRA BA NYID CES BYA BA NI DOGS BA STE, DNGOS PO'I RANG BZHIN NYID DO, ,CI LTAR ZHES BYA BA NI LAN NO, ,'DI NI MED PAR DGAG PA'I PHYOGS LA BRTEN NAS BRJOD PA YIN NO, ,GZHAN YANG MI 'DRA BA MED PA GSOG TU GYUR PA'I RANG BZHIN NYID 'DRA BA YIN NO ZHES BYA BAR CI STE MI 'GYUR, 'ON TE 'DRA BA MED PAR 'DRA BA'I THA SNYAD DU MI 'GYUR RO ZHE NA, MI 'DRA BA NYID NI ZHES BYA BA'O, ,DE ZHES BYA BA MI 'DRA BA MED PA TZAM GYIS SO, ,DE NAS 'DRA BA NI MED PA KHO NA YIN PAS DE'I YUL NI 'DRA BA YIN NA ZHES CI LTAR BRJOD; DES NA NYE BAR 'JAL BA NI TSAD MA MA YIN TE YUL MED PA'I PHYIR RO, ,'DI NYID MJUG SDUD PA NI DE'I PHYIR ZHES BYA BA'O, ,DE LTAR DAM BCA' BA TSAD MA YIN PA BSAL NAS DA NI LUNG NYID BSAL BA'I DON DU DOGS PA BSU BA NI 'ON TE ZHES BYA BA'O, ,DAM BCAS PAS CI ZHIG BYA ZHES BYA BA NI LUNG GIS RTOGS PAR BYAS PA'I DON STON PAR BYED PA YIN NA DAM BCAS PA DON MED PA'I PHYIR RO, ,GAL TE LUNG GIS MA GRUB NA, DAM BCAS CI ZHIG BYA STE, LUNG NYID MED PA'I PHYIR RO, ,GAL TE DAM BCA' BA'I DON LUNG GIS GRUB BAS DAM BCA' BA LUNG YIN NA, DE'I TSE LUNG MED PA'I DON TSAD MAS CI STE MI SGRUB STE SGRUB PA KHO NA'O, ,DE'I TSE YANG DAM BCA' BA LUNG DU MI 'GYUR TE, DE'I DON LUNG GIS MA BSGRUBS PA'I PHYIR RO, ,CI STE YANG GAL TE DAM BCA' BA'I DON LUNG GIS GRUB PA YIN NA, DAM BCA' BA'I DON BYED MED PAR 'GYUR BA ZHIG NA, 'ON KYANG DE NI LUNG GI DON NYID KYIS SGRUB PAR BYED PA YIN NO ZHE NA LUNG BCAS ZHES BYA BA'O, ,DE LUNG GI DON NI DAM BCAS PA TZAM GYIS SGRUB PAR BYED PA MA YIN TE, GTAN TSIGS NYE BAR BKOD PA DON MED PAR THAL BA'I PHYIR RO, ,'ON TE YANG GAL TE BSHAD PA'I TSUL GYIS DAM BCA' BA NYE BAR MKHO BA MA YIN PA DE LTA NA YANG SHIN TU GOMS PA LAS DAM BCA' BA'I TSIG DANG GTAN TSIGS DE DAG NYID DE TZAM STE, DE LAS GZHAN LA RTOGS PA GRUB PA YOD PA DES NA DAM BCA' BA'I TSIG NI DGOS PA DANG LDAN PA YIN NO ZHE NA, LAN NI DE TSE'ANG ZHES BYA BA'O, ,GZHAN YANG GOMS PA'I DUS DE'I TSE DAM BCA' BA YANG SBYAR BAR BYA BA MA YIN NO, ,

GANG GI PHYIR PHYOGS KYI CHOS BSTAN PA NYID LAS RTOGS PA GRUB PA'I PHYIR RO, ,SNGAR BRJOD PA'I RTZOD PA NYID LAN BTAB ZIN BZHIN DU LHAG PA BRJOD PA'I DON DU BZLOG PA NI, 'O NA ZHES BYA BA'O, ,GAL TE DAM BCA' BA YANG SBYAR BAR MI BYA NA 'ON CI LTAR ZHES BYA'O, ,DE NYID CES BYA BA NI BRJOD MA THAG PA'O, , RTZOD PA'I RNAM 'GREL 'DI NYID RNAM PAR 'GREL PA NI, BYAS PA'I PHYIR ZHES BYA BA LA SOGS PA'O, ,GZHAN DU ZHES BYA BA NI SGRUB PAR BYED PA NYID DU'O, ,DE LTAR MA YIN NA BYA BA NI SNGAR GDON MI ZA BAR YOD PA MA GTOGS PAR RO, ,ZUR ZER ZHES BYA BA NI KHYAB 'JUG PA DAG ,DBANG PHYUG CHEN PO PAR THAL BAS 'JIGS NAS ZUG ZER LA 'KHOR LO'I SGRAS RJOD PAR BYED PA DE BZHIN DU SANGS RGYAS BA YANG DAM BCA' BA SGRUB BYED DU THAL BA'I 'JIGS PAS DAM BCA' BA LA TSAD MA'I 'BRAS BU'I SGRAS BRJOD PA YIN NO, ,DE NI DAM BCAS PA'I TSIG GI'O, ,CI ZHIG BRJOD ZIN SNYAM NA, THE TSOM LA SOGS PA ZHES BYA BA'O; ,'DI LA NYES PA GZHAN YANG BRJOD PA'I DON DU RNAM PAR RTOG PAR BYED PA NI, GZHAN DU ZHES BYA BA NI GTAN TSIGS KYI SNGON ROL NYID DU'O, ,DE MED KYANG ZHES BYA BA NI DAM BCA' BA'I TSIG MED KYANG NGO, ,CI STE ZHES BYA BA NI PHYIR RGOL BAS 'GAL BA'I GTAN TSIGS NGES PAR BYA BA'I DON DU DAM BCA' BA'I TSIG NYE BAR 'GOD DO ZHES BYA BA'I DON TO, ,PHYIR RGOL BA GZHAN DAG GIS SO, ,'DIR BRGAL SHING BRTAG PA 'DI SU LA YIN TE, RGOL BA'AM, BSTAN BCOS BYED PA LA YIN, RE ZHIG RGOL BA LA NI MA YIN NO ZHES BSTAN PA'I DON DU RGOL BA LA'O ZHE NA ZHES DOGS PA BYAS SO, ,BSTAN BCOS BYED PA'I NYES PA YANG MA YIN NO ZHES BRJOD PA NI, BSTAN BCOS BYED PAS ZHES BYA BA'O, ,DE NI ZHES BYA BA NI BSTAN BCOS BYED PA'O, ,GZHAN LA NI RGOL BA LA'O, ,DE'I PHYIR GAL TE DAM BCA' BA'I TSIG MED PAR BSGRUB PAR BYA BA'I RTOGS PA SKYE BA YIN NA, DE NYE BAR BLANGS PAS 'GAL BA'I GTAN TSIGS NGES PAR BYAS PAS CI ZHIG BYA, ,KHYAB PA PHYIN CI LOG PA NYID LAS ZHES BYA BA NI MI RTAG PA NYID KYIS KHYAB PAR KHO NA LAS 'GAL BA NYID DU RTOGS PAR 'GYUR DAM BCA' BA'I TSIG LAS NI MA YIN NO, ,DE'I PHYIR RNAM PA GNYI GA LTAR YANG DAM BCA' BA'I TSIG NI DON MED PA KHO NA'O, ,

, ,DE NYID LA NYES PA GZHAN YANG BRJOD PA NI GZHAN YANG ZHES BYA BA'O, ,GAL TE DAM BCA' BA'I TSIG 'GAL BA NGES PA'I DON DU YIN NA, DE'I TSE SGRA RTAG STE ZHES DAM BCA' BA NI TSIG RAB TU SBYAR BA'I RTAG PA NYID LA SOGS PA GANG YIN PA DE LA LTOS NAS 'GAL BA BRJOD BA'AM ZHES BYA'O; ,GANG GI TSE ZHE NA, SGRA RTAG STE ZHES BYA BA'O, ,GAL TE DE LTAR 'GAL PA BRJOD PA YIN NA, DE'I TSE SGRA RTAG STE BYAS PA'I PHYIR RO ZHES BYA BA'I SKABS KHO NAR YIN GYI, SGRA MI RTAG STE BYAS PA'I PHYIR RO ZHES BYA BA'I SKABS SU NI 'GAL BA BRJOD BA MA YIN NO, ,DES NA 'DIR DAM BCA'I TSIG DGOS PA MED PA'I PHYIR NA BYA BA NYID MA YIN NO ZHES BYA BAR 'GYUR RO, ,DE NI BSGRUB BYA RTOGS PA'I DON DU NYE BAR BKOD PA YIN GYI, 'GAL BA NGES PA'I DON DU NI MA YIN NO, ,BSGRUB BYA RTOGS PA YANG DAM BCA' BA MED PA KHO NAR GRUB STE, DES NA DAM BCA' BA'I TSIG GIS NI CI YANG BYAR MED DO, , KHA CIG NI 'DI LTAR MI 'CHAD DE DAM BCA' BA'I TSIG SBYOR BA RKANG MIG PA LA SOGS PA GANG YIN PA'O, ,DE LA LTOS NAS NI DAM BCA' BA LA LTOS NAS DE'I LUGS LA 'GAL BAR BRJOD PA YIN GYI, SANGS RGYAS BA'I LUGS LA NI MA YIN PA STE, KHYAB PA BSTAN PAR BYA BA KHO NAS 'GAL BAS RTOGS PAS RTOGS PA'I PHYIR RO ZHES BYA BA'O, ,DE DANG ZHES BYA BSGRUB PAR BYED PA DANG MA 'BREL BA'O, ,DE ZHES BYA BA SGRUB PAR BYED PA DANG MA 'BREL PA MA TSANG BAS SO, ,MA TSANG BA MED PA NYID CES BYA BA YONGS SU RTOGS PA NYID MED PAR 'GYUR TE, GANG ZHIG NYE BAR MI MKHO BAS NYE BA MA YIN PA DE NYID KYIS MA TSANG BAR THAL BA'I PHYIR RO, ,DE LTA MA YIN NA ZHES BYA BA NI NYE BAR MI MKHO BA YIN NA'O, ,DAM BCA' BA'I TSIG MED PA LA YANG MA TSANG BA MA YIN PA NYID MTSUNGS SO, ,DE'I PHYIR DAM BCA' BA LA SOGS PA LAS GANG YANG RUNG BA ZHIG MA TSANG NA MA TSANG BA YIN NO ZHES BRTZAD PAR MI BYA'O, , HA CANG BYANG CHES PA ZHES BYA BA NI, GANG ZHIG GANG GIS BSGRUB PAR BYA BA BSTAN PA DE THAMS CAD DAM BCA' BA YIN PA'I PHYIR NA, DAM BCA' BA'I MTSAN NYID HA CANG KHYAB CHES BAR 'GYUR RO, ,CI LTAR ZHE NA, BSGRUB PAR BYA BA ZHES BYA BA'O, ,GANG ZHIG CES BYA BA NI SANGS RGYAS PA'O, ,BSGRUB BYA

BRJOD PA DAM BCA' NA'ANG ZHES BYA BA NI DAM BCA' BA SGRUB PAR BYED PA MA YIN TE, MA TSANG BA'I NYES PA MED PA 'BA' ZHIG TU MA ZAD KYI, BSGRUB PAR BYA BA BRJOD PA DAM BCA' BA'I MTSAN NYID YIN PAR SMRA YANG SANGS RGYAS BA DE LA MA GRUB PA'I GTAN TSIGS BRJOD PA YANG DAM BCA' BAR 'GYUR RO ZHES BYA BA DE LTA BU LA SOGS PA'I SKYON 'THAD PA MA YIN NO, ,CI'I PHYIR ZHE NA, SGRUB BYED CES BYA BA'O, ,DER ZHES BYA BA NI GTAN TSIGS LTAR SNANG BA MIG GIS GZUNG BA NYID DAM BCA' BAR THAL BAR MI 'GYUR RO, ,'DI NYID GSAL BAR BYED PA NI GTAN TSIGS LTAR SNANG BA NI ZHES BYA BA'O, ,'DI LA BRJOD PA ZHES BYA BA NI, BSGRUB PAR BYA BA BSTAN PA ZHES BYA BA 'DI LA RNAM PAR RTOG PA GNYIS TE, CI BSGRUB PAR BYA BA NYID DU BSTAN PA'AM, 'ON TE BSGRUB PAR BYA BA'I BSTAN PA ZHES BYA BA'O, ,DE LA PHYOGS DANG PO LA BRJOD PA NI, GAL TE ZHES BYA BA'O, ,SGRUB PAR BYED PA LTAR SNANG BA ZHES BYA BA NI SGRUB PAR BYED PA LTAR SNANG BA BSTAN PA'O, ,'O NA PHYOGS 'DI LA DAM BCA' BA'I MTSAN NYID SKYON MED PAR GYUR TO ZHE NA, 'ON KYANG ZHES GSUNGS SO, ,BSTAN PAR BYA BA ZHES BYA BA NI MTSAN NYID KYIS RTOGS PAR BYA BA MTSAN NYID KYI TSIG GIS MA BSTAN PAR 'GYUR RO, ,BSTAN PAR BYA BA MA BSTAN NA YANG NYES PA BRJOD PA NI BSGRUB PAR BYA BA NYID DU BSTAN PAR ZHES BYA BA'O, ,GANG ZHES BYA BA NI BSGRUB PAR BYA BA'AM SGRUB PAR BYED PA'O, ,PHYOGS GNYIS PA LA BRJOD PA NI 'ON TE ZHES BYA BA'O, ,DE'I TSE YANG CI LTAR BSTAN ZHES MI SHES PAR 'GYUR RO, ,'BREL TO CI'I PHYIR ZHE NA, SGRUB PAR BYED PA NYID DU ZHE'AM BSGRUB PAR BYA BA NYID DU ZHES BYA BA'I SKABS MA BSTAN PA'I PHYIR RO, ,GRUB PA'I MTHA' SMRA BA GZHAN LA 'DRI BA NI CI LTAR NA ZHES BYA BA'O, ,GZHAN GYI LAN NI LNGA PA ZHES BYA BA'O, ,YANG NA RNAM PAR DBYE BA DANG PO LAS GZHAN DANG PO MA GTOGS PAS BSTAN PA STE, DU BA YOD PAS DU BA YOD PA NI ZHES BYA BAS NI BSTAN PA DE NI SGRUB PAR BYED PA NYID DU BSTAN PA YIN NO ZHES BYA BA BRJOD PAR BYA'O, ,GANG ZHIG SGRA NI MI RTAG GO ZHES DANG PO BSTAN PAR BYA BA DE NI BSGRUB PAR BYA BA NYID DU YIN NO ZHE NA, GRUB PA'I MTHA' PA GZHAN LA 'DRI BA NI 'DI GA LAS ZHES BYA BA'O, ,PHA ROL PO GTAN TSIGS SMRA BA NI DE

, ,LTAR SGRA'I DON ZHES BYA BA'O, ,LAN NI GAL TE ZHES BYA BA'O, ,CI'I PHYIR ZHE NA, BSGRUB PAR BYA BA NYID DU ZHES BYA BA'O, ,'ON PHYOGS KYI MTSAN NYID KYANG BRJOD PAR BYA BA MA YIN PAR 'GYUR RO ZHE NA, PHYOGS KYI ZHES BYA BA'O, ,GNYI GA LTAR YANG NGES PAR GZUNG BA'I NYES PA NYE BAR SDUD PA NI, DE'I PHYIR ZHES BYA BA NI, DON MED PAS ZHES BYA BA NI 'JIG RTEN NA GRUB ZIN PA'I PHYIR RO, ,'DI LTAR BSGRUB PAR BYA BA BSTAN PA NYID DAM BCA' BA YIN NO ZHES BYA BA 'DIR BSGRUB PAR BYA BA BSTAN PA NI NGES PA MED LA DAM BCA' PA NI NGES PAR 'JIG RTEN NA GRAGS PA YIN NO, , BSGRUB PAR BYA BA BSTAN PA NI DAM BCA' BA NYID DO ZHES BYA BA'I MTSAN NYID LA NI BSGRUB PAR BYA BA BSTAN PA DAM BCA' BA LA NGES PA YIN LA, DAM BCA' BA NI BSGRUB PAR BYA BA BSTAN PA LA MA NGES PA YIN NO, ,DES NA SGRUB PAR BYED PA LTAR SNANG BA YANG DAM BCA' BAR 'GYUR RO, ,KHYED KYIS ZHES BYA BA NI RTZOD PA SANGS RGYAS PA'I PHYOGS LA'O, ,LAN NI SGRUB PAR BYED PA ZHES BYA BA'O, ,GAL TE ZHES BYA BA NI DOGS PA BSU BA'O, ,SGRUB PAR BYED PAR GYUR PA'I BSGRUB PAR BYA BA BSTAN PA YANG BRGYA LA DAM BCA' BAR 'GYUR RO ZHES DE LTAR THE TSOM ZAB LDOG PA'I RGYU CI YIN ZHE NA, LAN NI RIGS MI MTHUN PA NYID THE TSOM LDOG PA'I RGYU YIN NO ZHES BYA BA'O, ,'DI LTAR SGRUB PAR BYED PAS BSTAN PA DANG BSGRUB PAR BYA BA BSTAN PA NI SGRUB PAR BYED PA YIN PA DANG MA YIN PA NYID KYIS RIGS MI MTHUN PA KHO NA STE DES NA DOGS PAR MI 'GYUR RO, ,'DI NYID STON PA NI 'DI LTAR ZHES BYA BA'O,, RIGS GCIG CES BYA BA NI RIGS MI MTHUN PA LA NI THE TSOM 'JUG PA MA YIN NO ZHES BYA BA'I DON TO, ,PHA ROL PO HA CANG KHYAB PA YOD PA NI SHES PAR BYED PA'O ZHES BYA BA'O, ,BUM PA NI SKYED PAR BYED PA'I RGYU'I DBANG DU BYAS NAS BSGRUB PAR BYA BA YIN TE, DES NA DE STON PAR NI DAM BCA' BA MA YIN NO ZHES GRUB PA'I MTHA' PA NGA'I LAN YANG 'DI KHO NA YIN NO ZHES STON PA NI, GAL TE DE LTAR ZHES BYA BA'O, ,RTZOD PA'I TSE 'CHAD PA NI GAL TE GZHAN ZHES BYA BA'O, ,SGRUB PAR BYED PA MA YIN PA SGRUB PAR BYED PA LTAR SNANG BA YANG DAM BCA' BAR 'GYUR RO ZHE NA, SGRUB PAR BYED PA MA YIN PA'I

PHYIR NI ZHES BYA BA'O, ,SGRUB PA'I MTHA'I CHA RNAM PAR 'GREL PA NI GAL TE ZHES BYA BA'O, ,'ON TE ZHES BYA BA NAS ZHE NA'I BAR NI RTZOD PA'O, ,LAN NI GAL TE ZHES BYA BA'O, ,DAM BCA' BA NI ZHES BYA BA NI DOGS PA STE, MIG GIS GZUNG BA NYID NI DAM BCA' GCIG YIN TE, SGRA MI RTOG GO ZHES BYA BA'I DAM BCA' BA GNYIS PA 'DI'I SGRUB PAR BYED PA MA YIN PAR 'GYUR RO, ,DES NA ZHES BYA BA SGRUB PAR BYED PA MA YIN PAS NA MA GRUB PA'I MTSAN NYID NI SKYON NYID DO ZHE NA, LAN NI SGRUB PAR BYED PA ZHES BYA BA'O, ,DAM BCA' BA NYID KYIS NA MIG GIS GZUNG BA NYID SGRUB PAR BYED PA YIN NA, DE'I TSE CI LTAR SGRUB PAR BYED PA MA YIN, RANG GI DON NI RANG GIS BRJOD BYA STE MIG GIS GZUNG BA'I PHYIR ZHES BYA BA 'DI BRJOD PAR BYA BA MIG GIS GZUNG BA NYID NI MIG GIS GZUNG BA YIN PA'I PHYIR RO ZHES BYA BAS SGRUB PAR BYED PA YIN NO ZHES BYA BA'I 'THAD PA'O, ,MA YIN TE ZHES BYA BA NI LAN NO, ,TSIG TZAM NI 'GA' YANG SGRUB BYED MA YIN GYI, 'ON KYANG BRJOD PAR BYA BA DANG BCAS PA'I TSIG SGRUB PAR BYED PA YIN NO, ,DE LTAR MA YIN NA NI DUS BA ZHES BYA BA'I TSIG TZAM SGRUB BYED YIN PAR 'GYUR GYI, DU BA NYID NI MA YIN NO, ,DE BAS NA BRJOD PAR BYA BA MIG GIS GZUNG BYA NYID DANG BCAS PA'O, ,MIG GIS GZUNG BYA YIN BA'I PHYIR ZHES BYA BA'I TSIG SGRUB PAR BYED PA YIN NO, ,GANG GI MIG GIS GZUNG BYA NYID SGRUB BYED YIN PAR 'GYUR BA CHOS CAN SGRA LA TSOGS PA GRUB PAR YANG MA YIN NO, ,'O NA BDAG NYID KYI SGRUB BYED YIN NO SNYAM NA, DE NYID NI ZHES GSUNGS TE, TSIG DANG BCAS PA MIG GIS GZUNG BYA'I MTSAN NYID KYI DON TO, ,RANG GI TSIG DANG BCAS PA'I MIG GIS GZUNG BYA NI BDAG NYID KYI SGRUB PAR BYED PA MA YIN NO ZHES BYA BA'I DON TO, ,SGRA 'BA' ZHIG KYANG SGRUB PAR BYED PA MA YIN NO ZHES GSUNGS PA NI SGRA'I PHUR MA ZHES BYA BA'O, ,ME BSGRUB PAR BYA BA LA YANG DU BA YOD PA'I PHYIR ZHES BYA BA'I TSIG TZAM NI SGRUB BYED MA YIN GYI, 'ON KYANG PHYI ROL GYI DON NYID YIN TE, SGRA RNAMS PHYI'I DON DANG 'BREL PA MED PA'I PHYIR RO, ,'O NA SGRA GANG GI SGRUB PAR BYED PA NYID YIN SNYAM NA, BSAM PA ZHES BYA BA SMOS SO, ,'ON TE ZHES BYA BA NI SGRA BSAM PA'I SGRUB PAR BYED PA NI MA YIN GYI, 'ON KYANG ME LA SOGS PA

, ,DON NYID KYI YIN NO ZHES BYA BA'O, ,DE NYID KYIS ZHES BYA BA NI DAM BCA' BA'I TSIG NYID KYIS SO, ,DES NA GTAN TSIGS KYI TSIG DON MED DO ZHES DGONGS PA'O, ,DE LAS BYA BA NI DAM BCA' BA'I TSIG LAS SO, ,GZHAN DAG BRJOD PA ZHES BYA BA NI RIGS PA'I SGO'I t'I KA BYED PA'O, , 'O NA CI LTAR MA NGES PA SPONG SNYAM NA DE NI ZHES BYA BA'O, ,MA NGES PA DE'O, ,'DI NI SNGAR BSHAD ZIN TE ZHES BYA BA NI RANG GI DON GYI RJES SU DPAG PAR RO, ,DE NYID BRJOD PA NI 'DON BA NI ZHES BYA BA'O, ,'DI NI ZHES BYA BA NI RIG BYED KYI KHYAD PAR CAN YIN PA'I PHYIR RO 'DI NI LAN MA YIN PA'O, ,DE LTA MA YIN NA ZHES BYA BA NI MI MTHUN PA'I PHYOGS DANG MI 'GAL BA'I BAR YANG MI MTHUN PA'I PHYOGS LAS ZLOG PAR BYED PA NYID DU KHAS LEN NA, DE LTA BU MA YIN NA ZHES BYA BA SUS BRJOD PAR MI NUS, 'DI LTAR SGRA NI MI RTAG STE GZHAL BYA YIN PA'I PHYIR ZHES BRJOD PA NI, GAL TE PHA ROL NAM MKHAS 'KHRUL PAR BRJOD NA; DE'I TSE NAM MKHA' MA YIN PA ZHES BRJOD PAR BYA'O, ,YANG PHYOGS LA SOGS PAS 'KHRUL BAR BRJOD NA, PHYOGS MA YIN PA ZHES SO, ,DE LTA YIN DANG GZHAL BYA NYID KYANG SGRUB BYED DU 'GYUR RO, ,DAM BCA' BSGRUB PAR BYED PA MED PA LA YANG NYES PA CI YOD SNYAM NA, DAM BCA' BAR SGRUB PAR BYED PA YIN PA LA ZHES BYA BA'O, ,DE PHYOGS YIN NAM ZHES BYA BA NI GTAN TSIGS LAS GO BAR BYED PA NYID PHYOGS SU BRJOD PA YIN LA, GO BAR BYED PA DE YANG GRUB PA MA YIN NAM, GRUB PA YIN ZHES BYA BA'I DPYAD PA 'DIS CI BYA, CI LTAR SGRUB PAR BYA BA NYID DAM, GRUB PA NYID DU RTOGS PA DE LTAR 'GYUR RO, ,BSGRUB PAR BYA BA DANG CIG SHOS ZHES ZLAS DBYE STE, DE DAG LA LOG PAR TE BSGRUB PAR BYA BA LA LOG PAR BSGRUB BYA MA YIN PA DANG, CIG SHOS BSGRUB BYA MA YIN PA LA BZLOG PA BSGRUB BAR BYA BA NYID DE, YUL DE LA BSGRUB PAR BYA BA LA BSGRUB PAR BYA BA MA YIN PA DANG, BSGRUB PAR BYA BA MA YIN PA LA NI BSGRUB PAR BYA BA YIN NO ZHES LOG PAR RTOGS PA'O, ,LOG PAR RTOGS PA NYID STON PA NI 'DI LTAR ZHES BYA BA'O, ,GZHAN GYI DON TZAM ZHES BYA BA NI MIG LA SOGS PA GZHAN GYI DON BYED PA TZAM NI GRANGS CAN GYIS BSGRUB PAR BYA BA MA YIN TE, BDAG GI DON BSGRUB PAR BYA

YIN PA'I PHYIR RO, ,DE LTA NA YANG RJES SU 'GRO BA MED PA'I NYES PA SPANG BA'I DON DU GRANGS CAN GYIS, GZHAN TZAM ZHIG SGRUB BAR BYED PAR SMRAS PA YIN NO, ,BDAG GI DON GYI BSGRUB PAR BYA BA YIN YANG BSGRUB PAR BYA BA MA YIN PAR SMRA STE, SANGS RGYAS PA LA DPE MA GRUB PA'I PHYIR RO, ,BSTAN BCOS LAS GRUB PA YANG ZHES BYA BA NI, NAM MKHA'I YON TAN NYID LA SOGS PA BSTAN BCOS LAS GRUB PA YANG BSGRUB PAR BYA BA YIN PAR SMRA BA'O, ,KHAS MA BLANGS KYANG ZHES BYA BA NI RGOL BAS KHAS MA BLANGS KYANG NGO, ,GANG GI PHYIR DE SRID KYI LOG BAR RTOGS PA YOD PA'I GTAN TSIGS DE BAS NA LOG PAR RTOGS PA DE BSAL BA'I PHYIR RO, ,PHYIN CI LOG DE ZHES BYA BA NI, MA GRUB PA LA SOGS PA DE DAG LAS BZLOG PA GRUB PA LA SOGS PA BSAL BAR RIG PAR BYA'O, ,GANG GIS DE BSAL NAS MTSAN NYID BRJOD PA GRUB PA LA SOGS PA BSGRUB PAR BYA BA MA YIN PA NYID CI'I PHYIR ZHE NA, DE LA ZHES GSUNGS TE BSAL BA LA'O, ,RIGS STON PA NYID NI GAL TE ZHES BYA BA'O, ,DON 'DI ZHES BYA BA NI DBANG PHYUG LA SOGS PA'O, ,GZHAN PHYIR RGOL BA LA BSTAN BCOS TSAD MA MA YIN PA DES NA TSAD MA GZHAN DAG NI GZHAN DE'I DON DU YIN NO ZHE NA, LAN NI BDAG NYID CES BYA BA'O, , KHAS BLANGS PA ZHES BYA BA NI DGOS PA'O, ,LAN 'DEBS PA NI GZHAN GYIS ZHES BYA BA'O, ,GAL TE RGOL BAS KHAS BLANGS PAS BSTAN BCOS TSAD MA YIN NA DE'I TSE PHYIR RGOL BAS KYANG BSTAN BCOS KHAS BLANG BAR BYA'O, ,DE LTAR RANG GI SGRA'I RNAM PAR GCOD PA BRJOD NAS, KHO NA'I SGRA'I RNAM PAR GCAD PA BRJOD PA NI, DE BZHIN DU ZHES BYA BA'O, ,DE NI MIG GIS GZUNG BA NYID DO, ,'DOD PA'I SGRA'I RNAM PAR GCAD PAR BYA BA LA, RIGS PA BRJOD PA NI DON BRJOD PA ZHES BYA BA'O, ,DON GYI BRJOD PA PHYIR RGOL BA LA BSGRUB PAR BYA BA MA YIN NA PHYIR RGOL BA DAG GI DON SHES PA NYID DU MI 'GYUR RO, ,GZHAN DU YANG ZHES BYA BA NI DNGOS SU BRJOD PA'I GZHAN GYI DON TZAM LA YANG GRUB PA LA SGRUB PA NYID DU 'GYUR RO, ,DON GYIS BRJOD PA CI LTAR NGES SHE NA SKABS DANG ZHES BYA BA'O, ,GAL TE PHYIR RGOL BA SKABS MNGON PAR MI SHES PA GANG YIN PA DE LA LTOS NAS DON GYI BRJOD PA BSGRUB

, ,PAR BYA BA MA YIN PA KHO NA'O ZHE NA, SKABS MI SHES PAS NI ZHES BYA BA'O, ,GAL TE SKABS LA SOGS PA LAS DON NGES PA YIN NO ZHES BYA BA 'DI KHYED NYID KYI 'DOD PA MA YIN NAM SNYAM NA, DE SKAD DU YANG ZHES BYA BA'O, ,SKABS LA SOGS PA LAS DON NGES PA 'DI NI THAMS CAD 'DOD PA YIN NO ZHES BYA BA'I DON TO, ,SKABS SU GZHAN BAB LA ZHES BYA BA NI BDAG GI DON NYID DO, ,BSGRUB PAR BYA BA GZHAN YIN NA ZHES BYA BA NI GZHAN GYI DON TZAM MO, ,DE LA NI RGOL BA LA'O, ,'CHAD PA NI GAL TE ZHES BYA BA'O, ,RGOL BA'I 'DI DE SKABS SU BAB PA YIN YANG BDAG NI BSGRUB PAR BYA BA MA YIN NO ZHES BDAG NYID SMRA NA, DE'I TSE RGOL BA DES BDAG NYID LA SKABS SU MA BAB PA BRJOD PA'I SGO NAS SKYON BRJOD PAR 'GYUR RO, ,PHA ROL GYIS SMRAS PA, RGOL BA DE LA SKYON YOD MOD, PHYIR RGOL BA SANGS RGYAS BA LA YANG SKYON YOD PA NYID DO ZHES 'BREL TO, ,CI LTAR ZHEN YANG DAG PA'I SKYON MI BRJOD PAS SO, ,LAN NI MA YIN TE ZHES BYA BA'O, ,GAL TE DON BSTAN PAS ZHES BYA BA NI GAL TE 'DI LTAR BSGRUB PAR BYA BA YIN NO ZHES BYA BA 'DIS SO, ,'DI NYID GSAL BAR BYA BA'I PHYIR BSHAD PA NI CI SKAD DU BYA BA STE RTZA BA'I SLOB DPON GYIS SO, ,GAL TE 'DOD PAS KHYAB PA ZHES BYA BA LA SOGS PAS NI GZHAN 'DOD THAMS CAD CES BYA BA LA SOGS PA'O RNAM 'GREL LA 'JUG PA'O, ,'O NA NI ZHES BYA BA NI RTZOD PA GNYIS PA'O, ,MA BRJOD PA DANG BSGRUB PAR BYA BA NYID DU BSTAN PA'I PHYIR 'BA' ZHIG GI 'DOD PA BZLOG PA'I DON DU YANG YIN NO, ,'DIS NI 'DOD PA SMOS PA'I RGOL BA GNYIS BSTAN NAS GNYIS PA MI 'THAD DO ZHES BRJOD PA NI, MI 'DOD PA ZHES BYA BA NI ZHES BYA BA'O, ,PHYOGS GNYIS PA GSAL BA NA PHYOGS DANG PO NYE BAR SDUD PA NI DE NA ZHES BYA BA'O, ,DE LA ZHES BYA BA NI 'DOD PA SMOS PA NA'O, ,DES NA BSTAN BCOS BYED PA'I 'DOD PA BZLOG PA'I DON DU RANG NYID SMOS PAR BYA BA MA YIN NO ZHES BRJOD PA NI, GAL TE ZHES BYA BA'O, ,DE ZHES BYA BA BSTAN BCOS BYED PA'I 'DOD PA LDOG PA'O, ,RTZOD PA SMRA BA NYID DOGS PA BSU BAR BYED PA NYID 'DOD PA MA YIN NO ZHES BYA BA STE BSTAN BCOS BYED PA 'DOD PA, RGOL BA'I 'DOD PA LA YIN PA NYID NA RANG NYID SMOS PAS LDOG GO, ,DE NYID KYIS ZHES BYA BA NI 'DOD PA SMOS PA NYID KYIS SO, ,DE LTAR 'DOD PA SMOS PA NYID KYIS PHYIR RGOL BA DANG, NYAN PA PO DANG

BSTAN BCOS BYED PA'I 'DOD PA BSGRUB BYA YIN PA BZLOG PA'I PHYIR RANG NYID SMOS PA DON MED DE ZHES BSTAN NAS, RANG NYID SMOS PA NYID KYIS GZHAN 'DOD PA MTHA' DAG BZLOG PAR GRUB PA NA SLOB DPON GYIS BSTAN BCOS BYED PA'I 'DOD PA BZLOG PA TZAM 'BRAS BUR BRJOD CES SMRA BA NI, RANG NYID SMOS PAS ZHES BYA BA'O, , DGOS PA 'DI GZHUNG GANG GIS BRJOD SNYAM NA RANG NYID CES BYA BA NI ZHES BYA BA'O, ,'DI LA ZHES BYA BA NI, GAL TE 'DOD PAS ZHES BYA BA LA SOGS PA'I RTZOD PA LA'O, ,SGRA BSHAD PA ZHES BYA BA NI SLOB DPON PHYOGS KYI GLANG POS SO, ,GAL TE 'GREL PA DE'I DON DU YIN YANG DON NI DON GZHAN YIN NO SNYAM NA, 'DI NI DE DON BYAS PA YIN ZHES GSUNGS TE, DE'I DON ZHES BYA BA BSTAN BCOS BYED PA'I 'DOD PA BZLOG PAR BSTAN PA'I 'BRAS BUR RO, ,YANG NA RANG NYID SMOS PAS GZHAN GYI 'DOD PA THAMS CAD BZLOG PA'I PHYIR NA, BSTAN BCOS BYED PA'I 'DOD PA BZLOG PA KHO NA DE'I DGOS PA YIN NAM ZHES DGOS NA, 'DI NI ZHES BYA BA'O, ,BSTAN BCOS BYED PA'I 'DOD PA BZLOG PA'I 'BRAS BU DE DAG LA YOD PA DE LA DE SKAD CES BRJOD DO, ,DE LTA MA YIN NA ZHES BYA BA NI BSTAN BCOS BYED PA'I 'DOD PA RGOL BA'I 'DOD PA MA YIN NA BSTAN BCOS DANG 'GAL BA'I GTAN TSIGS GO BAR BYED PA MA YIN NO, ,GANG GI PHYIR RNAM PA DE 'DRA BAR 'DOD PA'I GTAN TSIGS DES NA'O, ,MJUG BSDU BA'I SGO NAS 'DI NI DE'I DON BYAS PA YIN ZHES BYA BA RNAM PAR 'GREL BAS, RANG NYID SMOS PAS KYANG ZHES BYA BA'I RTZOD PA'I LAN 'DEBS PA NI, DE NYID KYI PHYIR ZHES BYA BA STE, DOGS PA'I GNAS BZLOG PA NYID KYI PHYIR RO, ,'O NA GZHAN GYI 'DOD PA CI LTAR LDOG SNYAM NA, GZHAN GYIS ZHES BYA BA'O, ,GANG GI PHYIR GZHAN GYI 'DOD PA LDOG PA LA LOG PAR RTOGS PA MED PAS 'BAD PA MED PA KHO NAR GRUB PA DE'I PHYIR 'DOD PA'O, ,DE NYID YIN TE ZHES BYA BA NI BSTAN BCOS BYED PA'I 'DOD PA BZLOG PA NYID DO, ,DE NYID BRJOD PA NI MA BRJOD KYANG ZHES BYA BA'O, ,GANG DU RNAM PA 'DI LTA BU BSGRUB BYA YIN PAR 'DOD SNYAM NA, 'DOD PA SMOS PAS NI ZHES BYA BA'O, ,GAL TE ZHES BYA BA LA SOGS PAS NI RNAM 'GREL LA 'JUG PAR BYED PA'O, ,DE NI ZHES BYA BA NI 'DAS PA MA YIN PA'I GZHAN GYI DON BYED PA'I MTSAN NYID DO, ,CHOS DANG CHOS CAN DAG GI ZHES BYA BA LA, CHOS GZHAN GYI DON BYED PA

, ,TZAM DANG, CHOS CAN MIG LA SOGS PA'I'O, ,GAL TE KHYAD PAR 'DI BSGRUB BYA NYID YIN NA DE'I TSE CI LTAR KHYAD PAR DU 'GYUR, GANG DU YANG KHYAD PAR NI BSGRUB PAR BYA BA MA YIN TE, SPYI BSGRUB PAR BYA BA YIN PA'I PHYIR RO, ,'ON TE BSGRUB PAR BYA BA DANG KHYAD PAR DAG GCIG PA'I PHYIR NA KHYAD PAR YANG BSGRUB PAR BYA BA KHO NA'O ZHE NA, BSGRUB PAR BYA BA DANG ZHES SO, ,DE'I PHYIR KHYAD PAR BSGRUB BYA MA YIN PAS NA DE CI LTAR 'DOD PA SMOS PAS 'DI SGRUB PAR BYED, 'O NA KHYAD PAR BSGRUB BAR BYA BA MA YIN PA KHO NA'O ZHE NA, SLOB DPON GYIS ZHES SMOS SO, ,GAL TE KHYAD PAR BSGRUB PAR BYA BA MA YIN NA DE'I TSE CHOS KYI KHYAD PAR PHYIN CI LOG TU BSGRUB PA'I PHYIR 'GAL BA YIN NO ZHES SLOB DPON PHYOGS KYI GLANG PO CI LTAR GSUNG PAR 'GYUR, SOGS PA'I SGRAS NI CHOS CAN GYI KHYAD PAR PHYIN CI LOG PAR ZHES BYA BA LA SOGS PA'O, ,DES NA KHYAD PAR YANG BSGRUB PAR BYA BA YIN PAR 'DOD DO ZHES RTOGS PA YIN NA, RIGS PA YANG MA YIN TE, SNGAR BRJOD PA'I NYES PA YOD PA'I PHYIR RO, ,DE NAS KHYAD PAR GYI SGO NAS NI RJES SU 'GRO BA MED PA LA SOGS PA'I NYES PAR MI 'GYUR RO ZHES BSAMS PA'O, ,DE BSHAD PA ZHES BYA BA NI, GANG GI PHYIR GZHAN GYI LAN 'DI YIN PA DES NA BRJOD PA'O, ,'DUS PA MA YIN PA GZHAN GYI DON BYED PA'I MTSAN NYID KHYAD PAR DE NI, SLOB DPON PHYOGS KYI GLANG PO BRJOD PA TZAM BSGRUB PAR BYA BAR YIN PAR SMRA BA LA LTOS NAS CHOS DANG CHOS CAN DAG GI KHYAD PAR YIN PAR BRJOD KYI DON DAM PAR NI 'DI 'DOD PAS YUL DU BYAS PA YIN PA'I PHYIR BSGRUB PAR BYA BA KHO NA'O, ,CI LTAR GZHAN LA LTOS NAS BSGRUB PAR BYA BA KHYAD PAR DU BRJOD CE NA, SHES RAB SHIN TU ZHES BYA BA'O, ,PHA ROL GYIS NI GRANGS CAN GYIS SO, ,DE DON NI BDAG GI DON TO, ,DE BSGRUB MIN ZHES BYA BA NI BDAG GI DON NYID BSGRUB PAR BYA BA MA YIN TE, GZHAN GYI DON NYID BSGRUB PAR BYA BA YIN PA'I PHYIR RO, ,DES BDAG DPE LA MA GRUB KYANG NYES PA MA YIN NO ZHES GZHAN DAG SEMS NA, LAN NI 'O NA ZHES BYA BA'O, ,GZHAN GYI DON DE'I KHYAD PAR BDAG NI DON GYI MTSAN NYID YIN PAR 'GYUR RO, ,BDAG NI ZHES BYA BA NI RNAM PAR 'GREL BA'O, ,GAL TE BDAG GI DON BSGRUB BYA MA YIN GYI, 'ON KYANG GZHAN GYI DON TZAM BSGRUB PAR BYA BA YIN NA DE'I TSE BDAG GI DON GYI MTSAN NYID KHYAD PAR

DE GZHAN GYI DON TZAM DE'I KHYAD PAR YIN PAR 'GYUR RO, ,DES NA 'DUS PA YIN PA'I PHYIR ZHES BYA BA'I GTAN TSIGS NI KHYAD PAR DANG 'GAL BAR 'GYUR TE, 'DUS PA MA YIN PA'I GZHAN GYI DON LAS BZLOG PA BSGRUB PA'I PHYIR RO, ,BDAG GI DON BSGRUB PAR BYA BA YIN NAM, GZHAN GYI DON TZAM YIN, PHYOGS DANG PO LA NI 'GRO BA MED PA'O, ,GNYIS PA LA NI KHYAD PAR DANG 'GAL BA'O, ,SMRAS PA TZAM BSGRUB PAR BYA BA YIN NO ZHES SPYIR BRJOD DO, ,DE LTA NA YANG GZHAN GYI DON NYID SGRUB PAR BYED BAS MA 'DUS PA GZHAN GYI DON BYED PA NYID MA SMRAS KYANG BSGRUB PAR BYA BAR 'DOD PA'I PHYIR GRANGS CAN GYI SNGA PHYI 'GAL LO, ,BSGRUB BYA NYID DU ZHES BYA BA NI SLOB DPON PHYOGS KYI GLANG PO 'DOD PAS YUL DANG BYAS PA MA SMRAS PA, GZHAN GYI LUGS LA MA LTOS PAR RANG GI GRUB PA'I MTHA' KHO NA LA GNAS NAS BSGRUB PAR BYA BA NYID DU CI LTAR MI BSGRUB PAR MI BYED, SKABS SU MA BAB PA BRJOD PA, CHOS KYI KHYAD PAR LAS BZLOG PA BSGRUB PA'I PHYIR 'GAL BA YIN NO ZHES BYA BA LA SOGS PA BRJOD PAS CI BYA ZHES BYA BA'I DON TO, ,'GOG PA NI MA YIN TE ZHES BYA BA'O, ,GZHAN LA TE GRANGS CAN LA LTOS NAS SO, ,GRANGS CAN NI SMRAS PA TZAM BSGRUB BYA YIN PAR DAM BCAS NAS MA SMRAS PA YANG SGRUB PAR BYED DE, DES NA DE'I BSAM PA LA LTOS PA KHO NAS NYES PA BRJOD PA YIN NO, ,DE TZAM GYIS BYA BA NI GZHAN LA LTOS NAS LAN 'DEBS PA'I BSAM PA TZAM GYIS GZHAN BZLOG PA GRUB PA NA, RANG GI PHYOGS MA SMRAS KYANG BSGRUB PAR BYA BA YIN NO ZHES BYA BA DE LTA BU'I RANG BZHIN BSGRUB PA'I DON DU SGRUB PAR BYED PA 'GOD PA'I 'BAD PA BYAS PAS CI BYA, RNAM 'GREL LA 'JUG PA'I DON DU SKABS KYI GZHI 'DI NGES PA NI DA NI ZHES BYA BA'O, ,GAL TE DE BSGRUB PAR BYA BA NYID DU MA BSTAN NA DA NI CI LTAR ZHES BYA BA'O, ,'O NA CI ZHIG BSGRUB PAR BYA BA YIN ZHE NA, BRJOD PA YIN PA'I PHYIR ZHES BYA BA'O, ,DE LTA MA YIN NA ZHES BYA BA NI MA BRJOD PA LA BSGRUB BAR BYA BA NYID YIN NA'O, ,DE NYID GSAL BAR BYED PA NI, MA BRJOD PA ZHES BYA BA'O, ,THAMS CAD BSGRUB BYA YIN MOD CI SKYON SNYAM NA, THAMS CAD CES BYA BA'O, ,'DIS NI DPE BSGRUB PAR BYA BA MA TSANG BA BRJOD DO, ,DE LTA YIN DANG GTAN TSIGS KYI SKYON DU YANG 'GYUR RO ZHES BRJOD PA NI DE LTA NA NI ZHES BYA BA'O, ,CI ZHIG

, ,BSHAD SNYAM NA BDAG GZHAN ZHE NA ZHES BYA BA'O, ,GRANGS CAN 'DIS GZHAN GYI DON TZAM DE NYID DO, ,'DIR NI BSGRUB PA'I TSIG LA'O, ,'DI ZHES BYA BA NI BDAG GI DON GYI MTSAN NYID DO, ,DAM PA STE MKHAS PA 'GRO BA'I TSUL LUGS LA GNAS PA DAG NI GANG GIS MTHAR THUG STE, SGRA RNAMS CI TZAM ZHIG LA PHYOGS BRTAGS NAS NGAG GI DON NGES PAR BYA BA LA 'JUG GI GZHAN DU NI MA YIN PA'O, ,GANG LA DE LTAR 'JUG SNYAM NA, MKHAS PA'I ZHES BYA BA'I SKABS SU BAB PA LA NGAG GI DON GANG YIN ZHES DOGS PA BZLOG PAS RNAM 'GREL GYI PHYED SNGA MA RNAM PAR 'GREL BA NI, MIG LA SOGS PA ZHES BYA BA'O, ,PHYED PHYI MA RNAM PAR 'GREL BA NI, DE NYID KYI PHYIR ZHES BYA BA'O, ,DE LA TE BDAG GI DON LA LTOS NAS SO, ,DE ZHES BYA BA BDAG GI DON TO, ,'ON TE SUN 'BYIN PA 'DI NI SLOB DPON BZHED PA MA YIN NO ZHE NA, SLOB DPON GYIS ZHES BYA BA'O, ,CI LTAR ZHES BYA BA NI SKABS SU BAB PA YANG MA YIN LA BSGRUB PAR BYA BA YANG MA YIN NO ZHES BYA BA'I DON TO, ,GZHAN DU ZHES BYA BA NI GAL TE GANG LA RTZOD PAS SGRUB PA BKOD PA'I 'DUS PA MA YIN PA GZHAN GYI DON DE BSGRUB PAR BYA BA MA YIN NA, DE'I TSE MI 'DOD PA 'GAL BAR 'GYUR TE, 'DUS PA GZHAN GYI DON BSGRUB PA'I PHYIR RO, ,'ON TE NYES PA 'DIS 'JIGS NAS GZHAN GYI DON BYED PA TZAM ZHIG SGRUB PAR BYED NA, DE'I TSE 'BRAS BU MED PA NYID DU 'GYUR TE, GRUB PA LA BSGRUB PA'I PHYIR RO, ,GZHAN GYI DON TZAM LA NI RGOL BA DANG PHYIR RGOL BA DAG RTZOD PA MED DO, ,GAL TE DE BSGRUB PAR BYA BA YIN NA DE'I TSE RGOL BA'I MI 'DOD PA NYID DU 'GYUR LA, PHYIR RGOL BA LA LTOS NAS NI 'BRAS BU MED PAR 'GYUR TE, GRUB PA LA BSGRUB PA'I PHYIR RO ZHES BYA BA NI DZA YANTA'I BSHAD PA'O, ,GZHAN ZHES BYA BA NI BDAG GI DON LAS GZHAN GYI DON TZAM BSGRUB NA YANG MA 'BREL BA DE'I PHYIR NA, 'GA' YANG BSGRUB PAR BYA BA MA YIN PAR 'GYUR RO, ,CI LTAR GZHAN BSGRUB PAR BYA BA MA 'BREL SNYAM NA, DE LTA NA ZHES BYA BA'O, ,BDAG GI DON DANG GZHAN GYI DON TZAM GYI PHYOGS GNYIS GRUB PA LA LTOS TE'O, ,DE ZHES BYA BA BDAG GI DON NYID SPANGS NAS SO, ,'ON TE ZHES BYA BA NI GZHAN TZAM BSGRUB PA NA GRUB PAR GYUR PAS NA BDAG BSGRUB PAR BYA BA MA YIN YANG 'GRUB PA YIN NO, ,DES NA BDAG DNGOS SU

NI BSGRUB PAR BYA BA MA YIN TE, DES NA RJES SU 'GRO BA MED PA'I NYES PA MED DO, ,GZHAN NI GZHAN GYI DON NYID DO, ,'DOD 'GRUB NI BDAG GI DON 'GRUB PA'O, ,DE LTA YIN NA ZHES BYA BA NI 'DOD BA LTAR RO, ,CI STE KUN 'GRUB SNYAM NA, NYE BA'I KHYAD PAR MED PA NA GZHAN MI 'GRUB PO ZHES BYA BA DE GA LAS YIN TE MA YIN PA KHO NA'O, ,DES NA 'DOD PA BZHIN DU KUN 'GRUB PAR 'GYUR RO ZHES BYA BA'I DON TO, ,DE LTA YIN DANG ZHES BYA BA NI, PHYIN CI LOG GRUB DANG NGO, ,THAMS CAD BSGRUB PAR BYA BAR THAL BA'I LAN GYI DOGS PA BSU BA NI, 'DOD PA'I PHYIR ZHES BYA BA'O, ,DE NYID NI BDAG GI DON NYID DO, ,GZHAN MI 'DOD PA NI MA YIN PA'O, ,'GOG BA NI MA YIN TE ZHES BYA BA'O, ,CI'I PHYIR ZHE NA, 'DOD PA'I ZHES BYA BA'O, ,BSAMS PA NI 'DI YIN TE, GAL TE GZHAN BSGRUB PA NA GZHAN SGRUB PAR BYED PAS 'GRUB PAR NUS NA DE'I TSE 'DOD PAS CI BYA STE, 'DOD PAS NI GTAN TSIGS KYI BYED PA RNAM PAR DBYE BAR BYA MI NUS SO ZHES BYA BA'O, ,'DOD PAS GTAN TSIGS KYI BYED PA RNAM PAR 'BYED PAR BYED PA DE LTA NA YANG NYES PA YOD PA NYID DO ZHES BRJOD PA NI, DE LTAR YIN NA NI ZHES BYA BA STE, 'DOD PAS GTAN TSIGS KYI BYED PA RNAM PAR 'BYED PA YIN NA YANG NGO, ,RGOL PA GZHAN GYI LDOG PA 'GRUB PA DGAG TU MED DO, ,CI'I PHYIR ZHE NA, PHYIR RGOL BA BZLOG PA 'DOD PA'I PHYIR RO, ,'ON TE RGOL BA'I 'DOD PA KHO NA 'GRUB KYI GZHAN 'GOD PA NI MA YIN NO ZHE NA, 'DOD PAR ZHES SMOS SO, ,'ON TE GANG GIS RGOL BA'I 'DOD PA 'GRUB PAR 'GYUR BA 'BREL PA'I KHYAD PAR YOD PA NYID DO ZHE NA, GANG GIS ZHES SMOS SO, ,DE'I PHYIR GAL TE GZHAN BSGRUBS PAS GZHAN 'GRUB NA DE'I TSE THAMS CAD 'GRUB PAR 'GYUR RO ZHES BYA BA 'DI GNAS SO, ,DPE BSGRUB BYAS STONG PAR 'GYUR TE ZHES BRJOD PA GANG YIN PA DE'I LAN NI DOGS PA BSU BA NI BRJOD PAR 'DOD PA'I ZHES BYA BA STE, BRJOD PA'I CHOS LA LTOS NAS BRJOD PAR 'DOD PA'O, ,LAN NI GAL TE ZHES BYA BA'O,, 'DIR 'DI LTAR 'DOD PA YIN TE, GZHAN GYIS KYANG 'GAL ZHIG NI 'GAL BA'I GTAN TSIGS LTAR SNANG BAR 'DOD PA 'GA' ZHIG NI KHYAD PAR 'GAL BAR RO, ,DE LA GAL TE BRJOD PA KHO NA BSGRUB PAR BYA BA YIN NA DE'I SMRAS PA'I CHOS PHYIN CI LOG TU BSGRUB PA KHO NA LA 'GAL BAR 'GYUR GYI KHYAD PAR 'GAL

, ,BA NI MI 'GYUR RO, ,DE BAS NA KHYAD PAR 'GAL BA'I GTAN TSIGS LTAR SNANG BA GZHUNG GZUGS PA'I PHYIR GZHAN GYIS KYANG MA SMRAS PA YANG KHAS BLANG DOGS SO, ,GANG ZHIG PHA ROL POS KHYAD PAR 'GAL BAR BRJOD PA KHO NA DE 'DOD PA LA GNOD PAR BYED PA'I 'GAL BAR BRJOD PA YIN NO ZHES BYA BA'O, , THAMS CAD LA ZHES BYA BA NI SGRUB BYED YANG DAG PA LA YANG NGO, ,GTAN TSIGS LTAR SNANG GI DBANG DU BYAS TE BRJOD PA NI BRJOD PA ZHES BYA BA'O, ,'O NA CI LTAR KHYAD PAR 'GAL BA YIN ZHE NA, KHYAD PAR ZHES BYA BA'O, ,GZHAN DU SMRAS PA LA LTOS NAS NI KHYAD PAR DANG 'GAL BA NYID MED PA'I PHYIR RO, ,DE'I PHYIR BRJOD BAR 'DOD PA'I CHOS RJES SU 'GRO BA MED PAS NI NYES PAR 'GYUR BA MA YIN PA'I PHYIR DPE THAMS CAD BSGRUB BYA MA TSANG BAR 'GYUR RO ZHES GNAS SO, ,RJES SU 'GRO BA MED PA DANG 'GAL BA'I NYES PA GZHAN LA YANG BSGRE BA NI, 'DIS NI ZHES BYA BA'O, ,'ON TE BSGRUB PAR BYA BA GANG YANG RUNG BAS GNYIS PA DANG BCAS PA TZAM GYI SPYIR 'DOD KYI, RNAM PA DE LTA BU'I SKYES BUS GNYIS PA DANG BCAS PA NYID NI MA YIN TE, DES NA RJES SU 'GRO BA MED PA'I SKYON MED DAM SNYAM NA, LAN BTAB PA NI GANG YANG RUNG BAS GNYIS PA DANG BCAS PA DE NYID NI RNAM PA DE LTA BU'I LUS MI 'GYUR NA TE LUS DOR NA 'GRUB PA NI MA YIN NO, ,CI'I PHYIR ZHE NA, DON GSAL BA GZHAN MED PA'I PHYIR RO, ,GNYI GA LAS GCIG DOR NA GANG YANG RUNG BA'I SPYI 'GRUB PA NI MA YIN NO, ,DES NA TSU ROL MDZES PA BRJOD BYAS STONG PA BRJOD PA RNAMS KYI, GNYIS PA DANG BCAS PA'I SGRUB PAR BYED PA NYID NI 'DI DE NI MI SHES KYI BSLANG YIN TE MA 'BREL PA YIN NO ZHES BYA BA'I DON TO, ,GANG LA RJES SU 'GRO BA MED PA LA SOGS PA'I NYES PAR 'GYUR BA GNYIS PA DANG BCAS PA'I SBYOR BA DE YANG GANG YIN ZHE NA, 'DI LTAR ZHES SMOS SO, ,LUS GANG LA MNGON PAR GSAL BA'I SEMS PA YOD PA'I LUS DE'I MTSAN NYID SKYES BUS GANG YIN PA DE LA DE SKAD CES BYA'O, ,BUM PA NI DE LTA BU'I SKYES BU DANG, BUM PA DE DAG LAS GANG YANG RUNG BAS GNYIS PA DANG BCAS PA YIN TE'O, ,SHUGS KYIS NA BUM PA NI DE LTA BU'I SKYES BUS GNYIS PA DANG BCAS PAR 'DOD PA YIN GYI BRJOD PA NI MA YIN TE, RJES 'GRO MED PA'I NYES PAS 'JIGS PA'I PHYIR RO, ,SBYOR BA 'DI NYID 'CHAD PA NI SKYES BU NI ZHES BYA BA'O, ,

RIGS PA CAN LA SOGS PAS MNGON PAR 'DOD PA'I BDAG LA SOGS PA NI MA YIN PA'O, ,DE LA YANG ZHES BYA BA NI BSGRUB PAR BYA BA 'JIG RTEN PHA ROL CAN MA YIN PA'I SKYES BU LA'O, ,GTAN TSIGS NI, AUTPALA MA YIN PA'O, ,BSAM PA NI RGYANG 'PHEN PA'I'O, ,DE LTA BU ZHES BYA BA NI MNGON PAR GSAL BA'I MTSAN NYID 'JIG RTEN PHA ROL CAN MA YIN PA'O, ,DE LTA BU'I SKYES BUS GNYIS PA DANG BCAS PA NYID DU DNGOS SU CI STE MI BSGRUB SNYAM NA, THABS YIN NO ZHES BYA BA STE, DNGOS DANG PHAL PA'I BSAM PAS CI ZHIG BYA STE RNAM PAR GANG YANG RUNG BA'I SGO NAS AUTPALA MA YIN PA LA SOGS PA NI BSGRUB BYA 'GRUB PA'I THABS YIN NO ZHE'O, ,GCIG TU NGES PAR 'GOG PA'I DON YIN MOD DE LTA NA YANG 'DI LA SNGAR BRJOD PA'I SKYON CI LTAR YOD SNYAM NA, 'DI LTAR ZHES SMOS SO, ,'ON TE ZHES BYA BA NI GANG YANG RUNG BAS GNYIS PA DANG BCAS PA NYID NI BSGRUB PAR BYA BA YIN LA, DE GRUB PAS KYANG KHYAD PAR SKYES BU BSGRUB PAR BYA BA MA YIN YANG 'GRUB PA YIN GYI, KHYAD PAR CAN GYI SKYES BU'I RNAG BZHIN DE NI BSGRUB PAR BYA BA MA YIN NO ZHE NA, 'DI LA LAN NI, DE'I TSE YANG ZHES BYA BA'O, ,BSTAN ZIN PA NI, GAL TE GZHAN GRUB NA YANG BSGRUB BYA MIN ZHES BYA BA DER RO, ,BSGRUB PAR BYA BA SPYIR 'DOD NA ZHES BYA BA RNAM PAR 'GREL PA NI, 'DIR ZHES BYA BA LA SOGS PA'O, ,GANG YANG RUNG BA NYID KYI SPYI BSGRUB PAR BYA BA YIN GYI, RNAM PA DE 'DRA BA'I SKYES BU 'PHANGS PA NI MA YIN PA'O, ,DE NYID CES BYA BA LA SOGS PA RNAM PAR 'GREL PAS LAN 'DEBS PA NI, DE NI ZHES BYA BA'O, ,GSAL BA ZHIG KYANG ZHES BYA BA NI DOGS PA'O, ,GAL TE GSAL PA ZHIG KYANG SPYI MI 'JIG NA, DE'I TSE GSAL BAS STONG PA'I YUL DU YANG CI STE YOD PAR THA SNYAD MI BYED SNYAM NA, GSAL BAR BYED PA ZHES SMRAS SO, ,LAN NI MA YIN TE ZHES BYA BA'O, ,'DIR NI SKYES BU LA'O, ,CI LTAR MED SNYAM NA DE LTA BU'I ZHES SMOS SO, ,DE BZHIN DU GANG YANG RUNG PA'I SPYI YANG THA SNYAD KYI YUL MA YIN NO, ,DES NA DES KHYAB PA CI LTAR 'GRUB MA MTHONG BA'I MES DU BA LA KHYAB PA NI GANG DU YANG RTOGS PA MED DO, ,TSAD MA 'DI NYID LAS ZHES BYA BA NI DOGS PA BSU BA STE AUTPALA MA YIN PA'I RTAGS LAS SO, ,LAN NI MA YIN TE ZHES BYA BA'O, ,KHYAB PA'I DUS NA SPYI YOD PAR GRUB NA RJES SU DPOG PA

, ,YIN NO, ,CI LTAR NA KHYAB PA'I DUS SU SPYI MA GRUB NA GANG GIS PHAN TSUN BDEN PA'I NYES PAR 'GYUR SNYAM NA, MA GRUB PA LA NI ZHES SMOS TE, KHYAD PAR MA GRUB PA LA NI SPYI'I RNAM PA SRID PA MA YIN NO, ,KHYAD PAR DANG BRAL BA'I SPYI NI MED DO ZHES BYA BA'I DON TO, ,GTAN TSIGS MA YIN PA ZHES BYA BA NI SGRA MI RTAG PA NYID DU BSGRUB PAR BYA BA LA SOGS PA DANG MTHUN PHYOGS GANG RUNG YIN PA'I PHYIR ZHES BYA BA GTAN TSIGS MA YIN PA DE BZHIN DU AUTPALA MA YIN PA'I GTAN TSIGS KYIS BSGRUB PAR BYA BA YANG MA YIN NO, ,CI'I PHYIR GTAN TSIGS MA YIN ZHE NA, 'DI LTAR ZHES BYA BA'O, ,CI LTAR SGRA LA MED SNYAM NA, SGRA LA ZHES GSUNGS SO, ,'GAL BA MED PA MA YIN PA 'GAL BA'I PHYIR RO ZHES BYA BA'I DON TO, ,'GAL BA NYID BRJOD PA NI, GANG YANG RUNG BA ZHES BYA BA STE, 'DI LTAR RAM YANG NA 'DI LTAR ZHES RNAM PAR RTOG PA'I YUL YIN PA'I PHYIR CHOS CAN SGRA LA GNYI GA NI 'GAL LO, ,DE LA NI PHYOGS KHO NA YOD PA'I PHYIR RO, ,GAL TE PHYOGS KHO NA YOD MOD DE LTA NA YANG DE LAS GZHAN NYE BAR DGONG PAR 'GYUR RO SNYAM NA, NGES PA'I CHOS ZHES SMOS SO, ,GZHAL BYA 'GAL BAR BRJOD NAS, SGRA 'GAL BAR BRJOD PA NI, GZHAN ZHES BYA BA'O, ,'DI NI ZHES BYA BA NI GANG YANG RUNG BSGRUB BYED DAM BSGRUB BYA YIN PA'O, ,SNAM BU ZHES BYA BA NI BUM PA CHOS CAN DU BYED PA DOR NAS SNAM BU NYID CHOS CAN DU BYED PAR 'GYUR RO ZHES BYA BA'I DON TO, ,SPYIR ZHES BYA BA NI GAL TE BUM PA CHOS CAN MA YIN NA'O, ,NYES PA 'DI NYID CES BYA BA NI GRUB PA LA BSGRUB PA'I MTSAN NYID DO, ,DE ZHES BYA BA RNAM PA DE 'DRA BA'I SKYES BU MI 'PHEN NA'O, ,'BRAS BU CI YIN ZHES BYA BA NI GRUB PA LA BSGRUB PA'I PHYIR RO, ,MI 'DOD PA ZHES BYA BA NI BZLOG PA BSGRUB PA LAS SO, ,GNYI GAR ZHES BYA BA NI BUM PA NI SKYES BU DANG BUM PA GANG YANG RUNG BAS ZHES BUM PA LAN GNYIS BKOD PA'O, ,'DAR NI SBYOR BA LA'O, ,RANG GI TSIG DANG 'GAL LO ZHES BYA BA NI GANG YANG RUNG BA SMOS PAS NI MA NGES PAR BSTAN LA, BSGRUB BYA ZHES BYA BA LA NI NGES PAR RO, ,'DI NYID GZHUNG 'DZUGS PA NI, 'DI LTAR ZHES BYA BA'O, ,'ON TE DE LTA NA YANG GANG YANG RUNG BA BRJOD PA NI, NGES PA LAS BZLOG PA STON PAR BYED PA YIN NO SNYAM NA, GAL TE GNYI

GAR ZHES BYA BA'O, ,DE LAS TE NGES PA LAS BZLOG PA BSGRUB PA CI LTAR DE MA YIN PA KHO NA'O, ,PHA ROL POS MA YIN TE ZHES SMRAS SO, ,GRUB PA'I MTHA' SMRA BA TSU ROL MDZES PA PA LA 'DRI BA NI, CI LTAR ZHES BYA BA'O, ,GZHAN GYI LAN NI SHUGS ZHES BYA BA'O, ,GRUB PA'I MTHA' PA RNAM PAR BRTAG PA BYAS NAS SUN 'BYIN PA NI SHUGS DE ZHES BYA BA'O, ,GTAN TSIGS KYI ZHES BYA BA NI AUTPALA MA YIN PA'I'O, ,TSIG GI NI AUTPALA MA YIN PA'I PHYIR ZHES BYA BA'I'O, ,MA NGES PA NYID BRJOD PA NI 'DI LTAR ZHES BYA BA'O, ,GZHAN YANG NI 'JIG RTEN PHA ROL DANG LDAN PA'I SKYES BU YANG NGO, ,PHYOGS GNYIS PA 'GOG PA NI, 'ON TE ZHES BYA BA'O, ,ZA ZHES BYA BA 'DIS NI ZA BA'I DON BRJOD PAR 'DOD PA YIN NO, ,'ON TE RNAM PA DE LTA BU'I SKYES BUS GNYIS PA LA RJES SU 'GRO BA GRUB NA, SBYOR BA YANG DE KHO NA LTAR BSTAN PAR BYA'O ZHES BRJOD PA NI, GAL TE BUM PA BZHIN DU ZHES BYA BA'O, ,BUM PA BZHIN DU ZHES BYA BA NI CI LTAR CHOS CAN BUM PA TSAD MAS GRUB PA LTAR RO, ,KHYAB PA 'DZIN PA'I DUS SU TSAD MAS SGRUB PAR BYED PA'I KHYAB PAR BYED PA NYID DU THOB PA STE NGES PA'I YOD PA NYID GAL YOD PA DE LA DE SKAD CES BYA'O, ,TSIG CES BYA BA NI GANG AUTPALA MA YIN PA DE NI RNAM PA DE LTA BU'I SKYES BUS GNYIS PA DANG BCAS PA YIN NO ZHES BYA BA DE LTA BU'I RANG BZHIN NO, ,'DI NYID KYIS ZHES BYA BA NI MNGON PAR GSAL BA'I SEMS PA CAN ZHES BYA BA LA SOGS PA NYID KYIS SO, ,DE LTA YIN NA SKYES BU BSGRUB PAR BYA BA LA YANG, SUN 'BYIN PA BRJOD PA GANG YIN PA DE RNAM RTOG MTSUNGS PA YIN NO, ,SGRA DANG ZHES BYA BA LA SOGS PAS NI RTZOD PA RJES SU BRJOD NAS SUN 'BYIN PA NI, MA YIN ZHES BYA BA STE MTSUNGS PA'O, ,CI'I PHYIR ZHE NA, DPE LA 'JIG PA GRUB PAS SGRA 'JIGS PA DE DANG LDAN PAR BSGRUB PA'I PHYIR RO, ,CI LTAR 'JIG PA SNGAR GRUB PA DE BZHIN DU, RTZIG PA LA SOGS PA DON GZHAN LA DE LTA BU'I SKYES BU SNGAR GRUB PA YOD PA YIN NA BUM PA'ANG DE LTA BU'I SKYES BU DE DANG LDAN PAR 'GYUR RO, ,NGAG GI ZHES BYA BA NI BUM PA NI ZHES BYA BA LA SOGS PA'I NGAG GI SHUGS KYIS THOB PA'I'O, ,DE BZHIN DU MI RTAG PA SGRUB PAR BYED PA LA KHYAB PAR MA GRUB PO ZHES BYA BA 'DI NI MA YIN GYI, 'ON KYANG GRUB PA KHO NA'O ZHES BYA

, ,PA'I DON TO, ,'DI NI BSGRUB BYA'I SGO NAS BRJOD PA YIN NO, ,SGRUB PAR BYED PA'I SGO NAS BRJOD PA NI, DE BZHIN DU CI LTAR ZHES BYA BA'O, ,CI LTAR PHYOGS DANG MTHUN PA'I PHYOGS LAS GANG YANG RUNG BA NYID MA GRUB PA DE BZHIN DU BYAS PA NYID KYANG MA GRUB PO ZHES BYA BA DE NI MA YIN NO ZHES 'BREL TO; ,CI LTAR MI RTAG PA NYID BSGRUB SNYAM NA, SNGA NA ZHES BYA BA'O, ,GAL TE ZHES BYA BA LA SOGS PA NI RTZOD PA'O, ,DE DANG 'DRA BA ZHES BYA BA NI GRUB PA'I MTHA'O, ,RJES SU 'GRO BA ZHES BYA BA NI RTZOD PA'O, ,BUM PA GZHAN DANG SGRA GZHAN CI LTAR 'DRA BA 'GRUB PAR 'GYUR, BUM PA DANG SGRA DAG LA MI RTAG PA NYID RJES SU 'GRO BA NA 'DRA BA YIN NO ZHE NA, DE YIN NA 'O NA RTZIG PA DANG BUM PA DAG KYANG GANG YANG RUNG BAS GNYIS PA DANG BCAS PA TZAM GYIS RJES SU 'GRO BA SKYES BU YANG 'GRUB PAR 'GYUR TE, DE'I GRUB PA'I MTHA' SMRA BA'I LAN DON MED DO, ,GZHAN NYID YIN PA KHO NAS 'DRA BAR 'GYUR BA YIN TE, DE LTA MA YIN TE, ,GZHAN NYID MA YIN NA 'DRA BA DE CI LTAR YIN, CI'I PHYIR ZHE NA, GCIG LA ZHES BYA BA'O, ,'DI LTAR ZHES BYA BA LA SOGS PAS NI 'DRA BA NYID SBYOR BAR BYED PA'O, ,DE NI RNAM PA DE LTA BU'I SKYES BU DANG LDAN PA'O, ,'DIR ZHES BYA BA NI GANG BYAS PA DE NI MI RTAG GO ZHES BYA BA'I SBYOR PA LA'O, ,MI RTAG PA NYID RJES SU 'GRO BAR 'GYUR NA, CHOS CAN GYI KHYAD PAR CAN DU 'GYUR BA YIN NO, ,'DI GA LAS SHE NA BSGRUB PAR BYA BA NI ZHES BYA BA'O, ,SNGAR ZHES BYA BA NI SGRUB PAR BYED PA 'GOD PA'I SNGAR RO, ,GAL TE ZHES BYA BA NI DOGS PA'O, ,'BA' ZHIG CES BYA BA NI CHOS CAN GYI RNAM PAR MA DPYAD PA RJES SU 'GRO BAS, CHOS CAN GYI KHYAD PAR CAN GYI MI RTAG PA NYID CI LTAR 'GRUB, GZHAN DANG NI 'BA' ZHIG PA DANG, GZHAN 'GRUB NA ZHES BYA BA MA 'BREL PA BZHIN DU 'GRUB NA NI'O, ,DE LTA NA NI ZHES BYA BA NI THAMS CAD BSGRUB BYA YIN NA'O, ,SANGS RGYAS PA'I DOGS PA BSU BA NI, SMRAS PA NI ZHES BYA BA'O, ,SKYON 'DIR ZHES BYA BA NI GTAN TSIGS 'GAL BA DANG DPE BSGRUB BYA MA TSANG PAR RO, ,GZHAN LA ZHES BYA BA NI MA SMRAS PA'I CHOS BSGRUB PA LA'O, ,MA YIN TE ZHES BYA BA NI GZHAN GYIS SUN 'BYIN NO, ,MA YIN TE ZHES BYA BA NI GRUB PA'I MTHA' SMRAS PAS GSUNGS PA'O, ,SKYES BU 'GRUB PA LA YANG DE LTAR 'GYUR RO ZHE NA,

SKYES BU BSGRUB PA LA NI ZHES BYA BA'O, ,DES KYANG ZHES BYA BA NI GANG YANG RUNG BAS GNYIS PA DANG BCAS PAS KYANG MTSUNGS PA NYID MA YIN PA'I PHYIR RO, ,'DIR NI ZHES BYA BA NI RGYANG 'PHAN PA'I SBYOR BA LA NI'O, ,GAL TE SO SOR ZHES BYA BA NI GZHAN GYI'O, ,LEN NI 'DIR ZHES BYA BA STE LHAS BYIN DANG MCHOD SBYIN DAG LAS GANG YANG RUNG BA LA ZAS BYIN CIG CES BYA BAR RO, ,DE YANG NI NGES PA'O, ,MNGON SUM GYIS ZHES BYA BA NI TSIG TZAM GYI BYED PA NYAMS PAR BYED PA'O, ,DNGOS PO'I SHUGS KYIS ZHES BYA BA NI 'BRAS CHAN LA SOGS PA GNYI GAS BZA' BA'I YUL MA YIN PA RUNG BA LA SOGS PA DE'I SHUGS KYIS SKYES BU GCIG KHO NA LA BZAR GZHUG PAR NGES PA YIN GYI LHAS BYIN DANG MCHOD SBYIN DAG LAS GANG YANG RUNG BA LA ZAN BYIN CIG CES BYA BA'I TSIG GI SHUGS KYIS NI MA YIN NO, ,RJE BOS GANG YANG RUNG BA LA ZAN BYIN CIG CES BRJOD PAS KHOL PO NAN GYIS 'JUG PA NI MA YIN LA, ZAB PO YANG 'JUG PA MA YIN ZHING, BYIN CIG CES BRJOD PAS STER BA PO 'JUG PA YANG MA YIN TE, GSUM KA YANG RNAG GI 'DOD PAS 'JUG PA'I PHYIR RO, ,'DI LTAR RJE POS GANG YANG RUNG BA LA BZHAS BA DRONGS SHIG CES SMRAS KYANG SNYOM LAS KYIS ZAN 'DREN PA LA MI 'JUG LA, ZA BA PO YANG NA PA LA SOGS PA'I DBANG GIS ZAB LA 'JUG PA MA YIN ZHING, BSLANGS KYANG GTONG BA PO GTONG BA LA MI 'JUG PA MA YIN NO, ,DE NYID KYI PHYIR ZAB PO'AM ZHES SMOS TE, ZAB PO'AM STER BA PO RANG GI 'DOD PAS 'JUG PA'I PHYIR RO ZHES 'BREL TO, ,'DIR YANG ZHES BYA BA NI GNYIS PA DANG BCAS PA'I SBYOR BA LA YANG NGO, ,SGRUB PAR BYED PA'I ZHES BYA BA NI AUTPALA MA YIN PA LA SOGS PA'I'O, ,BZLOG PA LA YANG ZHES BYA BA NI DE 'DRA BA'I SKYES BU MED PA LA AUTPALA MA YIN PA NYID SRID PA'I PHYIR RO, ,'DIS NI ZHES BYA BA NI RJES SU 'GRO BA MED PA DANG 'GAL PAR BSTAN PAS SO, ,CI LTAR 'DI BSAL BA YIN ZHE NA, GANG GI PHYIR ZHES BYA BA LA SOGS PA'O, ,GRUB PA LA BSGRUB PAR 'GYUR BA YIN NO ZHES BYA BA NI, YUL NGES PA MA YIN PA NI KHYAB PA SGRUB PA'I TSAD KYIS GRUB PA'I PHYIR RO, ,GAL TE SGRA LA ZHES BYA BA NI MI RTAG PA NYID SGRUB PA MA YIN PA DE LTA NA YANG DE SPYI YIN NO ZHES 'GAL BA YIN NO,,

, ,'DI NYID GSAL 'DEBS PA NI, GAL TE ZHES BYA BA'O, ,THE TZAM GYIS SPYI DE LA KHYAD PAR GYI MTHAR THUG PA'I DA NI, PHYOGS KYI CHOS DANG LDAN PA LAS 'GYUR BA YIN NO, ,'BREL BA BZUNG BA LAS GZHAN ZHES BYA BA NI BYA BAR DRAN PA'I RJES THOGS SU 'GYUR BA YIN NO, ,CHOS CAN GYI KHYAD PAR NYIN NI PHYOGS KYI CHOS KYI SHUGS KYIS 'GYUR BA YIN GYI, 'BREL BA DRAN PA'I DBANG GIS NI MA YIN NO ZHES BYA BA'I DON TO, ,GAL TE GANG GIS DPE LA RJES SU 'GRO BAR MTHONG BA DE 'DI NA MED PA'I PHYIR CI LTAR DE'I KHYAD PAR CAN DU 'GRUB SNYAM NA, DE NYID DO ZHES GSUNGS SO, ,'DI NI GCIG NYID KYI RNAM PA'O, , KHYAD PAR DANG 'BREL PA RTOGS PA LA NYES PA CI YOD SNYAM NA, YUL DANG ZHES BYA BA'O, ,GAL TE YUL LA SOGS PAR NGES PA'I CHU SKOM ZHI BAR BYED PA GA DANG BA YIN NO, ,DE'I DON DU NYE PAR GZHAN DU 'JUG BAR MI 'GYUR BA'I PHYIR NA, KHYAD PAR DANG 'BREL PA RTOGS NA THA SNYAD MED PAR 'GYUR RO, ,DES NA KHYAB PA NI SPYI NYID LA NGES PA YIN NO, ,GAL TE ZHES BYA BA LA SOGS PA NI GZHAN GYI'O, ,SPYI NI SGRUB PAR BYED PA'I SPYI'O, ,BSGRUB PAR BYA BA DANG LHAN CIG SPYI RTOGS PA KHO NA'O ZHE NA, BSGRUB PAR BYA BA YANG ZHES BYA BA'O, ,BSAM PA NI 'DI YIN TE, CI SRID BSGRUB PAR BYA BA DANG LHAN CIG SGRUB PAR BYED PA MA RTOGS PA DE SRID DU NI RJES SU DPAG PA MED LA, CI SRID RJES SU DPAG PA MED PA DE SRID DU YANG BSGRUB BYA DANG LHAN CIG SGRUB BYED MI RTOGS TE DES NA NANG GI KHYAB PA NI MI 'THAD PA KHO NA'O ZHES BYA BA'O, ,DE LTA NA'O NA PHYI'I KHYAB BAR 'GYUR RO ZHE NA, PHYI'I ZHES BYA BA'O, ,CI'I PHYIR 'GRUB PA MA YIN ZHE NA, PHYOGS ZHES BYA BA'O, ,PHYOGS MA YIN PA'I ZHES BYA BA LA SOGS PA NI, BSTAN PAR MI BYA BA'O, ,KHYAB BA'I RNAM PA BRJOD PA'O, ,RNAM BA 'DI 'DRA BA'I KHYAB PA LA NI BSGRUB BYA 'GRUB PA YOD PA MA YIN TE, BSGRUB PAR BYA BA KHYAB PAR MA 'DUS PA'I PHYIR RO, ,RTZOD PA 'DI NYID SDUD PA NI, DES NA ZHES BYA BA LA SOGS PA'O, , NANG GI KHYAB PA MI 'GRUB PA NI PHAN TSUN BRTEN PA'I NYES PAS SO, ,DES NA PHYI'I KHYAB PA LA BRTEN PAR BYA BA YIN NA, PHYI'I KHYAB PA DE LA NI NAM YANG BSGRUB BYA 'GRUB PA MED DO, ,CI'I PHYIR ZHE NA, GAL TE GZHAN ZHES BYA BA LA SOGS PA'O, ,NANG GI KHYAB PA DANG PHYI'I KHYAB PA'I TSUL 'DI NI GZHAN LA LTOS NAS

BRJOD PA YIN GYI, RANG GI SDE BA LA LTOS NAS NI MA YIN NO, ,GZHAN DAG NI GRUB PA LA SGRUB PA'I NYES BA SPANG PA'I DON TU PHYOGS NANG DU MA BSDUS PAR KHYAB PAR RTOGS PAR BYED CING STON PAR YANG BYED DO, ,DES NA 'DI NI PHYI'I KHYAB PA SMRA PA ZHES BYA BA'O, ,YANG GANG ZHIG PHYOGS NANG DU BSDUS NAS KHYAB PA STON PA DE NI NANG GI KHYAB PA SMRA BA YIN GYI, BRAM ZE AAR TZA tA LTA BU NI MA YIN NO, ,CHOS CAN DANG BCAS PA'I KHYAB PA'I RNAM PA BRJOD PA NI, GANG GANG ZHES BYA BA LA SOGS PA'O, ,'DIS NI PHYOGS NANG DU BSDUS BA KHO NAS SGRUB PAR BYED PA LA BSGRUB BYAS KHYAB PA BSGRUB PAR BYA BA YIN GYI, GANG GIS KHYAB PA MA GRUB PAR BSGRUB PA RJES SU DPAG PA DE NYID LAS BSGRUB PAR BYA BA RTOGS PA NI MA YIN GYI 'ON KYANG TSAD MA GZHAN LAS YIN NO ZHES BSTAN PA YIN NO, ,GAL TE SO SOR NGES PA'I YUL NA GNAS PA'I ME KHYAB PA'I DUS SU CI LTAR BZUNG NA YANG RJES SU DPAG PA DON MED PAR 'GYUR RO ZHES DOGS NA, PHYOGS 'DI NI ZHES BYA BA'O, ,PHYOGS 'DI NI ME DANG LDAN PA YIN TE DU BA DANG LDAN PA'I PHYIR TSANG BAD NI PHYOGS BZHIN NO ZHES BYA BAR RJES SU DPAG PAS GZUNG BAR LDAN PA'I DON NI, SNGAR ZHES BYA BA KHYAB PA 'DZIN PA'I DUS NYI DU GZUNG NGO ZHES BRJOD BAR ZAD KYI DE KHO NAR NI GZUNG BA MED DO, ,DE KHO NAR MA BZUNG NA GZUNG ZHES CI LTAR BRJOD SNYAM NA, DE LTA BU NYID RTOGS PA'I ZHES BYA BA'O, ,KHYAB PA 'DZIN PA'I DUS SU 'OL SPYI'I RNAM PA TZAM DU LDAN PA'I DON RTOGS PA'I SHUGS KYIS SO, ,DE LTA MA YIN TE ZHES BYA BA NI GAL TE 'DOD PA TZAM GYI SHUGS KYIS MI BRJOD KYIS 'ON KYANG YUL LA SOGS PAR NGES PA'I BSGRUB PAR BYA BA RTOGS PA NYID DU BRJOD NA'O, , 'DI NYID BRJOD PA NI GAL TE ZHES BYA BA'O, ,DE'I TSE RJES SU DPAG BAS CI BYA, SNGAR GYI ZHES BYA BA TSANG BANG NA GNAS PA'I DU BA RTOGS PA NYID DU'O, ,DES NA KHYAB PA 'DZIN PA'I DUS NA, DE KHO NAR BSGRUB BYA RTOGS PA NI YOD PA MA YIN NO, ,DE RTOGS PA NI SRID PA YANG MA YIN NO ZHES BRJOD PA NI, 'BYUNG BAR 'GYUR BA ZHES BYA BA'O, ,KHYAB PA 'DZIN PA'I DUS NA MED PA YIN NO, ,CI'I PHYIR GANG GI PHYIR 'BYUNG PAR 'GYUR BA YIN PAS SO, ,DE'I RANG BZHIN ZHES BYA BA KHYAB PA'I DUS KYI 'OL SPYIR RTOGS PA YOD PA NYID KYIS SO, ,GZHAN GYI THA SNYAD TZAM GYI ZHES SMRAS SO, ,GAL TE KHYAB PA'I

, ,TSE LHAG PAR ZHEN PAS DNGOS PO MA BZUNG NA DE'I TSE LHAG PAR ZHEN PA DE BSDU BAR 'GYUR RO ZHES BYA BA'I DON TO, ,LAN NI DE LTA BU'I ZHES BYA BA'O, ,GAL TE BYA BA PA'I LHAG PAR ZHEN PA SRES BYED MA YIN PA LA SOGS PAR 'GYUR BA YIN NA DE'I TSE SLU BAR 'GYUR RO GANG GI TSE MED DANG DU BDAG LA SROG PA LA SOGS PAR BYED PA DANG MTSUL DU BRKU BA LA SOGS PAR BYED PAR LHAG PAR ZHEN PAR BYED PA DE'I TSE NI SLU BA MA YIN NO, ,NGES PA 'DI ZHES BYA BA NI DE LTA BU'I DON BYA BA BYED GA KHO NA LA KHYAB PAR LHAG PAR ZHEN GYI GZHAN LAM YIN NO ZHES BYA BA'I DES PA 'DI CI YOD DE 'GA' YANG MED DO ZHES BYA BA'I DON TO; ,RGYU DANG 'BRAS BU ZHES BYA BA NI ME DANG DU BA DAG LA KHYAB PA ZHEN PHAR BYED PA NI BRGYUD NAS ME DANG DU BA SNGON DU 'GRO BA CAN YIN TE, DES NA DE GNYIS LA NGES PA YIN NO, ,NGES BA ZHES BYA BA NI ME DAD DU BDAG LA KHYAB PA LHAG BAR ZHEN PA 'BRAS BU YIN NO ZHES BYA BA DE NYID CI LTAR 'DZIN, THA SNYAD CES BYA BA NI, KHYAB PAR NGES PA ME DANG DU BA DAG LA NGES PA ZHES BYA BA'I THA SNYAD GANG YIN PA 'DI NYID LAS SO, ,'DI NI ZHES BYA BA 'DOD PA BSGRUB BYA NYID DU BRJOD PAS SO, ,DE LAS BZLOG BA ZHES BYA BA THAL BAR BYAS BA LAS BZLOG PA BSGRUB PA'I PHYIR RO, ,CI LTAR SNYAM NA CI LTAR GTAN TSIGS 'DI ZHES SMRAS SO, , CHOS CAN LAS GZHAN GYIS KHYAD PAR DU 'GYUR BA'I MI RTAG PA NYID GANG YIN DE MED PA YANG SGRUB PAR BYED PA YIN TE, BZLOG PAS KHYAB PAR RTOGS PA'I PHYIR RO, ,MI RTAG PA'I SGRA ZHES BYA BA NI, GANG LA MI RTAG PA'I SGRA YOD PA DE'I DNGOS PO STE DE LTAR NI SGRA LA SGRUB PA MA YIN NO, ,DE LTA BU'I NYID DU ZHES BYA BA NI MI RTAG PA TZAM BSGRUB PA KHO NAS SO, ,DES NA RNAM PA DE 'DRA BA'I SPYI'O, ,'O NA GANG GI TSE NYES PAR 'GYUR ZHE NA, MI RTAG PA TZAM ZHES BYA BA'O, ,DE LTA BU NYID DU ZHES BYA BA 'BA' ZHIG PA'I CHOS BSGRUB PA NYID KYIS SO, ,GCIG LA ZHES BYA BA NI CHOS CAN LA GNYIS PA MI RTAG PA NYID BSGRUBS NA PHAN TSUN GYI KHYAD PAR CAN TSOGS PA 'GRUB PA'I PHYIR RO, ,GAL TE GCIG LA GNYIS PA BSGRUBS PAS TSOGS PAR 'GRUB NA 'O NA CI LTAR ZHES BYA BA'O, ,TSOGS PA BZLOG BA 'BA' ZHIG 'GAL BAR 'GYUR BA ZHIG NA DE LAS GZHAN BZLOG PA YANG YIN TE DES NA SGRA'I KHYAD PHAR CAN GYI MI RTAG PA NYID LA

SOGS PAR BSAB PAR BYA BA YIN LA, DE PHYIN CI LOG TU BYED PA'I PHYIR NA GTAN TSIGS 'GAL BA YIN NO ZHES GZHAN DAG SEMS PA'O, ,LAN NI DE'I SGO NYID NAS ZHES BYA BA'O, ,CHOS KYI KHYAD PAR LA SOGS PA BZLOG PA'I SGO NAS SO, ,'DI NYID GSAL BAR BYED PA NI, GANG GI ZHES BYA BA'O, ,CHOS KYI KHYAD PAR 'GOG PA LA SOGS PA'I DPER BRJOD PA DAG NI, CHOS DANG CHOS CAN KHYAD PAR DANG, ,CHOS CAN RANG GI NGO BO LA, ,ZHES BYA BA 'DI'I NANG DU STON PAR 'GYUR RO, ,DOGS PA BSU BA NI SGRA NI ZHES BYA BA'O, ,SGRA GANG LA MI RTAG PA'I SGRA YAD PA ZHES TSIG SBYAR RO, ,CHOS CAN GZHAN LA ZHES BYA BA NI CHOS CAN SGRA GZHAN LA MI RTAG PA'I KHYAD PAR CAN GYI SGRA GZHAN BSGRUB TU MED DE, GRUB PA NYID DU RTOGS PA NI MA YIN NO, ,DE'I PHYIR ZHES BYA BA NI, CHOS CAN SGRA LA SGRA DANG MI RTAG PA NYID KYI SPYI GZHAN SGRUB PA MI SRID PA'I PHYIR RO, ,GAL TE ZHES BYA BA LA SOGS PAS NI RANG NYID SMOS PA DON MED PAR PHYOGS SNGA MA 'GOG PA'O, ,'DOD PA SMOS PA NYID KYIS RANG NYID KYI SGRA'I GCAD BYA BZLOG PA'I PHYIR NA RANG NYID KYI SGRA DON MED DO ZHES BYA BA'I DON TO, ,KHA CIG NA NGE ZHES BYA BA NAS SKYON YIN NO ZHES BYA BA'I BAR NI THAMS CAD KYANG RNAM 'GREL LA 'JUG BA'I DON DU RTZOD PA BYED PA'O, ,DAM BCA' BA NI ZHES BYA BA NAS GZHAN DU NI MA YIN NO ZHES BYA BA'I BAR NI RIGS PA'I BSHAD PA'O, ,RNAM 'GREL LAS ZHES BYA BA NI GSAL BYED KYI STE, GZHAN DU NI LUNG ZHES BYA BA NAS 'DI LTAR GYI LTAG YAN CHAD DO, ,GZHAN DU NA ZHES BYA BA NI, GAL TE LUNG GI DON STON PA'I PHYIR DAM BCA' BA LUNG YIN NO ZHES MI BRJOD NA DA'I LUNG TSAD MA ZHES BYA BA LA SOGS PA'O, ,DE'I DON LA ZHES BYA BA DAM BCA' BA'I DON LA GNOD NA'O, ,DE'I DON LA GNOD NA, DAM BCA' BA'I SKYON YANG YIN NO ZHES 'BREL TE, GANG GIS DAM BCA' BA'I SKYON DU 'GYUR BA DE'I DON LA GNOD PA NYID DU CI LTAR 'GYUR SNYAM NA, MI RTAG PA NYID KYANG ZHES BYA BA'O, ,NAM MKHA'I YON TAN NYID DANG LHAN CIG SGRA LA 'DU BA MI RTAG PA NYID GA LA YOD PA'I MI RTAG PA DE NYID BSGRUB PAR BYA BA STE, DAM BCA' BA YIN NO ZHES BYA BA'I DON TO, ,DE LTA YIN MOD DE LTA NA YANG CI LTAR DAM BCA' BA'I NYES PA YIN SNYAM NA, CI LTAR ZHES BYA

, ,PA LA SOGS PA'O, ,BSTAN BCOS LA BRTEN PA YIN PA'I PHYIR ZHES BYA BA'I GTAN TSIGS RNAM PA 'BA' ZHIG GIS SGRA DE LA NAS MKHA'I YON TAN NYID BSGRUB PAR BYA BA LTAR RO, ,DAM BCA' BA'I DON DE BSGRUB PAR BYA BA NI DE LTA BU'I ZHES BYA BA SGRA DE LA 'DU BA'I MI RTAG PA NYID YIN NO, ,DE YANG ZHES BYA BA NI NAM MKHA'I YON TAN NYID DO, ,DES NI MI RTAG PA NYID SGRUB PA'I RTAGS KYIS SO, ,DAM BCA' BA'I SKYON DE LUNG DANG 'GAL BA YIN NO, ,GAL TE GTAN TSIGS 'DIS MI RTAG PA NYID SGRUB PAR BYED PA DE LTAN YANG DAG GI BSTAN BCOS KYI DE NA BKAG PAS 'GAL BAR 'GYUR BA, NAM MKHA' YON TAN NYID CI LTAR SEL BAR BYED PA YIN SNYAM NA, 'DI LTAR ZHES SMRAS SO, ,SKAD CIG DE MA THAG TU 'JIG GAM, DUS GZHAN DU 'JIG KYANG RUNG TE, NAM MKHA' YON TAN NYID RNAM PAR GNAS PA MA YIN NO, ,DES NA BYAS PA'I PHYIR ZHES BYA BA'I GTAN TSIGS NI, BSTAN BCOS LA GNOD PA'I PHYIR 'GAL BA YIN NO ZHES BYA PA'I DON YIN NO, ,PHA ROL BO DAG RNAM PA 'GA' ZHIG LTAR NAM MKHA' 'DZIN BA LA NYE BAR MKHO BA BRJOD PA NI RLUNG GIS ZHES BYA BA'O, ,DE DAG GIS NI NAM MKHAS SO, ,DES NI ZHES BYA BA SGRA LA'O, ,GANG GIS NAM MKHA' 'DZIN PAR STON PAR RLUNG GIS KHYED PAR CI LTAR 'GYUR ZHE NA, DE NI DE'I RANG BZHIN NYID CES BYA BA'O, ,LAN NI 'JIG RGYU MED KYI BAR DU ZHES BYA BA'O, ,'O NA RTAG PAR GNAS PA RNAMS LA RTEN YOD PAR 'GYUR RO SNYAM NA BA RJOD PA, GAL TE SKAD CIG GNAS BA'I SGRA LA BSHAD ZIN PA'I TSUL DU RTEN BYED PA YIN LA DUS GZHAN GNAS BA'ANG YOD PA MA YIN NO, ,DE'I RTAG PHA DUS THAMS CAD DU GNAS PA LA YANG RTEN NYID YOD PA MA YIN NO, ,CI'I PHYIR ZHE NA, GANG GI PHYIR DON MED PA YIN PAS SO, ,DES NA DON DAM PAR NA RTEN DANG BCAS PA NI 'GA' YANG YOD PA MA YIN NO, ,PHA ROL PO CI SKAD BRJOD PA'I SU NA 'BYIN PA KHAS LEN PAS SGRA DUS GZHAN DU GNAS PA'I PHYOGS LA KHYAD PAR NYE BAR STON BA NA RTEN DANG BCAS PAR RTOGS PA NI RIGS PA YIN NO ZHES BRJOD PA NI, DE BDEN ZHES BYA BA STE, BRJOD MA THAG PA SUN 'BYIN BA DE'O, ,DE LTAN YANG, DUS CUNG ZAD GNAS PA'I SGRA'I RANG BZHIN NI RTEN DANG BCAS PA'I MTSAN NYID LHAN CIG SKYES PA'I RANG BZHIN NO, ,CI'I PHYIR ZHE NA, 'DI LA ZHES BYA BA'O, ,DE'I

PHYIR ZHES BYA BA NI GSAL BYED KYI LUGS NYE BAR SDUD PA'O, ,MI RTAG PA ZHES BYA BA SKAD CIG MA NYID DU'O, ,DUS CUNG ZAD GNAS PA'I MI RTAG BA NYID LA NI RTEN DANG BCAS BA NYID MI 'GAL BAS GTAN TSIGS DANG DAM BCA' BA'I NYES PAR MI 'GYUR RO, ,GZHAN LA'ANG ZHES BYA BA NI NAM MKHA'I YON TAN NYID LA SOGS PA LA YANG SKABS MA YIN BA DE NI MTSUNGS SO, ,BZLOG PA BSGRUB PA LA YANG SKYON DU 'GYUR RO ZHES 'BREL TO, ,GANG GIS DE LAS BZLOG PA BSGRUB BA MA SKYON DU 'GYUR BA, CI STE BSGRUB PAR BYA BA YIN NAM ZHE NA, GANG GIS PHYIR ZHES BYA BA'O, ,DES ZHES BYA BA BSTAN BCOS KYIS BRJOD PA SGRA DE'I CHOS NAM MKHA'I YON TAN NYID GANG YIN PA DE DANG 'BREL BAR GYUR PA'I MI RTAG PA NYID DE NI BSGRUB PAR BYA BA YIN BDE BZHIN DU BSTAN BCOS BYED PAS 'DOD PA'I DRI ZHES BYA BA SGRA CHOS CAN LA LTOS NAS CHOS CAN GZHAN DE DANG 'BREL BA SA'I YON TAN NYID 'BREL PA NYID KYI BSTAN BCOS TE, DE STON PAR BYED PA YIN PA'I PHYIR RO, ,BSTAN BCOS DES BSGRUBS PA'I MI RTAG PA YANG BSGRUB PAR BYA BA YIN PAR 'GYUR RO ZHES SBYAR RO, ,DE BKAG NA YANG ZHES BYA BA NI SA'I YON TAN BKAG NA YANG STE, NAM MKHA'I YON TAN BKAG PA 'BA' ZHIG TU NI MA ZAD PA'O, ,BSTAN BCOS GANG DU SGRA NAM MKHA'I YON TAN DU BRJOD PA'I BSTAN BCOS DE DANG 'BREL BAR BSTAN PA'I PHYIR MI RTAG PA NYID MI 'THAD DO, ,DE'I PHYIR DAM BCA' BA'I SKYON DU 'GYUR BA NYID DO, ,CHOS CAN ZHES BYA BA NI SGRA'O, ,CHOS CAN GZHAN DU'ANG ZHES BYA BA NI DRI LA'O, ,'CHAD PA NI GAL TE ZHES BYA BA'O, ,DE'I STE MI RTAG PA NYID KYI CHOS KYI GZHI YIN PAS TE, NAM MKHA'I YON TAN NYID KYI GZHI YIN PAS NI MA YIN PA'O, ,CHOS GZHAN ZHES BYA BA NAM MKHA'I YON TAN NYID KYI RTEN YIN PAS KYANG SKABS SU BAB PA'O, ,LAN NI DE LTAR NA ZHES BYA'O, ,DE'I PHYOGS GCIG TU GYUR PA'I BSTAN BCOS KYIS BRJOD PA'I CHOS CAN SGRA ZHES BYA BA GANG YIN PA DE LAS CHOS CAN GZHAN DRI DE DANG 'BREL PA'I CHOS SA'I YON TAN NYID DE DANG 'BREL PA YANG CHOS CAN SGRA'I SKABS YIN PA'I PHYIR ZHES SBYAR RO, ,'ON TE YANG MI RTAG PA NYID KYI CHOS DE'I GZHIR GYUR BA'I SGRA'O, ,CHOS GZHAN YANG ZHES

, ,BYA BA NI NAM MKHA'I YON TAN NYID DO, ,CHOS CAN CHOS SOGS ZHES BYA BA NI, CHOS CAN GYIS CHOS YIN BA'I PHYIR RO, ,SPYI'I PHYOGS GCIG YIN PA'I PHYIR ZHES BYA BA'O, ,'DOD PA DANG SGRUB PAR BYED PA 'JUG PA ZHES BYA BA NI, SPYI'I PHYOGS GCIG GI KHYAD PAR NYID NI RTAG TU YOD PA'I PHYIR NA, YOD PA TZAM GYIS BSGRUB PAR BYA BA'I 'DOD PA 'JUG PAR BYED PAR 'GYUR LA, DE BZHIN DU BYAS PA NYID LA SOGS PA'I SGRUB PAR BYED PA YANG BSGRUB BYAR SGRUB PA'I DON TU NYE BAR SBYOR BAR 'GYUR RO, ,DOGS PA BSU BA NI 'ON TE ZHES PA'O, ,BSGRUB PAR BYA BA'I SPYI NI MI RTAG PA NYID KYI CHOS DANG BCAS PA'I SGRA YIN LA DE'I PHYOGS GCIG GI KHYAD PAR NI NAM MKHA'I YON TAN GYI MTSAN NYID KYI CHOS TE, DER 'DOD PA'I PHYIR RO, ,DE LTAR ZHES BYA BA NUS PA THOGS PA MED PA NYID DU'O, ,DE'I STE SKABS KYI 'BRAS BU'O, ,SGRA MI RTAG STE ZHES BRJOD PA LAS MI RTAG PA NYID SKABS SU BAB PA YIN NO ZHES RTOGS PAR 'GYUR BA'O, ,DE LTAR NA RTOGS PA YANG DE DAG GIS ZHES BYA BA'I RNAM 'GREL GYI CHA LA RTZOD PA NYE BAR BKOD NAS LAN 'DEBS PA NI 'DIR BRJOD PA ZHES BYA BA'O, ,'DOD PA LA SKABS DE NYID KYI NUS PA YOD PA NI TSIG LAS RTOGS PAR 'GYUR PA YIN NO, ,DE'I PHYIR NA TSIG DE LAS SKABS RTOGS PA NYID YIN NO, ,GAL TE TSIG NYID LAS 'DOD PA RTOGS KYI SKABS LAS NI MA YIN NO SNYAM NA, 'DOD PA ZHES SMOS SO, ,TSIG LAS NI 'DOD PA TZAM ZHIG RTOGS KYI 'DOD PA'I KHYAD PAR NI MA YIN NO, ,DES NA 'DOD PA'I DON LA NGES PA NYID DU NI SKABS LAS RTOGS PA YIN NO ZHES BRJOD DO, ,GAL TE TSIG LAS SKABS KYI NUS PA NA 'DOD PA NYID CI STE MI RTOGS SNYAM NA, TSIG LAS NI ZHES SMOS SO, ,'O NA SKABS 'DOD PA'I GO BAR BYED PAR 'GYUR RO SNYAM NA, SKABS NI SHES BYA'O, ,'O NA JI LTAR SKABS KYIS 'DOD PA'I KHYAD PAR GO BAR BYED SNYAM NA, DES NA ZHES BYA BA STE, GANG GI PHYIR TSIG GIS 'DOD PA'I KHYAD PAR MI RTOGS LA, NUS PA MED PA'I RGYUR GYUR PA'I SKABS LAS KYANG MA YIN DES NA'O, ,SKABS GANG LA TSIG GIS RTOGS PA'I NUS PA THOGS PA MED PA YOD PA DE LA DE SKAD CES BRJOD DO, ,'DOD PA'I MI RTAG PA NYID LA SOGS PA

SGRUB PA'I BSGRUB PAR BYA BA LA, SO SOR NGES PA GANG YIN PA DE GO BAR BYED PA'O, ,SGRA ZHES BYA BA NI RUNG BA NYID KYI RJES SU DPAG PA LA BSAMS NAS SAM, GZHAN GYIS BSAM PAS BRJOD PA YIN NO, ,DE LA RE ZHIG SGRA SKABS KYIS NI NAM MKHA'I YON TAN 'DOD PA GO BAR BYED PA MA YIN NO ZHES STON PA NI SGRA YANG SKABS YIN NO ZHES BYA BA'O, ,CI'I PHYIR ZHE NA, NAM MKHA'I YON TAN DE LA SKABS DE MED PA'I PHYIR RO, ,'O NA 'BRAS BUS DE 'DOD PAR GO BA YIN NO ZHE NA 'BRAS BU TSIG CES BYA BA'O, ,DE YANG ZHES BYA BA NI SGRA MI RTAG GO ZHES BYA BA'I TSIG DE YANG NAM MKHA'I YON TAN LA MED DO ZHES BYA BA'O, ,DE LTA NA YANG ZHES BYA BA NI 'DOD PA GO PAR BYED PA'I RTAGS MED KYANG NGO, ,CI LTAR 'BRAS BU'I RTAGS MED SNYAM NA, BSGRUB PAR BYA BA'I ZHES SMOS SO, ,'O NA NI SGRAR 'GYUR RO SNYAM NA, NUS BZHES BYA'O, ,'O NA CI STE 'DRA BA ZHIG GNOD NA, DAM BCA' BA DANG GTAN TSIGS KYI NYES PA YIN SNYAM NA MED NA MI 'BYUNG BA'I ZHES SMOS SO, ,'ON TE MNGON SUM YANG LUNG LA LTOS PA KHO NAS TSAD MA YIN NO SNYAM NA, GANG CUNG ZAD CES BYA BA STE, LUNG LA MI LTOS PA KHO NA'O ZHES BYA BA'I DON TO, ,CI STE ZHES BYA BA NI DOGS PA BSU BA'O, ,'DI GA LAS SHE NA LUNG GIS ZHES BYA BA'O, ,GAL TE LUNG LA MI LTOS PAR GYUR NA DE'I TSE LUNG GIS MI GNOD PA ZHIG GO, ,GAL TE MNGON SUM LUNG GIS GNOD PAS 'KHRUL PAR 'GYUR NA, MNGON SUM GYIS GNOD PAS KYANG LUNG 'KHRUL PAR CI STE MI 'GYUR ZHE NA, LHA NI ZHES BYA'O, ,CIG SHOS KYI ZHES BYA BA NI RAB RIB MED PA'I MTHONG BA'O, , GAL TE GA LA LHA MIG YIN PA STE, LUNG GI TSIG KUN GYI BYED PA PO STE YIN PAR GRUB NA DE'I TSE KHO BO CAG LA SOGS PA'I MNGON SUM DES BYAS PA'I LUNG GIS GNOD PA YIN NO ZHES BYA BA'I TSIG 'DI RIGS PAR 'GYUR BA YIN NA DE LTAR GRUB PA YANG MA YIN TE, PHAN TSUN 'GAL BA'I DON BRJOD PA'I PHYIR RO, ,'ON TE 'DI RNAMS LAS 'GA' ZHIG LHA'I MIG DANG LDAN PAR 'GYUR BA YIN NO SNYAM NA, DE 'DI 'GA' ZHIG CES BYA BA STE, LHA'I MIG CAN NAM, DES BYAS BA'I LUNG 'GA' ZHIG GO, ,DE NI ZHES BYA BA NI SKYES BU'AM LUNG NGO, ,DE BZHIN ZHES BYA BA NI LHA'I MIG GAM DES BYAS

, ,PA'O; ,DE LTAR NI BDAG CAG GIS GSAL BAR NGES PA MA YIN NO, ,'ON TE LUNG BYED PA MTHA' DAG NI THAMS CAD GAL YIN NO SNYAM NA, TSIG PHAN TSUN ZHES BYA BA'O, ,GZHAN GYIS THAMS CAD MKHYEN PA ZHES BYA BA'O, ,KHYED CAG BAS KYANG GZHAN PA STE NGAN PA NI MA YIN TE 'ON KYANG KHYED PAS NI DRAG GO ZHES BYA BA'I DON TO, ,DES NA DE DAG GI TSIG DANG MI 'GAL BAR RJES SU DPAG PA 'JUG PA YIN NO ZHES BYA BAR BSAM PA'O, ,LAN NI DE LTA NA 'ON ZHAS BYA BA'O, ,LUNG BYED PA THAMS CAD KHYED CAG PAS MI DRAG RGYU MED PA'I PHYIR LUNG GCIG GI PHYOGS SU LHUNG BAR MI RIGS SO, ,DE NA CI LTAR RANG GI BSTAN BCOS DANG 'GAL BA SPONG BA DE BZHIN DU GZHAN GYI BSTAN BCOS DANG 'GAL BA YANG SPANG BAR BYA NA, DE YANG MI NUS PA KHO NA'O, ,DES NA ZHES BYA BA NI LUNG THAMS CAD DANG 'GAL BA SPANG BAR MI NUS BAS NA'O, ,SKYE BAR MI 'GYUR BAS ZHES BYA BA NI, SPYI LA SOGS PA RJES SU DPAG PA 'JUG PAS SANGS RGYAS PA'I LUNG GNOD PAR 'GYUR, SPYI MED PA'I RJES SU DPAG PA 'JUG NA YANG GZHAN GYI LUNG LA GNOD PAS SO, ,DES NA GZHAN GYI LUGS LA RJES SU DPAG BA MI SRID PA KHO NA'O, ,RJES SU DPAG PA TSAD MA MA YIN TE ZHES BYA BA NI RTAGS BSTAN BCOS LAS GNOD PAR BYED PAS 'GAL BA YIN PA'I PHYIR RO, ,DE NYID BRJOD PA NI, BSTAN BCOS DANG ZHES BYA'O, ,PHYIS ZHES BYA BA LUNG DANG 'GAL BA'I SGO NAS BSGRUB BYA MA GRUB PAR MI 'GYUR BA'O, ,DE DANG ZHES BYA BA RJES SU DPAG PAS GRUB PA DANG 'GAL BA'I LUNG NGO, ,KHAS BLANGS PA LA ZHES BYA BA NI KHAS BLANGS PA'I BSTAN BCOS LA LTOS NAS BSTAN BCOS DANG 'GAL BAR YANG 'GYUR BA'O, ,GZHAN DU NI ZHES BYA BA KHAS MA BLANGS PA'I BSTAN BCOS LA LTOS NAS NI MA YIN PA'O, ,THAMS CAD LA ZHES BYA BA NI NGES PA'I RGYU MTSAN MED PA'I PHYIR RO, ,GZHAN GYI DOGS PA BSU BA NI, RTAG MI BZOD PA'I ZHES BYA BA'O, , NGES PA'I BSTAN BCOS KHAS LEN PA'I RGYU NI RTAG PA NYID YIN NO ZHES BYA BA'I DON TO, ,TSAD MA YIN LA ZHES BYA BA NI RJES SU DPAG PA'I RANG BZHIN YIN PA'I PHYIR RO, ,BRTAG PA DE NYID KYANG KHAS BLANGS PA DES SO, ,'DI LA BSAM PA NI 'DI YIN TE, GAL TE BRTAG PAR 'OS PA KHO NA KHAS BLANG BAR

BRJOD NA, DE'I TSE KHAS BLANGS PAS BRTAG PA GNOD PAR BYED DO ZHES KHAS BLANG BAR MI BYA BAR 'GYUR NA, KHYOD KYI 'DOD PAS NI KHAS BLANGS PAS BRTAG PA LA GNOD PA YANG YIN TE, SGRA MI RTAG PAR RJES SU DPOG PA LA NAM MKHA'I YON TAN NYID DU STON PA'I BSTAN BCOS KYIS GNOD PAR KHAS BLANGS PA'I PHYIR RO, ,DE'I TSE NI RTOGS PA'I DUS NA'O, ,DE NI BSTAN BCOS SO, ,DE'I TSE ZHES BYA BA NI BSTAN BCOS LA MI LTOS PA'I DUS NA'O, ,DE'I TSE ZHES BYA BA NI RTZOD PA'I DUS NA'O, ,KHAS BLANGS MED PHYIR ZHES BYA BA NI, BSTAN BCOS KHAS MA BLANGS PA'I PHYIR RO, ,KHAS LEN PAR BYA BA LA THABS TE RGYU'O, , 'DI NYID NI DPYOD PA'O, ,DE TSE STE RTZOD PA'I DUS NA KHAS BLANGS PA DE YOD KYANG STE, YOD PA YIN PA YANG BRTAG PA LA GNOD PA'I YAN LAG MIN TE RGYU MA YIN NO, ,GAL TE DE TZAM GYIS YONGS SU MTSIM [?] NA ZHES BYA BA NI MNGON SUM DANG RJES SU DPAG PA'I SPYOD YUL TZAM GYIS THAR PA 'DOD PA DAG PHUNG PO GSUM PA MED PAR YONGS SU MA TSIM NA'O, ,CI'I PHYIR DE'I TSE BSTAN BCOS KYIS GNOD SNYAM NA, GANG GI PHYIR GNAS GSUM PAR NI 'PHO BA NA STE, 'PHO BA'I DON DU BSTAN BCOS LEN PAR RIGS LDAN YIN TE, DES NA DE NYID KYI TSE BSTAN BCOS KYIS GNOD KYI GZHAN GYI TSE NI MA YIN NO, ,CI LTAR NA BSTAN BCOS YONGS SU 'DZIN PA YANG DE'I RGYU MTSAN YIN ZHE NA, DES GRUB DON LA ZHES BYA'O, ,GAL TE GNAS GSUM PAR 'PHO BA NA BSTAN BCOS KHAS MI LEN NA, DE'I TSE DES GRUB PA'I DON RNAMS LA, BSTAN BCOS DANG 'GAL BAR SEMS PA YANG MI RUNG BAR 'GYUR TE, CHOS CAN MA GRUB PA'I PHYIR RO, ,GAL TE BRTAG PA SNGON DU 'GRO BA CAN GYI KHAS LEN PA YANG DES GRUB PA'I DON RNAMS LA SEMS PA CI LTAR 'THAD SNYAM NA, BRTAGS NAS ZHES BYA'O, ,DE NI CI LTAR DE LA DAM BCAS GNOD CES BYA BA NI RGOL BA DE DANG 'BREL BA'I BSTAN BCOS TSAD MAS GRUB PA'I MI RTAG PA NYID STON PAR BYED PA DE LA, NAM MKHA'I YON TAN NYID DU DAM BCA' BAS CI LTAR GNOD DE MI GNOD PA KHO NA'O, ,'ON TE YANG BSTAN BCOS RTOGS PA DES NA DE LA DAM BCA' BAS GNOD DO SNYAM NA, BSTAN BCOS DES LA SLAR YANG BRTAG PAR BYA BA MA YIN TE BRTAGS ZIN PHA'I PHYIR RO, GAL TE DE LTAR

, ,NA YANG RTOG NA NI, DE'I TSE BSTAN BCOS DE NI SNGAR BRTAGS PAR MI 'GYUR RO, ,YANG ZHES BYA BA NI MA BRTAGS PAR BSTAN BCOS KHAS BLANGS PAR YANG NGO, ,TSAD MAS GRUB BA ZHES BYA BA NI MI RTAG PA NYID DO, ,TSAD MAS MA GRUB PA ZHES BYA BA NI NAM MKHA'I YON TAN NYID DO, ,GSUM PA LAS GZHAN DU ZHES BYA BA NI MNGON SUM DANG RJES SU DPAG PA'I YUL LA'O, ,GAL TE DE NI ZHES BSGRUB PAR BYA BA MI RTAG BA NYID LA SOGS PA'O, ,GAL TE ZHES BYA BA LA SOGS PA NI RTZOD PA'O, ,GAL TE BSTAN BCOS KHAS MI LEN NA DE'I TSE BSTAN BCOS KYIS GNOD PAR DOGS PA'I DON ZHES BYA BA NI BSTAN BCOS KYIS GNOD PAR BYAS PA'O, ,MA YIN TE ZHES BYA BA LA SOGS PA NI LEN NO, ,TSAD MAS GRUB PA MI RTAG PA NYID NA'O, ,TSAD MAS GRUB PA NI MI GNOD PAS LDOG PA MA YIN TE DES NA DES BSGRUB PAR BYA BA NI MA YIN NO ZHES BYA BA NI MI RIGS PAR BRJOD BA'O, ,BSTAN BCOS DANG SKYES BU 'BREL PA MED PA'I PHYIR RO, ,'O NA BSTAN BCOS DE SKYES PA YIN PAR CI LTAR 'GYUR ZHE NA BSTAN BCOS NI YON TAN DANG LDAN PAS DE YUL GSUM YONGS SU DAG PA'I MTSAN NYID DANG LDAN BAS SKYES BU'I YIN NO, ,YON TAN DANG LDAN PA'I BSTAN BCOS NI LDOG PA DANG LDAN PAS 'DZIN GYI YON TAN DANG MI LDAN PA NI MI 'DZIN PA'I PHYIR RO, ,CI LTAR 'BREL PA MED SNYAM NA, 'DI LTAR ZHES BYA BA'O, ,'O NA DE NI YON TAN DANG LDAN BA NYID KYIS DE'I ZHE NA YON TAN NYES PA ZHES BYA BA'O, ,GAL TE BSTAN BCOS MA YIN NA 'ON 'DI CI YIN ZHE NA, GRUB PA MTHA' ZHES GSUNGS SO, ,DE LAS ZHES BYA BA NI GDON MI ZA BA LAS SO, ,'DIS NI PHYED PHYI MA BSHAD NAS PHYED SNGA MA 'CHAD BA NI, LHAN CIG CES BYA BA STE, SKYES BU DANG BSTAN BCOS DAG GI LHAN CIG SKYES PA'I 'BREL BA NYID LAS SO, ,DE LDAN NI LUNG DANG LDAN BA'O, ,LUNG GIS TSAD MA LA GNOD NA TSAD MA DOR BA'I PHYIR NA YON TAN DANG SKYON RNAM PAR DBYE BA MED PAR 'GYUR RO ZHES BRJOD PA NI, TSAD MA ZHES BYA BA'O, ,DE DANG ZHES BYA BA NI BSTAN BCOS DANG 'GAL BA SPANG BA'I DE DANG RJES SU MTHUN PA'I DPES SO, ,TSAD MA MA YIN PA NYID NA YANG 'GAL BA SPANGS PA MA YIN TE ZHES 'BREL TO, ,CHOS CAN DE NYID CES BYA BA CHOS CAN SGRAS DE NYID KYI

CHOS NAM MKHA'I YON TAN NYID LA MI RTAG PA NYID SGRUB PAR BYED PA'I BYAS BA NYID KYIS GNOD NA, BRJOD PA LA STE MI RTAG PA LA YANG NGO, ,'ON TE MI RTAG PA NYID 'DI NI NAM MKHA'I YON TAN NYID KYIS SGRUB PAR BYED PA YIN NO, ,DES NA GNOD PAR BYED PA NI ZHES BYA'O, ,DE LAS GZHAN ZHES BYA BA ME SGRUB PAR BYED PAS ME MED PA LA GNOD PAR BYA BA'O, ,'BREL PA MED NA CHOS NAM MKHA'I YON TAN NYID MA GRUB PAS MI RTAG BA NYID MA GRUB PAR NI CI LTAR 'GYUR, DE GRUB YIN NA TE MI RTAG PA NYID GRUB PA YIN NA, MI RTAG PA NYID DE BSGRUB PAR BRJOD PA'O, ,GANG GIS DE SKAD BRJOD PA DE LTAR MTHONG BA YOD DAM CI SNYAM NA, DU BA GCIG GIS KYANG ZHES BYA BA'O, ,'GAL BA'I PHYIR ZHES BYA BA NI RTZOD PA'O, ,ME DANG GRANG BA'I REG PA DAG 'GAL BA'I PHYIR NA, DU BAS GRANG BA DANG 'GAL BA'I ME SGRUB PAR BYED KYANG DU BA 'GAL BA'I GTAN TSIGS LTAR SNANG BA MA YIN NO, ,'GAL BA MTSUNGS SO ZHES BYA BA NI MI RTAG PA NYID DU GYUR NA YON TAN NYID MED PA'I PHYIR RO, ,YON TAN DANG YON TAN CAN GYI DNGOS PO NI RTAG PA'I DNGOS PO LA YIN NO, ,DNGOS PO MI RTAG PA DANG, DNGOS PO MED PA NAM MKHA'I YON TAN DAG GO, ,DE'I ZHES BYA BA BSTAN BCOS LAS BRJOD PA NAM MKHA'I YON TAN NYID LA SOGS PA'I CHOS NYE BAR BLANGS PA MED PAR RO, ,DE LAS TE SEMS PA CAN DANG ME LA SOGS PA LAS GZHAN PA'I CHOS SEMS PA MED PA DANG, ME MA YIN PA LA SEMS PA'O, ,'BRAS BU DANG KHYAB BYA'I MTSAN NYID KYI NGO BO NYID DE NI 'DOD PA'I BSGRUB PAR BYA BA ME DANG SHING GI MTSAN NYID KYI DON DANG, MED NA MI 'BYUNG BAR TSAD MAS RTOGS PA'I PHYIR RGOL BA GZHAN DAG 'BRAS BU DANG RANG BZHIN GYI GTAN TSIGS DES CI LTAR RTOGS PAR 'GYUR BA YIN TE, RTOGS PAR 'GYUR BA KHO NA'O ZHES BYA BA'I DON TE, ,NUS PA ZHES BYA BA LA, NUS PA THOGS PA MED PA'I RGYU LAS GZHAN GANG YIN PA THA MAR MA GYUR BA 'BRAS SU SKYED PA ZHUGS PA NI DE NI BZLOG PAR NUS PA'O, ,SHES PAR BYED PA YANG DE BZHIN DU 'GYUR RO ZHE NA, SHES PAR BYED PA NI RTOGS PA SKYED PA BZLOG PAR NUS PA MA YIN NO, ,SU LA RTOGS PA SKYED PA ZHE NA, TSUL GSUM RTOGS PA'I SKYES BU LA'O, ,DE NYID KYIS NI SKYES BU NYID KYIS SO, ,RTAGS LAS TE GTAN TSIGS LAS,

, ,GAL TE BSGRUB PAR BYA BA MI NGES TE MI RTOGS NA DE'I TSE SKYES BU MI 'DOD BZHIN DU NI, MES TSIG BAR GYUR BA TSIG PA'I SDUG BSNGAL LA 'DOD PA RAB TU BZLOG PAR 'GYUR RO, ,KHYAD PAR GYIS ZHES BYA BA NI SGRUB PAR BYA BA LTOS TE SGRUB PAR BYED PA'I MI 'KHRUL BA NYID DE DES NA BSGRUB BAR BYA BA NI KHYAD PAR YIN LA, SGRUB PAR BYED PA'I MI 'KHRUL BA NYID NI KHYAD PAR DANG LDAN PA YIN NO, ,MED NA MI 'BYUNG BAR RTOGS PA NI BSGRUB PAR BYA BA RTOGS PA MED NA MI 'BYUNG BA YIN NO ZHES BYA BA'I DON TO, ,GZHAN GYIS SMRAS PA DE MA THAG PAR BRJOD PA THAMS CAD YIN MOD KYI STE DE LTAR BDEN YANG 'ON TE BSTAN BCOS DANG 'GAL BA'I SGRUB PA'I PHYIR NA RGOL BA MI RIGS PA BYED PAR 'GYUR RO ZHE'O, ,'GAL NA ZHES BYA BA NI BSTAN BCOS 'GAL NA'O, ,RGOL BAS 'DIR MI RIGS PA CI BYAS, DES NI RGOL BAS SO, ,DE ZHES BYA BA NI BYAS PA LA SOGS PA'I GTAN TSIGS SO, ,DE LTA BU'I ZHES BYA BA NI BSTAN BCOS LA GNOD PA'O, ,GZHAN ZHES BYA BA BSTAN BCOS LA MI GNOD PA MED PA'I PHYIR RO, ,'DOD PA DE BSGRUB PA'I PHYIR NA BYAS PA'I MTSAN NYID KYI GTAN TSIGS 'DIR SKYON DU 'GYUR BA MA YIN NO ZHES 'BREL TO, ,BYAS PA NYID 'DIR NI NYES PA MED DE BSGRUB BYA SGRUB PA'I PHYIR RO, ,'O NA GANG GI TSO NYES PA YOD SNYAM NA, BYAS PA'I GTAN TSIGS 'DIR NI MA BRJOD PA NYID NI RGOL BA'I SKYON YIN NO, ,'DIR YANG ZHES BYA BA NI GTAN TSIGS LTAR SNANG BA RNAMS LA YANG RO, ,SGRUB PAR BYED PA YANG NI BYAS PA LA SOGS PA'O, ,GAL TE NAM MKHA'I YON TAN NYID KYI GNOD BYED MA YIN PA'I GTAN TSIGS KYANG YOD PAR SRID PA NYID MA YIN NAM, DES NA DE MA BRJOD PA YANG NYES PA KHO NA'O ZHE NA, 'DIR NI ZHES SMOS TE MI RTAG PA NYID DU SGRUB PA LA'O, ,GNOD PAR BYED PA KHO NA SRID PA YIN NO ZHES BYA BA'I DON TO, ,DE NYID KYIS TE BSTAN BCOS KYI DON DU GYUR PA NAM MKHA'I YON TAN NYID KYIS MA NGES PA'I PHYIR TE, NAM MKHA'I YON TAN NYID BZHIN DU MI RTAG PA MED KYANG YOD PA'I PHYIR RO, ,MI RTAG PA NYID LA SOGS PA'I RIGS PA GZHAN YANG NGO, ,'GA' ZHIG NYID LA NI NAM MKHA'I YON TAN CAN GYI BSTAN BCOS LA'O, ,DE NI 'GAL BA'O, ,'DI LA NI MI RTAG PA LA'O, ,MI RIGS PA NI NAM MKHA'I YON TAN NO, ,RIGS

PA NI MI RTAG PA LA'O, ,SKABS KYI ZHES BYA BA MI RTAG PA NYID DANG 'BREL BA TZAM LA BYAS PA LTOS PA'O, ,DE LTA MA YIN NA ZHES BSTAN BCOS THAMS CAD DANG MI 'GAL BAS SGRUB PAR BYED PA NI MI SRID PA'I PHYIR RO, ,GZHAN LA YANG ZHES BYA BA NI BSTAN BCOS KYI DON LAS GZHAN PA LA YANG MI 'GAL BAR BYA BAR 'GYUR TE, SKABS MA YIN PAR KHYAD PAR MED PA'I PHYIR RO, ,BSTAN BCOS KYANG 'GAL BA YANG STE BSTAN BCOS KYI DON LAS GZHAN GYI 'GAL BA 'BA' ZHIG TU NI MA ZAD PA'O, ,BYAS PA YIN NA ZHES BYA BA NI DANG POR KHAS BLANGS PA BYAS PA YIN NA'O, ,PHYIS KYANG STE TSAD MA DANG 'GA' NA'O, ,GAL TE 'DI NI GZHAN DAG KYANG 'DOD PA NYID MA YIN NAM, DES NA BRJOD PA 'DIS CI BYA ZHE NA, PHA ROL PO ZHES BYA BA'O, ,'DOD PA NYID STON PA NI DAM BCA' BA ZHES BYA BA NAS ZHE'O ZHES BYA BA'I BAR RO, ,'DI LA YANG NYES PA SNGAR BRJOD ZIN PAS YANG MI BRJOD DO, ,DER YANG NI 'GAL BA MI 'KHRUL BA LA'O, ,'DIR YANG BYAS PA LA SOGS PAR RO, ,'GAL NGES LA TE 'GAL BA 'KHRUL PA CAN GYI GTAN TSIGS GNYIS LA GNOD PAR 'GYUR TE PHAN TSUL STOBS MTSUNGS PA'I PHYIR RO, ,'GAL BA'I DON DAG NI CHOS CAN GCIG LA BSGRUB PA MA YIN TE, MI LTUNG BA'I PHYIR RO, ,BYAS PA NYID 'DIR NI 'GAL BA MI 'KHRUL BLTAR BSTAN BCOS DANG 'GAL BA YOD PA MA YIN TE, DNGOS PO'I STOBS KYIS ZHUGS PA'I RJES SU DPAG BA NI BSTAN BCOS KYIS GNOD PA MA YIN NO, ,LUNG NI DE LTA BU ZHES BYA BA DNGOS PO'I STOBS KYIS ZHUGS PA MA YIN PA'O, ,DE DAG NI STE BSTAN BCOS DANG RJES SU DPAG BA DAG NI PHAN TSUN GNOD PA MA YIN TE, RJES SU DPAG PA KHO NA GNOD BYED YIN PA'I PHYIR RO ZHES BYA BA'I DON TO, ,GAL TE 'GAL BA MI 'KHRUL BA CAN DAG GIS 'GAL BA GNYIS BSGRUB PAR CI STE MI 'GYUR DES NA PHAN TSUN GNOD PA MA YIN NO ZHE NA, GNYI GA ZHES GSUNGS SO,, TSAD MA NYID MA YIN PAS GNOD BYED MA YIN NO ZHES LHAG MA'O, ,DES NA ZHES BYA BA NI GNOD PAR BYED PA NYID MA YIN PAS NA'O, ,DE'I STE LUNG GI DON RJES SU DPAG PAR BYA BA'O, ,BSTAN BCOS KYI DON GNOD PAR BYED PA NI MA YIN NO, ,GANG GIS DE GNOD BYED MA YIN PA CI LTAR BSTAN BCOS

, ,TSAD MA MA YIN ZHE NA TSAD MA'I ZHES BYA BA'O, ,CI STE ZHES BYA BA LA SOGS PAS NI BSTAN BCOS DANG RJES SU DPAG PA DAG PHAN TSUN GNOD PAR STON PA'O, ,DE CI LTAR RJES SU DPAG PAS GNOD CES BYA BA NI, 'GAL BA MI 'KHRUL PA LTAR PHAN TSUN GNOD PAR 'GYUR RO ZHES BYA BA'I DON TO, ,DES NI BSTAN BCOS KYIS SO, ,'DIR YANG NI RJES SU DPAG PA LA YANG NGO, ,GAL TE 'GAL BA'I RJES SU DPAG PA LA BSTAN BCOS KYIS GNOD NA DE'I TSE TSAD MA MTHA' DAG NYAMS PAR 'GYUR RO, ,DES NA LUNG 'BA' ZHIG LUS PA YIN NO, ,DOGS PA NI 'ON TE ZHES BYA BA'O, ,DE NI BSTAN BCOS SO, ,LAN NI TSAD MA MA YIN PA ZHES BYA BA'O, ,DOGS PA NI RJES SU DPAG PAS GNOD PA'I BSTAN BCOS TSAD MA MA YIN GYI, THAMS CAD NI STE MI GNOD PA NI MA YIN NO ZHE NA, LAN DU BSTAN BCOS KYIS ZHES BYA BA'O, ,BRTAGS PA ZHES BYA BA NI BRTAGS PA'I BSTAN BCOS GANG YIN PA DE RJES SU DPAG PA'I GNOD PHYED YIN LA, MA BRTAGS PA'I BSTAN BCOS NI RJES SU DPAG PAS TSUR GNOD PA YIN NO ZHES BYA BA'O, ,RJES SU DPAG PA NYID CES BYA BA NI GRUB PA'I MTHA'O, ,CI'I PHYIR BSTAN BCOS TSAD MA'I RGYU MA YIN ZHE NA, DE LA ZHES BYA BA'O, ,RJES SU DPAG PA DE LA MED PA'I TSAD MAS NI; ,LUNG DE LA YOD PA'I TSAD MA YOD PAR BYED PA NI MA YIN NO, ,DES TE RJES SU DPAG PAS SO, ,RJES SU DPAG PA DE'I GNYEN PO LUNG MA YIN NO, ,'DIR YANG NI BSTAN BCOS DANG RJES SU DPAG BA DAG LA'O, ,BYAS PA LA SOGS PA'I SGRUB PAR BYED PA SKYON DANG LDAN PA NI MA YIN PA'O,, DE DAG CES BYA BA NI NAM MKHA'I YON TAN MA YIN PA DANG MI RTAG PA DAG GO, ,'BREL PA MED KYANG ZHES BYA BA NI NAM MKHA'I YON TAN DANG MI RTAG PA NYID LA MED NA MI 'BYUNG BA MED KYANG NGO, ,BSTAN BCOS KYI DON NI NAM MKHA'I YON TAN TE DES BSLAD PA'I PHYIR, GAL TE BYAS PA NYID GNOD NA DE'I TSE SGRUB PAR BYED PA THAMS CAD THAMS CAD KYI GNOD BYED DU 'GYUR RO, ,GRUB PA'I MTHA'I TSAD MA RNAM PAR 'GREL PA NI SKABS KYI ZHES BYA BA'O, ,BYAS PA DE DE NYID DAM GZHAN RTZOL BA LAS BYUNG BA LA SOGS PAS SO, ,NAM MKHA'I YON TAN NYID CHOS CAN DE DANG 'BREL PA'I CHOS CAN DE NYID

LA GNOD PA'I PHYIR TE CHOS CAN GZHAN LA NI MA YIN PA'I PHYIR GNOD PA YIN NO ZHES 'BREL TO, ,DE NI NAM MKHA'I YON TAN NYID DO, ,BYAS PA DE RANG GIS SGRUB PAR BYED PA MI RTAG PA LA MI MTHUN PA MED KYANG NGO, ,DE LAS GZHAN 'BREL PA MED PA NAM MKHA'I YON TAN NYID LA GNOD PAS SO, ,BDAG MED PA LTAR MED NA BSGRUB PAR BYA BA MI RTAG PA NYID MI 'BYUNG PA'I 'BREL BA DE NI NAM MKHA'I YON TAN NYID 'DIR RTOG PA MED DO, ,BSTAN BCOS LA GNOD PA DE CHOS CAN GZHAN LA GTAN TSIGS GZHAN GYIS BSTAN BCOS GNOD PAR BYAS PA LA YANG MTSUNGS SO, ,BSGRUB PAR BYA BA MI RTAG PA NYID KYI KHYAD PA BYED PA BDAG MED PA GANG YIN PA DE MED PAR SGRUB PA NI SPANG PAR BYA BA YIN GYIS, KHYAB PAR BYED PA MA YIN PA NAM MKHA'I YON TAN NYID MED PAR SGRUB PA NI MA YIN NO, ,CI'I PHYIR 'DI SPANG BAR BYA SNYAM NA, BSGRUB PAR BYA BA ZHES BYA BA'O, ,GANG YIN PA DE LA ZHES BYA BA BDAG MED PA LA'O, ,DE MED NA NI BDAG MED PA MED NA KHYAB PAR BYA BA MI RTAG PA NYID KYANG LDOG PA'I PHYIR RO, ,'O NA NAM MKHA'I YON TAN NYID LA SOGS PA YANG SPANG BAR BYA BA YIN NO SNYAM NA, NAM MKHA'I ZHES BYA BA'O, ,DE MED KYANG NI NAM MKHA'I YON TAN MED KYANG NGO, ,GZHAN BYE BRAG PA LA SOGS PA ZHES BYA BA NI TSAD MA KUN LAS BTUS PA'I BSHAD PA BYED PAR NI MA ZAD PA'O, ,RIGS PA CAN LA SOGS PA DE LTAR NA YANG NGO, ,BSTAN PA MA YIN PA ZHES BYA BA NI 'DI NA ME YOD DO ZHES BYA BA LA SOGS PA'O, ,BSTAN BCOS KYI DON BSTAN PA NI DAM BCA' BAR 'GYUR PA NYID DO, ,BSTAN BCOS SU BSTAN PA'I DON NI DAM BCA' BA YIN LA, MA BSTAN PA'I DON NI DAM BCA' BA MA YIN NO ZHES STON PA NI, 'DI LTAR ZHES BYA BA'O, ,GANG DANG GANG LUNG YIN PA DE NI DAM BCA' BA YIN NO, ,DES NA MA GRUB PA'I GTAN TSIGS LA SOGS PA YANG LUNG LA LTOS PA NYID DU THAL BA'I PHYIR MA GRUB PA NYID LA SOGS PA'I NYES PAR MI 'GYUR RO ZHES DE MA THAG TU STON PAR 'GYUR RO, ,GZHAN GYIS GAL TE ZHES BYA BA LA SOGS PA'O, ,'DIS NI LUNG GI DON YANG YIN LA DAM BCA' BA YANG MA YIN TE, DES NA MA GRUB PA'I GTAN TSIGS LA SOGS PA BRJOD PA NI DAM BCA' BAR MI 'GYUR RO ZHES BSTAN PA YIN

, ,NO; ,LAN NI MA YIN TE ZHES BYA BA'O, ,RANG GI NGO BOS NI DAM BCA' BA LUNG MA YIN TE, 'DI NA ME YOD DO ZHES BYA BA LA SOGS PA YANG LUNG DU THAL BA'I PHYIR RO, ,GANG GI PHYIR DE LTAR RANG GI NGO BOS DAM BCA' BA LUNG MA YIN GYI, 'ON KYANG DAM BCA' BA'I DON STON PA LAS YIN PA DES NA'O,, DE YANG ZHES BYA BA GTAN TSIGS MA GRUB PA LA SOGS PA YANG NGO, ,BSTAN BCOS KYI DON MTHA' DAG CES BYA BA NAS DAM BCA' BA MA YIN NO ZHE NA ZHES BYA BA'I MTHAR THUG PA NI RTZOD BA'O, ,DE LTA NA YANG ZHES BYA BA NI BSTAN BCOS KYI DON MTHA' DAG BSGRUB BYA YIN YANG NGO, ,BSGRUB PAR BYA BA NYID DU 'DOD PA MA YIN PA DAM BCA' BA MA YIN PA NYID GA LAS SHE NA, RAB TU BYED PA ZHES BYA BA'O, ,GZHAN DAG RNAM PA GZHAN GYI SGO NAS KYANG SGRUB PAR BYED PAR BSTAN PA DAM BCA' BA MA YIN NO ZHES BRJOD PA NI, TSAD MA KUN LAS BTUS PA LAS KYANG ZHES BYA BA'O, ,RANG GI NGO BO KHO NAR ZHES NGES PAR GZUNG BA'I PHYIR SGRUB PAR BYED PAR BSTAN PA NI DAM BCA' BA MA YIN NO ZHES 'BREL TO, ,GAL TE SGRUB BYED NYID BRJOD PA ZHES BYA BA NI, MA GRUB PA'I GTAN TSIGS DANG DPE SGRUB BYED NYID DU BRJOD PA DAG NI DAM BCA' BA MA YIN TE, 'DOD PA SMOS PHYIR NA ZHES BYA BA BSGRUB PAR BYA BA NYID DU 'DOD PA NI PHYOGS YIN NO ZHES BRJOD PA'I PHYIR RO ZHE NA, 'DI NI DE LTAR MI 'THAD DO, ,NI ZHES BYA BA NI GANG PHYIR TE, BSGRUB PAR BYA BA RIGS PAS THOB PA NI BSGRUB PAR BYA BA NYID DU 'DOD PA'I PHYOGS YIN NO ZHES BYA BA'I TSIG LAS LDOG PA MA YIN NO, ,DES CI TE MI LDOG SNYAM NA RIGS PA STON PA'I ZHES BYA STE BSGRUB PAR BYA BA NYID DU 'DOD PA PHYOGS YIN NO ZHES BYA BA NI RIGS PA STON PA YIN NO, ,RIGS PA NYID NI BSTAN BCOS KHAS BLANGS PHYIR ZHES BYA BA'O, ,'ON TE ZHES BYA BA NI BSGRUB PAR BYA BA NYID DU 'DOD PA PHYOGS YIN NO ZHES BYA BA'I TSIG GIS BSTAN PA RIGS PA YANG SGRUB PAR BYED PA NYID DU GANG GI PHYIR ZHE NA, SGRUB PAR BYED PA NYID DU BSTAN PA BSGRUB PAR BYA BA MA YIN PA'O, ,'GAL BA MI 'KHRUL PA CAN 'GYUR TE ZHES BYA BA NI, BSTAN BCOS KHAS BLANGS PA'I PHYIR ZHES BYA BA 'DI NI SGRUB PAR BYED PA GCIG GO, ,'DOD BA LA 'GAL BA BRJOD PA NI GZHAN YIN PAS, 'DI GNYIS 'GAL BA

MI 'KHRUL BA CAN DU 'GYUR RO, ,DE LTA NA YIN DANG ZHES BYA BA THE TSOM SKYED PAR BYED PA YIN DANG, BSTAN BCOS KHAS BLANGS PA'I PHYIR ZHES BYA BA'I GTAN TSIGS GANG YIN PA DE SGRUB PAR BYED PA MA YIN NO, ,DE'I PHYIR BSTAN BCOS LAS MTHONG BA SGRUB PAR BYED PA NYID DU 'DOD PA YIN YANG, BSGRUB PAR BYA BA NYID YIN PAR GA LA 'GYUR TE, MI 'GYUR PA KHO NA STE 'DOD PA'I TSIG LA SOGS PA SGRUB PAR BYED PA MA YIN PA'I PHYIR RO, ,DE LTA NA ZHES BYA BA RIGS PA MA YIN PA NA'O, ,GZHAN YANG ZHES BYA BA NI NAM MKHA'I YON TAN NYID LA SOGS PA'O, ,DE DANG LDAN BA'I PHYIR ZHES BYA BA NAM MKHA'I YON TAN DANG LDAN PA'I PHYIR RO, ,SKYES PA'I GNAS LAS GZHAN DU RNA BA'I YUL DU YANG NGO, ,DE NYID DU ZHES BYA BA NI SKYES PA'I GNAS NYID DU'O, ,GZHAN GYI THAG RING NA 'DUG PA ZHES SMRAS SO, ,LAN NI 'O NA ZHES BYA BA'O, ,GZUGS KYANG RGYANG RING BA DANG MI RING BA DAG GIS MTHONG TE DES NA DE YANG NAM MKHA'I YON TAN NYID DU 'GYUR RO, ,DE'I NI NAM MKHA'I YON TAN NO, ,DE LTAR NI THOS PA YANG MA YIN TE DE'I PHYIR RO, ,GANG LAS KYANG NI TSAD MA LAS SO, ,GTAN TSIGS 'DI NYID LAS ZHES BYA BA NI RTEN PA MA YIN PA MI 'THAD PA'I PHYIR ZHES BYA BA LAS SO, ,GZHAN GYIS SMRAS PA SA LA SOGS PA NI NAM MKHA' LA BRTEN PA NYID MA YIN NO, ,CI'I PHYIR ZHE NA, YON TAN MA YIN PA'I PHYIR TE RDZAS YIN PA'I PHYIR RO, ,LAN NI BRTEN BA NYID YIN NA ZHES BYA BA STE, GTAN TSIGS DE NYID LAS BRTEN BA NYID YIN PAR GRUB PA NI, YON TAN MA YIN PA DE NYID MI 'GRUB BO, ,NAM MKHA' RTEN YIN NA ZHES BYA BA NI LAN NO, ,DE NYID CES BYA BA NI YON TAN GYI RTEN NYID DO, ,CI'I PHYIR ZHE NA, GZUGS LA SOGS PA ZHES BYA BA'O, ,DOGS PA BSU BA NI SAL SOGS PA DANG ZHES BYA BA'O, ,NAM MKHA' LA MI 'DU GSAL BAR BYED PA NI, GZUGS LA SOGS GSAL BAR BYED PA NI, GZUGS LA SOGS PA NI ZHES BYA BA'O, ,'PHROD PA 'DU PA ZHES BYA BA NI LAN NO, ,DE DANG ZHES BYA BA NI NAM MKHA' DANG NGO, ,DRI YANG SA DANG LHAN CIG GCIG TU DBYER MED PAR MA RTOGS PA'I PHYIR SA'I YON TAN MA YIN PAR 'GYUR RO, SGRA DE'I GNAS DE RTEN YANG NAM MKHA' DE NYID YIN NO ZHE NA, LAN 'O NA ZHES

, ,BYA BA'O, ,CI'I PHYIR NAM MKHA'I YON TAN MA YIN SNYAM NA, 'DI LTAR ZHES BYA BA'O, ,GZHAN NAM MKHA' RTAG BAS SO, ,GANG GIS GANG ZHIG 'DZIN PA DE'I YON TAN DE YIN NO ZHES BYA BA'I RIGS PA THAMS CAD DU RUNG BA MA YIN NO ZHES STON PA CI LTAR ZHES BYA BA'O, ,DE BZHIN DU SGRA YANG NAM MKHAS BZUNG YANG NAM MKHA'I YON TAN MA YIN NO, ,'DI GA LAS SNYAM NA, SGRA YANG ZHES BYA BA'O, ,YON TAN DANG ZHES BYA BA NI NAM MKHA'I YON TAN SGRA DANG NGO, ,LDAN PA MED PA NI RLUNG NGO ZHES BYA BA NI LDAN PA MED PA DE'I PHYIR RO, ,SA YIN PA'I PHYIR RO ZHES BYA BA NI SA'I RDZAS YIN PA'I PHYIR SHING PA LA DANG SA RLUNG LDAN PA MI 'GAL LO, ,DE LTA MA YIN NA ZHES BYA BA NI GAL TE RDZAS MA YIN PA YANG RLUNG GIS KHYER NA'O, ,DE NI GRIB MA LA SOGS PA'O, ,DE'I ZHES BYA BA NI SHING LA ME TOG SOGS PA'O, ,SHING DANG 'DUS PA NI GRIB MA YIN LA, RLUNG DANG NI 'OD KYI RDZAS LDAN PA YIN NO, ,DES NA 'BYER PA 'DUS PA'I RLUNG GIS GRIB MA 'DED PA YIN NO ZHE NA, RTOG PA 'DI'ANG ZHES BYA BA'O, ,GAL TE RLUNG DANG NAM MKHA'ANG DU LDAN PA DE LTA NA YANG NAM MKHA' NI RLUNG GIS 'DED PA MA YIN TE BYA BA MED PA'I PHYIR RO, ,GAL TE 'BYER BAR 'DUS BAS GRIB MA DANG NYI MA LA SOGS PA KHYER BAR 'DOD NA DE'I TSE RLUNG DANG 'DU BA'I 'BREL BAS 'DUS PA'I SGRA DED PA YIN PAR CIS MI 'GYUR, DES NA NAM MKHA' DANG 'PHROD PA 'DU BAR MI RTAG GO, ,DE'I SGO NAS NI RLUNG GI SGO NAS SO, ,DE NI SGRA'O, ,'BYOR BA 'DUS PA NYID KYIS YON TAN KHYER BA NI MA YIN NO ZHES BRJOD PA NI, YON TAN YIN YANG ZHES BYA BA'O, ,DER YANG ZHES BYA BA NI DRIL YANG NGO, ,DE DMIGS KYANG NI DRI DMIGS KYANG NGO, ,DE LAS NI SA LA SOGS PA LAS SKYES PA'I DRI'O, ,'DI'I NI YON TAN SMRA BA'I'O, ,'ON TE YON TAN BKAG PA BZHIN DU BYA BA DANG BCAS PA YANG MI 'DOD DO ZHE NA, GAL TE BSTAN BCOS LA LA'I YON TAN NYID LA SOGS PA RIGS PA YIN PA BKAG PAR BYA BA DANG BCAS PA RIGS PA YIN YANG YON TAN 'DI LA MI 'DOD PA 'DI NI RGYAL PO'I CHOS LUGS YIN NO, ,'DI NA BYA BA DANG BCAS PAR KHAS BLANGS NAS BRJOD PA YIN NO, ,DE NI 'GA' LA YANG YOD PA MA YIN NO ZHES BRJOD PA NI GZHAN YANG ZHES BYA BA'O, ,'DI GA LAS ZHE NA BYA

BA DANG ZHES BYA BA'O, ,BYA BA TZAM MI SRID PA'I PHYIR BYA BA'I KHYAD PAR SRID PA MA YIN TE, DES NA YUL GZHAN DANG GZHAN DU SKAD CIG 'DRA BA GZHAN SKYE BA NYID BYA BA YIN NO ZHES DGONGS BA'O, ,'ON TE 'DI YANG RDZAS KHO NA LA SRID KYI YON TAN DAG LA NI MA YIN NO ZHE NA, DE 'DRA'I ZHES BYA BA'O, ,SGRA LA TE LTAR CI LTAR 'GYUR ZHE NA, GZHAN DAG CES BYA BA'O, ,'DI NI GZHAN YANG 'DOD PA YIN NO ZHES BYA BA'I DON TO, ,RDZAS MED PA'I PHYIR YON TAN YANG MED DE, DES NA NI 'BYOR PAR 'DU BAS NI 'DOD PA MA YIN NO ZHES BRJOD PA NI, GZHAN YANG ZHAS BYA BA'O, ,YON TAN CAN NI RDZAS SO, ,'BYOR BAR 'DABS KHYER BAR KHAS BLANGS NAS KYANG NYES PA BRJOD PA NI, GAL TE ZHES BYA BA'O, ,GZHAN GYIS SMRAS PA NI GNAS PA LA ZHES BYA BA NAS NAM MKHA'I YIN NO ZHE NA'I BAR RO, ,GAL TE GNAS PA LA GEGS MED PA'I PHYIR NA, 'BYUNG BA CHEN PO NAM MKHA' GNAS PAR RTOG NA, DE'I TSE 'DI MA 'BREL TE, CI'I PHYIR ZHE NA PHAN TSUN ZHES BYA BA LA SOGS PA'O, ,DE NYID SGRUB PA NI GAL TE ZHES BYA BA'O, ,DES NA MED PA TZAM NYID NAM MKHA' YIN PAR 'GYUR RO ZHES BRJOD PA NI, 'BYUNG TSE GZHAN MED PA TZAM ZHES BYA BA'O, ,GZHI'I NGO BO NYID KHAS BLANGS NAS KYANG NYES PA BRJOD PA NI, CI LTAR NAM MKHA' ZHES BYA BA'O, ,NAM MKHA' NI RLUNG GI YANG GZHI MA YIN NO ZHES BRJOD PA NI 'GRO BA ZHES BYA BA'O, ,GEGS BYED PA DANG STE LUS CAN DANG BRAL BAS YIN NO, ,LUS CAN MA YIN PAS BYAS PA YIN GYI NAM MKHAS BYAS PA NI MA YIN NO ZHES BYA BA'I DON TE, GZHAN DAG THUG PA MED PA'I NYES PA SPONG BA NI, 'ON TE ZHES BYA BA'O, ,'DI LA NI NAM MKHA' LA'O, ,LAN NI GZUGS MED PA DANG ZHES BYA BA'O, ,DE NYID NI BDAG GO, ,GZHAN GYI NI SGRA'I'O, ,'ON TE GANG ZHIG BDAG MI 'DOD PA DE'I 'DOD PA LA LTOS TE NAM MKHA' STON PA YIN NO ZHE NA, GANG LA ZHES BYA BA'O, ,DE 'DRA BA ZHES BYA BA NA NAM MKHA' DANG 'DRA BA'O, ,GANG LA DAG GIS DON DE BYED PA MA YIN PA DE LA NAM MKHAS KYANG DON DE BYED PA MA YIN NO ZHES BYA BA'I DON TO, ,GANG LA BDAG MED PA DES GDON MI ZA BAR NAM MKHA' KHAS BLANG BAR BYA BA YANG MA YIN TE, DE LTAR MA YIN BAR YANG NAM MKHA'I BYA BA 'GRUB PA'I

, ,PHYIR ZHES BRJOD PA NI, YUL YANG ZHES BYA BA'O, ,'DI NAS KHAS BLANGS NAS BRJOD PAR ZAD KYI, KHYAB PA'I DNGOS PO NI SRID PA YANG MA YIN NO ZHES BRJOD PA NI, PHAN TSUN DU NI ZHES BYA BA'O, ,DES NA SGRA NAM MKHA' LA BRTEN PA YIN NA, BDAG LA BRTEN PA NYID DU 'GYUR RO ZHES BSAMS PA'O, ,PHA ROL PO KHYAB PA RNAMS GCIG NYID YIN PA SPANG BA NI, GAL TE ZHES BYA BA'O, ,GRUB BA'I MTHA' PA YANG GCIG TU THAL BA BOR NAS SKABS SU BAB PA GZHAN GYIS BRTAGS PA'I NAM MKHA' MED PAR BRJOD PA NI, GAL TE ZHES BYA BA'O, ,'ON THA SNYAD DU NAM MKHA' CI YIN SNYAM NA BUG ZHES BYA BA'O,, CI LTAR 'DI LA NAM MKHA' ZHES THA SNYAD DU BYED SNYAM NA, BUG MED PAR ZHES BYA BA'O, ,DE'I PHYIR THA SNYAD KYI DBANG GIS NAM MKHA' GZHAN MED PA KHO NA'O, ,GAL TE BU GNAM MKHAR MI 'DOD KYI 'ON KYANG GZHAN YIN PA DE'I TSE, DE LA NYES PA 'DIR 'GYUR BA YIN NO ZHES STON PA NI GANG GI TSE ZHES BYA BA'O, , BUG MED PAR ZHES BYA BA STE, MGO YOR CAN GYI DNGOS PO YOD PA DE'I TSE BU GA'I MTSAN NYID KYI NAM MKHA' GAR SONG, DE MED NA YANG ZHES BYA BA NI GLO NAS BUD PAR DMIGS PA MED PA YANG NGO, ,DE DANG NI DNGOS BO'I GSE BA NA'O, ,GZHAN NA NI GLO NA'O, ,DE NYID NA ZHES BYA BA NI MGO YOR CAN LA'O, ,'GAL LO ZHES BYA BA NI NAM MKHA' NI BUG NYID YIN PA'I PHYIR RO, ,GZHAN GYI DE NA YANG ZHES BYA BA STE BUG MED PA'I GNAS NA'O, ,DE LTA MA YIN NA ZHES BYA BA NI DE NA NAM MKHA' MED NA'O, ,DE ZHES BYA BA NI BUG MED PAR BYED PA'I DNGOS PO'O, ,GRUB PA'I MTHA' BAS RNAM PAR BRTAGS NAS SEL BA NI CI STE ZHES BYA BA'O, ,GANG LAS ZHES BYA BA NI BER GAL SOGS PA LAS, DE NI BUM PA LA SOGS PA'O, ,BAR GAL SOGS BA DE MED M'A BUM PA LA SOGS PA DE THOGS PA NYID DER 'GYUR GYI'O, ,DE LAS GZHAN DAG TU ZHES BYA BA NI 'BYUNG BA CHEN PO BZHI PO MED PA LAS GZHAN NAM MKHA' LA'O, ,BSNYAD PA TSAD MA MED DO, ,YANG NA BSNYAD PA DANG TSAD MA YANG MED DO ZHES SBYAR RO, ,'O NA YUL LA GNOD PA MED DO SNYAM NA, 'DIS NI ZHES GSUNGS SO, ,SOGS PA ZHES BYA BA'I SGRAS NI SHAR LA SOGS PA'I RTOGS PA'I YUL YONGS SU GZUNG NGO, ,GAL TE YUL KHYAB PA NI NAM MKHA' BZHIN DU SKABS 'BYED

PA MA YIN MOD, SHAR LA SOGS PA RTOGS PA'I YUL GYI CI LTAR MA YIN SNYAM NA, 'DI LTAR ZHAS BYA BA'O, ,YUL KHYAB PAR KHAS LEN PA LA NUB LA SOGS PA RTOGS BAR MI 'GYUR TE THA DAD PA MED PA'I PHYIR RO, ,BZHAN [*BZHIN?] BA LAS TE KHYAB PA MA YIN PA LAS KYANG NUB LA SOGS PA'I THA SNYAD DU 'GYUR BA MA YIN SHING, YUL DE RNAM PA GNYIS LAM GTOG PA RNAMS YANG YOD PA MA YIN NO, ,DE NI ZHES BYA BA NUB PA LA SOGS PA MED PAR THAL BA'I PHYIR RO, ,GZHAN DU ZHES BYA BA NI PHA ROL TU PHYIN PA'I SKYES BU'I'O, ,GNYI GA'I RANG BZHIN NI SHAR NUB KYI RANG BZHIN NO, ,DE LTAR GYUR BA ZHES BYA BA NI NAB LA SOGS PAR RO, ,'DI NYID GSAL 'DEBS PA NI SKYES BU ZHES BYA BA LA SOGS PA'O, ,GZHAN GYIS GAL TE ZHES SMRAS SO, ,DES ZHES BYA BA NI YUL GSAL BAR BYED PAS SO, ,'DI NI PHAN TSUN ZHES BYA BA NI SUN 'BYIN PA'O, ,DE TZAM GYIS ZHES BYA BA NI DNGOS PO RNAMS NYID PHAN TSUN LTOS PA TZAM GYIS SO, ,PHAN TSUN BRTEN PA'I NYES PA SPOD BA NI GAL TE ZHES BYA BA'O, ,DPER NA DRANG PO ZHES BYA BA'I THA SNYAD 'KHYOG PO LA MA LTOS PA KHO NAR 'GYUR BA YIN NA DE LTA NA YANG 'KHYOG PO NI DON GZHAN KHO NA YIN MONG, DE BZHIN DU YUL LA MA LTOS PA KHO NAR SHAR LA SOGS PA'I 'GYUR BA YIN YANG, YUL DON GZHAN YANG 'GYUR BA KHO NA'O ZHES BYA BA'I DON TO, ,DER YANG NI DRANG BO LA'O ,DRANG NGO ZHES RNAM PAR RTOG PA'I SHES PAS MTHONG BA NI LTOS PAR BYA BA'I KHYAD PAR 'KHYOG PO LAS 'GYUR BA YIN NO, ,'O NA CI LTAR 'KHYOG PO LA MA LTOS PA KHO NAR 'DI DRANG PO ZHIG GO ZHES THA SNYAD BYED PA YOD SNYAM NA NAS ZHES SMOS SO, ,GZHAN MED PAR NI 'KHYOG PO LA SOGS PA MED PAR NI'O, ,'DI NYID GSAL BAR BYED PA NI 'DI LTAR ZHES BYA BA LA SOGS PA'O, ,LTOS PAR BYA BA 'KHYOG PO LA SOGS PA MED KYANG RO, ,DE'I PHYI PHAN TSUN BRTEN PA'I PHYIR SHING ZLOG TU MED PA KHO NA YIN PA DES NA YUL DON GZHAN BRTAG PAR MI BYA'O, ,PHA ROL PO DAG 'DI GA LAS SHES 'DRI STE DNGOS PO NYID SHAR LA SOGS PA SHES BA RGYU MTSAN YIN PA GA LAS GRUB CES BYA BA'O, ,LAN NI GZHAN DU YANG ZHES BYA BA'O, ,DNGOS PO NYID YUL GYI RNAM PAR DBYES NGES PA'I RGYU YIN PAR STON PA

, ,NI 'DI LTAR ZHES BYA BA'O, ,GAL TE DE LTA NA YANG RGYU SKAR LA SOGS PA'I SGO NAS PHYOGS NYID DES PA YIN NO SNYAM NA, SKAR MA LA SOGS ZHES BYA BA'O, ,CI'I PHYIR PHUL MI RTOG SNYAM NA, 'DI LTAR ZHES BYA BA'O, ,RGYU SLAR LA SOGS PA LAS KYANG PHYOGS KYI RNAM PAR DBYE BA DES PA MA YIN NO ZHES BRJOD PA NI, DE NI MA YIN TE ZHES BYA BA'O, ,GZHAN DU ZHES BYA BA SHOR NYID DU SNANG YANG, NYI MA LA SOGS PAS NYE BAR MTSON BA'I SHAR PHYOGS DE NYID NI NYI MA'I DBANG GIS SNANG BA NI MA YIN NO ZHES 'BREL TO, ,GANG LA MI SNANG SNYAM NA, PHYOGS LA RMONGS PA'I ZHES BYA BA'O, ,PHYOGS LA RMONGS PA DANG LDAN PA'I YID GA LA YOD PA'I SKYES BU RNAMS DE LA'O, ,GSAL 'DEBS PA NI 'DI LTAR ZHES BYA BA'O, ,GRONG DANG KUN DGA' RAB LA SOGS PA GANG LA MA 'KHRUL PA'I YID DANG ZHES BYA BA NI NGES PA DE DANG 'BREL PA'I NYI MA 'CHAR BA DANG NUB PA MTHONG BAR GYUR BA SHIN TU GOMS PA'I YUL DE NYID MA 'KHRUL BAR NGES PAR BYA BA DE LA SHIN TU GOMS PA YIN NO, ,CI LTAR GYUR PA ZHIG SNYAM NA KUN DGA' GRONG SOGS ZHES BYA BA'O, ,GRONG DANG KUN DGA' RAB LA SOGS PA, RTAG PAR RGYUN DU DMIGS BA ZHES 'BREL TO, ,DE LA GOMS PA ZHES BYA BA NYID MA RE LA GOMS PA DES NYAMS PA'I PHYIR TE RDZOGS PA'I PHYIR RO, ,DES ZHES BYA BA NYI MAS NYE BAR MTSON PA DE NYID PHYOGS YIN NO, ,DON DANG ZHES BYA BA SHAR DANG NUB LA SOGS PA'I MTSAN NYID DANG BRAL BA'I PHYIR RO, ,SHAR DANG NUB LA SOGS BA'I DON DANG BRAL BA NYID CI LTAR ZHE NA, DE'I RANG BZHIN MA NGES NA 'O NA CI LTAR DE LTAR THA SNYAD BYED SNYAM NA 'ON KYANG ZHES BYA BA'O, ,SONG BA'I RJES SU 'GRO BA DE LA YOD PA'I TSUL NI SONG BA'I RJES SU 'GRO BA'I TSUL TE, DES YID NYAMS PA GANG DAG YIN PA DE DAG GI DNGOS PO NI NYID DE DES SO, ,'ON TE SHAR DANG NUB LA SOGS PA'I RTOG PA NI THOG MA MED PA YIN TE, DES NA DON DANG 'BREL PA'I PHYIR BDEN PA KHO NA'O SNYAM NA, GAL TE ZHES BYA BA'O, ,GAL TE THOG MA MED PA'I PHYIR SHAR DANG NUB LA SOGS PA'I RTOGS PA RNAMS BDEN BAR KHAS MI LEN NA DE'I TSE MED PA THAMS CAD MKHYEN PA MED DO ZHES DE LTAR RTOGS PA RNAMS KYANG BDEN PAR 'GYUR RO, ,DE LTAR YIN DANG 'JIG RTEN PA'I RTOGS BA MTHA' DAG KYANG TSAD MAR 'GYUR TE,

THOG MA MED PA'I PHYIR RO, ,GAL TE THOG MA MED PAS BDEN PA YIN NA DE'I TSE GANG ZHIG DBANG PHYUG GAM GTZO BO MI 'DOD PA DE'I LTAR NA YANG DBANG PHYUG LA SOGS PA'I RNAM PAR RTOG PA BDEN PA NYID DU THAL LO ZHES BRJOD BA NI DBANG PHYUG CES BYA BA'O, ,'DI NI YUL YIN NO SNYAM NA NI THA SNYAD TZAM DU ZAD DE DNGOS POS STONG PA YIN NO, ,'ON TE BSTAN BCOS RNAMS THOG MA MED PA'I PHYIR BDEN PA NYID YIN TE, DES NA DE LAS 'ONGS PA'I THA SNYAD NI BDEN PA KHO NA'O SNYAM NA THOG MED CES SMOS SO, ,CI'I PHYIR ZHE NA, PHAN TSUN ZHES BYA BA'O ZHES BYA BA LA SOGS PA'I MING GANG YIN PA DE BKOD PA YIN NO, ,CI'I DON DU ZHE NA, ,THA SNYAD KYI DON DU'O, ,NANG GI TSU ROL GYI PHYOGS LA YANG BRJOD PA NI, 'DU BYED PA ZHES BYA BA'O, ,GAL TE DUS MED NA DNGOS PO 'DI NI DA LTAR BA'I DUS CAN YIN NO ZHES THA DAD PA'I THA SNYAD DU CI LTAR 'GYUR SNYAM NA, THA DAD PA ZHES BYA BA'O, ,GAL TE GANG GIS THA DAD PAR NYE BAR BSTAN PA'I DNGOS PO'I RANG BZHIN NYID DUS LA SOGS PA'I BRJOD PA LA STON PAR 'GYUR BA, DUS MED PA NYID DU CI LTAR GRUB SNYAM NA, 'DI LTAR ZHES SMOS SO, ,GAL TE BYUNG BAR GYUR TE ZHES BYA BA LA SOGS PA'I RTOGS PA DAG LAS 'DAS PA LA SOGS PA'I DUS SU LHAS BYIN LA SOGS PA GNAS PA YIN NA DE'I TSE DUS DE BYUNG BAR GYUR TO ZHES BYA BA LA SOGS PA'I RTOG PA LAS KYANG DUS KYANG DUS GZHAN NA GNAS PAR 'GYUR ZHING, DE BZHIN DU DUS GZHAN YANG DUS GZHAN LA GNAS PAR 'GYUR BA'I PHYIR THUG PA MED DO, ,PHYOGS KYANG DE BZHIN TE SHAR LA SOGS PA'I RANG BZHIN RANG GI NGO BOS YIN GYI, YUL GZHAN LA LTOS NAS NI MA YIN NO ZHES BYA BA SBYAR RO, ,DES NA RANG GI NGO BOR GYUR PA'I CHOS THA DAD PAS DE LTAR THA SNYAD BYED PA YIN NO, ,THA SNYAD KYI TSUL BSTAN PA NI, SHAR NI ZHES BYA BA'O, ,DE DANG ZHES BYA BA DUS LA SOGS PA DANG 'BREL PA'I'O, ,GAL TE DUS KYI 'DAS PA NYID DNGOS PO LA LTOS PA YIN NA DE'I TSE DNGOS PA'I 'DAS PA NYID KYANG DUS LA LTOS PAR 'GYUR RO, ,DE LTAR GYUR NA CI SKYON SNYAM NA, PHAN TSUN ZHES BYA BA'O, ,GCIG KYANG ZHES BYA BA DUS SAM DNGOS PO YANG 'DAS PA NYID DU GNAS PA MED PAR 'GYUR RO, ,'DI'I DOGS PA BSU BA NI GAL TE ZHES BYA BA'O, ,YUN RING POR 'DAS

, ,PA'I DON DANG DUS DAG CIG CAR 'DAS BA NYID YIN GYI, GANG GI PHAN TSUN BRTEN BA'I NYES BAR 'GYUR BA RIM GYIS NI MA YIN NO, ,LAN NI 'DAS PA NYID THUG BA MED BAR 'GYUR ZHES SBYAR RO, ,CI LTAR THUG BA MED SNYAM NA, CIG CAR ZHES BYA BA'O, ,GNYIS DAG CES BYA BA NI YUN RING MOR 'DAS PA'I DON DANG DUS DAG GO, ,DES NA CI LTAR CIG CAR NYID PHAN TSUN 'DAS PAR 'GYUR SNYAM DU BSAM PA'O, ,DOGS PA BSU BA NI DE DAG CES BYA BA STE CIG CAR BA'I YUN RING POR 'DAS BA'I DON DANG DUS DAG GZHAN LA 'DAS PA YIN NA'O, ,LAN NI DE LA'ANG ZHES BYA BA'O, ,GZHAN GYIS 'DAS PA YANG DE LAS GZHAN LAS, DE'I YANG DE LAS GZHAN LAS YIN PA'I PHYIR 'DAS PA NYID THUG PA MED BAR 'GYUR RO, ,DES NA DUS LA SOGS PA NI MED PA KHO NA'O, ,DES NA THA DAD BA'I NYE BAR BSTAN PA'I RANG BZHIN DE NYID DUS LA SOGS PA'I BRJOD PA LA STON PA YIN NO ZHES GNAS SO; ,DE LTAR NAM MKHA' DGAG PA'I ZHAR LA YUL DANG DUS DAG BKAG NAS, YANG DUS LA YON TAN MED PAR BRJOD PA NI GZHAN YANG ZHES BYA BA'O, ,BDAG LA SOGS PA LA YANG DE BZHIN DU YON TAN GANG YIN PAR BRJOD PAR BYA, 'ON TE ZHES BYA BA NI GZHAN GYI'O, ,LAN NI DE NI ZHES BYA BA STE, CHEN PO NYID LA SOGS PA NI'O, ,DES BDAG LA SOGS PA RNAMS KYI BDAG NYID KYI SO SOR NGES BA 'GA' ZHIG BRJOD PAR BYA BA STE, DE LTAR MA YIN NA BDAG DANG DUS GNYIS THA DAD PAR RNAM BAR GZHAG PA MED PAR 'GYUR RO, ,GNANG BA NI DNGOS PO'I BDAG NYID THOB PA YOD PA YIN LA, 'GOG PA NI DE MED PA'O, ,DE SKAD DU YANG, DUS KYIS 'BYUNG PO SMIN BYED DE, DUS KYIS SKYE DGU 'JIG PAR BYED, ,CES BRJOD PA YIN NO, ,SMAN PA NI SKYED PAR BYED PA STE GNAS BAR BYED PA'O, ,'JIG BA NI MED PAR BYED PA STE 'GOG PAR BYED PA'O, ,DE GNYIS NI DUS KYI YON TAN YIN NO ZHES BYA BA'I DON TO, ,LAN NI DE DAG NI ZHES BYA BA'O, ,DE'I PHYIR DUS KYIS NI GNAS PA DANG 'GOG PAR MI THEG GO, ,YANG NA YIN MOD, DE LTA NA YANG BDAG LA SOGS PA LAS THA DAD PA MA YIN NO ZHES BRJOD PA NI, GZHAN YANG ZHES BYA BA'O, ,GAL TE DUS KHYAB BA DANG RTAGS KYIS KYANG GNAS PA DANG BKAG BA NUS NA NI,

DE'I TSE BDAG KYANG DE LTAR NUS PA THOB PAR 'GYUR RO, ,CI'I PHYIR ZHE NA, 'DOD PA'I DUS LAS GZHAN BDAG LA KHYAB PA DANG RTAG PA NYID DU KHYAD PAR MED PA'I PHYIR RO, ,CI LTAR KHYAD PAR MED SNYAM NA, 'DI LTAR ZHES BYA BA'O, ,'DI NI ZHES BYA BA NI DUS KYIS SO, ,'DIS NI MA YIN NO ZHES BYA BA NI BDAG LA SOGS PAS SO, ,DE LTAR NAM MKHA' LA SOGS PA BKAG NAS, SGRA NAM MKHA'I MA YIN NA TSAD MA DANG 'GAL BAR YANG ZHES GANG BRJOD PA DE LA GRUB PA'I MTHA'I MJUG SDUD PA NI, DES NA ZHES BYA BA'O, ,'DI NI NAM MKHA' NYID DU ZHES BYA BA NI RTZOD PA'O, ,'DI NI SGRA STE RTOGS NA'O, ,LAN NI 'BAR SOGS ZHES BYA BA'O, ,MTHONG BA MIN NAM ZHES BYA BA NI MTHONG BA KHO NA'O ZHES BYA BA'O, ,DE LTAR YIN NA YANG, CI NA STE CI'I PHYIR 'BAR BA LA SOGS PA STE NAM MKHA' DE'I YON TAN DU MI BRJOD, DOGS PA NI DE ZHES BYA BA 'BAR BA LA SOGS PA DE LA RTEN NAM MKHA' LAS GZHAN YANG YOD CES BYA BA'O, ,LAN NI 'THAD PA MIN TE ZHES BYA BA'O, ,YANG NA NAM MKHA' YOD DU CHUG KYANG DES GNAS PAR BYED PA NI MA YIN NO ZHES BRJOD PA NI NAM MKHA' NI ZHES BYA BA'O, ,NAM MKHA' DE MA BRTAGS PAR YOD PA KHO NA YIN GYI, DON DAM PAR YOD PA NI MA YIN NO ZHES STON PA NI SNANG BA YOD NA ZHES BYA BA'O, ,'DI NI NYE BAR MTSON PA STE MUN PA YOD NA YANG ZHES RTOGS PAR BYA'O, ,DE'I PHYIR RANG NYID SMOS PA NI BSTAN BCOS BYED PA'I 'DOD PA BSGRUB PAR BYA BA YIN PA SPANGS PA YIN NO, ,BSTAN BCOS BYED PA'I 'DOD PA BSGRUB PAR BYA BA YIN NA, SLOB DPON PHYOGS KYI GLANG PO'I GZHUNG 'CHAD PA PO RNAMS KYANG LTAR, RANG NYID SMOS PA DON MED PAR 'GYUR RO ZHES SUN 'BYIN PA GZHAN BRJOD PA NI, GZHAN YANG ZHES BYA BA'O, ,GAL TE BSTAN BCOS BYED PA'I 'DOD PA YANG RANG NYID SMOS PAS STON PA YIN NA, DE'I TSE RANG NYID SMOS PA YANG DON MED PAR 'GYUR RO; ,CI'I PHYIR ZHE NA, GANG GI PHYIR PHYOGS KYI MTSAN NYID LAS PHYI ROL GYI DON CAN YIN PAS SO, ,MTSAN NYID BYED PA NI LOG PAR RTOGS PA BSAL BA'I DON DU YIN NA, BSTAN BCOS BYED PA'I 'DOD BA BSGRUB PAR BYA BA NYID DU KHAS LEN NA NI RANG NYID SGRA MA 'BREL PAR 'GYUR RO, ,

, ,'CHAD PA NI RANG NYID KYI ZHES BYA BA'O, ,DE ZHES BYA BA BSTAN BCOS BYED BA'I 'DOD PA BZLOG PA'I DON NYID DO, ,DE YANG ZHES BYA BA NI BSTAN BCOS BYED PA'I 'DOD BA YANG NGO, ,DE ZHES BYA BA NI RANG NYID SMOS PA'O, ,CI'I PHYIR SNYAM NA, DE LTAR YIN NA ZHES SMOS TE, BSTAN BCOS BYED PA 'DOD PA YANG BSGRUB BYA YIN NA'O, ,PHYOGS KYI MTSAN NYID KYI DON LOG PAR RTOGS PA BSAL BA STE, DE DANG MA 'BREL BA'I PHYIR RO, ,RANG NYID KYI SGRA'I DGOS PA GZHAN YIN PAR DOGS PA BSU BA NI, GAL TE ZHES BYA BA'O, ,LAN NI 'O NA ZHES BYA BA'O, ,BSAM PA NI 'DI YIN TE, GAL TE 'GA' ZHIG GIS BSTAN BCOS BYED PA'I 'DOD PA BSGRUB PAR BYA BA MA YIN NO ZHES BRJOD NA, DE'I TSE BSTAN BCOS BYED BAS 'DOD PA BSGRUB BAR BYA BA MA YIN NO ZHES DOGS PAR 'GYUR GYI, GANG GI TSE THAMS CAD KYIS KYANG BSTAN BCOS BYED PA'I 'DOD PA BSGRUB PAR BYA BA YIN NO ZHES KHAS BLANGS PA DE'I TSE BZLOG PAR GA LA DOGS, DES NA RANG NYID SMOS PA 'DOD PA BZLOG PA'I DON DU BYAS PA NI MA YIN NO ZHES BYA BA YIN NO, ,GANG ZHIG RANG NYID SMOS PAS BSTAN BCOS DAG LA 'DOD PAS 'JUG PAR BYA BA'I RTOG PA SNGON DU GTONG BA DE TSAD MAS 'GOG PA MA YIN PA'AM 'GOG PA LA YIN, DE LA GAL TE TSAD MA MI 'GOG NA, DE'I TSE GANG GIS RANG NYID SMOS PAS GZHUG PAR BYA BA BSTAN BCOS 'DZIN PA SUS BZLOG ,'O NA TSAD MAS BKAG NA DE'I TSE YANG GANG GIS RANG NYID SMOS PAS DON DANG BCAS PAR 'GYUR BA TSIG LAS RGOL BA GANG GIS 'JUG ,RTOG PA DANG LDAN PA'I 'DOD PA YANG TSAD MA'I RTZA BA CAN KHO NA YIN NO ZHES BYA BA'I DON TO, ,'ON TE RTOG PA SNGON DU BYED PA MA YIN PA 'JUG PA'I DON DU RANG NYID SMOS SO SNYAM DU DOGS NA DE DAG CIS GSUNGS SO, ,CIS MI 'THOB STE 'THOB PA KHO NA 'DOD PA YOD PA'I PHYIR RO, ,DES NA RTOG PA SNGON DU BYED PA MA YIN PAR 'JUG PA'I DON DU YANG RANG NYID SMOS PA DON MED DO, ,DES NA RANG NYID KYI SGRA NI PHYOGS KYI MTSAN NYID LAS PHYI ROL DU GYUR PA KHO NA'O, ,'DIS NI, GAL TE BSTAN BCOS 'DOD 'JUG DON, ,ZHES BYA BA LA SOGS PA NI GSAL BAR MA BSHAD PAS, DA NI TSAD MAS BKAG MED NA, ,ZHES BYA BA LA SOGS PA RNAM PAR BSKAL PA YIN NO, ,LUNG THAMS

CAD LA YONGS SU BRTAGS NAS 'JUG PA'I PHYIR NA, SO SOR NGES PA'I LANG LA 'JUG PAR BYA BA'I DON DU RANG NYID SMOS PA YIN NO SNYAM NA BSTAN BCOS THAMS CAD NI ZHES BYA BA'O, ,DES NI ZHES BYA BA NI RNAM PAR DPYAD MI BZOD PAS NA'O, ,DE NI TSAD MAS GNOD PA'ANG YIN LA, DE NYID KYIS NA YONGS SU MA DAG PA YIN TE, DE LTA BU'I BSTAN BCOS LAS 'JUG PA MA YIN PA NYID DO, ,DE BAS NA RANG NYID SMOS BAS BSTAN BCOS GAL 'JUG PA GANG YIN BA DE GAL SRID DE MI SRID BA KHO NA'O, ,'DI NI GAL TE TSAD MAS BKAG NA, YANG ZHES BYA BA'I RNAM 'GREL GYI 'GREL PA YIN NO, ,DA NI RNAM 'GREL LHAG MA RNAM PAR 'GREL PA NI, GAL TE RTOG LDAN MIN NA NI ZHES BYA BA'O, ,DANG PO NI 'DOD PAS BSTAN BCOS KHAS LEN LA, GNYIS PAR NI RANG NYID SMOS BA LAS YIN NO ZHE NA, DE NI DANG PO ZHES BYA BA'O, ,DE TZAM NI 'DOD PA TZAM STE DES ZHUGS PA'O, ,DES NA NI 'DOD PAS NA'O, , DE BZHIN DU NI DANG PO KHAS BLANGS PA BZHIN DU'O, ,DE'I PHYIR RTOG PA GNYI GA LA LTOS NAS KYANG RANG NYID SMOS PA DON MED PA KHO NA'O, ,DE DAG DON DU ZHES BYA BA NI DOGS PA BSU BA'O, ,'DOD PAS BSTAN BCOS DAG LA 'JUG PAR BYA BA'I DON DU DE DAG RANG NYID SMOS PA'I RANG BZHIN GYIS SLOB PA YIN NO ZHE NA, LAN NI 'DOD PA TZAM GYIS NI BSTAN BCOS LA 'JUG PA MA YIN GYI, 'ON KYANG YONGS SU BRTAGS PAS YIN NO ZHES RTOGS PAR BYA BA DE BSLAB PAR BYA BA YIN NO, ,'DI NYID 'CHAD PA NI GAL TE ZHES BYA BA'O, ,BSGRUB PAR BYA BA'I RNAM PA BRJOD PA NI SNGA MA BZHIN DU ZHES BYA BA'O, ,'DIR ZHES BYA BA NI BSTAN BCOS KHAS BLANGS PA LA'O ZHES DE LTAR RIGS PA BSTAN PAR RIGS SO, ,CI LTAR GYUR PA ZHIG CE NA, 'DOD PAS ZHES BYA BA'O,, ,,TSAD MA RGYAN GYI t'I KA BA MA PO DRUG CU RTZA DRUG PA GZHAN DAG RGOL BA'I 'DOD PA YANG TSAD MA DANG, GZHAN DAG KHO NAS LEN PA DANG 'DOR BAR 'GYUR PA YIN PAS NA RANG NYID SMOS PAS CI BYA ZHES BRJOD PA NI, DE LTA NA 'ON ZHES BYA BA'O, ,GAL TE RGOL BA'I 'DOD PA LA TSAD MAS GNOD NA ZHES SKABS YIN NO, ,'DI YANG MI NUS PA DANG MI DGOS PA NYID NYES PA YIN NO ZHES BYA BA'I DON TO, ,'DOD PA MI RTAG PA NYID LA GNOD

, ,PA MED DE MI 'GAL BA'I PHYIR DANG, MI 'GAL BA YANG BSTAN BCOS BYED PA'I 'DOD PA MED NA MI 'BYUNG BA MA YIN BA'I PHYIR RO, ,BSGRUB BAR BYA BA MIN PA NI BSTAN BCOS BYED BA'I 'DOD BA STE, MED NA MI 'BYUNG BA MA YIN PA'I PHYIR RO, ,MED NA MI 'BYUNG BA MA YIN YANG BSTAN BCOS LAS 'DOD PA BSGRUB PAR BYA BA YIN NA THUG PA MED PAR 'GYUR TE, GTAN TSIGS THAMS CAD LA SKUR BAR 'GYUR RO, ,'DOD PA LA GNOD PA MED PA DANG ZHES BYA BA LA SOGS PA MDOR GZHAG BA'I NGAG RNAM PAR 'GREL BA NI, BSTAN BCOS LAS ZHES BYA BA'O, ,BSGRUB BYA YIN LA ZHES BYA BA NI NAM MKHA'I YON TAN NYID DO, ,DE SGRUB NA ZHES BYA BA NAM MKHA'I YON TAN SGRUB NA'O, ,DES NA 'DI NI MA YIN NO ZHES BYA BA NI DE LTA NA 'ON ZHES BYA BA LA SOGS PA BRTZAD PA'O, ,DE LTAR LOG BAR RTOGS PA BSAL BA'I SGO NAS DOGS PA'I GNAS BZLOG PA'I DON YIN PA'I PHYIR RANG SMOS PA DON MED PA MA YIN NO ZHES BSTAN PA YIN NO, ,RANG GI PHYOGS PA 'GA' ZHIG MA GRUB PA'I NYES PAR 'GYUR BA'I PHYIR, GZHUNG LUGS KYIS NYE BAR BKOD PA'I CHOS CAN LA SGRUB PAR BYED NA MI SRID PA'I PHYIR NA, DE YONGS SU SPANGS TE CHOS CAN TSAD MAS GRUB BA GZUNG BAR BYA BA YIN NO ZHES SHES PAR BYA BA'I DON DU RANG NYID SMOS PA YIN NO ZHES BRJOD BA NI, GZHUNG LUGS ZHES BYA BA'O, ,GZHAN GYIS ZHES BYA BA BSTAN BCOS KYIS GZHAG BA NA'O, ,GAL TE DNGOS PO LA BRTEN PA'I RNAM PAR DPYOD PA NI, GZHUNG LUGS LAS GRUB PA DNGOS PO MA YIN BA LA MA GRUB PA'I PHYIR NA RANG NYID DU MI 'GYUR BA MA YIN NAM DE'I DON DU RANG NYID SMOS PAS CI BYA ZHES BRJOD PA NI DPYAD BA NYID KYI ZHES BYA BA'O, ,BYAS PA'I PHYIR ZHES BYA BA'I SGRUB BYED 'DI NI MNGON BAR 'DOD PA'I BSGRUB BYA SGRUB PA'I DON DU RAB TU SBYAR BA YIN PAS, RANG GRUB PA'I DON DU TSAD MAS GRUB PA'I CHOS CAN 'PHEN PA YIN NO ZHES BYA BA'I DON TO, ,BSTAN BCOS 'BA' ZHIG GIS GRUB PA'I CHOS CAN LA NI MNGON PAR 'DOD PA 'GRUB PA MED PA'I PHYIR RO ZHES BRJOD PA NI, RANG 'DOD BRTAGS PA'I ZHES BYA BA'O, ,DE'I RANG BZHIN NYID CES BYA BA NI RANG BZHIN GANG GIS CHOS CAN YIN BA GANG YIN PA DE LA

NI ZHES BYA BA NI SGRA LA SOGS PA'I CHOS CAN NO, ,DOGS PA NI 'ON TE ZHES BYA BA'O, ,DES NA SGRA'I RANG BZHIN NI RNAM PAR DPYAD PA MA YIN BA DES NA DE LA SGRUB BAR BYED PA SRID BA'I PHYIR NAM MKHA'I YON TAN NYID GRUB PA KHO NA'O ZHES BSAMS PA'O, ,LAN NI 'O NA ZHES BYA BA'O, ,MA GRUB PA'I KHYAD PAR NAM MKHA'I YON TAN NYID BLANGS BAS CI ZHIG BYA, DE LTA BU NYID CES BYA BA NI KHYAD PAR MA GRUB PA'I SGRA NYID DO, ,DER NI NAM MKHA'I YON TAN GYI KHYAD PAR CAN GYI SGRA LA MI RTAG BA NYID MED BA'I PHYIR TE, DON DU MI GNYER BA'I PHYIR NI RGOL BA'I TSIG DON MED DO ZHES 'BREL TO, ,CI BRJOD PA SNYAM NA NAM MKHA'I YON TAN DANG LDAN PA'O, ,'ON TE RGOL BA'I TSIG LAS DE 'GRUB NA CI LTAR RGOL BA'I TSIG DON MED SNYAM NA, DE LAS ZHES SMOS TE DAM BCA' BA TZAM LAS SO, ,DE ZHES BYA BA MNGON BAR 'DOD PA MA YIN BA NAM MKHA'I YON TAN LDAN BA'I MI RTAG PA GRUB PA MIN PA'I PHYIR RO, , PHYED PHYI MA 'CHAD PA NI RTOG PA ZHES BYA BA'O, ,DE LAS DE ZHES BYA BA RNAM BAR 'GREL PA NI, MI 'DOD PA NYID CES BYA BA'O, ,DAM BCA' BA TZAM GYIS 'GRUB NA CI SKYON SNYAM NA, DE LTA NA NI ZHES BYA BA'O, ,DE LTA BU NYID DU ZHES BYA BA NI NAM MKHA'I YON TAN DANG LDAN PA'I MI RTAG PA NYID DO, , 'DI NI ZHES BYA BA GZHUNG GIS BSKYED PA'I KHYAD BAR CAN ZHES BYA BA LA SOGS PA NI MA YIN NO, ,PHA ROL PO DAG RANG NYID SMOS PAS GRUB BA NYID DU BRJOD PA MA YIN GYI 'ON KYANG, CHOS CAN GRUB PA NI BSGRUB BAR BYA BA MA YIN NO ZHES SMRA BA NI CI STE ZHES BYA BA'O, ,GRUB PA'I MTHA' PA DE YANG GRUB PA'I RANG BZHIN 'GOG BA'I TSIG NYID KYIS 'GRUB BO ZHES BRJOD PA NI, RANG GI NGO BO NYID BSTAN PA ZHES BYA BA'O, ,DE ZHES BYA BA NI CHOS CAN BSGRUB BYA BA YIN TE, RTOGS ZIN PAS RTOGS PAR BYED PA'I 'BAD PA NI 'BRAS BU DANG BCAS PA MA YIN NO ZHES BYA BA'I DON TO, ,CI LTAR 'DIS RTOGS SNYAM NA 'DI LTAR ZHES BYA BA'O, ,RNAM PAR GCOD PAR BYA BA MED PAR NI KHYAD PAR DON DANG LDAN PA MA YIN NO, ,DES NA GRUB PA'I RANG BZHIN GYI CHOS CAN DANG SGRUB PAR BYED PA'I RANG BZHIN DU CHOS MIG GIS GZUNG BA LA SOGS PA BSTAN PA YOD PA YIN NA RANG GI NGO BO KHO NAR BSTAN PA ZHES BYA BA'I

, ,TSIG 'DI NI DE RNAM PAR DPYOD PAR BYED PAS 'BRAS BU DANG LDAN PAR 'GYUR RO, ,DE'I PHYIR RANG NYID SMOS PA NI CHOS CAN BSGRUB BAR BYA BA BYED BA BZLOG PA'I DON DU MA YIN TE, DE NI RNAM PA GZHAN KHO NAR DGAG BA 'GRUB BA'I PHYIR RO, ,'CHAD PA NI CI STE ZHES BYA BA'O, ,CI'I PHYIR BSGRUB BYA MA YIN ZHE NA, RANG NYID CES SMOS SO, ,'DI NI RANG NYID SMOS PA'I 'BRAS BU STON PA'O, ,DE LTA MA YIN NA ZHES RANG GI NGO BO CAN BSGRUB BAR BYA BA YIN NA'O, ,'GRUB BA'I PHYIR RO ZHES BYA BA NI CHOS CAN ZHES BYA BAR BLTA'O, ,CHOS CAN MA GRUB PA NI DPYOD PA MI SRID PA'I PHYIR NA CHOS CAN GRUB PA NYID CES BYA BA NI SKABS YIN NO, ,'DIS NI RTZOD PA'I CHA RNAM PAR BKRAL BA YIN NO, ,'DI LA NI RANG NYID KYIS 'DEBS PA NI DE YANG MI 'THAD DE ZHES BYA BA'O, ,DE NYID NI ZHES BYA BA NI CHOS CAN GRUB BA'O, ,GANG BZLOG PAS RANG NYID SMOS PA 'BRAS BU DANG BCAS PAR 'GYUR PA CHOS CAN LA NI BSGRUB BAR BYA BA NYID YOD PA MA YIN NO ZHES BYA BA'I DON TO, ,DE LTA NA NI ZHES BYA BA NI GZHAN GYI'O, ,DE BZHIN DU RNAM PAR DPYOD PA'I YANG GRUB PA RTEN MA YIN NO ZHES 'BREL TO, ,DE BZHIN DU GRUB PA YANG GTAN TSIGS KYI RTEN MA YIN NO ZHES SBYAR RO, ,DE LTA MA YIN NO ZHES BYA BA NI RANG GI NGO BO ZHES BYA BA YANG DGOS PA DANG LDAN PA YIN NA GNYI GA YANG ZHES BYA BA DES PAR GZU LAS 'BA' ZHIG TU NI MA ZAD KYI RANG GI NGO BO ZHES BYA BA 'DI YANG THA DAD BAR DGOS PA DANG BCAS PAR BSTAN PAR BYA BAR 'GYUR BA BSTAN PA YANG MA YIN TE, DES NA RANG GI NGO BO KHO NAS ZHES BYA BA 'DI GRUB PA BSGRUB PAR BYA BA BZLOG PA'I DON DU NI MA YIN GYI 'ON KYANG MA GRUB PA'I SGRUB PAR BYED PA MIG GIS GZUNG BA NYID LA SOGS PA'O, ,GAL TE GNYI GA DGOS PA DANG BCAS PA MA YIN NA, 'O NA CI'I PHYIR ZHES BYA BA NI GZHAN GYI'O, ,'DI'I DON NI 'CHAD PA NI MA GRUB PA'I ZHES BYA BA'O, ,CHOS ZHES BYA BA NI MIG GIS GZUNG BA NYID LA SOGS PA MA GRUB PA'O, ,GAL TE CHOS MA GRUB PA NI SGRUB PAR BYED PA'I NGO BOR BSTAN PA GRUB PA YIN GYI, CHOS CAN MA GRUB PA LA GRUB PA'I RANG BZHIN DU BSTAN PA NI CI 'DRA BA ZHIG YIN SNYAM NA, DPER NA BDAG NI ZHES BYA BA'O, ,KHYAD PAR DANG BCAS PA NYID DU MA GRUB BA'O, ,GRUB PA'I RANG BZHIN DU BSTAN PA BRJOD PA NI, DE BZHIN DU ZHES BYA BA'O, CHOS CAN GYI KHYAD PAR NYID DU

ZHES BYA BA NI, MA GRUB PA'I CHOS CHOS CAN GYI KHYAD PAR NYID DU BSTAN PA ZHES 'BREL TO, ,'ON TE ZHES BYA BA NI GZHAN GYI'O, ,MI SHES PA'I RNAM PAR BRJOD PA NI CI MI RTAG BA ZHES BYA BA'O, ,LAN NI SGRA MTSUNGS KYANG ZHES BYA BA'O, ,NAM MKHA'I YON TAN GYI SGRA NI MI RTAG PA'O ZHES BYA BA'I SGRA MTSUNGS KYANG NGO, ,'DI YANG GZHAN GYI DOR BRJOD PA YIN GYI, SANGS RGYAS BA RNAMS KYI LTAR NA NI PHYOGS BSTAN PAR BYA BA MA YIN NO, ,GAL TE RANG GI NGO BOS ZHES BYA BA 'DI LA RNAM PAR GCAD BAR BYA BA THA DAD PA KHAS MI LEN 'O NA CI LTAR ZHES BYA BA NI GZHAN GYI STE, 'DI RNAM PAR GCAD PAR BYA BA NYID DU BRTEN PAR BYA BA MA YIN NO ZHES BYA BA'I DON TO, ,CI'I PHYIR ZHE NA, NGES PAR GZUNG BA'I ZHES BYA BA'O, ,DE NI RNAM PAR GCAD PAR BYA BA BSTAN PA'O, ,GZHAN GYI PHYIR ZHES BYA BA NI, MA GRUB PA'I SGRUB PAR BYED PA BSTAN PA BSGRUB PAR BYA BA NYID DU YIN PA RNAM PAR GCAD BA'I PHYIR BYAS PAS, GZHAN GYI DON DU YANG ZHES BYA BA GRUB PA RNAM PAR GCAD PA'I YANG 'GYUR BA YIN NO, ,DE SKAD CES BYA BA NI RANG GI NGO BO SMOS PA'I RNAM PAR GCAD PAR BYA BA'O, ,KHAS BLANGS PA SNGON DU SONG BA CAN GYI RNAM PAR GCAD PAR BYA BA BRJOD PA'I RNAM PA GSUNGS PA NI, CI STE YANG ZHES BYA BA'O, ,GRUB PA BSGRUB BYAR BYED PA'O, ,GZHAN SMRAS PA GANG GIS MA BSAL BA'I TSIG GIS RNAM PAR GCAD PAR BYA BAR 'GYUR BA BSAL BA MNYAN PAR BYA BA MA YIN PA NYID CI LTAR BSGRUB BAR BYA BA NYID DU YIN PAR CI LTAR 'THOB, 'DIR YANG, GANG ZHIG BSAL KYANG SGRUB BYED PA'I, ,RTOGS LDAN DE NI 'GA' YOD MIN, ,MED PAR RTOGS PA DE NYID NI, ,CI LTAR BSGRUB BYANG RTOGS PAR 'GYUR, ,ZHES BRJOD PAR NUS PA NYID DO, ,DES NA MA BSAL BA'I TSIG GI RNAM PAR GCAD BAR BYA BA BZHIN DU RANG GI DE BA'I TSIG LA YANG GTZO BO NYID DU RNAM PAR GCAD PA BSTAN BAR RIGS SO ZHES SEMS PA'O, , 'DI LA LAN NI DE LA ZHES BYA BA STE, BSAL BA LA NI RTZOD PA MTHONG BA'I PHYIR RO, ,RTZOD PA MTHONG BA DE YANG PHYIS BSTAN PAR BYA'O, ,DES NA RANG NYID SMOS PA NI GRUB PA'I CHOS CAN BSGRUB BYA YIN PA DGAG PA'I DON DU NI MA YIN TE DE LTA MA YIN PAR YANG DE BZLOG PAR 'GRUB PA'I PHYIR RO, ,RNAM PA

, ,GZHAN GYIS KYANG CHOS CAN BSGRUB PAR BYA BA MA YIN PAR 'GRUB PA KHON TE, DE'I PHYIR RANG NYID SMOS PA DE'I DON DU NI MA YIN NO ZHES BRJOD PA NI, RJES SU DPAG PA ZHES BYA BA'O, ,BSGRUB PAR BYA BA'I CHOS KHYAD PAR DU BYED PA'I CHOS CAN SGRA LA SOGS PA NI KHYAD PAR YIN PAS DE'I YUL CAN GYI RJES SU DPAG PA NI YOD PA MA YIN TE, DPE DANG THUN MONG PA'I SPYI LA 'JUG PAR GSUNGS PA'I PHYIR RO ZHES BYA BA'I DON TO, ,'ON TE RANG NYID SMOS PAS CHOS BSGRUB PAR BYA BA MA YIN PAR BSTAN BA MA YIN NA, MTSAN NYID DANG 'GAL BAR 'GYUR RO SNYAM NA, 'DIR NI 'DI SKAD CES GSUNGS SO, , PHYOGS KYI MTSAN NYID 'DIR NI, CHOS CAN BSGRUB PAR BYA BA MA YIN NO ZHES RANG NYID SMOS PAS DE SKAD MA BRJOD KYANG 'GAL BA CUNG ZAD KYANG MED DO, ,RJES SU DPAG PA NI SPYI'I YUL CAN NYID KYIS CHOS CAN BSGRUB BYA MA YIN PAR RTOGS PA'I PHYIR RO, ,'ON TE CHOS CAN YANG SPYI KHO NA YIN BA DES NA BSGRUB PAR BYA PAR THAL LO SNYAM NA, CHOS CAN ZHES BYA BA'O, ,DE LAS GZHAN NI MA GRUB PA'O, ,CI'I PHYIR SKYON YOD PA MA YIN ZHE NA, RANG GI MTSAN NYID CES BYA BA'O, ,GZHAN YANG CHOS CAN BSGRUB BAR BYA BA YIN NA GTAN TSIGS KYI NYES BA NYID YIN GYI PHYOGS KYI NYES BA NI MA YIN TE, DES NA DE NI PHYOGS KYI MTSAN NYID KHO NAS SPANGS PA MA YIN NO ZHES BRJOD PA NI GZHAN YANG ZHES BYA BA'O, ,RJES 'GRO MED PA NYID NI GTAN TSIGS KYI SKYON YIN GYI PHYOGS KYI NI MA YIN NO, ,DES NA DE'I SKYON NI DE'I MTSAN NYID KHO NAS SPANG BAR BYA BA YIN ZHES BRJOD PA NI, 'DI NYID ZHES SMOS SO, ,RJES SU 'GRO BA MED PA DANG, BSGRUB PAR BYA BA MA TSANG BA'I RANG BZHIN NI, GTAN TSIGS DANG DPE DAG GI'O, ,GTAN TSIGS LA SOGS LTOS BA ZHES BYA BA NI MA GRUB PA LA SOGS PA'I MTSAN NYID DO, ,HA CANG THAL BA 'DI'I LAN GYI DGOS PA NI 'ON TE DPER NA ZHES BYA BA'O, ,GTAN TSIGS GZHAN GYI ZHES BYA BA NI BYAS PA LA SOGS PAS SO, ,DE LTAR GANG LA GTAN TSIGS GZHAN YOD PA DER NI GTAN TSIGS KYI SKYON NYID YIN NO ZHES RNAM PAR BZHAG NAS GANG DU GTAN TSIGS 'GA' YANG MED PAR DER NI PHYOGS KHO NA'I NYES PA YIN NO ZHES BRJOD PA NI, GANG DU ZHES BYA BA'O, ,CHOS CAN

RANG GI MTSAN NYID BSGRUB PAR BYA BA LA NI GTAN TSIGS 'GA' YANG YOD PA MA YIN TE RJES SU 'GRO BA MED PA'I PHYIR RO, ,DES NA 'DI NI PHYOGS KYI NYES PA KHO NA'O ZHES CI LTAR ZHE NA, SRID PA'I RANG GI ZHES BYA BA'O, ,DE NI ZHES BYA BA NI RANG GI BSAM PA'O, ,DES NA ZHES BYA BA NI CHOS RJES SU MI 'GRO BAS NA THAMS CAD DU SGRUB PAR BYED PA MI SRID PAS NA'O, ,CHOS CAN GYI RANG BZHIN PHYOGS KYI MI SRID PA 'DI NYID 'DI CI GTAN TSIGS LA LTOS NAS SAM, 'ON TE GZHAN LA LTOS PA MED PAR RANG LA GNAS PA NYID YIN, CI LTAR NA DE GNYI GA YANG MA YIN SNYAM NA, GAL TE RTAGS DANG ZHES BYA BA'I'O, , RJES SU 'GRO BA MED PA LA SOGS PA DE NI, RTAGS KYI SKYON NYID YIN PA'I PHYOGS KYI NI MA YIN NO, ,'ON TE NYES PA GANG ZHIG GTAN TSIGS LA LTOS PA DE NI RANG LA BRTEN BA NYID YIN NO SNYAM NA, DE NI ZHES SMOS TE, GTAN TSIGS KYI SKYON NI'O, ,CI'I PHYIR ZHE NA, MTHONG PA YIS KYANG ZHES SMOS SO, ,CHOS CAN DE 'GRUB PA'I PHYIR RO, ,GTAN TSIGS KYI TSIG 'DI NYID NI, GAL TE RANG GI RANG BZHIN GYI ZHES BYA BA'O, ,DOGS PA NI RJES SU DPAG PAS MNGON SUM DU GYUR PA'I PHYOGS MI 'GRUB PO ZHE NA, LAN 'O NA ZHES BYA BA'O, ,GAL TE MNGON SUM GYIS GRUB KYANG, GRUB PA LA SGRUB PA NYID KYI PHYOGS KYI SKYON MA YIN NAM SNYAM NA, GRUB PA LA ZHES BYA BA'O, ,'O NA PHYOGS KYI SKYON GANG YIN SNYAM NA, DE NI ZHES SMOS TE, GRUB PA LA SGRUB PA'I SKYON NI, DER YANG BDAG NYID KHO NA'I MNGON SUM GYIS GRUB PA LA GTAN TSIGS KYI SKYON YIN ZHES 'BREL TO, ,RGOL BA DANG PHYIR RGOL BA GNYI GA'I MNGON SUM GYIS GRUB PA LA NI ZHES 'BREL TO, ,RJES SU DPAG PA GRUB PA BZHIN DU LUNG GIS GRUB PA YANG PHYOGS YIN NO SNYAM NA, LUNG GIS ZHES BYA BA'O, ,CI LTAR MNGON SUM GYIS GRUB PA LA RJES SU 'GRO BA MED PA'I PHYIR PHYOGS MA YIN PA DE BZHIN DU LUNG GIS GRUB PA YANG NGO, , PHA ROL PO DAG DPE DANG DON DAG CHOS MI MTSUNGS PAR BRJOD PA NI, GAL TE ZHES BYA BA'O, ,CI LTAR ZHE NA, LUNG GI YUL NI ZHES SMRAS SO, ,LAN NI 'DI NYID CES BYA BA'O, ,BRJOD PA'I RNAM PA GSUNGS PA NI, GTAN TSIGS KYI ZHES BYA BA'O, ,LUNG LAS GRUB PA LA NI DE TZAM

, ,LAS GYUR PA NYID MED PA KHON TE, DAS NA CI LTAR PHYOGS NYID MA YIN SNYAM NA, 'DI LA YANG ZHES BYA BA STE LUNG LAS GRUB BA YANG NGO, ,PHYOGS TZAM LAS GYUR PA NYID STON PA NI, 'DI LTAR ZHES BYA BA'O, ,DE NI PHYOGS SO, ,GANG GIS DE SGRUB PA NYID KYI PHYOGS SU 'GYUR BA GTAN TSIGS KYIS CI DGOS, GZHAN LA NI PHYIR RGOL BA'O, ,RANG NYID KYI RGOL BA'O, ,LUNG LAS GRUB PA PHYOGS YIN NO ZHES BYA BA SKABS YIN NO, ,GNYI GA LA YANG ZHES BYA BA NI RGOL BA DANG PHYIR RGOL BA LA'O, ,GAL TE LUNG LAS GRUB BA PHYOGS MA YIN NA, 'O NA GANG PHYOGS YIN SNYAM NA DE'I PHYIR ZHES SMOS SO, ,DES ZHES BYA BA NI KHYAD PAR GYI RANG BZHIN GYIS SO, ,DE NI SPYI'O, ,GAL TE DE LTAR NA ZHES BYA BA NAS BRTZAMS NAS ZHE NA'I BAR NI RTZOD PA'O, ,DES MA GRUB PA NI MNGON SUM GYIS MA GRUB PA LA RJES SU DPAG PA SHIN TU YANG MED PAR 'GYUR TE ZHES 'BREL TO, ,CI'I PHYIR ZHE NA, RJES SU DPAG PA NI ZHES BYA BA'O, ,DE BZHIN DU ZHES BYA BA LA SOGS PAS NI RTZOD PA GNYIS PA BRJOD PA'O, ,CI LTAR ZHE NA, GNOD PA ZHES BYA BA SMOS SO, ,DE LA RE ZHIG RTZOD BA DANG PO SEL BA NI, RJES SU DPAG PA NI ZHES BYA BA'O, ,'O NA CI LTAR MNGON SUM SNGON DU 'GRO BA CAN YIN SNYAM NA, 'ON KYANG ZHES BYA BA'O, ,DE'I ZHES BYA BA SPYI'I BSAL PA DE'I YUL CAN GYI MNGON SUM GANG YIN PA DE MED NA DER RJES SU DPAG PA 'JUG PA MA YIN NO ZHES 'BREL TO, ,CI'I PHYIR ZHE NA, RJES SU DPAG PA NI ZHES BYA BA'O, ,ME LA SOGS PA'I SPYI DE'I BSAL BA STE RANG GI MTSAN NYID GANG YIN PA DE LA MNGON SUM 'JUG PA SNGON DU 'GRO BA CAN YIN PA'I PHYIR RO, ,SPYI'I MNGON SUM SNGON DU 'GRO BA CAN NYID LA NYES PA CI YOD SNYAM NA, GAL TE ZHES BYA BA'O, ,SPYI DANG RJES SU DPAG PAS CI BYA STE KHYAD PAR MED PA'I SPYI NI MNGON SUM KHO NAS GRUB PA'I PHYIR RO, ,GANG LA MNGON SUM DU MI 'JUG PA'I SPYI'ANG GANG YIN ZHE NA, RANG GI MTSAN NYID CES SMOS SO, ,CI'I PHYIR ZHE NA, KHYAD PAR DU MA RTOGS PA'I ZHES BYA BA'O, ,GANG GI PHYIR DE LTA YIN PA DES NA, MNGON SUM GYI YUL LA RJES SU DPAG PA MA YIN NO ZHES BYA BA'I DON KYANG 'DI NYID YIN NO, ,RANG YIN ZHE NA,

RJES SU DPAG PAS ZHES BYA BA'O, ,DE NI ZHES BYA BA BRJOD MA THAG PA'I RANG BZHIN GYI SPYI'O, ,'O NA CI LTAR RANG GI MTSAN NYID RTOGS SHE NA, ME NI ZHES BYA BA STE RANG GI MTSAN NYID KYI BDAG NYID DO, ,GAL TE SPYI MNGON SUM GYIS MA BZUNG NA, KHYAB BA RTOGS PA MED PA'I PHYIR CI LTAR RJES SU DPAG SNYAM NA, KUN DU THA SNYAD PA'I ZHES BYA BA LA SOGS PA SNGAR BRJOD ZIN PA YIN NO, ,'DIS NI RTZOD PA DANG PO BSAL TE, GNYIS PA SEL BA BRJOD PA NI, PHYOGS ZHES BYA BA'O, ,'DI NYID DE ZHES BYA BA NI BRJOD MA THAG PA'O, ,CI LTAR ZHE NA, DE LAS BZLOG PA ZHES BYA BA LA SOGS PA'O, ,GAL TE GANG GIS PHYOGS LA MNGON SUM GYIS GNOD PAR 'GYUR BA, BSAL BA GNOD PAS SPYI GNOD PAR CI LTAR 'GYUR ZHE NA, GANG LA ZHES BYA BA'O, BKAG PA CI LTAR SEL SNYAM NA, BKAG PA BZLOG PA YANG ZHES BYA BA'O, ,MNYAN BYA BKAG PA SEL BA YANG MNYAN BYA'I MTSAN NYID KYI YUL GANG BKAG PA MNYAN BYA MA YIN PA'O ZHES BYA BA MNYAN PAR BYA BA NYID DE NYID KYI SGO NAS MNYAN BYA MA YIN PA BZLOG PA YIN GYI, DGAG PA'I YUL MNYAN BYA NYID LAS GZHAN GYIS NI MA YIN NO, ,CI'I PHYIR ZHE NA, GZHAN NI DE DANG MI 'GAL BA'I PHYIR RO, ,GAL TE ZHES BYA BA NI GZHAN GYI'O, , MNGON SUM DU GYUR PA'I DON DE NI RJES SU DPAG PA DANG SGRA DAG GI YUL MA YIN PA'I PHYIR RO ZHE NA, LAN NI DE NYID KYI PHYIR ZHES BYA BA'O, ,GCIG TU ZHEN BA'I PHYIR MNGON SUM RJES SU DPAG PAS BSAL BAR DOGS PAR 'GYUR RO, ,DES NA 'DI MA 'BREL PA BRJOD PA NYID KYIS ZLOG PAR BYED PA YIN TE, GANG GI PHYIR RJES SU DPAG PA LAS NI BSAL BA'I DON GANG DU YANG BKAG PA YOD PA MA YIN NO, ,DES NA CI LTAR MNGON SUM RJES SU DPAG PAS BSAL BAR CI LTAR DOGS ZHES BYA BA'I SKYON MED DO, ,SKABS NYE BAR SDUD PA NI, DE'I PHYIR CHOS CAN ZHES BYA BA'O, ,'O NA CI LTAR CHOS CAN PHYOGS NYID YIN PA SEL ZHE NA, DE NI ZHES SMOS TE GRUB PA'I CHOS CAN NO, ,MTSAN NYID GNYI GAS KYANG SEL BAR 'GYUR RO SNYAM NA, GTAN TSIGS KYI ZHES BYA BA'O, ,LDOG BA NI LHAG MA STE HA CANG KHYAB PA ZHES BYA BA'I DON TO, ,PHYOGS KYI MTSAN NYID LAS GZHAN GTAN TSIGS KYI

, ,MTSAN NYID KYIS SO, ,DE NI ZHES BYA BA SPANGS ZIN PA'I NYES PA MA SPANGS KYANG NGO, ,DE TZAM NI RANG NYID SMOS PA DANG BRAL BA TZAM MO, ,GZHAN RANG NYID SMOS PAS CI BYA, CI'I PHYIR ZHE NA, GANG NI DON DU ZHES BYA BA'O, ,GAL TE RANG NYID SMOS PAS HA CANG KHYAB PA MI SPONG NA ZHES BYA BA'O, ,'O NA MA KHYAB PA GANG GIS SEL BAR BYED SNYAM NA, 'DOD SGRAS ZHES SMOS SO, ,GZHAN GYIS ZHES BYA BA RNAM PAR BCAD ZIN PA RNAM PAR GCOD PAR BYED BAS SO, ,RNAM PAR MA BCAD PA LA BRJOD PA GANG YIN BA DE DRAN PAR BYED PA NI GAL TE ZHES BYA BA'O, ,SGRUB PAR BYED PA NYID DU BSTAN PA BSGRUB PAR BYA BAR THAL BAR 'GYUR RO ZHES 'BREL TE, DE'I DON DU ZHES BYA BA NI SKYON GZHAN SPANG BA'I DON DU'O, ,DE NI ZHES BYA BA NI LDOG PA'O, ,CI'I PHYIR DE KHYAB PAR 'DOD PA MA YIN ZHE NA, MA BSAL BA NI ZHES GSUNGS SO, ,DES NA 'DOD PA SMOS PA NI 'BRAS BU DANG BCAS PA KHO NA'O ZHES GSUNGS SO, ,KHYAB PA'I DON DU 'DOD PA'I SGRA BYAS PA YIN NO ZHES 'BREL TO, ,DE YANG ZHES BYA BA NI BSAL BA YANG NGO, ,GANG GI TSE MA BSAL BA'I TSIG DANG LHAN CIG BYED PA DE'I TSE NI, BSAL BA LA YANG KHYAB PA SRID PA GAL 'GYUR TE MI 'GYUR PA KHO NA'O, ,SKABS NYE BAR SDUD PA NI DES NA ZHES BYA BA'O, ,'O NA CI LTAR RIGS PA'I SGOR LDOG PA LA GNOD PAR 'GYUR TE, RANG NYID CES BYA BA LA SOGS PA'I TSIG RNAMS MED PA'I PHYIR RO ZHE NA, DE LA ZHES SMOS TE RIGS PA'I SGOR RO, ,BSGRUB BYA KHAS BLANGS ZHES BYA BA NI, BSGRUB BYA YIN GYI, BSGRUB BYA MA YIN PA NI MA YIN TE; ,TSAD MA DAG GIS BSAL BA NI BSGRUB PAR 'OS PA MA YIN PA'I PHYIR RO, ,GRUB PA'I CHOS CAN YANG RANG GI MTSAN NYID KYIS RJES SU 'GRO BA MED PA'I PHYIR DANG, MA GRUB PA SGRUB PAR BYED PA NYID DU BRJOD PA DANG BSTAN BCOS KYI 'DOD PA YANG KHAS LEN PA POS KHAS MA BLANGS PA'I PHYIR NA, DNGOS PO LA RNAM PAR GCAD PA'I PHYIR RO, ,DER KHAS BLANGS PA BSGRUB PAR BYA BA NYID DU 'DOD PA ZHES BYA BA'I DON CAN NI PHYOGS KYI MTSAN NYID YIN NO, ,DE NYID KYI PHYIR RNAM PAR GCAD PA DAG PHYOGS NYID MA YIN NO ZHES BRJOD PA NI, DE RNAMS LA NI ZHES BYA BA STE BSAL BA LA SOGS PA RNAMS

LA'O, ,CI LTAR ZHE NA BSAL BA ZHES GSUNGS TE 'GAL BA'I DON GYIS MA BSAL BA ZHES GSUNGS PA'I PHYIR RO, ,LHAG MA LA NI MTSAN NYID DE BSGRUB PAR BYA BA NYID DU 'DOD BA ZHES BYA BA, BSGRUB BYAR KHAS BLANGS ZHES DE LTAR RJES SU BRJOD BA 'JUG BA MED PA'I PHYIR RO, ,DES NA MDOR BSDUS PA LA DGA' BA LA LTOS NAS RIGS PA'I SGOR BRJOD PA'I PHYOGS KYI MTSAN NYID KYANG NYES PA MED PA KHO NA'O ZHES DGONGS PA'O, ,'GREL BA SUN DBYUNG BA'I PHYIR RJES SU BRJOD PA NI, 'DIR DE KHO NA'O ZHES BYA BA'O, ,LHA DBANG BLO'I BSHAD PA DE NI DE LTAR MA YIN TE'O, ,GZHAN NI 'DIR CI ZHIG CES BYA BA LA SOGS PA'O, ,BSGRUB PA SNGAR CI LTAR BSTAN CES DOGS NA MA GRUB CES GSUNGS SO, ,'ON TE BSTAN ZIN PA NYID MJUG SDUD PA YIN NO ZHE NA, DE NYID KYI ZHES BYA BA'O, ,CI'I PHYIR ZHE NA, GANG ZHIG CES BYA BA STE MTSAN NYID KYI DAG GANG ZHIG GO, ,'DI NI TSIG LA'O, ,DE LA NI MTSAN NYID KYI NGAG LA'O, ,NYES PA 'DIS 'JIGS NAS GZHAN DAG NI 'DI'I DON GZHAN DU SMRA'O, ,DE DAG KYANG MI RIGS PAR SMRA BA YIN NO ZHES BSTAN PA'I DON DU DES BRTAGS PA'I DON BRJOD BA NI GZHAN DAG SMRA BA NI ZHES BYA BA'O, ,'DI SUN 'BYIN PA NI DE YANG MA YIN TE ZHES BYA BA'O, ,CI'I PHYIR ZHE NA, MA KHYAB PA DANG HA CANG KHYAB PA'I NYES PA MA SPANGS PA'I PHYIR RO, ,DE LA RE ZHIG HA CANG KHYAB PA'I NYIS PA BRJOD PA NI, BSGRUB PAR BYA BAR ZHES BYA BA'O ZHES BYA BA'I PHYOGS KYI MTSAN NYID KYIS NI, SGRUB PAR BYED PA NYID DU 'DOD PA MA GRUB PA DANG, BSTAN BCOS BYED PA'I 'DOD PA BSGRUB PAR BYA BAR 'GYUR BAR MA BZLOG PA NYID DO, ,BSGRUB BYAR KHAS BLANGS ZHES BYA BA'I MTSAN NYID YIN PA'I PHYIR RO, ,SGRUB PAR BYED PA NYID DU 'DOD PAS BSGRUB PAR BYA BAR THAL BA'I SPONG BA'I DOGS PA BSU BA NI, 'ON TE ZHES BYA BA'O, ,DE LTA NA YANG HA CANG THAL BA CI LTAR LDOG STAM [?] NA, SGRUB PAR BYED PA NYID DU ZHES BYA BA'O, ,DE NI ZHES BYA BA NI MA GRUB PA'I SGRUB BYED DO, ,RNAM PA GZHAN DU NGES PAR GZUNG BA'I DOGS BA BSU BA NI, 'ON TE ZHES BYA BA'O, ,LAN NI DE LTA YIN NA ZHES BYA BA'O, ,DES PAR GZUNG BA SNGA MA LA NI MA KHYAB PAR 'GYUR LA, 'DI LA

, ,NI HA CANG KHYAB PAR 'GYUR BA YIN NO ZHES BYA BA'I DON TO, ,'ON TE DE'I TSE SGRUB PAR BYED PA NYID DU KHAS BLANGS BA'I PHYIR BSGRUB BAR BYA BA NYID MA YIN NO SNYAM NA, DE NI ZHES BYA BA'O, GNYI GA NI SGRUB PAR BYED PA DANG BSGRUB PAR BYA BA'I MTSAN NYID DO, ,DE'I TSE NI SGRUB PAR BYED PA KHO NA SIN GYI BSGRUB PAR BYA BA NI MA YIN NO ZHE NA, 'DI ZHES BYA BA'O, ,PHYOGS 'DI LA SGRUB PAR BYED PAR 'DOD BA BSGRUB BYAR 'GYUR BA 'BA' ZHIG TU MA ZAD KYI BSTAN BCOS BYED PA'I 'DOD PA YANG BSGRUB PAR BYA BA NYID DU 'GYUR RO, ,CI'I PHYIR ZHE NA, DE LA YANG BYA BA STE BSTAN BCOS BYED PA'I 'DOD PA LA YANG BSTAN BCOS BYED PA'I KHAS BLANGS PA YOD PA'I PHYIR RO, ,'ON TE ZHES BYA BA NI DOGS PA BSU BA'O, ,GANG LA RGOL BA NYID KYIS KHAS BLANGS PA YOD KYI BSTAN BCOS BYED PA'I MA YIN PA DE LA PHYOGS NYID DU YOD PA YIN NO ZHE NA, PHYOGS 'DI SUN 'BYIN PA NI, DE NI MA YIN TE ZHES BYA BA'O, ,RGOL BAS ZHES BYA BA NI RIGS PA LA SOGS PAS SO, ,NYE BA 'BA' ZHIG TU RIGS PA MA YIN GYI 'ON KYANG KHYAB BA YANG YIN NO ZHES BRJOD PA NI, GZHAN YANG ZHES BYA BA'O, ,CI STE KHAS MI LEN TE, DE NYID KHAS BLANG BAR BYA'O, ,DES NA BSTAN BCOS BYED PA'I 'DOD PA YANG BSGRUB PAR BYA BA NYID DU THEL TE, BSGRUB BYAR KHAS BLANGS ZHES BYA BA 'DI LA KHYAD PAR MED PA'I PHYIR RO, 'ON TE RGOL BA'I 'DOD PA LA BLOS BYAS PA'I NYE BAR 'DOD NA, DE'I TSE BSTAN BCOS BYED PA'I 'DOD PA LA YANG DE SRID DO ZHES BRJOD PA NI, BLOS BYED PA BYA BA'O, ,SGRUB BYED DU 'DOD PA DANG, BSTAN BCOS BYED PA'I 'DOD PA PHYOGS SU 'GYUR PA 'BA' ZHIG TU NI MA ZAD KYI BSAL BA BSGRUB PAR BYA BAR KHAS BLANGS NA YANG PHYOGS NYID DU 'GYUR RO ZHES STON BA NI BSAL BA ZHES BYA BA'O, ,GANG GI PHYIR DE LTA YIN PA DE'I PHYIR NA, GZHAN GYI DE NYID MJUG BSDU BA YIN NO ZHES BRJOD PA DANG 'DI NI RNAM 'GREL BYED PA NYID KYI YIN NO ZHES BYA BA DE NI MA YIN NO, ,DE LTAR GZHAN GYI 'DOD PA BZLOG NAS RANG GI 'DOD PA BRJOD PA NI, DE LTA NI'O NA ZHES BYA BA'O, ,'DI NI ZHES BYA BA NI BSGRUB BYAR KHAS BLANGS ZHES BYA PA'O, ,RIGS

PA'I SGO'I MTSAN NYID DE YANG GANG YIN ZHE NA, BSGRUB PAR BYA BA NYID DU 'DOD PAR GYUR BA ZHES BYA BA'O, ,GAL TE DE LTAN YANG RNAM 'GREL 'DI LA 'JUG PA CI LTAR YIN SNYAM NA, DE LTA ZHES BYA BA STE RIGS PA'I SGOR BRJOD PA'I PHYOGS KYI MTSAN NYID LA, 'DI LTAR ZHES BYA BA NI RJOD BZHIN PA'O, ,DE NYID BRJOD PA NI GAL TE ZHES BYA BA'O, ,BSAL BA RNAMS CI LTAR BKAG SNYAM NA, DER YANG ZHES SMOS TE RIGS PA'I SGOR BRJOD PA'I MTSAN NYID LA'O, ,LHAG MA NI MA GRUB PA'I SGRUB PAR BYED PA LA SOGS PA'O, ,SKYON NI HA CANG KHYAB PA'I MTSAN NYID CAN NO, ,BSTAN BCOS BYED PA'I 'DOD PA DANG, GRUB PA DAG LA MTSAN NYID MI 'JUG PA'I PHYIR PHYOGS NYID MED MOD, SGRUB PAR BYED PA NYID DU 'DOD PA LA GO CI LTAR TE DER TSIG MA SMOS PA'I PHYIR RO ZHE NA, 'DOD PAR GYUR PA ZHES BYA BA'O, ,BSGRUB PAR BYA BA NYID DU 'DOD PAR 'GYUR BA MA GRUB PA'I SGRUB PAR BYED PA DAG LA MI 'JUG BAS NA, MI 'JUG PA NYID DE NYID KYI PHYIR MA GRUB PA'I SGRUB BAR BYED PA DE BZLOG PA'I PHYIR RO, ,GAL TE ZHES BYA BA NI GZHAN GYI TE, GAL TE BRJOD PA'I TSUL DU RIGS PA'I SGOR SGRUB PAR BYED PA MA GRUB PA PHYOGS YIN PAR BSAL BA YIN NA, DE'I TSE TSAD MA KUN LAS BTUS PA 'DIR YANG NGO, ,LAN 'DEBS PA NI, DE NI BDEN TE ZHES BYA BA'O, ,BYED PA'I MTHA' DANG ZHES BYA BA NI BSTAN BYA BA ZHES BYA BA'I TSIG DANG NGO, ,DUS GZHAN DU 'DOD PAS YUL DU BYAS PA'I SGRUB BYED MA GRUB PA'O, ,DE ZHES BYA BA MA GRUB PA'I SGRUB PAR BYED BA BZLOG PA'I PHYIR RO; ,TSAD MA KUN LAS BTUS PA 'DIR NI NIshthA YAN LAG CES BYA BA KHYAD PAR TE GTZO BO MA YIN TE, BYED PA'I RKYEN GYI MTHA' CAN GTZO BO YIN PA'I PHYIR RO ZHES SBYAR RO, ,DES NA DER DUS GZHAN GYI DBANG GIS GTAN TSIGS MA GRUB PA BSGRUB PAR BYA BA NYID DU 'DOD PAR 'GYUR BA YANG KHO NA'I SGRA MED NA PHYOGS NYID DU THAL BAR 'GYUR BAS DE BZLOG PA'I DON DU NGES PAR GZUD BAS 'BRAS BU DANG BCAS PA KHO NA'O, ,'DOD PAR GYUR PA'I TSIG LA NI, 'DOD RKYEN YAN LAG MA YIN PA STE GTZO BO KHO NA YIN NO, ,DE YIS NI 'DOD RKYEN GYIS SO, ,CI LTAR BZLOG PA DANG

, ,'BREL ZHE NA, 'DOD PAR GYUR PA'I TSIG LA NI ZHES BYA BA'O, ,BYUNG BA'I DUS SGRUB PAR BYED PA'I YAN LAG STE RGYU MA YIN NO, ,DER ZHES BYA BA NI RIGS PA'I SGOR BRJOD PA'I PHYOGS KYI MTSAN NYID LA'O, ,'DI THAMS CAD NI RANG NYID SMOS BA CHOS CAN BSGRUB BYAR BYED PA DGAG PA LA SOGS PA'I RJOD BYED DU KHAS BLANGS NAS BRJOD PAR ZAD DO, ,DA NI MED PA'I PHYIR DE DON NYID MA YIN NO ZHES BRJOD PA NI RJOD BYED MIN PHYIR ZHES BYA BA'O, ,DE 'DOD PA ZHES BYA BA NI RGOL BA 'DOD BA'O, ,DES NA ZHES BYA BA NI RGOL BA'I 'DOD PA TZAM BSGRUB BAR BYA BA YIN PAS NA'O, ,MI 'DOD PA NAM MKHA'I YON TAN NYID DAD DON GCIG LA 'DU BAS 'BREL BA'I 'DOD PA MI RTAG PA NYID LA GNOD PA NA YANG STE, MI RTAG BA 'BA' ZHIG GRUB KYANG ZHES BYA BA'I DON TO, ,CI'I PHYIR ZHE NA, CI LTAR BSGRUB LA ZHES BYA BA'O, ,DE LTA MA YIN PA'I ZHES BYA BA NI RGOL BA'I 'DOD PA MA YIN PA LA'O, ,DES ZHES BYA BA MI RTAG PA NYID BSGRUB PA DES SO, ,CI'I PHYIR ZHE NA NUS PA ZHES BYA BA'O, ,DES NA BSTAN BCOS KYI 'DOD PA DOR LA BSGRUB PAR BYA BA SGRUB PA NI MA YIN NO ZHES BYA BAR BSAMS BA'O, ,GZHAN YANG ZHES BYA BA NI GAL TE BSTAN BCOS BYED BA'I 'DOD PA YANG BSGRUB PAR BYA BA YIN NA DE'I TSE BSTAN BCOS BYED PA'I 'DOD PA DANG, RANG NYID 'DOD PA MTHA' DAG KYANG NYAMS PAR 'GYUR TE, DE SGRUB PAR BYED BA MI SRID PA'I PHYIR RO, ,DES NA THAMS CAD BRLAG PA BAS NI, RANG GI 'DOD PA'I BSGRUB BYA CUNG ZAD THOB PA NA'O, ,DE LA NI SGRUB PAR BYED PA'I GTAN TSIGS SRID PA'I PHYIR RO, ,'ON TE BSTAN BCOS BYED PA'I 'DOD PA MA GRUB NA RANG NYID 'DOD PA GRUB PAS CI PHAN SNYAM NA, BU MA BA ZHES BYA BA'O, ,BSHAD PA'I DON SKABS SU BAB PA'I MJUG SDUD PA NI, DE'I PHYIR ZHES BYA BA'O, ,DE LA TE DE LTAR GNAS BA LA'O, ,BSGRUB PAR BYA BA NYID DU KHAS BLANGS PA DE LA'O, ,TSAD MA DAG GIS BKAG PA MED PA YIN PAR 'DOD DO, ,'DI LA ZHES BYA BA NI TSAD MA DAG GIS MA BKAG PA KHAS BLANG BAR BYA BA LA RIGS BA CI YOD CES DRIS BA'O, ,LAN NI GTAN TSIGS ZHES BYA BA'O, ,GZHAN DU YANG CI STE MA YIN ZHE NA, TSAD MA GCIG GIS ZHES

BYA BA'O, ,PHYIN CI LOG TU YOD BA'AM MED PAR SGRUB PA LA'O, ,DE MED NA STE BZLOG BA MED NA NI'O, ,DE TZAM STE PHYOGS TZAM LAS GYUR BA YIN PA'I PHYIR RO, ,'DI NYID GSAL BAR BYED PA NI, MNGON SUM DANG ZHES BYA BA'O, ,DE LTA YIN DANG ZHES BYA BA NI BSAL KYANG SGRUB PAR BYED PA LA LTOS NA'O, , DE'I TSE THAMS CAD LA YID MI CHES PA KHO NA STE, TSAD MAS GNOD PA SRID PA'I PHYIR RO, ,DES NA ZHES BSGRUB BA'I TSAD MED LA YANG YID CHES PA CI YOD, GANG GI PHYIR DE LTAR BSAL BA GTAN TSIGS KYI YUL DANG 'THAD PA MA YIN PA DE'I PHYIR RO, ,'O NA CI LTAR DU BA LAS GLO PUR DU MI RTOGS SNYAM NA, THA TSOM GYIS NI ZHES SMOS SO, ,'DIR ZHES BYA BA NI, BSAL BA GTAN TSIGS RTEN MA YIN ZHES BYA BA'I TSIG LA'O, ,'ON SKAD CIG MA NYID GTAN TSIGS KYI YUL MA YIN TE, DE NYID 'DI YIN NO SNYAM PA'I NGES PA YOD PA'I PHYIR RO ZHE NA, YANG NA ZHES BYA BA'O, ,SKAD CIG MA LA NI THE TSOM SKYED PAR NUS PA YIN TE, DES NA GTAN TSIGS KYI YUL NYID DO ZHES DGONGS PA'O, ,SGRUB PAR BYED PA DANG GNOD PAR BYED PA'I TSAD MA DAG GIS NGES PA LA NI GTAN TSIGS KYI YUL NYID YIN PAR MI 'GYUR RO ZHES 'BREL TO, ,CI LTAR NGES BA LA ZHE NA, RANG GI NGO BO DANG DE LAS BZLOG PA DAG TU'O, ,SLOB DPON PHYOGS KYI GLANG POS SO, ,DE LTAR MA YIN NA ZHES BYA BA NI, GAL TE LUNG DANG GRAGS PAS GNOD PA RTAGS LAS YIN PAR MI 'DOD NA DE'I TSE RJES SU DPAG PA'I DBYE BA MA YIN PAR 'GYUR RO, ,GAL TE RJES SU DPAG PA RNAM PA GSUM CI LTAR SNYAM NA, 'DI LTAR ZHES BYA BA'O, ,BSAL BA'I DBYE BAS NI RNAM PA GSUM MA YIN GYI, 'ON KYANG RANG BZHIN DANG 'BRAS BU DANG DE DAG BRNYAN MA'I DBYE BAS SO ZHES BYA BA'I DON TO, ,DE LA ZHES BYA BA NI GNOD PA RNAM PA BZHI PO DE'I NANG NAS SO, ,KHAS BLANGS NI YID CHES PA'I TSIG GO, ,RIM PA BTANG NAS 'DI GNYIS DANG PO 'CHAD PA NI GZHAN GYIS SHES PAR 'DOD PA'I DOR RAM BRJOD PAR BYA BA MA YIN PA'I PHYIR RO, ,CI'I PHYIR DNGOS MA YIN ZHES BYA BA NI, RTAGS 'DI NI DNGOS KHO NA YIN TE, DE LTA MA YIN NA, GZUGS BRNYAN YANG GNOD BYED YIN NA NI THUG PA MED PAR 'GYUR RO ZHES BYA BA NI PHYOGS

, ,SNGA MA PA'I BSAM PA'O, ,BDAG GZHAN ZHES BYA BA NI, 'DI GNOD PAR BYED PAR NI BRJOD PA MA YIN GYI, 'ON KYANG GNOD PAR BYED PA NYID DU KHAS LEN PA'I YUL NGES PA YIN NO, ,'DOD CES BYA BA NI YID CHES PAR KHAS BLANGS PA'O, ,CI LTAR ZHE NA YANG DAG NGES LDAN ZHES BYA BA'O, ,GANG GI PHYIR 'DI YANG DAG PA'I DON NGES PA'I NGAG DANG LDAN PA'I BRJOD PA CAN YIN PA DES NA, RANG GI TSIG DANG BSTAN BCOS TSAD MA YIN PAR GCIG TU ZHES BYA BA YID CHES PA ZHES DE LTAR SLOB DPON PHYOGS KYI GLANG POS BSHAD PA YIN NO, ,GNYI GA YANG KHAS BLANGS PA'I TSAD MAR MTSUNGS PA'I PHYIR RO, ,'O NA RJES SU DPAG PA LAS NGES PAR 'GYUR RO ZHE NA, THA SNYAD 'CHOL BAS ZHES BYA BA'O, ,LHAN CIG TU ZHES BYA BA NI YID CHES BA ZHES DE LTAR RO, ,RANG GI TSIG DANG BSTAN BCOS DAG TSAD MAR KHAS MI LEN NA NI DE BRJOD PA DANG, DE LA STON PA'I DPYOD PA DAG MED PAR 'GYUR ZHES MTSUNGS PA NYID STON PA NI, CI LTAR BDAG NI ZHES BYA BA'O, ,DER BSTEN MIN NA STE BSTAN BCOS KHAS MA BLANGS PAR RO, ,DES CI ZHIG BRJOD SNYAM NA, CI LTAR ZHES BYA BA'O, ,SMRA BA KUN NI BRDZUN YIN NO ZHES BYA BA DE NI 'GOG PA MA YIN NO, ,CI'I PHYIR ZHE NA, GAL TE SMRA BA KUN BRDZUN YIN NO ZHES BYA BA DE YANG 'GOG NA NI'O, ,CI LTAR 'DI BSAL SNYAM NA, 'DI LTAR ZHES BYA BA'O, ,'DI GA LAS SNYAM NA TSIG NI ZHES SMOS SO, ,GAL TE DUS GSUM NA YOD PA THAMS CAD TSAD MA MA YIN NA DE'I TSE DE DAG BRJOD PAS CI BYA, BRJOD NAS TSAD MA MA YIN PAR BRJOD NA, BKRUS NAS ZHES SMOS SO, ,RGYAG PA'I NANG DU LHUNG BA'I LA DU LEN PA LA, KHYOD CI BYED CES 'GA' ZHIG GIS DRIS PA NA, DES DE LA BKRUS NAS DOR BAR BYA'O ZHES ZER BA DE DANG 'DRA BAR DUS GSUM NA YOD PA'I BRJOD PA YANG TSAD MAR BRJOD NAS PHYIS TSIG DE TSAD MA MA YIN PAR BYAS NAS DOR PAR BYA'O ZHES BYA BAR 'GYUR RO, ,DOGS PA BSU BA NI PHYIS 'GYOD PA'I PHYIR TE TSAD MA MA YIN PAR BSGRUB PO ZHE NA, LAN NI DE LTA NA YANG ZHES BYA BA'O, ,CI LTAR 'GAL ZHE NA, MA SMRAS PA NYID CES BYA BA'O, ,BYAS PA NI TSIG GO, ,'DI NYID NI MA DPYAD PA NYID DO, ,CI'I PHYIR ZHE NA,

BRTAGS PA LEGS PAS ZHES SMOS SO, ,'DIS NI 'DAS PA'I TSIG TSAD MA MA YIN PA 'GOG PA SPANGS PA YIN NO, ,BRJOD PA 'DIS CI BYA ZHES BYA BA NI, 'DI NI BDAG GIS BRDZUN BYAS PA YIN NO ZHES SMRAS PA 'DIS CI BYA STE 'DI NI BRJOD PAR MI BYA BA KHO NA'O ZHES BYA BA'I DON TO, ,DANG PO NYID BRJOD PAR MI BYA'O ZHES BYA BA'I DON TO, ,'O NA 'BYUNG BAR 'GYUR BA'I TSIG TSAD MA YIN PA 'GOG GO SNYAM NA, 'BYUNG BAR 'GYUR BA LA NI ZHES BYA BA'O, ,'ON TE DE'I TSE NYID RANG GIS SMRAS NAS 'GOG GO ZHE NA, DE'I TSE NI DA LTAR PA NYID 'GOG PAR 'GYUR LA, DE LA YANG NYES PA SMRAS ZIN TO, ,'BYUNG BAR 'GYUR PA'I TSIG LA NI NYAN PA PO NYID MED DE DES NA 'DI NI BRDZUN SMRAS PA YIN NO ZHES CI'I DON DU BRJOD, DZAB MKHAN NI GAR BYED PA'O, ,DE'I DZAB TSIG NI GLU'I KHYAD PAR TE, DE LA NYAN PA MED KYANG BZHAD GAD GDON PA'I PHYIR 'JUG PA CI LTA BA DE BZHIN DU KHO BO NI BRDZUN SMRA BA YIN NO ZHES BYA BA'I TSIG KYANG 'JUG PAS NYES PA MED DO ZHE NA, MA YIN TE RTZOD PA'I SKABS YIN PA'I PHYIR RO ZHES SMOS SO, ,RTZOD PA NI PHYIR RGOL BA MED PAR MI SMRA BA DES NA CI LTAR 'DI DPER RIGS ZHES BYA BA'I DON TO, ,CI'I PHYIR ZHE NA, RTZOD PA'O ZHES BYA BA'O, ,DE NI ZHES BYA BA NI TSIG TSAD MA MA YIN PAR STON PA'O, ,'DIR DON NI 'DI YIN TE, GANG ZHIG RTOG PA DANG LDAN PAS GZHAN RTOGS PA'I DON TU BRJOD PA DE NI BDEN PA'I DON CAN DU KHAS BLANGS PA SNGON DU 'GRO BA CAN YIN TE, DPER NA BDAG GIS SMRAS PA THAMS CAD BRDZUN YIN NO ZHES BRJOD PA BZHIN NO, ,GZHAL BYA'I DON CAN GYI TSAD MA DAG MED DO ZHES BYA BA'I TSIG KYANG RTOG PA DANG LDAN PAS BRJOD PA YIN NO, ,DES NA TSAD MA MA YIN PAR DAM BCA' BA NI RANG GI TSIG GIS BSAL BA YIN NO, ,CI LTAR BDAG NYID TSAD MA MA YIN NA TSIG MI 'JUG PA NYID YIN PA DE BZHIN DU, BSTAN BCOS DE KHAS MA BLANGS NA, BSTAN BCOS LAS GRAGS PA'I DON LA YANG DPYOD PA MI 'JUG PA NYID DU THAL BAR 'GYUR RO ZHES SBYAR RO, ,GAL TE MTSUNGS PAR BSTAN PA'I DON DU LHAN CIG BRJOD PAR YIN YANG LHAG PA BRJOD PA CI YOD SNYAM NA, MTSUNGS PAR ZHES GSUNGS SO, ,MTSUNGS PAR BSTAN PA'I PHYIR NA TE BSTAN PA'I DON DU BSTAN BCOS 'DI RANG

, ,GI TSIG DANG LHAN CIG BRJOD PA GANG YIN PA DE NI BSTAN BCOS NI GANG GI TSE KHO NA, RNAM PAR DPYOD PA'I SKABS KYI CHOS CAN RNAM PAR 'JOG PA'I SGO NAS, BSTAN BCOS RTEN NYID YIN BA DE'I TSE NYID NA, DE LAS BZLOG PA'I CHOS KHAS LEN PA LA GNOD PAR BYED PA YIN GYI GZHAN GYI TSE NI MA YIN NO ZHES BYA BA'I DON 'DI BSTAN PA'I CHED DU BYAS PA YIN NO, ,DE LTA MA YIN NA BSTAN BCOS RANG GI TSIG PAS NUS BA LHAG PA CAN DU RTOGS PAR 'GYUR DU 'ONG BAS SO, ,DE LTA YIN DANG GZHAN GYI LUGS LTAR RNAM PAR DPYOD PA'I SKABS KYI RTEN YIN NA YANG GNOD PAR BYED PAR YIN PAR 'GYUR RO, ,SNGAR NI MTSUNGS PAR BSTAN PA NYID, LHAN CIG BSHAD PA'I DOGS PA YIN PAR BRJOD PA YIN LA, DA LTA NI MTSUNGS PAR BSTAN PA'I DGOS PA YANG DE'I SKABS KYI RTEN NYID YIN NA BSTAN BCOS GNOD PAR BYED PA YIN GYI GZHAN GYI TSE MA YIN NO, ,LHAN CIG BSHAD PA'I DGOS PA'I DGOS PA BRJOD PA YIN NO ZHES BYA BA NI KHYAD PAR YIN NO, ,'DI NYID BSHAD PA NI GAL TE ZHES BYA BA'O, ,DE LTA MA YIN NA CI SKYON SNYAM NA, LHAN CIG BSHAD PA MA YIN NA ZHES BYA BA'O, ,PHA ROL PO NI RIGS PA CAN LA SOGS PA DAG GO, ,DE LTA BU NYID DU ZHES BYA BA NUS BA LHAG PA KHO NAR 'GYUR RO, ,DGOS PA 'DI BZLOG PA'I DON DU RANG GI TSIG DANG BSTAN BCOS DAG YID CHES PA'I TSIG GIS BRJOD PAR BYA BAR BSTAN PA YIN NO, ,KHAS BLANGS NAS DE DANG 'GAL BA LA DE GNOD PAR BYED PA YIN TE, DPER NA GZHAL BYA'I DON CAN GYI TSAD MA DAG MED DO ZHES RANG GI TSIG DANG BSTAN BCOS DAG GI DPER BRJOD PA MTSUNGS PA YIN NO ZHES BRJOD PA NI DES NA ZHES BYA BA STE, GRUB PA DANG BDE BA GCIG PA NYID KYIS NA'O, ,'DI NYID GA LAS ZHE NA, TSAD MA RNAMS NI ZHES BYA BA'O, ,GRUB PA DANG BDE BA GCIG BA DE NYID KYI PHYIR RO, ,GAL TE TSAD MA 'GOG NA RANG GI TSIG MI 'THAD MOD, BSTAN BCOS GO CI LTAR ZHE NA, TSAD MA 'GOG NA ZHES BYA BA'O, ,RANG GI TSIG 'BA' ZHIG TU NI MA ZAD DE BSTAN BCOS KYANG NGO, ,DE'I PHYIR BSTAN BCOS CI ZHIG STE CI'I PHYIR KHAS LEN MI BLANG BA KHO NA'O, ,DES NA PHAN TSUN 'GAL BA TZAM KHO NAR 'GYUR GYI KHAS LEN PA NI MA YIN NO, ,KHAS LEN NA

YANG TSAD MA SPANGS PA MA YIN TE, DES NA BSTAN BCOS KYANG GNOD PAR BYED PA KHO NAR 'GYUR RO, ,BSTAN BCOS KYI NGAG DANG RANG GI TSIG 'GAL NA BSTAN BCOS DANG 'GAL BA YIN NO, ,DPER BRJOD PA 'DI NI DE LTA MA YIN NO ZHES DOGS PA LA RANG GI TSIG 'GAL BA BSAL BA'I ZHES SMOS SO, ,DE LA NI BSTAN BCOS DANG 'GAL BA LA'O, ,BSTAN BCOS DANG 'GAL BA LA NI BSAL BA'I DPE MA YIN NO ZHES STON PA NI, GAL TE ZHES BYA BA'O, ,'O NA CI LTAR RANG GI TSIG DANG 'GAL SNYAM NA, GAL TE TSAD MA 'GA' YANG ZHES BYA BA'O, ,CI STE ZHES BYA BA NI GZHAN GYI'O, ,LAN NI GANG LAS TE ZHES BYA BA'O, ,DE LTA NA YANG RANG GI TSIG DANG 'GAL LO ZHES BYA BA'I DON TO, ,'ON TE DE LAS DE 'GRUB PA TZAM DU ZAD KYI DE TSAD MA NI MA YIN NO SNYAM NA, GZHAL BYA ZHES BYA BA'O, ,'ON TE MED PA KHO NAR 'GYUR BA YIN NO SNYAM NA, TSAD MA MED NA NI ZHES BYA BA'O, ,'DI NI ZHES BYA BA NI GZHAL BYA'I DON CAN GYI TSAD MA MED DO ZHES BYA BA'O, ,'O NA GANG GI TSE 'DI BSTAN BCOS DANG 'GAL BA YIN SNYAM NA, GAL TE ZHES BYA BA STE, BSTAN BCOS TSAD MAR KHAS BLANGS NAS GZHAL BYA'I DON CAN GYI TSAD MA DAG MED DO ZHES SMRA NA NI, DE'I TSE BSTAN BCOS DANG 'GAL BAR 'GYUR BA YIN PA'I PHYIR NA BSTAN BCOS DANG 'GAL BAR MI 'GYUR RO ZHES BYA BA'I NYES PA MED DO, ,DE NYID KYI PHYIR ZHES BYA BA NI MI RTOGS PA'I PHYIR RO, ,'DI CI LTAR BSAL BA'I DPE YIN ZHE NA, RNAM PA 'DI LTA BU'I YUL LA ZHES BYA BA'O, ,'DIR NI BSTAN BCOS SU'O, ,GAL TE KHAS BLANGS PAS BSTAN BCOS DANG RANG GI TSIG GNYIS TSAD MA YIN NA DE LTA NA NI 'O NA ZHES PA RNAM 'GREL LA 'JUG PA'O, ,TSAD MA YIN PA'I PHYIR RO ZHES BYA BA NI TSAD MAR KHAS BLANGS PA'I PHYIR RO, ,BRAM ZE NA NI CHOS CAN SGRA TSAD MAS GRUB PA LA, MI RTAG PA NYID DAM BCAS PA NI BSTAN BCOS KYIS GNOD PA YIN NO ZHES 'DOD PAS DE'I BSAM PA'I DBANG GIS DE SKAD BRJOD DO, ,CHOS CAN LA ZHES BYA BA NI CHOS CAN GYI MTSAN NYID LA'O, ,KHAS BLANGS PA DE ZHES BYA BA NI BDE BA MA YIN PA SGRUB PAR BYED PA NI, BSTAN BCOS LAS BRJOD PA'I BDE BA SGRUB PAR BYED PA DE'I GNOD PAR BYED PAR 'GYUR RO, ,CI'I

, ,PHYIR ZHE NA, DE 'GOG PA NYID KYIS TE DE BDE BSGRUB PAR BYED PA NYID DE 'GOG PAS SO, ,'DIS NI RNAM PAR GNAS PA NYID LAS BZLOG PAR RANG GI TSIG BSTAN BCOS KYIS GNOD PAR BYED PA YIN NO ZHES BRJOD PA YIN NO, ,'DIR ZHES BYA BA RTZOD PA GNYIS PA LA LAN BSHAD PA'O, ,DE LA RTEN MIN NI BSTAN BCOS LAS GRUB PA MA YIN PA STE, TSAD MAS GRUB PA LA ZHES BYA BA'I DON TO, ,YANG NA TSAD MA'I SPYOD YUL MA YIN BA BSTAN BCOS LAS GRUB PA LA'O, ,BSTAN BCOS PA ZHES BYA BA NI BSTAN BCOS KHAS BLANGS PA LA YANG NGO, ,'GAL BRJOD NA YANG ZHES BYA BA NI RANG GI TSIG DANG BSTAN BCOS DAG GIS 'GAL BA BRJOD NA YANG GNOD PAR NI MI 'GYUR GYI GEGS TZAM DU 'GYUR RO, ,GCIG GIS GZHAN BKAG PA YOD PA MA YIN NO, ,CI'I PHYIR ZHE NA, RANG GI TSIG DANG BSTAN BCOS DAG NUS PA MTSUNGS PA'I PHYIR RO, ,CI DANG 'DRA BAR ZHE NA, DPER RANG GI TSIG BZHIN TE ZHES BYA BA'O, ,DPER NA NGA'I MA YANG YIN LA MO GSHAM YANG YIN NO ZHES BYA BA GEGS BYED PA TZAM YIN GYI, GNOD BYED NI MA YIN PA DE BZHIN NO, ,GAL TE BSTAN BCOS RANG GI TSIG MA YIN PA DES NA CI LTAR 'DI DPER 'THAD SNYAM NA, DE YANG ZHES BYA BA STE BSTAN BCOS KYANG BSTAN BCOS KHAS LEN PA'I DUS DE'I TSE, RGOL BA 'DI'I RANG GI TSIG YIN NO, ,'O NA CHOS CAN TSAD MAS GRUB PA LA RTAG PA NYID DU KHAS BLANGS PA DANG 'GAL BA'I MI RTAG PA NYID BSTAN BCOS PA BZHIN DU GZHAN LA YANG CI LTAR 'GRUB STE, DES GEGS BYAS PA'I PHYIR RO ZHE NA, DE DAG GANG LA ZHES BYA BA STE RTAG PA DANG MI RTAG PA DAG LA'O, ,BZLOG PA LA NI SUS KYANG SU LA YANG GNOD PA MED DO ZHES BRJOD PA NI, DE LTAR MIN NA ZHES BYA BA STE GAL TE DE LTAR KHAS MI LEN NA'O, ,DE'I TSE RIGS PA DANG BRAL BA RTOG PA YIN NO ZHES BYA BA'I DAM BCA' BAS TSAD MA MED PAR NUS PA MTSUNGS PAR GYUR PA'I DAM BCA' BA MI RTAG PA'O ZHES BYA BA'AM, MI RTAG PA NYID LA SOGS PA CI LTA BA BZHIN GYI DON GYI RJES SU DPAG PA LA CI LTAR GNOD, 'ON TE YID CHES PAS BYAS PA'I LUNG NGAM SKYES BUS MA BYAS PA NI TSAD MA YIN PA'I PHYIR RJES SU DPAG PA LA GNOD PA NYID DO SNYAM NA

LUS RNAMS ZHES BYA BA'O, ,'O NA GANG GI TSE BSTAN BCOS GNOD PAR BYED PA YIN SNYAM NA, DE'I PHYIR NA ZHES BYA BA'O, ,BAR SKABS KYI RTZOD PA'I KHYAD PAR GYI TSIGS SU BCAD PA'O, ,GAL TE RJES SU DPAG PAR KHAS BLANGS PA 'DU NA 'O NA CI'I PHYIR DE RJES SU DPAG PA LAS LOGS SU BSTAN SNYAM NA, DES NA RJES SU DPAG PA LAS THA DAD BYAS PA YIN NO, ,CI LTAR PHYI ROL MA YIN ZHE NA, GNOD PHYIR ZHES BYA BA'O, ,YUL GYI KHYAD PAR NYID BRJOD PA NI, RJES SU DPAG PA NI ZHES BYA BA'O, ,DE'I GEGS BYED PA NYID KYANG THAMS CAD KYI TSE NI MA YIN NO ZHES GSUNGS PA NI, GEGS BYED PA DE YANG ZHES BYA BA STE BSTAN BCOS KYANG NGO, ,GZHAN DU NI ZHES BYA BA KHAS MA BLANGS NA NI MA YIN NO, ,KHAS BLANGS PA KHO NAS GNOD PAR BYED PA YIN NO ZHES BYA BA 'DI GA LAS SNYAM NA, DE LTAR MIN NA ZHES BYA BA'O, ,GAL TE KHAS MA BLANGS PA'I BSTAN BCOS GNOD PAR BYED PA YIN NA, DE'I TSE BSTAN BCOS THAMS CAD THAMS CAD KYI GNOD PAR BYED PA YIN PAR 'GYUR RO, ,YANG NA LOGS SHIG TU BYAS PA DON MED PAR 'GYUR RO, MNGON SUM DANG RJES SU DPAG PA BZHIN DU SKYES BU'I 'DOD PA LA MA LTOS PA KHO NAR GNOD PAR BYED PA YIN PA'I PHYIR RO, ,YANG NA GAL TE YUL GYI KHYAD PAR BSTAN PA DGOS PAR MI 'DOD NA, DE'I TSE THAL CHES PA STE, DON GYIS GO BA LA SOGS PA YANG BRJOD PAR 'GYUR RO, ,BSHAD PA'I DGOS PA MED PAR LOGS SHIG TU BYAS PA DGOS PA MED PAR YANG 'GYUR RO, ,DE LTA NA YANG SMRA BA PO MI GZO BA KHO NAR 'GYUR RO, ,'O NA CI LTAR RANG GI TSIG DANG BSTAN BCOS DAG PHAN TSUN THA DAD PAR BRJOD PAR 'GYUR SNYAM NA, RANG GI TSIG KYANG ZHES BYA BA'O, ,LOGS SHIG TU BYAS PA DON MED PAR 'GYUR ZHES BYA BA RNAM PAR 'GREL PA NI GAL TE ZHES BYA BA'O, ,LHAG MA BSHAD PA'I DON DU PHYOGS SNGA MA 'GOD PA NI 'O NA ZHES BYA BA'O, ,GZHUNG GANG GIS THA DAD PAR BYAS SNYAM NA, GAL TE CI LTAR ZHES BYA BA'O, ,GAL TE GNOD NA DE'I TSE RANG GI TSIG DANG 'GAL BA YIN NO ZHES BYA BA'I DON TO, ,YANG NA GAL TE YANG SNGAR KHAS BLANGS PAS GNOD PA MA YIN NA TE, DPER NA BYE BRAG

, ,PA CHOS CAN SGRA LA RTAG PA NYID SGRUB PA NI BSTAN BCOS KYIS BRJOD PA'I MI RTAG PA NYID KHAS BLANGS PAS GNOD PA BZHIN NO, ,CI'I PHYIR LOGS SU MA BYAS SHE NA, YUL THA DAD PA MED NA ZHES BYA BA'O, ,LAN 'DEBS PA NI LUNG DANG RANG GI TSIG DAG THA MI DAD PA NI BDEN NO, ,'O NA CI LTAR THA DAD SNYAM NA, DE LTA MING GI ZHES BYA BA'O, ,LUNG GI TSIG GIS SNGAR BZHAG PA'I BDE BA SGRUB PAR BYED PA NYID, PHYIS BDE BA MA YIN BSGRUB PAR BYED PA NYID KYIS NYAMS PAR BYED PAS KHAS BLANGS PA DANG 'GAL BA YIN NO, ,RANG GI TSIG DANG 'GAL BA GO CI LTAR 'DI LAS THA DAD SNYAM NA, NGAG DE NYID KYIS ZHES BYA BA'O, ,DE'I PHYIR 'DI GNYIS RJES SU DPAG PA LAS LAM PHAN TSUN YANG THA DAD PA NI NYAMS PA MED PA KHO NA'O, ,GAL TE GEGS BYED PA YIN YANG KHAS BLANGS PA'I PHYIR NA CI LTAR GNOD BYED MA YIN SNYAM NA, BSHAD PA DE YIS ZHES BYA BA STE RGOL BAS SO, ,GNOD BYED CE NA ZHES BYA BA NI GEGS BYED PA MA YIN PA'O, ,DES RJES SU DPAG PA LAS DE LOGS SU BYAS PA NI MI 'THAD DO ZHES BYA BA'I DON TO, ,GRUB PA'I MTHA' PA PHA ROL LA 'DRI BA NI, GAL TE RGOL BA DE BSTAN BCOS GNOD PAR BYED BAR MI 'DOD PA YIN NA DE'I TSE CIR 'GYUR, GZHAN GYIS LAN RANG GI TSIG DANG 'GAL BAR 'GYUR ZHES BYA BA'O, ,KHAS BLANGS PA THAMS CAD NI PHYIS GZHAN DU BYA BA MA YIN TE BYED NA RANG GI TSIG DANG 'GAL BA YIN TE, RANG NYID KYIS KHAS BLANGS ZIN NA GZHAN DU BYED PA'I PHYIR RO ZHE NA, GRUB PA'I MTHA' BAS RANG TSIG DANG ZHES GSUNGS SO, ,DE NI RGOL BA'O, , BSTAN BCOS TSAD MA MA YIN PA'O, ,SNGAR ZHES BYA BA NI RTZOD PA'O, ,LAN NI BYAS NA ZHES BYA BA'O, ,GZHAN GYIS RANG GI TSIG DANG ZHES SMRAS SO, ,DE LTA NA ZHES BYA BA NI LAN NO, ,KHAS BLANGS PA TZAM YIN NA YANG, TSAD MA MA YIN PA YANG TSAD MAR 'GYUR RO ZHES BRJOD PA NI, SKYES BU'I ZHES BYA BA'O, ,'DIS NI BSTAN BCOS KYI'O, ,GZHAN RANG GI TSIG LAS BSTAN BCOS KYI KHYAD PAR SMRA BA NI, CI STE ZHES BYA BA'O, ,DES NA ZHES BYA BA NI GZHAN GYI DON YIN PAS NA RANG GI TSIG DE TZAM DU TSAD MA MA YIN NO ZHES BYA BA'I DON TO, ,CI'I PHYIR ZHE NA, GZHAN GYI DON LA NI ZHES BYA

BA'O, ,GAL TE YONGS SU BRTAGS PA'I BSTAN BCOS KHAS BLANGS PA YIN NA, DE'I TSE LUNG GI DON TSAD MA NYID KYIS GRUB PA YIN TE, DES NA DE LAS BZLOG PA DER TSAD MA GNOD PAR BYED PA KHO NA YIN NO, ,DE STE BRTAG PA MI 'JUG NA YANG DE'I TSE BSTAN BCOS RANG GI TSIG LAS KHYAD PAR MED DO, , GANG GI PHYIR DE LTAR LUNG TSAD MA MA YIN PA DES NA'O, ,DON DE DAG LA ZHES BYA BA NI CHOS CAN SGRA LA SOGS PA LA'O, ,LKOG TU GYUR PA DAG LA YANG DE KHO NA LTAR RNAM PAR DPYOD PAR 'GYUR RO SNYAM NA, LKOG GYUR DAG LA ZHES GSUNGS SO, ,'ON TE 'DI KHAS BLANGS PA NI MA YIN GYI 'ON KYANG BSTAN BCOS DANG 'GAL BA YIN NO ZHE NA, BRJOD PA KHAS BLANGS PA'I BSTAN BCOS DANG 'GAL BA'I PHYIR RO, ,MA YIN GYI 'ON KYANG KHAS BLANGS PA DANG 'GAL BA'I YUL YIN NO ZHES BYA BA'O, ,'O NA BSTAN BCOS DANG 'GAL BA'I YUL GSAL BA GANG YIN ZHE NA, BSTAN BCOS LAS ZHES BYA BA'O, ,DE LA ZHES BYA BA NI LUNG LAS GRUB PA'O, ,DE GAL TE LUNG MI 'DOD NA DE LA DPYOD PA MI 'JUG NA DE LTA NA, 'O NA ZHES BYA BA LA SOGS PA'O, ,DES NA ZHES BYA BA NI GNAS PAR BYED PA DES NA BSTAN BCOS DE GNOD BYED YIN NO, ,'ON TSAD MA MA YIN PA'I PHYIR ZHES BRIS PA NA, GZHAN GYI LAN NI TSAD MAR ZHES BYA BA'O, ,GRUB PA'I MTHA' PAS DE LTA NA RANG GI 'DOD PA 'GRUB PO ZHES BRJOD PA NI, DE LTA NA 'O NA ZHES BYA BA'O, ,GAL TE BSTAN BCOS LAS GRUB PA'I CHOS CAN LA DE DANG 'GAL BA KHAS BLANG BAR MI BYA STE, DE NYID KYIS GNOD PA'I PHYIR RO ZHE NA, DE'I TSE BSTAN BCOS NYID KYIS 'GAL BA BRJOD PA LA DPYAD PA CI 'DRA BA ZHIG BYA SNYAM NA, 'DI LA BRTAG PA PHAL CHER NI ZHES BYA BA'O, ,BSTAN BCOS LAS GRUB PA'I CHOS CAN 'DI LA NI BSTAN PA PHAL CHER 'GAL BA BRJOD PA YIN PAR BSTAN TE, BSTAN BCOS NYID KYIS 'GAL BA'I CHOS GNYI GA BSTAN PA'I PHYIR RO, ,BSTAN BCOS KYIS RAB TU GRUB PA'I CHOS CAN CHOS MA YIN PA LA 'DOD CHAGS LA SOGS PA'I RGYU CAN DANG, KHRUS KYIS DAG PAR BYA BA NYID BSTAN BCOS KYIS BRJOD PA NI PHAN TSUN 'GAL BA YIN NO, ,RGYU MTSAN DANG MI 'GAL BAS RGYU MTSAN CAN

, ,MI LDOG PA'I PHYIR RO, ,CI RNAM PA DE 'DRA BA BSTAN BCOS 'GA' ZHIG LAS BRJOD PA YOD DAM ZHE NA, DE SKAD DU YANG ZHES BYA BA'O, ,SEMS KYI ZHES BYA BA LA SOGS PAS NI CHOS MA YIN PA CHAGS PA LAS SOGS PA'I RGYU CAN YIN LA, CHAGS PA LA SOGS PA YANG 'JUG DOGS KYI KHRUS KYIS LDOG PA MA YIN NO ZHES BRJOD PA YIN LA, GANG G'A'I SGO ZHES BYA BA LA SOGS PAS NI, CHAGS PA LA SOGS PA LA MI GNOD PA'I KHRUS NYID KYIS CHOS MA YIN PA DANG BRAL BA'I PHYIR THAR PA YIN NO ZHES BRJOD DE DES NA BSTAN BCOS NYID PHAN TSUN 'GAL BA BRJOD PA'I PHYIR PHAN TSUN 'GAL BA YIN GYI, 'DIR NI GNOD PA 'GA' YANG MED DO, ,'GAL BA TZAM DU ZHES BYA BA NI SPANG BA DANG BLANG BA MA YIN PA DON MED PA PHAN TSUN 'GAL BA TZAM BSAM PAR ZAD PA YIN NA DE'I TSE 'O NA BSTAN BCOS KHAS BLANGS PA DANG 'GAL BA DE CI'I DON DU SEMS PA YIN DGOS PA MED PA'I PHYIR BSAM PAR BYA BA MA YIN KHO NA'O ZHES BYA BA'I DON TO, ,'ON TE DGOS PA YOD PA KHO NA YIN PA DES NA RNAM PA 'DI LTA BU YANG BSAM PAR BYA BA YIN NO ZHES BRJOD PA NI MTHONG DANG ZHES BYA BA'O, ,DE LTAR YID CHES PA DANG 'GAL PA BSHAD NAS GRAGS PA DANG 'GAL BA BSHAD PA'I PHYIR NA, GRAGS PAS ZHES GSUNGS SO, ,PHA ROL POS GRAGS PA GNOD BYED GZHAN YIN PA MI BZOD PAS, GAL TE ZHES SMRAS SO, ,DER NI YID CHES PA'I TSIG LA'O, ,DE LA ZHES BYA BA NI DE LTAR GNAS PA LA'O, ,DNGOS NYID CES BYA BA NI RJES SU DPAG PA LAS THA MI DAD DO ZHES BYA BA'I DON TO, , 'ON TE BRGYA LA 'DI NI YID CHES PAS GNOD PA YIN GYI RTOGS PAS GNOD PA NI MA YIN NO ZHES DOGS PA BSU NAS, LAN 'DEBS PA NI, GAL TE DE NI ZHES BYA BA'O, ,SLOB DPON GYIS KYANG ZHES BYA BA NI PHYOGS KYI GLANG POS SO, ,DPER BRJOD PA ZHES BYA BA NI RI BONG CAN NI ZLA BA MA YIN NO ZHES BYA BAS SO ZHES DE LTAR RNAM PAR BZHIR BSTAN PA GANG YIN PA DE GZHUNG MA BTZUGS PAR 'GYUR RO, ,DES NA 'DI YID CHES PAS GNOD PA NYID NI MA YIN PA DES NA RTOGS PA BSAL BA NI, THA DAD PA KHO NA'O, ,KHYOD KYIS BSHAD PA'I TSUL GYIS NI THA DAD PA YANG MA YIN NO ZHE NA, 'DI LA

LAN NI 'DIR SMRAS PA ZHES BYA BA'O, ,'DI NI ZHES BYA BA NI GRAGS PAS BSAL BA'I MTSAN NYID DO, ,SNGA MA NI YID CHES PA DANG 'GAL BA'O, ,YANG NA KHAS BLANGS PA NYID RANG BZHIN DANG 'BRAS BU'I DBYE BAS THA DAD PA YIN NO ZHES BRJOD PA NI YANG NA ZHES BYA BA'O, ,CIG SHOS SO ZHES BYA BA NI KHAS BLANGS PA DANG 'GAL BA'O, ,THA DAD PA'I SGRUB BYED KYI RNAM PA GSUM PA BRJOD PA NI, YANG NA ZHES BYA BA'O, ,GANG GI PHYIR THAMS CAD KYI TSE SGRA'I DON GRAGS PA'I RJES SU 'BRANG BAR BYA'I, BSTAN BCOS KYI RJES SU NI THAMS CAD KYI TSE 'BRANG PAR BYA BA MA YIN PA DES NA BSTAN BCOS DE LAS GRAGS PA 'DI THA DAD PA'I PHYIR LOGS SU BYAS PA 'THAD PA KHO NA'O, ,PHA ROL PO GRAGS PA BZHIN DU BSTAN BCOS DANG RANG GI TSIG DAG KYANG GDON MI ZA BAR TSAD MAR KHAS BLANG PAR BYA BA YIN TE, DES NA DE DAG LAS DE LOGS SU CI LTAR BYED CES BRJOD PA NI, GAL TE ZHES BYA BA'O, ,GZHAN GYIS KHAS BLANGS PAS BSHAD PA'I BSTAN BCOS DANG RANG GI TSIG DAG GDON MI ZA BAR TSAD MAR KHAS BLANG PAR BYA BA YIN NO, ,CI'I PHYIR ZHE NA, RGOL BA ZHES BYA BA STE RIGS PA LA SOGS PA'O, ,CHOS CAN GZHAN LA ZHES BYA BA NI BSTAN BCOS LAS GRUB PA'I CHOS CAN LAS GZHAN SGRA LA SOGS PA'I CHOS CAN LA, DE'I CHOS MI RTAG PA NYID LA SOGS PA LA RTZOD PA NA YANG NGO, ,CI ZHIG BRJOD PA YIN ZHE NA, GDON MI ZA BAR ZHES BYA BA'O, ,GRAGS PA NI THA SNYAD PA DAG GIS THAMS CAD KYI TSE YANG KHAS BLAD BAR BYA BA YIN NO ZHES BSAMS PA'O, ,RNAM PA GZHAN GYI SGO NAS KYANG THA DAD PA BRJOD PA NI YANG NA ZHES BYA BA'O, ,DON DAM PA'I YUL CAN ZHES BYA BA NI PHYI ROL GYI YUL CAN NO, ,DE LA ZHES BYA BA NI GRAGS PA LA'O, ,DES NA GRAGS PAS GNOD PA DE GNYIS LAS RNAM PAR DBYE BA YOD PA'I PHYIR THA DAD PA YIN NO, ,'DOD PA'I SGRA'I BRJOD BYA 'BA' ZHIG TU MA ZAD DE RTAG PA NYID LA SOGS PA YANG NGO, ,SANGS RGYAS PAS NI RTAG PA NYID SPANGS NAS NI THA SNYAD BYA BA LA MI DBANG NGO, ,DE ZHES BYA BA RTAG PA NYID LA SOGS PA TSAD MAS BKAG PA NA YANG NGO, ,TSAD MA DANG 'GAL BA GZHAN SPYI LA

, ,SOGS PA DAG LA TSAD MAS BKAG PA BYAS PA YANG GRAGS PAS GNOD PAR 'GYUR RO ZHES 'BREL TO, ,'ON TE GRAGS PA'I SGRAS BRJOD PA'I BYA BA'I DON NI GZHAN KHO NA YIN NO ZHE NA, GRAGS PA'I SGRAS ZHES SMOS SO, ,DE BZHIN DU MI MGO'I THOD PA MI GTZANG NGO ZHES BYA BA LA SOGS PA YANG 'JIG RTEN THAMS CAD LA GRAGS PA YIN TE, DES NA MI GTZANG BA NYID TSAD MAS BKAG NA YANG 'JIG RTEN PA'I GRAGS BAS GNOD PAR 'GYUR RO, ,NYI TSE BA'I ZHES BYA BA'I RNAM PAR RTOG PA GNYIS PA LA BRJOD PA NI 'ON TE ZHES BYA BA'O, ,THAMS CAD KYIS GNOD PAR BYED PA NI GRAGS PAR BRJOD PA YIN NO ZHES SMRAS PA NI, 'DOD PA'I ZHES BYA BA'O, ,'DOD PA'I SGRA'I BRJOD BAR BYA BA NYID G-YO BA MED PA GANG YIN BDE NI GRAGS PA YIN NO, ,GAL TE GRAGS PA 'DOD PA'I SGRAS BRJOD PAR BYA BA CI LTAR YIN ZHE NA, GRAGS PA NYID NI ZHES SMOS TE, GRAGS PA NI RNAM PAR RTOG PA'I SHES PA'I MTSAN NYID KYI THA SNYAD YIN GYI, 'DOD PA'I SGRAS BRJOD PAR BYA BA NYID NI MA YIN NO, ,DE LTA NA YANG DES BSKYED PA'I PHYIR TE, GRAGS PAS SBYAR BA YIN BA'I PHYIR NA, 'DOD PA'I SGRAS BRJOD PAR BYA BA YIN PAR BRJOD PA YIN NO, ,TSAD MAS GRAGS PA GZHAL BYA 'DOD PA'I SGRAS BRJOD PAR BYA BA NYID BRJOD PA YIN NO ZHES BYA BA'I DON TO, ,DE ZHES BYA BA NI RTAG PA NYID LA SOGS PA'O, ,CI'I PHYIR MI NUS SNYAM NA, TSAD MAS ZHES BYA BA STE, RTAG PA NYID LA SOGS PA G-YO BAR GRUB PA'O, ,CI LTAR DE TSAD MAS GRUB PA YIN SNYAM NA, TSAD MAS ZHES BYA BA'O, ,MI RTAG PA NYID LA SOGS PA SGRUB PAR BYED PA'I TSAD MAS RTAG PA NYID LA SOGS PA SGRUB PAR BYED PA'I BSTAN BCOS LA GNOD PA'I PHYIR RO, ,DE LTAR ZHES BYA BA NI RTAG PA NYID LA SOGS PA BZHIN DU'O, ,STON PAR 'GYUR RO ZHES BYA BA NI, THUN MONG MIN PA NYID MI 'GYUR ZHES BYA BA'I DER RO, ,CI LTAR STON PAR 'GYUR ZHE NA, DON LA ZHES BYA BA'O, ,GANG GIS GNOD PAR BYED PA'I NGAG DANG LDAN PAS NA, SKYE BO RNAMS THAMS CAD 'DOD PA'I SGRA'I BRJOD PAR BYA BA 'DIR YID CHES PA YIN NO, ,'DI NYID GA LA ZHE NA, DON LA 'DOD PA'I SGRAS BRJOD PAR BYA BA NYID BKAG PA MED PA'I PHYIR TE, RJES SU DPAG PAS DGAG PAR MI NUS

PA'I PHYIR RO, ,BKAG PA MED PA NYID KYANG RNAM PAR RTOG PA'I YUL TZAM GYI RGYU MTSAN CAN NYID KYIS 'DOD PA LAS BYUNG BA YIN PA'I ZHES BRJOD PA NI SKYES BU'I 'DOD PA DANG ZHES BYA BA'O, ,RTOG PA'I YUL YANG BA LANG NYID LA SOGS PA'I RANG GI NGO BO YIN LA, 'DOD PA'I SGRAS BRJOD PAR BYA BA NYID NI DE NYID YIN NO ZHES BRJOD PA NI, PHA LANG NYID LA SOGS PA ZHES BYA BA'O, ,DE BZHIN DU 'DI YANG YIN NO ZHES BYA BA NI 'DOD PA'I SGRAS BRJOD PAR BYA BA 'DI YANG RANG RIG PA KHO NA YIN NO,,GAL TE ZHES BYA BA NI GZHAN GYI'O, ,'DOD PA'I SGRAS BRJOD PAR BYA BA NYID NI TSAD MAS GRUB PA YANG MA YIN TE, DES BRJOD BYA MA YIN PA'I GNOD PAR BYED PA NYID MA YIN NO ZHES BYA BA'I DON TO, ,CI LTAR NA 'DI DE LA TSAD MA YIN ZHE NA, RANG RIG PA DES BRJOD PAR BYA BA NYID GRUB PA'I PHYIR RO, ,CI LTA BUR GYUR PA ZHIG CE NA, SGRA'I ZHES BYA BA'O, ,GANG GI TSE DE LAS SGRA SKYE BA'I TSE NI RNAM PAR RTOG PA'I RNAM PA BRJOD PA BYA BA NYID NYE BAR LEN PA YIN LA, GANG GI TSE SGRA LAS DE SKYE BA'I TSE NI 'BRAS BU'I DNGOS PO YIN NO, ,GAL TE DE LTAR NA ZHES BYA BA NAS KHAS LEN CE NA'I BAR NI RTZOD PA'O, ,GRUB PA'I MTHA' SMRA BA'I DOGS PA BSU BA NI, RGYU DANG ZHES BYA BA'O, ,DES NA PHYOGS MNGON SUM GYIS GNOD PA NYID NI MA YIN NO ZHES BSAMS PA'O, ,DE TZAM NYID CES BYA BA NI RGYU DANG 'BRAS BU'I DNGOS PO TZAM NYID DO, ,DES NA RGYU DANG 'BRAS BU'I DNGOS PO MNGON SUM GYIS GRUB NA, BRJOD BYA RJOD BYED KYI DNGOS PO YANG DES GRUB PA KHO NA'O, ,GZHAN DU ZHES BYA BA GRAGS PAS BSAL BA NYID DU'O, ,'DIR NI BSAL BA LA'O, ,DES NA ZHES BYA BA NI KHYAB PA DANG RTAG PA DAG GIS NA'O, ,DE NI SPYI'O, ,'O NA CI LTAR KHYAB PA NYID DU RTOGS SHE NA, 'ON KYANG ZHES BYA BA'O, ,DE LTA'I ZHES BYA BA NI BA LANG ZHES BYA BA LA SOGS PAR 'DOD PA'I THA SNYAD NI STE RNAM PAR RTOG PA NI, YOD PHYIR TA SKYE BA'I PHYIR SPYI DANG RTOG PA YIN NO, ,DE LTA BU'I THA SNYAD NYID GA LAS BYUNG SNYAM NA, THOG MED CES BYA BA'O, ,'DI GA LAS SNYAM NA, DE LTAR YANG ZHES SMOS SO, ,GAL TE DE LTA YIN NA RANG RIG PA NYID TSAD MA YIN LA ZHES BRJOD PA 'GAL LO, ,DES BRJOD PAR BYA BA

, ,NYID RTOGS PA DANG, MA RTOGS PAR YANG BRJOD PA'I PHYIR RO ZHE NA, DES NA 'DI TZAM ZHIG 'DOD PA MI SHES SO, ,YANG NA GAL TE 'BYUNG BA DANG BYUNG BA'I BRJOD PAR BYA BA NYID THA SNYAD LA LTOS NAS RANG RIG BAS RTOGS PA YIN TE, DPER NA MES DUS GSUM NA YOD PA'I DU BA LA KHYAB PAR MNGON SUM GYIS RTOGS PA LTA BU YIN NA, DE'I TSE 'DI MNGON SUM GYIS BSAL BA NYID YIN TE, DES NA CI LTAR GRAGS PAS BSAL BA BZHIN YIN PAR 'GYUR SNYAM NA, 'DI NI BDEN TE 'ON KYANG LOG PAR RTOGS PA'I DBANG DU BYAS NAS MNGON SUM GYIS GRUB PAR YANG RJES SU DPAG PAS BSGRUB PAR BYA BA YIN TE, DPER NA SA PHYOGS NA BUM PA MED PA BZHIN NO, ,DES NA RNAM PA GZHAN NI 'THAD PA KHO NA'O, ,RNAM PAR RTOG PA'I YUL SPYI YIN MOD, SGRAS BRJOD PAR BYA BA GO GANG ZHIG YIN SNYAM NA, GZHAN SEL BA'I ZHES BYA BA'O, ,DE YANG NI SPYI'O, ,CI'I PHYIR ZHE NA, BAG CHAGS ZHES BYA BA'O, , GAL TE BAG CHAGS SO SOR NGES PA YIN PAS CI TZAM ZHIG SO SOR NGES PAR RNAM PAR 'JOG PAR BYED KYI, SPYI'I KHYAD PAR NI MA YIN NO SNYAM NA, BAG CHAGS DE ZHES SMOS TE, BAG CHAGS DE SAD PAS ZHES 'BREL TO, ,CI LTAR ZHE NA, 'DOD PA TZAM GYIS ZHES BYA BA'O, ,BRAM ZE LA SOGS PA'I NGES PA NI BA LANG NYID KYI SPYI BZHIN DU BSAL BAS GSAL BA MA YIN NO, ,'DI GA LAS SHE NA, 'DOD PA YIS ZHES SMOS SO, ,DE LAS ZHES BYA BA NI BRAM ZE LAS GZHAN GTUM PO LA SOGS PA DAG LAS, BRAM ZE NYID LA SOGS PA BZLOG PA'I PHYIR RO, ,BRAM ZE LA SOGS PA'I RIGS DE DAG NI BSAL BA LA NGES PA'I KUN DU SPYOD PA MTSAMS GCOD PA LA SOGS PA'I MTSAN NYID GANG YIN PA DES NYE BAR MTSON PA'I BSAL BA GANG YIN PA DE LA NGES PA'I BRDA 'DI NI BRAM ZE'O ZHES BYA BA DE'I STOBS KYIS SO, ,'DIR NI ZHES BRAM ZE LA SOGS PA LA'O, ,BSTAN PA NYID CES BYA BA NI, THE TSOM ZA NAS 'DI SU ZHIG CES DRIS PA NA 'DI NI BRAM THE'O ZHES BYA BA'I NYE BAR BSTAN PA GANG YIN PA DE NYID BRDA YIN PA'I PHYIR RO, ,'ON TE NYE BAR BSTAN PA 'DI YANG BRAM ZE NYID KYI RIGS MED PAR CI LTAR ZHES DOGS NA, GZHAN YANG ZHES GSUNGS SO, ,BRAM ZE LA SOGS PA'I NYE BAR BSTAN PA 'DI NI RIGS KYI RGYU MTSAN CAN

MA YIN TE KHA DOG DANG, RNAM PA DANG, YI GE'I RNAM PAS STONG PAS NA RANG BZHIN GCIG YIN PA'I PHYIR RO, ,'O NA MA MTHONG BA'I RGYU NYID RGYU MTSAN YIN PAR 'GYUR RO SNYAM NA, 'DIR NI ZHES BRAM ZE LA SOGS PA LA'I'O, ,DE'I NI BRAM ZE NYID LA SOGS PA'I'O, ,BSGRUB PAR BYA BA YIN TE ZHES BYA BA NI RTZOD PA'I GNAS YIN PAS NA RIGS SMRA BAS BSGRUB PAR BYA BA YIN NO, ,DE LTA MA YIN NO ZHES BYA BA MA MTHONG BA'I SGYU MA BSGRUBS NA'O, ,'DI LA ZHES BYA BA NI BRAM ZE LA SOGS PA'I RIGS LA'O, ,RIGS RNAMS NI BSAL ZIN PA'I PHYIR NA PHAN TSUN RNAM PAR DBYE BA YOD PA MA YIN NO ZHES BYA BA'I DON TO, ,'DIS NI ZHES BYA BA BRAM ZE LA SOGS PA'I RIGS KYI RNAM PAR DBYE BA BSAL BAS NA'O, ,CI LTAR ZHE NA, DE DAG KYANG ZHES BYA BA'O, ,DE'I PHYIR 'DIR MA MTHONG BA'I RGYU NYID BSGRUB DGOS NA DE NI BSGRUB PAR NUS PA YANG MA YIN NO, ,DES NA CI LTAR BRAM ZE LA SOGS PA'I NYE BAR BSTAN PA MA MTHONG BA'I RGYU'I RGYU MTSAN CAN YIN SNYAM DU, MA MTHONG BA'I RGYU NYID NI RIGS RNAMS KYI DGOS PA MA YIN TE, BSGRUB PAR MI NUS PA'I PHYIR RO, ,'ON KYANG NYE BAR MTSON NAS BSAL BA LA 'JUG PA'O, ,DE LTA MA YIN NA NI 'JUG PA MI 'THAD PA'I PHYIR RO ZHES BRJOD PA NI NYE BAR MTSAN NAS ZHES BYA BA'O, ,LAN NI 'DI LA ZHES BYA BA'O, ,DES NA ZHES BYA BA NI BZHI PA DANG RGAL BA NUS PA TZAM GYIS SO, ,BSAL BDE LA MING TZAM 'BREL PA MI 'GYUR BA MIN TE 'BREL PA KHO NA'O ZHES BYA BA'I DON TO, ,DE'I PHYIR ZHES BYA BA NI RIGS MED PA'I PHYIR RO, ,GRAGS PA TZAM LAS TE, RNAM PAR RTOG PA TZAM LAS BDAG GI DNGOS PO THOB BA GANG YIN PA'O, ,DE'I DNGOS PO NI NYID DE, DE'I PHYIR RO, ,CHOS DE ZHES BYA BA NI 'DOD PA'I SGRAS BRJOD PA'I MTSAN NYID DO, ,SGRA GANG GIS BRJOD CE NA, GRAGS PAS BSAL BA ZHES BYA BA 'DIR GRAGS PA'I SGRAS BRJOD DO, ,GZHAN DU YANG TSAD MAS GZHAL BYA NYE BAR BSTAN PAR DOGS PAR BYA'O ZHES BSGRE BA NI, CHOS 'DI 'BA' ZHIG CES BYA BA'O, ,DON GZHAN NI MNYAN BYA MA YIN PA NYID LA SOGS PA'I'O, ,'DOD PA'I SGRAS BRJOD PAR BYA BA DE NYID KYIS 'DOD PA'I SGRAS BRJOD PAR BYA BA MA YIN NO ZHES 'GOG PA LA GNOD PA YIN

, ,NO; ,DE NYID CES BYA BA NI DGAG PAR MI NUS PA NYID DO, ,GAL TE 'DOD BA LAS BYUNG BA YIN YANG, SNAM BU'I SGRA SHING RTA LA ME BYAS PA MA YIN NAM, GANG GIS DGAG PAR MI NUS PAR 'GYUR BA, CI LTAR DE BRJOD PAR BYA BA NYID YIN ZHE NA, DE LA BRTEN NAS ZHES BYA BA STE, RNAM PAR RTOG PA LA BRTEN NAS 'BYUNG BA STE, RNAM PAR RTOG PA'I YUL ZHES BYA BA'I DON TO, ,BA LANG NYID LA SOGS PA'I BRJOD PAR BYA BA RANG NYID NYE BAR BRTAG PAR BYA BA, DGAG PAR NI BYA BA MA YIN PA BYAS PA DANG MA BYAS PA RNAMS SU NI, SNA TSOGS RUNG BA YIN NO, ,CI'I PHYIR ZHE NA, 'DOD PAS 'JUG PA'I PHYIR TE; ,THAMS CAD LA MI MTHUN PA MED PA CAN YIN PA'I PHYIR RO, ,SGRA MED KYANG RUNG BA NYID KYIS DE'I DNGOS PO YIN NO ZHES BYA BA'I DON TO, ,BYAS PA STE 'JIG RTEN PA RNAMS DANG, MA BYAS PA 'JIG RTEN PA MA YIN PA STE SKYES BUS MA BYAS PA'I PHYIR RO ZHES BYA BA NI DZA YANTA'I BSHAD PA'O, ,BRDA BYAS PA DANG GZHAN DAG CES BYA BA NI 'GREL BA MKHAN GYI'O, ,GAL TE RNAM PAR RTOG PAS SPRUL PA NI DON GYI RANG BZHIN MA YIN NO ZHE NA, THAMS CAD NI NGO BO NYID KYIS ZHES GSUNGS SO, ,RNAM PA YANG DON NYID YIN GYI BAR MDO NI MA YIN TE, LHAG PAR ZHEN NAS RNAM PA DANG DON DAG GCIG TU BYAS NAS 'JUG PA'I PHYIR RO, ,DES NA 'JIG RTEN PA DANG RIG BYED PA LA SOGS PA RNAMS SU SGRA RNAMS DON NGES BA LA 'JUG PA NYID NI SKYES BU'I BLO LAS GYUR PA THAMS CAD LAS RUNG BA NYID KYIS BKAG PA YIN NO ZHES BRJOD PA NI, DES NA ZHES BYA BA LA SOGS PA'O, ,RUNG BA NYID KYIS 'BYUNG BA DANG BYUNG BAR GYUR PA NYID KYANG SGRA DE LTAR GYUR PA LAS YIN GYI RANG NYID NI MA YIN TE, DE NI DNGOS PO'I RANG BZHIN YIN PA'I PHYIR RO, ,RUNG BA NYID NI KHYI SHA ZA BA LA SOGS PA LA DGAG PAR MI NUS SO ZHES 'BREL TO, ,DE CI'I PHYIR ZHE NA, DON TZAM DANG ZHES SMOS TE, YUL TZAM DANG RJES SU 'BREL PA'I PHYIR RO,, CI LTAR DON TZAM DANG RJES SU 'BREL PA YIN SNYAM NA, DON DER YANG ZHES BYA BA STE, KHYI SHA ZA BA LA SOGS BAR YANG NGO, ,MTHONG BA NI TSAD MAS SO, ,NYE BAR BSTAN PAS RTOGS PA'I LUNG LAS GRUB PA'O, ,CI'I PHYIR MNGON SUM GYIS MI GNOD SNYAM NA, RUNG BA NYID NI ZHES GSUNGS SO, ,

DE YANG NI RJES SU DPAG PA'O, ,DE'I PHYIR DE LA ZHES BYA BA DER STON PAR 'GYUR RO, ,GAL TE ZHES BYA BA LA SOGS PAS NI RNAM 'GREL LA 'JUG PA'O, ,'ON TE 'DOD PA'I SGRAS BRJOD PAR BYA BA NYID RUNG BA YIN PA DES NA, DES GNOD PA NI RUNG BA NYID KYIS GNOD PA YIN NO ZHES DOGS PA BSU NAS, 'DOD PA'I ZHES SMRAS SO, ,'O NA RUNG BAR GRAGS PA YIN NO SNYAM NA, DE LTA BU NI ZHES SMOS TE RUNG BA NYID NI'O, ,CI'I PHYIR ZHE NA, RUNG BA NYID NI ZHES SMOS SO, ,DE BZHIN DU RUNG BA NYID NI 'DOD PA'I SGRAS BRJOD PAR BYA BA'I RGYU YIN GYI 'DOD PA'I SGRAS BRJOD PAR BYA BA NI MA YIN NO ZHES BYA BAR RTOGS PAR BYA'O, ,SNA TSOGS KYI BRJOD PAR BYA BA LA LTOS NAS RUNG BA NYID GANG YIN PA DE'I STOBS NYID LAS DNGOS SU DNGOS PO THAMS CAD LA SGRA KUN DU 'BREL PA YIN NO, ,'ON TE RUNG BA NYID LA LTOS NAS SLOB DPON PHYOGS KYI GLANG PO'I TSIG RJOD BYED DU RTOGS PA MED PA MA YIN NAM, DE SKAD CI STE BRJOD SNYAM NA, DES ZHES SMOS TE DNGOS NYID DU NA 'BREL PAS NA RUNG BA NYID DER SLOB DPON PHYOGS KYI GLANG PO'I TSIG DE RJOD BYED NYID DU MA RTOGS KYANG, SNA TSOGS KYI BRJOD BYA NYID LA LTOS PA'I RUNG BA NYID GANG YIN PA DE NI GRUB PA NYID YIN PAS, SGRA LAS BYUNG BA'I GRAGS PA DANG ZHES BYA BA'I TSIG GIS SLOB DPON BZHAD PA YIN NO, ,YANG NA GAL TE RGAN PA'I THA SNYAD LAS NGES PA'I DON CAN NYID DU MNGON SUM GYIS RAB TU GRUB PA LA, SGRA RNAMS NGES PA'I DON CAN MA YIN PAR RJES SU DPAG PA CI LTAR GNOD PAR BYED PA MA YIN ZHE NA, DE RUNG BA DE NYID KYI STOBS NYID LAS ZHES SMOS SO, ,ZHUGS ZIN PA BZHIN DU, RUNG BA NYID DE'I STOBS LAS BYUNG BAS SGRA GZHAN YANG GYUR ZIN PA NYID YIN NO, ,'ON KYANG SMRA BA BO LA 'DOD PA MED PAS MA ZHUGS PAR ZAD DO, ,DNGOS PO 'BREL PA YIN PA, DES NA RUNG BA NYID DER 'BYUNG BAR 'GYUR BA'I SGRA RTOGS PA MA YIN YANG, DE NI GRUB PA NYID DE, DES RTOGS PAR BYA BA NYID GRUB PA YIN TE, 'DOD PA'I SGRAS BRJOD PAR BYA BA NYID GRUB PA YIN NO ZHES BYA BA'I DON TO, ,GAL TE SGRA'I BRJOD PAR BYA BA'I DON NI NGES PA KHO NA YIN GYI, THAMS CAD NI MA YIN PA MA YIN NAM SNYAM NA, SGRA NI ZHES GSUNGS SO, ,DE ZHES BYA BA 'DOD PA TZAM GYIS 'JUG PA'O, ,CI LTAR

, ,'DOD PAS 'JUG PA YIN SNYAM NA, DNGOS RNAMS ZHES GSUNGS SO, ,DES NA PHYOGS 'GA' ZHIG TU DNGOS PO'I RNAM PAR RTOG PA'I YUL RUNG BA NYID NI DNGOS PO NYID MA YIN NO ZHES DGONGS PA'O, ,'ON CI LTAR DE RUNG BA NYID CES BRJOD SNYAM NA, BRDAL MI MTHUN MED PA NI ZHES GSUNGS SO, ,GAL TE SGRA 'DOD PA TZAM GYIS 'JUG PA YIN NO, ,CI LTAR RJES SU 'BREL PA YIN SNYAM NA, 'DOD PA TZAM GYIS ZHES BYA BA STE 'DIS NI RNAM PAR RTOG PAR YANG 'DOD PA TZAM LAS 'GYUR BA YIN GYI DNGOS PO LAS NGES PA NI MA YIN NO ZHES BRJOD PA YIN NO, ,GAL TE DON MED KYANG 'DOD PAS SPRUL PA SRID PA NA CI LTAR DE NYID DON TZAM DANG RJES SU 'BREL PA YIN ZHES BRJOD SNYAM NA, DON TZAM LA YANG ZHES SMOS SO, ,DON GYI KHYAD PAR DU MA ZAD DE DON TZAM LA YANG LTOS PA MED NA NI BRDA 'DOD PAR CI LTAR 'GYUR TE, YUL MED PAR 'DOD PA 'JUG PA NI MA YIN NO, ,DES NA BRDA 'DOD PA NI DON TZAM DANG RJES SU 'BREL PA YIN NO, ,DES NA GANG ZHIG 'DOD PAS SBRUL PA'I SGRA DANG RNAM PAR RTOG PA GANG YIN PA DE DAG NI DON TZAM DANG RJES SU 'BREL PA YIN NO ZHES GRUB PO, ,GAL TE RI BONG CAN NI ZLA BA MA YIN NO ZHES BYA BA 'DI NYID LA GRAGS PAS GNOD PA YIN GYI, GZHAN LA NI MA YIN NO SNYAM NA, PHYOGS 'DIS ZHES BYA BA STE, RI BONG CAN NI ZLA BA MA YIN NO ZHES BRJOD PAS SO, ,DE BZHIN DU RUNG BA YANG DE LTA YIN NO ZHES BYA BA 'DI GA LAS SHE NA, NGO BO NYID LAS MA GTOGS PA ZHES GSUNGS SO, ,DE LA ZHES BYA BA NI DE LTAR GNAS PA NA'O, ,RI BONG CAN YANG ZLA BA'I SGRAS BRJOD PAR 'DOD PA YIN NO ZHES PHYOGS KYI CHOS BSDU BA NI RANG NYID RTOGS PAR BYA BA'O, ,'GA' YANG NI SGRA'O, ,GANG DU YANG NI DNGOS PO LA'O, ,DPE NYID CES BYA BA NI DPER NA SHING GI SGRAS ZHES BYA BA'O, ,DE YANG ZHES BYA BA NI SHING GI SGRAS BRJOD PAR BYA BA'O, ,BUM PA LA SOGS PA YANG NGO, ,SPONG BA NI SHING GI SGRAS BRJOD PAR BYA BA MA YIN NO ZHES BYA BA'O, ,'ON TE GZHAN RJOD PAR BYED PA LAS GZHAN LA MI 'JUG GO, ,DES NA DE BRJOD PAR RUNG BA NYID BSGRUBS PAS CI ZHIG BYA ZHE NA, DES NA ZHES BYA BA STE GZHAN RJOD PAR BYED PAS SO, ,DE LTA NA YANG NI 'DI'I RJOD PAR BYED PA NYID MA YIN

NO ZHE NA, BRJOD BYA RJOD BYED KYI ZHES GSUNGS SO, ,'DIR ZHES BYA BA GRAGS PAS GNOD PA'I DPE LA'O, ,RIGS PA 'DIS ZHES BYA BA NI, BRJOD MA THAG PA'I RJES SU DPAG PAS SO, ,'DI LA NI ZHES BYA BA NI THAMS CAD LA'O, ,'DI YANG SNGAR BRJOD ZIN PA NYID YIN NO ZHES GSUNGS PA NI, 'DI NI ZHES BYA BA'O, ,GAL TE DA LTAR BUM PA 'DI LA ZLA BA'I SGRAS BRJOD PAR BYA BA NYID DU SNANG BAR BYED DO ZHES PHA ROL PO BRJOD NA NI DE'I TSE GRUB BA LA SGRUB PA YIN TE, DA LTAR NI SGRA DES BRJOD PAR BYA BA NYID DU MI SNANG BAR NI 'DOD PA'I PHYIR RO, ,GZHAN LA'AM DA LTAR YANG MA YIN NO ZHES 'BREL TO, , LAN NI BRJOD PA DE THAMS CAD NI MA YIN NO, ,CI'I PHYIR ZHE NA, 'DOD PA TZAM GYIS ZHES BYA BA'O, ,CI STE MI SRID DE SRID PA KHO NA STE GZHAN LA YANG DES BRJOD PAR BYA BA NYID DU SNANG ZHING, DA LTAR YANG RUNG BA NYID YIN NO ZHES BYA BAR RO, ,'ON TE SGRA RNAMS DON LA NGES PA YIN PA'I PHYIR GZHAN DU MI SRID DO SNYAM NA, YUL DANG ZHES BYA BA'O, ,NYES PA MED DO ZHES BYA BA NI 'DI NI MNGON SUM GYIS BSAL BA YIN GYI GRAGS PAS BSAL BA NI MA YIN NO ZHES BYA BA'O, ,GAL TE RIG BYED PA'I SGRA RNAMS DON NGES PA LA 'JUG PA CAN KHO NA YIN NAM, DES NA CI LTAR DON GZHAN 'GOG PA GRAGS PAS BSAL BAR 'GYUR SNYAM NA, ME LA SBYIN SREG BYA'O ZHES BYA BA'I NGAG 'DI'I DON 'DI YIN PA DPYOD PA BA GANG GIS 'GOG PAR BYED PA'I DPYOD PA BA DE DON GZHAN DU RUNG BA NYID KYIS GNOD DO, ,CI LTAR ZHE NA, GRAGS PAS GNOD PA NYID KYIS TE, MNGON SUM MA YIN PAS GNOD PA'I PHYIR RO, ,'O NA GANG GI TSE MNGON SUM GYIS GNOD SNYAM NA, GAL TE ZHES BYA BA'O, ,ME LA SBYIN SREG LA SOGS PA'I SGRA LAS ME LA SBYIN SREG LA SOGS PA'I DON YIN PA MNGON SUM YIN PA'I PHYIR RO, ,GZHAN DU ZHES BYA BA NI GANG GI TSE DA LTAR MI BRJOD PA DE'I TSE NI MNGON SUM GYIS GNOD PA GA LA YOD DE, GRAGS PAS BSAL BA KHO NA YIN NO ZHES BYA BA'I DON TO, ,'DIR NI ZHES BYA BA NI RUNG BA NYID KYIS GNOD PA LA'O, ,'ON TE BRDA LAS DES PA MED PA YIN NO SNYAM NA, THA SNYAD KYI DON CAN GYI ZHES SMOS SO, ,MA MTHONG BA LA CI STE MI RIGS SNYAM NA, DBANG PO LAS

, ,ZHES SMOS SO, ,LUNG LAS DON RTOGS PAR BYAS NAS DE LA BRDA BYED PA YIN NO SNYAM NA, LUNG TZAM GCIG BU ZHES BYA BA'O, ,LUNG LAS DON RTOGS PA DE LA BRDA BYED CING, BRDA LAS DON DE RTOGS PA'I PHYIR RO PHAN TSUN BRTEN PA YIN NO, ,GANG GIS GRUB STE GANG GIS NGES, RANG BZHIN GYIS DON NGES PA CAN NYID LA TSAD MA CI YANG MED DO ZHES BYA BA'I DON TO, ,GZHAN DU YANG BRDA BYED PA SRED PA KHO NA YIN TE, DES NA BRDA GZHAN DU BYED PAR YANG ZHES CI STE BRJOD SNYAM NA, DER YANG ZHES SMOS TE DON LA YANG NGO, ,MI SHES BDAG SDANG BAS RIG BYED KYI TSIG LA BRDA BYED PA'AM NYE BAR STON PAR 'GYUR RO, ,YANG NA SHES PA DAG NYID SNYING RJES SO, ,SOGS PA SMOS PAS NI BDAG NYID CHEN POR BSGRUB PAR 'DOD PAS, BYED PA'AM NYE BAR STON PAR 'GYUR RO, ,DE LTA NA YANG CI LTAR RIG BYED NGO BO NYID KYIS DON DANG LDAN PAR NGES, NGO BO NYID KYIS DON YOD PA MA YIN PA NYID BRJOD PA NI CI LTAR ZHES BYA BA'O, ,GAL TE BRDA LAS BYI SHA ZA BA LA SOGS PA'I DON DU 'GYUR MOD, NGO BO NYID KYIS DE LTA BU NI MA YIN NO ZHE NA, DON 'DI ZHES GSUNGS SO, ,CI'I PHYIR ZHE NA, DON DE NI ZHES BYA BA'O, ,'JIG RTEN GYI RJES SU 'BRANGS PA NYID KYIS RIG BYED DO NGES PA YIN NO ZHE NA, 'JIG RTEN NA NI ZHES GSUNGS SO, ,SGRA RNAMS KYI DON SNA TSOGS PAR GYUR PAR MTHONG NGO, ,CI LTAR ZHE NA, YUL DANG ZHES TE, YUL GYI DBYE BAS NI TZA'U RA'I SGRA GCIG DU MA NYID DO, ,DUS KYI DBYE BAS NI GO'I SGRA'O, ,SOGS PA'I SGRAS NI SEN+DA PA'I SGRA SKABS KYI DBYE BAS DON DU MA LA 'JUG GO, , DES NA 'JIG RTEN GYI RJES SU 'BRANGS NAS RIG BYED DON NGES PAR CI LTAR 'GYUR, 'ON TE YUL DANG DUS KHYAB PA'I DON LA YANG SGRA LAS NGES PA YOD PA NYID DO, ,RANG GI NGO BOS DON DANG 'BREL BA'I PHYIR RO ZHE NA, 'DIR NI ZHES BYA BA'O, ,CI'I PHYIR DES PA MED SNYAM PA'I DOGS PA SEL BAS PHYED PHYI MA RNAM PAR 'BREL BA NI, YUL DANG ZHES SO, ,YUL KHYAB PA'I DON DER YANG NGO, ,'ON TE NYE BAR BSTAN PA BRGYUD PA LAS DES PA YIN NO ZHE NA, NYE BAR BSTAN PA ZHES BYA BA'O, ,GANG GI PHYIR 'JIG RTEN NA DE LTAR SRID PA'I RGYU DES NA, GZHAN DU DON PHYIN CI LOG TU BRDA BYED PAR 'GYUR RO, ,CI'I DON

DU SNYAM NA, DE'I MIS ZHES BYA BA STE 'DI NI SDANG BAS ZHES BYA BA DE'I RNAM PAR 'GREL PA'O, ,YANG NA DBANG PO LAS 'DAS PA'I DON MTHONG BA NYID YUL DANG DUS LA SOGS PAR BRDA BYED PA'AM NYE BAR STON PAR 'GYUR RO ZHES 'BREL TO, ,CI'I DON DU SNYAM NA, SNGON GYI ZHES BYA BA STE, SNGAR BRDA'AM NYE BAR BSTAN PA LAS DON DU GYUR PA GANG YIN PA DER 'DZIN PA DES BYAS PA'I SLU BA DE SPANG BA'I PHYIR RO, ,'DI NI BRTZE BAS BYANG DE'I RNAM PAR 'GREL BA'O, ,DE'I PHYIR DBANG PO LAS 'DAS PAS BRDA 'GAL BA MED DO, ,SNGAR NI SA LTAR BA'I DUS SU KHYI SHA LA SOGS PA'I DON DU SNANG BA MEL SBYIN SREG LA SOGS PA'I 'DOD DON YIN PA MNGON SUM GYIS GNOD PA YIN NO ZHES KHAS BLANGS NAS BRJOD PA YIN NO, ,DE NI DE LA MNGON SUM GYIS GNOD PA MED DO ZHES BRJOD PA NI, YANG NA ZHES BYA BA'O, ,DE LAS TE DA LTAR GYI DUS LA YANG NGO, ,RJES SU DANG GA BA MED PAR NI ZLA BA'I SGRA LAS RTOGS PA MA YIN TE, DES NA ZLA BA MA YIN PA SPONG BA MNGON SUM LAS 'GYUR ZHES BYA BA'I DON TO, ,SHES PA GZHAN GYIS DMIGS PAS MNGON SUM YIN NA YANG 'DI'I GZHUNG LA GNOD DO ZHES RJES SU 'JUG GO, ,CI LTAR NA GNYI GA LTAR YANG GZHUNG LA GNOD SNYAM NA, BLO ZHES SMOS SO, , RIG BYED LAS SKYES PA'I RTOGS PA MNGON SUM NYID DU KHAS LEN NA YANG GZHAN DU YANG STE DU BA LAS ME RTOGS PAR YANG MNGON SUM NYID DU BRJOD PAR BYA'O, ,BRJOD PA'I RNAM PA NYID BSTAN PA NI, DU BA LAS ZHES BYA BA'O, ,MED PAR 'GYUR BA'I PHYIR SGRA LAS BYUNG BA'I RTOGS PA MNGON SUM YIN NO ZHES SKABS YIN TE, DU BA LAS ME RTOGS PA RJES SU DPAG PA KHO NA YIN PA DE BAS MNGON SUM MA YIN NO ZHES GZHAN SEMS PA'O, ,LAN NI GLO BUR DU ZHES BYA BA STE 'BREL BA 'DZIN PA MED PA KHO NA SNGAR LHAN CIG RGYU BA MTHONG BA TZAM LAS DU BA LAS ME RTOGS PA'I SKYES BU LA YANG RTOGS PA DE LTAR 'GYUR TE, DES NA RJES SU DPAG PA'I RANG BZHIN MED PA NI DU BA LAS ME GLO BUR DU RTOGS PA LAS ME GLO BUR DU RTOGS PA LA YANG YOD PA NYID DE, DES NA MNGON SUM CI STE MA YIN, DER ZHES BYA BA NI DU BA LAS ME RTOGS PAR BYA BA LA'O, ,SHES PA 'DI NI SNGAR GYI MTSAMS SBYOR BA'I STOBS LAS SKYES PA'I PHYIR NA MNGON

, ,SUM MA YIN NO ZHES SEMS PA'O, ,LAN NI 'DI LA YANG ZHES BYA BA STE SGRA LAS BYUNG BA'I RTOGS PA BYA BA LA YANG NGO, ,BRDA'I DUS SU MTSAMS SBYOR BA YOD PAR 'GYUR BA YIN NO, ,DE LTA MA YIN NA ZHES BYA BA NI GAL TE 'DIR BRDA'I DUS KYI MTSAMS SBYOR BA MI 'DOD NA, DE'I TSE BSHAD PA'I RJES SU MA 'BRANGS PA'I SKYES BU LA YANG RIG BYED KYI TSIG LAS DON RTOGS PAR 'GYUR RO, ,DE'I PHYIR 'DI LA YANG BRDA'I DUS NA MTSAMS SBYOR BA YOD PA KHO NA'O, ,DES NA RTOGS PA 'DI YANG DON LA MNGON SUM MA YIN TE RJES SU DPAG PA BZHIN NO, ,GAL TE DE LTA NA YANG CI LTAR BRDA'I DUS SU MTSAMS SBYOR BA YOD DO, ,DE NI 'CHAD PA'I DUS NA YOD PA'I PHYIR RO ZHE NA, BSHAD PA NYID CES SMOS SO, ,'ON TE ZHES BYA BA NI DOGS PA'O, ,LAN NI DE NI ZHES BYA BA'O, ,GZHAN DU YANG ZHES BYA BA NI GRAGS PA LAS BZLOG PAR RO, ,GAL TE SDANG BA LA SOGS PAS GZHAN DU 'CHAD PAR BYED PA NA NYAN PA POS BRTZAD PA CI LTAR SPANG BAR NUS SHE NA, SDEB SBYOR BA ZHES SMOS SO, ,DOGS PA NI SBYOR BA DAM PA ZHES BYA BA'O, ,LAN NI DE LTAR ZHES BYA BA'O, ,GANG GI PHYIR DE LTA YIN BA DES NA SGRA LAS BYUNG BA'I RTOGS PA NI MNGON SUM MA YIN ZHING DNGOS PO'I STOBS KYIS ZHUGS PA'I RJES SU DPAG PA YANG MA YIN TE DES NA 'THAD PA DKA' BA YIN TE, TSAD MA CAN MA YIN PA DON BRJOD PA NI SHIN TU DAM PA MA YIN PA'I PHYIR RO, ,DES NA ZHES BYA BA NI RTOGS BA PO'I RJES SU DPAG PA YIN PAS TE, DE LTA MA YIN NA RJES DPAG MED PHYIR ZHES BYA BA 'GAL BAR 'GYUR RO, ,CI LTAR MNGON SUM NYID MA YIN ZHE NA, DE LTAR YANG ZHES BYA BA'O, ,'O NA RANG RIG PAR SMRA BA'I LTAR NA MNGON SUM GYIS GNOD PA YIN NO SNYAM NA, DE LA ZHES BYA BA'O, ,DGAG PA'I RNAM BA BRJOD PA NI RTOGS PA NYID CES BYA BA'O, ,DE SKAD BRJOD NA CIR 'GYUR SNYAM NA, DE SKAD CES SMOS TE, GAL TE DE SKAD SMRA NA NI DE'I MNGON SUM GYIS GNOD PAR 'GYUR GYI, GRAGS PAS BSAL BA NI MA YIN NO ZHES BYA BA'I DON TO, ,'O NA 'DI CI SKAD SMRA SNYAM NA, GAL TE ZHES BYA BA STE, GAL TE ZLA BA'I SGRA LAS ZLA BAR RTOGS PA YOD MOD KYI DE LTA NA YANG 'DI BDEN PA NI MA YIN TE, ZLA BA GNYIS SU RTOGS PA BZHIN NO

ZHES SMRA STE, DE SKAD SMRA BA DE LA GRAGS PAS GNOD PA BSTAN PA YIN NO, ,RTOGS PA RJES SU DPAG PA NYID DU BSTAN PAS BDEN PA NYID DU BSTAN PA'I PHYIR RO, ,CI LTAR ZHE NA, SNGA MA SNGA MA ZHES BYA BA'O, ,GAL TE ZHES BYA BA NAS RJES DPOG 'GYUR ZHES BYA BA'I BAR NI RTZOD PA'O, ,DE CI LTAR RJES SU DPAG PA YIN SNYAM NA, SNGON GYI MTHONG BA DANG ZHES SMOS SO, ,CI LTAR RANG BZHIN GYI RTAGS MA YIN ZHE NA, SGRA NI DON GYI ZHES BYA BA'O, ,RJES SU DPAG PA NYID GSAL BAR BYED PA NI SGRA DANG ZHES BYA BA'O, ,RJES DPAG CES BYA BA NI DON DAM PA'O, ,LAN NI DE LTAR NA ZHES BYA BA'O, ,SGRA RJES SU DPAG PA'I RGYU YIN NA'O, ,RJES SU DPAG PA LAS RTOGS PA'I PHYIR NA, DE 'BREL PA DANG LDAN PAR 'GYUR RO, ,GANG ZHIG SGRA DANG LDAN PA'I 'BREL PA DE YANG GANG YIN ZHE NA, SGRA DON GYI ZHES GSUNGS TE DON NI NYE BAR LEN PA YIN LA, SGRA NI NYE BAR LEN PA LAS BYUNG BA 'BRAS BU YIN NO, ,'ON TE SGRA DANG DON DAG GIS 'BREL PA, RGYU DANG 'BRAS BU'I DNGOS PO'I MTSAN NYID 'DI LTA BUR GYUR PA NI RTAG PA MA YIN PA KHON TE, DES NA SGRA LAS RTOGS PA NI, DNGOS KHO NAR RJES SU DPAG PA YIN PAR 'GYUR RO SNYAM NA, SGRA NI ZHES BYA BA'O, ,'O NA CI LTAR DE GNYIS 'BREL SNYAM NA, DES ZHES SMOS TE, BRJOD PAR BYA BA'I DON GYIS MA BSKYED PAS NA'O, ,'DIR NI SGRA DANG DON DAG LA'O, ,GZHAN DU STE DON DAM PAR NI MA YIN NO, ,CI'I PHYIR ZHE NA, 'DOD PAS ZHES GSUNGS SO, ,'ON TE 'BREL BA MED MOD, DE LTA NA YANG SGRA LAS DON RTOGS PA NI GDON MI ZA BAR YOD PA YIN NO ZHE NA, GDON MI ZA BAR ZHES BYA BA'O, ,'DI ZHES BYA BA NI SGRA LAS DON RTOGS PA'O, ,'DI NI BRTAGS PA'I RJES SU DPAG PA YIN NO ZHES BYA BA'I DON TO, ,GAL TE 'DI 'BRAS BU'I RTAGS YIN NA 'O NA CI LTAR ZHES BYA BA NI 'DRI BA'O, ,NYE BAR LEN PAR GYUR BA'I PHYI ROL GYI DON GANG ZHIG BRDAS GSAL BAR BYAS PA DE NI DON DAM PAR RGYU MA YIN TE ZHES 'BREL TO, ,'O NA CI LTAR PHYI DON SGRA'I NYE BAR LEN BA YIN SNYAM NA 'DOD PAS DE LTAR TE NYE BAR LEN BAR BYED PA'O, ,CI'I PHYIR DON DAM PAR RGYU YIN SNYAM NA, GZHAN ZHES BYA BA'O, ,MNGON PAR 'DOD PA'I DON DE BRJOD PAR 'DOD PA MED KYANG SGRA YOD PA'I PHYIR

, ,RO; ,GANG GI TSE SNYAM NA GZHAN ZHES GSUNGS SO, ,BRJOD PAR 'DOD PA MED PAR ZHES BYA BA NI GANG GI TSE GOMS PAR 'DOD PA 'BA' ZHIG GIS YIN PA NA'ANG, 'DIS NI RGYUD PAS RGYU YIN PA SPANGS PA'I PHYIR NA DNGOS SU RGYU YIN PA NI RGYANG RING POR BSRINGS PA YIN NO ZHES BSTAN TO; ,'ON TE DE MED PAR 'BYUNG YANG DE SGRA'I RGYU NI YIN NO SNYAM NA, GANG ZHIG CES BYA BA'O, ,DE LTA NA NI THAMS CAD KYANG THAMS CAD KYI RGYUR 'GYUR RO SNYAM DU DGONGS PA'O, ,DES NA 'DI NI DON DAM PA'I 'BRAS BU'I GTAN TSIGS SU MI RUNG NGO, ,'O NA CI LTAR RANG BZHIN GYIS GTAN TSIGS YIN SNYAM NA, DE'I PHYIR ZHES BYA BA'O, ,DON 'DI NI'O, ,BRJOD BYA YIN PA NI BSGRUB PAR BYA BA'O, ,DE TZAM LAS NI ZHES BYA BA NI, NYE BAR LEN PA NYID DU 'DOD PA TZAM LAS BYUNG BAR THOB PAR GYUR PA'I RANG BZHIN NI BRJOD PAR BYA BA NYID YIN GYI GZHAN NI MA YIN NO, ,'DOD PAS SPYAR BA'I RGYU NYID BRJOD PAR BYA BA NYID YIN GYI GZHAN NI MA YIN NO, ,DE NI RANG BZHIN YIN NO ZHES BYA BA'I DON TO, ,NYE BAR LEN PA NYID DU ZHES BYA BA NI, DE LTA BU NYID DU RNAM PAR GZHAG BA NYID BRJOD PAR BYA BA YIN GYI, GZHAN LA LTOS PA NI MA YIN NO ZHES BYA BA'I DON TO, ,'O NA GRAGS PA GANG YIN SNYAM NA, DES NA ZHES SMOS SO; ,GAL TE GRAGS PA THA SNYAD SPYOD PA YIN NA CI LTAR NA 'O NA NYE BAR LEN PA YANG GRAGS PA YIN ZHE NA, THA SNYAD CES GSUNGS SO, ,GANG GI PHYIR DE LTAR YIN PA DES NA, BRJOD PAR BYA BA NYID KYI SGRUB PAR BYED PA NYE BAR LEN PA NYID DU SNANG BAS SO, ,DE LTA MA YIN NA BRJOD PAR BYA BA MA YIN PA GANG ZHIG YIN SNYAM NA, GAL TE ZHES BYA BA'O, ,DON DE MI SNANG BA'I PHYIR RO, ,NYE BAR LEN PA DANG 'BRAS BU NYID DU MI SNANG BA 'BA' ZHIG BRJOD BYA MA YIN PAR NI MA ZAD KYI, 'ON KYANG SMRA BA PO'I RGYUD LA YOD PA NYE BAR LEN PA'I RTOGS PA DANG, NYAN PA PO'I RGYUD LA YOD PA 'BRAS BU'I RTOGS PA GNYIS LA MI SNANG BA GANG YIN PA DE YANG BRJOD PAR BYA BA MA YIN NO ZHES BRJOD PA NI, GAL TE ZHES BYA BA'O, ,GAL TE ZHES BYA BA NI GZHAN GYI'O, ,GAL TE 'DOD PA YOD KYANG NYE BAR LEN PA DANG 'BRAS BU'I SHES PA DAG LA DON MI SNANG BA NYID MA YIN NAM ZHES BYA BA'O, ,CI'I PHYIR ZHE NA, PHYI ROL

ZHES BYA BA'O, ,DE NI PHYI'I DON TO, ,BRJOD ZIN PA NYID DO ZHES BYA BA NI GZHAN BRJOD PAR 'DOD PA'AM ZHES BYA BAR RO, ,LAN NI MI SNANG BA NYID MA YIN TE 'BREL TE, ,CI LTAR ZHE NA, 'DOD PA ZHES BYA BA NI, GANG GI TSE ZHE NA, GANG GI TSE ZHES SMOS SO, ,'ON TE DE LAS ZHES BYA BA NI, NYE BAR LEN PA DANG 'BRAS BU'I RTOGS PA LAS SGRA LAS RTOGS PA PO LA PHYI'I DON SNANG BA MED PA'I PHYIR MI SNANG BA NYID DO ZHES DE LTAR BRJOD NA NI, ,DE LTA NA ZHES BYA BA NI LAN NO, ,DE LA NI RJES SU DPAG PA LA'O, ,RJES SU DPAG PA'I RANG BZHIN GYI RNAM PAR RTOG PA DE LAS KYANG NGO, ,DE SKAD CES BYA BA NI RJES SU DPAG PA NI PHYI'I DON GYI YUL CAN YIN NO ZHES BRJOD NA'O, ,LAN NI DE LTA YIN NA ZHES BYA BA'O, ,DE BZHIN NYID DO ZHES BYA BA NI, PHYI'I DON NYE BAR LEN PA DANG 'BRAS BU LA SNANG BA YANG NGO ZHES BYA BA'I DON TO, ,DE'I PHYIR DON DAM PAR MA BZUNG YANG PHYI ROL NI SHES PA GNYIS KYIS NGES PAR BYA BA KHO NA'O ZHES DGONGS PA'O,, GAL TE RJES SU DPAG PA BZHIN DU NYE BAR LEN PA LA SOGS PA'I SHES PA LA YANG PHYI'I DON SNANG NA CI'I PHYIR DE LAS DON MI 'THOB SNYAM NA, PHYI ROL GYI ZHES BYA BA'O, ,RTOGS PA NI ZHES BYA BA NI NYE BAR LEN PA DANG 'BRAS BU'I SHES PA'I RANG BZHIN DAG GO, ,DE LTA NA 'O NA BRJOD BYA RJOD BYED KYI DNGOS PO MED PAR THAL LO SNYAM NA, TSAD MA MA YIN PA ZHES SMOS SO, ,DE LTA BU NYID DU ZHES BYA BA NI TSAD MA MA YIN PA'I RANG BZHIN NYID DU ZHES BYA BA NI RTOGS PA TSAD MA'I RANG BZHIN MA YIN PA NYID DU'O, ,'DI NYID CES BYA BA NI RUNG PA NYID SGRA LAS BYUNG BA'I GRAGS PA'I SGRAR BZHAD PA YIN NO ZHES BYA BA 'DI NYID GA LAS YIN TE, RUNG BA NYID STAN PAR BYED PA MED PA'I PHYIR RO ZHES BSAMS PA'O, ,BSHAD PA MDZAD PAS SMRAS PA'O, ,CI ZHIG SMRAS SHE NA, GAL TE MA LUS PA RUNG BA NYID LAS BRJOD BYAR MI BZHED NA, DE'I TSE SLOB DPON PHYOGS KYI GLANG PO DES, GANG THUN MONG MA YIN PA'I PHYIR ZHES BYA BA LA SOGS PA'I SGRAS YOD PA NYID LA SOGS PA BRJOD PAR BYA BA NYID KYI GNOD BYED LA THUN MONG MA YIN PA NYID DU BSTAN PA GANG YIN PA DE MI 'GYUR RO, ,DE'I PHYIR DON GYIS RUNG BA NYID BRJOD PAR BYA BAR BZHED PA YIN NO, ,DE NYID KYI PHYIR RNAM 'GREL MDZAD PAS BSHAD PA, 'DIR NI

, ,ZHES BYA BA NI BRJOD PAR BYA BA MA YIN PA NYID BSGRUB PAR BYA BA'O, ,'O NA GANG GI TSE THUN MONG MA YIN PA NYID DU 'GYUR SNYAM NA, GANG GI TSE ZHES BYA BA'O, ,THUN MONG MA YIN PA NYID DU 'GYUR PA NYID DE ZHES RJES SU 'JUG GO, ,CI'I PHYIR ZHE NA, GANG LA YANG ZHES BYA BA'O, ,RUNG BA NYID KYI THAMS CAD ZLA BA'I SGRAS BRJOD PAR BYA BA YIN PA'I PHYIR ZHES BYA BA'I DON TO, ,CI LTAR THUN MONG MA YIN PA NYID DU BSTAN SNYAM NA, SLOB DPON GYIS NI ZHES BYA BA'O, ,'DI'I DON BRJOD PA NI YUL GANG LA ZHES BYA BA NI, BRJOD PAR BYA BA MA YIN PA NYID LA'O, ,RJES SU DPAG PA NI, YOD PA'I PHYIR ZHES BYA BRJOD PAR BYED PA NYID LA GNOD PAR BYED PA'O, ,DE NYID KYI PHYIR ZHES BYA BA NI THUN MONG MA YIN PA NYID KYI PHYIR ZLOG PA'I PHYOGS SU GYUR PA'I RJES SU DPAG PA DE MED DO, ,BRJOD PAR BYA BA MED PA GANG LA GNOD PAR BYED PA YOD PA DE NI PHYOGS MA YIN NO ZHES SBYOR RO, ,DE SKAD DU ZHES BYA BA NI RJES SU DPAG PA MED LA ZHES SO, ,'DI ZHES BYA BA NI SGRA LAS BYUNG BA'I GRAGS PA'O, ,DE SKAD DU GSUNGS PA NI, NGES PA NYID DU STON PA YIN NO ZHES RJES SU 'JUG GO, ,NGES PA NI NGES PAR BYED PA NYID DO, ,CI LTAR DGAG PAR MI NUS SNYAM NA, TSAD MA ZHES GSUNGS SO, ,NGES PAR BYED PA NYID CI LTAR ZHE NA, NGES PAR BYED PA YIN NA ZHES BYA BA'O, ,GAL TE NGAG GCIG GIS DUS GCIG NYID DU DON GNYIS GTZOR BRJOD PAR NUS SNYAM NA, 'DIR NI ZHES SMOS SO, ,GANG YANG ZHES BYA BA LA SOGS PA'I DAG LA'O, ,PHYI MA ZHES BYA BA NI SGRA LAS BYUNG BA'I GRAGS PA DANG ZHES BYA BA NI, SNGA MA STE GANG LA THUN MONG MA YIN PA'I PHYIR ZHES BYA BA LA SOGS PA DANG BCAS PAS NI BZLOG PA'I TSAD MA MED PAS NGES PAR GSUNGS PA YIN NO ZHES SBYOR RO, ,SNGA MA GANG LA ZHES BYA BA LA SOGS PA PHYI MA SGRA LAS BYUNG BA'I GRAGS PA ZHES BYA BA LA SOGS PA DANG LHAN CIG PAS NI DGAG PAR MI NUS PA NYID DU GSUNGS PA YIN NO ZHES SBYAR RO, ,DE'I PHYIR PHYI MA DANG SNGA MA 'DI GNYIS NI CI LTAR RIGS PAR PHYI MA DANG SNGA MA'I CHA'I DON GANG YIN PA DGAG PAR MI NUS PA DANG, BZLOG PA'I TSAD MA MED PAS NGES PA NYID NI DE LTAR YIN PA LA, STON PAR BYED PA NYID KYIS BYED PA 'JUG PA YIN NO, ,GANG GIS 'DI NGAG

NYID MA YIN NO ZHES BYA BA'I NYES PAR 'GYUR BA DUS GCIG NYID DU DON GNYIS GTZOR STON PAR BYED PA NI MA YIN NO, ,'CHAD PA NI GANG GI TSE ZHES BYA BA'O, ,BRJOD MA THAG PA'I RTZOD PA NYID BSAL BAR BYA BA'I PHYIR ZLOS BA NI, GAL TE ZHES BYA BA'O, ,GANG ZHIG RNAM PAR RTOG PA LA GNAS PA'I RANG BZHIN DE NI RANG RIG PAS NA MNGON SUM YIN NO, ,DES NA ZHES BYA BA NI RANG RIG PA'I MNGON SUM YIN PAS NA'O, ,RNAM 'GREL RNAM PAR 'GREL PAS LAN 'DEBS PA NI MA YIN TE ZHES BYA BA'O, ,LHAG PAR ZHEN PAR BYA BA NI RANG RIG PAR BYA BA MA YIN TE, PHYI ROL NYID YIN PA'I PHYIR RO ZHES BYA BA'I DON TO, ,CI'I PHYIR ZHE NA, SGRA'I DON NI ZHES BYA BA'O, ,RUNG BA NYID NI MNGON SUM MA YIN TE, RNAM PAR RTOG PA'I YUL YIN PA'I PHYIR RO ZHES BYA BA'I DON TO, ,MNGON SUM GYI YUL MA YIN PA NYID GSAL BAR BYED PA NI SGRA LAS BYUNG BA'I ZHES BYA BA'O, ,SGRA LAS BYUNG BA'I DON GYI RUNG BA NYID SGRA'I DON DU NGES PA NI, GAL TE SNANG BA YIN DU CHUG KYANG ZHES 'BREL TO, ,SNANG BA NI RANG RIG PAS RIG PAR BYA BA'O, ,DE GANG LAS SHE NA, THA SNYAD KYI RGYU NYID LA'O, ,'DI NI KHAS BLANGS NAS BRJOD PA YIN NO, ,DE LTA NA YANG RANG RIG PAR BYA BA'I RUNG BA NYID DE LAS THA SNYAD DU BYA BA MA YIN PA DE BAS NA, MNGON SUM GYI YUL NYID DU RUNG BA NYID BKAG PA DANG STE, RUNG BA NYID MNGON SUM GYI YUL MA YIN NO ZHES BYA BA'I DON TO, ,DPER NA SKAD CIG MA SNANG BA YIN YANG DE LAS THA SNYAD MI BYED PA'I PHYIR DE MNGON SUM NYID MA YIN PA BZHIN NO, ,SNANG BA SGRA LAS BYUNG BA'I GRAGS PA DON GYI SGRA DANG 'BREL BA CAN NYID KYANG MNGON SUM DU BYA BAR MI NUS SO ZHES 'BREL TO, ,CI'I PHYIR MNGON SUM DU BYA BAR MI NUS SHE NA, 'BREL BA NI ZHES SMOS SO, ,CI'I PHYIR ZHE NA, SGRA NI ZHES BYA BA'O, ,'DI NA RANG GI MTSAN NYID KYANG BRJOD PAR BYA BA DANG RJOD PAR BYED PA NYID DU KHAS BLANGS NAS BRJOD PAR ZAD KYI DON DAM PAR NI MA YIN NO, ,'DI LAS CIR 'GYUR ZHE NA, 'DI DAG NI ZHES GSUNGS SO, ,NYAN PA'I SHES PA DANG RNAM PAR RTOG PA'I SHES BA DAG GAM, NYAN PA'I SHES PA DANG MIG GI SHES PA DAG GO, ,DES NA 'BREL BA NI MNGON SUM MA YIN NO, ,GAL TE ZHES BYA BA LA SOGS PA NI

, ,GZHAN GYI'O, ,DER ZHES BYA BA NI 'BREL BA 'DZIN PAR RO, ,DRI DANG DRI DANG LDAN PA LA SOGS PA LA YANG DE BZHIN DU CI LTAR DE LTAR 'GYUR ZHES RJES SU 'JUG GO, ,LAN NI DER YANG ZHES BYA BA STE ME DANG DU BA LA SOGS BA LA YANG MNGON SUM GYIS 'BREL BA MI RTOGS PA'I SKYON 'DIR RO, , DE ZHES BYA BA MNGON SUM GYI SGRA DON GYI 'BREL BA MI RTOGS PA'O, ,ME DANG DU BA LA SOGS PA LA NI DBANG PO'I SHES PAS GZUNG BA YOD PA'I PHYIR 'BREL BA 'DZIN PA 'THAD PA YIN NO ZHES BRJOD PA NI, DE DAG NI ZHES BYA BA'O, ,BRJOD PAR BYA BA NYID LA SOGS PA LA YANG DE BZHIN DU 'GYUR RO SNYAM NA, 'DI LA NI ZHES SMOS SO, ,MA BZUNG BA'I PHYIR SGRA DANG 'BREL BAR CI LTAR 'DZIN SNYAM DU DGONGS PA'O, ,'ON TE SGRA DANG BUM PA LA SOGS PA'I DON DBANG PO'I SHES BAS 'DZIN PA YIN NO, ,DES NA ME DANG DU BA BZHIN DU DE DAG GI 'BREL BA YANG MNGON SUM GYIS 'DZIN PA YIN NO SNYAM NA MA YIN TE, CI LTAR ME DANG DU BA DAG DON DAM PAR 'BREL BA MED KYANG 'DZIN PA LTAR SGRA DANG DON DAG NI MA YIN TE, DE LTAR YANG STON PAR 'GYUR RO, ,DON DAM PAR NA 'GAR YANG 'BREL PA 'DZIN PA YOD PA MA YIN NO ZHES BRJOD PA NI KHYAB PAR 'BREL PA YANG ZHES BYA BA'O, ,'O NA MI SLU BA'I THA SNYAD CI LTAR ZHE NA, SGRA'I ZHES SMOS SO, ,DES NA NI MI SNANG BA MED PAS SO, ,'DI NI ZHES BYA BA NI 'BREL BA'O, ,DE'I PHYIR SNANG BA'I SGRA DANG 'BREL BA NI MNGON SUM DU BYA BA MI NUS, RUNG BA NYID KYANG MNGON SUM DU BYA BAR MI NUS SO ZHES GNAS SO, ,GAL TE ZHES BYA BA NI DOGS PA BSU BA'O, ,GTAN TSIGS MED PA'I PHYIR RJES SU DPAG PA GZHAN GYIS GNOD PA CI LTAR 'GYUR ZHE NA, GAL TE YOD PA'I ZHES BYA BA'O, ,RUNG BA NYID 'GOG PA'I RJES SU DPAG PA THAMS CAD THUN MONG MA YIN NO ZHES BSTAN PA'I PHYIR MA LUS PA KHYAB PA'I YOD PA NYID THUN MONG MA YIN PA YIN NO ZHES BRJOD PA NI GANG LA ZHES BYA BA'O, ,STOBS DANG LDAN PA'I PHYOGS NI YOD PA'I PHYIR ZHES BYA BA'I GTAN TSIGS TE, DE BZLOG PAR NUS PA SGRA LAS BYUNG BA'I GRAGS PA GNOD PAR BYED PA'O, ,DE DON DU GNYER BA NI BZLOG PA DON DU GNYER BA NI, DE LAS GZHAN KHYAB PA MA YIN PA LA BZOD PA MA YIN NO, ,DE NYID KYI PHYIR ZHES BYA BA NI GTAN

TSIGS MTHA' DAG THUN MONG MA YIN PAR BSTAN PA'I DON YIN PA'I PHYIR RO, ,DE LTA MA YIN NA ZHES BYA BA NI GTAN TSIGS MTHA' DAG THUN MONG MA YIN PA NYID DU MA BSTAN NA'O, ,GZHAN DU NA ZHES BYA BA NYE BAR 'GOD NA'O, ,TSAD MAS GNOD PA MNYAN BYA MA YIN PA NYID LA'O, ,LAN NI 'DIR YANG ZHES BYA BA STE, TSAD MAS GNOD PA RI BONG CAN NI ZLA BA MA YIN NO ZHES BYA BAR YANG NGO, ,DE LTAR NA NI GTAN TSIGS MI SRID PA'O, ,'DI NI SGRA LAS BYUNG BA'I GRAGS PA'O, ,THAL BAR 'GYUR RO ZHES BYA BA NI GTAN TSIGS NYE BAR 'GOD PA STE, MNYAN PAR BYA BA NYID KYANG DGAG BAR MI NUS PAR BSTAN PAR 'OS PA YIN NO ZHES BSAMS PA'O, ,GNOD PAR BYED PA MED PA LA LTOS PA NI DNGOS PO MA YIN PA NYID YIN TE, DNGOS PO PA NI RANG NYID GNOD BYED YIN PA'I PHYIR RO ZHES 'CHAD PA NI, SGRA LAS ZHES BYA BA'O, ,DES NA NI DNGOS MA YIN PAS NA'O, ,DES NA DNGOS MA YIN PA 'DI LA NI GNYEN PO MED PAR BSTAN PA NYES PA MED PA'O, ,DNGOS PO'I STOBS KYIS ZHUGS PA'I RJES SU DPAG PA'O, ,RJES SU DPAG PAS GRUB RNAMS LA ZHES JI LTAR 'CHAD PAR 'GYUR SNYAM NA, GANG GI PHYIR DE LTAR PA RTZAD PA DE'I PHYIR BSHAD PA'O, ,DE YANG NI BRDA'O, ,DON 'DI NYID CES BYA BA NI THAMS CAD DU RJOD PAR BYED PA 'JUG PAR BSTAN PA'I DON TO, ,GZHAN DU ZHES BYA BA NI THAMS CAD DU RJOD BYED 'JUG PAR BSTAN PA MED PA'O, ,PHAN TSUN RTEN PA'I SKYON MED DO ZHES BRJOD PA NI, SGRA LAS BYUNG BA GRAGS PA 'DOD PA TZAM GYIS, 'JUG PA NI MA GRUB PA MA YIN TE, 'DOD PA LA GEGS MED BA'I PHYIR GRUB PA NYID DO, ,RANG NYID LAS ZHES BYA BA NI RJES SU DPAG PA MED PA LA LTOS PA MA YIN PA'O, ,YOD PA TSAD MA MA YIN PA YANG RANG NYID LA YIN GYI, SGRA LAS BYUNG BA'I GRAGS PA GNOD PAR MA BYAS PA NYID LA LTOS PA NI MA YIN NO, ,DES NA PHAN TSUN BRTEN PA'I NYES PA MED DO, , DE ZHES BYA BA NI SGRA LAS BYUNG BA'I GRAGS PA'O, ,YOD PA SGRA LAS BYUNG BA'I GRAGS BA'I CI STE 'GOG PAR BYED PA MA YIN ZHE NA, 'DI LA LAN NI MA YIN TE ZHES BYA BA'O, ,BRJOD PAR BYA BA MA YIN PA NYID GNOD PAR BYAS PA YANG NGO, ,DE LAS TE SGRA LAS BYUNG BA'I GRAGS PA LAS BZLOG PA'O,,

, ,DES NA ZHES BYA BA NI GNYEN PO MED PA'I DAS [*DES?] NA'O, ,DE NI ZHES BYA BA NI 'DI DGAG PAR MI NUS PA NYID DAM ZHES BYA BA LA SOGS PAS SO, ,CI LTAR NA GZHAN GANG GNYEN PO MED PA NYID DU BSTAN PAS GZHAN LA DE LTAR RTOGS PAR CI LTAR 'GYUR ZHE NA, RTOGS PA ZHES BYA BA'O, ,CI ZHIG BSTAN PA YIN ZHE NA, CI LTAR ZHES BYA BA'O, ,'DI NI SGRA LAS BYUNG BA'I GRAGS PA'O, ,GZHAN YANG ZHES BYA BA NI DNGOS PO'I STOBS KYIS ZHUGS PA'I RJES SU DPAG PA'O, ,GZHAN GNYEN PO MED PAR BSTAN PAS CI BYA ZHE NA, GNYEN PO SRID NA ZHES BYA BA'O, ,DE YANG NI DON DAM PAR GNOD PA MA YIN PA YANG NGO, ,DES NA DNGOS PO'I STOBS KYIS ZHUGS PA'I RJES SU DPAG PA YANG SGRUB PAR BYED PA NYID YIN TE ZHES 'BREL TO, ,CI'I PHYIR ZHE NA, MI MTHUN PA'I PHYOGS YOD PA YIN PA'I PHYIR ZHES BYA BA'I GTAN TSIGS THUN MONG MA YIN PA NYID KYI PHYIR RO, ,'DI NYID GSAL BAR BYED PA NI DPER NA ZHES BYA BA'O, ,SGRA LAS BYUNG BA'I GRAGS PAS GNOD PA'I YOD PA NYID NI ZLA BA MA YIN PA'I SGRUB PAR BYED PA MA YIN TE, DE BZHIN DU 'BRAS BU DU BAS GNOD PA YANG ME MED PA'I SGRUB PAR BYED PA MA YIN NO ZHES BRJOD PA NI SGRA LAS BYUNG BA'I ZHES BYA BA'O, ,'DI YANG NI ME MED PAR BSGRUB PAR YANG NGO, ,GNOD CI STE MIN ZHES BYA BA NI YOD PA'O, ,CI LTA GNOD SNYAM NA, DU BA DANG LDAN ZHES BYA BA'O, ,DE NI ME'O, ,'ON TE MI MTHUN PA'I PHYOGS LA DU BA'I GNOD PAR BYED PA DOGS PA YIN TE, NGES NA GANG GIS ME 'GOG PA LA GNOD PAR 'GYUR BA DU BA DANG LDAN PA'I SA PHYOGS SU ME CI LTAR 'GRUB SNYAM NA, MI MTHUN PHYOGS LAS GNOD PAR NI ZHES BYA BA'O, ,MI MTHUN PA'I PHYOGS ME MED PA LAS DU BA'I GNOD PAR BYED PAR DOGS PA YOD DAM 'ON TE MED CES BYA BA DE LTA BU'I RNAM PA CAN DE NI, SNGAR KHYAB PAR RTOGS PA'I DUS NYID DU BZLOG ZIN TO, ,THAMS CAD LA NI MNGON SUM LA SOGS PA LA'O, , DE LTA MA YIN TE ZHES BYA BA NI 'GAL BA MI 'KHRUL PA CAN MED PAR MA BSTAN NA'O, ,'DIS NI ZHES BYA BA NI 'GAL BA MI 'KHRUL PA CAN BSAL BAS NI'O, ,DE YANG ZHES BYA BA NI BRJOD PAR 'DOD PA'I GRANGS GCIG PA CAN YANG NGO, ,DE'I TSE 'DI DNGOS PO'I STOBS KYIS ZHUGS PA'I RJES SU DPAG

PA NYID LA CI STE MI BRJOD DE BRJOD PAR BYA'O ZHES 'BREL TO, ,GANG ZHIG BRJOD PAR BYA ZHE NA, 'GAL LA ZHES BYA BA LA SOGS PAS SO, ,DE YANG NI ME MED PA LA SOGS PA'O, , DE BZHIN DU MNGON SUM LA YANG NGO ZHES BYA BA NI GANG LA THUN MONG MA YIN PA'I PHYIR RJES SU DPAG PA MED LA, MNGON SUM DANG 'GAL PA'I DON GYIS BSAL BA DE YANG PHYOGS MA YIN NO ZHES SO, ,DE'I PHYOGS MNGON SUM GYIS BSAL BA'I RJES SU DPAG PAS BSAL BA LA YANG, GANG LA YANG ZHES BYA BA LA SOGS BAR SLOB DPON GSUNG BAR RIGS TE, DE NYID DU 'GAL BA MI 'KHRUL PA CAN MED PAR STON PAR BYED PA'I PHYIR RO ZHE NA, 'DI NYID KYIS ZHES SMOS TE, GRAGS PAS BSAL BA LA MI MTHUN PA'I PHYOGS MED BAR BSTAN PAS SO, ,MNGON DUM DANG RJES SU DPAG PA LA YANG MI MTHUN PA'I PHYOGS MED PAR BRJOD PA YIN NO, ,DE LA RJES SU DPAG PA LA NI MI MTHUN PA'I PHYOGS MED DO ZHES BSTAN ZIN TO, ,MNGON SUM LA MI MTHUN PA'I PHYOGS MED PAR BSTAN PA'I PHYIR BRJOD PA NI, GANG ZHIG CES BYA BA LA SOGS PA'O, ,'BREL BA GRUB BA'I DNGOS PO GANG YIN PA DE MNGON SUM GYI MTSAN NYID KYI DNGOS PO DES NI, RANG NYID MED PA LA GNOD PAR BYED PA YIN NO, ,GZHAN DU NI MED PAR RO, ,BZLOG PA LA NI 'BREL PA DANG BRAL BA LA'O, ,THAMS CAD LA NI 'BREL PA DANG LDAN PA'I MNGON SUM LA SOGS PA LA'O, ,BZLOG PA'I PHYOGS ZHES BYA BA NI RTOGS PA YIN PA'I PHYIR ZHES BYA BA'I GTAN TSIGS SO, ,RANG GI NGO BO MA MTHUN PA'I PHYOGS MED PA YIN NA NI TSAD MA DANG TSAD MA MA YIN PA'I RNAM PAR DBYE BA MED PAR 'GYUR RO ZHES BSTAN PA'I DON DU, ,GAL TE ZHES BYA BA NA'I BAR GYIS NI RTZOD PA'O, ,DE NI MNGON SUM MO, ,MNGON DU BYAS PA THAMS CAD NI, TSAD MA GZHAN GYI GEGS MA YIN NO ZHES GSUNGS PA NI, MNGON DU ZHES BYA BA'O, ,THAMS CAD CES BYA BA NI 'KHRUL PA YANG NGO, ,'DIS NI ZHES BYA BA NI MNGON DU BYED PA TZAM GYIS TSAD MA YIN PA BZLOG PAS SO, ,RANG GI NGO BO LA GNOD PAR BYAD PA MAD PA NYID KYANG BSAL BA YIN NO, ,CI LTAR SNYAM RAL BA YIN NO, ,CI LTAR SNYAM NA, MNGON DU ZHES BYA BA'O, ,RANG GI NGO BO LA MNGON DU BYED PA BZHIN DU, GNOD PA MED PA YANG

, ,HA CANG KHYAB PA YIN NO ZHES BYA BA'I DON TO, ,HA CANG KHYAB PA SPONG BA'I DOGS PA BSU BA NI, MI SLU BA CAN ZHES BYA BA'O, ,BA NAD GAD KYIS LAN LDON PA NI DE NI ZHES BYA BA'O, ,AA RU RA'I DAD PA NI MI SLU BA YIN LA, GNOD PA BYED BA NI LHA DAD MTSUNGS PA YIN NO, ,'DI NYID NI RJOD PA NI GAL TE ZHES BYA BA'O, ,'DI SNYAM DU GANG GIS MNGON DU BYAS PA BZHIN DU HA CAN THAL BAR 'GYUR BA, GNOD PA MED PA NYID RANG GI NGO BO'I YUL LA NI MA YIN NO, ,'O NA CI ZHE NA, GNOD PA MED PA NI DON BYA BA'I YUL CAN YIN PAR BZUNG NGO ZHE NA, BRJOD PA NI 'ON TE ZHES BYA BA'O, ,DE ZHES BYA BA NI GNOD PA MED PA NYID DO, ,DES NA MNGON SUM LA 'BREL BA NYID TSAD MA'I RGYU MTSAN YIN NO ZHES DGONGS PA'O, ,RGYUN MI 'CHAD PAR DON BYED PAR DMIGS NAS DE DANG 'DRA BA LA DE NYID DO ZHES NGES PAR BYED PA'I MNGON SUM NI 'JUG PAR BYED PA YIN GYI, 'BYUNG BAR 'GYUR BA'I DON BYED BA'AM, DER RUNG BA NI 'DI'I YUL MA YIN NO ZHES BRJOD PA NI, MI SLU BA DE YANG ZHES BYA BA'O, ,GAL TE HA CANG KHYAB PA'I NYES PA YOD PA'I PHYIR RANG GI NGO BO TSAD MA'I YUL MA YIN NA, 'O NA TSAD MAS GO BAR BYA BA GANG ZHIG YIN SNYAM NA, MI SNANG YANG RTOGS PAR BYA BA YIN NO ZHES SMOS SO, ,'O NA MI SNANG BAR KHYAD PAR MED PAS 'JIG RTEN GSUM PO THAMS CAD RTOGS PAR BYA BAR 'GYUR ZHE NA, SNANG BA'I ZHES SMOS SO, ,DE SKAD DU YANG DE BDAG DE LAS BYUNG BA'I MTHU YIS ZHES SNGAR BSHAD ZIN TO, ,DE LTAR MNGON SUM MI MTHUN PA'I PHYOGS MED PA YIN MOD, RJES SU DPAG BA GO CI LTAR MI MTHUN PA'I PHYOGS MED PA YIN SNYAM NA, 'BREL PA DE NI ZHES GSUNGS SO, ,CI LTAR GNYI GA MTSUNGS SNYAM NA, ,'BREL BA NYID CES SMOS SO, ,GZHAN DAG RIM PA LAS BRGAL NAS MI MTHUN PA'I PHYOGS MED PAR SGRUB PA LA DGOS PA MTHONG NAS GAL TE ZHES SMOS SO, ,GAL TE MNGON SUM DANG RJES SU DPAG PA DAG LA GNYEN PA MED PAR BSTAN PA'I DGOS PA 'DI TZAM DU ZAD NA'O, ,'ON TE RNAM PAR GZHAN DU YANG DE LTAR BRJOD NA CI SKYON SNYAM NA, RIM GYIS ZHES SMOS SO, ,SGRA LAS BYUNG BA'I GRAGS PA 'DI NYID DU'O, ,DON 'DIS ZHES BYA BA NI NUS PA GEGS BYED PA MED PAR BSTAN PA'I DON DU'O,,

MI BSTAN PA'I RJES SU DPAG PA NI SGRA LAS 'BYUNG BA'I GRAGS PA'I RJES SU DPAG PA LA'O, ,DE ZHES BYA BA NI BZLOG PA'I RJES DPAG GO, ,'DIR NI RUNG BA NYID LA'O, ,DE LTAR ZHES BYA BA NI MI MTHUN PA MED PAR RO, ,'BREL PA'I STOBS LAS BYUNG BA LA GNOD PA YOD PAR 'GYUR RAM, CI ZHES 'BREL TO; ,'DIR NI SGRA LAS BYUNG BA'I GRAGS PA LA'O, ,GAL TE STOBS CHUNG BA LA BZLOG PA'I RJES SU DPAG PA MED PAR BRJOD PA NA STOBS DANG LDAN PA GZHAN SGRUB PAR BYED PA YIN NO ZHES BYA BA NI MI RIGS TE, 'DI NYID 'DOD PAS 'BYUNG BA'I PHYIR STOBS DANG LDAN PAS SO ZHES DGOS PA NI GAL TE ZHES BYA BA'O, ,DE NI ZHES BYA BA NI 'DOD PA TZAM GYIS GZHAN GYI DRING 'JOG PA'O, ,DNGOS PO'I ZHES BYA BA NI ME LA SOGS PA'I RJES SU DPAG BA'O, ,DE NYID DU ZHES BYA BA NI DNGOS PO'I STOBS KYIS 'JUG PA'I RJES SU DPAG BA LA'O, ,SNUM KHUR DANG DBYIG BA ZHES BYA BA NI, DBYIG PAS SNUM KHUR BRJOD PA STE, DBYIG PA BYI BAS ZOS NA SNUM KHUR SMOS CI DGOS PA'I TSUL GANG YIN PA DE NI STE SGRA LAS BYUNG BA'I GRAGS PA LA GNOD PAR BYED PA MED NA DNGOS PO'I STOBS KYIS ZHUGS PA LA SMOS SU CI YOD CES BYA BA DE NI YOD PA MIN NO, ,KHYAB PA NYID KYIS SGRA LAS BYUNG BA'I GRAGS PA NYID STOBS DANG LDAN PA'I PHYIR RO, ,KHYAB PA NYID NI DNGOS PO RANG MA YIN PA'I PHYIR NA, MED PA DANG 'DRA BA YIN NO ZHES BRJOD PA NI, DNGOS PO 'JUG MIN PA ZHES BYA BA'O, ,RJES DPAG NI GRAGS PA'I'O, ,GZHAN LA NI DNGOS PO STOBS KYIS 'JUG PA LA'O, ,DON 'DI ZHES BYA BA NI BRJOD MA THAG PA'O, ,DE SPANGS ZHES BYA BA NI 'DOD PA SPANGS PA'O, ,'THOB PA BZHIN DU 'DOR BA YANG SLA BA YIN NO ZHES BYA BA'I DON TO, ,'DI GA LAS SHE NA, BDE BLAG CES BYA BA'O, ,GAL TE DE LTAR ZHES BYA BA NI DE LTAR THUB PA MCHOG RNAMS KYI TSUL 'DI MTHA' DAG LAM NGAN PAR ZHUGS PA NYID DU GDON MI ZA BAR GYUR NA, DE'I TSE 'DI LA BLO NGAN CING GANG GI MIG NYAMS PA MED PA RNAMS KYI LTA BAR CI LTAR PHYI ROL MA YIN TE, PHYI ROL DU GYUR PA NYID DO ZHES BYA BA'I DON TO, ,YANG NA THUB PA MCHOG RNAMS KYI LTA BA GSAL BA NYID CI LTAR MA YIN ZHES 'BREL TO, ,'DI NYID DU ZHES BYA BA

, ,NI GRAGS PA NYID DU STE MNGON SUM DU NI MA YIN PA'O, ,RI BONG CAN ZLA BA NYID LA NI SGRA LAS BYUNG BA'I GRAGS PA LAS GZHAN PA'I RJES SU DPAG PA 'GA' YANG MED DO ZHES BSTAN PA NI, YANG NA ZHES BYA BA'O, ,RI BONG CAN NI ZLA BA'O ZHES BYA BA 'JIG RTEN GYIS BRJOD BA LA, RJES DPAG MED PAR GANG LA THUN MONG MA YIN PA'I PHYIR ZHES BYA BA LA SOGS PAS BRJOD PA YIN NO, ,RJES SU DPAG PA MED PAR BRJOD PAS DE CI BYA ZHES BYA BA NI DRI BA'O, ,LAN NI RJES SU DPAG PA LAS ZHES BYA BA'O, ,GANG GIS RJES SU DPAG BA MED PAR BRJOD SNYAM NA, GANG LA ZHES BYA BA'O, ,CI LTAR RJES SU DPAG PA MED SNYAM NA, ZLA BA'I ZHES BYA BA'O, ,ZLA BA NYID DNGOS POR SGRUB PA LA STON PA'O, ,SGRUB PAR BYED PA NI ZLA BA NYID KYI'O, ,BZLOG PA ZHES BYA BA ZLA BA MED PA ZLA BA MA YIN PA LA'O, ,LAN NI MED PA NI ZHES BYA BA STE RJES SU DPAG PA NA'O, ,BSAL BA YIN NA ZHES BYA BA NI BZLOG BA MED PA'O, ,GAL TE GCIG NYID LA RJES SU DPAG PA YOD PA DANG MED PA CI LTAR ZHE NA, RJES SU DPAG PA ZHES BYA BA'O, ,'DI NI GRAGS PA'O, ,DE LTA MA YIN NA NI 'GAL LO ZHES BRJOD PA NI GAL TE ZHES 'DI NI GRAGS BA'I RJES DPAG GO, ,DNGOS PO'I STOBS KYIS ZHUGS PA'I RJES SU DPAG PA YIN NA'O, ,DE'I TSE SGRUB PAR BYED PA ZHES BYA BA DANG 'BREL TO ZHES BYA BA'I BAR GYIS BRJOD PA'I RJES SU DPAG PA 'GOG PA NI, 'GAL BAS TE, SGRA LAS BYUNG BA'I GRAGS PAS ZHES BYA BA 'DIS NI ZLOG PAR 'GYUR RO ZHES SBYAR RO, ,'ON TE 'DI NI RJES SU DPAG PAR 'DOD PA MA YIN PA KHO NA'O SNYAM NA, RJES SU DPAG PAR ZHES BYA BA'O, , 'DI LA NI ZLA BA MA YIN PA NYID LA'O, ,CI'I PHYIR RJES SU DPAG PA GNOD PAR BYED PA MA YIN ZHE NA, RUNG BA TZAM ZHES BYA BA'O, ,DE LA NI MNGON SUM LA'O, ,DES NA RTAGS BRJOD PAR BYA BA NYID DANG, 'BREL PA MA BZUNG BA'I PHYIR NA, RJES SU DPAG PA NI GNOD PAR BYED PA MA YIN NO ZHES DGONGS PA'O, , GZHAN DAG RGYU DANG 'BRAS BU'I DNGOS PO BZHIN DU, BRJOD BYA RJOD BYED KYI DNGOS PO YANG MNGON SUM LA SNANG BA YIN NO ZHES STON PA NI 'ON TE ZHES BYA BA'O, ,GAL TE YANG RGYU DANG 'BRAS BU'I DNGOS PO MNGON SUM LA SNANG BA MA YIN PA DE LTA NA YANG ZHES BYA BA LA SOGS PAR SBYAR RO, ,DES NA ZHES BYA BA NI

'KHRUL PAS NA'O, ,DE LA NI BRJOD BYA RJOD BYED KYI DNGOS PO LA'O, ,GZHAN DU STE GAL TE MA MTHONG NA DE'I TSE ME'I RGYU CAN GYI DU BA DE NYID 'DI YIN NO SNYAM PA'I SHES PA SKYE BAR CI LTAR 'GYUR TE, MI 'GYUR BA KHO NA'O ZHES BYA BA'I DON TO, ,RNAM PAR RTOG PA DE NI 'BRAS BU NYID KYI RGYU MTSAN YIN GYI BRJOD BYA NYID KYI MA YIN NO ZHES BYA BA'I DON STON PA NI, GAL TE SNGAR ZHES BYA BA'O, ,GAL TE DE NYID YIN NO SNYAM DU SHES PA LAS, MNGON SUM DON STON PAR BYED PA YIN NA 'ON MNGON SUM ZHES SBYAR RO, ,DUS BZHIN DU 'BYUNG BA NYID KYIS RNAM PAR RTOG PA DANG BCAS PA YIN NO ZHE NA, DUS GZHAN DU ZHES GSUNGS SO, ,CI'I PHYIR ZHE NA, DE DANG ZHES BYA BA'O, ,RGYU DANG 'BRAS BU'I DNGOS PO YIN PAS NI DE'I RGYU YIN PAR 'GYUR GYI RNAM PAR RTOG PA DANG BCAS PAR MA YIN NO, ,DE LTA MA YIN NA RNAM PAR RTOG PA YANG RNAM PAR RTOG PA MED PAR 'GYUR TE, RNAM PAR RTOG PA MED PA'I RGYU YIN PA'I PHYIR RO, ,DE BAS NA GANG LAS RNAM PAR RTOG PA DANG BCAS PAR 'GYUR BA SNGAR YOD PA'I MNGON SUM NI DE DANG 'DRA BA'I 'BREL BA YOD PA MA YIN NO, ,GZHAN NI YOD KYANG CHAD PA 'GA' YANG MED DO ZHES BYA BAR DGONGS PA'O, ,GZHAN DAG RNAM PAR RTOG PAR BYED PA NYID NA NGAS MTHONG NGO ZHES RTOGS PA'I PHYIR RNAM PAR RTOG PA MED PA NYID DU RNAM PAR 'JOG PA MI 'THAD DO ZHES BRJOD PA NI, GAL TE ZHES BYA BA'O, ,'O NA MNGON SUM GYIS DER 'DZIN NO SNYAM NA, 'DAS PA'I ZHES BYA BA'O, ,LAN NI MA YIN TE ZHES BYA BA'O, ,DE LTA MA YIN NA ZHES BYA BA NI BRJOD PA'I TSUL MI 'DOD NA'O, ,BRJOD PAR BYA BA DANG RJOD PAR BYED PA'I DNGOS PO YANG DE KHO NA LTAR GRUB PO ZHE NA, BRJOD PAR BYA BA DANG ZHES BYA BA'O, ,'O NA NYE BAR BSTAN PA BRJOD BYA RJOD BYED KYI DNGOS PO RTOGS PAR BYED PA YIN NO ZHE NA, DE YANG ZHES BYA BA STE NYE BAR BSTAN YANG DE LTAR TE, BRJOD BYA RJOD BYED KYI DNGOS PO RTOGS PAR BYED PA NYID DU MTHONG BA MED DO, ,YANG RNAM PA GZHAN DU NYE BAR BSTAN NA DE 'DOD PA'I PHYIR RO, ,'O NA NI DE LAS DER RTOGS PA SRID PA'I PHYIR NA, NYE BAR BSTAN PA DE STON PAR BYED PAR 'GYUR RO ZHE NA, NYE BAR BSTAN YANG ZHES BYA BA'O, ,GZHAN ZHES BYA BA NI SNGAR NYE BAR BSTAN PA LAS BZLOG PAR RO, ,GZHAN DU NA ZHES BYA BA MI 'DOD NA'O, ,GAL TE BRJOD BYA

, ,RJOD BYED KYI DNGOS PO BZHIN DU, RGYU DANG 'BRAS BU'I DNGOS PO YANG GZHAN DU BYA BAR NUS PA NYID MA YIN NAM ZHE NA, RGYU DANG ZHES BYA BA'O, ,GZHAN DAG RGYU DANG 'BRAS BU BZHIN DU BRJOD BYA RJOD BYED KYANG GZHAN DU BYA BAR MI NUS SO ZHES BRJOD PA NI, GAL TE ZHES BYA BA'O, ,DNGOS PO NI LHAS BYIN NO, ,THOS BA NI LHAS BYIN GYI MING NGO, ,DE DAG BRDA'I DUS NA MNGON SUM GYIS MTHONG BAR GYUR NA DE BZHIN DU ZHES BYA BA 'DI'I MING 'DI YIN NO ZHES RTOGS PAR 'GYUR RO, ,'CHAD PA NI BRDA BYED PA'I DUS NA ZHES BYA BA'O, ,RGAN PO'I THA SNYAD LAS KYANG 'BREL PA NYID DU SHES PA GANG YIN PA DE YANG DON DAM PAR NA 'BREL PAR SHES PE NI MA YIN NO ZHES BRJOD PA NI 'DI LTAR ZHES BYA BA'O, ,GZHAN YANG RUNG STE ZHES BYA BA'I 'BRAS BU NYID LA SOGS PA'O, ,'ON TE YUL GZHAN LA SOGS PAR MING DANG MING CAN GYI 'BREL PAR RTOGS KYI GZHAN DU NI MA YIN NO SNYAM NA, DE BZHIN DU ZHES BYA BA'O, ,GZHAN NYID DU NI MING NGO, ,BDAG KYANG NI RTOGS PA'O, ,'DIS NI SHES PA THA DAD PA'I YUL DAG KYANG 'BREL PAR RTOGS PAR 'GYUR GYI SGRA DON DAG NI MA YIN NO ZHES BSTAN PA YIN NO, ,DANG PO DANG THA MAR MTHAR GNAS TE, YA RAL GANG RUNG YOD BA'O, ,THUNG DUS ZHES BYA BA NI, AA BRiDDHA STE RGAN PO LA MED PA'O, ,DGRA BO LA MED PA STE DGRA'I MING YANG NGO ZHES BYA BA'I DON TO, ,CI SKAD BRJOD MA THAG PA'I MTSAN NYID DANG LDAN PA'I MING RNAMS MTHA' YAS PAS NA, GANG 'DOD PA DE GDAGS PAR BYA BA YIN PA'I PHYIR CI LTAR 'DOD PA LDOG STE MI LDOG PA KHO NA'O, , GZHAN DANG PO DANG THA MAR ZHES BYA BA 'DI YANG NYE BAR BSTAN PA NYID DO, ,NYE BAR BSTAN PA YANG GZHAN DU MI 'GYUR BA NYID MA YIN NO ZHES BRJOD PA NI, 'DI LAS ZHES BYA BA'O, ,SKABS KYI MJUG SDUD BA NI DES NA ZHES BYA BA'O, ,GANG GI PHYIR DE LTAR GRAGS PA DNGOS PO'I DBANG GIS MA YIN PA'I GTAN TSIGS DES NA, DNGOS PO YOD BA DANG MED PA'I RJES SU 'JUG PA'I RJES SU DPAG PA LAS THA DAD PA'I GRAGS PA NI, DNGOS PO DE'I DBANG GIS MI 'JUG BA, DNGOS PO DE'I 'DOD BA LAS SKYES PA YIN NO ZHES BSTAN PA YIN NO, ,CI'I PHYIR GO BAR MI BYED SNYAM NA, ME LA ZHES

BYA BA LA SOGS PA LA'O, ,'ON TE ZHES BYA BA NI GZHAN GYI'O, ,MI RTOG STE ZHES BYA BA NI KHYI SHA LA SOGS PA'I DON TO, ,CI'I PHYIR SNYAM NA GZHAN YANG ZHES BYA BA'O, ,'DI NYID GA LAS SHE NA, GANG DU YANG ZHES BYA BA'O, ,DE LTA MIN NA ZHES BYA BA NI RANG GIS BRTAGS PAS MNGON PAR 'DOD PA'I 'BRAS BU 'THOB PAR KHAS LEN NA'O, ,'DI LA LAN NI DE NI BDEN TE ZHES BYA BA'O, ,KHYED CAG NYID NI BRAM ZE'O, ,'DI ZHES BYA BA NI SGRA LAS GRUB PA ZHES BYA BA 'DI'O, ,CI LTAR DON MED PA GZHAN PA LA 'JUG CE NA, 'DI LTAR ZHES BYA BA'O, ,GAL TE MI LA SOGS PA'I DON NGES PA'I DON DU NYE BAR BSTAN PA BRGYUD PA LA SDOD NA DE'I TSE DE NYID LONG BA BRGYUD PAR 'GYUR TE, TSAD MA MED PA'I PHYIR RO, ,DE NYID KYI PHYIR DON MED PA YIN TE, SGRA 'DI'I DON NI 'DI YIN NO ZHES NGES PAR MI BYED BA'I PHYIR RO, ,'ON TE DBANG PO LAS 'DAS PA'I DON MTHONG BA NI, MNGON PAR 'DOD PA'I DON SHES PAR BYED PA YOD DA [*DO] ZHE NA, GAL TE ZHES BYA BA'O, ,DON NI ME LA SBYIN SREG LA SOGS PA LA'O, ,DE LTA YIN NA ZHES BYA BA NI DBANG PO LAS 'DAS PA KHAS LEN NA'O, ,DBANG PO LAS 'DAS PA'I DON MTHONG PA RNAMS PHAN TSUN 'GAL BA 'JUG PAR 'GYUR RO, ,'ON TE RGYAL DPOG PA GCIG PU DBANG PO LAS 'DAS PA MTHONG BA MA YIN GYI, GZHAN GYI MA YIN NO ZHE NA, KHYED LA ZHES SMOS TE BRAM ZE LA'O, ,DES NA DBANG PO LAS 'DAS PA MTHONG BAS NI MNGON PAR 'DOD PA'I DON RIG PAR BYED PA YIN NO ZHES MI 'GRUB PO, ,GANG GI PHYIR DE LTAR DON NGES PA GTAN LA PHEBS PA MED PA DES NA, ME LA SBYIN SREG LA SOGS PA'I DON 'DI YANG 'GA' ZHIG GIS RNAM PA DE LTAR BRTAGS PA YIN NO, ,BRTAGS PA'I DON DE NYID KYIS 'DI KHO NA YIN NO ZHES YID CHES PA MA YIN PA DES NA KHYI SHA LA SOGS PA GZHAN YANG BRTAG PAR BYA BA YIN NO, ,RANG NYID SHES PA'I RTOG PA PO'I SKYES BUS DON DE MI SHES PAR, CI LTAR DON GZHAN DE BRTAG PAR BYA ZHE NA ZHES DRI BA'O, ,LAN NI DE NYID CES BYA BA STE, RTOG PAR BYED PA NYID DO, ,CI LTAR DON GZHAN BRTAG PAR BYA BA LTAR SHES PAR 'GYUR MOD, KHYOD LA DPYAD PAS CI BYA, DON GZHAN RTOG PAR BYED BA'I SKYES BU DE MA DPYAD BAR NGAL

, ,SLU BAR BYED PAS TE, RIG BYED KYI DON MA DPYAD PA RANG LA SLU BAR BYED DO, ,DES NA SLU BAS 'JIGS PAS SEMS SO ZHE NA, 'ON ZHES BYA BA NI LAN NO, ,GAL TE DPYOD BA LA SGRIM BU 'DON NA NYE BAR BSTAN PAS CI BYA ZHES BYA BA'I DON TO, ,'DI SNYAM DU ME LA SOGS PA'I DON NI RANG BZHIN DANG RKYEN GYI RJES SU MTHUN PA DES NA BRTAG PAR 'THAD DO, ,KHYI SHA LA SOGS PA'I DON NI DE GNYIS DANG MTHUN PA MA YIN TE DES DE NI MI RTOG GO ZHES BRJOD PA NI RANG BZHIN DANG ZHES BYA BA'O, ,LAN NI RANG BZHIN DANG ZHES BYA BA'O, ,DE LTAR GYUR NA CI SKYON SNYAM NA, DES NA ZHES BYA BA'O, ,DE YANG NI NYE BAR BSTAN BA'O, ,DOGS PA NI DE LTAR NA ZHES BYA BA STE KHYI SHA LA SOGS PA DON YIN NO, ,LAN NI 'DI LA ZHES BYA BA STE, CHOS SU SGRUB PA LA TSAD MA CI YANG MED DO ZHES SO, ,NYE BAR BSTAN PAS RTOGS PA LA YANG KHYAD PAR 'GA' YANG MED DO ZHES BRJOD PA NI, GZHAN YANG ZHES BYA BA'O, ,DE LTAR NA ZHES BYA BA NI ME LA SBYIN SREG LA SOGS PA'I DON GYIS SO, ,DE BAS NA GRAGS PA NI DNGOS PO'I STOBS KYIS ZHUGS PA MA YIN NO, ,RI BONG CAN NI ZLA BA MA YIN NO ZHES SMRA BA LA, 'JIG RTEN ZLA BA NYID DU BSGRUB PA'I DON DU BRJOD PA NI GAL TE ZHES BYA BA'O, ,GRUB PA'I BRJOD BYA BUM PA ZHES BYA BA LA SOGS PA BZHIN NO, , NYES PA GZHAN YANG BRJOD PA NI, RI BONG CAN ZHES BYA BA'O, ,GRAGS BA THAMS CAD LA BSNYON 'DEBS PA LA DPE MED KYI, 'DOD PA'I SGRA'I BRJOD BYA NYID DU SMRA BA LA NI, MA YIN NO ZHES BYA BA'I DON TO, ,GAL TE KHO NA THUN MONG MA YIN PA MA YIN NAM, GTAN TSIGS GZHAN YANG DE LTAR CI STE 'GYUR ZHE NA, DE LA ZHES SMOS SO, ,'DIS NI ZHES BYA BA NI YOD PA NYID LA SOGS PAS SO, ,GAL TE 'DIS BSGRUB PAR NUS PA MA YIN NA, 'O NA GANG GIS ZHES BYA BA'O, ,ZLA BA NYID MA BSGRUBS NA YANG ZLA BA MA YIN PA NYID KYI GNOD BYED DU CI LTAR 'GYUR ZHE NA, LAN NI SGRA LAS ZHES BYA BA'O, ,GZHAN DAG GZHAN DU YANG THUN MONG MA YIN PA NYID YIN NO ZHES BRJOD PA NI, GAL TE ZHES BYA BA'O, ,CI LTAR RNYED DE MI RNYED PA KHO NA'O ZHES BYA BA'I DON TO, ,CI ZHIG MI RNYED SNYAM NA, GRAGS PA MTHA' DAG CES BYA BA'O, ,'DI NYID ZHES BYA BA NI YOD BA'I PHYIR ZHES BYA BA 'DI'O, ,DE SKAD CES BYA BA NI GANG LA ZHES

BYA BA LA SOGS PA'O, ,CI'I PHYIR ZHE NA, MTSAN NYID PHYIR ZHES BYA BA'O MTSAN NYID NI MA KHYAB PA'I NYES PA DANG BRAL BA BSTAN PAR BYA DGOS NA 'DI NI DA LTAR MA GYUR TO ZHES BYA BA'I DON TO, ,CI LTAR NA 'DI GZHAN DAG GI YANG DAG TU BYAS TE BRJOD SNYAM NA, DE BZHIN ZHES BYA STE RI BONG CAN ZLA BA MA YIN TE MED PA'I PHYIR ZHES BYA BA DE BZHIN DU D'A TRI SHING MA YIN TE ZHES BYA BA LA YANG GNOD PA'I PHYIR GZHAN GYI YANG DBANG DU BYAS NAS DE SKAD BRJOD PA YIN NO, ,DE LTA MA YIN NA MTSAN NYID MA KHYAB PAR 'GYUR RO ZHES BYA BA'I DON TO, ,'ON TE D'A TRI NI SHING MA YIN NO ZHES BYA BA LA YANG SHING GCIG YIN PA'I PHYIR THUN MONG MA YIN PAR 'GYUR RO SNYAM NA, SHAB ZHES BYA BA'O, ,LAN GYI RNAM PA BRJOD BA NI SHING GCIG CES BYA BA'O, ,GAL TE RI BONG CAN ZLA BA MA YIN TE YOD PA'I PHYIR ZHES BYA BA 'DI LA NI RE ZHIG 'DI LAN DU 'GYUR BA KHO NA'O, ,GZHAN LA NI YIN DU RUNG YANG MA YIN RUNG SNYAM NA DANG PO GCIG NYID KYI ZHES BYA BA'O, ,DPE NI RI BONG CAN ZLA BA MA YIN NO ZHES BYA BA'O, ,MTSAN NYID NI GANG LA ZHES BYA BA LA SOGS PA'O, ,GAL TE ZHES BYA BA NAS 'DIR BSHAD PA'I LTAG YAN CHAD NI RTZOD PA'O, ,DE STE ZHES BYA BA NI DOGS PA BSU BA'O, ,CI'I PHYIR ZHE NA, DE LTAR ZHES BYA BA'O,, MI 'JUG PA KHO NA'O ZHE NA, 'DI LTAR ZHES BYA BA'O, ,DE'I PHYIR ZHES BYA BA NI RE RE'I RANG BZHIN YIN PA'I PHYIR RO, ,DPE GCIG GI DBANG DU BYAS NAS KYANG MTSAN NYID BYA BA YIN TE, 'DI LA NI LOG PAR RTOG PA MED MOD KYI 'ON KYANG MA KHYAB BA LA SOGS PA'I NYES PA DANG BRAL BA NYID BYA BA MA YIN NO ZHES BSHAD PA NI, 'DIR BSHAD PA ZHES BYA BA'O, ,'DI NI ZHES BYA BA GANG LA ZHES BYA BA LA SOGS PA'I MTSAN NYID NI MA KHYAB BAR 'GYUR RO, ,CI LTAR ZHE NA, GZHAN GYIS NI BRJOD PAS SO, ,SLOB DPON PHYOGS KYI GLANG PO'I GZHUNG 'CHAD PA GZHAN DAG NI ZLA BA GCIG YIN PA'I PHYIR NA, YOD PA'I PHYIR ZHES BYA BA 'DI THUN MONG MA YIN PAR BRJOD NAS, GRAGS BAS GNOD PAR 'DZER TO, ,DE LTA NA NI RI BONG CAN NI ZLA BA MA YIN NO ZHES BYA BA 'DIR GRAGS PAS BSAL BAR 'GYUR GYI, SHA PA NI SHING MA YIN TE YOD PA'I PHYIR ZHES BYA BA 'DIR NI MA YIN PAR 'GYUR, 'DIR GRAGS PAS

, ,BSAL BA MED DO ZHES NI BRJOD BAR MI NUS SO, ,DES GZHAN GYIS BRJOD PAS NI GZHAN GYIS GRAGS PAS GNOD PA'I MTSAN NYID LA MA KHYAB PA'I NYES BAS NYES PA DANG BCAS PAR 'GYUR RO, ,MA KHYAB PA NYID BRJOD PA NI, 'DI LTAR ZHES BYA BA'O, ,GZHAN GYIS BRJOD BA'I RIGS PA ZLA BA GCIG YIN PA'I PHYIR ZHES BYA BA LAS SO, ,GAL TE RIGS PA 'DI GZHAN LA YANG 'GYUR RO SNYAM NA, SMRAS PA SHING ZHES BYA BA'O ,'ON TE ZHES BYA BA LA SOGS BAS NI 'DI SNYAM DU SHA PA NI SHING MA YIN TE YOD PA'I PHYIR ZHES BYA BA NI GRAGS BAS BSAL BA MA YIN NO, ,'O NA CI ZHE NA, THUN MONG BA NYID KYIS 'DI NI SHING YIN TE, YOD PA'I PHYIR SHING GZHAN BZHIN NO ZHES BYA BA'I RJES SU DPAG PA YOD PA NYID DO, ,DES NA SHING MA YIN NYID NI RJES SU DPAG PA DES GNOD PAR 'GYUR RO SNYAM DU BSAMS PA'O, ,RTZOD PA 'DI BRJOD PA NI, 'DIR YANG ZHES BYA BA STE, SHING MA YIN NO ZHES BYA BA 'BA' ZHIG TU NI MA ZAD DE, RI BONG CAN NI ZLA BA MA YIN TE YOD PA'I PHYIR ZHES BYA BA 'DIR YANG THUN MONG BA NYID KYIS RJES SU DPAG PAS GNOD PA YOD PA YIN NO, ,CI LTAR ZHE NA, GA BUR DANG DNGUL LA SOGS PA LA, ZLA BA'I SGRAS BRJOD PAR BYA BA NYID MTHONG BA'I PHYIR RO, ,DES NA THUN MONG BA NYID KYIS YOD PA ZLA BA MA YIN PA LA GNOD PAR BYED PA MA YIN TE DES NA GRAGS PAS BSAL BAS CI YANG BYAR MED DO ZHES DGONGS PA'O, ,GZHAN YANG ZLA BA'I SGRA'I RJOD PAR BYED PA NYID BRDA LAS 'JUG PA LA THUN MONG MA YIN YANG CI ZHIG YIN NA, GANG GIS YOD PA'I PHYIR ZHES BYA BA'I RJES SU DPAG PA THUN MONG MA YIN PAR 'GYUR, PHYED SNGA MA BSHAD NAS PHYED PHYI MA 'CHAD PA NI, BRDA LAS ZHES BYA BA'O, ,DE LTAR GYUR NA CI SKYON SNYAM NA, DES NA ZHES BYA BA'O, ,ZLA BA'I SGRA THUN MONG MA YIN PA NYID RJES SU DPAG PA THUN MONG MA YIN PA'I RGYU MTSAN DU DOGS BA BSU BA NI, 'ON TE ZHES BYA BA'O, ,ZLA BA'I SGRAS BRJOD PAR BYA BA NYID DE'O, ,DES NI YOD PA NYID NI THUN MONG MA YIN PA NYID KYIS ZLA BA MA YIN PA LA GNOD PAR BYED PA MA YIN NO, ,DES NA GRAGS PA BSAL BA YIN NO ZHES SEMS PA'O, ,GAL TE LA LAR TE RI BONG CAN NYID NI ZLA BA NYID DO, ,ZLA BA LA BSNYON BA DE LA GRUB KYI RDUL LA SOGS PA LA NI MA

YIN NA, DE'I TSE NGES PA'I YUL CAN DNGOS PO PA NYID YIN PA DGAG TU MED DO, ,GRAGS PAS GRUB BA NI MA NGES PA'I YUL CAN YIN PAS NA, RI BONG CAN MA YIN BA DNGUL LA SOGS PA LA YANG 'GYUR RO, ,DES NA GAN GLAS GRAGS PAS GNOD PA'I GO SKABS SU 'GYUR BA THUN MONG MA YIN PA NYID DU CI LTAR 'GYUR TE, 'DI NI BSHAD PAR GSAL LO, ,DZA YANTAS KYANG BSHAD PA GZHAN BYAS PA NI, GAL TE BUM PA LA SOGS PA 'GA' ZHIG LA ZLA BA MA YIN PA NYID DNGOS PO'I STOBS KYIS ZLA BA NYID BSNYON BA DE LA GRUB NA, DE'I TSE ZLA BA NYID DE YANG RI BONG CAN LA DE KHO NA BZHIN 'GRUB PAR 'GYUR RO, , CI'I PHYIR ZHE NA, BUM PA LA SOGS PA LA GRAGS PAS GRUB PA'I ZLA BA MA YIN PA NYID KHAS LEN NA RI BONG CAN LA ZLA BA NYID BZLOG PA MED PA'I PHYIR TE, RIGS BA MTSUNGS PA'I PHYIR RO ZHES SO, ,'GREL BYED PA'I BSHAD PA YANG GZHAN YIN TE, GAL TE DNGUL LA SOGS PA LA LA KHO NA LA ZLA BA NYID GRUB NA, DE'I TSE NGES PA'I YUL CAN DE NI DNGOS PO PA KHO NAR GRUB PA YIN PA, CI LTAR DNGOS PO MA YIN PA'AM, DE DGAG PAR YANG 'GYUR, 'ON TE GRAGS PAS GRUB PA'I PHYIR DNGOS PO MA YIN NA, DE'I TSE GRAGS PAR KHYAD PAR MED PA'I PHYIR RO BONG CAN LA YANG BZLOG TU MED DO ZHES SO, ,DE LTAR 'CHAD PA 'DI GNYI GA YANG SKABS DANG RJES SU MTHUN PA MA YIN NO ZHES CHEN PO RNAMS NYID KYIS DPYAD PAR BYA'O, ,DE DNGOS PO LA ZHES BYA BA NI ZLA BA'I SGRAS BRJOD PAR BYA BA NYID DE'O, ,GRAGS PAS GRUB PA'I DPER ZHES BYA BA NI RI BONG CAN NI ZLA BA MA YIN TE DE YOD PA'I PHYIR ZHES BYA BA CI LTAR 'GYUR, DNGOS PO LA GRUB PA'I ZLA BA NYID KYIS GNOD PA'I PHYIR MI 'GYUR BA KHO NA'O ZHES BYA BA'I DON TO, ,DES NA ZHES BYA BA NI GRAGS PAS GRUB PA NYID KYIS NA'O, ,BZLOG PA MED PA KHO NA'O ZHES BYA BA NI ZLA BA'I SGRAS BRJOD PAR BYA BA NYID DO, ,CI'I PHYIR ZHE NA, 'DI LTAR ZHES BYA BA'O, ,GA PUR LA SOGS PA DE YANG NGO, ,DES NA ZHES BYA BA NI, BZLOG PA MED PA NA'O, ,'DIS NI GRAGS PAS BSAL BA ZHES BYA BA MED PAR 'GYUR RO ZHES GANG BRJOD PA DE GZHUNG BTZUGS PA YIN NO, ,YANG RNAM PA GZHAN GYI SGO NAS GRAGS PAS BSAL BA'I YUL MED DO ZHES

, ,DOGS PA BSU BA NI, 'ON TE ZHES BYA BA'O, ,GA BUR LA SOGS PA LA ZLA BA'I SGRAS BRJOD PAR BYA BA NYID RNAM PA CI LTAR YANG RUNG BAR BRTAGS PA NI MA YIN GYI 'ON KYANG TSIM BAR BYED PA LA SOGS PA'I RGYU MTSAN GYIS YIN NO, ,DES NA ZHES BYA BA NI TSIM PAR BYED PA LA SOGS PA'I RGYU MTSAN GYIS 'JUG PA NA'O, ,GA BUR LA SOGS PA DE'I DPE ZHES BYA BA YOD PAS ZLA BA'I SGRA BSGRUB PA'I DPE MA YIN NO, ,DPE MED PA DES NA THUN MONG MA YIN NO, ,ZLA BA'I SGRAS BRJOD PAR BYA BA NI GA BUR LA SOGS PA LA THUN MONG DU YOD PA MA YIN TE, DES NA YOD PA YANG ZLA BA NYID SGRUB PA'I DON DU BKOD PA THUN MONG MA YIN PA NYID YIN PAS GANG GIS GRAGS PAS BSAL BA'I GO SKABS MED PAR 'GYUR BA CI LTAR ZLA BA MA YIN PA NYID LA GNOD PAR BYED PAR 'GYUR ZHES SEMS PA'O, ,LAN NI DNGOS PO LA NI ZHES BYA BA STE, GAL TE GA PUR LA SOGS PA LA ZLA BA'I SGRAS BRJOD PAR BYA BA NYID RGYU MTSAN GYI DNGOS PO YOD PA LA GRUB PA YIN NA DE'I TSE RI BONG CAN LA'ANG BZLOG PA MED DE RGYU MTSAN YOD PA'I PHYIR RO, ,'ON TE RGYU MTSAN MED PA'I PHYIR ZLOG PA YIN NO ZHE NA, BRJOD PA RGYU MTSAN GYI DNGOS PO DE MED NA RI BONG CAN LA ZLA BA'I SGRAS BRJOD PAR BYA BA NYID BZLOG KYANG, ZLOG PAR BYED PA LA GRAGS PAS BSAL BA'I NYES PA YOD PA MA YIN TE, ME MED PAS DU BA MED PAR STON PA LA NI GRAGS PAS GNOD PA'I NYES PA YOD PA MA YIN NO, ,BZLOG PA MED DO ZHES BYA BA NI ZLA BA'I SGRAS BRJOD PAR BYA BA'O, ,DES NA THUN MONG BA NYID KYIS RJES SU DPAG PAS GNOD PA NYID YIN GYI, GRAGS PAS GNOD PA NI MA YIN NO ZHES BYA BA'I DON TO, ,SKYON YOD PA MA YIN TE ZHES BYA BA NI GRAGS PAS GNOD PA'I MTSAN NYID DO, ,'O NA CI LTAR GRAGS PAS GNOD PA'I MTSAN NYID KYI NYES PAR 'GYUR SNYAM NA, DE PHYIR ZHES GSUNGS SO, ,DNGOS PO LA NGES PA MA YIN PA'I BRDA DANG SGRA DE DAG LAS BYUNG BA'I NGANG TSUL GANG LA YOD PA'I CHOS, ZLA BA'I SGRAS BRJOD PAR BYA BA NYID LA SOGS PA DE RNAMS SU DON RNAMS RUNG BA NYID YIN NO, ,CI'I PHYIR ZHE NA, 'DOD PA YOD NA BKAG PA MED PA'I PHYIR RO, ,DES NA DE LA GNOD NA GRAGS PAS BSAL BA YIN GYI GZHAN DU NI MA YIN NO ZHES BYA BA'I DON TO, ,GAL TE YOD PA'I

RGYU MTSAN NYID LA SGRA 'JUG PA YIN GYI, 'DOD PA TZAM GYIS NI MA YIN NO, ,DES NA DON RNAMS RUNG BA NYID CI LTAR YIN ZHE NA, BRJOD PA NI GAL TE ZHES BYA BA'O, ,GANG LA TSAD MA MED SNYAM NA, SGRA RNAMS ZHES BYA BA NAS BYA BA LA ZHES BYA BA'I BAR GYI DON LA'O, ,GAL TE RGYU MTSAN LA BRTEN NAS RGYU MTSAN CAN LA SGRA 'JUG PA YIN NA, DE'I TSE RGYU MTSAN LA YANG RGYU MTSAN GZHAN LA LTOS NAS SGRA 'JUG PAS NA THUG PA MED DO ZHES SBYAR RO, ,CI'I PHYIR 'DI LA TSAD MA MED SNYAM NA, 'DI LTAR ZHES BYA BA'O, ,GAL TE RIGS LA SOGS PA'I RGYU MTSAN LA LAS RGYU MTSAN LAS SGRA 'JUG PAR SMRA BA DE LA, RGYU MTSAN GZHAN LA MI LTOS PA KHO NAR NGO BO NYID KYIS RJOD PAR BYED PA GRUB NA, DE'I TSE RJOD PA DE NI DNGOS BO'I STOBS NYID LAS RGYU MTSAN DANG LDAN PA'I ZLA BA LA GRUB PA YIN NO ZHES SBYAR RO, ,'ON TE RGYU MTSAN LA RJOD PAR BYED PA GRAGS BA TZAM GYIS GRUB PA YIN GYI, RGYU MTSAN CAN LA NI MA YIN NO SNYAM NA, GRAGS GRUB CES SMOS SO, ,RIGS LA SOGS PA LA RJOD PAR BYED PA GRAGS PAS GRUB PAR KHAS LEN NA RI BONG CAN LA YANG, ZLA BA'I RJOD PAR BYED PA BZLOG PA MED PA'I PHYIR RO, ,SNGAR GYI DGAG PAR PHYUNG BA YIN LA 'DIR MA YIN NO ZHES BYA BA NI KHYAD PAR RO, ,RE ZHIG PHYED PHYI MA 'CHAD PA NI, GRAGS PA TZAM LAS ZHES BYA BA'O, ,'ON TE RGYU MTSAN DANG LDAN PA LA GRAGS PA TZAM GYIS MI 'JUG GIS, 'ON KYANG RGYU MTSAN NYID LA YIN PA DES NA, RI BONG CAN LA'ANG BZLOG MED PHYIR, ,ZHES CI LTAR RJOD SNYAM NA, GANG YANG RUNG BA LA ZHES BYA BA'O, ,DE LA ZHES BYA BA NI DE LTAR RNAM PAR GNAS PA NA'O, ,CI'I PHYIR ZHE NA, RGYU MTSAN LA YANG ZHES BYA BA STE, RGYU MTSAN DANG LDAN PA 'BA' ZHIG TU NI MA ZAD PA'O, ,PHYED PHYI MA BSHAD NAS PHYED SNGA MA BSHAD PA'I PHYIR DOGS PA BSU BA NI 'ON TE ZHES BYA BA'O, ,DE LA NI RGYU MTSAN LA'O GZHAN DU YANG ZHES BYA BA NI LAN TE, RGYU MTSAN CAN LA LA YANG NGO, ,'ON TE ZHES BYA BA NI GZHAN LA DE DANG NI RIGS PA LA SOGS PA DANG NGO, ,SGRA 'BREL BA YOD PAS LAN NI 'DI ZHES BYA BA'O, ,CI'I PHYIR ZHE NA, SGRA NI ZHES BYA BA'O, ,GZHAN LA NI RGYU MTSAN LA'O, ,RNAM PA GZHAN DU ZHES BYA BA DON DAM PAR 'BREL BA NYID KYIS 'JUG NA'O, ,GZHAN GYIS

, ,SMRAS PA DON DAM PAR 'BREL PA NYID DU RGYU MTSAN LA SGRA 'JUG BZHIN PAR MTHONG BA DES NA 'JUG GO ZHES BRJOD PA YIN NO ZHE NA, LAN DU DON DAM PAR 'BREL BA NYID KYIS 'JUG BZHIN PAR NI MTHONG BA MED DO, ,CI'I PHYIR ZHE NA, 'DOD BA TZAM GYIS ZHES BYA BA'O, ,'ON TE 'DOD PA TZAM ZHUGS PA NI RGYU MTSAN LA ZHUGS PA LAS GZHAN YIN TE, DES NA RNAM PAR DBYE BA YOD DO ZHE NA, RJOD PAR 'DOD PA TZAM GYIS ZHUGS PA'I SGRA DANG GZHAN RGYU MTSAN GYIS RAB TU SBYAR BA LA KHYAD PAR MTHONG BA NI MED DO, ,'DOD PA ZHES BYA BA NI 'DI SNYAM DU 'DOD PAS ZHUGS PA DANG GZHAN LA RANG GI NGO BOS NI KHYAD PAR YOD PA MA YIN GYI 'ON KYANG 'DOD PA YOD PA DANG MED PA DAG GIS KHYAD PAR DU GYUR PA YIN LA, 'DOD PA DE MA DMIGS PA YANG MED PA YIN TE KHYAD PAR YIN NO ZHE NA, LAN NI MA DMIGS PA ZHES BYA BA'O, ,'DAS PA'I 'DOD PA GZHAN GYI RGYUD LA YOD PA RTAGS LAS RANG YOD PA'I DUS NAM RTOGS PA LA YANG NGO, ,YANG GI SGRAS NI ME DPA 'BA' ZHIG LA YIN PAR NI MA ZAD PA'O, ,GAL TE YOD NA CI LTAR 'O NA 'DOD PA'I GNOD BYED MA YIN ZHE NA, BRJOD PA MA DMIGS PA NI ZHES BYA BA'O, ,'JIG RTEN THAMS CAD KYI 'DOD PA LA NI GNOD PA MA YIN NO, ,'DI GA LAS SHE NA, DA LTAR ZHES BYA BA'O, ,GANG GI PHYIR YUL DANG DUS DANG RANG BZHIN GYIS MA BSKAL PA KHO NA LA MI DMIGS PA GNOD PAR BYED PA YIN GYI, GZHAN LA NI MA YIN TE, DES NA 'DOD PA THAMS CAD KYIS GNOD PA BYED PA NI MA YIN TE, DMIGS PA'I MTSAN NYID KYIS GYUR PA MA YIN PA'I PHYIR RO, , GANG GI PHYIR DE LTAR THAMS CAD KYI 'DOD PA MED PA MA YIN PA DE'I PHYIR RO, ,'DIR ZHES BYA BA NI ZLA BA LA SOGS PA'I SGRA LA'O, ,DE'I STE RGAN PO 'DAS NAS YUN RING DU LON PA'I NYE BAR BSTAN PAS SO, ,DE'I TSE 'GAL BA CI YOD DE CI YANG MED DO ZHES BYA BA'I DON TO, ,CI LTAR RGYU MTSAN LA 'JUG PA DE BZHIN DU RGYU CAN LA YANG SGRA 'JUG PA YIN NO ZHES BRJOD PA DE BSGRUBS NAS MJUG SDUD PA NI, DES NA ZHES BYA BA'O, ,DES NA SGRA RNAMS NI 'DOD PA LA REG PAS 'JUG PA NYID DO ZHES GNAS SO, ,DE LTAR SGRA RGYU MTSAN GYIS RAB TU SBYAR BAR SMRA BA RNAMS BSAL NAS, SGRA RDZAS KYIS RAB TU SBYAR BAR

SMRA BA RNAMS BSAL BA'I PHYIR NYE BAR 'GOD PA NI GZHAN DAG CES BYA BA'O, ,CI SMRA ZHE NA SNGAR ZHES BYA BA NAS 'DI LA TSAD MA 'GA' YANG MED DO ZHES BYA BA'I MTHAR THUG PA'O, ,CI'I PHYIR DE LTAR MI 'JUG SNYAM NA, RIM GYIS ZHES BYA BA'O, ,DES NA RGYU MTSAN CAN NYID LA SGRA 'JUG GI RGYU MTSAN LA MA YIN ZHING, DA'I SGO NAS RGYU MTSAN CAN LA 'JUG PA YANG MA YIN NO, ,DES NA THUG PA MED PA MA YIN NO ZHES BYA BA'I DON TO, ,DE NYID SGRA RGYU MTSAN CAN GYIS RAB TU SBYAR BAR SMRA BA'I DOGS PA BSU BA NI, 'ON TE ZHES BYA BA'O, ,RGYU MTSAN 'GA' ZHIG LA YANG SGRA 'JUG PAR MTHONG NGO, ,RGYU MTSAN DE GANG ZHE NA, DNGOS PO NYID DANG ZHES BYA BA'O, ,LAN NI DNGOS PO ZHE'AM BA LANG ZHES BYA BA'I SGRA NI RGYU MTSAN LA MTHONG BA MA YIN NO, ,CI'I PHYIR ZHE NA, DNGOS PO NYID LA SOGS PA'I SGRA DE NI'O, ,GAL TE YANG DNGOS PO NYID LA SOGS PA'I SGRA RGYU MTSAN LA MTHONG BA DE LTA NA YANG DNGOS BO DANG BA LANG GI SGRAS DANG PO RGYU MTSAN BRJOD NAS, RGYU MTSAN DANG LDAN PA LA 'JUG PA NI MA YIN NO ZHES BYA BA'I DON TO, ,CI LTAR DE SGRA GZHAN YIN ZHE NA, GANG ZHIG CES BYA BA'O, ,DNGOS PO LA SOGS PA'I SGRA NI DNGOS PO NYID LA SOGS PA LA RAB TU SBYAR BA MA YIN NO ZHES BSAMS PA'O, ,'DI GA LAS SNYAM NA, BRJOD BYA ZHES BYA BA'O, ,DNGOS PO NYID LA SOGS PA'I SGRA DAG DE LTAR SGRA GZHAN YIN MOD, DE LTA NA YANG CI LTAR RGYU MTSAN LA 'JUG PA MA YIN ZHE NA, RJES SU 'GRO BA DANG ZHES BYA BA'O, ,CI'I PHYIR ZHE NA, DNGOS PO'I RKYEN DANG ZHES BYA BA'O, ,SGRA RGYU MTSAN GYIS RAB TU SBYAR BAR SMRA BA DAG GIS BRGAL BA NI CI STE ZHES BYA BA LA SOGS PA'O, ,'O NA CI LTAR NA RGYU MTSAN RJOD PAR BYED PA YIN ZHE NA, GANG GI TSE ZHES BYA BA'O, ,DE NYID CES BYA BA NI RGYU MTSAN GYI MTSAN NYID DO, ,CI LTAR DES DE GSAL SNYAM NA, DNGOS PO'I ZHES SMRAS SO, ,SGRA RDZAS KYIS RAB TU SBYAR BAS SMRA BA DAG GIS LAN BTAB PA NI, DE NI MA YIN TE ZHES BYA BA'O, ,RDZAS LA 'JUG PA'I SGRA LA'O, ,DE'I KHYAD PAR NI RDZAS KYI KHYAD PAR RO, ,'DI YANG KHAS BLANGS NAS BRJOD PAR ZAD DO ZHES SMRAS PA NI, RANG BZHIN DANG ZHES BYA BA'O, ,DES NA SGRA THAMS CAD NI RDZAS LA 'JUG PA KHO NA'O ZHES YID LA

, ,MNOS PA'O, ,YANG SGRA RDZAS KYIS RAB TU SBYAR BA SMRA BA GZHAN 'GOD PA NI, GZHAN DAG NI ZHES BYA BA'O, ,NYID LA ZHES BYA BA NI RGYU MTSAN LA MA YIN PA'O, ,'O NA CI LTAR NA RIGS MI MTHUN PA LAS RNAM PAR GCOD PAR BYED PA YIN ZHE NA, RGYU MTSAN NI ZHES BYA BA'O, ,SNGA MA NI SGRA LAS MA RTOGS PA'I RGYU MTSAN NYID RNAM PAR GCOD PAR BYED PA YIN NO ZHES BRJOD PA YIN NA, 'DI NI MA BRJOD PAR ZAD KYI RNAM PAR GCOD PAR BYED PA MA RTOGS PA NI MA YIN NO ZHES BRJOD PA'O ZHES BYA BA NI 'DI NYID KYI KHYAD PAR RO, ,DA NI GRUB PA'I MTHA' GSUNGS PA NI, DE NI ZHES BYA BA STE, LUGS GNYI GA YANG NGO; ,GAL TE RGYU MTSAN 'GA' ZHIG LA SGRA STE 'JUG PAR GRUB NA, DE'I TSE RGYU MTSAN DANG LDAN PA LA YANG, 'JUG PA DE NI DNGOS STOBS LAS GRUB PA YIN GYI GZHAN DU NI MA YIN TE, RGYU MTSAN MA BRJOD PA NI, DES RNAM PAR GCOD PA RTOGS PA MA YIN NO, ,'ON TE RGYU MTSAN NI SGRA LAS RTOGS PA KHO NAR ZAD KYI BRJOD PAR BYA BA NI MA YIN NO ZHE NA, GAL TE RTOGS PAS GRUB PAR KHAS LEN PA NA RGYU MTSAN BRJOD PAR BYA BA NYID MA YIN NA, DE'I TSE BRJOD PAR BYA BA MA YIN PA NYID NI RI BONG CAN LA'ANG BZLOG MED PHYIR RO, ,RIGS PA MTSUNGS PA'I PHYIR RO, ,'CHAD PA NI GAL TE ZHES BYA BA'O, ,RGYU MTSAN MA RTOGS NA NI RGYU MTSAN DANG LDAN PA LA YANG SGRA 'JUG PA MA YIN NO ZHES BRJOD PA NI, SGRA ZHES BYA BA'O, ,KHYAD PAR CAN RTOGS PA NI KHYAD PAR RTOGS PAR MED PAR MI 'GYUR BA'I PHYIR DE MED NA CI LTAR SRID, SRID NA YANG RGYU MTSAN BRJOD BYA MA YIN PAR CI LTAR 'GYUR ZHES SMRA BA NI, GAL TE ZHES BYA BA'O, , GAL TE RGYU MTSAN GYIS RNAM PAR GCAD PA SGRA LAS RTOGS NA, DE'I TSE RGYU MTSAN DE YANG BLO LA GNAS PAS CI LTAR BRJOD PAR BYA BA MA YIN TE YIN PA KHO NA'O, ,'DI GA LAS SHE NA, RGYU MTSAN CAN ZHES BYA BA STE RDZAS LA'O, ,DE ZHES BYA BA NI SGRAS RTOGS PA'O, ,DES NA RGYU MTSAN YANG BRJOD PAR BYA BA NYID DO ZHES DGONGS PA'O, ,DES NA SGRA RNAMS NI RDZAS LA 'JUG PA NYID MA YIN NO, ,'ON KYANG ZHES BYA BA NI GAL TE YANG SGRAS RGYU MTSAN DANG RGYU MTSAN CAN GNYI GA RTOGS PA DE LTA NA YANG RGYU MTSAN DANG LDAN PA'I RDZAS NYID GTZO BOR RTOGS PA YIN TE, 'JIG RTEN NI DE DON DU GNYER GYI DAR BA

LA SOGS PA NI MA YIN PA'I PHYIR RO, ,GAL TE YON TAN BRJOD BYA MA YIN NA, 'O NA CI LTAR RTOGS SNYAM NA, MED NA MI 'BYUNG BA NYID KYIS ZHES GSUNGS SO, ,'O NA NI GANG GIS DE NYID NI GTZO BO MA YIN NA, GANG GIS DE NYID RTOGS PAR 'GYUR, CI'I PHYIR ZHE NA, GTZO BO PHAL PA ZHES SMOS SO, ,GANG GIS ZHES BYA BA RGYU MTSAN NAM RDZAS KYI DBANG DU BYAS PA'O, ,DE NYID NI RGYU MTSAN NAM RDZAS NYID DO, ,DE'I DON CAN NI NAD MED PAR BYED PA'I DON DU'O, ,DE'I DON DU NI LTO LA NGAN GYI DON DU'O, ,'O NA GANG GI TSE RDZAS GTZOR BOR RTOGS PAR BYED CE NA, GANG GI TSE ZHES BYA BA'O, ,GNYI GA YANG ZHES BYA BA NI RDZAS DANG YON TAN TSOGS PA'O, , GAL TE DA LTAR SGRA RNAM BA GNYI GA LTAR YANG 'JUG NA 'O NA CI LTAR 'DOD PA TZAM GYIS 'JUG PA YIN SNYAM NA, DE LA ZHES BYA BA'O, ,'DIS NA GRAGS PA TZAM NI SGRA TZAM GYI RGYU MTSAN MA YIN NO ZHES GANG BRJOD PA DE BSAL BA YIN NO, ,GZHAN DAG BRJOD PAR BYA BA MA YIN YANG RNAM PAR GCOD PAR BYED PA NYID DU 'GYUR RO ZHES BRJOD PA NI, CI STE YANG ZHES BYA BA NAS, RNAM PAR GCOD PAR BYED PA YIN NO ZHE NA ZHES BYA BA'I BAR RO, ,DE ZHES BYA BA NI RGYU MTSAN NO, ,CI LTAR BRJOD PAR BYA BA MA YIN ZHE NA DPER NA ZHES BYA BA'O, ,BYA ROG DE NGES PA MED PA'I PHYIR YANG KHYIM GYI TSIG GIS BRJOD PAR BYA BA MA YIN NO ZHES BRJOD PA NI CI LTAR ZHES BYA BA'O, ,DE MED KYANG ZHES BYA BA NI BYA ROG MED KYANG NGO, ,GTAN TSIGS DES NA BYA ROG DE NI BLANG BAR BYA BA MA YIN TE KHYIM GYI SGRAS BRJOD PA NYID KYIS 'DZIN PA MA YIN NO, ,MI LA SOGS PA STON PAR BYED PA NI BLANG BAR BYA BA MA YIN NO ZHES 'BREL TO; ,BRAM ZE LA SOGS PA'I SGRA NI MI LA SOGS PA BRJOD PA'I DON DU NYE BAR LEN PA MA YIN TE, DE DAG NI BRAM ZE LA SOGS PA RJOD PAR BYED PA YIN PA'I PHYIR RO, ,NYE BAR MTSON PAR BYED PA NYID DU KHAS BLANGS NAS RJOD PAR BYED PA MA YIN PA NYID DU BRJOD PA MA YIN GYI NYE BAR MTSON PAR BYED PA NYID DU MI RIGS PA'I PHYIR YANG BRJOD PAR BYA BA MA YIN PA NYID DO ZHES BRJOD PA NI, BYA ROG GIS ZHES BYA BA'O, ,DE NI KHANG BZANGS SO, ,CI'I PHYIR ZHE NA, DE NI ZHES BYA BA STE BYA ROG DE NI'O, ,'O NA DE GANG GI NYE BAR MTSON BYED YIN SNYAM NA, RTOG PA MNGON DU ZHES BYA BA'O, ,DE LTA MA

, ,YIN NA ZHES BYA BA NI LHA GANG GI RGYU MTSAN MED NA'O, ,DES NA BYA ROG BRJOD BYA MA YIN PA DE BZHIN DU RGYU MTSAN YANG YIN NO ZHES GNAS SO, ,GAL TE BYA ROG KHYIM GYI SGRA'I BRJOD BYA MA YIN NA, 'O NA CI LTAR ZHES 'DRI BA'O, ,LAN NI MNGON SUM GYIS ZHES BYA BA'O, ,DE NYID KYIS ZHES BYA BA NI MNGON SUM GYIS GRUB PA NYID KYIS SO, ,'DI NI BYA ROG GO, ,BYA ROG BZHIN DU RIGS LA SOGS PA YANG GZHAN BRJOD PAS STON PA YIN NO ZHE NA, RIGS LA SOGS PA ZHES BYA BA'O, ,DE'I PHYIR RIGS LA SOGS PA BRJOD PAR BYA BA MA YIN PA YANG DE DANG RIGS MI MTHUN PA LAS RNAM PAR GCOD PAR BYED PA 'GYUR BA YIN NO ZHE NA, 'DI LA LAN BRJOD PA NI, RGYU MTSAN GANG ZHIG LOGS SU RTOGS PAR 'GYUR BA DE NI BRJOD PAR BYA BA MA YIN YANG RNAM PAR GCOD PAR BYED PAR 'GYUR BA ZHES BYA BA DE LA NI LOG PAR RTOGS PA MED PA KHO NA STE BYA ROG BZHIN NO ZHES BLTA BAR BYA'O, ,BA LANG LA SOGS PA'I RGYU MTSAN GANG ZHIG SGRA DE NYID LAS RTOGS KYI, SGRA GZHAN LAS NI MA YIN PA'I RGYU MTSAN DE NI BRJOD PAR BYA BA NYID DO, ,CI'I PHYIR ZHE NA, SGRAS ZHES BYA BA LA SOGS PA'O, ,DE LTAR PHYED SNGA MA BSHAD NAS PHYED PHYI MA BSHAD PA'I DON DU DOGS PA BSU BA NI DE LA ZHES BYA BA'O, ,RGYU MTSAN DANG LDAN PA KHO NA BRJOD PAR BYA BA YIN NO ZHES BYA BA'I DON TO, ,LAN NI RTOGS PA ZHES BYA BA'O, ,GAL TE SGRA LAS RTOGS PAR GRUB KYI, DE'I BRJOD PAR BYA BA NYID MA YIN NO, ,DE'I TSE BRJOD PAR BYA BA MA YIN PA NYID RGYU MTSAN DANG LDAN PA RI BONG CAN LA'ANG BZLOG PA MED PA NYID DO, ,'DI NYID GSAL BAR BYED PA NI, RGYU MTSAN BZHIN DU ZHES BYA BA'O, ,GNYI GA YANG BRJOD PAR BYA BA MA YIN PA NYID DU THAL BAR 'GYUR RO ZHES BYA BA'I DON TO, ,'ON TE SGRA LAS RTOGS PA NYID KYIS RGYU MTSAN DANG LDAN PA BRJOD PAR BYA BA YIN NO ZHE NA, RTOGS PA NYID LAS RGYU MTSAN DANG LDAN PA'I BRJOD PAR BYA BA NYID DU KHAS LEN PA YIN NA NI, RGYU MTSAN LA YANG BRJOD PAR BYA BA NYID MTSUNGS SO, ,DE BAS NA RGYU MTSAN DANG LDAN PA NYID LA NI SGRA 'JUG PA MA YIN NO ZHES GNAS SO, ,YANG RNAM PA GZHAN GYIS SGRA LAS RTOGS PA YANG BRJOD PAR BYA BA MA YIN NO ZHES STON PA NI, GAL TE ZHES BYA BA'O, ,LAN NI SNOD

RTOGS PA NI MA YIN TE'O, ,CI'I PHYIR ZHE NA, SNOD DE'O, ,CI'I PHYIR MI RTOGS SHE NA, RANG GIS ZHES BYA BA'O, ,DE'I PHYIR ZHES BYA BA'O, ,BRJOD PAR BYA BA MA YIN PA NI RGYU MTSAN NO, ,MA RTOGS PAS MTSON NA HA CANG THAL BAR 'GYUR RO ZHES BRJOD PA NI, MTSON PAR GYUR BAS NI ZHES BYA BA'O, ,NYE BAR MTSON PA'I PHYIR ZHES BYA BA NI RGYU MTSAN NO, ,PHYOGS NI DUS PHYIS SO, ,DES RNAM PAR BCAD PA NI RGYU MTSAN GYIS RNAM PAR BCAD PA NYID KYI RIGS MTHUN PA LA'O, ,LAN NI DE LTA NA'O NA ZHES BYA BA'O, ,GAL TE SHIN TU GOMS PA LAS RGYU MTSAN RTOGS PA MED BZHIN DU SGRA 'JUG NA, DE LTA NA 'O NA ZHES BYA BA'O, ,YANG ZHES BYA BA NI ME LA SOGS PA 'BA' ZHIG LA YIN PAR MA ZAD PA'O, ,CI'I PHYIR ZHE NA, BYA ROG BZHIN DU ZHES BYA BA'O, ,KHYI SHA DE LA ME LA SBYIN SREG LA SOGS PA'I SGRA'I RGYU MTSAN ZHUGS PA'I PHYIR RO, ,DPER NA BYA ROG BYI SHA LA ZHUGS PA DE BZHIN DU ME LA SBYIN SREG LA SOGS PA'I SGRA'I RGYU MTSAN YANG YIN NO, ,DES NA ME LA SBYIN SREG LA SOGS PA'I SGRA NI, RGYU MTSAN YOD PAS NA DE RTOGS PA MED KYANG SHIN TU GOMS PA LAS 'JUG PAR BYA BA YIN NO, ,'ON TE RGYU MTSAN DAG NI NGES PA LA 'JUG PA DAG YIN NO, ,DES NA NYES PA 'DI MED DO ZHE NA, DE LTA MA YIN NA ZHES BYA BA'O, ,DES NA SGRA 'JUG PA'I RGYU MTSAN NI YUL NGES PA CAN MA YIN NO, ,DE NYID KYI PHYIR KHYI SHA LA YANG DANG PO RGYU MTSAN YOD PAS, DUS PHYIS SHIN TU GOMS PA LAS RGYU MTSAN RTOGS PA MED KYANG ME LA SBYIN SREG LA SOGS BA'I SGRA 'JUG PA MI BZLOG PA KHO NA'O ZHES DGONGS PA'O, , DOGS PA NI DE NI ZHES BYA BA STE, BA LANG GI SGRA NI DON DGU PO DAG LA'O, ,LAN NI KHYI SHA LA YANG ZHES BYA BA'O, ,SKABS KYI MJUG SDUD PA NI, DE'I PHYIR ZHES BYA BA'O, ,NYES PA DANG LDAN PA MI BZLOG PA CI'I PHYIR ZHE NA, RTOGS PAR BYA BA THAMS CAD LA'O, ,CI LTAR BZLOG PA MED SNYAM NA, RUNG BA NYID CES BYA BA'O, ,RUNG BA NYID DE 'GOG PA'I SPYOD PA LA RJES SU DPAG PA GANG LA RUNG BA NYID KYIS YUL YOD PA GRAGS PA ZHES BYA BA DES GNOD DO ZHES SBYAR RO, ,CI LTA BU ZHIG GIS SHE NA, 'DOD PA TZAM DANG 'BREL PAS NA BRDA 'GOG BA MED PA DE LAS SKYES PA'O, ,CI LTAR GNOD PAR BYED PA

, ,YIN ZHE NA, BRDA RJES 'JUG PA'I SGRA RNAMS LA NI GANG GI PHYIR DON NGES PA YOD PA MA YIN TE, DES NA BRJOD PAR BYA BA GCIG KHO NA YOD DGOS SO ZHES BYA BA'I NGES PA GA LA YOD, 'ON TE KHYI SHA ZA BAR RTOGS PA NI GRAGS PAS GNOD PA DES NA, DE 'GOG GI ZHE NA, 'DIS NI ZHES BYA BA STE, SGRA RNAMS DON NGES PA YOD PA MA YIN PAR BSTAN PA 'DIS NI, SPYOD PA PA DE RNAMS KHYI SHA ZA BAR RTOG PA DER, KHYI SHA ZA BAR RTOG PA NI GRAGS PAS BSAL PA YIN NO ZHES 'GOG PA 'GAL BA YIN NO, ,GAL TE 'DI GRAGS PAS GNOD PA YIN NA, RIG BYED SKYES BUS MA BYAS PA, ,ZHES BYA BA YANG GRAGS PAS GNOD PAR 'GYUR TE, RIG BYED NI SKYES BUS BYAS PA NYID DU GRAGS PA'I PHYIR RO, ,'CHAD PA NI GANG ZHIG CES BYA BA STE DPYOD PA'O, ,DE LA NI DPYOD PA PA LA'O, ,CI LTAR 'DI LA GNOD SNYAM NA, ,'DI LTAR ZHES BYA BA LA SOGS PA'O, ,'DIS NI ZHES BYA BA RNAM PAR 'GREL PA NI, DE LA ZHES BYA BA STE, SGRA RNAMS DON NGES PA MED PAR BSTAN PA NA'O, ,BRGAL ZHING BRTAG PA'I RNAM PA BRJOD PA NI RIG BYED CES BYA BA'O, ,CI LTAR GRAGS PAS GNOD SNYAM NA, GANG GI PHYIR ZHES BYA BA'O, ,'ON TE ZHES BYA BA NI GZHAN NO, ,BSGRUBS PA LAS GZHAN PA'I DON MTHONG BA YOD DAM ZHE NA, 'DI LTAR ZHES BYA BA'O, ,MA YIN TE ZHES BYA BA NI LAN NO, ,'DIR ZHES BYA BA NI RKANG PAR GYIS SHIG CES BYA BA LA SOGS PA LA GZHAN DU ZHES BYA BA BSGRUBS PA MI SRID PA'I PHYIR DE LTAR LEGS PAR BYAS PA'I YUL CAN DU RTOGS PA YIN NO, ,'ON TE DE LTAR MA YIN TE, LEGS PAR BYAS PA MED NA, SGRA TSAD MAR MED PA'I PHYIR LOG PAR BYAS PA'I DON DU RTOGS PA YIN NO ZHE NA, LAN NI LUNG THAMS CAD CES BYA BA'O, ,CI'I PHYIR ZHE NA, DER TE TSAD MAR BA RTAG PA'I RGYU MTSAN DE LTA MA YIN NA TSAD MAR MI 'GYUR RO ZHES BYA BA YOD PA'I PHYIR RO, ,GANG GI PHYIR DE LTAR SGRA RNAMS LA DON NGES PA YOD PA MA YIN PA DE NYID KYI PHYIR NA, BDE BAR GSHEGS PA PA DPYOD PA PA DES NI GNOD PA MED PAR BSTAN PA YIN ZHES 'BREL TO, ,CI ZHIG BYED PA LA MI GNOD CE NA, RGYU MTSAN CAN GYI SGRA YI DON, ,GAL TE LA LAR DE GRUB NA, ,ZHES BYA BA LA SOGS PAS 'GOG PA LA'AM, YANG NA SGRA RNAMS KYI DON DAM PA

LA 'BREL PA'I MTSAN NYID 'GOG PA LA'O, ,GNOD PA MED PAR RO, ,'CHAD PA NI RGYU MTSAN LAS ZHES BYA BA'O, ,GAL TE SANGS RGYAS PA BRJOD NA DE'I TSE DE LA GRAGS PAS GNOD PA'I SKYON MED DO, ,GAL TE DON DAM PAR 'BREL PA'I STOBS KYIS DON STON PAR BYED PA'I SGRA 'GA' YANG MED DO ZHES BRJOD NA, YANG DE'I TSE SANGS RGYAS PA DE LA GNOD PA MED PA KHO NA'O, ,'O NA GANG LA GNOD SNYAM NA, DPYOD PA PA LA ZHES BYA BA'O, ,GANG GI PHYIR DE LTAR SANGS RGYAS BA LA GNOD PA MED PA DES NA, KHYI SHA ZA BAR RTOG PA GRAGS PAS GNOD PA YIN PAR DPYOD PA PAS BRJOD PA NI RIGS PA MA YIN NO ZHES SBYAR RO; ,DE LTAR GRAGS PAS GNOD PA'I MTSAN NYID RNAM PA GNYIS BSHAD NAS, MJUG BSDU BA'I SGO NAS LOGS SU BRJOD PA'I DGOS PA BRJOD PA NI, DES NA ZHES BYA BA'O, ,CI LTAR BSTAN BCOS DANG RANG GI TSIG RJES SU DPAG PA LAS PHYIR ROL TU GYUR PA MA YIN YANG, YUL GYI DBYE BA BSTAN PA'I DON DU LOGS SU BYAS PA DE BZHIN DU GRAGS PA YANG YIN NO, ,DE LTA MA YIN NA NI 'DI YANG NGES PA'I YUL CAN DU RTOGS PAR 'GYUR RO ZHES BYA BA'I DON TO, ,GAL TE RJES SU DPAG PA BZHIN DU KHAS MA BLANGS PAR YANG GNOD PAR BYED PA YIN NAM ZHE NA, DAM BCAS PA'I ZHES SMOS SO, ,PHYIN CI LOG GI DNGOS PO'I RANG BZHIN NO, ,GNYIS NI DAM BCAS PA DANG BZLOG PA DAG TSAD MA MA YIN PA NYID DU STOBS MTSUNGS PA'I PHYIR RO, ,'O NA GANG GIS GNOD PAR BYED PA YIN ZHE NA, 'ON KYANG ZHES BYA BA'O, ,GAL TE BDAG BSTAN BCOS TSAD MAR KHAS BLANGS PA DES GNOD PA MA YIN LA BRDA LAS BYUNG BA'I RUNG BA NYID KYIS GNOD PAR BYANG GRAGS PAS BSAL BA YIN NO ZHES LOGS SU BYAS PA'I DOGS PA YIN NO ZHES CI LTAR RTOGS ZHES DOGS NA, GRUB PA ZHES GSUNGS TE, BSHAD ZIN PA'I TSUL DU GRUB PA LUNG DANG GRAGS PAS GNOD PA DAG THA DAD PAR BSHAD PA LA YUL GYI DBYE BA BSTAN PA'I MTSAN NYID KYI DGOS PA BSTAN PA'I PHYIR NA LUNG DANG GRAGS PAS GNOD PA RGYU DANG BCAS PAR RAB TU BRJOD DO, ,DAM BCAS PA TZAM GYIS ZHES BYA BA DANG, SGRA LAS BYUNG BA'I GRAGS PAS ZHES BYA PAR RO, ,MNGON SUM DANG RJES SU DPAG PAS GNOD PA LA NI RGYU DANG BCAS PAR

, ,GSUNGS PA MA YIN NO, ,DE LA NI TSAD MA KUN LA BTUS PAR RO, ,CI LTAR 'DI'I DGONGS PA 'DI KHO NA YIN ZHE NA, GSUNG BA LA MKHAS PA NI MI SRID DO ZHES 'BREL TO, ,CI LTAR 'GYUR BA MI SRID SNYAM NA, DGOS PA DE DANG BRAL TE MED PA STE, DE LA THUGS GZHOL BA GANG YIN PA DANG; ,YONGS SU RGYAS PA LAS GZHAN MA RGYAS PA'I DGOS PA CAN GANG YIN PA DE GSUNG MI SRID DO ZHES TSIG SBYAR RO, ,GSUNG BA LA MKHAS PA ZHES BYA BA NI NGAG DANG YID KYI NYES PA DANG BRAL BA ZHES BYA BA'I DON TO, ,CI LTAR NA 'DI 'DI 'DRA BA'I YON TAN DANG LDAN PA YIN ZHE NA, 'DI LTAR ZHES BYA BA'O,, 'BIGS BYED KYI NANG NA GNAS PA NI GDUG PA CAN NO, ,DE MI BZAD PA'I MUN PA CHEN PO YIN TE, GDUL BYA RNAMS LA DON PHYIN CI MA LOG PAR GSAL BAR BYED PA MA YIN PA'I PHYIR RO, ,DE'I RGYA CHEN PO NI RGOD PA YIN TE, DE 'JOMS PA'I THUGS SLOB DPON GANG LA MNGA' BA'O, ,NYI MA NI 'BIGS BYED KYI NANG NA GNAS PA'I MUN PA CHEN PO DE'I RGYA CHE BA GANG YIN PA 'JOMS PA MA YIN TE, DES NA SLOB DPON NI SNGON MED PA'I NYI MA YIN NO, ,DGE LEGS KYI RI NI THAR PA'I LAM 'PHAGS PA'I BDEN PA BZHI'O, ,RANG DANG GZHAN GYI DON PHUN SUM TSOGS PA NI DE LAS 'CHAD PA'I PHYIR DANG, KHYAB 'JUG DANG, DBANG PHYUG DANG, TSANGS PA LA SOGS PAS BSKUL PAR MI NUS PA'I PHYIR RO, ,DGE LEGS KYI RI GANG YIN PA LA SHIN TU MTHON PA YANG YIN PAS NA RI MTHON TE, 'PHAGS PA'I BDEN PA BZHI LAS GZHAN PA'I THAR PA'I LAM NI YOD PA MA YIN NO ZHES BYA BA'I DON TO, ,DER GSUNG GI 'OD ZER GYI TSOGS CHEN RTAG TU BYIN [*PHYIN] CI MA LOG PAR 'GYED PAR MDZAD PA DE LA DE SKAD CES BYA'O, ,NYI MA NI SHAR GYI RI TZAM LA 'OD KYI TSOGS 'GYED PA YIN GYI, SLOB DPON NI SHIN TU MTHO BA'I DGE LEGS KYI RIL 'OD ZER GYI TSOGS CHEN PO 'GYED PA YIN NO, ,DES NA SNGA NA MED PA'I NYI MA YIN NO; ,NYI MA NI LAM BRAL ZHES BYA BA BYA RNAMS KYI LAM NAM MKHA' GANG YIN PA DER 'GRO LA, SLOB DPON NI DAM PA'I LAM LA GNAS PA'I PHYIR LAM DANG BRAL BA PHYIN CI LOG GI LAM DU MI GSHEGS SO, ,SLOB DPON NI GZHAN MU STEGS PAS THOGS PA MED DE BZLOG TU MED KYI, NYI MA NI SPRIN LA

SOGS PA GZHAN GYIS THOGS PA YOD PA YIN NO, ,NUB RI NI NUB KYI RI LTA BU YANG DAG PAR RDZOGS PA'I SANGS RGYAS TE, NYES PA THAMS CAD NUB PA'I PHYIR DANG, NYES PA'I RLUNG GIS MI BSGUL BA'I PHYIR RO, ,DER 'OD ZER GYIS NI LAG BA BZHAG PA NI BCAS PA'O, ,SDUG BSNGAL DANG SDUG BSNGAL GYI RGYU LAS BSGRAL BAR 'DOD PA'I MTSAN NYID KYI THUGS RJE'I NI 'OD ZER TE, PHYIN CI MA LOG PA'I DON STON PA'I RGYU YIN PA'I PHYIR RO, ,DE NYID LAG PA YIN TE DE NYID KYIS RDZOGS PA'I BYANG CHUB TU 'DZIN PA'I PHYIR RO, ,DE'I RTZOM PA RDZOGS PA'I BYANG CHUB KYI 'BRAS BUS 'BRAS BU DANG BRAL BA GANG YIN PA NYAN THOS KYI BYANG CHUB MNGON DU BYED PA'I MTSAN NYID DER 'GYUR BA NI SLOB DPON SRID PA MA YIN TE, 'JAM DPAL RANG NYID KYIS DE SKAD CIG NYID LA NYAN THOS KYI BYANG CHUB MNGON DU BYED BA LAS BZLOG PA'I PHYIR RO, ,NYI MA NI RIM GYIS NUB KYI RI BO'I THAD DU PHYIN TE, NUB KYI RGYA MTSO CHEN POR BDAG NYID PHYIN PAR RTOGS NAS BDAG 'DIR LHUNG DU 'ONG NGO SNYAM DU SNYING PHYUNG BAS NUB KYI RI BO LA BRTEN NAS GNAS PA'I DON DU 'OD ZER STONG DER BZHAG PAR GYUR TO, ,DES NA NUB KYI RIL 'OD ZER GYI LAG PA BZHAG PA GANG YIN PA DE DAG GI RTZOM PA NI 'BRAS BU MED PAR 'GYUR TE, NUB KYI RI LA RTEN MA BCAS NAS RGYA MTSO CHEN POR LHUNG BA'I PHYIR RO ZHES MU STEGS PA'I LUNG LAS MA GHAS GSAL BAR BYAS SO, ,DES NA DE LTAR SRID PA YIN NO, ,DE'I PHYIR SLOB DPON NI SNGON MED PA'I NYI MA YIN PA'I PHYIR SNGAR BSHAD PA'I YON TAN DANG LDAN PAR NGES PA YIN NO, ,BRJOD MA THAG PA'I YON TAN GZHAN DAG LA NI SRID PA MA YIN NO, ,DE'I PHYIR ZHES BYA BA NI SKABS KYI MJUG SDUD PA'O, ,CI LTAR 'DI GNYIS TSAD MA MA YIN PA'I PHYIR NA GNOD BYED YIN SNYAM NA, LHAG MA NI ZHES SMOS SO, ,DE LA KHAS BLANGS 'BRAS RTAGS DANG, ,ZHES BYA BA LA SOGS PAS BSHAD ZIN TO, ,YANG NA GAL TE RANG GI TSIG DANG GRAGS PA DAG MNGON SUM DANG RJES SU DPAG PA LAS YUL LA BRTEN NAS THA DAD PA YIN NA, DE LTA YANG RANG GI TSIG DANG BSTAN BCOS DANG 'GAL BA GNYIS GO CI LTAR THA DAD SNYAM NA, LHAG MA NI ZHES BYA BA'O, ,NGAG GCIG LA RANG GI TSIG DANG 'GAL BA DANG, NGAG THA DAD PA LA NI BSTAN

, ,BCOS DANG 'GAL BA YIN NO ZHES YUL GYI DBYE BA BYAS PA YIN NO, ,DE LTAR BRJOD PAR BYA BA MANG BAS GO RIMS LAS BRGAL TE, RANG GI TSIG DANG GRAGS PAS GNOD PA BSHAD NAS, MNGON SUM GYIS GNOD PA BRJOD PA NI, MNGON SUM GYIS ZHES BYA BA'O, ,NGO BO NYID GANG ZHIG GNYIS MED PAR SNANG BAR GYUR PA DE NYID YOD NA MNGON SUM GYIS GNOD PA YIN NO ZHES 'BREL TO, ,CI LTAR GNYIS MED PAR ZHE NA, SNA TSOGS SU NI ZHES BYA BA'O, ,BRJOD PAR BYA BA DE YANG GANG YIN ZHE NA, DER YANG ZHES BYA BA'O, ,DES NA GSAL BYED KYIS CI SKAD DU SGRA MNYAN PAR BYA BA MA YIN NO ZHES BYA BAS NI DBANG PO DANG SGRA DAG NI 'BREL BA DAG GI 'BREL PA 'GOG PA MIN LA, DE YANG MNGON SUM GYIS MA YIN TE, DBANG PO LAS 'DAS PA'I PHYIR RO DES NA 'DI MNGON SUM GYIS BSAL BA'I DPE CI LTAR YIN ZHES BRJOD PA DES BSAL BA YIN NO, ,'BREL BA 'GOG PAR KHAS MI LEN PA'I PHYIR RO, ,'O NA CI ZHIG GO SNYAM NA, 'O NA ZHE NA ZHES BYA BAS STON TO, ,CI LTAR GNYIS MED SNYAM NA, SNA TSOGS SU SNANG BA'I ZHES SMOS SO, ,CI LTAR NYAMS SU MA MYONG ZHE NA, RIGS ZHES GSUNGS SO, ,'DI YANG ZHES BYA BA NI MNGON SUM MA YIN PA SPONG BA LA GNOD PAR MI 'GYUR RO ZHES BYA BA NI, DES NA SPYI'I CHOS RNAMS NI, , ZHES BYA BA LA SOGS PAS STON PAR 'GYUR RO, ,CI LTAR DON 'DI SLOB DPON PHYOGS KYI GLANG PO'I GZHUNG LAS RNYED SNYAM NA DE DON ZHES BYA BA GNYIS SU MED PAR BSTAN PA'I DON DU, MNGON SUM DON DANG RJES DPAG DANG, ,ZHES BYA BA'I GZHUNG 'DIR DON BSHAD PA YIN NO, ,DE NYID CES BYA BA NI MNGON SUM LA SNANG BA NYID DO, ,LDOG PA BRJOD PA NI SPYI LA SOGS PA NI ZHES BYA BA'O, ,CI'I PHYIR ZHE NA, MNGON SUM LA ZHES BYA BA BYA BA'I SPYI LA SOGS BA MNGON SUM LA SNANG BAR NUS PA NI MA YIN TE, KHA DOG DANG DBYIBS DANG YI GE'I RNAM PAS STONG BA'I PHYIR RO, ,GAL TE DE LTA NA YANG DE MNGON SUM YIN PAS DE SPONG BA NI MNGON SUM GYIS GNOD PA YIN NO ZHE NA, GANG LA ZHES BYA BA STE, SHES PA GANG LA RIGS LA SOGS PA SNANG BA DE NI MNGON SUM YIN NO, ,YANG NA GZHAL BYA GANG LA SNANG BA DE RTOGS PA MED PA DE NI MNGON SUM GYI GZHAL BYA MA YIN NO, ,RIGS LA SOGS PA SPONG BA NI MNGON SUM GYIS GNOD PA MA YIN

TE, RIGS LA SOGS PA MED DO ZHES DAM BCA' BA YANG DAG PA KHO NA YIN NO ZHES BYA BA'I DON TO, ,NGO BO NYID CES BYA BA NI MNGON SUM LA SNANG BA NYID DO, ,DES NA ZHES BYA BA NI DBANG PO'I SPYOD YUL MA YIN PAS NA'O, ,RANG BZHIN GNYIS BA LTAR ZHES BYA BA NI, MCHOD PA'I DON GYI 'BYUNG PO'I MGUL CHINGS LTAR RO, ,GAL TE ZHES BYA BA LA SOGS PAS NI GZHAN DAG SPYI MA DMIGS PA MA NGES BA NYID DU STON PAR BYED DO, ,'DI'I DON NI 'DI YIN TE, GAL TE SPYI MED NA 'GAR YANG SPYI'I THA SNYAD MED BAR 'GYUR TE, RIGS MTHUN PAR 'DOD PA'I GSAL BA RNAMS KYANG PHAN TSUN MI 'DRA BA'I PHYIR RO ZHES BYA BA'O,, MI 'DRA BA DES NA RIGS MTHUN PA DANG MI MTHUN PA DANG 'BREL PA'I THA SNYAD 'DI DAG NI RIGS MTHUN PA'O 'DI DAG RIGS MI MTHUN PA ZHES BYA BA'I THA SNYAD DU CI LTAR 'GYUR TE, BA LANG MA YIN PA LAS LDOG PA YANG GCIG PAR 'THAD BA MA YIN NO ZHES BRJOD PA NI, CI LTAR ZHES BYA BA STE DPER NA BA LANG MA YIN PA LAS LDOG PA'I KHRA BO DANG SER KHRA DAG BZHIN DU BA LANG DANG RTA DAG LA YANG GZHAN LAS LDOG PA YOD PA YIN NO, ,DE LTA YIN DANG CI LTAR BA RTA RNAMS SDE TSAN GCIG TU BYED BA DE BZHIN DU BA LANG DANG RTA DAG KYANG 'GYUR RO, ,'DIS NI KHRA BO DANG RTA DAG SER SKYA LAS THA DAD PAR MTSUNGS PAR BSTAN TO, ,BA RTA RIGS MI MTHUN GZHAN LAS ZHES BYA BA NI, MNGON PAR 'DOD PA'I KHRA BO LAS GZHAN SER SKYA GANG YIN PA DE LAS BA LANG NYID LDOG PA MTHONG BA YIN LA, NGANG PA DANG MI 'DRA BA'I RTA GZHAN LAS LDOG PAR MTHONG BA YIN NO, ,DES NA RIGS MTHUN PA'I THA SNYAD DU CI LTAR 'GYUR, GANG GI PHYIR DE LTA YIN PA DES NA, RIGS LA MI LTOS PA'I LDOG PA TZAM GYIS NI, 'CHOL BA MED PAR MI 'GRUB STE 'ON KYANG 'TSOL BA KHO NA'O, ,DON 'DI YIN TE, BA LANG MA YIN PA LAS LDOG PA'I DBANG GIS BA LANG RNAMS NGANG PA LA SOGS PA'I GSAL BA DANG MA 'CHOL PAR BRJOD PA YIN NA DE YANG MI 'GRUB STE, RIGS MTHUN PA'I GSAL BA RNAMS KYANG PHAN TSUN RIGS MI 'DRA BAS LDOG PAR SRID PA'I PHYIR DANG, RIGS MTHUN PA DANG RIGS MI MTHUN PA'I GSAL BA RNAMS KYANG GZHAN LAS LDOG BAR SRID BA'I PHYIR RO, ,'O NA CI LTAR THA SNYAD 'CHOL BAR BYED PAR 'GYUR SNYAM NA DNGOS PO'I

, ,ZHES SMOS SO, ,DE DON GNYER NI THA SNYAD DON DU GNYER BAS SO, ,SPYI NYID CI LTAR MI 'CHOL SNYAM NA, RANG GI NGO BOS ZHES BYA BA'O, ,DE'I PHYIR SPYI RANG BZHIN GNYIS PA LTAR SPYI MI SNANG BA'I PHYIR RO ZHES BYA BA NI MI 'THAD DO ZHE NA, DE NI DE LTAR MA YIN TE ZHES BYA BA'O, ,GAL TE RES 'GA' SPYI LA SOGS PA RANG GI NGO BOS RTOGS PA YIN NA, DE'I TSE RANG GI NGO BOS RTOGS PA LA, 'CHOL BAR THAL, MED PA NYID YIN NA, 'ON KYANG 'DI NYID MI 'THAD DO, ,RANG GI NGO BOS MA RTOGS PA'I PHYIR RO, ,'DIS NI SNANG BA MI DMIGS PA MA DES PA NYID MA YIN NO ZHES BSTAN PA YIN NO, ,MI SNANG BA'I SPYI NYID THA SNYAD MA 'CHOL BAR BYED PA'I RGYU YIN NO ZHE NA, RANG GI NGO BOS ZHES BYA BA'O, ,GANG DU BA LANG LA SOGS PA'I DON RNAM PAR DBYE BAS NGES PAR BYAR MED PA MUN PAR MTHONG BA RNAMS LA YANG MA 'CHOL BAR RTOGS PAR 'GYUR RO ZHES BYA BA NI THAL BA'O, ,DE LTA YIN MOD CI SKYON SNYAM NA, SPYI NI ZHES BYA BA'O, , MUN PAR GNAS PAS GSAL BA'I RANG BZHIN MA RTOGS PA'O, ,DES NA SPYI RNAM PAR PHYE BAS GSAL BAR BYED PA MA YIN NO, ,DES NA ZHES BYA BA SPYI LAS RNAM PAR PHYE NAS RTOGS PA MED PAS NA'O, ,'CHAD PA NI JI SRID CES BYA BA'O, ,PHAN TSUN ZHES BYA BA NI, KHRA BO'I 'DI NI BA LANG YIN NO ZHES BYA BA 'DIR NI SPYI KHYAD PAR YIN LA, BA LANG RNAMS KYI BA LANG NYID CES BYA BA 'DIR NI, SPYI KHYAD PAR NYID YIN NO, ,GAL TE THAMS CAD KYI TSE SPYI KHYAD PAR NYID YIN NA DE'I TSE GONG BU RGYANG RING PO NA 'DUG KYANG, THAMS CAD KYI TSE 'DIR NI BA LANG NGO SNYAM PA'I RTOGS PA SKYED PAR 'GYUR RO ZHES STON PA NI, DUS THAMS CAD DU ZHES BYA BA'O, ,KHYAD PAR NYID YIN NA ZHES BYA BA NI RANG GI RNAM PA'I RJES SU BYED PA'I BLO'I RGYU YIN NA'O, ,CI STE MI RTOGS ZHES BYA BA NI, GSAL BA CI STE MI NGES, 'ON TE KHYAD PAR YIN YANG GSAL BA'I YUL LA THE TSOM ZA ZLOG PAR BYED PA MA YIN NO ZHES DOGS PA BSU NAS BRJOD PA NI, GANG ZHIG CES BYA BA'O, ,THAG RING PO NAS SPYI MTHONG BA NA YANG 'DI NI NGANG PA'I GSAL BA DANG MI MTHUN BA BA LANG GI GSAL BA YIN NO ZHES RTOGS PAR 'GYUR GYI THE TSOM ZA BAR NI MI 'GYUR RO, ,RGYANG RING PO NA NI DE MA BZUNG BA YIN NO ZHES KYANG BRJOD PAR MI BYA STE, SPYI MED PAR

THAL BA'I PHYIR RO, ,RNAM PAR GCOD PAR BYED PA NYID YIN YANG, THE TSOM ZLOG PAR BYED PA CI LTAR YIN ZHE NA, RNAM PAR GCOD PAR ZHES BYA BA'O, ,SPYI LA SOGS PAR NI DE LTA MA YIN NO, ,CI LTAR ZHE NA, 'DI LTAR ZHES BYA BA'O, ,YOD PA'I DON GYI BDAG NYID NI, ,RANG GI NGO BO LAS MI LDOG ,CES BYA BA LA, ,DON GYI BDAG NYID SPYI NI RANG GI NGO BO LAS MI LDOG STE, RIGS MTHUN BA DANG MI MTHUN PA'I GSAL BA THA DAD PA'I PHYIR RO, ,RANG BZHIN YOD PA MIN PA NI, ,ZHES BYA BA NI, KHYAB PA MA YIN PA NYID KYIS DER YOD PA MA YIN PA'O, ,YANG NA DE LTA NA YANG THE TSOM LDOG PAR CI LTAR 'GYUR SNYAM NA, GANG ZHIG RNAM PAR GCOD PAR BYED PA ZHES SMOS SO, ,SPYI LA SOGS PA NI RNAM PAR GCOD PAR BYED PA MA YIN NO, ,CI LTAR RNAM PAR GCOD PAR BYED PA MA YIN ZHE NA, 'DI LTAR ZHES BYA BA'O, ,GZHAN YOD PA ZHIG SPYIS LDOG PAR BYED DAM, YANG NA MED PA ZHIG DE LA GAL TE YOD PA YIN NA, DE'I TSE SPYI YOD KYANG DON GYI BDAG NYID RANG GI NGO BO LDOG PA MA YIN TE, DES NA GANG GIS THE TSOM ZLOG PAR NUS PAR 'GYUR PA CI LTAR SPYI RNAM PAR GCOD PAR BYED PA YIN, 'ON TE MED PA YIN NA DE'I TSE RANG GI YOD PA MIN NA YANG ZHES BYA BA LA SOGS PA'O, ,DES NA MI NUS PA DANG MI DGOS PAS NA DON GYI BDAG NYID NI SPYI LA SOGS PA'I STOBS KYIS LDOG PA MA YIN NO, ,'ON TE GZHAN LAS YOD PA KHYAD PAR GYI STOBS KYIS LDOG PAR BYED DE DES NA KHYAD PAR NI RNAM PAR GCOD PAR BYED PA KHO NA YIN NO SNYAM NAS, KHYAD PAR STONG PHRAG CIS BYA BA'O, ,SNGA MA NI GZHAN LA YOD PA'O, ,RANG GI NGO BO NI GZHAN DU MI 'GYUR PA'I PHYIR RO ZHES BYA BAR DGONGS PA'O, ,GAL TE PHAN TSUN BRTEN PA'I NYES PAS SPYI MI NGES NA, 'O NA CI LTAR DE NGES SHE NA, GSAL BA ZHES BYA BA'O, ,GAL TE DE LTAR DE SPYI NGES PA YIN NA, 'O NA SPYI GANG YIN SNYAM NA, SPYI NI ZHES BYA BA'O, ,DE YANG ZHES BYA BA NI LKOG SHAL LA SOGS PA'O, ,GZHAN GYIS NA ZHES SMRAS TE, LKOG SHAL LA SOGS PA RNAMS NANG NGO, ,LAN NI SPYI SMRA BA LA YANG ZHES BYA BA'O, ,KHRA BO LA SOGS PA'I GSAL BA PHAN TSUN THA DAD PA DAG GIS CI LTAR SPYI MNGON PAR GSAL BA BYED PA YIN, DOGS PA BSU BA NI, MI 'DRA BA NYID KYIS ZHES BYA BA STE, GSAL BA

, ,THA DAD PA DAG KHO NAS SPYI MNGON PAR GSAL BAR BYED DO ZHE NA, RTA ZHES BYA BA NI GRUB PA'I MTHA'O, ,GZHAN GYIS SMRAS PA NGANG PA LA SOGS PA DE DAG LA BA LANG GI SPYI MNGON PAR GSAL BAR BYED PA'I NUS PA MED PA'I PHYIR RO ZHE NA, LAN NI 'DI DAG CES BYA BA STE, KHRA BO LA SOGS PA RNAMS PHAN TSUN MI 'DRA NA, CI LTAR SPYI MNGON PAR GSAL BAR NUS PA YOD PA YIN, DNGOS PO'I RANG BZHIN ZHES BYA BA NI GZHAN GYI'O, ,LAN NI RKANG PA ZHES BYA BA'O, ,DE LTA MA YIN NA ZHES BYA BA RKANG PA BRKYANG BA TZAM SKYABS YIN NA'O, ,RTZOD PA BYED PA KHYOD KYIS BRJOD PAR MI BYA'O, ,RJOD PA NI RNAM PA SMRAS PA NI, SPYI MED NA ZHES BYA BA'O, ,CI STE BRJOD PAR MI BYA SNYAM NA, 'DIR YANG ZHES SMOS TE, LKOG SHAL LA SOGS PAR RO, ,'ON TE 'CHOL BA'I PHYIR 'DI SPYI MA YIN NO ZHE NA, LKOG SHAL LA SOGS PA'I ZHES BYA BA'O, ,'O NA CI LTAR NA BRAM ZE LA SOGS PA LA THA SNYAD SO SOR NGES SHE NA, BRAM ZE ZHES BYA BA'O, ,'ON TE BRAM ZE NYID MED NA SPYOD PA BZANG PO DANG LDAN PAR MI 'GYUR RO SNYAM NA, CHANG ZHES BYA BA'O, ,SGRE BO'I BRDA TZAM ZHIG YIN TE CHANG MI 'THUNG BA LA SOGS PAS KUN TU SPYOD PA BZANG PA TZAM ZHIG SKABS YIN NO ZHES 'GREL PAR KHA CIG 'CHAD DO, ,YANG NA CHANG MI 'THUNG BA LA SOGS PAS NI KUN TU SPYOD PA BZANG BA TZAM ZHIG 'JUG PAR ZAD KYI, BRAM ZE NYID LA SOGS PA'I SPYI NI MA YIN NO ZHES KHONG NAS 'BYUNG NGO, ,GZHAN NI MA YIN NO ZHES BYA BA NI PHA ROL GYIS BRTAGS PA'I SPYI NI SPYI RNAM PAR DBYE BA'I RGYU MA YIN NO, ,DON NI 'DI YIN TE, BA LANG NYID NI NGANG BA LA SOGS PA'I GSAL BA LAS RNAM PAR PHYE NAS KHRA BO NYID LA SOGS PA LA GNAS PA YIN NO ZHES BYA BA'I NGES PA GANG YIN BA DE NI, GSAL BA RNAMS LDOG PA'I RGYU MTSAN CAN NYID YIN NO, ,GAL TE SPYI GZHAN DANG LDAN PAS, MNGON PAR MI 'DOD PA'I GSAL BA RNAM PAR GCAD NAS 'JUG PA YIN NA NI, DE'I TSE THUG PA MED PAR 'GYUR RO, ,DE BAS NA GSAL BA RNAMS LA LDOG PA'I RANG BZHIN 'DOD PAR BYA DGOS LA, DE LTA NA YANG SPYI DON MED PA YIN NO, ,GAL TE BRAM ZE LA SOGS PA MED NA BRAM ZE BSAD PA LA SOGS PA'I RNAM BAR GZHAG BA MED PAR 'GYUR BA ZHIG NA YOD PA YANG YIN TE, DES NA BRAM ZE NYID LA SOGS PA'I SPYI NI YOD PA YIN NO, ,DES NA DE MED DO

ZHES BYA BA NI RTOGS PAS GNOD PA YIN NO ZHE NA, GZHAN YANG ZHES BYA BA LA SOGS BA'O, ,BRAM ZE BSAD PAS SDIG PA DANG SBYIN PA LA SOGS PAS BSOD NAMS ZHES GO RIMS CI LTA BAR RO, ,BRAM ZE LA SOGS PAS NI MI GUS PA LA SOGS PA BZUNG LA GNYIS PA LA NI NI GUS PA LA SOGS PA GZUNG NGO, ,BSTAN BCOS NYID LAS ZHES NGES PAR BZUNG BAS NI, TSAD MA RNAM PAR GCOD PA YIN NO, ,TSAD MA SPYI DPYAD PA NI DON MED PAR 'GYUR RO, ,DES NA ZHES BYA BA NI, BSHAD ZIN BA'I GTAN TSIGS KYIS NA'O, ,DE YOD PA LA ZHES BYA BA NI SPYI YOD PA LA'O, ,SLOB DPON PHYOGS KYI GLANG PO LA 'DI CI LTAR RTOGS PAR BYA ZHE NA, 'DI NI ZHES BYA BA'O, ,CI'I PHYIR ZHE NA, DE DAG CES BYA BA STE, SPYI'I CHOS RNAMS SO, ,'O NA RJES SU DPAG PAS GNOD PAR 'GYUR RO ZHE NA, RJES SU ZHES BYA BA'O, ,SPYI LA GNOD PAR BYED PA NI, RJES SU DPAG BAS GNOD PAR BYAD PA MA YIN TE DE MED PA'I PHYIR RO ZHES SPYI'I RJES SU DPAG PA SUN 'BYIN PA'I SKABS SU BSTAN PA YIN NO, ,GZHAN GYIS GAL TE ZHES SMRAS SO, ,RANG BZHIN DE ZHES BYA BA NI RANG GI MTSAN NYID GNOD NA SKYON YIN GYI SPYI GNOD NA MA YIN PA'O ZHES BYA BA 'DI GAL TE BSTAN BAR 'DOD PA YIN NA DE'I TSE SGRA RANG GI MTSAN NYID CES BYA BA'O, ,DON 'DI YIN TE, GAL TE SGRA MNYAN PAR BYA BA MA YIN NO ZHES BYA BA 'DIS 'BREL PA 'GOG PAR MI 'DOD KYI 'ON KYANG RANG GI MTSAN NYID 'GOG PA NYID YIN NA, DE'I TSE SGRA RANG GI MTSAN NYID MED DO ZHES BYA BA NYID BRJOD MOD CES BYA BA'O, ,DE LA PHAN PA'I MTHA' CAN ZHES BYA BA NI MNYAN BYA BA'I SGRA AAN GYI MTHA' CAN DANG NGO, ,'BREL PA'I RGYU MTSAN CAN ZHES BYA BA NI, GZUNG BA DANG 'DZIN PA'I MTSAN NYID KYI 'BREL PA 'JUG PA'I RGYU MTSAN GANG LA YOD PA'O, ,DE NYID KYI PHYIR NYAN PAS GZUNG BA ZHES BYA BA'I DON 'DI NYID LA MNYAN PAR BYA BA ZHES BYAS PA YIN NO, ,DE LTAR BRJOD NA NYES PA CI YOD SNYAM NA, DE LTAR ZHES BYA BA STE, 'BREL PA'I RGYU MTSAN CAN GYI SGRA SBYAR BA NI'O, ,'BREL PAR BZLOG PAR 'GYUR MOD, CI SKYON SNYAM NA, DE YANG ZHES BYA BA STE, 'BREL BA YANG NGO, ,RJES SU 'GRO BA DANG LDOG PA NYID LAS ZHES BYA BA 'DIS NI, RJES SU DPAG PA TSAD MAR BRJOD PA YIN NO, ,GAL TE GZUNG BA DANG 'DZIN PA'I 'BREL PAR

, ,MA GYUR NA, DE'I TSE DBANG PO DANG DON DAG GZUNG BA DANG 'DZIN PAR MI 'GYUR RO, ,GZUNG BA DANG 'DZIN PAR NI 'GYUR BA'ANG YIN TE, DES NA DE DAG LA 'BREL BA YOD PA MIN NO, ,DES NA RJES SU DPAG PAS GRUB PA YIN PA'I PHYIR SGRA MNYAN PAR BYA BA MA YIN NO ZHES DAM BCAS PA NI, RJES SU DPAG PAS GNOD PA YIN GYI MNGON SUM GYIS BSAL BA NI MA YIN PA'I PHYIR DE LTAR JI LTAR NA 'DI MNGON SUM GYIS GNOD PAR BRJOD, BSAM PA 'DI NYID KYI BRJOD PA NI, DE CI LTAR ZHES BYA BA'O, ,'DI NI RJES SU DPAG BAS GNOD PA'I DPER BRJOD PAR 'GYUR PA YIN NO ZHES BYA BA'I DON TO, ,GRUB PA'I MTHA' SMRA BAS BRJOD PA NI, SGRA 'DIS KYANG ZHES BYA BA STE MNYAN BYA'I SGRAS KYANG NGO, ,MNGON PAR BSAMS PA'I ZHES BYA BA NI 'BREL PA LAS GZHAN RANG GI MTSAN NYID DO, ,BRJOD PAR BYED PA RANG GI MTSAN NYID KYIS SO, ,SGRA RANG GI MTSAN NYID MED DO ZHES BYA BAR DAM BCAS PAR 'GYUR RO ZHES BYA BA'I DON TO, ,RNA KUN ZHES BYA BA NI MNYAN BYA'I SGRA'AM RANG GI MTSAN NYID KYI SGRAS KYANG RUNG STE, SGRA RANG GI MTSAN NYID BRJOD PAR BYA BA MA YIN PA'I PHYIR RO, ,MNYAN BYA'I SGRAS DBANG PO'I SPYOD YUL BRJOD DO, ,GAL TE GNYI GAS KYANG DNGOS PO'I RANG BZHIN MI BRJOD NA, DE'I TSE GNYIS LAS GANG YANG RUNG BA ZHIG GIS BRJOD DO COG 'DI LA 'CHOL PAR BYA BA MA YIN NO, ,GZHAN YANG DBANG PO'I SPYOD YUL MNYAN BYA'I SGRAS BRJOD PA NA, DGOS PA YANG YOD DO ZHES BRJOD PA NI, GRUB PA ZHES BYA BAS TE, GNOD PAR BYED PA SGRA'I MTSAN NYID TSAD MAS GRUB PA DE LA SGRA MED PAR DAM 'CHA' LA LTOS NAS BRTEN PA'I PHYIR RO, ,CI'I PHYIR ZHE NA, TSAD MAS GRUB BA'I GNOD PAR BYED PA MED PA DE'I STOBS KYIS GNOD PA'I PHYIR RO, ,DES NA MNYAN BYA'I SGRAS DBANG PO'I SPYOD YUL BSHAD PA YIN NO, ,'CHAD PA NI SGRA RANG GI MTSAN NYID KYI ZHES BYA BA'O, ,RANG GI MTSAN NYID DER RO, ,GAL TE SNGO PHA SANGS NYID LA SOGS PA YANG, RANG GI MTSAN NYID MA YIN NAM, DE CI LTAR MNYAN BYA'I SGRAS BSDUS SHE NA, DE LTA NA NI 'O NA ZHES BYA BA'O, ,GAL TE DBANG POS GZUNG BAR BYA BA YIN YANG CI LTAR RANG GI MTSAN NYID YIN ZHE NA, RANG GI MTSAN NYID KYI MTSAN NYID NI ZHES BYA BA'O, ,GAL TE DBANG POS GZUNG BA NYID NI RANG GI MTSAN NYID KHO NA MA YIN TE, SPYI YANG DBANG POS

GZUNG BA'I PHYIR RO ZHE NA, DBANG PO'I ZHES GSUNGS SO, ,DBANG PO'I GZUNG BAR BYA BA NYID LAS ZHES BYA BA NI GTAN TSIGS KYI LNGA PA STE, DBANG POS GZUNG BAR BYA BA YIN PA'I GTAN TSIGS KYIS NA, RANG GI MTSAN NYID LAS GZHAN PA'I SPYI YANG GRUB PA NI MA YIN NO, ,RANG GI MTSAN NYID KHO NA DBANG POS GZUNG PAR BYA BA NYID DU GRUB KYI, SPYI NI MA YIN NO ZHES BYA BA'I DON TO, ,'DI YAN CHAD KYIS NI, RNAM KUN BRJOD BYA'I DNGOS MIN PHYIR, ,ZHES BYA BA SHAD PA YIN NO, ,TSAD MAS ZHES BYA BA LA SOGS PAS NI, GRUB PA DE LA BRTEN PA'I PHYIR, ,ZHES BYA BA LA SOGS PA BSHAD PA'I DON DU RMONG 'BRE [*'BREL?] BA'O, ,DES NA SNGA MAS NI DOGS PA MED PAR YANG MNYAN BYA'I SGRA 'JUG PAR BSTAN PA YIN LA, DA LTA NA MNYAN BYA'I SGRA'I DGOS PA 'CHAD PA YIN NO, ,DGOS PA'I TSUL BRJOD PA NI, TSAD MAS GRUB PA NYID DU ZHES BYA BA'O, ,TSAD MAS GRUB PA'I MNYAN BYA NYID KYIS MNYAN BYA MA YIN PA LA GNOD KYI, GZHAN DU NI MA YIN NO ZHES BSTAN PA'I DON DU TSAD MA 'PHEN PAR BYED PA MNYAN BYA'I SGRA SBYAR PA YIN NO ZHES BYA BA'I DON TO, ,GANG GIS 'DI 'DI'I DOGS PAR 'GYUR BAR, CI LTAR NA TSAD MAS GRUB PA'I GNOD PAR BYED PA BSTAN PA YIN SNYAM NA TSAD MAS ZHES BYA BA'O, ,MNYAN BAR BYA BA NYID KYIS TSAD MAS GRUB PA NYID KYIS GNOD PAR BYED PAR 'GYUR BA YIN NO ZHES BYA BA'I DON TO, ,GAL TE DON NYID KYIS DON LA GNOD PA YIN TE, DPER NA MES KHA BA LA GNOD PA BZHIN NO, ,TSAD MAS NI MA YIN NO, ,DES NA CI LTAR TSAD MAS GRUB BA'I MNYAN BYA NYID NYE BAR STON PAR BYED CE NA, DE YI STOBS KYIS GNOD PA'I PHYIR, ,ZHES BYA BA RNAMS PAR 'GREL PA NI DE'I ZHES BYA BA'O, ,TSAD MA'I STOBS NYID KYIS MNYAN BYA NYID KYIS MNYAN BYA MA YIN PA LA GNOD PA'I PHYIR RO, ,'DI GA LAS SHE NA TSAD MAS ZHES BYA BA'O, ,DON NI MNYAN BYA'O, ,GZHAN NI MNYAN BYA MA YIN PA'O, ,GAL TE BUM PA DANG SNAM BU BZHIN DU MNYAN BYA DANG MNYAN BYA MA YIN PA DAG KYANG GNOD PAR BYA BA DANG GNOD PAR BYED PA MA YIN NO ZHE NA, DE NI ZHES BYA BA STE, TSAD MAS GRUB PA'I DON MNYAN BYA NYID NI'O, ,GZHAN MNYAN BYA MA YIN PA MED PAR RO, ,CI LTAR ZHE NA, 'GAL BAR ZHES BYA BA'O, ,GAL TE GNOD BYED DU RTOGS KYANG GNOD BYE DA MA YIN PA MA YIN NAM, RANG GI NGO BO 'JOMS PAR BYED PA NYID GNOD BYED

, ,YIN PA'I PHYIR RO ZHE NA, DE MED PAR ZHES BYA BA'O, ,'JOMS BYA 'JOMS BYED KYI DNGOS PO NI MA YIN NO ZHES BYA BA NI, YUL 'PHROG BA'I MTSAN NYID DO, ,DE PA NA ZHES BYA BA NI GNOD BYED YIN PAS NA'O, ,TSAD MA YIN NO ZHES BYA BA NI SGRA RANG GI MTSAN NYID 'DZIN PA'I SHES PA'O, ,GAL TE DON GNYIS KHO NA GNOD BYA GNOD BYED KYI DNGOS POR BSTAN PA MA YIN NAM, MNYAN BYA'I SGRAS TSAD MAS GRUB PA NYID BSTAN PAS CI BYA ZHE NA, BRJOD ZIN PA NYID MJUG BSDU BA'I SGO NAS GSAL 'DEBS PA NI YAN LAG DANG BCAS PA ZHES BYA BA'O, ,GNOD PAR BYED PAR MNYAN PAR BYA BA NYID KYI TSAD MA DANG TSAD MAS GRUB PA NYID KYIS YIN TE, GNOD PAR BYED PA YAN LAG DANG BCAS PA BSTAN PA NI DGOS PA YIN NO, ,GAL TE YAN LAG DANG BCAS PA BSTAN PA LA YANG DGOS PA CI YOD SNYAM NA, BSAL BAR ZHES BYA BA'O, ,NI ZHES BYA BA NI GANG PHYIR GYI DON TO, ,'DI TZAM GYIS NI, MNGON SUM GYIS BSAL BA'I PHYOGS RNAM PAR PHYE PA YIN NO,, ,,RJES SU DPAG PAS BSAL PA 'CHAD PA NI RJES SU DPAG PAS BSAL BA LA YANG, GAL TE SLOB DPON GYIS GO BSAM BSHAD PA DE LTA NA YANG BRJOD PAR BYA BA NI YOD PA NYID DO ZHES 'BREL TO, ,RJES SU DPAG PAS BSAL PA'I YUL GYI PHYOGS DE GANG YIN ZHE NA, BUM PA RTAG NA ZHES BYA BA STE, DPER BRJOD PA 'DI NI GRANGS CAN GYI BSAL BAS YIN NO, ,RTAG PA NYID DU KHAS LEN PA'I SA BON BRJOD PA NI, GANG GIS SNANG BA MI DMIGS PA MED PA'I DE KHO NA MTSON PA MED PA'I GRANGS CAN, BUM PA LA SOGS PA'I DNGOS PO YOD BA NYID DE, 'JIM GONG LA SOGS PA LA GNAS PA NYID MNGON PAR GSAL BAR MTHONG NAS SO, ,CI LTAR RJES SU DPAG PAS GNOD PA YIN SNYAM NA, YOD PA MNGON PAR GSAL BAR KHAS LEN PA YIN NA, RGYU RNAMS RGYU NUS PA MED PA KHO NAR 'GYUR RO, ,DES NA ZHES BYA BA NI NUS PA MED PAS SO, ,RGYU NYID MED NA RGYU TSOL BA DON MED DO, ,RGYU TSOL BA NI RGYU NYID KYIS KHYAB PA YIN PAS DE MED NA MI 'GYUR RO ZHES BYA BA'I DON TO, ,'CHAD PA'I RGYU ZHES BYA BA'O, ,RGYU NYID CI LTAR MED SNYAM NA, RGYU DES BYA RGYU BUM PA LA SOGS PA BYA BA NYID DU GYUR PA MED PAS SO, ,GZHAN GYIS 'BRAS BU BUM PA LA SOGS PA GSAL BAR BYED DO ZHE NA ZHES SMRAS SO, ,LAN NI

GSAL BA YANG ZHES BYA BA'O, ,'ON TE ZHES BYA BA NI GZHAN NO, ,'O NA ZHES BYA BA NI LAN NO, ,THA DAD PA MED NA CI SKYON SNYAM NA, SMRAS PA DON LAS MNGON PAR GSAL BA THA DAD PA MED NA'O, ,DES NA RGYU RNAMS LA NUS PA MED PAS NA DE TSOL BA DON MED DO, ,RGYU'I BDAG NYID LA 'BRAS BU YOD PAR KHAS BLANGS NAS BRJOD PA YIN GYI 'DI NI 'THAD PA YANG MA YIN TE TSAD MA MED PA'I PHYIR ZHES BRJOD PA NI BUM SOGS ZHES BYA BA'O, ,DOGS PA BSU BA NI, 'BRAS BU YIN PA'I PHYIR 'JIM GONG LA SOGS PA DER YOD DO ZHE NA, LAN NI 'BRAS BU ZHES BYA BA'O, ,GSAL BA ZHES BYA BA NI RTZOD PA'O, ,GSAL BA NI YOD PA YIN NA 'GYUR TE, MED PA LA GSAL BA MI RUNG BA'I PHYIR RO, ,BUM PA MED PAR NI SGRON MAS GSAL BAR BYA BA MA YIN NO, ,DES NA RTAGS MNGON PAR GSAL BA NYID LAS RGYU'I BDAG NYID LA 'BRAS BU YOD DO ZHES SHES SO, ,YOD PAR ZHES BYA BA NI RGYU'I BDAG NYID LA 'BRAS BU YOD PAR 'GYUR RO, ,DPE BRJOD PA NI SGRON SOGS ZHES BYA BA'O, ,THAMS CAD NI RDZA MKHAN LA SOGS PA LAS KYANG NGO, ,'DOD NA NI GRANGS CAN NO, ,RDZA MKHAN ZHES BYA BA LA SOGS PA NI LEN NO, ,'BRAS BU YOD PAR SMRA BA'I PHYOGS LA BYA RGYU MED PA'I PHYIR NA, GAL TE 'GA' ZHIG 'GA' ZHIG LAS SKYE NA DE'I TSE THAMS CAD LAS SKYE BAR 'GYUR BA'AM, YANG NA RDZA MKHAN SOGS BZHIN ZHES BYA BA NI RTZOD PA KHO NA'O, ,GAL TE 'BRAS BU RGYU'I BDAG NYID LA YOD PA MA YIN NA, THAMS CAD LAS SKYE BAR 'GYUR TE, MED PAR KHYAD PAR MED PA'I PHYIR RO, ,DES NA 'BRAS BU NI RGYU'I BDAG NYID LA MED PA KHO NA'O, ,'JIM GONG ZHES BYA BA LA SOGS PA NI LAN NO, ,DE NI ZHES BYA BA 'BRAS BU BUM PA ZHES BYA BA, 'JIM GONG DER YOD NA RI BONG GI RVA YANG DER 'GYUR TE, YOD PA NYID DU 'GYUR RO, ,GAL TE MI SNANG YANG 'JIM GONG LA BUM PA YOD NA DE'I TSE RI BONG GI RVA YANG YOD PAR 'GYUR TE, MA MTHONG BA'I GNYI GA LA YANG MTSUNGS PA'I PHYIR RO, , DES NI RI BONG GI RVA YANG SKYED PAR 'GYUR RO, ,PHYIS RDZA MKHAN LA SOGS PA'I BYED PA'I DE MA THAG PA'I RI BONG GI RVA DE'O, ,PHYIS MTHONG ZHES BYA BA NI LAN TE, DE LTA NA 'O NA GANG PHYIS MTHONG BA DE NI PHYIS KHO NA YOD PAR 'GYUR GYI DE SNGAR YANG YOD PA NI MA YIN NO ZHES BYA BA'I DON TO, ,GAL TE ZHES BYA BA NI RNAM

, ,PAR 'GREL PA'O, ,GZHAN DU ZHES BYA BA NI 'BRAS BU SNGAR YOD PA MA YIN NA'O, ,'DI ZHES BYA BA LA SOGS PA NI LAN NO, ,GAL TE ZHES BYA BA NI DOGS PA'O, ,DMIGS PA STE SHES BA MED PA YIN GYI, 'BRAS BU NI MA YIN TE, BLTAR MI RUNG BA'I PHYIR RO, ,DON BUM PA ZHES BYA BA RGYU'I BDAG NYID LA MED PAR CI LTAR 'GYUR TE, YOD PA KHO NA'O ZHES BYA BA'I DON TO, ,GAL TE ZHES BYA BA NI LAN NO, ,GAL TE DMIGS PA NYID MED PA YIN GYI MI MTHONG BA'I DON NI MA YIN NA, DE'I TSE RI BONG GI RVA YANG BLTAR MI RUNG BAS DE YANG 'GAG PAR MI 'GYUR RO, ,DES NA BSKAL BA'I BUM PA BZHIN DU RI BONG GI RVA YANG 'JIM GONG LA YOD PA NYID DO, ,DE YANG YOD LA RAG GO SNYAM NA, DES NA ZHES BYA BA STE, GANG GI PHYIR RI BONG GI RVA MED PA NYID DU MA GRUB PA DES NA, MED PA MI BYED PA'I PHYIR RO ZHES GTAN TSIGS SU MI 'GYUR RO, ,GAL TE 'GA' ZHIG MED PAR GRUB NA DE'I TSE MED PA NI BYED PA MED PA'I PHYIR RO ZHES BYA BA 'THAD PA YIN NO, ,DES NA ZHES BYA BA NI MED NA MI BYED DO ZHES BYA BA'I GTAN TSIGS MA YIN PAS NA'O, ,RI BONG GI RVA DON DU GNYER BA'I SKYES BU YANG NYE BAR LEN PA 'JIM GONG LEN PAR 'GYUR RO, ,DPER NA BUM PA DON DU GNYER PA 'JIM GONG TSOL BA DE BZHIN DU RI BONG RVA DON DU GNYER BA YANG 'GYUR TE, GNYI GA DE LA YOD PA'I PHYIR RO, ,CI DE DON DU GNYER BAS DE BLANG BAR BYA ZHE NA, 'DI LTAR ZHES BYA BA'O, ,RI BONG GI RVA DE 'JIM GONG LA YOD PA DES NA 'JIM GONG 'DI RI BONG GI RVA DE'I RGYU NYID DU 'DZIN PA'O, ,GANG GI PHYIR RI BONG GI RVA 'JIM GOR LA YOD PA DES NA DE DON DU GNYER BAS DE RGYU NYID DU 'DZIN PAR 'GYUR RO, ,DER SKYED CES BYA BA NI RTZOD PA STE, 'JIM GONG DER SKYE BA BA DE DANG BRAL BA MA YIN PA'I RI BONG GI RVA LA SOGS PA DE MED PA'I PHYIR 'JIM GONG LA RI BONG GI RVA MED PAR GRANGS CAN 'DOD NA'O, ,DON NI 'DI YIN GAL TE YANG 'JIM GONG LA BUM PA YOD PA DE LTA YANG 'JIM GONG LA SKYE BA'I KHYAD PAR CAN GYI RI BONG GI RVA NI MED DE, 'JIM GONG LA NI SKYED PA'I NUS PA MED PA'I PHYIR ZHES BYA BA'O, ,DE SKYED PA'I ZHES BYA BA NI LAN NO, ,YOD PA TZAM NYID LAS DE SKYED PA'I NUS PA NYID RNAM PAR GNAS PAR 'GYUR RO, ,YOD PA TZAM DU NI 'JIM GONG LA RI BONG GI RVA

KHYOD KYIS KHAS BLANGS TE, DES NA DE TZAM GYI RGYU MTSAN GYIS KYANG DE SKYED PA'I NUS PAR 'GYUR PA YIN NO, ,DES NA 'JIM GONG YANG RI BONG GIS BSKYED PAR 'GYUR RO, ,CI LTAR NA YOD PA NYID DE SKYED PA'I NUS BA GO BAR BYED PA YIN SNYAM NA, 'DI GNYIS KYI KHYAB PA STON PA NI, DE LTA MI NAN ZHES BYA BA STE, 'JIM GONG LA RI BONG GI RVA YOD PA YIN YANG GAL TE DE SKYED PA'I NUS PA NYID DU MI 'GYUR RO, ,DE'I TSE 'JIM GONG DE LA DE SKYED PA'I NUS PA MED PA NYID RTOGS PAS RI BONG GI RVA DE YOD PAR RTOGS PAR MI 'GYUR RO, ,DE SKYED PA'I NUS PAS NI YOD PA NYID LA KHYAB PA YIN TE, DE MED NA DE YOD PA NYID DU MI 'GYUR RO, ,SKABS KYIS NI YOD PA NYID DU KHAS BLANGS TE, DE LTA MA YIN NA 'JIM GONG LA BUM PA YANG YOD PAR 'GYUR RO, ,'ON TE ZHES BYA BA NI GRANGS CAN PA RI BONG GI RVA LAS BUM PA'I BYAD PAR STON PA'O, ,RGYU GANG LAS 'BRAS BU BUM PA LA SOGS PA GANG SKYES PA'I RGYU DE LA 'BRAS BU DE YOD DO ZHES RTOGS KYI RI BONG GI RVA NI DE LTA MA YIN NO ZHES BSAMS PA'O, ,SKYES PA'I ZHES BYA BA LA SOGS PA NI LAN NO, ,RTAGS SKYES PAS BUM PA YOD PA NYID DU RTOGS PA YIN NA, SKYES PA'I SNGON ROL 'JIM GONG GI GNAS SKABS NA NI BUM PA LA SOGS PA'I 'BRAS BU SHES PA MED DE DES NA 'BREL PA MA SHES PA'I RTAGS LAS YOD PAR CI LTAR RTOGS, SNGON ROL TE 'JIM PA'I GNAS SKABS NA, YOD PAR SHES PA MED PA'O, ,DE LAS ZHES BYA BA NI RTAGS SU GYUR PA'I SKYE BA LAS DE ZHES BYA BA 'BRAS BU YOD PA NYID DO, ,CI STE MI RTOGS SNYAM NA, DE LTAR ZHES BYA BA STE, GANG GI PHYIR DE LTAR ZHES BYA BA MA SHES PA'I 'BRAS BU YOD PA DANG SKYE BA 'BREL BA RAB TU GRUB PA MA YIN NO, ,GAL TE RGYU LAS CI LTA BA BZHIN DU 'BRAS BU YOD PA LAS KYANG 'BRAS BU'I PA 'GRUB BA NYID MA YIN NAM ZHES RTZOD PA, GRANGS CAN GYI LUGS KYIS SMRAS PA NI, CI LTAR ZHES BYA BA'O, ,DE YOD LAS KYANG ZHES BYA BA NI 'BRAS BU 'JIM GONG LA YOD PA LAS KYANG, 'BRAS BU DE 'BYUNG BAR 'GYUR RO, ,'DI LA LAN NI 'BRAS GANG ZHES BYA BA'O, ,RGYU DANG 'BRAS BU DAG GI YOD PA NYID GANG YIN PA DE SNGON DU 'GRO BA CAN GYI 'BRAS BU GANG YIN PA DE, CI LTAR 'BRAS BU YOD PA DE NYID YIN PAR

, ,'GYUR TE RGYU'I YANG YIN PAR 'GYUR RO ZHES BYA BA'I DON TO, ,CI'I PHYIR ZHE NA, 'BRAS GANG GANG ZHIG CES BYA BA'O, ,DES NA 'BRAS BU MA NGES PAS NI RANG GI YOD PA BSGRUB PAR MI NUS SO ZHES BYA BA'I DON TO, ,GRANGS CAN GYI BSAM PA NYID KYIS MA NGES PA'I LAN RGOL BAR BYED PA NI, GZHAN BZHIN ZHES BYA BA NAS NUS 'BYUNG 'GYUR ZHES BYA BA'I BAR RO, ,ZHE NA'I SGRA NI 'GYUR GYI SGRA'I 'OG TU SPO BAR BYA'O, ,NUS LAS ZHES BYA BA NI 'JIM GONG GI NUS PA LAS SO, ,'BRAS BU MNGON PAR MI GSAL BA'I MTSAN NYID DE LAS 'BRAS BU THAMS CAD 'BYUNG BA YIN NO, ,GANG GI NUS PA DANG 'DRA BAR ZHE NA GZHAN BZHIN ZHES SMOS TE, DPER NA 'JIM GONG LAS GZHAN RDZA MKHAN LA SOGS PA'I NUS PA BZHIN NO, ,DE LTA NA YANG CI LTAR GCIG TU NGES PA YIN ZHE NA, NUS PA NYID LAS ZHES BYA BA'O, ,MNGON PAR MI GSAL BA'I MTSAN NYID KYI NUS PA NYID LAS NUS PA ZHES BYA BA MNGON PAR GSAL BA'I 'BRAS BU 'BYUNG BAR 'GYUR ZHES BYA BA'I DON TO, ,LAN NI THA DAD MED NA ZHES BYA BA'O, ,RGYU DANG 'BRAS BUR GYUR PA'I NUS PA DAG THA MI DAD PAR GYUR PA YIN NA, CI LTAR NUS PA LAS NUS PA 'BYUNG STE, RANG NYID LA BYED PA 'GAL BA'I PHYIR RO, ,DOGS PA NI GAL TE ZHES BYA BA'O, , GAL TE NUS PA LAS MNGON PAR GSAL BSKYED NA'O, ,DE NYID KYI PHYIR RANG NYID LA BYED PA 'GAL BA MA YIN NO ZHE NA, LAN NI NUS ZHES BYA BA'O, ,GAL TE NUS PA LAS GSAL BA SKYE NA, DE'I TSE GSAL BA DE CI NUS PA LAS GZHAN YIN PAR KHAS LEN NAM, DE LTA'O ZHE NA, DE'I TSE RGYU'I BDAG NYID LA GSAL BA MED DO, ,DE LTA YIN DANG KHYOD KYI LUGS KYIS BSKYED BYA MA YIN PAR 'GYUR TE, MED PA LAS SKYE BAR KHAS MI LEN PA'I PHYIR RO, ,'ON TE RGYU'I BDAG NYID LA GSAL BA YOD NA DE'I TSE CI LTAR BSKYED DE BSKYED PAR MI 'GYUR TE SKYE BA'I DON MI 'GRIG PA'I PHYIR RO, ,'ON TE GAL TE PHYI'I BUM PA GSAL BA YIN NA, DE'I TSE YOD PA DE BSKYED PAR BYA BAR MI 'GYUR RO, ,'ON KYANG GTZO BO'I YONGS SU 'GYUR BA'I RANG BZHIN GYI BLO GSAL BA YIN LA DE YANG BSKYED PAR BYA BA KHO NA'O SNYAM NA, GSAL BA ZHES GSUNGS SO, ,DE YANG NI BLO'O, ,KHYED CAG NI 'BRAS BU YOD PAR SMRA

BA YIN PA'I PHYIR 'BRAS BU MTHA' DAG YIN PA KHO NA'O, ,DES NA ZHES BYA BA NI YOD PA'I PHYIR RO, ,DE NI BLO'O, ,MING YIN NA ZHES BYA BA NI BDAG YIN NA'O, ,RTAG PA'I PHYIR BSKYED PAR BYA BA MA YIN PA'I BDAG DE CI LTAR SKYE, DES NA ZHES BYA BA NI GSAL BA BSKYED BYA MA YIN PAS NA RANG GI RGYU RNAMS KYI 'BRAS BU TSAD MA DANG LDAN PA DE NI GSAL BA MA YIN NO, ,GAL TE YOD PA MNGON PAR MI GSAL BA NYID MNGON PAR GSAL BA GZHAN GYIS KYANG KHAS BLANG BAR BYA BA MA YIN NAM, DE LTA MA YIN NA, MUN KHUNG NA BUM PA MED PA'I PHYIR CI ZHIG MNGON PAR GSAL SNYAM NA, MUN PA ZHES BYA BA'O, ,RIG PA NI SHES PA STE, RJES SU DPAG PA'AM RTAGS KYI RIGS KYIS RIG PA YIN NO, ,MUN KHUNG NA NI BUM PA YOD DO ZHES REG PA'I DBANG PO LAS SKYES PA'I SHES PA NYE BAR BSTAN PA'I REG PA, GZUGS LA MI 'KHRUL BA'I RTOGS PA YOD PA'I PHYIR RO, ,GAL TE CI LTAR MUN KHUNG NA GNAS PA'I BUM PA RJES SU DPAG PAR BYA BA DE BZHIN DU 'JIM GONG LA YANG MNGON PAR MI GSAL BA'I BUM PA YOD PAR RJES SU DPAG PAR BYA BA MA YIN NAM SNYAM NA, BUM SOGS ZHES BYA BA'O, ,BUM PA LA SOGS PA MNGON PAR MI GSAL BA'O, ,GANG GI PHYIR GSAL BAR MI RIGS PA DES NA, THAMS CAD MI RTAG PA NYID CES BYA BA NI RJES SU DPAG PA'I SBYOR BA STON PA STE, GANG BYAS PA DE NI MI RTAG STE, DPER NA GSAL BA BZHIN NO, ,BUM PA YANG BYAS PA YIN NO ZHES BYA BA'O, ,DES NA NI MI RTAG PAS NA'O, ,DE LTAR PHYOGS KYI GNOD PA RNAM PA BZHI BSHAD NAS, RANG GI CHOS CAN LA ZHES SLOB DPON GYI THUGS LA GNAS PA LA BRTZAD PA BRJOD PA NI 'O NA ZHES BYA BA'O, ,CI LTAR DON MED SNYAM NA, 'DI LTAR ZHES BYA BA'O, ,DON 'DI YIN TE, GANG ZHIG TSAD MAS GNOD BA DE NI PHYOGS MA YIN NO ZHES BYA BA 'DI TZAM ZHIG BSTAN BAR BYA BA YIN GYI, TSAD MAS GNOD PA NI RANG GI CHOS CAN NAM, RANG GI CHOS CAN LAS GZHAN LA ZHES BYA BA 'DI NI GANG DU NYE BAR MKHO STE, GNOD DO COG THAMS CAD NI PHYOGS LTAR SNANG BA YIN PA'I PHYIR RO, ,DES NA RANG GI CHOS CAN ZHES KHYAD PAR NYE BAR BZUNG BA NI DON MED DE RNAM PAR GCAD PAR BYA BA MED PA'I PHYIR RO ZHES BYA BA YIN NO, ,DE 'GYUR RO ZHES BYA BA NI MI RTAG PA NYID DANG LDAN PA BSGRUB PAR BYA BA'I CHOS

, ,CAN LA'O, ,GZHAN LA ZHES BYA BA NI NAM MKHA'I YON TAN GYI KHYAD PAR CAN LA'O, ,DE LTAR RANG GI CHOS CAN SMOS PA LA RGOL BA BKOD NAS, BSGRUB PAR BYA BA NYID DU 'DOD BA MI RTAG PA NYID CHOS DANG LDAN PA LA GNOD NA PHYOGS KYI NYES PA YIN GYI, NAM MKHA'I YON TAN GYI KHYAD PAR DANG LDAN PA'I CHOS CAN LA NI GNOD KYANG PHYOGS KYI NYES PA MA YIN NO ZHES LAN BRJOD PA NI, KUN DU ZHES BYA BA'O, ,KUN DU ZHES BYA BA'I BSHAD PA NI, THAMS CAD DU ZHES BYA BA NAS YOD PA NYID YIN PAS ZHES BYA BA'I BAR RO, ,RANG DANG GZHAN SANGS RGYAS PA DANG BYE BRAG TU SMRA BA'I 'DOD PAS NAM MKHA'I YON TAN GYI KHYAD PAR CAN GYI CHOS CAN DANG DE DANG BRAL BA THAMS CAD LA MI RTAG PA NYID KYI CHOS DE YOD PA NYID YIN PA'O, ,GNOD PA YIN NA ZHES BYA BA NI BSGRUB PAR BYA BA LA'O, ,SKYON DU ZHES BYA BA NI PHYOGS LA GNOD PA'I MTSAN NYID DU'O, ,GNOD PAS NI BSGRUB PAR 'DOD PA'I CHOS LA GNOD PA MA YIN NO ZHES BYA BA 'DI STON BA'I DON DU RANG GI CHOS CAN SMOS SO ZHES SBYAR RO, ,GZHAN DU ZHES BYA BA NI GAL TE DON 'DI LTAR MA YIN NA, NAM MKHA'I YON TAN DANG LDAN PA'I CHOS CAN GZHAN LA GNOD KYANG BSGRUB PAR 'DOD PA 'DI LA GNOD PA CI ZHIG YOD DE CI YANG MED PA NYID DO, ,'O NA CI LTAR GNOD SNYAM NA, 'DI LA ZHES BYA BA'O,, CHOS DE DANG DE ZHES BYA BA NI 'DOD PA'I BSGRUB PAR BYA BA DANG LDAN PA NYID LA'O, ,GNOD NA ZHES BYA BA NI BSGRUB PAR 'DOD PA'I CHOS LA'O, ,GAL TE DON 'DI MTSAN NYID KYIS DON GO BA MA YIN NAM, DES NA 'DI'I DON DU RANG GI CHOS CAN SMOS PAS CI BYA ZHE NA, DON 'DI ZHES BYA BA'O, ,CI LTAR CHOS CAN LA GNOD PAS 'DOD PA'I BSGRUB BYA LA GNOD SNYAM NA, RTEN NI ZHES BYA BA'O, ,RANG GI NGO BO ZHES BYA BA NAS ZHE NA'I BAR GYIS NI, DON 'DI ZHES BYA BA LA SOGS PA BKRAL BA YIN NO, ,RANG GI CHOS DANG LDAN PA ZHES BYA BA NI BSGRUB PAR 'DOD PA'I CHOS DANG LDAN PA'O, ,DE LTA YIN DANG ZHES BYA BA NI RANG GI CHOS DANG LDAN PA'I CHOS CAN BSGRUB PAR BYA BA YIN DANG NGO, ,DE DANG RJES SU MTHUN PA ZHES BYA BA NI BSGRUB PAR BYA BA NYID DU 'DOD PA MI RTAG PA NYID KYI CHOS DANG LDAN PA'I CHOS CAN DANG RJES SU MTHUN PA GNOD PA NYID KYI YIN GYI, CHOS GZHAN DANG LDAN PA'I CHOS CAN LA GNOD PAS NI MA YIN NO, ,

DE NYID KYI PHYIR CHOS BYA BA NI MI RTAG PA NYID KYI CHOS LDAN PA'I CHOS CAN NYID YIN GYI CHOS GZHAN DANG LDAN PA'I CHOS CAN GYIS NI MA YIN NO, ,SKYON NI PHYOGS LA GNOD PAR THAL BA'I MTSAN NYID DE, ,NGES PAR GZUNG BAR RNYED PA'I DON NYID BRJOD PA NI, GZHAN DU ZHES BYA BA STE, NAM MKHA'I YON TAN GYI KHYAD PAR CAN GYI CHOS CAN LA GNOD PAS NI NYES PAR 'GYUR SRID PA NI MA YIN NO, ,DES NA RANG GI CHOS CAN SMROS PAS CI BYA ZHES DGONGS PA'O, ,DE NI MA YIN TE ZHES BYA BA LA SOGS PAS NI CHOS CAN LA NI ZHES BYA BA LA SOGS PA RNAM PAR 'GREL BA YIN NO, ,GZHAN DU ZHES BYA BA NI RANG GI CHOS CAN SMOS PA MED PA NA, DE GNOD CES BYA BA NI BRJOD PA'I CHOS GNOD PA NYID YIN GYI CHOS CAN GNOD PAS NI MA YIN PA'O, ,'DI YANG ZHES BYA BA NI RTZOD PA'O, ,BDEN TE ZHES BYA BA NI GRUB PA'I MTHA'O, ,CI LTAR 'DI'I DON GYIS 'GRUB SNYAM NA, GAL TE ZHES BYA BA'O, ,RTZA BA'I CHA BSHAD NAS GRUB PA'I MTHA' 'CHAD PA NI 'DI NI ZHES BYA BA'O, ,LOG PAR RTOGS PA DE YANG GANG ZHE NA, 'DI LTAR ZHES BYA BA'O, ,RGOL BAS CI ZHIG BRJOD PA LA, PHYIR RGOL BAS SKYON BRJOD CE NA, DPER NA ZHES BYA BA'O, ,BSHAD PA LA ZHES BYA BA NI RGOL BAS SO, ,CI LTAR 'DI LA SUN 'BYIN PAR BYED PA PHYIR RGOL BAS SMRAS SHE NA, DE BZHIN ZHES BYA BA'O, ,DPER NA SNGON MED PA'I RANG BZHIN BSKYED PAR BYAR MED PA NYID MA YIN PA, MED PAR DGAG PA'I RANG BZHIN NYID, ,CIG CAR SGRA SOGS RGYU MIN PHYIR, ,ZHES BYA BA KHYAB PAR BYED PA MI DMIGS PAS SGRUB PAR BYED PA DE BZHIN DU NAM MKHA' LA SOGS PA'I CHOS CAN DNGOS PO'I NGO BO MED PAR ZHES BYA BAR YANG SGRUB PAR BYED DO ZHE NA, 'DI LA RGOL BA SANGS RGYAS BAS LEN 'DEBS PA NI, DE LTAR ZHES BYA BA STE, CHOS CAN DNGOS PO'I NGO BO NYID YIN PA LA GNOD KYANG, 'DOD PA'I BSGRUB PAR BYA BA SNGAR MED PA'I RANG BZHIN BSKYED PAR BYAR MED PA NYID DGAG PA LA NI GNOD PA 'GA' YANG MED PA NYID DO, ,GTAN TSIGS KHYAB PAR BYED PA MI DMIGS PA NYID LA GNOD PA YANG MA YIN NO ZHES KYANG BLTA BAR BYA'O, ,CHOS CAN LA 'BA' ZHIG LA ZHES BYA BA LA SOGS PA NI, DE LTAR 'DOD PA'I BSGRUB BYA LA, ,ZHES BYA BA LA SOGS PA RNAM PAR 'GREL BA'O, ,'DI LTA BU NI ZHES BYA PA

, ,NI CHOS CAN 'BA' ZHIG LA GNOD PA NI'O, ,DES NA ZHES BYA BA NI 'DOD PAS NA'O, ,GZHI MA GRUB PA'I NYES PA CI LTAR MA YIN ZHE NA, RNAM PAR RTOG PA LA GNAS PA'I ZHES BYA BA'O, ,DE'I ZHES BYA BA NI SGRUB PAR BYED PA'I'AM, BSGRUB PAR BYA BA'AM, RGOL BA'I'O, ,GANG GI PHYIR DNGOS POR GYUR PA CHOS CAN MA YIN PA DES NA'O, ,CHOS CAN DE BSGRUB PAR BYA BA DANG BRAL BA 'BA' ZHIG LA'O, ,GNOD PA'I NYES PA YOD PA MA YIN NO ZHES BSTAN PA'I DON DU RANG GI CHOS CAN SMOS SO, ,CHOS CAN 'BA' ZHIG LA GNOD PAS KYANG CI'I PHYIR NYES PAR MI 'GYUR SNYAM NA, CHOS CAN ZHES BYA BA'O, ,CHOS CAN GZHAN NI NAM MKHA' LA SOGS PA DNGOS POR GYUR PA'I CHOS CAN LA GNOD NA SNGON MED PA'I RANG BZHIN BSKYED PAR BYAR MED PA YIN PA BKAG PA'I RANG BZHIN GYI CHOS DE MI 'GRUB PA MA YIN TE, 'GRUB PA KHO NA'O ZHES BYA BA'I DON TO, ,NYES PA MA YIN PA NI CHOS CAN 'BA' ZHIG LA GNOD PA'O, ,DE LTAR RNAM PAR RTOG PA'I RNAM PA CHOS CAN DU NYE BAR BSTAN NAS, DA NI RNAM 'GREL GNYIS PA DE NYID RNAM PAR 'GREL BAS DNGOS POR GYUR BA'I CHOS CAN STON BAR BYED PA NI YANG NA ZHES BYA BA'O, ,NAM MKHA' MI RTAG PA YIN TE, ,ZHES BYA BA NI SANGS RGYAS PA'I'O, ,GNOD MOD CES BYA BA LA SOGS PAS NI GRUB PA'I MTHA'O, ,DE LTAR NA YANG ZHES BYA BA NI NAM MKHA' RTAG PA NYID LA GNOD KYANG NGO, ,CI LTAR RTAG PA CHOS CAN MA YIN ZHE NA, GTAN TSIGS KYIS NI ZHES BYA BA'O, ,BSGRUB PAR BYA BA LAS BZLOG PA NI RTAG PA NYID DO, ,CI LTAR BZLOG PA LA GNOD SNYAM NA, CHOS CAN ZHES BYA BA'O, ,DE LA NI CHOS CAN RTAG PA LA'O, ,'O NA GANG GI TSE SKYON YOD SNYAM NA, GAL TE DE LA ZHES BYA BA STE, CHOS CAN NAM MKHA' RTAG PA LA'O, ,'DI ZHES BYA BA NI CHOS MI RTAG PA NYID MI 'GRUB NA DE'I TSE PHYOGS LA GNOD PA'I MTSAN NYID 'DI SKYON DU 'GYUR RO, ,CI LTAR NAM MKHA' RTAG PA YIN SNYAM NA, CIG CAR SGRA SOGS RGYU MIN PHYIR, ,ZHES BYA BA'I GTAN TSIGS RNAM PAR 'GREL PAS LAN 'DEBS PA NI, 'DI LTAR ZHES BYA BA'O, ,DBYANGS KYI DBYE BA CI LTAR SRID PA YIN ZHE NA, BAD KA NA ZHES BYA BA'O, ,'DI NYID BRJOD PA NI, MGRIN PA'I ZHES BYA BA'O, ,CI LTAR

MGRIN PA'I SBUBS KYI NAM MKHA' NYID CE NA, 'DI LTAR ZHES BYA BA'O, ,DE LTA NA YANG CI LTAR MI RTAG SNYAM NA, DE'I GNAS SKABS MA YIN PA ZHES BYA BA'O, ,'ON TE ZHES BYA BA NI, 'DIR NI MGRIN PA'I SBUBS KYI BDAG NYID KYI NAM MKHAR RO, ,DNGOS PO GZHAN BAD KAN LA SOGS PA YOD PA NYID DO, ,DE NYID YIN NO ZHES BYA BA NI DNGOS PO GZHAN MED PA'I DUS NA YOD PA GANG YIN PA NYID DO, ,LAN NI SNGA MA ZHES BYA BA LA SOGS PA'O, ,DOGS PA NI BAD KAN LA SOGS PA'I GEGS YOD PA'I PHYIR RO, ,LAN NI RTAG PA ZHES BYA BA'O, ,GAL TE CI LTAR YAN LAG CAN YAN LAG DU MA LA KHYAB PA GCIG YIN PA DE BZHIN DU NAM MKHA' YANG DNGOS PO DU MA LA KHYAB PA GCIG YIN NO, ,GAL TE YANG YAN LAG CAN LA 'BRAS BU NYID DANG MI RTAG PA NYID YOD PA YIN LA, NAM MKHA' NI RTAG PA DANG 'BRAS BU MA YIN PA DE LTA NA YANG KHYAB PA TZAM GYIS YAN LAG CAN DPE NYID YIN NO ZHES DOGS PA BSU NAS, YAN LAG CAN YANG MED PA KHO NA YIN TE, CI LTAR DPE DE LA BRTEN NAS NAM MKHA' YANG DE LTAR 'GYUR ZHES BRJOD PA NI, GZHAN YANG ZHES BYA BA'O, ,GAL TE YAN LAG CAN MED NA DE'I TSE YAN LAG GCIG DRANGS PAS THAMS CAD 'ONG BAR MI 'GYUR PA ZHIG NAS 'GYUR BA YANG YIN TE, DES NA YAN LAG CAN NI YOD PA KHO NA'O ZHES DOGS PA BSU BA NI CI'I PHYIR ZHES BYA BA'O, ,MGRIN PA'I SBUBS ZHES BYA BA LA SOGS PA'I DON NI 'DI YIN TE, GCIG DRANGS PAS THAMS CAD 'ONG BA NI YAN LAG CAN DANG 'BREL PA MA YIN TE, YAN LAG CAN MED KYANG MTHONG BA'I PHYIR RO, ,MGRIN PA'I SBUBS KYIS NI LUS BRTZAMS PA YIN MOD KYI, MGRIN PA'I SBUBS DANGS PA NA YANG LUS 'ONG PA NI YOD PA NYID DO, ,KHYOD KYIS 'DOD PAS NI MGRIN PA'I SBUBS DANG LUS GNYIS RIGS MI MTHUN PAS NA, RTZOM PAR BYED PA DANG BRTZAM PAR BYA BA MED PAS YAN LAG CAN MED PA'I PHYIR RO, ,MGRIN PA'I SBUBS NAS DRANGS PA NA LUS LOGS SU LUS PAR 'GYUR RO, ,YANG NA LUS DRANGS PA NA MGRIN PA'I SBUBS CI'I PHYIR LOGS SU MI 'GYUR ZHES TSIG RKANG BSGOR LA SBREL BAR BYA'O, ,'GYUR BA YANG MA YIN TE, DES NA GCIG DRANGS PA NA THAMS CAD 'ONG BA NI YAN LAG CAN DANG 'BREL PA MA YIN PA'I PHYIR DE LAS NI YAN LAG CAN MI 'GRUB PO, ,DES NA DE'I DPES NAM

, ,MKHA' DE BZHIN DU 'GRUB PAR CI LTAR 'GYUR ZHES DGONGS PA'O, ,DES NA YAN LAG CAN GYI DPE 'DI NI GYI NA YIN TE, MED PA'I PHYIR RO, ,DE'I PHYIR ZHES BYA BA LA SOGS PAS NI MJUG SDUD PA'O, ,GZHAN GYI 'DOD PA CAN NI SANGS RGYAS PA'I GRUB PA'I MTHA'O, ,DE'I 'DOD PA GANG YIN ZHE NA; ,NAM MKHA' NI ZHES BYA BA'O, ,MI RTAG PA NYID KYANG 'DI LTAR GSENG DAG RTOG PA DANG ZHES BYA BA LA SOGS PAS BSTAN ZIN TO, ,SANGS RGYAS PA'I 'DOD PAS NAM MKHA' MI RTAG PAR 'DOD PA 'BA' ZHIG TU NI MA ZAD KYI DNGOS PO MED PAR YANG YIN NO, ,DNGOS PO MED PA YANG RTAG PAS RIM DANG CIG CAR DON BYED PA 'GAL PA'I PHYIR RO, ,YANG NA MGRIN PA'I SBUBS KYI BDAG NYID KYI NAM MKHA'I NI MI RTAG PA YIN NO ZHES BRJOD MA THAG PA NYID KYI MJUG BA SDU BA YIN NO, ,GZHAN BYE BRAG BA LA SOGS PAS 'DOD PA'I NAM MKHA' NI YANG NA DNGOS PO MED PA YIN NO ZHES SDAR BRJOD PA MJUG SDUD PA'O, ,'DIS NI SNANG BA LA SOGS PA LAS DPEN PA'I RANG BZHIN DAG PA DANG YANGS PA LA SOGS PA'I RANG BZHIN GYI GSENG NAM MKHA' YIN PAR BSTAN PA YIN NO, ,YANG NA ZHES BYA BA LA SOGS PAS NI NAM MKHA' SNANG BA'I RANG BZHIN YIN PAR STON PA YIN NO, ,KA BA LA THOGS PA DANG BCAS PA DANG MA 'DRES PA DE'I BDAG NYID DU MA GYUR PA'I SNANG BA LA SOGS PA NI NAM MKHA' ZHES BYA BAR BRJOD PA YIN NO, ,DE LTA BUR GYUR PA'I NAM MKHA' YANG MI RTAG PA KHO NA YIN NO ZHES BRJOD PA NI, KA BA LA SOGS PA THOGS PA DANG BCAS PA'I DNGOS PO GZHAN DANG MA 'BREL PA'I DON GZHAN SNANG BA LA SOGS PA GANG YIN PA DE NI MI RTAG PA NYID KYI NAM MKHA' YIN NO, , GNAS PA'I PHYOGS SO ZHES BYA BA NI, SNANG BA LA SOGS PA NI RANG BZHIN GYI NAM MKHA' YIN NO ZHES BYA BA'I PHYOGS 'DI NI RNAM PAR GNAS PA YIN TE, RIGS PA DANG LDAN PA NYID KYIS MDO SDEBS KHAS BLANGS PA'I PHYIR RO, ,PHYOGS DANG PO NI MA YIN TE DE LAS ZLOG PA'I PHYIR RO, ,DE LTA BUR GYUR PA'I ZHES BYA BA NI, BSTAN MA THAG PA'I PHYOGS GNYIS PO'I NAM MKHA' CHOS CAN NI, MI RTAG PA NYID KYIS CHOS KYI KHYAD PAR DANG LDAN PAR BSGRUB PA YIN NO, ,DE LAS GZHAN ZHES BYA BA NI RTAG PA NYID KYI KHYAD PAR CAN GYI CHOS CAN LA GNOD PA LA PHYOGS LA GNOD PA'I MTSAN NYID KYI SKYON YOD PA MA YIN NO, ,CI'I PHYIR GZHAN

PA'I CHOS CAN LA GNOD PA SKYON MA YIN ZHE NA, 'DI LTAR ZHES GSUNGS SO, ,RNAM PAR GCOD PAR BYA BA BRJOD PA NI DE DANG 'BREL PA MED PA ZHES BYA BA'O, ,BSGRUB PAR BYA BA MI RTAG PA NYID DANG MA 'BREL BA GZHAN GYIS KUN BRTAGS PA'I CHOS CAN NAM MKHA' LA GNOD KYANG SKYON YOD PA MA YIN NO ZHES 'BREL TO, CHOS CAN 'BA' ZHIG LA GNOD PA NA NYES PA MED PA CI'I PHYIR ZHE NA, 'DI LTAR ZHES BYA BA'O, ,DE LTAR NYID DU ZHES BYA BA NI SKABS KYI BSGRUB PAR BYA BA'I KHYAD PAR CAN NYID DU'O, ,CHOS CAN 'BA' ZHIG NI BSGRUB PAR BYA BA MA YIN NO, ,DE'I PHYIR 'BA' ZHIG BKAG PA LA NI NYES PA MED DO, ,GRUB PA NYID DO ZHES BYA BA GA LAS SHE NA, MA GRUB PA NI ZHES SMOS SO, ,NYE BAR MKHO PA MED PA'I PHYIR RO ZHES BYA BA NI MA GRUB PA'I CHOS CAN GYIS BYA BA MED PA'I PHYIR TE, MA GRUB PA'I CHOS CAN GYIS NI BSGRUB BYA 'GRUB PAR BYED PA MA YIN NO, ,GANG GI PHYIR GRUB PA NYID CHOS CAN YIN PA'I GTAN TSIGS DES NA, BSGRUB PAR BYA BA'I CHOS KYI KHYAD PAR CAN NYID DU GRUB PA'I CHOS CAN DE SGRUB PAR 'DOD PA YIN GYI, RANG GI NGO BOS NI MA YIN TE GRUB ZIN PA'I PHYIR RO, ,GANG GI PHYIR DE LTA YIN PA DES NA CHOS CAN 'BA' ZHIG BKAG PA LA NI SKYON MED DO, ,GAL TE ZHES BYA BA NI RTZOD PA'O, ,GANG GIS ZHES BYA BA NI RTAG PAS SO, ,DE'I NI MNGON PAR 'DOD PA'I BSGRUB PAR BYA BA'I GZHI NYID DU'O, ,DE'I RANG BZHIN LA NI RTAG PA'I RANG BZHIN LA'O, ,LAN NI MA YIN TE ZHES BYA BA'O, ,RTAG PA DANG DNGOS PO'I RANG BZHIN GYI NAM MKHA' NI MNGON PAR 'DOD PA MA YIN NO, ,GAL TE ZHES BYA BA LA SOGS PA'I DON NI 'DI YIN TE, BSGRUB PAR BYA BAR SNGAR MED PA'I RANG BZHIN BSKYED PAR BYA BA MED PA'AM YIN PA'AM, GTAN TSIGS CIG CAR SGRA LA SOGS PA'I RGYU MA YIN PA'I MTSAN NYID KYI SHUGS KYIS TE GZHAN DU MI 'THAD PA'I GNAD KAS CHOS CAN RTAG PA'I RANG BZHIN LA, RANG BZHIN GZHAN DU 'GYUR BAR GRUB NA DE'I TSE, CHOS CAN RANG BZHIN GZHAN DU GRUB PA BKAG PAS CI ZHIG BYA STE, GANG GI PHYIR BDAG CAG NI DNGOS PO DPYOD PA LHUR LEN PA YIN NO, ,CI'I PHYIR KHYED MI 'GOG SNYAM NA, DNGOS PO'I ZHES BYA BA'O, ,'DIG LAS SNYAM NA TSAD MAS ZHES BYA BA'O, ,GAL TE NAM MKHA' LA SOGS PA MED PAR GRUB KYANG NYES PA

, ,'GA' YANG MED NA DE'I CHA BDE BA LA SOGS PA MED PAR GRUB PA LA YANG NYES BA MED PAR 'GYUR RO ZHES DOGS PA BSU BA NI, GAL TE ZHES BYA BA'O, ,BRJOD PA'I TSUL DU GAL TE RTZA RIG GIS KUN BRTAGS PA'I CHOS CAN NAS MKHA' LA GNOD KYANG NYES PA MED NA DE'I TSE'O, ,SNGA MA BZHIN ZHES BYA BA NI DPER NA NAM MKHA' CI LTA BA DE BZHIN DU'O, ,BDE BA LA SOGS PA NI GZHAN GYIS BSKYED PAR BYA BA MA YIN PA'I NUS PA GANG LA YOD PA DE LTAR MA YIN PA STE, RTAG PA MA YIN NO ZHES BYA BA'I DON TO, ,CI'I PHYIR ZHE NA, CIG CAR SGRA LA SOGS PA'I RGYU YIN PA'I PHYIR RO ZHES BYA BA 'DIR GNOD PAR 'GYUR TE, BDE BA LA SOGS PA MED PAR BSGRUB PA'I PHYIR RO, ,CI LTAR NA YOD PA'I BDE BA LA SOGS PA'I MED PAR 'GYUR SNYAM NA, BDE BA DANG ZHES BYA BA LA SOGS PA'O, ,SGRA LA SOGS PA GSAL BA'I DON GTZO BO'I YONGS SU 'GYUR PA RNAMS KYI RGYU NI, RTZA BA'I RANG BZHIN DU GYUR PA'I GTZO BO YIN PAR GRANGS CAN PA DAG 'DOD DE, ,GTZO BO'I RANG BZHIN ZHES BYA BA NI BDE BA LA SOGS PA NI GTZO BO'I NGO BO NYID YIN NO, ,GTZO BO RTAG PA GNOD NA NI BDE BA LA SOGS PA YANG GNOD PAR 'GYUR BA YIN TE, DES NA BDE PA LA SOGS PA NI MED PAR 'GYUR RO, ,GAL TE BDE BA LA SOGS PA GZHAN GYIS ZHES BYA BA'I SBYOR BA 'DI LA, CIG CAR SGRA SOGS RGYU MIN PHYIR, ,ZHES BYA BA'I GTAN TSIGS BSGRUB BAR BYA BA MED PA NYID LA NGES PA YIN NA NI, ,RTAG PA'I BDE BA LA SOGS PA LTAR, MI RTAG PA'I BDE BA LA SOGS PA YANG MED PAR BSGRUB PA'I PHYIR RO, ,'GAL BA GNOD PAR BYED PA NYID YIN PAR 'GYUR BA ZHIG NA GTAN TSIGS NGES PA YANG MA YIN NO, ,CI'I PHYIR ZHE NA, GANG GI PHYIR GTAN TSIGS 'DI NI LHAG LDAN TE MA NGES PA'I KHYAD PAR MI MTHUN PA'I PHYOGS LA LDOG PA LA THE TSOM ZA BAR 'DOD BA YIN NO, ,CI'I PHYIR ZHE NA, MI MTHUN PA'I PHYOGS MI RTAG PA'I RANG BZHIN GYI YOD PA LAS LDOG PA LA THE TSOM ZA BAS NA'O, ,DE NYID CI LTAR ZHE NA, BRJOD PA RIM GYIS BYED PA CIG CAR RGYU MA YIN PA NYID DANG, MI RTAG PA NYID GNYIS PO 'DI LA 'GAL PA MED PA'I PHYIR RO, ,DES NA BDE BA LA SOGS PA CIG CAR RGYU MA YIN PAR YANG 'GYUR LA, MED PA YANG MA YIN PA'I PHYIR CHOS CAN LA GNOD PAR CI LTAR 'GYUR, RIM BZHIN BYED DANG ZHES BYA BA RNAM PAR 'GREL

PA NI 'DIR ZHES BYA BA'O, ,CIG CAR RGYU MIN PHYIR ZHES BYA BA NI, RIM MA YIN PAR BYED PA BKAG PA BRJOD PA YIN LA, DE BKAG PAS NA RIM GYIS BYED PA GANG YIN PA NI CHOS CAN BDE BA LA SOGS PA GZHAN GYIS SNGAR MED PA'I NUS PA BSKYED PAR BYA BA NYID MA YIN PA, RTAG PA NYID MED PA'I BDAG NYID KYIS BSGRUB PAR BYA BA LA GTAN TSIGS YIN NO, ,GAL TE GTAN TSIGS 'DI NI RTAG PA NYID MED PA BZHIN DU MI RTAG PA NYID MED PA YANG GO BAR BYED PA MA YIN NAM ZHES PA DOGS NA, RIM BZHIN BYED PA DANG ZHES BYA BA'O, ,DES NA NI 'GAL BA MED PAS SO, ,RIM GYIS BYED PA NYID KYIS MI RTAG PAR NYID MED PA GO BAR BYED PA MA YIN NO, ,DES NA CI LTAR CHOS CAN BDE BA LA SOGS PA LA GNOD PA YIN, DE LTA NA YANG CHOS LA CI LTAR MI GNOD CE NA, DE LA ZHES SMOS SO, ,DES NA CHOS CAN GANG LA GNOD PA NA, SKABS KYI CHOS KYI GEGS SU 'GYUR BA DE LA NYES PA YIN NO ZHES BSTAN PA'I DON DU RANG GI CHOS CAN SMRAS SO ZHES MJUG SDUD PA NI DES NA ZHES BYA BA'O, ,GAL TE 'DI MTSAN NYID KYI BSTAN PA YOD DAM CIG SNYAM NA, BSTAN PA KHO NA'O ZHAS GSUNGS PA NI, GANG PHYIR ZHES BYA BA STE, GANG GI PHYIR RANG GI 'DOD PA'I CHOS BSGRUB PAR BYA BA YIN NO ZHES BRJOD PA DE'I PHYIR GANG GIS TSE BSGRUB PAR BYA BA DE'I RTEN LA GNOD PA YIN NA DE'I TSE NYES PAR 'GYUR GYI, BSGRUB PAR BYA BA'I CHOS KYI RTEN MA YIN PA 'BA' ZHIG PA NYID DAM, CHOS GZHAN GYI RTEN LA GNOD PA DE'I TSE NI NYES PA YOD PA MIN TE ZHES BSTAN TO, ,'DI GA LAS SHE NA, 'BA' ZHIG LA ZHES BYA BA'O, ,'O NA CI LTAR NYES PAR 'GYUR SNYAM NA DES NA ZHES BYA BA'O, ,BSTAN ZIN LA YIN YANG LOG PAR RTOG PA BSAL BA'I DON DU RANG GI CHOS CAN GYI TSIG GIS STON PA YIN NO ZHES GSUNGS PA NI DE'I PHYIR ZHES BYA BA STE BSTAN ZIN PA YIN PA'I PHYIR RO, ,CHOS CAN GZHAN NAM MKHA'I YON TAN NYID LA SOGS PA LA'O, ,'DOD PAR 'GYUR BA'I TSIG GIS SKABS MA YIN PA'I CHOS LA GNOD PAS GNOD BA MA YIN NO ZHES BSTAN BRIN [?] PA YIN YANG LOG PAR RTOG PA BSAL BA'I DON DU RANG NYID KYI TSIG GIS STON PA DE BZHIN DU, MTSAN NYID KYI TSIG GI CHOS CAN GZHAN LA GNOD PAS GNOD PA MA YIN NO ZHES BSTAN ZIN PA YIN YANG, RANG GI CHOS CAN GYI TSIG GIS LOG PAR RTOG PA BSAL BA'I DON DU STON PA YIN NO, ,DE NYID KYI PHYIR ZHES BYA BA

, ,NI BSGRUB PAR BYA BA'I CHOS LA MKHO BA'I CHOS CAN LA GNOD NA NYES PAR 'GYUR BA NYID KYI PHYIR, SLOB DPON PHYOGS KYI GLANG POS GSUNGS PA YIN NO, ,CI GSUNGS SHE NA, GAL TE ZHES BYA BA'O, ,DE LA NI CHOS CAN LA'O, ,GZHAN DU ZHES BYA BA NI GNOD PA YIN NO, ,DE'I ZHES BYA BA NI GTAN TSIGS KYI RJES SU 'GRO BA DANG LDOG PA'I RJES SU BYED PA'I PHYIR RO, ,DE NYID KYI PHYIR ZHES BYA BA NI SGRA LA MA GRUB PA NYID KYI PHYIR RO, ,GZHAN DU NA ZHES BYA BA NI SGRA LA GRUB NA'O, ,BZLOG PAR ZHES BYA BA NI MI RTAG PA NYID GRUB PAS NA KHYAD PAR DU GYUR PA'I DON MI RTAG PA NYID MA GRUB PAR RO, ,RMONGS PA LA NI GRANGS CAN LA'O,, 'ON TE RTAG PA NYID TSAD MAS GRUB PA NYID YIN PA DE'I TSE TSAD MAS GNOD PA'I PHYOGS LTAR SNAD PA LAS KHYAD PAR RAB TU MA GRUB PA ZHES BYA BA 'DI PHYOGS LTAR SNANG BA GZHAN DU MI 'GYUR RO ZHES GSUNGS PA NI, GAL TE ZHES BYA BA'O, ,DE NYID KYI ZHES BYA BA'I DPE NYID KYI'O, ,PHYOGS LTAR SNANG PA GSUM PA SUN 'BYIN PA NI, GNYI GA ZHES BYA BA'O, ,'ON TE ZHES BYA BA LA SOGS PA NI RTZOD PA'O, ,LAN NI DA LTAR NA NI ZHES BYA BA'O, ,CI'I PHYIR ZHE NA, GANG GI PHYIR ZHES BYA BA'O, ,DE LTAR YANG ZHES BYA BA NI SGRUB BYED KYI SKYO NA THAMS CAD KYI PHYOGS NYID LA GNOD PA YIN YANG NGO, ,DE LA ZHES BYA BA PHYOGS LA GNOD PA TZAM GYIS SO, ,MA YIN TE ZHES BYA BA 'DI CI'I PHYIR SNYAM NA, SGRUB BAR BYED PA'I ZHES BYA BA'O, ,DE LA ZHES BYA BA PHYOGS LA GNOD PA YIN YANG NGO, ,GZHAN GYIS BSAM PAS RIGS PA YOD PAR DOGS PA BSU BA NI, 'ON TE ZHES BYA BA'O, ,SGRUB PAR BYED PA'I SKYON NI PHYOGS KYI SKYON MA YIN GYI ZHES BYA BA NI SKABS SO, ,CI'I PHYIR ZHE NA, BSGRUB PAR BYA BA'I PHYOGS LAS THA DAD PA'I SGRUB PAR BYED PA GANG YIN PA DE'I DUS DANG RANG GI NGO BO DER ZHUGS BAR GYUR PA'I PHYIR RO, ,DE NYID GANG LAS SHEN, PHYOGS NI ZHES BYA BA'O, ,'O NA NYES PA 'DI GANG GI YIN ZHE NA, 'ON KYANG ZHES BYA BA'O, ,DE NI ZHES BYA BA NI LAN NO, ,MTSUNGS PA'I PHYIR ZHES BYA BA NI PHYOGS DANG SGRUB PAR BYED PA LA RJES SU 'GRO BA MED PA NYID MTSUNGS PA'O, ,CI LTAR MTSUNGS SHE NA, RJES SU ZHES BYA BA'O, ,DE YANG BYA BA NI MA 'BREL BA'O, ,GAL TE 'BREL BA NYID GNYIS LA BRTEN PA MA YIN NAM, DE CI LTAR MA 'BREL PA YANG DE LTAR BRJOD SNYAM NA, MA YIN TE, RJES SU 'GRO BA MED PA YANG

GNYIS LA LTOS NAS RNAM PAR 'JOG PA YIN TE, 'DI LTAR DU BA NI DU BA MED DANG RJES SU 'GRO BA YIN LA, BONG BU DANG NI RJES SU 'GRO BA MED PA YIN NO, ,ZHES DE YANG GNYIS LA GNAS PA MA YIN NO, ,GNYI GA YANG ZHES BYA BA'I NI PHYOGS DANG SGRUB BAR BYED PA DAG GI'O, ,SGRUB PAR BYED PA LA LTOS TE MA GRUB PA NI MA YIN NO ZHES 'BREL TO, ,SGRUB PAR BYED PA LA ZHES BYA BA NI SGRUB PAR BYED PA LA LTOS PA'I MA GRUB PAR RANG GI NGO BO MA GRUB PA'I MTSAN NYID GANG YIN PA DE NI SGRUB PAR BYED PA NYID KYI SKYON YIN NO ZHE NA, 'DI LA ZHES BYA BA NI GRUB PA'I MTHA'O, ,'DI LTAR DE LA BDAG NI KHYAB PA YIN NO, ,ZHES GAL TE 'GA' ZHIG KHYAB PA DANG LDAN PA'I BDAG BSGRUB BYAR BYED NA ZHES BYA BA LA SOGS PAS SNGAR BSHAD ZIN TO, ,GNYI GA ZHES BYA BA NI BSGRUB PAR BYA BA'I CHOS DANG CHOS PHAN TSUN KHYAD PAR DU BYA BA DANG KHYAD PAR DU BYED PA'I DNGOS POR LTOS NAS GTAN TSIGS SGRUB PAR BYED PA YIN NA DE'I TSE CI LTAR PHYOGS KYI SKYON YIN TE, PHYOGS YANG DAG PA NYID YIN NO, ,DES NA BDAG KHYAB PA YIN NO ZHES BYA BA NI YANG DAG PA'I PHYOGS NYID YIN GYI, PHYOGS LTAR SNANG BA NI MA YIN NO, ,'ON TE CHOS CAN BDAG MED PAS GTAN TSIGS GZHI MA GRUB PA NYID YIN NA, DE LTA NA 'O NA GTAN TSIGS KYI NYES PA NYID DU 'GYUR GYI PHYOGS KYI NI MA YIN NO, ,GAL TE CHOS CAN GRUB PA KHO NA LA BSGRUB BYA SGRUB PAR BYED PA YIN NA ZHES BYA BA'I NGES PA NI MED PA MA YIN TE, DES NA GRUB PA'I CHOS CAN DANG LDAN PA'I BSGRUB PAR BYA BA'I CHOS NI PHYOGS YIN LA, MA GRUB PA'I CHOS CAN DANG LDAN PA'I NI PHYOGS LTAR SNANG BA YIN NO, ,DES NA BDAG KHYAB PA YIN NO ZHES BYA BA NI PHYOGS KYI NYES PA KHO NA YIN GYI, GTAN TSIGS KYI NYES PA NI MA YIN NO ZHES DOGS PA BSU NAS BRJOD PA NI CHOS CAN ZHES BYA BA LA SOGS PA'O ZHES BYA BA ZHES PA NI NGES PA'I RNAM PA'O, ,GRUB PA'I CHOS CAN KHO NA LA BSGRUB PAR BYA BA DANG 'BREL BSGRUB PO ZHES BYA BA'I NGES PA NI YOD PA MA YIN GYI, 'ON KYANG CHOS MA GRUB PA YANG BSGRUB PAR BYA BA DANG 'BREL PAR SGRUB PA YIN NO, ,DES NA GRUB PA DANG MA GRUB PA'I CHOS CAN LA YANG BSGRUB BYA'I CHOS DANG LDAN PA BSGRUB PAR BYA BA YIN NO, ,MA GRUB PA'I CHOS DANG CHOS CAN GYI TSOGS PA YANG DAG PA'I PHYOGS YIN NO ZHES BYA BAR GA LA NGES SHE NA, RANG GI NGO BO KHO NAR ZHES BYA BA'O, ,BDAG KHYAB PA YIN NO ZHES BYA BA NI BSGRUB PAR

, ,BYA BA KHO NAR BSTAN PA YIN PA DES NA PHYOGS NYID YIN GYI PHYOGS LTAR SNANG BA NI MA YIN TE, DES NA CI LTAR PHYOGS LTAR SNANG BAR BRJOD, DES NA 'DI NI GZHAN GYIS KYANG GTAN TSIGS KYI SKYON NYID DO ZHES BRJOD PAR BYA'O, ,GAL TE MA GRUB PA'I CHOS DANG CHOS CAN GYI TSOGS PA YANG BSGRUB PAR BYA BA KHO NA YIN NA 'ON SNGAR CHOS CAN MED PAS GTAN TSIGS GZHI MA GRUB PA'I PHYIR RO ZHES CI LTAR BRJOD, DES NA GANG DU CHOS CAN MA GRUB BDE NI PHYOGS LTAR SNANG BA KHO NA YIN NO ZHES MNOS NAS GZHAN DAG DOGS PAR BYED PA NI 'O NA CI LTAR ZHES BYA BA'O, ,GZHI MA GRUB PAS ZHES BYA BA NI GRUB PA'I MTHA'O, ,GANG GI TSE CHOS DANG CHOS CAN GYI TSOGS PA MA GRUB BA DE'I TSE GTAN TSIGS NYID MA GRUB PA YIN TE, DES NA 'DI NI GTAN TSIGS KYI NYES PA NYID YIN GYI, PHYOGS KYI NI MA YIN NO, ,DES NA ZHES BYA BA NI NGES PA MED PAS NA'O, ,MA GRUB PA'I CHOS DANG CHOS CAN GYI SPYI ZHES BYA BA NI BDAG NI KHYAB PA YIN NO ZHES BYA BA'O, ,DES NA KHYAD PAR RAB TU MA GRUB PA LA SOGS PA PHYOGS KYI NYES PA GZHAN DU CI LTAR 'GYUR, PHYOGS NYID YIN LA GTAN TSIGS GZHI MA GRUB PA NYID KYIS SKYON CHAGS PA'I PHYIR PHYOGS DE SGRUB PAR BYED PA MA YIN NO, ,DES NA GRUB PA'I CHOS CAN GYI KHYAD PAR CAN GYI BSGRUB PAR BYA BA'I CHOS NI PHYOGS YIN LA, MA GRUB PA'I CHOS DANG CHOS CAN GYI SPYI NI PHYOGS LTAR SNANG BA YIN NO ZHES GZHAN GYIS BRJOD PAR MI BYA STE, MA GRUB BA'I SPYI YANG PHYOGS YIN PA'I PHYIR RO, ,DES NA KHYAD PAR MA GRUB PA LA SOGS PA NI, GTAN TSIGS KYI SKYON NYID YIN GYI PHYOGS KYI MA YIN NO, ,DES NA ZHES BYA BA NI MA GRUB PA'I SPYI YANG PHYOGS YIN BA'I PHYIR RO, ,DES NA ZHES BYA BA NI GTAN TSIGS LA MI LTOS PAS SO, ,YAN LAG PHYI MA LA LTOS PA'I SKYON YIN PA DE NI YAN LAG PHYI MA'I DE NYID DANG RJES SU 'BREL PA YIN GYI, PHYOGS SU GYUR PA'I YAN LAG SNGA MA DANG NI MA YIN NO, ,DE'I PHYIR ZHES BYA BA NI BSHAD PA'I PHYIR RO, ,GAL TE ZHES BYA BA NI SGRA MNYAN PAR BYA BA MA YIN NO ZHES BYA BA LA SOGS PA DPER BRJOD BA RNAM BA BZHIS NI, CHOS KYI RANG GI NGO BO PHYIN CI LOG GI GNOD PA BRJOD KYI, CHOS CAN GYI KHYAD PAR DANG, CHOS KYI KHYAD PAR DANG, CHOS CAN GYI RANG GI NGO BO LA GNOD PA NI MA YIN NO, ,CHOS DANG CHOS CAN GYI KHYAD PAR ZHES BYA BA'I KHYAD PAR GYI

SGRA NI GNYIS KA DANG SBYAR RO, ,BSGRUB BYAR YAN LAG GYUR PA'I ZHES BYA BA NI, BSGRUB PAR BYA BA MED NA MED PA CAN NO ZHES BYA BA NI LHA DBANG BLO'I'O, ,BSGRUB BYA'I NANG DU RTOGS PA ZHES BYA BA NI RNAM BSHAD MDZAD PA'I'O, ,DE SKAD DU YANG BSGRUB BAR BYA BA NYID KHYAD PAR MED PA'I PHYIR ZHES 'CHAD PAR 'GYUR RO, ,DPE 'DI NYID KYIS ZHES BYA BA NI SGRA NI MNYAN PAR BYA BA MA YIN NO ZHES BYA BA LA SOGS PA DPER BRJOD PAS SO, ,RANG GI NGO PO DANG KHYAD PAR THAMS CAD KYI ZHES BYA BA NI, CHOS CAN GYI RANG GI NGO BO DANG DE'I KHYAD PAR DANG CHOS KYI KHYAD PAR DANG GNYI GA'I KHYAD PAR RNAMS KYI'O, ,BSGRUB BYA NYID DU KHYAD PAR MED PA'I PHYIR RO ZHES BYA BA 'DIS NI 'DI BSGRUB BYA'I YAN LAG GYUR PA'I ZHES BYA BA RNAM PAR BSKAL PA YIN NO, ,'O NA RANG GI NGO BO DANG KHYAD PAR GNOD PA THAMS CAD KYI DPER BRJOD PA BSTAN PAR BYA BAR 'GYUR RO ZHE NA, DE LA ZHES GSUNGS SO, ,DGOS PA MED PA'I PHYIR YANG BSTAN PAR BYA BA MA YIN NO ZHES BRJOD PA NI, DE LTAR ZHES BYA BA'O, ,YONGS SU SHEG [*GSHEGS?] PA DGOS PA YIN NO ZHE NA, DPER BRJOD PA ZHES BYA BA'O, ,DE'I CHOS CAN ZHES BYA BA NI GANG LA BSGRUB PAR BYA BA'I CHOS YOD PA'I CHOS CAN GYI RANG GI NGO BO LA SOGS PA GSUM MO, ,GAL TE CHOS DANG ZHES BYA BA LA SOGS PA'I DON NI 'DI YIN TE, GAL TE KHYAD PAR YIN NA, DE NA BSGRUB PAR BYA BA MA YIN TE, RJES 'GRO MED PA'I PHYIR RO, ,DE STE BSGRUB BYA YIN NA, 'ON KHYAD PAR MA YIN TE RJES 'GRO YOD PA'I PHYIR RO ZHES BYA BA'O, ,DE'I CHOS SU ZHES BYA BA NI, BSGRUB PAR BYA BA'I CHOS KYI RANG GI NGO BO'I RIGS CAN DU'O, ,DE NI ZHES BYA BA NI RTZOD PA'I LAN NO, ,SMRAS PA NI GZHAN TZAM GYI SPYI YIN PAS DE LA LTOS NAS KHYAD PAR YIN NO, ,RANG GI NGO BO LA LTOS NAS NI SPYI NYID YIN NO ZHES BYA BA'I DON TO, ,YOD PA'I SPYI LA BA LANG NYID KHYAD PAR YIN YANG SPYI'I RANG BZHIN MI NYAMS PA NI NYAMS SO, ,GAL TE SMRAS PA KHO NA BSGRUB PAR BYA BA YIN GYI GZHAN MA YIN PA MA YIN NAM, DE CI LTAR NA SPYI'I RANG BZHIN YIN YANG DE LA GNOD PAS PHYOGS LA GNOD PAR CI LTAR 'GYUR ZHE NA, BSGRUB PAR BYA BA NI DE NYID DE ZHES BYA BA STE, KHYAD PAR GYI RANG BZHIN NYID DO, ,GZHAN DU ZHES BYA BA NI KHYAD PAR BSGRUB PAR BYA BA MA YIN NA'O, ,'DIS NI CHOS CAN DANG CHOS KYI KHYAD PAR NYID YIN YANG BSGRUB PAR BYA BA YIN

, ,NO ZHES BRJOD PA YIN NO, ,DE LA ZHES BYA BA NI GNOD PA GSUM PA RNAMS LAS SO, ,PHYOGS TZAM ZHES BYA BA NI CHOS KYI KHYAD PAR GYI DPER BRJOD PAS GZHAN NYE BAR MTSON PA'I PHYIR RO, ,DE NYID KYI PHYIR BSHAD BA DON DPER BRJOD PA LHAG MA GNYIS BSTAN PA'I DON DU'O, ,CHOS KYI KHYAD PAR GYI DPER BRJOD PA DE NYID GSUNGS PA NI, LDAN DON ZHES BYA BA'O, ,YAN LAG RNAMS LAS GZHAN PA'I YAN LAG CAN YOD DO ZHES GZHAN NYID NI CHOS YIN NO, ,DE'I KHYAD PAR NI BYA BA DANG LDAN PA ZHES BYA BA LA SOGS PA RDZAS KYI MTSAN NYID DANG LDAN PA'I PHYIR YON TAN LCI BA NYID DANG, BYA BA'I 'OG TU 'GRO BA'I 'DU BA CAN GYI RGYU YIN PA NYID DO, ,'DI SKAD BRJOD PA YIN TE, GAL TE YAN LAG RNAMS LAS GZHAN PA'I YAN LAG CAN RNAMS YOD PA TZAM BSGRUBS NA NI DE'I TSE SANGS RGYAS PA LA SGRUB PAR 'GYUR TE, BRTAGS PA'I YAN LAG CAN NI SANGS RGYAS PAS KYANG 'DOD PA'I PHYIR RO, ,DE'I PHYIR GZHAN TZAM NI BSGRUB PAR BYA BA MA YIN GYI, 'ON KYANG GZHAN KHYAD PAR CAN BSGRUB PAR BYA BA YIN NO, ,KHYAD PAR DE YANG BSTAN ZIN PA KHO NA'O, ,DBANG PO DANG LDAN PA NA MTHONG BA LA STON PA'I DON YAN LAG CAN GZHAN NO, ,MTHONG BA LA BRTEN PA'I KHYAD PAR YANG BSGRUB PAR BYA BA YIN NO, ,DE LTA MA YIN PAR BSGRUBS NA NYES PA CI YOD SNYAM NA, MA MTHONG ZHES BYA BA'O, ,RDZAS KYI MTSAN NYID DANG LDAN PA LA LTOS TE LDOG PA BRJOD PA NI, KHYAD PAR CAN MIN ZHES BYA BA'O, ,GAL TE GANG GIS PHYOGS TZAM ZHES BRJOD PA DPER BRJOD PA GZHAN YANG YOD DAM CI SNYAM DU DOGS PA SEL BAS BRJOD PA DANG MA BRJOD PA GSUNGS PA NI, DPER BRJOD PA NI ZHES BYA BA'O, ,DANG PO CHOS KYI KHYAD PAR BSAL BA DPER BRJOD PA NI YIN LA, GNYIS PA NI CHOS CAN GYI KHYAD PAR SEL BAS, GSUM PA NI CHOS CAN GYI RANG GI NGO BO SEL BA SA YIN NO, ,DE LA DANG PO'I DON NI 'DI YIN TE, LCI BA NYID LA SOGS PA'I KHYAD PAR DU BYAS PA'I GZHAN NYID KYIS, YAN LAG CAN NI YAN LAG RNAMS LAS GZHAN YIN NO ZHES BYA BA NI MU STEGS PA'I SANGS RGYAS PAS BRJOD PA NI, YAN LAG CAN NI ZHES BYA BA'O, ,GAL TE YAN LAG CAN GZHAN YIN NA DE'I TSE LJI BA NYID LA SOGS PA'I KHYAD PAR CAN GYI GZHAN NYID RTOGS PAR 'GYUR BA ZHIG NA, LJI BA NYID LA SOGS PA NI RTOGS PA YANG MA YIN TE,

SRANG DMA' PA'I KHYAD PAR MI 'DZIN PA'I PHYIR TE MI NGES PA'I PHYIR RO, ,DES NA CHOS GZHAN NYID KYI KHYAD PAR LJI BA NYID GANG YIN PAD BSAL BA'I PHYIR YAN LAG CAN NI, YAN LAG RNAMS LAS GZHAN MIN TE, ,ZHES BYA BA PHYOGS LTAR SNAD PA YIN NO, ,YAN LAG NI ZHES BYA PA LA, YAN LAG NI CHOS CAN YIN TE, DE DAG NI YAN LAG CAN LAS GZHAN NYID YIN NO ZHES GZHAN GYIS SGRUB PAR BYED DO, ,DES NA YAN LAG CAN DON DAM PA PAR 'GRUB PO ZHES ZER RO, ,DE LA SANGS RGYAS PAS BRJOD PA NI, YAN LAG RNAMS NI ZHES BYA BA LA SOGS PA'O, ,YAN LAG RNAMS NI YAN LAG CAN GYI RDZAS LA THA DAD PA MA YIN TE, YAN LAG RNAMS KHO NA LA YAN LAG CAN ZHES THA SNYAD 'DOGS PA YIN NO, ,YAN LAG CAN NI DON DAM PA MA YIN NO ZHES BYA BA'I DON TO, ,CI'I PHYIR ZHE NA, MNGON SUM MA YIN PA NYID DU THAL BA'I PHYIR RO, ,DON NI 'DI YIN TE YAN LAG RNAMS NI KHYOD MNGON SUM DU GYUR PA NYID DU 'DOD PA YIN NA, DE DAG NI MNGON SUM MA YIN PA NYID DU 'GYUR RO, ,'DI LTAR YAN LAG CAN GYI RDZAS LAS YAN LAG RNAMS THA DAD PAR DMIGS PA NYID DU GYUR NA NI, YAN LAG 'DI DAG MNGON SUM YIN NO ZHES BYA BA'I THA SNYAD 'THAD PA ZHIG NA, THA DAD PA NA DMIGS PA NI MED DO, ,DE'I PHYIR THA DAD PA'I PHYOGS LA MNGON SUM MA YIN PAR THAL TE, THA DAD PAR DMIGS PA NYID MED PA'I PHYIR RO, ,DES NA YAN LAG RNAMS NI YAN LAG CAN LAS GZHAN YIN NO ZHES BYA BA NI PHYOGS LTAR SNANG BA YIN TE, CHOS CAN GYI KHYAD PAR MNGON SUM GYIS MTSAN NYID BSAL PA'I PHYIR RO, ,RDZAS NI ZHES BYA BA LA, DE LA RDZAS NI YOD PA YIN TE ZHES YOD PAS RTEN BCAS PA'I RDZAS NI CHOS CAN YIN NO ZHES MU STEGS PA DAG 'DZER TO, ,DE LA SANGS RGYA PAS BRJOD PA RDZAS NI YOD PA MA YIN TE ZHES BYA BA'O, ,GAL TE RDZAS YOD NA DE'I TSE YON TAN LAS RDZAS KHYAD PAR YOD DGOS NA KHYAD PAR YANG YOD PA MA YIN NO, ,'DI LTAR RDZAS DANG YON TAN DAG THA DAD PA'AM THA MI DAD PA ZHIG YIN, THA DAD PA'I PHYOGS LA NI, RDZAS DANG YON TAN GNYIS KHYAD PAR MED PAR 'GYUR RO, ,'DI LTAR TSIG GI DON GSUM YOD PAR BYED PA NI YOD PA NYID YIN NO ZHES BRJOD PA'I PHYIR, CI LTAR RDZAS LA YOD PA NYID GNAS PA DA BZHIN DU YON TAN LA YANG YIN

, ,NO; ,DES NA YOD PAS RTEN BCAS PAR KHYAD PAR MED PA'I PHYIR NA, YON TAN DANG RDZAS DAG KHYAD PAR MED PAR 'GYUR RO, ,DES NA GNYI GA YANG RDZAS KYI RANG BZHIN NAM, YON TAN GYI RANG BZHIN DU 'GYUR RO, ,GNYIS BA'I PHYOGS LA YANG PHAN TSUN RJES SU ZHUGS BAS NA YON TAN GYI RANG BZHIN DAG RDZAS KYI RANG BZHIN KHO NAR 'GYUR RO, ,DES NA RDZAS NI YOD PA YIN TE BYA BA NI PHYOGS LTAR SNANG BA YIN TE, CHOS CAN RDZAS KYI RANG GI NGO BO BSAL BA'I PHYIR RO, ,PHYI MA SHOS ZHES BYA BA NI, RDZAS NI YOD PA MA YIN TE, ,ZHES BYA BA LA SOGS PA'O, ,CHOS CAN DANG CHOS KYI ZHES BYA BA NI GO RIMS CI LTA BAR MA YIN GYI 'ON KYANG CI LTAR RIGS PA YIN NO, ,DE LA DPER BRJOD PA DANG PO'O, ,RDZAS KYI MTSAN NYID CAN ZHES BYA BA'I RNAM 'GREL RNAM PAR 'GREL PA'I SGO NAS BAR DU CHOD PA'I GZHUNG GIS STON PAR 'GYUR RO, ,DE BAS NA RE ZHIG DPER BRJOD PA GNYIS GO RIMS CI LTA BA BZHIN RNAM PAR 'GREL PA NI, GANG ZHIG CES BYA BA'O, , GAL TE YAN LAG MNGON SUM DU GYUR PA RNAMS YAN LAG CAN LAS GZHAN YIN NA DE'I TSE DE LAS THA DAD PAR DMIGS PAR 'GYUR BA ZHIG NA, THA DAD PAR DMIGS PA YANG MA YIN TE, DES NA DE LTAR MNGON SUM MA YIN NO ZHES BYA BA'I DON TO, ,DE BZHIN ZHES BYA BA NI THA DAD PA NYID DU'O, ,DE YIS ZHES BYA BA THA DAD PA'I NGO BOR DMIGS PAR BYA BAS KHYAB PA YIN NA 'DIR NI KHYAB PAR BYED PA MED DO, ,CI'I PHYIR MI 'GRUB SNYAM NA, THA DAD PAR ZHES SMOS SO, ,YIN NA CI 'GAL SNYAM NA, THA DAD PAR ZHES BYA BA'O, ,DES NA PHA ROL POS NI THA MI DAD PA KHO NAR KHAS BLANG BAR BYA BA YIN NO, ,DE'I TSE YANG YAN LAG CAN BRTAGS PA KHO NAR 'GYUR GYI, DON DAM PAR NI MA YIN NO, ,GAL TE YAN LAG CAN GYI RANG BZHIN LAS THA DAD PA NA, YAN LAG RNAMS MNGON SUM MA YIN PA NYID DO, ,'O NA CI LTAR MNGON SUM NYID DU 'GYUR ZHE NA GAL TE ZHES BYA BA'O, ,MNGON SUM NYID YIN ZHES BYA BA NI YAN LAG RNAMS SO, ,MNGON SUM NYID MA YIN PA NYID BRJOD PA NI, GANG DU ZHES BYA BA'O, ,DE'I DNGOS ZHES BYA BA NI YAN LAG CAN LAS THA MI DAD BA'I RANG BZHIN NO, ,DE BZHIN ZHES BYA BA NI MNGON SUM NYID DO, ,YAN LAG MNGON SUM MA YIN NA NI GZHAN GYI 'DOD PA MI 'GRUB

PO ZHES BRJOD PA NI DE LTA MA YIN TE ZHES BYA BA'O, ,DPER BRJOD PA 'DI NYID YANG RNAM PA GZHAN DU 'CHAD PA NI, YANG NA ZHES BYA BA'O, ,SNGAR NI YAN LAG RNAMS MNGON SUM MA YIN PAR BSTAN PA YIN LA, DA LTAR NI YAN LAG CAN MNGON SUM MA YIN BAR STON BA YIN NO, ,DE ZHES BYA BA NI YAN LAG CAN NO, , CI LTAR MNGON SUM MA YIN PAR 'GYUR ZHE NA, GZHAN NYID YIN NA ZHES BYA BA'O, ,DE DAG CES BYA BA NI YAN LAG RNAMS SO, ,CI LTAR MNGON SUM MA YIN NA GZHAN MNGON SUM MA YIN PAR 'GYUR ZHEN, YAN LAG CES BYA BA'O, ,YAN LAG DANG PO ZHES BYA BA NI RDUL GNYIS PA BZHIN NO, ,GZHAN NI ZHES BYA PA NI RDUL GNYIS PA CAN LA SOGS PA'O, ,LAN 'DEBS PA NI GCIG NYID CES BYA BA'O, ,DES NA ZHES BYA BA NI YAN LAG CAN MED PAS NA'O, ,DES NA ZHES BYA BA NI GZHAN MA YIN PAS NA'O, ,DPER BRJOD PA GNYIS PA RNAM PA GNYIS SU BSHAD NAS, GSUM PA 'CHAD PA NI, DE BZHIN DU ZHES BYA BA'O, ,YON TAN DANG RDZAS GNYIS THA DAD PA'I PHYOGS LA KHYAD PAR MED PAR BRJOD NAS, THA MI DAD PA'I PHYOGS LA YANG KHYAD PAR MED PAR BRJOD PA NI, PHAN TSUN SPANGS PA MA YIN NA YANG ZHES BYA BA STE, RDZAS LAS YON TAN THA MI DAD NA YANG NGO, ,GANG LAS RNAM BAR DBYE BA YOD CES BYA BA NI RDZAS KHO NA YIN LA, 'DI NI YON TAN KHO NA YIN NO ZHES THA DAD PA GANG LAS YIN ZHES BA'O, ,YON TAN NYID DANG RDZAS NYID KYI SPYI DAG YON TAN DANG RDZAS DAG LA THA DAD PA MED PA'AM, THA DAD PA ZHIG YIN, PHYOGS DANG PO LA BRJOD PA NI, RANG GI RANG BZHIN LA ZHES BYA BA'O, ,YON TAN DANG RDZAS LA SPYI GNYIS RJES SU ZHUGS NA YON TAN DANG RDZAS DAG NYID DU 'GYUR GYI SPYI GZHAN YOD PAR NI MI 'GYUR RO, ,GNYIS PA LA BRJOD PA NI, YON TAN NYID NI GZHAN YIN NA, ,ZHES BYA BA'O, ,'ANG GI SGRAS NI RDZAS NYID GZHAN YIN NA YANG ZHES SDUD BA'O, ,DER YANG ZHES BYA BA NI YON TAN NYID DANG, RDZAS NYID LA YANG NGO, ,YOD MOD CI NYES SNYAM NA, DES NA ZHES SMOS SO, ,YOD PA DANG 'BREL PAS NA'O, ,YON TAN NYID RDZAS LAS KHYAD PAR MED PA'I THAL PA SNGA MA GANG YIN PA DE BZLOG PA MED BAR 'GYUR RO, ,DPER NA YON TAN DANG LDAN PA'I PHYIR YON TAN RDZAS DANG KHYAD PAR MED PAR BRJOD PA DE BZHIN DU YON TAN NYID KYANG DE DANG LDAN PA'I PHYIR NA, RDZAS

, ,NYID DU 'GYUR RO, ,'DI NYID BRJOD PA NI, YOD NYID YOD NA ZHES BYA BA'O, ,YON TAN DANG YON TAN NYID LA YOD NYID DE, YOD BA NYID YOD PAR KHAS LEN NA, THAMS CAD CES BYA BA YON TAN DANG YON TAN NYID GNYIS RDZAS SU 'GYUR RO, ,NAM GYI TSE ZHE NA, THA DAD DANG GZHAN PA STE, YON TAN DANG RDZAS DAG THA DAD PA DANG THA MI DAD PA LA'O, ,DE BZHIN DU SPYI DAG THA DAD PA DANG MI DAD PA LA YANG NGO, ,PHAN TSUN SPANGS BAS ZHES BYA BA LA SOGS PA'I RTZOD PA LA DON 'DI YIN TE, RDZAS DANG YON TAN DAG THA MI DAD PA YIN NA, RNAM PAR DBYE BA MED PAR 'GYUR RO ZHES BYA BA 'DI RIGS PA YIN GYI THA DAD PA LA NI RDZAS NYID DANG LDAN PA'I PHYIR, RDZAS KYI GSAL BA YON TAN GYI GSAL BA LAS THA DAD BAR 'THAD KHO NA'O ZHES BYA BA'O, ,GRUB BA'I MTHA'I DON NI 'DI YIN TE, THA DAD PA'I PHYOGS LA LCAGS KYI THUR MA LTA BU'I DON DAG LA GTZO BO DANG GTZO BO MA YIN BA'I RNAM PAR DBYE BA MED PAS CI LTAR RDZAS DANG CIG SHOS KYI RNAM PAR DBYE BAR 'GYUR ZHES BYA BA YIN NO, ,RDZAS DANG CIG SHOS LA SOGS PAR RNAM PAR DBYE BA'I RGYU MTSAN DOGS PAR BYED PA NI, YON TAN NYID LA SOGS PA ZHES BYA BA'O, ,LAN NI RDZAS DANG CIG SHOS NYID DANG LDAN PAS NI RDZAS DANG CIG SHOS MA YIN NO, ,CI'I PHYIR ZHE NA, YON TAN GYI GSAL BAS ZHES BYA BA'O, ,GZHAN DU NI ZHES BYA BA GSAL BAR BYA BA MA YIN NA NI YON TAN NYID DU MI 'GRUB PA'O, ,'DI GA LAS SHE NA, YON TAN NYID DANG ZHES BYA BA'O, ,YON TAN NYID DANG RDZAS NYID KYI SPYI NI, RANG GI NGO POS PHAN TSUN THA DAD PAR NGES NUS PA NI MA YIN TE, ,PA DOG DANG RNAM PA DANG YI GES STONG BAS NA, SPYI'I RNAM PA NI GNYI GA LA YANG MTSUNGS PA'I PHYIR RO, ,DE'I ZHES BYA BA YON TAN NYID DANG RDZAS NYID KYI KHYAD PAR RDZAS NYID DAM YON TAN NYID KYI THUN MONG MA YIN PA'I RANG BZHIN NO, ,DE DANG RIGS MI MTHUN PA ZHES BYA BA NI, RDZAS KYI GSAL BA DANG RIGS MI MTHUN PA YON TAN GYI GSAL BAS GSAL BAR BYA BA NYID NI YON TAN NYID KYI KHYAD PAR YIN BA'O, ,RIGS MI MTHUN PA GNAS BA NYID KYIS ZHES BYA BA NI RDZAS NYID DANG RIGS MI MTHUN PA YON TAN NYID GNAS PAS SO, ,RIGS GSAL BA RIGS MI MTHUN BA YIN NA YON TAN NYID GSAL BAR BYED LA, RIGS MI MTHUN PA NYID KYANG RDZAS NYID DANG MI 'DRA BA YON TAN NYID KYI RIGS

DANG LDAN BA LAS YIN NA, DES NA YON TAN NYID DANG LDAN PAS RIGS MI MTHUN BA NYID RIGS MI MTHUN PA NYID YIN NA YANG GSAL BA YON TAN NYID KYIS GSAL BAR BYED BA YIN NO, ,DE LA YANG ZHES BYA BA NI SPYI DAG LA'O, ,RIGS MI MTHUN BA GNAS PA NYID NI MI 'BRA BA'I RIGS DANG 'BREL BA NYID DO, ,LDOG PA NYID YIN NA ZHES BYA BA NI RIGS DAG GO, ,DE LTAR ZHES BYA BA NI RANG GI NGO BO'I LDOG PA NYID DO, ,DE'I PHYIR YON TAN NYID LA SOGS PA DANG LDAN PAS NI, RDZAS DANG CIG SHOS NYID LA SOGS PA MA YIN NO, ,GAL TE ZHES BYA BA NI 'DI SNYAM DU RANG GI NGO BOS NI RIGS RNAMS PHAN TSUN LDOG PA MA YIN NA, GANG GIS BSAL BA RNAMS KYANG DE LTAR 'GYUR, 'ON KYANG RDZAS NYID LA SOGS PA LAS YON TAN NYID LDOG PA NI YON TAN ZHES BYA BA MTSUNGS PA'I RNAM BA CAN GYI RTOGS PA'I RGYU MTSAN YIN BA'I PHYIR RO, ,DE BZHIN DU RIGS RNAMS PHAN TSUN LDOG PA YIN PA'I PHYIR NYES PA MED DO ZHE NA, LAN NI ZHES BYA BA'O, ,BAR MA DO'I SHA LHAG PA ZHES BYA BA NI DGOS PA MED PA'I GNAS SU GYUR PA'O, ,CI LTAR DGOS PA MED SNYAM NA, RANG GI ZHES BYA BA'O, ,SPYI RANG GI DOGS PA RIGS MI MTHUN PA LAS LDOG PA'I MTSAN NYID GANG YIN PA DE NI, SPYI'I RNAM PA CAN GYI RTOGS PA'I RGYU MTSAN GYI NGES BA GANG YIN BA DE NYID KYIS 'GRUB PA'I PHYIR RO, , DE'I PHYIR RANG GI NGO BO LAS THA DAD PA'I SPYI DMIGS PA NI MED DO, ,DE LTA YIN DANG ZHES BYA BA NI SPYI MED DANG NGO, ,DES NA ZHES BYA BA NI RDZAS NYID LA SOGS PAS NA'O, ,'O NA GANG GI TSE KHYAD PAR YOD SNYAM NA, MED NA NI ZHES SMOS SO, ,KHYAD PAR GYI RNAM PA NYID BRJOD PA NI RDZAS ZHES BYA BA NI, GNYI GA'I SGRA NI RE RE DANG SBYAR TE RANG GI NGO BO GNYI GA BSAL BA DANG, GNYI GA'I KHYAD PAR BSAL BA'I SGO NAS SO, ,'DIR NI DPER BRJOD MA THAG TU BSTAN PA YIN TE, CHOS KYI RANG GI NGO BO BSAL BA DANG, CHOS CAN GYI RANG GI NGO BO BSAL BA DANG, CHOS KYI KHYAD PAR BSAL BA DANG, CHOS CAN GYI KHYAD BAR BSAL BA DANG, CHOS DANG CHOS CAN GYI RANG GI NGO BO'I TSOGS BA BSAL BA NA, CHOS DANG CHOS CAN GYI KHYAD PAR GYI TSOGS BSEL BA'O, ,DE LA CHOS KYI RANG GI NGO BO SEL BAS NI SGRA MNYAN BYA MA YIN TE ZHES BYA BA LA SOGS PA DPER BRJOD PA RNAM PA BZHI NYE BAR BKOD PA YIN NO, ,LHAG MA GSUM NI DE MA

, ,THAG TU BSTAN ZIN PA NYID DO, ,DA NI DPER BRJOD PA LHAG MA GNYIS BRJOD PAR BYA BA YIN NO, ,GAL TE YANG CHOS KYI RANG GI NGO BO DANG, CHOS CAN GYI RANG GI NGO BO DANG, DE DAG GI KHYAD PAR RNAMS KYI DPER BRJOD PA BSTAN ZIN PA DE LTA NA YANG DE DAG NI THA DAD BAR DPER BRJOD BA YIN LA; DA NI DPER BRJOD PA GCIG NYID LA GNYIS GNYIS NYE BAR STON PA YIN NO, ,'DI LTA STE, NGAG THAMS CAD NI BDEN PA'I DON CAN MA YIN NO ZHES BYA BA BZHIN NO, ,CI LTAR NA 'DI GNYI GA LTAR YANG PHYOGS KYI NYIS BA YIN SNYAM NA, TSIG KUN ZHES GSUNGS SO, ,GANG DANG BDEN PA MA YIN PA, CHOS CAN DANG CHOS KYI RANG GI NGO BO DAG DANG, DE'I NGO BO'I KHYAD BAR DAG STE, NGAG DANG BDEN PA MA YIN PA NYID KYI RANG GI NGO BO KHYAD PAR DAG SPONG BA BRJOD PAR 'DOD PA YIN NA, GNYI GA'I RANG GI NGO BO DANG KHYAD PAR SPONG BA'I MTSAN NYID KYI SKYON YIN NO, ,'DI LTAR DAG NI CHOS CAN NO, ,BDEN PA MIN PA NYID CES BYA BA NI BSGRUB PAR BYA BA'I CHOS YIN NO, 'DI GNYI GA YANG SEL BA YIN NO, ,GANG ZHIG NGAG THAMS CAD NI BRDZUN YIN NO ZHES BRJOD PA DE NI, CHOS CAN NGAG DANG CHOS MI BDEN PA NYID KYI RANG GI NGO BO SEL BA YIN TE, DAG THAMS CAD MI BDEN PA NYID KYIS DAG 'DI YANG RJOD PAR BYED PA MA YIN PAR 'GYUR LA, RJOD PAR BYED PA NYID MED NA YANG MI BDEN PA NYID DU MA BSTAN PAR 'GYUR RO, ,DE'I PHYIR RANG NYID TSAD MAR STON PA NA, 'DI PHYOGS LTAR SNANG BA NYID DU STON PA YIN NO, ,DE LTAR CHOS DANG CHOS CAN GYI RANG GI NGO BO SEL BAS DPER BRJOD BAS DPER BRJOD BA BSTAN PA YIN NO, ,DA NI DE'I KHYAD PAR SEL BA'I SGO NAS STON PA NI, TSIG KUN BDEN PA'I DON MIN ZHES BYA BA STE, NGAG NI CHOS CAN NO, ,DE'I KHYAD PAR NI RTAG BA NYID DO, ,BDEN PA MA YIN BA'I SPYI NI BSGRUB PAR BYA BA'I CHOS YIN LA DE'I KHYAD PAR NI BRJOD PAR BYA BA NI BDEN PA CAN NO, ,MI BDEN PA'I SGRA NI BRJOD BAR BYA BA DANG, BRJOD BAR BYA BA MA YIN PA LA GNAS PA'I BRDZUN PA CI ZHIG BRJOD PA YIN LA, BRJOD BAR BYA BA LA LTOS PA'I BRDZUN PA NYID NI KHYAD PAR YIN NO, ,GANG ZHIG RTAG PA'I DAG THAMS CAD NI BDEN BA'I DON CAN MA YIN NO ZHES SMRA BA DE NI, NGAG BRJOD PAS GNOD PA YIN NO, ,GAL TE NGAG RTAG PA YIN NA DE'I TSE RTAG

PA NYID KYI THAMS CAD KYI TSE GNAS PA'I PHYIR RKAN LA SOGS PA'I BYED PAS CI ZHIG BYA, DE'I PHYIR RTAG PA NYID DU DAM BCA' BA NI CHOS CAN GYI KHYAD BAR MI RTAG PA NYID LA GNOD BAR BYED DO, ,BRJOD BA'O SHUGS KYIS KYANG RTAG BA NYID LA GNOD PA YIN TE, DE'I PHYIR NGAG RTAG PA ZHES BYA BA NI, PHYOGS LTAR SNANG BA YIN NO, ,DAG THAMS CAD BDEN PA'I DON MA YIN NO ZHES BRJOD PA YANG BSGRUB BAR BYA BA'I CHOS MI BDEN PA NYID KYI MTSAN NYID KYI KHYAD PAR MI BDEN PA BRJOD BAR BYA BA CAN NYID LA GNOD DE, NGAG THAMS CAD MI BDEN PA'I DON CAN YIN NA, MI BDEN PA'I BRJOD PAR BYA BA NYID BSTAN PA MA YIN PA'I PHYIR RO, ,GNYI GA'I ZHES BYA BA 'DIS CHOS DANG CHOS CAN DAG GI RANG BZHIN GANG DAG YIN PA DE DAG BSAL BA YIN NO, ,BSGRUB PAR BYA BA'I CHOS KYI KHYAD PAR BRJOD PA NI, MI BDEN PA NYID CES BYA BA'O, ,GNYI GA ZHES BYA BA NI, CHOS DANG CHOS CAN DAG GIS KHYAD PAR GANG DAG YIN PA DE DAG BSAL BA'O, ,'DI NYID SMRAS PA NI NGAG THAMS CAD CES BYA BA'O, ,CHOS CAN NGAG THAMS CAD KYI KHYAD PAR RTAG PA GANG YIN PA DE DANG BSGRUB PAR BYA BA MI BDEN PA NYID KYI KHYAD PAR BRJOD PAR BYA BA MI BDEN PA NYID GANG YIN PA DE BSAL BA'I PHYIR RO, ,'DI CI LTAR ZHE NA, BRJOD PA'I SHUGS ZHES BYA BA'O, ,DE'I PHYIR ZHES BYA BA NI TSAD MAR GYUR PA'I PHYIR BRJOD PA'I SHUGS DES NGAG NYID DANG, MI BDEN PA'I BRJOD PAR BYA BA CAN NYID DE DAG MED PA BSAL BA YIN NO, ,GAL TE CHOS CAN GYI RANG GI NGO BO DANG, CHOS KYI KHYAD PAR GNYIS MED NA DE'I TSE DAG BRJOD PA NYID DU MI 'GYUR RO, ,DES NA BRJOD PA'I SHUGS LAS, CHOS DANG CHOS CAN GYI RANG GI NGO BO DANG, CHOS KYI KHYAD PAR GNYIS DANG 'BREL BA'I MED PA NYID BSAL BA YIN NO, ,MED PA BSAL BA NA YANG GNYI GA YOD PAR 'GYUR NA DE YANG SNGAR BRJOD PA'I TSUL DU BSAL ZIN PA YIN NO, ,CHOS CAN GYI KHYAD PAR CI LTAR SEL CE NA, CHOS CAN GYI KHYAD PAR YANG ZHES BYA BA'O,, CHOS CAN NGAG GI KHYAD PAR YANG KHYAD PAR RTAG PA NYID KHAS BLANGS PA 'DIR, MI RTAG BA NYID DANG BTZAL MA THAG PA NYID LA SOGS PA 'GA' ZHIG YOD PA YIN LA DES BSAL BA YIN NO, ,GAL TE GANG GIS TE SEL BAR 'GYUR BA DE'I MI RTAG PA NYID CI LTAR ZHE NA, GAL TE ZHES BYA BA'O, ,CI

, ,LTAR DGOS PA MED SNYAM NA, GAL TE ZHES GSUNGS SO, ,GSAL BAR BYED PA NI GAL TE ZHES BYA BA'O, ,NGAG GI RANG BZHIN SGRUB PA MED NA ZHES BYA BA NI NGAG GI RANG BZHIN PHAN 'DOGS BAR BYED PA MA YIN NA'O, ,SMRA BA PO GRUB PA NYE BAR 'JOG BAR THAL BAR 'GYUR RO ZHES 'BREL TO, ,PHYED SNGA MA BSHAD NAS PHYED PHYI MA 'CHAD PA NI, DER GYUR PA MA YIN PA ZHES BYA BA STE, NGAG GI RANG BZHIN GYI PHAN PA MED NA'O, ,LTOS BAR BYA BA YANG YIN TE ZHES BYA BA NI NGAG GIS DE NI NGAG GO, ,DES NA ZHES BYA BA MI RTAG PA NYID DU BSGRUBS PAS NA, CHOS CHOS CAN DE DAG GI KHYAD PAR BSAL BA'I SGO NAS SO, ,DE LTAR DPER BRJOD PA'I SPROS PA BSHAD NAS, SNGAR BKOD ZIN PA'I RNAM 'GREL NYID 'CHAD BA NI, DE LA ZHES BYA BA STE, BRJOD MA THAG PA'I DPER BRJOD PA DE DAG LAS SO, ,CI'I DON DU ZHE NA PHYOGS 'DIS ZHES GSUNGS SO, ,'O NA CI LTAR BSGRUB BAR BYA BA YIN SNYAM NA, 'ON KYANG ZHES BYA BA'O, ,RDZAS KYI MTSAN NYID DE YANG GANG YIN SNYAM NA BYA BA DANG ZHES BYA BA'O, ,DE BZHIN DU MTHONG BA LA BRTEN PA CAN NYID DU YAN LAG CAN BSGRUB PAR BYA BA YIN NO ZHES 'BREL TO, ,DE LTAR MI SGRUB BA NA GRUB BA LA SGRUB PA NYID KYI NYES PAR 'GYUR RO ZHES BRJOD PA NI, GAL TE ZHES BYA BA'O, ,'DI NYID BRJOD PA NI YAN LAG NI ZHES BYA BA'O, ,GAL TE GANG GIS DE LTAR BRJOD PAR 'GYUR BA, YAN LAG CAN RDZAS KYI MTSAN NYID DANG LDAN PA DANG, MTHONG BA'I YUL NYID DU DE SMRA BAS CI LTAR 'DOD SNYAM NA, BLTAR MI RUNG BA RDUL PHRA RAB RNAMS LA MI SRID PA, SHES PA LA SOGS PA'I MTSAN NYID KYI 'BRAS BU MTHONG NAS, 'BRAS BU DE'I RGYU YAN LAG CAN 'DOD PA YIN NO, ,DES NA DE'I MTSAN NYID DANG LDAN PA KHO NA BSGRUB PAR BYA BA YIN NO, ,DE RDZAS KYI MTSAN NYID DANG LDAN PA BSGRUB BAR BYA BA YIN PA'I RGYU CI ZHE NA, KHYAD BAR CAN MIN ZHES BYA BA'O, ,PHYED PHYI MA 'CHAD PA NI RDUL PHRA RAB CES BYA BA'O, ,DE NYID CES BYA BA BLO'I RNAM BA'O, ,'ON TE YAN LAG CAN MED NA BLO'I RNAM PA DE NYID DU MI 'GYUR RO, ,DES NA BLO'I RNAM PA LAS MA GTOGS PA'I YAN LAG CAN NI GRUB PA KHO NA'O ZHE NA, HA CANG ZHES GSUNGS SO, ,HA CANG YUL THAG RING PO NA GNAS PA MA YIN PA PHAN TSUN NYE BA NYID DU GNAS SHING MA 'DRES PA'I SKU YUL GANG LA YOD PA SEMS GCIG GI

RNAM PAR SNANG BA'I RTOGS PA DE LA DE SKAD CES BRJOD DO, ,SGRA RNAMS KYI YUL HA CANG THAG RING PO NA GNAS PA MA YIN PA NI RTOGS PA PO LA LTOS BA YIN LA, PHAN TSUN NYE BAR GNAS PA NI NANG PHAN TSUN LA LTOS PA'O, ,DES NA ZHES BYA BA NI YAN LAG CAN MED PAR 'GYUR BA DES NA'O, ,DE TZAM GYIS ZHES BYA BA NI BOMS GCIG PA'I RNAM PA CAN GYI RTOGS PA TZAM GYIS SO, ,DES NA ZHES BYA BA NI YAN LAG GRUB PA MED PAS NA'O, ,MTSAN NYID DANG LDAN PA NYID BSGRUB PAR BYA BA YIN NO ZHES BYA BA 'DI GA LAS SHE NA, DE LA YANG ZHES SMOS SO, ,MTSAN NYID DE YANG GANG ZHE NA, YON TAN ZHES BYA BA'O, ,DE DAG GIS ZHES BYA BA NI YON TAN DANG BYA BA DAG GI'O, ,DE LTAR YIN DANG ZHES BYA BA NI MTSAN NYID DANG LDAN PA YIN DANG NGO, ,GAL TE YAN LAG CAN 'DI LA LCI BA NYID DANG 'OG TU 'GRO BA'I MTSAN NYID KYI YON TAN DANG BYA BA DAG YOD PAR 'GYUR BA YIN NA, DE'I TSE SRANG DMA' PAR 'GYUR RO, ,DES ZHES BYA BA 'OG TU 'GRO BAS DRANGS PAS NA SRANG MGO DMA' PAR 'GYUR RO, ,BZLOG PA BRJOD PA NI YAN LAG CAN ZHES BYA BA'O, ,DE NI YAN LAG LAS LHAG BA YANG YOD BA MA YIN NO ZHES BYA BA NI, YAN LAG RNAMS BCAL BA NA SRANG MGO CI TZAM DMA' BA DE TZAM NI YAN LAG CAN BCAL YANG YIN NO ZHES BYA BA'I DON TO, ,DES NA ZHES BYA BA NI DMA' BA MED PAS NA YAN LAG CAN 'DI'O, ,DES NA NI DMA' BA MED PAS SO, ,DE'I PHYIR ZHES BYA BAS NI YON TAN DANG BYA BA MED PAS NA'O, ,DE MED NA ZHES BYA BA YON TAN DANG LAS MED NA' [?], ,DE LTAR ZHES BYA BA 'DU BA CAN GYI RGYUR RO, ,DE'I PHYIR ZHES BYA BA NI 'DU BA CAN GYI RGYU NYID MANG [?] PA'I PHYIR RO, ,'DU BA CAN GYI RGYU MED KYANG DE MTHONG BA MA YIN PA CI LTAR ZHE NA, MNGON SUM DANG RJES SU DPAG PA DAG GIS MA MTHONG BA'I PHYIR RO ZHES BRJOD PA NI, 'BRAS BU ZHES BYA BA STE 'BRAS BU LCI BA NYID LA SOGS PA DANG, NGO BO YAN LAG RNAMS LAS THA DAD PA DAG GO, ,BLTAR RUNG NYID KYANG ZHES BYA BA NI MTSAN NYID DANG LDAN BA 'BA' ZHIG TU MA ZAD PA'O, ,DE NI ZHES BYA BA NI BLTAR RUNG BA NYID DO, ,CIG SHOS ZHES BYA BA NI DNGOS PO'O, ,'O NA RAGS BA NYID DU DMIGS PA CI ZHIG YIN SNYAM NA RNAM PAR SHES PA'I ZHES BYA BA'O, ,DE LAS 'PHAGS PA ZHES BYA BA NI, RNAM

, ,PAR SHES PA'I RNAM PA LAS BLO LHAG PAR GYUR PA'O, ,DE'I PHYIR YAN LAG CAN NI RDZAS KYI MTSAN NYID DANG LDAN PA'AM, BLTAR RUNG BA MA YIN NO ZHES GNAS SO, ,MJUG SDUD PA NI DES NA ZHES BYA BA'O, ,DES NA GNOD PA YIN NO, ,GA LAS SHE NA, YAN LAG CAN GYI MTSAN NYID GZHAN TZAM GANG YIN PA DE LAS GZHAN DU 'GYUR BA'I KHYAD PAR LCI BA NYID LA SOGS PA'I MTSAN NYID DE LA'O, ,CI LTA BU'I KHYAD PAR CAN ZHIG LA ZHE NA, MED NA MI 'BYUNG BA LA STE, YAN LAG CAN YOD PA LA MI 'KHRUL BA LA'O, ,GAL TE KHYAD PAR 'DI KHAS MI LEN NA, DE'I TSE YAN LAG CAN KUN RDZOB TU YOD PA KHO NAR 'GYUR RO ZHES BYA BA'I DON TO, ,RNAM PAR 'GREL PA NI, GZHAN GYI KHYAD PAR GNOD PA YIN NA ZHES 'BREL TO, ,KHYAD PAR GYI GZHAN NYID GANG LA LTOS PA YIN ZHE NA, SMRAS PA'I ZHES BYA BA STE, SMRAS BA'I GZHAN DAG YIN PA STE, YAN LAG CAN ZHES BYA BA KUN RDZOB TU YOD PA TZAM, DE LAS KHYAD PAR DU GYUR PA GANG YIN PA LCI BA LA SOGS PA'I MTSAN NYID DO, ,'DI NYID BRJOD PA NI, RDZAS KYI MTSAN NYID DANG LDAN PA ZHES BYA BA STE, LCI BA LA SOGS PA'I MTSAN NYID KYIS MTSAN PA ZHES BYA BA'I DON TO, ,KHYAD PAR DE YANG YAN LAG MED NA MI 'BYUNG BA NYID KYIS BSGRUB BAR BYA BA YIN NO, ,DE LTA MA YIN NA ZHES BYA BA NI RDZAS KYI MTSAN NYID DANG MI LDAN NA'O, ,GZHAN TZAM NI KUN RDZOB TU YOD PA TZAM NI GRUB PA LA SGRUB PAS BSGRUB BYA MA YIN PA'I PHYIR RO, ,DE NYID KYI 'DI LTAR ZHES BYA BA'O, ,YAN LAG CAN 'DI SNANG BA TZAM DU 'GYUR RO, ,YAN LAG CAN MED NA SNANG BA NYID 'THAD PA DKA'O ZHE NA, SNANG BTZAM NYID CES GSUNGS SO, ,SNANG BA RNAM PAR SHES PA LAS THA MI DAD PA NYID DPER STON PA NI, RAB RIB CES BYA BA'O, ,DE DAG CES BYA BA NI SGRA DANG SHA SBRANG LA SOGS PA'O, ,'DIR ZHES BYA BA NI YAN LAG CAN GNOD PAR BYED PA LA'O, ,GZHAN DAG CES BYA BA NI RIGS PA CAN LA SOGS PA'I KHYAD PAR RO, ,'CHAD BA NI PHRA MO ZHES BYA BA LA SOGS PA'O, ,RDUL GNYIS PA LA SOGS PA NAS BRTZAMS PA'I RDZAS KYI LCI BA GANG YIN PA DE DAG GIS GZHAL BA'I TSE DANG 'BREL BA'I PHYIR 'DZIN PA YIN NO, ,GAL TE RDZAS SO SOR DES PA 'BA' ZHIG GZHAL NA DE'I TSE DE'I LJI BA NYE BAR MTSON PAR NUS PA ZHIG NA, DU MA GZHAN BZHIN, GCIG GIS LJID

NGES PAR GZUNG BAR MI NUS TE MED PA'I PHYIR RO, ,'DI NYID GSUNGS PA NI 'DI LTAR ZHES BYA BA'O, ,DE'I ZHES BYA BA NI LJID CAN DE'I'O, ,'O NA DE MED PA KHO NA'O ZHE NA, MA RTOGS KYANG ZHES BYA BA'O, ,DE'I PHYIR ZHES BYA BA NI LCI BA NYID LA SOGS PA DANG 'OG TU 'GRO BA MED PA'I PHYIR RO, ,'DI'I LAN NI DE NI ZHES BYA BA'O, ,GAL TE LCI BA NYID BLA LHAG PAR MI RTOGS NA YAN LAG CAN BLA LHAG PA DE NI GA LAS RTOGS, LCI BA NYID DANG 'OG TU 'GRO BA NYID MED PAR YANG YAN LAG CAN RTOGS PAR 'GYUR RO ZHE NA, DE RIG CES BYA BA NI LCI BA NYID LA SOGS PA RIG PA'O, ,DE LA YAN LAG CAN GRUB PA RE BA YIN NO, ,DE LOG NA LTE LCIB NYID LA SOGS PA RIG PA LOG NA CI LTAR 'GYUR, DE ZHES BYA BA SNANG BA TZAM MO, ,BSGRUB BAR BYA BA NI KUN RDZOB TU YOD PA'I YAN LAG CAN NI GRUB BA LA SGRUB PA YIN NO, ,DE SKAD SMRA BA DE NI RDUL GNYIS PA LA SOGS PA'I RIM GYIS LDAN PA DANG CIG CAR LDAN PA'I PHYAG DAR GYI YUNG LO'I DI GNYIS KYI LJID THA DAD PAR 'GYUR RO, ,CI'I PHYIR ZHE NA, DE PHYIR ZHES GSUNGS SO, ,GCIG LA NI YAN LAG CAN GYI TSOGS MANG PO YOD PA'I PHYIR DANG, GZHAN LA NI DE MED PA'I PHYIR RO, ,'ON TE GNYI GAL YANG YAN LAG CAN GCIG KHO NA YIN PA DES NA LJID THA DAD PAR MI 'GYUR RO ZHE NA, DA LTA NA 'ON SO SO DANG LHAN CIG TU BCAL BA LA LJID THA DAD PAR 'GYUR RO, ,RDZAS SNA TSOGS KYI BDAG NYID CAN PHYAG DAR GYI PHUNG PO DUS GCIG TU BCAL BA DANG, DE NYID YANG RIM MAM CIG CAR GYI GONG BUR BYAS NAS BCAL BA STE, DE LTAR SO SO DANG LHAN CIG BCAL BA NA LJID THA DAD PAR 'GYUR RO, ,'DIR YANG DE PHYIR ZHES BYA BA NI SNGA MA BZHIN NO, ,'DIR YANG GNYI GA LA YAN LAG CAN GYI RDZAS GCIG KHO NA YOD DO ZHES NI BRJOD PAR MI NUS SO, ,RNAM PAR BSHAD PA MDZAD PAS NI 'DI LA DANG GI SGRAS 'PHANGS PA'I LAN BRJOD DE, LAN 'DI NI GSAL BA'I PHYIR RNAM PAR MA PHYE'O, ,'GREL PA BYED PAS NI DE'I PHYIR ZHES BYA BA LJID THA DAD PA YOD PA DE'I PHYIR ZHES BSHAD DO, ,BZLOG PA BRJOD PA NI THA DAD PA NI ZHES BYA BA'O, ,RAS BAL GYI 'DAB MA'I DPE YANG MI 'THAD DO ZHES BSTAN PA'I PHYIR RAS BAL GYI ZHES BYA BA'O, ,RAS BAL GYI 'DAB MA'I RTOGS PA YIN TE ZHES BYA BA NI LJID DO, ,'DI NI ZHES BYA BA NI RAS BAL GYI 'DAB MA'O, ,

, ,'ON TE ZHES BYA BA LA SOGS PA NI RTZOD PA'O, ,DE LTA NA ZHES BYA BA NI GRUB PA'I MTHA'O, ,DE LTAR GYUR NA NI RDZAS PHRENG GZHAL BA ZHES GANG BRJOD PA DE MA 'BREL BAR THAL TE, GCIG LA RDZAS KYI PHYE BA MED PA'I PHYIR RO, ,'DIS NI RANG GI TSIG DANG 'GA' BA MED DU BCUG PA DE LTA NA YANG NYES PA YOD PA NYID ZHES BRJOD PA NI, THA MA'I ZHES BYA BA'O, ,YAN LAG CAN THAMS CAD ZHIG NAS SKYES PA'I THA MA'I YAN LAG CAN GYI LJID MI RTOGS PA YANG MI 'THAD DE DE YOD PA'I THA SNYAD MED PAR THAL BA'I PHYIR RO ZHES DGONGS PA'O, ,DES NA ZHES BYA BA NI ZHIG PA'I GNYIS PA DES BRTZAMS PA'I YAN LAG CAN GYI'O, ,'DI LA SRAD DMA' BA'I KHYAD PAR MED NA, YAN LAG CAN YOD PA'I THA SNYAD MI 'THAD DO ZHES BYA BA'I NYES PA 'DI YAL BAR DOR NAS, NYES PA GZHAN BRJOD PA NI, DE LTA NA ZHES BYA BA'O, ,GAL TE YAN LAG CAN THAMS CAD ZHIG PA NA YAN LAG GCIG SKYE BA YIN PA'I PHYIR SRANG DMA' BA'I KHYAD PAR DU MI 'GYUR TE KHYAD PAR DU MI 'GYUR TE KHYAD PAR MED PA'I PHYIR RO ZHES BYA BA YIN NO, ,DE'I TSE RDUL PHRANG BA RNAMS KYANG 'JIG PAR 'GYUR RO, ,YAN LAG CAN THAMS CAD 'JIG PA NA RDUL GNYIS PA YANG BSDUS PA NI MA YIN NO, ,DE YANG RDUL PHRA RAB GNYIS PO MA ZHIG GI BAR DU 'JIG BA MA YIN NO RDUL PHRA RAB RNAMS KYANG 'JIG PAR THAL LO, ,DE LTA NA YANG RDUL PHRA RAB RNAMS NI RTAG PA YIN NO ZHES BYA BA'I GRUB PA'I MTHA' DANG 'GAL LO, ,RDUL PHRA RAB 'JIG PA SPONG BA'I DOGS PA BSUB NI, 'ON TE ZHES BYA BA'O, ,RDOL PHRA RAB RNAMS LA YANG RNAM PAR DBYE BA YOD DO ZHE NA, RDUL PHRA RAB DAG LA NI ZHES BYA BA'O, ,MA YIN TE ZHES BYA BA NI LAN NO, ,RDUL PHRA RAB RNAMS NI CHA SHAS DANG BCAS BA KHO NAR 'THAD DO ZHES BYA BA'I DON TO, ,CI'I PHYIR ZHE NA, LUS CAN DAG NI ZHES BYA BA'O, , 'DIS NI RDUL PHRA RAB RNAMS LA RNAM PAR DBYE BA MED PA'I SGRUB BYED PA NYID MA GRUB STE GZHAN GYIS LUS CAN DU KHAS BLANGS PA'I PHYIR RO ZHES BSTAN PA YIN NO, ,GAL TE DE LTAN MDO SDE BA'I LTAR NA YANG RDUL PHRA RAB RNAMS CHA MED DU MI 'GRUB PO ZHE NA, MA YIN TE MDO SDE PAS NI RDUL PHRA RAB RNAMS LUS CAN NYID KHAS MA BLANGS PA'I PHYIR TE, THAMS CAD SO SO BA MA YIN PA'I RDZAS KYI TSAD NI LUS CAN YIN NO ZHES GZHAN NYID KYIS KHAS BLANGS PA'I PHYIR RO, ,DES NA NYES PA 'DI NI MED DO, ,GANG GI PHYIR DE LTAR YAN LAG CAN THAMS CAD ZHIG NA RDUL PHRA RAB 'JIG PAR THAL BA DE'I PHYIR, DUM BU'I YAN LAG CAN GYI RANG

BZHIN YAN LAG CAN NI 'JIG PA ZHES BYA BAR MI 'THAD DO, ,DE LTA YIN DANG SRANG DMA' BA'I KHYAD BAR DU 'GYUR RO ZHES BYA BA'I NYES PA SO NA 'DUG GO, ,'ON TE BYA BA NI RDUL PHRA RAB ZHIG NA YAN LAG CAN THAMS CAD 'JIG LA DES NA THA MAR GNAS PA'I YAN LAG CAN GCIG KHO NA SKYE BA DE'I PHYIR SRAD NGAN 'BA'I KHYAD BAR DU MI 'GYUR RO ZHES BYA BA'O, ,LAN NI DE LTA NA'O ZHES BYA BA'O, ,MA SHA LA SOGS PA RIM GYIS BCAL BA GRANGS LNGAS RIM PAR BCAD PA PHYIS GONG BUR BYAS PA RNAMS KYI, SNGAR GRANGS CI 'DRA BA DE 'DRA BAR DE DANG MTSUNGS PA MI RUNG NGO, ,GONG BUR BYAS BA'I GNAS SKABS NA YAN LAG CAN GCIG YIN PA'I PHYIR DANG, MA SHA LA SOGS PA'I YAN LAG CAN RNAMS KYANG ZHIG BA'I PHYIR RO, ,'CHAD PA NI MA SHA'I ZHES BYA BA'O, ,'O NA CI LTAR 'GYUR ZHE NA, GSER ZHES BYA BA'O, ,'ON TE LCI BA NYID GCIG YIN YANG ZHES BYA BA NI YAN LAG CAN NO, ,DE LTAR ZHES BYA BA NI, MA SHA LNGA'I GONG BU ZHES BYA BA'O, ,DE LTAR YIN NA ZHES BYA BA NI GCIG NYID KYIS DE LTAR THA SNYAD BYED PA YIN NA'O, ,DON DAM PAR NI MI 'GYUR GYI 'ON KYANG BRTAG PAR 'GYUR RO, ,DE LTAR YANG GZHAN PA MA YIN NO, ,DE'I PHYIR RANG GI GZHUNG DANG 'GAL BAS, RDUL PHRA RAB NI 'JIG PAR NI KHAS BLANG BAR BYA BA MA YIN NO, ,'O NA CI LTAR GRANGS DON DAM PA MA YIN ZHE NA, DE'I PHYIR YAN LAG RNAMS MA ZHIG NA, MA SHA LA SOGS PA DANG MTSUNGS PA'I RGYU MTSAN DE LA BRTEN BA'I GRANGS 'THAD PA YIN NO ZHES SMOS SO, ,DE LA BRTEN PA NI YAN LAG LA BRTEN PA'O, ,GRANGS NI LNGA'O, ,CIG CAR LDAN PA DANG RIM GYIS LDAN PA DAG NI GNOD MI ZA BAR LJID KHYAD PAR YOD PAR 'GYUR RO, ,YOD PA YANG MA YIN TE DES NA YAN LAG CAN NI YOD PA MA YIN NO ZHES DGONGS PA'O, ,'ON TE ZHES BYA BA NI PHA ROL GYI'O, ,GONG ROL GYI GONG MA ZHES BYA BA NI, YAN LAG CAN GYI MTSAN NYID KYI 'BRAS BU'O, ,CI LTAR RDZAS GCIG MI RTOGS BA DE BZHIN DU GONG MA GONG MA'I 'BRAS BU THAMS CAD KYANG YIN PAR 'GYUR TE, KHYAD PAR MED PA'I PHYIR RO ZHE NA 'DI LA RE ZHIG RANG NYID LAN 'DEBS PA NI, DE NI MA YIN TE ZHES BYA BA'O, ,'DIR BAR GYI SGRA BYA ROG GI LTA STANGS KYI TSUL GYIS GNYI GA YANG SBREL BAR BYA'O, ,DES NA 'DI LTAR SBYAR STE, YUNGS KAR NAS BRTZAMS TE YUNGS KAR MTHA' MTSAMS NAS BZUNG STE TSOGS CHEN PO NAS TSOGS CHEN PO'I MTHAR THUG PAR 'BRAS

, ,BU'I PHRENG BA'I GONG NAS GONG DU 'PHEL BA DANG LDAN PA'I LCI BA NYID GAL TE RTOGS PA NA YIN NA, DE'I TSE YUNGS KAR BAR GYI ZHES BYA BA YUNGS KAR MU MTSAMS SU BZUNG BA'I SNGA MA'I LCID DAG KYANG, SHIN TU CHUNG BA JE CHUNG JE CHUNG SONG BA NI SHIN TU RTOGS PAR DKA' BAR 'GYUR RO, ,DES NA 'BRAS BU'I PHRENG BA DE'I RGYU'I RDUL PHRA RAB DAG NYID GZHAL BAR 'GYUR RO, ,CI'I PHYIR ZHE NA, 'BRAS BU'I ZHES BYA BA'O, ,DE'I RGYU DU MA BU'I YAN LAG GI YIN PAR 'GYUR RO, ,DE YANG ZHES BYA BA RGYU'I YAN LAG GO, ,DE'I RGYU'I ZHES BYA BA NI SGRA'I RGYU'I'O, ,DE'I YANG ZHES BYA BA NI, DUM BU'I RGYU YANG GZHAL BAS NA DE'I RGYU'I ZHES BYA BA DUM BU'I SGRA'I RGYU'I LJID YIN PA'I PHYIR ZHES SBYAR RO, ,RDUL PHRA RAB KYI RGYU YANG CI'I PHYIR GZHAL BAR MA YIN SNYAM NA, DE DAG LA NI ZHES BYA BA STE, RDUL PHRA RAB DAG NI BRTZAM BAR BYA BA MA YIN TE RGYU MED PA'I PHYIR RO, ,'BRAS BU NYID YIN NA NI YAN LAG CAN GYI RANG BZHIN DU RANG 'GYUR RO, ,DE'I PHYIR LJID NI CHA MED PA'I RANG BZHIN RDUL PHRA RAB NYID LA YOD PA YIN NO, ,DES NA YAN LAG CAN GYI LJID NI YOD PA MA YIN PAS YAN LAG CAN RTOGS PA NI LOG PA KHO NA YIN NO, ,THA MA YIS BYA BA NI, THA MA'I YAN LAG CAN ZHIG KYANG ZHES YANG GI SGRA NI RIM PA GZHAN DU BYA STE, THA MA'I YAN LAG CAN ZHIG KYANG LJI BA NYID DMIGS PA GANG YIN PA DE NI DE DAG GI YIN TE, RGYU DANG 'BRAS BUR GYUR PA DUM BU'I YAN LAG CAN DANG, DE'I YAN LAG DAG LA MTHONG NGO ZHES 'BREL TO, ,YAN LAG CAN YANG ZHIG PAR GYUR KYANG DUM BU'I YAN LAG CAN DANG DE'I YAN LAG LUS DAG LA YANG LJID DE NYID MTHONG NGO ZHES SBYAR RO, ,YANG NA RNAM PA GZHAN DU BSHAD DE, THA MA'I YAN LAG CAN ZHES BYA BRGYU DANG 'BRAS BUR GYUR PA THA MA'I YAN LAG CAN DANG, DUM BU'I YAN LAG CAN ZHIG PA DE DAG GNYIS KYI LCI BA NYID GANG YIN PA BDE 'BA' ZHIG MTHONG LA, YANG DUM BU'I YAN LAG CAN DANG DE'I YAN LAG DAG ZHIG PAR GYUR KYANG, RGYU DANG 'BRAS BUR GYUR PA DUM BU'I YAN LAG CAN DANG DE'I YAN LAG GNYIS PA ZHIG PAR GYUR PA DAG DANG 'BREL PA'I LJID NYID GANG YIN PA DE NYID MTHONG NGO GANG GIS PHYIR DE LTAR LCI BA NYID MTHONG BA DES NA'O, ,DNGOS BO'I CHOS GANG ZHIG THAMS CAD SDUD PAR BYED PA DAG LAS GCIG LA MI SRID PA DE NI NGES PAR GZHAN LA YOD PA YIN TE DPER NA RTAG PA DANG GZHAN DAG LA DON BYA BA BYED PA NYID

BZHIN NO, ,LCI BA NYID CES BYA BA DNGOS PO'I CHOS KYANG RDUL PHRA RAB DANG RAGS PA GNYIS LAS RAGS PA LA MI SRID PA YIN NO ZHES BYA BA NI RANG BZHIN NO, ,SUN 'BYIN PA GZHAN YANG BRJOD PA NI, GZHAN YANG ZHES BYA BA'O, ,'DAB BAL GYI ZHES BYA BA NI GCIG LA'O, ,YOD PA NYID DO ZHES BYA BA NI MED PA YIN PA STE, 'DAB BA LA DE BLTAR RUNG BA YIN PA'I PHYIR RO, ,DE ZHES BYA BA NI 'BRAS BU MTHONG BA'O, ,DON NI YAN LAG CAN NO, ,DE'I 'BRAS BU NI YAN LAG CAN GYI 'BRAS BU'O, ,'O NA DE LTA MA YIN NA, DE RTOGS PAR 'GYUR RO ZHE NA, LJID NYID CES BYA BA'O, ,MA SHAL SOGS PA RIM GYIS BGRANGS PA NI PHYIS BSGONGS PA'I YAN LAG CAN YAN LAG CAN RNAMS LAS LHAG PA NI YOD PA MA YIN NO, ,DE CI'I PHYIR ZHE NA, LCI BA NYID RTOGS PA MED PA BZHIN DU, YAN LAG CAN DE'I YON TAN GZUGS LA SOGS PA THAMS CAD RTOGS PA MED PA'I PHYIR RO, ,GAL TE DE LTA NA YAN LAG CAN LA GNOD PAR BYED PA DU MA YOD PA YIN NO, ,'O NA CI LTAR SRANG DMA' BA'I BYAD PAR MI 'DZIN PA'I PHYIR ZHES BYA BA 'BA' ZHIG BRJOD CE NA, RTZA BA'I SLOB DPON GYIS GSUNGS PA'I DMA' BA MED PA GANG YIN PA DE NI YAN LAG CAN LA GNOD PAR BYED PA GZHAN GYI NYE BAR MTSON BYED YIN NO, ,GAL TE YAN LAG CAN GYI YON TAN THAMS CAD RTOGS BA MED PA NYID GANG LAS SHE NA, GZUGS SOGS ZHES GSUNGS TE, GZUGS LA SOGS PA'I LHAG DANG LHAG CI LTA BA BZHIN RANG GI DBANG BOS MTHONG BA MED PA'I PHYIR RO, ,YAN LAG CAN NAM DE'I 'BRAS BU MNGON SUM NYID MA YIN MOD, DE LTA NA YANG DE NI YOD DO ZHES DOGS NA, MNGON SUM DANG ZHES BYA BA'O, ,GZHAN DAG KYANG ZHES BYA BA NI YAN LAG CAN GYI GNOD PAR BYED PA'O, ,YAN LAG CAN GYI GZUGS DANG SGRA LA SOGS PA THAMS CAD MI RTOGS PA YIN NO ZHES GANG LAS SHES BAR BYA BA YIN ZHE NA, 'DI LAS ZHES BYA BA NI GRUB PA'I MTHA'O, ,CI LTAR LHAG BA MI RTOGS SNYAM NA, YAN LAG CAN ZHES BYA BA STE, RE ZHIG YAN LAG CAN NI SRID PA MA YIN PAS GZUGS DANG RO LA SOGS PA'I KHYAD PAR MI RTOGS MOD KYI, YAN LAG CAN YOD PAR KHAS BLANGS KYANG, THA MA'I YAN LAG CAN LA GNAS PA'I GZUGS DANG ROL SOGS PA YAN LAG CAN LA GNAS PA'I GZUGS LA SOGS PA DAG LAS KHYAD PAR DU GYUR PA NI RTOGS PA MED DO, ,YON TAN DANG LAS DANG LDAN PA BLTAR RUNG BA'I YAN LAG CAN MED PA NYID CES BYA BA'I SKABS KYI MJUG BSDU BA'O, ,RTZA BA'I SKABS NYID MJUG SDUD PA'I PHYIR CHOS KYI KHYAD BAR ZHES BYA BA'O, ,YAN LAG CAN

, ,NI YAN LAG RNAMS LAS GZHAN YIN TE ZHES BYA BA'I PHYOGS KYI SKYON GANG YIN PA DE NI CHOS KYI KHYAD PAR LA GNOD PA GANG YIN PA DE'I SGO NAS PHYOGS KYI SKYON GCIG YIN NO, ,GAL TE PHYOGS LTAR SNANG BA 'DI GANG GI NANG DU BSDU ZHES DOGS NA, PHYOGS 'DI YANG ZHES BYA BA'O, ,CHOS KYI KHYAD PAR GNOD PA'I MTSAN NYID KYI PHYOGS LTAR SNANG BA 'DI YANG GNOD PA RNAM PA BZHI'I NANG DU 'DU'O, ,DE LA YAN LAG CAN GZHAN KHAS BLANGS NAS KHYAD PAR LCI BA NYID LA SOGS PA'I MTSAN NYID RIGS PA'I STOBS KYIS MI 'DOD PA DES NA GZHAN NYID DU KHAS BLANGS PA NI, GZHAN NYID KYI KHYAD PAR MED PAR KHAS BLANGS PAS GNOD PA YIN NO, ,DPER NA BDE BA MA YIN RAB TU STER BA NYID CHOS YOD PAR KHAS BLANGS PAS GNOD PA BZHIN NO, ,DE BZHIN DU RANG GI TSIG DANG 'GAL BA NI, GZHAN NYID KHAS LEN BAS KUN RDZOB TU YOD PA LAS GZHAN NYID DU PHAS BLANGS PA YIN TE, DE LTA MA YIN NA GZHAN NYID DU MI 'THAD PA'I PHYIR RO, ,DES NA YAN LAG CAN DON DAM PAR YOD PA NI, DON DAM PAR YOD PA MA YIN PA KUN RDZOB TU YOD PAR GNOD PA YIN NO, ,DE BZHIN DU YAN LAG CAN RNAMS LAS GZHAN NYID NI MNGON SUM GYIS BSAL BA YIN PA'I PHYIR NA, MNGON SUM GYIS GNOD PA'I RJES SU DPAG PAS BSAL BA YANG SRANG DMA' BA'I KHYAD BAR MI 'DZIN PA'I PHYIR RO ZHES BSTAN ZIN TO, ,DES NA PHYOGS LTAR SNANG BA GCIG PO 'DI NI GNOD PA RNAM PA BZHI'I NANG DU 'DUS PA YIN NO, ,GAL TE THAMS CAD YAN LAG CAN LA GNOD PA'I DPER BRJOD PA YIN PAR CI LTAR RTOGS PAR BYA STE MA BSTAN PA'I PHYIR RO ZHE NA, KHAS BLANGS ZHES BYA BA'O, ,CHOS KYI BYAD PAR GNOD PA NA GNOD PA RNAM BA BZHI KA SRID PA'I RGYUS, CHOS CAN GYI RANG GI NGO BO DANG, DE'I KHYAD PAR GNOD PA'I MTSAN NYID KYI DPER BRJOD BA GZHAN RTOGS PAR BYA'O, ,RANG GI NGO BO GNOD PA LA SOGS PA BZHIN NO, ,CHOS KYI RANG GI NGO BO LA GNOD PA RNAM BA BZHI 'DZIN PA YIN NO, ,SOGS PA'I SGRAS NI CHOS KYI KHYAD PAR GNOD BA'O, ,YAN LAG CAN GYI GNOD PAR BYED PA'I RIGS PA NYE BAR STON PA'I DPER BRJOD PA NI CI SKAD BRJOD PA'I PHYOGS KYIS NA RTOGS PAR BYA BA YIN NO, ,RANG GI NGO BO LA GNOD PA LA SOGS PA'I DPER BRJOD PA LHAG MA GNYIS CI LTAR BSTAN PA DE BZHIN DU DPER BRJOD PA LHAG MA GNYIS KYANG BSTAN PAR BYA BA YIN NO ZHES BYA BA'I DON TO, ,SNGAR BSTAN PA NYID DO ZHES BYA BA NI RNAM PAR BSHAD PAR RO, ,DE LTAR PHYOGS KYI MTSAN NYID DANG

DER SNANG BA'I MTSAN NYID KYANG BSTAN NAS, RIGS PA CAN LA SOGS PA'I PHYOGS KYI MTSAN NYID LA, HA CANG KHYAB PA'I NYIS BA NYIS PA CHAGS PA YIN NO ZHES BSTAN BA'I DON DU DE'I MTSAN NYID NYE BAR 'GOD PA NI, GAL TE ZHES BYA BA'O, ,SKYON CI YOD CES BYA BA NI, CI LTAR SANGS RGYAS PA'I PHYOGS KYI MTSAN NYID LA SKYON MED PA DE BZHIN DU 'DI LA YANG YIN NO ZHES BSAMS PA'O, ,MA GRUB PA'I ZHES BYA BA NI GRUB PA'I MTHA'O, ,BSGRUB BAR BYA BAR GYUR PA ZHES BYA BA NI, DA LTAR BA LO KI TYA'I SNGA RKYEN YIN PA'I PHYIR RO, ,GAL TE YANG 'DI GNYIS SGRUB PAR BYED PA NYID DU BSTAN PA DE LTA NA YANG MA GRUB PA NYID LA, MA GRUB PA YANG SGRUB PAR BYED PA MA YIN TE, DES NA 'DI GNYIS NI PHYIS BSGRUB PAR BYA BA NYID YIN NO ZHES BYA BA'I DON TO, ,DE BDEN PA ZHIG NA ZHES BYA BA NI HA CANG KHYAB BA SPONG BA BRJOD PA'O, ,GANG GI TSE BDEN SNYAM NA GAL TE ZHES BYA BA'O, ,YANG CI LTAR NA 'DI LTAR MI 'GRUB SNYAM NA, BYA BA ZHES BYA BA'O, ,DE LTA'I BDAG MIN ZHES BYA BA NI, SGRUB PAR BYED PA'I BDAG NYID MA YIN PAR, GZHAN PHYIR RGOL BA LA DE LTAR SGRUB PAR BYED PA NYID DU NYE BAR BKOD PA STE, DE'I TSE SGRUB PAR BYED PA NYID DU BSTAN PA'I TSE NYID SGRUB PAR BYED PAR MI 'DOD KYANG BSGRUB BYAR 'GYUR RO, ,CI'I PHYIR ZHE NA, BYA BA ZHES BYA BA'O, ,YANG NA DE LTA'I MIN ZHES BYA BA BSGRUB PAR BYA BA'I BDAG NYID MA YIN PA, GZHAN DAG LA SGRUB BAR BYED PA NYID DU NYE BAR BKOD PA DE BSGRUB PAR BYA BA NYID DU BSTAN PA'I TSE MA ZAD KYI, ,SGRUB PAR BYED PA NYID DU BSTAN PA'I TSE YANG BSGRUB BYAR MI 'DOD NA YANG BSGRUB BYAR THAL BAR 'GYUR RO, ,YANG NA DE YANG ZHES BYA BA STE, BSGRUB PAR BYA BA 'BA' ZHIG TU MA ZAD KYI SGRUB PAR BYED PA NYID DU BSTAN PA YANG BSGRUB PAR BYA BAR THAL BAR 'GYUR RO ZHES BYA BA'O, ,CI LTAR ZHES BYA BA NI BSGRUB PAR BYA BA BYIS 'GYUR BA CI LTAR YIN TE, DA LTAR PA KHO NA BSGRUB PAR BYA BA YIN NO ZHES BYA BA'O, ,LAN NI DE'I TSE ZHES BYA BA STE, SGRUB PAR BYED BA NYID DU BSTAN PA'I DUS NA'O, ,DE LTA BU'I BDAG NYID MA YIN PAR ZHES BYA BA NI, BSGRUB PAR BYA BA'I BDAG NYID MA YIN BAR RO, ,CI LTAR DE'I TSE BSGRUB BYA MA YIN ZHE NA, DE NI ZHES BYA BA'O, ,DE'I TSE ZHES BYA BA NI SGRUB PAR BYED PAR BSTAN PA'I DUS NA, MIG GIS GZUNG BA NYID LA SOGS PA BSGRUB PAR BYA BA MA YIN NO, ,GAL TE BSGRUB PAR BYA BA MA YIN PA 'O NA PHYIS CI LTAR BSGRUB BYAR 'GYUR SNYAM NA, MA GRUB BA NI ZHES BYA BA'O, ,DES NA ZHES BYA BA NI MA GRUB BA NI SGRUB PAR BYED PA NYID MA YIN PAS NA'O, ,DE NI SGRUB PAR BYED PA NYID DU

, ,BSTAN PA DE'O, ,GAL TE DE LTA NA YANG SGRUB PAR BYED PA NYID DU BSTAN PA'I DUS NA CI LTAR BSGRUB BYA MA YIN SNYAM NA, DES NA PHYIS ZHES BYA BA'O, ,SGRUB PAR BYED PA NYID DU BSTAN BA'I DUS NA YANG MA GRUB PA SGRUB BYED NYID DU BSTAN PA NI, PHYIS BSGRUB PAR BYA BA NYID KYIS DAM BCA' BA YIN NO ZHES BYA BA'I DON TO, ,GAL TE ZHES BYA BA LA SOGS PA NI RTZOD PA'O, ,CI LTAR BSGRUB PAR BYA BA'I SGRA SHES PAR BYA BA NYID DU GYUR PA'I BSGRUB PAR BYA BA RTOGS PAR BYED KYI, BSKYED PAR BYA BA'I RANG BZHIN NI MA YIN PA DE BZHIN DU, MA GRUB PA'I GTAN TSIGS DANG DPE DAG KYANG BRJOD PAR BYA BAR MI 'GYUR RO ZHES BYA BA'O, ,GAL TE 'DIR ZHES BYA BA NI MA GRUB PA'I DPE DANG GTAN TSIGS DAG LA'O, ,GANG GI TSE SHES BAR BYED PA'I DBANG DU BYAS PA YIN NA DE'I TSE, SHES BYED SKABS KYIS SGRUB PAR BYED PA NYID DU BSTAN PA'I MA GRUB PA THAMS CAD KYANG BSGRUB PAR BYA BA'I SGRAS RTOGS PAR 'GYUR RO, ,GANG GI PHYIR DE LTA YIN PA DE'I PHYIR 'DOD PA'I KHYAD PAR SGRUB PAR BYED PAR NYID DU BSTAN PA'I MA GRUB PA NI BSGRUB PAR BYA BA YIN NO ZHES BYA BA DE LTA BU'I RANG BZHIN LA BRTEN PAR MI 'GYUR RO, ,'CHAD PA NI SHES PAR BYED PA ZHES BYA BA LA SOGS PA'O, ,BYED PA PO LA LTOS PA'I BSGRUB PAR BYA BA GANG YIN PA DE NI SHES PAR BYED PA'I SKABS KYIS BSAL BAR BYED PA LA BZLOG BAR BYA BA YIN LA, GZHAN PA'I BSGRUB PAR BYA BA SGRUB PAR BYED PA NYID DU NYE BAR BSTAN PA THAMS CAD NI SDUD PAR BYED PA KHO NA'O, ,DES NA ZHES BYA BA NI BSGRUB PAR BYA BA GZHAN THAMS CAD SDUD PAR BYED PA'I PHYIR NA BSGRUB BAR BYA BA GZHAN SGRUB PAR BYED PA NYID DU BSTAN PA NI RNAM PAR GCOD PAR NUS PA MA YIN NO, ,'O NA BYED PA PO'I BSGRUB PAR BYA BA YANG CI LTAR RNAM PAR GCOD SNYAM NA, BYED PA PO'I ZHES BYA BA'O, ,GAL TE BSGRUB PAR BYA BA GZHAN RNAM PAR MA BCAD PA BZHIN DU BYED PA PO'I BSGRUB PAR BYA BA YANG RNAM PAR MA BCAD BAR CI STE MI 'GYUR ZHEN 'GA' ZHIG CES BYA BA'O, ,BYED PA PO'I BSGRUB BYA RNAM PAR BCAD BA NGES PA NI, SHES PAR BYED PA RGYU'I SKABS KYI RGYUS RGYU DANG BCAS PA YIN NO, ,RGYU MED PA RNAMS KYANG ZHES BYA BA NI, MA GRUB PA'I GTAN TSIGS DANG DPE DAG BSGRUB PAR BYA BA NYID YIN PAR NGES PA'O, ,SGRUB BAR BYED PA NYID DU ZHES BYA BA NI, BSGRUB PAR BYA BA NYID DU BSTAN PA'I DAM BCA' BA YIN NO ZHES BYA BA NI, SGRUB PAR BYED PA NYID DU BSTAN PA DANG SGRUB PAR BYED PA MA YIN PA NYID DU BSTAN PA GNYI GA'I SPYI'I MTSAN NYID YIN TE, DES NA KHYAD PAR

'GA' YANG YOD PA MA YIN NO, ,KHYAD PAR GZHAN BSTAN PA'I MTSAN NYID GZHAN YANG YOD PA MA YIN TE, DES NA PHYOGS KYI MTSAN NYID SHIN TU KHYAB CHES BA'I NYES BAR 'GYUR RO, ,DE DANG ZHES BYA BA NI BYED BA BO'I BSGRUB PAR BYA BA BZLOG PAR BYA BA DANG NGO, ,GANG GI PHYIR SKABS SU GYUR BA'I MA GRUB BA BSGRUB BAR BYA BA NYID YIN PA'I RGYU DES NA'O, , GZHAN DU ZHES BYA BA NI SHES BYED KYI SKABS LA MI LTOS NA'O, ,GZHUNG GANG GIS DPER BRJOD SNYAM NA, DE LTAR ZHES BYA BA'O, ,GRANGS CAN LA LTOS NAS ZHES BYA BA NI, MI RTAG PA NYID KYI KHYAD BAR CAN GYI BUM PA NI GRANGS CAN LA MA GRUB STE, DES NA DPE MA GRUB BA YIN NO, ,MIG GIS GZUNG BA'I PHYIR ZHES BYA BA NI GTAN TSIGS MA GRUB PA'O, ,NAM MKHA' MI RTAG PA NYID DU MA GRUB PA NI DPE MA GRUB PA YANG YIN TE, RIGS PA CAN GYI LUGS KYIS NAM MKHA'I NI RTAG PA YIN PA'I PHYIR RO,, ,,'ON TE ZHES BYA BA NI RNAM 'GREL LA 'JUG BA'O, ,DPE DANG GTAN TSIGS MA GRUB PAR BYA BA THAMS CAD DAM BCA' BAR THAL BA MA YIN TE ZHES 'BREL TO, ,'O NA DAM BCA' PA NYID GANG YIN ZHE NA, 'ON KYANG ZHES BYA BA'O, ,LAS GANG LA KHYAD PAR DU 'PHAGS PA YOD PA DE NI DAM BCA' BA YIN NO ZHES SBYAR RO, ,CI'I PHYIR ZHE NA, LAS LA BYA BA'I ZHES BYA BA'O, ,'ON TE SGRUB PAR BYED PA NYID DU BSTAN PA YANG LAS KHO NA'O SNYAM NA, LAS KYANG ZHES BYA BA'O, ,'ON KYANG STE DE YANG PHYUGS 'DOD KHO NA'O SNYAM NA, , PAR BYED PA NYID DU ZHES BYA BA'O, ,CI LTA BUR ZHE NA DPER NA ZHES BYA BA'O, ,'DI NYID RNAM PAR 'GREL PA NI 'O MA ZA BA'I BYA BAS ZHES BYA BA'O, ,PHYIS 'GYUR BA'I BSGRUB PAR BYA BA LA LTOS NAS KYANG BSGRUB PAR BYA BA NYID MA YIN NO ZHE NA, DE BZHIN DU ZHES BYA BA'O, ,'DOD PAR 'GYUR BA NI SGRUB BYED MA GRUB PA'O, ,GRUB PA'I MTHA' RNAM PA BZHI PO RGYUD THAMS CAD PA DANG ZHES BYA BA 'DIR, RIGS PA'I MDO LAS, RGYUD THAMS CAD DANG MI 'GAL BA RGYUD KYI DBANG DU BYAS PA'I DON NI, RGYUD THAMS CAD PA'I GRUB PA'I MTHA' YIN NO ZHES SO, ,RIGS PA'I BSHAD PA LAS KYANG, DPER NA SNOM PA LA SOGS PA RNAMS NI DBANG PO DRI LA SOGS PA'I DBANG PO'I DON SA LA SOGS PA NI 'BYUNG BA TSAD MAS NI GZHAL BYA 'DZIN PAR BYED DO ZHES BYA BA LTA BU ZHES SO, ,MI MTHUN PA'I RGYUD KYI GRUB PA'I MTHA' YANG RIGS PA'I MDO LAS SPYI'I RGYUD DU GRUB PA DANG GZHAN GYI RGYUD DU MA GRUB PA NI, MI MTHUN PA'I RGYUD KYI GRUB PA'I MTHA'O ZHES SO, ,'DI'I DON NI 'DI YIN TE, MTSUNGS PA'I RGYUD

, ,DU GRUB PA'I DON GZHAN RNAMS KYANG RGYUD DU MA GRUB PA NI MI MTHUN PA'I RGYUD KYI GRUB BA'I MTHA' ZHES BRJOD DO, ,DPER NA RIGS PA'I BSTAN BCOS DANG 'GAL BA'I DON DE DANG MTSUNGS PA BYED BRAG PA'I LUNG LAS GRUB PA, SANGS RGYAS PA'I LUNG DU MA GRUB PA BZHIN NO, ,DBANG DU BYED BA'I GRUB PA'I MTHA'I MTSAN NYID KYANG, GANG GRUB NA SKABS GZHAN 'GRUB PA NI DBANG DU BYED PA'I RGYUD YIN NO ZHE'O, ,KHAS BLANGS BA'I GRUB PA'I MTHA'I MTSAN NYID KYANG YONGS SUM BRTAGS PA KHAS BLANGS PA LAS DE'I BYAD PA YONGS SU RTOG PA NI KHAS BLANGS PA'I GRUB PA'I MTHA'O ZHES SO, ,'DIR YANG RIGS PA'I RNAM PAR BSHAD PA LAS DON GYI RIGS 'GA' ZHIG MA BRTAGS PAR KHAS BLANGS PA STE, DPER NA SGRA NI RDZAS YIN TE DE CI RTAG BA YIN NAM, 'ON TE MI RTAG PA YIN ZHES BA BYA BA LTA BUR RDZAS YOD PA'I KHYAD PAR MI RTAG BA DANG, RTAG PA YONGS SU RTOG PA DE NI KHAS BLANGS BA'I GRUB PA'I MTHA' YIN NO ZHE'O, ,DE LTAR RGYUD THAMS CAD LA SOGS PA RNAM BA BZHI'I TSUL GYIS, KHAS BLANGS PA'I GRUB PA'I MTHA'I MTSAN NYID BSGRUB PAR BYA BA BSTAN PA NI, DAM BCA' BA YIN NO ZHES PA'I MTSAN NYID BSGRUB PA'I PHYIR TE BYAS PA'I PHYIR RO, ,SKYON MED DO ZHES BYA BA NI DAM BCA' BA'I MTSAN NYID KYI'O, ,SGRUB PAR BYED BA'I YAN LAG YIN PA BSGRUB BYA YIN NO ZHES BYA BA NI RUNG BA MA YIN NO, ,CI'I PHYIR ZHE NA, SGRUB PAR BYED PA NYID DU BSTAN PA DANG, MA BSTAN PA THAMS CAD KYANG MA GRUB BA'I PHYIR RO, ,GANG GI PHYIR GRUB MTHA' NYID DU MTSUNGS TE, MA GRUB PA'I GTAN TSIGS DANG DPE DAG LA NI KHAS BLANGS PA'I GRUB PA'I MTHA'I NYID MTSUNGS PA YIN NO, ,CI'I PHYIR ZHE NA, DE YANG ZHES SMOS TE, MA GRUB PA'I GTAN TSIGS LA SOGS PA YANG KHAS BLANGS PA'I MTSAN NYID DE, KHAS BLANGS PA'I GRUB PA'I MTHA'I MTSAN NYID MTSUNGS PA YIN NO, ,GZHAN YANG YAN LAG LNGA LAS ZHES BYA BA LA SOGS PA'I RTZOD BA'I LAN BRJOD PA NI, SNGAR MA GRUB PA'I ZHES SMOS TE, THAMS CAD 'BREL TO, ,YAN LAG THAMS CAD MTSAN NYID BRJOD PA'I SNGON ROL DU MA GRUB BA'I RANG BZHIN YIN PA'I DE'I YUL SPANGS PAS NI DAM BCA'I MTSAN NYID MA YIN NO, ,GANG GI PHYIR DE LTAR YIN PA'I GTAN TSIGS DES NA, LAS LA SOGS BA YI KHYAD PAR NYE BAR BKOD PA'I LAN DES RNAM 'BYED CES BYA BA LA NI SGRUB PAR BYED PA MA YIN PAS BSGRUB PAR BYA BA YIN NO ZHES RNAM PAR 'BYED PA NI, CI LTAR YANG

NUS PA MA YIN NO, ,'DIS NI RTZOD BA DANG PO GNYIS BSAL BA YIN NO, ,RTZOD BA THA MA SEL BAS RNAM 'GREL DANG PO'I RKANG BA DANG PO RNAM 'GREL GNYIS BA'I PHYIR PHYI MA DANG BCAS TE RNAM BAR 'GREL BA NI, GRUB MTHA' NI ZHES BYA BA STE, KHAS BLANGS PA'I GRUB PA'I MTHA' NI'O, ,MA GRUB PA THAMS CAD CES BYA BA NI GTAN TSIGS MA GRUB PA LA SOGS PA'O, ,KHAS LEN PA'I PHYIR TE ZHES BYA BA NI KHAS BLANGS PA'I GRUB PA'I MTHA' YIN PA'I PHYIR RO, ,KHAS BLANGS PA'I GRUB PA'I MTHA' YIN PA NYID GSAL BAR BYED BA NI, BSTAN BCOS LAS ZHES BYA BA'O, ,GAL TE KHAS BLANGS BA'I GRUB PA'I MTHA' NYID YIN YANG MA GRUB PA'I GTAN TSIGS LA SOGS PA CI LTAR BSGRUB BYAR 'GYUR SNYAM NA, DE ZHES BYA BA STE, MA GRUB PA'I GTAN TSIGS PA LA SOGS PA DE DANG POR SGRUB BYED NYID DU KHAS BLANGS KYANG PHYIS PHYIR RGOL BAS, SGRUB BYED 'DI MA GRUB PAS NA CI LTAR BSGRUB PAR BYA BA 'DI LAS RTOGS PAR 'GYUR ZHES BRGAL ZHING BRTAGS PA NA, SGRUB PAR BYED PA DE BSGRUB PAR BYA BA NYID DU 'GYUR RO DES NA GDON MI BRA PAR BSGRUB PAR BYA BA NYID DU KHAS LEN PAR 'GYUR BA YIN NO, ,CI'I PHYIR ZHE NA MA GRUB PA NI ZHES GSUNGS SO, ,GAL TE BSGRUB PAR BYA BA NI MA GRUB PA KHO NA YIN LA, KHAS BLANGS PA'I GRUB PA'I MTHA' YANG DA LTAR BA KHO NAR MA YIN NAM ZHES DOGS BA BSU NAS BRJOD PA NI, BYA BA'I RKYEN ZHES BYA BA'O, ,SGRUB PAR BYA BA'I SGRA NI BYA BA'I RKYEN GYI MTHA' CAN YIN LA, BYA BA'I RKYEN YANG DUS GSUM LA 'GYUR BA YIN NO, ,DE BZHIN DU KHAS BLANGS BA'I SGRA YANG DUS GSUM LA 'JUG PA YIN NO, ,THAMS CAD CES BYA BA NI SGRUB PAR BYED PA NYID DU NYE BAR BSTAN PA DANG MA BSTAN PA'O, ,DE LTAR RTZOD PA THA MA BSAL NAS, RTZOD PA BAR PA SEL BA NI 'ON TE ZHES BYA BA'O, ,BSGRUB PAR BYA BA'I RANG GI NGO BO'I TSIG NYID KYIS GRUB PA'I RANG BZHIN BKAG PA'I PHYIR NAM GRUB PA'I SGRUB PAR BYED BA LA SOGS PA NI DAM BCA' BA NYID MA YIN ZHES BYA BA NI RTZOD PA'I DON TO, ,LAN NI DE YANG ZHES BYA BA'O, ,'DIS NI BSGRUB BYA'I YAN LAG CES MI RUNG ZHES BYA BA DE RNAM PAR BKRAL BA YIN NO, ,DES BSTAN PAR BYA BA'I DON MA GRUB PA'I PHYIR NA YAN LAG GI MTSAN NYID THAMS CAD MA GRUB PA'I PHYIR RO, ,GANG GI TSE ZHE NA, MTSAN NYID SGRUB PA'I SNGON ROL DU'O, ,THAMS CAD CES BYA BA SGRUB PAR BYED PA NYID DU BSTAN PA DANG MA BSTAN PA THAMS

, ,CAD DAM BCA' BAR 'GYUR RO ZHES SBYAR RO, ,GAL TE SGRUB PAR BYED PA BSTAN PA YANG DAM BCA' BA YIN NA, 'O NA GANG GIS DE'I MTSAN NYID DON DANG BCAS PAR 'GYUR BA SGRUB PAR BYED PA NYID GANG ZHIG YIN ZHEN, DE LAS MA GTOGS PA ZHES BYA BA STE, DAM BCA' BA LAS MA GTOGS PA'O, ,GRUB PA SGRUB PAR BYED PA NYID DU BSTAN PA NI SGRUB PAR BYED PA NYID YIN NO, ,THAMS CAD NI ZHES BYA BA'I KYANG GI SGRA RNAM PAR 'GREL PA NI, YANG NA ZHES BYA BA'O, ,MA GRUB PA'I SGRUB PAR BYED PA LA SOGS PA DAM BCA' BA MA YIN PA'I 'THAD PA MED PA'I PHYIR RO ZHES BYA BA'I DON TO, ,'O NA NI ZHES BYA BA NI, MA GRUB PA'I GRUB PAR BYED PA LA SOGS PA BRGYAL BSGRUB PAR BYA BAR 'GYUR BA'AM, BRGYA LA NI MI 'GYUR BA YANG SRID DO ZHES THE TSOM DU 'GYUR RO, ,DAM BCA' BA YANG NGES PA NYID DU BSTAN PAR BYA BA YIN NO, ,DE YANG THE TSOM YOD NA MI 'GRUB PO ZHES BYA BA'O, ,LAN BRJOD PA NI MA YIN TE ZHES BYA BA'O, ,DES NA THE TSOM GYI SKABS MED DO, ,DE LTAR RTZOD PA GNYIS BSAL NAS, RTZOD PA DANG PO RJES SU BRJOD PA NI, GAL TE ZHES BYA BA'O, ,CI LTAR NUS MIN ZHES BYA BA LA SOGS PA DON GYI RNAM PAR 'GREL PA NA, LAN 'DEBS PA NI 'DI NI MED DO ZHES BYA BA'O, ,SGRUB PAR BYED PA NYID 'DOD PA'I SHUGS YIN PA'I PHYIR RO ZHES 'BREL TO, ,CI LTAR ZHE NA, THABS NYID KYIS ZHES BYA BA'O, ,GAL TE SGRUB PAR BYED PA GZHAN GYIS MA BSGRUBS NA NI, SGRUB PAR BYED PA NYID DU BSTAN PA NI SGRUB PAR BYED PA NYID DU MI 'GYUR RO, ,'ON TE DE NI SGRUB PAR BYED PA NYID DU BSTAN PA'I PHYIR NA PHYUGS 'DOD NYID MA YIN NO SNYAM NA, 'DIR ZHES BYA BA STE BYED PA'I PHYUGS 'DOD CES BYA BAR RO, ,KHYAD PAR DU 'PHAGS PA'I RKYEN NI TA MA'I RKYEN NO, , CI'I PHYIR ZHE NA, MDO'I RNAM PAR DBYE BA 'DOD PA ZHES BYA BA NI MDO GCIG YIN LA, 'DOD BA'I PHUGS ZHES BYA BA NI GNYIS PA YIN PA STE, 'DI GNYIS LAS GCIG LUS PA'I PHYIR NA 'DOD PA'I PHUGS ZHES BYA BA'I MDO YIN NO, ,DA LTAR 'DOD PA YIN GYI, 'DOD PAR 'GYUR BA NI LAS MA YIN NO ZHES GANG BRJOD PA NI MI RIGS SO ZHES SMRAS PA NI, BYUNG BA'I ZHES BYA BA'I 'DOD PHUGS ZHES BYA BA DER RO, ,GTZUG LAG CES BYA BA NI GTZO BO'O, ,CI'I PHYIR GTZO BO MA YIN ZHE NA, RE LDE DAG TU ZHES BYA BA'O, ,BYED PAR 'GYUR RO ZHES BYA BA 'DOD PAR GYUR PA YIN PA'I PHYIR BYUNG BA'I RKYEN GTZO BO MA YIN NO, ,RE LDE DAG TU ZHES BYA BA DANG RE LDE RNAMS SU BYA

BAR YANG 'DOD PA'I PHYIR GCIG GI TSIG KYANG GTZO BO MA YIN PA NYID DO, ,'ON TE SGRUB BYED MA GRUB PA LA SOGS PA NI BAS BLANGS PA'I GRUB BA'I MTHA' MA YIN PA'I PHYIR NA DAM BCA' BA'I DON MA YIN NO ZHE NA, KHAS BLANGS PA'I GRUB PA'I MTHA' YANG ZHES BYA BA'O, ,'DI LA NI MA GRUB PA'I SGRUB PAR BYED BA LA SOGS PA LA'O, ,DE YANG GRUB PA'I MTHA' NI ZHES BYA BA LA SOGS PAS BSTAN ZIN PA KHO NA'O, ,RIGS PA'I MDO'I SUN 'BYIN PA MJUG SDUD PA NI, DES NA ZHES BYA BA'O, ,DE LTAR DAM BCA' BA'I MTSAN NYID LA HA CANG KHYAB BA'I NYES PAS NYES CHAGS PA YIN NO ZHES BSTAN NAS, MTSAN NYID SUN DBYUNG BA'I PHYIR RNAM PAR RTOG PA NI 'DIR ZHES BYA BA STE DAM BCA' BA'I MTSAN NYID LA'O, ,CHOS SAM CHOS CAN NAM, TSOGS PA ZHIG BSGRUB PAR BYA BA STE, MTSON PAR BYA BAR YIN PAR 'GYUR GRANG NA ZHES BYA BA NI RNAM PAR RTOG PA'O, ,DE LAS ZHES BYA BA NI RNAM PAR RTOG PA DE RNAMS KYI NANG NAS SO, ,CHOS BSGRUB PAR BYA BAR KHAS LEN NA CHOS MTHUN PA ZHES BYA BA DPE'I MTSAN NYID MED DE DPE 'GAL LO ZHES BYA BA'I DON TO, ,'ON TE CHOS CAN BSGRUB BAR BYA BA YIN NA, DE'I TSE GTAN TSIGS DON MED DE, CHOS CAN GRUB ZIN PA'I PHYIR RO, ,TSOGS PAS BSGRUB PAR BYA BA YIN NA NI, PHYOGS GNYI GA LAS BYUNG BA'I NYES PAR 'GYUR RO ZHES BYA BA NI DON GYIS 'THOB PO, ,GAL TE ZHES BYA BA NI 'CHAD PA'O, ,DE ZHES BYA BA NI CHOS SO, ,DE LTAR YIN NA CI SKYON SNYAM NA, SMRAS PA DE LTAR NA ZHES BYA BA STE CHOS BSGRUB PAR BYA BA YIN NA, DE'I CHOS YOD PA ZHES BYA BA'I BSGRUB PAR BYA BA DE'I CHOS NI DE'I CHOS SO, ,DE YOD PA NI DE DANG BCAS PA'O, ,DE SKAD DU RIGS PA'I RNAM PAR BSHAD PA LAS BSGRUB PAR BYA BA DANG CHOS MTSUNGS PA STE CHOS MTHUN PAS SO, ,BSGRUB PAR BYA BA DANG CHOS MTHUN PA'I RGYUS DE'I CHOS YOD PA NI DPE YIN NO ZHES SO, ,CI LTAR NA DPE'I MTSAN NYID ZHUGS SNYAM NA, GANG GIS ZHES BYA BA'O, ,DE'I CHOS YOD PAR 'GYUR ZHES BYA BA NI BSGRUB PAR BYA BA MI RTAG BA NYID KYIS CHOS SKYE BA DANG LDAN PA NYID LA SOGS PA GANG YIN PA DE YOD PA STE BUM PA LA SOGS PA GANG LA YOD PA ZHES TSIG SBYAR RO, ,CHOS RNAMS NI CHOS KYI RTEN YIN PA MI SRID PA'I PHYIR RO ZHES BYA BA'I DON TO, ,'DIS NI CHOS BSGRUB BYA NA CHOS MTHUN MED CES BYA BA GANG YIN PA DE RNAM PAR BKROL BA YIN NO, ,LHAG MA RNAM PAR 'GREL PA NI CHOS CAN ZHES BYA BA'O, ,DON GYIS 'THOB PA BRJOD PA NI, 'ON TE ZHES BYA BA'O, ,

, ,GAL TE ZHES BYA BA LA SOGS PAS NI RNAM 'GREL LA 'JUG PAR BYED PA'O, ,'ON TE PHYOGS GNYI GA LAS GYUR BA'I NYES PA CI LTAR SPONG ZHEN, TSOGS PA NI ZHES BYA BA'O, ,DE'I ZHES BYA BA GNYI GA'I CHOS SO, ,CI LTAR MI 'BYOR SNYAM NA, 'DI LTAR ZHES BYA BA'O, ,GNYIS PO ZHES BYA BA NI CHOS CAN DANG CHOS SO, ,'GYUR MOD CI SKYON SNYAM NA, BSGRUB PAR BYA BA'I ZHES BYA BA'O, ,RNAM PA DE LTA BU'I ZHES BYA BA NI BSGRUB PAR BYA BA'I CHOS KYI KHYAD PAR CAN NO, ,SGRA LA NI BSGRUB PAR BYA BA'I CHOS KYI KHYAD PAR CAN GYI CHOS CAN GYI CHOS KYI GTAN TSIGS GRUB PA MA YIN NO, ,MI RTAG PA NYID KYIS ZHES BYA BA LA, SNGAR NI SGRUB PAR BYED PA SKYE BA CAN LA SOGS PAS CHOS MTSUNGS PA MED DO ZHES BSTAN PA YIN LA, DA LTA NI BSGRUB PAR BYA BA'I KHYAD PAR CAN GYI CHOS CAN GYI YIN NO ZHES BYA BA NI KHYAD PAR YIN NO, ,TSOGS PA LA ZHES BYA BA NI GZHAN DAG GI'O, ,CI LTAR TSOGS PA'I SGRA YAN LAG LA 'JUG SNYAM NA, TSOGS PA LA 'JUG PA'I ZHES BYA BA'O, ,BSTAN BCOS KYIS CI BYA BA NI, GAL TE BSTAN BCOS BYED PA'I MTSAN NYID MA 'GRIGS PAS 'CHAD PA BO NYID KYIS BCOS NAS BSHAD PAR BYA BA YIN NA, DE'I TSE DES BYAS PA'I MTSAN NYID MED PA KHO NAR RTOGS PAR 'GYUR MOD, BSTAN BCOS KYIS CI BYA ZHES BYA BA'I DON TO, ,CI LTAR GNYIS PA BRJOD PA MI 'GRIGS PA'I MTSAN NYID GZHAN DU BSHAD PAR BYA BA DE BZHIN DU, GTAN TSIGS LA SOGS PA'I TSUL NYES PAR BYAS PA YANG GZHAN DU BRTAG PAR BYA BAR 'GYUR RO, ,CI LTAR ZHE NA, MI SRID PA'I PHYIR TE, MTSAN NYID KYIS BSTAN PAR BYA BA'I DON TO, ,MTSAN NYID CI 'DRA BAR BYAS PA DE NI BRJOD PAR 'DOD PA'I DON STON PAR BYED PA MA YIN NO ZHES BYA BA'I DON TO, , DE NYID GSAL BAR BYED PA NI, CI LTAR ZHES BYA BA'O, ,DE NYID DU ZHES BYA BA NI, RIGS PA CAN LA SOGS PA LA BRJOD BA NYID DO, ,PHYOGS KYI RANG BZHIN NYID CES BYA BA NI GTZO PO NYID DO, ,DE ZHES BYA BA SHES PAR 'DOD PA'I BYE PHRAG DANG LDAN PA'I CHOS CAN CHOS SO, ,DE'I TSE CI LTAR PHYOGS 'DIR NYE BAR BTAGS PA YIN TE MA YIN PA KHO NA'O, ,GAL TE ZHES BYA BA NI GZHAN NO, ,DE NI TSOGS PA'I'O, ,'DI NI ZHES BYA BA NI TSOGS PA'O, ,'O NA CI LTAR DE PHYOGS NYID YIN SNYAM NA, BSGRUB BYA BA'I ZHES BYA BA'O, ,'DI NI TSOGS PA'O, ,DE LTAR YANG GSUNGS SO ZHES 'BREL TE, SLOB DPON PHYOGS KYI GLANG POS GSUNGS

PA'O, ,CI SKAD GSUNGS SNYAM NA, DE LA ZHES BYA BA'O, ,'ON TE GRUB KYANG BSGRUB PAR BYA BA NYID DU 'DOD PAR 'GYUR RO SNYAM NA, GAL TE ZHES BYA BA'O, ,DE'I TSE YANG ZHES BYA BA NI BSGRUB PAR BYA BA LA THE TSOM ZA BA'I CHOS CAN GYI CHOS NYID KYI TSE YANG CI LTAR MI 'GRUB PAR 'GYUR TE GRUB PA KHO NA'O, ,TSOGS PA MA GRUB KYANG PHYOGS KYI CHOS NYID NI GTZO BO'I TSUL DU GRUB PA KHO NA'O ZHES BYA BA'I DON TO, ,GAL TE SLOB DPON PHYOGS KYI GLANG PO BSGRUB PAR BYA BA'I CHOS LA THE TSOM ZA BA'I CHOS CAN NYID PHYOGS SU BZHED NA, 'ON CI LTAR ZHES BYA BA LA SOGS PA'O, ,NYE BAR BTAGS PA MA YIN NA CI SKYON SNYAM NA, CHOS CAN CHOS ZHES GSUNGS SO, DPE'I CHOS CAN GYI CHOS KYANG GTAN TSIGS SU 'GYUR RO ZHES BYA BA'I DON TO, ,GANG ZHIG SPANG BA'I DON DU NYE BAR BTAGS PA BYED PA'I RTZOD PA DE GANG YIN SNYAM NA, 'DIR ZHES BYA BA'O, ,SGRUB PAR BYED PA'I RANG BZHIN DPYOD PA LAS RANG BZHIN BA SGRUB PAR BYA BA'I BLO DE MED PA'O, ,DE'I PHYIR PHYOGS CHOS NI GTAN TSIGS YIN NO ZHES BYA BA'I MTSAN NYID MA YIN PAR 'GYUR RO ZHES BYA BA'O, ,DOGS PA BSU BA NI, BSGRUB PAR BYA BA'I ZHES BYA BA'O, ,SGRUB PAR BYED PA'I RANG BZHIN DPYOD PA'I DUS NA NI BSGRUB PAR BYA BA DES PA MA YIN GYI, 'ON KYANG THE TSOM ZA BA YIN TE, DES NA GTAN TSIGS 'JUG PA NYAMS PA MED DO ZHES BYA BAR SEMS NA'O, ,NGES PA MED PA'I PHYIR ZHES BYA BA NI, BSGRUB PAR BYA BA'I CHOS LA THE TSOM ZA BA ZHES BYA BA'I NGES PA 'DI NI MED DE, ,THE TSOM DU GYUR PA YANG BSGRUB PAR BYA BA'I CHOS MA YIN PAR YANG 'GYUR BA YIN NO, ,THE TSOM DU GYUR PA BSGRUB PAR BYA BA DES PA NYID STON PA NI, THE TSOM ZA BA LA ZHES BYA BA'O, ,LAN NIM YIN TE ZHES BYA BA'O, ,GANG DANG GANG THE TSOM DU GYUR BDE DANG DE LA GTAN TSIGS 'JUG PA NYID DO ZHES BYA BA'I NGES PA NI YOD PA MA YIN NO, ,'O NA CI LTAR GTAN TSIGS THE TSOM LA BRJOD PHYIR ZHES GSUNGS SHE NA, GRUB PA DANG ZHES GSUNGS SO, ,'DI NYID GSAL BAR BYED PA NI NGES BA DANG ZHES BYA BA'O, ,'DI GA LAS SHEN, RIM PA CI LTA BAR GTAN TSIGS GNYIS BRJOD PA NI, BSGRUB BYA NGES PA LA DGOS PA MED PA'I PHYIR DANG, BSAL PA LA NI MI NUS PA'I PHYIR RO, ,THE TSOM DU GYUR BA LA GTAN TSIGS 'JUG PA NYID KYANG MA YIN LA, THE TSOM DU GYUR PA NYID LA 'JUG PA YANG MA

, ,YIN TE, THE TSOM MNGON DU GYUR PA MED KYANG SGRUB BAR BYED PA 'JUG PA'I PHYIR RO, ,DE LTAR RNAM PA GNYI GA LTAR YANG PHYOGS KYI CHOS ZHES BYA BA BSAL NAS MNGON PAR 'DOD PA'I MJUG SDUD PA NI, 'DIR ZHES BYA BA STE, RUNG PA MA YIN TE ZHES BYA BA LA SOGS PA'I RTZOD PA LA'O, ,PHYOGS SU GYUR BZHES BYA BA BSGRUB PAR BYA BA'I CHOS LA THE TSOM DU GYUR PA'I CHOS CAN NO, ,CI LTAR CHOS CAN NYID CES BYA BA'I DON NI 'DI YIN TE, THE TSOM DU GYUR PA'I BSGRUB PAR BYA BA'I KHYAD PAR CAN DU GYUR PA'I CHOS CAN NI DNGOS PO KHO NAR PHYOGS YIN MOD KYI 'ON KYANG 'DI LA GZHAN DAG CI LTAR MA GRUB PA KHYAD PAR YIN, BSGRUB PAR BYA BA LA YANG MA GRUB PA YIN TE, DES NA CI LTAR DES KHYAD PAR DU BYAS PA PHYOGS YIN ZHES LOG PAR RTOGS PA YOD DO ZHES BYA BA'O, ,LAN BRJOD PA NI, CHOS CAN YAN LAG LA RTOGS PAR 'GYUR BA'I SPYI NYE BAR BTAGS PA'I PHYIR TE, LHAG PAR SGRO BTAGS PA'I PHYIR NA CHOS CAN NYID PHYOGS YIN NO, ,CHOS CAN LA NI SPYI'I RANG BZHIN GYI PHYOGS NYE BAR BRTAGS PA YIN TE, DE NI MA 'ONGS PA YIN PA'I PHYIR RO, ,BSGRUB PAR BYA BA LA THE TSOM ZA PA'I CHOS CAN GYI RANG BZHIN NI NYE BAR BTAGS PA MA YIN TE, DNGOS PO NYID YIN PA'I PHYIR RO, ,PHYOGS DE NI YOD DU ZIN KYANG YAL BAR DOR BA NI NYE BAR BTAGS PA'I SGO NAS RTZOD PA'I LAN GDAB PA'I PHYIR RO, ,GZHAN GYI LTAR GZHAN LA 'JUG PA'I SGRA GZHAN LA BTAGS PA NI MA YIN NO, ,'DI NYID GSAL BAR BYED PA NI GAL TE ZHES BYA BA'O, ,DE ZHES BYA BA NI TSOGS PA'O, ,LAN NI DE NYID KYI PHYIR ZHES BYA BA STE MI NYE BA NYID KYI PHYIR RO, ,CI LTAR ZHES BYA BA NI GZHAN NO, ,CI ZHES BYA BA LA SOGS PA NI LAN NO, ,GAL TE GANG GIS DE SKAD BRJOD PA 'GA' ZHIG DE LTAR 'BYUNG BAR 'GYUR BA LA THA SNYAD BYED PA MTHONG NGAM SNYAM NA, SNAL MA ZHES BYA BA'O, ,DE LA ZHES BYA BA NI SNAL MA LA RAS YUG CHEN BTAGS SO, ,ZHES BYA BA'I TSIG LA'O, ,BSAM PA GANG SNYAM NA, RAS ZHES BYA BA'O, ,'DI LA YANG ZHES BYA BA NI BSAM PA LA'O, ,DON 'DI LA SPYOR BA NI, DE BZHIN DU 'DIR YANG ZHES BYA BA'O, ,GAL TE YAN LAG LA SPYI NYE BAR BTAGS PA'I PHYIR RO ZHES BYA BA DE LTAR GZHUNG 'DZUGS NA 'O NA CI LTAR ZHES BYA BA'O, ,CHOS CAN TZAM PHYOGS YIN NA TSIG 'DI 'THAD DO ZHES BYA BA'I DON TO, ,GZHAN GYI ZHES BYA BA 'CHAD PA PO RNAMS KYI NYES PA GZHAN

DAG LA ZHES BYA BA 'DIS NI, RNAM PAR BSHAD PA MDZAD PA BDAG NYID BSTAN TO, ,BSGRUB PAR BYA BA'I ZHES BYA BA LA SOGS PAS NI, DE'I TSE NA DE'I CHOS YIN GYI ZHES BYA BA LA SOGS PA 'CHAD PAR RTZOM PA'O, ,BSGRUB PAR BYA BA'I CHOS DANG CHOS CAN GYI TSOGS PA NI PHYOGS YIN NO ZHES BYA BA NI, BSGRUB PAR BYA BA'I CHOS LA THE TSOM ZA BA'I CHOS CAN NI PHYOGS YIN NO ZHES BYA BA'O, ,DE LA STE GRUB PA'I MTHA' 'DI RNAM PAR GNAS PA NA'O, ,DE'I CHA NYID PAS ZHES BYA BA NI PHYOGS PA'I CHA NYID PAS SO, ,DES NI CHOS CAN GYIS SO, ,DES NA STE BSGRUB PAR BYA BA'I CHOS KYIS MA KHYAB PAS NA, BSTAN BCOS MDZAD PAS SMOS SO, ,CI SKAD SMOS SHEN, DE'I CHA NI DE'I CHOS YIN GYI ZHES SO, ,YANG CI LTAR NA GNYI GA BRJOD PA CHOS KYI SGRAS CHOS CAN 'DZIN ZHE NA, CHA'I SGRA ZHES BYA BA'O, ,CI LTAR ZHE NA, SMRA BA PO ZHES BYA BA'O, ,SMRA BA PO'I BSAM PA YANG DE LTAR CI STE 'GYUR SNYAM NA, PHYOGS KYI ZHES BYA BA'O, ,PHYOGS GCIG TZAM ZHES BYA BA NI CHOS CAN GYI MTSAN NYID DAM CHOS KYI MTSAN NYID DE, ,GNYIS 'DZIN PA NI MA YIN GYI 'ON KYANG CHOS NYID 'DZIN PA YIN NO, ,'DIS NI RNAM PAR BSHAD PA MDZAD PAS, CHA'I SGRA PHYOGS GCIG BRJOD PA KHO NAR BSHAD KYI CHOS BRJOD PA NI MA YIN NO ZHES BYA BAR GSAL BA KHO NA'O, ,PHYOGS GCIG TZAM NI 'DZIN PA MA YIN NO ZHES BYA BA 'DI GA LAS SNYAM NA, GSUNGS PA NI PHYOGS KYI SGRAS ZHES BYA BA'O, ,GTZOR SPYI RJOD PAR BYED PA MA YIN PA NYID GSUNGS PA NI PHYOGS KYI ZHES BYA PA'O, ,'DI YANG PHYOGS KYI CHOS NYID 'DZIN PA NA YOD PA'I PHAL PA'I TSOGS PA PHYOGS SU BRJOD PA YIN NO, ,BSGRUB PAR BYA BA RTOGS PA'I DUS NA YOD PA NI DNGOS PO YIN NO, ,'ON CI LTAR SPYI'I DON RTOGS SNYAM NA, SPYI'I ZHES BYA BA'O, ,SHUGS NI KHYAD PAR CAN RTOGS PA NI KHYAD PAR RTOGS PA MA YIN NO ZHES BYA BAS SO, ,KHYAD PAR RTOGS PA DE YANG LHAG PAR SGRO 'DOGS PA'I BDAG NYID CAN SNGAR BSTAN PA NYID DO, ,DE'I ZHES BYA BA NI BSGRUB PAR BYA BA'I CHOS LA THE TSOM ZA BA NI CHOS CAN GYI'O, ,CI'I PHYIR ZHEN, DE NYID NI ZHES BYA BA'O, ,BDAG NYID NI BDAG NYID KYI CHOS MA YIN TE, CHOS DANG CHOS CAN NI THA DAD PA LA BRTEN PA'I PHYIR RO, ,PHYOGS KYI SGRAS SPYI BRJOD NA CIR 'GYUR SNYAM NA, GAL TE ZHES BYA BA'O, ,GTZO BOR MTSUNGS PA'I CHA SHAS GANG DAG YIN PA'I CHA SHAS DE GNYIS KYI SPYI GANG YIN PA DE'I DNGOS PO'O, ,LDOG PA BRJOD PA NI, DE

, ,LTAR YANG ZHES BYA BA'O, ,DE'I PHYIR ZHES BYA BA NI SKABS NYE BAR SDUD PA'O, ,DE LTAR BDAG CAG GI LTAR NA, DE BTAGS NAS PHYOGS KYI SGRA GZHAN DU RTOGS PA MA YIN NO BSTAN NAS, NYES PA GZHAN BRJOD PA NI, GZHAN YANG ZHES BYA BA'O, ,'DOD PA RJES SU GNANG BA'I MTSAN NYID GANG YIN SNYAM NA, RANG GI ZHES BYA BA'O, ,NYE BAR BRTAGS PA KHAS BLANGS KYANG BDAG CAG GI LTAR NA NYES PA MED DO ZHES BRJOD PA NI, YANG NA ZHES BYA BA'O, ,DGOS PA DE GANG ZHE NA, NYE BAR ZHES BYA BA'O, ,GZHAN LA YANG DGOS PA DE YOD DO SNYAM NA, KHYED LA ZHES SMOS TE RIGS PA CAN LA SOGS PA LA NI DE MA THAG PAR BRJOD PA'I DGOS PA DE LTAR MA YIN PA'I PHYIR TE KHAS MA BLANGS PA'I PHYIR RO, ,NGED KYIS NI GZHAN GYI RTZOD PA BSAL BA DON DU NYE BAR BTAGS PA LA BRTEN PA YIN NO ZHES BYA BA'I DON TO, ,NGES PAR BZUNG BA DES BZLOG PAR BYA BA'O, ,DNGOS TE ZHES BYA BA NI DOR NAS SO, ,'ON TE GRUB PA BSGRUB PAR BYA BA YIN PA DGAG PA'I SGRUB PAR BYED PA LA SOGS PA'I MTSAN NYID KHO NAS 'PHANGS PA YIN PAS, DES PAR GZUNG BA 'DIS CI BYA ZHE NA, DE NI ZHES SMOS SO, ,DON DE ZHES BYA BA NI MA GRUB PA'I DON DE'O, ,CI'I PHYIR ZHE NA, SGRUB BYED KYI MTSAN NYID BRJOD BA'I SHUGS LAS SO, ,DE ZHES BYA BA GRUB PA BZLOG PA'I DON DU'O, ,'ON TE MA GRUB PA SGRUB PAR BYED PA NYID DU BSTAN PA DAM BCA' BA NYID YIN PA BZLOG PA'I DON DU NGES PAR GZUNG BA YIN NO ZHEN, GTAN TSIGS SOGS ZHES GSUNGS SO, ,GTAN TSIGS KYI MTSAN NYID NI BSGRUB PAR BYA BA SGRUB PA NI GTAN TSIGS SO ZHES BYA BA'O, ,SOGS PA'I SGRAS NI, DPE'I MTSAN NYID BSGRUB PAR BYA BA DANG CHOS MTSUNGS PA DE'I CHOS YOD PA'I DPE NI DPE YIN NO ZHES BYA BA'O, ,DE LA SOGS PA'I MTSAN NYID KYIS GTAN TSIGS LA SOGS PA LA KHYAB PA'I PHYIR RO, ,SGRUB PAR BYED PA MA GRUB PA NI SGRUB PAR BYED PA MED PA NYID DU DOGS PA MED PA KHO NA'O, ,DES NA MA GRUB PA'I SGRUB BYED DAM BCA' BA YIN PA BSAL BA'I DON DU NI NGES PAR GZUNG BA MA YIN NO, ,RNAM 'GREL 'DI NYID BSHAD PA'I DON DU GZHAN GYI DOGS PA BSU BA NI 'DI SNYAM DU ZHES BYA BA'O, ,DE BSGRUB BAR BYA BA NYID CI LTAR YIN ZHE NA, SGRUB PAR BYED PAS NI ZHES BYA BA'O, ,DER ZHES BYA BA NI SGRUB BAR BYED PA NYID DU BSTAN PA MA GRUB PA'O, ,CI LTAR GTAN TSIGS LA SOGS PA'I MTSAN NYID KYIS KHYAB SNYAM NA, CI LTAR ZHES BYA BA STE, CI LTAR

SGRUB PAR BYED PA NYID DU BSTAN PA SPANGS PA DE BZHIN DU DPE DANG CHOS MTHUN PAS BSGRUB BYA SGRUB PAR BYED PA NI GTAN TSIGS SO ZHES BYA BA LA SOGS PA GTAN TSIGS KYI MTSAN NYID KYIS SPANGS PA YIN NO ZHES RJES SU 'JUG GO, ,CI LTAR SPANGS SNYAM NA BSGRUB BYA SGRUB PAR BYED PA NI ZHES BYA BA LA SOGS PA'O, ,GTAN TSIGS NYID YIN LA ZHES BYA BA NI BSGRUB BYA MA YIN PA'O, ,GANG GI PHYIR DE LTA MA YIN PA 'DIS NI ZHES BYA BA DE BAS NA, SNGAR NGES PAR BZUNG NA, DAM BCA' BA'I MTSAN NYID BRJOD BA DON MED DO, ,MA GRUB PA'I SGRUB PAR BYED PA LA SOGS PA BSTAN PA NI, GTAN TSIGS LA SOGS PA'I MTSAN NYID KHO NAS DAM BCA' BA NYID YIN PA BCAD PA'I PHYIR RO, ,GANG GI TSE PHYIS NGES PAR GZUNG BA BRJOD PA DE'I TSE NI, DE'I PHYIR ZHES BYA BA BSGRUB PAR BYA BA BSTAN PA NI DAM BCA' BA NYID DO ZHES BYA BA'I NGAG LAS, PHYIS NGES PAR GZUNG BA DE BRJOD PAS SHUGS KYIS KHYAB PA'I 'BRAS CAN YIN PAR RTOGS SO, ,DE YANG ZHES BYA BA NI PHYIS NGES PAR GZUNG PA'O, ,KHYAB PA NA HA CANG THAL BA'O, ,'DI GA LAS SNYAM NA 'DI LTAR ZHES BYA BA'O, ,MTSAN NYID GZHAN GYIS ZHES BYA BA NI GTAN TSIGS LA SOGS PA'I MTSAN NYID KYIS SO, ,GZHAN DU NA ZHES BYA BA NI GAL TE MTSAN NYID GZHAN GYIS KHYAB PA YANG DAM BCA' BA YIN PAR MA GYUR NA DE'I TSE PHYIS NGES PAR GZUNG BA DON MED DO, ,RNAM PAR BCAD PAR BYA BA MED PA'I PHYIR RO, ,GTAN TSIGS SOGS MTSAN GYIS KHYAB PHYIR, ,SGRUB PAR BYED LA DGOS PA'ANG MED, ,CES BYA BA DANG, DE LTA NA YANG, DPE DANG GTAN TSIGS MA GRUB SMRA, ,DAM BCA' BAR NI THAL BAR 'GYUR, ,ZHES BYA BA LA SOGS PAS 'GAL BAR SEMS PA LA RTZOD PA BYED PAS, GAL TE RANG NYID KYIS ZHES SMRAS SO, ,THAL BAR 'GYUR ZHES GRUB PA'I MTHA' SMRA BAS THAL BA BRJOD PA LA, GZHAN RIGS BA CAN LA SOGS PAS, GTAN TSIGS LA SOGS PA'I MTSAN NYID KYIS KHYAB PAS LAN BTAB PAR BYAS PA NA, YANG GRUB PA'I MTHA' SMRA BAS SNGAR MA GRUB PA'I RANG BZHIN PHYIR ZHES BYA BA LA SOGS PAS LAN DU BRJOD PA YIN NO ZHEN ZHES SBYAR BAR BYA'O, ,DE BZHIN DU ZHES BYA BA LA SOGS PA YANG DE KHO NA LTAR LAN GZHAN BRJOD PA ZHES SBYAR RO, ,DES NA, ,GTAN TSIGS SOGS MTSAN GYIS KHYAB PHYIR, ,ZHES BYA BA MA 'BREL LO ZHES BYA BA'I DON TO, ,PHAN TSUN 'GAL BA YIS ZHES

, ,BYA BA NI, PHAN TSUN GNOD PA'I GZHUNG GIS SO, ,KHYED KYI GZHUNG PHAN TSUN 'GAL PA GANG YIN PA DES, KHO BO CAG THAL BAR BRJOD PAR BYED PA NYID DE, GAL TE BSGRUB PAR BYA BA BSTAN PA DAM BCA' BAR KHAS LEN NA DE NI MA GRUB PA'I SGRUB PAR BYED PA YANG DAM BCA' BAR KHAS BLANGS PAR BYA DGOS SO, ,'ON TE SPAR NGES PAR BZUNG BA KHAS LEN NA NI DE'I TSE NGES PAR BZUNG BA DON MED PAR KHAS BLANGS PAR 'GYUR TE, MA GRUB PA'I SGRUB PAR BYED PA LA SOGS PA YANG GTAN TSIGS LA SOGS PAS KHYAB PA'I PHYIR RO ZHES MI 'DOD PA THOG TU 'GAL BA YIN NO, ,GTAN TSIGS 'DIS SANGS RGYAS PA RANG GI 'DOD PA'I DON SGRUB PA NI MA YIN NO, ,DE LTA YIN DANG ZHES BYA BA PHYIS NGES PAR BZUNG BA YIN DANG NGO, ,DAM BCA' BA NYID DU ZHES BYA BA NI MA GRUB PA'I SGRUB PAR BYED PA LA SOGS PA YANG NGO, ,DAM BCA' BA MA YIN PA SEL TE DAM PA NYID DU BYED DO ZHES BYA BA'I DON TO, ,BSHAD PA ZHES BYA BA NI SLOB DPON PHYOGS KYI GLANG POS SO, ,GZHAN GTAN TSIGS THAMS CAD MI RTAG PA'I PHYIR RO ZHES BYA BA DANG DAM BCA' BA NI SGA RTAG GO ZHES BYA BA STE 'DI GNYIS 'GAL BA STE GNOD PA DER GYUR PA NA DAM BCA' BA'I SKYON YIN NO ZHES RAGS PA CAN LA SOGS PAS BRJOD PA GANG YIN PA DE RUNG BA MA YIN NO, ,DAM BCA'I NYES PA MA YIN NO, ,ZHES BYA BA'I DON TO, ,CI'I PHYIR ZHE NA, DE NI ZHES BYA BA STE, 'GAL BA NI'O, ,CHOS MI MTHUN PA'I DPE GANG YIN PA DER BRJOD PA YIN NO, ,SGRA NI RTAG STE THAMS CAD MI RTAG PA'I PHYIR RO ZHES BYA BA 'DIR BRJOD PAR 'DOD PA NI, SGRA NI RTAG STE, THAMS CAD MA YIN PA'I PHYIR RO ZHES BYA BA YIN TE, BSGRUB PAR BYA BA MED PA RJES SU BRJOD NAS SGRUB PAR BYED PA MED PA BSGRUB PAR BYA BA YIN TE, GANG MI RTAG PA DE NI THAMS CAD YIN NO ZHES BYA BAR RO, ,DES NA MI RTAG BA NI THAMS CAD YIN PA'I PHYIR RO ZHES BRJOD PAR BYA BA LA, THAMS CAD MI RTAG PA YIN PA'I PHYIR RO ZHES BRJOD PA NI, LEGS PAR MA SBYANGS PA KHO NA'I YIN PAS MA SBYANGS DAG CES BRJOD PA YIN NO, ,RNAM PAR 'GREL PA NI GZHAN DAG CES BYA BA'O, ,CI LTAR 'DI GNYIS 'GAL SNYAM NA, GAL TE ZHES BYA BA'O, ,DE LTAR RTZOD PA'I CHA BSHAD NAS GRUB MTHA'I CHA 'CHAD PA NI, DE LA SMRAS PA ZHES BYA BA'O, ,RE ZHIG BSTAN BCOS MDZAD PA RANG NYID LAN GSUNGS PA NI, 'GAL BA ZHES BYA BA'O, ,DE LTA NA NI ZHAS BYA BA GAL TE PHAN PA MED PA

LHAN CIG GNAS PA MA YIN PA'I PHYIR 'GAL BA YIN NA, DE'I TSE YAN LAG GI SKYON THAMS CAD PHYOGS KYI SKYON DU 'GYUR TE, SGRUB PAR BYED PA'I SKYON DU 'GYUR BA'I GO SKABS MED PA NYID DO ZHES BYA BA'I DON TO, ,THA MI DAD KYANG LOGS SU BRJOD PAR 'GYUR RO SNYAM NA, DAM BCA' BA'I DON LA GNOD PAS ZHES BYA BA'O, ,DE LTAR PHAN MI 'DOGS PA'I PHYOGS BZLOG NAS, LHAN CIG MI GNAS PA'I PHYOGS SEL BA BRJOD PA NI, 'ON TE LHAN CIG MI GNAS PA'I RANG BZHIN GYI ZHES BYA BA STE, MA 'BREL BA ZHES BYA BA RJES SU 'JUG GO, ,'ON TE ZHES BYA BA NI CHOS CAN SGRA LA THAMS CAD MI RTAG PA'I PHYIR ZHES BYA BA'I PHYIR GTAN TSIGS YOD PA NA, DAM BCA' BA RTAG PA NYID SEL BAR BYED PA DES NA MA GRUB PA MA YIN NO ZHES BSAMS PA'O, ,LAN NI DE LTA YIN NA ZHES BYA BA'O, ,TSAD MA GANG GIS CHOS CAN SGRA LA THAMS CAD MI RTAG PA'I PHYIR ZHES BYA BA'I GTAN TSIGS NGES PA DE NYID KYIS, SGRA RTAG GO ZHES BYA BA'I DAM BCA' BA LA GNOD PA DES NA TSAD MAS BSAL BAS PHYOGS LTAR SNANG BAR 'GYUR TE, 'DI NI MNGON SUM LA SOGS PAS BSAL BA'I PHYOGS LTAR SNANG BA'I NANG DU 'DU BAR 'GYUR RO, ,DAM BCA' BA DANG GTAN TSIGS 'GAL BA ZHES BYA BA'I PHYOGS LTAR SNANG BA GZHAN DU MI 'GYUR RO ZHES BYA BA'I DON TO, ,MI RTAG GTAN TSIGS DANG LDAN BAS, ,ZHES BYA BA'I RNAM 'GREL GYI DON DZA YANTAS BSHAD PA NI, GAL TE SGRA NYID LA MI RTAG PA NYID DANG, DES KYANG GTAN TSIGS DANG LDAN BAR RJOD PAR BYED NA, DE'I TSE DE LTAR DE THAMS CAD MI RTAG PA YIN PA'I PHYIR ZHES BYA BAS PHYOGS DE BSAL BAR 'GYUR RO ZHES BYA BA'O, ,GZHAN DAG NI BSHAD PA'I RJES SU 'BRANGS NAS GZHAN DU 'CHAD DE, GAL TE SGRA LA MI RTAG PA NYID KYI GTAN TSIGS DANG LDAN PAR GYUR PAS, DE LTAR ZHES BYA BA THAMS CAD MI RTAG PA'I PHYIR RO ZHES RJOD PAR BYED NA, DE'I TSE DE LTAR ZHES BYA BA GZHAN GYI MNGON PAR 'DOD PA'I GTAN TSIGS DANG DAM BCA' PA 'GAL BAS PHYOGS DE NI BZLOG PA STE BSAL BAR 'GYUR RO, ,'CHAD PA NI, GAL TE MI RTAG PA NYID KYI GTAN TSIGS DANG LDAN PAS SGRA LA DE LTAR RAB TU BRJOD PA YIN NA, DE'I TSE BSAL BAR 'GYUR BA ZHIG NA ZHES SBYAR TE, 'DI YANG YOD PA NI MA YIN NO ZHES BYA BA'I DON TO, ,'O NA CI YIN SNYAM NA, GANG GI PHYIR ZHES BYA BA'O, ,'DI LA ZHES BYA BA NI, SGRA NI RTAG STE THAMS CAD MI RTAG PA'I PHYIR

, ,RO ZHES BYA BA'I NGAG LA'O, ,DPE BSTAN PA LAS DON GZHAN GTAN TSIGS BSTAN PA CI ZHIG YOD DE MED PA KHO NA'O ZHES BYA BA'I DON TO, ,DPE BSTAN PA NYID 'DIR DON YIN NO ZHES BYA BAR BSAMS PA'O, ,CHOS KYI MTHUN PA'I DPE BSTAN PA DE GANG YIN SNYAM NA, SGRA RTAG STE ZHES BYA BA'O, ,GZHAN GYIS 'DI YANG MA SBYANGS PAS BRJOD PA YIN NO ZHES BRJOD PA NI, 'DIR YANG ZHES BYA BA'O, ,DE NYID CES BYA BA NI CHOS MI MTHUN PA'I DPE STON PA YIN NO ZHES BYA BA NYID DO, ,'DI GTAN TSIGS SU ZHES BYA BA NI, THAMS CAD MI RTAG PA'I PHYIR ZHES BYA BA'I SGRA 'DI GTAN TSIGS STON PAS NA GTAN TSIGS SU 'GYUR BA YIN NA'O, ,'ON TE SGRA NYID LA MI RTAG PA NYID STON PAR BYED PA DES NA, GTAN TSIGS DANG DAM BCA' BDAG 'GAL BA YIN NO ZHE NA, DE LTAR NI ZHES SMOS TE, SGRA NYID LA MI RTAG PA NYID STON PAR 'GYUR RO, ,'DIS NI 'DI LA DPER BSTAN PA NYID LAS ZHES BYA BA LA SOGS PA LAS, MI RTAG PA GTAN TSIGS DANG LDAN PAS ZHES BYA BA RIGS PAR NYE BAR BSTAN PA YIN NO, ,CI LTAR MI RTAG PA NYID STON PAR MI 'THAD SNYAM NA, 'DI LTAR ZHES BYA BA LA SOGS PA'O, ,KHYAD PAR GAL TE CHOS CAN SGRA LA GZHAN TE 'GAL BA RTAG PA NYID BRJOD NAS, SPYI NI STE CHOS CAN THAMS CAD KHYAB PA'I MI RTAG PA NYID RJES SU 'JUG PAS TE, BRJOD PAS NA, SGRA'I MTSAN NYID KHYAD PAR TE MI RTAG PA NYID KYI SPYIS KHYAB PA MA YIN NO, ,SGRA RTAG GO ZHES KHYAD PAR BRJOD PA NI DMIGS KYIS BSAL BA YIN LA, THAMS CAD MI RTAG PA'I PHYIR ZHES SPYI BRJOD PA NI SPYIR BTANG BA YIN NO, ,DES NA DMIGS KYIS BSAL BA'I YUL SPANGS NAS, SPYIR BTANG BA 'JUG PA YIN NO ZHES BYA BA'I RIGS PAS, SGRA NI SPYIS MA KHYAB PAR 'GYUR RO, ,KHYAB NA YANG SGRA MI RTAG GO ZHES BRJOD PA LA 'BRAS BU CI YOD DE, DGOS PA CI YANG YOD PA MA YIN NO, ,DES NA DE NI MI BRJOD PA KHO NAR THAL BAR 'GYUR RO ZHES DGONGS PA'O, ,GAL TE GNYIS PA SPYI DANG KHYAD PAR STON PAR BYED PA NYID YIN YANG SPYIR BTANG BA DANG DMIGS KYIS BSAL BA'I BDAG NYID YIN PAR MI 'GYUR TE, SMRA BA PO'I 'DOD PA MA YIN PA'I PHYIR RO ZHES DOGS NA, SGRA LAS BYUNG BA'I RIGS PA NYID RNAM PAR 'GREL PA NI, SGRA LAS ZHES BYA BA'O, ,SGRA THAMS CAD NI SGRUB PA DANG DGAG PA'I RJES SU 'JUG PAR RTOGS PAR BYED PA YIN NO ZHES BYA BA'I DON TO, ,GNOD PAR BYA BA YANG AA nA'I RKYEN GYIS

BSGRUBS PA YIN LA, GNOD PAR BYED PA NI A'A NYE BAR BSGYUR BA DANG BRAL BA LAS, KA ZHES BYA BAS, KA'I RKYEN GYIS BSGRUBS PA'O, ,NGES PA YANG GNOD PAR BYA BA DANG GNOD PAR BYED PA ZHES RJES SU 'JUG GO, ,'DIR LHAS BYIN NYID KYIS BZA' BAR BYA'O ZHES BYA BA'I NGES PA NI, MCHOD SBYIN ZA BAR SGRUB PAS GNOD PA YIN NO,, 'DIR LHAS BYIN KHO NAS GNAS PAR BYA BA YIN NO ZHES BYA BA NI, GZHAN GNAS PA LA GNOD PAR BYED PA YIN NO, ,DE LA ZHES BYA BA NI SGRUB PA DANG NGES PA LA'O, ,SPYI DANG KHYAD PAR BRJOD PA BDAG NYID GNOD PAR BYA BA DANG GNOD PAR BYED PA'I DNGOS POR 'GYUR BA YIN NO, ,GAL TE GNOD BYA GANG YIN PA DE NI DANG PO NYE BAR BLANG BAR BYA BA YIN TE, DPER NA LAS LA NI AA nA'I RKYEN TO ZHES BYA BA DANG, BRAM ZE RNAMS LA ZHO SBYIN PAR BYA'O ZHES BYA BA LTA BU'O, ,GNOD PAR BYED PA GANG YIN PA DE NI PHYIS NYE BAR LEN PA YIN TE, DPER NA A'A NYE BAR BSGYUR BA MED LAS NI KA'O ZHES BYA BA DANG KOO dI N+YA LA DAR BA BYIN CIG CES BYA BA BZHIN NO, ,'DIR NI PHYIN CI LOG TU GYUR TE, DES NA CI LTAR SGRA RTAG PA YIN TE ZHES BYA BA GNOD PAR BYED PA DANG, THAMS CAD MI RTAG PA YIN PA'I PHYIR RO ZHES BYA BA PHYIS NYE BAR BLANGS PA GNOD PAR BYA BAR YANG CI LTAR 'GYUR SNYAM NA, DE LA RES 'GA' ZHES GSUNGS SO, ,SNGAR GNOD PAR BYA BA ZHES BYA BA LAS LA NI AA nA'O ZHES BYA BA'O, ,RES 'GA' NI SNGAR GNOD PAR BYED PA ZHES BYA BA NI, DPER NA KOO dI N+YA LA DAR BA BYIN CIG ,BRAM ZE RNAMS LA NI ZHO BYIN CIG CES BYA BA STE, DES RIM PA NGES PA YOD PA MA YIN NO, ,DES NA SGRA RTAG STE ZHES BYA BA GNOD PAR BYED PA NI DANG PO YIN LA, PHYIS KYI THAMS CAD MI RTAG PA'I PHYIR ZHES BYA BA NI GNOD PAR BYA BA YIN NO, ,RNAM PA THAMS CAD DU ZHES BYA BA NI GNOD BYA GNOD BYED SNGA PHYI NGES PA MED KYANG NGO, ,'DI 'DRA BAR GNAS PA YANG GA LAS YIN SNYAM NA, THA SNYAD NI ZHES BYA BA'O, ,SGRA'I TSUL 'DI NI 'DIR YANG YOD PA YIN NO ZHES STON PAS RNAM 'GREL RNAM PAR 'GREL PA NI, 'DIR YANG ZHES BYA BA'O, ,PHYIR DE LTAR GNOD PAR BYA BA DANG, GNOD PAR BYED PA'I DNGOS PO 'THAD KYI, GANG GIS DAM BCA' BA DANG GTAN TSIGS 'GAL BAS PHYOGS KYI SKYON DU 'GYUR BAR DAG GZHAN GYIS SGRA NYID MI RTAG PA STON PAR NI 'THAD PA MA YIN NO, ,SGRA RTAG PA YIN NO ZHES BYA BA 'DI LA

, ,RJES SU MTHUN PA'I DPE BRJOD PA NI, CI LTAR ZHES BYA BA'O, ,KHYAD PAR GYIS SPYI LA GNOD PA ZHES BYA BA 'DI NYID GA LAS SHE NA, DMIGS KYIS BSAL PA'I YUL BZHAG STE ZHES BYA BA'O, ,DPER BRJOD PA'I DON DPE'I DON LA NYE BAR SBYOR BA NI, DE'I PHYIR SPYI RJES SU 'JUG PAR 'GYUR BA NA; KHYAD PAR SGRA DE MI RTAG PA NYID SPYIS KHYAB PA YIN NO, ,DES NA GNOD BYA GNOD BYED KYI DNGOS PO MED PA'I PHYIR SGRA LA MI RTAG PA NYID BSTAN PA NI MA YIN NO ZHES BYA BAR DGONGS PA'O, ,SPYI RJES SU 'JUG PA LA'ANG ZHES BYA BA RNAM PAR 'GREL PA NI, SPYI RJES SU 'JUG PA LA NI ZHES BYA BA'O, ,'DI NI ZHES BYA BA NI KHYAD PAR KHYAB PA'O, ,TSIG GI ZHES BYA BA NI THAMS CAD MI RTAG PA'I PHYIR ZHES BYA BA'I TSIG GI SHUGS KYIS SO, ,DON 'DI YIN TE, GAL TE KHYAD PAR KHYAB PA MA YIN NA, THAMS CAD MI RTAG PA'I PHYIR RO ZHES BYA BA'I TSIG NYID MI 'THAD DO ZHES NI BRJOD PAR MI BYA STE, CI'I PHYIR ZHE NA, TSIG NI ZHES BYA BA'O, ,SGRA MA RTOGS PA'I CHOS CAN GZHAN LA TSIG GI DON BYAS PA'I PHYIR RO, ,NYES PA GZHAN YANG BRJOD PA NI, GAL TE ZHES BYA BA'O, ,GAL TE SGRA LA MI RTAG PA NYID BSTAN PAR BYA BA YIN NA, DE'I TSE SGRA RTAG STE THAMS CAD MI RTAG PA'I PHYIR RO ZHES DOR LA, SGRA NI RTAG TE MI RTAG PA'I PHYIR RO ZHES BRJOD PAR 'GYUR RO, , GAL TE DE LTAR BRJOD NA YANG CI SKYON SNYAM NA, GZHAN DU ZHES BYA BA'O, ,KHYAD PAR DAG NI ZHES BYA BA NI RTAG PA DANG MI RTAG PA DAG GO, ,DE LTA YIN DANG ZHES BYA BA NI, YUL GCIG LA 'JUG PA YIN DANG NGO, ,DE SKAD NI SMRA BA SU YANG YOD PA MA YIN TE, DES NA DAM BCA' BA'I 'GAL BA ZHES BYA BAR TSAR BCAD PA'I GNAS NI YOD PA MA YIN NO, ,DOGS PA BSU BA NI RMONGS PA'I PHYIR ZHES BYA BA'O, ,GAL TE YANG MA RMONGS PA DE SKAD MI SMRA BA DE LTA NA YANG RMONGS PA'I BLO CAN 'GA' ZHIG SMRA BAR 'GYUR BA STE, DE BZHIN BSAM PA'I DBANG GIS 'GAL BA'I DPER BYED PA NI 'THAD PA YIN NO ZHES BYA BA'I DON TO, ,LAN NI DE LTA BU NI ZHES BYA BA STE, RMONGS TSABS CHE BA YANG NGO, ,'DI NYID DU ZHES BYA BA STE SGRA NYID LA'O, ,'DI NI SMRA BA'I DBANG DU BYA BA YANG MA YIN NO ZHES BRJOD PA NI, GANG LA ZHES BYA BA'O, ,'GA' ZHIG CES BYA BA NI RMONGS PA'I BLO CAN NO, ,DE'I TSE NI ZHES BYA BA NI GRUB PA'I MTHA'O, ,SBYOR BA NI ZHES BYA BAS NI SBYOR BA BYA BA'I PHYIR GZHAN

SLOB PAR BYED PA'O, ,SGRA NI RTAG STE MI RTAG PA'I PHYIR RO ZHES SBYOR BA'I SGRA NI RTAG STE THAMS CAD MI RTAG PA'I PHYIR ZHES NI MA YIN NO, ,'DI 'DRA BA'I SBYOR BA NI 'GAL BA'I DPER MI 'THAD DO ZHES BSTAN ZIN PA NYID DO, ,MI RTAG PA'I PHYIR ZHES BYA BA NI 'GAL BA'I DPER BRJOD DU 'THAD PA KHO NA'O, ,CI LTAR ZHE NA, DE LTA BU NI ZHES BYA BA'O, ,DES NA ZHES BYA BA NI MI RTAG PAR GYUR PA'I PHYIR RO, ,DE NYID KYI PHYIR ZHES BYA BA NI 'GAL BA'I PHYIR RO, ,BSHAD PA ZHES BYA BA NI RNAM 'GREL MDZAD PAS SO, ,SLOB DPON GYIS ZHES BYA BA NI RTZA BA'I SLOB DPON GYIS SO, ,GAL TE SGRA LA GNAS PA YIN NA ZHES BYA BA NI GTAN TSIGS GNAS NA'O, ,'DI GA LAS SHE NA, SGRA LA ZHES BYA BA'O, ,GAL TE GNYI GA LTAR YANG SGRA LA MI RTAG PA NYID BSTAN PA YIN NO ZHE NA, 'DI NI ZHES BYA BA STE THAMS CAD MI RTAG PA'I PHYIR RO ZHES BYA BA NI'O, ,GZHAN DU ZHES BYA BA NI SGRA LAS MA GTOGS PA'I CHOS CAN GZHAN LA'O, ,SEL BA MA YIN NO ZHES BYA BA NI THAMS CAD KYI MI RTAG PA NYID KYI SGRA'I MI RTAG PA NYID SEL BA MA YIN PA'O, ,SKABS KYI MJUG SDUD PA NI DES NA ZHES BYA BA'O, ,THAMS CAD MI RTAG PA YIN NO ZHES BYA BA 'DI NI CHOS MI MTHUN PA'I DPER BRJOD PAR ZAD KYI GTAN TSIGS NI MA YIN NO, ,GAL TE SGRA MI RTAG STI DAM BCA' BA YIN LA, THAMS CAD MI RTAG PA'I PHYIR RO ZHES BYA BA NI CHOS MI MTHUN PA'I DPE YIN NA, 'O NA GTAN TSIGS GANG YIN SNYAM PAR DOGS PA BSU BA NI, DE NI ZHES BYA BA'O, ,BSHAD PA ZHES BYA BA NI RTZA BA'I SLOB DPON GYIS SO, ,GTAN TSIGS ZHES BYA BA NI PHYOGS KYI CHOS SO, ,GANG DU ZHES BYA BA LA SOGS PA NI RNAM PAR BSHAD PA MDZAD PA NYID KYI TSIGS SU BCAD PA'O, ,LNGA PAS ZHES BYA BA NI, THAMS CAD MI RTAG PA YIN PA'I PHYIR RO ZHES BSTAN PAS SO, ,'DI CI LTAR ZHES BYA BA NI, THAMS CAD MA YIN PA NYID GTAN TSIGS SU CI LTAR RTOGS SHE NA, GZHAN DU ZHES BYA BA NI, THAMS CAD MA YIN PAR RO, ,DE NI GTAN TSIGS MA YIN TE MA GRUB PA'I PHYIR RO ZHES BRJOD PA NI, THAMS CAD MA YIN PA DE'ANG SGRA LA 'THAD PA MA YIN NO, ,CI'I PHYIR ZHE NA, SPYI NI KHYAD PAR MI SPONG BA'I PHYIR RO, ,SPYI NI KHYAD PAR SPONG BA MA YIN GYI, 'ON KYANG 'PHANGS NAS GNAS PA NYID DO, ,

, ,DPER NA SHING GI SHA PA LA SOGS PA'I KHYAD PAR BZHIN NO, ,DE BZHIN DU THAMS CAD KYIS NI SGRA YANG 'PHEN PA YIN PA'I PHYIR NA, SGRA NI THAMS CAD KHO NA'O, ,DES NA 'DI NI THAMS CAD MA YIN PA NYID DU MA GRUB PA'O, ,GAL TE GANG GIS 'DI MA GRUB PA NYID DU BRJOD PAR 'GYUR BA CI LTAR NI 'DI GTAN TSIGS BRJOD PA YIN SNYAM NA, THAMS CAD MI RTAG PA NYID KYIS KHYAB PA YIN NO ZHES BYA BA'O, ,DE LAS ZHES BYA BA NI MI RTAG PAS KHYAB PA'I THAMS CAD LAS SO, ,'DI'I ZHES BYA BA NI BSGRUB PAR BYA BA RTAG PA'I'O, ,KHYAD PAR RNAMS NYID KYIS ZHES BYA BA NI KHRA BO NI SER SKYA SPANGS NAS GNAS KYI BA LANG NYID NI KHYAD PAR SPANGS NAS GNAS PA MA YIN TE KHYAD PAR GCIG DOR NA KHYAD PAR GZHAN LA NGES PA'I PHYIR RO, ,SGRA NI TSANG BA MA YIN NO ZHES 'BREL TO CI LTAR ZHE NA, GANG GI PHYIR SGRA NI PHYOGS GCIG YIN PAS SO, ,DE NI MA YIN TE ZHES BYA BA NI LAN NO, ,GAL TE SPYI NI RANG GI KHYAD PAR SPONG BAR MTHONG BA YIN NO ZHES DOGS PA NI, SHING ZHES BYA BA'O LAN NI DPER NA ZHES BYA BA LA SOGS PA'O, ,'GA' ZHIG GIS SHING NI SHA PA KHO NA'O ZHES BRJOD PA NA, DE LA LAN DU SHING SHA PA NYID NI SHING MIN ZHES BYA BA STE, SHING NYID NGES PAR 'GOG PA YIN GYI, SHING NYID DANG BRAL BA KHO NA SHING SHA PA YIN NO ZHES NI STON PA MA YIN NO, ,DE BZHIN DU THAMS CAD KYI SGRA MA NYAN PA GNYI GA NYID LA 'JUG PA 'GOG PA YIN PAR 'GYUR RO, ,DE TZAM GYIS THAMS CAD MIN ZHES BYA BA NI, THAMS CAD KYI SGRA'I 'JUG PA NGES PA BKAG PA TZAM GYIS NI, SGRA DE THAMS CAD MA YIN PAR MI 'GYUR RO, ,CI'I PHYIR ZHE NA, KHYAD PAR KUN SO SOR SGRA BZHIN DU THAMS CAD MA YIN PAR GYUR NA, THAMS CAD DE MED 'GYUR PHYIR TE MI SRID PAR 'GYUR BA'I PHYIR RO, ,DES NA 'GA' YANG THAMS CAD DU MI 'GYUR BA ZHIG NA 'DOD PA YANG YIN NO, ,DE'I PHYIR SGRA THAMS CAD KYI NANG NA YOD PA'I PHYIR DE THAMS CAD MA YIN PA NYID DANG MA GRUB PO, ,GAL TE SGRA GCIG PU KHO NA THAMS CAD MA YIN GYI GZHAN NI MA YIN TE, DES NA MA GRUB PA NYID MA YIN NO ZHES DOGS PA BSU BA NI, 'ON TE ZHES BYA BA'O, ,LAN NI DE LTA YIN NA ZHES BYA BA'O, ,CI DANG 'DRA BAR ZHE NA, SGRA MI RTAG STE BCOM YIN PA'I PHYIR ZHES BYA BA'O, ,SGRA THAMS CAD NI CHOS CAN YIN LA, GTAN TSIGS KYANG DE NYID YIN NO, ,DES NA SPYI'I DNGOS POS KYANG GTAN TSIGS NYID

MA YIN NO ZHES 'CHAD PAR 'GYUR RO, ,DPE LA GZHAN GYIS LOG PAR RTOGS PA'I DOGS PA BSU BA NI, GAL TE ZHES BYA BA'O, ,CI LTAR MA GRUB STE GRUB PA KHO NA'O, ,CI'I PHYIR ZHE NA, RANG GI NGO BO ZHES BYA BA'O, ,GCOM NYID NI SGRA'I RANG BZHIN YIN PAS DE MED NA SGRA NYID MED PAR 'GYUR RO, ,DE LTAR YANG MA YIN TE, DES NA MA GRUB PA YIN NO ZHES BYA BA'I DON TO, ,LAN NI MA YIN TE ZHES BYA BA'O, ,'O NA CI LTAR MA GRUB SNYAM NA, GTAN TSIGS NYID DU ZHES BYA BA'O, ,GTAN TSIGS NYID DU CI LTAR MA GRUB SNYAM NA, GTAN TSIGS NYID NI ZHES BYA BA'O, ,GZHAN DU NI ZHES BYA BA NI THA DAD PA MA YIN NA'O, ,THA MI DAD KYANG CI STE BSGRUB BYA DANG SGRUB BYED KYI DNGOS PO MA YIN SNYAM NA, SGRA NI ZHES BYA BA'O, ,DON 'DI YIN TE, CHOS CAN NYID SGRUB PAR BYED PA YIN PAR 'GYUR BA'AM, CHOS CAN NYID SPYIS NI GTAN TSIGS YIN LA KHYAD PAR GYIS NI BSGRUB PAR BYA BA YIN PAR 'GYUR, DE LA RE ZHIG PHYOGS DANG PO NI MA YIN TE, THA MI DAD PA'I PHYIR RO, ,'DI LTAR CHOS CAN GRUB BA'AM MA GRUB PA ZHIG YIN PAR 'GYUR, GAL TE GRUB NA NI DE'I TSE SHES PAR BYA BA MA YIN TE, SHES PAR BYA BA NI MA GRUB PA'I PHYIR RO, ,'O NA MA GRUB PA YIN NO ZHE NA, MA GRUB PAS NI ZHES BYA BA'O, ,MA GRUB NA NI GTAN TSIGS NYID MA GRUB PAR 'GYUR TE, SHES PAR BA BA'I SGRA MA GRUB PA'I PHYIR RO, ,YANG GRUB PA NYID DU DOGS PA BSU NAS SEL BAR BYED PA NI, DE STE GRUB PO ZHE NA ZHES BYA BA'O, ,GZHAN YANG GAL TE CHOS CAN NYID SGRUB PAR BYED PA YIN NA DE'I TSE SPYI BSGRUB PAR BYA BA MA YIN PAR 'GYUR RO, ,PHYOGS GNYIS PA YANG MA YIN TE, SPYI DANG KHYAD PAR GYI NGO BOS GTAN TSIGS THA DAD PAR 'GYUR TE, BA LANG GI SGRA 'DI NI MI RTAG STE SGRA YIN PA'I PHYIR, BUM PA'I SGRA BZHIN NO ZHES BYA BA BZHIN NO, ,'ON KYANG RNAM PA 'DI NI SGRA NI MI RTAG STE BCOM PA'I PHYIR ZHES BYA BA SKABS 'DIR BRJOD PAR 'DOD PA MA YIN TE, SGRA THAMS CAD CHOS CAN NYID BLANGS PA'I PHYIR RO, ,DE'I TSE YANG CHOS CAN GANG YIN PA DE NYID GTAN TSIGS SU 'GYUR RO, ,CI'I PHYIR BRJOD PAR MI 'DOD SNYAM NA, THAL ZIN PA LA, LTOS TE DPE NYID DU NYE BAR BLANGS PA'I PHYIR RO, ,DOGS PA BSU BA NI GAL TE ZHES BYA BA'O, ,GCIG TU ZHES BYA BA NI BSGRUB BYA MI RTAG PA NYID NI SGRUB PAR BYED PA MI 'DOD MOD CES BYA

, ,PA'O; ,'DI LA LAN NI 'GAL BA ZHES BYA BA'O, ,CI LTAR 'GAL SNYAM NA, SGRA YIN PA'I PHYIR ZHES BYA BA'O, ,TSOGS PA MI 'GAL BAR DOGS PA BSU BA NI GAL TE ZHES BYA BA'O, ,CI'I PHYIR ZHE NA, SGRA YIN PA'I PHYIR ZHES BYA BA'O, ,DON 'DI BSGRUB PA'I PHYIR DPE BRJOD PA NI, DU BA ZHES BYA BA'O, ,'DIR LAN NI DE LA NI ZHES BYA BA'O, ,DU BA YIN PA'I PHYIR DU BA ME DANG LDAN PAR 'GYUR BA NYID DO ZHES 'BREL TO, ,CI'I PHYIR ZHE NA, ,DU BA DE LA NI SPYI DANG ZHES BYA BAR SBYAR RO, ,'DIR YANG NI SGRA LA'O, ,GAL TE DE LTAR BYED NA SPYI SGRUB PAR BYED PA'I GTAN TSIGS SU 'GYUR BA NYID DO, ,'DIR NI ZHES BYA BA NI SGRA NI MI RTAG STE GCOM YIN PA'I PHYIR ZHES BYA BAR RO, ,GAL TE SGRA ZHES BYA BA NAS BZUNG NAS SKYON MED DO ZHE NA ZHES BYA BA'I MTHAR THUG PA NI RTZOD PA'O, ,CI GAL TE 'GAL BA MED PA KHO NA'O, ,GANG GI TSE ZHE NA, SGRA CHOS CAN YIN PA NA'O, ,CHOS CAN NI SGRUB PAR BYED PA NYID DU 'GYUR NA NI SGRA'I RANG BZHIN NYID YIN BAR 'GYUR TE, THUN MONG GI RANG BZHIN NI GTAN TSIGS YIN PA'I PHYIR SGRA ZHES SMOS SO, ,'BREL PA YID NA DE'I TSE CI LTAR ZHES SBYAR RO, ,DE LTA YIN NA ZHES BYA BA NI 'BREL BA MED NA'O, ,MA NGES PA NYID YIN TE ZHES BYA BA NI MI MTHUN PA'I PHYOGS LAS LDOG PAR THE TSOM ZA BA'I PHYIR RO, ,'ON TE YANG ZHES BYA BA LA SOGS PAS NI GRUB PA'I MTHA' SMRA BA'I DOGS PA BSU BA'O, ,SGRUB PAR BYED PA YANG BSTAN PAR BYA BA NYID DANG LDAN PAR TE 'BREL BAR MA GRUB PA'O, ,KHYAD PAR 'GA' YANG ZHES BYA BA NI CHOS CAN GYI RANG BZHIN LAS SAM, CHOS KYI RANG BZHIN LAS SO, ,GAL TE CHOS CAN NYID SGRUB PAR BYED PA YIN NA, DE'I TSE GTAN TSIGS GZHI MA GRUB PO ZHES BYA BA'I DON TO, ,YANG ZHES BYA BA CHOS CAN DANG SGRUB PAR BYED PA GNYI GA BRJOD PAR BYA BA MA YIN TE, SGRA NI MI RTAG STE SGRA YIN PA'I PHYIR ZHES BYA BA NI BRJOD PAR BYA BA MA YIN NO ZHES BYA BA'I DON TO, ,DES NA GAL TE CHOS CAN SGRUB PAR BYED PA NYID DU BYED NA DE'I TSE SGRA MI RTAG STE ZHES BYA BA'AM, YANG NA SGRA YIN PA'I PHYIR ZHES BRJOD PAR BYA'O, ,CHOS CAN DANG GTAN TSIGS GNYIS SU BRJOD PAR BYA BA NI MA YIN NO, ,DE LTAR GRUB PA'I MTHA' BKOD NAS LAN 'DEBS PA NI, DE NI MA YIN TE ZHES BYA BA'O, ,DE ZHES BYA BA GTAN TSIGS GZHAN LA LTOS PA SPANG BA'I

PHYIR NA'O, ,CHOS CAN GZHAN NI SEL BA LA ZHES BYA BA'I CHOS CAN GZHAN BSAL BA'I RGYU MTSAN DU'O, ,CHOS CAN DANG SGRUB SGRUB PAR BYED PA GNYI GAR SBYAR BAR BYA BA YIN NO ZHES BYA BA'I DON TO, ,'DIS SMRAS PA ZHES BYA BA LA SOGS PA NI LAN NO, ,SGRA NYID KYI MTSAN NYID SGRUB BYED KYI RANG BZHIN DU GYUR BA'I CHOS CAN GANG YIN PA DE LA, GAL TE RTAG PA NYID BSGRUB PAR NUS PA YOD PA YIN NA DE'I TSE SGRA NYID YIN PA'I PHYIR ZHES BYA BA'I GTAN TSIGS GZHAN BLANGS PA DON MED DO, ,'ON TE CHOS CAN LA NUS PA MED PA DE LTA NA YANG SGRA YIN PA'I PHYIR RO ZHES YANG BRJOD PA DES CI ZHIG BYA STE, NUS PA MED PA NYID KYI PHYIR RO, ,CHOS CAN LA NUS PA MED NA, DE'I RANG BZHIN DU GYUR BA'I SGRUB PAR BYED PA YANG NUS PA MED DO ZHES BYA BA'I DON TO, ,DE'I PHYIR ZHES BYA BA NI MI NUS PA DANG MI DGOS PA'I NYES PA YOD PA'I PHYIR RO, ,YANG BSTAN PA LA ZHES BYA BA NI SGRA MI RTAG PA ZHES BYA BA DE LA, LTOS TE YANG SGRA MI RTAG PA'I PHYIR RO ZHES BYA BA'O, ,DE LA BRJOD PAR 'DOD PA GANG YIN PA SGRUB PAR BYED PA LAS THA DAD PA'I SGRA MI RTAG PA NYID KYI KHYAD PAR DANG LDAN PAR BRJOD PA 'DOD PA DE 'DIR MED PA'I PHYIR RO, ,MA GRUB PA ZHES BYA BA NI GZHI MA GRUB PA NYID KYI'O, ,'DIS NI SGRA MI RTAG STE ZHES BYA BA LA SOGS PA'I RTZOD PA BSAL BA YIN NO, ,DES NA MA GRUB PA NYID CES BYA BA'I SKYON NI MED DE ZHES BYA BA'I RTZOD PA NYE BAR 'GOD PA NI RJES SU 'GRO BA MED PA'I PHYIR ZHES BYA BA'O, ,LAN 'DEBS PA NI NYES PA DE YANG ZHES BYA BA'O, ,NGES PA MED PA BRJOD PA'I SKABS SU NI ZHES BYA BA NI, GANG GI TSE NYES PA GCIG KHO NA BRJOD PAR BYA'O ZHES TSAD MA BYAS PA'I TSE'O, ,NGES PA BRJOD PA'I SKABS SU NI RIGS PA MA YIN NO ZHES 'BREL TO, ,CI LTAR RJES SU 'GRO BA MED PA'I NYES PA MI RIGS SNYAM NA, PHA MA ZIN PA LA TE MA GRUB PA'I NYES PA BRJOD PAS RDUGS PAR BYAS ZIN PA LA, PHA MA PA STE RJES SU 'GRO BA MED PA'I NYES PA BRJOD PA'I SGO NAS RDUGS PA GANG YIN PA STE MED BA'I PHYIR RO, ,RDUGS ZIN PA LA NI RDUGS PA 'THAD PA MA YIN TE, DE LTAR GYUR NA NI THUG PA MED PAS RTZOD PA NGAG RDZOGS PA'I MTHA' MED PAR 'GYUR RO, ,'ON TE RJES SU 'GRO BA MED PA'I NYES PA NYID THOG MAR CI STE MI BRJOD SNYAM NA, BA RGAL ZHING BRTAG PAR BYA BA RJES SU 'GRO BA MED PA'I NYES PA YAL

, ,BAR DOR BA'I PHYIR NA THOG MAR MI BRJOD DO, ,DE'I PHYIR ZHES BYA BA NI, GZHI MA GRUB PAS MA GRUB PA YIN PA'I PHYIR RO, ,MI RIGS PA NI MI NUS PA'O, ,CHOS CAN NUS SO ZHE NA NI, DE'I TSE RTZOD PA MED PAR THAL BAR 'GYUR TE, CHOS CAN GRUB PA TZAM GYIS GRUB PAS NA RJES SU 'GRO BA LA SOGS PA LA LTOS PA MED PA'I PHYIR RO, ,DE LTA NA YANG ZHES BYA BA NI RTZOD PA MED NA'O, ,DES NA STE MI RIGS PAS NA CHOS CAN NI RANG GI CHOS KYI SGRUB BYED DU MA GRUB BO, ,CI'I PHYIR ZHE NA, CHOS CAN GTAN TSIGS DNGOS GYUR NI, ,ZHES BYA BA GTAN TSIGS NYID DU NYE BAR BKOD PA NI, SHES PAR BYED PA NYID GANG YIN PA DER MA GRUB PA'I PHYIR TE SHES PAR BYA BA YIN PA'I PHYIR RO, ,SHES PAR BYA BA YIN YANG SHES BYED CI STE MA YIN SNYAM NA, SHES BYA BSHES BYED THA DAD PA'I PHYIR RO, ,DE MED NA NI THA DAD PA MED NA'O, ,DE MED KYANG CI LTAR MA GRUB SNYAM NA GSAL BA ZHES BYA BA'O, ,GSAL BA LA SOGS PA NI RANG NYID SHES BAR GYUR NA BUM PA LA SOGS PA GSAL BAR BYED PA YIN NA, DE BZHIN DU SHES PAR BYED PA YANG SHES PAR BYA BA LAS THA DAD PAR SHES PAR GYUR NA SHES PAR BYA BA SHES PAR BYED PAR 'GYUR TE, SHES PAR BYA BA NI SHES PAR BYED PA LAS RANG BZHIN THA DAD PA'I PHYIR RO, ,DES NA ZHES BYA BA NI THA DAD PA MED PAS SO,, THA DAD NA ZHES BYA BA NI, GAL TE SGRUB PAR BYED PA CHOS CAN LAS THA DAD PAR GYUR NA, DE'I TSE DE LA RJES SU 'GRO BA YOD DAM 'ON TE MED CES SEMS PAR 'GYUR TE, DPER NA GZHAL BYA NYID BZHIN NO, ,SNGAR SGRUB PAR BYED PA'I RANG BZHIN GRUB PAR BYAS NAS, GZHI MA GRUB PA DANG RJES SU 'GRO BA MED PA'I NYES PA BRJOD PA YIN LA, DA LTA NA NI THA DAD PA NYID MED DO ZHES BRJOD PA YIN NO, ,DE TZAM GYIS ZHES BYA BA NI THA DAD PA MED PA TZAM GYIS SO, ,DE'I PHYIR ZHES BYA BA NI, SHES BYED NYID DU MA GRUB PA'I PHYIR RO, ,GRUB PA NYID CES BYA BA NI RANG GI NGO BOS SO, ,DE BZHIN DU CHOS CAN LA YANG RANG GI SGRUB BAR BYED PAR GRUB PA YIN NO ZHES BSAMS PA'O, ,LAN NI GRUB PA NI ZHES BYA'O, ,MAR ME LA SOGS PA GRUB PA'O, ,LKOG TU GYUR PA MI RTAG PA NYID, LKOG TU MA GYUR PA SGRA LA SOGS PAS GRUB PA NI MA YIN NO, ,CI LTAR MI MTHUN ZHE NA, MAR ME ZHES BYA BA'O, ,'DI SKAD BRJOD PA YIN TE, GAL TE 'GA' ZHIG

DPER NA MAR ME THA DAD PA MED KYANG RANG GI SGRUB PAR BYED PAR GRUB PA DE BZHIN DU CHOS CAN SGRA YANG, GAL TE YANG CHOS CAN DANG BSGRUB BYA'I RANG BZHIN DU THA DAD PA MA YIN PA DE LTA NA YANG MI RTAG PA NYID KYI SGRUB BYED DU 'GYUR RO SNYAM DU SEMS NA, DE LA MI MTHUN PA NYE BAR BKOD PA YIN NO ZHES BRJOD PA YIN NO, , DES NA GAL TE THAMS CAD MA YIN PA NYID SGRUB BYED DU LEN PA YIN NA, DE'I TSE DAM BCA' PA'I DON GYI PHYOGS GCIG YIN PAR GNAS PA NYID DO, ,GAL TE THA DAD PA MED PA'I PHYIR THAMS CAD LA NYES PA MED PA 'DIR MI 'GYUR RAM ZHES DGOS PA BSU BA NI, DNGOS PO KUN LA BYA BA STE SGRA DANG BYAS PA LA SOGS PA LA'O, ,MIN ZHES BYA BA NI NYES PA MTSUNGS PA MA YIN PA'O, ,CI'I PHYIR ZHE NA, KUN RDZOB TU ZHES BYA BA'O, ,SGRA DANG BYAS PA DAG LA NI, LDOG PAS BRTAGS PA'I THA DAD PA YOD DE, DES NA CHOS CAN SGRA LAS THA DAD PA'I BYAS PAS MI RTAG PA NYID KYI KHYAD PA CAN GYI SGRA GO BAR BYED PA YIN NO, ,GAL TE ZHES BYA BA LA SOGS PA NI DOGS PA'O, ,MNGON SUM DU GRUB PA ZHES BYA BA NI BSGRUB BYA SGRUB BYED MA YIN PA NYID DO, ,DE NI ZHES BYA BA NI CHOS KYI DBYE BA BRTAGS PA'O, ,DE LA YANG NI MAR ME LA YANG NGO, ,THA DAD PAR BRTAGS PAS BSGRUB PAR BYA DANG SGRUB PAR BYED PA'I DNGOS PO YIN NA HA CANG THAL BAR 'GYUR RO ZHES BYA BA NI RTZOD PA'I DON TO, ,'DIS NI PHYOGS SNGA MA'I CHA RNAM PAR BKROL PA YIN NO, ,LAN GYI CHA RNAM PAR 'GREL BA NI MA YIN TE ZHES BYA BA'O, ,MAR ME'I RANG BZHIN ZHES BYA BA NAS BRTZAMS TE, MAR ME NI CHOS CAN YIN NO ZHES BYA BA'I BAR NI RTZOD PA'O, ,'DIR BSAM PA NI 'DI YIN TE, GAL TE KUN RDZOB TU SGRA DANG BYAS PA DAG THA DAD PA'I PHYIR SHES PAR BYA BA DANG SHES PAR BYED PA 'DI DNGOS PO YIN NA, DE'I TSE MAR ME LA YANG DBYE BA BRTAGS PAS 'GYUR RO, ,'ON TE 'DIR MED NA, SGRA DANG BYAS PA DAG LA YANG MI 'GYUR RO ZHES BYA BA YIN NO, ,THA DAD PAR RTOGS PA NYID BRJOD PA NI, BYED PA DANG BCAS PA DANG ZHES BYA BA'O, ,'BRAS BU BYED PA'I GNAS SKABS 'BRAS BU BYED BZHIN PA NI BYED PA DANG BCAS PA'I GNAS SKABS YIN LA, 'BRAS BU MI BSKYED PA'I GNAS SKABS NI BYED PA MED PA'I GNAS SKABS YIN NO, ,DES NA MAR ME'I SGRAS

, ,NI GNAS SKABS GNYIS BRJOD PA YIN NO, ,BRJOD PAR 'DOD PA NI MAR ME'I SGRAS BYED BA DANG BCAS PA'I GNAS SKABS NYID BRJOD PA YIN NO ZHES BYA BA YIN TE, RANG BZHIN GYI SGRAS BYA BA MED PA'I GNAS SKABS BRJOD PA'I PHYIR RO, ,'DIS NI CHOS CAN DU RTOGS PA'I SA BON BSTAN TO, ,DA NI BSGRUB BYAR BRTAGS PA'I SA BON BRJOD PA NI, RANG BZHIN ZHES BYA BA'O, ,RANG BZHIN GYI SGRAS NI BYED PA DANG BCAS PA DANG BYED PA MED PA'I GNAS SKABS GNYIS YAL BAR DOR BA RANG BZHIN MA YIN PA LAS LDOG PA'I DNGOS PO BRJOD PA YIN NO, ,DA NI BSGRUB PAR BYA BA DANG SGRUB PAR BYED PA STON PAR BYED PAS, SGRUB PAR BYED PA YANG STON PA NI, DE LA ZHES BYA BA'O, ,DON BYA BA BYED PA NI SGRUB PAR BYED PA YIN LA, RANG BZHIN NI BSGRUB PAR BYA BA YIN PA'AM, YANG NA BZLOG PAS TE, RANG BZHIN NI SGRUB PAR BYED PA, DON BYA BA BYED BA NI BSGRUB PAR BYA BA YIN NO, ,GNYI GA LTAR YANG CHOS CAN NI MAR ME YIN NO, ,BYED PA MED PA LA NI ZHES BYA BA LA SOGS PA NI GRUB PA'I MTHA'O, ,'DIS NI CHOS CAN DANG BSGRUB BYA DANG, SGRUB PAR BYED PA RNAMS LDOG PA'I DBYE BAS BRTAGS PA'I THA DAD PA YANG YOD PA MA YIN NO ZHES BRJOD PA YIN NO, ,'DI LTAR RE ZHIG BYA BA DANG BCAS PA DANG BYA BA MED PA'I GNAS SKABS GNYI GA KHYAB PA'I CHOS CAN NI MA GRUB STE, BYA BA MED PA NI GNAS SKABS DNGOS PO MA YIN PA'I PHYIR RO, ,DES NA MAR ME'I SGRAS NI BYA BA DANG BCAS PA'I GNAS SKABS KHO NA BRJOD PA YIN NO, ,RANG BZHIN GYI SGRAS KYANG DE BZHIN NO, ,BYA BA MED PA LA NI MAR ME'I RANG BZHIN MED PA'I PHYIR RO, , 'BRAS BU BYED PA'I PHYIR RO ZHES BYA BAS KYANG, BYED PA DANG BCAS PA'I GNAS SKABS NYID BRJOD PA YIN NO, ,DE'I PHYIR MAR ME'I SGRA DANG, RANG BZHIN GYI SGRA DANG, 'BRAS BU BYED PA'I SGRAS NI GCIG NYID LAS LDOG PA BRJOD PA YIN NO, ,DES NA LDOG PAS BRTAGS PA'I DBYE BA YANG MED DO, ,BRJOD PAR 'DOD PA'I DON BYA BA MED PAS BYED PA MED PA YIN NO ZHES BYA BA NI RTZOD PA'O, ,BRJOD PAR 'DOD PA'I DON NI MAR MES BSGRUB PAR BYA BA'O, ,DE MED BAS MAR ME BYED PA MED PA YIN NO, ,DES NA MAR ME BYED PA MED PA GANG YIN PA DE NI RANG BZHIN GYI SGRAS BRJOD PA YIN LA, BYA BA DANG BCAS PA'I

GNAS SKABS NI MAR ME'I SGRAS YIN NO ZHE NA ZHES NI MI RIGS TE ZHES BYA BA NI LAN NO, ,HA CANG THAL BA'I PHYIR RE ZHES BYA BA NI, BYA BA MED PA'I RI BONG GI RVA LA YANG RANG BZHIN YOD PAR 'GYUR RO, ,DA SKAD BRJOD PAS NI ZHES BYA BA NI BYED PA DANG BCAS PA DANG CIG SHOS NYID LA SOGS PA BRJOD PAS NI'O, ,THA DAD PAR ZHES BYA BA NI DOGS PA'O, ,LAN NI DE NI ZHES BYA BA STE THA DAD PAR RTOGS PA NI'O, ,SPYI DANG ZHES BYA BA NI DON BYA BA BYED PA TZAM YIN LA, 'BRAS BU BYED BA'I KHYAD PAR NI MAR ME YIN NO, ,YANG NA RANG BZHIN NI SPYI YIN TE BUM PA DANG SNAM BU LA SOGS PA THUN MONG GI RANG BZHIN YIN PA'I PHYIR RO, , MAR ME NI KHYAD PAR YIN NO, ,DE NYID KYI PHYIR MAR MES RANG BZHIN KHYAD PAR DU BYED DE, MAR ME'I RANG BZHIN ZHES SO, ,DE DAG NI DNGOS PO NYID KYIS GRUB PA'I PHYIR MI BYED PA DANG BCAS PA DANG CIG SHOS KYI DNGOS POS NI MA YIN NO, ,BSGRUB PAR BYA BA DANG SGRUB PAR BYED PA'I DNGOS PO LA THA DAD PA NYID NGES PA YANG MA YIN TE, 'BRAS BU BYED PA LA SOGS PA RNAMS LA MAR ME LAS THA DAD PA YOD KYANG DE MED PA'I PHYIR RO, ,'ON KYANG BSGRUB PAR BYA BA DANG SGRUB PAR BYED PA THA DAD PA LA NGES PA YIN TE, DE MED NA BSGRUB PAR BYA BA DANG SGRUB PAR BYED PA'I DNGOS PO MED PA'I PHYIR RO, ,LOG PAR RTOGS PA LA LTOS NAS BSGRUB PAR BYA BA DANG SGRUB PAR BYED PA'I DNGOS PO YIN YANG CHAD PA MED DE, BYAS PA DANG MI RTAG PA NYID BZHIN NO, ,DE'I PHYIR CHOS CAN GYIS ZHES BYA BA NI, SGRA NI MI RTAG STE SGRA YIN BA'I PHYIR ZHES BYA BA'O, ,DE'I PHYIR ZHES BYA BA'I RNAM PAR 'GREL PA NI, THA DAD PA MED PA'I PHYIR ZHES BYA BA'O, ,'O NA BYAS PA DANG MI RTAG PA NYID CI LTAR THA DAD SNYAM NA BYAS PA DANG ZHES BYA BA'O, ,DON DAM PAR THA DAD PA NYID DU CI STE KHAS MI LEN SNYAM NA, 'DI LTAR ZHES BYA BA'O, ,MNGON SUM GYIS NI BYAS PA LA SOGS PA THA MI DAD PAR 'DZIN PAR BYED PA YIN PA'I PHYIR DNGOS PO BA'I THA DAD PA LA GNOD PAR BYED PA YIN PA DES NA, CI LTAR DON DAM PAR THA DAD PAR 'GYUR RO, ,DON DAM PAR THA DAD PAR DOGS PA BSU BA NI, GAL TE ZHES BYA BA'O, ,LAN NI CHOS CAN TZAM NI MNGON SUM MA YIN ZHES BYA BA'O, ,CI LTAR GCIG YIN ZHE NA, MI RTAG PA NYID CES BYA BA'O, ,SGRA LAS MI

, ,RTAG PA NYID GZHAN YIN NA, SGRA 'DZIN PAR MI 'GYUR RO ZHES BRJOD PA NI, MI RTAG GZHAN NYID CES BYA BA'O, ,CI'I PHYIR ZHE NA, GANG GI PHYIR RTAG PA NYID DAM GNYI GA MA YIN PA'I RANG BZHIN DU YIN NA, 'DI GNYI GA YANG RUNG BA MA YIN NO, ,DES NA MI RTAG PA NYID GZHAN YIN NA, CHOS CAN 'DZIN PA CI LTAR YIN, RE ZHIG CHOS CAN RTAG PA NYID DU 'DZIN PA 'THAD PA MA YIN NO ZHES BRJOD PA NI, GAL TE ZHES BYA BA'O, ,DE LTA YIN DANG RJES SU DPAG PA LAS RTAG PA NYID MI 'GRUB PO ZHES BRJOD PA NI, TSAD GZHAN ZHES BYA BA'O, ,CI LTAR MI RTAG PA NYID DU 'DZIN PA MA YIN ZHE NA, MNGON SUM GYIS NI ZHES BYA BA'O, ,MNGON SUM GYIS RTAG PA NYID DU RTOGS NA, MI RTAG PA NYID KYI RJES SU DPAG PAS SEL BAR MI 'GYUR RO, ,MNGON SUM GZHAN GYIS BSAL BAR BYA BA MA YIN PA NYID BRJOD PA NI, MNGON SUM TSAD MA GZHAN THAMS CAD KYI NI RTZA BA YIN ZHES BYA BA'O, ,RGYAL PO'I BU DAG NI SDOM DANG CHOS MTSUNGS PA YIN NO, ,SDOM NI RANG GI BU RNAMS NYID KYIS GSOD PAR BYED PA DE BZHIN DU, RGYAL BO'I BU PHA SLU BAR BYED PA YIN NO CI LTAR RGYAL PO'I BU PHA GSOD PAR 'JUG PA DE BZHIN DU MNGON SUM GYIS SKYED PA'I TSAD MA GZHAN DAG NI MNGON SUM SEL BAR BYED BA MA YIN NO, ,DES NA GAL TE RTAG PA NYID MNGON SUM GYIS MTHONG BA YIN NA, DE'I TSE MNGON SUM GYIS BSKYED PA MI RTAG PA NYID KYI RJES SU DPAG PAS BSAL BAR CI LTAR 'GYUR, MI RTAG PA NYID KYI RJES SU DPAG PA NI 'DOD PA YIN, DE YANG MED PAR 'GYUR RO ZHES BYA BA'I DON TO, ,MNGON SUM SKYED PAR BYED PA NYID YIN PAR BRJOD PA NI, TSAD MA THAMS CAD KYI ZHES BYA BA'O, ,MNGON SUM MA KHRANG PHO MA BSTAN PA'I RTAG PA NI RJES SU DPAG PA MI RTAG PAR DPOG PAR GNOD PA MA YIN NO ZHES BYA BA'I DON TO, ,GNYI GA'I RANG BZHIN DU YANG CHOS CAN 'DZIN PAR MI 'THAD DO ZHES BSTAN PA'I DON DU DOGS PA BSU BA NI, 'ON TE ZHES BYA BA'O, ,DES NI MNGON SUM GYIS SO, ,'ON CI LTAR RTAG PA NYID DAM MI RTAG PA NYID DU RTOGS ZHE NA, RTAG PA NYID DAM ZHES BYA BA'O, ,LAN NI MI RTAG PA NYID CES BYA BA'O, ,RTAG PA DANG MI RTAG PA NYID KYI RANG BZHIN BRJOD PA NI, GANG GI PHYIR ZHES BYA BA'O, ,DES CIR 'GYUR SNYAM NA, DNGOS PO ZHES BYA BA'O,,

DE LA ZHES BYA BA NI RTAG PA DANG MI RTAG PA DAG GI NANG NAS RTAG PAR 'DZIN PA NI DNGOS PO DUS KHYAB PAR BZUNG NAS 'GYUR BA YIN NO, ,GAL TE KHYAB PA DE MA BZUNG NA DE'I TSE MI RTAG PAR RIG PA NYID DU 'GYUR RO, ,'CHAD PA NI GANG GI TSE ZHES BYA BA'O, ,DOGS PA NI DE NYID CES BYA BA STE DUS GZHAN KHYAB PA NYID DO, ,MI RTAG PA NYID NI MA RTOGS PA MA YIN NO ZHES BYA BA'O, ,GRUB PA'I MTHA' SMRA BA 'DRI BA NA MI RTAG PA ZHES BYA BA'O, ,PHA ROL GYI LAN NI DE NYID KYI ZHES BYA BA STE CHOS CAN NYID KYI'O, ,GRUB BA'I MTHA' SMRA BA RNAM PAR RTAG PAR BYED PA NI DE ZHES BYA BA STE MI RTAG PA DE NYID CHOS CAN GYI RANG BZHIN RTOGS PA NYID KYI CHE YIN NAM, 'ON TE PHYIS YIN, RNAM PAR RTOG PA DANG PO KHAS LEN PAR DOGS PA LA NI DE NYID KYI TSE ZHES BYA BA'O, ,DMIGS PAR BYA BA NYID DU YOD DO ZHE NA, LAN NI CI STE ZHES BYA BA'O, ,GAL TE CHOS CAN RTOGS PA'I DUS NYID NA MI RTAG PA NYID BA LTAR RUNG BAR YOD PA YIN NO, DE'I TSE CHOS CAN MNGON SUM YIN PAR BZHIN DU, MI RTAG PA NYID KYANG CI STE MNGON SUM GYIS MA RTOGS, MNGON SUM GYIS MA RTOGS KYANG, CHOS CAN GYI KHYAD PAR DU GYUR PA'I CHOS GZHAN NYID YIN NO ZHE NA, MA RTOGS NA ZHES GSUNGS TE, MI RTAG PA NYID DE CI LTAR CHOS CAN DE'I BDAG NYID DU GYUR BA YIN, CI'I PHYIR ZHE NA, DE'I BDAG NYID NI ZHES BYA BA'O, ,DE NYID BRJOD PA NI 'BREL PA NYID DU ZHES BYA BA'O, ,GAL TE MI RTAG PA NYID KYI CHOS GZHAN CHOS CAN DANG 'BREL BA NI, DE RTOGS PA'I DUS NA YOD PA YIN NA DE'I TSE GDON MI ZA BAR MI RTAG PA NYID DE DE LTAR CHOS CAN DANG 'BREL PA NYID DU RTOGS PAR 'GYUR RO, ,CI'I PHYIR ZHE NA, DE DANG ZHES BYA BA'O, ,DE LTAR NI CHOS CAN DANG 'BREL BAR 'GYUR RO, ,RNAM PAR RTOG PA GNYIS PA KHAS LEN PA'I DOGS PA BSU BA NI PHYIS ZHES BYA BA STE CHOS CAN MNGON SUM DU BYAS BA'I DUS PHYIS SO, ,LAN NI DMIGS PA'O ZHES BYA BA'O, ,GANG ZHES BYA BA MI RTAG PA NYID DO, ,DE'I TSE ZHES BYA BA'I CHOS CAN GYI RANG BZHIN MNGON SUM DU GYUR PA'I DUS NA'O, ,MI RTAG NYID DE CI LTAR YOD, ,CES BYA BA STE MED PA KHO NA'O CI LTAR MED SNYAM NA, BRJOD PA GZHAN DU MED PA'I YUL GYI RTOGS PA MED PAR 'GYUR RO, ,YANG NA GZHAN DU MED PAS RTOGS

, ,PAR 'GYUR ZHES BYA BA STE, GZHAN DU ZHES BYA BA MED PA NYID DU NI, GTAN TSIGS MED PA NYID KYIS RTOGS PAR 'GYUR TE, MED PA'I THA SNYAD NYID DU RIGS SO ZHES BYA BA'I DON TO, ,DMIGS PA ZHES BYA BA NI 'CHAD PA'O, ,'ON TE ZHES BYA BA NI SNGAR MI RTAG PA NYID KYI CHOS DANG 'BRAL BA'I CHOS CAN TZAM RTOGS PA GANG YIN PA DE NI 'KHRUL PA YIN TE, DES NA MI RTAG PA NYID MA DMIGS KYANG MA DMIGS PA LAS MED PAR 'GYUR BA'I MTSAN NYID KYI SKYON MED DO ZHE NA, LAN NI GAL TE ZHES BYA BA'O, ,CHOS CAN 'DZIN PAR KHAS LEN PA NA, GAL TE SGRA LA SOGS PA'I CHOS CAN THAMS CAD LA 'JUG PA YIN NA, DE'I TSE CHOS CAN LA TSAD MA MED DO, ,DE'I PHYIR RJES SU DPAG PA TSAD MAR CI LTAR 'GYUR, CI STE MI 'GYUR SNYAM NA, CHOS CAN DANG NI ZHES BYA BA'O, ,DE LTAR NA GRUB PA CI YOD SNYAM NA, MNGON SUM DANG NI ZHES BYA BA'O, ,'O NA CI LTAR MNGON SUM DANG RJES SU DPAG PA DAG TSAD MA YIN SNYAM NA, CHOS CAN MI RTAG PA NYID DANG, LDAN PA RTOGS PA NA, DE DAG DE LTAR SRID PA YIN NO ZHES BRJOD PA NI, GANG TSE ZHES BYA BA'O, ,GANG GI TSE 'BYUNG BA DANG 'BYUNG BA'I RANG BZHIN MNGON SUM GYIS MA BZUNG STE MI RTAG PA NYID BZUNG BA ZHES BYA BA'I DON TO, ,DE'I TSE BYUNG BA DANG 'BYUNG BAR 'GYUR BA'I ZHES 'BREL TO, ,GANG GI TSE ZHE NA, GTAN TSIGS CHOS CAN DANG 'BREL PA MNGON SUM GYIS GRUB PA YOD NA DE, PHYOGS KYI CHOS NYID GRUB NA'O, ,DON NI 'DI YIN TE, GANG GI TSE 'DI MI RTAG PA NYID MNGON SUM GYIS GRUB PA DE'I TSE, MTHA' GNYIS LA RJES SU DPAG PAR BYA NUS PA YIN TE, 'DAS PA DANG MA 'ONGS PA DAG NI LKOG TU GYUR PA YIN PA'I PHYIR RO, ,SROG CHAGS 'DI NI SNGON GTONG BA BYAS PA YIN TE BDE BAR GNAS PA'I PHYIR RO, ,'DI NI BDE BAR 'GYUR TE GTOD BA PO YIN PA'I PHYIR RO, ,'DIS NI BSTAN BCOS GOMS PAR BYAS PA YIN TE, MKHAS PA'I PHYIR RO ZHES DE LTAR MI RTAG PA NYID KYI PHYOGS LA NI RJES SU DPAG PA'I 'BRAS BU DANG BCAS BAR 'GYUR GYI, BSTAN PA'I PHYOGS LA NI MNGON SUM GYIS BSTAN PA BZUNG BA NA, 'DAS PA DANG MA 'ONGS PA'I GNAS SKABS DAG KYANG BZUNG BA'I PHYIR RJES SU DPAG BA DON MED PAR 'GYUR RO, ,RTAG PA NYID

DU SMRA BAS KYANG 'DAS PA DANG MA 'ONGS PA'I GNAS SKABS DAG LA RJES SU DPAG PA 'DOD PA YANG YIN TE, DE'I PHYIR RJES SU DPAG PA'I SHUGS LAS GZHAN GYIS KYANG MI RTAG PA NYID DU KHAS BLANG BAR BYA'O, ,'DI YAN CHAD KYIS NI NYES PA GNYIS BSTAN PA YIN TE, GAL TE DNGOS PO RNAMS RTAG PA DANG CHOS THAMS CAD KYANG MI 'DZIN PAR 'DOD NA DE'I TSE SGRA MI RTAG STE BYAS PA'I PHYIR ZHES BYA BA'I RJES SU DPAG PA MED PAR 'GYUR TE, GZHI LA GRUB PA'I PHYIR RO, ,SNGON DANG PHYI MA'I MTHA' GNYIS RJES SU DPAG PAR YANG MI 'GYUR TE, MNGON SUM GYIS GRUB PA'I PHYIR ZHES BYA BA'O, ,DE'I TSE ZHES BYA BA NI BYUNG BA DANG 'BYUNG BA DAG RJES SU DPAG PAS GRUB PA'I DUS NA'O, ,CIG SHOS NI RJES SU DPAG PAR BYA'O, ,RTAG PA NYID KYI PHYOGS LA NI RJES SU DPAG PA DON MED PA KHO NA'O ZHES BRJOD BA NI GAL TE ZHES BYA BA'O, ,'ON TE MI RTAG PA NYID LA SOGS PA'I CHOS RNAMS LA NI BZUNG DU ZIN KYANG 'KHRUL PA YOD DE, DES NA CHOS DE DAG NI RJES SU DPAG PAS NGES PA YIN NO, ,DES NA RJES SU DPAG PA DON MED PAR CIR 'GYUR SNYAM NA, 'KHRUL PA YIN NA NI ZHES BYA BA'O, ,THAMS CAD 'JIG CES BYA BA NI, CHOS RNAMS THAMS CAD MA BZUNG NA, RNAM PA THAMS CAD DU CHOS CAN DU 'DZIN PAR MI 'GYUR LA, CHOS CAN GYI MNGON SUM BZHIN DU MNGON SUM THAMS CAD TSAD MA MA YIN NA, RJES SU DPAG PA YANG MED PAR 'GYUR TE, DES NA RNAM PAR RIG PA TZAM 'BA' ZHIG TU 'GYUR RO, ,GANG GI PHYIR THAMS CAD 'JIG PA'I NYAMS PAR 'GYUR BA DES NA'O, ,'ON TE RTAG PA DANG MI RTAG PA DAG NI MNGON SUM GYIS GRUB PA MA YIN NO, ,DE LTA MA YIN NA ZHES BYA BA NI GAL TE CHOS KYANG MNGON SUM GYIS GRUB NA, DE'I TSE CHOS KYI YUL CAN GYI RJES SU DPAG PAR MI 'GYUR RO, ,CI'I PHYIR ZHE NA, CHOS THAMS CAD CES BYA BA'O, ,CHOS THAMS CAD MA BZUNG NA CHOS CAN YANG MA BZUNG BAR 'GYUR RO ZHES LAN BTAB PA NI, DE NI ZHES BYA BA'O, ,GAL TE SGRA NYID LA SOGS PAS CHOS CAN DU BZUNG YANG, MI RTAG PA NYID LA SOGS PAR NI BZUNG BA MA YIN NO SNYAM NA, DES NA ZHES BYA BA'O, ,DE'I PHYIR RJES SU DPAG PA DON MED PA KHO NA'O ZHES DGONGS PA'O, ,DE LA ZHES BYA BA NI

, ,MI RTAG PA LA SOGS PA LA'O, ,'KHRUL BA'I CHOS ZHES BYA BA NI MI RTAG PA NYID LA SOGS PA'O, ,RTAG PA DANG MI RTAG PA NYID SPANGS NAS SGRA NYID LA SOGS PAR 'DZIN PAR 'GYUR RO ZHES BYA BA'I DON TO, ,THO YOR PO NYID LA SOGS PA MED PAR YANG ROD ROD BO TZAM BLTA BAR NUS KYI, RTAG PA NYID LA SOGS PA DANG BRAL BA'I DON NI MA YIN NO ZHES LAN 'DEBS PA NI, MI DANG ZHES BYA BA'O, ,DE'I CHOS CAN GYI'O, ,DE YIN TE ZHES BYA BA NI KHYAB PA DANG CIG SHOS NYID DO, ,GAL TE DE ZHES BYA BA KHYAB PA DANG CIG SHOS SO, ,DE NI ZHES BYA BA NI CHOS CAN GYI RANG BZHIN NO, ,YUL KHYAB LA GZHAN DU 'DZIN PA BZHIN DU YUL KHYAB PA YANG GZHAN DU 'DZIN PAR 'GYUR RO ZHES BYA BA'I RTZOD PA 'GOD PA NI, GAL TE ZHES BYA BA'O, ,KA BA LA SOGS PA YAN LAG CAN GYI RDZAS NI RING PO NYID YIN YANG, YAN LAG 'GA' ZHIG BSGRIBS PA'I DUS NA, RING PO NYID DU MI 'DZIN PA DE BZHIN DU, DUS KHYAB PA'I DON LA YANG KHYAB PA NYID DU 'DZIN PAR MI 'GYUR RO ZHE NA, LAN NI RING PO MNGON SUM GYIS 'DZIN PA LA YIN NO, ,CI'I PHYIR ZHE NA, SHING LA SOGS PA BSGRIBS PA DER RO, ,DE NI YAN LAG CAN NO, ,'O NA DE GANG YIN SNYAM NA, GZHAN GYI LUGS KYIS DE NI YAN LAG CAN YIN NO ZHES BRJOD PA NI, RING PO NYID CES BYA BA'O,, YAN LAG CAN RING PO YIN GYI YAN LAG NI MA YIN NO ZHES BYA BA'I DON TO, ,YAN LAG CAN GYI RING PO DE YANG RJES SU DPAG PAR RTOGS PAR BYA BA YIN GYI, MNGON SUM GYIS RTOGS PAR BYA BA NI MA YIN NO, ,RJES SU DPAG PAS RTOGS PAR BYA BA NYID GZHAN GYI LUGS LA GNAS NAS BRJOD PA NI, 'DI LTAR ZHES BYA BA'O, ,GANG GI PHYIR YAN LAG GCIG G-YOS PAR GYUR NA, THAMS CAD KYANG G-YO BAR 'GYUR BA DE'I PHYIR DNGOS PO DE NI RING PO GCIG YIN NO ZHES RTOGS PAR 'GYUR RO, ,GAL TE DNGOS PO GCIG YIN PAR MA GYUR NA NI, GCIG G-YOS BAS THAMS CAD G-YO BAR MI 'GYUR TE, DES NA GCIG PA NYID 'DI NI RJES SU DPAG PA LAS RTOGS PA YIN NO, ,DE LTAR RJES SU DPAG PA GNYIS BSTAN NAS, GNYIS PA BRJOD BA NI, YAN LAG GCIG CES BYA BA'O, ,DE LTAR GZHAN GYI LUGS KYIS RJES SU DPAG PA BRJOD NAS ZLOG PAR BYED PA NI, DE NI RJES SU DPAG PA YANG ZHES BYA BA'O, ,RJES SU DPAG

BAS GNYIS PO GANG YIN PA DE NI RJES SU DPAG PA NYID MA YIN PA KHO NA STE, G-YO BA LA SOGS PA NI RNAM PA GZHAN DU YANG 'THAD PA'I PHYIR RO, ,CI LTAR ZHE NA, GANG GI PHYIR YAN LAG CAN DANG BRAL BA PHAN TSUN 'BREL PA'I YAN LAG KHO NA DPOG PA YIN PA'I PHYIR RO, ,YUL KHYAB BA'I DPE SUN PHYUNG NAS, DON DUS KHYAB PA NYID SUN 'BYIN PA NI, DE NI ZHES BYA BA STE DUS KHYAB PA'O, ,RJES SU DPAG PA'I YUL NI MA YIN GYI, 'ON KYANG MNGON SUM GYI YUL NYID DO, ,DE NYID BRJOD PA NI, MNGON SUM MA ZHUGS NA ZHES BYA BA'O, ,TSAD MA GZHAN NI RJES SU DPAG PA'O, ,DE NYID NI ZHES BYA BA NI KHYAB PA'O, ,DE'I PHYIR ZHES MTHONG BA DANG MA MTHONG BA GCIG MA YIN PA'I PHYIR RO, ,DE NI ZHES BYA BA NI DUS KHYAB PA'AM MA KHYAB PA'O, ,DE LA NI DE LTAR GNAS PA'O, ,GAL TE DON 'DI DUS KHYAB PA'I RANG BZHIN DU MNGON SUM GYI YUL MA YIN NA, DE'I TSE KHYAB PA NYID DE DAG DE'I RANG BZHIN MA YIN NO, ,KHYAB PA'I RANG BZHIN NYID MA KHYAB PA'I RANG BZHIN DU YUL DU BYED PA YIN NO ZHE NA, MNGON SUM GYIS ZHES BYA BA'O, ,DPER NA SNGON PO'I RANG BZHIN DU NI SER PO LA SOGS PA MNGON SUM GYIS YUL DU BYED PA MA YIN PA DE BZHIN DU KHYAB PA YANG MA KHYAB PAR YUL DU BYED PA MA YIN NO ZHES BYA BA'I DON TO, ,DE LTA BU NYID DU ZHES BYA BA NI MA KHYAB PA NYID DU'O, ,GZHAN DU NA ZHES BYA BA NI DUS GZHAN KHYAB PA NYID DU BZUNG BA YIN NA'O, ,BYUNG BA DANG ZHES BYA BA NI DOGS PA'O, ,DE LTA MA YIN NO ZHES BYA BA NI, THAMS CAD KYIS BYA BA'I DON BYED PAR THAL BA MA YIN PA'O, ,LAN NI DE ZHES BYA BA STE DUS KYI CHA RNAMS MA BZUNG NA'O, ,DUS DE TZAM ZHES BYA BA NI DA LTA BA'I DUS DANG 'BREL PA NYID DU'O, ,DE LTA YIN DANG ZHES BYA BA NI, DUS DE TZAM DANG 'BREL BAR BZUNG BA NA'O, ,GLOG LA SOGS PA BZHIN DU ZHES BYA BA LA GLOG NI DA LTA BA'I DUS DANG 'BREL BA TZAM DU BZUNG BAS SKAD CIG MA NYID YIN NO, ,GAL TE ZHES BYA BA NI DOGS PA BSU BA'O, ,GZHAN DAG GIS LTAR NA 'JIG PA'I RGYU MED PA'I PHYIR MI 'JIG GO ZHES LAN 'DEBS BA NI 'O NA ZHES BYA BA'O, ,'JIG PA'I SRID BAR DOGS PA BSU BA NI, GYIS ZHES BYA BA'O, ,'DI LAS YANG 'JIG PA'I RGYU 'DI 'DRA BA NI DON LA YANG YOD DO ZHES LAN 'DEBS BA NI, 'DI LA YANG ZHES BYA BA STE, BUM BA LA SOGS PA

, ,LA'O, ,RIGS MTHUN BA DUS PHYIS 'BYUNG BA BUM PA'I SKAD CIG DANG MI MTHUN PA BYA BAS NON PA'O, ,DE NI ZHES BYA BA NI NON PAS BYAS BA'I 'JIG PA'O, ,DUS PHYIS MA DMIGS PA MA GRUB PAR DOGS PA BSU BA NI, GAL TE ZHES BYA BA'O, ,LAN NI MA YIN TE ZHES BYA BA'O, ,CI'I PHYIR ZHE NA, DE NYID CES BYA BA STE SNGAR BZUNG BA NYID DO, ,'DI NYID BRJOD PA NI SNGAR GYI ZHES BYA BA'O, ,CI LTAR SNGAR GYI DUS MA BZUNG SNYAM NA, RE ZHIG GZUGS LA SOGS PA LAS MA GTOGS PA'I GZUGS NI MNGON SUM LA MI GRUB PA MED DO ZHES BRJOD PA NI, YUD TZAM ZHES BYA BA'O, ,CI LTAR MNGON SUM GYIS MA GRUB SNYAM NA NYI MA DANG POR ZHES BYA BA'O, ,THUN DANG PO NYID LA SOGS PA RTOGS PA MA YIN NO, ,THUN GNYIS PAR MNGON SUM GYIS NYIN MO LA SOGS PA RTOGS PA MED DO ZHES 'BREL TE, 'DI LA GTAN TSIGS BRJOD PA NI, DE'I TSE ZHES BYA BAS DE NYI MA DANG PO LA SOGS PA'I DUS NA'O, ,GAL TE MNGON SUM GYIS DEM GRUB NA DRAN PAS 'GRUB PAR 'GYUR RO SNYAM DU DOGS PA NI, NYI MA ZHES BYA BA'O, ,MA YIN TE ZHES BYA BA NI DE LTA MA YIN PA'O, ,CI'I PHYIR ZHE NA, DRAN PA ZHES BYA BA'O, ,CI LTAR ZHE NA DRAN PA NI ZHES BYA BA'O, ,'DI NYID BRJOD PA NI, DRAN PA ZHES BYA BA'O, ,'O NA MNGON SUM GYIS DE 'DZIN PAR 'GYUR RO SNYAM NA, MNGON SUM GYIS ZHES BYA BA'O, ,SNGA MA DANG PHYI MA GCIG GI RANG BZHIN MA YIN MOD DUS BSAGS PA'I RANG BZHIN NYID DU NI 'GYUR RO ZHES DOGS PA BSU BA NI, GAL TE ZHES BYA BA'O, ,LAN NI BSAGS PA ZHES BYA BA'O, ,GAL TE ZHES BYA BA NI DOGS PA'O, ,NYI MA DU MA 'DZIN PA'I MNGON SUM GANG YIN PA DES NYI MA BSAGS PA'I RANG BZHIN ZLA BA ZHES BYA BA'I DUS 'DZIN NO ZHES BYA BA'I DON TO, ,LAN NI MNGON SUM ZHES BYA BA'O, ,MNGON SUM DU MA ZHUGS SO ZHES BYA BA 'DI LA TSAD MA CI YANG YOD PA MA YIN NO, ,DRAN PAS MNGON SUM DU MA RTOGS SO ZHES BYA BA YANG 'THAD PA MA YIN NO ZHES BRJOD PA NI, DRAN PA ZHES BYA BA'O, , GANG GI PHYIR DRAN PA LAS BYUNG BA YIN PA DES NA, BSAGS PA'I RANG BZHIN DE NI KUN RDZOB PA YIN GYI, DON DAM BA NI MA YIN NO, ,DE LTA YIN DANG CI ZHIG 'GRUB SNYAM NA, DUS NI ZHES BYA BA'O, ,DE KHYAB STE DUS DES KHYAB PA SGRA LA SOGS PA'I DON RNAMS NI KUN RDZOB BA YIN NO, ,DES NA ZHES BYA BA NI

DON RNAMS KYI RTAG PA KUN RDZOB PA YIN PAS NA'O, ,CHOS RNAMS CHOS CAN GYI RANG BZHIN YIN PA LA NYES PA'I DOGS PA BSU BA NI GAL TE MI RTAG PA NYID NI, RANG BZHIN NYID YIN NA DE'I TSE KUN RDZOB TU THA DAD PAR CI LTAR 'GYUR TE, DON DAM PA'I THA MI DAD BA NI BRTAGS PA'I THA DAD PAR 'GAL BA'I PHYIR RO, ,'GYUR YANG BSGRUB PAR BYA BA DANG SGRUB PAR BYED PA'I DNGOS POR NI MI 'THAD DO ZHES BRJOD PA NI NYER LEN ZHES BYA BA'O, ,RNAM PAR RTOG PA LA GNAS BA'I BYAS PA DANG MI RTAG PA'I RANG BZHIN NI, SGRUB PAR BYED PA MA YIN ZHING BSGRUB PAR BYA BA YANG MA YIN NO, ,CI'I PHYIR ZHE NA, NYER LEN MED PAR STE, DON DAM PA'I THA DAD PA NI NYE BAR LEN PA DANG BRAL BAS SO, ,GAL TE THA DAD PA'I NYE BAR LEN PA DANG BRAL YANG DE LA GNAS PA'I RANG BZHIN DAG NI BSGRUB BYA DANG SGRUB BYED KYI RANG BZHIN DU 'GYUR RO SNYAM DU DOGS PA BSU NAS RTZOD BAR BYED PA NYID KYIS SMRAS BA NI, 'BREL BA YOD BA DANG BRAL BA ZHES BYA BA'O,, GO BAR BYA BA DANG GO BAR BYED PA'I DNGOS PO NI 'BREL PA YOD BAS KHYAB PA YIN NA, BRTAGS PA'I RANG BZHIN DAG LA NI 'BREL BA YOD PA MA YIN TE DES NA DE DAG NI BSGRUB PAR BYA BA DANG SGRUB PAR BYED PA'I DNGOS PO MA YIN NO, ,'DI NYID BRJOD PA NI 'BREL PA YOD PA DANG BRAL BA ZHES BYA BA'O, , 'DIR SMRAS PA ZHES BYA BA NI GRUB PA'I MTHA'O, ,MA BYAS PA DANG RTAG PA GCIG LAS LOG PA'I DU MA NI BYAS PA NYID KYI RANG BZHIN DANG MI RTAG PA NYID KYI RANG BZHIN GCIG GIS TE, SPYI'I MTSAN NYID KYIS RTOGS PA'O, ,'DIS NI SPYI'I CHOS GNYIS BA NI KHYAB PA YIN NO ZHES BRJOD PA YIN NO, ,DE BAS NA ZHES BYA BA NI RANG BZHIN GCIG GIS YUL DU BYED PAS NA'O, ,GAL TE GCIG NYID RTOGS PA KHO NAS BSTAN PA YIN GYI MNGON SUM NI MA YIN NO ZHES BYA BA 'DI NYID GA LAS SNYAM NA, DNGOS PO KUN GYI ZHES BYA BA'O, ,GANG LAS LOG SNYAM NA RIGS MTHUN DANG CIG SHOS RIGS MI MTHUN LAS SO, ,DES NA RDZAS 'GRO ZHES BYA BA BYAS PA NYID DAM BA LANG NYID RJES SU SONG BA NI, RTOG PA TZAM LAS GZUNG BAR BYA BAR 'GYUR BA YIN NO, ,GAL TE MNGON SUM RNAM PAR RTOG PA DANG BCAS PAS BA LANG NYID LA SOGS PA NI SPYI STON PAR BYED KYI, RNAM PAR RTOG BA TZAM GYIS NI MA YIN NO, ,DES NYE BAR BSTAN NA NI,

, ,DNGOS PO MED PAR 'GYUR PA YIN NO ZHES DOGS PAR BYED PA NI, RNAM RTOG BCAS PA MNGON SUM NA, ,ZHES BYA BA STE RJES SU 'GRO BA 'DZIN BA'I ZHES BYA BA LHAG MA'O, ,RJES SU 'GRO BA MNGON SUM YIN NA, SNGA MA DANG PHYI MAR GYUR PA'I BSAL BA RNAMS SAM, LHAN CIG TU GYUR PA RNAMS LA YIN, DE RE ZHIG PHYOGS DANG PO NI MA YIN TE, GANG GI PHYIR BA LANG NYID LA SOGS PA'I SPYI GSAL BA SNGA MA DANG PHYI MA LA GNAS PA NYID LA NI MNGON SUM GYI BYED PA 'JUG PA MA YIN PA'I PHYIR RO, ,GNYIS PA YANG MA YIN TE GANG GI PHYIR LHAN CIG 'BYUNG BA LA YANG RJES SU 'GRO BA NI MNGON SUM DU GYUR PA MA YIN NO, ,LHAN CIG PAR GYUR PA DAG LA YANG RJES SU SONG BA'I RANG BZHIN NI 'GA' YANG SHES PA MED DO, ,RNAM PAR RTOG PA LA YANG NOG DANG LKOG SHAL LA SOGS PA THA NA SNANG BA'I PHYIR RO, ,GAL TE GSAL BA LA RJES SU ZHUGS PA'I SPYI YOD NA NI DE'I TSE GSAL BA GCIG DANG PO MTHONG BA NA YANG DMIGS PAR GYUR PA DE LTA NA YANG MA YIN NO, ,'DI LTAR RTOGS PA PO GANG GIS DANG PO GSAL BA'I RANG BZHIN GCIG NYID MTHONG BA'I RTOGS PA PO DE NI GSAL BA DE LA RJES SU 'GRO BAR TE, SPYI RJES SU ZHUGS PA NYID DU SNANG BA MIN NO, ,CI'I PHYIR ZHE NA, GSAL BA THAMS CAD CES BYA BA'O, ,THAL BA 'DI SPONG BA'I LAN GYI DOGS PA BSU BA NI, THAG RING NYID LA SOGS PA'I ZHES BYA BA'O, ,GSAL BA ZHES BYA BA NI GSAL BA THAMS CAD DO, ,LAN NI GSAL BA ZHES BYA PA'O, ,GSAL BA CHA BA BYAR GYUR PA BZUNG BA MED PAR NI, GSAL BA LA KHYAB PAR BYED PA'I SPYI 'DZIN PA NYID DU MI 'GYUR TE, KHYAB BYA MA BZUNG BAR NA DON DAM PAR NA KHYAB BYED KYANG 'DZIN BAM YIN NO ZHES BYA BA'I DON TO, ,SNGAR ZHES BYA BA NI DOGS PA BSU BA'O, ,DE LTAR ZHES BYA BA NI SPYI'I RANG BZHIN DU'O, ,DES NA SNGA NA MED PA'I GSAL BA MTHONG PA NA RJES SU 'GRO BA DMIGS PA MA YIN NO ZHES BYA BA BSAMS PA'O, ,DE DNGOS ZHES BYA BA NI SNGA MA'I DNGOS PO BZUNG BAS BSKYED PA'I'O, ,GSAL BA ZHES BYA BA NI GSAL BA SNGA MA'O, ,DON GZHAN ZHES BYA BA NI GSAL BA SNGA MA LAS GZHAN PA'I SPYI'O, ,DE NYID LA ZHES BYA BA NI GSAL BA SNGA MA NYID LA'O, ,SNGA NA MED PA'I DON MTHONG BA ZHES BYA BA NI SNGA NA MED PA'I DON GYI MTHONG BA GANG YIN PA DE'I RGYU NI 'DU

PA YIN NO, ,SNGAR GYI DON MTHONG BA'I ZHES BYA BA NI, SNGAR GYI DON LA YOD PA'I MTHONG BA GANG YIN PA DE NI STE, DE NI MIG LA SOGS PA KHO NA'I STOBS LAS SKYE BA YIN GYI, 'DU BYED PA'I STOBS LAS NI MA YIN NO, ,DE BZHIN DU PHYI MA'I MTHONG BA YANG DE'I STOBS NYID LAS YIN NO, ,'DU BYED NI MA MTHONG BA'I DON DRAN PA'I RGYU YANG MA YIN GYI, 'ON KYANG MTHONG BA'I DON NYID DRAN PA'I RGYU YIN NO, ,DON 'DI YIN TE, SHES PA NI RNAM PA GNYIS TE, RNAM PAR RTOG PA DANG BCAS PA DANG RTOG PA MED PA'O, ,DE LA 'DU BYED RNAM BAR RTOG PA DANG BCAS PA'I RGYUR 'GYUR BA YANG MTHONG BA'I DON LA YIN GYI, MA MTHONG BA'I DON GZHAN LA NI MA YIN NO, ,RNAM PAR RTOG PA MED PAR NI, MTHONG BA DANG MA MTHONG BA LA YANG RGYUR 'GYUR MI SRID DE, DE NI MIG LA SOGS PA KHO NA'I STOBS LAS 'BYUNG BA'I PHYIR RO, ,SKABS LA SBYOR BAR BYED PA NI, SPYI YANG ZHES BYA BA'O, ,MA MTHONG BA ZHES BYA BA NI GSAL BA DANG PO MTHONG BA NA'O, ,DRAN PAR YANG ZHES BYA BA NI GSAL PA GNYIS PA MTHONG BA NA'O, ,SPYI NI DRAN PA DANG MTHONG BA LOG NAS DMIGS PA YANG MA YIN NO ZHES BRJOD PA NI, SNGA PHYI'I ZHES BYA BA'O, ,SNGAR GYI DON LA NI DRAN PA, PHYIS KYI DON LA NI MTHONG BA'O, ,GNYI GA MTHONG BA LA YANG ZHES BYA BA NI, SNGA PHYI'I GSAL BA'I DRAN PA DANG MTHONG BAR MA ZAD PA'O, ,DENG NI ZHES BYA BA NI MTHONG BA LA'O, ,GAL TE MTHONG BA LA SPYI SNANG BA YOD DO ZHES RJES SU DPAG PA LAS GRUB PA MA YIN NAM ZHES DOGS PA BSU BA NI, MTSUNGS PA'I ZHES BYA BA'O, ,GRUB PA'I MTHA'I DON NI 'DI YIN TE, RTZIG PA LA SOGS PA SNANG BAR NGES PA NI, RJES SU DPAG PAS BSGRUB PA NI MA YIN GYI, 'ON KYANG RTZIG BA SNANG NGO ZHES BYA BA'I NGES PA NI MNGON SUM KHO NA LAS 'GYUR BA YIN NO, ,'DI SKAD CES CI LTAR SKAD CIG MA NYID SNANG BA YIN YANG RJES SU DPAG PAS BSGRUB PAR BYA BA DE BZHIN DU SPYIR SNANG BA YIN YANG RJES SU DPAG PAS BSGRUB PAR BYA BA YIN NO ZHES BRJOD PAR MI BYA STE, SKAD CIG BAR SNANG BA NI MNGON SUM KHO NAS GRUB PA YIN TE, SNGA MA DANG PHYI MA'I RANG BZHIN GYIS DPEN BAR BZUNG BA'I PHYIR RO, ,DE BZHIN DU SPYI NI GZUNG BA MA YIN TE DES NA, CI LTAR MA RMONGS PAS SKAD CIG MA NYID 'DZIN LA, THA SNYAD TZAM NI RMONGS PA LA

, ,SGRUB PAR BYED PA DE BZHIN DU NI SPYI NI MA RMONGS PA SUS KYANG RTOGS PA MED DO, ,DES NA RMONGS PA LA SGRUB PAR YANG CI LTAR 'GYUR, 'BAD PA GZHAN ZHES BYA BA NI DUS PHYIS KYIS MI SLU BA'O, ,SNANG BZHIN BA'I DUS NYID NA NI ZHES BYA BA NI 'ON KYANG SNANG BA LAS PHYIS KYI DUS SU YIN PA'O, , SPYI NI SNGAR SNANG BA MA YIN PAS DE CI LTAR RJES SU DPAG PAS DE YOD PAR SGRUB PA'AM, 'BAD BA GZHAN BYED PAR 'GYUR TE, CI LTAR SNGAR SHING SNANG BAR GRUB PA LA DUS PHYIS BRJOD PA NA RJES SU DPAG PAS DE SNANG BAR SGRUB PA'AM, 'BAD PA GZHAN BYED PA BZHIN NO, ,'ON TE RTZIG PA LA SOGS PA BZHIN DU SPYI YANG SNANG BA KHO NA'O SNYAM NA, GSAL BA'I RANG BZHIN GYIS DBEN PA'I ZHES BYA BA'O, ,'DI GA LAS SNYAM NA, SPYI NI ZHES BYA BA'O, ,MDOG CES BYA BA NI DOGS PA'O, ,LAN NI 'O NA ZHES BYA BA'O, ,CI'I PHYIR ZHE NA, MDOG DBYIBS LAS ZHES BYA BA'O, ,DOGS PA NI KHYAB PA ZHES BYA'O, ,KHYAB PA NYID SPYI DE'I RANG GI NGO PO YIN GYI, MDOG DBYIBS KYI NGO BO NI MA YIN NO, ,DES NA MDOG DBYIBS LAS PHYI ROL TU GYUR PA MED PA MA YIN NO ZHE NA, LAN NI 'O NA GSAL BA LA BRTEN PA'I MDOG DBYIBS KYIS MTSUNGS PA MA YIN PA'I SPYI GANG YIN PA DE NI, MI MTSUNGS PA NYID DE MI 'DRA BA NYID DO, ,MI MTSUNGS PA NA YANG BA LANG NYID KYI SPYI DE KHRA PO LA SOGS PA BZHIN DU RTA LA SOGS PA LA YANG YOD PAR 'GYUR RO, ,'BREL PA LA SOGS PA YANG SPANGS YIN TO, ,'ON TE MDOG DBYIBS DANG LDAN PA DES NA HA CANG THAL BAS MA YIN NO ZHE NA, KHYAB PA NI ZHES BYA BA'O, ,GRANGS CAN GYI LUGS DOGS PAR BYED PA NI, MDOG DBYIBS NYID CES BYA BA STE, DE LAS THA DAD PA'I SPYI NI MED DO ZHES BYA BA'O, ,LAN NI GAL TE ZHES BYA BA'O, ,DUS GZHAN DU ZHES BYA BA NI DOGS PA'O, ,GAL TE DANG PO GSAL BA MDOG DBYIBS KYI RANG BZHIN GYI PHYIR, KHYAB PA NYID DU MA RTOGS PA DE LTA NA YANG DUS PHYIS GSAL BA GNYIS PA LA NI RTOGS PA KHO NA'O ZHE NA, LAN NI MA YIN TE ZHES BYA BA'O, ,GANG GIS RES 'GA' RANG GI RNAM BAR SHES PA SKYED PAR BYED PA, KHYAD PAR BSGRUB TU MED PA'I SPYI NI GSAL BA YOD BA DANG MED BA NA KHYAD PAR DANG LDAN PAR 'GYUR BA MA YIN NO, ,'DI GA LAS SNYAM NA SNGON GYIS ZHES BYA BA'O, ,DE KHO NA LTAR ZHES BYA BA NI GSAL BA YOD PA'I DUS BZHIN

DU'O, ,GAL TE SNGON GYI GONG BU MA ZHIG PA NYID MA YIN NAM, DE CI LTAR NA ZHIG KYANG ZHES BRJOD DO SNYAM NA, SNGON GYI ZHES BYA PA'O, ,'ON KYANG ZHIG PA NYID DE MNGON SUM GYIS RTOGS PA'I PHYIR RO, ,DES NA SNGAR GYI GSAL BA ZHIG KYANG DE KHO NA LTAR RTOGS PA'I PHYIR NA GSAL BA YOD BA DANG MED PA DAG LA SPYI KHYAD PAR YOD PA MA YIN NO, ,DES NA DANG PO KHO NAR KHYAB PA NYID DU RTOGS PAR 'GYUR BA'AM, YANG NA NI NAM YANG MA YIN NO ZHES BYA BA 'DI NI MTHA' GCIG TU NGES PA YIN NO ZHES BYA BA'I DON TO, ,SNGON GYI KHYAD PAR ZHIG BA NA YANG SPYI 'JIG PAR 'GYUR TE, DE'I BDAG NYID YIN PA'I PHYIR RO ZHES BYA BA YANG 'DIR 'DOD PA YIN NO, ,'DI NYID KYI LAN GYI DOGS PA BSU BA NI, DER ZHES BYA BA STE YUL GZHAN NA GNAS PA'I GONG BU DE LA SPYI DMIGS PA'I PHYIR GSAL BA ZHIG PA'I YUL DU YANG CI LTAR ZHIG TE MA ZHIG PA KHO NA'O ZHE NA, GAL TE ZHES BYA BA LA SOGS PA NI LAN NO, ,SNGA MAR ZHES SNGAR DMIGS PA'I GSAL BA DANG 'BREL BA'I YUL DU'O, ,DE'AM NI GRANGS CAN GYIS SO, ,GZHAN GYIS ZHES BYA BA NI RTOGS PA PO GZHAN GYIS SO, ,DON 'DI YIN TE, GAL TE SNGAR GYI YUL DU GSAL BA ZHIG PA NA SPYI MA ZHIG NA DE'I TSE THAMS CAD KYIS MTHONG BAR 'GYUR RO ZHES BYA BA'O, ,KHYAB PA NYID DU MED PA'I PHYIR RO ZHES BYA BA'I RTZOD PA NYID DE'I ZHES BYA BA LA SOGS PAS RNAM PAR 'GREL PA'O, ,DMIGS PA KHO NA ZHES BYA BA NI MNGON PAR GSAL BA'I GNAS SKABS NA'O, ,DON 'DI YIN TE SNGAR GYI YUL NI RNAM PA GNYIS TE, DANG PO NI GONG BU'I KHYAD PAR CAN DANG, GONG BU ZHIG PA NA GONG BU MED PA CAN NO, ,DE LA GONG BU DANG LDAN PA'I YUL DU GONG BU DMIGS PA NA SPYI DMIGS PA YIN LA, GONG BU ZHIG BA NA NI YUL DE MA KHYAB PA YIN TE, GONG BU'I RANG BZHIN MI GSAL BA'I NGO BOR GNAS PA YIN NO, ,DES NA SNGAR GYI YUL DU MNGON BAR GSAL BA'I RANG BZHIN GYIS GNAS PA LA DE'I YUL KHYAB PAR BRJOD PA YIN LA, MI GSAL BAS DER GNAS PA NI YUL DE MA KHYAB PA YIN NO, ,DUS KHYAB PA NI MI GSAL BA DANG GSAL BA'I GNAS SKABS NA GTZO BO'I RANG BZHIN DU YOD PA TZAM GYIS YIN PAR 'GYUR BA YIN NO, ,YUL KHYAB BA TZAM NYID CES BYA BA NI NYE BAR MTSON PA YIN TE, MI GSAL

, ,BA'I GNAS SKABS NA NI YUL KHYAB PA YANG MA RTOGS PA YIN NO ZHES SO, ,GRUB PA'I MTHA' PA MI GSAL BA NYID MI SRID PAR BSAMS NAS 'DRI BA NI, BSKAL BA ZHES BYA BA'O, ,GZHAN GYI LAN NI MI SNANG BA'I ZHES BYA BA'O, ,'DI YANG MI 'THAD DO ZHES STON PA NI CI LTAR ZHES BYA PA'O, , SNANG BA ZHES BYA BA NI MDOG DBYIBS KYI BDAG NYID CAN NO, ,DOGS PA BSU BA NI YUL GZHAN DU ZHES BYA BA STE GSAL BA 'DAS PA'I YUL DU'O, ,THA MI DAD PA'I PHYIR NA, RNAM PAR DBYE BA 'DIR MI 'GYUR RO ZHES BRJOD PA NI SNANG PA'I ZHES BYA BA'O, ,DE LTA YIN DANG ZHES BYA BA NI KHYAB PA NYID ZHIG PA NA'O, ,DE LTAR GYUR NA ZHES BYA BA NI SPYI MED PAR GYUR NA'O, ,GAL TE GONG BU LAS GZHAN BDAG LA SOGS PA'I BDAG NYID CAN GYI SPYI NI RJES SU 'GRO BA BLO LA SNANG BA NYID MA YIN NAM, DES NA CI LTAR DE MED SNYAM NA, GSAL BA LAS ZHES BYA BA'O, ,MTSUNGS PA'I RNAM PA GZHAN DU MI 'THAD PAS SPYI GRUB PAR DOGS PA BSU BA NI, 'O NA ZHES BYA BA'O, ,LAN NI KHA DOG DANG ZHES BYA PA'O, ,DE LTAR ZHES BYA BA NI 'DI DAG NI MTSUNGS SO ZHES BYA BAR RO, ,YUL 'KHOR GYI RUNG SA PA ZHES BYA BA NI RGYAL PO'I RIGS KYI KHYAD PAR RO, ,DER NI MTSUNGS PA'I RNAM PA CAN GYI RTOGS PA DON GCIG BYED BA NYID KYIS BYAS PA YIN NO, ,DON SONG ZIN BA NYID LHAG BRJOD PA'I DON DU ZLOS PAR BYED PA NI, GZHAN YANG ZHES BYA BA'O, ,MU STEGS PA GANG DAG 'DI SKAD CES MTSUNGS PA'I RNAM PA CAN GYI RTOGS PA'I RGYU MTSAN SPYI YIN NO ZHES GANG BRJOD PA DE NI MI RIGS PA SMRA BA YIN NO, ,CI'I PHYIR ZHE NA, GANG GI PHYIR SPYI NI RTOGS BA NI, DON GCIG PAS BYAS PA'AM, YANG NA RGYU GCIG GIS BSKYED PAR BYA BAS BYAS PA YIN NO BZLOG BA BRJOD PA NI, SPYI'I ZHES BYA BA'O, ,BRAM ZE NYID LA SOGS PA'I SPYI NI YOD PA MA YIN TE, RTEN DMANGS RIGS LA SOGS PA DANG THUN MONG YIN PA'I PHYIR RO, ,RTOG PA LA SOGS PA'I RNAM GZHAG GZHAN DU MI 'THAD PA'I RIGS YOD PAR DOGS PA BSU BA NI, GAL TE ZHES BYA BA LA SOGS PA'O, ,LAN NI RIGS YOD PAR ZHES BYA BA STE RIGS YOD KYANG SDIG DANG BSOD NAMS KYI RNAM PAR GZHAN PA MED PAR 'GYUR RO, ,CI'I PHYIR ZHE NA, RIGS NI GSAD PAR ZHES BYA BA'O, ,RNAM GZHAG 'DI NI TSAD MAS GRUB PA

YANG MA YIN NO ZHES BRJOD PA NI, SDIG PA DANG ZHES BYA'O, ,LUNG ZHES BYA BA NAS PHYI ROL ZHE NA ZHES BYA BA'I BAR NI RTZOD PA'O, ,NYE BAR BSTAN PA'AM ZHES BYA BA NI GRUB PA'I MTHA'O, ,NYE BAR BSTAN PA NI 'DI LA NI BRAM ZE ZHES BYA'O ZHES BYA BA'I BRDA'O, ,MTSUNGS PA'I RNAM PAR 'DZIN PA NYID CI LTAR ZHE NA, MTSUNGS PA'I ZHES BYA BA'O, ,THOG MA MED PA'I BAG CHAGS GANG YIN PA DANG, NYE BAR BSTAN PA GANG YIN PA STE DE DAG NYID LAS SO, ,DES PAR BZUNG BA'I RNAM PAR GCAD PAR BRJOD PA NI, DE LAS GZHAN BA'I ZHES BYA BA STE BAG CHAGS DANG NYE BAR BSTAN PA LAS GZHAN NO, ,RNAM BA GZHAN GYI SGO NAS KYANG SPYI MED PAR BSTAN PA'I PHYIR, RNAM PAR RTOG PA GNYIS BRJOD NA NI, GZHAN YANG ZHES BYA BA LA SOGS PA'O, ,SPYI RTOGS PAS GSAL BA LAS THA DAD PA'I SPYI LAS TE RNAM PA GANG YIN PA DE RIG GAM ZHES BYA BA NI RNAM PAR RTOG BAR GCIG GO, ,'ON TE GZHAN YIN TE, RTOGS PA TZAM YIN ZHES BYA BA NI GNYIS PA YIN TE, DE LTAR 'DI GDON MI ZA BAR SHES PAR BYA BA YIN NO, ,GZHAN DU NI STE SHES PAR MA GYUR NA LONG BA'I SPYOD PAR 'GYUR TE, GZHAL BYA NGES PAR RTOGS PA MED PA'I PHYIR RO, ,RNAM PAR RTOG PA DANG PO SEL BA NI, KHYAD PAR LAS NI ZHES BYA BA'O, ,KHYAD PAR GYI BDAG NYID RIG PA NYID MI GSAL BA'I SNGON PO LA SOGS PA'I RNAM PAR GRUB PO ZHES BYA BA'I DON TO, ,GNYIS BSAL BA NI DE LAS GZHAN DU BYA'O STE RTOGS PA TZAM DU RIG PAS KHAS LEN NA GZHAL BYA SPYI'I YOD PA NYID DON DAM PA MA YIN GYI 'ON KYANG RTOGS PAS SPYAR BA NYID DU 'GYUR RO, ,'CHAD PA NI GAL TE ZHES BYA BA'O, ,DE LTAR ZHES BYA BA NI GSAL BA LAS THA DAD PA'I RNAM PA DANG 'BREL BA NYID DU'O, ,DE LAS ZHES BYA BA NI MTSUNGS PA'I RNAM PA CAN GYI RTOGS PA LAS SO, ,'DIS NI TSIG LE 'UR BYAS PA GNYIS KYI PHYED SNGA MA DAG BSHAD PA YIN NO, ,PHYED PHYI MA 'CHAD PA NI 'ON TE ZHES BYA BA'O, ,DON GYI KHYAD PAR NI SPYI'O, ,DE LAS ZHES BYA BA NI RTOGS PA LAS SO, ,GZHAN DU ZHES BYA BA NI GAL TE RNAM PA GZHAN GYI RTOGS PA LAS, GZHAN 'GRUB NA DE'I HA CANG THAL BAR 'GYUR TE, BUM PA'I RNAM PAR RTOG PA LAS SNAM BU 'GRUB PAR 'GYUR RO, ,DE LTAR SPYI THA DAD PA'AM THA MI DAD PA BSAL NAS, GNYI GA'I

, ,RANG BZHIN CAN BSAL BA'I DON DU DOGS PA BSU BA NI GAL TE ZHES BYA BA'O, ,DE LTAR MA YIN NO, ,CI'I PHYIR ZHE NA, PHAN TSUN ZHES BYA BA'O, ,CI LTA 'GAL ZHE NA, 'DI LTAR ZHES BYA BA'O, ,RJES SU 'GRO BA'I RANG BZHIN GYI SPYI GZHAN 'DOD PA GANG YIN BA DE GAL TE GSAL BA'I RANG BZHIN THA DAD LAS, THA MI DAD DE GSAL BA'I RANG BZHIN YIN NA DE'I TSE CI LTAR THA DAD 'GYUR TE, GSAL BA LAS GZHAN NYID DU MI 'GYUR RO, ,DOGS PA BSU BA NI THA DAD SNANG NAS TE SNANG BA NA THA DAD PA NYID YIN NA, LAN NI YANG 'DI ZHES BYA BA STE THA DAD PA 'DI'O, ,TSUL 'GAS ZHES BYA BA NI RJES SU ZHUGS PA'I RANG BZHIN GYIS SO, ,DE NYID CES BYA BA NI GSAL BA LAS THA DAD PA RJES SU SONG BA'I RANG BZHIN NO, ,DE LTA YIN DANG RJES SU 'GRO BA'I RANG BZHIN DE GZHAN MA YIN PA NYID RGYANG BSRINGS PAR 'GYUR RO ZHES BRJOD PA NI, DE NI ZHES BYA BA'O, ,'DI SNYAM DU RJES SU 'GRO BA'I RANG BZHIN GSAL BA LAS THA MI DAD PA NI MA YIN GYI, 'ON KYANG RJES SU 'GRO BA'I RANG BZHIN GZHAN GYIS THA MI DAD PAR 'DOD DO ZHES DOGS PA BSU BA NI, GZHAN GYIS ZHES BYA BA'O, ,GAL TE DE LTAR NA DE'I TSE RJES SU 'GRO BA'I RANG BZHIN DE NI THA DAD PA DANG, THA DAD PA MED PA NYID MIN PAR 'GYUR RO, ,'ON TE RJES SU 'GRO BA'I RANG BZHIN NYID KYIS BRA MI DAD PA YIN NA DE'I TSE, DE NYID KYIS THA DAD MED NA, DE YANG NI ZHES BYA BA THA MI DAD PA DE YANG RNAM PA STONG 'GYUR ZHES BYA BA RTAG TU THA DAD MED PA KHO NAR 'GYUR RO ZHES BYA BA'I DON TO, ,THA MI DAD PA DE LAS BTON PA STE LOGS SU BKOL BAS NI, SPYI DER TE THA MI DAD PA'I RANG BZHIN DU MI 'GYUR BA KHO NA'O CI'I PHYIR ZHE NA, GANG GI PHYIR THA MI DAD PAR GYUR NA THA MI DAD PA'I RANG BZHIN ZAD BAR 'GYUR BA'I PHYIR RO, ,YANG NA DE NYID KYI THA DAD MED NA, SPYI DE YANG RNAM PA STONG DU 'GYUR TE, THA DAD BA DANG THA MI DAD PA'I RANG BZHIN GYIS MTHA' YAS PA'I PHYIR RO, ,DE LA ZHES BYA BA NI MTHA' YAS BA'I RANG BZHIN YIN PA LAS NI STON PAS TE BSGRIBS PAS NA DER TE SPYIR MI 'GYUR RO, ,CI'I PHYIR ZHE NA, GANG GI PHYIR RNAM PA DU MAR BRTAGS PAS ZAD PAR GYUR PA'I PHYIR RO, ,GZHAN YANG GAL TE GSAL BA RNAMS LAS THA DAD PA YIN NA, DE'I TSE BLTAR RUNG BAR 'GYUR TE, GSAL BAS DBEN PA'I RANG BZHIN DU BLTAR

RUNG BAR KHAS BLANGS PA'I PHYIR RO, ,THA MI DAD NA NI LTAR MI RUNG BAR 'GYUR TE GSAL BA NYID BA LTAR RUNG BA'I PHYIR RO, ,DE NYID DE'I TSE YOD PA'I PHYIR RO ZHES BRJOD PA NI, GAL TE ZHES BYA BA'O, ,THA DAD THA DAD MIN PA'I TSIG GNYIS DANG, MTHONG BA MTHONG BA MIN PA GNYIS RIM BA CI LTA BA BZHIN 'BREL TO, ,DE LTAR 'GYUR MOD CI SKYON SNYAM NA, MTHONG DANG ZHES BYA BA'O, ,MTHONG DU RUNG BA DANG MI RUNG BA DAG NI MTSAN NYID KYIS 'GAL BA YIN PA'I PHYIR DE'I BDAG NYID DU MI RUNG NGO ZHES BYA BA'I DON TO, ,CI LTAR YA MTSAN CHE SNYAM NA, 'DI LTAR ZHES BYA BA'O, ,MTHONG BA DANG MA MTHONG BA PHAN TSUN SPANGS PA'I MTSAN NYID CAN RTAGS SU GYUR PA LAS DNGOS PO YOD DANG MED PAR NI RIGS PAS 'GRUB PA'I PHYIR NA, SPYI'I DNGOS PO NI GCIG NYID DU 'GYUR RO, ,DE LTAR KHAS BLANGS PA NA YANG SROG CHAGS SHI PA YANG MA SHI BA'I BDAG NYID DANG GCIG TU 'GYUR RO ZHES SBYAR RO, ,DES NI SPYI NI BLTAR RUNG BA DANG MI RUNG BAR 'DOD PAR MI BYA'O, ,THA DAD PA DANG THA MI DAD PAR KHAS LEN NA NI RIGS PA'I STOBS KYIS BLTAR RUNG BA DANG MI RUNG BAR YANG 'GYUR RO, ,BSTAR RUNG BA NYID NI BLTAR MI RUNG BA MED PA YIN LA BLTAR MI RUNG YANG BLTAR MED PA YIN TE, DES NA 'DI DAG NI GZHI GCIG PA NYID MA YIN NO, ,DES NA SPYI GNYI GA'I RANG BZHIN DU SMRA BA NI MA YIN NO, ,DE LTAR DON DAM PA PA'I SPYI RNAM PA THAMS CAD DU BZLOG NAS, 'GAL BA MED PA'I PHYIR BRTAGS PA PA KHO NA YIN NO ZHES BRJOD PA NI, DE PHYIR ZHES BYA BA STE DON DAM PA'I SPYI MED PA'I PHYIR RO, ,DES NA ZHES BYA BA NI DON DAM PA PA'I THA DAD BA MED PAS NA'O, ,DE ZHES BYA BA LDOG PA BRTAGS PA'I THA DAD PA MED PAR RO, ,'DIS NI DU MA GCIG LAS LOG PA NI, RANG BZHIN GCIG GIS RTOGS PAS, YUL DU BYED BAR 'GYUR BYA BA'I MJUG BSDUS PA YIN NO, ,GAL TE DE LTAR CHOS DANG CHOS CAN DAG THA DAD NA, CI LTAR DE NYID DANG GZHAN NYID 'GOG SNYAM NA, DON DAM PAR NI ZHES BYA BA'O, ,RNAM PAR BSHAD PA MDZAD PA'I BZHED PAS DON 'DI YIN TE, KUN RDZOB PA RTOGS PA'I BLOS BSTAN PA NI, CHOS DANG CHOS CAN GYI MTSAN NYID KYI, DNGOS PO RNAMS LA RNAM PAR GNAS PA'I DE NYID DANG GZHAN NYID GANG YIN PA DE NI DON DAM PHA PA'I RANG BZHIN DU 'GOG PAR 'GYUR TE, GANG ZHIG RNAM BAR RTOG PA CAN GYI

, ,BLOS BSTAN PA DE NI DON DAM PA PA MA YIN NO ZHES BSTAN PA'I DON DU YIN NO, ,CI LTAR 'GOG SNYAM NA, DON DAM PAR NI RNAM PAR DPYAD NA ZHES BYA BA'O, ,MNGON SUM GYI TSAD MAS NI CHOS DANG CHOS CAN DAG THA DAD BAR MI 'DZIN TO ZHES BYA BA'I DON TO, ,DES NA RTOG PA'I BLO LA MOS DANG CHOS CAN THA DAD PAR SNANG BAS NA DE TZA LTAR BSNYON PAR NUS ZHES BYA BA'I RTZOD PA 'DI BSAL BA YIN NO, ,THA DAD PA NI YOD PA KHO NA'O, ,KYANG DE DON DAM PA MA YIN PA'I PHYIR RO, ,DZA YANTA SA NI RNAM PA GZHAN DU 'CHAD DE, GAL TE KUN RDZOB TU THA DAD BAR KHAS LEN NA DE'I TSE CHOS LA SOGS PA THA DAD PA DNGOS PO THAMS CAD LA MA GRUB PAR CI LTAR BRJOD, KUN RDZOB TU GRUB PA GANG YIN PA DE YANG DON DAM PAR GRUB PA KHO NA YIN NO SNYAM DU DOGS NA DON DAM PAR RNAM PAR DPYAD NA NI, RIGS LA SOGS PA GSAL BA DANG DE NYID DE, DE'I BDAG NYID DPER NA BA LANG KHRA BO YIN NO ZHES BYA BA DANG, GZHAN NYID DE RIGS LA SOGS PA GSAL BA LA THA DAD PA, DPER NA 'DI'I BA LANG NYID CES BYA BA DE NYID RANG GZHAN NYID 'GOG PAR 'GYUR RO, ,GTAN TSIGS GANG GIS 'GOG SNYAM NA, MNGON SUM GYIS DE LTA BUR GYUR PA MA GRUB PA'I PHYIR RO, ,YUL GANG LA GNAS NAS 'GOG SNYAM NA, KUN RDZOB PA'I DNGOS RNAMS LA STE RTOG PA'I BAG CHAGS LAS BYUNG BA RNAMS LA'O ZHES SO, ,KUN RDZOB TU YOD PA ZHES BYA BA NAS BRTZAMS TE, DBYE BA RTOG PAS GRUB PA YIN ZHES BYA BA'I BAR GYIS NI KUN RDZOB BA'I ZHES BSHAD PA YIN NO, ,RJES SU 'GRO BA DANG LDOG PA NI RJES SU ZHUGS PA DANG LDOG PA DAG GO, ,DE YANG ZHES BYA BA NI SPYI'O, ,BA LANG NGO SNYAM PA'I RNAM PAR RTOG PAS YONGS SU BSGYUR BA'I DNGOS PO BDAG LA SOGS PA MI GSAL BA'I RANG BZHIN CAN GSAL BA TZAM GYI MTHAR THUG PAR SNANG BA NI SPYI YIN NO ZHES BYA BA'I DON TO, ,RJES SU 'GRO BA DANG LDOG PA RTOGS PA CI LTAR SNYAM NA, 'DI LTAR ZHES SMOS SO, , GSAL BA LAS GZHAN MA YIN PAR ZHES BYA BA NI GSAL BA GCIG LAS GZHAN MA YIN PAR RO, ,THA DAD RNAM PAR GNAS ZHES BYA BA NI SPYI DANG GSAL BA DAG GO, ,DES NA ZHES BYA BA NI GCIG NYID MED BAS SO, ,DE NI DON DAM BAR NI ZHES BYA BA 'CHAD PA NI, DES NA ZHES BYA BA STE RTOG PAS GRUB PA YIN PA'I GTAN

TSIGS DES NA, THA DAD PA NI DON DAM BAR NA MNGON SUM GYIS 'DZIN PA MA YIN NO, ,GAL TE RTOG PAS GRUB PA YIN YANG CI STE DON DAM PA NYID MA YIN ZHE NA, GANG GI PHYIR ZHES BYA BA'O, ,MNGON SUM SNGON DU 'GRO BA'I RJES SU DPAG PA THA DAD PA GANG LA 'JUG PA DE YANG DON DAM PA NYID YIN NO ZHES SBYAR RO, ,DES NA RTOG PAS GRUB PA NI DON DAM PA MA YIN NO ZHES DGONGS PA'O, ,DE'I PHYIR ZHES BYA BA NI DON DAM PA'I THA DAD PA'I SGRUB PAR BYED PA MED PA'I PHYIR CHOS CAN GYI RANG BZHIN LAS THA DAD 'DI'I SGRUB BYED DE RTAGS KYI RANG BZHIN PHYOGS KYI CHOS NYID LA SOGS PA NI KUN RDZOB TU GNAS PA'I NGO BO STE YOD PA NYID DANG LDAN PA GANG YIN BA DE'I DNGOS PO NI NYID DO, ,KUN RDZOB TU YOD PA YIN NO ZHES BYA BA'I DON TO, ,CHOS CAN GYI RANG BZHIN LAS DE NYID GZHAN NYID DE, THA DAD PA DANG THA MI DAD PA'I RANG BZHIN DU NA NI, DE NYID DU STE DON DAM PAR NA BYAS PA NYID LA SOGS PA'I SGRUB PAR BYED PA YOD PA MA YIN NO, ,'O NA BRTAGS PA'AM DON DAM PA NYID GANG YIN ZHE NA, RTOG BA TZAM LAS CHOS CAN LAS THA DAD PAR GYUR PA YIN LA, DON DAM PAR NI GSAL BA'I DNGOS PO GNAS BA YIN NO, ,BYAS PA NYID LA SOGS PA'I CHOS NI CHOS CAN SGRA LAS THA DAD PA BRTAGS PA YIN LA, SGRA'I GSAL BA NA MI MA BRTAGS PA KHO NA YIN NO, ,'DIS NI RANG GI MTSAN NYID KHO NA MNGON SUM DU GRUB PA YIN PA'I PHYIR DON DAM PA YIN GYI, RIGS LA SOGS PA'I CHOS NI MA YIN TE, RTOG PAS GRUB PA YIN PA'I PHYIR ZHES BSTAN PA YIN NO, ,DES NA ZHES BYA BA NI NYID YIN PAS NA'O, ,DE LTAR RANG GI MTSAN NYID MNGON SUM GYIS GRUB PA NYID DU BRJOD NAS, RJES SU DPAG PAS GRUB BAR BRJOD PA NI, MNGON SUM SNGON DU ZHES BYA BA'O, ,MNGON SUM GYIS NI TSAD MA LA SOGS PAR RIGS MI MTHUN BA LAS LDOG BA'I ME DANG DU BA'I GSAL BA DAG 'BREL BAR GRUB LA, DUS GZHAN DU RI LA SOGS PAR DU BA LAS GSAL BA KHO NA SGRUB PAR BYED DO, ,DON DU GNYER PA RNAMS NI DE NYID LA 'JUG PA'I PHYIR RO, ,SPYI SGRUB PA NI MA YIN TE, DE NI DON BYA BA DON DU GNYER PA RNAMS MI 'DOD PA'I PHYIR RO, ,RJES SU DPAG PA SPYI'I YUL CAN YIN NA NI, 'JUG PAR BYED PA MA YIN PA'I PHYIR TSA DAM MA YIN PA NYID DU 'GYUR RO ZHES BRJOD PA NI DE LAS ZHES BYA BA STE GSAL BA'I RANG BZHIN DE LAS

, ,GAL TE SPYI'I GZHAN RJES SU DPAG PAS GRUB NA DE'I TSE KHYAD PAR TE GSAL BA RNAMS LA NI 'JUG BAR MI 'GYUR RO, ,CI'I PHYIR ZHE NA, KHYAD PAR RNAMS BRJOD PA MED PAS TE, MA RTOGS PAS NA'O, ,KHYAD PAR RNAMS NI RJES SU DPAG PA'I SHES PA LA RANG GI RANG BZHIN GTOD BAR BYED PA MA YIN LA, DE DAG GI RANG GI MTSAN NYID MI SNANG BA NYID KYANG MA RTOGS PA MA YIN NO, ,'DI NYID BRJOD PA NI, 'DI LTAR ZHES BYA BA'O, ,KHYAD PAR SNANG BA MED PA NI KHYAD PAR MA NGES PA'O, ,CI'I PHYIR 'JUG PAR MI 'GYUR ZHE NA, MA RTOGS PA LA NI ZHES BYA BA'O, ,GAL TE RJES SU DPAG PA LAS SPYI RTOGS BAS NA, KHYAD PAR MA RTOGS PA 'BYUNG BA YIN TE, KHYAD PAR DANG BRAL BA'I SPYI NI MED DO ZHES BYA BA LUGS YIN PA'I PHYIR RO, ,DES NA 'JUG PA YIN NO SNYAM DU DOGS PA BSU BA NI, 'ON TE ZHES BYA BA'O, ,DE DANG ZHES BYA BA NI GSAL BA DANG SPYI DAG 'BREL PA 'DZIN PA'O, ,LAN NI KHYAD PAR LA 'JUG PA DE NYID CI LTAR 'GYUR, SU ZHE NA, KHYAD PAR RTOGS PA MED PA'I SKYES BU'O, ,DES NA 'DI NI GTAN TSIGS KYI TSIG GO, ,RI'I YUL NA YOD PA'I ME NI LKOG TU GYUR BA YIN TE, DES NA GANG GI 'JUG PAR 'GYUR BA, RJES SU DPAG PAS GSAL BA'I KHYAD PAR NGES PAR CI LTAR 'GYUR, DES NA NI KHYAD PAR MI RTOGS PAS NA'O, ,DU BA LA SOGS PA'I RTOGS PA LAS RTOGS PA ME LA SOGS PA'I SPYI LAS RJES SU DPAG PA'I RTOGS PA GANG YIN PA DE NI, GSAL BA RTOGS PA YIN TE ZHES BYA BAR 'GYUR RO, ,DE LTA YIN NA CI SKYON SNYAM NA, DE LTA YIN NA ZHES BYA BA STE, RJES SU DPAG PAS GSAL BA RTOGS PA YIN NA, DU BAS RJES SU DPAG PA'I ME NYID KYI SPYI RTAGS SU GYUR BA LAS RJES SU DPAG PA GANG YIN PA DE LAS GSAL BA RTOGS PA YIN NO, ,DE'I PHYIR NA DE'I TSE YANG ZHES BYA BA GSAL BA THUN MONG MA YIN PA'I RANG BZHIN DU RTOGS PAR MI NUS PAS NA, YANG GSAL BA'I SPYI GZHAN RTOGS PAR 'GYUR TE, DES NA DE LTAR SPYI BRGYUD PA RTOGS PA NYID THUG PA MED DO, ,DANG PO NYID CES BYA BA NI DU BA LA SOGS PA'I RTAGS KYI STOBS KYIS BSKYED PA'I RJES SU DPAG PA SKYES PA'I DUS NYID NA'O, ,DE LTAR YIN MOD CI SKYON SNYAM NA, GSAL BA ZHES GSUNGS SO, ,DE'I PHYIR ZHES BYA BA NI RJES SU DPAG PA SPYI'I YUL CAN YIN NA 'JUG PAR BYED PA NYID MA

YIN PA'I PHYIR RO, ,BLOS BKOD PA'I SPYI'I PHYOGS LA YANG NYES PA 'DI NYID YIN NO SNYAM PAR DOGS PA NI, GAL TE BLO'I ZHES BYA BA'O, ,LAN NI DE LTA BU NYID DU ZHES BYA BA'O, ,RIGS MI MTHUN PA LAS LDOG PA'I GSAL BA MTHONG NA RNAM PAR RTOG PA SKYE LA, RNAM PAR RTOG PA LAS KYANG 'JUG PA'I MTSAN NYID KYI 'BRAS BU 'BYUNG BA'I PHYIR MTHONG BA DANG RNAM PAR RTOG PA DANG 'JUG PA RNAMS NI RGYU DANG 'BRAS BU'I DNGOS PO YIN NO, ,GAL TE SPYI BLOS BKOD PA'I PHYOGS LA RGYU DANG 'BRAS BU'I DNGOS PO LA PHYI ROL LA 'JUG PA YIN NA, 'O NA NGES KYI YANG ZHES BYA BA'O, ,MTSUNGS PA'I PHYIR RO ZHES BYA BA NI, DANG PO GSAL BA DANG SPYI DAG GIS MTHONG BA BSKYED LA, DES NI RNAM PAR RTOG PA RTOG PAS KYANG 'JUG PA YIN NO ZHES BYA BA'O, ,'DI NI ZHES BYA BA NI LAN NO, ,RGYU DANG 'BRAS BU NI AA RUR DANG 'DRA BAR YIN LA LHA DANG 'DRA BA NI SPYI YIN NO, ,RIGS MI MTHUN PA LAS LOG PA'I GSAL BA MTHONG BA NA SPYIR SNANG BA'I RNAM PAR RTOG PA LAS 'JUG PA GRUB PA NA, SPYI NI CI YANG BYED PA MA YIN NO ZHES BYA BA'I DON TO, ,'DI NYID 'GREL BA NI, GAL TE ZHES BYA BA LA SOGS PA'O, ,DE'I PHYIR ZHES BYA BA NI SPYI DON DAM PA BA MED PA'I PHYIR RO, ,CI LTAR 'DI NYID GZUNG BAR BYA BA YIN ZHE NA, SPYI NI ZHES BYA BA'O, ,GAL TE SPYI DANG DNGOS POR GYUR PA GSAL BA RNAMS LAS THA DAD PA RJES SU DPAG PA'I SPYOD YUL YIN NA DE'I TSE GSAL BA LA 'JUG PAR MI 'GYUR TE, GSAL BA NI SPYOD YUL MA YIN PA'I PHYIR RO, ,SPYOD YUL DU GYUR PA NI SPYI YIN NO, ,DE YANG DON BYA BA BYED PAR MI NUS SO, ,GSAL BA MA BSTAN PA'I PHYIR LDOG PA KHO NAR 'GYUR RO ZHE NA, LDOG PA MED PAR 'GYUR TE, 'JIG RTEN NA DON BYA BA DON DU GNYER BA'I PHYIR RO, ,'DIS NI 'DUG PAR YANG MI BYA 'GRO BAR YANG MI BYA ZHES BYA BA'I TSUL BSTAN PA YIN NO, ,'DI NYID BRJOD PA NI, SPYI ZHES BYA BA'O, ,DE LTA MA YIN NA ZHES BYA BA NI GSAL BA MA RTOGS NA'O, ,'ON TE DU BAS RTOGS PA'I ME NYID NI GSAL BA RTOGS PAR BYED PA YIN TE, DES NA DER 'JUG PA YIN NO SNYAM DU DOGS NA GSAL BA ZHES BYA BA'O, ,DU BA NI RTAGS KYIS RTOGS PA'I ME NYID KYIS GSAL BA RTOGS PAR KHAS LEN NA, DU BA DE NYID LAS ME'I GSAL BA RTOGS PAR 'GYUR MOD, NGES PAR BZUNG BAS NI ME NYID KYI

, ,SPYI LAS ME RTOGS PA ZLOG PAR BYED DO, ,SPYIS ZHES BYA BA NI ME NYID KYI SPYIS SO, ,GAL TE ME'I SPYI RTAGS MA YIN PA LAS ME'I GSAL BA RTOGS LA DU BA NYID NI RTAGS SU GYUR BA LAS ME RTOGS PA YIN PA'I PHYIR KHYAD PAR YOD DO SNYAM DU DOGS NA, SPYIS KYANG ZHES BYA BA'O, ,ME NYID KYI SPYI LAS ME'I GSAL BA RTOGS PA YANG, RTAGS SU GYUR PA KHO NA LAS YIN TE, GANG DANG GANG NA ME NYID YOD PA DE DANG DE NA ME'I GSAL BA YOD DO DPER NA TSANG BANG BZHIN NO, ,'DI NA YANG ME NYID YOD DO ZHES ME'I SPYI RTAGS SU GYUR PA KHO NA LAS GSAL BA RTOGS PA YIN NO, ,DNGOS SU RTOGS NA NI, GSAL BAR 'GYUR BA'I PHYIR RO, ,MNGON SUM GYIS RTOGS PA NI DU BAS RTOGS PA'I ME'I SPYI LAS MA YIN NO, ,DE'I PHYIR GAL TE ME NYID RTAGS SU GYUR PAS GSAL BA RTOGS PAR BYED NA DE'I TSE DE BAS NYES PA CI BYAS, DES NA SPYI NI 'GAR YANG KHAS BLANG BAR BYA BA MA YIN NO, ,GAL TE SPYI'I DNGOS PO MI 'DOD NA DE'I TSE SPYI'I CHOS GNYIS KHYAB PA MI 'DOD PAR 'GYUR RO, ,GSAL BA GCIG GIS NI GSAL BA GZHAN GO BAR BYED PA MA YIN TE, KHYAB PA'I 'BREL PA MED PA'I PHYIR RO, ,SPYI'I DON KHAS LEN NA NI SPYI GNYIS RTAGS DANG RTAGS CAN GYI DNGOS PO YIN TE KHYAB PA'I 'BREL PA YOD PA'I PHYIR RO ZHES DOGS PA BSU BA NI CI STE ZHES BYA BA'O, ,GSAL BA GZHAN DANG ZHES BYA BA NI RI YA [?] SOGS PA NA YOD PA'I ME'I KHYAD PAR DANG NGO, ,RTAGS SU 'GYUR BA'I GSAL BA NI ZHES BYA BA NI, TSANG BANG NA YOD PA'I DU BA'I GSAL BA'O, ,GSAL BA DAG LA NI 'BREL PA MED DO ZHES BYA BA'I DON TO, ,ME NYID DANG DU BA NYID KYI SPYI DAG LA NI 'BREL BA YOD DE, DE GNYIS NI KHYAB PA YIN PA'I PHYIR RO, ,GAL TE ME NYID KYI SPYI RANG GI GSAL BA RNAMS KYI KHYAB PAR BYED PA YIN NA, DE'I TSE TSANG BANG DU KHYAB PAR BYED PA'I ME NYID RTOGS PA NA RI LA GNAS PA'I ME'I GSAL BA YANG KHYAB BAR BYA BAR RTOGS PAR 'GYUR TE, DE LTA MA YIN NA KHYAB PAR BYED PA NYID DU MI RTOGS PAR 'GYUR BA'AM, RTOGS NA YANG RJES SU DPAG PA DON MED BAR 'GYUR RO ZHES LAN 'DEBS PA NI, SPYI NI ZHES BYA BA'O, ,ME NYID KYI SPYI KHYAB PA NYID DU KHAS LEN NA, SPYI DE GSAL BA GZHAN GYI STE RIL GNAS PA'I ME'I KHYAD PAR GYI GO BYED DU CI LTAR 'DOD DE, MI 'GYUR BA NYID DO, ,CI'I

PHYIR ZHE NA, DE BZHIN NYID DU DE TSANG BANG DU KHYAB PAR BYA BA LA LTOS TE, ME'I SPYI KHYAB PAR BYED PA NYID DU BZUNG NA'O, ,ME NYID KYI SPYI DU BA RTOGS PA NI, ME'I SPYI GO BAR BYED PA MA YIN TE, 'BRAS BU MED PA'I PHYIR RO, ,GAL TE NYES BA 'DI NI SANGS RGYAS PA LA YANG MTSUNGS PA MA YIN NAM, KHYAB PA SGRUB PAR BYED PA'I TSAD MAS KHYAB PAR BYA BA DANG KHYAB PAR BYED PA'I DNGOS PO BZUNG BA'I PHYIR RO ZHE NA, DE NYID DU NA ZHES SMOS SO, ,GANG GI LTAR NA NGES BA'I SHES PA YUL DANG BCAS PA DE DAG LA NYES PA 'DIR 'GYUR GYI, BDAG CAG LA NI MA YIN TE, 'OL GYI RNAM PAS 'KHRUL PA'I ZHEN PA 'JUG PA'I PHYIR RO, , 'O NA TSANG BAR DU KHYAB PAR BYED PA 'DZIN PA NA KHYAB PAR BYA BA 'DZIN PAR MI 'GYUR RO, ,MA BZUNG YANG DNGOS PO LA KHYAB BYED YIN PA MI NYAMS PA'I PHYIR RO ZHE NA, GAL TE ZHES BYA BA'O, ,GAL TE YANG ME'I SPYI KHYAB PA YIN NA, DE LTA NA ME'I KHYAD PAR DE'I RJES SU DPAG PA'I DUS NA 'BYUNG BAR 'GYUR BA'I KHYAB PAR BYA BA MA BZUNG NA CI LTAR ME'I SPYI DE'I RJES SU DPAG PA'I DUS NA YOD PA'I KHYAB PAR BYED PA YIN PAR 'DZIN PA DE LTAR MI 'DZIN MOD, DE LTA NA YANG DE LAS RTOGS PA KHO NA'O ZHE NA, BRJOD PA 'BREL PA MA BZUNG BA LAS ZHES BYA BA'O, ,RANG GI GSAL BA DANG 'BREL PA MA BZUNG BA'I ME NYID KYI SPYI LAS, RI LA YOD PA'I ME'I GSAL BA RTOGS NA NI'O, ,HA CANG THAL BA'I TSUL BRJOD PA NI BA LANG NYID LA SOGS PA SPYI GZHAN GYI GSAL BA KHRA BO LA SOGS PA GANG YIN PA DE YANG ME NYID KYI SPYI LAS RTOGS PAR 'GYUR RO, ,GAL TE RI LA ME NYID KYI SPYI DU BA LAS YOD PAR RTOGS PAS ME'I GSAL BA RTOGS PAR BYED NA, DE'I TSE PA LANG GI GSAL BA YANG RTOGS PAR BYED PAR 'GYUR TE, 'BREL PA MA BZUNG BAR MTSUNGS PA'I PHYIR RO, ,'ON TE GSAL BA KHRA BO DE DANG ME NYID MA 'BREL BA'I PHYIR RO ZHES SPYIR LAN 'DEBS PA NA, ME NYID NI ME'I GSAL BA LA 'DU BA'I 'BREL PAS 'BREL PAR 'GYUR BA YIN TE, DES NA DE DAG NI YOD PA TZAM GYIS GO BAR BYA BA DANG GO BAR BYED PA YIN NO ZHES BSAMS PA'O, ,DE LTA NA NI ZHES BYA BA NI GRUB PA'I MTHA'O, ,GANG GIS ME DANG ME NYID GNYIS KYIS 'BREL PA MA BZUNG BA DES KYANG ME NYID LAS ME RTOGS PAR 'GYUR RO, ,GZHAN YANG BYA BA LA SOGS

, ,PA DE NI 'DI YIN TE, ME NYID KYI SPYI NI ME'I GSAL BAR 'BREL GYI KHRA BO LA SOGS PA NI MA YIN NO ZHES, DES NA GANG DU 'BREL BA DE GO BAR BYED PA YIN NO ZHES GANG BRJOD PA DE NI MI 'THAD DE, SPYI GSAL BA LA 'BREL TO ZHES BYA BA NYID CI LTAR SHES PAR BYA ZHES BYA BA'O, ,SNGAR ZHES BYA BA NI RANG GI DON GYI RJES SU DPAG PAR RO, ,SPYI LA ZHES BYA BA NI RTAGS KYIS RTOGS PAR BYAS PA'I SPYI LAS SO, ,DE'I TSE SGRAS RTOGS PA'I SPYI LAS KYANG GSAL BA RTOGS PAR 'GYUR NA 'GYUR BA YANG MA YIN NO, ,CHU KLUNG GI DOGS NA KHA RA'I PHUNG PO YOD DO ZHES BYA BA LA SOGS PA'I NGAG LAS NI GSAL BA RTOGS PA YOD PA MA YIN NO, ,DE NI ZHES BYA BA NI SGRA LAS BYUNG BA'I RTOGS PA'O, ,THAMS CAD CES BYA BA NI RTAGS LAS BYUNG BA YANG NGO, ,GAL TE ZHES BYA BA NAS ZHE NA'I BAR NI RTZOD PA'O, ,THAMS CAD LA ZHES BYA BA NI SGRA LAS BYUNG BA'I RTOGS PA LAS YANG NGO, ,RTAGS KYIS ZHES BYA BA LA SOGS PA GRUB PA'I MTHA'I DON NI 'DI YIN TE, RTAGS KYIS NI SPYI NYID RTOGS KYI GSAL BA NI MA YIN TE, DE RTOGS NA NI SPYI RTOGS PA DON MED PAR 'GYUR RO, ,DES NA RTAGS NI SPYI KHO NA RTOGS PAR BYED PA YIN NO ZHES BYA BA'O, ,GAL TE DE LAS ZHES BYA BA NI, RJES SU DPAG PA'I SPYI RTOGS PA YIN YANG GAL TE GSAL BA RTOGS NA'O, ,DE'I TSE SPYI STE THAMS CAD LA STE SGRA'I RTOGS PA LA YANG GSAL BA RTOGS PA YOD PA MA YIN, DOGS PA NI SGRAS NI SPYI TZAM ZHES BYA BA STE GSAL BA NI MA YIN PA'O, ,'O NA ZHES BYA BA NI GRUB BA'I MTHA'O, ,GAL TE RTOGS LAS KYANG SPYI KHO NA RTOGS PA YIN PA DE'I TSE SGRA LAS NI SPYI TZAM MO ZHES TZAM GYI SGRA MI BYA BAR 'GYUR NA BYED PA YANG YIN TE, DES NA RJES SU DPAG PA LAS NI GSAL BA RTOGS PA YIN NO ZHES KHAS BLANG BAR BYA BA'O, ,'O NA RJES SU DPAG PAS GSAL BA RTOGS LA RAG GO SNYAM NA, DE LTA NA YANG ZHES BYA BA'O, ,SNGAR ZHES BYA BA NI GSAL BA RTOGS NA, DU BA LA SOGS PA'I RTAGS DE NYID LAS 'GYUR MOD, PHYIS CI BYA ZHES BYA BA'O, ,SPYI NI DNGOS POR YOD NA NI, ,'JUG DANG LDOG PA MED PAR 'GYUR, ,ZHES SUN 'BYIN PA BRJOD PA GANG YIN PA DE, CIR YANG RUNG BA SMRA BA'I LUGS KYIS SBONG BA NI, ,ZHES BYA BA'O, ,SPYI GCIG TU THA DAD PAR 'DOD PA'I PHYOGS LA NI, GSAL BA LA

'JUG PAR MI 'GYUR RO ZHES BRJOD PAR RIGS KYI, THA DAD PA DANG THA MI DAD PA'I PHYOGS LA NI MA YIN NO ZHES BYA BA'O, ,SPYI THA DAD PA DANG THA MI DAD PA'I PHYOGS 'DI LA YANG, GSAL BA RTOGS PA'I SKYON THAMS CAD NYAMS SU MYONG BA YIN PA'I PHYIR 'JUG PA MED PAR THAL BA'I MTSAN NYID KYI SKYON DE MED DAM CI STE YOD PA KHO NA'O, ,'ON TE THA DAD PA DANG THA MI DAD PA'I SPYI RTOGS NA GSAL BA RTOGS PA MA YIN TE, DES NA DE RTOGS PA'I SKYON CI LTAR YOD SNYAM DU DOGS NA, SPYI DE LAS KYANG ZHES BYA BA'O, ,SPYI THA DAD PA DANG THA MI DAD PA LA BRTEN NAS GSAL BA LA MA REG PAR RTOGS PA MA YIN GYI, 'ON KYANG GSAL BA LA REG PA KHO NA YIN NO, ,YANG NA GNYI GA'I RANG BZHIN GYI SPYI DE LA DMIGS PA'I RTOGS PA SKYE BA GANG YIN PA DE NI GSAL BA LA REG PAR MI 'GYUR TE, 'ON KYANG GSAL BA LA REG PA KHO NAS YIN TE DES NA GSAL BA RTOGS PA'I SKYON DU CI LTAR MI 'GYUR, RTOGS SO ZHE NA ZHES BYA BA NI GSAL BA'O, ,THAMS CAD CES BYA BA SREG PA LA SOGS PA NYAMS SU MYONG BAR 'GYUR BA'I PHYIR RO, ,RTOGS KYANG ZHES BYA BA STE THUN MONG DU'O, ,MA RTOGS PA ZHES BYA BA NI GSAL BA NGES PA'I RANG BZHIN DU'O, ,LAN NI DE NYID CES BYA BA STE, GSAL BA'I NGO BO'I SPYI'O, ,DOGS PA NI DE NYID KYIS ZHES BYA BA STE, RTOGS PA DANG MA RTOGS PA NYID KYIS SO, ,RNAM GRANGS KYIS ZHES BYA BA NI GNAS SKABS KYIS SO, ,RJES SU 'GRO BA NI SPYI'I GNAS SKABS GCIG YIN LA, THUN MONG MA YIN PA NYID NI GZHAN YIN NO, ,'GAL BA NI ZHES BYA BA NI RJES SU 'GRO BAS SO, ,GZHAN GYIS ZHES BYA BA NI THUN MONG MA YIN PA STE, DNGOS PO NI THUN MONG BA DANG THUN MONG MA YIN PA NYID YIN PA'I PHYIR RO ZHE NA LAN NI GANG GIS ZHES BYA BA'O, ,CI LTAR 'JUG STE MA RTOGS PA'I PHYIR RO, ,DOGS PA NI DE NI DE NYID KYIS ZHES BYA BA STE RJES SU 'GRO BAR RTOGS PA'I SPYI'O, ,'O NA RTOGS PA RJES SU 'GRO BA'I RANG BZHIN LA 'JUG GO SNYAM NA, RTOGS PA LA YANG ZHES BYA BA'O, ,'JUG PA MED PA'I MTSAN NYID KYI SKYON DE NYID DO, ,GANG GI PHYIR THA DAD PA DANG THA MI DAD PA DANG GNYI GA'I RANG BZHIN GYI SPYI MI 'THAD PA DES NA, SPYI NI KUN RDZOB TU YOD PA NYID DE DON DAM BA PA NI MA YIN NO, ,DE LTAN 'O NA ZHES BYA BA NI, GAL TE SGRA MI RTAG STE BYAS PA'I PHYIR

, ,ZHES BYA BA 'DIR, RTOG PAS BKOD PA'I CHOS DANG CHOS CAN GYI DNGOS POS BSGRUB PAR BYA BA DANG SGRUB PAR BYED PA YIN NA, DE'I TSE SGRA NI MI RTAG STE SGRA YIN PA'I PHYIR ZHES BYA BA 'DIR YANG 'GYUR TE, 'DIR YANG BRTAGS PA'I CHOS DANG CHOS CAN GYI DNGOS PO YOD PA'I PHYIR RO, ,'O NA DE 'DIR DAM BCAS PA'I DON GYI PHYOGS GCIG YIN NA, DE'I TSE BYAS PA NYID LA YANG 'GYUR RO ZHES BYA BA'I DON TO, ,GANG GI SPYI ZHES BYA BA LA SOGS PA GRUB PA'I MTHA'I DON NI 'DI YIN TE, PHA ROL PO GANG GI LTAR NA CHOS CAN SGRA LAS THA DAD PA'I SGRA NYID KYI SPYI YOD PA DE'I LUGS LA YANG, DAM PAR SA PA'I DON GYIS PHYOGS GCIG MA YIN PAR CI STE MI 'GYUR, DE KHO NA NYID DU BSGRUB BYA SGRUB BYED KYI DNGOS POR CI LTAR MI 'GYUR, SGRA NI MI RTAGS TE SGRA YIN PA'I PHYIR ZHES BYA BA 'DI NI PHA ROL PO YANG DAM BCAS PA'I DON GYI PHYOGS GCIG NYID DU 'DOD PA KHO NA'O, ,DES NA GAL TE PHA ROL PO SANGS RGYAS PA LA SGRA YIN PA'I PHYIR ZHES BYA BA NI YANG DAG PA'I SGRUB BYED NYID YIN GYI DAM BCAS PA'I DON GYI PHYOGS GCIG NI MA YIN NO ZHES SMRA NA DE'I TSE SANGS RGYAS PAS KYANG KHYED KYI LTAR NA YANG 'DI SGRUB BYED YANG DAG PA KHO NAR 'GYUR TE DAM BCA' BA'I DON GYI PHYOGS GCIG NI MA YIN TE, SGRA DANG SGRA NYID DAG NI THA DAD PA'I PHYIR RO ZHES BRJOD PAR NUS PA YIN NO, ,DOGS PA NI MA YIN TE ZHES BYA'O, ,SGRA NYID KYI SGRA DE DANG SGRA'I GSAL BA 'DU BA'I MTSAN NYID KYIS LDAN PA DE NI CHOS CAN STON PA'I SGRA NYID KYIS BSTAN PA'I PHYIR DAM BCAS PA'I DON GYI PHYOGS GCIG KHO NA'O, ,SGRA NYID KYI SGRAS NI SPYI DE DANG LDAN PAR STON PA YIN LA; DE DANG LDAN PA YANG SGRA'I SGRA NYID KYIS BSTAN PA YIN NO, ,DES NA SGRA NYID KYI SGRA'I DON NI, CHOS CAN GYI SGRAS BRJOD PAR BYA BA'I DON LAS THA MI DAD PA DES NA DAM BCAS PA'I DON GYI PHYOGS GCIG GTAN TSIGS YIN NO ZHE NA, LAN NI 'O NA ZHES BYA BA'O, ,SANGS RGYAS PA'I LUGS 'DI LA YANG DAM BCAS PA'I DON GYI PHYOGS GCIG MA YIN PA NYID DU MI 'GYUR RO, ,CI'I PHYIR ZHE NA, DE LAS GZHAN LAS ZHES BYA BA'O, ,DE LTAR NA 'DI NI DAM BCAS PA'I DON GYI PHYOGS GCIG YIN PAR YU BU CAG GNYI GA'I BAR YANG 'THAD PA YIN NO ZHES BSTAN NAS, DA NI GZHAN LUGS LAS RANG GI

LUGS KHYAD PAR DU 'PHAGS PAR BSTAN PA'I PHYIR BRJOD PA NI SPYI DANG ZHES BYA BA'O, ,SPYI DANG LDAN PA DE NI ZHES GANG BRJOD PA DE LA BRJOD PA NI, SGRA'I SGRA DANG SGRA NYID KYI SBRAS, SGRA NYID KYI SPYI DANG LDAN PA'AM, GZHAN SGRA MA YIN PA LAS LDOG PA RTOGS PAR BYED PA YIN NO, ,DE LA PHYOGS DANG PO SUN 'BYIN PA NI, DE NI RTOGS PA MED DE NGES PA MED DO, ,CI'I PHYIR ZHE NA, SGRA NYID KYI SPYI DANG LDAN PA NI, SGRA'I GSAL BA DE RIG PA MED PAR RTOGS PAR MI 'GYUR BA NYID DO, ,SGRA LAS GSAL BA RTOGS PA YANG MED DO, ,ZHES BRJOD PA NI, DE'I ZHES BYA BA STE, SGRA RANG GI MTSAN NYID KYI'O, ,SNGAR NYID DU NI ZHES BYA BA NI RANG GI DON GYI RJES SU DPAG PAR GZHAN SEL BA'I SKABS SU'O, ,GZHAN LAS NI LDOG PA'I ZHES BYA BA'I PHYOGS GNYIS PA KHAS LEN PA NI, DE PHYIR ZHES BYA BA STE, SGRA LAS ZHES BYA BA NI SGRA'I SGRA DANG, SGRA NYID KYI SGRA LAS SO, ,SPYI DANG LDAN PA'AM ZHES BYA BA'I TSIGS SU BCAD PA'I CHA RNAM PAR 'GREL PA NI, GAL TE ZHES BYA BA LA SOGS PA'O, ,KHYAD PAR SGRA'I GSAL BA'I MTSAN NYID RNAMS SO, ,SPYI DANG LDAN PA DE'I RIG PA ZHES BYA BA LA SOGS PA RNAM PAR 'GREL PA NI, 'O NA ZHES BYA BA LA SOGS PA'O, ,DE NI SPYI DANG LDAN PA'O, ,GAL TE YANG DE DANG LDAN PA RTOGS PA DE LTA NA YANG GSAL BA MA RTOGS PA LA RAG GO ZHE NA, GANG LA ZHES BYA BA'O, ,GANG LA ZAN SPYIN PAR BYA BA DE NYID LA, SDER LA SOGS PA YANG DBYIG PA DANG KHUR BA'I TSUL DU GRUB PA YIN NO, ,SDER MED NAM GRON NYID MI 'GRUB PO, ,DE BZHIN DU SPYI DANG LDAN PAR RTOGS NA GSAL BA YANG RTOGS PAR 'GYUR TE, MA RTOGS NA DE DANG LDAN PA MI RTOGS PA'I PHYIR RO, ,DE'I RANG BZHIN RTOGS PA NI ZHES BYA BA LA SOGS PA RNAM PAR 'GREL PA NI, KHYAD PAR ZHES BYA BA LA SOGS PA'O, ,GANG GI PHYIR, DE LTAR KHYAD PAR RNAMS SGRA'I DON NYID MA YIN PA DE'I PHYIR NA'O, ,GAL TE ZHES BYA BA NI RTZOD PA'O, ,SPYI GSAL MA RTOGS PAR MI SOGS PA 'BA' ZHIG TU NI MA ZAD KYI, 'ON KYANG LDOG PA YANG YIN NO, ,GAL TE LDOG PA MED PAR LOG PAR RTOGS PA YONG NA YANG LDOG PAS CI BYA STE, LDOG PA NI LOG PA'I DNGOS PO RTOGS PA'I DON DU RTOGS PA YIN NO, ,GAL TE DE LTA MA YIN PAR YANG RTOGS NA NI, LDOG PAS CI ZHIG BYA,

, ,'O NA GZHAN DU ZHES BYA BA NI LOG PA'I DNGOS PO RTOGS PA GZHAN DU MI 'THAD PAS SO, ,CI STE SPYI ZHES BYA BA NI LOG PA'I DNGOS PO RTOGS PA GZHAN DU MI 'THAD PA NYID KYIS SPYI NYID RTOGS PAR BYA MOD CES BYA BA'O, ,RTOGS PA'I ZHES BYA BA NI GRUB PA'I MTHA'O, ,CI ZHES BYA BA NI DOGS PA'O, ,MI 'DRA BA ZHES BYA BA NI GRUB PA'I MTHA'O, ,CI LTAR MI 'DRA BA RTOGS PA NA LDOG PA RTOGS SHE NA, MA RTOGS NA RNAM PAR PHYE NAS 'JUG PAR MI 'GYUR RO ZHES BRJOD PA NI 'DI LTAR ZHES BYA BA'O, ,GAL TE MI 'DRA BAR RTOGS PA NYID YOD PA MA YIN PA NYID NA, DE CI LTAR LDOG PA RTOGS PA YIN ZHE NA, GDON MI THA BAR ZHES BYA BA'O, 'DI LA BZLOG PA LA GNOD BYED CI YOD SNYAM NA, TSIG LE'UR BYAS PA RNAM PAR 'GREL PAS LAN 'DEBS PA NI, DE LTA MA YIN NA ZHES BYA BA STE MI 'DRA BA NYID MA RTOGS PA NA'O, ,GAL TE SPYI MED NA MI 'DRA BA NYID MED PA KHO NA MA YIN NAM, DE CI LTAR DE LTAR RTOGS SNYAM DU DOGS PA NI, DE'I ZHES BYA BA STE MI 'DOD PA DANG BRAL BA'I'O, ,LAN 'DEBS PA NI RANG NYID CES BYA BA'O, ,RANG NYID CES BYA BA BDAG NYID KYI RANG BZHIN GYIS DE LTAR ZHES BYA BA ME RANG GI MTSAN NYID RIGS MI MTHUN PA LAS LDOG PA MA YIN PAR GYUR NA, CHOS GZHAN SPYI DANG LDAN YANG NGO, ,DE LTAR ZHES BYA BA NI RIGS MI MTHUN PA DANG BRAL BA NYID DU'O, ,'ON TE MI 'DRA BA MA YIN PA YANG SPYI DANG LDAN PAS MI 'DRA BA NYID DU RTOGS PA YIN NO ZHES DOGS PA NA DE DANG ZHES BYA BA'O, ,'DI NI ME RANG GI MTSAN NYID DO, ,DE LTAR ZHES BYA BA MI 'DRA BAR RO, ,LAN NI DE LTA BUR ZHES BYA BA STE, RANG GI RGYU LAS MI 'DRA BAR SKYES PA'O, ,GAL TE RANG GI NGO BO 'DRES PAR SKYES PA YIN NA DE'I TSE 'DI SPYI DANG LDAN PAS MA 'DRES PAR RTOGS NA RANG GI NGO BOS RTOGS PA NYID DU MI 'GYUR BA'AM, 'GYUR NA YANG RTOGS PA 'KHRUL PA NYID DU 'GYUR RO, ,RANG GI NGO BOS MI MTHUN PA NYID DU RTOGS NA NI SPYI DANG LDAN PA DON MED DO ZHES GSUNGS PA NI RANG GI NGO BOS ZHES BYA BA'O, ,GAL TE SPYI LAS GSAL BA RNAMS THA DA DPAR GYUR PA NI MA YIN GYI, 'ON KYANG RANG GI RGYU LAS GRUB PA NYID SPYIS SHES PAR BYED PA YIN NO SNYAM NA GAL TE ZHES SMRAS SO, ,GNYIS ZHES BYA BA NI BA LANG DANG MA HE'O, ,DANG PO NI BA LANG GI GSAL BA GCIG

NYID MTHONG LA, DE BZHIN DU MA HE'I GSAL BA YANG GCIG MTHONG BA DE'I TSE BA LANG NYID DANG MA HE NYID KYI SPYI'I SGO NAS THA DAD PAR RTOGS PA MA YIN NO, ,BA LANG NYID LA SOGS PA'I SPYI NI GSAL BA GNYIS PA LA SOGS PA MTHONG BAS NGES PAR BZUNG BA YIN GYI, GSAL BA GCIG MTHONG BA NYID LAS NI MA YIN NO, ,BA LANG NYID DANG MA HE NYID NI GSAL PA GCIG KHO NA'I MTHAR THUG PA MA YIN TE, MTSUNGS PA RNAMS KYI NGO BO NI SPYI YIN NO ZHES GZHUNG YIN PA'I PHYIR RO, ,GCIG LA ZHES BYA BA NI BA LANG NGAM MA HE'I GSAL BA GCIG LA'O, ,GANG GI PHYIR DANG PO MTHONG BAS GNYIS KYI THA DAD PA MTHONG BA DE'I PHYIR RO, ,DE LTA NA YANG CI LTAR LDOG PA SPYI YIN SNYAM NA RIGS MI MTHUN PA LAS ZHES BYA BA'O, ,RIGS MED NA RIGS MTHUN PA DANG MI MTHUN PA MED PAR DOGS PA BSU BA NI GAL TE ZHES BYA BA'O, ,DE NYID BRJOD PA NI 'DI LTAR ZHES BYA BA'O, ,BA LANG DANG MA HE'I GSAL BA PHAN TSUN THA DAD PA'I RGYU MTSAN BA LANG NYID DANG MA HE NYID KYI SPYI PHAN TSUN THA DAD PA YOD PA MA YIN TE, DES NA BA LANG DANG MA HE LA SOGS PA'I MTSAN NYID CAN GSAL BA RNAMS THA DAD PA 'BA' ZHIG TU 'GYUR GYI RIGS MTHUN PA DANG MI MTHUN PA NYID DU NI MI 'GYUR RO, ,CI'I PHYIR ZHE NA, GANG GI PHYIR RIGS MTHUN PA LA SOGS PA'I DBYE BA DE NI SPYI MED PAR RTOGS PA YOD PA MA YIN PA'I PHYIR RO, ,GAL TE GSAL BA LA LTOS PA'I THA DAD PA NYID LAS RIGS MTHUN PA'I RNAM PAR DBYE BAR 'GYUR BA MA YIN NAM SNYAM NA, GSAL BA LA LTOS NAS ZHES BYA BA'O, ,DE GNYIS KYANG ZHES BYA BA NI NGANG PA DANG KHRA BO LA YANG NGO, , THAMS CAD MTHONG BA YANG MA YIN TE ZHES BYA BA NI BA LANG GI GSAL BA THAMS CAD MTHONG BA MA YIN TE MTHA' YAS PA'I PHYIR RO, ,SANGS RGYAS PA LA LTOS TE SPYI DNGOS PO YOD PA MI 'THAD PA 'BA' ZHIG TU NI MA ZAD KYI, BDE BAR GSHEGS PA'I LDOG PA'I RANG BZHIN GYI SPYI RTOGS PA DE YANG RIGS PA MA YIN NO ZHE NA, MI RIGS PA MA YIN TE ZHES BYA BA LA SOGS PA NI LAN NO, ,NYAS PA 'DI NI BZLOG PA MED CES BYA BA NI NYES PA 'JUG PA KHO NA'O, ,GANG ZHIG BZLOG PAR MI NUS PA'I NYES PA DE YANG YIN ZHE NA ZHES PA'I RNAM PA BRJOD PA NI, SPYI NI GSAL BAS ZHES BYA BA'O, ,RANG GI NGO

, ,BOS MIN ZHES BYA BA NI GSAL BA MED PAR RANG GI NGO BOS NI GSAL BA MI YIN NO, ,GSAL BA MED PAR YANG CI STE MI GSAL SNYAM NA, GSAL BAS STONG PA'I ZHES BYA BA'O, ,SPYI DE NI MNGON PAR GSAL BA MTHONG BA MED PA'I PHYIR RO, ,GANG GI PHYIR GSAL BA MED PAR MI GSAL BA DES NA GSAL BA LA LTOS PAR BYA BA KHO NA'O, ,'O NA LTOS NA RAG MOD SNYAM NA, DE'ANG ZHES BYA BA SMOS SO, ,DES NA ZHES BYA BA NI GSAL BA MTHA' DAG MA MTHONG BAS NA'O, ,DER YANG ZHES BYA BA NI SPYI LA YANG STE GZHAN SEL BA 'BA' ZHIG TU MA ZAD PA'O, ,SPYIS NYE BAR MTSON PA'I GSAL BA RNAMS LA BRDA'I BYED PAS KHYAB BA GRUB PAR MI 'GYUR RO, ,RNAM PAR 'GREL PA NI SPYI YANG ZHES BYA BA LA SOGS PA'O, ,THA SNYAD DU BYA BA YIN NO ZHES BYA BA NI BRDA'I DUS PHYIS SPYI THA SNYAD DU BYA BA'O, ,GAL TE RANG GI NGO BOS SPYI RTOGS PA YIN NO ZHE NA, GSAL BA MED PAR NI BYA BA'O, ,'O NA GANG GIS MA 'DZINGS PAR BRDA'ANG BYED PA SPYI NGES PAR CI LTAR RTOGS SNYAM NA, GSAL BA ZHES SMOS SO, ,DE'I TSE YANG ZHES BYA BA NI GSAL BA MTHA' DAG MTHONG BA'I TSE YANG NGO, ,CI LTAR NA GSAL BA DU MA MTHONG BA KHO NA LA SPYI NGES PA RTOGS PAR NGES SHE NA, DE MED NA SPYI NGES PAR RTOGS PA MED PA'I PHYIR RO ZHES BRJOD PA NI, 'DI LTAR ZHES BYA BA'O, ,'DI BA LANG NGO ZHES BYA BA'I BRDA NI GAL TE KHAS BLANGS PA DE'I TSE SGRA BKOD PA'I SNGON ROL DU SO SOR NGES PA'I SPYI CI LTAR RTOGS, BRDA NI RTOGS PA LA YIN NA, 'DI BA LANG NGO ZHES BKOD PA'I SNGON ROL DU NI SO SOR NGES PA'I SPYI RTOGS PA YANG MED DO, ,CI LTAR MA RTOGS SNYAM NA, PHYUGS NYID LA SOGS BA ZHES SMOS SO, ,GSAL BA LA NI PHYUGS NYID DANG DNGOS PO NYID DANG, BA LANG NYID LA SOGS PA'I SPYI YOD PA YIN LA, DE DAG KYANG RJES SU 'GRO BA TZAM GYIS RANG BZHIN DANG MTSUNGS PA'I PHYIR BA LANG NYID KYI SPYI NI THA DAD PAR NYA BAR MTSON PA MA YIN NO, ,DES NA PA LANG NYID SPYI GZHAN LAS THA DAD PAR MA SHES PAS NA, BA LANG ZHES BYA BA'I BRDA MED PAR 'GYUR RO, ,THAMS CAD LA BRDA BYAS NA NI BA LANG GI SGRA YOD PA NYID DANG, PHYUGS NYID LA SOGS PA'I YANG RJOD BYED DU 'GYUR RO, ,BRDA BYED PA'I SPYOD YUL BA LANG NYID THA DAD PAR DOGS PA NI, BA LANG

NYID TZAM ZHES BYA BA'O, ,'DIR PHYUGS NYID LA SOGS PA'I SPYI RNAMS LAS, BA LANG NYID BRDA'I YUL YIN GYI, PHYUGS NYID LA SOGS PA NI MA YIN NO ZHE NA, LAN NI BA LANG NYID CES BYA BA'O, ,MI SHES SO ZHES BYA BA NI, PHYUGS NYID LA SOGS PA'I SPYI LAS BA LANG NYID THA DAD PAR NGES PAR MI RTOGS BA'O, ,SHES PA YOD PA KHO NA'O ZHE NA, 'DI LTAR ZHES BYA BA STE, CI LTAR RNAM BA GANG GIS SHES PAR BYA STE, MDO GA DANG DBYINGS DANG YI GE'I RNAM PAS STONG BAS NA THAMS CAD MTSUNGS PA'I PHYIR RO, ,SHES PA'I RGYU MTSAN GYI RNAM PA GANG YIN PA DE'I DOGS PA BSU BA NI, GANG ZHIG CES BYA BA'O,, SPYI GANG ZHIG 'DI LTA BUR GYUR PA'I GSAL BAS GSAL BAR BYAS PA YIN GYI, 'DI DANG MI 'DRA BA'I GSAL BAS NI MA YIN PA'O ZHES RNAM PA 'DIS PA LANG NYID PHYUGS NYID LA SOGS PA LAS THA DAD PA'I SHES PA YIN NO ZHES NA, LAN NI DES BYA BA SPYIS YIN PA'I PHYIR RO, ,'DI NYID BRJOD PA NI, SPYI DE ZHES BYA BA'O, ,PHAN TSUN BRTEN PA'I NYES PA SPONG BA NI, BA LANG LAS ZHES BYA BA'O, ,SPYI RANG NYID SPYI GZHAN LAS THA DAD PA YIN GYI GSAL BA LA LTOS PA NI MA YIN NO ZHE NA, LAN NI MA YIN TE ZHES BYA BA STE, SPYI RNAMS PA LANG LA SOGS PA'I GSAL BA DAG LA 'JUG PA NI RTOGS PA MA YIN NO,, DES NA CI LTAR RANG NGAM GZHAN LAS THA DAD PAR 'GYUR, RTOGS PA'I DOGS PA BSU BA NI, GANG LA ZHES BYA BA'O, ,LAN NI GZHAL BYA ZHES BYA BA'O, ,CI LTAR DE GZHAL BYA SHES PA MED PA YIN ZHE NA, KHA DOG DANG ZHES BYA BA'O, ,KHA DOG LA SOGS PA'I RNAM PAS STONG PA'I GZHAL BYA'O, ,DE NYID CES BYA BA LAS SOGS PA NI GRANGS CAN NYE BAR 'GOD PA STE, KHA DOG LA SOGS PA NYID DO, ,CI LTAR RJES SU 'GRO BA MED SNYAM NA, KHA DOG NI ZHES BYA BA'O, ,CI'I PHYIR ZHE NA, GSAL BA GCIG CES BYA BA'O, ,DE LTA YIN DANG ZHES BYA BA NI KHA DOG RJES SU SONG BAR DOGS NA YANG NGO, ,RTOGS PA NI SPYI ZHES BYA BA'O, ,DE LTAR ZHES BYA BA NI GSAL BA THAMS CAD LA GNAS PA NYID DU'O, ,LAN NI 'O NA ZHES BYA BA STE GSAL BA GCIG GIS GSAL BA NYID DU YANG NGO, ,GSAL BA CI TZAM ZHES BYA BA NI DOGS PA BSU BA'O, ,CI TZAM YANG YIN LA BSAL BA YANG YIN PA DE MTHONG BA LA'O, ,GSAL BA

, ,MTHA' DAG MA MTHONG YANG NYE BAR GNAS PA'I GSAL BA GCIG LA SOGS PA MTHONG BAS KYANG SPYI RTOGS SO ZHES BYA BA'I DON TO, ,DE TZAM PA NYID MED PA'I PHYIR RO ZHES BYA BA NI NYE BAR GNAS PA'I GSAL BA TZAM GYIS GSAL BAR BYA BA NYID MED PA'I PHYIR RO, ,DE LTA BU NYID YIN NA ZHES BYA BA DE TZAM PA NYID YOD PA YIN NA'O, ,DE LTA BUR GYUR PA'I ZHES BYA BA NI RJES SU 'GRO BA'I SHES PA BSKYED PA NYID SPYI YIN GYI GZHAN NI MA YIN NO ZHES DE LTAR GZHAN GYI PHYIR BZLOG PA NA'O, ,RIGS MI MTHUN PA LAS LOG PA'I GSAL BA NYID NYAMS SU MYONG BA'I SHES PAS BAR BCAD NAS RJES SU 'GRO PA'I SHES PA'I RGYUR GYUR PA GANG SPYI YIN NO, ,'DI GA LAS SNYAM NA, DE DANG RIGS MI MTHUN PA LAS ZHES BYA BA'O, ,'O NA NI RIGS MI MTHUN PA NYID SPYIS BYAS PA YIN NO ZHE NA, RIGS MI MTHUN PA NYID KYANG ZHES SMOS SO, ,DE LAS GZHAN LAS ZHES BYA BA NI DE LAS GZHAN DU GYUR PA LAS LDOG PA NYID DO, ,GAL TE SPYI BZHIN DU RIGS MI MTHUN PA LAS LDOG PA YANG BSTAN PAR MI NUS PA MA YIN NAM SNYAM NA, CI LTAR ZHES GSUNGS SO, ,DE LAS ZHES BYA BA NI RIGS MI MTHUN PA LAS SO, ,GCIG CES BYA BA NI KHRA BA'O, ,GZHAN DANG GZHAN DAG KYANG ZHES BYA BA NI SER SKYA LA SOGS PA LA YANG NGO ZHES DE LTAR LDOG PA STON GZHAN DU NI ZHES BYA BA NI MANG PO RNAMS LDOG PA NYID DU BSTAN PA MED PAR NI, LDOG PA BSTAN PAR NUS PA MA YIN NO, ,GAL TE LDOG PA BZHIN DU SPYI YANG BSTAN PAR NUS SO SNYAM NA, SPYI NI ZHES SMOS SO, ,STON PA'I TSUL BRJOD PA NI, DE NI 'DI YIN NO ZHES BYA BA'O, ,GSAL BA RNAMS LAS SPYI GZHAN MA YIN PA'I PHYIR, THA DAD PA DE NI 'DI'O ZHES STON PA MA YIN NO ZHES BYA BA YANG LAN DU GDAB BA MA YIN NO, ,CI'I PHYIR ZHE NA, SPYI DE MED NA GSAL BA DE MED PAR THAL BA'I PHYIR RO, ,GSAL BA RNAMS SPYI'I NANG DU THIM NA DE DAG MED BA KHO NAR 'GYUR RO, ,GSAL BA MED PAR MA ZAD MOD SNYAM DU DOGS NA, GSAL BA BSAL NAS ZHES BYA BA'O, ,'ON TE GSAL BA MED PA NI 'DOD PA KHO NA'O SNYAM NA, THA SNYAD CES GSUNGS TE, GSAL BA RNAMS MED PA YIN NA, DES BSGRUB PAR BYA BA DANG 'GAL BA LA SOGS PA GANG YIN PA 'DIR MI 'GYUR TE, DE NI GSAL

BAS BSGRUB PAR BYA BA YIN PA'I PHYIR RO, ,GAL TE CI LTAR GSAL BA MED NA DES BSGRUB PAR BYA BA'I THA SNYAD DU MI 'GYUR PA'I PHYIR DE KHAS LEN PA LTAR SPYI MED NA YANG SHES BRJOD THA MI DAD PA'I MTSAN NYID KYI THA SNYAD MED PAR 'GYUR PA DES NA DE YANG DE DANG 'DRA BAR KHAS BLANG PAR BYA BA YIN NO SNYAM DU DOGS NA, SPYI BSAL NA GSAL BA NANG DU THIM PA'I PHYIR SPYIS BSGRUB PAR BYA BA'I THA SNYAD MED PAR 'GYUR RO ZHES NI BRJOD PAR MI 'THAD DO, ,CI'I PHYIR ZHE NA, LOG PA'I DON NYAMS SU MYONG BAS BAR DU BCAD PA'I LDOG PA'I RGYU MTSAN CAN GYI THA SNYAD SHES PA DANG BRJOD PA THA MI DAD PA'I MTSAN NYID KYANG YOD PA'I PHYIR RO, ,GSAL BA MED PAR NI 'GAL BA LA SOGS PA'I 'BRAS BU MI 'THAD KYI, RJES SU 'GRO BA'I SHES PA NI SPYI MED KYANG 'THAD DE ZHES BYA BA'I DON TO, ,GZHAN GYIS KYANG MTHAR LDOG PA NYID THA DAD PA'I THA SNYAD KYI RGYUR KHAS BLANG BAR BYA BA YIN NO ZHES BRJOD PA NI, SPYI RNAMS KYI ZHES BYA BA'O, ,BA LANG NYID DANG RTA LA SOGS PA SPYI RNAMS KYI PHAN TSUN LDOG PA NYID THA DAD PA'I THA SNYAD KYI RGYU YIN GYI SPYI NI MA YIN TE, SPYI NI SPYI MED PA YIN NO ZHES BYA BA GZHUNG YIN PA'I PHYIR RO, ,'ON TE ZHES BYA BA NI BA LANG NYID NI KHRA BO LA SOGS PA'I GSAL BA DANG LDAN PA'I PHYIR RTA NYID LAS THA DAD PA YIN NO, ,DE BZHIN DU RTA NYID KYANG DANG PA LA SOGS PA'I GSAL BA DANG LDAN PA'I PHYIR BA LANG NYID LAS THA DAD PA YIN NO, ,NGO BOS ZHES BYA BA NI, SPYI SPYI GZHAN LAS THA DAD PA YOD PA MA YIN NO, ,GZHAN GYIS ZHES BYA BA NI GSAL BA GZHAN DANG LDAN PA STE, THA DAD PAR MI 'GYUR BA KHO NA'O ZHES BYA BA'I DON TO, ,'ON TE RANG GI NGO BO KHO NAS SPYI RNAMS THA DAD PA YIN LA, DE DANG LDAN PA NI DE YOD PAS THA DAD PA YIN NO, ,DPER NA DKAR PO'I RANG BZHIN NI, RANG NYID KYIS THA DAD PA YIN LA, SNAM BU NI DE DANG LDAN PAS THA DAD PA BZHIN NO SNYAM NA, DKAR PO LDAN PHYIR SNAM BU NI, ,DKAR ZHES THA DAD RAB TU 'JIG ,CES SMOS TE, DE LTAR BA'I SNAM BU'I THA DAD PA NI RAB TU 'JIG STE, NYAMS SHING MI 'GRUB PO ZHES BYA BA'I DON TO, ,DKAR PO LA SOGS PA NI RDZAS LAS THA DAD PAR MA RTOGS PA'I PHYIR RO, ,DPE NYAMS PA NA DON YANG NYAMS PA KHO NA'O, ,THA MI DAD PA GSAL

, ,BA THA DAD PA DANG LDAN PAS THA DAD PA MA YIN SNYAM NA, GZHAN GYIS ZHES BYA BA'O, ,GZHAN GYIS ZHES BYA BA NI RANG GI MTSAN NYID KYI'O, ,GZHAN PA NI SPYI DANG NGO, ,DOGS PA BSU BA NA SPYI DANG ZHES BYA BA'O, ,LAN NI SPYI ZHES BYA BA'O, ,'PHROD PA 'DU BA NA GNYI GA LAS GNAS PA'I PHYIR NA, CI LTAR GSAL BA THA DAD BA RNAMS SPYI DANG 'BREL PA DE BZHIN DU SPYI'I THA MI DAD PA YANG GSAL BA DANG 'BREL PAR 'GYUR RO, ,THA MI DAD NA CI SKYON SNYAM NA, DES NA ZHES BYA BA STE GSAL BA THA MI DAD PAS NA, BA LANG YANG RTA LA SOGS PAR 'GYUR RO, ,CI LTAR GSAL BA THA MI DAD SNYAM NA, BA LANG NYID DANG RTA NYID LA SOGS PA GCIG TU GYUR PA'I SPYI THAMS CAD DANG LDAN PA'I PHYIR RO, ,SPYI RNAMS KYI PHAN TSUN THA DAD PA'I RGYU MTSAN YANG LDOG PA NYID YIN NO ZHES KHO BO CAG GIS BRJOD PA YIN NO, ,KHYED NI 'DI SUN 'BYIN PAR BYED PAS SPYI RNAMS 'DRES PA NYID DU 'DOD PAR BYA BA YIN TE, MA 'CHOL BAR BSGRUBS PA'I THABS MED PA'I PHYIR RO, ,DES NA SPYI RNAMS DE'I BDAG NYID DU GYUR BA NA, 'JIG RTEN GSUM GYI SPYI NI GCIG KHO NAR 'GYUR LA, DE YANG GSAL BA MTHA' DAG LA GNAS PA YIN NO, ,DES NA BA LANG YANG RTAR 'GYUR RO, ,KHYOD KYI LUGS KYIS NI GANG LAS SPYI RNAMS THA DAD PAR 'GYUR BA GSAL BA RNAMS KYANG THA DAD PA YOD PA MA YIN NO ZHES BRJOD PA NI, GZHAN YANG ZHES BYA BA'O, ,BA LANG NYID KYI SPYI NI KHRA BO LA SOGS PA'I BA LANG NYID YIN GYI DANG PA LA SOGS PA NI MA YIN LA, BA LANG DANG RTA LA SOGS PA'I MTSAN NYID KYIS GSAL BA RNAMS KYANG PHAN TSUN THA DAD PA MED DO ZHES BYA BA'O, ,KHYAD PAR CI LTA BU DANG LDAN PA ZHE NA, RANG GI NGO BOS RIGS MTHUN PA DANG RIGS MI MTHUN PA'O, ,GSAL BDAG NI SPYI DAG GI THA DAD PAR BYED PA YIN PAR KHYOD 'DOD PA YIN NA, DE DAG KYANG PHAN TSUN THA DAD PA MA YIN NA CI LTAR THA DAD PAR BYED PA YIN, GSAL BA RNAMS KYI RANG BZHIN GYIS THA DAD NA NI THUG PA MED DO, ,RANG GI NGO BOS THA DAD NA SPYI DAG KYANG DE BZHIN DU 'GYUR RO, ,DES NA GSAL BA THA DAD PA DANG LDAN PAS CI ZHIG BYA, 'ON TE GSAL BA RNAMS NI RANG GI NGO BO KHO NAS ZHES BYA BA NI GZHAN GYI NGO BOS MA YIN PA'O, ,LAN NI 'O NA ZHES BYA BA'O, ,SPYI KHAS BLANGS

KYANG ZHES BYA BA LA SOGS PA NI RTZOD PA'O, ,DE NYID CES BYA BA NI RANG GI NGO BO THA DAD PA'O, ,HA CANG ZHES BYA BA NI LAN NO, ,GAL TE GSAL BA RNAMS RANG GI NGO BOS THA DAD NA SPYIS CI BYA, SPYI THA DAD PA NI GSAL BA THA DAD BA'I RGYUR 'DOD PA YIN NA, DE THA DAD PA YANG RNAM PA GZHAN DU GRUB PA DES NA SPYI NI BRTAG PAR MI BYA'O, ,DE LTAR NGO BOS THA DAD YOD MIN NA, ,ZHES BYA BA BSHAD NAS PHYED PHYI MA BSHAD PA'I DON DU GRUB PA NYE BAR 'JOG PA'I LAN GYI DOGS PA BSU BA NI, 'ON TE SPYI NI RANG GI NGO BOS ZHES BYA BA DE GSAL BA THA DAD PA LAS NI MA YIN BA'O, ,GAL TE SPYI RNAMS KYI THA DAD PA GSAL BA THA DAD PAS YIN NA DE'I TSE GRUB PA NYE BAR 'JOG PAR 'GYUR BA ZHIG NA, GANG GI TSE SPYI THA DAD PA NI GSAL BA RNAMS KYI THA DAD PAR BYAD PA YIN PA DE'I TSE, CI LTAR GRUB PA NYE BAR 'JOG PAR BYED PA YIN, DE YANG ZHES BYA BA LA SOGS PA NI DPE NYID SU NA 'BYIN PA'O, ,GAL TE DKAR PO LA SOGS PA SNAM BU LA SOGS PA LAS THA DAD BAR RTOGS NA DE'I TSE DKAR PO'I YON TAN GZHAN DANG LDAN PAS SNAM BU DKAR PO ZHES RTOGS PAR 'GYUR BA ZHIG NA DE LTA NA NI MA YIN TE SNAM BU DANG DKAR PO DAG DE'I BDAG NYID DU RTOGS PA'I PHYIR RO, ,DPE SUN PHYUNG NAS, DON YANG SU NA PHYUNG BA NYID DE RIGS PA MTSUNGS PAS SO, , 'BA' ZHIG CES BYA BA NI SNAM BU LA SOGS PA LAS THA DAD PAR RO, ,DE NI ZHES BYA BA NI DKAR PO LA SOGS PA'I KHA DOG GO, ,RANG NYID KYIS ZHES BYA BA NI SNAM BU LA SOGS PA'I RANG BZHIN GYIS DPEN PAR RO, ,DKAR PO LA SOGS PA NI RNAM PAR 'GREL PA'O, ,DE LAS ZHES BYA BA NI RDZAS LAS SO, ,RTOGS PA'I TSUL BRJOD PA NI, RANG NYID CES BYA BA'O, ,DKAR POR LDAN PHYIR SNAM BU NI DKAR PO YIN ZHES BYA BA DE LA BZLOG PA BRJOD PA NI, DE'I ZHES BYA BA STE KHA DOG DE'I DKAR PO NYID NI RDZAS LA LTOS NAS YIN NO ZHES BZLOG PAR YANG CI STE MI 'GYUR, DE'I NI KHA DOG GI'O, ,GANG YIN ZHE NA ZHES BYA BA NI KHA DOG LA RANG BZHIN 'GA' YANG MED PAR 'GYUR RO ZHES BYA BA'I DON TO, ,'O NA ZHES BYA BA NI LAN NO, ,GANG GI TSE DKAR PO DANG LDAN PAS RDZAS DKAR POR BRJOD PA DE'I TSE YANG RDZAS KYI RANG GI NGO BO GANG YIN ZHES BRJOD PAR BYA BA KHO NA'O, ,DOGS PA NI RDZAS SO ZHES DE LTAR

, ,RTOGS PA NI RDZAS KYI RANG GI RANG BZHIN NO ZHEN, RDZAS ZHES BYA BA YANG ZHES BYA BA LA SOGS PA NI LAN NO, ,DE LAS GZHAN ZHES BYA BA NI KHA DOG DANG DBYIBS DE DAG LAS GZHAN DU'O, ,GYUR PA ZHES BYA BA NI BDE BA'O, ,DBYI BAS KHAS BLANGS NAS DE LAS GZHAN PA'I RDZAS MED PAR BRJOD PA YIN NO, ,DA NI DBYIBS KYANG SUN 'BYIN PA NI DBYIBS KYANG ZHES BYA BA'O, ,RDZAS KYANG ZHES BYA BA NI GZUGS LA SOGS PA'I RTEN DU GYUR PA'O, ,CI LTAR SNANG BAR 'GYUR SNYAM NA, 'DI LTAR ZHES BYA BA'O, ,'O NA DE GZUGS LA SOGS PA YON TAN GYI YUL CAN GYI NGO SHES BAS NI RDZAS YUL DU BYED PA MA YIN NO SNYAM NA, YON TAN TZAM NI ZHES GSUNGS SO, ,DE LTA MA YIN NA NI ZHES BYA BA NI YON TAN TZAM YUL YIN NA'O, ,DE LTAR 'GYUR MOD SNYAM NA REG PA'I ZHES BYA BA'O, ,GANG GI PHYIR YON TAN TZAM LA NGO SHES PA MA YIN PA DES NA'O, ,DON LA NI ZHES BYA BA NI GZUGS LA SOGS PA'I RTEN DU GYUR PA LA'O, ,CI LTAR NGO SHES PA MED SNYAM DU DOGS NA, RGYU MED PAS ZHES BRJOD PA NI, DRAN PA MED PAR ZHES BYA BA STE, SNGAR GYI MTHONG BA'I SPYOD YUL MA DRAN PA'I SKYES BU LA NI NGO SHES PA MED PA KHO NA'O, ,DES NA YAN LAG CAN LA YANG NGO SHES PA SNGON DU 'GRO BA CAN GYI DRAN PA'I MTSAN NYID KYI RGYU MED PA'I PHYIR CI LTAR NGO SHES PAR 'GYUR, 'ON TE GZUGS LA SOGS PA LA THA DAD PA'I NYAMS SU MYONG BA'I YOD PA NYID YIN TE, DES CI LTAR SNGAR GYI DRAN PA DE MED PA'I PHYIR NGO SHES PAR MED PAR 'GYUR SNYAM NA, RE ZHIG CES BYA BA'O, ,REG PA'I RNAM PAR SHES PA LA YANG BUM PA LA SOGS PA LAS THA DAD PA'I NYAMS SU SNANG BA MA YIN NO ZHES 'BREL TO, ,CI'I PHYIR MI SNANG SNYAM NA, DANG PO NI ZHES BYA BA'O, ,YAN LAG TZAM NI GYO MO LA SOGS PA'I YAN LAG GANG YANG RUNG BA TZAM MO, ,YAN LAG TZAM SNANG BA NA YANG LAG CAN YANG SNANG NGO SNYAM NA, DE NI ZHES BYA BA STE YAN LAG TZAM MO, , DE KHO NA LTAR ZHES BYA BA NI YAN LAG GI RANG BZHIN NYID DO, ,YAN LAG TZAM DE NYID BUM PA YIN NO ZHE NA, DE NI ZHES SMOS SO, ,CI'I PHYIR ZHE NA, PHYOGS KYI ZHES BYA BA'O, ,GAL TE YAN LAG YAN LAG CAN YIN NA, 'O NA BUM PA GZUGS YIN PAR 'GYUR RO ZHEN, GZUGS TZAM YANG ZHES BYA

BA'O, ,CI'I PHYIR ZHE NA, GZUGS KYI ZHES BYA BA'O, ,'O NA DE'I DUS NA YOD PA'I NGO SHES PA LA SNANG BA YIN NO ZHE NA, DE'I TSE ZHES BYA BA STE, DANG PO GZUGS TZAM SNANG BA'I DUS NA'O, ,SHES PA NI NYAMS SU MYONG BA GNYIS LAS BYUNG BAS NA DANG PO NYAMS SU MYONG BA'I DUS NYID DU NI 'BYUNG BA MA YIN NO, , GAL TE DANG PO YAN LAG DANG YON TAN DAG MTHONG BA YAN LAG CAN MI SNANG NA, 'O NA YAN LAG GZHAN LA SOGS PA MTHONG BAS NA SNANG BA YIN NO SNYAM DU DOGS PA BSU BA NI, 'ON TE ZHES BYA BA'O, ,DE'I TSE ZHES BYA BA NI YAN LAG DANG PO MTHONG BA'I PHYIS KYI TSE'O, ,PHYOGS GCIG NYID GZHAN ZHES BYA BA NI YAN LAG GZHAN NYID DO, ,GZUGS LA SOGS PA LAS MA GTOGS PA'I YAN LAG CAN DANG DBYIBS NI 'DZIN PA YOD PA MA YIN NO, ,YON TAN LAS MA GTOGS PA'I YAN LAG CAN YANG SNANG BA MED DO ZHES BRJOD PA NI DE BZHIN ZHES BYA BA'O, ,YON TAN GZHAN LA YANG 'DZIN PA SRID PA NA YAN LAG CAN DANG DBYIBS DAG LA NI 'DZIN PA SRID PA MA YIN NO ZHES SBYAR TE, GZUGS 'DZIN PA'I RJES THOGS SU YAN LAG CAN 'DZIN PA NI MA YIN NO ZHES BYA BA'I DON TO, ,'ON TE YAN LAG DANG YON TAN GZHAN RNAMS DRAN PA DANG LHAN CIG PA'I NGO SHES PA LAS YAN LAG NGO SHES PA YIN NO ZHE NA ZHIG NA'ANG ZHES SMOS SO, ,YAN LAG DANG YON TAN GZHAN BKAR BA NA YAN LAG CAN ZHIG PA MTHONG BA MA YIN NO, ,DES NA DMIGS PA'I MTSAN NYID DU GYUR PA MA MTHONG BA LA, YAN LAG SOGS PA DE RNAMS LA YANG YAN LAG CAN NO SNYAM PA'I DRAN PAR 'GYUR BA YANG GANG ZHIG YIN, 'DIS NI YUL THA DAD PA CAN GYI RNAM PAR SHES PAS GZUNG BAR BYA BA NYID DU MA GRUB PO ZHES BSTAN PA YIN NO, ,RJES SU DPAG PA GZHAN GYIS NI BZLOG PA NYID DU SGRUB PAR BYED PA YIN TE, MNGON SUM SNGON DU 'GRO BA CAN YIN PA'I PHYIR RO ZHES BRJOD PA NI, RJES SU DPAG LAS NI ZHES BYA BA'O, , DE'I PHYIR RGYU MED PA'I PHYIR RAM RNAM PA GZHAN DU YANG RUNG STE, YAN LAG CAN LA NI NGO SHES PA YOD PA MA YIN TE, DES NA DE GZUNG BAR BYA BA YUL THA DAD PA CAN GYI RNAM PAR SHES PAS GZUNG BAR BYA BA NYID NA MA GRUB PO ZHES BYA BA DANG, DE'I ZHAR LA YAN LAG CAN NI SNANG BA MI DMIGS PAS GNOD

, ,PA YIN NO ZHES KYANG BSTAN PA YIN NO, ,DE BZHIN YON TAN GZHAN LA YANG, ,ZHES 'CHAD PA NI, GANG GI TSE BUM PA LA SOGS PA ZHES BYA BA'O, ,YAN LAG GZHAN DANG YON TAN GZHAN, ,ZHES BYA BA NI GANG GI TSE MDUN NA GNAS PA'I TSUL GYIS YAN LAG DANG YON TAN GZHAN GZUGS MTHONG BA DE'I TSE YON TAN DANG YAN LAG GZHAN ZHES BYA BA REG PA LA SOGS PA DANG, PHA ROL DANG DBUS KYI YAN LAG RNAMS MA DMIGS PA DANG, CI LTAR YAN LAG CAN DMIGS PA YIN, YAN LAG CAN NI YON TAN DANG YAN LAG MTHA' DAG GIS KHYAB PAR BYED PA YIN LA, DE YANG YON TAN DANG YAN LAG CUNG ZAD DMIGS PA NA DMIGS PAR CI LTAR 'GYUR, DE TZAM NYID NI ZHES BYA BA NI YONGS SU MTHONG BA BZHIN PA'I YON TAN DANG YAN LAG KHYAD PAR BYED PA NI BUM PA MA YIN NO, ,ZHIG NA'ANG ZHES BYA BA LA SOGS PA BSHAD PA'I DON DU BRJOD PA NA, 'ON TE ZHES BYA BA'O, ,PHA ROL GYI YAN LAG DANG GZUGS MUN KHUNG DU DRAN PA DE DANG LHAN CIG PA'I NGO SHES PAS SO, ,DE'I TSE ZHES BYA BA NI GAL TE PHA ROL GYI YAN LAG DANG YON TAN GZHAN DRAN PA DANG, DA LTAR BA'I 'DZIN PA YOD PA NA NGO SHES PA YIN NA, 'DIS NI YAN LAG CAN NI YOD DE, YAN LAG RNAMS MI DBYE BA'I PHYIR ZHES BYA BA'I SGRUB BYED MA GRUB PAR BRJOD PA YIN LA, PHAN TSUN ZHES BYA BAS NI MA NGES PA'O, ,CI LTAR MI 'BRAL BAR 'DZIN PA'I TSAD MA MED SNYAM NA, DBYER MED PAR NI ZHES BYA BA'O, ,TSU ROL GYI YAN LAG RTOGS PA'I DUS NA PHA ROL DANG DBUS KYI YAN LAG MA BZUNG BA DRAN PA'I RTOGS PA DANG PHA ROL DANG DBUS KYI YAN LAG GANG YIN PA DE NYID 'DI YIN NO ZHES BYA BA'I NGO SHES PA'I RTOGS PA'O, ,'JAG RTEN NI GCIG TU BUM PA'I YAN LAG MTHONG NAS DE'I RJES THOGS LAS LOGS GZHAN DU YANG MTHONG BA NA, BUM PA DE NYID MA THONG NGO ZHES YAN LAG RNAMS LA GCIG NYID DU NGES PAR BYED DO, ,DE DAG SO SOR SGRUB PAR BYED PAR MA YIN YANG, TSOGS PA SGRUB BYED CI LTAR MA YIN ZHE NA, DRAN PA DANG ZHES BYA BA'O, ,MI 'BRAL BAR GRUB PA SO SOR TSAD MA MA YIN YANG TSOGS PA'I GNAS SKABS NA TSAD MA YIN NO ZHES DOGS PA BSU BA NI, GAL TE ZHES BYA BA'O, ,LAN NI NUS PA THA DAD PAR

GYUR BA NI YOD PA MA YIN NO ZHES 'BREL TO, ,CI'I PHYIR ZHE NA, DER ZHES BYA BA NI GDUNG MA 'DEGS PA DE LA SO SOR NUS PA MED PA DE RNAMS TSOGS PA'I GNAS SKABS NA, NUS PA'I MTSAN NYID KYI 'BRAS BU SKYED PA'I PHYIR RO, ,'DIR YANG DA BZHIN DU 'GYUR RO ZHE NA, 'DIR ZHES BYA BA'O, ,DOGS PA BSU PA NI, YAN LAG CES BYA BA STE, NGO SHES PA DANG YAN LAG DAG GIS SO, ,YAN LAG CAN RTOGS PA SKYED DO ZHES BYA BA'O, ,DE LAS ZHES BYA BA NGO SHES PA DANG DRAN PA LAS GZHAN PA'I RTOGS PA GSUM PA GZHAN MED PA'I PHYIR RO, ,'ON TE ZHES BYA BA LA SOGS PA NI DOGS PA BSU BA'O, ,NGES PA'I RANG BZHIN ZHES BYA BA NI YAN LAG CAN YOD DO ZHES BYA BA DE LTA BUR GYUR PA'I MTSAN NYID KYI NGES PA'O, ,TSAD MA YIN PA LAS ZHES BYA BA NI RIGS LA GCIG GI TSIG STE, DRAN PA DANG NGO SHES PA TSAD MA MA YIN PA DAG LAS YAN LAG CAN GYI DES PA SKYE BA GANG YIN PA DE NI MA NGES PA MA YIN PA KHO NA'O,, CI'I PHYIR ZHE NA TSAD MA ZHES BYA BA'O, ,CI'I PHYIR 'DI LAS NGES BA MA YIN SNYAM NA TSAD MA ZHES BYA BA'O, ,GAL TE TSAD MA KHO NA LAS NGES KYI TSAD MA MA YIN PA LAS NI MA YIN NA, DE LTA NA TSAD MA DON DANG LDAN PAR 'GYUR RO, ,RJES DPAG LAS NI RTOGS PA GANG ZHES BYA BA LA SOGS PA BSHAD PA'I DON DU DOGS PA BSU BA NI 'ON TE ZHES PA'O, ,BUM BA CHU SKYOR BAR MTHONG NAS, 'OG GI YAN LAG RJES SU DPOG PAR BYED LA, DE RJES SU DPAG PA NA YANG, MTHONG BZHIN PA'I YAN LAG GANG YIN PA DE MA MTHONG BA 'DI GCIG NYID DU NI DE NI 'DI YIN NO SNYAM PA'I NGO SHES PA LAS YIN TE, DE LTA MA YIN NA MUS LA 'PHO BAR 'GYUR TE, YAN LAG RNAMS NI G-YO BA DANG BCAS PA YIN PA'I PHYIR RO, ,GCIG NYID DU NGO SHES PA NI YAN LAG RNAMS NYID YIN PAR YANG MI 'THAD DE, DES NA SHUGS KYIS YAN LAG CAN NYID RNAM PAR GNAS PAS DE LTAR YAN LAG CAN 'GRUB BO, ,GAL TE GCIG TU NGO SHES PAR BYAS PA NI YAN LAG RNAMS KHO NA YIN GYI YAN LAG CAN NI MA YIN NO, ,DES NA CI LTAR DE 'GRUB SNYAM NA, YAN LAG DAG NI ZHES SMOS SO, ,GRUB BA'I MTHA'I DON NI 'DI YIN TE, YAN LAG GZHAN NGES PAR BYED PA'I RJES SU DPAG PA NI MNGON SUM GYIS 'BREL BA GRUB PA'I RTAGS

, ,LAS SKYES PA YIN NO, ,MNGON SUM YANG YAN LAG NYID 'DZIN PAR BYED PA YIN PAS, DE CI LTAR YAN LAG CAN 'GRUB CES BYA BA'O, ,NGO SHES PA LAS GCIG TU RTOGS PA'I PHYIR YAN LAG CAN RTOGS PA YIN TE ZHES GANG BRJOD PA DE YANG SUN 'BYIN PA NI, DE'I PHYIR ZHES BYA BA'O, ,GZHAN DU STE THA DAD PAR MNGON SUM GYIS MTHONG BA'I DNGOS PO LA GCIG TU NGO SHES PA LAS GYUR PA GANG YIN PA DE RTOGS PA'I LAM DU MOD LA CI LTAR BYED PAR 'GYUR, RNAM PA GZHAN DU ZHES BYA BA NI THA DAD PAR RO GZHAN DU ZHES BYA BA NI THA MI DAD PAR RO, ,GAL TE MNGON SUM GZHAN GYIS GZHAN DU MI BYED NA DE'I TSE NGO SHES PA YANG MNGON SUM NYID YIN PAS, CI LTAR GZHAN GYIS GZHAN DU BYED SNYAM DU DOGS PA NI, NGO SHES PA YANG ZHES BYA BA'O, ,MNGON SUM MA YIN NO, ,CI'I PHYIR ZHE NA, RJES SU ZHES BYA BA'O, ,RJES SU DPAG PA'I YUL LA 'JUG PA YANG PHA ROL PO NYID 'DOD PA YIN TE, 'ON TE DE'I TSE ZHES BYA BA LA SOGS PAS SO, ,GZHAN DAG NI RJES SU DPAG PA'I YUL LA ZHES BYA BA NI DRAN PA'I YUL LA ZHES SO, ,GAL TE RJES SU DPAG PA'I YUL LA 'JUG KYANG NGO SHES PAS GCIG NYID SGRUB PAR 'GYUR RO ZHE NA, RJES SU DPAG PA DE YANG ZHES BYA BA'O, ,DU MA'I NI YAN LAG DU MA'I'O, ,GAL TE YAN LAG DU MA'I YUL CAN NYID YIN NA, CI LTAR NGO SHES PA GCIG NYID NYE BAR STON PAS THA SNYAD KYI RGYU YIN SNYAM DU DOGS PA NI, NGO SHES PA ZHES BYA BA'O, ,LAN NI TSAD MA NYID KYIS THA SNYAD KYI RGYU YIN NO ZHES BYA BA NI SKABS YIN NO, ,TSAD MA NYID CI LTAR YIN ZHE NA, TSAD MA NYID KYANG ZHES BYA BA'O, ,RJES SU DPAG PA ZHES BYA BA DE'I RANG BZHIN GYI RJES SU DPAG PA YIN PAS SO, ,GAL TE GCIG NYID KYI THA SNYAD GRUB PA LA RJES SU DPAG PA TSOL NA DE'I TSE RJES SU DPAG PA'I RANG BZHIN GYI NGO SHES PAS YAN LAG CAN 'GRUB PAR 'GYUR RO, ,SNYAM DU DOGS PA BSU BA NI 'O NA ZHES BYA BA'O, ,MA YIN TE ZHES BYA BA LA SOGS PA'I LAN GYI DON NI 'DI YIN TE, DE'I RANG BZHIN GYI RJES SU DPAG PA NI, DON DAM PA'I GCIG NYID KYI PHUL CAN MA YIN GYI, 'ON KYANG BRTAGS PA'I GCIG GI YUL CAN YIN LA, KHYED KYIS BSGRUB PAR BYA BA'I YAN LAG CAN NI DON DAM PA'I GCIG

YIN NO ZHES BYA BA'O, ,BRTAGS PA'I GCIG NYID STON PA NI DON DE ZHES BYA BA'O, ,BTZO BA DANG SREG PAR BYED PA NYID KYIS MTHONG BA DANG, RIG PA DAG LA GCIG NYID DU NYE BAR BTAGS PA YIN NO, ,SGRUB PAR BYED PA'I SHES PAS NYE BAR BSTAN PA'I GZUGS DANG REG PA'I SHES PAS NYE BAR BSTAN PA'I REG PA NYID GCIG TU BSGRUB PAR BYA BA YIN NO, ,SNGAR MTHONG BA GANG YIN PA DE NYID MI SLU BA'I RANG BZHIN DON BYA BA'I SHES PAS REG PAR BYA BA YIN TE, SREG PA LA SOGS PA'I 'BRAS BU BYED PA'I PHYIR SNGON MTHONG BA'I ME BZHIN NO ZHES NYE BAR BTAGS PA'I GCIG NYID BSGRUB PAR BYA BA YIN NO, , DE NYID KYI PHYIR THOG MA MED PA'I BAG CHAGS ZHES LAN 'DEBS PAR 'GYUR RO, ,DON BYA BA GCIG PA NYID KYANG LHAG PAR ZHEN PAR GCIG PA LAS YIN NO, ,DE LA ZHES BYA BA NI THA SNYAD BSGRUB PA'I RJES SU DPAG PA'I YUL ME LA SOGS PA LA'O, ,DON DAM PAR NI MA YIN NO ZHES BYA BA NI GCIG NYID MA YIN PA'O, ,GAL TE SNGAR MTHONG BA DANG MTHONG BZHIN PA DON DAM PAR GCIG MA YIN NA CI LTAR DON BYA BA 'GRUB, DES NA DON DAM PA'I GCIG NYID RJES SU DPAG PA'I SPYOD YUL YIN NO SNYAM NA, DE NYID KYIS ZHES BYA BA STE SNGAR MTHONG BA NYID KYIS SO, ,DOGS PA NI DNGOS ZHES BYA BA'O, ,SANGS RGYAS PA LA DON DAM PA PA'I GCIG MED PA'I PHYIR NYE BAR BTAGS PA MI 'THAD DO ZHE NA, DNGOS MED KYANG NYE BAR 'DOGS PA'I RGYU MTSAN YOD NGO ZHES BRJOD PA NI, THOG MA MED PA'I ZHES BYA BA'O, ,GAL TE YANG DNGOS KYI GCIG NYID NYE BAR 'DOGS PA'I RGYU MTSAN MA YIN PA DE LTA NA YANG RNAM PA GCIG TU SNANG BA'I SHES PA BAG CHAGS NYID RGYU MTSAN YIN LA, DE YANG GCIG TU SNANG BA'I SHES PA SNGA MA LAS YIN NO, ,DES NA 'DI YAN CHAD KYIS NI DNGOS KYI GCIG MED KYANG NYE BAR BTAGS PA RGYU MTSAN DANG BCAS PAR BSTAN PA YIN NO, ,DA NI DNGOS PO SNGON DU 'GRO BA CAN GYI NYE BAR BTAGS PA STON PA NI, YANG NA ZHES BYA BA'O, ,DANG PO ME MTHONG BA GANG YIN PA DE NYID LA 'JIG RTEN GYIS REG PAR BRJOD PA YIN NO, ,GAL TE YANG DE LA GCIG NYID YOD PA MA YIN PA DE LTAR NA YANG, GCIG NYID DANG GCIG NYID KYI SGRA GRAGS PAS DNGOS YIN PAR BRJOD LA, DUS GZHAN DU NI SNGAR

, ,MTHONG BA'I GCIG PA NYID DANG LHAG PAR SGRO BTAGS PA LAS TE, LHAG PAR ZHEN PAS GCIG NYID DU BRJOD DO, ,GANG ZHIG LA ZHE NA, DON BYA BA BYED PA'I DNGOS PO LA'O, ,CI LTAR YOD PA MA YIN PA LHAG PAR SGRO 'DOGS SNYAM NA, NYER BTAGS LAS TE, BTAGS NAS SO, , 'DIS NI, DON MED NA YANG GANG LA NI, ,ZHES BYA BA LA SOGS PA'I RIGS PA BSTAN PA YIN NO, ,GANG GI PHYIR DE LTAR CHOS DANG CHOS CAN GYI DNGOS PO DON DAM PA PAR MI 'THAD PA DE'I PHYIR RO, ,CHOS DANG CHOS CAN DAG CES BYA BA NI BYAS PA DANG SGRA DAG GAM, GZUGS DANG BUM PA DAG DE NYID DANG GZHAN NYID DU ZHES THA MI DAD PA DANG THA DAD PAR 'GYUR BA YIN NO, ,GAL TE 'DI DAG THA MI DAD PA NYID DU MTHONG BA MA YIN NO, ,DE JI LTAR THA DAD PA DANG THA MI DAD PA YIN ZHE NA, LDOG PA ZHES BYA BA THA DAD PA KUN BRTAGS PA LAS DE NYID DANG GZHAN NYID YIN TE, DE LTA MA YIN NA DE NYID KHO NAR 'GYUR TE, SGRA LAS BYAS PA LA SOGS PA'I CHOS RNAMS SAM GZUGS DANG RO LA SOGS PA LAS BUM PA LA SOGS PA'I CHOS CAN RNAMS THA DAD PA MED PA'I PHYIR RO, ,CI'I PHYIR DNGOS PO LA MED SNYAM NA DE KHO NAR NI ZHES BYA BA NI ZHES BYA BA'O, ,'O NA CI LTAR THA DAD SNYAM NA, THA DAD PA NI ZHES BYA BA'O, ,DBYE BA CI LTAR DON DAM BA MA YIN ZHE NA, DBYE BA DE NI ZHES BYA BA'O, ,DE ZHES BYA BA MNGON SUM SNGON DU SONG BA CAN DNGOS PO'I STOBS KYIS ZHUGS PA'I RJES SU DPAG PA LAS SO, ,DNGOS PO'I STOBS KYIS ZHUGS PA'I MNGON SUM DANG RJES SU DPAG PA NGAG GIS NI CHOS DANG CHOS CAN DAG THA DAD PAR GRUB PA MA YIN NO ZHES BYA BA'I DON TO, ,'O NA BRTAGS PA'I DBYE BA YANG CI LTAR 'GRUB SNYAM NA, 'ON KYANG ZHES BYA BA'O, ,RJES SU DPAG PA YANG MTHONG BA GANG YIN PA DE NYID REG PA YIN TE, BYA BA GCIG BYED PA'I PHYIR RO ZHES BSTAN ZIN PA KHO NA'O, ,DE NYID DANG GZHAN NYID CES BYA BA NI BRTAGS PA'O, ,DE LTA BUR GYUR MA GRUB PHYIR TE MA DMIGS PA'I PHYIR NA DE NYID GZHAN NYID 'GOG PAR 'GYUR RO, ,YUL GANG LA ZHE NA, DON DAM PAR NI RNAM DPYAD NA KUN RDZOB PA LA STE, KUN RDZOB PA DON DAM PAR RNAM PAR DPYAD PA GANG YIN PA DE DAG LA STE, DON 'DI DAG NI KUN RDZOB PA KHO NA YIN GYI DON DAM PA'I RANG BZHIN

NI MA YIN NO ZHES BYA BAR RO, ,GAL TE DE NYID DANG GZHAN NYID DU KHAS LEN NA KHYED NAM MKHA'I GOS CAN GYI LUGS KYI RJES SU 'JUG PAR 'GYUR RO ZHE NA, DON DAM PAR NI ZHES BYA BA'O, ,DON DAM PA PAR NI THA MI DAD LA, BRTAGS PA PA NI THA DAD YIN NO ZHES BYA BAR NI NAM MKHA'I GOS CAN 'DOD PA MA YIN GYI 'ON KYANG SANGS RGYAS PA KHO NA'I YIN NO, ,'O NA NAM MKHA'I GOS CAN GYI 'DOD PA CI 'DRA PA ZHIG YIN SNYAM NA, 'ON KYANG GNYI GA ZHES BYA BA STE THA DAD PA DANG THA MI DAD PA'O, ,GANG GI PHYIR DE LTAR DON DAM PAR THA DAD PA MED PA DE NYID KYI PHYIR RO, ,DPAG BYA MI RTAG PA NYID DANG DPAG PAR BYED PA RTAG PA DANG DON CHOS CAN TE, 'DI DAG GI BSGRUB BYA NYID LA SOGS PA'I THA SNYAD GNAS PA 'DI NI, LDOG PA LA BRTEN PAS RNAM PAR RTOG PAS GRUB PA LA BRTEN NAS BRTAGS PA YIN NO, ,SHES PA MA GRUB THA DAD LA, ,BRTEN NAS ZHES BYA BA MA RTOGS PA'I, RNAM 'GREL 'DI NYID 'DI SNYAM DU GAL TE ZHES BYA BA LA SOGS PAS KHA BSKANGS TE RTZOD PA YIN NO ZHES BRJOD PA NI 'DI SNYAM DU ZHES BYA BA'O, ,GAL TE DON DAM PA PA'I THA DAD PA MED NA DE'I TSE CI LTAR ZHES BYA BA LA SOGS PAR SBYAR RO, ,SHES PA LA GRUB THA DAD PA, ,ZHES BYA BA NYID KYI RNAM PAR 'GREL PA BRJOD PA NI, LDOG PAS ZHES BYA BA'O, ,'ON TE SANGS RGYAS PAS 'DI 'DRA BA'I THA DAD PA LA BRTEN PAS BYA BA MA YIN PA KHO NA'O SNYAM NA, KUN RDZOB PA'I ZHES BYA BA'O, ,'DI NYID BRJOD PA NI KUN RDZOB TU ZHES BYA BA'O, ,DON DAM PAR NI THA DAD PA MA YIN NO ZHES BYA BA LA MI BRTEN PA YANG MA YIN NO ZHES 'BREL TO, ,GAL TE KUN RDZOB DANG DON DAM PA DAG LA GANG RUNG ZHIG LA BRTEN PAR BYA BA YIN NO ZHE NA, KUN RDZOB KYI ZHES BYA BA'O, ,KUN RDZOB TU THA DAD KHAS MA BLANGS NA MI SLU BA MED PAR 'GYUR RO, ,GAL TE BYA BA LA SOGS PA'I CHOS 'BA' ZHIG 'DOD KYI, DE DANG DE LAS LOG PA'I CHOS CAN SGRA LA SOGS PA NI MA YIN LA, DE BZHIN DU YAN LAG KHO NA 'DOD KYI GZUGS LA SOGS PA'I YAN LAG DON DAM PA PA NI MA YIN NA DE'I TSE MI SLU BAR MI 'GYUR RO, ,BYAS PA LA SOGS PA'I CHOS RNAMS DANG, YAN LAG YAN LAG CAN NI MED PA'I PHYIR RO, ,DE BZHIN DU GAL TE SGRA LA SOGS PA'I CHOS CAN 'BA' ZHIG 'DOD LA, DE BZHIN DU YAN LAG DANG REG PA LA

, ,SOGS PA'I YON TAN NYID 'DOD PA YIN NA, DE'I TSE RJES SU DPAG PA DANG, RJES SU DPAG PAR BYA BA'I THA SNYAD DANG, BDAG GIS MTHONG BA GANG YIN PA DE NYID LA REG GO ZHES BYA BA LA SOGS PA'I THA SNYAD MED PAR 'GYUR TE, DES NA GNYI GA LA NYE BAR LEN TO, ,GANG GI PHYIR DON DAM PAR MED PA DE'I PHYIR GANG GI TSE THA DAD PAR SDANG BAR GYUR PA DE'I TSE DE NI THA SNYAD KYI RTEN YIN NO, ,CI LTAR SNANG BA GZHAN GYI CHOS DANG CHOS CAN LA BRTEN NAS BSGRUB PAR BYA BA DANG SGRUB PAR BYED PA'I THA SNYAD DU 'GYUR BA YIN GYI DE KHO NAR NI MA YIN NO, ,DON LA MI SLU BA NI 'BREL BA'I PHYIR RO ZHES BSHAD ZIN TO, ,DE LTAR GANG LA SNANG SNYAM NA SHES LA STE RNAM PAR RTOG PA LA'O, ,CI LTA BU ZHIG LA ZHE NA, DON GANG GI BDAG NYID GANG ZHIG DE LTA BUM YIN PA LAS THA DAD PA DE'I MTHAR THUG PA'I SHES PA GANG YIN PA DE LA'O, ,DE LTA MA YIN NA NI ZHES BYA BA NI BRTAGS PA'I THA DAD PA MED NA'O, ,DE SKAD DU YANG SLOB DPON PHYOGS KYI GLANG POS BSHAD DO, ,SKABS SU BAB PA LA NI LDOG PA THA DAD PA YANG MED PA'I PHYIR MA GRUB PA KHO NA'O, ,GANG GI PHYIR THA SNYAD DU BZHAG PA'AM, YANG NA THA SNYAD KYIS BZHAG PA SGRA NI RTAG STE ZHES BYA BA'I BSGRUB PAR BYA BA'I CHOS CAN DE NYID SGRA YIN PA'I PHYIR ZHES SGRUB BYED DU BYAS PA YIN NO, CI 'DRA BA ZHIG SGRUB BYED DU BYAS SHE NA, GANG ZHIG THA DAD PA'I BLO DANG MA 'BREL PA DE LA DE SKAD CES BYA STE, BSGRUB PAR BYA BA'I CHOS CAN NYID DU BYAS PA'I RNAM PA LAS RANG BZHIN GZHAN GYIS BLO GZHAN LA GNAS MED PA STE, THA DAD PA'I BLO DANG MA 'BREL PA ZHES BYA BA'I DON TO, ,GANG GI PHYIR DE LTAR RNAM PAR GCAD PAR BYA BA LOGS SHIG PA MED PA'I PHYIR NA, RTOGS PAR GRUB PA'I THA DAD PA TZAM YANG MED PA DES NA SGRA YIN PA'I PHYIR ZHES BYA BA'I GTAN TSIGS 'DI DAM BCAS PA'I DON GYI PHYOGS GCIG YIN PAS NA, MA GRUB PAR BSTAN PA YIN NO, ,GANG GIS 'DI MA GRUB PAR 'GYUR BA CI LTAR NA 'DIR BSGRUB PAR BYA BA GANG YIN PA DE NYID SGRUB PAR BYED PA NYID DU BYAS SHE NA, LOG PA ZHES BYA BA STE, MI RTAG PA DANG BYAS PA'I SGRA THA DAD PAS NI BYAS PA NYID LA SOGS PA'I MTSAN NYID KYI LDOG PA THA DAD PA MA YIN NO, ,CI'I PHYIR ZHE NA, LOG PA DE NI GCIG YIN PA'I PHYIR RO, ,'O NA CI LTAR THA DAD SNYAM NA, 'ON KYANG SGRA MA YIN PA LA SOGS PA LDOG PA'I MTSAMS GANG LAS LDOG PA STE THA DAD PA LAS LDOG PA RNAMS THA DAD

PA YIN NO ZHES 'BREL TE, ,THUN MONG NI BYAS PA NYID DE, SGRA DANG SGRA MA YIN PA GNYI GA LA YOD PA'I PHYIR RO, ,THUN MONG MA YIN PA NI SGRA NYID DE SGRA'I BSAL BA KHO NA LA YOD PA'I PHYIR RO, ,YANG NA THUN MONG BA NI GZUGS DANG SGRA LA SOGS PA'I YAN LAG RNAMS YIN LA, THUN MONG MA YIN PA NI BUM PA LA SOGS PA'I YAN LAG CAN NO, ,DE LTA ZHES BYA BA NI THUN MONG DANG THUN MONG MA YIN PA'I THA DAD PA'O, ,DNGOS PO'I RKYEN ZHES BYA BA NI SGRA NYID DO, ,GZHAN GYI LTAR NA NI DNGOS PO'I RKYEN DON DAM PA PA'I THA DAD PAS 'JUG PA YIN LA, SANGS RGYAS PA'I LTAR NA NI LOG PA'I THA DAD PAR BRTAGS PAS YIN NO, ,'DIR NI GNYI GA LTAR YANG THA DAD PA MI SRID DO, ,'GYUR NA YANG ZHES BYA BA NI THA DAD PA RNAM PA GNYIS MED BZHIN DU'O, ,DOGS PA NI DNGOS PO'I RKYEN ZHES BYA BA'O, ,PHAN TSUN BRTEN PA NYID BRJOD PA NI, DRUG PA'I ZHES BYA BA'O, ,DON NI SGRA'I RGYU MTSAN CAN MA YIN NO ZHES BYA BA NI, DON MTHONG PA NA NI BRDA LAS NI RJOD PAR BYED PA'I SGRA YIN NO, , DON MTHONG BA MED NA NI BRDA MED PA'I PHYIR SGRA RJOD BYED MA YIN PA KHO NAR 'GYUR RO, ,DES NA 'DI'I RJOD PAR BYED PA NI DON GYI RGYU MTSAN CAN YIN NO, ,DOGS PA NI DON DE NI ZHES BYA BA'O, ,DE LTA BUR GYUR PA NYID CES BYA BA NI, SGRA LAS RTOGS PAR 'GYUR BA NYID DO, ,GANG ZHES BYA BA NI BRJOD PAR BYA BA'O, ,TSAD MA YIN NO ZHES BYA BA NI BLANG BAR BYA BA'O, ,DE LTA MA YIN NA SGRAS BRJOD PAR BYA BA GZHAL BYA YIN PA'I PHYIR CI LTAR DE LA TSAD MA 'JUG PAR 'GYUR, SGRA GZHAN GYIS ZHES BYA BA NYID KYI SGRAS SO, ,LAN NI DE LTA NA ZHES BYA BA'O, ,SGRA DU MA LAS DON DU MA NYID YIN NA SHING DANG RKANG 'THUNG LA SOGS PA DU MAS DON DU MAR 'GYUR BAS RNAM GRANGS SU MI 'GYUR TE, BUM PA DANG SNAM BU LA SOGS PA'I SGRA BZHIN NO, ,GANG GI PHYIR LOG PA THA DAD PAS LDOG PA THA DAD PA MA YIN GYI, 'ON KYANG LDOG MTSAMS THA DAD PA LAS YIN LA, 'DIR NI LDOG MTSAMS KYANG THA DAD PA MED PA DE'I PHYIR SGRA NI ZHES BYA BA LA SOGS PA GO SLA'O, ,'DIS NI THA DAD PA MED PA'I PHYIR MA GRUB PAR BRJOD PA YIN NO, ,DA NI DAM BCA' BA SBYAR BA'I DUS NYID DU RTOGS PA'I PHYIR ZLOS PA YIN PAR BSTAN PA NI, GZHAN YANG ZHES BYA BA NI, SGRU [?] ZHES BYA BA NYID KYIS ZHES BYA BA NI SGRA'I MNYAN PA NYID LAS SO, ,YANG SGRA NYID BRJOD PAS CI BYA, DOGS PA NI YANG BRJOD PA NI ZHES BYA BA STE, CHOS SGRA NYID GTZOR

, ,BYA BA'I DON DU'O, ,GTZOR BYA BA MA YIN NO, ,CI'I PHYIR ZHE NA 'BRAS BU MED PA'I PHYIR RO, ,'ON TE DE GTZOR BYAS PA LA 'BRAS BU GO BAR BYED PA NYID YIN PA YOD DO ZHE NA, CHOS CAN ZHAS SMOS SO, ,BYAS PAS ZHES BYA BA CHOS CAN GYI KHYAD PAR DNGOS PO'I RKYEN DANG BRAL BA 'DIS KYANG MI RTAG PA NYID RTOGS PA KHO NA'O, ,'ON TE YANG CI LTAR SGRON ME'I CHOS GSAL BAR BYED PA NYID RANG RTOGS PA'I RGYU YIN PA DE BZHIN DU SGRA'I NYID KYANG RANG MI RTAG PA NYID DU GO BAR BYED PA YIN NO SNYAM NA, MAR ME'I ZHES SMOS SO, ,MAR ME'I DPE'I DBANG GIS CHOS CAN CHOS KYIS GO BAR BYED PA YIN NA, LKOG TU GYUR PA'I ME YANG CHOS CAN DE LA GNAS PA'I CHOS KYIS SHES PAR BYED PAR 'GYUR TE, MAR ME BZHIN DU 'BREL PA LA MI LTOS PA'I PHYIR RO, ,DES NA RI 'DI NI ME DANG LDAN PA YIN TE, RI YIN PA'I PHYIR ZHES BYA BA YANG SGRUB BYED YIN PAS DU BA BRJOD PA DON MED PAR 'GYUR RO, ,RJES SU DPAG PA NI THA SNYAD 'GYUR BA MA YIN NO ZHES BYA BA LA; RJES SU DPAG PA'I DU BA LA SOGS PA'I RTAGS SO, ,DU BA LA SOGS PA'I RTAGS GZHAN BRJOD PAR MI 'GYUR RO ZHES BYA BA'I DON TO, ,DES NA ZHES BYA BA NI 'BRAS BU MED PAS NA'O, ,SNGAR BRJOD PA'I MJUG SDUD PA NI THA DAD PA ZHES BYA BA'O, ,DPER NA RTZOL BYUNG NYID KYI PHYIR ZHES RTZOL BA LAS BYUNG BA'I SGRA'I RANG BZHIN NYID CHOS CAN YIN LA, SGRA DANG BUM PA LA SOGS PA'I THUN MONG BA NI RTAGS YIN NO ZHES BYA BA'I DON TO, ,GANG GI PHYIR ZHES BYA BA NI RNAM PAR 'BREL BA'O, ,CI'I PHYIR MA GRUB PA NYID MA YIN SNYAM NA, SGRA LA GNAS PA'I ZHES BYA BA'O, ,THA DAD PA CI LTAR ZHE NA, SGRA LA GNAS PA'I ZHES GSUNGS SO, ,RTZOL BA LAS BYUNG BA LAS GZHAN LAS NI BUM PA LA SOGS PA LAS KYANG NGO, ,DE LAS GZHAN BUM PA LA SOGS PA LAS SO, ,'O NA GANG LAS THA DAD SNYAM NA, 'ON KYANG ZHES BYA BA'O, ,GLOG LA SOGS PA KHO NA LAS SO, ,DE LTAR NA RE ZHIG ,RTZOL BA LAS BYUNG BA'I SGRA NI MI RTAG STE RTZOL BA LAS BYUNG BA YIN PA'I PHYIR ZHES BYA BA'I SBYOR BA 'DI LA, CHOS CAN DANG SGRUB PAR BYED PA RJOD PA'I SGRA DAG RNAM GRANGS MA YIN PAR BSTAN PA YIN NO, ,'DI 'DRA BA'I RNAM GRANGS MA YIN PA NYID NI, SGRA NYID YIN PA'I PHYIR ZHES BYA BA 'DI LA MED PA DES NA MA GRUB PAR BRJOD PA YIN NO, ,DES NA ZHES BYA BA 'DI LDOG PA'I THA DAD PAS SO, ,DE DANG DE

MA YIN PA LAS ZHES BYA BA SGRA DANG SGRA MA YIN PA LA GNAS PA'O, ,DE LTAR GYUR NA RJES SU 'GRO BA MED PA'I NYES PA NYID DU 'GYUR RO SNYAM NA, 'O NA ZHES SMRAS TE, RTZOL BA LAS BYUNG BA BZHIN DU KHYAB PA NYID MED PA'I PHYIR SGRA NYID LA RJES SU 'GRO BA MED PA'I SKYON KHO NA YOD PAR 'GYUR GYI MA GRUB PAR NI MI 'GYUR RO ZHES BYA BA'I DON TO, ,'DI NYID BRJOD PA NI, DES NA ZHES BYA BA'O, ,CI LTAR MA GRUB PA'I SKYON DU MI 'GYUR SNYAM NA, MA GRUB PA LA YANG ZHES BYA BA'O, ,GRUB PA'I MTHA'I DON NI 'DI YIN TE, NYES PA GNYIS YOD KYANG MA 'BREL PA RNAM PAR BCAD PAS MA GRUB PA NYID DU BRJOD PA YIN NO ZHES BYA BA'O, ,GAL TE NYES PA GNYIS YOD NA, DE'I TSE GNYI GA YANG BRJOD DO COG SNYAM NA, DES ZHES BYA BA'O, ,PHYOGS KYI CHOS MED PAR NI GTAN TSIGS LA RJES SU 'GRO BA MED PA'I NYES PAR 'GYUR BA MA YIN TE, MED PA NYID KYIS THE TSOM SKYED PAR MI BYED PA'I PHYIR RO ZHES BRJOD PA NI GTAN TSIGS YOD NA ZHES BYA BA'O, ,DE RJES SU 'GRO BA MED PA NI GTAN TSIGS RJES SU 'GRO BA MED PA BZLOG PAS KHYAB PA DANG, SOGS PA'I SGRAS THUN MONG MA YIN PA LA SOGS PA'O, ,DE NI RJES SU 'GRO BA LA THE TSOM ZA BA'I PHYIR RO, ,GANG GI PHYIR RJES SU 'GRO BA MED PA LA SOGS PA'I NYES PA NI MA BSHAD PA DE'I PHYIR, SGRA NYID YIN PA'I PHYIR ZHES BYA BA 'DI NI MA GRUB PA NYID KYIS SKYON DU 'GYUR RO, ,BA DAD NA NI ZHES BYA BA NI RTZOL LAS BYUNG BA NYID CHOS CAN LAS THA DAD NA MA GRUB PA NYID KYI SKYON MED DO ZHES BYA BAR RO, ,DES NA ZHES BYA BA NI THA DAD MED PAS NA'O, ,PHYOGS YAN LAG ZHES BYA BA NI, RTZOL BA LAS BYUNG BA NYID SGRA LA GNAS PA CHOS CAN YIN PAR MA ZAD PA'O, ,SGRA LA GNAS PA'I RTZOL BA LAS BYUNG BA NYID BSGRUB PAR BYA BA'I CHOS CAN DE LAS THA DAD PA'AM, YANG NA DPE'I CHOS CAN DE LA NI THA DAD PA LA NI'O, ,GNOD MED PHYIR TE 'GAL BA MED PA'I PHYIR TE DE DANG DE MA YIN PA LA BRTEN PA NI SGRUB PA'I BYED PA'AM GRUB PA MA YIN NO, ,PHYOGS KYI KHYAD PAR NYID YIN YANG SGRUB PAR BYED PA LAS THA DAD PA'I BSGRUB BYA'I CHOS CAN NO, ,YANG NA DE LAS THA DAD PA'I DPE'I CHOS CAN BUM PA LA SOGS PA LAM GRUB PA MA YIN TE, GNOD PA MED PA'I PHYIR RO, ,BSGRUB PAR BYA BA'I CHOS CAN GYI KHYAD PAR YIN YANG, MA GRUB PA NYID DU RJES SU 'GRO BA MED PA'I NYES PA YOD PA MA YIN NO ZHES BYA BA'I DON

, ,TO; 'DI DPER BRJOD PA NI, DPER NA ZHES BYA BA'O, ,CI'I PHYIR GTAN TSIGS NYID 'GAL BA MA YIN SNYAM DU DOGS PA BSU NAS, RJES SU 'GRO BA YOD PA'I PHYIR RO ZHES BRJOD PA NI BSGRUB PAR BYA BA DANG ZHES BYA BA'O, ,DE BZHIN DU ZHES BYA BA NI 'BREL BA NYID DU'O, ,'ON TE PHYOGS KYI YAN LAG YIN NA BSGRUB PAR BYA BA DANG 'BREL PA CI LTAR ZHE NA, 'BREL PA DE NI ZHES BYA BA'O, ,DES NA ZHES BYA BA NI 'BREL PA MI 'GAL BAS NA'O, ,GTAN TSIGS YIN PA NYID DO ZHES BYA BA NI, MA GRUB MIN ZHES BYA BA 'DI'I BSHAD PA'O, ,YANG NA SGRUB PAR BYED PA RTZOL BA LAS BYUNG BA NYID, BSGRUB BYA DES PA'I DUS NA PHYOGS KYI KHYAD PAR NYID KHAS BLANG PAR BYA BA MA YIN PA KHO NA'O, ,CI'I PHYIR ZHE NA, SGRA'I RANG BZHIN RTOGS PAR BYAS NAS RTZOL BA LAS BYUNG BA NYID LDOG PA'I PHYIR RO, ,KHYAD PAR NI ZHES BYA BA NI, KHYAD PAR NI GDON MI ZA BAR BSGRUB PAR BYA BA NYE BAR MTSON PA STE NGES PA'I DUS NA YOD PA MA YIN NO, ,LHAS BYIN GYIS ZHES BYA BA NI SROG CHAGS TZAM GYIS NYE BAR MTSON PAR BYED DO, ,DE NYID KYI PHYIR LHA SKYABS LA SOGS PA'I KHYIM NYE BAR MTSON NAS ZHES GSUNGS SO, ,DE ZHES BYA BA NI NYE BAR MTSON BYED DU GYUR PA'I BYA ROG GO, ,DE'I 'BRAS BU ZHES BYA BA NI GRUB PA'I MTHA' SMRA BA'O, ,KHAD [*KHYAD?] PAR ZHES BYA BA NI MCHOD SBYIN LA SOGS PA'I KHYIM LAS KHYAD PAR DU GYUR PAS NA KHYAD PAR STE LHAS SBYIN LA SOGS PA'I KHYIM STE, DE'I MTHAR THUG PA'I BLO GANG LA YOD PA STE YOD PA'I PHYIR RO, ,NYE BAR MTSON PA ZHES BYA BA NI CHOS CAN LAS THA DAD PA RTZOL BA LAS BYUNG BA NYID LA SOGS PA'O, ,DES NA BYE BRAG SPYI CHOS THA, ,DAD PHYIR RTAGS DANG RTAGS CAN NYID, ,CES BYA BA'I DON DPYOD PA NI, GAL TE CHOS CAN ZHES BYA BA'O, ,BYAS PA NYID DANG MI RTAG PA NYID KYANG DAM BCAS PA'I DON GYIS PHYOGS GCIG NYID DO ZHES BYA BAR 'GYUR RO ZHES 'BREL TO, ,LDOG MTSAMS THA DAD PA MED PA'I PHYIR CHOS THA DAD PA MED PA'I DOGS PA BSU BA NI, GAL TE ZHES BYA BA'O, ,DE TZAM NYID KYIS ZHES BYA BA NI SGRA TZAM NYID KYIS SO, ,DE SKAD DU YANG SLOB DPON DBYIG GNYEN GYIS CHOS MNGON BA'I BSTAN BCOS LAS BSHAD PA YIN NO, ,PHAN TSUN ZHES BYA BA LA SOGS PA NI LDOG PA'I DBYE BA STON PA'O, ,SGRA NYID DANG MNYAN BYA NYID DAG NI, LDOG PA GCIG GI MTHAR THUG PAS

PHAN TSUN NANG DU 'DU BAR BRJOD PA YIN TE, GAL TE DER GYUR NA NI DE'I TSE 'DI GNYIS THA DAD PAR RIGS PA DANG LDAN PA MIN PAR 'GYUR BA ZHIG NA, 'ON KYANG LDOG PAS BRTAGS PA'I CHOS THA DAD PA YOD PA YIN NO ZHES BRJOD PA NI, DON GZHAN DANG NI ZHES BYA BA'O DON GZHAN NYAN PA'I SHES PA DANG 'BREL PA DANG MA 'BREL PA YANG SGRA LA YOD PA YIN NO, ,DE LTAR GYUR DANG MNYAN BYA NYID NI SGRA NYID LAS THA DAD PAR GSAL BA KHO NA'O, ,MNYAN BYA ZHES BYA BA LA SOGS PA NI RNAM PAR 'GREL BA'O, ,MNYAN PAR BYA BA MA YIN PA MED PA ZHES BYA BA NI, RUNG BA'I YUL NA GNAS PA'I SGRA LA NI 'ON PA MA YIN PA'I DBANG DU BYAS TE, MNYAN BYA MA YIN PA NYID MED PA'O, ,TSOGS PA MED PA'I PHYIR ZHES BYA BA NI RNA BA MI GSANG BA LA SOGS PA LAS SO, ,SKYES BU GZHAN LA ZHES BYA BA NI 'ON PA DANG YUL THAG RING PO LA SOGS PA LA'O, ,SGRA MA YIN PAR NI ZHES BYA BA NI, SKYES BU GZHAN LA LTOS KYANG SGRA SGRAS MA YIN PAR MI 'GYUR GYI, 'ON KYANG SGRA KHO NA'O; ,LDOG PA THA DAD PA'I MJUG SDUD PA NI, MNYAN BYA MA YIN PA LAS LOG PAS NI ZHES BYA BA'O, ,'O NA MNYAN BYA MA YIN PA LAS LDOG PAS CIR 'GYUR ZHE NA, MNYAN BYA NYID DE LTAR ZHES BYA BA MNYAN BYA MA YIN PA LAS LDOG PAR 'GYUR GYI, SGRA NYID NI DE LTAR 'GYUR BA MA YIN NO, ,CI'I PHYIR ZHE NA, SGRA NYID DE NI'O, ,'DIS NI ZHES BYA BA LDOG PAS BRTAGS PA'I DBYE BA BSTAN PA NI, SLOB DPON GYIS CI SKAD DU GSUNGS PA DE NI LEGS PAR BSHAD PA YIN NO ZHES MCHOD PA DANG 'BREL TO, ,SLOB DPON PHYOGS KYI GLANG POS TSAD MA KUN LAS BTUS PA'I 'GREL PAR GANG GSUNGS PA DE BSHAD PA YIN NO, ,YANG NA SLOB DPON GYIS GSUNGS PA GANG YIN PA DE NYID BSHAD PA YIN GYI LHAG PA NI MA YIN PA'O, SLOB DPON NYID KYIS RTZOD PA DANG LAN MDZAD PAS 'DI DAG NYID 'DIR BSHAD PA YIN NO ZHES BYA BA'I DON TO, ,GSUNGS PA'I TSUL BSTAN PA NI, GAL TE ZHES BYA BA NAS SKYON YIN NO ZHES BYA BA'I BAR RO, ,SLOB DPON PHYOGS KYI GLANG POS NI, 'DIR NI GTAN TSIGS NYER GTOD KYIS, ,BSGRUB BYA DE NI 'GAL LDAN MIN, ,ZHES BYA BA SKABS 'DIR, SGRA NYID KYI MTSAN NYID THAMS CAD MA YIN PA NYID NI, SGRA MI RTAG PA NYID DU BSGRUB PAR BYA BA LA DAM BCAS PA'I DON GYI PHYOGS GCIG YIN PA NYID KYIS MA GRUB PA YIN PAR GSUNGS PA NA,

, ,RTZOD PAR BYED PAS GAL TE ZHES BYA BA LA SOGS PAS 'KHRUL PAR BYED DE, DAM BCAS PA'I DON GYIS PHYOGS GCIG KYANG YIN LA, SGRUB PAR BYED PA YANG YIN MOD CES SO, ,'DIR ZHES BYA BA LA SOGS PA NI LAN SBYOR BA 'DIS SO, ,MIG LA SOGS PA ZHES BYA BA NI 'DUS PA RNAMS KYI NANG NAS MIG LA SOGS PA KHO NA DAM BCAS PA'I DON YIN PA'O, ,DE'I PHYOGS GCIG CES BYA BA 'DUS BYAS KYI PHYOGS GCIG KYANG DAM BCAS PA'I DON YIN PA'O, ,SPYI DANG KHYAD PAR GYI DNGOS PO BSGRUB PAR BYA BA DANG SGRUB PAR BYED PA YIN NO ZHES BYA BA'I DON TO, ,CI STE YANG ZHES BYA BA LA SOGS PA'I RTZOD PAR DON NI 'DI YIN TE, SGRA MI RTAG STE SGRA NYID YIN PA'I PHYIR RO ZHES BYA BA'I GTAN TSIGS 'DI MA GRUB PAR NI MA 'THAD KYI THUN MONG MA YIN PA'I MA NGES PA KHO NAR 'GYUR RO, ,SGRA NYID NI SGRA KHO NA LA GNAS TE, DES NA THUN MONG MA YIN PA KHO NA YIN PAS DE CI LTAR MA GRUB PA NYID DU BRJOD CES BYA BA'O, ,DE LTAR NI ZHES BYA BA LA SOGS PA'I GRUB PA'I MTHAR DON 'DI YIN TE, CHOS CAN DANG BSGRUB PAR BYA BA'I CHOS LAS LTOS TE THA DAD PA'I CHOS GANG YIN PA BSGRUB PAR BYA BA'I CHOS CAN NYID LA GNAS PA GANG YIN PA DE NI THUN MONG MA YIN PAR RIGS TE, DPER NA MNYAN BYA NYID SGRA NYID DANG MI RTAG PA NYID LAS LDOG PA'I DBYE BAS THA DAD PA YIN PA DES NA DE MA NGES SA NYID DU 'THAD PA BZHIN NO, ,SGRA NYID NI CHOS CAN LAS LDOG PA'I DBYE BAS KYANG THA DAD PA YOD PA MA YIN TE, CHOS CAN NYID SGRUB BYED NYID DU NYE BAR BKOD PA'I PHYIR RO, ,DES NA 'DI NI MA GRUB PA KHO NA YIN GYI, THUN MONG MA YIN PA'I MA NGES PA NI MA YIN NO ZHES SO, ,MA GRUB PA NYID KYIS ZHES BYA BA NYID KYI SGRA NI THUN MONG MA YIN PA'I MA NGES PA NYID SEL BA'O, ,DE LA YANG ZHES BYA BA NI GTAN TSIGS KYI MTSAN NYID BRJOD PAR BYA BA LA YANG NGO, ,DE DBYE BA NI PHYOGS CHOS KYI DBYE BA'O, ,GTAN TSIGS LTAR SNANG PA'I SNGON DU BSTAN PAR BYA STE, GTAN TSIGS KYI MTSAN NYID DANG GTAN TSIGS LTAR SNANG BA'I MTSAN NYID KYI SNGON ROL TU BRJOD PAR BYA'O, ,CI'I PHYIR ZHE NA, GANG GI PHYOGS KYI CHOS NYID GANG YIN DE PHAL CHER NI MANG DU NI GTAN TSIGS LTAR SNANG BA YIN LA, PHYOGS KYI CHOS 'GA' ZHIG NI YANG DAG PA'I GTAN TSIGS YIN PA DE'I PHYIR RO, ,'DI SKAD BRJOD PA YIN TE, GAL TE YANG DE LA RIGS MTHUN

PA YOD KYANG ZHES BYA BA LA SOGS PA GTAN TSIGS LTAR SNANG BA DANG POR BRJOD PAR RIGS KYI, 'ON KYANG 'DI GNYIS BA ZHAG NAS PHYOGS CHOS KYI RAB TU DBYE BA BSTAN PA GANG YIN PA DE NI DGOS PA GZHAN BSGRUB PA'I CHED DU YIN NO, ,PHYOGS KYI CHOS LA NI GTAN TSIGS KYANG SRID LA, GTAN TSIGS LTAR SNANG BA YANG SRID DO, ,DE LA GAL TE THA DAD PAR PHYOGS KYI CHOS 'DI NI GTAN TSIGS NYID YIN LA, 'DI NI GTAN TSIGS LTAR SNANG BA YIN NO ZHES BSTAN PAR MA BYAS NA, DE'I TSE SLOB MA RNAMS CI PHYOGS KYI CHOS 'DI GTAN TSIGS YIN NAM, DE STE GTAN TSIGS LTAR SNANG BA YIN NO ZHES RMONGS PAR 'GYUR RO, , DES NA GTAN TSIGS SU GYUR PA'I PHYOGS CHOS LA GTAN TSIGS LTAR SNANG BA'I BLO DANG, GTAN TSIGS LTAR SNANG BA LA YANG GTAN TSIGS KYI BLOR MI 'GYUR BAR BYA BA'I PHYIR, DE LTAR PHYOGS CHOS KYI RAB TU DBYE BA BSTAN PA YIN NO, ,DE NYID BRJOD PA NI, PHYOGS CHOS ZHES BYA BA LA SOGS PA'O, ,MTHUN PHYOGS NAM MKHA' BUM PA RDZA, ,MKHA' DANG NAM MKHA' BAR SNANG LA, ,GLOG DANG BAR SNANG GLOG BUM DANG, ,NAM MKHA' DANG NI RDUL PHRAN NO, ,ZHES BYA BA RNAM PA DGU PO DAG NI PHRENG BA GSUM PA'I RE'U MIG DGU PO RNAMS SU GO RIMS BZHIN BRI BAR BYA'O, ,MTHUN PA'I PHYOGS RNAMS PA DGU BRIS PA DE LA RIM PA BZHIN DU PHYOGS KYI CHOS 'GA' ZHIG NI YOD PA YIN LA, 'GA' ZHIG NI MED PA, 'GA' ZHIG NI RNAM PA GNYI GAR YANG 'GYUR RO, ,GAL TE DE LTAR NA RNAM PA GSUM DU 'GYUR GYI, RNAM PA DGU POR GO RIMS CI LTAR 'GYUR SNYAM NA, RE RE DAG LA YANG RNAM GSUM ZHES GSUNGS SO, ,GANG GI PHYIR GANG ZHIG MTHUN PA'I PHYOGS LA YOD PA DANG GANG ZHIG MED PA DANG, GANG ZHIG GNYI GA YIN PAR BRJOD PA DE NYID RE RE YANG RNAM PA GSUM GSUM DU 'GYUR RO, ,CI LTAR ZHE NA, BRJOD PA MI MTHUN PHYOGS LA YANG ZHES BYA BA'O, ,BUM PA BAR SNANG GLOG DANG MKHA', ,BUM PA RDZA MA GLOG BUM DANG, ,RDZA MA NAM MKHA' BUM DE NI, ,DE BZHIN MI MTHUN PHYOGS RNAMS DGU, ,MTHUN PA'I PHYOGS RE MIG DGU PA, ,DE BRIS PA DE LA YANG, RIM PA BZHIN YOD PA DANG MED PA DANG RNAM PA GNYI GAS SO SOR RNAM PA GSUM GSUM DU 'GYUR RO, ,DES NA PHYOGS KYI CHOS RNAM PA DGU YIN NO, ,PHYOGS KYI CHOS RNAM PA DGU'I

, ,RANG BZHIN YANG MDUN DU 'CHAD PAR 'GYUR RO, ,GANG PHYIR GTAN TSIGS DAG DANG NI ZHES BYA BA LA SOGS PAS BSHAD PA'I DON DU PHYOGS SNGA MA 'GOD PA NI, GAL TE ZHES BYA BA'O, ,GTAN TSIGS DAG DANG NI ZHES BYA BA LA SOGS PA NI GRUB PA'I MTHA'O, ,GANG GI PHYIR BDE BAR 'CHAD PA DANG 'JIG PAR 'GYUR BA DE NYID KYI PHYIR RNAM 'GEL MDZAD PAS BSHAD LA, GTAN TSIGS KYI RAB TU DBYE BA'I DON, MDOS MDOR BSDUS TE BRJOD PA GANG YIN PA DE NI, BDE BAR GZUNG BA GRUB PA'I PHYIR RO, ,GANG ZHIG BDE BAR GZUNG BA GRUB PA'I PHYIR YIN ZHE NA, SKABS KYI GTAN TSIGS KYI RAB TU BYED PA'I DON NYID DO; ,DE NYID KYI PHYIR RNAM PAR BSHAD PA LAS, GTAN TSIGS KYI RAB TU BYED PA'I DON NYID BDE BLAG TU GZUNG BA'I DON DU'O ZHES SO, ,GTAN TSIGS KYI RAB TU BYED PA NI ZHES RJES SU BRJOD NAS, GTAN TSIGS KYI RAB TU BYED PA ZHES BYA BA'I, DON RE ZHIG STON PA NI, GTAN TSIGS DANG ZHES BYA BA'O, ,GTAN TSIGS RAB TU BYED PA ZHES BYA BA 'DIR GTAN TSIGS SMOS PA NI NYE BAR MTSON PA STE, DES NA GTAN TSIGS DANG GTAN TSIGS LTAR SNANG BA STON PAR BYED PA'I TSIG LA RAB TU BYED PA ZHES BRJOD PA YIN NO, ,DON GYI SGRA RNAM PAR 'GREL PA NI, DE'I DON NI ZHES BYA BA NI STE RAB TU BYED PA DE'I DON TO, ,DE GANG YIN ZHEN, GTAN TSIGS DANG GTAN TSIGS LTAR SNANG BA NYID DO, ,GAL TE GTAN TSIGS RAB TU BYED PA'I ZHES BYA BA'I SGRAS GTAN TSIGS DANG GTAN TSIGS LTAR SNANG BA BRJOD PA YIN NO ZHES BYA BA 'DI CI LTAR SHES SNYAM NA DE NYID KYI PHYIR ZHES GSUNGS SO, ,GANG GI PHYIR GTAN TSIGS RAB TU BYED PA ZHES BYA BA'I SGRAS GTAN TSIGS DANG GTAN TSIGS LTAR SNANG BRJOD PA DE NYID KYI PHYIR GTAN TSIGS LTAR SNANG GI MNGON DU ZHES GSUNGS SO, ,DE NYID RNAM PAR 'GREL PA NI, GTAN TSIGS DANG ZHES BYA BA'O, ,PHYOGS CHOS ZHES BYA BA 'DI MI RIGS PAR DOGS PA BSU BA NI, GAL TE ZHES BYA BA'O, ,PHYOGS KYI CHOS NYID DU NYE BAR BSDUS PA'I CHOS NI SGRUB PAR BYED PA MA YIN NO ZHES 'BREL TO, ,'DI GA LAS SNYAM NA NAGS TSANG TSING ZHES BYA BA'O, ,DES NA PHYOGS KYI CHOS GTAN TSIGS YIN NO ZHES CI LTAR BRJOD SNYAM PA'O, ,'O NA PHYOGS CHOS CAN TZAM YIN LA RAG GO ZHE NA, CHOS CAN TZAM NI ZHES SMOS SO, ,GRUB KYANG BSGRUB PAR BYA BA CI STE MA YIN SNYAM NA, CHOS KYI

KHYAD PAR CAN GYI ZHES BYA BA'O, ,DES NA PHYOGS CHOS ZHES BYA BA NI MI 'THAD DO SNYAM NA, 'DI LA LAN DE NI BDEN TE ZHES BYA BA'O, ,'DIR PHYOGS KYI SGRAS GTAN TSIGS KYI BYED PA'I YUL CHOS DANG CHOS CAN TSOGS PA'I PHYOGS NI MI GZUNG STE, DE BZUNG NA NI DE'I CHOS SU GTAN TSIGS THAMS CAD MA GRUB PAR 'GYUR RO, ,CI'I PHYIR ZHE NA, SPYI'I DON BSGRUB PAR BYA BA YIN PA'I PHYIR RO, ,BSGRUB PAR BYA BA NI CHOS CAN DANG, CHOS TSOGS PA'I DON 'DI YIN LA, DE YANG MA GRUB PA'I PHYIR DE'I CHOS SU GTAN TSIGS CI LTAR GRUB, GRUB NA YANG RJES SU DPAG PA DON MED PAR CI LTAR MI 'GYUR, DE'I PHYIR SHES PAR 'DOD PA'I CHOS KYI KHYAD PAR CAN NI PHYOGS YIN NO, ,DE'I CHOS SU YANG GTAN TSIGS MA GRUB PA MA YIN NO, ,GAL TE SHES PAR 'DOD PA CI LTAR KHYAD PAR NYID YIN TE, BSGRUB PAR 'DOD PAS NA MA GRUB PA'I PHYIR RO ZHES DOGS NA, GANG GI PHYIR CHOS CAN TZAM LA BSGRUB BYA NYID DU ZHES BYA BAS, SHES PAR 'DOD PA'I CHOS KYIS KHYAD PAR DU BYAS PA NYID DU NYE BAR 'DOGS PA DE'I PHYIR, NYE BAR BRTAGS PA'I BSGRUB BYA'I KHYAD PAR CAN NI PHYOGS YIN LA, DE'I CHOS NI DE'I RANG BZHIN NGES PAR BYED PA'I DUS NA PHYOGS KYI CHOS KYI GTAN TSIGS SU RTOGS PAR BYA'O, ,KHYAB PA NGES PA'I DUS NA NI, CHOS CAN TZAM LA BSGRUB PAR BYA BA NYID DU NYE BAR 'DOGS PA YIN TE; DE LTA MA YIN NA TSOGS PAS RJES SU 'GRO BA MED PAR THAL BA'I PHYIR RO, ,CI LTAR 'DI GNYIS KHO NA LA NYE BAR GDAGS SNYAM NA, PHYOGS GCIG PHYIR ZHES GSUNGS SO, ,GTAN TSIGS KYI ZHES BYA BA NAS MA GRUB PA'I PHYIR RO ZHES BYA BA'I MTHAR THUG PAS NI, GTAN TSIGS KYI BYED PA'I YUL PHYOGS SU STON PAS TSOGS DON BSGRUB BYA NYID YIN PHYIR ZHES BYA BA STE, DE RNAM PAR 'GREL PA'O, ,'DIS NI 'DI 'DRA BA'I PHYOGS LA LTOS NAS GTAN TSIGS THAMS CAD KYANG MA GRUB PA NYID DO ZHES BSTAN PA YIN NO, ,DA NI PHYOGS GANG LA LTOS NAS GTAN TSIGS MA GRUB PA DE STON PA NI, DE'I PHYIR ZHES BYA BA'O, ,GANG GI PHYIR GTAN TSIGS KYI BYED PA YIN YANG PHYOGS NYID DU 'DZIN PA MA YIN TE, DE NI MA GRUB PAS NA GTAN TSIGS THAMS CAD MA GRUB PAR THAL BA YIN NO, ,CI LTAR MA GRUB PA ZHES BYA BA NI SHES PAR 'DOD PA'I DON NI BSGRUB PAR BYA BA NYID KYIS MA GRUB PA YIN NA, MA GRUB PA YANG CI LTAR KHYAD PAR YIN, NYE BAR BRTAG PA'I

, ,PHYIR RO ZHES BYA BA NI, GAL TE YANG CHOS CAN LA KHYAD PAR MA GRUB PA DE LTA NA YANG KHYAD PAR NYE BAR BTAGS PA YIN TE, DES NA NYE BAR BTAGS PA'I KHYAD PAR GYIS KHYAD PAR DU BYAS PA'I CHOS CAN GYI CHOS NI GTAN TSIGS YIN NO, ,PHYOGS 'DI NYID KYI NI PHYOGS NI CHOS CAN TE, YAN LAG LA SPYI NYE BAR BTAGS PA'I PHYIR RO ZHES BYA BA LA SOGS PA YANG BSHAD PAR BYA'O, ,PHYOGS NI SHES PAR 'DOD PA'I BYE BRAG DANG LDAN PA'I CHOS CAN NO, ,SNGAR BSTAN ZIN PAS ZHES BYA BA NI LE'U DANG PO'I 'GREL PAR RO, ,'DI NI YANG NA CHOS SAM NI ZHES BYA BA'I RNAM PAR 'GREL PA'O, ,DE LA ZHES BYA BA NI PHYOGS CHOS ZHES BYA BA DE LA'O, ,CHOS CAN GYI CHOS SMOS PA NYID KYI ZHES BYA BA NI PHYOGS CHOS SMOS PA SHES LA, CHOS CAN GYI SMOS PA BYA BA YIN TE, MIG GIS GZUNG BA NYID LA SOGS PA NI DE NYID KYIS SEL BA YIN NO ZHES BYA BA'O, ,MA YIN TE ZHES BYA BA LA SOGS PA NI LAN NO, ,YANG GI SGRAS NI CHOS MTHUN PA'I DPE'I CHOS CAN GYI'O, ,MA YIN TE ZHES BYA BA NI RTZOD PA'O, ,CHOS MI MTHUN PA'I DPE'I CHOS CAN GYI CHOS NI GTAN TSIGS SU MI 'GYUR TE, MI MTHUN PA'I PHYOGS LA MED PA ZHES BRJOD PA'I PHYIR RO, ,'ON TE DE MI MTHUN PA'I PHYOGS LA MED KYANG YOD PA YANG YIN NO ZHE NA, CI LTAR ZHES SMOS SO, ,MI MTHUN PA'I DPE'I CHOS CAN DE NYID LA YOD PA DANG, DE NYID MED CES BYA BAR TE, MI 'GYUR BA KHO NA'O, ,GANG GI PHYIR DE NYID LA GTAN TSIGS YOD PA DANG MED PAR MI 'THAD PA DE'I PHYIR 'OS GZHAN MED PAS SO, ,GANG ZHIG YONGS SU GZUNG BAR BYA BA CHOS CAN GSUM PA DE GANG YIN ZHE NA, DE YANG ZHES SMOS SO, ,MA YIN TE ZHES BYA BA LA SOGS PA NI LAN NO, ,RIGS MTHUN NYID YOD LA ZHES BYA BA LA LTOS TE, CHOS CAN GYI CHOS ZHES YANG BRJOD PA NI'O, ,NGES PAR GZUNG BA'I PHYIR RO ZHES BYA BA CHOS MTHUN PA'I DPE'I CHOS CAN GYI CHOS KHO NA GTAN TSIGS YIN GYI, BSGRUB PAR BYA BA'I CHOS CAN GYI NI MA YIN NO ZHES BYA BAR RO, ,GAL TE CHOS CAN MA SMOS KYANG RIGS MTHUN PA KHO NA LA ZHES NGES PAR GZUNG BA YOD PA KHO NA MA YIN NAM, DES NA DE'I DON DU CHOS CAN SMOS PAS CI BYA, DES NA, 'O NA GZHAN MED PAS BSGRUB PAR BYA BA'I CHOS CAN YONGS SU GZUNG NGO ZHES DOGS PA BSU BA NI, GAL TE YANG ZHES BYA BA LA SOGS PA'O, ,MA YIN TE ZHES BYA

BA LA SOGS PA NI LAN NO, ,NYID KYI SGRA RIM PA BZHIN DU BYAS NAS MTHUN PA'I PHYOGS LA YOD PA NYID CES BYA BAR 'GYUR RO, ,DES NA ZHES BYA BA NI NGES PAR GZUNG BA GZHAN SRID BAS NA'O, ,NGES PAR GZUNG BA'I PHYIR CHOS CAN SMOS PAR BYA BA YIN PAR 'GYUR RO, ,NGES PAR GZUNG BA'I TSUL BRJOD PA NI, DE LA ZHES BYA BA STE DPE'I CHOS CAN NYID LA'O, ,GANG GI PHYIR DA LTAR CHOS CAN SMOS PA DES PA'I DON YIN PAR DOGS PAR 'GYUR BA DES NA'O, ,'O NA ZHES BYA BA LA SOGS PA NI RTZOD PA'O, ,MA YIN TE ZHES BYA BA NI LAN NO, ,DE LA YANG ZHES BYA BA'I BSGRUB PAR BYA BA'I CHOS CAN GYI CHOS ZHES BYA BA LA YANG BSGRUB PAR BYA BA'I CHOS CAN LA NYE BAR BRTAGS PA NYID SKYABS YIN NO, ,DE LTA MA YIN TE BSGRUB PAR BYA BA'I CHOS YIN NA, DE'I CHOS NYID MA GRUB PAR 'GYUR RO, ,BSGRUB PAR BYA BA YANG KHYAD PAR DU 'GYUR BA MA YIN NAM, NYE BAR BTAGS PAS CI ZHIG BYA SNYAM NA, MA GRUB PA NI ZHES BYA BA'O, ,BSGRUB PAR BYA BA NI MA GRUB PA YIN LA, MA GRUB PA NI NYE BAR BTAGS PA MED PAR RTAGS SU GYUR PA'I CHOS KYI KHYAD PAR DU CI LTAR 'GYUR, BSGRUB PAR BYA BA DANG PHYOGS KYI SGRA GNYIS DON GCIG PAS KHYAD PAR MED PA'I PHYIR 'DI 'DRA BA'I BSTAN PA MA YIN NO ZHES BRJOD PA NI, PHYOGS ZHES BYA BA 'DIS KYANG ZHES BYA BA'O, ,MING DANG MING CAN GYI ZHES BYA BA LA SOGS PA'I DOGS PAR NI DON 'DI YIN TE, PHYOGS CHOS ZHES BSTAN PA NA PHYOGS KYI SGRA NI TSOGS PA RJOD PAR BYED PA YIN GYI, SHES PAR 'DOD PA'I BYE BRAG GIS KHYAD PAR DU GYUR PA'I CHOS CAN NI MA YIN NO, ,CHOS CAN LA 'JUG PAR 'DOD PA YANG YIN TE, DES NA CHOS CAN LA PHYOGS KYI MING GDAGS PAR BYA BA MA YIN TE, RTOGS PAR DKA' BAR THAL BA'I PHYIR RO ZHES BYA BA'O, ,MA YIN TE ZHES BYA BA NI LAN NO RNAM GRANGS YIN PA'I PHYIR RO ZHES BYA BA NI 'DIR YANG MING DANG MING CAN GYI 'BREL PA MTSUNGS SO ZHES BYA BA'I DON TO, ,BSGRUB PAR BYA BA'I RNAM GRANGS NYID 'JIG RTEN GYI GRAGS PAS GSAL BAR BYED PA STE, DE LTAR YANG ZHES BYA BA'O, ,PHYOGS KYIS SGRA BSGRUB BYA'I RNAM GRANGS SU SLOB DPON YANG BZHED PA YIN NO ZHES STON PA NI, DE LTAR YANG ZHES BYA BA'O, ,CI'I PHYIR BSGRUB BYA NYID DU NYE BAR 'DOGS SHE NA, NYE BAR BTAGS PA MED PA'I ZHES BYA BA'O, ,GAL TE ZHES BYA BA LA SOGS PA'I RTZOD PAR NI DON 'DI YIN TE, CHOS KYI KHYAD

, ,PAR CAN GYI CHOS CAN NI RJES SU DPAG PAR BYA BAR BRJOD PA YIN NA, 'DI NI NYE BAR BTAGS PA YANG MA YIN NA DE CI LTAR NYE BAR BTAGS NAS CHOS CAN PHYOGS YIN ZHES RJOD CES BYA BA'O, ,DE LA NI ZHES BYA BA NI CHOS KYI KHYAD PAR CAN GYI CHOS CAN LA'O, ,NYE BAR BTAGS PA MI SRID PA MA YIN NO ZHES 'BREL TO, ,CI'I PHYIR ZHE NA, DER NI ZHES BYA BA STE, CHOS KYI KHYAD PAR CAN GYI RJES SU DPAG PAR BYA BA YIN NO ZHES BYA BA'I TSIG LA'O, ,'DI NYID LA 'THAD PA GZHAN BRJOD PA NI 'DI LTAR NI ZHES BYA BA'O, ,RGYU GNYIS PO 'DI GNYIS GSAL BAR BYED PA NI, RJES SU ZHES BYA BA'O, ,GANG GI PHYIR BSGRUB PAR BYA BA NYID NYE BAR BTAGS PA KHO NA YIN PA DE'I PHYIR RO, ,'DI NYID GSAL BAR BYED PA NI, NYE BAR BTAGS PAS ZHES BYA BA'O, ,BZLOG PAR DOGS PA BSU BA NI, GAL TE ZHES BYA BA'O, ,DON NI 'DI YIN TE, CI LTAR NYE BAR BTAGS PA'I BSGRUB PAR BYA BA'I CHA'I KHYAD PAR NI PHYOGS YIN LA, DE'I CHOS NI GTAN TSIGS YIN PA DE BZHIN DU, NYE BAR BTAGS PA'I CHOS CAN GYI KHYAD PAR CAN GYI CHOS NI PHYOGS YIN LA DE'I CHOS NI GTAN TSIGS YIN NO ZHES BYA BAR YANG 'GYUR RO ZHES BYA BA'O, ,PHYOGS ZHES BYA BA NI LAN NO, ,PHYOGS BRJOD PA NI BSGRUB PAR BYA BA'I CHOS DOR NAS KHYAD PAR BYA BA'I CHOS CAN YONGS SU GZUNG BA'I DON DU YIN TE, DES NA MIG GIS GZUNG BA LA SOGS PA SPANGS PAR 'GYUR BA YIN NO, ,BSGRUB PAR BYA BA'I CHOS BZUNG NA NI GTAN TSIGS DE'I CHOS MI SRID PA'I KHO NAR 'GYUR TE, CHOS RNAMS NI CHOS KYI GZHIR MI SRID PA'I PHYIR RO, ,SRID NA NI MIG GIS GZUNG BA NYID KYANG GTAN TSIGS SU 'GYUR RO, , CHOS CAN SGRA'I CHOS MI RTAG PA NYID GANG YIN PA DE'I CHOS NI MIG GIS GZUNG BA NYID YIN NO, ,BUM PA LA SOGS PA LA NI MIG GIS GZUNG BAR BYA BA NYID MI RTAG PA NYID DANG 'BREL PAR 'GYUR BA YIN LA, SGRA'I MI RTAG PA GANG YIN PA DE NI BUM PA LA YANG YOD PA YIN TE, SPYI BSGRUB PAR BYA BA YIN PA'I PHYIR RO, ,DES NA MIG GIS GZUNG BA NYID MI RTAG PA NYID KYI CHOS SU 'GYUR GYI SGRA'I NI MA YIN NO, ,GAL TE SGRA LA GNAS PA'I MI RTAG PA NYID KYI CHOS NI MI 'GYUR BA MA YIN NAM, 'ON TE MI RTAG PA NYID KYI SPYI DANG 'BREL BA YIN NA DE'I TSE CHOS CAN TZAM DANG YANG 'BREL BAR 'GYUR RO, ,DE STE CHOS CAN GYI KHYAD PAR DANG MA 'BREL NA

DE'I TSE SGRA LA GNAS PA'I MI RTAG PA NYID DANG, 'BREL PAR MI 'GYUR RO ZHE NA, DE NI MA YIN TE CHOS CAN NI KHYAD PAR DU BYED PA KHO NA YIN GYI, BSGRUB PAR BYA BA NI SPYI KHO NA YIN NO, ,DES PHYOGS SMOS PA NI KHYAD PAR CAN GYI CHOS CAN GYI GZUNG BA'I DON DU YIN NO, ,BSGRUB BYA'I CHOS CAN GYI CHOS GANG YIN PA DE GTAN TSIGS YIN NA, MIG GIS GZUNG BA NI DE LTA MA YIN TE, DES NI GTAN TSIGS SU MI 'GYUR RO, ,BSGRUB PAR BYA BA'I CHOS CAN GYI CHOS KYI TSAD BRJOD PA NI, GTAN TSIGS DANG ZHES BYA BA LA SOGS PA'O, ,DE LTAR PHYOGS KYI RANG BZHIN BRJOD NAS, CHOS KYI TSIG DANG BSDU BA'I KHYAD PAR BRJOD PA NI, PHYOGS DE'I ZHES BYA BA'O, ,THUN MONG MA YIN PA NYID DU 'GYUR RO ZHES BYA BA NI DPE LA RJES SU 'GRO BA'O, ,SGRA'I BDAG NYID CAN GYI BYAS PA NYID BUM PA LA SOGS PA'I BDAG TU CI LTAR 'GYUR ZHING BUM PA LA SOGS PA DE LA YOD PAR YANG CI LTAR 'GYUR, SGRA'I BDAG NYID YIN PAS ZHES BYA BA 'DI'I RNAM PAR GCOD PAR BYA BA BRJOD PA NI, THA DAD PA YIN NA ZHES BYA BA'O, ,'DOD PA YANG MA YIN TE ZHES BYA BA NI RANG BZHIN GYI GTAN TSIGS LA'O, ,CHOS CAN LAS THA DAD PA'I RTAGS KYI RGYU NI RGYU LAS GZHAN KHYAD PAR DU 'GYUR BA MA YIN TE, RGYU NYID KHYAD PAR DU 'GYUR BA YIN NO ZHES BYA BA'I DON TO, ,DE LTAR GYUR NA ZHES BYA BA NI RGYU RTAGS KYI KHYAD PAR YIN NA'O, ,GANG GI PHYIR KHYAD PAR RNAM PAR GCOD PAR BYED PA MA YIN PAR MI 'GYUR BA DE'I PHYIR PHYOGS KHYAD PAR YIN PAR KHAS LEN PA YIN NA THUN MONG MA YIN PA NYID DO, ,PHYOGS KHYAD PAR MA YIN PAR KHAS LEN NA, YANG MA GRUB PA NYID KYI SKYON DU 'GYUR RO, ,PHYOGS KYI CHOS NYID MA YIN PA'I PHYIR ZHES BYA BA NI DRUG PA'I DON MED PAS NA PHYOGS DANG 'BREL PA YOD PA'I PHYIR RO, ,GAL TE NGES PAR GZUNG BAS NI GZHAN DANG LDAN PA RNAM PAR GCOD PA KHO NA BRJOD PA MA YIN NAM DES NA RAB TU DBYE BA 'DI TZAM DU CI LTAR 'GYUR SNYAM NA LDOG PAR BYED PA'I ZHES BYA BA'O, , CI'I PHYIR ZHE NA, DE'I ZHES SMOS TE TSIG PHRAD KYI'O, ,GZHAN DU ZHES BYA BA NI MI LDAN PA RNAM PAR GCOD NA'O, ,RNAM PAR DBYE BA ZHES BYA BA NI RTZOD PA'O, ,LAN NI 'BA' ZHIG NI ZHES BYA BA STE TSIG PHRAD DANG 'BREL BA DANG 'BREL PA'I'O, ,GANG GI TSE KHYAD PAR DANG KHYAD PAR CAN DANG, BYA BA DANG LHAN

, ,CIG TSIG BRJOD PAR GYUR PA DE'I TSE NI, TSIG PHRAD DANG 'BREL PA THA DAD PAR 'GYUR BA YIN NO, ,YANG RGYU CI'I PHYIR 'BREL BA CAN THA DAD PAS DON THA DAD PAR 'GYUR GYI GZHAN DU NI MA YIN ZHE NA, GTZO BO NI ZHES BYA BA'O, ,'BREL PA CAN GYI DON THA DAD PA NI GTZO BO YIN GYI TSIG PHRAD NI MA YIN NO, , GTZO BOR GZHUNG 'DZUGS PA NI 'DI LTAR ZHES BYA BA'O, ,TSIG PHRAD NGES GZUNG STON PAR BYED PA YIN NA DE LAM SBYAR BA LA CI LTAR NGES PAR RTOGS PAR 'GYUR ZHE NA, NGES PAR GZUNG BA NI ZHES BYA BA'O, ,'O NA TSIG PHRAD SBYAR BA DON MED DO ZHE NA, TSIG PHRAD NI ZHES BYA BA SMOS SO, ,CI'I PHYIR ZHE NA, DES NI ZHES BYA BA STE TSIG PHRAD KYIS SO, ,DE NYID CES BYA BA NI KHYAD PAR LA SOGS PA'I TSIG GIS BRJOD PA'I NGES PAR GZUNG BA'O, ,TSIG PHRAD GSAL BAR BYED PA NYID YIN PA STON PA NI, 'DI LTAR ZHES BYA BA'O, ,TSIG PHRAD MED KYANG SNYIM PA LA SOGS PA'I BYED PA RNAM PAR GCAD NAS BUM PA NYID BYED PAR RTOGS PA YIN TE, DE LTA MA YIN NA BYED PA'I KHYAD PAR SMOS PA DON MED PAR 'GYUR RO, ,DE DAG KYANG ZHES BYA BA NI BYED PA LA SOGS PA'I TSIG DAG GO, ,TSIG PHRAD RJOD BYED YIN PAR SMRA BAS SMRAS PA NI GAL TE ZHES BYA BA'O, ,DE DAG CES BYA BA NI LAS LA SOGS PA'I TSIG RNAMS THA DAD PAS, NGES PAR GZUNG BA'I RANG BZHIN GYI DON THA DAD PA NYID DU THAL BAR 'GYUR BA'O, ,THAL BA LAS LDOG PA BRJOD PA NI NGES PAR GZUNG BA NI ZHES BYA BA'O, ,GANG GI PHYIR DE LTA YIN PA DES NA, RJES SU 'GRO BA STE LAS LA SOGS PA'I TSIG DANG RJES SU 'BREL PA NYID DANG, NGES PAR GZUNG BAS LDOG PA STE THA DAD PA DAG LAS LA SOGS PA'I TSIG GI DON THA DAD PAR BRTAGS PAS NAD LA SOGS PA'I TSIG NI BRJOD PAR BYA BA NI TSIG PHRAD KYI BRJOD BYA NYID DO ZHE NA, GSAL BAR BYED PAS MA YIN TE ZHES SMRAS SO, ,DE MA SBYAR NA ZHES BYA BA NI BUM PAS CHU 'ON CIG CES BYA BA LA SOGS PAR KHO NA'I TSIG SBYAR BA NYID YIN NA NGES PAR GZUNG BAR YANG RTOGS SO, ,DE MED PAR RTOGS KYANG DE'I DON CI STE MA YIN SNYAM NA SMRAS PA NGES PAR GZUNG BA'I RANG BZHIN GYI DON GANG ZHIG KHO NA'I SGRA GANG MED KYANG RTOGS PA'I NGES PAR GZUNG BA DE CI LTAR KHO BO'I TSIG DON YIN TE BRJOD PAR BYA BA YIN, 'O NA CI LTAR ZHES BYA BA GAL TE KHO NA'I TSIG MED KYANG BUM PA LA SOGS PA SGRA KHO NA LAS NGES PAR GZUNG BA RTOGS PA YIN NA DE'I TSE

LAS DANG BYED PA LA SOGS PA THA DAD PAR RJOD PAR BYED PA DAG LAS CI LTAR RNAM PAR GCOD PA TZAM THA MI DAD PAR RTOGS PA, DON THA DAD PAR BRJOD PA RNAMS KYI BRJOD PAR BYA BA NI THA MI DAD PAR MI 'THAD DO, ,'DI NI KHAS BLANGS NAS BRJOD PA YIN TE, 'DI NI 'THAD PA YANG MA YIN NO ZHES BRJOD PA NI, RNAM PAR GCOD PA NI ZHES BYA BA'O, ,CI'I PHYIR ZHE NA, DE'I ZHES SMOS SO, ,RNAM PAR GCOD PA NYID STON PAR BYED PAS, NGAG GANG LA 'BRAS BU YOD PA DE NI DE SKAD CES BYA BA'O, ,GZHAN RTOGS PA'I PHYIR RAB TU SBYAR BA 'DIS NI GDON MI ZA BAR MA 'BREL PA LA SOGS PA 'BA' ZHIG RNAM PAR GCAD PAR BYA BA YIN TE, DE LTA MA YIN NA SMRA BA POS DE BRJOD PA 'BRAS BU MED LA RTOGS PA POS KYANG MI RTOGS PA KHO NAR 'GYUR RO, ,CI LTAR 'GA' ZHIG TU MTHONG BA YOD DAM SNYAM NA, MTHONG NGO ZHES BRJOD PA NI, DPER NA ZHES BYA BA'O, ,RAB TU GRAGS PA'I NGAG GI RANG BZHIN BRJOD PA NI PHAN TSUN ZHES BYA BA STE, TSIG GI TSOGS NYID DAG YIN GYI, GDANGS ZHES BYA BA THA DAD PA NI YOD PA MA YIN NO, ,'DIR NI 'DI 'DRA BA TSIG GI TSOGS DAG TU MI GZUNG GI 'ON KYANG TSIG TSEGS PA'I RANG BZHIN NGAG GIS RDZOGS PAR BYED PA SGRUB PAR BYED PA'I TSIG LA NGAG CES BRJOD PA YIN TE, 'DIR NI SRID SGRUB LA SOGS PA'I TSIG NYID RNAM PAR GCOD BYED DU 'DOD KYI TSIG GI TSOGS NI MA YIN NO, ,DE DAG NYID CES BYA BA NI TSIG RNAMS NYID DO, ,GAL TE TSIG TSOGS PA'I RANG BZHIN NAM TSIG GI RANG BZHIN LAS THA DAD PA GDANGS ZHES BYA BA NGAG TU CI STE MI BZUNG ZHE NA, DE LAS ZHES BYA BA STE, DE DAG LAS GZHAN GDANGS ZHES BYA BA'I DAG KYANG MED PA'I PHYIR 'DIR TSIG NYID NGAG GI SGRAS SMOS PA YIN NO, ,GAL TE NGAG GIS 'BRAS BU RNAM PAR GCOD PA YIN NA DE'I TSE BSTAN PAR BYA BAR MI 'GYUR TE, BSTAN PAR BYA BA NI 'BRAS BU LAS GZHAN YIN PA'I PHYIR RO ZHES DOGS NA NGAG GANG GI ZHES BYA BA'O, ,DE NYID NI 'BRAS BU NYID DO, ,GAL TE RNAM PAR GCOD PA STON PA YIN NO DON MA BSTAN PA'I PHYIR CI LTAR DON BYA BA DON DU GNYER BA RNAMS SGRA LAS 'JUG SNYAM NA, SMRAS PA DON NI RNAM PAR GCOD PA DE NYID YIN NO, ,GAL TE RNAM PAR GCOD PA NI DNGOS PO MED PA MA YIN NAM DES NA CI LTAR DE DON YIN SNYAM NA, RNAM PAR GCOD PA YANG ZHES SMOS SO, ,RNAM PAR GCAD PA NI RIGS MI MTHUN PA

, ,LAS LOG PA'O, ,'O NA RNAM PAR GCOD PA RTOGS PAS MA YIN NO SNYAM NA, DES NA ZHES SMOS TE RNAM PAR GCOD PA GZHAN MA YIN PAS NA'O, ,DE DANG ZHES BYA BA RNAM PAR GCAD BZHIN PA DANG, THA MI DAD PA'I PHYIR RO, ,RNAM PAR GCOD PA NYID CES BYA BA NI RNAM PAR GCAD BZHIN PA NYID DO, ,DNGOS PO YIN LA ZHES BYA BA NI SPYI'O, ,RNAM PAR GCOD PA NI DNGOS PO MED PA'I RANG BZHIN DNGOS PO MED PA'I TSAD MA GZHAN GYIS RTOGS PAR BYA BA SGRAS 'PHEN PA YIN NO, ,RIGS MI MTHUN PA RNAM PAR GCAD PA DNGOS PO MED PA'I TSAD MA'I YUL DU GYUR PA GANG YIN PA DE NI RIGS LA SOGS PA STON PAR BYED PA'I SGRAS 'PHEN PA YIN NO ZHES BYA BA'I DON TO, ,DE NI RNAM PAR GCOD PA'O, ,GZHAN RIGS BRJOD PAS SO, ,GZHAN NI DNGOS PO MED PA'O, ,GAL TE 'DI DNGOS PO DANG 'BREL PA YIN NA, DE LTA NA NI RIGS LA SOGS PA'I DNGOS PO BSTAN PA NI, DNGOS PO MED PA 'PHEN PAR 'GYUR BA ZHIG NA DE NI YOD PA MA YIN NO, ,'BREL PA MED KYANG 'PHEN NA NI THAMS CAD THAMS CAD KYIS 'PHEN PAR 'GYUR RO ZHES BRJOD PA NI 'BREL PA MED KYANG ZHES BYA BA'O, ,'O NA CI LTAR 'PHEN SNYAM NA, GAL TE ZHES BYA BA'O, ,LDOG PA NI RNAM PAR GCOD PA'O, ,LDOG PA DANG LDAN PA LAS ZHES BYA BA LDOG PA CAN RNAM PAR BCAD BZHIN PA LAS THA DAD PA MA YIN TE, THA MI DAD PA YIN NA'O, ,'DIS NI DE'I BDAG NYID YIN NA 'PHEN PAR RIGS PA YIN NA KHYED KYIS NI DE'I BDAG NYID DU YANG KHAS MA BLANGS SO ZHES BSTAN PA YIN NO, ,DE'I BDAG NYID MED KYANG 'BREL PA'I PHYIR 'PHEN PA YIN NO ZHES DOGS PA BSU BA NI, THA DAD KYANG ZHES BYA BA'O, ,DNGOS PO DANG DNGOS PO MED PA DE'I BDAG NYID MA YIN YANG, KHYAD PAR DANG KHYAD PAR CAN GYI DNGOS PO'I MTSAN NYID KYI 'BREL PA LAS 'PHEN PA YIN NO ZHES BYA BA'I DON TO, ,MA YIN TE ZHES BYA BA LA SOGS PA'I GRUB PA'I MTHAR NI DON 'DI YIN TE, DNGOS PO DANG DNGOS PO MED PA DE DAG DE'I BDAG NYID MA YIN NA BUM PA MED PA SHING GI RANG BZHIN MA YIN PAS NA, BUM PA DNGOS PO GZHAN SHING LAS LDOG PA MED PAR TE, THA MI DAD PAR RTOGS PAR 'GYUR RO, ,GANG ZHIG BUM PA MED PA LAS LDOG PA DE NI BUM PA NYID YIN TE DPER NA MNGON PAR 'DOD PA'I BUM PA BZHIN NO, ,KHYOD KYIS 'DOD PAS SHING YANG BUM PA MED PA LAS LDOG PA YIN NO, ,

DE'I PHYIR ZHES BYA BA NI BUM PA DANG SHING DE'I BDAG NYID YIN PA'I PHYIR DNGOS PO MED PA'I TSAD MA GZHAN GYIS LDOG PA STE DNGOS PO MED PA RTOGS PAR KHAS LEN PA YIN NA YANG, LDOG PA DE DANG GCIG TU 'GYUR PA DE NYID GNYIS 'BREL PA MED PA NYID DU RTOGS PA STE NGES PAR 'GYUR RO, ,GANG LAS SNYAM NA LDOG PA MED PA DANG ZHES BYA BA'O, ,DNGOS PO PHAN TSUN THA DAD PA MED PA RNAMS NI THA DAD PA DANG 'BREL PAR RTOGS PAR NUS PA MA YIN NO, ,DES NA GAL TE BUM PA DANG SHING GCIG TU GYUR NA, DE'I TSE DE DAG DNGOS PO MED PA DANG 'BREL PAR RTOGS MI NUS SO ZHES BYA BA'I DON TO, ,'ON TE ZHES BYA BA LA SOGS PA'I DON NI 'DI YIN TE, GAL TE YANG DNGOS PO MED PA LAS DNGOS PO THA DAD PAS NA BUM PA DANG SHING DAG DE'I BDAG NYID YIN PA DE LTA NA YANG DNGOS PO MED PAS THA DAD PA DANG DNGOS PO TSOGS PA YANG GCIG LA RAG LAS PA'I 'BREL PA YOD PA NYID DO, ,DES NA THA DAD PA 'BREL PA RTOGS PAR MI NUS SO ZHES CI LTAR BRJOD SNYAM PA'O, ,THA MI DAD KYANG ZHES BYA BA NI SHING DANG BUM PA THA MI DAD KYANG, DNGOS PO DANG DNGOS PO MED PA DAG TSOGS PA GCIG LA RAG LAS PA'I PHYIR RO, ,LDOG PA DANG ZHES BYA BA NI DNGOS PO MED PA DANG NGO, ,LAN NI DE NI MI 'THAD DO ZHES BYA BA'O, ,DNGOS PO LAS DNGOS PO MED PA THA DAD PAR KHAS LEN NA, DNGOS PO MED PA 'DI DNGOS PO DE'I 'BREL ZLA MA YIN NO, ,CI'I PHYIR ZHE NA, BUM PA'I DON NI RANG NYID DE RANG GI NGO BOS RJES SU 'GRO BA'I PHYIR TE SHING LAS THA MI DAD PA'I PHYIR RO, ,DNGOS PO MED PA THA DAD PA YIN YANG DNGOS PO GNYIS THA DAD PAR CI STE MA YIN SNYAM NA, DNGOS PO LAS GZHAN PA'I DNGOS PO MED PA YOD KYANG DES NI, SHING LAS THA MI DAD PA'I BUM PA'I THA DAD PAR NI 'GYUR BAR MI 'OS SO, ,GAL TE DNGOS PO DANG DNGOS PO MED PA GNYIS TSOGS PA GCIG LA RAG LAS BAS 'BREL PA'I PHYIR DNGOS PO DNGOS PO GZHAN LAS DNGOS PO MED PAS 'BYED PAR 'GYUR RO ZHE NA, RVA 'DI NI ZHES BYA BA'O, ,DUS MNYAM DU BUM PA'I RVA DAG NI TSOGS PA GCIG LA DAG LAS KYANG KHYAD PAR DANG KHYAD PAR CAN GYI DNGOS PO MA YIN NO, ,DE BZHIN DU DNGOS PO DANG DNGOS PO MED PA DAG KYANG DE LTA MA YIN NA YANG DER MI 'GYUR RO, ,RVA GNYI GA YANG NGO, ,RNAM PAR CHAD PAR NI MI 'BREL PAR RO, ,RVA 'DI NI RVA 'DI YIN NO ZHES BYA BA NI MA YIN TE, 'O NA PHAN TSUN PHAN 'DOGS PAS KHYAD PAR DANG,

, ,KHYAD PAR CAN GYI NGO BO YIN NO ZHE NA, PHAN TSUN ZHES BYA BA STE PHAN 'DOGS PAR BYED PA NI RGYU NYID KYIS SNGAR 'GYUR BA'I PHYIR RO, ,'O NA GZHI DANG GZHI CAN GYI DNGOS PO DE'I RGYU MTSAN YIN NO ZHES DOGS PA NI, GZHI DNGOS PO MED PA DANG GZHI CAN DNGOS PO STE, DNGOS PO NI RIGS MTHUN PA DANG MI MTHUN PA'I DNGOS PO MED PA LA GNAS PA YIN NO ZHES BYA BA'I DON TO, ,GZHI DANG GZHI CAN GYI DNGOS PO MA YIN NO, ,CI'I PHYIR ZHE NA, BLA 'OG TU ZHES BYA BA STE DNGOS PO MED PA 'OG TU GNAS PA'I STENG NA DNGOS PO 'DUG PAR RTOGS PA NI MED DO, ,LDOG PA'I ZHES BYA BA LA SOGS PA NI DOGS PA'O, ,LAN NI GAL TE DE LTA NA GZHI DANG GZHI CAN GYI DNGOS PO YIN NA DE'I TSE 'BREL PAR RTOGS PAR MI 'GYUR RO, ,CI'I PHYIR ZHE NA, GANG ZHIG CES GSUNGS SO, ,'DI NYID KHYAD PAR DU RTOGS PA NI BUM PA'I NANG NA GNAS PA'I SNANG BA'AM, MUN PA LA BUM PA'I ZHES BRJOD PA'AM, SNAM BU'I DBUS NA GNAS PA'I BUM PA LA SNAM BU'I ZHES BRJOD PA NI MED DO, ,DNGOS PO MED PA'I ZHES BYA BA LA SOGS PA NI RTZOD PA'O, ,BUM PA DANG SNAM BU DAG GI DBUS SU GNAS PA NI GDON MI ZA BAR DNGOS PO MED PA'I DBUS SU GNAS PAR 'GYUR RO, ,CI'I PHYIR ZHE NA, DNGOS PO MED PA MED NA NI ZHES BYA BA'O, ,GANG GI PHYIR DNGOS PO DAG NI, DBUS SU GNAS PA NI DNGOS PO MED PA YOD PA KHO NAS 'GYUR BA YIN NA, CI'I PHYIR ZHE NA, DE ZHES BYA BA BUM PA LA SOGS PA KHYAB PA NYID DU THAL BA'I PHYIR RO, ,BUM PA LA SOGS PAS SNAM BU LA SOGS PA KHYAB PAR 'GYUR RO ZHES BYA BA'I DON TO, ,DES NA DNGOS PO LAS THA DAD PA'I DNGOS PO MED PA NI YOD PA KHO NA YIN LA; DE YANG DNGOS PO BSTAN PA'I SGO NAS SGRAS 'PHEN PA YIN NO, ,DES NA DNGOS PO MED PA NI DNGOS PO'I RANG BZHIN NYID YIN NO ZHES GANG BRJOD PA DANG, DNGOS PO NGES PA NYID DNGOS PO MED PA'I NGES PA YIN NO ZHES BRJOD PA DE YANG BSAL BA YIN NO ZHES BSAMS PA'O, ,LAN NI 'O NA ZHES BYA BA'O, ,GAL TE DNGOS PA 'GA' ZHIG DNGOS PO GNYIS KYI DBUS SU CHUD PA DE, DE'I BAR NA GNAS PA'I DNGOS PO MED PA MED PAR MI 'THAD NA, DES NA DNGOS PO MED PA'I DBUS SU YANG DNGOS PO GNAS PA YIN NA, DE LTA NA 'O NA DNGOS PO'I DBUS 'BA' ZHIG TU MA ZAD KYI, DNGOS PO MED PA GZHAN MED NA, DNGOS PO MED PA'I DBUS SU

YANG GNAS PAR MI 'GYUR GYI, DNGOS PO MED PA GZHAN LA LTOS PA KHO NAS GNAS PAR 'GYUR RO, ,CI'I PHYIR ZHE NA, KHYAB PAR THAL BA NYID KYI PHYIR RO, ,GAL TE DNGOS PO MED PA DANG PO LA LDOG PA'I RGYU MTSAN DNGOS PO MED PA GNYIS PA MA BRTAGS NA DE'I TSE DNGOS PO DANG PO LA DNGOS PO DE'I BDAG NYID KYIS KHYAB PAR 'GYUR RO, ,DE'I PHYIR DNGOS PO MED PA DANG PO'I DBUS SU GNAS NA NGES PAR DNGOS PO MED PA GZHAN GYI BAR NA GNAS PAR 'GYUR LA, DE LTA NA YANG DNGOS PO MED PA GZHAN GYI YANG DBUS NA GNAS PAR 'GYUR BAS THUG PA MED DO, ,'ON TE YANG RANG GI NGO BO KHO NAS DNGOS PO DNGOS PO MED PA'I DBUS SU GNAS PA YIN PA DES NA THUG PA MED PA MA YIN NO SNYAM NA, DON DE ZHES BYA BA'O, ,DNGOS PO MED PA GZHAN LA GNAS PAR 'GYUR RO ZHES BYA BA'I DON TO, ,DE LTA YIN DANG THUG PA MED PA NYID DU 'GYUR RO ZHES BRJOD PA NI, GANG ZHIG GNAS NA ZHES BYA BA'O, ,BUM PA DANG SNAM BU DAG GI BAR NA GNAS PA'I SA PHYOGS GANG YIN PA DE NI BUM PA'I GZHI YIN LA, GZHI DE LAS THA DAD PA'I DNGOS PO MED PA GANG YIN PA MED PAR 'GYUR RO, ,DPER NA SNAM BU'I ZHES BYA BA NI, SHING DANG BUM PA DAG GI BAR NA GNAS PA'I SNAM BU'O, ,PHYOGS KYI CHOS BRJOD PA NI, DNGOS PO MED PA'I ZHES BYA BA'O, ,GAL TE ZHES BYA BA LA SOGS PA NI RTZOD PA'O, ,RANG NYID CES BYA BA NI DNGOS PO MED PA GZHAN LA MI LTOS PAR DNGOS PO DE'I DBUS NA GNAS PA'O, ,CI'I PHYIR ZHE NA, DNGOS PO MED PA ZHES SMOS TE, DE'I ZHES BYA BA DNGOS PO MED PA'I RANG BZHIN YIN PA'I PHYIR RO, ,DNGOS PO NI DNGOS PO MED PA LAS LDOG PA NA, DNGOS PO MED PA'I DBUS SU GNAS PA YIN LA, DNGOS PO MED PA LAS LDOG PA YANG DNGOS PO MED PA GZHAN DANG LDAN PAS MA YIN TE, DE NI RANG NYID DNGOS PO MED PA'I RANG BZHIN YIN PA'I PHYIR RO, ,'DI NYID BSGRUB PA'I DON DU DPE BRJOD PA NI, LA CHA ZHES BYA BA'O, ,DE YANG NI LA CHA YANG NGO, ,CI'I PHYIR GZHAN YOD PA MA YIN ZHE NA, RANG NYID CES BYA BA STE, SBYOR BA BYED PA GZHAN MED PA KHO NAR RO, ,DE LTA BU ZHES BYA BA NI SBYOR BAR BYED PA NYID DU'O, ,LA CHA NI RANG NYID ME LA LTOS TE SHING SBYOR BAR BYED PAR 'GYUR GYI, DNGOS PO MED PA NI RANG NYID KHYAB PA'I DNGOS PO'I DBUS SU GNAS SAM, MA KHYAB PA'I PHYOGS DANG PO LA BRJOD

, ,PA NI, DNGOS MED CES BYA BA'O, ,GNYIS PA LA BRJOD PA NI GAL TE ZHES BYA BA'O, ,DON MED 'GYUR ZHES BYA BA NI DNGOS POS MA KHYAB PA NYID KYIS BAR NA GNAS PA 'GRUB PA'I PHYIR RO, ,GAL TE RANG GI NGO BOS DNGOS PO MED PA'I BAR NA GNAS NA, DE KHO NA BZHIN DU DNGOS PO MED PA'I DBUS SU YANG CI STE MI GNAS, DE LTA NA YANG DNGOS PO MED PA'I GZHAL BYA SMRA BA NI DON MED DO, ,NYES PA LHAG PA BRJOD PA NI DNGOS PO MED PA GANG ZHES BYA BA STE, DNGOS PO KHYAB PA NYID YIN NA SKYON YIN PA 'BA' ZHIG TU NI MA ZAD KYI, 'ON KYANG GAL TE DNGOS PO MED PA YANG KHYAB PA YIN NA DE'I TSE KHAMS GSUM DNGOS PO MED PA NYID KYIS KHYAB PA'I PHYIR DNGOS PO'I DRI TZAM YANG YOD PAR MI 'GYUR RO, ,DE MED NA YANG, GANG GI DBUS SU SU ZHIG GNAS PAR 'GYUR, ,DNGOS MED NGO BO NYID KYIS NI, ,ZHES BYA BA LA SOGS PA 'CHAD PA NI, DNGOS PO MED PA NI ZHES BYA BA'O, ,CI'I PHYIR ZHE NA, MA KHYAB PA NYID DANG ZHES BYA BA STE, MA KHYAB PA NYID MA KHYAB PAR THAL LO ZHES BYA BA'I DON TO, ,GAL TE DNGOS PO ZHES BYA BA LA SOGS PA 'CHAD PA NI, MA KHYAB PA NYID DU ZHES BYA BA'O, ,DE NI ZHES BYA BA NI MI 'DRE PA'O, ,GAL TE ZHES BYA BA NI RTZOD PA'O, ,GAL TE DNGOS POS KHYAB PA MA KHYAB BAR BYED NA, DE'I TSE BUM PA LA SOGS PA'I DNGOS PO DE KHYAB PAR KHAS BLANGS BA NA 'DRES PAR 'GYUR RO, ,NAM GYI TSE ZHE NA, DNGOS PO MED PAR MA 'DRES PAR MA BYAS PA'I SNGON ROL DU'O, ,DE LTA MA YIN MOD SNYAM NA, PHYI NAS ZHES SMOS TE, DNGOS PO KHYAB PA CI LTAR GZHAN DU STE MA KHYAB PAR 'GYUR CI'I PHYIR ZHE NA, KHYAB PA NI ZHES BYA BA'O, ,SNGAR ZHES BYA BA NI DNGOS PO MED PAS MA 'DRES PAR BYAS PA LAS SNGAR RO, ,'ON TE SNGAR NI DNGOS PO MA KHYAB PA NYID MED BA NYID DO ZHE NA 'ON ZHES BYA BA NI LAN NO, ,DE LTA BU ZHES BYA BA NI GZHAN GYI RANG BZHIN DANG MA 'DRES PA'O, ,GZHAN DU ZHES BYA BA 'DRES PA'I RANG BZHIN DU MA MTHONG BA'I PHYIR RO, ,BUM PA LA SOGS PA'I DNGOS PO NI KHYAB PA MA YIN MA KHYAB PA YANG MA YIN PA'O, ,DE MED PA DANG ZHES BYA BA NI KHYAB PA MED PA DANG NGO, ,DE SKAD DU YANG, BHAR TI HA RIS BSHAD PA YIN NO, ,SPROS PA'I BDAG NYID DNGOS RNAMS LA, ,ZHES BYA BA NI, SGRA'I TSANGS PA'I RANG BZHIN DU YONGS SU GYUR PA RNAMS LA SHING NI SHING MA YIN PA LAS THA DAD DO ZHES BYA BA'I THA SNYAD GANG

YIN PA DE NI GZHAN GYI KHYAD PAR CAN TE, PHAN TSUN MED PA'I KHYAD PAR CAN NA, SHING NYID KYI SPYI'I KHYAB PAR CAN YIN LA, DE BA DANG SER LDENG LA SOGS PA THA MI DAD DO ZHES BYA BA'I THA SNYAD KYANG GZHAN GYI KHYAD PAR CAN DE NYID SHING GI SPYI'I KHYAD PAR CAN YIN NO, ,DE LTAR THA DAD PA DANG THA MI DAD PA'I MTSAN NYID KYI SPROS PA 'DI NI, RTOGS PA YIN NO, ,GAL TE GNYIS DANG ZHES BYA BA LA SOGS PA'I GRUB PA'I MTHA'I DON NI 'DI YIN TE, DPER NA RNAM PA GZHAN DU RTOGS PA'I GOS LA LE BRGAN LA SOGS PA'I TSON RTZI DANG LDAN PAS TSON DANG LDAN PA YIN NO ZHES RTOGS PA DE BZHIN DU, GAL TE THA DAD PA DANG THA MI DAD PA'I KHYAD PAR DANG BRAL BAR CHOS CAN GYI RANG BZHIN GYI DNGOS PO DE 'BA' ZHIG GZHAN DU RTOGS PA YOD NA'O, ,CI 'DRA BA ZHIG CE NA, GNYIS DANG BRAL BAR TE, THA DAD PA DANG THA MI DAD PA DANG BRAL BAR RO, ,DE'I TSE GZHAN TE THA DAD PA DANG THA MI DAD PA'I KHYAD PAR GNYIS DANG LDAN PAS NA, GANG ZHIG THA DAD PA DANG THA MI DAD PA'I KHYAD PAR DANG BRAL BAR RTOGS PA'I DNGOS PO STE, CHOS CAN GYI RANG BZHIN TE GNYIS LA ZHES BYA BA THA DAD PA DANG THA MI DAD PA LA BRTEN CES SMRA BAR RTOGS PAR 'GYUR RO, ,'DI YANG GZHAN GYI LUGS LA BRTEN NAS BRJOD PA YIN TE, GANG ZHIG RNAM PA GZHAN DU RTOGS BA DE NI GZHAN DANG LDAN PAS RNAM PA GZHAN DU 'GYUR BA MI SRID DE, DE LAS GZHAN DANG LDAN PAS NI DE LA CI YANG MI BYED PA'I PHYIR RO, ,DE NI RNAM PA GZHAN DU RTOGS PA YANG MA YIN NA DE CI LTAR GZHAN DANG LDAN PAS GNYIS LA BRTEN PA ZHES BYA BAR RTOGS, DE NYID KYI PHYIR DE LTA MA YIN NA NI ZHES GSUNGS TE, 'BA' ZHIG PAR RTOGS PA MED NA'O, ,'DI LTAR 'GYUR TE ZHES BYA BA 'DI'I DON BRJOD PA NI, DNGOS DE ZHES BYA BA CHOS CAN GYI RANG BZHIN GYI DON DANG, CHOS CAN DE LAS GZHAN THA DAD BA DANG THA MI DAD PA GNYIS DANG, CHOS CAN DANG THA DAD PA DANG THA MI DAD PA DE RNAMS KYI 'BREL BA STE DE LTAR DE GSUM RNAM PAR RTOG PA DANG BCAS PA'AM RTOG PA MED PA'I SHES PAS RTOGS PAR 'GYUR RO, ,CI LTAR 'DI GSUM RANG GI NGO BOS RTOGS PAR 'GYUR ZHE NA, GANG GI PHYIR KHYAD PAR RNAMS KHYAD PAR CAN DANG LHAN CIG MA 'DRES PAR RO, ,'ON TE RANG GI NGO BO NYID DU NI RTOGS BA MA YIN TE, 'ON KYANG 'DRES PA NYID DU YIN NO SNYAM DU DOGS PA NI, GAL TE ZHES BYA BA'O, ,LAN NI DE LTA NA NI ZHES BYA BA STE, MA 'DRES PA

, ,RNAMS LA 'DRES PA NYID DU RTOGS NA NI 'KHRUL PA KHO NAR 'GYUR TE, KHYAD PAR GYI RANG GI NGO BO 'DZIN PA'I RTOGS PA MED PAR 'GYUR RO ZHES BYA BA'I DON TO, ,DE LTAR 'GYUR MOD SNYAM NA, DE LTA NA NI ZHES SMOS TE 'KHRUL BAR GYUR NA, KHYAD PAR GYI MTSAN NYID DU GYUR PA'I DON MED PA STE YOD PA'I THA SNYAD DU MI 'GYUR RO, ,'O NA SGRA'I DON GANG ZHIG YIN SNYAM NA MA RIG PA ZHES BYA BA STE RNAM PAR RTOG PA'I GZUGS BRNYAN DE KHO NA TZAM ZHIG SHING LA SOGS PA'I SGRA RNAMS KYI DON YIN PAR 'GYUR RO, ,YANG NA 'ON KHYAD PAR RNAMS 'DRES PA KHO NA YIN NO ZHE NA, DE LTA NA NI ZHES GSUNGS TE THA MI DAD PAR GYUR NA, SHING LA SOGS PA'I TSIG RNAMS KYI DON KHYAD PAR DU GYUR PA DAG MED PA'I PHYIR TE, YOD PAR MI 'GYUR RO, ,DE LTA NA NI KHYAD PAR DANG LDAN PA'I DNGOS PO YANG MED PAR 'GYUR TE, MED PAR MED PAS NA ME DANG CHU LA SOGS PA'I KHYAD PAR CAN RNAMS THA DAD PA'I PHYIR RO, ,DES NA SHING LA SOGS PA'I TSIG GIS DON THA DAD PA DANG THA MI DAD PA'I MTSAN NYID NI MI RIGS PA TZAM DU 'GYUR RO, ,GZHAN YANG SHING GI MTSAN NYID KYI DNGOS PO SNGAR BUM PA LA SOGS PA DAG DANG 'DRES PA GANG YIN PA THA DAD PA DANG THA MI DAD PA'I KHYAD PAR GYI DBANG GIS KHYAD PAR GZHAN DANG LDAN PA'I BUM PA LA SOGS PA LAS THA DAD PA DANG LDAN LA DU BA LA SOGS PA'I GSAL BA LAS NI THA MI DAD PA DANG LDAN PA DE CI KHYAD PAR DANG LDAN PA GZHAN LAS ZLOG PA NA CI LTAR KHYAD PAR GYI DBANG GIS LDOG PA DANG RANG GI GSAL BA LA NI RJES SU 'JUG PA DE KHO NA LTAR KHYAD PAR YANG KHYAD PAR GZHAN GYI DBANG GIS LDOG GAM 'ON TE RANG GI NGO BO KHO NAS YIN, GAL TE KHYAD PAR GZHAN GYI DBANG GIS LDOG PA YIN NA, DE'I TSE YANG KHYAD PAR GZHAN GYI DBANG GI YIN PA'I PHYIR DE LTAR KHYAD PAR RNAMS THUG PA MED PAR GSAL BA KHO NA'O, ,DES NA PHYOGS GNYIS PA LA BRJOD PA NI, KHYAD PAR DANG LDAN PA DE YANG ZHES BYA BA'O, ,GAL TE KHYAD PAR NI RANG NYID KHO NA THA DAD KYI, KHYAD PAR DANG LDAN PA NI KHYAD PAR DANG LDAN PA GZHAN LAS KHYAD PAR GYIS LDOG PA YIN PA DES NA KHYAD PAR RTOGS PA DON MED PAR CI LTAR 'GYUR ZHE NA, KHYAD PAR LAS NI ZHES BYA BA'O, ,RANG GI NGO BOS KHYAD PAR LAS KHYAD PAR CAN THA DAD YOD NA DE'I TSE KHO NAS PHYUNG LA THA DAD PA DE NYID CES SBYAR RO, ,BLTAS PA LA YANG ZHES

YANG GI SGRAS NI KHYAD PAR SDUD PA'O, ,KHYAD PAR LA LTOS TE DE THA DAD PA 'BA' ZHIG TU NI MA ZAD KYI 'ON KYANG KHYAD PAR DANG LDAN PA GZHAN LA LTOS NA YANG YIN NO, ,KHYAD PAR LA LTOS TE RANG GI NGO BO THA DAD PA NYID GANG YIN PA DE NI KHYAD PAR CAN LA LTOS TE THA DAD PA GANG YIN PA DE LAS GZHAN NYID YIN NO ZHE NA, MA YIN TE ZHES BYA BA NI LAN NO, ,THA DAD GZHAN DU YANG ZHES BYA BA NI, KHYAD PAR CAN GZHAN LA LTOS TE BRTAGS PAS SO, ,THA DAD PA RNAMS LA YANG THA DAD PA'I DOGS PA BSU BA NI, KHYAD PAR 'DI LAS KYANG ZHES BYA BA NI KHYAD PAR CAN GZHAN LAS KYANG THA DAD BA'O ZHES DE SNYAM DU SEMS PA'I BLO SKYE BA'I PHYIR THA DAD PAR 'GYUR PA RNAMS KYI THA DAD PA RTOGS PA'O, ,GAL TE THA DAD PAR RTOGS PA LA DON DAM PA NYID BRJOD ZIN KHO NA MA YIN NAM, YANG DE BRTAGS PA DES CI LTAR ZHES DOGS NA, TSAD MAS ZHES BYA BA'O, ,DON GANG ZHIG TSAD MAS GRUB PA DE NI DON MED KYANG DOR BA'I YUL NYID DU BRTAGS PAR NUS PA MA YIN TE, TSAD MAS GRUB PO ZHE NA NI DE'I TSE GZUNG BAR BYA BA KHO NA'O ZHES BYA BA'I DON TO, ,GAL TE ZHES BYA BA LA SOGS PA NI LAN NO, ,GAL TE DE LTAR THA DAD PAR GYUR PA RNAMS LA THA DAD BAR BRTAGS NA, DE'I TSE KHYAD PAR DANG LDAN PA GZHAN 'BA' ZHIG LAS THA DAD PAR NI MA ZAD KYI 'ON KYANG KHYAD PAR LAS KYANG THA DAD PAR 'GYUR RO ZHES BYA BA DE LTA BUR RNAM PAR RTOG PA'I PHYIR THA DAD PA GZHAN KHAS BLANG BAR BYA'O, ,KHAS BLANGS PA'I KHYAD PAR DE LAS KYANG THA DAD PA GZHAN KHAS BLANG PAR BYA BA YIN PA'I PHYIR THUG PA MED DO, ,DES NA KHYAD PAR LAS NI KHYAD PAR CAN RANG GI NGO POS LDOG PA YIN NO ZHES BYA BA DE MED PAR 'GYUR RO ZHES BRJOD PA NI RANG GI NGO BOS NI ZHES BYA BA'O, ,GAL TE THA DAD PA KHYAD PAR GZHAN LA LTOS PAR SMRA BA NI, RANG GI NGO BO THA DAD PA MED PA KHO NA'O ZHES ZHE LA BZHAG NAS SMRAS PA NI, LEGS PAR BYON TE ZHES BYA BA'O, ,GRUB PA'I MTHAR NI DON 'DI YIN TE, KHYAD PAR DANG LDAN PA'I NGO BOS GZHAN LA THA DAD PA YOD PA MA YIN NO, ,RANG BZHIN GZHAN GYIS KYANG THA DAD PAR MI 'GYUR RO, ,CI'I PHYIR ZHE NA 'DI LTAR THA DAD PAR BYA BA'I KHYAD PAR LAS THA DAD PA MED NA THA DAD PAR BYED PA DE YANG GZHAN YIN PAR CI LTAR 'GYUR TE MI 'GYUR BA KHO NA'O, ,'JIG RTEN GSUM LAS CHOS CAN THA DAD PA MED PA YIN NA, ,THA DAD PAR BYED PA LAS KYANG THA MI DAD PA KHO NA'O, ,DE LTA NA YANG THA DAD PAR

, ,BYED PA CHOS CAN GYI RANG BZHIN DU GYUR PA NA, GZHAN GYI RANG BZHIN GYI SGRAS BRJOD PAR BYA BA NYID MED PAR 'GYUR TE, DES NA GZHAN GYI RANG BZHIN GYI THA DAD PAR YIN NO ZHES CI LTAR BRJOD, 'DI NYID BRJOD PA NI RANG GI ZHES BYA BA'O, ,THA DAD PA MA YIN PA NI CHOS CAN GYI RANG BZHIN NO, ,DE ZHES BYA BA NI GZHAN GYI RANG BZHIN GYI KHYAD PAR RO, ,GZHAN MA YIN PA NI CHOS CAN GYI RANG BZHIN NYID DO, ,NAM GYI TSE ZHE NA, CHOS CAN LAS THA DAD PA MA YIN NA NI 'O, ,DE ZHES BYA BA NI CHOS CAN NO, ,GZHAN NYID CES BYA BA NI GZHAN DU GYUR PA'I THA DAD PAR BYED PA'O, ,DE MED PA'I PHYIR TE GZHAN DU GYUR PA'I THA DAD PAR BYED PA MED PA'I PHYIR RO, ,DE LAS ZHES BYA BA NI THA DAD PAR BYED PA'I CHOS LAS TE, DE'I DBANG GIS KHYAD PAR CAN GZHAN LAS CHOS CAN THA DAD PAR CI LTAR 'GYUR, THA DAD PAR BYED PA CI LTA BU ZHIG CE NA, CHOS CAN LAS RANG GI NGO BOS THA DAD PA'O, ,CHOS CAN GYI RANG BZHIN CI LTA BU ZHIG CE NA, THA DAD PAR BYED PA THA DAD PA DE LAS RANG BZHIN THA DAD PA MED PA YANG NGO, ,YANG NI LHAG PA'I DON TO, ,GAL TE THA DAD PA BYED PA DE NI RANG NYID CHOS CAN LAS RANG BZHIN GYIS THA DAD PA YIN NA, DE'I TSE CHOS CAN GZHAN YANG THA DAD PAR BYED PA LAS DE LTAR THA DAD PAR 'GYUR RO, ,THA DAD PAR BYED PA CHOS CAN GYI RANG BZHIN LAS THA DAD PA YIN YANG, CHOS CAN GYI RANG BZHIN NO, ,DE LAS THA DAD PAR CI LTAR 'GYUR SNYAM NA, GANG GI PHYIR THA DAD PAR BYED PA CHOS CAN LAS RING DU SONG BA STE, CHOS CAN RGYANG RING DU SPANGS PAS NI CHOS CAN GYI SLAR 'ONG BAR NUS PA MA YIN NO, ,GAL TE CHOS CAN GYIS CHOS SPANGS TE, CHOS CAN GYI RANG BZHIN LAS THA DAD PA NYAMS SU MYONG NA; DE'I TSE CHOS CAN YANG CHOS KYI GAM DU SLAR 'ONG BA STE, CHOS LAS THA MI DAD PA NYAMS SU MYONG BAR BYED NUS PAR CI LTAR 'GYUR, THA DAD PA DANG NI THA MI DAD PAR 'GYUR PAR MI NUS SO, ,DES NA GCIG RANG GI NGO POS THA DAD PA YIN NA, GZHAN YANG DE LTAR THA DAD PA KHO NAR 'GYUR RO, ,GANG GI TSE ZHES BYA BA LA SOGS PA NI PHYED SNGA MA RNAM PAR 'GREL PA'O, ,DE LAS ZHES BYA BA NI CHOS CAN LAS SO, ,DE LAS GZHAN DAG CES BYA BA NI CHOS TE, RANG GI NGO BOS THA DAD PAR SHIN DU GSAL LO ZHES KHONG NAS DBYUNG NGO, ,GAL TE RANG GI NGO BOS THA DAD PA NA YANG, THA DAD PAR BYED PA DON DANG LDAN PAR 'GYUR RO ZHE NA, RANG

TSON GYIS MA BSGYUR BAR ZHES BYA BA'O, ,GAL TE CHOS CAN LAS THA DAD PAR BYED PA THA DAD KYI, THA DAD PAR BYED PA LAS NI CHOS CAN GYI RANG BZHIN MA YIN NO ZHES DOGS PA SEL BAS PHYED PHYI MA 'CHAD PA NI, THA MI DAD PA LAS NI ZHES BYA BA STE, THA DAD PAR BYED PA DANG THA MI DAD PA CHOS CAN GYI RANG BZHIN LAS NI THA DAD PAR BYED PA THA DAD PAR 'GYUR BAR RO, ,CI LTAR THA MI DAD PA LAS THA DAD PAR MI 'GYUR ZHE NA, THA DAD PA ZHES SMOS TE THA DAD PAR BYED PA'O, ,CHOS CAN THA DAD PA MED PAR ZHES BYA BA RANG LAS THA DAD PAR MA BYAS PAR RO, ,THA DAD PAR ZHES BYA BA NI CHOS CAN LAS GZHAN DU GYUR PAR RO, ,GANG GI PHYIR DE LTAR GNYI GA YANG GCIG NYID LAS THA DAD PA MED PA DE'I PHYIR, THA DAD PA GCIG RANG GI NGO BOS THA DAD PAR GYUR PA NA, CHOS CAN THA DAD PA DANG LDAN PA YANG DE BZHIN DU ZHES BYA BA RANG GI NGO BOS THA DAD PA DER 'GYUR RO, ,DES NA DE LTAR KHYAD PAR DANG KHYAD PAR CAN BZHIN DU CHU DANG ME LA SOGS PA KHYAD PAR DANG LDAN PA RNAMS KYI GZHAN LAS KHYAD PAR GYI THA DAD PA MA YIN NO, ,KHYAD PAR NI RANG GI NGO BOS THA MI DAD PA RNAMS KYI THA DAD PA BYED PA NI MA YIN TE NUS PA MED PA'I PHYIR RO, ,THA DAD PA RNAMS LA YANG KHYAD PAR GYIS CI ZHIG BYA STE, RANG NYID KHO NAS THA DAD PA'I PHYIR NA DON MED PAS SO, ,DE'I PHYIR ZHES BYA BA NI GZHAN LAS KHYAD PAR GYI THA DAD PA YOD BA MA YIN PA'I PHYIR RO, ,CI SKAD DU RNAM PAR GCAD BZHIN BA LAS MA GTOGS PA'I RNAM PAR GCOD PA NI MED DO ZHES BRJOD PA'I DE'I MJUG SDUD PA NI, THA DAD PA DANG DON GYI RANG BZHIN ZHES BYA BA'O, ,LDOG PA DANG LDOG PA DANG LDAN PA DAG THA MI DAD DO ZHES BYA BA'I DON TO, ,SKABS KYI MJUG SDUD PA'O, ,DES NA THA DAD PA NYID CES BYA BA STE GRUB PA NI MA YIN PA'O, ,'DI NYID BRJOD PA NI DE NYID CES BYA BA'O, ,DE LTA MA YIN NA ZHES BYA BA NI THA DAD PA BRJOD BYA MA YIN NA'O, ,THA DAD PA SPANGS PA LA NI SGRUB PA YANG BRJOD PAR MI 'GYUR RO ZHES BYA BA'I DON TO, ,CI'I PHYIR ZHE NA, 'CHOL PA STE 'DRES BA'I RANG BZHIN NI DNGOS PO NYID DU MI RUNG BA'I PHYIR RO, ,'DRES NA DNGOS POR CI LTAR MI RUNG ZHEN, DNGOS PO NI ZHES BYA BA'O, ,GAL TE DE LTA YIN DU CHUG MOD DE LTA NA YANG CI ZHIG GRUB SNYAM NA, THAMS CAD 'DRES NA ZHES BYA BA'O, ,DES 'CHOL NA DNGOS POR MI RUNG BA'I PHYIR RNAM PAR GCOD PA MA BRJOD NA DNGOS PO BRJOD PA NYID DU MI 'GYUR RO

, ,DE BAS NA DE NYID LHUR BRJOD PAR BYA BA YIN NO, ,GAL TE RNAM PAR GCOD PA YANG CI LTAR BRJOD BYA YIN TE, TSAD MAS MA RTOGS PAS NA, DE LA BRDA MED PA'I PHYIR RO ZHE NA, DON GZHAN LAS ZHES BYA BA'O, ,DE LA ZHES BYA BA NI MNGON SUM DU GYUR PA'I RNAM PAR GCOD PA LA'O, ,RNAM PAR GCOD PA NYID CES BYA BA NI RNAM PAR GCAD BZHIN PA'O, ,DE'I PHYIR DE NYID BRJOD PAR BYA BA YIN ZHE NA, LOG PA NI ZHES BYA BA'O, ,THA DAD PA DANG DON GYI NGO BO DAG DE'I BDAG NYID YIN NA YANG CI LTAR THA DAD BA MA BRJOD NA, DNGOS PO MA BRJOD PA DE BZHIN DU DNGOS PO MA BRJOD NA YANG THA DAD PAR BRJOD PAR MI 'GYUR RO ZHES DOGS PA BSU BA NI GAL TE ZHES BYA BA'O, ,THA DAD NA NI DE NYID SPYI YIN TE, DES NA SPYI NYID BRJOD PAR BYA BA YIN NO DE'I PHYIR RNAM PAR GCOD PA NI NGAG GI 'BRAS BU MA YIN NO ZHES DOGS BA NI, 'ON TE ZHES BYA BA'O, ,DE LTA NA YANG ZHES BYA BA NI RIGS NYID DU GYUR PA NA'O, ,BUM PA DE NYID RIGS MI MTHUN PA LAS RANG GI NGO POS LDOG PAR BRJOD PA YIN NO, ,DE RANG GI NGO BOS MA LOG PA NI, SPYI DANG LDAN PAS LDOG PAR 'GYUR BA NI MA YIN NO, ,CI'I PHYIR DE LTA MA YIN ZHEN, 'DI NI ZHES GSUNGS SO, ,GAL TE MA LOG PA DE DANG LDAN PAS LDOG PAR 'GYUR BA MA YIN NA, 'ON CI LTAR 'GYUR SNYAM DU DOGS NA, SPYI DANG ZHES BYA BA'O, ,MTSUNGS PA NYID DU 'GYUR GYI LDOG PA NI MA YIN NO ZHES BYA BA'I DON TE, 'DI YANG KHAS BLANGS NAS BRJOD PA YIN NO ZHES GSUNGS PA NI, MTSUNGS PA DER YANG 'GYUR BA MA YIN NO, ,CI'I PHYIR ZHE NA, SPYI GZHAN DANG LDAN PHA MI MTSUNGS PA NI MTSUNGS PA NYID DU 'THAD PA MA YIN NO, ,RANG GI NGO BO NYID KYIS MTSUNGS PA DANG MI MTSUNGS PA YIN NA NI SPYI DON MED PA DANG NUS PA MED PA'I NYES PAS ZIN PAR 'GYUR RO ZHES BRJOD PA NI, GAL TE ZHES BYA BA'O, ,'DI NYID BRJOD PA NI GAL TE ZHES BYA BA'O, ,CI LTAR SPYI DANG LDAN PAR 'GYUR ZHE NA, SPYI DE NI MTSUNGS BA LAS THA DAD PA RANG GI RANG BZHIN DU'O, ,'DI NYID GSAL BAR BYED PA NI, THA DAD PAR ZHES BYA BA NI, SPYI DANG DE DANG LDAN BDAG GO, ,THA MI DAD PAR ZHES BYA BA NI RJES SU SONG BA GCIG GI RANG BZHIN DU SNANG BA'O, ,GAL TE THA DAD PAR MA BZUNG NA NI ZHES BYA BA NI SPYI DANG KHYAD PAR DAG PHAN TSUN NANG DU 'DUS PAR GZUNG BA'I PHYIR RO, ,GSAL BA'I RANG BZHIN LAS THA DAD PA DANG THA MI DAD PA DAG TU

SNANG BA'I PHYIR SPYI DANG RANG BZHIN GNYI GA YIN NO ZHES DOGS PA NI, 'ON TE ZHES BYA BA'O, ,THA DAD BAR SNANG NA GSAL BA'I RANG BZHIN LA THA MI DAD PAR MI 'GYUR RO ZHES LAN BRJOD PA NI GAL TE THA DAD PAR ZHES BYA BA'O, ,DES NA ZHES BYA BA NI THA DAD PAR SNANG BAS NA'O, ,GSAL BA'I RANG BZHIN SPYI GZHAN DANG LDAN PAR 'GYUR TE, DES NA GSAL BA'I RANG BZHIN LAS THA MI DAD PAR MI 'GYUR RO ZHES BYA BA'I DON TO, ,THA MI DAD PAR SNANG NA YANG THA DAD PAR MI 'GYUR BA KHO NA'O ZHES BRJOD PA NI, THA DAD MED PAR ZHES BYA'O, ,DES NA ZHES BYA BA NI THA MI DAD PAR SNANG BAS NA, GSAL BA'I RANG BZHIN DE NI SPYIR 'GYUR TE, GSAL BA THA DAD PAR MI 'GYUR RO ZHES BYA BA'I DON TO, ,DES NA SPYI RANG BZHIN GNYIS PAR CI LTAR 'GYUR, 'DI NYID BRJOD PAR NI, GCIG LA NI ZHES BYA BA'O, ,GCIG NYID LA THA DAD PA DANG MI DAD PA'I RANG BZHIN GNYIS THA DAD PA KHO NA'O ZHES DOGS PA BSU BA NI, GAL TE ZHES BYA BA'O, ,RANG BZHIN GNYIS PAR 'GYUR BA MA YIN ZHES BYA BA NI RANG BZHIN GANG GIS THA DAD PA DE NI RANG BZHIN GCIG YIN LA, GANG GIS THA MI DAD PA DE YANG GZHAN YIN NO ZHES BYA BA DE LTAR SPYI RANG BZHIN GNYIS PA MA YIN PA KHO NA'O, ,CI'I PHYIR ZHE NA, PHAN TSUN ZHES BYA BA'O, ,DE LTA YIN NA CI SKYON SNYAM NA, DE LA ZHES BYA BA STE RANG BZHIN DE GNYIS LA'O, ,RANG BZHIN GNYIS SU GYUR NA SPYI'I RANG BZHIN NYID KYANG MA YIN NO ZHES BRJOD PA NI SPYI ZHES BYA BA'O, ,GSAL BA LA LTOS TE RANG BZHIN GNYIS PO SPYI'I RANG BZHIN NYID YIN NO ZHE NA, RANG BZHIN ZHES BYA BA'O, ,'DI NI RANG BZHIN GNYIS PO'O, ,SPYI'I RANG BZHIN THA DAD PHYIR, ,ZHES BYA BA RNAM PAR 'GREL PA NI, GAL TE ZHES BYA BA'O GAL TE RANG BZHIN THA DAD KYANG CI LTAR GSAL BA'I RANG BZHIN DU 'GYUR SNYAM NA, THA DAD PA'I ZHES BYA BA'O, ,DOGS PA NI GSAL BA NYID CES BYA BA STE, THA DAD PA'I PHYIR NI MA YIN NO ZHES BYA BA'O, ,LAN NI GSAL BA NYID CES BYA BA'O, ,DE DANG ZHES BYA BA NI GSAL BA NYID KYIS SPYI DANG NGO, ,RANG BZHIN GNYIS NI MTSUNGS PA NYID DU 'GYUR GYI GSAL BA'I RANG BZHIN NI MA YIN LA, DE NI SPYIR YANG 'THAD PA MA YIN NO ZHES BRJOD PA NI, DE NI ZHES BYA BA STE GSAL BA NYID KYI SPYI'O, ,GSAL BA LAS ZHES BYA BA NI RANG BZHIN GNYIS KYI MTSAN NYID LAS SO, ,'ON TE KHYAB BA NYID DU GRUB

, ,PA'I DON DU THA DAD PAR RTOGS PA YIN NO SNYAM NA, RANG BZHIN GNYIS SU ZHES BYA BA'O, ,THAL BAR 'GYUR ZHES BYA BA STE DE LA YANG SPYI GZHAN YOD PAR 'GYUR RO ZHES BYA BA DE LTA BU'I TSUL DU'O, ,SNGA MA BZHIN ZHES BYA BA NI RANG BZHIN SNGA MA DAG NYID DO, ,GANG GI PHYIR DE LTAR GSAL BA NYID GSAL BA RNAMS KYI RANG BZHIN MA YIN PA DE'I PHYIR RO, ,DES NA ZHES BYA BA NI THA DAD PA NYID KYIS SO, ,GSAL BA NYID YIN NA RANG BZHIN GNYIS PO DE SPYI MA YIN NO, ,'O NA SPYI DE DANG LDAN PA'I PHYIR, RANG BZHIN NYID SPYI YIN NO ZHES DOGS PA NI, 'ON TE ZHES BYA BA'O, ,LAN NI DE LA ZHES BYA BA STE RANG BZHIN GNYIS LA'O ZHES BYA BA RANG BZHIN GNYIS PO'O, ,CI'I PHYIR ZHE NA, SPYI DANG ZHES BYA BA'O, ,GSAL BA RNAMS NI SPYI DANG LDAN PAS SPYI MA YIN NO, ,GANG GI PHYIR RANG BZHIN GNYIS PO SPYI DANG LDAN PA YIN GYI SPYI NI MA YIN PA DES NA'O, ,CI'I PHYIR ZHE NA, DE ZHES BYA BA STE GSAL BA'O, ,CI STE LDAN BA MA YIN ZHE NA; SPYI'I ZHES BYA BA'O, ,THA DAD PAS ZHES BYA BA NI RANG BZHIN GNYIS KYI MTSAN NYID KYIS SO, ,GAL TE RANG BZHIN GNYIS DANG LDAN PA'I SPYI'I GSAL BA YIN PA'I PHYIR, SPYI RANG BZHIN 'GAS THA MI DAD PA YANG YIN TE, DES NA PAR CHAD PA MA YIN NO ZHES DOGS PA BSU BA NI 'ON TE ZHES BYA BA'O, ,KHYAD PAR RANG BZHIN GNYIS KYI BDAG NYID CAN DANG, SPYI RANG BZHIN GNYIS LA BRTEN PA DE GNYIS SO, ,LAN NI DE DAG GI ZHES BYA BA'O, ,RANG BZHIN GANG DAG GIS THA DAD PA DANG THA MI DAD PA DE DAG GI THA MI DAD PA LA YANG STE GSAL BA NYID DU GYUR PA LA YANG NGO, ,'PHYO BAR 'GYUR RO ZHES BYA BA NI, RANG BZHIN GNYIS KYI BDAG NYID CAN GYI SPYI'I STENG DU LDING BA'I PHYIR RO, ,DE LTA YIN DANG ZHES BYA BA NI 'PHYO BA YIN DANG NGO, ,BRTEN PA'I SPYI DANG SPYI GSUM PA'I RTEN GYI RANG BZHIN GYI SPYI GNYIS PA DE DAG GSAL BA NYID DO, ,DES NA ZHES BYA BA GSAL BA YIN PA'I PHYIR RO, ,GSAL BA LAS THA DAD PA DANG THA MI DAD PA'I RGYU MTSAN SPYI SNGA MA DAG LA MTSUNGS PA NYID DU MI 'GYUR RO, ,CI'I PHYIR ZHE NA, SPYI DANG ZHES BYA BA SPYI GSUM PA DANG ME LDAN PA'I PHYIR RO, ,CI'I PHYIR ZHE NA, SPYI THA MAS ZHES BYA BA STE, SPYI THA MA NI RANG BZHIN GNYIS KYI BDAG NYID CAN TE, DE'I 'OG TU YANG RANG BZHIN GNYIS PA'I SPYI GZHAN MED PA'I PHYIR RO, ,'ON TE SPYI THA MA

LAS GSUM PA THA MI DAD PAR YANG 'DOD DE DES NA CHOS PA YIN NO ZHE NA, DE LTA NA 'ON SPYI DE YANG RANG BZHIN GNYIS PA YIN PA'I PHYIR DE LA YANG SPYI GZHAN 'PHYO BAR 'GYUR RO, ,DES GSAL BA NYID YIN PAS SPYI SNGA MA MTSUNGS PA NYID DU MI 'GYUR TE, SPYI DANG MI LDAN PA'I PHYIR TE, SPYI THAMS BAR MOD PA'I PHYIR RO, ,DE LTA YIN DANG CHOD BAS SPYI DANG MI LDAN PA'I PHYIR GCIG KYANG MTSUNGS PAR MI 'GYUR RO ZHES BRJOD PA NI DES NA ZHES BYA BA'O, ,GCIG KYANG ZHES BYA BA NI GSAL BA'I RANG BZHIN NAM, RANG BZHIN GNYIS PA'I SPYI'O, ,DES NA ZHES BYA BA GSAL BA'I RANG BZHIN NI RNAM PA MTSUNGS PA MA YIN PAS NA'O, ,RTOGS PA GANG LA SPYI'I MTSAN NYID KYI DNGOS PO MED PA DE NI DNGOS PO DANG MI LDAN PA'I RTOGS PA'O, ,CI LTAR DNGOS PO DANG MI LDAN SNYAM NA, NGES BA MED PAR ZHES BYA BA'O, ,'ON TE RDZOGS PA YOD PA KHO NA STE, THA MA RANG BZHIN GNYIS PA'I SPYI LA SPYI GZHAN KHAS MI LEN PA'I PHYIR RO SNYAM NA, RDZOGS PA YOD KYANG ZHES BYA BA'O GSAL BA NYID DO ZHES BYA BA NI RTOGS PA'I SPYOD YUL ZHES BYA BA RJES SU 'JUG GO, ,'DI GA LAS SHE NA, DE LA ZHES SMOS TE RANG BZHIN GNYIS PA THA MA LA'O, ,SPYI GZHAN MI 'DOD PA NI MA NGES PAR SMRA BA'O, ,SNGA MA LA YANG ZHES BYA BA NI RANG BZHIN GNYIS PA LA'O, ,DE'I PHYIR GSAL BA KHO NA RTOGS PA'I SPYOD YUL YIN TE, DES NA MTSUNGS PA'I RNAM PA CAN GYI RTOGS PA NI DMIGS PA MED PA KHO NA'O, ,'O NA GANG MED PAS DMIGS DANG BCAS PAR 'GYUR BA CI LTAR 'DI DMIGS BA DANG BCAS PA YIN ZHEN, THA MA ZHES SMOS SO, ,RANG BZHIN GNYIS BA BA'I SPYI'I THA MA SPYI NYID YIN NA NI, RANG BZHIN GNYIS PA SNGA MA SPYIR 'GYUR RO, , CI'I PHYIR ZHE NA, DE LAS THA MI DAD PAS TE, SPYI THA DAD DANG THA MI DAD PA'I PHYIR RO, ,DE LAS ZHES BYA BA NI SNGA MA LAS KYANG SNGA MA STE, DANG PO'I RANG BZHIN GNYIS BDAG KYANG CIR 'GYUR TE DE DANG THA MI DAD PA'I PHYIR RO, ,GANG GI PHYIR DE LTA YIN PA DE'I PHYIR RO, ,'O NA CI LTAR DNGOS PO DANG MI LDAN SNYAM NA, DE LTAR YANG MA YIN TE ZHES BYA BA STE, BRJOD PA'I TSUL GYIS DMIGS PA DANG BCAS PAR YANG 'THAD PA MA YIN TE, SPYI THA MA LA SPYI MED PAS SPYI NYID MA YIN PA'I PHYIR RO, ,'DI NI ZHES BYA BA NI CI YANG RUNG BA SMRA BA'O, ,DE LTA NA NI DON MED PHYIR, ,ZHES BYA BA STE RNAM PAR 'GREL BA NI, DE BZHIN DU ZHES BYA BA'O, ,CI LTAR

, ,RANG GI NGO BOS LOGS PA MA YIN PA NI, DE LAS GZHAN PA'I SPYI DANG LDAN PAS LDOG PA MA YIN PA DE BZHIN DU, GAL TE KHRA BO LA SOGS PA THA DAD PA RNAMS KYI RIGS MI MTHUN PA LAS THA DAD PA YANG, DE DAG LAS THA DAD PA KHRA BO LA SOGS PA'I THA DAD PA THAMS CAD LA KHYAB PA YIN NA, DE'I TSE DE'I PHYIR ZHES BYA BA THA DAD PA THA DAD BA YIN PA'I PHYIR RTA DANG BA LANG LA SOGS PA PHAN TSUN THA DAD BA MED PA RNAMS THA DAD PA GZHAN DANG LDAN YANG, DE DANG ZHES BYA BA THA DAD PA GZHAN DE DANG LDAN PA DAG PHAN TSUN THA MI DAD PA GSAL BAR 'GYUR BA MA YIN PA'I PHYIR RO, ,GAL TE THAMS CAD THA MI DAD PAR ZHES BYA BA NI MI 'THAD DE RIGS DANG GSAL BA DAG THA DAD PA'I PHYIR RO ZHES DOGS BA NI, SPYI DANG ZHES BYA BA'O, ,LAN NI THA DAD PA MA YIN NO, ,CI'I PHYIR ZHE NA, 'DI LTAR GSAL BA RNAMS LAS SPYI THA DAD PA MED PAR KHAS BLANGS PAR GYUR NA, DE NI SPYI MA YIN PAR 'GYUR GYI, 'ON KYANG DE NI GSAL BA NYID YIN PAR 'GYUR RO, ,'ON DE NYID SPYI YIN PAR 'GYUR RO ZHE NA, DE YANG MA YIN TE THA DAD PA MED PA'I PHYIR RO ZHES BRJOD PA NI, DE YANG ZHES BYA BA'O, ,PHYIR TE DE'I PHYIR RIGS DANG GSAL BA DAG KYANG THA DAD PA MA YIN NO, ,DES NA ZHES BYA BA THA MI DAD PAS NA, GNYIS MED NYID DU STE DON DNGOS PO MED PA NYID DU THAL BAR 'GYUR RO, ,GANG GI PHYIR DE LTAR DNGOS POR GYUR PA'I SPYI MI 'THAD PA DE'I PHYIR RO, ,MA RIG BA TZAM NYID DU 'GYUR ZHES BYA BA DE BSHAD PA'I DON DU PHYOGS SNGA MA NYE PAR 'GOD PA NI, GAL TE ZHES BYA BA'O, ,DE'I TSE NI GSAL BA LAS THA DAD BA MED PA, LDOG PA'I RANG BZHIN RNAM PAR PHYE NAS CI LTAR YANG RTOGS PAR NUS PA MA YIN NO, ,'O NA GANG GI TSE RNAM PAR PHYE NAS RTOGS SNYAM NA, GANG GI TSE ZHES GSUNGS SO, ,THA DAD PA 'BA' ZHIG TU NI MA ZAD KYI THA MI DAD PAR YANG RTOGS ZHES BRJOD PA NI, KHRA BO LA SOGS PA THA DAD PA DAG DANG 'DRA BA GCIG PA NYID GANG YIN PA DE GANG LA YOD PA'I THA DAD PA MED BA DE LTAR YANG RTOGS PAR 'GYUR RO, ,DON DAM PAR GSAL BA LAS THA MI DAD KYANG THA SNYAD DU THA DAD PAR RTOGS PAR 'GYUR RO ZHES BYA BA'I DON TO, ,GAL TE DON DAM PAR GSAL BA LAS THA MI DAD PA CI LTAR THA DAD PA DANG THA MI DAD PA NYID DU RTOGS PAR 'GYUR SNYAM NA, YUL ZHES BYA BA'O, ,CI'I PHYIR THA DAD PA YOD KYANG RTOGS PAR MI NUS SNYAM NA, DER ZHES BYA BA'O, ,'O NA DBYI BAS TZAM NYID

YOD DO SNYAM NA, KHYAD PAR DANG ZHES BYA BA'O, ,'O NA CI YIN ZHE NA, YUL THAG RING PO ZHES SMOS SO, ,DE NI KHYAD PAR RO, ,SNANG BA TZAM NI DBYIBS TZAM MO, ,THAMS CAD DU ZHES SKYES BU LA YANG, DE NYID CES BYA BA NI SNANG BA TZAM MO, ,'ON CI LTAR THA MI DAD SNYAM NA, SNANG BA DANG ZHES BYA BA'O, ,DE NYID CES BYA BA NI SNANG BA TZAM MO, ,DOGS PA NI DON DAM PA NYID DU ZHES BYA BA'O, ,LAN NI GCIG TU ZHES BYA BA'O, ,GNYIS ZHES BYA BA NI SNANG BA DANG RNAM PAR BRTAGS BA DAG GO, ,'O NA NI ZHES BYA BA NI DOGS PA'O, ,CI'I PHYIR ZHE NA, SPYI NYID CES BYA BA STE KHYAD PAR MA YIN PA'O, ,GAL TE DE LTA NA YANG CI LTAR THA DAD SNYAM NA, GANG ZHIG CES BYA BA'O, ,LAN NI DE YANG ZHES BYA BA'O, ,GONG BU DANG 'BREL BA MED PA'I RANG BZHIN DU SNANG NA GSAL BA DANG MA 'DRES PA'I RANG BZHIN DE NI SPYIR DER MI 'GYUR RO, ,CI'I PHYIR ZHE NA, GANG GI PHYIR CI LTAR GSAL BA'I RANG BZHIN SPYI LA MI LTOS BA DE BZHIN DU NI GSAL BAL MI LTOS PA MA YIN GYI, 'ON KYANG GSAL BA'I RANG BZHIN DANG 'BREL PA KHO NA'O, ,DE LA ZHES BYA BA NI GANG DANG LDAN PAS SPYI RNAMS MTSUNGS PA NYID YIN PA DE LAS PHA ROL GYI SPYI NI GSAL BA NYID DU 'GYUR RO, ,DES NA GSAL BA'I RANG BZHIN LTAR 'BA' ZHIG PA NI SPYI LA YIN NO ZHES GNAS BA KHO NA'O, ,DOGS PA BSU BA NI'O NA NI ZHES BYA BA'O, ,CI LTAR RTOGS PA CI YIN SNYAM NA, DE NI ZHES BYA BA'O, ,'O NA ZHES BYA BA NI LAN NO, ,CI LTAR MI 'GYUR SNYAM NA BLO ZHES BYA BA'O, ,'KHRUL BAS ZHES BYA BA NI DOGS PA'O, ,LAN NI 'KHRUL PAS 'JUG PA NI MA YIN NO, ,CI'I PHYIR ZHEN, GZHAN ZHES BYA BA 'KHRUL BA'I BLO'I RANG BZHIN LAS GZHAN MED PA'I PHYIR RO, ,KHAS BLANGS NAS GYANG NYES PA BRJOD PA NI DE'I TSE YANG ZHES BYA BA STE, 'KHRUL PA GZHAN GYI TSE YANG NGO, ,DES NA ZHES BYA BA NI GSAL BA RTOGS PA MED PAS NA'O, ,GAL TE ZHES BYA BA NI DOGS PA'O, ,THA DAD PA DANG CIG SHOS NI THA DAD PA DANG THA MI DAD PA'O, ,LAN NI 'OS GZHAN ZHES BYA BA'O, ,DE DAG SPYI DANG LDAN PA LA SOGS PA BKAG PAS NA 'OS GZHAN MED PAS RNAM PAR GCOD PA'I 'BRAS BU CAN YIN PA'I PHYIR RO, ,DES NA RNAM PAR GCOD PA RTOGS PA DOR NAS SGRA'I DON RTOGS PA LA TSUL GZHAN NI TSAD MA CI 'DRA BA ZHIG YOD PAR 'GYUR TE, TSUL MED PA KHO NA'O ZHES BYA BA'I DON TO, ,GAL TE 'OS GZHAN MED PA YIN YANG RGYUD GZHAN DANG 'BREL BA'I RNAM PAR GCOD

, ,PA RTOGS PA NI MI 'GRUB STE TSAD MA MED PA'I PHYIR RO ZHES DOGS PA NI, GAL TE ZHES BYA BA'O, ,DNGOS PO RNAM PAR 'JOG PA ZHES BYA BA NI RGYUD GZHAN DANG 'BREL PA RNAM PAR GCOD PA RTOGS PA RNAM PAR 'JOG PA'O, ,NGES PA'I YUL LA 'JUG PA GZHAN DU MI 'THAD PAS RNAM PAR GCOD PA RTOGS PA 'GRUB BO ZHES LAN 'DEBS PA NI, DE LAS ZHES BYA BA'O, ,DE NI ZHES BYA BA NI DE LAS GZHAN RNAM PAR BCAD NAS 'JUG PAS NA'O, ,GAL TE RNAM PAR GCOD PA DOGS PA NI MED PA KHO NA YIN NAM, DE CI LTAR 'JUG PA GZHAN DU MI 'THAD PAS GZHAN LA YOD PAR RTOGS SNYAM NA, RANG GI RGYUD LA GRUB PA YIN NO ZHES BRJOD PA NI, DE NI ZHES BYA BA'O, ,DES NA ZHES BYA BA NI DNGOS PO'I YUL CAN MA YIN PAS NA'O, ,'DIS NI TSAD MA 'DI MNGON PAR 'DOD PA YIN TE, GANG ZHIG NGES PA'I YUL LA 'JUG BA DE NI RNAM PAR GCOD PA RTOGS PA SNGON DU 'GRO BA CAN YIN TE, DPER NA BDAG NYID KYI BZHIN NO, ,THA SNYAD PA RNAMS KYI 'JUG PA YANG NGES PA'I YUL LA 'JUG PA YIN NO ZHES BYA BA'O, ,LDOG PA ZHES BYA BA NI DNGOS PO LA GNAS PA'O, ,DUM BUR BKOL TE LDOG PA RTOGS PA YANG MI BDEN NO ZHES BYA BA'I THA TSIG GO, ,LDOG PA NI RNAM PAR RTOG PA'I YANG YUL YIN NO ZHES LAN BRJOD PA NI, DNGOS PO ZHES BYA BA NI RNAM PAR RTOG PA LA SNANG BA'O, ,LDOG PA'I ZHES BYA BA NI RNAM PAR GCOD PA'I 'BREL PA'I YUL LO, ,DE GANG YIN ZHE NA, RTOG PA SPYOD YUL TE RNAM PAR RTOG PA'I RNAM PA GANG YIN PA'O, ,'ON TE YANG RTOG PA'I SPYOD YUL GYI DNGOS PO GANG YOD PA NI YOD PA NYID YIN MOD KYI 'ON KYANG 'DI NI MI BDEN PA YIN NE SNYAM NA, BDEN DANG ZHES BYA BA'O, ,GANG THOB PAR BYA BA NI BDEN PA YIN LA, GANG ZHIG RNAM PAR BRTAGS PA DE NI MI BDEN PA YIN NO ZHES DE LTAR BDEN PA DANG BDEN PA MA YIN PA NYID DU SNANG BA DANG RNAM PAR RTOG PAR BYA BA DAG THA DAD PAR NI SU YANG RTOG PAR MI BYED DO ZHES BYA BA'I DON TO, ,GAL TE BDEN PA GNYIS LA SOGS PAR RTOG PA MED NA, RNAM PAR RTOG PA LA SNANG BA'I DNGOS PO DNGOS PO TZAM LAS, KHYED LTAR THA SNYAD PA BDAG CAG LDOG PA RTOGS PA MA YIN NO ZHE NA, LDOG DANG ZHES BYA BA'O, ,CI TZAM GYIS ZHES BYA BA NI, BDEN BRDZUN GYI RNAM PAR DBYE BA DANG, BRAL BA RNAM PAR RTOG PA LA SNANG BA'I DNGOS PO TZAM GYIS TE, LDOG PA PHYIN CI MA LOG PAR RTOGS PA'I RNAM PA LA 'GYUR BA KHO NA'O, ,KHYED LA

YANG LDOG PA RTOGS PA'I MTSAN NYID KYI DGOS PA GRUB PA'I DON DU DE TZAM GYIS CHOG MOD, MTSUNGS PAR RNAM PAR RTOG PA LA SNANG BA'I RANG BZHIN NYAMS SU MYONG BA GNYIS LAS, GCIG LA NI LDOG PA RTOGS PA YOD LA GZHAN LA NI MED DO ZHES NI MI 'THAD DO, ,GAL TE RNAM PAR RTOG PA LA SNANG BA'I DNGOS PO TZAM GYIS DGOS PA 'GRUB KYANG DE THA DAD PAR CI STE MI RTOG SNYAM NA, GAL TE THUN MONG DU RNAM PAR RTOG PA LA SNANG BA TZAM GYI DNGOS PO'I SPYIS LDOG PA RTOGS PA'I MTSAN NYID KYI DGOS PA 'GRUB NA DE'I TSE RNAM PAR RTOG PA'I RNAM PAR BYE BRAG STE BRTAGS PA DE LA YON TAN CI ZHIG YOD DE 'GA' YANG MED DO, ,GAL TE BDEN PA'I DNGOS PO DANG 'BREL PA KHO NAS RNAM PAR GCOD PAR RTOG PAR NUS PA YIN GYI GZHAN GYIS NI MA YIN TE, DE NI CI LTAR DE TZAM GYIS LDOG PA RTOGS PAR NUS SNYAM PA'I DOGS PA BSU BAS RKAN PA BZHI BA RNAMS PAR 'GREL BA NI, BDEN PA'I ZHES BYA BA'O, ,CI LTAR NGES BA 'DI MED CE NA, BDEN PA DANG 'BREL PA MA YIN PA RNAM PAR BRTAG PA'I RNAM PAS KYANG LDOG PA STE RTOGS PAR MTHONG BA'I PHYIR RO, ,GANG GI PHYIR DE LTAR MI BDEN PA DANG 'BREL PAS KYANG RNAM PAR GCOD PA RTOGS PA DE'I PHYIR RO, ,NGAG RNAM PAR GCOD PA'I YUL CAN KHO NA YIN NO ZHES BYA BA CI LTAR NGES SHE NA, DE LA ZHES BYA BA STE, NGAG GIS BSTAN PA'I RNAM PAR RTOG PA'I RNAM PA LA GNAS PA'I RNAM PAR GCOD PA LA'O, ,'DIS NI PHYED PHYI MA BSHAD DO, ,DNGOS PO MI BDEN NA LDOG PA YANG CI LTAR BDEN ZHES 'BREL TO, ,DE LA TE DNGOS PO MI BDEN PA LA GNAS PA'O, ,DE LA GNAS PA'I RGYU BRJOD BA NI DE DANG ZHES BYA BA STE DNGOS PO MI BDEN PA DANG THA DAD PA MED PAS SO, ,RKANG BA DANG PO 'BREL PA SA LAN BRJOD PA NI, RTOGS BZHIN DU YANG ZHES BYA BA'O, ,RTOGS BZHIN PA RNAM PAR RTOG PA LA SNANG BA'I RANG BZHIN 'DI, RTOGS BZHIN PA'I RANG BZHIN GYIS BDEN BA MA YIN NO ZHES BYA BA'I TSUL 'DI CI ZHIG YIN, GANG ZHIG CI LTAR RTOGS PA DE NI, DE KHO NA LTAR BDEN PA MA YIN NO ZHES BYA BAR NI MI 'THAD DO, ,MA RTOGS PA'I RANG BZHIN GYIS KYANG 'DI NYID MI BDEN NO ZHES BYA BA'I TSUL CI ZHIG YIN TE DE LTAR YIN NA THAMS CAD MI BDEN PAR 'GYUR TE, MA RTOGS PA'I RANG BZHIN GYIS MTHA' DA GA MI BDEN PA'I PHYIR RO, ,DE LTAR YANG MA YIN TE, DES NA RNAM PAR RTOG PA'I SPYOD YUL MI BDEN PA'I PHYIR DE LA GNAS PA'I LDOG PA MI BDEN

, ,PAR CI LTAR 'GYUR, RTOGS BZHIN PA BDEN YANG SLU BAS MI BDEN PA YIN NO ZHES DOGS PA BSU BA NI, GAL TE ZHES BYA BA'O, ,DE LTA NA 'ON THA DAD PA MI SLU BAS NYAMS SU MYONG BAS BDEN PA KHO NA YIN NO ZHES LAN 'DEBS PA NI, THA DAD CES BYA BA'O, ,RNAM PAR RTOG PA'I SPYOD YUL MI BDEN PAR SMRA BAL DRI BAR BYA BA NYID STON PA NI RNAM PAR ZHES BYA BA'O, ,RNAM PAR BRJOD PA NI RTOGS PA'I ZHES BYA BA'O, ,CI RTOGS BZHIN PAS MI BDEN NAM DE LAS GZHAN PAS YIN, PHYOGS DANG PO RJES SU BRJOD NAS SU NA 'BYIN BA NI GAL TE ZHES BYA BA'O, ,PHYOGS GNYIS BA RJES SU BRJOD PA NI, 'ON TE ZHES BYA BA'O, ,SUN 'BYIN PA NI 'O NA NI ZHES BYA BA'O, ,GAL TE SLU BAS ZHES BYA BA RNAM PAR 'GREL BA NI, 'ON TE ZHES BYA BA NAS ZHE NA'I BAR RO, ,GAL TE RANG GI NGO BOS MI BDEN PA NYID MA YIN NA CI LTAR MI BDEN PA YIN ZHE NA, RANG GI NGO BO YOD KYANG ZHES BYA BA'O, ,DE ZHES BYA BA THOB BYA'I RANG BZHIN MDAN NI'O, DE MED KYANG CI LTAR MI BDEN ZHE NA, PHYIN CI LOG CES BYA BA'O, ,DE LAS CIR 'GYUR ZHE NA, THOB PAR BYA BA'I ZHES BYA BA'O, ,'ON KYANG PHYIN CI LOG RTOGS PA NYID DE 'DZIN PA YIN NO, ,DES NA GANG ZHIG THOB PAR BYA BA DE BDEN PA YIN PAS THAMS CAD MI BDEN PAR MI 'GYUR RO ZHES BYA BA'I DON TO, ,THA DAD CI STE ZHES BYA BA RNAM PAR 'GREL BAS BRJOD PA NI, DE LTA NA NI'O NA ZHES BYA BA'O, ,GANG ZHIG DNGOS PO MA YIN PA'I RNAM PAR GCOD PA DE NI THOB PAR BYA BA MA YIN TE, DES NA SLU BA'I PHYIR MI BDEN PA YIN NO ZHES BYA BA'I DOGS BSEL BAS RKANG PA GNYIS PA RNAM PAR 'GREL BA NI RNAM GCOD DNGOS DANG ZHES BYA BA'O, ,'DIR ZHES BYA BA'O, ,'DIR ZHES BYA BA NI THA DAD PA THOB PAR BYED PA YIN PA NA'O, ,'DI NYID KYI PHYED SNGA MA RNAM PAR 'GREL BA NI, GAL TE ZHES BYA BA'O, ,GAL TE ZHES BYA BA NI DOGS PA BSU BA'O, ,RNAM PAR RTOG PA DES NI MI BDEN PA RNAM PAR RTOG PA LA SNANG BA'I DNGOS PO DE'I GZHAN LAS RNAM PAR GCOD PA RTOGS PA YIN LA, MI BDEN PA'I DNGOS PO'I RNAM PAR GCOD PA DE NI THOB PA MA YIN NO, ,CI'I PHYIR ZHE NA, BDEN PA'I ZHES BYA BA'O, ,DES NA ZHES BYA BA NI MI SLU BA MA YIN PAS SO, ,PHYED PHYI MA RNAM PAR 'GREL PAS LAN 'DEBS PA NI, GNAS ZHES BYA BA'O, ,CI LTAR GNAS MA YIN PA LA BRTEN PA YIN ZHEN, RE

ZHIG CES BYA BA'O, ,GAL TE CHOG PAR 'DZIN KYANG, GANG GI SLU BA RIG PAR 'GYUR BA, BDEN BA DANG MI BDEN PAR DBYE BA NGES PAR BYED PA YIN NO ZHEN GANG GIS ZHES BYA BA'O, ,DE LTAR LDOG PA'I 'BREL YUL ZHES BYA BA LA SOGS PA'I TSIGS SU BCAD PA BSHAD PA YIN NO, ,DE'I PHYIR ZHES BYA BA NI, DBYE BA NGES PAR MI BZLOG PA'I PHYIR RO, ,THA SNYAD PA'I SKYE BA'I RTOGS PAS YIN GYI 'CHAD PA PO'I SKYE BO'I RTOGS PAS NI MA YIN NO ZHES BYA BA'I DON TO, ,CI'I PHYIR ZHE NA, DON DAM PAR NI ZHES BYA BA'O, 'DI YANG SNGAR NYID BSGRUBS ZIN TO ZHES STON PA NI 'DI NI ZHES BYA BA'O, ,DE SKAD BRJOD PAS CI BYA STE, ,RNAM PA GZHAN DU YANG TSAD MA'I RTOGS PA YOD PA'I PHYIR RO ZHES DOGS NA, RNAM PA GZHAN DU TSAD MA'I RTOGS PA YOD BA SEL BA NI, GAL TE ZHES BYA BA'O, ,THUGS PA MED PAR 'GYUR RO ZHES BYA BA NI YANG TSAD MA GZHAN GYIS TSAD MA YIN PA'I PHYIR RO, ,'ON TE NYES PA 'DIS 'JIGS PAS TSAD MA MED PAR DE RTOGS PA KHAS LEN PA YIN NA, DE LTA NA 'O NA GZHAL BYA RTOGS PA YANG DE LA RAG LAS PAR MI 'GYUR RO ZHES BRJOD PA NI, TSAD MA MED PAR ZHES BYA BA'O, ,GANG GI PHYIR TSAD MA YOD PA DANG MED PA DAG GIS KHAS BLANGS TSAD MA MI RTOGS PA DE'I PHYI BSHAD PA'O, ,CI SKAD BSHAD SNYAM NA TSAD MA NYID NI ZHES BYA BA'O, ,CI'I PHYIR ZHE NA, GANG GI PHYIR TSAD MA'I BLO DE'I BDAG NYID YIN PAR RTOGS PA NI DE NYID DE TSAD MA NYID MA YIN NO, ,'O NA GZHAN GYIS RTOGS SO SNYAM NA, DE LTA YIN NA STE GZHAN GYIS KHAS BLANGS PA YIN NA THUG PA MED PAR BRJOD DO, ,CI LTAR ZHE NA GANG GI PHYIR ZHES BYA BA'O, ,TSAD MA 'BA' ZHIG TU MA ZAD DE, 'ON KYANG GZHAN THA SNYAD LA YANG RNAM PAR DPYAD NA'O, ,RNAM PAR DPYAD PA NYID BRJOD PA NI GAL TE ZHES BYA BA'O, ,'ON TE THA SNYAD TSAD MA MA YIN NA, DE'I TSE TSAD MA MA YIN PA'I THA SNYAD LAS TSAD MA RTOGS PA MA YIN NA, GZHAL BYA BA LA YANG DE LTAR RTOGS PAR 'GYUR RO, ,DE LTAN YANG TSAD MA'I MTSAN NYID DON MED PAR 'GYUR RO, ,CI'I PHYIR ZHE NA, TSAD MA MED PA THAMS CAD NI, GRUB PHYIR TE NGES PA'I PHYIR RO, ,DE'I PHYIR TSAD MA MA YIN PA LAS NGES PA 'DI NI 'BREL BA MA YIN NO, ,DE'I PHYIR ZHES BYA BA DE KHO NA RTOGS PA MED PA'I PHYIR RO, ,THA SNYAD TZAM ZHES BYA BA TZAM SMOS PAS NI TSAD MA DANG BRAL BA NYI BRJOD DO, ,MI SLU BA DON

, ,DAM BAR MA YIN PA CI LTAR ZHE NA, 'DI LTAR ZHES BYA BA'O, ,'DI NYID SBYOR BA NI THA DAD CES BYA BA STE GANG GI PHYIR THA DAD PA DANG THA MI DAD PA GNYI GA LA MI SLU BA MI 'THAD PAS SO, ,MI 'THAD PA NYID BRJOD PA NI, GAL TE ZHES BYA BA'O, ,GAL TE SGRAS BSTAN PA'I RDZOGS BZHIN PA LAS BSREG PA LA SOGS PA GZHAN THOB PA YIN NA, DE'I TSE BSREG PA LA SOGS PA GZHAN THOB PAS, MED DGAG GI RANG BZHIN SLU BA MED PA'AM, MA YIN PA'I RANG BZHIN GYIS MI SLU BAR CI LTAR 'GYUR TE, MI 'GYUR BA KHO NA'O, ,'ON TE RTOGS BZHIN PA LAS THOB PAR BYA BA THA MI DAD NA, DE LTA YIN NA THOB PAR BYA BA NGE YANG RTOGS BZHIN PA NYID BZHIN DU RTOGS PAS SO, ,DES NA ZHES BYA BA NI THOB PAR BYA BA RTOGS BZHIN PA DANG THA MI DAD PA'I PHYIR SLU BA MA YIN NO, ,SHES PA SKYES PA'I DUS NYID NA MI SLU BA YOD PAR 'GYUR RO, ,DES NA SLU BA'I DOGS PA MED PAS NA 'JUG PAR BYA BA MA YIN PA KHO NA'O, ,DES NA DON DAM PAR NA, MNGON SUM GYI RJES LAS BYUNG BA'I RNAM PAR RTOG PA DANG SGRA DAG KYANG MI SLU BA MA YIN NO, ,SPYI'I YUL LA SOGS PA MED PA DE'I PHYIR RO, ,CI LTAR NGAG RNAM PAR GCOD PA'I 'BRAS BU CAN YIN ZHE NA, KHO NA'O ZHES BYA BA'O, ,GANG GI PHYIR KHO NA'I SGRA SBYAR BAR MA ZAD KYI MA SBYAR BA YANG TSIG RNAMS KYIS TE, NGAG RNAMS SU MA ZAD PAR RNAM PAR GCOD PA RTOGS PAR 'GYUR BA YIN NO, ,GZHAN GYIS 'DI NI RE ZHIG GZHAG GO ZHES SMRAS TE, RNAM PAR GCOD PA'I 'BRAS BU CAN 'DI'O, ,DE LTAR ZHES BYA BA RNAM PA GSUM DU MTHONG BA'O, ,GRUB PA'I MTHA' PAS NAG PA ZHES BYA BA'O, ,RNAM PAR PHYE NAS MTHONG BA NYID DO ZHES SBYAR RO, ,RNAM PAR PHYE BA'I RNAM PA BRJOD PA NI KHYAD PAR DANG NGES PAR BZUNG NA NI ZHES BYA BA LA SOGS PA'O, ,GANG GI TSE RNAM PAR DBYE BA 'DIR 'GYUR ZHE NA, KHYAD PAR DANG ZHES BYA BA'O, ,CI LTAR KHYAD PAR LA SOGS PA LA SBYOR ZHE NA, NAG PA ZHES BYA BA'O, ,DOGS PA NI SBYAR BA MED PAR ZHES BYA BA'O, ,LAN NI SKABS DANG ZHES BYA BA LA SOGS PA STE, 'DI YANG RTING BZHIN DU 'CHAD PAR 'GYUR RO, ,KHYAD PAR GZHAN ZHES BYA BA NA GTONG PHOD PA LA SOGS PA RNAM PAR GCOD PAR 'GYUR BA'O, ,DES NA ZHES BYA BA YON TAN GZHAN RNAM PAR GCOD PAR 'GYUR BAS SO, ,DE LTAR 'GYUR MOS SNYAM NA, DE LTAR NI ZHES BYA BA STE YON TAN THAMS

CAD RNAM PAR GCOD PA NI MI 'THAD DE TSAD MA DANG 'GAL BA'I PHYIR RO, ,SUN 'BYIN PA GZHAN NI MI LDAN PA DANG ZHES BYA BA STE, GNYI GAS KYANG 'GA' ZHIG 'GOG PA'I PHYIR RO, ,DER YANG ZHES BYA BA NI MA 'GREL BA RNAM PAR GCOD PA'I NGAG LA YANG NGO, ,NAG PA LA SOGS PA'I DON RNAMS LA NI'O, ,CI LTAR MA 'BREL PA LA SOGS PA'I BZLOG ZLA YIN ZHE NA, DE NYID CES BYA BA NI 'PHONG SKYEN PA NYID DO, ,DA LTAR MA YIN NA ZHES BYA BA NI GTONG PHOD PA LA SOGS PA RNAM PAR GCOD NA'O, ,DE LTAR GZHAN DANG LDAN PA RNAM PAR GCOD PA'I NGAG LA YANG ZLA BO RNAM PAR GCOD PA NYID RTOGS PAR 'GYUR BA YIN NO ZHES BRJOD PA NI DE BZHIN DU ZHES BYA BA'O, ,RA MA LA SOGS PA NI RNAM PAR GCOD PA MA YIN NO ZHES BYA BA NI DE SKABS SU MA BAB PA'I PHYIR TE, GNYIS PO KHO NA SKABS SU BYAS PA'I PHYIR RO, ,RAM LA SOGS PA SKABS SU BAB NA NI DE YANG RNAM PAR GCOD DO ZHES 'CHAD PAR 'GYUR RO, ,SKABS SU YIN NA ZHES BYA BA NI SKABS SU BAB PAR BYAS NA'O, , DE NYID BRJOD PA CI ZHES BYA BA NI, MKHAS PA LA SOGS PA'I YON TAN GZHAN NO, ,GAL TE YON TAN MTHA' DAG RNAM PAR GCOD NA, NAG PA NYID LA SOGS PA YANG RNAM PAR GCOD PAR 'GYUR RO, ,DE LTAR NI 'THAD PA YANG MA YIN TE, TSAD MA DANG 'GAL BA'I PHYIR RO ZHES DOGS NA, 'KHRUL BA MED PA SPANGS PA'O ZHES BYA BA STE, CI LTAR 'KHRUL PA MED PA SPANGS PA DE LTAR YON TAN MTHA' DAG RNAM PAR GCOD PA YIN NO, ,THE TSOM ZA BA'I SKABS SU BAB PA'I TSUL BRJOD PA NI, CI 'DRA BA NA ZHES BYA BA'O, ,MTHA' DAG CES BYA BA NI RA MA LA SOGS PA YANG NGO, ,CI'I PHYIR ZHE NA, DE'I TSE ZHES BYA BA'O, ,DE BZHIN DU SHIN TU MI SRID PA RNAM PAR GCOD PA'I NGAG GIS KYANG PADMA SNGON PO NI MI SRID PA KHO NA'O ZHES, PADMA LA SNGON PO DANG GTAN MI LDAN PA'I SKABS YIN PA'I PHYIR DE NYID RNAM PAR GCOD PAR BYED PA YIN TE, PADMA'I RIGS KYI PHYOGS GCIG DANG SNGON PO LDAN PAR MTHONG BA'I PHYIR RO, ,GANG GI PHYIR DE LTAR RNAM GCOD RNAM PA GSUM YOD KYI; RNAM PA 'BREL PA RNAM PAR GCOD PA DANG, CIG SHOS KHO NA NI MA YIN PA DES NA, BYAS PA NYID LA SOGS PA'I CHOS DANG MI LDAN PA GANG YIN PA DE RNAM PAR GCOD PAS NA, CHOS CAN BYAS PA LA SOGS PA CHOS KYI KHYAD PAR YIN GYI, GZHAN DANG LDAN PA RNAM PAR GCOD PA DANG, SHIN TU MI LDAN PA

, ,RNAM PAR GCOD PAS NI MA YIN NO, ,CI LTAR THUN MONG MA YIN PA KHO NA GTAN TSIGS SU 'GYUR RO ZHES BYA BA NI NYES PAS 'JIGS PAS, GZHAN DANG LDAN PA RNAM PAR GCOD PAS KHYAD PAR DU MA BZUNG BA DE BZHIN DU PHYOGS KYI PHYOGS GCIG LA MA GRUB PA GTAN TSIGS SU 'GYUR RO ZHES BYA BA'I NYES PAS SHIN TU MI LDAN PA RNAM PAR GCOD PAS KYANG KHYAD PAR DU GZUNG BAR BYA BA MA YIN NO, ,SHING GI RIGS NI NYAL BA DANG SHIN TU MI LDAN PA RNAM PAR GCAD BA'I PHYIR TE, PHYOGS GCIG DANG LDAN PA'I PHYIR RO, ,DE'I PHYIR MA 'BREL PA RNAM PAR GCOD PA KHO NAS KHYAD PAR YIN NO, ,DES CHOS CAN DE'I KHYAD PAR CAN GYI CHOS BYAS PA NYID LA SOGS PA RJES 'GRO BA MED PA ZHES BYA BA LA, DPE LA RJES SU 'GRO BA MED PA'AM, PHYOGS KYI PHYOGS GCIG LA RJES SU 'GRO BA MED PA'I SKYON DE LA BRTEN PA MA YIN NO, ,THUN MONG MA YIN PA DANG PHYOGS KYI PHYOGS GCIG LAM GRUB PA'I NYES BDAG LA BRTEN PA MA YIN NO ZHES BYA BA'I DON TO, ,GANG GIS RJES SU 'GRO BA MED PA'I NYES PAR MI 'GYUR BA, CI LTAR NA GZHAN DANG LDAN PA LA SOGS PA RNAM PAR GCOD PA MA YIN ZHE NA, CHOS DE ZHES GSUNGS SO, ,GZHAN DANG NI DPE'I CHOS CAN DANG NGO, ,DES NA ZHES BYA BA NI DOGS PAS NA'O, ,DE ZHES BYA BA NI MI LDAN PA RNAM PAR GCOD PA BSTAN PAS, GZHAN DANG LDAN PA DANG, GTAN MI LDAN PA RNAM PAR GCOD PA MA YIN PA DE'I PHYIR RJES SU 'GRO BA MED PA'I SKYON MED DO ZHES BYA BA SNGA MA BZHIN BSHAD PAR BYA'O, ,GAL TE PHYOGS KYI CHOS NYID CES BRJOD KYANG, CI LTAR MA 'BREL PA RNAM PAR GCOD PA NYID RTOGS ZHES DOGS PA BZLOG PA NI DE LTAR GRAGS DANG ZHES BYA BA LA SOGS PA RNAM PAR 'GREL PA NI, 'DI LTAR ZHES BYA PA'O, GZHAN DANG LDAN PA NI ZHES NI'I SGRAS GTAN MI LDAN PA YANG BSDU'O, ,BZLOG PA'I PHYIR ZHES BYA BA NI BZLOG ZLA MA YIN PA'I PHYIR RO, ,DON 'DI ZHES BYA BA NI MA 'BREL PA RNAM PAR GCOD PA'O, ,CI LTAR ZHE NA, GZHAN DANG ZHES BYA BA STE DPE'I CHOS CAN DANG LDAN PA'O, ,DER ZHES BYA BA NI KHYAD PAR DU'O, ,DE NYID LA ZHES BYA BA NI GZHAN DANG LDAN PA RNAM PAR GCOD PA NYID LA'O, ,CI LTAR 'GAL SNYAM NA THE TSOM DU ZHES BYA BA'O, ,SGRUB PAR BYED PA NYID DPE DANG LDAN PAR GRUB PA KHO NA YIN PAS CI LTAR GSAL BAR NUS ZHES BYA BA'I DON

TO; ,GRUB PA NI SEL BA'AM BKAG PA NI SGRUB PA MA YIN TE, BSAL BA NI GTAN TSIGS KYI RTEN MA YIN PA'I PHYIR RO, ,BZLOG PA'I ZLA BOR MA ZAD KYI SGRA DAG KYANG BRJOD BAR 'DOD PA'I RJES SU 'BRANG BA YIN NO, ,'DI GA LAS SHE NA DE LTA BU NYID DU ZHES BYA BA'O, ,SGRA DANG BRJOD 'DOD CI LTA BA BZHIN 'JUG PA YIN GYI DON DANG 'BRAL BA CI LTA BA BZHIN NI MA YIN NO ZHES BYA BA 'DI GA LAS SHES SHE NA, SGRA NI ZHES BYA BA'O, ,GAL TE ZHES BYA BA LA SOGS PA'I RTZOD PA LA DON 'DI YIN TE, KHYAD PAR DANG LHAN CIG BRJOD PA'I NGES PAR GZUNG BA YANG MI LDAN PA RNAM PAR GCOD PA MA YIN GYI 'ON KYANG GZHAN DANG LDAN PA RNAM PAR GCOD PA KHO NA BYED PAR 'GYUR TE, DPER NA LHA SBYIN KHO NA'I BU ZHES KHYAD PAR DANG LHAN CIG BRJOD PA'I NGES PAR GZUNG BAS GZHAN DANG LDAN PA KHO NA RNAM PAR GCOD KYI, MI LDAN PA NI MA YIN PA BZHIN NO ZHES BYA BA LTA BU'O ZHES BYA BA'O, ,SKABS DANG 'GAL BA'O ZHES BYA BA NI, SGRUB PAR BYED PA MTHUN PA'I PHYOGS LA YOD PAR STON PA'I SKABS SU BAB PA YIN PAS DE DANG 'GAL BA'O, ,'GAL BA MED DO ZHES BYA BA'I GRUB PA'I MTHAR NI DON 'DI YIN TE, SGRA'I TSUL GYIS PHYOGS DANG SRID SGRUB DAG KHYAD PAR NYID DU BSTAN KYANG, DON GYIS NI DE NYID KHYAD PAR CAN KHO NA YIN TE, RTEN YIN PA'I PHYIR RO, , CHOS DANG 'PHONG SKYEN PA NI KHYAD PAR YIN TE BRTEN PA MA YIN PA'I PHYIR RO, ,DES NA KHO NA'I SGRAS CHOS DANG 'PHONG SKYEN PA GNYIS DANG LHAN CIG BRJOD PAS NI MA 'BREL BA KHO NA RNAM PAR GCOD PA YIN NO ZHES BYA BA'O, ,DE LA NI SRID SGRUB LA'O, ,DE NI KHYAD PAR RO, ,DAM PA'I DON DU ZHES BYA BA NI DON GYI TSUL GYIS SO; ;TSUL GNYIS YOD NA 'DIR GANG GZUNG ZHE NA, 'DIR NI ZHES GSUNGS SO, ,DNGOS PO'I CHOS ZHES BYA BA NI DNGOS PO BA'I TSUL LO, ,SKYON ZHES BYA BA SKABS DANG 'GAL BA'I SKYON MED DO ZHES BYA BA'I DON TO, ,NGES PAR GZUNG BA 'DI NA TSAD MA DANG YANG MI 'GAL LO ZHES BRJOD PA NI 'DIR ZHES BYA BA STE PHYOGS KYI CHOS LA'O, ,RNAM PAR GCOD BA'I RANG BZHIN ZHES BYA BA NI 'DI NI PHYOGS KYI CHOS KHO NA YIN GYI, CHOS MA YIN PA NI MA YIN NO ZHES MI LDAN PA 'GOG PA'I RANG BZHIN NO, ,SA PHYOGS LA YOD PA'I DU BA LA NI DE YANG MNGON SUM GYIS GRUB PA YIN LA, SGRA LA YOD PA'I BYAS PA LA NI RKYEN GYI BYE BRAG GIS THA

, ,DAD PA'I RTAGS LAS SKYES PA'I RJES SU DPAG PA LAS SO, ,DE'I PHYIR MA 'BREL PA RNAM PAR GCOD PA MI RTOGS PA'I SKYON MED DO, ,GAL TE KHYAD PAR DANG LHAN CIG BRJOD PA'I NGES PAR GZUNG BAS KYANG, GZHAN DANG LDAN PA CI STE RNAM PAR MI GCOD SNYAM NA, GZHAN DANG ZHES BYA BA'O, ,RI LA SOGS PA GCIG DE LTAR TE, DU BA LA SOGS PA DANG 'BREL PA YIN NA, GZHAN TSANG BANG LA SOGS PA DE LTAR TE DU BA LA SOGS PA DANG MA 'BREL PAR 'GYUR RO, ,NYES PA GZHAN YANG BRJOD PA NI KHYAD PAR DANG ZHES BYA BA'O, ,GZHAN DANG LDAN PAS RNAM PAR GCOD PA ZHES BYA BA LA SOGS PA NYID RNAM PAR 'PHREL [*'BREL?] PA NI, GAL TE ZHES BYA BA LA SOGS PA'O, ,DE LAS GZHAN NI BUM PA LA SOGS PA'O, ,DE LTAR 'GYUR MOD SNYAM NA, DE DE LTAR ZHES GSUNGS SO, ,CI LTAR ZHE NA MNGON SUM GYIS NI ZHES BYA BA'O, ,BSGRUB PAR BYA BA'I CHOS CAN LAS GZHAN MTHUN PA'I PHYOGS LA DU BA MNGON SUM GYIS RTOGS PA'O, ,BUM PA LA YANG RJES SU DPAG PAS BYAS PA NYID YOD PAR RTOGS PA YIN NO, ,RJES SU DPAG PA DE GA LAS SKYE SNYAM NA, 'JIM GONG LA SOGS PA'I RKYEN GYIS BYE BRAG CHE BA DANG CHUNG BA LA SOGS PA'I DBYE BAS THA DAD PAR 'GYUR BA'I RANG BZHIN GANG LA YOD PA'O, ,DE'I DNGOS PO NI NYID DE DE LA SOGS PA BRTZAL MA THAG TU 'BYUNG BA LA SOGS PA STE, RTAGS DE'I PHYIR RO, ,MNGON SUM LAS ZHES BYA BA'I BUM PA LA MNGON SUM GYIS RTOGS PA'O, ,GAL TE MI LDAN PA DANG, GZHAN DANG LDAN PA DANG, GTAN MI LDAN PA RNAM PAR GCOD PAS KHYAD PAR DU BYED PA RNAMS THA DAD PA YIN YANG RJOD PAR BYED PA KHO NA DANG, BRJOD PAR BYA BA MI LDAN PA RNAM PAR GCOD PA LA SOGS PA'O, ,BRJOD PAR BYA BA DANG RJOD PAR BYED PA'I MTSAN NYID DAM, YUL DANG YUL CAN GYI 'BREL PA GANG YIN PA DE CI LTAR RTOGS SHE NA, RJES SU DPAG PA'I ZHES BYA BA'O, ,'JIG RTEN GYI GRAGS PA LAS BRJOD PAR BYA PA NGANG RJOD PAR BYED PA'I DNGOS PO'AM, GZHAN DAG CES BYA BA YUL DANG YUL CAN GYI DNGOS PO RTOGS PA YIN NO ZHES 'BREL TO, ,CI LTA BUR GYUR PA LAS SHE NA, RJES SU DPAG PA'I MTSAN NYID LAS SO, ,'JIG RTEN GYI GRAGS PA NI RTOGS PA STE, RNAM PAR RTOGS PA'I SHES PA LA BRJOD LA, DE'ANG RJES SU

DPAG PA YIN NO, ,GANG DANG GANG RNAM PAR RTOG PA'I YUL YIN PA DE DANG DE NI BRJOD PAR BYA BA DANG RJOD PAR BYED PA YIN TE, DPER NA RNAM PAR RTOG PA LA GNAS PA'I BUM PA'I DON DANG, BUM PA'I SGRA'I RNAM PA DAG BZHIN NO, ,RNAM PAR GCOD LA DANG NGES PAR GZUNG BA YANG RNAM PAR RTOG PA'I YUL YIN NO ZHES BYA BA'O, ,SOGS PA'I SGRAS NI KHYAD PAR BYA BA DANG BYA BA DAG GZUNG NGO, ,KHYAD PAR LA SOGS PA DANG LHAN CIG SPYOD PA NGES PAR GZUNG BA'I DON GANG LA YOD PA'I TSIG PHRAD DANG, TSIG PHRAD DE'I DON DAG BRJOD PAR BYA BA DANG RJOD PAR BYED PA'O, ,DE LA ZHES BYA BA NI 'BREL BAR RTOGS PA LA'O, ,DE LTAR ZHEN PA NI MI LDAN GZHAN DANG LDAN PA DANG ZHES BYA BA LA SOGS PAR PHYOGS CHOS ZHES BYA BA'I BSDU BA GANG YIN PA DE'I DON DE BSHAD PA YIN NO, ,DE GANG YIN ZHEN THA DAD CES BYA BA STE, GZHAN LAS LDOG PA DANG 'BREL BA RJES SU 'GRO BA'AM, GNYI GA BRJOD PA NI THA DAD PA DANG 'BREL PA ZHES BYA BA'O, ,PHYOGS CHOS ZHES DRUG PA'I BSDU BA CAN GYI DAG LA DON RNAM PA GSUM SLOB DPON BZHED PA YIN NO ZHES BYA BA NI RNAM PAR BSHAD PA MDZAD PA BZHED PA'O, ,GAL TE NGAG 'DI LA DON GSUM YOD DO ZHES BYA BA 'DI CI LTAR RTOGS SHE NA, BYE BRAG TU ZHES BYA BA DON DU MAR DON GSUM RTOGS PA'I PHYIR RO, ,PHYOGS ZHES BRJOD PA NI PHYOGS CHOS MA YIN PA NI GTAN TSIGS MA YIN NO ZHES RNAM PAR GCOD PA RTOGS LA, DE'I CHOS GTAN TSIGS YIN NO ZHES NI SGRUB PAR BYED DO, ,DE LTA YIN DANG GNYI GA YANG RTOGS SO, ,'O NA CI LTAR PHYOGS KYI CHOS BSTAN PAR BYA BA SNYAM NA; MA GRUB PA DRUG RIGS THIGS LAS BRJOD PA DANG, GSAL BA GNYIS DANG, MA NGES PA DRUG DANG, YANG DAG PA'I GTAN TSIGS GSUM STE DE DAG BRJOD PA'I DON DU'O, ,DE TZAM ZHIG CES BYA BA NI MA YIN PA DANG, 'GAL BA DANG, MA NGES PA DANG, YANG DAG PA'I GTAN TSIGS RNAMS NYID DO, ,DE GNYIS NYID CES BYA BA NI RANG BZHIN DANG 'BRAS BU DAG NYID NGO, ,GZHAN GNYIS SO ZHES BYA BA NI, GZHAL BYA NYID DANG MNYAN BYA NYID DO, ,DES NA ZHES BYA BA NI, LDOG PA'I SGO NAS GO BYED YIN PAS NA'O, ,GANG DAG MTHUN PA'I PHYOGS GANG MI MTHUN PA'I PHYOGS DAG LA YOD PA DANG MED PA DANG,

, ,RNAM PA GNYIS SU YANG BRJOD PA PHYOGS KYI CHOS RNAM PA DGU PO DE DAG KYANG GANG DAG YIN ZHE NA, PHYOGS KYI CHOS DGU PO DE DAG NI ZHES BYA BA'O, ,RTAG SOGS LA ZHES BYA BA NI BSGRUB PAR BYA BA LA'O, ,'DAS PAS CI LTAR DU MA NYID CES BYA BA RNAM PA BZHI NYID DU'O, ,GRUB PA'I MTHAR NI DON 'DI YIN TE, RTZOL BA LAS BYUNG BA DANG BYAS PA GNYIS RANG GI NGO BOS RNAM PA BZHI MED KYANG, GCOR GYUR PA'I BSGRUB BYA'I DBYE BA LAS RNAM PA BZHI YIN NO ZHES BYA BA'O, ,'DI NYID BRJOD PA NI RANG GI NGO BOS NI ZHES BYA BA LA SOGS PA'O, ,DES NA NI 'THAD PAS NA'O, ,BYAS PA ZHES BYA BA LA SOGS PA NI RTZOD PA'O, ,DE'I MTSAN NYID DANG ZHES BYA BA LA SOGS PA NI LAN NO, ,BYAS PA LA NI RANG BZHIN GYI MTSAN NYID DANG, RTZOL BA LAS BYUNG BA NYID LA NI 'BRAS BU'I MTSAN NYID YOD DO, ,BYAS PA LA NI RANG BZHIN LAS GZHAN 'BRAS BU'I MTSAN NYID MED LA, RTZOL BA LAS BYUNG BA LA NI 'BRAS BU NYID LAS GZHAN GYI MTSAN NYID MED DO, ,DE'I PHYIR BZLOG PA STE, BYAS PA NYID NI 'BRAS BU LA BRTZAL MA THAG TU 'BYUNG BA NYID DU RANG BZHIN MA YIN NO, ,CI'I PHYIR ZHE NA, RANG BZHIN ZHES BYA BA'O, ,GANG GI PHYIR 'BRAS BU GO BAR BYA BA LA MA KHYAB KYI, 'ON KYANG RANG BZHIN KHO NAS KHYAB PA YIN NO, ,KHYAB PA KHO NA NI MA YIN TE, SHA BA NYID KYIS SHING NYID LA MA KHYAB PA'I PHYIR RO, ,CI'I PHYIR 'BRAS BUS MA KHYAB SNYAM NA, RGYU NI 'BRAS BU LA 'KHRUL PA SRID PA'I PHYIR RO, ,'KHRUL PA DE'I PHYIR 'BRAS BU NI RGYU LA RNAM PA GNYIS SU 'JUG PA YIN NO, ,RANG BZHIN GYIS CI LTAR KHYAB SNYAM NA, BYAS PA NYID NI ZHES BYA BA'O, ,CI LTAR NA 'BRAS BU RNAM PA GNYIS SU 'JUG SNYAM NA, MI RTAG PA TZAM GYIS ZHES SMOS SO, ,DES NA ZHES BYA BA NI 'BRAS BU RTZOM BAR MA NGES PAS SO, ,DE NI BRTZAL MA THAG TU 'BYUNG BA'O, ,RGYU'I ZHES BYA BA NAS BZHIN NO'I BAR NI RTZOD PA'O, ,'DI LA BSAM PA NI 'DI YIN TE, MI RTAG PA THAMS CAD NI RDZA MKHAN LA SOGS PA RGYU'I RTZOL BA'I DE MA THAG TU 'BYUNG BA'I SHES PA SKYED PA YIN TE, DES NA 'BRAS BU NI RNAM PA GNYIS SU 'JUG PA MA YIN NO, ,DES NA CI LTAR BYAS PA NYID KYIS ME RTAG PA NYID KHYAD PAR DE BZHIN DU SHES PAS KYANG YIN NO, ,DES NA BRTZAL MA THAG TU 'BYUNG BA YANG RANG BZHIN GYI GTAN TSIGS SU 'GYUR RO ZHES BYA BA'O, ,

GAL TE SHES PAS KHYAB PA YIN PA DE LTA NA YANG BUM PA LA SOGS PA NI SHES PA LAS DON GZHAN NYID MA YIN NAM, DES NA 'OD RANG BZHIN GYI NANG DU CI LTAR BSDU SNYAM NA, CI LTAR ZHES BYA BA'O, ,BRTZAL MA THAG TU ZHES BYA BA NI LAN NO, ,BRTZAL MA THAG TU 'BYUNG BA'I MTSAN NYID KYI SHES PA NI, DON RNAMS KYI YOD PA MA YIN NO, ,CI'I PHYIR ZHE NA, SHES PA SKYED PAR BYED PA'I DON DE LAS GZHAN SHES PA SKYED PAR MI BYED PA RNAMS MED PAR THAL BA'I PHYIR RO, ,DES NA ZHES BYA BA NI BRTZAL MA THAG TU 'BYUNG BA'I SHES PA'I MTSAN NYID YOD PA MA YIN PAS NA'O, ,BRTZAL MA THAG TU 'BYUNG BA 'GA' ZHIG LA RNAM PAR YOD PA YOD PA NI RJES SU 'GRO BA'O, ,YOD PA 'GA' ZHIG LA YANG MED PA NI LDOG PA'O, ,DE DAG GIS BRTZIGS PA'I THA DAD PA GANG LA YOD PA'I SHES PA DE LA DE SKAD CES BYA BA'O, ,BRTZAL MA THAG TU 'BYUNG BA'I DON THAMS CAD NI SHES PA SKYED PAR BYED PA MA YIN GYI, 'ON KYANG 'GA' ZHIG KHO NAS YIN NO, , DES NA ZHES BYA BA NI BRTZIGS PA'I THA DAD PA YOD PAS NA'O, ,CI LTAR RTOGS ZHES BYA BA LA SOGS PA'I DON NI 'DI YIN TE, BRTZAL MA THAG TU 'BYUNG BA NYID KYIS NI, SGRA MI RTAG PA NYID DU BSGRUB PAR BYA BA MA YIN NO, ,DE YANG 'DI LAS 'GRUB PA MA YIN TE, BRTZAL MA THAR TU 'BYUNG BA'I SHES PA NI RTAG PA DAD MI RTAG PA'I 'BRAS BU YIN PA NYID KYIS MA NGES PA'I PHYIR RO ZHES BYA BA'O, ,RTZOD PAR BYED PAS MA NGES PA NYID BRJOD PA NI, DE LTAR YANG ZHES BYA BA STE, RIGS PA'I MDO BYED PAS BSHAD PA YIN NO, ,RTZOL BA'I 'BRAS BU NI DU MA YIN TE, MNGON PAR GSAL BA LA SOGS PA'I DBYE BAS 'BRAS BU DU MA YOD PA'I PHYIR RO, ,DE NYID BRJOD PA NI GSAL BA'ANG ZHES BYA BA STE, RTZOL BAS NI SHES PA LTAR BYED LA RES 'GA' NI DON KYANG YIN NO ZHES BYA BA'I DON TO, ,SKYES BU'I MAR ME 'DEGS PA'I RTZOL BA NI BUM BA SKYED PA MA YIN GYI, 'ON KYANG SHES PAR BYED PA YIN NO, ,DE LTAR ZHES BYA BA NI, BUM PA RDZA MKHAN GYI 'BRAS BUR SGRUB PAR BYED PA YIN NO ZHES BYA BA NI SKABS LAS SO, ,GNYI GA ZHES BYA BA NI DON DANG SHES PA'I 'BRAS BUR RO, ,RNAM PAR BSHAD PA BYED PA NI RI KHROD RJE'O, ,DE LTA MA YIN NA ZHES BYA BA NI RTAG PAR MI 'THAD NA'O, ,BYED PA'I THA SNYAD LAS KYANG SGRA 'BRAS BUR MI 'GRUB BO

, ,ZHES BRJOD PA NI SGRA BYED DO ZHES BYA BA'O, ,CI'I PHYIR ZHE NA, SBYOR PA'I ZHES BYA BA LA SOGS PAR BYED PA'I DON YIN PA'I PHYIR RO, ,'O NA RTAG PA NYID JI LTAR 'GRUB SNYAM NA, SGRA RTAG PA NYID KYI ZHES BYA BA'O, ,DES NA ZHES BYA BA NI NGO SHES PAS GRUB PA'I PHYIR RO, ,GLOG LA SOGS PA 'BA' ZHIG TU NI MA ZAD KYI SGRA RTAG PA YANG NGO, ,RTZOL BAS GSAL BAR BYA BA NYID YIN GYI, BSKYED PAR BYA BA NI MA YIN PA'O, ,CI DANG 'DRA BAR ZHE NA, MAR ME LAS BUM PA GSAL BA DE BZHIN NO, ,MNGON PAR GSAL BA 'DI GANG GI YIN ZHING, MTSAN NYID KYANG CI LTA BU ZHIG YIN ZHE NA, RTAG PA NYID KYI DANG DMIGS PA'I MTSAN NYID DU NI BUM PA'I DPES GRUB PO ZHES BRJOD PA NI, DE DANG DE MIN ZHES BYA BA DMIGS PA DANG MA DMIGS PA'I DUS DAG DANG LDAN PAR YOD PAR BUM PA NGO SHES PA'I TSAD MAS GRUB PA DANG LDAN PA GANG YIN PA DE NI, YANG ZHES BYA BA PHYIS DMIGS PA NI MNGON PAR GSAL BA ZHES BRJOD DO, ,CI'I PHYIR DE NYID GSAL BA YIN ZHE NA, GANG GI PHYIR NYE BAR DMIGS PA LAS GSAL BA'I MTSAN NYID GZHAN NI STE RANG GI NGO BO YOD PA MA YIN TE DES NA DE NYID GSAL BA YIN NO, ,DE BZHIN ZHES BYA BA DMIGS PA DANG MA DMIGS PA'I DUS DAG TU YOD PAR GRUB PA YIN NA, BUM BA SNGAR YOD PA MAR ME BTEG PA LA SOGS PA'I RKYEN 'GA' ZHIG LA NYE BAR DMIGS PAR 'GYUR GYI, SNGAR YOD PA'I BUM PA 'BRAS BU NYID NI MA YIN NO, ,DON LA SBYAR BA NI DE BZHIN ZHES BYA BA BRTZAL MA THAG TU 'BYUNG BA'I RNAM PAR SHES PA YOD KYANG SGRA'I 'BRAS BU MA YIN NO, ,GAL TE SGRA RTAG PA NYID YIN NA DE'I TSE SGRA SNGAR YOD PA'I SHES PA NI, BRTZAL MA THAG TU 'BYUNG BA KHO NAR NGES PAR MI 'GYUR RO, ,CI'I PHYIR ZHE NA, SGRIB BYED DANG DBANG PO DANG SGRA RNAMS LA RTZOL BDE RNAM PA THAMS CAD DU CI YANG MI BYED PA'I PHYIR RO, ,SUN 'BYIN PA 'DI YANG RTZOL PAS GSAL BA NYID KHAS BLANGS NAS BRJOD PA YIN TE, 'DI NI RTZOL BAS GSAL BAR BYAS PA YANG MA YIN TE, 'ON KYANG RTZOL BA'I 'BRAS BU KHO NA'O, ,CI DANG 'DRA BAR ZHE NA, DPER NA ZHES BYA BA'O, ,RDZA MKHAN GYI RTZOL BAS ZHES BYA BA NI GRANGS CAN GYI LUGS DGAG PA'O, ,CI'I PHYIR ZHE NA, RGYU'I TSOGS ZHES BYA BA'I

MNGON PAR GSAL BAR BYED PA'I PHYIR RGYU RNAMS DON MED PA MA YIN NO SNYAM NA, THAMS CAD CES BYA BA'O, ,DOGS PA NI RGYU RNAMS ZHES BYA BA STE, 'JIM GONG LA NI BUM PA KHO NA'I SHING NI MA YIN NO ZHES BYA BAR NGES PA'O, ,DE LTA MA YIN NA ZHES BYA BA BYED PA PO LA MI LTOS NA'O, ,NGES PA ZHES BYA BA NI GRUB PA'I MTHA'O, ,BYED PA POS BYAS PA GANG YIN PA'I NGES PA DE NI MED PA KHO NA'O ZHES BYA BA'I DON TO, ,CI'I PHYIR ZHE NA, 'DI LTAR ZHES BYA BA'O, ,RDZA MKHAN GYIS 'JIM GONG LA SHING LA SOGS PA BZLOG PAR BYA BA LA MA GTOGS PAR NI, BUM PA KHO NA BYED DO ZHES BYA BA LA SOGS PA DE LTA BU'I RANG BZHIN GYI NGES PA ZHES BYA BA YOD PA MA YIN GYI, 'ON KYANG RNAM PA 'DI 'DRA BA'I NGES PA NI, GZHAN BZLOG PA KHO NA YIN NO, ,RNAM PA 'DI 'DRA BA KHO NAR NGES PAR BYED DO ZHE NA, YOD PA ZHES GSUNGS SO, ,THAMS CAD THAMS CAD LA YOD DO ZHES BAS BLANGS PA'I PHYIR NA, 'JAM GONG LA SHING LA SOGS PA YOD PA NI RDZA MKHAN LA SOGS PAS KYANG BZLOG PAR MI NUS TE, 'JIM PA'I RGYU MI RUNG BA'I PHYIR RO, ,YANG NA BZLOG MED DE LTA NA YANG NYES PA YOD PA KHO NA'O ZHES BRJOD PA NI, BZLOG PA ZHES BYA BA'O, ,GAL TE RDZA MKHAN LA SOGS PAS 'JIM GONG LA SHING LA SOGS PA BZLOG PA MED PAR BYED PA YIN NA, DE'I TSE LJON PA LA SOGS PA YOD PA MA YIN PA DE YANG PHYIS RTOGS PAR JI LTAR 'GYUR, GRANGS CAN GYI LTAR NA NI DUS GCIG GI TSE BUM PA'I RANG BZHIN YONGS SU GYUR PA'I 'JIM GONG NYID GZHAN GYI TSE LJON PA LA SOGS PA'I RANG BZHIN DU 'GRO BA YIN ZHES BYA BA LUGS YIN NO, ,DE YANG BUM PA SKYED PA'I TSE LOG PA'I PHYIR, PHYIS YANG RTOGS PAR MI 'GYUR RO, ,MED PA KHO NA LAS PHYIS DMIGS PAR 'GYUR BA YIN NO ZHE NA, YOD PA MA YIN NO ZHES GSUNGS SO, ,SKYE BA KHO NA'I GSAL BA NI MA YIN NO, ,'BRAS BU YOD PAR SMRA BA'I 'DOD PA LA NI, SGRA NGES PAR 'BYED PA YANG MI 'THAD DE NGES PA NYID KYANG YOD PA'I PHYIR RO ZHES BRJOD PA NI, 'BRAS BU SNGA MA ZHES BYA BA'O, ,DES NA ZHES BYA BA NI YOD PAS NA'O, ,DE YANG ZHES BYA BA NI MYU GU 'BA' ZHIG TU MA ZAD KYI NGES PA YANG NGO, ,YOD DE ZHES BYA BA NI NGES PA'O, ,LAN NI GAL TE DE YANG ZHES BYA BA STE MNGON

, ,PAR GSAL BA'O, ,DE LA NI MNGON PAR GSAL BA LA'O, ,'O NA GNYI GA DANG LDAN PA BYED DO ZHE NA, YOD BA DANG MED BA NYID CES BYA BA'O, ,BRJOD ZIN PA'I DON NYID SDUD PA NI, YIN NA BSTAN DU ZHES BYA BA'O, ,DE'I PHYIR ZHES BYA BA NI BYED PA PO'I TSOGS DON MED PA'I PHYIR RO, ,BUM PA RTZOL BAS GSAL BAR BYA BA MA YIN MOD, MAR ME GSAL BAR BYA BA NI YIN NO, ,DE BZHIN DU SGRA YANG RTZOL BAS GSAL BAR BYA BAR 'GYUR RO ZHES DOGS PAR BYED PA NI, 'ON CI LTAR ZHES BYA BA'O, ,LAN NI BUM BA LTAR SGRA NI GSAL BAR BYA BA YIN NO, ,CI'I PHYIR ZHE NA, BUM PA ZHES BYA BA'O, ,SNGAR NI MAR ME LA SOGS PA YOD PA'I SNGON ROL DU'O, ,TSAD MA REG PA LA SOGS PA'I YUL CAN GYI SHES PA YOD BA'I PHYIR RO, ,SGRA LA YANG RTZOL BA LAS SNGAR YOD PA LA NGO SHES PA'I TSAD MA YOD DE ZHES DOGS PAR BYED PA NI, 'DI LA YANG ZHES BYA BA STE SGRA LA YANG NGO, ,SHES PA GNYIS KYI ZHES BYA BA NI SHES ZIN PA DANG SHES BZHIN PA GNYIS KYI DBUS NA YOD PA'O, ,DE LA ZHES BYA BA NI SHES PA LA'O, ,GAL TE ZHES BYA BA NI RTZOD PA'O, ,DE ZHES BYA BAS RA MTHONG BA'O, ,LAN NI DE NI MA YIN TE ZHES BYA BA'O, ,DBANG SKYES NYID MA YIN ZHES BYA BA NI DRAN PA NYID DO, ,GAL TE DE LTA YIN MOD, DE LTAN YANG CI LTAR TSAD MA MA YIN ZHE NA DBANG SKYES DRAN BA ZHES BYA BA'O, ,DES NA ZHES BYA BA NI SHES PA GZHAN MED PAS NA'O, ,DBANG SKYES MA YIN PA'I PHYIR DRAN PA STE NGO SHES PA NI TSAD MA YIN PA NYID DO, ,CI LTAR DBANG SKYES NYID MIN ZHE NA, DBANG BO RNAMS NI ZHES BYA BA'O, ,GZHAN DU NA ZHES BYA BA NI 'JUG NA'O, ,DES NA ZHES BYA BA NI DRAN BAR BYA BA YIN PAS NA'O, ,'ON TE ZHES BYA BA NI RTZOD BA'O, ,LAN NI NGO MTHONG BZHIN PA LA YANG SHES PAS ZHES BYA BA'O, ,DOGS PA NI DRAN BA DANG LHAN CIG MTHONG BZHIN BA GCIG TU RTOGS PA LA'O, ,DE ZHES BYA BA NI DRAN PAS GZHAL BA'O, ,GAL TE DRAN PAS TSAD MA MA YIN PAS, DRAN BAR BYA BA'I CHOS CAN MI BDEN PA NYID YIN YANG DE'I GCIG NYID CI LTAR MI BDEN ZHE NA, CHOS CAN ZHES BYA BA'O, ,GAL TE SNGAR GYI DUS DANG 'BREL PA NI DRAN PAS RTOGS PA MA YIN GYI, 'ON KYANG MNGON SUM GYIS YIN NO, ,DES NA DE'I GCIG NYID CI

LTAR MI BDEN SNYAM NA, SNGA MA'I DUS DANG ZHES BYA BA'O, ,GAL TE SNGON GYI DUS DANG 'BREL BA BZHIN DU RANG BZHIN CI SNANG BA YANG DRAN PA KHO NAS RTOGS PA MA YIN NA MA ZHE NA, DNGOS PO TZAM ZHIG CES GSUNGS SO, ,CI LTAR NGO SHES PA MED KYANG RTOGS SHE NA, DKAR PO DANG ZHES BYA BA'O, ,CI'I PHYIR ZHE NA, DANG POR ZHES BYA BA'O, ,DE ZHES BYA BA NI RANG BZHIN TZAM SNANG BA'O, ,DANG POR MTHONG PA NI SNGON POR NGES KYI, RTAG PA NYID DU NI MA YIN NO, ,PHA ROL BO'I GZHUNG GIS KYANG GNYIS PA LA SOGS PA MTHONG BA KHO NA'I TSE RTAG PA NYID DU SNANG BA YIN NO, ,DE LA YANG ZHES BYA BA NI DANG PO SNANG BA LA YANG NGO, ,GAL TE MNGON SUM GYI BKAG PA JI LTAR SNANG ZHEN, MNGON SUM GYIS NI ZHES BYA BA'O, ,DE NI RTAG PA NYID DO, ,LAN NI GAL TE ZHES BYA BA'O, ,DUS KYI CHA THAMS CAD DMIGS PA DE LTAR GYUR NA'O, ,'DI'I BAR GYI DNGOS PO TZAM ZHIG SNANG BA NI ZHES BYA BA BSHAD PA YIN NO, ,MJUG BSDU BA'I SGO NAS SNGA MA'I DUS DANG 'BREL PA NI ZHES BYA BA RNAM PAR 'GREL PA NI, DE'I PHYIR ZHES BYA BA STE, SHI BA'I MTHAR THUG PA 'DZIN PA'I PHYIR RO, ,DRAN PA TSAD MA MA YIN PA'I PHYIR ZHES BYA BA RNAM PAR 'GREL PA NI, DES NA ZHES BYA BA STE, SNGON GYI DUS KYI DNGOS PO DMIGS PA MA YIN PAS NA'O, ,CHOS CAN BDEN BA MA YIN NA ZHES BYA BA RNAM PAR 'GREL PA NI, CHOS CAN MI BDEN NA ZHES BYA BA'O, ,GAL TE SNGA MA DANG PHYI MA DAG GI GCIG PA NYID MI BDEN NO ZHES BYA BA NI MI 'THAD PA KHO NA STE, DE DAG BDEN PA DANG MI BDEN PAS NA GCIG NYID KYANG BDEN PA DANG MI BDEN PAR 'GYUR RO ZHES DOGS PA NI 'ON TE ZHES BYA BA'O, ,SNGA MA NI DRAN PAR BYA BA'O, ,BDEN PA DANG ZHES BYA BA NI RNAM PAR 'GREL PA'O, ,DE YANG ZHES BYA BA NI LAN 'DEBS PA'O, ,'DI ZHES BYA BA NI GCIG PA NYID DO, ,DE'I TSE CHOS CAN GYI RANG BZHIN DA LTAR BAS NI DE LA GNAS PA'I GCIG PA NYID BDEN PAR 'GYUR ZHING DA LTAR MIN PAS NI BRDZUN PA YIN NO ZHES BYA BAR 'GYUR RO; ,'CHAD PA NI DA LTAR BYUNG BA ZHES BYA BA'O, ,CI'I PHYIR ZHEN, 'DI LTAR CHOS NI CHOS CAN GYI RANG BZHIN GYI RJES SU 'JUG PA'I PHYIR RO, ,CHOS CAN GYI RANG BZHIN GYI RJES SU 'JUG PA DE NYID KYI PHYIR RO, ,DES NA ZHES BYA BA NI THA DAD PAS NA, DA LTA BA'I DNGOS PO LA SNGA MA DANG GCIG PA NYID MA GRUB PA'O, ,

, ,GAL TE TSAD MA MED PA'I PHYIR CHOS CAN SNGA MA'I RANG BZHIN GYI GCIG NYID BZHIN DU DA LTA BA'I CHOS CAN GYI RANG BZHIN YANG MI BDEN PAR MI 'GYUR RAM ZHES DOGS PAR BYED PA NI, GCIG GCIG NYID CES BYA BA STE, DA LTAR BA'I RANG BZHIN GCIG NYID DO, ,LAN NI DA LTAR BA'I RANG BZHIN GYI GCIG NYID LA, MNGON SUM GYI BDAG NYID KYI RTOGS PA MED DAM CE NA GANG GIS MI BDEN PAR 'GYUR, 'ON KYANG YOD PA KHO NA'O, ,DES NA DE GRUB BA CI LTAR MI BDEN BA NYID DU 'GYUR, 'GYUR NA YANG NYES PA BRJOD PA NI BDAG NYID DANG ZHES BYA BA'O, ,GAL TE BDEN PA NYID MI BDEN PAR 'GYUR NA, DE'I TSE BDAG NYID LA BDAG NYID KYIS GNOD PAR 'GYUR RO, ,CI'I PHYIR ZHEN, BDEN PA NYID MI BDEN PA YIN NO ZHES SMRAS PAS NA, RANG GI TSIG LA YANG GNOD PAR 'GYUR RO, GAL TE MNGON SUM NYID KYIS NGO SHES PA RTAG PA'I RTOGS PAR BYED PA MA YIN NA, 'O NA RTAGS KYI SGO NAS RTOGS PAR BYED PA YIN PAR 'GYUR RO SNYAM PAR DOGS PA NI 'ON TE ZHES BYA BA'O, ,GZHAN DU MTHONG BA LA ZHES BYA BA NI BUM PA DANG SNAM BU DANG SGRA LA SOGS PA LA'O, ,DE SNGAR ZHES BYA BA NI, MI MTHUN PA'I PHYOGS THA DAD PA LA NGO SHES PA MED PA'I PHYIR RO, ,NGO SHES PA MTHONG BA NI, DON THA DAD PA MED PA LA 'GYUR RO NGES PA YIN NO, ,RNAM PAR 'GREL PA NI NGO SHES PA ZHES BYA BA'O, ,DES NA ZHES BYA BA NI THA MI DAD PA LA NGES PAS NA'O, ,DE LTA MA YIN NA ZHES BYA BA NI GNYI GA LAS LOG NA SHES PA MED PAR 'GYUR BA'O, ,CI'I PHYIR ZHE NA, THAMS CAD LAS ZHES BYA BA'O, ,'DIS NI RJES SU 'GRO BA MED PA'I PHYIR GCIG SGRUB PA LA LDOG PA CAN GTAN TSIGS SU PHA ROL BOS 'DOD PA YIN NO ZHES BSTAN PA YIN NO, ,KHYAD PAR GANG GIS BUM PA DANG SNAM BU LA SOGS PA'I SGRA THA DAD PA DE LAS NGO SHES BA'I BLO LDOG PAR 'GYUR BA, THA DAD PA LA YANG ZHES BYA BA SNGAR DANG PHYI MA'I DUS NA YOD PA'I BUM PA'I SGRA GNYIS BZHIN DU BUM PA DANG SNAM BU'I SGRA GNYIS THA DAD PA YIN YANG MI 'DRA BA'I MTSAN NYID KYI KHYAD PAR DANG GZHAN YOD BA KHO NA'O, ,DES NA NGO SHES PA SKYE PA LAS NI GANG GIS 'GA' ZHIG KHO NA LA GNAS PAR 'GYUR BA, THA DAD PA DE NYID KYI 'DRA BA'I MTSAN NYID KYI KHYAD PAR YOD PAR 'GYUR MOD, GCIG NYID KYI DON GZHAN DU RTOGS

PA NI MA YIN NO, ,PHYED PHYI MA 'CHAD PA NI NGO SHES PA'I ZHES BYA BA'O, ,MA MTHONG BA 'DI CI LTAR BRTAG PAR RIGS SHE NA, NGO SHES PA 'DI NA NI ZHES BYA BA'O, ,DES NA NI MTHONG BAS NA'O, ,GZHAN DU YANG ZHES BYA BA NI SNGAR DANG PHYIS KYI DUS NA YOD PA BUM PA'I SGRA DAG LA YANG NGO, ,DES NA ZHES BYA BA NI BAR DU CHAD PAR DMIGS PAS NA'O, ,DER NI ZHES BYA BA NI 'BREGS [?] PA YANG SKYES PA'I SKRA LA SOGS PAR RO, ,'DIR NI ZHES BYA BA NI SNGA MA DANG PHYI MA'I DUS NA YOD PA'I SGRA LA SOGS PA RNAMS LA'O, ,DE LTA ZHES BYA BA NI THA DAD PA LA YANG THA MI DAD PAR RTOGS PA'O, ,LAN NI DE NI ZHES BYA BA'O, ,BDEN PA DE GANG ZHE NA, SHIN TU G-YOR CHE BA'I DNGOS BO'I G-YANG DU LHUNG BA RTZVA KU SHA NYAG MA LA 'JU BA DANG MTSUNGS SO, ,CHON PA NYID NI LHUNG BA'I RGYU YIN NO, ,CI STE KHREL BGAD 'DI LTAR BYED CE NA 'DI LTAR ZHES BYA BA'O, ,DE NI GCAD PA'O, ,DES NA NI MA 'BREL PAS NA'O, ,RANG BZHIN SNGA MA BOR BA'I PHYIR RIG PAR 'GYUR BA NA, DE DANG 'BREL PA LA CI LTAR 'GYUR TE MI 'GYUR BA KHO NA'O, ,GAL TE 'DIR NI RNAM PAR CHAD PA SRID BA'I PHYIR NA MTHONG BA MA 'BREL BA KHO NA'O GZHAN DU NI DE MED PA'I PHYIR 'BREL BA KHO NA'O ZHE NA, 'BREL BA MED PAR DE THA DAD BAR, MTHONG BA NI RTZOD PA'I GNAS SU GYUR PA'I DON SGRA LA SOGS PA DANG GZHAN DPE SKRA BREGS PA YANG SKYES PA LA SOGS PA LA MTSUNGS PA NYID DO, ,DES NA THA DAD PA LA YANG MTHONG BA'I PHYIR NA, NGO SHES BA NI MA NGES PA KHO NA'O, ,GAL TE BREGS BA YANG SKYES PA LA YANG ZHIG PA DANG LHAN CIG GCIG BA NYID YOD PA KHO NA'O, ,DES NA NGO SHES PA MA NGES PA MA YIN NO ZHES 'GA' ZHIG 'DOD PA'I DOGS PA BSU BA NI, GZHAN DAG CES BYA BA'O, ,LAN NI MA RUNGS ZHES BYA BA'O, ,CI LTAR BDAG NYID KYIS BDAG NYID NYAMS BAR BYED SNYAM NA, SNGA MA'I RANG BZHIN ZHIG PAR 'GYUR PA NA, GAL TE MA ZHIG BA DANG LHAN CIG GCIG NYID DU KHAS LEN NA NI DE'I TSE THA DAD PA LA YANG DE BZHIN DU GCIG NYID DU 'GYUR RO ZHES BSTAN ZIN TO, ,GZHAL BYA GCIG NYID SUN PHYUNG NAS DA NI GCIG NYID SGRUB PAR BYED PA'I TSAD MA YANG MED DO ZHES BRJOD PA NI GZHAN YANG ZHES BYA BA'O, ,DES NA ZHES BYA BA NI MNGON SUM GYI SPYOD YUL NYID MA YIN PAS NA'O, ,DE NI

, ,ZHIG PA'O, ,DES NA ZHES BYA BA NI DRAN PA TSAD MA YIN BAS NA'O, ,GAL TE ZHES BYA BA NAS 'GYUR RO ZHE NA ZHES BYA BA'I BAR GYI RTZOD BA NI DON 'DI YIN TE, GAL TE YANG, DA LTAR BA LA DRAN PA TSAD MA MA YIN PA DE LTA NA YANG 'DAS PA LAN TSIG MAR 'GYUR BA KHO NA STE, GNONG BYED MED PAS NA BSTAN PA'I PHYIR RO ZHES BYA BA'O, ,DON SDUD BA LA ZHES BYA BA GCIG PA NYID KYI DON 'DZIN PA LA'O, ,GAL TE YANG DA LTAR BA'I DUS KYI DNGOS PO SGRUB BAR BYED BA MA YIN PA DE LTAN YANG DRAN PA DES DE'I TSE DNGOS PO ZHES BYA BA 'DAS PA'I DUS SAR GYUR PA DES RTOGS PA YIN NO, ,DES NA ZHES BYA BA NI DE'I TSE DNGOS PO RTOGS PAS NA SNGA MA NYID DRAN PA'I MTSAN NYID KYI TSAD MAS RTOGS PA YIN NO, ,DE DANG ZHES BYA BA ZHES SNGA MA NYID DANG LHAN CIG GO, ,GCIG NYID DU NGES BA BSTAN PA NI, TSAD MA LAS GZHAN TSAD MA MA YIN BA'I RANG BZHIN DU JI LTAR 'GYUR, BSTAN PA YIN YANG TSAD MA MA YIN NO ZHE NA, DNGOS LA ZHES SMRAS SO, ,YID CHES ZHES BYA BA NI BSLAD PA MED PA'I BLO'O, ,'GAL 'GYUR ZHES BYA BA NI NGES BAR BSTAN PAR KHAS BLANGS PA DANG DE SEL BA PHAN TSUN 'GAL BA'O, ,CI LTAR 'GAL SNYAM NA, RNAM PAR 'GYUR BA MED PA'I ZHES BYA BA'O, ,RNAM PAR 'GYUR BA MED PA'I NGES PA'I SHES PA SPYOD BA SKYED PA'I YID GANG LA YOD PA'I SKYES BU YANG STE, GAL TE NGES PA DANG LDAN PA YANG NGES PA SEL BAR BYED NA DE'I TSE BRJOD PA LA DON GZHAN YOD PAR 'GYUR TE, NGO SHES BA TSAD MA YIN BAR BSTAN PA'I PHYIR RO, ,SEMS PA YANG GZHAN YIN BAR TE, NGO SHES BAR TSAD MAR SEMS PAR 'GYUR RO ZHE NA, NGO SHES PA ZHES BYA BA LA SOGS PA NI GRUB PA'I MTHA'O, ,CI LTAR SHIN TU RGYANG RING BAR 'JOG PA YANG SKAD CI GA LA LTUNG BAR 'GYUR SNYAM NA SHIN TU ZHES BYA BA'O, ,CI DE LTAR 'GA' ZHIG TU MTHONG BA YOD DAM SNYAM NA, MAR ME ZHES BYA BA'O, ,SNGAR CHER 'BAD NAS DE'I 'OG TU 'CHING BA DANG 'DRA'O, ,CI LTAR NA MAR ME DANG 'DRA BAR NGO SHES PAR SMRA BA RNAMS DRUNG KHO NAR RTOGS KYIS LHUNG ZHEN, 'DI LTAR ZHES GSUNGS SO, ,GAL TE DA LTA BA'I DRAN PA NYAMS SU MYONG BA'I DON 'DZIN BA YOD NA DE'I TSE YUL ZHIG PA LA STE 'DAS BA LA CI LTAR 'GYUR TE, NYE BAR GNAS PA KHO NA NYAMS SU MYONG BA'I PHYIR DA LTAR BA KHO NA

DRAN PA'I YUL YIN PAR 'GYUR RO, ,GAL TE NYAMS SU MYONG BA'I DON GYI YUL CAN DU KHAS MI LEN NA DE'I TSE DE NI CI LTAR DRAN PA YIN TE MA YIN PA KHO NA'O, ,RNAM PAR 'GREL PA NI GAL TE ZHES BYA BA'O, ,GAL TE DRAN PA NYAMS SU MYONG BA'I DON MNGON DU BYED PA'I RANG BZHIN CAN YIN NA, DE'I TSE 'DAS PA'I DON DRAN PAR MI 'GYUR RO, ,CI'I PHYIR ZHE NA, GANG GIS PHYIR 'DAS PA NYED NA MNGON SUM GYIS GANG DU YANG RTOGS PA MED DO, ,DRAN PA YUL DANG BCAS PAS NA MNGON SUM GYI TSAD MA YIN NA, MNGON SUM NI 'DAS PA'I YUL CAN MA YIN NO, ,YANG NA 'DI NI NYES PA GZHAN YIN TE, DRAN PA'I GZUNG BA'I DON LAS SKYE BA YIN NA, 'DAS PA NYID NI MNGON SUM GYIS 'DZIN PA MA YIN NO, ,MYONG MIN ZHES BYA BA LA SOGS PA NI, 'ON TE ZHES BYA BA LA SOGS PAS RNAM PAR 'GREL PA'O, ,DE LTA NA YANG ZHES BYA BA NI SNGA NA MED PA'I DON GYI YUL CAN NYID YIN YANG NGO, ,SNGA NA MED PA'I YUL CAN YIN YANG NGO SHES PA MA YIN PA CI'I PHYIR ZHE NA, NGO SHES PA NI ZHES BYA BA'O, ,DE NYID CES BYA BA LA SOGS PA NI RTZOD PA'O, ,GANG TSE ZHES BYA BA DA LTAR BA'I DUS NA SNGA MA'I RANG BZHIN 'DAS PAR 'GYUR PA YIN NO, ,DE'I TSE ZHES BYA BA 'DAS BA NI GZUNG BA MIN NO, ,GZUNG BA'I TSE ZHES BYA BA RANG GI DUS NA NI, GZUNG BA NI DE LTAR ZHES BYA BA 'DAS PA NYID MA YIN NO, ,CI LTAR GZUNG BA 'DAS PA MA YIN ZHE NA, DRAN PAR GYUR PA'I ZHES BYA BA'O, ,GAL TE ZHES BYA BA NAS ZHE NA'I BAR NI RTZOD PA'O, ,GAL TE 'JIG RTEN NA NGES PA BSTAN PA'I PHYIR TSAD MAR RIGS PAS 'THAD PA YIN NA DE'I TSE NGO SHES PA YANG DER 'GYUR RO, ,'ON TE 'DAS PA LA DBANG PO DANG LDAN PA MED PA DES NA NGO SHES PA TSAD MA MA YIN PAR BRJOD NA ZHES DOGS PA BSU NAS BRJOD PA NI, DBANG PO DANG LDAN PA DON MED NYID CES BYA BA'O, ,'DI LTAR DES PAR BSTAN PA KHO NAS TSAD MA MA YIN NA DBANG PO DANG LDAN PA BRTAGS, CI MI MGO ZHES BYA BA'I DON TO, ,GAL TE ZHES BYA BA LA SOGS PA NI RNAM PAR 'GREL PA'O, ,'DI NI ZHES BYA BA LA SOGS PA NI LAN NO, ,CI LTAR MI BZOD SNYAM DU ZAD SNYAM NA, 'DI LTAR ZHES BYA BA'O, ,MI LTA BA DANG LDAN PA LAS NI YIN GYI BSKRUN PA LAS NI MA YIN NO, ,GANG LA DE NYID 'DI YIN NO SNYAM NA SA ZHUGS BA DER NI DA LTAR BA LA MI SLU BA

, ,YOD KYI 'DAS PA LA MA YIN NO, ,'ON TE GCIG MED PAR NI, MI SLU BA NYID MI RUNG NGO ZHE NA, GAL TE ZHES BYA BA STE, SNGA MA DANG, PHYI MA DE DAG GCIG NYID MIN MOD, CI DE'I TSE GCIG NYID DANG BRAL BA'I DON DE LAS DON BYA BA DE MIN PAR 'GYUR RAM, GCIG MED KYANG MI SLU BAR 'GYUR BA KHO NA'O ZHES BYA BA'I DON TO, ,CI'I PHYIR ZHE NA, ME ZHES BYA BA STE, SKAD CIG GZHAN DU GYUR PA'I MES SO, ,'O NA CI LTAR GCIG GO ZHES BYA BA'I THA SNYAD DU 'GYUR ZHE NA, DE MI BYED PA ZHES BYA BA'O, ,DON BYA BA DANG BRAL BA'I DON, DON DAM PA PA'I GCIG NYID KYI MTSAN NYID DU GYUR BA'I YUL GANG DAG LA YOD PA DE DAG LA DE SKAD CES BRJOD DO, ,DES NA ZHES BYA BA NI GUS PAR BYA BA MA YIN PAS NA'O, ,GANG GI PHYIR DE LTA YIN BA DES NA DON BYA BA BYED PA NYID DE'I RANG BZHIN GYI RTAGS GANG LA YOD PA'I NGO SHES PA DE NI RJES SU DPAG PA YIN NO, ,RANG BZHIN DON BYA BA BYED PA'O, ,DE LAS GZHAN ZHES BYA BA NI 'DZIN PA GCIG PA NYID LAS SO, ,'O NA ZHES BYA BA NI GAL TE RGYU GCIG LA DU MA YIN YANG NGO SHES PA NGO SHES PA YIN NA DE'I TSE DU MAR GYUR PA'I BUM PA DUS MNYAM PA NA YOD BA'AM, DUS THAMS CAD YOD PA LA YANG NGO SHES PAR 'GYUR RO, ,NGO SHES PA'I RNAM PA BRJOD PA NI DE NYID CES BYA BA'O, ,DE DANG ZHES BYA BA NI LAN NO, ,NGO SHES PA NI RNAM PA GNYIS TE, GCIG NA DE DANG MTSUNGS SO SNYAM PA'I RNAM PA CAN YIN LA, GZHAN DE NYID 'DI'O ZHES BYA BA'O RNAM PA'O, ,DE LA CHU 'DZIN PA LA SOGS PA'I BYA BA BYED PA NYID KYIS 'DI NI BUM PA GZHAN DANG MTSUNGS PA'I RNAM BA'O ZHES BYA BAR RTOGS PA NYID NGO SHES PA YIN NO, ,GNYIS PAR YANG 'GYUR RO ZHES BSHAD PA NI GZHAN YANG ZHES BYA BA'O, ,GAL TE BUM PA RNAMS RGYUD THA DAD PA NYID DU 'GYUR NA CI LTAR BUM PA DE NYID 'DI YIN NO ZHES NGO SHES SNYAM NA 'DI LTAR ZHES BYA BA'O, ,GZHAN NI BUM PA LAS GZHAN PAR RIGS MI MTHUN PA'I DON TO, ,DE GSAL GZHAN NI BUM PA LAS GZHAN PA'I BUM PA'O, ,GANG GI TSE ZHES BYA BA LA SOGS PA NI RNAM PAR 'GREL PA'O, ,GAL TE DON DAM PA PA'I GCIG NYID MED PAR NGO SHES PA NI NYE BAR BRTAGS PA NYID DU 'GYUR RO ZHE NA, THOG MA MED PA'I ZHES BYA BA'O, ,DE'I PHYIR ZHES BYA BA NI NGO SHES KYI RTOGS PA MA NGES PA NYID YIN PA'I PHYIR RO, ,GAL TE NGES

PA YOD PAS CI LTAR BSNYON SNYAM NA, SGRA RNAMS KYI RTOGS PAR BYED BA'I NUS PA MTSUNGS PA'I PHYIR NA DE LTAR GCIG NYID DU 'KHRUL BA'I NGES PA BYUNG BA NA MI BSNYON PA YIN NO, ,DES NA GAL TE YANG NGO SHES PA TSAD MA MA YIN PA'I PHYIR NA SGRA GCIG BA NYID MI 'GRUB PA DE LTA NA YANG BRTAGS PA'I GCIG NYID KYIS RJOD PAR BYED PA NYID DU NI GRUB PA KHO NA'O, ,GAL TE ZHES BYA BA NI GAL TE SKAD CIG NYID KYIS NI GZHAN YIN NA, DE'I TSE SKAD CIG GZHAN DU STE GZHAN LA DE NYID 'DI YIN NO SNYAM PA'I YID CHES PA CI LTAR 'JUG PAR 'GYUR, CI'I PHYIR ZHE NA, SHES BA MED PA ZHES BYA BA'O, 'KHRUL PA ZHES BYA BA NI LAN NO, ,KHYOD KYIS BSAM PAS SKAD CIG MA MA YIN PA LA YANG YID CHES PA MA YIN TE SLU BA MTHONG BA'I PHYIR RO, ,YID CHES PA 'JIG PAR BYED PA'I MA RUNGS PA'I BDAG NYID CAN RNAMS MTHONG BA'I PHYIR RO, ,GZHAN GYI KHYAD PAR LA NI 'GA' ZHIG GI YID CHES BAR 'GYUR BA KHO NA YIN NO ZHES BRJOD PA NI, DE BZHIN ZHES BYA BA'O, ,YID CHES PA'I YUL PHA LAS GZHAN PHA DANG MTSUNGS PA'I BU LA DE BZHIN KHO NAR YID CHES BAR 'GYUR BA YIN NO, ,DER YID CHES BAR 'GYUR MOD, SKABS SU BAB PA LA CI LTAR ZHE NA, 'DI LTAR ZHES BYA BA'O, ,DE'I ZHES BYA BA NI YID CHES BA'I YUL SNGA MA'I NYE BAR LEN PA DE RGYUN GANG LA YOD PA STE DE LA YID CHES PA ZHES 'BREL TO, ,GAL TE SKAD CIG MA NYID YIN NA, SLAR LEN PAR 'DOD PAR MI 'GYUR NA YID CHES PA YANG YIN TE, DES NA SKAD CIG MA YIN PA DE NYID DO ZHES DOGS BA BA BSU BA NI, ,CI STE ZHES BYA BA'O, ,LAN NI GCIG NYID YIN NA ZHES BYA BA'O, ,CI LTAR MI 'THAD SNYAM NA, 'DI LTAR ZHES BYA BA'O, ,BYIN PA PHYIR LEN PA NI RIGS SO, ,CI LTAR ZHE NA, 'JIGS PA'AM NGO TSA BAS SO, ,'JIGS PA DANG NGO TSA BAS RNAM PAR 'GYUR BA MED PA'I BDAG LA 'JIGS DANG NGO TSA BA GANG GIS BYAS TE, GANG GIS KYANG MA BYAS SO, ,DOGS PA BSUB NI, 'ON TE ZHES BYA BA'O, ,NYE BAS ZHES BYA BA NI NOR GYI BDAG PO MTHONG BAS NA'O, ,BCOL BA'I KA CHA DANG 'BREL BA'I BDAG NYID NOR GYI BDAG PO DES ZIN PA STE NYE BAR SNYOGS PA'O, ,DES NA BCOL BA'I PHYIR STER BAR RIGS SO ZHES BSAMS PA'O, ,LAN NI DE NI ZHES BYA BA STE, SKAD CIG MA YIN PAR SMRA BA DE NI BDAG GI YUL LA NOR GYI BDAG PO DES ZIN PA MA

, ,YIN YANG, DES ZIN PA NYID DU RTOGS PA NI 'KHRUL PA KHO NAR 'GYUR GYI DON DAM PA NI MA YIN NO, ,DES NA JI LTAR DES BYAS BA'I GTAMS BA PHYIR STER BA DON DAM BA BAM YIN BAR 'GYUR, 'ON TE GTAMS PA PHYIR STER BA NI DON DAM PA BAM YIN PA KHO NA YIN NA, DE LTAN 'O NA SKAD CIG MA'I RGYUN LA YANG GCIG TU SGRO BTAGS PA LAS CI STE MI 'GYUR ZHES BRJOD PA NI, 'KHRUL PA ZHES BYA BA'O, ,DE NYID CES BYA BA NI DES MA ZIN KYANG DES ZIN PA'I RANG BZHIN NAM, GCIG NYID DU 'DZIN BA'I RANG BZHIN NO, ,DE'I ZHES BYA BA NI SKAD CIG MA MA YIN PAR SMRA BA'I 'O, ,DE LTA'I THA SNYAD CES BYA BA NI GTAMS BA SNGAR STER PA'I THA SNYAD KYI RGYU'O, ,CI LTAR NA 'KHRUL PA KHO NA THA SNYAD KYI RGYU YIN ZHE NA, GZHAN GYIS ZHES BYA BA'O, ,RTAG PA NYID LA YANG RGYU DANG 'BRAS BU LAS ZHES BYA BA NI, NYE BAR LEN PA DANG, NYE BAR LEN PA LAS BYUNG BAR RNAM PAR GNAS PA GCIG NYID DU LHAG PAR ZHEN PA'I RGYU MTSAN LAS, GCIG NYID LA SOGS PAR LHAG PAR SGRO 'DOGS PA'I MTSAN NYID KYI MNGON PAR ZHEN PA'I RGYU GZHAN RTAG PA NYID LA SOGS PA'I MTSAN NYID CAN GYI YOD PA MA YIN NO, ,'KHRUL PAS 'JIG PA DANG NGO TSA BAR 'GYUR LA, DE DAG GIS KYANG GTAMS PA PHYIR GTOD PA'I 'DOD BSKYED DE, DES NA BRGYUD NAS 'KHRUL BDE KHO NA'I RGYU YIN NO, , GZHAN GYI RTAG LA'ANG ZHES BYA BA RNAM PAR 'GREL PA NI, BDAG RTAG BAR ZHES BYA BA STE, DE DAG GI 'JIG RTEN PHA ROL DANG LDAN PA SKYES BU'I RANG BZHIN RTAG PAR RO, ,GCIG TU MNGON PAR ZHEN BA'I RGYU MTSAN NYE BAR LEN PA DANG NYE BAR LEN PA LAS BYUNG BA DANG RGYU DANG 'BRAS BUS BYAS BA'I MNGON BAR ZHEN BDE LAS MI 'GREL LO, ,CI LTAR DE LAS MI 'GREL SNYAM NA, 'JIGS DANG NGO TSAS 'GYUR MED KYI ZHES BYA BA RNAM BAR 'GREL BAS LAN 'DEBS PA NI, 'DI LTAR ZHES BYA BA'O, ,DES NA ZHES BYA BA NI 'PHO BA MA YIN PAS SO, ,DE LA NI BDAG LA'O, ,'JIGS PA LA SOGS PAS ZHES BYA BA NI 'JIGS PA DANG DO TSA BA THA DAD PAR GYUR BAS SO, ,CI LTAR RNAM PA GZHAN DU 'GYUR BA NYID KYIS BSDIGS ZHES BYA BA'I DON TO, ,'ON TE DE DANG NYE BAS ZHES BYA BA RNAM PAR 'GREL PA NI, 'ON TE ZHES BYA BA'O, ,DE NI BDAG GO DE DANG LDAN PAS NI 'JIGS PA LA SOGS PA DANG LDAN PAS SO, ,DE NI BDAG NYID DES ZIN PA MIN YANG ZHES BYA,

BA RNAM PAR 'GREL PA NI MA YIN TE ZHES BYA BA'O, ,BDAG DE LA GNOD PA CI YANG MED DO ZHES 'BREL TO, ,CI LTAR ZHE NA, RANG GI NGO BO ZHES BYA BA'O, ,'ON CI LTAR BDAG TU SMRA BA RNAMS KYI LTAR NA 'JIGS PA DANG 'DZEM PA LA SOGS PA'I THA SNYAD DU 'GYUR ZHE NA, RGYU DANG 'BRAS BU'I ZHES BYA BA'O, ,DE LTA BU'I ZHES BYA BA NI 'JIGS PA DANG 'DZEM PA NYID DU THA SNYAD BYED PA'I RGYU'O, ,'JIGS PA LA SOGS PA'I THA SNYAD TZAM GYIS GNOD PA GANG YIN BA DE NI GNOD PA MA YIN GYI, 'ON KYANG BDAG GI RANG BZHIN RNAM BA GZHAN DU GYUR PA NYID GNOD PA YIN NO, ,GNOD BYED THA DAD PAS GNOD PAR 'GYUR BA NYID DU DOGS PA BSU PA NI, THA DAD KYANG ZHES BYA BA'O, ,BU'I GNOD PAS NI GNOD PA MA YIN NO, ,CI'I PHYIR ZHE NA, DE'I ZHES BYA BA'O, DES ZHES BYA BA NI RANG GI NGO BOR GYUR PAS SO, ,DE LTA MA YIN NA ZHES BYA BA NI GZHAN LA GNOD PAS KYANG GDON NA'O, ,'ON TE BU DANG NI GANG 'BREL BAS NA DE'I GNOD PAS GNOD PAR 'GYUR GYI, DGRA'I GNOD PAS NI MA YIN TE, 'BREL PA MED PA'I PHYIR RO ZHE NA, DE DANG YANG ZHES BYA BA STE DGRA DANG NGO, ,DES NA 'BREL BA YOD KYANG CI LTAR DGRA LA GNOD PAS MI GNOD PA DE BZHIN DU BU LA GNOD PAS KYANG GNOD PAR MI 'GYUR RO, ,'GYUR BA YANG YIN TE, DES NA BU SDUG BSNGAL BAR MTHONG BAS PHA'I RGYUD LA GNOD PA GZHAN KHO NA ZHIG SKYE BA YIN NO, ,GAL TE PHA LA GNOD PA GZHAN YOD PAR MA GYUR NA, DE'I TSE NI BU'I GNOD PAS GNOD PAR MI 'GYUR RO ZHES BRJOD PA NI, GAL TE ZHES BYA BA'O, ,GANG GI PHYIR DE LTAR GZHAN GYI GNOD PAS GNOD BA MA YIN PA DES NA'O, ,DE'I PHYIR ZHES BYA BA NI RES 'GA' GNOD BA'I RANG BZHIN GYI PHYIR RO, ,RGYUN LAS ZHES BYA BA NI SKAD CIG BRAG YUD MA LAS SO, ,DES NA ZHES BYA BA NI RGYUN TZAM YIN PAS NA'O, ,DE NYID CES BYA BA NI 'CHAD PA'O, ,DES NA ZHES BYA BA NI, DE NYID 'DI YIN NO ZHES BYA BA NI THA SNYAD KYIS NA'O, ,'DI NI DGRA'O, ,DE'I STE SKYE BA'I MTSAN NYID CES BYA BA'I RKYEN GYI BYED GZHIS [*GNYIS?] THA DAD PA'I RTAGS TE, DE DANG LDAN PA'I PHYIR RO, ,RKYEN GYI BYE BRAG GIS THA DAD BA NYID LAS, 'BRAS BU NYID DU GRUB PAS NA RJES SU DPAG PA'I TSAD MA'I YUL YIN NO ZHES BYA BA'I DON TO, ,DE NYID BRJOD PA NI RKYEN GYI ZHES BYA BA'O, ,GSAL BYED KYI DBYE BAS KYANG THA DAD BAR DOGS PA BSU BA

, ,NI; CI STE ZHES BYA BA'O, ,DE LAS GZHAN PA'I RANG BZHIN NYID KYI 'BRAS BU GSAL BAR BYED PA GANG LA YOD PA DE'I DNGOS PO NYID DE'I PHYIR RO, ,DE'I RANG BZHIN LAS NI BUM PA'I RANG BZHIN LAS SO, ,RANG GI RANG BZHIN NYAMS PA'I PHYOGS LA SUN 'BYIN PA BRJOD PA NI, DE LA MED PA'I ZHES BYA BA'O, ,GZHAN DU ZHES BYA BA NI MED PA YANG GSAL BAR BYA BA YIN NO, ,'ON TE ZHES BYA BA NI GSAL BYED DE'I RANG BZHIN GZHAN DU BYED PA NI MA YIN GYI, 'ON KYANG 'KHRUL PA YIN NO ZHES BYA BA'I DON TO, ,'ON CI LTAR GSAL BYED YIN SNYAM NA, 'GA' ZHIG CES BYA BA'O, ,DE LTA YIN NA ZHES BYA BA NI 'KHRUL PA SKYED PAR BYED PA YANG GSAL BAR BYED PA YIN NA'O, ,DE DAG LA YANG ZHES BYA BA NI RAB RIB LA SOGS PA LA YANG NGO, ,'ON TE 'KHRUL YANG ZHES BYA BA NI CHUNG DU DAD CHEN PO LA SOGS PA'I RANG BZHIN DU 'KHRUL KYANG NGO, ,DE'I NI SGRA'I'O, ,GZHAN NI CHE CHUNG LA SOGS PA'I RANG BZHIN NO, ,GANG GI PHYIR DE LTA YIN PA DES NA RTZOL BA LA SOGS PA NI GDANGS DE'I GSAL BYED YIN BA 'DOD NA'O, ,'CHAD PA NI GAL TE ZHES BYA BA'O, ,DE NI ZHES BYA BA NI SGRA THA DAD PA'O, ,DE KHO NA NYID GZHAN ZHES BYA BA NI, YI GE GA LA SOGS PA LA THA DAD PA GO BA'I SGRA NYID DO, ,GZHAN DU ZHES BYA BA NI DE KHO NA NYID THA DAD PAR MI SNANG NA CHEN PO DANG CHUNG DU LA SOGS PA'I DBYE BAS 'KHRUL PA NYID DU RTOGS PAR MI 'GYUR RO, ,RNAM PA THAMS CAD DU ZLA BA GCIG THA DAD PAR MI SNANG NA NI, ZLA BA GNYIS SU SNANG BA 'KHRUL PA NYID DU RTOGS PAR MI 'GYUR RO, ,'ON TE YANG THA DAD PAR MI SNANG YANG DE THA DAD PA YIN NO ZHE NA, THA DAD CES BYA BA'O, ,CI LTAR THA DAD PAR RTOGS PAR MI 'GYUR ZHE NA, DE LTA MIN NA ZHES BYA BA'O, ,GAL TE 'KHRUL PAS NA SGRA'I RANG BZHIN THA DAD KYANG, THA DAD PA NYID DU NGES PAR MI RTOGS SO ZHES DOGS NAS BRJOD PA NI, GAL TE ZHES BYA BA'O, ,'KHRUL PA NYID NYAMS PA KHO NAR 'GYUR TE, MA 'KHRUL PA'I RANG BZHIN YOD PA'I PHYIR RO, ,'KHRUL PA LA YANG 'KHRUL PA'O ZHES BYA BA'I DON CI ZHE NA, 'KHRUL PA MED DO ZHES BYA BA YIN TE, DES NA 'KHRUL PA LA 'KHRUL PA YIN NA, 'KHRUL PA MED PA'I PHYIR, MA 'KHRUL PA'I RANG BZHIN YOD PAR 'GYUR RO, ,GANG GI TSE 'KHRUL PA YIN ZHE NA, 'KHRUL PA ZHES BYA

BA'O; ,GAL TE 'KHRUL PA'I RANG BZHIN LAS ZHES BYA BA RNAM PAR 'GREL BA NI, 'KHRUL PA SNANG PA'I RANG BZHIN LAS ZHES BYA BA'O, ,DES NA RANG BZHIN GZHAN NI MED PA KHO NA'O, ,DOGS BA NI 'KHRUL PAS ZHES BYA'O, ,'DI RE ZHIG THUG PA MED PA'I NYES PA BRJOD PA NI 'KHRUL PA ZHES BYA BA'O,, 'KHRUL PAS NYE BAR BSTAN PA'I RANG BZHIN GNYIS PA DE LAS KYANG NGO, ,DES NA ZHES BYA BA NI 'KHRUL PA'I RANG BZHIN LAS SGRA'I RANG BZHIN DE YANG NGO, ,DE YANG RANG BZHIN GZHAN YIN PA NI SGRA'I RANG BZHIN GZHAN YIN PA'O, ,DE LTAR THUG PA MED PA BRJOD NAS, 'KHRUL BA NYID NYAMS 'GYUR ZHES BYA BA RNAM PAR 'GREL PA NI, 'KHRUL PA LA YANG ZHES BYA BA'O, ,'KHRUL PA'I YUL LA YANG 'KHRUL PA GANG YIN PA DER GYUR NA NI PHYIN CI LOG GI RANG BZHIN NYAMS PAR 'GYUR LA, SGRA'I RANG BZHIN BDEN PA NYID 'BA' ZHIG NI SNANG BAR 'GYUR RO, ,DES NA ZHES BYA BA NI THUG PA MED PAS NA'O, ,DES NA ZHES BYA BA NI 'KHRUL PA LA 'KHRUL PA YOD PAS NA'O, ,DE NYID SNANG BAS NA ZHES BYA BA NI 'KHRUL PA LA 'KHRUL NA, MA 'KHRUL PA NYID DU 'GYUR LA, DE SNANG PA NA NI 'KHRUL PA ZHES BYA BA YOD PA MA YIN NO, ,'O NA CI LTAR NA 'KHRUL BA LA YANG 'KHRUL PA NYID DU RNAM PAR GZHAG CE NA, GZHAL BYA ZHES BYA BA'O, ,DE KHO NA SNANG BA LA NI MA YIN NO ZHES BYA BA'I DON TO, ,MI SNANG YANG SGRA'I RANG BZHIN KHO NA BDEN PA YIN GYI CHEN PO NYID LA SOGS PA NI MA YIN NO ZHES DOGS PA BSU BA NI, GAL TE ZHES BYA BA LA SOGS PA'O, ,CHEN PO NYID LA SOGS PAS ZHES BYA BA NI SGRA CHEN PO NYID LA SOGS PAS BYAS PA'O, ,BZLOG PA'I PHYIR NI DON BYA BA MED PAS SO, ,GZHAN NI CHEN PO NYID LA SOGS PA'O, ,'O NA DON RTOGS PA GANG LAS 'GYUR SNYAM NA, DON TE ZHES BYA BA'O, ,SGRA'I SHES PA MED PA KHO NAS CI STE MI 'GYUR SNYAM NA, BAG CHAGS ZHES BYA BA'I'O, ,DES NA DON RTOGS PA NI SGRA RIG PA LA LTOS PA YIN NO, ,GAL TE SGRA'I DBYE BAS DON RTOGS PA THA DAD PAR 'GYUR BA MA YIN NAM, DES NA DE NYID DE'I THA DAD PAR BYED PA YIN NO ZHE NA, RGYUD PA'I SA NI ZHES BYA BA'O, ,NYAN PA'I RNAM PAR SHES PA LA SOGS PAS BAR CHOD PAS SKYES PAR BYED PA SGRA'I RANG BZHIN GANG YIN PA DE NI THA DAD PAR BYED PA NI MA YIN TE, DE MA THAG PA'I RGYU NYID THA DAD PAR BYED PA

, ,YIN PA'I PHYIR RO, ,'O NA GANG ZHIG THA DAD PAS THA DAD PAR 'GYUR ZHE NA, NYER LEN ZHES BYA BA'O, ,DON RTOGS PA'I NYE BAR LEN PA NI RIGS MTHUN PA'I BAG CHAGS YIN LA, SGRA NI LHAN CIG BYED PA YIN NO, ,LHAN CIG BYED PA'I SGRA THA DAD PAS NI DON RTOGS PA THA DAD PAR MI 'THAD DE, SGRA THA MI DAD KYANG YUL GYI DBYE BAS DON RTOGS PA THA DAD PAR MTHONG LA, THA DAD KYANG MA MTHONG STE DES NA NYE BAR LEN PA'I DBYE BA KHO NAS DE THA DAD PA YIN NO, ,THA DAD PAR BYED PA MA YIN PA'I GTAN TSIGS GNYIS MDOR BSDUS TE BRJOD PA NI, DES KYANG ZHES BYA BA NI BRGYUD PAS SKYED PAR BYED PA YIN PA'I PHYIR YANG SGRA NI THA DAD PAR BYED PA MA YIN NO ZHES SBYAR RO, ,'CHAD PA NI DON DE'I ZHES BYA BA'O, ,DE LA NI DON RTOGS PA LA'O, ,DES ZHES BYA BA NI BRGYUD NAS SKYED BYED YIN PA DANG, LHAN CIG BYED PA YIN PAS NA SGRA DE THA DAD PAR BYED PA MA YIN PAS NA, 'O NA SGRA'I DNGOS SU DON BYA BA GANG YIN ZHE NA, SGRA NI ZHES BYA BA'O, ,DE'I SHES PA NI SNANG BA'I SHES PA'O, ,GAL TE CHEN PO DANG CHUNG DU LA SOGS PA'I DBYE BA NI GDANGS RNAMS KHO'I YIN GYI SGRA'I NI MA YIN TE, DON BYA BA THA MI DAD PA'I PHYIR RO ZHES GANG BRJOD PA DE SUN 'BYIN PA NI, DE NI ZHES BYA BA STE SHES PA NI THA DAD PAR 'GYUR BA NYID DE ZHES PHYI MA DANG 'BREL TO, ,SGRA NYE BA DANG RING BA'I DBYE BAS GSAL BA DANG MI GSAL BA GANG YIN PA DES SO, ,THA DAD PA'I RGYU GCIG BRJOD NAS, GNYIS PA BRJOD PA NI YID DU 'ONG BA DANG YID DU MI 'ONG BA ZHES BYA BA STE, BDE BA'I RNAM PA DANG SDUG BSNGAL GYI RNAM PA'O, ,DE CI LTAR ZHES BYA BA NI, SGRA'I DON BYA BA THA DAD PA'I PHYIR SGRA THA MI DAD PAR CI LTAR 'GYUR ZHES BYA BA'O,, RANG GI DON BYA BA BYED PA NI BDAG GI DGOS PA SGRUB PA'O, ,'ON TE SGRA LA THA DAD PA NI YOD MOD KYI, 'ON KYANG 'DI NI 'KHRUL PA KHO NA YIN NO SNYAM DU DOGS NA, DE LTA YIN DANG ZHES BYA BA STE, RANG GI DGOS PA BYED PA YIN DANG NGO, ,DE LTAR BUM PA BZHIN DU SGRA RTZOL BA LAS BYUNG BA YIN PA'I PHYIR MI RTAG PA KHO NA'O, ,RTZOD BA'I 'BRAS BU DU MA YIN PA'I PHYIR, DE'I DE MA THAG PAR ZHES PA NYID KYIS DE GSAL BAR BYAS PA NYID NI MA YIN NO ZHES BSTAN NAS, DA NI BRTZAL MA THAG TU SHES PAS DES GSAL BAR BYA BA NYID YIN YANG, MI RTAG PA KHO NA'O ZHES BSGRUB PA'I DON DU RNAM 'GREL RNAM PAR 'GREL BA NI, GAL TE ZHES BYA BA'O, ,

DE'I TSE ZHES BYA BA KHO NA PHYUNG LA, BRTZAL MA THAG PA ZHES SBYAR TE, MA NGES PAR 'GYUR RO ZHES BYA BA'I DON TO, ,MA NGES PA NYID BRJOD PA NI, SNGAR YANG ZHES BYA BA'O, ,DOGS PA NI THOS PAS ZHES BYA BA'O, ,GZHAN DU ZHES BYA BA NI MA THOS PAR RO, ,LAN NI GAL TE ZHES BYA BA'O, ,DES NA NI RJES SU 'JUG PA NA'O, ,LDOG PA BRJOD PA NI PHYIS KYI ZHES BYA BA'O, ,DOGS PA NI MA YIN TE ZHES BYA BA'O, ,DE'I TSE STE SNGAR GSAL BYED MED PA'I PHYIR RO, ,GAL TE SNGAR GSAL BAR BYED PA MED KYANG DA LTAR BA'I GSAL BAR BYED PAS CI STE RTOGS PA MI SKYED SNYAM NA GSAL BAR BYED PA NI ZHES BYA BA'O, ,LAN 'DEBS PA NI DE NI ZHES BYA BA'O, ,GAL TE GSAL BYED KYIS GSAL BYA'I BDAG NYID THAMS CAD GSAL BAR BYED PA YIN NO ZHES BYA BA NYID GA LA YIN ZHE NA RANG GI RANG BZHIN PHYIN CI MA LOG PAR ZHES BYA BA'O, ,GAL TE DUS GZHAN GNAS PA DE ZHES BYA BA RNAM PAR 'BREL PA NI DUS ZHES BYA BA'O, ,CI'I PHYIR ZHE NA, MI GSAL BA ZHES BYA BA'O, ,DE LTA MA YIN NA ZHES BYA BA NI GSAL BA YANG GSAL BYED LA LTOS NA'O, ,DE'I TSE'ANG ZHES BYA BA NI GSAL BYED YOD PA'I DUS NA YANG NGO, ,DE'I PHYIR PHYIS KYI RTZOL BA LAS SNGAR MI RTOGS PA MA YIN NO, ,PHYIS KYIS SHES PAS KYANG MI RTOGS PA MI 'THAD DO ZHES BSTAN PA'I DON DU BRJOD PA NI, PHYIS KYI ZHES BYA BA'O, ,CI'I PHYIR ZHE NA, DE BZHIN DE NYID CES BYA BA'O, , 'ON STE SNGAR RTZOL BA MED PA'I PHYIR MI DMIGS SO ZHE NA, SNGAR BYUNG BA'I ZHES BYA BA'O, ,DE LA NI SGRA LA'O, ,CI'I PHYIR ZHE NA, PHYI MA NYID KYIS ZHES BYA BA STE PHYIS YOD PA'I RTZOL BAS SO, ,DOGS PA NI RANG GI ZHES BYA BA'O, ,PHYIS KYI RTZOL BAS NI RANG GI DUS DANG 'BREL PA'I GSAL BYA GSAL BAR BYED PA YIN GYI SNGAR GYI DUS DANG 'BREL PA NI MA YIN NO, ,LAN NI CI ZHES BYA BA STE, SNGAR GYI RTZOL BA DE LAS GZHAN GYIS SNGAR GYI DUS DANG 'BREL PA'I GSAL BYA GZHAN RNAM PAR GCOD DAM, SNGA MA DANG PHYI MA'I DUS KYIS RTZOL BA THA DAD PA'I PHYIR GSAL BYA BA THA DAD PA NI MA YIN TE GCIG YIN PA'I PHYIR RO ZHES BYA BA'I DON TO, ,CI'I PHYIR ZHE NA, SNGA PHYI'I ZHES BYA BA'O, ,GSAL BYA 'DZIN PA'I SHES PA SNGA MA DANG PHYI MA'I DUS NA GCIG YIN NAM DU MA YIN NAM DE LA SNGA MA DANG PHYI MA DAG GIS SHES PA GCIG YIN NA RTZOL BA THA DAD PA GSAL BA RNAM PAR 'BYED PAR BYED PA MA YIN PAR 'GYUR TE MI NUS PA'I PHYIR RO, ,DU MA YIN NA YANG DE THA DAD PA KHO NAS THA DAD PAR 'GYUR GYI RTZOL BAS

, ,CI BYA STE DON MED PA'I PHYIR RO ZHES BRJOD PA NI, SHES GZHAN ZHES BYA BA STE, SHES PA THA DAD PA YIN NA'O, ,'ON TE GANG GI TSE ZHES BYA BA NI GANG GI TSE SGRIB PA YOD PA DE TSE NI GSAL BAR BYA BA YOD KYANG DMIGS PAR MI 'GYUR RO, ,CI'I PHYIR ZHE NA, BSGRIBS PA'I PHYIR RO ZHES BYA BA'O, ,GANG GIS SGRA LA YANG DE LTAR 'GYUR BA CI 'GA' ZHIG TU DE DE LTAR MTHONG BA YOD DAM SNYAM NA, MTHONG NGO ZHES BRJOD PA NI, RTZIG PAS ZHES BYA BA'O, ,SKYES BU LA SOGS PA GZHAN GYI RTZIG PA LA SOGS PA GSAL BAR BYAS NA'O, ,DE LTAR ZHES BYA BA NI RTZIG PAS SGRIB PAR BYED PA NYID YIN PA NA'O, ,DON LA BRJOD PA NI SGRA LA'ANG ZHES BYA BA'O, ,RNAM PAR 'GREL PA NI YOD KYANG ZHES BYA BA'O, ,BSGRIBS PAS RANG NYID CES BYA BA NI SGRIB PA YOD NA GSAL BYA'I RANG GI NGO BO NYID YOD PAR 'GYUR BA YIN LA, RNAM PA GZHAN DU 'GRO BA'I MTSAN NYID KYI 'GYUR BA GZHAN BYED PA NI MA YIN NO, ,CI'I PHYIR ZHE NA, MNGON SUM GYIS ZHES BYA BA'O, ,MA BSGRIBS PA'I GNAS SKABS NA, MNGON SUM DE'I RANG BZHIN STE, SNGAR GYI RNAM PAR 'GYUR PAR MA BYAS PA'I GNAS SKABS NYID DMIGS PA'I PHYIR RO, ,CI LTAR MA BRTAGS PAR YIN ZHE NA, 'DI LTAR ZHES BYA BA'O, ,DER YANG NI RTZIG PA LA SOGS PAS CHOD PA LAS YANG RJES SU DPAG PA'I BDAG NYID KYI NGO SHES PA NYID LAS RNAM PAR 'GYUR BA MED PAR RTOGS PA YIN GYI GZHAN LAS NI MA YIN NO, ,'DI GA LAS SHE NA, 'DI LTAR DMIGS PA MED PA'ANG STE, SGRIB PAS BAR BCAD PA MA DMIGS PA YIN YANG MNGON SUM GYIS 'GYUR BA MED PA CI LTAR RTOGS TE MI RTOGS PA NYID DO, ,CI'I PHYIR ZHE NA, GANG PHYIR ZHES BYA BA STE GANG GI PHYIR DMIGS PA LDOG PAS NI, BAR CHOD PA DE'I RANG BZHIN YOD PAR BSGRUBS PA MA YIN NO, ,'ON TE BSGRIBS PA NI GZHAN GYIS DMIGS PA YIN PAS DE NYID KYI DE'I RANG BZHIN YOD PAR SGRUB PAR BYED DO ZHE NA, GZHAN GYI ZHES BYA BA'O, ,DE'I PHYIR RNAM PAR 'GYUR BA MED PA NYID NI DO SHES PA KHO NA LAS RTOGS PA YIN, DE LTAR YIN PAR 'GYUR RO ZHE NA, GAL TE ZHES SMOS SO, ,DE ZHES BYA BA NI RNAM PAR 'GYUR BA MED PA'O, ,DE'I TSE LOG TU GYUR PA'I YUL CAN YIN PA'I PHYIR NGO SHES PA NI RJES SU DPAG PA YIN PAR 'GYUR RO, ,CI LTA BUR GYUR PA ZHE NA, MNGON SUM GYI SNGON 'GRO CAN MA YIN PA'O, ,DE LTA YIN MOD SNYAM NA, MNGON SUM SNGON 'GRO CAN MIN NA, ,ZHES BYA BA'O, ,CI LTAR LONG

BA BRGYUD PA YIN ZHE NA, RJES SU DPAG PA YIN NA ZHES BYA BA STE, BSGRIBS PA NA YANG YOD NGO ZHES RNAM PA DE LTA BU'I BDAG NYID CAN GYI, RTAGS GANG YIN PAS BSGRIBS PA'I GNAS SKABS NA RNAM PAR 'GYUR BA MED PA'I RANG BZHIN DE YANG NGO, ,DE LTAR GYUR PAS ZHES BYA BA NI MNGON SUM SNGON DU 'GRO BA CAN MA YIN PA, RNAM PAR 'GYUR PA MED PA'I RANG BZHIN GYI RTAGS KYIS 'GRUB PHYIR TE, NGES PA'I PHYIR RO, ,DMIGS PA MED NA'ANG MNGON SUM GYIS ZHES BYA BA RNAM PAR 'GREL BA NI, SGRIB PAS ZHES BYA BA'O, ,MA BSGRIBS PA'I GNAS SKABS NA, RNAM PAR MA BSGYUR BA'I RTOGS PA'I DOGS PA BSU BA NI, PHYIS ZHES BYA BA'O,, LAN NI DE NYID KYI TSE ZHES BYA BA STE PHYIS KYI TSE NYID DO, ,GAL TE DO SHES PA LAS DE ZHES BYA BA RNAM PAR 'GREL PA NI, BAR NA YOD PA NI ZHES BYA BA'O, ,DE LTA YIN NA YANG ZHES BYA BA NI LKOG TU GYUR PA'I YUL CAN NYID YIN NA'O, ,CI LTAR ZHE NA, GANG GI PHYIR ZHES BYA BA'O, ,DE LA ZHES BYA BA NI SNGA MA DANG PHYI MA'I DNGOS PO LA'O, ,CI LTAR MNGON SUM, SNGON DU 'GRO BA CAN YIN PA KHO NA'O, ,CI'I PHYIR ZHE NA, THAMS CAD DU ZHES BYA BA'O, ,'O NA RJES SU DPAG PA SNGON DU 'GRO BA CAN DU 'GYUR RO SNYAM NA, RJES SU DPAG PA ZHES BYA BA'O, ,RNAM PA CI LTAR YANG RUNG BAR MNGON SUM SNGON DU 'GRO BA CAN DU DOGS PA BSU BAS NI, GZHAN GYIS ZHES BYA BA STE RTOGS PA PO GZHAN GYIS SO, ,GAL TE YANG RTOGS PA PO GCIG GI DBANG DU BYAS NAS BUM PA LA SOGS PA BSGRIBS PA YIN PA DE LTA NA YANG RUNG BA'I YUL NA GNAS PA'I RTOGS PA PO GZHAN GYIS NI DE RTOGS PA KHO NA'O ZHE NA, GZHAN GYI DMIGS SO ZHES BYA BA RNAM PAR 'GREL PAS 'DI LA YANG LAN 'DEBS PA NI, DE LA YANG ZHES BYA BA STE, GZHAN GYI RTOGS PA LA YANG DO, ,CI'I PHYIR ZHE NA, GZHAN GYI ZHES BYA BA'O, ,DOGS PA NI 'ON TE ZHES BYA BA'O, ,LAN NI DE SMRA BA MA YIN NO, ,CI'I PHYIR ZHE NA, TSIG CES BYA BA'O, ,'ON TE BDEN PAR SMRA PA'I TSIG LA RJES SU DPOG PA PO NGES PA KHO NA 'O ZHE NA BDEN PAR SMRA YANG ZHES BYA BA'O, ,RJES SU DPOG PA PO GZHAN GYIS NI, BDAG NYID BDEN PAR SMRA BA NYID DU YANG DES PAR NUS PA MA YIN NA MNGON DU BYAS PAR NGES PA LTA GA LA YANG YIN, ,YUL GANG LA 'DI BDE NA PAR SMRA BA ZHE NA, GANG ZHIG CES BYA BA'O, ,DES ZHES BYA BA NI

, ,MNGON DU BYED PA'O, ,DES ZHES BYA BA NI RJES SU DPOG PA'O, ,BDEN PAR SMRA BAR MI NGES PA YANG YUL MA NGES PA'I PHYIR RO ZHES BRJOD PA NI, GZHAN GYIS ZHES BYA BA'O, ,DE LTAR ZHES BYA BA NI GZHAN GYIS RTOGS PA NYID DU'O, ,DE NYID NI ZHES BYA BA NI GZHAN GYI RTOGS PA GANG YIN PA'O, ,DES NA ZHES BYA BA NI BDEN PAR SMRA BA NYID DU NGES PA MED PAS NA, DNGOS PO LA GZHAN GYIS RTOGS PA NYID DU RTOGS PA MED PAS NA'O, ,DE RTOGS NA NI PHAN TSUN BRTEN PA'I SKYON DU 'GYUR RO, ,CI LTAR ZHE NA, PHAN TSUN ZHES BYA BA STE, GCIG LA GCIG RTOGS PA NYID DU BRJOD PAS NA DE RTOGS PA YIN LA, DE RTOGS PAS KYANG DE BRJOD PA'I PHYIR RO, ,'ON TE ZHES BYA BA NI BZHIN RGYAS PA LA SOGS PA'I RNAM PAR 'GYUR BA GANG YIN PA DE NI, NGAL MNGON SUM DU GYUR PA'I DON GYI BSKYED PA YIN TE, DPER NA NGA'I BZHIN RGYAS PA LA SOGS PA'I RNAM PAR 'GYUR BA BZHIN NO, ,'DI'I BZHIN RGYAS PA LA SOGS PA'I RNAM PAR 'GYUR BA YANG BZHIN RGYAS PA LA SOGS PA'I RNAM PAR 'GYUR BA YIN NO ZHES BYA BA'O, ,DE NYID BRJOD PA NI DE LTA BU NYID KYI RNAM PAR 'GYUR BA ZHES BYA BA STE, DE 'DRA BA BZHIN RGYAS PA LA SOGS PA'I RNAM PAR 'GYUR BA MTHONG BA LAS RTOGS PA PO GZHAN DES KYANG NGAS MTHONG BA GANG YIN PA DE NYID RTOGS SO, , ZHES SO, ,LAN NI 'O NA DE LTA BU NYID CES BYA BA STE DE DANG RIGS MTSUNGS PA'O, ,DE NI RJES SU DPAG PA'O, ,CI'I PHYIR RIGS PA DANG LDAN PA MA YIN ZHE NA RJES SU DPAG PA NI ZHES BYA BA'O, ,CI'I PHYIR ZHE NA DU BA ZHES BYA BA'O, ,DPE LA MTHONG BA DE NYID DO, ,'ON KYANG DPE LA MTHONG BA DANG RIGS MTSUNGS PA 'GRUB PO, ,DE BZHIN DU 'DIR YANG SHING LA GNAS PA'I BZHIN RGYAS PA LA SOGS PA'I RNAM PAR 'GYUR BA LAS NGES PA'I RGYU DANG RIGS MTSUNGS PA 'GRUB KYI DON GCIG MA YIN NO, ,SUN 'BYIN PA GZHAN YANG BRJOD PA NI, GAL TE ZHES BYA BA'O, ,BDAG KYANG CI STE GCIG MA YIN ZHES SBYAR STE, BZHIN RGYAS PA LA SOGS PA'I RNAM PAR 'GYUR BA GANG YIN PA DE NI, NGA'I BDEN PA'AM BDAG GIS BYAS PA YIN TE, DPER NA NGA RANG GI BZHIN RGYAS PA LA SOGS PA'I RNAM PAR 'GYUR BA BZHIN NO, ,'DI'I BZHIN 'GYUR BA LA SOGS PA'I RNAM PAR 'GYUR BA YANG BZHIN RGYAS PA LA SOGS PA'I RNAM PAR 'GYUR BA YIN

NO, ,BDE BA'AM BDAG KYANG GCIG NYID DU 'GYUR RO, ,GAL TE MNGON SUM GYIS GNOD PA NI, PHYOGS SAM YIN NO ZHES DOGS PA BSU BA NI, 'ON TE ZHES BYA BA'O, ,DE LTA BA YIN NA ZHES BYA BA NI, BDE BA LA SOGS PA THA DAD NA'O RTOGS PA DAG KYANG ZHES BYA BA NI SNGON PO DAG KYANG NGO, ,LTA BA PO GNYIS KYI MTHONG BA'I SNGON PO LA GCIG NYID DU LHAG PAR ZHEN KYANG RIGS PAS THA DAD PA KHO NAR 'GYUR RO, ,'O NA JI LTAR YUL MTSUNGS PAR RTOGS SNYAM NA, DE RTOGS PA MED PAR ZHES BYA BA STE, GNYI GAS GCIG RTOGS PA MED PAR RO, ,DE RTOGS PAS KYANG CI'I PHYIR YUL GCIG NYID MA YIN ZHE NA, DNGOS PO'I BYA BA'O, ,GANG GI PHYIR BSGRIBS PA'I DUS NA BUM PA LA SOGS PA CI LTAR YANG YOD PAR MI 'GYUR BA DES NA BUM PA LA SOGS PA YOD KYANG SGRIB PA YOD PAS NA'O, ,GZHAN GYIS RTOGS PA NYID RTOGS PAR DOGS PA BSU BA NI, GAL TE ZHES BYA BA'O, ,'ON TE RTOGS PA, ,'DI NI GNOD PA DES NA, TSAD MA MA YIN NO ZHE NA, GNOD PAR BYED PA ZHES BYA BA'O, ,GAL TE GNOD BYED BRJOD MA THAG PA KHO NA MA YIN NAM CI LTAR DE MED SNYAM NA, 'DIR ZHES BYA BA STE, GZHAN GYIS RTOGS PA NYID RTOGS SO ZHES RTOGS PA LA'O, ,CI LTAR 'JIG PAR 'GYUR ZHE NA, ZHIB MOR ZHES BYA BA STE ZAS LA SOGS PA YANG MI ZA BAR 'GYUR RO ZHES BYA BA'I DON TO, ,CI LTAR DE BKAG PA TSAD MA BKAG PA YIN ZHE NA, ZHIB MOR ZHES BYA BA'O, ,PHA ROL NI SANGS RGYAS PA'O, ,GAL TE 'JIG RTEN GYI THA SNYAD 'PHEL BA'I DON DU YIN PA'I PHYIR DON BYED PA CI LTAR ZHE NA, THA SNYAD TZAM PO ZHES BYA BA'O, ,RMONGS PA 'PHEL BA'I DON DU MA YIN NO ZHES BYA BA 'DI GA LAS SHEN ,A BSTAN BCOS ZHES BYA BA'O, ,'DI NYID LA DOGS PA SNGON DU 'GRO BA CAN GYI SUN 'BYIN PA GZHAN BRJOD PA NI, GAL TE ZHES BYA BA'O, ,CI LTAR ZHE NA, SPYI BOR ZHES BYA BA'O, ,GAL TE THA SNYAD RNAM PAR DPYOD PAS GNOD NA, DE'I TSE YANG RTOGS PA LDAN PA KHAS LEN PA KHO NA'O ZHE NA, BRJOD PA NI MKHAS PA RNAMS LA NI ZHES BYA BA STE THAR PA 'DOD PA RNAMS LA 'KHOR BA'I THA SNYAD 'CHAD PA KHO NA'O, ,ZHIB MOR RNAM PAR DPYAD KYANG 'KHOR BA MED PA DAG KYANG MA YIN NO ZHES BRJOD PA NI CI LTAR ZHES BYA BA'O, ,YANG NA LHAG PAR ZHEN PA CI LTA BA BZHIN RGYU DANG 'BRAS BU'I RANG BZHIN GYI THA SNYAD BSGRUB PA'I PHYIR NYAMS PAR GA LA 'GYUR TE CI 'GAL ZHES BYA BA'O, ,'DI NYID RNAM PAR

, ,'GREL PA NI, THA SNYAD PA RNAMS KYI ZHES BYA BA'O, ,'O NA 'DI JI LTAR ZLOG SNYAM NA, DE NYID KYI PHYIR ZHES BYA BA STE, THA SNYAD PA RNAMS KYI NYAMS PA MED PA NYID KYI PHYIR RO, ,THA SNYAD 'DI'I DE KHO NA STE RANG BZHIN NGES PAR BRTAGS PAR ZLOG PAR BYED DO, ,GAL TE THA SNYAD NI RNAM PAR RTOG PA YIN LA, DE NI NGES PAR RTOG PA LAS SNGAR YANG MED PA KHO NA MA YIN NAM, DES NA GANG GIS 'DI NGE PAR BRTAGS PAS BZLOG CE NA MYA NGAN LAS 'DAS PA'I PHYIR ZHES BYA BA'O, ,GAL TE THA SNYAD KYI DE KHO NA NGES PAR BRTAGS PAS ZLOG PAR BYED PA YIN NA, DE NYID DE KHO NA MA YIN MOD, CI LTAR NA 'KHOR BA DE KHO NA MA YIN PAR 'GYUR ZHE NA, KUN RDZOB CES BYA BA'O, ,'KHOR BA DE KHO NA MA YIN NA, DE KHO NA NYID NI MYA NGAN LAS 'DAS PA YIN PAR GNAS SO ZHES BRJOD PA NI DE LTA YIN NA ZHES BYA BA'O, ,DE LTA NA'O NA DE KHO NA DANG DE KHO NA MA YIN PA THA DAD PA'I PHYIR CI LTA DE KHON GNYIS MED PAR GZHAG CE NA, DE NYID DE NYID MIN ZHES BYA BA STE KUN NAS NYON MONGS PA DANG RNAM PAR BYANG BDAG THA DAD PA DAG MA YIN GYI, 'ON KYANG RNAM PAR BYANG BA NYID SNA TSOGS GNYIS MED PAR RIGS PA KHO NA YIN GYI DON DAM PAR NA 'KHOR ZHES BYA BA NI YOD PA MA YIN NO ZHES BYA BA 'DI DON DAM PA NYID YIN TE, DES NA GNYIS MED PA'I DE KHO NA GNAS PA YIN NO ZHES BYA BA'I DON TO, ,GAL TE 'KHOR BA ZHES BYA BA DON DAM PAR MED PA KHO NA YIN NA, 'O NA CI LTAR 'JIG RTEN 'KHOR BA ZHES MNGON PAR RLOM PA YIN ZHES DOGS NA, DE NYID DPYAD PA MED PA DAG KHO NA DE KHO NA MA YIN NO ZHES SEMS PAR BYED, ,CI LTAR 'KHOR PA'I THA SNYAD CHAD PAR BYA BA YIN ZHE NA, KHO NA ZHES BYA BA'O, ,GANG GI PHYIR DE LTAR KUN NAS NYON MONGS PA DANG, RNAM PAR BYAD BA DAG THA DAD BA DE NA'O, ,CI LTAR 'JIG PAR 'GYUR ZHES BYA BA NI CI LTAR KHYOD THE TSOM ZA PHYIR 'JIG PAR 'GYUR ZHES BRJOD, ZHIB MOR DPYOD PA NI RNAM PAR DPYOD PA YIN LA, DE YANG BSGRUB PAR BYA BA KHO NA STE, 'KHOR PA CHA DPA'I RGYU YIN PA'I PHYIR RO, ,'O NA GANG GI TSE 'KHOR BA LA GNOD PA MA YIN ZHE NA, CI SRID CES BYA BA'O, ,DES NA DE KHO NA MTHONG BA LAS 'KHOR BA CAD PAR 'GYUR BA NI 'DOD PA NYID THOG TU BAB PA YIN NO, ,GAL TE DE KHO NA MTHONG BA NYID LAS 'KHOR BA LDOG PA YIN NA DE'I TSE THOG MA BA NYID DU DE KHO NA CI STE MI BSGRUB STE, MI

RTAG PA NYID LA SOGS PA SGRUB PA'I THA SNYAD KYI CI ZHIG BYA ZHE NA, MKHAS PA'I SKYE BO ZHES BYA BA'O, ,'DI NYID NI 'CHAD BZHIN PA'O, ,GANG LA NI SKAD CIG LA'O, ,CI LTAR SKAD CIG MA NYID BSGRUB PA CE NA, DO'I PHYIR ZHES BYA BA'O, ,GANG GI TSE ZHES BYA BA NI BRTZAL LA THAG TU 'BYUNG BA STE, GANG ZHIG BRTZAL MA THAG TU 'BYUNG BA'I SHES PA ZHES BYA BA'I DON TO, ,GANG ZHES BYA BA NI YUL GYI RANG BZHIN NO, ,DE'I TSE DE ZHES BYA BA NI, DE'I TSE KHO NA DE BRJOD PA YIN TE, MI RTOGS PA YIN NO ZHES BYA BA'I DON TO, ,CI'I PHYIR ZHE NA, SNGON DANG PHYI MA'I ZHES BYA BA'O, ,'DI NYID BRJOD PA NI GANG ZHIG CI LTAR ZHES BYA BA'O, ,GTAN TSIGS 'DI LA SKAD CIG PA MA YIN PAR SMRA BA GZHAN DAG MA NGES PA NYID DU BRJOD PA NI, CI LTAR SMRA ZHE NA, GAL TE ZHES BYA BA'O, ,MED PA MA YIN NO ZHES BYA BA NI SNGA MA DANG PHYI MA'I RANG BZHIN NO, ,DUS GZHAN DU ZHES BYA BA NI, BAR GYI RANG BZHIN 'DZIN PA'I DUS LAS DUS GZHAN TE, 'DAS PA'AM MA 'ONGS PA DER RO; ;DE NI SNGA PHYI'I RANG BZHIN NO, ,DE'I TSE NI ZHES BYA BA NI DUS GZHAN DU NI'O, ,CI LTAR DE'I TSE DMIGS SHE NA, 'DI LTAR ZHES BYA BA'O, ,GANG DU NI YUL DU'O, ,DMIGS PA'I MTSAN NYID NI MIG LA SOGS PA'I TSOGS PA'I NANG DU CHUD PA'I DON TO, ,DE DMIGS PA MTSON PA'I PHYIR RO, ,DE'I DNGOS PO NI DMIGS PA'I MTSAN NYID DE DON GANG YIN PA'O, ,DER NI NYE BAR DMIGS SO ZHES BYA BA'O, ,'DIG LAS SHE NA, BUM PA ZHES BYA BA'O, ,DE 'DRA BA ZHES BYA BA NI DMIGS PA'I MTSAN NYID THOB PA'O, ,DON LA BRJOD PA NI DE BZHIN DU ZHES BYA BA'O, ,GANG TSE ZHES BYA BA NI DUS GZHAN NA'O; ;GZHAN GYI TSE ZHES BYA BA NI BAR GYI RANG BZHIN 'DZIN PA'I DUS NA SNGA MA DANG PHYI MA'I RANG BZHIN DE NI DMIGS PAR BYA BA'I RANG BZHIN DE 'DRA BA NYID MIN PAS SO, ,GCIG NYID NA ZHES BYA BA NI DA LTAR GYI RANG BZHIN DANG SNGA MA DANG PHYI MA'I DUS NA YOD PA'I RANG BZHIN DU GCIG NA'O, ,DE DANG DE MIN TE DMIGS PA'I MTSAN NYID DU GYUR PA DANG MA GYUR PA CI LTAR 'GYUR, DMIGS PA MTSAN NYID DU GYUR PA KHO NAR 'GYUR RO ZHES BYA BA'I DON TO, ,'ON TE DU MA NYID DU KHAS LEN NA, DE'I TSE DE LTAR RANG BZHIN SNGAR BZUNG BA DE NYID PHYIS DMIGS SO ZHES BYA BAR MI 'THAD DE, GZHAN KHO NA DMIGS PA'I PHYIR

, ,RO; ;GAL TE DA LTAR GYI DUS NA SNGA PHYI'I DUS DAG MED PA'I PHYIR DE NA GNAS PA'I RANG BZHIN MED NA DE MI DMIGS PAR 'THAD PA KHO NA MA YIN NAM, DE CI LTAR DMIGS PA'I MTSAN NYID DU GYUR PA KHO NAR 'GYUR ZHE NA, GANG GIS ZHES BYA BA'O, ,DE'I TSE NI DA LTAR GYI DUS SU'O, ,'O NA NGAS ZHES BSNYAD PA GANG YIN ZHE NA, SNGON DANG ZHES BYA BA'O, ,DE NYID BRJOD PA NI, 'DI LTAR ZHES BYA BA'O, ,'O NA DUS GZHAN MA YIN PAR 'GYUR RO ZHE NA, GAL TE ZHES BYA BA'O, ,DNGOS PO'I DUS DANG GCIG YIN NA, DE BZHIN DU DUS KYANG GCIG NYID YIN PAR 'GYUR TE, RTAG PA NYID DU 'GYUR RO, ,DES NA ZHES BYA BA NI RTAGS PAS NA 'DAS PA DANG DA LTAR GYI DUS KYI DBYE BA MED PAS NA'O, ,GZHAN GYI DA LTAR GYI GNAS SKABS NA, 'DAS PA DANG MA 'ONGS PA'I GNAS SKABS GNYIS MA DMIGS PAR BRJOD PA GANG DE MED PA KHO NA'O, ,CI'I PHYIR ZHE NA, DNGOS PO DE GNAS NA DE YONG NA DUS MED PAR MI 'GRUB PA'I PHYIR TE, DNGOS PO LAS DUS THA DAD PA MA YIN PA'I PHYIR RO, ,GZHAN NYID LA YANG NYES PA BRJOD PA NI, GZHAN NYID YIN NA YANG ZHES BYA'O, ,SNGA MA DANG PHYI MA NYID RTOGS PA SPANG PAR DOGS PA BSU BA NI, 'ON TE ZHES BYA BA'O, ,DE'I TSE ZHES BYA BA NI LAN NO, ,ZLOG PA NI DUS NYID CES BYA BA'O, , LAN NI MA YIN TE ZHES BYA BA'O, ,CI'I PHYIR ZHE NA, DUS NI ZHES BYA BA'O, ,KHAS BLANGS NAS KYANG SUN 'BYIN PA NI, YANG NA ZHES BYA BA'O, ,DE'I TSE ZHES BYA BA NI, DUS SPYI'I DON YIN YANG NGO, DE RTAG PA NYID KYIS SNGA MA DANG PHYI MA'I DNGOS BOR DMIGS PA'I PHYIR, DUS THAMS CAD NA YOD PA'I RANG BZHIN KHO NAR DMIGS PAR 'GYUR RO, ,GAL TE KHYAD PAR CAN 'DZIN PA NI KHYAD PAR 'DZIN PA LA LTOS PA YIN TE DES NA 'DAS PA DANG MA 'ONGS PA'I DUS KYI CHA KHYAD PAR RNAMS MA BZUNG NA, KHYAD PAR CAN DUS KYI SPYI YANG MI 'DZIN NO ZHES DOGS PAR BYED PA NI, 'ON TE ZHES BYA BA'O, ,GZHAN NI DUS KYI CHA'O, , SNANG BA'I DUS KYI SPYI'O, ,'ON TE MI SNANG BA'I DUS KYI CHA DANG GCIG YIN PA DES NA MI DMIGS SO SNYAM NA, SNANG BA MI SNANG BA DANG GCIG NYID DU SKYES BU GANG GIS KYANG CI LTAR RTOGS PAR NUS TE, DE YANG MI SNANG BA NYID DU THAL BA'I PHYIR RO, ,GAL TE DE LTAR GYI DUS NA, 'DAS PA DANG MA 'ONGS PA'I

DUS DAG RTOGS PA MA YIN TE, 'DAS PA DANG MA 'ONGS PA'I DUS DANG 'BREL BA CAN GYI DONG ZHAN MA MTHONG BA'I PHYIR RO ZHE NA, 'DIS NI ZHES BYA BA STE, GZHAN MTHONG BA MED PA'I PHYIR SNANG BA'I MTHONG BA CI LTAR ZHES BYA BA 'DIS NI'O, ,GAL TE YANG LHAN CIG SPYOD PA'I DON GZHAN MI MTHONG BA DE LTA NA YANG DUS GSUM DU MTHONG BA'I DUS NYID CES BYA BA MI MTHONG BAR CI LTAR 'GYUR, 'ON TE DUS GSUM GSAL BYED YIN PA'I PHYIR DE MA BZUNG BAR DUS NYID CI LTAR 'DZIN SNYAM NA SNGA MA DANG ZHES BYA BA'O, ,SNGA MA DANG PHYI MA NA YOD PA'I DUS KYI SKAD CIG GANG YIN PA DES NA DUS NYID GSAL BAR BYA BAR MI 'THAD DE, DE NI GSAL BA'AM GSAL MIN PA, ,NGO BO NYID KYI GANG GNAS PA, ,RTAG PA NYID PHYIR GSO MIN PA, ,DE ZAD BYED PAR NUS PA GANG, ,ZHES BRJOD PA'I TSUL GYIS SO, ,GANG GI PHYIR DE LTAR DUS ZHES BYA BA GZHAN MED PA DE'I PHYIR RO, ,PHYIS ZHES BYA BA NI MA 'ONGS PA'I RANG BZHIN GYIS KYANG NGO, ,DE LTAR YIN DANG CI GRUB SNYAM NA, DES ZHES BYA BA STE SNANG BA DANG MI SNANG BA NYID MED PAS NA'O, ,DE NYID KYI TSE ZHES BYA BA NI DA LTAR GYI GNAS SKABS NYID DU'O, ,DMIGS PA'I RANG BZHIN GYI SKAD CIG LA NI SGRIB PA YANG 'THAD PA MA YIN NO ZHES BRJOD PA NI, BUM PA ZHES BYA BA'O, ,DE LTAR SGRIB PA LA RTZOL BAR NYE BA MI SBYOR BA BSHAD NAS, DBANG PO LA NYE BAR MI SBYOR BA BSHAD PA'I DON DU BRJOD PA NI, 'ON TE ZHES BYA BA'O, ,DES NA ZHES BYA BA NI RANG BZHIN NGES PA DMIGS PAR BYED PA MA YIN PAS NA'O, ,NGES PAR DE MA THAG PA'I RANG BZHIN DA LTAR BA'I RANG BZHIN NYID DU DMIGS PA ZHES BYA BA 'DIR MI 'GYUR GYI, 'ON KYANG DUS GSUM NA YOD PA'I RANG BZHIN DU DMIGS PAR 'GYUR RO ZHES BYA BA'I DON TO, ,BZLOG PA BRJOD PA NI, DE MA THAG PA NYID CES BYA BA STE RTZOL BA'I DE MA THAG KHO NAR MTHONG GI SNGAR NI MA YIN NO, ,DES NA ZHES BYA BA BRTZAL MA THAG KHO NAR MTHONG BAS NA, DON DE NI DE TZAM DU ZHES BYA BA RTZOL BA'I DE MA THAG PAR YOD PA TZAM NYID KYI RANG BZHIN CAN YIN NO, ,DES NA RTAG PA LA NI DBANG PO LA PHAN BTAGS PAS SO SOR NGES PA'I RANG BZHIN DMIGS PAR BYE DPA MA YIN NO ZHES GNYUG MA DANG 'BREL BAR BYA'O, ,CI'I PHYIR SO SOR NGES PA'I RANG BZHIN DMIGS PAR BYED PA MA YIN ZHE NA, ,'DI LTAR ZHES BYA BA'O, ,RTZOL BAS

, ,LEGS PAR BYAS PA'I DBANG PO LAS KYANG SGRA MI RTAG PA DE NYID DMIGS PA MA YIN ZHES 'OG MA DANG 'BREL TO, ,CI'I PHYIR ZHE NA, DE LTA BUR CES BYA BA RTAG PA'I RANG BZHIN DU NYE BAR DMIGS PA'I PHYIR TE, DE NI RTAG PA NYID YIN PA'I PHYIR RO, ,GAL TE DBANG PO LOGS PAR BYAS PA LAS RTAG PA YANG MI RTAG PA'I RANG BZHIN NYID DU DMIGS PAR 'GYUR BA MA YIN NAM ZHE NA, BRJOD PA LOGS PAR BYAS KYANG SGRA GANG LA MI RTAG PA NYID GANG ZHIG MED PA'I MI RTAG PA NYID DE NI SPRA DE LA DMIGS PAR 'THAD PA MA YIN NO, ,GANG GI PHYIR DE LTAR RTAG PA NYID DMIGS PA DE BAS NA DBANG PO LA PHAN BTAGS PAS NI, SO SOR NGES PA'I RANG BZHIN DMIGS PAR BYED PA MA YIN NO, ,'O NA RTAG PA'I RANG BZHIN KHO NAR DMIGS PAR 'GYUR RO ZHE NA, RTAG PA NYID NI YOD MI 'GYUR, ,ZHES BYA BA'O, ,CI'I PHYIR ZHE NA, GANG GI PHYIR NYE BAR DMIGS PAR MI NUS PA'I PHYIR RO, ,GAL TE MA DMIGS KYANG CI LTAR MED SNYAM NA, DMIGS PA NYID NI ZHES BYA BA STE, YOD PA NYID DMIGS PA YIN PAS NA, DMIGS PA LAS GZHAN PA'I YOD PA NI DPYOD PA MA YIN NO, ,DES NA DMIGS PA MED NA YOD PA MED PA'I PHYIR MED PA KHO NAR 'GYUR RO, ,NYE BAR DMIGS PA MI NUS PA'I ZHES BYA BA RNAM PAR 'GREL PA NI, RTAG PA NYID YIN NA ZHES BYA BA'O, ,GAL TE ZHES BYA BA NI RTZOD PA'O, ,MA DMIGS SU CHUG KYANG ZHES BYA BA NI RTAG PA NYID DO, ,LAN NI DMIGS PA'I ZHES BYA BA'O ,GAL TE RTAG PA NYID NI DMIGS PA'I MTSAN NYID DU GYUR PA MA YIN PA DES NA DE CI LTAR DGAG SNYAM NA, GAL TE ZHES SMOS SO, ,DE'I ZHES BYA BA NI RTAG PA'I RANG BZHIN NO, ,DMIGS PA LA LTOS TE SKYED PAR BYED PA NYID KYI GANG LA YOD PA DE LA DE SKAD CES BYA BA STE, GZHAN GYI DMIGS PA'I SKYED BYED DU KHAS BLANGS PA'I PHYIR RO, ,GAL TE DE LTA NA YANG MA DMIGS PA NYID CI LTAR YIN SNYAM NA, DE NYID KYI PHYIR ZHES BYA BA STE, DE'I RANG BZHIN LA DMIGS PA'I MTSAN NYID DU MA GYUR PA MED PA'I PHYIR RO, ,DBANG PO LOGS PAR BYAS PA SUN PHYUNG NAS, SGRA LA LOGS PAR BYED PA NYID SUN 'BYIN PA NI SGRA LA ZHES BYA BA'O, ,SGRA LA RTZOL BAS PHAN BTAGS PAR BYAS PA NI GZHAN MA YIN PAR KHAS BLANG BAR BYA STE, DE LTA MA YIN NA SGRA LA SOGS PA LA RTZOL BAS CI YANG MI BYED PAR 'GYUR

BA'I PHYIR RO, ,PHYOGS DE LA NI DE NYID MI RTAG PA NYID YIN TE DE'I BDAG NYID DU GYUR PA'I PHAN PA BYAS NA, DE YANG BYAS PAR 'GYUR BA'I PHYIR RO, ,DE NYID KYI PHYIR ZHES BYA BA NI, RTZOL BA DBANG PO DANG, SGRIB PA SGRA RNAMS LA NYE BAR MI SBYOR BA'I PHYIR RO, ,RTAG PA NI 'GAL ZHIG GI TSE 'BRAS BU MI BYE DPAR 'GAL BA YIN NO, ,RTAG PA RES 'GA' 'BRAS BU MI BYED PAR 'GAL BA DE NYID KYI PHYIR NA, RTAG PA LAS LDOG PA'I SHES PA 'DI 'DRA BA RES 'GA' BA DE NI, RES 'GA' BA'I DON GYI 'BRAS BUR GRUB PAS DE'I RTAGS YIN PA'I PHYIR MA NGES PA NYID MA YIN NO, ,MI MTHUN PA'I PHYOGS RTAG PA DANG, 'BRAS BU RES 'GA' BA 'GAL BAR BSTAN PA'I PHYIR BRJOD PA NI, SGRA DANG ZHES BYA BA'O, ,GZHAN YANG ZHES BYA BA NI BUM PA LA SOGS PA'I DPE'O, ,DE KHO NA LTAR ZHES BYA BA NI KHYAB PA NYID DU'O, ,SHES PA RES 'GA' BAR CI LTAR MI 'GYUR ZHE NA, DE NI ZHES BYA BA STE SGRA LA SOGS PA'O, ,GZHAN DU ZHES BYA BA NI, RES 'GA' BA NYID DU DMIGS PA YANG RTAG PA RANG BZHIN 'DZIN PA MA YIN NO, ,RTAG PA DANG 'BRAS BU RES 'GA' BA 'GAL BA MED PAR DOGS PA NI, 'ON TE ZHES BYA BA'O, ,DE NI ZHES BYA BA NI RES 'GA' DMIGS PA'O, ,CI LTAR 'DI 'KHRUL PA YIN SNYAM NA, TSU RO LA ZHES BYA BA'O, ,'O NA DON YANG MI RTAG PA KHO NA'O ZHE NA, DE ZHES BYA BA STE TSU ROL MTHONG PA DE'O, ,GZUNG BAR BYA BA SGRA LA SOGS PA'I RANG BZHIN GZHAN DU MI RTAG PAR 'GYUR BA YANG MA YIN NO, ,'O NA DE TSAD MA MA YIN NO ZHE NA, DE NI ZHES BYA BA STE, KHYAB PA'I DON DE'O, ,MA KHYAB PAR RTOGS KYANG KHYAB PA LA 'JUG PAR BYED PA'I PHYIR TSAD MA YIN NO ZHES BYA BA'I DON TO, ,PHA ROL PO NYID GRUB PA'I MTHA' SMRA BA'I DOGS PA BSU BA NI, GAL TE ZHES BYA BA'O, ,DE'I TSE ZHES BYA BA NI MA 'KHRUL PA'I MTHONG BAS GNOD PA'I DUS NA'O, ,PHA ROL PO NYID LAN 'DEBS PA NI, MA 'KHRUL PA NYID MA YIN NO, ,CI'I PHYIR ZHE NA, YUL DANG ZHES BYA BA'O, ,DE NI ZHES BYA BA NI GRUB PA'I MTHA'O, ,'DIR NI ZHES BYA BA NI YUL DANG DUS KHYAB PA'I RANG BZHIN LA'O, ,'DI NI ZHES BYA BA NI NGO SHES PA'O, ,CI LTAR 'OD MNGON SUM GYIS GNOD DE, DE YANG MNGON SUM NYID YIN PA'I PHYIR RO ZHE NA, NGO SHES KYI ZHES BYA BA'O, ,CI LTAR MNGON SUM MA YIN ZHE NA, MNGON SUM NI ZHES BYA BA'O, ,MNGON SUM NI DA

, ,LTAR BA TZAM ZHIG 'DZIN PA YIN NO ZHES BYA BA'I DON TO, ,CI'I PHYIR ZHE NA, DBANG PO'I ZHES BYA BA'O, ,CI LTAR TSAD MA YIN ZHE NA, MI SLU BA DANG ZHES BYA BA STE MA KHYAB PA LA'O ZHES BLTA'O, ,NGO SHES PA NI MNGON SUM MA YIN ZHING TSAD MA YANG MA YIN TE 'DI LAS BZLOG PA'I PHYIR RO ZHES BYA BA'I DON TO, ,DES NA NI TSAD MA MA YIN PAS NA'O, ,SUN 'BYIN PA GZHAN YANG BRJOD PA NI GZHAN YANG ZHES BYA BA'O, ,GAL TE DNGOS PO DUS KHYAB PAR BYED PA YIN LA, DUM BUR 'DZIN PAR 'GYUR BAS DE'I TSE SNA TSOGS GCIG KHO NAR 'GYUR TE, DNGOS PO'I RANG BZHIN DU THA MI DAD PA'I PHYIR RO, ,SNA TSOGS PA DE'I 'DZIN PA NI CHA SHAS YIN PAR 'GYUR RO, ,GAL TE ZHES BYA BA NI 'CHAD PA'O, ,GZHAN DU ZHES BYA BA NI MA KHYAB PA NYID DU'O, ,'DI LA LAN GYI DOGS PA BSU BA NI GCIG NYID YIN NA ZHES BYA BA'O, ,LAN 'DEBS PA NI 'O NA NI ZHES BYA BA'O, ,DBYANGS LA SOGS PA'I DBYE BA LA YANG GCIG NYID KYI RGYU MTSAN SGRA YIN NO ZHES DOGS PA NI, DBYANGS LA SOGS PA'I ZHES BYA BA'O, ,LAN NI BUM PA ZHES BYA BA'O, ,SGRA GNYI GA'I RANG BZHIN DU DOGS PA NI, GCIG DANG ZHES BYA BA'O, ,SGRA NI SGRA NYID DU NI GCIG YIN LA, DBYANGS LA SOGS PAS NI DU MA YIN NO ZHE NA, LAN BRJOD PA NI 'O NA NI ZHES BYA BA STE, GCIG NI MI BDEN PA KHO NA STE, GCIG NYID DU SGRUB PAR BYED PA'I TSAD MA MED PA'I PHYIR RO, ,DU MA NYID BDEN PAR 'GYUR TE, BZLOG PA'I PHYIR RO ZHES BYA BA'I DON TO, ,CI LTAR GCIG NYID MI BDEN ZHE NA, 'DI LTAR ZHES BYA BA'O, ,KHYED KYI LUGS KYIS NGO SHES PA'I DBANG GIS GCIG NYID 'DZIN PA YIN PAS NA; SGRA GCIG NYID DANG DU MA NYID DU 'GYUR NA, NGO SHES PA DE YANG TSAD MA MA YIN PA NYID DU SNGAR BYAS PAS NA CI LTAR GCIG NYID DU SGRUB PAR BYED, GAL TE GNYI GA MI BDEN NA, 'O NA CI BDEN ZHE NA, GANG GI TSE ZHES BYA BA'O, ,CI LTAR NA THA DAD PA NYID BDEN ZHE NA, DE'I PHYIR ZHES BYA BA STE THA DAD PA'I PHYIR RO, ,THA MI DAD LA STE, SNGA MA DANG PHYI MA'I DUS DAG TU GCIG PA LA NI, THA DAD KYI RANG BZHIN GZUNG BAR BYA BA PHYI ROL BDEN PA TSAD MA DANG LDAN PA NI GANG LA'ANG MED DO, ,DE'I PHYIR THA DAD PA KHO NA BDEN PA YIN NO, ,'O NA THA MI DAD PA CI LTAR 'GRUB SNYAM NA, THA DAD CES BYA BA'O, ,'O NA THA MI DAD PA

YANG BDEN PA YIN NO ZHE NA, RNAM RTOG DE NI TSAD MA MIN TE, DES NA CI LTAR DES GRUB PA'I THA MI DAD PA MI BDEN PA NYID DU GYUR, PHYED PHYI MA 'CHAD PA NI, THA DAD PA NYID BDEN PA YIN NA ZHES BYA BA'O, ,GAL TE GANG GIS 'DI DE LTAR KHAS LEN PAR 'GYUR BA, THA DAD PA MI BDEN NA CI NYES SNYAM NA, THA DAD PA MI BDEN NA ZHES BYA BA STE, GAL TE THA DAD PA MI BDEN PAR KHAS LEN NA DE'I TSE THA MI DAD PA DE CHOS CAN GANG ZHIG GIS YIN TE, GANG GI YANG MA YIN NO, ,'ON TE THA MI DAD PA KHO NA BDEN PA YIN TE, DE TZAM GYIS THA SNYAD BYED PA'I PHYIR ZHE NA, THA MI DAD PA TZAM GYIS ZHES BYA BA'O, ,GANG GI PHYIR THA DAD PA MI BDEN PA NYID YIN NA, THA MI DAD PA GANG GIS YANG CHOS SU MI 'GYUR ZHING, THA MI DAD PA TZAM GYIS KYANG THA SNYAD DU MI 'GYUR BA DE'I PHYIR RO, ,THA DAD PA MI BDEN YANG DE'I THA MI DAD PA CI STE BDEN PAR MI 'GYUR ZHE NA, CHOS CAN ZHES BYA BA'O, ,DE LTAR NI BDEN PAR RO, ,DPE BRJOD PA NI RI BONG GI ZHES BYA BA'O, ,THA DAD PA NI THA MI DAD PA LA MI LTOS PAR RANG NYID KHO NAS YIN NO ZHES LAN BRJOD PA NI, 'DI LTAR ZHES BYA BA'O, ,RGYU GANG GI PHYIR CHOS CAN GYI RANG BZHIN DU GYUR PA THA MI DAD PA GZHAN GYI DBANG GI MTSAN NYID KYI 'BREL PA MED PA'I RGYU DE NYID KYI PHYIR DE THA DAD PA YIN NO ZHES BRJOD DE, GZHAN DU ZHES BYA BA THA MI DAD PA DANG, THA DAD PA GZHAN GYI DBANG GI MTSAN NYID KYI 'BREL BA YOD NA, CHOS CAN THA DAD PA NYID NYAMS PAR 'GYUR RO, ,THA DAD PAR BYA BA'I DNGOS PO NYID THA DAD PA YIN LA, DE YANG CHOS CAN KHO NA YIN TE RTEN MED PA'I PHYIR RO, ,THA DAD PA NI THA DAD PAR BYA BAR DMIGS PA DAG GI ,'DAS PA'I BDAG NYID KYI CHOS THA DAD PA LA BRTEN PA YIN NO, ,DE NYID KYI PHYIR BRJOD PA THA MI DAD PA NI ZHES BYA BA'O, ,SPYI'I CHOS BZHIN NO ZHES BYA BA NI DPER NA BA LANG NYID LA SOGS PA'I SPYI THA DAD PA BSAL NA MI 'GYUR BA BZHIN NO, ,DE BZHIN DU THA MI DAD PA YANG THA DAD PA GSAL NA 'TSAM PA MA YIN NO, ,DE NYID KYI PHYIR RTAG PA DANG, DMIGS PA'I 'BRAS BU RES 'GA' BA NI 'GAL BA YIN NO, ,DE KHO NA BZHIN DU ZHES BYA BA NI CHAD PA MED PA'I RANG BZHIN NYID DU'O, ,RNAM PAR CHAD PA ZHES BYA BA DA LTAR BA TZAM GYI GNAS SKABS 'DZIN PA GANG YIN PA DER MI 'GYUR RO, ,CI'I PHYIR ZHE NA, DE'I

, ,ZHES BYA BA STE KHYAB PA'I RANG BZHIN NO, ,GZHAN LA ZHES BYA BA SHES PA GZHAN LA LTOS NAS 'DZIN PA'O, ,CI'I PHYIR DE LTAR MI 'DZIN SNYAM NA, DE YANG ZHES BYA BA STE BZUNG BZHIN PA DA LTAR BA YANG NGO, ,DE'I PHYIR ZHES BYA BA NI RTAG PA YIN NA 'BRAS BU RES 'GA' BAR 'GAL BA'I PHYIR RO, ,KHYAB PA BSGRUBS NAS PHYOGS KYI CHOS NYID BRJOD PA NI, DES NA ZHES BYA BA'O, ,DA LTAR GYI GNAS SKABS 'DZIN PAR BYED PA SHES PA'I MTSAN NYID KYIS 'BRAS BU LAS SGRA MI RTAG PA NYID DU RTOGS PA YIN NO, ,GAL TE BRTZAL MA THAG TU 'BYUNG BA'I PHYIR ZHES BYA BA 'DI NYID KYIS RANG BZHIN DANG 'BRAS BU GNYI GA BSTAN PA 'GRUB PA MA YIN NAM, DES NA BYAS PA'I PHYIR ZHES BSTAN PAS CI BYA ZHE NA, DOGS PA NI GAL TE ZHES BYA BA'O, ,'DI NYID KYIS ZHES BYA BA NI BRTZAL MA THAG TU 'BYUNG BA YIN PA'I PHYIR RO ZHES BYA BA 'DI NYID KYIS RANG BZHIN NYID GRUB KYANG BYAS PA'I PHYIR ZHES BYA BA'I RANG BZHIN 'DI THA DAD PAR BYAS PA NI'O, ,GAL TE TSUL GSUM RTAGS LAS DON MTHONG BA'O ZHES, RANG GI DON GYI RJES SU DPAG PA'I MTSAN NYID BSHAD ZIN PA MA YIN NAM, DE SKAD BSHAD NAS YANG 'DI SKAD CES DE LA RIGS MTHUN LA YOD DANG ZHES BYA BA LA SOGS PA YANG GSUNGS PA DE NI ZLOS PA YIN NO ZHES DOGS PA NI, GAL TE ZHES BYA BA LA SOG PA'O, ,RTOGS DON DU ZHES BYA BA'I LAN GYI DON NI 'DI YIN TE, GAL TE YANG DON 'DI NI RANG GI DON GYI RJES SU DPAG PA'I MTSAN NYID KHO NAS BSDUS PA DE LTA NA YANG DON DE NYID RGYAS PAR BSTAN PA'I DON DU DE LA RIGS MTHUN LA YOD DO ZHES BYA BA LA SOGS PA BRJOD PA YIN NO, ,RIGS MTHUN LA YOD CES BYA BA 'DIS NI GTAN TSIGS MTHUN PA'I PHYOGS THAMS CAD KHYAB PAR BZUNG NGO, ,RNAM GNYIS ZHES BYA BA 'DIS NI MTHUN PA'I PHYOGS GCIG LA YOD PA BZUNG NGO, ,DE LA RIGS MTHUN ZHES BYA BA LA SOGS PA BRJOD PA MED NA NI, TSUL GSUM RTAGS LAS DON MTHONG YIN, ,ZHES BYA BA'I TSIG 'DIS BRTZAL MA THAG TU 'BYUNG PA RNAM PA GNYIS KYIS 'JUG PA KHO NA 'DZIN PAR 'GYUR GYI, BYAS PA NYID NA MI YIN NO, ,RJES SU DPAG PAR ZHES BYA BA NI TSUL GSUM RTAGS LAS DON MTHONG BA'I ZHES BYA BA RANG GI DON GYI RJES SU DPAG PAR RO, ,GTAN

TSIGS BRJOD BYAS ZHES BYA BA NI DE LA RIGS MTHUN ZHES BYA BA LA SOGS PA BRJOD PAR BYAS PA'O, ,RAB TU DBYE BA TZAM ZHES RIGS MTHUN PA THAMS CAD LA YOD PA DANG, DE LA RNAM PA GNYIS SU 'JUG PA ZHES BYA BA LA SOGS PA'O, ,MTSAN NYID LA NI ZHES BYA BA NI, TSUL GSUM RTAGS LAS DON MTHONG YIN, ,ZHES BYA BA'I MTSAN NYID LA THA DAD PA MED PA STE, MTHUN PA'I PHYOGS LA KHYAB PA DANG, ,RNAM PA GNYIS KA LA 'JUG PA THAMS CAD LA YOD PA'I PHYIR RO, ,DE LTA MA YIN TE ZHES BYA BA NI, GAL TE DE LA RIGS MTHUN LA YOD DANG ZHES BYA BA LA SOGS PA MA BYAS NA, RIGS MTHUN PA YOD PA KHO NA ZHES BYA BA GANG YIN PA DE NI DPER BRJOD PA MED PA'I PHYIR MTSAN NYID MI BYED PA KHO NAR 'GYUR RO, ,GAL TE MI MTHUN PA'I PHYOGS LAS LDOG PA GTAN TSIGS KYIS MTSAN NYID MA YIN NAM, DE NI MTHUN PA'I PHYOGS LA KHYAB PA DANG MA KHYAB PA LA YANG MTSUNGS PA KHO NA YIN TE, DES NA THAMS CAD BSDUS PA YIN NO ZHE NA, DOGS PA NI GAL TE ZHES BYA BA'O, ,DE LTA NA ZHES BYA BA NI GSUM BSTAN NA'O, ,'DIR NI GTAN TSIGS KYI 'KHOR LOR RO, ,GANG GI PHYIR 'BRAS BU'I GTAN TSIGS KYI MTHUN PA'I PHYOGS GCIG LA BRTEN PA'I RANG BZHIN BRJOD PAR 'DOD PA DES NA, RTZOL PA LAS GSAL BA DANG SKYE BA LA BRTZAL MA THAG TU 'BYUNG BA'I PHYIR 'DRA PAR DPER BRJOD PA GCIG BRJOD DO, ,DE LTA MA YIN NA ZHES BYA BA NI RANG BZHIN BSTAN PAS MI BZHED NA'O, ,DES NA ZHES BYA BA NI SHIN TU GSAL BA'I 'BRAS BU'I GTAN TSIGS DPER MA BRJOD PAS NA'O, ,GAL TE GNYI GA RTZOL BA'I 'BRAS BU CI LTAR YIN ZHE NA, SHES PA YANG ZHES BYA BA'O, ,GAL TE ZHES BYA BA LA SOGS PA'I RTZOD PAR NI DON 'DI YIN TE, RTZOL BAS NA SGRA'I RANG BZHIN KHO NA BYED PA YIN LA, RTZOL BAS BYAS PA DES NI SHES PA YIN NO, ,DES NA SHES PA YANG RTZOL BA LAS BYUNG BAR CI LTAR 'GYUR ZHES BYA BA'O, ,DE NI MI RIGS TE ZHES BYA BA'I LAN DE LA YANG DON 'DI YIN TE, BRAM ZE'I 'DOD PAS SGRA RTAG PA YIN PA'I PHYIR BRTZAL MA THAG TU 'BYUNG BA MA YIN TE, DES RTZOL BA'I LHAN CIG BYED PAS RANG GI YUL CAN GYIS SHES PA BSKYED PAR BYA BA YIN LA, SHES PA DES NI DUS GSUM NA YOD PA'I RANG BZHIN CAN GYI SGRA 'DZIN PA YIN NO ZHES BYA BA'O, ,YUL

, ,YANG NI SGRA YANG NGO, ,DES NA ZHES BYA BA NI SGRA RGYU YIN PAS NA'O, ,DE'I PHYIR ZHES BYA BA NI SGRAS BSKYED BAR BYA BA YIN PA'I PHYIR RO, ,CI'I PHYIR DE LTAR GZUNG BYAR THA LA ZHE NA, DES ZHES BYA BA STE SNGA MA DANG PHYI MA NA YANG YOD PA'I RANG BZHIN NI'O, ,CI'I PHYIR ZHE NA, 'KHOR LING DU ZHES BYA BA'O, ,DRAN PAS GZUNG BA GZHAN DU MI 'THAD PAS NA, SNGAR GYI MNGON SUM GYIS 'BYUNG BAR 'GYUR BA'I RANG BZHIN YANG BZUNG BA KHO NA'O ZHES DOGS PA NI, 'ON TE YANG ZHES BYA BA'O, ,DE LTA MA YIN NA ZHES BYA BA SNGAR MA BZUNG NA'O, ,DO NYID BRJOD PA NI 'DI LTAR ZHES BYA BA'O, ,CI'I PHYIR MA BZUNG BA LA MI 'JUG SNYAM NA, GANG GI PHYIR BZUNG BA NYID DRAN PAS NA'O, ,'DZIN PAS NI BDAG NYID 'BYUNG BAR 'GYUR BA'I RANG BZHIN 'DZIN PAR BYED PA NYID DU MI RTOGS LA, DE'I RJES SU 'BRANG BA'I DRAN PAS NI RTOGS SO ZHES BYA BA NI MTSAR CHE'O ZHES LAN 'DEBS BA NI NGAS ZHES BYA BA'O, ,GANG LA ZHES BYA BA NI 'BYUNG BAR 'GYUR BA LA'O, ,'DZIN PAR BYED PA ZHES BYA BA NI SHES PA'O, ,DE NYID KYI PHYIR SHES PA PO YOD PA YIN NA 'DZIN PA'I RANG BZHIN NAM ZHES 'CHAD PAR 'GYUR RO, ,CI'I PHYIR DE LA MNGON SUM GYI BYED PA MED SNYAM NA, 'BYUNG BA'I ZHES BYA BA'O, ,CI STE BZUNG BA MI NUS SNYAM NA, THE TSOM ZA BA'I PHYIR TE ZHES BYA BA'O, ,CI STE ZHES BYA BA NAS 'DOD NA ZHES BYA BA'I BAR NI RTZOD PA'O, ,DE'I TSE ZHES KHONG NAS PHYUNG LA, NGAS BZUNG BA NYID DO ZHES RNAM PA DE LTAR MTHONG BA'I DUS PHYIS BYUNG BA'I DRAN PAS YUL DU BYED PAR 'GYUR RO ZHES RTOGS PA'I RGYU'I PHYIR NI 'BYUNG BAR 'GYUR BA'I RANG BZHIN DE YANG BZUNG BA KHO NA'O, ,CI LTAR YUL DU BYED SNYAM NA, BZUNG BA NYID DO ZHES BYA BAR RO, ,LAN NI MNGON SUM GYIS 'BYUNG BAR 'GYUR BA'I RANG BZHIN GZUNG BA NI MI RUNG NGO, ,CI'I PHYIR ZHE NA, BZUNG BA LA YANG ZHES BYA BA'O, ,'BYUNG BAR 'GYUR BA LA NI RE ZHIG 'DZIN PA MI SRID PA NYID DO, ,KHAS BLANGS NAS KYANG BRJOD PA NI, 'BYUNG BAR 'GYUR BA GZUNG BA'I DON NO, ,GAL TE 'BYUNG BAR 'GYUR NA ZHES BYA BA'I DON, GAL TE'I DON THE TSOM ZA BA NYID DU GYUR PA NI, MA BZUNG BAR NYID KYIS KHYAB NA CI LTAR MA BZUNG BAR 'GYUR, BZUNG BA LA NI THE TSOM DU

GYUR BA NYID 'JUG PA MA YIN TE, BZUR BA NYID MA BZUNG BA DANG 'GAL BAS NA DES KHYAB PA'I THE TSOM DU GYUR PA DANG YANG 'GAL BA'I PHYIR RO, ,'DI NYID BRJOD PA NI THE TSOM DANG NI ZHES BYA BA'O, ,DE'I PHYIR BZUNG BA NYID YIN NA NI THE TSOM DU GYUR PA NYID 'JUG PAR MI 'GYUR PA ZHIG NA, 'JUG PA YANG YIN TE, DES NAM BZUNG NGO ZHES BYA BA NI BZLOG PA'O, , 'ON TE 'BYUNG BAR 'GYUR BA LA GAL TE'I DON 'JUG KYANG MI 'GAL LO ZHEN GAL TE ZHES BYA BA STE, GAL TE YOD PAR 'GYUR NA DE'I TSE BZUNG BAR 'GYUR RO ZHES BRJOD PA NI, SHES PA GCIG LA 'DZIN PA DANG MI 'DZIN PA'I RANG BZHIN DU KHAS LEN NA 'DZIN PA'I BYED PA CHE'O ZHES BYA BA NI KHREL BA GANG BYED PA'O, ,CI'I PHYIR GCIG LA GNYI GA'I RANG BZHIN MED SNYAM NA, SHES PA YOD PA YIN NA ZHES BYA BA'O, ,DE'I PHYIR 'BYUNG BAR 'GYUR BA LA GAL TE NGA'I DON 'JUG NA 'DZIN PA'I BYED PA MED PA KHO NA'O, ,'O NA BZUNG BA LA GAL TE DE'I DON 'JUG PA YIN NO ZHE NA, GAL TE ZHES BYA BA'O, ,CI'I PHYIR ZHE NA, BZUNG BA LA ZHES BYA BA'O, ,DE YANG CI'I PHYIR ZHE NA, MI DMIGS PA LA ZHES BYA BA'O, ,'BYUNG BAR 'GYUR BA LA 'DZIN PA MED PA NYID KYIS THE TSOM ZA BA'I PHYIR RO, ,GAL TE ZHES BYA BA NI 'BYUNG BAR 'GYUR BA BZUNG BA YIN NA'O, ,CI'I PHYIR ZHE NA, 'BYUNG BAR 'GYUR BA DE DANG DA LTAR BA DE DANG THA DAD PA MED PA'I PHYIR RO, ,'BYUNG BAR 'GYUR BA BZUNG NA 'BYUNG BAR 'GYUR PA NYID MA YIN NO ZHES BRJOD PA NI, DE'I TSE ZHES BYA BA'O, ,DE'I TSE ZHES BYA BA NI MNGON SUM GYIS BZUNG BA'I DUS NA'O, ,CI'I PHYIR MA YIN ZHE NA, DA LTAR BA'I ZHES BYA BA'O, ,'ON TE ZHES BYA BA NI, 'BYUNG BAR 'GYUR BA'I DUS GANG YIN PA DE DANG 'BREL PA'I PHYIR RO, ,CI'I PHYIR DA LTAR BA LA SOGS PA'I DUS DANG LHAN CIG SPYOD PA TZAM NYID DA LTAR BA LA SOGS PA YIN ZHE NA, DUS GZHAN ZHES BYA BA'O, ,DUS DE YANG DON NYID YIN TE, LHAN CIG SPYOD PA'I DUS NI MA YIN NO, ,DE LTAR YIN NA CI SKYON ZHE NA, DE LTA YIN DANG ZHES BYA BA STE, LHAN CIG SPYOD PA YIN DANG NGO, ,DE'I NI DUS KYI'O, ,MI RTAG PA'I ZHES BYA BA'O, ,MI RTAG PA'I DON GANG YIN PA DE DANG LHAN CIG SPYOD PA NYID NI, SGRA'I 'DAS PA DANG MA 'ONGS PA YIN TE, DES NA SGRA KHYAB PA'I RANG BZHIN BZUNG YANG DON GZHAN MA BZUNG BAS THE TSOM ZA BA

, ,YIN NO ZHE NA, DE LTA BUR GYUR PA ZHES BYA BA NI, MI RTAG PA'I DON GZHAN MA BZUNG NA, MI RTAG PA'I DON GZHAN DANG LHAN CIG SPYOD PA NYID DU BZUNG BAR MI NUS PA'I PHYIR MI RTAG PA'I DON DANG LHAN CIG SPYOD PA NYID NGAS BZUNG BA NI 'DI NYID DO ZHES RNAM PA DE LTAR DRAN PAR CI LTAR 'GYUR, LHAN CIG SPYOD PA MI RTAG PA'I DON DANG LHAN CIG SPYOD PA MA BZUNG YANG, BYUNG BA DANG 'BYUNG BA'I RANG BZHIN NI BZUNG BA KHO NA STE, DES NA DRAN PA 'DI NI 'THAD PA KHO NA'O ZHES SEMS NA, 'DI YANG MA DAG PA MA YIN NO, ,CI'I PHYIR ZHE NA, RANG GI ZHES BYA BA'O, ,BYUNG BA DANG 'BYUNG BA NI SGRA'I RANG BZHIN MA YIN NO ZHES BYA BA 'DI NI, KHYED NYID KYI 'DOD PA YIN TE, MI RTAG PA'I DON DANG LHAN CIG SPYOD PA NI 'BYUNG BA DANG 'BYUNG BA YIN NO ZHES BYA BA NI SKABS SU BAB PA YIN PA'I PHYIR RO, ,GANG GI PHYIR DE LTAR 'BYUNG BAR 'GYUR BA NYID 'DZIN PAR MI 'THAD PA DES NA'O, ,'DI NYID BRJOD PA NI, CI LTAR ZHES BYA BA'O, ,MI BZUNG BA ZHES BYA BA NI GCIG NYID DO, ,'DZIN BZHIN PA NI ZHES BYA BA NI GANG GI TSE 'DZIN PA DE'I TSE NI DRAN PA MA YIN GYI, 'ON KYANG BZUNG BA'I RJES THOGS SU YIN NO, ,DE LTAR YIN MOD, DE LTAN YANG BZUNG BA LA NI CI STE MI DRAN ZHE NA, 'DAS PAR BZUNG BA YIN NA NI, BZUNG BA DE'I RANG BZHIN MED PAR 'GYUR LA, DE LTAR GYUR NA YANG DE DRAN PAR MI 'GYUR RO, ,'ON TE SNGAR MTHONG BA DRAN PAS SHES PAS SO, ,DES NA DER DRAN PA YIN NO ZHE NA, DRAN PA DA LTAR ZHES BYA BA'O, ,DE'I RNAM PA CAN YIN PA'I PHYIR RO ZHE NA, BRJOD PA SNGAR MTHONG BA NI YOD PA MA YIN TE, RANG GI MTHONG BA BSKYED NAS ZHIG PA'I PHYIR RO, ,DE NYID KYI PHYIR DNGOS MED RANG BZHIN YIN NO, ,DE LTAR YIN DANG, CI LTAR SNGAR MTHONG BA'I RNAM PA NYID KYIS DRAN PA YIN NO, ,DE'I RNAM PA CAN MA YIN PAS NI DE SHES PAR NUS PA YANG MA YIN TE, HA CANG THAL BAR 'GYUR BA'I PHYIR RO ZHES BRJOD PA NI, DE MIN RANG BZHIN ZHES BYA BA'O, ,DE'I TSE'ANG ZHES BYA BA NI DRAN PA'I DUS NA YANG NGO, ,GAL TE BDAG NI 'DZIN PA LA NUS PA YIN GYI DRAN PA LA NI MA YIN PA MA YIN NAM, DES NA CI LTAR 'DIS SNGA MA NYID SHES SO ZHES DOGS PA BSU NAS BRJOD PA NI, 'DZIN PA DANG NI ZHES BYA BA'O, ,GAL TE ZHES BYA BA LA SOGS PA NI LAN NO, ,CI'I PHYIR

ZHE NA, DE'I NGO BO ZHES BYA BA 'DZIN PA DANG DRAN PA'I NGO BO MA YIN PA'I PHYIR RO, ,DE ZHES BYA BA NI BDAG GO, ,CI'I PHYIR 'DZIN PA PO DANG DRAN PA PO MA YIN ZHE NA, LUS LA YANG ZHES BYA BA STE, 'DZIN PA PO DANG DRAN PA PO NYID THAL BAR 'GYUR BA'I PHYIR RO, ,DE LAS KYANG 'DZIN PA DANG DRAN PA DAG THA DAD PA'I PHYIR RO, ,SKAD CIG DRUG GNAS PA NYID MI RTAG PA YIN PA'I PHYIR DE NI DE LTA BU NYID MA YIN NO ZHES DOGS PA BSU BA NI MA YIN TE ZHES BYA BA'O, ,LAN NI NAM MKHA' LA SOGS PA ZHES BYA BA'O, ,DE LA NI NAM MKHA' LA SOGS PA LA'O, ,DE NYID KYI 'DZIN PA DANG DRAN PA DAG GO, ,BDAG NI RJES SU 'BREL PA'I PHYIR ZHES BYA BA NI GZHAN DU MI 'THAD PA MTHONG BA'I DON RJES SU DRAN PA'I RANG BZHIN CAN LAS, 'DZIN PA DANG DRAN PA DANG LDAN DU YONGS SU RTOG NA DE LTA NA NI NAM MKHA' LA SOGS PA LA YANG DE DANG LDAN PAR 'GYUR TE, RGYU MTSAN MTSUNGS PA'I PHYIR RO, ,DES NA 'DU BA MED PAR MA GRUB BO ZHES DGONGS PA'O, ,GZHAN YANG RTZOD PA NI 'DU BAS LDAN PA DE LA YANG MTSUNGS TE, DPER NA BDAG LA DE NYID KYIS 'DU BA YOD PA DE BZHIN DU NAM MKHA' LA SOGS PA LA YANG 'GYUR RO ZHES BYA BA'O, ,GANG ZHIG MED NA GANG MI 'THAD SNYAM NA, SNGON DANG ZHES BYA BA'O, ,'DI NI DRAN PA'O, ,DE LTAR 'GYUR MOD CES BYA BA NI, DRAN PA'AM DRAN PAR BYED PA PO NYID DU'O, ,BRTZAD PA DANG YANG MTSUNGS PA YIN ZHES BYA BA RNAM PAR 'BREL BA NI, 'BREL PA LA YANG ZHES BYA BA'O, ,'DI NYID CES BYA BA NI BDAG LA 'DZIN PA SOGS PA'I 'BREL PA BZHIN NYID DO, ,YANG NA ZHES BYA BA NI SNGA MA DANG PHYI MA'I GNAS SKABS DAG TU DON GCIG RTOGS PA CI NAS KYANG 'GYUR BAR BYA BA'I DON DU DRAN PA LA SOGS PA RTAG PA NYID DU KHAS BLANGS PAR BYA BA'O, ,GAL TE DRAN PA DA LTA KHO NA YOD PA YIN NA DE'I TSE RTAG PA NYID MI RTOGS PAR 'GYUR TE, DES NA DRAN PA NI SNGA MA DANG PHYI MA'I DUS DAG TU RJES SU 'JUG PA YIN NO ZHES KHAS BLANG PAR BYA'O, ,'DI NI 'DOD PA KHO NA'O ZHES DOGS PA NI, DE NYID CES BYA BA STE DRAN PA NYID DO, ,LAN NI GANG LA ZHES BYA BA'O, ,'DAS PA'I RANG BZHIN GANG LA 'DZIN PA THE TSOM ZA BA DE DRAN PAS NI CI LTAR SHES, DRAN PA NI 'DUS PA'I DUS DE'I TSE MED PA'I PHYIR SNGA MA NYID DU CI LTAR

, ,RTOGS ZHES BYA BA DE BYUNG BA YIN NO, ,DE'I PHYIR MA BZUNG BA BZHIN DU BZUNG BA LA YANG CI LTAR DRAN PAR 'GYUR ZHES BYA BA 'DI GNAS SO GANG GI PHYIR DE LTAR YIN PA DE'I PHYIR RO, ,'DI NI ZHES BYA BA NI, 'ON TE BDAG SHES ZHES BYA BA LA SOGS PA'O, ,DE LTAN YANG CI LTAR SGRA RTAG PA NYID MA YIN ZHE NA, DE'I PHYIR ZHES BYA BA'O, ,GAL TE SGRA RNAMS RTAG PA YIN NA DE'I TSE BRTZAL MA THAG TU SNGA MA'I RANG BZHIN DANG MA SBYAR, 'DZIN PA SRID PA MA YIN NA DE LTAR 'DZIN PA YANG YIN TE DES NA'O, ,CI SKAD DU ZHES BYA BA LA SOGS PAS NI SNGAR BRJOD PA'I RTZOD PA STON PAR BYED DO, ,RTZOL BAS NI SGRA'I RANG GI NGO BO SKYED LA, DES NI SHES PA YIN PAS NA, SGRA MI RTAG PA'I PHYOGS LA, SHES PA LA BRTZAL MA THAG TU 'BYUNG BA NYID MI 'THAD DO ZHES BYA BA'I RTZOD PA GZHAN GYI PHYOGS LA GNAS DE SPANGS PA YIN NO, ,GZHAN DAG KYANG SGRA NI RTAG PA YIN PA'I PHYIR RTZOL BAS NI SHES PA KHO NA SKYED PA YIN NO ZHES 'DOD PA YIN NO, ,DA NI DE RNAM PA GZHAN GYI SGO NAS SPANG BAR BYA BA STE, CI LTAR ZHE NA, BRJOD PA GAL TE ZHES BYA BA'O, ,BRTZAL MA THAG PAR YANG 'GYUR BA YIN TE RANG GI NGO BO 'BA' ZHIG LAS NI YIN PAR MA ZAD DO, ,GAL TE MI RTAG PA'I PHYOGS LA, BRGYUD NAS DE'I DE MA THAG PAR 'BYUNG BA MA YIN NAM ZHE NA, 'DIR ZHES SMOS TE, BRTZAL MA THAG TU 'BYUNG BA NYID LA'O, ,BRTAG PA 'DI NI SKABS SU NYE BAR MKHO BA MED PA'I PHYIR RO, ,RTZOL BA YOD NA SHES PA 'BYUNG BA GANG YIN PA DE NI MI RTAG PA'I 'BRAS BU YIN NO ZHES BYA BA TZAM ZHIG SGRA NI MI RTAG STE, ,BRTZAL MA THAG TU 'BYUNG BA'I PHYIR ZHES BYA BA'I SGRAS BRJOD PAR 'DOD PA'I PHYIR RO, ,GANG GI PHYIR DE LTAR BRTZAL MA THAG TU 'BYUNG BA NYID 'BRAS BU'I GTAN TSIGS DANG, RANG BZHIN GYI GTAN TSIGS KYANG YIN PA DE'I PHYIR RO, ,'DI NYID KYIS ZHES BYA BA NI BRTZAL MA THAG TU 'BYUNG BA'I PHYIR ZHES BYA BA NYID KYIS SO, ,DBYE BA GZHAN NI ZHES BYA BA LDAN PA LA SOGS PA'O, ,DU BA LA SOGS PA'I YOD PA GANG ZHIG BSGRUB PAR BYA BA GANG MED NA MI 'BYUNG BA'AM, SHING SHA PA LA SOGS PA GANG GIS RANG GI BDAG NYID SHING SHA PA MED KYANG YOD PA'I PHYIR NA RNAM PAR DBYER YOD PA CAN GYI SHING NYID GANG YIN PA DE, DU BA DANG SHING SHA BA LA SOGS PA'I DON DE NI ME DANG SHING NYID LA SOGS

PA DE DANG 'KHRUL MI 'GYUR ZHES BYA BA DE LTA BU'I DON DU 'BRAS BU DANG RANG BZHIN GYI GTAN TSIGS DE GNYIS RAB TU PHYE BA YIN NO ZHES BYA BA NI RNAM PAR BSHAD PA LA LTOS TE SBYAR BA YIN NO, ,'BREL BA BYED PA DE LTAR NA NI, RNAM DBYER MED CAN ZHES SBYAR BAR BYED DE, DES NI DE KHO NA LTAR BSHAD PA'I PHYIR RO, ,DU BA LA SOGS PA GANG ZHIG ME SOGS PA GANG MED PAR RO, ,DE NYID NI DU BA LA SOGS PA'O, ,CI'I PHYIR ZHE NA DE ZHES BYA BA'O, ,GAL TE LDAN PA'I STOBS KYIS MI 'KHRUL BA CI STE MI 'GYUR ZHE NA, THA DAD PA LA NI ZHES BYA BA'O, ,DE NI THAL BA'O, ,'KHRUL PA MED PA'I DUS MTSUNGS PA'I ME LA STE ME 'DAS NAS YUN RING BA'I PHYIR RO, ,'O NA CI SKAD BRJOD SNYAM NA, 'ON KYANG ZHES BYA BA'O, ,GAL TE GO BAR BYED PA YIN NA DE'I TSE 'BRAS BU KHO NAS YIN GYI, GANG 'BRAS BU YIN PA DE GO BAR BYED PA NI MA YIN NO, ,DES NA DU BA 'BRAS BU YIN YANG DUS MTSUNGS PA'I ME GO BAR BYED PA MA YIN NO, ,GSAL BAR BYED PA NI, THA DAD PA NI ZHES BYA BA'O, ,YANG NA THAL BA LA SOGS PAS KYANG RANG GI RGYU RNAM PA DE 'DRA BA GO BAR BYED PA YIN NO ZHES BRJOD PA NI, 'DAS PA'I ZHES BYA BA'O, ,THAL BA LA SOGS PA'I 'BRAS BU NI RNAM PA GNYIS TE, KHA CIG NI DUS MTSUNGS PA'I ME DANG 'BREL BA YIN LA, 'DAS NAS YUN RING DU LON PA'I ME DANG 'BREL PA YANG YOD DO, ,DE DAG GI GNAS SKABS KYI KHYAD PAR 'DZIN PAR BYED PA GANG YIN PA DES NI 'DAS PA DANG DUS MTSUNGS PA'I ME DE LAS RTOGS PA KHO NA'O, ,DES NA 'BRAS BU THAL BA LA SOGS PA RNAM PA CI 'DRA BA ZHIG 'DAS PA'AM, YUL GZHAN NA GNAS PA'I ME LAS SKYE BA DE LTA BU NI 'DAS PA'I DUS DANG, YUL GZHAN NA GNAS PA'I ME GO BAR BYED PA YIN NO, ,DE NYID KYI PHYIR ZHES BYA BA NI THAL BA ME DANG LDAN PA MED PA NYID KYI PHYIR RO, ,GO BAR BYED PA NYID GANG GIS THAL BA'I 'BRAS BU DE KHYAD PAR DU 'GYUR BA'O, ,CI LTAR KHYAD PAR DU 'GYUR ZHE NA, BRJOD PA DE'I KHYAD PAR LAS TE, RGYU'I KHYAD PAR LAS SO, ,GZHAN DU YANG ZHES BYA BA NI SA BON DANG MYU GU LA SOGS PA YANG NGO, ,DE BZHIN DU 'BRAS BU MA YIN YANG ZHES BYA BA'I RTZOD PA BSAL BA'I PHYIR BRJOD PA NI, LDAN PAS ZHES BYA BA'O, ,RTEN PA NYID GO BAR BYED PA YIN GYI, RTEN NI MA YIN NO ZHES DOGS PA BSU BA NI, 'ON TE ZHES BYA BA'O, ,LAN NI GAL TE

, ,ZHES BYA BA'O, ,CI LTAR 'BRAS BU NYID GO BAR BYED PA YIN NO ZHES BYA BA 'OS PA YIN ZHE NA, GANG ZHIG CES BYA BA'O, ,DE LTA NA YANG SKABS LA CI BYUNG SNYAM NA, GZHI CAN ZHES BYA BA'O, ,'KHRUL PA MED DO ZHES BYA BA NI DE LAS SKYES PAS GO BYED YIN PA LA'O, ,GAL TE GNAS PA NI GO BAR BYED PA MA YIN TE, 'ON KYANG DE'I KHYAD PAR CAN GYI CHU YIN NO, ,DE YANG RTEN LAS SKYES PA MA YIN TE, DES NA DE LAS BYUNG BA GO BAR BYED PA YIN PA NI 'KHRUL PAR GYUR TO ZHES DOGS PA BSU BA NI, 'ON TE ZHES BYA BA'O, ,LAN NI CHU'I ZHES BYA BA'O, ,'ON TE 'DI MI RIGS PA DES NA 'DI LTAR MA YIN NO ZHE NA, RIGS PA NI ZHES BYA BA'O, ,CI'I PHYIR ZHE NA, DE NYID CES BYA BA STE GNAS PA NYID DO, ,GZHAN GYIS BSAM PAS GNAS PA LAS CHU GZHAN DU SGRUB PAR BYED PA NI, GAL TE ZHES BYA BA'O, ,DE ZHES BYA BA NI LAN TE LHUNG BA'O, ,DE NYID NI ZHES BYA BA NI GNAS PA GANG YIN PA NYID DO, ,GZHAN YANG ZHES BYA BA NI LHUNG BA YANG NGO, ,GAL TE CHU NYID KYI SPYI GCIG YIN PA'I PHYIR CI LTAR GZHAN YIN ZHE NA, CHU NYID KYI ZHES BYA BA'O, ,DE NI SPYI'O, ,'BREL PA MED PA'I PHYIR GO BAR BYED PA MA YIN NO, ,GSAL BA NYID DO ZHES BYA BA NI GNAS PA'I CHU'I GSAL BA'O, ,GCIG KHO NA'O ZHES BYA BA NI GNAS PA GANG YIN PA DE NYID LHUNG BA'O, ,DES NA CHU NI GZHI'I 'BRAS BU MA YIN NO ZHES BSAM PA'O, ,DE LTAR YIN YANG ZHES BYA BA NI GNAS PA DANG MI GNAS PA YIN YANG NGO, ,'O NA NGO SHES PAS GCIG NYID DU SGRUB PAR BYED DO ZHE NA, NGO SHES PA NI ZHES BYA BA'O, ,GANG GI PHYIR LHUNG BA DANG MA LHUNG BA'I DUS DAG TU GCIG YIN PA TSAD MAS MA GRUB KYI, THA DAD PA NI MNGON SUM GYIS RTOGS PA NYID YIN PA DE'I PHYIR RO, ,CI LTAR NA 'BRAS BU KHO NA GO BAR BYED PA'I RGYU MTSAN YIN ZHEN CHU BSHAD PA, CHU DANG THAL BA LA SOGS PA'I DNGOS PO DAG RANG BZHIN GANG GIS BSKYED PA DE NYID KYIS GO BAR BYED PA NYID DU KHAS BLANGS PAS NA, 'BRAS BU NYID GO BAR BYED PA'I RGYU MTSAN DU GNAS PAR BYED PA YIN NO, ,GTAN TSIGS DE'I PHYIR GZHAN 'BRAS BU MA YIN PA LAS NI GZHAN RTOGS PA MA YIN NO, ,GANG ZHIG CES BYA BA NI, SHING SHA PA'I MTSAN NYID KYI RANG BZHIN NO, ,GANG GANG ZHES BYA BA NI SHING NGO, ,DE NI SHING SHA PA'O,,

DE'I NI SHING NYID KYI'O, ,SPYIR BRJOD PA'I DON KHYAD PAR LA STON PA NI, SHING SHA PA ZHES BYA BA'O, ,GAL TE ZHES BYA BA NI RTZOD PA'O, ,LAN NI MA YIN TE ZHES BYA BA'O, ,RNAM PAR DBYER MED PA NYID MA YIN PA'I PHYIR TE ZHES BYA BA'I RNAM PAR DBYER YOD PA CAN YIN PAS ZHES BYA BA'I DON TO, ,CI LTAR RNAM PAR DBYER YOD PA YIN ZHE NA, SHING NI ZHES BYA BA'O, ,DES NA SHA PA'I GO BYED MA YIN NO ZHES BYA BA'I DON TO, ,'O NA SHA PA YANG GO BYED DU MI 'GYUR RO ZHE NA, SHA PA NI ZHES BYA BA'O, ,DE LTAR NA NI SHING MED PAR YOD PA'O, ,GTAN TSIGS DE'I PHYIR NA, SHA PA DE NYID RNAM PAR DBYER MED PA CAN GYI SHING NI MA YIN NO, ,RNAM PAR DBYER MED PA CAN GYI SHA PA GANG YIN PA DE GO BAR BYED PA YIN NA, DE LTA NA NI DE'I BDAG NYID DE NI GO BAR BYED PA NYID KYI RGYUR MI 'GYUR TE, SHING NYID SHA PA NYID YIN YANG GO BAR BYED PA MA YIN PA'I PHYIR RO, ,DE BZHIN DU ZHES BYA BA NI MI 'KHRUL PA NYID DU'O, ,GZHAN ZHES BYA BA NI BSGRUB PAR BYA BA LA LTOS NAS TE DU BA'O, ,GANG GI PHYIR DE LTA YIN PA DES NA'O, ,DE'I BDAG NYID DU NI DU BA ME GO BAR BYED PA'I RGYU MTSAN MA YIN NO, ,DES NA RJES SU 'GRO BA DANG BRAL BA'I BDAG NYID NI, GO BAR BYED PA'I RGYU MTSAN NYID MA YIN TE, SHING NYID LA SHA PA'I BDAG NYID YOD KYANG GO BAR BYED PA MA YIN PA'I PHYIR DANG, MED KYANG DU BA GO BYED YIN PA'I PHYIR RO, ,DE BAS NA ZHES BYA BA NI DE'I BDAG NYID LA SOGS PA MED NA, MI 'KHRUL BA'I GO BYED NYID MED PAS NA, DE'I BDAG NYID DANG DE LAS BYUNG BA DE DAG GO BAR BYED PA NYID DE'I RGYU MTSAN CAN YIN NO, ,'O NA GO BAR BYED PA NYID KYIS GTAN TSIGS RNAM PA GCIG KHO NAR 'GYUR RO ZHE NA, DE'I ZHES GSUNGS SO, ,GANG GI DBYE BA NYID BRJOD PA NI, GO BYED CES BYA BA'O, ,SHING GI BDAG NYID KYI SHA PA NI, SHING GI BDAG NYID KHO NAS SHA PA GO BAR BYED PA YIN NO, ,THA DAD PA NI MA YIN NO, ,RGYU'I ZHES BYA BA NI GO BAR BYED PA YIN NO ZHES BYA BA'I SKABS YIN NO, ,DE'I PHYIR DE LTAR GTAN TSIGS THA DAD PA NYID DO, ,DE NYID CI PHYIR ZHES BYA BA NI, DE'I BDAG NYID DANG DE LAS BYUNG BA MA YIN NA, GO BAR BYED PA NYID MA YIN PA NYID KYI PHYIR RO, ,LDAN PA CAN DANG 'DU BA CAN LA SOGS PA GANG DAG LA DE'I BDAG NYID DANG DE LAS BYUNG BA'I

, ,MTSAN NYID KYI 'BREL BA YOD PA MA YIN PA DAG NI GTAN TSIGS MIN ZHES BSHAD PA YIN NO, ,GAL TE DE 'DRA BA'I 'BREL BA MED KYANG LDAN PA'I STOBS KYIS GO BAR BYED PA YIN NO ZHE NA, LDAN PAS ZHES BYA BA'O, ,'ON TE ME NI DU BA MED KYANG YOD PA DES NA GO BAR BYED PA NYID MA YIN NO ZHES DOGS PA BSU BA NI, MI 'KHRUL BA ZHES BYA BA'O, ,LAN NI'O NA ZHES BYA BA'O, ,DE NI ZHES BYA BA NI RGYU DANG 'BRAS BU'I DNGOS PO'O, ,LAN NI ME NI GO BAR BYED PA MA YIN NO, ,CI'I PHYIR ZHE NA, YOD PA ZHES BYA BA'O, ,RGYU DANG 'BRAS BU NYID THA DAD PAR KHAS BLANGS NAS DE SKAD BRJOD PA YIN NO, ,DA NI DE MED PA NYID DO ZHES BRJOD PA NI RGYU DANG ZHES BYA BA'O, ,'ON RGYU DANG 'BRAS BU'I DNGOS POS GO BAR BYED PA YIN NO ZHES BYA BA 'DI'I DON CI YIN ZHE NA, DES NA ZHES GSUNGS SO, ,GZHAN DU 'GYUR BA MED DO ZHES BYA BA NI, RGYU NI GO BAR BYED PA MA YIN PAR MI 'GYUR BA'O, ,'ON 'JIG RTEN RGYU LAS 'BRAS BU DPOG PAR 'GYUR RO ZHE NA, DE NA ZHES BYA BA STE RGYU'I DNGOS PO NI DE LTAR TE, MTHA'I SKAD CIG NYID THOB PAR RO, ,MI NUS PA YANG 'BRAS BU MTHONG BA'I SNGON ROL DU MTHA' SKAD CIG NYID DU MI NGES PA'I PHYIR RO, ,CI LTAR ZHES BYA BA 'BRAS BU YOD PA DANG MED PA THUN MONG BA'I RANG BZHIN DU SHES PA DE LTAR NI RANG BZHIN DES RGYU GO BAR BYED PA MA YIN PA KHO NA'O, ,DES NI ZHES BYA BA NI MTHA'I SKAD CIG THOB PA'I RANG BZHIN GYIS SO, ,CI LTAR ZHE NA, 'DI LTAR ZHES SMOS SO, ,BYED PA ZHES BYA BA NI, GAL TE MTHA'I SKAD CIG THOB PAR BYED NA, DE'I TSE GO BAR BYED PA NYID DU YANG 'GYUR BA KHO NA'O, ,GO BAR MA NUS PA NI DNGOS PO SHES PA YANG MA YIN TE, 'ON KYANG RTOGS PA PO'I YIN NO ZHES BRJOD PA NI, DE LTAR ZHES BYA BA NI, DE LTAR YIN NA 'BYUNG BAR 'GYUR BA YANG RGYU YIN PA'I PHYIR 'DI 'BRAS BU KHO NA'O ZHES BRJOD PA NI, DE LTA YIN YANG ZHES BYA BA STE MTHA'I SKAD CIG THOB PA NYID KYIS SO, ,DU BA DE 'BRAS BU NYID YIN NO, ,CI'I PHYIR ZHE NA, DU BA NI DE MED NA MED PHYIR ZHES BYA BA'O, ,GAL TE DE LTAR YIN MOD DE LTAN YANG 'DI CI LTAR RGYU NYID YIN ZHE NA, THA DAD CES BYA BA'O, ,DE LTAR 'BRAS BU'I GTAN TSIGS LA RGYU DANG 'BRAS BU'I DNGOS PO KHYAD PAR MED PA'I PHYIR GNYI GA YANG GO BAR BYA BA DANG GO BAR BYED PA NYID DU BRJOD NAS RANG BZHIN GYI GTAN

TSIGS LA YANG DE'I BDAG NYID KHYAD PAR MED PA'I PHYIR GNYI GA YANG GO BAR BYA BA DANG GO BAR BYED PA'I DNGOS PO YIN NO ZHES BRJOD PA NI, DE BZHIN DU ZHES BYA BA'O, ,RANG BZHIN GYI GTAN TSIGS DER YANG, GAL TE SHA BA'I BDAG NYID LA NGES PA NYID DU RTAGS NA, DE'I TSE SHING YANG RNAM PA DE LTA BU'I SHING YANG GO BYED NYID DU RTOGS PAR 'GYUR RO, ,'ON TE SHING NYID SHA PA LA NGES PA NYID DU GO BAR RTOGS PA PA DE'I TSE NI GO BAR BYED PA NYID KYANG YOD PA MA YIN NO, ,'ON TE DE'I BDAG NYID KYI GO BAR BYED PA NYID DU KHAS LEN NA, DE'I TSE DE LTA NA YANG ZHES BYA BA SHING SHA PA NYID KYI GO BAR BYED PA NYID DU KHAS BLANGS NA YANG SHING SHA PA NYID DANG DBYER MED PA STE, DE'I BDAG NYID DU RTOGS PAS 'GYUR BA YIN TE, GZHAN DU NA GO BAR BYED PA NYID MA YIN PA'I PHYIR RO, ,GANG GI PHYIR DE LTA YIN PA DE'I PHYIR SHING NYID KYI DNGOS PO NI SHA PA NYID DANG RNAM PAR DBYER MED PA NYID DU RTOGS PAR BYA BA YIN TE, DE LTA MA YIN NA GO BYED NYID DU MI 'THAD PA'I PHYIR RO, ,YANG NA DE'I PHYIR ZHES BYA BA 'BREL PA NGES PA MED PAR GO BYED NYID DU MI 'THAD PA'I PHYIR NA DNGOS PO ME LA SOGS PA DU BA LA SOGS PA LA LTOS NAS SAM, DU BA LA SOGS PA MANG ME LA SOGS PA LA LTOS NAS 'BRAS BU DANG RNAM PAR DBYER MED PA DE DAG GI DNGOS PO DES THAMS CAD RTOGS PAR 'GYUR GYI 'GA' ZHIG NYID NI MA YIN NO, ,GAL TE RTAGS KYI GO BAR BYED PA NYID NGES PA'AM, MA NGES PA ZHIG YIN ZHES DOGS PA BSU NAS, MA NGES BA KHO NA YIN ZHES BRJOD PA NI, CI LTAR ZHES BYA BA'O, ,DE'I ZHES BYA BA KHYAB PAR BYA BA'I BDAG NYID DO, ,SHING NYID LA SOGS PA YOD DO COG NA, SHA PA NYID LA SOGS PA NI YOD PA MA YIN NO, ,DE BZHIN DU GO BAR BYED PA YANG ZHES BYA BA NI, SHING NYID LA SOGS PA SHA BA LA SOGS PA LA LTOS NAS GO BAR BYED PA NYID KYANG MA NGES PA KHO NA YIN TE, RES 'GA' BA KHO NAS YIN NO, ,MA NGES PA YIN NA ZHES BYA BA MA NGES PA NYID KYI RANG BZHIN YIN NA, SGRA GANG GIS GO BAR BYED PA YIN TE, GO BAR BYED PA NYID CI LTAR NGES PA MA YIN ZHES BYA BA'I DON TO, ,LAN NI MA NGES PAS ZHES BYA BA'O, ,SHING LA SOGS PA DANG, DU BA LA SOGS PA'I GO BAR BYED PA NYID GANG YIN PA DE'I RGYU MTSAN DE'I BDAG NYID DANG,

, ,DE LAS BYUNG BA NYID DU NGES PA GANG YIN PA DE NI MA NGES PAR TE, RES 'GA' BA NYID KYIS YOD PA'I PHYIR GO BAR BYED PA NYID MA NGES PA YIN NO, ,GAL TE RGYU MTSAN MA NGES NA GO BAR BYED PA NYID KYANG DE LTAR, 'GYUR DGOS SO ZHES BYA BA GANG LAS YIN ZHE NA, GAL TE ZHES BYA BA'O, ,GANG GI PHYIR GAL TE DE'I BDAG NYID DANG, DE LAS BYUNG BA'I NGES PA DE'I RJES SU 'JUG PA YIN PA DE LTA NA DE'I BDAG NYID DANG DE LAS BYUNG BA NYID DU NGES PA DE GO BAR BYED PA NYID DE'I RGYU MTSAN DU 'GYUR BA YIN NO, ,DE LTA MA YIN YANG ZHES BYA BA NI, DE NGES PA'I RJES SU MI 'JUG KYANG DE'I RGYU MTSAN CAN YIN NA, THAMS CAD THAMS CAD KYI RGYU MTSAN CAN DU 'GYUR RO ZHES HA CANG THAL BAR 'GYUR RO, ,DE'I PHYIR RTAGS KYI GO BAR BYED PA NYID NI MA NGES PA KHO NA STE RGYU MTSAN MA NGES PA'I PHYIR RO ZHES GNAS SO, ,GAL TE LDAN PA LA YANG, LDAN PA CAN LA SOGS PA LAS BSGRUB BAR BYA BA LAS THA DAD PA'I PHYIR DE LAS BYUNG BA'I MTSAN NYID KYI 'BREL PA YOD PA KHO NA MA YIN NAM, DES NA LDAN PA CAN LA SOGS PA CI STE GTAN TSIGS MA YIN ZHES DOGS PA NI, LDAN PA LA YANG ZHES BYA BA'O, ,DE BZHIN NO ZHES BYA BA NI 'BRAS BU'I GTAN TSIGS KHO NA BZHIN DU GO BAR BYED PA YIN PA'O, ,'GOG PA NI MA YIN NO ZHES BYA BA'O, , SNGAR NI RNAM 'GREL 'DI DE'I BDAG NYID DANG, DE LAS BYUNG BA KHO NA GO BAR BYED PA YIN NO ZHES BYA BA'I DON 'DI GRUB PA'I DON DU SHES BAR BYED PA NYID DU NYE PAR BKOD PA YIN LA, ,LDAN PAS GO BAR BYED PA YIN NA NI ZHES BYA BA LA SOGS PAS KYANG SHA PA DANG DU BA BZHIN DU, SHING DANG ME DAG KYANG GO BAR BYED PA NYID DU 'GYUR RO ZHES BYA BA'I DON 'DI STON PA'I DON DU BRJOD PA YIN GYI BSHAD PA NI MA YIN NO, ,DA NI RTZOD PA'I DGOS PA BSU NAS DE DGAG PAS BSHAD PA'I PHYIR NYE BAR BKOD PA YIN NO ZHES BYA BA NI KHYAD PAR RO, ,GANG DAG LA DE LAS BYUNG BA'I MTSAN NYID KYI 'BREL PA YOD PA DE DAG NI GTAN TSIGS NYID YIN PAR GRUB PA'I PHYIR LDAN PAS CI BYA STE, MI 'KHRUL PA YOD PA'I PHYIR RO ZHES BYA BA'I DON TO, ,LDAN PA CAN GYI GTAN TSIGS GANG ZHIG YIN ZHEN, RTEN PA DANG LDAN PA CAN NI RTEN TE ZHES BYA BA LA, LDAN PA CAN NI RTEN TO, ,GANG DANG ZHE NA RTEN PA DANG NGO, ,GAL TE LDAN PA NI GCIG KHO NA LA GNAS KYI, GNYI GA LA NI MI

GNAS PA MA YIN NAM, DES NA RTOGS PA DANG LDAN PAS CAN NI STON TE ZHES BRJOD CE NA, LDAN PAR MTSUNGS PA'I PHYIR RO ZHES BYA BA STE, RTEN DANG BRTEN PA GNYI GA LA KHYAD PAR MED PAR LDAN PA GNAS PA YIN NO ZHES BYA BA'I DON TO, ,'DU BA CAN GYI GTAN TSIGS DE GANG YIN ZHE NA, 'DU BA CAN NI ZHES BYA BA'O, ,DE LA RNAM PA 'DI LTA BU'I LDAN PA CAN NI GO BAR BYED PA MA YIN TE, DE LAS BYUNG BA'I MTSAN NYID KYI 'BREL PA MED PA'I PHYIR RO ZHES BRJOD PA NI, BZHIS NI ZHES BYA BA'O, ,'DU BA CAN YANG GO BAR BYED PA MA YIN NO ZHES BRJOD PA NI, RIGS KYANG ZHES BYA BA'O, ,'ON TE BRTEN PA LA SOGS PA MED NA MI 'BYUNG BA CAN GYI, RTEN LA SOGS PA NI GO BAR BYED PA YIN GYI THAMS CAD NI MA YIN NO ZHES 'DOD NA, DE LTA NA 'ON RGYU DANG 'BRAS BU'I MTSAN NYID KYI 'BREL PA KHO NA GO BAR BYED PA'I RGYU MTSAN YIN GYI, LDAN PA NI MA YIN NO ZHES BYA BAR 'GYUR RO, ,'ON TE GAL TE YANG BRTEN PA LA SOGS PAS, RTEN LA SOGS PA TZAM NI GO BAR BYED PA MA YIN GYI, 'ON KYANG CHU LA SOGS PA'I BRTEN PAS BUM PA LA SOGS PA'I RTEN GO BAR BYED PA YIN NO ZHE NA, LAN NI DE LTA NA 'O NA ZHES BYA BA STE, BRTEN BRTEN MED NA MI 'BYUNG BAS GO BAR BYED PA NYID YIN NA DE DE LTA NA RGYU DANG 'BRAS BU'I DNGOS PO NYID GO BAR BYED PA YIN GYI, LDAN PA NI MA YIN NO, ,DOGS PA BSU BA NI, MED NA MI 'BYUNG BA NYID CES BYA BA STE, RGYU DANG 'BRAS BU'I DNGOS PO LA THA DAD PA'O, ,DE'I PHYIR ZHES MED NA MI 'BYUNG BA'I KHYAD PAR RGYU DANG 'BRAS BU'I, DNGOS PO YIN PA'I PHYIR RO, ,MED NA MI 'BYUNG BA'I KHYAD PAR CAN GYI 'BREL PA YOD PA YIN NA YANG; MED NA MI 'BYUNG BA'I KHYAD PAR DE NYID BSGRUB PAR BYA BA RTOGS PA'I SGRUB BYED YIN TE, LDAN PA LA SOGS PA BRTAGS PAS CI BYA, GANG GI PHYIR SGRUB PAR BYED PA BSGRUB PAR BYA BA LA NGES PA KHO NA 'BREL BA YIN PA DANG, MED NA MI 'BYUNG BA'I YANG DE NYID YIN PA DANG, NGES PA MED PA YANG SGRUB PAR BYED PA MA YIN PA DE'I PHYIR MED NA MI 'BYUNG BA KHO NA 'BREL PA YIN NO, ,'ON TE MED NA MI 'BYUNG BA YIN MOD, DE RGYU DANG 'BRAS BU'I DNGOS PO NI MA YIN NO ZHE NA, GZHAN LA GZHAN ZHES BYA BA'O, ,BSHAD ZIN TO ZHES BYA BA NI 'BRAS BU'I GTAN TSIGS BSHAD PA'I SKABS SU'O, ,GAL TE

, ,DKYUS 'DI TZAM GYI RNAM 'GREL MDZAD PAS CI ZHIG BSHAD PA YIN ZHE NA, RANG BZHIN DU 'BRAS BU ZHES BYA BA'O, ,'O NA DA CI 'CHAD SNYAM NA BRJOD BA NI DA NI ZHES BYA BA'O, ,GAL TE 'DI GNYIS MA NGES PA YIN PA'I PHYIR NYE BAR BKOD PA DON MED DO ZHE NA, GZHAN DAG CES BYA BA'O, ,DE LA ZHES BYA BA NI KHYAD PAR LA SOGS PA LA'O, ,DE NYID NI GO BAR BYED PA NYID MA YIN PA NYID DU STE SLOB DPON PHYOGS KYI GLANG POS GO BAR BYED PA NYID MA YIN PAR BSHAD PA'O, ,GZHUNG GANG GIS SHE NA, DE LA ZHES BYA BA'O, ,RE ZHIG THA DAD PA GO BAR BYED PA NYID YIN PA'I DOGS PA BSU NAS SEL BA NI, GAL TE GCIG TU LDOG PA CAN ZHES BYA BA STE, SROG LA SOGS PA NI GO BAR BYED PA KHO NAR RIGS SO ZHES BYA BA 'DI NI BDEN BA ZHIG NA'O, ,GANG GI ZHE NA, GAL TE GCIG NYID LA STE MI MTHUN PA'I PHYOGS NYID LAS SO, ,GRUB PA KHO NA'O ZHE NA, DE NI ZHES BYA BA'O, ,CI'I PHYIR MA GRUB CE NA, PHYOGS NYID LAS TE GSON PO'I LUS NYID LA BDAG MED KYANG SROG LA SOGS PA 'JUG GO ZHES BYA BA RNAM PA DE LTA BU'I BDAG NYID 'KHRUL PAR DOGS PA YOD PA'I PHYIR RO, ,GAL TE GCIG TU LDOG PA CAN KHO NA CI LTAR GO BAR BYED PA NYID KYI RGYU MTSAN YIN ZHE NA, 'DI LTAR ZHES BYA BA'O, ,GAL TE MED NA MI 'BYUNG BA MED NA, SROG LA SOGS PA MI MTHUN PA'I PHYOGS LA LDOG PA GCIG TU NGES PA CAN YIN PAR JI LTAR BRJOD, LDOG PA GCIG TU NGES PA CAN DE YANG, MA 'BREL PA DAG LA SRID BA MA YIN TE, DES NA LDOG PA 'DOD PAS 'BREL PA YANG KHAS BLANG BAR BYA'O, ,DE NYID PHYIR NA ZHES BYA BA NI 'BREL BA NYID KYI PHYIR RJES 'GRO GNAS TE DE LTA MA YIN NA, 'BREL PA NYID DU MI 'THAD PA'I PHYIR RO, ,DE LTA YIN NA GO BAR BYED PA NYID DU 'THAD PA KHO NA'O ZHES DOGS PA'O, ,RNAM PAR 'GREL PA NI SROG LA SOGS PA ZHES BYA BA'O, ,DE YANG ZHES BYA BA NI LDOG PA GCIG TU NGES PA NYID DO, ,CI'I PHYIR MI 'GRUB CE NA, MI MTHUN PA'I ZHES BYA BA'O, ,RANG GI SGO NAS ZHES BYA BA NI, GTAN TSIGS BDAG NYID KYI SGO NAS SO, ,'DI NYID BRJOD PA NI GANG GIS ZHES BYA BA'O, ,GAL TE RANG GI SGO NAS MI NUS NA, 'O NA CI LTAR RTOGS SNYAM NA, RJES SU 'GRO BA'I SGO NAS NI ZHES BYA BA'O, ,CI LTAR RUNG BA LA

SOGS PA LA RJES SU 'GRO BA'I SGO NAS LDOG PA 'GRUB PA DE BZHIN DU, GAL TE 'DI LA YANG RJES SU 'GRO BA YOD NA DE'I TSE LDOG PAR 'GYUR BA KHO NA'O, ,RJES SU 'GRO BA'I SGO NAS KYANG LDOG BA CI LTAR RTOGS SHE NA, GANG GI PHYIR ZHES BYA BA'O, ,DE LTA MA YIN NA ZHES BYA BA NI LDOG PA MI 'PHEN NA'O, ,DON 'DI NYID GZHUNG 'DZUGS PA NI, 'DI LTAR ZHES BYA BA'O, ,GZHAN RGYU MA YIN PAR 'DOD PA'O, ,DE NI 'BRAS BU'O, ,RGYUR 'DOD PA DE YOD NA'O, ,GZHAN RGYU MA YIN PAR 'DOD PA MED NA YANG 'BRAS BU MED PA YIN PA'O, ,DES 'BRAS BUR MNGON BAR 'DOD PA'I RGYU NYID DU NGES PAR 'GYUR RO, ,GANG GI TSE ZHES BYA BA LA SOGS PA NI RNAM PAR 'GREL PA'O, ,DE YOD NA NI TZAN DAN YOD NA'O, ,DE'I STE TZAN DAN GYI 'BRAS BU YIN NO ZHES SO, ,DE YANG NI DE YOD NA YOD PA'O, ,DE'I ZHES BYA BA RJES SU 'GRO BA'I BDAG NYID DU GYUR PA'O, ,KHYAD BAR ZHES BYA BA NI THAMS CAD BSDUS PAR RO, ,KHYAB PA'I RNAM PAR BRJOD PA NI THAMS CAD DU ZHES BYA BA'O, ,'DI NYID LAS NI ZHES BYA BA LA SOGS PAR NI RGYU DANG 'BRAS BU'I DNGOS PO NGES PAR RJES SU 'GRO BA NGES PAR BSTAN PA YIN NO, ,DE TZAM GYIS ZHES BYA BA NI GSAL BA GCIG LA LTOS PA'I RGYU DANG 'BRAS BU'I DNGOS PO NGES PA TZAM GYIS SO, ,DE ZHES BYA BA NI KHYAB PA'I RJES SU 'GRO BA RTOGS PA'O, ,GAL TE YANG DA LTA ME LAS DU BA SKYE BAR RTOGS PA YIN YANG, GZHAN GYI TSE GZHAN LAS MI 'BYUNG NGO ZHES CI LTAR RTOGS SHE NA, DE YANG ZHES BYA BA'O, ,DE LTAR ZHES BYA BA NI KHYAB PA NYID DU'O, ,DE'I TSE NYID CES BYA BA NI ME LAS SKYE BAR MTHONG BA'I DUS NYID NA'O, ,GAL TE GZHAN LAS MI SKYE BA NYID DU RTOGS PA LA CI STE LTOS SHE NA, 'DI 'DI LAS ZHES BYA BA'O, ,GZHAN DU ZHES BYA BA NI ME MA YIN BA LA'O, ,'O NA GO BAR BYED PA'I RGYU MTSAN GANG YIN ZHE NA, 'ON KYANG ZHES BYA BA'O, ,GAL TE GZHAN LAS DU BA MI 'BYUNG BAR RTOGS PA NYID NI 'DI NYID LAS DU BA 'BYUNG NGO ZHES BYA BA'I NGES PA 'GRUB PAR 'GYUR BA YIN NO, ,GZHAN LAS MI 'BYUNG BA'I RNAM PA LA NI RTOGS PA YOD PA MA YIN NO ZHES DOGS PA BSU NAS BRJOD PA NI DE LTAR YANG ZHES BYA BA STE, GZHAN LAS DU BA MI SKYE BA'I RNAM PA LA YANG, RTOGS PA YOD PA NYID DO, ,GANG DAG GIS SHE NA, BRJOD PA DE YOD NA ZHES BYA BA STE,

, ,GZHAN YOD NA DU BA MED PA DE MA THAG NYID DU STE, GYUR PA NYID DU NGES PA'I RTOGS PA PO RNAMS LA'O, ,DE YOD NA MED PAR RTOGS PA NYID CI LTAR ZHE NA, DE LAS GZHAN CHU LA SOGS PA LAS ME NYE BA'I SNGAR DU BA MI SKYE BAR MTHONG BA'I PHYIR RO, ,DE LTA NA YANG MI MTHUN BA'I PHYOGS LAS LOG PAR THE TSOM ZA'O ZHES DOGS PA NI GAL TE ZHES BYA BA'O, ,GZHAN GYI KHYAD PAR NI SHA ZA LA SOGS PA'O, ,'ON TE GZHAN NYID DU KHYAD PAR MED PA'I PHYIR, CHU LA SOGS PA LAS KYANG CI STE MI 'GYUR ZHE NA, GZHAN ZHES BYA BA ZHES SMRAS SO, ,DES NA ZHES BYA BA NI DU BA GZHAN GYI KHYAD PAR LA YOD PAS NA'O, ,'ON TE ME YOD PA NYID LA DU BA YOD DO ZHES NGES PA YIN TE, DES NA LDOG PA MED PAR CI LTAR MA NGES SHE NA, DE YOD NA ZHES BYA BA ME YOD PA NYID LA DU BA YOD DO ZHES DE LTAR LDOG PA YANG MI NGES TE, RJES SU 'GRO BA 'BA' ZHIG TU NI MA ZAD PA'O, ,CI'I PHYIR ZHE NA, MA MTHONG LA YANG ZHES BYA BA'O, ,RIG PA CAN KHYED KYI'O, ,'DI LTAR ZHES BYA BA NI DU BA BZHIN DU 'BRAS BU NYID KYIS GTAN TSIGS GO BAR BYED PA YIN GYI GZHAN DU NI MA YIN NO ZHES BYA BA DE LTAR RO, ,KHYED NYID RJES SU 'DZIN PA YIN GYI, GNYIS MED PAR SMRA BA SANGS RGYAS PA NI MA YIN NO, ,GAL TE RANG RJES SU 'DZIN PA YIN YANG MI 'DOD NA DE'I TSE RNAM PA THAMS CAD DU KHYED NYID LA GNOD PAR 'GYUR TE, BDAG RJES SU DPOG PA YANG MED PAR THAL BA'I PHYIR DANG GNYIS MED PAR THAL BA'I PHYIR RO, ,'CHAD BA NI KHYED KYI ZHES BYA BA'O, ,GTAN TSIGS NI SROG LA SOGS PA'O, ,'DI LTAR ZHES BYA BA NI DU BA LTAR 'BRAS BU NYID KYIS SO,, RNAM PA GZHAN DU ZHES BYA BA NI 'BRAS BU NYID MA YIN NA, GO BAR BYED PA NYID MI SRID PA'I PHYIR RO ZHES BSTAN PA YIN NA'O, ,DE LTAR ZHES BYA BA DE'I 'BRAS BU NYID KYIS GO BAR BYED PA NYID DU MI 'DOD NA DE'I TSE DE'I 'BRAS BU NYID LA RTEN GZHAN TSOL CIG ,RTEN GZHAN NI SRID PA YANG MA YIN NO, ,GSAL ZHING 'DZIN PA DANG 'DRA BA NI DU BA ME'I 'BRAS BU NYID YIN PAR 'KHRUL PAR BRJOD PA'O, ,RGYU DANG 'BRAS BU'I DNGOS PO KHAS MA BLANGS PAR 'DI SKAD BRJOD PA YIN NO, ,DA NI MI MTHUN PA'I PHYOGS LAS LDOG PA GRUB PA'I DON DU KUN RDZOB TU RGYU DANG 'BRAS BU'I DNGOS PO BSGRUB PA NI, GZHAN YANG

ZHES BYA BA'O, ,DE MED PAS ZHES BYA BA NI ME MED PAS DU BA 'DI MED LA, MED PAR CI LTAR 'GYUR, DE MA THAG TU ZHES BYA BA DU BA ME'I DE MA THAG TU MI 'GYUR BA KHO NA'O, ,GANG GI TSE GNYIS PO 'DIR MI 'GYUR ZHE NA, GAL TE SHA ZA LA SOGS PA GZHAN YANG RGYU YIN NA'O, ,MTHUN BA'I ZHES BYA BA NI 'CHAD PA'O, ,DE ZHES BYA BA NI DU BA LA SOGS PA 'BRAS BU'O, ,DE MED NA NI ZHES BYA BA ME MED NA NI DE MA THAG TU MED PAR 'GYUR RO ZHES BYA BA 'DIR NI SRID BA MA YIN NO, ,GANG GI TSE ZHE NA SHA ZA LA SOGS PA GZHAN ZHES BYA BA'O, ,DBANG DU BYAS PA ZHES BYA BA NI ME'I RJES SU 'GRO LDOG GI RJES SU BYED BA'I PHYIR RO, ,'DOD RGYAL BA'I ZHES BYA BA NI, RGYU MTSAN MED PAR DU BA LAS ME THOB PA'O, ,GTAN TSIGS DE'I PHYIR BYANG GROL LA SOGS PA'I SGRUB BYED THABS TSOL BA 'BRAS BU DANG 'BRAS BU LA NGES PA'I 'BRAS BU LA SO SOR NGES PA DER MI 'GYUR RO, ,'O NA KHYED KYI LTAR NA RNAM PA THAMS CAD DU RGYU DANG 'BRAS BU'I DNGOS PO MED PA'I PHYIR NA, 'BRAS BU SO SO LA NGES PA'I THABS TSOL BAR CI LTAR 'GYUR ZHE NA, GNYIS SU MED PAR ZHES GSUNGS TE, KUN RDZOB TU NI RGYU DANG 'BRAS BU'I DNGOS PO YOD PA KHO NA STE, DES NA SO SOR NGES PAS 'JUG PA YIN NO, ,GANG GI PHYIR RGYU GZHAN YOD NA, DE MED PAS MED PA ZHES BYA BA LA SOGS PA DANG, 'BRAS BU SO SO LA NGES PA'I THABS TSOL BA MI 'THAD PA DE'I PHYIR RO, ,DE LTA YIN MOD DE LTA NA YANG SROG LA SOGS PA DANG LDAN PA NYID CI LTAR LDOG PA CAN MA YIN ZHE NA, GANG GI PHYIR ZHES GSUNGS SO, ,LDOG PA ZHES BYA BA NI SHA BA DANG DU BA DAG GO, ,BDAG NI GTAN TSIGS SROG LA SOGS PA LA LTOS TE, RANG GI BDAG NYID DAM RGYU'I DNGOS POR GRUB PA MA YIN NO, ,DE'I PHYIR NA ZHES BYA BA NI RANG GI BDAG NYID LA SOGS PA MA GRUB BAS NA'O, ,KHYAD PAR THUN MONG MA YIN PA LA RJES SU 'GRO BA DANG LDOG PA GNYI GA MED DO, ,CI'I PHYIR DE KHO NA BZHIN DU LDOG PA CAN NYID DU 'GRUB CE NA, DE'I BDAG NYID CES BYA BA'O, ,BSGRUB PAR BYA BA'I BDAG NYID LA NGES BA KHO NA DE MED PAS LDOG PA YIN NO ZHES BYA BA'I DON TO, ,CI'I PHYIR DE KHO NA DE LTAR 'GYUR ZHE NA, 'BREL PA MED PA NI ZHES BYA BA'O, ,DE LTA YIN DANG ZHES BYA BA

, ,NI 'BREL PA DANG LDAN PA KHO NA LDOG PAR BYED PA YIN DANG NGO, ,CI LTAR GTAN TSIGS MA YIN ZHE NA, MA 'BREL BA ZHES BYA BA'O, ,'ON TE GROG LA SOGS PA NI BDAG LA 'BREL BA KHO NA'O ZHE NA, 'BREL PA DANG LDAN BA ZHES BYA BA'O, ,'O NA LDAN BA CAN LA SOGS PA'I 'BREL PA LAS KHYAB PAR BYA BA DANG KHYAB PAR BYED PA'I DNGOS PO YIN PA KHO NA'O ZHES NA, DE'I BDAG NYID DANG ZHES BYA BA'O, ,DOGS PA BSU BA NI LDAN PA CAN LA SOGS PA RNAM BA GZHAN GYIS KYANG CI STE KHYAB PAR BYA BA DANG KHYAB PAR BYED PA'I DNGOS PO MA YIN ZHE NA, 'ON TE RNAM PA GZHAN GYIS KHYAB PAR BYA BA DANG KHYAB PAR BYED PA MA YIN NO, ,CI'I PHYIR ZHE NA, DE'I BDAG NYID DANG DE LAS BYUNG BA LAS MA GTOGS PA KHYAB BAR BYA BA DANG KHYAB PAR BYED PA'I RGYU MTSAN RNAM PA GZHAN MED PA'I PHYIR RO, ,GAL TE DE'I BDAG NYID DANG DE LAS BYUNG BA KHO NAS, SROG LA SOGS PA DANG LDAN PA NYID GO BAR BYED PA YIN PAR 'GYUR RO ZHE NA, RNAM PA DE NYID KYANG ZHES BYA BA STE DE'I BDAG NYID DANG DE LAS BYUNG BA'I MTSAN NYID DO, ,SROG LA SOGS PA LA NI DE LTAR YANG STE RTOGS PAR YANG MA GYUR TE, SROG LA SOGS PA BDAG LA DE'I BDAG NYID DANG DE LAS BYUNG BA NYID DU RTOGS PA MA YIN NO ZHES BYA BA'I DON TO, ,DES ZHES BYA BA NI RANG GI BDAG NYID LA SOGS PAR MA GRUB PAS NA'O, ,DES KYANG NI SLOB DPON PHYOGS KYI GLANG POS KYANG NGO, ,'DI NYID CES BYA BA NI RJES SU 'GRO BA DANG LDOG PA DAG MED PA'O, ,TSIG RKANG BZHI PA 'GREL BA NI, DE LTA MA YIN NA ZHES BYA BA'O, ,DE LTA NA YANG ZHES BYA BA NI GO BAR BYED PA YIN NA YANG NGO; ,DE'I PHYIR NA MA NGES PA ZHES BYA BA RNAM PAR 'GREL BA NI DE'I PHYIR ZHES BYA BA LA SOGS PA'O, ,DE YANG ZHES BYA BA NI SROG LA SOGS PA MED PA'O, ,GTAN TSIGS DE'I PHYIR GSON PO'I LUS LA YANG, KHYAB PAR BYA BA BDAG LDOG PA YOD NA GDON MI ZAB BAR KHYAB PAR BYED SROG LA SOGS PA MED PA NYID KYANG YOD BAR 'GYUR BA ZHIG ,YOD PA YANG MA YIN TE DE'I PHYIR KHYAB PAR BYED PA SROG LA SOGS PA LOG PAS KHYAB PAR BYA BA BDAG MED PA LDOG BAS NA BDAG RTOGS PAR 'GYUR RO ZHES BYA BA'I RTZOD PA RJES SU BRJOD NAS LAN 'DEBS PA NI, SROG LA SOGS BA MED BA BDAG MED PA'I KHYAB PAR BYED PA NYID

YIN PA DE YANG MTHUN PA'I PHYOGS KYI KHYAB PA MED PAR MI 'GRUB PO, ,RJES SU 'GRO BA LA MI LTOS PAR KHYAB BAR BYED BA NYID GRUB BA YIN NA NI DE LOG BAS BDAG MED BA LDOG PA'I PHYIR BDAG RTOGS BAR 'GYUR BA YIN NO ZHES BRJOD PA NI GAL TE MI MTHUN PA'I PHYOGS DAG CES BYA BA STE SROG LA SOGS PA MED PA DANG; BDAG MED PA DAG GO, ,RJES SU 'GRO BA MED PAR ZHES BYA BA NI SROG LA SOGS PA BDAG LA 'BREL PA MA YIN YANG NGO, ,'O NA KHYAB PA DE GRUB PA KHO NA'O ZHE NA, MI MTHUN BA'I ZHES BYA BA'O, ,CI'I PHYIR MI 'GRUB SNYAM NA, BDAG DANG ZHES BYA BA'O, ,BDAG LDOG PAR BYED BA NYID MA YIN MOD DE LTA NA YANG BDAG LDOG PA LA NI SROG LA SOGS PA LDOG PAS KHYAB PA 'GRUB PO ZHE NA, LDOG PAR BYED PA MA YIN PA ZHES SMOS SO, ,GANG GI PHYIR MTHUN PHYOGS KYI KHYAB PA MED PAR LDOG PA'I KHYAB PA MI 'GRUB PA DE'I PHYIR RO, ,CI LTAR NA SROG LA SOGS PA MED BA'I KHYAB BYED NYID DU MI 'GRUB CE NA, GZHAN ZHES BYA BA STE MA 'BREL PA GZHAN LOG PAS, 'BRAL ZLA MA YIN PA GZHAN LDOG PA NI MI RUNG BA'I PHYIR RO, ,GAL TE CI LTAR MI RUNG ZHES GAL TE ZHES BYA BA'O, ,'BREL BA YOD PAR DOGS PA NI DE BDAG CES BYA BA'O, ,CI STE ZHES BYA BA NI 'CHAD PA'O, ,RIG BYED KYI MTHAR SMRA BA RNAMS KYI LTAR NA NI, SROG LA SOGS PA BDAG GI RANG BZHIN YIN TE DES NA RNAM 'GREL DU DE'I SGRAS BDAG BZUNG BA YIN LA BDAG GI SGRAS NI RANG BZHIN BZUNG BA YIN NO, ,DE'I BDAG STE RANG BZHIN GA LA YOD PA DE LA DE SKAD CES TSIG SBYAR RO, ,BDAG DMIGS PA NA SROG LA SOGS PA DE DMIGS LA, BDAG RTOGS PA MED NA YANG MIG LA SOGS PA DE MA RTOGS NA BDAG GI RANG BZHIN DANG, BDAG LAS BYUNG BA NYID 'DI GRUB BAR 'GYUR RO, ,GAL TE ZHES BYA BA NI 'CHAD PA'O, ,DE'I MTSAN NYID YIN PA'I PHYIR ZHES BYA BA NI BDAG GI MTSAN NYID YIN PA'I PHYIR RO, ,GZHAN YANG ZHES BYA BA NI SROG LA SOGS PA YANG NGO, ,DE'I RANG BZHIN ZHES BYA BA NI BDAG GI RANG BZHIN NO, ,DE NYID NI BDAG GO, ,'DU BA YANG ZHES BYA BA LA SOGS PAS NI DE LAS BYUNG BA'I PHYOGS SU NI 'BYIN PAR BYED DO, ,MJUG SDUD BA NI DE'I PHYIR DE'I BDAG NYID DANG DE LAS BYUNG BAR CI LTAR 'GYUR ZHES BYA BA'O, ,MTHONG DANG MA MTHONG ZHES BYA BA NI YUL CAN GYI YUL BSTAN

, ,PA'I PHYIR NA, RGYU DANG KHYAB BYED NYID DU SGRUB PAR BYED PA RJES SU 'GRO BA DANG LDOG PA DAG MA GRUB PA'O, ,GAL TE BUM PA LA SOGS PA LA, BDAG SHIN TU LKOG TU GYUR PA'I RJES SU 'GRO BA DANG LDOG PA DAG DANG MA GRUB PA DE LTA NA YANG LDOG PA NI GRUB PA KHO NA YIN LA DE GRUB NA YANG SROG LA SOGS PA YANG LDOG PA'I PHYIR KHYAB PA 'GRUB PA CI STE MA YIN ZHE NA, BUM PA LA SOGS PA ZHES BYA BA'O, ,CI LTAR MA YIN ZHE NA, 'DI LTAR ZHES BYA BA'O, ,BDAG SHIN TU LKOG TU GYUR PA NA NI MA DMIGS PA LAS MED PA MI RTOGS SO, ,DES NA BUM PA LA SOGS PA LA BDAG MED PAR GRUB PA MED PA NA, BDAG DE'I SROG LA SOGS PA'I KHYAB PAR BYED PA NYID CI LTAR RTOGS, 'O NA NI GANG LA RGYU DANG KHYAB PAR BYED PA SGRUB PAR BYED PA'I RJES SU 'GRO BA DANG LDOG PA YOD CE NA DMIGS PA'I MTSAN NYID KYIS ZHES SMOS SO, ,DES NA ZHES BYA BA NI DMIGS PAR BYA BA MA YIN PAS NA'O, , DE MA YIN NA YANG ZHES BYA BA NI RGYU DANG KHYAB PAR BYED PA NYID MA YIN NA YANG NGO, ,YUL LAM DUS GZHAN 'GA' LA YANG MTHONG BA MED PA'I NGO BO CAN SHA ZA LA SOGS PA DANG 'DRA BA GANG YIN PA DE BUM PA LA SOGS PA LA MED CES BYA BA DE LTA BU'I DNGOS PO MED PA NYID DU NGES PAR MI 'GYUR RO, ,DES NA LDOG PA SHES PA MED PA'I BDAG GI SROG LA SOGS PA MED PA LDOG PA SROG LA SOGS PA'I MTSAN NYID LA KHYAB PAR BYED PA YIN PA YANG CI LTAR 'GYUR, GANG ZHIG CES BYA BA LA SOGS PAS PHYED SNGA MA LDOG PA'I SGO NAS BSHAD NAS, RJES SU 'GRO BA'I SGO NAS 'CHAD PA NI, GANG ZHIG NAM YANG ZHES BYA BA'O, ,'DI NYID BRJOD PA NI MTHONG PA MED PA LA ZHES BYA BA'O, ,RTOGS PA YOD DAM MED CES BYA BAR 'JUG PA'O, ,'O NA DE'I BDAG NYID DGAG PA YANG MI BYA BAR 'GYUR RO ZHE NA, THAMS CAD LA NI ZHES BYA BA STE MTHONG BA DANG MA MTHONG BA LA LTOS NAS SO, ,PHYED PHYI MA 'CHAD PA NI DE LTAR ZHES BYA BA'O,, RTEN PA 'GOG PA NI THAMS CAD LA LTOS PA CAN MA YIN NO ZHES BRJOD PA NI, BUM PA LA SOGS PA LA ZHES BYA BA'O, ,SPYI LA SOGS PA NI BDAG DANG 'DRA BAR BLTAR RUNG BA MA YIN YANG BA LTAR RUNG BA NYID DU KHAS BLANGS PA KHO NA LAS RANG BZHIN MI DMIGS PA RTEN PA NYID 'GOG PA YIN LA GZHAN DU

NI MA YIN NO ZHES BYA BA NI RIGS PA YIN NO, ,'ON TE BUM PA LA SOGS PA LA BDAG GIS DBEN PAR DMIGS PAS DE MED PAR NGES BA YIN NO ZHE NA, DES DBEN BAR NI ZHES BYA BA'O, ,DE LTAR ZHES BYA BA NI BDAG MED PAR RO, ,DE YANG NA LUS SO, ,DES NI BDAG GI DBEN PAR RO, ,GANG GI PHYIR DBEN PAR DMIGS PAS BUM PA LA SOGS PA LA BDAG MED PAR 'GRUB NA LUS LA YANG MED PAR 'GRUB PAR 'GYUR BA DES NA'O, ,SROG LA SOGS PA MED PA LDOG PA NI SROG LA SOGS PA YOD PA NYID DO, ,CI'I PHYIR BDAG KHYAB PAR BYED PA NYID MA YIN ZHE NA, BRJOD PA DU BA GANG ZHIG LDOG PAS, ME GANG LDOG PA KHYAB PA DU BA LDOG PA DE LDOG PA NI, ME LDOG PA LDOG PA'I RANG BZHIN DES KHYAB PAR 'GYUR PA YIN NO, ,GAL TE DE LTA YIN DU ZAD MOD DES CIR 'GYUR ZHE NA, BDAG LDOG PA NI ZHES BYA BA'O, ,DE'I PHYIR ZHES BYA BA NI LDOG PA DAG KHYAB PA MED PA'I PHYIR RO, ,GANG GIS ZHES BYA BA NI KHYAB PA 'GRUB PA NYID KYIS SO, ,DE'I PHYIR ZHES BYA BA NI BDAG BA LTAR MI RUNG BA'I PHYIR RO, ,'DI LA NI BUM PA LA SOGS PA LA'O, ,SROG LA SOGS PA NI BUM PA LA SOGS BA LA YOD PA DANG MED PA NYID DU RTOGS BAR 'GYUR RO, ,CI LTAR ZHE NA, MTHONG BDAG GIS TE DMIGS PA'I MTSAN NYID DU GYUR PA NYID KYI STE, MI DMIGS PA TZAM GYIS NI MA YIN NO DE LTAR ZHES BYA BA NI SROG LA SOGS PA BZHIN DU'O, ,GSON PO'I LUS MA YIN PA NI BUM PA LA SOGS PA LA'O, ,PHYED PHYI MA LDOG PA'I SGO NAS RNAM PAR 'GREL BA NI, BDAG NI ZHES BYA BA'O, ,BUM BA LA SOGS PA LA NI, SROG LA SOGS PA'I LDOG PAR BYED PA BDAG MED PA NYID DANG 'BREL PA GANG YIN PA DE MTHONG BA'I PHYIR RO, ,BDAG MED PAR NI LDOG PAR BYED PA MA YIN NO ZHES 'BREL TO, ,CI'I PHYIR ZHE NA, 'BAD RTZOL LA SOGS PA GZHAN MED PA'O, ,DE MED PA ZHES BYA BA NI SROG LA SOGS PA MED PAS SO, ,'DI NI BUM PA LA SOGS PA LA'O, ,'ON TE BLO LA SOGS PA LUS LA MED PA KHO NA'O ZHE NA, BLO LA SOGS PA NI ZHES BYA BA'O, ,CHOS MTSUNGS PA SANGS RGYAS PA'I 'DOD PA YIN NO, ,GAL TE BLO LA SOGS PA YOD PA DANG MED PAS BYAS PA'I CHOS MI MTSUNGS PA YANG YOD PA MA YIN NAM, DES NA SROG LA SOGS PA DANG 'BRAL BAR CI LTAR

, ,'GYUR ZHE NA, GAL TE ZHES BYA BA'O, ,GANG ZHIG BDAG MED PA DE NI SROG LA SOGS PA STON BA YIN TE DPER NA BUM PA BZHIN NO, ,GSON PO'I LUS KYANG BDAG MED PA YIN NO, ,DES NA SROG LA SOGS PAS STOD PAR 'GYUR RO, ,THAL BA LDOG PA BRJOD PA NI, SROG LA SOGS PA MED PAS ZHES BYA BA'O, ,GSON PO'I LUS SROG LA SOGS PA DANG LDAN PAR KHAS LEN NA, DE BDAG DANG BCAS PAR SANGS RGYAS PAS KHAS BLANG BAR BYA BA YIN NO ZHES BYA BA'I DON TO, ,THA DAD BA YANG ZHES BYA BA NI BUM PA LAS THA DAD PA'I LUS LA YANG, BDAG MED BA TZAM CUNG ZAD CHOS MTHUN PAS SROG LA SOGS PA DANG MI LDAN PA DER RTOGS PAR BYED NA'O, ,MI 'DOD CE NA ZHES BYA BA NI GZHAL BYA NYID KYI BUM PA LA SOGS PA BDAG DANG BCAS PA NYID DU MI 'DOD NA'O, ,LAN NI TSAD MA NYID CES BYA BA'O, ,CI LTAR TSAD MA NYID 'DOD PA'I RGYU MTSAN YIN ZHE NA, DE MED PAR ZHES BYA BA CHOS CAN TSAD MA MED PAR RO, ,'ON TE BUM PA LA SOGS PA NI BDAG DANG BCAS PAR MI 'DOD DE DES NA MED PA YIN NO ZHE NA, TSAD MAS ZHES BYA BA'O, ,ZLOG PAR BYED CES BYA BA NI NYE BAR MTSON BA STE THE TSOM DU YANG 'GYUR BA MA YIN NO, ,'DI GA LAS SHE NA, TSAD MA NI ZHES BYA BA'O, ,DE LTA MA YIN TE 'DOD PAS DNGOS PO DANG DNGOS PO MED PA 'DOR LEN BYED NA, DNGOS PO DANG DNGOS PO MED PA 'DOR LEN BYED PAR MI 'GYUR RO ZHES 'BREL TO, ,CI LTAR MI 'GYUR ZHE NA, TSAD MA LAS RANG DBANG MED PAR RO, ,CI LTAR 'DOD PAS DNGOS PO DANG DNGOS PO MED PA 'DOR LEN BYED CE NA, RGOL BA'I ZHES BYA BA'O, ,DE'I PHYIR DNGOS PO DANG DNGOS PO MED PA MA MCHIS PAR GNAS BA MED DE 'CHOL BA KHO NA'O, ,'O NA ZHES BYA BA NI DOGS PAR BYED PA'O, ,SROG LA SOGS PA 'BA' ZHIG TU NI MA ZAD KYI BLO LA SOGS PA YANG BDAG LA BRTEN PA YIN ZHES SO, ,DES NA ZHES BYA BA NI BLO LA SOGS PA BDAG LA BRTAN PA NYID KYIS SO, ,DE MED NA MED PAS NA'O, ,SANGS RGYAS PAS GANG BRJOD PA DE'O, ,LAN NI MI RIGS PA MA YIN TE ZHES BYA BA'O, ,GZHAN NYID CES BYA BA NI, MIG LA SOGS PA TSOGS PA SNGA MAR GYUR PA RNAMS NYID PHYIS KYI MIG LA SOGS PA'I TSOGS PA DE LA'O, ,'O NA CI LTAR BLO LA SOGS PA'I LDOG PAR BYED PA BDAG

YIN PAR RIGS SHE NA, GAL TE ZHES BYA BA'O, ,DE LTA NA NI ZHES BYA BA 'JUG PAR BYED PA NYID DU NGES BA MA YIN PA'O, ,DE DAG CES BYA BA NI DRAN PA LA SOGS PA DAG NI'O, ,DE'ANG ZHES BYA BA NI, GUL DANG DBANG BO DANG BLO'O, ,RANG GI RIGS DE NYE BAR LEN BA'I RGYU LAS BYUNG BA YIN NO, ,RANG GI RIGS TZAM LAS 'BYUNG BAR YANG MA ZAD DE, PHAN TSUN RKYEN LA NI LTOS PA'I ZHES BYA BA STE, BDAG NYID CI LTA BA LHAN CIG BYED PA'I RGYU LA YANG LTOS PA YIN NO, ,BLO DRUG PO 'DI RNAM LAS, MIG LA SOGS PA'I BLO DAG LA NI DE RNAM PAR 'GYUR BA'I RJES SU 'GRO BA DANG LDOG PA'I RJES SU BYED PAR MTHONG BA LAS MIG LA SOGS PA'I NUS PA 'JUG PA YIN LA, YID LA BYED PA'I NUS PA NI THAMS CAD LA YANG 'JUG PA YIN TE, DE MTHUN PA DANG MI MTHUN PA DANG DAG LAS PHYIS KYI RNAM PAR SHES PA MTHUN PA DANG MI MTHUN PAR MTHONG BA'I PHYIR RO, ,'BYUNG BA DANG RNGUB PA DANG DBANG PO LA SOGS PA RNAMS KYI NYE BAR LEN PA'I RGYU NI SKAL BA MNYAM BA SNGA MA YIN NO, ,BLO NI RKYEN YIN NO, ,DE DANG BA DANG RNYOG PA DAG LAS DBANG PO RNAMS LA PHAN PA DANG GNOD PA MTHONG BA'I PHYIR RO, ,SROG LA SOGS PA 'JUG PA DANG LDOG PA DAG NI BLO DANG 'BAD RTZOL GYI RJES SU BYED PA YIN NO, ,PHAN TSUN LTOS PA'I RGYU DANG RKYEN GYI TSOGS PA DE TZAM LAS BDAG GI DNGOS PO'I RJES SU 'GRO BA DANG LDOG PA LA BRTEN PA YIN TE, MTHONG BA'I TSOGS PA 'DI LAS GZHAN DU BDAG RGYUR RTOGS NA NI GZHAN DANG GZHAN YANG BRTAG PAR BYA BA YIN PA'I PHYIR THUG PA MED PAR 'GYUR RO, ,DE'I PHYIR NUS BA MA MTHONG BA'I BDAG LOG PAS SROG LA SOGS PA LOG PAR CI LTAR 'GYUR, MI 'DOD PA'AM ZHES BYA BA NI DRI LA SOGS PA MTHONG BA LA'O, ,DE LAS GZHAN 'GA' ZHIG LA ZHES BYA BA NI 'DOD PA LA'O, ,DE LAS ZHES BYA BA NI RTZOL BA LA SOGS PA LAS SO, ,YUL LA SOGS PA NYID GANG LA 'JUG SNYAM NA, DE DAG KYANG ZHES BYA BA'O, ,DBANG PO DANG BLO DAG KYANG DE BZHIN NO ZHES BYA BA NI DBANG PO DANG YUL SNGA MA'I RGYU CAN YIN NO, ,GAL TE 'DIR BDAG NYE BAR SBYOR BA MED DU CHUG MOD, DRAN PA LA NI NYE BAR SBYOR BA YOD PA KHO NA'O ZHES BRTZAD PA GAL TE ZHES BYA BA'O, ,SROG LA SOGS PA LTAR 'DI YANG LDOG PA TZAM LA GO BA MA YIN NO ZHES LAN 'DEBS PA NI, 'DI YANG ZHES BYA BA'I

, ,CI LTAR LDOG PA KHO NA YIN ZHE NA, DRAN PA ZHES BYA BA'O, ,'O NA NGO SHES PAS MTHONG ZHE NA, DRAN PA YANG ZHES BYA BA'O, ,TSAD MA MA YIN PA YANG MNGON SUM GYI GSAL BA LA 'JUG PA'I PHYIR RO, ,GAL TE BDAG MED NA, GZHAN GYIS MTHONG BA GZHAN GYIS CI LTAR DRAN TE, LHA SBYIN GYIS MTHONG BA NI MCHOD SBYIN GYIS MTHONG BA MA YIN NO ZHE NA, GAL TE ZHES BYA BA'O, ,GZHAN GYI KHYAD PAR GYIS ZHES BYA BA NI DRAN PA SKYED PAR BYED BA'I MYONG BA DANG BCAS PA NYE BAR LEN PAR GYUR PA'I LUS KYI SKAD CIG GI KHYAD PAR CAN GYI DMIGS PAS ZHES KHA BSKANGS TE NYE BAR LEN PAR GYUR PA'I LUS KYI SKAD CIG GI KHYAD PAR GYIS DRAN PAR 'GYUR RO ZHES SBYAR RO, ,GAL TE MTHONG BA DANG BCAS PA GZHAN DAG KYANG DRAN PA'I RGYU CI STE MA YIN ZHE NA, GANG GIS ZHES BYA BA'O, ,GZHAN MA YIN PA ZHES BYA BA NI RGYU THA DAD PA MA YIN PA'O, ,GAL TE DE LTA NA YANG BDAG DRAN PA'I RGYU CI STE MA YIN ZHE NA, BDAG YOD PA ZHES BYA BA'O, ,'O NA CI LTAR DRAN ZHE NA, 'ON KYANG ZHES BYA BA'O, ,DE LTA NA MA YIN NA ZHES BYA BA NI, BDAG NI YOD PA NYID KYIS DRAN PA YIN NA'O, ,'DI NI NYE BAR MTSON BA STE, BDAG GZHAN GYIS MYONG BA LA YANG BDAG GZHAN GYI DRAN PA YANG THAL BAR 'GYUR RO, ,THAMS CAD KYI TSE DANG THAMS CAD KYI DRAN PA'I LAN GYIS DOGS PA NI GAL TE ZHES BYA BA'O, ,'O NA CI SKAD BRJOD SNYAM NA, GAL TE ZHES BYA BA'O, ,CI'I PHYIR DE SKAD BRJOD SNYAM NA, DRAN PA PO ZHES BYA BA'O, ,DE LTA MIN NA ZHES BYA BA NI, DE 'GYUR NA 'GYUR BA DANG RJES SU 'GRO BA DANG LDOG PA MED PA YIN NA, RGYU DANG 'BRAS BU'I RNAM PAR GZHAG PA MED PAR 'GYUR RO, ,DE BZHIN DU BDAG KYANG DRAN PA'I RGYU CI STE MA YIN ZHE NA, DRAN PA NI ZHES BYA BA'O, ,MI 'GYUR NA ZHES BYA BA NI DRAN PAR RO, ,DE LTA YIN NA ZHES BYA BA NI KHYAB PA DANG RTAG PA YIN NA'O, ,KHYAD PAR YOD PAR DOGS PA NI, 'ON TE ZHES BYA BA'O, ,DE ZHES BYA BA RTAG PA LA SOGS PA'I YON TAN DANG LDAN PA'O, ,DE LTAR YIN PAR ZHES BYA BA NI, DRAN PA DANG NYAMS SU MYONG BA POR RO, ,DE LTA YIN DANG ZHES BYA BA NI THUN MONG DU RTOGS BA NA'O, ,DE YANG NI BDAG GO, ,CI LTAR MI MTHUN PA MA YIN ZHE NA, KHYAB PA DANG ZHES BYA BA'O, ,MI MTHUN PA YOD PAR DOGS PA

BSU BA NI, 'ON TE ZHES BYA BA'O, ,LAN NI NGA'O SNYAM PA'I ZHES BYA BA'O, ,LUS DANG MDOG LA SOGS PA DANG BRAL BA'I BDAG NI SNANG BA MA YIN NO ZHES BYA BA'I DON TO, ,'ON TE BA'O SNYAM PA'I BLO LA, LUS RTAGS NI SNANG BA MED PA BYIS BA LA SOGS PA'I RANG BZHIN GYIS THA DAD PA'I PHYIR RO ZHES DOGS PA BSU BA NI, LUS NI ZHES BYA BA'O, ,LAN NI MI RTAG PA MA YIN NO, ,CI'I PHYIR ZHE NA, LUS KYI ZHES BYA BA'O, ,'O NA RTAG PA GANG YIN ZHE NA, GNAS SKABS CAN ZHES BYA BA'O, ,PHYOGS 'DI NI RTAG PA'I BDAG DGAG PA'I DON DU KHAS BLANGS BA YIN NO, ,DE NYID KYI PHYIR BRJOD PA RTOGS PA 'DI NYID BLA'I, LUS LAS THA DAD PAR GYUR PA'I BDAG RTOGS PA NI MA YIN NO, ,'ON TE DRAN PA LA SOGS PA NI BDAG GIS BYIN GYIS BRLABS PAR RTOGS PA'I PHYIR CI LTAR DER MI RTAG SNYAM NA DRAN PA LA SOGS PA NI ZHES BYA BA'O, ,DE LTA YANG MI 'DOD BA THOG TU BAB PO ZHES DOGS PA BSU BA NI, 'ON TE ZHES BYA BA'O, ,GANG GI PHYIR GNAS SKABS KYI TSOGS NYID LUS YIN PA DE NYID KYI PHYIR NGED KYI PHYOGS GRUB PA LA GNOD PA MED DO, ,CI'I PHYIR DE NYID LUS YIN ZHE NA, GNAS SKABS CAN GYI LUS GZHAN RTOGS PA YOD BA MA YIN PA'I PHYIR RO, ,RTAG PA LA NI RIM GYIS 'BYUNG BA'I DRAN PA DANG MYONG BAR THAD PA MA YIN NO ZHES BRJOD BA NI, GZHAN YANG ZHES BYA BA'O, ,CI STE MI RIGS SHE NA, GAL TE DE ZHES BYA BA'O, ,DE NYID CES BYA BA NI DRAN PAR BYED PA NYID DO, ,DRAN PAR BYED PA NYID YIN NA, NYAMS SU MYONG BAR BYED PA NYID DU MI 'THAD DO ZHES BYA BA'I DON TO, ,NYES PA GZHAN YANG BRJOD PA NI, BDE BA LA SOGS BAR ZHES BYA BA'O, ,'ON TE RNAM PAR 'GYUR BA KHAS MI LEN NO ZHE NA, BDAG DE BDE BA LA SOGS PAS 'GYUR BA MED NA, BDE BAR GNAS BA NYID DU MI 'THAD DO, ,'ON TE BDAG MED NA DRAN PAR MI 'GYUR RO ZHES BRGYA LA SMRA BAR 'GYUR DU 'ONG BAS BRJOD PA NI, GANG GI PHYIR DRAN PA 'BRAS BU YIN PA DES NA MYONG BA LAS CI STE MA YIN TE BDAG KHAS BLANGS PAS CI ZHIG BYA, RGYU DANG 'BRAS BU TZAM MA YIN ZHES BYA BA NI BDAG LHAG BA GZUNG BA'I PHYIR RO, ,'DI NYID BRJOD PA NI 'DI LTAR ZHES BYA BA'O, ,BYED PA NYID CES BYA BA NI DRAN PA DANG MYONG BA LA LTOS NAS BDAG GO, ,RTOGS BA BDAG LA SKYES PA TZAM GYIS NI 'DI TSAD MA MA YIN NO,,

, ,RTOGS PA'I RNAM PA BRJOD PA NI SNGON MTHONG ZHES BYA BA'O, ,CI'I PHYIR TSAD MA MA YIN ZHE NA, DE LTA YIN NA NI RAB RIB CAN LA SOGS PA'I SHES PA KUN CHAD MAR GYUR TE, DE YANG BDAG GI 'BRAS BU YIN PA'I PHYIR RO, ,DES NA RNAM GZHAG MED PAR 'GYUR RO, ,THAMS CAD KYI ZHES BYA BA NI RAB RIB CAN GYI'O, ,DES NA ZHES BYA BA NI THAMS CAD KYIS THAMS CAD 'GRUB PAS NA'O, ,DE'I PHYIR ZHES BYA BA NI SHES PA THAMS CAD TSAD MAR THAL BA'I PHYIR RO, ,DE LTAR YIN DANG ZHES BYA BA NI DBANG PO'I SHES PA TSAD MA YIN DANG NGO, ,'DI NYID CES BYA BA NI BDAG GI'O, ,DRAN PA NI SNGAR MTHONG BA RNAM PAR RTOG PA'O; ,MTSAMS SBYOR BA NI SNGA MA DANG PHYI MA GNYIS GCIG TU BYED PA'O, ,RJES SU 'BREL PA ZHES BYA BA SNGA MA'I RANG BZHIN DANG PHYI MA'I RANG BZHIN GCIG NYID DU BCAS PA MED PA'I PHYIR RO, ,GCIG TU RTOGS BA ZHES BYA BA NI MTHONG BA SNGA MA'I YUL NYID BDAG GIS RTOGS SO ZHES BYA BA BDEN PAR JI LTAR 'GYUR TE, MNGON SUM GYIS GSAL BA LA 'JUG PA'I PHYIR RO, ,CI'I PHYIR GCIG TU RTOGS PA BDEN PAR 'GYUR DGOS SHE NA, TSAD MAR 'GYUR BA'I ZHES GSUNGS SO, ,DES NA ZHES BYA BA NI DBANG PO'I MNGON SUM GYIS GCIG NYID MA RTOGS PAS SO, ,DES NA ZHES BYA BA NI TSAD MAS GRUB PA'I BDAG MED PAS SO, ,GAL TE KHYAD PAR GYI SGRAS SROG LA SOGS PA DANG LDAN PAR BRJOD PAR 'DOD NA, DON CI'I PHYIR GTAN TSIGS KYI 'KHOR LOR MNYAN BYA NYID BKOD CE NA, MNYAN BYA NYID DANG MTSUNGS BAS KYANG SROG LA SOGS PA DANG LDAN PA GO BYED MA YIN PAR BSTAN PA'I DON DU YIN NO ZHES BRJOD PA NI GZHAN YANG ZHES BYA BA'O, ,DOGS PA NI MA YIN ZHES BYA BA STE MTSUNGS PA'O, ,DE'I PHYIR ZHES BA MI MTHUN PA'I PHYOGS LAS LDOG BA CAN YIN PA MNYAN BYA 'DI NI 'KHRUL PA'I PHYIR ZHE NA, GRUB PA'I MTHAS CI LTAR ZHES DRIS SO, ,GZHAN GYIS LAN BTAB PA NI, BSGRUB PAR BYA BA MIN PA NYID LAM NYAN BYA NYID DU LDOG PA MIN TE, 'ON KYANG BSGRUB PAR BYA BA LAS KYANG NGO, ,DES NA LDOG PA CAN YIN YANG 'KHRUL PA YIN NO ZHES NA, GRUB PA'I MTHA' BRJOD PA NI, 'O NA ZHES BYA BA'O, ,BSGRUB PAR BYA BA MA YIN PA KHO NA LAS LDOG PA MA YIN NO ZHES BYA BA'I DON GYIS MNYAN BYA NYID MTHUN PA'I PHYOGS LAS KYANG LDOG PA

YIN NO ZHES DE LTAR BRJOD BAR 'GYUR BA'I PHYIR DE BSGRUB PAR BYA BA'I RJES SU 'JUG PA MED PAR BRJOD PA YIN NO, ,YIN MOD DE LAS CIR 'GYUR ZHE NA, DE NI GZHAN LA'ANG ZHES BYA BA SROG LA SOGS PA DANG LDAN PA LA YANG MTHUN PA'I PHYOGS LA 'JUG PA MED PA DE MTSUNGS SO, ,DES NA SROG LA SOGS PA NI GO BAR BYED PA YIN LA, MNYAN BYA NYID NI MA YIN NA CI LTAR MTSUNGS SHE NA, MNYAN BYA NYID DANG ZHES BYA BA'O, ,CI'I PHYIR ZHE NA, LDOG PA ZHES BYA BA'O, ,DES NA ZHES BYA BA NI KHYAB PAR MED PAS NA'O, ,MA YIN ZHES BYA BA RNAM PAR 'GREL PA NI, GAL TE ZHES BYA BA'O, ,CI LTAR YUL THA DAD CE NA, MNYAN BA NYID NI ZHES BYA BA'O, ,SROG LA SOGS PA NI GNYI GA LA YANG LDOG PA MA YIN NO ZHES BYA BAR SKABS DANG SBYAR RO, ,CI'I PHYIR ZHE NA, BSGRUB PAR BYA BA MA YIN PA ZHES BYA BA'O, 'ON DON GYIS DE ZHES BYA BA LA SOGS PA 'CHAD PA NI, 'O NA ZHES BYA BA LA SOGS PA'O, ,DE NI ZHES BYA BA NI MTHUN PA'I PHYOGS LA RJES SU 'JUG PAR BYED PA'O, ,CI LTAR MTSUNGS SHE NA, DE YANG ZHES BYA STE SROG LA SOGS PA YANG NGO, ,CI STE YANG MNYAN BYA NYID LA MTHUN PHYOGS YOD DE DES NA DE LA YOD PA'AM MED PAR 'GYUR GYI, SROG LA SOGS PA DANG LDAN PA LA NI DE MED PA DES NA CI LTAR DE LA MED PA'AM YOD PAR 'GYUR TE, MED BA NI GZHI LA SOGS PAR MI 'THAD PA'I PHYIR RO, ,DES NA RJES SU 'JUG PA MED PAR CI LTAR MTSUNGS SNYAM NA, MTHUN PA'I PHYOGS ZHES BYA BA'O, ,'DI NYID BRJOD PA NI, 'DI LTAR ZHES BYA BA'O, ,GTAN TSIGS MI MTHUN PA'I PHYOGS NYID LAS RNAM PAR 'CHAD PA ZHES BYA BA LDOG PA'I TSIG GIS MTHUN PA'I PHYOGS LA GNAS PA NYID BRJOD PA YIN NO, ,GAL TE 'DIS LDOG PA BRJOD PA'I PHYIR CI LTAR MTHUN PA'I PHYOGS LA RJES SU 'GRO BAR BRJOD PA YIN ZHE NA, DON GYIS GO BAS ZHES BYA BA STE NGES PAR GZUNG BA'I SHUGS KYIS SO, ,DE NYID PHYIR ZHES BYA BA NI DON GYIS GO BAS YOD PA NYID YIN BA'I PHYIR NA KHYED KYIS KYANG LDOG PA BSTAN PA GCIG GIS RJES SU 'GRO BA DANG LDOG PA GNYI GA BSTAN PAR BYA BAS SO, ,DE LTAR MA YIN NA NGES PAR GZUNG BA 'BRAS BU MED PAR 'GYUR RO, ,PHYED SNGA MA 'CHAD PA NI, NGES PAR ZHES BYA BA'O, ,NGES PAR GZUNG BAR BYA BA NI LDOG PA YIN LA DE LAS BZLOG PA NI MTHUN PA'I

, ,PHYOGS LA RJES SU 'GRO BA STE DE SGRUB PA'O, ,DON GYIS GO BAS ZHES BYA BA DE RNAM PAR 'GREL PA NI, DE LTAR MA YIN NA ZHES BYA BA'O, ,GAL TE BSGRUB PAR BYA BA MA YIN PA KHO NA LAS RNAM PAR CHAD PA ZHES NGES PAR GZUNG BAS, MTHUN PA'I PHYOGS LAS KYANG RNAM PAR CHAD PA YIN NA, DE'I TSE NGES PAR GZUNG BA 'BRAS BU MED DO, ,DE NYID KYI PHYIR ZHES BYA BA NI 'BRAS BU MED PA KHO NA'I PHYIR KHYED KYIS KYANG DON GYIS GO BAS LDOG PA BSTAN PA GCIG GIS KYANG GNYI GA BSTAN PAR BYAS PA YIN NO, LDOG PA RTOGS PA GA LAS SHE NA, BSGRUB PAR BYA BA MA YIN PA NYID LAS ZHES BYA BA'I NGAG 'DI LAS SO, ,DE'I PHYIR DE LTAR RJES SU 'GRO BA DANG LDOG PA DAG PHAN TSUN DE'I BDAG NYID YIN PA'I PHYIR LDOG PAS RJES SU 'GRO BA 'PHANGS PA YIN NO ZHES BSHAD PA YIN NO, ,DA NI LDOG PA RTOGS PA RJES 'GRO DES PA MED PAR MI 'BYUNG BA YIN NO ZHES BSHAD PA GZHAN BRJOD PA NI, YANG NA ZHES BYA BA'O, ,'O NA CI LTAR LDOG PA RTOGS SHE NA, RJES SU 'GRO BA'I SGO NAS NI ZHES BYA BA'O, ,CI LTAR RJES SU 'GRO BA'I SGO NAS LDOG PA RTOGS SHE NA, BDAG NYID LA NI ZHES BYA BA'O, ,MI MTHUN PA'I PHYOGS GZHAN LAS SROG LA SOGS PAR LDOG PAR 'GYUR BA YIN NO, ,'ON TE GZHAN LAS MI LDOG GO ZHE NA, DE LAS GZHAN LAS ZHES BYA BA'O, ,DE LA NI BDAG LA'O, ,DE LTA NA YANG RJES SU 'GRO BA DANG LDOG PA DANG LDAN PA KHO NA GTAN TSIGS YIN NO ZHES BYA BA NI SKABS KYI DON TO, ,'DI'I LAN DOGS PAR BYED BA NI 'ON TE ZHES BYA BA'O,, ,LAN NI 'ON ZHES BYA BA'O, ,MI 'KHRUL BA YIN NO, ,CI'I PHYIR ZHE NA, 'DI LTAR CI LTAR DGAG PA 'GOG PA SGRUB PA YIN NO ZHE NA, BSGRUB PAR BYA BA MED PA NYID LA ZHES BYA BA'O, ,'O NA MED PAR YIN PAR 'GYUR BAS ZHES BYA BA DE LA LAN GYI DOGS PA BSU BA NI, CI STE ZHES BYA BA'O, ,SROG LA SOGS PA NI MTHUN PA'I PHYOGS MED PA LAS LDOG PA DES NA, BSGRUB BYA MIN PA BUM PA LA SOGS MI MTHUN PA'I PHYOGS NYID LA SROG LA SOGS PA MED PA YIN TE DES NA MI 'KHRUL PA 'GRUB BO ZHE NA LAN MED CES BYA BA'O, ,'CHAD PA NI CI STE ZHES BYA BA'O, ,DE LAS ZHES BYA BA NI, MTHUN PA'I PHYOGS LAS SO, ,PHYED PHYI MA 'CHAD PA NI GAL TE ZHES BYA BA'O, ,DOGS PA NI DE YANG ZHES BYA BA STE LDOG BA'I LDOG PA'O, ,LAN NI GAL

TE ZHES BYA BA'O, ,'ON TE DGAG PA LA LTOS TE 'BYUNG KHUNGS SU 'GYUR BA KHO NA'O, ,LDOG BA LA LTOS TE MA YIN NO ZHE NA, BKAG PA DANG LDOG PA ZHES BYA BA'O, ,DON TE GZHIR NI 'THAD KYI 'BYUNG KHUNGS SU NI MA YIN NA, LDOG PA'I ZHES SMOS SO, ,MED PA LA NI 'GA' ZHIG DANG LDAN BA SNGON DU SONG BA'I BRAL BA MED PA'I PHYIR NA, 'BYUNG KHUNGS MA YIN NO ZHES ZUR NA 'DUG PA'I RTZOD PA BRJOD PA NI GAL TE ZHES BYA BA'O, ,LHAS BYIN DANG GRONG LDAN BA YIN LA DE DANG BRAL BA NA YANG GRONG 'BYUNG KHUNGS YIN NO, ,DNGOS PO MED PA DANG NI GTAN TSIGS LDAN BA MED PA DES NA CI LTAR DE LA LTOS TE 'BYUNG KHUNGS YIN ZHE NA, GANG DANG ZHES BYA BA NI LAN NO, ,CI STE MA YIN TE 'ON KYANG YIN PA KHO NA'O, ,CI LTAR ZHE NA, BRAL BA TZAM LA ZHES BYA BA'O, MI 'DOD PA BZLOG PA NI LDAN PAR YANG NI ZHES BYA BA'O, ,GZHAN DU ZHES BYA BA NI, LDAN PA SNGON DU 'GRO BAS GZHI YIN NA'O, ,DER NI ZHES BYA BA NI, SDIG PA LAS ZLOG GO ZHES BYA BA SDIG PA LA, 'DIR YANG ZHES BYA BA LA NI DNGOS BO MED PA LA'O, ,DES NA ZHES BYA BA NI 'DOD PAS NA'O, ,DE NI ZHES BYA BA NI DNGOS PO MED PA'O, ,'DI NYID BRJOD BA NI GANG LA ZHES BYA BA STE, DNGOS PO MED PA LA'O, ,DON DE NA GTAN TSIGS SO, ,CI LTAR DE DE'I 'BYUNG KHUNGS YIN ZHE NA, MTHUN PA'I PHYOGS MED PA LA GTAN TSIGS MED PA YOD PA MA YIN NO ZHES BYA BA'I TSIG 'DIS, LDOG PA MED PA SGRUB PA NYID DNGOS PO YOD PA'I MTSAN NYID CAN DU BSTAN PAR 'GYUR RO, ,DE NI MED PA'ANG YOD PA YIN LA, DNGOS BO MED PA'I MTSAN NYID LDOG BA NI MED BA YIN NO ZHES BYA BA 'DI NI, MI SHES PA'I SPYOD PA YIN NO, ,BZLOG KYANG CIG SHOS NI ZHES BYA BA NI, DNGOS PO LA DNGOS PO 'THAD PA YIN YANG MED DO ZHES 'BREL TO, ,'DI LTAR MTHUN PA'I PHYOGS BDAG DANG BCAS PA LA, SROG LA SOGS PA YOD PA 'THAD PA YIN YANG MED PA YIN TE, MTHUN PA'I PHYOGS TSAD MAS RAB TU MA GRUB PA NI YOD PAR THE TSOM ZA BA'I PHYIR RO, ,GAL TE RNAM PA GZHAN SRID PA'I PHYIR NYES PA 'DIR 'GYUR ZHE NA, 'DI LTAR ZHES BYA BA'O, ,CI LTAR 'DI GNYIS DE LTAR GNAS SHE NA, RNAM GZHAN ZHES BYA BA STE, DES NA GNYI GA MED CES BYA BA NI MI RIGS SO, ,GAL TE MED PA LA SGRUB PAR BYED PA MED KYANG CI LTAR 'JUG PA YIN

, ,ZHE NA, BRJOD PA MTHUN PA'I PHYOGS LA SGRUB PAR BYED PA'I DNGOS PO YOD PA MA YIN NA'O, ,DE NYID NI ZHES BYA BA NI MED PA NYID DO, ,GAL TE DNGOS PO YOD PA MA YIN NA, GOR MA CHAG PAR MED PA NYID YIN MOD, DE LTA NA YANG CI LTAR DE NYID DE LAS LTOS PA YIN ZHE NA, MTHUN PA'I PHYOGS DE LAS MED PA NI MTHUN PA'I PHYOGS DE LAS MI LDOG PA MA YIN TE 'ON KYANG LDOG PA KHO NA'O, ,DOGS BA NI MED PA NYID KYANG ZHES BYA BA STE, LDOG PA MI 'THAD PA 'BA' ZHIG TU NI MA ZAD KYI SGRUB BAR BYED PA MED PA NYID KYANG MED PA KHO NA'O, ,CI'I PHYIR ZHE NA, GZHI NYID DANG ZHES BYA BA'O, ,LAN NI MA YIN TE ZHES BYA BA'O, , DOGS PA NI DE YANG ZHES BYA BA STE DNGOS PO MED PA YANG NGO, ,LAN NI MA YIN TE ZHES BYA BA STE GNYI GA DGAG PA ZHES 'BREL TO, ,CI'I PHYIR ZHE NA, DNGOS PO DANG ZHES BYA BA'O, ,GAL TE PHAN TSUN MED PA'I RANG BZHIN YIN YANG CI LTAR GNYI GA DGAG PA MA YIN ZHE NA, DNGOS PO NI ZHES BYA BA'O, ,GAL TE GANG GIS RNAM PA GZHAN MED PAR 'GYUR BA, DNGOS PO MED PA BKAG NA NGES PAR DNGOS PO YOD BA CI LTAR 'GYUR ZHE NA, GANG GI PHYIR ZHES BYA BA'O, ,DE LDOG NA ZHES BYA BA NI DNGOS PO MED PA LDOG NA'O, ,'DI NYID LDOG PA'I SGO NAS BSTAN PAR BYED PA NI, DE LTA MA YIN NA ZHES BYA BA'O, ,MED PA KHO NAR 'GYUR RO ZHES BYA BA NI SKABS KYIS NA DA ROS PO'O, ,'DI LTAR ZHES BYA BA NI BSDU BA'I TSIGS SU BCAD PA BRJOD PA'O, ,DOGS BA NI DE YANG ZHES BYA BA STE DNGOS PO YANG NGO, ,LAN NI DGAG BA ZHES BYA BA'O, ,DE YANG MIN NA ZHES BYA BA'I DGAG PA 'DI LTA BU NI MI DMIGS PAS RNAM PAR GZHAG PAR BYA BA YIN NO, ,MI DMIGS BAS DNGOS BO MED PA RNAM PAR 'JOG PA CI LTAR ZHE NA, MED PHYIR RO ZHES BYA BA STE MI DMIGS PA NI MED PA'I RANG BZHIN CAN YIN PA'I PHYIR RO, ,'ON GNYI GA YANG MED DO ZHE NA GNYI GA MED NA ZHES BYA BA'O, ,DNGOS MED NI ZHES BYA BAR SGRUB PAR BYED PA MED PA'O, ,DNGOS PO BKAG PA NYID DNGOS PO MED PA YIN TE DES NA DNGOS PO MED PA NI ZLOG TU MED PA KHO NA'O, ,CI LTAR ZHE NA, GAL TE ZHES BYA BA'O, ,DNGOS PO MED PA NYID BSTAN NAS, DNGOS PO MED PA'I MED PA NYID BRJOD PA NI, DE BZHIN DU ZHES BYA BA'O, ,DE LTA NA YANG DNGOS PO MED PAR BZLOG TU MED PA JI LTAR ZHE NA, DNGOS POR YANG MI 'GYUR NA NI ZHES BYA BA'O,,

DGAG PA 'DI ZHES BYA BA DE MJUG BSDU BA'I SGO NAS RNAM PAR 'GREL PA NI, DE'I PHYIR ZHES BYA BA'O, ,'ON TE DNGOS PO MED PA'I TSAD MAS DGAG PA RNAM PAR 'JOG PA YIN LA, DNGOS PO NI MNGON SUM NYID KYIS YIN NO ZHE NA, DE'I PHYIR TSAD MA ZHES BYA BA STE GANG GI PHYIR MNGON SUM GYIS BSGRUB PA LAS PHYI ROL TU GYUR PA 'DI RNAM PAR 'JOG PA DE'I PHYIR TSAD MA GCIG 'JUG PA NYID KYIS RNAM PA GZHAN LA STE BZLOG PA LA, RNAM PA GZHAN GYI NGO BOR TE, DE LAS BZLOG PA NYID DU 'JOG PA YIN NO, ,DE NYID KYI PHYIR DNGOS PO DANG DNGOS PO MED PA LAS MA GTOGS PA'I RNAM BA GZHAN NI SRID PA MA YIN NO, , CI LTAR TSAD MA GCIG NYID KYIS RNAM PA GZHAN LA RNAM PA GZHAN NYID DU RNAM BAR 'JOG CE NA, GANG ZHES BYA BA'O, ,GAL TE DE LTA NA YANG GANG GI RNAM PA GZHAN MED PA NYID DU 'GYUR BA CI LTAR NA GZHAN DE'I NGO BOR MED CE NA DNGOS PO'I ZHES BYA BA'O, ,DE LA NI DNGOS PO'I RANG BZHIN LA'O, ,DE'I ZHES BYA BA DNGOS PO'I RANG BZHIN DU'O, ,DE'I RANG BZHIN DU MED PA NI DNGOS PO'I RANG BZHIN DU'O, ,DE LTAR DNGOS PO'I RANG BZHIN DU YONGS SU MA BCAD PA NI DNGOS PO MED PA'I RANG BZHIN KHO NA YIN NO ZHES BSTAN NAS, DNGOS PO MED PA'I RANG BZHIN DU YONGS SU MA BCAD PA YANG DNGOS PO'I RANG BZHIN NYID YIN NO ZHES BRJOD PA NI, DNGOS PO MED PA ZHES BYA BA'O, ,DE LTAR ZHES BYA BA NI DNGOS PO MED PA'I RANG BZHIN DU'O, ,RNAM 'GREL LA 'JUG PAR BYED PA NI, GAL TE ZHES BYA BA'O, ,MTHUN PA'I PHYOGS DE NI DNGOS PO'AM DNGOS PO MED PAR GYUR BA ZHIG YIN NO, ,DE LA MED PA'I PHYOGS LA RTZOD PAR SMRA BA SKYON BRJOD PA NI, MTHUN PA'I PHYOGS MED PA LA GTAN TSIGS MED DO ZHES DGAG PA GZHI DANG BCAS PA YONGS SU BCAD PAR MI NUS SO, ,CI'I PHYIR ZHE NA, GZHI NYID DU 'DOD PA'I MTHUN PA'I PHYOGS DE NYID BCAD PA MED PA'I PHYIR RO, ,MA BCAD PA'I PHYIR ZHE NA, MED PA NI ZHES BYA BA'O, ,DE LA ZHES BYA BA NI MTHUN PHYOGS MED PA LA'O, ,DE'I TSE 'JUG PAR 'DOD DAM ZHES DRI BA'O, ,GZHAN GYIS BRJOD PAS 'JUG PA DE YANG 'DOD PA MIN NA, LAN BTAB PA NI, DE YANG MIN ZHES BSTAN PA 'DI NYID NI BKAG PA YIN TE, DES NA LDOG PA CI LTAR 'GOG TE MI 'GOG BA KHO NA'O, ,LDOG PA BKAG PA

, ,'JUG PA CI'I PHYIR YIN ZHE NA, RNAM PA GZHAN NI ZHES GSUNGS SO, ,DE NYID CI LTAR ZHE NA, DE LTAR NA ZHES BYA BA'O, ,DOGS BA NI DE YANG ZHES BYA BA STE 'JUG BA'O, ,LAN NI 'O NA ZHES BYA BA'O, ,CI'I PHYIR ZHE NA, GANG GI PHYIR ZHES BYA BA'O, ,RGYU DE'I PHYIR MTHUN PA'I PHYOGS DE LAS GTAN TSIGS LDOG PA CI STE 'GOG PAR BYED DE MI BYA BA KHO NA'O, ,CI'I PHYIR ZHE NA, BSGRUB PA NI ZHES BYA BA'O, ,DE NI MTHUN PA'I PHYOGS MED PA'O, DES LAS MI MTHUN PA'I PHYOGS LAS SO, ,BRGAL ZHING BRTAG PA BYED PA'I RNAM PAR BRJOD PA NI, SROG LA SOGS PA ZHES BYA BA'O, ,DE NA GDON MI ZA BAR BRJOD PAR BYA DGOS TE ZHES 'BREL TO, ,BRJOD PA'I TSUL SMRAS PA NI, MTHUN PA'I ZHES BYA BA'O, ,BRGAL ZHING BRTAGS PA NA KHYED KYIS GOR MA CHAG PAR 'DI SKAD CES BRJOD PAR BYA'O, ,DE LTA MA YIN NA STE MA SMRAS NA, DNGOS PO MED PA'I SKABS 'DIR BYED MI SMRA BA NYID 'THOB PO MI SMRA BA NYID KHAS LEN PAR DOGS PA NI, ,CI STE YANG ZHES BYA BA'O, ,DE BZHIN KHO NAR ZHES BYA BA NI DNGOS PO MED PA LA MI SMRA BA KHO NAR 'GYUR BA STE DE'I YUL CAN GYI BLO MED PA'I PHYIR RO ZHES BYA BAR BSAMS PA'O, ,LAN NI DE'I YUL CAN GYI BLO MED PA MA YIN NO, ,CI'I PHYIR ZHE NA, RANG NYID CES BYA BA'O, ,MA YIN PA'I PHYOGS LA DNGOS PO'I RANG BZHIN DU GCOD PA 'BA' ZHIG TU NI MA ZAD KYI, BYED PA DGAG PA RANG NYID KYI RNAM PA 'GA' ZHIG LTAR GCOD PA SRID BA'I PHYIR RO, ,GAL TE GANG GIS YONGS SU GCOD PAR 'GYUR BA TSIG BZHIN DU DE'I YUL CAN GYI BLOR YANG CI LTAR 'GYUR ZHE NA, TSIG ZHI ZHES BYA BA'O, ,CI LTAR ZHE NA, GDON MI ZA BAR ZHES BYA BA'O, ,RTOG PAR 'GYUR RO ZHES BYA BA NI DNGOS PO MED PA'I RANG BZHIN TE, DE LTAR MA YIN NA GOM GCIG KYANG MI 'GRO BAR 'GYUR RO, ,DES NA ZHES BYA BA NI DGAG PA'I DON DNGOS PO MED PA'I RANG BZHIN YIN PA NYID KYI PHYIR RO, ,CI'I PHYIR DNGOS PO MED PA MA RTOGS NA DGAG PA MI SBYOR ZHE NA, 'DI LTAR ZHES BYA BA'O, ,CI'I CHED DU SBYOR ZHE NA, BRJOD PAR BYA BA DE NYID RTOGS PAR BYED PA'I PHYIR TE NGES PA'I CHED DU'O, ,DE GNYIS ZHES BYA BA NI BLO'I YUL DANG RJOD PAR BYED PA SBYOR BA'O, ,DNGOS PO MED PA BRJOD PAR BYA BAR BYED PA NA, DGAG PAR BYA BA'I DNGOS BO DANG BRAL BA'AM, KHYAD

PAR DE DANG BCAS PA ZHIG YUL DU BYED GRANG NA, PHYOGS DANG PO LA NYES PA BRJOD PA NI, GAL TE ZHES BYA BA'O, ,GNYIS PA LA BRJOD PA NI, 'ON TE ZHES BYA BA'O, ,'ON TE RTOGS PA NI ZHES BYA BA NI, SHAR PHYOGS LA SOGS PA'I YUL DANG 'BREL PA NYID DU RNAM PA GZHAN DU YIN LA MED PA YANG RNAM PA GZHAN DU STE YUL GZHAN NA GNAS PA NYID KYIS SO, ,YUL DUS ZHES BYA BA NI, MNGON PAR 'DOD PA'I YUL DANG DUS SU BUM PA 'GOG BA YIN GYI, THAMS CAD DU NI MA YIN PA'O, ,'DI NI BUM PA LA 'DU BA DANG, SNGON PO LA SOGS PA'I CHOS 'GOG BA'I NYE BAR MTSON BYED DO, ,YANG NA BUM PA DANG 'BREL PA'I MNGON PAR 'DOD PA'I YUL DANG DUS DANG BUM PA'I SNGON PO LA SOGS PA'I CHOS DANG 'BREL BA NYID 'GOG PA YIN GYI, THAMS CAD NI MA YIN PA'O, ,DE LTAR RTZOD PA RJES SU BRJOD NAS LAN 'DEBS PA NI, CI LTAR YUL GZHAN NA GNAS PA LA SOGS PAS BUM PA DE YOD PA DE LTAR NI MI 'GOG TE, YUL DGAG PA MI 'THAD PA'I PHYIR RO, ,CI LTAR MNGON PAR 'DOD PA'I YUL NA GNAS PA LA SOGS PAR BUM PA MED PA DE LTAR YANG 'GOG PA MA YIN TE, MED PA NI BLO'I YUL MA YIN PA'I PHYIR RO, ,YANG NA CI LTAR YUL LA SOGS BA BUM PA DANG 'BREL BA NYID DU YOD PA DE LTAR NI 'GOG PA MA YIN LA, CI LTAR BUM PA DANG 'BREL PA NYID DU YUL LA SOGS PA MED PA DE LTAR YANG 'GOG PA MA YIN NO, ,'DI LTAR ZHES BYA BA NI SNGON PO LA SOGS PA DANG 'DU BAR RO, ,RANG BZHIN GANG ZHES BYA BA NI SNGON PO LA SOGS PA'I CHOS DANG 'BREL BA BUM PA LA SOGS PA'I RANG BZHIN NO, ,DE ZHES BYA BA NI BUM PA DANG 'BREL PA'I YUL LA SOGS PA'O, ,DE'I TSE CI LTAR 'GOG STE, MED PA'I PHYIR MI 'GOG PA KHO NA'O, ,'ON TA BUM PA DANG 'BREL PA'I YUL LA SOGS PA'I MED PA NYID YIN NA DE'I TSE BLOS YUL DU BYED PA MI SRID DO, ,CI'I PHYIR ZHE NA, MED PA ZHES BYA BA'O, ,CI STE ZHES BYA BA LA, BUM PA DANG 'BREL PA'I YUL LA SOGS PA MED KYANG YUL DU NA'O, ,BUM PA DANG 'BREL BA NYID DU NI MA ZAD DE, 'ON KYANG GZHI LA SOGS PAR YANG NGO, ,CI'I PHYIR BUM PA LA SOGS PA DANG 'BREL PA NYID DU, ,YUL LA SOGS BA YUL DU BYAS NA, GZHI LA SOGS PAR YANG YUL DU BYED PAR

, ,'GYUR ZHE NA, DE LTA MA YIN NA ZHES BYA BA STE, GZHI LA SOGS PAR YONGS SU BCAD PA MED PAR DA DANG 'BREL BA CAN NYID DU YUL DU BYA BAR MI NUS BA'I PHYIR RO, ,DE NYID BRJOD PA NI, GDON MI ZA BAR ZHES BYA BA'O, ,GZHAN DU ZHES BYA BA NI GZHI LA SOGS BAR YUL DU MA BYAS NA'O, ,DE DANG 'BREL PA NYID DU YONGS SU GCOD PA MI SRID PA'I PHYIR RO, ,GZHI'I NGO BOR YUL DU BYED MOD SNYAM NA, YUL 'DI NA ZHES BYA BA'O, ,GZHI'I NGO BOR MED PAR MI LTAR 'GYUR, MED NA ZHES BYA BA NI MED PA BLO'I YUL MA YIN PA'I PHYIR RO, ,DE BZHIN DU YUL LA SOGS PA DANG, 'BREL PA'I BUM PA 'GOG PA LA YANG NYES PA BRJOD PAR BYA BA'O, ,'ON TE ZHES BYA BA NI DOGS PA'O, ,DE LTA YIN NA ZHES BYA BA NI LAN NO, ,MTHUN PA'I PHYOGS BDAG DANG BCAS PA YANG NGO, ,DE'I PHYIR SROG LA SOGS PA DANG LDAN PA NI MNYAN BYA NYID BZHIN DU MTHUN BA'I PHYOGS LA 'JUG PA MED PA YIN TE, DES NA MNYAN BYA NYID DANG 'DRA BAR SROG LA SOGS PA YANG GO BAR BYED PA MA YIN PA KHO NA'O ZHES BYA BA'I DON TO, ,DES NA ZHES BYA BA NI YOD PA DANG MED PA LA DGAG BSGRUB MI 'THAD BAS NA'O, ,DE'I PHYIR ZHES BYA BA NI MI SRID PA'I PHYIR RO, ,CI LTAR BSGRUB PA MED CE NA, BUM PA ZHES BYA BA'O, ,GAL TE BUM PA'I SGRA LAS BUM PA YOD DO ZHES BDEN PAR YONGS SU 'DZIN NA DE'I TSE DE NYID BSGRUB PAR YIN PA'I PHYIR YANG YOD DO ZHES BYA BA'I BSGRUB PA BSTAN ZIN PA STON PAS CI ZHIG BYA, 'ON TE BUM PA'I SGRA LA BUM PA MED PA NYID DU YONGS SU 'DZIN NA DE'I TSE DE NI ZHES BYA BA'O, ,'DI NYID SDUD BA NI GAL TE ZHES BYA PA'O, ,'ON BSGRUB PA DANG DGAG PA'I THA SNYAD CI LTAR ZHE NA, DE PHYIR ZHES BYA BA'O, ,GANG GI PHYIR PHYI ROL LA BRTEN PA'I DGAG BSGRUB KYI THA SNYAD MI 'THAD PA DE'I PHYIR RO, ,SGRA DON RNAM PAR RTOG PA'I RNAM PA LA'O, ,GAL TE PHYI ROL LA NGES PA'I PHYIR NA, SGRA'I DON YOD BSGRUB PA DANG, DGAG PA'I YUL CI LTAR YIN ZHEN, GANG GI PHYIR PHYI ROL LA RTEN PA MIN PAS SO, ,DE NYID CI LTAR ZHE NA, GANG GI PHYIR DNGOS PO DANG DNGOS PO MED PA LA BRTEN PAS SO, ,GNYI GA'I THUN MONG PA YIN PAS ZHES BYA BA'I DON TE, DE LTA BUR GYUR PA'I SGRA'I DON DE LA BRTEN NAS 'GRO BA 'DIR NI BSGRUB PA DANG DGAG

PA THAMS CAD KYANG 'DOD PA YIN NO, ,GAL TE TSAD MA'I YUL KHO NA SGRA'I DON MA YIN NAM, DE CI LTAR NA DE LA YANG BSGRUB BA DANG DGAG BA 'THAD CE NA, TSAD MA'I ZHES BYA BA'O, ,MNGON SUM GYI TSAD MA'I DON NI, GSAL BA'I RNAM PA CAN SHES BA'I BDAG TU GYUR PAR GSAL BA GANG YIN PA'O, ,CI LTAR GZHAN YIN ZHE NA, SGRA'I DON NI ZHES BYA BA'O, ,CI'I PHYIR GNYI GA LA BRTEN PA MA YIN ZHE NA, TSAD MA'I DON NI ZHES BYA BA'O, ,RNAM BA GZHAN DU NI DNGOS PO LAS GZHAN DU'O, ,'O NA CI LTAR SGRA'I DON GNYI GA'I THUN MONG BA YIN ZHE NA, SGRA LAS ZHES BYA BA'O, ,GANG GI PHYIR DE LTAR YIN PA DES NA, DNGOS PO DANG DNGOS PO MED PA LA BRTEN PA NI SGRA'I DON YIN NO, ,MNGON SUM GYI DON YANG DE 'DRA BA KHO NA'O ZHE NA, MNGON SUM GYI TSAD MA NI RNAM PAR RTOG PA DANG 'DRA BAR DE LTA MIN TE, ZHIG PA DANG MA ZHIG BA'I DON LA YANG DE 'DRA BA NYID MA YIN NA GANG GIS DE'I DON LAS GNYI GA LA THUN MONG BAR 'GYUR, DES NA ZHES BYA BA NI GNYI GA LA THUN MONG YIN PA'I PHYIR RO, ,DE LTAR RNAM PAR RTOG PA'I YUL BSGRUB PA DANG DGAG PA'I YUL NYID DU BSGRUBS NAS, DA NI RTOG MED KYI BLO 'KHRUL BA'I YUL ZLA BA GNYIS LA SOGS PA YANG DGAG PA'I YUL NYID DU BRJOD PA NI, RNAM PAR RTOG PA MED PA YANG ZHES BYA BA'O, ,GAL TE RNAM PAR RTOG PA MED PA'I SHES PA MTHA' DAG TSAD MAR GYUR NA DE'I TSE DES NYE BAR BSTAN PA'I DON DGAG PA'I YUL DU MI 'GYUR BA ZHIG NA, DE LTAR NI MA YIN TE DES NA RNAM PAR RTOG PA MED PA 'GA' ZHIG KHO NA TSAD MA YIN PA'I PHYIR DE'I YUL DGAG BA'I YUL DU MI 'GYUR MOD 'KHRUL PA'I RNAM PA GZHAN DGAG PA'I YUL YIN PA YANG GO 'GAL BA CI YOD, GAL TE RNAM PAR RTOG PA MED PA SGRUB PA'I TSUL DU ZHUGS PA NA DE'I DON JI LTAR DGAG SNYAM NA, GAL TE ZHES BYA BA'O, ,ZLA BA GNYIS LA SOGS PA SGRUB PA'I TSUL DU ZHUGS PA GANG YIN PA DE TSAD MA MA YIN NA NI DE'I TSE TSAD MA YIN PA DES NA 'KHRUL PA'I SHES PAS NYE BAR BSTAN PA'I ZLA BA GNYIS LA SOGS PA DE TSAD MA MA YIN PAR BSTAN PA'I PHYIR, ZLA BA GNYIS LA SOGS PA 'DI NI YOD PA MA YIN NO ZHES DGAG PA 'JUG PAR BYED DO, ,GANG GI TSE DE TSAD MA MA YIN ZHE NA DGAG PA'I TSUL GYIS ZHES BYA BA'O, ,GAL TE PHYI ROL GYI ZLA BA GNYIS LA SOGS PA MED PA'I RANG BZHIN DANG ZLA BA GNYIS LA

, ,SOGS PA'I RNAM PAR BSGRUB PA 'JUG PA YIN NA, DE'I TSE DE TSAD MA YIN LA GANG GI TSE DE TSAD MA MA YIN BA DE'I TSE YANG DES NYE BAR BSTAN BA'I ZLA BA GNYIS LA SOGS PA PHYI'I ZLA BA GNYIS LA SOGS PA'I RANG BZHIN GYI DGAG PA YUL NYID YIN NO ZHES BYA BA'I DON TO, ,GAL TE ZHES BYA BA LA SOGS PA'I RTZOD PAR NI DON 'DI YIN TE, NYES PA 'KHRUL PA NYID NYE BAR SKYE BA NI, RANG GI DMIGS BA PHYI ROL GYI RANG BZHIN DU MED PAR STON PAR BYED DE, DES NA BTAGS ZIN BA LA 'THAG BA'I TSUL DU DGAG PA GZHAN GYIS NI CI YANG BYAR MED DO ZHES BYA BA'O, ,DE LTA BU'I NYID DU ZHES BYA BA NI, PHYI'I DMIGS PAS STONG PA KHO NAR RO, ,CI'I PHYIR ZHE NA, RANG RIG PA ZHES BYA BA'O 'DI NYID GZHUNG 'DZUGS PA NI RANG GI ZHES BYA BA'O, ,GZHAN DU ZHES BYA BA NI RNAM PA GZHAN GYIS SO, ,CI'I PHYIR ZHE NA, THUG PA MED PAS RANG GI NGO BOS LAS DAMS [?] PAR THAL BA'I PHYIR RO, , GANG GIS RANG GIS NGO BO LAS NYAMS PAR 'GYUR BA CI LTAR THUG PA MED CE NA, RNAM PA GZHAN DU ZHES BYA BA'O, ,DE NYID KYANG ZHES BYA BA NI RNAM PA GZHAN NO, ,'ON TE RNAM PA GNYIS PA YANG RNAM PA GZHAN DU SNANG BA YIN NO ZHE NA, DER YANG ZHES BYA BA STE, RNAM PA GNYIS PA LA YANG RNAM PA GZHAN DU SNANG BA YIN NA, DE LTAR ZHES BYA BA RANG BZHIN DE NYID YIN PAR 'GYUR BA'I PHYIR THUG PA MED PAR 'GYUR RO, ,DNGOS PO NYE BAR LEN BA CAN NYID KYANG DGAG PAR MI 'THAD DO ZHES BRJOD PA'I DON DU RANG GI NGO BOR ZHES SMRAS SO, ,GAL TE CHOS CAN YIN NA, DE'I TSE PHYI ROL GYI NYE BAR LEN PA CAN YIN PA 'GOG PAR 'GYUR GYI GZHAN DU NI MA YIN NO ZHES DE LTAR NI SANGS RGYAS PAS KYANG KHAS BLANG DGOS SO, ,'ON TE CHOS CAN YOD PA KHO NA'O ZHE NA, CHOS CAN DE YANG ZHES BYA BA STE, SGRA'I DON GYI RANG BZHIN, DNGOS PO'I NYE BAR LEN PA CAN DGAG PA'I GZHIR GYUR PA YANG RANG GI NGO BOS ZHES BYA BA DNGOS PO'I NYE BAR LEN PA CAN MA YIN PA'I RANG BZHIN DU RTOGS PAS NA STE, DNGOS PO'I NYE BAR LEN PA CAN MA YIN PA NI DE'I RANG BZHIN YIN PA'I PHYIR, CHOS CAN RTOGS PA NYID NA DNGOS PO'I NYE BAR LEN PA CAN MA YIN PAR RTOG PAR 'GYUR RO, ,DES NA CI LTAR CHOS CAN DE SGRUB PA DANG DGAG PA'I THUN MONG PA NYID YIN ZHEN

SGRA'I DON DANG MTSUNGS PA DE 'DRA BA PHYI ROL DANG NANG GI RANG BZHIN MED NA'ANG, SGRA'I DON GYI RANG BZHIN GYI CHOS CAN DE NYID SGRUB PA DANG DGAG PA DE DAG DANG 'BREL BAR SNANG ZHING NGES BA YIN GYI, PHYI DANG NANG GI RANG BZHIN DAG NI MA YIN NO, ,GAL TE PHYI DANG NANG GI RANG BZHIN DANG BRAL BA NYID YIN NA RANG BZHIN MED PA KHO NA MA YIN NAM, CI LTAR NA YOD CES THA SNYAD BYED SNYAM NA SGRA 'JUG PA'I GTAN TSIGS LA, SGRA'I DON GYI RANG BZHIN GYI GZHAN SEL BDE YANG SPYI LA SOGS BRJOD PAR BYA BA YIN PAR 'DZIN PA BZLOG PA'I DON DU YOD DO ZHES BYA BA'I THA SNYAD LA BRTEN PAR 'DOD DO, ,CI'I PHYIR THA SNYAD 'DI PHYI DANG NANG GI RANG BZHIN LA BRTEN PA MA YIN ZHEN, SGRA ZHES BYA BA'O DE LAS ZHES BYA BA NI PHYI DANG NANG GI RANG BZHIN LAS MA GTOGS PA'O, ,LAN NI GZHAN SEL BA ZHES BYA BA'O, ,'O NA SGRA LAS RTOGS BA ZHES BYA BA'I THA SNYAD DU CI LTAR 'GYUR ZHE NA, DE LTA NA YANG ZHES BYA BA STE MA RTOGS NA YANG NGO, ,DE GA LAS SHEN 'DI LTAR ZHES GSUNGS SO, ,MNGON PAR YIN NO ZHES BYA BA NI LHAG PAR ZHEN PA'O, ,CI LTAR NA SGRA'I DON 'DI PHYI ROL LA SOGS PA'I RANG BZHIN DANG BRAL BA YIN ZHE NA, DE SKAD DU YANG ZHES BYA BA'O, ,'DI LA ZHES BYA BA NI GZHAN SEL BA LA'O, ,SLOB DPON CHOS MCHOG GI LUGS KYI DOGS PA BSU BA NI; GAL TE ZHES BYA BA'O, ,GANG LA SHES PA LAS PHYI ROL GYI RANG BZHIN DU SGRO BTAGS PA'I RANG BZHIN YOD PA DE LTA BU SGRA'I DON GYI RANG BZHIN YOD PA MA YIN NAM, DES NA SGRA'I DON RANG BZHIN MED PA CI LTAR YIN ZHE NA, LAN NI DE LA NI PHYI ROL GYI RANG BZHIN DU SGRO BTAGS PA'I RANG BZHIN YOD PA MA YIN NO; ,CI'I PHYIR ZHE NA, SHES PA DANG ZHES BYA BA'O, ,GZHAN ZHES BYA BA NI SGRO BTAGS PA'I RANG BZHIN NO, ,DOGS PA NI 'KHRUL PA'I ZHES BYA BA'O, ,SGRO BTAGS PA'I RANG GI NGO BO NI 'KHRUL BA YIN NO ZHES BYA BA'I DON TO, ,LAN NI DE YANG ZHES BYA BA STE, 'KHRUL PA'I RANG BZHIN YANG NGO, ,MA RTOGS NA ZHES BYA BA NI 'KHRUL PA'I RANG BZHIN NO, ,DOGS PA NI PHYIS ZHES BYA BA'O, ,DANG PO'I NI 'KHRUL PA'I RANG BZHIN RTOGS PA KHO NA YIN LA, PHYIS NI 'KHRUL PA'I RANG BZHIN NYID DU NGES PAR 'GYUR RO ZHES BYA BA'I DON TO, ,RANG GI NGO BO ZHES BYA BA NI 'KHRUL PA'I RANG BZHIN DU'O, ,MA RTOGS NA NI

, ,'KHRUL PA'I RANG BZHIN DU YOD DO ZHES BYA BA NI, RNAM PAR GZHAG PA GANG YIN PA DE'I YUL CI LTAR YIN, 'ON TE DANG BO NI 'KHRUL BA'I RANG BZHIN LA, MA 'KHRUL BA NYID DU RTOGS TE, DES 'KHRUL BA NYID DU NGES PA MA YIN NO ZHES DOGS NA GZHAN GYI ZHES BYA BA'O, ,GAL TE DE NYID GZHAN GYI RANG GI NGO BOR RTOG NA, DE'I TSE RTOGS PA 'KHRUL PAR 'GYUR BA YIN GYI, SGRO BTAGS PA DE NYID NI 'KHRUL BA'I RANG BZHIN DU RTAGS BA MA YIN NO, ,BDEN PA NYID DU NGES PAS NA ZHES BYA BA NI SGRO BTAGS PA MI BDEN YANG DANG PO BDEN PA NYID DU SNANG PAS NA'O, ,DE'I ZHES BYA BA NI LAN NO, DOGS PA NI DON LA ZHES BYA BA'O, ,LAN NI DE NYID CES BYA BA STE DON LA MA REG PA NYID DO, ,DE'I NI SGRO BTAGS PA YI'O, ,DON LA MA REG PA DE YANG SNANG BA KHO NA YIN PAS CI LTAR MI BDEN PAS, CI'I PHYIR ZHE NA, RANG BZHIN ZHES BYA BA'O, ,DON LA MA REG KYANG DON LA REG PA NYID DU NGES PA SKYED PA'I PHYIR MI BDEN PA NYID DO ZHES DOGS PA BSU BA NI, RNAM PA GZHAN DU ZHES BYA BA'O, ,LAN NI 'ON ZHES BYA BA'O, ,NYID KYI TSIG GIS NI DON LA MA REG PA BDEN PAR BRJOD PA'O, ,DOGS PA NI DES ZHES BYA BA STE, SGRO BTAGS PAS PHYIN CI LOG TU NGES PA SKYED PA'I PHYIR RO, ,DE YANG NI SGRO BTAGS PA'O, ,MA YIN TE ZHES BYA BA NI LAN NO MNGON SUM LA SNANG BA NGES PA SKYED PAR BYED PA MA YIN PA DE BZHIN DU SGRO BTAGS PA YANG DE'I SKYED BYED MA YIN GYI, 'ON KYANG SGRO BTAGS PA NYID DE SKYED BYED YIN NO, ,GANG GIS DE SKYED PAS DE'ANG MI BDEN PAR 'GYUR BA NGES PA YANG 'KHRUL PA NI MA YIN NO ZHES BRJOD PA NI, DE LTA YIN NA ZHES BYA BA'O, ,DE YANG NI NGES PA YANG NGO, ,DE'I PHYIR ZHES BYA BA NI SHES PA DANG SHES BYA LAS MA GTOGS PA'I SGRO BTAGS BA MED PA'I PHYIR RO, ,GZUNG BA'I RNAM PA DANG LDAN PA'I RNAM PAR RTOG PA 'BA' ZHIG YOD KYI BTAGS PA GZHAN NI YOD PA MA YIN NO ZHES DGONGS PA'O, ,GAL TE RANG BZHIN MED NA, 'O NA CI LTAR ZHES BYA BA'O, ,LAN NI SGRA 'JUG PA'I PHYIR RO ZHES BYA BA'O, ,'DI NYID KYI BSHAD PA NI SGRA 'JUG PA'I ZHES BYA BA'O, ,THA SNYAD LAS ZHES BYA BA NI, BSGRUB PA DANG DGAG PA'I RANG BZHIN LAS SO, ,CI'I DON DU ZHE NA, SPYI LA SOGS PA ZHES BYA BA'O, ,GAL TE SGRA LAS CI YANG

RTOGS PA MED DO ZHES BRJOD KYANG SPYI LA SOGS PAR 'DZIN PA NI LDOG PAR 'GYUR BA NYID MA YIN NAM, DES NA GZHAN SEL BA ZHES BSTAN PAS CI BYA ZHE NA, GAL TE ZHES BYA BA'O, ,GANG GI PHYIR SGRA 'JUG PA'I PHYIR YOD DO ZHES THA SNYAD DU BYED PA DE NYID KYI PHYIR, RNAM 'GREL MDZAD PAS DE YANG ZHES GSUNGS TE, SGRA'I DON RANG BZHIN MED PA NYID BSGRUB PA DANG, DGAG PA'I THA SNYAD LA BRTEN PAR 'DOD PA YIN NO, ,DE LTAR MA YIN NA ZHES BYA BA NI DE'I THA SNYAD LA BRTEN PAR MI 'DOD NA, RANG BZHIN MED PA SGRA'I DON YIN PA LA SHES PAR BYED PA MED PA'I PHYIR NA YOD DO ZHES BYA BA'I THA SNYAD CHAD PA KHO NAR 'GYUR RO, ,DES NA RIGS PA CAN LA SOGS PA SGRA'I DON RANG BZHIN MED PA CI LTAR YIN ZHES SPONG BAR 'GYUR RO, ,GAL TE SGRO BTAGS PA MI BDEN YANG RANG BZHIN MED PAR SGRA'I DON CI LTAR YIN TE, DNGOS PO'I RANG BZHIN BRJOD BYA YIN PA'I PHYIR RO ZHE NA, 'DI LTAR ZHES BYA BA'O, ,GANG GI PHYIR ME'I SGRA LAS ME MA YIN PA LAS LDOG PA MA LDOG KYANG, ME MA YIN PA SPANGS NAS 'JUG PA NYID GZHAN BZLOG PA YIN NO, ,'ON TE 'DI 'DRA BA'I GZHAN BZLOG PA NI, SGRA LAS DNGOS PO'I RANG BZHIN RTOGS PA'I DBANG GIS 'GYUR BA MA YIN NO ZHE NA, RTOGS PA RNAMS KYIS ZHES BYA BA'O, ,PHAN TSUN GYI ZHES BYA BA NI, SGRAS NI GZHAN LAS LDOG PA'I RNAM PAR RTOG PA SKYES LA DES NI 'JUG PA'I RNAM PAR RTOG PA'O ZHES BYA BA LA SOGS PA'O, ,'ON TE ME'I SGRA LAS ME'I RANG BZHIN RTOGS PA NYID KYI NA 'JUG PA YIN NO ZHE NA, SGRA LAS NI ZHES BYA BA'O, ,DE LAS NI ZHES BYA BA NI RNAM PAR RTOG PA LAS SO, ,'JUG PA'I RNAM PAR RTOG PA NI BDAG 'JUG GO ZHES BYA BA'I RNAM BA CAN NO, ,DE LAS ZHES BYA BA NI 'JUG PA'I RNAM PAR RTOG PA LAS SO, ,'GRO BA'I RANG BZHIN ZHES BYA BA NI YUL GZHAN DANG GZHAN DU SKYE BA'I CHOS CAN GYI LUS NYID 'GRO BA PO YIN LA, DE'I RANG BZHIN NYAMS SU MYONG BA PO ZHES BYA BA NANG GI REG BYA LUS KYI DBANG POS NYAMS SU MYONG BA'O, ,'GRO BA'I RANG BZHIN NYAMS SU MYONG BA DE LAS NI YOD NA ME THOB PA'AM, GAL TE MED NA MI THOB PA ZHES BYA BA DE LTA BUR ME'I RANG BZHIN MA GTOGS PAS KHO NAR THA SNYAD YONGS SU RDZOGS PA YIN NO, ,DE NYID KYI PHYIR BRJOD PAR BYA BA DANG ZHES BYA BA'O, ,MED

, ,MOD KYI DE LTA NA YANG THA SNYAD NI 'GRUB PO ZHES BYA BA'I DON TO, ,DES NA SGRA'I DON NI RANG BZHIN MED PA KHO NA'O, ,GAL TE SGRA'I DON DNGOS BO'I RANG BZHIN NYID KYIS NGO BO DANG BCAS PA YIN NA CI SKYON SNYAM NA, DE LTA MIN NA ZHES BYA BA'O, ,GAL TE SGRA'I DON RANG BZHIN MED PA MA YIN GYI; 'ON KYANG DNGOS PO'I RANG BZHIN NYID YIN NA, DE'I TSE DON RNAMS KYI CHOS GCIG BSGRUBS SAM BKAG PA NA, BDAG NYID THAMS CAD BSGRUBS PA DANG BKAG PAR 'GYUR RO, ,CI'I PHYIR ZHE NA, BDAG THA SNYAD MED PA'I PHYIR TE, CHOS DANG CHOS CAN DAG THA MI DAD PA'I PHYIR RO, ,'ON TE THA DAD PA 'DOD PA YIN NA, DE'I TSE BSGRUB PA DANG NI DGAG PA DAG CHOS CAN GCIG LA 'DU BAR MI 'GYUR RO, ,CI DANG 'DRA BAR ZHE NA, GZHAN DANG GZHAN BKAG PA DANG NI BSGRUBS PA BZHIN ZHES BYA BA'O, ,GAL TE ZHES BYA BA NI 'CHAD BA'O, ,CI TE DE LTAR 'GYUR ZHE NA, DES ZHES BYA BA STE, BA LANG ZHES BYA BA LANG BSGRUBS PA NA BA LANG DE'I BDAG NYID DKAR PO NYID LA SOGS PA MA BSGRUBS PA NI MA YIN TE, BSGRUBS PA KHO NA'O ZHES BYA BA'I DON TO, ,CI'I PHYIR ZHE NA, DE YANG ZHES BYA BA'O, ,MA BKAG PA LA YANG DE BZHIN NO ZHES BYA BA NI, GAL TE CHOS GCIG BKAG PAS THAMS CAD MA BKAG NA DE'I TSE BKAG PA YANG MA BKAG PAR THAL BA'I PHYIR RO, ,'DI SKAD BRJOD PA YIN TE, GAL TE CHOS RNAMS CHOS CAN LAS THA MI DAD PA YIN NA DE'I TSE CHOS BRJOD PA NA CHOS THAMS CAD BRJOD PA'I PHYIR CHOS GZHAN STON PAR BYED PA'I SGRA GZHAN DAG DON MED PAR 'GYUR RO ZHES BYA BA'O, ,CI'I PHYIR BSGRUBS PA DANG BKAG PA DAG ,MA BSGRUBS PA DANG MA BKAG PAR THAL ZHE NA, DUM BUR ZHES BYA BA'O, ,'ON TE GCIG BSGRUBS PA'AM BKAG PA NA, DE'I BDAG NYID YIN PA YANG GZHAN DAG NI BSGRUBS PA'AM BDAG PA MA YIN NO ZHE NA, DE SGRUB PA DANG 'GOG PA'I SGRA GZHAN DAG DON MED PA MA YIN NO ZHE NA, SGRA DES ZHES BYA BA'O, ,DE ZHES BYA BA NI DOGS PA'O, ,'O NA ZHES BYA BA NI LAN NO, ,GAL TE THAMS CAD MA NGES NA, DE'I TSE KHYED BSGRUBS PAR 'DOD PA GANG YIN PA DE YANG MA NGES PAR 'GYUR RO, ,NGES PAR YUL DU BYAS BAM NGES BZHES BYA BAR NI 'THAD PA MA YIN

NO; ,RNAM PAR DBYE BA MED PA'I PHYIR ZHES BYA BA NI THA DAD PA MED PA'I PHYOGS KYI DBANG DU BYAS PA'I PHYIR RO, ,GAL TE RNAM PAR DBYE BA MED KYANG RNAM PAR DBYE BAR CI STE MI DMIGS ZHEN DMIGS PA NYID CES BYA BA'O, ,'DIR NI SKABS KYIS YANG DMIGS PA'I SGRAR BRJOD DO, ,DE ZHES BYA BA NI DMIGS PA RNAM PAR DBYE BAS NA'O, ,GANG GI PHYIR DMIGS PA'I RNAM PAR DBYE BAS YOD PA RNAM PAR DBYE BAR 'GYUR BA DES NA'O, ,GCIG NYID LA ZHES BYA BA NI CHOS DU MA DANG THA MI DAD PA'I CHOS CAN NO, ,GZHAN NI ZHES BYA BA NI DKAR PO NYID LA SOGS PA'O, ,'DI NI ZHES BYA BA NI GCIG NYID LA NGES PA DANG MA NGES PA NYID DO; ,GCIG LA YANG NGES PA DANG MA NGES PA NYID MI 'GAL BA KHO NA'O ZHES DOGS PA BSU BA NI GAL TE ZHES BYA BA'O, ,'ON TE 'DI NI MI 'THAD DO ZHE NA, MTHONG BA NI ZHES SMRAS SO, ,DE LA YANG ZHES BYA BA NI, NGES PA DNGOS PO'I YUL CAN YIN PA 'BA' ZHIG LA BA LANG NYID DANG DKAR PO NYID NGES PA DANG MA NGES PAR 'GAL BAR MA ZAD KYI 'ON KYANG SNGON PO DANG SKAD CIG MA DAG LA YANG NGO, ,CI LTAR 'GAL ZHE NA, DNGOS PO'I RANG BZHIN PA'I NGES PAS GAL TE SNGON PO NYID DU RTOGS PA GANG YIN BDE NI SKAD CIG NYID DU GNAS PAR BSGRUB BA DANG BRAL BAR TE, SKAD CIG MA NYID GNOD PA'I SNGON PO RTOGS NA ZHES BYA BA'I DON TO, ,DE'I TSE BYAS PA NYID LA SOGS PA'I SGRUB PAR BYED PA GZHAN GYIS SKAD CIG MA NYID 'GRUB PAR MI 'GYUR RO, ,TSAD MAS TE NGES PAR GRUB PA'I SNGON PO'I RANG BZHIN SKAD CIG MA NYID DANG BRAL BA NI, YOD PA LA SOGS PA'I SGRUB PAR BYED PA GZHAN GYIS GNOD PA MA YIN NO, ,CI'I PHYIR ZHE NA, GAL TE ZHES BYA BA'O, ,DE YANG NI GNOD PAR BYED PA'O, ,GZHAN GYIS NI GNOD BYED KYIS SO, ,DES NA TSAD MAS GRUB PA LA NI GNOD PA MED DO, ,DES NA SNGON PO'I RANG BZHIN NGES PA NI, MA NGES PA SKAD CIG MA NYID KYI RANG BZHIN DANG 'GAL BA KHO NA'O, ,SNGON PO NGES PA DES SO, ,DE ZHES BYA BA SKAD CIG MA NYID BSGRUBS PAS KYANG NGO, ,SNGON PO DANG SKAD CIG MAR NGES PA DAG NI PHAN TSUN GNOD BYA GNOD BYED KYI DNGOS PO MA YIN NO ZHES BYA BA'I DON TO, ,CI'I PHYIR ZHE NA, BSDU BA'I ZHES BYA BA'O, ,GNYI GA'I NI SNGON PO DANG SKAD CIG MA'I NYID DO, ,CI GANG GIS BSDU BA'I ZHES BRJOD PA RNAM PA GZHAN YANG

, ,YOD DAM ZHE NA, LDAN PA NI ZHES BYA BA'O, ,DE LA BSDU BA'I RANG BZHIN BRJOD PA NI, BSDU BA NI ZHES BYA BA'O, ,CI LTAR 'DI BSDU BA YIN ZHE NA, CHOS ZHES BYA BA'O, ,GANG GI PHYIR DE LTAR LDAN PA RNAM PA DU MA YOD PA DE'I PHYIR SKABS 'DIR RO, ,GNOD PA'I MTSAN NYID CES BYA BA NI GNOD PAR BYA BAS DPEN PA NYID DO, ,SNGON PO GANG LA DE DANG 'BREL PA YOD PA NI LDAN PA'I PHYIR SNGON PO 'DIR NI DE LHAN CIG MI RTAG PA NYID CI LTAR SDUD PA DE MA YIN PA KHO NA'O, ,YANG GNOD PA'I MTSAN NYID GNOD PAR BYA BAS DBEN PAR 'DZIN PA YIN LA, DE DANG LDAN PA NI SNGON POR NGES PA GANG YIN DES NA, CI LTAR 'DIR SNGON PO NYID DANG SKAD CIG MA LHAN CIG CI LTAR SDUD PA DE YANG MA YIN PA KHO NA'O, ,CI'I PHYIR ZHE NA, GANG GI PHYIR GNOD BYA SKAD CIG MA NYID GNOD PAR BYED PA SNGON PO NYID DANG LHAN CIG BSDUS PAR 'OS PA MA YIN NO, ,YANG NA GNOD PAR BYED PA SNGON PO NYID DU NGES PAS NI, GNOD PAR BYA BA SKAD CIG MA NYID SNGON PO NYID DANG LHAN CIG BSDUS PAR 'OS PA MA YIN NO, ,CI'I PHYIR ZHE NA, GAL TE ZHES BYA BA'O, ,CI LTAR BKAG SNYAM NA, DES ZHES BYA BA'O, ,SKAD CIG GI RANG BZHIN DANG BRAL BAR BZUNG YANG CI LTAR DES BKAG SNYAM NA, DBEN PA'I ZHES BYA BA'O, ,CI'I PHYIR DNGOS PO MED PA'I TSAD MAS GNOD SNYAM NA, MNGON SUM GYI ZHES BYA BA'O, ,MED CES NGES PA 'DI NYID NI RANG RGYUD DU TSAD MA MA YIN NO, ,CI'I PHYIR ZHE NA, GANG GI PHYIR 'DI NI 'BRAS BU YIN TE PHA ROL DAG GI TSAD MA DANG 'BRAS BU DAG THA DAD PAR KHAS BLANGS PA'I PHYIR RO, ,'O NA 'BRAS BU 'DI'I TSAD MA GANG YIN ZHE NA, DE YIS ZHES BYA BA'O, ,NGES PA 'DI ZHES BYA BA NI 'CHAD PA'O, ,NGES PA 'DI GZHAN DU DBEN PA DMIGS PA MED PAR 'GYUR BA NI MA YIN NO, ,GAL TE RES 'GA' NI SNGON PO NGES PAR MI 'GYUR BA DE'I TSE SKAD CIG NYID LA GANG GIS GNOD SNYAM NA GAL TE ZHES BYA BA'O, ,DER ZHES BYA BA DBEN PAR RTOGS PA'I NGES PA BSKYED PA RUNG BA GYIS SO, ,'OG NAS ZHES BYA BA NI MI DMIGS PA'I SKABS NAS SO, ,SPYIR BRJOD PA'I DON KHYAD PAR LA SBYOR BA DE LA ZHES BYA BA STE DE LTAR GNAS PA DE LA'O, ,DE NYID KYIS ZHES BYA BA NI SNGON PO'AM DE NGES PAS SO, ,GNOD PAR BYAS PA'I SKAD CIG

NYID DE GZHAN YOD PA LA SOGS PA'I RTAGS LAS SKYES PA'I RJES SU DPAG PAS CI LTAR SGRUB, DES KYANG ZHES BYA BA NI SNGAR GYI SNGON PO NGES PAS SO, ,GZHAN GYIS NI SKAD CIG NYID DU RJES SU DPOG PAS SO, ,GAL TE SNGON GYI RTOGS BA SNGON POR NGES PA DE DMIGS PA DANG BCAS PAS TSAD MA YIN NO,, DE'I TSE SNGON PO NGES PA'I RANG BZHIN LA, CI LTAR SKAD CIG NYID GSAL BA MA YIN TE, 'ON TE SNGON POR NGES PA SKAD CIG MA NYID BSGRUBS KYANG GSAL BAR MA BYAS SO, ,DES NA RJES SU DPAG DES NA RJES SU DPAG YIN NO ZHE NA, BSHAD BA SKAD CIG MA NYID KYI DON DE SNGON PO NGES BSAGS LA BAR NI MA BYAS LA, BSGRUBS PAS YANG YIN NO ZHES 'THAD PAR DKA'O, ,GANG GIS PHYIR SNGON PO'I RANG BZHIN 'DZIN PAS NGES PA YIN YANG DE DANG THA MI DAD PA'I SKAD CIG GSAL BAR MA BYAS SO ZHES BYA BAR YANG CI LTAR 'GYUR TE MA YIN PA KHO NA'O, ,'ON SNGON POR NGES BA SKAD CIG MA NYID LA NI GSAL BA YIN LA, SNGON PO NYID LA NI NGES PAR BYED PA YIN NO, ,DES NA SKAD CIG MA NYID NGES PA'I DON DU RJES SU DPAG PA 'JUG PA YIN NO ZHE NA, SKAD CIG 'DIR NI NGES PA GSAL BA YIN LA, GZHAN SNGON PO NYID LA NI NGES PA YIN PAR NI 'THAD PA DANG 'BREL PA MA YIN NO, ,NGES PA SNGON PO'I RANG BZHIN 'DZIN PA YIN NA, 'GA' ZHIG NI NGES BA LA 'GA' ZHIG NI MA NGES SO ZHES MI 'THAD DO, ,DE'I PHYIR ZHES BYA BA DNGOS PO 'DZIN PA'I PHYIR SNGON PO NGES PA SNGA MA GANG YIN PA DE NYID MA 'KHRUL PAR 'GYUR BA'AM, YANG NA PHYI MA SKAD CIG MA NYID DU RJES SU DPOG PA MA 'KHRUL BAR 'GYUR GYI, GNYI GA MA 'KHRUL PA NI MA YIN NO, ,CI'I PHYIR ZHE NA, YUL GCIG GI ZHES BYA BA'O, ,GANG GI PHYIR YUL GCIG LA PHAN TSUN 'GAL BA'I SHES BA MI 'BYUNG BA DES NA'O, ,'ON TE ZHES BYA BA NI, CHOS CAN LAS DANG PHAN TSUN YANG THA DAD PA YIN NA'O, ,CI LTAR RTEN GZHAN MED SNYAM NA, 'DI LTAR ZHES BYA BA'O, , RDZAS DANG YON TAN DE DAG LA RTEN GZHAN GSUM PA'O, ,KHYAD PAR DANG KHYAD PAR GYI GZHI ZHES BYA BA NI GZHI MTHUN PAS KHYAD PAR DANG KHYAD PAR CAN GYI DNGOS PO RTOGS PA'O, ,SNGON PO YAN 'GAR BA MA YIN NO ZHES BYA BA NI SNGON PO'I SGRAS RDZAS DANG BCAS PA'I SNGON PO RTOGS PAR BYED PA'O, ,RIGS

, ,DANG YON TAN ZHES BYA BA NI, AUTPALA NYID KYI RIGS DANG, SNGON PO'I YON TAN AUTPALA'I SNGON BO'I SGRA DAG LAS RTOGS PA YIN NA'O, ,DE LTAR NA YANG GZHI MTHUN BA MI RTOGS SO, ,CI LTAR ZHE NA, GZHI BRJOD PA'I ZHES BYA BA'O, ,SNGON PO DANG AUTPALA'I SGRA DAG NI YON TAN DANG RIGS RJOD PAR BYED PA YIN LA, GZHI BRJOD PA'I SGRA GSUM BA YANG MED PAS SO, ,RDZAS NYID CES BYA BA NI RDZAS DANG 'BREL BA'I SNGON PO NYID RTOGS PA'O, ,GCIG GIS ZHES BYA BA SNGON PO'I SGRAS SO, ,GNYIS PA NI YON TAN DANG RDZAS SO, ,GZHAN GYIS KYANG ZHES BYA BA NI, AUTPALA'I SGRAS KYANG NGO,, DE BZHIN ZHES BYA BA NI GNYIS BRJOD PA'O, ,BZHI'AM ZHES BYA BA NI SGRA GNYIS KYIS GNYIS GNYIS BRJOD PAS SO, ,GSUM ZHES BYA BA NI SNGON PO'I SGRAS RDZAS DANG YON TAN GNYIS DANG AUTPALA'I SGRAS RIGS BRJOD NA'O, ,CI'I PHYIR GZHI MTHUN PA MED SNYAM NA, GCIG GAM ZHES BYA BA'O,, DES NA ZHES BYA BA NI, YAN 'GAR BA RTOGS PAR MI NUS PAS NA'O, ,THA DAD PAR RTOGS PA BZHIN ZHES BYA BA NI BUM PA DANG SNAM BU RTOGS PA BZHIN NO, ,RIGS MA NGES BA NI AUTPALA DANG KHU BYUG LA SOGS PA'I RIGS LA YOD PAS SO, ,YON TAN MA NGES PA ZHES BYA BA NI, AUTPALA LA SOGS PA NI SNGON PO DANG GZHAN LA YANG YOD PA'I PHYIR RO, ,DON DE NYID CES BYA BA NI, MNGON SUM GYIS NGES PAR BSKOL BA NYID DU YUL DU MA BYAS PA GANG YIN PA'O, ,GZHAN DU ZHES BYA BA NI NGES PAR BSKOL BA NYID DU'O, ,DE KHO NA BZHIN ZHES BYA BA NI THA MI DAD BAR NGO, ,CI'I PHYIR ZHE NA, DE NYID LA ZHES BYA BA NI SNGON PO LA SOGS PA THA DAD PA MA YIN PA NYID LA'O, ,DE LTAR ZHES BYA BA NI THA MI DAD PAR RO, ,LAN NI RTOGS BZHIN BA ZHES BYA BA'O, ,DOGS PA NI NYE BAR ZHES BYA BA'O, ,SGRA LAS SHES PA 'JUG PA NI, SGRA'I SHES PA 'JUG PA'O, ,DOGS PA NI DBANG PO'I ZHES BYA BA'O, ,LAN NI DBANG PO NYID NI ZHES BYA BA STE, SGRA YANG YIN NO ZHES BYA BA'I DON TO, ,'ON TE RTOGS PA LA LTOS TE DBANG PO LA KHYAD BAR YOD PA YIN NO ZHE NA, GAL TE ZHES BYA BA'O, ,RGYANG RING PO NAG NAS PA LA LKOG TU GYUR PA NYID DU RTOGS BAR KHAS BLANGS NAS NYE BAR GNAS BA LA CI STE DE LTAR RTOGS ZHES

BRJOD PA NI, GANG DU ZHES BYA BA'O, ,NYE BAR GNAS PA GANG DU DNGOS PO GNAS PA DER CI LTAR GZHAN LKOG TU GYUR BA NYID DU RTOGS, DBANG BO'I BYED BA MED PA'I PHYIR RO ZHE NA, DBANG BO ZHES BYA BA'O, ,SGRA NI DNGOS BO'I RANG BZHIN RTOGS PAR BYED PAR KHAS BLANGS PA'I PHYIR RO, ,DOGS PA NI GSAL BA NYID CES BYA BA'O, ,GSAL BA NYID MED PAR KHAS BLANGS NAS KYANG NYES PA BRJOD BA NI, GAL TE ZHES BYA BA'O, ,DE LTA MOD KYANG ZHES BYA BA GSAL BA NYID MED KYANG, AUTPALA'I RDZAS SO SOR NGES PA DER 'DU BA'O, ,GZHAN DU ZHAS BYA BA NI SNGON PO MED PAR RO, ,DE LTA YIN DANG ZHES BYA BA NI SNGON PO'I SGRA LAS SNGON PO NYID RDZAS LA GNAS PAR RTOGS NA TSIG GZHAN SNGON PO'I SGRAS SBYOR BA MED BAR 'GYUR TE DON MED PA'I PHYIR RO, ,DES NA ZHES BYA BA NI MA NGES BAR RJOD BAR BYED PAS NA'O, ,CI'I PHYIR ZHE NA, MA NGES BAR ZHES BYA BA'O, ,'ON TE PHAN TSUN RNAM PAR GCOD PA'I PHYIR NA, GZHI MTHUN PA NYID DU RTOGS PA YIN NO ZHEN, PHAN TSUN ZHES BYA BA'O, ,CI'I PHYIR ZHE NA, ZIN PA ZHES BYA BA'O, ,SNGON BO LA SOGS PA'I SGRAS SNGON PO LA SOGS PA'I DON MA NGES PAR BRJOD PA NI PHAN TSUN RNAM PAR GCOD PA MA YIN PAR 'GYUR RO, ,RNAM PAR GCOD NA SKYON CI YOD SNYAM NA, GAL TE ZHES BYA BA STE, SNGON PO MA YIN PA DANG, AUTPALA MA YIN PA LAS RNAM PAR GCOD PAR BYED NA'O, ,RNAM PAR 'GREL BA NI, GAL TE ZHES BYA BA'O, ,GZHAN GYIS ZHES BYA BA NI, AUTPALA'I SGRAS SO, ,CI'I PHYIR ZHE NA, MNGON SUM GYI ZHES BYA BA'O, ,GZHAN GYIS NI SGRA'AM TSAD MA GZHAN GYIS SO, ,CI'I PHYIR ZHE NA, 'KHRUL BA NYID DU ZHES BYA BA'O, ,'O NA ZHES BYA BA NAS ZHE NA'I BAR NI RTZOD PA'O, ,SNGON PO'I SGA BRJOD MA THAG TU NI CI AUTPALA'AM DE STE GZHAN YIN ZHES THE TSOM ZA BA NI SGRA GZHAN LAS TE, AUTPALA BA ZLOG PA YIN NO, ,BSDU BAS RTOGS PA YANG CI STE MI RTOGS SNYAM NA, BSDU BAS ZHES BYA BA'O, ,'O NA THE TSOM YANG CI LTAR LDOG SNYAM NA, GANG GI TSE ZHES BYA BA'O, ,GNYI GA YANG ZHES BYA BA NI, SNGON BO DANG AUTPALA'I SGRA DAG GAM DE LAS BYUNG BA'I SHES PA DAG GO, ,DES NI SNGON PO'I SGRAS SO, ,BRTAN PAR ZHES BYA BA NI, AUTPALA'I SGRAS NI AUTPALA'I SGRA LAS SKYES PA'I RTOGS PA STE, DES BZLOG PAR BYA BA'O, ,CI LTAR SGRA

, ,GZHAN LAS BZLOG PAR 'THAD CE NA, DE LTA BU NYID CES BYA BA STE BZLOG PAR GOS PA NYID NI, DE LTA BUR GYUR BA MA YIN PAR TE BZLOG PAR MI NUS PA'O, ,AUTPALA'I SGRAS NI AUTPALA'I MA YIN PA LAS ZLOG PAR BYED BA YIN NO ZHES BYA BA'I DON TO, ,GANG PHYIR ZHES BYA BA LA SOGS PA'I DON NI 'DI YIN TE, SNGON PO'I SGRAS DNGOS PO'I RANG BZHIN RTOGS PA'I PHYIR, AUTPALA MA YIN PA LAS LDOG PA NYID KYANG RTOGS PA KHO NA'O, ,DES NA AUTPALA'I SGRAS BYA BA CI YOD DE, RTOGS ZIN PA RTOGS PAR BYED PAS DGOS PA MED PA'I PHYIR RO ZHES BYA BA'O, ,DE NYID KYIS NI SNGON PO'I SGRAS SO, ,SGRA GZHAN NI AUTPALA'I SGRA'O, ,RTOGS PA SNGA MAS ZHES BYA BA NI, SNGON PO'I SGRA LAS SKYES PAS SO, ,PHYI MAS ZHES BYA BA NI AUTPALA'I SKRA LAS SKYES PAS SO, ,TSAD MA'I SGRA ZHES BYA BA NI, GAL TE SNGON PO'I SGRA PHYI'I DON LA TSAD MA YIN NA DE'I TSE DES BSTAN PA NGES PA NYID MED PA GANG YIN PA DE NI SGRA PHYI MA'AM GZHAN GYIS GZHAN DU BYA BAR MI NUS PA ZHIG NA GZHAN DU BYED PA YANG YIN TE, DE'I PHYIR SNGA MA'AM ZHES BYA BA'O, ,'ON TE RJES SU DPAG PAR NI ZHES BYA BAR DON 'DI YIN TE, SNGON PO DANG AUTPALA'I SGRA'AM DE SKYED PA'I SHES PA DAG NI PHAN TSUN GNOD BYA GNOD BYED KYI DNGOS PO YIN PA'I PHYIR DNGOS PO MED PA'I YUL CAN DU 'GYUR GYIS RJES SU DPAG PA NI MED PAR SGRUB PA'I PHYIR NA, ME DANG ME MA YIN PA LA SOGS PA THUN MONG PA'I NGO LAS GNOD PAR BYED PA KHO NA'O, ,GNOD BAR BYA BA NI MA YIN TE, DES NI CI LTAR DNGOS PO MED PA'I YUL CAN YIN ZHES BYA BA'O, ,GNOD BAR BYED PA NYID NI MA YIN NO, ,CI'I PHYIR ZHE NA, DE YANG ZHES BYA BA STE RJES SU DPAG PA YANG NGO, ,GAL TE RJES SU DPAG PAS BZUNG BA NYID MNGON SUM GYIS 'DZIN PA MA YIN NAM, DES NA JI LTAR RJES SU DPAG PA LA DES GNOD CE NA, RJES SU DPAG PAS NI ZHES BYA BA'O, ,DE YANG ZHES BYA BA NI, RJES SU DPAG PA LA YANG RNO BA DANG 'BAR BA LA SOGS PA'I KHYAD PAR LA THE TSOM ZA BA KHO NA'O, ,GAL TE KHYAD PAR LA THE TSOM ZA BDE LTA NA YANG, SPYI LA NI MA YIN NO ZHES DOGS PA NI, SPYI LA ZHES BYA BA NI, CI'I PHYIR THE TSOM GYI RANG BZHIN YIN ZHE NA, SPYI RTOGS PA NI ZHES BYA BA'O, ,SPYI ZHES BYA BA GZHAN NI 'GA' YANG YOD BA MA YIN TE, 'DIR RGYA CHER BKAG ZIN

PA'I PHYIR RO, ,'ON KYANG KHYAD PAR DE DAG NYID NGES PAR MA BRTAGS PA NI SPYI YIN LA, KHYAD PAR NGES PAR MA RTOGS PA NYID KYANG SPYI RTOGS PA YIN NO, ,DES NI 'DI THE TSOM GYI RANG BZHIN YIN PA'I PHYIR CI SKAD BRJOD PA'I MTSAN NYID CAN GYI SPYI LA THE TSOM ZA BA KHO NA'O, ,CI LTAR NA DE LTA BUR RTOGS PA NYID SPYI RTOGS PA YIN ZHE NA, SPYI LA NI ZHES BYA BA'O, ,RNAM PAR NGES PA NI 'DI NI KHRA BO KHO NA'O ZHES SO SOR NGES PA'O, ,'DI NYID BRJOD PA NI 'DI LTAR ZHES BYA BA'O, ,BA LANG TZAM DU RTOGS PA'I SPYI GANG YIN PA DE LA NI, KHRA PO LA SOGS PA LAS GANG YANG RUNG BA'I BA LANG GI GSAL BA YOD DO ZHES RTOGS PAR 'GYUR GYI, SER PO'AM SNGON PO'I GSAL BA RNAM PA 'DI LTA BU ZHIG YOD DO ZHES BYA BAR NI MA YIN NO, ,DES NA ZHES BYA BA NI KHYAD PAR MA NGES PA NA'O, ,'CHAD BA NI SPYI ZHES BYA BA'O, ,DES NA ZHES BYA BA NI GSAL BA RTOGS PA MI 'DREN PAS SO, ,DOGS PA NI GSAL BA ZHES BYA BA'O, ,SPYI KHAS BLANGS NAS NYES PA BRJOD PA NI, GAL TE ZHES BYA BA'O, ,'ON TE SPYI DON BYA BA BYED PA MA YIN MOD, DE LTA NA YANG BSLAD PA MA YIN NO ZHE NA, GANG DU DON DU ZHES BYA BA STE, DON BYA BA NUS PA'I DON DU'O, ,GZHAN LA ZHES BYA BA NI SPYI LA'O, ,GAL TE ZHES BYA BA NI RTZOD PA'O, ,SPYI ZHES BYA BA NI LAN NO, ,GZHAN LA ZHES BYA BA NI GSAL BA LA'O, ,GZHAN NI SPYI'O, ,HA CANG THAL BA BRJOD PA NI NGES PA THAMS CAD CES BYA BA'O, ,'DI SPONG BA NI CI STE ZHES BYA BA'O, ,SRED PA ZHES BYA BA NI MTSUNGS PA NI CHOS DANG LDAN PA'I CHOS CAN NI 'DI NYID BRJOD PA NI, 'DI LTAR ZHES BYA BA'O, ,KHYAD PAR GANG ZHIG SPYI GANG LA SRID PA'O,, DE ZHES BYA BA SPYI MTHONG BA'I KHYAD PAR DE NYID LA'O, ,CI'I PHYIR DE NYID LA THE TSOM ZA ZHE NA, THE TSOM NI SRID PA DANG ZHES BYA BA'O, ,GANG GIS DE MTHONG BAS DER THE TSOM DU 'GYUR BA GANG ZHIG GANG LA SRID PA DANG 'KHRUL PA YANG YIN ZHE NA, SPYI LA YANG ZHES BYA BA'O, ,SKABS YIN BA'I PHYIR NA SRID PA ZHES BYA BA 'DIS NI 'KHRUL PA NYE BAR MTSON PA'O, ,DON 'DI NYID KHYAD PAR DU STON PA NI BA LANG NYID CES BYA BA'O, ,SPYI ZHES BYA BA NI MA DMIGS PA KHO NA YIN TE, DES NGES PAS KHYAD BAR LA THE TSOM ZA BAR CI LTAR 'GYUR ZHES LAN 'DEBS PA NI, KHRA BO ZHES BYA BA'O, ,GZHAN SPYI NI KHYAD PAR 'DIR YOD

, ,PA MIN NO, ,GZHAN YANG ZHES BYA BA NI BA LANG NYID LA GZHAN SHING NYID DU RNAM PAR RTOG PA'O, ,RNAM PA GZHAN GYI SGO NAS KYANG SPYI RTOGS PA MI RIGS SO ZHES BRJOD PA NI, YANG NA ZHES BYA BA'O, ,SKABS NYE BAR SDUD PA NI, DES NA ZHES BYA BA'O, ,KHYAD PAR GYI DBYE BA YON TAN DANG, SPYI LA SOGS PA RNAMS SO, ,RTAGS YIN PA DES NA'O, ,THE TSOM MED PAS ZHES BYA BA NI NGES PA'I SHES PA DMIGS PA DANG BCAS BAS NA BDAG NYID THAMS CAD NGES BA'I PHYIR RO, ,RDZAS ZHES BYA BA NI RTZOD PA'O, ,CI LTA BUR GYUR BA ZHES BYA BA NI SNGON PO ZHES BRJOD PA NA CI AUTPALA'I KHYAD PAR CAN GYI RDZAS SAM; DE STE RNAM PA GZHAN YIN ZHES MI SHES PA DES NA, AUTPALA'I KHYAD PAR CAN GYI RDZAS BSTAN PA'I DON DU AUTPALA'I SGRAS AUTPALA'I KHYAD PAR BSTAN PA'O, ,GAL TE ZHES BYA BA NI GAL TE SNGON PO'I SGRAS KHYAD PAR GCIG GIS KHYAD PAR DU BYAS PA'I DON DE RANG GI RANG BZHIN DU RTOGS PAR BYAS NAS, DE'I TSE AUTPALA'I KHYAD PAR GYIS KYANG KHYAD PAR CAN DU BSTAN PA KHO NA YIN PAS DE'I SNGON PO'I KHYAD PAR GZHAN AUTPALA NYID DE AUTPALA'I SGRA LAS RIGS GANG YIN PA DES SNGA NA MED PA'I RANG BZHIN GZHAN GANG ZHIG YUL DU BYED PAR 'GYUR TE MI 'GYUR PHA DES NA DES NI DON MED DO; ,'ON TE SNGON PO'I SGRAS SNGON PO'I KHYAD PAR NYID KYI KHYAD PAR CAN GYI DON RTOGS KYI, AUTPALA'I KHYAD PAR CAN DU YANG NI MA YIN NO, ,DES NA AUTPALA'I SGRA DON MED DO ZHES DOGS BA BSU NAS SEL BA NI, 'ON TE ZHES BYA BA'O, ,SNGON PO'I SGRAS SNGON PO'I KHYAD PAR DANG 'BREL PA NA, DON DE GZHAN DU ZHES BYA BA AUTPALA NYID KYI KHYAD PAR DANG 'BREL PAR RTOGS NA NI, DE'I TSE KHYAD PAR GZHAN AUTPALA NYID DANG 'BREL BAR AUTPALA'I SGRA LAS RTOGS PAS GZHAN DU ZHES BYA BA AUTPALA'I NYID KYI KHYAD PAR CAN DU BYED PAR NUS PA MA YIN NO, ,TSIG LE'UR BYAS PA SNGA MAS DON MED PA NYID DU BRJOD PA'I LAN GYI DOGS PA BSU BA NI, 'ON TE ZHES BYA BA'O, ,AUTPALA'I SGRAS NI, RDZAS LA AUTPALA NYID KYI SPYI DANG 'BREL BA KHO NAR RTOGS KYI RDZAS DE'I KHYAD PAR SNGON PO'I SGRAS BSTAN PAR BYA BA NI RTOGS PA MA YIN TE, DES NA AUTPALA'I SGRA DON MED PA MA YIN NO ZHES BSAMS

PA'O, ,DE LTA YIN NA ZHES BYA BA'I LAN LA NI DON 'DI YIN TE, GAL TE AUTPALA NYID DANG LDAN PA KHO NAR RTOGS KYI DON BYA BA BYED PA'I AUTPALA'I GSAL BA MA YIN NA, DE'I TSE DE MA GRUB PAS NA DE LA 'JUG PAR MI 'GYUR RO, ,DE MED PAS DE THOB BAR YANG MI 'GYUR RO, ,KHYAD PAR KHON DON BYA BA BYED PA YIN NO ZHE NA, KHYAD PAR YAN 'GAR BAS NI ZHES BYA BA'O, ,TSIG LE'UR BYAS PA DANG PO RNAM PAR 'GREL PA NI, CI STE DE'I SGO NAS ZHES BYA BA STE, AUTPALA'I KHYAD BAR GYI SGO NAS SO, ,'GOG PA MA YIN TE ZHES BYA BA'O, ,CI'I PHYIR ZHE NA, KHYAD PAR ZHES BYA BA'O, ,KHYAD PAR SNGA MA SNGON PO NYID SNGON PO'I SGRA GANG LA BRJOD PAR BYA BA NYID DU YOD PA DE NYID KYIS RTOGS ZIN PA'I PHYIR RO, ,DES NA AUTPALA'I SGRA LAS KHYAD PAR GZHAN BRJOD PA NI DON MED PA KHO NA'O ZHES BYA BA'I DON TO, ,TSIG LE'UR BYAS PA GNYIS PA'I PHYED SNGA MA RNAM PAR 'GREL PA NI, 'ON TE ZHES BYA BA'O, ,KHYAD PAR GZHAN DANG ZHES BYA BA NI AUTPALA'I KHYAD PAR DANG BRAL BA'O, ,RTZOD BA BYED PA NYID GRUB PA'I MTHA' SMRA BA'I GZHUNG DBANG PO NYID DU NYE BAR 'GOD PA NI, DE LTA NA YANG ZHES BYA BA'O, ,DE'I PHYIR AUTPALA'I SGRA DON MED PA MA YIN NO ZHES BSAMS PA'O,, PHYED PHYI MA RNAM PAR 'GREL PAS LAN 'DEBS PA NI, 'O NA GAL TE ZHES BYA BA'O, ,KHYAD PAR GZHAN NI SNGON PO'I KHYAD BAR GYIS SO, ,GZHAN DU, GYUR PAR ZHES BYA BA NI AUTPALA NYID DANG BRAL BA'O, ,GZHAN DU BYED CES BYA BA NI AUTPALA NYID DANG LDAN PAR BYED PA'O, ,GANG GI PHYIR TSAD MA TE, SNGON PO'I SGRAS GRUB PA'I AUTPALA NYID DANG BRAL BA GANG YIN BA DE NI GZHAN DU STE, AUTPALA NYID DANG BCAS PAR BYED NUS PA MA YIN NO, ,SNGON PO'I SGRAS NI AUTPALA NYID DANG BRAL BAR RTOGS PA 'THAD PA YANG MA YIN NO, ,CI'I PHYIR ZHE NA, 'PHROD PA 'DU BA ZHES BYA BA'O, ,DE ZHES BYA BA NI THAMS CAD DBYER MED PA'I RANG BZHIN NO, ,SNGON PO'I SGRAS AUTPALA NYID DANG YANG LDAN PAR RTOGS PAR 'GYUR RO ZHES BYA BA'I DON TO, ,DES NA AUTPALA'I SGRA DON MED DO, ,RTOGS NA NI ZHES BYA BA NI SNGON PO'I SGRAS AUTPALA NYID DANG BRAL BA RTOGS NA YANG SNGON PO DE NYID RDZAS DE'I RANG BZHIN

, ,YIN PAS SO, ,GZHAN GYI NI AUTPALA'I SGRAS GZHAN DU STE AUTPALA NYID DANG 'BREL BAR BYED PAR CI LTAR 'GYUR, LHAG PA BSNAN BA ZHES BYA BA NI, AUTPALA LHAG PAR BSNAN PA TZAM ZHIG AUTPALA'I SGRAS BYED PA YIN GYI, AUTPALA'I RANG BZHIN DU NI MA YIN PA'O, ,GZHAN LAS NI AUTPALA'I SGRA LAS SO, ,'DI SKAD BRJOD PA MA YIN TE, AUTPALA'I SGRA SBYAR BA'I SNGON ROL DU NI AUTPALA'I CHOS DANG LDAN PAR YANG MA RTOGS LA AUTPALA MA YIN PA'I CHOS DANG LDAN BAR YANG MA RTOGS KYI, AUTPALA'I SGRA SBYAR BAS NI RDZAS LA AUTPALA NYID LHAG PAR RTOGS PA YIN GYI, AUTPA LA MA YIN PA LAS LDOG PAR BYED PA NI MA YIN NO, ,'O NA CI LTAR AUTPALA MA YIN PA LAS LDOG SNYAM NA, DE LAS ZHES BYA BA STE, AUTPALA MA YIN PA LAS LDOG PA NI RDZAS LA AUTPALA MA YIN PA'I RANG BZHIN DU MI SRID BAR NGES PA GANG DE LAS YIN TE, DES NA AUTPALA MA YIN PA LAS LDOG PA NI GZHAN LAS GRUB LA SGRA LAS NI LHAG PAR RTOGS PA TZAM ZHIG 'JUG BA YIN NO, ,CI LTAR MI SRID PAR NGES SHE NA, DE DANG ZHES BYA BA STE, RDZAS DE AUTPALA DE NYID KYI CHOS DANG LDAN PAR 'GYUR BA NI MA YIN NO ZHES 'BREL TE, DE LAS GZHAN ZHES BYA BA NI AUTPALA MA YIN BA'I CHOS DANG LDAN PAR YANG MI 'GYUR RO, ,AUTPALA NYID DANG AUTPALA MA YIN PA NYID KYI CHOS DANG LDAN PA NI GCIG PAR MI 'GYUR RO ZHES BYA BA'I DON TO, ,CI LTAR 'DI MI BDEN SNYAM NA, GAL TE ZHES BYA BA'O, ,SNGON PO'I SGRA LA SNGON PO NYID KHU BYUG LA SOGS PA DANG MTHUN PA'AM THUN MONG MA YIN PA ZHIG RTOGS, DE LA GAL TE KHU BYUG LA SOGS PA PHYUGS KYI KHYAD PAR RNAMS TSAD MAS TE SNGON PO'I SGRAS THOB PAR BSTAN NA, DE'I TSE AUTPALA AUTPALA ZHES DE LTAR LHAG PAR STONG PHRAG BSNAN PAS KYANG THOB PA DE BZLOG PAR NI MI NUS SO, ,TSAD MA'I STOBS KYIS 'ONGS PA NI SGRO BTAGS PAS LDOG PA MA YIN NO, ,GNYIS BSAL BA NI; 'ON TE PHYUGS GZHAN RNAMS THOB PA MED NA, DE'I TSE AUTPALA'I DON DE NYID SNGON PO'I SGRAS BCAD PA'I PHYIR DE RTOGS PA'I PHYIR, AUTPALA NYID BSNAN BA'I KHYAD PAR GZHAN GYI CI ZHIG BYA, 'DIR NI ZHES BYA BA NI, BDAG NYID THAMS CAD KYIS RTOGS PAR LA'O, ,GANG GI PHYIR AUTPALA NYID DU

SGRO BTAGS PA'I YUL GYI KHYAD PAR GZHAN GYIS BZLOG PAR BYA BA NI CI'ANG YOD PA MA YIN NO, ,DE'I PHYIR ZHES BYA BA NI BZLOG PAR BYA BA MAD PA'I PHYIR RO, ,DES NA ZHES BYA BA NI BDAG NYID THAMS CAD KYIS BZUNG BAS NA'O, ,TSAD MA GZHAN NAM SGRA GZHAN GYIS KHYAD PAR GZHAN RTOGS PA NI DON MED DO, ,GAL TE ZHES BYA BA NI GZHAN GYI PHYOGS RJES SU BRJOD PA'O, ,DE'I PHYIR ZHES BYA BA NI SUN 'BYIN PA'O, ,TZAM GYI SGRAS NI GSAL BA RTOGS PA 'GOG PA'O, ,MTSON PA'I SPYIS MTSON BA MA YIN PA'I PHYIR RO, ,CI LTAR NA DE LTAR RTOGS NA KHYAD PAR THAMS CAD 'DZIN SNYAM NA, MNGON SUM GYIS NI DE LTAR ZHES BYA BA STE, KHYAD PAR THAMS CAD DANG LDAN PA NYID DU'O, ,MNGON SUM GYIS KYANG KHYAD PAR GYI TSOGS MTHA' DAG DANG LDAN PA'I DNGOS PO 'DZIN PA MA YIN NO ZHES DOGS PA BSU BA NI, 'ON TE ZHES BYA BA'O, ,DE'I TSE NAM YANG RDZAS 'DZIN PAR MI 'GYUR TE, THAMS CAD DU MDOG DANG DBYIBS KHO NA 'DZIN PA'I PHYIR RO, ,NGES PA CI YOD SNYAM NA, DES NI ZHES BYA STE DMIGS BA'I MTSAN NYID DU 'GYUR BA MA DMIGS PAS MED BA'I PHYIR RO, ,DE LAS RDZAS GZHAN ZHES BYA BA NI LAN NO, ,BDAG DE LA RDZAS GZHAN CI LTAR 'GYUR BA TE MI 'GYUR BA KHO NA STE, MI DMIGS PA'I PHYIR RO ZHES BYA BA'I DON TO, ,DE'I PHYIR ZHES BYA BA NI CHOS CAN RDZAS GCIG MED PA'I PHYIR RO, ,DOGS PA NI SANGS RGYAS PAS KHYED LA YANG GZHI MTHUN PA DER CI LTAR 'GYUR 'DI NI NYE BAR MTSON PA STE BSGRUB PA DANG DGAG PA'I THA SNYAD DU YANG CI LTAR 'GYUR ZHE NA, SGRA LA SOGS PA CHOS CAN GCIG GI DBANG DU BYAS TE, RNAM PAR RTOG PA CAN GYI BLOS BSTAN PA'O, ,CHOS CAN CI 'DRA BAR GCIG CE NA, SNA TSOGS CHOS KYI GZHIR GYUR PA LTA BU'O, ,CHOS GCIG BSGRUB NA STE, SGRUB PA'I DUS DE STON PA DANG ZHES BYA BA BSGRUB PAR BYA BA'I CHOS DE DANG 'BREL PA LTA BU DANG; BSGRUB PA DANG DGAG PA DAG GIS MA REG PA'I RANG BZHIN GZHAN RNAMS BTANG SNYOMS LTA BU DANG NGO, ,CHOS GCIG 'GOG NA NI DGAG PAR BYA BA'I CHOS DE'I SA DBEN PA STE BRI BA LTA BU DANG, DE LAS GZHAN DGAG BAR BYA BA MA YIN PA'I CHOS RNAMS LA LTOS PA LTA BUR STE,

, ,DE LTA BU'I CHOS CAN BSTAN NAS, DGAG PA DANG BSGRUB PA'I MTSAN NYID KYI THA SNYAD MED BA'I DON CAN CI LTAR BSTAN BA DE KHO NA BZHIN DU THA SNYAD DE BSTAN PA DON THA DAD PA LA BRTEN PA STE, GZHAN SEL BA LA MI BDEN BA'I DON CAN DU MA BRTAGS PAR KHAS LEN PA'I THA SNYAD BYED PA PO NI 'JIG RTEN PA'I DON LA GNOD PAR MI 'GYUR RO, ,CI 'DRA BA LA ZHE NA, THOG MED CES BYA BA STE, THOG MA MED PA'I BAG CHAGS LAS BYUNG BA RNAM PAR RTOG BA'I BLOS BSTAN PA LA'O, ,DE LTA MA YIN NA THA SNYAD NYID MI 'THAD PAR 'GYUR RO, ,DES NA GANG GIS MED PAR 'GYUR BA, KHYED CAG BZHIN DU DED KYI LTAR NA NI THA SNYAD 'DI DON DAM PAR MA YIN NO, ,'CHAD PA NI KHO BO CAG GIS ZHES BYA BA'O, ,CI'I PHYIR ZHE NA, GZHI MTHUN PA ZHES BYA BA'O, ,DE NYID GSAL BAR BYED PA NI, 'DI LTAR ZHES BYA BA'O, ,SGRA'I SGRA DON ZHES BYA BA NI, SGRA ZHES BYA BA'I SGRA 'DI'I DON SGRA'I MTSAN NYID GANG YIN PA DE CHOS CAN NYID DU 'JOG GO, ,CI LTAR ZHE NA, SGRA MA YIN PA LAS ZHES BYA BA'O, ,RNAM PAR 'JOG PA'I RNAM PAR BRJOD PA NI SGRA ZHES BYA BA ZHES SO, ,GAL TE SGRA'I SGRA'I DON TSAD MA GCIG GIS RTOGS NA MI RTAG PA NYID LA SOGS PA SGRUB PA DON MED DO ZHE NA, SGRA DE YANG ZHES BYA BA'O, ,PHYIN CI LOG GI THA SNYAD RTAG BA NYID KYI THA SNYAD DE MI RTAG PA NYID ZIN PA'I PHYIR RO, ,THA SNYAD GZHAN ZHES BYA BA MI RTAG PA NYID KYI THA SNYAD BCUG PAS SO, ,PHYIN CI LOG GI THA SNYAD KYANG YUL NI RTAG BA NYID DE DE BSAL BA'I PHYIR TE BZLOG PA'I PHYIR RO, ,DE'I TSE NI RNAM PAR 'JOG PA'I DUS NA'O, ,RANG BZHIN GANG GIS RTOGS SNYAM NA, BDAG GIS NGO BOR RO, ,CI 'DRA BA'I KHYAD PAR CAN DU ZHE NA, DE LA BRTAN PA STE MI RTAG PA'I CHOS BRTEN PA'I 'GOG PA NI ZHES BYA BA NI, GANG GIS TSE SGRA RTAG PA MA YIN NO ZHES BRJOD PA DE'I TSE SGRA LAS RTAG BA NYID DE DANG BRAL BAR RO, ,DES DPEN PA NI RTAG PA NYID KYIS DBEN PA'O, ,RTAG PA NYID DE LAS BZLOG PA'I CHOS MI RTAG PA NYID KYI CHOS LA LTOS PA DANG BCAS PA NYID DU CHOS CAN RTOGS SO, ,'DIS CI ZHIG BRJOD PAR 'GYUR ZHE NA, BSGRUB PA DANG ZHES BYA BA'O, ,'DI NYID GSAL BAR BYED PA NI, 'DI LTAR ZHES BYA BA'O

'DI KHO NA LA BZHIN DU ZHES BYA BA NI, SGRA MI RTAG PA NYID DU KHO BOS SNGAR RTOGS TE RTAG PAR NI MA YIN NO ZHES BYA BA DE LTA BUR RO, ,DE BZHIN NYID DU ZHES BYA BA NI MI RTAG PA NYID 'DZIN PA NYID DU DUS PHYIS BYUNG BA'I SKAD CIG MA NYID KYI RJES SU DPAG BAS THA SNYAD KYI YUL NYID DU 'GRUB BA YIN NO, ,GANG ZHIG CE NA, DE NYID CES BYA BA STE SNGAR GYI DUS NA YOD PA NYID DO, ,DNGOS PO NI DE LTA BU'I RANG BZHIN CAN DU ZHES BYA BA 'CHAD BA NI, DE LA ZHES BYA BA STE, PHYI ROL GYI DON LA'O, ,GAL TE SGRA RNAMS KYI YUL MNGON SUM GYIS RTOGS PA NYID CI'I PHYIR MA YIN ZHE NA, RNAM PAR RTOG BA NI ZHES BYA BA'O, ,DE'I TSE ZHES BYA BA NI, RNAM PAR RTOG PA'I DUS NA MNGON SUM GYIS RTOGS PA DE MED PA'I PHYIR RO, ,DE NYID KYI PHYIR ZHES BYA BA NI MNGON SUM GYIS RTOGS YUL MA YIN PA NYID KYI PHYIR RO, ,CI'I PHYIR 'DI NYID KYI DON 'DI YIN ZHE NA, 'KHRUL PA TZAM ZHES BYA BA'O, ,GZHAN SEL BA'I YUL LA 'KHRUL PA ZLOG PAR BYED PA NYID KYIS MA KHYAB PO ZHES DOGS PA NI, 'O NA ZHES BYA BA'O, ,GANG GI CHA 'KHRUL BA MA ZHUGS SHE NA, MNGON SUM GYIS ZHES BYA BA'O, ,CI LTAR RNAM PAR RTOG PA GZHAN SEL BA'I YUL CAN DU 'GYUR ZHE NA ZHES BYA BAR YANG BLTA BAR BYA BA'O, ,MI 'JUG PA'I YUL ZHES BYA BA NI 'JUG PA'I YUL MA YIN LA, 'JUG PA'I YUL MA YIN PA YANG BTANG SNYOMS KYI YUL TE, DE NI ME 'DIR YANG NGO, ,BZLOG PA YOD PA MA YIN NO, ,GAL TE YANG THE TSOM DANG PHYIN CI LOG MED PA DE LTA YANG BTANG SNYOMS KYI YUL BZLOG PA NYID SGRA DANG RNAM PAR RTOG PA DAG GI YUL YIN NO, ,ME'I RANG GI NGO BO NYID DON DU CI STE MI 'DOD CE NA, DER ZHES BYA BA STE RNAM PAR RTOG PA LA'O, ,'ON TE RANG GI NGO BO MA YIN PA YANG DE RTOGS SO ZHE NA, GZHAN DU ZHES BYA BA STE, SGRO BTAGS PA'I RANG BZHIN DU RTOGS PA GANG YIN PA DE YANG ME RTOGS PA MA YIN NO, ,GAL TE 'DI'O ZHES BYA BA'I SHES PA MNGON SUM GYI DE MA THAG TU 'BYUNG BA YANG SGRA'I DON GYI YUL CAN YIN PA'I PHYIR RNAM PAR RTOG PA CAN MA YIN NAM, CI LTAR YID KYI MNGON SUM DU BRJOD CE NA, MNGON SUM GYI ZHES BYA BA'O, ,'DIR ZHES BYA BA'I RNAM PA CAN DNGOS PO'I RNAM PAR RTOG PAS NI, SNGON PO RTOGS PA MA YIN NO, ,SNGON PO CI 'DRA BA ZHIG RTOGS PA MA YIN ZHE NA, SGRA'I YUL GYI SNGON PO'O, ,

, ,'ON KYANG DES NI MNGON SUM KHO NA RTOGS PA YIN NO, ,DE NYID KYI PHYIR RNAM PAR RTOG PA MED PA YIN NO, ,DNGOS PO'I RNAM PAR RTOG PAS ZHES BYA BA NI RTZOD PA SMRA BA'I BSAM PA'I DBANG GIS BRJOD PA YIN NO, ,'O NA YID KYI MNGON SUM GYI RANG BZHIN CI 'DRA BA ZHIG YIN ZHE NA, DE 'DI ZHES BYA BA'O, ,DES ZHES BYA BA NI YID KYI MNGON SUM DU MNGON PAR 'DOD PAS SO, ,MNGON SUM YIN PA NYID DO ZHES BYA BA NI SKAD CIG MA NYID DAM, YANG NA YID KYI MNGON SUM DU MNGON PAR 'DOD PA'O, ,'GOG PA NI MA YIN TE ZHES BYA BA'O, ,DE'I PHYIR ZHES BYA BA NI SGRA DANG RNAM PAR RTOG PA DAG GZHAN SEL BA'I YUL CAN MA YIN PA'I PHYIR RO, ,THA DAD PA'I DON CES BYA BA NI THAMS CAD LDOG PA'I PHYI ROL GYI DON GZHAN LAS LDOG PA LA NI, THAMS CAD CES BYA BA GZHI MTHUN PA LA SOGS PA 'THAD PA YIN NO, ,CI'I PHYIR ZHE NA, DE NYID CES BYA BA STE DON NYID DO, ,GAL TE DON DAM PAR NA LOG PA LAS LDOG PA GZHAN KHO NA MA YIN NAM, DES NA CI LTAR GZHI MTHUN PA LA SOGS PAR 'GYUR ZHE NA, LDOG PA NI DON DE LAS GZHAN MA YIN TE, NGO BO MED PA'I PHYIR RO, ,GAL TE LDOG PA GZHAN MA YIN NA, 'O NA CI LTAR ZHES BYA BA'O, ,LAN NI DPER NA ZHES BYA BA'O, ,LDOG PA RNAMS ZHES BYA NI GCIG LA GNAS PA RNAMS SO, ,DE NYID GZHUNG 'JUG PA NI LDOG PA NI ZHES BYA BA'O, ,KUN RDZOB TU NI RNAM PAR RTOG PA'I DBANG GIS SO, ,DE MIN ZHES BYA BA NI THA DAD PA NYID DO, ,GANG GI PHYIR DA LTAR THA DAD PA DANG THA MI DAD PA DES NA RNAM PAR RTOG PA'I YUL GYI SGRA'I DON NI THA DAD PA DANG THA DAD PA MED PA'I RGYU MTSAN YIN TE, SGRA'I DON MED NA THA DAD PA DANG THA MI DAD PA'I RANG BZHIN MAD PA'I PHYIR TE, RANG BZHIN MED PA'I PHYIR RO, ,PHYED SNGA MA 'CHAD PA NI, DON DAM PA LA ZHES BYA BA'O, ,DE DAG CES BYA BA NI LDOG PA RNAMS SO, ,GNYI GA'I ZHES BYA BA NI THA DAD PA DANG THA MI DAD PA'O, ,CI LTAR KUN RDZOB TU YANG THA DAD PA DANG THA MI DAD PA NYID DU 'GYUR, NYE BAR BSLAD BA NYID DU MA NGES PAR YANG CI STE ZHE NA, 'DI LTAR ZHES GSUNGS SO, ,DON ZHES BYA BA NI CHOS CAN NI, DE ZHES BYA BA NYAN PA'I RNAM PAR SHES PA'I 'BRAS BU CAN NO, ,'DI NI 'PHEL BA'I RNAM PAR BSTAN TO, ,DE 'BRAS MED CES BYA BA

NI MIG LA SOGS PA'I SHES PA'I 'BRAS BU CAN MA YIN PA STE, 'DIS NI 'GRIB PA'I RNAM PA BRJOD DO, ,GCIG CES BYA BA 'DIS NI GZHI MTHUN PA'I RGYU MTSAN THA DAD PA MED PA NYID BRJOD PA'O, ,DE ZHES BYA BA DE'I 'BRAS BU CAN MA YIN PA DAG LAS DE'I 'BRAS BU CAN NYID KYIS THA DAD PA DANG, DE LAS ZHES BYA BA DE'I 'BRAS BU CAN DAG LA DE'I 'BRAS BU CAN MA YIN PA NYID KYIS THA DAD PA STE 'DIS NI SGRA THA DAD PA 'JUG PA'I RGYU MTSAN THA DAD PA NYID BRJOD PA YIN NO, ,DE LTA BUR GYUR BA'I CHOS CAN DE YANG SGRA YANG RNAM PAR RTOG PA THA DAD RTEN CAN DE LDOG PA'I RGYU MTSAN CAN DE LTA BUR GYUR PA'I DON DE LA 'PHEL BA DANG 'GRIB PA LTA BUR BYED PA DNGOS PO'I RANG BZHIN MA RTOGS PAS NA NYE BAR BSLAD PAR GYUR PA'I BSLAD PA DE DANG DE DAG GIS DON DAM PAR 'PHEL BA DANG 'GRIB PA DANG BRAL BA YIN YANG MA THONG BA THA DAD PAR GYUR PA'I MTSAN NYID DU NYE BAR SBYOR BA YIN NO, ,GAL TE RNAM PAR RTOG PA'I YUL GYI DON CI LTAR 'THOB PA NYID DU SBYOR ZHE NA, 'BREL PA 'GA' LAS ZHES BYA BA'O, ,RNAM PAR RTOG PA'I KHYAD PAR GYI YUL NI, THOB PAR BYA BA'I DON DANG LHAN CIG DE'I BDAG NYID DAM, DE LAS BYUNG BA'I MTSAN NYID KYI 'BREL PA YOD PA KHO NA'O, ,DE SKAD DU YANG, DE BDAG DE LAS BYUNG BA YI,, MTHU YIS ZHES BYA BA'O, ,DES NA THA SNYAD DE'I BDAG NYID DANG DE LAS BYUNG BAS 'BREL BA'I PHYIR MTHONG BA NYID DU SBYOR BA YIN NO, ,GANG GI PHYIR YANG DAG MA YIN YANG YANG DAG PA LTA BUR STON PAR BYED PA DES RNAM PAR RTOG PA'AM SGRA'AM THA SNYAD DU BYED PA DE BSLAD PA NYID KYANG SHES PA MA YIN TE, 'BREL PA YOD NA DE LAS ZHUGS PA DE LTA NA'I DNGOS PO LA MI SLU BA YOD PA'I PHYIR RO, ,RNAM 'GREL SNGA MA'I DON DANG, RNAM 'GREL GNYIS PA 'DI'I DON GYI 'GREL PA BYA BA'I PHYIR DGOS PAR BYED PA NI, GAL TE ZHES BYA BA'O, ,'DI NYID CI LTAR BA ZHES BYA BA NI, RNAM PAR MA BRTAGS PAR KHAS LEN PA'O; ,MTHONG BAR SBYOR ZHES BYA BA 'CHAD PA NI, MI SLU BA'I PHYIR ZHES BYA BA'O, ,BSLAD PA'ANG SHES PA MA YIN ZHES BYA BAR 'CHAD PA NI MI RTAG GO ZHES BYA BA'O, ,'DI NYID BRJOD PA NI, THA DAD THA DAD MED CES BYA BA'O, ,DON BYA BA GRUB NA THA DAD PA DANG THA MI DAD BA LA NGA'I SLU BZHUGS SO ZHES BYA BA'I

, ,RNAM PAR DPYAD PA GANG DU DGOS PA SOMS SHIG ,THA DAD PA'I CHOS KYIS DON BYA BA 'GRUB PA MA YIN NO ZHES BRJOD PA NI, BUR MA ZHES BYA BA STE, BUR MA LA THA DAD PA'I MNGAR BAS NI MNGAR BA'I DON BYED PA YIN PAR NI 'THAD PA MA YIN NO, ,BU RAM GYI RANG BZHIN DU GYUR PA'I MNGAR BA KHO NAS DON BYA BA BYED PAR MTHONG BA'I PHYIR RO, ,DES NA THA DAD PA TSOL BA NI DON MED DO ZHES BYA BA'I DON TO, ,THA MI DAD PA NYID BRJOD PA NI, MIG LAS LDOG PA CES BYA BA STE, MNGAR PO MA YIN PA LAS LDOG PA'I BU RAM GYI DON BYA BA THOB PA'I PHYIR, MNGAR BA THA DAD PA LAS DON BYA BA SKYE BA NI MA YIN NO, ,'O NA CI LTAR CHOS THA DAD PA YIN SNYAM DU DOGS PA SEL BAS DE 'BRAS BU CAN DANG ZHES BYA BA LA SOGS PA 'CHAD PA NI CHOS KYI BYED PA YIN ZHES BYA BA LA SOGS PA'O, ,DE'I 'BRAS BU DANG CIG SHOS DE'I 'BRAS BU CAN MA YIN PA STE DE DAG LDOG MTSAMS YIN TE, BLO'I RNAM PA GANG LA DE RGYU MTSAN DU YOD PA DES BRTAGS PA'O, ,DE ZHES BYA BA NI CHOS THA DAD PA'O, ,DE LA NI DE LTAR GNAS PAS NA'O, ,'O NA MKHAS PA DAG THA DAD PA RTOGS PA LA GUS PAR 'GYUR RO SNYAM NA, DNGOS PO'I DE KHO NA RTOGS PA LHUR BYED PA ZHES BYA BA STE MKHAS PA ZHES BYA BA'I DON TO, ,RANG RGYUD NYID SPONG BA NI DE SKAD DU YANG ZHES BYA BA'O, ,DPYOD PA NI RNAM PAR RTOG PA'I RNAM PAR SHES PA'O, ,THA SNYAD NI MNGON PAR BRJOD PA LA SOGS PA'O, ,DE DAG GIS NI 'JIG RTEN PA'I LAM GANG YIN PA DER GNAS PA NA BYIS PA DANG, MKHAS PA DAG RNAM PAR RTOG PA'I SHES PA DANG, BRJOD PA DAG LA BLTOS TE 'DRA BA NYID DO, ,GANG GI PHYIR DE DANG DE LAS LDOG PA'I RGYU MTSAN CAN BLO'I RNAM PAS BRTAGS PA'I CHOS THA DAD PA DAG THA SNYAD PAS RNAM PAR DPYAD PAR MI NUS PA DES NA'O, ,DE'I BDAG NYID DE LAS BYUNG BA'I MTSAN NYID KYI 'BREL PA 'GA' ZHIG LAS THOB PA'I MTSAN NYID KYI MTHONG BA'I LAM DU BYED DE, MTHONG BA LA NYE BAR SBYOR RO ZHES 'BREL TO, ,GANG GI PHYIR CHOS DANG CHOS CAN GYI THA SNYAD 'DI BRTAGS PA YIN PAS NA ZHES BYA BA NI SKABS KYI MJUG SDUD PA'O, ,CI'I PHYIR MI 'GRUB SNYAM NA, YANG NYID SGRUB BYED 'JUG PA'I PHYIR RO, ,GSON PO'I LUS LA BDAG THE TSOM ZA BA NI

BUM [?] PA LA SOGS PA LA YANG THE TSOM ZA BAR 'GYUR GYI, MED PA NI MA YIN NO, ,'ON TE BUM PA LA NI MED PA YIN TE, SANGS RGYAS PAS KHAS BLANGS PA'I PHYIR RO ZHE NA, KHAS BLANGS ZHES BYA BA'O, ,'CHAD PA NI GSON PO'I ZHES BYA BA'O, ,'ON TE YOD DANG MED PA NYID DU NGES SO ZHE NA, THE TSOM MI ZA BA NI ZHES BYA BA'O, ,GZHAN GYI ZHES BYA BA NI, 'DOD PA LA SOGS PA 'DI DAG NI 'GA' ZHIG LA BRTEN PA YIN TE, DNGOS PO NYID YIN PA NA 'BRAS BUR GYUR PA YIN PA'I PHYIR ZHES BYA BA LA SOGS PAS SO, ,DE'I PHYIR ZHES BYA BA NI KHAS BLANGS PAS BUM PA LA SOGS PA LA BDAG LDOG PA MA GRUB PA'I PHYIR RO, ,ME LAS LDOG PA MED NA YANG ZHES BYA BA NI CI SKAD BRJOD PA'I TSUL LAS MED PA LAS LDOG PA YOD PA MA YIN NO ZHES BSTAN PA YIN NO, ,MED PA LAS LDOG PA MED PAR KHAS BLANGS KYANG ZHES BYA BA'O, ,DE LA ZHES BYA BA NI SROG LA SOGS PA'O, ,THE TSOM ZA BAS NA MI MTHUN PA'I PHYOGS LA MI MTHUN PA'I PHYOGS LAS LDOG PAR YANG THE TSOM ZA BA YIN NO, ,DES NA ZHES BYA BA NI BDAG LDOG PAS LDOG PAR THE TSOM ZA BAS NA'O, ,DE LTAR SNGAR BKOD PA'I RNAM 'GREL GYI PHYED SNGA MA DANG LHAN CIG 'CHAD PAR 'GYUR BA'I RNAM 'GREL BSHAD NAS, PHYED PHYI MA BSHAD PA'I PHYIR GSUNGS PA NI GAL TE ZHES BYA PA'O, ,DE LTAR NA ZHES BYA BA NI, SANGS RGYAS PAS KHAS BLANGS PA 'DOD NA'O, ,DOGS PA NI SANGS RGYAS PAS ZHES BYA BA'O, ,LAN NI 'O NA ZHES BYA BA'O, ,DE NYID DO ZHES BYA BA NI TSAD MA MA YIN NO ZHES BRJOD PA GANG YIN PA'O, ,GANG GI PHYIR DE LTAR SROG LA SOGS PA GZHAN LAS LDOG PAR MA GRUB PA DE'I PHYIR RO, ,BDAG DANG BCAS PA GCIG LA NGES PAR GRUB PA YIN NA, GZHAN BDAG MED PA LAS LDOG PA GRUB BO, ,GAL TE BDAG DANG BCAS PA DANG BDAG MED PA'I PHUNG PO GNYIS KHO NA MA YIN NAM, DES NA GANG GI TSE BDAG MED PA 'GA' ZHIG LAS LDOG PAR MTHONG BA DE'I TSE DON GYI SROG LA SOGS PA BDAG DANG BCAS PA KHO NA LA NGES KYI MI MTHUN PA'I PHYOGS LA NI YOD PA MA YIN NO ZHE NA, MA MTHONG BA YIN YANG ZHES BYA BA'O, ,GAL TE YANG PHUNG PO GNYIS YOD PA LAS BUM PA LA SOGS PA, BDAG MED PA 'GA' ZHIG LA SROG LA SOGS PA MA MTHONG BA DE LTA NA YANG MTHONG BA MED PA'I

, ,BDAG MED PA LA SROG LA SOGS PA THE TSOM DU 'GYUR DE BDAG MED PA YANG YIN LA, SROG LA SOGS PA MI LDOG PA YANG MIN NO ZHES BYA BAR RO, ,GAL TE RE ZHIG BUM PA LA SOGS PA MTHONG BA DAG LA MTHONG BAS BDAG MED PAR GRUB PA MA YIN NA MA ZHE NA, MTHONG BA YIN YANG ZHES BYA BA'O, ,RE ZHIG BUM PA LA SOGS PA LA BDAG MED PAR MA GRUB MOD KYI KHAS BLANGS NAS KYANG BRJOD PA NI GZHAN YANG ZHES BYA BA'O, ,DE DAG CES BYA BA NI SROG LA SOGS PA RNAMS SO, ,MI MTHUN PA'I PHYOGS LAS ZHES BYA BA NI YUL LA SOGS PAS BSKAL PA LAS SO, ,MI MTHUN PA'I SOGS LAS ZHES MTHONG BA'I BUM PA LA SOGS PA LAS SO, ,'ON TE GANG DU LDOG PA MTHONG BA DER MED MOD, YUL LA SOGS PAS BSKAL PA GZHAN LA GO CI LTAR ZHE NA, BDAG MED BA ZHES BYA BA'O, ,CI'I PHYIR ZHE NA, PHYED CES BYA BA'O, ,'O NA CI LTAR RIGS SHE NA, GCIG GI NGO BOR NGES PA NYID DU ZHES BYA BA STE, MTHONG BA DANG MA MTHONG BA'I BDAG MED PA THAMS CAD GCIG NYID KHO NAR SROG LA SOGS PA DANG BRAL BAR RO, ,DES NA GANG CUNG ZAD BDAG MED PA DE MTHA' DAG NI SROG LA SOGS PA DANG BRAL BA'O ZHES BYA BAR GRUB PO ZHE NA, GSAL BA ZHES BYA BA NI, MKHREGS PA'I GSAL BA MTHA' DAG LA KHYAB PAR BYED PA MA YIN YANG, MKHREGS PA'I RIGS CAN DU GYUR PA'I SROG LA SOGS PA'I DON YOD DE, DES NA BDAG MED PA 'GA' ZHIG LA SROG LA SOGS PA MA MTHONG BA TZAM GYIS NI BDAG MA NGES PA MA YIN TE, DPER NA MKHREGS PA NYID MTSON GYIS MI CHOD PA LA NGES PA MA YIN PA BZHIN NO, ,CI'I PHYIR 'GA' ZHIG LA MA MTHONG PAS NGES BA MI 'GRUB CE NA, YOD LA ZHES BYA BA'O, ,BDAG MED PA 'GA' ZHIG LA SROG LA SOGS PA YOD PAR THE TSOM ZA BA GANG LAS LDOG PAR 'GYUR, CI'I PHYIR ZHE NA, BDAG MED PA DANG SROG LA SOGS PA LA 'GAL BA RNAM PA GNYI GA YANG MA MTHONG BA'I PHYIR RO; ,BDAG GAL TE BDAG MED PA GCIG SROG LA SOGS PA DANG BRAL BA MTHONG NA GZHAN DE LAS BZLOG PAR CI LTAR 'GYUR ZHE NA, GANG GIS ZHES BYA BA'O, ,'GA' ZHIG NI GSON PO'I LUS SO, ,GZHAN NI BUM PA LA SOGS PA'O, ,DE LTA MA YIN PAR ZHES BYA BA NI SROG LA SOGS PA DANG MI LDAN PAR

RO; ,'GA' ZHIG NI SHING NGO, ,GZHAN NI RDO RJE'O, ,GZHAN DU NI MTSON GYIS MI CHOD PA'O, ,CI LTAR NGES PA MED CE NA, 'DI LTAR ZHES BYA BA'O, ,'CHAD PA NI BDAG MED PA DANG ZHES BYA BA'O, ,CI'I PHYIR DE LTAR YIN ZHE NA, GANG GIS ZHES BYA BA STE 'GAL BAS SO, ,DE NI BDAG MED PA'O, ,LA LAR NI BDAG LA SROG LA SOGS PA DE'O, ,NGES PA LAS GZHAN BDAG MED PA DANG 'GAL BA CI YOD, ,BDAG LA NGES PA KHO NAS SO, ,BDAG MED PA DANG 'GAL BA YIN NA ZHES BYA BA'I DON TO, ,DE LTA YIN MOD SNYAM NA, NGES PA DE YANG BDAG GI 'BRAS BU'AM, BDAG GI RANG BZHIN GYIS YIN PAR 'GYUR TE GZHAN DU NGES PA MI 'THAD PA'I PHYIR RO, ,SROG LA SOGS PA NI DE GNYIS YIN PAR TSAD MAS GRUB PA YANG MA YIN PA DES NA, CI LTAR BRGYUD PAS KYANG 'GAL, GAL TE ZHES BYA BA NI 'CHAD PA'O, ,KHYAD PAR BYED PA ZHES BYA BA NI SROG LA SOGS PA'I KHYAB PAR BYED PA BDAG YIN LA DE DANG BDAG MED PA 'GAL BA'O, ,KHYAB PAR BYA BA DANG YANG ZHES BYA BA NI, SROG LA SOGS PA DANG YANG NGO, 'ON TE BDAG LA NGES PA YOD PA KHO NA'O ZHE NA, SROG LA SOGS PA NI ZHES BYA BA NI LDAN PA LA SOGS PA'I RNAM PAS SO, ,'ON TE SROG LA SOGS PA NI BDAG LA DE'I BDAG NYID LA SOGS YIN PA NYID DO ZHE NA, SROG LA SOGS PA NI ZHES BYA BA'O, ,DES NA SROG LA SOGS PA NI BDAG MED PA ZLOG PAR BYED PA NYID MA YIN NO ZHES GNAS SO, ,'DI DAG NI MI MTHUN PA'I PHYOGS LAS LDOG PA YANG MA YIN NO ZHES BRJOD PA NI, DES NA ZHES BYA BA'O, ,'DI NI ZHES BYA BA NI SROG LA SOGS PA'I, CI LTAR ZHE NA, DER ZHES BYA BA STE BDAG LA'O, ,'DI NYID KYI PHYIR PHUNG PO GNYIS LAS GCIG LA NI, NGES PAR GRUB NA GZHAN LAS NI, LDOG PA 'GRUB CES BSHAD PA YIN NO, ,MI MTHUN PA'I PHYOGS LAS SROG LA SOGS PA LDOG TU CHUG PA DE LTA NA YANG BDAG MED PA MED PA'I RGYU LAS NI, GSON PO'I LUS LA BDAG MI 'GRUB BO, ,RGYU GANG GIS NA RIGS PA CAN DE NI LDOG PA MED PA DNGOS POR 'DOD PA MA YIN PAS SO, ,DPER NA SROG LA SOGS PA MTHUN PA'I PHYOGS LAS LDOG PA MED KYANG MTHUN PA'I PHYOGS LA YOD PA YIN PAR 'DOD PA DE BZHIN DU, GSON PO'I LUS

, ,LA BDAG MED PA MED KYANG BDAG YOD PAR NI MI 'DOD PAR MI BYA'O, ,DE'I PHYIR GAL TE GTAN TSIGS SROG LA SOGS PA MTHUN PA'I PHYOGS LAS LDOG PA MED PAR 'DOD NA, DE'I CHO MTHUN PA'I PHYOGS LAS MI LDOG PA MED PA'I GTAN TSIGS DES NA RGYU DE GTAN TSIGS RJES SU 'GRO BA CAN DU GYUR BAS CI LTAR LDOG PA CAN DU BRJOD, RJES 'GRO CAN MI LDOG PA MIN ZHES BYA BA NI, GAL TE MTHUN PA'I PHYOGS LA GTAN TSIGS KYI LDOG PA MED KYANG DE LA SROG LA SOGS PA 'THAD PAR KHAS MI LEN NA, DE'I TSE GSON PO'I LUS BDAG MED PA MA YIN YANG BDAG DANG BCAS PA NYID DU MI 'GRUB STE, LDOG PA MED KYANG YOD PAR KHAS MI LEN PA'I PHYIR RO, ,'CHAD PA NI CI LTAR ZHES BYA BA'O, ,MTHUN PA'I PHYOGS MED PA BDAG MED PA LA, SROG LA SOGS PA MED PA MED KYANG NGO, ,CI LTAR MI MTHUN PA NYE BAR BKOD CE NA, 'DI LTAR ZHES BYA BA STE, MTHUN PA'I PHYOGS LA NI SROG LA SOGS PA LDOG PA MED KYANG YOD PA MA YIN NO, ,CI'I PHYIR ZHE NA, MTHUN PA'I PHYOGS BDAG DANG BCAS PA DE MED PA'I PHYIR RO, ,MED KYANG LDOG PA MED NA YOD PAR CI STE MI 'GYUR ZHE NA, MED PA LA NI ZHES BYA BA'O, ,'O NA BDAG MED PA MED KYANG BDAG RTOGS PAR MI 'GYUR RO ZHES DOGS NA GSON PO'I LUS LA ZHES BYA BA'O, ,CI'I PHYIR ZHE NA, GSON PO'I LUS DE YOD PA'I PHYIR RO, ,LDOG PA MED NA ZHES BYA BA BDAG MED PA MED NA GDON MI ZA BAR BDAG YOD PAR 'GYUR RO, ,CI'I PHYIR ZHE NA, PHUNG PO GZHAN ZHES BYA BA'O, ,DPER NA BDAG MED LDOG PA DNGOS PO YIN PA'I PHYIR GSON PO'I LUS LA BDAG 'GRUB PA DE BZHIN DU, MTHUN PA'I PHYOGS LAS LDOG PA MED PA YANG DNGOS PO YIN PA'I PHYIR MTHUN PA'I PHYOGS LA YANG LDOG PA LA SOGS PA YOD PAR 'GYUR RO, ,'ON TE MTHUN PA'I PHYOGS LA LDOG PA MED KYANG YOD PAR KHAS MI LEN NA, DE LTA NA BDAG MED PA LDOG KYANG BDAG KHAS BLANG BAR MI BYA'O, ,DES NA MTSUNGS PA KHO NA'O ZHES LAN BRJOD PA NI, MI MTHUN PA ZHES BYA BA'O, ,CI LTAR 'DOD PA 'GRUB PA MA YIN ZHE NA, GAL TE ZHES BYA BA'O, ,'ON TE MED PA BZHIN DU YOD PA YANG MED DO ZHE NA, MED PA LOG NA ZHES BYA BA'O, ,GNYI GA 'GOG PA'I RGYU

MTSAN DOGS PAR BYED PA NI MTHUN PA'I PHYOGS ZHES BYA BA'O, ,DE LTA MA YIN NO ZHES BYA BA NI MED PA LDOG PA NYID YOD PA YIN NO ZHES BYA BA'O, ,'GOG PA NI MA YIN TE ZHES BYA BA'O, ,CI'I PHYIR ZHE NA, MTHUN PA'I PHYOGS MED PA NYID DU MI 'THAD PA'I PHYIR RO, ,'DI NYID BRJOD PA NI, SROG LA SOGS PA ZHES BYA BA'O, ,DE'I PHYIR GSON PO'I LUS BZHIN DU MTHUN PA'I PHYOGS LA LDOG PA MED NA YOD PA NYID DU 'GYUR RO, ,'ON TE MI 'DOD NA DE LTA NA'O 'O NA MTHUN PA'I PHYOGS BZHIN DU GSON PO'I LUS LA YANG LDOG PA MED NA YOD PAR MI 'GYUR RO ZHES BRJOD PA NI, CI LTAR ZHES BYA BA'O, ,SLAR YANG MI MTHUN PAR DOGS PA NI 'ON TE ZHES BYA BA NAS ZHE NA'I BAR RO, ,GSON PO'I LUS 'DI YOD PA YIN TE DES NA DE LA NI BZLOG PA BDAG MED PAR 'GYUR GYI, MTHUN PA'I PHYOGS LA NI BZLOG PAR 'GYUR BA MA YIN TE MTHUN PA'I PHYOGS LA NI MED PA'I PHYOGS PHYIR RO ZHES 'BREL TO, ,'O NA ZHES BYA BA NI GRUB PA'I MTHA'O, ,MTHUN PA'I PHYOGS NI MED PA YIN TE, DES NA DE NI MED PA LAS MI LDOG GO, ,'DI NYID BRJOD PA NI MED PA NI ZHES BYA BA'O, ,DE ZHES BYA BA NI YOD PA'O, ,DE NI ZHES BYA BA NI MED PA'O, ,GAL TE MTHUN PA'I PHYOGS MED PA YIN YANG DE LA SROG LA SOGS PA MED PAR CI LTAR 'GYUR ZHE NA, CI LTAR ZHES BYA BA'O, ,DE LA MTHUN PA'I PHYOGS LA'O, ,CI LTAR ZHE NA, MED PA LA NI ZHES BYA BA'O, ,DE YANG ZHES BYA BA NI SROG LA SOGS PA MED PA NYID DO, ,DE LA NI MTHUN PA'I PHYOGS LA'O, ,DE LTA YIN NA ZHES BYA BA NI LAN NO, ,DOGS PA NI DE ZHES BYA BA STE GSON PO'I LUS NI YOD PA'I PHYIR BDAG MED PA LDOG PA NYID DU 'GYUR BA NYID DO ZHE NA, GZHAN YOD PA'I SA ZHES BYA BA NI GSON PO'I LUS YOD PAS SO, ,'KHRUL CAN ZHES BYA BA NI DNGOS PO MED PA LA 'KHRUL PA CAN NAM, DNGOS PO LA 'KHRUL PA CAN TE, DNGOS PO MED PA'AM LDOG PA MED PA'O, ,MTHUN PA'I PHYOGS LA MTHONG BAR DNGOS PO MED NGES PA'AM, DNGOS PO LA NGES PA NYID DU BYED PA ZHES BYA BAR CI LTAR 'GYUR TE MI 'GYUR BA KHO NA'O, ,CI'I PHYIR ZHE NA, GANG GIS PHYIR RANG GI NYES PAS DNGOS PO'I DNGOS PO MED PA LA SOGS PA LA 'KHRUL PA CAN NI, GSON PO'I LUS GZHAN GYIS CI LTAR

, ,GZHAN DU DNGOS PO MED PA LA SOGS PA LA 'KHRUL PA MED PAR 'GYUR TE MI 'GYUR BA KHO NA'O, ,'CHAD PA NI RANG NYID CES BYA BA STE, LDOG PA MED PA'AM DNGOS PO MED PA'O, ,GZHAN YOD PAS ZHES BYA BA NI GSON PO'I LUS YOD PAS SO, ,DE LTA MA YIN PAS ZHES BYA BA NI MED PAS SO, ,DE LA ZHES BYA BA NI, DNGOS PO DANG DNGOS PO MED PA LA'O, ,MED PA LA ZHES BYA BA NI, MTHUN PA'I PHYOGS LA'O, ,YOD PA 'GA' ZHIG CES BYA BA NI SROG LA SOGS PA'O, ,DE'I TSE MED PA YANG ZHES BYA BA SROG LA SOGS PA YANG YOD PA LA ZHES BYA BA MI MTHUN PA'I PHYOGS BUM PA LA'O, ,'DI NI ZHES BYA BA NI DE NI YOD PA'I PHYIR RO ZHES BYA BA LA SOGS PA'O, ,DON NI 'DI YIN TE, CI LTAR MED PA GZHI NYID DU MI 'DOD PA DE BZHIN DU STON PA NYID DU YANG MI 'GYUR TE KHYAD PAR MED PA'I PHYIR RO, ,DES NA CI LTAR MTHUN PA'I PHYOGS SROG LA SOGS PA YOD PAR MI 'DOD PA DE BZHIN DU MI MTHUN PA'I PHYOGS LA YANG YOD PAR 'DOD PAR MI BYA STE, DES NA SROG LA SOGS PA LDOG PA CAN DU CI LTAR 'GYUR, 'DI YANG ZHES BYA BA NI MED PA YANG RTOGS PA MA YIN PA'I PHYIR RO, ,SNGAR ZHES BYA BA NI YOD PA RNAMS LA DGAG PA MED CES BYA BA DER RO, ,BDAG MED NA LDOG KYANG GSON PO'I LUS LA BDAG MI 'GRUB PO ZHES BRJOD PA NI, GZHAN YANG ZHES BYA BA'O, ,DE LAS BZLOG PA ZHES BYA BA NI SNGON POR NGES PA'I RANG BZHIN GYIS BDAG LAS BZLOG PA BDAG MED PA'O, ,DE MED NA GSON PO'I LUS LA BDAG MED PA DE YOD PAR 'GRUB PA'O, ,BDAG MED NA SROG LA SOGS PA LDOG PA YANG MA YIN NO ZHES BRJOD PA NI, GZHAN YANG ZHES BYA BA'O, ,'JUG PA NI YANG ZHES BYA BA NI DU BA LA SOGS PA NI ME NYID 'JUG BAR BYED PA NI YIN GYI, GZHAN NI MA YIN NO, ,BRJOD MA THAG PA'I MED NA MI 'BYUNG BA DE YANG RANG NYID NGES PAR BYED PA LA LTOS PA YIN NO, ,SGRUB PAR BYED PA DE GANG ZHE NA, 'BRAS BU MTHONG DANG MA MTHONG BA'O, ,GAL TE DE'I SGRUB PAR BYED PA RGYU DANG 'BRAS BU NYID YIN GYI, MTHONG BA DANG MA MTHONG BA NI MA YIN ZHE NA, DE DAG CES BYA BA'O, ,MTHONG BA DANG MA MTHONG BA NYID RGYU DANG 'BRAS BU YIN TE, DES NA MED NA MI 'BYUNG BA NYID RGYU DANG 'BRAS BU'I

SGRUB BYED CAN YIN NA, MTHONG BA DANG MTHONG BA NYID KYI SGRUB BYED CAN DU 'GYUR RO ZHES BYA BA'I DON TO, ,MED NA MI 'BYUNG BA NYID NI 'GRUB PA MA YIN NO ZHES 'BREL TO, ,CI LTAR ZHE NA, SGRUB PAR BYED PA MTHONG BA DANG MA MTHONG BA'I MTSAN NYID CAN MED PAR CI LTA BUR GYUR PA ZHIG CES NA RJES SU 'GRO LDOG DAG GI SGRUB BYED DU GYUR PA'O, ,'O NA RJES SU 'GRO BA DANG LDOG PA NI RGYU DANG 'BRAS BU'I DNGOS POS SGRUB PA YIN NO ZHE NA, RGYU DANG 'BRAS BU'I DNGOS PO NI ZHES BYA BA'O, ,ME MED NA MI 'BYUNG BA NYID KYI SGRUB BYED MED PA LAS DON GZHAN TE THA DAD PA'I GONG BU LA SOGS GANG YIN PA'I, GONG BU LA SOGS PA DE NI YOD KYANG GZHAN ME YOD PAR RO, ,DE MED NA NI MED MED NA, MED PAR ZHES BYA BA'I GONG BU MED PAR RO, ,CI LTAR NA DE MED NA MED PAR MI RTOGS SHE NA, ME DE NI GONG BU'I BYA BA BAR BYED PA MA YIN PA'I PHYIR RO, ,KHYAB BYED MA YIN LA LOG PAS KYANG CI STE MI LDOG CE NA, KHYAB PAR BYED PA MA YIN PA ZHES BYA BA STE ME LA SOGS PA'O, ,GZHAN NI GONG BU'O, ,'ON TE BDAG NI KHYAB PAR BYED PA KHO NA MA YIN NAM, CI LTAR NA DE LOG PAS SROG LA SOGS PA LDOG PAR BYED PA MA YIN ZHE NA, BDAG KYANG ZHES GSUNGS SO, ,CI'I PHYIR ZHE NA, 'DI LTAR ZHES BYA BA'O, ,BDAG TU YOD PA MED PA NA SROG LA SOGS PA DE DAG MED PA NI MI SRID PA'I PHYIR RO, ,DOGS PA NI 'ON TE ZHES BYA BA'O, ,CI LTAR NA DE TZAM KHO NAS 'DI RGYU YIN ZHE NA, RGYU DANG ZHES BYA BA'O, ,THAMS CAD DU ZHES BYA BA NI BDAG DANG SROG LA SOGS PA LAS YANG NGO, ,'BRAS BU'I RANG BZHIN ZHES BYA BA NI, RJES SU 'GRO BA TZAM GYI 'BRAS BU'I RANG BZHIN THA DAD PA RNAMS RGYU'I RJES LAS BYUNG BAR KHAS BLANGS PA'I PHYIR RGYU THA DAD PA DE DAG 'BRAS BU 'BYUNG ZHES 'DOD PAR 'GYUR RO, ,DE LTA MA YIN NA DE MED PAS MED PA YIN NA, LDOG PA YANG YOD PAR THAL BA'I PHYIR RO, ,DE DAG MED PAR GZHAN LAS 'BYUNG NA, CI LTAR DES BSKYED PAR BYA BA'I RANG BZHIN DU 'GYUR BA YIN, 'CHAD PA NI GAL TE ZHES BYA'O, ,DOGS PA NI GZHAN LAS KYANG DES BSKYED PA'I RANG BZHIN 'BYUNG NGO ZHE NA, LAN NI MA YIN TE ZHES BYA'O, ,'ON TE DES BSKYED PA'I RANG BZHIN MA YIN PA KHO NA GZHAN LAS 'BYUNG NGO ZHE

, ,NA; GZHAN LAS SKYES PA'I 'BRAS BU, DE'I RANG BZHIN NYID MA YIN NA NI DES BSKYED PA GANG YIN PA'I RANG BZHIN DE NYID MA YIN TE, 'ON KYANG GZHAN GYI BSKYED BA KHO NA'O, ,CI'I PHYIR GZHAN LAS DES BSKYED PA'I RANG BZHIN MI 'BYUNG ZHE NA, 'DI LTAR ZHES BYA BA'O, ,GAL TE ZHES BYA BA LA SOGS PA'I RTZOD PA LA DON 'DI YIN TE, 'BRAS BU THA DAD PA MTHONG BA NI BSNYON RTOL GYI YUL MA YIN TE, DES NA 'DI RGYU THA DAD PA LAS SAM, GZHAN DU YIN ZHES DPYAD PAS CI BYA ZHES BYA BA'O, ,'DI LTAR ZHES BYA BA LA SOGS PAR YANG DON 'DI YIN TE, 'BRAS BU THA DAD PA NI TSOGS PA THA DAD PA KHO NA LAS YIN PAR BRJOD PAR BYA STE, DE LTA MA YIN NA NGES PA MED PA'I PHYIR RO, ,CI LTAR SROG LA SOGS PA LAS BDAG 'GRUB PAR 'GYUR, KHYOD KYI NI BDAG MA MTHONG BA YIN, YANG SROG LA SOGS PA DE DANG 'BREL PA LAS RTOGS PA YIN NA SROG LA SOGS PA'I 'BREL PA DE YANG TSOGS PA THA DAD PA KHO NA LAS 'BRAS BU THA DAD PA YIN NO ZHES BYA BA DE LTA BU'I RANG BZHIN GYI NGES PA MED PAR MI 'GRUB PO ZHES BYA BA'O, ,CI LTAR BDAG LA NGES PA MA YIN ZHE NA, CI LTAR ZHES BYA BA'O, ,DON MI 'GRUB BO ZHES BYA BA NI BDAG GI MTSAN NYID KYI DON MI NGES PA'O, ,DA NI RJES SU 'GRO BA DANG LDOG PA DAG LAS SROG LA SOGS PA SKUL BAR BYED PA'I RANG BZHIN GYI, BDAG GI SGRUB PAR BYED PA DOGS PA NI, 'ON TE ZHES BYA BA'O, ,SROG LA SOGS PA 'GYUR BA MA YIN TE ZHES BYA BA NI MI MTHUN PA'I PHYOGS LA'O, ,SOGS PA SMOS PAS NI, 'BYUNG BA DANG RDUB PA DANG BYED PA DANG MTHONG BA RNAM BSDU'O, ,'BYUNG BA DANG RNGUB PA DAG KYANG RLUNG 'BYIN BA DANG 'DREN PA'I RANG BZHIN YIN NO, ,DES NA LDOG PA SRID PAS SROG LA SOGS PAS BDAG RTOGS SO, ,RJES SU 'GRO BA STON PA NI, DES NA SBUD PA ZHES BYA BA'O, ,DON 'DI YIN TE, GANG 'GA' ZHIG LA 'BYIN PA DANG 'DREN PA YOD PA DE NI SKUL BAR BYED PA DANG 'BREL PA YIN TE, DPER NA SBUD PA'I RLUNG DANG PHO LONG BZHIN NO, ,DBUGS DBYUNG RNGUB DAG KYANG RLUNG 'BYIN PA DANG 'DREN PA'I RANG BZHIN YIN NO ZHES BYA BA'O, ,GANG ZHIG BYED PAR MTHONG BA DE NI LTA BA PO DANG 'BREL BA YIN

TE; DPER NA SKAR KHUNG NA YOD PA'I LTA BA PO'I SKAR KHUNG NAS MTHONG BA BZHIN NO, ,GZUGS LA SOGS PA MTHONG BA YANG BYED PAS MTHONG BA YIN NO ZHES BYA BA'O, ,LAN NI DE SKUL BAR BYED PA'I RANG BZHIN GYI BDAG GI SGRUB PAR BYED PA DE YANG MI RIGS SO, ,CI'I PHYIR ZHE NA, 'DI LTAR ZHES BYA BA BA'O, ,BYA BA MED PA DANG KHYAB PA 'DI NI SKUL BAR BYED PA NYID DU MI 'THAD DE SROG LA SOGS PA LA SKUL BAR BYED PA NYID KYIS KHYAB NA, 'DOD PA LA GNOD PAR 'GYUR RO ZHES BYA BA'I DON TO, ,BYED PA MED NA GZUGS LA SOGS PA MI MTHONG BA'I PHYIR ZHES BYA BA TZAM GYIS KYANG BDAG NI 'GRUB PA MA YIN TE, 'ON KYANG BYED PA MED PAR GZUGS LA SOGS PA MTHONG BA MED NA, DE NYID KYI SGRUB BAR BYED PAR 'GYUR GYI, LTA BAR BYED PA PO'I BDAG NI MA YIN NO, ,DE LTAR ZHES BYA BA NI BYED PA DANG BCAS PA DANG MA KHYAB PA'O, ,LAN NI DE LA YANG ZHES BYA BA STE, SKUL BAR BYED PA LA'O, , GANG ZHIG SKUL BAR BYED BDE NI SKUL BYED GZHAN LA LTOS PA YIN TE, DPER NA SBUD PA SBUD MKHAN BZHIN NO, ,BDAG KYANG SKUL BAR BYED PA YIN NO ZHES DE LTAR SKUL BAR BYED PA GZHAN LA LTOS BAS NA THUG PA MED DO, ,GZHAN GYI LTA BAS DE SKAD BRJOD BA'I PHYIR GZHI LA GRUB PA LA SOGS PA'I NYES PA NI MED DO, ,SGRUB PAR BYED PA GNYIS PO SUN 'BYIN PA NI, SKAR KHUNG GI NANG NA ZHES BYA BA'O, ,DE LTAR GYUR PA ZHES BYA BA NI, MIG LA SOGS PA DANG LDAN PA'O, ,DE LA YANG NI BDAG LA'O, ,BDAG LA YANG BYED PA YOD MOD, ,'ON KYANG DE SKAD BRJOD DE, DPER NA SKAR KHUNG GI NANG NAS LTA PA'I DPES BDAG DANG PO 'GRUB PA DE BZHIN DU, DPE NYID KYIS BDAG NYID LA YANG BDAG GNYIS PA BRTAG DGOS SO, ,DE BZHIN DU GSUM BA LA SOGS THUG PA MED BAR 'GYUR RO, ,'ON TE BDAG GCIG KHO NAS DGOS PA GRUB PA'I PHYIR NA, GNYIS PA LA SOGS PAR RTOGS PA DON MED NA, DE LTA NA 'ON BDAG DANG PO RTOGS PA YANG DON MED DE, DGOS BA NI PHUNG PO RGYU YIN PA KHO NAS GRUB PA'I PHYIR RO, ,DE ZHES BYA BA NI RGYU DANG 'BRAS BU'I DNGOS PO'O, ,GZHAN LA ZHES BYA BA NI SROG LA SOGS PA LA'O, ,GZHAN DU ZHES BYA BA NI RJES SU 'GRO BA TZAM GYIS YIN PAR RO, ,DER YANG ZHES BYA BA NI ME

, ,DANG DU BA LA SOGS PA LA'O, ,DE LTA YIN NA ZHES BYA BA NI, LDOG PA MED NA'O, ,DE LTA MA YIN NA ZHES BYA BA NI, GZHAN LAS MI 'BYUNG NA'O, ,DOGS PA NI GNYI GAS ZHES BYA BA'O, ,GNYI GAS BSKYED PA NYID MA YIN NO, ,CI'I PHYIR ZHE NA, DE LAS ZHES BYA BA'O, 'DI NYID BRJOD PA NI DE LAS ZHES BYA BA'O, ,DE LTAR GYUR DANG ZHES BYA BA NI GZHAN LAS 'BYUNG BA YIN NA'O, ,DE MED PA'I PHYIR RO ZHES BYA BA NI RGYU DANG 'BRAS BU'I DNGOS PO MED PA'I PHYIR RO, ,MTHONG BZHIN DU ZHES BYA BA LA SOGS PA'I RTZOD BA DON 'DI YIN TE, THA DAD PA DANG THA MI DAD PA MED PAR YANG 'BRAS BU THA DAD PA DANG MI DAD PAR 'GYUR TE, DE DAG MTHONG BA'I PHYIR RO, ,MTHONG BA NI MI 'THAD PA ZHES BYA BA MA YIN NO ZHES BYA BA'O, ,RGYU DANG ZHES BYA BA LA SOGS PAR YANG DON 'DI YIN TE, THA DAD PA DANG THA MI DAD PA DAG TU MTHONG BA NGES PA YIN NA DE DAG RNAM PAR 'JOG PAR BYED PAR 'GYUR LA, NGES PA YANG RGYU DANG 'BRAS BU'I DNGOS PO MED PAR MI 'GYUR TE, DES NA MTHONG BA RNAM PAR 'JOG PAR BYED PA NYID DU CI LTAR 'GYUR ZHES BYA BA'O, ,'DI NYID BRJOD PA NI RTOGS PA DES NA ZHES BYA BA'O, ,SNGON PO'I 'BRAS BU YIN PAS SNGON PO'I RTOGS PA NGES PA YIN NA, RTAGS SU GYUR PA SNGON PO'I SHES PAS SNGON PO RTOGS PAR 'GYUR GYI, DE LTA MIN NA STE SNGON PO'I 'BRAS BU NYID MA YIN NA, 'KHRUL PA DANG MA 'KHRUL BA'I RNAM PAR DBYE BA MED PA KHO NAR 'GYUR RO, ,RTOGS 'GYUR GYI ZHES BYA BA'I MTHAR THUG PA 'CHAD PA NI GAL TE ZHES BYA BA'O, ,RAB RIB DANG BRAL ZHING SNGON PO LA SOGS PA'I LHAN CIG BYED PA CAN 'DI 'DRA BA'I MIG NI MA 'KHRUL PA'I RTOGS PA SKYE BA'I RGYU YIN LA, RAB RIB DANG BCAS PA NI 'KHRUL PA'I RTOGS PA SKYED PA'I RGYU YIN NO ZHES NGES PA'O, ,LHAG MA RNAM PAR 'GREL PA NI, DE LTA MA YIN NA ZHES BYA BA'O, ,RTOGS BZHIN PA THA DAD PA MED DO, ,RTOG PA THA DAD PA NYID KYIS THA SNYAD 'JUG PAR 'GYUR RO ZHES DOGS PA NI, 'ON TE ZHES BYA BA'O, ,SNGON PO LA SOGS PA'I RNAM PA CAN SNANG BA DE NYID RANG RIG PA'I SHES PAS RNAM PAR GZHAG BAR BYA BA YIN NO ZHES BYA BA'O, ,SNANG BA TZAM LAS ZHES BYA BA RGYU DANG 'BRAS BUR MA GYUR PA LAS SO, ,CI STE DE TZAM GYI

THA SNYAD MI 'GRUB CE NA, MDUN NA GNAS PA'I RNAM PA CAN DE TZAM 'BA' ZHIG SNANG NA STE GSAL BA NI DE LAS GZHAN PA'I CI BYAR YOD DE CI'ANG YOD PA MA YIN NO, ,DE'I PHYIR SNANG BA TZAM GYIS NI THA SNYAD MI 'GRUB BO, ,GANG MI 'GRUB PA'I THA SNYAD DE CI 'DRA BA ZHIG YIN ZHE NA, GZHAN NI ZHES BYA BA NI BYA BA BYED PA MA YIN PA GANG YIN PA'O, ,GZHAN ZHES BYA BA NI BLANG BAR BYA BA MA YIN PA'O, ,SNANG BA TZAM YIN YANG BLANG BA DANG DOR BA'I THA SNYAD CI STE MA YIN ZHE NA, SNANG BA TZAM NI ZHES BYA BA'O, ,DE'I SKAD CIG NYID LA YIN GYIS SNGAR MA YIN PHYIS KYANG MA YIN TE DES NA BLANG BA DANG DOR BAR BYA BA MA YIN NO, ,DON DANG DON MA YIN PA RNAM PAR DBYE BA DANG BRAL BA ZHES BYA BA'I DON TO, ,DE LTA NA ZHES BYA BA NI SNANG BA TZAM YIN PA NA'O, ,GANG GI PHYIR DE LTAR RGYU DANG 'BRAS BU'I DNGOS PO MED PAS THA DAD PA DANG THA MI DAD PA MA YIN PA DE'I PHYIR RO, ,GANG GI YANG ZHES BYA BA NI SROG LA SOGS PA'I'O, ,DE NI BDAG GO, ,GANG LAS KYANG ZHES BYA BA NI SROG LA SOGS PA LAS SO, ,BSHAD ZIN PA'I DON GYI SGRUB BYED DU SNGAR SBYOR BA NI RNAM 'GREL NYID DA LTA BSHAD ZIN PA'I DON NYE BAR SDUD PA NYID DU NYE BAR NI, DES NA ZHES BYA BA'O, ,DE DANG ZHES BYA BA ME DANG MI MTHUN PA'O, ,DES NA ZHES BYA BA NI GNYI GA'I RANG BZHIN YIN PAS NA'O, ,DE LAS KYANG ZHES BYA BA NI BRGYA BYIN GYI CO JO LAS KYANG NGO, ,ME DANG MI MTHUN PA'I TSOGS PA 'DI'O, ,THA DAD THA DAD BYED MIN NA, ,ZHES BYA BA NI, RANG BZHIN GCIG NI 'BRAS BU'I THA DAD PAR BYED PA YIN TE, DE NA RGYU THA DAD PA LAS KYANG DU BA LA SOGS PA'I 'BRAS BU 'BYUNG LA, GANG GIS SNGAR DANG MI MTHUN PA'I TSOGS PAS BSKYED PA'I DE SKYED BYED DU 'GYUR BA THA MI DAD PA'I RANG BZHIN GZHAN YANG YOD PA MA YIN NO ZHES DA LTAR THA DAD PAR BYED PA DANG THA DAD PAR BYED PA MA YIN PAR KHAS LEN NA RANG BZHIN THA MI DAD PA NYID NYAMS PAR 'GYUR GYI DNGOS PO LA RANG BZHIN THA DAD PA YOD NA, DE LTA NA YANG GCIG NYID RANG BZHIN DU MAR KHAS BLANGS PA NA, ME DANG ME MA YIN PA'I RANG BZHIN GNYIS SU 'GYUR RO, ,GANG ZHIG THA DAD PAR BYED PA MA YIN PA'I RANG BZHIN DE NYID ME YIN GYI, THA DAD PAR BYED PA GANG YIN PA DE NI ME MA YIN NO, ,

, ,CI'I PHYIR ZHE NA, DNGOS PO ZHES BYA BA'O, ,THA DAD BA DES NA'O, ,BRGYA BYIN GYI CE DE LAS BYUNG BA'I PHYIR CI LTAR MI 'KHRUL ZHE NA, DE ZHES BYA BA'O, ,DNGOS PO DE ME'I RANG BZHIN YIN NA BRGYA BYIN GYI SPYI'O GZHAN SRID PA MA YIN TE, ME NYID DU 'DUS PA'I PHYIR, DE'I RANG BZHIN GZHAN MED DO ZHES BYA BA'I DON TO, ,RANG BZHIN GANG GIS ZHES BYA BA NI ME MA YIN PA'I RANG BZHIN GYIS SO, ,THA DAD PA ZHES BYA BA NI ME LAS BRGYA BYIN GYIS MGO BOR RO, ,DE NA DU BA'I SKYED PAR BYED PA MA YIN PA KHO NA STE, DES NA DU BA ME LAS 'KHRUL PAR DOGS PA GANG LA YOD, ME LA SOGS PA'I TSOGS PA DU BA SKYED PAR BYED BA GANG YIN PA DE'I DU BSKYED PA'I RANG BZHIN DE NYID GAL TE 'KHRUL PA'I YUL DU 'DOD PA GZHAN GYIS YANG RANG BZHIN YIN NA, DE'I TSE 'KHRUL PA'I YUL GYI TSOGS PA DE YANG MI LA SOGS PA'I TSOGS PA DE NYID DO, ,DES 'KHRUL PA GA LAS YOD DE, 'ON TE DE DU BA SKYED PA'I RANG BZHIN MA YIN NA, DE'I TSE 'BRAS BU DU BA LA SOGS PA DE NI DU BSKYED BA'I RANG BZHIN MA YIN PA DE LAS BYUNG BAR CI LTAR 'GYUR, DE PHYIR ZHES BYA BA NI DE BSKYED PA'I RANG BZHIN MA YIN PA LAS MI 'BYUNG BA'I PHYIR, RGYU DANG 'BRAS BU DAG PHAN TSUN RANG BZHIN NGES PA YIN TE, GANG ZHIG DU BSKYED PAR BYED PA DE NYID NI MI LA SOGS PA'I TSOGS PA'I KHYAD PAR YIN LA, ME LA SOGS PA'I TSOGS PAS BSKYED PA GANG YIN PA DE NYID KYANG DU BA YIN TE, DE LTAR DE DAG GI RANG BZHIN NGES PA YIN NO, ,DES NA ZHES BYA BA NI RANG BZHIN NGES PAS NA RANG NYID MTHONG BA BZHIN TE, DPER NA 'BRAS BU DU BA RANG GI MTHONG BA 'BRAS BUR GYUR PA YOD NA RTOGS PA DE BZHIN DU 'BRAS BU GYUR PA'I RTAGS MTHONG BA NA YANG DE'I RGYU GO BAR BYED DO, ,DES NA GO BAR BYA BA DANG GO BAR BYED PA'I DNGOS PO YIN NO, ,YANG DU BA LA YANG 'KHRUL PAR DOGS PA BSU BA NI, 'O NA ZHES BYA BA'O, ,'BRAS BU GCIG NI GCIG LAS 'BYUNG BAR MTHONG YANG, DE DANG RIGS MI MTHUN PA LAS KYANG SKYE BAR MTHONG STE, DPER NA 'BRAS BU LA SOGS PA GZUGS DANG RO LA SOGS PA RNAM PAR 'GYUR BA DE LTA MA YIN PAR 'GYUR BA'I MTSAN NYID KYI RUL PA NI, 'O MA LAS 'BYUNG BA YIN LA, YANG 'O MA DANG

RIGS MI MTHUN BA CHU LAS KYANG 'BYUNG BAR 'GYUR BA DE BZHIN DU DU BA YANG 'GYUR RO ZHES BYA BA'I DON TO, ,GAL TE CHU DANG 'O MA DAG THA DAD NA, DE'I 'BRAS BU RUL PA YANG THA DAD PA KHO NA'O, ,DES NA 'KHRUL BA GA LA YOD, ,'ON TE DE'I 'BRAS BU RUL PA THA MI DAD NA, DE LTAN 'O NA, DE'I RGYU CHU DANG 'O MA DAG KYANG THA MI DAD PA KHO NA'O, ,DES NA 'KHRUL PAR CI LTAR 'GYUR ZHES BSAMS NAS GSUNGS BA NI, DE LTAR NI ZHES BYA BA'O, ,GANG GI PHYIR GSHER BA'I NUS PA GANG LAS RUL BAR 'GYUR BA, RUL BAR BYED PA'I RNAM PA DER NI, CHU DANG 'O MA GNYI GA'ANG GCIG PA NYID YIN PA DES NA CI LTAR 'KHRUL, YANG CI 'DI NI ZHES BYA BA NAS CI LTAR YIN GYI BAR GYIS 'KHRUL PAR BRJOD PA'O, ,GANG GIS PHA ROL PO'I BZHIN DU 'DI PA'I LTAR NA YANG, RUL PA'I 'BRAS BU 'KHRUL BA SPONG BAR 'GYUR BA, CI CHU 'DI NI 'O MA LAS SNANG BA THA DAD PA'I PHYIR DANG, NUS PA GCIG GI BDAG NYID KYANG YIN PAS NA THA DAD PA DANG GCIG PA'I RANG BZHIN CAN DU SANGS RGYAS PAS KHAS BLANGS PA YIN NAM, KHAS MA BLANGS PA NI MA YIN NO ZHES BYA BA'I DON TO, ,THA DAD CES BYA BA NI, 'ON TE THA DAD PA DANG GCIG PAR NI MI 'DOD KYI, 'ON KYANG THA DAD PA KHO NA'I BDAG NYID YIN NA, DE LTA NA 'O NA GSHER BA NYID DU GCIG PAR BRJOD, CHU DANG 'O MA THA DAD NA GANG LAS RUL BAR 'GYUR BA'I RLON PA NYID DU RANG BZHIN GCIG PAR CI LTAR 'GYUR, RANG BZHIN GCIG MED NA YANG 'BRAS BU RUL BA KHO NA'O ZHE NA, BRTAG PA'I GCIG PA NYID KYIS 'KHRUL PA SPANG BA BRJOD PA NI, RLON BA NYID DU GCIG TU 'DZIN PA'I RNAM PA CAN, DE'I RANG BZHIN CAN GYIS NI THA DAD PA MED BA'I PHYIR NUS PA GCIG CES BRJOD PA YIN NO, ,DNGOS PO RNAM LA RNAM PAR SHES PA GCIG DANG DU MA SKYE BA LAS GZHAN PA'I GCIG DANG THA DAD PA MED PA'I PHYIR RO, ,DES NA BDAG GCIG GI LTAR NA YANG DUL BA'I 'BRAS BU 'KHRUL PAR CI LTAR 'GYUR, DE KHO NA NYID DU GCIG PAR CI STE MI BRJOD SNYAM NA, CHU DANG ZHES BYA BA'O, ,'O NA CI LTAR GCIG NYID YIN ZHE NA, DE LAS ZHES BYA BA'O, ,LDOG PA THA DAD PA MED PA'I PHYIR CHU DANG 'O MA DAG GCIG PA NYID DE, LDOG PA THA MI DAD PA NYID CI LTAR ZHE NA,

, ,CHU DANG 'O MA DE LAS GZHAN PA SA BA LA SOGS PA'I RANG BZHIN DE LAS THA DAD PA DE'I PHYIR RO, ,SRA BA'I RANG BZHIN LAS THA DAD PA ZHES BYA BA'I DON TO, ,RGYU LA RTEN BA'I GCIG PA NYID BRJOD NAS, 'BRAS BU LA BRTEN PA NYID BRJOD PA NI, 'BRAS BU YANG LDOG PA GCIG PAS GCIG PA NYID DO ZHES 'BREL TO, ,DON DAM PA NYID DU CI STE THA MI DAD PA MA YIN ZHE NA, DON DAM PAR ZHES BYA BA'O, ,DE SKAD CES BYA BA NI THA MI DAD BAR RO, ,CI LTAR CHU DANG 'O MA DAG RANG BZHIN GANG GIS BRLAN PA'I RTOGS PA'I RTEN YIN BA'I RANG BZHIN DE NYID KYIS RUL PA'I 'BRAS BU BYED PA DE'I RTEN YIN LA, RANG BZHIN DE NYID KYIS NA, DE DAG 'BRAS BU RUL BA LAS RTOGS PA YIN PA DE BZHIN DU, ME THA DAD KYANG CHA GANG GIS DE ME'I RTOGS PA'I RGYU NYID KYIS RANG BZHIN GYIS DE LAS GZHAN LAS LDOG BAS MAR RTOGS PA'I RTEN YIN LA, RANG BZHIN DE NYID KYI BYA BA BYED PAS DE'I RTEN YIN LA, RTAGS DU BA LAS RTOGS BA YANG RANG BZHIN DE NYID KYIS YIN TE, GZHAN DU NI MA YIN NO, ,CI LTAR NA RANG BZHIN DE NYID KYIS DU BA LAS RTOGS PA YIN ZHE NA, MER SHES YAN LAG CES BYA BA'O, ,MER LHAG PAR ZHEN BA'I SHES BSGRUB PAR BYED PA KHO NA BUD SHING GI KHYAD PAR GYI LHAN CIG BYED PA GZHAN LA LTOS BA LAS DU BA 'BYUNG BA'I PHYIR NA, DU BA ME DE LAS 'KHRUL BA MED PA CAN YIN NO, ,DES NA RANG BZHIN DE NYID KYIS DU BA LAS ME RTOGS PA YIN NO, ,CI LTAR DU BA RANG GI RGYU LA MI 'KHRUL BA DE BZHIN DU 'BRAS BU GZHAN YANG DE BZHIN TE, MI 'KHRUL BAR GRUB PA YIN NO, ,'CHAD PA NI DE BZHIN ZHES BYA BA'O, ,THA DAD KYANG CHUR RTOGS PA THA MI DAD PA'I RTEN NYID CI LTAR ZHE NA, DE LAS GZHAN RLON PA MA YIN PA DAG LAS LDOG PAS NA'O, ,DE LAS GZHAN DAG CES BYA BA ME MA YIN PAR RTOGS PA'I RGYU DAG LAS LDOG PA NYID KYIS SO, ,DE NYID KYIS ZHES BYA BA MER RTOGS PA'I RGYU NYID KYIS DU BA LAS ME RTOGS PA YIN NO, ,CI'I PHYIR ZHE NA, GZHAN DU ZHES BYA BA'O, ,RNAM 'GREL GNYIS BA RNAM PAR 'GREL BA NI, MER ZHES BYA BA'O, ,CI LTAR DU BA MI 'KHRUL TE, BRGYA BYIN GYI SPYI BO LA SOGS PA LAS KYANG 'BYUNG BA'I PHYIR RO ZHE NA, 'DI LTAR ZHES BYA BA'O, ,DU BA

DANG BUD SHING GI 'GYUR BA DAG GIS YIN TE, RGYU GANG YIN PA DA LAS BRTEN NAS MER 'JOG PA'I PHYIR RO, ,GAL TE 'KHRUL PA'I YUL DU 'DOD PA'I BRGYA BYIN GYI SPYI BOR ME MIN NO ZHE NA, DE'I TSE DU BA NYID DU 'DOD PA DE DU BA MA YIN TE DES NA 'KHRUL PA MED DO, ,GAL TE GZHAN LAS SKYES PA DE YANG DU BA YIN NO ZHE NA NI, DE'I TSE DU BA'I RGYUR MNGON PAR 'DOD PA DE ME NYID YIN GYI GANG GI DU BA 'KHRUL BAR 'GYUR BA ME DANG RIGS MI 'DRA BA NI MA YIN NO, ,'DI NYID GA LAS ZHES BYA BA LA SOGS PA NI RTZOD PA'O, ,NGES PA'I RNAM PA SMRAS BA NI, GZHAN DU NI ZHES BYA BA'O, ,'O NA ZHES BYA BA NI LAN NO,, ,NA DU ZHES BYA BA NI SNGON PO MA YIN PAR RO, ,DOGS PA NI DE LTA YIN NA ZHES BYA BA STE GZHAN DU 'GYUR BA YIN NA'O, ,LAN NI DU BA ZHES BYA BA'O, ,YUL DANG DUS GZHAN DU MA YIN PA LAS SKYEN DU BA NYID DU MI 'GYUR RO, ,'DI GA LAS ZHES BYA BA'I BRGAL ZHING BRTAG PA NI GZHAN SNGON PO LAS MTSUNGS SO; ,CI LTAR YUL GZHAN LA SOGS PAR ME LAS GZHAN LAS KYANG DU BA 'BYUNG BAR 'GYUR RO ZHES BYA BAR RGOL ZHING RTOGS PA DE BZHIN DU SNGON PO YANG YUL GZHAN LA SOGS PAR RNAM PA GZHAN DU YANG 'GYUR RO ZHES BRGAL ZHING BRTAG PAR 'GYUR TE KHYAD PAR MED PA'I PHYIR RO, ,GAL TE ZHES BYA BA LA SOGS PA'I RTZOD PAR NI DON 'DI YIN TE, SNGON PO NI SNGON PO NYID KYI RANG BZHIN YIN PAS CI LTAR DE MED PAR 'GYUR, RANG GI RANG BZHIN GYIS MTSON PAR BYA BA'I DNGOS PO NI DE MED PAR 'GYUR BA MA YIN NO, ,GANG GIS DE MED PAS MED PAR 'GYUR BA BSKYED PAR BYA BA NYID NI DNGOS PO'I MTSAN NYID MA YIN TE, DES NA MNGON PAR 'DOD PA'I RGYUS BSKYED PAR BYA BA NYID SPANGS NAS, GZHAN GYI RGYUS BSKYED PAR BYA BA NYID DU KHAS BLANGS KYANG NYES PA MED DO ZHES BYA BA'O, ,DER YANG NI DU BA LA YANG NGO, ,RANG BZHIN ZHES BYA BA LA SOGS PAR NI DON 'DI YIN NO, , DNGOS PO NYID KYI MTSAN NYID NI RGYUS BSKYED PA KHO NA YIN TE, DE LAS BZLOG PA NI DNGOS PO MED PA'I MTSAN NYID YIN PA'I PHYIR RO, ,DE LTA MA YIN NA NI DNGOS PO DANG CIG SHOS KYI RNAM PAR DBYE BAR MI 'GYUR RO ZHES BYA BA'O, ,RNAM BAR DBYE BA ZHES BYA BA NI 'KHRUL PA DANG CIG SHOS PA SKYED PAR

, ,BYED PA'I RGYUS BYAS PA GANG YIN PA DE NYID KYI RNAM PAR DBYE BA BYAS PA YIN NO, ,DE LTAR 'BRAS BU'I GTAN TSIGS MED NA MI 'BYUNG BA NYID YIN MOD, RANG BZHIN GYI GTAN TSIGS GO CI LTAR ZHES DOGS PA NI, RANG BZHIN ZHES BYA BA'O, ,'DI'I MED NA MI 'BYUNG BA YANG RANG NYID CI LTA BA'I TSAD MA LA LTOS TE DE RTOGS PAR BYED PA YIN NO ZHES LAN 'DEBS PA NI, CI LTAR ZHES BYA BA'O, ,DE LTAR 'BRAS BU DANG RANG BZHIN GYI GTAN TSIGS GNYIS KYI MED NA MI 'BYUNG BA NYID BRJOD NAS SKABS NYID DANG SBYOR BA NI, GANG GI PHYIR DE LTAR RJES SU 'GRO BA TZAM MA MA LDOG PA TZAM GYI RGYU DANG 'BRAS BU'I DNGOS PO MA YIN PA DE'I PHYIR RO, ,BDAG DANG SROG LA SOGS PA NI RGYU DANG 'BRAS BU'I DNGOS PO MA YIN PA'I PHYIR SROG LA SOGS PA NI, BDAG GO PAR BYED PA MA YIN NO, ,SLOB DPON PHYOGS KYI GLANG PO'I'O, ,LDOG CAN ZHES BYA BA NI SROG LA SOGS PA'O, ,MJUG SDUD PA NI DE LTAR NA RE ZHIG CES BYA BA'O, ,CI'I PHYIR ZHE NA, LDOG PA CAN ZHES BYA BA'O, ,DE LTA NA YANG CI LTAR GTAN TSIGS MA YIN ZHE NA, DE YANG ZHES BYA BA STE, MNYAN BYA NYID KYANG NGO, ,DE LTAR NA YANG MA NGES PA CI STE YIN ZHE NA, 'DI LTAR ZHES BYA BA'O, ,'O NA CI LTAR LDOG PA CAN DU GSUNGS SHE NA, MA MTHONG BA TZAM GYI ZHES BYA BA'O, GAL TE PHUNG PO GZHAN MED NA CI LTAR 'DI BSGRUB BAR BYA BA DANG, CIG SHOS DAG LA THE TSOM ZA BA'I RGYU YIN ZHE NA, RTAG PA DANG ZHES BYA BA STE MNYAN BYA NYID LA LTOS NAS SO, ,BDAG DANG ZHES BYA BA NI SROG LA SOGS PA DANG LDAN PA LA LTOS NAS SO, DE LTA MA YIN NA ZHES BYA BA NI, DNGOS PO DANG DNGOS PO MED PA DAG GI 'GA' BA DANG DNGOS PO NYID MA YIN NA'O, ,GAL TE PHUNG PO GZHAN MED KYANG CI LTAR 'DI THE TSOM GYI RGYU YIN TE, PHYOGS GNYI GA LA MI SRID PA'I PHYIR RO ZHE NA, PHYOGS GNYI GA LAS ZHES BYA BA'O, ,CI'I PHYIR ZHE NA, GAL TE ZHES BYA BA'O, ,GAL TE MNYAN PAR BYA BA NYID THAMS CAD LAS LDOG NA, DE'I TSE 'DI MED PA KHO NAR 'GYUR RO, ,CI'I PHYIR ZHE NA, RTEN MED PA'I PHYIR RO, ,RTEN NI RTAG PA'AM MI RTAG PA ZHIG YIN TE, DE GNYI GA LAS LDOG PA NI RTEN MED PA YIN NO, ,SGRA NYID CES BYA BA NI, GAL TE YANG

RTAG PA DANG MI RTAG PA DAG LAS LDOG PA DE LTA NA YANG, PHUNG PO GSUM PA SGRA NYID LA NGAS PAR 'GYUR RO ZHE NA, SGRA LA YANG ZHES BYA BA STE, MNYAN BYA 'BA' ZHIG TU NI MA ZAD PA'O, ,CI LTA ZHE NA, DE YANG ZHES BYA BA STE SGRA NYID KYANG NGO, ,DES NA MNYAN BYA NYID THE TSOM GYI SGRA'I RTEN SGRA MA YIN NO, ,'DI NYID BRJOD PA NI, 'DI LTAR ZHES BYA BA'O, ,DE NI ZHES BYA BA NI SGRA'O, ,DE DAG LA ZHES BYA BA NI RTAG PA DANG MI RTAG PA DAG LA'O, ,'DI NI SGRA LA'O, ,GAL TE GNYI GA LAS LDOG BAN YID DU NGES KYANG ,CI STE DE GNYIS LA THE TSOM ZA BA'I RGYU YIN ZHEN, DE LAS ZHES BYA BA'O, BSAM PA NI GAL TE SGRA THAMS CAD LAS LDOG PAR NGES PAR 'GYUR BA DE'I TSE MNYAN PAR BYA BAS DE LA THE TSOM MI SKYED PA ZHIG NA SKYED PAR YANG BYED DE, DES NA GNYI GA LAS LDOG PAR NGES PA MA YIN NO, ,DES NA GNYI GA LAS LDOG PA NYID DU MA NGES PA'I SGRA LA MNYAN BYA NYID YOD PAS NA THE TSOM GYI RGYUR 'GYUR RO ZHES BYA BA MA YIN NO, , GZHAN DAG KYANG ZHES BYA BA NI MNYAN BYA NYID LA SOGS PA'O, ,GAL TE ZHES BYA BA NI RTZOD PAR DON 'DI YIN TE, THUN MONG GI MA NGES PA KHO NA MA NGES PAR RIGS, THUN MONG MA YIN PA NI MA YIN NO ZHES BYA BA'O, ,MTHONG BA ZHES BYA BA NI, GZHAL BYA NYID LA SOGS PA GNYI GA'I PHYOGS LA MTHONG BA LA NI SGRUB PA'I SGO NAS THE TSOM ZA LA, MNYAN BYA NYID LA SOGS PA PHYOGS GNYI GA LAM MTHONG BA 'DIR NI, DGAG PA'I SGO NAS THE TSOM ZA'O, ,'DI NYID BRJOD PA NI DNGOS PO DANG DNGOS PO MED PAR ZHES BYA BA STE BSGRUB PA DANG DGAG PAS KYANG NGO, ,RANG GI PHYOGS ZHES BYA BA NI RIG BAS RANG PHYOGS 'DZIN PA NI RIGS KYI THUN MONG BA KHO NA MA NGES PA YIN NO ZHES BYA BA 'DI LA NI KHYED LA RIGS PA CI YANG YOD PA MA YIN NO, ,RNAM PAR 'GREL BA NI GANG DU ZHES BYA BA'O, ,THUN MONG MA YIN PA MA NGES PA NYID YIN PA SPONG BAR DOGS PA NI, GAL TE ZHES BYA BA'O, ,'GAL BA GNYIS GCIG LA 'JUG PA DANG MI 'JUG PA YANG MI 'THAD PA YIN TE, DE DAG LAS GCIG MED PA NA DE LAS GZHAN YOD PA LA MI 'KHRUL BA'I PHYIR RO ZHES ZHE LA BCANGS NAS LAN 'DEBS PA NI, 'DI NI BZANG PO MA YIN TE ZHES BYA BA'O, ,GANG GI TSE CHOS CAN SGRA LA GCIG RTAG BA NYID LDOG PA DE'I TSE NGES PA KHO NAR LDOG PA'I

, ,ZLA BO MI RTAG PA NYID 'JUG PAR 'GYUR RO, ,CI'I PHYIR ZHE NA, 'GAL BAS ZHES BYA BA'O, ,CI'I PHYIR GNYI GA CHI LDOG CE NA, PHAN TSUN ZHES BYA BA'O, ,DES NA MNYAN BYA NYID KYIS RANG GI RTEN LA 'DI NYID LDOG PAR CI LTAR BYED, CI LTAR ZHE NA, 'DIR ZHES BYA BA STE, SGRA LA GNYI GA LAS LDOG PAS, GNAS PA NI MNYAN PAR BYA BA NYID KYIS MI 'THOB PO, ,RTAG PA DANG MI RTAG PA GNYIS LAS SO, ,GCIG LA NI SGRA LA'O, ,LDOG PA BRJOD PA NI MNYAN BYA NYID KYIS ZHES BYA BA'O, ,THE TSOM GYI RGYU MA YIN PA NA YANG, 'OS GZHAN MED PAS NA, MA RTOGS PA'I RGYU NYID GNAS PA YIN NO ZHES BRJOD PA NI, DE NI DE LTA NA ZHES BYA BA'O, ,'O NA NI ZHES BYA BA LA SOGS PAS NI MGO BSGRE BA'O, ,DE ZHES BYA BA NI THE TSOM MO, ,GTAN TSIGS ZHES BYA BA NI, GZHAL BYA NYID KYI GTAN TSIGS KYIS BYAS PA'O, ,GZHAN GYI DE YANG BYA BA STE GNYI GA LA MTHONG BA'I SGO NAS SO, ,LAN NI MNYAN BYA ZHES BYA BA'O, ,'ON TE ZHES BYA BA LA SOGS PA NI RTZOD BA'O, ,CHOS CAN SGRA LA RTAG PA DANG MI RTAG PA DAG TU THE TSOM ZA BAR GYUR NA'O, ,DE LAS NI GZHAL BYA NYID LAS SO, ,DE ZHES BYA BA NI GZHAL BYA NYID DO, ,GANG LA ZHES BYA BA NI RTAG PA NYID LA SOGS PA LA'O, ,DE ZHES BYA BA NI RTAG PA NYID LA SOGS PA TE BSGRUB PA NYID DO, ,CI'I PHYIR MTHUN PA'I PHYOGS KYI SGO NAS GYUR PA MA YIN ZHE NA, MTHONG BA LA YANG ZHES BYA BA STE GZHAL BYA NYID MTHUN PA'I PHYOGS DANG MI MTHUN PA'I PHYOGS LA MTHONG BA LA YANG NGO, ,DE NI ZHES BYA BA NI THE TSOM MO, ,GNYI GA LA ZHES BYA BA NI, MTHUN PA'I PHYOGS DANG MI MTHUN PA'I PHYOGS DAG LA'O, ,GAL TE MNYAN PAR BYA BA NYID LDOG PA LA THE TSOM ZA BAS THE TSOM RGYU YIN NO ZHES BYA BA NI, MI 'THAD PA NYID MA YIN NAM, SLOB DPON PHYOGS KYI GLANG POS 'DI LDOG PA CAN NYID DU GSUNGS PAS NA LDOG PA GCIG TU NGES PA CAN YIN PAS THE TSOM GYI RGYU NYID DU BSHAD PA'I PHYIR RO, ,DE LTAR NA NI THE TSOM GYI RGYUR 'THAD PA YANG MA YIN TE, GCIG TU LDOG PA CAN YIN PA'I PHYIR MA RTOGS PA'I RGYU KHO NAR 'GYUR RO ZHES DOGS PA BSU BA NI, GCIG TU ZHES BYA STE, GCIG TU NGES PAR LDOG PA GANG YIN PA DE NYID KYI THE TSOM BYAS PA YIN GYI, LDOG

PA LA THE TSOM ZA BAS NI MA YIN PA'O, ,CI'I PHYIR ZHE NA, GCIG TU ZHES BYA BA'O, ,LDOG PA NGES PA NYID KYIS THE TSOM ZA MOD SNYAM NA, GANG ZHIG CES BYA BA STE, MNYAN BYA NYID LA SOGS BA'O, ,DE NYID KYIS ZHES BYA BA NI, PHUNG PO GNYI GA LAS LDOG PA NYID KYIS SO, ,CI GANG GIS 'DI SKAD BRJOD PA SLOB DPON PHYOGS KYI GLANG POS 'DI LDOG PA GCIG TU NGES PA CAN DU GSUNGS SAM ZHE NA, DE SKAD DU YANG ZHES BYA BA'O, ,BSGRUB PAR BYA BA'I CHOS ZHES BYA BA NI BSGRUB PAR BYA BA NI SGRA LA SOGS PA'I CHOS CAN NO, ,SGRA LA SOGS PA'I CHOS CAN GYI CHOS GANG YIN PA MNYAN BYA NYID LA SOGS PA'I DON NI THE TSOM GYI RGYU YIN NO ZHES 'BREL TO, ,GANG LA THE TSOM ZA BA'I RGYU YIN ZHEN KHYAD PAR CI SNYED KYIS ZHES BYA BA STE, RTAG PA DANG MI RTAG PA'AM, BDAG DANG BCAS PA DANG BDAG MED PA'I MTSAN NYID KYIS DNGOS PO MTHA' DAG BSDUS PA DE LA'O, ,CI'I PHYIR ZHE NA, DE DANG LDAN PA ZHES BYA BA STE, RTAG PA DANG MI RTAG PA DANG LDAN PA'I RNAM PAS DON GYI TSOGS MTHA' DAG PA DE BSDUS PA'I PHYIR DANG, GNYIS LAS GCIG TU NGES PA YANG LDOG PA'I PHYIR RO, ,'DIS NI RNAM GNYIS KYIS THAMS CAD BSDUS PA DANG, GCIG TU NGES PA LDOG PA YANG THE TSOM GYI RGYU NYID RGYU MTSAN DU BSTAN PA YIN NA; 'DI NI MA RTOGS PA'I RGYU'I RGYU MTSAN NYID DU 'THAD PA YIN NO, ,DE ZHES BYA BA NI DE'I PHYIR TE, CI LTAR MNYAN BYA NYID 'DI LDOG PA NYID LA THE TSOM ZA BAS DOGS PA'I RGYU YIN TE, MA YIN PA KHO NA'O ZHES BRAM ZEGS LA BYED LA SOGS PAR ZER RO, ,DE MA YIN TE ZHES BYA BA LA SOGS PA NI GRUB PA'I MTHA'O, ,GANG GI PHYIR ZHES BYA BA LA SOGS PA'I DON NI 'DI YIN TE, PHUNG PO GNYIS LAS GAL TE MNYAN BYA NYID LDOG PA DES NA, DE'I TSE CHOS CAN LA MTHONG BA NA DE DAG MED PA NYID DU GO BAR BYED PAR 'GYUR RO, ,DE LTAN YANG THE TSOM GYI RGYU'AM MA RTOGS PA'I RGYUR CI LTAR 'GYUR ZHES BYA BA RTOGS PA BSKYED PA NYID NI MA RTOGS PA'I RGYU MA YIN NO ZHES BYA BA'O, ,MNYAN PAR BYA BA NYID GANG ZHIG ,RTAG PA DANG MI RTAG PA GNYI GA LAS LDOG PAR NGES PA GANG YIN PA DE GZHAN CHOS CAN SGRA LA YOD PAS NA, RTAG PA DANG MI RTAG PA GNYI GA LA YANG MNYAN PAR BYA BA NYID

, ,KYIS MED PAR NGES PAR 'GYUR RO, ,MED PAR NGES PAR BYED PA YIN YANG DE DAG LA THE TSOM BYED PAR 'GYUR RO ZHEN RTAG PA DANG MI RTAG PA DAG NI LDOG PAR BYED PA MNYAN PAR BYA BA NYID SGRA DE GNYIS LA THE TSOM BYED PAR CI LTAR 'GYUR, CI'I PHYIR ZHE NA, GANG GI PHYIR MNYAN PAR BYA BA NYID KYI RTAG PA DANG MI RTAG PA DAG LAS LDOG PA GANG YIN PA DE LAS RTAG PA DANG MI RTAG PA GNYI GA LA RNAM PAR GCOD PA BSGRUB PA NI GZHAN MA YIN GYI, 'ON KYANG DE LAS LDOG PA NYID DE DAG LA RNAM PAR GCAD PA BSGRUB PA YIN NO, ,'DI NYID NI BRJOD PA NI GANG ZHIG CES BYA BA'O, ,THAMS CAD CES BYA BA NI GTAN TSIGS DU BA LA SOGS PA YANG RNAM PAR GCOD PA BSGRUB PAS GTAN TSIGS NYID YIN LA, DE RTAG PA DANG MI RTAG PA RNAM PAR GCOD PA DE NI MNYAN PAR BYA BA NYID LA YANG YOD DO DES NA, GTAN TSIGS MA YIN PAR CI LTAR 'GYUR, RNAM PAR GCOD PA YIN PAS NA GTAN TSIGS NYID YIN NO ZHES CI LTAR RTOGS SHE NA, SGRA DANG ZHES BYA BA'O, ,GTAN TSIGS ZHES BYA BA LA SOGS PA'I RTZOD PA NI DON 'DI YIN TE, GANG ZHIG LDOG PA SNGON DU SONG BA'I SGRUB PA'I NGES PAR BYED PA DE KHO NA GTAN TSIGS YIN TE, DPER NA BYAS PA NYID RTAG PA RNAM PAR GCAD PAS MI RTAG PA SGRUB PAR BYED PA NA GTAN TSIGS YIN PA BZHIN NO, ,MNYAN BYA NYID NI GNYI GA YANG LDOG PA TZAM ZHIG SGRUB PA YIN TE, DES NA MA RTOGS PA'I RGYU KHO NAR 'GYUR RO ZHES BYA BA'O, ,LAN NI DE BDEN TE ZHES BYA BA'O, ,'CHAD PA NI RJES SU DPAG PA NI ZHES BYA BA'O, ,GAL TE RTAG PA NYID KYI SGRO 'DOGS RNAM PAR GCAD KYANG, MI RTAG PA NYID MI SGRUB PA'I PHYIR CI LTAR RJES SU DPAG PAS DON BYAS PAR 'GYUR ZHE NA, RNAM PA DANG ZHES BYA BA'O, ,DOGS BA NI DE YANG ZHES BYA STE MI RTAG PA NYID KYANG NGO, ,DES NA CI LTAR RTAG PA NYID LOG PAS MI RTAG PA NYID 'GRUB CE NA, DE NI MA YIN TE RTAG PA DANG RNAM PAR BCAD PAS RJES SU DPAG PAS BSGRUBS PA'I MI RTAG PA NYID DE NI MNGON SUM GYIS GRUB PA'I PHYIR RO, ,SGRA'I RANG BZHIN RTAG PA DANG MA 'DRES PAR BYAS PA NYID LA SOGS PA'I RTAGS KYIS BSGRUBS PA DE NI DE KHO NA LTAR MNGON SUM GYIS GZUNG BAS NA, DE YANG RES 'GA' MED PAR 'GYUR RO ZHES CI

LTAR BRJOD CE NA, 'BRAS BU'I GTAN TSIGS LA CI LTAR ZHES BYA BA NA, GANG GI ME DANG BCAS PA NYID DU YANG MI 'GYUR RO ZHES BYA BA'I RTZOD PA SPONG BAR 'GYUR BA ME MED PAR RNAM PAR BCAD NAS ME DANG BCAS PA NYID CI LTAR MNGON SUM GYIS 'GRUB CE NA, 'DI NI RE ZHIG CES BYA BA NI GRUB PA'I MTHAR DON 'DI YIN TE, ME MED PA RNAM PAR BCAD NAS DU BAS BSGRUBS PA'I ME DANG BCAS PA YANG MNGON SUM NYID YIN TE, DE LTA MA YIN NA RJES SU DPAG PA TSAD MA MA YIN PAR 'GYUR PA'I PHYIR RO ZHES BRJOD ZIN PA'I PHYIR RO ZHES BYA BA'O DPE BSHAD NAS DON 'CHAD PA NI GAL TE ZHES BYA BA'O, , GAL TE MNYAN BYA NYID KYIS RTAG PA DANG MI RTAG PA GNYI GA YANG RNAM PAR GCAD PA YIN NA, DE LAS GZHAN DU BSGRUB PA LA, DE'I TSE DE LAS GZHAN DU MNGON SUM GYIS GRUB PAR 'GYUR TE, DE'I PHYIR MNYAN PAR BYA BA NYID GTAN TSIGS KHO NAR 'GYUR GYI, MA RTOGS PA'I MTSAN NYID KYI GTAN CHAGS LTAR SNANG BAR NI MA YIN NO, ,GZHAN GYI ZHES BYA BA NI MNYAN BYA NYID LAS GZHAN BYAS PAS MI RTAG PA NYID DE GCIG BSGRUBS PAS MNYAN BYA NYID GTAN TSIGS MA YIN NO ZHE NA, LAN NI MA YIN TE ZHES BYA BA'O, ,MNGON SUM GYIS SGRA LAS RTAG PA DANG MI RTAG PA NYID LAS PHYI ROL DU GYUR PAR GRUB PA LA GTAN TSIGS GZHAN GYIS RTAG PA NYID 'GOD PAR BYED PA'AM, MI RTAG PA NYID SGRUB PAR BYED PAR CI LTAR 'GYUR, 'ON TE ZHES BYA BA NI GZHAN GYI'O, ,DES NA ZHES BYA BA NI 'GOG PAR BYED PA MA YIN PAS NA'O, ,LAN NI MA YIN TE ZHES BYA BA'O, ,MNYAN PAR BYA PA NYID NI GNYI GA LAS GCIG TU LDOG PAR 'DOD PA YIN TE, DE LTA MA YIN NA MI RTAG PA'I RGYU NYID DU KHAS LEN PAR MI 'GYUR RO, ,DES NA MNYAN PAR BYA BA NYID KYIS GNYI GA RNAM PAR GCAD NA, GANG GI MNYAN BYA GTAN TSIGS MA YIN PAR 'GYUR BA, CI LTAR GZHAN PAS MI RTAG PA NYID SGRUB, DE LTA MA YIN NA ZHES BYA BA NI MNYAN PAR BYA BA NYID MKHRANG PAS MI RTAG PA NYID GNOD PAR BYAS PA LA YANG, BYAS PA NYID GZHAN GYIS BSGRUB NA DE'I TSE MI RTAG PA NYID KYI KHYAD PAR CAN DU RTOGS PA'I SGRA DE LA YANG RTAGS GZHAN GYIS RTAG PA NYID SGRUB PAR DOGS PAR 'GYUR BA'I PHYIR CI LTAR GZHAN

, ,BYAS PA NYID TSAD MA YIN PAR 'GYUR, DES NA GTAN TSIGS THAMS CAD LA YID BRTAN DU MED PAR 'GYUR TE, MTSAN NYID DANG LDAN PA LA GNOD PAR MTHONG BA'I PHYIR RO, ,MNGON SUM 'GOG PAR BYED PA NYID MA YIN PAR KHAS BLANGS NAS 'DI SKAD BRJOD PA YIN GYI, 'GOG PAR MI BYED PA NYID NI RIGS PA YANG MA YIN NO ZHES BRJOD PA NI, MNGON SUM ZHES BYA BA'O, ,CI LTAR SGRUB PAR BYED PAR MI 'GYUR ZHE NA, SGRUB PA NI ZHES BYA BA'O, ,CI'I PHYIR DE LAS GZHAN THA DAD PA BKAG PA MED PAR MI RTOGS SHE NA, 'DI LTAR ZHES BYA BA'O, ,MNGON SUM GYIS RTOGS PA'I DNGOS PO DE GZHAN DANG MA 'DRES PA'AM ZHES BYA BA NI RNAM PAR RTOG PA GCIG NI, 'ON TE GZHAN DANG 'DRES PAR 'GYUR ZHES BYA BA NI GNYIS PA'O, ,GAL TE GZHAN DANG 'DRES BA NI, DE'I TSE DNGOS PO MI 'GYUR BA'O, ,CI'I PHYIR ZHE NA, 'DRES PA'I THA SNYAD MED PA'I PHYIR RO, , 'CHAD PA NI 'DIR ZHES BYA BA'O, ,SGRA'I MTSAN NYID KYI DNGOS PO NI, GZHAN RTAG PA DANG MI RTAG PA DAG LAS LDOG PA'AM MI LDOG ,LDOG PA'I PHYOGS LA YANG RNAM PAR RTOG PA GNYIS BRJOD PA NI, BZUNG BA'AM MA BZUNG BA YIN BZUNG BA'I PHYOGS SU MA 'BYIN PA NI GAL TE ZHES BYA PA'O, ,GZHAN ZHES BYA BA NI RTAG PA DANG MI RTAG PA'I PHUNG PO GNYIS MI 'GOG STE 'ON KYANG 'GOG PA KHO NA'O, ,MA BZUNG BA'I PHYOGS LA BRJOD PA NI, DE LTA MA YIN ZHES BYA BA STE, GAL TE LDOG PA MA BZUNG NA DE'I TSE MNGON SUM GYIS 'DZINGS PAR RTOGS PA'I PHYIR THA SNYAD MED PAS NA'O, ,DON MED DO ZHES BYA BA NI 'JUG PA DANG LDOG PA'I MTSAN NYID KYI THA SNYAD MED PA'I PHYIR RO, ,'ON TE ZHES BYA BA NI MNGON SUM GYIS SGRA RTAG PA DANG MI RTAG PA DAG LAS MI LDOG PA NYID DU BZUNG YANG BYAS PA NYID LA SOGS PA'I RTAGS KYIS RTAG PA NYID 'GOG PA NA, MI RTAG PA NYID KYIS THA SNYAD 'JUG PAR BYED PA YIN TE, DES NA 'DZINGS PA ZHES CI TE BRJOD CES BYA BA'O, ,RTOG PA LA NI BRTAG PA LA'O, ,GZHAN GYIS NI BYAS PAS SO, ,GZHAN YANG NI RJES SU DPAG PA YANG NGO, ,'DIS NI DE LTA MA YIN ZHES BYA BA'I PHYOGS RNAM PA GNYIS SU BRTAGS TE SUN PHYUNG

BA YIN NO, ,'ON TE ZHES BYA BA LA SOGS PAS NI PHYOGS DANG PO SUN 'BYIN PA'O, ,LAN NI LAS ZHES BYA BA STE MNGON SUM DE LAS GZHAN PA'I TSAD MA BA RGYAS KYANG NGO, ,CI'I PHYIR ZHE NA, RANG GI RANG BZHIN ZHES BYA BA STE GZHAN DANG 'DRES PA'O, ,GZHAN DU ZHES BYA PA NI GZHAN DANG MA 'DRES PAR RO, ,'GA' ZHIG GIS ZHES BYA BA NI CHOS KYI RANG BZHIN GYIS MI RTAG PA MA 'DRES PA YIN GYI, CHOS CAN GYI RANG BZHIN GYIS NI MA YIN PA'O, ,DE LTA MA YIN TE ZHES BYA BA NI MI LDOG PA NYID DU'O, ,DOGS PA NI GZHAN GYIS ZHES BYA BA STE TSAD MA GZHAN GYIS SO, ,LAN NI GZHAN GYIS ZHES BYA BA'O, ,TSAD MA GSUM PA LA SOGS PAS TSAD MA GNYIS PAS BZUNG BA YANG DE LTA MA YIN PAR RTOGS NA THAMS CAD LA YID BRTAN DU MED DO, ,BSTAN ZIN TO ZHES BYA BA NI, DE LTAR MA YIN NA DE LA YANG GZHAN GYIS BSGRUB PA'I PHYIR ZHES BYA BA LA SOGS PAS SO, , GAL TE MNGON SUM LA YANG DUS PHYIR 'BYUNG BA'I TSAD MAS GNOD PA'I PHYIR THAMS CAD LA YID BRTAN DU MED PAR 'GYUR RO ZHE NA NYI TSAN ZHES BYA PA'O, ,NYI TSAN LAS KHYIM PHUGS SU ZHUGS MA THAG PA'I SKYES BU LA RNAM PA GZHAN SNANG BA'I MNGON SUM LA MA YIN PA PHYIS GSAL BAR SNANG BA GANG YIN PA'I MNGON SUM PHYI MA DES SNGA MA LA GNOD KYIS SNGA MAS NI PHYI MA LA MI GNOD PA'I PHYIR CI LTAR YID BRTAN DU MED, DES NA ZHES BYA BA NI SKABS KYI MJUG SDUD PA'O, ,GZHAN LAS ZHES BYA BA NI MNYAN BYA NYID LAS SO, ,DE LTAR MA YIN PAR NI NGES PAR RO, ,DE BZHIN NO ZHES BYA BA NI MNYAN BYA NYID KYIS KYANG GNYI GA LAS LDOG PA'I SGRA RTOGS PA NA GZHAN LAS THE TSAM ZA BA'AM NGES PAR MI 'GYUR RO, ,GANG GI PHYIR DE LTAR LDOG PA NYID YIN NA GTAN TSIGS KHO NAR 'GYUR BA DES NA'O, ,GAL TE MA MTHONG BA TZAM LA BRTEN NAS LDOG PA CAN DU GSUNGS NA 'O NA CI LTAR ZHES BYA BA'O, ,LAN NI GCIG TU NGES PA ZHES BYA BA'O, ,CI LTAR NGES PA LDOG SNYAM NA, DE NI ZHES BYA BA STE, MNYAN PAR BYA BA NYID DO, ,DES NA ZHES BYA BA NI MA NGES PA NA'O, ,NGES PA NYID DO ZHES BYA BA NI MA RTOGS PA'I RGYU NI MA YIN PA'O, ,DE BAS NA THUN MONG PA BZHIN DU THUN MONG MA YIN PA

, ,YANG MA NGES PA KHO NA'O ZHES BYA BAR GNAS SO, ,'DIS NI MI MTHUN PA'I PHYOGS LAS LDOG PAR THE TSOM ZA BA GZHAN DAG GTAN TSIGS NYID DU 'DOD PA YANG MA NGES PA NYID DU SHES PAR BYA'O, ,'DI TZAM GYIS CI ZHIG BSHAD SNYAM NA, DE LTAR NA RE ZHIG CES BYA BA'O, , CI LTAR ZHES BYA BA NAS ZHE NA'I BAR NI RTZOD PA'O, ,LDOG PA CAN ZHES BYA BA NI GTAN TSIGS MNYAN BYA NYID DO, ,'DI NYID BRJOD PA NI 'DI LTAR ZHES BYA BA'O, ,CI LTAR RJES 'GRO GCIG DU NGES PA YIN ZHE NA, NAM MKHA' ZHES BYA BA'O, ,'DI NI GZHAL BYA'O, ,CI LTAR LDOG PA MED PA YIN ZHE NA NAM MKHA' LA NI ZHES BYA BA'O, ,'DI NI GZHAL BYA'O, ,DE NI NAM MKHA'O, ,DES NA ZHES BYA BA NI LDOG PA MED PAS NA'O, ,DE NI MA YIN TE ZHES BYA BA LA SOGS PAS NI GTAN TSIGS 'DI MA NGES PA NYID DU BRJOD PA'O, ,MDO SDE PA MNGON PAR 'DOD PA NAM MKHA' MED PA'I PHYOGS LA NI GAL TE, NAM MKHA' DE MI SRID PA DE LTA NA YANG GZHAL BYA NYID NI NAM MKHA' MED PA 'DI LA CI LTAR YANG MI LDOG GO, ,CI'I PHYIR ZHE NA, MED PA LA YANG NGO ZHES BYA BA'O, ,DE LTA MA YIN NA ZHES BYA BA NI MED PA LA GZHAL BYA NYID MED NA'O, ,CI LTAR THA SNYAD MED PAR 'GYUR ZHE NA YOD PA ZHES BYA BA'O, ,'BA' ZHIG CES BYA BA NI GZHAN LAS LDOG PA MED PA'O, ,CI'I PHYIR NUS PA MA YIN ZHE NA, PHAN TSUN ZHES BYA BA'O, ,DE LTA MA YIN NA ZHES BYA BA NI PHAN TSUN SPANGS PA MA YIN NA'O, ,THA SNYAD DU BYED PA SU ZHIG THA SNYAD BYA BA GANG LA'AM, DGOS PA CI'I DON DU BYED PA YIN TE, 'DI THAMS CAD MED PAR 'GYUR RO, ,GAL TE DE LTAR DON THAMS CAD KYI, PHAN TSUN MED PA GZHAL BYA YIN MOD, MED PA'I NAM MKHA' LA GO CI LTAR ZHE NA, GZHAN GYIS ZHES BYA BA'O, ,RIGS PA CAN LA SOGS PA GZHAN DAG GIS NAM MKHA' MED DO ZHES BYA BA'I PHYOGS MED PAR MA RTOGS PA TE, MA NGES PA NI MDO SDE BAS RANG RANG GI PHYOGS NAM MKHA' MED PA'I PHYOGS GZHUNG GZUGS PAR NUS PA MA YIN NO, ,DES NA MDO SDE BA'I LUGS KYI NAM MKHA' MED PA YIN YANG GZHAL BYA NI YIN PA KHO NA'O, ,DE LTAR GZHAN GYI 'DOD PA'I NAM MKHA' MED PA

GZHAL BYA NYID DU BSGRUBS NAS RANG GI 'DOD PA BRJOD PA NI, NAM MKHA' YANG ZHES BYA BA'O, ,THOGS PA DANG BCAS PA'I DNGOS PO MED PA ZHES BYA BA'I NI YON TAN SGRA LA BLTOS TE, NAM MKHA' YON TAN CAN NYID YIN PA SEL BA'O, ,DE LTA MA YIN NA ZHES BYA BA NI, GAL TE NAM MKHA' THOGS PA DANG BCAS PA'I DNGOS PO DANG BRAL BA'I RANG BZHIN TSAD MA'I SPYOD YUL DU MI 'DOD NA'O, ,MJUG SDUD PA NI DES NA ZHES BYA BA'O, ,DE ZHES BYA BA DNGOS PO MED, DE LTAR TE DNGOS PO RNAMS MA 'DRES PAR RNAM PAR 'JOG PAS RNAM PAR GZHAG PAR BYA BA YIN NA, DE'I TSE TSAD MAS RNAM PAR GZHAG PA YIN NO ZHES KHAS BLANG PAR BYA STE, DES NA DNGOS PO MED PA YANG GZHAL BYA YIN NO, ,CI LTAR DNGOS PO MED PA GZHAL BYA YIN TE, DNGOS PO KHO NA GZHAL BYA YIN PA'I PHYIR RO ZHE NA, DNGOS PO'I ZHES BYA BA'O, ,'ON KYANG GZHAN MED PA'I YUL CAN YANG YIN NO, ,CI'I PHYIR ZHE NA, TSAD MA NI ZHES BYA BA NI GZHAN DANG BRAL BA'I DNGOS PO 'DZIN PA'I MTSAN NYID YIN PA'I PHYIR RO, ,'DI NYID BRJOD PA NI RNAM PAR GCOD PAR BYED PA NYID CES BYA BA'O, ,RNAM PAR GCOD PAR BYED PA TSAD MA YIN NA, NYA PHYIS LA DNGUL DU SHES PA YANG TSAD MAR 'GYUR RO ZHE NA, GAL TE ZHES BYA BA'O, ,GNOD BYED GZHAN GYIS SO, ,GANG GI PHYIR DE LTAR DNGOS PO'I YUL CAN NYID KYI TSAD MA MA YIN PA DE'I PHYIR THA SNYAD DU MI SLU BA DON BYED PA GANG YIN PA DE SGRUB PAR BYED PA'ANG YIN LA SHES PA'ANG YIN PA DES GCAD PAR BYA BA'O, ,BUM PA NI DON BYA BA RTOGS PA NYID DE DANG SHES PA GCIG LA 'DRE BA'I SHING RTA LA SOGS PA MED PAR RTOGS PA YIN NO ZHES BYA BA'I DON TO, ,DE BAS NA ZHES BYA BA NI RJES SU 'GRO BA MI 'KHRUL BA MA YIN PAS NA'O, ,'ON TE ZHES BYA BA NI DOGS PA'O, ,DE LTA YIN NA ZHES BYA BA NI LAN NO, ,GANG GI PHYIR DON BYA BAR NUS PA'I DNGOS PO KHO NA GZHAL BYA YIN PA DES NA, DON BYA BA BYED PA NYID MI RTAG PA NYID KYI GO BAR BYED PA YIN NO ZHES BYA BAR 'GYUR RO, ,DE YANG ZHES BYA BA NI DON BYA BA BYED PA'I MTSAN NYID KYI GZHAL BYA NYID CI LTAR RJES SU 'GRO BA CAN GYI GTAN TSIGS YIN ZHES 'BREL TO, ,CI'I PHYIR ZHE NA, DNGOS PO MED PA LAS ZHES BYA BA'O, ,GAL TE GANG ZHIG MED PA

, ,NI 'BYUNG KHUNGS SU 'GYUR BA MA YIN TE, DES NA CI LTAR MED PA LAS LDOG CES BRJOD SNYAM NA MED PA LAS KYANG ZHES BYA BA'O, ,BSTAN ZIN TO ZHES BYA BA NI, PHYIR DNGOS DNGOS MED RTEN CAN ZHES BYA BAR RO, ,'DIS NI ZHES BYA BA NI GZHAL BYA NYID THUN MONG GI MA NGES PAR BSTAN PAS NA'O, ,RJES SU 'GRO BA MI 'KHRUL PA NYID DE DAG GTAN TSIGS NYID YIN PA YANG GSAL BA YIN NO, ,'DI LTAR DNGOS PO NYID KYANG BSGRUB PAR BYA BA MI RTAG PA NYID YIN PA NA, BUM PA DANG NAM MKHA' DAG LA RJES SU 'GRO BA DANG LDOG PA YIN NO, ,MDO SDE PAS NAM MKHA' YANG DNGOS PO MED PAR 'DOD PA'I PHYIR RO, ,MED PA YANG 'BYUNG KHUNGS SU BSGRUBS ZIN PA'I PHYIR RO, ,DES NA CI LTAR RTAG PA NYID DU BSGRUB PAR BYA BA LA, GZHAL BYA NYID THUN MONG GI MA NGES PA YIN PA DE BZHIN DU MI RTAG PA NYID BSGRUB PAR BYA BA LA YANG YIN NO ZHES GNAS SO, ,PHYOGS KYI CHOS RNAM PA DGUR BSTAN PA LA NYUNG BA NYID DU RTZOD PA NI GAL TE ZHES BYA BA'O, ,RTZOD PA SMRA BA NYID GRUB PA'I MTHA' SMRA BA'I DOGS PA BSU BA NI, 'ON TE ZHES BYA BA'O, ,DE LTA YIN NA ZHES BYA BA NI RTZOD PA PO NYID LAN LDON PA'O, ,RANG RGYUD DU ZHES BYA BA NI DNGOS PO'I KHYAD PAR LA MI LTOS PA'O, ,'O NA THA SNYAD KYI YUL DU GYUR PA CI LTA BUR GYUR PA ZHIG YIN ZHE NA, 'ON KYANG ZHES BYA BA'O, ,GAL TE RNAM PA DE LTA BU'I DNGOS PO MED PA NI RANG NYID 'GRUB MOD, RGYU DANG KHYAD PAR BYED PA MED PA LAS DE CI LTAR SGRUB SNYAM NA, DNGOS PO DE YANG ZHES BYA BA'O, ,CI'I PHYIR MI 'GRUB SNYAM NA, DE MA DMIGS ZHES BYA BA STE, 'BRAS BU THE TSOM ZA BA'O, ,'ON CI LTAR DNGOS PO MED PAR 'GRUB SNYAM NA, GAL TE ZHES BYA BA'O, ,DE MED PAR NI 'BRAS BU THE TSOM ZA BA LA SOGS PA DE MED PAR RO, ,DE LA YANG ZHES BYA BA NI RGYU DANG KHYAD PAR BYED PA LA'O, ,DE NYID CES BYA BA NI DE'I BDAG NYID DANG DE LAS BYUNG BA'O, ,GAL TE 'BREL PA GRUB PA KHO NA MI DMIGS PA YIN NA, DE'I TSE RANG BZHIN LA SOGS PA'I GTAN TSIGS BZHIN DU 'DI LA YANG DPER BRJOD PA CI TE MA SBYAR CE NA ZHES BYA BA NI 'DRI BA'I DON TO, ,LAN NI SBYAR BA KHO NA'O ZHES BYA BA'O, ,'DI LTAR RGYU DANG, NGO BO SKYED PAR BYED PA DANG KHYAD PAR BYED PA DAG MI MTHUN PA'I

PHYOGS LA LDOG PA NYID KYIS, 'BRAS BU DANG KHYAB BYAR GYUR PA'I DON LDOG PAR SLOB DPON PHYOGS KYI GLANG POS BRJOD PA LAS DE DAG MI DMIGS PA'I DPE NI GRUB PA DE'I PHYIR DE GNYIS LAS THA DAD PAR MA BSHAD DO, ,GANG GIS DE SKAD SMRA BA DE LTAR BRJOD PA YOD DAM ZHE NA 'DI NI BSTAN ZIN TO ZHES BYA BA'O, , 'O NA RANG BZHIN MI DMIGS PA TSANG NGO ZHE NA, RANG BZHIN ZHES BYA BA'O, ,BSTAN PA NYID DE ZHES BYA BA NI PHYOGS KYI CHOS RNAM PA DGU BSTAN PAR RO, ,CI LTAR ZHE NA, RGYU DANG ZHES BYA BA'O, ,DNGOS PO NI 'BRAS BU DANG KHYAB BYA'O, ,DE LA'ANG ZHES BYA BA GANG GI SGRA NI NGES PAR GZUNG BA'I DON TO, ,BSTAN PA KHO NA'O ZHES BYA BA'I DON TO, ,MI DMIGS PA GANG GIS GZHAN DAG MI MTHUN PA'I PHYOGS BUM PA LA GTAN TSIGS SROG LA SOGS PA LDOG PAR BSTAN PA'I DON DU BDAG MED PAR GRUB PAR BYED PA'I MI DMIGS PA DE LA SLOB DPON PHYOGS KYI GLANG POS THE TSOM ZA BAR BSHAD PAS BLTAR RUNG BA'I DON LA MI DMIGS PA DE GO BAR BYED PA YIN NO ZHES BSTAN PA KHO NA'O, ,CI LTAR GTAN TSIGS THE TSOM ZA BAR BSHAD CE NA, BDAG GI MTSAN NYID KYI SKYES BU MTHONG BA MED PA LAS SROG LA SOGS PA LDOG PA MED PA'I PHYIR TE, LDOG PA BKAG PA'I PHYIR DE BDAG BLTAR MI RUNG BA'I YUL CAN NYID KYIS NA MI DMIGS PA TZAM LAS THE TSOM ZA BA'I PHYIR RO ZHES BYA BA'I DON TO, ,RANG BZHIN DANG 'BRAS BU DAG KYANG RNAM PAR GCOD PA'I YUL CAN NYID KYIS NA, MI DMIGS PA'I RANG BZHIN NYID DU DOGS PA NI GAL TE ZHES BYA BA'O, ,DGOS PA NI 'O NA ZHES BYA BA'O, ,LAN NI DE'I BDAG NYID DO ZHES BYA BA'O, GANG DAG DNGOS PO'I RANG BZHIN KHAS MA BLANGS PA'I DGAG PA SGRIB PA DE LA STE, DMIGS PAR DU BA RNAMS KYIS YOD PA RNAMS NI DMIGS PA LAS GZHAN MA YIN PA KHO NA'O, ,'ON KYANG DMIGS PA NYID YOD PA YIN NO, ,'DI GA LAS SHE NA, MED PA'O ZHES BYA BA'O, ,THA DAD PAS DOGS PA BSU BA NI, GAL TE ZHES BYA BA'O, ,'DI GNYIS ZHES BYA BA NI SHES PA MED PA DANG SHES BYA BA MED PA DAG GO, ,'ON TE SHES PA DANG SHES BYA DAG THA MI DAD PA MA YIN NAM, DE CI LTAR DE MED PA DAG THA DAD PAR SGRUB PA'I DON DU 'DI GNYIS DPE NYID DU NYE BAR BLANGS SHE NA, SHES PA NYID

, ,CES BYA BA'O, ,DE ZHES BYA BA NI DON GYI YOD PA'O, ,GAL TE MNGON SUM LOG PAS KYANG DON MED PA YIN NO ZHES CI LTAR SHES SHE NA, 'DI LTAR ZHES BYA BA'O, ,'ON TE RJES SU DPAG PAS LKOG TU GYUR PA'I DON MI 'DZIN PA KHO NA MA YIN NAM ZHE NA, DU BA MTHONG BAS ZHES BYA BA'O, , 'ON TE DER YANG RJES SU DPAG PAS DMIGS PA YOD PA YIN TE, DES NA DE LOG PAS NI MED PA GO BAR BYED PA YIN NO ZHE NA DER YANG ZHES BYA BA STE, LKOG TU GYUR PA'I DON LA'O, ,RJES SU DPAG PAS YOD PA LA KHYAB PA MA YIN NO ZHES BYA BA'I DON TO, ,CI LTAR ZHE NA, RJES SU DPAG PA ZHES BYA BA STE, GANG GI TSE RJES SU DPAG PA MED KYANG LKOG TU GYUR PA'I DON DE YOD PA DE'I TSE RDZAS DE RJES SU DPAG PA LA 'KHRUL PA YIN NO, ,'DI NYID BRJOD PA NI, RJES SU DPAG PA LDOG PAS NI ZHES BYA BA'O, ,'ON TE RJES SU DPAG PAS YOD PA LA MA KHYAB MOD, YOD PAS NI RJES SU DPAG BA CI LTAR MA KHYAB CE NA, 'DAS PA DANG ZHES GSUNGS SO, ,'DAS PA DANG MA 'ONGS PA'I DON NI MED PA YIN TE, DE LTA NA YANG DE DAG LA RJES SU DGAG PA MI 'JUG PA YIN NO, ,DES NA RJES SU DPAG PA LA YANG YOD PAS MA KHYAB PA'O, ,DE NYID KYI PHYIR YOD PA LDOG PA RJES SU DPAG PA MED PA MED PAR MI 'GYUR BA MA YIN NO, ,DES NA SHES PA DANG SHES BYA DAG BZHIN DU DE MED PA DAG KYANG THA DAD PA KHO NA'O ZHE NA 'DI NI ZHES BYA BA LA SOGS PA NI GRUB PA'I MTHA'O, ,'ON KYANG DMIGS PA MED PA NYID MED PA YIN NO, ,DE CI'I PHYIR ZHE NA, DMIGS PA'I ZHES BYA BA'O, ,GAL TE MA DMIGS PA NYID MED PA YIN NO ZHES BYA BA 'DI NI YOD PA MA YIN TE, DES NA CI LTAR SNANG BA MI DMIGS PAS MED PA'I THA SNYAD SGRUB CES DOGS NA, YOD PA DANG DMIGS PA DAG DE'I BDAG NYID DU STON PAS MI DMIGS PA DANG MED PA DAG KYANG DE'I BDAG NYID DU BRJOD PA NI, DE DAG GI ZHES BYA BA STE BLTAR RUNG BA RNAMS KYI'O, ,CI LTAR ZHE NA, 'DI LTAR ZHES BYA BA'O, ,LAS KYI CHOS SU GYUR PA'I DMIGS PA 'CHAD PA NI, 'DI LTAR ZHES BYA BA'O, ,DE STE ZHES BYA BA LA SOGS PAS NI BYED PA PO'I CHOS BSTAN TO, ,KHYAB PA NYID DO ZHES BYA BA NI YOD PA LA'O, ,GAL TE LAS KYI CHOS

DMIGS PA YIN PA'I PHYOGS LA, CI LTAR DMIGS PA NYID YOD PA YIN ZHE NA DE LAS ZHES BYA BA STE, LAS KYI CHOS SU GYUR PA'I DMIGS PA DE LAS YOD PA NYID THA DAD PA MED NA THA DAD PAR RTOGS PA MA YIN TE, DES NA DMIGS PA NYID YOD PA YIN NO, ,'O NA DMIGS PA BYED PA PO'I CHOS YIN PA'I PHYOGS LA CI LTAR YOD PA DMIGS PA NYID YIN ZHE NA, DES NA ZHES BYA BA'O, ,BYED PA PO'I CHOS DMIGS PA THA DAD PA NI MI 'KHRUL BA'I PHYIR NA YOD PA NYID DMIGS PA YIN NO, ,'DI YANG KHAS BLANGS NAS BRJOD PA YIN NO ZHES GSUNGS PA NI THA DAD PA ZHES BYA BA'O, ,THA DAD PA DNGOS PO DANG DUS MTSUNGS PA'I DMIGS PA GANG YIN PA DES DON RNAMS DMIGS PA NI MI SRID DO, ,'ON JI LTAR ZHE NA, 'ON KYANG ZHES BYA BA'O, ,DNGOS PO DER RJES SU CHUD PA DMIGS PAR BYA BA'I LAS KYI CHOS SU GYUR PA GANG YIN PA DE'I MTSAN NYID KYI DMIGS PA LAS DON RNAMS DMIGS PA YIN NO, ,GANG GI PHYIR DE LTAR YOD PA DANG DMIGS PA DAG DE'I BDAG NYID YIN PA DE'I PHYIR RO, ,'DIS NI DE LA'ANG DMIGS RUNG RNAMS KYI NI ZHES BYA BA LA SOGS PA BSHAD PA YIN NO, ,DE LAS NI ZHES BYA BA NI YOD PA DANG DMIGS PA DAG DE'I BDAG NYID YIN PA LAS SO, ,DE MI DMIGS PA ZHES BYA BA NI DMIGS PA RNAM PA GNYIS KYIS DMIGS PA MED PA NYID DO, ,'DIS NI DMIGS PAR BYA BA MED PA NI ZHES BYA BA LA SOGS PA BSHAD PA YIN NO, ,GAL TE SHES PA DANG SHES BYA DAG DE'I BDAG NYID YIN YANG DE MED PA DAG CI LTAR 'DI'I BDAG NYID YIN ZHE NA, DNGOS PO MED PA ZHES BYA BA'O, ,CI'I PHYIR ZHE NA, DNGOS PO THA DAD PAS ZHES BYA BA'O, ,KHYAD PAR BUM PA DANG SNAM BU LA SOGS PA'I DNGOS PO RNAMS THA DAD PAS DNGOS PO MED PA RNAMS THA DAD PA YIN NO, ,DE NYID CES BYA BA NI THA DAD PA NYID DO, ,KHYAD PAR DNGOS PO THA DAD PAS DNGOS PO MED PA THA DAD PA NA KHAS BLANGS NAS BRJOD PA YIN GYI 'DI YANG YOD PA MA YIN NO ZHES BRJOD PA NI, BUM PA DANG SNAM BU MED PA DAG GI KHYAD PAR NI DNGOS PO MED PA LAS LDOG PAS BUM PA DANG SNAM BU DAG GCIG YIN PA'I PHYIR NA GCIG KHO NA'O, ,DES CIR 'GYUR ZHE NA, DES NA ZHES BYA BA'O, ,KHYAD PAR

, ,GCIG YIN PA'I PHYIR NA BUM PA DANG SNAM BU LDOG PA'I SGO NAS GCIG NYID DU GYUR PA DAG GIS DNGOS PO MED PA GANG YIN PA DE DAG KYANG GCIG KHO NA'O, ,DE LTAR DNGOS PO GNYIS THA MI DAD PAS NA, DE DAG MED PA DAG KYANG THA MI DAD PAR BSTAN PA YIN NO, ,YANG NA DNGOS PO GNYIS THA DAD PA YIN DU CHUG PA DE LTA NA YANG DE DAG GI DNGOS PO MED PA DAG NI THA DAD PA MA YIN NO ZHES BRJOD BA NI, DON DAM PAR NI ZHES BYA BA'O, ,DES NI MI DMIGS PA NYID MED PA MA YIN NO ZHES BYA BA 'DI GNAS PA YIN NO, ,GAL TE ZHES BYA BA LA SOGS PA'I RTZOD PAR DON 'DI YIN TE, GAL TE BUM PA MED PAR SA GZHI LA SOGS PA YOD PA NYID YIN LA MI DMIGS PA YANG SA GZHI'I RANG BZHIN YIN NA DE'I TSE MED PA MNGON SUM NYID KYIS GRUB PA'I PHYIR NA SNANG BA MI DMIGS PA DON MED DO ZHES BYA BA YIN NO, ,DNGOS PO MED PA LA LOG PAR RTOGS PA MED PA NYID DE, MNGON SUM GYIS GRUB PA YIN PA'I PHYIR RO, ,MI SHES ZHES BYA BA NI RANG BZHIN MI DMIGS PA'I MTSAN NYID NI MED PA NYID YIN NO ZHES MI SHES PA, GANG YIN PA'I MI SHES PA DANG MI DMIGS PA NYID MED PA YIN NO ZHES SHES PAR BYA BA'I PHYIR MI DMIGS PA STE RANG BZHIN MI DMIGS PA'I DPE GCIG 'DOD PA YIN NO, ,'DI NYID BRJOD PA NI GANG ZHIG CES BYA BA'O, ,RGOL BA GZHAN BRJOD PA NI GRANGS CAN ZHES BYA BA'O, ,SHES PAR BYA BA'I DON DU ZHES BYA BA NI, GAL TE SHES PA DANG SHES BYA MED PA DAG THA MI DAD PAR RTOGS NA, DE'I TSE DE BSTAN PA DON MED DE ZHES BYA BA'I DON TO, ,GAL TE YONG BA DANG DMIGS PA DAG THA MI DAD NA, 'O NA MI DMIGS PA DER BSGRUB PAR BYA BA CI ZHIG YIN ZHES BYA BA NI DRI BA'O, ,LAN NI YUL ZHES BYA BA'O, ,BUM PA LA SOGS PA YOD PA NI YUL YIN LA, SHES PA DANG SGRA NI YUL CAN YIN NO, ,BUM PA LA SOGS PA YOD PAR THE TSOM ZA BA NI YUL YIN LA, THE TSOM ZA BA'I SHES PA DANG BRJOD PA DAG NI YUL CAN YIN TE, YUL DE MED PAS NGES PAR MI DMIGS PA DER YUL CAN SHES PA LA SOGS PA 'GOG PA YIN TE, DE LTAR DE DGAG PA BSGRUB PAR BYA BA YIN NO, ,MI SNANG BA MI DMIGS PA LA NI, NGES PA YOD PA'I THA SNYAD NYID 'GOG PA YIN GYI THE TSOM

NI MA YIN LA GZHAN DU NI 'DI MTHA' DAG 'GOG PA YIN NO ZHES SNGAR BRJOD ZIN TO, ,CI DANG 'DRA BAR ZHE NA DPER NA ZHES BYA BA'O, ,SREG PAR BYED PA RTOGS PAS NI SHES PA DANG BRJOD PA'I MTSAN NYID ME'I THA SNYAD DU NGES PA 'JUG PAR BYED PA YIN LA, THE TSOM ZA BAS NI THE TSOM ZA BA YIN NO, ,ME DE MED NA NI ME'I THA SNYAD MTHA' DAG 'GOG PA BZHIN NO, ,YANG 'DIR YUL CI 'DRA BA ZHIG YIN PAR 'DOD CING, 'DI YANG GANG ZHIG YIN ZHE NA, SHES PA DANG ZHES BYA BA'O, ,DE DAG TU THE TSOM ZA BA ZHES BYA BA NI YUL LA THE TSOM ZA BA NI YUL YIN NO ZHES SKABS SU BAB PA'O, ,SHES BRJOD THE TSOM ZA BA DAG NI YUL YIN NO, ,GAL TE DE LTAR YIN MOD DE LTA NA YANG CI LTAR YUL CAN 'GOG CE NA, YUL ZHES BYA BA'O, ,GANG GIS SHES PA LA SOGS PA 'GOG PA DE'I YUL CI LTAR MED CE NA, BZLOG PA'I ZHES BYA BA'O, ,DPE RNAM PAR 'GREL PA NI DPER NA ZHES BYA BA'O, ,CI LTAR 'DI THE TSOM ZA BA'I ME 'GOG CE NA, PHYOGS GZHAN DU ZHES BYA BA'O, ,SREG PAR BYED PA MED PA'I PHYOGS LAS GZHAN NI PHYOGS TE, SREG PAR BYED PA YOD PA STE DER GYUR PA'O, ,SREG PA LA THE TSOM DU GYUR NA ZHES BYA BA'I DON TO, ,MER THE TSOM ZA BA ZHES BYA BA NI, CI 'DI ME'AM 'ON TE ME MA YIN ZHES ME'I THA SNYAD LA THE TSOM ZA BA'O, ,DE MED NA NI ZHES BYA BA NI PHYOGS GZHAN DU GYUR PA'I SREG PAR BYED PA YOD PA MED NA NI LDOG PA NGES PA'I SREG PAR BYED PA MED PA YOD PA'I PHYIR, THE TSOM ZA BA'I ME'I THA SNYAD DE SRID PA LA 'GYUR TE MI 'GYUR BA KHO NA'O, ,CI'I PHYIR THA SNYAD DGAG PA BSGRUB KYI ME MED PA NI MA YIN ZHE NA, 'DI LTAR ZHES BYA BA'O, ,DE LTAR SNANG BA MI DMIGS PA LA YOD PA'I THA SNYAD DGAG PA'I 'BRAS BU RNAM PA GNYIS BRJOD NAS DA NI MED PA DANG MI DMIGS PA DAG DE'I BDAG NYID DU BRJOD PA SNGON DU 'GRO BA CAN MED PA'I THA SNYAD KYI 'BRAS BU CAN NYID DU BSTAN PA NI CI LTAR ZHES BYA BA'O, ,SREG BYED MA YIN PA LAS ME MED PA GZHAN NI MA YIN GYI, 'ON KYANG SREG PAR BYED PA MED PA NYID ME MA YIN PA DE BZHIN DU, DMIGS SU RUNG BA'I MED PA YANG MI DMIGS PA LAS GZHAN MA YIN GYI, 'ON KYANG MI DMIGS PA NYID MED PA YIN NO, ,DE YOD PA LAS TE, MI DMIGS PA YOD PA LAS DE'I

, ,RGYU MTSAN CAN MED PA'I SHES PA DANG, SGRA MI DMIGS PA'I RGYU MTSAN CAN SGRUB PAR BYED PA YIN GYI, DNGOS PO MED PA NI MA YIN NO, ,CHAD PA NI DMIGS PA'I ZHES BYA BA'O, ,DE ZHES BYA BA NI DMIGS PA GRUB NA'O, ,DE BDAG NYID CES BYA BA NI MI DMIGS PA'I NGO BO NYID DO, , DE'I BDAG NYID MA YIN PAR DOGS PA BSU BA NI, GAL TE ZHES BYA BA'O, ,LAN NI BSGRUB BYA SGRUB PAR BYED PA'I RTAGS DE NYID MED PA DANG MI DMIGS PA 'DIR RO, ,'ON TE MA GRUB PA LAS KYANG BSGRUB BYA 'GRUB BO ZHE NA, MA GRUB PA BSGRUB PAR BYA BA NYID DU 'DOD PA'I DU MA NYID NI MA GRUB PAS ZHES BYA BA BSGRUB PAR BYA BA SGRUB PA'I MTSAN NYID KYIS RTAGS MA GRUB PA'I 'GRUB PAR 'GYUR BA MA YIN NO, ,CI LTAR NA RTAGS BSGRUB BYA SGRUB PAR BYED PA NYID MA GRUB CE NA, MED PA DANG MI DMIGS PA 'DI LA NI DE'I BDAG NYID KHAS MI LEN NA 'BREL PA MED PA KHO NA'O, ,DE'I PHYIR ZHES BYA BA NI 'BREL PA MED PA'I PHYIR RO, ,DE ZHES BYA BA BSGRUB BYA BSGRUB PA NYID MA GRUB BA'O, ,BSGRUB PAR BYA BA ZHES BYA BA LA SOGS PAS RTZOD PA RJES SU BRJOD NAS, DE NYID CES BYA BA LA SOGS PA RNAM PAR 'GREL PAR LAN 'DEBS PA NI BSGRUB PAR BYA BA DANG ZHES BYA BA LA SOGS PA'O, ,DE BZHIN DU ZHES BYA BA NI BSGRUB BYA SGRUB PAR BYED PA'I RTAGS KYIS SO, ,CI'I PHYIR ZHE NA, MA GRUB PA NI ZHES BYA BA STE, THA DAD PA NYID DO, ,MA GRUB PAS ZHES BYA BA NI BSGRUB BYA SGRUB PAR BYED PAS SO, ,BSGRUB PAR BYA BA LAS SGRUB BYED GRUB NA PHAN TSUN RTEN PA'I NYES PA BRJOD PA NI CI SRID DU ZHES BYA BA'O, , 'O NA CI LTAR BSGRUB BYA SGRUB BYED KYI DNGOS PO 'GRUB CE NA, BSGRUB BYA SGRUB BYED KYI ZHES BYA BA'O, ,'ON TE DE'I BDAG NYID LAS GZHAN PA'I 'BREL PA YOD PA NYID DO ZHES DOGS NA DE NYID 'DIR NI MA GRUB STE ZHES BYA BA RNAM PAR 'GREL TE, BRJOD PA NI MI DMIGS PA DANG ZHES BYA BA'O, ,CI'I PHYIR ZHE NA, DE DAG CES BYA BA STE, MI DMIGS PA DANG MED PA DAG GO, ,GAL TE ZHES BYA BA NI, GAL TE DNGOS PO MED PAR SHES PA YIN NA ZHES 'BREL TO, ,GANG GIS ZHE NA, MI DMIGS PA LAS GZHAN PA'I TSAD MAS SO, ,DE'I PHYIR ZHES BYA BA DNGOS PO MED PA TSAD MA GZHAN GYIS

SHES PA'I PHYIR DNGOS PO MED PA DANG NGO, ,GZHAN DU ZHES BYA BA NI GAL TE 'GREL PA GRUB PA'I DON DU MI DMIGS PA KHO NAS DNGOS PO MED PA SHES PA YIN NA'O, ,GAL TE YANG PHAN TSUN RTEN PA NYID KYIS GNYI GA RAB TU MA GRUB PA DE LTAN YANG, PHAN TSUN RTOGS PA'I MTSAN NYID DE'I 'BRAS BU NI GRUB PAR 'GYUR RO ZHES DOGS PA NI DE NYID KYI PHYIR NA ZHES GSUNGS TE, MA GRUB PA NYID KYI PHYIR NA'O, ,PHAN TSUN GYIS BYAS PA'I 'BRAS BU 'GRUB PA MA YIN TE SKYE BA MA YIN NO, ,DE PHYIR DE MA YIN ZHES BYA BA RNAM PAR 'GREL PA NI, DE'I PHYIR ZHES BYA BA'O, ,'ON TE DE'I BDAG NYID KYI 'GREL PA KHAS LEN NA, DE'I TSE DE'I BDAG NYID KYIS ZHES BYA BA'O, ,'DI SRID KYIS RNAM 'GREL GYI PHYED SNGA MA BSHAD NAS, PHYED PHYI MA 'CHAD PA NI PHYIR THA SNYAD BSGRUB BAR BYA BA YIN NO ZHES BYA BA'O, ,'CHAD PAR 'GYUR BA'I RTZOD PA ZHE KHONGS LA BZHAG NAS GSUNGS PA NI, SNANG BA ZHES BYA BA'O, ,CI LTAR 'DI DER NGES PA YIN TE, BLO DANG BRAL BA LA SOGS PA YANG YOD PA'I PHYIR RO ZHE NA GANG GI PHYIR BLTAR RUNG BA MA MTHONG BA DE'I 'BRAS BU YIN YANG, BLO SGRA THE TSOM MED DE NGES PA YIN NO, ,CI LTAR DE LA DE DAG NGES SHE NA SNANG BA MA MTHONG NA ZHES BYA BA'O, ,DES NA DE'I 'BRAS BU YIN YANG DE DAG NGES PAR 'GRUB BO, ,DE NYID KYI PHYIR MED PA'I THA SNYAD KYI YUL DU RUNG BA NYID NI MI DMIGS PA'I RANG BZHIN NYID KYIS 'GRUB PA YIN NO, ,RTZOD PA GZHAN BRJOD PA NI THA SNYAD KYANG ZHES BYA BA'O, LHUR BYA BA'I DON GYIS RTZA BA RNAM PAR 'GREL PAS LAN BRJOD PA NI, 'DI LTAR ZHES BYA BA'O, ,RTZOD PA GNYIS PA LA BRJOD PA NI, DE TZAM GYI ZHES BYA BA STE MI DMIGS PA TZAM GYI RGYU MTSAN GYIS SO, ,CI'I PHYIR ZHE NA, RUNG BA NYID NI ZHES BYA BA'O, ,GAL TE MI DMIGS PA YOD KYANG 'GA' ZHIG THA SNYAD MI 'JUG PA KHO NA MA YIN NAM, DES NA CI LTAR DE LA BLTOS TE RUNG BA NYID MI DMIGS PA'I RANG BZHIN YIN ZHE NA, SEMS DANG LDAN PA ZHES BYA BA'O, ,DE ZHES BYA BA NI SNANG BA MI DMIGS PA MTHONG BA LAS SO, ,GAL TE LUS DANG NGAG GIS THA SNYAD 'JUG PAR MI BYED PA CI LTAR YID KYI THA SNYAD 'JUG PAR BYED CE NA DNGOS PO MED PA'I ZHES BYA BA'O, ,CI

, ,LTAR DE GNYIS MI 'JUG NA DE LA MI DMIGS PA CI LTAR TSAD MA YIN ZHE NA, TSAD MA NI ZHES BYA BA'O, ,RTOGS PA STE MED PAR SHES BA SGRUB PAS YIN GYI, LUS LA SOGS PA'I THA SNYAD SGRUB PAS NI MA YIN NO, ,DE'I PHYIR DE LA YANG MI DMIGS PA'I RANG BZHIN GYI RUNG BA GRUB PA KHO NA'O, ,GANG GI PHYIR DE LTAR MI DMIGS BA MED PA'I THA SNYAD DU RUNG BA NYID LA MI 'KHRUL PAR GRUB PA DE'I PHYIR SNANG BA MI DMIGS PA'I BDAG NYID CAN GYI YUL YOD NA YANG RMONGS PAS 'JIM GONG LA SOGS PA 'DIR RTOGS PAR BYA BA MED PA'I THA SNYAD LA SOGS PA 'JUG PAR MI BYED PA MI BRJOD DAG LA BRDA DRAN PAR BYED PA 'BA' ZHIG GO, ,CI 'DRA BA ZHIG 'JIG RTEN NA SNANG DU RUNG BA LAS MI DMIGS PAS NA MED PA'I THA SNYAD KYI YUL DU SGRUB PA DANG, GANG LA KHYOD KYIS KYANG MED PA'I THA SNYAD BYAS PA DE DANG 'DI 'DRA BA YIN TE, DES NA 'DI GRUB PA'I YUL DANG, CHOS MTHUN PA LAS 'DIR YANG MED PA'I THA SNYAD KYI YUL LA ZHUGS SHIG ZHES SO, ,BSDU BA'O ZHES BYA BA NI RGYU MTSAN CAN GYI SGRA SHES GRUB CES BYA BA DE'I'O, ,CI DANG 'DRA BAR MED PA'I THA SNYAD BSGRUB CE NA, CI LTAR ZHES BYA BA'O, ,'O NA CI LTAR DON THA DAD PA MED PAR SGRA THA DAD DU 'GYUR ZHE NA, DE GNYIS LA NI ZHES BYA BA'O, , GAL TE RGYU DANG 'BRAS BU NYID NI RJES SU 'GRO BA DANG LDOG PA DAG LAS GZHAN KHO NA MA YIN NAM, DE CI LTAR NA DE'I THA SNYAD BSGRUB PA YIN ZHE NA, MTHONG BA DANG ZHES BYA BA'O, ,'DI'I 'BRAS BU ZHES PA'I SGRAS NI DON 'DI BRJOD PA YIN TE, 'DI MED PA ZHES BYA BA LA SOGS PA'O, ,DE LTAR GYUR NA ZHES BYA BA NI DE MED KYANG YOD PAR GYUR NA'O, ,RGYU DANG 'BRAS BU'I MTSAN NYID CAN GYI 'BREL PA GZHAN DON MED DE, ME MED KYANG 'BYUNG BA'I PHYIR RO, ,DE LTAR YIN NA ZHES BYA BA NI DE MED PAR 'BYUNG BA YIN NA'O, ,DE NYID CES BYA BA NI LDOG PA'O, ,GAL TE ZHES BYA BA LA SOGS PA'I RTZOD PA LA DON NI 'DI YIN TE, GNYIS LA GNAS PA'I 'BREL PA GZHAN YOD NA DE MED NA MED LA, DE YOD NA YANG YOD DO ZHES BYA BAR 'GYUR GYI, 'BREL PA MED NA NI 'DI DAG BUM PA DANG SNAM BU BZHIN DU MED PA KHO NAR 'GYUR RO ZHES BYA BA'O, ,GAL TE ZHES BYA BA LA SOGS PA'I LAN LA YANG DON

'DI YIN TE, GAL TE GNYIS LA GNAS PA'I 'BREL PA YOD PAS, ME YOD NA DU BA YOD DO ZHES BYA BAR 'DOD NA, DE'I TSE DUS MTSUNGS BA DAG LA RGYU DANG 'BRAS BU'I DNGOS PO MED PA'I PHYIR ME'I DUS NA DU BA MED NA CI LTAR GNYIS LA GNAS PA'I 'BREL PAR 'GYUR RO, ,DES NA CI LTAR 'BREL PA YOD PAS RJES SU 'GRO BA DANG LDOG PAR 'GYUR BA YIN ZHES BYA BA'O, ,SNGAR ZHES BYA BA NI DU BA SKYES PA LAS SO, ,GNYIS LA GNAS PA'I 'BREL BA DE GANG GIS YIN TE 'BREL PA CAN GNYIS PO MED PA'I PHYIR 'GA'I YANG MA YIN NO ZHES BYA BA'I DON TO, ,GCIG YOD PA LA ZHES BYA BA NI ME NYID YOD PA LA'O, ,'BREL PA GNYIS LA GNAS PAR KHAS MI LEN GYI 'ON KYANG 'BRAS BU SKYE BAR RUNG BA NYID YIN LA, DE LA'ANG RGYU'I DUS NA YOD PA KHO NA'O ZHES DOGS PA NI GAL TE ZHES BYA BA'O, ,LAN NI RGYU NYID LAS NI ZHES BYA BA'O, ,RGYU LAS 'BRAS BU 'BYUNG BA YIN NO ZHES BYA BAR MNGON SUM DU MI DMIGS PAS GRUB PA'I PHYIR RIGS PA DANG LDAN PA YIN GYI, ,DE LAS THA DAD PA'I RUNG BA NYID NI RIGS PA DANG LDAN PA MA YIN PA'O, ,GAL TE 'BREL PA THA DAD PA MED NA, CI LTAR RGYU LAS 'BRAS BU 'BYUNG BAR 'GYUR ZHE NA, 'DI LTAR ZHES BYA BA'O, ,DU BSKYED PAR NUS PA'I ME NI RANG GI RGYU KHO NAS BSKYED PA YIN LA, DES NI DU BSKYED PA YIN NO, ,RGYU NYID LAS NI ZHES BYA BA LA SOGS PA RNAM PAR 'GREL PA NI RJES SU 'GRO BA DANG ZHES BYA BA'O, ,DE'I PHYIR ZHES BYA BA NI RJES SU 'GRO BA DANG LDOG PA LAS RGYU DANG 'BRAS BU NYID GZHAN MA YIN PA'I PHYIR RO, ,CI LTAR MTHONG BA DANG MA MTHONG LAS ZHES BYA BA RNAM PAR 'GREL PA NI, RJES SU 'GRO BA DANG LDOG PA DAG LAS ZHES BYA BA'O, ,DON THA DAD PA NI RJES SU 'GRO BA DANG LDOG PA'I DON LAS RGYU DANG 'BRAS BU NYID KYI DON TO, ,SGRA GZHAN NYID NI RJES SU 'GRO BA DANG LDOG PA'I SGRA LAS RGYU DANG 'BRAS BU NYID KYI SGRA'O, , GAL TE DE YIN PA DE LTAN YANG PHYOGS KYI CHOS RNAM PA DGUR BSTAN PA 'DI SOGS SU CI STE MA BSTAN CE NA, DES NA ZHES BYA BA'O, ,GANG GI PHYIR DE LTAR MED PA'I THA SNYAD DU BYAR RUNG BA MI DMIGS PA'I RANG BZHIN YIN PA DES NA, SNANG BA MI DMIGS PA NI MTSAN NYID KYI RGYU LAS 'BRAS BU SKYER RUNG

, ,BA NYID BSGRUB PAS NA 'DI NI RANG BZHIN GYI GTAN TSIGS NANG DU 'DUS PA DE'I PHYIR GTAN TSIGS KYI RAB TU DBYE BA BSHAD PA LA 'DI THA DAD PAR DPER MA BSTAN TO, ,CI LTAR MI DMIGS PA RANG BZHIN GYI NANG DU 'DU ZHE NA, NUS PA'I ZHES BYA BA'O, ,'BRAS BU'I RANG BZHIN DU ZHES BYA BA NI 'BRAS BU BSKYED PAR RUNG BA'I RANG BZHIN NYID DO, ,GAL TE MI DMIGS PA NI DON GYI BDAG NYID DU MA GRUB PA'I PHYIR, RUNG PA'I BDAG NYID DU MA GRUB PAS NA CI LTAR RANG BZHIN GYI GTAN TSIGS KYI NANG DU 'DU SHES DOGS PA NI GAL TE ZHES BYA BA'O, ,CI LTAR DE'I BDAG NYID CE NA CI LTAR ZHES BYA BA'O, ,'DI NYID BRJOD PA NI BDAG MED PA ZHES BYA BA'O, ,CI LTAR DBEN PA DMIGS PA NYID MI DMIGS PA YIN ZHE NA, 'DI LTAR ZHES BYA BA'O, ,GANG GI PHYIR GCIG DMIGS PA NYAMS SU MYONG BA LAS DRAN PA LA GNAS PA'I DGAG PAR BYA BA 'DI MA DMIGS LA; SA PHYOGS LA SOGS PA 'DI NI DMIGS SO ZHES BYA BAR RTOGS PA CAN GYI BLO SKYE BAR 'GYUR RO, ,CI LTAR SA PHYOGS DGAG PAR BYA BAS DBEN PAR DMIGS PA NYID DE MED PA YIN GYI DE LAS THA DAD PA NI MA YIN ZHE NA STONG PA'I ZHES BYA BA'O, ,TSAD MA'I SPYOD YUL DU RNAM PAR DPYOD PA DER RUNG BA STE TSAD MAS GRUB PA MA YIN NO ZHES BYA BA'I DON TO, ,DE NI GRUB PA NYID DO ZHE NA DBEN PA'I BDAG NYID KYI DNGOS PO MED PA DE NI RANG BZHIN GYI NGO BO TZAM DU GRUB KYANG MI 'DRA BA LA SOGS PA CUNG ZAD KYANG GRUB PA MA YIN NO, ,'ON TE CI'I PHYIR MED KYANG GZHAN DAG KHAS LEN NO ZHE NA, DE NI ZHES BYA BA'O, ,DNGOS PO RNAMS 'CHOL BAR RTOGS PA STE, DNGOS PO MED PA STONG PA'I BDAG NYID MED NA 'CHOL BAR 'GYUR ZHES SEMS PA DE'I LTA BA GANG LA YOD PA DE DAG GI DNGOS PO MED PA DE LTAR MI 'CHOL BAR BYED PA NYID DU 'DOD PA YIN TE, DES NA CI LTAR DE CI YANG BYED PA MA YIN PAR 'GYUR, CUNG ZAD BYED PA YANG MA 'DRES PA RNAMS MA 'DRES PAR BYED PAS NA'AM, 'DRES PA RNAMS ZHES BYA BA NI RNAM PAR RTOG PA'O, ,DE LA ZHES BYA BA NI PHYOGS 'DI GNYIS LA'O, ,DANG PO SEL BA NI GAL TE ZHES BYA BA'O, ,GNYIS PA 'GOG PA NI 'ON TE ZHES BYA BA'O, ,

GAL TE STONG PA'I RANG BZHIN GYI DNGOS PO MED PA MED NA, 'O NA CI LTAR SA PHYOGS NA BUM PA MED CES THA DAD PAR STON CE NA, DE'I PHYIR ZHES BYA BA'O, ,DE LTAR ZHES BYA BA NI THA DAD PAR RO, ,STON PA NI RNAM PA BRJOD PA NI BUM PA ZHES BYA BA'O, ,GAL TE DBEN PA NYID GZHAN MED MOD, DE DMIGS PA GO CI LTAR MI DMIGS PA YIN ZHE NA, 'DI LTAR ZHES BYA BA'O, ,CI MA DMIGS SNYAM NA, DRAN PA LA MNGON DU GNAS PA'I DGAG PAR BYA BA 'DI NI'O, ,SA PHYOGS ZHES BYA BA NI DBEN PA'I SA PHYOGS NYAMS SU MYONG BA NYID GZHAN MA DMIGS PA YIN GYI, SHES PA GTAN MED PA NI MA YIN NO, ,'O NA DE'I BDAG NYID 'GOG PA'I PHYOGS LA CI LTAR GZHAN DMIGS PA YIN ZHE NA, GANG GI PHYIR ZHES BYA BA'O, ,'DI NI ZHES BYA BA NI MYONG BZHIN PA'I PHYOGS LA SOGS PA'O, ,GZHAN GYI ZHES BYA BA NI DRAN PA LA GNAS PA'I BUM PA LA SOGS PA'I RANG BZHIN DU'O, ,RANG BZHIN DES DE LTAR MA DMIGS KYANG CI LTAR DES DBEN PA YIN ZHE NA, GCIG DMIGS ZHES BYA BA LA SOGS PA 'DIR RO, ,GANG ZHE NA, DE'I ZHES BYA BA STE BUM PA LA SOGS PA'O'O, ,'DI NI ZHES BYA BA NI SA PHYOGS SO, ,SA PHYOGS BUM PA LA SOGS PA'I BDAG NYID DU MA DMIGS PA NYID DO BUM PA LA SOGS PA'I DBEN PA NYID DO ZHES BYA BA'I DON TO, ,GZHAN GYI BSAM PAS LDOG PA MED PAR DOGS PA BSU BA NI, GAL TE ZHES BYA BA'O, ,BUM PA LA SOGS PA'I DNGOS PO DES PHYOGS 'DI NA MED PA'O ZHES DE LTAR BUM PA LA SOGS PA DE MED PAR BSGRUB PAR BYA BA'O, ,BZLOG STE ZHES BYA BA NI DNGOS PO MED PA LAS BZLOG PA STE, SA PHYOGS LA SOGS PA YOD PA LA DNGOS PO MED PA'I SGRAS BRJOD, CI LTAR SA PHYOGS LA SOGS PA NYID DU BUM PA'I RANG BZHIN DU MED PAR BSGRUB STE DNGOS PO MED PAR GZHAN NYID BSGRUB PAR BYA BAR 'GYUR RO ZHES BYA BA'I DON TO, , LAN NI 'DI NI ZHIG NA ZHES BYA BA'O, ,GANG GI TSE ZHE NA GAL TE ZHES BYA BA'O, ,'DI'I ZHES BYA BA NI, SA PHYOGS BUM PA'I RANG BZHIN DU MED DO ZHES BYA BAR BRJOD PA'I'O, ,GAL TE SA PHYOGS LA SOGS PA'I DON DNGOS PO'I RANG BZHIN DU GYUR PA GZHAN NANG DU MI 'DU BA YIN NA'O, ,NANG

, ,DU YANG 'DU BA YIN TE, DES NA PHYOGS NYID BUM PA MED PA'I RANG BZHIN DU BSGRUB PAR BYA BA YIN NO, ,CI LTAR DNGOS PO DNGOS PO MED PA'I RANG BZHIN YIN ZHE NA, 'DI LTAR ZHES BYA BA'O, ,DE'I NI BUM PA'I RANG BZHIN GYIS SO, ,'DI YIS ZHES BYA BA NI SA PHYOGS KYIS SO,, 'CHAD PA NI GAL TE ZHES BYA BA'O, ,DES NI SA PHYOGS SO, ,'DIS NI BUM PAS SO, ,BUM PA 'DI YANG SA PHYOGS DES SO, ,DE LTAR SHIN TU GSAL BA'I DON SA PHYOGS BUM PA MED PA'I RANG BZHIN YIN PA LA GZHAN DAG DNGOS PO MED PA THA DAD PA YOD PA YIN NO CI LTAR RMONGS PAR RIGS, GANG GI PHYIR DE LTAR DNGOS PO MED PA THA DAD PA YOD PA MA YIN PA DE'I PHYIR NA, BUM PA LA SOGS PA DES DBEN PA NYID SA PHYOGS 'DIR BUM PA DE'I DNGOS PO MED PA YIN NO, ,GAL TE DE LTAR YIN DU CHUG PA DE LTA NA YANG 'DIR MI DMIGS PA NYID DMIGS PA YIN PAR CI LTAR 'GYUR ZHE NA GANG GI PHYIR ZHES BYA BA'O, ,SHES PA GZHAN ZHES BYA BA NI SA PHYOGS KYI SHES PA'I DMIGS PA GANG YIN PA DE BUM PA'I MI DMIGS PA YIN DU CHUG MOD, SHES BYA GZHAN ZHES BYA BA NI, SA PHYOGS KYI SHES PA'I DMIGS PA NYID BUM PA MED PAR CI LTAR YIN, SA PHYOGS SHES PA BUM PA SHES PA MED PA YIN MOD, BUM PA MED PA NI MA YIN NO ZHES BYA BA'I DON TO, ,SHES PA DANG ZHES BYA BA LA SOGS PA'I LAN GYI MDO DON NI 'DI YIN TE, DMIGS PA NYID DON RNAMS KYI YOD PA YIN PA DES NA, SHES PA MED PA NYID SHES BYA MED PA YIN NO ZHES BYA BA'O, ,YANG NA ZHES BYA BA LA SOGS PA LA BSHAD PA SNGA MAR NI'AM GYI SGRA LA MA REG GO, ,DE'I RJES LA NI BSDU BA'I DON DU BSHAD DO, ,DE NI KHO NA'I DON DU 'CHAD PA'O, ,DMIGS SO ZHES BYA BA NI RNAM PAR RTOG PA BSKYED PA'I SGO NAS YUL YIN PA'I PHYIR RO, ,DE BZHIN DU ZHES BYA BA NI DMIGS PA NYID DU NGES PAR BYAS PA LA DMIGS PA ZHES BRJOD PA YIN TE, DE LTAR MA YIN NA 'GRO BA NA RTZA LA REG PA DANG, 'DRA BA'I PHYIR DMIGS PAS DMIGS PA'I RNAM PAR GZHAG PA NYAMS SU MYONG BA MA YIN NO, ,DE BZHIN DU MA DMIGS SO SNYAM PA'I ZHEN PA LAS KYANG MA DMIGS PAR BRJOD PA YIN NO,,

GAL TE ZHES BYA BA NI 'DI MED PA'O ZHES BYA BA DE LTA BU'I RANG BZHIN GYI DNGOS PO MED PA'I TSAD MAS BSGRUB PA'I DNGOS PO MED PA YOD PA NYID LAS DNGOS PO RNAMS KYI KHYAD PAR MA 'CHOL BAR GRUB PA YIN NO ZHES BYA BA'O, ,MYONG BA KHYAD PAR CAN NYID LAS ZHES BYA BA NI, DNGOS PO MED PA'I TSAD MAS BSGRUBS PA'I DNGOS MED LAS NI MA YIN PA'O, ,KHYAD PAR CAN ZHES BYA BA NI MA 'DRES PA'O, ,GAL TE MYONG BA'I KHYAB PAR SGRUB PAR BYED PA GANG YIN ZHE NA, DE LTA'I ZHES BYA BA'O, ,MYONG BA 'DI'I SO SOR NGES PA'I BDAG NYID NYAMS SU MYONG BA NYID THA DAD PA'I BLO'I RGYU YIN NO; ,DE NI MYONG BA GZHAN NAM DNGOS PO MED PA'I KHYAD PAR CAN MA YIN TE, DES NA THUG PA MED PA MA YIN NO ZHES DGONGS PA'O, ,PHYED SNGA MA LDOG PA'I SGO NAS 'CHAD PA NI GAL TE ZHES BYA BA'O, ,MYONG BAR BYA BA ZHES BYA BA SA PHYOGS KYI KHYAD PAR MA 'CHOL BA GANG YIN PA DE RTOGS PAR MI 'GYUR RO, ,GAL TE SA PHYOGS KYI SHES PA BUM PA'I SHES PA LAS MI LDOG NAS PHYOGS KYANG MI LDOG GO ZHES BYA BA'I DON TO, ,'DIS NI RIGS PAR BYA BA PHYI ROL GYI KHYAD PAR RTOGS PA MED PAR BSTAN TO, ,DA NI PHYED PHYI MA LDOG PA'I SGO NAS RNAM PAR 'GREL PAS 'DZIN PAR BYED PA YANG 'DZIN PAR BYED PA GZHAN LAS MI LDOG NA, KHYAD PAR RTOGS PA MED PAR BRJOD PA NI GAL TE ZHES BYA BA'O, ,DE'I RANG BZHIN CAN ZHES BYA BA NI SA PHYOGS KYI RNAM PA CAN GYI SHES PA'O, ,DE'I YANG ZHES BYA BA NI DE'I SHES PA 'BA' ZHIG TU MA ZAD KYI SA PHYOGS KYI YANG NGO, ,KHYAD PAR ZHES BYA BA NI MA 'CHOL BA NYID DO, ,SNGAR BSHAD ZIN PA'I RTZOD PA NYID DNGOS SU BZLOG PA'I PHYIR DOGS PA BSU BA NI, DNGOS PO MED PA ZHES BYA BA'O, ,DE'I YANG DNGOS PO LDOG PA'I DNGOS PO MED PA'I RANG BZHIN LA 'DI NI DON MED DO ZHES SHES PA'I RIGS PAS KHYAD PAR CAN NYID RTOGS SO ZHE NA, DBYE BA ZHES BYA BA NI LAN NO, ,NAM GYI TSE ZHE NA DBYE BA MED PA MNGON SUM GYIS RIG PA NA'O, ,BSTAN ZIN PAS ZHES BYA BA NI TSAD MA SLU BA MED PA CAN GYIS ZHES BYA BA DER RO, ,DES NA DNGOS PO MED PA RIGS PAS NI MA 'DRES PAR GRUB PA MA YIN NO, ,'O NA CI

, ,LTAR KHYAD PAR CAN NYAMS SU MYONG BA NYID MA 'CHOL BA'I SGRUB PAR BYED PA YIN ZHE NA, 'DI LTAR ZHES BYA BA'O, ,GANG GI PHYIR DRAN PA MED PAR NI 'DI NI MED DO ZHES BYA BA DE LTA BU'I RNAM PA CAN DNGOS PO MED PA'I SHES PA YOD PAR MI SRID DO, ,GANG GI PHYIR KHYAD PAR CAN NYAMS SU MYONG BA MED PAR NI DNGOS PO MED PA'I SHES PA'I RGYUR GYUR PA'I DRAN PA YOD PA MA YIN PA DE'I PHYIR KHYAD PAR CAN NYAMS SU MYONG BA NYID MA 'DRES PAR GRUB PAR BYED PA YIN NO ZHES DOGS PA'O, ,'CHAD PA NI BZLOG ZLA ZHES BYA BA'O, ,'ON TE ZHES BYA BA NI 'DI LTAR BSAMS PA YIN TE, SNGAR NI MA 'DRES PA NYAMS SU MYONG BA YIN TE, DE DRAN PA NI DE'I STOBS KYIS DUS GZHAN DU GYUR PA YIN NO ZHES BYA BA'O, ,LAN NI DE LTAR YIN NA ZHES BYA BA'O, ,'DI YANG ZHES BYA BA NI DE LTAR BA'I SA PHYOGS SO, ,CI LTAR DRAN PA'I BAG CHAGS 'JOG PAR BYED PA'I NYAMS SU MYONG BA MA 'DRES PA'I DNGOS PO 'DZIN PAR BYED PAR KHAS LEN PA DE BZHIN DU DRAN PA NYE BAR SAD PAR BYED PA YANG KHAS BLANG PAR BYA'O ZHES BYA BA'I DON TO, ,DE LTA YIN DANG DE NYID MA 'CHOL BA'I SGRUB PAR BYED PA YIN NO, ,DES NA MA 'CHOL BAR BSGRUB PA'I DON LA NI DNGOS PO MED PA'I DON MED PA KHO NA'O, ,DON MED PA YOD PA DOGS PA BSU BA NI, 'ON TE ZHES BYA BA'O, ,LAN NI MNGON SUM GYIS GRUB PA'I DNGOS PO MED PA'I THA SNYAD LA DNGOS PO MED PA GZHAN GYIS BSGRUBS PAS CI BYA, 'DIS NI MA RMONGS PA LA MNGON SUM NYID KYIS DNGOS PO MED PA'I THA SNYAD SGRUB PA YIN NO ZHES BSTAN PA YIN NO, ,DA NI RMONGS PA'I DBANG DU BYAS TE BRJOD PA NI THA SNYAD CES BYA BA'O, ,DE NYID CES BYA BA NI KHYAD PAR CAN NYAMS SU MYONG BA'O, ,GANG GI PHYIR DE LTAR DNGOS PO MED PA LAM 'CHOL BA MI 'GRUB PA DE'I PHYIR RO, ,DNGOS PO RNAMS THA DAD PA YIN YANG CI LTAR PHAN TSUN MED PA YIN ZHE NA, THA DAD DE NYID CES BYA BA'O, ,DE'I PHYIR ZHES BYA BA NI MJUG SDUD PA'O, ,BLO ZHES BYA BA NI SA PHYOGS DANG BUM PA'I SHES PA DAG GO, ,DE'I DON ZHES BYA BA NI SA PHYOGS DANG BUM PA DAG GIS DBYE BA 'GRUB PA'O, ,DE LTA MIN ZHES BYA BA NI

DNGOS PO MED PAS BSGRUB PA'I DNGOS MED KYI THA DAD PA 'GRUB NA'O, ,'CHAD PA NI BLO NI ZHES BYA BA'O, ,DE LAS KYANG ZHES BYA BA NI RANG RIG PAS GRUB PA GZHAN LAS LDAN PA'I SHES PA LAS SO, ,DA NI PHYED PHYI MA 'CHAD PA NI GAL TE ZHES BYA BA'O, ,DE LTA YIN NO ZHES BYA BA NI DNGOS PO MED PA'I TSAD MAS THA DAD PAR BSGRUB NA'O, ,CI LTAR THUG PA MED CE NA, 'DI LTAR ZHES BYA BA'O, ,DNGOS PO MED PA'I TSAD MAS DNGOS PO MIN PA 'GRUB PA YIN, GAL TE THA DAD PA SGRUB PAR BYED PA YIN NA DE'I TSE DNGOS PO MED PA'I TSAD MA DE YANG ZLA BOR GYUR BA'I BUM PA DRAN PA GZHAN GYIS NGES PAR GZUNG BA YIN LA DRAN PA YANG BZLOG PA'I ZLA BO NYID KYI MNGON SUM GYIS BZUNG BA SHING RTAS STONG BA GZHAN MED PA NYID KYIS YIN NO, ,DES NA SNGAR MNGON SUM GYIS BUM PA SHING RTAS DBEN PA NYID DU BZUNG BA NI DNGOS PO MED PA NI DON MED DO, ,DE DANG 'DRA BAR DA LTAR YANG BUM PAS DBEN PA'I SHING RTA MNGON SUM NYID KYIS 'DZIN PAR 'GYUR RO, ,DES NA DNGOS PO MED PAS CI ZHIG BYA ZHES DGONGS PA'O, ,GAL TE ZHES BYA BA NI 'CHAD PA'O, ,'ON TE DA LTA DON MED PA MA YIN NO ZHE NA, DE LTAR YANG ZHES BYA BA'O, ,DER YANG ZHES BYA BA NI SNGAR GYI DUS NA YOD PA'I BUM PA LA'O, , DE'I TSE YANG ZHES BYA BA NI DE LAS GZHAN PA'I DNGOS PO MED PA'I TSAD MA SKYES PA'I DUS NA YANG NGO, ,DE BZHIN DU DE LAS GZHAN PA'I DNGOS PO MED PA SKYE BA'I DUS SU YANG DRAN PA LA LTOS PAS THUG PA MED DO, ,GAL TE PHYIR 'DZIN PA SNGAR BZLOG ZLA NYID DU CI LTAR DRAN ZHE NA, 'DI NI ZHES BYA BA STE THUG PA MED PA'O, ,CI ZHIG MI SRID SNYAM NA, GANG GIS ZHES BYA BA'O, ,DE'I TSE ZHES BYA BA NI SNGAR GYI BUM PA 'DZIN PA'I DUS NA'O, ,'DI LAS ZHES BYA BA NI PHYIS BZUNG BA'I SHING RTA LAS SO, ,DES NA ZHES BYA BA NI THUG PA MED PA'AM, DNGOS PO MED PA'I TSAD MA MI 'JUG PAS NA'O,, GZHAN GYI ZHES BYA BA NI DNGOS PO MED PA'I TSAD MAR SMRA BA'I LTA BA LAS SO, ,'O NA CI LTAR KHYED KYI MNGON SUM LAS THA DAD PA CI LTAR RTOGS SHE NA, DE'I PHYIR RANG BZHIN ZHES BYA BA STE, GZHAN DANG MA 'DRES PA MYONG BA LAS DMIGS PA'I MTSAN NYID DU 'GYUR BA BSAL PA NI GZHAN MA YIN TE,

, ,'O NA KHYAD PAR CAN GYI RANG BZHIN NYAMS SU MYONG BA NYID GZHAN PA RTOGS PA YIN NO, ,DE NYID KYI PHYIR NA, DE LAS KHYAD PAR CAN DMIGS PA NYID CES BYA BA, BUM PA DANG BCAS PA'I PHYOGS DE LAS KHYAD PAR CAN 'BA' ZHIG PA'I SA PHYOGS DMIGS PA GANG YIN PA DE NYID DGAG PAR BYA BA NYID DU 'DOD PA DE MI DMIGS PA YIN NO, ,PHYED SNGA MA RJES SU 'GRO BA'I SGO NAS BSHAD NAS, LDOG PA'I SGO NAS 'CHAD PA NI, KHYAD PAR CAN GYI ZHES BYA BA'O, ,DE LTA BUR GYUR PA ZHES BYA BA NI KHYAD PAR CAN GYI RANG BZHIN NYID DO, ,DE NI BUM PA'O, ,DE LA NI, SHING RTA LA'O, ,MED PA CI LTAR MNGON SUM LAS YIN PAR 'GYUR TE, MA YIN PA KHO NA'O, ,DE'I BDAG NYID DGAG PA LTAR BRTEN PA DGAG PAR YANG CI LTAR MI 'GYUR ZHE NA, YUL DANG ZHES BYA BA'O, ,DES NA DE'I BDAG NYID DGAG PA LA NI MNGON SUM GYIS BYED PA 'JUG PA YIN LA, BRTEN BA DGAG PA NI DNGOS PO MED PA'I TSAD MA LAS SO ZHES BYA BA NI GZHAN GYI BSAM PA'O, ,SGRO BTAGS NAS DNGOS PO MED PAR MNGON SUM GYIS GRUB PA YIN NO ZHES BSTAN PA NI DE NI ZHES BYA BA'O, ,DE NYID CES BYA BA NI KHYAD PAR CAN GYI RANG BZHIN NYAMS SU MYONG BA'O, ,PHYED PHYI MA RNAM PAR 'GREL PA NI KHYAD PAR CAN GYI ZHES BYA BA'O, ,'ON TE SA PHYOGS LA SOGS PA'I RANG BZHIN KHYAD PAR CAN RTOGS PA NYID DO ZHE NA, GAL TE BUM PA ZHES BYA BA'O, ,'ON TE DNGOS PO MED PA MA RTOGS PAR KHYAD PAR CAN GYI RANG BZHIN NYAMS SU MYONG BAR MI 'GYUR RO ZHE NA, DNGOS PO MED PA STE ZHES BYA BA'O, ,GAL TE DNGOS PO MED PA MA RTOGS PAR RANG GI NGO BO RTOGS PAR MI 'DOD DO ZHE NA, RANG GI NGO BO ZHES GSUNGS TE, DE MED NA DNGOS PO MED PA RTOGS PA NYID MI 'THAD PA'I PHYIR RO ZHES DGONGS PA'O, ,'ON TE DNGOS PO MED PA RANG GI NGO BOS RTOGS PAR 'DOD PAS BYA BA KHO NA'O ZHE NA, DNGOS PO MED PA ZHES BYA BA'O, ,GANG GI PHYIR ZHES DE LTAR DNGOS PO MED PA GZHAN LA SGRUB PAR BYED PA MED PA DE'I PHYIR RO, ,'O NA MI DMIGS PA GANG YIN SNYAM NA, DE ZHES BYA BA STE SA PHYOGS SO, ,GZHAN NI DGAG PAR BYA BA'O, ,GANG GI PHYIR DMIGS PA NYID MI

DMIGS PA YIN PA DES NA'O, ,GRUB PA'I MI DMIGS PA DES KYANG RANG NYID TZAM GYI 'JUG PA GANG LA YOD PA STE DE DAG DGAG PAR BYA BA MED PA'I RNAM PAR GZHAG PA DE'I GO BYED DE 'JUG PA YIN NO, ,DE NYID KYI PHYIR GZHAN GYI TSE RUNG BA NYID BSGRUB PAR BYA BA YIN NO, ,'O NA DON MED PA GANG ZHIG YIN ZHE NA, DES NA ZHES BYA BA STE, GANG GI PHYIR DNGOS PO MED PA GZHAN MA YIN PA DES NA'O, ,RANG BZHIN NI NGES PA'I SA PHYOGS KYI DMIGS PA'I RANG BZHIN MI DMIGS PA GANG YIN PA NYID DNGOS PO MED PA YIN NO, ,'O NA ZHES BYA BA NI, CI LTAR DON RANG LAS MI 'GRUB KYI 'ON KYANG RANG GI SHES PA LAS YIN PA DE BZHIN DU DON MED PA YANG RANG LAS MA YIN TE, 'ON KYANG RANG GI SHES PA MED PA LAS YIN NO ZHES BYA BA'I DON TO, ,DE LTAR YIN MOD KYI 'ON KYANG THUG PA MED PA LAS CI LTAR THAR SNYAM NA, DMIGS PA YOD PA NI ZHES BYA BA'O, ,SHES PA NI RANG NYID KYIS 'GRUB PAS NA DE MED PA YANG RANG LAS 'GRUB PA'I PHYIR THUG PA MED PA MA YIN NO, ,DNGOS PO MED PA NI NAM YANG RANG LAS 'GRUB PA MI SRID PAS NA THUG PA MED PA KHO NA'O ZHES LAN BRJOD PA NI DE NI ZHES BYA BA'O, ,CI LTAR BA BCOL CHOS SHE NA, ,GAL TE ZHES BYA BA'O, ,GZHAN ZHES BYA BA NI DOGS PA BSU BA STE, SHES PA GZHAN RANG RIG PAS DMIGS PA'I PHYIR NA SHES PA MED PA NI MNGON SUM NYID KYIS GRUB PA YIN TE, DES NA THUG PA MED PA MA YIN NO ZHES BSAMS PA'O, ,CI STE ZHES BYA BA LA SOGS PAS NI RTZOD PA NYID RNAM PAR 'GREL PA'O, ,GZHAN GYI MNGON SUM ZHES BYA BA NI, RANG RIG PA'I RANG BZHIN GYIS SHES PA GZHAN LAS SO, ,LAN NI 'O NA ZHES BYA BA'O, ,DNGOS PO'I MED PA'I THA SNYAD KYANG MNGON SUM NYID LAS YIN MOD, SNANG BA MI DMIGS PAS CI BYA, 'DIS NI SLOB DPON CHOS MCHOG LA SOGS PA YANG GSAL BA YIN NO, ,DE NI SHES PA MED PA'I THA SNYAD KHO NA MNGON SUM LAS GRUB PAR 'DOD KYI, DON MED PA'I THA SNYAD NI RMONGS PA LAS NI SNANG BA MA DMIGS PA LAS YIN LA, RMONGS PA LAS NI KHYAD PAR BYED PA MI DMIGS PA LAS YIN PAR 'DOD DO, ,GAL TE ZHES BYA BA LA SOGS PA NI

, ,RTZOD PA'O, ,GZHAN GYI MNGON SUM ZHES BYA BA NI DON LAS SO, ,CI'I PHYIR MI 'GRUB SNYAM NA, DMIGS PA'I MTSAN NYID DU ZHES BYA BA'O, ,DMIGS PA'I MTSAN NYID DU GYUR PA LA YIN PA NYID CI LTAR ZHE NA, DE NI ZHES BYA BA NI DNGOS PO KHO NA'O, ,RIG PA YANG RIG PA DE KHO NA LTAR RO ZHE NA RIG PA NI ZHES BYA BA'O, ,RIG PA NYID RANG BZHIN YIN NO ZHES BYA BA'I DON TO, ,DES NA RIG PA DE LAS RIG PA GZHAN DE MED PA NI GZHAN GYI MNGON SUM LAS GRUB BO, ,'DI NI SLOB DPON YANG BZHED PA YIN NO ZHES BRJOD PA NI, DE LTAR YANG ZHES BYA BA'O, , SHES PA MED PA'I MTSAN NYID CES BYA BA NI DON MED PA'I MTSAN NYID KYI MI DMIGS PA NI MNGON SUM RANG NYID LAS RTOGS PA YIN NO ZHES BYA BA'I DON TO, ,LAN NI GZHAN DMIGS PAS RIGS PA GZHAN MED PA CI LTAR RTOGS, PHA ROL PO ZHES BYA BA NI MCHOG TU'I DON TO, , GZHAN DMIGS PAS NI RIGS PA GZHAN YOD PA'AM MED PA 'PHRIG PA MA YIN NO, ,DES NA CI LTAR DES DNGOS PO MED PA BRTAGS PAR 'GYUR, DOGS PA BSU BA NI GAL TE ZHES BYA BA'O, ,RIG PA GZHAN RIG PA GZHAN GYIS DBEN PAS NA MED PAR RTOGS PAR 'GYUR RO ZHE NA, LAN NI DE ZHES BYA BA STE, DES DBEN PA NYID CI LTAR MI DMIGS PA LAS MA YIN TE, SHES PA GZHAN MED PAR BSGRUB PA NI MI DMIGS PA KHO NA LAS YIN NO ZHES BYA BA'I DON TO, ,CI LTAR ZHE NA, DES DBEN PA NYID CES BYA BA'O, ,DE LTA NA YANG CI LTAR MI DMIGS PA YIN ZHE NA, DES DBEN PA ZHES BYA BA'O, ,'ON TE ZHES BYA BA NI GZHAN NO, ,DE LTA YIN DANG ZHES BYA BA NI LAN NO, ,GANG GI PHYIR DES DBEN PA NYID MI DMIGS PA YIN PA DES NA ZHES BYA BA LA SOGS PA'O, ,MA YIN PAR DGAG PA'I RANG BZHIN ZHES BYA BA NI, SHES PA DANG SHES BYA'I RANG BZHIN NO, ,'O NA GANG ZHIG RMONGS PA LA BLTOS NAS THA SNYAD SGRUB PAR BYED PAR 'GYUR BA MI DMIGS PA GANG YIN ZHE NA, DE NYID NI ZHES BYA BA'O, ,GZHAN LAS NI RMONGS PA LA BLTOS TE'O, ,'O NA CI LTAR 'DI MI DMIGS SO ZHES BRJOD CE NA, 'DI NI ZHES BYA BA'O, ,DON GYIS MED

PA DGAG PA MA YIN PA, CI'I PHYIR ZHE NA, DE DANG ZHES BYA BA STE SHES PA DANG DON THA DAD PA MED PAS SO, ,DE NYID CES BYA BA NI SHES PA MED PA NYID DO, ,GAL TE DE LTA YIN TU ZAD MDO DE LTAR NA YANG DON MED PA MNGON SUM GYIS GRUB CE NA, GANG GI TSE ZHES BYA BA'O, ,DE ZHES BYA BA NI DMIGS PA MED PA'I STONG PA'I RANG BZHIN NO, ,RANG BZHIN MI DMIGS PA 'DI NI ZHES BYA BA NI DE LTAR YIN NA RANG BZHIN MI DMIGS PA DNGOS PO MED PA'I SGRUB BYED DU MI 'GYUR RO, ,CI'I PHYIR ZHE NA, GANG GI PHYIR SHES PA DANG SHES BYA BA'I GZHI THAMS CAD DU MNGON SUM NYID BLTAR RUNG GI DNGOS PO MED PA RIGS PAR BYED PAR 'GYUR BAS SO, ,DMIGS PA'I MTSAN NYID DU GYUR PA STE, BLTAR RUNG BA'I MED PA MNGON SUM GYIS GRUB PA DE DAG GAL TE, KHYAB PAR BYED PA MI DMIGS PA YIN NA DE'I TSE'O, ,LHAG MA RNAM PAR 'GREL BA NI, 'O NA ZHES BYA BA'O, ,CI SKAD DU MA RMONGS PA LA NI KHYAB PAR BYED PA MI DMIGS PA YIN LA, RMONGS PA LA NI RANG BZHIN MI DMIGS PAS YIN NO ZHES BYA BA STE SUN 'BYIN PA NI, GAL TE ZHES BYA BA'O, ,DE NYID CES BYA BA NI KHYAB BYED MI DMIGS PA NYID DO, ,GZHAN ZHES BYA BA NI SNANG BA MI DMIGS PA BRTAGS PAS SO; ,GLO BUR BA LAS ZHES BYA BA NI 'BAD PAS 'BREL PA DRAN PA MED PAR RMONGS PA DU BA RTOGS PA YIN TE DU BA NYID NI MES BSKYED PAR BYA BA YIN NO, ,DE YANG RMONGS PA NI DE'I RANG BZHIN GYI RJES SU DPAG PA LAS RTOGS PA YIN LA MA RMONGS PA NI MNGON SUM LAS YIN NO, ,YANG NA DU BA LAS RTOGS PA ZHES TSIG SBYAR TE, ,DPER NA MA RMONGS PA DU BA LAS GLO BUR DU ME RTOGS PA DE BZHIN DU RANG BZHIN MI DMIGS PA YANG RGYU DANG KHYAD PAR BYED PA'I MI DMIGS PA'I RANG BZHIN DU GYUR PAS MA RMONGS PA LAS YANG DNGOS PO MED PA SGRUB PAR 'GYUR RO ZHES BYA BA'I DON TO; ,DE NYID KYI PHYIR DE LA NI ZHES BYA BA STE, RANG BZHIN MI DMIGS PA GCIG LA RGYU DANG KHYAB BYED MI DMIGS PA BSTAN PAS GSUM NYID DO, ,'DI LTAR BUM PA'I SHES PA NI BUM PA'I RGYU YIN TE, 'BYUNG BAR 'GYUR BA'I RGYUR SMRA BA CES LEN PA'I PHYIR RO, ,DES NA BUM PA'I

, ,SHES PA MED PAS BUM PA MED PA NI, RGYU MI DMIGS PA LAS YIN NO, ,DMIGS PA NYID YOD PA RNAMS KYI YOD PA YIN NO ZHES BYA BA'I TSUL GYIS NA SHES PA NI KHYAB PAR BYED PA YIN TE, DES NA KHYAB PAR BYED PAR SHES PA MED PAS KHYAB PAR BYA BA SHES BYA MED PA YIN NO,, GANG GI TSE BA LTAR RUNG BA'I YOD PA MTHONG BA'I YUL NYID KYI KHYAB PA DE'I TSE RANG BZHIN MI DMIGS PA YANG YIN PA NI BSAL BA KHO NA'O, ,DE LTAR NA RANG BZHIN MI DMIGS PA LA NI GSUM NYID YIN NO, ,GANG GIS GCIG GI TSE NI RANG BZHIN MI DMIGS PA YIN LA GZHAN GYI TSE NI KHYAB BYED MI DMIGS PAR 'GYUR BA RANG BZHIN DANG KHYAD PAR BYED PA MI DMIGS PA DAG LA KHYAB PAR BYA BA DANG KHYAB PAR BYED PA'I DNGOS PO KHYAD PAR YOD PA YANG MA YIN NO ZHES STON PA NI GZHAN YANG ZHES BYA BA'O, ,'DIR NI ZHES BYA BA NI RANG BZHIN DANG KHYAB BYED MI DMIGS PA DAG LA KHYAB BYA KHYAB BYED KYI DNGOS PO GANG YIN PA DE NI DON DAM PAR THA DAD PA YOD PA MA YIN TE, GNYI GA LA YANG KHYAB PAR BYA BA DANG KHYAD PAR BYED PA'I DNGOS PO MTSUNGS PA NYID DO ZHES BYA BA'I DON TO, ,CI'I PHYIR ZHE NA, DMIGS PA NYID NI ZHES BYA BA STE, RANG BZHIN MI DMIGS PAR DMIGS PA NYID YOD PA YIN NO ZHES BSGRUB PA'I PHYIR RO, ,'CHAD PA NI BLTAR RUNG BA'I ZHES BYA BA'O, ,'DI NI ZHES BYA BA NI KHYAB BYA KHYAB BYED KYI DNGOS PO'O, ,CI LTAR ZHE NA, DE'I ZHES BYA BA STE, DGAG PA NYID KYIS KHYAB BYA KHYAB BYED YIN PA KHO NA'O ZHES BYA BA'I DON TO, ,CHOS MCHOG LA SOGS PA NI RANG GI MTSAN NYID KYIS RIG PA MI DMIGS PA NI RANG BZHIN MI DMIGS PA LTAR 'DOD PA YIN NO ZHES STON PA NI GANG ZHES BYA BA'O, ,ME'I 'BRAS BU DE NI ME DE'I RANG BZHIN DANG KHYAD PAR MED PAS NA'O, ,CI LTAR KHYAD PAR MED CE NA, RGYU ME KHYAB PA GANG YIN PA DANG DE'I 'BRAS BU ME LAS BZLOG PA MED PA DES NA'O, ,NUS PA'I RGYU LA NI 'BRAS BUS KHYAB PA YIN TE, DES NA RANG BZHIN LTAR 'DI YANG THA DAD PA MED PA YIN NO, ,THA MI DAD PA DES NA DE'I RANG GI NGO BO DANG KHYAB PAR MED PA YIN NO DE ZHES BYA BA 'BRAS BU MI DMIGS PA NI, RANG BZHIN MI DMIGS PA NYID

DU BRJOD DO ZHES DE LTAR DU BA MI DMIGS PA'I RANG BZHIN GYI 'BRAS BU MI DMIGS PA RANG BZHIN MI DMIGS PA'I KHONGS SU 'DU BA NYID DU 'CHAD BA RMONGS PA SLOB DPON CHOS MCHOG LA SOGS PA DE MYONG BA ZHES BYA BA DE'I 'BRAS BUR GYUR PA BUM PA'I SHES PA MA DMIGS PA RANG BZHIN MI DMIGS PAR CI LTAR 'CHAD, GANG ZHIG 'BRAS BU MI DMIGS PA RANG BZHIN MI DMIGS PA'I NANG DU 'DUS PAR 'CHAD PA DE, RIG PA MI DMIGS PA NI GSAL BAR YANG RANG BZHIN MI DMIGS PAR 'CHAD DE DANG NGO, ,GANG GI PHYIR DE LTAR RANG BZHIN MI DMIGS PA YIN GYI KHYAB PAR BYED PA MI DMIGS PA MA YIN PA DE'I PHYIR RO, ,GAL TE ZHES BYA BA NI GANG ZHIG KHYAB BYED MI DMIGS PA NYID DU SBYAR BAR NUS PA DE GAL TE RANG BZHIN MI DMIGS PA'I NANG DU 'DUS NA, DE'I TSE KHYAB BYED MI DMIGS PA BUM PA MED PA'I THA SNYAD DU BYAS PA LA MI SRID PAR 'GYUR RO ZHES BYA BA'I DON TO, ,LAN NI BDEN DE ZHES BYA BA LA SOGS PA'O, ,GAL TE KHYAB BYED MI DMIGS PAR RANG BZHIN MI DMIGS PA'I NANG DU 'DUS NA, 'O NA RANG BZHIN DANG KHYAB BYED MI DMIGS PA DAG CI LTAR THA DAD CE NA, LAN NI KHYAB PAR BYED PA DANG KHYAB PAR BYA BA SHING DANG SHA PA DAG THA DAD PA'I PHYIR NI RANG BZHIN DANG KHYAB BYED MI DMIGS PA DAG THA DAD PA YIN NO, ,DE DAG THA DAD PA NYID CI LTAR ZHE NA, LHAG PA DANG ZHES BYA BA'O, ,SHING NYID NI LHAG PA YIN TE AA MRA LA SOGS PA LA YOD PA'I PHYIR RO, ,SHA PA NI DE LTA MA YIN NO, ,LHAG PA DANG CHAD PAS THA DAD PA 'BA' ZHIG TU NI MA ZAD KYI, 'ON KYANG KHYAB PAR BYA BA DANG, KHYAB PAR BYED PA DAG NYE BA DANG RING BA LAS SNANG BA DANG MI SNANG BA LAS KYANG THA DAD PA'I PHYIR RANG BZHIN DANG KHYAB BYED MI DMIGS PA DAG THA DAD PA YIN NO, ,'CHAD PA NI SHING NYID NI ZHES BYA BA'O, ,GANG GI PHYIR DE LTAR KHYAB PAR BYA BA DANG KHYAB PAR BYED PA DAG THA DAD PA YIN PAS NA ZHES BYA BA DE'I PHYIR RANG BZHIN DANG KHYAB PAR BYED PA MI DMIGS PA DAG THA DAD DO, ,SNANG DU RUNG BA DANG DMIGS PA DAG KYANG DE KHO NA BZHIN DU THA DAD PAR 'GYUR RO ZHE NA, DMIGS PA'I ZHES BYA BA STE, DMIGS PA'I

, ,MTSAN NYID DU GYUR BA'ANG DE YIN LA YOD PA YANG YIN PA DANG DMIGS PA DE DAG GI THA DAD PAR BRTAGS PAR MI NUS SO, ,DES NA ZHES BYA BA NI GANG GI PHYIR SHING DANG SHA PA DAG LTAR THA DAD PA MED PA DES NA, 'DI NA BUM PA MED DO ZHES BYA BA NI RANG BZHIN MI DMIGS PA KHO NA YIN GYI, KHYAB PAR BYED PA MI DMIGS PA NI MA YIN NO, ,DE LTAR NA MI DMIGS PA RANG BZHIN GYI GTAN TSIGS KYI NANG DU 'DU BA BSGRUBS NAS GTAN TSIGS RAB DBYE BSHAD PA LA, THA DAD PA NI DPER MA BRJOD CES GANG GSUNGS PA DE'I MJUG SDUD PA NI DES NA ZHES BYA BA'O, ,GANG GI PHYIR DE LTA BU'I MI DMIGS PA DNGOS PO MED PA'I THA SNYAD SGRUB PA DE NYID KYI PHYIR RO, ,GZHAN DU MI SNANG BA MI DMIGS PA NI GZHAN PA YOD PA'I THA SNYAD 'GOG PA YIN GYI MED PA'I THA SNYAD SGRUB PA NI MA YIN PA'O, ,CI'I PHYIR ZHE NA, MI SNANG BA LA YOD PA'AM MED PAR NGES PA MI RUNG BA'I PHYIR RO, , GANG ZHIG NGES PA MED PA'I BLTAR MI RUNG BA DE CI 'DRA BA ZHIG CE NA, DPER ZHES BYA BA'O, ,DES MED PA DES NA'O, ,'BRAS BU NGES PA MED PA'I RANG BZHIN MI DMIGS PA 'DIS NI GTAN TSIGS KYI MI MTHUN PA'I PHYOGS LAS LDOG PA BSGRUB PAR NUS PA MA YIN NO, ,'ON GANG GIS NUS PA MA YIN NO ZHE NA DANG PO ZHES BYA BA STE, RGYU DANG RANG BZHIN MI DMIGS PA KHO NA GTAN TSIGS KYI MI MTHUN PA'I PHYOGS LAS LDOG PA SGRUB PA'I DBANG DU BYAS PA YIN NO, ,DANG PO ZHES BYA BA RNAM PAR 'GREL PA NI, DANG PO ZHES BYA BA'O, ,GAL TE MI DMIGS PA GNYI GA LA YANG MI MTHUN PA'I PHYOGS MTHA' DAG LAS LDOG PA MA GRUB PA'I PHYIR CI LTAR DES LDOG PA NGES PAR 'GYUR SNYAM NA DER YANG ZHES BYA BA STE, 'BRAS BU DANG RANG BZHIN 'BA' ZHIG TU NI MA ZAD KYI RGYU DANG KHYAB BYED MI DMIGS PAR YANG NGO, ,DES NA MA GRUB PA MA YIN NO ZHES BYA BA'I DON TO, ,DOGS PA NI GAL TE ZHES BYA BA'O, ,LAN NI DE YANG ZHES BYA STE, 'GAL BA'O, ,'GAL BAR CI LTAR RTOGS SHE NA, YOD NA ZHES BYA BA STE, GRANG BA'I REG BA RGYUN DU 'BYUNG BA NA, DE YOD PAS MED PA'I PHYIR 'GAL BAR RTOGS SO, ,GAL TE 'GAL BA'I GTAN TSIGS MED PA KHO NA MA YIN NAM, DE

LTAR MI DMIGS PA'I RAB TU DBYE BA YIN ZHE NA 'GAL BA'I GTAN TSIGS NI ZHES BYA BA'O, ,DE LAS GZHAN PA'I ZHES BYA BA NI CI LTAR 'GAL BA DE LAS GZHAN 'BRAS BU MI DMIGS PA LA SOGS PA MI DMIGS PA'I RAB TU DBYE BA MIN PA DE BZHIN NO, ,DE LTAR MA YIN NA ZHES BYA BA NI, GAL TE 'GAL BA MI DMIGS PA'I DBYE BA MA YIN NA DE'I TSE, GRANG BA DANG 'GAL BA'I ME DANG 'BRAS BU DU BA LA SOGS PA DANG 'GAL BAS KHYAB PA BA DANG, SOGS PA'I SGRAS RGYUS 'GAL BA LA SOGS PA DAG KYANG BYE BRAG BA LA SOGS PA GZHAN DAG THA DAD PA STON PAR BYED PAR 'GYUR, 'O NA GANG GI TSE NYES PA 'DI MED SNYAM NA, GANG GI TSE ZHES BYA BA'O, ,DE NYID KYI PHYIR ZHES BYA BA NI RANG BZHIN MI DMIGS PA'I'O, ,CI LTAR 'DI'I RNAM BA'I DBYE BA YIN ZHE NA, 'DI LTAR ZHES BYA BA'O, ,GAL TE DMIGS BA CI LTAR DNGOS PO MED PA'I SGRUB PAR BYED PA YIN ZHE NA, CI LTAR ZHES BYA BA'O, ,CI'I PHYIR ZHES BYA BA NI DRI BA'O, ,LAN NI 'GAL BA'I ZHES BYA BA'O, ,GAL TE 'GAL BA CAN DAG LAS 'GAL BA ZHES BYA BA GZHAN NI YOD BA MA YIN LA, DE YANG RTOGS PA MA YIN PAS NA CI LTAR NA 'GAL BA RTOGS ZHES BRJOD SNYAM NA, 'GAL BA NI ZHES BYA BA'O, ,'GAL BA NI YOD PA DANG MED PA'I MTSAN NYID KHO NA YIN PAS, DMIGS PA DANG MI DMIGS PAS BSGRUB PAR BYA BA YIN PA'I PHYIR DMIGS PA DANG MI DMIGS PA'I MTSAN NYID YIN NO ZHES BRJOD BA YIN NO, ,DES NA 'GAL BA ME'I GZUGS MTHONG BA LAS DRO BA'I REG PA'I MTSAN NYID GRANG BA'I REG PA MI DMIGS PA BSGRUB PAR BYA BA YIN NO, ,GAL TE DE LTA NA YANG RANG BZHIN MI DMIGS PA LAS RANG BZHIN 'GAL BA DMIGS PA CI LTAR GZHAN MA YIN ZHE NA, DE LAS ZHES BYA BA'O, ,GAL TE DRO BA'I REG PA DMIGS PA CI LTAR GRANG BA MI DMIGS PA YIN ZHE NA, DRO BA YANG ZHES BYA BA'O, ,DE NYID KYANG ZHES BYA BA NI CANG MED KYI RANG BZHIN DNGOS PO MED PA NI MA YIN PA'O, ,CI LTAR DNGOS PO NYID DNGOS PO MED PA YIN ZHE NA, DES DBEN PA ZHES BYA BA'O, ,DRO BA'I REG PA 'BA' ZHIG NI GRANG BA MED PA MA YIN GYI, GRANG BA DANG DRO BA

, ,GNYI GA MA YIN PA YANG GRANG BA MED PA YIN NO, ,GANG GO PHYIR DE LTAR SRIN PA DES NA DRO BA'I REG BDE DMIGS PA NYID GRANG BA DE MI DMIGS PA YIN NO, ,'GAL BA'I 'BRAS BU DMIGS PA YANG RANG BZHIN MI DMIGS PA LAS GZHAN MA YIN NO ZHES BSTAN BA NI 'GAL BA'I ZHES BYA BA'O, ,YANG ZHES BYA BA NI 'GAL BA DMIGS PA 'BA' ZHIG TU NI MA ZAD KYI DE'I 'BRAS BU DMIGS PA YANG ZHES BYA BA'O, ,DRO BA'I REG PA DMIGS PA'I MTSAN NYID KYI GRANG BA MI DMIGS PA NI DU BA'I MTSAN NYID KYI 'BRAS BU'I GTAN TSIGS GANG YIN PA DE'I RJES SU DPAG PA DES GRUB PA YIN NO; ,GAL TE 'DI CI LTAR RJES SU DPAG PAS 'GRUB PA YIN ZHE NA, SNGA MA NI ZHES BYA STE RANG BZHIN 'GAL BA DMIGS PAR NI GZUGS DANG DRO BA'I REG PA DAG TSOGS PA GCIG LA RAG LAS BA NYID KYIS NA, GZUGS MTHONG BA LAS BA LTAR RUNG BA'I GRANG BA MI DMIGS PA DRO BA'I REG PA DMIGS PA'I MTSAN NYID RJES SU DPOG PA YIN NO, ,DES NA 'DIR YANG DE'I RJES SU DPAG BAS GRUB PA KHO NA'O, ,DE LTAR LHAN CIG MI GNAS PA'I MTSAN NYID KYI 'GAL BA BSTAN NAS, PHAN TSUN SPANGS TE GNAS PA'I MTSAN NYID 'GAL BA BRJOD PA NI, PHAN TSUN ZHES BYA BA'O, ,THAMS CAD DU ZHES BYA BA NI, LHAN CIG MI GNAS PA'I MTSAN NYID DANG, MTSAN NYID PA'I 'GAL BA LA YANG NGO, ,BZLOG PA DGAG PAR BYA BAS DBEN PA DMIGS PA NYID MI DMIGS PA YIN GYI MED PAR DGAG PA'I RANG BZHIN MA YIN NO ZHES BYA BA'O, ,PHAN TSUN SPANGS TE GNAS PA'I 'GAL BA 'PHEN PAR BYED PA NYID KYI 'GAL BA GSUM PA YANG BRJOD PA NI, TSAD MA ZHES BYA BA'O, ,CI DANG 'DRA BAR ZHE NA NGES 'GYUR DANG NI ZHES BYA BA'O, ,CI LTAR TSAD MAS GNOD KYANG 'GAL BA CI LTAR YIN ZHE NA, CI LTAR ZHES BYA BA'O, ,CI LTAR 'DI 'GAL BA GZHAN YIN ZHE NA, 'DI LTAR ZHES BYA BA'O, ,LTOS BCAS DANG NGES PAR 'GYUR DAG LA YANG 'GAL BA 'DI YIN NAM ZHE NA, LTOS PA DANG BCAS PA YANG ZHES BYA BA'O, ,'GAL BA GZHAN NYID GZHUNG 'DZUGS PA NI 'DI LTAR ZHES BYA BA'O, ,LTOS PA DANG BCAS PA'I RTAGS

LAS NI NGES PAR 'GYUR PA MED PA SGRUB PAR BYED PA DE YANG PHAN TSUN SPANGS PAS 'GAL BA YIN NO, ,BSTAN PA DANG BSTAN PA MA YIN PA DAG LA YANG DON DAM PAR YOD PAR KHO NA YIN TE, DES NA 'GAL PA GZHAN YIN NO, ,GZHAN DAG 'GAL BA 'DI 'GAL BA GZHAN YIN PA SPONG BA NI, GAL TE ZHES BYA BA'O, ,DE NI BDEN MOD KYI ZHES BYA BA'I LAN LA DON 'DI YIN TE, DNGOS SU 'GAL BA NI MA YIN TE, 'ON KYANG BRGYUD NAS YIN TE, DES NA 'DIS NI 'GAL BA GZHAN KHO NA'O ZHES BYA BA'O, ,DGAG PAR BYA BA NGES PAR 'GYUR BA NYID DANG 'GAL BA NGES PAR 'GYUR BA MED PA NYID KYIS KHYAB PA LA LTOS PA DANG BCAS PA DE'I RANG BZHIN GYIS KYANG DON GYIS TE, DNGOS PO MA YIN PAR 'GAL BA LA BSAMS NAS 'GAL BA GZHAN NYID DU BRJOD PA YIN NO ZHES BYA BA'I DON TO, ,'DI LA YANG ZHES BYA BA NI 'GAL BAS KHYAB PA'I RANG BZHIN KYANG; DON GYI 'GAL BAR 'GYUR BAS NA ZHES BSTAN PA LA'O, ,GANG GIS 'DI NYE BAR BSTAN PA LA DOGS PA YOD PAR 'GYUR BA CI 'DI DGAG PAR SGRUB PAR BYED PA YIN PAR MTHONG NGAM ZHE NA 'DI LTAR ZHES GSUNGS SO, ,GZHAN DAG CES BYA BA NI MI DMIGS PA'I RANG BZHIN TZAM GTAN TSIGS YIN PAR SMRA BA'O, ,TSIGS THAMS CAD NI MI DMIGS PA LAS GZHAN MA YIN TE, MI DMIGS PA GCIG TU GTAN TSIGS YIN NO ZHES BYA BA'I DON TO, ,CI'I PHYIR ZHE NA, MI DMIGS PA DANG LHAN CIG NYID YIN PAS NA'O, ,'BRAS BU LA SOGS PA MI DMIGS PA DANG GCIG YIN PA NYID CI LTAR ZHE NA, BRJOD PA NI 'GAL TE 'BRAS BU ZHES BYA BA'O, ,ME MA YIN DANG SHING MA YIN DANG 'GAL BA DANG, ME DANG SHING DAG GIS 'BRAS BU DANG, KHYAB BYA GANG YIN PA DE SBYAR BA GANG YIN PA DER NI STE 'GAL BA'I 'BRAS BU DANG KHYAB BYA DMIGS PAR NI 'BRAS BU DANG RANG BZHIN GYI GTAN TSIGS DAG KYANG 'DU BA'I PHYIR RO, ,GANG GI PHYIR DE LTA YIN PA DES NA GTAN TSIGS RNAM PA GSUM KA YANG MI DMIGS PA DE NYID KYIS RAB TU DBYE BA YIN NO, ,GTAN TSIGS THAMS CAD CES BYA BA RNAM PAR 'GREL BA NI MI DMIGS GCIG PU ZHES BYA BA'O, ,GCIG NYID KYIS

, ,ZHES BYA BA RNAM PAR 'GREL BA NI 'BRAS BU DANG ZHES BYA BA'O, ,'GAL 'BRAS ZHES BYA BA RNAM PAR 'GREL BA NI, DE LA ZHES BYA BA'O, ,DE NI ZHES BYA BA NI 'BRAS BU DANG RANG BZHIN DAG MI DMIGS PAR 'DU BA NI'O, ,CI LTAR MI RUNG ZHE NA, DE BDAG CES BYA BA'O,, GAL TE GTAN TSIGS 'BREL PA DANG RJES SU MTHUN PAR RTOGS NA DE'I TSE DE'I BDAG NYID DANG DE LAS BYUNG BAS NA RANG BZHIN DANG 'BRAS BU DAG KHO NA GTAN TSIGS SU 'GYUR GYI GZHAN NI MA YIN NO, ,BSGRUB PAR BYA BA GANG LA SGRUB PAR BYED PA GANG ZHIG DNGOS SU 'BREL PA DE LA LTOS TE THA DAD PA YIN LA, RGYU DANG KHYAB PAR BYED PA LA YANG 'BRAS BU LA SOGS PA DNGOS SU 'BREL PA YIN TE, DES NA DE LA LTOS PA KHO NAS DE DAG THA DAD PA YIN NO, ,ME MA YIN PA DANG, SHING MA YIN PA BKAG PAR NI GANG YANG 'BREL PA MA YIN TE, DES NA CI LTAR DE LA LTOS TE MI DMIGS PA'I RANG BZHIN NYID YIN, ,GZHAN GYIS BSAMS PAS BRGYUD PA STON PA NI, MI RTAG PA NYID DAM ZHES BYA BA'O, ,GZHAN GYI LUGS LAS GZHAN GYI LUGS KHYAD PAR CAN DU STON PA NI, DE LA ZHES BYA BA NI ME LA SOGS PA LA'O, ,CI LTAR SRID PA MA YIN ZHE NA, 'BRAS BUS NI ZHES BYA BA'O, ,DNGOS SU NI ZHES BYA BA NI, GANG GIS MI DMIGS PA NYID DU 'GYUR PA GRANG BA LA SOGS PA NYID LA NI DU BA LA SOGS PA DNGOS SU BYED PA MA YIN NO, ,DES NA BRGYUD NAS ZHES BYA BA NI 'BRAS BU DU BA LAS RJES SU DPAG BA'I ME 'GAL BA DMIGS PA'I RANG BZHIN GYIS GRANG BA'I REG PA'I RANG BZHIN MI DMIGS PAR RJES SU DPAG PAS GRANG BA MED PA'I THA SNYAD RJES SU DPOG PA'O, ,GAL TE 'GAL BA'I 'BRAS BU DMIGS PA ZHES SGRA GCIG GIS BSTAN PA'I PHYIR 'DI GTAN TSIGS GCIG KHO NA MA YIN NAM DES NA CI LTAR RJES SU DPAG PAS RJES SU DPOG PA YIN ZHE NA, DE LA ZHES BYA BA STE, DE LTAR GNAS PA NA GNYIS SAM ZHES BYA BA GTAN TSIGS SO, ,GCIG GIS ZHES BYA BA NI 'GAL BA'I 'BRAS BU DMIGS PA ZHES BYA BA'I SGRAS SO, ,'DI LTAR 'DI NA GRANG BA'I REG PA MED DE ME YOD BA'I PHYIR ZHES BYA BA'I SBYOR BAR ME NYID DANG DU BA NYID

RANG GI BSGRUB PAR BYA BA LA LTOS TE, GTAN TSIGS YIN PA'O, ,GSUM ZHES BYA BA NI DU BA DANG ME DANG SNANG BA MI DMIGS PA STE GSUM MO, ,'DI DAG KYANG SGRA GCIG GIS BSTAN KYANG DE ZHES BYA BA 'BRAS BU LA SOGS PA'I RANG BZHIN MA GTOGS PA MI DMIGS PA TZAM MA YIN LA, GCIG NYID KYANG MA YIN NO ZHES BYA BA'I DON TO, ,GAL TE SGRA GCIG GIS BRJOD PAR BYA BA YIN PA'I PHYIR NA, CI LTAR GCIG MA YIN ZHE NA GANG DU ZHES BYA BA'O, ,GZHAN DU ZHES BYA BA NI RANG BZHIN GCIG TU 'GYUR PA'O, ,DE STE YIN DANG CIR 'GYUR ZHE NA, DE LTAR YIN DANG ZHES BYA BA STE; SGRA'I DBANG GIS GZHAN DU GYUR NA'O, ,GNYIS SAM ZHES BYA BA'I RNAM PAR 'GREL BA NI, 'DI NI ZHES BYA BA NAS 'GAL BA DMIGS PA YIN LA ZHES BYA BA'I BAR RO, ,'DI NYID RANG BZHIN MI DMIGS PA YIN PA'I PHYIR ZHES BYA BA'I MTHAR THUG PAS NI GSUM ZHES BYA BA RNAM PAR 'GREL PA YIN NO, ,GAL TE 'BRAS BU DANG RANG BZHIN DAG GZHAN GYIS MI DMIGS BA'I NANG DU 'DU BAR BRJOD PA MA YIN NAM, GRUB PA'I MTHA' LAS KYANG DE DAG NYID THA DAD PAR BSTAN PAR BYA BA YIN NO, ,DES NA ME YOD DE DU BA YOD PA'I PHYIR RO, ,'DI NI SHING YIN TE SHAD YIN PA'I PHYIR RO ZHES BYA BAR BSTAN PAR 'OS PA LAS 'DI LA GRANG BA'I REG BA MED DO ZHES BYA BA LA SOGS PA NYE BAR BKOD PAS CI BYA ZHE NA, BDEN MOD KYI 'ON KYANG THAMS CAD DU RJES SU DPAG PAS RJES SU DPOG PA LA SGRA GCIG GIS BRJOD PAR BYA BA NYID KYI THA MI DAD PAR MI 'GYUR RO ZHES BSTAN PA'I DON DU 'DI GSUNGS PAR ZAD DO, ,SGRA'I DBANG GIS ZHES BYA BA LA SOGS PA RNAM PAR 'GREL PA NI, GSUM PO RNAMS ZHES BYA BA'O, ,'GAL BA'I 'BRAS BU DMIGS PA ZHES BRJOD BTZAM GYIS NI 'BRAS BU DANG RANG BZHIN GYI GTAN TSIGS MI DMIGS PA'I MTSAN NYID DU MI 'GYUR RO ZHES BYA BA'I DON TO, ,GAL TE GTAN TSIGS RNAMS THA DAD YIN NA CI LTAR GCIG GIS SGRAS BRJOD PAR BYA BA NYID YIN ZHE NA 'DI NI ZHES BYA BA'O, ,MJUG SDUD PA NI DE'I PHYIR ZHES BYA BA'O, ,GZHAN SEL BA'I YUL CAN NYID KYIS NA, GTAN TSIGS THAMS CAD MI DMIGS PA YIN NO ZHES

, ,DOGS PA BCU BA NI 'ON TE ZHES BYA BA'O, ,LAN NI MA YIN TE ZHES BYA BA STE, GANG GIS DE THA MI DAD PAS THA DAD PA MED PAR 'GYUR BA RNAM PAR GCOD PA KHO NA NI GTAN TSIGS KYI YUL MA YIN GYI, 'ON KYANG RGYU LA SOGS PA YANG YIN NO, ,DES NA DE THA DAD PA KHO NAS THA DAD PA YIN NO, ,BSTAN BCOS MDZAD PAS KYANG YUL GYI DBYE BA GTAN TSIGS KYI DBYE BA'I RGYU MTSAN YIN NO ZHES STON BA NI DE LTAR YANG ZHES BYA BA'O, ,PHYOGS KYI MI DMIGS PA 'DIS NI DNGOS PO LAS YANG DNGOS PO'I CHE KHAS MA BLANGS PA'I DGAG BSGRUB PAR BYED PA YIN LA, SNGA MA 'BRAS BU DANG RANG BZHIN DAG GIS NI RGYU LA SOGS PA'I RANG BZHIN MA YIN PA SGRUB PAR BYED PA YIN NO, ,DES NA DGAG PA DANG DON GZHAN DANG GZHAN MA YIN PA BSGRUB PA YUL GYI DBYE BA THA DAD PAS GTAN TSIGS THA DAD PA YIN NO, ,'ON TE ZHES BYA BA NI 'BRAS BU LA SOGS PAS GTAN TSIGS RGYU LA SOGS PA'I RANG BZHIN SGRUB PAR BYED PA YIN YANG, DON DAM PAR NA RNAM PAR GCOD PA LHUR BYED PA YIN PA'I PHYIR RO ZHES BYA BA'O, ,RANG RIG PA'I ZHES BYA BA NI 'BRAS BU LA SOGS PA'I GTAN TSIGS KYIS NI ME LA SOGS PA RANG RIG BA'I RANG BZHIN KHO NA SGRUB PAR BYED PA YIN NO ZHES CI STE MI BRJOD, ME GRUB PA NA NI DON DAM PAR RANG RIG PA KHO NA GRUB PA YIN TE, PHYI ROL GYI ME MED PA'I PHYIR RO, ,DE BAS NA RIGS PA THAMS CAD NI RANG RIG PA LHUR GYUR BA YIN PA'I PHYIR RANG RIG BA KHO NA BRJOD PAR RIGS SO, ,'ON TE THA SNYAD LA LTOS PAS DE SKAD MI BRJOD NA, DE'I TSE 'BREL PA DANG RJES SU MTHUN BA KHO NAR SGRUB PAR BYED PA RNAM PAR DBYE BAR RIGS SO, ,DE'I PHYIR ZHES BYA BA NI MI DMIGS PA RNAMS RANG BZHIN MI DMIGS PA'I NANG DU 'DU BA'I PHYIR RO, ,'GAL BAS KHYAB PA DMIGS PA CI LTA BA ZHIG YIN ZHE NA, LTOS PA DANG ZHES BYA BA DANG 'DI LTAR ZHES BYA BA'O, ,CI'I PHYIR GDON MI ZA BA MA YIN ZHES NA, RGYU GZHAN DE YANG ZHES BYA BA'O, ,'DI SNYAM DU DNGOS PO'I RGYU YIN PA DE NYID 'JIG BYED BSKYED PA'I SGO NAS 'JIG PA'I RGYU YIN PA DES NA NGES PA YIN NO ZHES DOGS PA NI, 'ON TE ZHES BYA BA'O,,

LAN NI DNGOS PO'I ZHES BYA BA'O, ,DOGS PA NI 'DIR ZHES BYA BA'O, ,LAN NI DE NI ZHES BYA BA STE, DNGOS PO'I RANG BZHIN RNAM PA GZHAN YIN PA'I PHYIR NA DNGOS PO'I RANG BZHIN LAN 'DEBS SO ZHES BYA BA 'DI MI RIGS SO, ,CI LTAR DNGOS PO'I RANG BZHIN DE LTA MA YIN ZHE NA 'DI LTAR ZHES BYA BA'O, ,DNGOS PO'I BDAG NYID GRUB PAR GYUR NA, BDAG LA PHAN 'DOGS BAR BYED BA GANG ZHIG YIN TE, 'GA' YANG MA YIN NO, ,'ON TE BDAG LA PHAN 'DOGS PAR BYED PA MA YIN NA, DE'I TSE GRUB PA ZIN BA DES LTOS PAR BYA BA GANG ZHIG YOD DE CI YANG MED DO, , 'CHAD PA NI GAL TE ZHES BYA BA'O, ,DE LTA NA YANG ZHES BYA BA NI GZHAN YIN PAR GYUR NA YANG DE'I 'JIG PA'I RGYU MA YIN NO ZHES BYA BA 'JIG PA'I RGYU DE GRUB PA DE DANG 'BREL PAR MI 'GYUR RO ZHES BYA BA'O, ,'ON TE GRUB PA LA YANG KHYAD PAR GANG YIN PA DE BYED PA DES NA DE 'JIG PA'I RGYU YIN NO ZHE NA, LAN NI DE LTA YIN DANG ZHES BYA BA'O, ,DE LAS GZHAN ZHES BYA BA NI MA GRUB PA'O, ,PHYOGS DANG PO'I DOGS PA BSU NAS SUN 'BYIN PA NI, GAL TE ZHES BYA BA'O, ,SNGA MA BZHIN DU ZHES BYA BA NI BDAG LA PHAN 'DOGS PAR BYED PA GANG ZHES BYA BA DES BSTAN PA'O,, GAL TE ZHES BYA BAS NI PHYOGS GNYIS PA DOGS PA BSU BA'O, ,DE'I BDAG NYID CES BYA BA NI GRUB PA'I BDAG NYID KYI KHYAD PAR RO, ,DE'I BDAG NYID LAS ZHES BYA BA GRUB PA'I BDAG NYID LAS THA DAD PA'O, ,DE'I ZHES BYA BA GRUB PA'I PHAN 'DOGS PAR BYED PA MA YIN TE, 'JIG PAR BYED PA MA YIN NO, ,'O NA KHYAD PAR DE THA DAD PA DANG THA MI DAD PAR 'GYUR RO ZHE NA, GNYI GAR SMRA BA ZHES BYA BA'O, ,DE LAS GZHAN DANG ZHES BYA BA NI DUS GZHAN DU MI GNAS PAR 'GYUR RO, ,DUS KYI CHA KUN ZHES BYA BA NI, GAL TE SKAD CIG GCIG KHO NA LA DUS KYI CHA THAMS CAD KHYAB PA, 'BRAS BU THAMS CAD KYI SGRUB BYED DU GYUR PA'I DNGOS PO RTOGS PA YIN NA DE'I TSE SKAD CIG GNYIS PA LA RANG NYID KHO NA 'JIG PA'I RGYU CI ZHIG BYAS TE, CI YANG BYAR MED DO, ,CI DANG 'DRA BAR DON MED CE NA, CHUS KHYER BA LA CES BYA BA'O, ,CI'I PHYIR ZHE NA, RAGS

, ,'DZUGS PA NI ZHES BYA BA'O, ,'DI GANG LAS SHE NA, GANG GI PHYIR CHU MI 'GOG PAR ZHES BYA BA'O, ,MI 'GOG KYANG RAGS 'DZUGS SO ZHE NA, RAGS 'DZUGS DE NI ZHES BYA BA'I PHYOGS PHYI MA BZLOG PA'I DON DU BRJOD PA NI, 'ON TE ZHES BYA BA'O, ,DE BZHIN DU ZHES BYA BA NI, KHYAB PAR NYID LA SOGS PAR RO, ,DES PAR BYAS PA NI SEMS DANG LDAN PA LA LTOS TE, NGES PAR RTOG PA LA RTZOD PA MED DO, ,SEMS DANG MI LDAN PA LA NI SEMS DANG LDAN PAR SGRO BTAGS NAS BRJOD PA YIN NO, ,'DI YANG ZHES BYA BA NI GYO MO YANG STE THOB LA SOGS PA 'BA' ZHIG TU NI MA ZAD PA'O, ,DE LA YANG ZHES BYA BA NI THO BA LA YANG NGO, ,SNGA MA NYID CES BYA BA NI BUM PA GRUB PA'AM MA GRUB PA ZHIG 'GAL ZLAS BZLOG PAR BYA BA YIN ZHES BYA BA'I PHYOGS GNYIS LA BRJOD PA'I MI NUS PA DANG MI DGOS PA'I MTSAN NYID NI GYO MO LA SOGS PA LA YANG YIN NO, ,PHAN TSUN ZHES BYA BA NI BUM PA DANG GYO MO DAG PHAN TSUN SPANGS PA TZAM GYIS NI, GYO MO LA SOGS PA BUM PA'I ZLOG BYED DU MI 'GYUR TE, DE LTA NA NI 'DI SHING GI YANG ZLOG PAR BYED PAR YIN PAR 'GYUR RO, ,'ON TE ZHES BYA BA LA SOGS PAR NI DON 'DI YIN TE, DNGOS PO DUS GZHAN DU GNAS PA LA 'JUG PA'I RGYUS STON PA MI SGRUB PA BYED PA YIN PA DES NA 'JIG PA'I RGYU DON MED PA MA YIN NO ZHES BYA BA'O, ,DUS GZHAN DU ZHES BYA BA LA SOGS PA'I LAN YANG DON 'DI YIN TE, GAL TE DNGOS PO BSTAN BYA YIN NA DE'I DE TSE DE GZHAN DU BYA BAR MI NUS TE, DES NA GAL TE 'JIG PAR BYED PAS DE LA STONG PAR BYED NA, DE LA BRTEN PA'I STONG PA NYID GCIG BYED GRANG NA, ,BRTEN PAS NI RTEN 'JIG PA MA YIN NO, ,CHUS BUM PA BZHIN NO, ,CHUS BUM PAR GNAS PAS DE NYID 'JIG PAR NI BYED PA MA YIN NO, ,DE LA ZHES BYA BA NI BUM PA SOM BTANG PA LA'O, ,BUM PA SO MA BTANG PA NI 'JIG PA'I NGANG CAN 'DOD PA'I PHYIR NA DUS GZHAN DU GNAS PA NYID MA GRUB PO, ,GAL TE GZHI GANG LA BSTAN PA NYID LHAG PAR RLOM PA DE NI BRTEN PAS 'JIG PA MA YIN TE ZHES BRJOD PAR 'DOD PA YIN NO, ,DES NA DUS GZHAN DU GNAS PA'I DNGOS PO LA 'JIG PA'I RGYU BYED

PA MA YIN NO ZHES BYA BA NI GNAS SO, ,YANG GZHAN DAG RJES SU DPAG PAS GRUB PA'I DUS GZHAN DU GNAS PA 'GAL BAS ZLOG BAR BYED PA YIN NO ZHES BRJOD PA NI GAL TE ZHES BYA BA'O, ,'DI LTAR 'JIG RTEN PA DAG NI BUM PA DUS GZHAN DU GNAS PAR KHAS BLANGS NAS, DE GZHIG PA'I CHED DU THO BA LA SOGS PA RAB TU SBYOR TE, DES NA DUS GZHAN DU GNAS PA NYID NI BSGRUB PAR BYA BA YIN LA, STA RE LA SOGS PA SBYOR BA'I PHYIR ZHES BYA BA NI GTAN TSIGS YIN NO, ,GAL TE DNGOS PO GNAS PA MA YIN NA NI 'JIG PA'I RGYU YANG MI SBYOR BA ZHIG NA BYED PA YANG YIN TE DES DNGOS PO NI BSTAN BA KHO NA'O ZHES BYA BA NI RJES SU DPAG PA'O, ,'DIS NI DUS GZHAN DU GNAS PA LA GRUB PA NI 'GAL BAS LOG PAR BYED PA YIN NO, ,DES NA 'JIG PA'I RGYU NI DON MED PA MA YIN NO ZHES DGONGS PA'O, ,RAB TU GRUB PA BSTAN PA NA'O, ,GZHAN NI ZHES BYA BA NI RJES SU DPAG PAS MA GRUB PA GZHAN DU GYUR PA NYID NI MED PA NYID DO, ,DES NA ZHES BYA BA NI DNGOS POR GRUB PA'I TSAD MA MED PAS NA, YOD PA'I THA SNYAD DU MI RUNG BA'I PHYIR RO, ,PHYED SNGA MA 'CHAD PA NI MNGON SUM DANG 'DRA BAR ZHES BYA BA'O, ,DES GRUB PA YANG ZHES BYA BA NI MNGON SUM GYIS GRUB PA 'BA' ZHIG TU MA ZAD KYI RJES SU DPAG PAS GRUB PA YANG NGO, ,DE ZHES BYA BA NI RJES SU DPAG PAS GRUB PA'I BSTAN PA'O, ,CI'I PHYIR ZHE NA, DE MED NA ZHES BYA BA'O, ,GANG GI PHYIR BSTAN PA DE MED NA RJES SU DPAG PA'I RANG BZHIN BSTAN PAR RTOGS PA MI BDEN PA'I PHYIR TSAD MA MA YIN PAR 'GYUR BA DE'I PHYIR NA, GAL TE RJES SU DPAG PA TSAD MA MA YIN NA, MNGON SUM YANG TSAD MAR MI 'GYUR RO, ,DE MED PA'I PHYIR ZHES BYA BA NI MNGON SUM DANG RJES SU DPAG PA DAG MED PA'I PHYIR RO, ,RJES SU DPAG PA BSTAN PA'I SGRUB PAR BYED PA YIN NO ZHES MI BRJOD MOD KYI, 'ON KYANG SRID PA TZAM DU RTOG PA YIN NO ZHES DOGS PA NI 'GYUR BAR ZHES BYA BA'O, ,BYED PHYI MA BSHAD PA'I DON DU DGOS PAR BYED PA NI, 'ON TE ZHES BYA BA'O, ,DE NYID CES BYA BA NI BUM PA BSTAN PA'O, ,PHYOGS GNYI GA YANG SUN 'BYIN PA NI BUM SOGS ZHES

, ,BYA BA STE SOGS PA'I SGRAS 'JIG PA'I RDZAS LA STE, RNAM PA GZHAN NYID DU GRUB ZIN PA'I PHYIR NA, 'JIM PA LA SOGS PA'I RDZAS DE CI LTAR MTHONG BAR MA GYUR, GAL TE BUM PA LA SOGS PA'I CHOS CAN LA CHOS GZHAN DU GYUR PA NYID GRUB NA DE LTA NA YANG BUM PA LA SOGS PA MTHONG BAR 'GYUR TE, MA LOG PA'I PHYIR RO ZHES BYA BA'I DON TO, ,GAL TE ZHES BYA BA LA SOGS PAS PHYOGS DANG PO RJES SU BRJOD NAS BUM PA LA GZHAN NYID KYI ZHES BYA BA STE RNAM PAR 'GREL PAS BZLOG PA NI GZHAN DU ZHES BYA BA'O, ,DE NYID NI BUM PA NYID DO, ,DES NA ZHES BYA BA NI GZHAN DU GYUR PA'I GZHI YIN PAS SO, ,BUM PA MA MTHONG NA NI GZHAN GYIS 'DI SKAD BRJOD PAR RIGS SO ZHES GSUNGS PAS NI BUM PA SNGON DU ZHES BYA BA'O, ,DE'I NI BUM PA'I'O, ,GAL TE ZHES BYA BA LA SOGS PA'I RTZOD PAR NI DON 'DI YIN TE, GAL TE BUM PA'I 'JIG PA YIN NA DE'I TSE BUM PA SNGON DU 'GRO BA CAN GYI GZHAN DU GYUR PA THA DAD PAR 'GYUR GYI, 'JIG PA MED NA GO JI LTAR ZHES BYA BA'O, ,LAN NI 'JIG PA DE YANG ZHES BYA BA'O, ,GZHAN DU GYUR PA KHO NA LA 'GYUR GYI GZHAN DU NI MA YIN TE DES NA THUG PA MED DO, ,DANG PO 'JIG PA YOD NA GZHAN DU GYUR LA, GZHAN DU GYUR PA NA YANG 'JIG PA GNYIS PA, 'JIG PA GNYIS PA YOD NA YANG, ,GZHAN DU GYUR PA GNYIS PA, GZHAN DU GYUR PA GNYIS PA YIN NA YANG 'JIG PA GSUM PA YIN PA'I PHYIR RO, ,YANG NA THUG PA MED PA ZHES BYA BA NI RNAM PAR GNAS PA MED PA LA BRJOD DO, ,DES KYANG PHAN TSUN RTEN PA MTSON BA'O, ,'ON TE 'JIM PA'I RDZAS LA 'DOD CES BYA BA DE RNAM PAR 'GREL BA NI 'ON TE 'JIM PA'I ZHES BYA BA'O, ,BUM SOGS LA NI ZHES SOGS PA'I SGRAS BSDUS PA, RNAM PAR 'GREL PAS LAN 'DEBS PA NI DE YANG ZHES BYA BA STE 'JIM PA'I RDZAS KYANG NGO, ,DE ZHES BYA BA NI 'JIM PA'I RDZAS SO, ,GZHAN YANG 'JIM PA'I RDZAS KYI DUS SAM, DUS GZHAN DU 'JIG PA DE 'GYUR BA YIN, RE ZHIG PHYOGS DANG PO NI MA YIN NO ZHES BRJOD PA NI, DER YANG ZHES BYA BA STE 'JIM PA'I RDZAS LA YANG BUM PA SKYE BA LAS SNGA

ROL GYI 'JIM PA'I RDZAS BUM PA'I RGYUR GYUR PA NI MI 'JIG GO, ,CI'I PHYIR ZHE NA, DE'I TSE ZHES BYA BA NI 'JIM PA'I RDZAS KYI DUS NA 'JIG PA MED PA'I PHYIR RO, ,GAL TE SKYED BYED KYI 'JIM PA'I RDZAS KYI DUS NA NI DE 'JIG PA MA YIN GYI, DE'I DE MA THAG PAR SKYE BA'I BUM PA'I BDAG NYID DU GYUR PA'I 'JIM PA'I RDZAS 'JIG PA YIN NO ZHE NA PHYI MA YANG MA YIN TE ZHES BYA BA'O, ,'JIM PA'I RDZAS PHYI MA BUM PA'I GNAS NYID DU GYUR PA YANG 'JIG PA MA YIN NO, ,CI'I PHYIR ZHE NA, YOD PA'I PHYIR RO ZHES BYA BA STE BUM PA'I BDAG NYID DU GYUR PA'I 'JIG PA'I DUS NA DE YOD PA'I PHYIR RO, ,DE'I PHYIR DUS PHYIS 'BYUNG BA'I 'JIG PAS DNGOS PO SNGA MA GZHIG PAR BYA DGOS SO, ,PHYIS 'BYUNG BA'I 'JIG BA YANG KHYOD 'DOD PA YIN NA DE YANG DNGOS PO'I DUS NA YOD PA MA YIN NA, ,DE CI LTAR 'DI DNGOS PO'I YIN PAR 'GYUR, GAL TE ZHES BYA BA LA SOGS PA'I RTZOD PAR NI DON 'DI YIN TE, GAL TE DUS PHYIS 'BYUNG BA'I 'JIG PA SNGA MA DANG MA 'BREL NA DE'I TSE SA BON GYI RJES THOGS LA 'BYUNG BA'I MYU GU YANG SA BON GYI 'BRAS BUR MI 'GYUR TE, SA BON GYI DUS NA DE MED PA'I PHYIR RO, ,'ON TE DE'I DUS NA DE MED KYANG DE DE'I 'BRAS BU NYID YIN NA, DE LTA NA 'O NA DNGOS PO'I DUS NA 'JIG PA MED KYANG 'DI DE'I YIN PAR 'GYUR RO ZHES BYA BA'O, ,DE NI MA YIN TE ZHES BYA BA'I LAN GYI DON NI 'DI YIN TE, RGYU DANG 'BRAS BU'I DNGOS PO NI DUS MI MTSUNGS PA DAG KHO NA LA RIGS PA YIN GYI, 'JIG PA NI DUS MTSUNGS PA KHO NAR KHAS BLANG PAR BYA BA STE DE LTA MA YIN NA MI 'THAD PA'I PHYIR RO ZHES BYA BA'O, ,CI LTAR LAN 'DI MA YIN ZHE NA DNGOS PO NI ZHES BYA BA'O, ,'O NA CI LTAR DNGOS PO ZHIG GO ZHES BRJOD CE NA, GANG GI TSE ZHES BYA BA'O, ,'DI'I LDOG PA BRJOD PA NI, MED PA LA NI ZHES BYA BA'O, ,DNGOS PO'I MED PA NYID KYI DUS NA NI THO BA LA SOGS PA MED PAS MI 'THAD DO, ,CI'I PHYIR ZHE NA, SHI BA LA NI ZHES BYA BA'O, ,GAL TE CI LTAR DNGOS PO LOG PA LA DE'I 'JIG PA MI 'THAD PA DE BZHIN DU SA BON LOG PA NA MYU GU SKYE BAR YANG MI 'GYUR ZHES DOGS NA, 'BRAS BU NI ZHES BYA BA'O, ,DNGOS PO MED PA YANG 'BRAS BU DANG 'DRA BA DNGOS PO GZHAN KHO NA YIN NO ZHE NA, DNGOS

, ,PO MED BA NI ZHES BYA BA'O, ,GAL TE DNGOS PO'I 'JIG PA ZHES GZHI MTHUN PA MA YIN PAR MTHONG BA MA YIN NAM, DE CI LTAR GZHI MTHUN PA YIN ZHE NA, GZHI MTHUN PA MA YIN PA NI ZHES BYA BA NI NYE BAR BTAGS PA YIN PA'I PHYIR RO, ,BUM PA DANG SNAM BU LA SOGS PA'I THA DAD PA 'DI LA NYE BAR BTAGS PA YIN NO ZHES BYA BA'I DON TO, ,CI LTAR DNGOS PO MED DO ZHES GZHI MTHUN PA YIN PA DE BZHIN DU ME NYID DU BA YIN NO ZHES BRJOD PA NI, DE BZHIN DU ZHES BYA BA'O, ,'DIR YANG ZHES BYA BA NI ME DU BA YIN NO ZHES BYA BAR MA ZAD KYI DE MED DO ZHES BYA BA 'DIR YANG NGO; ,CI LTAR 'DIR YANG GZHI MTHUN PA MA YIN ZHE NA SNGON GYIS ZHES BYA BA'O, ,DES NA DE MED DO ZHES BYA BA NI NYE BAR BTAGS NAS GZHI MTHUN PA YIN NO ZHES BYA BA'I DON TO, ,CI LTAR 'GAL ZHE NA, 'DI LTAR ZHES BYA BA'O, ,DE'I TSE ZHES BYA BA NI SNGON GYI DUS SU'O, ,GANG GI PHYIR DE LTAR DUS PHYIS BYUNG BA'I 'JIG PAS ZHIG GO ZHES RTOGS PA MA YIN PA DE'I PHYIR RO, ,DES NA ZHES BYA BA NI DNGOS PO MED PA THA DAD PA DANG GZHI MTHUN PA MED PAS NA'O, ,DE'I PHYIR ZHES BYA BA NI GZHAN MA YIN PA'I PHYIR RO, ,CI LTAR GZHAN MA YIN ZHE NA, PHYIS ZHES BYA BA'O, ,DE LAS ZHES DUS PHYIS 'BYUNG BA'I DON LAS LDOG PA DANG LDAN PA'O, ,CI LTAR SNGA MA'I YOD PA PHYI MA'I MED PA YIN ZHE NA, PHYI MA ZHES BYA BA'O, ,GANG GI PHYIR SNGA MA DE DMIGS PA GANG YIN PA DE NYID PHYI MA MI DMIGS PA YIN NO, ,DE CI LTA BUR GYUR PA ZHIG CE NA, DE YANG ZHES BYA BA'O, ,CI LTAR DE LTA BU'I RANG BZHIN YIN ZHE NA, PHYI MA DANG ZHES BYA BA'O, ,SKYES PA TZAM ZHES SMOS PAS NI, 'JIG PA'I RGYU LA LTOS PA BSAL BA YIN NO, ,GZHAN LA ZHES BYA BA NI 'JIG PA'I RGYU LA'O, ,KHYAB PA NI RTAG PA'O, ,DE LA ZHES BYA BA NI 'JIG PA'I DON DU GZHAN LA LTOS PA'O, ,BSHAD ZIN TO ZHES BYA BA NI 'JIG PA'I RGYU MI NUS PA DANG MI DGOS PA STON PA'I SKABS SU'O, ,'JIG PA'I RGYU MI 'THAD PA DE NYID KYI PHYIR BSHAD PA'O, ,DE LTA MIN PAR ZHES BYA BA NI RNAM PAR MA CHAD PA'I RANG BZHIN NO, ,DANG PO KHO NAR ZHES BYA BA NI SKYE BA'I DUS NA'O, ,RGYU MED CES BYA BA NI 'JIG

PA'I RGYU DANG BRAL BA'O, ,'JIG PA'I DNGOS PO'I BDAG NYID KYANG MA YIN NO ZHES BRJOD PA NI, DA BAS NA ZHES BYA BA'O, ,DNGOS PO MTSAN NYID KYI DE MA THAG TU ZHES BYA BA NI SKAD CIG GNYIS PA LA'O, ,DE'I BDAG NYID NI DNGOS PO'I BDAG NYID DO, ,DE'I BDAG NYID MA YIN PA LA RAG MOD CE NA, DE'I BDAG NYID MA YIN NA YANG ZHES BYA BA'O, ,DE LTAR GYUR TO ZHES BYA BA NI 'JIG PA'I DANG CAN NO, ,DNGOS PO MED CES BYA BA NI DNGOS PO MED PA YIN NA, SNGON PO LA SOGS PA'I DNGOS PO 'JIG PA'I RANG BZHIN DE LTAR CI LTAR 'GYUR, DER ZHES BYA BA NI 'JIG PAR RO, ,CI'I PHYIR ZHE NA, DE'I ZHES BYA BA'O, ,DE LTA NA ZHES BYA BA NI GZHAN GYI'O, ,GAL TE DNGOS PO NYID 'JIG PA YIN NO, ,DE'I TSE 'JIG PA THA DAD PA MED PA'I PHYIR CI LTAR DNGOS PO ZHIG PAR 'GYUR ZHE NA, 'JIG PA ZHES BYA BA NI LAN NO, ,'JIG PA'I ZHES BYA BA NI GZHAN GYI'O, ,YIN LA RAG MOD CES BYA BA NI LAN NO, ,DE LTA NA YANG ZHES BYA BA NI THA DAD KYANG NGO, ,DE NI 'JIG PA'O, ,CI'I PHYIR ZHE NA, THA DAD PA'I ZHES BYA BA STE 'JIG PA'I'O, ,GZHAN GYI STE DNGOS PO'I RANG BZHIN 'PHROG PAR BYED PA MA YIN PA NYID DO, ,GAL TE 'GAL BAS DNGOS PO ZLOG PAR BYED PA NYID MA YIN NAM ZHE NA, 'GAL BAS ZHES BYA BA'O, ,CI LTAR BSAL ZIN CE NA, 'JIG PA MED NA ZHES BYA BA'O, ,GAL TE ME LA SOGS PA NYE BAS DNGOS PO 'JIG PA YIN NA, DE'I TSE 'DI 'GAL BAR 'GYUR GYI, 'JIG PA MED NA NI BUM PA DANG SNAM BU BZHIN DU 'GAL BA MA YIN NO, ,GANG GI PHYIR DE LTAR RGYU GZHAN LA LTOS PA GDON MI ZA BAR 'GYUR PA MA YIN PA DE'I PHYIR, GANG DAG BSAL BA LA SOGS PA GZHAN LA LTOS NAS YOD PA MA YIN PA DE DAG NI DE YOD PA LA NGES PA KHO NA YIN TE, DPER NA 'BRAS BU'I LAS LA GEGS BYED PA MED PA CAN GYI TSOGS PA BZHIN NO, ,DE BZHIN DU DNGOS PO YANG 'JIG PA'I DON DU GZHAN LA LTOS PA MED PA YIN NO DES NA DE YOD PA LA NGES PA KHO NA'O, ,DE LA NGES PA ZHES BYA BA NI 'BRAS BU SKYED PA LA NGES PA'O, ,DE BZHIN DU DNGOS PO YANG 'JIG PA LA LTOS PA CUNG ZAD KYANG MED DE, DES NA 'JIG PA LA MI

, ,LTOS PAS DNGOS PO RNAMS NI SKAD CIG MA KHO NA'O, ,'BREL PA MED PA'I PHYIR RO ZHES BYA BA NI, 'JIG PA RGYU DANG BCAS PA'I PHYOGS LA NI SKYE BA DANG LDAN PA NYID 'JIG PA DANG 'BREL BA MA YIN TE, SKYES PA GNAS PAR KHAS LEN PA'I PHYIR RO, ,LTOS PA MED PA'I PHYOGS LA YANG 'BREL PA MED DO ZHE NA, 'JIG PA ZHES BYA BA'O, ,DE'I BDAG CES BYA BA 'JIG PA'I BDAG NYID LA 'BREL PAS NA, BSGRUB PAR BYA BA MI RTAG PA NYID KYI SGRUB PAR BYED PA SKYE BA DANG LDAN PA NYID YIN NO, ,CI'I PHYIR 'BRAS BU NYID KYIS KYANG RTAGS MA YIN ZHE NA, PHYIS 'BYUNG PHYIR NA ZHES BYA BA'O, ,CI'I PHYIR RIGS PA MA YIN ZHE NA, PHYIS ZHES BYA BA'O, ,'O NA RGYU NYID KYIS DE DE'I RTAGS YIN PAR 'GYUR RO ZHE NA, 'BRAS BU NI ZHES BYA BA'O, ,DES NA ZHES BYA BA NI 'KHRUL PAS NA'O, ,DE NI SKYE BA DANG LDAN PA NYID DO, ,GTAN TSIGS MA YIN NO ZHES BYA BA NI 'JIG PA'I'O, ,RGYU MED PA NYID KYIS ZHES BYA BA NI 'JIG PA RGYU MED PA NYID KYIS, DNGOS PO DANG 'JIG PA DAG DE'I BDAG NYID DU 'GYUR RO ZHES BYA BA GA LAS TE MA YIN PA KHO NA'O, ,THO BA LA SOGS PA'I RJES SU 'GRO BA DANG LDOG PA'I RJES SU BYED PA YIN YANG, 'JIG PA 'BRAS BU NYID DU MI 'GYUR RO ZHE NA, 'BRAS BU'I CHOS KYANG ZHES BYA BA'I 'JIG PA GANG ZHIG ,'JIG PA'I RGYU GANG MED KYANG NGO, ,DE'I ZHES BYA BA NI ME LA SOGS PA'I RGYU CAN NO, ,DNGOS PO YOD PA'I DUS NA NI DE'I BDAG NYID KYI 'JIG PA YOD PA YIN NA, DE'I TSE NI 'JIG PA'I RGYU YOD PA MA YIN NO, ,DES NA 'JIG PA'I RGYU MED PAR 'BYUNG BA'I 'JIG PA NI DE'I RGYU CAN DU MI 'GYUR RO, ,GAL TE THO BA LA SOGS PA YOD NA, 'JIG PAR 'GYUR BA'I PHYIR NA DE'I RGYU CAN NYID YIN NO ZHE NA, RJES SU 'GRO BA TZAM GYI ZHES BYA BA'O, ,'ON TE THOB LAS CI 'DRA BA DE 'DRA BA'I 'JIG PA NI THO BA MED PAR MI 'GYUR RO ZHE NA, CI LTAR ZHES BYA BA'O, ,SKYES MA THAG TU YANG GZHAN DANG 'BREL PA MED PAR RTOGS SO ZHES 'BREL TO, ,'DI GA LAS SHE NA, SNGAR YANG ZHES BYA BA'O, ,'ON TE 'JIG BYED NYE BA'I DUS NA 'JIG PA DE DANG MI 'DRA BA 'BYUNG BA YIN NA

ZHE NA, PHYIS KYANG ZHES BYA BA STE THO BA LA SOGS PA RANG PHRAD PA'I DUS NA YANG NGO, ,DE ZHES BYA BA MA 'BREL BAR BYAS PA'O, ,'DI ZHES BYA BA NI BUM PA LA SOGS PA'O, ,DE KHO NA LTAR ZHES BYA BA NI 'BYOR BA NYID DO, ,DER NI 'JIG PA LA'O, ,CI'I PHYIR NYE BAR MI SPYOR ZHE NA, DE'I TSE ZHES BYA STE 'BYOR BA NYID DU RTOGS PA'I DUS NA'O, ,DES NI 'JIG PA'O, ,DE'I PHYIR ZHES BYA BA NI GNYI GA LTAR YANG DNGOS PO RANG GI RGYU LAS SKYE BA NA 'JIG PA'I BYED PA MI RUNG BA'I PHYIR RO, ,CI LTAR MNGON SUM GYIS DE LTAR RTOGS SHE NA, DE LTA MA YIN NA ZHES BYA BA'O, ,MNGON SUM GYIS DE LTA MA YIN PAR MI RTOGS MOD, DNGOS PO NI DE LTA MA YIN PAR 'GYUR RO ZHE NA GANG ZHIG ZHES BYA BA'O, ,DE CI'I PHYIR ZHE NA, GZHAN TU GYUR PA NYID CES BYA BA STE, SKAD CIG MA MA YIN PA NYID DO, ,DE'I PHYIR ZHES BYA BA NI 'JIG PA'I RGYU MI 'THAD PA'I PHYIR RO, ,'JIG PA DER NGES PA NI 'JIG PA LA LTOS PA MED PA NYID YIN GYI, GZHAN ZHES BYA BA 'JIG PA LA LTOS PA DANG BCAS PA NI DER NGES PA MA YIN NO, ,GAL TE LTOS PA DANG BCAS KYANG GDON MI ZA BAR PHYIS 'GYUR BA YOD DO ZHES DOGS PA BSU BA NI GAL TE ZHES BYA BA'O, ,CI LTAR LTOS PA DANG BCAS SNYAM NA, LTOS PA MED PA NYID YIN ZHES BYA BA'O, ,'CHAR BA DANG NUB PA'I DE MA THAG KHO NAR 'CHAR BA DANG NUB PA YANG MA YIN TE, DES NA DE DAG LTOS PA DANG BCAS SO ZHES RTOGS PA YIN NO ZHES BYA BA'O, ,DPE YANG RJES SU MTHUN PA MA YIN NO ZHAS BRJOD PA NI TSOGS PA YANG ZHES BYA BA'O, ,DNGOS MED PA LA ZHES BYA BA NI THA DAD PA LA'O, ,BZLOG PA NYID DU ZHES BYA BA NI DNGOS PO NYID BSGRUB PAR 'GYUR BA'O, ,CI LTAR MA KHYAB CE NA, RES 'GA' ZHES BYA BA'O, ,PHYED SNGA MA 'CHAD PA NI, GAL TE ZHES BYA BA'O, ,PHYED PHYI MA 'CHAD PA NI 'DI LTAR ZHES BYA BA LA SOGS PA'O, ,THUN MONG GI MA NGES PA NYID BRJOD NAS, MI MTHUN PA'I PHYOGS LAS LDOG PAR THE TSOM ZA BA NYID BRJOD PA NI, RGYUN GANG ZHES BYA BA'O, ,GZHAN PA NYID KYANG ZHES BYA BA NI RNAM PA THAMS CAD DU MI 'CHAR BAR YANG SRID PA YIN NO, ,NUB PAR KHAS BLANGS NAS GNYIS PO 'DI BRJOD PAR ZAD DE, 'DI NI

, ,RNAM PAR GZHAG PA NYID DU YANG NUS PA MA YIN NO ZHES BRJOD PA NI, BUM PA NI ZHES BYA BA'O, ,'DI DAG DE GNYIS KYIS 'KHRUL PA MED PA YIN YANG, THAMS CAD DU MI 'KHRUL PA NI MA YIN NO ZHES BRJOD PA NI, GZHAN YANG ZHES BYA BA'O, ,GAL TE 'CHAR BA DANG NUB PA 'GA' ZHIG GDON MI ZA BAR YIN PA DE LTAN YANG GZHAN BYAS BA DAG NI DE LTA MA YIN PAS ZHES BYA BA GDON MI ZA BAR 'GYUR PA MA YIN PAS SO, ,CI'I PHYIR ZHE NA, LTOS PA DANG BCAS PA RNAMS NI ZHES BYA BA'O, ,DE YANG MI RUNG TE ZHES BYA BA NI DE NYID SUN 'BYIN PA'O, ,GANG DNGOS PO GANG ZHIG NGO BO GZHAN TE MYU GU LA NGES PA DE NI RANG GI RANG BZHIN GYI BDAG NYID CAN GYI 'JIG PA LA RANG GI RGYU LAS DE LTAR DE NGES PAR NI SHIN TU GSAL BA KHO NAR CIS MA RTOGS TE RTOGS PA KHO NA'O, ,'ON TE 'JIG PA YANG GZHAN KHO NA YIN NO ZHE NA, 'JIG PA ZHES BYA BA ZHES SMOS SO, ,'O NA 'JIG PA GANG YIN ZHE NA 'ON KYANG ZHES BYA BA'O, ,'O NA DNGOS PO'I 'JIG PA ZHES THA DAD PA'I THA SNYAD DU CI LTAR 'GYUR ZHE NA, MTSI [?] GU'I ZHES BYA BA'O, ,GZHAN YANG ZHES BYA BA LA SOGS PAS NI DES NA DPE DES ZHES BYA BA LA SOGS PA SUN 'BYIN PA'O, ,SPYIR ZHES BYA BA NI GANG ZHIG GANG GIS NGO BO LA LTOS PA MED PA DE NI DE'I NGO BOR NGES PA YIN NO ZHES SPYIR 'BYUNG BA'AM 'JIG PA LA LTOS PA MED PAR STON PA YIN NO, ,DNGOS PO DANG DNGOS PO MED PA ZHES BYA BA NI, MYU GU'I DNGOS PO LA NI TSOGS PA NGES PA YIN GYI, DNGOS PO MED PA 'JIG PA LA NI NGES PA MA YIN NO ZHES DNGOS PO DANG DNGOS PO MED PAR RTOGS PA NI, LTAG CHOD DE LAN LTAR SNANG BA YIN NO, ,CI DANG 'DRA BAR ZHE NA, SGRA DANG ZHES BYA BA'O, ,DE'I PHYIR ZHES BYA BA NI SKABS KYI MJUG SDUD PA'O, ,LTOS PA DANG BCAS PA DANG NGES PAR 'GYUR BA BZHIN ZHES BYA BA'I TSAD MAS GNOD PA'I DPER BRJOD PA BSHAD PA YIN LA, DE YANG 'GAL BAS KHYAB PA DMIGS PA'I RANG BZHIN KHO NA YIN NO, ,GTAN TSIGS GNYIS NYID CES BYA BA NI 'BREL BA YOD PAS NA'O, ,GTAN TSIGS 'GAL BA LAS GZHAN DAG NI MA NGES PA'O, ,RNAM PA LNGA NYID GSAL BAR BYED PA NI, DE LA ZHES BYA BA'O, ,GAL TE

'DI GNYIS NYE BAR BKOD PA GZHAN GYI GO BAR BYED PA NYID DU KHAS BLANGS PA SPANG BA'I DON YIN NA, 'O NA LHAG MA RNAMS CI'I DON DU NYE BAR BKOD CE NA, LHAG MA ZHES BYA BA'O, ,CI LTAR RTOGS PA'I SGO NAS GTAN TSIGS GO BAR BYED PA YIN PAR SGRUB CE NA, 'DI LTAR ZHES BYA BA'O, ,YID TZAM ZHES BYA BA NI, YOD PA TZAM DANG MNYAM PA DANG LHAG PA ZHES ZLAS DBYE BA'O, ,YOD PA TZAM GYIS NI RJES SU 'GRO BA STOBS CHUNG BAR BRJOD PA'O, ,MNYAM PAS NI MTSUNGS PAR RO, ,LHAG PAS NA STOBS CHE BA'O, ,CI LTAR RJES SU 'GRO BA RNAM PA GSUM KA YANG GO BAR BYED PA MA YIN ZHE NA GAL TE ZHES BYA BA'O, ,'DI LA ZHES BYA BA NI MI RTAG PA NYID LA'O, ,'DI LA ZHES BYA BA YANG MI RTAG PA LA'O, ,GAL TE RJES SU 'GRO BA STOBS DANG LDAN PA YIN YANG LDOG PA'I KHYAD PAR LA MA LTOS PAR CI LTAR GO BAR BYED PA YIN ZHE NA, 'DI LTAR ZHES BYA BA'O, ,GTZO BO ZHES BYA BA NI RJES SU 'GRO BA'O; ,DE LAS GZHAN PA NI LDOG PA'I'O, ,CI'I PHYIR ZHE NA, ZAS ZHES BYA BA'O, ,SBYOR BYED PA NI NUS PA'O, ,DE LA ZHES BYA BA NI LDOG PA'I KHYAD PAR LA'O, ,SBYOR BAR 'GYUR TE ZHES BYA BA NI RJES SU 'GRO BAS ZHES BYA BA SKABS YIN NO, ,'O NA LDOG PA GO BAR BYED PA'I RGYU MTSAN DU CI LTAR 'GYUR ZHE NA, LDOG PA ZHES BYA BA'O, ,DE ZHES BYA BA LDOG PA STE RJES SU 'GRO BA MA NYAN PA LA SOGS PA LA MI LTOS PAR RJES SU 'GRO BA YOD TZAM LA LTOS TE GO BAR BYED PA YIN NO, ,CI LTAR RJES SU 'GRO BA LDOG PA MNYAM PA LA SOGS PA LA LTOS PA LTAR LDOG PA NI MA YIN NO ZHES BYA BA'I DON TO, ,LDOG PA'I SGO NAS GO BAR BYED PA NYID KHYAD PAR GYI MTHAR THUG PAR BRJOD PA NI, DPER NA ZHES BYA BA'O, ,GANG GI PHYIR RTAG PA LAS LDOG PA'I RTZOL BA LAS BYUNG BA DES NI, RTAG PA DE MED PA'I MI RTAG PA NYID SGRUB PAR BYED PA YIN NO, ,RJES SU 'GRO BA'I STOBS KYIS GO BAR BYED PA NYID YIN PA SUN 'BYIN PA NI, MI RTAG PA LA YOD PA'I RTZOL BA LAS BYUNG BA NYID NI RTAG PA'O, ,DE MED PAR SGRUB PAR BYED PA MA YIN NO, ,'DI NYID BRJOD PA NI GAL TE MI RTAG PA'I DPE BUM PA LA RTZOL BA LAS BYUNG BA NYID MTHONG BA DE LA YANG, SGRA RTAG PA MED PA NYID DU

, ,NI SGRUB PAR BYED PA MA YIN NO, ,'O NA CI LTAR MI RTAG PA NYID DU SGRUB SNYAM NA, RTAG PA LA ZHES BYA BA'O, ,DE MED PA STE RTAG PA MED PA SGRUB NA'O, ,PHUNG PO GZHAN ZHES BYA BA MI RTAG PA NYID LA SGRUB PAR BYED PA 'JUG PAR 'GYUR RO, ,DES NA RTAG PA LAS LDOG PA GO BAR BYED PA NYID KYI GTAN TSIGS GO BAR BYED PA YIN NO ZHES BYA BA'I DON TO, ,RJES SU 'GRO BA GTZOR GYUR PAS GO BAR BYED PA NYID YIN PA SUN 'BYIN PA NI, GZHAN LA ZHES BYA BA STE, MI RTAG PA NYID DANG 'BREL PA BUM PA LA MTHONG BA'I SGRUB BYED BYAS PA NYID LA SOGS PA NI, DE LAS GZHAN DU ZHES BYA BA RTAG PA NYID DU 'BREL PA'I SGRA LA SOGS PA GDON MI ZA BAR 'GYUR RO ZHES BYA BA NI YOD PA MA YIN PA KHO NA'O, ,GAL TE MI RTAG PA'I BUM PA BTZAL MA THAG TU 'BYUNG BAR MTHONG BA DE LTA NA YANG BSGRUB PAR BYA BA'I CHOS CAN LA RTAG PA LA 'JUG PAR YANG 'GYUR RO ZHES BYA BA'I DON TO, ,DE NYID BRJOD PA NI GAL TE ZHES BYA BA'O, ,DE LAS GZHAN PA ZHES BYA BA NI LKOG TU GYUR PA'O, ,DE LAS GZHAN PA'I ZHES BYA BA NI LKOG TU GYUR PA'I ME THOB PA NA'O, ,'ON TE DE YANG ZHES BYA BA NI LKOG TU GYUR PA'I ME'O, ,LKOG TU GYUR PA NANG DU SDUD PA NI MTHONG BA'I RJES SU 'BRANG BAS YIN PA MI SRID DO, ,CI LTAR LDOG PA NGES PA LA MTHONG BA DBANG DU GYUR PA MA YIN ZHE NA, MTHONG BAS NI ZHES BYA BA'O, ,SNANG BA NYID CES BYA BA NI DA LTAR BA NYID DO, ,DE LAS GZHAN ZHES BYA BA NI MA 'ONGS PA'O, ,'DU BYED PA LAS ZHES BYA BA NI GOMS PA ZHES GRAGS PA LAS TE, BAG CHAGS KYI DBANG NYID KYIS GZHAN DU YANG NGES PA YIN NO ZHES BYA BA'I DON TO, ,DNGOS PO'I RANG BZHIN GANG LA SNANG BA STE GSAL BA NYAMS SU MYONG BA DE LAS BYUNG ZHING SKYES PA'I 'DU BYED PAS NI, NYAMS SU MYONG BAR 'GYUR BA'I DNGOS PO'I RANG BZHIN DE LAS NGES PA'I RGYU YIN TE, DES NA NGES PA DE LAS GZHAN MA 'ONGS PA NI NGES PA MIN NO, ,DE'I PHYIR RJES SU 'GRO BA NI GTZO BO MA YIN NO, ,LDOG PA NI GTZO BO KHO NA YIN NO ZHES BRJOD PA NI, GANG GI TSE ZHIS BYA BA'O, ,GAL TE ZHES BYA BA

LA SOGS PAS PHA ROL DAG SLAR YANG RJES SU 'GRO BA GTZO BO NYID DU BRJOD PA'O, ,BRJOD ZIN TO ZHES BYA BA NI, GANG GI PHYIR RTAG PA LAS LDOG PA DES ZHES BYA BA LA SOGS PAS SO, ,GSAL BA GZHAN GYIS ZHES BYA BA NI DUS PHYIS 'BYUNG BA'I'O, ,DE LTA YIN NA ZHES BYA BA NI LAN NO, , GAL TE DUS PHYIS 'BYUNG BA'I GSAL BA DANG 'BREL PA YIN NA DE'I TSE SNGAR GYI GSAL BA DANG MA 'BREL PA KHO NAR 'GYUR TE; PHYI MA DANG 'BREL PA'I PHYIR RO, ,GSAL BA GZHAN DANG 'BREL PA NI, GZHAN YANG 'BREL PA ZHES BYA BAR NI RIGS PA MA YIN NO, ,SGRUB PAR BYED PA SNGA MA DANG 'BREL PAR MI 'GYUR RO ZHES BYA BA NI SKABS KYIS SO, ,CI'I PHYIR ZHE NA, 'KHRUL PA'I PHYIR ZHES BYA BA'O, ,SNGAR GYI GSAL BA SPANGS TE GSAL BA GZHAN DANG 'BREL PA YIN NA NI, SGRUB PAR BYED PA SNGAR GYI GSAL BA LA 'KHRUL PAR 'GYUR RO, ,GSAL BA'I SPYI DANG ZHES BYA BA LA SOGS PA NI RTZOD PA'O, ,GSAL BA ZHES BYA BA NI LAN NO, ,MTSUNGS SO ZHES BYA BA NI LAN NO, ,DE'I ZHES BYA BA RTOGS PA'I'O, ,GAL TE ZHES BYA BA NI GZHAN NO, ,'BRAS BU MTSUNGS PA'I RNAM PA CAN GYI RTOGS PA MTHONG BA LAS SO, ,RGYU'I ZHES BYA BA NI GRUB PA'I MTHA'O, ,RGYU'I SPYI ZHES BYA BA NI SPYI DANG SPYI MED PA'I RANG BZHIN GYI RGYU TZAM MO, ,DE GZHAN GYIS MNGON PAR 'DOD PA'I SPYI RTOGS PA NI MA YIN NO, ,CI'I PHYIR ZHE NA, SPYI DE 'DI LTA BU ZHES BYA BAR RO, ,SPYI MED NA MTSUNGS PA'I RNAM PA CAN GYI RTOGS PA LA RGYU MTSAN CI YOD CE NA RGYU MTSAN YANG ZHES BYA BA'O, ,DNGOS PO DON GCIG BYED PA KHO NA RGYU MTSAN YIN PA'I PHYIR NA, SPYI CI BYA, 'BRAS BU GCIG BYED PA KHO NA SPYI YIN NO ZHES BYA BAR RO, ,SPYI MED NA MTSUNGS PA'I RNAM PA CAN GYI CI LTAR RTOGS SHE NA, 'DI LTAR ZHES BYA BA'O, ,GANG GI PHYIR DON GCIG BYED PA KHO NA SPYI YIN PA DE'I PHYIR DU BA 'DI NI ZHES BYA BA LA SOGS PA'O, ,DE LTA MA YIN NA ZHES BYA BA NI ME'I GSAL BA MI 'PHEN NA'O, ,DES NA LDOG PA NYID GTZO BOR GYUR PA YIN NO, ,GANG PHYIR 'JIG LAS RTZOL BYUNG MIN DANG RAG MIN LAS RTAG 'JIG PA LAS, ,RTZOL BYUNG

, ,RTOG MIN RTZOL LAS SKYED BAS 'JIG PA GANG PHYIR RJES DPOG BA, ,DE PHYIR RJES 'GRO YOD SNYAM STOBS LDAN GTAN TSIGS NYID DU GNAS PAR NI, ,RIG MIN LDOG NYID BSTAN PAS DE BSTAN PA NI NGES PAR 'THAD PA YIN, ,ZHES BYA BA NI BSDU BA'O, ,GAL TE ZHES BYA LA SOGS PA NI RTZOD PA'O, ,MA YIN TE ZHES BYA BA NI LAN NO, ,'ON DON GANG ZHIG YIN PAR 'DOD CE NA, 'ON KYANG ZHES BYA BA'O, ,DE LAS ZHES BYA BA NI GTAN TSIGS SAM 'GAL BA DAG KYANG NGO, ,GZHAN DAG KYANG NI ZHES BYA BA NI 'BREL BA LAS GZHAN MA 'BREL BA'O,, MA NGES PA ZHES BYA BA NI MTHA' GCIG TU NGES PA MA YIN NO ZHES BYA BA'I DON TO, ,GAL TE DE LTAR BYAS PAS NGAG 'DI'I DON CIR 'GYUR ZHE NA, DE LTAR ZHES BYA BA'O, ,NGAG CES BYA BA NI GZHAN PA DAG NI MA NGES PA ZHES BYA BA 'DI'I'O, ,GAL TE DE LTA NA YANG 'DIS CI LTAR LHAG MA DANG LDAN PA MA NGES PA BRJOD CE NA, LHAG MA DANG ZHES BYA BA'O, ,'DI NYID CES BYA BA NI BSGRUB PAR BYA BA DANG MA 'BREL PA'O, ,DE NYID KYANG ZHES BYA BA NI LHAG MA DANG LDAN PA DANG 'GAL BA MI 'KHRUL BA CAN DAG KYANG NGO, ,GANG GI PHYIR DE LTAR THAMS CAD MA NGES PAS BSDUS PA DES NA'O, ,GAL TE 'GAL BA MI 'KHRUL BA CAN CI LTAR MA NGES PA NYID YIN ZHE NA, 'DI LTAR ZHES BYA BA'O, ,GAL TE BSGRUB PAR BYA BA LA MA 'BREL NA, 'O NA CI LTAR ZHES BYA BA NI GZHAN GYI'O, ,'ON TE MA 'BREL BA YANG MI 'KHRUL BA YIN NO ZHE NA, 'BREL PA YANG MA YIN LA ZHES BYA BA'O, ,DE LTA NA ZHES BYA BA LA SOGS PA NI LAN NO, ,'O NA KHYED KYI PHYOGS LA 'DI CI LTAR THE TSOM GYI RGYU YIN ZHE NA, NGED KYIS ZHES BYA BA'O, ,MA 'BREL BA NYID KYIS MI 'KHRUL PA NYID MED PAR DOGS PAR BYED PA NI, MI 'KHRUL PA NYID CES BYA'O, ,LAN NI KHAS BLANGS PA'I ZHES BYA BA'O, ,DPER NA BYE BRAG BAS RANG GIS KHAS BLANGS BAS CHOS CAN SGRA LA MI RTAG PA NYID BSGRUB PAR BYA BA NA, DES BUM PA'I DBANG GIS BYA BA PA NYID MI 'KHRUL BA CAN YIN PA DE BZHIN DU, BRDA SGROD PA BAS 'DOD

PA'I BSGRUB PAR BYA BA RTAG PA LA YANG SGRA NYID KYI DPE'I DBANG GIS MNYAN BYA NYID MI 'KHRUL PA YIN NO, ,DES NA 'DI'I RANG GI KHAS BLANGS PA LA LTOS TE, GNYI GA YANG SGRUB PAR BYED PAR THAL BAR 'GYUR TE, DES 'DI NYID LA PHAN TSUN 'GAL BA YIN NO, ,DES NA, BDAG CAG LA NI MA 'BREL NA, ,CI LTAR MI 'KHRUL BA YIN ZHES BYA BA'I NYES PA YOD PA MA YIN NO, ,DE SKAD DU YANG ZHES BYA BA LA SOGS PAS NI GZHAN GYI KHAS BLANGS PA NYID BRJOD PA'O, ,KHAS BLANGS PA ZHES BYA BA NI BRDA SPROD PA BAS SO, ,GTAN TSIGS NYID DU ZHES BYA BA NI MNYAN BYA'O, ,SGRA NYID KYI SPYI RTAG PA DPER YOD PA'I PHYIR RO, ,'JIG PA NYID LA MNYAN BYA NYID CI LTAR MA MTHONG ZHE NA, RTAG PA NYID LA ZHES BYA BA'O, ,MNYAN BYA NYID NI DPE SGRA NYID LA MTHONG BA'I PHYIR NA GO BAR BYED PA NYID DU 'GYUR RO, ,'CHAD PA NI GO BAR BYED PA'I ZHES BYANG STE, RTAG PA NYID LA MNYAN BYA'I GTAN TSIGS SO, ,GZHAN GYI 'DOD PA'I GO BYED KYI MTSAN NYID BRJOD PA NI, MTHONG BA DANG ZHES BYA BA'O, ,GO BAR BYED PA'I GTAN TSIGS ZHES BYA BA NI GO BAR BYED PA RTAGS KYI RGYU NYID DO, ,'DIS NI BYE BRAG PA'I LUGS LA GNAS TE, BRDA SPROD PA PAS NYE BAR BKOD PA'I SGRUB PAR BYED PA GO BYED KYI MTSAN NYID BRJOD PA YIN NO, ,DE LTAR DE'I GRUB PA'I MTHA' LA BRTEN NAS MNYAN PAR BYA BA NYID BSGRUBS PA NA, SLOB DPON PHYOGS KYI GLANG POS GSUNGS PA, MNYAN BYA NYID GO BAR BYED BAR 'GYUR RO, ,NAM GYI DUS NA ZHE NA; GAL TE 'DIR ZHES BYA BA SGRA LAS BYE BRAG PA 'GA' ZHIG GO, ,NYE BAR BKOD PA'I MNYAN BYA DANG BYAS PA NYID LA, GAL TE 'DI GNYI GA LA YANG DPE'I STOBS KYIS GO BAR BYED PA NYID DU KHAS LEN NA DE'I TSE THE TSOM ZA'O, ,GNYI GA ZHES BYA BA NI MNYAN BYA DANG BYAS PA'O, ,BRTEN NA ZHES BYA BA NI BYE BRAG PA'O, ,SHIN DU DGOS PAR CHUD PA NYID BRJOD PA NI, 'DI LTAR ZHES BYA BA'O, ,GAL TE BYE BRAG BA KHYOD SGRA MI RTAG PA NYID DU 'DOD PA NI, DE'I TSE SPYI SGRA NYID KYANG RTAG PAR 'DOD PA DOR BAR BYA'O, ,CI'I PHYIR ZHE NA,

, ,DE'I SGO NAS ZHES BYA BA STE SGRA NYID KYI DPE'I SGO NAS SO, ,GZHAN YANG ZHES BYA BA NI BYAS PA NYID DU MA ZAD KYI MNYAN PAR BYA BA NYID KYANG NGO, ,'ON TE BYAS PA KHO NA GO BYED YIN NO ZHE NA, RIGS PA ZHES BYA BA'O, ,DPEL [*DPAL?] YOD PA MTHONG BA NI, BYAS PA DANG MNYAN BYA NYID KYI RIGS PA MTSUNGS PA YIN TE, DE DANG LDAN PA MNYAN BYA NYID KYI GTAN TSIGS LTAR ZHES BYA BA MTSUNGS PAR MI 'GYUR BA'O, ,DE LTAR NA NI ZHES BYA BA NI MI MTSUNGS PA YIN NA'O, ,DE LTA YIN DANG ZHES BYA BA NI RIGS RIGS PAR MA GYUR NA'O, ,MTHA' DAG CES BYA BA NI RIGS PA DE DANG LDAN PA'I GTAN TSIGS BYAS PA NYID LA SOGS PA GANG YIN PA DER YANG GTAN TSIGS KYI THA SNYAD CHAD PAR 'GYUR RO, ,GAL TE GANG GIS 'DI YANG DE BZHIN DU 'GYUR BA MNYAN BYA NYID CI LTAR RIGS PA MTSUNGS PA CAN YIN ZHE NA, MNYAN BYA NYID KYANG ZHES BYA PA'O, ,'DI YANG ZHES BYA BA NI MNYAN BYA NYID DO, ,BYAS PA'I BSGRUB PAR BYA BA NI MI RTAG PA NYID YIN LA DE LAS BZLOG PA NI RTAG PA NYID DE, DE LA 'KHRUL PA MED PA'O, ,SLOB DPON PHYOGS KYI GLANG PO'I'O, ,SLOB DPON GYI DGONGS PA NGES PA LA DE'I GZHUNG DBANG NYID DU BRJOD PA NI, 'O NA ZHES BYA BA'O, ,SKABS KYI MJUG SDUD PA NI DE'I PHYIR ZHES BYA BA'O, ,MA 'BREL PA STE BSGRUB PAR BYA BA LA 'BREL BA MA NGES PA NYID THE TSOM GYI RGYU YIN PAS NA, GTAN TSIGS LA SOGS PA'I MTSAN NYID KHYAB PA YIN NO, ,GTAN TSIGS KYI MTSAN NYID NI PHYOGS KYI CHOS DANG BCAS PA'I BSGRUB PAR BYA BA DANG 'BREL PA'O, ,GTAN TSIGS LTAR SNANG PA 'GAL BA NI PHYOGS KYI CHOS DANG BCAS PA'I BSGRUB BYA LAS BZLOG PAR KHYAB PA'O, ,MA NGES PA'I NI DE DANG LHAN CIG PA'I BSGRUB PAR BYA BA LA 'BREL PA MA NGES PA STE,, GTAN TSIGS DANG 'GAL BA DANG MA NGES PA MTHA' DAG MTSAN NYID KYIS KHYAB PA YIN NO, ,DES NA MTSAN NYID MA KHYAB PA'I NYES PA MED DO, ,GAL TE KHYAD PAR MA BRJOD BA'I PHYIR PHYOGS KYI CHOS MA YIN PA YANG GTAN TSIGS SU 'GAL BA'AM MA NGES PAR 'GYUR RO ZHES

DGOS NA, DE LA ZHES BYA BA'O, ,PHYIN CI LOG NI BSGRUB PAR BYA BA LAS BZLOG BAS KHYAB BA'O, ,GZHAN NI ZHES BYA BA NI BSGRUB BYA DANG 'BREL BA MA NGES BA'O, ,GAL TE CI LTAR 'GAL BA DANG MA NGES PA'I, PHYOGS KYI CHOS ZHES BYA BA SGRA GZHAN YIN PA DE BZHIN DUM GRUB PA'I YANG CI STE MI 'DOD CE NA, DES NA ZHES BYA BA'O, ,CI LTAR 'GAL BA LA SOGS PA LA PHYOGS KYI CHOS ZHES BYA BA'I SGRA GZHAN YOD PA DE BZHIN DU MA GRUB PA LA NI MA YIN TE, 'ON KYANG MA GRUB PA'I SPYI NI PHYOGS KYI CHOS MA YIN PA KHO NA YIN NO, ,'DI YANG RNAM GRANGS KYI SGRA YIN GYI PHYOGS KYI CHOS KYI SGRA NI 'GAL BA DANG MA NGES PA'I RNAM GRANGS MA YIN TE, YANG DAG PA'I SGRUB BYED KYANG PHYOGS KYI CHOS MA YIN PA'I PHYIR RO, ,GAL TE RANG GI NGO BO SGRUB PA MA YIN PA'I PHYIR SGRUB PAR BYED PA DAG NI NGA RANG GI MING GIS BSNYAD PAR BYA BA YIN GYIS CHOS CAN MA GRUB PA LA SOGS CI LTAR DE LTAR BSNYAD PAR BYA BA ZHE NA, CHOS CAN ZHES BYA BA'O, ,MA GRUB PA NYID YIN LA ZHES BYA BA NI PHYOGS CHOS MA YIN NA'O, ,GANG YANG RUNG BA LAM GRUB PA LAM GRUB PA NYID DO ZHES RJES SU 'JUG GO, ,'DI DAG KYANG PHYOGS CHOS KYI SGRAS KHYAD PAR DU BYA BA MA YIN NO ZHES BYA BA'I DON TO, ,GNYI GA YANG ZHES BYA BA NI RGOL BA DANG PHYIR RGOL DAG LA'O, ,GRUB PA'I CHOS SGRUB PAR BYED PAS THA SNYAD BYED PA'I PHYIR BZLOG PA ZHES BYA BA MA GRUB PA NI MI 'DOD DO, ,DPER NA SGRA MI RTAG PA NYID DU BSGRUB PAR BYA BA LA MIG GIS BZUNG BA NYID BZHIN NO, ,RGOL BA'AM PHYIR RGOL BA GCIG LA MA GRUB PA YANG SGRUB BYED DU MI 'DOD DE, DPER NA BDE BA LA SOGS PA SEMS PA MED PAR SGRUB PA LA GTAN TSIGS SKYE BA CAN NAM MI RTAG BA NYID NI RGOL BA GRANGS CAN RANG NYID LAM GRUB PA BZHIN NO, ,SHING RNAMS SEMS PA YOD PAR BSGRUB PAR BYA BA LA SHUN PA THAMS CAD BSHUS NA 'CHI BA'I PHYIR ZHES BYA BA'I GTAN TSIGS NI PHYIR RGOL BA SANGS RGYAS PA LA MA GRUB PA BZHIN NO, ,CHOS CAN MA GRUB PA YANG SGRUB PAR BYED PA MI 'DOD DE, DPER NA BDAG GI KHYAB PA YIN TE, YON

, ,TAN THAMS CAD NA DMIGS PA'I PHYIR RO ZHES BYA BA LTA BU'O, ,DE BZHIN DU DPER BRJOD PA GZHAN DAG KYANG TSAD MA RNAM PAR NGES PA LA SOGS PAR BRJOD PA YIN PA'I PHYIR DE NYID DU RTOGS PAR BYA'O, ,GAL TE CHOS KYI PHYOGS MA YIN PA YANG GTAN TSIGS SU MTHONG BA MA YIN NAM, DE CI LTAR PHYOGS KYI CHOS NYID GTAN TSIGS SU BRJOD CE NA, PHYOGS SNGA MA 'GOD PA NI, GAL TE ZHES BYA BA'O, ,DE'I TSE ZHES KHONG NAS PHYUNG LA, 'O CI LTAR ZHES BYA BA LA SOGS PAR SBYAR RO, ,SGRA MI RTAG STE ZHES BYA BA 'DI LA GTAN TSIGS BRJOD PA NI BYAS PA ZHES BYA BA LA SOGS PA GNYIS SO, ,RGYU'I BDAG NYID LA 'BRAS BU SNGA NA YOD PA NYID DU BSGRUB PAR BYA BA LA, MED PA MI BYED PA'I PHYIR ZHES BYA BA LA SOGS PA BSGRUB BYED YIN NO, ,GAL TE PHYOGS KYI CHOS GTAN TSIGS YIN NA, DE'I TSE SGRA MI RTAG STE BYAS PA MI RTAG PA'I PHYIR RO ZHES BYA BA LA SOGS PA CI LTAR SGRUB BYED YIN TE, PHYOGS KYI CHOS MA YIN PA'I PHYIR RO ZHES BYA BA'I DON TO, ,SBYOR BA GANG DU GTAN TSIGS BSGRUB BYA'I RJES SU 'GRO BA DANG, BSGRUB BYA MED NA MED PA DAG LNGA PAS TE LNGA PA'I MTHA' CAN GYIS BRJOD PA DER NI CHOS MTHUN PA NYID CAN DANG CHOS MI MTHUN PA NYID CAN GYI DPE BRJOD PA YIN NO, ,'DI LTAR SGRA MI RTAG GO ZHES BSGRUB PAR BYA BA LA, BYAS BA MI RTAG PA'I PHYIR ZHES BYA BA 'DI DPE RTAG PA MA BYAS PA'I PHYIR RO ZHES BYA BA 'DIS NI CHOS MTHUN PA NYID CAN DANG CHOS MI MTHUN PA'I DPE BUM PA DANG NAM MKHA' DAG LA RJES SU 'GRO BA DANG LDOG PA BRJOD PA YIN TE, DES NA SBYOR BA GNYI GA LA YANG SGRA MI RTAG STE ZHES BSGRUB PAR BYA BA LA BYAS BA MI RTAG PA'I PHYIR RO ZHES BYA BA 'DIS CHOS MTHUN PA'I DPES BUM PA BRJOD PA YIN LA, RTAG PA MA YIN PA'I PHYIR ZHES BYA BA 'DIS NI CHOS MI MTHUN PA'I DPE NAM MKHA' BRJOD PA YIN NO, ,SBYOR BA GNYI GAR YANG GTAN TSIGS MA BRJOD DE, DE NI NYE BAR GTOD PA LAS BLTA BAR BYA BA YIN NO, ,SGRA NI MI RTAG STE BUM PA BYAS PA NI MI RTAG BA'I PHYIR RO, ,DE

BZHIN DU SGRA YANG BYAS BA YIN NO, ,RTAG PA'I NAM MKHA' NI MA BYAS BA'I PHYIR RO, ,SGRA NI BUM PA YIN NO ZHES BYA BA STE, NYE BAR GTOD PA ZHES BYA BA PHYOGS KYI CHOS NYE BAR SDUD PA DE LAS 'DOD BA YIN NO, ,GZHAN DU YANG CHOS MI MTHUN PA'I DPE BRJOD PA YIN NO ZHES BSGRE BA MI DE BZHIN DU MED PA ZHES BYA BA'O, ,'O NA CI LTAR 'DI DAG GTAN TSIGS MA YIN ZHE NA, CI LTAR ZHES BYA BA'O, ,BSGRUB PAR BYA BA DANG GTAN TSIGS GANG ZHIG 'BREL PA MA GRUB PA'I GTAN TSIGS DE LA NI BSGRUB BYA SGRUB PA'I NUS PA MED DE, 'ON KYANG BSGRUB PAR BYA BA DANG 'BREL PA KHO NAS BSGRUB BYA SGRUB PAR NUS PA YIN NO, ,SGRUB PAR BYED PA BYA BA LA SOGS PA 'DI LA NI BSGRUB PAR BYA BA DANG 'BREL PA GRUB PA DE MED DE DES NA BYED PA LA SOGS PA 'DI DAG NI GTAN TSIGS MA YIN NO, ,DE LA GTAN TSIGS GCIG GTAN TSIGS MA YIN PAR BYA BA'I DON DU GRANGS CAN LA 'DRI BA NI, MED PA ZHES BYA BA'O, ,MED PA MI BYED PA'I PHYIR RO ZHES BYA BA'I TSIG TZAM GYI BYA BA'I MTSAN NYID KYI GTAN TSIGS 'DI JI LTAR MI MTHUN PA'I PHYOGS LA LDOG PAR 'GYUR, GRANGS CAN GYI LAN NI, ,MED PA RI BONG GI ZHES BYA BA'O, ,'DI LA LAN BRJOD PA NI 'DI TZAM GYI LDOG PAS NI ZHES BYA BA'O, ,GAL TE YANG MED PA RI BONG GI RVA LA SOGS PA BYED PAR MA MTHONG BA DE LTA NA YANG BZLOG PA RGYU'I BDAG NYID LA 'BRAS BU MED PA LAS BZLOG PA STE, YOD PA LA BYA BA SGRUB PAR BYED PAR 'GYUR BA MA YIN NO, ,CI'I PHYIR ZHE NA, GAL TE ZHES BYA BA'O, ,THAMS CAD CES BYA BA NI MED DO COG GO, ,KHYAB PA NYID CES BYA BA NI, GANG MED PA DE NI BYED PA MA YIN NO ZHES BYA BA GA LAS YIN TE MA YIN PA KHO NA'O, ,CI'I PHYIR DE LTA BU'I KHYAB PA MA GRUB CE NA, BZLOG PA'I ZHES BYA BA'O, ,BZLOG PA'I 'BREL PA NI GANG MED PA DE NI MI BYED DO ZHES BYA BA 'DI LAS BZLOG PA, GANG BYED BA DE NI YOD PA YIN NO ZHES BYA BA'O, ,'DI 'BREL PA MED BAR NI BZLOG BA BSGRUB PAR BYA BA MED PA DANG BSGRUB PAR BYED BA MED PA MED PA DANG, MI BYED PA DAG

, ,GIS KHYAB PA GRUB PA MED PA KHO NA'O, ,GAL TE DE'I BDAG NYID DANG DE LAS BYUNG BDAG GIS BYED PA LA YOD BAS BYA BA YIN NA, DE'I TSE CHOS MI MTHUN PA GO PAR BYED PA YIN NO ZHES BYA BA'I DON TO, ,'DI NYID DPES SGRIB PAR BYED PA NI, DU BA ZHES BYA BA'O, ,DE DANG ZHES BYA BA NI SNGAR MTHONG BA'I YUL NA'O, ,GZHAN NA ZHES BYA BA NI LKOG TU GYUR BA NA'O, ,RTOGS PAR MI NUS BA'I GTAN TSIGS BRJOD PA NI, YUL DANG ZHES BYA BA'O, ,MI SRID PA'I PHYIR RO ZHES BYA BA NI NUS PA MED PA'I BYIR RO, ,'O NA CI LTAR LDOG PA GRUB CA NA, RJES SU 'GRO BAS ZHES BYA BA'O, ,RJES SU 'GRO BA YOD PA TZAM ZHIG LDOG BA'I KHYAD PAR DU BRJOD PAR 'DOD PA YIN GYI, GTZO BO NI MA YIN NO, ,RJES SU 'GRO BA GTZO BO YIN PA NI SNGAR NYID BSAL ZIN TO, ,DES NA DON 'DI YIN TE, LDOG PA'I YAN LAG TU GYUR PA'I RJES SU 'GRO BAS 'BREL PA 'DZIN PA YIN, RJES SU 'GRO BA GZHAN GYI LUGS KYIS NI RJES SU 'GRO BA STOBS CHUNG BA YANG MED DO, ,'DI LTAR RJES SU 'GRO BA YOD PA NI 'BREL BA YOD PA 'GYU BA YIN NA GZHAN GYI LUGS LA NI 'BREL PA YOD PA MA YIN NO, ,DE'I SHUGS KYIS ZHES BYA BA NI, RJES SU 'GRO BAS 'BREL PA 'DZIN PA'I SHUGS KYIS SO, ,'DI DAG CES BYA BA NI MED PA MI BYED PA LA SOGS PA DAG NI GTAN TSIGS MA YIN TE, GO BAR BYED PA MA YIN NO, ,DE'I PHYIR ZHES BYA BA NI MJUG SDUD BA'O, ,GANG GI PHYIR SGRA MI RTAG STE; BYAS PA MI RTAG PA'I PHYIR RO ZHES BYA BA LA SOGS PA LA PHYOGS KYI CHOS NYID NYE BAR GTOD PAR 'GYUR BA DE'I PHYIR, PHYOGS KYI CHOS NYID YIN NA GTAN TSIGS SU 'GYUR LA, PHYOGS KYI CHOS NYID BZLOG PAS KHYAB PA NI 'GAL BA YIN LA, PHYOGS KYI CHOS NYID 'BREL PA MA GRUB PA MA NGES PA YIN NO, ,GAL TE RTAGS KYI MTSAN NYID LA MA KHYAB PA DANG, HA CANG KHYAB PA'I MTSAN NYID KYI RTZOD PA GZHAN YANG YOD PA MA YIN NAM, DE CI STE BRJOD NAS YOD PAR MI 'GYUR BYED CE NA, 'DI NI ZHES BYA BA RNAM 'GREL MDZAD

PAS NI, TSIG GI RANG BZHIN GZHAN GYI DON GYI RJES SU DPAG PA GSAL BAR BYAS PA YIN NO ZHES SBYAR RO, ,RNAM BA GANG GI SGO NAS GSAL BAR BYAS SNYAM NA YOD PA DANG ZHES BYA BA STE, MTHUN PA'I PHYOGS LA YOD PA DANG MED PA RNAM PA GNYIS ZHES RAB TU BSTAN PA'I TSUL GYIS SO, RNAM 'GREL MDZAD PA 'DI THUGS BTANG SNYOMS SU MDZAD DE YAL BAR DOR BA'O, ,CI'I PHYIR ZHE NA, TSUL GSUM PA LHAG LUS PA RTOGS PAR BYA BA'I PHYIR RO, ,'O NA CI LTAR TSUL GSUM PA LHAG LUS PA RTOGS SHE NA, SPROS PA LHAG MA DAG NI ZHES SBYAR RO, ,DE LTAR RIGS PA DANG 'BREL PA CI LTA BA BZHIN RNAM PAR BKRAL BA'I RNAM 'GREL 'DI'I BRJOD PAR BYA BA'I RANG BZHIN CI LTA BA BZHIN GSAL BA NI GZU BOR GNAS PA'I RJES SU 'GRO BA DANG LDOG PA'I RJES SU BYED PA'I PHYIR NA, GZU BOR GNAS PA NYID DU BSGRUB PAR BYA BA YIN NO ZHES SLOB PAR BYED PA NI, KVA'I ZHES BYA BA'O, ,YID 'DI DANG 'DI 'DRA BAR GYUR PA NI, DE KHO NA NYID RTOGS PAR GYUR PA YIN NO ZHES 'BREL TO, ,RTAG TU PHYOGS SU LHUNG BA DANG SDANG BA'I YID GANG LA YOD PA DE LA DE SKAD CES BYA BA'O, ,DE NYID KYI PHYIR NA RANG DANG GZHAN GYI PHYOGS DAG TU GANG GIS BYAS PA'I MUN PA YOD PA DE LA DE SKAD CES BYA'O, ,RTAG TU ZHES BYA BA NAS MUN PA NI ZHES BYA BA'I BAR GYIS NI GZU BOR GNAS PA'I RGYU MED PAR BSTAN TO, ,'BRAS BU DE KHO NA RTOGS PA MED PAR BRJOD PA NI, DE NYID RTOGS PA BSGRUB MIN ZHES BYA BA'O, ,'DIS NI GZU BOR GNAS PA MED NA DE KHO NA RTOGS PA YOD PA MA YIN NO ZHES LDOG PA BRJOD DO, ,DE YOD NA NI DE 'BYUNG NGO ZHES RJES SU 'GRO BA BRJOD PA NI, 'DZIN TO ZHES BYA BAR SHES RAB PHUL TU BYUNG BAS MDZES PA'I TSUL DBU MAR GNAS PA NI, DE NYID RTOGS PA SGRUB PAR BYED PA YIN NO, ,GZU BOR GNAS PAS NI BLO DANG LDAN PA DANG DON DU GNYER BA DAG 'PHANGS PA'I PHYIR RO, ,GANG GI PHYIR RO, ,GANG GI PHYIR DE LTAR DE KHO NA RTOGS PAS NI, GZU BOR GNAS BA'I RJES SU 'GRO BA DANG LDOG BA'I RJES SU BYED PA DE'I PHYIR,

, ,GANG GIS RNAM 'GREL 'DI NI DE KHO NA NYID RTOGS PAR 'GYUR BA, ,GZU BOR GNAS PA DER BLO BSGRUB PAR BYA'O, ,GAL TE GZU BOR GNAS PA DE KHO NA NYID SGRUB PAR BYED PA YIN NO ZHES BYA BA GANG DU MTHONG ZHE NA, GZHUNG LUGS PA RNAMS ZHES BYA BA'O, ,DE 'DRA [?] NYID CES BYA BA NI DPAL CHOS KYI GRAGS PA DANG MNYAM PA RNAMS KYIS SO, ,BSHAD LA ZHES BYA BA NI, DE KHO NA RTOGS PAR BYA BAR RO, ,'DI LA ZHES BYA BA NI DE KHO NA BSTAN PA LA'O, ,RGYU BSAMS PA NI GZU BOR GNAS PA NYID YIN PAR GNAS SO, ,DES NA GZU BOR GNAS PA NI DE KHO NA RTOGS PA'I SGRUB PAR BYED PA YIN NO ZHES BDAG GIS DE LTAR RTOGS SO, ,DE NYID KYI PHYIR 'DIR BDAG 'DRA DAG PHYOGS SU LHUNG BA YIN NO, ,GAL TE SHES RAB DANG LDAN PA KHYED CAG NI GZU BOR GNAS PAR DE SGRUB PA'I PHYIR RNAM 'GREL LA PHYOGS SU LHUNG LA RAG NA, GZHAN LA NI GZU BOR GNAS PA YONG KYANG DE GRUB PA MED PA'I PHYIR CI LTAR DE 'DRA BA BDAG DER PHYOGS SU LHUNG ZHE NA, 'DIR GOMS ZHES GSUNGS TE, RNAM 'GREL 'DIR SHIN TU LEGS PAR GOMS PA DE TZAM NYID KYIS TE, TZAM GYI SGRAS NI LHA LA SOGS PA'I MTHUS DE KHO NA RTOGS PA'I RGYU MTSAN YIN PA SEL BA YIN TE, SHES RAB NI GOMS PAS 'THOB PA YIN NO ZHES BYA BA'I TSUL GYIS SO, ,DES NA GAL TE GZHAN ZHES BYA BA BDAG 'BA' ZHIG TU MA ZAD KYI, 'ON KYANG SKYE BO GZHAN DAG KYANG 'GYUR BA STE NUS PAR 'GYUR BA'I, CI'I DON DU ZHE NA, DE NYID DON GRUB STE DE NYID KYI DON SHES PAR BYA BA'I PHYIR RO, ,DE'I TSE GNYI GA YANG RNAM 'GREL 'DIR 'CHOL BAR RIGS SO, ,CI'I PHYIR ZHE NA, BDAG DANG GZHAN GYI LUGS TE, BLO RIGS PA DANG MI RIGS PAR GYUR PA NA DON 'DI BYAS PA STE DON SGRUB PAR 'GYUR BA'O, ,RIGS PAS 'THAD PAS BLANG BAR BYA BA NI RIGS PA NYID DU SHES LA, RIGS PAS MI 'THAD PA'I SPANGS PAR BYA BA SPANG PAR BYA BA NYID SU SHES PAR BYA STE, BLANG BYA DANG SPANG BYA RNAM PAR DBYE PA'I PHYIR ZHES BYA BA'I DON TO, ,GZU

BOR GNAS PA'I 'BRAS BU GZHAN YANG BRJOD PA NI 'DIR LAS ZHES BYA BA'O, GZU BOR GNAS PA DAG NI, GAL TE BDAG GIS BSTAN BCOS RGYA CHEN PO BYAS NA DE'I TSE BDAG GIS BYIS PA RJES SU BZUNG BAR MI 'GYUR TE, DES NA MDOR BA SDUS PA BYE'O ZHES RNAM PAR DPYOD PAR BYED DE, ,RGYA CHER CI SA ME BRJOD CE NA, RIN CHEN ZHES BYA BA'O, ,RIN PO CHE'I 'BYUNG GNAS GRAGS BA'I LUGS LAS RNYED PA'I RIN CHE'I TSOGS LEN PAR BYED PA MA KHRANG PO DAG KHO NA YIN GYI, MI MA KHRANG BA NI MA YIN NO, ,GANG GI PHYIR MA KHANG PO KHO NA LEN BYED YIN PA DAS NA MA BSHAD DE RGYA CHER MA BYAS SO, ,YANG NA GANG GI PHYIR LEN BYED MKHAS PA MED PA DES NA, BSHAD PA BYAS PA NYID KYI t'I KA NI MA YIN NO, ,'DIS NI GZHUNG 'DI BYIS PA'I DBANG DU BYAS NAS BRTZAMS SO ZHES BRJOD PA YIN NO, ,DE NYID KYI PHYIR CHAGS PHYIR ZHES BYA BA'O, ,'DOD PA'I 'DOD CHAGS KYI PHYIR GRONG PA STE BYIS PA DAG RGYAN BYED PAR 'DOD PAR MTHONG STE, DES NA BYIS PA DON DU GNYER BA RNAMS KYI DON DU RNAM 'GREL GYI RGYAN BYAS PA YIN NO, ,CI'I PHYIR 'DIR RGYAN BYED KYI, GSAL LA BYED LA SOGS BA'I LA NI MA YIN ZHES DOGS NA DE LTAR ZHES BYA BA'O, ,DE LTAR GSUNG RAB KYI RNAM 'GREL GYI SGO NAS GZHAN DON SGRUB PA STE, GZHAN GYI DON GRUB PAR BYA BA LA BRTZON BA'I BLO GANG DAG LA YOD DE SNYING RJE'I BDAG NYID CAN DE RNAMS KYI'O, ,BLO GROS 'DI NI ZHES BYA BA NI, GZHAN GYI DON BSGRUB PAR RTOGS PA'I BLO 'DI NI LEGS PAR STE DGE BA DANG SHIS PA'I DON DU 'GYUR BA YIN NO, ,DE ZHES BYA BA NI DE'I PHYIR DE BZHIN GSHEGS PA'I CHOS TE CHOS SKU'I BDAG NYID KYI GSUNG RAB GANG YIN PA DE'I TSUL TE RNAM 'GREL DE NYID LA SEMS ZHIB MOR RTOGS PAR BYED PA YIN GYI, GSAL BYED LA SOGS PA'I LA NI MA YIN NO, ,'ON TE GSAL BYED KYI BSTAN BCOS KYI SGO NAS KYANG BLO GROS LEGS BA'I DON DU 'GYUR RO ZHE NA, 'GRO BA ZHES BYA BA'O, ,GSUNG RAB KYI RNAM 'GREL NYID RAB TU ZHI BA DANG MTHUN PA YIN NO ZHES BYA BA'I DON TO, ,'O MA'I GANG CHEN LAS

, ,BYUNG GZHAN PA'I RGYA MTSO GANG 'GRO BA MTHA' DAG DGA' BSKYED PAR BYED PA DPAL MO DANG ZLA BA SKYED PAR BYED PA'I MA 'GRO BA SKYE BOS MTHONG NGAM CI STE MA MTHONG BA KHO NA'O, ,'O MA'I GANG CHEN GYI DON LA NI GSUNG RAB KYI RNAM 'GREL YIN LA GZHAN PA'I RGYA MTSO'I DAD PA NI, GSAL BYED LA SOGS PA'I YIN NO, ,DE LTAR ZHES BYA BA LA SOGS PAS NI BSHAD PA BYAS PA'I DGE BA YONGS SU BSNGO BA BRJOD PA'O, ,DE LTAR SMAD MED DE LEGS PA'I BSHAD PA BYAS PAS BDAG GIS DGE BA DRI MA MED PA THOB PA'I DGE BA 'DIS 'GRO BA 'DI GRUB PAR GYUR CIG ,CI 'DRA BAR ZHE NA, 'GOR BA KUN GYI DON SGRUB PA STE, 'GRO BA MTHA' DAG NI, MTHO RIS DANG BYANG GROL GYI MTSAN NYID KYI DON SGRUB PAR RO, ,BDAG 'DRA LA 'DIR 'DI 'DRA'I BLO YOD MIN, ,DE LTA'ANG SKYE BO DGA' ZHING 'DIR 'DOD PA; ,DES NA BDAG GIS LAG GIS 'DI GTANG BYAS, ,BRTZE BA'I GZHAN DBANG LUS YIN RLOM PAS MIN, ,TSUL BZHIN t'I KA 'DI NI BYAS PAS NA, ,BSOD NAMS TSAD MED BSAGS PA GANG YIN PA, ,DE YIS 'JIG RTEN GSHIN RJE'I DGRA MDZES NI, ,MI ZAD RAB SGRUB GNYIS MED MTHONG BAR SHOG ,DPAL MKHAS PA DZA M'A RIS SBYAR BA TSAD MA RNAM 'GREL GYI RGYAN GYI t'I KA ,BAM PO BRGYAD CU RTZA GNYIS PA RDZOGS SO,, ,,DPAL LDAN DBANG RGYAL DBANG PHYUG LTA BUR 'BYOR LDAN KUN LA KHYAB PA YI, ,GRAGS PA GSAL LDAN ZLA 'DRA'I GZHI GYUR MCHOG TU YANG DAG LA GNAS PA, ,RAB DANG YID CAN MKHAS PA RNAMS KYIS RTAG PAR SHIN TU BRJOD BYA GANG, ,SEMS CAN DON LA MNGON PAR DGA' BA'I SNGO MA BRTZON DAM PA DE YI NGOR, ,BLO BZANG GANG NA BLO BZANG BLO GROS BZANG PO DANG, ,SGRA SGYUR RNAMS KYI RGYAN GYUR BLO LDAN BZANG PO YIS, ,RNAM 'GREL DAM PA'I RGYAN DU GYUR PA'I t'I KA 'DI, ,GNYE THANG BRAG SNA BKRA SHIS GTZUG LAG KHANG DU BSGYUR, ,TSAD MA RGYAN GYI t'I KA PAndI TA SU MA TI DANG, LO TZ'A BA BLO LDAN SHES RAB KYIS BSGYUR BA'O,, ,,