TSAD MA RNAM 'GREL GYI RGYAN GYI 'GREL BSHAD (Pramāṇa Vārtikālaṃkāra Ṭīkā)

[DD] #, ,RGYA GAR SKAD DU, PRA M'A nA BARTI K'A LANGKA RA t'I K'A, BOD SKAD DU, TSAD MA RNAM 'GREL GYI RGYAN GYI 'GREL BSHAD, 'PHAGS PA 'JAM DPAL GZHON NUR GYUR PA LA PHYAG [DD] 'TSAL LO, ,GANG ZHIG SPANG DKA'I NYES TSOGS 'JOMS MDZAD GSAL ZHING 'BAR BA'I SHES RAB 'BYUNG GNAS GYUR, ,BRTZON 'GRUS DRAG POS 'JIG RTEN RMONGS CHEN LAS 'DON THUGS RJE BRTAN PO RGYA CHEN 'KHRUNGS, ,SHES RAB NOR GYIS RAB TU PHONGS PAS MA RTOGS PHYIR NA SBAS TE GNAS PA LA, ,MA NOR LAM STON 'GRO RNAMS BDE SKYONG DE NI DPAL LDAN CHOS KYI GRAGS PA YIN, ,'DI NA RI RAB MTHO MIN NAM CI RGYA MTSO CHEN PO ZAB PA MIN NAM CI, ,MA NYAMS SA GZHI BRTAN MIN NAM CI MKHA' YI DKYIL 'KHOR DANG BA MIN NAM CI, ,DE 'DRA DE RNAMS DANG MTSUNGS KHRO BA CHEN PO ZHI BYED RMONGS NYID SEL BYED CING, ,BRANG 'GRO'I RGYAL POS 'KHYUD MIN LEGS PA'I BLO LA'ANG LOG PA'I LAM NYID YIN ZHES PAR, ,RMONGS PAS RAB TU SMOD PAR BYED PA'ANG CI 'DRA BA YIS LEGS PA YIN PA SMROS, ,CHEN PO

, ,RNAMS KYI LAM NI CHUNG DU'ANG CHEN PO YIN PHYIR SHIN TU BRLING BA NYID, ,LEGS PAR BSTOD PA'I BLO CAN DE YI LAM LA GOMS BYED RTZOM PA'I LUS CAN NI, ,'GRO BA'I NANG NA MI BSNGAGS BRJOD BYA MIN PHYIR 'CHAD BYED BDAG LA'ANG CI PHYIR SMOD, ,RGYAL BYED RIGS PA'I DON RTOGS PA, ,RNAMS KYIS CHA TZAM BSTAN PAS KYANG, ,KUN DU RMONGS PA CHEN PO YANG, ,SEL BAR BYED PA NGO MTSAR ZHING, ,TSAD MA RNAM 'GREL MDZAD PA PO DANG, DE'I BSHAD SBYAR RTZOM PAR 'DOD PA BDAG NYID KYANG KHA CIG DAG GI PHYIN CI LOG LA ZHEN PA BSAL BAR 'DOD NAS TSAD MAR GYUR PA ZHES BYA BA LA SOGS PA'I TSIGS SU BCAD PA GNYIS SMOS TE, DE LA SDUG BSNGAL GYI RGYUR GYUR PA'I LOG PA'I SHES PA CAN LA YANG DAG PA'I SHES PA BSTAN PA DANG 'DRA BAR SLOB DPON LA BRNYAS PA'I KHA NA MA THO BAS 'KHRUL PA'I SKYE BO YONGS SU BSKYANG BAR 'DOD PA'I THUGS RJES DE'I GZHUNG GIS BSHAD PAR GYUR PA TSAD MA RNAM 'GREL MDZAD PA YIN NO ZHES ZER BA DE NI MI RIGS TE, 'DI LA TSAD MA MED DO, ,GANG GI PHYIR DE'I GZHUNG LA KHO BOS BSHAD CES BYA BA'I TSIG MED PA'I PHYIR RO, ,DE'I LUGS ZHES BYA BA LA SOGS PA YANG, DE ZHES BYA BA NI BCOM LDAN 'DAS SAM RJES SU 'DZIN PA PO ZHES BYA BA'I DON TO, ,

DE'I LUGS NI 'DIS STON PA MA YIN TE, RTOG PA DANG BRAL BA NYID CES BYA BA LA SOGS PA'I SNGON GYI SLOB DPON BRGYUD PA'I LUGS KYI BSHAD BYA NYID NYE BAR BLANGS PA'I PHYIR RO, ,GDAMS NGAG KYANG THAMS CAD TSAD MA MA YIN GYI GNOD PA MED PA CAN NYID YIN NO ZHE NA MA YIN TE, DE'I LUGS KYANG DON GYIS BSHAD PA'I PHYIR RO ZHES BYA BA'I GDAMS NGAG YIN GYI DE'I LUGS NYID NI MA YIN TE, LUNG NI LHAG PAR DOR NAS NI, ,ZHES GANG BSTAN PA'O, ,DE'I LUGS NI 'GREL PA BYED PA GZHAN GYI LUNG NI MA YIN GYI DE'I LUGS NI DE YIN NO ZHES BYA BA'I NGES PA YANG MED PA'I PHYIR RO, ,KHYED KYI LA YANG NGES PA CI ZHIG YOD CE NA, GZIGS PA PO YI MDO NI KHO BOS RNAM PAR DBYE, ,ZHES SMOS PA'I PHYIR RO, ,SLOB DPON NYID NI GZIGS PA PO MA YIN TE, RIGS PA SEMS PA'I BDAG NYID KYI SHES PA SKYES PA'I PHYIR LA SA THOB PA YANG MTHONG BA YIN NA DE YANG BDAG NYID SA THOB PA'I BAR DU THUGS LA DGONGS SHIG CES BYA BA LA SOGS PA GSAL BA YIN NO, ,TSAD MA LA SOGS PA RNAMS MTHONG BA YOD KYANG DON YOD PA YIN LA LUGS KYANG YIN PA DE'I ZHES, RNAM PA THAMS CAD GZIGS PA NI 'DIR DON MA NYAMS PA GSUNGS PA YIN GYI PHYOGS GCIG MTHONG BA LA NI MA YIN NO, ,PHYOGS GCIG MTHONG BA NYID LA 'DI LTAR BRTAGS PA YANG MA YIN TE, DE LTAR BSTAN PA LA DGOS PA MED PA'I PHYIR DANG, GTZO BO YOD PA LA YANG YIN PA LA NYE BAR GDAGS PA MI RIGS PA'I PHYIR RO, ,RTOG PA DANG LDAN PA NI, DES BSTAN PA'I GZHUNG LUGS LA, LTOS PA MED PA YIN TE, BYANG GROL LA SOGS PA DON DU GNYER BA LA DE'I THABS RIG PA NI, PHYIN CI MA LOG PA'I TSAD MAS RTOGS PAR 'DOD PA YIN NO, ,DE YANG RJES SU BZUNG BAS DE LA LTOS PA DANG BCAS PA YANG YIN TE, 'KHRUL PA'I SKYE BOS RAB TU SBYAR BA SUN 'BYIN PA LTAR SNANG BA GSAL PA'I PHYIR DANG, JI LTA BA BZHIN GYI SGRUB PA NYE BAR BSTAN PA'I PHYIR DE SGRUB PAR RIGS SO, ,DE LA YANG DE LTA BU'I SHES PA 'GRUB PA'I RGYU DANG 'BRAS BU YANG MED DO ZHES BYA BA LA SOGS PA'I LOG PAR RTOG PA RNAM PA MANG PO RIG PA YIN NO, ,LTOS PA MED PA'I STON PA PO YANG NYAN PA PO SBYONG BAR BYED PA MA YIN BZHIN DU SMRA BA YIN NA NI JI LTAR SMYON PA MA YIN,

, ,DE'I GZHUNG LUGS BSHAD PA'I SGO NAS LTOS PA DANG BCAS PAR SGRUB PAR BYED PA NI MA YIN TE, 'CHAD PA DANG NYAN PAS CHES DUB PA'I PHYIR YANG NGO, ,'ON TE DUB PA NYID BZOD DU ZIN YANG MI NUS PAS SLOB DPON LA GUS PA MA YIN TE, SLOB DPON RNAMS NI MTHA' YAS PA'I PHYIR DE RNAMS LA MA GUS PA YONGS SU DOR NAS KUN DU 'DOD PA BLANG BAR NI MI NUS KYI RANG NYID KYI'O ZHE NA MA YIN TE, THAMS CAD KYI 'DOD PA NYID KYIS RANG NYID KYI YIN PA'I PHYIR RO, ,SLOB DPON PHYOGS KYI GLANG POS RIGS PA GSAL BAR MDZAD PA LA, PHA ROL PO DAG DES GSUNGS PA LA SKUR BA 'DEBS PA SPONG BAR BYED DO, ,DE'I 'OG TU PHA ROL PO'I RNAM PAR 'KHRUL PA SPANGS PA'I RIGS PA'I LAM SKYON GYIS MA GROS PA'I RNAM 'GREL RANG DBANG DU MDZAD NA, DE'I 'OG TU SLOB DPON PHYOGS KYI GLANG POS MA SHES PAR GYUR TO, ,SLOB DPON PHYOGS KYI GLANG PO'I TSAD MA NI 'DI LTA BU ZHES BRNYAS PAR GYUR TE, DE'I GZHUNG LA 'DI LTA BU'I RIGS PA MA MTHONG BA'I PHYIR RO, ,SLOB DPON DBYIG GNYEN LA SOGS PA SNGON BYUNG BA RNAMS LA NI PHA ROL PO DAG DA LTAR SKUR PA MI 'DEBS TE, DES NA DE'I GZHUNG 'CHAD PA LA BRNYAS PA SPANG BAR MNGON PAR 'DOD PA MED DE, MI NUS PA NI THUG PA MED PAR 'GYUR BA'I PHYIR RO, , SLOB DPON GZHAN LA BRNYAS PA NI MED DE, MNGON PAR ZHEN PA MED PAS SPONG BA MED PA'I PHYIR RO, ,MTHO RIS LA SOGS PA'I LAM MI BSLU BA CAN GYI TSAD MA NYID LA NI RTOG PA DANG LDAN PA RNAMS LTOS PA YIN PA'I PHYIR DE NYID BRJOD BYA YIN PAR GONG DU BSTAN PA YIN NO, ,YANG 'DI LTAR DE LTA BRNYAS PA YONGS SU SPANG BA YANG DE'I MNGON PAR 'DOD PA'I TSAD MA SGRUB PA NYID KYI PHYIR DE NYID BSTAN PAR BYA BA YIN NO, ,BDEN TE, DE'I 'DOD PA 'BA' ZHIG NI RANG DBANG DU TSIG NYUNG DU DAG GIS BSTAN PAS DON LA SBYAR BA LA REG PAR DKA' BAS DE'I GZHUNG LA BRTEN NAS GZUNG BAR MI NUS PAS SMOD PAR BYED PA'I PHYIR DE'I GZHUNG DU BSHAD PA'I GDAMS NGAG GI RNAM PAS TSAD MAS GRUB PA'I MNGON PAR 'DOD PA BSTAN PA YIN NO, ,DE NI DE'I GZHUNG LUGS GANG YIN PA 'DIS BSHAD PA MA YIN GYI SNGON GYI SLOB DPON BRGYUD PA LAS 'ONGS PA RTOG PA DANG BRAL BA NYID CES BYA BA LA SOGS PA BSHAD PA'I PHYIR SLOB DPON PHYOGS KYI GLANG POS 'DIR YANG RJES SU

BRJOD PA YIN LA, DE YANG DE KHO NA BZHIN DU BSHAD PA'I DON DU RNAM 'GREL MDZAD PAS KYANG RJES SU BRJOD PA YIN NO, ,DE'I PHYIR DE'I GZHUNG GI RNAM PAR BSHAD PA LA BRTEN PA MA YIN LA, DE LA BRNYAS PA'I RGYUS DE MNGON PAR 'DOD PA'I TSAD MA RAB TU SGRUB PA'I PHYIR YANG MA YIN NO, ,GANG LA YANG THUN MONG MA YIN PA'I PHYER ZHES BYA BA LA SOGS PA SMOS PA DE LTA NA DE JI LTAR DON 'DI 'CHAD PA YIN DE YANG RANG NYID DON DE BRJOD PAS DE'I GDAMS NGAG DE NYID RAB TU BSTAN PA'I PHYIR KUN DU DRANGS PA YIN NO, ,DON NI 'DI NI DE'I MA YIN PA KHO NA STE, GDAMS NGAG BRGYUD PA LAS 'ONGS PA'I PHYIR RO, ,PHYOGS KYI MTSAN NYID LA SOGS PA GANG DU YANG BSTAN PA DE'I GZHUNG NYID LA YANG BRJOD PA'I PHYIR DE'I DON 'CHAD PAR BYED LA, DE YANG DRANGS PA KHO NAR DGONGS PA'O, ,BSTAN PAR SLA BA'I PHYIR DE LTAR BYAS PA YIN GYI DE'I GZHUNG BSHAD PA'I PHYIR NI MA YIN NO, ,'DI LTAR YANG, DES BCOL BAS KYANG MA YIN LA RNAM PAR RIG PA TZAM GYI YUL LA NYE BAR BKOD PA'I GTAN TSIGS LTAR SNANG BA LA SDANG BA YANG MA YIN PA DE'I PHYIR YANG DANG YANG DU RTZOD PA LA DGOS PA MED DO, ,DE NYID KYI PHYIR DE'I GZHUNG BSHAD PA'I THABS SU GYUR NAS RJES SU DPAG PA DANG POR BSHAD PA NI MA YIN NO, ,DE'I DON DU TSIGS SU BCAD PA DANG PO BSHAD PA YIN PAR YANG GO BAR MI BYA'O, ,CI ZHIG BSHAD PAS MA MDZAD CE NA, YANG DAG PAR RDZOGS PA'I SANGS RGYAS BCOM LDAN 'DAS CHOS DANG CHOS MA YIN PA STON PAR MDZAD PA RNAM PAR DPYAD PAR BYA BA MA YIN PA SGRUB PAR BYED PA YIN LA DE NYID NI THAMS CAD KYIS LTOS PAR BYA BA YIN PA'I PHYIR DE LA LTOS PA MED PAR SGRUB PAR BYED PA YANG RIGS PA MA YIN NO, ,BCOM LDAN 'DAS DE YANG YANG DAG PA'I THA SNYAD LA LTOS NAS RGYU DANG 'BRAS BU'I GNAS SKABS KYI DBYE BAS RNAM PA GNYIS TE, RGYU'I GNAS SKABS NI BYANG CHUB SEMS DPA'I GNAS SKABS TE, DE'I DUS SU YANG THAMS CAD RJES SU DPAG PAS RTOGS PAR BYED PA'I PHYIR BCOM LDAN 'DAS KYIS RJES SU DPAG PA THOG MAR GSUNGS SO, ,LUNG RIGS DAG GIS RNAM DPYOD PA, ,ZHES RJES SU DPAG PA'I LE'UR GANG 'CHAD PAR GYUR PA BSTAN PA NI, 'GRO LA PHAN BZHED STON PA ZHES BYA'O, ,DE BZHIN DU 'BRAS BU'I GNAS SKABS

, ,NI RANG GI DON DANG GZHAN GYI DON DAG PHUL DU BYUNG BA'I DBYE BAS RNAM PA GNYIS SO, ,DE LA RANG GI DON PHUL DU BYUNG BA NI THAMS CAD KYIS RNAM PA THAMS CAD PHYIN CI MA LOG PAR MNGON DU MDZAD PA'I PHYIR MNGON SUM GYI RANG BZHIN NO, ,RNAM PA DU MA'I THABS MANG PO ZHES GANG 'CHAD PAR 'GYUR BA BSTAN PA NI, BDE GSHEGS SKYOB PA ZHES BYA'O, ,GZHAN GYI DON PHUL DU BYUNG BA YANG BCOM LDAN 'DAS NI DE JI LTA BA BZHIN DU MNGON PAR 'DOD PA'I LAM GZHAN RNAMS LA STON PAR MDZAD PA'I PHYIR GZHAN GYI DON GYI RJES SU DPAG PA'I RANG BZHIN NO, ,DE LA RANG GI DON PHUL DU BYUNG BA RTZA BA YIN PA'I PHYIR THOG MAR MNGON SUM MO, ,DE'I BANG DU GYUR PA'I RJES SU DPAG PA YANG TSAD MA YIN PAS BSGRUB BYA JI LTA BAS KHYAB PA'I RTAGS DRAN PAR BYED PA NYID KHO NAS TSIG GI THA SNYAD LA NYE BAR SBYOR BA'I PHYIR RANG GI DON GYI RJES SU DPAG PA'I 'OG TU GZHAN GYI DON GYI RJES SU DPAG PA BSGRUB PAR 'DOD, NAS DE BSTAN PA NI SKYOB LA ZHES BYA BA'O, ,TSAD MA GSUM PO 'DI'I YANG SPYI'I MTSAN NYID MED NA, RIG BYED LA SOGS PA TSAD MA MA YIN PA MTSAN NYID DANG BRAL BA CAN MI RTOGS PA'I PHYIR TSAD MA SPYI'I MTSAN NYID RAB TU SGRUB PA'I PHYIR LE'U DANG POS TE DE BSTAN PA NI TSAD MAR GYUR PA ZHES BYA BA'O, ,SPYI'I MTSAN NYID KYI RNAM PAR DBYE BA'I TSIG DAG GI SNGA MA DANG PHYI MA'I NGES PA NI MED DO, ,RNAM PAR PHYE BA DAG GIS TSAD MA MA YIN PA RNAM PAR BCAD PA NI TSAD MA RNAM PAR NGES PA JI LTA BA BZHIN NO, ,SPYI'I MTSAN NYID KYIS TSAD MA MA YIN PA RNAM PAR BCAD PA'AM RNAM PAR DBYE BA 'DI NYID DU RNAM PAR GCOD PA NI, RNAM PA GNYIS ZHES BYA BA LA SOGS PAS RNAM PAR DBYE BA STON PAR 'GYUR TE, BYE BRAG GI MTSAN NYID KYI YAN LAG YIN PA'I PHYIR RNAM PA GNYIS SO, ,DES NA DANG PO NYID CES BYA BA NI NGES PA'O, ,GANG GI PHYIR RNAM PAR DBYE BAS BZHAG PA DAG MED NA SHIN TU NGES PA'I NGO BO RTOGS PAR 'DOD CING RTOGS PAR BYED PAR 'DOD PAR YANG MI NUS SO, ,'DI LTA BU'I TSAD MA DE LA PHYAG BTZAL NAS BSHAD PAR BYA ZHES BYA BAR SBYAR RO, ,GZHAN YANG BCOM LDAN 'DAS KUN RDZOB DANG DON DAM PA'I NGO BO GZHAN GYI 'KHRUL PA SEL BA 'DIR BSGRUB PAR BYA STE, BAG CHAGS DANG BCAS PA'I DRI MA THAMS CAD RAB TU SPANGS PA'I PHYIR YON TAN

PHUN SUM TSOGS PA BRNYES PAS PHUL DU BYUNG BA DNGOS PO MA LUS PA GNYIS SU MED PAR THUGS SU CHUD PA'I PHYIR MNGON SUM PA'I BDAG NYID CAN NI DON DAM PAR RO, ,KUN RDZOB TU YANG DE DANG RJES SU MTHUN PA NYID KYI TSAD MA YIN PAR SHES PA'I DON DU DE LA 'KHRUL PA MED PA'I RNAM PAR RTOG PA DANG TSIG GI NGO BO RANG GI DON DANG GZHAN GYI DON GYI RJES SU DPAG PA'I DBYE BAS BSTAN TE, DES NA RTZIG PA LA SOGS PA LAS BYUNG BAS BSTAN PA RNAMS NYID LA YANG KHO BO CAG YID CHES PA MED DO ZHES ZER BA'I GZHAN GYI 'KHRUL PA BSAL BA YIN NO, ,GANG GI PHYIR MNGON DU MDZAD PA DER NGES PA'I GTAN TSIGS NGES PA DE RTOG PA PO'AM TSIG LA RTOG PA DANG LDAN PA RNAMS YID MI CHES PAR MI RIGS ZHES BYA BA'I DON TO, ,LHAG MA NI 'DI LA YANG MTSUNGS SO ZHES BYA BA NI LE'U'I GO RIMS SO, ,DE LA TSAD MAR GYUR PA LA ZHES BYA BA'I DANG PO'I PHYED NI BSTOD PA'O, ,TSAD MA GRUB PA 'CHAD PAR BYED PA YIN GYI SLOB DPON GYIS GZHUNG BSHAD PA'I PHYIR MA YIN PA NI RNAM 'GREL MDZAD PA'I DGONGS PA BSTAN PA'O, ,DE LA YANG GTAN TSIGS NI RTOG GE NGAN 'KHRUL ZHES BYA BA'O, ,GZHAN YANG KHA CIG BCOM LDAN 'DAS MAR ME BZHIN DU MYA NGAN LAS 'DAS KYANG TSAD MA NYID DU SGRUB PA'I PHYIR RO ZHE NA, DE LA TSAD MAR GYUR ZHES BYA BA LA SOGS PA SMOS SO, ,SKYON MED PA'I DNGOS PO DOR BAR RIGS PA MA YIN TE MYA NGAN LAS 'DAS PA LTA BU'O, ,DE BZHIN DU THAMS CAD MKHYEN PA'I YE SHES KYANG STE DE BSTAN PA NI BDE GSHEGS ZHES BYA BA'O, ,DE LTA BU'I RANG BZHIN YIN YANG DNGOS PO'I RGYUN GYI RGYU MED PA'I PHYIR MAR KHU LA SOGS PA ZAD PA'I MAR ME BZHIN DU ZAD PA MA YIN NAM ZHE NA, PHAN BZHED PA STON PA ZHES BYA BA SMOS TE, 'DIS KYANG RGYU BRTAN PO GZHAN DU MED PAR BSTAN PA YIN NO, ,'ON TE DE LTA NA YANG 'GA' ZHIG NYE BAR SBYOR BAR MI BYED CING 'DOR LA, 'GAL BA DU BA'AM RANG NYID SKYE BA YIN NO ZHE NA, TSAD MAR GYUR PA ZHES BYA BA SMOS SO, ,SKYE BA THAMS CAD DU PHAN PA NYE BAR BSTAN PAS PHAN BTAGS PA YIN NA, DE DON MED PA CAN MA YIN GYI LAN CIG BYUNG BA'I PHAN BTAGS PA BYAS PA DES KYANG DGOS PA CI ZHIG YOD CE NA, MI RIGS TE PHAN GDAGS PAR BYA BA MTHA' MED PA LA PHAN GDAGS PA YANG MTHA' MED PA'I PHYIR 'GRO BA THAMS CAD KYI DON BYA'O ZHES

, ,KYANG DAM BCAS PA'I PHYIR LA, DE YANG MA RDZOGS PA'I PHYIR BCOM LDAN 'DAS NYID KYANG YONGS SU MA RDZOGS PA YIN TE, DE BSTAN PA NI TSAD MA ZHES BYA'O, ,DE LA YANG 'GAL BA MED PAR BSTAN PA NI YANG DAG CES BYA BA'O, ,YANG DAG PA LA YANG DAG PHA MA YIN PAS GNOD PA MA YIN TE, NYA PHYIS KYI SHES PA LA DNGUL GYI SHES PAS GNOD PA MA YIN NO, ,YANG DAG PA LA GNOD PAR BYED PA YANG DAG PA YIN PAR NI MTHONG STE GRANG BA LA SREG BYED LTA BU'O, ,DE BZHIN DU 'DIR YANG SNYOMS PAR 'JUG PA LA SOGS PAR 'GYUR RO, ,DE NI MA YIN TE, GTAN DU 'GAL BA MA YIN GYI SKAD CIG DE LA 'GAL BA SLAR YANG 'BYUNG BA'I PHYIR TE, DE BSTAN PA NI, SKYOB PA ZHES BYA BA STE, RGYUN GYIS GNAS PA ZHES BYA BA'I DON TO, ,SPRUL PA NYE BAR BSDU BA TZAM GYIS YONGS SU MYA NGAN LAS 'DAS PAR BSTAN KYANG THAMS CAD DU RNAM PAR RGYAL BA PO BCOM LDAN 'DAS NI 'KHOR BA JI SRID PAR BZHUGS PA YIN NO, ,GANG YANG BCOM LDAN 'DAS NI RANG GI RANG NYID RGYU LAS DBANG PO LA SOGS PA'I MTSAN NYID KYI TSAD MA NYID KYI YE SHES SKYES PA YIN GYI, YON TAN LA SOGS RGYU GZHAN LAS NI MA YIN NO, ,DE YOD NA YOD PA NYID DU NGES PA MED PA LAS NA TSAD MA NYID MA YIN NO, ,DE TZAM LA MA YIN NA RGYU GZHAN GYI SKYON YIN PAR NGES PAR BYED PA YIN NO ZHES GZHAN LA STON TO, ,CI'I PHYIR YON TAN DANG LDAN PA'I DBANG PO RGYU MA YIN PA NI RJES SU DPAG PA LA MI SNANG BA'I PHYIR TE GANG GI PHYIR RJES SU DPAG PA NA TSUL GSUM PA NYID DU NGES PA LAS SKYE BA YIN GYI YON TAN DE LAS NI MA YIN TE NGES PA MED PA'I PHYIR RO; ,MNGON SUM YANG SHES PA'I RGYU NYID YIN PA'I PHYIR TSAD MA NYID KYI RGYU YIN GYI GZHAN NI MA YIN NO ZHES ZER BA NI CIG SHOS RNAMS SO, ,GZHAN DAG NA RE MIG SMAN LA SOGS PAS YON TAN BSKYED PA YIN TE, DE SKYES PA NAS BRTZAMS NAS YOD PA YANG MA YIN LA, DE'I DBANG PO YANG TSAD MA SKYED PAR BYED PA SNANG YANG DE LA YON TAN RNAMS NI MED DE RGYU MED PA'I PHYIR RO, ,SKYE BAS THOB PA'I RAB RIB CAN GYI SHES PA JI LTAR YIN, DE LA MIG SMAN LA SOGS PA'I SBYOR BAS SKYON BSAL BAS DBANG PO NYID TSAD MAR GYUR PA YIN NA, SBYOR BAS SKYON BSAL BAS YON TAN SKYE BAR BYED PA DE RNAMS LAS CHAD MA NYID MA YIN TE,

'DI LA TSAD MA MED PA'I PHYIR DANG RAB RIB 'JOMS PA'I SBYOR BA ZHES KYANG THOS PA'I PHYIR RO, ,RTOG PA'I NYES PA DU MA DE RNAMS KYI SKYON SEL BAR BYED CING YON TAN YANG SKYED PAR BYED LA, DE'I PHYIR DBANG PO NYID TSAD MA YIN ZHING TSAD MA MA YIN PA YANG YIN PA DE LAS 'BYUNG BA MA YIN ZHING, GZHAN LA LTOS PA YIN TE, 'DI GZHAN LA LTOS PAR YANG MTHONG BA NI YON TAN DAM PA DANG 'BREL PA'I MIG LA ZLA BA GNYIS KYI SHES PA LTA BU STE DER YANG YON TAN LA MI BRTEN PA YANG MA YIN LA, TSAD MA YANG MA YIN NO ZHES BSTAN PA YIN NO, ,'JIG RTEN YANG GANG JI LTAR RTOGS PA DE DE BZHIN DU RJES SU BSGRUB STE, DER YANG GZHAN LA LTOS PA MA YIN NO, ,GZHAN DU YANG 'GYUR RO ZHE NA, GZHAN DU YANG DOGS PA DE LTA NA YANG GZHAN LA LTOS PA YIN NO, ,THA SNYAD PA YANG YUL LA YONGS SU MI GCOD CING RAB TU 'JUG PA MA YIN NO, ,YONGS SU BCAD PA LA YANG GZHAN LA LTOS PA CI ZHIG DGOS, SLU BAR DOGS PA GZHAN LA LTOS PA YIN NO ZHE NA, DE LTA NA YANG SLU BAR BYED PA'I RGYU RNAMS NYID NI LTOS PA CAN YIN LA MI SLU BA NYID DU RTOGS PAS NGES PA YIN NO, ,RIG BYED NI RANG NYID TSAD MA YIN TE, DE YANG, RANG NYID TSAD MA THAMS CAD KYI, ,TSAD MA NYID DU NGES PA STE, ,RANG NYID YOD PA MIN PA STE, ,GANG NA'ANG YOD BA MA YIN NO, ,ZHES BSTAN PA'O, ,GZHAN GYI LA NI DE 'DRA BA'I SHES PA'I RGYU MED PA'I PHYIR MI RIGS TE, MIG GIS LAN CIG GZUGS MNGON DU BYAS PAS MTHONG BA DUS YANG GZHAN DU MI 'GYUR TE, RGYU NGES PA'I PHYIR RO, ,DE YANG, TSAD MA NYID NI GCIG GIS KYANG, ,THAMS CAD MKHYEN PAR GANG GIS BRTAGS, ,NGES PA'I MIG GIS RO LA SOGS, ,THAMS CAD SHES PAR BYA BAR 'GYUR, ,ZHES BSTAN PA'O, ,DE RTOGS PAR BYED PA'I TSAD MA YANG YOD PA MA YIN TE, GANG GIS GZHAN DU MI 'THAD PA'I RGYUR BRTAG PAR BYA STE, DE YANG, RE ZHIG DA LTAR KUN MKHYEN GYI, ,BDAG LA SOGS PA MA MTHONG STE, ,PHYOGS GCIG NA YANG YOD PAR NI, ,RTAGS MED PHYIR NA DPAG BYA MIN, ,ZHES BSTAN PA'O, ,RIG BYED KYANG TSAD MAR MTHONG BA'I PHYIR CUNG ZAD KYANG BRTAG PAR BYA BA MA YIN PAS, MI MTHONG PAR CUNG ZAD KYANG DPYAD PAR MI BYA'O ZHES BYA BA NI DPYOD PA PA RNAMS KYI YIN NO, ,'DI LA LA

, ,GDAB PA NI TSAD MAR 'GYUR BA LA ZHES BYA BA STE, RE ZHIG RJES SU DPAG PA NI TSUL GSUM PA NYID DU NGES PA LAS SKYE BA YIN GYI GZHAN YON TAN LAS NI MA YIN NO ZHES GANG SMRAS PA DE NI MI RIGS TE, DE NYID YON TAN YIN PA'I PHYIR DE MA GTOGS PA TSUL GSUM PA TZAM NI PHYIN CI LOG TU 'DZIN PA TSAD MA MA YIN PA SKYED PAR BYED PA STE, 'DI LTAR, SKUL BYED SOGS PAR SKYES BA'I BLO, ,TSAD MA YIN TE SKYON BRAL RGYUS, ,BSKYED PHYIR RTAGS DANG YID CHES PA'I, ,TSIG DANG DBANG PO'I SHES PA BZHIN, ,ZHES PA LTA BU'O, ,'DI LA SKYON DANG BRAL BA'I RGYUS BSKYED PA NYID KYI NGES PA MED KYANG 'DI LAS SHES PA SKYE BA YIN NO, ,DE'I PHYIR PHYIN CI MA LOG PA'I TSUL GSUM PAR NGES PA'I RJES SU DPAG PA'I RGYU MA YIN NO, ,'ON KYANG TSAD MA NYID KYI RGYU MA YIN PA DE'I PHYIR DBANG PO RNAMS LA YANG YON TAN DU BRTAGS PA DE MA NYAMS PAR MTSUNGS PA KHO NA YIN NO, ,YANG MIG SMAN LA SOGS PA'I SBYOR BAS SKYON MED PA YIN GYI YON TAN NI MED DE ZHES GANG SMRAS PA DE YANG MA YIN TE, GAL TE DBANG PO TZAM TSAD MA SKYED PAR BYED NA NI THAMS CAD DU SKYED PAR BYED PAR 'GYUR TE RTAG TU YOD PA'I PHYIR RO, ,SNANG BA LA SOGS PAS KHYAD PAR BSKYED PA YIN NO ZHE NA, DE LTA NA GZHAN NYID LAS TSAD MAR 'GYUR RO, , DE YANG, NYI MA'I ZER GYIS ZIL NON PHYIR, ,MIG GI NUS PA 'CHOR BA NI, ,RIM GYIS RIM GYIS DE BZHIN DU, ,BLTAS NAS GSAL BAR 'GYUR BA YIN, ,ZHES BSTAN PAR 'GYUR BA'O, ,SHES PA NYID NI YON TAN DANG SKYON DAG GIS BSKYED PAR BYA BA MA YIN GYI YON TAN DANG LDAN PA DANG SKYON DANG LDAN PA'I DBANG PO YIN TE, DE DAG MED KYANG 'BYUNG BA'I PHYIR, ,DBANG PO TZAM LAS BYUNG BA SKYON DANG LDAN PA YANG BYA BA LA BYE BRAG MED PA'I PHYIR SHES PA BZHIN DU TSAD MA NYID DU 'GYUR RO, ,DBANG PO GOMS PA LAS BYUNG BA'I ZIN PO NI LUGS LA SOGS PA RNAMS LA BYA BA BYED PA YANG MTHONG STE, DE YANG, GOMS PAS PHYIR ZHING ZIN POR GYUR, ,SNGO MA RNAMS NI MJUG SDUD CING, ,YUL CHOS THA DAD MIN NYID DANG, ,THA DAD NYID KYI DBYANGS DANG NI, ,THOS PA'I PHA ROL SON DANG GANG, ,DE LA SHIN TU MKHAS THOB 'GYUR, ,ZHES GSUNGS PA'O, ,YANG RAB RIB 'JOMS PA'I SBYOR BA ZHES KYANG THOS PA ZHES GANG SMRAS PA DE YANG MA

YIN TE; DA LTAR RAB RIB MED PA'I SGO NAS YON TAN THOB PAR SMRA BA NI GZHAN DU YON TAN THOB PAR SMRAS PA'I PHYIR TE, 'DI LTAR YANG, BYI LA DANG, RNGA MO DANG, SPYANG KI LA SOGS PA'I MIG SKAMS PA'I PHYE MAS MIG BSKUS NA MTSAN MO YANG NYIN MO BZHIN DU MTHONG LA, 'DI LA YANG SKYON BSAL BAS MED PA MA YIN PA'I PHYIR RO, ,YANG SLU BAR DOGS PAS GZHAN LA LTOS PA YIN NO ZHES BYA BA DANG, MI SLU BA NYID DU RTOGS PAS NGES PA YIN NO ZHES GANG SMRAS PA YANG, DE LA MI SLU BA DON DU GNYER BA YANG TSAD MA NYID TSOL BA LA BRTZON PA YIN NO ZHES 'OG NAS 'CHAD PAR 'GYUR RO, ,TSAD MA NI BCOM LDAN 'DAS PHAN PAR BZHED PA NYID STON PA PO NYID KYI NGO BO'I RGYU TSOGS PA NYID KYIS BDE BAR GSHEGS PA NYID LA SBYOR BA'I PHYIR TE, DE NYID KYIS NA RGYU MI DMIGS PAR MA GRUB PA, ,SKYOB PA YIN PA'I PHYIR 'BRAS BU MI DMIGS PA YANG NGO, ,DE LTAR CI LAS SHES SHE NA, TSAD MA GRUB PA ZHES BYA BA LA SOGS PA SMOS TE, 'DIR RGYU NI RTOG GE NGAN PA ZHES BYA BA'O, ,BSTAN PA LAS PHYIN CI LOG PA NI TSAD MA MA YIN NO ZHES BYA BAR SHUGS KYIS BSTAN PA YIN NO, ,GANG YANG DANG PO'I PHYED KYIS BCOM LDAN 'DAS LA PHYAG 'TSAL NAS, GZHAN GYI NYAN PA PO BSTAN BCOS LA 'JUG PA'I DON DU BRJOD PAR BYA BA DANG, DGOS PA LA SOGS PA RGYU DANG BCAS PAR BSTAN PA'AM KUN GYIS KYANG NGO, ,DE LA BRJOD PAR BYA BA NI 'CHAD PAR 'GYUR BA'I MTSAN NYID CAN GYI TSAD MA 'JIG RTEN PHA ROL PA DON DAM PAR RTOGS PA'I RGYUR BCOM LDAN 'DAS NYID 'JIG RTEN PA'I TSAD MA NYID YONGS SU RTOGS PA NI 'BRAS BU DMAN PA YIN PA'I PHYIR, DE YANG CHOS DANG CHOS MA YIN PA RTOGS PAR BYA BA'I PHYIR DE'I NGO BO DGOS PA NI SHUGS KYIS BSTAN TO, ,YANG NA TSAD MA'I RGYU MTSAN GRUB PA'I DE BZHIN GSHEGS PA'I PHUN SUM TSOGS PA LA NYE BAR SBYOR BA GANG YIN PA STE, 'GRUB PAR 'GYUR BA NI 'GRO BA'I DON SGRUB PAR BYED PA CAN ZHES BYA BAS DE TSAD MA'I SGRUB PA'I SGO NAS DE NYID GRUB PA'I PHYIR TSAD MA GRUB PA BSHAD PAR BYA'O, ,YANG NA 'DIS SGRUB PAR BYED PA STE SANGS RGYAS BCOM LDAN 'DAS TSAD MA YIN NO ZHES RGYU PHUN SUM TSOGS PA STE, DE RTOGS PA'I THABS PHUN SUM TSOGS PA GRUB PA YANG TSAD MA'I

, ,GRUB PA'O, ,JI LTA BA BZHIN DU SGRUB PAR BYED PA'O ZHES BYA BA 'DIS NYAN PA PO DANG RTZOM PA PO'I BYA BA'I 'BRAS BU DANG, BSTAN BCOS KYI DGOS PA DAG GI THABS DANG THABS LAS BYUNG BA'I MTSAN NYID NI 'BREL PA'O, ,GTZO BO SMOS PA'I SHUGS KYIS BSTAN TO, ,GZHAN DU DON MED PA'AM MI NUS PA'AM 'DOD PAR BYA BA MA YIN PA'I NGO BO DON MED PAR DOGS PA LA NI 'GA' YANG 'JUG PAR MI 'GYUR BA DES NAS, BSTAN BCOS BYED PA RNAMS RANG NYID NGAG DANG PO LA RAB TU SBYOR BA YIN TE, GZHAN LA PHAN PAR ZHUGS PA DE RNAMS LOG PAR BRJOD PA LA NI DGOS PA MED DO, , DES NA YANG NGAG GI DON LA THE TSOM DU 'GYUR LA DES NI DON DU GNYER BA RNAMS 'JUG PA YIN NO, ,DON LA THE TSOM ZA BA YANG NGES PA CAN BZHIN DU ZHING GI LAS LA SOGS PA LA 'JUG PAR 'GYUR BA MTHONG BA'I PHYIR RO ZHES BYA BA NI KHA CIG GIS 'DOD PA'O, ,BSTAN BCOS BYED PA LOG PAR SMRA BA MA YIN PAR CI LAS SHES SHE NA, SMRAS PA, GZHAN BSLU BA'I CHED DU LOG PAR BYED PA NI RTOG PA DANG LDAN PA RNAMS NI RANG NYID SLU BAR MI BYED PAS GZHAN BSLU BAR BYA BA'I PHYIR BSTAN BCOS KYI DANG POR LOG PAR BRJOD PA NI MI SRID DO, ,MKHAS PA NYID DU RAB TU GNAS PA'I CHED DU DANG PO NYID NAS BRTZAMS NAS LOG PAR SMRA BA NI JI LTAR 'DOD PA LA RAB TU GNAS PA 'JIG PA YIN PA'I PHYIR GZHAN SLU BAR BYED PAR 'DOD PA LAS RANG NYID BSLUS PA KHO NAR 'GYUR BAR RIG PA'I PHYIR LOG PAR BRJOD PA MA YIN NO, ,DE LTAR NA YANG PHYIN CI LOG PAR DON MED PA MA YIN TE, RIGS PAS NGES BZHIN PA'I DON NYID NI NGES PA YIN PA'I PHYIR JI LTAR DON LA THE TSOM DU 'GYUR BA MED PA NI MED PA'I NGO BO YIN PA'I PHYIR RO, ,DE NI MA YIN TE, LAM 'DI NA SROG CHAGS GDUGS PA LA SOGS PA DON MED PAR 'GYUR BA MED PAR NGES NA GSER LA SOGS PA'I DON YOD PAR NGES PAR 'GYUR RAM CI, SROG CHAGS GDUG PA LA SOGS PA MED BA DANG GSER LA SOGS PA NI THA DAD PA'I PHYIR RO, ,'DI LA YANG BYA ROG GI SO LA SOGS PA'I BSTAN BCOS GZHAN DU BRJOD PAR BYA BA'I DGOS PA MED PA MA YIN PAR NGES NA DON MED PA NYID KYANG NGES PAR 'GYUR TE, DE MA YIN PA NI DE NYID YIN PA'I

PHYIR RO; ,BRJOD PAR BYA BA LA SOGS PA'I YUL TSIG LAS RNAM PAR SHES PA NGES PA MED PA'I RGYU MTSAN LAS BYUNG BA'I NGES PA YANG PHYOGS CAN YIN PA SEL BAR MI BYED PA'I BRJOD PAR BYA BA LA SOGS PA NYID NI YOD DAM MED PAR THE TSOM ZA BA YIN GYI, PHYIN CI LOG PA YANG MA YIN LA DE NYID DU NGES PAR YANG MI BYED PA MA YIN NAM, NGES PA MED PA'I PHYIR DE NYID DON MED PA MA YIN PAR RIGS PAS NGES DE'I NGO BO'I DON DU NGES PA'I PHYIR DON MED PA LA THE TSOM ZA BA MED PAR NGES PA NI DON MED PA MA YIN PA MA YIN NO ZHE NA, DE DE LTAR NA YANG DON MED PA LA THE TSOM ZA BA MED PA NGES PA YIN TE, YOD KYANG RUNG MED KYANG RUNG YOD PA YIN NO ZHE NA, TSIG TZAM GYI RIG PA LA NI MKHAS NA DON MED PAR NGES PA YANG LDOG PA'I YUL MA YIN NO, ,DON MED PA LA MED PAR NGES PA YANG DON LA NGES PA NYID CES BYA BAR RIGS PAS NGES PA NYID DE THE TSOM MED PAR DON LA 'JUG PA YIN NO, ,BSTAN BCOS NI RNAM PA GNYIS TE SGRA DANG DON TO ZHE NA YANG SMRAS PA LA, SGRA'I CHA NI RANG GI DON RTOGS PAR BYED PA YIN GYI DGOS PA GZHAN NI MED DO, ,DON NI DON MED PAR YANG SNANG BA'I PHYIR DE'I DGOS PA BSTAN PA NI, SGRA YOD NA 'BYUNG BA MA YIN TE BSTAN BCOS RDZOGS PA LA YANG MA MTHONG BA'I PHYIR DANG, BRJOD PAR BYA BA YOD NA 'BYUNG BA'I PHYIR RO, ,DES NA YANG BRJOD PAR BYA BA NYID DO, ,DE NI MA YIN TE SGRA'I CHA'I BYA BA NI RANG GI DON RTOGS PAR BYED PA KHO NA MA YIN TE, MNGON PAR 'DOD PA KHO NA LA GTOD PA'I PHYIR RO, ,MNGON PAR 'DOD PA NYID KYANG RTOG PAR BYED PAR 'DOD PA'I TSIG RANG GI DON BZHIN DU BYED PA MA YIN GYI GANG LA GTOD PA'I SGRA'O, ,DE NYID NI SGRA'I DON GYI GTZO BO YIN GYI RANG GI DON NI MA YIN TE, DE LA MI GTOD PA'I PHYIR RO, ,BUD SHING GI 'BAR BA TZAM NI BYA BA RDZOGS PA MA YIN TE, DE NYID KYI RIM GYIS 'TSED PA NYID LA 'JUG PA'I PHYIR TSIG NYID KYI DGOS PA NI DE YIN GYI KUN LAS BTUS PA BSHAD PA'I PHYIR NI MA YIN TE, YANG DAG PA'I SHES PA LA DON GZHAN GYI BYA BA MED KYANG 'BYUNG BA'I PHYIR RO, ,DE LTA YIN NA 'GREL PAR DANG PO'I TSIG SMOS PAR JI LTAR YIN 'CHAD PAR 'GYUR

, ,BA'I BSTAN BCOS MA LUS PA'I DON DU DAM BCAS PA YIN LA, DE RNAMS KYANG GZHAN GYI DON GYI RJES SU DPAG PA YIN PA'I PHYIR SGRA MI RTAG STE ZHES BYA BA LA SOGS PA DANG 'DRA BAR TSAD MA YIN TE, RJES SU DPAG PA'I YUL BSTAN PAR DAM BCAS PA'I PHYIR RJES SU DPAG PA NYID YIN PA DE LTA NA CI'I PHYIR DGAG ,SMRAS PA, KHYAB PAR BYED PA'I GTAN TSIGS LA MI DGOS PA'I PHYIR ZHES 'CHAD PAR 'GYUR BA'O, ,DE NYID KYI RGYUN PHYI MA RNAMS KYANG SGRUB PAR BYED PAR BSTAN PA'I PHYIR RO, ,YANG DANG YANG DU SHIN TU SPROS PAS CHOG GO, ,KHYAB PAR BYED PA DGOS PA MED PA'I PHYIR ZHES GTAN TSIGS 'CHAD PAR 'GYUR BA'O, ,DA NI RANG NYID LA LOG PAR SGRO 'DOGS PA BSAL BA'I PHYIR SMRA BA PO ZHES BYA BA LA SOGS PA SMOS SO, ,DE LA SGRO 'DOGS PA NI RNAM PA GNYIS TE, DA LTAR BA DANG 'DAS PA'O, ,RE ZHIG DA LTAR BA BZHIN DU GSAL BAR BYED PA'I 'GREL PA DANG 'GREL BSHAD DE, KHYED KYI DON DE 'GREL PA MED PAS DE YANG GZHAG GO, ,'ON KYANG GZHAN CUNG ZAD NYID RANG GI SHES RAB KYI NYAMS BZHIN DU BI LA SI TA BRJOD PAR BYA STE, DE LA SU ZHIG RTZI BAR 'GYUR, ,RNAL MA'I LAM NI DOR NAS NI, ,SU ZHIG GOL BA'I LAM 'GROR RIGS, , ZHES 'BREL PA LA MNGON PAR ZHEN PA'I 'GRO BA SGRO 'DOGS SHING GRAGS PA MA YIN PAS NYAN PA PO SEMS 'JOMS PAR BYED DO, ,DE BSAL BA YANG 'GREL PA LA SOGS PA'I SKYON BSTAN PA MA YIN NA MI 'BYUNG PA'I PHYIR RIGS PA DANG 'JIG RTEN DANG 'GAL BA SMRA BAR BYA BA'I TSIG MA YIN PA GZHAN RJOD PAR BYED PA DON CHEN PO LA DON MED PAR NGES PAR SBYOR BA LA SOGS PA DE'I SKYON RNAMS BSTAN PA NI PHYED SNGA MAS SO, ,GZHAN DAG GIS NI DE LAS BZLOG PAS RANG GI GZHUNG LUGS STON PAR BYED PA YIN TE, BRTZAMS PA'I DNGOS PO RGYUN DU BYED PA RNAMS PHAL CHE BAS MI MTHONG ZHES BYA BA NI SMRA BAR BYA BA'I TSIG MA YIN PA SMRA BA'I SMRA BA PO RNAMS KYIS CHEN PO'O, ,MI GSAL BAR RJOD PAR BYED PAS SKYON DANG LDAN PA NYID SBAS PA NI LHAD CAN GYI DNGUL DANG 'DRA BAR RO, ,DE RNAMS KYANG PHAL CHER 'GREL BSHAD PA LA YOD PA NI RIGS PA DANG 'GREL PA'O, ,DE LTAR 'DI DAG NYID KYIS SMRA

BAR BYA BA'I TSIG MA YIN PA NI GNAS SKABS MA YIN PA NI RGYUN LAS PHYI ROL DU GYUR PA DANG, MA YIN PA LA SOGS PA RAB TU SGRUB PAR BYED PA'I TSUL GYIS BDE BA LA SOGS PA BZHIN DU SNGON PO LA SOGS PA'I BDAG NYID RIG PAS RTOGS PA YIN NO, ,BDAG NYID DANG MTSUNGS PAR SER PO LA SOGS PA RNAM PAR GCOD PA YIN GYI MI DMIGS PA'AM GZHAN YANG RUNG BA LA LTOS PA MA YIN NO, ,DMIGS BYAR GYUR PA MA YIN PA'I SER PO YOD PA YANG MI DMIGS PA LA LTOS PA YIN LA, GZHAN NI BDE BA NI YOD KYANG MI SNANG LA, DE GZHAN LA ME SNANG BA DE BZHIN DU SER PO YANG NGO, ,SER PO LA SOGS PA RANG DANG GZHAN LA YANG SNANG BA MA YIN PA NI BDE BA LA SOGS PA DANG 'DRA BA KHO NA SNANG BA LA YANG KHYAD PAR DU GZHAN LA SNANG BA NI SER PO LA LTOS PA YIN LA BDE BA YANG MTSUNGS PA YIN NO, ,DE JI LTA BA BZHIN DU BDE BA YOD BA DE'I RGYUD LA SDUG BSNGAL GYI TSOR BA NYID MI MYONG BA'I PHYIR MED PA YIN NO, ,GZHAN GYI RGYUD LA YOD PA LA NI THE TSOM ZA'O, ,DE BZHIN DU SNGON PO LA YANG SER PO RIG PA'I BDAG NYID KYI NGO BO LOG PAS MED DE, ,RGYUD GZHAN LA YOD PA LA YANG THE TSOM ZA'O, ,DE'I PHYIR BDE BA LA SOGS PA DANG, SNGON PO LA SOGS PA BDAG MED PA MNGON SUM GYIS GRUB PA'I PHYIR BYE BRAG MED PA LA YANG BYE BRAG TU BRTAG PAR BYA BA MNGON SUM GYIS GRUB PA'I SGRA'O, ,MNGON SUM GYI KHONGS SU GTOGS PA'I PHYIR 'JIG RTEN MA YIN PA'I DON DU BSHAD DO, ,DE BZHIN DU LKOG SHAL LA SOGS PA CAN NI BA LANG NGO ZHES BYA BA'I THA SNYAD BZHIN DU DGAG PA DE'I NGO BO LA MI DMIGS PA TZAM LAS MED DO ZHES BYA BA'I THA SNYAD TZAM BSGRUB PA BSTAN PA NI, DPER NA LKOG SHAL LA SOGS PA LAS BA LANG DU GTOGS PA BZHIN NO ZHES RNAM 'GREL LAS BSTAN TO, ,DE LA MI DMIGS PAS KHYAD PAR DU MED PA'I THA SNYAD DU BYA BAR RTOGS PA NI DMAN PA'I RANG 'DOD YIN NO, , CHEN PO'I TSIG KYANG 'JIG RTEN DANG MI 'GAL BA YIN LA, DE 'DI LA MED PA'I PHYIR 'JIG RTEN DANG 'GAL BA YANG MA YIN NO, ,RIM PA JI LTA BA BZHIN DU BSTAN PA DE BZHIN DU SGRUB PA NI GNAS SKABS SO, ,SKAD CIG MA NYID LA SOGS PA CAN THAMS CAD MKHYEN PA'I RGYU MTSAN GYI DON RGYAS

, ,PA NI KHYAB PA LA SOGS PA BSTAN PA LA THE TSOM MED PA YIN NA DE NI DE DAG GIS MA BYAS SO, ,RIM DANG CIG CAR DAG GI BYED PA PO NYID LAN CIG MTHONG BA DE'I RGYU MTSAN NYID KHYAB PA YIN LA, RTAG PA LA YANG RIM PA DANG RIM PA MA YIN PA 'GAL BA'I PHYIR MI RTAG PA NYID DU RNAM PAR GNAS PA YIN NO, ,BDEN TE DE LOG PAS LDOG PA'I BYED PA PO NYID LA MI RTAG PA NYID KYIS KHYAB PA YIN GYI, SKAD CIG MA NYID KYIS KYANG MA YIN LA, MI RTAG PA NYID NI SKAD CIG MA MA YIN TE, ZLA BA DANG LO LA SOGS PA YANG MI RTAG PA NYID KYI PHYIR RO, ,DE LTAR GNAS PA NI RTAG PA BZHIN DU RIM DANG RIM PA MA YIN PA 'GAL BA MA YIN TE, LHAN CIG TU MTHONG BA'I PHYIR RO, ,DE LTAR MTHONG BA MA YIN PA GZHAN DU YANG MTHONG BA MED PA'I PHYIR, SROG CHAGS LA SOGS PA BZHIN DU BYED PA PO BDAG NYID KYANG SKAD CIG MA NYID YIN PAS RJES SU 'GRO BA MA YIN ZHING LDOG PA MA YIN PA'I PHYIR 'GREL PA BYED PA NI SKABS KYI DON RGYAS PAR BYED PA MA YIN NO, ,SKAD CIG MA GNYIS PA LA SOGS PAR MI GNAS PA THA MA'I SKAD CIG MA LA DANG PO'I SKAD CIG MA LTOS PA YIN GYI, PHYI MA NI MA YIN PA'I PHYIR SKAD CIG MA NYID JI LTAR MI RTAG PA YIN, RIM DANG CIG CAR BDAG NYID KYIS DON BYED PA 'GAL BA'I PHYIR RO ZHES BYA BA LA SOGS PA NI RNAM 'GREL GYI DGONGS PA YANG YIN NO, ,SNANG DU MI RUNG BA BRTAG PAR DAM 'CHA' BA'AM SNANG BA LA YANG RUNG BA'I DNGOS PO LA ZHES SKABS JI LTA BAR 'CHAD PAR 'GYUR RO, ,LHAG MA NI SNGA MA BZHIN NO, ,DAM PA NI PHYIN CI MA LOG PA'I RANG GI NGO BO RIG PA'I MNGON SUM MO, ,DE'I BYA BA'I YUL JI SNYED PA'I THA SNYAD PA DANG CIG SHOS TE, DON DE DES BSDUS PA STE BSTAN BCOS KYI DON THAMS CAD DE'I MTHAR THUG PA NYID DU RIGS PAS GRUB PA'O, ,DAM PA'I DON LA 'DUS PAR YANG RUNG STE NYE BAR BSDU BA'O, ,BRGYUD PAS SAM DNGOS SU YANG RUNG STE, BSTAN BCOS MA LHAS PA DE'I DON YIN PA'I PHYIR RO, ,DE LA BLO NI RE RE'I RNAM PAR 'GREL PAR STON PA YIN NO, ,DE RNAMS LA NI DE MED DE, BRGYUD DE 'ONGS PA MI SHES PAS RIG PA LA MI SNANG BA'I PHYIR RO, ,DON MED PA NI SNYING PO MED PA'I RIM PA STE SPANGS PA NI

BOR BA'O, ,CHEN PO'I DON LA PHYIN CI LOG TU STON PA'O, ,DE RNAMS GANG YIN PA LA NI DE MED PA DANG 'BREL TO, ,'DIS KYANG SKRA LAS BYUNG BA YANG BSAL BA STON PA'I PHYIR ZHES BYA BA'I RNA BA LA SOGS PA'I SHES BA LA, RIGS MI MTHUN PA'I SHES PA NI MI SLU BA MA YIN PA'I PHYIR MA KHYAB PA'I SKYON SEL BAR BYED PA'I SMRA BA PO RNAMS KYI BYA BA ZHES BYA BA LA SOGS PA'I DON MTHUN PA NYID DU NGES PAR SBYOR BA'O, ,RANG LAS RANG GI NGO BO ZHES BYA BA 'DI'I YANG SHES PA'I RANG GI NGO BO KHO NA RANG LAS RTOGS PA YIN GYI, TSAD MA NYID NI MA YIN PA'I PHYIR SKABS KYIS GZHAN LAS TSAD MA NYID BSGRUB PAR 'DOD PA YIN LA, DE LAS BZLOG PA RANG LAS TSAD MA NYID SHES PAR BYA BA'I PHYIR BSHAD PA YIN NO, ,GYUR BA SMOS PA NI MA GYUR PA ZHES BYA BA LA SOGS PA BSTAN BCOS KYI BRJOD PAR BYA BA'I BCOM LDAN 'DAS YIN PAR BSGRUB PAR BYA BA'I 'BRAS BU'I GTAN TSIGS BRJOD PAR 'DOD PA LA, SKABS MA YIN BZHIN DU TSIGS BCAD KYI GYUR PA SGRA BSHAD PAR 'DOD PA NYID LA 'JUG PA YIN NO ZHES BYA BA LA SOGS PA CHEN PO'I DON LA DON MED PAR ZHUGS NAS SMRA BA YIN NA RANG GI GZHUNG DU NI JI SKAD SMRAS PA'I SKYON MED PAR DES NA ZHES BSTAN PA YIN NO, ,RO NYAMS ZHES BYA BA NI JI SKAD SMRAS BA'I SKYON MA LUS PA MED PAR MTSON PAR BYED PA YIN NO, ,SHIN DU ZHES BYA BA YANG RIM PA GZHAN LA GUS PA NI 'BRAS BU PHUL DU BYUNG BA YIN NA, ,SKAL BAR LDAN ZHES BYA BA LA SOGS PA NI DE LA DBANG BYED PA'I TSIG GO, ,SKAL BA DANG LDAN PA NYID NI NGO BO NYID KYIS BSKYED PA'I SHES RAB PHUN SUM TSOGS PA'O, ,MTHONG GYUR CES BYA BA NI MNGON PAR SBYANGS PA LAS BYUNG BA CAN YIN PA'AM, SKAL BA DANG LDAN PA NYID NI RIGS PHUN SUM TSOGS PA YIN LA, MTHONG GYUR BLO NYID NI NGO BO NYID CAN NAM SBYANGS PA CAN GYI SHES RAB PHUL DU BYUNG BA DANG SBYAR RO, ,YANG NA SNGA MAS NI RIGS PHUL DU BYUNG BA, PHYI MAS NI SBYOR BA PHUL DU BYUNG BA'O, ,GROGS PHUN SUM TSOGS PA DANG RIGS PHUN SUM TSOGS PA YANG RUNG, BSAM PA PHUN SUM TSOGS PA DANG SBYOR BA PHUN SUM TSOGS PA YANG RUNG BAR GO RIMS BZHIN DU SBYAR BAR BYA'O, ,'DIR NI DE LTA BU'I RNAM PA NYID KYI BYE BRAG 'DOD PA 'AM

, ,SMRAS PA'I SKYON RNAMS DOR BAR BYA BA'I CHED KYI DBANG DU BYAS PA'O, ,SHIN TU DAG PA NI NYON MONGS PA DANG SHES BYA'I SGRIB PA THAMS CAD BAG CHAGS DANG BCAS PA SPANGS PA'I PHYIR DRI MA MED PA'I BLO THAMS CAD MKHYEN PA'I YE SHES GNYIS SU MED PAR THUGS SU CHUD PA'I NGO BO DE BZHIN GSHEGS PA'I SHES RAB STE 'BRAS BU'I RANG BZHIN SGRUB PAR BYED PA RIGS PA SEMS PA'I RANG BZHIN CAN GYI BLOS SO, ,YANG DAG PA STE SNGAR SMRAS PA'I SKYON YONGS SU SPANGS PAS SO, ,RAB TU RNAM 'BYED KYI KHYAD PAR CAN DU BSHAD PAR BYED PA'O, ,KHYAD PAR CAN GYI DON YIN PA'I PHYIR YON TAN MA LUS PA YONGS SU BSDUS PA BSTAN PA YIN GYI 'GREL PA LA SOGS PA'I BSTAN PA TZAM SGRUB PAR BYED PA NI MA YIN PAS DE NI CI YANG MA YIN TE, PHYIS BYA BA NYAMS PAR MI 'GYUR RO ZHES BYA BA'I DON TO, ,RNAM 'GREL MDZAD PA SKAL LDAN BDAG NYID KYI 'DOD PA SHIN TU ZAB MO GANG YANG RUNG BA LA 'JUG PA SPONG BAR BYED PA NI, SHES RAB KHYAD PAR CAN DANG LDAN BA'I SLOB MA RNAMS KYIS KYANG 'DZIN PAR MI NUS PAR GZIGS NAS YID MI BDE BAS BLO'I NUS PA CHUNG BA MIN PA DAG GIS ZHES BYA BA LA SOGS PA MDZAD DO ZHES GRAG GO, ,DE YANG DA DUNG DU YANG BDAG LAS LHAG PA GZHAN MA RNYED PA RNAMS LA BSHAD PAR BYED PAS SPONG BAR BYED PA BSTAN PA'I SKABS KYI DON ZHES BYA BA LA SOGS PA YON TAN DANG LDAN PA DE RNAMS KYIS MA MTHONG BAS YID MI BDE BA GANG YIN PA DE LTAR NI MED DO ZHES DGAG PA GNYIS SBYAR BA YIN NO, ,CI'I PHYIR ZHE NA, GANG GI PHYIR RNAM 'GREL 'DI LA SKYON THAMS CAD SPANGS PA'I BSHAD PAR BYED PA'I SGO NAS, PHYIN CI MA LOG PA'I TSAD MA YONGS SU GSAL BAS BLO GROS BZANG PO CAN RTOGS PAR BYED PA KHO BOS BYAS SO ZHES BYA BA NI RGYU NYE BAR DGOD PA'O, ,YANG NA RANG NYID LA'AM YUL LA SKYON YOD PA SRID PA MI 'JUG PA'I YAN LAG SKYON NYE BAR BSTAN BAS RNAM 'GREL DANG DE'I BSHAD PA LA YANG GO RIMS BZHIN DU TSAD MAR GYUR PA ZHES BYA BA LA SOGS PA TSIGS SU BCAD PA GNYIS KYIS GSAL BAR RTOGS PA DANG LDAN PA RNAMS 'JUG PA'I YAN LAG TU BYED PA YIN NO, ,DE DAG LAS TSAD MAR GYUR PA ZHES BYA BAS NI YUL TE RNAM 'GREL LA SKYON

YOD PA SRID PA GSAL BA YIN NO, ,RTOG GE NGAN PA ZHES BYA BA NI RANG NYID LA'O, ,DE NYID KYIS NA DE'I BSHAD PA'I YUL LA YANG SKYON YOD PA SRID PA MA YIN LA, RANG NYID LA YANG MA YIN PAR BSTAN PA NI, PHAL CHE BA ZHES BYA BA'O, ,GZHAN YANG CI'I PHYIR RNAM 'GREL MDZAD PAS RIGS BYED LA SOGS PA RNAM PAR 'GREL PAR MA MDZAD KYI, SANGS RGYAS PA'I MDZAD PA NI GANG GI PHYIR LOG PA'I SHES PAR BYE BRAG MED KYANG, RIGS BYED LA SOGS PA GSAL NAS SANGS RGYAS PA'I LTA BAR PHYOGS GCIG TU LTUNG BAR MI RIGS SO SNYAM DU SEMS PA LA, DAM PA'I DON LA BSLU BA DANG MI SLU BAR BYED PA SANGS RGYAS CIG SHOS DAG PHYOGS SU LTUNG BA DANG MI LTUNG BA BSTAN PA NI TSAD MAR GYUR PA ZHES BYA BA'O, ,DE NYID KYIS NI YANG DE'I RNAM 'GREL MNYAN PA DANG BSHAD PA'I PHYIR BSHAD SBYAR GYIS NYE BAR BZUNG YANG RIGS KYI DPYOD PA LA SOGS PA'I NI MA YIN GYI BSTAN PA NI PHAN CHER ZHES BYA BA'O, ,LHAG MA NI SNGA MA BZHIN NO, ,BCOM LDAN 'DAS NYID TSAD MA NYID DU RAB TU SGRUB PA'I GNAS SKABS SU PHYAG 'TSAL BA BYED PA NI BGEGS MED PAR BSAM PA MTHAR PHYIN PA'I PHYIR YIN NO ZHES KHA CIG ZER BA DE NI MI RIGS TE, PHYAG 'TSAL BA LUS BGEGS MED PA YIN ZHES BYA BA 'DI LA TSAD MA MED PA'I PHYIR RO, ,YA RABS RNAMS PHYAG 'TSAL BA SNGON DU 'GRO BA NYID KYIS BSTAN BCOS LA 'JUG PA NA BGEGS NYE BAR ZHI BAR 'DOD PAR MTHONG BA YIN LA, DE LTAR RTOGS PA PO 'DI RNAMS 'JUG PA YANG TSAD MA MED PAR MI 'BYUNG BA MA YIN NAM; 'BRAS BU LAS RGYU NI THAMS CAD MKHYEN PA'I YE SHES KYIS RTOGS PA YIN LA, 'BRAS BU BGEGS NYE BAR ZHI BA NI PHYAG 'TSAL BA'I 'BRAS BU YIN NO, ,TSAD MA'I 'BRAS BU MA YIN PAR YANG 'JUG PA YOD DO, ,MI RIGS TE RTOG PA DANG LDAN PA RNAMS KYI 'JUG PA NI TSAD MA'I 'BRAS BU YIN PA'I PHYIR RO, ,TSAD MA'I 'BRAS BU NYID SHES PA'I RTOG PA DANG LDAN BA'I 'JUG PA NYID MI SHES PA LAS GCIG PA LAS GCIG NYEN PA YIN NO, ,BDEN TE TSAD MA GANG KHO NA LAS BCOM LDAN 'DAS THAMS CAD GZIGS PAR GRUB PA DE KHO NA BSOD NAMS KYI ZHING BLA NA MED PA

, ,YANG YIN NO, ,DES NA DE LA PHYAG 'TSAL BA BSGRUB PAR 'DOD PAS DE NYID LA GRUB PA YIN NO, ,DE LTA NA YANG TSIGS SU BCAD PA 'DON PA LA SOGS PAR MA GTOGS PAR YANG AA THA'I SGRA RJES SU BSTAN PA LA SOGS PA BZHIN DU, DBEN PAR LUS DANG NGAG LA SOGS PA RNAMS KYIS BCOM LDAN 'DAS MNGON PAR MCHOD NAS 'JUG PA YANG 'DOD PA 'GRUB PA'I PHYIR RO, ,DE 'DON PA NI 'BRAS BU MED DO, ,DE LTA NA CI'I DON DU TSIGS SU BCAD PA 'DON, GZHAN GYI DON DU STE GZHAN PO RNAMS KYANG BCOM LDAN 'DAS LA DAD PA MED PAR YANG BLTA BAR 'DOD PAS BSTAN BCOS LA 'JUG PA NA, JI LTA BU'I 'DOD PAS KYANG DANG POR PHYAG 'TSAL BA SKYO DUB MED PAR BSNYEN PAS BSOD NAMS KYI SNOD DU 'GYUR TE, JI SKAD DU, JI LTAR 'DOD PA'AM DNGOS KUN MIN PAS SAM, ,GZHAN RJES SU 'BRANGS PA'AM YID GNYIS KYIS KYANG RUNG, ,THUB DBANG ZLA BA KHYOD LA GANG ZHIG PHYAG BYED PA, ,DES KYANG 'CHI MED PHUN SUM TSOGS PA THOB PAR 'GYUR, ,ZHES BSTAN PA'O, ,DE LTAR GZHAN GYI DON DU PHYAG BYAS PA LA RANG GI DON GYI BGEGS MED PA YANG ZHAR LA GRUB PO, ,YANG NA GANG LAS 'DI LTA BU'I BSTAN BCOS BYA BAR NUS PA'I BSOD NAMS KYI TSOGS YIN PA DE LAS BGEGS MED PA YANG YIN PA NI GZHAN GYI DON NYID YIN PAR BSTAN PA NI, 'DI LA BSTAN BCOS KYI DANG POR ZHES BYA BA STE, BSTAN BCOS KYI DON NYID YIN PA'I PHYIR ZHES BYA BAR YANG BSTAN BCOS KYI DON RTOGS PAR BYA BA NI MA YIN TE, DE LA MOD KYI DGOS PA STE GZHAN GYI DON YIN LA DE BSTAN BCOS KYI DON YIN PA'I PHYIR RO, ,GANG GI BSTOD PA YIN PA DE DE BZHIN DU DE'I BSTAN BCOS YIN PA BZHIN DU BSTOD PA YANG GZHAN GYI DON YIN NO ZHES BYA BA'I DON TO, ,YANG NA PHYAG BYAS PA LAS BGEGS MED PAS BSTAN BCOS YONGS SU RDZOGS PA YIN LA, DES NA PHYAG 'TSAL BA BSTAN BCOS KYI DON YIN NO, ,YANG NA TSIGS SU BCAD PA 'DON PA LA SOGS PA MED PAR YANG DBEN PAR BCOM LDAN 'DAS LA MCHOD PA LA SOGS PAS RANG GI DON 'GRUB PA YIN LA, TSIGS SU BCAD PA 'DON BA NI BSTAN BCOS KYI DON YIN PAS GZHAN GYI DON YIN

NO; ,GZHAN RNAMS KYANG JI LTAR 'DOD PAS KYANG RUNG STE BCOM LDAN 'DAS LA PHYAG BYED PA NI RANG GI DON THOB PAR 'GYUR RO, ,GZHAN RNAMS KYANG DBANG BYED PA DAD DBANG MI BYED PA DAG LAS DBANG MI BYED PAR RTOGS PA BSKYED PAR DKA' BA'I PHYIR, BSTAN BCOS KYI DBANG DU BYAS NAS BCOM LDAN 'DAS LA BSTOD PA YIN GYI, GZHAN NI MA YIN NO, ,DE LA BSTOD PA'I 'BRAS BU YANG SNGA MA NYID YIN NO ZHES BYA BA'I BSAM PAS BSTAN BCOS KYI DON YIN PA'I PHYIR ZHES BYA BA LA SOGS PA SMOS SO, ,BSTAN BCOS NI RTOGS PAR BYA BA YIN PA'I PHYIR YANG BSTAN BCOS KYI DON NI DAM BCAS PA'I NGO BO'I TSIGS SU BCAD PA YIN ZHES BYA BA'I DON TO, ,DAD PA'I YUL NYID LA PHYAG BYA BAR BSTAN PAS BCOM LDAN 'DAS NYID LA LTOS PAR RTOG PA DANG LDAN PA RNAMS KYIS RTOGS PAR BYA BA YIN GYI, SLOB DPON GYI GZHUNG NI MA YIN NO ZHES BSTAN PA YIN NO, ,SLOB DPON GYI GZHUNG BSHAD PA'I SGO NAS KYANG BCOM LDAN 'DAS NYID RTOGS PAR BYA BA YIN NO SNYAM NA, DE LTA RTOGS PAR BYED PA LA DGOS PA MED PA'I PHYIR RO, ,GZHUNG DE BSHAD PAS 'PHANGS PA NYID LAS TSAD MA NYID JI LTA BA BZHIN DU RTOGS PAR BYED PA NYID DU MI NUS SO ZHES BSTAN PA NI, TSUL BZHIN ZHES BYA BA'O; ,YANG NA PHYED SNGA MAS BCOM LDAN 'DAS NYID LA LTOS PA NYID DO, ,PHYED PHYI MAS KYANG RGYU DANG BCAS PAR BSTAN TO, ,DE NYID KYIS NA LTOS PA DANG BCAS PA'I PHYIR TSAD MA GRUB PA NYID SGRUB PAR 'GYUR BA YIN GYI, SLOB DPON GYI GZHUNG NI MA YIN NO, ,PHYED SNGA MAS NI GTAN TSIGS SO, , PHYI MAS NI DAM BCAS PA'I 'DOD PA'O, ,DE LTAR NA YANG PHYAG BYAS PAS RANG GI DON DANG GZHAN GYI DON NYID ZHAR LA GRUB PA YIN NO, ,MNGON SUM LA SOGS PA RNAMS 'JIG RTEN LA GRUB PA MA YIN NAM, DE'I NANG DU 'DUS PA BCOM LDAN 'DAS KYANG GRUB PA NYID YIN PA'I PHYIR BRTAG PAR BYA BA MA YIN NO, ,LOG PAR RTOGS PA LA BRTAG PA YIN NO, ,MI NUS PA'I PHYIR MA YIN NO, ,DE RNAMS KYIS BRTAG PA NI PHAN TSUN BRTEN PA YIN NO, ,GAL TE GZHAN RNAMS KYIS YIN NA DE RNAMS KYIS JI LTAR YIN, GAL TE DE LAS KYANG GZHAN PA RNAMS KYIS YIN NA NI THUB PA MED PAR 'GYUR

, ,RO; ,RAB TU GRUB PA RNAMS KYIS MA GRUB PA BRTAG PA YIN NO ZHE NA MA YIN TE ZHES MTSAN NYID MTSUNGS PA'I PHYIR DE LTA BU NYID BSGRUB PAR BYA BAR MI NUS SO ZHES BSTAN PA YIN NO, ,'O NA JI LTAR DE YOD PA GSAL BAR BYAS NAS YOD PA LA YANG DAG PAR SBYOR BA'I SKYES BU'I ZHES BYA BA LA SOGS PA SMRAS PA JI LTAR YIN, PHYIN CI MA LOG PA'I MNGON SUM GYI RANG GI NGO BO BSTAN PA DE YONGS SU BRTAG BA NI MA YIN NO, ,YONGS SU BRTAG PA NYID DGAG PA YIN GYI, YONGS SU BRTAG PA BZHIN DU MTSAN NYID KYANG MA YIN NO, ,'JIG RTEN LA GRUB PA DE BZHIN DU RTOGS PA LA MI NUS PA LA DE SKAD SMRA BA YIN NA NI; YONGS SU BRTAG PA YANG DE BZHIN DU MI RIGS TE, RAB TU GRUB PAS MA GRUB PA YONGS SU BRTAG PA YIN PAR BSTAN PA NI, GZHAL BYA RTOGS PA NI TSAD MA LA RAG LAS PA YIN ZHES BYA BA STE, TSAD MA MA YIN PA LA RAG LAS PA NI MA YIN TE, TSAD MA MA YIN PA DANG MTSAN NYID MI 'DRE BA NYID LA TSAD MAR YONGS SU BRTAG PA NYID DU SHES PAR BYA'O, ,MA 'KHRUL PA NYE BAR BSTAN PA'I MTSAN NYID BRJOD PA DE MA NGES PA'I PHYIR LAN GYI TSUL GYIS YONGS SU BRTAG PA'I SHUGS KYIS BSTAN PAS BRJOD BYA MA YIN NAM, MA YIN TE, MTSAN NYID BRJOD PA NYID LOG PAR RTOGS PA BSAL BA'I DON DU YONGS SU BRTAG PA YIN GYI GZHAN NI MA YIN NO, ,TSAD MA RNAMS LA YON TAN DANG MI SLU BA'I SHES PA LA LTOS NAS YONGS SU BRTAG PA DE NI MI RIGS TE, THUG PA MED PA'I PHYIR RO, ,MA YIN TE DE BKAG PAS TSAD MA NYID DANG CIG SHOS KYI RNAM PAR DBYE BA MED PAR THAL BAR 'GYUR RO ZHES 'CHAD PAR 'GYUR BA'O, ,TSAD MA LA RAG LAS PA YIN GYI SHES PA LA RAG LAS PA NI MA YIN TE, MYU GU NI SA BON LA RAG LAS PA YIN GYI, SA BON GYI SHES PA LA RAG LAS PA NI MA YIN NO, ,DE'I PHYIR RTOGS PA NYID LAS YIN GYI TSAD MA NYID DU MA RTOGS PA LAS RTOGS PA'I YUL DON DU GNYER BA RNAMS 'JUG PA YIN GYI, RTOGS PA TZAM NI 'JUG PA'I YAN LAG MA YIN TE, RMI LAM LA SOGS PA DANG MTSUNGS PA'I PHYIR RO, ,PHRAD PAR BYA BA DANG 'BREL PA'I PHYIR RO ZHE NA, DE DANG 'BREL BAS DE YIN PA DE LTA NA'ANG NYID LAS SHES PA MA YIN PA'I PHYIR, GZHAN NYID LAS YIN PAR SHES PAR BYA STE, SREG PA LA SOGS

PA'I SHES PA YANG SREG PA LA SOGS PA GRUB PA'I CHED KYI THABS NYID KYIS 'DOD PA YIN GYI RANG GI NGO BO NI MA YIN TE, SKYES BU'I DON MA YIN PA'I PHYIR DANG PHRAD PA NYID MI 'JUG PAR THAL BAR 'GYUR BA'I PHYIR YANG NGO, ,'PHRAD PAR BYA BA DANG 'BREL PA'I SHES PA YANG MI SHES PA LA PHRAD PA MI SRID PA'I PHYIR, 'DIR 'DI'O ZHES PHRAD PAR BYA BA DANG 'BREL PA RIG PA YIN GYI GCIG PO NI MA YIN NO, ,DE NYID KYIS BSAL BA YIN NO, ,PHRAD PAR BYA BA'I SHES PA NYID LAS DE DON DU GNYER BA PO 'JUG PAR 'GYUR BA YIN NA, DE'I 'BREL BA SHES PA BAR GYI SHA LTAG GIS CI ZHIG BYA, PHRAD PAR BYA BA RTOGS PA YANG GZHAL BYA RTOGS PA YIN GYI RANG GI NGO BO TZAM RTOGS PA NI MA YIN NO, ,PHRAD PAR BYA BA DANG 'BREL PA'I RANG GI NGO BO RTOGS PA DE LAS DE RTOGS PA KHO NA 'BREL PA RTOGS PA YIN NO ZHE NA, GCIG RIG PA LAS NI MA YIN GYI 'BREL PA RIG PA LAS YIN TE, DU BA TZAM RIG PA LAS ME DANG 'BREL PA RIG PA MA YIN GYI ME MTHONG NAS DU BA MA MTHONG BA NA MTHONG BA'I STOBS DANG MA MTHONG BA'I STOBS LAS DE LAS 'DI'O ZHES NGES BZHIN PA'I DU BA NI 'BREL PA CAN NYID DU NGES PA YIN TE, MTHONG BA GOMS PA KHO NA LAS SO, ,'DIR YANG PHRAD PAR BYA BA LA LTA BA PO RANG GI NGO BO LA DMIGS PA NI, DE LAS 'DI'O ZHES DE KHO NA BZHIN DU RTOGS PA PO GOMS PAS KYANG RANG GI NGO BO MTHONG BA KHO NA LAS SO, ,GOMS PA MED PA LA NI DE'I 'GREL PA GZHAN NYID KHO NA LAS YIN PAR SHES PAR BYA BA YIN GYI, RANG GI NGO BO SHES PA LAS NI MA YIN NO, ,DE DAG TZAM NA DU BA LAS RANG GI NGO BO'I BYE BRAG STE, 'BRAS BU DU BA NYID LAS GOMS KYANG RUNG MA GOMS KYANG RUNG BAS SHES PA YIN LA, RANG GI NGO BO NI PHRAD PAR BYA BA'I 'BRAS BU DE NYID KYIS SO, ,'BRAS DANG RGYU NYID KYI DE NYID MTHONG BA YANG RGYUN GCIG TU GNAS PA'I SKAD CIG MA RNAMS GCIG TU 'DUS PAS GNAS PA'I GZUGS LA SOGS PA MTHONG BA YANG NGO, ,DE LTAR PHRAD PAR BYA BA DANG 'BREL PA CAN GYI RANG GI NGO BO SHES PA DE NYID NI PHRAD PAR BYA BA'I SHES PA STE, DE NYID KYANG GZHAL BYA RTOGS PA YIN PA'I PHYIR, TSAD MA'I SHES PA NYID NI GZHAL BYA RTOGS PA YIN NO, ,TSAD MA'I SHES PA MED NA GZHAL BYA RTOGS PA GA LA YOD, YANG NA MTSAN NYID NI RANG GI NGO BO BSTAN PA YIN GYI LOG

, ,PAR RTOGS PA POS GO BA DE TZAM NI MA YIN NO, ,SGRUB PAR BYED PAR RTOGS PA YIN NO ZHE NA, DE LTA YIN NA YONGS SU BRTAG PA ZHES BYA BA'I DON LA 'ONGS PA YIN NO, ,YANG NA TSAD MA ZHES BYA BA NI MED PA KHO NA YIN TE, MA 'KHRUL BA LA SOGS PA MED PA'I PHYIR RO, , DES NA YONGS SU BRTAG PA ZHES BYA BA CUNG ZAD KYANG MED DO ZHES CHAD MA THAMS CAD MED PAR SMRA BA'I RGOL BA RNAMS SEMS PA LA GZHAL BYA RTOGS PA NI TSAD MA LA RAG LAS PA YIN ZHES BYA BA SMOS TE, TSAD MA NI YOD PA YIN TE SLU BA MED PAR MTHONG BA LA SOGS PA'I PHYIR ZHES BYA BA'I DON TO, ,MNGON SUM MA YIN PA'I TSAD MA NI MED CES BYA BAS, RJES SU DPAG PA MED PAR SMRA BA'I RGOL BA PO'I BYE BRAG GO, ,YANG NA BDE BAR GSHEGS PA'I GZHUNG LUGS SU RNAM PAR RIG PA TZAM YIN LA DE NYID DU DNGOS SU 'AM BRGYUD PAS KYANG RUNG MTHAR THUG PA YIN LA, DE LA YANG GZHAL BYA MED PA'I PHYIR SLU BA MED PA NYID DAM GZHAN YANG RUNG BAS 'DIS DPAG PAR BYA BA YIN ZHES DE LA DMIGS PA'I TSAD MA NYID MI SRID DO, ,RANG GI NGO BO RIG PAS NI TSAD MA NYID MA YIN LA PHRAD PAR BYA BA'I DON RIG PA NI TSAD MA NYID YIN TE; JI SKAD DU, TSAD MA NYID DAM TSAD MA MIN NYID DAM, ,BSOD NAMS SDIGS PA SOGS DANG DE 'BRAS BU, ,ZHES BYA BA LA SOGS DE DAG THAMS CAD KYANG, ,DON GYIS STONG PA'I BLO LA MI RIGS 'GYUR, ,ZHES BSTAN TO ZHES ZER BA 'DI LA, TSAD MA LA RAG LAS PA YIN ZHES BYA BA SMOS TE, PHRAD PAR BYA BA DANG 'BREL BA NYID NI 'JIG RTEN PA'I TSAD MA YIN LA, DE RIG PA TZAM YANG KHYAD PAR CAN MA YIN ZHES BYA BA'I DON TO, ,YIN DU ZIN KYANG RIG BYED LA SOGS PA NI 'JIG RTEN PHA ROL LA SOGS PA LA TSAD MA YIN PAR 'JIG RTEN DU GRUB PO ZHES BYA BA NI YONGS SU BRTAG PA'I GO SKABS MED PA YIN TE, 'DI LA BCOM LDAN 'DAS NYID NI, ,ZHES BYA BA SMOS SO, ,DE LA ZHES BYA BA NI SKABS KYI RGYU MTSAN GNYIS SAM BSGRUB PAR BYA BA DE LA'O, ,DE LA YANG DBYE BA RNAM PA BZHI YOD DE, ,

BCOM LDAN 'DAS NYID CHOS LA TSAD MA YIN PA'AM GZHAN NYID DAM GNYI GA 'AM GNYI GA MA YIN PA ZHIG CES YONGS SU BRTAG PA TSOL BA LA, 'DIR RNAM PA 'DI GZHIR BYED PAR 'GYUR BA NI, DE LA PHYOGS GSUM PO BSAL NAS PHYOGS DANG PO YONGS SU BZUNG BAR BSTAN PA NI, TSAD MA YANG BCOM LDAN 'DAS NYID CES BYA BA'O, ,GZHAN NYID LAS SKYES PA'I TSAD MA NYID DE YANG RANG GI 'BRAS BU LA MI LTOS PA NYID YIN LA, 'BRAS BU YANG DE'I DON JI LTA BA LA NGES PA'AM 'JUG PA MA YIN NAM DE LA SNGA MA NI 'BRAS BU'I SHES PA BYUNG BA'I DUS NYID LA BAR DU MCHOD PAR SKYE PAR MTHONG BA LA 'JUG PAR BYA BA YANG DON JI LTA BA LA NGES PA'I RGYU MTSAN DE YOD NA 'BYUNG BA NYID YIN TE, LTOS PA GZHAN YANG RGYU'I YON TAN GYI SHES PA NYID YIN NO ZHE NA, ,DE YANG TSAD MA YIN NA LTOS PA YIN GYI GZHAN DU NI MA LA, DES NA YANG DE'I YANG LTOS PA YON TAN GYI SHES PA GZHAN YIN LA, DE'I YANG GZHAN YIN PAS THUG PA MED PAR 'GYUR RO, ,'ON TE LTOS PA LAS LTOS BYED TSAD MA YIN NA LTOS BYED KYANG GZHAN LAS ZHES PA LA SKYON MED DO, ,MA YIN TE PHAN TSUN BRTEN PAR THAL BAR 'GYUR RO, ,BDAG NYID THOB PA LA YANG RGYU'I YON TAN LA LTOS PA YIN GYI RANG GI 'BRAS BU LA NI MA YIN TE, BUM PA LA RDZA MKHAN LA SOGS PA LTA BU'O, ,MI SLU BA'I SHES PA'I LTOS PA LA YANG STE, 'DI NYID KYANG SUN 'DON PA GNYIS DANG SBYAR BAR BYA'O, ,SKAD CIG MA'I RNAM PAR SHES PA NI YON TAN MI SLU BA'I SHES PA'I DUS SU GNAS PA MA YIN NO, ,DE'I PHYIR TSAD MA NYID DU KHAS BLANGS PA'I TSAD MA NYID LTOS PA DANG BCAS PAR 'GAL BAS KHAS LEN PAR MI RIGS PA'I PHYIR GYI SHUGS KYIS LTOS PA MED PA NYID DU GRUB PO; ,DE YANG, GCIG BU LTOS MED KHO NA NYID, ,MTSAN MA NYID NI RGYU MTSAN STE, ,LTOS BCAS NYID LA YANG DAG PAR, ,GNAS NA DE NYID RNAM NYAMS 'GYUR, ,GANG PHYIR RTZA BA'I PHYOGS DOR NAS, ,SU ZHIG RIGS PA SMRA 'DOD

, ,'GYUR, ,GANG GIS DE SGRUB PA'I THABS KYANG, ,RANG GI TSIG GIS RNAMS NYAMS 'GYUR, ,LTOS BCAS TSAD MA NYID DU NI, ,RNAM PAR GZHAG PA GANG NA YANG MED, ,CES BYA BA DANG, JI STE MI BSLU'I SNGA MA YIN, ,SLU BA MED CAN GNYIS TSAD NAS, , PHAN TSUN YANG DAG BRTEN NYID KYIS, ,TSAD MAR BRTAG BYA NYID NYAMS 'GYUR, ,ZHES KYANG BSTAN PA YIN NO, ,'DIR DON NI 'DI YIN TE, MA 'KHRUL BA NYID NI TSAD MA NYID YIN LA, DE YANG SHES PA'I DON DANG 'BREL PA YIN GYI, DER NGES PA YANG SHES PA DES SAM SHES PA GZHAN GYIS YIN, DES YIN NA NI 'BREL PA CAN DU NGES PAR SNGON DU 'GRO BA CAN DE NI SHES PA YIN TE, 'BREL PA CAN DU MA NGES NA 'BREL PA MI SHES PA'I PHYIR RO, ,'BREL PA CAN YIN NA NI DON LA NGES PAS SNGA MA NYID KHO NA LA 'JUG PAR 'GYUR NA 'BREL PA SHES PAS CI ZHIG BYA, 'ON TE 'BREL PA NGES PA LAS 'BREL PA CAN DON LA NGES PA YIN NA PHAN TSUN BRTEN PAR 'GYUR RO, ,'ON TE DON BYED PA'I SHES PA LAS YIN NA, DE YANG DON BYED PAR 'BREL PA SHES NA, DON BYED PAR NGES PAR BYED PA YIN TE, RMI LAM LA SOGS PA DON GYI BYED PA DE NYID SHES PA YIN NA, DE LA YANG DE LAS DON BYED PA'I SHES PA GZHAN BRTZAL BAR BYA DGOS LA, DE LA YANG GZHAN LAS YIN PAR 'GYUR RO, ,'ON TE DON BYED PA'I SHES PA GNOD PA MED PAR DON BYED PAR RIG PA NI RANG NYID LAS TSAD MA YIN NO, ,SNGA MA YANG DE KHO NA BZHIN DU RANG GI 'BRAS BU LA LTOS PA MED PA'I TSAD MA'O, , DE YANG; DNGOS KUN BDAG NYID 'THOB DON DU, ,RGYU LA LTOS PA NYID DU 'GYUR, ,BDAG NYID THOB PAR RANG 'BRAS LA, ,RANG NYID 'JUG PAR 'GYUR BA YIN, ,GAL TE RNAM SHES SKYES GYUR NA'ANG, ,JI SRID RGYU NI BDAG NYID DU, ,TSAD MA GZHAN GYIS MA RTOGS PA, ,JI SRID DON MED PAR NGES 'DZIN, ,DER NI SHES GZHAN SKYE BA YIN, ,RGYU GZHAN LA NI BZHES PA YIN, ,ZHES SMOS SO, ,DE'I PHYIR RING POR LON PA YANG DANG PO PA BZHIN DU YONGS SU GCOD PA TZAM NI TSAD MA NYID KYI BYA BA YIN GYI, TSAD MA NYID KYI SHES PA PHYI MA GZHAN SNGA MA LAS BYE

BRAG TU BYED PA MA YIN NO, ,DON BYED PA LA GNOD PA MED PA'I SHES PA BZHIN DU NGES PAR BYED PA'I SHES PA YANG RANG NYID LAS KHO NA BZHIN DU TSAD MA YIN TE BYE BRAG MED PA'I PHYIR RO, ,DE YANG, GANG TSE RANG LAS TSAD MA NYID, ,DE TSE GZHAN NYID TSOL MIN TE, ,SKYON RIG PA LAS BCAD MED PAR; ,BRDZUN PA NYID NI RTOG PAR 'GYUR, ,ZHES SMOS SO, ,NYA PHYIS LA DNGUL DU SHES PA YANG SNGA MA'I RNAM PAR SHES PA DANG MTSAN NYID MI 'DRA BA TSOGS PA GZHAN LA LTOS PA LAS BYUNG BA PHYIN CI LOG PA'I YUL CAN YANG DE NYID LA NGES PA CAN GZHAN LA LTOS PA YIN LA, DES NA LDOG PA'I YUL YIN PA'I PHYIR GZHAN LAS YIN PAR BSTAN TE, DE YANG, RANG DON TSAD MA MIN PA YANG, ,TSAD MA BZHIN DU BLTA BAR BYA, ,ZHES SMOS PA'O, ,DPER NA YUL PHYI MA RTOG PA TZAM DU BYED PA'I TSAD MA BZHIN DU SNGA MA YANG DE DANG 'DRA BA'O, ,CIG SHOS NI RANG LAS DES PA MA YIN PA'I RANG GI NGO BO NI GZHAN LAS LTOS PA YIN ZHES BYA BA'I DON TO, ,RIG BYED LAS BYUNG BA'I SHES PA NI DNGUL GYI SHES PA BZHIN DU 'DI YANG 'GYUR BA NI MA YIN NO, ,BRDZUN PA SKYED PAR BYED PA LAS DE BZHIN PA'I DON NYID LA NGES PA'I SHES PA BDEN PA GZHAN YOD PA MA YIN ZHING SKYON GYI SHES PA YANG MA YIN TE, SKYES BUS BYAS PA MA YIN PA'I PHYIR RO, ,RANG DU RTOGS PA'I SGRA NYID NI SOR MO'I RTZE MO LA SOGS PA'I NGAG BZHIN DU DON JI LTA BA MA YIN PA'I SHES PA SKYES PA'I SKYON YANG MED DO, ,LAN CIG KYANG DE'I RANG BZHIN LAS DE'I RANG BZHIN MA YIN PA SHES PAR MI RIGS TE, DE LAS RES 'GA' ZHIG DON JI LTA BA RTOGS PA YIN NO, ,BDEN YANG 'BYUNG LA DE LTA MA YIN YANG 'BYUNG ZHES GANG SMRAS PA LA, BRDZUN PA SKYED PAR BYED PA LAS BDEN PA MI 'BYUNG LA, 'BYUNG DU ZIN KYANG DE LAS SGRA RANG NYID SKYON CAN MA YIN TE, 'ON SKYES BU'I 'DUS PA LA YIN LA, SKYES BU YANG BLO SNGON DU 'GRO BA'I TSIG GI RIM PA GZHAN DU YANG BYED PA'I PHYIR, GCIG PU SLU BAR BYED PA YIN GYI SGRA NI MA YIN NO, ,RIG BYED LA NI SKYES BU MED PA'I PHYIR, DES BYAS PA'I RIM PA MA YIN PA'I PHYIR, SLU BAR DOGS PAR MI BYA STE, DE YANG, RE ZHIG SGRA

, ,LAS SKYON BYUNG BA, ,SMRA BA PO LA LTOS NAS YIN, ,ZHES SMOS PA'O, ,DE NYID NI GZHAN LA LTOS PA'I TSAD MA NYID YIN GYI, 'JIG RTEN DANG RIG BYED DU YANG TSAD MA RNAM PAR GZHAG PAR 'GYUR BA MA YIN NO SNYAM DU SEMS PA LA, DE LA TSAD MA'I MTSAN NYID SPYIR STON PA NI ZHES BYA BA SMOS TE, 'DIS MTSON PAR BYA BA YIN PAS NA MTSAN NYID DE RANG LAS SAM GZHAN LAS KYANG RUNG BA'I TSAD MAR BRTAG PAR BYA BA NI 'DI'I DON TO, ,TSAD MA NYID NI YON TAN GYIS BSKYED PAR BYA BA YIN ZHES SMRAS PA LA, BUD SHING LA SOGS PA'I GROGS LA LTOS PA'I ME LA SOGS PA NI DU BA LA SOGS PA SKYED PAR BYED PAR SNANG LA, DE BZHIN DU SHES PA YANG GROGS LA LTOS PA YIN DANG, SKAD CIG MA JI LTAR LTOS PA NYID YIN, ME LA SOGS PA YANG MTSUNGS PA'I PHYIR CUNG ZAD KYANG YOD PA MA YIN GYI, RGYUN GYI DNGOS PO LA GCIG PA NYID DU ZHEN PAS RGYU YIN NO, , GROGS BYED PA'I PHYIR DANG PHAN PA BYED PA'I PHYIR ME'I LTOS PA SHING YIN PAR RIGS PA MA YIN NAM, SHES PA YANG YUL NGES PA'I PHYIR GZHAN PHAN PA BYED PA CAN YIN NO, ,SHES PA NI YUL RTOGS PA'I NGO BO KHO NA MA YIN NAM, DE LTA NI MA YIN TE, RANG GI NGO BO RTOGS PA'I RANG BZHIN YIN LA; DE YANG RANG NYID LAS TSAD MA YIN TE, DE YANG SHES PA THAMS CAD KYI RUNG MONG YIN PA'I PHYIR, SHES PA THAMS CAD TSAD MAR 'GYUR TE GNOD PA MED PA'I PHYIR RO, ,DE YANG SER PO 'ANG DNGUL DU MI SNANG BA'I PHYIR GNOD PAR 'GYUR BA YIN NO, ,'DI LTA BU'I TSAD MA'I DBANG DU BYAS PA NI MA YIN TE, DE'I YANG PHRAD PAR BYA BA'I 'BRAS BU DANG 'BREL PA NI TSAD MA NYID YIN LA, DE YANG RANG GI NGO BO RTOGS PAS BCAS PA NI MA YIN TE, GZHAN NYID LAS RTOGS PAR BYA BA YIN PA'I PHYIR RO, ,GCIG LA GCIG BRTEN PA YANG MA YIN TE, 'DI LA 'DI'O ZHES DON RTOGS PA KHO NA TSAD MA NYID YIN TE RTOGS PA'I PHYIR RO, ,'DIS NI DGOS PA MED PA'I PHYIR GSAL BA YIN LA, PHRAD PAR BYA BA'I 'BRAS BU RTOGS PAR YANG RANG NYID LA KHO NA LAS NGO BO BZHIN DU THE TSOM MED PA YIN NO, ,DE DANG 'BREL PA NI MA RTOGS TE, DMIGS PA DANG MA DMIGS DAG

LAS KHONG DU CHUD PAR BYA'O, ,'BRAS BU RTOGS PA TZAM TSAD MA MA YIN NAM, DE BZHIN SNGA MA LA YANG CIS MI 'GYUR, ,JI TZAM DU RTOGS PA DE TZAM DU RANG NYID KHO NA LAS YIN PAR NI BDEN NA, 'BRAS BU LA 'BREL PA NI MA RTOGS PA YIN NO, ,BSKYED BYA 'AM SKYED BYED DU YANG CIS MA RTOGS, BDEN TE, SKYED BYED DAM BSKYED BYAR NI RTOGS NA, DE KHO NA NYID KYIS NI MA YIN PA'I PHYIR THUG PA MED PA LA SOGS PAR RGAL BA NI NAM MKHA' LTAD PA DANG 'DRA'O, ,TSAD MA NYID KYI SHES PA LAS PHYI MA YONGS SU GCOD PA NI SNGA MA LAS BYE BRAG MED PA YANG MA YIN TE, DE'I TSE BYE BRAG MTHONG BA LAS DMIGS PA RNAM PAR GZHAG PA'I PHYIR RO, ,DE LTA NA RIG BYED LAS SGRUB BYED MCHOD SBYIN LAS BSGRUB BYA MTHO RIS THOB PAR BYA BAR SHES PA NYID YIN PA'I PHYIR TSAD MA YIN NO, ,'PHRAD PA'I PHYIR 'JUG PAR MI 'GYUR RO, ,GOMS PA LAS PHRAD PAR BYA BA NGES PA YIN NA MNGON SUM LAS JI LTAR 'JUG PA YIN, NGES PA RTOGS PA'I DON DU 'JUG PA YIN PA'I PHYIR SKYON MED DO, ,NGES PA TZAM 'DI LA YANG RTOGS PA KHONG DU CHUD PA MED DO ZHE NA NGES PA MED DO, ,KHYED LA YANG CI LAS NGES, PHRAD PAR BYA BA'I 'BRAS BU LA RANG GI NGO BO 'DZIN PA YIN PA'I PHYIR RO, , PHRAD PAR BYA BA'I RANG GI 'BRAS BU'I RANG GI NGO BO NI 'DI LA YANG NGO, ,MA YIN TE, THOB PAR BYA BA NI DBANG PO LAS 'DAS PA NYID KYIS DE'I 'BRAS BU NYID SHES PA MED PA'I PHYIR RO, ,THOB PAR BYA BA'I 'BRAS BU'I SHES PA NI RAB RIB CAN GYI SHES PA BZHIN DU SKYON LAS BYUNG BA YIN LA RIG BYED LA NI SKYON MED DE, BYED PA PO MED PA'I PHYIR RO, ,'O NA RAB RIB CAN NAM, GZHAN YANG RUNG BA'I MI BSLU BA DANG, SLU BA YANG NYE BAR DMIGS PAS THA DAD PA MA YIN NAM, DE NI 'DI LA MED DE THOB PAR BYA BA NI DBANG PO LAS 'DAS PA NYID KYIS DE GNYIS MED PA'I PHYIR RO, ,SLU BA NI SKYON GYIS BSKYED PA MA YIN NAM, DE DAG KYANG SKYES BU DANG 'BREL PA LAS YIN GYI, RANG NYID LAS NI MA YIN TE, 'BRAS BU DANG RGYU'I NGO BOR NGES PA'I PHYIR RO, ,DE MED NA SKYED BU'I BYA BA TSIG GI RIM PA CI LTAR RIGS, DE LTA YIN DU ZAD MDO CE NA, SKYON DANG DES

, ,BYAS PA'I SLU BA YANG CI'I PHYIR GLO BUR DU MA YIN TE MTSUNGS SO, ,RIG BYED KYI RIM PA GZHAN NYID YIN TE, BYED PA PO MED PA'I PHYIR, DE'I SKYON RNAMS KYANG YOD PA MA YIN LA, SHES PA YANG SKYED PAR BYED PA YIN PA'I PHYIR SLU BA MA YIN TE BYED PA MED PA'I PHYIR RO, , THOB PAR BYA BA'I SHES PA LA NI MIG GI RNAM PAR SHES PA BZHIN DU BYED PA'I SKYON MED PAR SHIN TU NGES PA YIN LA, GZHAN DU YANG BYED PA PO MED PA LA NI SGRA RANG NYID LA SKYON YOD PA'AM GZHAN LAS SAM ZHES BYA BA'I DOGS PA LDOG PA MA YIN NO, ,RANG NYID SKYON CAN YIN NA NAM DU YANG JI LTAR BDEN PA NYID DU 'GYUR, SKYES BUS BYAS PA NI DE'I YON TAN LAS BDEN PA NYID YIN LA, YON TAN RNAMS LA NI SKYON YOD PA MA YIN ZHES BYA BA GTAM TZAM YIN TE, TSAD MA MED PA'I PHYIR PHYIN CI LOG PAR THAL BAR 'GYUR RO, ,GANG ZHIG GANG LAS BYUNG BAR SNANG BA DE LAS BYUNG BA YIN PA DE'I PHYIR RO, ,YON TAN LAS BDEN PA NYID DANG, SKYON LAS BRDZUN PA NYID DU NI RIG PA YIN NO, ,DE LTAR YANG TSAD MAR GYUR PA ZHES BYA BA LA SOGS PA DER RGYAS PAR BSHAD PA YIN NO, ,RIG BYED LA NI SKYES BU MED PA'I PHYIR, YON TAN LAS BYUNG BA MA YIN LA, DES NA BYED BA MED PA'I PHYIR BDEN PA NYID MA YIN NO, ,'DI SKAD BSHAD PAR 'GYUR TE, SHES PA PHYI MA NI RANG GI NGO BO KHO NA 'DOD PA YIN GYI, DE LAS GZHAN PA NI MA YIN PA'I PHYIR THUG PA MED PA MA YIN LA, SNGA MA NI DE'I THABS YIN PA NYID KYIS RANG GI NGO BO LAS MA YIN TE, RANG NYID LAS RANG GI NGO BO SHES PA YIN YANG, DE'I THABS NYID YIN PAS DU BA BZHIN DU GZHAN LA NGES PA YIN NO, ,RIG BYED NI RANG GI NGO BO RTOGS PA YIN YANG DE'I 'DOD PA RTOGS PA NI MA YIN NO, ,DE MA RTOGS PA LAS NA RANG GI NGO BO NI DE'I THABS NYID KYIS RTOGS PA MA YIN TE, DE NYID SKYON MED PAR NGES PA YANG MED LA SO SOR SNANG BA BZHIN DU SKYES BU MED PA'I NGES PA YANG MED DE, RANG NYID KYI SKYON YIN PA'I PHYIR RO, ,SHES PA'I 'BRAS BU NI DON LA NGES PA MA YIN NAM, DE NI DE NYID KYI TSE YOD PA YIN LA, DON DU GNYER BA PO RNAMS NI DE'I RGYU MTSAN LA 'JUG PA YIN NO, ,'O NA

GZHAN DU NGES PAS CI'I PHYIR 'JUG PA YIN, THOB PAR BYA BA'I DON DU'O, ,THOB PA NI LAG PA LA SOGS PAS NYE BAR THOB PA NYID DO, ,DE NI SNGA MA NGES PA YIN NO ZHE NA, DE'I CHA JI LTAR NGES PA YIN ZHING 'JUG PA YANG YIN, NGES PA NI YOD KYANG DE CHES DON DU GNYER BA MA YIN TE; THOB ZIN PA'I PHYIR RO ZHE NA, DE LTA NA 'DI NI SNGA NAS THOB PAR BYA BA DANG 'BREL PA CAN NYID YIN PAR SHES PAR BYA'O, ,BDEN TE PHRAD PAR BYA BA LA SOGS PA'I SHES PA LA THUG PA MED PA NI MA YIN TE, MNGON PAR 'DOD PA NYID KYI TSAD MA NYID YIN PA'I PHYIR RO ZHES 'CHAD PAR 'GYUR BA'O, ,DE LTAR 'GYUR NA NI SHES PA KHO NA TSAD MA YIN PAR MI RIGS TE, DBANG PO MA TSANG PA NYID DU GYUR BA'I PHYIR RO, ,'O NA NI DBANG PO NI YUL THAMS CAD LA THUN MONG YIN PA'I PHYIR THAMS CAD LA MTSUNGS PA KHO NAR 'BRAS BU 'BYIN PAR 'GYUR TE, SHES PA NI GANG GI RNAM PA YIN PA DE'I YUL CAN KHO NAR 'GYUR RO, ,DE'I PHYIR DBANG PO NI TSAD MA MA YIN GYI, 'ON KYANG TSAD MA SKYED PAR BYED PA YIN NO, ,DE NI MA YIN TE, DBANG PO NI 'BRAS BU SKYED PAR BYED PA LA BYE BRAG MED PAR KHO BO CAG GI PHYOGS LA JI LTAR 'GYUR BA DE BZHIN DU KHYED KYI LA YANG TSAD MA SKYED PAR BYED PA YIN PAR BYE BRAG MED PA KHO NAR 'GYUR RO, ,DE YANG, JI LTAR TSAD MA NYID YIN PA, ,THAMS CAD LA 'BRAS 'BYIN 'GYUR BA, ,TSAD MA SKYED BYED NYID LA YANG, ,DE BZHIN TSAD MA SKYED BYED 'GYUR, ,ZHES SMOS PA'O ZHES ZER BA 'DI LA, DE YOD NA ZHES BYA BA SMOS TE, DBANG PO YOD NA YANG YUL LA 'JAL BA NYID MA YIN GYI, SHES PA YOD NA DE LA NGES PAR 'GYUR BA YIN NO, ,DES NA SHES PA KHO NA SGRUB PAR BYED PA DAM PA YIN GYI DBANG PO NI MA YIN TE, BSKAL PA YIN PA'I PHYIR KHYAB CHES PAR 'GYUR BA YANG MA YIN NO, ,YANG NA TSAD MA NI RANG LA YOD PA BYE BRAG TU GTOGS PAS YUL BYE BRAG BYED PA YIN GYI, DBANG POS NI MA YIN TE, DBANG PO LAS 'DAS PA'I PHYIR RO, ,NYE BA TZAM GYIS KYANG BYE BRAG TU BYED PA MA YIN LA, BYE BRAG YOD DU ZIN KYANG BYE BRAG MED PAR 'GYUR RO, ,SKYED PAR BYED PA NI BYE

, ,BRAG MA RTOGS PAR YANG NYE BA TZAM LAS NGES PAR SKYED PAR BYED PA DE LTAR MTHONG BA'I PHYIR RO, ,DES MTSUNGS PA MA YIN NO ZHE NA, DE YOD NA ZHES BYA BA SMOS TE, SHES PA YOD NA YUL YONGS SU GCOD PA YIN GYI DBANG PO NI MA YIN TE, DER RTOGS PA'I BYE BRAG MI SHES PA'I PHYIR RO, ,SHES PA LA LTOS PA MANG PAR YANG SKYED PAR BYED PA YIN NO ZHES BYA BA'I DON TO, ,DBANG PO YANG BRGYUD PAS DE NYID LA BYA BA BYED PA'I PHYIR TSAD MA MA YIN NAM, DE NI BDEN TE, DE NYID KYIS NA DE'I NYE BAR BTAGS PA TZAM YIN PAR BSTAN PA NI, DBANG PO DANG DON ZHES BYA BA'O, ,SLU BA MED PA CAN NYID NI 'DOD PA'I DON LA MA 'KHRUL PA NYID KYI SHES PA DANG DON DAG 'BREL PA MA YIN NAM, DE YANG 'BREL PA CAN MA BZUNG NA MI 'DZIN PA YIN TE, MA BZUNG BAS NI DE LA 'JUG PA MA YIN PAS, DE BZUNG BA'I DON DU DANG POR DON BZUNG BA YOD NA DE NYID LAS 'JUG PAR 'GYUR RO, ,'ON TE DON 'DI NYID CES NGES PA MED NA DES NI DE 'DZIN PA LA LTOS PA YIN GYI, PHAN TSUN RTEN PAR THAL BAR 'GYUR BA NI MA YIN NO, ,MA 'KHRUL BA CAN NYID BZUNG BA LAS DON BZUNG BA YIN LA, DE BZUNG BA LAS KYANG MA 'KHRUL PA CAN NYID BZUNG PA YIN NO ZHES BYA BA LA SOGS PA'I SKYON RNAMS KYIS SKYON CAN YIN PA'I PHYIR SLU BA MED PA CAN NYID TSAD MA NYID DU MI RIGS SO, ,GNOD PA MED PA'I RTOGS PA NYID NI RIGS PA YIN TE, SKYON CAN MA YIN PA'I PHYIR RO, ,DE YANG SHES PA SKYES PA'I DUS SU GNOD PA CAN MA BYUNG BAR NGES PA NI 'JUG PA'I YAN LAG YIN NO, ,DE YANG SKYON MED PAR GO BAR MTSUNGS PAR SHES PA'I PHYIR RO, ,MTSUNGS PAR GO BA NI GNOD PA MED PAR RTOGS PA YIN NO ZHE NA, 'DI LA MI SLU BA DON DU GNYER BA ZHES SMOS TE, 'JIG RTEN PA'I DON GYI THA SNYAD KYI YAN LAG LA NI SKYON YOD PA SRID KYANG, DOR BA'I YAN LAG MA YIN TE, THA SNYAD CHAD PAR THAL BAR 'GYUR BA'I PHYIR RO, ,SKYON RNAMS LA YANG LAN GAD BA PA NI, THA SNYAD KYANG DPYAD PAR BYA BA YIN TE, GNOD PA MED PA NYID LA DON DU GNYER BA'I SKYES BU 'JUG PA NI MA YIN TE, DE NI SKYES BU'I DON MA YIN PA'I PHYIR TE SHES PA

SKYES PA'I DUS NYID DU THOB PA'I PHYIR RO, ,'ON TE GNOD PA MED PA NYID DU 'GYUR BA DON DU GNYER BA YIN PA DE LTA NA NI, SNGAR MA RTOGS PA JI LTAR 'JUG PA'I YAN LAG YIN, DES NA DE BZHIN DU SKYON GNAS SO, ,DE'I PHYIR 'JIG RTEN NI SKYES BU'I DON DU GNYER BAS 'JUG PA YIN PA'I PHYIR RO; ,'JIG RTEN PA NI DE DANG 'BREL PA CAN NYID YIN GYI, GNOD PA MED PA CAN NYID MA YIN NO SNYAM DU DGONGS PA'O, ,DE'I PHYIR, MI BSLU YON TAN RNAM SHES LA, ,LHAG PAR MNGON 'DOD SU ZHIG YIN, ,DE LA DANG PO'I RAG LAS PAR, ,GANG GI STOBS KYIS 'GYUR BA YIN; ,ZHES BYA BAS GSAL BA YIN NO, ,DE LTAR NI 'GYUR NA, 'JIG RTEN NA DAM BCAS PA'I DON DANG PHRAD PAR BYED PA LA NI MI BSLU BA YIN GYI DAM BCAS PA TZAM NI MA YIN NO, ,DE BZHIN DU SHES PA YANG BDAG NYID DU 'GYUR BA'AM, GZHAN LA YANG RUNG BA'I 'JUG PA'I YUL GYI DON NYE BAR BSTAN PA DANG PHRAD PAR BYED PA NI MI BSLU BA CAN YIN GYI SHES PA TZAM NI MA YIN NO, ,DE YANG 'JUG PAR BYED PA NA ZHES SMOS PA'O, ,'JUG PA'I YUL NI SREG PA LA SOGS PA'I DON BYED PA CAN GYI SHES PA'I YUL YIN GYI, SKAD CIG GAM SGRO BTAGS PA YANG RUNG BAS SHES PAS BZUNG BA NI MA YIN PA'I PHYIR 'JUG PA'I YUL JI LTAR YUL YIN, BDEN TE SNGA MA DANG PHYI MA'I SKAD CIG DAG GCIG PA NYID DU ZHEN PA NYID KYIS 'JUG PA'I YUL 'DZIN PA YIN TE, DE YANG YONGS SU BCAD NAS ZHES SMOS PA'O, ,DE LTAR YANG ME LA SPYIN SREG BYAS PAS MTHO RIS THOB PAR 'GYUR RO ZHES BYA BA'I RIG BYED LAS BYUNG BA'I SHES PA DANG, DUNG LA SER PO LA SOGS PA'I YUL CAN GYI SHES PA TZAM TSAD MA YIN PAR SMRAS PAR 'GYUR RO, ,'JUG PA'I YUL DU NYE BAR BSTAN PA DE DANG PHRAD PAR BYED PA NI MA YIN TE, THE TSOM LAS DANG MA YIN PA LAS KYANG NGO, , PHRAD PAR BYED PA NI TSAD MA YIN TE, YONGS SU BCAD PA'I YUL LA YANG 'JUG PA NA, PHRAD PAR SNANG BA'I PHYIR YONGS SU GCOD PAR BYED PA NI 'JUG PA DANG PHRAD PA DE DAG GI RGYU MTSAN YIN GYI GZHAN LAS NI MA YIN PA'I PHYIR, YONGS SU GCOD PA'I NGO BO NYID KHO NA TSAD MA YIN NO, ,

, ,DE NYID KYIS NA SNGA ROL NYID DU YONGS SU BCAD PA NI RGYU YIN NO, ,DE NYID KYIS NA YONGS SU BCAD PA NA TSAD MA'I BYA BA THAMS CAD YONGS SU RDZOGS PA YIN NO, ,DE YANG DON RTOGS PA NI 'BRAS BU YIN ZHES BYA BAS BSTAN TO, ,DE LTAR YANG MI BSLU BA LA SOGS PA'I SHES PA GZHAN LA LTOS PA NYID MA YIN PAR BSTAN PA YIN TE, GANG GI PHYIR DE NYID KYIS PHRAD PA'I BAR GYI DON RTOGS PA YIN NO, ,MI BSLU BA'I SHES PAS NI DGOS PA MED DE BYE BRAG MED PA'I PHYIR RO, ,DE NYID KYI YUL YONGS SU GCOD PA NA TSAD MA'I BYA BA RDZOGS PA YIN LA, RANG NYID KYIS RTOGS PA LA GZHAN YANG YIN NAM ZHES BYA BAR PHYIS BYUNG BA YIN PAR THE TSOM ZA BAS DE LA GNOD PAR BYED PA MA YIN NO, ,DES NA PHYI ROL DU GYUR PA'I PHYIR DANG, RNAM GRANGS KYIS NGES PAR 'DZIN PA'I PHYIR YANG NGO, ,DE YANG DE DANG LDAN PA RNAMS DE SA BSDUS PA'I PHYIR NGES PAR RTOG PA YANG YIN ZHES GSUNGS PA DANG, YANG GANG DANG GANG RAB TU DBYE BA YOD PA DAG NI THE TSOM GYI RGYU YIN LA, DE DAG GIS NI DNGOS PO THAMS CAD BSDUS PA'I PHYIR DANG, DE DAG GCIG PAR YANG NGES PA MED PA'I PHYIR LA, DE'I PHYIR THE TSOM GYI YAN LAG YIN NO, ,GAL TE DE YANG PHUNG PO GZHAN DU 'GYUR BA DE LTA NA YANG BDAG MED PA NYID MED NAS NGES PAR BDAG DANG BCAS PA NYID DU 'GYUR GRANG NA, RNAM PA GZHAN DU 'GYUR BA YANG SRID PA'I PHYIR NGES PA MED PAR 'GYUR RO, ,GNYIS PO DAG LAS KYANG RNAM PA GCIG TU NGES PA MED PAR MTHONG NA THE TSOM DU 'GYUR GYI, GZHAN DU NA NI MA RTOGS PA YIN NO, ,DE BZHIN DU 'DIR YANG ME MTHONG BAR NGES NA GZHAN DU MTHONG BA'I PHYIR THE TSOM GYIS TSAD MA'I BYAD PAR NGES PA LA GNOD PAR BYED PA MA YIN TE, DE LA GNOD PA YIN NA RANG NYID MED PAR 'GYUR RO, ,DE YANG 'DIR BYUNG BA GANG GI PHYIR ZHES LDOG PAR 'GYUR, DE'I PHYIR DE TZAM NI GZHAN LA LTOS PA'I TSAD MA YIN GYI, RANG GI YUL LA NGES PA NI MA YIN NO ZHES BYA BA'I BSAM PAS 'PHANGS PAS MI SLU BA CAN NYID DE'I ZHES ZER BA LA 'DI LA LAN DU, SHES PA'I RANG GI NGO BO NYID, ,CES BYA BA STE, SNGON PO'I SHES PA NI SNGON PO'I RANG GI NGO BO YIN LA, DE RTOGS

PA YANG DE LA TSAD MA MA YIN TE, DUNG LA SER PO'I SHES PA YANG DE NYID DU THAL BAR 'GYUR BA'I PHYIR RO, ,DUNG LA SER PO'I SHES PA LA PHRAD PAR BYA BA MED PA'I PHYIR, DE RTOGS PA MA YIN ZHES BYA BA NI MI RIGS TE, CIG SHOS LA YANG MTSUNGS PA'I PHYIR RO, ,GCIG PAR ZHEN PAR BYED PA NI SER PO'I SHES PA LA YANG MTSUNGS SO, ,DE LTAR ZHEN PAS PHRAD PAR BYA BA'I SER PO MED PA'I PHYIR DER 'KHRUL PA YIN NO, ,GZHAN LA NI PHRAD PAR BYA BA YOD PA'I PHYIR TSAD MA YIN NO, ,'DI LA YANG PHRAD PAR BYA BA YOD PA'I TSAD MA CI ZHIG YOD, ZHEN PAS YIN NO, ,'DI NI GZHAN LA YANG MTSUNGS SO, ,DE LA MED PAR SHES PA GZHAN GYIS DUS PHYIS RTOGS PA YIN NO, ,'DI LA YANG DER ZHEN PA PHRAD PAR BYA BA MED PAR YANG MTHONG BA'I PHYIR, YOD PA DANG MED PAR ZHEN PA THUN MONG MA YIN PA'I PHYIR THE TSOM YIN NO, ,DE NI NGES PA DANG 'GAL BA CAN MA YIN TE, RIM GYIS NGES PA'I NGO BO MTHONG BA'I PHYIR RO, ,THE TSOM DANG NGES PA DAG TU MI 'GAL ZHES ZER BA'I SHES RAB MA NOR BA CAN GYI BTZUN PA NYON MONGS SO, ,THE TSOM LA YANG YOD PA NYID DAM MED PA NYID DU NGES PA YIN PA 'DI LA 'JIG RTEN SHIN TU GCOD PAR BYED PA YIN TE, 'JIG RTEN NI NGES PA MA BZUNG BA'I BDAG NYID CAN GYI SHES PA LA THE TSOM ZHES ZER TE, SDOD DUM MAM ME ZHES BYA BA'I NGES PA MA BZUNG BA'I PHYOGS GNYIS KYI SNANG BA LAS THE TSOM ZA BA'I LAM GYI SGRAS BRDAR BYAS PA'I DON NI MA NGES PA LA MNGON PAR DPYOD PA YIN TE, SHES PA GNYIS PO DE DAG RIM GYIS SKYE BA'AM; RIM PA LAS GZHAN PAR SKYE YANG RUNG BA'I SHES PA NI RIM GYIS DNGOS PO GNYIS SU MA NGES PA LA DPYOD PA YIN PA'I PHYIR, MTHONG BA NGES PA CAN MA YIN TE, RIM GYIS SAM GZHAN DU YANG RUNG STE THE TSOM ZHES BYA'O, ,RIM PA DANG RIM PA MA YIN PAR 'BYUNG BAR NGES PA'I SNGON PO LA SOGS PA'I RIGS PA RNAMS NI THE TSOM NYID DU THAL BAR 'GYUR RO, ,DE'I PHYIR PHRAD PAR BYA BA SNGON POR ZHEN PA'I NGES PA'I RGYU MED PA'I PHYIR, CHA SHAS GCIG PAR ZHEN PA YANG RIG BYED BZHIN DU GZHAN PA NYID DU DOGS PA MA BSAL BA'I PHYIR THE TSOM NYID YIN PAR RANG NYID LAS TSAD MA MA

, ,YIN NO, ,DE LTA YIN NA JI LTAR 'JUG PAR 'GYUR, TSAD MA MA YIN PA NYID KYI PHYIR, ZHUGS NAS KYANG SHES PA GZHAN NYID KYIS NGES PAR RTOGS PA YIN GYI, SNGA MA NYID NI DE LA TSAD MA MA YIN NO, ,SNGA MAS KYANG YUL GYI NGES PA MA BZUNG LA, SHES PA PHYI MA'I DUS SU YANG RANG BZHIN MI 'DOR BAS YUL NGES PA CAN DU MI 'GYUR RO, ,THE TSOM NI PHYIS NGES PA DANG PHRAD PA CAN BZUNG BAR 'DOD PA MA YIN NO, ,DE'I PHYIR GANG DANG GANG GI 'BREL PA 'DZIN PA YIN, DUS KYIS KYANG DE DANG 'DRA BA MTHONG BA LAS 'JUG PA JI LTAR 'GYUR BA YIN, SNGON ROL DU NGES PA BZUNG BA YIN NA DE DAG GI 'BREL PA 'DZIN PAS DE DANG MTSUNGS PA'I RJES SU DPAG PAS 'JUG PA THAMS CAD MTSUNGS PA YIN NO, ,BDEN TE, PHYI MA 'BA' ZHIG NYID NI DE'I TSE DON MED NA MI 'BYUNG BA NYID KYIS GZUNG BA YIN GYI, SNGAR GYI NI MA YIN PA'I PHYIR SKYON MED DO, ,DE DANG LDAN PA RNAMS DES BSDUS PA'I PHYIR ZHES KYANG GANG SMRAS PA LA PHUNG PO GZHAN MED PAR BSTAN PAS THE TSOM GYI YUL DAG GI GCIG MED NA CIG SHOS MA YIN ZHES BYA BA NI DON GYI NGES PA'O, ,PHUNG PO GZHAN NYID YOD NA NI DE LTAR MI 'GYUR RO ZHES BSTAN PA'I DON DU STE, DE LTAR MA NGES PA 'DZIN PA LA THE TSOM ZA BAR RIG PA YIN NO, ,DE YANG GNAS MA YIN PA LA MNGON PAR ZHEN PA TZAM STE, PHUNG PO GZHAN MED PAR BSTAN PA NA THE TSOM GYI YAN LAG YIN GYI, NGES PA'I YAN LAG NI MA YIN NO, ,DE SKAD DU YANG, TSAD MA RNAM PAR NGES PA LAS, BDAG YOD PA DANG RNAM PAR BCAD PA DAG GIS THAMS CAD BSDUS PA'I PHYIR, THAMS CAD KHONGS SU GTOGS PA MA YIN PAR MI RIGS TE, THE TSOM ZA BA YIN NO ZHES KYANG SMOS SO, ,PHUNG PO GZHAN MED PA'I PHYIR MA RTOGS PA YIN NO, ,DE YANG RTOGS PA NI GNYI GA RTOGS PA MA YIN TE, THE TSOM GYI NGO BO NYID KYI PHYIR TE, DE GNYI GA LAS PHYI ROL DU GYUR PA YIN NA JI LTAR DE'I KHONGS SU GTOGS PA YIN ZHES GSUNGS PA'O, ,DE BSTAN PA NI GNYI GA LAS PHYI ROL DU GYUR PA NI MED PAR SHES PAR BYA STE, DE MED PA'AM GNYI GA'I NGO BOR THE TSOM ZA BA YIN LA, DE DAG

LAS GCIG MED PAR NGES PA YIN GYI, YUL GYI NGES BA MA BZUNG BA'I THE TSOM GYI SHES PA NYID NI GCIG GI NGO BO LA NGES PAR MI 'GYUR TE, DE MA GTOGS PA NYID NI PHUNG PO GZHAN MED PA LA THE TSOM DU 'GYUR BAR THAL BAR 'GYUR BA'I PHYIR RO, ,'GAL BA'I PHYIR MA YIN NO ZHE NA, THE TSOM ZA BA LA YANG MTSUNGS SO, ,DE BAS NA DNGOS PO GCIG LA NGES PA'I PHYIR SHES BA GZHAN YIN PAR BSTAN GYI THE TSOM NYID NI MA YIN NO, ,PHYI MA NYID NI DON MED NA NI 'BYUNG BA'I PHYIR TSAD MA YIN GYI SNGA MA NI MA YIN NO, ,DE YANG MA YIN TE SNGA MA BZHIN DU PHYI MA YANG GCIG PA NYID DU ZHEN PA CAN YIN YANG, NGES PA CAN MA YIN PAS GZHAN PA NYID DU RTOGS PA NYID MA BSAL BA YIN NO, ,'DI LA SNGA MA LAS BYE BRAG CI ZHIG YOD, RAB RIB CAN GYI YANG PHYI MA LA TSAD MAR THAL BAR 'GYUR TE, DE LA YANG, GCIG LA SHES PA GNYIS TSAD MA MA YIN PAR MI RIGS SO ZHES BYA BA LA SOGS PA LA YANG PHAN TSUN RTEN PA DANG, THUG PA MED PA LA SOGS SNGA MA DANG MTSUNGS SO, ,DE LTA YIN NA MI SLU BA NYID JI LTAR YIN, SMRAS PA, SREG PA LA SOGS PAR GTOGS PA NI SKYES BU'I DON YIN LA, RANG GI NGO BOS NI DE NYID KYANG PHRAD PAR BYA BA YIN TE, DE'I DON DU YANG SKYES BU 'JUG PA YIN GYI, PHRAD PAR 'DOD PA'I PHYIR DE LAS PHYI MA TSOL BA NI MA YIN NO, ,DE DANG MA PHRAD PA YIN NA DE 'DOD PAS DE'I THABS DON DU GNYER BA YIN NO, ,SHES PA SNGA MA NI RANG GI NGO BO RTOGS PA YIN YANG PHYI MA'I THABS NYID DON DU GNYER BAR BYED PA YIN GYI RANG GI NGO BO NI MA YIN TE, SKYES BU'I DON MA YIN PA'I PHYIR LA, 'DI'I RANG GI NGO BO NI DU BA DANG 'DRA BA NGES PA YIN NO, ,DE'I THABS NYID NI GOMS PA MED NA DU BA KHO NA BZHIN DU GZHAN LAS NGES PAR BYA BA YIN LA, GOMS PA YIN NA NI DE NYID KHO NA LAS SO, ,DE'I 'BRAS BU YIN PAR PHYIR DE DANG GCIG PA NYID DU ZHEN PA SA DE DANG YUL MTSUNGS PA NYID DAM, DE SNGA MA'I YUL NYID YIN YANG RUNG, DUNG LA SER PO'I SHES PA NI PHRAD PAR BYA BA'I THABS NYID DAM, DE DANG GCIG PA NYID DU NGES PAR BYED PA NYID MA YIN TE, RANG GI NGO BO TZAM NI ME MTHONG BA PO LA DU BA LA NGES PA LTA BUR NGES PAR

, ,BYED PA MA YIN NO, ,DES NA TSAD MA MA YIN PA DANG THUN MONG MA YIN PA'I PHYIR DANG, NGES PA SKYES PA'I PHYIR THE TSOM ZA BA MA YIN TE, ME'I SHES PA LTA BU'O, ,RANG GI NGO BO NI DANG PO MNGON SUM GYIS NGES PA DANG GOMS PA YANG YOD PA LAS DE DANG 'BREL PA CAN NYID DAM; DE NYID LA NGES PAR BYED PA'I PHYIR MNGON SUM TSAD MA YIN NO, ,SNGA MA NI GOMS PA MED PA LA YANG GI NGO BO NGES PA YIN TE, PHRAD PAR BYA BA LA THE TSOM ZA BA NI DE RTOGS NA PHRAD PAR BYA BA LA THE TSOM ZA BA LDOG PA YIN LA, DE LOG NA RANG GI NGO BO LA NGES PA YIN TE, PHRAD PAR BYA BA RTOGS PA DANG 'BREL PA CAN NYID KYIS NGES PAR BYED DO, ,DON 'DZIN PA LA THE TSOM ZA BA'I PHYIR TE, TSAD MA MA YIN YANG SHES PA'I NGO BO YIN PA'I PHYIR, PHYI MA YANG SNGA MA LAS BYE BRAG MED PA'I PHYIR 'BREL PA RIG PA MA YIN NO, ,DE'I PHYIR YANG DON BYED PA'I BYED PA PO NYID MA YIN MOD KYI, 'ON KYANG GRUB PA STE BDAG NYID THOB PA LA MI BSLU BA'O, ,DE DANG 'BREL PA CAN SNGA MA TSAD MA YIN TE, PHRAD PAR BYED PA SKYED PAR BYED PA'I NGO BO'I DE KHO NA NYID DU RTOGS PA DE 'BRAS BU STE, DON RTOGS PA NI 'BRAS BU'O ZHES GANG GSUNGS PA'O, ,DE LTAR YANG DE LA MA 'KHRUL PA CAN GYI NGO BO DE NYID KYIS RTOGS PAR BYED PA'I PHYIR TE, DE NYID KYIS DE LTAR RTOGS PA NI TSAD MA NYID YIN GYI DE NYID KYI RGYU NI MA YIN TE, ME'I DE MA THAG PA'I DU BA'I SHES PA NI ME'I SHES PA YIN PA DE BZHIN DU PHRAD PAR BYA BA LA MA 'KHRUL PA CAN NYID KYI SHES PA NI PHRAD PAR BYA BA'I SHES PA YIN TE, MA 'KHRUL PA CAN NYID RTOGS PA PO TSAD MA YIN GYI, RTOGS PAR BYED PA PO NYID NI MA YIN NO ZHES BYA BA'I DON TO, ,DE YANG 'DI'I DON DANG 'DRA BA NI TSAD MA NYID YIN NO ZHES GSUNGS PA'O, ,PHRAD PAR BYA BA DANG 'DRA BA PHRAD PAR BYA BA LA MA 'KHRUL PA CAN GYI NGO BO NYID KYI YUL NGES PA YIN NO ZHES BYA BA'I DON TO, ,DE RTOGS PA NYID NI PHRAD PAR BYA BA PHRAD PAR BYA BA RTOGS PA YIN LA, ,RTOGS PA YOD NA 'JUG PA YIN TE, RTOGS PA DANG 'JUG PA DAG NI RGYU DANG RGYU CAN YIN ZHES BYA BA LA SOGS PA THAMS CAD PHYOGS 'DI LA RIGS PA YIN GYI, KHYED KYI PHYOGS LA NI MA YIN TE,

DE MI SRID PA'I PHYIR RO, ,DON YANG SO SOR SNANG BA MA YIN NAM, BDEN TE, DE LA NGES PA'I RGYU MED BA'I PHYIR THE TSOM CAN YIN NO, ,DE DE LTA YIN NA RANG GI NGO BO'I PHYOGS LA YANG MTSUNGS PA YIN NO, ,MTSUNGS PA MA YIN TE, DE NI RANG NYID RIGS PAS NGES PA CAN YIN PA'I PHYIR RO, , 'DI LA YANG DON LA NGES PA'I DUS PHYIS SKYES PA'I THE TSOM NI DE DANG 'GAL BA CAN MA YIN NO, ,DE LTA NA NI SGRA LAS BYUNG BA YANG NGES PA'I DUS PHYIS DE DANG 'GAL BA CAN MA YIN PAR 'GYUR RO, ,DE NYID NI NGES PA'I RGYU MTSAN CAN MA SKYES PA'I PHYIR GZHAN NYID DU THE TSOM ZA BA MA BSAL BA YIN NO, , DE NI 'DI LA YANG MTSUNGS SO, ,DE BZHIN DU PHYI MA LA YANG BSHAD PAR BYA'O, ,SHES PA PHYI MA NI DON LA NGES PAR BYED PA CAN YIN TE, DE MA THAG TU DON BYED PA BSKYED PA'I PHYIR, DON LA NUS PA CAN GYI MTSAN NYID YIN PA'I PHYIR RO, ,MA YIN TE, DE'I TSE NUS PA MI SHES PA'I PHYIR TE, GZUGS NYID MTHONG BA NA NGES PA SKYES PA MA YIN TE, SNGA MA BZHIN DU THE TSOM ZA BA YIN NO, ,DON BYED PA'I SHES PA NI DON DANG DON BYED PA YANG RIG PA YIN ZHES BYA BA NI MI RIGS TE, CIG CAR BA MA YIN PA'I PHYIR TE, RIM PA MED PA LA RIM PA DANG LDAN PAR RIGS PA NI MI RIGS SO, , DON BYED PA DANG RJES SU MTHUN PA TZAM 'DOD PA YIN PA'I PHYIR DON NO, ,BDEN PA DANG MI BDEN PA 'BYED PAR BYED NA NI THUG PA MED PA LA SOGS PAR 'GYUR RO, ,NGES PA CAN LAS SKYES PA YANG GLO BUR DU DU BA LAS ME'I SHES PA GANG YIN PA GANG 'BREL PA NGES PA MED NA TSAD MA MA YIN TE; DE YANG CHES NGES PA CAN MA YIN PA LAS BYUNG BA YIN NO, ,RJES SU DPAG PA LA NI NGES PA CAN LAS SKYES PA NYID LA SOGS PA NGES PA'I RGYU MTSAN CAN GYIS MNGON SUM LA NI MA YIN TE, DE NI MTHONG BA NYID KYIS DON LA NGES PA YIN NO, ,DUNG LA SER PO LA SOGS PA SHES BA'I YANG MTHONG BA YOD LA, NGES PA CAN LAS SKYES PA NYID LAS GZHAN PA'I BYE BRAG NI MED DO, ,DE YANG, DON MED NA NI MI 'BYUNG PHYIR, ,MNGON SUM LA YANG TSAD MA NYID, ,CES GSUNGS PA STE, DON NI PHRAD PAR BYA BA'O, ,DE'I PHYIR GANG ZHIG PHRAD PAR BYA BA MI 'KHRUL BA CAN NYID

, ,DU 'DZIN PA DE TSAD MA YIN GYI, GZHAN NI TSAD MA MA YIN TE, PHYI ROL GYI DON DU SMRA BA BZHIN DU RIGS PAS BSTAN PA LAS TSAD MA RNAM PAR GZHAG PA CI YANG MED PAR NGES PA YIN NO, ,SNGON PO'I SHES PA NI DON BYED PA'I SHES PA LA SOGS PA BZHIN DU SNGON POR RTOGS PA BYED PA MA YIN NAM, DE LAS GZHAN PA RNAM PAR GCOD PAR BYED PAR YANG MA 'DRES PAR SO SOR SNANG BA'I PHYIR RO, ,DE YANG DE YONGS SU GCOD PAR BYED CING DE LAS GZHAN PA RNAM PAR GCOD PAR BYED PA ZHES GSUNGS PA'O, ,DE LAS GZHAN PA RNAM PAR GCOD PA DANG GZHAN NYID LA THE TSOM MED PA CAN GYI YUL RTOGS PAR BYED PA YIN NO, ,RTOGS PAR BYED PA NYID SPYIR BTANG BA CAN GYI TSAD MA NYID DMIGS KYIS BSAL BA NYID DANG 'GAL BA CAN YIN PAS GSAL BA'I PHYIR GZHAN LAS TSAD MA NYID YIN ZHES ZER TE, DE YANG, DE PHYIR RTOGS PA'I BDAG NYID CAN, ,GNYIS KYIS RTOGS PA TSAD MAR 'GYUR, ,GZHAN MIN NYID RGYU LAS SKYES PA'I, ,SKYON SHES PA LAS DES BZUNG BYED, ,CES BSTAN TO, ,DMIGS KYIS BSAL BA MED NA SGRUB PA'I NGO BO YIN PA'I PHYIR TSAD MA YIN NO, ,RTOGS PA'I SPYI NI MA YIN TE THE TSOM YIN TE 'GAL BA CAN GYIS SGRUB PAS BSAL BA CAN YIN PA'I PHYIR RO, ,BSAL BA CAN NI YOD PA MA YIN TE, RANG GI NGO BO RIG PA LA YANG THAL BAR 'GYUR RO, ,SMRAS PA, NGES PA CAN GYI RGYU MTSAN LAS BYUNG BA'I SHES PA NI RJES SU DPAG PA BZHIN DU 'DI LTA BU YIN GYI, CIG SHOS CHA SHAS GCIG TU NGES PA CAN YANG DE LTA BU MA YIN NO, ,GANG LA THE TSOM MAM PHYIN CI LOG PA YANG RANG NYID SKYES PA YIN NA DE 'DI LTA BU YIN GYI GZHAN NI MA YIN NO MA YIN TE, DE LA YANG BYE BRAG MA MTHONG NA RANG NYID KHO NA SKYE BA'I PHYIR RO, ,BYE BRAG KYANG 'DIR NGES PA CAN LAS SKYES PA NYID YIN LA, DER DES NA NGES PA YIN LA, DE LA MA NGES NA THE TSOM ZA'AM GZHAN YANG RUNG BA NI RNAM PAR DBYE BA'O, ,DES NI, MA SKYES PA LA'ANG GNOD PA CAN, ,TSOL BA'I RMONGS PA GANG YIN PA, ,DE NI THA SNYAD THAMS CAD LA, ,YID GNYIS NGO BOS ZAD DE 'GRO, ,ZHES ZER BA DE BSAL BA YIN TE, GANG GI

PHYIR BYE BRAG TU MTHONG BA NI THE TSOM GYI RGYU YIN GYI RMONGS PA NI DE'I RGYU MA YIN TE THAL CHES BA'I PHYIR RO, ,SDONG DUM MAM ZHES BYA BA LA SOGS PA YANG BYE BRAG MA MTHONG BA'I RGYU NYID LAS BYUNG BA'I THE TSOM YIN NO, ,RIG BYED LAS BYUNG BA'I SHES PA NI NGES PA CAN LAS SKYES PA NYID DU NGES PA MA YIN NO, , 'ON TE TSIG RNAMS DANG, DE'I DON RNAMS DANG, DE DANG 'BREL PA YANG BRTAG PA YIN TE, SKYES BUS BYAS PA NYID DU MI DRAN PA'I PHYIR RO, ,BA LANG LA SOGS PA'I SGRAS BRJOD PAR BYA BA LA THE TSOM ZA BA YIN NA, DE'I BRDA'I TSIG 'PHEL BA DANG, AA LAS AEER GYUR PA DANG 'DRA BAR DRAN PAR BYED PA YIN NO, ,BA LANG ZHES BYA BA 'DI LA DON GANG YIN ZHES THE TSOM ZA BA LA LKOG SHAL LA SOGS PA'I KHYAD PAR CAN GYI GZUGS CAN YIN NO ZHES SMRAS PA LA SOGS PA DRAN PAR BYED PA NYID MA YIN NAM, GSAL BA LA SOGS PA MTSAN NYID MI 'DRA BA'I GZUGS CAN NI BRJOD PAR BYA BA YIN NO ZHES BYA BA'I DON TO, ,DAG NYID KYANG BRDAR BYED PA PO YIN NO, ,DE LA DRANG SRONG BA NI YIN NO ZHE NA, GZHAN LA YANG RGAD PO KHA CIG DANG BYE BRAG MED DO, ,RANG BZHIN LAS BYUNG BA LA NI DON GYI 'BREL PA YOD NA DU BA BZHIN DU TSIG LAS KYANG MI BSLU PAR 'GYUR RO, ,BA LANG RDZI'I BUM PA'I DU BA SLU BA CAN YIN PA DE BZHIN DU, SOR MO'I RTZE MO LA SOGS PA'I TSIGS KYANG DE DAG TZAM GYI SGRA LAS BYUNG BA YANG TSAD MA MA YIN PA MA YIN TE, DU BA GZHAN BZHIN NO, ,DU BA GZHAN NI DON LAS NGES PA YIN NO, ,'DIR YANG TSIG RNAMS NI TSIG GI DON RNAMS LA NGES PA YIN TE, RANG NYID NYE BA LAS DON NYE BAR BYED PA YIN LA, DE NYID KYANG GCIG LA GCIG 'BREL PA YOD PA YIN NA DAG GI DON YIN NO, ,LAN DU SMRAS PA, GANG GI PHYIR DU BA NI RANG GI RGYUS 'PHANGS PA'I RANG GI DON LA NGES PAR BYED PA YIN GYI, TSIG RNAMS NI DE LTA MA YIN TE, SKYES BU'I 'DOD PAS BSDU BA BYAS PA'I TSIGS RNAMS NI NGAG GI DON GYI RGYU MTSAN YIN GYIS GCIG GIS NI MA YIN TE, BSDUS PA YANG 'DI LAS 'DI YIN TE, 'DI LAS NI 'DI MA YIN NO ZHES PA'I PHYIR SKYES BUS BYAS PA YIN NO, ,TSIG GZHAN RNAMS NYID LA NI RE RES SO, ,TSIG GI DON NI DON GZHAN DANG

, ,LDAN PA YIN PAR SMRA BA'I PHYIR BSDUS PA NI DON RTOGS PA'I YAN LAG MA YIN TE, DE RNAMS KYANG BRTAGS PA DANG DON DANG 'BREL PA CAN RNAMS NI SKYES BUS MNGON PAR GSAL BAR BYAS PA 'BA' ZHIG YIN NO, ,DE LTA NA YANG TSIG RNAMS NI DU BZHIN DU RANG DBANG CAN MA YIN TE, 'DOD PA'I GZHAN DBANG YIN PA'I PHYIR RO, ,MNGON PAR GSAL BA MA YIN PA'I TSIG GAM DE BSDUS PA YANG RUNG STE, YOD PA TZAM GYIS NI RTOGS PA'I YAN LAG MA YIN LA, DE'I MNGON PAR GSAL BA YANG SKYES BU'I 'DOD PA'I DBANG GIS YIN GYI, DU BA MNGON PAR GSAL BA LTA BU NI MA YIN TE, RANG GI RGYU'I DBANG NYID YIN PA'I PHYIR RO, ,BDEN TE DU BA NI DON GYI DBANG NYID KYIS DE LA NGES PA CAN YIN GYI, 'DOD PA'I DBANG GIS MNGON PAR GSAL BA CAN GYI SGRA NI DON LA NGES PA CAN YIN PAR MI RIGS TE, DE'I RANG DBANG CAN MA YIN PA DE LA NGES PA CAN YIN ZHES BYA BA NI LOG PAR SGRUB PA YIN NO, ,RTAG PA NYID DANG RANG DBANG CAN YIN PA NYID KYIS DE'I DBANG DU GYUR PA MA YIN PA NI DE RJOD PAR BYED PA NYID KYIS KYANG DE LA NGES PA YIN NO ZHE NA, RJOD PAR BYED PA NYID NI DE RTOGS PA SKYED PAR BYED PA NYID YIN LA, DE LTAR NA DE NYID KYANG SDOD DUM MAM ZHES BYA BA LA SOGS PA BZHIN DU MA NGES PA'I RGYU MTSAN SKYED PAR BYED PA NYID SGRA LAS BYUNG BA LA THE TSOM GYI RGYU MTSAN YIN PA'I PHYIR, DE NI TSAD MA MA YIN TE, RANG DBANG CAN YANG YIN LA NGES PA CAN YANG YIN PA NI RIGS PA CHEN PO CAN YIN NO, ,RANG DBANG CAN NI 'DOD PA'I DBANG NYID MNGON PAR GSAL BA'I DON DU MA YIN NAM RANG GI NGO BO'I DON DU NI MA YIN NO BDEN TE, MNGON PAR GSAL BZHIN PA'I NGO BO LAS GZHAN PAR MI MTHONG BA'I PHYIR DANG, DE YANG GZHAN NYID YIN PAS NGO SHES PA MA YIN PA'I PHYIR 'DOD PA'I DBANG NYID KYIS YIN NO, ,NGO SHES PA NYID YIN NA YANG 'DOD PA'I DBANG GIS MNGON PAR GSAL BA NYID YIN PA'I PHYIR 'DOD PA'I DBANG NYID DE CHOG GO, ,YANG RANG GI NGO BO LA MNGON PAR GSAL BA'AM MNGON PAR BRJOD PA LA LTOS PA MA YIN TE, DE'I DBANG GIS MA YIN PA DANG, DON GZHAN DU KHRID PA'I PHYIR RO, ,RJOD PAR BYED PA NYID NI

RTOGS PA TZAM GYI RGYU MTSAN NYID YIN GYI, TSAD MA'I YAN LAG MA YIN PAR BSTAN TO, ,DES NA SHES PA TZAM LAS DON LA NGES PA NI MA YIN TE, NGES PAR BYED PA MA YIN PA'I PHYIR RO, ,BRJOD PAR BYA BA RNAMS LA SKYES BU'I DBANG BYED PAS 'JUG PA CAN RNAMS NI DNGOS PO MTHONG BA CAN MA YIN TE, JI LTAR GOMS PA'I RNAM PAR RTOG PA SAD PA'I RGYUS 'JUG PAR SEMS PA YIN NA, RANG GI NGO BO LA NGES PA YIN GYI DE DAG TZAM GYIS MGU BA NI MIN TE, RMI LAM LA SOGS PA LA YANG YOD PA'I PHYIR RO, ,PHRAD PAR BYA BA DANG 'BREL BA CAN DU NGES PA YOD NA DE NYID TSAD MA YIN NO, ,PHRAD PAR BYA BA NYID KYI RANG GI NGO BO LA NGES PAR BYED PA YIN GYI, PHRAD PAR BYA BA DANG 'BREL PA CAN NYID KYIS NI MA YIN NO BDEN TE, PHRAD PAR BYA BA MA YIN PA YANG DE'I 'BRAS BU NI DE NYID LAS RTOGS PA YIN TE, NAG PA'I BU LA NAG PAR SHES PA LTA BU'O, ,RNAM PA MANG PO MTHONG PA NAS RGYU LA 'BRAS BU NYID DU'AM, 'BRAS BU NYID LA DE NYID DU SGRO 'DOGS PA NI 'DRA BA LAS YIN TE, MTSE MA DAG LA SOGS PA LTA BU'O, ,'DI LA YANG PHRAD PAR BYA BA'I 'BRAS BU NYID LA DE NYID DU'O, ,DE LTA YIN NA 'DI'I DON DANG 'DRA BA NI TSAD MA YIN NO ZHES CI'I PHYIR GSUNGS, DE'I 'BRAS BU NYID KYI NGO BO NI DE NYID DANG 'DRA BA YIN TE, DON GYI DNGOS NYID MA SPANGS PA ZHES BYA BA YIN TE, 'DIR DE NYID BRJOD PA LAS 'DI DON DANG 'DRA BA'I NGO BO YIN PA'I PHYIR RO, ,'DI LA YANG 'DRA BA CAN KHO NA YIN NO ZHE NA, BSREG PA DANG, BTZO BA LA SOGS PA RNAMS NI ME DAD 'DRA BA NYID MA YIN LA, DE NYID 'BRAS BU NYID NI YIN PA'I PHYIR PHRAD PAR BYA BA'I DON GYI NGO BO 'BRAS BU NYID GANG GI YIN PA'I DON DE NYID KYI NGO BO YIN PA DE LTA NA, DE KHO NA NYID RTOGS PA 'BRAS BU YIN NO, ,DE KHO NA NYID NI DE RTOGS PA RNAM PAR GZHAG PA'I RGYU YIN PA'I PHYIR TSAD MA NYID YIN NO, , 'JIG RTEN NA YANG DAM BCAS PA'I DON DANG PHRAD PAR BYED PA NI MI SLU PAR BYED PA PO MA YIN NAM, DAM BCAS PA TZAM NI MA YIN ZHING GZHAN DANG PHRAD PAR BYED PA PO YANG MA YIN NO, ,DE BZHIN DU SHES PA YANG BDE BA LA SOGS PA MI BSLU BA CAN YIN GYI, RTOGS PA TZAM MA RTOGS NAS GZHAN

, ,DANG PHRAD PAR BYED PA PO NI MA YIN NO, ,'O NA CI ZHE NA, RTOGS NAS PHRAD PAR BYED PA YIN TE, RTOGS PA'I SKAD CIG MA NYID DANG PHRAD PAR BYA BA RTOGS PA YIN PAR GCIG PA NYID DU ZHEN PA'I PHYIR RO, ,RTOGS PA YOD NA PHRAD PA YOD PA'I PHYIR RTOGS PA NYID TSAD MA YIN GYI GZHAN LAS NI MA YIN NO, ,GZHAN LAS MA YIN ZHES BYA DE LTA NI MA YIN TE, PHRAD PAR BYA BA DON DU GNYER BA DE DANG 'BREL PA CAN KHO NA'I NGO BO TSAD MA YIN GYI RTOGS PA TZAM NI TSAD MA MA YIN NO, ,DE YANG RTOGS PA MA YIN PA NI 'JUG PA'I YAN LAG MA YIN PA'I PHYIR RTOGS PA NI DE LA LTOS PA YIN NO, ,PHRAD PAR BYA BA DANG 'BREL PA CAN GYI SHES PA'I NGO BO YANG RJES SU DPAG PA'I NGO BO BZHIN DU RANG NYID KYIS SHES PA YIN NO, ,DE NYID SHES PA YIN GYI DE DANG 'BREL PA CAN NI MA YIN NO MA YIN TE NAG PA'I BU LA NAG PA'I SHES PA BZHIN DU DE NYID SHES PA'I YUL NI 'BREL PA YIN PA'I PHYIR RO,, DES NA DE NYID NI TSAD MA YIN LA DE SHES PA NI 'BRAS BU YIN NO, ,DE YANG DON DANG 'DRA BA NI TSAD MA YIN LA DON RTOGS PA NI TSAD MA'I 'BRAS BU YIN NO ZHES KYANG GSUNGS PA'O, ,DE'I PHYIR SHES PA'I NGO BO LA SGRO BTAGS PAS 'JUG PA YIN GYI PHYI ROL LA 'JUG PA NI MA YIN NO, ,PHYI ROL LA YANG SHES PA'I NGO BOR SGRO BTAGS PA YIN NA, MI 'JUG PA KHO NA YIN TE, DON DU GNYER BA NI SU YANG MA YIN NO, ,SHES PA'I NGO BO DANG PHYI ROL DAG NI SO SO BA MA YIN PA'I PHYIR 'JUG PA YIN NO ZHE NA, SO SO BA MA YIN NA PHYI'I DNGOS PO DON DU GNYER BA RNAMS CHES SHIN TU YANG MI 'JUG PA'I PHYIR DE GSAL BA YIN NO, ,SNANG BA DANG RNAM PAR RTOG PA DAG GCIG TU BYAS NAS ZHES BYA BA LA SOGS PA DE KHO NA NYID DU 'DOD PA DE LAS BYUNG BA NYID KYI YUL CAN RNAMS DE BZHIN DU BSHAD PAR BYA'O, ,RTOGS PA TZAM YANG TSAD MA NYID YIN NA NI SGRA LAS BYUNG BA LA YANG 'GYUR RO, ,SGRA LAS BYUNG BA YANG PHYI ROL SHES PAR BYED PA MA YIN NAM, SHES BYA DANG SHES BYED LAS GZHAN PA LA NI 'BREL PA MED DO, ,DE LTA NI MA YIN TE, SHES BYA DANG SHES BYED KYI DNGOS PO NYID DE DANG 'BREL PA YIN GYI DE'I SHES PA TZAM NI MA YIN NO, ,DNGOS PO YANG SHES PA NYID MA YIN NAM, NYE BAR DMIGS

PA NI YOD PA ZHES BRJOD DO ZHES GANG GSUNGS PA'O, ,PHRAD PAR BYA BA'I RANG GI NGO BO'I NYAMS SU MYONG BA NI DMIGS PA YIN GYI SHES PA TZAM NI MA YIN NO, ,RIG BYED LA NI PHRAD PAR BYA BA'I 'BRAS BU'I RIG PA YOD PA MA YIN LA, YOD NA YANG DE DON DU GNYER BA RNAMS 'JUG PA MA YIN NO, ,RIG PAR BYED PA NI YOD LA, RIG PAR BYA BA NI MED PA DES NA RIG PAR BYA BA DON DU GNYER BA RNAMS 'JUG PA YIN NO, ,MA YIN TE, RIG PAR BYA BA DANG 'BREL PA MI SHES NA 'JUG PA MED PA'I PHYIR RO, ,'DIS NI NGES PAR SBYOR BA TZAM LAS 'JUG PA GSAL BA YIN NO, ,NGES PAR SBYOR BA YANG DE NYID KYI TSE YOD PA'I PHYIR 'JUG PA MA YIN NO, ,NGES PAR SBYOR BA NI BSGRUB PAR BYA BA YIN GYI DE'I TSE NI MED PA YIN NO, ,DE LTA NA SHES PA DANG 'BREL PA MI SHES PA'I PHYIR DE'I SHES PA LAS 'JUG PA NI MA YIN NO, ,DES NA PHRAD PAR BYA BA LA NGES PA CAN NYID KYI SHES PA NI DE KHO NA YID LA NGES PA CAN GYI TSAD MA YIN GYI GZHAN LAS NI MA YIN NO, ,DBANG PO'I GZUNG BAR BYA BA NYID DU THAL BAR YANG MA YIN TE, RANG GI NGO BO LA DE KHO NA NYID DU SGRO 'DOGS PA'I YUL MA YIN PA'I PHYIR RO, ,'BRAS BU TZAM NYID LA RGYU'I THAMS CAD NYID DU SGRO GDAGS PAR BYA BA MA YIN NO, ,'DRA BA NYID NI GDAGS PA'I RGYU MTSAN YIN NO, ,MA YIN TE, DE MED PA YIN YANG GZUGS DANG REG PA DAG GIS REG PA'I 'BRAS BU GZUGS YIN PA'I PHYIR TE, RGYU'I RANG GI NGO BO LA DE KHO NA NYID DU SGRO BTAGS PA'I YUL YIN TE, DE YANG RGYU MA YIN PA YUL MA YIN PAR BSTAN PA NI, RIGS PA SHES PAS SHES PA'I RNAM PA 'JOG NUS PA'I RGYU NYID LA GZUNG BAR SHES KYANG GSUNGS PA'O, ,SHES PA'I RANG GI NGO BO LA RANG GI RNAM PA STE, BDAG NYID KYI NGO BOR 'JOG PA STE SGRO 'DOGS PAR NI RIGS PA YIN TE, PHRAD PAR BYA BA STE RGYU LA 'BRAS BU'I NGO BO NYID DU SGRO BTAGS PA'I YUL ZHES BSTAN TO ZHES BYA BA'I DON YIN GYI, SHES PA LA RANG GI RNAM PA STE RANG DANG 'DRA BAR 'DOGS PAR BYED PA NI MA YIN NO, ,'BRAS BU NYID LA DE KHO NA NYID DU SGRO 'DOGS PA YANG KHA CIG LA MTHONG BA LAS THAMS CAD LA NI MA YIN PAR BSHAD ZIN TO, ,'DI SKAD BSTAN PAR 'GYUR GYI BDAG NYID KYI KHONGS SU GTOGS PA'I BDE BA

, ,JI LTAR RIGS PA DE BZHIN DU SNGON PO YANG NGO, ,BDE BA NI GZHAN RIG PA MA YIN TE, GZHAN RIGS PAS NI RIG PA MA YIN PA'I PHYIR RO, ,SNGON PO LA NI BDE BA NYID YOD PA YIN NO, ,MA YIN TE, DE NI SNGON PO BZHIN DU RIG PAR BYA BA YIN PA'I PHYIR RO, ,DE RIG PA LA YANG SNGON POR SGRO 'DOGS PA MA YIN PAS BDAG NYID RIG PA MA YIN PA NYID DU MI SHES PA'I PHYIR RO, ,GNYI GA LA YANG TSOGS PA YOD NA SNGON PO LA SOGS PA BZHIN DU CIG CAR 'BYUNG BA'I PHYIR PHYIN CI LOG TU 'GYUR RO, ,ZHEN PA YANG GOMS PA LA LTOS PA YIN GYI BDE BA BZHIN DU SNGON PO NI DUS DER YUL LA 'JUG PA MA YIN ZHING PHRAD PAR BYA BA YANG NGO, ,RTOGS PA LAS NI PHRAD PAR BYA BA DANG DER 'BREL PA NI GZHAN NYID LAS SHES PAR BYA BA YIN GYI DE TZAM LAS NI MA YIN TE, THE TSOM YOD PA'I PHYIR RO, ,DE NYID KYIS NA NGES PA YANG YIN NO ZHE NA MA YIN TE, RANG GI NGO BO LA NGES PA YIN PA'I PHYIR RO; ,DBANG PO DANG YUL LA SOGS PA RNAMS KYI RGYU MTSAN LAS SKYES PA'I RNAM PAR SHES PA NI 'BREL PA GANG YIN PA LAS YUL GYI RJES SU BYED PA YIN GYI GZHAN LAS NI MA YIN TE, DE NYID LAS DE 'DZIN PA YIN GYI GZHAN LAS NI MA YIN NO, ,DE LTAR NA GCIG LAS GCIG TU BRGYUD PAS DUB PA YONGS SU 'DOR BAR 'GYUR BA YIN ZHES GANG SMRAS PA DE NI MA YIN TE, 'BRAS BU NI RANG GI RGYUD LAS BYUNG BAS DE'I RNAM PA'AM GZHAN DU YANG 'BYUNG BA YIN LA, SHES PA NI RANG NYID RIG PA YIN GYI GZHAN LAS KYANG NI MA YIN PA'I PHYIR DE DANG 'DRA BA MA YIN NO, ,DE DANG 'DRA BA LA YANG RANG NYID RIG PA YANG BDAG NYID SNGON POR RIG PA RNYED PAR DKA' BA MA YIN NO, ,DE LTAR YANG DE TZAM THAMS CAD LA YANG YOD PAS THOB ZIN PA'I PHYIR YANG 'JUG PA'I YUL MA YIN NO, ,DE'I THABS NYID KYIS NI RTOGS PA DANG LDAN PA RNAMS LTOS PA YIN PAR GZHAN NYID LAS SHES PAR BYA BA YIN GYI, RANG NYID LAS NI MA YIN PA'I PHYIR GZHAN LAS THE TSOM LDOG PA TZAM NI MA YIN NO ZHES BSTAN PA YIN NO, ,RNAM PA LA SNGON PO'O ZHES RJES SU DPOG PA YIN NO ZHE NA, PHRAD PAR BYA BA LAS GZHAN PA MA YIN TE, SNGON POR MA DMIGS PA'I PHYIR RO, ,LDOG PA LAS 'GRUB PAR 'GYUR ZHES BYA BA LA

SOGS PA GSUNGS PA NI GAL TE MTSUNGS PA DE MA THAG RKYEN LAS NGES PA MI SMRA BA ZHES BYA BA STE, DE LTA NA YANG YUL MTSUNGS PA'I DE MA THAG PA YUL DU 'GYUR RO ZHES KYANG NGO, ,PHRAD PAR BYA BA NYID DANG RIGS MTHUN PA LA GZHAN GYIS BAR DU MCHOD PA 'DI'I DE MA THAG PA NI MTSUNGS PA DE MA THAG PA'I SHES PA ZHES KYANG BSTAN TO, ,DE LTA YIN NA RANG GI NGO BO BZHIN DU THAMS CAD LA YIN PA'I PHYIR, TSAD MA MA YIN PA MI SRID PAR 'GYUR RO MA YIN TE, 'DAS PA'I DE MA THAG PA NI TSAD MA MA YIN TE, GZHAN LAS BZLOG PA ZHES BYA BA NI BYA BA'I RNAM PAR DBYE BA'O, ,RGYU MA YIN PA YUL MA YIN ZHES BYA BA MA YIN NAM, BDE BA LA SOGS PA RANG GIS RIG PA JI LTAR YUL NYID YIN TE RGYU MA YIN PA'I PHYIR RO, ,RANG NYID GRUB PA'I RANG GI NGO BO NI PHRAD PAR BYA BA DANG THA DAD PA'I PHYIR, JI LTAR YUL YIN ZHES LTOS PA DANG BCAS PA LA RGYU NYID LA DE KHO NA NYID DU SGRO BTAGS PA'I PHYIR ZHES BSTAN TO, ,RANG NYID RIG PA LAS DE'I BDAG NYID YIN PA 'DIS TSAD MA MA YIN PAR GSAL BA YIN NO, ,BAR MA CHAD PAR SMRAS PAS CHOG GO, ,PHRAD PAR BYA BA'I 'BRAS BU NYID RANG GI NGO BO YIN PA NI DE MED NA MED PA'I PHYIR TE, DU BA NI ME'I 'BRAS BU NYID YIN PA LTA BU'O, ,SNGAR GANG MTHONG BA NYID YOD PA LAS PHYIS MTHONG BAR 'GYUR BA GANG YIN PA DE NI DE'I 'BRAS BU YIN TE, DES DRANGS PA'I PHYIR ME'I DU BA LTA BU MA YIN NAM, DU BA MTHONG BA DAG LDAN PA TZAM LAS JI LTAR ME DMIGS PAR 'GYUR, DE LA 'DAS PA'I DUS KYI ME RJES SU DPOG PAR BYED PA NI MA YIN TE, SLU BA YIN PAS TSAD MA MA YIN PA'I PHYIR RO, ,'BYUNG BAR 'GYUR BA LAS MI SLU BA YIN GYI 'DAS PA LA NI MA YIN NO, ,DE NYID 'BYUNG BAR 'GYUR BA YIN NO ZHE NA, MA YIN TE, 'GAL BA'I PHYIR RO, ,'BYUNG BAR 'GYUR BA LA 'BYUNG BAR 'GYUR BA YOD PA MA YIN NO, ,DE'I 'BRAS BU MA YIN PA YANG DE LA MI BSLU BA CAN MA YIN TE, ,THAL CHES PA'I PHYIR RO, ,DE DAG GCIG PA NYID DU ZHEN PA LAS YIN NO ZHE NA, DE LTA BYUNG BAR GYUR PA LA YANG 'BYUNG BAR 'GYUR BA NYID DU ZHEN PA KHO NA YIN NO, ,RGYU LA NYE BAR SBYOR BA MA YIN PA CAN NI MTHAR THUG GI BAR DU YANG NYE BAR SBYOR BA CAN MA YIN TE,

, ,SKAD CIG KYANG RGYUN MI 'CHAD PAR RJES SU 'JUG PA LA NYE BAR SBYOR BA MA YIN PA'I PHYIR RO, ,PHRAD PAR BYA BA YANG RANG GI NGO BO YOD NA DE MI ZAD PA YIN TE, DE YANG RGYU LA RGYU'I CHOS RJES SU 'JUG PA YIN TE, THAMS CAD RGYU YIN PAR THAL BAR 'GYUR BA YIN NO ZHE NA, DE LTA BU NI 'DAS PA LA YANG MTSUNGS SO, ,DE LTA MA YIN TE, 'DI YOD NA 'DI 'BYUNG ZHES BYA BAR BYE BRAG TU RTOGS PA'I PHYIR RO ZHE NA, DE LA YANG MTSUNGS PA NYID YIN TE, RGYU TSOGS PA YIS ZHES BYA BA LA SOGS PA YANG, DE NI RANG BZHIN YIN PAR BRJOD, ,CES BYA BA STE 'BYUNG BAR BYED PAS 'BYUNG BA STE RGYU'O, ,RANG GI 'BYUNG BYED NI RANG GI RGYU ZHES BYA BA'I DON TO, ,TSOGS PA NYID NI RUNG BA NYID DU RJES SU DPAG PA YIN PAR GSUNGS PA MA YIN NAM, BDEN TE, GANG LA GAGS BYED PA MED PA'I NGES PA MED NA'O, ,DE'I DGOS PA NI DE LTAR 'DAS DUS GCIG RNAMS KYI STE MA 'ONGS PA RNAMS KYI NI MA YIN NO ZHES BYA BA'I TSIG LAS SO, ,DE MED PAR NGES PA YIN NA MA 'ONGS PA'I 'BRAS BU DANG BYUNG BA LAS RGYU NYID SHES PA YIN TE, DU BA LAS ME LTA BU'O, ,DES NA YANG, NYON MONGS PA DANG BCAS PA'I SEMS LA SOGS PA MTHONG BA LAS, 'JIG RTEN PHA ROL DU 'BYUNG BAR 'GYUR BA'I SEMS LA SOGS PA 'GRUB PA YIN NO, ,'DI LAS 'JIG RTEN GZHAN DPOG PA'ANG ZHES GANG 'CHAD PAR 'GYUR BA'O, ,THOS PA DANG BSAM PA LA SOGS PA SHIN TU 'BAD PA CHEN POS BSGRUB PAR BYA BA MTHONG BA'I LAM LA SOGS PAR 'CHI BA'I DUS NA MED PA'I PHYIR GAGS BYED PA MED PAR NGES PA YIN NO, ,NYID MTSAMS SBYOR NUS LDAN MTHONG GANG, ,DE PHYIR GYUR NA PHYIS GANG MED, ,GANG GIS MTSAMS SBYOR LDAN MED YIN , ,ZHES GANG 'CHAD PAR 'GYUR BA'O, ,'DI LA YANG, DES NA SGRA LAS RGYU NYID DU, ,DUS GSUM DU YANG SHES BYA MIN, ,ZHES BSTAN PA'O, ,RUNG BA NYID DU RJES SU DPAG PA LA DE'I RGYU NYID KYIS NGES PA MED NA GZHAN GYI RGYU NYID KYIS NGES PA YOD KYANG DGOS PA YOD PA MA YIN NO, ,DU BA NI ME MTHONG BA NA GRUB PA MA YIN NAM, RANG NYID YOD NA YOD PA'I RANG BZHIN CAN GYI ME LA NYE BAR BYED PA YIN LA, RANG GI NGO BO LA YANG PHRAD PAR BYA BA GRUB PA YIN

KYI; DE LA RANG GI NGO BO NI MA YIN TE, JI LTAR RANG GI NGO BO YIN PA DER 'BREL PAR NGES PA YIN, BDEN TE, PHRAD PAR BYA BA BZHIN DU DE YANG PHRAD PAR BYA BA LA MA 'KHRUL PA CAN NYID DU GANG GIS MA SHES PAS SHES PAR BYA'O, ,SHES PA YIN KYANG RANG GI NGO BO LA PHRAD PAR BYA BAR ZHEN PA LAS, DE'I 'BRAS BU NYID DE KHO NA NYID DU ZHEN PA'I RGYU MTSAN DU BSTAN TE, DUNG LA SER PO LA SOGS PA'I SHES PA NI DBYIBS LA SOGS PA'I CHA LA TSAD MA YIN NO, ,KHA DOG SER POS DON BYED PA MED NA DE'I SGO NAS DBYIBS KYIS DON BYED PA MED PA LTA SMOS KYANG CI DGOS, DE'I TSE SER PO MED PA NI MA YIN TE SNANG BA'I PHYIR RO, ,GZHAN DU NA SNGON PO YANG MED PA KHO NA YIN NO, ,CI STE SNGON PO GCIG PU PHRAD PAR BYA BAR 'DOD PA YIN NA 'DI LA YANG DBYIBS GCIG PU 'DOD PA YIN TE, SER PO DANG DKAR PO THUN MONG BA THOB PAR 'GYUR BA KHO NA TE KHA DOG NI MA YIN NO, ,'ON TE BDAG NYID THAMS CAD KHO NA NAS TSAD MA MA YIN TE, CHA SHAS KYIS KYANG TSAD MA NYID YIN NA NI RJES SU DPAG PA'I RNAM PAR RTOG PA KHO NA TSAD MA YIN ZHES STON PAR BYED PAR MI 'GYUR TE, THA NA SGRA PA'I RNAM PAR RTOG PA YANG DNGOS PO TZAM GYI CHA LA MI BSLU BA YIN PA'I PHYIR RO, ,MA YIN TE, MI BSLU BA DANG BSLU BA TZAM GYIS TSAD MA DANG CIG SHOS NYID DU KHAS LEN PA'I PHYIR TE, 'DOD PA DANG PHRAD PAR YOD NA TSAD MA YIN LA, DE MED PA LA NI GZHAN DU'O, ,SER PO'I SHES PA LA DBYIBS DANG, 'GRO BA'I SHING MTHONG BA LA SHING DANG, GNAS GZHAN NA YOD PA'I NOR BU'I SHES PA NOR BU DANG, BDEN PA'I RMI LAM GYI BU RNAMS SU 'DOD PA YIN GYI DUS LA SOGS PAR MA YIN PA DE'I PHYIR, MNGON PAR 'DOD PA'I CHA SHAS LA TSAD MA NYID YIN NO, ,SGRA LAS BYUNG BA YANG MNGON PAR 'DOD PA STON PA'I PHYIR ZHES GANG 'CHAD PAR 'GYUR BA'O, ,RNAM PAR RTOG PA TZAM NI DNGOS PO'I CHA SHAS LA YANG TSAD MA MA YIN TE, MNGON PAR 'DOD PA'I YUL MA YIN PA'I PHYIR RO, ,'DIS NI CI NAS KYANG THOB PAR BYED PA MA YIN PAR BSHAD ZIN TO, ,MNGON PAR 'DOD PA'I YUL NI RNAM PAR RTOG PA CAN GYI RJES SU DPAG PA YIN NO ZHES BYA BA NI RNAM PAR DBYE BA'O, ,CHA SHAS KYIS NI TSAD MA DANG CIG

, ,SHOS NYID DE, MNGON PAR 'DOD PA DANG CIG SHOS YIN PA'I PHYIR ZHES BYA BA'I DON TO, ,BYED PA PO LA GNAS PA'I BYA BA NI BYA BA LA GNAS PA NYID KYIS NGES PA CAN DU SHES PAR BYED PA'I PHYIR DE NYID DANG POR SHES PAR BYA BA YIN TE, GAL TE DE SHES PA YIN NA BYED PA PO LA GNAS BAS CI ZHIG BYA, DE'I THABS YIN PA NYID KHO NAS 'DOD PA YIN NO ZHES BYA BA'I DGONGS PAS DON BYED GNAS PA ZHES BYA BA SMOS TE, PHRAD PAR BYA BA SHES PA NI 'JUG PA'I YAN LAG YIN GYI RANG GI NGO BO NI MA YIN TE, BYED PA PO LA GNAS PA'I BYA BA KHAS LEN PA NYID YIN NA, RANG GI NGO BO SMRAS PAR 'GYUR RO, ,PHRAD PAR BYA BA LA LTOS PA'I RANG GI NGO BO NI BYA BA YIN GYI RANG GI NGO BO TZAM NI MA YIN TE, BDEN TE, RANG GI NGO BO LA NI TSAD MA NYID MA YIN TE, THAL CHES PA'I PHYIR RO, ,PHRAD PAR BYA BA LA NI TSAD MA YIN NO ZHES DGONGS PA YIN NO, ,BYED PA PO LA GNAS PA'I BYA BA KHAS LEN PA YANG DE NYID YIN PAR DGONGS PA YIN GYI, RANG GI NGO BO LA DMIGS PA 'BA' ZHIG NI JI LTAR PHRAD PAR BYA BA LA DMIGS PAR 'GYUR SNYAM DU DOGS PA BSAL BA'I PHYIR, PHRAD PAR BYA BA'I BYED PA PO'I SHES PA TSAD MA YIN PAR BSTAN TE, DE DE LTAR YONGS SU GCOD PA 'DIS DON GO BA YIN NO, ,DE LA YANG DON NI 'DI YIN TE RANG GI NGO BO LA DMIGS PA LA PHRAD PAR BYA BA LA DMIGS PAR ZHEN PA YIN NO, ,'ON TE DON BYED PA ZHES BYA BAS 'JIG RTEN PA NYID KYI TSAD MA BSTAN PA YIN LA, DANG POR NI DE 'GRUB PA'I THABS SO, ,MA YIN TE, DE LA DON YIN PAR SMRA NA 'DI YANG SHUGS KYIS 'GRUB PA'I PHYIR RO, ,SKAD CIG MA DANG PO'I SHES PA'AM SGRO BTAGS PA YANG RUNG BA MA YIN NAM, 'DI NI PHRAD PAR BYA BA NYID MA YIN TE, PHRAD PAR BYA BA YONGS SU BCAD PA'I PHYIR, DE'I DON NYID JI LTAR GO BAR 'GYUR, PHRAD PA'I SHES PA NI PHYI ROL DU ZHEN PA'I NGO BO NYID LAS RJES SU DPAG PA LA YOD PA YIN TE, GANG GI PHYIR PHYI ROL LA PHRAD PAR BYA BAR ZHEN PA'I PHYIR RO, ,RANG GI RNAM PA 'DI LA PHYI ROL DU ZHEN PA CAN YIN NO ZHE NA, DE LTA YIN NA YANG THAMS CAD DU PHRAD PAR BYA BAR ZHEN PA CAN YIN NO, ,DE'I NANG DANG PHYI ROL YANG MA YIN NO ZHE NA, MA YIN TE, PHYI ROL

NYID DU ZHEN PA'I PHYIR DANG, GRUB PA'I MTHA' MED PAR THAL BAR 'GYUR BA'I PHYIR YANG NGO, ,PHYI ROL NI GRUB PA'I MTHA' LA YIN GYI GNYI GA MA YIN PA LA MA YIN TE, DE NI RANG RIG PA YIN PA'I PHYIR, RANG GI RNAM PA MA YIN LA, MNGON SUM GYIS GZHAN DU RIG PA'I PHYIR, DES NI PHYI ROL YANG MA YIN NO ZHE NA, MA YIN TE, PHYI ROL DANG RANG GI RNAM PA DAG LA GCIG PA NYID DU ZHEN PAS GNYI GA MA YIN PA'I DE KHO NA NYID DU RIG PA'I PHYIR RO, ,DE NYID LA PHYI ROL DU SGRO BTAGS PA YIN NA NI YANG DE DANG PHRAD PA'I PHYIR THUG PA MED PAR 'GYUR RO, ,DES NA RJES SU DPAG PA LA LTOS PA NI PHYIR YONGS SU BCAD ZIN PA ZLOS PA YIN NO, ,MNGON SUM LA YANG SKAD CIG NYID LA PHRAD PAR BYA BA NYID YIN PA'I PHYIR DE RIG PA YOD PA YIN NO, ,'O NA NI SHES PA GNYIS PA THOB PA MA YIN NAM, MA YIN TE, GCIG LA SHES PA GNYIS RIM GYIS PAR MI RIGS PA'I PHYIR RO, ,GNYIS PA NI GZHAN MA YIN NO ZHE NA, DE NYID DE DANG PHRAD PA YIN GYI GZHAN MA YIN PA'I PHYIR JI LTAR GNYIS PA YIN NO, ,'JIG RTEN PA'I MA YIN PA'I PHYIR SKAD CIG MA THA DAD PA'I SNGA MA LA YANG DE NYID DANG PHYI MA LA YANG DE NYID DU SHES PA'I PHYIR GNYIS PA NYID YIN NO, ,DE LTA NA YANG DE LA LTOS PA MA YIN TE, SNGA MA DANG BYE BRAG MED PA'I PHYIR RO, ,BRTAN PA NYID YIN NO ZHE NA, DE NI CI YANG MA YIN NO, ,DES NI DON BYED NUS PAR SHES PA YIN NO ZHE NA, MA YIN TE, SNGA MA KHO NAS DE DAG TZAM DU SHES PA'I PHYIR RO, ,MI GZHAN GYI SHES PA LA LTOS PAS NI SKAD CIG MA YANG SHES PA GNYIS PA RUNG BA NYID YOD PA'I PHYIR PHRAD PAR BYA BA NYID MA NYAMS PA YIN NO, ,DES NA PHA ROL PO'I BSHAD PA LA NI ZLOS PA NYID SPANGS PA MED DO, ,DE'I PHYIR YONGS SU BCAD NAS TE, DON DANG PHRAD PAR NI RANG GI NGO BO LA PHRAD PAR BYA BA NYID DU ZHEN PA STE, PHRAD PAR BYA BA LA 'JUG PA DANG, PHRAD PA DAG GI RGYU YIN PAR GSUNGS PA'I PHYIR SNGA MA NYID DAM PA MA YIN NO, ,MI BSLU BA CAN NYID TSAD MA NYID MA YIN NAM, SHES PA NI SHES PA GZHAN LA MI BSLU BAS TSAD MA YIN LA, DE YANG SHES PA GZHAN LAS MI BSLU BAS THUG PA MED PA'I PHYIR MI SRID PA YIN NO, ,DE BZHIN DU RMI LAM

, ,LA SOGS PA'I SHES PA LA YANG YOD PA'I PHYIR KHYAB CHES PA YIN TE, DGRA LA SOGS PA'I YUL LA YANG SHES PA GZHAN MI BSLU BA MED PA'I PHYIR KHYAB PAR BYED PA MA YIN NO SNYAM DU DOGS PA LA DE GNAS PA DE ZHES BYA BA SMOS TE, GNAS PA NI TSAD MA STE MI G-YO BA YIN LA, RMI LAM LA SOGS PA'I SHES PA STE, SAD PA'I GNAS SKABS LA SOGS PA LAS G-YO BA YIN NO, ,DE'I PHYIR KHYAB CHES PA MA YIN NO, ,RNAM PAR GNAS PA'I TSIG STE, GNAS PA'I SGRA SMOS PAS NI MI SRID PA NYID MA YIN TE, DON BYED PA'I SHES PA 'JUG PA'I BAR CHAD MED PA NYID KYIS RNAM PAR GNAS PA YIN PA'I PHYIR SHES PA GZHAN LA LTOS PA MA YIN PA DE NYID KYI PHYIR KHYAB PAR BYED PA MA YIN PA MA YIN TE, SGRA LA SOGS PA'I RANG GI NGO BO LA DMIGS PA NYID NI MTHAR THUG PAR 'DOD PA'I PHYIR RO, ,DON BYED PA'I SHES PA NI DRO BA LA SOGS PA NYAMS SU MYONG BA MI BSLU BA MA YIN NAM, DE YANG DE LAS GZHAN PA GANG YIN PA NI MED PA'I PHYIR GANG LA MI BSLU BA CAN NYID YIN, BDEN TE, DNGOS PO LA DBYE BA MED KYANG RTOGS PA'I DBYE BA LA MI RTAG PA NYID DAM BYAS PA NYID DAG GIS GTAN TSIGS DANG, GTAN TSIGS CAN NYID BZHIN DU MI BSLU BA DANG MI BSLU BA CAN NYID DU 'GYUR RO, ,PHRAD PAR BYA BA'I YUL LA TSAD MA NYID MA YIN NAM, SNGA MA LA NI RIGS NA PHYI MA LA NI MA YIN TE, PHRAD PAR BYA BA LA THA DAD PA MED PA'I PHYIR DANG, THA DAD PA MA YIN PA YOD PA YIN LA, SNGA MA NI DE LTA BU MA YIN TE, DES NA YANG PHYI MA TSAD MA NYID DU KHAS LEN PA YIN LA, SNGA MA NI MA YIN TE, DE LTA BU MED PA'I PHYIR RO, ,BDEN TE, PHYI MA NYID NI PHRAD PAR BYA BA LA BAR DU CHOD PA MED PA'I PHYIR TSAD MA YIN LA SNGA MA NI SHES PA'I CHA DANG, SHES BYA'I CHA DAG DANG GNYI GA'I YANG THA DAD PAR ZHEN PA YIN PA'I PHYIR THA DAD PA MED PA KHO NAR TSAD MA NYID KYI RGYU MTSAN YIN TE, DE YANG KHA CIG TU NI BDEN PA YIN LA, KHA CIG TU NI SGRO BTAGS PA NYID YIN NO, ,RJES SU DPAG PA NI PHRAD PAR BYA BA LA THA DAD PA MED KYANG SGRO BTAGS PA YIN TE, MNGON SUM MA YIN LA, GZHAN GYI DE MA THAG PA GZHAN MTHONG BA LAS 'BYUNG BA'I PHYIR RO, ,MNGON

SUM NI GAL TE YANG RANG GI NGO BO MTHONG BA LAS BYUNG BA DE LTA NA YANG, PHRAD PAR BYA BA DANG DE'I NGO BO DAG RJES SU DPAG PA'I NGO BO DANG PHRAD PAR BYA BA BZHIN DU THA DAD PA MED PAR ZHEN PA'I PHYIR TSAD MA LOG PA NYID YIN NO, ,'DI DAG TZAM NI MNGON SUM DANG RJES SU DPAG PA'I DBYE BA YIN NO, , MNGON SUM DANG CIG SHOS DAG GI SO SOR SNANG BA DAG GI RIG PAR BYA BA LA NI THA DAD PA YOD PA KHO NA YIN TE, PHRAD PAR BYA BA NYID KYIS RANG GI NGO BO RIG PA NYID NI MI BSLU BAR RIG PA YIN TE, MI BSLU BAR SHES PA NYID NI TSAD MA NYID YIN NO, ,DES NA DU BA LA SOGS PA TSAD MAR THAL BAR 'GYUR BA NI MA YIN NO, ,PHRAD PAR BYA BA LAS THA DAD PA'I MNGON PA'I NGA RGYAL GYIS DE RIG PA YANG DE RIG PA MA YIN PA'I PHYIR PHRAD PAR BYA BA'I RANG GI NGO BO LA DBYE BA MED PAR RTOGS NA, TSAD MA NYID KYI YAN LAG YIN NO ZHES BYA BA'I DGONGS PAS GANG LA GZHAN GYIS DON BYED CES BYA BA SMOS TE, SGRO BTAGS PA'I DBYE BA MED PA LAS BDEN PA'I DBYE BA MED PA PHUL DU BYUNG BA YIN ZHES BYA BA'I DON TO, ,SGRA LAS BYUNG BA STE, SGRAS SKYED PA'I SHES PA NI BSLU BA MA YIN PA'I BSAM PAS SMRA BA POS MNGON PAR BSAMS PA RTOGS PA'I DON DANG MTSUNGS PA'I RNAM PA'I MNGON PAR 'DOD PA STON PA'I PHYIR, GSAL BAR BYED PA'I PHYIR ZHES BYA BA NI 'DI'I DON MA YIN NAM, DE'I PHYIR 'DI LA KHYAB PAR BYED PA MA YIN PA BSAL BAR, JI SKAD BSTAN PA JI LTA YIN, ,GAL TE 'DI YI DON YIN NA, ,SMRA BA PO YI BYA BA YI, ,ZHES BYA BA LA SOGS PA'I DON GO BAR 'GYUR RO, ,'DIS NI DE NYID KYI DON GSAL BAR BYED PA YIN NO, ,'DI NYID KYIS CHOG MOD MI GSAL BA DES CI ZHIG BYA, BSHAD BYA DANG, BSHAD BYED NYID YIN NA YANG DON THA DAD PA NYID YIN NA NI MI RIGS SO ZHES BSTAN PA NI, SGRA'I YUL CAN GYI SHES PA NI ZHES BYA BA'O, ,GNOD PA MED PA CAN GYI RTOGS PA NI PHA ROL PO'I 'DOD PA MA YIN NAM, RANG GI NGO BO RTOGS PA TZAM GYIS ZHES BYA BAS DE RTOGS PA TZAM JI LTAR DGAG PA YIN, KUN DU RMONGS PA 'JIG RTEN PA MA YIN PA'I DON SMRA BA PO'I 'DOD PA BSAL BA'I PHYIR YANG MA YIN TE,

, ,DE RNAMS KYIS KYANG KUN DU RMONGS PA LA SOGS PA DANG BRAL BAR RTOGS PA'I YUL DU KHAS BLANGS PA'I PHYIR RO, ,DE NYID GNOD PA MED PA CAN GYI RTOGS PA ZHES BYA BA 'DIS BSTAN PA'I BYE BRAG MED PA'I RTOGS PA TZAM TSAD MA YIN TE, DE YANG YON TAN GYIS BSKYED PA MA YIN TE, SKYON LAS KYANG SKYE BA'I PHYIR RO, ,SKYON GYIS BSKYED PA YANG MA YIN TE, DE MED KYANG 'BYUNG BA'I PHYIR RO, ,DMIGS KYIS BSAL BAS 'BA' ZHIG DMIGS KYIS BSAL BA YIN PA'I PHYIR, SPYIR BTANG BA LAS BYUNG BA KHO NA TSAD MA YIN NO ZHES KHA CIG ZER RO, ,DE LA RANG GI NGO BO RTOGS TZAM GYIS, ,ZHES BYA BA SMOS TE, DE YANG DMIGS KYIS BSAL BA'I YUL YONGS SU SPANGS PA LAS YIN PA'I PHYIR, SPYIR BTANG BA'I YUL NYID MTHAR THUG PA YIN ZHES BYA BA'I DON TO, ,GNOD PA CAN MED PA TZAM LA BYE BRAG YIN GYI GZHAN NI MA YIN TE; SHES PA'I KHONGS SU GTOGS PA MA YIN NAM, DES NA DON DU GNYER BA PO YUL RTOGS PA TZAM LAS 'JUG PA YIN GYI BYE BRAG LAS NI MA YIN NO, ,TSAD MA MA YIN PA LA NI GNOD PA CAN GYI SHES PA GZHAN NAM, PHYI ROL GYI BYE BRAG LA LTOS PAR BYA BA YIN NA, 'DI LA YANG DE MED PA NI BYE BRAG YIN NO ZHES BYA BAR NI MI RIGS TE, GSOG TU GYUR PA'I PHYIR RO, ,SKYES PA'I DUS NYID NI RNYED PAR SLA BA NYID KYIS LTOS PA MED PA CAN YIN PA'I PHYIR RO, ,SKYES PA'I DUS NYID NA DE MED PA NI TSAD MA MA YIN PA LA YANG DE YOD PA YIN TE, PHRAD PA'I DUS NA YANG SKYES PA'I DUS SHES PA MA YIN PA'I PHYIR GNOD PA CAN YOD PA BZHIN DU DE MED PA LA YANG THE TSOM ZA BA YIN NA RTOGS PA DANG LDAN PA RNAMS 'JUG PA MA YIN NO, ,YUL RTOGS PA TZAM LAS 'JUG PA YANG MA YIN TE, TSAD MA MA YIN PA LA YANG YOD PA'I PHYIR RO, ,PHRAD PAR BYA BA'I YUL RTOGS PAR BYA BA YIN NO ZHE NA, MA YIN TE, DE SNGAR RANG GI DUS 'DZIN PA LAS 'BYUNG BA YIN ZHES BYA BAR NI MI RIGS TE, MNGON SUM NI YOD BZHIN PA LA DMIGS PAR BYED PA'I PHYIR RO, ,DES NA YANG DNGUL DU 'DZIN PA NI YUN RING PO GNAS PA NYID DU 'DZIN PA 'DI NI LEGS PAR SMRAS PA MA YIN

NO; ,PHRAD PAR BYA BA DANG RANG GI NGO BO DAG LA GCIG PA NYID DU ZHEN PA YOD KYANG, DE NI DE DAG GI 'BRAS BU NYID KYI RGYU MTSAN YIN TE, DE SHES NA 'BYUNG BA YIN PA'I PHYIR 'DI LTA BU'I YUL RTOGS PA LAS 'JIG RTEN PA 'JUG PA YIN GYI, KHYED KYIS SMRAS PA'I RTOGS PA TZAM LAS 'JUG PA NI MA YIN NO, ,RIG BYED LA NI DE MI SRID DO, ,DBANG PO'I YUL LAS 'DAS PA NYID KYIS PHRAD PAR BYA BA'I 'BRAS BU NYID MI SHES PA'I PHYIR RO, ,RJES SU DPAG PA LA NI RTAGS DE'I 'BRAS BU NYID SHES PA LAS RTOGS PA YIN ZHES BYA BA LA SOGS PA BSTAN PA YIN NO, ,YANG NA 'DI'I DPE NYE BAR DGOD PA NI DPER NA RTOGS PA TZAM NI TSAD MA MA YIN PA DE BZHIN DU GNOD PA MED PA'I RTOGS PA YANG KHYAB CHES PA'I PHYIR SNYAM DU DGONGS PA'O, ,DPER NA RTOGS PA TZAM NI RAB TU SBYOR BAR BYED PA MA YIN ZHING MNGON PAR 'DOD PA MA YIN LA, DE BZHIN DU GNOD PA MED PA NYID KYANG SKYES BU'I DON MA YIN PA'I PHYIR, RTOGS PA DANG LDAN PA RNAMS RAB TU SBYOR BAR BYED PA MA YIN NO ZHES BSTAN PA NI, RTOGS PA TZAM DANG 'BREL PA NI ZHES BYA BA'O, ,DE YANG MTSUNGS PA NYID DO ZHES BYA BA 'DI YANG RAB TU SBYOR BAR BYED PA MA YIN PA NYID KYIS ZHES BYA BA 'DI LA LTOS PAR BYA BA YIN NO, ,RAB TU SBYOR BAR BYED PA NYID MA YIN DU ZIN KYANG KHYAB CHES PA NYID JI LTAR YIN, GNOD PA MED PA RTOGS PA NI TSAD MA YIN TE, DNGUL LA SOGS PA'I SHES PA NI GNOD PA CAN YIN LA, PHYIS 'DI MA YIN NO ZHES PA LAS, DE'I 'OG TU YANG NYA PHYIS SU STE DE RNAMS LAS KYANG BAR MAS DANG PO BSAL NAS THA MAR NYA PHYIS KYI SHES PA NGES PAR BYED PA MA YIN LA, NYA PHYIS KYI SHES PAS KYANG DANG PO'I DNGUL DU SHES PA BSAL NAS, BAR MA 'DI MA YIN NO ZHES BYA BA NGES PAR BYED PA YIN TE, DES NA PHAN TSUN BSTEN PA MA YIN NO, ,DE YANG, RE ZHIG THA MAS DANG PO GNYIS,, BAR MAS DE BZHIN THOG MTHA' DAG ,YONGS GCOD DANG PO BSAL NAS NI, ,THA MA TSAD MA NYID YIN NO, ,ZHES SMOS PA'O, ,YANG 'DI RNAMS LAS GANG LA GNOD PAR BYA BA YIN, 'JUG PA'I NGO BO 'BRAS BU LA'O, 'BRAS BU LA CI ZHIG BYAS PA LAS GNOD PAR BYED

, ,PA YIN, GAL TE DE BYAS PAS GZHAN GYIS DE LA CI BYAR YOD, SHING LA SOGS PA RGYUN MI 'CHAD PAR 'BAR BA LA SOGS PAR SNANG LA 'BAR BA LA SOGS PA DE LAS GZHAN BTZAL BAR BYA BAR 'GYUR BAR THUG PA MED PAR 'GYUR RO, ,DE'I PHYIR 'BRAS BU LA GNOD PA BYED PA KHO NA GNOD PA YIN TE, DE YANG, SHES PA SNGA MA'I 'BRAS BU NI, ,RNAM GCOD PHYI MA GNOD BYED YIN, ,'BRAS BU 'JOMS PA GNOD BYED PA, ,YIN GYI KHYAD PAR CAN GZHAN MIN, ,ZHES SMOS PA'O, ,YANG YUL 'PHROG PA NI MA YIN TE DE MI NUS PA'I PHYIR RO, ,DE SKAD DU YANG, 'DAS PA YANG NI YUL LAS KYANG, ,RNAM GCOD NYID NI NUS MIN TE, ,RKUN POS NOR BLANGS NAS BYED BA, ,DE LAS DBROG PAR SU YIS NUS, ,ZHES SMOS PA'O, ,YANG YUL NGES PA NI 'JUG PA'I RGYU MTSAN YIN LA, RGYU MTSAN LA GNOD PA MED PA YIN NA, JI LTAR DE LA GNOD PAR BYED PA YIN, 'DAS PA'I YUL MED PA YANG SHES PAR BYED PAR NUS PA NYID KYI PHYIR YUL 'PHROG PA NYID GNOD PA YIN GYI GZHAN NI MA YIN NO ZHES BSTAN PA NI SAD PA'I SHES PAS ZHES BYA BA'O, ,BYE BRAG MA MTHONG BA LAS NYA PHYIS LA DNGUL GYI SHES PA SKYES PA YIN LA, DE LA GNOD PAR BYED PA NI BYE BRAG TU 'DZIN PA CAN YIN NO; ,DE YANG NYA PHYIS KYI SHES PA DANG, 'OG TU YANG DE'I BYA BA'I RJES SU 'BRANGS PA CAN 'DI NI MA YIN NO ZHES BYA BA NI 'JIG RTEN PA'I THA SNYAD KYI SHES PA'I RIM PA YIN PAS PHA ROL SMRA BA NI MA YIN NO ZHES BSTAN PA NI, GNOD PA ZHES BYA BA 'DI NI CI ZHIG CES BYA BA STE, YUL 'PHROG PAR NUS PA YIN NA, DE NYID GNOD PA CAN YIN NO ZHES BYA BA 'DI LA GAL TE GZHAN GYI YUL MED PAR ZHES BYA BA SMOS PA LA DON NI 'DI YIN TE, NYA PHYIS KYI SHES PA NI RANG GI YUL GYI NGO BO 'DZIN PA LA 'JUG PA YIN GYI GZHAN DU BYED PA NI MA YIN NO, ,DE YONGS SU GCOD CING DE LAS GZHAN PA RNAM PAR GCOD PA NI RIG PA YIN NO ZHE NA, SHES PA THAMS CAD DE LTA BU YIN PA'I PHYIR THAMS CAD GNOD PA CAN DU 'GYUR TE, DE LTAR YANG 'CHAD PAR 'GYUR BA YIN NO, ,DE'I PHYIR DON DAM PA'I GNOD PAR BYA BA DANG, GNOD PAR BYED PA NYID NI MED PA YIN LA DE MED PA'I PHYIR, GNOD

PA MED PA CAN NYID KYANG MA YIN ZHES BYA BA 'DIS KHYAB CHES PA GSAL BAR GYUR PA YIN NO, ,GAL TE 'DOD PA DANG PHRAD PA LA NYE BAR SBYOR BA NYID YIN PA'I PHYIR GNOD PA MED PA NYID NGES PAR KHAS BLANGS PA NYID YIN NA YANG, DE YANG GNAS PA STE MI G-YO BA YIN NO ZHES BSTAN PA NI 'DI NI DON BYED PA RNAM PAR GNAS PA MA YIN TE ZHES BYA BA'O, ,GNOD PA MED PA TZAM NYID NI THUG PA MED PA'I PHYIR MI SRID PA NYID YIN PAR BSTAN PA NI GNOD PA MED PA NYID CES BYA BA'O, ,'ON TE GNOD PA MED PA YIN NA, DON LA NGES PA SKYED PA'I TSAD MA NYID LA 'JUG PA'I YAN LAG MA YIN NAM, DE LA YANG GANG GI TSE DMIGS KYIS BSAL BAR DOGS PA DE'I TSE SNGA MA LAS BZLOG PA'I DON 'DZIN PA CAN GYI SHES PA GZHAN NI TSAD MA YIN LA, DE LA YANG DOGS PA YOD NA SHES PA BAR MAS BZUNG BA'I DON LAS BZLOG PA 'DZIN PA CAN GYI SHES PA GSUM PA DE NYID LAS SNGA MA TSAD MA NYID DU NGES PAS 'DI TZAM GYIS THA SNYAD BRJOD PA'I PHYIR SHES PA GZHAN BTZAL BAR BYA BA MA YIN NO, ,DE YANG, DE LTAR RTOGS BYED SHES PA NI, ,GSUM CHAR GSAL BA MA YIN TE, ,DE PHYIR GNOD PA SKYE MIN PA'ANG, ,GNOD PA CAN DU'ANG DOGS BYA MIN, ,ZHES SMOS PA'O, ,GNOD PA CAN LA YANG GNOD PA CAN DU SNANG BA'I PHYIR, GNOD PA CAN DU'ANG DOGS BYA MIN, ,ZHES CI'I PHYIR SMRAS SHE NA, RANG NYID GANG LA THE TSOM SKYES PA DE LA NI SHES PA GZHAN LAS LTOS PA YIN GYI, GANG LA MA SKYES PA DE LA NI NAN GYIS BSKYED PAR BYA BA MA YIN NO, ,GZHAN DAG NA RE NAN GYIS KYANG BSKYED PAR BYA BA YIN TE, DE YANG SHES PA GSUM BZHI SKYES BZHIN PA TZAM LAS LDOG PAR GZHAN DU MTHONG BA YIN LA, DE BZHIN DU 'DIR YANG 'GYUR BA YIN TE, DE KHO NA BZHIN DU MTHONG BA'I PHYIR RO, ,MA SKYES PA LA'ANG GNOD PA CAN, ,TSOL BA'I RMONGS PA GANG YIN PA, ,DE NI THA SNYAD THAMS CAD LA, ,YID GNYIS NGO BO ZAD DE 'GRO, ,ZHES BYA BA DANG, KUN TA'I BU RNAMS THE TSOM DANG, ,BCAS LA 'JIG RTEN 'DI DANG GZHAN, ,MED CES THE TSOM BDAG NYID CAN, ,KHYAB 'JUG GIS NI SMAD PA YIN, ,ZHES SMOS PA'O, ,RANG GI NGO BO RANG GIS RIG PAS

, ,PHRAD PAR BYA BA DANG 'BREL BA CAN RANG GIS RIG PAS TSAD MA NYID DU 'GYUR BA NI MA YIN TE, SHES PA LA SNANG BZHIN PA THAMS CAD PHYI ROL NYID DU SHES PA'I PHYIR RANG GI NGO BO MA YIN LA MA YIN PA NYID DU NGES PA YIN NO, ,PHYI ROL LA YANG KHA CIG LA DON MED PA'I PHYIR, NGES DBEN PA'I DON GYIS DMIGS KYIS BSAL BAR DOGS PA DANG BRAL BA YIN NA RANG NYID LAS YIN NO, ,PHYI ROL NYID DU SNANG BZHIN PA NI RANG GI NGO BO MA YIN TE, THAL CHES PA'I PHYIR RO, ,DMIGS KYIS BSAL BAR DOGS PA DANG BRAL BA YIN NA, SHES PAR BYA BA DON MA YIN PA MA YIN TE, RANG GI NGO BO LA YANG DE BZHIN DU THAL BAR 'GYUR BA'I PHYIR RO, ,DE BZHIN DU SHES PAR BYA BA YANG SKAD CIG NYID MA YIN TE, SNGA MA DANG PHYI MA'I DUS 'GAL BA MED PA CAN NYID DU SNANG BA'I PHYIR RO, ,GNOD PA CAN DU DOGS PA LDOG PA LA MI BSLU BA RGYU MTSAN MA YIN TE, GZHAN NYID 'JIG RTEN PA LA YOD PA'I PHYIR RO, ,DE YANG, GNOD PA CAN DON GNYER BA LA, ,GANG ZHIG GANG LA LTOS PA YIN, ,YUL DUS MI YI GNAS SKABS KYI, ,DBYE RNAMS THA SNYAD NYID LA NGES, ,ZHES SMOS PA'O, ,THAG RING PO NA GNAS PA NYID KYI PHYIR, GANG LA JI LTA BA BZHIN MTHONG BA MA YIN PAR DOGS PA DE LA THE TSOM LOG PA'I MTSAMS SRID DU, THAG NYE BAR PHYIN PA NYID YIN GYI DUS GZHAN LA SOGS PA LA SDOD PA NI MA YIN TE, SMIG RGYU LA SOGS PA'I SHES PA LTA BU'O, ,DE BZHIN DU DMAG GI DUS SU BA LANG NGAM RTA LA SOGS PAR THE TSOM ZA BA'AM, 'KHRUL PA GANG YIN PA DE LA NGES PAR GSAL BAR 'GYUR BA NI MTSAMS YIN NO, ,MTSAN MO SRIN PO ME KHYER YANG, ,ME DANG 'DRA BA KUN GYIS MTHONG, ,NYIN MO GSAL BAR MTHONG NYID KYIS, ,'KHRUL PA YIN PAR GO BA YIN, ,DE BZHIN DU, ZLA BA GNYIS DANG PHYOGS RMONGS DANG, ,RIG BYED YI GE DBYANGS SOGS RNAMS, ,SKYES BU GZHAN LA LEGS DRIS LAS, ,GZHAN PA NYID DU NGES 'DZIN 'GYUR, ,'DOD CHAGS ZHE SDANG MYOS DANG SMYO, ,BKRES SKOM SOGS KYIS DBANG NYAMS PAS, ,SHES BYA DON LA LOG RTOGS PA'I, ,PHYIN CI LOG RNAMS MED PAS SO, ,DE BZHIN PHRA BA BSKOR

BA LAS, ,'DRA BA SOGS RNAMS LA 'KHRUL NYID, ,RGYU YI PHYIN CI LOG GYUR LAS, ,GZHAN PA NYID DU NGES 'DZIN 'GYUR, ,DE LTAR RGYU YI SKYON RNAMS SU, ,GANG ZHIG GANG LA RTOGS 'GYUR BA, ,DE NYID YOD DANG MED PA LAS, ,DE LA BDEN DANG BRDZUN BLO DAG ,CES BYA BAR DOGS PA LA, DANG PO GNOD PA MED PA NI, ,ZHES BYA BA SMOS TE, DE NYAMS SU MYONG BA'I RANG GI NGO BO RIG PA YIN GYI, GZHAN YANG RIG PAR BYA BA NI MA YIN TE, RIG PA MED PA'AM GZHAN RIG PAR BYA BA NYAMS SU MYONG BA YIN NA DON RIG PA MA YIN PAR THAL BAR 'GYUR RO, ,NYAMS SU MYONG BA RIG PA NI DON RTOGS PA YIN NO, ,NYAMS SU MYONG BA'I DON RIG PAR JI SKAD BSTAN PA STE, DON GYIS SHES PA NI BLO SGRUB PAR BYED PA KHAS LEN PA YIN GYI BLO NI MA YIN NO ZHES BYA BA LA SOGS PA'O, ,DBANG PO'I BYA BA DANG DE'I NYE BAR ZHI BA DAG GI BAR GYI GNAS SKABS GANG YIN PA NI NYAMS SU MYONG BA YIN NO, ,DE LA THA DAD PA MA YIN PA NYAMS SU MYONG BA'I RANG GI NGO BO LA NI DBYE BA MED PA'I PHYIR THE TSOM ZA BA MA YIN LA, THA DAD PA YIN NA NI 'GYUR RO, ,BYUNG BAR GYUR PA YANG TSAD MA GZHAN GYIS LDOG PAR BYED PA YIN NA MI RIGS TE BYE BRAG MED PA'I PHYIR RO, ,DE NYID KYI DE NI RANG GI NGO BO BZHIN DU GSAL BAR NUS PA MA YIN TE, RANG GI NGO BO MA YIN PA'I PHYIR RO, ,DE'I PHYIR 'GRO BA THAMS CAD KYIS LONG LA THOB PA YIN NO, ,RANG GI NGO BO DANG PHRAD PAR BYA BA DAG RANG NYID LAS NGES PA YIN NO, ,MNGON SUM DANG MI DMIGS PA SGRUB PAR BYED PA LA 'KHRUL PA MED PA YIN NO, ,RANG GI NGO BO NYID NI PHRAD PAR BYA BA DANG 'BREL PA CAN NYID KYI YUL DANG DUS DANG MING DANG GNAS SKABS KYI DBYE BAS CI NAS KYANG THA DAD PAR BYED PA YIN GYI, PHYI ROL GYI DON MED PAR RIGS PA MA YIN TE, DE NI PHRAD PAR BYA BA DANG MTSAN NYID MI 'DRA BAR SHIN TU MA MTHONG BA'I PHYIR RO, ,PHRAD PAR BYA BA YANG RANG NYID RIG PAR BYA BA'I PHYIR RO, ,DE'I PHYIR PHYI'I DON DU SMRA BA LA NAM YANG THE TSOM LDOG PA YOD PA MA YIN TE, NGES PA MED PA'I PHYIR RO, ,MED CES THE TSOM BDAG NYID CAN, ,KHYAB 'JUG GIS NI SMAD PA YIN, ,ZHES BYA BA LA SOGS PA YANG DAD PA TZAM

, ,GYI RTZA BA CAN YIN GYI, 'DIR YANG DANG YANG BZLAS PAR 'OS PA NI MA YIN TE, GNAS SKABS MA YIN PA'I PHYIR RO, ,'DI LTAR YANG SHES PA GSUM PA LA GNOD PA CAN DU DOGS PA YIN GYI, RE ZHIG RANG NYID MA SKYES PA'I 'BRAS BU LA NI MA YIN TE, DANG PO MA SKYES PA NI DANG PO SHES PA LA YANG YOD PA'I PHYIR RO, ,'DIR NI PHYIS SKYES PA YIN NO, ,DE LA YANG PHYIS SKYE PAR MI 'GYUR PA JI LTAR YIN, 'O NA NI BYE BRAG MTHONG BA LAS YIN NO, ,MA YIN TE, BYE BRAG MED PA'I PHYIR RO, ,DE DAG TZAM GYI THE TSOM DANG BRAL BA NYID NI DANG POR BSGRUB PAR BYA BA YIN PA'I PHYIR DANG, DON LA MI BSLU BAR YANG KHAS MI LEN PA'I PHYIR RO, ,THE TSOM MA SKYES PA ZHES BYA BA 'DI YANG RTOGS PA DANG LDAN PA'I YUL LA MI SRID PA'I PHYIR DANG, BYE BRAG MA MTHONG NA DGAG PAR BYA BA MA YIN PA'I PHYIR THE TSOM SKYES PA YIN NO ZHES BYA BA'I DON TO, ,RANG GI NGO BO YANG GZHAN LA MI LTOS PAR NYAMS SU MYONG BA LA CIS THE TSOM MED PA YIN, DE NYID KYI NGO BO YIN PA'I PHYIR RO, ,PHYI ROL LA YANG GZHAN LA LTOS PAS NYAMS SU MYONG BA YANG DE NYID KYI NGO BO YIN TE, PHYI ROL GYI SHES PAS GO BAR BYA BA NYID LAS GZHAN PA'I NGO BO YOD PA MA YIN NO, ,YIN DU CHUG KYANG DE DAG TZAM GYIS PHYI ROL NYID YIN GYI, DE DAG TZAM GYIS TSAD MA NYID MA YIN TE, DE DAG TZAM NI TSAD MA YIN PA LA YANG YOD PA'I PHYIR RO, ,PHYI ROL TZAM GYI DON 'DIS NI RTZA BA BRJOD PA YIN TE, PHYI ROL GYI DON DU SMRA BA LA TSAD MA DANG TSAD MA MA YIN PA'I RNAM PAR DBYE BA MI SRID PA YIN NO ZHES BYA BA NI RTZOD PA'I GZHI YIN NO, ,RANG GI NGO BO DANG PHRAD PAR BYA BA DAG GI RANG NYID RIG PA'I NGES PA DAG GI 'KHRUL PA MED PA'I SHES PA NI RJES SU 'GRO BA DANG LDOG PA LAS RNYED PAR SLA BA YIN PAR YANG BSTAN ZIN TO, ,DUNG LA SER PO LA SOGS PA'I SHES PA NI JI LTAR SNANG BA LA MI BSLU BA MA YIN PA'I PHYIR RANG NYID THAMS CAD KYIS TSAD MA NYID MA YIN PA KHO NA'O ZHES BYA BA DE NYID BSTAN PA NI DUNG LA SER PO ZHES BYA BA LA SOGS PA STE, GANG YANG THA SNYAD LA 'JUG PA PO GANG ZHIG SER PO LA SOGS PA'I SHES PA LAS, LAN CIG MIN PAR MTHONG BA 'KHRUL PA CAN 'DI SNYAM DU SPYOD DE, GANG DU

'DI LTA BUR SNANG BA DER DBYIBS KYIS BSGRUB PAR BYA BA'I BYED PA DANG PHRAD PAR BYED PA YIN TE, DE KHO NA BZHIN DU SNGAR MTHONG BA'I PHYIR RO, ,DE BZHIN DU RAB TU BSGRUB PA YANG RJES SU DPAG PAR BYA BA NYID LAS 'DAS PA MA YIN TE, DE YANG RJES SU DPAG PAR BYA BA NYID YIN PAS RTOGS PA PO LA LTOS NAS TSAD MA DANG CIG SHOS NYID DU RNAM PAR GZHAG PA KHO NA YIN NO, ,DE NAS KHAS BLANG BA BYA BA 'DI NI THA NA SLOB MA'I RNAM PAR RTOG PA TZAM YOD PA TZAM LA MI BSLU BA YANG RTOGS PA MED PA 'DZIN PA YIN PA'I PHYIR RO, ,RNAM PAR RTOG PA DGA' YANG BDAG NYID THAMS CAD KYIS NI TSAD MA MA YIN PAR KHAS BLANGS PA YIN LA, DE BZHIN DU MA 'KHRUL PA 'DZIN PA LAS RTOGS PA PO LA LTOS NAS SER PO LA SOGS PA'I SHES PA YANG TSAD MA LA SOGS PA'I SHES PA NYID DU RNAM PAR GZHAG PA YIN NO, ,CI STE GANG ZHIG DNGOS PO NYID LA DBYE BA GNYIS MED PA DE NI TSAD MA YIN NA, DE LTAR NA RJES SU DPAG PA JI LTAR YIN, RJES SU DPAG PA NI 'KHRUL PA YIN NA YANG 'BREL PA YOD PA LAS TSAD MA YIN NO, ,MNGON SUM YANG SNGON PO'I YUL CAN NI SER PO LA SOGS PA LA TSAD MA MA YIN NO, ,DE YANG, GZHAN SGRUB BYED PA GZHAN NYID LA, ,SGRUB BYED LTAR SNANG YIN PAR BSHAD, , CES 'BYUNG BA'O, ,DES NA YANG TSAD MA DANG CIG SHOS KYI THA SNYAD CHAD PAR 'GYUR RO, ,DES NA GANG ZHIG 'DOD PA'I CHA LA 'KHRUL PA CAN MA YIN PA DE NI MA 'KHRUL PA YIN LA, GANG ZHIG DE LA 'KHRUL PA YOD PA DE 'KHRUL PA CAN YIN PA NI RNAM PAR DBYE BA YIN NO, ,DES NA MNGON SUM YANG; DUNG LA SER PO LA SOGS PA'ANG SHES PA CHA SHAS KYIS YIN NO ZHES GZHAN DU BSTAN PA YIN NO, ,'DIR YANG RJES SU DPAG PA YIN PA'I PHYIR RTZOD PA MED DO, ,TSAD MA NI DNGOS PO YUL LA MA YIN NAM, DBYIBS NYID NI DNGOS PO MA YIN TE, DU MA RNAMS LA GCIG TU SNANG BA'I SHES PA NI SHES PA'I BYA BA'I RJES SU 'JUG PA STE DBYIBS YIN LA, KHA DOG LA 'KHRUL PA YIN NA DE YANG 'KHRUL PA CAN YIN NO, ,JI SKAD DU, DBYIBS NI SO SOR SNANG BA'I CHOS SO ZHES SMOS SO, ,BDEN MOD KYI DBYIBS NI KHA DOG LAS THA DAD PA CAN MA YIN TE, KHA DOG GI BYE BRAG NYID

, ,YIN NO, ,KHA DOG CES BYA BA TZAM NI SHES PA'I RJES SU 'GRO BA CAN MA YIN, BUM PA LA SOGS PA'I BYE BRAG RNAMS SNANG BA'I PHYIR RO, ,DE LTAR YANG RTZOD PA'I RIGS PAR YANG, SOR MO RNAMS BRKYANG BA LAS KHU TSUR GZHAN MA YIN NO ZHES BYA BA LA SOGS BAS RGYAS PAR BSTAN PA YIN NO, ,DE NI 'DUS PA YIN NO ZHE NA, DE NYID DBYIBS YIN PAR KHO BO CAG GIS GO BA YIN NO, ,DUNG SER PO'I DBYIBS LAS DKAR PO'I DBYIBS GZHAN YIN PAS DES NA MI BSLU BA MA YIN NO, ,SNGON PO'I SKAD CIG 'DZIN PA CAN GYI SHES PA'I SKAD CIG GZHAN DANG PHRAD PA LA MI BSLU BAR MED PAR 'GYUR RO, ,SNGON PO MA YIN PA LAS LOG PA'I PHYIR GCIG NYID YIN NO ZHE NA, 'DI LA YANG DUNG GI DBYIBS MA YIN PA LAS LOG PA'I GCIG NYID YIN PA'I PHYIR MTSUNGS SO, ,SER PO MED PA NYID CES BYA BA YANG MI RIGS TE, DMIGS PA NI YOD PA YIN NO ZHES BSTAN PA DANG 'GAL PA'I PHYIR RO, ,KHA DOG LAS LDOG PA CAN NI DBYIBS KYANG MA YIN LA 'DUS PA YANG MA YIN NO, ,LJANG GU LA SOGS PA'I KHA DOG TZAM GYI DNGOS PO YIN NO, ,DE LTAR NA SNGON PO NI SNGON PO GZHAN LAS THA DAD PA MA YIN PAR 'GYUR LA, SER PO YANG SER PO GZHAN LAS SO, ,SHES PA GCIG GI YUL MANG PO RNAMS LA SHES PA'I BYA BA GCIG YIN PA'I PHYIR, DE'I RJES SU 'JUG PA TZAM NI DBYIBS YIN LA, RJES SU 'JUG PA LA BYE BRAG MED PA'I PHYIR DBYIBS LA BYE BRAG MED PAS 'GRO BA RNAMS KYI SNA TSOGS PAR SNANG BA'I YUL MED PAR GYUR BA'I PHYIR KHA DOG GI BDAG NYID 'DUS PA'I SNANG BA NI DBYIBS YIN LA, DE YANG KHA DOG GI BYE BRAG 'DUS BZHIN PA YIN NO ZHES DE DAG THAMS CAD BSTAN PA NI GANG GIS NAM YANG ZHES BYA BA'O, ,'JUG PA DANG MI 'JUG PA'I THA SNYAD KYI DBYE BA LAS, TSAD MA DANG CIG SHOS PA THA DAD PA YIN PA DE LTAR CI LAS SHES PAR BYA BA SNYAM PA LA, JI STE 'DI NI ZHES BYA BA STE RNA BA'I RNAM SHES NI SHES PA BZHIN NAM, SER PO'I SHES PA BZHIN DU PHRAD PAR BYA BA DAD THA DAD PA MED KYANG MNGON PAR 'DOD PA LA 'JUG PA'I MTSAMS SU NGES PAS NYAMS SU MYONG BA DE'I TSE YOD PA YIN PA'I PHYIR MA KHYAB PA MA YIN PAR BSTAN PA

NI SGRA'I YUL CAN GYI ZHES BYA BA STE, DE LTA NYID NI 'JIG RTEN PA'I THA SNYAD LA DPYOD PA DANG MTHUN PA YIN PAR BSTAN PA NI, GLUR BLANGS ZHES BYA BA STE, DRUG LDAN LA SOGS PA GLU THOS PA DANG, ROL MO LA SOGS PA MTHONG BA CAN GYIS MNYAN PA DANG LTA BAR MNGON PAR 'DOD PA YIN GYI, GZHAN NI MA YIN NO ZHES BYA BA'I DON TO, ,RNAM PAR GNAS PAR SMRA BA PO GNAS PA'I SGRA SMOS PAS THUG PA MED PA GSAL BA BZHIN DU MA KHYAB PA GSAL BA YIN TE, DNGOS SU NA KHYAB PA CAN YIN PAR BSTAN PA NI 'DI RANG GI NGO BO RIG PA LAS GZHAN PA ZHES BYA BA'O, ,SNGON PO LA SOGS PAS BSGOS PA LA SOGS PAS BYA BA'I MTHAR THUG PA NI, BDEN PA BZHIN DU RANG RIG PA'I MTHAR THUG PA MA YIN NAM, MA YIN TE, RANG GI NGO BO NI RANG RIG PA'I MTHAR THUG PAS DMIGS PA YIN GYI, GZHAN DU NI MA YIN NO, ,RIM GYIS GZHAN GYI MTHAR THUG PA YIN YANG ZHES BYA BA 'DI LA MNGON SUM NI MA YIN NO ZHES BSTAN PA NI, GZUGS LA SOGS PA LA YANG ZHES BYA BA STE, GZHAN LA NGES PA MED NA RANG GI NGO BO RIG PA TZAM GYIS NI MGU BA MA YIN PA'I PHYIR THA SNYAD 'GA' YANG MED PAR 'GYUR RO, ,THA SNYAD MA NYAMS PAR MTHONG BA NYID KYI PHYIR DON DAM PA'I THA SNYAD LA GZHAN DU MI 'THAD PAS DON DAM PA PA'I BYA BA'I MTHAR THUG PA NYID 'DZIN PA YIN NO, ,DE'I RANG GI NGO BO RANG RIG PA LAS ZHES BYA BAS GZHAN SHES BZHIN DU GZHAN LA 'JUG PA YIN NA NI THAL CHES PAR 'GYUR RO SNYAM DU DOGS PA LA LAN DU, DE'I PHYIR ZHES BYA BA STE, MNGON SUM GYI BYA BA NI RANG GI NGO BO RIG PA KHO NA YIN LA GZHAN DU NGES PA'I RTOGS PA NI DE NYID LA GNOD PA CAN MA YIN NO, ,THA SNYAD NI SO SOR SNANG BA MA YIN PA LA 'BYUNG BAR 'GYUR BA'I GZUGS LA SOGS PA DAD, REG PA LA SOGS PA'I YUL GZHAN LA YANG RTOGS PA'I NGO BO'I RGYU NYID YIN PA'I PHYIR DANG, TSOGS PA GCIG LA RAG LAS PA LAS, GCIG PA NYID DU ZHEN PA NI SHES PA KHO NA DE'I SHES PA YIN TE, RJES SU DPAG PA DANG MTHUN PA'I THA SNYAD 'BYUNG BA'I PHYIR, DON GYI SHUGS KYIS ZAD PA YIN ZHING, THAL CHES PA YANG MA YIN NO SNYAM DU DGONGS PA'O, ,SNGAR SHES PA NYID PHYIS SHES

, ,PAR 'GYUR BA NYID MA YIN NAM, DUS KYI DBYE BAS NGO BO'I DBYE BAR SNANG BA MA YIN PA'I PHYIR RO, ,DE BZHIN DU MTHONG BA NYID REG PAR BYED PA YIN TE, MTHONG BA DANG REG PA DAG DON GCIG LA 'DZIN PA'I PHYIR RO ZHE NA, DE LTA NI MA YIN NO, ,'DAS PA YIN NO ZHE NA, RTOGS PAR 'GYUR BZHIN PA LA 'JUG PA NI MA YIN TE, SO SOR SNANG BA THA DAD PA'I PHYIR RO, ,JI LTA BUR MTHONG BA LA DE LTA BUR REG PAR SNANG BA NI MA YIN NO ZHES BSTAN PA NI, 'BYUNG 'GYUR DON ZHES BYA BA'O, ,DE LTA NA REG PA'I YUL LA LHAG PAR SGRO BTAGS PA YIN GYI, GZUGS LA NI JI LTAR MTHONG BA PHRAD PAR BYA BA YIN PA'I PHYIR, DON DAM PA PA NYID KYI TSAD MA KHO NA YIN NO, ,MA YIN TE, MTHONG BA THA DAD PAS SNANG BA THA DAD PA LAS NYAMS SU MYONG BA THA DAD PA YANG DNGOS PO RNAMS KYI DBYE BA YIN PAR BSTAN PA NI, JI LTAR YANG ZHES BYA BA STE, MTHONG BA KHO NA LA LTA BA YIN NO ZHES BYA BA'I MNGON PA'I NGA RGYAL CAN LA NI GCIG PA NYID YIN LA, GZUGS DANG REG PA DAG LA YANG MTHONG NGO REG GO ZHES BYA BAR SHES PAR MTSUNGS PA YIN GYI, YAN LAG CAN LA DE BZHIN DU SHES PA NI MA YIN NO, ,DE DAG NYID LA DE LTAR DRAN PA LAS, GZHAN DANG GZHAN DRAN PA'I PHYIR ZHES BSTAN PA NI LHAG PAR SGRO BTAGS PAS NI ZHES BYA BA'O, ,DA NI LHAG PAR SGRO BTAGS PA'I RGYU MTSAN BSTAN PA NI, DE LA 'BYUNG BAR 'GYUR BA ZHES BYA BA NI, SO SOR SNANG BA 'DI'I RGYU 'BYUNG BAR 'GYUR BA'I NGO BO NYID NI DE'I RGYU YIN PA DES NA DE'I NGO BO NYID NI DE NYID DE, GZUGS SKYED PAR BYED PA'I TSOGS PA REG PA DANG LHAN CIG PA DANG, REG PA SKYED PAR BYED PA YANG GZUGS DANG LHAN CIG PA LAS 'BYUNG BAR 'GYUR BA'I GZUGS SKYED PAR BYED PA YIN LA, DES NA GZUGS BZHIN DU REG PA'I YANG 'BRAS BU YIN NO ZHES TSOGS PA CIG LA RAG LAS PA'I PHYIR, GCIG PA NYID DU SGRO BTAGS PA YIN PA'I PHYIR, 'DIR RIG PA NI DE RIG PA KHO NA YIN NO ZHES THA SNYAD PA LA RIG PAR BYA BA DANG RIG PAR BYED PA GCIG PA NYID LA MI BSLU BA YIN PA NI, DU BA LA SOGS PA THAL CHES PAR 'GYUR BA MA YIN TE, 'BRAS BU DANG RGYU DAG

THA DAD PAR MNGON PAR ZHEN PA'I PHYIR RO, ,RJES SU DPAG PA DANG RJES SU DPAG PAR BYA BA DAG LA THA DAD PAR MNGON PAR ZHEN PA MED PA'I PHYIR, SNGA MA BZHIN DU GCIG PA NYID KHO NA YIN NO, ,'BYUNG BAR 'GYUR BA'I REG PA LA SOGS PA DE'I BDAG NYID LA DA LTAR GYI REG PA LA SOGS PA DE'I BDAG NYID DU SGRO BTAGS PA YIN PA'I PHYIR, DA LTAR GYI SHES PA DE'I SHES PAR 'GYUR PA YIN NO, ,RIG PA GANG YIN PA KHO NA RGYU YIN PAR 'BYUNG BAR 'GYUR BA LA SGRO BTAGS PA'I SHES PA DE LA 'BYUNG BAR 'GYUR BA'I SHES PA BRJOD DO, ,DES NA DE LTAR SNGON POR STON PA'I TSIG NI NGES PAR MNGON PAR BSAMS PA'I DNGOS PO RIG PA YIN NA RANG GI NGO BO RIG PA MI BSLU BA 'THOB PA YIN PA'I PHYIR, GAL TE DON RIG PA TZAM MI BSLU BA YIN PA DE LTA NA, SMIG RGYU LA CHUR SHES PA YANG TSAD MAR 'GYUR RO, ,'ON TE RGYU THA DAD PA SKYED PAR BYED PA'I DON RIG PA YIN NA NI SNAM BU'I RIGS PA LAS BUM PA'I SHES PA TSAD MAR 'GYUR RO, ,'ON TE RGYU THA DAD PA MA YIN PA SKYED PAR BYED PA YANG, NYA PHYIS LA DNGUL GYI SHES PA PHYI MA'I RGYUN GYIS SKYE BZHIN PA JI SNYED PA MI BSLU BA CAN YIN PA'I PHYIR TSAD MAR 'GYUR RO, ,'CHI KHA MA'I DNGOS PO'I SHES PA YUL DE LA RIG PA PHYI MA MED PA LA MI BSLU BA CAN MA YIN PA'I PHYIR TSAD MA MA YIN PAR 'GYUR RO, ,DE YANG, LAN CIG SKYES NAS RNAM 'JIG PA'ANG, ,DON LA TSAD MA NYID MIN 'GYUR, ,RNA BA'I SHES PA'ANG GZHAN RNAMS DANG, ,'BREL PA MED PAS TSAD MIN 'GYUR, ,'DI NI RNA BA'I SHES GZHAN LA, ,MI BSLU BAS NA TSAD MAR GRUB, ,CE NA DES BSKYED REG BYED KYANG, ,RNAM SHES GZHAN DANG 'BREL PHYIR RO, ,ZHES SMOS PA'O ZHES PHA ROL POS GANG SMRAS PA DE BSAL BA'I PHYIR, GANG LA DON BYED PA THA DAD PAR MNGON PAR 'DOD PA ZHES BYA BA LA SOGS PA NAS, MNGON PAR 'DOD PA LA MI BSLU BA MED PA'I PHYIR RO ZHES BYA BA'I BAR GYIS BSTAN PA YIN NO, ,MNGON PAR BSAM PA'I DNGOS PO REG PAR RIG PA NI MI BSLU BA YIN GYI RIG PA TZAM NI MA YIN LA, RIGS MTHUN PA DANG RIGS MI MTHUN PA'I RGYU SKYED PAR BYED PA RIG PA TZAM YANG MA

, ,YIN NO, ,'CHI KHA'I SHES PA NI RANG GI NGO BO RIG PA TZAM LA TSAD MA NYID YIN TE, DE TZAM GYI KHO NA RIG PA YIN PA'I PHYIR RO, ,PHRAD PAR BYA BA LA NI DE MED PA'I PHYIR TSAD MA MA YIN PA KHO NA'O ZHES BYA BA'I BSAM PA NI BSDU BA'I TSIGS SU BCAD PA'O, ,DE LTAR NI 'GYUR NA MI BSLU BA CAN NYID NI TSAD MA NYID YIN LA, DE YANG KHA CIG THA DAD PA MA YIN PA LA YANG LDOG PAS BYAS PA'I THA DAD PA YOD LA, THA DAD PA LA YANG MNGON PAR 'DOD PAS BYAS PA'I THA DAD PA MED PA YOD PA'I PHYIR, KHUNG BU DU MA 'GEGS PAS NYAM THAG PA YIN NO, ,GNOD PA MED PA'I RTOGS PA NYID NI GZHAN LA LTOS PA MA YIN PA'I PHYIR SKYON 'DI MED DO, ,DE YANG, TSAD MA 'DZIN PA'I SNGON ROL DU, ,RANG GI NGO BOS RAB TU GNAS, ,RANG DON DE LA LTOS BCAS MIN, ,DPAG BYA DPAGS PAS GO BA YIN, ,ZHES SMOS PA'O, ,CI STE GNOD PA CAN NYID NI TSAD MA NYID MA YIN TE, DE YANG GZHAN LA LTOS PA YIN NO, ,MA YIN TE, THE TSOM DANG SHES PA DAG NI GZHAN LA MI LTOS PA'I PHYIR RO, ,'ON TE LOG PA'I SHES PA YIN NA DE LA YOD PA NI BDEN MOD KYI, 'ON KYANG DON GZHAN SHES PA YIN GYI DE NYID SHES PA KHO NA NI MA YIN TE, DNGOS PO MED PA'I SHES PA'AM, RGYU LA RKYEN YOD PA'I SHES PA YANG RUNG STE LTOS PAR BYA BA YIN NO, ,DE YANG RANG NYID KHO NA LAS YIN PA'I PHYIR MI MTHUN PA MED PA YIN NO SNYAM DU SEMS PA LA, GNOD PA CAN GYI SHES PA YANG ZHES BYA BA SMOS SO, ,'DIR DON NI 'DI YIN TE, DANG PO GNOD PA MED PA NI SHES PA THAMS CAD LA YIN LA, DUS PHYIS GNOD PA MED PA YIN NA GNOD PA MED PA'I SHES PA DE LA YANG DUS PHYIS GNOD PA MED PA'I SHES PA GZHAN LA LTOS PAR BYA BA YIN LA, DE YANG GZHAN LA YIN PA'I PHYIR DANG, 'JUG PA'I MTHAR THUG PA KHAS MI LEN PA'I PHYIR THUG PA MED PA NYID YIN PAR BSHAD ZIN TO, ,'DI LTAR YANG, GNOD PAR MI BYA BA NYID NI GNOD PAR BYA BA MA YIN PA YIN LA, GNOD PAR BYA BA NYID KYANG GZHAN LA LTOS PA YIN ZHING, GZHAN YANG DON GZHAN SHES PA KHO NA YIN TE, SKYON MED PA DANG SHES PA DAG GI BDAG NYID THOB PA

YANG DE LA LTOS PA'I PHYIR RO, ,DE NYID KYIS NA GANG KHO NA SHES PA SNGA MA YUL LOG PAR 'DZIN PA CAN LA DE THAMS CAD GNOD PA CAN DU 'GYUR RO, ,DE BZHIN DU BUM PA'I SHES PA LA YUL LA LOG PAR 'DZIN PA CAN GYI SNAM BU'I SHES PA DANG, NYA PHYIS LA DNGUL DU 'DZIN PA'I SHES PA BZHIN DU BUM PAR 'DZIN PA LA YANG GNOD PA CAN DU 'GYUR TE, BYE BRAG MED PA'I PHYIR RO, ,'ON TE GNOD PAR BYA BA NYID DU MNGON PAR 'DOD PA YIN NA, YUL GCIG NYID GNOD PAR BYA BA NYID YIN GYI THAMS CAD LA NI MA YIN NO, ,YUL GCIG NYID DAM GNOD PAR BYA BA LA MNGON PAR 'DOD PA CAN YIN PA DE LTA NA, DE LA LTOS PA YANG GNOD PAR BYA BA MA YIN PA NYID YIN LA DE DANG MTHUN PA YIN PA'I PHYIR DE JI LTAR DON DAM PA PA YEN, 'DI NI DE LTA MA YIN ZHES BYA BA'I SHES PA DANG LHAN CIG PA NI LOG PAR 'DZIN PA LA GNOD PA CAN MA YIN NAM, THAMS CAD NI MA YIN NO, , DES NA GAL TE MIN CES BYA BA BAS THAL CHES PA MA YIN LA, DON DAM PA PA MA YIN PA YANG MA YIN NO SNYAM DU SEMS PA LA, LAN DU MIN NO SNYAM DU SHES PA DE NYID CES BYA BA STE, MEN CES PA 'DI YANG LOG PAR 'DZIN PA TZAM GYI RGYU MTSAN YIN GYI, GZHAN NI MA YIN NO ZHES BYA BA'I DON TO; ,DNGOS PO MED PA'I TSAD MA LAS 'DI NI DE LTA MA YIN NO ZHES 'GYUR BA MA YIN NAM, LOG PAR 'DZIN PA LAS NI MA YIN TE, DE YANG, TSAD MA RNAMS KYIS MA SKYES PA, ,DNGOS PO MED PA'I TSAD MAR BSTAN, ,DE BDAG NYID YONGS SU GYUR PA'AM, ,RNAM SHES KYANG RUNG DNGOS GZHAN LA, ,ZHES PA'O, ,DE YANG 'DI NI DE LTA MA YIN ZHES BYA BA THAMS CAD LA SKYED PAR BYED PA MA YIN TE, 'ON KYANG, YOD PA NYID KYI DNGOS BZUNG BAS, ,DRAN NAS RAB TU SBYOR BA CAN, ,DE LA GNOD PA NYID YIN GYI, GZHAN LA NI MA YIN PA'I PHYIR THAL CHES PA MA YIN NO SNYAM DU SEMS PA LA, DNGOS MED MTSAN NYID CES SMOS TE, PHA ROL PO'I 'DOD PA 'DI NI MI RIGS TE, DNGOS PO MED PA NI TSAD MA MA YIN TE, SHES PA MA BSKYED PA TZAM BDAG NYID YONGS SU GYUR PA'I SGRA'I BRJOD PA BYA BA NI, GNYID MTHUG PO LA SOGS PA'I GNAS

, ,SKABS NA YANG YOD PA'I PHYIR RO, ,DNGOS PO NI GZHAN GYI SHES PA NI MA YIN NO, ,DE YANG, GZHAN NI DNGOS PO GZHAN LAS YIN LA, DE SHES PA NI DNGOS PO MED PA'I TSAD MA MA YIN TE, DNGUL GYI SHES PA LA NYA PHYIS KYI SHES PA BZHIN DU BYE BRAG MED PAR BUM PA'I SHES PA LA YANG DE LAS GZHAN PA'I SHES PA GNOD PA CAN NYID DU THAL BAR 'GYUR BA'I PHYIR RO, ,DGAG PA YANG DGAG PAR BYA BA DANG 'BREL PA SHES PAR BYA BA'I PHYIR TSAD MA MA YIN NO, ,'DI NA BUM PA MED CES BYA BA YANG, SA PHYOGS 'DI NA BUM PA YOD PAR GYUR PA GANG YIN PA DE MED PA YIN GYI, 'DI NA MED CES SA PHYOGS DANG 'BREL PA CAN NYID MA YIN TE, 'DI SA PHYOGS KYI DGAG PA NI MA YIN NO, ,YANG NA DGAG PAR BYA BA DE NYID 'DI NA MED DO ZHES YUL GYI BYE BRAG NYID KYI SHES PA NI TSAD MA YIN PA'O, ,RE ZHIG DGAG PAR BYA BA LA DANG POS PHYOGS KYI MTHAR THUG PA MA YIN LA, YUL GYI BYE BRAG NYID KYIS MA YIN TE 'BREL PA MED PA'I PHYIR RO, ,DNGOS PO DANG DNGOS PO MED PA DAG GIS PHRAD PA 'AM 'DU BA YANG MA YIN TE, DE DAG GI RDZAS DANG YON TAN LA SOGS PA YUL YIN PA'I PHYIR DANG GZHAN YANG MED PA'I PHYIR RO; ,BYE BRAG LA SOGS PA NYID KYANG DMIGS PA CAN ZHES BYA BA LA SOGS PA PHRAD PA LA SOGS PA'I RGYU MTSAN LAS YIN GYI, 'BREL PA LAS NI BYE BRAG NYID YIN TE, PHRAD PA LA SOGS PA MTSAN NYID MI MTHUN PA DE MED PA'I PHYIR RO, ,YOD DU ZIN KYANG PHRAD PA LA SOGS PA'I RTOGS PA LA DON MED PA'I PHYIR BYE BRAG DANG 'BREL PA MED PA'I DNGOS PO YOD PA LA YANG 'GYUR RO, ,BRJOD PAR 'DOD PA YANG RGYU MTSAN YOD NA YIN TE, DE TZAM LAS BYUNG BA NI DNGOS SU MA YIN PA'I PHYIR RO, ,'ON TE DNGOS PO DANG 'BREL PA LAS YIN NA DE'I DNGOS PO MED PA LAS KYANG YIN TE, PHA DANG 'BREL PA NI BU LAS YIN PA BZHIN NO, ,DE NI BDEN MOD KYI NYE BAR BTAGS PA TZAM YIN LA, 'DI NI DON DAM PA'I TSAD MA'I DBANG DU BYAS PA YIN NO, ,GRAGS PA NI GZHAN DU YIN NO ZHES 'CHAD PAR 'GYUR RO, ,DGAG PAR BYA BA'I YANG MA

YIN TE, DGAG PA'I DUS SU DE MED PA'I PHYIR RO, ,'BREL PA CAN MED NA 'BREL PA DE NYID MED PA YIN TE, SO SOR SNANG BA MA YIN PA'I PHYIR ZHES DGONGS PA'O, ,BUM PA MED DO ZHES DRAN BZHIN PA NA BUM PA DANG 'BREL PA CAN DGAG PAR SHES PAR BYA BA MA YIN NAM SNYAM DU SEMS PA LA; DNGOS PO MED PA'I RANG GI NGO BO ZHES BYA BA SMOS SO, ,BUM PA DRAN PA NA GAL TE RANG GI NGO BO SHES PA YIN PA DE LTA NA, DE DANG 'BREL PA CAN NYID BKAG PA MA YIN PAR 'GYUR TE 'GAL BA'I PHYIR RO, ,DE'I RANG GI NGO BO RTOGS PA MED NA YANG DE DANG 'BREL PA NYID MED PA YIN LA, DE RTOGS PA NI YOD LA, DE NI MED PA DE LTA NA YANG DE DANG 'BREL PA CAN NYID MA YIN LA MED PA LAS YOD PA RTOGS PA MA YIN TE, DE NI YUL MA YIN PA'I PHYIR RO, ,'ON TE BDAG NYID KYIS NYAMS SU MYONG BA'I SPYI DRAN PA YIN NA DES 'PHANGS PA'I BYE BRAG DNGOS PO MED PA'I TSAD MA DANG LHAN CIG TU DGAG PAR BYED PA YIN NO, ,DE LA NI MA RTOGS PA LAS NI ZHES SMOS TE, RE ZHIG RANG GI NGO BO BYE BRAG 'PHEN PAR NUS PA NI MA YIN GYI, SPYIR NI YIN NO, ,DE'I TSE YANG NA DNGOS PO MED PA NI DNGOS PO DANG 'BREL PA CAN NYID MA YIN TE, MA RTOGS PA'I PHYIR RO, ,RTOG PA YIN DU CHUG KYANG SNGA MA BZHIN DU THAL BAR 'GYUR RO, ,BDEN MOD KYI SO SOR SNANG BA CAN NI DNGOS PO DANG DNGOS PO MED PA DANG 'BREL PA MA YIN PA NYID YIN TE, KUN RDZOB TU 'BRAS BU DANG RGYU NYID LTA BU YIN NO, ,JI LTAR YANG, 'DAS PA DANG MA 'ONGS PA YANG RUNG, RTEN 'BREL LAS 'BYUNG BA'I 'BRAS BU DMIGS PA YIN PA DE BZHIN DU DNGOS PO LA DNGOS PO MED PA YIN PAR YANG SEMS PA LA, JI STE RGYU DANG 'BRAS BU YI, ,ZHES BYA BA SMOS TE, 'BRAS BU NYID LA SOGS PA BZHIN DU DNGOS PO MED PA DANG 'BREL PA YANG DNGOS PO MED PAR NGES PA YIN TE, CIG CAR MA YIN BA NYID DU 'GAL BA MED DO ZHES BYA BA'I DON TO, ,LAN NI GTAN MED PA ZHES BYA BA STE, YOD PA'I DNGOS PO MED PA NI ZHIG NAS MED PA YIN LA, 'BYUNG BAR 'GYUR BA'I DNGOS PO NI SNGA NAS MED PA YIN PAS, 'BRAS BU NYID DANG MTSUNGS PAR DMIGS PA YIN NA YANG GTAN MED PAR

, ,JI LTAR YIN TE, DE SHES PA LA YANG RIG BA GZHAN BTZAL BAR BYA BA YIN LA, DES NA ZHIG NAS MED PA LA SOGS PA LA YANG DE NYID KYIS CHOG PA'I PHYIR, 'BRAS BU NYID KYI RIGS PA KHYAB PAR BYED PA MA YIN PAS CI SOGS ZHES BYA BA'I DON TO, ,GTAN MED PA YANG GCIG LA GCIG MED PA NGES PA YIN GYI 'DI NYE BAR BTAGS PA NI MA YIN TE, THAMS CAD NYE BAR BTAGS PAR THAL BAR 'GYUR BA'I PHYIR RO, ,NYE BAR BTAGS PA LAS GZHAN PA NYID DU NI GTZO BO YIN PA'I PHYIR KHYAB PAR BYED PA MA YIN PA 'BA' ZHIG NI MA YIN TE, MI SRID PA YANG NGO BO ZHES BSTAN PA NI, GZHAN YANG RGYU 'BRAS DAG GI ZHES BYA BA SMOS TE, ME DANG DU BA DAG LA RIM GYIS DMIGS PA LA RJES SU 'GRO BA LA SOGS PA LAS 'BRAS BU LA SOGS PAR RTOGS PA YIN TE, TSAD MA'I RTZA BA YIN PA'I PHYIR RO, ,DNGOS PO MED PA DANG 'BREL PA RIG PA NI TSAD MA MA YIN TE, DNGOS PO MED PAR RIG PA'I RTOGS PA LAS BYUNG BA YIN PA'I PHYIR ZHES BYA BA'I DON TO, ,DNGOS PO DANG 'BREL PA BZHIN DU DNGOS PO MED PA'I RANG GI NGO BO YANG DNGOS PO MED PA RTOGS PA YIN NO SNYAM DU SEMS PA LA, GAL TE, DE LA DNGOS PO MED PA YI; ,ZHES BYA BA STE, 'BRAS BU NI GZHAN DU MI 'THAD PA YIN PAR RTOGS PA'I RGYU NYID KYIS MIG LA SOGS PA LA SNANG BA YIN LA, DE BZHIN DU DNGOS PO MED PA YANG 'BREL PA CAN YIN PA KHO NAR DNGOS PO MED PA'I TSAD MAS RTOGS PA YIN NO ZHES BYA BA'I DON TO, ,LAN DU GANG GI DNGOS MED CES BYA BA LA SOGS PA NI BZHAD GANG DU BYED PA STE, GZUGS KYI SHES PA NI RGYU MA GTOGS PAR MI 'BYUNG BA'I PHYIR, MIG NI DE NYID LA RJES SU DPOG PAR BYED PA YIN PAR NI RIGS TE, 'BRAS BU NI DE LA MI 'KHRUL PA'I PHYIR RO, ,DNGOS PO MED PA NI DE LTAR MA YIN TE, TSAD MA MED PA'I PHYIR RO, ,NGES PA MED PA'I SHES PA'I RGYU MTSAN LAS BYUNG BA NI DE LTA MA YIN NO, ,TSAD MA 'JUG PA NA DON YOD PA NYID DU SHES PAR BYED PA YIN LA, DE LDOG PA NI MED PA NYID DU SHES PAR BYED PA MA YIN NAM, 'DI NI DE BSAL BA YIN TE, TSAD MA YOD PAS

GZHAL BYA YOD PA KHYAB PA MA YIN PA'I PHYIR RO, ,TSAD MA THAMS CAD LOG PA NI MED PAR RTOGS PAR BYED PA MA YIN PA MA YIN NAM, 'ON KYANG GANG LA MED DO ZHES BYA BA'I SHES PA SKYE BA DE NI DNGOS PO MED PA'I TSAD MA YIN NO, ,GNYID LOG PA LA SOGS PA LA NI DE MED PA YIN TE, DE YANG, DNGOS PO MED PA 'DZIN PA NI, ,ZHES SMOS PA'O, ,DE DANG GNYID LOG PA LA SOGS PA LA BYE BRAG CI YANG MED DO, ,DGAG PAR BYA BA DRAN PA DANG DNGOS PO LAS GZHAN PA 'DZIN PA DAG DOR BA STE, DE DAG NI DE'I BYE BRAG MA YIN TE, RANG BZHIN MED PA'I PHYIR RO ZHES BSTAN PA NI; DE NI DNGOS PO'I RIGS MED PAR ZHES BYA BA'O, ,RANG BZHIN MED PA NYID KYANG TSOGS PA CAN NYID YIN PAS DE DAG GI BYE BRAG YIN TE, DE LA RTOGS PA SKYED PAR BYED PA CAN GYI TSAD MA LDOG PA LA LHAN CIG BYED PA DE DAG YIN PA DE BSTAN PA NI, GAL TE DE 'DIR TSOGS BA CAN ZHES BYA BA STE, YUL LA SOGS PA'I DNGOS PO GZHAN 'DZIN PA'I LHAN CIG PA YANG TSAD MA LDOG PA NI DE DANG MTHUN PA'I YUL YIN GYI, BSKAL PA PA'I YUL LA NI MA YIN NO ZHES BSTAN PA YIN NO, ,DE YANG, YOD PA NYID KYI DNGOS BZUNG NAS, ,DRAN NAS RAB TU SBYOR BA LA, , MED PA NYID CES RTOGS PA NI, ,DBANG PO LA LTOS MIN PAR SKYE, ,ZHES SMOS PA'O, ,DE LTA BU'I TSAD MA LOG PA NI SHES PA GZHAN NYID YIN TE, MTSAN NYID MI MTHUN PA'I PHYIR RO, ,DE'I BUM PA MED PA NYID KYANG DE LAS GZHAN PA NYID YIN PA'I PHYIR TSAD MA YANG MA YIN GZHAL BYA YANG MA YIN NO, ,DE BSTAN PA NI, DNGOS PO MED PAR NGES PA YIN ZHES BYA'O, ,BUM PA MED PA NYID NI SA PHYOGS NYID MA YIN PA LA YIN NAM, DE NI BUM PA YOD KYANG YOD PA'I PHYIR RO, ,'BA' ZHIG PA NYID KYANG SA PHYOGS LAS THA MI DAD PA'I PHYIR DE LAS THA DAD PA YOD PA MA YIN PA NYID DU RANG GI SHES PAS 'DZIN PA YIN, SHES PA LDOG PA NI SHES PA GZHAN LAS THA DAD PA CAN DU 'DIS SMRAS PA LA, 'DI MED CES BYA BA'I SHES PA NI ZHES BYA BA SMOS SO, ,MI DMIGS PA'I TSAD MA NI GZHAL BYA BUM PA MED PA NYID YIN TE, RANG RANG GI TSAD MA JI LTA BA RNAMS KYIS

, ,NGES PAR BYED DO, ,DANG PO NI MNGON SUM LAS YIN LA, DE'I 'OG TU ZHES BYA BA NI KHYAB PAR BYED PA MI DMIGS PA'O, ,PHYI ROL NYID KYIS NI SHES PA DANG SHES BYA DAG LDOG PAR NGES PA'AM, GTAN DU BA'I SHES PAR 'GYUR BA YIN GYI DNGOS PO MED PA ZHES BYA BA'I YUL CAN MNGON DU BYA BA NI 'GA' YANG MED PA NYID YIN TE, 'O NA CI ZHE NA, DE LA NI TSAD MA LDOG PAR NGES PAR BYA BA YIN ZHES BYA BA'I DON TO, ,MNGON SUM GYI BYA BA'I RJES SU 'GRO BA CAN 'DI NI SNGON PO'O ZHES BYA BA DANG, RJES SU DPAG PA STE RNAM PAR RTOG PA RNAM PA GNYIS NI GZHAN GYI BAG CHAGS TZAM LAS 'BYUNG BA NYID LA TSAD MA NYID YIN GRANG NA, RE ZHIG RJES SU DPAG PA NI MA YIN TE, DNGOS PO MED PA MA MTHONG BA LA KHYAB PA 'DZIN PA MA YIN PA'I PHYIR TE, DNGOS PO MED PA DANG DNGOS PO DAG GI MNGON SUM GYIS KHYAB PA 'DZIN PA YIN LA, DE DAG GI DNGOS PO MED PA DAG GI YANG KHYAB PA SHUGS KYIS GRUB PA YIN NO, ,DES NA RJES SU DPAG PA'I SHUGS KYIS KYANG MI DMIGS PA LAS DNGOS PO MED PAR RTOGS PA NI DE LAS GZHAN PA DAG KHO NA YIN TE, DE DANG BRAL BA DAG DMIGS PA'I PHYIR DE'I RANG BZHIN GYI DNGOS PO MED PA YIN NO; ,DE DANG BRAL YANG MNGON SUM YIN PA'I PHYIR KHYAB PAR BYED PA MI DMIGS PA MA YIN NO, ,DE LTA YIN NA RTZOD PA'I RIG PA LAS, DE MTHONG BA RNAMS LA SHES PA YOD PAS KHYAB PA'I PHYIR ZHES BYA BA JI LTAR YIN, TSAD MA RNAM PAR NGES PA LAS KYANG, KHO BOS 'DI NI MA DMIGS PA 'AM ZHES BYA BA'I RTOGS PA YANG DAG 'BYUNG ZHES SMOS PA'O, ,DMIGS PA DANG MI DMIGS PA'I RNAM PAR RTOG PA DAG GIS MNGON SUM NI BYED PA DANG BCAS PAR BSTAN PA YIN GYI, 'DI YOD PA'I PHYIR 'DI MED DO ZHES BYA BA 'DI DAG GIS NI MA YIN NO, ,SMRAS PA, DMIGS PA NI YOD PA YIN PAR BSTAN PA NI YOD PA DANG DMIGS PA DAG NI GCIG PA NYID DU BSTAN PA YIN NO, ,KHO BOS DMIGS KHO BO SA MA DMIGS ZHES BYA BA'I SKYES BU CHOG GI TSIG GIS NI RANG NYID KHO NA'I DMIGS PA YIN YANG RUNG, MA YIN YANG RUNG BA'I MNGON SUM LAS GRUB PA

YIN GYI, GZHAN GYIS NI MA YIN NO ZHES BSTAN PA YIN NO, ,YOD PA DANG SHES PA DAG GI KHYAB PA YANG MI RTAG PA DANG BYAS PA BZHIN DU LDOG PAS BYAS PA NI SKYES BU MCHOG BZHIN DU RGYUD GZHAN GYIS DMIGS PA'I NGO BO'I YOD PA RNAM PAR BCAD PA'I DON DU DMIGS PA'I RIG BYAR GYUR PA'I SNANG BA ZHES BYA BA LA SOGS PA'I BYE BRAG KYANG 'DI'I DON NYID DU DNGOS PO MI SNANG BA MI SHES PA'I NGO BO RNAM PAR GCAD PAR YIN LA, DE YOD PA NI TSAD MA MA YIN NO, ,GZHAN LA SNANG BA JI LTAR YIN, ,MI SNANG BA NI YUL GZHAN LA SOGS PA'I MTHONG BKAG PA'I PHYIR RO; ,DE'I PHYIR MED PA LAS LOG PA'I YOD PA DANG MI SHES PA LAS LOG PA NI SHES PA YIN LA, DE BZHIN DU SNGON PO MA YIN PA LAS LOG PA NI SNGON PO STE, MI SHES PA LAS LOG PA DANG SHES PA ZHES BYA BA GCIG PA NYID YIN PA 'DI NI LDOG PA'I RGYU MTSAN GYI RNAM PAR RTOG PAS THA DAD PA'I DE NYID BSTAN PA YIN LA, DE YANG MA RMONGS PA LA NI DE KHO NA BZHIN DU STE, BYAS PA DANG MI RTAG PA LTA BU'O, ,SA PHYOGS NYID LA NI LDOG PA LAS SHES PA DANG SHES BYA YANG MNGON SUM YIN NO, ,DE NYID NI BUM PA DANG DE'I SHES PA DANG BRAL BA NI BUM PA MED PA DANG, DE'I SHES PA MED PA YANG YIN PA'I PHYIR MI DMIGS PA MA YIN NO, ,DE LTAR RTOGS PAR MI NUS PA'I RMONGS PA LA NI DE YANG MI DMIGS PA YIN NO, ,DE YANG RANG BZHIN KHO NA YIN GYI KHYAB PAR BYED PA MA YIN TE, GZHAN PA'I DNGOS PO'I SA PHYOGS DANG DE'I SHES PA DAG GIS DE MI DMIGS PA'I NGO BO DAG LA DBYE BA MED PA'I PHYIR MNGON SUM GYIS GRUB PA'I PHYIR RO, ,GRUB KYANG THA SNYAD DU RUNG BA NYID DU SGRUB PAR BYED PA'I PHYIR SKYON MED DO, ,KHYAB PAR BYED PA MI DMIGS PA NI KHYAD PAR BYA BA MNGON SUM NYID YIN NA STE, KHYAB PA YOD PA TZAM LAS NI THAMS CAD LA YANG 'GYUR RO, , DE NI BUM PA'I SA PHYOGS DANG DE'I SHES PA DAG LAS NI MED DO ZHES BYA BAR 'GYUR BA NYID MA YIN NO, ,SA PHYOGS KYI SHES PA 'BA' ZHIG NI MI DMIGS PA'I PHYIR RO ZHES BYA BA DE LTA BU'I BSAM PAS, DE NI GANG LAS SKYES PA YIN, ,ZHES BYA BA LA SOGS PA NAS, DE LTAR MIN NA MI DMIGS

, ,PA ZHES BYA BA'I BAR GYIS BSTAN PA YIN TE, RMONGS PA MA YIN PA'I MNGON SUM NI CIG SHOS KYIS MI DMIGS PA YIN NO, ,'BA' ZHIG PA NYID KYANG SA PHYOGS LA SOGS PA'I MED PA BZHIN DU MED PA GZHAN MED KYANG RANG NYID KHO NA LAS GRUB PAR BSTAN PA NI, 'BA' ZHIG GANG LAS ZHES BYA BA LA SOGS PA NAS, THUG PA MED DO ZHES BYA BA'I BAR YIN NO, ,DE LTAR 'GYUR NA NI GAL TE GZHAN MI DMIGS PA GZHAN GYI DNGOS PO MED PAR SGRUB PAR BYED PA YIN NA BYE BRAG MED PAR 'GYUR RO, ,NYA PHYIS KYI SHES PA NI DNGUL KHO NA'I MED PA SGRUB PAR BYED PA MA YIN TE, 'O NA CI ZHE NA, MTSAN NYID MI MTHUN PA'I KHAMS GSUM PO'I'O ZHES BYA BA'I BSAM PAS DE NYID DRAN PA'I ZHES BYA BA SMOS SO, ,DMIGS PAR BYA BA LA MTSAN NYID MI MTHUN PA MED PA ZHES BYA BA NYID MTSAN MA 'JUG PAR BYED PA NI BDEN MOD KYI DNGUL DU 'DZIN PAR 'DOD PA'I PHYIR MED PA YIN PAR GSAL BAR BYED PA YIN NO ZHES PA'I DON TO, ,DNGUL GYI SHES PA YANG NYA PHYIS MED DO ZHES GSAL BAR BYED PA YIN NO SNYAM DU SEMS PA LA, DNGOS PO MED PA ZHES BYA BA SMOS SO, ,BDEN MOD KYI, 'DI YANG DON DAM PA YIN MOD KYI, 'ON KYANG THA SNYAD DU DNGUL MED PA YIN GYI, NYA PHYIS MED PA NI MA YIN PA'I PHYIR NYA PHYIS KYI SHES PA MI DMIGS PA YIN GYI, CIG SHOS NI MA YIN NO ZHES BYA BA'I DON TO, ,THA SNYAD PA BSTAN NAS DON DAM PA BSTAN PA NI, DE'I PHYIR 'BA' ZHIG 'DZIN PA ZHES BYA BA STE, GNOD PAR BYA BA NYID KYANG THA SNYAD PA NYID YIN GYI DNGOS PO NYID LA NI MA YIN PAS, DE BKAG PA'I NGO BO NI GNOD PAR BYA BA MA YIN PA NYID KYANG DNGOS PO LA MA YIN PAR BSTAN PA'O, ,THA SNYAD PA NYID KYIS NI MI BSLU BA CAN NYID DANG, GNOD BYA MA YIN PA NYID DAG LA BYE BRAG MED KYANG, CI'I PHYIR MI BSLU BA CAN NYID KHO NA TSAD MA NYID DU BSTAN GYI, GNOD PA MED PA NYID NI MA YIN NO SNYAM DU SEMS PA LA, PHRAD PAR BYA BA LA 'JUG PA'I MTHAR THUG PAR 'DOD PA NI KHAS MA BLANGS PA'I PHYIR DANG, GNOD PA MED PA NYID TZAM 'DOD PA MA YIN PA'I PHYIR, 'JIG RTEN PA MA YIN PA NYID DANG, THA SNYAD PA MA YIN PA NYID DU

'DOD PAS THUG PA MED PA YIN TE, DANG PO LA GNAS PA MED PAR NI BYE BRAG MED PA YIN ZHING PHYI MA LA NI THE TSOM ZA BA YIN LA, DE LAS KYANG DE'I PHYI MA LA YANG DE BZHIN YIN PA'I PHYIR GANG DU YANG GNAS PA MED DO, ,PHRAD PAR BYA BA LA YANG GANG GI STOBS KYIS THUG PA MED PA SEL BAR BYED PA NI CUNG ZAD KYANG MED DO ZHES BYA BA'I DGONGS PAS NYE BAR BSDUS PA'O, ,DE PHYIR SGRA LAS BYUNG BA YANG, ,ZHES BYA BA STE, MNGON PAR 'DOD PA LA MI BSLU BA NI TSAD MA NYID YIN PA'I PHYIR, KHYAB PA MA YIN PA LA SOGS PA'I SUN 'DON GSAL BA NYID YIN PAR NYE BAR MTSON PAR BYED PA NI DE BSAL BA YIN ZHES BYA BA'O, ,DE LTAR YANG GANG BSHAD PA MI BSLU BA NI DON JI LTA BA RTOGS PA YIN PA STE, DE NI DON GYI CHOS SO, ,SHES PA NI DE LTAR RIG PA STE DE NI SHES PA'I CHOS SO, ,RJES SU DPAG PA LA NI DON JI LTA BA YIN PA DANG, DE RIG PA DAG MED PA'I PHYIR DON BYED PAR RTOGS PA'I MI BSLU BA MED PA YIN TE, DE NI DON BYED GNAS PA ZHES BYA BAS BSTAN PA YIN TE, DON BYED PAR GNAS PA RTOGS PA YIN NO ZHE NA, DE NI MI RIGS TE SNGAR MTHONG BA'I ME NI PHRAD PAR BYA BA MA YIN PA'I PHYIR RO, ,'DRA BA'I PHYIR RO ZHE NA MA YIN TE, DE DON DU GNYER BA MA YIN PA'I PHYIR RO, ,SREG PA LA SOGS PA DON DU GNYER BA YIN NO ZHE NA, DE LTAR NA SREG PA LA SOGS PA 'GRUB PA NYID PHRAD PAR BYA BA YIN LA, DE YANG MNGON SUM GYIS SNGAR SHES ZIN PA'I PHYIR MNGON SUM DANG RJES SU DPAG PA DAG NI MI BSLU BA LA BYE BRAG MED DO, ,GNAS PA RTOGS BA NI SGRA'I DON MA YIN TE, 'DUG PA'I NAG PA NI 'GRO BA MA YIN NO, ,'DIR YANG 'DUG PA DANG, RNAM PAR GNAS PA DANG, RNAM PAR GZHAG PA ZHES BYA BA'I 'JIG RTEN PA'I THA SNYAD YONGS SU DOR NAS, DON GZHAN YONGS SU BSTAN PA LA YANG DGOS PA MED PA'I PHYIR DANG, MI NUS PA'I PHYIR DANG, RJOD PAR BYED PA MA YIN PA'I PHYIR MI RIGS PA NYID KYIS BKAG PA'I PHYIR YANG NGO, ,GRAGS PA'I DON BLANGS PA YIN NA, DGOS PA YIN PAR BSTAN PA YIN NO, ,MI BSLU BA CAN NYID TSAD MA NYID MA YIN NAM, DE YANG RTOGS PA PO'I MNGON SUM DANG RJES SU

, ,DPAG PA LA YANG YOD PA'I PHYIR, DE YOD PA NI YUL MTSUNGS PA CAN GYI THABS GZHAN LA GUS PA MA YIN NO, ,BCOM LDAN 'DAS NI GZHAN GYI MNGON SUM DANG RJES SU DPAG PA YANG MA YIN GYI, DE DANG LDAN PA YIN PAR NI, ,DE LDAN BCOM LDAN TSAD MA NYID, , CES 'CHAD PAR 'GYUR BA STE, GTZO BO YOD BZHIN DU NYE BAR BTAGS PA DON DU GNYER BA NI SU YANG MED PA'I PHYIR GUS PA MA YIN NO, ,DE YANG, 'ON KYANG GNAS SKABS KYIS CUNG ZAD, ,TIL MAR 'BRAS CAN MAR SOGS BZHIN, ,GANG DE KUN GYIS KUN MKHYEN PA, ,YID DU ZAD MOD MI 'GAG GO, ,ZHES SMOS SO, ,'ON TE 'U BU CAG LA SOGS PA'I MNGON SUM LA SOGS PA'I YUL MA YIN PA 'JIG RTEN PHA ROL LA SOGS PA LA NI, BCOM LDAN 'DAS 'DOD PA YIN NA DE YANG MA YIN TE, DE LA YANG MNGON SUM LA SOGS PA'I NGO BO YUL MA YIN PA NYID KYIS 'JUG PA MED PA'I PHYIR DANG, DNGOS PO GZHAN MED PA'I PHYIR RO, ,RTOGS PA PO LA LTOS NAS KYANG BTAGS PA PA YIN PA'I PHYIR, MI 'JUG PAS DE YONGS SU BRTAGS PA MA YIN NO, ,SNA TSOGS PA CAN GYI 'JIG RTEN LAS KYANG 'JIG RTEN PHA ROL LA SOGS PA RJES SU DPAG PA NI JI SKAD DU, LAS LAS SKYES PA'I 'JIG RTEN NI SNA TSOGS PA YIN PA'I PHYIR, RGYU TZAM LA RJES SU DPAG PA YIN GYI, BYE BRAG TU NI BCOM LDAN 'DAS YIN NO ZHES BYA BA NI YUL GYI DBYE BA YIN NO ZHES GANG SMRAS PA NI MA YIN TE, DE LA DE LTA BU'I SHES PA LA RGYU MED PA'I PHYIR DANG POR RJES SU DPAG PA MA YIN TE, DE NI SPYI'I SPYOD YUL CAN YIN PA'I PHYIR RO, ,'ON TE MI BSLU BA CAN NYID NI BCOM LDAN 'DAS KHO NA'I YIN GYI, MNGON SUM GYI NI MA YIN TE, RANG GI NGO BO TZAM LAS NGES PA'I PHYIR DANG, RJES SU DPAG PA'I YANG MA YIN TE, DE LAS BYUNG BA NYID KYIS KHYAB PA MA GRUB BA'I PHYIR RO, ,MA YIN TE, SGRUB PAR BYED PA MED PAR THAL BAR 'GYUR BA'I PHYIR MNGON SUM DANG RJES SU DPAG PAR YANG DE'I SHES PA BSKYED PA 'AM, GO BAR BYED PA YANG RUNG BA SGRUB PAR BYED PA YIN LA, DE DAG MED NA DE GRUB PAR MI 'GYUR BA'I PHYIR RANG NYID MED PA YIN

NO; ,MNGON SUM LA SOGS PA YANG TSAD MA YIN LA, DE NYID MI BSLU BA DANG 'BRAL BA YIN PA'I PHYIR DE NYID KYIS CHOG GI GZHAN NI MA YIN TE, DE NYAMS SU MYONG BA MED PA'I PHYIR 'U BU CAG GIS MI BSLU BA'I YUL DE LA MA YIN TE, YUL MA YIN PA NYID KYI PHYIR RO, ,DE LTA BU THAMS CAD NI BTAGS PA BA KHO NA YIN TE, DE YANG, NYUNG DU SHES PA'ANG KUN SHES PAR, ,PHAL PA LA 'JUG CES BRJOD PA, ,ZHES SMOS PA STE, DE BSTAN PA NI, BCOM LDAN 'DAS TSAD MAR GYUR PA ZHES BYA BA'O, ,DE NYID NI, DE LDAN BCOM LDAN 'DAS TSAD MA NYID CES KYANG 'CHAD PAR 'GYUR BA MA YIN NAM, DER YANG MNGON SUM LA SOGS PA DANG, BCOM LDAN YUL MTSUNGS PA NYID YIN PAR DOGS PA LA DE BZHIN DU, BCOM LDAN 'DAS TSAD MA YIN GYI DE NYID NI MA YIN ZHES YUL GYI DBYE BAS THA DAD PAR SGRUB PAR BYED PAR 'GYUR RO, ,'ON TE 'DI LA MNGON SUM LA SOGS PA MI BSLU BA CAN LA SOGS PA NYID KHO NA BDE BAR GSHEGS PA'I PHYIR DE NYID KHO NA TSAD MA YIN GYI, GZHAN MA YIN TE, MI BSLU BA MI SHES PA'I PHYIR ZHES BYA BA NI PHYOGS SNGA MA'O, ,DE LTAR DOGS PA DE LA YANG MNGON SUM LA SOGS PA BZHIN DU RNYED PAR SLA BA MI BSLU BA CAN GYI SHES PA NYID KYIS BCOM LDAN 'DAS NYID DAM, KHYAD PAR BYED PA'I SHES PA DANG 'BREL PA CAN NYID KYIS MI BSLU BA CAN NYID NI BCOM LDAN 'DAS KHO NA YIN PA'AM, GZHAN GYIS DE SGRUB PAR BYED PA DANG RJES SU MTHUN PA NYID DANG, JI LTAR YANG 'CHAD PAR 'GYUR RO, ,DE DANG LDAN PA NI MI BSLU BA LA SOGS PA DANG LDAN PA'I BCOM LDAN 'DAS NYID TSAD MA YIN NO ZHES BYA BA'I DON TO, ,'ON TE MNGON SUM LA SOGS PA NI MI BSLU BA SHES PA YIN PA'I PHYIR RIGS NAS BCOM LDAN 'DAS NI MA YIN TE, RTOGS PA'I NGO BO MA YIN PA'I PHYIR LA, TSAD MA NI RTOGS PA YIN NO SNYAM DU DOGS PA LA DE DANG LDAN PA STE, MNGON SUM LA SOGS PA DANG LDAN PA DE'I BDAG NYID KYIS TE, DES NA BCOM LDAN 'DAS NYID TSAD MA YIN NO ZHES 'CHAD PAR 'GYUR BA'O, ,DER YANG MNGON SUM LA SOGS PA NYID TSAD MA'I GTZO BO YIN TE RTOGS PA'I BDAG NYID CAN YIN PA'I PHYIR RO, ,BCOM LDAN 'DAS NI

, ,TSAD MA DANG 'DRA BAS TSAD MAR GYUR BA YIN NO ZHES BYA BA'I BSAM PAS DOGS PA LA, KHYAB PAR BYED PA RTOGS PA'I BDAG NYID YIN PA'I PHYIR, BCOM LDAN 'DAS KHO NA TSAD MA'I GTZO BO YIN LA, GZHAN NI DE DANG MTHUN PA NYID KYI GTZO BO MA YIN NO ZHES BSTAN TO, ,GAL TE DE'I YUL THA DAD PA MA YIN PAS TSAD MA NYID MA YIN NO SNYAM PAS YUL GYI DBYE BA LAS TSAD MA NYID YIN PA NI 'DIR DON YIN NO ZHES ZER BA DE LTA NA, MNGON SUM LA SOGS PA BZHIN DU YUL GYI DBYE BAS TSAD MA THA DAD PA YIN NA TSAD MA NI RNAM PA GNYIS TE ZHES BYA BA NYAMS PAR 'GYUR RO SNYAM DU DOGS PA LA DE LDAN ZHES SMOS PA YIN NO, ,GAL TE YANG MTHONG BA DANG MA MTHONG BA NYID KYIS YUL THA DAD PA YIN NA, DE LTA NA YANG DE BZHIN TE, MNGON SUM LA SOGS PA KHO NA BZHIN DU MI BSLU BAS BCOM LDAN 'DAS KYANG BYE BRAG MED DO ZHES BYA BA'I DON 'O NA NI MI BSLU BA CAN NYID NI BCOM LDAN 'DAS NYID YIN GYI, GZHAN NI MA YIN NO ZHES BYA BA NI 'DIR DON YIN NO, ,MNGON SUM LA SOGS PA MED NA DE LTA NA DE KHO NA NYID DU BCOM LDAN 'DAS CI NAS KYANG MI 'GRUB BO SNYAM DU DOGS PA LA, MNGON SUM LA SOGS PA SGRUB PAR BYED PAR GYUR BAS DE DANG LDAN PA'I BSGRUB BYAR GYUR PA YANG BCOM LDAN 'DAS MA YIN LA, DE DANG BRAL BAS KYANG MA YIN ZHES BYA BA'I DON DU 'CHAD PAR 'GYUR RO, ,GAL TE YANG MNGON SUM NI MI BSLU BA LA SOGS PAS TSAD MA MA YIN PA DE BZHIN DU BCOM LDAN 'DAS NYID KHYAB PAR BYED PA DE NYID YIN PA'I PHYIR THAMS CAD MI RIGS TE, SHES PA'I BDAG NYID YIN PA'I PHYIR MI BSLU BA'I SHES PA TSAD MA YIN TE, BLO NI TSAD MA YIN ZHES BYA BA'I TSIG LAS SO, ,BCOM LDAN 'DAS NI YUL RTOGS PA'I SHES PA MA YIN LA, DER ZHEN PA'I YANG MA YIN TE, DE KHO NA NYID MI SHES PA TZAM GYI YANG DBANG MED PA'I PHYIR RO SNYAM DU DOGS PA LA DE DANG LDAN PA STE, MNGON SUM LA SOGS PA DANG LDAN PA'I TSAD MA NI BCOM LDAN 'DAS YIN TE, JI SKAD BSTAN PA'I MTSAN NYID DANG LDAN PA'I MNGON SUM LA SOGS PA BCOM LDAN 'DAS LA MNGA' BA YIN TE, DE'I BDAG NYID KYIS ZHES 'CHAD BAR 'GYUR BA'O, ,GTZO BO

DANG GTZO BO MA YIN PA NYID DANG, KHYAB PAR BYED PA MA YIN PA NYID DU BSTAN PA YIN LA, 'DIR NI SHES PA DANG MI SHES PA NYID KYI BYE BRAG LA THE TSOM ZA BA LA BYE BRAG MED DO ZHES BYA BA NI GRUB PA'I MTHA'O, ,BCOM LDAN 'DAS NI MTHONG BA'I YUL LA TSAD MA MA YIN TE, GANG GIS DE'I YUL RTOGS PA'I MNGON SUM LA SOGS PAS RTOGS PA'I DON LA NI MA YIN NO, ,'O NA CI ZHE NA, 'U BU CAG LA SOGS PA'I TSAD MA YUL MA YIN PAS MI MTHONG BA 'JIG RTEN PHA ROL LA SOGS PA'O ZHES BYA BA'I DGONGS PAS LAN DU DE NI MED DE, RANG DNGOS ZHES BYA BA LA SOGS PA'O; ,RJES SU DPAG PA NI RANG GI NGO BO TZAM 'DZIN PA MA YIN PA MA YIN NAM, YIN PA DE LTAR NA MNGON SUM NYID DU THAL BAR 'GYUR RO, ,'ON KYANG PHYI ROL LA YIN NO, ,DES NA DE NYID 'JIG RTEN PHA ROL LA SOGS PA'I YUL CAN YANG YIN NO, ,'BYUNG RNGUB DBANG PO'I SHES RNAMS KYIS, ,SKYES PA LUS 'BA' ZHIG LAS MIN, ,ZHES 'CHAD PAR 'GYUR BA'O, ,'DI LA RJES SU DPAG PA NI ZHES SMOS PA'O, ,DBUGS RNGUB PA LA SOGS PA RNAMS GOMS PA LAS BYUNG BA'I BYE BRAG NYID YIN TE, GOMS PAS SNGON DU 'GRO BA CAN DU MTHONG BA MA YIN NAM, SKYE BA LA SOGS PA LA YANG RANG GI RIGS KYIS GOMS PA GO BAR BYAD PA YIN PA'I PHYIR 'BREL PA 'DZIN PA'I SGO NAS GO PAR BYED PA YOD PA YIN NO SNYAM SEMS PA LA, KHYAB PA CAN GYI 'BREL PA 'DZIN PA ZHES SMOS TE, KHYAB PA CAN GYI 'BREL PA NI KHYAB BYA KHYAB BYED KYI NGO BO STE, MI MTHUN PA'I PHYOGS MA LUS PA LAS LOG PA YIN NA 'DZIN PA YIN GRANG NA, TSU ROL MTHONG BA PAS NI DE LTAR MTHONG BA MA YIN TE, MTHONG BA NI RANG GI NGO BO MTHAR THUG PA'I PHYIR RO, ,LHAN CIG PA NYID DU YANG DANG YANG DU MTHONG BA LAS NGES PA'I SHES PA YIN NA NI SKYON 'DI YIN TE, LAN CIG MIN PAR LTAN CIG PA NYID DU MTHONG BA RNAMS KYI YANG 'KHRUL PAR MTHONG BAS DON GYIS GO BA MI BSKYED PA'I PHYIR RO, ,'BRAS BU NYID NI LAN CIG KYANG MNGON SUM DANG MI DMIGS PA DAG GIS MTHONG NA 'BREL PA MI 'DZIN PA'I SKYON MED DO SNYAM DU SEMS PA LA, BA SNYAD TZAM DU TSAD MA

, ,YIN GYI ZHES SMOS SO, ,MNGON SUM GYIS 'DZIN PA'I DPE'I DON DU STE, DPER NA MNGON SUM NI RANG GI NGO BO'I YUL CAN YIN YANG 'BYUNG BAR 'GYUR BA'I YUL CAN DU THA SNYAD KYIS NGES PA YIN LA, DE BZHIN DU RJES SU DPAG PA YANG MNGON SUM DU MI DMIGS PA SNGON DU 'GRO BA CAN GYI NGES PA LAS 'BRAS BU NYID DANG 'BREL PA GRUB PA LA BRTEN PA YIN GYI, DE BZHIN DU DON DAM PA PA DANG 'BREL PA NI MA YIN NO, ,DE LTA BU'I RJES SU DPAG PA NI THAMS CAD MKHYEN PA GRUB PA LA 'GAL BA CAN MA YIN TE, DE 'GRUB PA'I BSGOMS PAS 'GRUB PA'I PHYIR RO, , YANG NA 'BRAS BU DANG RGYU LAS BYUNG BA'I RJES SU DPAG PA DE NYID LAS DE RTOGS PA'I PHYIR ZHES BSTAN PA NI, THAMS CAD MKHYEN PA ZHES BYA BA'O, ,BSTAN BCOS NI 'BRAS BU'I YUL CAN MA YIN NAM, 'BRAS BU MTHO RIS DANG 'BREL PA'I YUL CAN YANG YIN GYI, RANG GI YUL DANG 'BREL PA 'DZIN PA LA LTOS PA NI MA YIN TE, 'JIG RTEN LA GRAGS PA'I DNGOS PO DANG 'BREL PA TZAM LA LTOS PA DANG, 'DOD PA LA SOGS PAS PHYI'I DON RTOGS PAR BYED PA YIN PA'I PHYIR RO, ,TSAD MA NI THE TSOM MED PA CAN GYI SHES PA SKYED PAR BYED PA'I PHYIR DANG, SKYES BUS BYAS PA MA YIN PA NYID DU NGES PAS RGYU'I SKYON MED PAR NGES PA LA PHYIN CI LOG TU DOGS PA MED PA'I PHYIR RO, ,MNGON PAR 'DOD PA DANG PHRAD PAR BYED PA NYID KYIS PHYIR MI BSLU BA CAN YIN GYI, DE'I YUL LA BCOM LDAN 'DAS TSAD MA MA YIN TE, DES RTOGS PA YIN NO ZHES BSTAN PA LA ZHES ZER BA NI, GAL TE RANG GI NGO BO NYID CES BYA BA LA SOGS PA'O, ,GRUB PA'I MTHA' YANG MDOR BSDUS PA NI SGRA LA NI DU BA BZHIN DU DON DANG LHAN CIG PA'I RANG BZHIN CAN GYI 'BREL PA MED PA'I PHYIR SMRA BA PO'I RGYUD KYI SHES PA'I YUL GYI DON BRDAR BYAS PA CAN LA, SGRA LAS NYAN PA POS RTOGS PAR BYED PA YIN TE, DE'I TSE SGRA NI BRTAGS SO, ,DON DE RTOGS PA CAN GYI SMRA BA PO NI CHOS CAN NO, ,RTOGS PA'I YUL GYI DON NI BSGRUB BYA YIN NO, ,RTOGS BZHIN PA'I ME BZHIN DU DON DE NYE BAR GNAS PA MA YIN PA'I PHYIR RTOGS BZHIN PA NYID MA YIN PA LA JI LTAR RTOGS KYANG RUNG DON MED PA YIN NA NI SGRA LAS

BYUNG BA YANG NGO, ,YID CHES PAS BSTAN PA YIN NA GZHAN GYI DON GYI RJES SU DPAG PA YIN LA, SMRA BA PO'I BSAM PA LA 'BRAS BU LAS BYUNG BA'I YANG DAG PA'I RJES SU DPAG PA YIN NO, ,DE NI 'DIR SKABS MA YIN TE, DON DE YUL BSAM BYA YIN PA'I PHYIR RO, ,RTAGS KYANG DU BA LAS ME RJES SU DPOG PA BZHIN DU PHYOGS KYI CHOS NYID LA SOGS PA'I NGES PA MED KYANG, GANG LAS GO BAR BYED PA YIN, DE LA YANG RES 'GA' ZHIG DU BA BZHIN DU DE'I CHOS NYID LA SOGS PA 'DZIN PA YOD PAR RTOGS PA'I DON DU BLO LA GRUB PA DANG 'BREL PA CAN GYI SGRA LAS BYUNG BA YANG RJES SU DPAG PA YIN NO ZHES BSTAN PA NI, ,SMRA BA PO'I BYA BA'I YUL ZHES BYA BA LA SOGS PAS BSTAN PA YIN NO, ,BLO'I DON YUL NYID NI JI LTAR THOS PA DON GYI DE KHO NA NYID DE DON DAM PA'I RGYU MTSAN DANG 'BREL PA GANG YIN PA GANG GI YIN PA DE NI RJES SU DPAG PA NYID CES BYA BA'I DON TO, ,BLO LA GRUB PA DANG 'BREL PA CAN NYID CES BSTAN PA YIN NO, ,RGYAS PAR NI SGRA LAS BYUNG BA RNAM PAR BCAD PA LA LTOS PA YIN NO, ,MNGON PAR BRJOD PA'I BYA BA LOG PA YIN NA SMRA BA PO'I DON DANG MTSUNGS PA'I RNAM PA SMRA BA PO'I BLO LA GNAS PA'I DON RJES SU DPAG PA LAS RTOGS PA NI 'JIGS PA'I MA YIN PA 'GEGS PA BSTAN PA NI, SMRA BA PO'I BYED PA NI BRJOD PAR 'DOD PA'O ZHES BYA BA'O, ,NYAN PA PO NI SMRA BA PO'I BSAM PA LA BRJOD PA'I DON JI LTA BA GO BAR BYED LA, DE BZHIN DU SMRA BA PO YANG NYAN PA PO'I BLO LA GNAS PAR BYA BA'I PHYIR SMRA BAR BYED DO ZHES BYA BA'I DON TO, ,SGRA NI MNGON PAR BRJOD PA NYID KYI BYA BA YIN GYI GZHAN NI MA YIN LA, DE LTA YIN NA DE'I RJES SU DPAG PA TSAD MA GZHAN NYID DU 'GYUR LA, KHO BO CAG GI PHYOGS LA NI DE RJES SU DPAG PA YIN NO ZHES BSTAN PA NI, SGRA'I BYED PA NI DE NYID LA ZHES BYA BA'O, ,GAL TE SMRA BA PO'I BRJOD PAR 'DOD PA'I YUL GYI BSTAN BCOS THAMS CAD TSAD MA YIN NA, DE LAS GCIG KYANG 'JUG PAR BYED PA NYID KYIS TSAD MA NYID YIN GYI, THAMS CAD NI THAMS CAD KYIS NAN TAN DU BYA BAR MI 'GYUR BA ZHIG NA, 'DI DAG THAMS CAD THAMS CAD KYI YIN PA KHO NA STE, BYE BRAG GI RGYU MED PA'I PHYIR RO, ,

, ,GAL TE BSTAN BCOS RNAMS KYI PHAN TSUN 'GAL BA'I DON NYID KYIS DON DAM PA PA'I 'JIG RTEN PHA ROL GYI YUL NYID MA YIN PA DE LTA NA GANG ZHIG YUL YIN SNYAM PA LA, DE PHYIR GAL TE SMRA BA PO, ,ZHES BYA BA LA SOGS PA'O, ,THAMS CAD RIG PA CAN GYI BKA' LAS KYANG DE BZHIN NI MIN NAM, DES NA GAL TE SMRA BA PO THAMS CAD MKHYEN PA MA YIN NAM GANG PHUL DU BYUNG BA YIN, THAMS CAD MKHYEN PA'I BKA' NI DON GYI DE KHO NA NYID KYI YUL CAN NYID YIN PAS GZHAN GYI DON GYI RJES SU DPAG PA NYID YIN LA, GZHAN GYI NI RJES SU DPAG PA TZAM YIN PA'I PHYIR RO SNYAM DU DGONGS PA'O, ,SKYES BUS BYAS PA LA NI SKYON YOD PAR DOGS PAS 'JUG PAR MI BYED PA NYID MA YIN NAM, SKYES BUS BYAS PA MA YIN PA LA JI LTAR YIN, SGRA NI SHIN TU DRI MI ZHIM PA CAN BZHIN DU RANG BZHIN GYIS SKYON DANG LDAN PA MA YIN NO, ,SGRA'I DON DANG MA REG PA NYID KYANG SKYES BU'I SKYON KHO NA YIN NO, ,SKYON DANG LDAN PA'I SKYES BU NI BSAM PA'I SKYON GYIS GZHAN DU GNAS PA'I DON LA GZHAN DU RAB TU SBYOR BA YIN TE, RTZVA MCHOG GI RTZE MO LA GLAD PO CHE BRGYA LTA BU YIN TE, DE LTA BU'I TSIG NI YID CHES PA MA YIN NO, ,DE YANG TSIG GCIG GIS DGAG PA LA RAB TU SBYOR NA YID CHES PA MI 'DOR PA YIN NO, ,DE BZHIN DU, CHU BO'I DOGS NA 'BRAS BU RNAMS, ,ZHES BYA BA YANG YID CHES PA RAB TU SBYOR BA YIN NA BDEN PA YIN LA, DE NYID YID CHES PA MA YIN PAS RAB TU SBYOR BA YIN NA BRDZUN PAR YANG 'GYUR RO, ,RANG BZHIN GYIS SKYON CAN YIN NA DUS THAMS CAD NYID DU BRDZUN PAR 'GYUR RO, ,GZHAN DAG NA RE 'BREL PA 'DZIN PA'I DUS SU RGAN PO RNAMS THA SNYAD DU BYED PA LA, DRUNG NA GNAS PA DAG SGRA 'DI'I DON YIN ZHES SHES PA YIN GYI, SNGON NAS DON DE YIN PAR SHES PA DANG LDAN PA YIN NO, ,DES NA DRAN PAR MI 'GYUR RO; ,SGRA DE YANG, DON LA SGRA GZHAN NYE BAR GYUR BA'AM RING YANG RUNG, 'DOD PA SNGON DU 'GRO BA CAN GYIS SMRAS PA NI DON GZHAN DANG 'BREL PA CAN DU RJOD PAR BYED PA YIN TE, DE LTAR RTOGS PA'I PHYIR RO, ,DE LTAR NA TSIG RNAMS NI DON GZHAN DANG 'BREL PA CAN GYI DON NYID DU RANG BZHIN

GYIS GRUB PA YIN PA LA SKYES BU'I SKYON GYIS GZHAN DU BYED PA'I PHYIR SGRA'I SKYON MA YIN NO, ,RIG BYED LA NI SKYES BU MED PA'I PHYIR GZHAN DU BYA BA MA YIN PA'I PHYIR JI LTAR 'JUG PAR MI BYED PA YIN, DE YANG YANG NA GANG ZHIG CES SMRA BA RANG 'DOD PA NYID DU BRJOD PA STE, DES NA SKUL BYED SKYON MED PA, ,BRDZUN PA NYID DU 'GAL BA YIN SNYAM DU SEMS PA LA, SKYES BUS MA BYAS PA LA YANG ZHES SMOS TE, JI LTA DE LTAR YIN DU ZIN KYANG SKUL BYED KYI BLO NI THAMS CAD DU RANG GI SO SOR SNANG BA NYID KYI DON LA TSAD MA YIN GYI GZHAN LA NI MA YIN NO, ,GZHAN GYI DON GYI RJES SU DPAG PA LA NI DON GYI DE NYID RANG BZHIN GYIS 'BREL PA YIN PA'I PHYIR RO, ,TSIG NI RANG NYID 'BREL PA CAN MA YIN YANG 'BREL PA CAN MTSON PAR BYED PA YIN TE, GTAN TSIGS KYI TSIG RANG NYID NI, ,NUS MED YIN YANG NUS MTSON BYED, ,CES SMOS SO, ,BRJOD BYA'I BYE BRAG RTOGS PA NI RJOD BYED RANG NYID DANG 'BREL PA YIN GYI GZHAN DU NA MI 'THAD PA LAS ZHES BYA BA NI MI RIGS PA STE, MNGON SUM BZHIN DU BYE BRAG RTOGS PA MED PA'I PHYIR RO, ,GZHAN GYI DON RTOGS PA'I THA SNYAD LAS RJOD BYED KYI SHES PA MTSON PAR BYED PA YIN NO ZHE NA, GZHAN GYI YANG DE'I SHES PA CI LAS YIN, GZHAN LAS SO, ,DE'I YANG GZHAN YIN PA'I PHYIR LONG BA GCIG LA GCIG LTA BU NYID DO, ,YI GE LA THA DAD PA CAN GYI SGRA'I SHES PA BZHIN DU MTHONG BA MED NA, SNANG BA DANG 'BREL PA DE BCOS PA YIN PA'I DON NI SGRA LAS BYUNG BA RNAM PAR BCAD PA BSTAN PA YIN NO, ,MDOR BSDUS PA BSTAN NAS, 'DI'I RGYAS PA SMRA BA PO RNAMS KYI 'DOD PA'I DBYE BAS BSTAN PAR 'DOD PAS NGES PAR SBYOR BA'I NGAG GI DON NI ZHES BYA BA SMOS TE, MCHOD SBYIN DANG GTONG BA LAS BYAS PA'I LING NGA'I DON GYI SKAD KYI DBYINGS KYI DON TE, BSGOM PA DANG MTSAN NYID MI MTHUN PA'I BSGRUB BYA'I NGO BO BDAG NYID 'GRUB PA'I DON DU GZHAN 'JUG PAR BYED PA'I PHYIR GCIG TU 'DZUD PAR BYED PA NI NGES PAR SBYOR BA'I RANG BZHIN NO, ,DE NYID KYANG 'BRAS BU DANG 'BREL PA CAN GYI 'DZUD PAR BYED PA'AM, DE DANG 'BREL PA'I 'BRAS BU YANG RUNG ZHES BYA BA'I NGAG GI DON

, ,NYID KYIS BSTAN TO, ,'KHRUL 'KHOR LA SKYON PA LA SOGS PA YANG DE'I DBYE BA YIN NO, ,SKYES BU KHA CIG LA 'JUG PAR GYIS SGRUB PAR GYIS ZHES BYA BA NI DE'I BSGRUB PA'O, ,SGRA NI 'JUG PA DANG, BYED PA DANG, SGRUB PA DE RNAMS KYI BYED PA PO DANG, SMRA BA PO YIN PA'I PHYIR SNGA PHYIR NI MA YIN NO, ,SGRA NI BYED PA PO YIN LA DE'I BYED PA NI BYA BA LA YIN TE, BYA BAR GYUR PA NI SKYES BU'I BYA BA'O, ,BSHAD PA THAMS CAD LA YOD PA CAN LA DE DU BAR BYED PA LA SOGS PA'I DON DU SMRA BA'O, ,BYA BA NYID KYI BYED PA NI BYED PA PO'I RANG GI BYA BA DANG LHAN CIG 'BREL PA'I SHES PA YIN PA BZHIN BYA BA GZHAN NO, ,SKAD KYI DBYINGS KYIS RANG GI DON BSTAN PA YIN LA, DE YANG MI SHES PA 'JUG PA'I YUL NYID KYIS SHES PAR BYED PA NI LING NGA LA SOGS PA'I TSAD MA GZHAN BZHIN DU BSGRUB PA YIN NO ZHES BYA BA NI GZHAN NO, ,SKAD CIG DBYINGS KYIS DON NYID NI LING DA LA SOGS PA YOD PA'I BSGRUB BYA NYID KYIS RTOGS MA YIN NO, ,RANG DNGOS PO LAS DON SGRUB BYED NA STE 'DOD PA NI SGRUB PAR BSTAN PA YIN NO ZHES BYA BA NI GZHAN NO, ,'DI LA NGES PAR SBYOR BA ZHES BYA BA SMOS TE, RNAM PA DU MA DE DAG THAMS CAD BLO LA JI LTAR SNANG BAS NYE BAR BSLAD PA YIN GYI, DON GYI DE KHO NA NYID KYI RANG BZHIN LAS NI MA YIN NO, ,RANG DNGOS PO LAS DON SGRUB BYED NA STE 'DOD PA SGRUBS PA YIN NAM, MI 'BYUNG NI 'BYUNG BAR MI 'GYUR BA STE, SKYES BU'I DON MA YIN PA'I PHYIR DANG, SKYES BU'I DON GYI RGYU YANG MA YIN PA'I PHYIR DANG STE BDAG NYID MED PA LAS DON TE, 'DOD PA'I SGRUB BYED DE BYA BA SGRUB PA LA BYED PA MED PA'I PHYIR DE NI SKYES BU DON MA YIN ZHING DE SGRUB PAR BYED PA YANG MA YIN TE, RNAM PAR RTOG PA TZAM GYI YUL LA YANG YOD PA'I RIG BYED KYI DON DAM PA'I SBYOR BA DANG, MTHO RIS DAG BDAG NYID KYIS YUL MA YIN PA LA 'BREL PA NYE BAR BSTAN PA NUS PA MA YIN NO ZHES BSTAN TO, ,SGRUB PA ZHES BYA BA NI RE RE LA SBYAR BAR BYA'O, ,DE RNAMS THAMS CAD 'DOD PA'I RGYU NYID MA YIN DU ZIN KYANG, GANG KHO NA SGRUB PAR BYED PAR 'DOD PA NYID RIGS PAS RTOGS PA DE KHO NA NYID DAG GI DON YIN DU

ZAD MOD, 'DI LA DE'I PHYIR ZHES BYA BA SMOS TE, DE RNAMS LAS GCIG KYANG DE'I RGYU NYID DU MNGON SUM LA SOGS PA'I RIGS PAS RTOGS PA MA YIN TE, 'DI'I RGYUD PA'I 'BREL PA THAMS CAD DU RNYED PAR SLA BAR RIGS PA YIN PA'I PHYIR BYE BRAG MED DO, ,DE BSTAN PA NI, SGRA DE NI GANG JI LTAR BRJOD PA ZHES BYA BA'O, ,GSAL BAR RNYED PA NYID KYIS 'JIG RTEN GYI TSAD MA YIN GYI, 'DOD PA SGRUB PAR BYED PA NYID LAS NI MA YIN NO, ,GSAL BAR BYAS PA'I YUL LA DGOS PA GRUB PAR BYED PA NYID YIN NAM, GZHAN YIN NAM ZHES 'GRO BA BYAS NAS 'JUG PAR 'DOD PA CAN 'JUG PA'AM MI 'JUG PA YIN GYI, RIG BYED NI GSAL BAR BYAS PA'I YUL YIN NA TSAD MA'I BYA BA RDZOGS PA YIN TE, YUL LA 'JUG PA POR RANG BZHIN GCIG PA'I PHYIR RO, ,TSAD MA RNAMS KYIS YUL LA RNAM PA GNYIS TE, 'DOD PA SGRUB PAR BYED PA DANG, 'DZUD PA POR RANG BZHIN GCIG PAR YIN PAR 'DIR SMRA BA NI, NGES SBYAR NYID KYIS 'JUG CE NA ZHES BYA BA STE, NGES PAR SBYOR BA NI LAG PAS GNYA' BZUNG BYAS PA DANG, MTSUNGS PAR 'GRO BA THAMS CAD LA THUN MONG YIN TE, THAMS CAD LA YANG SHIN TU DRAG PA'I RLUNG BZHIN DU MTHAR THUG PAR 'DZUD PAR BYED PA YIN PA NI GEGS BYED PA MED PA'I PHYIR TE, PHYIN CI LOG PA LA SOGS PAS GEGS BYED PA'I GEGS BYED PA RNAMS MED PA ZHES BYA BA'I DON TO, ,DE YANG, DE'I PHYIR RIG BYED SGRON MA BZHIN, ,KUN GYI THUN MONG GNAS YIN TE, ,LOG PAR RTOGS BYA NYID MA YIN; ,ZHES SMOS PA'O, ,SLONG MO LA SONG THUN MTSAMS KYI BYA BA GYIS ZHES BYA BA 'DI LA NGES SBYOR DBANG BYED PA MA YIN NAM, SEMS DANG BDAG NYID KYI BYA BA 'GRUB PA LA SKYES BU 'JUG PAR BYED PA YIN GYI, RAB TU GTUM PA'I GTZE PO BZHIN DU NI MA YIN TE, 'DOD PA GRUB PAR BYED PA LTA BU'I 'JUG PA'I RGYU MTSAN NO, ,BYE BRAG TU NI DBYE BA DE'I TSE DE LAS ZLOG PA YIN NO, ,NGES SBYOR NI RANG GI SHES PA LAS LTOS NAS NAN TAN DU BYED PA YIN LA, DE'I SHAD PA YANG CI NAS KYANG PHYIN CI LOG PA CAN RIG PA LA SPYOD PA MED PA LAS MI 'BYUNG BA'I PHYIR DE'I RANG BZHIN

, ,LAS SU YANG 'JUG PAR MI 'GYUR RO, ,DE YANG, GZHAN BYA YIN PA'I CHOS LA NI, ,RIG BYED KYIS BYED BDAG NYID NI, ,ZHES SMOS SO, ,BYA BA NYID KYI CHAL DPYOD PA PO'I BSTAN BCOS LAS RGYAS PAR 'CHAD PAR 'GYUR RO SNYAM DU SEMS PA LA PHYIN CI LOG DANG MA LOG PA'I ZHES SMOS TE, RIG BYED KYI DON DPYOD PA PO'I BSTAN BCOS KYI YAN LAG DANG BCAS PA YANG PHAN PA DANG MI PHAN PA DAG BLANG BA DANG DOR BA DAG GI YAN LAG MA YIN PAS RTOGS PA DANG LDAN PA RNAMS 'JUG PA LA SBYOR BAR MI BYED DO, ,PHYIN CI LOG GI RANG DANG RJES SU MTHUN PA'I BYA BA YIN PAS DBANG BYED PA YIN TE, RIG BYED KYI DON NI 'JUG PAR BYED PA TZAM YIN LA, 'JUG PA TZAM YANG RJES SU MTHUN PA PA YIN PA'I PHYIR DE NYID LA SMYON PA DBANG BYED PA YIN GYI GZHAN NI MA YIN NO, ,DGOS PA MA BSTAN NA BLUN PO YANG 'JUG PAR MI 'GYUR BA'I PHYIR RTOGS PA DANG LDAN PA RNAMS SAM, NUS PA YANG RUNG BA'I RANG BZHIN DU GNAS PA RNAMS NI RIG BYED LA DBANG BYED PA MA YIN TE, MTSAN NYID MI MTHUN PA'I PHYIR RO, ,DGOS PA LA SOGS PA MA RTOGS PA CAN GYI RIGS GSUM PO'AM GZHAN YANG RUNG BA NI DE LAS BZLOG PA'I RIG BYED DBANG MA YIN TE, NUS PA MED PA'I PHYIR RO, ,'DI NI SDANG BA SA MI 'JUG PA ZHES BYA BA KHAS BLANGS PA YANG 'DI SDANG BAS MI 'JUG PA MA YIN TE, 'O NA CI ZHE NA, RTOGS PA DANG LDAN PA NYID KYI DBANG BYED PA MA YIN PA'I PHYIR RO, ,ZHE SDANG GI RGYUS KYANG 'JUG PAR MI BYED PAR MTHONG BA'I PHYIR DE YANG DE LTAR BSTAN PA YIN NO, ,GZHAN RTOGS PA SNGON DU GTONG BA NYID YIN YANG DBANG MI BYED PA YANG 'JUG PA NYID KYI PHYIR PHYIN CI LOG NYID YIN NO, ,RTOGS PA DANG LDAN PA RNAMS KYI DBANG MI BYED PA NYID 'DI YANG BDAG NGES PAR SBYAR RO ZHES BYA BA LA SOGS PAS GSAL BAR BYED PA YIN NO, ,NGES SBYOR NI SGRA GCIG PU'I SPYOD YUL MA YIN NAM, BSGRUB BYA DPOG PA LA NGES PAR SBYOR BA NA YUL LA SBYOR BA ZHES BYA BA'I RNAM PAR RTOG PAS BSLAD PA TZAM YIN NO, ,TSAD MAS DPOG PA LA RANG DBANG DANG, GZHAN DBANG LA SOGS PA'I RNAM PAR RTOG PAS BSNYON PAR NUS PA MA YIN NO,,

'O NA CI ZHE NA, 'DI DNGOS PO'I CHOS YIN PA'I PHYIR GNAS SKABS 'DIR MA BOR NA RJES SU BSGRUB PAR BYA BA NYID NI LUNG GI DON ZLOS PAR BYED PA RJES SU BSGRUB PAR BYA BAR MI 'GYUR RO, ,MTHO RIS 'DOD PAS MCHOD SBYIN GYIS SHIG CES BYA BAR RTOGS PA TZAM GYIS TSIM PA NI MA YIN NO, , GZUNG BYA'I YUL 'DZUD PAR BYED PA RNAMS KYIS MTHO RIS 'DOD PA'I SKAD KYI DBYINGS KYI DON SHES PA RNAMS KYI NYE BA NA GNAS PA NYID RTOGS BZHIN PA DE'I CHOS DE GRUB PA YIN NA BSGRUB BYAR 'GYUR GYI RANG DBANG DU NI MA YIN NO, ,DE YANG MA GRUB PA LA MA GRUB PA'I RNAM PAR RTOG PA MA BOR BA RJES SU SGRUB PAR BYED PAR 'OS PA MA YIN NO, ,RE RE CHOS NYID GSAL BA YIN NA, BSDUS PA'I CHOS NYID BKAG PA YIN PAR DGONGS PA'O, ,CHOS CAN MA GRUB NA CHOS DE LA BRTEN PAR MI 'GYUR BA MA YIN NAM, CHOS CAN NI RANG DBANG CAN YIN PAS DE MA GRUB KYANG 'GRUB PA YIN TE, RGYA SHUG GI 'BRAS BU'I SNGO BA NYID NI SER PO NYID MED NA MED PAR MI 'GYUR RO, ,DE YANG, A'A BIR BA BH'A TI RO BH'A B'I, CHOS CAN RNAMS LA RJES 'JUG GANG, ,CHOS CAN ZHES SMOS SO, ,DE MA GRUB KYANG MA GRUB PA'I CHOS NI RJES SU BSGRUB PAR BYA BA YIN NO SNYAM DU SEMS PA LA, YONGS SU RDZOGS PA NI RJES SU BSGRUB PAR NUS PA MA YIN NO ZHES SMOS SO, ,DE'I PHYIR NGES PAR SBYAR BA LA RGYA SHUG GI 'BRAS BU'I SNGO BA NI SER PO LAS SHIN TU GZHAN PA KHO NA YIN TE, RANG GI DUS 'DZIN PA CAN GYI TSAD MA YIN PA NYID KYIS DE DANG GCIG PA NYID DU MA RTOGS PA'I PHYIR RO, ,SNGA MA 'DZIN PA'I DUS SU PHYI MA MED PA'I PHYIR GZUNG BA MA YIN TE, YOD PA DANG MED PA THA DAD PA'I PHYIR RO, ,GCIG PA NYID YIN NA NI SNA TSOGS PA GCIG TU 'GYUR RO, ,SHES PA PHYI MA'I DUS SU NI SNGA MA BYUNG ZIN PA'I PHYIR 'DZIN PA YIN NO, ,GZHAN DU NA BUM PA'I SHES PA 'DAS PA'I DUS KYI KHAMS GSUM PO 'DZIN PAR 'GYUR RO ZHES BYA BA'I DON TO, ,BYA BA'I KHYAD PAR ZHES BYA BA NI DBYIBS SO, ,SNGAR BZUNG BA SHES PA PHYI MAS 'DZIN PA MA YIN NAM, DE NI SHES PA SNGA MAS BYAS PA'I SHUGS YIN NAM, MA YIN TE, THAMS CAD DU SHES PA

, ,SNGA MA YOD PA'I PHYIR DE'I BYAS PA'I SHUGS LAS PHYI MA'I NI THAMS CAD 'DZIN PA CAN NYID YIN TE, DE'I GNAS YIN NO ZHES BSTAN PA NI, DA LTAR BA'I RANG GI NGO BO 'DZIN PA ZHES BYA BA'O, ,GANG DU DUS THA DAD PA LAS SHES PA'I THA DAD PA RTOGS PA YIN PA DER SNGA MA 'DZIN DU ZIN PA YIN KYANG, GANG DU MIG MI 'DZUMS PA LA DE THA DAD KYANG SHES PA THA MI DAD PA DER PHYI MA'I SNGA MA'I SHES PAR 'GYUR RO, ,DES NA DBANG PO LAS SKYES ZHES 'DIR SMOS PA YIN NO, ,DUS THA DAD PA LAS SHES PA THA DAD PA MA YIN NO, ,NYIN ZHAG LA SOGS PAS KHYAB PAR CAN DU BYAS PA'I SHES PA DE'I MTHAR BYE BRAG GI SHES PA LAS DBYE BA MED PA YIN LA, DE LTA YIN NA NYIN ZHAG LA SOGS PA BZHIN DU RTOGS PAR THAL BAR 'GYUR RO ZHES BYA BA'I DON TO, ,YUL GYI CHOS NYID YIN NA YANG ZHES BYA BA GZUD PAR BYA BA'I 'JUG PA'I YUL NI SKAD KYI DBYINGS KYI DON YIN NO, ,DE'I CHA'I BYA BA DE YANG BSGRUB BYA YIN PAS SHES PA'I DUS SU YOD PA MA YIN PA'I PHYIR RO, ,DE LA BRTEN PA'I NGES PAR SBYOR BA YANG DE'I TSE MED PAR 'GYUR RO ZHES BYA BA'I DON TO, ,'JUG PA'I YUL NYID NI SKAD KYI DBYINGS KYI DON YIN NO, ,DE YANG RDZOGS PAR BYA BA NYID DU YOD PA MA YIN PAR BSTAN PA NI; RJES SU SGRUB PAR BYED PA'AM YUL ZHES BYA'O, ,RJES SU SGRUB PAR BYED PA'I YUL NYID KYIS ZHES BYA BA NI RIM PA YIN NO, ,LAN NI GANG GIS DE NI YOD PA YI ZHES BYA BA STE, DE'I TSE DE RDZOGS PAR BYA BA NYID DU MED PA'I PHYIR DE BZHIN DU RTOGS PAR BYED PA MA YIN PA'I PHYIR RO, ,RJES SU SGRUB PAR BYED PA'I YUL NYID KYI SKAD KYI DBYINGS KYI DON NI RDZOGS PAR BYA BA NYID KYI KHYAD PAR CAN GYI NGO BOR YOD PA MA YIN PA DES NA RJES SU BSGRUB PA YIN NO, ,SPYI'I NGO BOR NI YOD PA DES NA RTOGS PA YIN PAR SMRA BA NI, DE YI RTOGS BZHIN NYID GRUB CING, ,ZHES BYA BA'O, ,DER SMRA BA'I NGES SBYOR NI ZHES BYA BA'I BAR GYI RJES SU SGRUB PAR BYED PA NI RJES SU BSGRUB PAR BYA'I, YUL GYI SKAD KYI DBYINGS KYI DON NI, ,ZHES SMOS SO, ,GAL TE YANG BYE BRAG CAN GYI NGO BO RJES YIN TE, BUM PA RTOGS PA YIN NA NI SNAM BU RJES SU SGRUB PAR BYED PA MA YIN NO, ,BYE BRAG LA SPYIR 'KHRUL PA

MA YIN PA'I PHYIR DE LTA YIN NO ZHE NA, MA YIN TE, GTZO BO DANG DBANG PHYUG LA SOGS PA'I SPYI BZHIN DU 'DI'I YANG BYE BRAG 'KHRUL PA'I PHYIR ZHES BYA BA'I DON TO, ,SPYI NI RJES SU BSGRUB PAR BYA BA NYID MA YIN TE, DE'I BYE BRAG RTOGS PA YIN LA, DE YANG RJES SU BSGRUB PAR BYA BA YIN GYI SPYI NI MA YIN TE, GRUB ZIN PA'I PHYIR RO ZHE NA, DE YI RANG GI NGO BO NI, ,ZHES SMOS SO, ,GAL TE YANG BYE BRAG CAN GYI NGO BO RJES SU BSGRUB PAR BYA BA'I SKAD KYI DBYINGS KYI DON LA SOGS PAS RDZOGS PAR BYA BA NI 'JUG PAR BYED PA NYID DU RTOGS PA MA YIN NO, ,DE LTA NA YANG DE'I SPYI RTOGS PA LAS BYE BRAG LA 'JUG PAR BYED DO, ,SHING DU RTOGS PA LAS SHING SHA PA LA SOGS PA BZHIN DU'O ZHE NA, RTOGS PA BZHIN PA NYID TZAM ZHIG NA ZHES BYA BA SMOS TE, DE RTOGS PA YIN YANG BYE BRAG TU RTOGS PA MED PA YIN NA NI DE'I 'DI'I ZHES 'BREL PA'I PHYIR KHAMS GSUM PO'I CI'I PHYIR MI 'GYUR ZHES BYA BA'I DON TO, ,'ON TE BYE BRAG LA SPYIR 'KHRUL PA MA YIN PA'I PHYIR DES 'PHANGS PAS 'JUG PA YIN NO SNYAM DU SEMS PA LA, GAL TE RDZAS SU BSGRUB PAR BYA BAR ZHES BYA BA SMOS SO, ,BYE BRAG NI SPYIS 'PHANGS PA YIN LA SPYIS 'PHANGS PA NYID KYIS RJES SU DPAG BA YIN NO ZHES BYA BA'I DON TO, ,GTZO BO DANG DBANG PHYUG LA SOGS PA SPYI BZHIN DU SPYI NI BYE BRAG GI 'PHEN BYED MA YIN TE, 'KHRUL PA'I PHYIR RO ZHES BSTAN PA NI, SPYIR RIGS YIN NA ZHES BYA BA'O, ,MCHOD SBYIN BYOS ZHES BYA BAS NGES PAR SBYOR BA NI MCHOD SBYIN GYI CHOD NYID RTOGS PA YOD PA MA YIN NAM, DE LA RIGS PAS GNOD PA MA YIN TE, DE YANG RIG BYED KYI TSIG LAS, DON GYI SHES PA NI MNGON SUM YIN NO ZHES 'BYUNG BA'O, ,RJES SU DPAG PA NI RIGS PA YIN LA MNGON SUM DANG 'GAL BA'I RJES SU DPAG PA NI TSAD MAR GYUR PA MA YIN PAR SMRA BA NI; GAL TE SBYIN SREG LA SOGS PA ZHES BYA BA'O, ,RTOGS PA NI MNGON SUM DU BYED PA MA YIN TE, DON NYE BA NA GNAS PA MA YIN PA'I PHYIR LA 'BYUNG BAR 'GYUR BA'I DON NI 'DI SHES PA'I DUS NA YOD PA MA YIN TE, NYE BA NA GNAS PA NYID NI MI MTHUN PA'I PHYOGS LAS LDOG PA

, ,YIN PA'I PHYIR DANG, BDAG NYID KYIS KHYAB PA MNGON DU BYED PA NYID KYANG LDOG PAR BYED PA'I PHYIR NYE BA NA GNAS PA MA YIN PA NYID NI MNGON DU BYED PA DANG 'GAL BA YIN NO, ,NYE BA NA GNAS PA NYID NI YOD BZHIN PA NYID YIN LA, DE NYID MNGON DU BYED PA YANG YIN NO, , DMIGS PA NI YOD PA NYID DE DNGOS PO'I RUNG BA NYID KYA MTSAN NYID DO ZHES GANG 'CHAD PAR 'GYUR BA STE, MNGON DU BYA BA BZHIN PA KHO NA DNGOS PO YIN GYI, MNGON DU BYED PA NI MA YIN TE, THA DAD PA MA RTOGS PA'I PHYIR RO, ,DE YOD NA DNGOS PO YOD PA YIN TE, DNGOS SU NA DE TZAM YIN PA'I PHYIR RO, ,GAL TE DNGOS PO MED NA DE YANG MED PA'I PHYIR RIG BYED KYI DON JI LTAR RTOGS PAR BYED PA YIN ZHES BYA BA'I DGONGS PA NI, RTOGS PA YOD PA MIN NA DER ZHES BYA BA LA SOGS PA'I TSIGS SU BCAD PA GNYIS SO, ,RANG GI NGO BO NYID MNGON DU BYED PA NI NYE BA NA GNAS PA MA YIN PA LAS MA YIN PAR CI LAS SHES SHE NA, GANG ZHIG RANG GI NGO BO YIN, ,ZHES SMOS PA'O, ,LKOG TU GYUR PA MA YIN PA MNGON DU BYED PA NI MNGON SUM YIN LA, DE YANG YUL NYE BA CAN NYID DO ZHES BYA BA'I DON TO, ,NYE BA NA GNAS PA MA YIN PA DE YANG YANG DAG PA MA YIN PA'I PHYIR MNGON DU BYED PA MA YIN PAS LKOG TU GYUR PA YIN NO ZHES BSTAN PA NI, RANG GI NGO BO MED PA LA ZHES BYA BA'O, ,RTOGS PA TZAM NI YOD PA YIN LA, MA RTOGS PA TZAM NI MED PA YIN PAR DMIGS PA NI YOD PA NYID DE, DNGOS PO'I RUNG BA NYID NI MTSAN NYID DO ZHES BYA BA 'DIS BRJOD PA YIN PAR BSTAN PA NI; GANG PHYIR DMIGS PA YOD PAS DE, ,ZHES BYA BA'O, ,MNGON DU BYED BZHIN PA NYID KHO NA NI YOD PA MA YIN TE, RJES SU DPAG PA DANG BYA BA MED PAR THAL BAR 'GYUR BA'I PHYIR RO, ,DE'I YANG RJES SU DPAG PA'I YUL RTOGS PA YIN PA'I PHYIR YOD PA YIN TE, DE LA BRTEN BA YANG RUNG SHES PA SKYE BAR 'GYUR BA 'CHAD PA GANG YIN PA'O, ,NYE BA NA GNAS PA MA YIN PA RTOGS PAR NI MI RIGS TE, RJES SU DPAG PA MED PAR THAL BAR 'GYUR BA'I PHYIR RO, ,'JUG PA'I YUL GYI DNGOS PO LA LTOS PAS KYANG RJES SU DPAG PA NI 'KHRUL PA MED PA YIN LA, DE YANG

'BYUNG BAR 'GYUR BA YIN PA'I PHYIR MA RTOGS PA NYID YIN NO SNYAM DU SEMS PA LA, RTOGS PA TZAM GYI DNGOS PO NI ZHES BYA BA LA SOGS PA'O, ,DES NA 'JUG PAR BYED PA MA YIN PA'I PHYIR TSAD MA NYID MA YIN ZHES DE LTAR SHES PAR BYA BA NI GZHUNG 'DI'I RNAM PAR DBYE BA'O, ,RE ZHIG RIG LAS BYUNG BA LA RTOGS PA NI RJES SU DPAG PA MA YIN TE, GZHAN RTOGS PA LA 'BREL PA MED PA'I PHYIR LA SGRA LAS BYUNG BA NI MA YIN TE, DE YANG PHAN TSUN 'GAL BA SHIN TU MANG BA CAN YIN PA'I PHYIR 'DI LA 'DI TSAD MA YIN GYI GZHAN MA YIN NO ZHES BYA BA'I RNAM PAR DBYE BA'I RGYU MTSAN MA YIN NO, ,DE'I SO SOR SNANG BA LA MA 'KHRUL PA LA SOGS PA YOD PAS RANG GI 'DOD PAS DAM 'CHA' BA YIN LA, RTOGS PA NI DAM 'CHA' BA 'GRUB PA LA YIN YANG GZHAN GYI 'DOD PA RNAMS KYIS RNAM PAR 'BYED PA'I RGYU MTSAN GYIS SBYOR BAR BYED PA MA YIN PA NYID DON LA MA 'KHRUL PA LA MA YIN PAR SMRA BA NI, RIG BYED NYID LAS ZHES BYA BA'O, ,DE LA SKYES BUS BYAS PA MA YIN PA'I PHYIR DBANG BO BZHIN DU RIG BYED PA NI 'KHRUL PA MED PA YIN LA, GZHAN LA NI SKYES BU RNAMS KYI SKYON LA BRTEN PA'I PHYIR DON LA REG PA MED PA NYID YIN NO, ,DE YANG, RE ZHIG SGRA LAS SKYON BYUNG BA, ,SMRA BA PO LA RAG LAS GNAS, ,ZHES SMOS PA'O, ,DBANG PO KHO NA BZHIN DU SKYES BUS BYAS PA MA YIN PA NYID LA 'BREL PA MED PA LA SOGS PA'I SKYON YANG RANG BZHIN GYIS YOD PA MA YIN NAM, SKYES BUS BYAS PA NI SKYES BU'I SKYON MED PA'I PHYIR TSAD MA YIN LA, DBANG PO NI SKYES BU'I SKYON MED PA LAS TSAD MA YIN TE, RANG LA YOD PA'I SKYON GYIS KHA CIG TU TSAD MA MA YIN PA'I PHYIR RO ZHES BSTAN PA NI, 'JIG RTEN RJES 'BRANGS ZHES BYA BA'O, ,SMRA BA PO NYID NI SKYES BUS BYAS PA YIN LA, SKYES BU RNAMS THA SNYAD 'DOGS PA NA DRUNG NA 'DUG PA DE RANG BZHIN GYIS GO BA 'DI YANG GTAM TZAM YIN TE, SNGON BYAS PA NYID LA DE BZHIN DU RTOGS PA'I PHYIR RO, ,TSAD MA YANG 'DIR DU BA BZHIN DU MA RTOGS PA YIN LA, DE BZHIN DU ME'I SGRA'I DON 'DI NYID KHYED KYIS JI LTAR SHES ZHES DRIS PA NA,

, ,DE SHES PA YIN ZHES SKYES BU GZHAN TSAD MAR BYED LA DE YANG GZHAN LAS YIN PA'I PHYIR LONG BA GCIG LA GCIG LTA BU YIN GYI, DE LTA BU NI DE KHO NA NYID RNAM PAR GZHAG PA MA YIN NO, ,DE'I RJES SU 'BRANG BA NYID KYIS RIG BYED KYI DON RTOGS PA NI 'DOD PAS BSLAD BA BZHIN DU JI LTAR RNAM PAR BSLAD PA MA YIN ZHES BSTAN PA NI, 'JIG RTEN NA ZHES BYA BA LA SOGS PA'O, ,TSIG RNAMS NI TSIG GZHAN GYI DON DANG 'BREL PA'I DON RTOGS PAR BYED PA'I DAG MA YIN NAM, DE RNAMS KYANG DE LTAR 'JIG RTEN LA RAB TU GRAGS PA YIN PA LA YANG SKYES BU RNAMS RANG GI SKYON GYIS NYE BAR BSLAD PAR BYED PA YIN NO, ,RIG BYED LA NI SKYES BUS BYAS PA MA YIN PAS GZHAN DU BYED PA MA YIN PA'I PHYIR DANG, 'JIG RTEN PA NYID KYIS NI BRJOD BYAR BSTAN PA TZAM 'JIG RTEN GYI RJES SU 'BRANG BA YIN PAS JI LTAR NYE BAR BSLAD PA YIN SNYAM DU SEMS PAS DE LA RMONGS PA ZHES BYA BA LA LAN DU DER YANG ZHES BYA BA STE, RIG BYED KYANG GAL TE 'BREL PA CAN GYI DON YIN ZHES ZER NA, GANG ZHIG GANG DANG ZHES MA RTOGS PA STE RANG GI DON GYI BYE BRAG MI SHES PA'O, ,'JIG RTEN LA GRUB PA'I RJES SU 'BRANG BA YIN NA SGRA NI 'JIG RTEN PA'I DON DANG 'BREL PA RJES SU 'BRANG BAS 'JIG RTEN BZHIN DU RIG BYED KYANG RNAM PAR BSLAD PAR 'GYUR BAR 'JIG RTEN NA ZHES BYA BAS BSTAN PA YIN NO, ,DE LA 'BREL PA DANG SGRA YANG 'JIG RTEN PA'I RJES SU 'BRANGS PA LAS YIN NA, CHES SHIN TU BSLAD PAR DOGS PAR 'GYUR RO ZHES BSTAN PA NI 'JIG RTEN ZHES BYA BA STE, 'JIG RTEN DAG LA GANG DAG KHO NA 'JIG RTEN PA YIN PA DE DAG KHO NA RIG BYED PA'I SGRA'I DON YIN NO, ,'JIG RTEN PA'I RANG GI DON LA GOMS PA SNGA MA SNGA MA'I RJES SU 'BRANGS PAS RIG BYED LAS DON RTOGS PA YIN NA NI 'GA' YANG DON LA SO SOR NGES PAR MI 'GYUR ZHES BYA BA'I DON TO, ,SKYES BUS MA BYAS PA NYID NI DON SO SOR NGES PA'I YAN LAG MA YIN NO ZHES BSTAN PA LA MCHOD SBYIN LA SOGS PA'I DNGOS PO RTOGS PA'I DON DU SKYES BUS RANG NYID KYIS MI NUS PAS MA GTOGS PA'I DON GSAL BAR BYED PA NYID LA RIG BYED TSAD MA

NYID MA YIN NO SNYAM PA'I BSAM PAS GAL TE RIG BYED CES ZER BA LA, LAN DU 'DI NI LUNG THAMS CAD LA ZHES BYA BA STE, TSIG GI DON TZAM DU SBYAR BA NI LUNG GZHAN BZHIN DU SKYES BUS NUS PA'I PHYIR, SKYES BU'I DON GYI RJES SU 'JUG PA MA YIN PA 'GA' YANG GZHAN NA MED DO ZHES BYA BA'I DON TO, ,RIG BYED KYI DON NI KHYAD PAR CAN DU MA YIN PA MA YIN NAM, DE RNAMS NI SKYES BU MED PAS BTANG NAS SKYES BUS BYAS PA LA GUS SHING NAN TAN DU BYED PAS NGAG GCIG PA NYID KYANG MA YIN NO, ,DE NYID KYIS NA 'KHRUL PA MED DO, ,DE YANG, CHOS KYI RTZA BA RIG BYED DO; ,ZHES SMOS PAS, DAM PAS BRTZI BA MIN ZHES ZER BA LA, LAN DU PHAN TSUN BRTEN PA ZHES BYA BA SMOS TE, DE RNAMS LA NI RIG BYED KYI DON SKYES BU'I DON DANG 'BREL PAR RTOGS PAR NUS PA MED DE, RIGS PA STONG RIG PAS JI LTAR MA MTHONG ZHES BYA BA YANG LUNG THAMS CAD KYI RIGS PA RTOGS PAR MTSUNGS PA YIN TE, RIG BYED NYID LAS RTOGS PA'I NGES PA MED PA'I PHYIR BSAL BA YIN PAS PHAN TSUN BRTEN PA YIN NO, ,DES NA BRAM ZE RNAMS KYANG RIG BYED LAS DON BYED PA'I RIM PA'I BYED PA PO MA YIN NO, ,BSTAN BCOS GZHAN LA SMOD PAR BYED PA'I GZHI MED DO, ,RIGS LAS KHYAD PAR CAN DANG KHYAD PAR CAN MA YIN PA NYID NI SKYES BU'I DON NYID RIG PA LA DGONGS PA MA YIN ZHING, TSAD MA CAN NYID KYANG MA YIN PAR BSTAN PA NI, BRAM ZE SKYE GNYIS PA DAG KYANG ZHES BYA BA'O, ,RIGS GSUM PO RNAMS KYI 'KHRUL PA SRID PA MA YIN NO ZHES BYA BA LA SOGS PA NI MI RIGS TE, 'GAL BA MA GRUB PA'I PHYIR RO, ,DE KHO NA NYID SHES PA NI 'KHRUL PAR 'GAL BA YIN NO, ,RIGS TE RIGS GSUM PO NYID NI RUS TE, TSANGS PA'I BU RNAMS NI BRAM ZE RNAMS SO, ,DE BZHIN DU THOS PA LA TSANGS PA'I KHA LAS NI ME DANG, MI RNAMS LAS BRAM ZE RNAMS SPRUL PA YIN NO, ,KHYAD PAR CAN DANG RIG BYED DAG NI DON MNGON DU BYED PA DANG, NYAMS SU MYONG BA DAG TU GRUB PA MA YIN TE, PHAN TSUN BRTEN PA 'BRAS BU YIN PA'I PHYIR RO, ,DE ZHES BYA BA'I SGRAS BSTAN TO, ,RIG BYED KYI MNGON DU BYED

, ,PA LAS KHYAD PAR CAN NYID MA YIN TE, 'O NA NI CI ZHE NA, DE SPYOD PA LAS SO, ,DE LTA NA MI SHES PA RNAMS LA DAD PA MED PA'I PHYIR JI LTAR 'DI DE'I DON NYID SHES PA YIN ZHES BSTAN PA NI, DAM PA RIG BYED DON SPYOD LAS, ,ZHES BYA BA'O, ,DON DANG 'BREL PA CAN NI TSAD MA YIN LA, KHYAD PAR CAN GYI RIGS GSUM PO NYID DON DANG 'BREL PA LA SBYOR BAR BYED PA MA YIN TE, MA NGES PA YANG YIN PAR BSTAN PA NI, SKYE GNYIS PA DAG KYANG ZHES BYA BA'O, ,DE RNAMS NI 'KHRUL PA MI SRID PA'I PHYIR RO ZHE NA, SDIG PA LA ZHES BYA BA SMOS TE, DE KHO NA NYID SHES PA DANG, 'KHRUL PA NI 'GAL BA YIN GYI RIGS GSUM PO NYID KYI 'KHRUL PA NI BKAG PA MA YIN NO, ,LUNG GZHAN 'KHRUL PA NYID YIN PAS TSAD MA NYID MA YIN LA, 'JUG PA RNAMS NI SKYE GNYIS PA NYID MA YIN NO ZHE NA, PHAN TSUN BRTEN PA YIN NO ZHE NA, BSTAN PA NI SDIG LAS ZHES BYA BA'O, ,'KHRUL PA NYID DANG KHYAD PAR CAN GYI RIGS GSUM PO NYID DU MI 'GRUB STE, TSAD MA MED PA'I PHYIR RO ZHES BSTAN PA NI, RIGS DANG RUS DANG ZHES BYA BA STE, RNAM PA 'CHOL PA ZHES BYA BA NI RAL PA CAN DANG, 'DAM 'BYIN LA SOGS PA'O, ,RUS KYI MTSAN NYID SKYE BA GNYIS PA NYID YIN PA NYID GSAL BA YIN NO, ,THU YU ZHES BYA BA LA SOGS PA LA GDAMS NGAG LA LTOS PAS MNGON SUM DU NGES PA MA YIN PAR BSTAN PA NI, MNGON SUM DON LA GZHAN GYI NI, ,ZHES BYA BA STE, SA 'OG DANG 'DRA BAR NAM MKHA' MTHONG NGO ZHES BYA BA'I RIGS PA LAS SO, ,MNGON SUM NI NGES PAR BYED PA MA YIN LA, GDAMS NGAG NI GDAMS NGAG TU BYA BA LA NGES PA YIN GYI, DE BZHIN DU NI MA YIN NO SNYAM DU SEMS PA LA, GDAMS NGAG YOD PA'I ZHES BYA BA SMOS TE, MNGON SUM TZAM BZHIN DU GDAMS NGAG YOD PA TZAM YANG THE TSOM CAN NYID YIN NO ZHES BYA BA'I DON TO, ,GDAMS NGAG GI BYE BRAG NGES PA CAN YIN NA, MNGON SUM GYI BYE BRAG KYANG YIN PAR BSTAN PA NI, GAL TE BRAM ZE ZHES BYA BA'O, MNGON SUM CAM DU SEMS NA GDAMS NGAG CAM YANG MTSUNGS PA YIN NO ZHES BYA BA BSTAN PA NI, DE LTA YIN

NO ZHEN NI ZHES BYA BA'O, ,DE LTA NA YANG AUTPALA SNGON PO BZHIN DU GNYI GA YIN NA MA 'KHRUL PA CAN YIN NO SNYAM DU SEMS PA LA, DE NYID KYI PHYIR ZHES BYA BA SMOS SO, ,AUTPALA DANG SNGON PO DAG NI PHAN TSUN LTOS PA MA YIN TE, RANG GI YUL LA RNAM PAR 'JOG PA YIN YANG MNGON SUM DANG GDAMS NGAG DAG NI DE LTA MA YIN TE, YUL NGES PA MA YIN PA'I PHYIR RO ZHE NA, GDAMS NGAG MED PAR ZHES BYA BA SMOS SO, ,MNGON SUM LA NGES PA MA YIN PA'I SKAD CIG MA YANG SNGON POS NGES PA LA RJES SU DPOG PAR BYED DO, ,DE BZHIN DU RIGS KYANG SKYES BU MNGON SUM DU GYUR PA LAS DER MA NGES PA GDAMS NGAG LAS DPOG PAR BYED PA YIN NO SNYAM DU SEMS PA LA GAL TE DON GRUB CES BYA BA SMOS TE, MNGON SUM GYI SNGON PO TZAM DU NGES PA LA, DE SKAD CIG MA NYID DU MA NGES PA LA RJES SU DPAG PAS SKAD CIG MA NYID DU DPOG PAR BYED PA MA YIN TE; SKAD CIG MA NYID MA YIN PA BZHIN DU DE DANG 'GAL BAS GZHI MA GRUB PA BZHIN DU GO BAR BYED PA MA YIN PA'I PHYIR RO, ,DE BZHIN DU RIGS PA DANG BRAL BA'I DNGOS PO MNGON SUM PA DANG DE SGRUB PAR BYED PA'I GDAMS NGAG 'GAL BA CAN YIN ZHES BYA BA'I DON TO, ,MNGON SUM GYI DNGOS PO TZAM DU RTOGS PA LA RJES SU DPAG PA DANG GDAMS NGAG GIS SKAD CIG MA NYID DANG, SKYE BA GNYIS PA NYID DU YANG RTOG PAR BYED DO ZHES BYA BA MA NYAMS PAR CIS MI 'GYUR SNYAM DU SEMS PA LA, RE ZHIG DANG POR ZHES BYA BA SMOS TE, SKAD CIG MA NYID DANG RIGS DANG BRAL BAR YANG RTOGS PA YIN NA MNGON SUM GYIS SAM GZHAN GYIS KYANG RUNG SER PO LAS SNGON PO BZHIN DU DE DANG LDAN PAR RTOGS PAR MI NUS SO ZHES BYA BA'I DON TO, ,DES NA GZHAN GYIS ZHES BYA BA DE DANG 'GAL BAS TSAD MA GZHAN LA LTOS PA YIN NO ZHES BYA BA'I DON TO, ,DE'I PHYIR RJES SU DPAG PA'AM GDAMS NGAG KYANG RUNG MNGON SUM GYIS BCAD PA NYID LA NGES PAR BYED PA YIN GYI DE DANG 'GAL BA CAN NI MA YIN TE, MI NUS PA'I PHYIR RO ZHES BSTAN PA NI, GAL TE MNGON SUM GYIS MA RTOGS NA ZHES BYA BA'O, ,'ON TE GDAMS NGAG LAS DBANG PO

, ,LAS 'DAS PA'I RIGS KHO NA CAN RTOGS PA YIN NO ZHE NA, MA SHES PAR ZHUGS PA ZHES BYA BA SMOS TE, SKYES BUS BYAS PA MA YIN PA LAS DON RTOGS PA MA YIN TE, NGES PA MED PA'I PHYIR RO, ,SKYES BUS BYAS PA NI MNGON SUM LA SOGS PA LA MA LTOS PAR DON RNAMS LA TSAD MA MA YIN TE, NUS PA MED PA'I PHYIR RO ZHES BYA BA'I DON TO, ,RIGS RGYUN MA CHAD PAR NI DRAN PA RNAM PAR MA CHAD PA LAS SHES PA MA YIN NAM, BU NI PHA LAS PA YANG RANG GI PHA LAS DE YANG RANG GI PHA LAS YIN NO SNYAM DU SEMS NA, RUS NI RNAM PAR MA 'CHAD PA'ANG, ,ZHES BYA BA SMOS TE, DES MA YIN NI NGES PAR MA GYUR PA'O, ,RANG NYID KYI PHA NYID KYANG DBANG PO LAS 'DAS PA YIN PA'I PHYIR SU YIN PA'I NGES PA MED NA DE'I RUS JI LTAR NGES PA YIN, DRAN PA NI SGRO BTAGS PA LA SOGS PA 'GA' LAS KYANG 'KHRUL PA YIN PA'I PHYIR SGRUB PAR BYED PA MED PA YIN NO, ,RIGS 'CHOL BAR GSAL BA NYID NI RNAM PA CHAD PA YIN PAR BSTAN PA NI, SU T'A ZHES BYA BA STE DE MTHONG BA LAS MA 'ONGS PA'I PHYIR MA MTHONG BA LA YANG THE TSOM ZA BA KHO NA YIN PAR BSTAN PA NI ZHES BYA BA'O, ,'DI LAS 'DI SKYES PAR DE'I MAS SHES SO ZHE NA, DE JI LTAR RANG GI SKYON BSAL BAR STON PAR BYED, DE'I PHYIR DE'I TSIG NI YID CHES PAR BYA BA MA YIN PAR BSTAN PA NI, 'DI NI THOGS MED CES BYA BA'O, ,RIG BYED KYI DON DANG 'BREL PA MA YIN PA PHYIS 'BREL PA YIN NA, SGRA DANG DON RTAG PA YIN LA, DE JI SRID GNAS PAR 'BREL PA YANG RTAG PAR 'GYUR BA'I PHYIR 'GAL BA NYID YIN PAR BSTAN PA NI, DON MED PA'I RIG BYED CES BYA BA STE, BRDAR BYAS PA CAN YANG PHYIS JI LTAR 'GYUR, 'BREL PA CAN MA YIN PA YANG BRDA 'AM GZHAN LAS KYANG RUNG, 'BREL PA CAN DU MI 'GYUR RO SNYAM DU SEMS PA LA, BYA BA MED PA'I RANG BZHIN NI ZHES SMOS SO, ,BRDA LAS 'BREL PA CAN DU 'GYUR RO ZHES SMRA BA MA YIN NAM, 'O NA JI LTA ZHE NA, BRDA YOD PA YIN NA DE'I BAG CHAGS SAD PAS BRDAR BYAS PA'I YUL DRAN PAR 'GYUR BA YIN NO, ,SAD

PA YANG SGRA KHO NA LAS NI MA YIN TE GZHAN 'GA' LAS 'BAD PA LA SOGS PA LAS KYANG 'BYUNG BA'I PHYIR RO, ,DE LTAR YANG TSAD MA RNAM PAR NGES PA LAS, DE LAS 'DI RNAMS LA LAR CUNG ZAD KYANG MA GRUB PA NYE BAR BLANGS PA MED DO ZHES SMOS PA'O, ,MI RTAG PA NI RES 'GA' BAR RANG BZHIN GYIS 'GYUR BA YIN PAR BSTAN PA NI, DON YOD PA DANG MED PA NA ZHES BYA BA STE, RIG BYED LAS DON BYED PA LA DON NI DON DAM PA'O, ,TSUL NI LAM MO, ,BYED PA NI BYED BZHIN PA ZHES BYA BA JI LTAR THA SNYAD MI BSLU BA YIN, MA RTOGS PA'I DON GSAL BAR BYED PA NYID DO, ,'GA' ZHIG NI ZHES BYA BA NI RIGS GSUM PO LAS GZHAN PA NI DE KHO NA NYID DU DON DANG 'BREL PA SGRUB PAR BYED PA MA YIN TE, MA NGES PA'I PHYIR RO ZHES BYA BA'I DON TO, ,MNGON DU BYED PA DANG 'BREL PA RTOGS PA MED NA RTOGS PA TZAM YIN PA'I PHYIR TSAD MA MA YIN NO ZHES BSTAN PA NI, YONGS SU MA BRTAGS PA'I PHYIR ZHES BYA BA'O, ,SPYI LAS RTOGS PA YIN NA BYE BRAG LAS RJES SU BSGRUB PAR BYA BA YIN ZHES BYA BA LA SOGS PA NI GSAL BA YIN ZHES BSTAN PA NI, GRUB PA NI GZHAN LA ZHES BYA BA STE, GZHAN DU RTOGS PA LA GZHAN LA RJES SU BSGRUB PA MA YIN LA, RTOGS PA NYID RANG GI NGO BOS RJES SU BSGRUB PA YANG MA YIN TE, GRUB PA'I PHYIR RO ZHES 'CHAD PAR GYUR PA LA YANG BLTA BAR BYA BA'O, ,MTHAR THUG PA MED NA 'JUG PA'I MTSAMS MED PA'I PHYOGS DON MED PA YIN NO ZHES ZER BA NI, 'ON TE ZHES BYA BA LA SOGS PA STE, MI BSLU BAR BYA BA NYID GA LAS SHE NA, NGES PAR SBYAR BA DANG BRAL BA ZHES BYA BA STE, RTOGS PA'I DUS SU YANG YUL NGES PAR SBYAR BYA NYID RTOGS PAR BYED CES BYA BA'I DON TO, ,YUL NGES PAR SBYAR BYA MA GTOGS PAR NGES PAR SBYOR BAR MI 'GYUR BAR CI LAS SHES SHE NA, SMRAS PA, GANG PHYIR NGES SBYOR 'DZUD BYED KYI, ,ZHES BYA BA STE, YUL LA 'DZUD PAR BYED PAR 'GYUR PA NI 'BRAS BU NYID DO, ,RTOGS BZHIN PA NI 'DZUD PAR BYED PAS BYAS PA YIN PA DES NA, DE NI GZUD PAR BYA BA LA LTOS PA YIN TE, 'BRAS BU MTHONG BA LAS ZHES ZER BA NI, NGES PAR SBYAR BYA'ANG ZHES BYA BA

, ,STE; DE LTA BU'I NGES PAR SBYOR BA DE YANG ZHES BYA BA NAS MI 'GYUR RO ZHES BYA BA'I BAR NI RGOL BA STE, RANG GI BYA BA SGRUB PAR BYED PAR BSGRUB PA YIN NO, ,PHAN TSUN 'BREL PA YANG 'JUG PA 'PHEN PAR BYED PA NYID KYIS NGES PAR SBYOR BA LA NGES PAR SBYOR BA GZHAN GYI DON RTOGS PAR 'GYUR RO ZHES BSTAN PA NI, KHAMS KYI DON LA SOGS PA ZHES BYA BA'O, ,GZHAN GYI NGO BOS NI THUN MONG BAS SAM SGRO BTAGS PAS KYANG RUNG RTOGS PA YIN NO ZHE NA, GZHAN GYI NGO BOR ZHES BYA BA SMOS TE, GZHAN GYI NGO BO ZHES BYA BA NI SPYI RTOGS PA NI MA YIN ZHES SPYI NI DNGOS PO THAMS CAD KYI ZHES BYA BA DER BSTAN ZIN TO, ,SGRO BTAGS PA NI DNGOS PO YOD PA MA YIN PA LA RNAM PAR RTOG PAS BYAS PA'I ZHES PAS PHYI ROL DU RTOGS PA MA YIN NO ZHES BYA BA 'DI LA YANG SPYI BZHIN DU THAL BAR 'GYUR RO, ,GZUNG BYA'I RNAM BA'I RANG RIG PAS RTOGS PA YIN YANG DE'I RTOGS PA MA YIN PAR BSTAN PA NI, GZHAN NI GZHAN NGO BOR ZHES BYA BA'O, ,'DI NI CHU YOD CES BYA BA'I GZUNG BA'I RNAM PA'I DE KHO NA NYID DU MNGON PAR SEMS PAR BYED PA NI RTOGS PAS YIN PAR SMRA BA NI DE LTA YIN DANG ZHES BYA BA'O, ,DE RNAMS RTOGS PAS BSRES PA YIN ZHES PA'I RIGS PAS RTOGS PA NYID DE LTA BU'I BYA BA RNAMS GZUNG BA'I RNAM PA LAS SHES PAR BYA BA'I KHONGS SU GTOGS PA YIN ZHES BYA BA'I DON TO, ,DE BZHIN DU BYA BA RTOGS PA YIN NA PHYI ROL DU SNANG BA MA YIN YANG DE LAS GZHAN PAR MNGON PAR DA RGYAL BA MED PA'I PHYIR GZHAN SEL BA RTOGS PA YIN PAR BSTAN TO, ,DES NA YANG PHYI ROL LA 'JUG PAR BSTAN PA NI GZHAN SEL BA'I ZHES BYA BA'O, ,GZUNG BA'I RNAM PA YANG RANG RIG PA MA YIN NAM, PHYI ROL BZHIN DU MNGON PAR BRJOD PA LAS BYUNG BA'I SHES PA'I YUL NI MA YIN NO, ,PHYI ROL NYID DU ZHEN PA'I YUL NYID DU ZHEN PAS SGRO BTAGS PA'I BRJOD BYA YIN TE, TSAD MA RNAM PAR NGES PA LAS, RANG GI SO SOR SNANG BA NI DON MA YIN PA LA DON DU ZHEN PA ZHES SMOS TE, DON MA YIN PA NYID NI SGRO BTAGS PA NYID NI GZUNG BA'I RNAM PA LAS GZHAN MA YIN NO ZHES BSTAN PA NI,

MCHOD SBYIN LA SOGS PA GYIS SHIG CES BYA BA'O, ,PHYI ROL GYI DON BYED PA NI SGRA LAS NGES PAR BYED PA YIN GYI SGRO BTAGS PA NI MA YIN NO, ,DE NYID KYIS NI 'JUG PA YIN GYI SGRO BTAGS PAS RANG DBANG DU GTOGS PA YIN NA NI PHYI ROL LA 'JUG PA MA YIN NO, ,TSAD MA RNAM PAR NGES PA LAS, 'DI NI BUM PA ZHES SHES LA KHA DOG SNANG PHYIR RO ZHES SMOS PA'O, ,SNA TSOGS PA NYID MA RTOGS PA NI SGRO BTAGS PA'I PHYI ROL NYID DO ZHES PA'I MNGON PAR ZHEN PAS 'JUG PA YIN NA, GZUNG BA'I RNAM PA NYID KYI PHYI ROL DU ZHEN PA NI BTAGS PA PA YIN LA, GZHAN GYI NI PHYI ROL NYID DU SGRO BTAGS PA NYID YIN YANG DE LA YANG GZHAN NYID YIN GYI PHYI ROL NI MA YIN LA, SLAR YANG BTAGS PA YANG GZHAN NYID YIN NA THUG PA MED PA'I PHYIR RTOGS PA MED PAS PHYI ROL LA 'JUG PA MED DO, ,RTOGS PA YIN NA YUL NI DE'I BDAG NYID KYIS PHRAD PA YIN ZHES BYA BA'I DON TO, , PHYI ROL GYI SHES PA YIN NA DE NYID RTOGS PA DANG 'JUG PA'I YUL YIN DU ZAD MOD, GZUNG BA'I RNAM PA 'DZIN PAS CI ZHIG BYA BA BSTAN PA NI BYED PA PO NYID KYANG ZHES BYA BA STE, RTOGS PA PO TZAM YIN GYI NYE BA NA GNAS PA MA YIN ZHES BYA BA'I DON TO, ,GANG DAG BYUNG GYUR DE NYID LAS ZHES BYA BA'I RIGS PAS DE NYID JI LTAR MA YIN ZHE NA, RTOGS PA'I DUS NA ZHES BYA BA SMOS TE, BYED PA PO MA YIN PA LAS CIG SHOS NI GZHAN YIN NO ZHES BYA BA'I DON TO, ,DE LTA MIN NA BYA BA'I DNGOS PO NYE BA MA YIN PA NYID RTOGS PAR BYED PA NI SGRA YIN TE, DE YANG, YANG NA GANG ZHIG SMRA BA PO, ,ZHES RANG DBANG DU BRJOD PA STE SNYAM DU SEMS PA LA, SGRAS SNGAR MA RTOGS PA ZHES BYA BA SMOS TE, 'BREL PA MA BZUNG BAR NI SUS KYANG SGRA LAS DON RTOGS PA MA YIN NO, ,'ON TE TSIG NYID NI NGAG MA YIN TE, TSIG GI DON LAS 'BREL PA MI SHES PA RNAMS THE TSOM DANG LDAN PA RNAMS LAS NGAG GI DON SHES PA YIN GYI, DE'I 'BREL PA 'DZIN PA LA LTOS PA NI MA YIN NO SNYAM DU SEMS PA NA, GANG GIS SNGAR ZHES BYA BA SMOS SO, ,BYED PA PO'I TSIG LAS BYA BA DANG BCAS PA'I TSIG GI DON SNGAR RTOGS PA KHO NA RTOGS BYA YIN GYI GZHAN DU NI MA

, ,YIN TE; BYED PA PO NYID DU MI 'THAD PA'I PHYIR RO, ,DE LTA YIN DANG BYED PA PO YANG 'PHANGS PA YIN NO, ,DE LTAR SNGAR DMIGS PA'I PHYIR RO, ,DE BZHIN DU 'PHANGS PA'I BYE BRAG CAN NI NYE BA NA GNAS PA'I BYA BA 'PHEN PA YIN PAR CI LAS SHES SHE NA, DE BZHIN DU SNGAR DMIGS PA'I PHYIR TE, DE LTA NA NYE BA NI GNAS PA DANG RUNG BA LA LTOS PA NYID NI TSOGS PA STE, DE NYID NI DE LAS GZHAN PA LAS THA DAD PA YIN ZHES BYA BA NI SNGON DANG PHYI MA NYID DO, ,DES NA NGAG GI DON YANG SNGAR MTHONG BA LA BRTEN PA NYID DU SHES PAR BYA ZHES BYA BA'I DON TO, ,SNGAR MTHONG BA'I RJES SU 'BRANG BA MED NA SGRA LAS RTOGS PA YANG MED PA KHO NA YIN PA'I PHYIR SGRO BTAGS PA'AM, PHYI ROL YANG RUNG RANG DBANG DU 'DZIN PA MA YIN PAR BSTAN PA NI GZHAN NI MA YIN NO ZHES BYA BA'O, ,SNGA MA'I RJES SU 'BRANGS NAS MTHONG BA DANG SNANG BZHIN PA THUN MONG PA NYID KYIS RTOGS PA YIN GYI, THUN MONG MA YIN PA'I YUL CAN NI MA YIN TE, THUN MONG MA YIN PA NI DNGOS PO YIN TE, DE MA THAG TU DMIGS PA DANG GZHAN PA'I DNGOS PO'I DON BYED PAR MTHONG BA'I PHYIR RO, ,DE YANG DE MA YIN PA LAS LOG PA'I NGO BO'I RJES SU 'BRANG BA CAN NI THUN MONG BA'I SHES PA YIN TE, RANG GI SNANG BA'I RNAM PA DON MED PA DON LAS GZHAN PA LA GCIG NAS GCIG TU BRGYUD PA DON MTHONG BA LAS 'ONGS PA LA DON NYID DU MNGON PAR ZHEN PAS SKYES BU 'JUG PAR BYED PA'I PHYIR CHA GANG GIS DNGOS POR 'GYUR BA MA YIN PA DES DER MNGON PAR ZHEN PAS 'JUG PAR BYED PA YIN PA'I PHYIR GZHAN SEL BA'I YUL CAN DU BSTAN PA YIN NO ZHES BSTAN PA NI, SNGA MA'I RJES SU 'BRANGS NAS ZHES BYA BA SMOS SO, ,NGES PA CAN LAS SKYES PA'AM, NGES PA CAN GYI SGRA LAS SKYES PA YANG RUNG BA'I RNAM PAR SHES PA YANG GZHAN LAS LOG PA'I NGO BOS 'JUG PA'I YUL NI DNGOS PO YIN PAR RNAM PAR GZHAG PA YIN NA GZHAN SEL BA'I YUL CAN DU 'GYUR RO, ,'DI NI TSIG TZAM LAS BYUNG BA DNGOS PO LA REG PA MA YIN PA'I SNANG BA NI 'JUG PA'I YUL LA DE LTAR RJOD PAR BYED PA'I PHYIR JI LTAR GZHAN SEL BA'I

YUL CAN YIN SNYAM DU SEMS PA LA MI 'DA'O ZHES BYA BA SMOS TE, NGES PA CAN LAS BYUNG BA LA SOGS PA NYID GZHAN SEL BA'I YUL CAN YIN PAR NI BDEN MOD KYI, 'DI NI DE LTA BU MA YIN YANG BRGYUD PAS DNGOS PO MTHONG BA SNGON DU 'GRO BA CAN YIN PA'I PHYIR DE LTAR BSTAN PAR NUS PA YIN NO ZHES BYA BA'I DON TO, ,SNGAR MTHONG BA'I DNGOS PO RNAMS BSGRUB BYA NYID DAM, SGRUB BYED NYID KYIS RJES SU 'BRANGS NAS TSIG GI DNGOS PO LA REG PAS DNGOS SU BYA BA'I BSGRUB BYA DANG, SGRUB BYED NYID KYIS NGO BOS RTOGS PAR BYED PA MA YIN NAM, DE DAG TZAM GYIS LTOS PA DANG BCAS PA 'JUG PA YIN GYI 'JUG PA'I YUL MTHO RIS SGRUB PAR BYED PA LA, DE'I BYED PA PO NYID DAM TSAD MAR BSTAN PA LA MI 'JUG PA NI MA YIN NO SNYAM DU SEMS PA LA THAMS CAD DU ZHES BYA BA SMOS TE, GAL TE YANG 'DOD PAR BYA BA YIN PA'I PHYIR MTHO RIS NI BSGRUB BYA NYID YIN LA SKYES BU'I BYA BA'I BYE BRAG YIN PA'I PHYIR MCHOD SBYIN NI SGRUB BYED NYID YIN PAR SNGAR RTOGS PA YIN YANG, 'DI DAG PHAN TSUN 'BREL PA'AM, RANG BZHIN GCIG PA'I 'BREL PA YANG RUNG BA SNGON DU MNGON SUM LAS SAM, GZHAN LAS KYANG RTOGS PA MA YIN TE, DE NYID KYIS NA 'DOD PA TZAM GYIS BSDUS PA'I TSIG GI DON RNAMS KYI TSOGS PA 'DI NI 'KHRUL PA YIN TE, MO GSHAM GYI BU 'GRO BA BZHIN DU SNANG BA TZAM YIN NO, ,SKYES BUS BYAS PA MA YIN PA LA BSDUS PA MA YIN PAR JI LTAR SHES PA YIN ZHE NA, TSIG GI DON RNAMS NI 'JIG RTEN GYI RJES SU 'BRANGS NAS RTOGS PA NYID NI BSDUS PA RTOGS PA'I RGYU MTSAN NYID YIN GYI, RIG BYED SKYES BUS BYAS PA MA YIN PA NI MA YIN TE, DON GYI BYE BRAG LA RJES SU SBYOR BA MA YIN PA'I PHYIR ZHES BYA BA'I DON TO, ,THAMS CAD DU ZHES BYA BA NI SKYES BUS BYAS PA'AM SKYES BU BYAS PA MIN PA YANG ZHES BYA BA'I DON TO, ,BYED PA POR RTOGS PA ZHES BYA BA NI MTHONG BA'I RJES SU 'JUG PA'I TSIG GI DON RTOGS PA YIN GYI, 'DUS PA'I BYE BRAG NI MA YIN TE, DE LA MNGON SUM LA SOGS PA'I TSAD MA MI 'JUG PAS SO ZHES BYA BA'I DON TO, ,BYED PA PO NYID LA SOGS PA RNAMS KYI YANG TSIG DON

, ,DU BSTAN PA NI MNGON SUM LA SOGS PA'I YUL NYID YIN PA'I PHYIR SNGAR MTHONG BA'I RJES SU 'JUG PA CAN MA YIN PAR BSTAN PA NI MNGON SUM LAS NI SNGAR BYED PA PO NYID DU RTOGS PA YANG MA YIN TE ZHES BYA BA'O, ,NYE BA NA GNAS PA'I DNGOS PO'I RANG BZHIN TZAM 'DZIN PA'I MNGON SUM YIN PA'I PHYIR YUL DANG DUS GZHAN DU 'BYUNG BAR 'GYUR BA NI GZHAN BYE BRAG CAN GYI NGO BO'I BSGRUB BYA NYID DAM, SGRUB BYED NYID DU MI RUNG BAS DE'I BYE BRAG GI NGO BO YANG MI RUNG BA'I PHYIR 'DZIN PA YANG MA YIN ZHES BYA BA'I DON TO, ,GAL TE YANG MNGON SUM GYI BYA BA NI DON MTHONG PAR BYED PA LA GNAS PA YIN PA'I PHYIR, DON BYED NUS PA'AM GZHAN DE MED PA YANG MTHONG BAR BYED PA MA YIN TE, DON MTHONG BA YIN YANG GZHAN LAS MI SRID PA THUN MONG MA YIN PA'I DON BYED PA DMIGS PA GNYIS PO DE DAG GIS BYA BA'I RJES SU 'BRANG BA'I NGES PAS DMIGS PA'I DON NI NUS PA CAN NYID YIN PAR RNAM PAR 'JOG PAR BYED LA, DUS GZHAN DU DON BYED PAR MI DMIGS PA YANG DE NYID KYI NGO BO'I RJES SU 'BRANG BA RNAMS NUS PA CAN YIN PAR NGES PAR BYED PA NI GNOD PA CAN MED NA'O, ,YOD NA NI NUS PA CAN MA YIN TE, RMI LAM LTA BU YIN NO SNYAM DU SEMS PA LA, THA SNYAD PA'I MNGON SUM ZHES BYA BA SMOS TE, NYAMS SU MYONG BA'I DON TZAM NI BYA BA'I MTHAR THUG PA YIN TE, YOD PA'AM MED PA'I RNAM PAR DBYE BA BYED PA NI MA YIN GYI, DBYE BA BYED PA NI DE'I RJES SU 'BRANG BA'I NGES PA PA YIN LA DE NYID DBYE BA BYED PA YIN ZHES SMRA BA NI, BTAGS PA PA'I NYAMS SU MYONG BAS GRUB PA NYID DU SMRAS PAR 'GYUR RO ZHES BYA BA'I DON TO, ,NGES PAR SBYOR BA NI RANG DBANG DANG CIG SHOS NYID KYIS RNAM PAR DPYOD NAS RANG GI NGO BOS DPYOD PA NI RUNG BA NYID NI DBANG BYED PA CAN NYID MA YIN TE, 'ON KYANG NGES PAR SBYAR BA NYID YIN NO SNYAM DU SEMS PA LA, DPYOD PA'I YUL LAS ZHES BYA BA SMOS TE, RNAM DPYOD LA NI DPYOD RNAMS KYI, ,ZHES BYA BA NI, LUNG PHOG PA'I SGRUB PAS 'PHANGS PA'I RNAM PAR DPYOD PA LA 'JUG PA LA YANG SLOB DPON GYI MAN NGAG LA SOGS PA THABS MA YIN PA NYID

KYIS GUS PAR BYA BA NYID MA YIN ZHES BYA BA'I DON TO, ,'BRAS BU DAG PA'I ZHES BYA BA LA SOGS PAS NI NGES PAR SBYOR BA'I RNAM PAR RTOG PA RNAM PA BCU GNYIS TE, SKYES BU'I 'JUG PA 'PHEN PAR BYED PA NYID DU NGES PAR SBYOR BA'I MTSAN NYID LA BYE BRAG MED PA'I PHYIR RO, ,DE YANG SKUL BYED CES BYA BA LA 'DUG PAR BYED PA TSIG YIN TE ZHES BYA BA NI 'DI'I DON TO, ,DES NA YANG 'BRAS BU MNGON PAR BRJOD PA NYID NGES SBYOR YIN PAR 'JIG RTEN DU RTOGS PA ZHES BYA BA NI DE LAS DE THA SNYAD LAS SO, ,DA LTAR BA'I 'BRAS BU'I YUL LA NGES PAR SBYAR BA DANG 'BREL PA SGRUB CES BYA BA'I DON YIN LA, DE LA MNGON PAR RJOD PAR BYED PA 'DIS NGES PAR SBYOR BAR BYED PA NI, NGES SBYOR TE LING NGA LA SOGS PA'O, ,DES NA YANG ZHES PA'I YANG NI GO RIMS BZLOG PAS 'JIG RTEN DU YANG ZHES BYA BAR SBYAR RO, ,DES NA 'JIG RTEN DU RIG BYED LA YANG ZHES GSAL BAR BYED PA YIN NO; ,DE NYID BSTAN PA NI, GANG PHYIR NGES SBYOR RKYEN DON DANG, ,ZHES BYA BA'O, ,'JUG PA'I YUL YIN PA'I PHYIR 'BRAS BU'I SGRAS BRJOD PA YIN PAR SMRAS PA NI 'BRAS BU'I RANG BZHIN ZHES BYA BA'O, ,LING NGA LA SOGS PA'I DON NI 'DZUD PAR BYED PA LA SOGS PA'I NGO BO MA YIN NAM; GZHAN NI MA YIN NO ZHE NA, DE YI KHYAD PAR GZHAN DAG NI, ,ZHES BYA BA SMOS TE, DE'I BYA BA'I NGO BO 'DZUD BYED NI DE LAS THA MI DAD PA YIN TE, SHING GI 'BAR BA LTA BU'O, ,DE NI 'DZUD PAR BYED PA LA SOGS PA BZHIN DU BYE BRAG NYID NI 'BRAS BU'I KHONGS SU GTOGS PA MA YIN NO ZHES ZER BA NI, 'DIR NI DE'I KHYAD PAR DU, ,'DOD PA'I 'DZUD BYED CES BYA BA SMOS TE, 'DZUD PAR BYED PA'I DNGOS PO'I BYA BA NI 'DZUD BYED YIN ZHES BYA BA'I DON TO, ,'DZUD BYED NYID NI SKYES BU'I BYA BA STE, BYA BAR 'OS PA NYID KYI KHONGS SU GTOGS PA YIN TE, 'BRAS BU NI NGES SBYOR MA YIN TE, DE'I RANG BZHIN MED PA'I PHYIR RO ZHES ZER BA NI, 'DZUD BYED DAG PA NGES SBYOR DU, ,ZHES BYA BA STE, THAMS CAD DU GTONG BA DANG, MCHOD SBYIN GYI ZHES BYA BA LA SOGS PA LING NGA DANG LA SOGS PA YANG NGO, ,'DZUD BYED DANG DE'I BDAG NYID

, ,KYIS 'BREL PA NYID 'BRAS BU'I GTZO BO YIN PA'I PHYIR NGES SBYOR DU BRJOD DO ZHES ZER BA NI, 'DI NI NGA'I 'BRAS BU ZHES BYA BA'O, ,'BRAS BU DANG DE'I BDAG NYID KYIS 'BREL PAS GTZO BO YIN PA NI NGES SBYOR YIN NO ZHES ZER BA NI, 'DIR NI 'GAR YANG 'BRAS MED PAR, , SKYES BUS BSKUL BAR BYA BA MIN, ,ZHES BYA BA'O, ,DA NI SGRUB PA'I DON LAS GZHAN PA'I BSGRUB BYA DE NYID KYIS 'BRAS BU'I SGRA'I BRJOD BYA BZUNG BA NYID YIN ZHES ZER BA NI, 'BRAS BU 'DZUD BYED YUL YIN GYI, ,ZHES BYA BA STE, BSGRUB PA'I DON GYI BYA BA'I YUL NI LAS YIN PA'I PHYIR 'BRAS BU YIN TE, YUL GYI NGO BO NYID DU SGRO BTAGS PA NYID CES BYA BA'I DON TO, ,DE NYID KYIS NA YUL LA YUL CAN DU NYE BAR BTAGS NAS YIN PAR BLTA BAR BYA'O, ,SGRUB PA'I DON NI RANG GI BYA BA NI BYA BA DANG DE DANG LDAN PA DAG THA DAD PA LAS THA DAD PA'I RANG GI BYA BA'I YUL LAM, GZHAN YANG RUNG BA LA LTOS NAS 'JUG PA'I YUL NYID KYANG DE LTA DE LTAR BSTAN PA YIN GYI, DE BZHIN LING LA SOGS PA RNAMS KYIS RTOGS PA NI MA YIN NO, ,DE'I PHYIR YOD PA GCIG PO DE NGES SBYOR THA MA THAMS CAD KYI RJES SU 'JUG PA YIN TE, LING LA SOGS PA'I BRJOD BYA MA YIN ZHES ZER BA NI, GANG PHYIR GRUB CIG TSANGS PA NI, ,ZHES BYA BA'O, ,YUL LA BRTEN PA'I SKYES BU NI 'KHRUL 'KHOR LA GNAS PAR BSTAN PA YIN NAM DE NYID KYANG, 'DI NI NGA YI SPYAD BYA ZHES, ,ZHES BYA BAR YANG RTOGS PAR BYED PA YIN NO SNYAM DU SEMS PAS, LONGS SPYAD BYA BA SKYES BU LA, ,LTOS NAS BSGRUB BYA NYID DU GNAS, ,DE NYID KYIS NI GNYIS LAS GCIG ,'JUG BYED YIN PA NI GZHAN LAS MA YIN PA'I PHYIR ZLOS PA MA YIN NO ZHES ZER BA NI, 'DI NI NGA YI SPYAD BYA ZHES, ,ZHES BYA BA'O, ,DE BZHIN DU LONGS SPYAD PAR BYA BA LA LTOS NAS LONGS SPYOD PAR BYED PA'I SKYES BU BSTAN PA YIN ZHES ZER BA NI 'DI NGA'I 'BRAS BU ZHES BYA BA'O, ,GZUD PAR BYA BA LA SOGS PA LA GCIG GI NGO BO YANG NGES PA CAN DU GO BAR BYA BA MA YIN NO, ,DES NA RNAM PA BRGYAD DU 'GYUR BA'I PHYIR RNAM RTOG GIS BYAS PA YIN NO ZHES BSTAN PA NI, NGES PAR SBYOR BA TSAD MA'AM CI

ZHES BYA BA STE, DE LTA BU'I RNAM PAR RTOG PA RNAMS LAS GCIG GI NGO BO YANG 'GAL BA CAN DU MA MTHONG BA YIN ZHES BYA BA'I DON TO, ,'BRAS BU DAG PA LA SOGS PA'I PHYOGS BSAL NAS BSDUS PA'I NGES SBYOR GYI PHYOGS SUN DBYUNG BA'I DON DU, 'BRAS BU 'DZUD BYED DANG BRAL BA ZHES BYA BA SMOS TE, 'DZUD PAR BYED PA NI SKAD KYI DBYINGS KYI YUL NYID KYIS 'DZUD PAR BYA BA TSOGS PAR BYED PA NYID KYI 'JUG PA LA LTOS PAR BYED PA NYID YIN NO, ,YAN 'GAR BA NI 'JUG PAR BYED PA YANG YIN PA'I PHYIR 'BRAS BU DAG PA NI 'DZUD BYED DANG BRAL BA NYID KYIS 'JUG PAR BYED PAR BRJOD PA'I NGES PAR SBYOR BA'I SGRAS BSTAN PA YIN NO ZHES ZER BA NI, GANG TSE 'BRAS BU DAG PA LA, ,ZHES BYA BA'O, ,DE BZHIN DU GZUD BYA DANG BRAL BA'I 'BRAS BU NI GANG LA LTOS NAS 'JUG PA'I 'JUG PAR BYED PA YIN ZHES ZER BA NI, GANG DU SKYES BU 'BRAS BU LA, , ZHES BYA BA'O, ,'BRAS BU NYID LA 'DZUD PAR BYED PA NI SKYES BU'I CHOS YIN LA, 'BRAS BU RTOGS PA DAG NI RTOGS PA LAS SO ZHES ZER NA, 'JIG RTEN RTOG PA'I NGES SBYOR 'DI, ,ZHES BYA BA SMOS SO, ,'DZUD PA PO NI 'DZUD PAR BYED PAR BYA BA'I NGO BO YIN PA'I PHYIR CHOS YIN LA, DE LTA NA YANG DE NI 'PHEN BYED MA YIN TE, DAG PA NYID NYAMS PAR THAR BAR 'GYUR BA'I PHYIR RO, ,'BRAS BU'I MING MING CAN LA 'DZUD PA PO'I CHOS NI 'DZUD BYED YIN NO ZHES BYA BA'I DON TO, ,'DZUD PA PO'I BYA BA NGES SBYOR RDZOGS PAR BYA BA NYID NI 'BRAS BUR BRJOD PA YIN NO ZHES ZER BA NI, DE NYID 'BRAS BU NYID YIN ZHE NA ZHES BYA BA'O, ,GRUB PA YIN YANG YUL MTHAR THUG PA NYID KYIS NGES SBYOR BSGRUB BYA YIN GYI, RANG NYID 'GRUB PA LA SKYES BU 'JUG PA LA LTOS PAR BYED PA NYID NI NGES SBYOR DU BSTAN PA YIN NO ZHES ZER BA NI, BSGRUB BYA NYID DU NYER BRJOD CES BYA BA'O, , 'BRAS BU NGES SBYOR GYI YUL LA NYE BAR BTAGS PA NYID DU 'GYUR RO ZHES BSTAN PA NI, DE YI YUL LA NYER BTAGS PAS, ,ZHES BYA BA STE, BTAGS PA'I NGES SBYOR NYID KYANG 'BRAS BU YIN PA KHO NAS RI BONG GI RVA BZHIN DU YOD PA MA GRUB PA YIN PAS 'DZUD PA PO 'GA' YANG MED PAR

, ,BSTAN PA NI, DE NI MA GRUB PA YIN NA ZHES BYA BA'O, ,RTOGS PA NI MNGON DU BYED PA YIN LA RANG GI NGO BO MA GRUB PA LA NI MI SRID PA YIN PAR BSTAN PA NI, BSGRUB BYA RAB TU MA GRUB DANG, ,ZHES BYA BA'O, ,SHES PA ZHES BYA BA NI RNAM PAR RTOG PA'O, ,BSGRUB PA'I DON DANG DE'I BYA BA DAG GI NGO BO 'DZUD PA PO DANG 'DZUD PA DAG GIS RE RES BSDUS PA'I PHYOGS BSAL NAS DA NI NGES SBYOR DE GAL TE TSAD MA YIN NA GZHAL BYA YIN PAR MI RIGS LA, 'ON TE GZHAL BYA YIN NA TSAD MA MA YIN TE, 'GAL BA'I NGO BO GNYIS SU DUS GCIG PAR MI RIGS PA'I PHYIR RO ZHE NA BSTAN PA NI, GAL TE NGES SBYOR DAG DON NA, ,ZHES BYA BA'O, ,JI STE NGAG GI DON YIN PA DES GZHAL BYA YIN NA SKYES BU NI RDZOGS PAR BYED PA NYID YIN PAS DE'I BYA BA SKAD KYI DBYINGS KYI DON GYI YUL RTOGS PAR BYED PA NYID KYIS MCHOD SBYIN LA SOGS NI DE'I THABS YIN PA NYID KYIS 'DZIN PA YIN LA, NGES SBYOR NI 'DZIN PAR BYED PA NYID YIN PAS TSAD MAR YANG 'GYUR BA YIN NO SNYAM DU SEMS PA LA, GAL TE NGES SBYOR DE NYID DU, ,SKYES BU'I ZHES BYA BA SMOS TE, LING NGA LA SOGS PA'I SGRA DANG, 'DZUD BYED DANG SKYES BU'I BYA BA MA GTOGS PA DE RNAMS KYIS BSGRUB PA'I DON 'DZIN PA PO NI RANG DBANG NGAM GZHAN DBANG YANG RUNG RTOGS PAR BYED PA GZHAN NI MED DO ZHES BYA BA'I DON TO, ,SKYES BU'I BYA BA NGES SBYOR NI BSGRUB BYA YIN PA'I PHYIR SGRA'I BYA BA NI 'JUG PA'I YUL GRUB PAR BYA BA NYID YIN PA'I PHYIR LA, SGRA'I BYA BA NI DE NYID KYI TSE SGRA NYID KYIS SGRUB PAR BYED PA NYID KYI PHYIR DE'I SGRUB BYED DU YANG MI RIGS PAR BSTAN PA NI, DE NI SGRA NYID LAS 'GYUR BAS ZHES BYA BA'O, ,'ON TE 'DZUD PAR BYED PA'I BYA BA NI SGRA'I MA YIN TE, 'O NA CI ZHE NA, SGRA'I BRJOD BYA'I BSGRUB PA'I DON GYI YIN NO SNYAM DU SEMS PA LA, 'DI NI JI LTAR SGRA LAS NI, ,ZHES BYA BA SMOS TE, SGRA LAS NI DE'I BRJOD BYA 'DZUD PAR BYED PA'I BYA BA DANG LDAN PA GZHAN DMIGS PA MED PA NYID CES BYA BA'I DON TO, ,'BRAS BU'I MTHAR THUG PA'I SGRA'I BYA BA NI NGES SBYOR YIN PA'I PHYOGS LA YANG DMIGS BYA MED PA NYID YIN PAR BSTAN

PA NI; SGRA YIS BSKUL NA DE YI BLO, ,ZHES BYA BA STE, SHES PA'I DUS SU LONGS SPYAD PAR BYA BA MED PA'I PHYIR LONGS SPYOD PAR BYED PA PO YANG DE'I MTHAR THUG PA'I NGO BOR MED PA'I PHYIR DE'I RTOGS PA NI DMIGS BYA MED PA NYID YIN NO, ,GZHAN YANG DE NI MA GRUB PA YIN NA, JI LTAR SGRUB BYED RANG BZHIN YIN, ,ZHES BYA BA LA SOGS PA SUN DBYUNG BA RGYAS PAR BSTAN PA NI, DE BZHIN DU 'KHRUL 'KHOR DU ZHUGS PA LA SOGS PA ZHES BYA BA'O, ,GAL TE 'BYUNG BAR 'GYUR BA'I RTOGS PAR BYA BA NI DE'I TSE MED PA'I PHYIR 'JUG PAR MI BYED PA YIN LA, DE'I RTOGS PA YANG DMIGS BYA MED PA YIN NA, MNGON SUM DANG RJES SU DPAG PA LAS KYANG 'BYUNG BAR 'GYUR BA'I PHRAD BYA LA SNANG BZHIN PAR ZHEN PA NI SNANG BA RTOGS PA NYID LA DE RTOGS PA YIN PAR ZHEN PAS 'JUG PAR MI 'GYUR TE, DE NI MED PA NYID KYIS DMIGS PAR BYA BA MED DO SNYAM DU SEMS PAS SMRAS PA NI, RTOGS PA'I DUS NA THAMS CAD NI, ,ZHES BYA BA'O, ,DER YANG 'BYUNG BAR 'GYUR BA'O, ,YOD PA MA YIN PA NI BDEN MOD KYI NGES PA NYE BAR DMIGS PAR MTHONG BA 'BA' ZHIG GI RJES SU 'BRANGS NAS, NGES PA'I YUL DU NGES PAR BZUNG BAS 'JUG PA NA MI BSLU BA DANG 'BREL PA CAN YIN NO, ,DES THA SNYAD PA'I TSAD MA NYID DU 'DI DAG TU GNAS PA YIN NO, ,RIG BYED LA NI DE LTA BU'I NGES PA CUNG ZAD KYANG MTHONG BA MED PAS THA SNYAD PA'I TSAD MA NYID DU 'DOD PA YANG MA YIN NO ZHES BYA BA'I DON TO, ,NGES SBYOR SUN DBYUNG BA NI BYA BA LA YANG YIN TE, PHYOGS SNGA MAR SNGA MA BSTAN PA'I PHYIR SBYAR BA'I CHED DU, DA NI BYA BA DPYAD PAR BYA'O ZHES BYA BA SMOS TE, SGRA'I BDAG NYID KYI BYA BA NI, KUN GYI SKYES BU'I DON TE, BSGRUB PAR BYA BA GANG YIN PA DE LA DE SKAD CES BRJOD DO, ,BSGRUB PA'I RDZOGS PA'I CHA NYID KYIS RJES SU SGRUB PAR 'OS PA YIN PA NI BYA BA'I NGAG GI DON YIN NO, ,DGAG PA YANG 'DOD CHAGS LA SOGS PA LA 'JUG PA BKAG PA LA YAL BAR GNAS PAR MI BYA ZHES ZER BA NI, SGRAS NI SKYES BU'I BYA BA ZHES BYA BA'O, ,SGRA'I BYA BA NI 'BRAS BU 'AM BRJOD BYA ZHES BYA BA'I RNAM PAR RTOG PA GNYIS PO

, ,SGRA'I BRJOD BYA ZHES BYA BA LA SOGS PA DANG, CI STE RTOGS PAR BYED PA PO ZHES BYA BA LA SOGS PAS GO RIMS BZHIN DU BSTAN PA LAS 'BRAS BU'I PHYOGS SUN DBYUNG BA BSTAN PA NI, GAL TE SGRA'I BYA BA YIN NA ZHES BYA BA STE, 'BREL PA 'DZIN PA NI 'DI LA DU BA BZHIN DU SHES PAR BYED PA'I YAN LAG LA LTOS PAR BYED PA YIN TE, SGRA NI KHYED CAG GI 'DI LA BYA BA'I BYED PA PO MA YIN ZHES BYA BA'I DON TO, ,CI STE 'BREL PA 'DZIN PA NI 'DZUD BYED LA LTOS PA YIN LA, 'DZUD BYED DE YANG SGRA NYE BA YIN PAR RTOGS PA YIN GYI 'DAS PA MA YIN ZHING RTAG PA MA YIN LA GZHAN LAS SKYES PA YANG MA YIN TE, SGRA LAS SKYES PA YIN TE, DES NA BYED PA PO NYID KYANG SHES PAR BYED PA YIN PA'I PHYIR 'BREL PA RTOGS PA LA LTOS PA YIN NO ZHES BYA BA'I BSAM PAS, 'DZUD PAR BYED PA DANG GSOL BA 'DEBS PA DAG KHO NA LING LA SOGS PA LA LTOS PA YIN PA'I PHYIR DE DAG KYANG SKYES BU'I BSAM PA YIN PA'I PHYIR SGRA LAS SKYES PA MA YIN ZHING, BYED PA PO NYID KYI YAN LAG GI BRDA 'DZIN PA YANG MA YIN LA, GANG GI PHYIR BRDA 'DZIN PA MA YIN PAR BSTAN PA NI 'DZUD PAR BYED PA NI SGRA'I BYED PA YIN LA, BYA BA'I SKYES BU'I BYED PA LA 'JUG PA'I BSAM PA CAN NI BYED PA PO MA YIN NO, ,'DZUD PAR BYED PA LAS BZLOG PA NI GSOL BA 'DEBS PA YIN NO, ,'DZUD BYED LA SOGS PA NI BYE BRAG YIN TE, THU YU LTA BU MA YIN NAM LING GI DON NI SPYI YIN TE BA LANG NYID LTA BU'O, ,DE YANG, 'JUG BYED NYID NI SGRA YI DON, ,THAMS CAD DU NI MA BOR PHYIR, ,ZHES SMOS PA'O, ,'DI LA, DE MA RTOGS NA ZHES BYA BA SMOS TE, BA LANG NYID KYANG THU YU LA SOGS PA LAS GZHAN PA MA YIN TE, SGRA RNAMS KYI PHYI ROL GYI DON LA DE MA YIN PA LAS LOG PA'I PHYIR RO ZHES BYA BA'I DGONGS PA'O, ,GSOL BA 'DEBS PA LA SOGS PA RNAMS KYIS GNOD BZHIN PA YIN NO ZHES BYA BA'I DON TO, ,YANG NA, DE MA RTOGS PA ZHES BYA BA NI PAGS PA CAN DU PHYUGS NYID LA BYE BRAG MED KYANG, BYED PA PO NYID 'JUG PA MED PA'I PHYIR LA, RIG BYED LA NI SKYES BU MED PAS BSAM PA MED PA'I PHYIR DE'I

BYE BRAG NGES PAR SBYOR BA NYID MED CES BYA BA'I DON TO, ,DA NI 'JUG PAR 'DOD PA'I BSAM PA CAN GYI YUL YANG 'BRAS BU'I BYA BA BYED PA'I GO SKABS KYI NGO BO DE'I TSE MED DE, 'BYUNG BAR 'GYUR BA NYID YIN PAR BSTAN PA NI NGES PAR SBYOR BA NYID CES BYA BA'O, ,YUL DANG DA LTAR BA MA YIN PA'I PHYIR MNGON SUM DA LTAR BA'I YUL CAN MA YIN DU CHUG KYANG DER YANG SHES PA GZHAN DU 'GYUR BA YIN PA'I PHYIR JI LTAR 'BRAS BU MED PA YIN SNYAM DU SEMS NA, JI LTAR RAB TU SBYOR BYED DE, ,ZHES BYA BA SMOS TE, RJES SU DPAG PA LA NI 'BYUNG BAR 'GYUR BA YANG MED PA MI 'BYUNG BAS 'JUG PAR BYED PA YIN LA, SGRA LAS BYUNG BA NI SKYES BU'I BYA BA MED PA MA YIN NO, ,DE LTA MOD KYI RTOGS PAR BYED PA YIN GYI RTOGS PA'I DUS NA DE YOD PA NI MA YIN LA, 'DIR MED NA MI 'BYUNG BA YANG MA YIN NO, ,SKYES BUS BYAS PA MA YIN PA NYID LA YANG MED NA MI 'BYUNG BAR MA NGES PA YIN TE, DE LTAR KHAS LEN PA NI LUNG THAMS CAD KYI THUN MONG YIN PA'I PHYIR RO, ,SKYES BUS BYAS PA YANG DON DANG 'BREL PA MA YIN PAS, RIG BYED RNAMS NI GO BAR BYED PA MA YIN PA'I PHYIR LA GO BA YANG SKYES BUS BYAS PA DANG 'BREL PA'I RGYU MTSAN YIN PA NYID KYIS DE'I TSIG GI DON RNAMS DON DAM PA PA MA YIN PA'I PHYIR DANG, DE'I RJES SU 'JUG PA'I NGO BO YIN PA'I PHYIR NGAG GI DON YIN NO, ,DE YANG TSIG GI DON GYI SGO NAS SKYES BU BLO NYID KYI BYA BA YIN NO, ,RIG BYED NI TSIG DANG NGAG GI BDAG NYID CAN NYID KYI NYE BA YIN LA, TSIG GI DON RNAMS NI NYE BA CAN DU RUNG BA NYID YIN YANG PHAN TSUN MI LTOS PA'I PHYIR SGRA RNAMS NI PHYI ROL GYI DON LA TSAD MA NYID YIN NO SNYAM DU DGONGS PAS SO, ,GNOD BYA RTOGS PA CAN YIN NA ZHES BYA BA NI MNGON SUM DANG 'GAL BAS 'BREL PA MED PA YIN TE, RTOGS PAR BYA BA ZHIN PA MED KYANG 'BYUNG BAS ZHES BYA BA'I DON TO, ,'BRAS BU LA BYA BA MED PA'I GNAS SKABS DE'I TSE MED PA YIN ZHING, 'BYUNG BAR 'GYUR BA LA 'BREL PA 'DZIN PA YANG MED PA YIN ZHES BYA BA'I DON TO, ,RTOGS BZHIN PA MED NA LHAN CIG BYED PA MED PAR RTOGS PA'I SHES PA CUNG ZAD KYANG JI

, ,LTAR SKYE ZHE NA, SGRA NI BLO DON ZHES BYA BA SMOS TE, DE NYID GSAL BAR BYED PA NI, JI LTAR RAB TU SBYOR BAR BYED PA'I ZHES BYA BA'O, ,RAB TU SBYOR BAR BYED PA RTOGS PA NI NGES SBYOR RTOGS PA YIN NO, ,RAB TU SBYOR BAR BYED PA ZHES BYA BA NI GANG NA SMRA BA PO YOD PA'O,, RAB TU SBYOR BAR BYED PA RTOGS PA ZHES BYA BA NI GANG NA DE MED PA'O, ,'DI LTAR BDAG GIS RTOGS ZHES BYA BA LA SOGS PAS 'CHAD PA PO DANG NYAN PA PO'I ZHEN PA'I DBANG GIS TE, SGRA LAS BYUNG BA'I SGRA'I DON GYI RJES SU DPAG PA NYID YIN GYI GZHAN GYI DON GYI RJES SU DPAG PA NI MA YIN TE, PHYI ROL MED PA'I PHYIR RO ZHES STON PAR BYED PA NI, BDAG GIS NI RE ZHIG 'DI LTAR RTOGS SO ZHES BYA BA NI, SKYES BUS BYAS PA MA YIN PA'I YUL LA, SKYES BUS BYAS PA'I BYE BRAG NI RIG BYED LA YANG MTHONG BA'I PHYIR SKYES BUS BYAS PA NYID YIN TE, RIG BYED KYI DON NI SKYES BU'I BLO LAS BYUNG BA YIN PAR BSTAN PA NI, YANG NA BRJOD PA DE NYID LAS SHES BYA STE, DE ZHES BYA BA NI GANG 'JIG RTEN LA 'DI'O, ,DE BRJOD CES BYA BA NI DE BSTAN PA LAS ZHES BYA BA STE, 'JIG RTEN PA'I NGAG GI BYE BRAG 'BREL PA NYID RIG BYED DU BSTAN PA YIN NO, ,YANG NA DE DANG KHYAD PAR MED PA'I PHYIR ZHES BYA BA LA SOGS PAS KYANG SKYES BUS MA BYAS PA NYID NI RGYU DON MED PAR YANG 'BYUNG BA'I PHYIR MA NGES PA NYID YIN PAR BSTAN PA NI, SKYES BUS BYAS PA DBANG PO LAS 'DAS PA'I PHYIR TSIG DE NI SKYES BUS MA BYAS PA ZHES BYA BA NI SANGS RGYAS PA LA SOGS PA'O; ,SKYES BUS MA BYAS PA NYID YIN NA BCOM LDAN 'DAS KYIS CHOS BSTAN TO ZHES THOS PA DON MED PAR 'GYUR TE, BRJOD BYAS STONG BA'I PHYIR RO ZHE NA, DON MED PAR YANG DE BZHIN DU 'GYUR BA'I PHYIR ZHES BYA BA NAS, DE LA ZHES BYA BA'I BAR DU'O, ,LAN DU YANG RIG BYED LA YANG 'DI MTSUNGS ZHES BYA BA'O, ,DES BRJOD RIG BYED RI BONG BYAS, ,SNYAN TSIG RIG BYED MNYAM RIG CES, ,ZHES BYA BA DANG, NGES BRJOD DANG SNYAN TSIG SHES PA RNAMS KYI TSIG YIN PAR DRANG SRONG PRA BA HA NA'I BU 'DOD PA YIN NO ZHES BYA BA YANG MI RTAG PA'I 'BREL PAR THOS PA YOD

LA; SKYES BUS MA BYAS PA YIN NA, DE LA DON MED PA YIN NO, ,THA SNYAD PA RNAMS KYI NAN TAN DU BYA BA DON DU GNYER BA YIN PA'I PHYIR NAN TAN DU BYA BA BSTAN PA NI DON GZHAN YIN LA, NAN TAN DU BYA BA LA GNAS PAR BSTAN PA DON GZHAN YIN NA DE DANG RJES SU MTHUN PA'I RTOGS PAR BYED PA YIN LA, DES NA SHES PA YIN ZHES BYA BA NI BSTOD PA TZAM YIN GYI, DRANG SRONG PRA BA HA NA'I BU ZHES BYA BA YANG PRA BA HA NA'I BU MA YIN MOD KYI RTAG PA NYID CUNG ZAD YOD PA'I PHYIR DON MED PA MA YIN NO, ,'DI LA DON GZHAN NYID LA RTOG NA NI ZHES SMOS TE, BCOM LDAN 'DAS KYIS GSUNGS PA DE LA YANG DRAN PA YIN ZHES BYA BA 'DI YANG, BCOM LDAN 'DAS DANG 'BREL PA NYID KYIS DAM PA'I CHOS LA YANG BSTOD PA KHO NA YIN TE, RIGS PA MTSUNGS PA'I PHYIR ZHES BYA BA'I DON TO, ,DON MED PA NYID DANG, SKYES BUS BYAS PA MA YIN PA NYID DANG, RTOGS PA NYID DANG DON GZHAN GYI YUL LA ZHES BYA BA RE RE LA DANG ZHES BYA BAR SBYAR BAR BYA'O, ,DON GZHAN DU BRTAG NA ZHES BYA BA'I DRI BA DE NYID LA LAN GZHAN YIN PA'I PHYIR ZLOS PA MA YIN NO, ,RIG BYED KYI DANG PO'I DON GYI BYA BA LA BRTEN NAS RTOGS PAR BYA BA YIN LA, DES NA DE'I DON NI DANG PO'I SHES PA BZHIN DU DBANG PO'I BYA BA YIN LA, GNYIS PA NI RIGS PA RJES SU DRAN PA'I NGO BO'I RNAM PAR DPYOD PA LA BRTEN NAS RNAM PAR RTOG PA'I SHES PA BZHIN DU BRDA DRAN PA LAS YIN LA, DES NA RIG BYED KYI DON MA YIN NO ZHES ZER BA NI 'DI LTAR DANG PO'I ZHES BYA BA'O, ,CI STE YANG SKYES BUS BYAS PA MA YIN PA'I RIG BYED NI THOG MA MED PA MA YIN PA'I PHYIR RGYUD PA'I RJES SU 'BRANGS NAS, DANG PO DANG BCAS PA'I DON NYID DU MI RIGS PAS RANG NYID KYI DON GZHAN NYID YIN NO, ,SNGON DANG PHYI MA DRAN PA NI, ,SGRA YI BLO GZHAN BYAS PA YIN, ,ZHES BYA BA LA SOGS PA'I RIGS PA LAS 'GYUR BA YIN NO SNYAM DU SEMS PA LA, DE YANG RIG BYED DON YIN ZHES, ,ZHES BYA BA SMOS TE, THOS BZHIN PA'I DON GYI RJES SU 'BRANGS NAS DANG PO DANG LDAN PA NYID DANG SGRUB PA'I DON BRJOD PA DAG LAS GCIG LA YANG GNOD PA MED PAR

, ,BSTAN PA NI, KHYED KYI 'DI LA TSAD MA MED, ,CES BYA BA SMOS SO, ,DANG PO MA YIN PA NYID DU GO BA YIN NA DON 'DI YANG GO BAR BYED PA YIN NO ZHES BYA BA'I BSAM PA NI, RIG BYED DBANG GI SKYES PA'I PHYIR ZHES BYA BA'O, ,DE'I TSE YANG RIG BYED KYI BYA BA LAS DANG POR RTOGS PAR BYED PA YIN LA, DE LA LTOS PAS DMIGS BYA NYID MED PA KHO NAR BSTAN PA NI, DANG PO CI PHYIR MIN ZHES BYA BA LA SOGS PA SMOS SO, ,DON GZHAN DU RTOGS PA LA NI BDEN PA DANG MI BDEN PA DANG PHRAD PAR MTHONG BA LAS, ME LA SBYIN SREG LA SOGS PA DON GCIG PA'I DAG RNAMS LA YANG THE TSOM ZA BAS TSAD MA NYID MA YIN PAR BSTAN PA NI, DE LTA YIN YANG ZHES BYA BA'O, ,CI STE THE TSOM ZA BA YIN ZHE NA, RIG BYED KYI DON ZHES BYA BA SMOS SO, ,GAL TE NYI MA GNYA' SHING YIN LA ZHES BYA BA LA SOGS PA LA, DANG PO PA'I DON BOR NAS DON GZHAN DU RTOGS PA NI, DON GZHAN NYID KYIS STON PA'I DON YIN PA'I PHYIR 'GAL BA MED PA YIN LA, BSGRUB PA NYE BAR BSTAN PA NI DON GZHAN NYID KYIS STON PA MA YIN PA DES NA JI LTAR DANG PO PA'I DON YONGS SU 'DOR BA YIN NGES PA RTOGS PA YIN PA NI DE LTA BU'I MI BDEN PA'I DON LA DMIGS PA MA YIN PA'I PHYIR JI LTAR THE TSOM PA YIN SNYAM DU SEMS PA LA, DA LTAR BA'I BA LANG KHRA BO NI MCHOD SBYIN GYIS ZHES BYA BA'I SKUL BYED NI DON MED PAR MTHONG STE, CHAR DBAB PAR 'DOD PAS LAG PAS BZHOS PA'I 'O MA PHO BA BZHIN DU, 'DI YANG DA LTAR BA'I YIN GYI 'JIG RTEN PHA ROL GYI 'BRAS BU NI MA YIN NO, ,DES SBYOR LAS BYUNG BA'I 'BRAS BU NI DE MA THAG TU SGRUB BYED MED PAS MNGON SUM DU MA DMIGS PA'I PHYIR GNOD BYED MED PA MA YIN TE, LO THOG SKAMS PA LTAR GSO BA'I PHYIR CHAR DBAB PAS YONGS SU 'PHEL BAR BYA BAR 'DOD PA'I CHO GA LA DUS MA NGES PA NYID NI MI RIGS SO, ,RGYAL PO NI, RGYAL BU SKYE BA'I MCHOD SBYIN BYED, ,CES BYA BA LA SOGS PA RIGS KYI BYE BRAG DANG RJES SU 'BREL PA LA BRTEN PA BZHIN DU DUS KYI BYE BRAG LA BRTEN NAS DE MA THAG PA'I 'BRAS BU NYID KHO NA YIN NA, 'DI LA NI DE LTA

BU'I 'BRAS BU 'BYUNG BA MA YIN NO ZHES BSTAN PA NI, PHYUGS 'DOD PAS BA KHRA BO'I MCHOD SBYIN BYA'O ZHES BYA BA'O, ,MA YIN TE, TSAD MA MED PA'I PHYIR RO ZHES BYA BA 'DI LA DON NI 'DI YIN TE, RGYU'I DNGOS PO NI TSAD MA 'GA' ZHIG GI DU BA'I ME BZHIN DU RTOGS LA, 'BRAS BU MED PA YIN NA RJES SU MTHUN PA MA YIN PAR RTOGS PAR BYED PA YIN TE, PHYUGS LA BA LANG KHRA BO RGYU NYID YIN PA NI TSAD MAS GRUB PA MA YIN NO, ,DAG DE NYID DE MA THAG PA'I 'BRAS BU MED PAS DA DUNG DU YANG TSAD MA NYID MA YIN PA DANG TSAD MA GZHAN YANG MA DMIGS PA'I PHYIR RO; ,BDEN TE, DA LTAR BA NYID DE MA THAG PAR YANG RES 'GA' MTHONG BA'I PHYIR 'BRAS BU SGRUB PAR BYED PA NI MNGON SUM DANG 'GAL BA MA YIN NO, ,RES 'GA' DE YOD KYANG MI 'BYUNG BA NI 'GA' ZHIG GI PHYED ZOS PA NA SNGON GYI LAS KYIS GEGS BYAS PA'I PHYIR ZHES BYA BA'I RIGS PAS LAS GZHAN GYIS GEGS BYAS PA YIN PA'I PHYIR DE DANG BRAL NA 'BYUNG BA YIN NO, ,DE NYID KYIS NA MA BYAS PA'I LAS RNAMS KYI YANG DE'I 'BRAS BU 'BYUNG BA YIN GYI, 'DI DAG TZAM GYIS DA LTAR BA NYID 'JOMS PA NI MA YIN NO, ,YOD NA 'BYUNG BA TZAM GYIS DE SGRUB PAR BYED PA NI MA YIN TE, 'O NA CI ZHE NA, DE MED NA MI 'BYUNG BA LAS YIN LA, BA LANG KHRA PO LA SOGS PA LA NI DE DAG MED PA YIN TE, DA LTAR BA'I 'BRAS BU LA YANG SGRA KHO NA SGRUB BYED KYI DNGOS POR MTHONG BAR BYED PA MA YIN TE, DE LTA BU'I DNGOS PO NI MNGON SUM GYI YANG YUL YIN PA'I PHYIR RO; ,GZHAN DU NA DA LTAR BA NYID MED PAR THAR PAR 'GYUR BA'I PHYIR RIG BYED LA SLU BA'I MNGON SUM GNOD PA CAN DU GRUB PO, ,DE LTAR GNAS PA YIN LA NGES SBYOR LAS BYUNG BA'I 'BRAS BU DUS MA NGES PA CAN DU 'GYUR RO ZHES BYA BA LA SOGS PA THAMS CAD SKYES BU'I BLO LAS BYUNG BA KHO NA YIN PAR BSTAN PA NI, DON GZHAN RTOGS PA NI ZHES BYA BA'O, ,RTAGS DANG SGRA MA GTOGS PAR RJES SU DRAN PA TZAM LAS TE, SNGA MA RJES SU DRAN PA'I NGO BO LAS DANG PO'I DON RTOGS PA YANG YIN PAR BSTAN PA NI, RIG BYED LAS BDAG NYID CES BYA BA'O, ,SGRA NI DBANG

, ,PO BZHIN DU RANG BZHIN GYIS DON GO BAR BYED PA MA YIN TE, 'O NA CI ZHE NA, DON GYI DE MA THAG NYID KYIS 'DZIN PA YIN NA'O, ,DE LTAR 'DZIN PA YANG 'PHEL BA DANG, YON TAN LA SOGS PA BZHIN DU SNGAR ZHUGS PA LA BRTEN PA YIN TE, RIG BYED RTOGS PA NI SKYES BU'I BLO'I NUS PA LAS YIN TE, SGRA'I NUS PA LAS NI MA YIN NO ZHES BYA BA'I DON TE, ,NGES PAR SBYOR BA NI ZHES BYA BA LA SOGS PAS NI NGES SBYOR DANG BYA BA DAG MTSUNGS PAR SUN BTON PA YIN YANG NGES SBYOR SUN BTON PA'I DUS SU MA BSTAN PA BRJOD PAR BYA STE, 'DI LA DON GYI RIGS PA 'BA' ZHIG 'GAL BA CAN MA YIN TE, 'ON KYANG SGRA'I RIGS PA YANG NGO ZHES BYA BA'I DON TO, ,YANG DE PHYIS DE LAS TE BYA BA RTOGS PA LAS SO, ,GAL TE LHA SBYIN DANG MCHOD SBYIN DAG GIS RE LDE BYED CES BYA BA 'DI LA, LAS TE BYA BA GCIG PA'I PHYIR BYA BA GCIG PA NYID DE TSIG GCIG GI RGYU MTSAN DU KHAS LEN PAR BYED PA DE LTA NA RE LDE BYED PA DAG CES PA 'DI LA YANG GCIG GI TSIG TU 'GYUR BAR BSTAN PA NI, GCIG PHYIR ZHES BSTAN PA'O, ,'ON TE 'DI LA BYED PA PO THA DAD PAS BYA BA THA DAD PA'I PHYIR GNYIS KYI TSIG YIN NA BYED DO ZHES BYA BA 'DI LA YANG THA DAD PAS THA DAD PA'I TSIG TU 'GYUR BAR BSTAN PA NI, DE 'DRA'I DBYE BAS ZHES BYA BA NI THA DAD PA LAS SO, ,LHA SBYIN DANG MCHOD SBYIN DAG CES BYA BA'I SKAD KYI DBYINGS KYI DON NI LAS KYI BYA BA YIN GYI, BYED PA PO'I BYA BA NI MA YIN TE, DE YANG BYED PA PO THA DAD PA LAS 'BYED PA NI MA YIN TE, DE'I BYA BA MA YIN PA'I PHYIR 'DIR NI LAS BYED PA'I YI GE LAS YIN TE, LHA SBYIN DANG MCHOD SBYIN DAG GI 'DUG PA'O ZHES BYA BA LTA BU YIN NO ZHES ZER BA NI, SKAD KYI DBYINGS KYI DON THA MI DAD PA'I PHYIR ZHES BYA BA'O, ,SKAD KYI DBYINGS NI BYED PA PO'I BYA BA MA LUS PA'I RJOD BYED MA YIN NAM, SGRA DANG SKYES BU DAG GI YANG BYA BA RJOD PAR BYED PA YIN TE, DES NA JI LTAR BYED PA PO THA DAD PA LAS THA DAD PA MA YIN SNYAM PA'I BSAM PAS, LING LA SOGS PA'I SGRA'I BYA BA NI RE ZHIG SKAD KYI DBYINGS KYI DON LA MI 'BYUNG STE, LING LA SOGS PA MED CING SKAD KYI DBYINGS KYANG MED PAR

YANG 'BYUNG BA'I PHYIR RO, ,DES NA LING LA SOGS PA'I BRJOD BYA NI RKYEN YIN NO ZHES ZER BA NI, DE YANG ZHES BYA BA'I YANG GI SGRA NGES PAR SBYOR BA'I ZHES PA'I MTHAR SBYAR LA, MA YIN ZHES BYA BA YANG DE ZHES BYA BA'I MTHAR BLTA BAR BYA'O, ,DES NA DON NI 'DI YIN TE NGES PAR SBYOR BA YANG DE MA YIN PA'I SKAD KYI DBYINGS KYI DON TO, ,'O NA CI ZHE NA, DE LAS GZHAN PA'O, ,DE LTA YIN NA, SKYES BU'I BYA BA SKAD KYI DBYINGS KYI DON YIN TE, DE SKAD DU YANG GTZO BO NYID YIN PAS SKAD KYI DBYINGS KYIS BSTAN PA'I BYA BA DANG LDAN PA NI BYED PA PO YIN NO ZHE NA, DE YANG STE ZHES BYA BA NI BYED PA PO BSGRUB BYA YIN PAS ZHES BYA BA'O, ,RE ZHIG NGES SBYOR NI BSGRUB BYA MA YIN TE, RANG GI NGO BOR GRUB PA'I PHYIR DANG, BYED PA PO LAS BYA BA GZHAN YIN PA'I PHYIR YANG NGO, ,DE NYID KYIS NI SKAD KYI DBYINGS KYI DON MA YIN NO, ,DE LA GNAS PA YANG DE DANG DE MA YIN PA'I BYA BA YIN PA'I PHYIR RO, ,BYA BA GZHAN LAS BTUS PA'I DE'I BYA BA YUL CAN DU BYED PA YANG BDAG NYID BZHIN DU RKYEN GYI BRJOD BYA NYID YIN LA, DE YANG BYED PA PO THA DAD PA LAS THA DAD PA YIN TE, DES NA GNYIS KYI TSIG YIN LA DES NA SKAD KYI DBYINGS KYI DON DANG, SKYES BU'I BYA BA DAG GI BRJOD BYA DAG THA DAD PA'I PHYIR BYED DO ZHES BYA BA DANG, BYED PA DAG GO ZHES BYA BAR 'GYUR LA, BYA BA YAN 'GAR BA ZHES BYA BA NI, RANG GIS BSDUS PA'I THA DAD PA DANG BRAL BA ZHES BYA BA'I DON TO, ,YANG NA DNGOS PO BSHAD PAS BRJOD PA YIN PA'I PHYIR BSHAD PA THAMS CAD LAS 'BYUNG BA'I SKYES BU'I BYA BA NI LING LA SOGS PA YOD NA BSGRUB BYA RTOGS PA YIN GYI, RANG NYID 'GRUB PA NI SKYES BUS 'PHANGS PA YIN PA'I PHYIR NGES SBYOR DU BRJOD DO, ,DES NA RKYEN NI BRJOD BYA YIN NO, ,BYED PA PO THA DAD PA LAS BYA BA THA DAD PA YIN NA, SKAD KYI DBYINGS KYI DON LA YANG THA DAD PAR 'GYUR TE, DE SGRUB PAR BYED PA'I SGO NAS BYA BA BSGRUB BYA YIN PAR BSTAN PA NI, GAL TE 'BREL PHYIR THA DAD NA, ,ZHES BYA BA'O, ,BYED PA PO MA BSTAN PA'I DBANG DU BYAS NAS BYED PA PO'I GSUM PAR MI 'GYUR ZHES BYA BA'I DON TO, ,BRJOD 'DOD

, ,GZHAN DBANG PHYIR ZHES BYA BA LA SOGS PA BSDU BA BSTAN PA NI, GANG TSE BYA BA'I DON DE NI ZHES BYA BA LA SOGS PA'I TSIGS SU BCAD PA GNYIS SO, ,DE YANG SKAD KYI DBYINGS KYI DON NGES SBYOR YIN ZHES BYA BA LA SOGS PAS NGES SBYOR GTZO BO'I DON YIN PAS RKYEN GYI DON NYID YIN LA BYA BA NI DE'I YUL NYID YIN PAS DE'I YAN LAG NYID YIN NO SNYAM DU SEMS PA LA, DA NI BYA BA NYID 'JUG PA'I YUL NYID YIN PAS GTZO BO'I DON NYID YIN LA, NGES SBYOR NI DE LA SKYES BU 'JUG PAR BYED PA NYID KYIS SBYOR BAR BYED PA NYID YIN PA'I PHYIR YAN LAG YIN NO, ,DE LTAR YANG BYA BA RKYEN GYI DON NYID YIN NA YAN LAG DANG YAN LAG CAN NYID RIGS PA YIN TE, GZHAN DU NI MA YIN NO SNYAM DU SEMS PA LA, GANG GI TSE BYED PA PO'I BYA BA ZHES BYA BA SMOS SO, ,GAL TE 'JUG PA'I YUL RANG GI BYA BA RKYEN RTOGS PAR BYED PA YIN LA, DE NYID LAS 'JUG PAR 'GYUR BA NYID YIN NA NGES SBYOR GYIS CI ZHIG BYA SNYAM PA'I BSAM PAS ZER BA NI, BYA BA NI NGES PAR SBYOR BA KHYAD PAR CAN YIN PA'I PHYIR ZHES BYA BA STE, NGES PAR SBYOR BA MED NA BYA BA NI BSGRUB BYA NYID MA RTOGS BZHIN 'JUG PA MA YIN ZHES BYA BA'I DON TO, ,SKYES BU'I DON MA RTOGS PAR NGES PAR SBYOR BA PO YANG JI LTAR 'JUG PA YIN SNYAM PA'I BSAM PAS 'BRAS BU 'BA' ZHIG KHO NA RTOGS PA DANG LDAN PA'I 'JUG PAR BYED PA PO MA YIN TE, 'ON KYANG RANG GI BYA BA SHES PA YANG YIN NO ZHES ZER BA NI, 'DI RANG GI BYA BA RTOGS PA ZHES BYA BA'O, ,NGES PAR SBYOR BA YOD KYANG NGA'I BYA BA 'DI YIN ZHES 'BRAS BU DANG 'BREL PA MED NA MI SHES PA YIN PAR BSTAN PA NI 'BRAS BU MED PAR NGES PAR NGA'I BYA BA NYID CES BYA BA STE, DE LTAR RE ZHIG BYA BA'I NGAG GI DON NYID KHAS LEN PAS DE DANG DE BSTAN NAS, DA NI BYA BA TSAD MAS RTOGS PA MA YIN PAR BSTAN PAR 'DOD NAS, SBYIN BYED CES BYA BA SMOS TE, SBYIN BYED NI MCHOD SBYIN NO, ,GRUB ZIN PA'I PHYIR YOD KYANG LAS MED PA CAN YIN PA NYID KYIS RAB TU SBYAR BAR BYA BA'I BRJOD BYA NYID KYIS, SBYOR BAR BYED PA PO'I BYA RGYU'I BYA BA MED PA'I PHYIR SGRA LAS GZHAN LAS KYANG RUNG, SKAD KYI DBYINGS KYI DON LAS

THA DAD PA'I BYA BA RTOGS PA MA YIN ZHES BYA BA'I DON TO, ,GAL TE MCHOD SBYIN LA SOGS PA LAS THA DAD PA'I BYA BA MED PA YIN NA, MTHO RIS 'DOD PAS MCHOD SBYIN GYIS ZHES BYA BA'I MTHO RIS DANG, MCHOD SBYIN DAG BSGRUB BYA DANG, SGRUB BYED DAG GI DE NYID KYIS RTOGS BZHIN PA DAG GI YANG BSGRUB BYA GZHAN LAS DANG, SGRUB BYED GZHAN LAS RNAM PAR BCAD NAS 'BREL PAR BYED PA PO MED PA'I PHYIR PHAN TSUN 'BREL PA MED PAR 'GYUR BA ZHIG NA, DE YANG MTHONG BA'I PHYIR 'BREL PA CAN GYI BYA BA NI DON SHUGS KYIS 'PHANGS PA YIN NO, ,DE LTA NI MA YIN TE, MCHOD SBYIN DANG MTHO RIS DAG GI RUNG BA YIN NA, NYE BA NA GNAS PA'I BYE BRAG GIS RANG BZHIN GYIS 'BREL PA KHO NA YIN PA'I PHYIR BYA BA 'PHEN PAR BYED PA MA YIN TE, GZHAN DU NA DE DANG LHAN CIG PA'I 'BREL PA BYED PA PO GZHAN YIN LA, DE'I YANG GZHAN YIN PA'I PHYIR THUG PA MED DO, , 'GYUR YANG SKYON CI YOD CE NA, 'DI YANG MI RIGS TE RANG GI NGO BO RTOGS PA MED NA RTOGS PA TZAM YIN TE, DE YANG BRTAG BYA MA GRUB NA, ,DE LA DBANG BA'I GZHI MA GRUB PA'I PHYIR DE YANG MI RIGS PA'I PHYIR THUG PA MED PA NI SKYON YIN NO ZHES BYA BA'I DON TO, ,SGRA GZHAN NYID KYIS DON GZHAN NYID LA YIN NA THUG PA MED PA NI BSHAD PA LAS BSTAN PA YIN NO, ,CI BYED CES PA'I DON CI ZHIG YIN ZHES THE TSOM ZA BA'I YUL RNAMS LA MCHOD SBYIN LA SOGS PA RNAMS LA GRONG LA SOGS PA RNAMS SU BZHIN DU 'GRO BAR BYED CES BYA BA'I DON GYI YUL CAN DU RTOGS PAR BYED PA YIN LA DE NYID BYA BA YIN PA BRJOD DO, ,GAL TE CI BYED CES 'DRI BAR BYED PA NA LAN DU, BYED DON MCHOD SBYIN BYED DON DAG ,CES BYA BA STE, RKYEN GYI DON NI BYA BA BYED PA YIN NO ZHES BYA BA 'DI LA YANG, MCHOD SBYIN BYED CES BYA BA LA SOGS PA BZHIN DU SKAD KYI DBYINGS KYI DON YIN TE, DES NA ZHES BYA BA'I TSIG GI DON NI SKAD KYI DBYINGS KYIS GRI NYA'I DON ZHES BYA BA NYID DO, ,GAL TE, THE TSOM ZA NA 'TSED PAR BYED, ,CES BYA BA LA SOGS PA JI LTAR LAN DU RJOD PAR BYED CES BYA BA'I DON TO, ,YANG NA CI BYED CES BYA BA'I GRI NYA'I DON GYI YUL NYID

, ,LA THE TSOM ZA BA'I NGO BO NI CI ZHES BYA BA NI DON DU BSTAN TE, MCHOD SBYIN LA SOGS PA LA THE TSOM ZA BA ZHES BYA BA'I DON TO, ,SPYI'I RANG BZHIN ZHES BYA BA NI KHYAD PAR GYI YUL LA YANG THE TSOM ZA BA NI, SPYI'I YIN PAR THA SNYAD 'DOGS PA YIN TE, KHYAD PAR MA 'KHRUL PAS THA MI DAD PAR BTAGS NAS ZHES BYA BA'I DON TO, ,GAL TE YANG SPYI RTOGS PA TZAM LAS MA 'KHRUL PA MA YIN NA, KHYAD PAR MA RTOGS PA LA YANG THE TSOM ZA BA YIN NA, THAL CHES PAR BSTAN PA NI, KHYAB PAR MED PAR SPYI YIN, ,ZHES BYA BA'O, ,MA 'KHRUL PAS KYANG DU BA LAS ME BZHIN DU SPYI LAS KHYAD PAR RTOGS PA LAS THE TSOM ZA BAR MI RIGS PA BSTAN PA NI, DE LTA NA, DE YANG ZHES BYA BA'O, ,'BREL BA CAN YANG MTHONG BA NYID LA SOGS PA'I SPYI DANG 'GAL BA KHYAB PAR MI DMIGS PA NI NYE BAR BZHAG PA LA THE TSOM ZA BA'I RGYU MTSAN YIN PAR BSTAN PA NI, SPYI DE NYID CES BYA BA'O, ,THAMS CAD MKHYEN PA LA SOGS PA BZHIN DU KHYAD PAR MED PA'I DMIGS PA TZAM NI YOD PA DANG MED PA THUN MONG BA YIN PA'I PHYIR THE TSOM GYI RGYU MTSAN YIN GYI, SPYI NI MNGON SUM NYID MA YIN PAR BSTAN PA NI, SPYIR MI DMIGS PA ZHES BYA BA LA SOGS PAS SO, ,DMIGS PA'I RIGS BYAR GYUR PA ZHES BYA BA 'DIS NI BYE BRAG MED PA'I MI DMIGS PA'I MED PA SMRA BA YIN NO, ,KHYAD PAR GYI NGES PA MA BZUNG BA'I DRAN PA NYID NI THE TSOM ZA BA YIN NO ZHES ZER BA NI KHYAD PAR DRAN PA'I PHYIR ZHES BYA BA'O, ,KHYAD PAR DRAN PA LA SOGS PA'I TSOGS PA LAS BYUNG BA YIN PAR DE LA BYE BRAG MED PA'I PHYIR ZHES BSTAN PA NI, KHYAD PAR DRAN PA LAS THE TSOM GZHAN MA YIN TE ZHES BYA BA'O, ,DE'I KHYAD PAR NGES PAR MA BZUNG BA'I PHYIR SPYI YIN PAR BSTAN PA NI, DE'I PHYIR BYED PA ZHES BYA BA DE NYID CES BYA BA STE, KHYAD PAR NGES PA MA BZUNG BA THUN MONG GI TSIG YIN PAR DGONGS PA'O ZHES BYA BA'I DON TO, ,YUL NGES PA CAN MA YIN PA'I MI DMIGS PA TZAM LAS NI NGES PAR BZUNG BA MED PA YIN LA, YUL NGES CAN NI SPYI MNGON SUM DU GYUR PA NYID LAS MA YIN SNYAM DU SEMS PA LA, LA LAR NI DNGOS PO

DANG DNGOS PO MED PA'I ZHES BYA BA SMOS TE, SNANG BA MI GSAL BA'AM THAG RING BA LA YANG RNAM PA MI GSAL BA YIN LA, DE'I GNAS SKABS KYI MI SNANG BA'I BYE BRAG GIS DPEN PA'I BLO 'DI NYID NI MI DMIGS PA YIN NO ZHES BYA BA'I DON TO, ,SA PHYOGS LA SOGS PA 'GA' ZHIG TU MI SNANG BA'I DNGOS PO SA DPEN PA DMIGS PA'I DNGOS PO YANG MI DMIGS PA YIN PAR BSTAN PA NI, DMIGS PAR BYA BA'I DON GYI RANG BZHIN ZHES BYA BA STE, MA 'KHRUL PA NYID KYI DU BA DANG ME BZHIN DU SPYI LAS BYE BRAG RTOGS PA YIN NO, ,GAL TE SNGON PO DMIGS PA YOD NA DE'I MING DRAN PA LAS SNGON PO'I ZHES BYA BA'I RNAM PAR RTOGS PA YIN PA DE BZHIN DU, NGES PA MA BZUNG BA'I DMIGS PA LA DE'I MING LA SOGS PA DRAN PA LAS, MTHO YOR YIN PA'AM, GZHAN YIN PA'I RNAM PAR RTOG PA'I YID NI NGES PAR GZUNG BA MED PAR 'BYUNG BA YIN NO, ,MA YIN TE, DANG PO NYID NI DE'I MING LA SOGS PA DRAN PA MED PA'I PHYIR RO, ,DANG PO YANG NGES PAR GZUNG BA MED PAR KHYAD PAR MA DRAN PA'I YUL DE LA JI LTAR 'GYUR BA YIN, KHYAD PAR DRAN PA YIN NA 'GYUR RO ZHE NA, DE NYID KHYAD PAR DRAN PA NGES PAR GZUNG BA MED NA THE TSOM ZA BA MA YIN NAM, DE LAS GZHAN PA NI MA YIN TE, 'DI NI KHYAD PAR NGES PA MA BZUNG BA'I BDAG NYID YIN PA'I PHYIR RO, ,DES NA KHYAD PAR DRAN PA DANG LHAN CIG PA'I DBANG PO SA DE YIN PA NI MI RIGS TE, DE NYID KHYAD PAR DRAN PA NGES PAR GZUNG BA MED PAR CI LAS 'BYUNG BA YIN, KHYAD PAR GNYIS THUN MONG BA'I NGO BO NYID DMIGS PA LAS YIN TE, RTAG PA DANG MI RTAG PA DAG GZHAL BYA YIN PA LTA BU'O, ,DE LTA MOD KYI MTHON PO MA YIN PA LAS LOG PAR NI NGES PA CAN YIN LA, MTHO YOR LA SOGS PA'I BYE BRAG NGES PAR MA BZUNG BA NI DRAN PA'I RGYUR 'GYUR BA YIN NO, ,DE NYID LAS NGES PA CAN NYID MA YIN NAM; CI LA THE TSOM ZA BA YIN, SNGON POR NGES PA LA NI SER POR THE TSOM ZA BA'AM, DE'I RGYU YANG MA YIN NO, ,MI DMIGS PA LAS KYANG MTHO YOR RAM, MI DAG KHO NAR THE TSOM ZA BA MA YIN NO, ,'O NA CI ZHE NA, GCIG PA DE BOR NAS THAMS CAD 'GYUR RO, ,'BREL

, ,PA LAS NI DE'I KHYAD PAR LA NGES PA YIN GYI SPYI NI MA YIN TE, THAG RING BA BZHIN DU NYE BA LA YANG DE'I SHES PAR THAL BAR 'GYUR BA'I PHYIR RO, ,DE'I PHYIR MI DMIGS PA LA LOG PA CAN MTHO YOR NYID DAM, MI NYID DU NGES PA CAN MA YIN PAS NGES PA MA BZUNG PA'I PHYIR NGES PAR BZUNG BA MED PA'I BDAG NYID NI SPYI YIN LA DE'I SHES PA YANG THE TSOM YIN NO, ,KHAMS GSUM PO LA THAL BAR 'GYUR BA MA YIN TE, DE MA YIN PA LAS LDOG PAR BYED PA NYID DU NGES PAS KHYAD PAR CAN YIN GYI YUL DU NGES PA MA BZUNG BA NI KHONGS SU GTOGS PA YIN PA'I PHYIR RO, ,DE NYID KYIS NA BLO NYID CES BSTAN PA DE'I RNAM PA MA YIN PAS DBEN PA NI THE TSOM GYI SHES PA YIN NO, ,DE MA YIN PA LAS LDOG PAR BYED PA YIN YANG YUL NGES PA CAN GYI KHYAD PAR GYI NGES PA MA BZUNG BA YIN TE, DNGOS PO DANG DNGOS PO MED PA THUN MONG GI BDAG NYID CAN NI THE TSOM STE, YID GNYIS KYI RGYU YIN PA'I PHYIR THE TSOM YIN NO ZHES PA'I DON TO, ,DE YANG DE MA YIN PA LAS LDOG PAR BYED PA'I NGO BOS SNANG BA MI DMIGS PA YIN PA'AM, DE'I KHYAD PAR LA LTOS NAS KYANG SNANG BA MI DMIGS PA YIN NO, ,DMIGS PAR BYA BA'I DON GYI RANG BZHIN ZHES BYA BA STE, RTOGS PAR BYA BA'AM, MI DE MA YIN PA LAS LDOG PAR BYED PA KHYAD PAR NGES PA MA BZUNG BA SNANG BA DANG CIG SHOS KYI MI DMIGS PA'I BDAG NYID NI THE TSOM ZA BA'I RGYU YIN PA'I PHYIR THE TSOM YIN NO, ,DE LTA NA THE TSOM GYI SHES PA NI DBANG PO'I DON LAS 'BYUNG BAR MA GYUR TAM, DE LTA NI MA YIN TE, DON BYED PA CAN GYI DBANG PO'I DON NYE BA NA GNAS PAR RUNG BA NYID KYI STOBS LAS SKYES PA ZHES BSTAN PAS, DON BYED PA CAN MA YIN PA THAG RING BA NA GNAS PA'I STOBS LAS BYUNG BA LAS, THE TSOM ZA BAR THAL BAR 'GYUR BA MA YIN TE, THAG RING PO NAS GNAS PA NYID NI RAB RIB BZHIN DU 'DI LTA BU SHES PA LA NUS PA YIN LA, DBANG PO'I DON NI DE'I RJES SU 'JUG PAS NYE BA NA GNAS PA TZAM LA NUS PA CAN YIN NO, ,DE YANG MIG GIS NI THAG RING PO LA MA YIN ZHES BSTAN PA YIN NO, ,DON MTHONG NA ZHES BYA BA NI MI RIGS TE, DE LA DON BYED PA CAN MA MTHONG BA'I PHYIR RO, ,

GANG DU DE BYED PA CAN GYI SA PHYOGS LA SOGS PA MTHONG BA YIN NA, DE LTAR LKOG TU GYUR PA'I ME LA SOGS PA LAS SKYES BUS THE TSOM ZA BA MA YIN LA, GANG DU DNGOS PO GZHAN LA 'JUG PA MA YIN PA'I BYE BRAG GIS DNGOS PO'I MI DMIGS PA DANG, MI DRAN PA YIN LA, DE DANG 'DRA BA NYID KYI DON BYED PA NI DE BYED PA CAN MA YIN PA LAS LDOG PAR BYED PA YANG DMIGS PA YIN NA NI, DE LA PHYIN CI LOG PA YIN TE, NYA PHYIS LA DNGUL GYI SHES PA LTA BU'O, ,GANG GI TSE 'DRA BA LA DMIGS PA DE'I TSE THA DAD PAR MTHONG BA'I PHYIR DE NYID DU SGRO 'DOGS PA MED PA MA YIN NAM, 'ON TE DE NYID YIN PAR DMIGS PA YIN NA DBANG PO LAS SKYES PA JI LTAR PHYIN CI LOG MA YIN, DON BYED PA CAN DU NYAMS SU MYONG BA CUNG ZAD MTHONG NA NI PHYIN CI LOG MA YIN LA, GNYI GA NYID DU NGES PA MA BZUNG NA NI SNANG BA MA YIN TE, GANG YANG RUNG BA MED PAR NGES PA'I PHYIR, NGES PA MED PA NI THE TSOM ZA BAR THAL BAR 'GYUR RO, ,'DRA BA'O ZHES BYA BA'AM DE NYID DO ZHES BYA BAR DMIGS PA MA YIN DU ZIN KYANG, 'ON KYANG 'DRA BA'I DMIGS PA DANG 'DRA BA YIN PA'I PHYIR, 'DRA BA NYID DU MA DMIGS PA LA DGOS PA CI ZHIG YOD, SNGON PO ZHES NYE BAR MTSON PA MA YIN PA'I SNGON POR MTHONG BA, SNGON PO'I SHES PA SKYED PAR BYED PA JI LTAR YIN PA DE BZHIN DU 'DRA BA MTHONG BA YANG 'DRA BA'O ZHES BYA BAR SKYED PAR BYED PAR 'GYUR RO, ,KHYAD PAR NYE BAR MTSON PA YIN PA LA NI DE DANG 'DRA BA ZHES BYA BA MED PA'I PHYIR DE LAS 'DI JI LTAR YIN, DE'I NGO BO MTHONG BA'I BAG CHAGS LAS; ZIN POR GYUR BA'I DE 'DI'O ZHES BYA BAR 'GYUR BA NI DBANG PO LAS SKYES PA MA YIN PA STE, DBANG PO LAS SKYES PAS NI 'DRA BA'I DON BYED PAR MTHONG BA LAS, DE'I NGO BO NI YID KYIS SGRO BTAGS PAS BRDA YOD NA DE 'DI YIN NO ZHES THA SNYAD 'DOGS PA YIN GYI GZHAN DU NI MA YIN NO, , GNYI GA'I BYE BRAG MA MTHONG BA DE MTHONG BA'I BAG CHAGS LAS ZIN POR GYUR PA MA YIN PA LA NI, THAG RING BA NYID LA SOGS PA'I DBANG GIS DBANG LAS SKYES PA NYID RNAM PAR RTOG PA'I MTHONG BA YIN TE, GNYI GA'I BYE BRAG DANG MTSAN NYID MI MTHUN PA'I CHA'I DON BYED PA GNYI GA MA YIN PA THA DAD PA

, ,CAN DNGOS PO LA MED PA'I PHYIR RO, ,TSAD MA'I YUL DU GYUR PA'I SNGON PO LA SOGS PA SKAD CIG MA DANG SKAD CIG MA MA YIN PA'I NGO BOR MA NGES PA YANG DON BYED PA'I GZHAL BYA NYID MNGON SUM PA YIN NO, ,MA NGES PA SKAD CIG MA NYID LA SOGS PA'I NGES PA MED PA'I BDAG NYID CAN NI THE TSOM 'DI'I RGYU YIN NO ZHES BYA BA NI RNAM PAR DBYE BA'O, ,DE LTA BU'I BLO'I GO BAR BYA BA NI, DE MA YIN PA LAS LOG PAR BYED PA'I DBYIBS MA YIN NAM, GNYIS KYI BYE BRAG NGES PAR MA BZUNG BA YIN YANG DON BYED PA'I NGO BO DNGOS PO LAS THA DAD PAR MNGON SUM PA YIN TE; SKAD CIG MA LA SOGS PA'I BYE BRAG NGES PAR MA BZUNG BA YANG SNGON PO LA SOGS PA'I NGO BO BZHIN DU YOD PA NYID NA, DE YOD PA'I PHYIR DE JI LTAR DBANG PO LAS SKYES PA MA YIN PAR THE TSOM ZA BA YIN ZHES PA'I BSAM PAS, GAL TE DBYIBS ZHES BYA BA LA LAN DU SKYES BU DANG MTHO YOR GYI ZHES BYA BA STE, GAL TE DE DON BYED PA YIN NA THAG RING BA'AM, NYE BA LA YANG SNGON PO BZHIN DU KHYAD PAR NGES PAR MA BZUNG BA DMIGS PAR 'GYUR BA YIN NO, ,THAG NYE BA LA NI DE LTA BUR DMIGS PA MA YIN TE, DES NA KHYAD PAR GYI RNAM PA NGES PAR MA BZUNG BA'I KHYAD PAR SNANG BA NYID DE YIN NO, ,KHYAD PAR GYI NGES PA RNAM PAR MA BZUNG BA'I KHYAD PAR DU SNANG BA NYID DE YIN PAR BSTAN PA NI, SPYI'I DON GZHAN PA NYID YIN NA ZHES BYA BA'O, ,GAL TE KHYAD PAR GYI RNAM PA'I NGES PA MA BZUNG BA YIN NA SNANG BA DE JI LTAR DE'I YIN SNYAM DU SEMS PAS, GAL TE KHYED KYI PHYOGS LA YANG, ,ZHES BYA BA LA SOGS PA NAS, DON MI GSAL BAR SNANG BA MIN, ,ZHES BYA BA'I BAR DU'O, ,LAN DU, GAL TE DE RNAMS CAN MIN PA'I, ,ZHES BYA BA STE, DE STE, NGES PA BZUNG BA 'DI'I RNAM PA STE, GANG LA RNAM PA DE YOD PA MA YIN PA STE, LAS DE KHYAD PAR LAS THAG RING BA NYID KYI LHAN CIG BYED PA DE LAS SKYES PAR 'GYUR BA NYID KYIS DE LAS SKYE BAS DE 'DZIN PA NYID DU BRJOD DO, ,'DI SKAD BSTAN PA YIN TE, KHYAD PAR GYI RNAM PA NGES PA MA BZUNG BA'I KHYAD PAR 'DZIN PA CAN NI, ,KHYAD PAR GYI RNAM PA'I KUN DU

BZUNG BA LA LTOS NA MI GSAL BA YIN PAR BRJOD DO, ,DE LTA BU'I BLO NI RGYU MED PA'I PHYIR NYE BA LAS MI SKYE BA YIN YANG THAG RING PA'I LHAN CIG BYED PA'I KHYAD PAR LAS SKYE BA YIN LA, SPYI NI RDZOGS PA YIN TE THAG RING POR YANG RANG GI NGO BO DMIGS PA YIN NO, ,NYE BA LAS NI CHOS SHIN TU GSAL BAR DMIGS PAR 'GYUR RO, ,MI DMIGS PA'I RGYU YOD NA DMIGS PAR DANG DMIGS PA'I RGYU YOD NA MI DMIGS PAR NI MI RIGS TE, KHYAD PAR DANG SPYI DAG GI DMIGS PAR BYED PA LA NI BYE BRAG CUNG ZAD KYANG MED DO, ,KHYAD PAR LAS SPYI GZHAN MA YIN PA NI BDEN TE, GZHAN GYI SNANG BA NI GZHAN LA MI GSAL BAR BRJOD PA NI MA YIN TE, DE LTA MOD KYI KHYAD PAR GYI RNAM PA MA BZUNG BA'I BYE BRAG GI NGO BO NI KHYAD PAR GYI RNAM PA DANG THUN MONG BA YIN PA'I PHYIR SPYI YIN PAR BRJOD PAR BYA BA YIN NO SNYAM DU SEMS PA LAS, 'ON TE DE NYID SPYI YIN NA ZHES ZER BA LA; LAN NI, BLO DE LAS ZHES BYA BA LA SOGS PAS BSTAN PA YIN TE, KHYAD PAR NGES PAR MA BZUNG BA NI GZHAN LAS MA YIN PA'O, ,GZHAN YANG GZHAN LAS KYANG 'DIR BRJOD PAR BYA STE, BYE BRAG NGES PAR MA BZUNG BA'I KHA DOG DANG DBYIBS BLO LA SNANG BA DE DANG BRAL BA NI SPYI YIN PAR 'DOD PA YIN NO, ,DON GANG DAG KHO BOS MTHONG BA DE DAG GI MTHONG BA NYID KYI TSAD KYI CHOS GANG DAG YIN PA'I PHYIR DE DANG 'DRA BA NI CHOS 'DI YIN TE, 'DRA BA'I RNAM PA BSKYED PAR BYA BA NI DMIGS PAR BYA BA STE, DE DAG GI DON LA THE TSOM ZA BA YIN LA, 'DRA BA DON NI SPYI'I DON YIN NO SNYAM DU SEMS PAS, GAL TE SNANG BA NI KHA DOG DANG DBYIBS NYID YIN LA ZHES BYA BA STE, THUN MONG YIN PA'I PHYIR ZHES BYA BA STE 'DRA BA'I PHYIR RO, ,LAN DU, KHA DOG DBYIBS DE'I RANG BZHIN NI, ,ZHES BYA BA STE, DE'I 'DRA BA NI 'DI'I CHOS YIN GYI, DE NYID NI MA YIN NA JI LTAR DE LAS DE DAG LA THE TSOM ZA BA YIN, GNYI GA'I THUN MONG BA LA GCIG PA MED PA'I PHYIR 'DRA BA NYID KHO NAR SGRO BTAGS PAS DE NYID 'DI YIN NO ZHES ZER BA NI MI RIGS TE, 'KHRUL PA NYID DU THAL BAR 'GYUR BA'I PHYIR RO ZHES BSTAN PA NI, BLO NI 'KHRUL PAR THAL BAR 'GYUR, ,

, ,ZHES BYA BA STE, CHOS DAG GI GCIG PA NYID DU 'DZIN PAR BYED PA'O, ,DES NA GNYI GA'I THUN MONG BA LA GCIG TU SNANG BA GNYI GA MI DMIGS PA YIN LA, GNYI GA LA NGES PAR 'DZIN PA MED PAR BYED PAR MI 'GYUR RO ZHES BYA BAR NYE BAR BSDU BA NI, GAL TE KHA DOG DANG DBYIBS GZHAN DU RTOGS NA ZHES BYA BA'O, ,YANG NA MTHO BA NYID NI SPYI MA YIN TE, MTHO BA'I TSAD DU GNAS PA CAN YIN PA'I PHYIR, DE YANG NGES PAR BZUNG BA'I PHYIR RO, ,MTHO BA NYID KYI CHOS KYANG MA YIN TE, DE NI THA DAD PA LAS SPYI'I NGO BO MA YIN PA'I PHYIR RO, ,KHA DOG DANG DBYIBS KYI SPYI NI GCIG PA YIN TE, BDAG NYID DU 'GYUR BA'I KHYAD PAR GNYI GA THUN MONG BA YIN PA'I PHYIR DANG, SPYI NI THE TSOM DU BYED PA YIN NO SNYAM DU SEMS PAS, KHA DOG DANG DBYIBS DAG GI DE NYID CES ZER BA LA, LAN NI, KHA DOG DBYIBS DE'I RANG BZHIN NI, ,ZHES BYA BA LA GZHAN PAS TE; THA DAD PA'I RANG BZHIN LAS MTHO YOR DANG MI LA YOD PA'I KHA DOG DANG, DBYIBS RTOGS PA LA THA MI DAD PA 'DIS, DE LAS DE DAG GCIG PA NYID JI LTAR MA 'KHRUL PA YIN, DES NA SPYI NI MNGON SUM PA MA YIN LA, MNGON SUM NI 'KHRUL PA CAN MA YIN NO, ,DE'I PHYIR MTHO YOR DANG MI LA YOD PA'I KHA DOG DANG DBYIBS THA DAD PA'I NGES PA MA BZUNG BA LA SOGS PA LAS SPYI MA YIN PAR BRJOD DE, DUS MA YIN PA'I PHYIR DANG, MI DMIGS PA YIN PA'I PHYIR DANG, 'KHRUL PA NYID DU THAL BAR 'GYUR BA'I PHYIR YANG NGO, ,KHA DOG DANG DBYIBS GCIG PA MA YIN DU ZIN KYANG, YAN LAG CAN YIN LA DE YANG BAR MTSAMS SU NI GCIG TU SNANG BA YIN LA, DE'I YANG 'KHYOG PO BU GA CAN LA SOGS PA'I BYE BRAG TU BYED PA GANG YIN PA RNAMS DANG, LAG PA LA SOGS PA DE RNAMS SU THAG RING BA LA SOGS PA MTHONG BA MA YIN LA, KHA DOG LA SOGS PA'I KHYAD PAR NI YAN LAG CAN MA YIN TE, DE MI 'DZIN PA YANG DNGOS PO'I NYE BAR BSGYUR BAS YAN LAG CAN SHEL DU 'DZIN PA'I PHYIR LA, SHEL NI GZHAN PA NYID DU DER SKYES PA MA YIN TE, DE'I TSE YANG SNGA MA NYID DU NGO SHES PA'I PHYIR TE, DES NA BYE BRAG NGES PAR MA BZUNG BA NYID

SPYI YIN PAR MI RIGS SO SNYAM DU SEMS PAS, 'ON TE DER YAN LAG CAN SNANG BA ZHES BYA BA LA SOGS PA SMRAS PA LA, LAN NI, KHA DOG DBYIBS KYI RANG BZHIN LAS, ,ZHES BYA BA STE, KHA DOG TZAM NI RDZAS MA YIN TE, THAMS CAD KYANG DE'I NGO BO NYID DU BYE BRAG MED PAR THAL BAR 'GYUR BA'I PHYIR LA, RDZAS KYANG DE'I NGO BO NYID KYIS BYE BRAG TU 'BYED PA MA YIN NO, ,DBYIBS LA BUM PA NYID LA SOGS PAR BYE BRAG TU 'BYED PAR BYED PA YIN NO ZHE NA, 'DI YANG KHA DOG LA YANG MTSUNGS TE, KHA DOG 'DZIN PA NA YANG NYE BA NA GNAS PA LA SOGS PA'I DBYIBS TZAM 'DZIN PA'I PHYIR RDZAS 'DZIN PA YANG MA YIN LA, DBYIBS TZAM NI DON BYED PA MA YIN NO, ,RDZAS KYANG DE LAS GZHAN PA LAS THA DAD PA MA YIN PAR MA DMIGS PA MA YIN NAM, JI LTAR DON BYED PA YIN, DBYIBS DANG DE LA RJES SU DPOG PA'I KHA DOG GIS KHYAD PAR CAN GYI DON BYED PA YIN NO ZHE NA, MI RIGS TE, DPAG BYA KHA DOG DANG KHYAD PAR CAN GYI DBYIBS LAS THA DAD PA'I RDZAS MA DMIGS PA'I PHYIR RO, ,SNANG BA'I KHA DOG DANG KHYAD PAR CAN NYID KYANG RDZAS BZHIN DU DBYIBS LA YANG 'KHRUL PA'I PHYIR, MKHAS PA MA YIN PA'I DE NI BRDZUN PA YIN LA; MKHAS PA RNAMS KYI THA DAD PA'I BLO YIN NO ZHES BYA BA'I RIGS PAS SO, ,CI LAS SHES ZHES BYA BA NI RE ZHIG DBANG PO LAS KYANG MA YIN LA, THAG RING BA NYID DANG, RAB RIB DANG, NYE BAR BSGYUR BA LAS KYANG MA YIN TE, MI DMIGS PA'I RGYU YIN PA'I PHYIR RO, ,MI DMIGS PA'I RGYU YIN NA GSAL BAR DMIGS PA YIN LA, NYE BAR BSGYUR BA LA SOGS PA DMIGS PA'I RGYU YOD NA CHES SHIN TU DMIGS PAR 'GYUR RO, ,YON TAN YIN PA'I PHYIR KHA DOG DANG DBYIBS NYID RTEN PA NYID YIN PAS RTEN GYI RDZAS 'PHEL BA YIN PAR BSTAN PA NI, DE DAG LAS NI GZHAN PA YIN ZHES BYA BA STE, DBYIBS KYI DNGOS PO LAS GZHAN PA MA DMIGS PA'I PHYIR MI RTEN PA NYID YIN TE, DMIGS PAR BYA BA NI YON TAN YIN PA'I PHYIR RO, ,KHYAB PAR BYED PA DANG 'GAL BA MNGON SUM PA YIN TE, DE SGRUB PAR BYED PA NI MIG MA YIN PA'I MNGON SUM

, ,PA NYID LA SOGS PA GNOD PA CAN YIN TE, SPYI LA SOGS PAS ME NGES PA MA YIN NO, ,DE LAS GZHAN PA NYID KYIS KHYAD PAR LA YANG BLO YIN PAR 'GRUB PA'I GTAN TSIGS NYID YIN GYI DU BA BZHIN DU DNGOS SU BA NI MA YIN NO ZHES BYA BA'I DON TO, ,LJANG GU DANG SER BA LA SOGS PA'I KHA DOG DANG CHUNG DU DANG CHEN PO NYID LA SOGS PA'I DBYIBS KYANG GZHAN DANG GZHAN DU 'GYUR BA MA YIN NAM, RGYA LTAR GYI 'BRAS BU NI MA YIN TE, DE NYID NI GNAS SKABS THAMS CAD DU DMIGS PA'I PHYIR RO, ,GANG ZHIG 'GYUR NA YANG GANG MI 'GYUR BA DE NI DE LAS THA DAD PA YIN LA, KHA DOG DANG DBYIBS 'GYUR YANG RDZAS NI MI 'GYUR BA YIN PA'I PHYIR RJES SU 'GRO BA DANG LDOG PA'I TSAD MA YIN NO SNYAM DU SEMS PA LA, SNGON PO NYID LA SOGS PA'I KHA DOG GI RANG BZHIN NYID CES BYA BA SMOS TE, SNGON PO'I KHA DOG DANG DBYIBS DMIGS PA'I DUS SU DE'I YAN LAG BZHIN DU RDZAS DMIGS PA CAN NI MA YIN NO, ,DE BZHIN DU SER PO LA SOGS PA'I KHA DOG DANG DBYIBS DMIGS PA'I DUS SU DON GZHAN LA DMIGS PA NI YANG DAG PA MA YIN PAR BSTAN PAR BYA BA YIN LA, RJES SU 'GRO LDOG DAG KYANG YIN TE, DE'I DON GCIG BYED PA'I BYED PA PO NYID DAM, DE SGRA GCIG GI BRJOD BYA NYID YIN YANG DON GZHAN LA SBYOR BA DAG GI MA YIN TE, DE LTA MOD KYI DE DON GCIG BYED PA'I BYED PA PO NYID NI MANG PO RNAMS LA YANG GCIG NYID KYI THA SNYAD KYI RGYU MTSAN YIN TE, NAGS DANG BA LANG GI SGRA LA SOGS PA YANG RNAM PA MANG PO YIN PAR 'JIG RTEN DU SNANG BA YIN TE, GRANGS DANG, NAGS DANG, DMAG LA SOGS PA'I SGRA RNAMS KYI BRJOD BYA LA, BYE BRAG MED PAR LTUNG BA'I PHYIR DANG, DON BYED PA'I YUL YIN PA'I PHYIR YANG, GRANGS KYANG BGRANG BYA LA DGOS PA NYID DU NYE BAR BLANGS NAS, MANG PO RNAMS LA TSIG MANG POR THAL BAR 'GYUR RO, ,RDZAS BZHIN DU GRANGS LA SOGS PA LA YANG KHA DOG DANG DBYIBS LAS THA DAD PA CAN MA YIN TE, DE 'DZIN PA'I MNGON SUM LA DE DANG 'DRA BA'I SNANG BA MED PA'I PHYIR YOD PA MA YIN TE, RGYU MTSAN DE DAG NYID THA DAD PAR RNAM PAR 'BYED PA DANG, TSIG GI DBYE BA

LA SOGS PA RNAMS NI BRJOD PAR 'DOD PA'I YUL LA RNAM PAR GNAS PA YIN NO, ,KHA DOG DANG DBYIBS NI THA DAD PAR MI DMIGS PA YIN LA, PHYIS MNGON SUM GYI DUS SU DE NYID DANG, RJES SU 'BREL PA'I NGO BOR MA YIN NAM, RJES SU 'JUG PA NYID KYI RDZAS YIN LA, DE NYID LAS LOG PA NYID KYI GNAS SKABS NI YON TAN YIN NO SNYAM DU SEMS LA, DE LAS THA DAD PA'I RDZAS GZHAN ZHES BYA BA'O, ,DE'I RJES SU 'GRO BA'I NGO BOR RDZAS MA YIN NAM, DBYIBS DANG KHA DOG GI RTEN YIN LA, DE LA BRTEN PA DE DAG NI KUN DU DMIGS PA YIN PA'I PHYIR LA DE BZHIN DU MA DMIGS PA YANG GRUB PA YIN NO SNYAM DU SEMS PAS, 'ON TE KHA DOG DANG DBYIBS DANG LDAN PA'I RDZAS YIN NO ZHE NA, LAN DU MA YIN TE, DE LAS THA DAD PAR ZHES BYA BA STE, LJANG GU DANG SER PO'I KHA DOG DANG DE'I DBYIBS SU SNANG BA'I DUS SU SNANG BA YIN NO, ,SNGAR MTHONG BA NGO SHES PA YANG MTHONG BA'I YUL LA YIN LA, DE'I YUL DANG LOG PAR 'DZIN PA'I PHYIR MTHONG BA NYID KYIS GNOD PA YIN NO, ,GNOD PAR BYED PA LAS KYANG KHYAD PAR GYI RNAM PA'I NGES PA MA BZUNG BA'I KHYAD PAR TZAM MAM, THAG RING BA NYID KYANG SNANG BA YIN GYI RDZAS SAM CIG SHOS NI MA YIN NO, ,DE'I GNAS SKABS NA YOD BZHIN PA GNAS SKABS GZHAN DU 'GYUR BA MA YIN PAR BSTAN PA NI, GSAL BA DANG MI GSAL BA ZHES BYA BA LA SOGS PA STE, SNGA MA'I KHA DOG DANG DBYIBS GZHAN YIN PA NYID DAM, GZHAN DU YANG RTOGS PA NI MI GSAL BA NYID DU THA SNYAD 'DOGS PA MED PAR THAL BAR 'GYUR RO ZHES BYA BA'I DON TO, ,MTHONG BA DANG PHRAD PAR BYED PA MTHONG BA NI TSAD MA YIN, PHRAD PAR BYED PA YANG REG PA'I DBANG POS 'DZIN PA MA YIN NAM, DE'I PHYIR MTHONG BA DANG REG PA DAG GIS DON GCIG 'DZIN PA YIN PA'I PHYIR GZUGS DANG RE BYA LA SOGS PA GCIG PU NI DZAS YIN TE, DE MED NA MNGON SUM NYID TSAD MA NYID DU MI 'GYU RO SNYAM DU SEMS PAS, 'ON TE YANG KHA DOG DE NI THOB PA MI ZHES BYA BA'O, ,LAN NI, DE NYID DU NA GAL TE DE, ,ZHES BYA BA'O, ,JI LTAR YANG MTHONG BA LA GZUGS DANG DBYIBS KYANG SNANG BA YIN LA, RDZAS KYANG

, ,DE'I RTOGS BYA YIN PA'I PHYIR DE KHO NA BZHIN DU SNANG BAR 'GYUR RO, ,DE BZHIN DU REG PAS DMIGS PAR BYA BA YIN NA, 'JAM PA DANG RTZUB PA LA SOGS PA BZHIN DANG, DE'I DPAG BYA KHA DOG DANG DBYIBS BZHIN DU DE LAS GZHAN PA'I RDZAS SU DMIGS PAR 'GYUR TE, RANG GI NGO BO DE BZHIN DU MA DMIGS PA LA DMIGS PA YIN PAR SMRA BAR MI RIGS SO ZHES BYA BA'I DON TO, ,DE LTA YIN NA REG BYA THOB BYED YIN PAS MTHONG BA JI LTAR TSAD MA YIN SNYAM DU SEMS PA LA, RJES SU SBYOR BA NI ZHES BYA BA SMOS TE, YUL GZUGS MTHONG BA NI THOB BYA RANG GI 'BRAS BU'I NGO BO LA DE NYID LA DE'I 'BRAS BU NYID DU SGRO BTAGS PAS DE NYID MTHONG NGO ZHES MNGON PAR ZHEN PAS THOB PAR BYA BA YIN LA, REG BYA LA NI DE DANG TSOGS PA GCIG PA'I 'BRAS BU YIN PA NYID KYIS RNAM PAR RTOG PAS SPRUL PA'I YUL GCIG PA NYID KYIS THA SNYAD PA YIN GYI RDZAS NI YUL MA YIN TE; 'O NA CI ZHE NA, YUL NI GZUGS DANG REG BYA DAG YIN TE, DE LTAR NGES PA YIN PA'I PHYIR RO, ,DE YANG, KHA DOG SO SOR SNANG BA LAS, ,'DI NI BUM MIN SHES PA LA, ,ZHES GSUNGS PA'O, ,'DI NYID KYI DGONGS PAS NI DE 'DZIN PA MED NA D'I SHES PA MED DO ZHES GSUNGS PA'O, ,DE NI RJES SU 'GRO BA'I MTHAR THUG PA YIN TE, THAL BAR 'GYUR BA DANG PHYIN CI LOG PA LA BRTEN PA'I PHYIR RO, ,DES NA DE'I KHA DOG DANG DBYIBS 'DZIN PA NA, DE DANG DE MA YIN PA'I BDAG NYID KYI BLO NI GCIG GI BLO YIN TE, THA DAD PA DANG THA DAD PA MA YIN PA'I RDZAS SAM GZHAN YANG RUNG BA'I BLO NI MA YIN TE, GCIG NYAMS SU MYONG BA GANG YIN PA 'DI DE NYID KHA DOG DANG DBYIBS NYAMS SU MYONG BA YIN NO ZHES BYA BA'I DON TO, ,DKAR PO DANG DUNG NI RNAM PAR GCAD BYA DANG RNAM PAR GCOD BYED YIN PAS RDZAS DANG YON TAN DAG MNGON SUM YIN PAS, DANG PO'I DBANG PO'I DUS DE NYID DU SNANG BA YIN PA'I PHYIR, RDZAS MI DMIGS PA MA GRUB PA YIN NO SNYAM DU SEMS PA LA, SNGAR BSTAN PA'I RIM PAS DBYIBS LAS GZHAN PA GCIG PU'I BYE BRAG TU BYA BA'AM, THUN MONG BA'I NGO BO MED PA'I PHYIR KHYAD PAR GYI RNAM PA'I NGES PA

MI 'DZIN PA NYID SPYI YIN NO ZHES NYE BAR BSDUS PA YIN NO, ,DE'I PHYIR THUN MONG BA ZHES BYA BA'O, ,MCHOD SBYIN LA SOGS PA'I BYE BRAG RNAMS KYIS BYED PA'I DON NI NGES PAR 'DZIN PA MED PA KHO NA YIN PAR BSTAN PA NI, DE BAS NA BYED PA ZHES BYA BA'O, ,NGES PAR SBYOR BA'I YUL GYI SKAD KYI DBYINGS KYI DON DANG, BYED PA'I DON DAG NI RTOGS PAS PHYE BA YIN NO, ,DE LTA MOD KYI YUL MED PA NI MA YIN NO SNYAM DU SEMS PA LA, RANG GI BYA BA DANG ZHES BYA BA SMOS TE, SNGA MA'I BAG CHAGS DANG DON YANG SHES PA DE'I RGYU MTSAN YIN GYI, RE RE'I NI MA YIN NO, ,GTAN MED PA'I DON LA SGRA NI SHES PA'I BYED PA YIN NO SNYAM DU SEMS PAS SMRA BA NI, MNGON SUM NI ZHES BYA BA STE, GTAN MED BZHES BYA BA NI DA LTAR BA MA YIN PA 'BYUNG BAR 'GYUR BA DANG BYUNG ZIN PA'I NGO BO ZHES BYA BA'I DON TO, ,LAN DU MTHONG BA MED PA'I DON DE NI ZHES BYA BA STE, DA LTAR BA MA YIN PA'I YUL LA YANG SGRA'I SHES PA 'BYUNG BA NI DON YOD PA'I NGO BOR GRUB PA YIN NA NI BDEN NA, RTOGS PA 'DI NYID LA DON YOD PA NI MA YIN TE, RANG GI NGO BOR RIG PA'I PHYIN MTHONG BA MED PA ZHES BYA BA'I DON YIN NO, ,'BRAS BU LA BYA BA BYED PA PO'I NGO BO MI SHES PA YIN NA, DE'I BYED PA MED LA SBYIN SREG BYAS PAS MTHO RIS THOB PO ZHES BYA BA'I SHES PA RTOGS PAR BYED PA MA YIN PAR BSTAN PA NI, ME'I SBYIN SREG LA SOGS PA LA NI 'BRAS BU'I RGYU NYID CES BYA BA'O, ,MI 'JUG PA 'JUG PAR BYED PA NGES SBYOR MA YIN NAM, SKYES BU NI DE LA SBYAR BYA YIN PA NYID KYIS DE DANG 'BREL PA CAN YIN GYI BYED PA PO NYID KYIS NI MA YIN NO, ,SKAD KYI DBYINGS KYI DON NI YUL NYID KYI 'BREL PA CAN YIN GYI BYED PA NYID KYIS MA YIN LA, DE LING LA SOGS PA'I BYA BA NI MA YIN TE, 'DZUD PAR BYED PA'I BYA BA NYID DANG, TSAD MA GZHAN GYI SPYOD YUL YIN PA'I PHYIR DANG, MA BCAD PA GCOD PA PO NYID MED PAR THAL BAR 'GYUR RO, ,'DI NI RDZOGS BYA NYID KYI 'BRAS BU YANG YIN LA, 'JUG PA LA PHYOGS PA'I GEGS BYED PAS DGAG PA YANG YIN TE, SKYES BU'I 'DZUD BYED DANG, SGRIB BYED DAG GI BSGRUB PA DANG DGAG PA'I

, ,DON DAG NI DE TZAM GYIS KYANG RDZOGS PA YIN GYI, 'BRAS BU DANG BYA BA LA SOGS PA'I RTOGS PA BYED PA NI MA YIN NO SNYAM DU SEMS PA NI, 'ON TE BDAG GI NUS PA ZHES BYA BA STE, BYA BA'I 'BRAS BU'I BYED PA PO DANG, DE DANG 'BREL PA DANG MTSAN NYID MI MTHUN PA'I LING GI DON TE, RTOGS BYA YIN PAS 'BRAS BU YIN PA NI NGES SBYOR YIN NO ZHES BYA BA'I DON TO, ,'BRAS BU'I RGYU NYID MI SHES PA YIN LA, BSKUL YANG RTOGS PA DANG LDAN PA RNAMS 'JUG PAR MI 'GYUR BAR BSTAN PA NI, GAL TE DE NI MTHO RIS KYI RGYU MIN PAR NI ZHES BYA BA'O, ,'BRAS BU NYID NI SNGA MA'I RJES SU 'BRANGS NAS, LUNG THAMS CAD DU RTOGS PA'AM PHYIR RIG BYED DANG RIG BYED MA YIN PA DAG LA BYE BRAG CI YANG MED PA YIN LA, SKYES BUS BYAS PA LA NI DE LTA BU'I LAS MED PA MA YIN NO ZHES BYA BA'I DON TO, ,'BREL PA NI SKYES BUS BYAS PA YIN PA'I PHYIR RIG BYED RANG NYID KYI SHES PA SKYED PAR BYED PA MA YIN PAS SKYES BUS BYAS PA'I 'BREL PA'I RJES SU 'BRANGS PAS RTOGS PA YIN NA, THE TSOM CAN YIN GYI, 'BA' ZHIG GIS NI MA YIN NO, ,MTHONG BYA DANG BRTAG BYA DAG GI DON GCIG TU BYAS NAS 'JUG PAR BYED PA'I PHYIR 'KHRUL PA NYID YIN PAR BSTAN PA NI SNANG BA DANG, RNAM PAR BRTAG PA GCIG TU BYAS NAS SHES PAR BYA'O, ,MNGON SUM LA SOGS PA'I SHES PA NI RGYU YOD LA RKYEN MED PA YIN NA, TSAD MA NYID SKYED PAR BYED PA MA YIN NAM, RIG BYED LA YANG DE DAG TZAM GYIS SBYOR BAR BYED PA NI YOD PA NYID YIN LA, SKYON RNAMS NI TSAD MA NYID MA YIN PA LA SBYOR BAR BYED PA YIN TE, SKYES BUS MA BYAS PA NYID KYI PHYIR MI SRID PA YIN NO, ,MNGON SUM LA SOGS PAS RTOGS PA'I DON NYID NI TSAD MA NYID LA SBYOR BAR BYED PA MA YIN PA DES NA DE MED KYANG SKYON MED PA YIN NO, ,DON JI LTA BA BZHIN LA NGES PA YIN NA SKYON MED PA MA YIN NAM; NGES PA YANG DON BYED PA LA MI BSLU BA NYID KYI PHYIR TE, SNGA MA LA SKYON MI DMIGS PA TZAM NI THE TSOM GYI RGYU YIN NA, MI BSLU BA YANG SKYES BU'I DON NYID LA 'JUG PA'I MTSAMS YIN PA'I PHYIR THE TSOM ZA BA YIN NA TSAD MA NYID LA SBYOR BAR BYED PA MA YIN NO, ,SNGAR GYI GNOD PA MED PA

CAN YANG SNGA MA BZHIN DU THE TSOM CAN YIN NO, ,'JUG PA LA YANG SLU BA CAN NYID YIN NA, MI BSLU BA DANG SLU BA DAG KHO NA TSAD MA NYID DANG, TSAD MA MA YIN PA NYID LA SBYOR BAR BYED PA NYID YIN GYI, RIG BYED LA NI TSAD MA NYID LA SBYOR BAR BYED PA'I TSAD MA GZHAN MI BSLU BA YOD PA MA YIN LA, DE'I TSE SLU BA NYID NI YOD PA YIN TE, 'BYUNG BAR 'GYUR BA LA YANG MA 'KHRUL BA'I RGYU MTSAN MED PA'I PHYIR SRID PA YIN NO, ,SKYES BUS BYAS PA MA YIN PA NYID LA NI MI BSLU BA LA SBYOR BAR BYED PA DANG, RANG BZHIN PA'I YANG 'BREL PA MED PA'I PHYIR NAM MKHA' BZHIN DU GO BAR BYED PA NYID MA YIN NO, ,DES NA YANG, SKYON MED SHES PA LAS BYUNG BA'I, ,MNGON SUM GYIS BSGRUBS SKYES BU NI, ,MIN PA'I BYE BRAG SKUL BYED BLO'I, ,BRJOD BYA MED SMRA RNAMS KYI YIN, ,ZHES BYA BA NI MI RIGS PA NYID YIN PA'I NYE BAR BSDU BA NI, DE'I PHYIR 'CHAD PA PO'I BYED PA'I YUL ZHES BYA BA STE 'DI SKAD BSTAN PAR 'GYUR TE, RE ZHIG TSAD MA NYID SHES PA NI DBANG PO LA SOGS PA'I RGYU'I NGO BOS BSKYED PAR BYA BA MA YIN TE, RANG LAS TSAD MA THAMS CAD KYIS, ,TSAD MA NYID DU GZUNG BYA YIN, ,RANG LAS TE BDAG NYID KYI RGYU KHO NA LAS YIN GYI, RGYU GZHAN LAS NI MA YIN TE, RGYU YI RANG GI NGO BO NI, ,TSAD MA MIN LA 'ANG YOD PA'I PHYIR, ,ZHES GANG GSUNGS PA'O, ,TSAD MA NYID DU YANG MA SHES PA NI DON YONGS SU GCOD PA'I 'BRAS BU'AM, 'JUG PA'I NGO BO'I 'BRAS BU YANG BYED PA MA YIN TE, SHES PA'I SNGA ROL DU BYUNG BA DANG PHYIS 'BYUNG BA LA YANG BYE BRAG MED PA'I PHYIR TE, DNGOS PO RNAMS KYI BDAG NYID 'THOB LA RGYU LA LTOS PA NYID YIN TE, BDAG NYID 'THOB PA RANG 'BRAS LA, ,RANG NYID KHO NA 'JUG PAR 'GYUR, ,ZHES SMOS PAS, YONGS SU GCOD PA TZAM NI TSAD MA YIN PA TZAM LA YANG YOD PA'I PHYIR RO, ,DE LTAR YANG, DE PHYIR BLO'I BDAG NYID KYIS NI, ,BLO YIS TSAR MA NYID 'THOB NA, ,DON GZHAN NYID RGYU LAS BYUNG BA'I, ,SKYON SHES PA LAS SEL PA YIN, ,ZHES SMOS PA'O, ,DMIGS KYIS BSAL BA'I YUL BTANG NAS SPYIR BTANG BA LA 'JUG PAR BYA STE, DES NA SHES PA'I RGYU'I BYE BRAG CAN TSAD

, ,MA MA YIN PA MED PA CAN GYIS TSAD MA NYID BSKYED PAR BYA BA YIN GYI BYE BRAG DE YANG SHES PA'I RANG GI NGO BO BYED PA NI MA YIN TE, DE MED PAR YANG 'BYUNG BA'I PHYIR RO, ,DE NYID KYIS NI RANG GI NGO BO YONGS SU GCOD PA TZAM NI TSAD MA NYID KYI 'BRAS BU MA YIN TE, TSAD MA MA YIN PA LA YANG YOD PAS THE TSOM CAN YIN PA'I PHYIR RO, ,BYE BRAG MA MTHONG NA THAG RING PO LA MTHO YOR DANG MIR LTA BA PO RNAM PAR DPYOD PA NA, SKYON GYIS SHES PA MA SKYES NA, ,TSAD MA YIN PA'I DOGS PA MED, ,CES BYA BA TZAM GYIS BSAL BAR NUS PA MA YIN NO, ,DE LTA BU'I YUL RANG NYID KHO NA SKYE BAR RNAM PAR DPYOD PA YIN NO ZHE NA, YONGS SU GCOD PA TZAM LA YANG KHYAD PAR MA MTHONG BAR BYE BRAG MED PA YIN TE, DANG PO NI GNOD PA CAN MED PA'I KHYAD PAR DU MA NGES PA YIN LA, DUS PHYIS 'JUG PA'I DUS SU NI YOD PA MA YIN PA'I PHYIR THE TSO MA YIN NO, ,GOMS PA'I YUL LA NI LAN CIG MIN PAR 'JUG PA PO 'THOB PA'I YOD PA DANG MED PA DAG GIS MTSON PA NI MA 'KHRUL BA'AM, CIG SHOS KYI NGO BO NYID NA KHYAD PAR YOD PA'I PHYIR THE TSOM SKYE BA MA YIN NO, ,GNOD PA CAN MA DMIGS PA TZAM LAS NI, GNOD PA CAN YOD PA DANG MED PA'I THUN MONG BA LAS MA YIN NO, ,DE LTAR NA, RGYU'I SKYON MA DMIGS PA LA YANG BRJOD BYA 'JUG PA YIN TE, DANG PO RGYU'I SKYON MA DMIGS PA'I MA NGES PA YIN LA, PHYIS NI SNGA MA MA GRUB PA YIN NO, ,KHA CIG TU LAN CIG MIN PAR 'JUG PA DANG, THOB PA DAG GIS SHES PA NI MA 'KHRUL PA'I NGO BO NYID YIN PA NI BYE BRAG YIN PA'I PHYIR DE MTHONG BA LA 'JUG PA NI GNOD PAR BYED PA'I RGYU SKYON MA DMIGS PA LAS 'JUG PA MA YIN TE, DE'I PHYIR DANG POR YONGS SU BCAD PA NI DON DANG DON MA YIN PA'I THUN MONG BA YIN PA'I PHYIR THE TSOM YIN YANG, DE'I TSE DE NYID LA 'JUG PA YIN TE, DE LTAR 'JUG PAR YANG MTHONG BA'I PHYIR RO, ,DUS PHYIS NI MA 'KHRUL PA'I SHES PA LAS, SHES PA'I RANG GI NGO BO NYID KHO NA LAS 'JUG PA YIN TE, RANG GI NGO BO 'DZIN PAR BYED PA'AM, DON BYED PA 'DZIN PAR BYED PA LA GZHAN LA LTOS PA YIN YANG THUG PA MED PA MA YIN TE, DON BYED PA'I BDE BA LA SOGS PA'I NGO BO NYID YIN PA

DANG, RANG GI NGO BO SHES PA LAS THA DAD PA MA YIN PA DANG, RANG RIG PA'I MNGON SUM YIN PA NYID KYIS THE TSOM BSAL BA'I PHYIR RO, ,MNGON SUM LA YANG RE ZHIG DON GYI RANG GI NGO BO SNANG BA CAN LA SOGS PA MED NA THE TSOM KHO NA YIN NA, RIG BYED LA NI DON GYI RANG GI NGO BO LA REG PAR BYED PA MA YIN PA RNAM PAR RTOG PA TZAM LA NI SMOS KYANG CI DGOS TE, DBANG PO LAS 'DAS PA'I YUL CAN NYID KYIS GOMS PA MI SRID PA'I PHYIR, DE DAG TZAM GYI RGYU BSKYED PAR BYA BA'I SHES PA NI DON BYED PA MA YIN PA NYID KYIS, DANG PO'I SHES PA LAS KHYAD PAR MED PA'I PHYIR RIG BYED LA YANG RJOD PAR BYED PA'I RJES SU 'JUG PA'I GLO NI RNAM PA BRGYAR 'GYUR BA'I PHYIR PHA ROL PO'I PHYOGS NI RJES SU MTHUN PA MA YIN LA, PHA ROL PO RNAMS KYIS MI BSLU BA SHES PA ZHAN PA TZAM NI DE DAG TZAM GYI RGYU BSKYED BYAR BRJOD PA MA YIN NO, ,DE LTA MOD KYI GRANG BA LDOG PAR BYED PA LA SOGS PA RANG NYID RIG PAR BYA BA YIN NO, ,DES NA PHA ROL PO'I DNGOS POS STONG PA 'DREN PAR 'DOD PA TZAM NI GUS PAR BYA BA MA YIN NO, ,GOMS PA MED PA'I DUS KYI TSAD MA NYID NI GZHAN GYI RJES SU 'BRANG BA'I BDAG NYID CAN GYI 'BRAS BU CAN YIN TE, 'BRAS BU DANG RGYU TZAM DU NI TSAD MA DANG CIG SHOS MTSUNGS PA DES NA PHRAD PAR BYA BA MED NA MI 'BYUNG BA'I NGO BO NI GOMS PA LAS RTOGS PA YIN LA, MTHAR THUG PAR GNOD PA MTHONG BA'AM, GZHAN YANG RUNG BA LA 'GRUB PA LA 'KHRUL PA MA YIN PA NYID KYI PHYIR, DE NYID MA RTOGS LAS BYUNG BA, ,SPYI YIN SMRA RNAMS 'DI LA GNAS, ,RGYAL BA CAN DE'I JI LTAR YIN, ,TSIG TU BRJOD PA DE SMRA YIN; ,ZHES BYA BA'O, ,BCOM LDAN 'DAS NYID CHOS LA SOGS PA RNAMS LA THA SNYAD PA MA YIN PA'I TSAD MA YIN GYI, CIG SHOS NI MA YIN NO ZHES DANG POR KHAS BLANGS PA MA YIN NAM, GANG GI PHYIR DE NI DBANG PHYUG LA SOGS PA'I YUL NYID YIN NO SNYAM SEMS PA YIN NA, DE NI DGAG PAR BYA BA YIN NO, ,KUN RDZOB NI MI 'DOD CES BYA BA JI LTAR YIN, SNGAR MTHONG BA NGO SHES PA NI CHOS LA SOGS PA'I YUL NYID YIN, DE DANG BSGRUB PA MA YIN TE, RTOGS PA NYID YIN PAS SKABS MA YIN PA MA YIN TE, MNGON SUM DANG RJES SU DPAG PA'I NGO BO NYID DAG GIS GNYI GA'I NGO BO YIN PA'I

, ,PHYIR DANG, BCOM LDAN 'DAS KYANG LAS DANG 'BRAS BU 'BREL BA MKHYEN PA LA RNAM PAR RTOG PA GTZO BO YIN PA'I PHYIR, DOR BA LA SOGS PA'I RNAM PAR RTOG PA MED PAR NYAMS SU MYONG BA TZAM GYIS 'JUG PA MA YIN PA'I PHYIR YANG RJES SU MTHUN PA YANG YIN NO, ,'ON TE NYAMS SU MYONG BA'I NGO BO'I BCOM LDAN 'DAS NI BDAG NYID DAM, GZHAN YANG RUNG BA'I DUS SU RIG PA YIN LA, RNAM PAR RTOG PA NI DE DANG DE MA YIN PA'I DUS SU RIG PAR BYED PA YIN PA'I PHYIR DE DANG 'GAL BA CAN YIN PA'I PHYIR GSAL BAR BYA BA YIN NO, ,MA YIN TE, NYAMS SU MYONG BA DE MA YIN PA'I YUL CAN NYID YIN NA, DE LA RAG LAS PA'I RNAM PAR RTOG PA YANG 'DZIN PAR BYED PAR MI 'GYUR RO, ,DE LA RAG MI LAS PA NYID YIN NA DE YOD NA 'BYUNG BA NI SNGON PO'I RNAM PAR RTOG PA BZHIN DU MI 'GYUR BA'I PHYIR NYAMS SU MYONG BA YANG ZHEN PA'I BDAG NYID KHO NA YIN PAR SHES PAR BYA'O, ,DE MA YIN PA'I DUS SU RIG PA NI SHES PA NYID KHO NA NYID YIN NO, ,GOMS PAR BYA BA'I YUL LA RJES SU 'JUG PA LA SBYANGS PA YIN NA, MIG PHYE BA'I MOD LA DE NYID RTOGS PA RNAM PAR RTOG PA CAN MA YIN PA YOD PA YIN TE, DE LA DRAN PA'I RJES SU 'JUG PA LA SOGS PA SRID PA MA YIN NO, ,MA'AM PHA LA YANG THA SNYAD LA BSLABS PA LA SOGS PAS GOMS PAR GYUR PA NI MTHONG BA TZAM GYIS MI SHES PA MA YIN NO, ,DE NI 'DRA BAR RTOGS PA YIN ZHES BYA BAR NI MI RIGS TE, SBYANGS PA'I ZIN PO MA YIN NA 'DRA BAR RTOGS PA MED PA'I PHYIR, DE LA ZIN PO YIN NA 'DRA BAR RTOGS PA BZHIN DU DE KHO NA NYID RTOGS PA BSAL BAR BYAS PA MA YIN PA NYID YIN NO, ,SNGA MA'I RJES SU 'BRANGS PA MED NA 'DRA BAR RTOGS PA YIN NO, ,SNGAR NYAMS SU MYONG BA'I YUL NYID 'DZIN PA KHO NA YIN PA 'DI NI DE KHO NA NYID SHAS PA YIN ZHES BYA BA'I RNAM PAR RTOG PA MED PA CAN NI SNGAR MTHONG BA NGO SHES PA YIN LA, RNAM PAR RTOG PA YANG DE'I 'OG TU DE NYID 'DI YIN NO ZHES BYA BA NI SNGON POR NYAMS SU MYONG BA'I RNAM PAR RTOG PA KHO NA BZHIN DU SNGAR MTHONG BA NGO SHES PA NI RNAM PA GNYIS TE, RNAM PAR RTOG PA DANG CIG SHOS KYI NGO BOS YIN PA'I PHYIR NYAMS SU MYONG BA'I BDAG NYID BCOM LDAN 'DAS NI SKAD CIG MA NYID LA SOGS PAR RIG PA PE MA YIN

ZHING; RNAM PAR RTOG PA YANG MA YIN PA'I PHYIR TSAD MA MA YIN LA SGRA NI YIN TE, SNGAR MTHONG BA NGO SHES PA LAS SKRA DANG DON DAG GI RTAG PA NYID DU GRUB PAS 'BREL PA YOD PA'I PHYIR RO, ,YANG NA NYAMS SU MYONG BA NI RANG GI DUS SU RIG PA YIN GYI DUS GZHAN DU NI MA YIN LA, RNAM PAR RTOG PA NI DE DANG DE'I DUS MA YIN PAR YANG RIG PAR BYED PA YIN TE, NYAMS SU MYONG BA LAS NI 'BA' ZHIG 'BYUNG BA YIN GYI, DE'I BYA BA'I YUL LA YUL DU BYED PA NI MA YIN TE, DE YANG, DANG PO DAG PA'I DNGOS PO LAS, ,BYUNG BA'I MIG GI RNAM SHES YOD, ,CES SMOS PA'O, ,DANG PO ZHES BYA BA NI RGYU MTSAN YIN TE, RANG GI YUL LA GTOD PAR BYED PA NI MA YIN TE, DE NI DAG PA'I DNGOS PO LAS SKYES PA ZHES ZER BA'O, ,RNAM PAR RTOG PA NI YUL GZHAN LA YIN TE, DE YI 'OG TU DNGOS DE YANG, ,RIGS STZOGS RNAMS KYI CHOS RNAMS DANG, ,BCOS PA'I BLO GANG GIS NGES PA, ,DE YANG TSAD MA NYID DU 'DOD, ,CES BYA BA STE, MNGON SUM MA YIN ZHING RTAGS MED PA'I PHYIR RJES SU DPAG PA YANG MA YIN NO, ,NYAMS SU MYONG BA KHYAD PAR CAN RIG PA DANG 'GAL BA YANG MA YIN TE, DES BSGRUB PA NYID RNAM PAR RTOG PAS BRTAGS PA NYID DU RTOGS PA'I PHYIR RO, ,RTAG PAR RIGS PAS KYANG NYAMS SU MYONG BA DE DANG 'GAL BA YANG MA YIN TE, DNGUL GYI SHES PA LA YANG NYA PHYIS KYI SHES PA LTA BU'O, ,DE LTAR DANG PO LA GNOD PA MED PAS PHYI MA SKYE BAR YANG RIGS PA'I PHYIR GNYI GA'I BDAG NYID CAN GYI DNGOS PO LA NYAMS SU MYONG BAS MI RTAG PAR RTOGS LA, RNAM PAR RTOG PAS RTAG PAR RTOGS PA'I PHYIR RJES SU DPAG PA LAS GZHAN PA'I TSAD MA GNYIS GRUB PA YIN NO, ,MNGON SUM DANG SNGAR MTHONG BA YANG NGO, ,'DI SKAD BSTAN PAR 'GYUR TE, NYAMS SU MYONG BA NYID RNAM PAR RTOG PAR 'GYUR LA, PHYIS NI DRAN PA GZHAG PAR NI MI 'THAD PAR SHES PAS RANG NYID KYANG GOMS PAR BYAS PA'I YUL RTOGS PA YIN TE, DE YANG DA LTAR BA TZAM 'DZIN PA CAN RTOG PA MED PA YIN LA, DE'I NUS PA LAS RNAM PAR RTOG PA GZHAN SNGAR MTHONG BA NGO SHES PA YIN NO, ,SNGA MA DANG PHYI MA'I SHES PA THAMS CAD DU GZHI MTHUN PAR MTSUNGS PA NYID DU RTOGS PA LA BSNYON

, ,PAR NUS PA MA YIN NO SNYAM DU SEMS PA LA, GAL TE DON BYED PAR GNAS PA ZHES BYA BA SMOS TE, SNGAR MTHONG BA NGO SHES PA ZHES BYA BA LA SOGS PA'I SGRAS NI YAN LAG CAN LA SOGS PA'I SHES PA BZUNG NGO, ,LAN NI, 'DIR BRJOD PA ZHES BYA BA STE, ,RE ZHIG NYAMS SU MYONG BA NYID NGES PA PA'I BDAG NYID CAN YIN PAR GANG SMRAS PA DE NI MI RIGS TE, RTA'I RNAM PAR RTOG PA MTHONG BA'I DUS SU YANG BA LANG MTHONG BA LAS RTA YIN PAR RNAM PAR RTOG PA'I PHYIR DANG MTHONG BA DANG RTOGS PA DAG BYE BRAG MED PAR THAL BAR 'GYUR BA'I PHYIR DANG, BYE BRAG KYANG RTOGS PA LAS GRUB PA'I PHYIR DANG, DON GYIS GO BA YIN PA'I PHYIR YANG NGO, ,JI LTAR MTHONG BA DE BZHIN DU RNAM PAR GZHAG PA YIN NA, GNOD PA MED PA YIN TE, MTHONG BA SGRIN PO NYID YIN NA DRAN PA SKYE BA'I PHYIR MTHONG BA NI RNAM PA GNYIS TE, CHES MANG RTUL BA 'GRO BA PO'I RTZA'I REG PA BZHIN DU MA GOMS PA'I DUS SU DANG, DE LAS BZLOG PA CHES ZIN PO YIN BA'O, ,DE LA YANG DE'I MTSAN NYID KYI DRAN PA SKYE BA LA MTSAN NYID KHO NA NI NGES PA MA YIN TE, DRAN PA DANG CIG SHOS DAG GI MTHONG BA DANG KUN RDZOB DAG THA DAD PA'I PHYIR RO, ,'ON TE GOMS PA LA PHA LA SOGS PAR SBYANGS PA'I ZIN PO YIN PA'I PHYIR DANG PO NYID SNANG BA NA MTHONG BA TZAM GYIS GO BA YIN NO, ,DE LA, DE NYID 'DI YIN NO SNYAM PA ZHES BYA BA SMOS TE, PHA LA SOGS PA DANG PO NYID MTHONG BA LAS RTOGS PA DANG, DE LA DGOS PAR RTOGS PA YANG MA YIN TE, DANG PO BZHIN DU NYE BA GNAS PA NYID KYIS PHA NI RTOGS PA LA SOGS PA'I YUL YIN TE, DANG PO PHAL SOGS PA'I THA SNYAD LA, SNGA MA NYID LTOS PA MA YIN LA, DE LA DGOS PA YANG LTOS PA MA YIN NO, ,RNAM PAR RTOG PA NI DER NYE BA NA GNAS PA'I PHA LA SOGS PA'I YUL LA GZUNG BA LA 'DZIN PA YIN TE, NYE BA NA GNAS PA MTHONG BA'I YUL CAN YIN PA'I PHYIR, DE NYID 'DI YIN NO ZHES BYA BA DE LA YANG PHA YIN PAR RTOGS PA 'DI LA YANG YIN NO ZHES BYA BA'I DON TO, ,YANG NA DE NYID 'DI YIN NO ZHES BYA BA NI DA DANG 'DRA BA YIN NO ZHES BYA BA'I DON TO, ,'DRA BA NYID KYI RGYU MTSAN LAS DE NYID 'DI YIN NO ZHES BYA BAR 'GYUR BA YIN NAM,

BA LANG DANG 'DRA BA NI BA MEN NO ZHES BYA BA LTA BU'O, ,BDEN TE, DE NYID 'DI YIN NO ZHES BYA BA BLUN PO RNAMS LA NI 'DRA BA NYID LA DE LTA BU'O ZHES BYA BAR 'GYUR TE, BA LANG LTA BU'I BA LANG MA YIN NO ZHES BYA BA LTA BU'O, ,SHIN TU 'DRA BA NYID LA DE NYAD 'DI YIN NO ZHES BYA BA NI SKRA DANG SEN MO LA SOGS PA BREG [*'BREG?] PA YANG SKYE BA LTA BU'O, ,DE LA BAR TSIGS SU MGO ZLUM DU MTHONG BA NI GCIG PA NYID LA GNOD PA CAN YIN LA, 'DI LA YANG SNGA MA DANG PHYI MA DAG GI MTHONG BA DAG LA MTHAR THUG PA DANG 'DZIN PA GNOD PA BYED PA YIN GYI MA YIN NO ZHES BYA BA NI, BYED PA 'DZIN PA NYID KYIS RJES SU BSGRUB BYANG BYED PA YIN NO, ,'DRA BA'I SHES PA YANG MTHONG BA TZAM LA MED PA YIN LA, SBYANGS PA'I ZIN PO LA NI 'BYUNG BA YIN NO, ,ZIN PO DE LA DE DANG GCIG PA NYID DU 'DZIN PAR CIS MI BYED PA YIN, RANG GI DUS SU 'DZIN PA NYID NI GOMS PA YOD PA LA YANG MTHONG BA'I CHOS YIN LA, 'DRA BA YANG YIN NO, ,RANG GI DUS SU DANG 'DRA BA LA ZHES BYA BA MTHONG BA LA JI LTAR YIN ZHE NA, DE LTA BU MED KYANG 'DRA BAR RTOGS PA LA SNGON PO LTA BU'O, ,DE KHO NA NYID DU NI DE'I YUL MA YIN PA'I PHYIR BRGYAR GOMS PAS KYANG RTOGS PA MA YIN TE, MI MTHUN PA'I MTSAN NYID DANG, MTHUN PA'I MTSAN NYID DAG GI GOMS PA YIN YANG BZANG PO MA YIN PA'I MTSAN NYID DANG MI MTHUN PA MA YIN PA'I MTSAN NYID KYANG 'DRA BAR BRJOD PA NI MA YIN NO, ,DE NYE BA YIN YANG DE'I GCIG PA NYID NI NYE BA MA YIN LA, DE DANG MTSAN NYID MI MTHUN PA'I MA YIN PA NYE BA YIN YANG, DE NI MA YIN PA'I PHYIR DE DAG 'DZIN PA MA YIN NA, MNGON SUM JI LTAR RTOGS PA YIN, DE BZHIN DU MTSAN NYID MI MTHUN PA YANG NGO, ,DNGOS PO KUN LA THA DAD DANG, THA DAD MIN GZHAN LDOG PA NYID NI RANG GI NGO BO TZAM RIG PA LAS SO, ,DES NA YANG RDZAS RE RE ZHING THA DAD PA'I NGO BOR DMIGS PA'I PHYIR 'DI YONGS SU NYAMS PAR 'GYUR RO, ,DE'I PHYIR GZUNG BA 'DZIN PA LAS SNGA MA DANG PHYI MA'I YUL CAN YIN PA'I PHYIR MTHONG BA KUN RDZOB MA YIN PA NI RNAM PAR RTOG PA MA YIN PAR DGONGS PA'O, ,DE NYID LA 'DI YIN NO ZHES BYA BAR RTOGS PAR BYED PA YIN ZHING 'DI YIN NO ZHES BYA BA YANG DE NYID YIN NO, ,DES

, ,NA SHES PA GNYIS DAG GI YUL GCIG NYID YIN NA JI LTAR 'DRA BA'I YUL CAN NYID DAM, MTSAN NYID MI MTHUN PA'I YUL CAN NYID YIN SHES PA'I GCIG PA NYID DAM DU MA NYID KYANG DGONGS PA CAN MA YIN TE, RTOGS BZHIN PA NI GCIG PA NYID LA LOG PAR RTOGS PA'I PHYIR DE YANG BSAL BA YIN PA NI 'ON TE SNGA MA DANG LHAN CIG GCIG TU RTOGS SO ZHES ZER BA LA, LAN DU, DE NI MI RIGS TE ZHES BYA BA STE, GCIG PA NYID DU RTOGS PA NI MNGON SUM DU MI 'GYUR RO ZHES BSTAN PA NI, MNGON SUM LAS SNGON RIG MED NA ZHES BYA BA'O, ,RNAM PAR RTOG PA NI YIN TE, GOMS PA YIN NA SNGA MA SNGA MA BRDZUN PA'I BAG CHAGS KYI DBANG GIS DON GCIG BYED PA NYID KYIS RGYU MTSAN BYAS NAS, YI GE GA LA SOGS PA RNAMS LA GO BA'I SGRAR SHES PA LTA BU'O, ,DE LA YANG YI GE GA LA SOGS PA LAS LDOG PAR DMIGS PA NYID NI GNOD PA CAN YIN LA, DE NI 'DI LA YANG BYE BRAG MED PAR YIN PA CAN BSTAN PA NI, DES NAS MA SNGA MA YI, ,RTOGS LA KUN RDZOB PA ZHES BYA BA STE, RNAM PAR RTOG PA NI GCIG PAR RUNG BA NYID MA YIN TE GCIG PA NI DNGOS PO'I CHOS YIN PA'I PHYIR LA, DE YANG BDAG NYID THAMS CAD KYIS MNGON PAR RUNG BA'I PHYIR ZHES BYA BA'I DON TO, ,'DI SKAD BSTAN PAR 'GYUR TE, SNGON PO MTHONG BA'I 'OG TU SNGON PO'O ZHES PA'I RNAM RTOG NI GZUNG BA TZAM LA 'DZIN PA YIN LA, BUM PA'O ZHES BYA BA YANG BRDA'I BAG CHAGS LA BRTAN NAS MTHONG BA NYID KYIS GZUNGS LA SOGS PA TSOGS PA LA RNAM PAR RTOG PAR BYED PA YIN TE, PHAL SOGS PAR YANG GOMS PA LA DE NYID DU MTHONG BA NYID YIN PAR NI, GZUNG BA 'DZIN PA'I PHYIR ZHES BYA BA LA SOGS PAS BSTAN TO, ,SNGA MA SNGA MA'I BAG CHAGS TZAM LAS 'BYUNG BA'I RNAM PAR RTOG PAR GO BAR BYED PA NYID KYI DGONGS PAS GSUNGS PA NI, KUN RDZOB NI ZHES BYA BA LA SOGS PA'O, ,RNAM PAR RTOG PA KHA CIG NI TSAD MA MA YIN TE, GANG GI PHYIR GZUNG BA LA 'DZIN PA STE KUN RDZOB PA ZHES BYA BA'I DON TO, ,GZHAN YANG NI MA YIN NO, ,YANG NA MNGON SUM NI MTHONG BA TZAM LAS TSAD MA MA YIN TE, MTHONG BA RNAM PA THAMS CAD YUL YIN PA NYID KYI BYE BRAG MED PA'I PHYIR RO, ,KHYAD PAR CAN GYI RNAM PAR NGES PA NI YUL NYID YIN NO, ,NGES

PA YANG CHOS DANG RTAGS DANG 'BREL PA LA SOGS PA RNAMS KYI MNGON SUM MA YIN PA NYID KYI RJES SU DPAG PA LAS YIN NO, ,MNGON SUM NI THA DAD PA MA YIN PAR NGES PA MED KYANG SO SOR SNANG BZHIN PA'I DON LA NGES PA SKYED PAR BYED PA'I PHYIR TSAD MA YIN NO, ,'DI MTHONG NGO ZHES BYA BA NI MNGON SUM GYI BYA BA NI MNGON SUM GYI BYA BA'I RJES SU 'BRANG BAS NYE BAR RTOGS PA'I BYA BA BTANG NAS RNAM PAR RTOG PA SKYE BA NI, 'DI NI SNGON PO YIN GYI SER PO NI MA YIN NO ZHES LDOG PA GCIG GSAL POR BYED KYI GZHAN NI MA YIN TE NGES PA MED PA'I PHYIR RO, ,MNGON SUM NI DE SKYED PAR BYED PA LAS TSAD MA YIN TE; DE GSAL BAR BYED PA RNAMS KYI YUL DU DE GNAS PA YIN NA ZHES BYA BA NI LDOG PA GCIG LA NGES PA'I MTHAR THUG PA YIN LA, 'DI'I YANG BYA BA NI RJES SU DPAG PA YIN NO, ,GZHAN DU NA SNGON PO'I YOD PA NYID SKAD CIG MA YIN PA NYID KHO NA NGES PA'I PHYIR SKAD CIG MA NYID DU SGRUB PAR BYED PAR MI 'GYUR TE 'GAL BA'I PHYIR RO, ,'GA' ZHIG KYANG MA YIN TE, MA GRUB PA'I PHYIR DE SKAD CIG MA NYID DANG BRAL BA NI TSAD MAR NGES PA MA RTOGS PA GCIG LA THUG PA CAN NI TSAD MA'I BYA BA LA DON BYED NUS PA'I CHA YUL LA 'JUG PAR BYED PA YIN GYI YUL GZHAN LA NI MA YIN NO, ,DES NA YUL GYI CHA SNGON PO LA 'JUG PAR BYED PA YIN PA'I PHYIR SKAD CIG MA MA YIN PA NYID DU NGES PA CAN YANG DE'I YUL MA YIN NO, ,DES NA TSAD MA GZHAN GYIS GNOD PAR BYA BA YIN NO, ,DE LTAR NA MNGON SUM DANG 'GAL BA YANG MA YIN TE, 'DI'I NUS PA'I CHA'I MTHAR THUG PA YIN PA'I PHYIR RO, , MNGON SUM NI YUL LA RNAM PAR RTOG PA'I GZHAN YIN LA, BCOM LDAN 'DAS KYANG MNGON SUM GYI BDAG NYID YIN GYI, RNAM PA THAMS CAD KYI YUL LA MTHONG BA KHO NA BZHIN DU NI MA YIN NO SNYAM DU SEMS PA LA, SHES DE DAG GI BZUNG DON LA, ,ZHES BYA BA SMOS TE, RNAM PAR RTOG PA NYID NI MTHONG BA'I GZHAN DBANG YIN GYI, MTHONG BAS RNAM PAR GZHAG PA MA YIN PA'I CHA LA NI DE'I MING LA SOGS PA DRAN PA MED NA, DE LA SBYOR BA BYED PA'I BDAG NYID RNAM PAR RTOG PA MI 'BYUNG NGO, ,MA MTHONG BA NI SBYOR BAR BYED PA MA YIN PA'I PHYIR RNAM PA THAMS CAD PA'I YUL MTHONG BA YIN

, ,YANG; CHES ZIN PA NI RNAM PA GANG DANG GANG LA DE'I MING LA SOGS PA DRAN PA NYID KYIS NGES PAR SKYED PAR BYED PA NI RNAM PA DE LA TSAD MA YIN GYI, RNAM PA TSOGS PA RNAMS LA TSAD MA GCIG NYID MA YIN NO, ,GANG GIS DON BYED PA'I NUS PA CAN NYID DU MTHONG BA YOD PA YANG SKAD CIG MA MA YIN PA NYID DU NGES PA YIN LA, YOD PA NYID DANG SKAD CIG MA MA YIN PA NYID DU YANG SO SOR NGES PA KHO NA YIN PA'I PHYIR JI LTAR YOD PA 'BA' ZHIG GI GTAN TSIGS MA YIN ZHING JI LTAR 'GAL BA NYID YIN TE, SKAD CIG MA MA YIN PAR NGES PA LA TSAD MAS GNOD PA'I PHYIR RO, , GANG CHA SHAS MTHONG BA LA MI ZIN PA DE LA NGES PA'I RGYU MTSAN RJES SU DPAG PA YIN LA, DE LA RTAGS MED NA TSAD MA MA YIN PA'I PHYIR RO, ,RANG NYID DAM GZHAN YANG RUNG BA'I RJES SU DPAG PAS NGES PA'I DNGOS PO LA GOMS PA PHUL DU BYUNG PAS, RIM GYIS RNAM PA THAMS CAD PA'I MNGON SUM RTOGS PA MED PA DE LTA BA BZHIN DU 'BYUNG BAR 'GYUR RO, ,MTHONG BA'I BYA BA NI YAN LAG MED PA'I PHYIR GCIG YIN YANG DU MA NYID DU RNAM PAR GZHAG PAR BYA BA STE, NGES PA SKYED PAR BYED PA DANG MI BYED PA BZHIN DU'O ZHES BYA BA'I DON TO, ,DE LTAR NA DE GNAS SKABS PA'I TSAD MA NYID DANG 'GAL BA NYID KYIS RNAM PAR RTOG PA TSAD MA MA YIN PAR BSTAN NAS, DE MED KYANG DE DANG RJES SU MTHUN PA MTHONG BA LA YIN TE, TSAD MA NYID MTHONG BA'I PHYIR RO SNYAM DU SEMS PA ZLOG PAR BYED PA SMRA BA NI, GAL TE SNGA MA NGANG PHYI MA ZHES BYA BA LA SOGS PA'O, ,MTHONG BA NI GOMS PA MED NA 'JUG PAR BYED PA MA YIN LA, RNAM PAR RTOG PA NI MTHONG BA LA SNGA MA GCIG PA NYID DU 'DZIN PA CAN NI 'JUG PAR BYED PA MA YIN NAM, DE YANG YUL DE LA DE BZHIN DU GOMS PA NA MTHONG BA'I YUL DU GYUR PA YIN NA GOMS PAS 'JUG PAR BYED PA YIN GYI, MTHONG BA NI MA YIN TE, SNGA MA BZHIN DU BYE BRAG MED PA'I PHYIR RO, ,BRTAG BYA 'DZIN PA LAS GZHAN PA DE'I BYE BRAG NI 'JUG PA'I YAN LAG MA YIN TE, RNAM RTOG 'BA' ZHIG NI GOMS PA MED NA RANG NYID KHO NA 'JUG PA'I YUL RTOGS PAR BYED PA YIN LA, GOMS PA NA NI DE'I YUL NYID 'DZIN PAR NUS PA MTHONG BAR SGRO 'DOGS PA

LOG PA'I PHYIR GNYI GA LA YANG 'JUG PA'I RNAM PAR RTOG PA'I NUS PA YIN GYI, MTHONG BA'I NI MA YIN TE, BRTAG BYA YUL MA YIN PA NYID KYIS RJES SU 'GRO BA LA SOGS MED PA'I PHYIR GOMS PA NA YANG DA LTAR BA TZAM 'DZIN PAR BYED PA'I PHYIR MTHONG BA'I SNGA MA DANG GCIG TU JI LTAR SNANG BAR BYED PA YIN; GOMS PA'I YUL YIN PA LAS GOMS BYA YANG DE NYID YIN LA GOMS PA NI SNGA MA'I SHES PA DE'I YUL MTHONG BA LA DE NYID MTHONG ZHES BYA BAR BRJOD PA YIN GYI, GZHAN LA GOMS PA LAS GZHAN MTHONG ZHES BYA BA NI MI RIGS TE, SNGAR MTHONG BA LOG NA DES MTHONG BYA NYID DAM, DE'I DUS KYI DE NYID LDOG PA YIN GYI, DA LTAR BA'I YUL JI LTAR YIN, YANG JI LTAR MA 'KHRUL PA MA YIN, DNGOS PO MED PA MA YIN PA LAS RTOGS PA GRUB PA'I PHYIR DANG, GNOD PA CAN MED PA'I PHYIR ZHES BYA BA NI DNGOS PO MED PA MA YIN PA LAS NI MA 'KHRUL PA NYID MA YIN LA, MA 'KHRUL PA LAS KYANG DE MED PA MA YIN PA YIN PA'I PHYIR GCIG PA LA GCIG PA YIN NA, DA LTAR GYI YUL MTHONG BA DE'I YUL CAN JI LTAR YIN, DE LA GOMS PA YIN NA RNAL 'BYOR PA'I SHES PA BZHIN DU 'DAS PA LA SOGS PA'I YUL NYID MTHONG BA LA 'GAL BA MED DO, ,RNAL 'BYOR BA'I SHES PA NI GZHAL BYA DE LA DE BZHIN DU 'DZIN PAR BYED PA YIN LA, MTHONG BA YANG RNAM PAR RTOG PA'I PHYIR BYE BRAG MED DO, ,RNAM PAR RTOG PA NI RJES SU DPAG PA YANG MA YIN TE, RTAGS LAS SKYES PA MA YIN PA'I PHYIR RO, ,DE NYID NI DE'I DON BYED PA'I BYED PA PO NYID NI DE'I NGO BO MTHONG BA LAS GRUB PA'I PHYIR GZHAL BYA NYID YIN NO, ,MA YIN TE, DE'I NGO BO 'DZIN PA NYID RNAM PAR RTOG PA YIN PA'I PHYIR DE YANG GZHAL BYA NYID YIN NA THUG PA MED PAR 'GYUR RO, ,DE DANG 'DRA BAS DE YIN NO ZHE NA, MA YIN TE, DE NYID 'DZIN PA MA YIN NA DE DANG 'DRA BA YANG 'DZIN PA MA YIN PA'I PHYIR RO, ,RTAGS 'DZIN PA LA RTAGS LAS BYUNG BA GRUB PA YIN PA DANG DBANG PO LAS SKYES PA MA YIN PA'I PHYIR MNGON SUM YANG MA YIN TE, DBANG PO NI SEMS PA CAN MA YIN PA'I PHYIR SNGA MA DRAN PA MA YIN LA SBYOR BAR BYED PA YANG MA YIN NO, ,SKYES BU NI THAG NYE BA LA DE BZHIN DU 'DZIN PAR BYED PA YIN TE, SEMS

, ,PA CAN YIN PA'I PHYIR ZHES BYA BA NI BDAG LAS SKYES PA'I RNAM PAR RTOG PA YIN NO, ,DE YANG BDAG LA GNAS SHES NI, ,DE 'DIR RTOGS BYED YIN ZHES BYA, ,DRAN PA LA YANG NUS LDAN ZHING, ,'BREL PA SOGS DANG LDAN PA'ANG YIN, ,ZHES SMOS PA'O, ,SNGA MA DANG PHYI MA MTHONG BA'I BAG CHAGS LAS BYUNG BA'I PHYIR YIN NO, ,BDAG LAS SKYES PA NYID DAM YID NYID KYANG RUNG THAMS CAD DU THAL BA MA YIN TE, RNAL 'BYOR PA'I SHES PA BZHIN DU 'AM RJES SU DPAG PA BZHIN DU 'JUG PAR BYED PA NYID KYIS MI BSLU BA'I PHYIR YANG KHA CIG KHO NA TSAD MA YIN PA'I PHYIR GZHAN DU MTHONG BA GZHAN DU RNAM PAR BRTAG PAR BYA BA YIN NO, ,MED PA'I RTOG PA JI LTA BU YIN ZHE NA, MTHONG BA SNGA MA DANG PHYI MA'I MTHONG BYA NYID GCIG NYID DU RTOG PA'I PHYIR SKYON MED DO, ,GCIG PA NYID DU MTHONG BA LA JI LTAR RTOG PAR BYED PA YIN, MTHONG BYA MA YIN PA YANG 'BRAS BU NYID BZHIN DU BRTAG BYA YIN PA'I PHYIR MTHONG BYA YIN NO, ,DES NA DE DAG TZAM GYIS NI MTHONG BA'I YUL GYI KHYAD PAR DU 'GYUR BA YIN GYI, CIG SHOS NI MA YIN LA, RNAM PAR RTOG PA LA KHYAD PAR MED PA YIN NA, GOMS PA LA NI 'BRAS BU NYID KHO NA BZHIN DU MTHONG BA'I YUL YANG BYE BRAG MA YIN NO, ,DE'I 'BRAS BU NYID NI NYE BA'I PHYIR SNANG BA YIN NO ZHE NA, DE'I BYE BRAG MA YIN PA YANG NYE BA YIN PA'I PHYIR BYE BRAG MED DO, ,DE NI NYE BA MA YIN NO ZHE NA, DE'I 'BRAS BU NYID LA YANG MTSUNGS SO, ,'BRAS BU NYID NI NYE BA YIN NO, ,BYE BRAG MA YIN PA YANG DE LTA BU YIN PA'I PHYIR BYE BRAG MED DO, ,GOMS PA YIN YANG MTHONG BAS DE 'DZIN PA MA YIN NA, DE DON DU GNYER BA PO RNAMS 'JUG PAR MI 'GYUR TE, RNAM PAR RTOG PA YANG DE 'DZIN PAR BYED PA MA YIN PA'I PHYIR RO, ,DE LTA YIN NA DE 'DZIN PA MA YIN YANG RJES SU DPAG PA BZHIN DU 'JUG PAR BYED PA MI RIGS TE, RJES SU DPAG PA NI DE LA NGES PA LAS 'JUG PA'I PHYIR 'DZIN PA DANG, NGES PA PA DAG YUL LA 'JUG PA'I YAN LAG YIN NO, ,GOMS PA MA YIN PA LA NI DE GNYI GA YANG MED PA'I PHYIR 'JUG PAR MI 'GYUR RO, ,DE'I PHYIR GOMS PA YIN NA, MTHONG BA DE 'DZIN PAR BYED PA YIN TE, 'JUG PAR BYED PA'I PHYIR RO, ,RJES SU

BRJOD PA NYID MA YIN TE, DE NYID DA LTAR MI 'DZIN PA'I PHYIR RO, ,DA LTAR BA YI YOD PA NYID, ,SNGA MA'I BLO YIS RTOGS PA MIN, ,SNYAM DU SEMS PA LA, GANG DE YANG 'BYUNG BAR 'GYUR BA'I ZHES BYA BA SMOS TE, SNGON MTHONG BA JI LTA BA NYID DA LTA MTHONG BA MA YIN LA DE BZHIN DU GOMS PA LA YANG SNGON GYI NYID DA LTAR BA'I MA YIN TE, DA LTAR BA'I YUL NYID YIN PAS BYE BRAG MED PA'I PHYIR RO, ,GOMS PA MTHONG BA'I YUL NI 'BRAS BU NYID DU YIN NO ZHE NA, MA YIN TE, 'BRAS BU NYID NI NYE BA YIN PA'I PHYIR RO, ,DE LA NGES PA'I NGO BO'I 'BRAS BU NI GZHAN LA LTOS PA YIN GYI, 'DI NYID KYI GCIG PA NYID NI DE BZHIN DU MA YIN TE, NYE BA NYID NI GCIG PA NYID DE NYID KYI NGO BO YIN PA'I PHYIR THAMS CAD DU NYE BA 'DZIN PAR BYED PAR MTHONG BA'I YUL NI DE NYID MA YIN NO, ,GOMS PA LAS BYUNG BA'I RNAL 'BYOR BA'I SHES PA NI MTHONG BAR BYED PA YIN YANG JI LTAR 'DAS PA 'DZIN PA YIN; DE YANG NYE BA NYID MTHONG BAR BYED PA YIN LA, 'DAS PA LA SOGS PA DE'I YUL NYID YIN PA NI 'U BU CAG LA SOGS PA LA LTOS NAS YIN NO ZHES 'CHAD PAR 'GYUR RO, ,'DAS PA LA SOGS PA MI 'DZIN PA YIN NA JI LTAR 'JUG PAR BYED, JI LTAR 'DAS PA DANG DA LTAR BA LA YANG 'JUG PA MA YIN NAM, PHRAD PAR 'DOD PA PO NI DA LTAR BA LA MED, DE DANG GCIG PA NYID DU SHES PA YIN NA 'JUG PA YIN NO ZHE NA, MA YIN TE, PHRAD PA NI RTOGS PA'I NGO BO NYID YIN PA'I PHYIR LA, DE NI GRUB ZIN PA'I PHYIR DON DU GNYER BA MA YIN NO, ,'BYUNG BAR 'GYUR BA RTOGS PA'I DON DU 'JUG PA YIN NO ZHE NA, DE LTA YIN PA NI BDEN NA, DE DA LTAR NI MED PA YIN NA, JI LTAR MTHONG BAS 'DZIN PAR BYED, SNGON MTHONG BA DE'I NGO BO MA MTHONG BA LAS 'DIR RJES SU RTOGS PAR BYED PA YIN NO ZHE NA, MI RIGS TE, DE'I NGO BO 'DZIN PA NA DE RTOGS PAR MA MTHONG BA'I PHYIR RO, ,DE NI 'BYUNG BAR 'GYUR BA DE LA YIN NO ZHE NA, DE DE LTA YIN NA, GOMS PA YOD PA'I MTHONG BA'AM, GZHAN GYIS KYANG RTOGS PA JI LTAR 'JUG PA'I YUL YIN, 'DI SKAD BSTAN PAR 'GYUR TE, DA LTAR BA MTHONG BA NI SNGON MTHONG BA MA YIN TE, THE TSOM YIN PA'I PHYIR LA, GNYIS PA LA YANG GOMS

, ,PA MED PA YIN NA, DE NYID YIN PA'I RNAM PAR RTOG PAS 'JUG PAR BYED PAR MI 'GYUR TE, THOB ZIN PA NYID KYI PHYIR RO, ,THOB PA NI RTOGS PA'I NGO BO YIN PA'I PHYIR DE NI 'BYUNG BAR 'GYUR BA NYID KYI RNAM PAR RTOG PAS 'JUG PA MA YIN TE, 'BYUNG BAR 'GYUR BA NYID LA YANG THOB PA NYID DON DU GNYER BA MA YIN PA'I PHYIR RO, ,DON BYED PA YANG DE NYID DPAGS PA YIN NA, JI LTAR 'JUG PA'I YUL YIN, DON BYED PA NI GZHAN DE DANG 'DRA BA YIN LA, DES NA DON DU GNYER BA PO'I NGO BO LA YANG SNGA MA LAS GZHAN PA NYID YIN NO ZHE NA, DA LTAR NI GCIG PA NYID KYI GTAM TZAM YANG MED PAR SONG YANG KHO BO CAG GI NGO BO DE NYID DON BYED PA YIN PAR SMRA'O, ,MA GOMS PA LA RNAM PAR RTOG PAS DE NYID MI 'DZIN PA'I PHYIR 'JUG PA'I NUS PA MED PA YIN NA, GOMS PA LA YANG MTHONG BAS NUS PAR SGRO BTAGS KYANG 'JUG PAR BYED PA NYID GAL YIN, MTHONG BA NI DON BYED PA YANG DE'I TSE MI RIGS PA YIN LA, RJES SU DPAG PA YANG DE RIG PAR BYA BA MA YIN PA'I PHYIR DE DON DU GNYER BA PO RNAMS JI LTAR 'JIG PA YIN, DE DANG 'BREL PA CAN NYID SHES PA LAS YIN NO ZHE NA, MTHONG BA NI DE DANG 'BREL PA CAN NYID RIG PA MA YIN NO, ,GOMS PA YIN NA RJES SU DPAG PA YIN NO ZHE NA, DE NYID MED LA DE NYID KYI RTOGS PA YIN PAR 'GYUR RO, ,MA GOMS PA'I DUS SU DE YOD PAR 'GYUR PA YIN NO ZHE NA, DE LTA YIN NA SHI ZIN PA'I KHIM [?] BYA YANG SGRA SGROGS PAR 'GYUR RO, ,GANG GI TSE DE YOD PA DE'I TSE DE RIG PA YIN GYI GZHAN GYI TSE JI LTAR YIN, DES 'PHAGS PA'I SBYANGS PAS MTHONG BA NI DE RIG PA YIN NO ZHE NA, MA YIN TE, YUL MA YIN PA LA MI 'JUG PA'I PHYIR RO, ,GZHAN DU NA GOMS PA LA DU BA LAS THAG RING BA'I ME NI RJES SU DPAG PAS RTOGS PA YIN TE, GOMS PA LA NI MNGON SUM GYIS YIN NO, ,'DI NYID NI DE DANG 'BREL PA CAN NYID NYE BA YIN PA'I PHYIR RO, ,RJES SU DPAG PA LA YANG MTSUNGS PA YIN PAR BRJOD DO, ,DU BA PA'I NGO BO NI ME'I BSKYED BYA YIN GYI, GOMS PA LA NI MTHONG BAS NGES PA YIN YANG ME'I NGO BO NI MA YIN NO, ,DE BZHIN DU 'DI LA YANG DON BYED PAS BSKYED BYA'AM, SKYED BYED KYI NGO BO MTHONG BA NYID KHO NA LAS

GOMS PA YIN NA, DON BYED PAR NGES PA MA YIN PA LA SKYON MED DO, ,RTOGS PA MED NA JI LTAR NGES PA YIN, MA YIN TE, NGES PA'I SGRAS NI YONGS SU GSAL BAR RJOD PAR BYED PA'I PHYIR RO, ,RJES SU DPAG PAS NI DON BYED PA'I RANG GI NGO BO NYID NGES PA YIN LA, MTHONG BAS NI DE'I BSKYED BYA DANG SKYED BYED KYANG YIN NO ZHES BYA BA'I KHYAD PAR RO, ,RANG GI NGO BO NGES PA LAS RJES SU DPAG PA 'JUG PAR BYED PA YIN LA, RANG GI NGO BO DANG 'BREL BAR NGES PA LAS NI MTHONG BA YIN NO ZHES BYA BA'I DON TO, ,RJES SU DPAG PA LA NI RANG GI NGO BO 'DZIN PA MED DO, ,RANG GI NGO BO LAS NGES PA NI YOD DO ZHE NA, 'DI LA YANG RANG GI NGO BO DANG 'BREL PAR NGES PA YOD PA'I PHYIR 'JUG PAR BYED PA NYID NYAMS PA MA YIN NO, ,RNAM PAR RTOG PA MED KYANG ZHES BYA BA NI RNAM PAR RTOG PA'I BAG CHAGS MED PAR YANG ZHES BYA BA'I DON TO, ,CI LAS SHES SHE NA, GOMS PA MED PA GANG YIN PA DER ZHES BYA BA SMOS SO, ,RJES SU DPAG PA NI RNAM PAR RTOG PA KHO NA MA YIN NAM, DE'I PHYIR DER RJES SU DPAG PA NYID CES BYA BA JI LTAR LAN YIN, 'DI SKAD BSTAN PAR 'GYUR TE, DE NYID 'DZIN PA'I RNAM PAR RTOG PA YIN GYI, DE NYID YOD PA NI MA YIN LA 'JUG PAR BYED PA YANG MA YIN TE, YUL THOB PA'I PHYIR RO, ,DE YANG GZUNG BA LA 'DZIN PA'I PHYIR ZHES BSTAN PA YIN NO, ,DES NA DE'I NUS PAS MTHONG BA SPANGS PA NI MA YIN TE, DES NA GOMS PA LA YANG RNAM PAR RTOG PA NI 'JUG PAR BYED PA MA YIN PA'I PHYIR RNAM PAR RTOG PA NI NUS PA CAN MA YIN NO, ,MA GOMS PA LA NI RJES SU DPAG PA LA LTOS NAS GZHAN DU YANG DE NYID MIN ZHES BYA BA'I MI RIGS TE, MTHONG BA DANG RJES SU DPAG PA DAG GI YUL NI THA DAD PA YIN PA'I PHYIR BLO NYID 'JUG PAR BYED PA'I PHYIR TSAD MA YIN NO, ,MI BSLU BA CAN NYID TSAD MA NYID DU BSTAN PA YIN NAM, DE YANG RNAM PAR RTOG PA NI MA YIN TE, PHRAD PA DANG PHRAD PAR BYED PA YIN PA'I PHYIR RO, ,SNGA MA DANG PHYI MA'I MTHONG BAS YUL DU BYAS PA NI DE DAG NYID PHRAD PAR BYED PA YIN LA, DE DAG GI GCIG PA NYID NI RNAM PAR RTOG PAS YIN NO, ,BLO'I NI MA THOB PA'I DON BYED PA'I NGO BO THOB PAR BYED PA'I PHYIR TSAD MA NYID YIN PAR BSTAN

, ,PAR BYA BA YIN NA, 'JUG LA DE GTZO YIN PHYIR DANG, ,ZHES CI'I PHYIR BSTAN, 'JUG PAR BYED PA NYID NI GNAS SKABS MA YIN TE, DE 'GEGS PAR BYED PA LA YANG DE NYID RAB TU BSGRUB PAR BYA BA YIN NO, ,BDEN TE, MI BSLU BA CAN NYID DE KHO NA 'JUG PAR BYED PA YIN NA NI 'GYUR GYI, RNAM PAR RTOG PA LA NI DE MED PA YIN TE, PHRAD PA DANG PHRAD PAR BYED PA YIN PA'I PHYIR ZHES BYA BA'I BSAMS PAS SKYON MED DO, ,DE BSTAN PA NI, DE LTAR NA RE ZHIG CES BYA BA'O, ,DE NYID DAM MI BSLU BA'I RGYU MTSAN 'JUG PAR BYED PA NYID NI RTOG PA'I NGO BO'I 'BRAS BU'I YUL GYI RNAM PAR DBYE BAS GO BAR BYED PA'I DON DU YUL GYI RNAM PA'I DBYE BAS SHES GSUNGS PA YIN NO ZHES KHA CIG ZER BA NI DAM PA MA YIN TE, RE ZHIG CIG NI RNAM PAR RTOG PA LAS BLO MTSAN NYID MI MTHUN PA NYID NI THA SNYAD PA YIN PAR BSTAN NAS, DA NI MTSAN NYID MI MTHUN PA GZHAN RTOGS PA THA DAD PA'I BLO NYID KYIS KYANG RNAM PAR RTOG PA LAS NI MA YIN NO, ,'DI DAG TZAM DU BSAMS PA YIN TE, DE YANG 'JUG PAR BYED PAR NYID KYI RGYU MTSAN NAM, CIG SHOS KYANG ZHES BYA BA NI 'DIR SKABS MA YIN NO, ,YONGS SU BCAD NAS 'JUG BZHIN PA ZHES BYA BA LA SOGS PA LA YANG RGYU MTSAN NYID RTOGS PAR BYED PA NI RNAM PAR RTOG PA LA SOGS PA LAS MTSAN NYID MI MTHUN PA KHO NA YIN PAR BSAMS TE, TSAD MA GZHAN DGAG PA'I SKABS NYID YIN PA'I PHYIR ZHES BYA BA'I DGONGS PAS, DA NI RTOGS PA'I 'BRAS BU ZHES BYA BA SMOS SO, ,GAL TE RNAM PAR RTOG PA NI SNANG BZHIN PA'I DON LA SNGA MA NYID 'DZIN PAR BYED PA LAS 'JUG PA MA YIN PA'I PHYIR TSAD MA NYID MA YIN NO, ,BLO NI 'JUG PAR BYED PA NYID KYIS TSAD MA NYID YIN PA'I PHYIR RNAM PAR RTOG PA LAS MTSAN NYID MI MTHUN PA NYID YIN NA, GANG GI TSE 'JUG PAR MI BYED PA DE'I TSE TSAD MAR MI 'GYUR RO SNYAM DU SEMS PAS, MTSAN NYID MI MTHUN PA NYID GZHAN RTOGS PAR BYED PA YANG YUL GYI RNAM PA ZHES BYA BA LA SOGS PA LA 'JUG PAR BYA BA YIN PAR BSTAN PA NI, 'JUG PAR BYED PA LAS NI TSAD MA MA YIN GYI ZHES BYA BA LA SOGS PA'O, ,GAL TE SHES PA LA YUL GYI RNAM PA YIN NA DE YANG YUL BZHIN DU RTOGS PA MA YIN

PA'I NGO BOR 'GYUR RO ZHES BYA BA NI GLEN CHEN GYI GTAM RGYUD LTA BU 'GEGS PAR BYED PA BSTAN PA NI, 'DI'I YUL GYI RNAM PA LTA BU ZHES BYA BA'O, ,'BREL PA GANG GIS MIG LA SOGS PA'I TSOGS PAS BSKYED PAR BYA BA'I SHES PA NI YUL NYID KYI RJES SU BYED PA MA YIN NAM, MIG LA SOGS PA'I NI MA YIN NO, ,BU NI ZA BA BOR NAS PHA MA DAG GI RJES SU BYED PA LTA BU'O, ,DES NI YUL NYID 'DZIN PAR BYED PA YIN NO, ,DE BZHIN DU DANG PO RNAM PAR RIG PA YIN LA, DE NAS YUL RIG PAR BYED PA'AM, RNAM PAR RIG PAR BYED PA NYID KYANG RUNG, DE RIG PAR BYED PA YIN PA'I PHYIR GCIG NAS GCIG TU BRGYUD PAS DUB BA DANG NYE BAR BTAGS PA YANG SPANGS PA YIN TE, BRGYUD PA'AM NYE BAR BTAGS BA NAN GYIS SGRO 'DOGS PA 'GA' YANG MED DE, DE LTA MOD KYI DNGOS PO'I NYAMS SU MYONG BA LA DPYOD PAR BYED PA YIN NO, ,SNGON PO NI BDE BA BZHIN DU RANG RIG PAR BYED PAS RTOGS PA YIN GYI, GZHAN GYIS NI MA YIN TE MI DMIGS PA'I PHYIR RO, ,DES NA DE'I SHUGS LAS DE NYID YUL RIG PAR BYED PA KHO BO CAG SMRA'O, ,YUL DANG 'DRA BA NYID CES BYA BA JI LTAR YIN, 'DRA BA'I PHYIR RNAM PAR SHES PA'I YUL LA 'DZIN PAR BYED PA MA YIN TE THAL CHES PA'I PHYIR RO, , GZUGS KYI SHES PA NI REG BYA LA TSAD MAR MI 'GYUR TE MI 'DRA BA'I PHYIR RO, ,DE'I PHYIR DON NI 'DI YIN TE, GZUGS KYI SHES PA NI PHRAD BYA YUL GZUGS SAM REG BYA LAS 'BYUNG BAS SNGON PO'O ZHES BYA BA'AM ME'O ZHES BYA BAR DE NYID YIN PAR SGRO 'DOGS PAR BYED PA YIN NO, ,DES BSKYED PAR BYA BA YIN PA'I PHYIR NAG PA'I BU LA DER SHES PA LTA BU DANG, BREGS PA LAS SKYES PA'I SKRA LA SOGS PA BZHIN DU 'DRA BA NYID LA DE NYID YIN PAR BSAM PA'I PHYIR SKYON MED DO, ,DE'I PHYIR GANG GI YUL GYI RNAM PA YIN PA DE NI YUL GYI RNAM PA YIN NO ZHES BSTAN PA YIN NO, ,YUL GYI RNAM PA DANG 'DRA BA'I RNAM PA GANG GI YIN PA DE NI YUL GYI RNAM PA YIN TE, YUL GYI BSKYED PAR BYA BA NYID YIN PA NI DE NYID DU SGRO 'DOGS PA'I RGYU MTSAN YIN ZHES BYA BA'I DON TO, ,SHES PA NI GAL TE BDAG NYID LA GNAS PA'I YUL GYI RNAM PAS YUL RIG PAR BYED PA YIN NA, YUL GYI RNAM PA JI LTAR RIG PA YIN,

, ,GZUNG BYA'I RNAM PA CAN NI 'DZIN PAR BYED PA MA YIN LA, RNAM PA GZHAN DU RTOG PA YIN NA THUG PA MED DO SNYAM DU SEMS PA LA, DE THA DAD PA NI YUL GYI RNAM PA THA DAD CES BYA BA SMOS TE, BDAG NYID KYI RNAM PA KHO NAS YIN GYI RNAM PAR GZHAN LA LTOS PA NI MA YIN NO ZHES BYA BA'I DON TO,, YANG NA GAL TE DES BSKYED BYA NYID LA DE NYID DU SGRO 'DOGS PA'I RGYU MTSAN GYIS RANG GI NGO BOS BSKYED PAR BYA BA'I SHES PA NI MA YIN TE, JI LTAR DE NYID DU SGRO 'DOGS PA YIN ZHES BYA BA DE LA YUL LTA BU'I RNAM PA THA DAD PA NI ZHES BYA BA SMOS TE, YUL LA MNGON PAR PHYOGS PA NYID NI RANG GI NGO BO LA MNGON PAR PHYOGS PA NYID YIN TE, RANG GI NGO BO RTOGS PA ZHES BYA BA'I DON TO, ,YANG NA GZUGS KYI SHES PA NI PHRAD BYA GZUGS KYI TSAD MA YIN ZHES 'DI LA DANG PO SBYAR BAR BYA ZHING, REG BYA LA SOGS PA LA TSAD MA YIN ZHES BYA BA 'DI LA GNYIS PA'O, ,YUL DANG 'DRA BA NYID DAM YUL LA MNGON DU PHYOGS PA'AM ZHES MNGON DU PHYOGS PA DE LA DES BSKYED BYA YIN PAS DE NYID DU SGRO 'DOGS PA YIN NO, ,DE NYID BSTAN PA NI, YUL GYI RNAM PA DE YANG SHES PA'I BDAG NYID DU GYUR BA YIN TE ZHES BYA BA STE, YUL GYI RNAM PA NI PHRAD PAR BYA BA'I RNAM PA STE, PHRAD BYA NYID CES BYA BA'I DON TO, , BYA BA DANG BYED PA PO DAG GI RANG GI NGO BO'I RNAM PA YANG GNAS PA'I PHYIR RNAM PAR GZHAG BYA DANG RNAM PAR 'JOG BYED KYI NGO BOS TSAD MA DANG 'BRAS BU NYID NI THA DAD PA LA YANG 'GAL BA MED PA YIN GYI, 'BRAS BU DANG RGYU'I NGO BO NYID NI MA YIN NO, ,DES NA, JI LTAR SENG LDENG BCAD PA NA, BA LA SHA YI 'CHAD PA MIN, ,DE BZHIN STA RE DANG GCAD BYA, ,'JIG RTEN LA NI GCIG PA MIN, ,ZHES BYA BA YANG SUN 'DON PA MA YIN TE, 'BRAS BU DANG RGYU'I NGO BO YANG BYA BA DANG 'BRAS BU DAG LAS 'BYED PA MA YIN TE, BYUNG BA GANG RNAMS KYI BYA BA, ,DE NYID BYED PO NYID DU BRJOD, ,CES BYA BA NI 'GAL BA MED DO; ,YUL MNGON PAR PHYOGS PA NYID KYI SHES PA NI DE'I RNAM PA MA YIN NAM, YUL GYIS BSKYED PAR BYA BA'I SHES PA'I BDAG NYID NI DE NYID KYI RIG PA LAS GZHAN PA DE LAS MNGON PAR PHYOGS PA NYID MA YIN TE, RIG BYA'I DE NYID TSAD MA YIN LA, YUL RIG PA NI 'BRAS BU YIN ZHES BYA BA

NI RNAM PAR DBYE BA'O, ,YUL DANG 'BREL BA CAN NYID MI BSLU BA CAN NYID MA YIN NAM, DE YANG BSKYED BYA NYID DE DE NYID DU SGRO 'DOGS PA'I YUL YIN PA'I PHYIR MI BSLU BA LAS GZHAN PA'I YUL GYI RNAM PA NYID MA YIN NO, ,BDEN PA YIN MOD KYI DE'I BSKYED BYA NYID MI BSLU BA CAN NYID DANG, DE NYID DU SGRO BTAGS PA NI DE'I RNAM PA NYID YIN ZHES BYA BA NI BSDUS PA'O, ,MIG LA SOGS PA RNAMS 'BRAS BU SKYED PAR BYED PA NYID YIN NA THAMS CAD YUL YIN PA'I PHYIR THAL CHES PA NI TSAD MA SKYED PAR BYED PA PO NYID LA YANG MTSUNGS PA YIN NO SNYAM PA'I BSAM PAS ZER BA NI, JI LTAR DE RNAM PAR SHES PA LA BDAG NYID CES BYA BA STE, THAMS CAD DU SKYED PAR BYED PA ZHES BYA BA NI DUS THAMS CAD DU RMI LAM LA SOGS PA LA DMIGS PA YOD PA'I PHYIR 'BRAS BUR 'GYUR RO ZHES BYA BA NI THAL CHES PA'I DON YIN TE, YUL LA NI MA YIN NO, ,SHES PA GZHAN YOD NA THAMS CAD DU 'BYUNG BA YIN ZHES BYA BA NI RNAM PA'I BYE BRAG YIN PAR BSTAN PA NI, DE YOD NA 'DI YOD PA NYID CES BYA'O, ,TSAD MA MI BSLU CAN SHES PA, ,ZHES BYA BA DER NI SHES PA TZAM BYE BRAG TU BSTAN PA YIN LA, 'DIR NI DE'I RNAM PA'I KHYAD PAR YIN NO ZHES BYA BA NI BYE BRAG GO, ,RTOGS PA TZAM NI TSAD MA MA YIN ZHING DE SGRUB PAR BYED PA YANG MA YIN TE, THAL CHES PA'I PHYIR RO, ,PHRAD BYA'I MTHAR THUG PA YIN NA NI 'GYUR TE, BYE BRAG MTHONG BA NI PHRAD BYA'I BDAG NYID DAM, DE DANG 'BREL PA CAN GYI BDAG NYID YIN TE, MI BSLU BA CAN YIN PA'I PHYIR THA DAD PA MA YIN NO, ,GAL TE DE LAS GZHAN PA YI NA NI DE TSAD MA MA YIN PAR TSAD MA MI BSLU BA CAN ZHES BYA BAS BSTAN PA YIN NO, ,DA NI DE YANG RANG LAS MA GZHAN LA YIN ZHES RNAM PAR DPYAD PAR BYA BA YIN TE BSKYED PA LA LTOS NAS TSAD MAR GYUR PA LAS ZHES BYA BA DER RNAM PAR DPYAD ZIN TO, ,MI BSLU BA CAN NYID NI RTOGS PA YIN NA RANG GI 'BRAS BU BYED PA NYID YIN LA, DE'I SHES PA YANG RANG NYID LAS MA GRUB PA YIN NA GZHAN LA LTOS PA YIN ZHES BYA BA YANG TSAD MA MI BSLU BA CAN ZHES BYA BA 'DIS MTSON PA NYID YIN NA, DA LTAR LHAG PA CI BYAR YOD, ,GANG LAS RANG DNGOS RANG LAS RTOGS PA CAN, ,ZHES BYA BA LA SOGS PAS SEMS PAR

, ,BYED PA YIN, RANG RIG PA'I SHES PA'I BDAG NYID NI TSAD MA YIN LA, DES NA RANG NYID LAS RIG PA NYID NI DE NYID YIN NO ZHES RTOGS PA YIN NO, ,RANG GI NGO BO YIN ZHES BYA BA NI MI RIGS TE, TSAD MA MI BSLU BA CAN ZHES BYA BA 'DIS GZHAN LAS TSAD MA NYID DU SGRUB PAR BYED PA DANG 'GAL BA'I PHYIR RO, ,DES NI TSAD MA NYID KYI NGO BO BSTAN PA YIN LA, GZHAN LAS SHES ZHES BYA BAS NI THA SNYAD LAS NI TSAD MA NYID DE DON BYED PA'I NGO BOS NGES PAR BYED PA'O, ,DE LTA NA YANG RANG GI NGO BOS ZHES BYA BA NI, RANG LAS SHES PA RJOD PAR BYED PA NYAMS PA YIN NO, ,RTOGS PA LA LTOS NAS RANG NYID CES RJOD PAR BYED PA YIN LA, NGES PA LA LTOS NA CIG SHOS ZHES BYA BA LA NI 'GAL BA MED DO, ,DE LTA NA YANG GZHAN LAS ZHES BRJOD PA NYID KYIS RANG GI NGO BO RTOGS PA YIN PA'I PHYIR DE'I DON DU TSAD MA MI BSLU BA CAN ZHES BYA BA TSIG LHAG TU SONG NGO SNYAM DU SEMS PA LA, RANG LAS RANG GI NGO BOS RTOGS, ,ZHES BYA BA LA SOGS PAS DON GZHAN NYID DOGS PA SNGON DU 'GRO BAS SMRA BA NI, GAL TE SHES PA 'DI THOB PAR BYED PA YIN NO ZHES BYA BA LA SOGS PA NAS, MNGON SUM DANG NI RJES DPAG LAS, ,GZHAN GYI TSAD MA YOD MA YIN, ,ZHES BYA BA'I BAR GYIS TSAD MA GNYIS PO MA RTOGS PA LAS NI DON DAM PA PA'I TSAD MA NYID MA YIN NO SNYAM DU SEMS PA LA, LAN NI, 'DIR SMRAS PA, ZHES BYA BA LA SOGS PA'O, ,JI LTAR MTHONG BA LAS DE NYID DU RNAM PAR GZHAG PA'I PHYIR DE NYID DON DAM PA PA MA YIN PA NYID DU KHAS LEN PA YIN TE, THA SNYAD PA RNAMS KYIS 'DA' BAR MI BYA BA YIN PA'I PHYIR RO, ,DE'I PHYIR MI BSLU BA CAN NAM CIG SHOS KYI SHES PA YANG RANG RIG PA 'BYUNG BA'I DUS SU SHES PAR BYED BA MA YIN PAR BSTAN PA NI, RANG RIG PA'I MNGON SUM GYIS ZHES BYA BA LA SOGS PA NAS THE TSOM DU YANG MI 'GYUR RO ZHES BYA BA'I BAR DU STE, DE BZHIN DU GNOD PA MED PA NYID KYI MTSAN NYID KYANG RANG LAS YIN NO SNYAM PA SNGON DU 'GRO BAS ZER BA NI 'ON TE GNOD PA MED PA NYID CES BYA BA LA SOGS PA NAS, TSAD MA GZHAN NI YOD MA YIN, ,ZHES BYA BA'I BAR GYIS SO, ,DON GYIS GO BAS SHES PA DE'I ZHES BYA BA NI DON YONGS SU BCAD PA LA GZHAN DU MI

'THAD PAR RTOGS PA'I SHES PA NI, TSAD MAR GYUR PA NYID DU SHES PA YIN ZHES BYA BA'I DON TO, ,TSAD MA NYID KYIS SHES PA BZHIN DU DNGOS PO YANG RANG NYID KHO NA LAS YIN NO ZHES ZER BA NI, GZHAN YANG RNAM PAR SHES PA NI RGYU LAS SKYES PA YIN LA ZHES BYA BA'O, ,RANG NYID LAS ZHES BYA BA NI SHES PA'I BDAG NYID KHO NA'I RGYU LAS YIN NO ZHES BYA BA'I DGONGS PAS, GAL TE RANG LAS TSAD MA NYID, ,CES BYA BA SMOS TE, DBANG PO LA SOGS PA'I RANG GI NGO BO'I SHES PA BZHIN DU TSAD MA NYID LA YANG BYA BA YIN NO ZHES BYA BA'I DON TO, ,'ON TE RTAG PA'I RANG BZHIN YIN PAS RANG NYID LAS YIN GYI, RGYU LAS NI MA YIN NO ZHES BYA BA'I BSAM PAS, DE LA YANG SMRA BA NI, CI STE BDAG SHES RANG BZHIN PHYIR, ,ZHES BYA BA LA SOGS PA NAS, ,DE GZHAN DU 'GYUR YOD MA YIN, ,ZHES BYA BA'I BAR DU STE, RGYU'I SKYON LA SOGS PA'I DBANG GIS RTAG PA GZHAN NYID DU 'GYUR BA MA YIN ZHES BYA BA'I DON TO, ,SKYON LHAN CIG BYED PA CAN YIN PA'I DBANG PO RJES SU 'GRO BA DANG LDOG PA'I RJES SU BYED PA'I RNAM PAR 'GYUR BA NI TSAD MA NYID MA YIN PA'I DNGOS PO YIN LA, DE NI RTAG PA LA YANG MIN PA'I PHYIR GZHAN DU 'GYUR BA'I SHES PA'I NGO BO RTAG PA NYID YIN NA YANG 'GAL BA MED DO ZHES ZER BA NI, GAL TE SKYON CAN RGYU YOD PAS, ,ZHES BYA BA'O, ,RJES SU 'GRO BA DANG LDOG PA'I BYE BRAG LAS TSAD MA NYID KYANG YON TAN GYIS BYAS PAR 'GYUR BAR BSTAN PA NI, YON TAN LDAN RGYU DANG 'BREL PHYIR, ,ZHES BYA BA'O, ,YON TAN RNAMS KYI BYA BA LAS NI SKYON MED PA NYID DANG GZHAN DU GRUB PA NI, RJES SU 'GRO BA DANG LDOG PA DAG YIN NO ZHES ZER BA NI, GAL TE NYES PA MED PA'I PHYIR, ,ZHES BYA BA'O, ,SKYON RNAMS KYI BYA BA LAS NI YON TAN MED PA NYID DANG, GZHAN DU 'GRUB PA NI RJES SU 'GRO BA DANG LDOG PA DAG YIN PAR BSTAN PA NI, YON TAN MED PHYIR TSAD MIN PAR, ,ZHES BYA BA'O, ,RTOGS PA'I NGO BO NYID KYIS BDAG NYID KYIS DMIGS PA YIN NA RTAG PA'I PHYIR GNYID LOG PA LA SOGS PA YANG MI LDOG PA'I PHYIR RIG PAR BYED PAR 'GYUR BAR BSTAN PA NI, GAL TE DE RTOGS BA DAG 'DON NA, ,ZHES BYA BA'O, ,GAL TE RANG LA MI BSLU BA

, ,CAN NYID DU SHES PA MA YIN LA, SHES PA GZHAN LAS NI SHES PAR BYED PA NYID YIN PAR BSTAN PA NI, GAL TE MI BSLU BA'I SHES PA DE ZHES BYA BA'O, ,SGRUB PAR BYED PA'I SHES PA NI RANG NYID KHO NA LAS TSAD MA YIN TE, RTOGS PA'I BYA BA RDZOGS PA'I PHYIR MA YIN NAM, DE'I 'OG GI THE TSOM NI DE DANG 'GAL BA CAN MA YIN TE, GANG GI PHYIR RIM GYIS NGES PA'I DON 'DZIN PA NI THE TSOM YIN NO, ,'BA' ZHIG NI DON BYED PA'I SHES PA LAS LDOG PA YIN SNYAM DU SEMS PA LA, SGRUB PAR BYED PA'I SHES PA'I YANG ZHES BYA BA SMOS TE, 'DI'I YUL NI THE TSOM YIN LA DE'I NGO BO NYID YIN PA DE'I PHYIR THE TSOM DU BYA BA YIN PAS THE TSOM YIN TE, DON LA DON BYED PA NYID DU NGES PAR 'DZIN PA YIN NA, NGES PAR MI 'DZIN PA'I BDAG NYID NI THE TSOM YIN LA, CUNG ZAD KYANG RNAM PAR 'JOG PAR BYED PA MA YIN ZHES BYA BA'I DON TO, ,GNOD PA MED PA'I DON ZHES BYA BAR YANG NYE BAR DGOD PA NI, BTZUN PA'I 'DOD PA'I DBANG GIS YIN NO, ,GZHAN SGRUB PAR BYED PA'I RIGS PA BZHIN DU DON BYED PA RIG PA YANG YOD PA DANG MED PA MTSUNGS PA'I PHYIR MTHO NYID BZHIN DU MI NYID YIN PA LA THE TSOM ZA BA NGES PA MA BZUNG BA'I BDAG NYID CAN KHO NA YIN PAR BSTAN PA NI, TSAD MA SNGAR GRUB MED PA GANG, ,ZHES BYA STE; JI LTAR RTOGS PA'I BDAG NYID SGRUB PAR BYED PA'I SHES PA NI YOD PA DANG MED PAR RAM BYE BRAG MED PA'I PHYIR YUL RNAM PAR 'JOG PAR BYED PA CAN MA YIN PA DE BZHIN DU DON BYED PA'I SHES PA YANG DON BYED PA DANG CIG SHOS THUN MONG BA'I PHYIR ZHES BYA BA'I DON TO, ,DE NI ZHES BYA BA TSAD MA'I THUN MONG BA NYID KYIS THE TSOM GYI YUL CAN GYI'O, ,DE LAS ZHES BYA BA NI THUN MONG BA NYID KYIS THE TSOM GYI YUL CAN DON BYED PA'I SHES PA LAS SO, ,GAL TE TSAD MA SNGAR GRUB NA ZHES BYA BA LA SOGS PAS NI ME DANG DU BA BZHIN DU GO BYA GO BYED KYANG NGO, ,DES NA RANG DBANG DU TSAD MAR GRUB PA YIN GYI GZHAN DU NI MA YIN NO, ,LKOG SHAL LA SOGS PA LAS BA LANG NYID BZHIN DU DON BYED PA LAS TSAD MA NYID DU NYE BAR MTSON PA YIN GYI, GO BAR BYA BA MA YIN PA DES NA 'BREL PA 'DZIN PA LA LTOS PA MA YIN NO SNYAM DU SEMS PAS SMRA BA NI, DON BYED PA LAS SHES DE NI, ,ZHES BYA BA'O, ,TSAD MA DANG

CIG SHOS THUN MONG BA'I DON BYED PA NI TSAD MAR NYE BAR MTSON PAR BYED PA MA YIN PAR BSTAN PA NI, DON BYED PAR NI BYUNG BA DE, ,ZHES BYA BA STE, TSAD MA MIN PAR RTOGS PA NI THA NA REG PA'I SHES PA LAS SO, ,TSAD MA KHO NA LAS DON BYED PA YIN GYI SER PO'I SHES PA LAS NI MA YIN TE, JI LTAR MTHONG BA DANG PHRAD PA MA YIN NO SNYAM DU SEMS PA NI, DE LAS DON BYED DE MIN NA, ,ZHES BYA BA'O, ,TSAD MA LAS 'JUG PA'I DON BYED PA BZHIN DU TSAD MA MA YIN PA LAS KYANG 'GYUR RO ZHES BSTAN PA NI, GZHAN LAS KYANG JI LTAR 'DOD CES BYA BA STE, GZHAN DU'ANG ZHES BYA BA NI TSAD MA LA YANG KHA CIG TU MA PHRAD PA YOD DO ZHES BYA BA'I DON TO, ,SNGAR MED NA MI 'BYUNG BA'I NGO BOR MTHONG BA YIN NA GOMS PAR 'GYUR GYI, GZHAN DU NI MA YIN NO ZHES ZER BA NI, GOMS LAS RNAM PA MI MTHUN PA, ,ZHES BYA BA'O, ,MNGON SUM LAS MED PA MI 'BYUNG BA'I NGO BO MTHONG BA MA YIN DU ZIN KYANG RJES SU DPAG PA LAS YIN NO ZHES ZER BA NI, DE MTHONG NYID NA ZHES BYA BA'O, ,MNGON SUM MED NA 'BREL PA 'DZIN PA MED PA'I PHYIR RJES SU DPAG PA YANG MI SRID DO ZHES BSTAN PA NI, RJES DPAG DE YANG ZHES BYA BA'O, ,'ON TE RIG PA LAS GZHAN PA'I RIG BYA MED PA YIN LA, DES NA SGRUB PAR BYED PA DANG DON BYED PA YANG RIG PA'I KHONGS SU GTOGS PA NYID YIN PA'I PHYIR DE DANG 'BREL PA BDE BAR GSHEGS PA NYID YIN NO SNYAM DU SEMS PA LA, RANG DNGOS RANG DMIGS RNAM PA NI, ,ZHES BYA BA SMOS TE, RANG GI NGO BO TZAM RIG PA DAG GI GZHAN DANG GZHAN DU RIG PA MA YIN PA LAS DE GNYIS LAS YOD PA'I 'BREL PA RIG PAR BYED PA NI MA YIN NO ZHES BYA BA'I DON TO, ,'BA' ZHIG NI 'BREL PA 'DZIN PAR MI NUS PA MNGON SUM 'BA' ZHIG NI MA YIN LA, DE'I KHYAD PAR 'DZIN PAR MI NUS PA YIN PAR BSTAN PA NI, YUL DANG DUS GZHAN KHYAB PAR NI, ,ZHES BYA BA STE, GANG DU 'BREL PA 'DZIN PAR BYED PA YIN PA DER YANG KHYAB PA MA BZUNG BA LAS TSAD MA MA YIN NA, GANG DU 'BREL PA YANG MI 'DZIN PA LA NI SMOS KYANG CI DGOS ZHES BYA BA'I DGONGS PAS, KHYAB MIN LHAN CIG 'GYUR GANG YIN, ,ZHES SMOS SO, ,LHAN CIG PA NYID DU RE ZHIG 'DI DAG GIS MTHONG BA MA YIN NAM, GANG DU YANG

, ,'KHRUL PAR NI MA MTHONG NGO, ,MTHONG BAR 'GYUR BA YIN NO ZHE NA, NGES PA MED DO, ,DE NYID KYIS NA THE TSOM YIN NO ZHE NA, 'KHRUL PAR MA MTHONG BA KHYAD PAR CAN DANG LHAN CIG PA MA MTHONG BA MANG PO LAS DE LTAR 'GYUR BA MA YIN NO, ,'DI NI 'DI LA NGES PA YIN NO ZHES NGES PA YIN PA DES NA, DON GYIS GO BA DANG LHAN CIG PA'I MNGON SUM LA KHYAB PA NGES PAR 'GYUR BA YIN NO SNYAM DU SEMS PA LA, YUL SOGS BZUNG BA MED PAR NI, ,ZHES BYA BA SMOS TE, 'KHRUL PA NI GAL TE MA BZUNG BA YIN YANG YUL MA BZUNG BA YIN NA DE'I MED PA NYID RIG PAR BYED PA MA YIN NO, ,YOD KYANG RIG BYA NI MA YIN NO, ,DE NYID KYIS NA THE TSOM YIN, ,ZHES BYA BA'I DON TO, ,DE'I BYA BA NI YUL LA SOGS PA'O, ,DE LTA NA YANG THA SNYAD PA RNAMS KYIS 'DA' BAR BYA BA MA YIN PA'I PHYIR RTOGS PAR BYED PA NYID DANG, DE LAS BZLOG PA TSAD MA MA YIN PA NYID LAS GZHAN PA MA MTHONG BA'I PHYIR KHAS BLANG BAR BYA BA YIN PAR TSIGS SU BCAD PA GNYIS KYIS GO RIMS BZHIN DU BSTAN PA NI, DE PHYIR RANG LAS TSAD MA NYID, ,CES BYA BA'O, ,DE LA RE ZHIG GNOD PA MED PA'I RTOGS PA NYID TSAD MA YIN NA, SKYES PA'I DUS SU TSAD MA DANG CIG SHOS DAG MTSUNGS PA YIN PAR BSTAN PA NI, GNOD PA MED PA TZAM GYIS NI, ,ZHES BYA BA STE, 'JUG PA'I DUS PHYIS GNOD PA MED PA NYID DU NI SNGAR MA NGES PA YIN NA, JI LTAR 'JUG PA'I RGYUR 'GYUR ZHES BSTAN PA NI, THOB PA'I DUS SU 'ANG ZHES BYA BA'O, ,DON BYED PA LA MI BSLU BA NYID KYANG TSAD MA YIN LA; 'JUG PA'I SNGA ROL DU NGES PA MED PA NI 'JUG PA'I YAN LAG MA YIN PA KHO NA'O ZHE NA, DE YANG RANG DNGOS SO ZHES BYA BA SMOS SO, ,THA SNYAD PA RNAMS KYIS 'DA' BAR MI BYA BA NYID YIN ZHES BYA BA LA RIGS PA CIR YANG MED LA, RIGS PAS BRTAGS PA NA RANG LAS SAM GZHAN LAS KYANG RUNG TSAD MA NYID DU RNAM PAR GNAS PA MA YIN ZHES PA NI PHYOGS SNGA MA'O, ,GRUB PA'I MTHA' NI SHES PA'I RANG GI NGO BO SKAD CIG MA NYID DU SHES PA TZAM NYID LA SOGS PA LA, THAR PA 'DOD PA RNAMS KYIS GZHAL BYA LA, GZHAN LA LTOS PA MED PA NYID KYIS RANG RIG PAS NGES PA NI RANG NYID LAS

TE DON DAM PA PA'I CHAD MA NYID YIN NO, ,PHYI ROL LA NI THOB BYA DANG 'BREL PA LA SOGS PA GZHAN LA LTOS PA'I PHYIR RANG RIG PA MA YIN PA LA THOG MA MED PA'I BAG CHAGS LAS SKYES PA'I THA SNYAD KYI MING CAN GYI RNAM PAR RTOG PA DE GTZO BOR 'GYUR BA'I RJES SU DPAG PAS RTOGS PA NI GZHAN LAS TE, DON DAM PA MA YIN PA STE, MNGON SUM LA SOGS PA'I TSAD MAS RTOGS PA MA YIN PA'I PHYIR RO, ,'DI LAS NI JI LTAR MTHONG BA LAS DE KHO NA NYID DU RNAM PAR GZHAG PA'I PHYIR GNYI GA TZUG KYANG RIGS PA YIN PAR BSTAN PA NI, 'DIR BSTAN PA, RANG LAS RANG GI NGO BO RTOGS, ,ZHES BYA BA'O, ,SHES PA'I RANG GI NGO BO NYID TSAD MAR GRUB PA YIN PAR NI MI RIGS TE, GZHAN GYI NGO BO'I YANG SNGON PO LA SOGS PAR NI BDE BA LA SOGS PA RIGS PA'I DUS SU RIG PA'I PHYIR RO, ,BDE BA BZHIN DU SHES PA'I RANG GI NGO BO RIG PA NYID NI SNGON PO LA SOGS PA'I DON BYED PA MA YIN TE, PHYI ROL NYID NI GANG LAS DE'I BYED PO NYID YOD PA YIN ZHES BYA BAR MI 'GYUR BA'I PHYIR RO, ,GANG LAS RANG GI NGO BO RIG PA LAS GZHAN PA DE LA DON BYED PA GANG YIN PA DE'I DON DU THA SNYAD 'DOGS PA PO RTOGS PA YANG 'JUG PA YIN LA, DE LA LTOS PA'I BYED PA PO NYID YIN PA NI RIG PAR BYED PA'I BYED PO LAS GZHAN NYID YIN PA'I PHYIR BDE BA DANG MTSAN NYID MI MTHUN PA GZUNG BYA SNGON PO'I NGO BO BZHIN DU RTOGS PA MED PA DON DAM PA PA NYID YIN NO SNYAM DU SEMS PA LA, RANG LAS NI RANG GI NGO BO NYID RTOGS KYI ZHES BYA BA SMOS TE, BDE BA BZHIN DU SNGON PO YANG RANG RIG PA KHO NA YIN TE, BYE BRAG MED PA'I PHYIR RO, , PHAN TSUN PA'I BYA BA MED PA'I PHYIR RANG RIG PA NYID LAS MI GZHAN PA'I DON BYED PA NI BDE BA BZHIN DU RANG GI RGYUD KYI DON BYED PA LA 'GAL BA MED DO ZHES BYA BA'I DON TO, ,CI LAS SHES SHE NA, DBANG PO LA BRTEN PA NI MNGON SUM MO ZHES BYA BA'I DON NI BRTEN PA NYID YIN PAR BSGRUBS PA YIN YANG MNGON SUM GYI SGRA NI MNGON DU BYED PA'I MTSAN NYID DU STON PA YIN LA, MNGON DU BYED PA YANG LKOG TU GYUR PA MA YIN PA NYID YIN GYI, YANG DAG PAR RIG PA LAS GZHAN PA DANG, DUS GZHAN PA YANG PHYI ROL NI LKOG TU MA GYUR PA MI SRID PAR BSTAN PA NI, MNGON SUM NI MNGON DU RTOGS PA YIN NO ZHES

, ,ZHES BYA BA'O, ,SKAD CIG MA NYID KYI SHES PA TZAM LA SOGS PA BZHIN DU THOB BYA DANG 'BREL PA CAN NYID KYANG SHES PA'I RANG GI NGO BO NYID YIN PA DES NA, JI LTAR MNGON DU MI BYED PA ZHES BYA BA YIN SNYAM DU SEMS PA LA, THOB PAR BYA BA'I DON MA BZUNG BAR NI ZHES BYA BA SMOS SO, , YUL LA SOGS PA LA ME DANG 'BREL PA CAN NYID BZHIN DU SHES PA YANG PHRAD BYA DANG 'BREL PA CAN NYID NI GZHAN LA LTOS PA'I PHYIR RANG GI NGO BO MA YIN LA, DE NYID RIG PA MA YIN LA, RIG PAR BYED PAR MI 'GYUR BA NYID KYIS RANG LAS SAM GZHAN LAS KYANG RUNG TSAD MA NYID YIN PA MI SRID DO, , 'DI SKAD BSTAN PAR 'GYUR TE, GANG ZHIG GANG GI TSE YOD PA DE'I TSE DE YOD PAR NGES PA YIN GYI, GZHAN GYI TSE NI MA YIN NO, ,LKOG TU GYUR PA RNAMS NI YOD PAR NGES PA MA YIN TE, 'BYUNG BAR 'GYUR BA'I THOB BYA LA GNOD PAR BYED PA DE'I MED PA YANG, DUS DE NYID KYI TSE YIN PA DES NA SNGAR NI GNOD PA MED PA NYID KYIS MTSAN NYID CAN GYI TSAD MA NYID DANG, CIG SHOS KYANG RANG LAS RTOGS PA MA YIN NO, ,DE LTA MOD KYI RANG GI NGO BO NYID CES BYA BA YIN NO, ,THOB BYA'I DON 'DZIN PA MED NA DE DANG 'BREL PA 'DZIN PA YANG MED PA'I PHYIR LA, DES NA DE LA THOB BYA DANG 'BREL PA YIN LA, THOB BYA YANG DER NYE BA YIN PAR BSTAN TO, ,'ON TE TSAD MA NYID RANG GI NGO BO YIN NA, 'BREL PA CAN GYI NGO BO NYID DU BRJOD DO, ,'BREL PA CAN TZAM NI 'BREL PA YIN ZHES BYA BA NI ZLOS PA NYID MA YIN PA MA YIN NO, ,LAN NI, THOB BYA'I RANG BZHIN DANG 'BREL PA'I, ,SHES PA'I NGO BO ZHES BYA BA STE, GANG LA 'BREL PA YOD PA DE NI 'BREL PA CAN YIN TE, GZHAN GYIS NYE BAR BYAS PA'I DNGOS PO YIN GYI, DNGOS PO TZAM NI MA YIN ZHES BYA BA'I DON TO, ,GZHAN GYIS NYE BAR BYAS PA MED NA SHES PA TZAM NI TSAD MAS RNAM PAR GZHAG PA MI THOB PA YIN PAR BSTAN PA NI, RANG GI NGO BO TZAM ZHIG NI ZHES BYA BA STE, DE ZHES BYA BA NI TSAD MA NYID DO, ,THOB BYA NYE BAR BYAS PA MA YIN NA SHES PA'I NGO BO NYID DU YANG MI RIGS PA MA YIN NAM, 'DI SHES PAS SHES PA'AM, 'DI SHES PAR BYED PAS SHES PA ZHES SHES BYA LA GNAS PA NYID YIN ZHES RJOD PAR BYED PA'I PHYIR JI LTAR

RANG GI NGO BO NYID TSAD MA YIN ZHING, JI LTAR DE'I NGO BO NYID TSAD MA MA YIN SNYAM DU SEMS PA LA, SHES PA'I RANG GI NGO BO NI TSAD MA MA YIN TE ZHES BYA BA SMOS TE, SHES PA NI RANG NYID DAM, RANG GI YUL YANG RUNG, DE DAG TZAM GYIS NI MA YIN TE, DE TZAM NI THAMS CAD LA YOD PAS TSAD MA DANG CIG SHOS KYI RNAM PAR DBYE BA MED PA'I PHYIR LA, THOB BYA YOD PA DANG MED PA DAG GIS RNAM PAR DBYE BA LAS DE DANG 'BREL PA NYID TSAD MA NYID YIN LA, GZHAN NI GZHAN DU YIN ZHES RNAM PAR GZHAG PAR BYED PA YIN TE, DER YANG BSHAD ZIN TO ZHES BYA BA'I DON TO, ,GAL TE THAR PA'I DON DU TSAD MA LA SOGS PA'I RNAM PAR DBYE BA CI'I DON DU 'BAD NAS SPONG BAR BYED CE NA, DE LAS 'JUG PA DANG LDOG PA ZHES BYA BA SMOS SO, ,GZHAN YANG GNOD PA MED PA NYID NI TSAD MA NYID MA YIN TE, 'JIG RTEN PA MA YIN PA'I PHYIR LA, MI BSLU BA CAN NYID NI THA SNYAD PA YIN PA'I PHYIR 'GYUR BA YIN PAR NI, TSAD MA MI SLU BA CAN ZHES BYA BA 'DIS BSTAN PA YIN NO ZHE NA, DE NI MI RIGS TE, MI SLU BA CAN NYID NI PHYI ROL GYI DON LA MA YIN TE, THE TSOM YIN PAS RNAM PAR GZHAG PA MED PA'I PHYIR RO, ,RNAM PAR RIG PA TZAM DU SMRA BA LA YANG MA YIN TE, SNGA MA DANG PHYI MA DAG GI SHES PA DAG GI 'BREL PA NI DE DAG GIS SAM GZHAN GYIS KYANG SHES PAR MI NUS PA'I PHYIR RO, ,GNOD PA MED PA NYID KYI SHES PA NI RANG NYID KHO NA LAS NGES PA YIN GYI, GZHAN SGRUB PAR BYED PA NI MA YIN NO, ,SNGON PO'I ZHES BYA BAR 'DZIN PA'I BDAG NYID LA NANG DU 'JUG PA YIN PA'I PHYIR GZHAN LA GNAS PA MA YIN SNGON POR RTOGS PAR BYED PA YIN NO, ,DBANG PO'I BYA BA LAS SNGA MA NI PHYIS 'BYUNG BA'I DNGOS PO LAS MTSAN NYID MI MTHUN PA MA YIN NAM, DES NA BAR DU 'BYUNG BA'I NGO BO LKOG TU MA GYUR PA NI 'DI'O ZHES BRJOD DO, ,BDEN TE, GAL TE DE YANG DE DANG 'DRA BA'I NGA RGYAL MED NA, DE TZAM GYI NGA RGYAL BYED PA GNYIS KYI NGO BO LAS 'DI LA GNYIS DAG TU RJOD PAR BYED PA MA YIN TE, DE YANG GANG GI PHYIR DE NI SPYI'I YUL DANG 'BREL PA CAN SNGON MNGON SUM DU DMIGS PAR BYED PA YIN LA, PHYI'I YUL YANG 'DZIN PAR BYED PA LA LTOS NAS YIN TE, DE'I PHYIR PHYI ROL ZHES 'DIR 'DI, ,'DZIN BYED

, ,CHA LAS PHYE BA YIN, ,RIG BYA SNGON PO SER PO SOGS, ,MNGON SUM LA SOGS PAR BSTAN YIN, ,ZHES SMOS PA'O, ,PHYI ROL NYID NI 'DZIN PAR BYED PA LA LTOS NAS YIN LA, DE 'DZIN PA MED NA JI LTAR GZUNG BYAR 'GYUR, PHYI ROL NYID KYIS YIN NO ZHE NA, MI RIGS TE; PHYI ROL NYID RIG PA NI 'DZIN PA PO'I NYAMS SU MYONG BA LA LTOS PA YIN LA, DE'I NYAMS SU MYONG BA YANG DE'I RIG PA LAS YIN PA'I PHYIR RO, ,DE LTA NI MA YIN TE, SNGON PO BZHIN DU BDAG GO ZHES 'DZIN PAR BYED PA NI RTOGS PA NYID YIN TE, SNGON POR BDAG GIS SHES SO ZHES NYAMS SU MYONG BA PO'I NYAMS SU MYONG BAR BYA BA LAS GZHAN PA NYID KHO NAR YOD PA YIN NO, ,CI LAS SHES ZHE NA, RE ZHIG GNYI GA RIG PAR BYED PA YIN TE, RGYU YANG DE'I SHUGS KYIS RTOGS PAR BYED PA YIN LA, DE BZHIN DU SNGON POR NYAMS SU MYONG BA'I MTSAN NYID NI DU BA NI ME'I BYA BA YIN PA BZHIN DU GOMS PA YIN NA MTHONG BA KHO NA LAS NGES PA YIN TE, BSNYON PAS 'OS PA MA YIN NO, ,'DI NYAMS SU MYONG BA'I BDAG NYID KHO NA MA RIG PA'I DBANG GIS PHYIR ROL BZHIN DU 'JOG BAR BYED PA YIN ZHES BYA BA 'DI YANG MNGA' SKYEL BAS BSGRUB PAR BYA BA YIN TE, GNYIS NYID NYAMS SU MYONG BA'I PHYIR RO, , NYAMS SU MYONG BA MED NA YANG, BAG CHAGS MED NA MA RIG PA MI 'BYUNG BA'I PHYIR RO, ,THA DAD PA'I DE LTA BU'I BAG CHAGS KYIS BSKYED BYA NI RNAM PAR RTOG PA MA YIN NAM, DE YANG DES BSKYED BYA YIN ZHES PHAN TSUN RGYU NYID YIN TE, SA BON DAG MYU GU LTA BU'O, ,DE LTAR YANG MTHONG BA NI DNGUL MA YIN PA LA DNGUL DU SHES PA LA'O, ,DNGUL GYI RNAM PA NI DE LA DON MED PA'I PHYIR DANG GNYI GA MA YIN PA MED PA'I PHYIR SHES PA'I BAG CHAGS YOD PA'I DBANG GIS PHYI ROL BZHIN DU ZHES BYA BA NI MI RIGS TE, BDEN PA'I DNGUL GYI RNAM PA BZHIN DU 'DI'I YANG SHES PA LAS PHYI ROL NYID DU RTOGS PA'I PHYIR BDEN PA DANG MI BDEN PA'I RNAM PAR DBYE BA NYID NYE BA DANG NYE BA MA YIN PA DAG GIS DE BSTAN PA YIN TE, DBANG POS 'THOB MIN PAR BDAG 'DOD, ,CES BYA BA YIN TE, NYE BA MA YIN PA JI LTAR DMIGS PA YIN, GAL TE DON NYE BA MA YIN PA DE LTA NA KHO BO CAG GI PHYOGS LA CI'I PHYIR LDOG PAR 'GYUR,

BDEN PA'I SHES PA LA NI SO SOR SNANG BA NYE BO DGOS PA CAN YIN GYI, RANG GI NGO BOS NYE BA MA YIN NO, ,BDEN PA'I RGYU DMIGS PA NI MI BDEN PAR MNGON PAR 'DOD PA LA YANG DE MA NYAMS PA'I PHYIR BAG CHAGS KYI NUS PA SHES PA MA YIN NO, ,DE LTA NA SHES PA LAS SNGA BA'I DNGOS PO YOD PA LAS TSAD MA YOD PA MA YIN TE, SHES PA'I DUS TZAM NA BYUNG BA NI SHES PA KHO NA BZHIN DU 'GYUR RO, ,MA YIN TE, GANG GI PHYIR SNGON PO'I DNGOS PO NI RES 'GA' ZHIG RTOGS PAR BYED PA YIN GYI, DE DBANG PO TZAM LAS BYUNG BA NI MA YIN TE, DE YOD KYANG RES 'GA' MED PA'I PHYIR DANG, DE NYID KYIS NA YUL GZHAN PA TZAM LAS BYUNG BA YANG MA YIN NO, ,DES NA DE BZHIN DU DBANG PO DANG, YUL GZHAN MTSAN NYID MI MTHUN PA DANG, BAG CHAGS DANG MTSAN NYID MI MTHUN PAS SNGON PO SGRUB PAR BYED PA RTOGS PA YIN NA, SNGON PO RTOGS PA YIN GYI DE MED PA LAS THAL CHES PA NI MA YIN TE, DE'I YANG YUL GZHAN NYID YIN PAS MA YIN PA DGAG PA YIN PA'I PHYIR RO, ,DE BZHIN NYE BA'I DNGOS PO MA RTOGS PA YANG DBANG PO'I DBANG GIS RTOGS PAR 'GYUR LA, BAG CHAGS KYI DBANG GIS NYE BA MA YIN PA YANG NGO ZHES BYA BA NI RNAM PAR DBYE BA'O, ,DE YANG, DON DANG SHES PA DAG GIS 'DIR; ,GANG ZHIG TSAD MA DANG 'BREL PA, ,RGYU DANG 'BRAS BU'I NGO BO 'DI, ,GZHAN DU DE LTAR MTHONG BA MIN, ,'DI SKAD BSTAN PAR 'GYUR TE, BAG CHAGS DANG DBANG PO LA SOGS PA TSOGS PA'I DBANG GIS DON RTOGS PA NYID KYI MTSAN NYID NI KHYAD PAR CAN DU 'GYUR BA YIN NO, ,DE LAS GZHAN DU MI 'THAD PA'I BDAG NYID KYANG SHES PA PO'I NGO BO DBANG PO LA SOGS PA'I BYA BA'I NGO BO NI SHES PAR BYED PA YIN LA, DE NI BLO YIN PAR BRJOD DO, ,SO SOR SNANG BA NYE BA YANG DE'I KUN TU SBYOR BA LAS SKYES PA NI MNGON SUM YIN LA, CIG SHOS NI MNGON SUM LTAR SNANG BA'AM TSAD MA GZHAN YIN PA NI GNOD PA CAN MED PA DANG YOD PA DAG LAS RTOGS PAR BYED PA YIN NO, ,GNOD PA CAN GYI SHES PA THOB PA NI SNGAR GNOD PA MED PA YIN NA MI SRID DO, ,DE YOD PA'I PHYIR TSAD MA MA YIN PAR RTOGS PA YIN NA PHAN TSUN RTEN PA MA YIN NO, ,BAG CHAGS LAS SKYES PA'I SHES PAS NI NYE BA LA DNGUL DU

, ,RTOGS PAR BYED PA YIN NA NYE BA MA YIN PA JI LTAR YUL NYID YIN, DE NYID KYIS NA PHYIN CI LOG YIN PAR GSAL BA YIN LA, DE LTA YIN PAR GNOD PA CAN GYIS RTOGS PAR BYED PA YIN NO, ,SNGAR DNGUL YOD PA NYID LA DE LTAR RTOGS LA, DUS PHYIS DE LTA MA YIN PA'I SHES PAS DE BZHIN DU MTHONG NA MED PAR 'GYUR RO, ,DE MTHONG BA LA NI MI RIGS PA MA YIN NA, ,DE MA YIN PA LA YANG DE'I NGO BOR RTOGS PA'I PHYIR DANG, DE'I MED PA RTOGS PA'I PHYIR DRAN PA MED PA LAS 'JIG RTEN PA'I RNAM PAR RTOG PA NI MI RIGS SO, ,DE YANG, 'GAL BA RNAMS NI RIGS PA LA YANG GCIG PA YANG MI SRID DE, GCIG GI RNAM PAR GCIG 'GYUR ZHES, ,DBANG PHYUG GIS NI BSTAN PA MIN, ,ZHES SMOS BA'O, ,GANG ZHIG JI LTA BA NYID DU DMIGS PAR BYA BA DE LTA DE LTAR KHAS BLANGS BAR BYA BA YIN NO, ,DE'I PHYIR SNGON PO NI SHES PA'I NGO BO MA YIN TE, NYAMS SU MYONG BAR BYA BA NYID LAS RTOGS PAS PHYIR DANG; SHES PA MI 'DZIN PA LA 'DZIN PA'I PHYIR DANG, DE MI 'DZIN PA LA SHES PA 'DZIN PA'I PHYIR RO, ,DE'I TSE BDAG GI DON CUNG ZAD KYANG BZUNG BAR DRAN PA MED DO ZHES BYA BA NI, GZUNG BYA'I NGO BO MA RTOGS PA'I 'DZIN BYED SKYES PAR DRAN PA'O, ,BZUNG BA'I DON CUNG ZAD KYANG ZHES BYA BAS DON NYID KYI SPYI DRAN PA YIN ZHES BYA BAR YANG MI RIGS TE, DON LA THE TSOM ZA BA'I PHYIR DANG, NGES PA MED PA'I PHYIR DANG, 'DZIN PAR BYED PA LA PHYIN CI LOG PA YIN PA'I PHYIR RO, ,DE'I RNAM PA MA YIN PA JI LTAR 'DZIN PAR BYED PA YIN ZHE NA, DE'I RNAM PA NYID KYANG CI'I PHYIR YIN ZHES MTSUNGS PA YIN NO, ,DE LAS SKYE BA'I PHYIR RO ZHE NA, DBANG PO'I RNAM PA NYID KYANG YIN PAR 'GYUR RO, ,DE LAS SKYE BAR BYE BRAG MED KYANG DON GYI RNAM PA NYID YIN TE, NYE BA YIN PA'I PHYIR RO, ,DE LTA YIN NA DE NYID KYI NYE BA YIN PAS 'GA' ZHIG KHO NA 'DZIN PAR BYED PA YIN GYI, THAMS CAD KYI NI MA YIN ZHES RNAM PAR GZHAG PA 'GRUB PA'I PHYIR DE'I RNAM PA NYID NI MA YIN NO, ,DE'I RNAM PA NYID KHO NA NYE BA YIN NAM, DBANG PO LA SOGS PA LA NI DE YOD PA MA YIN NO, ,DE BZHIN DU NYAMS SU MYONG BA LKOG TU GYUR BA NYID DAM, DE MA YIN PA'I RNAM PA NYID YIN NA, JI LTAR DON LKOG TU MA GYUR PA YIN, DE NYID LA YANG SHES PA DE NYID YIN

PA'I PHYIR JI LTAR PHYIN CI LOG YIN, 'DI LA SMRAS PA, DBANG PO 'AM BDAG NYID KYI YUL DU BYUNG BA NI BLO DE'I STOBS KYIS NYAMS SU MYONG BA'I MING NI GNAS SKABS KYI BYE BRAG TU BYUNG BA YIN PA'I PHYIR SHES PA NI DE'I RNAM PA NYID MA YIN LA MNGON SUM NYID KYANG NGO, ,DON SHES PA NYID YIN NA THAG RING BA DANG NYE BA BDAG GI RTOGS PA PO DAG LA THAG RING BA DANG NYE BA NYID LKOG TU GYUR PA DANG, LKOG TU MA GYUR PA NYID DU MI 'GYUR RO, ,DE NYID KYIS NA DON DANG SHES PA DAG GIS RNAM PA'I DBYE BA RANG NYID LAS GRUB PA YIN LA, YUL GYI SHES PA BZHIN DU YUL GYI SHES PA DE NYID SHES PA DAG GI BYE BRAG TU YANG 'GYUR RO, ,RTOGS PA'I DON ZHES BYA BA NI NYAMS SU MYONG BA DRAN PA'I GNAS SKABS KYI DON NYID YIN GYI SHES PA'I MA YIN TE, DON DANG SHES BA DAG GI RJES SU 'GRO BA DANG LDOG PA DAG GI PHYIR RO, ,DE YANG GZHAN DANG RJES SU MI MTHUN PA MA YIN PA LA YANG, DE'I RJES SU MI MTHUN PA YIN NA MED PA'I PHYIR GRUB PA YIN NO, ,DES NA SKYES NAS 'JIG PA YIN PA'I PHYIR RTZOD PA MED DO, SKAD CIG MA YANG ZHES BYA BA LA SOGS PA NI SKAD CIG MA NYID DU SGRUB PAR BYED PA'I TSAD MA MED PAR BSAMS PA YIN GYI, SKAD CIG MA NYID DU KHAS BLANGS NAS 'BRAS BU DANG RGYU'I NGO BO MED PAR BSAMS PA NI MA YIN NO, ,RTAG TU YOD PA'AM MED PA'ANG RUNG RGYU MED PA ZHES BYA BA'I RIGS PAS SKYE BA'I DUS NYID NA 'JIG PA'AM CIS MA YIN TE, 'JIG PA'I RGYU MED PA'I PHYIR ZHES BYA BA LA MA MTHONG BA TZAM LA 'JIG PAR SEMS PA'I PHYIR RO, ,MTHONG BA LA SOGS PA NYID LAS MA MTHONG BA NI MA YIN TE, DUS GZHAN NA YANG YOD PA'I PHYIR RO, ,DE'I PHYIR DMIGS PA NI YOD PA YIN LA, MI DMIGS PA NI MED PA YIN NO ZHES BYA BA'I RGYU ZHIG NA 'BRAS BU 'BYUNG BA ZHES BYA BA STE, RGYU MI DMIGS PA YIN NA 'BRAS BUR 'GYUR ZHES PA'I DON TO, ,DES NA RGYU'I ZHIG PA NI RGYU LAS THA DAD PA'I PHYIR DES NA DE'I DUS SU 'BYUNG BA'I 'BRAS BU NI RGYU'I DUS SU YIN PAR 'GYUR ZHES BYA BA YANG SEL BAR 'GYUR BA YIN NO, ,DES NA SKAD CIG MA NYID LA SNGA MA DANG PHYI MA'I SKAD CIG MA RNAMS KYI 'BRAS BU DANG, RGYU NYID KYI NGO BO'I BAG CHAGS BSAL BAR BYED PAR MI NUS SO, ,'BRAS BU NI MED PA'I BDAG NYID THOB PA'I DON NI RGYU LA LTOS PA YIN LA, DE LA LTOS PA'I DUS SU RGYU'I

, ,YOD PA NI RGYU NYID YIN GYI 'BRAS BU'I DUS SU NI MA YIN TE, LTOS PA MED PA'I PHYIR RO SNYAM DU DGONGS PA'O, ,GZUNG BA DANG 'DZIN PA DAG GCIG PA NYID DU GANG SMRAS PA YANG, DE YANG GCIG 'DZIN PA NI GNYIS KYI RNAM PA 'DZIN PA NI SKYE BA DANG 'JIG PA DAG LA RUNG BA DANG MI RUNG BA NYID NI 'DZIN PAR BYED PA LAS GZHAN PA YOD PA DANG MED PA LA SOGS PA'I RGOL BA LA, ,DE'I LAN NI, SHES PA'I CHA THA DAD PA DANG, SNGA MA DANG PHYI MA'I SHES PA THA DAD PAS KYANG GZUNG BA DANG 'DZIN BYED NYID KYI NYE BAR BLANGS PAS, DE GSHA' MAR BYED PA'I BLO'I RGYU NI GZUNG BYA DANG 'DZIN BYED GCIG PAR 'DOD PA YIN NA, GCIG PA NYID KYI BDAG NYID LA DPE NI KHYED LA GANG NA YANG YOD PA MA YIN NO ZHES BYA BA'I GZHAN GYI 'DOD PA NYE BAR BRJOD NAS, DE LA NUS PA CAN DANG, DPE MED PAR NGES PAR BSTAN PA ZHES BYA BA LA SOGS PA YANG RNAL 'BYOR SPYOD PA'I THEG PA DANG RJES SU MTHUN PA MA YIN TE, NGES BZUNG MED PAS NGES 'DZIN MED, ,CES BYA BA NI, GZUNG 'DZIN GYIS STONG PA'I SHES PA NI DE KHO NA NYID GCIG PU YIN NO ZHES BYA BA NI DE RNAMS KYI LTA BA YIN PA'I PHYIR RO, ,DMIGS PA DANG BCAS PAR NGES LA, ,SNGO DANG DE BLO THA DAD MIN, ,ZHES BYA BA DANG, GZUNG 'DZIN GYI RNAM PA THA DAD PAS STONG PA NI DE KHO NA NYID YIN TE, THA MI DAD BAR NYE BAR DMIGS PA'I PHYIR RO ZHES BYA BA'I DON TO, ,STONG PA NYID DU GANG BSHAD PA JI LTAR YIN, KHO BO CAG GIS RNAM PA'I DBYE BA MA MTHONG BA'I PHYIR GZUNG BA DANG 'DZIN PA'I BDAG NYID GANG YIN PA RNAM PAR DBYE BA KHAS BLANGS PA DE NI MED PA YIN NO ZHES BYA BA'I DON TO, ,DE'I PHYIR NYAMS SU MYONG BA NYID KHO NA SA SNGON PO LA SOGS PA DE LAS LDOG PA YANG DE'I RNAM PA DANG BRAL BAR MTHONG BA'I PHYIR THA MI DAD PAR SGRUB PAR BYED PA NI MNGON SUM DANG 'GAL BA YIN NO, ,BSGRUB BYA DANG 'BREL PAR MA MTHONG NA SGRUB BYED KYI RJES SU DPAG PA LA 'JUG PA YIN PA'I PHYIR RTAGS LA SOGS PA 'DZIN PAR BYED PA'I MNGON SUM LA RJES SU DPAG PA LTOS PA YIN TE, DES NA DE DANG 'GAL BA YIN GYI MNGON SUM NI DE LTA MA YIN NO, ,DE NI BDAG NYID DON GYI DE MA THAG PAR NGES PAR BYED NA, RANG GI YUL LA RNAM PAR GZHAG PAR BYED PA MA YIN TE, GANG GIS DE LAM 'GRUB PAR THE TSOM ZA BA

YIN NA, RJES SU DPAG PA LA LTOS PAR 'GYUR RO, ,'O NA CI ZHE NA, SO SOR SNANG BA NYID LAS SO, ,'DI SNGON PO'I ZHES BYA BA NI SO SOR SNANG BA LA THE TSOM ZA BA MA YIN NO, ,DE YANG KA BA'O ZHES BYA BA'AM RTZIG PA'O ZHES BYA BAR SHIN TU NGES PA'I BLO JI LTAR PHYIN CI LOG PAR 'GYUR ZHES SMOS PA'O, ,DANG PO LA NI LEGS PAR DPYAD PAS LAN THEBS PA YIN NO, ,GANG LAS 'GRO BA THAMS CAD KYI NYAMS SU MYONG BAR BYA BA NYID DU SNANG BA YIN LA, DES NA, BUD MED CIG GI LUS LA YANG, ,DKA' THUB PA DANG 'DOD LDAN KHYI'I, ,RO DANG 'DOD BYA BZA' BA STE, ,RNAM PAR RTOG PA RNAM GSUM 'BYUNG, , RNAM PA THAMS CAD PA'I DNGOS PO LA NGES PA'I BAG CHAGS KYI DBANG GIS THAMS CAD DON THAMS CAD 'DZIN PA NI MA YIN NO, ,DE BZHIN DU, SKAR MA RGYU SKAR CHOS GRANGS RNAMS, ,ZHES BYA BA LA SOGS PA'I RTAGS KYI BYE BRAG 'DZIN PA NI, SGRA'I DBYE BA'I THABS CAN DANG, DBYIBS DANG, SKYE GNAS KYIS KYANG 'GRIB PA DANG 'PHEL PA DANG DE GNYI GA'I DNGOS PO'I TSUL GYI RTAGS RNAMS KYIS BRJOD PAR 'DOD PA'I DBANG GIS SBYOR BA JI LTA BA BZHIN DU NGES PA NYID 'DZIN PA YIN GYI, THAMS CAD KYIS THAMS CAD NI MA YIN NO, ,DES NA DE LTAR NGES PA'I NGO BO GZHAN 'DZIN PA NI GZHAN SGRUB PAR BYED PA MA YIN PA GNOD PA MED PA DON DAM PA PA NI GZHAN LA MI LTOS PA'I PHYIR RO, ,MI BSLU BA CAN NYID NI DE LTA MA YIN TE, 'JIG RTEN PA NYID MA YIN PA LA YANG SKYON MED DE TSAD MA CAN NYID YIN PA'I PHYIR RO SNYAM DU SEMS PA LA, RANG LAS RANG GI NGO BOS RTOGS, ,ZHES BSTAN PA YIN TE, SNGON PO RANG GI NGO BO NYID NI RANG NYID LAS RTOGS PAR BYA BA YIN GYI, DE'I GZUNG BA NYID DAM 'DZIN PA NYID LAS NI MA YIN NO, ,BDE BA LA SOGS PA BZHIN DU 'DI NI SNGON PO'I SHES GZHAN NYID LAS RTOGS PA YIN NO ZHE NA, BDEN TE, MTHONG BA NI GZHAN NYID LAS GO BA MA YIN LA, RNAM PAR RTOG PA NI SNGON PO DE LA SNGON PO MA YIN PAR RNAM PAR GCOD PAS SAM MI SHES PA RNAM PAR GCOD PAS RJES SU 'GRO BA DANG LDOG PA DAG LAS GCIG BZUNG NAS THA DAD PA'AM GZHAN DU YANG SNANG BAR BYED PA NI BAG CHAGS KYI STOBS YIN PAR BRJOD DE, THA DAD PAR YANG 'DZIN PAR BYED PA YIN NO, ,DE NI DON YANG DAG

, ,PAR RIG PAR BYED PA YIN LA, BDAG NYID DANG SRE BAR BYED PA NI BDAG NYID DON DU SO SOR SNANG BA'I STOBS KYIS DON BZHIN DU BDAG NYID KYANG DE'I BYA BA'I RJES SU 'BRANGS NAS, BDAG GIS 'DI RIG GO ZHES BYA BAR 'GYUR RO, ,NYAMS SU MYONG BA'I MYONG BA NI DON NYAMS SU MYONG BA YIN NO, , NYAMS SU MYONG BA LA MI LTOS PA YIN NA THUG PA MED PA'I PHYIR DON NYAMS SU MYONG BAR MI 'GYUR RO, ,LKOG TU MA GYUR PA YANG DAG PAR RIG PA NI NGA RGYAL GYI YUL YIN LA, DE'I RGYU YANG DBANG PO LA SOGS PA YIN PA'I PHYIR DE DAG TZAM NI BDAG GI DNGOS PO YIN GYI CIG SHOS NI MA YIN TE, MI RTOGS PA'I PHYIR, DE YANG SKAD CIG MA RE RE LA GZHAN DANG GZHAN YIN TE, RGYU NYE BAR DMIGS BZHIN PA LA 'KHRUL PAS 'DI NYID NI PHYI ROL LO, ,'DI NYID NI PHYI ROL LO ZHES NYE BAR RTOGS PA YIN GYI, DES PHYI ROL GYI PHYOGS SU 'JOG PA YIN YANG PHYI ROL BAR SO SOR SNANG BA NI MA YIN TE, MTHONG BA LA DE LTA BU MI SNANG BA'I PHYIR RO; ,SNGON POR MTHONG BA NI PHYI ROL RIG PA MA YIN TE, THA MI DAD PAR RTOGS PA'I PHYIR RO, ,SNGON PO NYID NI SHES PA MA YIN TE, DE MED NA YANG SER PO LA SOGS PA YOD PA'I PHYIR RO, ,MA YIN TE, DE DAG THA DAD PA YIN NA DE LAS LDOG PA MA YIN PA'I SHES PA KHYAD PAR CAN YANG THA DAD PAR 'GYUR RO, , KHYAD PAR CAN YANG SNGAR NI DE DANG BRAL BA YIN LA, DBANG PO LA SOGS PA'I STOBS KYIS 'GYUR BA YIN NO, ,MA YIN TE, GNAS SKABS DE NI GANG NAS KYANG RNYED PA MA YIN TE, KHYAD PAR CAN GYI PHYI ROL YIN PA'I PHYIR RO ZHE NA, MA YIN TE, GCIG LA GCIG BRTEN PAR 'GYUR BA'I PHYIR TE 'DIR PHYI ROL YIN PA'I PHYIR KHYAD PAR CAN NYID DU GRUB PA YIN LA, GRUB PA DE YANG 'DI'I PHYI ROL NYID YIN NO, ,DBANG PO DANG YUL LAS GZHAN PA YOD PAR GYUR KYANG GANG MED NA SO SOR SNANG BA MI 'BYUNG BA YIN LA, DE NI 'DI'I YIN GYI SHES PA'I NI MA YIN TE, DE MA YIN PAS DRANGS PA NYID KYI PHYIR RO ZHE NA, MI RIGS TE, DE MA THAG PA'I SHES PA LAS GZHAN PA DE LAS GZHAN RTOGS PA MED PA'I PHYIR RO, ,SNGON PO'I SHES PA'I DE MA THAG PA'I SER PO'I SHES PA JI LTAR YIN, MA YIN TE, DE LA YANG SER PO'I SHES PA NYID DE MA THAG PA YIN PA'I PHYIR 'BA' ZHIG PO DE NI NYE BA MA YIN TE, 'DAS PA YIN NO, ,DE YANG MTSUNGS PA NI YOD PA MA YIN LA,

DE MA THAG PA NI BAR CHOD PA MED PA YIN TE, 'DI NI RIGS MTSUNGS PA'I DE MA THAG PA YIN NO, ,DE LTA BU LAS BYUNG BA NI BAG CHAGS LAS BYUNG BA YIN PAR BRJOD DE, SNGA MA DANG PHYI MA'I SKAD CIG MA RNAMS KYI 'BRAS BU DANG, RGYU NYID BAG CHAGS YIN LA, SKAD CIG MA NYID YIN PAR YANG SGRUB PAR BYED PAR 'GYUR RO, ,DRAN PA NI 'DAS PA'I NYAMS SU MYONG BA LAS 'BYUNG BA STE BAG CHAGS LAS 'BYUNG BA ZHES BRJOD DO, ,SAD PA PO MED NA JI LTAR BAG CHAGS LAS BYUNG BA YIN KHYED LA YANG MTSUNGS SO, ,KHO BO NI YUL DANG DUS LA SOGS PA'I RGYU MTSAN DU 'DOD DO ZHE NA, KHO BO YANG DER SNANG BA'I SHES PA RGYU MTSAN YIN NO, ,DE CI LAS YIN, KHYED KYI YANG CI LAS YIN, RANG GI RGYU LAS SO, ,KHO BO'I RANG GI BAG CHAGS YIN NO, ,SMON LAM LA SOGS PA 'JIG RTEN PA NYID KYIS SAD PA'I RGYU NI RNYED PAR DKA' BA YIN NO, ,DE SKAD DU YANG, GAL TE MTSUNGS PA DE MA THAG ,RKYEN LAS NGES PAR MI SMRA NA'O, ,ZHES GSUNGS PA'O, ,MTHONG BA NI GZUNG BYA NYID KYI SA RNAM PAR RTOG PA LAS DE'I YUL LA SNGON PO'I RNAM PAR RTOG PA LAS BZHIN DU RTOGS PAR 'GYUR GYI, RTAG PA'I RNAM PAR RTOG PA LAS NI MA YIN TE, 'KHRUL PA'I PHYIR RO, ,DE LA GZHAN DU MTHONG BA NI GNAS PA CAN YIN NO, , GZUNG BYA 'DZIN PA ZHES BYA BA 'DI LA YANG MTSUNGS SO, ,NYAMS SU MYONG BA NI RJES SU DPAG PA'I BSGRUB BYA MA YIN NO, ,DE LTA YIN NA SHES PA LA THA DAD PA NYAMS SU MYONG BA MED PA'I PHYIR DE'I BAG CHAGS SAM, RNAM PAR RTOG PA YANG MED DO, ,MA YIN TE, RNAM PAR RTOG PA GZHAN GYIS NYAMS SU MYONG BA'I PHYIR LA, DE YANG BAG CHAGS GZHAN LAS YIN ZHING, DE YANG RNAM PAR RTOG PA GZHAN LAS YIN TE THOG MA MED DO, ,MTHONG BA NI RANG GI BAG CHAGS LAS 'BYUNG BA MA YIN LA, DE BZHIN DU RNAM PAR RTOG PA YANG NGO ZHES STOBS MTSUNGS PA'I PHYIR GANG GIS GANG LA GNOD PA YIN, GNYI GA DAG GIS GNYI GA 'GRUB PA YIN NA, GNYIS MED PA NYID DAM CIG SHOS SU 'GYUR RO, ,MA YIN TE, DNGUL GYI RNAM PAR RTOG PA BZHIN DU MTHONG BA'I YUL LA RTOGS PAR BYED PA YIN LA, GNYIS MED PAR MTHONG BA NI NYA PHYIS BZHIN DU GNOD PA CAN YIN NO, ,DE BZHIN DU BZLOG PA DE DANG 'DRA BA'I

, ,NGO BO NI RNAM PAR RTOG PA NYID KYIS RTOGS PAR 'GYUR RO ZHE NA, MA YIN TE, MTHONG BA'I YUL YANG DE LAS BZLOG PA YIN PA'I PHYIR RO, ,BYA BA LAS YIN NO ZHE NA, DE LTA YIN NA RNAM PAR RTOG PA BYED PA POR GYUR BA'I PHYIR GCIG PA CAN CHEN PO NYID DU GSAL BAR BYAS PA YIN NO, , GCIG DNGOS GCIG GI RNAM PA ZHES, ,DBANG PHYUG GIS NI BSTAN PA MIN, ,ZHES BYA BA YIN NO, ,MA YIN TE, TSAD MAS GRUB PA'I PHYIR RO, ,GNYI GA SHES PA YIN NO ZHE NA, MA YIN TE, RANG DBANG DU MI RTOGS PA'I PHYIR RO, ,RGYAB RTEN GANG GIS MTHONG BA GNOD PAR BYED PA YIN, RE ZHIG GDON NI MED PA YIN LA, BAG CHAGS KYANG GNYI GA LA MTSUNGS PA YIN NO, ,MTHONG BAS RANG GI YUL LA RNAM PAR 'JOG PAR BYED NA BZLOG PA SEL BAR BYED PA'I PHYIR DANG, MA GSAL BA YIN NA RNAM PAR 'JOG PA MED PA YIN NO, ,MTHONG BAS NGO BO GZHAN MA MTHONG BA NYID NI RNAM PAR RTOG PA'I YUL YIN GYI; RANG DBANG NI MA YIN TE, DE NYID NI NGO BO GZHAN LA RTOGS PAR BYED PA'I PHYIR RO, ,MA YIN TE, NGO BO GNYIS PHAN TSUN RJES SU 'JUG PA MA YIN PAS GCIG MA YIN PA'I PHYIR DES RTOGS PA ZHES BYA BA NI RANG DBANG MA YIN PA'I PHYIR GNOD BYA NYID YIN NO, ,RNAM PAR BRTAG BYA'I BZLOG PA NI MTHONG BA LAS GZHAN PA NYID DU RTOGS PA MA YIN PA'I PHYIR MI 'GYUR RO, ,MTHONG BA'I BYA BA'I RJES SU 'JUG PA CAN NI SNGON PO'I RNAM PAR RTOG PA LAS YIN PA BZHIN DU, DE MA YIN PA YONGS SU SPANGS NAS 'JUG PA NI 'GAL BA MA YIN NO, ,DE NYID NI THOG MA MED PA'I BAG CHAGS LAS BYUNG BA'I RNAM PAR RTOG PAS PHYI ROL NYID DU SGRO BTAGS PA NA MTHONG BA NA MED DO ZHES ZER BA NI, BYE BRAG TU RAB TU MA GRUB PA LA SOGS PA RNAMS KYIS DMIGS PAR BYA BA MA YIN NO, ,'DIR SMRAS PA, DE NI RTOGS BYED BRJOD BYA NYID, ,TSAD MA PA LA RIGS MA YIN, ,TSAD MA LA LTOS MI DE NYID, ,DE LA LTOS PA MED PAR GNAS, ,ZHES BYA BA DE YONGS SU RTOGS PAR BYED PA'I SLOB MA RNAMS LA GTAN TSIGS KYIS STON PAR BYED PA YIN NO, ,BLO LA BRTEN NAS NYE BAR DMIGS PA NI SGRUB BYED BZHIN DU 'JUG PAR BYED PA MA YIN TE, MNGON SUM DANG 'GAL BA'I PHYIR RO, ,SGRUB BYED KYIS NI BSGRUB BYA LA

DMIGS PA LAS BYE BRAG MED PAS DMIGS PA MED PAR DAM 'CHA' BA LA GNOD PAR BYED PA MA YIN TE, DE MA YIN PA'I NGO BO YONGS SU SPANGS PAS RNAM PAR RTOG PA RNAMS 'JUG PAR MTHONG BA'I PHYIR DANG, PHYI ROL SNANG BA MA YIN PA'I PHYIR DANG, MNGON PAR 'DOD PA TZAM GYIS DE'I YUL NYID DU KHAS BLANGS PA DANG MI 'GAL BA'I PHYIR TE, RANG NYID LA DMIGS PA MA YIN PA NYID YIN NA KHAS BLANGS PA NYAMS PA YANG MA YIN NO, ,RANG NYID LA BYED PA 'GAL BAS SU YANG DE LTAR KHAS MI LEN PA'I PHYIR RO, ,DE NYID GSAL BA'I NGO BO GZHAN LA MI LTOS PA MI DMIGS PA MED PA'I PHYIR MI DMIGS PAR 'DOD DO, ,DE LTAR NA CHOS DANG CHOS CAN DANG GTAN TSIGS DANG DPE LA SOGS PA'I DBYE BA NI RNAM RTOG GI SPRUL PA NI DOR BYA MA YIN TE, 'GAL BA MED PA'I PHYIR RO, ,BDE BA LA SOGS PA NI 'DZIN BYED YIN LA, GZUNG BYA NI SNGON PO LA SOGS PA YIN NO ZHE NA, MA YIN TE; RNAM PAR RTOG PA MED PA DE DAG GI DE LTA BU NYID NYAMS SU MI MYONG BA'I PHYIR GNYIS PO ZHES BYA BA NI 'DI LTAR SNGON PO DANG SER PO BZHIN DU GZUNG BYA DANG 'DZIN BYED MA YIN LA, RNAM PAR RTOG PA NI MI SLU BAS TSAD MA YIN NO, ,DE DAG NYID LA MI SLU BA NI MA YIN LA, BZLOG PA LA NI MTHONG BA'I PHYIR MI SLU BA YIN NO, ,DE LTAR NA PHYI ROL NYID MA GRUB PA'I PHYIR DON GYI SHUGS KYIS 'DZIN PAR BYED PA'I RNAM PAR RTOG PA SPANGS PA YIN NO, ,RGYUR BRTAGS PA LAS NI DBANG PO 'AM BAG CHAGS KYANG RUNG RGYU YIN NO ZHES BYAR BAR YANG BZUNG BA CI YANG ZHES BYA BAS BSHAD ZIN TO, ,THE TSOM MA MA NGES PA MA YIN PA YIN NA, SHES PA'I NGO BO'I NGES PA LAS DON GYI DBYE BA NI MI RIGS TE, GZUNG BA ZHES BYA BA'I SPYI TZAM DU NGES PA YIN LA, CI YANG ZHES BYA BA NI KHYAD PAR GYI NGO BOR MA NGES PA YIN PA'I PHYIR RO, ,SPYI TZAM DU NGES PA YIN YANG GDON MI ZA BAR KHYAD PAR DU NGES PA NI MA YIN NO, ,THAG RIG POR SHING DU NGES PA YIN YANG, SHING DHA BA LA SOGS PAR NGES PA MA YIN NO, ,SHES PA YANG SHES BYA RNAMS KYI THUN MIN LA, SPYI NI DE MA YIN PA LA SA LOG PA'I PHYIR DE DANG LDAN PA LAS GZHAN MA YIN NO, ,GAL TE MI SHES PA LAS LOG PA NI SHES PA LAS GZHAN MED

, ,NA JI LTAR YIN, MA YIN TE, RTOG PA'I NYAMS SU MYANG BYA YOD PA'I PHYIR RO, ,MED PA'I RTOG PA CI 'DRA ZHIG ,RTOG PA YOD NA DNGOS POR 'GYUR, ,ZHES BYA BA YIN NO ZHE NA, 'DI LA SMRAS PA, RTAG PA DANG DBANG PHYUG LA SOGS PA'I RNAM PAR RTOG PA BZHIN DU MED PA LA YANG RTOG BA SKYE BA YIN NO, ,DE BZHIN DU RO DANG 'DOD PA BYA BA DANG BZA' BA DANG BUD MED DANG SKYES PA DANG MA NING LA SOGS PA'I THA SNYAD RNAMS JI LTAR GOMS PAS DE MA YIN PA'I NGO BO SPANGS NAS 'JUG PA YIN PAR BSHAD BAR BYA'O, ,TSOGS PA SNA MA CAN NYID NI, ,SHES BCAS YUL GYI SKAD CIG MA, , SNANG BAR BCAS PA'I GZUGS BZHIN BYED, ,DES NA LHAN CIG RIG PAR 'GYUR, ,ZHES BYA BA YIN NO ZHE NA, DE LAS CIR 'GYUR, GZUNG BYA LA SOGS PA'I RNAM PAR RTOG PA BKAG PA YIN LA, RNAM PAR RTOG PA MED PA NI GNYIS LAS SKYES PA BZHIN DU, PHAN TSUN BYED PA MA YIN PA'I PHYIR DE NI GNYIS MED PAR 'GYUR RO, ,RNAM PAR RTOG PA'I GZUNG BYA NI, PHYI ROL YANG YIN, NANG YANG MA YIN PA MA YIN NAM, DE BZHIN DU RTOG PA MED PA LA YANG YIN NO, ,DE'I 'DI NI GRONG DU RKUN PO BYED PA LAS DGON PAR SKYOBS SU RE BA LTA BU YIN TE, RTOG PA MED PA'I GZUNG BYA LA BSNYON PAR BYED NA RNAM PAR RTOG PA LA CI ZHIG KHUR CHEN PO YIN, MNGON PAR 'DOD PA TZAM NI MNGON PAR 'DOD BZHIN PA'I YUL NYID YIN PA LA BAR CHAD YOD PA YIN TE, BAR CHAD YOD PA'I YUL GZHAN MI DMIGS PA'I PHYIR RO, ,DE LTAR NA SHES PA NYID KYANG BDE BA LA SOGS PA BZHIN DU GCIG GI LKOG TU MA GYUR KYANG GZHAN GYI LKOG TU GYUR PA YIN TE, DE MA YIN PA'I RGYUD LA YOD PA'I PHYIR RO, ,THAG RING BA DANG NYE BA GNAS PA DAG GI GSAL BA DANG CIG SHOS SU SNANG BA DU MA NYID YIN LA, GCIG TU MNGON PAR 'DOD KYANG DE'I BYA BA MI BYED PA RNAM PAR BCAD PAS, SKYES BU NYID KYI BDE BA YIN PA LA SKYON MED DO, , DE NYID KYIS NA RANG LAS GZHAN GYI NYAMS SU MYONG BA MA YIN PA'I PHYIR RAM, NYAMS SU MYONG BA LA YANG RUNG SHES PA'I DUS KYI SHES PA THAMS CAD THUN MONG BA NYID YIN PAS, 'JUG PA'I YUL MA YIN PAS, PHRAD BYA MA MTHONG BA LAS THE TSOM YIN PA'I PHYIR GNOD PA MED PA NYID MED PAS DE DANG

'BREL PA CAN NYID KHO NA 'JUG PA'I YAN LAG GI TSAD MA NYID YIN TE, TSAD MAS GRUB PA YIN SNYAM DU DGONGS PA'O, ,YANG NA TSAD MA MI SLU BA CAN ZHES BYA BA STE, GZHAN LAS TSAD MA NYID YIN PA RAB TU BSGRUBS NAS, RANG LAS TSAD MA THAMS CAD KYI, ,TSAD MA NYID CES GZUNG BAR BYA, , ZHES PA SEL BAR BYED BA BSTAN PA NI RANG LAS RANG GI NGO BO RTOGS ZHES BYA BA YIN TE, TSAD MA NYID KYIS NI MA YIN NO, ,SNGAR BDAG NYID RIG PA NI DUS PHYIS 'BREL PA CAN NYID MI RIGS PA YIN NA PHYI MA YANG DE BZHIN DU MA YIN NAM, GZHAN LAS YIN NO ZHE NA YANG, DE YANG DE 'DRA BA KHO NA YIN NO, , DE 'DRA BA MA YIN NA DE DANG 'DRA BA SNGA MA YANG YIN PA'I PHYIR GNOD PA MED PA NYID JI LTAR TSAD MA NYID MA YIN, PHYI MA DANG 'BREL PA CAN NYID SNGA MA'I RANG GI NGO BO YIN PA'I PHYIR DE RIG PA NYID KYIS RIG PA MA YIN NAM, DE'I TSE 'DI'I NGES PA 'BA' ZHIG NI MED PA'I PHYIR SHES PA PHYI MAS NGES PAR BYED BA YIN GYI 'DZIN PAR BYED PA NI MA YIN NO, ,DON GYIS RANG GI NGO BO GCIG ,BDAG NYID MNGON SUM YIN PA LA, ,TSAD MA RNAMS KYIS BRTAG BYA GANG, ,MA MTHONG CHA GZHAN CI ZHIG YOD, ,DE PHYIR DNGOS PO MTHONG BA YIS, ,YON TAN MTHA' DAG MTHONG BA NYID, ,CES 'CHAD PAR 'GYUR BA'O; ,DES NA 'DI LTAR GOMS PA YOD NA RTOGS PAR NGES PA NI, RANG NYID KHO NA LAS YIN PA'I PHYIR DE LA NGES PA'I DON DU YANG GZHAN LA LTOS PA MA YIN LA, GANG DU GZUNG BA LA YANG PHYIN CI LOG TU NGES PAS BSGRIBS PA NI NYA PHYIS LA DNGUL GYI SHES PA BZHIN DANG, MI RTAG PA LA RTAG PA'I SHES PA BZHIN DU DE LAS GZHAN PA NYID TSAD MA YIN GYI SNGA MA NI MA YIN TE, BYA BA YONGS SU MA RDZOGS PA'I PHYIR RO, ,'DI YANG, GZUGS CHOS MTHUN PA MTHONG BA LAS, ,NYA PHYIS LA DNGUL RNAM PA LTAR, GAL TE 'KHRUL PA'I RGYU MTSAN GYIS, ,YON TAN GZHAN SBYOR MI BYED NA, ,'KHRUL PAS NGES PAR MI BYED PAS, ,SGRUB PA RAB TU 'JUG PA YIN, ,ZHES KYANG 'CHAD PAR 'GYUR BA'I THE TSOM NI TSAD MA'I BYA BA LA GNOD PAR BYED PA MA YIN NO, ,DE LTA YIN NA DU BA DANG LDAN PA LAS ME DANG LDAN PA NYID LA MER MI RIG PA NI RANG NYID LAS SHES PA YIN PAR 'GYUR RO, ,'ON TE ME LA LTOS NAS

, ,DE DANG LDAN PA NYID YIN LA, DE MI 'DZIN PAR BYED YIN TE, GZHAN LA LTOS PA'I RIG PA NI PHYIN CI LOG TU SGRO BTAGS PAS BAR DU BSGRIBS PA YIN NO, ,DE LTA YIN NA PHYIN CI LOG TU SGRO BTAGS PAS BAR DU CHOD PAS DE DANG LDAN PA NYID RIG PA JI LTAR MA BSGRIBS PA ZHES BYA BA YIN, THAG RING BA LA NI SHIN TU 'DZIN PA YIN YANG DE'I BYE BRAG SHING DHA BA DANG SHING PA LA SHA YIN ZHES BYA BA LA NI, THE TSOM GYIS NON PAS GZHAN LA LTOS PA NYID KYI THE TSOM TZAM MAM, DE LAS GZHAN GYIS SPONG BAR BYED PA MA YIN TE, SHING DHA BA LA SOGS PAR SNGAR MA RIG PA'I PHYIR RO, ,DE NYID SHING DHA BA YIN NO ZHE NA, MA YIN TE, DE NYID DU ZHEN PA MED PA'I PHYIR RO, ,PHYIS ZHEN PA YIN NO ZHE NA, GANG MTHONG BA LAS DE BZHIN DU ZHEN PA YIN LA, DE NI BYE BRAG GZHAN YIN TE, MTHONG BA NYID MTHONG BA LAS LAG PA LA SOGS PA LTA BU'O, ,MTHONG BA NYID DU RIG PA NI LAG PA LA SOGS PA RIG PA MA YIN TE, THE TSOM MED PAR THAL BAR 'GYUR BA'I PHYIR RO, ,GCIG NYID LA NI DE BZHIN DU 'GYUR LA, 'DI NI NYA PHYIS KYI SHES PA BZHIN DU 'GYUR TE, NYA PHYIS LA YANG DNGUL LAS BYE BRAG YIN LA, DNGUL LA'AM DE LAS BYE BRAG TU BZUNG BA YIN NA, GNOD PA CAN GYI SHES PA BZHIN DU SGRO BTAGS PA MED PAR THAL BAR 'GYUR RO, ,DE'I PHYIR GANG LAS PHYIS 'BYUNG BA NI BYE BRAG 'DZIN PA LA NGES PA YIN GYI, DE LA SNGAR NI DE 'DZIN PA MED PA YIN TE, DRUG LDAN LA SOGS PA 'DZIN PA LTA BU STE, MA GOMS PA NA RDUL LDAN LA SOGS PA'I BYE BRAG RIG PA MA YIN NO, ,DE'I TSE RIG PA MA YIN NA DBANG PO'I BYA BA YOD KYANG PHYIS JI LTAR RIG PAR BYED PA YIN TE, BYE BRAG MED PA'I PHYIR RO, ,DBANG PO'I BYA BA BYE BRAG TU MI 'GYUR DU ZIN KYANG YID NI GOMS PA YIN NA, BYE BRAG CHAN POR 'GYUR RO, ,DBANG PO LAS SKYES BA NI MNGON DU BYED PA YIN NA, JI LTAR YID KYIS BYED PA YIN, MTHONG BA'I PHYIR SPANGS PA MA YIN NO, ,DBANG PO MED KYANG 'BYUNG BA NI GZHAN GYI TSE YANG YIN NA NGES BSKYED PAR JI LTAR 'GYUR, BDEN TE, 'DI'I TSE YANG YID NYID DNGOS KYI RGYU YIN LA, DBANG PO NI RJES SU

'JUG PA YIN NO, ,DE NI DES CHOG GO, ,DE SKAD DU YANG, TSAD MA RNAM PAR NGES PA LAS, DE LTAR RAB TU BSGRUBS PA NI RJES SU DPAG PA NYID 'DOR BA MA YIN TE ZHES SMOS PA LA, MI SLU BA LA SOGS PA'I KHYAD PAR YOD PA'I SGO NAS THOB PAR BYA BA LA TSAD MA NYID NI RJES SU DPAG PAR BYA BA YIN GYI, MNGON SUM DU NI MA YIN TE, GZHAN LA LTOS PA'I PHYIR RO, ,GONG DU YANG MI SLU BA DANG, SLU BA LA SOGS PAS DMIGS PA NI GZHAN GYI DBANG YIN PAR BSTAN PA DE LA YANG SKYON YOD PAR BSTAN PA YIN NO ZHES BYA BA'I DON TO, ,DE LTA YIN NA BYE BRAG DE SNGAR SHIN TU MA BZUNG BA YIN NO, ,DE LTA NI CI ZHIG BZUNG BA YIN, SPYI YIN NO, ,CI DA LTAR GYI KHAS LEN PA YIN NAM, BDEN TE, DE NYID SHES PA'I SO SOR SNANG BA KHYAD PAR DU BA'I THUN MONG BA'I SPYI YIN TE, THAG RING POR YAL GA LA SOGS PA CAN DU SNANG BA LTA BU'O, ,DE YANG, RTAGS NI SPYI YI YUL CAN DU, ,SNGAR BSTAN THA DAD MIN GNAS PHYIR, ,ZHES BYA BA DANG, GZUGS CHOS MTHUN PA MTHONG BA LAS ZHES KYANG GSUNGS PA'O, ,GANG DU RIG PAR BYED PA NI GZHAN LA LTOS PA MA YIN TE, SKAD CIG MA NYID KYI SHES PA TZAM LA SOGS PA LA'O, ,DE LA NI MNGON SUM NYID LAS TSAD MA YIN LA, THOG MA MED PA LA SOGS PA'I DUS KYI MA RIG PA'I SA BON GYI RJES SU 'BRANGS NAS THA SNYAD 'DOGS PA PO YUL MTHONG NAS YUL CAN LA 'JUG PAR BYED PA NI SKYED BYED NYID DU RJOD PAR BYED PA NYID LA 'JUG PA LTA BU YIN PA'I PHYIR SNGA NA MED PA SGRUB PAR BYED PA NI MA YIN NO, ,'DI LA YANG TSAD MA RNAM PAR NGES PA LAS, GZHAN NYAMS SU MYONG BA'I YUL RNAMS LAS ZHES SMOS PA STE, YUL RIG PAR BYED PA LA GZHAN LA LTOS PA MED PA RNAMS LAS ZHES BYA BA'I DON TO, ,YUL YANG RANG GI NGO BO NYID YIN NO, ,DE NYID NI, DON GYI RANG GI NGO BO GCIG CES BYA BA LA SOGS PA YANG DON 'DI NYID YIN PAR SHES PAR BYA BA'I RANG DBANG DU NI MA YIN NO ZHES BYA BA NI, 'DIR 'DI'I DON YIN ZHES BYA BA'I DON TE, GCIG STE GZHAN LA MI LTOS PA'I DON GYI RANG BZHIN TE RANG GI NGO BO'I KHONGS SU GTOGS PA NI MNGON SUM STE, RAB TU GSAL BA'I NGO BO LA SKAD CIG MA NYID LA

, ,SOGS PAR RTOGS PA YIN NA, GZHAN TE, NGO BO GZHAN MA RTOGS PA'I RGYU MTSAN YOD PA MA YIN PA NI GANG SHES PAR BYED PA'I MTSAN MA GZHAN BTZAL DGOS PA'O, ,DE LTA YIN NA SU ZHIG TSAD MA GZHAN TSOL BAR BYED PA YIN PA LDOG PA'I SGO NAS BSTAN PA NI, MI BYED NA ZHES BYA BA LA 'KHRUL PA'I RGYU MTSAN GYI TE, ME LA SOGS PA DANG BRAL BA'I RI LA SOGS PA MTHONG BA LAS SAM, THAG RING BAR SHING DHA BA LA SOGS PA'I KHYAD PAR DANG BRAL BA'I SHING TZAM DU MTHONG BAS SAM, PHYI MA DANG 'BREL PA DANG BRAL BA'I SNGA MA MTHONG BAS KYANG RUNG STE, DE LAS GZHAN PAS MI GNOD PAS PHYIN CI LOG TU SGRO 'DOGS PA YIN NA KHYAD PAR DU 'DOD PA BSGRUB BA'I DON DU TSAD MA GZHAN TSOL BAR BYED PA YIN ZHES BYA BA'I DON TO, ,GANG DU YANG GZHAN LA MI LTOS PA DER YANG THOG MA MED PA'I PHYIN CI LOG GI BAG CHAGS LAS BYUNG BA'I MNGON PAR 'DOD PAS BSLUS PA YIN PAS THA DAD DU MI BYED PA THA SNYAD LA 'JUG PAR BYED PA YIN PAR BSTAN PA NI, DE PHYIR DNGOS PO MTHONG BA YIS, ,YON TAN THA DAD MTHONG BA NYID, ,'KHRUL PAS NGES PAR MI BYED PAS, ,BSGRUB PA RAB TU 'JUG PA YIN, ,ZHES GSUNGS PA'O, ,DE'I PHYIR PHYI MA DANG 'BREL BA CAN NYID NI SNGA MA'I RANG GI NGO BO MA YIN ZHING RANG LAS NI MI RIGS PAS RIG PAR BYED PA LA LTOS PA YIN GYI, DE YANG YOD PA MA YIN PA'I PHYIR TSAD MA DANG CIG SHOS KYI RNAM PAR DBYE BA NUS PAR 'GYUR RO SNYAM DU SEMS PAS, 'O NA JI LTAR TSAD MA NYID CES BYA BA LA SMRAS PA LA, LAN DU, THA SNYAD LAS NI TSAD MA NYID, ,CES BYA BA SMOS TE, 'JIG RTEN PA'I THA SNYAD NI 'KHOR BA BZHIN DU YOD PA YIN LA, TSAD MA DANG CIG SHOS KYI RNAM PAR DBYE BA YANG YOD PA'I PHYIR DE NI DE LAS 'GRUB PAR BRJOD PA YIN NO, ,MNGON SUM LA SOGS PA NI THA SNYAD KYI GZHI MA YIN TE, DES GRUB PA NI TSAD MAS RIG PA MA YIN PA'I PHYIR BAG CHAGS NYID NI GZHI YIN NO, ,DE YANG RNAM PAR RTOG PA'I BAG CHAGS KYIS GZHAG PA YIN ZHES BSTAN ZIN TO, ,BAG CHAGS LAS BYUNG BA YIN YANG NYAMS SU MYONG BA NYID NI SNGA MA NYID DAM, PHYI MA NYID KYIS AU LE KHA TI SRE BAR BYED BA'AM,

'BYED PAR BYED PA YANG RUNG STE, BAG CHAGS DANG NYAMS SU MYONG BA DANG 'BREL BA'I PHYIR RO, ,NYAMS SU MYONG BA DANG 'BREL PAR CI LAS YIN ZHES BSHAD ZIN TO, ,NYAMS SU MYONG BA DANG 'BREL PA'I BAG CHAGS LAS BYUNG BA NI JI LTAR NYAMS SU MYONG BA 'DZIN PA YIN GYI RNAM PAR RTOG PA'I BAG CHAGS LAS NI MA YIN TE, BRDZUN PA 'DZIN PA'I NUS PA LAS SO, ,RANG GI NGO BO MA 'DRES PA, ,DE RNAMS RTOGS PAS 'DRES PAR BYED, ,CES BSTAN PA YIN NO, ,DE LTA BU DE NI PHYI MA DANG 'BREL PA CAN GYI SNGA MA NYID KYI'AM, DE DANG BRAL BA NYID KYANG RUNG STE, THA SNYAD KYI RNAM PAR RTOG PAS GRUB PA YIN GYI, TSAD MAS NI MA YIN NO ZHES BYA BA'I DON TO, ,RANG GI NGO BO ZHES BYA BA SHES PA'I YIN GYI TSAD MA NYID KYIS NI MA YIN NO ZHES BYA BA'I DON RIGS PA GANG LAS SHES PA YIN ZHE NA, DE'I TSE TSAD MA NYID KYI RANG GI NGO BO RJOD PAR BYED PA NYID KHO NA RIGS PA DANG 'GAL BA NYID DU 'GYUR GYI, SHES BA'I RANG GI NGO BO RJOD PAR BYED PA NI MA YIN PAR BSTAN PA NI, GZHAN YANG THA SNYAD PA'I TSAD MA ZHES BYA BA STE, THA SNYAD LAS NI TSAD MA NYID, ,CES BYA BA 'DIS NI TSAD MA NYID KYI RANG GI NGO BO NYID NI THA SNYAD LAS GRUB PAR BSTAN PA YIN NO, ,DE MA YIN NA DE RJOD PAR BYED PA DON MED PA CAN DU 'GYUR RO, ,DE LTAR RJOD PAR BYED PA NYID LAS TSAD MA NYID NI RANG GI NGO BO LAS GZHAN PA YIN NO, ,RANG GI NGO BO RTOGS BZHIN PA DE DANG 'BREL PA CAN CHOS CAN GYI SHES PA'I NGO BO NYID DU BSTAN PA YIN NO, ,GZHAN NI DBANG BYED PA MA YIN ZHES BYA BA'I DON TO, ,NGES PAR BZUNG BA GNYIS PA BSTAN PA NI, 'DI LTAR GAL TE TSAD MA NYID CES BYA BA'O, ,GANG GIS DE MA THAG TU DON BYED PA NYAMS SU MYONG BA DE'I SHES PA NI, DE DANG 'BREL PA CAN NYID TSAD MA NYID YIN PAR THA SNYAD CES BYA BAR RNAM PAR RTOG PA GANG YIN PA LAS GRUB PA YIN LA, GANG LA DE MED PA DE LA JI LTAR THA SNYAD KYIS GRUB PA YIN SNYAM DU SEMS PA LA, DE PHYIR THA SNYAD TZAM DU ZHES BYA BA SMOS TE, DE YANG THA SNYAD TZAM STE, DON BYED PA DANG 'BREL PA 'DZIN PAR BYED PA'I RNAM PAR RTOG PAS RAB TU GRUB PA STE, BSKYED PA NI DE DANG 'DRA BAR MTHONG BA'I RTAGS LAS BYUNG BA RJES SU DPAG PA'I TSAD MA GANG YIN PA DE LA BRTEN NAS

, ,GRUB PA NI DON BYED PA 'BREL PA STE, GZHAL BYA LA BRTEN NAS 'JUG PA YIN ZHES BYA BAR SBYAR RO, ,DE NI 'DI YIN NO ZHES BYA BA NI TSAD MA'I NGO BO BSTAN PA YIN LA, MTHONG BAS ZHES BYA BA NI GZHAL BYA BSTAN PA YIN TE, MIG GI RNAM PAR SHES PA LA SNANG BA 'DAS PA'I DON BYED PA LA DMIGS NAS SA PHYOGS DE NYID KYI DE SGRUB PAR BYED PA NYID DU RJES SU DPOG PA YIN NA 'JUG PA'I YUL DU GYUR PA YIN ZHES BYA BA'I DON TO, ,GAL TE SNANG BA'I DON BYED PAR SGRUB PAR BYED PA NYID DU RTOGS NAS 'JUG PA YIN ZHES BYA BAR NI MI RIGS SO, ,'O NA CI ZHE NA, DE NYID MTHONG BA DE NYID PHRAD BYA YIN NO ZHES NGES PAS 'JUG PAR BYED PA YIN PA'I PHYIR RO, ,'ON TE MTHONG BA'I BYA BA'I RJES SU 'BRANGS NAS THA DAD PAR RNAM PAR DPYOD PAS BSGRUB BYA NYID DANG, SGRUB BYED NYID DU BRJOD DO, ,DE LTA NA YANG MTHONG BA NI RANG GI NGO BO'I MTHAR THUG PA YIN PA'I PHYIR SGRUB PAR BYED PA NYID NI MA YIN TE, DES RTOGS PAR BYA BA'I TSAD MA NI SGRUB BYED NYID KYI SHES PA YIN NO SNYAM DU SEMS PA NI, GAL TE MTHONG BAS NI ZHES BYA BA'O, ,GZHAN YANG THA SNYAD DU NI GCIG PA'I PHYIR ZHES BYA BA'O, ,GAL TE YANG MTHONG BAS NI DE SGRUB PAR BYED PA'AM CIG SHOS KYANG RUNG RTOGS PAR BYED PA MA YIN YANG MTHONG BA DANG LHAN CIG BYED PA'I BAG CHAGS LAS BYUNG BA NYID NI ME DANG DU BA BZHIN DU RJES SU 'GRO BA DANG LDOG PA YIN PAR RTOGS PAR BYED PA YIN LA, DE NYID NI DE SGRUB PAR BYED PA YIN TE, DE DANG TSOGS PA GCIG PA'I SGRUB BYED NYID DAM DE DANG YUL GCIG PA LA SOGS KYI RGYU MTSAN LA BRTEN NAS DE DANG GCIG PAR THA SNYAD 'DOGS PA PO SEMS PA YIN LA, DE'I BSAM PAS MTHONG BA DE NYID, 'THOB BYA DE NYID YIN PAR BRJOD DO, ,RTOG GE BA'I RNAM PAR RTOG PA TZAM GYI YUL NI RJES SU 'GRO LDOG LAS BYUNG BA DE SGRUB PAR BYED PA YIN LA; PHA ROL POS BRTAGS PA'I YAN LAG CAN LA SOGS PA 'GEGS PAR BYED PA YANG YIN GYI, GANG DU 'DI LTA BU'I RGYU MTSAN DANG BRAL BA RNAM PAR RTOG PA TZAM NI, ME'I SBYIN SREG LAS MTHO RIS THOB PA YIN ZHES ZER BA BZHIN DU, DE NI TSAD MA MA YIN ZHES BYA BA'I DON TO, ,MNGON

SUM LA SOGS PA TSAD MAR MNGON PAR 'DOD PA'I RANG GI NGO BO NYAMS SU MYONG BA YIN NA, DON BYED PA NYAMS SU MYONG BA NI, RIG BYED LA SOGS PA'I RNAM PAR RTOG PA LAS BYE BRAG TU BSTAN PA MA YIN NAM, DE YANG RES 'GA' BA NYID YIN PAS RNAM PAR RTOG PA TZAM LAS MI SRID DO, ,KHYAB PAS TSAD MAR MNGON PAR 'DOD PA DE LA YANG, DE YOD PA MA YIN PA'I PHYIR BYE BRAG MED BA YIN NO SNYAM DU SEMS PAS ZER BA NI, GAL TE DON BYED PA THOB PAR BYED PA NYID KYIS SHES PAR BYA BA'O, ,TSAD MA'I THOB PAR BYED PA NYID NI SHES PAR BYED PA NYID MA YIN NAM, DE JI LTAR BYED PA PO NYID YIN PAR SEMS PA NI, DON MED NA NI MED PA'I PHYIR ZHES BYA BAS DON MED NA MI 'BYUNG BA CAN NYID YIN PAR SEMS PAS DE LTA NA YANG DON GYI 'BRAS BU ZHES BYA BAR SMRA BAR RIGS PA YIN LA, JI LTAR DON GYI BYED PA PO YIN ZHES BYA BA'O, ,GDON MI ZA BAR 'BYUNG BAR 'GYUR BA'I 'BRAS BU NI RGYU NYID YIN NO ZHES BYA BA'I BSAM PA YIN PAS SKYON MED DO, ,DE'I PHYIR DON MED NA MI 'BYUNG BA NYID SHES PA'AM, DON MED NA MI 'BYUNG BA NYID KYANG NGO ZHES BYA BA'I DGONGS PAS, SHES PAR BYED PA PO DANG, DON BYED PA PO ZHES BYA BA'I RNAM PAR DBYE BA MED DO, ,GCIG GIS 'DOD PA'I LAN NI, 'BRAS LA THE TSOM YOD CES TE, ,ZHES BYA BA YIN NO, ,'DI NI CHU YIN NO ZHES BYA BA TZAM NI THA SNYAD MA YIN TE, KHRUS TZAM MAM, BTUNG BA'AM ZHES BYA BAR YANG MTHONG BA'I PHYIR RO, ,DE LTA YIN NA DE NYID DU, DE DANG 'BREL PA CAN NYID RIG PAR 'GYUR GYI, CHU BO ZHES BYA BA NI MA YIN NO, ,MA YIN TE, KHRUS LA SOGS PA LA NUS PA CAN DU BRJOD PA'I PHYIR DANG, GZHAN 'DOD PA MA YIN PA'I PHYIR RO, ,MI 'DOD PA NI RGAN PO RNAMS KYI YANG THA SNYAD KYI YUL MA YIN NO, ,DE YANG, DE RNAMS THAR PA SGRUB BYED PAR, ,RTAG PAR RIG BYED LAS RTOGS TE, ,DE DANG 'DRA BAS CHOS NYID YIN, ,ZHES KYANG SMOS PA'O, ,DE LTA YIN NA 'DI NI CHU'O ZHES BYA BA LA SOGS PA'I SHES PA'I YUL NI DON BYED NUS PA'I DNGOS PO YIN GYI DON BYED PA NI MA YIN PA'I PHYIR RO, ,JI LTAR DE DANG 'BREL PA'I TSAD MA NYID YIN, DNGUL GYI SHES PA NI NYA PHYIS LA MI SLU BA CAN MA YIN LA, NOR BU'I 'OD LA NOR BU'I SHES

, ,PA NI DON BYED PA LA MI SLU BA YIN PA'I PHYIR TSAD MA NYID DU 'GYUR RO, ,'ON TE DON NI SREG PA LA SOGS PA YIN LA BYED PA NI BYA BA BYED PA YIN NO, ,BYED PA PO NYID NI ME'I NGO BO YIN LA, DE LA YANG MNGON SUM LA SOGS PA MI SLU BA CAN NYID YIN TE THAL CHES PA NI MA YIN NO, , LAN NI, 'BRAS LA THE TSOM YOD CES TE, ,ZHES BYA BA STE, 'DOD PAS THABS NYID SHES PA NI 'JUG PA'I YAN LAG YIN TE, THABS LAS BYUNG BA LAS THE TSOM ZA BA YIN YANG THABS NYID LA MA NGES PA NYID MA YIN TE, MTHONG BA GNYIS LA SOGS PA'I DE'I NGO BO NYID LA NGES PA YIN PA'I PHYIR RO, ,THE TSOM LA NI TSAD MA NYID DU KHAS MI LEN PA YIN NO, ,'DIR SMRAS PA, SKYES BU 'JUG DANG LDOG BYED KUN, ,ZHES BYA BA STE, THABS NYID LA NGES PA LAS TSAD MA NYID YIN NA NI RIG BYED LAS BYUNG BA LA YANG 'GYUR RO, ,MNGON SUM LA SNANG BA NYID KYIS TSAD MA YIN LA, RJES SU DPAG PA CAN MTHONG BA LAS SGRUB BYED DU NGES PA LAS SO, ,RIG BYED LAS BYUNG BA NI DNGOS SU MTHONG BA LAS MA YIN LA, NGES PA CAN MTHONG BA LAS NGES PA YANG MA YIN NO ZHE NA, MA YIN TE, ME'I PHUNG PO LA SOGS PA MTHO RIS KYI THABS NYID DU NGES PA'I PHYIR DE'I NGES PA YANG KHA CIG TU MTHONG BA LAS NGES PA MTHONG BA YIN PA'AM, KHA CIG TU RGYU SKYON CAN MA YIN PA'I PHYIR RGYU'I SKYON MED PA NI RIG BYED SKYES BUS BYAS PA MA YIN PA'I PHYIR RO, ,NGES PA CAN MTHONG BA KHO NA LAS NGES PA NI MA YIN TE, GZHAN DU YANG MTHONG BA'I PHYIR RO, ,MTHONG BA YANG TSAD MA YIN PA NI THABS LAS BYUNG BA LA THE TSOM YIN YANG DE NI DON GYIS THABS NYID RIG PA YIN NO, ,JI LTAR NGES PAR BYED CE NA, DE NI CIG SHOS LA YANG MTSUNGS SO, ,DE LA THABS LAS BYUNG BA KHA CIG TU MTHONG BA YIN LA, GZHAN DU NI DE DANG 'DRA BA MTHONG BA LAS NGES PAR BYED PA YIN NO ZHE NA, DE LTA YIN LA THABS LAS BYUNG BA NGES PA NYID LAS TSAD MA NYID DU GYUR PA YIN LA, RIG BYED LAS NI THABS LAS BYUNG BA MA MTHONG BA LAS NA THAMS CAD JI LTAR NGES PAR BYED PA YIN, 'ON TE GNYI GA YANG RIG BYED NYID LAS NGES PA YIN LA, RGYU'I SKYON MED PAS RJES SU DPAG PA BZHIN DU TSAD MA YIN NO, ,MA YIN TE, RJES SU DPAG PA NI

MTHONG BA DANG CHOS MTHUN PA NYID KYIS TSAD MA YIN PA'I PHYIR RO, ,RIG BYED LA NI MTHONG BA DPER BYA BA GANG NA YANG MED DO, ,SNGAR MTHONG BA KHO NA MTHONG BA NYID YIN NO ZHE NA, MA YIN TE, RANG GI NGO BO MA MTHONG BA'I PHYIR RO, ,MNGON SUM LA YANG DON BYED PA'I NGO BO MTHONG BA MA YIN NO, ,DE DANG 'BREL PA NGES PAR BYED PA YIN NO ZHES SNGAR BSTAN PA YIN TE, 'BREL PA NI DON BYED PA'I NGO BO NYE BA YIN LA, DE NYID KYIS NA THA SNYAD GRUB PA YIN NO, ,DE LTA YIN NA RIG BYED LA YANG DE'I NGO BOR THA SNYAD LAS GRUB PA'I PHYIR MI MTHUN PA MED DO, ,RGYU'I SKYON MED PAR JI LTAR NGES PA YIN, SKYES BUS BYAS PA MA YIN PA NYID KYIS DE'I SKYON 'PHO BA NI MI SRID PA'I PHYIR RO, ,RAB RIB CAN GYI SHES PA LA YANG SKYON 'PHO BA MED PA'I PHYIR TSAD MAR 'GYUR RO, SGRA LA NI RIG PA 'DI YIN TE, 'DI LTAR SKYES BU'I SKYON YOD PA DANG MED PA DAG GIS TSAD MA DANG CIG SHOS NYID YIN LA, BDAG NYID LA NI GZHAN DU YIN NO ZHE NA, DE LTA NI MA YIN TE, SKYES BUS BYAS PA LA NI DE'I SKYON MED PA DANG YOD PA DAG GIS TSAD MA DANG, CIG SHOS DAG RIGS PA YIN NA, SKYES BUS MA BYAS PA'I RIG BYED LAS BYUNG BA'I MNGON SUM LA SOGS PA LA NI RANG LA SKYON MED PA DANG YOD PA DAG KHO NAS TSAD MA DANG CIG SHOS NYID YIN PA'I PHYIR SKYES BUS MA BYAS PA NYID LA YANG RANG LA YOD PA'I SKYON MED PAR MA NGES PA MA YIN NO, ,SGRA LAS BYUNG BA NYID KYIS MTSUNGS PA YIN YANG SKYES BUS BYAS PA MA YIN PA LAS NI MA YIN NO ZHE NA, SHES PA NYID KYIS YIN PAR NI MTSUNGS PA YIN LA, RAB RIB CAN LAS SHES PA NI MA YIN TE, RIG BYED KYIS RIGS PA RAB RIB CAN LA YANG YIN PAR 'GYUR RO, ,THABS KYI NGES PA CAN NYID KYIS 'JUG PA'I YAN LAG MA YIN PA NI RTOGS PA'I MTSAN NYID KYIS NGES PAR RTOGS PA LA YANG 'JUG PA MA YIN TE, 'JUG PAR MI 'DOD PA MED PAR THAL BAR 'GYUR PA'I PHYIR RO, ,'ON TE DON BYED PA'I NGO BO MI RTOGS PA'I PHYIR DE'I DON DU 'JUG PA YIN NO ZHE NA, JI LTAR GZHAN DU RTOGS PA LA GZHAN LA 'JUG PA YIN, DES NA DE'I NGES PA NYID NI 'JUG PA LA SBYOR BAR BYED PA YIN GYI, THABS RTOGS PA NI MA YIN NO, ,'DI NI YOD PA

, ,MA YIN PA'I PHYIR 'JUG PA LA SBYOR BAR BYED PA MA YIN LA, SBYOR BAR BYED PA MA YIN PA THABS DE MA YIN PA NYID KYI NGES PA GZHAN DAG YOD KYANG DGOS PA CI YANG MED DO ZHES BYA BA'I DON TO, ,DON BYED PA SGRUB PAR BYED PA'I SHES PA LAS DUS PHYIS 'BYUNG BAR 'GYUR BA TSOGS PA GZHAN LA LTOS PA NI RES 'GA' YIN GYI, SGRUB PAR BYED PA'I SHES PAS NGES PAR BYED PA NI MI NUS PA MA YIN NAM, NUS PA YIN NA NI SGRUB PAR BYED PA NGES PAS DON BYED PA LA 'JUG PAR BYED PA YIN GYI, GZHAN DU NGES LA GZHAN LA JI LTAR 'JUG PA YIN ZHES BYA BA BRJOD BYA MA YIN TE, DRAN PA DANG MNGON PAR 'DOD PA DAG GI SKYED BYED YIN NA 'JUG PAR BYED PA NYID YIN PA'I PHYIR RO, ,DE YANG THA SNYAD 'DI NI SROG DANG BCAS PA TZAM YIN NO ZHES SMOS PA'O, ,SGRUB PAR BYED PA DMIGS PA YIN NA DE LAS DRAN NO, ,DE LAS 'DOD PA DANG 'JUG PA DANG PHRAD PA YANG YIN NO SNYAM DU SEMS PAS TSAD MAS NI DON SHES PAR BYA BA YIN GYI ZHES ZER BA LA LAN DU, GANG GI DON DU 'DI RTZOM PA, ,ZHES BYA BA'O, ,GAL TE NYAMS SU MYONG BA LA DRAN PA YIN NA, JI LTAR DE LA 'DOD PA'AM 'JUG PA YIN, DE SGRUB PAR BYED PAR 'DOD PA YIN NO ZHE NA, DE YANG THOB PA MA YIN NO, ,'ON TE DES BSGRUB PAR BYA BA DON BYED PA LA YIN NA, DE'I NGES PA CAN MA YIN NA DE LA DRAN PA'AM 'DOD PA JI LTA YIN PA BSAM DGOS SO, ,MA GRUB PA DE MA NGES PAS, ,BSGRUB BYA STE DON BYED PA'I NGO BO DANG 'BREL PA GANG GI YIN PA DE LTAR RO, ,SGRUB PAR BYED PA NGES PA YIN YANG DON BYED PA LA THE TSOM ZA BA LAS NI 'JUG PA NYID MA YIN TE, THOB BYA DON BYED PA LA SGRUB PAR BYED PA NYID DU MA NGES PA'I PHYIR DANG, RIG BYED KYI SHES PA LAS KYANG ME'I SBYIN SREG SGRUB BYED NYID DU NGES PA YIN NA, 'BYUNG BAR 'GYUR PA MTHO RIS KYI DON BYED PA LA THE TSOM ZA BZHIN DU 'JUG PAR THAL BAR 'GYUR RO, ,DE DANG 'DRA BA'I RJES SU DPAG PA LAS 'JUG PA YIN NO ZHE NA, MA YIN TE, 'DAS PA'I DON BYED PA SGRUB PAR BYED PA NYID NI MNGON SUM YIN PA'I PHYIR RO, ,GANG LA 'JUG PA DE LA TSAD MA MA YIN PA'I PHYIR THABS KYIS NGES PA NI 'JUG PA LA

SBYOR BAR BYED PA MA YIN NO ZHES BYA BA'I DGONGS PAS, GAL TE GSAL BAR BYAS PA'I ZHES BYA BA SMOS SO, ,'ON TE BYUNG BAR GYUR PA'I RJES SU 'BRANGS NAS 'BYUNG BAR 'GYUR BA'I DON BYED PA SGRUB PAR BYED PA NYID KHO NA SGRUB BYED KYI SHES PAS NGES PAR BYED PA YIN NO SNYAM DU SEMS PA NI, GAL TE DON BYA BA BYED PA ZHES BYA BA'O, ,DON SGRUB PAR BYED PA'I DNGOS PO NI 'BYUNG BAR 'GYUR BA'I DON BYED PA SGRUB PAR BYED PA'O, ,DON BYED PA NI SNGON PO LA SOGS NGO BO MTHONG BA LAS 'BYUNG BAR 'GYUR BA'I DNGOS PO GZHAN YIN NAM, ME LA SOGS PA LA NI REG PA YIN LA, CHU LA SOGS PA LA NI BTUNG BA DANG, KUN DU REG PA DAG YIN TE, DE LTA BU THAMS CAD SGRUB PAR BYED PA'I SHES PA NYID KYIS STON PA YIN NO, ,DE LTA MOD KYI DE NI SNANG BZHIN PA'I DON NGES PAR BYED PA NYID KYIS TSAD MA YIN LA, MA NGES PA LA NI SKAD CIG MA NYID BZHIN DU 'JUG PAR BYED PA MA YIN PA'I PHYIR TSAD MA YIN NO, ,NGES PA YANG 'DI NI SNGON PO'I ZHES SKAD CIG MA GANG LA MTHONG BA DE'I RGYUN YUL YIN PA'AM, DE DANG TSOGS PA GCIG PA CAN GYI BSKYED BYA'I RGYUN YUL YIN PA'O, ,MTHONG BA NI DE SKYED PAR BYED PA LAS DE DANG MTSUNGS PA'I YUL LA TSAD MAR 'GYUR BA YIN GYI, DE NI BDAG NYID DAM YUL YANG RUNG STE RJES SU DPAG PA BZHIN DU THOB BYA'I DE MA THAG PAR NGES PAR BYED PA LAS NI TSAD MA MA YIN NO, ,'O NA CI ZHE NA, SO SOR SNANG BZHIN PA'I DON LA NGES PAR BYED PA NYID KYIS YIN NO, ,DE NYID KYIS NA MNGON SUM NI RJES SU DPAG PA LAS THA DAD PA YIN NO SNYAM DU SEMS PA LA, GANG GIS 'JAL BAR BYED CING ZHES BYA BA SMOS TE, BDEN TE, 'DI NI SNGON PO'O ZHES BYA BA NI SNGON PO MA YIN PA LAS LOG PA MA YIN YANG SNGON PO NI SNGON PO GZHAN LAS KYANG LOG PAR NGES PAR BYED PA YIN NO, ,'DI NI DUNG LA SER PO LA SOGS PA'I SHES PA LA YANG MTSUNGS SO; ,'ON TE DE NI GNOD BYA YIN LA, GNOD BYA MA YIN PA NI TSAD MA YIN TE, GNOD PA CAN MED PA LAS 'KHRUL PAR MA GRUB PA'I PHYIR RO, ,'BYUNG BAR 'GYUR BA'I YUL MI 'DZIN PA KHO NA 'DI'I GNOD BYA NYID MA YIN NAM, DE 'DI TSAD MAR MNGON PAR 'DOD PA LA YANG MTSUNGS SO,,

, ,'ON TE 'DZIN PA YIN YANG GNOD BYA NYID DU NI MI BDEN PA YIN LA, GNOD BYA MA YIN PA NYID DU NI BDEN PA NYID YIN NO, ,GAL TE DE'I TSE NYID THOB BYA RTOGS PA YIN NA CI'I DON DU 'JUG PAR BYED, 'ON TE THOB BYA MA RTOGS PA YIN NA DE LTA MOD KYI NGES PA YIN PA MA RTOGS BA DE LTA NA YANG NGES PA YIN PA'I PHYIR JI LTAR 'DOD PA DANG NGES PA DAG GI YUL GCIG NYID YIN, 'ON TE RTOGS PA'I RNAM PAR DPYOD PA'I NGES PA RJES SU DRAN PA LAS DE LTA BUR NGES PA YIN NO ZHE NA, DE LTA YIN DU ZIN KYANG RNAM PAR DPYAD PA'I YUL LA RTOGS PA'I BYA BA LA DE NI RTOGS PA MED PA LAS 'BYUNG BA YIN GYI, NGES PA RTOGS PA DANG LHAN CIG YUL GCIG PA NI MA YIN NO ZHES BYA BA'I DON TO, ,BYED PAR NGES PA MA YIN YANG DON TZAM LAS NGES PA YIN NA 'JUG PA YIN LA, RIG BYED LAS KYANG MTHO RIS LA MA NGES PA YIN YANG, ME'I SBYIN SREG LA NGES PA YIN NA BYE BRAG MED PA LAS 'JUG PAR 'GYUR RO ZHES BYA BA'I DON TO, ,DE LTA YIN NA MNGON SUM BZHIN DU RIG BYED LAS BYUNG BA YANG TSAD MAR 'GYUR RO, ,DON BYED PA'I NGO BOR SNGAR MNGON SUM GYIS MTHONG BA YIN NA DE DANG 'DRA BAR MTHONG BA LAS SRID PA NI DE'I RANG GI NGO BO YIN PA'I PHYIR DE'I RIGS SU 'GYUR GYI, RIG BYED LA NI DE LTAR MTHONG BA'AM, DE'I RIGS YIN PA'AM, SRID PAR BYED PA MA YIN TE, MTHONG BA MED PA NYID KYI PHYIR RO, ,DE MED PA LA DE SRID PA NI RI RAB KYI STENG NA RI BONG GI RVA SRID PA BZHIN DU THE TSOM YOD PA'I PHYIR TSAD MA MA YIN NO, ,DE BSTAN PA NI, RANG GI NGO BO DON BYED PA'I, ,NGES PA RIG PA MA YIN PHYIR, ,ZHES BYA BA'O, ,'DI SKAD DU BSTAN PA YIN TE RNAM PAR SHES PA LA NI THAMS CAD DU DON BYED PA DANG 'BREL PA KHO NA YIN PAR RTOGS PAR BYED PA YIN NO, ,'DI SNGON PO'O ZHES BYA BA NI DON BYED PAR NUS PA'I NGO BO YIN GYI DNGOS PO TZAM NI MA YIN TE, NUS PA NYID KYANG 'BREL PA KHO NA YIN LA, DE NYID NI DE KHO NA NYID KYIS SHES PA'I YUL YIN ZHES BYA BA YANG DE DANG DER BSTAN ZIN TO, ,SHES PA LA NI GANG LA NGES PA CAN GYI DON BYED PA THOB PA DE LA DE'I 'BRAS BU NYID DAM, DE'I RGYU NYID DAM, DE'I RANG BZHIN NYID LAS TSAD MA NYID YIN NO, ,DE LTA YIN NA GANG LA DE'I

TSE KHO NA DON BYED PA MED PA'I SHES PA DE JI LTAR TSAD MA YIN, JI LTAR YANG MA YIN TE, DE YANG DON GYI BYA BA BYED PA GAL TE DON GSAL BAR BYED PA MA YIN NA, DE DANG RAB RIB CAN GYIS MTHONG BA'I SKRA SHAD LA SOGS PA DON MED PA DANG KHYAD PAR CI ZHIG YOD CES BYA BA LA SOGS PA GSUNGS PA YIN NO; ,DE'I PHYIR RIG BYED LA DON BYED PA NYID LA MI SLU BA MED DO, ,MNGON SUM LA SOGS PA LA NI DON BYED PA LA SLU BAR BYED PA MED DO, ,DE LTA BAR BSTAN PA NI, MI SLU BA MED PA'I RIG BYED LA SOGS PA LAS RJES SU DPAG PA LA SOGS PA'I KHYAD PAR DANG TSAD MA THAMS CAD LA SKUR PA 'DEBS BA SEL BAR BYED PA YANG BSTAN PA YIN NO, ,DON DE SREG PA LA SOGS PAR BYED PA STE, BYED PA PO NYID YIN PAR BSHAD PA YIN NA, KHYAD PAR MA BSTAN PAR 'GYUR RO, ,DON YONGS SU BCAD NAS ZHES BYA BAS DON RTOGS PA'I PHYIR RO, ,DON ZHES BYA BAS KYANG NUS PA'I NGO BO BSTAN PA NI, DON BYED NUS PA GANG YIN PA, ,DE'I 'DIR DON DAM YOD PA YIN, ,ZHES BYA BA'I TSIG GIS SO, ,DE'I PHYIR DON BYED PA LA MI SLU BA NYID NI THAMS CAD DU RTOGS PAS GRUB PA YIN LA, DE YANG, KHA CIG TU DE BDEN PA DER NI TSAD MA NYID YIN LA, GZHAN DU NI MI BDEN PA YIN PA'I PHYIR TSAD MA NYID MA YIN NO, ,DE YANG GZHAN NYID LAS DE THA SNYAD KYI MING CAN LAS GRUB PA YIN PA'I PHYIR GZHAN LAS ZHES BRJOD LA, DON RTOGS PA NYID DU NI RANG RIG GI NGO BO RIG PA KHO NA YIN PAR NGES PA'O, ,DE'I PHYIR RIG BYED BZHIN DU DON BYED PA LA TSAD MA MA YIN TE, RTZOD PA'I GZHIR GYUR PA YIN PAR BSTAN TO, ,SLU BAR BYED PA MA YIN PA ZHES BYA BA NI DA LTA BAR NYE BAR BSTAN PA KHO NAS YIN ZHES DGONGS PA'O, ,MI SLU BAR NGES PA CAN YANG RGYUN DU 'BYUNG BA'I SHES PA RGYU MTSAN 'GA' ZHIG GIS NI TSAD MA MA YIN NA, MI SLU BA MA YIN PA LTA CI SMOS ZHES BYA BA'I DON TO, ,DON YONGS SU BCAD NAS ZHES BYA BA NI DON BYED PA DANG 'BREL PA RTOGS PA YIN PAR BSTAN PA YIN NO, ,DON BYED PA LA SLU BAR BYED PA MA YIN PA ZHES BYA BA NI DE DANG 'BREL PAR BDEN PA NYID KYI TSAD MA NYID DU BSTAN PA YIN NO, ,GZHAN GYIS BSHAD PA YANG MI BDEN PA'I DON DU 'GYUR BA MA YIN NAM,

, ,DE LTA NA 'BREL PA CAN DAG GI GNYIS PO DAG KYANG YOD PAS 'BREL PA BDEN PA NYID DU BSTAN PA YIN GYI, RAB RIB CAN GYIS MTHONG BA'I SKRA SHAD LA SOGS PA DANG BYE BRAG MED PA'I PHYIR GZHAN GANG YANG RUNG BA NI MA YIN NO, ,DON YONGS SU BCAD NA ZHES BYA BA SGRUB BYED DANG DON BYED PA'I ZHES BYA BA BSGRUB BYA DANG, 'JUG BZHIN PA ZHES BYA BAS NI MI SLU BA'I RGYU MTSAN BSTAN PA YIN, 'JUG PA TZAM GYI 'BRAS BU LA TSAD MA MA YIN LA, RIG BYED LAS BYUNG BA NI 'JUG PA TZAM 'BRAS BU YIN LA, DE NI SKYE BA 'DI 'AM, SKYE BA GZHAN NYID DU DON BYED PA 'THOB PA'I RGYU MA YIN TE, MA MTHONG BA'I PHYIR DANG, THE TSOM ZA BA'I PHYIR YANG NGO, ,RTOGS PAR BYED PA NYID TSAD MA NYID YIN YANG, DE YANG 'BYUNG BAR 'GYUR BA'I SKYES BU'I DON TE, YUL LA MNGON SUM DANG RJES SU DPAG PA DAG LA YOD PA YIN GYI, RIG BYED LA SOGS PA LA NI MA YIN NO ZHES BSTAN PA YIN NO, ,'DI DAG GIS NI MA YIN NO ZHES BYA BA NI ME LA NGES PA NYID KYI DU BA'I SHES PA LAS ME LA NGES PA NI ME MA YIN PA DGAG PA MED NA MA YIN NO ZHES BYA BA'I DON TO, ,THABS LAS BYUNG BA LA 'JUG PA LA SBYOR BAR BYED PA NYID NI NGES PA YIN PAR BSTAN PA NI, DON BYED BA'I SHES PA GANG YIN PA ZHES BYA BA STE, DE DON BYED PA ZHES BYA BA NI 'DI NYID DON BYED PA YIN LA, SGRUB PAR BYED PA YANG DE YIN LA SHES PAR BYED PA YANG DE YIN NO, ,THABS LAS BYUNG BA NI 'BYUNG BAR 'GYUR BA NYID YIN PA'I PHYIR SNGAR MED PA NYID MA YIN NAM, DE'I TSE DE JI LTAR SHES PA YIN SNYAM DU SEMS PA LA, SNGAR GYI SGRUB PAR BYED PA'I SHES PA ZHES BYA BA SMOS TE, GAL TE 'DI LTA BUR DMIGS NAS DE DANG PHRAD PA'I DUS SU 'BYUNG BAR MTHONG BA YIN NA, DES NA 'DIR YANG PHRAD PA'I DUS SU 'BYUNG BA YIN LA, GAL TE DON DE BSTAN PA NYID DU NGES PAR 'GYUR BAR BYED PA MA YIN NA, SNGAR GYI SGRUB PAR BYED PA DON YIN TE, THA DAD PA'AM CIG SHOS KYI SHES PAR DE'I TSE 'GYUR ZHES BYA BAR SBYAR RO, ,NGES PAR GZUNG BA NI NGES PA MA YIN NAM, MNGON SUM NI 'BYUNG BAR 'GYUR BA LA SNGA MA RANG BZHIN DU NGES PAR GZUNG BAR 'GYUR BAR BYED PA

MA YIN TE, NYE BA'I SNANG BA YIN PA'I PHYIR RO ZHE NA, SNGA MA'I RANG BZHIN NI ZHES BYA BA SMOS TE, JI LTAR SNGON PO'I SHES PA NI DE YOD NA GDON MI ZA BAR YOD PA NI DE'I RANG BZHIN YIN LA, DE BZHIN DU 'BYUNG BAR 'GYUR BA YANG SNGA MA YOD NA GDON MI ZA BAR YOD PAS RANG BZHIN KHO NA YIN TE, RANG BZHIN GYI THA SNYAD NI DE DAG TZAM GYI RGYU MTSAN LAS YIN NO ZHES BYA BA'I DON TO, ,DNGOS SU NA ZHES BYA BA NI DE YOD NA GDON MI ZA BAR YOD PA KHO NA RANG BZHIN THA SNYAD KYI RGYU MTSAN YIN TE, GCIG PA NYID LA SOGS PA MED PA'I PHYIR RO, GCIG CES BYA BA NI CUNG ZAD KYANG MED DE RGYA CHE BAR MTHONG BA LAS STENG DANG 'OG GI CHA LA SOGS PA RNAMS KYI YUL DANG PHYOGS LA SOGS PA'I GCIG LAS GCIG GI DBYE BAS RANG BZHIN THA DAD PAR RIG PA YIN NA, GCIG NYID KYI THA SNYAD KYI YUL MED PAR THAL BAR 'GYUR BA'I PHYIR RO, ,DE LAS 'BYUNG BA'I MTHU YIS NI, ,ZHES BYA BAS BSHAD PAR 'DOD NAS, YANG NA GDON MI ZA BAR 'BYUNG BA ZHES BYA BA SMOS TE, JI LTAR SNANG BA NI SNGA MA DANG PHYI MA DAG GIS THA DAD PA YIN GYI GCIG NYID NI MA YIN NO, ,DE LTA MOD KYI SNGA NA YOD NA 'BYUNG BA'I PHYIR PHYI MA NI 'BRAS BU NYID YIN NO, ,DE LTA YIN NA 'DZIN PA DANG MI 'DZIN PA LA GCIG PA DANG DU MA'I THA SNYAD GANG LA YIN, GANG LA 'DZIN PA NA GANG ZHIG GDON MI ZA BAR 'DZIN PAR BYED PA DE NI DE LAS THA MI DAD PA YIN LA GZHAN NI THA DAD PA YIN NO, ,'DZIN PA YIN YANG YUL DANG RNAM PA LA SOGS PA'I DBYE BA NI THA DAD PAR BYED PA MA YIN TE, 'DZIN PA DANG MI 'DZIN PA'I GO SKABS MED PA NYID KYIS DON MED PA CAN NYID DU THAL BAR 'GYUR BA'I PHYIR RO, ,'BYUNG BAR 'GYUR BA NI SNGA MA BZUNG BA YIN YANG MI 'DZIN PA'I PHYIR DE'I RANG BZHIN MA YIN NO, ,DE LTA MOD KYI DE LA MA 'KHRUL PA'I PHYIR 'BRAS BU NI MA YIN NO, ,DE LTA YIN DANG RGYU LAS 'BRAS BU RTOGS PAR 'GYUR BA ZHIG NA, DE NI MI RIGS TE RGYU RNAMS NI GDON MI ZA BAR DE DANG LDAN PA MA YIN ZHES BYA BA NI 'KHRUL PA YIN PAR KHAS BLANGS PA'I PHYIR RO, ,BYE BRAG CAN GYI RGYU NI 'BRAS BU LA MI 'KHRUL PA CAN YIN NO ZHE NA, DE LTA MA YIN NA RGYU'I BYE BRAG DE 'BRAS BU BZHIN

, ,DU MA 'KHRUL PA CAN YIN PAS 'BRAS BU NYID YIN NO, ,GZHAN GYIS GZHAN LAS MA 'KHRUL BA NI DE LAS BYUNG BA LAS GZHAN MA YIN NO ZHES RJES SU DPAG PA LA RTOGS PAR BYA BA YIN PAR NI, GZHAN DU GZHAN NI GZHAN DAG DANG, ,NGES PAR YOD PA'I NGES PA GANG, , ZHES BYA BA DANG, RGYU DANG 'BRAS BU'I DNGOS PO LAS SAM ZHES BYA BAS BSTAN PA YIN NO, ,KHYAB PA'I PHYIR ZHES BYA BA NI DE NYID LA YOD NA YOD PA'I PHYIR 'BRAS BU NYID DU 'GYUR RO ZHES BYA BA'I DON TO, ,'BYUNG BAR 'GYUR BA'I NGO BO NGES PAR 'BYUNG ZHES BYA BA CI LAS YIN, YUL MTSUNGS PA LA DE LTAR NGES PA YANG JI LTAR YIN, 'DI MNGON SUM NI YUL NI MA YIN PAS MNGON SUM GYI YUL RING POR GNAS PA'I 'DZIN BYED KYANG JI LTAR YIN SNYAM PA'I DGONGS PAS, THA DAD PA'I KHYAB PAR BYED PA GANG YIN PA ZHES BYA BA SMOS TE, KHYAB PAR BYED PA NI 'DI 'BYUNG BA'I PHYIR RO, , 'BYUNG BAR 'GYUR BA'I YOD PA NI GNYI GA DAG GIS KYANG KHAS BLANGS PA YIN YANG DE JI LTAR RTOGS PA YIN TE 'DI NYID LA LOG PAR RTOGS PA YIN NO ZHES BYA BA'I DON TO, ,GANG GI TSE 'BYUNG BAR 'GYUR BA BSKYED BYA YIN PA DE'I TSE SNGA MA YOD PA MA YIN NAM, DE NI THAMS CAD LA 'DOD PA MA YIN PA'I PHYIR GANG GIS KYANG BSKYED BYA JI LTAR YIN, GANG GI TSE JI LTAR 'BYUNG BAR 'GYUR BA BSKYED PA YIN NA, DE'I TSE YANG SNGA MA ZHIG YIN NA JI LTAR SKYED BYED YIN, 'ON TE GANG GI TSE DE NYID BSKYED BYA YIN PA DE LTA NA GNYI GA YANG MED LA, GANG ZHIG GANG GIS BSKYED BYA YIN SNYAM DU SEMS PAS, MA SKYES PA JI LTAR RGYU YIN ZHES ZER BA LA, LAN NI, SKYES PA YANG ZHES BYA BA STE, SNGA MA NI RANG GI RGYU LAS SKYES BZHIN PA NA 'BYUNG BAR 'GYUR BA'I DNGOS PO LA LTOS PA YIN TE, GZHAN DU NA 'DI DE NYID LA JI LTAR 'BYUNG BA YIN ZHES BYA BA'I DON TO, ,GAL TE DE YOD NA 'BYUNG BA ZHES BYA BA DE DAG TZAM NI RGYU MTSAN NYID MA YIN NO, ,DE LTA MOD KYI GANG GIS YOD PA DANG, SKYE BA DANG, SGRUB PAR BYED PA DANG BYA BA YANG RUNG BA GTZO BOR BYAS NAS 'BYUNG BA DES DRANGS PA LTA BUR GANG 'GYUR BA DE'I RGYU DE YIN NO SNYAM DU SEMS PAS, 'DI YOD NA 'DI 'BYUNG ZHES

PA LA; DE YOD NA 'BYUNG BA NYID CES BYA BA 'DI NI RGYU'I MTSAN NYID KYI YOD PA NYID BYE BRAG YIN TE, SKYE BA LA SOGS PA RNAMS NI 'DI NYID KYI KHONGS SU GTOGS PA'I PHYIR RO ZHES BSTAN PA NI, YOD DANG SKYE SOGS DNGOS PO YI, ,ZHES BYA BA STE, JI LTAR 'DI RNAMS KYI BYE BRAG RTOGS PAR GRUB PA YIN PA DE BZHIN DU KHONGS SU GTOGS PA LA YANG ZHES BYA BA'I DON TO, ,GNYID STUG POS NON PA'I YANG, RMI LAM RTZOM PA NA 'BYUNG BA'I SEMS BYE BRAG MA LUS PA DANG BRAL BAS NYE BAR MTSON PA 'GRO BA'I TSE RTZVA LA KUN DU RIG PA'I RNAM PAR SHES PA BZHIN DU BSAM PA TZAM SKYE BA YIN LA, DE LAS SAD PA NI SEMS SKYE BA YIN NO SNYAM PA'I DGONGS PAS LUS LA SOGS PA'ANG ZHES BYA BA SMOS TE, GOMS PA LAS 'BYUNG BAR 'GYUR BA'I BYE BRAG RJES SU 'GRO BA DANG LDOG PA'I RJES SU BYED PA CAN GYI RNAM PAR RTOG PA'I SHES PA NI DE'I BYE BRAG MED PA LAS LUS LA SOGS PA BZHIN SEMS TZAM SKYE BA MA YIN NO ZHES BYA BA'I DON TO, ,GANG GI PHYIR KHONGS SU GTOGS PA DE'I PHYIR 'DI YOD NA 'DI 'BYUNG ZHES BYA BA LA SOGS PA'I SHES PA'I YUL NI DE DAG TZAM YIN PAR BSTAN PA NI, DES NA RANG GI NGO BO LAS, ,ZHES BYA BA STE, SHES PA 'DI SNGAR YOD PA'I DUS SU 'BYUNG BAR 'GYUR BA NI MA YIN TE, DE'I TSE PHYI MA MED PA'I PHYIR DANG, GNYI GA LA BRTEN PA'I PHYIR RO, ,PHYI MA'I DUS SU 'BYUNG BA DE'I TSE NI 'BYUNG BAR 'GYUR BA YIN NO, ,SNGA MA MED PA YIN PA'I PHYIR 'BYUNG BAR 'GYUR BA DANG, BYUNG BAR GYUR PA LA YANG MED PA NYID DU BYE BRAG MED DO ZHES BSTAN PA'I DON DU, 'BRAS BU'I DUS SU NI ZHES BYA BA SMOS SO, ,'BYUNG BAR GYUR PA NI DE RTOGS PA'I DUS SU YOD PA MA YIN DU ZIN PA DE LTAR NA YANG, DE YOD PA NYID NA 'BYUNG 'BYUNG BA ZHES BYA BA STE, NGES PAR 'BYUNG PA'I PHYIR PHYI MA 'BRAS BU NYID YIN NO, ,'DI NI SNGA MA LA YANG MTSUNGS PA YIN PAR BSTAN PA NI, MED NA MI 'BYUNG BA TZAM ZHES BYA BA STE, 'BYUNG BAR 'GYUR BA LA ZHES BYA BA NI, YUL 'BYUNG BAR 'GYUR BA LA MED NA MI 'BYUNG BA TZAM GYI RGYU LA YANG ZHES BYA BAR SBYAR RO, ,MTHONG BA 'AM SNGA MA NYID KYANG RUNG, DE YOD NA 'BYUNG BA NYID RGYU YIN GYI

, ,'BA' ZHIG NI MA YIN NO SNYAM DU SEMS PAS, 'ON TE MTHONG BA GANG YIN PA DE ZHES ZER BA LA DE YOD NA 'BYUNG BA NYID CES BYA BA NI RGYU NYID DU MA NGES PA YIN NO, ,GZUGS BZHIN DU MTHONG BA'AM SNGA MA NYID NI MA YIN NO ZHES ZER BA LA, LAN DU, MTHONG BA RANG GI NGO BO YIS, ,ZHES BYA BA SMOS TE, SGRO BTAGS PAS NI NGES PA MA YIN PAS SO, ,DE YOD NA 'BYUNG BA NYID CES BYA BA 'DI LA DE YOD NA ZHES BYA BA NI NGES PA CAN YIN LA, YOD PA NI MA NGES PA CAN YIN TE, DE YOD PA'AM, GZHAN DU YANG ZHES BYA BAR SHES PAR BYA BA YIN TE, GZHAN DU NA NGES PAR BZUNG BA DON MED PA YIN NO, ,DE LTAR RTOGS PA NI SGRO BTAGS PA NYID YIN PAR BSTAN PA NI, DE'I TSE DE 'BYUNG BA DANG 'BYUNG BA'I ZHES BYA BA'O, ,DE DMIGS PA YIN NA DE DMIGS PA DANG DE MA DMIGS PA YIN NA, DE MI DMIGS PA DANG, DE MI DMIGS PA'I TSE, DE MI DMIGS PA ZHES BYA BA MNGON SUM DANG, MI DMIGS LNGA PO RGYU NYID DANG, 'BRAS BU NYID LA SGRUB PAR BYED PA MA YIN NAM, DE NYID DAM RGYU NYID LA SOGS PA YIN PAS NGES PA NYID DANG, MA NGES PA NYID DANG, 'BRAS BU DANG RGYU NYID CES JI LTAR BRJOD PA YIN SNYAM DU SEMS PA LA, GZHAN DU 'BYUNG BA'I RANG BZHIN ZHES BYA BA SMOS SO, ,MNGON SUM LA SOGS PA LNGA PO ME DANG DU BA BZHIN DU DE LAS GZHAN PA DANG DU BA DAG KYANG YOD PA DE LA, DE LAS GZHAN PA MED KYANG ME YOD NA DU BA DE 'BYUNG BA YIN ZHES BYA BA 'DI KHO NA LTAR BRJOD PAR BYA BA YIN LA, DE LTA YIN NA RGYU NI KHYAD PAR BYED PA MA NGES PA YIN LA, 'BRAS BU NI CIG SHOS YIN ZHES BYA BA'I THOG TU 'ONG BA YIN NO ZHES BYA BA'I DON TO, ,MTHONG BA LA NI SNGA MA NYID DU SGRO BTAGS PA YIN NA RGYU NYID MA YIN NAM, MA MTHONG BAR 'BYUNG BAR 'GYUR BA LA NI MA YIN NO SNYAM DU SEMS PAS, 'ON TE RANG BZHIN GANG GIS SHES ZER BA LA, 'BYUNG BAR 'GYUR BA'I 'BRAS BU LAS RGYU NI 'BYUNG BAR 'GYUR BA NYID DU RTOGS PA'AM MTHONG BA YIN LA, DE BZHIN DU RTOGS PAR 'GYUR BA DANG, MTHONG BAR 'GYUR BA YANG YIN NO ZHES BYA BAR BYE BRAG MED PAR BSTAN PA NI, 'BYUNG BAR 'GYUR

BA'I RANG BZHIN ZHES BYA BA'O, ,MTHONG BA NI DE LTAR NUS PAR NGES PA YIN LA, MTHONG BAR 'GYUR BA NI MA YIN TE, LTA BA'I YUL MA YIN PA'I PHYIR RO SNYAM DU SEMS PAS, MTHONG BAR 'GYUR BA JI LTAR ZHES BYA BA LA, LAN DU, DE'I TSE MED PA'I PHYIR MTHONG BA LAS ZHES BYA BA STE, DE'I TSE ZHES BYA BA NI 'BYUNG BAR 'GYUR BA'I DUS SU STE, GANG DU KHYAB PA 'DZIN PA NA'O, ,MTHONG BA NI DE LTAR RTOGS PA YIN NA 'BYUNG BAR 'GYUR BA RTOGS PA NYID YIN LA, DE MA RTOGS PA YIN NA MTHONG BA NYID KYANG DE BZHIN DU MA RTOGS PA YIN ZHES BYA BA'I DON TO, ,SNGA MA DE BZHIN DU RTOGS PA NI RGYU NYID KHO NAS YIN GYI, 'BRAS BU NYID KYIS NI MA YIN PA MA YIN NAM, PHYI MA YANG 'BRAS BU NYID KHO NAS YIN GYI, RGYU NYID KYIS NI MA YIN NA JI LTAR 'BYUNG BAR 'GYUR BA RTOGS PA YIN GYI RGYU NYID RTOGS PA YIN SNYAM DU SEMS PAS, YOD PA'I PHYIR ZHES ZER BA LA DE LTAR RGYU TZAM RTOGS PA ZHES BYA BA BDEN MOD KYI BYE BRAG CAN GYI RGYU NI NGES PAR 'BYUNG BAR 'GYUR BA'I 'BRAS BU LA RGYU NYID DU 'DZIN PA YIN YANG, 'BRAS BU KHONGS SU GTOGS PA NYID DU RTOGS PA YIN GYI, GZHAN DU NA RGYU'I BYE BRAG NYID NI SHES PAR MI 'GYUR RO ZHES BSTAN PA NI, MTHONG BAR 'GYUR BA LA YANG ZHES BYA BA SMOS TE, DE ZHES BYA BA NI KHYAB PAR BYED PA NYID KYI RGYU NYID DU RTOGS PA YIN NO, ,DE'I PHYIR THAMS CAD RANG GI RGYU LAS SKYE BZHIN PA NA RANG GI 'BRAS BU LAS KYANG SKYE BA YIN TE, DE LA LTOS PAS RGYU'I BYE BRAG YIN PAR BSTAN PA NI, DE'I TSE MA YIN NO ZHES BYA BA 'DI NI GNYI GA LA YANG MTSUNGS SO ZHES BYA BA'O, ,SNGA MA DANG PHYI MA NYID NI RGYU NYID DANG 'BRAS BU NYID DAG LA SBYOR BAR BYED PA MA YIN NO ZHES BYA BA LA, SNGA MA NYID DO ZHE NA ZHES BYA BA SMOS TE, GAL TE SBYOR BAR BYED PA'I BYE BRAG YOD PA YIN NO ZHES RGOL BA YIN NA, 'DI NI SHIN TU CHUNG BA YIN PAR BRJOD DE, SNGON PO NI 'BRAS BU'AM RGYUR YANG MTHONG BA YIN NA, SER PO DE BZHIN DU JI LTAR 'GYUR ZHES BYA BA 'DI YANG BRTZAD BYAR 'GYUR RO ZHES ZER BA NI, 'ON TE GCIG NI SNGON GYI RANG BZHIN DU ZHES BYA BA LA SOGS PA NAS, 'GAR YANG DGOS PA MED CES BYA BA'I BAR DU'O, ,CI TZAM ZHIG DGOS PA YIN, GANG MED NA MI 'BYUNG BA ZHES BYA BA SMOS TE, DE YOD PA NYID NA

, ,'BYUNG BA NI DE YOD NA YOD PA NYID YIN ZHES BYA BA YANG 'BRAS BU NYID LA'AM RGYU NYID LA RGYU MTSAN YIN ZHES BYA BA'I DON TO, ,BYE BRAG CAN GYI RGYU LA NI RGYU MTSAN GNYIS YOD PA'I PHYIR GNYIS KA LTAR YANG YOD PAR BSTAN PA NI, RGYU SNGA MA MED NA ZHES BYA BA STE, GDON MI ZA BAR 'BYUNG BA NI NGES PAR 'BYUNG BA STE, 'BRAS BU GANG GI RGYU YIN PA DE NI DE BZHIN NO, ,RGYU MTSAN MTSUNGS PHYIR GNYI GA YANG, ,ZHES BYA BA LA SOGS PA TSIG RKANG GSUM GYIS BAR SKABS KYI NYE BAR BSDU BA YIN NO, ,KHYAD PAR CAN GYI RGYU LAS 'BRAS BU NYID RTOGS PA'I DGOS PA BSTAN PA NI, 'JIG RTEN PHA ROL ZHES BYA BA'O, ,RGYU MTHONG BA LAS 'BRAS BU RJES SU DPOG PAR BYED PA NI MA YIN TE 'KHRUL PA'I PHYIR RO, ,RUNG BA NYID KYI RJES SU DPAG PA YANG 'BRAS BU NGES PA CAN RTOGS PA YIN PAR NI MI RIGS TE, NGES PA NI RJES SU DPAG PA NYID YIN NO ZHES BYA BA'I DON TO, ,KHYAD PAR CAN GYI RGYU NYE BAR MTSON PA YANG, DE MTHONG NYID NA MTHONG RNAMS LA, ,ZHES BYA BA LA SOGS PAS DE DANG DER BSTAN PA YIN NO ZHES ZER BA LA, GAL TE DON SKYED SHES PA DE, ,ZHES BYA BA SMOS TE, DE YOD PA NYID DAG STE, DE LTA BU'I RNAM PA CAN GYI RNAM PAR RTOG PA'I SHES PA THA SNYAD KYI BRJOD PA YIN PAR BSTAN PA NI, KHYAB PA DE YI BDAG NYID DANG, ,ZHES BYA BA'O, ,RNAM PAR RTOG PA'I SHES PA 'DI MNGON SUM GYI BYA BA'I RJES SU 'BRANGS PA YIN PA'I PHYIR MNGON SUM MA YIN NAM, GAL TE RJES SU DPAG PA YIN NA NI 'BREL PA LA SOGS PA 'DZIN PA LA LTOS PAR 'GYUR RO, ,GAL TE DE NYID YIN NA GCIG LA GCIG BRTEN PAR 'GYUR RO, ,GAL TE RJES SU DPAG PA LAS GZHAN YIN NA THUG PA MED PAR 'GYUR LA TSAD MA GZHAN NI MI SRID DO, ,DE'I PHYIR RANG NYID LAS MNGON SUM YIN TE, SO SOR SNANG BZHIN PA'I DON LA NGES PAR BYED PAS YUL LA RNAM PAR 'JOG PAR BYED PA YIN LA, RJES SU DPAG PA LA LTOS PA YIN NA NI GCIG LA GCIG BRTEN PA YIN TE, MNGON SUM NI RJES SU DPAG PA YOD NA YUL LA RNAM PAR 'JOG PAR BYED PA YIN LA, DES NA RTAGS DANG 'BREL PA LA SOGS PA CAN GYI RNAM PAR 'JOG PA YIN NA RJES SU DPAG PA YIN NO SNYAM DU SEMS

PAS ZER BA NI, GAL TE JI SRID CES BYA BA'O, ,GAL TE YANG MNGON SUM NI SNGON PO LA SOGS PA'I RANG GI NGO BOS RNAM PAR 'JOG PAR BYED PA YIN GYI, DON BYED PAR NUS PA CAN DANG CIG SHOS KYIS BYED PA NI MA YIN PA'I PHYIR RNAM PAR 'BYED PAR BYED PA NI RJES SU DPAG PA LA LTOS PA NYID YIN TE, DES NA KHYED KYI LA YANG DE NYID GCIG LA GCIG BRTEN PA YIN NO SNYAM SEMS PAS ZER BA NI, 'ON TE RJES SU DPAG PAS SHES BYA BA'O, ,DON BYED PA'I SHES PA NI GAL TE MNGON SUM YIN YANG SNGA MA LA BRTEN PA YIN LA, DE YANG DE LAS GZHAN PA LA YIN NA THUG PA MED PA MA YIN NAM, RJES SU DPAG PA YIN YANG DE BZHIN DU GCIG LA GCIG BRTEN PAS YIN NO, ,DE LA DON BYED PA'I SHES PA NI ZHES BYA BA'O, ,SNGA MA'I SHES PAS NI SNGON POR RNAM PAR 'JOG PA YIN LA, DE TZAM GYIS DE'I BYA BA RDZOGS PA YIN TE, BYA BA GZHAN MED PA'I PHYIR RO, ,SHES PA'I BYA BA NI YUL RNAM PAR 'JOG PA LAS GZHAN MA YIN TE, SHES PA'I BYA BA RDZOGS PA YIN NA, DON BYED PA LA SHES PA'I NUS PA'AM CIG SHOS DAG LA THE TSOM ZA BAS DON MED KYANG 'BYUNG BA NYID DU THE TSOM ZA BA NI TSAD MA'I BYA BA MA YIN TE RANG NYID LA GRUB PA YIN NO, ,THE TSOM DE YANG LAS CI ZHIG GI BYE BRAG MTHONG BA LAS NI LDOG PA YIN NO, ,THAG RING BA LA THE TSOM ZA BA NI NYE BA YIN NA LDOG PA YIN NO, ,DON BYED BAR NYAMS SU MA MYONG BAR THE TSOM SKYE BA NI DE NYAMS SU MYONG BA LAS SO, ,RJES SU DPAG PA'AM MNGON SUM YANG RUNG BA NI DE TSAD MA NYID DU RNAM PAR 'JOG PAR BYED PA LA LTOS PAR BYA BA MA YIN TE, DES NA THUG PA MED PA DANG GCIG LA GCIG BRTEN PAR YANG THAL BAR 'GYUR BA MA YIN ZHES BYA BA'I DON TO, ,DE LA GANG 'DAS MA THAG TU BSTAN PA'I GANG LAS CI ZHIG GIS THE TSOM LDOG PA YIN ZHES BYA BA LA 'DI LAS LDOG PA YIN ZHES BYA BA STE, 'DI LA GSUNGS PA NI, THE TSOM ZHIG CES BYA BA'O; ,THE TSOM LOG PAS NI 'GA' YANG STE, DON DU GNYER BA PO DES 'JUG PAR BYED PA MA YIN NO, ,THOB PA LAS KYANG TSAD MA'I BYA BA YONGS SU RDZOGS PA'I PHYIR 'JUG PAR BYED PAR MI 'GYUR RO, ,DE LTA YIN NA CI ZHIG LAS 'JUG PAR BYED PAR 'GYUR 'JUG PA'I YUL NGES PAS ZHES BYA

, ,BA'I DON TO, ,BYE BRAG CAN MTHONG BA KHO NA 'JUG PA'I YUL NGES PA CAN MA YIN NAM, DE LTA NA DE NYID 'JUG PA'I YAN LAG YIN LA DE YANG SNGAR YOD PA NI MA YIN NO, ,DON BYED PA NYAMS SU MYONG BA LA SOGS PA'I BYE BRAG CAN MTHONG BA NI SNGAR MED PA'I PHYIR JI LTAR 'JUG PA'I YUL NGES PA CAN YIN, DE'I 'OG GI THE TSOM YANG JI LTAR YIN, YUL NGES PA YIN PA LA YANG THE TSOM ZA BA NI MA YIN TE, PHYI MA LA YANG THE TSOM ZA BAR 'GYUR BA'I PHYIR RO, ,DE'I PHYIR JI LTAR BYE BRAG MTHONG BA YIN PA NA THE TSOM MED PA DE BZHIN DU SNGA MA YANG THE TSOM DU MI 'GYUR BA ZHIG NA YOD PA YANG YIN TE, DES NA BYE BRAG MTHONG BA MA YIN NO, ,DE LTA MOD KYI MTHONG BA TZAM GYI BYA BA RDZOGS PA'I TSAD MA'I BYE BRAG MTHONG BA'I BYA BA RDZOGS PA MA YIN NO ZHES ZER BA NI, GAL TE DON BYAR SNANG DE NYID, ,CES BYA BA'O, ,JI LTAR PHYI MA MTHONG BA DE BZHIN DU SNGA MA YANG MA YIN NAM; DES NA 'DI DAG LA NI BYE BRAG CI YANG MED DO SNYAM DU SEMS PA LA, MNGON SUM MAM NI RJES DPAG LAS, ,ZHES BYA BA STE, GAL TE SNGA MA BZHIN DU BYE BRAG MED NA DUS KYIS KYANG THE TSOM LDOG PAR MI 'GYUR ZHES BYA BA'I DON TO, ,BYE BRAG MTHONG BA YIN NA THE TSOM LDOG PA LA YANG SKYE BA NI SNGA MA LAS DE BZLOG PA JI LTAR MTHONG BA YIN ZHE NA, DE GAL TE DE NI MNGON SUM GYI DNGOS YIN ZHES BYA BA SMOS SO, ,'ON TE BYE BRAG 'DI DE NYID KYI YIN PAR PHYIS MTHONG BA GANG YIN PA'O, ,DES NA THE TSOM DE NYID DE LAS LDOG PA YIN PAR BSTAN PA YIN NO ZHES BYA BA'I BSAM PAS, 'DIR NI THE TSOM DE LDOG PAS, ,ZHES BYA BA STE, SNGAR 'JUG PA'I DUS SU THE TSOM LDOG PA MA YIN NA, DUS PHYIS KYANG MI 'JUG PA YIN NA, DE LDOG PA LA DON CI ZHIG YOD, SNGAR DON MTHONG BA LAS 'JUG PAR BYED PA YOD PA MA YIN NAM, DE LA THE TSOM BZLOG PA LA DGOS PA CI YOD CES BYA BA'I BSAM PAS, SHES PA KUN GYI DON DANG NI, ,ZHES BYA BA'O, ,DON DANG 'BREL PA CAN GYI NGO BO'I NGES PA CAN NI BYE BRAG MTHONG BA YIN LA, DE NI SNGAR YOD PA MA YIN NO, ,GANG LA DON BYED PAR 'BYUNG BAR 'GYUR BA DE LA SNGAR DON YOD PA YIN NO, ,DE GANG GIS

MTHONG BA YIN, RE ZHIG SNGA MA'I SHES PA SA NI MA YIN TE, DON MED PAS DBEN PA'I DON MA MTHONG BA'I PHYIR RO, ,MTHONG BA TZAM NI DON DANG CIG SHOS KYI DBYE BA MA MTHONG BAS THE TSOM NYID YIN TE, DE DAG TZAM NYID NI THE TSOM NYID YIN NO ZHES BYA BA'I DON TO, ,GAL TE DE LTA NA SNGAR BYE BRAG CAN GYI DON MA MTHONG BA YIN NA, DON BYED PA NYAMS SU MYONG BA YIN YANG DE BYE BRAG CAN DU JI LTAR 'GYUR, JI LTAR DON BYED PA DANG 'BREL BA RNAM PAR RTOG PAS SPRUL PA YIN PA DE BZHIN DU DE'I BYE BRAG KYANG, DES NA THA SNYAD LAS TSAD MA YIN ZHES BSHAD DO, ,TSAD MA'I MTHONG BA NI THA SNYAD LAS GRUB PA'I PHYIR RAM MA GRUB PA LA YANG RUNG STE, DE DPAG BYA YIN PA TZAM LAS 'JIG RTEN PA'I THA SNYAD LAS GRUB PA'I PHYIR DANG, MA MTHONG BA'I DON YANG DE DANG MTSUNGS PA NYID KYIS RJES SU 'JUG PA BDE BAR BYED PA NYID KYI PHYIR MTSAN NYID BYED PA LA NYE BAR SBYOR BAR BYED PA MA YIN TE, DE YANG THA SNYAD NYID KYIS RJES SU 'JUG PA YIN LA, THA SNYAD LA RMONGS PA LA SOGS PA MA YIN NA, DE'I THABS KYI MTSAN NYID LAS LDOG PAR 'GYUR BA MA YIN TE, THA SNYAD PA RNAMS KHO NA GCIG LAS GCIG GI RMONGS PA LDOG PA'I PHYIR RO, ,RANG GI RIG PA NI GZUNG BA DANG 'DZIN PA LA SOGS PA'I DBYE BA DANG BRAL BA'I PHYIR DE NI BSGOM PA LA MNGON PAR BRTZON PA NI MTHONG BA LAS BYUNG BA'I NYON MONGS PA RNAMS KYI GNAS MED DE, BSGOMS PA LAS BYUNG BA'I BSTAN PA NYID NI PHYIN CI LOG 'GOG PAR BYED PA STE, DRUNG 'BYIN PAR BYED PA MA YIN PA'I PHYIR MTHONG ZIN PA YIN PAS TSAD MA GZHAN LA LTOS PA MA YIN NO, ,DE DANG DE MA YIN PA'I BSGOM PA RNAMS LA YANG DE KHO NA BZHIN DU YIN PA'I PHYIR SBYIN PA LA SOGS PA RNAMS DANG, MTHO RIS LA SOGS PA RNAMS SGRUB PA LA MNGON SUM LA SOGS PA'I YUL MA YIN PA NYID KYIS GSUNG RAB DANG DE'I RNAM PAR 'GREL PA DANG TSAD MA GZHAN TSOL BAR BYED PA YIN NO, ,MA YIN TE, DE LA YANG RGYU MTHUN PA'I 'BRAS BU MTHONG BA YIN NO, ,RNAM PAR SMIN PA MA MTHONG BA YIN NO ZHE NA, MA YIN TE, DE LA TSIG GI 'BREL BA MED PAS TSAD MA YIN PA'I PHYIR RO, ,DE SKAD DU YANG, DON GYI DE NYID RGYU MTSAN

, ,MIN; ,ZHES BSTAN PA'O, ,THAMS CAD MKHYEN PA'I GSUNG NI DON GYI DE NYID KYI RGYU MTSAN CAN YIN NO ZHE NA, GAL TE DE NI PHUL DU BYUNG BAR SHES NUS DON 'DI 'DOD PA YIN SKAD CIG MA DANG RNAM PAR RIG PA TZAM GYI NGAG GI PHYOGS GCIG RNAMS BDEN PA NYID DU MTHONG BAS GZHAN LA YANG DE NYID DU GO BA YIN NO ZHE NA, MA YIN TE, 'BREL PA MED PA'I PHYIR RO, ,DU BA NI ME DANG 'BREL BA CAN NYID DU MTHONG BA YIN NA, RANG NYE BA YIN PA LAS DE NYE BA YIN PAR MTSON PAR BYED PA YIN TE, 'BREL BA'I PHYIR RO, ,DON GYI GTZO BO LA MI SLU BA CAN GYI TSIG KYANG BDEN PA NYID DU RJES SU RTOGS PAR 'JIG RTEN DU MTHONG BA YIN NO ZHE NA, DE LTA YIN NA THA SNYAD NYID LAS, DE KHO NA NYID RJES SU RTOGS PAR 'BYUNG BA'I PHYIR RNAM 'GREL DANG, GSUNG RAB KYANG GRUB ZIN PA LA SGRUB PAR 'GYUR RO, ,RNAM PAR RIG PA TZAM NYID LA SOGS PA LA DE KHO NA BZHIN DU SBYIN PA LA SOGS PA'I NGAG BDEN PA NYID DU GRUB PA'I DON DU MI SLU BA'I YUL DE NGES PAR BSTAN PA YIN NO ZHE NA, DE LTA YIN NA DE TZAM LA BCOM LDAN PHA ROL GNOD PA YIN PA'AM DE LA YANG MA YIN PA STE, RIG BYED LA SOGS PA DANG THUN MONG BA NYID KYIS SO, ,'DI SKAD BSTAN PAR 'GYUR TE, MNGON SUM PA'I YUL LA NI BSTAN BCOS DGOS PA MA YIN NO, ,MNGON SUM GYI DON LA GZHAN GYI MAN NGAG GCES PA MA YIN TE, GZHAN LA YANG BSTAN BCOS GZHAN YOD PA'I PHYIR RO, ,MCHOD RTEN LA PHYAG BYA BA LA SOGS PA DE'I YUL MA YIN PA YANG RANG MCHOD BYA YIN PAR BSTAN PA'I CHED DU BSHAD PA SRID PA'I PHYIR GSUNG RAB DANG DE'I RNAM PAR 'GREL PA YANG DGOS PA CUNG ZAD KYANG YOD PA MA YIN NO SNYAM DU SEMS PA LA, GAL TE DE LTAR THA SNYAD TSAD MA NYID YIN NA ZHES ZER BA LA LAN DU, BSTAN BCOS RMONGS PA ZLOG BYED YIN, ,ZHES BYA BA SMOS TE, RNAM PAR RIG PA TZAM LA SOGS PA BSGOM PA DANG DE'I YAN LAG BSGOM PA YANG THAR PA SGRUB PAR BYED PA NYID DU 'DOD PA YIN PA NI BDEN TE, MNGON SUM GYI RJES SU 'GRO BA DANG LDOG PA DAG GI YUL NYID YIN NO, ,'KHRU BA SGRUB PAR BYED PA LA AA RU RA ZA BA YIN PA DE BZHIN DU DE KHO NA NYID GZIGS PA'I GSUNG NYID

GZHAN GYI BLO'I YUL DU 'GYUR BA YIN GYI GZHAN DU NI MA YIN NO, ,TSIG MED NA TSAD MA'I YUL YIN ZHES BYA BA KHO NAS DNGOS PO 'JIG RTEN PA'I BLO LA GNAS PAR 'GYUR BA NI MA YIN LA, GZHAN 'GA' ZHIG NYID NI DE LA DE BZHIN DU BYED PA MA YIN TE, GRANGS LA SOGS PA RNAMS LA THA SNYAD PA RNAMS KYIS DE LTAR MI NUS PA'I PHYIR RO, ,KHA CIG LA NUS PA YOD PA YANG YIN NO ZHE NA, DE LTA MA YIN NA DE NYID YANG DAG PA'I SANGS RGYAS YIN PA'I PHYIR 'DI NI 'JIG RTEN LAS PHUL DU BYUNG BA CHEN PO YIN NO, ,DE LTAR NGES NYE BAR BSTAN PA YANG DMAN PA RNAMS NI TSUL BZHIN PA RTOGS PAR BYED PA MA YIN PA'I PHYIR TSUL BZHIN YID LA BYED PA'I DON DU RNAM PAR 'GREL PA YIN NO, ,RKYEN GNYIS NI DGE BA SKYED PAR BYED PAR GSUNGS LA, RGYU GNYIS DANG RKYEN GNYIS KYANG DGE BA'I CHOS RNAMS SKYED PA'I DON DU 'DI LTA STE, GZHAN GYI NGAG LAS SAM, NANG GI BDAG NYID TSUL BZHIN YID LA BYED PA YANG YIN NO, ,DE LA GZHAN GYI NGAG NI GSUNG RAB YIN LA, TSUL BZHIN YID LA BYED PA NI RNAM PAR 'GREL PA CAN YIN NO, ,'DI LA YANG, DON GZIGS PHYIR NA BRDZUN PA MIN, ,NYON MONGS MED PHYIR MI MTHUN MIN, ,LEGS PAR SBYAR PHYIR GO BYED PA'I, ,KHYED GSUNG DUS GSUM DGE BA YIN, ,ZHES GSUNG LA BSTOD PA BSTAN PA'O, ,SBYIN PA DANG RNAM PAR 'TSE BA LAS LDOG PA'I SEMS LAS BYUNG BA'I GSUNG RNAMS DANG, DE'I BSHAD PA YANG DON GYI GTZO BO LA MI SLU BAS TSAD MA NYID YIN PA'I PHYIR 'JUG PAR BYED PA NYID YIN PAR BSTAN PA'I PHYIR, BSTAN BCOS RMONGS PA ZLOG BYED YIN, ,ZHES BYA BA GSUNGS PA YIN NO, ,DE LTAR NA RNAM PAR 'GREL PA'I MTSAN NYID YIN PAR NI, GAL TE THA SNYAD LAS TSAD MA'I RANG BZHIN RTOGS PA YIN NA ZHES BYA BA NAS, BSTAN BCOS DE YIS ZLOG PAR BYED; ,CES BYA BA'I BAR GYIS BSTAN PA YIN NO, ,DE NYID KYI PHYIR THAMS CAD MKHYEN PAS GSUNGS PA'I BSTAN BCOS KHO NAS ZHES BYA BA LA SOGS PA NI GSUNG RAB KYI YIN LA, DES NA THA SNYAD LAS MA YIN ZHES BYA BA NI THA SNYAD TZAM LAS MA YIN ZHES BYA'O, ,THA SNYAD NGES PAR RTOGS

, ,PA'I PHYIR, ,ZHES BYA BA'I KHYAD PAR CAN GYI THA SNYAD DE, DE KHO NA NYID LA KUN DU REG PA CAN RTOGS PAS SO, ,'DI'I BYE BRAG CI ZHIG YIN ZHE NA, 'DI LA, TSAD MA MI SLU CAN SHES PA, ,ZHES GSUNGS PA STE, DE YANG MNGON SUM RJES SU DPAG PA'O, ,DE DANG MTSUNGS PA'I THAMS CAD MKHYEN PA'I YE SHES SAM, DE'I GSUNG YIN GYI RIG BYED LA SOGS PA NI MA YIN TE, RIG BYED LA LTOS NAS MNGON SUM DANG THAMS CAD MKHYEN PA LA SOGS PA'I KHYAD PAR SOMS SHIG ,DE NYID KYI PHYIR ZHES BYA BA NI MNGON SUM LA SOGS PA LA LTOS NAS KYANG, THAMS CAD MKHYEN PA'I KHYAD PAR BSTAN PA NI, DE NYID KYI PHYIR ZHES BYA BA STE, THA SNYAD RTOGS NAS RIG BYED LA SOGS PA JI LTA BA KHO NA LAS MNGON SUM LA SOGS PA'I KHYAD PAR DE LTA BU KHO NA LA YIN LA, DE LAS KYANG THAMS CAD MKHYEN PA'I YE SHES ZHES BYA BA'I DON TO, ,THA SNYAD KYI BYE BRAG DE NYID MNGON SUM LAS 'DI RTOGS PA YIN PAR BSTAN PA NI, GZHAN NI TSAD MA MA YIN TE, ,ZHES BYA BA LA, LHAN CIG PA'I KHYAD PAR CAN YIN TE, 'JIG RTEN GYIS RTOGS PAR MI NUS PA YIN YANG 'JIG RTEN PA LA DE SGROGS PAR BYED DO ZHES BYA BA'I DON TO, ,DE LTA NI YIN NA MI SLU BA CAN NYID NI SNGAR MTHONG BA NGO SHES PA LA YANG YOD PA YIN NA, DE YANG SNANG BZHIN PA LA MTHONG BA NYID DU SRE BAR BYED PA NI MI SLU BAR BYED PA NYID DO, ,MA YIN TE, DON BYED PA ZHES BYA BA NI KHYAD PAR LAS YIN NO ZHE NA, MA YIN TE, 'DI SNGON PO LA SOGS PA ZHES DON BYED NUS PA NYID DU RTOGS PA'I PHYIR RO, ,NUS PA NYID KYANG 'BREL PA YIN PAR BRJOD DE, DON BYED PA DANG SNANG BZHIN PA DANG 'BREL PA NYID SNGAR MTHONG BA NYID DANG SRE BA NI, SNGAR MTHONG BA NGO SHES PA ZHES BYA BA'I DON TO, ,DE LTA NA SNGA MA DANG PHYI MA DAG GI GZUNG BA DANG SRE BA NI DE LAS YIN NO ZHE NA, YIN NA YANG SKYON CI YOD TSAD MA'I MTSAN NYID KYIS MA YIN PAR DGAG PA MA YIN TE, RGYUN DU BYUNG BA'I SHES PA 'DIS BSTAN PA YIN NO, ,'ON TE 'JUG PAR BYED PA NI PHRAD PAR BYED PA YIN NO ZHE NA, DANG PO MTHONG BA KHO NA DE LTA BU YIN PA'I PHYIR SNGAR MTHONG BA NGO SHES PA NI MI SLU BAR BYED PA MA YIN TE, GOMS PA LA MA

MTHONG BA'I PHYIR RO, ,RJES SU 'GRO BA DANG LDOG PA DAG GIS NUS PA'I RJES SU 'JUG PA NYID YANG RGYUN DU 'BYUNG BA'I SHES PA GSAL BAR NI MI NUS SO, ,RTOGS PA'I DON LA NI MI SLU BA 'AM GZHAN YIN PA BSAL DGOS SO, ,MA RTOGS PA LA NI MA YIN NO, ,DE'I PHYIR MA RTOGS PA RTOGS PAR BYED PA NYID NI TSAD MA'I SNGAR BYUNG BA'I BYA BA YIN PA'I PHYIR DE NYID TSAD MA'I MTSAN NYID DU RIGS PA YIN LA, DE NYID KYANG MI 'DOD PA BSAM PA YANG RNYED PAR BLA BA YIN NO, ,'DI LTA BU'I BSTAN BCOS NI DON DANG LDAN PA'I BSTAN BCOS DE NI MA MTHONG BA LA TSAD MA YIN NO ZHES BYA BA'I TSIG LAS, LKOG TU GYUR PA LAS TSAD MA YIN NA THAMS CAD MKHYEN PA'I SHES PA NI TSAD MA GZHAN LA RUNG BA'I SHES PA TZAM NYID LA SOGS PA MTHONG BAR BYED PA YIN YANG, 'DI LTA BU MA YIN PA'I PHYIR TSAD MA MA YIN NO, ,RJES SU DPAG PA NI GANG ZHIG GANG GI TSE MTHONG BAR BYED PA DE NI DE'I TSE DE NYID YIN PA'I PHYIR 'DI LA MTSAN NYID KYI RJES SU MI 'JUG PA'I SKYON MED DO, ,BSTAN BCOS KYIS MTHONG BA'I DON NYID DAM PHYI ROL RIG PA NI GNOD PA MED PA LAS YIN LA, MI SLU BA YANG SLU BA MED PA NI GNOD PA CAN MED PA KHO NA STE, GNOD PA CAN DANG BRAL BA DON RIG PA KHO NA DON BYED PA RIG PA YIN PA'I PHYIR SKYES BU'I DON RJES SU MI 'JUG PA'I SKYON YANG SPANGS PA YIN NO SNYAM DU SEMS PA LA, RE ZHIG SHES PA GNYIS PA NI SHES PA SNGA MAS MA BSGRUB PA YIN NA, DE TZAM LA NI DGOS PA MED PAS MI SLU BA CAN MA YIN PA'I PHYIR MTSAN NYID NI KHYAB CHES PA MA YIN NO, ,DE TZAM GYI DGONGS PAS GZUNG BA LA 'DZIN PA'I SHES PA BSAL BAR NUS PA YIN LA, MI SLU BA CAN 'DZIN PAS NI MA YIN LA, SNGAR YOD PA TZAM GYIS RTOGS PAR BYED PA NYID KYANG MA YIN TE, SKYES BU'I DON LA MKHO BA MA YIN PA NI TSAD MA'I MTSAN NYID SEMS PAS BRTZON PAR BYA BA MA YIN PA'I PHYIR DE SPANGS NAS RTOGS PA DANG LDAN PA RNAMS DON BZHIN DU MI SLU BA CAN NYID LA BRTZON PAR BYED PA YIN NA NI, DE LTA BU LA SKYON CI YANG MED DO, ,GZHAN GYIS SMRAS PA TZAM 'BA' ZHIG KYANG KHAS BLANG BAR BYA BA YIN PA LA SKYON MED PAR BSTAN PA NI, MA SHES DON GYI GSAL

, ,BYED KYANG, ,ZHES BYA BA STE, MNGON SUM LA SOGS PAR RUNG BA'I DNGOS PO LA YANG THAMS CAD MKHYEN PA'I YI SHES MTHONG BAR BYED PA YIN ZHING, 'JIG RTEN LA TSAD MA NYID YIN TE, DE MED NA MNGON SUM LA SOGS PA TZAM GYIS MI RTOGS PA'I PHYIR DANG, MA RTOGS PA LA YANG RTOGS PAR BYED PAS TSAD MAR 'DOD DO, ,RIG BYED LAS BYUNG BA'I SHES PA NI GO BAR BYED PA YIN YANG, RAB RIB CAN GYI SHES PA BZHIN DU DE'I RTOGS BYA'I DON NYID MA RTOGS PA'I PHYIR TSAD MA MA YIN PA NYID DO, ,DON BYED PA LA BYA BA BYED PA'I DNGOS PO NI DON YIN NO, ,DE YANG RIG BYED LA NI GO BAR DKA' BA YIN TE, DON BYED PAR MA MTHONG BA'I PHYIR RO, ,DON BYED PA DANG 'BREL PA NI MI SLU BA YIN PA'I PHYIR MI SLU BAS NI DON NYID LA MA NGES PA MA YIN LA, DE NYID KYANG DE LAS NUS PA CAN GYI NGO BO'I SGRA RNAMS KYIS BRJOD PAR BYA BA YIN NO, ,BUM PA ZHES BYA BA NI DNGOS PO GZHAN GYIS BSGRUB PAR BYA BA MA YIN PA'I 'BRAS BU LA, BYA BA BYED PA'I NGO BO YIN PAR BRJOD PAR BYA BA YIN GYI, DE LTA BU NI KUN RDZOB LA YOD PA MA YIN LA, RIG BYED LA SOGS PA'I RTOGS BYA NI DE LA NUS PA MED PA'I PHYIR KUN RDZOB TU YOD PA YIN DU CHUG KYANG DE LA DON BYED PA MED PA'I PHYIR MI SLU BA MA YIN PAR NI MI RTOGS PA YIN ZHING MI SLU BAS DON NYID RTOGS PA YANG MA YIN TE, MI SLU BA LA YIN YANG KUN RDZOB TU YOD PA RNAMS KYIS DON NYID MA GRUB PA'I PHYIR ZHES BYA BA LA SOGS PA'I DON CI LAS DGONGS PA YANG MI SHES SO, ,'ON TE SNGA MA DANG PHYI MA'I SHES PA LA SOGS PA LAS DE DAG DANG 'BREL PA'AM GZHAN YANG RUNG STE BAG CHAGS LAS BYUNG BA'I RNAM PAR RTOG PA LAS, THA SNYAD DU MNGON PAR BRJOD PAS SHES BZHIN PA NI KUN RDZOB TU YOD PA YIN NO, ,DE LA YANG 'BREL PA CAN DAG KHO NA DE MA YIN PA RNAM PAR GCOD PAR BYED PA'I NGO BO'I NUS PA CAN NYID YIN PA'I PHYIR DON NYID MA NYAMS PA YIN NO, ,THA SNYAD PA'I TSAD MA DANG GZHAL BYA YANG RUNG BA NI SKABS MA YIN LA, DES NA MI SLU BA NI DON NYID GSAL BYA MA YIN PA MA YIN NO, ,'ON TE GZUGS LA SOGS PA RNAMS LA YAN LAG CAN GCIG TU 'DZIN PA DANG SNGA MA

PHYI MA YANG RUNG, GCIG TU 'DZIN PA YIN PA'I PHYIR KUN RDZOB TU YOD PA YIN NO, ,MA YIN TE, DE LTA BU NI RAB RIB CAN GYIS MTHONG BA'I SKRA SHAD LA SOGS PA BZHIN DU NUS PA CAN MA YIN PAS KUN RDZOB 'BA' ZHIG NYID DU YANG YOD PAR MI RIGS PAS SO, ,'BA' ZHIG NI DE LTAR RTOGS PAR BYED PA MA YIN LA, DES NA YOD PA YIN NO ZHE NA, ZLA BA GNYIS PA LA SOGS PA LA YANG DE BZHIN DU 'GYUR TE, DE LA YANG RTOGS PAR BYED PA 'GA' YANG MED PA'I PHYIR RO, ,RTOGS PA ZHES BYA BA YANG DON BYED PA LA 'GA' ZHIG GI RJES SU RTOGS PA YIN PA'AM, DE'I MED PA RJES SU RTOGS PA YANG RUNG BA'O, ,GANG GI BYA BA YIN PA DE YOD PA YIN LA, GANG ZHIG DE LTA MA YIN PA DE NI GZHAN DU YIN NO, ,RTOGS PA ZHES BYA BAS NI KUN RDZOB TU YIN TE, DE DE BZHIN DU RTOGS PAR BYED PA'I PHYIR KUN RDZOB YIN LA, RANG YANG DAG PAR RIG PA TZAM DU RTOGS PAR BYA BA NI DON DAM PA PA YIN ZHES BYA BA NI DON DAM PAR RO, ,GANG GI PHYIR BUM PA LA SOGS PA'I SHES PA NI, GCIG PA NYID LA SOGS PA LA SLU BA CAN YIN LA, DE'I DON BYED PA'I BYED PA PO NYID LA SOGS PA LA NI MI SLU BAS TSAD MA NYID YIN ZHES BYA BA 'DI NI GZHAN GYI 'DOD PA NYID YIN NO ZHES BYA BA'I DON TO, ,RANG GI 'DOD PA NYID DU NI DE LTA BU'I TSAD MA NYID RANG DBANG YIN PA NI DON DAM PA LA LTOS NAS YIN LA, DE LA NI DON NYID RTOGS PA LA LTOS PAR BYA BA CUNG ZAD KYANG MED PA YIN TE, RANG YANG DAG PAR RIG PA NYID DU GRUB PA'I PHYIR RO, ,RIG BYED LA SOGS PA LA NI DE LTA BU'I TSAD MA NYID RJES SU MTHUN PA MA YIN PA NYID MA YIN TE, DE YANG, DON GANG BLO LA GSAL BA NI, ,DE LA SGRA NI TSAD MA NYID, ,CES GSUNGS PA'O ZHES BYA BA'I DGONGS PAS, YANG NA 'DIR DON GYI SGRAS NI ZHES BYA BA SMOS TE, GSAL BYED CES BYA BA NI NYAMS SU MYONG BA'I BDAG NYID KYIS LKOG TU GYUR PA MA YIN ZHES BSTAN PA YIN LA, DES KYANG RANG BZHIN DANG RGYU'I DNGOS PO NYID 'DZIN PAR BYED PA'I BDAG NYID DANG, 'DZIN PA'I BDAG NYID KYANG BKAG PA YIN NO, ,MA SHES PA ZHES BYA BA NI GZUNG BYA NYID DO, ,GZUNG BYA NYID

, ,CES BYA BA LA SOGS PA DANG BRAL BA YIN YANG GCIG PU NI MA YIN TE, RGYA CHE BA LA DMIGS PA'I PHYIR RO, ,YUL THA DAD PA LA DMIGS PA NI GCIG PA MA YIN TE, YUL GYI DBYE BAS 'GAL BA'I CHOS DANG 'DRE BA'I PHYIR RO, ,DU MA YANG MA YIN TE, YANG MI DMIGS PA RJES SU DPAG PAS RDUL PHRA RAB KYI NGO BOR YANG MED PA'I PHYIR RO, ,JI SNYED DMIGS PA DE SNYED PA YUL THA DAD PA YIN PAS, GCIG PA'AM DU MA NYID NI CUNG ZAD KYANG MED PA'I PHYIR DNGOS PO MED PA DE NYID KYIS NA DE'I DGAG PA YANG MED PAS DNGOS PO DANG DNGOS PO MED PA'I RTOG PA ZAD PA NI MYA NGAN LAS 'DAS PA YIN NO ZHES BYA BA GCIG GI YIN NO, ,DE LA DON ZHES BYA BA SMOS TE, GANG GI PHYIR SHES PA NI RANG RIG PA'I KHONGS SU GTOGS PA NYID KYIS DE'I BYE BRAG CAN YIN GYI, YUL GYI DBYE BAS 'BYED PA NI MA YIN TE, YUL YANG DE'I BYE BRAG CAN YIN PAS THA MI DAD PA'I PHYIR RO ZHES BYA BA'I DON TO, ,DE'I PHYIR SHES PA NI TSAD MA NYID YIN TE, MI SLU BA CAN NYID DANG MA SHES PA'I DON RIG PA CAN NYID DANG, RANG YANG DAG PAR RIG PA YANG RUNG MTHONG BA DANG CIG SHOS LA DGOS PA CAN NYID YIN PA'I PHYIR RO, ,RTOGS PAR BYED PA NYID NI MA YIN TE, TSAD MA MA YIN PA DANG CIG SHOS LA THUN MONG BA NYID YIN PAS DGOS PA MED PA'I PHYIR RO, ,GNOD PA MED PA NYID NI MI SLU BA CAN NYID KHO NA YIN TE, GZHAN LA NI MI SRID PA NYID DANG, DGOS PA MED PA CAN NYID DU BSTAN PA LA GTOD PA YIN PAR SHES PAR BYA'O, ,DE LTA YIN NA NI MTHONG BA LAS MA SHES PA NI SNANG BZHIN PA NA MTHONG BA NYID DAM, PHYI ROL NYID LA YANG DE NYID 'DI YIN NO ZHES SNGAR MTHONG BA NGO SHES PAS RTOGS PA YIN NO, ,DE'I DON BYED PA LA MI SLU BAR YOD PA MA YIN TE, DE'I RANG GI NGO BO LAS THA DAD PA MED PA NI RNAM PAR SHES PA BZHIN DU STE, RNAM PAR SHES PA LA YANG RANG GI NGO BO RIG PA LAS GZHAN PA'I DON BYED PA MED PA YIN LA, RE ZHIG MTHAR DON BYED PA 'DI NI YOD PA YIN TE, 'DI LTAR RANG GI SHES PA SKYED PAR BYED PA YIN LA, DE NYID NI RANG GI SHES PA YIN PA'I PHYIR DE NYID DON BYED PA YIN PAS SPYI YOD PA YIN LA,

MTHONG BA NYID NI RANG GI SHES PA MA YIN TE, DES NA GANG MTHONG BA DE NYID DE'I RANG GI SHES PA MA YIN NO ZHES, SPYIR NI SNGAR MTHONG BA NGO SHES PAS MTHONG BA NYE BAR DMIGS PA'I MTSAN NYID NI 'DI'I YOD PA YIN LA, YOD PA YANG DBANG PO DANG MTHONG BA DAG GI RUNG BA NYID YOD KYANG, RNAM PAR RTOG PA NYID KYIS GO BA YIN LA, DES NA SPYI'I SHES PA NI THA SNYAD PA'AM DON DAM PA'I TSAD MAR 'GYUR RO SNYAM DU SEMS PAS, GAL TE MA SHES PA'I DON GSAL BAR BYED PA'I TSAD MA YIN NA ZHES BYA BA STE, SPYI LA SOGS PA YOD PA YIN PAS DE'I YUL BSTAN BCOS KYANG TSAD MAR 'GYUR RO ZHES BYA BA'I DON TO, ,LAN NI, RANG GI MTSAN NYID MA SHES PA, ,ZHES BYA BA STE, RE ZHIG SNANG BA DE NYID MTHONG BAS NYA PHYIS LA DNGUL NYID BZHIN DU PHYIN CI LOG TU 'DZIN PAS GNOD PA YIN ZHES BSTAN ZIN TO, ,GNYI GA'I BDAG NYID KYANG MA YIN TE, MTHONG BAS DE KHO NA NYID DU MA NGES PA'I PHYIR DANG, SNANG BA YANG DE LA MI RUNG BA NYID DU MI RIGS PA'I PHYIR RUNG BA NYID YIN NA SNANG BA NYID KYI KHYAD PAR GZHAN DU, SPYI YANG MTHONG BA'I YUL YIN PA'I PHYIR GZUNG BA LA 'DZIN PA'I RNAM PAR RTOG PA YIN NO ZHES BYA BA 'DI YANG NGO, ,DE LTAR NI MA BZUNG BA LA 'DZIN PA NYID DU KHAS BLANGS NAS BRJOD PA YIN NO, ,SPYI'I SHES PA MA BZUNG BA SHES PA YIN YANG SPYI NI SNGA MA DANG PHYI MA DAG GIS GCIG PA NYID DAM, PHYI ROL NYID KYANG RUNG DON CUNG ZAD KYANG BYED PA MA YIN LA, SHES PA TZAM DON BYED PA LA NI RMI LAM GYI SHES PA BZHIN DU 'GA' YANG DE LA 'GRUS PAR BYED PA MA YIN NO, ,DE LA GCIG TU ZHEN PA YIN YANG DE LA DON MED NA, DE DON DU GNYER BA PO 'JUG PAR BYED PA MA YIN TE, DE GCIG PA NYID DAM PHYI ROL NYID KYIS KYANG DE'I BYED PA'I MTSAN NYID LAS 'JUG PA'I PHYIR RO, ,MI RIGS TE, DE BYED PA NYID KHO NAS DE GCIG PA NYID DAM PHYI ROL NYID DU MTSON PAR BYA BA'I PHYIR DE MED NA 'JUG PA NYID DU MI RIGS PA'I PHYIR ZHES BSTAN PA NI, SHES KYANG GAL TE DE'I RANG GI MTSAN NYID MA SHES NA ZHES BYA BA STE, DE'I STE, DE'I GCIG PA NYID DAM PHYI ROL NYID TZAM GYIS RANG GIS MTSAN NYID KYI DON GYI BYA BA BYED PA NYID DE,

, ,DE'I GCIG PA NYID KYANG DE'I BYED PA NYID KHO NA YIN PAR BSTAN PA NI, RANG GI MTSAN NYID SHES NA NI, ,ZHES BYA BA'O, ,RANG GI MTSAN NYID MA YIN PA'I NGO BO'I GCIG PA NYID DAM PHYI ROL NYID SHES PA YIN YANG 'JUG PA MA YIN LA, RANG GI MTSAN NYID KYI NGO BO LA NI YIN NO ZHES BYA BA'I DON TO, ,SGRA RNAMS KYI YUL NI RNAM PAR RTOG PA RNAMS KYIS DON GYI BYA BA BYED PA'I YUL YIN TE, RTOG PA DANG LDAN PA'I 'DOD PA YIN PA'I PHYIR GZHAN LAS NI MA YIN ZHES BSTAN ZIN TO, ,DON DAM PA'I PHYOGS LA NI SHES PA NANG NYID YIN PA'I PHYIR SPYI'I NI SHES BYA MA YIN LA, DE'I SHES PA YANG MA YIN PA'I PHYIR GANG LA TSAD MA YIN ZHES BSTAN PA NI, GANG GI TSE GNYIS SU MED PA DE'I TSE ZHES BYA BA'O, ,GANG GI TSE RANG GI MTSAN NYID DAM CI YANG RUNG NANG NA YOD PA'I SHES PA NI RANG RANG GI NGO BO LA GNAS PA YIN PA'I PHYIR GZHAN RTOGS PAR BYED PA MA YIN LA, DE'I TSE DE DAG GI SNGA MA DANG PHYI MA DAG NYID DE DAG LAS GZHAN PAS SHES PAR BYA BA MA YIN PAR BSTAN PA NI, RANG GI MTSAN NYID RTOGS PA'I 'OG TU ZHES BYA BA'O, ,GAL TE SNGA MA PHYI MA NYID LA TSAD MA MED NA DE DAG GIS RTOGS PA MA YIN YANG GRUB PA JI LTAR YIN SNYAM DU SEMS PA LA, SHES GANG RIG MED CES BYA BA SMOS TE, RE ZHIG THA MI DAD PA NI MNGON SUM GYIS KYANG RTOGS PAR BYED PA YIN LA, THA DAD PA NI RNAM PAR RTOG PA KHO NAS YIN TE, 'DI NI DON NYE BA LA MI LTOS PA'I PHYIR DANG, 'DOD PAS BZLOG PAR NUS PA'I PHYIR DANG, BRDZUN PA 'DZIN PA'I BAG CHAGS LAS BYUNG BA'I PHYIR YID TZAM GYI RGYAL PO YIN PA'I RNAM RTOG BZHIN DU SHES PA DE NI TSAD MAR 'GYUR BA MA YIN NO ZHES BYA BAR SBYAR RO, ,GNYIS MED PA'I RNAM PAR RTOG PA NI DE LTA BU NYID YIN YANG TSAD MAS GRUB PA'I NGO BO LA SLU BYED MA YIN PA NYID KYIS BYE BRAG CAN MA YIN PAR BSTAN PA NI, 'DIR NI SHES PA THAMS CAD RANG GI MTSAN NYID CES BYA BA STE, GAL TE YANG 'U BU CAG LA SOGS PA'I MNGON SUM NI DBYE BA 'DZIN PA MA YIN LA, THAMS CAD MKHYEN PA'I YE SHES NI DBYE BA 'DZIN PA CAN YIN ZHING, DE BZHIN

DU DE'I GSUNG YANG PHUNG PO LA SOGS PA'I DBYE BA LA 'BAB PA YIN NO SNYAM DU SEMS PA NI, 'O NA CI'I PHYIR BCOM LDAN 'DAS KYIS ZHES BYA BA STE, DE'I BSAM PA LAS ZHES BYA BA NI DBYE BA BYAS PA'I LNGA PA'O, ,GAL TE GNYIS MED PA NYID DU GDUL BYA'I BSAM PA LAS GSUNGS PA YIN ZHES BYA BAR CIS MI 'GYUR SNYAM DU SEMS PA LA, RANG RIG PA'I MNGON SUM GCIG PO NYID CES BYA BA SMOS SO, ,DE LTA YIN NA GNYIS SU MED PA'I MNGON SUM DE NYID GDUL BYA LA BSHAD PAR BYA BA YIN LA, GNYIS KYIS CI DGOS SHE NA, JI LTA JI LTAR ZHES BYA BA SMOS TE, DBYE BA THAMS CAD LA 'DZIN PA LDOG PA NI GNYIS KYIS DBEN PA NI 'JUG PA YIN TE, DE LA RE ZHIG BDAG DANG YAN LAG CAN DANG SPYI LA SOGS PA 'DZIN PA LAS LDOG PAR NYE BAR BSTAN PAS GZUNG BA DANG 'DZIN PA DAG GI PHYOGS GCIG DANG BRAL BA NYID LA 'JUG PA YIN LA, DE NAS KYANG PHUNG PO LA SOGS PA DANG BRAL BA NYID CES BYA BA'I DON TO, ,PHUNG PO LA SOGS PA BSTAN PA NI, BDAG LA SOGS PA DANG BRAL BA'I PHYIR DE KHO NA NYID BSTAN PA NYID DU CI'I PHYIR MI 'GYUR ZHES DOGS PAS DE GA LAS SHES ZHES ZER BA LA LAN DU, RANG GI MTSAN NYID DE DON DAM PA RNAM PAR DPYAD PA'I PHYIR RO, ,BDAG LA SOGS PA RNAM PAR DPYOD BZHIN PA NI DE KHO NA NYID MA YIN PA'I PHYIR DOR BA YIN PAR NI PHUNG PO LA SOGS PA LA YANG MTSUNGS PA YIN NO ZHES BYA BA'I DON TO, ,DE LTA YIN NA BDAG LA SOGS PA DANG PHUNG PO LA SOGS PA YANG LAN CIG NYID RNAM PAR DPYAD PAR BYA BA YIN NA, CI'I PHYIR DOR BA NYID LA SOGS PA'I BYE BRAG LAS RIM GYIS YIN SNYAM DU SEMS PA LA, DE NYID BCOM LDAN 'DAS KYIS ZHES BYA BA SMOS SO, ,DBYE BA YANG NGA RGYAL GYI GZHI DANG CIG SHOS KYIS MNGON SUM DU GRUB PA KHO NA YIN NO SNYAM DU SEMS PA LA, PHYI DANG NANG ZHES SHES PA YIN ZHES SMOS SO, ,GAL TE GNYIS SU MED PA YIN NA SNGON PO LA SOGS PA JI LTAR RGYAL GYI GZHI MA YIN, RES 'GA' BA'I NYE BAR DMIGS PA NYID YIN PA'I PHYIR ZHES KHO BO SMRA BA NI, GANG ZHIG RTAG TU DMIGS PA DE NI NGA RGYAL GYI GZHI YIN TE LUS LTA BU'O, ,BDAG GI LUS ZHES BYA BA

, ,'DI LA YANG RNAM PAR SHES PA DANG TSOR BA LA SOGS PA THA DAD PA 'DUS PA LA LTOS NAS, TZANDAN GYI DRI ZHES BYA BA LTA BU'O, ,DE BSTAN PA NI, PHYI DANG NANG ZHES SHES PA YIN, ,ZHES BYA BA'O, ,DE YANG ZLUM PO YIN LA 'DI YANG YIN NO ZHES ZLUM PO NYID DU GCIG PA LA; DON DU MI GNYER BA YANG MTHONG BA NYID KHO NAS RTOGS PA YIN LA, DON GYI BYA BA BYED PA NYID MA YIN TE, DBYIBS LA SOGS PA'I BYE BRAG NI MI RTOGS PAR BRJOD PA MA YIN NO, ,JI LTAR 'DI NI MA YIN PA LAS KHYAD PAR CAN YIN PA DE BZHIN DU DE LAS GZHAN PAS KYANG YIN NO ZHES BYA BA NI MTHONG BA'I NUS PA YIN NO, ,GCIG PA NYID DU RTOGS PA NI GNYIS SU MED PAR BYED PA YIN PA DES NA DE BZHIN DU RTOGS PA NYID KYI PHYIR DE LA BYED PA PO NYID KHO NA DE DAG GI GCIG PA YIN ZHES BYA BA'I DON TO, ,DE DANG 'DRA BA NI DE BZHIN DU YIN NO ZHES BYA BA'I 'DRA BAR BRJOD PA PO MED PA'I PHYIR DANG, GYUR PA'I SGRA NI MA GYUR PA LAS LDOG PA'I DON NYID KYIS DE'I RJOD BYED MA YIN PA'I PHYIR DANG, KUN DU LDOG PA'I DGOS PA MED PA'I PHYIR MI RIGS PA YIN LA, DE 'DI LA YOD CES DE DANG LDAN PAR 'CHAD PAR 'DOD PAS PHYOGS SNGA MA BYED PAR BCUD PA NI, 'O NA JI LTAR BCOM LDAN 'DAS TSAD MA YIN ZHES BYA BA'O, ,'DI SKAD BSTAN PAR 'GYUR TE, RANG GI NGO BO NI THOB BYA DANG 'BREL PA DE NYID YIN LA, THOB BYA YANG 'BYUNG BAR 'GYUR BA NYID YIN PAS NYE BA MA YIN PA'I PHYIR SGRO BTAGS PA'I YUL 'BA' ZHIG STE, THA SNYAD PA KHO NA YIN GYI BCOM LDAN 'DAS NI DE LTA MA YIN TE, GANG GI PHYIR BCOM LDAN 'DAS NI SGRO BTAGS PA MA YIN NO, ,GZHAN DU NA DE'I YUL 'JIG RTEN PHA ROL LA SOGS PA LA RTOGS PA DANG LDAN PAR MI 'JUG PAR THAL BAR 'GYUR BA'I PHYIR RO, ,MTHONG BA LA NI THOB PAR NUS PA YIN NA; JI LTA JI LTAR YANG 'JUG PA GSAL BYA MA YIN TE, 'JIG RTEN PHA ROL THE TSOM YANG, ,MKHAS PAS MI DGE SPANG BYA YIN, ,GAL TE MED NA CI YIS DGE ,GAL TE YOD NA MED STE PHUNG, ,ZHES PAS MA MTHONG BA LA YANG DE'I MTSAN NYID NI TSAD MA KHO NA YIN NO ZHE NA, BDEN

TE; MNGON SUM LA SOGS PA LAS KYANG SGRO BTAGS DANG CIG SHOS NYID KYIS BCOM LDAN 'DAS 'BA' ZHIG KHYAD PAR CAN DU DAM 'CHA' BA NI, GZHAL BYA KHYAB BYA MIN PA'I PHYIR, ,GZHAN NI TSAD MA NYID MA YIN, ,MA KHYAB PA NA 'BRAS SOGS DANG, ,LDAN PA YONGS SU 'DZIN PA MIN, ,ZHES BYA BAS SO, ,KHYAD PAR DE NI RTOGS PA DANG LDAN PA SHIN TU 'JUG PAR BYED PAS TSOL BAR BYED PA YIN NO, ,MI SRID PA TZAM GYIS GCIG KYANG MA SHES PA YIN NA, MA NYAMS PA BSGRUB PAR MI RIGS PA MA YIN NAM, MTHONG BA LA NI SGRO BTAGS PA LAS KYANG 'JUG PA YIN TE NUS PA'I PHYIR RO, ,MA MTHONG BA LA SHES PA DE SGRO BTAGS PAR 'DOD PA MA YIN TE, MI NUS PA'I PHYIR RO ZHES BYA BA'I DON TO, ,SNGAR DRIS PA'I KHYAD PAR RTOGS PAR BYED PAR 'DOD NAS, DE LDAN BCOM LDAN TSAD MA NYID, ,CES BYA BA SMOS TE, SGRO BTAGS PA MA YIN PA'I 'JUG PA'I YUL RAB TU SHES PA BCOM LDAN 'DAS KHO NA'I KHYAD PAR YIN GYI GZHAN GYI NI MA YIN LA, 'DI'I KHYAD PAR DE YANG SKABS MA YIN PA'I PHYIR JI LTAR RTOGS PA POS SGRA DE LAS SKABS YIN PAR RJES SU RJOD PAR BYED PA YIN, GAL TE DE NI PHUL BYUNG BAR, ,SHES NUS DON 'DI 'DOD PA YIN, ,ZHES BYA BA LA SOGS PA DE DANG DER NI SKABS KHO NA YIN NO, ,PHUL DU BYUNG BA YANG SGRO BTAGS PA MA YIN PA'I SHES PA'I NGO BO NI, 'U BU CAG LA SOGS PA RNAMS LAS KHYAD PAR DU 'GYUR BA KHO NA YIN NO, ,DE LTA BU NI 'DIR SKABS MA YIN NO; ,'CHAD PAR 'GYUR BA NI RTOGS BYA MA YIN PA NYID YIN LA, BLO LA GNAS PA NI RTOGS BYA NYID YIN NO ZHE NA, BLO LA GNAS PA NYID CI LAS SHES PAR BYA BA YIN ZHES BYA BA DE NYID DRIS PA YIN NO, ,RTOGS PA LAS YIN NO ZHE NA, MA YIN TE, MA NGES PA'I PHYIR RO, ,PHUL DU BYUNG BA NYID NI RTOGS BYA NYID YIN NO ZHES SUS SMRAS, 'O NA CI ZHE NA, DON BYED PA LA MI SLU BA CAN NYID DAM, MA SHES PA'I DON GSAL BAR BYED PA NYID TSAD MA'I MTSAN NYID KYI SKABS YIN LA, DE YANG BCOM LDAN 'DAS 'DI'I YIN GYI GZHAN DU NI MA YIN NO, ,DE NI 'U BU CAG LA

, ,SOGS PA LA YANG YOD PA MA YIN NAM, DE'I PHYIR JI LTAR BCOM LDAN 'DAS 'GRO BA KHO NA'I YIN, DE LTA YIN DANG DE NI DE LAS GZHAN LAS KHYAD PAR CAN YIN PAS DE KHO NA YIN PAR BRJOD DO, ,DPER NA BRAM ZE RNAMS YOD PA YIN NA YANG, PHUL DU BYUNG BA BSTAN PA'I PHYIR 'GA' ZHIG LA 'DI NI 'GRO BA 'DI NI BRAM ZE YIN NO ZHES RJOD PAR BYED PA DE BZHIN DU 'DIR YANG 'U BU CAG LA SOGS PA LAS 'DI PHUL DU BYUNG BA SGRO BTAGS PA MA YIN PA'I YE SHES NYID YIN PAR BSTAN PA NI, BCOM LDAN 'DAS NI MNGON SUM GYI RANG BZHIN NYID KYI TSAD MA YIN TE ZHES BYA BA'O, ,'DI ZHES BYA BA NI SGRO BTAGS PA MA YIN PA'I SHES PA'O, ,RIG BYED LA SOGS PA 'U BU CAG LA SOGS PA LA YANG MTSUNGS PA MA YIN NA, DE CI LAS MA MTHONG BA LA TSAD MA NYID YIN ZHES BSTAN PA NI, DE'I PHYIR DE NYID CES BYA BA'O, ,RNAM 'GREL NI BSHAD BYA'I NGO BOR BYAS PA MA YIN PA'I PHYIR RANG DBANG YIN PA'I PHYOGS LA 'DRA BA'I DON YANG RNYED SLA BA YIN PAR BSTAN PA NI, YANG NA DON DAM PAR ZHES BYA BA STE, GANG GI PHYIR 'JIG RTEN PA'I TSAD MA NI GNYIS KYI NGO BOR BSTAN TE, RANG LAS RANG GI NGO BOR RTOGS, ,ZHES BYA BA DANG; THA SNYAD LAS NI TSAD MA NYID, ,CES BYA BA YANG NGO, ,DE BZHIN DU MA MTHONG BA'I DON LA YANG TSAD MA NI GNYIS KYI NGO BO KHO NA YIN NO ZHES BYA BA'I DON TO, ,RANG YANG DAG PAR RIG PA TZAM NI DE KHO NA NYID MA YIN NAM, SKAD CIG MA NYID KYANG ZHES BYA BA LA SOGS PAS DE KHO NA NYID DU GSUNGS PA NI, 'BRAS BU'I RANG BZHIN YIN PA LAS RGYU NI YANG DAG PA JI LTA BA SHES PA RTOGS PA YIN NO, ,DE'I PHYIR NYE BAR BSTAN PA NI RMONGS PA LAS KYANG 'BYUNG NGO ZHES BYA BA NI RIG BYED LA SOGS PA NI 'GA' YANG DON DANG 'BREL PA MED PAS TSAD MA MA YIN NA ZHES BYA BA LA SOGS PA NYID KYIS GSAL BA YIN LA, 'DI NYID KYI DBANG PHYUG LA SOGS PA YOD PAR SMRA BA LA YANG GSAL BA'I PHYIR RTZOD PA CUNG ZAD KYANG MED PA YIN NA, TSANG MA RTAG PA NYID YOD MIN, ,ZHES BYA BA LA SOGS PAS GZHAN BTZAL BYA CI ZHIG YOD, DE NI CI YANG MA YIN TE, TSAD

MA'I STOBS KYIS GZHAN YANG RTOGS PA'I PHYIR RO, ,DE LTA YIN NA DE NYID YANG DAG PA NYID DU GSUNGS PA LAS SHES PA NI RTAG PAR 'GYUR RO, ,'GYUR DU ZIN KYANG PHA ROL PO'I PHYOGS YIN NO, ,DBANG PHYUG LA SOGS PA GZHAN NYID NYE BAR 'PHEN PAR BYED PA'AM, 'GEGS PAR BYED PA YANG MA YIN LA, DE BZHIN DU, TSAD MA RTAG PA NYID YOD MIN, ,ZHES BYA BAS RTAG NYID CHOS NYE BAR BLANGS PA SEL BAR BYED PA YIN GYI CHOS CAN NI MA YIN ZHING, GZHAN BTZAL BYA CI ZHIG YOD CES BYA BA YANG NGO, ,YANG DAG PA NYID DU GSUNGS PAS DPAG PA YANG ZHES BYA PA 'DI YANG YIN DU ZAD MOD, GZHAN CI ZHIG DGOS, RAB TU GRUB PA LAS GZHAN PA NYID KYI RTAG PA NYID KHO NA RAB TU GRUB PA'I RTAG PA NYID YIN PA'I PHYIR DANG, THAMS CAD BYED PA PO YIN PA'I PHYIR DANG, YANG DAG PA NYID DU GSUNGS PA'I BYED PA PO NYID MA NYAMS PA YIN NO, , YANG NA SHED BU LA SOGS PA'I DAG LAS BZHIN DU YANG DAG PA NYID DU GSUNGS PA LAS KYANG, RJES SU DPAG PAR BYA BA'I RIG BYED RTAG PA NYID YIN DU CHUG KYANG SNANG BZHIN PA LA NI DE LTA BU MED PA'I PHYIR RO, ,SHED PU LA SOGS PA DANG BCOM LDAN 'DAS PA YIN TE, DRAN PA PO YIN PA'I PHYIR LA DES GSUNGS PA YANG BYED PA POR THUN MONG BA YIN PA'I PHYIR RJES SU DPAG PA TSAD MAR 'GYUR RO, ,'GAL PA YIN PAS MNGON SUM NI LTOS PA MED PA MA YIN TE, RTAG PA LAS PHYI ROL PA NYID LA SOGS PA DANG RIG BYED 'GAL BA'I PHYIR THAMS CAD G-YO 'GUL DANG DRAN PA LTA BU YIN NO ZHE NA, 'DI THAMS CAD TSANGS PA'I RNAM SHES NI MA YIN TE, MTSUNGS PA ZHES BYA BA DANG BSNYEN GNAS PA ZHES BYA BA YANG 'GAL BA NYID KYIS TSAD MA NYID MA YIN NO ZHES ZER BA NI, RIG BYED RTAG PA TSAD MA MA YIN TE ZHES BYA BA'O, ,LAN NI, TSAD MA RTAG PA NYID YOD MIN, ,ZHES BYA BA STE, SKAD CIG MA NYID KYI SHES PA TZAM NYID LA SOGS PA NI YANG DAG PA NYID DU GSUNGS PAS DE DANG PHYIN CI LOG TU RTOGS PAR BYED PAR 'GAL BA YIN TE, RTAG PA NYID DANG BYAS PA NYID LTA BU'O, ,TSAD MA GZHAN YANG YOD PA MA YIN

, ,TE; DE NYID BSTAN PA NI, TSAD MA MED PA'I PHYIR RO ZHES BYA BA STE, 'DIS NI SGRUB PAR BYED PA MED PAR BSTAN TO, ,THE TSOM YANG YOD PA MA YIN TE, GNOD PAR BYED PA YIN NO ZHES BSTAN PA NI, GZHAN YANG DNGOS PO YOD PA YIN, ,ZHES BYA BA STE, PHA ROL POS SMRAS PA RNAMS NI, ,SGRUB PAR BYED PA MA YIN PAR, ,'DOD 'JUG CES BYA BA LA SOGS PAS 'CHAD PAR 'GYUR BA YIN TE, SHES PA NYID NI TSAD MA YIN TE, DON YANG DAG PAR RIG PA'I BDAG NYID YIN PA'I PHYIR RO, ,CHAD MA'I GTZO BO NI MI SLU BA CAN GYI SHES PA YIN PAR BSGRUBS PA YIN LA DE YANG KUN RDZOB YIN NO, ,LUS DANG SA LA SOGS PA'I SHES BYA 'DZIN PAR BYED PA NYID KYIS DE LA GNAS PA DE'I RANG GI NGO BO'I RJES SU BYED PA STE, DE YOD PA DANG MED PA'I RJES SU BYED PA PO YOD PA DANG MED PA YANG MI RTAG PA YIN LA, DE BZHIN DU DBANG PHYUG LA SOGS PA LA YANG SHES BYA MI RTAG PA NYID KYIS DE YANG MI BRTAN PA YIN NO ZHES BYA BA STE, DE NYID NI GAL TE SHES BYA MI RTAG PAS SHES PA MI RTAG PA NYID YIN NO ZHES BYA BA 'DI GA LAS SHES SHE NA, ZHES BYA BA'I DRI BA SNGON DU 'GRO BA CAN GYIS SGRUB PAR BYED PA YIN NO, ,'U BU CAG LA SOGS PA RNAMS KYI YANG SHES PA NI SHES BYA YOD PA DANG MED PA'I RJES SU BYED PA YIN PAR CI LAS SHES PA YIN, DE NI SHES BYA LAS SKYES PA'AM SHES BYA'I BDAG NYID KYANG MA YIN NO, ,'O NA CI ZHE NA, SHES BYA'I BYA BA LAS 'DZIN PAR BYED PA KHO NA YIN NO SNYAM DU SEMS PA NI; GAL TE SHES BYA MI RTAG PAS, ,ZHES BYA BA'O, ,GANG GI PHYIR SHES BYA'I BDAG NYID DAM, SKYE BZHIN PA NI GZHAN LAS YIN PA JI LTA BA KHO NA BZHIN DU BYA BA BYED PA PO YANG YIN PAR BSTAN PA NI, SHES BYA'I RANG BZHIN LA BYA BA BYED PA ZHES BYA BA'O, ,DE LA GAL TE ZHES BYA BA SMOS TE, SHES PA NI SHES BYA MED NA BYA BA MED PA YIN LA, DE YOD KYANG DE'I NGO BO YIN NA JI LTAR 'DZIN BYED YIN, DES NA SHES BYA DANG BRAL BA BYA BA BYED PA PO MA YIN PA LAS SHES BYA'I DUS SU BYA BA BYED PA NI GZHAN YIN NA, ,SHES PA NI DANG BA DBYE BA MED PA MA YIN NAM,

ME LONG BZHIN DU SHES PA DE DANG DE NYE BA YIN NA GZUGS BRNYAN 'DZIN PA YIN TE, GZUGS BRNYAN YOD PA DANG CIG SHOS KYI DUS DAG GU DE'I BYE BRAG TU YOD PA MA YIN NO SNYAM DU SEMS PA NI, 'ON TE DE NI ME LONG GI ,ZHES BYA BA'O, ,DE LTA YIN NA THAMS CAD DU 'GRO BA DE'I SHES BYA THAMS CAD LA NYE BA YIN PA'I PHYIR THAMS CAD MKHYEN PA NYID DU 'GYUR RO, ,'ON TE THAMS CAD DU 'GRO BA YIN YANG MIG LA SOGS PA'I TSOGS PA LTOS NAS YIN TE, DE NI YUL NGES PA YIN PA'I PHYIR NGES PA 'DZIN PA YIN NO, ,DANG POR NGES PA MA YIN PA NI DE NYE BA LAS NGES PA CAN DU MI 'GYUR TE RTAG PA'I PHYIR RO, ,GZHAN PA DE NI DE LAS 'BYUNG BA YIN PAR NI RIGS SO ZHES BYA BA'I DGONGS PAS, 'O NA NI RANG GI TSOGS PA ZHES BYA BA SMOS TE, RANG GI TSOGS PA LAS TE MIG LA SOGS PA LAS DE LTAR TE, SHES PA'I NGO BO NI DE NYID LA RJES SU 'GRO BA DANG LDOG PA DAG GIS MIG LA SOGS PA NYID KYI NUS PA LAS RTOGS PA'I PHYIR RO, ,JI LTAR MIG GI BYA BA MED PA YIN YANG DON RTOGS PA NYID NI DE LA LTOS PA YIN PA DE BZHIN DU SHES PA YANG YIN NO SNYAM DU SEMS PA NI, 'ON TE MIG MI 'GUL BAR PHYE BA ZHES BYA'O, ,SHES PA NYID NI BYA BA GZHAN MED KYANG RJES SU 'GRO BA LA SOGS PA'I NUS PA CAN DU RTOGS PA YIN NO, ,MA YIN TE, DE LA LDOG PA MED PA'I PHYIR RO, ,RJES SU 'GRO BA YOD PA YIN NO ZHES NA, MA YIN TE, DE MED NA GZHAN YOD KYANG MI 'BYUNG ZHES BYA BAR MI 'GRUB NA, DE'I RJES SU 'GRON BA'I NUS PA MI RTOGS PA'I PHYIR RO ZHES LAN DU BSTAN PA NI, RJES SU 'GRO DANG LDOG PA LAS, ,ZHES BYA BA'O, ,DE'I PHYIR DBANG PHYUG LA YANG DON GYI SHES PA NI DE'I MIG LA SOGS PA'I RJES SU 'GRO BA DANG LDOG PA'I RJES SU BYED PA YIN GYI, DE LAS GZHAN PA RTAG PA RTOGS PA'I NGO BO NI BSKYED BYA MA YIN PAR NYE BAR BSDU BA NI, DE'I PHYIR DE LTAR 'GYUR BA DE NI DON NYID YIN GYI ZHES BYA BA'O, ,MIG LA SOGS PA LAS BYUNG BA'I DON RTOGS PA NYID THA MI DAD PA'I PHYIR 'DZIN PAR BYED PA YIN PA NI BDEN MOD KYI, DE YANG RTOGS PA NYID BZHIN DU DE DANG YANG RTAG PA DANG 'BREL PA CAN NYID YIN NO, ,DE'I PHYIR DES KYANG 'DZIN

, ,PA YIN GYI, PHRAD PA DANG DE'I BDAG NYID DAG LA BYE BRAG CI YANG MED DO SNYAM DU SEMS PA NI, 'ON TE DON DE TSAD MA YIN MOD CES BYA BA STE, RE ZHIG DON NI RTOGS PA NYID DANG THA MI DAD PA'I PHYIR DON GYI 'DZIN PA POR 'GYUR LA, PHAN PA MI BYED PA GZHAN NI NYE BA TZAM GYIS NAM MKHA' BZHIN DU 'DZIN PAR BYED PA MA YIN ZHES BYA BA'I DON TO, ,'BREL PA NI PHAN PAR BYED PA NYID YIN TE, PHAN PA NI MKHO BA'O, ,NYE BA YIN PAR BYE BRAG MED KYANG DON DE NYE BAR STON PA YIN GYI, GZHAN DU NI MI 'THAD PAS DE NYID KYIS DON STON PA YIN PAR SHES PAR BYA STE; NAM MKHA'I NI MA YIN NO SNYAM DU SEMS PA LA, MKHA' LA DON DE BSTAN MED PHYIR, ,ZHES BYA BA SMOS SO, ,JI LTAR YANG RTOGS PA'I DON NI DE LAS SAM GZHAN LAS KYANG ZHES BYA BA'O LDOG PA MED PA'I PHYIR DBANG PO LA SOGS PA BZHIN DU NGES PAR BYED PA MA YIN NO, , DE BZHIN DU NYE BAR BSTAN PA YANG YIN TE, LAN BSTAN PA NI, BSTAN PA'I TSIG YIN DE YI PHYIR, ,ZHES BYA BA'O, ,JI LTAR SNAL MA LA SOGS PA RNAMS NI TSIG PA LA SOGS PA MED NA SNAM BUR 'GRUB PA YIN LA, YOD NA NI 'GRUB PAR BYED PA MA YIN NAM, DE BZHIN DU DE YANG LHAN CIG BYED PA MED NA MI BYED PA YIN LA, DE YOD NA BYED PA YIN NO SNYAM DU SEMS PA LA, RNAM PA KUN DU LDOG MED LA, ,ZHES BYA BA SMOS TE, SNAL MA RNAMS NI TSIG PA LA SOGS PA MED NA MI BYED PA YIN ZHES BYA BA NI MI RIGS TE, TSIG PA LA SOGS YOD KYANG SNAL MA MED NA SNAM BU LA SOGS PA MED PA'I PHYIR 'DI LA NI MIG LA SOGS PA YOD KYANG, DE MED NA 'BRAS BU MED PAR SNANG BA MA YIN NO, ,DES NA DE'I RGYU NYID RTOGS PA YIN GYI, SHES BYA BA BZHIN DU DE DANG THA MI DAD PA'I PHYIR RTAG PA MA YIN LA, DE'I RGYU YANG RTAG PA DANG THA MI DAD PA YIN ZHES BYA BA LA SOGS PA'I RIGS PAS RTAG PA NYID MA YIN ZHES BYA BA'I DON TO, ,DE'I PHYIR DE LTAR DON RTOGS PA NYID LAS SHES PA GZHAN NI KHYAB PA YIN PAR MA MTHONG LA RTOGS PA NYID KYANG SHES BYA DANG THA MI DAD PA YIN TE, SHES BYA THA DAD PA YIN NA THA DAD PA

YIN NO, ,DE NI DBANG PO BZHIN DU RTOGS PA NYID KYI RGYU YANG MA YIN TE, DBANG PO LA SOGS PA TZAM NYID LAS DE GRUB PA'I PHYIR RO, ,GZHAN MI NUS PA'I PHYIR RO ZHES BSTAN ZIN TO, ,DA NI DE ME LONG DANG 'DRA BA YIN NA YANG DE LTA NA YANG DE'I NYE BA NI 'DAS PA DANG MA 'ONGS PA NI DE DANG NYE BA MA YIN PA'I PHYIR JI LTAR DE'I GZUGS BRNYAN YIN PAR BSTAN PA NI, DON GANG 'DAS DANG MA 'ONGS ZHES BYA BA'O, ,'ON TE SHES BYA TZAM DE LTAR SNANG BA YIN GYI NYE BA DANG CIG SHOS KYI RNAM PAR DBYE BA NI MA YIN NO SNYAM DU SEMS PA LA, 'DAS PA NYID DU MA SHES PAR, ,ZHES BYA BA SMOS TE, NYE BA LA 'DZIN PA YIN NA DE'I TSE GZHAN DU 'U BU CAG LA SOGS PA'I GNAS SKABS KYANG THAMS CAD MKHYEN PAR 'GYUR TE, DE'I NGO BO LA BYE BRAG MED PA'I PHYIR RO, ,'ON TE 'DOD CHAGS LA SOGS PAS GOS PA'I 'U BU CAG LA SOGS PA'I SHES PA NI ME LONG DRI MA CAN BZHIN DU, NYE BA NA GNAS PA LAS GZHAN PA RIG PAR BYED PA MA YIN NO ZHE NA, ME LONG DU NI 'PHO BA YIN, ,ZHES BYA BA SMOS SO, ,GANG GI PHYIR ME LONG DRI MA MED PA DE BZHIN DU NYE BA NYID KHO NA SNANG BA YIN NA, NYE BA MA YIN PA NI MA YIN NO ZHES BYA BA THAMS CAD MKHYEN PA NYID NI DE LTA MA YIN NO, ,ME LONG YANG DON YOD PA LA NI DE BZHIN DU 'GYUR BAS MI RTAG PA YIN PA'I PHYIR RTAG PA DANG 'GAL BAR BSTAN PA NI, DE LTA BU YI SNANG BA NI, ,ZHES BYA BA'O, ,RTAG PA DANG 'BREL PA CAN GYI SO SOR SNANG BA NI GANG GI YANG BSKYED BYA MA YIN TE, SHIN TU SGRO MA BTAGS PA YIN PA'I PHYIR RO, ,RNAM PAR 'GYUR BA'I SHES PA'I NGO BO NI 'DI'I RTAG PA YIN YANG 'GAL BA MED DO ZHE NA, NAM MKHA' LA SOGS PA DAG KYANG ZHES SMOS SO, ,BRTEN PA PHUL DU BYUNG BA NYID YIN YANG NAM MKHA' 'AM GZHAN YANG RUNG BA DANG BYE BRAG MED DE; NGES PA CAN GYI DON RJOD PAR BYED PA'I TSIG KYANG DON THAMS CAD MTHONG BA YIN NO PHYIN CI LOG GIS KHYAB PA BSTAN PA NI, DON RNAMS THAMS CAD MTHONG BA DE'I, ,ZHES BYA BA STE, THAL BAR 'GYUR BA NI PHYIN CI LOG LA 'BAB PA YIN PAR BSTAN PAR BYA'O, ,SNA

, ,TSOGS PA LA RUNG BA NI, ,ZHES BYA BA YANG RIGS PAS NGES PAR 'JUG PA'I YUL NYE BAR MA BSTAN PA'I PHYIR, DE'I TSIG NI 'JUG PAR BYED PA MA YIN PAR BSTAN PA NI, DON KUN MTHONG BA LAS BYUNG BA'I, ,ZHES BYA BA SMOS SO, ,DON THAMS CAD MA THOB PA'I RGYU MTSAN LAS BYUNG BA'I TSIG KYANG DON LA NGES PA YIN TE, BRJOD PAR 'DOD PA'I NGES PA LAS BYUNG BA'I PHYIR 'GAL BA MED DO SNYAM DU SEMS PA LA, BRJOD 'DOD NGES PA ZHES BYA BA SMOS TE, DON THAMS CAD MTHONG BA YIN YANG DON LA NGES PA'I BRJOD PA 'DOD PA NYID DU JI LTAR 'GYUR ZHES BYA BA'I DON TO, ,DON DU MA MTHONG BA'I BRJOD PAR 'DOD PAS NGES PAR SMRA BA PO YANG MTHONG BA KHO NA YIN NO ZHE NA, BRJOD 'DOD DE DAG CES BYA BA SMOS TE, BRJOD PAR 'DOD PA DANG MTHONG BA DE RNAMS KYANG RIM GYIS 'BYUNG BA YIN PAR BDEN NA, GZHAN GYI SNGA MA DANG PHYI MA GCIG PA NYID KYIS 'BA' ZHIG NI MA YIN NO ZHES BYA BA'I DON TO, ,GAL TE YANG BRJOD PAR 'DOD PA DANG MTHONG BA LAS THA DAD PA NI YOD PA MA YIN YANG DE'I NGO BO GCIG PA NYID DU 'GYUR RO SNYAM DU SEMS PA LA, BRJOD PAR 'DOD PA DANG MTHONG BA ZHES BYA BA SMOS TE, BRJOD PAR 'DOD PA NI SMRA BAR 'DOD PA YIN LA, GZHAN PA NI MTHONG BA STE DE DAG RNAM PAR RTOG PA DANG GZHAN NYID KYIS GSAL BA KHO NAR THA DAD PA YIN NO ZHES BYA BA'I DON TO, ,BRJOD PAR 'DOD PA DANG MTHONG BA ZHES BYA BA LA SOGS PA NI RANG RIG PA LA LTOS NAS RTOG PA MED PA NYID MA YIN NAM, JI LTAR RNAM PAR RTOG PA DANG CIG SHOS SU THA DAD PAR JI LTAR 'GYUR SNYAM DU SEMS PAS, GAL TE DE YANG YANG DAG TU, ,ZHES BYA BA LA SOGS PA'I TSIGS SU BCAD PA SMRAS PA LA, LAN NI, RANG BZHIN GCIG NYID RIM GYIS NI, ,ZHES BYA BA STE, RANG RIG PA GNYIS RIM GYIS 'BYUNG BA BOR NAS DUS DANG YUL LA SOGS PA NI PHAN TSUN GCIG PA NYID DU RTOGS PAR BYED PA MA YIN ZHES BYA BA'I DON TO, ,PHYI ROL LA RIM PA DANG LDAN PAS DE NI 'DI YIN NO ZHES GCIG PAR RANG NGAM GZHAN GYIS KYANG RUNG, NGO SHES PAR BYED PA MA YIN NO, ,DE BZHIN DU NANG YANG MA

YIN NO SNYAM DU SEMS PA LA, SNGAR MTHONG BA NGO SHES PA LA GNOD PA CAN BSTAN PA NI, DNGOS GANG DE 'ANG GZHAN DU NA, ,ZHES BYA BA'O, ,DBANG PHYUG NI DBANG PHYUG GI YON TAN BRGYAD DANG 'BREL PAS PHUL DU BYUNG BA CAN YIN LA, BDAG NYID SNGA MA DANG PHYI MA NYID LA PHYI ROL BZHIN DU 'DAS PA LA SOGS PA NYID DU RTOGS PAR BYED PA KHO NA YIN NO SNYAM DU SEMS PAS, 'ON TE BDAG DE RANG NYID NI, ,ZHES BYA BA'O, ,RANG RIG PA'I SNGA MA DANG PHYI MA'I NGO BO NI DA LTAR BA BZHIN DU, DA LTAR BA NYID KHO NAR 'GYUR RO ZHES BYA BA NI LAN DU SMRAS PA YIN TE, DE NI DE LTAR YIN NO ZHES BYA BA'O, ,DON DAM PA'I PHYOGS LA YANG SHES PA NI RANG RIG PA YIN TE, SNGA MA DANG PHYI MA'I CHA DANG BRAL BA YIN NA MI RTAG PA KHO NA YIN LA, SNGA MA LA SOGS PA MA RIG PA'I PHYIR DE'I KHYAD PAR DANG BRAL BA NYID JI LTAR RIG PAR 'GYUR BA YIN ZHE NA, DE DANG GCIG KYANG RTAG PA NYID NI DE 'DZIN PA MED NA 'DZIN PAR MI 'GYUR RO, ,DES NA RTAG PA MA YIN LA MI RTAG PA YANG MA YIN PA'I PHYIR DE LTA BU NI DE BZHIN GSHEGS PA NYID KYI RANG BZHIN YIN TE, GZHAN NI MA YIN NO, ,DE YANG, RANG LAS RANG GI NGO BO RTOGS, ,ZHES GSUNGS PA STE, DE BSTAN PA NI; RANG RIG NYID LAS GZHAN PA NI, ,ZHES BYA BA STE, SNGAR NI BSGRUB PA YIN ZHES BYA BA NI DE DE LTA NA DBANG PHYUG GI SHES PA RTAG PA YIN LA, DE NYID KHO NA DBANG PHYUG YIN PAR KHAS BLANGS NAS MI RTAG PA NYID BSTAN PA YIN NO, ,SHES PA LAS GZHAN PA'I BDAG NI DBANG PHYUG MA YIN NAM; SHES PA NI MA YIN NO, ,DE'I SHES PA NI SHES BYA'I YUL LA 'U BU CAG LA SOGS PA BZHIN DU GZHAN KHO NA YIN NO, ,'U BU CAG LA SOGS PA'I BDAG DANG YID DANG DBANG PO LA SOGS PA'I YUL NGES PA CAN YIN LA, 'DI'I NI YID TZAM LAS YUL THAMS CAD PA YIN ZHES BYA BA 'BA' ZHIG BYE BRAG YIN NO, ,BDAG NI RTAG PA NYID YIN TE, ,NYIN ZHAG GZHAN LA MTHONG BA LA YANG NYIN ZHAG PHYI MA LA 'DI DAG GIS MTHONG BA YIN NO ZHES BYA BAR 'GYUR BA YIN ZHES GANG SMOS PA STE, MTHONG BA PO YOD PA'I SNGAR NGO SHES PA NI RTAG PA NYID DU RIG PAR BYED PA YIN LA, DBANG

, ,PHYUG KYANG MTHONG BA PO YIN PA DES NA RTAG PA YIN NO SNYAM DU SEMS PA LA, RIM BZHIN SKYE BA CAN DAG NI, ,RTAG LAS SKYE BA MI 'THAD PHYIR, ,ZHES BYA BA SMOS SO, ,RE ZHIG NAM MKHA' BZHIN DU 'GA' LA YANG PHAN PA MI BYED PA'I BDAG NI KHAS BLANG PA MA YIN NO, 'O NA CI ZHE NA, DON GYIS SHES PA'I RGYU MTSAN NI MA YIN NO, ,DE'I DE KHO NA NYID KYANG CI NAS KYANG MI RIGS YIN TE, RTAG PA'I PHYIR RO, ,DE NI 'DI'I ZHES BYA BA'I SNGAR MTHONG BA YANG 'CHAD PAR 'GYUR BA YIN ZHES BYA BA'I DON TO, ,DE NYID KHO NA NAM MKHA' LTAR RTAG PA KHYAB PA ZHES BYA BA LA SOGS PA SA SGRUB PAR BYED PA YIN NO, ,SHES BYA NI RIM GYIS 'BYUNG BA'I PHYIR MI RTAG PA YIN PAS, SHES PA YANG RIM GYIS 'BYUNG BA YIN PAR NI MI RIGS PA MA YIN NAM, BDAG DANG YID PHRAD PA LAS BYUNG BA DANG, 'BYUNG BAR 'GYUR BA DANG, DA LTAR BA'I YUL LA GCIG PA NYID DU SHES PA NI DON GCIG 'DZIN PAR BYED PA DUS GCIG KHO NA SKYES PA YIN NO, ,DE LTAR SKYES PA YANG 'JIG PA'I RGYU MED PAS MI 'JIG PA YIN PA DE LA RIM PAR SKYES PAS CI ZHIG DGOS SNYAM DU SEMS PA LA, RTAG PA KHYAB PA ZHES BYA BA SMOS SO, ,GAL TE BDAG DANG YID PHRAD PA NI DE LTA BU'I SHES PA BSKYED PAR NUS PA YIN, 'U BU CAG LA SOGS PA LA YANG DE YOD PA'I PHYIR DE LTA BU'I SHES PAR 'GYUR BAR BSTAN PA NI, GAL TE RANG BZHIN DE NYID KYIS, ,ZHES BYA BA'O, ,THAMS CAD KYI TSE ZHES BYA BA NI 'U BU CAG LA SOGS PA'I GNAS SKABS NA YANG NGO, ,'ON TE MA RIG PA LA SOGS PA'I DRI MA DANG BRAL BAS PHUL DU BYUNG BAR GYUR PA CAN GYI BDAG DANG YID PHRAD PA LAS DE LTA BU'I SHES PAR GYUR GYI, GZHAN GYI TSE NI MA YIN NO SNYAM DU SEMS PA LA, KHYAD PAR YOD NA ZHES BYA BA SMOS SO, ,BYE BRAG CAN MA YIN PA'I BDAG LA NI BDEN NA, BDAG POR GYUR PA LA SOGS PAS DBANG PHYUG DU GYUR PAS RANG NYID LAS GRUB PAS KHYAD PAR CAN DU BYED PA DE LTA BU 'BA' ZHIG TU SHES PA YIN LA, 'U BU CAG LA SOGS PA LA NI DE MED PA'I PHYIR MA YIN NO SNYAM DU SEMS PA NI, 'ON TE KHYAD PAR MED PAS KYANG, ,ZHES BYA BA'O, ,LAN NI MA YIN

TE; LTOS PA MI RUNG BA'I PHYIR ZHES BYA BA'O, ,PHUL DU BYUNG BA'I CHOS KYI BSKYED BYA BDAG POR GYUR PA LA SOGS PA'I YON TAN RNAMS KHO NA RANG BZHIN GYIS PHUL DU BYUNG BA'I SHES PA SKYED PAR BYED PAS RGYU YIN GYI DBANG PHYUG GI RGYUR MI 'GYUR RO, ,DE LTA NA YON TAN DE RNAMS 'DUS BA'I DBANG PHYUG GI SGRAS BRJOD PAR BYA BA RTAG PA RGYUR 'GYUR PA YIN NO SNYAM DU SEMS PA LA, DE LA LTOS NAS DE YANG ZHES BYA BA SMOS TE, DE'I ZHES BYA BA YON TAN CAN GYI STE, DE LA LTOS NAS ZHES BYA BA YON TAN DE RNAMS LA LTOS NAS, YON TAN RNAMS LA BRTEN PA NYID KYIS RGYU NYID YIN TE, 'BA' ZHIG PA RNAMS NI MA YIN TE, MA MTHONG BA'I PHYIR, DE'I PHYIR YON TAN RTAG PA NI RGYU NYID DU MI RIGS SO ZHES BYA BA'I DON TO, ,GAL TE KHYAB BDAG BZHIN DU RTEN LA LTOS BZHIN PA YANG RTAG PA NYID YON TAN NYID YIN NO ZHE NA, LTOS PA DE DANG DE ZHES BYA BA SMOS TE, LTOS PA'I SAS PHAN MI BYED PA YIN NA, JI LTAR LTOS PA YIN ZHES BYA BA'I DON TO, ,'ON TE DBANG PHYUG NYID DANG 'BREL BA CAN NI BDAG DANG YID PHRAD PA LAS BYUNG BA YIN LA, SKYE BA DANG LDAN PA THAMS CAD NI 'JIG PAR MTHONG BA'I PHYIR SKYE BA YOD NA 'JIG PA DANG 'BREL BA'I PHYIR CI ZHIG GIS 'JIG PAR BYED PAR 'GYUR , DE LTA YIN DANG SKAD CIG PHYI MA LA MI SHES PAR 'GYUR RO, ,DE'I RANG BZHIN GYIS THAMS CAD BSKYED BYA YIN PAS DE'I TSE NYID 'BYUNG BA'I PHYIR RIM PAR BYED PA MA YIN PAR BSTAN PA NI, RTAG PA NI THAMS CAD KYI TSE ZHES BYA BA SMOS TE, YANG NA DBANG PHYUG CES BYA BA DE RTAG PA'I TSAD MA YIN NA RANG RIG PA'AM, RIG PAR BYED PA GZHAN GO BAR BYA BA YIN GRANG NA, RE ZHIG RANG RIG PA NI MA YIN TE, DE'I NYE BA NYID KYIS MI RTAG PA YIN NO ZHES BSTAN PA NI, TSAD MA RTAG PA NYID YOD MIN, ,ZHES BYA BA'O, ,RIG PAR BYED PA YIN PA'I PHYIR RIG PAR BYA BA GZHAN GO BAR 'GYUR NA, DE YANG MA YIN PAR BSTAN PA NI, DNGOS YOD RTOGS PAS TE TSAD MA MTHONG BA NYID YIN LA, MTHONG BA DE NI SNANG BA'I YUL YIN TE, DE'I RNAM PA NYID KYIS RNAM PAR GZHAG PAR BYED PA YIN TE, SHES BYA GANG YIN PA'I

, ,MI RTAG PA NYID KYIS DE'I BDAG NYID DU MTHONG BA YANG MI RTAG PAR BSTAN PA NI, SHES BYA MI RTAG PA NYID KYIS, ,DE NI MI BRTAN NYID YIN PA'I PHYIR RO, ,DES NA DE LTA BU MTHONG BAS RNAM PAR GZHAG PAR SNANG BA SKYE BAR BYED PA YIN LA, SKYED PAR BYED PA DE YANG SO SOR SNANG BA KHO NA YIN TE, RIM BZHIN 'BYUNG BA'I SHES DUS DE NYID KYI TSE'I SHES BYA RTOGS PA'I PHYIR RTAG PA NYID YIN PAR BSTAN PA NI, RIM BZHIN SKYE BA CAN DAG NI, ,RTAG LAS SKYE BA MI 'THAD PHYIR, ,SHES PA YANG SHES BYA LAS SKYE BA NYID YIN PA NI, DE'I RNAM PA DANG LDAN PA NYID KHO NA YIN PA'I PHYIR; DES BSKYED PA NI DE'I RNAM PA NYID YIN GYI, RIM GYIS 'BYUNG BA'I SHES PA NI RTAG PA'I RNAM PA YOD PA MA YIN NO ZHES BYA BA'I DON TO, ,MI RTAG PA NI SKAD CIG TZAM 'BYUNG BA YIN PA NYID KYIS DUS GZHAN NA MED PA'I PHYIR RIM BZHIN DANG 'GAL BA MA YIN NAM, RTAG PA NI MA YIN TE, LAN CIG MTHONG BA YANG NYE BAR DMIGS PAR SRID PA'I PHYIR RO, ,YUL GZHAN DANG DUS GZHAN DU NYE BAR DMIGS PA NI BDEN MOD KYI SNGAR MTHONG BA KHO NA YUL NYID DANG GCIG PA NYID DU MA RTOGS PA'I PHYIR DANG, THA DAD PA YANG NYE BAR DMIGS PA THA DAD PA TZAM GYI RGYU MTSAN NYID KYIS MI RTAG PA YIN PA'I PHYIR YUL DANG DUS LA SOGS PA LA LTOS PAS RTAG PA NI RIM BZHIN PAR MI RIGS PAR BSTAN PA NI, LTOS PA MI RUNG BA'I PHYIR ZHES BYA BAS TE, DUS DANG YUL GCIG PA'I DUS DANG YUL GZHAN GYI BYE BRAG NYID LA LTOS PAR MI RIGS TE, THA DAD PAR THAL BAR 'GYUR ZHES BYA BA'I DON TO, ,JI LTAR MAR ME GCIG PU YANG YUL GZHAN DU 'OD 'PHRO BA DANG MAR DANG SDONG BU ZAD PA ZHES BYA BA LA SOGS PA BYA BA DU MA BYED PA DE KHO NA BZHIN DU GCIG NYID DUS THA DAD PA LA DU MA BYED PA YIN PAS BYE BRAG MED PA YIN SNYAM DU SEMS PA LA, LTOS PA ZHES BYA BA SMOS TE, MAR ME'I RANG BZHIN GANG KHO NAS BYA BA GCIG BYED PA KHO NAS GZHAN YIN NO ZHES LTOS PA MED PA'I PHYIR ZHES BYA BA'I DON TO, ,YUL THA DAD PA LA DU MAR 'DZIN PA LTAR BYED PA YIN ZHE NA, MTHONG BA'I PHYIR SKYON MED DO, ,DE'I RANG BZHIN GYI SDOD PA LA MAR MI LA SOGS PA LA MTHONG BA'I PHYIR BRTAG PAR MI

BYA'O; ,YANG NA SGRA LAS BYUNG BA'I TSAD MA NI RTAG PAR RIG PA'I BDAG NYID DU YOD PA MA YIN NAM, RANG BZHIN GZHAN NI SHED BU LA SOGS PA BZHIN DU, DE 'AM DE'I DON LAS YANG DRAN PA POR 'GYUR RO, ,JI SKAD DU MTHONG BA'I DON NI GZHAN MA YIN PA'I PHYIR BRTAG PAR MI BYA'O, , GNAS SKABS KHA CIG TU 'TSED PAR BYOS ZHES BYA BA'I SGRA DMIGS NAS DE'I RANG GI NGO BO LA GOS PA MED PA'I PHYIR 'BRAS BU DANG LDAN PA NYE BA LA 'BRAS BU MED PA DE'I YAN LAG YIN ZHES RIGS PA'I PHYIR DANG, RUNG BA'I PHYIR 'BRAS BU DANG LDAN PA'I THA SNYAD KYI YAN LAG GI DON RTOGS PAR BYED PA YIN LA, SGRA DANG DE'I YAN LAG DANG YAN LAG CAN NYID DU GO BAR BYED PA YIN NO, ,'BRAS BU DANG LDAN PA'I THA SNYAD KYI YAN LAG TU GYUR PA'I DON RTOGS PA'I YAN LAG NYID LA, SGRA 'BRAS BU MED PA NYID YIN NA, RUNG BA NYID DU GO BAR BYED PA MA YIN TE, DON RTOGS PA'I RIGS PAS GRUB PA'I YAN LAG NYID KYIS RTAG PA NYID KHYAB PAR BYED PA YIN PAR RNAM PAR GZHAG PA NA, MI RTAG PA NYID DANG 'GAL BA CAN YIN PA'I PHYIR GNOD PA CAN NO, ,MI RTAG PA NYID LA NI SGRA DON RTOGS PA'I YAN LAG MA YIN NO, ,'BREL PA MA BZUNG BAS MA RTOGS PA'I PHYIR RO; ,'DI 'DI'I BRJOD BYA YIN ZHES BYA BAR BZUNG NAS, DE NYID KYI RJES SU 'BRANGS NAS RTOGS PAR BYED PA'AM, RTOGS PAR BYED PA LA 'DZUD PA YIN LA, DE LTAR NA RTAG PA NYID KHO NA, DON 'BREL PA MTHONG NA RJOD BYED, ,NUS LDAN MI 'GYUR DE LTA NA, ,SNGA NA MED PA'ANG DER 'GYUR TE; ,KUN YANG KUN LA GSAL BYED 'GYUR, ,GSAL BA NYID NI NYE BA TZAM GYIS GSAL BAR BYED PA YIN NA, MI RTAG PA LA YANG 'GAL BA MA YIN TE, MI NI MNGON SUM GYI GZHAL BYA YIN PA'I PHYIR DE NYID LA YANG GSAL BAR BYED PA MA YIN NO, ,DU BA BZHIN DU SGRA YANG GSAL BAR BYED PAR 'GYUR RO ZHE NA, BDEN TE, 'BREL PA 'DZIN PA NYID YIN NA 'GYUR LA, DU BA'I 'BREL PA NI RJES SU 'GRO BA DANG LDOG PA DAG YIN NO, ,SGRA NI DE DAG NYID DANG BRAL BA'I GO BYED NYID YIN TE ME LTA BU'O, ,SGRA LA NI DE RANG 'DZIN PA 'BA' ZHIG LA LTOS PA YIN LA, ME NI DE LTA MA YIN

, ,ZHES BYA BA'I BYE BRAG MTHONG BA NYID KYI PHYIR CUNG ZAD KYANG GNOD PAR BYED PA MA YIN NO, ,MI RTAG PA LA NI DE 'DZIN PA MI SRID DO, ,LAN GNYIS GSUM DU MA MTHONG BA NI MTHONG BA TZAM LAS 'BREL PA CAN NYID GO BAR BYED PAR MI 'GYUR TE, SKAD CIG MA NYID LA NI SGRAS DE BZHIN DU RTOGS PA MI SRID DO, ,DON LDAN SNGAR MTHONG YIN ZHE NA, ,DE NI DE TZAM LONG YOD MIN, ,LAN GNYIS LAN GSUM MA MTHONG BA, ,DON DANG LDAN PAR RTOGS PA MIN, ,RTAG PA'I PHYOGS LA YANG MTHONG BA NI RANG GI DUS TZAM YUL YIN PAS THER ZUG PA NYID DU MI RTOGS PA'I PHYIR JI LTAR 'BREL PA 'DZIN PAR 'GYUR, YANG DANG YANG DU MTHONG BA YIN NA DE'I SHUGS KYIS 'DI 'DI DANG LHAN CIG PAR NGES PA'AM, 'DI 'DI'I RJOD BYED YIN ZHES BYA BAR YANG 'GYUR BAR SHES PA'O, ,'DI LA YANG KHA CIG MNGON SUM DU 'DOD LA, GZHAN DAG NI DON GYIS GO BAR 'DOD DO; ,SHES PA 'DI LA YANG NGES BYA NGES BYED DAM BRJOD BYA RJOD BYED DU YANG DUS DANG YUL DAG LAS MA NGES PAR RTOGS PA YIN PAS RTAG PAR BRJOD DO, ,GANG ZHIG ,DUS DANG YUL LA SOGS PA LAS, ,MA NGES PA YI DNGOS YOD PA, ,DE NI RTAG DANG KHYAB BDAG 'DOD, ,BDAG NI KHYAB BDAG NYID DU BRJOD, ,CES GANG SMOS PA'O, ,MTHONG BA NI NGES PA LA 'JUG PA'I PHYIR PHYIN CI LOG TU RTOGS PA'I GNOD PAS SGRA TZAM LAS NGES PAR GNAS PA NI MA YIN NO, ,YONGS SU BCAD PA NI GDONG GI RING BA NYID LA SOGS PA BZHIN DU GSAL BAR BYED PA'I CHOS SU GNAS PA YIN TE, GSAL BYED SGRA LA RAG LAS PHYIR, ,DE YI YUL LA 'DZIN BYED DE, ,SGRA RNAMS KYIS NI NUS PA MIN, ,NAM MKHA' BAR MTSAMS MED KHYAB MIN, ,DE PHYIR MA BCAD DNGOS NYID KYIS, ,'DI NI GZHAN DU RTOGS BYED MIN, ,'DI MTHONG BA YANG GCIG YIN PA YANG THAG RING BA NYID DANG, KHYAB NYID LA SOGS PA'I DBANG GIS NYI MA BZHIN DU YUL SNA TSOGS PAR MTHONG BAR SHES PA YIN NO, ,GANG GI TSE SKYES BU GCIG SHAR DU BLTAS PAS NYI MA MTHONG BA DE'I TSE LHO PHYOGS NYID NA GNAS PAS KYANG RANG LAS BLTAS PAR MTHONG LA DE BZHIN DU GZHAN RNAMS KYIS

KYANG YIN GYI, GNYIS SU MTHONG BA NI MA YIN TE, DE'I GCIG NYID YUL SNA TSOGS PA YIN PAR SHES PAR BYA'O, ,JI LTAR YANG LHA SBYIN RIM GYIS YUL SNA TSOGS PAR PHYIN KYANG THA DAD PAR MI 'GYUR RO, ,DE BZHIN DU SGRA YANG NGO, ,'DI CI BZHIN DU SHES PA NI, ,GCIG NYID YANG DANG YANG MTHONG BA, ,DUS KYI DBYE BAS THA DAD MIN, ,DE BZHIN SGRA NI YUL LAS MIN, ,'DI'I GCIG PA NYID DU BSRE BA NI SPYI'I YUL MA YIN TE, CHA SHAS MED PA NYID KYIS GONG BU LAS GZHAN MED PA'I PHYIR RO, ,DE'I PHYIR SPYI'I SHES PA YIN YANG GONG BU YUL NYID YIN NO, , DES NA BA LANG GI SGRA CHEN PO'AM, CHUNG NGU YANG ZHES BYA BAS CHEN PO DANG CHUNG NGU YIN PA'I PHYIR GSAL BAR BYED PA'I SHES PA YANG CHEN PO DANG CHUNG DU NYID KHO NAR GNAS PA YIN LA, GLING BU DANG RDZA RNGA LA SOGS PA GSAL BAR BYED PA'I SGRA RNAMS CHEN PO LA SOGS PAR MTHONG BA YANG YIN NO; ,SGRA DE RNAMS NI SGRA NYID YIN NO ZHES BYA BA NI KHA CIG GI'O, ,YI GE DANG YI GE MA YIN PA'I BDAG NYID KYIS SGRA NI RNAM PA GNYIS YIN PA'I PHYIR, RKAN LA SOGS PA RLUNG RNAMS KYIS NYE BAR BSKYOD PA LAS YI GE BDAG NYID DU MNGON PAR GSAL BAR BYED PA YIN TE, NYE BAR BSKYOD PA NI GZHAN YIN NO ZHES BYA BA NI GZHAN RNAMS KYI'O, ,GZHAN DAG NI RLUNG RNAMS NYID GNAS NYE BAR BSKYOD PA DANG, NYE BAR BSKYOD PA MA YIN PA DAG GIS YI GE DANG YI GE MA YIN PA DAG TU MNGON PAR GSAL BAR BYED PA NI GSAL PA DANG MI GSAL BA'I SGRA GSAL BA YIN PAR SMRA'O, , DE YANG YAN LAG DANG BCAS PA YIN PA'I PHYIR CHEN PO NYID LA SOGS PA DANG 'BREL PA CAN RNAMS GSAL BAR BYED PA LA BLO DE SKYED PAR BYED PA YIN NO, ,SGRA RNAMS RNA BAS GO BYED PAR, ,KHA CIG SMRA STE DE YI PHYIR, ,DE RNAMS RLUNG GIS BSKUL BA NYID, ,RNA BA LEGS PAR SBYANGS PA YIN, , RNGA PA tA HA LA SOGS PA RNAMS LA DBYIG PA LA SOGS PAS MNGON PAR BSNUN PA'I RLUNG GIS BSKUL BAS, RNA BA'I YUL DU 'ONGS PA RNAMS DE LEGS PAR SBYANGS PA LAS BDAG NYID 'DZIN PAR BYED DU 'JUG PA NI RKAN LA SOGS PA BSKYOD PA MED PA'I PHYIR YI GE'I BDAG NYID KHO NA THOS PA YIN

, ,ZHES BYA BA'I DON TO, ,DES NYE BAR BSKYOD PA NI YI GER MNGON PAR GSAL BAR BYED PA YIN TE, DE LA YANG, YI GE GSAL BA MTHONG BA'I PHYIR, ,DE RNAMS MA MTHONG BAR BRTAG MIN, ,ZHES SMOS PA'O, ,YANG 'DOD PA GZHAN BSTAN PA NI, ,RKAN SOGS PHRAD DANG DBYE BA YI, ,BSKUL BAS GSAL BA YI GE NI, ,GSAL BYED YIN 'DOD GZHAN DAG NI, ,SGRA NYID KUN DANG 'BREL 'DOD PA, ,DE PHYIR YUL LA SOGS PA THA DAD PA DANG, CHEN PO DANG CHUNG NGU NYID LA SOGS PA YANG BOR NAS SGRA TZAM LA DMIGS BZHIN PA'I RNAM PAR RTOG PA LA NI BSNYON PAR 'OS PA MA YIN NO, ,DE LA BSNYON PAR BYED PA YIN NA NI RJES SU DPAG PA LA SOGS PA MED PAR THAL BAR 'GYUR RO, ,GANG GI PHYIR DE MED NA KHYAB PA 'DZIN PA MED DO, ,PHYOGS 'GA' NA YOD PAR MTHONG BA NI KHYAB PA 'DZIN PAR BYED PA MA YIN TE, KHYAB PA NI DE LAS BZLOG PA YIN PA'I PHYIR RO, ,GONG BU RNAMS KHO NA RNAM PAR RTOG PA DES RNAM PAR MA BCAD PAS RTOGS PAR BYED PA NI MA YIN TE, DE RNAMS KYI DE MA YIN PA'I NGO BO NYID YIN NA 'KHRUL PAR THAL BAR 'GYUR BA'I PHYIR RO, ,GNOD PA CAN MED PA LAS NI 'KHRUL PA MI 'GRUB PA'I PHYIR RNAM PAR BCAD PA DE RNAMS KYI RNAM PAR BCAD PA MED PA YIN LA, DES NA 'KHRUL PA MA YIN NO, ,DE LTA YIN NA SGRA'I RTAG PA NYID DANG KHYAB BDAG NYID DU 'GYUR BA YIN NO SNYAM DU SEMS PA LA, TSAD MA RTAG PA ZHES SMOS PA NI SGRA'I NGO BO'O, ,NYID YOD MIN NI NYE BAR MA DMIGS PA'O, ,BA LANG GI SGRA NI RE RE LA BRJOD PAR THA DAD NYID DU NYE BAR DMIGS PA YIN GYI, NYE BAR DMIGS PA LA RNAM PAR RTOG PAS GNOD PA YANG MA YIN TE, DNGOS PO YUL MA YIN PA'I PHYIR RO, ,DNGOS PO NI RNAM PAR RTOG PA'I YUL MA YIN PA NYID DE, YID TZAM GYI LA THU RNAMS NI DNGOS PO MA YIN PA'I PHYIR RO, , MTHONG BA'I RJES SU 'BRANGS NAS DE YUL YIN NO ZHE NA, DE LTA NA DE'I YANG MTHONG BA NYID NYE BAR DMIGS PAR BYED PA YIN PA'I PHYIR MTHONG BA'I DBANG GIS RNAM PAR RTOG PA CAN GYI TSAD MA YIN NO, ,DE YAG BLTA BYA SO SOR SNANG BAS KHYAB PAR BYED PA NI MA YIN TE, 'ON KYANG ZHEN PAS NI

MA YIN NI, ,MTHONG BA NI SO SOR SNANG BA YIN LA, DE NI GANG YANG SO SOR SNANG BAS 'DZIN PA YIN GYI NGES PAS NI MA YIN NO, ,NGES PA RNAMS KYIS MA NGES PA, ,DE NI JI LTAR DE DAG YUL, ,DE'I PHYIR DE LTA BU'I DON GYI NGO BO 'DZIN PAR MTHONG BA LA NI DE DANG MI 'DRA BA'I RNAM PAR RTOG PAS GNOD PA MA YIN NO, ,GNOD PA YIN YANG DNGOS PO SPANGS NAS BLANG BYA LA SOGS PA'I RNAM PAR DBYE BA MED PAS 'GRO BA RNAMS 'JUG PA DANG LDOG PA MI BYED PAR 'GYUR RO, ,RNAM PAR RTOG PA NI DNGOS PO MTHONG BA CAN MA YIN TE, MNGON SUM GYIS MTHONG BA LAS JI LTAR YANG DE NYID LAS SAM; GZHAN LAS KYANG RUNG BRDA'I RJES SU 'BRANGS PA'AM CIG SHOS DAG GI RNAM PAR BRTAG PA'I PHYIR RO, ,DE SKAD DU YANG, GZUNG BA 'DZIN PHYIR KUN RDZOB NI, ,MI 'DOD CES GSUNGS PA'O, ,DE'I DE LTA BU YANG RTAG PA LAS BYUNG BA MA YIN TE, RIM CAN MIN LAS RIM SKYE MED, , CES BYA BAS 'GEGS PAR 'GYUR BA YIN NO, ,'DI LA NI MTHONG BA ZHES BYA BA'I RNAM PAR DBYE BA'I RNAM PAR DBYE BA YIN NO, ,SHES BYA BA'I SO SOR SNANG BA MI RTAG PA NYID KYIS DE'I BDAG NYID MTHONG BA YANG MI RTAG PA YIN GYI, RTAG PAR 'DZIN PA NI MA YIN PAR BSTAN PA NI, SHES BYA MI RTAG PA NYID KYIS ZHES BYA BA LA SOGS PA'O, ,MI RTAG PA YANG RTAG PAR 'DZIN PA MA YIN PAR BSTAN PA NI, RIM BZHIN SKYE BA ZHES BYA BA STE, MI RTAG PA NI RTAG PA LAS SKYE BAR MI 'THAD PA'I PHYIR RTAG PAS RANG GI SO SOR SNANG BA SKYED PAR BYED PA'I SGO NAS MTHONG BA BSKYED PA NI DE'I 'DZIN BYED DU 'GYUR RO, ,DES BSKYED PAR BYA BA'I SO SOR SNANG BA NI RTAG PA MA YIN PA'I PHYIR DE JI LTAR 'DZIN PA YIN, RANG GI SO SOR SNANG BA SKYED PAR BYED PA NYID NI GZUNG BYA NYID YIN NO, ,JI SKAD DU, RIGS SHES PAS, SHES PA'I RNAM PAR 'JOG NUS PA, ,RGYU NYID LA NI BZUNG BAR SHES, , ZHES GSUNGS PA'O, ,DE RTAG PA YANG GSAL BAR BYED PA'I DBANG GIS YIN PAR NI NGES PA CAN MA YIN TE, GSAL BAR BYED PA'I SGRA NI SO SOR SNANG BA LA RAG LAS PA'I PHYIR RO, ,DE 'DZIN PA NI YUL DE LA LTOS PA YIN NO ZHE NA, LTOS PA MI RUNG BA'I PHYIR ZHES BYA BA SMOS SO, ,GSAL

, ,BYAR BYED PA NI SNANG BA LA LTOS NAS SGRA THA DAD PAR MTHONG BA LA BSNYON PAR BYED NA RI BONG LA RVA YOD PAR KHAS BLANGS PAS BSNYON PAR MI BYED PA MA YIN, YUL DANG DUS LA SOGS PA'I NGES PAS SGRA SO SOR SNANG BA YANG GZHAN DU YIN PA NYID DU JI LTAR SRID PAR 'GYUR, GLO BUR BA'I SNANG BA 'DI BUM PA LA SOGS PAS KYANG JI LTAR SPONG BAR BYED, 'ON TE RKAN LA SOGS PA'I BYA BA YOD NA SGRA GAR 'DOD PA DE LTAR SNANG BA YIN LA, DES NA RTAG PA DANG KHYAB PA CAN DU YANG GANG DANG GANG GZUNG BA'I YUL DE THAMS CAD NA SGRA YOD PA YIN NO, ,DE BZHIN DU RGYU YOD NA BUM PA LA SOGS PA YANG YIN NO, ,YAN LAG DANG BCAS PA YIN PA'I PHYIR DE RNAMS RTAG PA MA YIN ZHE NA, YUL LA SOGS PA'I RNAM PAR DBYE BA BZHIN DU CHA SHAS LA SOGS PA'I RNAM PAR DBYE BA YANG GSAL BAR BYED PA'I RGYU MTSAN DU CIS RTOGS PAR MI BYED, CHOS THAMS CAD DU MTHONG BAR KHAS LEN PAR BYED PA YIN LA, SHES PA DANG 'DOD PA LA SOGS PA BDAG GI CHOS RNAMS DE'I GNAS SKABS CHA SHAS MED PA YIN YANG JI LTAR RTAG PAR KHAS LEN PA YIN, DE'I PHYIR MTHONG BA TSAD MAR BYED NA BUM PA LA SOGS PA BZHIN DU SGRA MI RTAG PAR KHAS BLANG BAR BYA DGOS SO, GZHAN DU NA THAMS CAD RTAG PA NYID DAM THAMS CAD MED PAR 'GYUR RO ZHES BYA BA 'DI NI NGES PA YIN NO, ,BUM PA LA SOGS PA RNAMS KYIS MI RTAG PA NYID KYANG SPYI RTAG PA YIN PA'I PHYIR THA SNYAD NI DE NYID KYI RJES SU 'BRANGS PA LAS SKYE BAR 'GYUR BA YIN LA SGRA LA NI MA YIN TE, SPYI MED PA'I PHYIR RO, ,SGRA LA SPYI MED PA YIN PAR TSE DANG LDAN PA KHYOD KYIS CI LAS SHES, CHA SHAS MED PA YIN NO ZHE NA, MA YIN TE, RJES SU DPAG PA LA MNGON SUM GYI SPYI SHES PAS GNOD PAR BYED PA'I PHYIR SHES PA DANG 'DOD PA LA SOGS PA RNAMS KYI CHA SHAS MED PA'I SPYI MED PA MA YIN TE, GNYI GA'I SO SOR SNANG BAS SPYI DANG KHYAD PAR DAG MA BKAG PA'I PHYIR SGRA NYID KYIS SO SOR SNANG BZHIN PA'I SPYI NI YOD PA MA YIN NO, ,DE LTA NA DE NYID THA SNYAD KYI RGYU MTSAN YIN NO, ,MA YIN TE, MTHONG BA LA SPYI MI SNANG BA'I PHYIR RO, ,SPYI NI RNAM PAR RTOG PAS KYANG THA DAD

PAR GO BAR BYED PA MA YIN TE, SNANG BA KHO NA LA DE NYID LA SOGS PAR ZHEN PA'I PHYIR DANG, DE LTAR MTHONG BA DANG 'GAL BA'I PHYIR DANG, DE'I DON GCIG TU BYA BA NYID DE NYID DU RNAM PAR GNAS PA YIN PA'I PHYIR SPYIR THAL BA'I SKYON MED DO, ,GONG BU DE RNAMS NYID RNAM PAR RTOG PAS DE MI BYED PAR RNAM PAR BCAD PAS YUL LA NGES PAR RTOGS PA YIN TE, SPYI LA NGES PA YIN YANG GONG BU MA NGES PA YIN THA SNYAD MED PA'I PHYIR RO, ,DES NA GONG BU'I MTSAN NYID KYIS THA SNYAD LA DANG PO NYID DU DE LTAR 'GYUR BA'I PHYIR SPYI NI GRUB PA LA NYE BAR 'GOD PA YIN PAS DGOS PA MED BZHIN DU SKYED PAR BYED PA YIN NO, ,GONG BU NI GCIG KHO NA MA YIN TE, SO SOR MNGON DU PHYOGS PAS DU MA'I SKRAR NYE BAR DMIGS PA'I PHYIR RO, ,NYI MA BZHIN DU CIG CAR BA NYID YIN NO ZHE NA, DE YANG GCIG PA YIN PAR CI LAS SHES, LHA SBYIN NI SNGA DRO SHAR DU BLTAS PA NA NYI MA MDUN NA GNAS PAR MTHONG LA; DE'I G-YAS PHYOGS NA GNAS PA GNYIS KYIS RANG GI DA LTAR BA DANG, G-YON PHYOGS KYI LHA SBYIN GYI ZHES GNYIS SU MTHONG BA MED PA'I PHYIR GCIG YIN NO ZHE NA, DE LTA YIN LA GANG LA GNYIS SU MTHONG BA DE LA JI LTAR DE BZHIN DU GCIG GI BDAG NYID YIN PA NI SGRA DAG LA GNYIS SU MTHONG BA YIN NO, ,'BRAS BU'I YUL RNAMS NYID NI THA DAD PA YIN YANG SGRA NI MA YIN NO ZHE NA, YUL BZHIN DU DE'I YUL CAN YANG THA DAD PA NYID DU SNANG BA YIN NO, ,DE'I PHYIR 'DI YANG, YUL GYI DBYE BAS THA DAD NYID, ,YIN PAR 'DI YANG DPAG BYA YIN, ,DE NYID 'DI ZHES MNGON SUM PA'I, ,SHES PA DE LA GNOD BYED YIN, ,ZHES BYA BAS BSAL BA YIN NO, DE'I PHYIR DE LTAR NA SGRA NI SKAD CIG RE RE ZHING DU BA BZHIN DU THA DAD PA YIN YANG, SNANG BZHIN PA'I RNAM PAR RTOG PA BSKYED PA YIN NA, DES NA YANG DE BZHIN DU ZHEN PA LAS RJOD BYED DU 'GYUR RO, , RJOD BYED NYID DU GRUB PA LA GANG YANG BRJOD BTZAM GYIS 'JIG PA NI DON RTOGS PAR BYED PAR MI NUS PA'I PHYIR GZHAN GYI DON DU RJOD PAR BYED PAR MI 'GYUR ZHES RGOL BA DANG, 'GA' YANG DON DANG LDAN PA MA YIN TE, THAMS CAD DON MED PA'I PHYIR RO ZHES RGOL BA GANG SMRA BA 'DI YANG

, ,BSNYEG PA TZAM YIN TE, DE NI 'BREL PA 'DZIN PA'I DUS SU DE DANG GCIG TU BSRE BAS THAMS CAD 'BREL PA CAN YIN PAS 'DZIN PA'I PHYIR RO, ,GCIG TU BSRE BA'I RGYU MTSAN NI 'DRA BAR BSTAN PA YIN GYI, GNOD PA CAN GYI RGYU MTSAN NI MA YIN NO, ,DES NA DON DANG LDAN PA STE, 'DRA BA LA DON RTOGS PA YIN NO ZHE NA ZHES BYA BA NI, GZHAN GYI 'DOD PA YIN PAR DOGS PA MA YIN NO, ,DES NA SGRAS BRJOD PA LAS GCIG PU RTOGS PA YIN TE, 'BREL PA 'DZIN PA'I PHYIR RO, ,DE BZHIN DU PHYI MA LAS KYANG NGO ZHES GANG BSTAN PA'O, ,DE YANG 'DRA BA LAS RJOD BYED YIN PA NI MA YIN NO, ,'ON TE 'DI DON YOD PA YIN YANG SU YANG 'DZIN PAR BYED PA MA YIN NO, ,PHYI MA'I YANG DE DANG MTSUNGS PA YIN PA'I PHYIR, 'DRA BA YIN NA CIS RJOD BYED MA YIN ZHES BYA BAR PHA ROL PO'I YANG MTHUN PA NYID YIN NO, ,MANG PO RNAMS BA LANG GI SGRA RNAMS SU BRJOD PA NA DE NYID LA DE'O ZHES SHES PA MA YIN NAM, DE DANG 'DRA BA NYID KYIS SHES PA NI MA YIN NO, ,'DRA BA NYID DU MA SHES NA DE'I SGO NAS KYANG RJOD BYED MA YIN TE, 'DRA BA RNAM PA GNYIS LA GCIG PAR DE NYID SHES PA'I GO BYA YIN LA, GZHAN NI 'DRA BA'I SHES PA SKYED PAR BYED PA YIN NO, , GCIG PA NYID DU MTHONG BA DANG 'GAL BA'I PHYIR 'KHRUL PA NYID YIN NO, ,BRDA LA SOGS PA YIN NA SGRA NI LCAGS KYU BZHIN DU DRAN BYED YIN GYI, RANG BZHIN GYIS RJOD BYED DU NI MI 'GYUR RO ZHE NA, JI LTAR SNANG BA DE LTAR YIN DU ZAD MOD SGRA NI DU BA BZHIN NAM, GSAL BA BZHIN DU BRJOD BYA LA NGES PA CAN DANG GSAL BAR BYED PA MA YIN PA DE LTAR MTHONG BA YIN NO, ,SGRA DANG DON YANG RTAG PAR 'GYUR DU ZIN YANG PHAN TSUN LTOS PA MED PA'I PHYIR DE DAG LAS BDAG GANG NAM MKHA' BZHIN DU 'BREL PAR BSTAN PA NI LTOS PA MI RUNG BA'I PHYIR ZHES BYA BA STE, GZHAN LA LTOS PA 'BREL PA YIN,, DE MED JI LTAR LTOS PA YIN, ,YOD NA'ANG THAMS CAD 'DOD MIN NA, ,DNGOS PO JI LTAR LTOS BYED NYID, ,CES BYA'I TSIG GI LTOS PA'I MTSAN NYID NI 'BREL PA YIN NO, ,SGRA NI ME DANG 'DRA BA RANG BZHIN GYIS GSAL BYAR BYED PA YIN NO ZHE NA, DE LTA YIN NA RTAG PA NYID DU SGRUB PA LA

DON MED DO, ,DE 'BREL PA 'DZIN PA'I YAN LAG YIN NO ZHE NA, 'DZIN PA MED NA RTAG PA YIN, ,ZHES BYA BA'I 'BREL PA 'DZIN PAR BYED PA MA YIN LA, DE BZHIN DU 'DZIN PA YANG MTHONG BA LAS MA YIN TE, RNAM PAR RTOG PA YANG MTHONG BA'I RJES SU 'BRANGS NAS RTAG PA NYID DU RIG PA MA YIN TE, 'ON KYANG DE MI BYED PA RNAM PAR GCOD PAR BYED PA NA RANG GI MTSAN NYID KHO NAS YIN LA, DE LA NI DGOS PA MED LA GZHAN DU YANG RIG PA YIN NO, ,DE'I PHYIR SGRA RTAG PA NYID DU SGRUB PAR BYED PA NI, NGA NI MI CHEN PO'O ZHES BYA BA TZAM YIN NO, ,DE LTA YIN NA DON DANG 'BREL PA NI DU BA BZHIN RANG BZHIN GYIS MI RTAG PA YIN TE, DON GYIS SAM SKYES BUS PHAN GDAGS PAR BYA BA YIN PA'I PHYIR RO SNYAM DU SEMS PA LA, RNAM 'GAS PHAN GDAGS BYA MIN PHYIR, ,ZHES BYA BA STE DON GYIS SO, ,DE NYE BA LA MA LTOS PAR BYED PA'I YON TAN DANG, SMRA BAR 'DOD PA DAG GI DBANG GIS 'BYUNG BA'I PHYIR RO, ,ME BZHIN DU GSAL BAR BYED PA NYID KYANG DE BZHIN DU 'DZIN PA MA YIN NA MI 'GYUR RO, ,RANG BZHIN GYIS GSAL BAR BYED PA YIN NA ME DANG 'DRA BA DE BZHIN DU 'DZIN PA LA PHAN PAR BYED PA MA YIN ZHES KYANG BSTAN PA YIN NO, ,'BREL PA CAN MA YIN PA YANG RANG BZHIN GYIS 'BREL PA CAN DU BYED PA NI SKYES BU YIN NO ZHE NA, MA YIN TE, DE'I RANG BZHIN LA DES DE LTAR BYED PAR MI NUS PA'I PHYIR RO, ,MA YIN TE, NAS NI KHRE'I MYU GU DANG 'BREL PA CAN DU BYA BAR MI NUS SO, ,PHRAD PAR BYED PAR NUS PA YIN NO ZHE NA, MA YIN TE, SGRA DANG DON DAG RDZAS MA YIN PA NYID KYIS PHRAD PA MED PA'I PHYIR RO, ,'DU BA 'BRAS BU'I RJOD BYED NYID MA YIN PA GO BYED NYID DU BYED PA NI YIN NO, ,RJOD BYED MA YIN PA JI LTAR DE LTAR BYED PA YIN, DE LTAR MA YIN NA MES DU BA'I BYED PA DANG GO BYED KYANG JI LTAR YIN, BDEN TE, MES BSKYED BYA DE NYID YIN PA NI RJES SU 'GRO BA DANG LDOG PA'I RJES SU BYED PA LAS, RANG BZHIN GYIS GO BAR BYED PA MIN LA, SGRA NI DE BZHIN DU DON GYIS BSKYED BYA DANG DE'I RJES SU 'GRO BA DANG LDOG PA'I RJES SU BYED PA CAN MA YIN TE, BRJOD PAR 'DOD PA LA SOGS PA LAS BYUNG BA'I PHYIR RO, ,

, ,DE LAS BYUNG BA YIN YANG MNGON PAR BSAM PAS RJOD BYED YIN NO ZHE NA, RJOD BYED NYID DAM BRJOD BYA NYID NI DNGOS SU BA MA YIN PA'I PHYIR RTZIG PA LA RI MO BZHIN DU SGRAR GRUB PA YIN NA RJOD BYED DU 'ONGS PA YIN NO, ,SKYES BUS 'DUS BYAS PA'I DNGOS POR BYED PA YIN NO ZHE NA, MA YIN TE, DE LTA BU'I RKYEN LAS GZHAN PAR MA MTHONG BA'I PHYIR RO, ,RKYEN RTOGS BZHIN PA 'PHANGS PA YIN NO ZHE NA, NAM MKHA'I ME TOG LA SOGS PA YANG DA NI DNGOS POR THAL BAR 'GYUR RO, ,DE'I PHYIR RJOD BYED NYID NI SMRA BA POS DE LTAR RNAM PAR GZHAG PA YIN PAS BLO'I CHOS YIN GYI, DNGOS PO'I CHOS NI MA YIN NO, ,JI SKAD DU DE NI RNAM PAR RTOG PA YIN PAS MED PA'I PHYIR BYED BZHIN PA'I YANG 'BREL PA NI SGRA DANG LHAN CIG BYED PA MA YIN TE, SGRA DANG 'BREL PA DANG DE'I THA SNYAD DU BYED PA RNAMS RIM BZHIN 'BYUNG BA NYID KYIS LHAN CIG BYED BAR MI NUS PA'I PHYIR RO, ,SGRA BRJOD PA DANG 'BREL BYED DANG, ,THA SNYAD PAR NI BYED PA RNAMS, ,RIM GYIS 'BYUNG BA'I RANG BZHIN PHYIR, ,GANG DU CIG CAR BYED SUS NUS, ,ZHES SMOS PA'O, ,SGRA BRJOD PAS KYANG 'BREL PA BYED PA MA YIN TE, BYED PA'I DUS SU SGRA ZHIG PA'I PHYIR RO, , BYAS PA YIN NA YANG DE LA DGOS PA CI YANG MED DO, ,RE ZHIG SGRA YIS MA BRJOD NA, ,'BREL PAR BYED PA CI LAS YIN, ,BRJOD PA TZAM GYIS ZHIG PA LA, ,'BREL PA DGOS PA MED PA YIN, ,RNAM PAR BRTAG PA LA NI BYED PA'AM STON PA NYID LA DE BDE BAR BYED PA NYID YIN NO, ,DE LA LTOS NAS; DNGOS PO RANG NYID MA 'DRES PA, ,DE RNAMS RNAM RTOG GIS 'DRES BYED, ,CES BYA BA'I TSIG GIS NI DA THAMS CAD BSLAD PA YIN NO, ,DE'I PHYIR, ZHIG MED DA LTAR BA RNAMS LA, ,BRJOD PA SRID PA MA YIN NO, ,ZHES BYA BA 'DI LA NI 'BREL PA MED PA YIN TE, ZHIG PA LA SOGS PA'I SGRA RNAMS LA NI DE BYED PA MA YIN PA RNAM PAR GCOD PA'I BDAG NYID KYI RNAM PAR RTOG PAS ZHEN PA'I SGRA RNAMS LA BRTEN NAS, 'BREL PA RNAM PAR GZHAG PA DANG BRJOD PA DAG YOD PA'I PHYIR RO, ,GANG ZHIG GANG GIS BYED PA'AM, ,RJOD PAR BYED PA YIN ZHE NA, MA GRUB

PA YI GRUB PAS SO, ,GANG DAG GRUB PA YIN PA NI BRJOD PAR DKA' BA YIN NO ZHE NA, LEGS PAR SBYANGS PA RNAMS KYIS BRJOD PA'I SGRAS NI 'DI BRJOD SLA BA KHO NA YIN NO, ,YUL AA DHA LA SOGS PA'I RANG SKAD KYI SGRAS LEGS PAR SBYAR BA'I SKAD KYI DON GO BAR MTHONG BA YIN NO, ,LEGS PAR SBYAR BA KHO NA SGRA MA YIN NAM, SKAD CES BYA BA 'GA' YANG YOD PA MA YIN TE, GO'I SGRA KHO NA BRJOD PAR 'DOD KYANG MI NUS PA NI, GHA BA'I SGRA LA SOGS PA RJOD PAR BYED DO, ,DON DANG LDAN PA GZHAN NI 'DRA BA NYID LA RJOD BYED MA YIN NO, ,DES NA MI NUS PAS KYANG SHUGS KYIS GO BA'I SGRA BRJOD PA YANG YIN LA, BRJOD KYANG GO'I SGRA NYID YIN NO, ,'DRA BA NYID LA RJOD BYED NYID YIN NA, GA 'U RA'I SGRA LAS KYANG LKOG SHAL LA SOGS PA'I DON RTOGS PAR 'GYUR RO, ,GHA BI LA SOGS PA YANG GO'I BLO, ,RTZA BA'I SGRA YI RJES 'BRANGS YIN; ,'DI YI RGYU MTSAN 'DRA BA LAS, ,G'U RA'I SGRA LAS NGES PAR 'GYUR, ,SMRAS PA, TZ'A G'I BI DANG, AA BI ZHES BYA BA LA SOGS PA'I SGRA RNAMS GO'I SGRA DRAN PAR BYED PA YIN LA, DE LAS GO NYID DU SHES PA YIN NAM, 'ON TE GO'I SGRA NYID DE BZHIN DU RTOGS PA'I RJOD BYED YIN PAR 'GYUR GRANG NA, RE ZHIG DRAN PAR BYED PA NI MA YIN TE, KLA KLI LA SOGS PA BZHIN RNAMS KYI THA SNYAD PA'I GO'I SGRA LA SOGS PA NI DRAN PA MA YIN PA'I PHYIR RO, ,LEGS PAR SBYAR BA RIGS PA RNAMS KYANG SKAD KYI THA SNYAD KYI DUS SU LEGS PAR SBYAR BA DRAN PA LAS BAR DU CHOD PA MA RTOGS PA'I PHYIR RO,, GO'I SGRA NYID NI DE LTAR RTOGS PA MA YIN TE, SNANG BA THA DAD PA'I PHYIR RO, ,GA BI LA SOGS PA RAB TU SBYOR BA LA YANG GO'I SGRA NYID RJOD BYED MA YIN TE, MA RTOGS PA NI RJOD BYED MA YIN PA'I PHYIR RO, ,DE LTAR YIN NA SGRA RNAMS KYI DE NYID DU THAL BAR 'GYUR BA'I PHYIR RO, ,DE'I PHYIR GTZANG SBRA CAN RNAMS KYI RNAM PAR SPROS PA DES CHOG GO, ,DE'I PHYIR GANG ZHIG LA GANG GRAGS PA DE NI DE'I RJES SU 'BRANGS NAS SAM THA SNYAD MTHONG BA LAS GZHAN DU RTOGS PA YIN GYI, DON DAM PA PA NI MA YIN ZHES BYA BAR GNAS SO, ,DE LA, MI RTAG PA LA 'ANG TSAD MED NYID, ,CES BYA BA SMOS SO, ,

, ,'BRAS BU LA RTAG PA LHAN CIG BYED PA LA LTOS PA CI LAS YIN TE MI RIGS SO, ,GANG GI PHYIR LHAN CIG BYED PAS BYAS PA PHUL DU BYUNG BA YIN NA, RTAG PA YANG RIM GYIS BYED PAR 'GYUR RO SNYAM DU SEMS PA LA, RNAM 'GAS PHAN GDAGS BYA MIN PHYIR, ,ZHES BYA BA SMOS TE, LHAN CIG BYED PAS BYAS PA RNAMS KYI GNAS SKABS NYID BYED PA PO YIN PA'I PHYIR DE'I SGO NAS GNAS SKABS PA'I BYA BA NYID YIN NA, BYA BA DANG CIG SHOS DAG LA BYE BRAG MED PAR BYED PA PO NYID YIN LA, BYE BRAG MED NA YANG THUG PA MED PA YIN TE, GNAS SKABS NYID KYI RJES SU 'GRO BA LA SOGS PA'I RJES SU BYED PA'I 'BRAS BU YIN GYI, GNAS SKABS PA'I MA YIN PA'I PHYIR RTAG PAR BYED PA PO MA YIN NO, ,LHAN CIG BYED PA NYID DU PHUL DU BYUNG BA YIN GYI, GZHAN NI MA YIN PA MA YIN NAM DE YANG RES 'GA' BA YIN PA'I PHYIR 'BRAS BU YANG RES 'GA' BA YIN GYI, DES NA RTAG PA NI 'GA' YANG KHYAD PAR DU BYED PA MA YIN TE, BYED PA YIN NA YANG DE YANG JI LTAR YIN, KHYAD PAR GZHAN BYED PA YIN NA YANG THUG PA MED PA YIN NO, ,DE'I PHYIR MTHA'I GNAS SKABS BZHIN DU LHAN CIG BYED PA PO NYID KHO NA RGYU NYID YIN GYI, KHYAD PAR DU BYED PA PO NYID MA YIN NO SNYAM DU SEMS PA LA, RNAM 'GAS PHAN GDAGS BYA MIN PHYIR, ,ZHES BYA BA SMOS SO, ,DE LTA YIN NA DANG PO'I GNAS SKABS GANG YIN PA CAN LHAN CIG BYED PA'I DUS SU YANG GNAS SKABS DE NYID YIN PAS PHAN GDAGS PA MA YIN PA'I PHYIR DANG PO BZHIN DU KHYAD PAR CAN MI BSKYED PA YIN LA, DUS PHYIS KYANG YAL BAR 'JUG PA YIN ZHES BYA BA'I DON TO, ,'BRAS BU NI LHAN CIG BYED PA KHO NA LAS BYUNG BA YIN NO, ,DE LTA YIN NA GZHAN NA LHAN CIG BYED PA YOD KYANG CI MI 'BYUNG BA YIN, DE LTA YIN NA DANG PO SKYED BYED MA YIN PA'I NGO BO DE BCAD PA YIN NO, ,YANG NA, GAL TE RTAG PA DUS GZHAN NA YANG YOD PA RIM BZHIN BYED PA PO NYID MA YIN NA SKAD CIG MA NI CHES SHIN TU MA YIN TE, SKAD CIG PHYI MA LA REG PA MA YIN PA'I PHYIR RIM GYIS MA YIN NO SNYAM DU SEMS PA LA, RNAM 'GAS PHAN GDAGS BYA MIN PHYIR, ,ZHES BYA

BA SMOS TE, MI RTAG PA LA'ANG RIM BZHIN PA LA TSAD MA MED CES BYA BA LA, MIN ZHES BYA BA DANG SKYAR RO, ,CI LAS SHES SHE NA, MI RTAG PA LA RNAM PA 'GAS PHAN GDAGS PAR BYA BA NYID YIN PA'I PHYIR RO, ,SA LA SOGS PA RNAMS KYIS SA BON LA RIM GYIS PHAN BYED PA MTHONG BAS THUG PA MED PA YANG YIN TE, SKAD CIG DANG PO LA NYE BAR 'GRO BA'I RGYU RNAMS KYIS TSOGS PAR KHYAD PAR CAN SKYED PAR BYED PA YIN PA'I PHYIR RO, ,GNAS SKABS DE KHO NA 'BRAS BU SKYED PAR BYED PA NI MA YIN TE, PHYI MA BZHIN DU DANG PO YANG YIN PAR THAL BAR 'GYUR RO, ,BSHAD PAR BYED PAS BSHAD PA NI, ,TSAD MA RTAG PA NYID YOD MIN, ,ZHES BYA BA NI THER ZUG PA'I RTAG PA NI, DUS 'DI DANG DUS PHYI MAR YANG GCIG PA'I BDAG NYID YIN LA, DE LAS BZLOG PAS KHYAB PA YIN PAS MI SHES PA'I PHYIR YANG DAG NYID DU GSUNGS ZHES BYA BAS BSAL NAS, DA NI RGYUN GYIS RTAG PA NI SEMS KYI RANG BZHIN RNAMS KYI SEMS DANG LDAN PA DANG SEMS DANG MI LDAN PA BZHIN DU SKYON GYI GNYEN PO YON TAN GYI RGYU STON PAR BYED PAS YANG DAG NYID GSUNGS NI TSAD MA NYID YIN LA, DE LAS BYUNG BA MA YIN PAS NI DES NUS PA MTHONG BAS STON PA NI DE LAS BYUNG BA MA YIN PA'I PHYIR GO BAR BYED PA MA YIN NO ZHES BSTAN PA NI, RNAM 'GAS ZHES BYA BA LA SOGS PA'O, ,MNYES PA YIN NA 'DOD CHAGS LA SOGS PA NYE BAR ZHI BA'I RGYU YIN PAS 'DI'I NUS PA 'DI 'BYUNG BA YIN NO, ,MNYES PA YIN NA DUG ZHI BA DANG RI LU DANG MIG SMAN LA SOGS PA GRUB PAR MTHONG BA YIN NO SNYAM DU SEMS PAS, 'ON TE MNYES PAR BYA BA'I RIM GYIS ZHES BYA BA LA SOGS PA ZER BA LA LAN NI, DE BSHAD RJES SU SGRUB PA YIS, ,'JIG RTEN RJES 'DZIN ZHES BYA BA STE, 'DOD CHAGS LA SOGS PA NYE BAR ZHI BA'I NGO BO GNAG GIS RTOGS PA'I SROG CHAGS SDIG PA'I DUG ZHI BAR NUS PAS, KLU'I RGYAL PO 'JOG PO'I DUG SEL BA'I NUS PA SHES PAR MI RIGS TE, SKYES BU'I DON BAG TZAM BYED PAR NUS PAR MTHONG BA LAS, PHUL DU BYUNG BA'I YON TAN PHUN SUM TSOGS PA MA LUS PA PHUL DU BYUNG BA DANG 'BREL PA CAN BLA NA MED PA'I BSOD NAMS LA SOGS PAS

, ,BSGRUBS PA'I MYA NGAN LAS 'DAS PA'AM DE STER BA'I NUS PA RTOGS PA NI MA YIN TE, THAL CHES PA'I PHYIR SKYES BU'I DON BAG TZAM BYIN PA'I NUS PA GANG YANG YOD PA MA YIN ZHES BYA BA'I DON TO, ,MNGON SUM LA SOGS PA NI 'JUG PA'I YUL NYE BAR 'THOB PAR BYED PA NYID KYIS PHAN PAR BYED PA YIN PA'I PHYIR TSAD MA MA YIN NAM, PHAN GDAGS PAR BYA BA YIN PA'I PHYIR NI MA YIN NO, ,DE'I PHYIR TSAD MA NYID LA PHAN GDAGS PAR BYA BA NYID YIN PA NI 'GAL BA MED DO SNYAM DU SEMS PA LA, GANG ZHIG CI ZHIG RNAM PA LTAR, ,ZHES BYA BA SMOS TE, MI MTHUN PA'I PHYOGS MTHONG NAS GNYEN PO DMIGS PA NA, NUS PA NYE BAR DMIGS PA LAS STON PAR BYED PA NI GZHAN GYI TSAD MA YIN NO, ,GZHAN DU NA NUS PA MA SHES PA YIN NA MI MTHUN PA DANG GNYEN PO DAG JI LTAR STON PAR BYED PA YIN ZHES BYA BA'I DON TO, ,'DOD CHAGS DANG BRAL BA NYAMS SU MYONG BAS NI DE'I LAM MAM, DE LAS BZLOG PA YANG SHUGS KYIS GO BA KHO NA YIN NO ZHE NA, DE LA NI 'DI 'DRA BA'I BYA BA YOD PA MA YIN TE ZHES BYA BA SMOS SO, ,CI YANG YOD CES BYA BAR NI, SHUGS KYIS GO BA NI BDEN NO, ,CI YANG MED CES RNAM SHES PA, ,MI RNAMS LA NI GANG DU DGOS, ,'DOD CHAGS DANG BRAL BA JI LTA BA BZHIN DU DON THAMS CAD MTHONG BA YANG 'DI'I YONG PA MA YIN NAM, JI LTAR NUS PA YONGS SU GCOD PA YIN SNYAM DU SEMS PAS ZER BA NI, 'ON TE DE'I THAMS CAD CES BYA BA'O, ,LAN NI DE NI MI RIGS TE, 'DOD CHAGS LA SOGS PA NYAMS SU MA MYONG NA ZHES BYA BA'O, ,GZHAN LA LTOS PA'I 'DOD CHAGS LA SOGS GZUNG BYA NYID DU RIGS PA YIN TE, RJES SU 'DZIN PA DANG NYE BAR 'JOMS PA BDAG NYID KYIS NI MA YIN TE, 'DI NI RNAG GI RIG PA YIN PA'I PHYIR, DE NYID KYI NGO BO RANG MTSAN NYID YIN GYI GZHAN NI MA YIN NO ZHES BYA BA'I DON TO, ,RANG RIG PA NYID NYAMS SU MYONG BA NYID KYIS GROL BA MA YIN PAR BSTAN PA NI, NYAMS SU MYONG NA NI ZHES BYA BA'O, ,'ON TE 'DOD CHAGS LA SOGS PA DANG LDAN PA 'DI DBANG PHYUG NYID LA SOGS PA DANG LDAN PA NI 'DOD CHAGS DANG BRAL BA MA YIN SNYAM

DU SEMS PA NA, 'ON TE 'DOD CHAGS PA ZHES BYA BA'O, ,GAL TE 'DOD CHAGS LA SOGS PA DBANG PHYUG NYID KYI MI MTHUN PA'I PHYOGS MA YIN NA GZHAN LA YANG DE'I GNYEN PO STON PA LA DON MED PA YIN NO, ,DE KHO NA BZHIN DU DE DANG 'BREL PA LA YANG DBANG PHYUG NYID YOD PA'I PHYIR RO ZHES LAN DU BRJOD PA NI, GAL TE 'DOD CHAGS LA SOGS DANG, ,LDAN YANG ZHES BYA BA SMOS SO, ,GANG DAG 'DOD CHAGS LA SOGS PA DANG LDAN PA DE DAG GIS DE SPANGS PA YIN NA DBANG PHYUG NYID DU 'GYUR BA YIN LA, MA SPANGS NA NI MA YIN TE, RANG NYID LAS GRUB PA MED PA'I PHYIR RO, ,RANG NYID LAS GRUB PA YIN NA NI 'GAL BA MED DO SNYAM DU SEMS PAS, 'ON TE 'DI NI DNGOS PO'I GNAS LUGS YIN TE ZHES BYA BA STE, 'DOD CHAGS DANG BRAL BA DANG 'BREL PA CAN BDAG POR GYUR PA LA SOGS PA YON TAN RNAMS 'DOD CHAGS DANG BCAS PA LA NI MA YIN TE, 'GAL BA'I PHYIR RO ZHES BYA BA'I DON TO, ,LAN NI, GAL TE DE LTAR CHAGS BRAL SOGS, ,ZHES BYA BA SMOS TE, DE LTA YIN NA DE YANG 'DOD CHAGS LA SOGS PA DANG 'GAL BA 'DOD CHAGS DANG BRAL BA LA SOGS PA BSGOM PA DANG 'BREL PA CAN DBANG PHYUG NYID LA SOGS PA RNAMS YIN NO ZHES BYA BA'I DON TO, ,DU BA DANG ME DAG GI BSKYED BYA DU BA'I DBYE BA BZHIN DU GOMS PAS BSKYED BYA DANG CIG SHOS THA DAD PAR 'GAL BA YIN NO ZHE NA, 'DOD CHAGS DANG BRAL BA LA SOGS PA GNYEN PO LA SOGS PA ZHES BYA BA SMOS TE, DANG PO GOMS PA LAS BYUNG BA LAS DE LAS GZHAN PA DE LAS 'BYUNG BA YIN PA NI ME LAS BYUNG BA'I DU BA LAS GZHAN PA'I DU BA ZHES BYA BAR NI RIGS SO ZHES BYA BA'I DON TO, ,'ON TE RNAL 'BYOR PA'I NUS PA BSAM GYIS MI KHYAB PA'I PHYIR 'DOD CHAGS LA SOGS PA DANG 'BREL PA YIN YANG YON TAN RNAMS 'BYUNG BA YANG JI LTAR YIN, DE LTA YIN NA DE DANG 'BREL PA GZHAN YANG DE'I NUS PA NYID LAS YON TAN DE RNAMS SU 'GYUR LA, DE LA YANG 'DOD CHAG SDANG BRAL BA'I BSGOM PA BSTAN PA LA DGOS PA CI YOD SNYAM DU DGONGS PAS, GANG GIS DBANG PHYUG BSGRUB PA DANG, ,ZHES BYA BA SMOS SO, ,'ON TE GZHAN GYI 'DOD CHAGS LA SOGS PA DANG 'GAL BA LAS

, ,'DOD CHAGS DANG BRAL BA DANG 'BREL PA CAN GYI YON TAN DU BYA BAR MI NUS NA NI RANG LA YANG DE RNAMS KYIS 'GAL BAR BYED PA JI LTAR NUS SNYAM DU SEMS PA BZHIN DU BSTAN PA NI, 'ON TE DE LA NUS PA DE, ,MED NA ZHES BYA BA STE, GZHAN YANG STE, RANG LA YANG BYED PAR NUS PA JI LTAR YIN, DE DAG TZAM NI DE'I RANG GI DON DANG GZHAN GYI DON PHUN SUM TSOGS PA DANG BRAL BAS DE'I SKYES BU'I DON NYID TSAD MA MA YIN PAR BSHAD NAS, DA NI RJES SU 'DZIN PA'I NUS PA CAN DE LTA BU'I DBANG PHYUG LA STE, GANG LA TSAD MA MED PA DE ZHES 'BRU MANG PO PA'I BSDU BA'I DON DU BSHAD PAR BYED PA NI RJES SU 'DZIN PA'I ZHES BYA BA STE, DE NYID RNAM PAR DBYE BA NI, ,'DI YANG DON YIN TE ZHES BYA BA LA SOGS PAS SO, ,ZHI BA PA DANG PHYUGS BDAG LA SOGS PA'I GRUB MTHA' LAS, 'BRAS BUR GYUR PA LAS BYED PA PO K'A DAM PA NI SNYAN DNGAGS LA SOGS PA BZHIN DU GO BA YIN LA, DE YANG DE LTAR GO PA NI GRUB PA'I MTHAS RJES SU 'DZIN PA BZHIN DU DBANG PHYUG LA SOGS PA RJES SU 'DZIN PAR BYED PA YANG SRID PA YIN NO, ,GZHAN DU NA 'DI NYID CI'I PHYIR BYED PA YIN, DE LTAR GNAS PA YIN NA GANG DE DE BZHIN DU MI BYED PA DE LA MI NUS PA'I PHYIR ZHES GO BA YIN NO SNYAM DU SEMS PA NI, 'ON TE MA NYES PAR BYAS PA LA SOGS PA ZHES BYA BA'O, ,RJES SU 'DZIN PAR BYED PA DE LTAR MA YIN NA ZHES BYA BA NI BSHAD PA NYID MED NA'O, ,LAN NI, DES BSHAD RJES SU BSGRUBS PA YIS, ,ZHES BYA BA STE, DE'I BYED PA YIN YANG RJES SU 'DZIN GZHAN BYED PAR CI LAS NGES PA YIN, SRID PA LAS NGES PA YIN NO ZHE NA, DE LAS BZLOG PA NYID DU CIS MI SRID PA YIN TE, RES 'GA' NI SHIN DU SLU BA KHO NA'I DON DU DE LTAR BYED PA YIN NO, ,'ON TE LUNG LA SOGS PA LAS DE GO BA YIN TE, RJES SU 'DZIN PA GZHAN DU BYED PAR 'DOD PAS 'DI BYED PA YIN GYI, SLU BA'I DON DU NI MA YIN NO SNYAM DU SEMS PA NI, DES BSHAD CES BYA BA'O, ,RJES SU 'DZIN PA BZHIN BYED PAR 'GYUR ZHES BYA BA'O, ,TSIG KYANG MNGON SUM LA SOGS PA'I RJES SU 'DZIN PA MED NA, DE'I GRUB PA PO NYID SGRUB PAR BYED PA MA YIN ZHES LAN DU BRJOD PA NI, DE LTA NA PHAN TSUN BRTEN PAR 'GYUR

ZHES BYA BA'O, ,DE NYID GSAL BAR BYED PA NI, ,DAS BSHAD PHYIR DES LUNG YIN LA, ,ZHES BYA BA STE, RJES SU 'DZIN PA'I BYED PA PO NYID KYI TSIG TSAD MA YIN PA NI, DES BSHAD PA LA NGES PA CAN DU DE BYED PA PO NYID KYIS BYAS PA KHO NA YIN PA'I PHYIR NGES PA YIN GYI GZHAN DU NI MA YIN NO ZHES BYE BA'I DON TO, ,DE LTAR NA 'BRAS BU MI DMIGS PA BSTAN PA YIN NO, ,RGYU MI DMIGS PA BSTAN PA NI, DE YI NUS PA 'DI 'DRA STE, ,ZHES BYA BA STE, THAMS CAD RJES SU 'DZIN PA NYID DANG, THAMS CAD MKHYEN PA NYID KYI NGO BO'O, ,YUL DANG DUS DANG RNAM PA LA NGES PA'I NGO BO RGYU RKYEN MA YIN PAR NI MI RIGS SO, ,SNGA MA SNGA MA'I RGYUD DU BYUNG BA TZAM ZHES BYA BA NI SNANG BZHIN PA MA YIN PA RTOGS PA MA YIN TE, THAL CHES PA'I PHYIR RO ZHES BYA BA'I DON TO, ,SBYIN PA LA SOGS PA'I THABS LA GOMS PA'I RGYU LAS 'BRAS BU 'BYUNG BA NI KHO BO CAG GI NI MA YIN TE, RGYU MED PA'I PHYIR RO ZHES BSTAN PA NI, DE YI THAMS CAD MTHONG BA DANG, ,RJES SU 'DZIN ZHES BYA BA'O, ,JI LTAR RGYU MTHONG BA LAS 'BRAS BU SRID PA DE BZHIN DU, NGES PA CAN ME LA SOGS PA'I RANG BZHIN MTHONG BA LAS KYANG, DE'I RANG BZHIN GZHAN SRID PAR MTHONG BA KHO NA YIN SNYAM DU SEMS PA NI, 'DIR DE LTA BU BYUNG BA'I DNGOS PO'I ZHES BYA BA'O, ,LAN NI, GAL TE RANG BZHIN MNGON SUM DU, ,ZHES BYA BA STE, NGES PA'I RANG BZHIN MTHONG BA LAS GZHAN YANG NGES PA CAN GYI RANG BZHIN TZAM GANG CUNG ZAD CES BYA BAR 'GYUR LA, DE YANG THAMS CAD MTHONG BA DANG, RJES SU 'DZIN PA'I NGO BO DANG, CIG SHOS ZHES BYA BAR CI LAS NGES PA YIN, DE NGES PA YIN NA 'DI LA DNGOS PO'I RANG BZHIN NYID CES BYA BA LA SOGS PA LAN YIN LA, MA NGES PA LA NI MA YIN NO, ,GAL TE MTHONG BA'I YUL LA'ANG 'DI JI LTAR LAN YIN, GAL TE MTHONG BA NYID KYIS SREG PAR BYED PA YIN NA, 'BYUNG BA NYID KYANG MTHONG BA YIN PA'I PHYIR, DNGOS PO DES KYANG SREG PAR BYED PAR 'GYUR RO, ,DE'I PHYIR NAM MKHA' YANG SREG BYED 'GYUR BA'I PHYIR, MTHONG BA NYID NI MA NGES PA CAN YIN NO, ,DE'I PHYIR NGES PA'I NGO BOS SREG BYED YIN PAR

, ,NI RIGS LA, DE NI MTHONG BA DANG MA MTHONG BA LA YANG BYE BRAG MED DO SNYAM DU SEMS PA NI, GAL TE 'BYUNG BA NYID KYIS ZHES BYA BA'O, ,NGES PA CAN NI MTHONG BA NA DE LTA BU YIN NO ZHES SMRA BAR NUS PA YIN NA, MTHONG BAS JI LTAR YIN LAN NI MI MTSUNGS TE, ME NI MTHONG BA'I PHYIR DANG, ZHES BYA BA STE, MA MTHONG BA LAS DE LTAR SMRA BA YIN NA NI THAL CHES PAR BSTAN PA NI, BDAG NYID MNGON 'DOD 'GA' ZHIG CES BYA BA'O, ,JI LTAR RTAG PA TSAD MA YIN PAR TSAD MAS RTOGS PA MA YIN PA DE BZHIN DU, KHYED KYIS 'DOD PA'I MI RTAG PA YIN TE, GANG GI PHYIR PHAN BYED NI PHAN BYA SLOB MA BZHIN DU MI RTAG PA'I PHAN BYAR MI 'GYUR BA YIN TE, GZHAN DU NI MI RTAG PA NYID DU MI RIGS PA'I PHYIR, RTAG PA YANG MA NYES PA LA LTOS NAS RJES SU BYED PA YIN NA NI, MNYES PAS RJES SU BYA BA DANG MA MNYES PAS SLAR GNOD PAR BYA BA YANG MA YIN TE, 'BA' ZHIG DE NI DE YOD NA PHAN PAR BYED PA'AM, GNOD PA BYED PA YIN SNYAM DU SEMS PA NA, RNAM 'GAS PHAN GDAGS BYA MIN PHYIR, ,ZHES BYA BA SMOS TE, MI RTAG PA LA'ANG TSAD MA MA MED NYID CES GANG BSTAN PA DE LA, MIN ZHES BYA BA DANG SBYAR TE, MI RTAG PA YANG RGYU'I DBANG GIS 'BYUNG BA YIN NA 'U BU CAG LA SOGS PA'I PHAN PA BYED PA YIN PA'I PHYIR, MNGON SUM BZHIN DU TSAD MA YIN NO ZHES BYA BA'I DON TO, ,YANG NA RTAG PA TSAD MA MA YIN TE MA RTOGS PA'I PHYIR RO, ,MI RTAG PA YANG TSAD MA MA YIN TE PHAN BYA MA YIN PA'I PHYIR RO, ,'BRAS BU LA SOGS PA NYID NI SNGA NA MED PA MNGON SUM DU MTHONG BAR RANG TZAM RIG PAS MA RIG PA'I PHYIR RO, ,'ON TE YANG, DON 'DI LA LUNG NI SKAD CIG MA LAS SAM, SKAD CIG MA MA YIN PA LAS KYANG TSAD MA MA YIN PAR BSTAN PA NI, RNAM 'GAS PHAN GDAGS BYA MIN PHYIR, ,ZHES BYA BA'O, ,YANG NA JI LTAR RTAG PA MA RTOGS PA'I PHYIR, TSAD MA MA YIN PA DE BZHIN DU MI RTAG PA NI NYAN THOS DANG RANG SANGS RGYAS KYI TSUL LA TSAD MAR GRUB PA YIN YANG, KHO BO CAG GI TSAD MA MA YIN TE, PHAN PA BYED PA MA YIN PA'I PHYIR RO, ,DE NI BLA NA MED PA'I CHOS STON PA'I SGO NAS BDAG CAG LA PHAN PA BYED PA MA YIN TE, RANG GIS

BDAG NYID TZAM GDUL BAR BYED PA YIN NO ZHES BSTAN PA NI, RNAM 'GAS PHAN GDAGS BYA MIN PHYIR, ,ZHES BYA BA STE, BLA NA MED PA'I CHOS BSTAN PAS BDAG CAG LA SOGS PA LA PHAN GDAGS PAR BYA BA 'DI LA MED CES BYA BA NI, PHAN GDAGS BYA BA MIN PA STE, ,DE'I NGO BO NI DE NYID DE, DE'I PHYIR RO, ,RIG BYED KYI MTHA' RIG PA PA RNAMS DANG, JI SRID TSOL BA LA SOGS PA RNAMS KYI MNGON PAR 'DOD PA'I TSAD MA YANG RIGS PA 'DI NYID KYIS BSAL BA YIN PAR RIG PAR BYA BA'O, ,DE LTA MOD KYI RE ZHIG BDAG DAM PA GCIG PO NI THAMS CAD SHES PA DANG BYED PA PO YIN LA, 'U BU CAG RNAMS KYI BDAG NI DE'I PHYOGS GCIG GI RANG BZHIN YIN LA, MA RIG PA RNAM PAR GCOD PAS NAM MKHA' LA BUM BA LA SOGS PAS RNAM PAR GCOD PA BZHIN DU RTOG PA YIN NO, ,DE LAS RNAM PAR GCOD PA'I YOD PA DANG MED PA DAG GIS BCINGS PA DANG, GROL BA DANG RTAG PA DANG MI RTAG PA LA SOGS PA RNAM PAR GZHAG PA YIN TE, GNAS SKABS THA DAD PAS GNAS SKABS CAN DU YOD PA'I NGO BO THA DAD PA NI MA YIN TE, THAMS CAD DU GCIG PA'I NGO BO NYID YIN PA'I PHYIR, DE KHO NA DE NYID YIN TE, DE'I NGO BO 'DZIN PA LA MA 'KHRUL PA'I PHYIR RO, ,BUM PA 'DZIN PA BZHIN DU DE'I 'DZIN PA YANG SNAM BU 'GEGS PA MA YIN TE, MA 'KHRUL PA CAN NYID TSAD MA MA YIN NO, ,DE YANG, MED PA'I DNGOS PO YOD PA MIN, ,YOD PA'I DNGOS PO MED PA MIN, ,ZHES SMOS TE, MED PA BUM PA LA SOGS PA'I YOD PA NI MED DE, RMI LAM BZHIN DU 'KHRUL PA YIN PA'I PHYIR RO, ,YOD PA STE YOD PA'I NGO BO MED PA NI MED DE, MA 'KHRUL PA YIN PA'I PHYIR RO ZHES BYA BA'I DON TO, ,'DI NYID DANG CIG SHOS KYI NGO BO NYE BAR STON PA YIN PAR BSTAN PA NI, 'BYUNG PO RNAMS KYI MTSAN MO GANG, ,DE NI LEGS GDAMS RAB SAD YIN TE, YOD BA'I NGO BO LA ZHES BYA BA'I DON TO, ,'BYUNG PO RNAMS KYI RAB SAD GANG, ,DE NI THUB PAS MTSAN MOR MTHONG STE, BUM PA LA SOGS PA'I DBYE BA'I SPRES PA ZHES BYA BA'I DON TO, ,GZHAN DAG NA RE BDAG DAM PA RTAG PA LAS BDAG CAG LA SOGS PA'I BDAG NI SPROS PA YIN TE, LCAGS KYI GONG BU LAS 'PHROS PA

, ,BZHIN DU SKYE BA YIN NO, ,DES NA RTAG PA DANG MI RTAG PA LA SOGS PA RNAM PAR GZHAG PA YIN ZHES TSANGS PA RIG PA PO RNAMS SO, ,NGO TSA MED BA PA RNAMS NI SROG GCIG KHO NA RIM PA DANG RIM PA MA YIN PA 'BYUNG BAS DNGOS PO SNA TSOGS PA RTOGS PA GNAS SKABS CAN NI, KHYAD PAR GYI DBYE BAS 'BYED PA NA, RTAG PA YANG RNAM PA 'GAS MI RTAG PA YANG YIN ZHES RNAM PAR GZHAG PAR BYED PA YIN TE, DPER NA YI GE GA DANG A'U DANG TSEG DRAG RNAMS KYANG RANG NYID RTAG PA DANG, RIM PA MED PA YIN YANG, RKAN LA SOGS PA RNAMS DANG, DE LA MNGON PAR GSAL BA'I SKAD GDANGS RNAMS KYIS MNGON PAR GSAL BA YIN PA NI RANG NYID RTAG PA DANG RIM PAS MI RTAG PA NI TSAD MA YIN LA, GANG GI PHYIR RIM PA MED NA DE RNAMS RJOD BYED MA YIN TE, DE LA LTOS PA MED PA YIN NA, RA SA LAS RA SA BZHIN DU BYI BRAG MI SHES PA'I PHYIR RO, , YI GE KHO NA RIM PA DANG LDAN PA YIN GYI GZHAN DU NI MA YIN NO ZHE NA MA YIN TE, DE MED KYANG YI GE GA LA SOGS PA NGO SHES PA'I PHYIR RO, ,RIM PA NI GSAL BA'I NGO BO BZHIN DU DE NYID GSAL BYED KYI RJES SU 'BRANG BAR BYED PAR MI NUS TE, DE LOG NA LDOG PA'I PHYIR RO, ,'DAS PA NYID NI NGO SHES PA LAS YIN PAR MI RIGS SO, ,SHI BA YANG TSOGS PA YOD NA 'GYUR BA YIN LA, MES PO LA SOGS PA LA NI TSOGS PA MED PA YIN NO ZHE NA, MA YIN TE, DE NYID LA 'CHI BAS GNOD PAR BYAS PA'I PHYIR NGO SHES PA LAS DE DANG GCIG PA NYID DU NI, RKAN LA SOGS PA'I TSOGS PA DANG; DE DANG GCIG PAR BYED PA'I DON DU YANG RNAM PAR GNAS TE, DE DANG DON GCIG PAR BYED PA LA SOGS PA'I YUL LA NGO SHES PA'I THA SNYAD DU BRJOD PA YIN LA, 'DI NYID KYIS STENG G-YOGS DANG KHANG KHYIM YANG BSHAD PA YIN TE, ZHIG PA BZHIN DU YANG DANG YANG DU PHUB PA'I KHANG KHYIM NI, BYAS PA RE RE ZHING GZHAN YIN YANG, DE TSOGS PA GCIG PA LA SOGS PA'I YUL DU NGO SHES PA LAS GCIG PAR SMRA BA YIN LA, DES NA 'DI NI THA SNYAD LAS, ,THER ZUG MIN PA'ANG RTAG PAR 'GYUR, ,RIM BZHIN BYED BZHIN PA YANG GANG SU YANG RUNG BAS BYED PA MA YIN TE, 'O NA CI

ZHE NA; RGAN POS JI LTAR MTHONG BA YIN NO, ,ZHIG PA JI LTAR BYED PA YIN 'DRA BA'I TSOS PA LAS DE YIN PA LA SKYON MED DO, ,SMRA PO 'GA' YANG RANG DBANG DU, ,RIM PA BYED PA MA YIN TE, ,GZHAN GYI JI LTAR 'DI BRJOD PA, ,DE LTA NYID DU 'DI RJOD BYED, ,YI GE LA YANG NGO SHES PA NI DE DANG TSOGS PA GCIG PA'I YUL MA YIN NAM, DE DANG DON GCIG PAR BYED PA'I YUL LA YANG CI'I PHYIR MA YIN, DE LA RKAN LA SOGS PA'I TSOGS PA DANG, DE'I DON BYED PA MED PA MA YIN NO, ,BDEN TE, GCIG PA NYID MED PA YIN NA, NGO SHES PA NI TSOGS PA LA SOGS PA'I YUL DANG, RIGS LA SOGS PA'I YUL LA RNAM PAR GNAS PA YIN LA, RIM PA DANG LDAN PA'I YI GE RNAMS LA NI GCIG PA NYID MI SRID PA MA YIN TE, TSIG GZHAN LA YANG DE KHO NA BZHIN DU NGO SHES PA'I PHYIR RO, ,RIM PA LA NI DE LTA BU MI SRID PA YIN TE, GZHAN GYIS SMRAS PA BDAG SMRA ZHES, ,BRJOD 'DOD 'DI 'DRA LAS SMRA NA; ,DES NA RTAG PA NYID DU LTUNG, ,RGYU MTSAN GZHAN NI KHYOD LA MED, ,TSOGS PA LA SOGS MTSAN MA GZHAN NI BRTAG PAR BYA BA MA YIN TE, GCIG PA NYID YIN PA'I PHYIR ZHES BYA BA'I DON TO, ,DUS KYI CHOS YIN PA'I RIM PA LA NI YI GE RNAMS RTA'I BANG MI LA MED PA BZHIN DU PHAN 'DOGS PAR BYED PA MED PA YIN TE, GCIG LA GCIG BRTEN PA YIN PA'I PHYIR, DUS KYI RIM PA LAS DE'I RIM PA YIN PA DANG, DE LAS KYANG DUS KYI RIM PAR 'DOD PA MA YIN TE, DNGOS RNAMS KYI RIM PA MED NA DUS KYI RIM PA MED PA YIN TE, RANG LAS DE'I RIM PA MA YIN PA'I PHYIR RO, , DES NA, RTA YI BANG BZHIN GZHAN GYI NI, ,CHOS LA'ANG YAN LAG NYID DU BRJOD, ,CES BYA BA 'DI YANG GSAL BA YIN NO, ,GZHAN GYI CHOS LA YANG NI DUS KYI CHOS LA YANG NGO, ,DNGOS PO GANG DAG KHO NA RIM PA DANG LDAN PA 'AM, GZHAN NI DUS YIN NO, ,NYIN ZHAG LA BYAS PA DANG MYUR DU BYAS PA ZHES BYA BA DANG, BYAS PA LAS GZHAN YIN PAR RTOGS PA YIN NO, ,BYA BA RIGS PA NYID NI MYUR BA MA YIN TE, DE'I SHES PA DANG MI MTHUN BA'I PHYIR RO, ,BYA BA KHA CIG NYID LA MYUR BA ZHES BRJOD KYI, MA MTHONG BA NI BRTAG BYA MA YIN TE, BYE BRAG NYID DU MI RIGS PA'I

, ,PHYIR RO, ,KHYAD PAR MA BZUNG NA KHYAD PAR CAN LA BLO MI SKYE STE, RANG GI SHES PAS GZHAN LA RGOD PAR BYED PA NI KHYAD PAR ZHES BYA BA YIN NO, ,BA ZHOS TZAM DU 'DUG CES BYA BA NI BYA BA NYID BYA BA GZHAN YONGS SU GCOD PA TZAM DU SNANG NGO ZHES DE LTAR YANG BRTAG PAR MI BYA'O, , DE BZHIN DU GCIG DMIGS BYA YIN NA, GZHAN DMIGS NAS ZHIG PA NI 'DAS PA YIN LA RGYU'I CHOGS PA CAN MTHONG BA LAS BYUNG BA NI MA 'ONGS PA YIN ZHING, NYE BAR DMIGS BZHIN PA NI DA LTAR BA YIN PA'I PHYIR, DNGOS PO NYID DUS SU BRJOD PAR BYA BA YIN NO, ,GZHAN KHYAB BDAG RIM PA MA YIN PA NI 'DAS PA NYID LA SOGS PA YIN PA MI SRID DO, ,DE'I PHYIR YI GE RIM PA DANG LDAN PA GSAL BZHIN PA RNAMS KHO NA RJOD BYED YIN TE, SKYES BU SKYON CAN RJES SU ZHUGS PAS GZHAN DU BYED PA YANG MA YIN TE, RIM PA SNGA MA SNGA MA'I RJES SU 'BRANGS PA'I PHYIR RO, ,'DI YIS RTOGS PAR BYED BZHIN PA'ANG, ,YI GE DE RNAMS RIM PA YI, ,RTOGS BYED MA YIN 'DRA MIN TE, ,SNGAR GRUB YONGS SU 'DZIN PHYIR RO, ,MI RTAG PA'I RIM PA DANG LDAN PA'I MI RTAG PA'I YI GE RNAMS RJOD BYED YIN ZHES BYA BA'I DON TO, ,DNGOS PO'I BDAG NYID THAMS CAD KHO NA RNAM PA 'GAS NI 'JIG PA YIN LA, RNAM PA 'GAS NI GNAS PA YIN PA'I PHYIR GTAN ZHIG PA MA YIN NO, ,KHA CIG TU YOD PA 'DI NI RTAG PA YIN PAR BRJOD DO, ,KHA CIG TU YOD PA 'DI NI RTAG PA MA YIN PAR BRJOD DO, ,GAL TE SKYE BA CAN YIN NO, ,MI RTAG NYID DANG 'JIG NYID BRJOD, ,BYE BRAG CAN DU MA GRUB PAS, ,DE PHYIR 'DI LAS MI MTHUN 'GYUR, ,'ON TE SGRA NI SNGA MA'I GNAS SKABS LAS RNAM PA GANG GIS KYANG GZHAN DU 'GYUR BA YIN NA, DE LAS GRUB PA LA SGRUB PA YIN TE, MNGON PAR GSAL BA YIN PA'I GNAS SKABS LA, MNGON PAR GSAL BA'I GNAS SKABS SU RNAM PA 'GAS MI RTAG PA NYID DU KHAS BLANGS PA'I PHYIR ZHES BYA BA NI PHYOGS GZHAN GYI RNAM PAR RTOG PA YIN PAR BSTAN TO, ,JI LTAR RNAM 'GAR 'DOD YIN NA, ,MI RTAG PA NI BRJOD BYA NYID, ,MNGON PAR GSAL MIN GNAS SKABS LAS, ,DE NI GSAL BA'I GNAS SKABS 'DOD, ,DE YANG

GSAL BA 'DI MTHONG BA DANG BRJOD PAR YANG BSTAN PA YIN LA, DE YANG DON GYIS SHES BA'I YAN LAG YIN PA'I PHYIR GZHAN GYI DON DU RTAG PA NYID DU SGRUB PAR BYED CING MI RTAG PA NYID DU DAM 'CHA' BA LA GNOD PAR BYED PA YIN NO, ,MI RTAG PA'I PHYOGS LA NI RANG GI DON DU SMRA BA'I NUS PA MED DE; 'BREL PA LA LTOS PA YIN PA'I PHYIR RO ZHES BYA BAS RANG GI TSIG DANG KHAS BLANGS PA DANG 'GAL BAR SMRAS PA YIN NO, ,DES NA DON GYIS SHES THOB PHYIR, ,RTAG PAS MI RTAG LA MNGON YIN, ,DON BRJOD PA YI SHUGS KYIS NI, ,KHAS BLANGS PA NI SGRUB PAR BYED, ,DANG POR KHAS BLANGS PA YIS NI, ,MI RTAG NYID LA GNAS PAR BYED, ,RNAM 'JIG NYID DU SGRA GANG GIS, ,SGRUB PAR BYED PA SMRA DGOS TE, ,YON TAN GSUM 'DI 'AM GANG ZAG GAM, ,YANG NA NAM MKHA'I YON TAN NAM, ,YI GE LAS GZHAN PA'AM DE DAG NYID, ,RLUNG GIS DNGOS SAM MI BRJOD PA'AM, , TSIG DAG BDAG NYID GSAL BYED PA'AM, 'DRA BA'I DNGOS LAS MI LDOG PA 'AM, ,ZHES GANG SMRAS PA DE RNAMS YIN NA NI BSGRUB BYA NYID SGRUB PA DANG, BZHI KHO BO LAM GRUB PA'I GTAN TSIGS SU 'GYUR RO, ,KHO BO CAG 'DOD PA'I SGRA'I CHOS 'DI DE BZHIN DU KHYED KYIS KHAS BLANGS PA KHO NA YIN NO ZHES BYA BA LA SOGS PA'I SUN 'DON BYED PA DE NI RTZED MO TZAM YIN TE, 'JIG RTEN LA GRAGS PA'I CHOS DANG, CHOS CAN DPE KHAS BLANGS PA TZAM GYIS THA SNYAD MTHUN PA NI GZHAN DU MI 'GRUB PA'I PHYIR RO, ,GONG BU RNAMS NYID KHO NA 'JIG RTEN NA SGRA'I BRJOD BYA YIN TE, RTOGS PA DANG LDAN PA 'JUG DON BYED PAR NUS PA LA GNAS PA'I PHYIR RO, ,JI LTAR DE LA GNAS PA YIN ZHE NA, RTOG GE PA RNAMS DPYOD PAR BYED PA YIN PAS SMRA BA NI, SPYI YIS ZHES BYA BA STE, BSTAN BCOS LA GRAGS PA'I CHOS KHAS BLANGS PAS THA SNYAD 'GA' YANG 'GRUB PA MA YIN NO, ,DE NYID BSTAN PA NI, RANG NYID CES BYA BA NI BSTAN BCOS LA LTOS PA MA YIN PAR KHAS LEN PAR STON PAR BYED PA YIN NO ZHES GSUNGS PA'O, ,DE'I PHYIR GONG BU'I SGRA'I TSIG GIS NI BRJOD PAR NUS PA MA YIN NO ZHES BYA BA DE NI MI RIGS TE, THAMS CAD KYIS GO'I SGRA CIG CAR BRJOD PA NI,

, ,BA LANG THAMS CAD SHES PAS RTOGS PA'I PHYIR RNAM PA BRJOD PA NYID YIN GYI MI RTAG PA BRJOD PA ZHIG PA NI, RNAM PAR 'BREL PAR BYA BAR MI NUS TE, RNAM BA'I BYE BRAG LA NGES PAR RTOG PA'I DUS KYI BAR DU MI GNAS PA'I PHYIR, SA YI RDZAS KYI YOD LA SOGS, ,MJUG MA NYID SOGS 'DUS PHYIR DANG, ,RAB TU SBYOR BA MANG BA'I PHYIR, ,BA LANG NYID DU NGES BZUNG MIN, ,'DIR MI RTAG PA LA SGRA NI MTHONG BAS ZHIG PA'I PHYIR, 'BREL PAR BYA BAR MI NUS ZHES BYA BA'I RTAG PA LA NUS PA YIN NO ZHES BYA BAR SHES PA YIN TE, MIG G-YON PAS MTHONG BA BKAG PA YIN NA, MIG G-YAS PA YIN PAR SGRUB PAR SHES PA LTA BU'O, ,MI RTAG PA LA NI DON DANG 'BREL PA DANG LDAN PAR KHA CIG TU 'GYUR BA YIN GYI, THAMS CAD LA NI MA YIN NO, ,DES NA 'BREL PAR BYED PA YOD PAR KHAS BLANGS PA'I PHYIR RTAG PA ZHES BYA BA 'DI'I DON YIN GYI; 'BREL PA NI BCOS MA YIN PA'I PHYIR RTAG PA MA YIN NO, ,DES NA 'DI BSTAN PA YIN NO, ,'BREL PA BCOS MA NYID YIN TE, ,DE YI SBYOR NYID SHES PA'I PHYIR, ,GONG BU DE GCIG LA GNAS PHYIR, ,THAMS CAD DU NI 'GRO BA MIN, ,ZHES BYA BA'O, ,MA YIN TE, SBYOR BA DMAN PA SPANGS NAS GZHAN DU DE'I SBYOR BA MTHONG BA'I PHYIR 'GA' YANG DON DANG LDAN PA MA YIN NO ZHES BYA BA'I RIGS BAS 'BREL PA MED PA KHO NA YIN PAR 'GYUR GYI, GONG BU GCIG LA GNAS PA NYID NI MA YIN NO, ,YANG NA BA LANG GI SGRA'I RJOD PAR BYED PA NYID KYIS RJES SU 'GRO LDOG NGES PA'I BRJOD BYA NYID NI MI RTAG PA NYID DANG 'GAL BA CAN DU BRJOD PAR BYA BA YIN NO, ,YAN GAR GO SGRA BRJOD PA NYID, ,RING NAS RTOGS PAR BYED YIN LA, ,DE SRID BAR DU BSTAN PA NI, ,PHYIS NI GANG GIS 'JIG 'GYUR YIN, ,YANG RNAM PA NI DPAG BYA NYID YIN PAS GZHAN LA SGRA GCIG PUS BSTAN PAR BYA BA BRJOD BYA YIN LA, DE'I RGYU LAS SNGA ROL DU MA RTOGS PA'I PHYIR 'BREL PA BYED PAR NUS PA MA YIN PAR SMRA BA STE, GO'I SGRA LAN BRGYAD NYID BRJOD PA YIN ZHES ZER BA NI GRANGS MED PA'I PHYIR GO'I SGRA BRGYAD MA YIN TE, GANG DU LAN GRANGS KYI SGRA YIN PA DER NGO SHES PA NGES

PAR 'BYUNG BA YIN TE, BYA BA'I SPYI LA'ANG DE LA BRTEN PA LA DES DE NYE BAR BRJOD PAS NGO SHES PA NYID DU MTSON PA YIN LA, NGO SHES PA LAS KYANG SMRA NI RTAG PA YIN NO ZHES BYA BA'I DON TO, ,DE YANG, SBYOR BA 'DIS NI NGO SHES LA, ,NYE BAR MTSON PAR BYED PA YIN, ,ZHES SMOS PA'O, , SHIN TU 'DRA BA'I PHYIR GZHAN NYID DU MI RTOGS PAS, DE NYID 'DI YIN ZHES BYA BA'I LAS BZHIN DU 'GYUR BA YIN NO ZHE NA, 'DRA BA NYID DU MA RTOGS PA YIN NA DE'I RGYU MTSAN JI LTAR YIN, 'DRA BA NYID DU RTOGS PA YIN PA NI CUNG ZAD MA RTOGS PA LAS DE NYID 'DI ZHES BYA BA 'BYUNG BA 'DI 'KHRUL PA CAN YIN NO, ,RTAG TU 'DRA BA NYID CES PA, ,GANG LA GNAS PA'I BLOR 'GYUR TE, ,DE ZHES BYA BAR NGO SHES PA, ,DE LA 'KHRUL PA YIN PAR BRTAG ,SNA TSOGS PA NYID DANG, 'DRA BA NYID DU MA RTOGS PA KHO NA DE LTAR 'GYUR BA MA YIN NAM, BDEN TE, DE RTOGS PA YIN YANG RGYU MTSAN BRJOD PAR JI LTAR 'GYUR RES 'GA' DMIGS PA NYID YIN NO ZHE NA, MA YIN TE, BA LANG GI SGRA RNAMS LA DE LTA BU NYID DU MA RTOGS PA'I PHYIR RO, ,'DI LA RTAG TU DE NYID CES, ,RNAM SHES BRTAN PO SKYE 'GYUR NA, ,DE TSE YOD NYID RTAG PA LAS, ,DE YIS TSAD MA NYID BSGRUBS 'GYUR; ,GO'I SGRAL DE NYID DU SHES PA NI 'DRA BA NYID KYI RGYU MTSAN NYID DU MI SHES PA MA YIN NAM, LAS SU NI SHES PA KHO NA YIN NO, ,YUL GSAL BA THA DAD PA LAS RIGS PA THA DAD PA MA YIN TE, THAL CHES PA'I PHYIR RO, ,MTSAN NYID DANG LDAN PA LA GNOD PA YOD NA DE'I MTSAN NYID KHO NA SUN PHYUNG BA YIN GSUNGS PA STE, RE ZHIG RJES SU DPAG PA LA SOGS PA LAS NI SNGAR MTHONG BA NGO SHES PA MA YIN TE, SPYI'I YUL CAN YIN PA'I PHYIR RO, ,MTHONG BA DANG SNANG BZHIN PA'I NGO BO GCIG PA NYID YUL YIN TE, DE LTA BU'I GCIG PA NYID NI 'DIR RTAG PA NYID KYI DBANG DU BYAS PA YIN NO, ,DE YANG MNGON SUM NYID KYI BYE BRAG KHO NA LAS SNGAR MTHONG BA NGO SHES PA YIN PAR SHES PAR BYA'O, ,DE'I BYE BRAG CAN GYI MNGON SUM GYI YIN GYI YAN GAR BAS NI MA YIN NO, ,DES NA DE NYID RTAG PA DANG MI RTAG PAR 'DOD POS BSGRUB PAR BYA BA'AM, DGAG

, ,PAR BYA BA YIN GYI DA TZAM NI MA YIN NO, ,NGO SHES PA LA MA LTOS PA'I MNGON SUM GYIS NI CI ZHIG DGOS, DE'I PHYIR DE DAG NI MNGON SUM MA YIN NO, ,'ON TE NGA NI MNGON SUM DAG RTAG PA KHO NA YIN NO ZHES BYA BA NI, 'DIR 'DI'I DON YIN NO, ,MNGON SUM GYI BYE BRAG CAN GYI SNGAR MTHONG BA NGO SHES PA NI RTAG PA NYID DU SGRUB PAR BYED PA YIN TE, BYE BRAG CAN GYI YUL YIN PA'I PHYIR GZHAN NI MA YIN TE, SPYI'I YUL CAN YIN PA'I PHYIR RO, ,MNGON SUM BKAG PA YIN YANG DE'I BYE BRAG CAN GYI SNGAR MTHONG BA NGO SHES PA NI BKAG PA MA YIN NO, ,MNGON SUM YIN PA'I RDZAS LA YOD PA'I LAS KYI MNGON SUM PA DANG, DBANG PO'I BYA BA'I MTSAN NYID KYI BLO YANG MI SHES PA NI, RJES SU DPAG PA LAS RTOGS PA YIN NO ZHES BYA BA LA SOGS PAS BSTAN ZIN TO, ,DBANG PO LAS 'DAS LAS GNAS GANG, ,DE NI MNGON SUM MIN ZHES BRJOD, , MNGON SUM MIN PA'I BLO YIS NI, ,STONG PAR SMRA BAS NGES PAR BRTAGS, ,MNGON SUM PA'I RDZAS LA YOD PA'I LAS SAM, GZUGS LA SOGS PA YANG YI GE BZHIN DU MNGON SUM GYIS SNGAR MTHONG BA NGO SHES PA LAS RTAG PA YIN PAR GSAL BAR BYED PA'I CHOS KYI RJES SU BYED PA LAS KYANG, MYUR BA DANG DAL BA LA SOGS PA'I RNAM PAR DBYE BA NI MYUR BA LA SOGS PA'I RNAM PAR DBYE BA BZHIN DU YI GE RNAMS KYI RANG BZHIN CAN MA YIN PA ZHES BYA BA 'DI KHO NA LEGS PAR RTOGS PA STE, YANG BA'I PHYIR RO, ,GSAL BA DANG RIGS DANG DE'I BYED PA PO'I GSAL BA DANG THA DAD PA DANG RTAG PA NYID RNAMS KYI SO SO'I GZHUNG LUGS LA SOGS PA NI MA MTHONG BA'I RTOG PAS NYAM THAG PA LA TSAD MA GANG YANG YOD PA MA YIN NO, ,MNGON SUM RDZAS LA YOD RNAMS KYI, ,BYA BA GANG ZHIG SNANG GYUR PA, ,DE RNAMS YI GE BZHIN DU NI, ,NGO SHES PA LAS RTAG NYID 'DOD, ,DE YI GSAL BYED MED RNAMS KYI, ,RTAG TU YOD PAR MA MTHONG NYID, ,DE LTAR DE NYID KYI SGO NAS, ,BRJOD BYA DKAR SOGS KYANG RTAG NYID, ,'DRES PA'I DBYE BA TZAM GYIS NI, ,DE LA 'ANG THA DAD BLO RU 'GYUR, ,RANG GI DNGOS LA DE NYID CES, ,RIGS SU

SU ZHIG RTOGS BYED 'GYUR, ,ZHES BYA BA'O, ,SGRA DANG LAS DANG GZUGS LA SOGS PA SNGAR MTHONG BA NGO SHES PA LAS GCIG PA NYID YIN DU ZIN KYANG, BLO NI RANG RIG PA'I NGO BO YIN TE, RTOGS BYA RE RE ZHING THA DAD PAR YANG DAG PAR RIG BZHIN PA MA YIN NAM, JI LTAR GCIG PA NYID DU RJOD PAR BYED, DE YANG SEMS CAN GYI BDAG NYID THA MI DAD PA'I PHYIR GCIG NYID YIN NO, ,SHES BYA YOD PA DANG MED PA'I DUS RTAG TU BYE BRAG MED PAS, SHES BYA'I DUS SU YANG YAL BAR 'DUG PA NYID KYI PHYIR JI LTAR DE YANG DAG PAR RIG PAR RNAM PAR GZHAG PAR 'GYUR ZHE NA, JI LTAR ME LONG LA GANG DANG GANG NYE BAR BYAS PA DE DANG DE'I GNAS SKABS LA YANG SNANG BA YIN PA DANG, JI LTAR ME NI SREG PAR NUS PA CAN YIN YANG NYE BA'I BSREG BYA KHO NA SREG PAR BYED PA NYID YIN GYI GZHAN NI MA YIN NO, ,JI LTAR ME NI RANG NGO BOS, ,RTAG TU SREG BYED LAS CAN NI, ,NYE DON BSREG BYA SREG BYED KYI, ,GZHAN MIN GZHAN GYI DUS SU 'ANG MIN, ,JI LTAR DANG BA'I ME LONG NGAM, ,JI LTAR SHEL SGONG DANG BA LA, ,GANG DAG NYE BAR GYUR PA DE'I, ,DE YI GZUGS BRNYAN SNANG BA YIN, ,DE BZHIN DU SEMS KYI RANG BZHIN YANG MA RIG PA'I DRI MAS G-YOGS PA'I SKYES BU NI SHIN TU GNYID LOG PA LTA BUR 'DUG PA YIN LA, GANG GI TSE DE CHOS DANG CHOS MA YIN PAS BSKUL PA'I DBANG PO LA SOGS PAR BYED PA'I GRONG KHYER BUM PA LA SOGS PA LA NYE BAR BYED PA DE'I TSE, RTOGS PAR BYED PA YIN LA BYA BA DE NYE BAR ZAD NA'ANG DE KHO NA LTAR SHIN TU GNYID LOG PA BZHIN DU 'DUG PA'I PHYIR; LHAN CIG BYED PA'I DBANG DANG NYE BAR BYED PA PO'I DBANG GIS NAM ZHIG 'BRAS BU MTHONG BA YIN NA YANG RTAG PA'I 'BRAS BU NYAMS PA MA YIN NO, ,DE BZHIN RTAG TU SEMS BCAS PA'I, ,SKYES BU RNAMS KYI LUS GNAS PA, ,GZUGS SOGS BYED PAS BLANGS NAS NI, ,'DZIN PA 'DI NI BLOR 'DOD DO, ,DE YANG 'DI NI SHES BYA GZHAN DANG GZHAN NYE BAR BZUNG BA'I DBANG GIS THA MI DAD PA YIN NA YANG THA DAD PA BZHIN DU SNANG BA YIN TE, BUM PA GLANG PO SOGS BLO NYID, ,DE THA DAD PAR 'JIG RTEN 'DOD, ,DES NA DE NYID THA DAD DON, ,RJES 'BRANG RNAMS KYI BLOR 'DOD DO, ,

, ,YUL GYI DBYE BA YONGS SU DOR NAS DAG PA'I YANG DAG PAR RIG PA KHO NA RTOGS PAR BYAD NA 'BYUNG BA NI DE NYID YIN NO ZHES SNGAR MTHONG BA NGO SHES PA YIN NO, ,THA DAD DON LA BRTEN MIN NA, ,SNGAR MTHONG NGO SHES YOD MA YIN, ,BUM PA RIG PA THA DAD PA MA YIN PA YANG SNAM BU'I DUS SU YUL CHES THA DAD PA YIN PA'I PHYIR DE NYID YIN PAR RTOGS PAR MI BYED PA NA THA DAD PAR RTOGS PA YIN TE, DE BZHIN DU DON DAM PA NI MA YIN NO ZHES BYA BA'I DON TO, ,DE GANG LAS MA RIG PA'I DRI MA DANG BRAL BA YIN NA NYE BA MA YIN PA YANG SNA TSOGS PA SNA TSOGS PA'I NGO BOR SNANG BA YIN LA; DES NA 'DI THAMS CAD MTHONG BAR 'GYUR BA YIN NO, ,DE'I 'DOD PA'I DBANG GIS MNGON PAR 'BYUNG BA YIN PA'I PHYIR SNA TSOGS PA'I BYED PA PO YIN NO, ,DE YOD PA DANG MED PA'I DUS DAG TU 'DI LA BYE BRAG MED PAS NAM MKHA' BZHIN DU MI SHES PA NI BYED PA POR MI 'GYUR BA MA YIN NAM, SNA TSOGS PA KHO NA RANG GI RGYUS DE LTA DE LTAR 'GYUR ZHES BYA BA YANG YIN NO, ,SMRAS PA YOD PA'I NGO BO RIGS PA DANG DE SNANG BA NI RMI LAM BZHIN DU MI SHES PA NI BYED PA POR MI 'GYUR SKYE BA SNANG BA'I BDAG NYID GZHAN DANG GZHAN DU YANG 'DOD PA'I NGO BO MA YIN TE, SROG NI PHYIR ROL GYI RIG PA'I BDAG NYID KYI THA DAD PA YIN YANG RIG PA'I BDAG NYID NI MA YIN TE, SHES PA'I NGO BO'I RNAM PA NI RTAG PA YIN YANG 'GAL BA MED PA NI, MNGON PAR GSAL MIN GNAS SKABS LAS, ,DE MNGON PAR GSAL BDAG NYID 'DOD, ,CES BYA BA'I TSIG GIS RTAG PA DANG CIG SHOS KYI BDAG NYID CES BYA BA'I BYE BRAG MED PA'I SKYON MED DO, ,SGRA DANG BLO LA SOGS PA YANG YOD PA'I PHYIR SKAD CIG MA NYID MA YIN NAM, YOD PA NI DON BYED PA'I BYED PA PO YIN NO, ,RIM DANG CIG CAR NYID YOD NA DMIGS PA YIN LA, DE DAG GIS KHYAB PA YIN PA'I PHYIR DE DAG LOG NA LDOG PA NI MI RTAG PA RNAMS LA YANG GNAS PA YIN TE, RTAG PA LA RIM GYIS 'BRAS BU 'BYUNG BA MA YIN TE, SHIN TU LTOS PA MED PA'I PHYIR RO, ,LHAN CIG BYED PA NYID SHIN TU RES 'GA' BA YIN PA'I PHYIR DE NYID LAS 'BRAS BUR 'GYUR BA NI DE DANG 'DRA BA'I PHYIR RO, ,GZHAN GYI TSE DE YOD

KYANG CI'I PHYIR MI 'BYUNG BA YIN, DE LTA YIN YANG DE'I DUS SU SNGA MA PA'I NGO BO SKYED PAR BYED PA BCAD PA YIN NO, ,BCAD PA DANG CIG SHOS KYANG DE BZHIN DU RTOGS PA YIN NO ZHE NA, MA YIN TE, BCAD PA LAS CIG SHOS THA DAD PA YIN PA'I PHYIR, BYED PA PO MA YIN PA NYID DU DE GNAS SO, , MA YIN TE, BCAD PA NYID LA MA BCAD PA YIN ZHES RTOGS PA LA SKYON MED PA'I PHYIR RO, ,RTOGS PA NI BRGAL ZHING BRTAG PAR BYAS PA MA YIN TE, MI RTAG PAR GCIG PA'I NGO BO NYID LA NI MNGON SUM MED PA YIN TE, MTHONG BA DANG RTAG PA NYID MI 'GAL BA'I PHYIR RO, ,RTAG PA LA SKAD CIG GCIG LA MTHONG BAR MI 'GYUR BA MA YIN LA, DE TZAM MTHONG BAS SNGA MA DANG PHYI MA'I SKAD CIG DAG LA MED PA YANG MA YIN TE, SPYI LA YANG DE LTAR THAL BAR 'GYUR BA'I PHYIR RO, ,SPYI NI SNGA MA DANG PHYI MA DAG LA MED PAR 'GYUR BA NI MA YIN NO, ,'DIR NI SPYI GANG CUNG ZAD KYANG, ,KUN GYIS RTAG PAR RTOGS PAR BYED, ,MI RTAG NYID NA GONG BU RNAMS, ,GANG LA'ANG KHYAB PA CAN MI 'GYUR, ,MTHONG BA TZAM MAM, DE TZAM LAS BYUNG BA YANG DNGOS PO MA YIN TE, DE GCIG GIS MTHONG BA LAS DNGOS PO MA YIN NA GZHAN GYIS MA MTHONG BA LAS DNGOS PO MA YIN PAR 'GYUR RO, , DE'I PHYIR RANG GI TSOGS PA LAS BYUNG BAR MTHONG BAS SNANG BA YIN NO, ,DE LTAR YANG MTHONG BA'I DUS KYI NGES PA DANG LDAN PAR MTHONG BA NI TSAD MA MA YIN TE, NGES PA YANG SNGON PO NYID LA YIN GYI, SKAD CIG MA NYID LA NI MA YIN NO, ,GAL TE SNGON PO NYID BZHIN DU DE LA YANG YIN NA NI, 'KHOR BA THOG MA MED PA LA SKAD CIG PAR YANG NGES PA KHO NAR 'GYUR RO, ,DE YANG MA MTHONG BA TZAM GYIS MED PA YIN PAR GO NAS ZHIG PA YIN PAR BRTAG PAR BYAS PA MA YIN GYI, TSAD MA MA YIN PA NYID DU RIG PA NYID YIN, MED PA YIN ZHES BYA BAR GO BA YIN NO, ,DES NA DE BZHIN DU MTHONG BA DANG RTAG PA NYID 'GAL BA MED PAS DE NYID LA DE NGES PA'AM MTHONG BA NYID NI TSA MA YIN TE, MA MTHONG BA LA DRAN PA MI 'GYUR PA'I PHYIR NGES PA MED DO ZHES BYA BA NI GZHAN GYI 'DOD PA'O, ,RGYU MED PAR 'JIG PA YIN NA, DE MA THAG KHO NAR 'GYUR RO ZHE NA, DE BZHIN DU SNGA MA LA YANG 'GYUR TE,

, ,RGYU MED PA NYID KYIS RTAG TU BAR THAL BAR 'GYUR RO, ,NGES PA YIN YANG DE NYID DU RGYU YIN PA'I PHYIR ZHIG PA NI 'BRAS BU NYID YIN NO, ,DE YOD PA YIN NA YANG DE'I GNAS SKABS CAN NYID DNGOS PO YIN PA'AM, DNGOS PO MED PO'I RGYU, DNGOS POR BYA BAR NUS PA NYID MA YIN PA LA SOGS PA GZHAN LA RANG NYID KYIS SMRAS PA'I SKYON THOB PA YIN NO, ,DE MA THAG TU ZHIG PAR SNANG BA NI MA YIN TE, GANG GI TSE MTHONG BA DE'I TSE YANG RGYU LA RAG LAS PA YIN PA'I PHYIR MTHAR ZHIG PA MTHONG BA LAS SNGA NA YOD PA NYID DU RJES SU DPAG PA MA YIN TE, DE'I TSE DE'I RGYU MED PA'I PHYIR RO, , ZHIG PA 'BRAS BU NYID YIN NA 'JIG PA'I ZHIG PA LAS DNGOS POR LDANG BA NI ZHIG PA'I RGYU MED PA'I PHYIR RO, ,DE LTAR BYAS KYANG DNGOS POR BYUNG BA CI DGOS SHE NA, DES NA DNGOS PO CUNG ZAD KYANG BYED PA MA YIN TE, DE'I RGYUS DNGOS PO DE BYAS PA YIN ZHES BYA BAR GSAL BA NI NYE BAR BTAGS NAS DNGOS PO MED PA'I THA SNYAD DU BYED PA YIN TE, DE DAG TZAM GYIS DNGOS PO ZHIG PA YIN NO, ,SGRA DANG BLO SOGS PA RNAMS KYI NI DE LTA BU'I 'JIG PA MA YIN TE, YAL LAG LA MI LTOS PA'I PHYIR RO, ,SNAL MA LA SOGS PA'I YAL LAG LA LTOS PA'I RNAM BU LA SOGS PA NI, DE'I PHAN TSUN SBREL BA BKROL BA'AM, DE ZHIG PAS 'JIG PAR 'GYUR PA YIN PAR RTOGS PA YIN NO, ,YAN LAG GAM YAN LAG CAN GZHAN YANG RUNG BA YOD PA MA YIN TE, 'BREL PAR SNANG BA MED PA'I PHYIR RO, ,RLUNG SGRA NYID DU GYUR PA YIN NO ZHES NA, MA YIN TE, SGRA LA SOGS PA LA REG PA LA SOGS PA'I YAN LAG DANG, 'BREL PA MI SNANG BA YIN LA, DE'I PHYIR 'DI LTA BU'I NGO BO GANG YIN PA NI 'JIG PAR 'GYUR BA MA YIN TE, DE LTAR RTOGS PA'I PHYIR RO, ,SKAD CIG MA GNYIS PA LA DMIGS BYA MA YIN PA NYID ZHIG PA YIN NO ZHE NA, DE'I TSE DE YIN DU ZIN KYANG CI ZHIG 'ONGS NAS GANG GIS SNGA MA 'JIG PAR 'GYUR, DE LTA YIN NA DE NI DE LA NGES PA CAN YIN NA, DE'I BSKYED BYA NI DNGOS PO LAS THA DAD PA'AM GZHAN DU NI MI RIGS TE, DGOS PA MED PA'I PHYIR RO, ,DE'I BYED PA LA SOGS PA'I SKYON DU THAL BAR 'GYUR BAS 'GA' ZHIG GIS NYE BAR DMIGS PA LA YANG,

GZHAN GYIS MA DMIGS PA'I PHYIR MED PAR 'GYUR RO, ,DMIGS PA THAMS CAD LDOG PA'I PHYIR MED PA YIN NO ZHE NA, ME YIN TE, THAMS CAD KYI DMIGS PA LDOG PA YIN ZHES BYA BA 'DI NI GO BAR DKA' BA YIN NO, ,GZHAN RGYU MA TSANG BA MED PAS RUNG BA'I MI DMIGS PA MED PA NYID DU SHES PA'I 'BRAS BU CAN NI CIG SHOS MA YIN NO ZHES BYA BA 'DI NI GO BLA BA YIN NO ZHE NA, MA YIN TE, DE NYID 'DI YIN NO ZHES SHES PA'I PHYIR RO, ,JI LTA BA KHO NA'I SNGON PO'I ZHES BYA BA MNGON SUM GYI RJES SU 'BRANG BA'I RNAM PAR RTOG PA NI, MNGON SUM NYID YIN LA 'GAL BA MED PAS THA SNYAD MTHUN PA YIN NO, ,DE BZHIN DU DE NYID 'DI YIN ZHES BYA BA 'DI LAS KYANG YIN NO, ,GZHAN DU NA MTHONG BA DANG RNAM PAR RTOG PA DAG MI MTHUN PA'I PHYIR, THA SNYAD MED PAR 'GYUR RO, ,SNGON PO DANG RTAG PA'I RNAM PAR RTOG PA DAG LA YANG PHUL DU BYUNG BA MA YIN TE, MTHONG BA DANG BAG CHAGS LAS SKYES PA LAS KHYAD PAR MED PA'I PHYIR RO, ,DE SKAD DU YANG TSAD MA'I THU BO MNGON SUM YOD KYANG, TSAD MA MA YIN PA NYID DU 'GYUR BA NI MA YIN NO ZHES SMOS PA'O, ,NGES PA LAS NI MTHONG BA'I YUL YIN LA, SNGON PO BZHIN DU MI RTAG PA NYID NI MA YIN TE, THA SNYAD MED PA'I PHYIR RO, ,DE BZHIN DU RTAG PA NYID NI MA YIN NO, ,DE NYID RTOGS PA LAS RJES SU DPAG PAS NGES PA YIN NO ZHE NA, MNGON SUM DANG 'GAL BA YIN NA, RJES SU DPAG PA TSAD MAR 'GYUR BA MA YIN NO, ,DON BYED PA PO NYID YOD PA NYID NI RIM DANG CIG CHAR LA MI LTOS PAS DES KHYAB PA YIN NAM, LTOS PA DANG BCAS PA NYID LA LAN CIG KYANG DE YOD NA MED PA'I PHYIR RTAG PA NI RIM PA MA YIN TE, DUS GZHAN 'BYUNG BAR 'GYUR BA'I DNGOS PO YANG DE'I TSE KHO NA 'BYUNG PAS SDOD PAR 'GAL BA'I PHYIR RO, ,SDOD PA NI RIM PA YIN NO, ,RIM PA MED PA NI MA YIN TE, SDOD PAR MTHONG BA'I PHYIR RO, ,DE NYID DUS GZHAN LA YANG YUL GZHAN BZHIN DU KUN DU RGYU BA YIN NO ZHE NA, RANG BZHIN DE MA BOR NA KUN DU RGYU BA ZHES BYA BA MA YIN NO, ,GNAS SKABS THA DAD PA LA YANG GNAS SKABS CAN NI MI RGYU BA YIN TE, GNAS SKABS DE YIN PA'I PHYIR RO, ,DE MA YIN PA'I GNAS SKABS YIN NA PHYOGS NYAMS PA YIN NO, ,

, ,GNAS SKABS GZHAN KHAS BLANGS PA LA YANG SKYON DE DANG MTSUNGS PA YIN NO, ,SHI BA KHO NA 'BYUNG BA YIN PAS KUN DU RGYU BA YIN NO ZHE NA, SNGA MA DRAN PA MED PA'I PHYIR DANG, DE NYID KYIS NA PHYI MA YANG MA YIN NO, ,GCIG PO DUS GCIG GI TSE YOD PA DANG MED PA YANG MA YIN NO; ,'CHI BA DANG SKYE BA DAG SKAD CIG MA NYUNG ZAD DU GNAS PA YANG MA YIN TE, MTHONG BA RGYUN CHAD PA DANG 'GAL BA'I PHYIR, KHO BO'I PHYOGS LA SNGA MA'I SHI BA PHYI MA NYID YIN PA LA SKYON MED DO, ,DE LTA DE LTAR RTAG PA LAS BZLOG PA LA RIM PA NYE BAR DMIGS PA DE DANG 'GAL BA YIN NO ZHES 'DIR GSUNGS PA YIN NO, ,SKAD CIG NYID DU MTHONG BA NI MA YIN NO, ,DES NA RIM PA DANG LDAN PA DANG YOD PA NYID NI BZLOG PA DANG 'GAL BA MED DO, ,LDOG PA NYE BAR DMIGS PA NI PHYIN CI LOG TU SGRO 'DOGS PA 'JOMS PAR BYED PA MA YIN TE, 'GAL BA'I PHYIR RO, ,DE NYID NYE BAR DMIGS PA YIN NA, RIM PA DANG LDAN PA DMIGS PA LA SOGS PA NYID DANG SKAD CIG PA NYID DU 'GAL BA YIN TE, PHYIN CI LOG PAS KHYAB PA'I PHYIR RO, ,MA GRUB PA NI MA YIN TE, MTHONG BA'I RJES SU 'BRANG BA'I RNAM PAR RTOGS PAS RTAG PA NYID BZHIN DU RNAM PAR GZHAG PA NYID YIN PA'I PHYIR RO, ,DE RTOGS PAS BZLOG PA MA RTOGS PA YIN NA 'GAL BA YIN TE, GNYI GA'I NGO BOR RTOGS PA YIN NA 'GAL BA MED PA'I PHYIR RO, ,BLO LA MI GNAS PA JI LTAR 'GAL BA CAN YIN ZHE NA, SGRO BTAGS PA YIN PA'I PHYIR SKYON MED DO, ,DE LTA YIN YANG DNGOS SU BA'I 'GAL BA MA YIN PA MA YIN TE, PHYIN CI LOG TU RTOGS PA DNGOS SU BA YIN PA'I PHYIR RO, ,DE LTA YIN YANG GNOD PA CAN GYI BZHI PO DAG DON GCIG PA NYID DU RTOGS PA'I DON NYID MA YIN TE, THUN MONGS BA DANG CIG SHOS KYI DBYE BAS YUL THA DAD PA'I PHYIR SHING MA YIN PA DANG ME MA YIN PA BZHIN DU PHYIN CI LOG TU MA GRUB PA YIN YANG, LDOG PAR MA NGES PA NI MA YIN TE, NYE BAR DMIGS PA YUL DU RNAM PAR GZHAG PAS PHYIN CI LOG SPANGS PA'I PHYIR, DRO BA DANG DRO BA MA YIN PA NYID BZHIN DU 'GAL BA GRUB PA'I PHYIR RO, ,THAMS CAD RIG PA RNAMS KYI RANG GI NGO BO LA NGES PAS RIM PA 'DZIN PA MED PA NI MA

YIN NO, ,BAG CHAGS KYI DBANG GIS BYUNG BAS 'DAS PA RIG PA DRAN PA'I RNAM PAR RTOG PAS RIG PA'I PHYIR RO, ,BAG CHAGS KYANG DA DANG 'DRA BA'I RNAM PAR RTOGS PA GZHAN GYIS BSKYED PAR BYA BA YIN PA NI DGAG PAR BYA BA MA YIN NO, ,RNAM PAR RTOG PA YANG KHA CIG NI SNGON PO'O ZHES GZUNG BA'I RJES SU 'BRANGS PA YIN LA, KHA CIG LA NI DE'I KHYAD PAR GYI RIM PA'O, ,KHA CIG NI DE YOD NA 'BYUNG BA NYID DAM, 'BRAS BU DANG RGYU ZHES BYA BA YANG NGO, ,RTOGS PA DE YANG MTSAMS SBYOR BAR BYED PA GZHAN SHUGS KYIS RTOGS PAR BYED PA NI MA YIN NO, ,BAG CHAGS YOD NA DE LAS BDAG GIS 'DI MTHONG NGO ZHES BYA BA BZHIN DU RTAG PA SRID DAM, MI RTAG PA SRID PAR RTOGS PA NI TSAD MA YIN TE, RNAM PA GSUM GZHAN DMIGS PA'I PHYIR RO, ,DE LTA BUR MA MTHONG BA YIN NA, DMIGS BZHIN PA LAS YOD PAR KHAS BLANGS PA DGAG PAR NGES PAR MI NUS TE, MA BSKAL BA YIN PA'I PHYIR RO, ,DE NYID 'DI YIN ZHES BYA BAS, ,'DI'I DE NYID DRAN BYA BA MA YIN, DBANG PO'I STOBS BYA BA NI MA YIN TE, DNGOS PO'I RANG GI NGO BO YUL YIN PA'I PHYIR TE, DE'I THOG MA MTHONG BA LTA BU'O, ,DE LTA YIN NA DE NYID RIG PA 'DI NI MI SLU BA'I BDAG NYID CAN GYI YID KYI YIN GYI, DNGOS SU BA NI MA YIN NO, ,SHES PA SNGA MA'I YUL MA YIN PA'I PHYIR RAM, DE'I KHYAD PAR CAN RIG PA'I SHUGS KYIS DON NYID DE'I NGO BO YIN PA YANG RUNG BA SNGAR MTHONG BA NGO SHES GO BAR BYED PA YIN TE, DE'I NGO BO NYID MA YIN NA GNOD PA MED PAS DE LTAR RTOGS PA MI RIGS PA'I PHYIR RO, ,DRAN PA DANG NYAMS SU MYONG BA DANG LDAN PA RTOGS PA'I DON RTOGS PAR BYED PA NI SNGAR MTHONG BA NGO SHES PA LAS SO, ,DE KHO NA BZHIN DU NANG GI RTOGS PA YANG YIN NO, ,SNGAR RTOGS PA DUS PHYIS RTOGS PA NA DE NYID 'DI YIN NO ZHES BYA BA'I DRAN PAS NYAMS SU MYONG BA'I YUL DU GYUR PAR NGES PA YIN NO, ,DANG PO MTHONG BA BZHIN DU DNGOS PO TZAM JI LTA BA BZHIN DU RTOGS PA DE LTA BU'I DNGOS PO MA YIN NAM, DE 'GRUB PA NI DE LAS LTOS PA'I PHYIR RO SNYAM DU SEMS PA LA, DE'I PHYIR MI RTAG NA YANG STE, YANG GI SGRAS RTAG PA YANG ZHES BYA BA SMOS SO, ,DE GNYIS KA'I NGO BO YANG KHAS BLANGS PA YIN NA NI

, ,TSAD MA STE, 'DI'I GO BYED KYI TSAD MA NYID MED DO, ,CI LAS SHES SHE NA, SMRAS PA, RNAM 'GAS TE, RNAM PA GANG GIS KYANG, RTAG PA LA MIN ZHES BYA BA'I DON TE, PHAN GDAGS PAR BYA BA YOD PA MIN PA NI, SNANG BA DANG 'BREL PA CAN NYID KYIS SAM, DE NYID DU SGRO BTAGS PA'I YUL NYID KYIS 'DI LA DE BSKYED PAR BYA BA DE LTA BU NYID KYI PHYIR RO, ,SGRA DANG BLO LA SOGS PAS RTAG PA'I RNAM PA 'DZIN PAR SNANG BA MA YIN TE, DER SNANG BA CAN MA YIN PA'I PHYIR RO ZHES BYA BA'I DON TO, ,RNAM PAR RTOG PA NI MTHONG BA DANG SNANG BZHIN PA DAG LA 'BAR BA DANG, BREGS PA'I SGRA'I SKYE BA BZHIN DU 'DRA BA'I YUL DU RNAM PAR GNAS PA YIN TE, DE NYID LA NI PHYIN CI LOG TU 'DZIN PAR MTHONG PAS 'GAL PA'I PHYIR, MTHUN PA MA YIN PAR THAL BAR 'GYUR RO, ,SPYI BZHIN DU DE LTAR 'GYUR BA NI MA YIN TE, KHAS BLANGS PA MA YIN PA'I PHYIR RO, ,BA LANG NGO ZHES BYA BA'I RNAM PAR RTOG PA NI, JI LTAR GCIG DE BYED PA MA YIN PAR RNAM PAR GCOD PAR BYED PA'I BDAG NYID DU RTOGS PA DE BZHIN DU GZHAN YANG YIN PA'I PHYIR, DE NI DE RNAMS KYI SPYI YIN PAR BRJOD DO, ,DES NI 'DIR SPYI GANG CUNG ZAD KYANG RTAG PAR THAMS CAD KYIS BRTAGS PA BKAG PA YIN NO, ,ZHIG PA BZHIN DU 'DI YANG 'GYUR BA MA YIN NAM, ZHIG PA NI SNA MA DANG PHYI MA YANG MI DMIGS PA YIN YANG, DE'I TSE KHO NA SKYE DPAR BYED PA NI MA YIN TE, SKYE BA DANG LDAN PA THAMS CAD KYI 'JIG PA MTHONG BAS DE ZHIG PA YIN NA, DNGOS POR LDAN BAR THAL BAR 'GYUR RO, ,GANG LA RGYU YOD DE 'JIG PA'ANG, ,MYU GU BZHIN DU MTHONG BA YIN, ,ZHIG PA LA NI 'JIG MED PA, ,DE PHYIR BYAS PA MA YIN NO, ,BYAS PA YANG RGYU MED PA LAS 'JIG PA MA YIN PAR NI MI RIGS TE, YUN RING PO RA MA MTHONG BA RNAMS KYANG YANG 'BYUNG BAR MTHONG BA'I DNGOS PO LTA BU'O, ,SRID BZHIN PA YIN PA'I PHYIR YOD PA DANG MED PA DAG BDAG NYID THAMS CAD KYI MTSUNGS PA NYID MA YIN NO, ,DE NYID KYIS NAM BYUNG BA YANG SNGA NA MED PA'I 'JIG PA YIN NO ZHES NA, DE LTA YIN NA BYAS PA NYID DAM CIG SHOS KYANG ZHIG PA NYID DU'AM, GZHAN DU YANG NGES PA MA YIN NO, ,ZHIG PA'AM

SNGA MA MED PA'AM DE MED KYANG 'BYUNG BA'I PHYIR RO, ,DNGOS PO NYID KYI BYE BRAG NI 'KHRUL PA CAN MA YIN NO ZHE NA, DE BZHIN DU DNGOS PO LA YANG 'KHRUL PAR DOGS PA YIN NA, BYE BRAG GIS SKYOB PA MA YIN NO, ,DE'I PHYIR 'JIG PA'I RGYU MED PA CAN YIN NO, ,RGYU BTZAL MA THAG NYID DU DMIGS PA YIN GYI, SNGA MA DANG PHYI MA NI MA YIN PAS 'KHRUL PA'I PHYIR DE'I BYAS PA NYID DAM MED PA NYID MI 'GRUB BO, ,ZHIG PA NI GNAS SKABS LAS SNGA MA DANG PHYI MA YOD PA'I GNAS SKABS MA YIN NAM, DE'I TSE ZHIG PA NI MA YIN TE, DNGOS PO DANG 'GAL BA'I PHYIR RO, ,DE'I TSE KHO NA 'BYUNG NI JI LTAR RGYU MED PA YIN TE, NGES PA NI RGYU LA RAG LAS PA'I PHYIR DANG, DE LA RAG LUS PA MA YIN NA RGYU LA NGES PAR MI RIGS PA'I PHYIR RO, ,DE YON NA 'BYUNG BA'I DNGOS PO'I RGYUS CI ZHIG BYAS PA YIN, GANG GIS SNGAR BZHIN DU 'BYUNG BAR MI 'GYUR BA NI DE DAG 'GAL BA YIN ZHES BYA BA NI MI RIGS TE, CUNG ZAD KYANG MI BYED PAS 'GAL BA MED PA'I PHYIR RO, ,RGYUS DE'I RANG GI NGO BO NYAMS PA KHO NA BYAS PA YIN NO ZHE NA, DE YIN NA YANG, DNGOS PO YANG RJES SU 'JUG PAR 'GYUR RO, ,'GAL BA'I PHYIR MA YIN NO ZHE NA, CUNG ZAD KYANG MI BYED PAS JI LTAR 'GAL BA YIN ZHES PA DE NYID SLAR KHYOD LA DRI BAR BYA'O, ,DNGOS PO'I ZHIG PA YIN NO ZHE NA, DE YANG BYA BA'I RGYU MA YIN TE DNGOS PO DANG 'GAL BA'I PHYIR DANG, THUG PA MED PA'I PHYIR RO, ,DE YOD NA DNGOS PO RANG GI NGO BO NYID MED PA YIN TE, DE LAS CUNG ZAD KYANG 'BYUNG BAR MI 'GYUR RO ZHE NA, DE YOD KYANG DE DANG 'DRA BA 'DI SNGAR BZHIN DU PHYIS KYANG, DON BYED PA NYID DU THAL BAR 'GYUR PA YIN TE, BYE BRAG MED PA'I PHYIR RO, ,DE NYID BYE BRAG YIN NO ZHE NA, 'DI LA DE YOD KYANG DE CI ZHIG BYAS PA YIN ZHES SMRAS ZIN TO, ,KHO BO'I PHYOGS LA NI DE MED PA YIN LA, DE NI GZHAN KHO NA SKYES PA YIN TE, DUS GZHAN NA YOD PA NI MA YIN NO ZHES BYA BA'I DON TO, ,DE LTA YIN NA MI SKYE BA DE NYID MED PA YIN NO ZHE NA, DE'I ZHIG PA LA LTOS NAS, DE LTA BU'I THA SNYAD YIN PAR BDEN MOD KYI GZHAN SKYE BA LA NI MA YIN TE, 'GAL BA MED PA'I PHYIR RO, ,DE LTA MOD KYI MA DMIGS PA NI MED PA MA YIN

, ,TE; YOD PA LA YOD PA'I PHYIR RO, ,RUNG BA YANG MA YIN TE, SGRUB BYED MED PA'I NGO BO YIN PA'I PHYIR RO, ,DE'I PHYIR DE LTA BU'I DMIGS PA YOD PA NYID KYIS KHYAB PA'I PHYIR DE LOG PAS SDOG PA GRUB PA YIN PA'I PHYIR MA DMIGS PA NI MED PA MA YIN NO, ,GAL TE DMIGS PA MED PA BZHIN DU RUNG BA'I MED PA YANG RANG LAS RTOGS PAR CIS MI 'DOD, DE LTA BU'I MED PA NI MA NGES PA MA YIN NO, ,DE LTA BU'I RTOGS PAR DKA' BA YIN NO ZHE NA YANG, DMIGS PAR JI LTAR NYE BAR MTSON PA YIN NO, ,DE'I YANG MA RTOGS PAS MA RTOGS PA'I PHYIR MED PA NI MA YIN NO, ,DE'I PHYIR RUNG BA DANG DMIGS PA YANG MA RTOGS PA NI, DE MA YIN PA RTOGS PA YIN NA, GZUGS BZHIN DU BRJOD PA DANG 'DRE BA LA LTOS PA MED PA DBANG PO'I BYA BA BSKYED PA'I SHES PAS SHES PAR BYED PA YIN NO, ,DE NYID KYIS NA RANG BZHIN THAMS CAD DANG BRAL BA'I MTSAN NYID MA YIN TE, DNGOS PO MED PA'I RANG BZHIN DU MNGON SUM LA SOGS PAS GRUB PA'I PHYIR RO, ,NUS PA THAMS CAD DANG BRAL BA MA YIN TE, SHES PA'I RGYU YIN PA'I PHYIR RO, ,YOD PA DANG ZHIG PA DAG GI RGYU THA DAD PA'I PHYIR GZHAN NYID YIN ZHES BYA BA LA SOGS PAR SHES PAR BYA'O, ,MA YIN TE, DE LA DE'I RTOGS PA DGAG PA'AM, DE'I MI SKYE BA'I NGO BO'AM GZHAN RTOGS PA YANG YIN ZHES BYA BA DE DAG TZAM GYI DBYE BAS YOD PA YIN TE, DE'I BRAL BA NI DE'I MA 'DRES PA NYID YIN ZHES BYA BA LA SOGS PA YANG DE'I MI SKYE BA KHO NA YIN GYI GZHAN NI MA YIN NO, ,GZHAN SHES PA YIN NA MA RTOGS PA PO 'BA' ZHIG NI YOD PA MA YIN PAR BSTAN PA YIN LA, DE BSTAN PAS YOD PA LAS BZLOG PA GZHAN NI MA YIN NO, ,DE BZHIN DU GZHAN GYI MNGON SUM YIN NA, DE'I THA SNYAD YIN PA'I PHYIR MED PA MNGON SUM DU GRUB PAR BRJOD DO, ,MA RTOGS PA NYID MA YIN PAR KHAS BLANGS NA, MTSAN NYID MI MTHUN PA'I NUS PA RTOGS PA PO'I RTOGS PA DANG 'GAL BA MED PA YIN TE, DE LTA BU'I RTOGS PAS RTOGS BYA RTOGS PA NYID NI DE'I THA SNYAD KYI RGYU YIN PA'I PHYIR RO, ,DMIGS SU RUNG BA MA RTOGS NA, RGYU GZHAN TSOGS PA YIN NA YANG MED PA YIN PAR BSTAN PA YIN NO, ,DMUS LONG GNYIS THA SNYAD 'DOGS PA NI SNGON PO LA

SOGS PA LA DE YOD PA MA YIN NO, ,DE BZHIN DU 'JIG PA LA RGYU MED PA NYID DU SMRA BA POS MA RTOGS PA TZAM DU BSTAN PA YIN GYI, THA SNYAD DU YOD PA NI MA YIN NO, ,DES NA DE BZHIN DU MTHONG BA NI SGRA LA'AM, BLO LA SNGA MA DANG PHYI MA'I DE'AM DE LA RUNG BA'I RANG BZHIN RTOGS PAR BYED PA MA YIN TE, SNGAR MED PA'I BYAS PA NYID PHYIS YOD PA'I NGO BO NI MI RTAG PA YIN ZHES DE DAG GI 'BREL PA NGES PA YIN TE, SNGA NA MED PA LA SOGS PA GZHAN MED PA'I PHYIR RO, ,DE YANG SKAD CIG MAR GNAS PA'I CHOS CAN GYI DNGOS PO NYID NI 'JIG PA YIN NO ZHES GSUNGS PA DANG, DE YANG GZHAN LAS RANG BZHIN GYIS MI SKYE BA'I MTSAN NYID NI ZHIG PA YIN GYI, RANG BZHIN YONGS SU 'DOR BA'I MTSAN NYID NI MA YIN TE, RANG BZHIN GYIS ZUMS [*ZUM?] PA DANG, BSDUS PA DANG, MA RTOGS PA DANG, MI 'DZIN PA RNAMS NI DON THA DAD PA MA YIN NO, ,GNYID STUG POS NON PA LA SOGS PA'I MA RTOGS PA NI MED PA'I THA SNYAD SGRUB PAR BYED PA MA YIN TE, RANG GI NGO BO NYE BAR BSDUS PA'I RANG BZHIN NI DE SGRUB PAR BYED PA'I PHYIR RO, ,RGYU GZHAN TSANG BA YIN NA RUNG BA'I MA RTOGS PA NYID KYI 'BRAS BU NI, MED PA NYID KYI SHES PA YIN GYI, GZHAN GYI NI MA YIN PA'I PHYIR BYE BRAG TU BSTAN PA YIN NO, ,KHYAB BYED LOG PAS KHYAB BYA LDOG PA NI MA YIN NO, ,DE BZHIN DU THA SNYAD NI SHES PA LA YOD PA YIN LA, KHYAD PAR CAN DU MA RTOGS PA NI MED PA'I BLO SGRUB PAR BYED PA YIN PAR GCIG DMIGS PA NYAMS SU MYONG BA LA SOGS PA ZHES BYA BAS BSTAN PA YIN NO, ,'DI NGAS MA MTHONG NGO ZHES BYA BA SKYES BU'I MCHOG GI TSIG LA YANG SHES PA KHO NA BZHIN DU 'DI YANG DE LTA BU YIN NO SNYAM DU DGONGS PA YIN GYI DE LOG PAS NI MA YIN NO, ,DES NA DE LTAR SNGA MA NYID LA SOGS PA LA 'DI 'AM, DE 'DIR RANG BZHIN NYE BAR BSDUS PA LAS SAM, DE LAS BZLOG PA'I RANG BZHIN RNAMS LA NI SKAD CIG MA MA YIN PA MED PA YIN ZHES SMRAS PA YIN NO, ,DES NA, SKAD CIG MIN LA MED DE RNAMS, ,RIM DANG RIM MIN 'GAL PHYIR RO, ,ZHES BYA BA YANG LEGS PAR GSUNGS PA YIN NO, ,DES NA SNGON PO NI DE MED PA RNAM PAR GCOD PAR BYED PA YIN ZHES BYA BA'I TSIG GI RANG BZHIN GYI 'DUS BSGRUB PAR BYED

, ,PA YIN GYI GZHAN LA NI MA YIN NO ZHES BLTA BAR BYA'O, ,DE NYID KYIS NA MNGON SUM GNOD PA CAN YIN PAR BSTAN PAS RJES SU 'GRO BA LA SOGS PA MA GRUB PA MA YIN NO, ,RTZA BA DANG CHU LA SOGS PA BZHIN DU SKAD CIG MA YIN PA'I SGRA YANG RANG GI NYE BAR LEN PA LAS SKYE BA MA YIN NAM, DE'I BYA BA LAS SKYES BA NI MA YIN NO, ,NYE BAR DMIGS PA'I RGYU YANG RNAM PA GNYIS TE, DBANG PO LA SOGS PA RNAMS KYANG SGRA RNAMS KYANG RTZA BA DANG CHU LA SOGS PA LA, DBANG PO DANG SA LA SOGS PA'I SGRIB G-YOGS MED PA JI LTA BA BZHIN DU, DE DAG TZAM YIN GYI DE'I BYA BA'I BSKYED BYA NI MA YIN TE, RANG GI NYE BAR LEN PA LAS BYUNG BA'I SKYES BU'I BYA BA 'BA' ZHIG RGYU MTSAN TZAM YIN NO, ,DE'I BYA BAS GSAL BYAR NI, ,BYAS PA'AM RTZA BA CHU SOGS KYI, ,GSAL BYAS BYAS PA NYID KYANG RUNG, ,DE RNAMS BRKOS SOGS KYIS BSKYED MIN, ,BUD SHING SPAN SPUN LA SOGS PA'I RTZE MTHONG BAS RTZA BA LA SOGS PA YOD PA NYID DU RJES SU DPAG PA, SKYES BU'I BYA BAS GSAL BAR BYED PA YIN PAR BRJOD PA YIN LA, SGRA NI SNGA NA YOD PA NYID DU DPAG PAR BYA BA MA YIN TE, SNGAR MTHONG BA NGO SHES PA NI MTHONG BA DANG SNANG BZHIN PA DAG KHO NA'I GCIG PA NYID DU YIN GYI, DE'I TSE YOD PA NI MA YIN NO, ,DE'I TSE YOD PA MA YIN NA GCIG PA NYID DU YANG MI 'GYUR RO, ,ZHE NA, GCIG PA NYID NI 'DRA BA NYID KYIS KYANG YIN PA'I PHYIR DON GYIS GO BA NI MA YIN NO ZHES BYA BAR 'DOD PA'O, ,SNGA NA YOD NA BRTZAMS MA THAG ,BYUNG BA'I SHES PA NGES MI 'BYUNG, ,ZHES BYA BA YANG NGO, ,DE NYID NI RTAG PAR RUNG BA MED NA RGYU MI DMIGS PA YIN TE, THOG MED BAG CHAGS LAS BYUNG BA'I, RNAM PAR RTOG PAS YONGS BSGRUBS PA NI CHOS DANG CHOS CAN TE PHYIN CI LOG TU RTOGS PA DE DGAG PAR RTOGS PA NI 'BRAS BU YIN PA'I PHYIR, MA GRUB PA NYID LA SOGS PAR SMA BA NI 'BREL PA CAN MA YIN NO, ,'BA' ZHIG PO YOD KYANG MA MTHONG BA NI YUL MA 'ONGS PA YIN PA'I PHYIR RO, ,DE'I PHYIR RANG NYID LAS PHYIS GNAS PA MA YIN ZHES BYA BA MA GRUB PA YIN NO, ,YANG NA RTAG PA NI DBANG PO BZHIN DU RUNG BA NYID MA YIN TE, DBANG PO

'BA' ZHIG NI RJES SU DPAG PA'I YUL YIN GYI CIG SHOS NI MA YIN TE, KHAS BLANGS PA TZAM DU GRUB PA'I PHYIR RO, ,'GRO BA DANG 'BRAS BU 'DIS KYANG RGYUR GYUR BA 'PHANGS PA YIN NO SNYAM DU SEMS PA LA, RNAM 'GAS PHAN GDAGS BYA MIN PHYIR, ,ZHES SMOS TE, DBANG PO'I NUS PA NI RIM PA DANG LDAN PA'I 'BRAS BUS RIM PA CAN NYID DU RTOGS PAR BYED PA YIN LA RTAG PA NI DE LTA MA YIN TE, RIM PA MED PA'I PHYIR RO, ,GCIG TU NYE BAR BSDUS PA GZHAN LAS SKYES PA'I NGO BO NI GZHAN LA 'GYUR BA MA YIN NO, ,RNAM 'GAS KYANG RIM PA MED PA NYID KYIS BSGYUR BA MA YIN PA'I PHYIR DANG; PHAN GDAGS PA NI RNAM PAR BSGYUR BA TZAM NYE BAR MTSON PA NYID KYI PHYIR RO, ,'ON TE RTOGS PA NI RIM PA MED PA YIN YANG LHAN CIG BYED PA'I RIGS LAS RIM GYIS BYA BA BYED PA NI MAR ME LTA BU STE, MAR ME NI JI LTAR GCIG NYID KYANG LHAN CIG BYED PA'I DBYE BA LAS RNAM PAR SHES PA DANG, SDOD BU'I 'GYUR BA DANG, 'BAR BA'I RGYUN PHYI MA RNAMS KYI BYAD PA YIN LA, DE THA DAD PA NI MA YIN TE, DUS DANG NGO BO DANG YUL RNAMS THA MI DAD PAS THA MI DAD PA NYID DU TSAD MAS GRUB PA'I PHYIR RO, ,GCIG NYID NUS PA'I BYE BRAG GIS DE RNAMS SKYED PAR BYED PA NI MA YIN TE, SO SOR NGES PA'I RANG BZHIN GYI 'BREL PA MED NA, DE RNAMS KYI THAMS CAD DU SKYE BA SNGAR MA MTHONG BA'I PHYIR RO, ,RANG BZHIN GANG GIS SDOD BU'I 'GYUR BA'I RGYU YIN PA DE KHO NAS 'BAR BA DANG, NYE BAR DMIGS DAG GIS YANG MA YIN TE, SDOD BU'I 'GYUR BA BZHIN DU DE DAG KYANG DE'I RANG BZHIN DU THAL BAR 'GYUR BA'I PHYIR RO, ,LHAN CIG PA NYID KHO NA RJES SU 'GRO LDOG DAG GIS THAMS CAD DU RGYU NYID DU RTOGS PA YIN GYI, GCIG GI NGO BO NI MA YIN TE, RGYU'I RANG BZHIN THA DAD PA MED PA YIN NA, 'BRAS BU THA DAD PA GLO BUR PA CAN NYID DU THAL BAR 'GYUR BA'I PHYIR RO, ,DE LTA YIN NA SNA TSOGS PA'I THA DAD PA'I NGO BO NYID LA RGYU MED PAR 'GYUR RO, ,LHAN CIG BYED PA DE RNAMS KYIS 'DI LA CUNG ZAD KYANG BYED PA NI MA YIN TE, DE RNAMS KYI PHUL DU BYUNG BA'I BYE BRAG TU BYAS PAR MA RTOGS PA'I PHYIR RO, ,ZHING LA SOGS PA RNAMS SA BON LA SDOD PA BZHIN DU THAL BAR 'GYUR RO, ,DE DANG LDAN PA MA TSAD BA

, ,'BA' ZHIG NI MA TSANG BA MED PAS GSAL BA YIN TE, 'GAL BA'I PHYIR RO, ,RTAG PA NI DE BZHIN DU CIG CAR BYED PA MA YIN TE, LHAN CIG BYED PA RNAMS KYI RANG GI RGYU MA TSANG BA NYID KYIS CIG CAR BA NYID MA YIN PA'I PHYIR RO, ,DE BZHIN MAR ME BZHIN DANG MTHA'I TSOGS PA BZHIN DU LHAN CIG BYED PA RNAMS KYI MA TSANG BA BSAL BAS, MA NYAMS PA'I BDAG NYID KYI RTAG PA NI RIM GYIS BYED PA YANG YIN NO SNYAM DU SEMS PA LA, RNAM 'GAS ZHES BYA BA SMOS TE, RNAM PA 'GAS KYANG STE LHAN CIG BYED PA RNAMS KYIS PHAN GDAGS PAR BYA BA NYID MA YIN PA'I PHYIR TE, MA TSANG BA NYID MED KYANG DE DE'I DUS NYE BAR MTSON PA'I BYED PA PO MA YIN PA'I NGO BO MA SPANGS PA'I PHYIR RO, ,MA TSAD BA NYID KHO NA MI BYED PA NI MA YIN TE, DE NYE BAR MTSON PA YANG DE DANG MTSUNGS PAS DE DANG 'BREL BA NYID YIN NO, ,RGYU'I RANG BZHIN KHO NA YIN YANG, DE'I 'BRAS BU MI 'BYUNG BA YIN NO ZHE NA, 'BRAS BU LA GEGS BYED PA YIN NA, DE LA GNAS PA'I BYED PA PO NYID LA GEGS BYAS PA YIN GYI, JI LTAR MAR ME LA YIN, DE'I YANG MA TSANG BAR NYE BAR MTSON PA YIN NA, TSAD BA YIN YANG MA TSANG BA BZHIN DU NYAMS PA YIN NO, ,MTHA'I TSOGS PA NI RE RE ZHING DE'I 'BRAS BU LA NUS PA CAN YIN TE, RGYU'I DBANG GIS DE BZHIN DU 'BYUNG BA YIN NO, ,LHAN CIG BYED PA GCIG NYE BAR GYUR PAS BSGRUB PAR BYA BA 'BRAS BU YANG RGYUN TU 'BYUNG BA'I SHES PA LA SOGS PA NUS PA THA DAD PA LAS RANG BZHIN THA DAD PA NI GZHAN GYI BYE BRAG CAN MA YIN TE, SKAD CIG MA'I DBYE BA TZAM SKYED BYED YIN PA'I PHYIR RO, ,MAR ME LA SOGS PA'I MI RTAG PA LA YANG SDONG BU'I 'GYUR BA DANG SHES PA DANG, 'BAR BA'I RGYUN PHYI MA 'BRAS BU'I BYED PA PO LA SO SO'I LHAN CIG BYAD PA'I RKYEN GYIS BYED PA PO MA YIN PA'I NGO BO MA NYAMS PA YIN PA LA YANG, TSAD MA YOD PA MA YIN NA, RTAG PA GCIG PU'I NGO BO'I RANG BZHIN LA LTA CI SMOS ZHES BYA BA'I DON TO, ,DE'I PHYIR RANG GI RGYU TSOGS PA LAS 'BRAS BU DU MA BYED PA'I TSOGS PA PHYI MA GZUGS DANG RO LA SOGS PA BZHIN DU, JI LTAR MTHONG BA KHAS BLANG BAR BYA BA YIN NO, ,NYE BAR LEN PA DANG LHAN CIG BYED PA LA SOGS PA NYID NI,

CI NAS KYANG GANG GI YANG YIN NO, ,KHA CIG TU NI BSTAN BCOS KYI RNAM PAR DBYE BA JI LTA BA KHO NA YIN PA'I PHYIR RO, ,SHIN TU SNYING PO MED PA BLO GROS NGAN PA'I SPROS PA RING DU BSRINGS PAS CHOG GO, ,SKAD CIG MA NYID LA SNGA MA NYID TZAM LAS RGYU NYID JI LTAR YIN TE, THAL CHES PA MA YIN NAM, DRI LA DRI DANG GZUGS DAG SNGA MA NYID LAS BYE BRAG MED DO, ,BYA BA LA YIN NO, ,ZHE NA, SKAD CIG MA LA BYA BA MED DO, ,SKYE BZHIN PA'I DRI LA SOGS PA NI GANG GI TSE GZUGS ZHIG PA DE'I 'BRAS BU MI 'DOD PA GANG YIN PA DE BZHIN DU, GZUGS GZHAN RNAMS KYANG YIN NO, ,RTAG PA NI DUS GZHAN DU YANG RJES SU GNAS BZHIN PA YIN PAS BYA BA BYED PAR NUS PA YIN PA'I PHYIR RGYU YIN NO, ,DE'I PHYIR SNGAR 'BRAS GRUB PA LA, ,GANG GI BYA BA MTHONG BA NI, ,DE NYID DE YI RGYU YIN GYI, ,DE MA THAG PA TZAM NYID MIN, ,GAL TE BYA BA YIN YANG RGYU YIN ZHES CI LAS SHES RGYU NYID KYIS RTOGS PA'I PHYIR RO, ,'DI LA YANG DE'I 'BRAS BU NYID YUL YIN PA DE NYID KYIS RTOGS PA NI, LHA SBYIN GYI BU LA LHA SBYIN DU SHES PA BZHIN DU, GANG LA YOD PA DE NYID RGYU YIN GYI, GZHAN GYI MA YIN NO ZHES BYA BA'I RNAM PAR DBYE BA'O, ,'BRAS BU LA RANG BZHIN GYIS RJES SU 'GRO BAR NGES PA RGYU NYID YIN TE, DRI LA RO'I NI MA YIN NO, ,JI LTAR JI LTA BAS RGYU NI MA YIN TE, GANG ZHIG GANG LAS KYANG THAL BAR 'GYUR BA'I PHYIR NGES PA MA YIN PAR MA MTHONG BA LA THAL 'GYUR YANG MA YIN TE, DE NI MTHONG BA'I RJES SU 'BRANG BA YIN PA'I PHYIR RO, ,'JIG RTEN PA NI 'GA' LA YANG SKAD CIG MA NYID DU ZHEN PA MED DO, ,DE'I PHYIR RGYU KHAS BLANGS PA YIN NA, SNGA MA SNGA MA'I RGYUR 'GYUR RO, ,MTSAN NYID MI MTHUN PA NI MA YIN TE, DE LTA BUR MA RTOGS PA'I PHYIR RO ZHES BRJOD PA NA MTSAN NYID MI MTHUN PA NYE BAR GNAS PA'I GNAS SKABS GANG YIN ZHES BYA BA'O, ,GTING DPAG DKA' 'DI GTING THAG NI, ,BLO DMAN BDAG GIS MI CHOD CING, ,'DI LA'ANG SHING RTA CHE'ANG DUB NA, ,CHES DMAN LA GTAM GA LA YOD, ,DE LTA BU'I TSAD MA NYID DU SGRUB PA LA, ,YANG DAG NYID GSUNGS SHES PA LAS GZHAN PA RJES SU DPAG PA YIN ZHES SMOS PA YIN LA, RTZOD PA'I GZHI NI NYE BAR DMIGS

, ,PA DANG LDAN PA'I RGYU CAN YIN TE, SKYE BA DANG LDAN PA NYID KYI PHYIR RO, ,SEMS DANG MI LDAN PA NYE BAR DMIGS PA CAN NYID YIN PA'I PHYIR GOS LA SOGS PA LTA BU'O, ,GANG KHO NA GZHAN GYI BLO DANG LDAN PA NYID KYI RGYU CAN YIN PAR 'GEGS PAR BYED PA DE KHO NA RTZOD PA'I YUL DU BRJOD PAS RTOGS PA YIN LA, BSGRUB BYA'I BYE BRAG BRJOD PAS NI BYE BRAG GRUB PA'I PHYIR RO, ,MA YIN TE, BSGRUB BYA LA SOGS PA RNAM PAR GZHAG PA NI RTZOD PA'I ZLA BO LA LTOS PA'I PHYIR RO, ,RANG BZHIN PA NYID YIN NA, RANG GI NGO BO BZHIN DU PHYOGS NYID LA SOGS PA YANG JI SRID RDZAS YOD KYI BAR DU YIN PAR 'GYUR LA, SMRA BA PO GZHAN LA LTOS NAS GZHAN DU MI 'GYUR ZHING, DE BZHIN DU BSAM PA'I BSKYED BYAR YANG 'GYUR RO, ,TSAD MAS MA BKAG PA'I BSAM PAS BSKYED PA NI DE LOG KYANG LOG PA MA YIN TE, GANG GI PHYIR RDZA MKHAN LDOG PA YIN YANG, DE LAS GZHAN PA'I BUM PA MED PA MA YIN NO; ,BSAM PA YANG PHYI ROL GYI SKYED BYED NYID YIN NA, BKAG PA YANG SKYE BAR BYED PAR 'GYUR TE, RANG GI NGO BOR BOR BA DANG, BAR DU CHOD PA DAG MED PA'I PHYIR NGES PA MED PA YIN NA, GTAN TSIGS NYID PHYIN CI LOG TU GYUR PA'I PHYIR, 'KHRUL PA CAN DU 'GYUR BA'I PHYIR RGYU DANG DE'I SNANG BA DAG TU RNAM PAR GZHAG PA CHAD PAR 'GYUR RO, ,SMRA BA PO'I 'DOD PA TZAM LAS BYUNG BA NYID KYIS DNGOS SU BA MA YIN PA'I PHYIR, DNGOS SU KHYAB PA CAN GYI 'BREL PA'I RJES 'BYUNG BAR BYED PA'I GTAN TSIGS YIN GYI, DE'I RNAM PAR GZHAG PA'I RJES SU 'JUG PA MA YIN TE, DES NA GTAN TSIGS LA SOGS PA'I RNAM BZHAG 'GRUB PA YIN PA'I PHYIR, BSGRUB BYA'I BYE BRAG KHO NA RTZOD PA 'DZIN PA YIN GYI GZHAN LA RTZOD PA NI MA YIN NO, ,DE 'DZIN PA YIN NA GNAS SKABS MI SHES PAS PHAM PAR 'GYUR BA YIN NO, ,BSGRUB BYA'I TSIG 'DI YANG BSGRUB BYA DNGOS SU GRUB PA'I YAN LAG MA YIN TE, GTAN TSIGS SMRAS PA LA DON MED PAR 'GYUR BA'I PHYIR RO, ,SGRUB BYED LA DAD PA BSKYED PA'I DON DU 'DOD PA 'DZIN PA NI MA YIN NO, ,KHYAB PA CAN NI SGRUB BYED MED NA NGES PA MED PA'I PHYIR RO, ,YUL SHES PAR BYED PA'I DON DU YIN NO ZHE NA, MA YIN TE, DE'I SHES PA NI DE LTA BU'I SGRUB BYED BRJOD PA KHO NAS GRUB PA'I PHYIR RO, ,

GANG BYAS PA DE MI RTAG PA YIN TE, BUM PA LA SOGS PA LTA BU ZHES BRJOD PA LA PHYIN CI LOG TU DOGS PA MA YIN NO, ,RTAG PA LA BYAS PA NYID RJES SU 'GRO BAR BRJOD PA NI JI LTAR 'KHRUL PA NYID YIN NO ZHE NA, DE LTA YIN NA, DE NYID KYIS RTAG PA LA PHYIR CI LOG TU BRJOD PA YIN PAR CIS MI 'GYUR, BYAS PA NYID NI GANG GIS NAM MKHA' LA SOGS PA LA RTAG PA NYID KYIS KHYAB PAR RJOD PAR BYED PA YIN PA DES NA SGRA LA YANG RTAG PA NYID DU 'DOD PAR 'GYUR RO, ,BSGRUB BYA DANG SGRUB BYED DANG CHOS CAN DANG, DPE DANG RJES SU 'GRO BA RNAMS KYI YUL NI BYE BRAG YIN NO ZHE NA, MA YIN TE, 'GAL BA CAN LA YANG MTSUNGS PA'I PHYIR RO, ,BSGRUB BYA DANG 'GAL BA'I CHOS CAN DPE LA NI PHYIN CI LOG GI KHYAB PA CAN DU RTOGS PA'I SHUGS KYIS GTAN TSIGS NI BSGRUB BYA PHYIN CI LOG TU SGRUB PAR BYED PA NI BYA BAR SLA BA NYID DO, ,NAM MKHA' LA SOGS PA LA NI BYAS PA NYID MED PAS BSGRUB PAR BYA BA MA TSANG BA NYID KHO NA PHAM PA'I GZHI YIN GYI, PHYIN CI LOG PAS KHYAB PA CAN NI MA YIN TE, BUM PA LA SOGS PA'I RTAG PA NYID LA SOGS PA SPANGS PA YONGS SU BRTAGS PA'I YUL NYID YIN PAS DE'I TSE RING NAS RTOGS PA YIN PA'I PHYIR RO, ,BSGRUB BYA'I TSIG MED NA RJES SU 'GRO BA'I TSIG NI GNYI GA LA MTSUNGS PA'I PHYIR, PHYIN CI LOG PA CAN LAS DE KHO NA NYID SMRA BA PO LA KHYAD PAR CAN DU RTOGS PAR MI 'GYUR RO, ,GANG ZHIG GANG GI RJES SU 'GRO BA'I NGES PA CAN MED PAS SHUGS KYI PHYIN CI LOG GIS KHYAB PAR NGES PAR BZUNG BA MED PA'I PHYIR, 'DOD PA'I BSGRUB BYA BSTAN PA LA NI, YID MI CHES PA MED PA YIN TE, NGAG GI BYE BRAG GI YON TAN DANG SKYON BRJOD PAS DE SLONG BAR BYED PA'I BSAM PAS NYID KYI PHYIR CI LOG PA DANG, PHYIN CI MA LOG PA NYID GRUB PA YIN LA, GZHAN GYIS NI MA YIN TE, DE BSGRUB PA LA TSAD MA MED PA'I PHYIR RO, , DE BSTAN PA LA YANG CHOS CAN GYI TSIG NI GNYI GA LA MTSUNGS PA MA YIN NAM, CHOS KYI TSIG NI MTHONG BA KHO NA BZHIN DU 'KHRUL PA'I RGYU MTSAN YIN TE, LAN GNYIS BRJOD PAS 'KHRUL PA MA YIN NO, ,ZHE NA, DE LTA YIN NA GTAN TSIGS LA SOGS PA LA 'KHRUL PAR DOGS PA MED

, ,PAR MI 'GYUR TE, GZHAN LA DE MED PAS GZHAN LA YANG DE BZHIN DU 'GYUR BA MA YIN NO, ,LHAG PA'I SKYON DU YANG THAL BAR 'GYUR TE, 'KHRUL PA SRID PA YANG YANG BRJOD PA YANG MA BSAL BA'I PHYIR, NGAG GI BYE BRAG LAS DE LTA BU'I BSAM PAS RTOGS PAS YON TAN DANG SKYON SEMS PA YIN PA NI 'KHRUL PAR DOGS PA MA YIN NO, ,ZHE NA, CIG SHOS LA YANG MTSUNGS PA YIN NO, ,'GAL BA CAN LA JI LTAR 'KHRUL PAR RTOGS PA YIN, MA YIN TE, DE LA YANG, SMRAS PA SEMS PA NYID YIN NO, ,'BA' ZHIG NI KHYAB PA GRUB PA LAS PHYIN CI LOG PAR BRJOD BZHIN PA LA SPYOD PAR BYED NA, 'KHRUL PA'I SHES PA YIN NO, ,PHYIN CI LOG PA'I GTAN TSIGS NI BSGRUB BYA DANG, 'GAL BA'I CHOS CAN GYI DPE LA RJES SU 'GRO BA YIN NO, ,DE DAG TZAM GYIS NI SNGAR RAB TU GRUB PA LA DPYOD PAR BYED PA YIN TE, PHYIN CI LOG PAS KHYAB PA LA RTOGS PA MED PA'I PHYIR RO, ,DE LA DPYOD PA LA GNYI GAR YONGS SU RTOGS PAS DU BA LA DE DANG 'DRA BA YOD PA'I PHYIR DANG, DE'I TSE NYID BSGRUB BYA PHYIN CI LOG PA LA KHYAB PA'I BLO CAN GYIS, PHYIN CI LOG PA'I NGAG BRJOD PAR MI NUS PA NYID KYIS MI SRID PA'I PHYIR DANG, GANG BYAS PA DE NI RTAG PA NYID YIN TE, NAM MKHA' LTA BU'O ZHES DPER BRJOD PA NYID YIN LA, RAB TU GRUB PA LAS PHYIN CI LOG PAR BRJOD PA YIN NA, MYUR BAR PHYIN CI LOG PAR KHYAB PA NYID DU BLO LA SNANG BA'I PHYIR, BSGRUB BYA PHYIN CI LOG TU SGRUB PAR BYED PA'I SKYON NYID YIN NO, ,SGRUB BYED MA TSANG BA NI MA YIN TE, RING NAS RTOGS PA YIN PA'I PHYIR RO, ,PHYOGS BSTAN PA LAS GZHAN PA'I GNAS SKABS MA YIN TE, GANG LAS BSGRUB BYA'I BYE BRAG SGRUB PA YIN ZHES GANG SMRAS PA DE NI MA YIN TE, GANG CUNG ZAD BSTAN PA SGRUB PAR BYED PA'I SBYOR BA NI MA YIN TE, DE LTAR 'JUG PA NI SMYON PA'I TSIG BZHIN DU LHUR BLANG BAR BYA BA MA YIN PAR THAL BAR 'GYUR RO, ,GANG GIS KYANG RTZED PA BYED PA NI 'DRI BA PO NYE BA YIN NA, DE'I SBYOR BA 'BYUNG BA NI GNAS SKABS KYI RJES THOGS SU 'BYUNG BA YIN LA, SPYI'I GNAS SKABS LA NI SGRUB PA'I BYE BRAG SBYOR BAR BYED PA MA YIN TE, LHUR

BLANG BAR BYA BA MA YIN PA NYID DU THAL BAR 'GYUR BA KHO NA'O, ,DE'I PHYIR SMRAS PA'I KHYAB PA CAN LA GTAN TSIGS KYI NUS PAS BSGRUB BYA GRUB PA YIN NA, DE BSTAN PA LHAG PA NYID YIN NO, ,KHYAB PA 'DI LA MKHAS PA RNAMS LA NI GTAN TSIGS 'BA' ZHIG BRJOD BYAR BYED CES GSUNGS PA'O, ,YONGS SU RTOGS PAS DUB PA RNAMS LA GSAL BA'I DON DU BSGRUB BYA BRJOD PAR BYA BA YIN TE, GZHAN DU NA KHYAB PA BYE BRAG MED PAS SGRUB BYED TZAM LAS BSGRUB BYA MTSON PAR RTOGS PA YIN NA, MI 'DOD PA'I BSGRUB BYA YANG 'PHAN PA'I PHYIR, DE NYID DU SMRA BA DANG 'GAL BA SMRA BA DAG LA BYE BRAG MED PAR 'GYUR RO, ,'DIS BSGRUB PAR BYA BA DANG, SGRUB PAR BYED PA 'OS PA ZHES BYA BAS, BSGRUB BYA DANG SGRUB BYED DAG TU NYE BAR BKOD PA'I PHYIR THAL CHES PA MA YIN NO ZHE NA, DE LTA YIN NA 'GAL PA'I GTAM TZAM YANG NUB PAR 'GYUR BA YIN NO, ,'KHRUL PAS YOD PA YIN NO ZHE NA, DE LTA YIN NA DGAG PA'I DON DU 'DOD PA'I TSIG SMOS PA MA YIN NO, ,THAMS CAD DU GOS PA MED PA YIN NA PHYOGS KYI MTSAN NYID BYED PA NI NGA RGYAL CAN GYI SKYES BU'I BYA BA TZAM DU 'GYUR RO, ,DE'I BSGRUB BYA DANG BSGRUB BYA MA YIN PA'I DNGOS PO SHES PAR BYED PA NI 'BRAS BU YIN NO ZHE NA; GTAN TSIGS TZAM SBYOR BA YIN NA PHYIN CI LOG PA DANG, DE KHO NA NYID DU SMRA BA PO'I KHYAD PAR RTOGS PAR MI 'GYUR RO, ,DE'I PHYIR DE NGES PAR BRJOD PA MA YIN ZHES BYA BAS NGES PAR BKAG PA MA NGES PA SGRUB PAR BYED PA YIN GYI, RANG GI NGO BO 'GEGS PA NI MA YIN NO, ,DE LTA NA DPE LA MED NA MI 'BYUNG BAR NGES PA'I GTAN TSIGS NYE BAR SBYOR BA NI, PHYOGS LA KHYAB PAR BYED PA NYID DU GRUB PA YIN NA, BSGRUB BYA LA NGES PAR BYED PA'I PHYIR, DE LA NYE BAR SBYOR BA NI SGRUB PAR BYED PA'I YAN LAG YIN NO, ,GZHAN DU NA NGES PA CAN BSGRUB PAR BYA BA MI RIGS PA'I PHYIR RO, ,BDEN TE, DAM BCA' BA SMRAS PA'I GTAN TSIGS LA CHOS CAN RJES SU 'GRO BA GRUB PA YIN NA, YANG BRJOD PA LA DGOS PA MED PAR 'GYUR RO, ,DE LA 'BREL PA CAN MA YIN PA YANG, MIG GIS GZUNG BAR BYA BA NYID LA SOGS PA DE LTAR BRJOD PAR MTHONG BA MA YIN NAM, JI LTAR DE DAG TZAM LAS DE RJES SU 'GRO BA NGES PA YIN, DE'I

, ,NYE BAR SBYOR BA LAS KYANG JI LTAR NGES PA YIN, MED PA LA YANG DE YOD PA'I PHYIR RO, ,MED PA LA YANG SBYOR BAR BYED PA NI GTAN TSIGS LA YAN LAG LNGA DANG LDAN PAR MI SBYOR BA NI MA YIN TE, DE LTAR GZHUNG LUGS SU BYAS PA'I PHYIR RO, ,DE'I PHYIR CHOS CAN DANG 'BREL PAR BSTAN PA YANG, TSAD MA LAS DE NYID DANG CIG SHOS SU NGES PAR RTOGS PAS GTAN TSIGS DANG, GTAN TSIGS LTAR SNANG BA DAG MED NA MI 'BYUNG BA BZHIN DU RNAM PAR GZHAG PA YIN GYI TSIG TZAM LAS NI MA YIN NO, ,DAM BCA' BA SNGON DU 'GRO BA CAN GYI GTAN TSIGS LA, DE DANG 'BREL PA'I SHES PA MA NYAMS PA YIN TE, NYE BAR SBYOR BA SNGON DU 'GRO BA CAN GYI MED NA MI 'BYUNG BA BRJOD PA LAS RNGES SU 'JUG PA'I DNGOS PO CAN NYID YIN PA'I PHYIR RJES SU 'JUG PA RNAMS NYID KYI RJES SU 'GRO BA DAG GI MJUG BSDU BA LAS YIN NO ZHES BYA BA YANG GTAM TZAM YIN TE, DE MED KYANG NYE BAR BSDU BA'I MTHAR THUG PA CAN GYI RJES SU 'GRO BA RTOGS PA'I PHYIR RO, ,KHYAB PA SNGON DU 'GRO BA CAN GYI SBYOR BA LAS PHYIS NYE BAR SBYOR BA NI RANG GI DON GYI RJES SU DPAG PA'I RJES SU 'BRANG BA YIN LA, DE LA YANG KHYAB PA NYID KYI RJES SU 'BRANGS NAS DE NYID NYE BAR BRJOD NAS RTOGS PA YIN TE, GANG BYAS PA DE MI RTAG PA YIN TE, DPER NA BUM PA LTA BU'O, ,SGRA YANG BYAS PA NYID YIN NO ZHES BYA BA'O, ,DPE TZAM DANG LHAN CIG PA'I GTAN TSIGS BRJOD PA KHO NA LAS BSGRUB BYA 'GRUB PA YIN NA GNOD PA CAN SBYAR BA MED PAR THAL BAR 'GYUR RO, ,DE MA SBYAR BA LAS YANG SGRUB PAR BYED PA'I NUS PA MED PA'I PHYIR, SGRUB PAR BYED PA'I YAN LAG MA YIN PAR BRJOD PA NI PHAM PA'I GNAS YIN NO, ,DE'I PHYIR MI MTHUN PA'I PHYOGS LA GNOD PA CAN GYI TSAD MA NYE BAR BKOD PA NI 'BRAS BU'I SGO NAS MJUG BSDU BA YIN TE, DE'I DON NI GNOD PA CAN GYI 'BRAS BU YIN PA'I PHYIR RO, ,MI MTHUN PA'I PHYOGS LA MED PA TZAM LAS NI THUN MONG MA YIN PA BZHIN DU BSGRUB BYA GRUB PA MA YIN PA'I PHYIR PHYOGS LA SOGS PA YOD PAR BRNGOD PA YIN NO, ,GNOD PA CAN DNGOS SU MA BSTAN PA MJUG SDUD MA YIN NAM, GAL TE 'BRAS BU LAS YIN NO ZHAS ZER BA NI

GNOD PA CAN GYI 'BRAS BU MED NA MI 'BYUNG BA'I DAG LA YANG YOD PA YIN PA'I PHYIR TE, DES NA DE SKAD BSTAN PA YIN NO, ,RJES SU 'GRO BA TZAM BRJOD PA LA MJUG SDUD KYIS CI DGOS SHE NA, DE LTA MA YIN TE, KHA CIG TU KHA CIG GIS NI NGES PA BRJOD PA LAS, DES PA YANG PHYOGS MED NA DE MED PAR YANG GNOD PA CAN GYI DBANG GIS MI MTHUN PA'I PHYOGS YIN PA'I DOGS PA RNAM PAR BCAD PA YIN NA, DES PAR 'GYUR BA YIN PA'I PHYIR RANG YANG NYE BA'I MI MTHUN PA'I PHYOGS RNAM PAR BCAD PA'I NGES PA NI RGYU NGES PA LAS NGES PA YIN LA, NGES PA DE'I TSAD MA 'JUG PA'I YUL MTHONG BAR BYED PA'I DPE YIN PA'I PHYIR, 'DI LAS LHAG PA'I BYA BA BYED PAR MJUG SDUD PA NI MA YIN NO, ,'DIS NI GNOD PA MED PA'I YUL NYID MJUG SDUD KYI DON YIN TE, GNYEN PO DANG BCAS PA MA YIN PA NYID DU NYE BAR SBYOR BA BCANG PA YIN NO, ,'DI NI 'DI LAS YIN NO ZHES GNOD PA CAN GYIS NGES PA YIN NA, GNOD PAR BYA BA NYID DU MI SRID PA YIN TE, DE NYID MI MTHUN PA'I PHYOGS YIN PA'I PHYIR, BSGRUB BYA PHYIN CI LOG PA LA'AM, DES KHYAB PA LA YANG SLAR SGRUB PAR BYED PA MI SRID PA YIN TE, DE NYID KYIS SPANGS PA YIN PA'I PHYIR RO, ,GZHAN DAG NA RE RANG GI DON GYI RJES SU DPAG PA LA CHOS CAN SA PHYOGS LA SOGS PA LA DU BA LA SOGS PA'I RTAGS MTHONG LA, DE LAS KYANG 'BREL PA DRAN PA YIN LA, DE LAS ME YOD DO ZHES BYA BA LA SOGS PA'I SHES PAR 'GYUR RO, ,DE RNAMS LA CHOS CAN MTHONG BA NI DAM BCA' BA'I TSIG GIS BRJOD PA YIN TE, GZHI MA GRUB PA NYID SPANGS PA'I PHYIR RO, , DE YANG CHOS CAN TZAM BSHAD PAR BYA BA YIN LA, GRUB PA'I BSGRUB BYA NYID YIN PA SPAGS PA'I DON DU BSGRUB BYA'I CHOS DANG BYE BRAG CAN NYID KYIS BRJOD PA YIN LA, GTAN TSIGS KYIS KYANG RTAGS KYI SGRUB BYED NYID BRJOD PA YIN NO, ,GAL TE YANG DPES BSGRUB BYA DANG LDAN BA NYID BRJOD PA YIN NA YANG, DE LTA NA YANG SGRUB BYED MA BRJOD PA YIN NO, ,BSGRUB BYA SGRUB PAR BYED PA LA YANG SBYAR BYA NYID DAM SBYOR BYED NYID DU DPES BRJOD PAR BYA BA YIN TE, MI RTAG PA NYID LA BYAS PA NYID NI SBYOR BYED YIN PAS RTAGS YIN LA, ME LA DU BA NI

, ,SBYAR BYA YIN NO ZHES SBYAR BYA DANG SBYOR BYED NYID DU SHES PA CAN GYI BSGRUB BYA CHOS CAN LA YANG YOD PAR BRJOD PA'I MJUG BSDU BA NI MA GRUB PA BSAL BA'I PHYIR YIN NO, ,DAM BCA' BA'I 'OG TU GTAN TSIGS KYI TSIG LAS CHOS CAN LA YOD PAR GO BAR BYED PA NI MA YIN TE, CHOS CAN GYI BYE BRAG GI DPE LA RJES SU 'GRO BA MED PAR THAL BAR 'GYUR PA'I PHYIR RO, ,DES NA GTAN TSIGS KYI TSIG LA GNAS SKABS LA LTOS PA MED DO, ,MED NA MI 'BYUNG BA'I SHES PA NI CHOS CAN LA NYE BAR SBYOR BA YIN NO, ,DE'I BYE BRAG THUN MONG MA YIN PA NYID DU DOGS PA DE BSAL BA'I DON DU MJUG SDUD PA YIN NO, ,THUN MONG MA YIN PA PHYIN CI LOG TU THAL BAR 'GYUR BA BSAL BAS, BSGRUB BYA NYE BAR GZHAG PAR BYED PA NI MA YIN NO, ,DE NI DE LTA MA YIN TE, RANG GIS RTOGS PA YIN NA NI SNGAR MED NA MI 'BYUNG BAR MTHONG BA DE LAS, CHOS CAN LA MED NA MI 'BYUNG BA MTHONG BA YIN NA, DE LAS BSGRUB BYA RTOGS PA YIN NO, ,CHOS CAN LA DU BA MA MTHONG BA YIN NA MI 'BYUNG BA DAN PA'I DUS PHYIS, DE NYID 'DI YIN NO ZHES MED NA MI 'BYUNG BA SHES PA MA YIN NAM, SNGAR NI MA YIN NO, ,DE LTA NI MA YIN TE, DE'I NGO BO MI SHES NA DRAN PA NYID MED PA'I PHYIR RO, ,DE'I PHYIR 'DZIN PA'I SHES PA NI GZHAN MA YIN NO, ,RANG GI RTOGS PA KHO NA BZHIN DU GZHAN GYIS RTOGS PA'I DON DU YANG BRJOD PA NI GANG BYAS PA DE MI RTAG PA YIN TE BUM PA LTA BU'O, ,SGRA YANG BYAS PA YIN NO ZHE NA BYA BA KHO NA YIN NO, ,DE RNAMS SU YANG SGRA YANG BYAS PA YIN NO ZHES BYA BA GZHI MA GRUB PA NYID YIN PA DANG, RANG GI NGO BO MA GRUB PA YIN PA YANG BKAG PA YIN NO, ,LHAG MAS NI DE'I BSGRUB BYA'I NGES PA NYID DU BRJOD PAS THUN MONG MA YIN PA NYID DANG, THUN MONG BA NYID DANG, PHYIN CI LOG GIS KHYAB PA YANG BKAG PA YIN NO, ,SGRUB PAR BYED PA NYID NGES PA CAN NYID KHO NA YIN PA DE BRJOD NA, BRJOD PA NYID YIN PA'I PHYIR, DAM BCA' BA DANG, GTAN TSIGS DANG MJUG BSDU BA RNAMS BRJOD PA DON MED PA YIN NO, ,'ON TE YANG RANG GI RTOGS PA YIN NA CHOS CAN LA YOD PAR MTHONG BA DANG, MED NA MI 'BYUNG BA DRAN PA LA SOGS PA'I RIM PA YIN NA, 'DI LA YANG

DAM BCA' BA'I SGRUB BYED KYI GZHI MA GRUB PA NYID BKAG PA YIN PAR BSTAN TO, ,SGRUB BYED NYID NI GTAN TSIGS KYIS BKAG PA YIN NA JI LTAR MA GRUB PA NYID YIN PAR DOGS PA YIN GANG GIS NYE BAR SBYOR BA'I GNAS SKABS SU 'GYUR, CHOS CAN GYI BE BRAG GI DPE LA RJES SU 'GRO BA JI LTAR YIN ZHE NA, MA YIN TE, CHOS CAN LA YOD PA SHES PA YIN ZHES KHO BO CAG SMRA'I, CHOS CAN GYI BYE BRAG TU BYAS PA'I DE NYID YIN NO ZHES NI MA YIN NO, ,BSGRUB BYA MED NA MI 'BYUNG BA BRJOD PAS KYANG, SBYAR BYA LA SOGS PA NYID BRJOD NA THUN MONG PA MA YIN PA DANG, CIG SHOS NYID LA SOGS PA 'DOGS PA MA YIN PA'I PHYIR MJUG BSDU BA DON DANG LDAN PA MA YIN NO, ,DES NA YAN LAG GSUM MAM, YAN LAG GNYIS PA'I NGAG YIN PA 'DI DAG TZAM GYIS RTOGS PA RDZOGS PA YIN PA'I PHYIR RO, ,'JIG RTEN NA YAN LAG LNGA'I DAG GI THA SNYAD BYED PAR MTHONG BA YIN NO ZHE NA, MKHAS PA'I THA SNYAD KHO NA LHUR BLANG BAR BYAS PA YIN PA'I PHYIR SHIN TU 'BREL PA MED PA, BYIS PA RNAMS DGA' BAR BYED PAS CHOG GO, ,GCIG DE LTA BU NYID DU MI RIGS PA'I PHYIR, MTSAN NYID GSUM PA'I GTAN TSIGS KYANG JI LTAR YIN ZHE NA, MI MTHUN PA'I PHYOGS RNAM PAR BCAD PA YIN NA, BSGRUB BYA DANG SGRUB BYED KYI RJES SU 'GRO BAR 'GYUR BA YIN GYI, LHAN CIG PA TZAM NI MA YIN PA'I PHYIR RJES SU 'GRO BA KHO NA LDOG PA YIN LA, LDOG PA KHO NA RJES SU 'GRO BA YIN PAR THA MI DAD PA YANG, DE DANG DE LAS LDOG PA'I DBYE BA LAS YIN PA'I PHYIR DE LTAR BRJOD PA YIN NO, ,'BREL PA CAN YANG KHA CIG TU MA DMIGS PA YIN NA RTOGS PA'I YAN LAG MA YIN PA'I PHYIR, GTAN TSIGS NI MTSAN NYID GSUM PA KHO NA YIN GYI, BZHI DANG LNGA DANG GCIG GI MTSAN NYID CAN NI MA YIN NO, ,DE LTA NA NI KHANG CHEN LA SOGS PA SEMS DANG MI LDAN PA'I NYE BAR LEN PAS BSKYED PA NI, BLO DANG LDAN PA'I BYIN RLABS YOD PA YIN NA, 'GRUB PAR 'GYUR BA YIN GYI, DE YOD PA MA YIN PA NAM MKHA' LA SOGS PA NI MA YIN PA DES NA DE LA NGES PA CAN YIN NO, ,DE LA TSAD MA YIN PA YANG BYAS PA NYID BZHIN DU DANG, MI RTAG PA NYID NI KHYIM LA SOGS PA LTA BU'O, ,SA GZHI LA SOGS

, ,PA LA BYIN GYIS RLOB PA PO MA MTHONG BA LAS KYANG MA MTHUN PA'I PHYOGS NYID YIN PAR 'KHRUL PA MA YIN TE, DBANG PO BZHIN DU MA MTHONG BA KHO NA'I BYIN GYIS RLABS PA PO YIN PA'I PHYIR RO, ,DPE DANG MI MTHUN PA YANG MA YIN TE, BLO DANG LDAN PA TZAM LA KHYAB PAR BYED PA NYID DU RTOGS PA'I PHYIR DANG, DE LAS GZHAN PA'I RNAM PAR DBYE BA NI BRJOD PAR 'DOD PA MA YIN PA'I PHYIR RO, ,MI SNANG BA'I BYIN GYIS RLOB PA PO SEMS PA CAN CI LAS RTOGS PA YIN, NYE BAR LEN PA RNAMS SEMS PA CAN MA YIN PA'I PHYIR RO, ,KHYIM LA SOGS PA BZHIN DU SA GZHI LA SOGS PA'I NYE BAR LEN PA RNAMS SEMS PA CAN YIN PAR BYE BRAG CI YANG MED DO, ,DES NA SEMS MED PA'I BYED PA PO RNAMS BSAM PA DANG LDAN PA LA LTOS PA YIN PAR GNYI GA LA YANG MTSUNGS PA'I PHYIR ZHING LA SOGS PA LA BYIN GYIS RLOB PA PO SEMS PA CAN YIN PAR GRUB PA YIN GYI, DE'I PHYIR CHOS CAN RNAMS KYI DBYE BAS 'BYED PA YANG MA YIN TE, YUL DE NI DE LA BYE BRAG CAN DU BYED PA MA YIN NO ZHES BYA BA'I RIGS PAS SO, ,GANG GI PHYIR BYAS PA NYID DAM MI RTAG PA NYID KYANG SGRA DANG BUM PA'I DBYE PAS 'BYED PA MA YIN NO, ,DE'I PHYIR DE LTAR SEMS PA CAN DANG THUN MONG DU GRUB PA NI ME'I SPYI'I BZHIN DU, RNAG GI BSGRUB PA DANG MI 'GAL BA CAN GYI BYE BRAG 'PHEN PAR BYED PA YIN NO, ,KHYIM LA SOGS PA'I SGRUB PAR BYED PA PO SEMS PA CAN NI, 'DI'I BYIN GYIS RLOB PA'I NUS PA CAN MA YIN LA, DE KHO NA BZHIN DU LUS KYI BYA BAS BYIN GYIS RLOB PA PO NYID KYANG MA YIN TE, THUG PA MED PA LA SOGS PA'I SKYON YOD PAS THUN MONG DU GRUB PA 'GAL BA'I PHYIR RO, ,JI LTAR YANG BDAG CAG LA SOGS PA SEMS PA CAN NI LUS LA 'DU BA CAN NI BYA BA MED NA LUS GZHAN MA RTOGS PA DE YONGS SU SHES PA TZAM MAM, 'DOD PA TZAM GYIS BYIN GYIS RLOB PAR BYED PA PO MA YIN PA DE BZHIN DU 'DI LA YANG 'GYUR RO, ,KHYIM LA SOGS PA SGRUB PAR BYED PA PO NI SHING DANG SO PHAG LA SOGS PA 'DI DAG TZAM GYIS 'DI RDZOGS PA YIN NO ZHES NGES PAR BYED PA MA YIN NAM, DE LTA NA NI SA GZHI LA SOGS PA LA YANG CI'I PHYIR NGES PAR BYED PA MA YIN, RNGUL PHRAN GNYIS CAN LA SOGS PA DBANG PO LAS 'DAS PA RNAMS KYI BYA BA RNAMS YOD PA LA CHAD MA CUNG ZAD KYANG MED

DO; ,'ON TE RE ZHIG SEMS PA CAN GYIS BYIN GYIS RLOB PAR BYED PA PO YOD PA NI, CI LAS SHES PA PO YOD PA YIN PA'AM, KHYAD PAR LAS KYANG RUNG 'DI LA 'GEGS PA PO MA YIN NO, ,DE DE LTAR SEMS PA CAN SPYI NI 'PHANGS PA DANG MI 'GAL BA'I KHYAD PAR TE, DBANG PHYUG GI SGRAS BRJOD PAR BYA BA YIN PA'I PHYIR, DE'I BRJOD BYA MA YIN PA'I PHYIR SKYON SPANGS PA YIN NO, ,DE DA NI GCIG GAM DU MA YIN ZHES BSAM PAR BYA BA YIN NO, ,GANG GI PHYIR 'BRAS BU'I GCIG PA NYID DAM, DU MA NYID LA NI DE'I GCIG NYID DAM, DU MA NYID KYIS TSAD MA YOD PA MA YIN TE DU MA LAS KYANG GCIG YIN LA GCIG LAS KYANG DU MA YIN TE, BZO BO MKHAS PA LAS MTHONG BA'I PHYIR RO, ,SMRAS PA DU MA YIN NA GCIG LA GCIG RNAM PAR NYAMS PAR BYA BAR 'DOD PA RNAMS, RANG DBANG GIS PHAR 'DREN TSUR 'DREN BYED PAS 'BRAS BU MI MTHONG BAR THAL BAR 'GYUR BA'I PHYIR GCIG YIN PAR NGES PA YIN NO, , DU MA NYID YIN NA YANG BSAM PA MTHUN PA RNAMS KYI NI 'BRAS BU GRUB PA NYID DU MTHONG BA YIN NO ZHE NA, BDEN MOD KYI DE LTA BUR RTOG PA NI RTOG PA MANG POR 'GYUR TE, DE RNAMS KHO NA THA DAD PA'I NUS PA CAN RNAMS DANG, TSOGS PA LA SOGS PA RNAMS KYI NYON MONGS PA'I 'JIGS PAS GCIG YIN PAR RTOG PA YIN NO, ,GANG YANG GANG DU NGES PA CAN MA YIN PA DE NI DE'I GO BYED MA YIN TE, JI LTAR 'JIG BA'I 'GYUR BA NYID NI RDZA MKHAN GYI 'BRAS BU NYID YIN PA NI MDOG SKYA BA NYID DANG ME'I NI MA YIN NO, ,DE MED NA YANG KHYIM GYI RAB DANG BA GAM LA SOGS PA DANG KHANG CHEN DKAR PO LA SOGS PA LA YANG YOD PA'I PHYIR RO, ,'BRAS BU YANG BYED PA PO DANG, BYED PA DANG LAS SNGON DU 'GRO BA CAN GYI BUM PA LA SOGS PA MTHONG BA YIN PA'I PHYIR, SA GZHI LA SOGS PA LA YANG 'BRAS BU YIN TE, YAN LAG DANG BCAS PA'I PHYIR DE LTA BUR 'GYUR PA YIN NO, ,RANG DBANG CAN GYI BYED PA PO MO NYID NI SEMS PA CAN KHO NA YIN PA'I PHYIR, 'PHAGS PA'I BYE BRAG CAN GYI SPYI NI RJES SU DPAG PA'I YUL YIN PAR GRUB PA YIN NO, ,DE BZHIN DU RJES SU MI 'JUG PA'I SKYON YANG MED PA YIN TE, RJES SU DPAG PA THAMS CAD CHAD PAR 'GYUR BA'I PHYIR DANG SHUGS KYIS GRUB

, ,PA'I BYE BRAG NYID KYI PHYIR RO, ,SHUGS NI TSAD MA GZHAN YANG MA YIN TE, RJES SU DPAG PA NYID NI DE TZAM DU LHUR BLANGS PA YIN PA'I PHYIR RO, ,GZHAN DU NA SPYI TZAM YUL YIN PA NYID KYIS GRUB PA LA SGRUB PA YIN NAS RJES SU DPAG PA TSAD MA MA YIN PAR THAL BAR 'GYUR RO, ,'DIS NI MNGON SUM YUL GZHAN LA SOGS PA LAS LDOG PA'I BYE BRAG RNAM PAR 'JOG PAR BYED PA YIN PAR BSHAD PA YIN NO, ,DE RNAM PAR 'JOG PAR BYED PA MA YIN NA NI, 'JUG PA'I YUL NYE BAR MA MTHONG BAS TSAD MA MA YIN PAR 'GYUR RO, ,BYED PA PO'I NUS PA THAMS CAD YONGS SU SHES PA'I MTSAN NYID CAN GYI BYED PA PO NYID NI 'DAS PA LA SOGS PA LA MTHONG BA NYID YIN TE, DE LA RDZA MKHAN LA SOGS PAR BRTAG PA MA YIN TE, DE YANG RANG GI 'BRAS BU LA BYED PA PO'I NUS PA THAMS CAD KYIS SHES PA MTHONG BA'I PHYIR RO, ,DE YANG DE LTAR MTHONG BA'I BYED BRAG GI YUL GYI KHYAB PAR GYIS PHUL DU BYUNG BAS NA THAMS CAD MKHYEN PA NYID DU BRJOD PA YIN NO, ,KHYAD PAR DE NYID MA MTHONG BA'I PHYIR JI LTAR 'BREL PA 'DZIN PA YIN ZHING, JI LTAR RJES SU DPOG PA YIN ZHE NA, DE LTA YIN NA GZUGS LA SOGS PA RNAM PAR RIG PA TZAM LAS JI LTAR MIG LA SOGS PA'I RJES SU DPAG PA YIN NA MIG LA SOGS PA RNAMS NI BYIN GYIS RLOB PA'I NGO BO NYID MA YIN NO, ,DE'I NYE BAR DMIGS PA LAS BYA BA NI BYED PAS SGRUB PAR BYED PA MA YIN PAR MTHONG BAR BYA BA YIN NO ZHE NA, RNAM PAR RIG PA LA YANG BYA BA LAS BYED PA GRUB PA YIN LA, BYE BRAG LA YONGS SU DPYOD PAS BYED PA PO'I BYE BRAG GRUB PA YIN PA DE BZHIN DU BYED PA PO'I BSGRUB BYA'I BYA BA MA MTHONG BA DANG, BYA BA'I BYE BRAG LA YONGS SU DPYOD PAS BYED PA PO'I BYE BRAG GRUB PA'I PHYIR LOG PAR RTOGS PAR BYA BA MA YIN TE, BYE BRAG GRUB PA YIN YANG BYE BRAG THAMS CAD GRUB PA NI MA YIN TE, GANG SGRUB PAR BYED PA JI SNYED PA'I DON RTOGS PA LA KHYAB PAR BYED PA YIN LA, DE LAS DE RNYED PA KHO NA NGES PA YIN GYI, DON GZHAN NI MA YIN TE, GANG GI PHYIR MES KHYAB PA'I DU PA'I BYE BRAG TZAM DU SGRUB PA YIN YANG, RTZVA LA SOGS PA'I NGO BO'I BYE BRAG NI GRUB PA MA YIN NO, ,DE MA GRUB NA CIG SHOS BYE

BRAG GRUB KYANG, DON BYED PA DON DU GNYER BA MI 'JUG PA NI MA YIN TE, DE'I PHYIR 'BYUNG BA CHEN PO LA SOGS PA RNAMS LA DE'I NYE BAR LEN PA DANG NYE BAR BYED PA LA SOGS PA'I RANG BZHIN SHIN TU BSKAL PA YIN PA'I PHYIR, TSU ROL MTHONG BAS DE YONGS SU SHES PA SNGON DU 'GRO BA CAN GYI SBYOR BAR BYED PA PO NYID MI SRID PA'I PHYIR RO, ,DE'I MNGON PAR 'DOD PA'I BYE BRAG NI DE'I SGRUB BYED BRJOD PA KHO NA LAS THAMS CAD DU 'GRUB PA'I PHYIR BYE BRAG DANG 'GAL BA CAN RNAMS NUB PA YIN NO, ,LAS RNAMS KYI SA BON RNAMS LA DE GRUB PA'I PHYIR GRUB PA LA SGRUB PA YANG MA YIN NO, ,GANG GI PHYIR SEMS PA CAN YIN PA'I LAS NI SEMS PA CAN MA YIN PA'I BYIN GYIS RLOB PA PO MA YIN TE, BSAM PA MED PA NYID KYIS YUL LA SOGS PA'I NGES PA MED PA NYID KYIS 'BRAS BU SKYED PAR BYED PA MED PA'I PHYIR DANG, BYED PA PO NYID NI NYE BAR LEN PA LA SOGS PA LA YOD PA'I NUS PA YONGS SU SHES PA'I MTSAN NYID YIN PA'I PHYIR RO, ,'ON TE SEMS PA CAN GYI LAS YIN PA DE LTA YA YANG DE TSU ROL MTHONG BA RNAMS KYIS SA GZHI LA SOGS PA'I RGYU LA SBYOR BAR BYED PA NI MA YIN TE, SPYOD YUL MA YIN PA'I PHYIR RO, ,DON THAMS CAD RIG PA PO'I SEMS YIN NO ZHE NA, MA YIN TE; ,DE NI BYED PA PO NYID YIN PAR KHAS MI LEN PA'I PHYIR LA KHAS LEN PA YIN NA NI DE NYID DBANG PHYUG BYED PA PO YIN NO, ,BE'U LA SOGS PA PHAL CHER BSKYED PA'I DON DU'O MA LA SOGS PA PHYIN GYIS BRLABS PA MED NA JI LTAR CHER SKYE BA YIN ZHE NA, MA YIN TE, DE LA YANG BYIN GYI RLABS KYIS BSGRUB PA'I PHYIR RO, ,GZHAN DU NA BE'U SHI BA'AM CHEN SKYES PA NA'ANG, 'O MA 'PHEL BA'I PHYIR RGYUN MI 'CHAD PAR THAL BAR 'GYUR TE, SEMS MED PA'I PHYIR RO, ,DES NA DE LTAR RJES SU DPAG PA NI SPYI'I YUL CAN NYID YIN PAS, BYE BRAG LA LTOS PA YIN PAS 'GAL BA CAN BZHIN DU, DPE LA BSGRUB BYA BA TSANG BA NYID BSAL BAR BYA BA YIN TE, RJES SU DPAG PA THAMS CAD LA BYE BRAG 'PHEL BA'I PHYIR RO, ,JI LTA BUR MTHONG BA DE LTA BUR YIN NO, ,BDEN TE, 'DI LA YANG MTHONG BA NYID YIN TE, 'BRAS BU SHIN TU CHEN PO NYID YIN PA'I

, ,PHYIR, RGYU YANG DE BZHIN YIN NO ZHES 'BA' ZHIG 'DZIN PA NI MA YIN NO, ,DE LTAR NA MED NA MI 'BYUNG BAR RAB TU GRUB PA'I RJES SU DPAG PAS THAMS CAD BYED PA POR DE YONGS SU SHES PA DANG LDAN PAR YANG GRUB PA YIN NA 'BRAS BU 'BYUNG BA CHEN PO LA SOGS PA'I BYED PA PO DBANG PHYUG MA YIN TE, GZHAL BYA YIN PA'I PHYIR, BUM PA LA SOGS PA BZHIN DU RJES SU DPAG PA GZHAN BSAL BA YIN TE, DE LA BSGRUB BYA MA TSANG BA'I PHYIR DANG, PHYOGS KYI BYE BRAG MA GRUB PA'I PHYIR RO, ,BYED PA PO'I DGOS PA CI ZHIG YIN ZHE NA, DGOS PA'I BSAM PAS MED PAR NI; ,RMONGS PA'ANG 'JUG PA MA YIN NO, ,GZHAN GYI DON BYED PAR 'DOD PAS 'JUG PA NI, GZHAN DU MI 'THAD PAR GRUB PA YIN LA, 'JUG PA YANG 'BRAS BU LAS GZHAN DU MI 'THAD PA'I PHYIR, GZHAN GYI DON GYIS BSKUL PAS BDE BA KHO NA SKYED PAR BYED PA YIN GYI, SDUG BSNGAL BA NI MA YIN NO, ,ZHE NA, CHOS DANG CHOS MA YIN PA'I THABS SNA TSOGS PA CAN GYI BYED PA PO NI, 'BRAS BU SNA TSOGS PA MTHONG BA LAS, RJES SU DPOG PA YIN PA'I PHYIR SKYON MED DO, ,'DI DE BZHIN DU BYED PA RANG GI DON YIN PA DANG, DON MA YIN PA RNAM PAR BCOM PA GANG YIN, GANG YANG MA YIN NO, ,CI'I DON DU DE LTAR BYED PA YIN GYI, JI LTAR NYI MA RANG BZHIN GYIS GSAL BAR BYED PA'I RANG BZHIN DE KHO NA BZHIN DU 'JUG PA YIN NO ZHE NA, 'DI SEMS PA CAN YIN PAS CI ZHIG DU 'GYUR BA YIN ZHE NA, DON RNAMS KYIS KYE BA'I RGYU JI SNYED YIN PA DE SNYED PA KHO NA LA BYIN GYIS RLOB PA LAS BYED PA PO RJES SU DPOG PAS DPOG PAR BYED PA YIN GYI, GZHAN RNAMS KYI NI MA YIN LA, SEMS PA CAN YIN BA DANG 'GAL BA MED DO, ,DE'I PHYIR YOD PA LA DMIGS PAR BYED PA'I TSAD MA LDOG PA YANG MA YIN NO, ,DON 'DI LA MIG SNA TSOGS DANG, KHA SNA TSOGS DANG, LAG PA SNA TSOGS DANG, RKANG PA SNA TSOGS PA CAN TE LAG PA DAG GIS BUS PA LAS PHUN SUM TSOGS PA DANG, RIG BYED GSUM PO DANG, MTHO RIS DANG, SA GZHI RNAMS SKYED PAR BYED PA'I LHA CIG YIN ZHES, LUNG LAS KYANG 'BYUNG BA YIN LA DRANG SRONG RGYAS PAS KYANG, SKYES BU'I MCHOG

GZHAN NI, DAM PA'I BDAG NYID CES BRJOD PA, ,GANG YIN KHAMS GSUM NANG BZHUGS PAS, ,DBANG PHYUG RTAG PAS BYAS PA YIN, ,ZHES SMRAS PA'O, ,CHOS LA SOGS PA'I RANG GI NGO BO BZHIN DU, LUNG NI THAMS CAD DU RANG GI NGO BO RTOGS PA'I YUL CAN YIN TE, DE'I YUL CAN NYID YIN LA, DE MA RTOGS PA YIN NA, DE LA 'JUG PA MED PAR THAL BAR 'GYUR BA'I PHYIR DANG, TSAD MA RNAMS NI RTOGS PAR BYED PA NYID TZAM BYA BA MA YIN PA'I PHYIR RO, ,DE LA SKYES BU'I DON NYID NI DBANG PHYUG GI RANG GI NGO BO RTOGS PA BSGRUB PA YIN LA DE NYID RIG NAS 'CHI BA LAS RGAL BAR 'GRO BA YIN GYI, GANG GIS BYANG GROL SGRUB PAR 'GRO BAR BYED PA'I LAM GZHAN YOD PA NI MA YIN NO, ,THAMS CAD SHES PA MA YIN PA RNAMS KYIS THAMS CAD SHES PA YIN PAR JI LTAR SHES PA YIN ZHES BYA BA YANG MI RIGS PA YIN TE, ,GANG GI PHYIR 'JIG RTEN GYI RDZA MKHAN LA SOGS PA'I BYED PA PO RNAMS KYIS DE'I SHES BYA DANG, SHES PA DANG LDAN PA RNAMS KHO NAS DE MKHAS PA YIN PAR GO BA NI MA YIN TE, SNA TSOGS PA RIG PA ZHES BYA BAR PHYIS KYANG DE RTOGS PAR GRUB PA YIN NO, ,DE BZHIN DU LUNG LAS KYANG THAMS CAD SHES PA BSNYEN PA LAS, ME'I SBYIN SREG MTHO RIS SGRUB PAR BYED PA YIN PA BZHIN DU BYANG GROL SGRUB PAR BYED PA NYID DU SGRUB PA NI THAMS CAD SHES PA LA GSOL PA BTAB PAS, SNGON GYI LAS SAD PA NI MCHOG SBYIN PA YIN PAR MI RIGS TE, DE RAB TU SAD PA LAS KYANG SKYES PU'I DON NI DE'I TSIG LAS 'GRUB PA'I PHYIR RO, ,LUNG LAS RNA BA LA SOGS PA LA RTAG PA NYID DU RTOGS PA BZHIN DU DE LA 'GAL BA YOD PA NI MA YIN LA, RTAG PA NYID LA YANG MA YIN NO, ,DE MA THAG DE'I ZHAL RNAMS LAS, ,RIG BYED BZHI PO RNAMS 'PHROS PA, ,DUS GZHAN RE RE NYID LA NI, ,THOS PA GZHAN NI SGRUB BYED YIN, ,ZHES SMOS BA'O, ,RIG BYED DANG AI TI HA SA LA SOGS PA RNAMS LA BCOS MA NYID DU DRAN PA'I PHYIR, BYE BRAG CAN GYI SKYES BU BYED PA PO NYID DU GRUB PA'I PHYIR SKYES BU NI DBANG PHYUG YIN NO, ,LUNG LAS GRUB PA'I RDZAS NI GTZANG SBRA DANG GTZANG SBRA MA YIN PA BZHIN DU, RJES SU DPAG PAS KYANG BSAL BA

, ,MA YIN TE, YUL THAMS CAD LA DE'I SHES PA NI RJES SU DPAG PA DANG, LUNG DANG SNA TSOGS PA RIG PA YIN ZHES BYA BA LA SOGS PAS KYANG RTOGS PA YIN NO, ,DE LTA BU LAS KYANG DE LTA BU'I BYED PA RTOGS PA YIN NA YANG, RTOG PA CHEN POR 'GYUR BA'I PHYIR RTAG PA NYID LA TSAD MA DANG 'GAL BA MED DO, ,LUNG LAS KYANG, BYAD PA PO NYID YIN YANG, BZHI PO LHAN CIG GRUB PA NI, ,BDE DANG SHES PA MTHA' YAS TSANGS, ,ZHES BYA BA'O, ,THOS PA LAS KYANG, LAG PA RKANG PA YOD MED BZHIN, ,'DZIN DANG MIG MED BZHIN MTHONG DANG, ,RNA BA MED BZHIN THOS PA NI, ,SNA TSOGS RIG PA DE YIN LA, ,GZHAN NI DE RIG PA MED DO, ,ZHES BYA BA DANG, SKYES BU'I CHE MCHOG DE SKAD SMRA, ,ZHES SMOS PAS KYANG, BYED PA RNAMS BKAG PAS RTAG PA NYID KHO NAR GRUB PA YIN LA, BLO DE YANG MNGON SUM GYI TSAD MA YIN NO, ,DBANG PO DANG DON DU PHRAD PA MED NA DE NYID JI LTAR YIN ZHES ZER NA YANG, DE LTA BU'I KHO BO CAG LA SOGS PA RNAMS KYI MNGON SUM MA YIN TE, 'DI NI DE NYID MA LUS PA DNGOS SU RTOGS PA'I BDAG NYID CAN NI MTSAN NYID GZHAN KHO NA YIN NO, ,'DI'I CHOS NI 'DOD PA BZHIN DU BYA BA'I NUS PA MA NYAMS PA YIN PAR BRJOD PA YIN GYI, SGRUB PA NAN TAN DU BYA BAS BSGRUB PAR BYA BA'I BSOD NAMS NI MA YIN TE, DGOS PA MED PA'I PHYIR RO, ,SDUG BSNGAL MED PA'I PHYIR CHOS MA YIN PA YANG SPANGS PA YIN NO, ,DE DAG MED PAS 'DOD CHAGS DANG BRAL BA DANG, RAB TU LDANG BA YANG MED DO, , DE YANG BDAG CAG LA SOGS PA'I BDAG DANG MI SKYE BAR 'BREL BAS, LAS RNAMS KYIS BYIN GYIS BRLABS PA'I SA GZHI LA SOGS PA RNAMS KYI BYED PA PO NYID DU RJES SU DPAG PA KHO NAS GRUB PO, ,'DIR SBYOR BAR BYED PA MED PA NYID KYANG MA YIN TE, PHYOGS LA KHYAB PAR BYED PA'I RJES SU 'GRO BA DANG LDOG PA CAN NI SBYOR BAR BYED PA NYID MA YIN NA, RJES SU DPAG PA THAMS CAD LA YANG BYE BRAG MED PAS, DE KHO NA BZHIN DU 'GYUR RO SNYAM DU SEMS PAS, GAL TE TSAD MA YOD PA YIN TE, ,SDOD 'JUG DBYIBS KYI KHYAD PAR DANG, ,ZHES PA NAS, DPER NA BUM PA LA

SOGS PA BZHIN NO ZHES BYA BA'I BAR GYIS, THAMS CAD DBANG PHYUG SGRUB PAR BYED PA YIN PAR NYE BAR MTSON PA YIN NO, ,LAN DU, SDOD 'JUG DBYIBS KYI KHYAD PAR DANG, DON BYED PA LA SOGS RNAMS LA, ,ZHES BYA BA STE, SOGS PA'I SGRAS NI BSKYED PA DANG SEMS CAN MA YIN PA'I NYE BAR LEN PA NYID LA SOGS PA BZUNG BA YIN TE, RIGS PA MTSUNGS PA'I PHYIR RO, ,GANG 'DI SEMS CAN MA YIN PA'I NYE BAR LEN PA NYID DANG, DE'I KHYAD PAR CAN BSKYED PA YANG KHYIM LA SOGS PA'I NGO BO NI, SA GZHI LA SOGS PA LAS LDOG PA DE DANG 'DRA BA'I 'BRAS BU GZHAN DANG THUN MONG BA'I KHYIM DANG, BUM PA LA SOGS PA'I SGRA'I KHYAD PAR GYIS NYE BAR MTSON PA'AM, BYA BA MA MTHONG BA YANG BYAS PAR BLOS NYE BAR MTSON PA YANG, DE'I BLO DANG LDAN PA MED NA MI 'BYUNG BA YIN TE, DE'I BLO NI CHOS SHIN TU MKHAS PA DE'I BLO'I RJES SU 'BRANGS PA'I BYE BRAG NYID YIN PA'I PHYIR, RI MO GZHAN LTA BU'O, ,SA GZHI LA SOGS PA LA NI DE LTA BU'I NGO BO YOD PA MA YIN NO, ,KHYIM ZHIG PA'I SHING DANG SO PHAG LA SOGS PA'I PHUNG PO'I NGO BO BZHIN DU MTSAN NYID MI MTHUN PA YIN PA'I PHYIR, BYAS PA YIN ZHES BYA BA'I BSGRUB BYA'I SHES PA MI 'BYUNG NGO, , RGYU MTSAN GANG GIS DE NYID KYI NGO BO YIN ZHE NA, BYAS PA RNAMS KYANG RE ZHIG DNGOS PO RE RE'I RANG GI NGO BO'I RNAM PA THA DAD PA KHO NA YIN NAM BYAS PA RNAMS LTA CI SMOS, 'JIG RTEN PA LA BYAS PA DANG MA BYAS PA'I RNAM PAR DBYE BA DGAG BYA MA YIN NO, ,'ON TE BYAS PA NYID MA BYAS PA BZHIN DU SNANG BA YIN TE, DNGUL CHU ZHUGS PA'I GSER LTA BU'O, ,DE LTA NA YANG THE TSOM CAN GYI SA GZHI LA SOGS PA'I NGO BO LAS NI, RLANGS PA LA SOGS PA'I NGO BOR THE TSOM ZA BA'I DU BA LAS ME BZHIN DU, BSGRUB BYA MI 'GRUB PA'I PHYIR MA GRUB PA NYID DAM, THE TSOM ZA BA'I MA GRUB PA YIN PAR NI, DPE MA GRUB CES BYA BAS BSTAN PA YIN LA BYAS PAR NGES PA LA MA BYAS PA NYID DU THE TSOM ZA BAR 'GYUR BA MA YIN TE, GZUGS LA SOGS PA'I SO SOR SNANG BA LA YANG, PHYIN CI LOG PAR LDOG PAS THA SNYAD THAMS CAD NUS PAR THAL BAR 'GYUR BA'I PHYIR RO, ,'JI

, ,PA'I GONG BU LAS BUM PA KHYAD PAR MED PAR SEMS DANG LDAN PA 'GA' YANG NGES PAR BYED PA MA YIN NO, ,DE YANG DE LTA BU'I NGO BO SA GZHI LA SOGS PA LA MI SRID PA'I PHYIR BLO DANG LDAN PAS KHYAB PA CAN NYE BAR DMIGS PA'I PHYIR, DE DANG LDAN PA NYID DU SGRUB PAR BYED DO, ,GANG YANG SEMS PA CAN MA YIN PA'I NYE BAR LAN PA NYID TZAM SGRA'I BRJOD BYA'I BDAG NYID DU MTSUNGS PA DE NI DE BZHIN DU KHYAB PA CAN MA YIN TE, BLO PHUL DU BYUNG BA DANG CIG SHOS DAG GIS PHUL DU BYUNG BA DANG, CIG SHOS SU MA MTHONG BA'I PHYIR RO, , GAL TE KHYIM DANG CIG SHOS DAG GI NYE BAR LEN PA RNAMS SEMS PA CAN MA YIN PA NYID DU KHYAD PAR MED PA YIN NA, GCIG LA DE LTOS PA YIN GYI CIG SHOS NI MA YIN ZHES JI LTAR RNAM PAR DBYE BA YIN, DE LTA NA BUM PA DANG SNAM BU DAG GI DE'I NYE BAR LEN PA NYID LA BYE BRAG MED KYANG; JI LTAR RDZA MKHAN DANG THAG PA LA SOGS PA'I BYE BRAG LA LTOS PA YIN GYI, THAG PA'I BLO LAS BYUNG BA'I BYE BRAG NI GZHAN LAS NI MA YIN NO ZHE NA, GZHAN LA YANG BLO LAS BYUNG BA'I BYE BRAG NI NYE BAR LEN PA TZAM LAS NI MA YIN NO, ,DE MA YIN PA LAS BYUNG BAR CIS MI 'GYUR, BSAM PA MED PA'I BYA BA'I NYE BAR LEN PA LAS JI LTAR YUL LA SOGS PA'I NGES PA CAN GYI 'BRAS BU JI LTAR BSKYED PA YIN ZHE NA, DE'I BSAM PAS LAS KYANG JI LTAR YIN TE, BYE BRAG MED PAR MTSUNGS PA'I PHYIR RO, ,MA MTHONG BA LA SOGS PA'I LHAN CIG BYED PA'I DBYE BA LAS YIN NO ZHE NA LHAN CIG BYED PA'I DBYE BAS DE NYID LA DE NGES PAR 'GYUR DU ZIN KYANG, GANG GI PHYIR NGES PA NI BLO'I BSKYED BYA MA YIN TE, LHAN CIG BYED PA PO YOD PA DANG, MED PA'I RJES SU BYED PA YIN PA'I PHYIR DANG, DRI BA LA SOGS PA DANG BDE BA LA SOGS PA RANG GI NGO BO'I NGES PA BZHIN DU YUL LA SOGS PA'I NGES PA YANG DE NYID KHO NAS RNYED PAR BLA BA'I PHYIR RO, ,DE YANG BRTAGS PA YIN PA NI JI SNYED PA RNAMS BSKYED PA'I DON RGYU RNAMS YOD NA, DE RNAMS KYI BYIN GYIS RLOB PA PO YIN GYI, RDZA MKHAN BZHIN DU RANG DBANG GIS CUNG ZAD BYA BA'I NGES PA BYED PA NI MA YIN TE, LAS KYI BYA BA RDZOGS PA NI SGRUB PAR BYED PA'I RIGS PA LAS 'DAS PA YIN PA'I

PHYIR RO, ,DES NI DE RNAMS KYI NUS PA'I SHES PA NI 'GA' YANG PHUL DU BYUNG BAR SGRO 'DOGS PA MA YIN TE, RDZA MKHAN GYIS DE SHES PA YIN NA, DE'I BLO LAS BYUNG BA'I BYE BRAG GRUB PA'I BYE BRAG CHEN PO YIN NO, ,DES NI NAN GYIS DE YONGS SU BSGYUR BA YIN NA, DBANG PHYUG NI DE BZHIN DU NAN GYIS BYED PA NI MA YIN TE, DGE BA GCIG GCIG 'BYIN PAR THAL BAR 'GYUR LA, DE'I NUS PA PHUL DU BYUNG BA LAS DE'I NYE BAR LEN PA RNAMS TSOGS PA NI BYED PA PO YIN NO ZHE NA, MA YIN TE DE RNAMS NYID RANG GI RGYU RNAMS KYIS BSDUS PA RNAMS RANG GI NUS PA NYID KYIS SKYED PAR BYED PA'I PHYIR, RE ZHIG DE'I SHES PA NI DGOS PA CAN MA YIN TE, NUS MTHU NI LHAN CIG BYED PA RNAMS KHO NA'I LAS RNAMS SU BRTAGS PA YIN PAR BSTAN PA NI, 'DOD PA SGRUB PA'AM ZHES BYA BA SMOS SO, ,BYED PA PO DANG, BYED PA LA SOGS PA SNGON DU 'GRO BA CAN GYI 'BRAS BU DMIGS PA YIN NO ZHE NA, 'DI LA BYE BRAG LA SOGS PA ZHAS SMRAS PA YIN TE, BYED PA PO'I TZAM MA MA BYED PA CAN MA YIN PA YANG SHING RNAMS SREG BYED BZHIN DU 'GYUR RO, ,SEMS PA CAN MTHONG BA YIN NO ZHE NA, DES BYAS PA'I 'BRAS BU YANG GZHAN NYID KHO NA YIN NO, ,SA GZHI LA SOGS PA BSKYED PA'AM, 'BRAS BU NYID NI NAM MKHA' LA SOGS PA LA BLO DANG LDAN PA MED PAS 'BYUNG BA MA YIN NO ZHE NA, YOD PA MA YIN YANG MI 'BYUNG BA YIN TE, GANG GI PHYIR DE NI GOS LA SOGS PA LA YOD PA MA YIN PAR BSTAN ZIN TO, ,DPE MA GRUB CES BYA BA NI BSGRUB PAR BYA BA MA TSANG BA NYID YIN ZHES BYA BA'I DON TO, ,DE BZHIN DU DU BA DANG BYAS PA NYID LA SOGS PA NI DPE DANG DPE CAN LA LTOS NAS CHOS CAN TZAM GYIS GZHAN DU PHYE BA MA RTOGS PA GZHAN MA YIN NO, ,DE LTA BU DE YANG DPE LA RJES SU 'GRO BA MED PA NI MI MTHUN PA'I PHYOGS LAM MTHONG BA TZAM GYIS SGRUB BYED MA YIN TE, 'KHRUL PAR DOGS BZHIN PA'I PHYIR 'KHRUL PA YIN PAR MTHONG BA LTA BU'O, ,JI LTAR SKYE BA NYID TZAM NI ME LA'AM 'JI BA'I 'GYUR BA TZAM NYID NI RDZA MKHAN GYI BYA BA NYID LA SGRUB BYED MA YIN TE, DE LA YANG MA 'KHRUL PA'I NGES PA'I MED PA'I PHYIR RO, ,DE BSTAN PA NI,

, ,YANG NA THE TSOM ZA BA YIN, ,ZHES BYA BA'O, ,CHAD PA LA SOGS PA'I BYED PA SNGON DU 'GRO BA CAN GYIS BYA BA MTHONG BA MA YIN NAM, RNAM PAR RIG PA'I BYA BA NI JI LTAR MIG LA SOGS PA'I DBANG PO LAS 'DAS PA RTOGS PAR BYED PA YIN PA DE BZHIN DU 'DI LA YANG BYA BA LAS DBANG PO 'DAS PA'I BYED PA PO GRUB PA YIN NO ZER BA DE LA, 'DOD PA SGRUB PA 'AM ZHES BYA BA SMOS TE, DBANG PO BZHIN DU SEMS PA CAN MA YIN PA NYID DU GRUB PA'I PHYIR RAM, SHES PA'I BSKYED BYA'I BYE BRAG MED PA'I PHYIR SMRA BA PO'I 'DOD PA GRUB PA YIN NO, ,THAMS CAD SHES PA MA YIN PA'I BYED PA PO SNGON DU 'GRO BA NYID NI PHYIN CI LOG DU SGRUB PAR BYED PA MA YIN PA NI 'GAL BA CAN MA YIN TE, 'BRAS BU NYID TZAM LA SOGS PA DANG, BLO DANG LDAN PA TZAM GYIS KHYAB PA MA GRUB PA'I PHYIR RO, ,GRUB PA YIN NA NI 'GYUR BA KHO NA YIN TE, DPER NA MIG LA SOGS PA NI GZHAN GYI DON BYED PA YIN TE, 'DUS PA YIN PA'I PHYIR MAL CHA DANG STAN LA SOGS PA BZHIN NO, ,MAL CHA LA SOGS PA NYID LA GZHAN GYI DON NYID KYIS KHYAB PA MTHONG BA YIN NO, ,JI LTAR MTHONG BA BZHIN DU 'DUS PA'I BYE BRAG KHO NA GZHAN GYI DON NYID SGRUB PAR BYED PA YIN NA, 'DOD PA LAS BZLOG PA SGRUB PAR BYED PA'I PHYIR 'GAL BA CAN YIN NO, ,MTHONG BA'I BYE BRAG GI RJES SU 'BRANG BAR BYED PA'I PHYIR 'PHEN PAR BYED PA YIN NO, ,CHOS CAN GYI RIGS KYI BYE BRAG BZHIN DU CHOS KYI RIGS NI THA DAD PA MA YIN TE, RANG GI NGO BO BZHIN DU KHYAD PAR YANG MTHONG BAR BYED PA YIN PA'I PHYIR RO, ,MTHONG BA'I DBYIG PA DANG MTSAN NYID MI MTHUN PA'I MIG NI JI LTAR RJES SU DPOG PA YIN ZHE NA, MA YIN, MTHONG BA KHO NA'I BYIN RLABS DE'I NUS PA TZAM GYI 'BRAS BU LAS BYIN GYIS BRLABS PA'I DBANG PO NYID YIN NA, THOB PAR BYED PA NYID DU GO BAR BYED PA YIN TE, DE'I PHYIR THAG RING BA DANG, NYE BA LA SOGS PA'I DBYE BA LA SOGS PA'I DBYE BAS 'DZIN PA DANG, MI 'DZIN PA RNAM PAR GZHAG PAR MI 'GYUR TE, MA THOB PAR BYE BRAG MED PA'I PHYIR 'DI YANG GTAM TZAM YIN NO, ,THOB PAR BYED PA NYID NI BDAG YIN TE,

DUS DANG PHYOGS LA SOGS PA THOB PA YOD PA'I PHYIR RO, ,GSAL BAR BYED PA'I RLUNG DANG PHRAD PA DANG, BRAL BA DANG 'BREL BAS, RNA BA NI DE RNAMS KYI YANG 'DZIN BYED DU 'GYUR RO, ,RUNG BA MA YIN PA'I PHYIR MA YIN NO ZHE NA, THOB BYA MA YIN PA YANG RUNG BA MA YIN PA'I PHYIR, THAG RING BA LA 'DZIN PAR BYED PA MA YIN TE, YUL JI SNYED PA LA SHES PA SKYED PAR BYED PA DE SKYED LA RUNG BA YIN TE, DE NI 'BRAS BU'I GO BYED YIN PA'I PHYIR RO, ,ZLA BA'I CHA GZHAN MA MTHONG BA JI LTAR RJES SU DPOG PA YIN, ,DES NA SKYE BA LA SOGS SKYE BA GZHAN RJES SU DPOG PAR YANG MI RIGS SO, ,MTHONG BA'I CHA'I SKYE BA DANG MTSUNGS PAS DBYE BA MED PA'I PHYIR RO, ,SNGON GYI LAS MA MTHONG BA LAS JI LTAR YIN ZHE NA, DE CI DA NI GSENG YOD PA'I PHYIR GTUN SHING YANG SHONG BA YIN NAM, 'BRAS BU SNA TSOGS PA MTHONG BA LAS RGYU SNA TSOGS PA NYID YIN PA LA NI CHES NGO MTSAR BAR BYA BA MA YIN NO, ,DE DAG TZAM GYIS 'DOD PAR 'GRUB PA YIN NO, ,DE LAS GZHAN PAR RTOGS PAR BYED NA NGO MTSAR BYED PAR 'GYUR RO, ,DE'I PHYIR 'BRAS BU LA SOGS PA TZAM GYIS KHYAB PA MA GRUB PA YIN TE, MA 'KHRUL BAR MA NGES PA'I PHYIR RO, ,DE LA DPE LA, YANG NA THE TSOM ZA BA YIN, ,ZHES BYA BA SMOS TE, BSHAD PA BYED PAS NI SEMS PA CAN GYI LAS NI BYIN GYIS RLOB PA PO NYID YIN PAR KHAS BLANGS PAR 'DOD PA GRUB PAR BSTAN PA NI, SEMS PA CAN LA SEMS PA CAN GZHAN NI DGOS PA MED PA YIN NO, ,DPE LA NI DA BZHIN DU MA GRUB PA'I PHYIR DBANG PHYUG DE NYID NI DON BYED PA'I BYED PA PO NYID LA SOGS PAR MA NGES PA NYID YIN TE, DE LA GZHAN BYIN GYIS RLOB PAR BYED PA NYID GZHAN YOD PA MA YIN TE, DE BSTAN PA NI, YANG NA THE TSOM ZA BA YIN, ,ZHES BYA BA'O, ,DE'I PHYIR 'DIR SA GZHI LA SOGS PA LA BLO'I BSKYED BYA'I BYA BRAG MED PA'I PHYIR DANG, DBANG PHYUG GIS BYAS PAR MI RIGS SO, ,DE KHAS LEN NA, THA DAD DNGOS LA RAB GRUB PA, SGRA MTSUNGS PAS THA DAD MED PHYIR, ,ZHES BYA BA DANG MA 'BREL PAR 'GYUR RO, ,DE'I PHYIR YUL LA SOGS PA'I NGES PA TZAM MTHONG BAS DE'I RGYU MA MTHONG BA TZAM YOD PAR GO BA YIN GYI DE YANG SEMS PA CAN MA YIN

, ,TE, DE'I BSKYED BYA'I BYE BRAG MA MTHONG BA'I PHYIR, ,SEMS PA CAN GYI RJES SU 'GRO BA NYID YIN LA, GZHAN NI MA YIN NO ZHES BYA BA'I DON 'DI LA YANG TSAD MAR CUNG ZAD KYANG MED LA, ,LAS LA NI BYED PA PO THAMS CAD KYI NUS PA NYID KYI SHES PA YANG MI SRID PA YIN NO, , RE ZHIG 'BRAS BU'I NGES PA MTHONG BA LAS NGES PAR BYED PA MA MTHONG BA LA SOGS PA GO BA YIN ZHES GANG SMRAS PA DE NI RIGS PA YIN NO, ,BSNYEMS PA DE BOR NAS SEMS PA CAN GYI BYE BRAG SGRUB PAR BYED PA GANG YIN PA DE LA 'DI SPYAD PAR BYA STE, RE ZHIG SA GZHI LA SOGS PA 'U BU CAG LA SOGS PA'I LONGS SPYAD PAR BYA BA LA SOGS PA BZHIN DU LAS KYI NYE BAR BSGRUBS PA YIN PAR GO BA YIN NO, ,LAS KYANG GNAS LA SOGS PA DON DU GNYER BA'I SNYING PO CAN NAM, BYED PA LA SOGS PA DON DU GNYER BA'I SNYING PO CAN TE, BDAG LHA'AM KLUR GYUR CIG CES BYA BA'I SEMS NYID YIN NO, ,DES NA 'BRAS BU DANG RGYU DANG DE'I 'BRAS BU LA SOGS PA THAMS CAD DU LHAG PAR ZHEN PA RNAMS BAG CHAGS KYI SGO NAS GNAS PA NI BYIN GYIS RLOB PA POR RTOGS PA YIN NO, ,'DIS NI BSOD NAMS KYI BLO'I NUS PA BSHAD PA YIN NO, ,GAL TE YANG RNAM PA THAMS CAD MA MTHONG BA DE LTA NA YANG DE SNA TSOGS PA, RIG PA YIN ZHES THAMS CAD SHES PAR YONGS SU SHES PA BZHIN DU THAMS CAD DU LHAG PAR ZHEN PA CAN GYI SO SOR SNANG BA'I BYIN GYIS SLOB PO POR NAS DE LA GZHAN DU RTOGS PA LA NI TSAD MA CUNG ZAD KYANG MED DO, ,DE LTAR NA BYED PA MED PA'I BLO RTOGS BYA MA YIN PA RTAG PA NI RANG BZHIN NYID KYIS BYIN GYIS RLOB PA PO NYID YIN ZHES BYA BA LA SOGS PA MA MTHONG BA DU MA'I RTOGS PAS YONGS SU DU BA YANG BSAL BA YIN NO ZHES DGONGS PA'O, ,NGES PA CAN TZAM SGRUB PA YIN NA GRUB PA LA SGRUB PA NYID YIN NO, ,SEMS PA CAN GYI BYE BRAG GRUB PA YIN NA MNYAN BYA NYID BZHIN DU RJES SU 'GRO BA MED PA'I PHYIR 'KHRUL PA SRID PAS LHAG PA DANG LDAN PAR 'GYUR ZHES BYA BA'I DON TO, ,SEMS PA CAN MA YIN PAS BYIN GYIS BRLABS PA'I BYED PA PO RNAMS NI BYA BA BRTZAMS PAR BYED PA POR CIS MI 'GYUR ZHE NA, MIG LA SOGS PA DANG ME LA SOGS PA RNAMS

NI JI RNYED PA TSOGS PA YIN NA, RNAM SHES DANG DU BA LA SOGS PA'I BYA BA BRTZAMS PA YANG RTZOM PAR BYED PA KHO NA YIN LA SA GZHI LA SOGS PA DANG SNAM BU LA SOGS PA'I BYA BA LA NI BRTZAM PA BYAS PA YANG, SNAL MA DANG RDUL PHRA RAB LA SOGS PA RNAMS KYIS RTZOM PAR BYED PA MA YIN TE, MA MTHONG PA LA SOGS PA NGES PA CAN GYI LHAN CIG BYED PA MED PA'I PHYIR DANG, BYED PA PO RNAMS KYI NUS PA NI 'BRAS BU LA RTOGS PAR BYA BA YIN PA'I PHYIR, CI'I PHYIR 'JUG PA LDOG PA YIN ZHES BRGAL ZHING BRTAG PAS CI ZHIG BYA, DU BA LA SOGS PA RNAMS NI GTAN TSIGS YIN GYI, DE DAG NI MA YIN PAR BSTAN PA NI, GANG GI PHYIR DE DAG YOD KYANG ZHES BYA BA STE, 'DOD PA NI GRUB PA NYID YIN NO, ,RTZOD PA'I GNAS YIN PA'I PHYIR JI LTAR CHOS CAN BYE BRAG DU BYED PA DE BZHIN DU, NYE BAR DMIGS PA DANG LDAN PA CHOS NYID DANG BYE BRAG DU BYA BA YIN NO, ,GZHAN DU NA GRUB PA LA SGRUB PA YIN NO ZHES BSTAN PA NI, GANG LA RTZOD PA YOD PA DE ZHES BYA BA SMOS SO, ,DBANG PHYUG LA SKUL BYED YIN PA NI 'DI'I 'GRUB PAR 'GYUR RO ZHES KUN TU RTOG PA YIN LA, CHOS LA SOGS PA'I BYE BRAG NYID KYIS NI MA YIN TE, DBYIG PA LA SOGS PA BZHIN DU SEMS PA CAN MA YIN PA'I PHYIR RO, , DES NYE BAR DMIGS PA CAN GYIS RGYU NYID DU DAM BCAS PA NYID KYIS SEMS PA CAN MA YIN PA BSAL BA YIN NO, ,DE'I PHYIR BSGRUB BYA GRUB PA MA YIN NO SNYAM DU SEMS PA NI, LAS LAS SKYED PA NYID YIN NO ZHES BYA BA NI, ,BSGRUB BYA MA YIN PA MA YIN NO ZHES BYA BA'O, ,LAS KHAS LEN PA YIN NA DE NYID KYIS CHOS SEMS PA CAN TZAM DU KHAS LEN PA YIN PAS RTOG PA YANG BAR DU 'GYUR BA YIN LA DBANG PHYUG LA NI DE DANG CHOS CAN GYI RTOG PA YANG ZHES BYA BA YIN PAS LCI LA YIN PAR BSTAN PA NI, GAL TE SEMS PA CAN GYI RANG BZHIN GYI LAS YOD NA ZHES BYA BA SMOS SO, ,DE NYID 'DI YIN PA NI SEMS PA CAN DANG, CIG SHOS DANG, BYED PA PO DANG BYED PA PO ZHES BYA BA GNYIS PO KHYED KYI LAS YIN PAR BSHAD PA DANG, BDAG GI BYAD PA PO YIN ZHES BYA BA MING TZAM GYIS PHYE BA MA YIN NAM SNYAM DU SEMS PA LA, DE LA SEMS PA MED PA RNAMS ZHES BYA BA SMOS SO, ,GANG

, ,GI PHYIR MING TZAM GYIS THA DAD PAR KHYED JI LTAR 'DOD PA YIN, KHYED KYIS KYANG LAS NI KHAS BLANGS PA YIN LA, DE YANG LA, DE LA YANG SEMS PA CAN DU LHAG PAR KHO BOS BRJOD PA YIN LA, DES NA THA DAD PA'I DBANG PHYUG DGAG PA YIN PAR BSTAN PA NI, LAS KYI RANG BZHIN SEMS PA NYID, ,CES BYA BA STE, BSHAD PA'I RIGS PAS LAS KYIS BSKUL BA BYIN GYIS BRLABS PAR GRUB PA YIN NA, SEMS PA CAN GZHAN LHAG PA KHO NA YIN TE, DE'I BYA BA LHAG PA MED PA'I PHYIR RO, ,BUM PA LA SOGS PA LA RDZA MKHAN LA SOGS PA'I LHAG MA LTA BU YIN PAR BSTAN PA STE, 'DOD PA GRUB PA NYID LA GTAN TSIGS SAM DPE LA MA GRUB PA YIN ZHES SBYOR BAR BYED PA NI, DE LTA NA YANG DPE MA GRUB CES BYA BA NI SEMS PA CAN LA YANG SEMS PA CAN GZHAN DU RTOG PA YIN NA'O, ,RDZA MKHAN LA SOGS PA LA YANG RANG GI BYA BA'I YUL SHES PA YIN PAS THAMS CAD SHES PA LAS BYE BRAG MED DO ZHES BYA BA'I DON TO, ,BYIS PA NYIS KYI GNAS SKABS LAS BYE BRAG YIN PAR SMRA BA NI, 'ON TE RDZA MKHAN LA SOGS PA DE YANG ZHES BYA BA'O, ,DE'I TSE YANG RGAN PO RNAMS LAS DE'I SGRUB PA MTHONG BA'I PHYIR, DBANG PHYUG GI GNAS SKABS MED PAR BSTAN PA NI, BYED PO GRUB NA KUN SHES NYID, ,CES BYA BA'O, ,MTHONG BA'I YUL LA SKYE BA PO RANG NYID DBANG BYAD PA YIN PAR NI BDEN NA, MA MTHONG BA LA JI LTAR YIN, RGAN PO RNAMS KYANG DE LA DBANG MED PA NYID YIN TE, DBANG PO LAS 'DAS PA'I PHYIR RO SNYAM DU SEMS PA LA, GAL TE DE THAMS CAD SHES PA YIN ZHES BYA BA SMOS TE, DA LTAR BA BZHIN DU DPYOD PA MED PA'I BYA BA MTHONG BA LAS PHYIN CI LOG PAR GO BA MA YIN NO, ,ZHES BYA BA'I DON TO, ,DPYOD PA MED PA'I 'BRAS BU NI DPYOD PA DANG 'GAL BA YIN PAR MI RIGS TE, GDAMS NGAG DAM PA DANG 'TSAM PA'I 'BRAS BU SBYIN PA DAG GI RNAM PAR DPYOD PA'I BYA BA YIN PA'I PHYIR RO SNYAM DU SEMS PA NI, 'ON TE, DON DAM PA NYID KYI NYE BAR BSTAN PA NYID CES BYA BA'O, ,LAN DU DPYOD PA MED PA'I BYA BA BYED PA'I PHYIR DPYOD PA MED PA'I BYA BA NYID YIN PAR BSTAN PA NI, 'DI NI CHOS MIN PA LA'ANG ZHES BYA BA STE, CHOS YOD BZHIN CHOS MA YIN PA LA 'JUG PAR BYED BA NI, DPYOD PA

MED PA CAN GYI BYA BA YIN LA, DE'I BYA BA YANG DE'I 'BRAS BU STER BA YIN ZHES BYA BA'I DON TO, ,CHOS MA YIN PA NYID NI CHOS MA YIN PA'I 'BRAS BU SKYED PAR BYED PA MA YIN NAM, DBANG PHYUG NI MA YIN TE, DES NA DPYAD PA MED PA'I BYA BA'I LAS SU STER BA MA YIN NO, ,SNYAM DU SEMS PA NI, 'ON TE 'DI CHOS MA YIN PA ZHES BYA BA'O, ,DE LTA NA YANG SDIG PA DGAG PAR BYA BA YIN PA NA, DE'I 'BRAS BU STER BA NI DPYOD PA MED PA'I BYA BA KHO NA YIN PAR BSTAN PA NI, DBANG PHYUG GZHAN NI NUS MED PAS, ,ZHES BYA BA SMOS TE, GAL TE DBANG PHYUG GZHAN BZHIN DU NA 'DI YANG SDIG PA DGAG PA LA NUS PA MED PA YIN NA, DE LTA NA SDIG PA DGAG PA LA BZHIN DU, SDIG CAN RNAMS LA DGOS PA BYED PA NYID KYI CHOS DANG, DE'I 'BRAS BU BYED PA PO NYID DU MI 'GYUR BA'I PHYIR, DBANG PHYUG GI BYED PA PO MA YIN PAR THOB PAR BSTAN PA NI, SDIG BZHIN THAMS CAD DBANG PHYUG GIS, ,ZHES BYA BA'O, ,GAL TE YANG SDIG PA DANG SDIG PA DGAG PA DANG DE'I SGO NAS CHOS DANG DE'I 'BRAS BU RNAMS 'BYED PA MA YIN TE LTA NA YANG, BDAG NYID THAMS CAD KYI BYED PA PO MA YIN TE, SDIG PA'I 'BRAS BU BYED DO SNYAM DU SEMS PA LA, DBANG PHYUG MED NA 'JIG RTEN PA ZHES BYA BA SMOS TE, JI LTAR DE MED KYANG CHOS NI RANG GI RGYU KHO NA LAS SKYE BA YIN LA, DE BZHIN DU DE'I 'BRAS BU YANG YIN PA'I PHYIR, RGYU BZHIN DU 'BRAS BU YANG DES BYAS PA MI SRID PA YIN TE, DPYOD PA MED PA CAN GYI BYA BA NYID NI DPYOD PA CAN GYI GRUB PA DANG 'GAL BA'I PHYIR RO, ,ZHES BYA BA'I DON TO, , CHOS MA YIN PA NI CHOS KYI 'BRAS BU NYAMS SU MYONG BA LA BAR DU GCOD PAR BYED PA YIN LA, DE ZAD PA'I DON DU DE'I 'BRAS BU NYAMS SU MYONG BAR BYED DU 'JUG PA NI, BDE BA'I DON DU MA YIN NAM, DE JI LTAR DPYOD PA MED PA'I 'BRAS BU CAN NYID YIN DU SEMS PA NI, 'ON TE DE MED PAR NI 'GAL, ,ZHES BYA BA'O, ,LAN NI, RTOGS PA DANG LDAN JI LTAR NA, ,ZHES BYA BA STE, DES MA BYAS PA LAS NI CHOS MA YIN PA'I 'BRAS BU MI 'BYUNG LA, CHOS MA YIN PA RNAMS KYIS KYANG BAR DU BCAD PAS, CHOS KYI 'BRAS BU MI 'BYUNG BA'I PHYIR, 'BRAS BU GNYI GA MED PA NI SROG,

, ,CHAGS KYI THAR PA NYID SKYES BU'I DON GYI GTZO BO YIN PA'I PHYIR, DPYOD PA YOD PA CHOS MA YIN PA'I 'BRAS BU STER BA PO NYID BYED PA PO MA YIN PA NYID NI, DPYOD PA'I 'BRAS BU YIN LA BYED PA PO NYID NI DPYOD PA DANG 'GAL BA'I 'BRAS BU CAN YIN ZHES BYA BA'I DON TO, , RTOGS PA DANG LDAN PA NI DPYOD PA DANG LDAN PA'O, ,RTZED MOS BYED PA NI DPYOD PA YOD NA 'GAL BA'I 'BRAS BU YIN PAS MI BYA BA YIN PAR BSTAN PA NI, RTOG PA SNGON BYED GA LA YIN, ZHES BYA BA'O, ,TSIG NI SHES PA SNGON DU 'GRO BA CAN DU MTHONG BA MA YIN NAM, DE'I YANG TSIG NI ME'I SBYIN SREG LA SOGS PA'I YUL LA SHES PA SNGON DU 'GRO BA CAN YIN PA'I PHYIR, SHES PA'I BYE BRAG DANG 'BREL PA CAN NYID DU GRUB PA YIN NA, DE LAS BZLOG PA GANG YIN PA BSAL BA YIN NO, ,CHOS MA YIN PA'I 'BRAS BU NI RANG LAS SAM, GZHAN LAS 'BYUNG BAR 'GYUR RO, ,SNYAM DU SEMS PA LA, GAL TE BSTAN BCOS GZHAN PA KUN, ,ZHES BYA BA SMOS TE, GCIG LA GCIG GCAD BYA DANG GCOD BYED NYID KYIS 'BREL PA CAN DANG, BYED PAR NUS PA CAN GYI DNGOS PO NYE BAR STON PA YIN NA, SHES PA SNGON DU 'GRO BA CAN GYI TSIG YIN TE, 'BREL PA CAN MA YIN PA NI MA YIN NO, ,TSIG 'DI NI ME'I SBYIN SREG GIS MTHO RIS SGRUB PAR BYED PA DANG, CIG SHOS DAG NI 'GAL BA YIN TE, DOR BA DANG BLANG BA'I YUL CAN MA YIN PA NYID KYIS SMYON PA'I TSIG BZHIN DU DPYOD PA MED PA SNGON DU 'GRO BA CAN YIN GYI, DPYOD PA LA RNAM PAR 'JOG BYED PA MA YIN NO, , STOBS MTSUNGS PA DANG 'GAL BA YIN NA RNAM PAR RTOG PAR 'GYUR BA MA YIN NAM, CHAB CU DRUG PA'I 'DZIN PA DANG MI 'DZIN PA BZHIN DU CHES MTSAN MO'I DUS SU CHA BCU DRUG PA CAN 'DZIN PA'AM, CHES MTSAN MO CHA BCU DRUG CAN MI 'DZIN PA ZHES BYA BA'O, ,'DI LA YANG MTSUNGS PA YIN TE, BAR CHAD YOD PAS BKAG PA NI DE'I TSE NYID MNGON PA LA SGRUB PA TZAM LAS SGRUB PAR BYED PAR 'GYUR ZHES GO BA MA YIN TE, PHAN TSUN 'GAL BAS TSAD MA NYID MA YIN PA KHO NA'I RJES SU MTHUN PA'I PHYIR RO, ,GZHAN DU NA MA MTHONG BA'I DON GYI TSIG TSAD MA MA YIN PAR MI 'GYUR RO ZHES BYA BA'I DON TO, ,

SANGS RGYAS PA LA SOGS PA'I BSTAN BCOS NI GZHAN GYIS BYAS PA MA YIN NAM, DES NA 'GAL BA MA YIN PA'I PHYIR LA, MI 'GAL BA NI RJES SU 'GRUB PAR RUNG BAR NYE BAR STON PAR BYED PA NI DPYOD PA DANG LDAN PA KHO NA YIN NO SNYAM DU SEMS PA NI, 'ON TE BSTAN BCOS MTHA' DAG BYED PA LAS MA YIN NO ZHES BYA BA'O, ,SA GZHI LA SOGS PA DANG RIG BYED LA SOGS PA NI DPYOD PA DANG LDAN PA'I RGYU CAN YIN TE, 'BRAS BU YIN PA'I PHYIR ZHES BYA BA NI MA NGES PA YIN TE, DE RGYU MA YIN PA LA YANG YOD PA'I PHYIR, ,ZHES BSTAN PA NI, DE'I TSE BSTAN BCOS GZHAN BZHIN DU ZHES BYA BA'O, ,MA RIG PA'I GZHAN DBANG GI SEMS PA CAN GYI 'BRAS BU MTHONG BA'I PHYIR, DE LAS KYI NGO BO NYID KHO NAR GRUB PA YIN GYI GZHAN MA YIN PA'I PHYIR 'DOD PA GRUB PA KHO NA TSAD MAS GRUB PA YIN PA'I NYE BAR BSDU BA NI, DE LA SKYE BO THA MAL PA THAMS CAD CES BYA BA ,RI LA SOGS PA SHIN TU CHEN PO THAMS CAD KYI BYA BA LA BDAG CAG LA SOGS PA THAMS CAD KYI BDAG BYED PA PO MA YIN NAM, DE BZHIN DU BYED PA PO NYID MA MTHONG BA'I PHYIR DANG, MI NUS PA'I PHYIR RO, ,'DI'I PHYIR 'BRAS BU'I BYE BRAG MTHONG BA LAS BDAG CAG LA SOGS PA GCIG PU DANG MTSAN NYID MI MTHUN PA DBANG PHYUG YIN NO SNYAM DU SEMS PA NI, BDAG KUN BYED PO MIN ZHE NA, ,ZHES BYA BA'O, ,BDEN TE GCIG PU LAS MTSAN NYID MI MTHUN PAR GO BA NA, DU MA LAS KYANG YIN GYI PHUL DU BYUNG BA GCIG PU NI MA YIN NO ZHES LAN 'DEBS PA NI, DE'I THAMS CAD KYI ZHES BYA BA STE, DE'I NI PHUL DU BYUNG BA'I'O, ,THAMS CAD KYI NI SA GZHI LA SOGS PA'I'O, ,PHUL DU BYUNG BA DANG BRAL BA'I BDAG NYID KHO NA RANG GI LAS KYIS BYIN GYIS BRLABS PA RNAMS KYIS MTHONG BA LAS THAMS CAD KYI BYED PAR KHAS LEN PA YIN NA, PHUL DU BYUNG BA DANG LDAN PA DU MAR RTOGS PA NI SKYON CIS TE MA YIN ZHES BYA'I DON TO, ,JI LTAR MTHONG BA DE NYID DU RNAM PAR GZHAG PA YIN NO, ,BDAG CAG LA SOGS PA'I BDAG RNAMS RANG GI LAS KYIS BYIN GYIS BRLABS PA RNAMS KYI SA GZHI LA SOGS PA THAMS CAD BYED PA YIN PAR YANG 'GYUR BA YIN NAM, SROG CHAGS RNAMS

, ,LA MCHOG SPYIN PA LA SOGS PA'I LEGS PA NI, DBANG PHYUG GCIG PU MNYES PA MED NA MI 'GRUB PA'I PHYIR LEGS PA'I DON DU GNYER BA RNAMS KYIS MNYES PAR BYA BA'I DON DU 'DI 'DOD PAR BYA BA YIN GYI, THAMS CAD KYI BYED PA'I DON DU NI MA YIN NO SNYAM DU SEMS PA NI, 'ON TE GZHAN DU KUN SHES NYID, ,CES BYA BA STE, DE'I 'DI LTA BU NYID LA NI LUNG TSAD MA YIN NO ZHE NA, MA GRUB PAS MA GRUB PA SGRUB PAR BYED PA YIN NO, ,DON BYED PA DANG DON MI BYED PA 'DRES PA'I PHYIR 'KHOR BA BZHIN DANG DUG DANG ZAN 'DRES PA BZHIN DU 'DI DOR BA'I PHYOGS SU BCUG PA KHO NA YIN NO ZHES BYA BAR LAN 'DEBS PA BSTAN PA NI, DON NI DON MED BYED NUS PA, ,ZHES BYA BA STE, PHAN BYED PA MIN PHYIR NI GNOD PA BYED PA YIN NO, ,'DI JI SRID DU LEGS PAR SBYIN PA SBYIN PAR BYED PA NGES PA MED PA DE SRID DU, BSNYEN BKUR LA SOGS PA LA 'JUG PA MA YIN PAR BSTAN PA NI, KUN SHES NYID DU GRUB PA NI, ,ZHES BYA BA'O, ,RTOGS PA THAMS CAD NYID NI MTHONG BA'I RJES SU 'BRANGS PA LAS 'BYUNG BA YIN LA, DE LAS BZLOG PA'I DBANG PHYUG LA NI MA YIN PAR BSTAN PA NI, THAMS CAD SHES MIN BYED PA PO, ,ZHES BYA BA'O, ,BUM PA LA SOGS PA LA RDZA MKHAN LA SOGS PA'I NUS PA MTHONG BA LAS YIN GYI RTOGS PA GZHAN NI MA YIN PAR BSTAN PA NI, RANG GI BYA BA RDZA MKHAN SOGS, ,ZHES BYA BA'O, ,SA GZHI LA SOGS PA'I LAS KYI NUS PA TZAM DU RTOGS PAS DON RTOGS PA MA YIN PAR BSTAN PA NI, LAS KYI NUS PAS GRUB 'GYUR NA, ,ZHES BYA BA'O, ,GAL TE MI SHES PA MED PA TZAM KHO NAS RDZA MKHAN LA SOGS PA 'JUG PA YIN NA, DUS THAMS CAD DU 'JUG PAR 'GYUR BA MA YIN NAM, DE LTA NI MA YIN PA DE'I PHYIR, 'GA' ZHIG GIS BRTZAD PAR BYA BA YIN PAR SEMS PA NI, GAL TE SHES KYANG RDZA MKHAN SOGS, ,ZHES BYA BA'O, ,'DZUD BYED DU YANG DUS THAMS CAD DU CIS MI 'GYUR BA YIN ZHES BYA BA'I LAN DU, KHYAD PAR MED PAR DBANG PHYUG KYANG, ,ZHES BYA BA SMOS TE, 'ON TE GANG GI TSE KHO NA DBANG PHYUG GI BDAG NYID KYI THAMS CAD SHES PA NYID LA SOGS PA'I DBANG PHYUG NYID YIN

PAR GZHAN RNAMS KYIS GO BAR 'DOD PA DE'I TSE, SKUL BAR BYED PA YIN LA, DE MED NA NI SKUL BYED MA YIN PA'I PHYIR RES 'GA' BA'I SKUL BYED YIN PAR RIGS PA YIN NO SNYAM DU SEMS PA NI, 'ON TE BDAG NYID KUN SHES PAR, ,ZHES BYA BA'O, ,RDZA MKHAN LA SOGS PAR YANG GANG GI TSE 'DOD PA DE'I TSE BYED PA YIN PAR CIS MI 'GYUR BA BSTAN PA, DE NI DE LTAR GANG GIS SHES, ,ZHES BYA BAS, SKYES BU YIS NI MCHOG GZHAN NI, ,DAM PA'I BDAG NYID CES BRJOD PA, ,GANG GIS KHAMS GSUM NA BZHUGS PAS, ,DBANG PHYUG RTOGS PAS BYAS PA YIN, ,ZHES ZER BA BSAL BA YIN PA'I PHYIR, ,BSDAD NAS 'JUG PA MA NGES PA NYID YIN NO, ,YANG NA THE TSOM ZA BA YIN, ,ZHES BSTAN PA BSHAD PA NI, ,BDAG NYID BRTAGS NAS BYED PA GANG, ,ZHES BYA BA'O, ,BSTAN BCOS KYI DON LA SOGS PA'I YUL BLO NI MA GOMS PA'I YUL LA GZHAN DANG GZHAN SNGAR MA BYUNG BA'I RGOL BA DANG, LAN GYI RNAM PA CAN BSRES PA DANG, MI SHES PA DANG YID LA MI 'DOD PA RNAMS KYIS RANG NYID SKYED PAR BYED PAR NUS PA MA YIN GYI, GZHAN GYI BSKYED BYA NYID YIN NO ZER BA NI, KUN GYI BLO NYID DBANG PHYUG LAS, , ZHES BYA BA STE, GOMS PA DANG LDAN PA'I SNGAR MA BYUNG BA'I RGOL BA DANG LAN DU SNANG BA NI SNGA MA SNGA MA'I RGAN PO'I THA SNYAD LA GOMS PA YIN PA'I SHUGS KYIS DBANG PHYUG RGYU MTSAN YIN PAR MI 'GYUR RO ZHES BYA BA'I DON TO, ,DE DE LTAR SA GZHI LA SOGS PA NI SEMS PA DANG LDAN PA'I 'BRAS BU NYID MA YIN PAR BSGRUBS PA LA, GRANGS CAN GYIS DMIGS NAS DPE DE NYID KYIS BUM PA LA SOGS PA LA YANG YIN PAR BSGRUB PAR 'DOD PAS ZER BA NI, SHING SOGS RNAMS KYI DBYIBS SEMS PA'I, ,ZHES BYA BA STE, BUM PA LA SOGS PA YANG 'JI BA'I GONG BU LA SOGS PA LA, BUM PA LA SOGS PA LA PHRA BA'I GNAS SKABS KYIS BCUG PA NYID KHO NA MNGON PAR BYUNG BA YIN TE JI LTAR SHING NI SHING GIS BCUG PA'I SA BON LAS YIN PA LTA BU'O, ,SHING GIS BCUG PA NYID KYANG GZHAN DAG GI NI SHING GZHAN LAS NI SA BON YIN LA, SA BON

, ,LAS KYANG SHING GZHAN ZHES BYA BA'I BSAM PAS YIN LA GRANGS CAN RNAMS KYIS SA BON LA GNAS PA'I SHING PHRA MO LAS YIN ZHING PHRA BA'I NGO BO DE NYID GTZO BO YIN ZHES ZER LA, RDZA MKHAN LA SOGS PA NI GAR MKHAN GAR LA SBYOR BA LA 'KHOR 'DUS PA BZHIN DU, DPANG PO YIN GYI 'DI 'DI'I NGO BOS BYED PA PO NI MA YIN TE, 'JI BA'I GONG BU LAS GZHAN PA YANG SKYED BYED DU THAL BAR 'GYUR BA'I PHYIR, SKYES BU'I 'DOD PA LAS 'BYUNG BA LA NGES PA MED DO ZHES BYA BA'I DON TO, ,SA BON GYI RGYU'I SHING LAS SA BON YIN LA, DE'I 'BRAS BU SHING GI DBYIBS DANG KHA DOG LA SOGS PA SO SOR NGES PA YIN NO ZHE NA, SA BON GYI RGYU'I SHING NI ZHES BYA BA SMOS SO, ,SNANG BZHIN PA'I SA BON LA SOGS PA LA NI RGYU NYID YOD PA MA YIN NAM, RGYU LA YOD PA DES JI LTAR DGOS SNYAM DU SEMS PA LA, DBANG PHYUG KYANG MA YIN TE ZHES BYA BA SMOS SO, , GAL TE SA BON LA SOGS PAS SAM GZHAN GYIS KYANG MED PAR BYED PA YIN NA, SA BON GZHAN LAS CIS MI BYED, MI NUS PA'I PHYIR RO ZHE NA, 'BRAS BU'I NGO BO NYID NUS PA YIN NO, ,GZHAN NI MA YIN NO ZHE NA, GZHAN LAS CI'I PHYIR MI 'BYUNG ZHES MTSUNGS PAR RJES SU SKYAR BA YIN NO ZHES BYA BA'I DON TO, ,MAR MES GSAL BA NI SNGA NA MED PAR BYA BA MA YIN, DE BZHIN DU RDZA MKHAN GYIS YIN PA'I PHYIR, JI LTAR NUS PA MED PA YIN SNYAM DU SEMS PA LA, DES NA RDZA MKHAN LA SOGS PA'I SKYES BU ZHES BYA BA SMOS TE, RE ZHIG GSAL BA NI DNGOS PO LAS THA DAD PA MA YIN TE, SNGA MA BZHIN DU BYE BRAG MED PAR THAL BAR 'GYUR BA'I PHYIR RO, ,THA DAD PA MA YIN NA YANG CI YANG MA BYAS PAR 'GYUR RO, ,SNGA MA DANG PHYI MA DAG GCIG PA NYID DU SHES PA'I PHYIR, GZHAN DU BYAS PA YANG MA YIN LA, DE DANG GZHAN GCIG PA YANG MA YIN TE, 'GAL BA'I PHYIR RO, ,DE'I PHYIR GTZO BO KHO NA CHU BZHIN DU RLABS DANG, CIG SHOS NYID KYI 'BRAS BU DANG CIG SHOS NYID DU GNAS PA YIN GYI, RDZA MKHAN LA SOGS PA NI MA YIN NO ZHES BYA BA'I DON TO, ,GTZO BO KHO NA'I RGAL BA DANG 'BYING BA YIN PAS 'BRAS BU SKYE BA DANG 'JIG PA DAG YIN ZHES STON PAR BYED PA NI, SKYES

BU'I NYE BAR LONGS SPYOD PA ZHES BYA BA STE, GANG GI PHYIR RGAL BA DANG BYING PA YIN NA, SKYE BA DANG 'JIG PA DAG YIN LA DE'I PHYIR YANG SEMS PA CAN DANG CIG SHOS KYI RGYU'I NUS PA NYID MED PAR NYE BAR SDUD PA YIN NO, ,DES NA BLO DANG LDAN PA YIN ZHES BYA BA'O, ,SKYES BU'I 'DOD PAS GTZO BOR MNGON PAR GSAL BA MA YIN NAM, 'DOD PA YANG MTHONG BA'I YUL LA YIN ZHING MTHONG BA YANG 'JI BA'I GONG BU LA SOGS PA'I GNAS SKABS SU GSAL BA MA YIN NA BDAG CAG LA SOGS PA MI 'BYUNG BA'I PHYIR, MTHONG BAR BYED PA PO'I DBANG PO LAS 'DAS PA MTHONG BA PO 'GA' ZHIG THOB PA PO NYID NI 'DI LA YANG YIN NO SNYAM DU SEMS PA NI, 'ON TE SKYES BU SO SO NI ZHES BYA BA STE, 'BRAS BU'I RANG BZHIN 'DOD PAS DBANG PHYUG RGYU YIN PAR GRUB PO ZHES BYA BA'I DON TO, ,NUS PA CAN GYI TSOGS PA LAS RJES SU DPOG PA YIN NA, 'DOD PA 'BYUNG BA YIN PAR SMRA BA NI 'DI LA BSHAD ZIN TO ZHES BYA BA'O, ,DE'I 'DOD PA YANG GTZO BO NI SEMS PA CAN MA YIN PA MA YIN NAM, MI SHES PA NYID NI MI 'JUG PA'I PHYIR LA SEMS PA CAN NI 'JUG PAR BYED PA YIN NO SNYAM DU SEMS PAS ZER BA NI, MI SHES PHYIR NI 'O MA NI, ,ZHES BYA BA STE, SEMS PA CAN MA YIN PA 'DUG PAR MTHONG BA YIN NA GZHAN 'JUG PAR BYED PA NYID NI MA YIN TE, JI LTA BA MTHONG BA DE NYID LA GNAS PA'I PHYIR JI LTA BA MA MTHONG BA LA YANG CHES THAL BAR 'GYUR RO ZHES BYA BA'I DON TO, ,DE LTAR NA 'DI TZAM GYI NUS PAR BYED PA LA SOGS PA BSTAN NAS, DA NI GONG BU RNAMS KYI RJES SU 'GRO BA BSTAN PA YIN PAR BRJOD PA NI BUM PA DANG KHAM PHOR LA SOGS PA RNAMS NI 'JI BA'I RJES SU 'GRO BAR MTHONG BA'I PHYIR, 'JI BA'I NGO BO NI RGYUN YIN LA, DE BZHIN DU 'JI BA DANG CHU LA SOGS PA RNAMS KYANG RJES KYI RJES SU 'GRO BA'I PHYIR DE'I NGO BO YIN LA, DE LAS KYANG DE'I NGO BOR RTOGS NA MTHAR BDE BA LA SOGS PA'I RJES SU 'GRO BA MTHONG BA'I PHYIR, DE'I BDAG NYID CAN GYI GTZO BO'I MING CAN DU GNAS PA YIN NO ZHES BYA BA'I BSAM PAS ZER BA NI DE'I PHYIR, MTHAR BDE BA LA SOGS PA ZHES BYA BA'O, ,GTZO BO DANG DBANG PHYUG KYANG CI'I PHYIR MA YIN SNYAM DU SEMS PA LA,

, ,GNYI GA BSDUS PA LA GNOD PA CAN BSTAN PA NI, DON RNAMS RTOGS PA SNGON 'GRO CAN, ZHES BYA BA STE, SEMS PA MED PA'I BSKYED BYA, SA GZHI LA SOGS PA 'BRAS BU'I NGO BO DMIGS PA YIN NO ZHES BYA BA'I DON TO, ,SEMS PA CAN GYI BSKYED BYA KHYIM LA SOGS PA'I NGO BO LA DE LAS GZHAN PA DANG MTSAN NYID MI MTHUN PA YOD PA NYID MA YIN NAM SNYAM DU SEMS PA LA, DON RNAMS RGYU NI RTOGS PA DANG, ,MI LDAN PA NI ZHES BYA BA STE, SA GZHI DANG BUM PA LA SOGS PA'I NGO BO'I GZUGS NYID DU BYE BRAG MED DO ZHES BYA BA'I DON TO; ,SEMS PA CAN MA YIN PA'I 'BRAS BU'I NGO BO MTHONG BA LAS, SEMS PA CAN MA YIN PA RGYU GANG YANG YOD PA MA YIN NAM, GTZO BO 'AM CIG SHOS ZHES CI LAS NGES PA YIN SNYAM DU SEMS PAS ZER BA LA, DE LTA NA GTZO BO NYID CES BYA BA STE, 'BRAS BU'I RJES SU 'GRO BA LAS YIN PAR RTOGS PA NI DE'I NGO BO GTZO BO KHO NAR 'GYUR BA YIN GYI GZHAN NI MA YIN NO ZHES BYA BA'I DON TO, ,GAL TE KHYIM DANG BUM PA LA SOGS PA'I BYE BRAG RNAMS DANG, SA GZHI DANG CHU PO LA SOGS PA RNAMS KYANG BDE BA DANG SDUG BSNGAL BA DANG GTI MUG RNAMS KYI BDAG NYID KYI RJES SU 'GRO PAR MTHONG BA'I PHYIR, DE'I BDAG NYID CAN GYI RGYU YIN NA, BDE BA LA SOGS PA RNAMS DANG SKYES BU RNAMS KYANG DNGOS PO NYID KYI RJES SU 'JUG PA YIN YANG, DE'I NGO BO RGYU MA YIN PA'I PHYIR, RJES SU 'GRO BA MTHONG BA MA NGES PA YIN PAR BSTAN PA NI, DNGOS PO NYID PHYIR BDE SOGS DANG, , ZHES BYA BA STE, DE NYID NI DNGOS PO NYID DAM, SEMS PA CAN NYID DO, ,GANG YANG BYE BA DANG RDO BA LA SOGS SA LA BUM PA DANG DBYIBS LA SOG PA MED PO DANG, MI SKYE BA NI 'JIG BA'I GONG BU LA YOD PA DANG, SKYE BAR GO BAR BYED PA YIN LA, DE YANG YOD PA DANG SKYE BA DAG GI RJES SU 'GRO PA MED NA, YOD PA MED PA'I PHYIR MA YIN NO ZHES BZLOG PA NGES PA MED PA'I PHYIR MI RIGS PA YIN PAR BSTAN PA NI, YANG DAG PAR NA GTZO BO LA DBYIBS DANG MDOG SOGS ZHES BYA BA STE, BYE MA LA SOGS PA LA NI RGYU MED PAS 'BRAS BU MI 'BYUNG BA YIN GYI 'BRAS BU MED PA LAS

NI MA YIN TE, KHYED KYI 'DOD PA LTAR NA GTZO BO'I BDAG NYID KYI 'BRAS BU DE LA YANG YOD PA'I PHYIR RO ZHES BSTAN PA NI, JI LTAR GTZO BO KHA DOG LA SOGS PA'I 'BRAS BU ZHES BYA BA'O, ,GTZO BO YANG BYA BA RE RE ZHING THA DAD PA YIN LA, BYE MA LA NI 'JI BA LA SOGS PA LTA BU YOD PA MA YIN PA MA YIN NAM SNYAM DU SEMS PA NI, JI STE NUS PA'I RANG BZHIN GYIS, ,ZHES BYA BA STE, DER NI ZHES BYA BA LA YANG DE LA MTHONG BA'I 'JIG BA LA SOGS PA'I NUS PA YOD NA BSAL BA YIN LA, MA MTHONG BA'I RTOGS PA LA NI TSAD MA YOD PA MA YIN PAR BSTAN PA NI, GZHAN BZHIN MTHONG MED DE LA NI, ,ZHES BYA BA'O, ,BDEN TE GANG GI TSE 'JIG BA GONG BU KHO NA LAS BUM PA YIN PA DE'I TSE GTZO BO MA YIN LA, GANG GI TSE YANG 'JIG BA LA SOGS PA RGYU MIN PA DE LAS KYANG, DE'I RGYU ZHES BYA BA LA SOGS PA'I RTOGS PA YIN NA, MTHA'I RGYU GCIG PU GNAS PA YIN LA, GANG LAS 'DI SPROS PA DE GTZO BO YIN PAR BRJOD DE, DE YOD PAR MTHONG BA YIN NA JI LTAR MA MTHONG BAR 'GYUR BA YIN ZHES BYA BA LA SKYON MED DO SNYAM DU SEMS PA LA, ,'BRAS BU 'BRAS BU GZHAN LAS TE, ,ZHES BYA BA SMOS TE, ,DE'I TSE YANG MTHONG BA'I RJES SU 'BRANGS NAS RTOGS PA LA YANG DE MI RTAG PA NYID DU 'GYUR RO, ,DE LTA YIN NA 'BRAS BU NI 'BRAS BU GZHAN SNGON DU 'GRO BA CA KHO NA MTHONG BA YIN NO ZHES BYA BA'I DON TO, ,GNAG GI PHYIR 'BRAS BU NI MTHONG BA'I BYE BRAG GI BYE BRAG CAN KHO NA RGYU YIN PAR RTOGS PAR BYED KYI SHIN TU MA MTHONG BA'I RTAG PA NYID KYI BYE BRAG CAN YIN NO ZHES DGONGS PAS RGYU MED PA'I RGYU NI MA DMIGS SO ZHES PAS RNAM PAR 'GREL PA YIN NO, ,DBYE BA RNAMS KYI 'GRO BA MTHONG BA LAS RGYUR RTOGS PA NA RJES SU DRAN PA GZHAN YOD NA MI RTAG PAR 'GYUR BA MA YIN NAM, ,MED NA MI RTAG PA KHO NA YIN TE, RGYUR RTOGS PA LA TSAD MA MED PA'I PHYIR RO SNYAM DU SEMS PA NI, 'ON TE THA DAD PA RNAMS RJES SU 'GRO BA'I PHYIR ZHES BYA BA'O, ,DBYE BA RNAMS KYI RJES SU 'GRO BA MA MTHONG BA NI MO NGES PA YIN PAS RGYU'I GO BYED PA MA YIN NO, ,DE LTA MOD

, ,KYI 'BRAS BU NI YIN NO, ,DE YANG MTHONG BA'I BYE BRAG KHO NA YIN GYI MA MTHONG BA'I BYE BRAG NI MA YIN NO ZHES LAN 'DEBS PA NI, SNYING STOBS LA SOGS PA DANG ZHES BYA BA'O, ,DE LTA YIN NA BDE BA LA SOGS PA RNAMS DANG, SEMS PA CAN RNAMS LA DNGOS PO NYID KYI RJES SU 'GRO BA LAS, DNGOS PO'I NGO BO GCIG YIN LA, DE NYID NI GTZO BO YIN NO SNYAM DU SEMS PA NI, YANG NA RGYU GZHAN GCIG NYID CES BYA BA'O, ,DE LTA YIN NA YON TAN GSUM GYI BDAG NYID KYI GTZO BO SGRUB BO SGRUB PA LA DBYE BA RNAMS KYI RJES SU 'GRO BA MTHONG BA NI DE LAS BZLOG PA'I DNGOS PO NYID TZAM GYI BDAG NYID BSGRUB PA YIN PA'I PHYIR 'DOD PA LA GNOD PAR BYED PA'I 'GAL BA YIN PAR BSTAN PA NI, YON TAN GSUM RDZOGS RANG BZHIN DU, ,ZHES BYA BA'O, ,JI LTAR 'DOD PA LA GNOD PA YIN DNGOS PO NYID KYI RJES SU 'GRO BA LAS DNGOS PO'I BDAG NYID DU GRUB PA YIN NA JI LTA BA LA SOGS PA'I YON TAN GSUM GYI BDAG NYID YIN NO SNYAM DU SEMS PA NI, DNGOS PO RJES SU 'GRO BA'I PHYIR, ,ZHES BYA BA'O, ,THAMS CAD KYI BDAG NYID CAN NI YON TAN GSUM GYI BDAG NYID DAM NUS PA THAMS CAD KYI BDAG NYID YIN TE, SGRO BA LA SOGS PA LA GNAS PA YIN NO ZHES BYA BA'I DON TO, ,JI LTA BA BZHIN PA'I DE NYID LA RNAM PAR GZHAG PA LAS MTSAN NYID MI MTHUN PA 'AM, CIG SHOS RGYU YIN LA MTSAN NYID MI MTHUN PA MA YIN PAR RTOGS PA YIN NO, ,DE TZAM GYI NUS PA MTHONG BAS GNOD PA CAN DANG, RTOGS PA LCI BA DANG THAL CHES PAR 'GYUR RO ZHES BYA BA'I LAN DU, NGO BO NYID KYI RNAM KUN TU, ,ZHES BYA BA SMOS SO, ,RGYU NYID LA TSAD MA GANG YIN, GANG GIS MA MTHONG BA LAS RTOGS PA NI RJES SU 'GRO BA DANG LDOG PA DAG LA GNOD PAR BYED PA YIN NO SNYAM DU SEMS PA LA, MTSAN NYID MI MTHUN PA MA YIN PA'I RGYU NYID LA MNGON SUM SGRUB BYED MA YIN ZHING, RJES SU DPAG PA YANG MA YIN TE, 'BREL PA MED PA'I PHYIR ZHES BSTAN PA NI, GAL TE 'DRA BA DANG ZHES BYA BA'O, ,DE LTA NA NI 'O NA 'GA' YANG MA NGES PA ZHES BYA BAR MI 'GYUR TE, ZHES

BYA BA'I BRE BRAG GIS SAM, PHYOGS SU BYED PAS 'KHRUL PA BSAL BA YIN NO, ,BLO LA GRUB PA'I TSUL GSUM NYID NI PHYOGS DANG MTHUN PA'I PHYOGS GANG YANG RUNG BA NYID LTA BU YIN NA, CUNG ZAD KYANG MA NGES PA YIN PAR MI 'GYUR RO ZHES BYA BA'I DON TO, ,RJES SU 'GRO LDOG MED PA YIN NA JI LTAR LAS RTOGS PA YIN NO SNYAM DU SEMS PA NI, 'DI NI LAS KYIS YONGS SU GYUR, ,ZHES BYA BA'O, ,SA GZHI LA SOGS PA TZAM LAS 'BRAS BU RNA TSOGS PA MI SRID PAS DON GZHAN DU RTOGS PAR BYED LA, DES NA DE'I RTOGS PA LA RJES SU 'GRO BA LA SOGS PA MI 'GAL BA YIN PA 'CHAD PAR 'GYUR BA YIN PAR BSTAN PA NI 'DI NI RE ZHIG GZHAG STE ZHES BYA BA'O, ,DE DE LTAR DBYIBS LA SOGS PA GTZO BOS BYAS PA NYID LA TSAD MA MED PAS BSAL BA YIN NA, DBANG PHYUNG GIS BYAS PA NYID KHO NAR 'GYUR BA YIN YANG, DE LA YANG BDE BA DANG MI BDE BA LA SOGS PA'I 'BRAS BU SNA TSOGS PA NYID MTHONG BA NI RNAM PAR DPYOD PA DANG, SNYING RJES LA SOGS PA DANG LDAN PA'I DBANG PHYUG PA LA BYED PA PO NYID YIN NA, 'GAL BAS KHYAB PA YIN PAR NI GAL TE 'DI THAMS CAD SHES PA NYID YIN NA, MI SHES PA'I 'GRO BA RNAMS MED PA'I THA SNYAD LA, CI'I PHYIR 'JUG PAR BYED PA YIN ZHES BSTAN ZIN PA YIN LA, RNAM PAR DPYOD PA DANG SNYING RJES LA SOGS PA DANG BRAL BA'I DBANG PHYUG GI PHYOGS LA YANG, 'DOD CHAGS LA SOGS PA'I GNYEN PO BSTAN PA DON MED PAR 'GYUR RO ZHES BYA BA LA SOGS PAS KYANG BSTAN ZIN TO,, DA NI 'DOD CHAGS LA SOGS PA RNAMS KYIS, DBANG PHYUG NYID DANG MI 'GAL BA'I PHYIR GNYEN PO BSTAN PA NI, BLO SNGON DU 'GRO BA MA YIN PA'I PHYIR MI RIGS SO ZHE NA, BLO SNGON DU 'GRO BA MA YIN DU ZIN KYANG RTZOD PA DANG SLU BA LA SOGS PA SNGON DU 'GRO BA DE NI YOD PA KHO NA YIN NO SNYAM DU SEMS PAS SMRAS PA NI, 'DOD CHAGS LA SOGS PA DANG LAN YANG ZHES BYA BA LA SOGS PA 'DOD CHAGS DANG ZHE SDANG LA SOGS PA DANG, RIGS PA DANG 'DOD CHAGS DANG BRAL BA NYID LA SOGS PA'I BSKYED BYA 'BRAS BU SNA TSOGS PA NYID MTHONG BA'I PHYIR,

, ,DE LTA BU'I NGO BO GCIG PU KHO NA YIN ZHES BYA BAR RJES SU DPOG PAR BYED PA YIN ZHES BYA BA'I DON TO LAN NI, MI SHES CHAGS PA DANG LDAN RNAMS, ,ZHES BYA BA STE, DE LTA BU'I LAS YOD NA SHUGS KYIS DE LTA BU GZHAN MI 'THOB PO ZHES BYA BA'I DON TO, ,DE LTA BU'I LAS KYIS RTOGS PA'I DON YIN YANG, DAG PA MA YIN PA MA YIN NO ZHE NA, SMRAS PA DAG PA'I BDAG NYID MIN, ,ZHES BYA BA SMOS TE, RANG BZHIN GYIS SAM, DMYAL BA LA SOGS PA'I 'JIGS PAS DAG PA NI, RTZED MO LA SOGS PA LA RGYU DANG 'GAL BA YIN ZHES BYA BA'I DON TO, ,DMYAL BA'I SDUG BSNGAL LA SOGS PA DANG LDAN PA NI LAS MA YIN NAM, DBANG PHYUG NI MA YIN NA, DE JI LTAR DES RTOGS PA'I DON YIN, DE YANG RANG GI 'BRAS BU BSKYED PA LA BYED PA PO LA LTOS PA'I PHYIR RO SNYAM DU SEMS PA NI, DE LA 'JIG PA DE MED PAS, ,ZHES BYA BA'O,, LAS YOD NA 'DOD CHAGS LA SOGS PA'I 'BRAS BU 'BYUNG BA BZHIN DU DBANG PHYUG LA YANG 'GYUR TE, RGYU YOD LA GEGS MED NA 'BRAS BU'I NGES PA KHAS BLANGS PA'I PHYIR RO ZHES BSTAN PA NI, GAL TE 'DOD CHAGS LA SOGS KYIS, ,ZHES BYA BA'O, ,'ON TE 'DI SNGAGS DANG SMAN LA SOGS PAS GEGS BYED PA YOD DES NA, MI 'GYUR BA YIN NO SNYAM DU SEMS PA LA, BSGOMS PA'I STOBS LAS YANG DAG BYUNG, ,ZHES BYA BA SMOS TE, BTANG SNYOMS CAN NYID BSGOMS PAS PHUL DU BYUNG BAR SON PA NI, SDUG BSNGAL NYAMS SU MYONG BA LA GEGS BYED PA YIN GYI, GZHAN NI MA YIN PAR YANG 'CHAD PAR 'GYUR RO ZHES BYA BA'I DON TO, ,'DI'I BTANG SNYOMS DE NYID NI BSGOM PA MED KYANG RANG BZHIN NYID KYIS YIN NO, ZHES BYA BA 'DI LA TSAD MA YOD PA MA YIN TE, 'BRAS BU NI RGYU LA NGES PA'I PHYIR RO ZHES BSTAN PA NI, DE NI DE LTAR NYID GYUR PA, , ZHES BYA BA'O, ,DE'I BTANG SNYOMS CAN NYID NI, BSGOM PA MI 'BYUNG BA YIN PAR CI LAS SHES SHE NA, SMRAS PA, DBANG PHYUG DBANG PHYUG LAS 'GYUR ZHING, ,ZHES BYA BA STE, GANG GI PHYIR 'BRAS BU NI RGYU DANG 'BREL PA CAN YIN PAS DE MED NA MI 'BYUNG BA'I PHYIR, RE ZHIG DBANG

PHYUG NYID RGYU YIN PAR GO BAR BYED PA YIN LA, DE LA BSGOM PA GANG GIS BSKYED BYA'I BYE BRAG YIN PA NI DE'I BSGOM PAR RTOGS PAR BYED PA YIN LA, GZHAN NI GZHAN DU RTOGS PAR BYED PA YIN ZHES BYA BA'I DON TO, ,KHYAD PAR DANG LDAN PA'I DBANG PHYUG NYID NI RGYU'I KHYAD PAR MED NA MI SRID PA YIN PAR BSTAN PA NI, BRGYA BYIN TSANGS PA NYID SRID PAS, ,YON TAN KHYAD 'BYUNG SRID NA NI, ,ZHES BYA BA'O, ,BRGYA BYIN NYID LA SOGS PA'I DBANG BYED PA NI BYE BRAG DANG LDAN PA GZHAN NYID YIN LA, BYE BRAG DANG MI LDAN PA 'DI YANG GZHAN NYID YIN SNYAM DU SEMS PA NI, 'ON TE DE YANG MED NYID NA, ,ZHES BYA BA'O, ,GANG KHO NA KHYAD PAR DANG LDAN PA PHUL DU BYUNG BA YOD NA 'BYUNG BA DE KHO NA KHYAD PAR MED DO ZHES BYA BA GZHAN MA YIN PAR BSTAN PA NI, GANG ZHIG 'DI LA SKUR 'DEBS PA, ,ZHES BYA BA STE, GANG GI PHYIR DE LTA YIN NA 'KHOR BA NI 'DI'I 'BRAS BU NYID YIN PAS YOD PA'I PHYIR 'KHOR BA PA YIN LA, DE MED PA YIN ZHES BYA BAR SBYAR RO, ,TSAD MA LA YOD PA'I DON LA SKUR BA 'DEBS PA NI, KHAS MI LEN PA YIN NA DE LAS BZLOG PA NI CHES SHIN TU YANG KHAS MI LEN PAR BSTAN PA NI, GANG ZHIG SKYE BO DAM PA NI, ,ZHES BYA BA'O, ,DE DE LTAR DBYIBS KYI BYE BRAG DANG LDAN PA NYID KYANG 'DOD PA KHO NA'I SEMS CAN BYIN GYIS RLOB PA POR SGRUB PAR BYED PA MJUG SDUD PA NI, DNGOS PO DBYIBS DANG 'BREL PA'I PHYIR, ,ZHES BYA BA'O, ,SEMS PA CAN TZAM NI SHIN TU CHE BA'I SA GZHI DANG, RI LA SOGS PA'I 'BRAS BU LA BYED PA PO MA YIN PA MA YIN NAM, DES NA 'BRAS BU'I BYE BRAG MTHONG BA LAS RTOGS PA'I BYED PA PO'I BYE BRAG JI LTAR TSAD MA CAN MA YIN SNYAM DU SEMS PA LA, RGYU MED YON TAN LDAN PAR GO, ,ZHES BYA BA STE, KHYAD PAR CAN GYI SEMS PA CAN NYE BA TZAM GYIS BYIN GYIS RLOB PA PO YIN GYI, 'BRAS BU'I BYE BRAG BYED PA NYID KYIS NI MA YIN TE, DE NYID KHO NA LAS DE LA YANG KHYAD PAR MA YIN LA, DE'I PHYIR DES DE DAG GO BA'I DON YIN ZHES BYA BA'I DON TO, ,'BRAS BU LA MA YIN DU ZIN KYANG SRID PA YIN NO ZHE NA, YON TAN CHES KHYAD PAR CAN DU MTHONG

, ,BA'I PHYIR ZHES BYA BA STE, KHYAD PAR DANG LDAN PA'I RGYU LA KHYAD PAR DANG LDAN PA'I 'BRAS BU MTHONG NAS RGYU'I BYE BRAG SRID PA NI 'BRAS BU'I BYE BRAG SRID PA YIN GYI, RGYU MA YIN PA LA NI MED DO ZHES BYA BA'I DON TO, ,YON TAN CHES KHYAD PAR CAN ZHES BYA BA NI KHYAD PAR DANG LDAN PA'I 'BRAS BU MTHONG BAR BSTAN PA YIN NO, ,MNGON PAR BRTZON PA ZHES BYA BA NI, RGYU'I KHYAD PAR MTHONG BA'O, ,NUS PAS NI MA MTHONG BA SRID PA'I YUL BSTAN PA YIN NO, ,RTAG PA LA NI RGYU SRID PA MED PA'I PHYIR, DE SRID PA MA YIN PAR BSTAN PA NI, SHIN TU MTSAN NYID MI MTHUN PA, , ZHES BYA BA STE, RGYU MI DMIGS PA'AM, RGYU 'GAL BA DMIGS PA YIN ZHES BYA BA'I DON TO, ,DE DE LTAR DBYIBS KYI GZHAN DU MI 'GRUB PA NYID BSTAN NAS, MA GRUB PA NYID BSTAN PA NI, DBYIBS ZHES BYA 'DI DNGOS PO'O ZHES BYA BA'O, ,DBYIBS NI RING BA DANG SBOM PA'I TSAD DU GRUB PA KHO NA MA YIN NAM SNYAM DU SEMS PA LA BSHAD PA NI, RDUL PHRA RAB DAG LAS THA DAD PA'I LUS ZHES BYA BA STE, RDUL PHRA RAB GZHAN DANG GZHAN MA RTOGS PA SBOM PA NYID KYI DBYIBS NI MA YIN TE, GCIG LA GNYIS PA NYE BA YIN PAR BRJOD PAS RDUL PHRA RAB RNAMS LAS THA DAD PA'AM, CIG SHOS KYI DBYIBS NI MA MTHONG BA YIN PAR BSTAN ZIN TO, ,DNGOS PO'I CHOS MA YIN DU ZIN KYANG GRAGS PAS GRUB PA NYID YIN NO SNYAM DU SEMS PA NI, 'ON TE DE'I 'JIG RTEN GYI GRAGS PA ZHES BYA BA'O, ,SOR MO BRKYANG BA DANG, KHU TSUR GYI DBYE BA BZHIN DU 'DU BA 'BA' ZHIG GI DBYE BAS 'BRAS BU THA DAD PA YIN PA'I PHYIR, DBYIBS YOD PA KHO NA YIN NO SNYAM DU SEMS PA NI, 'ON TE RDUL PHRA RAB BDAG NYID CES BYA BA'O, ,DE LTA YIN NA RDUL PHRA RAB RNAMS MI MTHUN PA'I PHYOGS MA YIN TE, 'O NA CI ZHE NA PHYOGS YIN PA DBYIBS KYANG 'BRAS BU'I BYE BRAG YIN TE, MTHUN PA'I PHYOGS KYI PHYOGS GCIG LA 'JUG PA YIN PAR BSTAN PA NI, DE LTA YIN NA RDUL PHRA RAB RNAMS KYANG ZHES BYA BA STE, DBYIBS KYI KHYAD PAR DANG LDAN PA NYID KYI PHYIR, 'DI 'BRAS BU NYID KHO NA YIN NO, ,'BRAS BU'I BDAG NYID

KHO NA DGOD PA NI 'BREL PA YOD PA'I PHYIR LA, GZHAN DU NI MA YIN TE, DE MED PA'I PHYIR RO ZHES BYA BAR SBYAR RO, ,GANG GI 'DOD PA LA GNYIS NYID BZHIN DU DBYIBS NI 'BRAS BU MA YIN TE, DE'I NGO BO YANG MA GRUB PA KHO NA YIN NO, ,'ON TE DE LA YANG DE LTA BUR GYUR PA'I RTOGS PA SKYED PAR BYED PA RNAMS KYI, DE SKYED BYED MA YIN PA RNAMS DANG MTSAN NYID MI MTHUN PA DE LTAR BRJOD PA YIN NO SNYAM DU SEMS PA NI, 'ON TE DE LTA BUR 'KHRUL PA ZHES BYA BA'O, ,DE LA RTOGS PA MA RTOGS PA RDUL PHRA RAB RNAMS LA 'BRAS BU MED PAR BSTAN PA NI, GAL TE RDUL PHRAN DNGOS SU NA, ,ZHES BYA BA'O, ,'BRAS BU MED NA DON MED PA'I BYA BA BSNYON PA YIN PAR BSTAN PA NI, GAL TE NGES PAR BRTAGS NA NI, ,ZHES BYA BA'O, ,'ON TE RIGS PA CAN GYI BSAM PAS DBYIBS 'BRAS BU YOD DES NA 'JUG PA YIN NO, ,PHA ROL POS KHAS BLANGS PA YIN YANG RANG NYID MA MTHONG NA, DE'I RIGS SU JI LTAR BYED PA YIN SNYAM DU SEMS PA NYID LA, 'ON TE DBYIBS NI GZHAN DAG GI, ,ZHES BYA BA STE, GZHAN GYIS KHAS BLANGS PA'I KHAS BLANGS NI, GZHAN GYIS KHAS BLANGS PA'O, ,GONG DU MA GRUB PA LA'AM DPE LA NI ZHES BYA BA'I 'GREL PA BYAS PA DE LA LTOS NAS, YANG NA DPE LA THE TSOM ZA BA YIN NO ZHES SMOS PA YIN NO, ,SEMS PA CAN GYI RGYU NYID DU SGRUB PA YIN PA LA, DES NA BSGRUBS PA'I BYA BA'I DUS NA MA NGES PA NYID YOD PA MA YIN PA'I PHYIR, JI LTAR SGRUB PAR BYED PA'I SKYON YIN, CHU BO 'GYUR NAS RIGS BRTZIGS PA LA DOGS PA MED PA YIN NO SNYAM DU SEMS PA LA, DBANG PHYUG DE NI BSDAD CING BSDAD CING ZHES BYA BA SMOS SO, ,BSGRUB BYA LA NGES PA'I SGRUB BYED RANG GIS RTOGS PA YIN NA, GZHAN GYI DON LA YANG DE LTA BU'I SEMS PA CAN MA YIN PA'I BLANG BYA YIN LA SEMS PA CAN SNGON DU 'GRO BA NYID LA YANG SGRUB BYED KYI NGES PA MED DO, ,DE'I PHYIR SGRUB BYED NYID DU 'GAL BA CAN MA YIN PA'I BYE BRAG LA LTOS PA CAN NI 'DOD PA LAS BZLOG PA'I SEMS PA CAN GYI KHYAD PAR 'PHANGS PAR GRUB PA LA SGRUB PAR BYED PA YIN NO, ,

, ,MA 'PHANGS PA'I KHYAD PAR GYI SPYI NI RJES SU DPAG PA'I YUL MA YIN TE, 'JUG PAR BYED PA'I PHYIR DANG, 'DOD PA'I KHYAD PAR DANG 'GAL BA'I PHYIR RO, ,DE NYID KYIS MA NGES PA YIN PAS KHYAD PAR DANG 'GAL BA'I PHYIR KHYAD PAR 'PHANGS PA MA YIN ZHES BYA BA'I DON TO, ,DE LA YANG KHYAD PAR DU BSGRUB PAR BYA BA LA RANG NYID MI NUS PA NYID YIN NA, DBYIBS DANG LDAN PA NYID KHYAD PAR CAN SGRUB PAR BYED PA KHO NA YIN NO, ,SNYAM DU SEMS PA NI, 'ON TE 'DI NI RANG NYID NUS PA YIN, ,ZHES BYA BA'O, ,KHYAD PAR DANG BCAS PA'I GTAN TSIGS THUN MONG MA YIN PA'AM, MA GRUB PA YANG YIN PAR BSTAN PA NI, RDZA MKHAN LA SOGS PA YANG ZHES BYA BA STE, SOGS PA'I SGRAS NI LAS BRJOD PA YIN LA, LAS YOD PA YIN NA NUS PA NUS PA CAN GYI RGYU MED PA NYID DU MA GRUB PA YIN GYI, DPER NA RDZA MKHAN YOD PA YIN ZHES BYA BA'I DON TO, ,MNGON SUM DANG RJES SU DPAG PA DAG GIS RDZA MKHAN DANG LAS LA NUS PA MTHONG BAS BSGRUB BYA DON GZHAN LA GZHAN GRUB PA NYID YIN PAR BSTAN PA NI, DBANG PHYUG LA YANG DBANG PHYUG DAM PAR ZHES BYA BA'O, ,YANG NA THUG PA MED PA YIN NA RTZA BA MA GRUB PAS BSGRUB BYA LA RJES SU 'GRO BA MED PA'I PHYIR MA NGES PA NYID YIN LA, DE BZHIN DU PHAN TSUN RTEN PA YANG YIN ZHES BYA BA'I DON TO, ,'ON TE BSGRUB PAR BYA BA'I CHOS CAN LA JI LTAR YANG DBYIBS SU 'DOD PA YIN, DE LA BYE BRAG MED PA'I PHYIR, RDUL PHRA RAB RNAMS LA YANG 'GYUR BA'I PHYIR, LDOG PA MA GRUB PA DANG THE TSOM ZA BA NYID YIN PAR BSTAN PA NI, RDUL PHRAN DAG LA DBYIBS MED CES, ,ZHES BYA BA'O, ,RE ZHIG DNGOS PO RNAMS NI MTHA' YAS PAS 'JIG PA MED PA MA YIN NAM, RI RAB BZHIN DU CHA TZAM YANG MI DPOGS PA NYID DU 'GYUR BA'I PHYIR, MTHAR DNGOS PO MED PA YANG MA YIN TE, MED PA LAS DNGOS PO SKYE BAR THAL BAR 'GYUR RO, ,DE'I PHYIR RDUL PHRA RAB NI CHA SHAS MED PA YIN SNYAM DU SEMS PA NI, RAGS PA GANG YIN PA DE NI, ,ZHES BYA BA STE, RDUL PHRA RAB GNYIS PA'I PHA ROL

NI CHA SHAS DANG BCAS PA MA YIN TE, MTHA' YAS PA NYID KYIS DPAG TU MED PAR THAL BAR 'GYUR RO ZHES BYA BA'I DON TO, ,SNANG BA LAS PHYI MA'I NGO BO NI TSAD MAS RTOGS PA MA YIN PAR BSTAN PA NI, RDUL BRGYAD PA LAS PHA ROL GYI, ,ZHES BYA BA STE, MTHA' MED PA DE BSGRUB PA LA RDUL PHRAN BRGYAD PA KHO NAS TSAD MA YIN TE, DE MED NA 'DI'I NGO BO NYID KHO NA MED PAR 'GYUR RO SNYAM PA'I DGONGS PAS, 'DI RDUL BRGYAD PA'I RANG BZHIN NAM, ,ZHES BYA BA'O, ,SNANG BA'I DNGOS PO NI RAGS PA NYID KHO NA YIN PA LAS RDUL PHRAN GYI GO BAR BYED PA YIN NAM, GRANGS KYI DBYE BAS SO SOR SNANG BAS CI ZHIG BYA SNYAM DU SEMS PA NI, 'ON TE SHIN TU DE RAGS DES, ,ZHES BYA BA'O, ,KHA CIG LA LTOS NAS KHA CIG RAGS PA YIN PA 'DI LA NI SNANG BA LAS GZHAN PA MA MTHONG BA LA LTOS BYA YIN PA'I PHYIR, DE MA GRUB PA YIN PAR BSTAN PA NI, GANG TSE RDUL GNYIS CAN SOGS PA, ,ZHES BYA BA'O, ,DNGOS PO RNAMS MTHA' YAS PAS, 'JIG PA MED PAR MI DPOGS PA NYID DU BSTAN PA MA YIN NAM, MTHAR DNGOS PO MED PA LA YANG DBYE BA MED NA DBYE BAR MI RIGS PA'I PHYIR, GANG MTHAR 'JIG PA DE RDUL PHRA RAB DU DPOG PAR BYED PA YIN SNYAM DU SEMS PA NI, RJES SU DPAG PA LA LTOS NA, ,ZHES BYA BA'O, ,RJES SU DPOG BZHIN PA YANG DE JI LTAR MTHONG BA KHO NA YIN PA'I PHYIR, MTSAN NYID MI MTHUN PA YANG MA YIN LA, DPAG TU MED PA YANG MA YIN TE, CHA SHAS MED KYANG BLO LA SOGS PA 'JIG PAR MTHONG BA'I PHYIR, DBYE BA NYID KYIS 'JIG PAR NGES PA MA YIN LA, RGYU NI SNANG BA GZHAN GYI SNANG BA KHO NA YIN NO, ,SPRO BA LA SOGS PA LA MI SNANG BA YIN NO ZHE NA, MA YIN TE 'JIG RTEN GYI KHAMS KYI GZHAN GYI SNANG BA YIN PA'I PHYIR RO, ,DE NYID LA TSAD MA GANG YIN SPROS PHA LA YANG GANG YIN ZHES MTSUNGS PA YIN PAR BSTAN PA NI, THUG PA MED PAR THAL BAR 'GYUR, ,ZHES BYA BA STE, SNANG BA'I DNGOS LAS GZHAN PA LA NI, MNGON SUM MA YIN ZHING RJES SU DPAG PA YANG MA YIN ZHES BYA BA'I DON TO, ,BONG BA NI DGOS PA NA PHYIS SHING PHYIS SHING JE CHUNG 'GRO BA MA YIN

, ,NAM; GANG LA CHUNG NGUR 'GYUR DU MI BTUB PA'I MCHOG TU PHRA BA DE LA RDUL PHRA RAB CES BDAG CAG RNAMS ZER RO, ,DE YANG CHA SHAS DANG BCAS PA NYID YIN NA CHA SHAS DE'I YANG CHA SHAS RNAMS DANG DE'I CHA SHAS KYI YANG CHA SHAS RNAMS ZHES BYA BA'I RTOGS PA 'DI YANG THUG PA MED PAS MTHA' MA MTHA' MED PA'I PHYIR, ,RDZAS RNAMS THAMS CAD KYI TSAD DANG LCI BA NYID DAG GI GRANGS DANG 'BRAS BU DANG RGYU DAG GI MTSUNGS PA'I TSAD NYID LA SOGS PAR MI 'GYUR RO, DE LTAR YANG BGRANG DU MED PA'I PHYIR PHRA BA'I PHRA BA NYID KYANG LDOG PAR 'GYUR RO, , 'ON TE DBYE BYED NI MTHA' MED PA MA YIN TE, DE LTA MOD KYI ZAD PA'I MTHA'I BAR DU YIN NO SNYAM NA YANG, DE YANG MI RIGS TE, DBYE BYA ZAD NA DBYE BYED MI 'THAD PA'I PHYIR RO, ,DBYE BA NI ZHIG PA YIN PA LA DBYE BYA MED NA NI MI RIGS SO, ,DE'I PHYIR RE ZHIG SA PHYOGS RGYA CHEN PO LA NYE BAR DMIGS PAR SNANG BA NI, CHA SHAS DANG BCAS PA KHO NA YIN PAS SA PHYOGS DANG BCAS PA'I DON DANG PHRAD PA YIN TE, DON DANG RDZAS SU PHRAD PA YIN GYI DE RGYA CHE BA NI MA YIN NO, ,GZHUNG LUGS DES CHOG STE TSAD MA LA 'JUG PA'I RJES SU 'BRANG BAR BYA'O, ,YUL NGES PA LA DNGOS POR MTHONG BAR BYED NA TSAD MA NI 'JIG RTEN 'JUG PAR BYED PA YIN GYI, PHRAD PA NI MA YIN TE, DE'I PHRAD PA NI DE LA NYE BA LAS DE YANG NYE BA YIN PA DE LTA MIN PA DE NYID KYIS NA RGYA CHE BA DE NI DU BA BZHIN DU YIN GYI CHA SHAS DANG BCAS PA'I SNANG BA MA GTOGS PA CHA SHAS DANG BCAS PA'AM, CIG SHOS NYE BAR DMIGS PA MA YIN NO, ,DON GYI GO BAS KYANG DMIGS PA MA YIN TE, GZHAN DU YANG YOD PA'I PHYIR RO, ,DE LTAR NA BUM PA BYED PA'I RGYU DANG BCAS PA LAS KHAM PHOR DMIGS PA YIN TE, BUM PA NI 'JIG PA'I DNGOS PO'I CHOS NYID KYIS 'JIG PA YIN TE, KHAM PHOR YANG DE DANG BCAS PA LAS DE LAS GZHAN BSKYED NAS 'JIG PA YIN LA, DE YANG DE LAS GZHAN PAR THA MA'I SNANG BA RNAM PAR 'BYED PA'I LHAN CIG BYED PA MED PA'I PHYIR 'DRA BA'I 'BRAS BU SKYED PAR BYED PA YIN NO, ,RIG PA'I BYE BRAG DANG LDAN PA GZHAN DANG PHRAD PA LAS 'BRAS BU

GZHAN RTZOM PAR MI BYED PAR RANG NYID DNGOS PO'I CHOS NYID KYIS GZHIG PA YIN GYI CHA SHAS SU PHYE BA NYID ZHIG PA MA YIN TE, SGRA DANG BLO LA SOGS PA LA MA MTHONG BA'I PHYIR RO, ,RIGS PA 'DI RDZAS NYID LA NI MA YIN TE, SHING LA ME DANG PHRAD PA LAS ZHIG PA LA MA MTHONG BA'I PHYIR RO, ,GANG GI PHYIR ME NI PHRU BA LA SOGS PA DUM BUR BYED PA MA YIN PA NI GZHUNG LUGS YIN LA, DE'I PHYIR THUG PA MED PA'AM DE NYID PHRA MOR BYAS PA YANG MA YIN PA'I PHYIR, THAMS CAD ZHIG PA YIN NA JI LTAR PHRAD PA YIN, RDUL PHRA RAB RNAMS YOD PA YIN NA DE RNAMS MTHONG BA ZHES PA DE YIN PAR 'GYUR RO, ,DNGOS PO'I BSKYED PA NI RGYU MED NA MED PA YIN NO, ,MA YIN TE, THAMS CAD 'JIG PAR KHAS MA BLANGS PA'I PHYIR DANG, 'GA' YANG DE LTA REG PA DANG LDAN PAS REG PAR KHAS MA BLANGS PA'I PHYIR RO, ,GANG ZHIG BDAG NYID THAMS CAD KYIS ZHIG PA DE LAS 'BRAS BU BU 'BYUNG BAR MI 'GYUR RO, ,SHIN TU'O, ,DE DANG 'DRA BA YOD PA LAS DE DANG 'DRA BA SKYE BA LA NI THAMS CAD DU SKYON MED DO, ,DE LTAR NA DE NYID SNANG BA'I NGO BO NI RDUL PHRA RAB YIN TE, SNANG BA GZHAN MED PA'I PHYIR RO ZHES KHAS LEN NA, DE DBYIBS DANG LDAN PA NYID YIN NO SNYAM DU SEMS PA NYID NI, ,'ON TE MTHONG BA'O ZHES BYA BA'O, ,SNANG BA'I NGO BO NI RDUL PHRA RAB MA YIN PA MA YIN NAM, GZHAN YANG TSAD MA MED PA CAN YIN PA'I PHYIR, ,RGYU MED PAS CHA SHAS CAN MA YIN NO, ,GAL TE SNANG BA NYID KYI NGO BO RDUL PHRA RAB YIN LA, DE'I TSE YANG DE RNAMS NYID MANG POR SNANG BA YIN LA, DE'I PHYIR CHA SHAS CAN DU 'GYUR BA MA YIN NO ZHES SNANG BA DANG MI SNANG BA'I RDUL PHRA RAB SGRUB PA DANG, DGAG PA 'BRAS BU YIN PAR NYE BAR BSDU BA NI, GAL TE RDUL PHRAN GRUB MIN NA, ,ZHES BYA BA'O, ,CHA SHAS MED PA'I RDUL PHRA RAB DANG, RAGS PA NI 'GAL BA'I 'BRAS BU YIN PAR BSTAN PA NI, PHYOGS GCIG GIS NI REG NA DE ZHES BYA BA STE, RDUL PHRA RAB RNAMS PHRAD PA MED NA 'BRAS BU RTZOM PA MA YIN TE, PHRAD PA DANG CIG SHOS DAG LA DBYE BA MED PAR THAL BAR 'GYUR RO, ,BDAG NYID THAMS CAD KYI PHRAD PA YANG MA YIN TE, CHA SHAS MED PA'I RDUL PHRA RAB RNAMS NI

, ,DBYER MED PA NYID KYIS RDUL PHRA RAB GZHAN LA CHU LA 'O MA BZHIN DU RJES SU 'JUG PAR MI RIGS PA'I PHYIR LA PHYOGS GCIG GIS KYANG MA YIN TE, CHA SHAS MED PA'I PHYIR ZHES BYA BA'I DON TO, ,PHYOGS NI GCIG NYID KYIS ZHES BYA BAS NI DE BDAG NYID THAMS CAD KYIS ZHES BYA BAR NYE BAR MTSON PA YIN NO, ,'ON TE PHYOGS GCIG GIS MA YIN LA, BDAG NYID THAMS CAD KYIS KYANG MA YIN TE, CHA SHAS MED PA NYID LA CHA SHAS SU RTOGS PA MI SRID PA'I PHYIR, RAGS PA 'BA' ZHIG BSKYED PAR MTHONG BA LAS, MTHA'I RGYU RNAMS KYI PHRAD PA TZAM YOD PAR GO BA YIN NO SNYAM DU SEMS PA LA, THAMS CAD PHYOGS KYI GCIG NYID KYIS, ,ZHES BYA BA 'DI LA YANG BDAG NYID THAMS CAD KYIS ZHES BYA BAR NYE BAR MTSON PA YIN TE, GANG GI PHYIR PHRAD PA YONG NA 'BRAS BU SKYE BAR MTHONG BA'I PHYIR DE RTOGS BZHIN PA NI JI LTAR SNANG BA'I MTHONG BA'I BYE BRAG YIN GYI, GZHAN YIN LA BYE BRAG MED PA'AM, MA MTHONG BA'I BYE BRAG CAN GYI SPYI NI RJES SU DPAG PA'I YUL MA YIN PAR BSTAN PA'I PHYIR ZHES BYA BA'I DON TO, ,RDUL PHRA RAB MA YIN LA, KHYAD PAR GYI RIGS GZHAN YANG MA YIN NO, ,PHRAD PA'I LHAN CIG PA'I RDUL PHRA RAB RNAMS 'BRAS BU RTZOM PAR BYED PA MA YIN NAM, 'DI LTA STE, 'BYAR BA DANG CIG SHOS KYI DBYE BAR MI 'GYUR LA, DE'I TSE DE RNAMS GCIG LA GCIG 'BYAR BA YANG MA YIN TE, 'BYAR BA YANG PHRAD PA YIN NA 'BRAS BU LA PHRAD PA GZHAN LTOS PA YIN PA'I PHYIR THUG PA MED PA YIN PAS 'BRAS BU GZHAN DU MI 'GYUR RO SNYAM DU SEMS PAS, 'ON TE YANG RDUL PHRA RAB GNYIS KYIS NI ZHES BYA BA'O, ,LAN NI GAL TE MA REG PAR YANG NI ZHES BYA BA STE, RANG GI NGO BO NYID NI RDUL PHRA RAB RNAMS PHAN TSUN REG PA NI PHRAD PA YIN PA DE LTA NA THUG PA MED PA YANG MA YIN NO, ,THA DAD PAR YIN NO DE KHO NA DE STE KUN TU REG PA'I BDAG NYID YIN GYI RDUL PHRA RAB MA YIN NO, ,DE LTA YIN NA SKYON CI YOD CE NA, JI LTAR GONG BU'I RNAM PA GCIG ,CES BYA BA STE, 'BYAR BA'I BDAG NYID KYI PHRAD PA YIN NA, DE'I NGO BO DANG BRAL BA'I RDUL PHRA RAB BA RNAMS LA DE LTAR RTOGS PAR MI 'GYUR TE, GZHAN GYI NGO BO GZHAN DU 'GYUR BA MA YIN NO ZHES BYA BA'I DON TO, ,

'ON TE CHA SHAS CAN RNAMS PHRAD PA'I 'BYAR BA'I BDAG NYID KYI RDUL PHRA RAB RNAMS 'DUS PA SHES PA DE'I YUL YIN GYI RDUL PHRA RAB NI YUL MA YIN NO SNYAM DU SEMS PA NI, 'ON TE YAN LAG CAN GZHAN DER ZHES BYA BA STE, RDUL PHRA RAB RNAMS LA GCIG TU SHES PA NI RDUL PHRA RAB TU GNAS PA'I DNGOS PO'I YUL YIN PA'I PHYIR, GZHAN DU GRUB PA YIN NO ZHES BYA BA'I DON TO, ,DE LTA YIN NA DE YOD PA'I DUS SU RDUL PHRA RAB RNAMS KYANG MA ZHIG PA YIN LA, YUL DU RUNG BA YIN YANG CIS MI SNANG BA YIN ZHES BSTAN PA NI, RTOGS PA'I PHYIR NA MTHONG BAR 'GYUR, ,ZHES BYA BA'O, ,GAL TE YANG RUNG BA'I YIN YANG DE RNAMS KYI RANG GI NGO BOR NI RUNG BA MA YIN NO SNYAM DU SEMS PA LA, GAL TE 'U CAG LA SOGS KYIS, ,ZHES BYA SMOS TE, DBANG PHYUG LA LTOS NAS SNA TSOGS PA YIN NO ZHES BYA BA'I DON TO, ,'DU BA CAN DAG GI DANG 'DU BA SO SOR MTHONG BA YIN NA, THA MI DAD PAR GRUB PA DAG GI 'BREL PA NI 'DU BA YIN PAR MI 'GYUR BAR BSTAN PA NI, MTHONG NA 'DU BA JI LTAR YIN, ,ZHES BYA BA STE, GANG GI PHYIR THA MI DAD PAR GRUB PA RTEN DANG BRTEN PA NYID NI, SNAL MA DANG SNAM BU DAG GI, SNAL MA'I CHA DANG, SNAL MA DAG LA BRTEN PA'I PHYIR MI SRID DO,, THA DAD PAR RTOGS PA DANG LDAN PA NYID NI DE LA RUNG PA'I NGO BO YIN LA, DE YANG JI LTAR SNANG BAS THA DAD PA KHO NA YIN TE, DBANG PHYUG LA LTOS NAS THAMS CAD DE LTAR YIN PA'I PHYIR, THA MI DAD PAR GRUB PA MA YIN NO ZHES BYA BA'I DON TO, ,GZUGS DANG SGRA DAG GI DON GCIG LA 'DU BA CAN DANG, SNA LAM DANG SNAM BU DAG GI 'DU BA YANG 'U BU CAG LA SOGS PA RNAMS KYIS THA DAD PAR MA MTHONG BA YANG THA MI DAD PAR GRUB PA MA YIN NO SNYAM DU SEMS PA LA, GZHAN DU NI, MTHONG BA 'KHRUL PA NYID DU 'GYUR, ,ZHES BYA BA STE, 'U BU CAG LA SOGS PA NI SNAL MA DANG SNAM BU DAG DU MA YANG THA DAD PAR SNANG BA MA YIN NO, ,SNAL MA RNAMS NI SNAM BU MA YIN PA MA YIN NAM, GCIG DANG DU MA SO SOR SNANG BA'I BDAG GI YUL THA DAD PA'I PHYIR RO, ,GCIG TU SNANG BA MA YIN TE, GZHAN DU NA DE'I SGRA NI BRDA'I RJES SU 'BRANG BA'I RTOGS PA YIN PA'I PHYIR, DE BZHIN DU DBANG

, ,PHYUG GIS THA DAD PAR MTHONG LA, 'U BU CAG LA SOGS PA THAMS CAD KYIS THA MI DAD PAR MTHONG BAS GNOD PA YIN TE, 'DU BA MED PA YANG DE DANG 'DRA BA KHO NA YIN NO ZHES BYA BA'I DON TO, ,GAL TE SNANG BA'I MTHA' MA NI DE LAS GZHAN PA DANG CHA GCIG GIS PHRAD PA YIN NA, DE'I CHA GCIG KYANG DE BZHIN YIN PA'I PHYIR, MTHAR THUG PA MED PAS PHRA MO DPAG TU MED PAR 'GYUR BA'I PHYIR, DE DANG SKYON MTSUNGS SO SNYAM DU SEMS PA LA, RAGS PA CHA SHAS NYID DU SNGON DU 'GRO BA CAN, ZHES BYA BA SMOS TE, GANG LA CHA SHAS PHRAD PA SNGON DU 'GRO BA CAN NYID DU MTHONG BA DE LA DE LTAR 'GYUR DU ZIN KYANG DPER NA 'JI BA'I GONG BU SNGON DU 'GRO BA CAN GYI BUM PA DANG, SNAL MA SNGON DU 'GRO BA CAN SNAM BU LTA BU'O, ,SNANG BA'I MTHA' MA NI DE LTA BU NYID DU MTHONG BA MA YIN PA'I PHYIR CHA SHAS SNGON DU 'GRO BA CAN NYID DU CI LAS SHES, GANG GIS DPAG TU MED PAR 'GYUR, ,ZHES BYA BA'I DON TO, ,CHA SHAS DANG PHRAD PA MED KYANG CHA SHAS DANG BCAS PAR MTHONG BA YIN PAR BSTAN PA NI, WA tA'I SA BON SHIN TU CHUNG, ,ZHES BYA BA STE, GANG GI TSE SNGA NA YOD PA'I YAN LAG RNAMS NI MA DMIGS PA'I YOD PA MA YIN LA, DE'I TSE DE RNAMS PHRAD PA'I SGO NAS YAN LAG CAN RTZOM PAR BYED PA MA YIN PAR BSTAN PA NI, YAN LAG CAN YANG GA LA YIN, ,ZHES BSTAN PA'O, ,SHING WA tA'I MYU GU YANG SNANG BA'I THA MA BZHIN DU YAN LAG SNGON DU 'GRO BA CAN NYID KYI PHYOGS KHO NA MA YIN NAM SNYAM DU SEMS PA NI 'ON TE NAM MKHA'I PHYOGS ZHES BYA BA'O, ,DE LTA YIN NA SHING WA tA RNAMS KYI NUS PA MA YIN TE, MA MTHONG BA'I BYE BRAG GIS LHAN CIG BYED PA'I RDUL PHRA RAB RNAMS NYID MYU GU LA SOGS PA'I RGYUR 'GYUR RO, ZHES LAN DU BSTAN PA NI GNAS PA LA SOGS PAR BYED DAM CI ZHES BYA BA STE, MYU GU NI SHING WA tA LA SOGS PA'I SA BON LA LTOS PA YIN GYI, MA MTHONG BA'I YAN LAG TSOGS PAS 'PHEN PAR BYED PA MA YIN TE, THAL CHES PAR 'GYUR RO ZHES BYA BA'I DON TO, ,JI LTAR YAN LAG DANG BCAS PA'I SNAM BU NI YAN LAG TSOGS PA YIN NA 'GYUR BA DE BZHIN DU SNANG BA'I

THA MA'AM, SHING WA tA'I MYU GU ZHES RTOGS PA YIN NA, YAN LAG BZHIN DU YAN LAG CAN YOD PA KHO NAR 'BYUNG BAR 'GYUR RO SNYAM DU SEMS PA KHO NAS ZER BA NI, 'ON TE MED KYANG DPE LAS NI, ZHES BYA BA'O, ,'DI MTHONG BA YOD PA NYID KHO NA GANG MI GSAL BA NI MAR ME LA SOGS PA RNAMS KYIS GSAL BAR BYED PA YIN PA NI SGRON MA'I DPE'I STOBS KYIS NA ZHES BYA BA'O, ,MAR ME GSAL BAR BYED PA NYID KHO NA DBANG PHYUG MED NA GSAL BAR BYED PAR MI 'GYUR RAM SNYAM DU SEMS PA LA, DE YANG SEMS PAS BYIN BRLABS NA, ,ZHES BYA BA STE CI'I PHYIR, GZHAN DE MI MI BYED PA YIN ZHES BYA BA'I DON TO, ,THAMS CAD KYANG YOD BZHIN PA NYID KYIS BYA BA MED PA'I PHYIR, SEMS PA CAN GZHAN YANG RUNG BYED PA PO MA YIN PAR BSTAN PA NI, DE DE DANG DE LAS YIN, DE'I PHYIR SNANG BA'I THA MA 'AM, MYU GU NI JI LTA BU'I MI RTAG PA LAS SAM, SEMS PA CAN MA YIN PA LAS SKYE BA YIN LA, DE NYID DE LA NUS PA YIN GYI RDUL PHRA RAB RNAMS KYI 'AM, DBANG PHYUG GI NI MA YIN PA'I PHYIR DE TZAM GYI RGYU MTSAN NYID NI RGYU MTSAN MED PA DANG 'GAL BA YIN PAR NYE BAR BSDU BA NI, DES NA GANG GANG GANG GANG LAS, ,ZHES BYA BA'O, ,DBANG PHYUG LA YANG MA MTHONG BA YOD DO ZHES BYA BA NI KHA CIG GI'O, ,'ON TE, DE LAS TSAD MA MA YIN NA, DBANG PHYUG LA YANG MI 'GYUR RO, ,ZHES BSTAN PA NI, MNGON SUM GNOD PAS MIN ZHE NA, ,ZHES BYA BA STE, PHA ROL PO'I 'KHRUL PAS SGRO 'DOGS PA DGAG PA YIN GYI, KHYAD PAR MA GRUB PA NYID LA SOGS PA RNAMS SU BSGRAG PAR BYA BA MA YIN NO, ,SA GZHI LA SOGS PA SEMS PA CAN MA YIN PA'I NYE BAR LEN PA NYID DAM, CIG SHOS NI DES PA CAN YIN GYI NGES PAR BYED PA TZAM DU GO BAR BYED PA YIN GYI SEMS PA CAN NI MA YIN NO, ,ZHES BSTAN ZIN TO, ,DE LTAR CI LAS SHES SHE NA, DBYIBS SOGS CI 'DRA BYIN RLOB PO, ,YOD MED CES BYA BA SMOS TE, GANG GI PHYIR NGES PA NI YOD PA DANG MED PA DAG GIS NGES PAR BYED PA TZAM GYI RJES SU SGRUB PAR BYED PA YIN GYI, SEMS PA CAN NI MA YIN TE, DE'I PHUL DU BYUNG BA DANG, CIG SHOS DAG GI PHUL DU BYUNG BA DANG, ,CIG SHOS DAG MED PA'I PHYIR RO, ,

, ,DE YANG CI 'DRA BA LAS JI LTA BUR GANG DMIGS PA DE 'DRA BA NYID RJES SU DPOG PAR BYED DO ZHES BSTAN PA'O, ,YANG NA NGES PA CAN TZAM NI NGES PAR BYED PA TZAM DU GO BAR BYED PA YIN PAR 'DOD PA GRUB PA ZHES BYA BA LA SOGS PAS BSTAN ZIN TO, ,NGES PA CAN GYI BYE BRAG GIS SEMS PA CAN LA SOGS PA NGES PA'I BYE BRAG NI NGES PA'I BYE BRAG MTHONG BA YIN NA GO BAR BYED PA YIN GYI, NGES PA CAN TZAM MA YIN ZHING NGES PA'I BYE BRAG MA RTOGS PA LA YANG MA YIN PAR BSTAN PA NI, CI 'DRA BA LAS JI LTA BUR GANG DMIGS PA NI ZHES BYA BA STE, GZHAN DU NI MA YIN NO ZHES DPE DANG BCAS PA'I LDOG PA BSTAN PA NI, THA DAD DNGOS POR RAB SGRUB PA, ,ZHES BYA BA LA SOGS PA STE, LDOG PA'I NGES PA CAN BSTAN PA NYID KYI SHUGS KYIS RJES SU 'GRO BA BSTAN PAR GO BA YIN NO ZHES BYA BA'I DON TO, ,DE LTA YIN NA RIG BYED DANG AA TI HA SA'I GTZUG LAG LA SOGS PA DANG, KHRON PA RNYING PA DANG LHA RTEN LA SOGS PA RNAMS KYIS YANG BYED PA PO DRAN BZHIN PA MA YIN PA NI, BLO PHUL DU BYUNG BA LA SOGS PA'I RJES SU BYED PA YIN GYI SEMS PA CAN TZAM LA NI MI SRID PA NI DE'I BYE BRAG STE, DBANG PHYUG NYID LA SOGS PA'I BYE BRAG RJES SU DPOG PA YIN LA, DE LTA BU'I SHES PA PHUL DU BYUNG BAS DGOS PA YIN TE, BSNYEN BKUR GYI GNAS YIN PA'I PHYIR TE GZHAN GYIS CI DGOS, 'U CAG LA SOGS PA'I SEMS PA CAN TZAM LAS NI, DE LTA BU'I 'BYUNG BA MA YIN TE, DBANG PO LA 'DAS PA DANG MI LAS 'PHAGS PA LAS DE'I DON RANG BZHIN YIN PA'I PHYIR DE KHO NA TSAD MA YIN NO ZHE NA, YOD MED RJES 'JUG CAN GRUB PA, ,ZHES BYA BA'O, ,SNYAN DANG GAS LA SOGS PA YANG MA YIN PA TZAM LAS BYUNG BA MA YIN LA, BUM PA LA SOGS PA YANG RUNG STE THAMS CAD KYIS DE'I BYED PA MA YIN LA, DE DAG TZAM GYIS THAMS CAD PHUL DU BYUNG BA'I SEMS PA CAN DU SGRUB PA MA YIN TE, DE'I PHYIR GOMS PA'I BYE BRAG DANG LDAN PA'I 'U BU CAG LA SOGS PA 'GA' KHO NA RDZA MKHAN LA SOGS PA BZHIN DU RJES SU DPOG PAR BYED PA YIN GYI, SHIN TU DBANG PO LAS 'DAS PA'I NUS PA CAN NI MA YIN NO, ,DE LTA BU'I PHUL DU BYUNG BA MED NA JI LTAR DBANG PO LAS

'DAS PA'I YUL NYE BAR STON PA YIN TE, DE 'DI NI BSKYED BYA'I DNGOS PO 'BRAS BU LA YANG MTSUNGS PA YIN NO, ,DE LA BRDZUN PA YIN GYI RIG BYED LA NI MA YIN TE, GRUB PA'I MTHA' PA THAMS CAD DANG, RIGS THAMS CAD KYANG THA SNYAD LA MI SLU BAS TSAD MA NYID YIN PA'I PHYIR RO, 'DI YANG PAR SIG RNAMS DANG THOD PA CAN LA SOGS PA MANG PO RNAMS KYI RANG RANG GI LUNG RNAMS LA THA SNYAD MI SLU BA'I PHYIR, MTSUNGS PA YIN TE, DON LA MI SLU BA NI GNYI GA LA YANG MED PA'I PHYIR, 'DI DANG MI 'DRA BA'I BYIN GYIS RLOB PA PO 'GRUB PA NI MA YIN NO ZHES BYA BA'I DON TO, RIG BYED RTAG PA NYID YIN PAS DAG BYED DANG DAG BYED MA YIN PA'I RDZAS NYID KYIS SHES PA BZHIN DANG, ME'I SBYIN SREG LA SOGS PA SGRUB PAR BYED PA'I SHES PA BZHIN DU DBANG PHYUG GI RANG GI NGO BO'I SHES PA YIN LA, DE YANG BYANG GROL SGRUB PAR BYED PA'I PHYIR, SKYES BU'I DON GRUB PAR BYED PA YIN NO ZHE NA, YOD MED RJES 'JUG CAN GRUB PA, ,ZHES BYA BA SMOS TE, GAL TE RIG BYED RNAMS RTAG PA NYID YIN NA, DBANG PHYUG RTAG PA NYID RIG BYED RTAG PA NYID BRJOD BYAR 'GYUR TE, 'ON KYANG BYED PA PO LAS MA BYUNG BA MA YIN PA'I PHYIR, 'GAL BA'I 'BRAS BU BLO'I RJES SU 'BRANG BA'I SBYOR BA'I BYE PHRAG MTHONG BAS RTAG PA BKAG PA DE'I PHYIR, DOGS PA'I SKYON DES DBANG PHYUG MA GRUB BO ZHES BYA BA'I DON TO, ,YANG NA YUL STONG PA LA SOGS PA LA BYED PA PO MI DRAN PA'I LHA RTEN RNYING PA LA SOGS PA MTHONG NAS, DE DANG 'DRA BA'I BYED PA PO MTHONG BA YIN NA, JI LTAR MTHONG BA LAS BYED PA PO RJES SU DPAG PAR RIGS PA YIN GYI, SA GZHI LA SOGS PA'I DBYIBS LA SOGS PA RNAMS LA NI DE LTA BU YOD PA MA YIN TE, DE LTA BU NI BLO LAS BYUNG BA NYID KYIS MA MTHONG BA'I PHYIR RO ZHES BSTAN PA NI, YOD MED RJES 'JUG CAN GRUB PA, ,ZHES BYA BA'O, ,BLO SNGON DU 'GRO BA CAN GYIS SNGAR MTHONG NAS, LHA RTEN RNYING PA LA SOGS PA DAG LA DE NYID KYI RJES SU BYED PAS, BLO LA RJES SU DPOG PAR BYED PA MA YIN NAM, GZHAN DU NI MA YIN LA DE 'DI NI SA GZHI LA SOGS PA YANG MTSUNGS PA YIN LA, DE LA NI BSKYED PAS SAM, SEMS PA CAN GYIS NYE BAR LEN PA

, ,NYID KYI RJES SU MI BYED PA NI MA YIN NO, ,MNGON SUM GYI RTOGS BYAR THA DAD PA KHO NA YIN NO ZHE NA, DE NI GZHAN LA YANG MTSUNGS SO, ,PHYOGS LA KHYAB PAR BYED PA MTHUN PA'I PHYOGS LA YONG LA, MI MTHUN PA'I PHYOGS LAS LOG PA KHYAB PA MA TSANG BA'AM, SBYOR BYED NYID KYANG MA YIN PA MA YIN TE, GTAN TSIGS NYID DU 'DOD PA LAS YANG DE LTA BU NYID DU THAL BAR 'GYUR RO SNYAM DU SEMS PA LA, THA DAD DNGOS LA RAB GRUB PA, ,ZHES BYA BA SMOS TE, BUM PA DANG LHA RTEN LA SOGS PA'I NGO BO NI PHUL DU 'BYUNG BA'I SEMS PA CAN GYI RJES SU 'GRO BA DANG, LDOG PA'I RJES SU BYED PA'I PHYIR NGES KHYAB PA YIN LA, SEMS PA CAN NI DE LA KHYAB BYED DU NGES PA YIN TE, DU BA LA ME LTA BU DE NYID LAS 'GRUB PAR 'GYUR GYI, KHYAB PA CAN MA YIN PAS GZHI LA SOGS PA'I NGO BO LAS NI MA YIN NO, ,LDOG PA TZAM LAS KHYAB PA TZAM DU GRUB PA NI MA YIN TE, RTAG PA NYID LA MNYAN PAR BYA BA NYID LTA BU'O, ,BUM PA LA SOGS PA'I NGO BO NYID NI DE'I NGO BO MA YIN TE, GANG GI RJES SU 'GRO BAR 'GYUR, BUM PA DANG LHA RTEN LA SOGS PA'I NGO BO NI CHOS CAN GYI DBYE BA MA RTOGS PA'I THA SNYAD PA MA YIN TE, DU BA DANG BYAS PA LTA BU'O, ,SKAD CIG MA'I DBYE BA LA YANG RJES SU DPAG PA LA DGOS PA YOD PA MA YIN TE, RJES SU DPAG PA LA SOGS PA'I THA DAD KYANG YUL NGES PA CAN YIN PA'I PHYIR RO, ,NGES PA CAN YANG DE DANG GCIG PA NYID YIN LA, DE BZHIN DU SA GZHI LA SOGS PA'I NGO BO NI DE LA NGES PA MA YIN NO, ,DE'I PHYIR NGES SEMS PA CAN NYID DU NGES PAR 'GYUR BA MA YIN TE, MDOG SKYA BA NYID ME LA NGES PA MA YIN PA LTA BU'O, ,MTHUN PA'I PHYOGS DANG MTHUN PA'I PHYOGS MA YIN PA DAG LA YOD PA DANG MED PA TZAM NI RJES SU 'GRO BA DANG LDOG PA DAG MA YIN TE, RJES SU 'GRO BA LA SOGS PA'I SGRA RNAMS NI NGES PAR RJOD PAR BYED PA YIN PA'I PHYIR, KHYAB PA CAN LAS NI GRUB PA YIN LA, KHYAB PA CAN MA YIN PA LAS NI MI 'GRUB BO ZHES BYA BA'I DON TO, ,YANG NA JI LTAR NA SA GZHI LA SOGS PA'I NGO BO NGES PA DANG LDAN PA NI NGES PAR BYED PA'I

LAS KYIS 'PHANGS PA YIN PA DE BZHIN DU, BUM PA'I NGO BO BZHIN DU SEMS PA CAN YANG CI'I PHYIR MA YIN ZHE NA, THA DAD DNGOS LA RAB GRUB PA, ,ZHES SMOS PA YIN TE, DNGOS SU BA'I 'BREL PA'I RJES SU 'BRANGS NAS, GANG YANG RUNG BA CUNG ZAD KYANG GO BAR BYED PA YIN GYI SKYES BU'I 'DOD PA'I DBANG GIS NI MA YIN NO, ,DE NYID KYIS NI GZHAN DU NI MA YIN NO ZHES BYA BAS BSTAN PA YIN TE, KHYAB PAR BYED PA SGRUB PAR BYED PA YIN GYI GZHAN DU SGRUB PAR BYED PA NI MA YIN NO ZHES BYA BA'I DON TO, ,MDOG SKYA BA NYID NI ME SGRUB PA LA MA NGES PA MA YIN NAM, ZLA BA DANG ME TOG KUN DA LA SOGS PA LA DE LA DE MED KYANG YOD PA'I PHYIR RO, ,DE BZHIN DU SEMS PA CAN MA YIN PA'I NYE BAR LEN PA'AM BSKYED PA NI BLO DANG LDAN PA MA YIN PA NAM MKHA' LA SOGS PA LA YOD PA NI MA YIN NO ZHES BRGAL BA BYED PA NI, 'ON TE 'GYUR NA YANG, GAL TE KHYAD PAR DANG BRAL BA'I MDOG SKYA BA NYID LAS ZHES BYA BA'O, ,LAN NI, GNOD PA MED PA TZAM GYIS NI, ,ZHES BYA BA STE, JI LTA BA KHO NA NI MDOG SKYA BA NYID NI ME MED KYANG YOD PAS MA 'KHRUL BAR ME NGES PA'I PHYIR SGRUB BYED MA YIN LA, DE BZHIN DU SA GZHI LA SOGS PA'I NGO BO YANG BLO DANG LDAN PA YIN NA, BUM PA LA SOGS PA LA 'BREL PA CAN DU DMIGS PA MA YIN TE, GZHAN MTHONG BA YIN NA DE'I MTHONG BA MA YIN TE, DBANG PHYUG MA YIN PA BYED PA PO NYID DU THAL BAR 'GYUR BA'I PHYIR RO ZHES BYA BA'I DON TO, ,THAL CHES PA'I DE NYID BSTAN PA NI, DE LTA MIN LA RDZA MKHAN GYIS, ,ZHES BYA BA STE, 'JI BA'I 'GYUR BA CAN GYI BUM PA'I NGO BO NI RDZA MKHAN GYI BSKYED BYAR DMIGS NAS, GZHAN DU DE'I BYA BA JI LTA BA KHO NA MA MTHONG BA YANG DE DANG 'DRA BAR MTHONG BA LAS GO BA YIN LA, DE BZHIN DU GROG MKHAR LA SOGS PA LA YANG GO BAR 'GYUR RO, ,KHYIM GYI RA BA DANG MKHAR GYI BA GAM LA SOGS PA DES MA BYAS PA LA YANG MTHONG BA'I PHYIR RO, ,'DI YANG MA NGES PA KHO NA YIN NO ZHE NA, SEMS PA CAN MA YIN PA'I NYE BAR LEN PA YANG BE'U CHER BSKYED BA'I CHED DU'O, ,'O MA LA SOGS PA'I 'JUG PA MTHONG BA'I PHYIR, MA NGES PA CAN NYID KHO NA'O, ,'DI YANG

, ,PHYOGS SU BYED PA'I PHYIR SKYON MED DO ZHE NA, DE LTA YIN NA MTHONG BZHIN PA MA YIN PA'I BYED PA PO GZHAN NYID YIN NA, 'JI BA'I 'GYUR BA YIN PA'I PHYIR ZHES BYE BRAG CAN DU SMRAS PAR 'GYUR RO, ,BYE BRAG DANG 'KHRUL BA'I YUL PHYOGS SU BYED PA DAG LA BYE BRAG CI YANG MED DO; ,BUM PA LA SOGS PA DANG SA GZHI LA SOGS PA BUM PA BYED PA'I BYED PA PO NYID LDOG PA LA YANG BYE BRAG CAN GYI 'JI BA'I 'GYUR BA NYID MI LDOG PA'I PHYIR 'KHRUL PA MA YIN NAM, MA YIN TE, GROG MKHAR NYE BAR MTSON PA NYID KYIS DE NYID PHYOGS YIN PA'I PHYIR RO, ,CHU DANG ME LA SOGS PA RNAMS KYANG PHYOGS YIN NA NI KHYAD PAR BYED PA MA YIN NO ZHE NA, MA YIN TE SA 'JIM TZAM PHYOGS YIN PA'I PHYIR RO, ,BYE BRAG CAN NYID KYIS 'KHRUL PA MED PA KHO NA YIN PAR BSTAN PA NI, GROG MKHAR RDZA MKHAN GYIS BYAS PA LA NI ZHES BYA BA STE, GROG MKHAR GYI NYE BAR MTSON PAS SA GZHI LA SOGS PA NYID PHYOGS SU BYED PAR YANG BSTAN PA NI, 'BRAS BU DE LA MA MTHONG ZHES BYA BA'O, ,BYE BRAG GI 'KHRUL PA SPANGS PA YIN PAR YANG BRTAG PAR DKA'O ZHE NA, KHYED KYI YANG PHYOGS SU BYED PA YIN PAS 'KHRUL PA'I YUL SPANGS DKA' BAR MTSUNGS PA YIN PAR BSTAN PA NI, DE DBANG PHYUG LA YANG MED DAM CI ZHES BYA BA'O, ,BYED PA PO'I RJES SU 'JUG PA'I NGO BO'I RGYU NI GROG MKHAR LA SOGS PA BZHIN DU SA GZHI LA SOGS PA LA YANG MA GRUB PA NYID YIN PAR BSTAN PA NI, GAL TE DE LTA YIN NA, KHYED KYI 'DI CHES ZHIB TU RTOGS PA YIN TE ZHES BYA BA'O, ,GZHAN YANG THE TSOM ZA BA'I MA GRUB PA MA YIN PAR BSTAN PA NI, SA 'DZIN NYER MKHO MED PAS DBYIBS, ,ZHES BYA BA LA SOGS PA'O, ,BUM PA LA SOGS PA BZHIN DU SA GZHI LA SOGS PA'I NGO BO YANG BLO DANG LDAN PA'I 'KHRUL PA KHO NA MA MIN NAM, DE LTAR RAB TU GRAGS PA'I PHYIR DRANG SRONG NGAN SPONG LA SOGS PA RNAMS KYIS, KUN GYI STON PA KHYAD PAR CAN, ,PHRA BA LAS KYANG PHRA BA NI, ,'OD GSAL RMI LAM BLO YI YUL, ,RIGS PA'I MTHAR THUG SKYES MCHOG STE, ,'DI NI 'BYUNG BA THAMS CAD LA, ,MTSUNGS PAR MNGON KHYAB LUS

RNAMS KYI, ,SKYE DANG CHER SKYES 'JIG RNAMS KYIS, ,RTAG TU 'KHOR LO BZHIN 'KHOR BYED, ,CES GANG BSTAN PA'I 'JIG RTEN YANG DE LTAR BRJOD PA YIN TE, GLING GZHAN NAS SAM, RGYA MTSO'I NANG NAS SAM, PHYOGS KYI MTHA' GNAS GLO BUR DU SGRUB PAR BYED CING MNGON PAR 'DOD PA LA MNGON PAR PHYOGS PAR BYED PAS 'JUG PAR BYED PAS SGRUB PAR BYED PA NYID NI RIG BYED KYIS BYED PA YIN PA'I PHYIR BYED PA MA MTHONG BA LA YANG, BYAS PA'I BLO 'DI LA YANG MA NYAMS PA YIN NO, ,DE'I PHYIR BDAG CAG LA SOGS PA DANG MTSAN NYID MI MTHUN PA'I BLO CAN NI, NYE BAR DMIGS PA'I NGO BO'I BYE BRAG MTHONG BA'I ME'I BYE BRAG BZHIN DU 'JIG RTEN GYIS SPANG PAR BYA BA MA YIN TE, DANG PO NYID KYI GNOD PA'I BLO BSAL BA'I YUL YIN PA'I PHYIR RO, ,DANG PO'I DNGUL GYI BLO LA YANG BYE BRAG MTHONG BA LAS NYA PHYIS KYI BLOS GNOD PAR BYED PA YIN LA, 'DI LA NI BUM PA LA SOGS PA DANG SA GZHI LA SOGS PA'I BYE BRAG GNOD PAR BYED PA MA YIN TE, GNYI GA LA YANG BSGRUB BYA GRUB PA LA GNOD PA MED PA'I PHYIR DANG, RJES SU DPAG PA, GZHAN YANG 'DI LA GNOD PAR BYED PA MA YIN TE, 'JIG RTEN THAMS CAD LA GRAGS PAS GNOD PA'I PHYIR RI BONG CAN ZLA BA MA YIN ZHES BYA BA LTA BU'O SNYAM DU SEMS PA NI, SKYON 'DI 'BRAS MTSUNGS MA YIN NAM, ,ZHES BYA BA'O, ,LAN DU 'BRAS LA ZHES BYA BA SMOS TE, 'BRAS BU NYID LA SOGS PA LA SGRUB PAR BYED PA NI GTAN TSIGS SO, ,SPYIS KYANG NI BUM PA DANG SA GZHI LA SOGS PA THUN MONG PA'I NGO BOS KYANG NGO, ,YANG GTAN TSIGS 'DI CI LAS SHES SHE NA, BSGRUB BYAS RJES 'GRO PHYIR ZHES BYA BA STE, BSGRUB PAR BYA BA'I BYA BRAG NGES PAR BYED PA TZAM GYIS SA LA SOGS PA'I LHAN CIG BYED PAS 'BRAS BU'I NGES PA'I NGO BO'I RJES SU 'GRO BA LAS, 'BREL PA CAN NI THA DAD PHYIR TE BUM PA DANG SA GZHI LA SOGS PA THA DAD PA'I PHYIR THA DAD PAR NYE BAR BKOD PA NI 'BRAS BU MTSUNGS PA'O, ,DPER NA 'BRAS BU NYID DE SGRA BSGRUB PAR BYA BA LA BTZAL BA'I 'BRAS BU SGRUB BYED NI SPYIS TE BSKYED PA DANG MNGON PAR GSAL BA THUN MONG BA'I NGO BOS KYANG NGO, ,GTAN TSIGS LA ZHES PA NI YUL GYI BDUN PA STE, THA DAD

, ,PAR BRJOD BA'I SKYON GYI YUL CAN LA LTOS NAS SO, ,DE LTA YIN NA YANG SGRUB BYED YIN PAR CI LAS SHES, RTAG PA LA NI SHIN TU RAG LAS PAR BYA BA MA YIN PA'I PHYIR, MNGON PAR GSAL BA YIN PAR MI RIGS ZHES BYA BA'I PHYOGS LA BSGRUB BYAS ZHES BYA BA 'BRAS BU NYID LA SOGS PAS DE TZAM GYIS RJES SU 'GRO BA'I PHYIR ZHES BYA BA RJES SU 'JUG PA'I PHYIR YIN TE, GZHAN DU NA MA NGES PA YIN NO, ,BSKYED PA DANG MNGON PAR GSAL BAR RJOD BYED NYID KYIS 'BRAS BU MA YIN PA THUN MONG BA'I PHYIR RO ZHES BYA BA'I DGONGS PAS SPYIS KYANG SGRUB PAR BYED PA LA ZHES BYA BA BYE BRAG YIN NO ZHES DPE LA GNAS PA NYID KYIS GSAL BAR BYED PA YIN GYI, SEMS PA CAN GYIS BYIN GYIS BRLABS PA'I SGRUB BYED LA 'BRAS BU DANG MTSUNGS PA MA YIN TE, NUS PA LA SOGS PA DANG THUN MONG BA'I NGO BO NYID NI SEMS CAN PHUL DU BYUNG BA'I RJES SU BYED PA NYID KYIS DE'I RJES SU 'GRO BA'I PHYIR RO, ,SA GZHI LA SOGS PA'I NGO BO NI DE DANG MTSAN NYID MI MTHUN PA NYID KYIS RJES SU 'GRO BA MA YIN NO, ,'JIG RTEN DU NI BDAG GIS SNGON BYAS PA'I LAS SO ZHES SMRA BA NI, LAS KHO NA LA 'BYIN BYED DANG, DBANG PHYUG CES SMRA BA YIN NO, , LUNG YANG DON 'DI LA RIGS PA YIN GYI, GZHAN LA NI MA YIN TE, SLU BA YIN PA'I PHYIR RO, ,'DIS NI JI LTAR BUM PA LA SOGS PA SEMS PA CAN YOD KYANG LAS SGRUB PA YIN PA DE BZHIN DU, SA GZHI LA SOGS PA LA LAS YOD KYANG BYIN GYIS RLOB PA PO SEMS PA CAN CIS SGRUB PAR MI BYED CES PA BSAL BA YIN TE, DES BYIN GYIS BRLABS PA'I NGO BO MA MTHONG BA'I PHYIR RO, ,'DUS PA NYID LA GZHAN GYI DON NYID KYIS KHYAB PA YIN LA, GZHAN LA 'GYUR ZHING DE LA YANG DON DE NYID YIN PAS THUG PA MED PA'I PHYIR, DE TZAM DU YANG 'GRUB PAR MI 'GYUR TE, ,DPER NA DU BA LAS DU BA'I NGO BO'I ME LTA BU'O, ,DE'I PHYIR SGRUB BYED LAS BZLOG PA'I BSGRUB BYA LA SGRUB BYED GNAS PA YIN PA'I PHYIR, GZHAN 'DUS PA MA YIN PA NYID YIN TE, DU BA'I NGO BO MA YIN PA'I ME LTA BUR RNAM PAR GNAS PA YIN NO, ,DE LTAR GRUB PA YIN NA SHUGS KYIS GRUB PAS

RJES SU 'GRO BA MED PA'AM, 'GAL BA NYID DAM BSGRUB BYA MA TSANG BA NYID SKYON YANG MED PA YIN TE, RJES SU DPAG PA THAMS CAD CHAD PAR THAL BAR 'GYUR BA'I PHYIR RO, ,SHUGS KYIS GRUB PA'I ME DANG RJES SU 'GRO BA LA SOGS PA RNAMS MED PAS MA YIN NO SNYAM DU SEMS PA LA; BSGRUB BYAS ZHES BYA BA SMOS TE, SPYI'I NGO BOS KYANG RJES SU 'GRO BA LAS 'BRAS BU LA NI DU BA LA SOGS PA LA STE, NYE BAR MTSON PA'I DON YIN PA'I PHYIR BYAS PA NYID KYANG NGO, ,BYE BRAG TU BSGRUB PAR NUS PA'I SGRUB BYED YIN YANG SA PHYOGS LA GNAS PA'I ME SGRUB PA NI MA YIN NO, , 'GAL BA NYID DANG BSGRUB BYA MA TSANG BA NYID DU THAL BAR 'GYUR BA'I PHYIR ZHES BYA BA LA SOGS PA 'DI NI 'BREL PA CAN THA DAD PAS BSGRUB BYA'I KHYAD PAR THA DAD PA'AM, RJES SU 'GRO BA MED PA'AM, 'GAL BA NYID DAM, BSGRUB PAR BYA BA MA TSANG BA RNAMS RJOD PA NYE BAR BKOD PA DE KHO NA 'BRAS BU MTSUNGS PA'I SKYON MA YIN NAM, GANG GI PHYIR 'BRAS BU YANG RANG BZHIN GYIS BSGRUB BYA DANG RTAG TU 'BREL PA YIN PA'I PHYIR THA MI DAD PA KHO NA YIN LA, 'BREL PA MED NA NI THA DAD PA KHO NA YIN NO, ,DE BZHIN DU PHYIN CI LOG DANG MA TSANG BA NYID KYANG MED PA'I RNAM GRANGS NYID YIN PA'I PHYIR, THA DAD PA'I SGRA'I BRJOD BYA YIN TE, DPER NA LUS KYI THA DAD PA LA SOGS PA LTA BU'O, ,'DI SKAD BSTAN PAR 'GYUR TE MTHONG BA DANG 'DRA BA'I BYE BRAG NYID NI DU BA ZHES BYA BA'AM, ME ZHES BYA BA'I RNAM PAR RTOG PAS BSKYED BYA NYID DAM, SKYED BYED NYID KYIS YUL CAN DU BYAS PA NI SPYI YIN LA, MTSAN NYID MI MTHUN PA MA YIN TE, DE'I SKYED BYED MA YIN PA NYID KYI DE'I YUL MA YIN PA NYID KYI PHYIR BRDA LTA BU'O, ,SPYI KYANG RJES SU 'GRO BA LAS BSGRUB BYA'I BYE BRAG GRUB PA LA MTSAN NYID MI MTHUN PA'I BYE BRAG NYE BAR BKOD PAS DE MA YIN PA 'GRUB PA'I GNAS SKABS GANG YIN, DES NA BYE BRAG THAMS CAD 'GRUB PA NI MA YIN TE, RJES SU DPAG PA'I PHYAG RGYA'I DBYE BA NYE BAR BKOD PA 'BREL PA MED PA'I PHYIR RO, ,'DUS PA STE GZHAN LA YANG MTHAR THUG PA MED PA MA YIN TE, SGRUB BYED THAMS CAD LA MTHAR THUG PA MED PA'I PHYIR RO, ,RIGS PA DE NYID KYIS DE LAS KYANG

, ,GZHAN DANG GZHAN DU 'GYUR BA YIN NO ZHE NA, YIN DU ZAD MOD SKYON CI YOD DE, 'BRAS BU DU BAS 'BRAS BU MA YIN PA'I ME MI 'GRUB PA'AM, MTHA' MED PA YANG MA YIN LA 'DI NI SEMS PA CAN DU SGRUB PA LA YANG MTSUNGS PA YIN TE, DE LA YANG MTSAN NYID MI MTHUN PA'I KHYAD PAR GRUB PA'I PHYIR LAS GRUB PA KHO NA YIN NO, ,MTHONG BA KHO NA'I BYE BRAG GI YUL NGES PA TZAM SNGA NA MED PA'I RJES SU DPAG PA LA YIN LA, DE LA NI DE DANG YANG BYE BRAG GZHAN YANG YIN PA'I PHYIR THA DAD PA YIN NO, ,BSKYED PA DANG MNGON PAR GSAL BA BSGRUB BYAR MTSUNGS PAS KYANG BTZAL MA THAG TU BYUNG BA NYID RJES SU 'JUG PA'I PHYIR, 'BRAS BU NYID KYI NGO BO'I BSGRUB BYA 'GRUB PA YIN PAR 'DOD PA YIN NO, ,MNGON PAR GSAL BA RANG BSKYED PA DAG THA DAD PA'I BSGRUB BYA'I 'BREL PA CAN GYI DBYE BA YIN NA NI, GTAN TSIGS KYI RJES SU MI 'GRO BA DANG 'GAL BA DANG MA TSANG BA'I DBYE BA NYE BAR BKOD PA'I SKYON RNAMS, RKANG MIG PA 'AM, SLOB DPON BDAG NYID KYI 'AM, SKAL LDAN RNAM 'GREL MDZAD PA RNAMS KYI YANG 'BRAS BU MTSUNGS PA'I SKYON YIN PAR GO BAR BYA'O, ,BSKYED PA DANG MNGON PAR GSAL BA'I DBYE BA LAS 'BAD PA'I 'BRAS BU DU MA YIN PAR GANG BSTAN PA DE LA, 'BRAS BU GZHAN NYID YIN NA NI STE, 'BRAS BU DU MA NYID YOD PA YIN NA GANG DU 'BRAS BU GZHAN NYID MI DMIGS PA LA, RGYU THA DAD PA NI BSGRIBS PA YIN PAR 'THAD PA'O, ,DE LA RTZOL BA RGYU NYID MA YIN PA NI 'BRAS BU NYID LA MA NGES PA'I PHYIR RO, ,SGRA LA NI BUM PA LA, RTZIG PA LA SOGS PA DBANG PO'I GZUNG BYAR MTSUNGS PA BZHIN DU, SGRIB BYED MED PA YIN LA DES NA GTAN TSIGS KHO NA YIN NO ZHES BSTAN PA NI, 'BRAS BU GZHAN NYID YIN NA ZHES BYA BA LA SOGS PA'O, ,SGRIB G-YOGS MED DU ZIN KYANG MNGON BAR GSAL BA DANG MNGON PAR GSAL BAM YIN PA'I BDAG NYID KYIS KHYAD PAR YOD PA KHO NA YIN NO SNYAM DU SEMS PA LA, SGRA LA NI ZHES BYA BA STE, BAR DU CHOD PA YOD PA DANG MED PA DAG KHO NAS MNGON PAR GSAL BA DANG MNGON PAR GSAL BA YIN PA'I SPYI DANG KHYAD PAR DAG GI DNGOS PO

GZHAN LA GZHAN DU BUM PA LA SOGS PA YANG 'JI BA'I GONG BU LA SOGS PA LAS MNGON PAR GSAL BA KHO NAR THAL PAR 'GYUR RO ZHES BYA BA'I DON TO, ,RTZA BA DANG CHU LA SOGS PA YANG BRKOS PA LA SOGS PAS MNGON PAR GSAL BA NI SNGA NA YOD PA LA TSAD MA 'JUG PA KHO NAS RTOGS PA MA YIN NAM, SNGAR MTHONG BA NGO SHES PA'I TSAD MA DE NI SGRA LA YANG YOD PA YIN GYI, 'JI BA'I GONG BU LA BUM PA YOD PA NI TSAD MA MED DO, ,DES NA MNGON PAR GSAL BDE JI NAS KYANG MA YIN NO, ,SGRA LA YOD PA MA YIN ZHES BYA BA TSAD MA GANG LAS SHES PA YIN, BZLOG PA LA NI RTOGS PA YIN NO ZHES BYA BA'I DON BSTAN PA NI, SGRA LA 'ANG ZHES BYA BA SMOS TE, RTAG PA LA 'ANG ZHES BYA BA NI GCIG GI RANG BZHIN DU GNAS PA'O, ,SNGAR MTHONG BA NGO SHES PA NI SNGA NA YOD PAR GRUB PA LA TSAD MA MA YIN NAM, MA DMIGS PA'I DUS NA NI YOD PA MA YIN TE, ,SGRIB PA MED PA'I PHYIR RO, ,BSGRIBS PA NI DBANG PO'I GZUNG BYAR MTSUNGS PA YIN LA, SGRA LAS GZHAN PA NYID LA RNA BA'I DBANG POS GZUNG BAR BYA BA MED DO, ,MNGON PAR GSAL BA NI PHUL DU BYUNG BA LA RAG LAS PA MA YIN TE, PHUL DU BYUNG BA NI THA DAD PA DANG THA MI DAD PA DAG LA PHUL DU BYUNG BA MA YIN PA DANG, MI RTAG PA NYID LA SOGS PA'I SKYON YOD PA'I PHYIR RO ZHES BYA BA'I RIGS PAS MA DMIGS PA'I TSE NA, MED PA BYAS PA NYID LAS NYE BAR DMIGS PA YIN PAR GRUB PA YIN TE, SNGAR MTHONG BA NGO SHES PA NI DE DANG 'DRA BA'I RIGS LA RNAM PAR GNAS PA YIN TE, RANG GI NGO BOS 'KHRUL PA NYID YIN NO SNYAM DU DGONGS PA NI, SGRA LA 'ANG ZHES BYA BA STE, SKYES PA NI BYUNG BA'O, ,MA DMIGS PA'I RGYU BAR DU CHOD PA LA SOGS PA RNAMS SAM, PHUL DU BYUNG BA LA RAG LAS PA YANG MI SRID PA NI RJES SU DPAG PA YIN NO, ,SNGAR MTHONG BA'I NGO SHES PA NI MNGON SUM YIN LA MNGON SUM DANG 'GAL BA'I RJES SU DPAG PA NI, TSAD MAR MI 'GYUR BA'I PHYIR MA DMIGS PA'I GNAS SKABS NA YANG YOD PAR GRUB PAS, MA DMIGS PA'I RGYU NI JI LTA BU YANG YOD PAR BRTAG PA YIN NO ZHE NA, LAN DU SGRA LA 'ANG BAR CHOD LA SOGS PA ZHES BYA BA SMOS TE, KHYED KYI LA YANG MA DMIGS

, ,PA'I TSE NA YOD PAR SNGAR MTHONG BA NGO SHES PA NYID KYIS KHAS BLANGS PA YIN PAR BSTAN PA NI, BUM PA LA SOGS PA LA YANG ZHES BYA BA SMOS TE, BRGYUD NAS ZHES BYA BA NI GZHAN YOD PA YIN LA, DES DMIGS PA LA BDAG GIS MTHONG BA KHO NA YIN GYI GZHAN MA YIN ZHES BYA BA LA SOGS PA'I RJES SU 'BRANG BA YIN NO, ,SNGAR MTHONG BA NGO SHES PA LA NI THAMS CAD BDAG NYID KYIS RIG BYA YIN GYI BRGYUD PAS NI MA YIN NO ZHES ZER BA NI, RANG NYID NGO SHES PA LAS DNGOS SU NI MA YIN NO ZHES BYA BA'O, ,GZHAN YANG DE'I TSE YOD PA SHES PA TZAM GYIS DMIGS PAR BYED PA MA YIN TE, 'O NA CI ZHE NA, SNGAR MTHONG BA NGO SHES PA KHO NA YIN NO ZHES PA'I BRGYUD PAS NYAM THAG PA DANG, SNGAR MTHONG BA NGO SHES PA YANG YIN ZHES BYA BA DE NYID NI 'BAD PA CHES YIN PAR BSTAN PA NI, GZHAN GYIS KYANG NI NGO SHES LAS, ,ZHES BYA BA STE, GANG GI PHYIR 'BRAS BU MTSUNGS PA'I SKYON LA, RKANG MIG PA'I LAN NI MI RIGS PA DE'I PHYIR, 'DI LTA STE 'BRAS BU MTSUNGS PA'I SKYON LA, THAMS CAD MI RTAG PAR SMRA PAS KHYAD PAR CAN YIN PAS SPYIS KYANG SGRUB PAR BYED PA LA STE, GNYI GA LTAR YANG SGRUB PAR BYED PA STE, 'BRAS BU MTSUNGS PA'O, ,GNYI GA MA YIN PA LTAR YANG SGRUB PAR BYED PA STE, 'BRAS BU MTSUNGS PA'O, ,GNYI GA MA YIN PA LTAR SGRUB PAR BYED PA YIN NA NI MA NGES PA NYID YIN NO ZHES SNGAR BRJOD PA NYID LAN YIN NO, ,'BRAS BU NYID NI BYAS PA NYID DE BSGRUB BYA DANG CIG SHOS KYI CHOS CAN DANG, KHYAD PAR CAN NYID KYIS GZHAN NYID YIN PA NI, DE'I CHA YIN GYI RANG GI NGO BO NI MA YIN TE, DE'I BSGRUB BYAS KHYAB PA'I PHYIR RO, ,RNAM GSUM ZHES BYA BA NI BUM PA LA YOD PA'I BYAS PA NYID NI SGRA LA MA GRUB PAR SNANG BA DANG, BUM PA LA YOD PA'I MI RTAG PA NYID KYIS KHYAB PA'I PHYIR SGRA LA YOD PAR 'GAL BAR SNANG BA DANG, SGRA LA YOD PA BUM PA LAS LDOG PA NI RTAG PA LAS KYANG LDOG PAR 'GYUR BA YIN NO SNYAM DU DGONGS PAS, THUN MONG MA YIN PA'I PHYIR MA NGES PAR SNANG BA YIN NO, ,CHOS CAN THA DAD PA'I RTOGS PAS CHOS THA DAD PAR RTOGS PA NI RNAM PAR RTOG PAR MTSUNGS PA

CI LAS MI 'GYUR SNYAM DU SEMS PA LA, RNAM PAR RTOG PA MTSUNGS PA NI ZHES BYA BA SMOS SO, ,BUM PA DANG SA GZHI LA SOGS PA'I CHOS CAN THA DAD PAS DBYIBS LA SOGS PA'I DBYE BAR RTOG PAS SLOB DPON GYI MTSAN NYID DANG LDAN PA'I PHYIR 'BRAS BU MTSUNGS PA LA SUN 'DON PA MA YIN NAM SNYAM DU SEMS PA NI, GAL TE 'DIR YANG DBYIBS NYID CES BYA BA'O, ,LAN NI, DBYIBS LA SOGS PA DAG GI SPYI, ,ZHES BYA BA STE, GAL TE DBYIBS KYI SPYI LA SEMS PA CAN GYIS KHYAB PAR GRUB PA YIN PA DE LTA NA, CHOS CAN THA DAD PA LAS, THA DAD PAR RTOG PA NI 'BRAS BU MTSUNGS PAR 'GYUR RO, ,JI SNYED PA'I BUM PA DANG KHYIM LA SOGS PA RNAMS KYI DBYIBS NI SEMS PA CAN SNGON DU 'GRO BAR DMIGS PA YIN TE, BYED PA MA MTHONG BA YIN YANG DE NYID YIN PAR SNGAR MTHONG BA NGO SHES PA LAS SEMS PA CAN SGRUB PAR BYED PA YIN PA'I PHYIR SPYIR 'GYUR BA YIN NO, , SA GZHI LA SOGS PA'I DBYIBS NI DE BZHIN DU SPYIR 'GYUR BA MA YIN NO ZHES BYA BA'I DON TO, ,DE BZHIN DU MA MTHONG BA YANG RES 'GA' BA YIN PA'I PHYIR, 'BRAS BU NI RGYU'I RTOGS BYED YIN NA, SEMS PA CAN GYI RTOGS BYED MA YIN NAM, GANG GI PHYIR 'BRAS BU NI BYED PA PO DANG BYED PA DANG LAS RNAMS SNGON DU 'GRO BA CAN DU MTHONG BA YIN TE, DPER NA BUM PA LA SOGS PA'I BYA BA DBYIG PA LA SOGS PA'I BYED PA SNGON DU 'GRO BA CAN DU MTHONG BA YIN LA GZUGS NYE BAR DMIGS PA YANG BYA BA KHO NA YIN PA'I PHYIR MIG GI DBANG PO'I RTOG PA YIN NO SNYAM DU SEMS PA LA, DE NI SHING SOGS GZHAN LA YANG, ,ZHES BYA BA SMOS TE, MTHONG BA TZAM GYIS RGYU YOD NA 'BYUNG BA'I PHYIR, BYED PA PO GZHAN DON MED DO ZHES BYA BA'I DON TO, ,SHING SOGS ZHES BYA BA NI DPE YIN NO, ,KHYIM DANG BUM PA LA SOGS PA'I DBYIBS KYI SPYI, SEMS PA CAN GYIS KHYAB PA'I DBYIBS KHO NA YIN NO ZHES 'DZIN PA NAS GZHI LA SOGS PA'I RJES SU 'JUG BA KHO NA 'DZIN PA MA YIN NAM, GANG GI PHYIR DE LTA BU'I SHES PA LA DE LA YOD PA'AM CIG SHOS ZHES BYA BA'I DBYE BA MED DO SNYAM DU SEMS PA LA, 'BREL PA CAN GYI KHYAD PAR NI, ,ZHES BYA BA SMOS TE, GANG GI PHYIR KHYAD PAR MTHONG BA LAS BYUNG BA YIN NA, DE BZHIN DU SHES PA NI THAMS

, ,CAD THUN MONG BA'I YUL DU MI 'GYUR RO, ,DU BA MTHONG BA LAS 'BRAS BU NYID DU SHES PA NI, 'BRAS BU TZAM GYIS YUL CAN MA YIN NO ZHES BYA BA'I DON TO, ,'BREL BA CAN MA YIN PA NYID TZAM LA, DPE NI MI RTAG CES BYA BA LA SOGS PA'O, ,BYA ROG GI NAG PO NYID DANG CHU SKYAR GYI DKAR PO NYID CES BYA BA, BY'A KA RA nA'I BSHAD PA BYED PA'I TSIG YIN PA'I PHYIR BSDU BA MED DO, ,DE LA YOD PA'I YON TAN RNAMS KYIS DRUG PA'I YON TAN YIN GYI, DE'I BYE BRAG RNAMS KYIS MA YIN NO ZHES BYA BA NI RNAM PAR 'GREL BA'I TSIG LAS, DA LTAR NYE BA BZHIN DU 'AM, 'BAD DANG GUS PA'I BSDU BA LTA BU'I BSDU BA KHO NAR 'GYUR RO, ,'DI'I BLO SNGON DU 'GRO BA YANG YIN LA BYED PA YANG YIN PA'I BYED PA NI BYAS PA NYID, DE'I RJES SU 'GRO BA NI GZHAN DU MTHONG BA LAS, GZHAN DU BYED PA MA MTHONG YANG RJES SU 'JUG BZHIN PA NYID YIN NO, ,GAL TE YANG BYAS PA NYID KYIS RJES SU 'JUG PA MA YIN YANG DBYIBS YIN NO ZHES BYA BAR RJES SU 'JUG PA KHO NA YIN NO, ,GANG GI NGO BOS RJES SU 'JUG PA MA YIN PA DE NYID KYI NGO BO NI MED DO, ,DES NA SGRUB BYED MA YIN NO ZHES DON LA THE TSOM ZA BA NI, GAL TE BLO SNGON DU BYED PA'I ZHES BYA BA'O, ,LAN NI, RTOGS PA TZAM GYIS SBYOR BA'I CHOS, ,DON DANG 'BREL PA DANG BRAL LAS ZHES BYA BA'I TSIG RKANG GNYIS KYIS GO RIMS BZHIN DU, 'JAL BYED DANG GZHAL BYA MA GRUB PAR BSTAN PA YIN LA, DE LAS DON 'BYUNG BA STE, YOD PA YIN NA DBYIBS ZHES BYA BA GCIG NYID LA THA DAD PA MTHONG BAS MNGON SUM GYIS GNOD PA YIN NO ZHES BYA BA'I DON TO, ,'DIR YANG RIGS GZHAN ZHES BYA BA'I BSDUS PA'I DON YIN TE, RIGS GZHAN LA NI ZHES BYA BA STE, BUM PA LA SOGS PA DBYIBS LA STE KHYAB BYA LA KHYAB BYED NYID DU SEMS PA CAN GRUB BA YIN NO, ,YANG NA, RIGS GZHAN LA RAB GRUB PA, ZHES BYA BA STE, BUM PA LA SOGS PA'I DBYIBS KYI RIGS LA RAB TU MA GRUB PA NI DBANG PHYUG YIN TE, 'DUS PA MA YIN PA 'DI LA YANG GO RIMS BZHIN DU DPE NI GO'I SGRA YIN PA'I PHYIR ZHES DANG PO'I DON DU GSAL BA YIN LA, GNYIS

PA LA NI RVA LTA BU'O, ,'DIR TSIG LA SOGS SHES PA'I SOGS PA'I SGRAS GSAL BAR BYED PAR 'GYUR BAS RVA DANG MTSAN NYID MI MTHUN PA CUNG ZAD BSTAN PA YIN PAR BLTA BAR BYA'O, ,GRANGS CAN GYI YANG GSAL BA DANG GSAL BA MA YIN PA NYID KYIS ZHIG PA DANG, CIG SHOS KYI THA SNYAD KYI YUL NI DNGOS SU BAR GNAS PA KHO NA MA YIN NAM, JI SKAD DU, GSAL BA RNAMS KYI NANG NAS NI, ,MI GSAL SOGS PAR BYUNG BA RNAMS, ,ZHES SMOS PA YIN NO SNYAM DU SEMS PA LA, MI RTAG PA NYID GRANGS CAN LA ZHES BYA BA'O, ,MI GSAL BA STE MA DMIGS PA TZAM LA SOGS PA GANG GI YIN PA DE RNAMS NI DE LTAR YIN NO ZHES BSGRUBS PAS, DE'I STE GRANGS CAN GYI MI GSAL BA STE, BYE BRAG MED PAS MA DMIGS PA YIN GYI, RJES SU 'GRO BA ZHIG PA NI MA YIN NO, ,RJES SU 'GRO BA MED PA ZHIG PA MA YIN PA NI MA LUS PAR ZHIG PA MA YIN TE, SNANG BA MI DMIGS PA MA YIN ZHES BYA BA'I DON TO, ,MNGON PAR MI GSAL BA SNANG BA DANG, CIG SHOS KYI MI DMIGS PA'I SPYI MTHONG BA TZAM NI MI RTAG PA'I THA SNYAD KYI YUL MA YIN TE, DE YANG MA YIN PA'I THA SNYAD DU RUNG BA LA YANG YOD PA'I PHYIR RO ZHES BSTAN PA NI, RI BONG GI RVA LA SOGS PA DANG ZHES BYA BA STE, DBANG PO LA SOGS PA'I BSKYED BYAR MTHONG BA NI SNANG BA NYID YIN LA, DE YANG DNGOS PO'I GNAS SKABS SU GYUR PA DANG THA MI DAD PA YANG MA YIN NO ZHES BYA BA NI KHA CIG GI'O, ,THA DAD PA DANG SHES PA'I MING CAN YIN NO ZHES BYA BA NI GZHAN GYI'O, , DES NA 'DOD PA DE GNYIS RNAM PAR DPYAD PA'I DON DU SNANG BA ZHES BYA BA 'DI CI ZHIG CES DRIS PA'O, ,DNGOS PO'I BDAG NYID DU MTHONG BA LOG NA, DE'I GNAS SKABS KYI DNGOS PO NYID LDOG PAR BSTAN PA NI, GAL TE DON GYI RANG GI NGO BO ZHES BYA BA STE, SNANG BA'I DNGOS PO YOD KYANG MI SNANG BA NYID NI MI SRID DO ZHES BYA BA'I DON TO, ,THA DAD PA MA MTHONG BA'I PHYOGS LA YANG DE NYID ZHIG PA DANG RJES SU 'GRO BA YIN PAR BSTAN PA NI, 'ON TE SNANG BA'I BDAG NYID CES BYA BA'O, ,MTHONG BA LOG PA NI MNGON SUM GYIS GRUB PA MA YIN NAM, SNANG BA'I LDOG PA YANG KHONGS

, ,SU 'DUS PA MED DO ZHES BYA BA'I THA SNYAD DU BYED PA YIN NO SNYAM DU SEMS PA LA, GZHAN MED NA ZHES BYA BA SMOS TE, RE ZHIG MTHONG BA NI SNANG BA'I KHYAB BYED MA YIN TE, THA DAD PA'I PHYIR RO, ,RGYU YANG MA YIN TE, 'BRAS BU YIN PA'I PHYIR RO, ,'BRAS BU YIN PA GOS PA MED PA YIN NA 'BREL PA CUNG ZAD KYANG MED PA YIN TE, DE NYID 'JUG PA DANG LDOG PA YANG YIN GYI DNGOS PO NI MA YIN PAS, DNGOS PO MI RTAG PA NYID MA YIN TE, 'BREL PA MED PA'I PHYIR RO ZHES BYA BA'I DON TO, ,DNGOS PO'I 'BRAS BU JI LTA BA MTHONG BA MED NA MI 'BYUNG BA'I PHYIR LA, DE BZHIN DU DNGOS PO'I RGYU YANG YIN TE, DE MED PA YANG DE'I SNANG BA'I DNGOS PO MED PA'I PHYIR RO SNYAM DU SEMS PA LA, DE YANG THAMS CAD KYI TSE ZHES BYA BA SMOS TE, DE DANG 'DRA BA MA YIN PA NI RIG PAR BYA BA MA YIN PA'I PHYIR, DNGOS PO'I DE BZHIN PA NYID KHO NA RIG PA MA YIN ZHES BYA BA'I DON TO, ,'CHI BA'I SGRA 'JUG PA TZAM NYID CES BYA BA NI SANGS RGYAS PA LA LTOS NAS YIN NO, ,CI LAS SHES SHE NA, RNAM SHES LA SOGS 'GAGS PA NI, ,ZHES BYA BA SMOS SO, ,SHING RNAMS LA NI YOD PA MA YIN NAM, DE'I PHYIR DE MED NA CI LAS MI 'GYUR SNYAM DU SEMS PA LA RNAM PAR SHES PA 'GAGS PA NI ZHES BYA BA STE, RNAM PAR SHES PA MED PA TZAM NI 'CHI BA MA YIN TE, DE LTA MOD KYI ZHIG PA NI YIN TE, DE YANG YOD PA SNGON DU 'GRO BA CAN GYI YIN GYI SHING RNAMS LA NI YOD PA NYID MED DO ZHES BYA BA'I DON TO, ,RNAM SHES MED NA DE ZHIG PA'I 'CHI BA MED DU CHUG KYANG SHING RNAMS LA SHES PA MED PA'I BDAG NYID KYI TSE NI YOD PA YIN LA, DE ZHIG PA'I 'CHI BA NI 'DI LA YANG YOD DO SNYAM DU SEMS PA LA, TSE YANG DE BZHIN TE ZHES BYA BA SMOS TE, 'GAGS PA YIN NO ZHES BYA BAR SBYAR RO, ,RNAM PAR SHES PA DANG TSE 'DI GNYIS NI MI 'BRAL BA YIN TE, BDAG GCIG MED NA CIG SHOS KYANG MED PA YIN NO ZHES BYA BA'I DON TO, ,MI 'BRAL BA NYID BSTAN PA NI, ,TSE NI SROG YIN DROD DANG NI, ,ZHES BYA BA'O, ,MTSAN NYID KYI RNAM GRANGS SROG NYID KYANG 'BREL PA NI, DROD NI RNAM SHES RTEN ZHES BYA BA'O, ,'DI'I PHYIR PHYOGS GCIG NYID KYIS 'CHI BA YANG

SHING RNAMS LA YOD PA MA YIN PAR BSTAN PA NI, 'CHI BA'I KHAS LEN NA ZHES BYA BA'O, ,DE LTA YIN NA SHING RNAMS LA SANGS RGYAS PA RNAMS 'JIG RTEN PA BZHIN DU 'CHI BA'I THA SNYAD JI LTAR BYED PA YIN SNYAM DU SEMS PA LA, DES NA 'DI SHING DAG LA ZHES BYA BA SMOS TE, 'DI ZHES BYA BA NI SANGS RGYAS PA'O,, GAL TE 'CHI BA'I SGRA'I RGYU MTSAN SKAMS PA YIN NA 'DAM LA SOGS PA CIS MA YIN, DES NA SGRA NGES PA CAN YIN PA'I PHYIR SKAMS PA LAS GZHAN PA, DNGOS POR GYUR PA'I 'CHI BA YIN NO SNYAM DU SEMS PA NI, 'CHI BA'I SGRA 'JUG PA'I PHYIR ZHES BYA BA'O, ,SKAMS PA RJOD PAR BYED PA YANG YIN PA'I SGRA NI RGAN PO RNAMS KYI SHING LA SOGS PA LA NGES PA YIN PAS, 'DAM LAS SKYES PA BZHIN DU YUL NGES PA CAN YIN ZHES LAN DU BSTAN PA NI, 'DI LA BRJOD PAR 'DOD PA'I GZHAN DBANG PHYIR ZHES BYA BA BSTAN ZIN TO, ,CI BRJOD PAR 'DOD PA'I SEMS PA LAS SAM, ,'ON TE DON GYI NGES PA LAS YIN ZHES THE TSOM ZA BA YIN NO SNYAM DU SEMS PA NI, 'ON TE DON MTHONG BAS ZHES BYA BA'O, ,SKAMS PA MA GTOGS PA GANG GIS SHING RNAMS 'CHI BA'I SGRA'I BRJOD BYAR MA GRUB PA YIN NA, JI LTAR THE TSOM ZA BA YIN, ,GNYI GA'I KHYAD PAR DRAN PA'I NGO BO YIN PA'I PHYIR RO ZHES BYA BA 'DI'I LAN DU, ,'CHI BA GRUB NA ZHES BYA BA SMOS TE, ,MNGON SUM LA SOGS GRUB BA MED NA BRDA 'DZIN PA MED PA'I PHYIR, SGRA NI DON GYI 'JOG BYED MA YIN NO ZHES BYA BA'I DON TO, ,DBANG PO LA SOGS PA'I SGRA BZHIN DU DBANG PO LAS 'DAS PA'I YUL CAN NI, RTAG TU SGRA'I DPAG BYA MA YIN NAM SNYAM DU SEMS PA NI, 'ON TE SGRA DANG DON GYI 'BREL PA ZHES BYA BA STE, SKYA BO MA YIN PA LAS LDOG PAS ME SGRUB PA BZHIN DU DBYIBS MA YIN PA LAS LOG PA'I DNGOS PO MA YIN PA NYID NI SEMS PA CAN GYI SGRUB BYED MA YIN TE, DE TZAM LA DE MA KHYAB PA'I PHYIR RO ZHES, THA DAD DNGOS LA RAB GRUB PA, ,ZHES BYA BAS BSTAN ZIN TO, ,RIGS GZHAN LA NI RAB GRUB PA ZHES BYA BA 'DIS NI DNGOS POS STONG PA'I SGRA GCIG PU MTHONG BA LAS NI BSGRUB BYA 'GRUB PA MA YIN PA'I PHYIR, ,ZLOS PA MA YIN PAR NI, DON GCIG

, ,NA YANG SKYA BO LAS, ,ZHES BYA BAS BSTAN ZIN TO, ,JI LTAR SKYA BO NYID DE MI BYED PA RNAM PAR GCOD PA'I BDAG NYID KYIS DNGOS PO YIN LA, DE BZHIN DU DBYIBS SAM BSKYED PA YANG MA YIN NAM, DE'I PHYIR JI LTAR SGRA TZAM MTSUNGS PA YIN, DON LA 'KHRUL PA CAN YIN PAR BYAS PAS SGRA LA YANG MA YIN NAM, GANG GI DE LTAR LOG PAR RTOGS PAR BYED JI LTAR SGRA MA NGES PA YIN PA DE BZHIN DU, ,DNGOS PO YANG NGES BRJOD PA MA YIN PAR BSTAN PA YIN NO ZHE NA, SKYA BO NYID LA SOGS PA NYID KYIS BSTAN PA KHO NA YIN NO, ,LDOG PAS THA DAD PA RJOD PAR BYED PA MA YIN PA'I SGRA BSDUS PA RJOD PAR BYED PA'I SGRUB BYED DU KHAS LEN PA YIN NA, SKYON 'DI BRJOD PA YIN NO ZHE NA, MA YIN TE, DNGOS PO YOD PA'I PHYIR RO, ,GANG GI PHYIR BSKYED PA NI SGRA TZAM MA YIN LA, BRTAGS PA'I SKYON RNAMS NI 'DI DAG TZAM MA MA ZHE 'AM, YANG DAG PA MA YIN NO, ,DE LTA YIN NA DE'I SGRA GCIG YOD PAS DON GCIG YOD PAR RLOM SEMS PAS NYE BAR DGOD PAR BYED PA YIN TE, SKYA PO MA YIN PA LAS LDOG PA BZHIN DU, DBYIBS MA YIN PA LAS LDOG PA NI MA NGES PA YIN LA, DE'I BYE BRAG NYID LA SEMS PA CAN GYIS KHYAB PA'I PHYIR RO ZHES BSTAN PA LA, DE'I SGRA GCIG NYID KYI YANG DE'I BYE BRAG MED PAR RTOGS PA DE LA DE SKAD BSTAN PA YIN TE, SGRA GCIG NYID YIN YANG DON GCIG NYID MA YIN TE, GO'I SGRA GCIG NYID LA YANG DE'I BRJOD BYA LKOG SHAL LA SOGS PA DANG LDAN PA DANG TSIG LA SOGS PA RNAMS THA DAD PA'I PHYIR RO, ,DE BZHIN DU BSKYED PA LA SOGS PA NI DNGOS PO NI DBYE BA MA YIN NO ZHE NA, MA YIN TE, DE LA YANG RDZA MKHAN KHO NA LAS BUM PA LA SOGS PA'I BSKYED PA DANG, SA GZHI LA SOGS PA BSKYED PA YANG RANG GI NGO BOS PHAN TSUN MTSAN NYID MI MTHUN PA NYID KYIS SGRA TZAM NYID THA MI DAD PA YIN NO, ,DE BZHIN DU BUM PA DANG SNAM BU LA SOGS PA RNAMS KYI BSKYED BYA'I DNGOS PO GCIG RJES SU 'JUG PA NI SA GZHI LA SOGS PA RNAMS LAS LDOG PA YIN LA, DE BZHIN SA GZHI LA SOGS PA RNAMS KYANG YIN PA'I PHYIR, ,DES KYANG RIGS MI MTHUN

PA'I DNGOS PO NYID YIN LA, 'DIS NI SKYA BO NYID KYANG NGES PA YIN NO, ,'GREL BA YANG DE LTA BU NYID DU BSHAD PAR BYA'O, ,RANG GI NGO BOS THA DAD PA NI RANG RIG PAR BYA BA YIN PA'I PHYIR, DE'I RANG GI NGO BO'I DBYE BA'I SGO NAS SNGAR LAN BSTAN PA NI MA YIN NO, ,BDEN TE, SGRA LA DBYE BA MED PAS DE'I DBYE BA NI SHING BZHIN DU MI SRID PAS 'DI BSTAN PA'I PHYIR SKYON MED DO, ,'DIS NI 'DUS PA DANG, 'DUS PA MA YIN PA DAG DANG LAS DANG RDZA MKHAN LA SOGS PA RNAMS DANG, DBANG PHYUG LA SOGS PA RNAMS KYIS GZHAN SEMS PA CAN LA SOGS PA'I SGRA GCIG NYID YIN YANG, DNGOS SU NI RIGS MI MTHUN PA NYID YIN PAR BSTAN PAR RIG PAR BYA'O, ,'DUS PA YIN PA'I PHYIR DANG RDZA MKHAN LA SOGS PA'I BSKYED BYA'I NGO BO'I BYE BRAG LAS KYANG RIG GZHAN GANG YIN PA STE, SGRUB BYED GZHAN LA DE KHYAB PAR BYED PA NYID DU GRUB PA'I 'DUS PA CAN MA YIN PA DBANG PHYUG LA SOGS PA NI, DE'I RIGS SU MA GRUB PA YIN NO ZHES BYA BA'I DON TO, ,DE'I RIGS SU GRUB PA'I SGRA TZAM GYI SPYI LAS SGRUB BYED BSGRUB BYAR MI RIGS SO, ,LKOG SHA LA LA SOGS PA DANG LDAN PA NYID DU GRUB PA'I RVA LA SOGS PA 'DUS PA'I NGO BO NYID LA, GO'I SGRA SPYI LAS TSIGS LA SOGS PA RNAMS KYIS SOGS PA'I SGRA NI GSAL BAR BYED PA YIN PA'I PHYIR, RVA LA SOGS PA LA YANG SBYAR BAR BYA'O, ,DES NA RVA LA SOGS PA RNAMS KYI BZHIN DU TSIG LA SOGS PA RNAMS KYANG GO BA'I SGRA LAS YIN NO ZHES BYA'I DON TO, ,DE BZHIN DU SGRUB BYED DAM BSGRUB BYA'I NGO BO YANG MTSAN NYID MI MTHUN PAR MNGON SUM GYIS NGES PA YIN PAS TSIG GCIG SBYAR BAS GCIG PAR 'GYUR BA MA YIN TE, DE DANG 'GAL BA'I PHYIR RO ZHES BSTAN PA YIN NO, ,SGRA DE DANG 'GAL BAR CIS MI 'GYUR, DE YANG GSAL BAR BYED PA NYID YIN PAR KHYAD PAR MED PA'I PHYIR RA ZHE NA, 'DOD PA'I DBANG GIS MNGON PAR GSAL BA NYID KYIS DON LA GZHAN DBANG NYID MED PA'I PHYIR, NYE BAR GNAS PAR BYED PA MA YIN PAR BSTAN PA NI, BRJOD PAR 'DOD PA'I GZHAN DBANG PHYIR, ,ZHES BYA BA'O, ,DBANG PO LAS SKYES PA BZHIN DU SGRA LAS BYUNG BA TSAD MA YIN TE, DON MTHONG

, ,BA'I PHYIR RO ZHE NA, MA YIN TE, DON GYI RANG GI NGO BO MA MTHONG BA YIN TE, DE LA YANG MNGON SUM GYIS GZHAN DU MTHONG BA'I PHYIR RO, ,SHES PA THAMS CAD KYI RANG GI NGO BO RIG PA NI DNGOS SU BA YIN LA, THOB BYA'I DON RIG PA NI DES BSKYED PAR BYA BA YIN PA NYID KYIS DE DANG 'BREL BA YIN PA'I PHYIR DE'I BDAG NYID DU NYE BAR BSTAN PA YIN NO, ,DE LAS BYUNG BA MA YIN PA LA SGRA LAS BYUNG BA LA NI RIGS PA 'DI MA YIN NO, ,DMIGS BYA NYID TZAM NI RGYU NYID MA YIN TE, ZLA BA GNYIS LA SOGS PA RNAMS LA YANG DE YOD PAS SHES PA DE TSAD MA NYID DU THAL BAR 'GYUR BA'I PHYIR RO, ,DE NI DBANG PO LAS SKYES PA YIN PA YANG PHRAD PA MED PA'I PHYIR KHO BO CAG TSAD MAR MI 'DOD DO, ,'DI SKAD BSTAN PAR 'GYUR TE, YUL GANG DU DUS GANG GI TSE RNAM PA GANG DANG LDAN PA'I DNGOS POR DES KUN DU MTHONG BAR BYAS PA DE LTA BU MED DO ZHES BYA BA'I DON TO ZHE NA, YUL GZHAN LA SOGS PA LA YANG DES MTHONG BA MA YIN NO, ,GZHAN GYIS MTHONG BA MA YIN NO ZHE NA, DE LTA YIN NA DE'I YUL YIN GYI GZHAN GYI YUL MA YIN PA'I PHYIR YUL MED PAR 'GYUR BA DES NA YANG DE NYID DPAG BYA YIN NA JI LTAR DBANG PO DANG MI 'PHRAD PA YIN, RNAM PA GANG GIS DPOG PA DE DE LA MED PA'I PHYIR RO ZHE NA, GANG DU SNANG BA DE NA MED PA YIN NA GZHAN NA YANG DE BZHIN DU MED PA YIN TE, MI SNANG BA'I PHYIR RO, ,MED PA YANG MA YIN TE, SNANG BA DANG 'GAL BA'I PHYIR RO, ,DES NA SHES PA'I RANG GI NGO BO KHO NA YIN NO, ,DE'I PHYIR DMIGS BYA MA YIN PA NYID DAM, RGYU NYID KYI PHYIR SNANG BAS BYE BRAG MED PA'I PHYIR, BDAG NYID KHO NA SHES PA RNAMS KYI SNANG BA KHO NA YIN NO, ,DE YANG PHRAD BYA DANG 'BREL BA'I PHYIR GNOD PA MED PA YIN LA, DE MED NA GNOD PA MED PA'I PHYIR TSAD MA NYID DAM CIG SHOS RNAMS SU RNAM PAR GZHAG PA YIN NO, ,DE LTAR NI SGRA RNAMS NI TSAD MA NYID MA YIN TE, 'BREL PA MED PA'I PHYIR RO, ,DE BZHIN DU SGRA GCIG NYID LA YANG DON GCIG PA MA YIN TE, THA DAD PAR SNANG BA DANG 'GAL BA'I PHYIR RO ZHES BSTAN NAS, DA NI RGOL BA DANG, PHYIR RGOL BDAG LAS GANG YANG RUNG BA DANG KHAS LEN PA DANG 'GAL

BA'I PHYIR YANG, DON MI 'GRUB PA NI SGRUB BYED MA YIN PAR BSTAN PA NI, SEMS PA MED PA DANG MI RTAG PA LA SOGS PA'I GTAN TSIGS LAS DANG, SEMS PA CAN DANG SHUN PA BSHUS NA 'CHI BA'I PHYIR ZHES DPYAD PA YIN NO ZHES BYA BAR SBYAR RO, ,BLO NI SEMS PA CAN MA YIN TE, MI RTAG PA'I PHYIR ZHES BYA BA'I MNGON PAR GRUB PA TZAM NI RGOL BA GRANGS CAN LA MI RTAG PA NYID KYI 'JIG PA'I NGO BO MA GRUB PA YIN NO, ,SHING RNAMS NI SEMS PA CAN YIN TE, SHUN PA THAMS CAD BSHUS NA 'CHI BA'I PHYIR ZHES BYA BA NGO TSA MED PA'I SBYOR BA LAS PHYIR RGOL BA SANGS RGYAS PA'I RNAM SHES LA SOGS PA 'GAG PA 'CHI BA'I DNGOS PO NI MA GRUB PA YIN LA, SGRA NI GCIG PU GNYI GA LA GRUB PA YIN YANG SGRUB BYED DAM SGRUB BYED DU 'DOGS PAR BYED PA YANG MA YIN NO, ,GAL TE DE LTA YIN NA DBYIBS SAM, BSKYED PA BUM PA LA SOGS PA DANG MTSAN NYID MI MTHUN PA NI SA GZHI LA SOGS PA SEMS PA CAN DU SGRUB PAR BYED PA MA YIN LA, ZHIG PA NYID LA YANG SGRUB PAR BYED PAR MI 'GYUR RO, ,BSKYED PA LA SOGS PA'I SGRA 'AM RTOGS PA YANG GCIG PA'I PHYIR, GCIG NYID KHO NA YIN PA'I PHYIR, GNYIS SU MED PAS GNOD PA MA YIN NA, ,DE 'DI NI SEMS PA CAN DU SGRUB PAR BYED PA LA YANG MTSUNGS PA YIN NA, JI LTAR DE SPONG BAR BYED CES ZER BA NI, GAL TE KHYAD PAR YONGS SU BRTAGS PAS ZHES BYA BA'O, ,DE BZHIN DU MI RTAG PA NYID NI GRANGS CAN RGOL BA LAS MA GRUB PA YIN NO, ,'CHI BA NI PHYIR RGOL BA SANGS RGYAS PA LA MA GRUB PA YIN TE, DE'I PHYIR YAN GAR BA LA MA GRUB PA YIN NO, ,SGRUB BYED KYI SKYON YIN NA BSGRUB BYA DANG SGRUB BYED DANG CHOS DANG CHOS CAN GYI RANG GI NGO BO DANG, DE'I BYE BRAG GI RJES SU 'GRO BA LA SOGS PA'I YANG, YAN GAR BA LA MA GRUB PA'I SKYON DU 'GYUR RO, ,SGRUB BYED KHO NA SKYON CAN YIN LA, ,BSGRUB BYA LA SOGS PA NI MI RIGS TE, RIGS PA MTSUNGS PA'I PHYIR RO, ,PHYOGS KYI CHOS NYID MA GRUB PA LA JI LTA BA KHO NA PHYIR RGOL BA'I GTAN TSIGS MI 'THOB LA, DE BZHIN DU RJES SU 'GRO BA DANG LDOG PA DAG LA SGRA'I CHOS CAN GYI YON TAN GSUM LA SOGS PA LA SANGS RGYAS PA LA SOGS PA LA MA GRUB

, ,PA'I BYE BRAG CAN GYI PHYOGS YIN ZHING GZHI MA GRUB PA'I GTAN TSIGS YIN NO, ,SANGS RGYAS PA MNGON PAR 'DOD PA'I CHOS CAN LA NI, PHAN TSUN MA GRUB BYE BRAG DANG, ,GZHI MA GRUB PA'I GTAN TSIGS 'GYUR, ,'ON TE BDAG GI 'DOD PHYOGS NA, ,RANG NYID 'DI NI GNYIS SU 'GYUR, ,DE BZHIN DU MI RTAG PA NYID KYI 'JIG PA NYID, ,GAL TE NGES PA CAN BRJOD NA, ,DE PHYIR 'DI LAS GNYEN POR 'GYUR, ,KHYAD PAR DU YANG MA GRUB PA'O, ,NGES PA CAN GYI RNAM RTOG KYANG, ,LDOG DANG 'DZIN PA DAG TU NI, ,GONG DU YANG NI KHAS BLANGS PA,, GRANGS CAN RGYAL DPOG DAG TU 'GAL, ,DE LTAR NA GTAN TSIGS DANG 'BREL BA LA SOGS PA'I RNAM PAR RTOG PAS MA GRUB PA DANG, MA NGES PA LA SOGS PA'I SKYON YIN NA, THA SNYAD PA RNAMS KYI YUL DRA BI RA PA DANG, 'PHAGS PA DAG BZHIN DU PHAN TSUN MI MTHUN PA'I PHYIR, 'GRO BA RNAMS THA SNYAD MED PAR 'GYUR RO, ,DE BSTAN PA NI, RGOL BA GZHAN LA LTOS PAS SAM RNAM PAR BRTAG PAS ZHES BYA BA'O, ,DE NYID KYANG GO BZHIN DU RNAM PAR 'GREL BA NI, NAM MKHA'I YON TAN SGRA YI CHOS, ,ZHES BYA BA'O, ,'DI LA LAN DU, DNGOS PO'I NGO BOR MA GRUB LA, ,ZHES BYA BA STE, BSGRUB BYA GANG GIS NGES PA'I NGO BO GANG YIN DE MA GRUB PA LA TSUL 'DI NI DPE DANG DPE CAN DAG THA DAD PA'I RNAM RTOG GI NGO BO'I SKYON YIN NO, ,GANG GI PHYIR SEMS PA CAN DANG RJES SU 'GRO BA CAN GYI NGO BO BUM PA LA SOGS PA LA YOD PA'I NGO BO NI SA GZHI LA SOGS PA'I CHOS CAN LA YOD PA MA YIN TE, 'JIG PA CAN DU NGES PA NI GTAN TSIGS GZHAN GYIS GRUB PA SNGA MA NYID DANG BRAL BA NI BUM PA BZHIN DU SA GZHI LA SOGS PA LA YANG YUL LA SOGS PA'I NGES PA DANG LDAN PA DE NYID LAS YIN LA, DE LA YANG CHOS LA SOGS PA'I BYE BRAG GI RNAM PAR RTOG PA NI SKYON MA YIN TE, BSGRUB BYA LA NGES PA LAS 'DOD PA GRUB PA LA GNOD PA MED PA'I PHYIR RO, ,SBYOR BYED MA YIN PA'I BYE BRAG GI NGO BO MA GRUB PA YIN YANG, BSGRUB BYA LA NGES PA CAN GYI SPYI'I NGO BO TZAM GYI RGYU MTSAN CAN GYI RJES SU DPAG PA LA, NAM MKHA'I YON TAN NYID MA GRUB PA BZHIN DU GZHI'I SKYON CI YANG MED DO, ,LUNG LAS GRAGS

PA'I ZHES BYA BA LA, DPE RNAM DANG 'GREL PA NI, KHYAD PAR YONGS SU RTOGS PA LA YANG ZHES BYA BA STE, GRUB NA KHYAD PAR GNOD PA CAN MA YIN LA, MA GRUB NA YANG ZHES RNAM PAR 'CHAD PA STE, BUM PA DANG SA GZHI LA SOGS PA'I NGO BO YONGS SU RTOGS PA NI, MI RTAG PA NYID LA SBYOR BAR BYED PA MA YIN ZHES BYA BA'I DON TO, ,SEMS PA CAN DU SGRUB PA LA NI DE'I RTOGS PA SBYOR BYED KHO NA YIN TE, NGES PA DANG CIG SHOS RNAM PAR DPYAD PA'I PHYIR YIN NO ZHES BSTAN PA NI, DNGOS PO'I NGO BOR MA GRUB LA TSUL 'DI ZHES BYA BA LA STE, DE RNAM PAR 'GREL PA NI, DBYIBS LA SOGS PA LA NI ZHES BYA BA'O, ,YANG NA GRANGS CAN LA SOGS PA LA LTOS NAS MI RTAG PA NYID LA SOGS PA GANG YANG RUNG BA MA GRUB PA'I SKYON MIN LA, CHOS DANG CHOS CAN GYI RJES SU 'GRO BA LA LTOS NAS KYANG, DE LTAR RTOGS PA YIN NA, GANG YANG GTAN TSIGS NYID DU MI 'GYUR RO SNYAM DU SEMS PA LA, DNGOS PO'I NGO BO MA GRUB LA, ,TSUL 'DI ZHES BYA BA SMOS TE, RGOL BA 'AM PHYIR RGOL BA'I DNGOS PO'I NGO BO BSGRUB BYA'AM, SGRUB BYED DAM RJES SU 'GRO BA LA SOGS PA GANG LA MA GRUB PA DE LA GCIG LA MA GRUB PA'I SKYON NI, RIGS PA 'DI NI RNAM PAR DPYAD PAR BYA BA'I YUL YIN TE, KHYOD KYIS NI GNYI GA LA GRUB PA'I CHOS CAN LA SOGS PA LA GCIG PA LA MA GRUB PA YIN PAR, MA GRUB PA'I BYE BRAG DANG, GZHI MA GRUB PA'I GTAN TSIGS 'GYUR ZHES BYA BA LA SOGS PAS SMRAS PA YIN NO, ,DE BSTAN PA NI, LUNG LAS GRAGS PA NI ZHES BYA BA'O, ,DE BZHIN DU BYAS PA NYID KYANG DPE DANG DPE CAN RNAMS KYI GSAL BA RNAMS LAS MI GZHAN PA'AM, SNA TSOGS PA GSAL BA RE RES THA DAD PA DE RNAMS LAS GAL TE, DPE LA YOD PA NYE BAR BZUNG NAM GRUB PA YIN TE, GAL TE DPE CAN LA YOD PA YIN NA NI, THUN MONG MA YIN PA NYID YIN NO, ,BSGRUB BYAS STONG PA'I RJES SU 'GRO BA DANG, PHYOGS KYIS STONG PA DANG MTHUN PHYOGS LA MED PA'I PHYIR MA TSANG BA'I SGRUB BYED YIN PA DANG, SNA TSOGS PA DANG GSAL BA SO SO LA GCIG NYID PA RNAMS NI, SANGS RGYAS PA DANG DPYOD PA PA LA SOGS PA LA MA

, ,GRUB PA YIN NO, ,GZHAN GSAL BA SO SO BA'I GCIG PA YANG SANGS RGYAS PA DANG, BYE BRAG PA LA SOGS PA LA MA GRUB BA YIN NO, ,DBANG LAS BYUNG BA NYID LA SOGS PA LA DNGOS PO 'AM CI ZHES NGES PAR RTOGS PA'I BYA BA NI GSAL BA RNAMS LAS THA MI DAD PA'AM, SNA TSOGS PA NYID KYI THA DAD PA DANG THA MI DAD PA RNAMS GSAL BA YIN NO; ,DE LA THUN MONG MA YIN PA DANG MA GRUB PA DANG BSGRUB BYA MA TSANG BA DANG MTHUN PA'I PHYOGS NYID LA MA TSANG BA NYID KYI RJES SU 'BRANGS NAS BRJOD PAR BYA BA YIN NO, ,RGOL BA LA LTOS NAS ZHES BYA BA LA SOGS PA NI SUN 'BYIN PA'I LAM DNGOS PO GNYIS SU MED PAR BSGRUB PA LA, GRUB PA'I MTHA' THA DAD PA LA BRTEN PAR MI RIGS PA'O ZHES BYA BA'O, ,GRUB PA LA YANG, KHYAB PAR GNOD MIN ZHES BYA BA LA SOGS PAS BSTAN PA YIN PAR BSTAN PA NI, DE BZHIN DU KHYAD PAR YONGS SU RTOGS PA LA YANG ZHES BYA BA'O, ,MA NGES PA'AM ZHES BYA BA NI THUN MONG MA YIN PA'O, ,THUN MONG MA YIN PA NYID KYIS ZHES BYA BA NI PHYOGS DANG MTHUN PA'I PHYOGS MTSUNGS PA NYID KYIS THUN MONG GI MA NGES PA'O, ,NAM MKHA'I YON TAN NYID DANG YON TAN GSUM NYID LA SOGS PA'I KHYAD PAR MA GRUB PA YIN NA, SGRA NI RANG GI NGO BO'I CHOS CAN NYID KYIS GRUB PA KHO NA YIN PAR MI RIGS PA MA YIN NAM, GANG GI PHYIR KHYAD PAR MED PA SPYI LA NI MA MTHONG BA'I PHYIR RO SNYAM DU SEMS PA LA, CHOS CAN NYID NI TSAD MAS GRUB PA'I PHYIR ZHES BYA BA SMOS TE, GRUB PA'I MTHA' LAS GRAGS PA'I KHYAD PAR MA GRUB PA YIN YANG, MNGON SUM GYI TSAD MAS GRUB PA'I DNGOS PO NI YOD PA KHO NA YIN NO ZHES BYA BA'I DON TO, ,LUNG LAS GRAGS PA'I BYE BRAG MED KYANG SNANG BA LAS BYUNG BA'I SHES PA'I GZUNG BYA'I NGO GO BO KHO NAS, DON GYI BYA BA BYED PA YIN PAR BSTAN PA NI, KHYAD PAR YONGS SU RTOGS PA YANG, ,ZHES BYA BA'O, ,BYAS PA NYID LA SOGS PA'I GSAL BA RNAMS LAS GZHAN PA MA YIN PA'AM, SNA TSOGS PA'AM GZHAN MA YIN PA YANG GSAL BA SO SO LAS THA DAD PA'AM, THA MI DAD PA YANG RUNG BA'O, ,DE BZHIN DU SNA TSOGS PA NYID LA YANG BRJOD NAS THUN MONG

MA YIN PA NYID LA SOGS PA BRJOD BYA MA YIN NAM SNYAM DU SEMS PA LA, DE LA GDON MI ZA BAR ZHES BYA BA SMOS SO, ,GAL TE RGOL BA DANG CIG SHOS LA LTOS PAS MA YIN PA DE LTA NA, RGYU GANG YIN ZHES BSTAN PA NI, MI RTAG PA DANG ZHES BYA BA'O, ,KHYAD PAR RAB TU GRUB PA NI ZHES BYA BA STE, RGOL BA LA SOGS PA LA LTOS NAS SO, ,DE'I KHYAD PAR MED NA SPYI NYID MED PAR 'GYUR BA MA YIN NAM SNYAM DU SEMS PA LA, TSAD MAS GRUB PA'I KHYAD PAR GZHAN YIN PAR BSTAN PA NI, RGYU'I DE MA THAG CES BYA BA'O, ,DE'I PHYIR BSGRUB BYA'I SPYI ZHIG PA NYID LA SOGS PA YON TAN LA SOGS PA LA SKYA BO NYID BZHIN DU BSKYED PA DANG LDAN PA NYID LA SOGS PA NI SGRUB BYED KHO NA YIN LA, DE'I KHYAD PAR LA NI DE TZAM DU MA NGES PA'I PHYIR NGES PA CAN GYI KHYAD PAR GYI RNAM PAR RTOG PAS SGRUB PAR BYED PA NYID YIN TE, ME LA SKYA BO NYID KYI BYE BRAG LTA BU'O, ,SGRA YOD NA DON YOD PA MA YIN TE, DE LTA BU'I RJES SU 'GRO BA MA MTHONG BA'I PHYIR MI RTAG PA DANG 'CHI BA LA SOGS PA NI RGOL BA DANG PHYIR RGOL BA DAG GIS KHAS BLANGS PA MA YIN NO, ,JI LTAR PHYOGS DANG MTHUN PA'I PHYOGS THUN MONG BA MA YIN PA NI SGRUB BYED MA YIN PAR RJES SU 'GRO BA MED PA'I PHYIR RO, ,DE BZHIN DU RGOL BA DANG PHYIR RGOL BA THUN MONG MA YIN PA YANG MA YIN TE, MA RTOGS PA'I PHYIR DANG, DE'I SGRUB BYED MA YIN PA'I PHYIR RO, ,SGRA LA GCIG NYID MED KYANG DON LA GCIG MED PA'AM GTAN TSIGS NYID MA YIN PA YANG MA YIN NO ZHES GNAS SKABS KYI RJES SU 'JUG PA YIN PAR BSTAN PA NI, SGRA MA GRUB KYANG STE MED KYANG, , DNGOS PO GRUB NA STE YOD NA'O, ,GRUB PAR 'GYUR BA NI BSGRUB BYA'O, ,GAL TE YANG BSGRUB BYA YUL GCIG PA NYID KYIS SGRA GRUB PA MA YIN PA DE LTA NA YANG, DON GCIG PA'I LUS NYID YOD PA'I PHYIR RDUL PHRA RAB RNAMS CHA SHAS DANG BCAS PA'AM, MI RTAG PA 'GRUB PAR MI RIGS PA MA YIN NAM, LUS NYID KYIS BYAS PA'I MI RTAG PA NYID LA SOGS PA NI, BUM PA LA MA YIN NO, ,'O NA CI ZHE NA, BYAS PA NYID KYIS SBYAR BA YIN NO, ,DES NA LUS NYID NI SBYOR BYED MA YIN NO, ,GZHAN DU GRUB PA'I BSGRUB BYA LA RAB TU SBYAR BA YOD PA'I PHYOGS 'DI LA MA GRUB PA'I PHYIR, MA GRUB PA YIN NO, ,DE LTA

, ,YIN NA GTAN TSIGS LTAR SNANG BA THAMS CAD MA GRUB PA KHO NA YIN NO, ,RGYU MTSAN GZHAN YOD PA LAS MI GZHAN THOB PA YIN TE, 'DI LTAR PHYOGS DANG MTHUN PA MA YIN PA DAG LA NGES PA'I PHYIR THUN MONG GI MA NGES PA YIN TE, PHYIN CI LOG PA DAG NGES PA'I PHYIR 'GAL BA YIN NO, , PHYOGS GNYI GA DANG 'BREL BA'I PHYIR GNAS SKABS MTSUNGS PA YIN NO, ,GNOD PAR BYED PA'I YUL YIN PA'I PHYIR DUS LAS 'DAS PAR SMRA BA'O, ,'DI NI RGYU MTSAN GZHAN MED PA'I PHYIR MA GRUB PA KHO NA YIN NO SNYAM DU SEMS PA LA, DE LTA NA YANG DES MNGON PAR 'DOD PA'I DON ZHES BYA BA SMOS TE, 'DI'I SBYOR BYED GANG YIN DU BA LA ME BZHIN DU RGYU MTSAN NYID LA, RAB TU SBYOR BA NYID KYANG DU BA BZHIN DU RGYU MTSAN NYID YIN NO, ,DE LTA NA RO NI GZUGS LA SOGS PA'I SBYAR BYA'AM SBYOR BYED MA YIN NO, ,DE BZHIN DU SHING NYID LAS SHING SHA PA NYID NGO, ,'ON TE MED NA MI 'BYUNG BA BYAS PA NYID LA SOGS PA SBYOR BYED NYID DAM CIG SHOS YIN NO, ,DE 'DI NI LUS NYID LA SOGS PA YANG MTSUNGS SO, ,'ON TE RGYU RDUL PHRA RAB RNAMS NI RAGS PA NYID LAS GZHAN DU MI 'THAD PA NYID KYIS RJES SU DPAG BYA RNAMS KYI CHA SHAS DANG BCAS PA NYID KYIS MTHA' MED PA'I PHYIR RI RAB DANG YUNGS KAR DAG GI BONG TSOD DANG LCI YANG NYID MNYAM PAR 'GYUR RO, ,DE'I PHYIR CHA SHAS MED PA'I PHYIR LA MI RTAG PA NYID YIN YANG RGYU'I RTZA BA MED PA'I PHYIR DNGOS PO MED PA LAS DNGOS PO SKYE BAR 'GYUR RO ZHES BYA BA'I RJES SU DPAG PA NI MI RTAG PA NYID LA SOGS PA'I SGRUB BYED KYI LUS NYID LA GNOD PAR BYED PA NYID YIN TE, DE MED NA CHOS CAN MI 'GRUB PAS 'DI'I 'JUG PA YANG MED PA'I PHYIR RO, ,BDEN MOD KYI CHOS CAN TZAM SGRUB PAR BYED BA LA LTOS NAS CHA SHAS DANG BCAS PA DANG, MI RTAG PA YANG SGRUB PAR BYED PA'I PHYIR SKYON MED DO, ,BONG TSOD DANG LCI YANG MNYAM PA YIN PA DANG, THAMS CAD DNGOS PO MED PA LAS DNGOS PO SKYE BAR 'GYUR ZHES BYA BA YANG, JI LTAR MTHONG BAS DE NYID DU RNAM PAR 'JOG PA'I PHYIR DANG, DNGOS PO GZHAN YANG DE KHO NA 'DRA BAR DUS GZHAN NYID KHAS BLANGS PA'I PHYIR YANG NGO, ,MA GRUB PA NYID KYIS SAM KHYAD PAR LA YANG RGYU MTSAN GZHAN YOD

PA'I PHYIR MING GZHAN 'JUG PAR MI RIGS SO, ,'DI NYID KYI MYUR DU GO BA NYID KYIS PHAM PA'I GZHI NYID KYIS MTHAR THUG PA YIN TE, RGYU MTSAN GZHAN LA [?] MED PA'I PHYIR RO ZHES BYA BA'I DON TO, ,JI LTAR SGRUB BYED LA SGRA'I DBANG NYID DU THE TSOM DU GYUR PA DE BZHIN DU, BSGRUB BYA LA YANG YIN NO ZHES ZER BA NI, GAL TE JI LTAR ZHES BYA BA STE, DON LA STE, DBYIBS LA SOGS PA LA BRTEN PA'I DPYAD PA NI, BUM PA DANG SA GZHI LA SOGS PA LA THA DAD PAR RO, ,DNGOS PO'I 'KHRUL PA ZHES BYA BA NI, DNGOS PO NI DON DE'I'O, ,DE BZHIN DU SGRA GCIG GI YOD PA DANG MED PA DAG GIS SGRUB BYED GCIG GI YOD PA DANG MED PA DAG GI TSIGS SU BCAD PA GNYIS KYIS BKAG PA YIN NO, ,DE'I YOD PA DANG MED PA DAG GIS BSGRUB BYA YOD PA DANG MED PA NI MA YIN TE, DE LTAR LDOG PAR RTOGS PA MED PA'I PHYIR RO, ,DBYIBS KYI TZAM NI SGRUB BYED MA YIN PA NYID DE ZHES BYA BA DE LA SGRUB BYAD GCIG NYID CES PA LTOS PA YIN NO, ,DE BZHIN DU SGRA YOD KYANG MI 'BYUNG LA MED KYANG 'BYUNG BA'I PHYIR, SGRUB BYED NI DE'I DBANG MA YIN NO ZHES ZER BAS BSGRUB BYED MED NA SGRA YOD KYANG MI 'GRUB PA LA, DE MED KYANG SGRUB BYED YOD NA 'GRUB PA YIN PAS DE'I DBANG DU 'GYUR BA YIN NO ZHES BSTAN PAR 'GYUR RO, ,DE'I PHYIR GANG LA YANG SGRA RTAG PA YIN TE, GZHAL BYA YIN PA'I PHYIR RO, ,MI RTAG PA YANG YIN TE, MIG GIS GZUNG BAR BYA BA YIN PA'I PHYIR ZHES BYA BA LA SOGS PA LA GZHAL BYA NYID LA SOGS PA'I SGRA NI RANG GI BRJOD BYA NYE BAR 'JOG PAR BYED PA NYID KYIS GCIG BSGRUB BYA'I CHOS LA MA 'KHRUL PA YIN LA, DE DAG LA YANG SGRUB BYED 'KHRUL PA'I PHYIR DANG, MA GRUB PA'I PHYIR BSGRUB BYA NI DE'I DBANG DU MI 'GYUR BA'I PHYIR, SKYON DE KHO NAS SKYON CAN YIN LA, SGRA'I YON TAN GYIS YON TAN MA YIN PAR BSTAN PA NI, DE NYID 'KHRUL LA SOGS YIN NA, ,ZHES BYA BA STE, SGRUB BYED KYI YON TAN JI LTA BA KHO NAS YON TAN YIN LA, SGRA'I SKYON GYIS SKYON MA YIN TE, JI SKAD DU SGRA MA GRUB KYANG DNGOS PO NI ZHES SMOS PA'O, ,DE BZHIN DU DE NYID DE SGRUB BYED KYI SKYON GYI SKYON YANG YIN GYI, DE'I TSE YON TAN DANG LDAN

, ,PA NYID SKYOB BYED MA YIN NO ZHES BYA BA'I DON TO, ,SGRA'I DNGOS PO'I DBYE BA GANG YIN NAS, GANG GIS DE LTAR YIN PA BSTAN PA NI, DNGOS LAS SHES BYA'I SGRA NI SGRUB BYED KYI YUL LA YIN GYI, BSGRUB BYA'I YUL LA NI MA YIN NO, ,DE LTA YIN NA NI SGRUB BYED KYI SBYOR BA MED PAR THAL BAR 'GYUR RO, ,DES NA SGRUB PAR BYED PA LA DBANG BAR GRUB PA YIN PAS, DE'I SKYON KHO NAS SKYON CAN YIN NO ZHES BYA BA NI ZHAR LA BYUNG BA YIN NO, ,RIGS GZHAN LA NI RAB GRUB PA, ,ZHES BYA BA DANG, SGRA MA GRUB KYANG DNGOS PO NI, ,ZHES BYA BA'I TSIGS SU BCAD PA GNYIS KYIS SGRUB BYED LA SGRA DBANG BYED PA MA YIN PAR BSTAN PAS BSGRUB BYA LA SGRUB BYED DBANG BYED PAR GSUNGS PA YIN LA, DNGOS LA DNGOS NI GRUB PHYIR RO, ,ZHES BYA BA 'DIS RJES SU SGRUB PA YIN NO, ,GANG DBANG BYED PA DE KHO NA'I SKYON GYIS BSGRUB BYA 'GRUB PA LA GNOD PAS SGRUB BYED KYI SBYOR BA SKYON CAN YIN GYI SGRA'I YON TAN NI SKYOB BYED MA YIN NO ZHES BYA BA 'DI LA GTAN TSIGS NYID KYIS RNAM PAR 'GREL PA NI, JI LTAR SGRA MA GRUB KYANG ZHES BYA BA STE, SGRUB BYED KYI YUL MA YIN PA NYID KYIS BSGRUB BYA LA REG PA MA YIN NO ZHES BYA BA'I DON TO, ,GAL TE YANG SGRA BSGRUB BYA LA DNGOS SU REG PA MA YIN YANG SGRUB BYED KYI SGO NAS REG PA KHO NA YIN NO ZHE NA, SGRA NI BSGRUB BYA LA DNGOS SU REG PAR NUS PA MA YIN TE, SGRUB BYED KYI SBYOR BA DON MED PAR THAL BAR 'GYUR BA'I PHYIR RO, ,SGRUB BYED KYI SGO NAS KYANG MA YIN TE, DE NI 'KHRUL PA LA SOGS PA'I SKYON GYIS SGRUB BYED MA YIN PA'I PHYIR RO ZHES BSTAN PA NI, RE ZHIG DNGOS PO 'KHRUL PA LA SOGS PAR GYUR NA ZHES BYA BA STE, DNGOS PO'I NGO BOR MA GRUB PA LA 'DI YIN ZHES BYA BAS SEMS PA CAN BZHIN DU MI RTAG PA NYID LA YANG BSKYED PA LA SOGS PA TZAM SGRUB BYED DU MI 'GYUR RO, ,RGOL BA LA SOGS PA LA STOS NAS SAM GCIG LA MA GRUB PA NI MA GRUB PA BZHIN DU GRUB KYANG, GRUB MTHA' THA DAD PA LA BRTEN PAR 'GYUR RO ZHES BYA BA'I THAL CHES PA BSAL BA YIN NO, ,BSGRUB BYA'I RJES 'GRO PHYIR 'BRAS LA, ,ZHES BYA BA 'DIS KYANG

SEMS PA CAN LA DBYIBS LA SOGS PA'I DPE DANG DPE CAN DAG THA DAD PA YIN PAR GSUNGS PAS, LHAG CHOD DU SBYAR BA YIN NO ZHES RGOL BA NI BSGRUB BYA 'BRAS BU NYID LA BTZAL MA THAG TU 'BYUNG BA NYID NI BSKYED PA LA YOD PA'AM, MNGON PAR GSAL BA LA YOD PA LA LTAG CHOD DU BSTAN PAS GSAL BA YIN LA, SEMS PA CAN GYI KHYAD PAR MA GRUB PA'AM, RJES SU DPAG PA THAMS CAD LA KHYAD PAR MA GRUB PA'I THAL BAR 'GYUR BA GSAL BA YIN PA'I PHYIR ZLOS PA MA YIN NO, ,BUM PA DANG RI LA SOGS PA LA BSKYED PA'AM DBYIBS KYANG RUNG STE, RIGS MI MTHUN PA NYID KYIS THA DAD PA YIN TE, DE'I PHYIR BUM PA LA YOD PAR MA GRUB PA'AM, YANG NA ZHES BYA BA 'DIS RI LA SOGS PA LA YANG YOD PA THUN MONG BA DANG, YANG NA DPE LA THE TSOM ZA BA YIN ZHES BYA BA BSTAN NAS, DA NI MI RTAG PA NYID LA SOGS PA BZHIN DU, GZHAL BYA NYID DE TZAM DU THUN MONG BA YIN PAR BSTAN PA NI JI LTAR DNGOS PO DE ZHES BYA BA STE, JI LTAR DE NI DBYIBS LA SOGS PA TZAM MO, ,DNGOS PO ZHES BYA BA NI KHYAD PAR LA LTOS PA MA YIN PAR BSTAN PA'O, ,RGYU NI NYE BAR DMIGS PA'I 'BRAS BU LA TSAD MA YIN TE, BUM PA LA SOGS PA LA DE TZAM GYI SEMS PA CAN TZAM DANG LHAN CIG PAR MTHONG BA'I PHYIR DE KHO NA BZHIN DU, RI LA SOGS PA LA SEMS PA CAN DANG LHAN CIG PAR MA MTHONG BA'I PHYIR RGYU MA YIN TE, TSAD MA MA YIN PA LA MA NGES PA YIN ZHES BYA BA'I DON TO, ,PHYOGS KYI 'KHRUL PA YIN NA GANG LA RJES SU DPAG PA MA YIN PA MA YIN, MNGON SUM NYID KYANG NAM MKHA' LA SOGS PA PHYOGS SU BYED PAS MI RTAG PA NYID DU SGRUB BYED DU 'GYUR RO, ,DE'I PHYIR PHYOGS SU BYED PA NI 'DOD PAS SPRUL PA YIN PA'I PHYIR, DES DNGOS SU BA'I MA NGES PA NYID GSAL BA MA YIN NO, ,GANG GI TSE DE LTA YIN PA DE'I TSE DE NI STE, DBYIBS TZAM NI RGYU GANG GIS TSAD MAR 'DOD CING, RGYU GANG GIS RGYU MA YIN PAR MI 'DOD, GZHAL BYA NYID RGYU YIN ZHES BYA BAR SBYAR BAR BYA STE, RIGS PA MTSUNGS PA'I PHYIR RO, ,YANG NA DBANG PHYUG LA RGYU NYID 'DZIN PAR BYED PA MED PA YIN LA, RGYU NYID 'DZIN PAR BYED

, ,PA'I TSAD MA NI YOD PA YIN PAR BSTAN PA NI, JI LTAR DE NI DBANG PHYUG YIN PAR BSHAD LA RGYU NYID KYIS SHES 'DOD PA NI, GNAS SKABS KYI RI LA SOGS PA LA YIN GYI, DE'I CHA SHAS LA SOGS PA LA NI MA YIN NO, ,DE LTA NYID DE DE'I RGYU MA YIN PAR LHA SBYIN LA SOGS PA 'DOD PA YIN GYI CHA SHAS LA SOGS PA NI MA YIN TE, DE LAS BYUNG BA NYID DU MI SHES PA'I PHYIR RO, ,DE NI STE, DBANG PHYUG CAS BYA BA KHO NA GANG GIS RGYU YIN PAR 'DOD CING, GANG GIS RGYU MA YIN PAR MI 'DOD, DE LTA NA NI LHA SBYIN LA SOGS PA YANG RGYU YIN PAR THAL BAR 'GYUR TE, DE LAS BYUNG BA NYID DU SHES PA MA YIN PA NYID DU BYE BRAG MED PA'I PHYIR RO, ,CHA SHAS LA SOGS PA'I RGYUS LHA SBYIN LA SOGS PA RGYU NYID DU BSGRUN BZOD PA MA YIN TE, DE LAS BYUNG BA NYID DU SHES PA YOD PA DANG MED PA DAG GIS BYE BRAG MED PA'I PHYIR RO ZHES KYANG BSTAN PA NI, JI LTAR DE NI CHA SHAS LA SOGS PA'I DNGOS PO STE, RGYU'I YIN TE DE LAS BYUNG BA NYID DU SHES PA'I PHYIR RO, ,DE BZHIN DU DE RGYU MA YIN PAR YANG GRUB PA YIN TE, DE LAS BYUNG BA YIN PAR SHES PA'I PHYIR RO, ,GANG GI TSE DE LTA YIN PA DE'I TSE DE NI STE, DBANG PHYUG CES BYA BA DE LAS BYUNG BA MA YIN PAR SHES PA NA, GANG GIS RGYUR 'DOD CING GANG GIS RGYU MA YIN PAR MI 'DOD, DE LTA YIN NA LHA SBYIN LA SOGS PA LA YANG RGYU YIN PAR BYE BRAG MED PAR SNGA MA BZHIN DU SBYAR BAR BYA'O, ,GAL TE DE LAS BYUNG BA NYID DU SHES PA MED KYANG DBANG PHYUG DE RGYU YIN NA LHA SBYIN LA SOGS PA YANG DE BZHIN DU 'GYUR RO, ,GZHAN DU NA NI RDZA MKHAN GYIS ZHES BYA BAS 'DI THAL BAR 'GYUR DU BSGRUBS PA YIN NA, CI'I PHYIR BSTAN ZHE NA, GONG DU NI 'JI BA'I RGYUR 'GYUR BA NYID BYE BRAG DANG BCAS PA NI DBANG PHYUG LAS BZLOG PA YIN PAR SGRUB PAR BYED PAR BSTAN PA YIN LA, 'DIR NI DE KHO NA'I DBYIBS LA YIN PA'I PHYIR BZLOG PA MA YIN NO, , YANG NA DBYIBS LA SOGS PA GNAS SKABS MTSUNGS PA YIN PAR BSTAN PA NI, JI LTAR ZHES BYA BA LA SOGS PA STE, DE STE DBANG PHYUG CES BYA BA GANG GI RGYU YIN PA STE, DE LTA NYID DE DNGOS PO'I DBYIBS LA SOGS PA LA MI RTEN PA'I BYE BRAG GO, ,RGYU MIN NI RGYU MA YIN PA STE, DE RGYU MA

YIN PA GANG GIS YIN PA DE YANG BYE BRAG MED PA'I DBYIBS YIN NO, ,'DI'I RGYUD DBANG PHYUG GAM CIG SHOS YIN ZHES DPYOD PAR BYED PA YIN ZHES DE'I PHYIR GTAN TSIGS LTAR SNANG BA YIN NO, ,THE TSOM GYI RGYU YIN YANG MA NGES PA NI MA YIN TE, MNGON SUM LTAR SNANG BAS KYANG MA NGES PA NYID THOB PA'I PHYIR RO, ,DE'I PHYIR GNYI GA'I MTHAR NGES PA CAN NI MA NGES PA YIN GYI GZHAN NI MA YIN NO, ,RTAG PA'I CHOS MI DMIGS PA BZLOG PA LAS DMIGS PA'I NGO BO NI KHYAD PAR DANG BCAS PA NI GTAN TSIGS LTAR SNANG BA MA YIN PA MA YIN NAM, DE BZHIN DU MI RTAG PA'I CHOS NYE BAR DMIGS PA YANG NGO, ,'ON TE MA DMIGS PA TZAM NI MA NGES PA KHO NA YIN TE, YOD PA DANG MED PA THUN MONG PA NYID KYI PHYIR RO, ,DE LTAR DE BZHIN YIN NA DBYIBS TZAM NI MA NGES PA YIN GYI, KHYAD PAR NGES PA CAN YIN NO, DE LTAR YIN YANG DBYIBS LA SOGS PA NI SGRUB BYED MA YIN NO ZHES BYA BA'I DON TO, ,BSHAD PA MDZAD PA PO NI DBANG PHYUG RTAG PAR KHAS LEN PA YIN NA, MI RTAG PA LA'ANG TSAD MA MAD, CES BYA BA'I 'ANG GI SGRA MTSON PA YIN LA, DE NI NAM MKHA' LA SOGS PA DANG RTAG PA NYID DU KHYAD PAR MED PAS RGYU NYID DANG CIG SHOS NYID DAG LA DBYE BA MED PAR 'GYUR RO ZHES 'CHAD PA YIN NO, ,DE YANG DE LAS BYUNG BA NYID KYIS SHES PA MED PAR BYE BRAG MED PA KHO NA YIN PA'I PHYIR, RTAG PA DANG MI RTAG PAR KHAS LEN PA DAG LA BYE BRAG CI YANG MED DO, ,DE BZHIN DU, MTSON DANG SMAN SOGS DANG 'BREL LAS, ,ZHES BYA BA LA SOGS PA NI, YUL NGES PAR STON PA YIN NO, ,GZHAN DU NA SHIN DU 'BREL PAR MI 'GYUR RO ZHES BYA BA LA MI MGU BAS, YANG NA JI LTAR BSKYED PA LAS SNGAR ZHES BYA BA SMOS SO, ,RTAG LAS SKYE BA MI 'THAD PHYIR, ,ZHES BYA BA STE, RTAG BA NYID YIN PAS 'BRAS BU YOD PA DANG MED PA'I DUS SU BYA BA MED PAR 'DUG PA YIN PAR BSTAN NAS, 'DIR NI 'DOD CHAGS LA SOGS PA DANG BRAL BA'I PHYIR, RTAG PA DANG MI RTAG PAR KHAS LEN PA DANG MTSUNGS PA NI BYE BRAG GO, ,BSHAD PA 'DI LA NI RGYU YIN PA DANG, RGYU MA YIN PA NYID

, ,DU 'DZIN PAR, MTSON DANG SMAN SOGS ZHES BYA BA 'DIS BSTAN PA YIN NO, ,RGYU NYID NI 'GA' ZHIG GIS MNGON SUM NYID KYIS MI SHES PA MA YIN NAM, 'BRAS BUS KYANG DBANG PO LA SOGS PA DE BZHIN DU DE'I SHES PA 'BYUNG BA'I PHYIR ZHES BYA BA NI, SDOD 'JUG CES BYA BAR SEMS PA DE LA LAN NI, SEMS PA CAN DANG CIG SHOS DAG GI 'BRAS BU MTSAN NYID MI MTHUN PA YIN GYI, SEMS PA CAN LA BYE BRAG MED PAR GO BAR BYED PA MA YIN NO ZHES BSTAN PA YIN NO, ,DA LTAR NI SEMS PA CAN MA YIN PA'I 'BRAS BU RI LA SOGS PA GANG YIN PA DE YANG RGYU GCIG GIS BSKYED BYA MA YIN TE, ,DE LTA MOD KYI TSOGS PA CAN GYI BSKYED BYA YIN LA, DE LA NI SNA TSOGS PA'I BDAG NYID YIN PA'I PHYIR SEMS PA CAN YANG NANG DU 'DUS PAR 'GYUR BAR SRID PA YIN TE, DBANG PO LAS 'DAS PAS SHES PAR DKA' BA'I PHYIR DANG, MED PAR NGES PA MED PA'I PHYIR RO, ,YOD PA SRID PA NI 'BRAS BU MTHONG BA LAS DGAG BYA MA YIN TE, SHIN TU YUN RING POR MA MTSON PA RNAMS KYANG YANG NYE BAR MTSON PAR DMIGS PA'I PHYIR RO, ,'BRAS BU'I DBYE BA YANG SEMS PA CAN LA RJES SU MI MTHUN PA MA YIN TE, 'BRAS BU'I BSKYED BYAR 'DOD PA TZAM LAS BYUNG BAS MI MTSUNGS PA'I PHYIR RO, ,'DI LA MA GRUB PA'AM ZHES BYA BA 'DIS MA GRUB PA NYID DE, THE TSOM ZA BAS MA GRUB PA NYID DAM LAN BTAB PA MA YIN NAM, SEMS PA CAN DU GRUB PAR NGES PA YIN NA, DE SUN DBYUNG BAR BDEN PA YIN NA 'DIR NI DE SRID PA NI, 'BRAS BU TZAM MTHONG BA LAS 'BYUNG PA YIN NO ZHE NA, 'ON TE 'GYUR NA YANG DBANG PHYUG KYANG BRGYA ZHIG LA ZHES BYA BA LA SOGS PAR THE TSOM ZA BA NI, 'BRAS BU LA NGES BYAS PA'I KHYAD PAR MED PAS GSAL BA YIN NO, ,DE SKAD DU YANG, RANG BZHIN NO 'BRAS BU STE, DE'I DBYE BA DES BYAS PA NI KHYAD PAR TE DE MED NA SEMS BA CAN GYI BYED PA SRID PAR NI MI RIGS TE, DBANG PO LAS 'DAS PA'I BYED PA'I BYA BA NI DES BYAS PA'I 'BRAS BU'I KHYAD PAR MTHONG NA MIG GIS GZUGS SHES PA BZHIN DU NGES PA MA YIN LA, BYE BRAG MED NA DE YANG MED PA YIN TE, DPER NA DE NYID LA RO 'DZIN

BZHIN NO, ,JI LTAR DE NYID LA RO 'DZIN GYI SRID PA MA YIN PA LTA BU'O, ,DBANG PO LAS 'DAS PA RNAMS KYI BYA BA YANG DES BYAS PA'I KHYAD PAR YOD PA DANG MED PA DAG GIS YOD PA DANG MED PA DAG GI NGES PA NI RANG GI NGO BO BZHIN DU BYA BAR DKA' BA MA YIN ZHES BYA BA'I DON TO, ,DA NI 'GREL PA RNAM PAR 'BYED PA YIN TE, SGRUB BYED NI GZHAN DU MI 'THAD PA YIN GYI, NAM MKHA' YOD KYANG DE DANG MTSUNGS PA'I YON TAN CAN DE MA YIN PA'I GNAS LAS SAM GZHAN LAS GRUB PA MA YIN TE, GZHAN DU GRUB PA'I PHYIR RO ZHES BSTAN PA NI, JI LTAR DBANG PHYUG KHYAB PA NYID DANG RTAG PA NYID LA SOGS PA STE, NAM MKHA' LA SOGS PA DANG MTSUNGS PA'I YON TAN CAN GZHAN DU GRUB PA LA GZHAN DU SEMS PA NI, 'ON TE DE NI ZHES BYA BA'O, ,DE LA YANG STE SHES PA LA YANG MTSUNGS PA'I PHYIR RO DBYIBS BZHIN DU SHES PA LA YANG NAM MKHA' NYID RGYU YIN NO ZHES BYA BA'I DON TO, ,MTHONG BA'I RJES SU 'BRANGS NAS KYANG RTOG PA YIN NA BYED PAR 'DOD PA TZAM GYI RGYU MA YIN PA'I PHYIR BOR NAS RDZAS TZAM GYI MTHAR THUG PA YIN PA'I PHYIR, NAM MKHA' KHO NA LA YOD PA YIN NO ZHES BSTAN PA NI, BYED PAR 'DOD PA TZAM GYIS NI ZHES BYA BA STE, GAL TE YANG SEMS PA CAN GYI KHYAD PAR GYIS 'BRAS BU NI LAS LA SOGS PAR MTHAR THUG PA YIN PAR BSTAN PA NI, GAL TE LAS LA SOGS ZHES BYA BA STE, BSAL NAS NI SPANGS NAS SO, ,DE LTA MIN NA ZHES BYA BA NI, LAS LA SOGS PA'I NUS PA NYID YOD KYANG GZHAN DU RTOGS PA YIN NA GCIG TU MI 'GYUR TE, ,'ON KYANG THAMS CAD DU 'GYUR LA, DE YANG GCIG GI MA YIN TE 'ON KYANG THAMS CAD KYI'O, ,'BRAS BU NI RGYU'I BYA BA YOD NA 'BYUNG BA YIN GYI DE DANG BRAL BA LA NI 'GAL BA'I 'BRAS BU YIN PAR BSTAN PA NI, 'DOD CHAGS LA SOGS PA THAMS CAD CES BYA BA'O, ,'DOD CHAGS LA SOGS PA SPANGS KYANG LAS KYI BYA BA DANG BCAS PAR 'GYUR BA YIN NO SNYAM DU SEMS PAS, 'JIG RTEN GYI LAS ZHES BYA BA'O, ,LAS KYI GZHAN DBANG NYID YIN YANG RGYU TZAM 'GRUB PA YIN GYI BYED PA PO NI MA YIN TE, RANG DBANG MED PA'I PHYIR RO ZHES BSTAN PA NI, PHA ROL LAS KYI GZHAN DBANG ZHES BYA BA'O, ,'DI NI PHA ROL

, ,LAS KYI GZHAN DBANG MA YIN TE, 'ON KYANG SNYING RJES YIN NO, ,DES NA RANG DBANG MED PA MA YIN NO SNYAM DU SEMS PA NI, DE LA BRTZE TSUL ZHES BYA BA'O, ,BRTZE BA DANG LDAN PA YIN NA DGE BA GCIG PU'I SKYED BYED DU 'GYUR LA, MI DGE BA NI 'GAL BA'I 'BRAS BU YIN PAR BSTAN BA NI, DMYAL SOGS ZHES BYA BA'O, ,'ON KYANG 'JIG RTEN LA MI DGE BA'I LAS YOD KYANG 'DI LA BYIN GYIS BRLABS PA MED NA, 'BRAS BU BSKYED PAR NUS PA MED PA'I PHYIR 'DI 'BA' ZHIG BYIN GYIS RLOB PA PO YIN GYI, BYED PA PO NI MA YIN NO SNYAM DU SEMS PA NI, 'JIG RTEN LAS NYID CES BYA BA'O, ,DES BYIN GYIS MA BRLABS NA 'BRAS BU MED LA, BYIN GYIS BRLABS PAS NI 'BRAS BU DANG LDAN PAR BYAS PA YIN GYI, 'PHAGS PA NI MA YIN TE, 'DOD CHAGS LA SOGS PA DANG LDAN PAR 'GYUR RO ZHES BSTAN PA NI, 'DI 'PHAGS PA MIN ZHES BYA BA'O, ,'DOD CHAGS DANG BRAL PA YIN YANG GZHAN GYI DON LA 'JUG BA NI MI DGE BA'I LAS LA BDE BAR BYA BAR MI NUS PA'I PHYIR, MI BDE BAR BYED PA YIN NO ZHE NA, 'PHAGS PA GAL TE ZHES BYA BA'O, ,LAS DE LA JI LTAR BYA BA BSTAN PA NI BTANG SNYOMS NYID CES BYA BA'O, ,'ON TE 'GRO BA SNA TSOGS PA NI BDE BA CAN DANG SDUG BSNGAL CAN LA SOGS PAR BYED PA PO MED NA LAS BZHIN DU MA GRUB PA DE LTA BUR GO BAR BYED PA YIN NO SNYAM DU SEMS PA NI, 'ON TE TSUL 'DI ZHES BYA BA'O, ,LAS YOD NA DBANG PHYUG YOD KYANG GZHAN DU SNA TSOGS PA NYID 'GRUB PAR BSTAN PA NI, 'DI BDAG NYID LA YANG DBANG MED PA'I PHYIR ZHES BYA BA STE, RANG GI LAS TE DGE BA'I LAM MI DGE BA'I 'TSAM PA'I LAS KYI SPYOD PA BYED PA DANG, THOB PA'I NGO BO GANG YIN PA DE DE BZHIN NO, ,LAS KYIS MA 'PHANGS PA 'BRAS BU MED PA MA YIN NAM, LAS MED KYANG DGE BA GCIG PU SKYED BYED DU THAL BAR 'GYUR BA'I PHYIR RO, ,'PHEN BYED MA YIN PA NI GNYI GA LA MA GRUB PA YIN PAR BSTAN PA NI, DBANG PHYUG GIS BSKUL NA ZHES BYA BA'O, ,SA DANG SA BON LA SOGS PA'I TSOGS PA LA YOD PA YANG PHAN TSUN RTEN PA'I PHYIR, PHUL DU BYUNG BAR SGRO BTAGS PA MA YIN NAM SNYAM DU SEMS PA LA,

GCIG KYANG NI ZHES BYA BA STE, DBANG PHYUG NI RTAG PA NYID KYI PHYIR SGRO BTAGS PA PHUL DU BYUNG BA MA YIN LA, SA BON NI YIN NO ZHES BYA BA'I DON TO, ,'ON TE TSUL 'DI NI 'DI LTA BU ZHES BSTAN PA NYE BAR BSDU BA NI, GAL TE DBANG PHYUG LA NI NUS PA MED NA ZHES BYA BA STE, MED NA ZHES BYA BA NI MA YIN NAM ZHES BYA BA'I DON TO, ,'GRO BA LAS KYIS BSGRUB PAR 'GYUR, ,ZHES BYA BAR BLTA BAR BYA'O, ,LEGS PA'I LAS KYIS BSGRUBS PA NI DGE BA'I LAS KYI 'BRAS BU STE, DBANG PHYUG GIS PHYIN CI LOG TU BYED CES BYA BA'I DON TO, ,'ON TE 'JIG RTEN YANG PHYIN CI LOG PA KHO NA YIN LA, DES NA DBANG PHYUG KYANG DE BZHIN DU YIN NO SNYAM DU SEMS PA LA 'JIG RTEN RANG DBANG ZHES BYA BA STE, 'DI NI 'JIG RTEN NO, ,RANG DBANG NI PHYIN CI LOG TU'O, ,LAN NI LAS SMRA BA NYID CES BYA BA'O, ,YANG NA SNGA MA DANG 'DI YANG BSDUS NAS BSTAN PA NI, GAL TE DBANG PHYUG LA NI NUS MED NA ZHES BYA BA STE, NAN GYIS BYED PA YIN PA DE LTA NA DGE BA MANG PO SKYED PAR BYED PAR 'GYUR RO, ,GAL TE DE ZHES BYA BA DBANG PHYUG RANG DBANG DU BYED PA STE, DGE BA DANG MI DGE BA LA SOGS PAS SNA TSOGS PA YIN PA DE LTA NA LAS NYID SNA TSOGS PA YOD PA'I PHYIR SNA TSOGS PA GZHAN LA DON MED DO ZHES BYA BA'I DON TO, ,CI STE YANG ZHES BYA BA LA SOGS PA'I RGOL BA'I LAN DU DE DE LTA NA 'O NA NI ZHES BYA BA SMOS SO, ,RGYUN GYIS SAM ZHES BYA BA LA SOGS PAS PHYED SNGA MA RNAM PAR 'GREL PA YIN NO, ,DE'I DBANG DU BYAS NAS BSTAN PA NI, JI LTAR RDZA MKHAN LA SOGS PA ZHES BYA BA'O, ,LDOG PA'I PHYIR ZHES BYA BA NI 'BRAS BU MED PA'I DUS NA MED PA NI LDOG PA YIN LA, DE'I DUS NA YOD PA'I RTAG PA NI DER MI 'GYUR RO ZHES BYA BA'I DON TO, ,'DI LTA BU'I LDOG PA DANG MTSAN NYID MI MTHUN PA NI, GNYI GA'I DE YOD NA 'BYUNG BA TZAM MA YIN PAR BSTAN PA NI, GANG DAG YOD NA ZHES BYA BA STE, RJES SU 'JUG PA MED PA STE, TSAD MA MED PA CAN NO, ,RTOG PA NI YON TAN CAN GYI RGYU MTHONG NAS GZHAN DU RTOG PA YIN PA DE LA YON TAN CAN DU MTHONG NAS GZHAN DU RTOG PAR 'GYUR RO, ,BRTAGS PA'I NUS PAS KYANG GZHAN

, ,DU RTOG PA MA YIN NA, MTHONG BA DE BZHIN KHO NA YIN GYI GZHAN DU RTOG PA NI MA YIN NO ZHES BYA BA'I DON TO, ,GEGS ZHES BYA BA NI BAR DU GCOD PA'O, ,THUG PA MED PA LA SOGS PA ZHES BYA BAS NI MA MTHONG BA'I RTOG PA YIN NA MTHONG BA NYAMS PA YIN NO ZHES BYA BA'I DON TO, ,RTAG TU GNAS PA ZHES BYA BA NI DES BYAS PA'I 'BRAS BU MED PA'I DUS KYI MED PA MED PAR BSTAN PA YIN TE NYE BAR MTSON PA LA SOGS PA'I BAR DU YIN NO, ,GSHOL GYI BYED PA'I KHYAD PAR ZHES BYA BA NI RGYU'I KHYAD PAR TE, DE'I BSKYED BYA MED NA NGES PAR MI 'BYUNG NGO ZHES BSTAN PA YIN NO; ,'GYUR BA ZHES BYA BA NI DES BYAS PA'I 'BRAS BU LA YOD PA'I KHYAD PAR TE, RGYU NYID DU SHES PAR BYED PA BSTAN TO, ,MIG DANG GZUGS KYI KHYAD PAR LAS ZHES BYA BA'I TSIGS SU BCAD PAS 'BRAS BU DANG RGYU PHUL DU BYUNG BA RTOGS PAR BYED PAS RTAG PA RNAMS KYIS 'BRAS BU MED PA'I DUS NA MED PA NYID KYI RGYU NYID NI DE GO BAR BYED PA'I 'BRAS BU'I KHYAD PAR BZHIN DU MI SRID DO ZHES YANG YANG BRJOD PA DANG LHAN CIG BRJOD PAS KHYAD PAR JI LTA BAS 'DIR YANG BSTAN PA KHO NA YIN PAR NYE BAR BSDU BA NI DES NA ZHES BYA BA'O, ,YANG DAG PAR BSTAN PAS GZHAN GYIS SAM YANG DAG PAR RIG PAS DBYIBS LA SOGS PA RNAMS KYI TSAD MA 'DI'I RANG GI NGO BO 'DZIN PAS RTOGS PAR BYA BA MA YIN NAM, RANG GI DUS TZAM 'DZIN PAS NI RTAG PA NYID SPANGS PAR THAL BAR 'GYUR RO, ,DES NA, DNGOS YOD RTOGS PAS TSAD YIN PHYIR, ZHES BYA BA LA SOGS PA NI GNOD PA CAN MA YIN NO, , TSAD MA LA SNANG BA'I SKAD CIG MA ZHES BYA BAR RNAM PAR GZHAG PAR MI NUS TE, DE NYID KYI PHYIR SGRUB PA PO MED DO, ,GZHAL BYA MED PA'I RTAG PAR RTOGS PA TZAM 'BA' ZHIG YIN TE, RTOGS PA TZAM NI TSAD MA NYID MA YIN TE, GANG GIS RANG GI NGO BO 'DZIN PA NYID SKAD CIG MA YIN, 'BREL PA CAN LAS RTOGS PA YIN NA DE MI 'DZIN PA LA SOGS PA'I SKYON DU YANG 'GYUR RO, ,'DI LA NI RANG GI NGO BO GTOGS PA 'BRAS BU'I BYA BA YANG MED DO, ,RTOG PA DE RMONGS PA NYID LAS SHES PAR YANG MI RIGS TE, SGRUB BYED DANG GNOD BYED MED PAS THE

TSOM GYI YUL CAN YIN PA'I PHYIR DUS GZHAN LA JI LTAR 'GYUR BA YIN ZHES BYA BA'I RTZOD PA YANG MA YIN TE, YUL DANG DUS LA SOGS PA'I KHYAD PAR NYID KYI PHYIR RO, ,DE LTAR NA RTAG PA ZHES BYA BAR RTOG PAR RNAM PAR GCOD PAR BYED PA'I KHYAD PAR YOD PA TZAM MA GTOGS PA BYE BRAG GANG YANG MI SNANG NGO, ,DE LTA BU MI ZAD PA YIN LA, 'DI LTA BU'I 'GRO BA THAMS CAD MNGON PAR DBYUNG BA YANG YIN PA'I PHYIR DE YANG RGYUR BRJOD DO, ,'DI LA, BAR MA CHOD PA YOD PA CAN, ,DNGOS GANG YUL DAN DUS LA NI, ,DE NI RTAG DANG KHYAB BDAG 'DOD, ,DE'I PHYIR BDAG NI KHYAB BDAG BRJOD, ,CES SMOS PA'O, ,LDOG PA MA GRUB PA YANG MA YIN TE, DE NI THAMS CAD DU YOD PAS DE MED NA 'BRAS BU YOD PAR MI 'GRUB PA KHO NA YIN TE, LDOG PA YIN PA'I PHYIR RO, ,RJES SU 'GRO BA NI DE YIN NA RES 'GA' 'BYUNG BA LAS SO, ,THAMS CAD DU DE YOD PA LAS 'BRAS BU YANG DE BZHIN DU BZHIN DU YOD PA MA YIN TE, DE YOD NA 'BYUNG BA KHO NA YIN NO ZHES 'BRAS BU NYID KYI RGYU MTSAN DE YIN PA'I PHYIR RO, ,DE YOD NA 'BYUNG BA DE KHO NA MA NAM, GCIG KHO NA RGYU MA YIN TE, 'ON KYANG TSOGS PA NI SKYED BYED MA YIN TE, LHAN CIG BYED PA RNAMS KYANG MI RTAG PAR 'DUS PA YIN PA'I PHYIR RO, ,LHAN CIG BYED PA RNAMS KYIS DE LA CUNG ZAD KYANG BYAS PA MED DO, ,MA TSANG BA NYID DU SNGA NA YOD PA DE TSANG BAS LDOG PA KHO NA YIN PA'I PHYIR DE RGYU YIN NA DES BYAS PA'I KHYAD PAR SNANG BA YIN NO ZHES BYA BA NI MI RIGS TE KHYAD PAR THAMS CAD DBANG PO'I YUL MA YIN PA'I PHYIR RO, ,DE LTA BU'I PHUL DU BYUNG BA DES BYAS PA YOD NA YANG 'U BU CAG LA SOGS PA'I SPYOD YUL MA YIN LA, DE'I PHYIR RANG GI NGO BO BZHIN DU RGYU 'DI NYID DOR BYA MA YIN TE, THE TSOM CAN GYI DE NYID LTA BU'O, ,LAN NI, RTAG LA LDOG PA MED PA'I PHYIR, ZHES BYA BA STE, GANG SNGAR BYA BA BYED PA DE'I 'BRAS BU 'DAS PA YIN YANG, DE THER ZUG TU YOD PA YIN NA CIS 'BRAS BU MI 'BYUNG BA YIN, RGYU MED PA MA YIN PA NI MED PAR MI RIGS SO, ,SNGA MA BZHIN DU LHAN CIG BYED PA MED NA MI BYED PA YIN NO ZHE NA, DE LTA YIN NA BYED PA PO NYID NYAMS PA YIN PA'I

, ,PHYIR DE JI LTAR RTAG TU YOD PAR 'GYUR, GANG GI 'BRAS BU MED PA'I DUS SU MED PAR SHES PA DE 'BRAS BU'I DUS NA YOD NA RGYU NYID YIN TE, DPER NA LHAN CIG BYED PA LTA BU STE YOD PA TZAM GYIS MA YIN TE, THAL CHES PA'I PHYIR RO, ,DE'I PHYIR 'BRAS BU MED PA'I DUS SU MED PA NYID KYIS RGYU NYID YIN LA RTAG PA NYID NI DE'I DUS SU PA'AM RGYU MED PAR ZHES BYA BA LA SOGS PA'I RIGS PA NI, 'DI LA MTSON BYED YIN PAR BYA'O, ,RJES SU 'GRO BA DANG LDOG PA YAN DUS SU SKYED PAR BYED PA'I NGO BO NI, RTAG PA NYID BYA BA MED PA'I NGO BO DANG 'GAL BA YIN PAR BSTAN PA YIN NO, ,DE'I PHYIR ZLOS PA NYID MA YIN NO, ,LDOG PA MED PA'I PHYIR 'BRAS BU MED PA'I DUS NA DE MED PA MA YIN PA'I PHYIR, DE'I KHYAD PAR GYI MI NUS PA NYID KYIS RGYU NYID YOD PA YIN ZHES BYA BA'I DON TO, ,'BRAS BU MED PA'I DUS NA RGYU MED PA NYID YIN PA'I PHYIR RGYU MED PA NYID NI KHYAB BYED YIN PAR BSTAN PAS, DE MED NA STE RGYU YOD PAS KHYAB BYA 'BRAS BU MED PA YANG LDOG PA NI, 'BRAS BU YOD PA KHO NA YIN PA'I PHYIR RJES SU 'GRO BA SGRUB PA YIN GYI, YOD PA TZAM NI MA YIN NO ZHES BSTAN PA NI GANG DAG YOD NA ZHES BYA BA'O, ,'DI SKAD BSTAN PAR 'GYUR TE NUS PA CAN DANG NUS PA CAN MA YIN PA THA MI DAD PA LA LTOS NAS GCIG TU BSRE BA YIN LA, DE YOD NA 'BYUNG BA KHO NA RGYU RNAMS GDON MI ZA BAR DE DANG LDAN PAR MI 'GYUR RO ZHES BYA BA LA SOGS PA YANG SHES PAR BYA'O, ,NUS PA CAN RGYU YIN NA 'BRAS BU 'BYUNG BA KHO NA YIN LA, DE MED PA'I DUS NA RGYU YANG MED PA KHO NA YIN TE, DE YOD KYANG MI 'BYUNG BA'I PHYIR, DE LA DBANG BYED PA MA YIN PA'I PHYIR RO, ,GANG LA DE LA DBANG BYED PA MA YIN PA DE THAMS CAD RGYU LA KHYAB PA'I PHYIR, THUG PA MED PA'I PHYIR THAL CHES PA YIN TE, 'DI RGYU YIN GYI 'DI NI MA YIN NO ZHES RNAM PAR GNAS PAS MA YIN ZHES BYA BA'I DON TO, ,YANG NA MTHONG BA'I RGYU 'DI LTA BU'I YON TAN CAN YIN PAR DMIGS NAS, RGYU GZHAN DU RTOGS PA YIN NA, DE LTA NA BRTAG BYA DE 'DI LTA BU ZHE 'AM, DE BZHIN DU GZHAN DU RTOGS PAR BYED PA YANG YIN TE, RGYU MTSAN LA BYE BRAG MED

PA DE'I PHYIR THUG PA MED PAR 'GYUR RO, ,'ON TE RTOGS PAR MI BYED PA DE DAG TZAM GYIS MGU BA YIN NA, YONGS SU MGU YON TAN GZHAN DE DAG TZAM DU 'GRO BA CAN RNAMS NYID LA YANG YOD PA'I PHYIR, MGU BAR 'GYUR RO, ,YON TAN CAN GZHAN YANG RGYU NYID DU BRTAGS PA RNAMS LAS GZHAN DU RTOGS PA NYID KYIS SAR PAR DE'I GNAS PA NA RGYU NYID KYI RNAM PAR GNAS PA YIN LA, DE MA YIN PA NI THUG PA MED PA YIN NO, ,MTHONG BA RNAMS KYI RGYU RNAMS KYI DE NYID KYI THUG PA MED PA DANG, MTHONG BA'I NYAMS PA DANG MA MTHONG BA'I RTOG PA RNAMS YIN NO, , YANG NA BRTAGS PA BZHIN DU 'AM RTOGS BZHIN PA LA YANG THAL BAR 'GYUR BA'I PHYIR, BRTAGS PA DANG BRTAG BYA THAMS CAD KYI RGYU RNAMS MED PA KHO NA YIN NO, ,DE'I PHYIR DNGOS PO RNAMS RGYU MED PA CAN DU 'GYUR RO, ,DE DAG LAS GZHAN PA'I RTOGS PA YIN NA YANG RIGS PA MTSUNGS PA NYID KYIS BRTAGS PA DANG, RTOGS BZHIN PA LA YANG THAL BAR 'GYUR BA LA THUG PA MED PAS RGYU RNAMS DANG DE'I 'BRAS BU THAMS CAD LAS SAR PA MA YIN PA STE, RTAG PAR NAM MKHA' LA SOGS PA BZHIN DU GNAS PAR 'GYUR GYI, 'JIG PA DANG SKYE BA DAG TU MI 'GYUR RO ZHES BYA BA'I DON TO, ,RTAG TU YOD PA 'AM MED PA'AM RGYU MED PAR ZHES BYA BA LA SOGS PA'I RIGS PA NI, 'DI LA MTSON BYED YIN PAR BYA'O, ,RJES SU 'GRO BA DANG LDOG PA YANG 'BRAS BU MED PA'I DUS NA MED PA'I NGO BO'I RGYU NYID NI DE'I DUS NA YOD PA RTAG PA'I NGO BO 'GAL BA YIN PAR BSTAN TO, ,SA GZHI LA 'DI NI MTHONG LA 'DI MYU GU LA SOGS PA'I RGYU MA YIN PA YANG MA YIN TE, DE LTAR RTOGS PA'I RTAG TU GNAS PA NI 'BRAS BU MED PA'I DUS NA YANG YOD DO SNYAM DU SEMS PA LA, MYU GU BSKYED LAS LA SOGS, ,ZHES BYA BA STE, YONGS SU GYUR PA'I SA GZHI NI MYU GU LA SOGS PA'I RGYU YIN GYIS TZAM NI MA YIN LA, YONGS SU GYUR PA YANG 'BRAS BU MED PA'I DUS NA MED PA YIN NO, ,DE LTA BU YOD NA 'BRAS BU MED PAR 'GAL BA YIN TE, DE'I KHYAD PAR YOD NA 'BRAS BU'I KHYAD PAR MTHONG BA'I PHYIR YONGS SU GYUR PAR GRUB PA YIN NO, ,YANG NA 'BRAS BU'I RANG BZHIN RGYUR BYAS PA'I

, ,KHYAD PAR GYIS 'GA' ZHIG GI RGYU NYID DU RTOGS PA YIN GYI RI LA SOGS PA'I KHYAD PAR 'GA' YANG LAS KYIS BYAS PA'I 'BRAS BU'I NGES PA LA SOGS PA MA GTOGS PA DBANG PHYUG GIS BYAS PA NI MA YIN NO ZHES BYA BA NI MI RIGS TE, MA NGES PA'I PHYIR RO, ,'BRAS BU LA KHYAD PAR RAG LAS PA KHO NA YIN PA'I PHYIR RGYU NYID MTHONG BA MA YIN LA, GANG GI PHYIR SA GZHI LA MYU GU LA SOGS PA'I 'BRAS BU'I BYE BRAG 'GA' YANG RAG LAS PAR MTHONG BA MA YIN ZHING, DE RGYU MA YIN PA YANG MA YIN NO SNYAM DU SEMS PA LA, 'BRAS BU THAMS CAD LA RGYUS BYAS PA'I KHYAD PAR THAMS CAD MTHONG BA LA, MYU GU BSKYED LA SA LA SOGS, ,RANG BZHIN YONGS SU GYUR NAS NI, ,ZHES BYA BA STE, 'BRAS BU LA YOD PA'I KHYAD PAR LA RAG LAS PA KHO NA YIN ZHES BYA BA'I DON TO, ,'DI CI LAS SHES SHE NA, DE'I GSHOL LA SOGS PAS BYAS PA'I DBYIBS YIN NA, DE'I KHYAD PAR TE 'BRAS BU'I KHYAD PAR MTHONG BA'I PHYIR, DBANG PHYUG GI KHYAD PAR GYIS KHYAD PAR DU SNANG BA NI MA YIN TE, DMIGS BYA BA MA YIN PA'I PHYIR TE, DE'I KHYAD PAR LA RAG LAS BAS DBANG PHYUG RGYU NYID MA YIN NO ZHES BYA BA'I DON TO, ,'DIS NI SMAN DU MA LAS BYUNG BA'I 'BRAS BU LA RGYUS BYAS PA'I KHYAD PAR MTSON PA BSAL BA YIN TE, RJES SU 'GRO BA DANG LDOG PA NGAG GI RGYU'I BYE BRAG GIS DE'I KHYAD PAR NYE BAR MTSON PA NI BYA BLA BA NYID KYI PHYIR KHYAD PAR RJES SU MTSON PA MA YIN YANG, RGYU NYID YIN NA SRID PA NI RTZA BA MED PA'I PHYIR RO, ,DE BZHIN DU 'BRAS BU MED PA'I DUS NA MED PA NI RGYU YIN LA, DE NYID KHYAD PAR KHO NAS SHES PA YIN NO ZHES BYA BA 'DI LA PHYI ROL BSTAN NAS NANG GI DPE BSTAN PA NI, GAL TE JI LTAR YUL DBANG PO, ,ZHES BYA BA STE, 'BRAS BU MED PA'I DUS NA MI 'BYUNG BA 'AM 'BRAS BU LA YOD PA MA YIN NA, 'BRAS BU TZAM MTHONG BA LAS DBANG PO LA SOGS PA RGYU YIN LA, DE LTAR DBANG PHYUG LA SOGS PA GO BYA YIN NO ZHE NA, LAN NI MIN ZHES BYA BA'O, ,CI LAS SHES NA, DE LA YANG STE DBANG PO LA SOGS PA'I RGYU 'AM 'BRAS BU RNAM SHES LA KHYAD PAR YOD PA KHO NA YIN NO, ,KHYAD PAR DE NYID LHAN CIG BRJOD PAS BSTAN PA NI,

DE LA DBANG PO LA SOGS PA RNAMS SO SOR NUS PA MED PA RNAMS TSOGS KYANG, NUS PA MED KYANG 'GYUR LA, DE'I TSE YANG DE'I RANG GI NGO BO MI DOR BA'I PHYIR RO, ,SDOD PAR MI BYED PA RNAMS KYI YANG NYE BAR 'GRO BA'I RGYU RNAMS KYIS BYA BA MED PAR 'DUG PA NYAMS PA RNAMS KHO NAR NYE BAR 'GRO BAR BYA BA'I PHYIR, RGYUN GYI KHYAD PAR YIN LA, GZHAN RNAMS KYI NI PHAN TSUN GYIS YIN ZHES BYA BA NI RNAM PAR DBYE BA'O, ,KHYAD PAR DE YANG GAL TE KHYAD PAR GZHAN GYIS MA YIN NA NI THUG PA MED PAS RGYU MA YIN PA NYID DO, ,GAL TE GZHAN DU YIN NA 'BRAS BU NYID CI STE MI BYED, SMRAS PA NYE BAR 'GRO BA'I KHYAD PAR GYI KHYAD PAR YIN NA, LHAN CIG BYED PA PO NYID YIN GYI KHYAD PAR GZHAN GYIS NI MA YIN NO, ,'BRAS BU LA NI KHYAD PAR GYIS DE LTAR MA MTHONG BA'I PHYIR RO, ,BYED PA PO NYID KYANG RNAM PA GNYIS TE, KHYAD PAR DANG, LHAN CIG PA DAG GO, ,RGYUN GYI KHYAD PAR MED PA NI LHAN CIG BYED PA PO TZAM KHAS LEN PA YIN NA 'BRAS BU BRJOD PA TZAM LA YANG 'GYUR RO, ,TSOGS PA SKYON GYIS BSGRIBS PA BSAL BAR BYED PA YIN GYI KHYAD PAR NI MA YIN NO ZHE NA, DE YANG DE'I TSE KHO NA YIN PA'I PHYIR JI LTAR 'BRAS BU DUS GZHAN LA YIN, ,NUS PA YOD PA'I PHYIR SKYON YOD KYANG CIS MI BYED, DE'I PHYIR BYED PA PO NYID MA YIN PA GZHAN GYIS BSAL BA YIN LA, BYED PA PO NYID KYANG DE'I TSE KHO NA MNGON PAR 'BYUNG BA YIN PAS SNGA NA YOD PA MA YIN PA'I PHYIR 'BRAS BU MED PA'I DUS NA MI 'BYUNG BA'I MI RTAG PA RNAM GYI KHYAD PAR GRUB PA YIN GYI, 'DI RTAG PA RNAMS LA NI MI SRID DO, ,DE BZHIN DU KHYAD PAR NI RIGS PA'I RTOGS BYA 'BA' ZHIG KYANG MA YIN TE, DE LTA MOD KYI SNANG BA NYID YIN PAR BSTAN PA NI, MIG DANG GZUGS KYI KHYAD PAR LAS ZHES BYA BA'O, ,DON 'DI RNAM 'GREL LAS, YONGS SU GSAL BA'I PHYIR 'GREL PA MKHAN GYIS MA BSHAD DO, ,'BRAS BU'I NGO BO'I KHYAD PAR LAS BZHIN DU RGYU NYID CES SHES PAR BYA BA YIN, MA BYAS PA DE'I BYE BRAG KYANG DE NYID SHES PA'I RGYU MTSAN MA YIN PA ZHES BYA BA NI MI GSAL BA'I PHYIR 'DI 'CHAD PAR BYED PA NI, MIG LA SOGS PA RNAMS NI 'BRAS BU'I RANG BZHIN GYIS ZHES BYA BA LA SOGS PAS SO, ,KHYAD PAR

, ,NYID LA ZHES BYA BA NI 'BRAS BU LA YOD PA LAS SO, ,'BRAS BU RNAM PAR SHES PA NI MIG GIS GZUGS 'DZIN PAR SO SOR NGES PA YIN LA, YUL LAS DE RNAM PA CAN DU YID LA BYED PA LAS RTOGS PA'I RANG BZHIN CAN YIN PA'I PHYIR, PHAN TSUN RANG BZHIN MI MTHUN PA'I 'BRAS BU'I KHYAD PAR GYIS MTSAN NYID MI MTHUN PA KHO NA RGYU YIN PAR RTOGS PAR BYA'O, ,KHYAD PAR DE GCIG SKYED PAR BYED PA LAS KHYAD PAR GZHAN MED PAS SO SOR NUS PA MED PA RNAMS KYI RGYUN TE, 'BRAS BU'I KHYAD PAR NI NGES PA CAN GYI KHYAD PAR TE, RGYU NGES PA CAN GYI BSKYED BYA YIN LA GZUGS 'DZIN PA'I SO SOR NGES PA LA SOGS PA MED NA RTOGS BYED MA YIN PA'I PHYIR, TSOGS KYANG RGYU MA YIN PA ZHIG TU 'GYUR BA ZHIG NA NGES PA CAN GYI RGYU'I BSKYED BYA NGES PA CAN GYI KHYAD PAR RJES SU 'GRO BA DANG LDOG PA'I RTOGS BYA YANG YOD PA YIN LA, DBANG PHYUG GI BSKYED BYA'I KHYAD PAR RI LA SOGS PA LA NI, DE LTAR RTOGS PAR BYA BA MA YIN NO, ,KHYAD PAR SKYED PAR BYED PA'I SGO KHO NA NAS SHES PA NYID DBANG PO LA SOGS PA RNAMS KYI BSKYED BYA YIN GYI, DE TZAM MAM, DE'I KHYAD PAR GYI KHYAD PAR CAN NYID DE'I RGYU NYID DU GO BAR BYED PA GZHAN NI DBANG PO LA SOGS PA NYID LA YOD PAR BSTAN PA NI, MIG DANG GZUGS KYI KHYAD PAR LAS, ,ZHES BYA BA STE, 'DI LA RNAM 'GREL DU YONGS SU MI GSAL BA YIN PA'I DGONGS PAS 'GREL PA MDZAD PA'I YONGS SU GYUR PA'I KHYAD PAR NYID KYIS, RGYU SKYED PAR BYED PA YIN PA DE'I PHYIR 'BRAS BU MI 'BYUNG BA'I DUS NA MED PA YIN NO ZHES BYA BA DE LTAR RGYU NYID YIN GYI GZHAN DU NI MA YIN NO ZHES BYA BAR, 'O NA TE MIG PHYE BA NA ZHES BYA BA LA SOGS PAS 'CHAD PAR BYED PA YIN NO, ,YANG NA GAL TE JI LTAR YUL DBANG PO ZHES BYA BA NI 'BRAS BU'I KHYAD PAR RGYU NYID DU GO BAR BYED PAR BSTAN PA STE, MIG DANG GZUGS KYI KHYAD PAR LAS, ,ZHES BYA BA NI, RGYU NI 'BRAS BU MED PA'I DUS NA MED PA SGRUB PA'I DON DU YIN GYI, 'DI GNYIS KYANG RGYU NYID YIN PA'I RGYU MTSAN DBANG PHYUG LA MED DO ZHES BYA BAR NYE BAR BSDU BA BSTAN PA NI, DE'I PHYIR SO SOR ZHES BYA BA STE, SO SOR NUS PA MED PA RNAMS

LA STE, KHYAD PAR GZHAN GYI NUS PA MED PA RNAMS LA 'ANG 'BRAS BU LA YANG STE, SO SOR NUS PA MED PA RNAMS LA, GANG DAG LA YOD 'GYUR NA STE 'BRAS BU'I YON TAN GYI KHYAD PAR YOD NA 'AM, GANG DAG LA STE YUL LA YANG RUNG YOD PAR 'GYUR BA YIN NA, TSOGS PA NI DE DAG KHO NA RGYU NYID DU TSAD MAS GRUB PA YIN GYI, DBANG PHYUG LA SOGS PA RNAMS NI MA YIN TE, KHYAD PAR MED PA'I PHYIR 'BRAS BU MED PA'I DUS NA RANG LA YOD PA'I KHYAD PAR MED PAS, 'BRAS BU LA YOD PA'I KHYAD PAR MED PA'I PHYIR TE, DPE GNYIS KYANG YUL MANG PO NYID BSTAN PAS, BSTAN PAR BYA BA'I DON DU'O, ,SKAD CIG MA NYID LA SOGS PAR YANG DAG PAR GSUNGS PAS KYANG, RTOGS BZHIN PA'I YANG DAG PA GZIGS PA PO NI, ,SKAD CIG PA SNA TSOGS PA TZAM GYI NGO BO TZAM MAM, 'DOD CHAGS LA SOGS PAS SO SOR RIG PA MA YIN NAM, DES GSUNGS PA'I GNYEN PO NI DE'I RIG PA MA YIN PAS DE'I GNYEN PO'I NUS PA MI SHES PAS BSTAN PAR 'GYUR TE, DE YANG DE BZHIN DU 'DOD CHAGS DANG LDAN PA YIN LA, LAS DANG 'BRAS BU SHES PA'I STOBS MA SKYES PAS SNYING RJE DANG LDAN PA YIN YANG, GANG GIS 'DI NI BYANG GROL GYI DON YIN, ,'DI NI MTHO RIS KYI DON YIN ZHES SHES PAR 'GYUR SHES PA'I DUS NA NI BYA BA'I RANG GI NGO BO MED PA'I PHYIR MNGON SUM GYIS KYANG DE RIG PA MA YIN TE, NYE BA TZAM 'DZIN PA CAN GYI MNGON SUM NI DE LTA BU MA YIN PA LA TSAD MA MA YIN TE, 'BRAS BU'I DUS NA NI DE SHES PA MED PA YIN LA DE'I TSE NAS DE 'DAS PA YIN PAS 'DI LAS 'DI YIN NO ZHES SHES PA NI MNGON SUM MA YIN PA'I PHYIR RO, ,'BRAS BU LAS RGYU TZAM GYI YUL LA RJES SU DPOG PA YANG KHYAD PAR RAM BSOD NAMS SAM CIG SHOS KYANG YIN ZHES MI SHES TE, DE LTA BU'I NGES PA NI 'JUG PA'I RGYU YIN PA'I PHYIR RO, ,SHES GANG 'JUG PA'I YAN LAG YIN, , DE YI RTZA BA BRTAG BYA LA, CI YANG YOD PA'I SHES PA NI, ,MI RNAMS LA NI CI ZHIG DGOS, ,RTZA BA DE YANG JI SKAD BSTAN PA'I RIM PAS RIG BYED MA YIN LA, RTAG PA NYID 'GA' ZHIG NI DBANG PHYUG LA SOGS PA MA YIN GYI, BSGOM PA LAS BYUNG BA'I MNGON SUM RTZA BA YIN ZHES BYA BAR

, ,YANG MI RIGS TE, MTHONG BA MED NA BSGOM PA MI RIGS PA'I PHYIR RO, ,'GA' ZHIG TU DNGOS PO MTHONG BA NA BSGOM PAS GZHAN DU SNANG BAR 'GYUR BA YIN NO, ,'DOD PA DANG MYA NGAN DANG 'JIGS PA DANG MYOS PA DANG RMI LAM LA SOGS PAS NYE BAR BSLAD PA RNAMS NI YANG DAG PA MA YIN YANG, MDUN NA GNAS PA BZHIN DU MTHONG BA YIN NO ZHE NA YANG, YANG DAG PA MA YIN PA'I YUL CAN JI LTAR TSAD MA YIN YANG DAG PA'I YUL CAN NI TSAD MA YIN NO ZHE NA, DE LTA NA DE RANG GI NGO BOS MTHONG BA YIN NA BSGOM BYAR 'GYUR RO, ,THOS PA YIN NO ZHE NA, THOS PA NI TSUL GSUM PA'I RTAGS MTSON PAR BYED PA YIN GYI RANG DBANG DU YANG MA YIN LA CHOS LA SOGS PA LA YANG, DE LTA BU'I RTAGS RIG PA MA YIN TE, DBANG PO 'DAS PA YIN PA'I PHYIR RO, ,BDE BA LA SOGS PA'AM 'GRO BA SNA TSOGS PA NYID KYANG LAS LAS BYUNG BA MA YIN NAM, LAS KYANG RJES SU SGRUB PAR BYED NA 'BRAS BU STER BA YIN GYI, MI SHES NA RJES SU SGRUB PAR BYED NA YANG MED DO, ,LAS BZHIN DU SHES PA YANG YOD PA NYID DU NGES PAR RTOGS PA YIN NO, ,DE LAS YANG BSGOMS PA LAS BYUNG BA MED DE, DA LTAR BZHIN DU MNGON SUM LA SOGS DE RTOGS PA MED PAS DE LAS BSGOMS PA MI RIGS PA'I PHYIR RO, ,NYAMS SU MYONG BA DRAN PA LA GOMS PAS KYANG DE SHES PA MA YIN TE, DE BZHIN DU NYAMS SU MYONG BA MED NA BSGOMS PA LAS KYANG DE DRAN PA MED PA'I PHYIR 'JIG RTEN PHA ROL NI 'JIG RTEN 'DI BZHIN DU NYAMS SU MYONG BA YIN NA, DRAN PA GOMS PA LAS DRAN PAR 'GYUR BA YIN GYI LAS DANG 'BRAS BU DANG 'BREL PA NI MA YIN NO, ,SRID PA SNGA MA LA LAS NYAMS SU MYONG BA'I 'BRAS BU 'DI LA ZHES BYA BA 'JIG RTEN GNYI GA RIG PA PO DE DAG GI DE NYID RJES SU 'GRO BA DANG LDOG PA DAG GIS MA RIG PA MA YIN NAM, DU BA 'AM ME NI RANG GI NGO BOS RIG PA YIN NA RJES SU 'GRO BA LA SOGS PAS GTAN TSIGS LA SOGS PA NYID MI RIG PA MA YIN NO ZHE NA, MA YIN TE, DE'I TSE YANG SHES PA DE'I THABS MED PAS MA SHES PA LA RJES SU BSGRUB PA MED PA'I PHYIR RO, ,'JIG RTEN NI SHES PA LA RJES SU BSGRUB PA YIN TE, 'DI NI BSOD

NAMS SO, ,'DI NI SDIG PA'O ZHES PA'I TSIG GNYES PO DE LA, RIGS NGAN MTHAR THUG MI RIGS KYI, ,BSTAN BCOS DGOS PA CHUNG BA YIN, ,ZHES BYA BA YIN NO ZHE NA, MA YIN TE, MNGON SUM LA SOGS PA MA GTOGS PAR 'JIG RTEN TSAD MA NYID MA YIN PA'I PHYIR, 'DI RNAMS YONGS SU DOR NAS NI, , LOGS NA 'JIG RTEN TSAD MA MED, CES BYA BA STE, GANG GI PHYIR 'JIG RTEN YANG DE NYID LA RTZA BAR 'DOD PA YIN TE, 'JIG RTEN NA RTZA BA NYID YIN NA DE BZHIN DU BDAG CAG LA YANG DE NYID YOD PA YIN PA'I PHYIR, DA LTAR THAMS CAD SHES PA NYID BRTAG PA LA DON MED DO, ,DRAN PA GOMS PA LAS NYAMS SU MYONG BA DRAN PAS SNGA NA MED PA'I LAS KYI 'BRAS BU DANG 'BREL PA LA SOGS PA YIN NA, SNGA NA MED PA'I RGOL BA DANG LAN BZHIN DU KUN TU SNANG BAR NI MI RIGS SO, ,RGOL BA DANG LAN DAG GIS BSTAN BCOS KYI DON DON DANG 'BREL BAS SO SOR SNANG BA YIN LA, MNYAM PAR GZHAG PA'I BYE BRAG LAS RIGS PA YIN GYI LAS DANG 'BRAS BU DANG 'BREL PA CAN YIN PA NI DE BZHIN DU CUNG ZAD NYAMS SU MYONG BA MED DO, ,'BRAS BU 'GRO BA SNA TSOGS PA NYID NI RGYU LAS SNANG TSOGS PA NYID DU RTOGS PAR BYED PA YIN NO ZHES NA, MA YIN TE, DE'I 'BRAS BU NYID YONGS SU MA BCAD PAS RGYU TZAM DU RTOGS PA YIN NA 'BYUNG BA SNA TSOGS PA NYID KYIS KYANG RIGS PAS SPANGS KYANG KHYAD PAR SPANGS PA MA YIN NO, ,'DI SKAD BSTAN PAR 'GYUR TE 'JIG RTEN PHA ROL GYI 'BRAS BU CHOS DANG CHOS MA YIN PA LA SOGS PA NI, 'JIG RTEN 'DIR 'BRAS BU MA YIN TE, GANG GI RJES SU 'GRO BA DANG LDOG PAS RTOGS BYAR 'GYUR, DES NA 'BRAS BU'I DUS NA DE'I NGO BO 'DAS PA'I PHYIR, DE'I TSE YANG 'BRAS BU MA 'ONGS PA YIN PA'I PHYIR DE BSGRUB PAR BYED PA NYID KYIS CHOS NYID DAM, DE'I 'BRAS BU NYID YIN PA'I PHYIR, DE'I 'BRAS BU NYID DAM DE'I SGRUB BYED DANG 'BRAS BU DAG LA DBANG BYED PA YIN LA, DE KHO NA BZHIN DU DBANG PO LAS 'DAS PA YIN PA'I PHYIR, CI LAS DE LA MNGON SUM MAM RJES SU DPAG PA 'JUG PAR 'GYUR, DE DAG MED NA MTHONG BA'I RJES SU 'BRANG BA'I SGOM PA'I RGYU MED DO ZHES RGYU MI DMIGS PA YIN PAS 'BRAS BU DE'I SHES PA YANG MED DO, ,MA 'ONGS PA LA NI MNGON GSUM GYI NUS PA CUNG ZAD

, ,KYANG MA MTHONG NGO, ,RTAGS LA SOGS PA DANG BRAL BA'I RJES SU DPAG PA LA SOGS PA YANG GANG DU YANG MA YIN NO, ,BCOM LDAN 'DAS DANG 'BREL PA CAN GYI MIG GI DBANG PO NI RNAM PA DE LTA BU'I SHES PA SKYED PAR BYED PA YANG MA YIN TE, MIG GI YIN PA'I PHYIR BDAG CAG GI MIG LTA BU'O, ,GANG GI RIGS KYI TSAD MAS KYANG, ,RIGS GANG GIS NI DON MTHONG BA, ,DA LTAR 'JIG RTEN GYIS MTHONG BA, ,DUS GZHAN DU YANG DE LTAR 'GYUR, ,THAG RING POR MTHONG BA'I BYA RGOD LA SOGS PA RNAMS DANG, THAG RING POR THOS PA'I PHAG LA SOGS PA RNAMS KHYAD PAR CAN DU MTHONG BA LAS, SHIN TU KHYAD PAR CAN GYI TOG PA DE YANG RANG GI YUL 'KHOR BA KHO NAS KHYAD PAR CAN DU MTHONG BA'I PHYIR RO, ,GANG LA 'ANG BYE BRAG MTHONG BA NI, ,DE YANG RANG DON MA BOR BAS, ,RING POR PHRA SOGS DNGOS LA 'GYUR, ,GZUGS LA RNA BA'I 'JUG PAS MIN, ,GZUGS DANG RO LA SOGS PA RNAMS, ,'DAS PA DANG MA 'ONGS PA DANG DA LTAR BYUNG BA RNAMS LA MIG GI DBANG PO LAS BYUNG BA'I RNAM SHES KYIS 'GA' YANG 'DZIN PA YIN ZHES BYA BA'I RTOG PA YANG MA YIN TE, MIG GIS NI YIN TE, LAN CIG KYANG DE LAS MA BYUNG BAR THAL BAR 'GYUR BA'I MTHONG BA'I PHYIR, LCE LA SOGS PA'I RJES SU 'GRO BA CAN GYI RO LA SOGS PA'I MNGON DU BYED PA NI GZHAN LAS BYUNG BA MA YIN TE, LAN CIG KYANG DE LAS MA BYUNG BAR THAL BAR 'GYUR BA'I PHYIR RO, ,BYUNG NA 'ANG 'BRAS BU MED PA NYID DU THAL BAR 'GYUR TE, GNYI GA YONGS SU DOR NAS, DE DBANG BYED PA MA YIN PA'I PHYIR RO, ,'DI NYID NI, TSAD MA NYID NI GCIG NYID KYIS, ,GANG GIS KUN MKHYEN DU RTOGS BYED, ,DA NI NGES PAR MIG GIS NI, ,RO LA SOGS KUN RTOG PAR BYED, ,CES BYA BAS TSIG 'KHYOG POS BSTAN PA YIN NO, ,SKAD CIG MA NYID DAM RNAM PAR RIG PA TZAM NYID TSAD MAR RUNG BA MA YIN NAM, THOS PA DANG BCAS PA LA SOGS PA'I RIM GYIS SGOM PAR BYED PAS DE'I YUL LAM DE'I YAN LAG GI YUL GANG YANG RUNG BA SHES PA DANG, DE KHO NA NYID LA SOGS PA'I 'BRAS BU NYON MONGS PA THAMS CAD RAB TU SPANGS PAR 'GYUR BA KHO NA YIN NO, ,DE LTAR YANG SPYIN PA LA SOGS PA RNAMS NI MTHO RIS SGRUB PAR BYED PA

NYID LA SOGS PA NI SHES PA NI TSAD MAR MI RUNG BA'I PHYIR MA YIN NO, ,DE'I PHYIR JI LTAR THAMS CAD SHES PA YIN, ,DE LAS NYON MONGS PA RAB TU BCOM PA LA SOGS DER 'GYUR BA MA YIN TE, DE NI GZHAN LAS 'ONGS PA YIN PA'I PHYIR RO, ,DA LTAR YANG SHES PA CHES SHIN TU CHE BA YIN TE, NYON MONGS PA CHES SHIN DU CHEN PO BZHIN DU DBANG PO LAS 'DAS PA'I SHES PA MA MTHONG BA'I PHYIR LA, DE BZHIN DU DANG PO LAS 'DAS PA NYID KYIS CHOS LA SOGS PA NI BSGOMS PA'I YUL MA YIN PA'I PHYIR, DE LAS BYUNG BA MA YIN PA'I SHES PA NI NYE BAR BSTAN PA'I RTZA BAR 'GYUR RO; ,JI SKAD DU NYE BAR BSTAN PA NI RMONGS PA LAS KYANG 'BYUNG BA'I PHYIR NUS PA'I YUL LA MI SHES PA RNAMS KYI NYE BAR BSTAN PA YIN PAR BRTAG PAR MI BYA'O, ,DE'I PHYIR SHES PA RTZA BA YIN PAR SHES PAR BYA'O, ,MI NUS PA'I YUL LA NI TSAD MA NYID RJES SU SGRUB PAR 'DOD PAS BTZAL BAR BYA BA YIN GYI, GZHAN GYI YUL LA NI MA YIN TE, LTOS PA MED PA'I PHYIR RO ZHES ZER BA NI, TSAD MA LKOG GYUR DON SHES YIN, ,ZHES BYA BA STE, SKAD CIG MA LA SOGS PA'I RMONGS PAS MA RTOGS PA YIN NA, CHOS LA SOGS PA BZHIN DU LKOG TU GYUR PA KHO NA YIN PA'I PHYIR, DE'I SHES PA YANG TSAD MA KHO NA YIN LA, DE YANG NYE BAR BSTAN PA LA SOGS PAR BYED PA YIN NO, ,NYE BAR BSTAN PA NI TSIG MA YIN NAM, GAL TE DE YID CHES PA'I SKYES BU LAS SEMS DBANG PO'I YUL YANG STE LOG PA MA YIN PAR, BDEN PAR SMRA BA KHO NA YID CHES PA'I TSIG YIN PAR BRJOD PA YIN LA DBANG PO'I YUL LA YANG ZHES BYA BA 'DIS KYANG MNGON SUM LA SOGS PA NYID DU YIN NO, ,DON RTOGS PAR SMRA BA'I MNGON SUM LA SOGS PA'I YUL CAN GYI TSIG NI PHYI ROL GYI DON LA TSAD MA YIN GYI, LKOG TU GYUR PA'I SHES PA LA NI MA YIN NO, ,JI LTAR MTHONG BA DON SMRA NYID, ,GAL TE YID ZHES LAS YIN NA, ,DBANG PO ZHES BYA RTZA BA STE, ,'DI NI YOD CES DE SMRAS YIN, ,BSDUS PA'I DON CAN GYI YANG SGRA, ,SNGA MA LA 'AM PHYI MA 'ANG RUNG, ,GNYI GA LA YANG RTOG PAR BRJOD, ,SO SOR SLAR YANG BRJOD PA YIN, ,'ON TE YID MI CHES PA LAS DANG DBANG PO'I YUL MA YIN PA YANG ZHES RNAM PAR RTOG PA'I DON LA, YANG GI

, ,SGRA YIN NO ZHES BYA BA'I DON TO, ,DE BZHIN DU NUS PA'I DON LA YANG BRDZUN PA NYID DU MTHONG BA NI YOD KYANG NUS PA MED NA'O, ,'DIS YID CHES PA LAS ZHES BYA BAS MI BDEN PAR SMRA BA'I TSIG DGAG PA YIN NO, ,DBANG PO'I YUL YANG ZHES BYA BAS BDEN PAR SMRA BA'I YANG MI NUS PA'I YUL YANG NGO NUS PA'I YUL LA YANG BDEN PAR SMRA BA'I JI LTA BUR MTHONG BA'I DON MI BRJOD PA'I PHYIR, LOG PAR SMRA BA LA SOGS PA SNGON DU SMRA BA CAN SUS DGAG PAR NUS, DBANG PO'I YUL NYID DU BRJOD PA KHO NA LAS, DON JI LTAR STON PA YIN PAR SMRA BAR MI RIGS TE YUL NGES PA LA 'KHRUL PA YIN PA'I PHYIR RO, ,BRJOD PA YANG SNGA MA DE NYID KYI TSIG LAS RTOGS PAR BYA BA YIN LA, MA RTOGS NA DE LA DBANG BYED PA NYID DANG, DE BZHIN MIN PA MA YIN PA NYID DU MA NGES PA YIN NO, ,DES NA DON LA SHES BSKYED LA, NYAN BA'I SHES PA'ANG DAG LAS NI, ,'DI YIS NGES PAR SHES SO ZHES, ,SMRA PO'I SHES PA LA BLOR 'GYUR, ,SNGA ROL TU NI DON RTOGS KYANG, ,DE LA BRTEN NAS NGES PA YIN, ,DES NA DON SHES GO BYA YANG, ,CHAD MA DE NYID SNGAR BRTEN PA'O, ,SHES PA NI RTOGS BYA YIN PAR BDEN TE, YID CHES PA TZAM BZHIN DU DE DAG GZHAN NYID KHO NA LAS SMRA BA PO'I RANG BZHIN DANG SPYOD YUL LA SOGS PA GANG LAS KYANG 'BA' ZHIG RTOGS PA YIN GYI, ,TSIG LAS NI MA YIN TE, DON KHO NA DE LAS RTOGS PA'I PHYIR TSIG LAS DON NGES PA'I DUS SU SMRA BA PO'I SHES PA RTOGS PAR BYA BA YIN TE, GZHAN DU NA MA NGES PA'I PHYIR RO ZHES BYE BRAG TZAM DU KHO BO CAG RNAMS SMRA BA YIN GYI TSIG LAS SAM GZHAN LAS ZHES NGES PA NI MA YIN LA, TSIG KYANG SHES PA'I SGRUB BYED DU 'DOD PA YIN NO, ,MI MKHAS PAS NYE BAR BSTAN PA NI, BRTAG BYA MA YIN ZHES BSTAN NAS, RMONGS BA MED NA RIG BYED LAS KYANG YIN NO ZHES SMRA BA POS SO, ,DE'I PHYIR YID CHES PA LAS ZHES BDEN PAR SMRA BA NYID DU BRJOD BZHIN PA'I YUL DON JI LTA BAS SHES PA NI DBANG PO'I YUL YANG ZHES BYA BA 'DIS BSTAN PA MA YIN NAM, DE BZHIN DU GZHUNG NYAMS PA 'BA' ZHIG MA YIN TE, 'ON KYANG SKYES BUS BYAS PA'I TSIG NYID LAS SKYES BU 'DI RIG

PAR BYED PA YIN ZHES BYA BAR SHES PAR 'GYUR BA'I PHYIR 'DIS NI BYAS PA LA BYED PA'I PHYIR MI MKHAS PA YIN NO, ,GCIG GI SHES PA BRJOD BYA YIN PAR BSTAN PA YIN LA, CIG SHOS KYI SKYON MED PA'I DON DU YON TAN BRJOD PAS THA DAD PA YIN NO ZHE NA, MA YIN TE, DE LAS SHES PA'I SGO NAS DON NGES PA KHO NA BRJOD PAR 'DOD PA YIN PA'I PHYIR ZHES, SNGA ROL DU NI DON RTOGS KYANG, ,DE LA BRTEN NAS NGES PA YIN, ,ZHES BYA BAS BSTAN PA YIN NO, ,GANG GI TSE MTHONG BA PO NYID DANG BDEN PAR SMRA BA NYID KYANG YID CHES PA LAS YIN ZHES BSTAN PA DE'I TSE YANG BDEN PAR SMRA BAS DBANG PO DANG DBANG PO MA YIN PA'I YUL THA MI DAD PAS ZHES DGAG PA SPYIR BSTAN NAS, DBANG PO'I YUL LA SLAR YANG BSKYED PA'I DON DU DMIGS KYIS BSAL BA NI, DBANG PO'I YUL LA 'AM ZHES BYA BA STE, 'AM ZHES BYA NI RNAM PAR BRTAG PA'I DON TO, ,DMIGS KYIS BSAL BA YOD NA SPYIR BTANG BA RNAM PAR GCOD PAR BSTAN PA NI, ,'ON TE YID MI CHES PA LAS DANG DBANG PO'I YUL MA YIN PA YANG ZHES BSDUS PA'I DON NI, 'AM GYI SGRA STE YID CHES PA'I TSIG GAM DBANG PO'I YUL MA YIN PA NI TSAD MA MA YIN ZHES BYA BA'I DON TO, ,DE KHO NA LA BRTEN NAS KYANG TSIG MED KYANG DE SKYES BUS SHES PAR 'GYUR NA ZHES BYA BA LA SOGS PA SBYAR BA YIN NO, ,DE LTA YIN NA 'GA' YANG NYAMS PA MED DO, ,YID CHES PA YANG DBANG PO LAS 'DAS PA MA MTHONG BA YIN NA, MI BSGOM PA'I PHYIR RGYU MED PAS DE'I SHES PA YANG MED PA MA YIN NAM, JI LTAR NYE BAR BSTAN PAS DE RTOGS PA YIN ZHES ZER BA NI, DE SGRUB BYED PA LA 'ANG STE BSGOM PA YANG NGO, ,MED PA'I PHYIR NI MTHONG BA MED PA'I PHYIR RO, ,DBANG PO LAS 'DAS PA RTOGS PA'I DON DU SBYIN PA DANG TSUL KHRIMS LA SOGS PAS SMRA BA PO'I NAN TAN BYED PA MA YIN TE, DE SHES BA MED NA NYE BAR BSTAN PA NI DE SNGON DU 'GRO BA CAN MA YIN PA'I PHYIR DANG, NYAN PA PO NI DE SHES PA PO MA YIN PA'I PHYIR, DE'I DON NAN TAN DU BYED PA MA YIN NO, ,SHES PA PO MED PAR BSAMS PA NA, DA LTAR BDAG CAG SOGS RNAMS KYIS, ,RE ZHIG KUN SHES MTHONG BA MIN, ,ZHES BYA BA NI YIN GYI, MNGON SUM LOG PA NI MED PA LA TSAD MAR BRJOD PA MA YIN NO

, ,THAMS CAD SHES PA SNGON DU 'BYUNG BAR 'GYUR RO ZHES BYA BA 'DI LA YANG TSAD MA MED DO, ,THAMS CAD SHES PA SNGA NA MED PA YIN ZHES BYA BA 'DI LA NI RJES SU DPAG PA NYID TSAD MA YIN TE, 'DAS PA'I DUS SU YANG THAMS CAD SHES PAS STONG PA YIN TE, DUS YIN PA'I PHYIR DA LTAR BYUNG BA'I DUS LTA BU'I ZHES BYA BA DE LTA BU LA SOGS PA'I GSAL BA BYED PA BZHIN DU, SNGON MA BYUNG NGO ZHES BRTAG PAR NUS PA YIN NO, ,RE ZHIG THAMS CAD SHES PA MA YIN PA NYID CES BYA BA LAS BRTZAMS NAS, GZHUNG LUGS THAMS CAD LA YOD PA YIN NO ZHES BYA BA'I BAR GYIS THAMS CAD SHES PA'I SHES PA NI RGYU MED PAR BSTAN PA YIN NO, ,DE'I NGES PA'I RGYU YANG ZHES BYA BA LA SOGS PAS SHES PA PO MED PAR YANG NGO, ,TSAD MA GZHAN GYI SPYOD YUL GYI DON RTOGS PAR BYED PA PO'I SKAD CIG NYID LA SOGS PA'I NGAG LA, SANGS RGYAS KYIS GSUNGS PA NYID TSAD MA YIN GYI KHYAB PA DANG LDAN PAR DMIGS PA MA YIN NAM, DA LTAR NI MCHOD RTEN LA PHYAG BYA BA LA SOGS PA'I NGAG LA YANG DE NYE BAR DMIGS PA NI, TSAD MA NYID KYI SGRUB BYED YIN TE, SHES PA DE NI STON PA PO'I YIN PAR RTOGS PAR BYED PA YIN NO, ,GANG YANG DBANG PO LA SOGS PA DANG 'BREL PA CAN GYI YUL LA, BDEN PA SMRA BA PO NYID MTHONG NAS DE'I TSIG NYID KYI DAD PAS DON LA YANG RTOGS PAR BYED PAR 'GYUR RO, ,SMRAS PA TSAD MA GZHAN DANG MI SLU BA DANG LDAN PA'I SKAD CIG MA LA SOGS PA'I NGAG NI TSAD MA YIN GYI, SANGS RGYAS KYIS GSUNGS PA TZAM GYIS RAB TU SBYOR BA NI MA YIN NO, ,DE'I PHYIR RAB TU SBYOR BAR BYED PA NI GTAN TSIGS YIN TE, DES NA GZHAN DBANG NYID KYIS KYANG, ,TSAD MA NYID DU BSGRUB PA YIN, DE NI RANG LAS TSAD NYID NA, ,DBANG PO GZHAN SOGS LA GANG LTOS, ,DE'I PHYIR GANG KHO NA SKAD CIG MA LA SOGS PA'I NGAG TSAD MA GZHAN MI SLU BA'I NGO BO NI TSAD MA NYID DU SBYOR BAR BYED PA DE KHO NA MCHOD RTEN LA PHYAG BYA BA LA SOGS PA'I NGAG RNAMS LA NYE BAR DMIGS BZHIN PA'I TSAD MA NYID DU SGRUB PAR BYED PA YIN NO, ,SANGS RGYAS KYIS GSUNGS PA JI LTA BA KHO NA 'DIR DBANG PO LA SOGS PA RNAMS KYIS YONGS SU

GCOD PAS TSAD MA NYID DU DAD PAS KYANG DE KHO NA NYID DU 'GYUR GYI, RANG DBANG GIS 'THOB PA NI MA YIN NO, ,RAB TU SBYOR BAR BYED PA NYID YIN NA NI, ,MCHOD RTEN LA PHYAG BYA BA LA SOGS PA'I NGAG 'GAL BA YIN LA, TSAD MA GZHAN GYIS RTOGS PA'I DON LAS SANGS RGYAS KYIS GSUNGS PA TZAM GYIS TSAD MA MA YIN PA SKAD CIG MA LA SOGS PA'I NGAG LTA BU'O, ,JI LTAR DE DAG BDEN PA NYID, ,GTAN TSIGS 'DIS NI GRUB PA NYID, ,DE BZHIN GZHAN GYIS MI RTOGS DON, ,TSAD MA MED PA'I SGRUB BYED YIN, ,'DI NI GZHAN DU SGRUB PAR BYED PA DANG BCAS PA'I GTAN TSIGS YIN TE, MCHOD RTEN LA PHYAG BYA BA LA SOGS PA'I NGAG NI MI BDEN PA YIN TE, DBANG PO LAS 'DAS PA'I DON RTOGS PAR BYED PA NYID KYIS SKYES BU'I NGAG YIN PA'I PHYIR, SPU BTOGS PA LA SOGS PA'I NGAG LTA BU'O, ,'ON TE 'JIG RTEN PA MIN DON, ,SKYES BU'I NGAG NI RGYU YIN NA, PHAN TSUN MTHUN PA'I PHYOGS YIN PHYIR, ,RIG BYED NGAG RNAMS BRDZUN NYID 'GYUR, ,GAL TE SBYOR BYED MA YIN PA'I SANGS RGYAS KYI GSUNG YANG MCHOD RTEN LA PHYAG BYA BA LA SOGS PA'I NGAG BDEN PA'I SGO NAS THAMS CAD SHES PA NYID SGRUB PAR BYED PA YIN NA DE LTA NA SANGS RGYAS THAMS CAD SHES PA MA YIN ZHES BYA BA'I BDAG GI TSIG KYANG BDEN PAR 'GYUR TE, BDAG GIS SMRAS PA YIN PA'I PHYIR DRO BA LA SOGS PA'I NGAG LTA BU'O, ,SANGS RGYAS LA SOGS PA RNAMS THAMS CAD SHES PA MA YIN ZHES BYA BA'I BDAG GI TSIG NI BDEN PA YIN TE, BDAG GIS SMRAS PA'I PHYIR DPER NA ME'I DRO BA DANG GSAL BA LTA BU'O, ,MCHOD RTEN LA PHYAG BYA BA LA SOGS PA'I NGAG RNAMS SANGS RGYAS KYIS GSUNGS PA NYID, THAMS CAD SHES PA MA YIN NO, ,ZHES BYA BA LA THE TSOM ZA BA YIN NO, ,BDAG GIS SMRAS PA NYID MNGON SUM YIN NO, ,ZHES BYA BA NI BYE BRAG STE, BDAG GIS SMRAS PA MNGON SUM YIN, DE PHYIR BDAG NI GTAN TSIGS 'GYUR, ,KHYED KYI BSGRUB BYA DES GSUNGS PA, ,THE TSOM ZA BA'I MA GRUB PA'O, ,GANG LA YOD PA DGAG PA'I BSGRUB BYA LA, GZHAL BYA NYID LA SOGS PA'I BSGRUB PA BYA THAMS CAD LA 'KHRUL PA CAN YANG MNGON SUM LA SOGS PAS MI SLU BA CAN DU SGRUB PAR BYED PA YIN LA, DE'I YOD PA NYID DU 'DOD PA SGRUB PAR BYED CES PA NI, MNGON

, ,SUM LA SOGS MI SLU CAN, ,GZHAL BYA NYID SOGS GANG GIS NI, ,YOD PA NYID NI DGAG NUS PA, ,DE LAS SU ZHIG RTOG PAR 'GYUR, ,DRANG SRONG BRGYAD PO LA SOGS PA BZHIN DU, DRAN PA NI THAMS CAD SHES PA NYID YOD PA NYID LA TSAD MA MA YIN TE, RTZA BA BCAD PA'I PHYIR RO, ,RTZA BA MA BCAD PA'I DRAN PA NI TSAD MAR NYE BAR 'JOG PAR BYED PAS TSAD MAR 'GYUR RO, ,'DI NI THAMS CAD SHES PA'I DRAN PA NI SH'AKYA'I DGE SLONG KHA CIG LA GRAGS PA YIN TE, YONGS SU BZUNG BA'I PHYIR, RTZA BA'I RTOG PA LA NUS PA CAN MA YIN NO, ,DRANG SRONG BRGYAD PO LA SOGS PA RNAMS KYI KHYAD PAR YIN TE, MA LUS PA KHYED KYI DRAN PA LAS BZLOG PAS RTOGS PA'I PHYIR YIN GYI, DRAN PA RNAM PAR MA BCAD PA LAS THAMS CAD SHES PAR RTOGS PA YANG MA YIN TE, RTZA BA RNAM PAR BCAD PA'I PHYIR RO, ,'GA' ZHIG KHO NAS YONGS SU 'DZIN PA'I PHYIR ZHES BYA BA'I BSAM PAS ZHES ZER BA NI, PHYOGS GCIG MI SLU BA ZHES BYA BA STE, RE ZHIG THAMS CAD MKHYEN PA NYID MA YIN PA ZHES BYA BAS RGYU MED PAR BSTAN PA NYID LKOG TU GYUR PA'I DON THAMS CAD NI MNGON DU BYED PAR SRID PA MA YIN TE ZHES BYA BAS GSAL BAR BYED PA YIN TE, KUN SHES BYA BA'I RNAM SHES NI, ,DE YE SHES BYA MED BAR, , GANG LAS ZHES BYA BA LA SOGS PAS SHES PA PO MED PA DANG, THAMS CAD SHES PA MED PAR YANG RIGS PAR TSAD MAS GSAL BAR BYED PA YIN TE SANGS RGYAS KYI SHES PA'I SHES BYA SKAD CIG MA DANG STONG PA DANG BDAG MED PA NYID DANG CHOS DANG CHO MA YIN PA LA SOGS PA'I YUL RNAM PAR RTOG PA DANG BRAL BAS 'DAS PA DANG MA 'ONGS PA DANG DA LTAR BYUNG BA'I SKYES BU RNAMS KYIS THAMS CAD SHES PAR BZUNG BA MED PA'I PHYIR TSAD MA THAMS CAD MED PAS NA MED PAR RTOGS PA YIN NO, ,DE'I GTAN TSIGS KYI DON NI 'DI YIN TE, DUS GSUM GYI SKYES BU RNAMS DUS GSUM DU YANG THAMS CAD SHES PAR 'DZIN PA MA YIN TE, DE'I SHES PA DANG SHES BYA DAG RTOG PA DANG BRAL BA'I PHYIR BDAG CAG LA SOGS PA BZHIN DU'O, ,GANG ZHIG RES 'GA' YANG MI 'DZIN PA DE NI MED PA YIN TE RI BONG GI RVA LTA BU'O, ,'DI NI KUN SHES YIN NO ZHES, ,DE'I DUS SU 'ANG RTOGS 'DOD RNAMS, ,DE YI SHES

BYA RTOGS MED PAS, JI LTAR RTOGS PAR BYA BA YIN, ZHES BYA BA'I DON TO, ,'ON TE DE 'DZIN PA GRUB PA'I DON DU THAMS CAD SHES PA GZHAN 'DOD PA YIN NA, DE LAS KYANG GZHAN PAR RTOGS PA YIN TE, THUG PA MED PAR 'GYUR LA, 'DI NI 'DOD PA YANG MA YIN NO, ,KHYED KYIS THAMS CAD SHES PAR NI, ,RTOGS PA 'ANG MANG POR 'GYUR BA YIN, ,GANG ZHIG KUN SHES MIN 'GYUR BA, ,DES NI KUN SHES RTOGS PA MIN, ,DE BSTAN PA NI DE'I SHES BYA SHES NA'ANG DE NYID KUN RIG 'GYUR, ,ZHES BYA BA'O, ,THAMS CAD SHES PA YIN YANG DE LTA NA YANG DE'I 'DOD CHAGS DANG BRAL PA NYID YIN PA'I PHYIR NYE BAR STON PA PO YIN PAS, SLU PHYED KYIS BYAS PA NYID, ,MCHOD RTEN PHYAG BYA SOGS BSTAN PA, ,MNGON SUM LA SOGS MED RNAMS KYIS, ,SO SOR RTOG PA LAS YIN NO, ,'DI NI 'DOD CHAGS BRAL YIN NA, ,BYA BA MED PAR RNAM PAR GNAS, ,SO SOR RTOG PA MED PA'I PHYIR, GZHAN GYIS BSTAN PAR BYAS NYID 'GYUR, ,ZHES ZER BA NI, GANG ZHIG CHAGS SOGS DANG BRAL ZHING, ,ZHES BYA BA STE, SANGS RGYAS KYIS GSUNGS PA'I PHYIR ZHES BYA BA'I GTAN TSIGS 'DI MA GRUB PA NYID DU BSTAN PA YIN NO, ,THAMS CAD KYI SHES PA DE YANG RE ZHIG THOG MA DANG THA MA MED PA NYID KYIS THAMS CAD KYI RIM GYIS RIG PA MI SRID PA YIN TE, DE KHO NA NYID MED PAR THAL BAR 'GYUR BA'I PHYIR RO, ,DE NYID BSTAN PA NI, BYUNG GYUR BYUNG DANG 'BYUNG 'GYUR DNGOS, ,ZHES BYA BA STE, PHYOGS GCIG PA TZAM GYIS NI THAMS CAD SHES PA MA YIN TE, THAMS CAD KYANG DE LTA BU NYID DU THAL PA'I PHYIR RO ZHES ZER BA NI, PHYOGS GCIG YONGS SU SHES PA NI, SU LA MED CES BYA BA STE, DE NYID KYI PHYIR SKAD CIG MA NYID LA PHYOGS GCIG SHES PA MI SLU BAS KYANG THA DAD PAR BYA BA LA SOGS PA'I YUL GYI SHES PA LA YOD PA SRID PAR BYA BA MA YIN NO ZHES ZER BA LA, SKYES BU MANG DU RTOGS PA LA ZHES BYA BA'O, ,'ON TE PHYOGS GCIG ZOS PA DANG BSAMS PA LA SOGS PA GZHAN 'DRA BA'I MI SLU BA YOD NA SHIN TU KHYAD PAR CAN SHES PAR SRID PA NI MA YIN NO SNYAM DU SEMS PAS ZER BA NI, KHYAD PAR DANG DANG LDAN ZHES BYA BA'O, ,'ON TE DE NYID PHYOGS GCIG SHES PA TZAM NYID LA

, ,SOGS PA GZHAN 'DRA BA'I SHES PA LAS THA DAD PAR BYA BA LA SOGS PA'I SHES PA'I SRID PA YIN NO SNYAM DU SEMS PAS ZER BA NI PHYOGS GCIG DE NYID SHES PA NI ZHES BYA BA STE, DE NYID SHES PA'I SHES PA DES 'BREL PA GRUB PA MED PA'I PHYIR MI RIGS SO ZHES BYA BA'I DON TO, , 'ON TE CIG CAR RIG PAR BYED, ,CES PA'I PHYOGS YIN NA DE LA YANG SMRAS PA NI, CIG CAR THAMS CAD RNAMS SHES NA, ZHES BYA BA'O, ,'ON TE MI MNGON PAR KHO NAR THAMS CAD KYI SHES PA BSTAN PAS BDAG CAG LA PHAN BTAGS PA YIN NO, ,SKYES BU DE YIS NYE BA TZAM, ,YID BZHIN NOR BU JI BZHIN DU, JI LTAR 'DOD PA 'BYUNG PA NI, ,RTZIG PA LA SOGS STON PAR 'GYUR, ,ZHES BYA BA NI MI RIGS TE, MI MNGON PA DE LTA BU'I SHES PA LAS BYUNG BA'I BSTAN PA RNAMS MI SHES PA'I PHYIR RO, ,DE LTA LA SOGS BSTAN PA NI, ,DAD DANG LDAN NA LEGS GYUR NA, ,RTZIG PA LA SOGS LAS BYUNG PHYIR; ,BSTAN PA RNAMS LA YID CHES MED, ,SNYAM DU SEMS PA LA NAN TAN DU BYED PAR 'DOD PA RNAMS KYI LTOS PA STE, NAN TAN DU BYA BA'I SHES PA NI 'DI LA MNGA' BA YIN NO ZHES BYA BA'I TSAD MA BSTAN PA NI, DES GSUNGS RTOGS PAR BYA BA'I PHYIR, ,ZHES BYA BA STE SHES PA DANG LDAN PA TSOL BAR BYED PA NAN TAN DU BYED PA'I YAN LAG KHO NA YIN PA NI GAL TE NAN TAN DU BYA BA DE'I SHES PA DANG LDAN PA YOD NA YIN TE RANG GI BZHIN DU GZHAN LA SHES PA YOD KYANG DE MED NA NAN TAN BYED PA MED PA'I PHYIR RO, ,DE LAS YANG RANG GI SHES PA MED NA JI LTAR GZHAN GYI SHES PA GO BAR BYED PA MA YIN TE, DE YOD NA'AM DE YIN DU CHUG KYANG MNGON SUM BZHIN DU 'JUG PAR BYED PA YIN NA DBANG PO LAS 'DAS PA LA YANG 'GYUR RO, ,DE YANG 'JUG PAR BYED PA YIN NO ZHE NA, GANG LA DE YIN PA LA NI DE BDEN NA GZHAN GYI SHES PA GZHAN LA 'JUG PAR BYED PA NI MA YIN TE, TSIG LA SOGS PA'I SGO NAS GZHAN LA YANG DE TSAD MA GYUR PA KHO NA YIN PAR 'GYUR RO, ,DE BSTAN PA NI, YUL THAG RING SOGS GTAM RNAMS LA, ,YID CES SMRAS PA BLO GNOD MIN, ,ZHES BYA BA'O, ,NUS PA'I YUL LA YIN NA MI NUS PA LA JI LTAR YIN, MA YIN TE THAMS CAD NUS PA YIN PA'I PHYIR RO, ,'DI LTAR SKAD CIG MA

NYID DANG SHES PA TZAM NYID KYI ZHES PA NI YAN LAG BZHIN DU BYANG GROL SGRUB PAR BYED PAR NUS PA YIN TE, MNGON GSUM LA SOGS PA SGRUB BYED YIN PA'I PHYIR RO, ,DRAN PA GOMS PA'I ZIN PO YIN NA BLO GSAL PO SKYES PAS YUN RING POR BRJED PA RNAMS KYANG DRAN PAR SNANG BAS, SNGON GYI GNAS RJES SU DRAN PA 'BYUNG BA'I PHYIR MNGON PAR 'BYUNG SGRUB PAR BYED PA NI RJES SU 'GRO BA DANG LDOG PA RNAM PAR DPYOD PA LAS BYUNG BA MA NYAMS YIN LA, DE LA YANG DE SHES PA MED PA LAS NAN TAN BYED PA MA YIN PA MA YIN TE, 'BRAS BU MTHONG BA'I PHYIR RO, ,DE YANG JI LTAR YANG 'BYUNG BA YONGS SU GYUR PA'I BYE BRAG CAN GYI RTOG PAS 'BYUNG BA NI MA YIN TE, RNAM PAR DPYOD PAR 'CHAD PAR 'GYUR BA'I PHYIR RO, ,SHES PA DE YANG JI LTAR YIN ZHES RNAM PAR DPYAD PA YANG MA YIN TE, 'BRAS BU'I SHES PA DANG 'GAL BA'I PHYIR RO, ,DE'I SGRUB BYED NYID KYIS SHES PA NYID LAS 'JUG PA'I YAN LAG KYANG MA YIN TE, 'DOD CHAGS LA SOGS PAS KYANG GDUNGS PA BZHIN DU 'JUG PAR MTHONG BA'I PHYIR RO, ,DE LTAR YANG DE KHO NA BZHIN DU YIN NO ZHES BYA BAR YANG MI RIGS TE, RIG BYED DANG DBANG PHYUG LA SOGS PA'I TSAD MA TSOL BAS SEMS 'KHRUGS PA'I PHYIR RA, ,DE BZHIN DU 'JUG PA YIN NA NGES PA CAN GYI BYANG GROL DANG, MNGON PAR 'BYUNG BA LA SOGS PA'I 'BRAS BU MNGON PAR 'THOB PA'AM, CIG SHOS 'THOR BA ZHES BYA BA NI MA YIN TE, JI SKAD DU DE NI 'DI RNAM PAR MA DPYAD PAS GANG YANG RUNG BA NYE BAR LEN PA NA RNAM PAR NYAMS PA NYID DAM DON MED PAR 'GYUR RO ZHES BSTAN PA'O, ,BCOM LDAN 'DAS THUGS RJE DANG LDAN PA NGES PA CAN SGRUB PAR BYED PA'I SHES PA NI, SNGON GYI GNAS RJES SU DRAN PA'I RIM GYIS THOB NAS 'DOD PA DANG MI 'DOD PA'I RNAM PAR DBYE BAS SGRUB BYED DU MA YAN LAG DANG BCAS PAR STON PAR MDZAD LA, GZHAN GYIS KYANG 'JUG PAR 'DOD PAS DE DE BZHIN DU 'JUG PA'I YUL LA MKHAS PAR 'GYUR BAR BYA BA MA YIN NO, ,DE LA YANG RANG NYID LAS RIG PA MED PA YIN TE, JI SKAD GSUNGS PA'I GDAMS NGAG MED PA'I PHYIR RO, ,DE'I PHYIR SHES PA DANG LDAN PA DE BTZAL BAR BYA BA YIN TE, RANG DANG GZHAN LA SHES PA MED NA 'JUG PAR MI RIGS PA'I PHYIR RO, ,DE LA RANG LA SHES PA'I

, ,THABS MED CES TE, GZHAN LA MED PAR SHES PAR BYA BA MA YIN TE, BRA BRTAGS PA LA SOGS PA BZHIN DU NYE TSE BA YIN PA'I PHYIR RO, ,SRID PA YIN NA YANG DE SHES PA LA YANG DE SNGON DU 'GRO BA CAN DU BSTAN PA NI, 'DI KHO NA YIN GYI GZHAN MA YIN NO ZHES CI LAS SHES, GAL TE BDE GSHEGS KUN SHES NA, ,SER SKYA MI ZHES TSAD MA GANG, ,ZHES BYA BA'I TSIG LAS SO, ,PHYOGS GCIG LA MI SLU BAS SHES PA SNGON DU 'GRO BA CAN GYI SHES PA YANG MA YIN TE, MA NGES PA'I PHYIR DANG SKYES BU'I DON PHRAN TSOGS KYI SHES PA NI THAMS CAD LA RNYED BLA BA'I PHYIR RO, ,BYANG GROL DU BSTAN PA NI SKYES BU'I DON GYI DAM PA THABS DANG BCAS PA NI MI SLU BA CAN YIN PA'I PHYIR DE DANG DGONGS PA GCIG PAS GSUNGS PA'I MTHO RIS LA SOGS PA'I SKYES BU DON PHRAN TSEGS NGAG GI SNGA ROL NYID DU DE NYID SHES PA YIN TE, SKYES BU'I DON GYI DAM BA LA MI SLU BA YIN NA CIG SHOS LA SLU BA YIN NO ZHES THE TSOM ZA BA MA YIN NO, ,BZLOG PA LA NI DE LTAR 'GYUR RO ZHES BYA BA'I BSAM PA'I DBYE BA SHES PA NI 'JIG PA'I YIN LA, 'JIG RTEN GYI THABS DANG LDAN PA NI GZHAN DU RNAM PAR GZHAG PAR MI RIGS SO, ,SER SKYA LA SOGS PA LA NI 'DI MED PA YIN TE DE'I PHYIR SLU BA CAN NYID DO, ,GZHAN LAS THOS NAS SMRA BA YIN PAR MI RIGS TE, GANG GIS TSAD MA YOD PA CAN GYI DNGOS PO'I BSGOM PAS 'DOD PA DANG NYAN NGAN LAS 'DAS PA BZHIN DU SNGON DU BYED PA SRID PA'I PHYIR RO, ,GTZO BO NYE BAR STON PA PO NYID GZHAN YANG ZHES CI LAS DE LTA BU NYID KYI DRAN PA RNAM PAR GCOD PA MA YIN PAS, RIG BYED LA SOGS PA SKYES BUS BYAS PA LA MA YIN PA LA SOGS PA BZHIN DU'O, ,RIG BYED LA SOGS PA LA NI SKYES BU'I DON GYI GTZO BO LA MI SNANG BAR YID CHES BA NYID KYI SHES PA'I RGYU MED DO, ,DE'I PHYIR DE LAS GZHAN PA LA YANG YID CHES PA NYID DU NGES PA MED PAR BSTAN PA NI MI SHES PA NI SKYES BU'I DON GYI GTZO BO'I DAD PAR BYA BA'I SHES PA SRID PA MED PAS SO, ,STON PAR BYED PA ZHES BYA BA NI NYE BAR BSTAN PAR BYA BA STE NAN TAN DU BYA BA'O, ,DE LA BYED PA NI NAN TAN DU BYA BA'O, ,DE LA; SLU BA YIN PAR DOGS RNAMS KYI, ,ZHES BYA BA NI SKYES BU'I DON GYI GTZO BO'I SHES PA'I RIM GYIS DAD PAR BYA BA'I SHES PA KHO NA TSOL

BAR BYED PA YIN TE, THABS DANG BCAS PA'I SKAD CIG MA NYID MTHONG NA CIG SHOS MI MTHONG BA MA YIN TE, MTHONG BA'I SGRUB BYED BA SGOM PA YIN PA'I PHYIR RO, ,GANG GI PHYIR SKAD CIG MA NYID LA SOGS PA'I BSGOM PAS SGRIB PA MA LUS PA'I NYES PA SPANGS PA YIN NA DRAN PA GOMS PA PHUN SUM TSOGS PA LAS SNGON GYI GNAS RJES SU DRAN PA'I SHES PA THOB PA LAS, LAS DANG 'BRAS BU DANG 'BREL PAR BDE BAR RTOGS PA'I PHYIR DRAN PAS GOMS PA BZHIN DU GTZO BO'I SHES PA YANG DE LAS MKHO BA YIN NO, ,DE'I PHYIR SKYES BU'I DON GYI GTZO PO RTOGS PA SNGON DU 'GRO BA CAN GYI DRAN PA GOMS BA'I BLO GSAL BA NI NYAMS SU MYONG BA DRAN PA'I RGYU YIN TE, GEGS BYED PA MED NA MTHONG BA BZHIN DU SNYING RDZE GOMS PA PHUL DU BYUNG BA LAS GEGS BYED PA MED PAR SHIN TU NGES PA YIN PA'I PHYIR GDON MI ZA BAR 'BYUNG BA'I 'BRAS BU NI RGYU YIN LA, MA 'ONGS PA'I 'BRAS BU SNGON GYI PA NAS RJES SU DRAN PA'I 'BRAS BU YIN TE, DE MED NA MED PA'I BYE BRAG MED PA'I PHYIR RO, ,'JIG RTEN PA'I YANG GTZO BO LA MI SLU BAS CIG SHOS LA YANG MI SLU BA'I SHES PA LAS YID CHES PA'I SHES PA YIN PAR GTZO BO'I DON LA SLU MIN LAS GZHAN LA RJES SU DPAG PA YANG ZHES BYA BAS 'CHAD PAR 'GYUR RO, ,'DIR NI DE YONGS SU MA SHES PA'I SKYON BRJOD PA YIN LA, 'DI LA YANG 'DI'I NAN TAN DU BYA BA'I SHES PA NI RTOGS BYA YIN PAR BSTAN PA YIN LA, DE LA NI YUL CAN THAMS CAD DAM, YANG NA NAN TAN BYA BA DANG NAN TAN BYED PAR RANG NYID RTOGS PA DANG LDAN PA YIN LA, 'GA' ZHIG KHAS BLANGS PAR BYA BA YIN NO, , GZHAN DU SHES PA ZHES BYA BA NI RTOGS PA YIN LA, GANG LA DE MED PA NI 'DI'I MI SHES PAR STON PA'O, ,DE LAS BYED PA NI BYED PA STE, NAN TAN TU BYED NA SLU BA SRID PA YIN TE, MNGON SUM DANG RJES SU DPAG PA'I RGYA BRTEN DANG BRAL BA'I NYE BAR BSTAN PA TZAM LAS NI BCOS MA MA YIN PA LAS KYANG DON DANG 'BREL PA'I RANG BZHIN CAN MA YIN PA'I PHYIR, DE TZAM NAN TAN DU BYED PA NI RANG GI RTOG PA TZAM NAN TAN BYED PA BZHIN DU YID CHES PA'I GNAS MA YIN NO, ,DE'I NYE BAR BSTAN PA NI RMONGS PA LAS KYANG 'BYUNG BA YIN LA, RMONGS PA MED NA RIG BYED LAS KYANG 'BYUNG

, ,ZHES PA GSAL BA YIN TE, DON DANG 'BREL PA SKYES BU BYAS PA NYID KYIS RMONGS PA SRID PA MI LDOG PA'I PHYIR RO, ,DE'I PHYIR DE LTA BU'I RNAM SHES BSKYED PA LA MIG LA SOGS PA RGYU MA YIN LA, BSGOM PA YANG YIN PAR NI MI 'GYUR TE, DBANG PO LAS 'DAS PA'I PHYIR RO; ,CUNG ZAD KYANG MNGON SUM GYI NUS PAS MA MTHONG BA YIN ZHES BYA BA LA SOGS PA YANG GSAL BA YIN TE, DRAN PA GOMS PA LAS NYAMS SU MYONG BA DRAN PA'I RGYU MTSAN YIN PA'I PHYIR RO, ,DE LTA YIN NA DRAN PAS SHES PA YIN GYI MNGON SUM GYIS NI MA YIN NO ZHE NA MA YIN TE, SHIN TU GOMS PA LAS GSAL BAR SNANG BA NYID KYIS MNGON SUM YIN PA'I PHYIR RO, ,DE LTAR NA NYE BAR BSTAN PA LAS SHES PA NI PHA LA SOGS PA'I NYE BAR BSTAN PA BZHIN DU, RTOGS BZHIN PA YIN NA KHYED KYIS CI LAS SHES ZHES GLAGS BTZAL BAR BYA BA MA YIN TE, SHIN TU GOMS PA LAS NI RTOGS PAR MA BYAS KYANG LUS DANG NGAG GI THA SNYAD MTHONG BA'I PHYIR RTOGS PA MED NA JI LTAR STON PA YIN ZHES BYA BA GSAL BA YIN NO, ,DE GAL TE YID CHES PA LAS DBANG PO'I YUL ZHES SMRA BAS, BDEN PA SMRA BA NYID DANG DBANG PO'I YUL DU SMRA BA NYID YID CHES PA'I MTSAN NYID BSTAN PA YIN LA, DE YANG 'JIG RTEN PHA ROL PA'I LAS RJES SU SGRUB PA LAS DGONGS PA YOD PA MA YIN LA, DE'I DON NYID DU RTOGS PA DANG LDAN PA RNAMS RTZOM PA'I PHYIR SKYES BUS BYAS PA MA YIN PA NYID LAS SAM, GZHAN LAS KYANG DE 'BYUNG BAR MI 'GYUR BA'I PHYIR DBANG PO LAS 'DAS PA MTHONG BA DES NA SKAL BA DANG LDAN PA YIN PAR BSTAN PA NI; SHES LDAN TSOL BYED PA ZHES BYA BA STE, 'BRAS BU DANG DE'I KHYAD PAR MTHONG BA LAS RGYU DANG, DE'I KHYAD PAR DAG PA YIN LA, DE LAS KYANG DE LAS GZHAN PA YIN, ,ZHES RJES SU DPAG PAS NGES PA YIN TE, GOMS PA KHYAD PAR CAN GYIS CHES GSAL BA LA NI LUS PA MNGON SUM DU 'GYUR PA'I PHYIR RO, ,JI LTAR THOG MA DANG THAM MED PA 'GAL PA YIN, RNAM PAR RTOG PA BZHIN DU MNGON SUM GYI RTOGS PAS BSGOM PA TZAM LAS 'BYUNG BA GSAL BA YIN PA'I PHYIR LA, MNGON SUM NYID NYAMS PA YANG MA YIN TE, SKAD CIG MA GZHAN LA YANG DE DANG 'DRA BA KHO NA'I RGYUN GYIS 'U BU CAG CI SHES PA BZHIN DU

'JUG PA'I PHYIR RO, ,GDUL BYA MTHA' YAS PA NYID KYI SKYANG SKAD CIG MA RE RE LA YANG MNGON PAR 'DOD PAR BYED PA'I PHYIR TSAD MA YIN TE DE'I PHYIR KHYAD PAR YOD DO, ,PHA ROL LA YOD PA'I 'DOD CHAGS LA SOGS PA RIGS PA'I PHYIR DE DANG LDAN PA'I YIN ZHES BYA BA LA SOGS PA'I RGOL BA DANG LAN RGYAS PAR NI RNAL 'BYOR BA'I MNGON SUM RNAM PAR BSHAD PA LAS SHES PAR BYA'O, ,GZUGS LA SOGS PA MNGON DU BYED BA MIG LA SOGS PA RJES SU 'JUG PA CAN NI BSGOM PA LAS SAM GZHAN LAS KYANG JI LTAR 'GYUR, GLUR BLANG BYA BA LA SOGS PA TZAM LA SOGS PA YANG KHYAD PAR CAN GYI DANG PO'I DBANG PO DANG 'BREL PA LAS 'BYUNG BA NI BSGOMS PA'I RJES SU 'JUG PA'I SHES PA GSAL BAR NYE BAR DMIGS PA MA YIN NO ZHES SMRA BA RNAMS KYIS BSGOMS PA'I BSKYED BYA BRJOD PA LA 'DI TZAM ZHES BYA BA MED DE, DBANG PO RNAMS LHAN CIG BYED PA NYID KYIS RJES SU 'JUG PAR BYED PA RNAMS YUL SO SOR NGES PA YIN NA GZHAL DU MED PA'I PHYIR THAMS CAD SHES PA MA YIN PA NYID LA SNGON PO DANG SNGON PO MA YIN PA'AM, RIG PA'AM RIG PAR BYED PA MA YIN ZHES BYA BAR 'GYUR TE 'GAL BA MED PA'I PHYIR MA YIN ZHES BYA BAR MTSUNGS SO, ,THAMS CAD MKHYEN PA MA YIN PA LA NI 'GAL BA MED DO, ,THAMS CAD SHES PA MA YIN PA NYID THAMS CAD MKHYEN PAR 'GYUR TE DPYOD PA PA MA YIN PAR DPYOD PA BAR 'GYUR BA BZHIN DU'O, ,THABS YOD PA'I PHYIR TE DRAN PA GOMS PA NI THABS YIN PA'I PHYIR RO, ,MTHO RIS DANG THAR PA'I LAM SHES PA NYID KYIS RJES SU SGRUB PAR 'DOD PA RNAMS KYI BSNYEN PAR BYA BA 'DI YIN GYI, DGOS PA MED PA THAMS CAD KYI SHES PA LAS NI MA YIN NO ZHES BSTAN PA NI, THAMS CAD RIG PA ZHES BYA BA TSAD MA GZHAN NI 'DOD PA MA YIN GYI, 'ON KYANG ZHES BYA BA'O, ,THAMS CAD SHES PA YIN PA'I PHYIR YANG SHES PA PHUL DU BYUNG BA DANG LDAN PA'I PHYIR BSNYEN PAR BYA BA MA YIN NAM, DE YANG THAMS CAD KYI SHES PA CHES SHIN TU YIN PA'I PHYIR THAMS CAD KYI SHES PA LA GUS PA MA BYAS PAS SKYES BU'I DON GYI SHES PA NYID JI LTAR TSOL BAR BYED SNYAM DU SEMS PAS CI'I PHYIR ZHES ZER BA LA, LAN DU DES GSUNGS ZHES BYA BA STE, RTOGS PAR BYA BA'I PHYIR NI NAN TAN DU

, ,BYA BA'I DON DU YIN GYI, SHES PA KHYAD PAR CAN DANG LDAN PA NYID TZAM KHO NA LAS 'DI BSNYEN PAR BYA BA NI MA YIN TE, 'ON KYANG NAN TAN DU BYA BA'I YUL SHES PA KHYAD PAR CAN DANG LDAN PA NYID KYI PHYIR ZHES BYA BA'I DON TO, ,YUL GZHAN SHES PA KHYAD PAR CAN DANG LDAN PA SHES PA YIN NA YANG 'JUG PA'I YUL KHYAD PAR CAN DANG LDAN PA MI SHES NA MI 'JUG STE, RANG NYID DAM GZHAN GYIS NGES PAR BRTAGS PA LA 'JUG PA YIN PAR BSTAN PA NI GZHAN RJES SU SGRUB PAR 'DOD PAS ZHES BYA BA'O, ,YUL GZHAN SHES PA KHYAD PAR CAN DANG LDAN PA NYID SHES KYANG, 'JUG PA'I YUL SHES PA KHYAD PAR CAN DANG LDAN PA SRID PA YIN NA 'JUG PAR 'GYUR BA MA YIN NAM SNYAM DU SEMS PA LA, DE DES KYANG ZHES BYA BA STE, 'JUG PA'I YUL SHES PA LA NGES PA MED NA 'GA' YANG 'JUG PAR MI 'GYUR TE, YUL GZHAN LA NGES PA YANG YUL DE LA THE TSOM ZA BA'I PHYIR RO, ,THE TSOM NYID NI 'JUG PA'I YAN LAG MA YIN TE, 'JIG RTEN PHA ROL LA SOGS PA LA SLU BAR DOGS PA YIN NA, RTOG PA DANG LDAN PA RNAMS MI 'JUG PA'I PHYIR RO ZHES BYA BA'I DON TO, ,'JUG PA'I YUL SHES PAR NGES PA KHO NA 'JUG PA YIN PAR NI BDEN TE, DE'I NGES PA 'BA' ZHIG BZHIN DU YUL GZHAN SHES PA LA NGES PA YANG DE LA YOD DO ZHES BDAG SMRA BA YIN NO SNYAM DU SEMS PA NI, 'ON TE DER YANG ZHES BYA BA'O, ,SHES PA DE'I SHES BYA SHES PA MED NA DE'I SHES PA LA JI LTAR NGES PA YIN ZHE NA, LAN DU THAMS CAD DU SHES PA LA ZHES SMOS SO, ,NYE BAR BSDU BA NI DE'I PHYIR ZHES BYA BA STE, DE NYID CES BYA BA DE NAN TAN DU BYA BA KHO NA YIN PAR SHES PAR BYA BA STE, SLU BA YIN PAR DOGS RNAMS KYIS, ,ZHES BYA BA DANG SBYAR RO, ,DES NI NYE BAR BSTAN PA LAS SO, ,CI LAS THE TSOM ZA BA YIN ZHE NA, MI SHES ZHES BYA BA NI RANG NYID LA 'JUG PA'I YUL LA NGES PAR RTOGS MED PAR BSTAN PA YIN LA, MI SHES PA NYE BAR STON PA ZHES BYA BA NI GZHAN LA NGES PAR RTOG PA MED PAR BSTAN PA'O, ,'DI TSAD MA NYID DO ZHES BYA BA 'DI LA YANG SHES NAS ZHES BYA BAR RJES SU 'JUG PA YIN TE, SKYES BU'I DON SHES PA KHYAD PA CAN DANG LDAN PA NYID KYI SHES PA LA TSAD

MA YIN TE, RJES SU 'JUG PA'I PHYIR RO ZHES BYA BA'I DON TO, ,GAL TE YUL GZHAN SHES PA KHYAD PAR CAN LA NGES PA MA YIN PA KHO NA CI ZHIG CE NA, SRID PA YIN PAR 'GYUR BAR BSTAN PA NI, GZHAN LA YANG DE'I ZHES BYA BA STE, SKYES BU'I DON SHES PA KHYAD PAR CAN LA SRID PA NI SGRUB PAR BYED PA DANG GNOD PA CAN MED PA'I PHYIR THE TSOM YIN LA, 'DI 'JUG PA'I YAN LAG NI MA YIN TE, 'KHRUL PA SRID PAR 'GYUR BA'I PHYIR DANG, THAMS CAD DU YANG 'JUG PAR THAL BAR 'GYUR BA'I PHYIR RO, ,DE'I PHYIR NGES PA CAN GYI SKYES BU'I DON GYI GTZO BA'I SHES PA LA NGES PA NI 'JUG PA'I YAN LAG YIN PAR BSTAN PA NI SKYES BU'I DON GYI GTZO BO SHES PA ZHES BYA BA STE, SKYES BU'I DON KUN GYI GTZO BO LAS GZHAN PA'I YUL SHES PA LA JI LTAR SHES PA YIN ZHES RGOL BA NI RIG BYED DANG DBANG PHYUG LA SOGS PA RNAMS BSNYEN PA LA YANG MTSUNGS PA YIN LA, DE LA KHYED KYI LAN GANG YIN PA DE KHO BO CAG GI YANG YIN PAR MTSUNGS PAR BSTAN PA NI, LHAG MA THAMS CAD NI ZHES BYA BA'O, ,GAL TE RIG BYED DANG DBANG PHYUG LA SOGS PA YANG BSNYEN PAR BYA BA MA YIN DU ZIN KYANG BDAG LA GNOD PA CI YOD CE NA, CI'I PHYIR MI GNOD PA YIN TE BSNYEN PAR BYA BA THAMS CAD DGAG PA, BSNYEN BYA GANG KHO NA YIN PA DE KHO NA JI LTAR SHES PA YIN ZHES BYA BAR MTSUNGS SO, ,BDAG CAG GI BSNYEN PAR BYA BA NI 'GA' YANG MED PA KHO NA YIN NO ZHE NA DE LTAR YIN NA 'JIG RTEN PA'I THA SNYAD LA RJES SU 'JUG PAR BYED PAS KHYOD 'JIG RTEN PA YIN TE, SKYES BU'I DON GTZO BO SHES PA LA NGES PAR BYED NA SHES PA GZHAN LA YANG SRID PAR BYED PAS 'JUG PAR BYED PA YIN NA GZHAN LA NI MA YIN TE, DE LTAR SHES PA MED BAS SLU BA YIN PAR DOGS PA YIN PA'I PHYIR ZHES BSTAN PA NI, GANG ZHIG TSAD MAS MTHONG BA ZHES BYA BA'O, ,SHES PA DANG NYE BAR BSTAN PA DAG GIS KYANG NYE BAR BSTAN PA MTHONG BA LAS THE TSOM ZA BA YIN NO ZHES ZER BA NI, 'ON TE THAMS CAD YONGS SU MI SHES NA ZHES BYA BA STE, THAMS CAD NI LAS KYI 'BRAS BU'I BDAG NYID KYI 'GRO BA YIN TE, GZHAN LA MED PA'I PHYIR LA GAL TE DE SHES NA THAMS CAD KYI SHES PA KHO NA TSIG GSAL BA 'DI KHO NAS BRJOD PA YIN LA, DE LA YANG NUS PA MED PAR BSTAN PA KHO NA

, ,YIN NO ZHES BYA BA'I DON TO, ,LAN DU LAS DANG 'BRAS BU 'BREL PA MNGON DU BYED PA YOD PA LAS DE BZHIN DU THAMS CAD KYI SHES PA 'THOB PA YIN NA 'GA' YANG NYAMS PA MED LA SHES PA MED PA YANG MA YIN NO ZHES BSTAN PA NI, TSAD MA MED PA'I DNGOS PO LAS ZHES BYA BA STE, RIG BYED GRANGS CAN LA SOGS PA LA TSAD MA MED PA'I PHYIR NYE BAR BSTAN PA BRGYUD PA KHO NA LAS DON GYI GTZO BO LA SLU BA MED PA'I DON DU SKYABS SU MI 'GRO BA YIN TE, GZHAN LAS SHES PA SPANGS PA LA NI MA YIN NO ZHES BYA BA'I DON TO, ,TSIGS SU BCAD PA'I TSIG PHYED SNGA MA RNAM PAR 'GREL PA NI, TSAD MA MED PA BRTAG PA NYID LA SOGS PA LA ZHES BYA BA'O, ,PHYED PHYI MA BSHAD PA NI, TSAD MA DNGOS PO ZHES BYA BA STE, MA SHES PA STE MNGON DU MI BYED PA LA, DE LA DOGS PA NI MNGON SUM DU BYED PA STE, MA NGES PA'O, ,TSAD MAS YONGS SU BCAD PA NI MNGON SUM GYIS YONGS SU BCAD PA LA GNYIS SU MED PA'AM, SKAD CIG MA NYID KYI DNGOS PO LAS DNGOS PO RNAMS KYI SNGA MA DANG PHYI MA DAG GIS GNYIS DANG BRAL BA NYID NI DE DANG LDAN PA NYID DU MTHONG BA 'GAL BA LAS DE DANG LDAN PA NYID DU MTHONG BA 'ONGS PA YIN NA, ,DE LAS KYANG DE LAS BYUNG BA'I 'DOD CHAGS LA SOGS PA RNAMS TE, DE'I PHYIR SKAD CIG MA'AM GNYIS SU MED PA MNGON DU BYED PA NI DE DANG 'GAL BA SPANGS PA MNGON DU BYED PA'I NGO BO YIN PAR 'U BU CAG LA SOGS PA'I YANG MNGON SUM YIN PAR GNYIS SU MED PA LA SOGS PA MNGON DU BYED PA DE YANG BSGOMS PA KHYAD PAR CAN GYI PHUL DU BYUNG BAR 'GRO BA YIN TE, SPANGS PA PHUL DU BYUNG BA DANG LDAN PA ZHES BYA BA YANG MNGON SUM YIN NO, ,GNYIS KYIS BDEN PA'I BSGOM PA NI GNYIS KYI NGO BOR 'GYUR BA NI MA YIN NO, ,BDE BA DANG 'DOD CHAGS LA SOGS PA GZHAN LAS THOS NAS SAM, RANG NYID KYIS RIG PA BSGOM BZHIN PA PHUL DU BYUNG BAR 'GRO BA NI GZUNG BA LA SOGS PA'I NGO BOR 'GYUR BA MA YIN NO, ,DE BZHIN DU GNYIS SU MED PA LA SOGS PA BSGOMS PAS 'DOD CHAGS DANG BRAL BA MA BSLUS PA YIN TE, DRAN PA GOMS PA PHUL DU BYUNG BAS BLO PHUL DU BYUNG BA SKYES PA YIN NA, NYAMS SU MYONG BA THAMS CAD DRAN PA'I THAMS CAD KYI SHES PAR 'GYUR PA

YIN NO ZHES RTOGS PA NYE BAR STON PA POS BSTAN PA LAS RTOGS PA YIN NO, ,NYE BAR BSTAN PA GCIG PU'I YUL LA SHES PA NI NYE BAR BSTAN PA LAS YIN TE, NYE BAR BSTAN PA SNGON DU 'GRO BA CAN DU RTOGS PA YIN GYI MNGON SUM GYI YUL LA NI MA YIN NO, ,DE'I PHYIR MNGON SUM GYI YUL GYI KHYAD PAR CAN GYIS NYE BAR STON PA POS BSTAN PA LAS MNGON SUM KHO NAR RTOGS BZHIN PA NI NYE BAR BSTAN PA TZAM GYI SHES PA DANG 'GAL BA DGAG PAR BYED PA YIN PA'I PHYIR NYE BAR BSTAN PA BRGYUD PA YIN NA MNGON SUM GYI YUL KHYAD PAR CAN NYE BAR BSTAN PA NI, 'GAL BA KHYAB PA YIN NO ZHES BYA BA'I DON TO, ,RANG NYID MNGON SUM GYI YUL YIN NA DE NYID KHO NA 'JUG PA MA YIN NAM, MNGON SUM GYIS CI DGOS, DE NI DE'I 'JUG PAR BYED PA YANG MA YIN LA, SLU BAR DOGS PA YANG MA YIN TE, RANG NYID MNGON SUM YIN PA'I PHYIR RO SNYAM DU SEMS PA LA, DOGS SU CHUG PA DE LTA NA YANG ZHES BYA BA STE, RANG NYID MNGON DU BYED PA KHO NAS MGU BA YIN PA'I PHYIR NYE BAR STON PA PO NI DE MNGON DU BYED PAR NGES PAR 'GYUR BA YIN GYI, MED PA LAS SAM TSAD MA MED PA LAS MA YIN ZHES BYA BA'I DON TO, ,DA LTAR BYUNG BA'I SHES PA DANG SPANGS PA DAG PHUL DU BYUNG BA NI BDAG CAG LA SOGS PA BZHIN DU NYE BAR STON PA PO YIN DU ZIN KYANG, DE'I KHYAD PAR 'GOG PA MNGON DU BYED PA LA SOGS PA BDAG GI NI 'BYUNG BAR 'GYUR BA YIN LA, DE'I NI BYUNG BAR 'GYUR BA YIN PAR CI LAS SHES SNYAM DU SEMS PA NI 'ON TE TSAD MAS MTHONG BA YIN YANG ZHES BYA BA STE, 'DIR MNGON DU BYED PA ZHES BYA BA NI 'GOG PA YIN ZHES BYA BA LTOS PA YIN NO, ,LAN NI DE NI 'DIR 'GYUR TE ZHES BYA BA STE, RE ZHIG RANG NYID LA SHES RAB DANG SPANGS PA DAG PHUL DU BYUNG BA MED PAS 'BYUNG BAR 'GYUR PA DE'I PHUL DU BYUNG BAR NGES PA MA YIN TE, RIGS PA MTSUNGS PA NYID KYIS STON PA PO'I YANG 'BYUNG BAR 'GYUR BA LAS NGES PA MA YIN NO ZHES TSAD MAS MTHONG BAR STON PA NI GO BYED YIN PA'I PHYIR LTOS PA DANG BCAS PA'I BSDU BA YIN NO, ,TSAD MAS MTHONG BA STON PA'AM DE LTAR BSTAN PA YIN NO, ,NYE BAR BSTAN PA YANG SHES BA SNGON DU 'GRO BA CAN GYI MTHONG BA YIN

, ,NA SHES PA GO BYED YIN LA MNGON SUM GYI YUL NYID KYI RANG GI BYE BRAG GIS RTOGS BYA'I SHES PA'I KHYAD PAR MNGON DU BYED PAR RTOGS PAR BYED PA YIN PAR BSTAN PA NI, BCOM LDAN 'DAS DE BZHIN GSHEGS PA NI TSAD MAS MTHONG BA GSUNG BA YIN ZHES BYA BA'O,, DE BZHIN DU NYE BAR BSTAN PA'I KHYAD PAR GYI SHES PA'I KHYAD PAR NI MNGON DU BYED PA YIN NO ZHES NYE BAR BSDU BA NI, BCOM LDAN 'DAS NI TSAD MA NYID DO ZHES BYA BA'O, ,MTHO RIS DANG NI BYANG GROL LAM, ,ZHES BYA BA NI BSDU BA'I TSIGS SU BCAD PA'O, ,DE BZHIN DU ZHES BYA BA NI SKYES BU'I DON LAS GZHAN GYI YUL CAN GYI SHES PA'O, ,BYUNG GYUR BYUNG DANG 'BYUNG 'GYUR DNGOS, ,THOG MTHA' MED PAR RIM GYIS NI, ,SO SO RE RE RTOG PA NI, ,BSKAL BA'I BAR DU'ANG NUS MA YIN, ,ZHES BYA BA LA SOGS PA YUL GZHAN GYI SHES PA BKAG PA NI SHES PA DE KHAS BLANGS PA KHO NAS GSAL BA YIN PAR BSTAN PA NI, 'DIR NI CHOS MKHYEN 'GOG PA NYID, ,CES BYA BA STE, PHYOGS GCIG MKHYEN PA ZHES BYA BA NI SKYES BU'I DON GYI NGO BO PHYOGS GCIG YONGS SU MKHYEN PA YIN PAR SRID NA'O, ,ME NI GRANG BA'I SMAN YIN PA'I PHYIR, NYE BAR BLANG BYA YIN PAR BSTAN PA NI ME NI ZHES BYA BA LA SOGS PA'O, ,SKYES BU'I DON MA YIN PA'I MTSAN NYID CES BYA BA NI SKYES BU'I DON GYI GTZO BO LAS GZHAN PA'I SKYES BU'I DON NYID MA YIN PA'O, ,LAS DANG 'BRAS BU 'BREL BA'I SHES PA NI DRAN PA GOMS PAS BLO GSAL BA YIN NA, 'DI 'BYUNG NGO ZHES 'DI DAG BSTAN PA MA YIN NAM, DE NI MI SHES TE DE CI ME'I SBYIN SREG LA SOGS PA'AM, SBYIN PA LA SOGS PA YIN NO SNYAM DU SEMS PA LA, DES PA'I LAS BSTAN PA'I PHYIR, MTHO RIS DANG NI BYANG GROL LAM, ,ZHES BYA BA SMOS TE, YUL RNAM PAR DAG PA GNYIS LA MNGON SUM DANG RJES SU DPAG PA RNAM PAR GZHAG PA YIN LA, SKYES BU'I DON THAR PA'I LAM GYI NGO BO LA NI BSTAN BCOS DE'I PHYOGS GCIG BSTAN PA DANG 'GAL BA CAN GZHAN TSAD MAS YONGS SU DPYAD BYA NYID MA YIN PA'I LAS ME'I SBYIN SREG LA SOGS PA NI MA YIN NO ZHES BYA BA'I DON TO, ,GZHAN YANG ZHES BYA BA NI DNGUL CHU DANG BCUD KYIS LEN DANG DBANG DU

BYED PA LA SOGS PA'I RNAM PAR DBYE BAS MI SHES PAS MGU BAR BSTAN PA NI THAMS CAD SHES PA MA YIN ZHES BYA BAS NI THAMS CAD MKHYEN PA'I SHES PA MA YIN ZHES BYA BA STE, MI SLU BA DE NI SHES PA SRID PA DANG MI 'GAL BA'I PHYIR NYE BAR BSTAN PA BRGYUD PA DOR BYA MA YIN PAR BSTAN PA NI, DE'I PHYIR CHAD MA CAN GYI DON GSUNGS PA'I PHYIR ZHES BYA BA STE, GANG GI PHYIR SHES PA DANG LDAN PA NAN TAN BYA BA'I DON DU BTZAL BA NI, DE PHYIR DE YI YE SHES NI, ,NAN TAN BYA RTOGS RNAM DPYAD BYA'O, ,ZHES BYA BA'O, ,YUL GZHAN NI MA YIN TE DGOS PA MED PA'I PHYIR DANG MI NUS PA'I PHYIR RO, ,LAS DANG 'BRAS BU'I 'BREL PA SHES PA SRID PA BZHIN DU YUL GZHAN SHES PA SRID PA NI DON GYI GTZO BO LA MI SLU BAR KHYAD PAR MED PAS SO, ,DE'I SHES PA'I SHES BYA RNAM PAR RIG PA DANG BRAL BA RNAMS KYIS JI LTAR GO BA YIN ZHE NA, LAS DANG 'BRAS BU LA SOGS PA SHES PAR MTSUNGS PA YIN NO, , 'ON TE RGYU YOD PA LAS DE LA MI SLU BA'I PHYIR DE YOD PA YIN NO ZHE NA, DE NI GZHAN LA YANG MTSUNGS SO, ,'DI LA RNAM PAR DBYE BAS SHES PA MED DO ZHE NA LA SOGS PA LA YANG NGO, ,DE'I PHYIR YUL GZHAN SHES PA DGOS PA MED PA NYID KYI PHYIR BRTAG BYA MA YIN PAR BSTAN PA NI, DE YIS SRIN PO'I GRANGS MKHYEN PA, DED LA 'GA' YANG NYER MKHO MED, ,CES BYA BA'O, ,DE LTA YIN NA LAS DANG 'BRAS BU LA SOGS PA'I SHES PA DANG SHES PA GZHAN YANG GANG GI SRID PAR BYED PA STE, PHYOGS GCIG SHES PA TZAM DU MI 'GYUR BA YIN GYI THAL CHES PA'I PHYIR RO SNYAM DU SEMS PA LA RGYU MTSAN GYI KHYAD PAR BSTAN PA NI, DOR DANG BLANG BYA'I DE NYID NI, ,ZHES BYA BA STE, DON GYI GTZO BO LA MI SLU BA'I PHYIR ZHES BYA BA'I DON TO, ,NAN TAN DU BYA BA'I SHES PA RTOGS PA LA DON GYI GTZO BO MI SLU BA BZHIN DU THAMS CAD SHES PA NYID KYANG RGYU MTSAN MA YIN PAR GANG GIS SHES PA BYA BAR 'GYUR BAR BSTAN PA NI, RING POR MTHONG NGAM MIN YANG RUNG, ,'DOD PA'I DE NYID MTHONG BA YIN, ,ZHES BYA BA STE THAG RING BOR MTHONG BA PO'I RTOGS PA LA YANG DON GYI GTZO BO LA MI SLU BA MED NA NAN TAN BYA BA SHES PA SRID PA JI SKAD BSTAN PA'I RIM PAS MED PA'I PHYIR RO, ,DE BSTAN PA NI, GAL TE RING MTHONG TSAD YIN NA,,

, ,TSUR SHOG BYA RGOD BSNYEN BKUR GYIS, ,ZHES BYA BA'O, ,DE LTAR RNAM PAR 'GREL PAR NI, ,RING PO MTHONG BA YOD DO ZHES BYA BA STE, DE DE BZHIN DU RTOGS PAR 'DOD PA PO'I THAMS CAD KYI SHES PA DGOS PA CAN MA YIN LA MTHONG BA PO DANG STON PA BO'I NI DGOS PA YOD PA KHO NA YIN TE, GCIG KYANG YONGS SU MI SHES NA BSGRUB PA MA NYAMS PA MI RIGS PA'I PHYIR ZHES BRJOD PAS YOD PA YANG YIN PAR BSTAN PA NI, THAMS CAD RIG PAR MDZAD PA YI, THAMS CAD MKHYEN PA 'GOG PA MIN, ZHES BYA BA STE, NGED KYIS SHES PAR MI NUS PAS TE DGOS PA YOD PA NYID KYIS ZHES BYA BA LA LTOS PA YIN TE; LA SOGS PA'I SHES PA SRID PA BZHIN DU DE'I SRID PAR YANG NUS PA'I PHYIR RO, ,MTHO RIS DANG BYANG GROL GYI LAM GYIS SHES PA'I LKOG TU GYUR PA'I DON SHES PA PO NYID TSAD MA NYID YIN GYI THAMS CAD NI MA YIN TE NAN TAN DU BYA BA'I YUL YIN BA'I PHYIR DANG, DON KYI GTZO BO LA MI SLU BA'I 'BRAS BUS SHES PAR BYA BA YANG YIN NO ZHES TSAD MA NYID KYIS RANG GI NGO BO GO BAR BYED PA YANG RTOGS PAR BYAS NAS DA NI RGYU BSTAN PA NI, SGRUB BYED THUGS RJE BSGOMS LAS DE, ,ZHES BYA BA STE THUGS RJE LA SOGS PA BSGOM PA'I RIM GYIS DRAN BA GOMS PA NI DBANG PO LAS 'DAS PA SHES PA'I RGYU YIN ZHES BYA BA'I DON TO, ,GNYI GA'I MTSAN NYID LA YANG ZHES BYA BA NI SKYES BU'I DON GYI GTZO BO SHES PA DANG THAMS CAD KYI SHES PA YANG NGO, ,SGRUB PA GANG LAS ZHES BYA BA NI RDZOGS PA'O, ,RGYU YANG GANG YIN ZHES BYA BA NI DE LTAR RDZOGS PA YANG GZHAN GYI DON LA 'JUG PA MED NA TSAD MA NYID MA YIN PA'I PHYIR DE LA 'JUG PA'I RGYU YIN NO ZHES BYA BA'I DON TO, ,RGYU YANG GANG YIN ZHES BYA BA 'DI LA SBYOR BAR BYED PA YIN NO, ,YANG NA SGRUB PA ZHES BYA BA THUGS RJE BSGOMS PA'I SGO NAS BLO TZAM NI LUS LA BRTEN PA NYID KYIS DRAN PA GOMS PA LAS KYANG SNGON GYI GNAS SHES PA MED PA KHO NA YIN NO SNYAM DU SEMS PA NI, BLO NI LUS LA BRTEN PA'I PHYIR, ,ZHES BYA BA STE 'JIG RTEN 'DI NI 'JIG RTEN GZHAN GYI 'BRAS BU YIN NA, DRAN BA GOMS PA LAS LAS DANG 'BRAS BU 'BREL PA'I KHYAD PAR SHES PA NI SNGON GYI GNAS SHES PA'I RIM GYIS 'GYUR BA YIN GYI, 'DI SRID PA NI MA YIN TE, 'JIG RTEN

'DI NI 'JIG RTEN GZHAN TZAM GYI 'BRAS BU YIN PA'I PHYIR RO ZHES BYA BA'I DON TO, ,RTEN NI BKAG PHYIR RO ZHES BYA BA NI BLO'I RTEN NYID RANG GI NGO BO RIG PA LAS GZHAN PA RIG PA MA YIN TE, GANG GI PHYIR DKAR PO LA SOGS PA'I NGO BO LTA BUR DE SROG LA SOGS PA BZHIN DU RDZAS LA BRTEN PAR DMIGS PA MA YIN NO, ,SHES PA DANG LDAN PA NI SROG DANG LDAN PAR DMIGS PA YIN NO ZHE NA, MA YIN TE LUS NI YUL MTSUNGS PA NYID KYIS DE LTAR SGRO BTAGS PA'I PHYIR RO, ,'ON TE LUS LAS GZHAN PO SHES PA CAN DANG SROG CAN DU 'GYUR BA DE LTA NA YANG 'JIG RTEN PHA ROL PO YOD PA'I PHYIR THOG MA MED PA'I SKYE BA BRGYUD PA GOMS PA LAS GSAL BAR 'GYUR BA YIN NO, ,'BA' ZHIG PA GZHAN PO 'DI DAG GANG KHO NA YIN PA KHO BO CAG LA NGES PA MED DO, ,DBUGS RNGUB PA DANG 'BYIN PAR BYED PA GANG YIN PA DE YIN NO ZHE NA, LUS NYID DBUGS 'BYUNG RNGUB BYED PA MA YIN NAM GZHAN NI MA YIN TE, MI RTOG PA'I PHYIR RO, ,GANG GI PHYIR SROG LA SOGS PA RNAMS NI GZHAN BA'I CHOS NYID DANG 'BRAS BU NYID DU DMIGS PA NI MA YIN LA, LUS KYI NI YIN TE, DE YANG YOD PA NYID DU DMIGS PA'I PHYIR RO LUS KYI YON TAN DANG CHOS MI MTHUN PA YANG MA YIN TE, JI SRID RDZAS YOD PA NYID KYIS DE'I YON TAN RNAM PA GNYIS YIN PA'I PHYIR LUS JI SRID PA DE SRID DU 'DI'I YON TAN GZUGS LA SOGS PA RNAMS YIN LA, JI SRID RDZAS YOD PA NYID DU RING BA LA SOGS PA YANG YIN, TSO BA NYID LA SOGS PA'I GNAS SKABS GZHAN BSKYED PAS RID PA MED PAR BYED PA YIN TE, GZUGS LA SOGS PA'AM GZUGS LA SOGS PA GZHAN SKYED PA'I PHYIR MI MTHUN PA MA YIN NO, ,DE LTA YIN NA DE SROG LA SOGS PA'I YON TAN RNAMS KYANG ZHIG PA'I RGYU NI DE'I BRAL BA NYE BAR MTSON PA GNAS SKABS GZHAN SKYE BA YOD PA'I PHYIR, CHOS MI MTHUN PA NYID MA YIN NO, ,DE YANG 'ON TE DE LA GNAS SKABS GZHAN DE BZHIN DU 'CHI BA LA YANG 'DOD CES SMOS PA'O, ,DE LTA YIN NA GANG GI TSE LUS GNAS SKABS DE KHO NA YIN NA, SROG LA SOGS PA DANG BRAL BAR GYUR BA JI LTAR YIN, RE ZHIG GNAS SKABS GZHAN NI DE MED PA MA RTOGS PA DMIGS PA MA YIN LA, GANG GI TSE BRAL BA KHO NA BRAL

, ,BA'I RGYU NI MA YIN NO, ,DE BSTAN PA NI 'DI LA DBYE BA 'DI TZAM STE, LUS LA BRTAN PO NYID YIN BA'I, ,TSAD YOD DE DANG BRAL BA YIN, ,RGYU MTSAN SHES PA MA YIN NO, ,ZHES BYA BA'O, ,DMIGS BYA MA YIN PA'I GNAS SKABS GZHAN NI BRTAG PAR 'OS PA MA YIN TE, DMIGS BYA LUS LA DMIGS BYA MA YIN PA'I GNAS SKABS MI RIGS PA'I PHYIR RO, ,GZUGS LA SOGS PA LA NI ME DANG PHRAD PA BZHIN DU 'DI'I RGYU GZHAN DU RTOGS PA MA YIN TE, RDZAS MA ZHIG NA DE'I YON TAN GZHIG PAR MI NUS PA'I PHYIR RO, ,NUS NA NI YON TAN GZHAN SKYED PAR MI NUS TE, DE GNYI GA YANG LUS LA DMIGS PA MA YIN LA, YON TAN NI RDZAS ZHIG PA LAS SAM RDZAS GZHAN GYI GNOD PAS 'JIG PAR NYE BAR 'GRO BA MA YIN NO, ,DE'I PHYIR GTUGS PAS ZHIG PAR BYED PA YIN NO, ,RE ZHIG THAMS CAD KYI 'CHI BA LA NI DE GNYIS MTHONG BA MA YIN TE, MA NYAMS PA'I LUS LAS SROG LA SOGS PA BRAL BA YIN TE, RANG DANG GZHAN GYI MNGON SUM MA YIN PA'I PHYIR 'DOD PA DANG SDANG BA DANG 'BAD PA DANG DGE BA DANG SDUG BSNGAL GYI SHES PA RNAMS NI LUS KYI MA YIN TE, GZUGS LA SOGS PA DE'I CHOS RNAMS GZHAN GYI DBANG PO RNAMS KYIS MI 'DZIN PA'I PHYIR RO; ,BDE BA LA SOGS PA NI DE MA THAG PA YIN PA'I PHYIR RTOGS PA YIN TE, RTAG TU RAB TU DGA' BA'I RANG BZHIN CAN YIN PA LA SOGS PA'I RTAGS LAS GO BA YIN NO, ,LUS LA NI DE RNAMS KYI DMIGS PA LONGS SPYOD PA'I GNAS 'DI YIN BA'I PHYIR RO, ,DE RNAMS GANG GI YIN PA DE'I LONGS SPYOD KYI GNAS NI LUS DANG YON TAN NYID KYANG YIN TE, DE RNAMS KYI SPYI DANG KHYAD PAR DANG LDAN PA NYID YIN NA RO LA SOGS PA BZHIN DU MIG GI MNGON SUM MA YIN PA'I PHYIR RO, ,YON TAN RNAMS KYANG YON TAN GYI RTEN DU BYA BA MA YIN PA GO BAR BYED PA YIN GYI LUS LA SOGS PA NI GNAS MA YIN TE, DE'I YON TAN DANG CHOS DANG CHOS CAN MI MTHUN PA'I PHYIR RO, ,GNAS SKABS KYI DGAG PA LA YANG LHAG PA CIG SHOS RTOGS PA YIN PA'I PHYIR 'DOD PA LA SOGS PA RNAMS LAS BDAG GRUB PA YIN NO, ,YON TAN NYID YIN PA'I PHYIR BDE BA LA SOGS PA NI RO LA SOGS PA BZHIN DU BRTEN PA NYID YIN LA,

GANG LA BRTEN PA DE YANG BDAG YIN NO ZHES ZER BA LA, DE'I LAN DU BRTEN PA NYID DU DMIGS PA'I RGYU MTSAN NI YON TAN NYID YIN TE, RANG GI NGO BO DMIGS PA NI RGYU MTSAN MA YIN TE THAL CHES PA'I PHYIR RO, ,MIG GIS SAM GZHAN GYIS KYANG NYE BAR DMIGS PA LA NI BYE BRAG CI YANG MED DO, ,BDE BA CAN ZHES BYA BA DANG DBYIG PA CAN ZHES BYA BA'I SHES PA'I RGYU MTSAN NI DE DANG 'BREL PA YIN GYI YON TAN NYID NI RGYU MTSAN MA YIN PA'I PHYIR DANG, YON TAN RNAMS NI GZHAN DBANG YIN PA'I PHYIR YON TAN DANG LDAN BA RJES SU DPAG PAR BYA BA YIN PA NI, YON TAN NYID DU GRUB NA'O, ,DE'I PHYIR DE NI, BDE BA LA SOGS PA RNAMS LA MA GRUB PO, ,SROG CAN DANG BDE BA CAN DANG SHES PA CAN LA SOGS PA BDE BA LA SOGS PA DANG 'BREL PA CAN NI LUS LAS GZHAN MA YIN NO, ,NGA NI BDE BA CAN NO ZHES BYA BA NI GZHAN YIN NO ZHE NA, MA YIN TE NGA 'GRO ZHES BYA BA NI LUS YIN PAR RTOGS PA'I PHYIR RO, BDAG GI LUS BYA BA YANG BDAG GI BDAG NYID DE GNAS SKABS NI DE'I RGYU MTSAN YIN NO, ,SHES PA NI SHES BYA RE RE LA THA DAD PA YIN LA, THA MI DAD PA'I BDAG GI GNAS SKABS YIN ZHES RGOL BA DANG MA MTHONG BA'I DBYE BA YANG SHES PA'I RGYU CAN YIN ZHES BYA BA'I TSIGS LAS YIN LA, DE BZHIN DU BONG TSOD DANG GDONG DANG DBANG PO LA SOGS PA'I TSOGS PA NI BDAG YIN ZHES BYA BAR LTA BA LA NI DE'I LUS ZHES BYA BAR 'GYUR BA KHO NA YIN GYI, 'KHRUL PA NYID KYANG MA YIN TE, GZHAN LA BDAG MA GRUB PA'I PHYIR RO, ,GZHAN GYIS MTHONG BA YIN NA DRAN PA MI 'GRUB PA'I PHYIR, DRAN PA PO NYE BAR DMIGS PA YIN NO ZHES BYA BAR YANG MI RIGS TE, NYE BAR DMIGS PA TZAM GYI 'BRAS BU NYID NI DRAN PA YIN PA'I PHYIR, DE TZAM GYIS 'BRAS BU NYID NI 'DOD PA YIN NO, ,DMIGS PA LA MI BRTEN PAR DRAN PA KHO NAS 'DOD PA 'JUG PA YIN TE, DMIGS PA MTSUNGS PA 'DI'I BYED PA POR NGES PA MA YIN TE, NYE BAR DMIGS PA'I RJES SU 'BRANGS NAS DRAN PA'I BDAG NYID DU MTSUNGS PAR 'DOD PA YIN NO, ,DES NA BYED PA PO YOD PA YIN TE, DE NI DON GNYIS PAR BRJOD PA YIN NO, ,NYE BAR DMIGS PA DE YANG SHU KRA DANG RAKTA LA SOGS PA 'BYUNG BA'I 'BRAS BU NI DE YON TAN YIN NAM, RANG DBANG YANG RUNG STE

, ,THAL CHES PA MA YIN NO, ,'BYUNG BA RNAMS NYID RANG BZHIN KHO NAS GCIG LA GCIG NYID KYIS THA DAD PA YIN PA'I PHYIR GCIG GI NGO BO NYID LA YONGS SU 'GYUR BA'I KHYAD PAR GYIS, DE RNAMS LAS SEMS PA CAN DU 'GYUR BA YIN LA, YONGS SU GYUR PA'I DBYE BA LAS NUS PA DANG MNGON PAR GSAL BA DANG RJES SU 'DZIN PA GANG YIN PA DE RNAMS KHO NA LAS 'BYUNG BA'I BLO YIN GYI, BLO GZHAN SNGON DU 'GRO BA CAN NI MA YIN NO, ,'BYUNG BA'I BSKYED BYA BA YANG DBANG PO DANG BCAS PA'I 'BYUNG BA'I BSKYED BYA MA YIN NAM, GZHAN NI BSKYED BYA MA YIN NO, ,DE LTA YIN NA NUR NUR PO LA SOGS PA RNAMS LA DE MED PA'I PHYIR MI 'BYUNG NGO, ,MED NA MNGAL DU 'PHEL BAR MI 'GYUR RO, ,'ON TE DBANG PO MED PAR YANG NGES SEMS PA CAN TZAM DU SKYE BA YIN NO, ,YIN NA YANG GZUGS LA SOGS PA'I NGO BO NYID YIN TE, DBANG PO LA GZUGS 'DZIN PAR SO SOR NGES PA YIN ZHES BRJOD PA'I PHYIR RO, ,MA YIN TE SEMS TZAM NI SEMS RTZAM RTZOM PAR BYED PA MA MTHONG BA'I PHYIR RO, ,GNYID STUG POS NON PA DANG BRGYAL BA LA SOGS PA'I DUS SU YANG SEMS PA CAN RNAM PAR CHAD PAS BDAG NI SEMS DANG MI LDAN PAR RAB TU GNYID LOG PA YIN NO ZHES DRAN PA YIN TE, GNYID LOG PAR RTZOM PA'I SEMS KYIS DE'I DUS KYI RANG GI NGO BO RIG PAS DUS PHYI MA LA DNGOS PO MI RIG PA'I PHYIR, GZUGS LA SOGS PA RTOGS PA KHO NA BLO YIN PA'I PHYIR RO, ,GZHAN DU NA BLO GZHAN LAS SKYES PA 'BYUNG BA DANG SEMS PA CAN MA YIN PAR THAL BAR 'GYUR BA'I PHYIR RO, , NUR NUR PO LA SOGS PA RNAMS LA RNAM SHES YOD DO ZHES BYA BA DE YANG GYA TSOM DU SMRA BA YIN TE, DBANG PO MA 'DOD PA'I PHYIR DE LA DON RTOGS PA MED PA YIN LA, DON RTOGS PA LAS GZHAN PA'I NGO BO NI, SHES PA YIN PAR MI RIGS SO, ,DES NA BRGYAL SOGS NA YANG 'DI, ,YOD PA NYID DU MI 'THAD DO, ,'DI LA SMRAS PA MA DANG PA'I SEMS LAS NUR NUR PO LA SOGS PA'I LUS SU RIM GYIS YONGS SU GYUR BA LAS SEMS NYE BAR DMIGS BZHIN BA NA DE KHO NA BZHIN DU KHAS BLANG BAR 'OS PA YIN GYI, SEMS GZHAN NAM BDAG NI MA YIN TE TSAD MA MED PA'I PHYIR RO, ,BDAG GO

ZHES KYANG RIG PA'I DRAN PA YIN GYI 'DI NYID KHO NA RIG PA NI MA YIN TE, RTA'I ZHES RNAM PAR RTOG PA NA BA GLANG MTHONG NA 'GAL BA DANG RNAM PAR RTOG PA MED PA NYID DAG TU MI SRID PA'I PHYIR RO, ,NUR NUR PO LA SOGS PA'I GNAS SKABS NA RIG PA MED NA KHYED KYI JI LTAR DE DMIGS PA YIN ZHE NA YANG DE NYID DMIGS PA YOD PA YIN TE, DE KHO NA LAS SKYE BA YIN PA'I PHYIR RO, ,DE YANG SNGA ROL LA NA YOD PA YIN NO ZHE NA, YANG LUS MED PA LA BDAG GO ZHES PA YOD PAR GYUR PA YIN NO ZHES BYA BA 'DI LA NI TSAD MA GANG YANG MED DO, ,BYUNG BAR GYUR PA RNAMS KYI SEMS PA CAN LA RANG DBANG YIN NA, PHAN TSUN YAN LAG CAN DANG YAN LAG CAN NYID KYIS MI DBYE BAR MI 'GYUR BA MA YIN NAM, SEMS PA CAN NI GCIG KHO NA YIN GYI CIG SHOS MA YIN PA NI MA YIN TE, BYE BRAG MED PA'I PHYIR RO, ,SEMS PA CAN NYID LA NI THAMS CAD KYI PHAN TSUN 'BREL PA MA YIN TE, SEMS PA CAN GCIG DANG 'BREL PA LAS GZHAN GANG YANG RUNG BA'I YAN LAG YIN PAR NI 'GAL BA YIN NO, ,'DI LA ZER BA NI BYUNG BAR GYUR PA'I KHYAD PAR RAM, DE YONGS SU GYUR PA'I KHYAD PAR YANG SEMS PA CAN LAS YIN NO, ,'DI NI BDAG GI LUS SO ZHES BYA BA LA SOGS PA LA THA MI DAD PA 'DI'I SHES PA'I BDAG TU SHES PA NI, RANG LA DMIGS PA MA YIN NAM, BDAG GI BDAG NYID CES BYA BA NI SGRA GCAN GYI MGO BO ZHES BYA BA BZHIN DU BRTAGS PA PA YIN NO, ,BDAG GZHAN LA DMIGS PA YIN NA YANG THAMS CAD DU LDOG PA GRUB PA MA YIN NO, ,'DIS NI, BDAG TU 'DZIN PA'I RNAM SHES NI, RANG NYID BDAG TU 'THAD PA YIN, ,ZHES BYA BA BSTAN PA YIN NO, ,RE ZHIG DE LTAR, BDAG TU SHES PA'I RNAM SHES NYID, ,CES BYA BA'I LAN BLAN PA YIN NO, ,GANG GI TSE YANG RIG PA DANG LDAN PA'I RIG PA GCIG NYID RNAM PAR 'JOG PAR BYED PA SKYES PA DE'I TSE, BDAG LKOG TU MA GYUR PA KHO NA YIN GYI GZUNG BYA NI MA YIN NO, ,JI SKAD DU, LKOG TU GYUR MIN PA MNGON SUM YIN, ZHES SMOS TE, JI LTAR RIG PA NI RIG PA GZHAN LA MI LTOS PAS LKOG TU MA GYUR PA YIN PA DE BZHIN DU, SHES PA LA GZHAN MI LTOS PAS BDAG MNGON SUM YIN TE, DE BSTAN PA NI

, ,RANG NYID RIG BYAR GRUB PA YIN ZHES BYA BA'O, ,BDAG SHES PA 'DI NI BDAG MTHONG BAR 'GYUR BA YIN NO ZHES NYE BAR DGOD PA YIN TE, BDAG BDAG CES NI MA YIN NO, ,SNGON POR NYAMS SU MYONG BA YOD NA GSUM CAR LKOG TU MA GYUR PA YIN GYI BDAG NYAMS SU MYONG BA LA NI SHES PA GZHAN CUNG ZAD KYANG YOD PA MA YIN ZHES BYA BA'I DON TO, ,GANG GI TSE BDAG GI SHES PA YANG MA SKYES NA DON NYAMS SU MYONG BA GSUM CHAR YANG LKOG TU MA GYUR BA YIN PA DE'I TSE RNAL 'BYOR PA'I GNAS SKABS DANG, SHI BA DANG BRGYAL BA LA SOGS PA RNAMS LA DE JI LTAR YIN ZHE NA YANG BDEN TE GANG GI TSE SNGAR MTHONG BA NGO SHES PA'I STOBS KYIS BDAG RTAG PA YIN PA DE'I TSE DON NYAMS SU MYONG BA MED KYANG BDAG SHES PA YOD NA 'GYUR BA KHO NA YIN NO, ,GNAS SKABS 'DI RES 'GA' GNYID MA LOG PA LA YANG YOD PA YIN TE, DON RIG PA MA YIN ZHING BDAG TU 'DZIN PA MA YIN LA; GNYID SDUG POS NON PA YANG MA YIN PAR YANG NGO, ,DE LTA NA YANG BDAG NI RANG NYID GSAL BA YIN TE, DE 'DI NI TSANGS PA'I GNAS SKABS YIN GYI DE LA NI BYED PA PO NYID DAM ZA BA PO NYID DU RTOGS PA YANG MA YIN LA, DE DAG TZAM NI ZHING SHES PA'I GNAS SKABS BYED PA PO NYID LA SOGS PA MI BDEN PA YANG MA YIN TE, BYA BA RGYU MTSAN YIN PA'I PHYIR BYA BA MED NA TSANGS PA'I GNAS SKABS LA MED PA YIN GYI MI BDEN PA'I PHYIR MED PA NI MA YIN TE, GNOD PA CAN MED PA'I PHYIR RO, ,DE NI DE BZHIN DU, RES 'GA' BDAG TU SHES PAS DMIGS, , RES 'GA' DON RIG PA PO NYID KYIS LKOG TU MA GYUR PA YIN ZHING RES 'GA' DON NYAMS SU MYONG BA DANG BDAG TU SHES PA LA YANG MA LTOS PAR RTAG PAR BDAG NYID KYI RANG GI NGO LA GNAS PA KHO NA YIN ZHES BYA BA'I GNAS SKABS GSUM CHAR BDAG GI YIN NO, ,DE YANG GNAS SKABS GSUM PA 'DI NI LUS KYI GNAS SKABS LA MI DOGS PA'I PHYIR 'GREL PA MDZAD PA LA SOGS PAS MA SPROS TE, LAS DANG 'BREL PA MI SHES PA RNAM GYI BLO'I DBYE BA SKYE BAR BYED PA MA YIN ZHES BYA BA'I RIGS PAS SO, ,'DI SKAD BSTAN PAR 'GYUR TE, NYIN ZHAG GZHAN LA MTHONG BA RNAMS LA NYIN

ZHAG PHYI MA LA BDAG 'DI LTAR MTHONG BAR GYUR TO ZHES BYA BAR 'GYUR BA 'DI LA BDAG CES BYA BA'I DNGOS PO NI SNGON PO'O ZHES SNGON PO LA SOGS PA RNAMS KYI MTHONG BA PO BRJOD PA YIN GYI, LUS SAM DBANG PO NI MA YIN LA, DE BZHIN DU BSDU BA DANG DBYE BA LA SOGS PA'I RNAM PAR RTOG PA MI RIGS PAS BDAG GI LUS SAM DBANG PO ZHES THA DAD PAR SNANG BA NI BDAG GI LUS SAM ZHES BYA BA BZHIN DU, GNAS SKABS KYI DBYE BA'I RGYU MTSAN NYID LA MI BRTEN PA'I PHYIR RO, ,SHES PA NI BDAG GI GNAS SKABS NI BDAG CES BYA BA YIN PA DE BZHIN DU LUS KYI GNAS SKABS GZHAN GYI NGO BO NI LUS YIN ZHES BYA BAR RIGS TE, JI SKAD DU BDAG GI ZHES BYA BA'I DON GTZO BO 'DIS, BDAG LA GZHAN DU SHES PA MIN, ,DES 'DI DBYE BA'I RGYUR 'GYUR RO, ,ZHES SMOS SO, ,BDAG GI BDAG NI DE LTA MA YIN NO ZHES ZER BA NI, DBYE BA SHES PA'I RGYU CAN YIN, , ZHES BYA BA STE, SHES PA NYID MTHONG BA PO YANG MA YIN LA, KHAR RTZANG DANG DENG GI DUS KYI DBYE BA LA YANG 'DI MTHONG BAR 'GYUR BA YIN NO ZHES THA MI DAD PAR SNANG BA'I PHYIR TE, BDAG NYID 'DI NI MNGON SHES GYUR, ,DA LTA 'ANG BDAG RIG BYED YIN PA'I, ,SKAD CIG DE NI SHES PA'I YUL, , GANG YIN DPYAD PAR BYA YIN, ,SNGAR 'JUG PA YI YUL LA NI, ,SHES GYUR YIN PAR SRID PA YIN, ,DE LTAR 'DI MED PA GANG LAS, ,SHES ZHES BYA 'DI MI BDEN 'GYUR, ,DA LTAR BA YI GZUNG BYA GANG, ,SHES ZHES BYA BA 'THAD PA YIN, ,DE PHYIR SHES GYUR BDEN MIN TE, ,GANG LAS SHES GYUR 'DI MIN PHYIR, ,RGYUN MA GTOGS PA'I RGYUD GCIG YOD PA MA YIN LA, SHES PA NYID DANG 'DRA BA NYID KYANG BDAG TU SHES PA'I YUL MA YIN TE, GZHAN LA YANG THAL BAR 'GYUR BA'I PHYIR RO, ,'ON TE SHES PO NYID 'DRA NA, ,LUS GZHAN RNAMS LA 'ANG DER 'GYUR TE, ,DE LA THAMS CAD KYIS SHES NA, ,BDAG GO ZHES KYANG DRAN PAR 'GYUR, ,'ON TE THA DAD PA NYID YIN NA RGYUD GCIG LA YANG SNGA MA DANG PHYI MA DAG THA DAD PA NYID KHO NA YIN NO, ,RGYUD GCIG LA NI SKYES PA YANG, ,SKAD CIG LA DE ZHES BLOR 'GYUR, ,JI LTAR LUS GZHAN SHES PA BZHIN, ,BUM SOGS PHYI LA 'ANG GNAS

, ,PA NA'O, ,SKAD CIG GZHAN RE RE LA SHES PA'AM SHES BYAR DMIGS NAS NYAMS SU MYONG BA SNGA MA SNGA MA'I BAG CHAGS KYI DBANG GIS BDAG CES BYA BA'AM, 'DI ZHES BYA BA'I SNGA MA DANG PHYI MA'I SHES PA DANG SHES BYA DAG GCIG PA NYID DU NGES PAR BYED PA YIN TE, SNA TSOGS PA NYID DU MA MTSON PA'I PHYIR RO ZHES BYA BAR RTOGS PA NI MI RIGS TE, SKAD CIG RE RE LA SHES PA'AM SHES BYA DAG THA DAD PAR NYAMS SU MYONG BA'I PHYIR RO, ,'DI NYID KYI PHYIR MTHONG BA LA YANG MTHONG BA YIN NA, THA DAD PA'I SHES PA NYAMS SU MYONG BAR BYED PA NI BAG CHAGS YIN NO,, DE NYID KYIS NA YUL DE LA SNGAR MTHONG BA NGO SHES PA MA YIN TE, YUL GANG YIN PA NYAMS SU MYONG BA MA YIN PA'I PHYIR, BAG CHAGS NI 'KHRUL PA'I RGYU MTSAN YIN LA, SHES PA PO LA NI SNGAR MTHONG BA NGO SHES PA LA YANG BAG CHAGS BYED PA POR 'OS PA MA YIN NO, ,MA YIN TE, DE MIN LA DE ZHES SHES PA, ,'DI NI 'KHRUL PA'I RGYU YIN TE, ,BDAG CES BA NYID SNGON 'GRO BA'I, ,NYAMS SU MYONG BAG CHAGS RGYU YIN LA, ,DE YANG BAG CHAGS KYI RGYU YIN ZHES BYA BA DE LTAR BDAG CES PA'I SHES PA RNAMS SAM, THOG MA MED PA'I BAG CHAGS KYI RGYU DANG 'BRAS BU NYID YIN NO,, BDAG CES BYA BA'I RNAM PAR RTOG PA LA SNGON PO'I RNAM PAR RTOG PA BZHIN DU NYAMS SU MYONG BA DBANG BYED PA MA YIN NAM, DBANG BYED PA MA YIN NA GTZO BO LA SOGS PA'I RNAM PAR RTOG PA BZHIN DU BAG CHAGS TZAM 'BYUNG BA NYID KYIS RIGS PA MA YIN PA NYID DU THAL PAR 'GYUR BA'I PHYIR RO, , BDAG GI BDAG CES BYA PA'I SHES PA LA YANG BDAG CES BYA BA DANG THA DAD PA YANG SHES PA'I RGYU CAN YIN ZHES BSTAN PA YIN NO, ,DE'I PHYIR RANG RIG PA'I SHES PA YIN NA BDAG GO ZHES BYA BA 'BYUNG BA YIN GYI, SNGON PO LA SOGS PA RIG PA'I GZHAN RIG YIN PA LA NI MA YIN NO, , DE'I PHYIR BDAG GO ZHES PA'I SHES PA NI RANG RIG PA'I BYA BA'I RJES SU 'BRANG BA YIN NO, ,DE'I SKYE MCHED NYID KYIS NYE BAR 'BREL BA YIN LA, LUS DANG DBANG PO'I SGRUB BYED NYID KYIS RANG RIG PA MA YIN PA LA BDAG GO ZHES NYE BAR BTAGS PA YIN NO, ,BDAG GI LUS ZHES BYA BA NI

BZLOG PA STE GTZO BO YIN TE, RANG RIG PA DANG CIG SHOS KYIS PHYE BA YIN PA'I PHYIR RO, ,BDAG GI SHES PA ZHES BYA BA YANG SHES PA'I RGYUN YIN TE DE SKAD CIG DANG 'BREL PA CAN DE YIN PAR BRJOD PA YIN NO, ,BDAG NI 'DI MTHONG BAR GYUR PA YIN NO ZHES BYA BA YANG MTHONG BA'I GZHI LA BDAG CES PA NYE BAR BKOD PA YIN GYI GZHI GZHAN LA NI MA YIN NO, ,SNANG BA LA NI SNANG BA KHO NA BYED PA PO YIN GYI, GZHAN NI MA YIN NO, ,DE'I PHYIR MTHONG BA'I BDAG NYID KHO NA BDAG YIN GYI 'DAS PA DANG DA LTAR BA'I DUS KYI RJES SU 'GRO BA'I GCIG PU YIN PAR NI MI RIGS TE, SKAD CIG RE RE LA SNANG PA DANG MTHONG BA DAG THA DAD PAR NYAMS SU MYONG BA'I PHYIR RO, ,DE BDAG GO DE 'DI'I ZHES DBYE BA MED PAR YANG RTOGS PA YIN NO ZHE NA, BDEN TE 'DI DBYE BA MED PAR MNGON PAR RGYAL BA YIN TE, CHANG DANG PHYI ROL DU YANG DMIGS PA DANG MA DMIGS PAR DBYE BA MA YIN PA'I PHYIR DANG 'DRA BA GZHAN 'BYUNG BA'I PHYIR, RNAM PAR RTOG PA'I BAG CHAGS BSLAD PAS ZHES BSTAN PA NI RTAG TU YOD PA STE, DMIGS PA'I NYE BAR DMIGS PA ZHES BYA BA 'DIS RANG RIG PA'I SHES PAR BYA BA'I RJES SU 'JUG PA NI, BDAG GO ZHES PA'I SHES PA BSTAN PA YIN NO, ,DE'I TSE YANG SHES PA THAMS CAD DU YOD NA DE'I THAMS CAD DU 'BYUNG BA YIN NO, ,DE'I PHYIR DE NYID DA LTAR YANG RJES SU 'JUG PA'I PHYIR, DE YOD PAR NI SNGAR GYI BDAG KHO NA YIN NO ZHES DOGS PA DANG SRID PAR BYED PA YIN NO, ,DES TE DE LTA BU'I RNAM PA DES BSLUS PA NI SKAD CIG GI BDE PAS NYAMS SU MYONG BA YANG MCHOG TU MI 'DZIN TE THAMS CAD DU 'BYUNG BA'I SHES PA LA JI SRID SHES PA YOD PAR DE'I BYA BA DE'I BYA BA DMIGS NAS SNGAR GYI YANG BDAG KHO NA YIN NO ZHES 'KHRUL PAS DE NYID SRID PAR BYED DO ZHES BYA BA'I DON TO, ,DE KHO NA SKAD CIG RE RE LA MTHONG BA'I DBYE BA LA SNANG BA'I DBYE BA NYAMS SU MYONG BA YIN YANG 'DRA BA GZHAN BYUNG BA DE 'DI KHO NA YIN NO ZHES 'KHRUL PAS THA DAD PAR MI 'DZIN TO ZHES BYA BA SNGA MA BZHIN NO, ,MTHONG BA DE NYID SNANG BA YANG YIN PAR 'KHRUL PAS BDAG NI 'DI MTHONG BAR GYUR TE ZHES RLO MA SEMS PAR BSTAN PA YIN NO, ,YANG NA BDAG CES

, ,BYA BA'I SHES PA 'DI LUS LA SOGS PA 'DUS PA NYE BAR DMIGS BZHIN PAR 'BYUNG BA YIN NA DE LA DMIGS PA YIN NO, ,DE LTAR YANG DON RIG PA GZHAN SGRUB PA MA YIN PA NI BDAG GI NGO BOR BRJOD DO, ,DE YANG SKAD CIG RE RE LA GZHAN DANG GZHAN YIN TE, BRGYAL BA LA SOGS PA'I GNAS SKABS NA LDOG PA YIN PA'I PHYIR, ,'DZIN PAR BYED PA YOD PA LAS RIG PA MA YIN PA YANG MA YIN TE, LKOG TU MA GYUR PA NYID DU KHAS LEN PA'I PHYIR RO, ,BRGYAL BA DANG BRAL BA NA LUS 'BA' ZHIG KHO NA LAS 'BYUNG BAR DMIGS PA YIN TE, RIG PA MA YIN PA'I BDAG NAM MKHA' DANG MTSUNGS PAR GYUR NAS GNAS PA YIN PAR NI MI RIGS TE, BDAG NI GSAL ZHING 'BAR BA NYID YIN ZHES ZER BA'I PHYIR TE, BDAG NI 'BAR BA YANG DAG PAR GSAL BA YIN PA'I PHYIR DE KHO NA RIG PA YIN TE, RTOGS PAR BYED PA NYID KYIS 'BREL PA YIN LA, DE YI NGO BO GTZO YANG LUS LA BDAG ,CES PA 'BYUNG BA YIN NO, ,'BREL PA'I RGYU MTSAN CAN THA MI DAD PA'I BLO 'KHRUL PA YIN LA, 'DUS PA NYID LA DMIGS PA'I PHYIR GTZO BO YIN NO, ,BDAG GI ZHES BYA BA NI RIG PA'I BDAG NYID LA'AM 'DUS PA LA LTOS NAS THA DAD PA YIN DU ZIN KYANG DE BZHIN DU BDAG GRUB PA NI MA YIN LA, BDAG CES BYA BA RIG PA LAS GZHAN BDAG GI GNAS SKABS GSUM DMIGS PA NI MA YIN TE, 'GAL BA'I PHYIR RO, ,SKAD CIG PAR YANG RIG PA NI GCIG NYID DU RJES SU 'BREL PA'I DON BYED PA LA MNGON SUM DU DMIGS PA YIN TE, BA LANG KHRO BO MTHONG BA NA KHU YU LA BA GLANG NYID DU RJES SU SBYOR BA BZHIN DU RNAM PAR 'JOG PAR BYED PA YIN GYI RANG GI NGO BO LA NI MA YIN TE, MNGON GSUM DANG 'GAL BA'I PHYIR RO, ,SKYES PA NAS BRTZAMS NAS 'CHI BA'I BAR DU RJES SU 'JUG PAS BDAG GCIG PU YIN YANG, SNGA ROL DU DANG PHYIS KYANG DE YOD PA LA NI TSAD MA CUNG ZAD KYANG YOD PA MA YIN NO, ,SKYE BA DRAN PA LA SOGS PA MTHONG BA YIN NA DE NYID YIN GYI, DE BZHIN DU GZHAN NI MA YIN NO, ,SMRAS PA BDAG CES BYA BA 'DIS DE 'DZIN PA NI YI GE GA LA SOGS PA BZHIN DU YUL MA NGES PA YIN NO, ,DE'I PHYIR KHYAB BDAG DANG, DUS NGES PA MED PA NYID KYIS BRTAG PA YIN NO,,

JI SKAD DU, MA BCAD PA YIN YOD PA CAN, ,DNGOS GANG YUL DANG DUS DAG LAS, DE BZHIN DU YOD PA YIN NO ZHE DE DAG TZAM DU BSTAN PAR NUS KYI, SKYES PA DANG 'JIG PA ZHES NI MA YIN NO, ,MTHO RIS 'DOD PAS SPYIN SREG GIS SHIG CES BYA'I, RGYU NI 'JIG RTEN PHA ROL GYI 'BRAS BU DANG 'BREL PA CAN DU 'PHANGS PA YIN LA, DE BZHIN DU RNYINGS PA MED PA ZHES BYA BA NI MA RNYINGS PA'O ZHES DON DU SMRA BA YIN NO, ,BDAG GI GZUGS LTA BU'I LUS KYI CHOS SAM, CHA SHAS CAN NI MA YIN TE, DE LTAR MA RTOGS PA'I PHYIR RO, ,DE'I PHYIR DE ZHIG PA YIN NA YANG NAM MKHA' BZHIN DU 'JIG PA MA YIN NO, ,BA LANG DANG RTA ZHES BYA BA'I RNAM PAR RTOG PA NGES PA CAN MA YIN PAR SNANG BA YANG NGES PA CAN MTHONG BA'I STOBS KYIS 'BYUNG BA YIN GYI, DE LTA BU MA YIN PA'I PHYIR KHYAB BDAG NI MA YIN NO, ,DE LTA NA YUL SNA TSOGS PA LA DE LA NGES PA'I SGRA DMIGS PA NI RJES SU 'BREL PA LAS RTAG PA NYID DU SHES PAR GYUR GYI KHYAB BDAG NYID DU NI MA YIN NO, ,BUM PA LA SOGS PA MTHONG BA BZHIN DU YI GE GA LA SOGS PA MTHONG BA YUL NGES PA CAN KHO NA YIN TE, CHA SHAS MED PA NYID KYIS 'JIG PAR BYED PA MED PA'I PHYIR RJES SU 'BREL BAS RTAG PA NYID YIN NA, KHYAB BDAG NYID YIN NO; ,YUL NGES PA CAN YANG JI LTAR YANG GSAL BYED 'KHRUL PA LAS BYUNG BA 'KHRUL PA YIN NO ZHE NA, CHA SHAS DANG BCAS PA'I THOB PA LA SOGS PA YOD NA 'JIG PA YIN ZHES BYA BA MA MTHONG BA'I PHYIR 'DI CI LAS SHES, CHA SHAS MED PA LA YANG KHYAD PAR MED DO, ,GYO MO RO ZHE NA, 'DI LA YANG DE DANG BRAL BA'I YUL YOD DO, ,YUL NI MA NGES PA YIN NO ZHE NA, GYO BO LA YANG BUM PA LA RTZOM PA MA YIN PA CAN BZHIN DU YIN PA'I PHYIR KHYAD PAR MTHONG BA MA YIN NO, ,SNGAR MTHONG BA NGO SHES PA YANG DE DANG GCIG PAR 'DZIN PAR DON BYED PA'I RGYU MTSAN YIN PAR BRJOD DO, , 'DIS NI LKOG TU MA GYUR PA RIG PAR DMIGS NAS BDAG CES BYA BA 'BYUNG BAS YUL NGES PA CAN LA SOGS PA DANG, BDAG MED PA MA YIN PAR LUNG DANG 'BREL PA CAN GYI LUNG LAS BRTAG PA LA SOGS PA RIGS PA YANG BSHAD PA YIN LA, SKYES BUS BYAS PA MA YIN PA NYID LA YANG

, ,BSTAN PA YIN NO, ,DE NI DE BZHIN DU LKOG TU MA GYUR PA RIG PA POR NAS, BDAG TU BYED PA'I YUL GZHAN STON PA YIN ZHES PA'I THABS LAS BYUNG BA GZHAN 'PHEN BA'I GNAS SKABS GZHAN YIN GYI, GAL TE THABS NYID 'GEG PAR BYED NA THABS MED NA THABS LAS BYUNG BA GRUB PAR MI NUS PA NI MA YIN TE, DE THABS YONGS SU 'DOR BAR BYED PA NI MA YIN NO BDAG TU SHES PA KHO NA, BDAG RIG PA BDAG MA YIN NAM, 'DI LAS NYID YOD PA YANG MA YIN TE, MNGON SUM YIN PA'I PHYIR RANG RIG PAR BYA BA DE YOD CES BYA BA'I TSIG LAS SO, ,DE NI GZHAN KYIS MTHONG BAR MI NUS TE, BDAG GIS MTHONG BA YIN NO ZHE NA, MA YIN TE 'DI NI BUM PA BZHIN DU LAS NYID KHAS LEN PA'I PHYIR DANG, BYED PA PO NYID MNGON SUM YIN PA'I PHYIR RO, ,BDAG TU SHES PA'I SHES BYA NI, ,RANG NYID BDAG TU 'THAD PA YIN, ,ZHES BYA BA YANG, 'DI SHES PA YANG YIN LA BUM PA LA SOGS PA RIG PA CAN YANG YIN PA'I PHYIR RIG PA'O, ,DE NI DE LTA BU'I BDAG TU 'THAD PA YIN NO, ,DE SUS SHES SHE NA, BDAG RANG NYID KYI SHES BYA YIN TE, RANG RIG PAR BYA BA BDAG GI MNGON SUM YIN ZHES BYA BA'I DON TO, ,GANG ZHIG DANG PO YIN PA LAS KYI SHES PA NI PHYI ROL DU GTZO BO YIN TE, JI LTAR YANG 'DI LA SGRO 'DOGS PA'I YUL DU RNAM PAR GNAS PA YIN LA, DE 'DI DANG MNGON PAR 'BREL BAS 'DI LAS BYED PA PO DAM PA YIN TE, RANG NYID RANG GIS SHES ZHES BYA BA'I TSIG YIN NO, ,GZHAN DU NA DAM PA ZHES BSTAN PAR MI 'GYUR TE, PHYI ROL GYI LAS BYED PA PO NYID DANG MTSAN NYID MI MTHUN PA NYID 'DI NI DAM PA NYID YIN NO, ,DE LTAR YANG SHES PA PO LAS GZHAN PA'I YUL YANG DER MI 'GYUR TE, RANG BZHIN GYIS SHES PA PO YIN PA'I PHYIR 'DI'I LAS NYID GZHAN RANG BZHIN GYIS YOD PA MA YIN PA NI BRTAGS PA'I DNGOS PO LAS GZHAN ZHES BYA BA'I DON TO, ,SHES PA POR CI LAS 'GYUR BA YIN ZHE NA YANG, YANG; BDAG TU SHES PA'I RNAM SHES NI, ,THAMS CAD NYID DU SHES PAR BYA, ,ZHES SMOS PA'O, ,THAMS CAD CES SMOS PAS SHES PA PO GZUNG BAR YIN NO ZHE NA, MA YIN TE MI SRID PA'I PHYIR RO, ,DE'I

PHYIR GZHAN THAMS CAD KHO NA ZHES BYA BA YANG MI 'GAL PA'I PHYIR RO, ,SHES PAR BYA BA ZHES BYA BA NI KHYAD PAR YIN GYI BDAG 'DI SHES PAR BYA BA NI MA YIN TE, SHES PA PO YIN PA'I PHYIR RO, ,BDAG 'DI ZHAS BYA BA'I SHES PA DE YANG BDAG 'DI SHES PAR 'GYUR ZHES RJES SU SBYOR BZHIN PA'I RNAM PAR SHES PAS 'BYED PA YIN LA, RNAM SHES 'DI SNGAR MTHONG BA NI MA YIN TE, GANG GIS DRAN PAR BYED PA'AM, ,RJES SU SBYOR BAR BYED PAR 'GYUR, ,DRAN DANG SNGAR MTHONG NGO SHES DAG ,BAG CHAGS DBANG GIS BYUNG BA NYID, ,SHES PA PO YI YUL GZHAN LA, ,SNGAR MTHONG NGO SHES RNYED PAR DKA', , DE LTA YIN NA RTAR RNAM PAR RTOG PAR BYED PA NA BA GLANG MTHONG BA JI LTAR YIN, BDAG TU SHES PA MED PA'I PHYIR RO, ,RTOG PA 'DI RNAMS SO SOR MI RIGS PA KHO NA SKYE BA DANG 'JIG PA NI MA YIN NO, ,RTAG PA'I PHYIR YOD PA YIN NO ZHE NA, MA YIN TE SHES PA LAS GZHAN MA DMIGS PA'I PHYIR RO, ,BDAG SHES PAR GYUR PA YIN NO ZHES BDAG TU SHES PA'I SHES PA PO NYID RJES SU SBYOR BA DE LA YANG YIN NO ZHE NA, MA YIN TE SHES PA LAS GZHAN PA'I MA DMIGS PAS GNOD PA'I PHYIR RO, ,SHES PA NYID BDAG NI MA YIN TE, KHAS MI LEN PA'I PHYIR DANG, RANG RIG PA NYID KYIS LKOG TU GYUR PA NYID KHAS MI LEN PA'I PHYIR RO, ,KA BA LA YANG DE RIG PA LAS GZHAN DU 'DZIN PA POR NYAMS SU MYONG BA MA YIN LA, DE LTAR RTOG PA YIN NA MTHONG BA NYAMS PA DANG MA MTHONG BA'I RTOG PA DANG, RIG PA 'GAL BAR YANG 'GYUR RO, ,'ON TE KA BA LA SOGS PA'I NGO BOS DMIGS BYA MED PA NYID DU BRJOD PA YIN NA, RIG PAR MTHONG BA'I PHYIR DE DANG 'GAL BAR YANG THAL BAR 'GYUR RO, ,KA BA RIG PA'I BDAG NYID CAN GYI RNAM SHES NI RIG PA MA YIN PA'I BDAG NYID DMIGS BYA MED PA NYID DE RIG PA DANG 'GAL BA KHO NAR 'GYUR RO ZHES BYA BA'I DON TO, ,SHES PA NYID SHES PA PO YIN PAR NI BDEN MOD KYI, 'BA' ZHIG PO NI RTAG PA YIN TE, DE'I PHYIR BDAG TU BYED BA'I YUL YANG BDAG TU 'GYUR RO, ,KA BA'I SHES PA PO NYID KA BAR NYAMS SU MYONG BA'I SGO NAS DE ZHES BYA BA'AM, KA BA ZHES BYA BAR JI LTAR RNAM PAR RTOG PAR BYED PA DE BZHIN DU, SHES PA PO NYID KYIS

, ,NYAMS SU MYONG BA LAS BDAG GO CES 'JUG PA YIN TE, JI LTAR GOMS PA'I LAS YIN GYI, NYAMS SU MYONG BA MED PA NI MA YIN NO, ,DES 'ON TE SHES PA PO NYID 'DRA NA, LUS GZHAN RNAMS LA'ANG DER 'GYUR TE, DE LA THAMS CAD KYIS SHES NA, ,BDAG PO ZHES KYANG DRAN PAR 'GYUR, ,ZHES BYA BA 'DIS GSAL BA YIN NO, ,SHES PA PO NYID LA SOGS PA 'DRA BA LA SOGS PA BDAG TU BYED PA'I RGYU MTSAN MA YIN TE, 'ON KYANG BDAG RIG PA RGYU MTSAN YIN 'ON TE BDAG SHES PA POR GYUR PA ZHES BYA BAS SNGA MA DANG PHYI MA'I SHES PA PO PA POR GYUR PA ZHES BYA BAS SNGA MA'I SHES PA PO DAG CHA GCIG PA YIN NO ZHE NA, DE GCIG PA NYID YIN NA BUM PA'I SHES PA'I DUS SU DE'I GYO MO SHES PAR GYUR LA, DE SHES PA'I DUS SU YANG BUM PA SHES PAR 'GYUR RO, ,SHES PA GCIG NYID KYANG GNAS SKABS THA DAD PA'I PHYIR SKYON MED DO ZHE NA DE LTA YIN NA NYAMS SU MYONG BA THA DAD PA NI GNAS SKABS THA DAD PAS RJES SU BYED PA YIN GYI, DE GCIG PA NYID RJES SU BYED PA NI MA YIN NO, ,DE'I GNAS SKABS YIN NO ZHE NA, MA YIN TE DE LAS 'GYUR BA MED PA'I PHYIR LA, 'GYUR BA YIN NA YANG GNAS SKABS KHO NAR 'GYUR RO, ,SNGA MA'I GNAS SKABS SU SHI BA PHYIS YOD PAR NGO SHES PA YIN NO ZHE NA, BDEN TE, BREGS PA'I SKRA DANG SEN MO LA SOGS PA BZHIN DU SHI BA YANG NGO SHES PA NI 'KHRUL PA YIN NO, ,GNOD PA CAN MED NA JI LTAR 'KHRUL PA YIN, SHI BA NYID DU SHES PA KHO NA GNOD PA CAN YIN NO, ,'DIS NI GCIG PU BYED PA PO DANG ZA BA PO NYID DU BSHAD PA YIN NO, ,GNAS SKABS THA DAD PA DANG THA MI DAD PA DAG GIS BYED PA DANG, ZA BA DAG GIS THA DAD PA'AM THA MI DAD PA YIN GYI GNAS SKABS THAMS CAD PA'AM, NAM MKHA'I NI MA YIN TE, ,DE DAG LA GNAS SKABS THAMS CAD PA NI RGYU YIN GYI NAM MKHA'I NI MA YIN NO ZHES BYA BA 'DI SU'I RIGS PA YIN, JI SKAD DU, TSANGS PA SHES BAS, JI LTAR DNGOS DE RGYU YIN PA, ,DE LTAR DE NYID GANG GI TSE, ,RGYU MIN DE NI GANG GI RGYUR, ,'DOD LA RGYU MA YIN MI 'DOD, ,CES GANG SMRAS BA'O, ,'JIG RTEN PA YANG GNAS SKABS KHO NA YIN PAR SMRA BA NI, GNAS SKABS GZHAN LAS BYUNG BA'I BDAG GI DGE BA DANG MI DGE BA'I 'BRAS BU YIN NO ZHES SHES NAS KYANG 'GRO BA RNAMS 'JUG

PA DANG 'DOR BA YANG MTHONG BA YIN NO, ,GANG YANG SEMS PA CAN DANG YOD PA'I RDZAS NYID NI GNAS SKABS THA DAD KYANG DBYE BA MA YIN PA'I PHYIR, GNAS SKABS THAMS CAD PAR 'GYUR BA YIN LA, BDE BA DANG SDUG BSNGAL BA LA SOGS PA'I GNAS SKABS KYANG MI RNAMS 'GRO YANG RUNG BA NA, BDAG GI SEMS PA CAN GYI RDZAS YOD PA LA SOGS PA'I NGO BO GROL BA MA YIN NO ZHES BYA BA GANG YIN PA DE YANG SNGA MA DANG PHYI MA'I GNAS SKABS THA DAD PA LA, DE MI DAD PA'I SEMS PA CAN LA SOGS PA'I BYE BRAG LAS MI RIGS SO, ,'DIS NI THA DAD PA LA YANG RGYU NYID DU BSTAN PA YIN TE, GNAS SKABS RNAMS KYI MED PA LA SOGS PA BZHIN DU, RGYU NYID DU BRJOD PA YIN NO, ,'ON TE GNAS SKABS NYID SNGA MA DANG PHYI MA'I DUS RJES SU SBYOR BAR BYED PA YIN NA, DE'I TSE 'DI MED PA YIN NA JI LTAR RJES SU SBYOR BAR BYED, SHI BA LA RJES SU SBYOR BAR BYED PA YIN NA, BREGS PA'I SKRA LA RJES SU SBYOR BA BZHIN DU 'KHRUL PA YIN NO, ,NANG DANG PHYI YANG SKAD CIG RE RE LA THA DAD PA YIN NA DE NYID LA RJES SU SBYOR BA NI 'KHRUL PA YIN NA JI LTAR 'JUG PA YIN, RAB TU GRUB PA NYID MED NA THA SNYAD THAMS CAD MI 'DOD PA YIN TE, THER ZUG TU GNAS PA'I RTAG PA GCIG PU 'DOD PA DANG, 'BREL PA CAN MTHONG BA DANG SNANG BZHIN PA NI THA SNYAD KYI RGYU MTSAN DU 'DOD PA MA YIN NO, ,RGYUN NI RGYU MTSAN YIN NO ZHE NA, RGYUN YIN YANG DE NI SNGA MA NYID KYIS RJES SU SBYOR BA MED NA JI LTAR THA SNYAD KYI RGYU MTSAN YIN, BDAG DANG 'DI ZHES BYA BA YANG RJES SU SBYOR BA YIN NA THA SNYAD KYI YAN LAG YIN PAR NI BDEN TE, DE GCIG PU 'DZIN PA SKYED PAR BYED PA 'BA' ZHIG NI DE MI BYED PAR RNAM PAR GCOD PAR BYED PA'I NGO BOS YIN LA, DES NA 'DZIN BZHIN PA NI THA SNYAD KYI RGYU MTSAN YIN PAR NI, DE MTHONG BA NI MTHONG RNAMS LA, ,RIG PA'I NUS PAS BYUNG BA YIN, ,DRAN LAS BYUNG BA 'DOD PA LAS, ,THA SNYAD 'JUG PAR 'GYUR BA YIN, , ZHES BYA BAS BSTAN PA YIN NO, ,'DIS NI BDAG CES TE GCIG TU 'DZIN PAR NGES PA NI BYED PA PO DANG ZA BA POR 'GYUR GYI CIG SHOS NI MA YIN NO ZHES RNAM PAR DBYE BA LAS, LAS BYAS PA YIN NA BYED PA PO ZHIG PA YIN LA, BYAS PA'I LAS KYI BYED PA PO MED NA 'BRAS BU STER BA'I PHYIR MA BYAS

, ,PA'I LAS LA ZA BA PO 'BRAS BU DANG LDAN PA 'ONGS PA YIN NO ZHES BYA BA'I SKYON BSAL BA YIN LA, BYAS PA'I LAS LA NI 'GA' YANG ZHIG PA MA YIN TE, BDAG TU SHES PA'I YUL SEMS KYI RGYUD MI 'CHAD PA'I CHOS CAN YIN PA'I PHYIR RO, ,GNYID LOG PA DANG BRGYAL BA LA SOGS PA'I DUS NA TSANG PA YANG SKYE BA'I PHYIR, ZA BA PO'I GZHAN NYID NI BDAG TU MI BYED PA'I YUL 'BRAS BU YIN NA NI 'GYUR GYI, SNGA MA DANG PHYI MA'I SEMS KYI SKAD CIG DAG LA NI DE YOD PA NI MA YIN NO, ,SKAD CIG MA THA DAD PA'I SKYON YOD DO ZHE NA NI, GNAS SKABS THA DAD PA YIN YANG GNAS SKABS PA NI MA YIN NO NAM MKHA' BZHIN DU BYED PA PO'AM, ZA BA PO NI GNAS SKABS KYI SGO NAS DE NYID BYED PA NI MA YIN LA, BYED PA PO DANG ZA BA PO NYID DAG SKYES BU'I GNAS SKABS LA BRTEN PA NI MA YIN NO, ,DE'I GNAS SKABS DANG LDAN PA DE NYID KYI PHYIR BYED PA PO KHO NA 'BRAS BU THOB PA YIN NO ZHE NA, 'DI LA GNAS SKABS THA DAD PA'I RJES SU BYED PA'I 'BRAS BU NI GNAS SKABS CAN LAS 'GYUR BA MA YIN TE, GZHAN DU NA NAM MKHA' LAS KYANG 'GYUR RO ZHES BSTAN PA YIN NO, ,DE'I GNAS SKABS YIN NO ZHE NA, KHYAD PAR MED NA NAM MKHA' LAS KYANG 'GYUR RO, , DE DANG GCIG PAR THA SNYAD 'DOGS PA'I RGYU MTSAN NI GNAS SKABS CAN YIN GYI NAM MKHA' NI MA YIN NO ZHE NA, BDEN MOD KYI DE GCIG TU 'DZIN PA KHO NA DE MI BYED PAR RNAM PAR GCOD PA'I RGYU MTSAN MED PA'I PHYIR JI LTAR BYED PA PO NYID YIN, DE GCIG TU THA SNYAD 'DOGS PA GRUB PA LA GNAS SKABS CAN NI GRUB PA LA NYE BAR GNAS PA YIN NA, DGOS PA MED PA CI'I PHYIR SKYONG BA YIN, DE'I PHYIR 'BRAS BU DANG RGYU NYID DU MA RGYUD GCIG TU BYAS PA ZHIG PAR SMRA BA NI SNA TSOGS PA NYID MA BOR NA, DE'I SKYON YANG MA BOR BA GSAL BA YIN NO, ,RGYUD GZHAN GYIS BYAS PA'I 'BRAS BU DE LAS GZHAN PAS ZOS PA YIN NA, BYAS PA ZHIG PA LA SOGS PAR 'GYUR GYI DE NYID KYI YIN NA NI ZHIG PA MA YIN NO, ,'BRAS BU DANG RGYU'I RGYUN GYI YUL LA DE NYID KYI THA SNYAD 'DI 'JIG RTEN DU MTHONG BA YIN NO, ,DE'I PHYIR RGYU LA SOGS PA YOD PA LAS BYED PA DANG ZA BA LA SOGS PA MA NGES PA YIN PAR

SMRA BA PO NI KLAN KA BTZAL BYA MA YIN NO, ,DE'I PHYIR, 'JIG RTEN PA ROL KHAS LEN KYANG, ,RNAM RIG TZAM NYID BDAG SMRA BAS, ,SHES RNAMS SKAD CIG PA NYID PHYIR, ,BYED PO ZA PO GZHAN NYID 'GYUR, ,ZHES BYA BA NI MI BDEN PA YIN NO, ,GANG GI PHYIR DE KHO NA NYID RIG PA PO RNAMS SKAD CIG MA'I DBYE BA LA DPYOD PAR BYED PA YIN GYI 'JIG RTEN NI RGYU MED PA'I PHYIR, RNAM PAR DPYOD PAR BYED PA MA YIN NO, ,STOBS DANG STOBS MA YIN PA LA SOGS PA GRUB PA'I DON DU DE KHO NA NYID SHES PA RNAMS, RNAM PAR DPYOD PAR BYED PA YIN LA, 'JIG RTEN NI DE MNGON SUM GYIS MTHONG YANG DGOS PA MED PA'I PHYIR DANG; 'DRA BA GZHAN BYUNG BA'I PHYIR, ,DON BYED PA DON DU NI GNYER BA NI 'DI'O, ,BDAG GO ZHES DE LTAR NGES PAR BYED PA YIN NO, ,DE BZHIN DU NGES PA DANG LDAN PA YANG 'JUG PA KHO NA YIN NO, ,DE'I PHYIR BDAG MED PAR SMRA BA'I PHYOGS PA NI, ,BDAG SHI'I 'OG TU 'BRAS BDAG GIR, ,MI 'GYUR NA YANG GZHAN GYIR 'GYUR, ,ZHES NI SNGAR NYID SHES PA YIN, ,DE PHYIR 'JUG PAR MI 'GYUR YIN, ,ZHES BYA BA NI NGAN PAR SMRA BA YIN TE, ,RIG PAR BYA BA THAMS CAD MKHYEN PA NI NYES PA MA LUS PA ZAD PA NI GZHAN NI SDUG BSNGAL BTZAL BAR BZHED PA KHO NAS 'JUG PA'I PHYIR, SEMS 'JIG RTEN PHA ROL PA YIN PA'I PHYOGS LA THAMS CAD KHA NA MA THO BA MED PA YIN NO, ,SEMS DE NYID KHO NA 'BA' ZHIG SKYE BA'I DANG POR LUS TZAM LAS SAM, PHA'I SEMS LAS BYUNG BAR MTHONG BA YIN GYI SKYE BA SNGA MA'I SEMS LAS MA YIN ZHING, 'CHI BA'I SEMS BZHIN DU 'BYUNG BAR 'GYUR BA'I SEMS GZHAN YANG MA YIN NO SNYAM DU SEMS PA LA, SKYE BA YONGS SU LEN PA NA, ,'BYUNG RNGUB DBANG PO BLO DAG NI, ,RANG GI RIGS LA LTOS MED CAN, ,LUS NYID 'BA' ZHIG LAS SKYE MIN, ,HA CANG THAL PHYIR ZHES BYA BA SMOS TE, DBUGS 'BYUNG BA LA SOGS PA DANG SEMS DANG DBANG PO RNAMS KYANG BRTAN PA NYID DANG, G-YO BA PO NYID LA SOGS PA'I GOMS PAS DE LTA DE LTA BUR 'GYUR BA YIN TE, DANG PO SKYE BA LA YANG DE BZHIN DE RNAMS SU SNANG BA YIN GYI PHA LA SOGS PA NI DE LTAR GOMS PA MA YIN TE, GLEN PA'I BU YANG MKHAS PAR MTHONG BA'I PHYIR RO, ,DE'I SKYE BA 'DI LA GOMS PA YANG MA YIN NO, ,MES PO'I GOMS PA LAS BYUNG BA YIN NO ZHE NA, MA YIN TE,

, ,BYIS PA RANG NYID GOMS PA BZHIN DU MTSAMS SBYOR BA 'GYUR RO, ,RANG GI GOMS PA NI MA YIN TE, MNGAL NA 'DUG PA LA SOGS PA'I SDUG BSNGAL MANG POS BRJED PA SRID PA'I PHYIR RO, ,GRUB PA'I DNGOS PO NI GOMS PAS PHOGS BYUNG BA MA YIN NAM, BRTAN PO DANG G-YO BA PO YANG GRUB PA YIN TE, GOMS PA GZHAN KHO NA LAS BYE BRAG THAMS CAD DE LAS BYUNG BA NYID SHES PA'I PHYIR BYE BRAG MED PA'I DNGOS PO TZAM NI LUS LAS DANG POR GRUB PA YIN LA, GOMS PAS NI KHYAD PAR DU GYUR PA YIN TE, GLEN PA YANG GOMS PA LAS MKHAS PAR 'GYUR RO ZHEN, MA YIN TE GLEN PA RNAMS KYI NI GOMS PA DMAN PA LAS BYUNG BA NYID YIN PA'I PHYIR RO, ,JI LTAR BUM PA RDZA MKHAN LAS BYUNG BA LA MED KYANG PHRANG PA LAS KHYAD PAR YIN LA, DE BZHIN DU LUS LAS BYUNG BA LA GOMS PA LAS KHYAD PAR DU 'GYUR BA MA YIN NAM, 'ON TE ME DANG PHRAD PA LAS BUM PA GZHAN KHO NA YIN NA, DBANG PO LA SOGS PA GOMS PA LAS KYANG GZHAN KHO NA YIN PAR MTSUNGS SO, ,MTSUNGS PA MA YIN TE, ME DANG PHRAD PA'I SNGA ROL GYI RDZAS MKHAN GYI BSKYED BYA'I BUM PA NI GZHAN KHO NAR MTHONG BA YIN LA, 'DI LA NI GOMS PA'I SNGA ROL DU DE'I BSKYED BYA MA YIN PA NI DE'I KHYAD PAR MA YIN LA DNGOS PO TZAM NI NYE BAR DMIGS PA YANG MA YIN NO, ,RJES SU DPOG PAR BYED DO ZHE NA, DE LTAR YIN NA GOMS PA KHO NA MTHONG BA LA RJES SU DPOG PAR 'GYUR TE, MA MTHONG BA LA RJES SU DPOG PA MED PA'I PHYIR RO, ,AUTPALA'I RTZA BA NI BA LANG GI LCI BA LAS SKYE BA DANG, AUTPALA'I RTZA BA LAS KYANG SKYE BAR MTHONG LA, DE BZHIN DU LUS LAS SKYES PA NI GOMS PA LAS KYANG 'DI SKYE BAR 'GYUR BA'I PHYIR 'DI SKYE BA YIN NO ZHES RJES SU DPOG PAR MI RIGS SO, ,GANG GI PHYIR BA LANG GI LCI BA LAS SKYE BA'I AUTPALA'I RTZA BA DANG, ME LAS DU BA NI RGYUN GYI 'JUG PA YIN GYI, 'DI LA NI SKYE BA'I DANG PO LA GOMS PA LAS MA BYUNG BA'I KHYAD BAR GANG YANG MED DO, ,DU BA'I BSKYED BYA'I DU BA BZHIN DU ME LA YANG DU BA YIN NO ZHES BYA BA 'DI LA YANG GOMS PA'I BSKYED BYA'I KHYAD PAR BZHIN DU KHYAD PAR YIN NO ZHE NA, DE LTA YIN NA DU BA LAS DU BA'I BSKYED BYA DANG 'DRA BA'I ME RJES SU DPOG PAR MI 'GYUR LA, DE DANG 'DRA BA LAS DE'I RJES SU DPOG PA MA NYAMS

PA YIN NO, ,DE'I BSKYED BYA'I YANG RTZA BA YANG ME YIN NO ZHE NA, 'DI LA YANG GOMS PA'I BSKYED BYA'I KHYAD PAR 'DRA BA'I RTZA BA GOMS PA YIN PA'I PHYIR, RJES SU DPAG PA MA NYAMS PA YIN NO, ,GOMS PA'I BSKYED BYA'I KHYAD PAR NI KHYAD PAR GZHAN GYI RGYUN BYED PA YIN PA NI ME'I BSKYED BYA'I DU BA LAS DU BA GZHAN LTA BU'O, ,DE'I RGYUN 'JUG PAR BYED PA TZAM GOMS PA NI MA YIN LA, NUR NUR PO LA SOGS PA'I LUS KYI BSKYED BYA NYID NI KHYAD PAR DE MA YIN TE, DU BA YANG RI BO TZAM GYI BSKYED BYAR 'GYUR RO, ,RI BO'I BSKYED BYA NYID YIN NA, THAMS CAD DU THAMS CAD LA YANG 'GYUR RO ZHE NA, 'DI LA YANG 'BYUNG BA'I BSKYED BYA NYID YIN NA, BONG BA LA SOGS PA LA YANG 'GYUR RO, ,BYE BRAG CAN RNAMS KYI NI SEMS PA CAN YIN GYI BONG BA LA SOGS PA NI MA YIN TE, YONGS SU GYUR PA'I KHYAD PAR YANG NGES PAR BYED PA YIN NO ZHE NA, SHI BA LA 'DI THAMS CAD YOD PA'I PHYIR PHAL CHES PA LAS THAR PA MA YIN NO, ,GOMS PA'I BSKYED BYA NYID YIN YANG SHI BA LA CIS MI 'GYUR, GNAS PA 'PHEN PAR BYED PA'I LAS ZAD PA'I PHYIR RO ZHES 'CHAD PAR 'GYUR BA'O, ,LAS KYI NUS PA SNA TSOGS PA NYID BZHIN DU 'BYUNG BA'I NUS PA SNA TSOGS PA NYID DU BRTAG PA MA YIN TE, 'BYUNG BA RNAMS NI DPAG TU YOD PA'I PHYIR RO, ,SA NYID LA SOGS LAS SKYE BA 'DI'I LUS LA DBANG PO LA SOGS RTAG PA YIN NO ZHE NA, MA MTHONG BA'I NUS PA DE NYID LAS YIN PA'I PHYIR LOG PAR RTOGS PA MA YIN NO, ,SKYE BA SNGA MA'I LUS LAS SKYE BA 'DI'I LUS LA DBANG PO LA SOGS PA JI LTAR 'PHO BA YIN, SPRUL GYI DUG GI NUS PA 'PHO BA KHO NA BZHIN DU BLTA BAR BYA'O, ,SNGAGS LA SOGS PA'I STOBS KYIS DUG GZHAN DU 'PHO BA MA YIN NAM, LAS KYI STOBS KYIS 'DI LA YANG DBANG PO LA SOGS PA GZHAN DU 'PHO BA YIN PAR MTSUNGS SO, ,GANG GI TSE DBANG PO LA SOGS PA 'PHO BA DE NYID KYI TSE SEMS KYANG YIN TE, TSOGS PA GCIG PA'I PHYIR RO, ,DE'I PHYIR NUR NUR PO LA SOGS PA RNAMS LA RNAM SHES YOD CES BYA BA 'DI YANG GYA TSOM YIN PAR MTHUN BA YIN NO, ,DE'I TSE NI DBANG PO LAS SKYES PA MA YIN TE, RANG YOD PA'I DUS SU BYUNG BA NI DE LAS 'BYUNG BA'I PHYIR RO,,

, ,BDAG GO ZHES BYA BA BYUNG BA NI DBANG PO DANG BDE BA LA SOGS PA NGA RGYAL DANG BCAS PA KHO NAR MTHONG LA DE KHO NA BZHIN DU RGYU ZHES BYA BA'I DON TO, ,RANG DBANG YOD NA LUS MED PA'I PHYIR NAM MKHA' BZHIN DU JI LTAR SEMS KUN RGYU BA YIN ZHE NA, RGYAL PO'I BSNYEN BKUR BZHIN DU RE BA LA GZHAN DBANG YIN PA'I PHYIR RLUNG GIS BSKYOD BZHIN PA'I ME, GZHAN DU 'GRO BA YOD SRID KYI, ,BLO NI RGYUR GYUR LUS NYID LAS, ,'GAS KYANG SKYOD PAR BYED PA MIN, ,LUS MED PHYIR NA 'DI RANG NYID, ,'PHAGS NAS 'GRO BA 'ANG MA YIN NO, ,ZHES BYA BA 'DI MA GRUB PA YIN NO, ,DE SKAD DU YANG, BDAG LA CHAGS PA DANG LDAN PA, SEMS CAN GZHAN GYIS BKRI MIN PA, ,BDE SDUG DOR 'THOB 'DOD PAS NA, ,DMAN PA'I GNAS NI YONGS SU LEN, ,ZHES 'CHAD PAR 'GYUR BA'O, ,JI LTAR YANG SAD PA'I LUS LA DBANG PO LA SOGS PA RMI LAM RMI BA'I LUS LA KUN DU RGYU BAR MTHONG BA LTA BU'O, ,DE LAS KYANG SAD PA'I LUS LA'O, ,DE BZHIN DU SKYE BA SNGA MA'I LUS LAS SRID PA BAR MA DO'I LUS LA'O, ,DE LAS KYANG LUS 'DI LA YIN PA'I PHYIR GNOD PAR BYED PA LA LAN GDAB PAR DKA' BA CUNG ZAD KYANG MED DO, ,DE NI RMI LAM RMI BA'I LUS LA NI MI BDEN PA YIN NO ZHE NA, MA YIN TE SO SOR SNANG BA LA MI BDEN PA NYID DU MI RIGS PA'I PHYIR RO, ,PHYI ROL GYI MI BDEN PA NYID NI SAD PA LA YANG MTSUNGS SO, ,GNOD PA CAN MED PA CI LAS YIN ZHE NA, GNOD PA ZHES BYA BA YANG SO SOR SNANG BA TZAM NYID DU NGES PA PHYI ROL MA YIN PA'I SO SOR SNANG BA'I RGYU MTSAN DU BRJOD PA LA, PHYI ROL TU ZHEN PA'I GNOD PA NYID NI BAG CHAGS BRTAN PO NYID DANG, BRTAN PO MA YIN PA NYID BDAG GIS KHA CIG TU 'BYUNG LA, GZHAN LA NI MA YIN NO ZHES BYA BA NI RNAM PAR DBYE BA YIN NO, ,DE'I PHYIR DANG POR SKYES PA LA DBANG PO LA SOGS PA NI SKYE BA SNGA MA'I LUS LAS 'ONGS PA YIN NA, JI LTAR 'ONGS PA YIN ZHES BYA BA LTOS PA LA MA MTHONG BA'I RTOG PA LA NI TSAD MA MED PA'I PHYIR, MTHONG BA'I RMI LAM RMI BA'I LUS BZHIN DU SRID PA BAR MA DO'I LUS LAS ZHES SMRA BA NA, SNYAN DNGAGS MKHAN GYIS BYAS PA'I LUS LA RTZOM PA DANG 'JIG PA'I RGYU MED NA, JI LTAR SKYE BA 'AM 'JIG PA YIN ZHING JI LTAR YANG MA MTHONG BA YIN ZHES BYA BA'I

RGOL BA 'DI CI LAS YIN, BAB CHOL DU SKYE ZHING DE YANG BAB CHO LA KHO NAR 'JIG PA YIN LA, PHRA BA'I NGO BO LA SOGS PA DANG LDAN PA ZHES BYA BA DE NI NYE BAR RTOG PA TZAM NYID, SHES PA'I RGYU BA YOD PA YANG, ,DE LA TSAD MA CAN MIN 'GYUR, ,DE YI LUS GZHAN RNAMS LA NI, ,SLAR YANG RNAM G-YENG RTOG PA YIN, ,ZHES BYA BA DE NI MI RIGS TE, 'DI 'DRA BA NYID NI RMI LAM GYIS LUS LA YANG MTHONG BA'I PHYIR RO, ,SBYOR BA DANG, DNGOS GZHI DANG, RJES KYI RNAMS LA SHES PA GZHAN DANG GZHAN MA YIN NAM, DE LA YANG GNAS PAR 'DOD PA GCIG MED NA 'BRAS BU 'BYUNG BA NI RIGS KYI RTOG PA LTA BU YIN TE, BU DANG TSA BO LA SOGS PA 'GYUR BAR BYA BA'I RIGS DANG 'DRA BA'I BYED PA PO NYID KHO NA SGRUB PAR DKA' BA YIN TE, DUS YUN RING POR LAS RNAMS LA SKYE BAR 'DOD PA'I SHES PA STONG PHRAG RNAMS LA DE NI RIGS DANG 'DRA BA LTA BU YIN NO, ,'DI LA SMRAS PA'I RIGS DANG 'DRA BA BZHIN DU NYIN GCIG GI SHES PA'I YUL NYID KYIS DBYE BA MI RTOGS PA'I PHYIR, DKA' BA NYID YIN PAS DAM PA'I DON LA NGES PAR RTOGS PA YANG 'BRAS BU NYID SHES PA MI DGOS PA'I PHYIR DANG 'BRAS BU NYID KYI SHES PA 'JIG RTEN BA'I PHYIR ZHES BYA BA'O, ,MTHONG BA YANG RIM GYIS 'BYUNG BA DUS GCIG LA MA TSOGS PA DAR SHA DANG PO 'U RNA M'A SA LA SOGS PA'I YI GE RNAMS SAM, BSGOR BA'I CHA SHAS LA SOGS PA'I RANG GI DUS TZAM LA YOD PA RNAMS, DON GCIG TU BYED PA'I BYED PA PO NYID MTHONG BA YIN GYI, RIGS DANG 'DRA BA LTA BU RTOGS PA NI MA YIN NO, ,DE BZHIN DU DBANG PO LA SOGS PA RNAMS 'JIG RTEN PHA ROL NYID DU BRJOD PA NI, SEMS 'JIG RTEN PHA ROL PO NYID YIN PA'I DPE DON NAM, BDAG TU BYED PA'I SEMS 'JIG RTEN PHA ROL PO'I YUL BSTAN PA YIN NO, ,GANG GI TSE RI MO DANG GLUR BLANG BAR BYA BA LA SOGS PA BZHIN DU DBANG PO'I SHES PA YANG GOMS PA'I BSKYED BYA NI DE'I BSKYED BYA'I KHYAD PAR YIN PA'I PHYIR, 'JIG RTEN PHA ROL POR BRJOD PA DE'I TSE YANG, GOMS PA LAS BYUNG BA'I RJES SU 'JUG PA CAN GYI DBANG PO YIN GYI, DE MED NA DE BZHIN DU 'BYUNG BA YANG RI MO LA SOGS PA'I SHES PAR 'GYUR BA MA YIN NO, ,JI LTAR

, ,DBANG PO DE'I NGO BO MA YIN PA'I 'BYUNG BA TZAM LAS KYANG 'BYUNG BA YIN TE, SNA DANG LCE DANG MIG DANG BAGS PA DANG RNAB LA SOGS PA DBANG PA RNAMS NI 'BYUNG BA RNAMS LAS BYA BA'I TSIG LAS SO, ,GOMS PAS KYANG KHYAD PAR DU BYED PA LA DE BZHIN DU SEMS PA YANG 'GYUR RO SNYAM DU DOGS PA BZLOG PA'I DON DU DBANG PO NI 'JIG RTEN PHA ROL NYID DU MNGON PAR BRJOD PA YIN NO, ,DBANG PO 'JIG RTEN PHA ROL PA MA YIN ZHING 'BYUNG BA'I BSKYED BYA YANG MA YIN DU ZIN KYANG GANG GIS DPER MI 'GYUR, 'ON KYANG JI SKAD BSTAN PA'I YID KYI RNAM PAR SHES PAR 'GYUR BA'I 'GYUR BA CAN YIN PA'I PHYIR DE'I BSKYED BYA YIN NO, ,DE LTAR NA SEMS NI DE 'DRA BA'I SEMS GOMS PA'I BSKYED BYA YIN TE, DE'I KHYAD PAR GYI KHYAD PAR CAN YIN PA'I PHYIR DBANG PO LTA BU'O, ,DE'I PHYIR 'JIG RTEN PHA ROL LA SKUR BA 'DEBS PA LA GNOD PA YIN NO ,YANG NA DBANG PO'I RGYU NYID KYIS NUR NUR PO LA SOGS PA LA'AM, SKYE BA SNGA MA'I YID KYI RNAM PAR SHES PA YIN PAR RTOGS PA YIN GYI, 'BYUNG BA NI MA YIN TE, MA MTHONG BA'I PHYIR RO ZHES BYA BA'I DGONGS PAS 'CHAD PAR 'GYUR BA NI, ,'DI 'GYUR NA NI DE DAG KYANG, ,'GYUR BDAG TU MTHONG BA YIN, ,YID KYI RNAM PAR SHES PA'I 'GYUR BAS 'GYUR BAR BYA BA YIN PA'I PHYIR, DE'I 'BRAS BU DBANG PO RNAMS YIN LA, DE KHO NAR RTOGS PAR BYED PA YIN ZHES BYA BA'I DON TO, ,BDAG CES BYA BA'I BLO NI DE'I BSKYED BYA RNAM SHES KYIS RTOGS PA'I DBANG PO RNAMS SU NGES PAR BYED PA YIN GYI, MA RTOGS PA NI MA YIN NAM, MA MTHONG BA'I SNGON PO LA 'DI SNGON PO'O ZHES NGES PA NI MA YIN NO; ,'ON TE DBANG PO LAS SKYES PA'I SHES PA RNAMS LA BDAG GO ZHES NGES PAR BYED PA DE LTA NA YANG RIM GYIS DBANG PO BSKYED BYA NYID DU THAL BAR 'GYUR RO, ,'ON TE YID KYI RNAM PAR SHES TZAM NI NYE BAR RTOGS PA LA SOGS PA'I RNAM PA CAN YIN NA, DE YANG JI LTAR DBANG POS MTHONG BA'I RJES SU 'BRANG BA NI RIM GYIS DBANG PO LAS SKYE BA KHO NA YIN NO, ,'ON TE BDAG CES BYA BA'I SHES PA BDAG NYID KHO NAR NGES PAR BYED PA YIN GYI DBANG PO DANG DE'I BSKYED BYA'I SHES PA YANG MA YIN NO, ,JI SKAD DU MA BOR PA'I BDAG NYID LA 'DIR 'GYUR GYI GZHAN LA NI MA YIN NO ZHES SMOS PA NI, BDAG NYID LA SON PA'I

BDAG LA YOD PA YIN NO ZHES BYA BA'I DON TO, ,GZHAN YANG 'DIR DBANG PO'I SHES PA BSTAN PA NI KA BA'I RIG PA PO YIN GYI GZHAN GYI NI MA YIN TE, MNGON SUM DANG 'GAL BA'I PHYIR RO, ,DBANG PO LAS SKYES PA DE YANG DE'I 'OG TU BDAG GO ZHES 'BYUNG BA YIN LA, DE'I RANG RIG PA'I BYA BA'I RJES SU 'BRANG BA YIN NO, ,DE LTAR YANG, GCIG DMIGS PA NI NYAMS MYONG LAS, ,'DI ZHES NYAMS SU MYONG BA MIN, ,ZHES GSUNGS PA'O, ,DMIGS PA NYAMS SU MYONG BA NI BDAG NYID KYIS RTOGS PA LA DE BZHIN DU NGES PA'I YUL YIN GYI, RANG GI BDAG NYID NI MA YIN TE, DE LA RTOG PA MED PA'I PHYIR DANG, PHYI ROL LA YANG RNAM PAR RTOG PA'I PHYIR DANG, BDAG NI SNGON PO SHES PA YIN NO ZHES RIG PA DANG GZHI MTHUN PA NYID KYI PHYIR RO, ,GZHAN RIG PAR BYED PA NI BYA BA YIN LA DE'I BYED PA PO NI RKYEN GYI BRJOD BYA BDAG GO ZHES BYA BA YIN NO ZHE NA, SNGON PO RIG PA KHO NA DE LA BYED PA PO YIN GYI GZHAN NI MA YIN LA, DE'I YANG NYAMS SU MYONG BA YIN NA SNGON POR SHES PAR 'GYUR RO, ,DE'I PHYIR DE NI DE LA BYED PA PO NYID KYI BDAG GO ZHES 'DZIN PA YIN NO, ,DE'I PHYIR YANG JI LTAR YID KYI RNAM SHES GOMS PA'I RJES SU 'BRANG BA'I KHYAD PAR CAN DBANG PO'I BSKYED BYA YIN GYI RANG GI RIGS KYI BSKYED BYA NI MA YIN NO; ,DE BZHIN DU DE'I RJES SU 'BRANG BA'I KHYAD PAR CAN GYI DBANG PO YANG 'BYUNG BA'I BSKYED BYA YIN GYI, DBANG PO GZHAN GYI BSKYED BYAR 'GYUR BA NI MA YIN LA, DBANG PO RNAMS YID KYI BSKYED BYA NYID YIN PAS KYANG MA YIN NO, ,DE RNAMS LAS DE'I SHES PA YIN PA LAS BDAG GZHAN DBANG PO GRUB PA YIN NO SNYAM DU SEMS PA LA, DBANG RNAMS RE RE LA GNOD KYANG, ,YID BLO LA GNOD YOD MA YIN, ,ZHES BYA BA SMOS TE, DBANG PO RNAMS NI YID KYI BSKYED BYA NYID DU BSGRUB PAS 'DI 'GYUR NA NI ZHES BYA BA LA SOGS PAS SKYE BA PHYI MA LA SGRUB BYED GZHAN BSTAN PA YIN NO, ,RE RE LA ZHES BYA BA LA SOGS PAS NI GONG DU BSTAN PA'I SGRUB BYED LA GOMS PA'I RJES SU 'BRANG BA'I KHYAD PAR NYID, RANG GI RIGS SGRUB PA LA MA NGES PA YIN PAR DOGS PA BSAL BA YIN NO, ,DE LTAR THOS PA DANG BSAM PA LA SOGS PA'I SHES PA DPYOD PA DANG SEL BA DANG NYE BAR RTOGS PA LA SOGS PA'I NGO BO RNAM PA DU

, ,MA YID TZAM LAS BYUNG BA NI DBANG PO'I BYA BA MA LUS PA BSDUS PA LAS YIN GYI, BYA BA BYED PA'I DBANG PO DANG LDAN PA NI MA YIN NO, ,YID KYI RGYAL SRID BYED PA NI DBANG PO'I BYA BA LA MI GNOD PA MA YIN TE, ,JI SKAD DU MIG GNYIS BTZUMS NAS RE ZHIG SOMS DANG ZHES GSUNGS PA'O, ,GANG YANG GANG GI BYA BA PHUL DU BYUNG BA YIN NA 'GRIB PAR 'GYUR GYI, DE'I 'BRAS BU NI MA YIN TE, TSA BA DANG BSKA BA LA SOGS PA'I NYE BAR SBYOR BAS BAD KAN LTA BU'O, ,'GRIB PAR 'GYUR BA YANG DBANG PO'I BYA BA PHUL DU BYUNG BA YIN NA, YID KYIS SHES PA BDAG GIR BYED PA DANG BCAS PA YANG, RANG RIG PA YIN PA'I PHYIR RO, ,DE NYID KYI PHYIR YID KYI BLO BDAG CES BYA BA DE LTA BU'I BDAG NYID KYI RTOG PA'I NGO BO ZHES BSHAD PA LA 'GAL BA MED DO, ,JI SKAD DU, NGA RGYAL DANG BCAS YID YIN NA, SKYE BA'I RGYUN NI ZHI MI 'GYUR, ,ZHES SMOS PA'O, ,GZHAN YANG YID KYI RNAM PAR SHES PA LA BRTEN PA'I ZHES BYA BA LA SOGS PAS, DBANG PO RNAMS NI YID KYI BSKYED BYA YIN PA NYID KYIS DE'I THABS MA YIN PA NYID KYI PHYIR, SGRUB PA GZHAN GYI YUL NYID BRJOD PA YIN NO, ,YANG NA RE ZHIG YID KYI RNAM PAR SHES PA ZHES BYA BA LA SOGS PAS YID KYI GOMS PA'I RJES SU 'BRANG BA'I KHYAD PAR NI DBANG PO LAS SKYES PA MA YIN PA NYID DU BRJOD PA YIN NA, DBANG PO RNAMS RANG GI RIGS KYI RJES SU DPAG PA LA MA NGES PA NYID DU LAN BSTAN PA YIN NO, ,BDAG BLO DE LTAR YIN GZHAN NI, ,DE RIG PA YI 'GRO BA SHES, 'DI DE BZHIN DU YIN NAM MIN, ,DE LA BDAG 'DRA GA LA DBANG, ,BYED PA PO DANG ZA BA'I ZHES PA NI SEMS PA'I NGO BO LAS BYED PA MA YIN TE, BSAMS NAS NI LUS MED PA NAM MKHA' LTA BUR BYED PA MED PA'I PHYIR JI LTAR BYED PA YIN, SEMS PA'I LAS DANG BSAMS PA YANG LAS YIN ZHES BYA BA NI GRUB MTHA' YIN PA'I PHYIR SHES PA STE, SEMS PA BYIN GYIS BRLABS PA LAS 'BYUNG BA YONGS SU BSKYOD PA BYUNG BA NI SHES PA KHO NA YIN LA, 'DI SEMS PAS BYIN GYIS BRLABS PA TZAM DANG, BDAG POS BYIN GYIS BRLABS PA'I G-YOG PO DANG RGYAL PO NYE BA NA GNAS PA TZAM GYIS, RES 'GA' MNGAGS PAS G-YO BAR MTHONG BA YIN NO, ,

DE'I PHYIR RANG NYID MI G-YO BA YIN YANG, G-YO BA'I BYED PA PO NYID DU 'GYUR TE, SEMS PA YANG DA LTA DE LTAR ZHES BYA BA'I BDAG CAN GYI KUN DU RTOG PA KHO NA YIN GYI, SHES PA NYE BA TZAM GYIS SAM, DE'I LAS ZIN PA NYID KYIS 'BYUNG BA RNAMS KYIS BYAS PA NI DES BYAS PA MA YIN TE, KUN DU RTOGS PA'I PHYIR RO, ,NAD BSAL BAR BYA BA'I DON TU SMAN BYIN PA LAS BRAM ZE SHI BA YIN NA, BRAM ZE GSOD PA YIN PAR THAL BAR 'GYUR BA'I PHYIR DANG, SHI BA'I RO ZOS PA LAS MA ZHU BA'I SKYON GYIS MKHA' 'GRO MA SHI BA YIN NA YANG, SHI BA PO'I SKYON DU THAL BAR 'GYUR BA'I PHYIR RO, DE'I PHYIR YOD PA DANG MED PA'I KUN DU RTOG PA DAG GIS SKYES BU'I 'DOD PA LA SBYOR BAR BYED PA YIN LA, KUN DU RTOG PA RNAMS KYI DBYE BAS 'DI LAS RE RE'I BYED PA PO NYID YIN ZHES BYA BA DE KHO NA RIGS PA YIN NO, ,KUN DU RTOG PA JI LTA BA LAS RDZOGS PA YIN NA, GANG BA NYID YIN LA DE MA RDZOGS PA NA NYUNG BA NYID YIN ZHES BYA BA LA SOGS PA YANG BSHAD PAR BYA'O, ,LAS GZHAN RNAMS KYIS GANG LEN PA, ,RANG GI RANG GI BYA BA YIN, ,ZHES BYA BA LA SOGS PA BYED PA PO NYID KYI RNAM PA RNAMS LA DAD PAR BYA BA MA YIN TE, LAS ZAD PA'I PHYIR RO, ,BDAG NYID MI SHES PA RNAMS KYIS BYAS PA'I LAS NI DGOD PAR BYED PA MA YIN NO ZHE NA, LAS MA ZAD PA LA YANG DE'I 'DZUD BYED MA YIN PA RNAMS KYIS BYAS PA NI DGOD BYED MA YIN PA KHO NA YIN TE 'PHEN BYED MED PA'I RAL GRIS MI GCOD PA BZHIN DU, BTZUD PA NYID YIN NA 'GYUR PA KHO NA YIN PA'I PHYIR, KUN DU RTOG PAS 'DZUD BYED KHO NA BYED PA PO NYID, ,YIN PA'I 'BYUNG RNGUB DBANG PO BLO DANG NI, ,ZHES BYA BA NI GRUB PA YIN NO, ,GZUGS LA SOGS PA BZHIN DU GZHAN LA BRTEN PAR MA DMIGS PA'I PHYIR, GZHAN DBANG NGAM, DE BRTEN NYID KYI BLO NI MA YIN NO ZHES BSTAN PA NI, RTEN NI BKAG PHYIR RO ZHES BYA BA'O, ,BLO NI GZUGS LA SOGS PA BZHIN DU 'BYUNG BA LA BRTEN PA MA YIN DU CHUG KYANG ME LA DU BA BZHIN DU 'BYUNG BA RNAMS KYI RGYU YIN NO SNYAM DU SEMS PA LAS 'DI SNGA MA YANG YIN LA RJES SU 'GRO BA'I BLO YANG YIN PA NI RGYU'I BLO YIN TE, DE DANG BRAL BA NI BRTEN PA'I 'BRAS BU NYID KYI YIN LA, GANG 'DI 'BRAS BU NYID LA 'BA' ZHIG RTEN MA YIN PAR RIGS PA NI, YON TAN NYID LA SOGS PA LA YANG

, ,SBYAR BAR NUS PA YIN PAR BSTAN PA NI, 'BRAS BU NYID LA 'AM ZHES BYA BA'O, ,GZHAN DU YIN YANG ZHES BYA BA NI DE BDAG NYID KYIS SNGA MA'I RJES SU 'GRO BA'I BLO DANG BCAS PA'I LUS NI RTEN NYID YIN NO ZHES BYA BAR MI RIGS SO, ,MA MTHONG BA'I PHYIR RO, ,MA LA SOGS PA'I BLO LAS NUR NUR PO LA SOGS PA 'BYUNG BA LAS SKYES BA'I BLO NI GZHAN LAS 'BYUNG BA MA YIN TE, THAL CHES PA'I PHYIR RO, ,JI SKAD DU, GANG DAG YOD NA GANG GYUR NYID, ,DE LAS GZHAN PA RTOGS PA NA, ,DE RGYU NYID DU THAMS CAD LA, ,RGYU RNAMS THUG PA MED PAR 'GYUR, ,SNYAM DU SEMS PA NI, GAL TE PHA MA'I LUS LA BRTEN PAR ZHES BYA BA'O, ,RI MO LA SOGS PA BZHIN NO ZHES BYA BA NI DE'I DPE'O, ,RI MO NI RTZIG PA LA BRTEN PA CAN YIN TE, SMIN PA LA SOGS PA'I GZUGS BZHIN NO ZHES BYA BA CAN GYI 'BRAS BU YANG ZHES BYA BA THA DAD PA NI DU BA GZHAN LAS ME ZHES 'DON PAR BLTA BAR BYA'I, ME GZHAN LAS ZHES BYA BA NI BAG MED PAR 'DON PA YIN NO, ,MYOS PA'I NUS PA NI DE'I BDAG NYID DO, ,SNGA NA MED PA ZHES BYA BA NI NUS PA GZHAN LAS 'BYUNG BA MA YIN ZHES BYA BA'I DON TO, ,DE BZHIN DU BLO YANG LUS DANG PHRAD PA CAN DANG 'DU BA CAN NI 'BRAS BU 'AM THA MI DAD PA YIN GYI, SNGON GYI RIGS MTHUN PA LAS MI LTOS PA'AM RGYUD GZHAN DU BYED PA YANG MA YIN ZHES BYA BA'I DPE CAN LA SBYOR BAR BYED PA NI, DE BZHIN DBANG PO DANG SEMS PA ZHES BYA BA STE, DBANG PO'I KHYAD PAR DANG SEMS PA'I KHYAD PAR LAS KYANG ZHES BYA BA'I DON TO, ,DE SKAD DU BSHAD PA YANG ZHES BYA BA NI PHA ROL PO KHAS LEN PA 'DI NYID LA BSHAD PA YIN NO, ,'DI LA NI DE RNAMS LAS SEMS PA CAN DANG MYOS PA'I NUS PA BZHIN DU RNAM PAR SHES PA YIN ZHES BYA BA DE DAG TZAM LA DGONGS PA YIN GYI LHAG MA RGYAS PA NI GANG YANG NGES PAR BRTAG PAR BYA BA YIN MOD KYI ZHAR LA 'DI NYID DU NGES PAR BRTAG PA YIN PA'I PHYIR BZHI KHO NA ZHES BYA BAR GRANGS NGES PAR GZUNG BA YIN NO, ,'BYUNG BA CHEN PO RNAMS NI GZUGS LA SOGS PA LNGA LA YOD PA YIN TE, GZHAN 'JIG RTEN GYI MA DMIGS PAS DE SKAD DU THA SNYAD DU BYED PA'I PHYIR GTZO BO NYID MA YIN PA LA YANG MA YIN TE, ,GTZO BO GZHAN LA MTHONG BA'I PHYIR

RO; ,GZHAN DU DMIGS PA MED PA'I PHYIR RO ZHES BYA BA NI BRDA LAS BYUNG BA'I MING RJES SU SBYOR BA RNAMS GCIG TU SHES PA LAS GZHAN DU MI RTOG PA'I SHES PAS CHA SHAS BZHIN DU'AM, YON TAN BZHIN DU YON TAN CAN DMIGS PA MED PAS SHES PA GCIG LA GNOD PA'I PHYIR RO, ,RNAM PAR RTOG PA NI DE BZHIN DU BDAG GI RJES SU 'BRANG BA CAN THA DAD PA LA, THA MI DAD PAR RTOGS PAR BYED PA'I BYA BA CAN GYI RTOGS BYA NI THA DAD PA LAS GZHAN YIN ZHES BYA BA'I DON TO, ,'ON TE RO NI ZHES BYA BA NI REG BYA'I KHYAD PAR GYI RO STE, LCE YANG REG PA'I KHYAD PAR YIN ZHES BYA BA'I DON TO, ,DE NYID KYI PHYIR BZHI PO KHO NA'O ZHES BYA BA'I RNAM GRANGS BSAL NAS RNAM PAR BCAD PAR BYA BA MED PA'I PHYIR NGES PAR GZUNG BAR GSAL BAR BYED PA NI, SKAD CIG PA NYID LA SOGS PA ZHES BYA'O, ,BZHI KHO NA ZHES BYA BA GRANGS MA YIN NAM, DE YANG BSDUS PA'I BSAM PAS MA YIN LA, RGYAL BA'I BSAM PAS KYANG MI RIGS PAR BSTAN PA NI, THAMS CAD PA LTA BYA ZHES PA'O, ,KHYED KYI YANG GZUGS LA SOG PA LNGA ZHES BYA BA'I GRANGS JI LTAR YIN, BSDUS PA DANG RGYAS PA'I RNAM PAR RTOG PA SRID PA MED PA'I PHYIR RO SNYAM DU SEMS PA LA, DE'I PHYIR RTEN LNGA'I ZHES BYA'O, ,NYID DE NYID CES BYA BA NGES PAR GZUNG BA GNYIS PA NI RNAM PAR BCAD PAR BYA BA MED PAR MI RIGS PAR BSTAN PA NI, THAMS CAD STONG PAR GANG BRJOD PA, ,ZHES BYA BA STE, GAL TE STONG NYID CES BYA BA STE, 'JAL BYED DANG GZHAL BYA THAMS CAD MED PA YIN NO, ,THAMS CAD STONG NYID CI 'DRA DANG, ,ZHES BYA BA NI GZUNG BA DANG 'DZIN PA'I RNAM PA DANG BRAL BA LKOG TU MA GYUR PA RIG PA NI, STONG PA NYID YIN NO ZHES 'CHAD PAR 'GYUR RO ZHES BYA BA'I DON TO, ,GAL TE GZUGS LA SOGS PA KHO NA 'BYUNG BA CHEN PO LNGA YIN DU ZIN PA DE LTA NA YANG, DE DAG 'DUS PA'I NGO BO LUS KYI BSKYED BYA BLO YIN GYI, 'JIG RTEN PHA ROL PA NI MA YIN NO SNYAM DU SEMS PA NI, MA DANG PHA'I LUS KYI BYA BA'O ZHES GZHAN DU MA YIN ZHES BYA BA NI RANG DBANG NYID DU'O, ,GAL TE YANG MA LAS BYUNG BA'I DU BA NI DU BA GZHAN LAS 'ONGS PA NYID DU RTOGS PA MA YIN TE, DE LTA MOD KYI DBANG PO DANG BLO LA SOGS PA'I GOMS PA'I BSKYED BYA'I KHYAD PAR LAS

, ,RANG GI RIGS LA LTOS PA DANG BCAS PA KHO NA'I LUS LAS 'BYUNG BA YIN PAR BSTAN PA NI, 'BYUNG RNGUB LA SOGS PA ZHES BYA BA STE, DU BA LA SOGS PA NI MA YIN NO ZHES BYA BA'I DON TO, ,G-YO BA LA SOGS PA YANG ZHES BYA BA'I G-YO BA LA SOGS PA NI RANG GOMS PA LAS BYUNG BA NYID DE, DAM PA MA YIN PA DANG 'GROGS PA LA SOGS PA LA MTHONG BA YIN NA, JI LTAR MA LA SOGS PA'I GOMS PA LAS 'BYUNG BA YIN, JI LTAR BYIS PA RANG NYID GOMS PA NI RGAN PO'I GNAS SKABS NA YANG DRAN PA YIN LA, ,DE BZHIN DU MA LA SOGS PA'I GOMS PA YANG RJES SU DRAN PA YIN YANG SKYE BA SNGA MA'I GOMS PA NI, 'DU BYED PA THAMS CAD GCOD PAR BYED PA'I 'CHI BA'I 'CHI BA DANG, MNGAL NA GNAS PA'I SDUG BSNGAL GYIS BAR DU BCAD PA'I PHYIR, MI DRAN PA YIN ZHES BYA BA'I DON TO, ,PHA DANG MA SMOS PA NI MES PO LA SOGS PA NYE BAR MTSON PA'I DON DU'O, ,LUS NYID LAS SKYE BA MA YIN BAR MI RIGS PA MA YIN NAM, MA LA SOGS PA'I RJES SU BYED PA'I SGRIN PO LA SOGS PA SKYE BA SNGA MA'I GOMS PA SNGON DU 'GRO BA NYID LA TSAD MA MED DO SNYAM DU SEMS PA LA, MA DANG PHA YI LUS TZAM LAS, ,ZHES BYA BA MA YIN TE ZHES BYA BA'I RJES SU 'JUG PA YIN TE, RANG GOMS PA LAS BYUNG BA NI KHYAD PAR MED LA, DE MED NA DE LA YANG JI LTAR 'BYUNG BA YIN ZHES BYA BA'I DON TO, ,DE NYID BSTAN PA NI GAL TE 'DOD PA LA SOGS PA ZHES BYA BA'O, ,DE YANG RJES SU DPAG PA'I ZHES BYA BA STE 'BRAS BU DANG RGYU NYID DU 'JIG PA'I MTSAN NYID DU THAL BAR 'GYUR TE, LAN CIG GOMS PA'I BSKYED BYA NYID DU MTHONG BA'I KHYAD PAR NI, GAL TE DE MED KYANG 'BYUNG BA NA RGYU MED PA CAN DU 'GYUR RO, ,DE LTA YID YIN NA YANG CHOS CAN YANG DE LTAR 'GYUR BA'I PHYIR SNA TSOGS PA RGYU MED PA CAN DU 'GYUR RO ZHES BYA'I RIGS PA NI RJES SU DPAG PA'I LE'U LAS SO ZHES BYA BA'I DON TO, ,'ON TE 'BRAS BU 'AM RGYU YANG RUNG BA CUNG ZAD KHAS LEN PA DE LTA YIN NA, RIGS PA MTSUNGS PA'I PHYIR 'DI YANG KHAS BLANG BYA YIN NO ZHES BSTAN PA NI, GAL TE 'BYUNG RNGUB LA SOGS PA, ,ZHES BYA BA STE, SKYE BA SNGA MA'I GOMS

PA KHAS LEN PA YIN NA, RIGS PA DE LA GNOD PAR 'GYUR TE, GANG GI PHYIR 'BRAS BU DANG RGYU NYID DU YANG 'GYUR LA, 'JIG RTEN PHA ROL MED PAR YANG MI RIGS TE, 'GAL BA'I PHYIR RO ZHES BSTAN PA NI, RANG GI GOMS PA DANG BRAL BA ZHES BYA BA'O, ,DE LTA MA YIN NA ZHES BYA BA NI GAL TE GOMS PA'I BSKYED BYA'I KHYAD PAR LUS LAS KYANG 'BYUNG BA YIN PA DE LTA NA, GZHAN GYI BSKYED BYA NYID KYI DUS SU RGYU DE NYID BOR BA'I PHYIR, DE'I TSE NA YANG DE RGYU NYID DU MI 'GYUR RO ZHES BYA BA'I DON TO, ,DE DANG DE MA YIN PA YOD NA 'BYUNG BA'I PHYIR, DE'I BSKYED BYA NYID DU GO BAR BYA BA MA YIN SNYAM DU SEMS PA LA, BSKYED BYA SKYED BYED KYI ZHES BYA BA STE, YOD NA 'BYUNG BA TZAM LAS NI DE'I 'BRAS BU NYID MA YIN TE, 'ON KYANG DE MED NA MED PA'I KHYAD PAR CAN YOD NA 'BYUNG BA YIN ZHES BYA BA'I DON TO, ,DE'I PHYIR ZHES BYA BA STE NYE BAR BSDU BA YIN TE, GOMS PA'I BSKYED BYA NYID KYI KHYAD PAR YIN PA'I PHYIR, RIGS MTHUN PA'I MIG LA SOGS SNGON DU 'GRO BA CAN GYI YANG MIG LA SOGS PA YIN GYI, MA LA SOGS PA'I RIGS MTHUN PA'I SNGON DU 'GRO BA CAN NI MA YIN NO, ,'O NA CI ZHE NA, RANG GOMS PA SNGON DU 'GRO BA CAN GYI RIGS MTHUN PA LA SOGS PA SNGON DU 'GRO BA CAN YIN NO ZHES BYA BA'I DON TO, ,GZHAN SKYED BYA NYID YIN PA'I DUS SU DE'I BSKYED BYA NYID 'DOR BAR BYED PA MI RIGS BA MA YIN NAM, DU BA LA SOGS PA YANG MA MTHONG BA'I PHYIR RO, ,GANG GI PHYIR DU BA NI DU BA LAS DANG BA LANG RJI'I BUM PA LA YANG 'BYUNG BA NI ME LAS KYANG 'BYUNG BA YIN NO, ,DE BZHIN DU MIG LA SOGS PA LA YANG DE GZHAN LAS KYANG 'BYUNG BA NI LUS LAS KYANG 'BYUNG BA YIN NO SNYAM DU SEMS PA NI, DU BA DU BA LAS SKYE BA ZHES BYA BA'O, ,'DI LA LAN NI, DU BA LAS BYUNG DU BA NI, ,ZHES BYA BA STE, BA LANG RDZI'I BUM PA'I DU BA NI ME'I BSKYED BYA'I DU BA'I RGYUN LAS RIGS GZHAN PA YIN GYI, SKYE BA'I DANG PO'I MIG LA SOGS PA'I KHYAD PAR RNAMS NI MA YIN TE, DE LAS GZHAN BA'I GOMS PA'I BSKYED BYA LAS RIGS PA ZHAN PA YIN NO, ,DE BZHIN DU RI MO LA SOGS PA YANG BSHAD PAR BYA BA'O ZHES BYA BA'I DON TO, ,DE

, ,NYID CES BYA BA NI CHOS CAN GYI TSIG GO, ,DE LTA BUR GYUR PAS ZHES BYA BA NI, KHYAD PAR GYI TSIG STE, CHOS CAN DANG DE'I KHYAD PAR YANG DE KHO NA YIN LA, DE LTA YIN DANG DE'I 'OG TU GOMS PA YOD NA DE NYID 'BYUNG BA YIN NO ZHES BYA BA'I DON TO ,GOMS PA'I 'BRAS BU YANG SKYE BA LA SOGS PA'I 'BYUNG BA'I KHYAD PAR MA YIN NAM, JI LTAR 'DAS PA'I SKYE BA LA GOMS PAR GO BAR BYED PA YIN, 'DI LA SKYE BA 'DI'I ZHES BYA BA SMOS TE, MTHONG BA GOMS PA LAS BYUNG BA'I KHYAD PAR DANG LDAN PA'I KHYAD PAR NI, 'DAS PA'I GOMS PAR GO BAR BYED PA YIN GYI 'GA' ZHIG NI MA YIN NO ZHES BYA BA'I DON TO, ,SKYE BA'I DNGOS PO LA KHYAD PAR DE 'BA' ZHIG NYE BAR DMIGS PA MA YIN NAM, JI LTAR GOMS PA'I BSKYED BYA YIN, ,DE DANG LHAN CIG MA DMIGS NA DE'I BSKYED BYA 'GAR YANG RTOGS PA MA YIN ZHES BYA BA 'DI LA, DE GOMS PA DANG 'BREL BA LA ZHES BYA BA SMOS TE, SKYE BA 'DI LA YANG YUL GZHAN NAS 'ONGS PA'I MKHAS PA DE'I BLO LA SOGS PA'I KHYAD PAR GOMS PA'I BSKYED BYA RNAMS RTOGS PA YIN TE, 'DAS PA KHO NA'I GOMS PA LA LTOS NAS YIN PAR BSTAN PA NI, 'DAS PAR GOMS PA DE'I TSE ZHES BYA BA'O, ,'DI LA YANG SKYE BA SNGA MA'I GOMS PA SNGON DU 'GRO BA CAN DU SGRUB PA YIN NA DE LAS BZLOG PA SKYE BA 'DI PA'I GOMS PA SNGON DU 'GRO BA CAN NYID DU SGRUB PAR BYED PAR PHYIR 'GAL BA YIN NO ZHES ZER BA GANG YIN PA DE BSAL BA YIN NO, ,DE NYID KYI PHYIR 'DI LA GOMS PA MED PA'I KHYAD PAR LAS GOMS PA'I BSKYED BYA NYID KHO NA YIN PAR BSTAN PA NI DE NYID KYI PHYIR ZHES BYA BA STE, DE'I BSKYED BYA LAS 'DI RTOGS PA DE JI LTA BA BZHIN DU DE'I BSKYED BYA'I KHYAD PAR LAS DE'I KHYAD PAR RTOGS PA YANG YIN NO ZHES BYA BA'I DON TO, ,SKYE BA GZHAN LAS BYUNG BA RES 'GA' YANG MI DMIGS PA MA YIN NA JI LTAR RTOGS PA YIN ZHES BYA BA 'DI LA, 'BRAS BU NI RGYU DANG LHAN CIG CES BYA BA SMOS TE, DE'I 'BRAS BU NYID DU GZHAN LA DMIGS PA'I PHYIR RO ZHES BYA BA'I DON TO, ,DE DANG LHAN CIG DMIGS PA'I PHYIR, DE'I 'BRAS BU NYID DU GZHAN LA MTHONG BA MA YIN, GZHAN LA NI MA YIN NO ZHE NA, 'BA' ZHIG KYANG DE'I 'BRAS BU NYID KHA

NA YIN PAR LAN CIG DE'I 'BRAS BU NYID DU DMIGS PA'I PHYIR DU BA LTA BU'O ZHES BSTAN PA NI, RGYU MA MTHONG BA YANG ZHES BYA BA'O, ,KYE SAM PA ZHES BOS NAS, JI LTAR GNAS PA YIN ZHES BYA BA NI, LTO BA NA ZHES PA DANG SBYAR RO, ,MA YI LTO NAS SKYES MIN GYI, ,ZHES BYA BA DANG YANG SBYAR RO, , 'DI NI SKYE BA SNGA MA LAS MA 'ONGS PA NYID KYI DPE YIN NO, ,MA HE 'DI DAG CES BYA BA NI GOMS PA'I BSKYED BYA SKYE BA LA SOGS PA LAS BYUNG BA'I DBYE BA'I DPE YIN NO, ,TSONG DUS NAS 'ONGS PA ZHES BYA BA NI GOMS PA DANG LHAN CIG YOD PAS DE'I BSKYED BYA NYID MA YIN PA'I PHYIR, 'BYUNG BA TZAM GYIS BSKYED BYA NYID KYI DPE YIN NO, ,GAL TE LUS KYI RNAM PA YONGS SU 'GYUR BA'I 'BYUNG BA RNAMS LAS SEMS PA CAN YIN NA, SHI BA'I LUS LA YANG 'GYUR RO ZHES BSTAN PA NI, MTHA' DAG SROG CHAGS KYI RANG BZHIN DU CI STE MI 'GYUR ZHES BYA STE, MTHA' DAG CES BYA BA NI SHI BA YANG NGO, ,GSON PO'I LUS SA LA SOGS PA RNAMS NYID 'GA' ZHIG YONGS SU GYUR PA'AM NANG GI KHYAD PAR RAM, SEMS CAN GYI GZHI GZHAN SA LA SOGS PA KHO NA YIN LA, SHI BA NI DE DANG BRAL BA YIN NO, ,DE'I PHYIR DE LAS SEMS PA CAN MA YIN NO SNYAM DU SEMS PA NI, YONGS SU GYUR PA'I RNAM PA'I BYE BRAG CES BYA BA'O, ,YONGS SU GYUR PA DE 'AM, DE'I KHYAD PAR NI LUS YONGS SU GYUR PA'I KHYAD PAR MA YIN NAM, GSON PO'I LUS BZHIN DU SHI BA LA YANG 'GYUR RO ZHES BSTAN PA NI YONGS SU GYUR PA'I BYE BRAG DE NYID CES BYA BA'O, ,'ON TE DE'I 'BRAS BU'I BSKYED BYA MA YIN PA DE LTA NA YANG THOG MA MED PA SNGA MA SNGA MA'I RANG GI RGYU TZAM LAS BYUNG BA 'BA' ZHIG LUS LAS 'BYUNG BA YIN LA, LUS YOD KYANG RES 'GA' MI 'BYUNG BA YIN NO SNYAM DU SEMS PA NI, 'ON TE GANG LAS 'GA' ZHIG CES BYA BA NI GSON PO'I LUS SO, ,GZHAN MA YIN PA ZHES BYA BA NI SHI BA'I LUS SO, ,LAN NI GAL TE YONGS SU GYUR BA'I KHYAD PAR ZHES BYA BA STE, GAL TE YONGS SU GYUR PA'AM, GZHAN YANG RANG GI RGYU LAS BYUNG BA'I KHYAD PAR NI PHUL DU BYUNG BA'I NGO BO YIN PA'I PHYIR, SNANG BA YIN TE, MI DMIGS PA MA YIN NO ZHES BYA BAR 'GYUR TE, JI LTAR RTOG PAR BYED PA MA YIN PA NI RTOG PA DANG MNGON SUM 'GAL BA'I PHYIR RO ZHES BYA BA'I DON

, ,TO; ,MTHONG BA'I KHYAD PAR GYI RGYU NI GOMS PA YIN NA, MTHONG BA YANG RTOG PA'I YUL MA YIN PAR BSTAN PA NI, 'ON TE 'BRAS BU MTHONG BA NYID LAS ZHES BYA BA'O, ,DE'I PHYIR ZHES BYA BA NI GOMS PA'I RGYU GRUB PA'O, ,'BYUNG BAR 'GYUR BA'I 'JIG RTEN PHA ROL SGRUB PA LA 'BRAS BU'AM, RANG BZHIN GYI GTAN TSIGS YOD PA MA YIN TE, NGES PA MED PA'I PHYIR 'JUG PA MED DO ZHES ZER BA NI, 'BRAS BU LAS SKYE BA SNGA MA'I RGYU GRUB MOD CES BYA BA'O, ,'BRAS BU'AM RANG BZHIN GYI GTAN TSIGS DE'I NGES PA LA MA YIN DU ZIN KYANG 'GAL BA DMIGS PA CAN YIN NO, ,DE LTAR YANG MTSAMS SBYOR BA'I GCIG GI RANG BZHIN GYI SEMS DANG DBANG PO LA SOGS SKYE BA SNGA MA LA DMIGS PA NI DE'I MED PA MTSAMS SBYOR BA MA YIN PA DANG, 'GAL BA YIN PAR BSTAN PA NI MTHONG BA GANG ZHES BYA BA STE, MTSAMS SBYOR BA ZHES BYA BA NI SKYE BA 'DI'I NGO BO MNGON SUM MO, ,SKYE BA SNGA MA'I JI LTAR YIN PA BSTAN PA NI, RJES SU DPAG PAS ZHES BYA BA'O, ,G-YER BAG CAN GYI RANG BZHIN 'BYUNG BA NI DE DANG MI 'GAL BA MA YIN NAM, DU BA SKYED PAR BYED PA'I ME NI DE'I MED PA SKYED PAR BYED PA MA YIN TE, ME LAS BYUNG BA'I DU BA ME MA YIN PA YONGS SU GCOD PAS JI LTAR 'BYUNG BA DE BZHIN DU, DU BA SKYED PAR BYED PA'I ME YANG DU BA MA YIN PA YONGS SU GCOD PAS SKYED PAR BYED PA YIN NO SNYAM DU SEMS PA NI, GAL TE G-YER BAG CAN LA SOGS PA ZHES BYA BA STE, DE GOMS PA ZHES BYA BA NI G-YER BAG LA GOMS PA LAS SO, ,G-YER BAG MED PA LAS ZHES BYA BA RNAM PAR 'BREL PA NI MI GSAL BA DANG ZHAN PA ZHES BYA BA'O, ,DE NI ZHES BYA BA NI MI GSAL BA DANG ZHAN PA NYID DO, ,GAL TE YANG THOG MA MED PA NYID MA GRUB KYANG MTHA'I GNAS SKABS LA JI LTAR MTSAMS MI SBYOR BA YIN NO, ,BAR MA'I GNAS SKABS LA MTSAMS SBYOR BA MED PA'I PHYIR RO SNYAM DU SEMS PA NI, THOG MA MED PA NYID MA YIN NAM ZHES BYA BA STE, YOD PA MA YIN PA KHO NA 'BYUNG BA JI LTA BA YOD PA DE BZHIN DU YOD PA NYID NI 'BYUNG PA MA YIN TE DU BA LTA BU YIN NO, ,THOG MA MED PA NYID YIN NA RTAG TU YOD PA KHO NA YIN PA'I PHYIR, MI GCOD PA'I CHOS CAN NYID DU NGES PAR BZUNG BA'I PHYIR MTSAMS MI SBYOR BA BKAG PA YIN NO ZHES BYA BA'I DON TO, ,SNGA NA MED PA'I

SEMS CAN YIN ZHAS KHAS LEN PA DANG 'GAL BA YIN NO, ,ZHAN PA NYID KYANG GOMS PA'I BSKYED BYAR MTHONG BA DE'I TSE, SKYE BA DANG PO LA YANG DE BZHIN DU 'GYUR BA'I PHYIR, THOG MA MED PA KHO NA YIN PAR BSTAN PA NI, ZHAN 'JUG CES BYA BA STE, DE SNGON DU 'GRO BA CAN ZHES BYA BA NI GOMS PA SNGON DU 'GRO BA CAN NO; ,'DI MTHONG BA YIN PAR BSTAN PA NI, MIG LA SOGS PA ZHAN PA NI, ,ZHES BYA BA STE, DE LAS ZHES BYA BA NI ZHAN PA NYID LAS TE, GOMS PA LAS G-YER BAG CAN NYID DU 'GYUR BA YIN ZHES BYA BA'I DON TO, ,GOMS PA LAS G-YER BAG NYID GANG GI TSE YIN PAR BSTAN PA NI, GNYID SAD PA ZHES BYA BA'O, , YANG NA GAL TE GNYID LOG PA LA SOGS PA GOMS PA LAS ZHAN PA NYID DANG, SAD PA GOMS PA LAS G-YER BAG NYID YIN PA DE'I TSE, GNYID LOG PA RTZOM PA DANG SAD PA RTZOM PA LA JI LTAR ZHAN PA NYID DANG G-YER BAG NYID YIN, DE GOMS PA YANG MA YIN TE, DE'I GNAS SKABS RTZOM PAS DE LAS 'BYUNG BA'I BAG CHAGS NI, DE'I RTZOM PA PO SAD PA YIN PA'I PHYIR ZHES BSTAN PA NI, GNYID LOG PA LAS SAD PA ZHES BYA BA STE, SKYE BA'I DANG PO LA YANG JI LTA BA'I BAG CHAGS SAD PA LAS ZHAN PA NYID DANG, G-YER BAG NYID KYI MIG LA SOGS PAR 'GYUR BA'I PHYIR, 'BYUNG BA LAS BYUNG BA NYID KYIS THOG MA MED PA NYID NYAMS PA NI, MA YIN NO ZHES GNAS SKABS LA SBYOR BAR BYED PA NI, DES NA SKYE BA DANG POR YANG, ZHES BYA BA STE, GNYID LOG PA DANG SAD PA BZHIN DU ZHAN PA NYID DANG G-YER BAG NYID DU SKYE BA'I DANG PO LA 'GYUR BA YIN NO ZHES BYA BA'I DON TO, ,LUS GCIG LA KUN DU RGYU BAR MTHONG BA LAS LUS GZHAN KUN DU RGYU BA YIN PAR SGRUB PA LA PHYIN CI LOG TU SGRUB PAR BYED PAS 'GAL BA MA YIN PAR, JI LTAR LUS GZHAN LA BRTEN PA, ,ZHES BYA BA'O, ,LAN NI, JI LTAR RDZAS GZHAN LA BRTEN PA, ,ZHES BYA BA STE, LUS GCIG BZHIN DU LUS GZHAN LA KUN DU RGYU BAR MTHONG BA, DE LA LUS GCIG LA KUN DU RGYU BA MED NA LUS GZHAN LA 'BYUNG BA YIN ZHES RTOGS PA YIN NO ZHES BYA BA'I DON TO, ,BDE BA'I LUS LA KUN DU RGYU BAR SGRUB PA 'DI LAS BZLOG PAR SGRUB PAR BYED PA 'GAL BA MA YIN NAM SNYAM DU SEMS PA LA, DPER NA RMI LAM RMI BA'I LUS LA YANG MNGON DU BYED PA YIN NA

, ,BDEN PA KHO NA YIN NO, ,RNAM PAR DBYE BA NI 'JIG RTEN PA'I RNAM PAR RTOG PAS SPRUL PA KHO NA YIN PAR BSTAN PA NI, RANG BZHIN MNGON DU BYED PA LA ZHES BYA BA STE, DES NA DE BZHIN DU THOG MA MED PA NYID KYIS MI GCOD PA'I CHOS CAN NYID DU RAB TU BSGRUBS NAS GCOD PA NI 'GA' BA DMIGS PA YIN PAR BSTAN PA NI, DE'I PHYIR SNGA MA DANG PHYI MA MTSAMS SBYOR NUS PA ZHES BYA BA STE, CHOGS PA MED PA NYID KYIS 'BRAS BU MI 'BYUNG BA LA KHYAB PA YIN NA, RGYU RNAMS TSOGS PA NYID NI 'GAL PA KHYAB PA YIN PAR BSTAN PA NI, RGYU MA TSANG NA ZHES BYA BA'O, ,MA TSANG BA NYID KYIS MED PA LA KHYAB PA YIN PA MA YIN NAM, TSANG BA LA YANG YOD PA'I PHYIR RO, ,'BRAS BU NYID NI NGE LAS RES 'GA' 'BYUNG BA'I PHYIR TE, DE'I PHYIR TSOGS PA NYID NI KHYAB PAR BYED PA 'GAL BA MA YIN NO SNYAM DU SEMS PA NI, 'ON TE 'DI LA 'GAL BA CI ZHIG YOD CE NA ZHES BYA BA'O, ,DE LA RES 'GA' 'BYUNG BA CAM NI 'BRAS BU MA YIN TE, RGYU MA YIN PA LA YANG DE TZAM YOD PA'I PHYIR RO, ,'ON TE DE YOD KYANG KHA CIG TU MI 'BYUNG BA'I PHYIR RGYU NYID MA YIN ZHING 'BRAS BU NYID KYANG MA YIN LA DE 'DI NI, 'DI YANG MTSUNGS PA YIN PAR BSTAN PA NI, RGYU DANG 'BRAS BU'I DNGOS PO MED PA ZHES BYA BA STE, TSANG PA LA YANG 'BRAS BU MED NA, DE NI RGYU DANG 'BRAS BU MA YIN NO ZHES SHES PA KHO NA YIN NO ZHES BYA BA'I DON TO, ,DE'I PHYIR RGYU MA YIN PA LAS 'BRAS BU 'DI'I KHYAD PAR GDON MI ZA BAR 'BYUNG BA KHO NA YIN PAR BSTAN PA NI, 'BRAS BU NI RGYU'I GZHAN DBANG YIN PAR ZHES BYA'O, ,DE MED NA MI 'BYUNG BAS ZHES BYA BA NI, RGYU MA YIN PA 'DI'I KHYAD PAR MA YIN NAM, DE MED NA 'BRAS BU 'BYUNG BA MA YIN NO SNYAM DU SEMS PA NI, 'ON TE DE MED NA ZHES BYA BA'O, ,RES 'GA' 'BYUNG BA TZAM NI 'KHRUL PA NYID YIN PA'I RGYU NYID DU MA GRUB PA YIN LA, DE'I MED PAS SBYAR BA'I MED PA MI 'GRUB PAR BSTAN PA NI DE MED NA ZHES BYA BA'O, ,GAL TE RES 'GA' 'BYUNG BA 'KHRUL PA YIN NA, DE YOD NA GDON MI ZA BAR 'BYUNG BA YIN ZHES JI LTAR SHES PA YIN SNYAM DU SEMS PA NI, GAL TE DE YOD NA ZHES BYA BA'O, ,LAN NI DE LTAR YONGS SU DPYAD PA'I PHYIR RO ZHES BYA BA STE, GANG GI BYED PA DE'I TSE DE LA DE BYED PA PO NYID KYI RANG BZHIN NYID DU GO BA YIN ZHES BYA BA'I DON TO, ,

RGYU MA YIN PA LA YANG DE BZHIN DU GO BAR GYUR PA MA YIN NAM, RES 'GA' BYUNG BA NI DE LA YANG 'BYUNG BA'I PHYIR RO SNYAM DU SEMS PA LA DE MED NA MI 'BYUNG NGO ZHES BYA BA STE, DE YOD NA 'BYUNG BA DANG DE MED NA MI 'BYUNG BA ZHES BYA BA 'DIS, NGES PAR KHYAD PAR CAN DU 'BYUNG BAR BYED PA YIN NO ZHES SHES PAR BYED PA YIN LA, DA LTA YIN NA RGYU YONG NA GDON MI ZA BAR 'BYUNG BA'I 'BRAS BU NI KHYAB PAR BYED PA YIN GYI, 'BYUNG BA LA SOGS PA GZHAN LAS KYANG 'GYUR RO ZHES BSAL BA YIN TE, DE MED NA MI BYUNG BA ZHES BYA BAS NI GNYI GA KHYAB BYED NYID DU RTOGS PA'I PHYIR RO, ,'DI NYID NI RGYU TSOGS PA'I STE, MTHA'I GNAS SKABS THOB PAS GZHAN LA MI LTOS PA'I NUS PA YONGS SU GYUR PAS 'BRAS BU SKYE BAR TE, GDON MI ZA BAR SKYE BAR RJES SU DPOG PA'O, ,DE NI ZHES BYA BA NI 'BRAS BU SKYE BA'O, ,RANG YANG 'DI YIN LA GZHAN YANG 'DI YIN PA NI RANG BZHIN TE RGYU YIN LA DE MED NA MI 'BYUNG BA'I PHYIR 'BRAS BU YANG KHYAB BYED YIN PA'I PHYIR, RGYU YANG YIN NO, ,'BREL PA RJES SU DRAN PA LA SOGS PAR JI SRID DU BYED PAR DE SRID KHO NA 'BRAS BU MNGON SUM NYID MA YIN NA MA ZHES RJES SU DPOG PA YIN, BDEN TE THAMS CAD LA MNGON SUM SKYE BA MA YIN LA, DBANG PO LAS 'DAS PA'AM, DE MA THAG TU NUS PA YONGS SU GYUR PAS 'BREL PA CAN LA YANG RJES SU DPAG PA 'JUG PA YIN PA'I PHYIR RO, ,YANG NA RANG BZHIN 'GAL BA DMIGS PA'AM, KHYAB PAR BYED PA 'GAL BA DMIGS PA YIN NO, ,DE MA THAG TU ZHES JI SKAD BSTAN PA YIN NO, ,GNYI GA LA YANG ZHES BYA BA NI DE MED NA MI 'BYUNG BA DANG, DE YOD NA GDON MI ZA BAR 'BYUNG BA LAS RGYU NYID YIN PAR RO, ,DES NA DO BZHIN DU MA TSANG BAS KHYAB PA'I 'BRAS BU MI 'BYUNG BA YIN LA TSANG BA YANG MA TSANG BA DANG 'GAL BA'I PHYIR MI 'BYUNG BAS KHYAB PAR BYED PA 'GAL BA'AM, 'GAL BA KHYAB PAR GRUB PA YIN NO ZHES NYE BAR BSDU BA NI DE'I PHYIR, JI LTAR MTHONG BA ZHES BYA BA'O, ,MNGON SUM NYE PA'I YUL YIN PA'I PHYIR KHYAB BYA NYID DU 'DZIN PA'I BYA BA CAN MA YIN PA MA YIN NAM, RNAM PAR RTOG PAS NYE BAR BSLAD PA YIN GYI DNGOS PO 'JOG PAR BYED PA NI MA YIN NO SNYAM DU SEMS PA NI, DE LTAR MTHONG BA MED PA'I PHYIR, ,ZHES BYA BA NAS, 'DI YOD PAR NI JI LTAR MTHONG, ,ZHES BYA BA'I BAR DU STE, KHYAB PA

, ,CAN GYI RJES SU 'GRO BA LA SOGS PA CAN KHO NA 'BRAS BU NYID LA SOGS PA YIN ZHES BYA BA'I DON TO, ,LAN DU ZER BA NI, GAL TE KHYAB PAR MA MTHONG BA'I PHYIR ZHES BYA BA'O, ,'DI THA SNYAD DU YIN ZHES BYA BA NI RNAM PAR RTOG PAS BRDZUN PA 'DZIN PA'I NUS PA LAS, DE 'DRA BA'I BAG CHAGS LAS BYUNG BA CI LAS NYAMS SU MYONG BA DANG 'BREL PA 'GA' ZHIG GI 'BRAS BU DANG 'BREL PA DANG, DE MED PA YANG GZHAN DU 'JOG PAR BYED PA'I THA SNYAD DANG LDAN PA RNAMS YIN NO, ,GNYIS SU MED PAR LTA BA NYID NI 'JIG RTEN PHA ROL LA SKUR PA 'DEBS PA'I PHYIR RO, ,MED PAR SMRA BA RNAMS NI LTA BA MA YIN NAM, DE LTA MA YIN TE, 'JIG RTEN PHA ROL SGRUB PA LA 'BAD PAS BSGRUB PAR BYA BA MYA NGAN LAS 'DAS PA GANG YIN PA DE GNYIS SU MED PA YOD NA, 'BAD PA MED PAS 'GRUB PA'I PHYIR 'DI NI YOD PAR SMRA BA'I LTA BA DAM PA YIN LA, SKYES BU'I DON MTHO RIS DANG BYANG GROL LA SKUR PA 'DEBS PA'I LTA BA NI MED PAR SMRA BA'I LTA BA YIN PAR BSTAN PA NI, GAL TE GNYIS MED KYIS TSIM NA, ,ZHES BYA BA STE, GANG GI PHYIR GNYIS SU MED PA'I LTA BA NI PHYIN CI LOG PA DANG 'GAL BA'I PHYIR, DE'I BSKYED BYA SKYE BA LA SOGS PA LDOG PAR BYED PA DANG, GNAS PA'I RGYU ZHIG NA ZIN BA LDOG PA YIN NO, ,YANG NA 'DAS PA'I BDE BA'I SGRUB BYED DANG MA 'ONGS PA'I YANG DRAN PA'I KUN TU RTOG PA DAG GIS RTOG BZHIN PA NI BAG CHAGS SAD PAS SDUG BSNGAL GYI RGYU YIN LA, DE BZHIN DU DA LTAR BA YANG YIN TE, MI SHES PA NI DON GYI SGO NAS BYED PA MA YIN ZHES BRJOD PAS SO, ,GNYIS SU MED PA LA GANG LA LA GANG GIS 'DZIN PA LAS BAG CHAG SAD PA'AM SDUG BSNGAL BA YANG MA YIN TE, BDE BA MANG DU BSGOMS PAS DE'I BAG CHAGS SAD PA LA GEGS BYAS PA'I PHYIR RO, ,DBANG PO LAS BYUNG BA'I SDUG BSNGAL NYID KYANG MA YIN TE, BSGOM PAS KHYAD PAR CAN DU 'GYUR BA'I PHYIR RO, ,GZUGS LA SOGS PA NI DE'I KHYAD PAR LAS KHYAD PAR CAN DU 'GYUR PA MA YIN NO, ,'O NA NI PHYI ROL DANG NANG ZHES BYA BA LA SOGS PA'I RNAM PAR RTOG PA LA BRTEN NAS, DE LAS BZLOG PA'I GNYIS SU MED PA LA SKUR PA 'DEBS PAR BYED PA YIN NO, ,DE LTA YIN NA 'JIG RTEN SGRUB PAR

BYED PA LA SOGS PA'I RNAM PAR RTOG PA LAS DE RJES SU BSGRUB PAR 'GYUR BA YIN GYI 'DOD CHAGS LA SOGS PA NI MA YIN NO ZHES BSTAN PA NI, THA SNYAD 'JUG PAR BYED NA NI, ,ZHES BYA BA PHYED PHYI MA RNAM PAR 'BREL PA NI NYE BAR BSLAD PA YIN GYI 'OG TU ZHES BYA BA STE, RAB TU ZHI BA NI THAR PA'O, , 'DOD CHAGS KYI RJES SU SGRUB PA NI MTHONG BA'I CHOS LA YANG SMAD PA YIN PAR BSTAN PA NI, 'DOD CHAGS LA SOGS PAS NYE BAR BSLAD PA NI ZHES BYA BA STE, RNAM PAR RTOG PA LA BRTEN NAS 'JIG RTEN PHA ROL PA LA DPYOD PA NI DE'I YUL GZUNG BA DANG 'DZIN PA DANG YAN LAG CAN DANG, BDAG DANG BDAG GI RNAMS RJES SU BSGRUB PA NI 'JIG RTEN PHA ROL LA YIN GYI, DGRA LA SOGS PA RJES SU SGRUB PA NI MI 'GYUR RO SNYAM DU SEMS PA LA, 'DI LTAR ZHES BYA BA SMOS TE MTHONG BA'I RJES SU 'BRANG PA'I RNAM PAR RTOG PA NI, THA SNYAD KYI MTSAN MA YIN GYI CIG SHOS NI MA YIN NO, ,DE'I PHYIR GNYIS SU MED PA LA SOGS PA LAS LDOG PA NI MA YIN NO ZHES MTHONG BA'I RJES SU 'BRANG BA'I DGOS PA BSTAN PA NI, NGES NA ZHES BYA BA STE RNAM PAR RIG PA TZAM DU SMRA BA LA MIG LA SOGS PA LA NI RMI LAM BZHIN DU MNGON DU BYED PA TZAM GYIS MI BDEN PA YIN LA, DON BYED PA LA MI SLU BA NI BDEN PA YIN TE, GOMS PA'I KHYAD PAR GYI KHYAD PAR CAN YIN PA'I PHYIR, RNAM PAR SHES PA TZAM PHYI ROL YIN YANG 'DOD PA TZAM 'BYUNG BA YIN TE, GOMS PA'I BSKYED BYA YIN PA'I PHYIR RO, ,PHYI ROL GZHAN DANG MTSAN NYID MI MTHUN PA NI RNAM PAR SHES PA KHO NA BZHIN DU 'JIG RTEN PHA ROL PA YIN ZHES NYE BAR BSDU BA NI, MIG LA SOGS PA BDEN PA NYID DAM ZHES BYA BA'O, ,'BRAS BU'I KHYAD PAR MTHONG BA LAS MA MTHONG BA'I KHYAD PAR RTOGS PA YIN NA NUS PA CAN NYID KYIS MTHONG BA KHO NA GOMS PA'I BRTAG BYA YIN ZHES BYA BA NI MI RIGS TE, 'BYUNG BA'I KHYAD PAR YANG SRA BA NYID LA SOGS PA MTHONG BA'I PHYIR RO SNYAM DU SAMS [*SEMS?] PA NI, GAL TE 'BYUNG BA CHEN PO'I KHYAD PAR ZHES BYA BA'O, ,LAN NI, GANG DU DROD GSHER SOGS SKYE BA'I, ,ZHES BYA BA STE, SRA BA NYID LA SOGS PA'I KHYAD PAR GYI SROG LA SOGS PA NI NGES PA NI MA YIN TE, DE MED KYANG KHYAD PAR GZHAN LA MTHONG BA'I PHYIR RO, ,DE BZHIN DU SHI BA'I LUS DANG,

, ,GZHAN LA YANG SROG CHAGS MTHONG BA YIN LA, DES NA 'BYUNG BA YONGS SU GYUR BA THAMS CAD SROG LA SOGS PA SKYED PAR BYED PA YIN PA'I PHYIR SHI BA'I LUS DANG BONG BA LA SOGS PA LA YANG DE DANG 'DRA BAR THAL BAR 'GYUR RO ZHES BYA BA'I DON TO, ,RNAM PAR DBYE BA ZHES BYA BA NI NI NGES PA'O, ,DE'I PHYIR NGES PA CAN NI DE'I PHYIR NGES PAR BYED PA GZHAN BRTAG PAR BYA BA YIN PAR BSTAN PA NI, SEMS PA'I MTSAN NYID KYIS LAS TZAM ZHES BYA BA STE, NGES PA CAN DANG NGES PA CAN MA YIN BA'I 'BRAS BU CHU LA SOGS PA LAS SNANG BZHIN PA NI MA NGES PA CAN MA MTHONG BAR GO BAR BYED PA YIN LA, NGES PA CAN DANG NGES PA CAN MA YIN PA LA YANG DE NYID SBYOR BAR BYED PA BSTAN PA NI DE'I TSE RIGS MTSUNGS PA THAMS CAD CES BYA BA NI NGES PA'O, ,BTZAGS NAS NI CHU TSAGS KYIS SO, ,MI 'DRA BA ZHES BYA BA NI NGES PA MED PA'O, ,DE NYID BSTAN PA NI MGO DMAR BA ZHES BYA BA'O, , NGES PA CAN LA NGES PA CAN MA YIN PAR SNANG BA NYID MA YIN PAR BSTAN PA NI, DE DNGOS ZHES BYA BA'O, ,MTHONG 'DOD DAM CI ZHES BYA BA LA, NGES MED LAS ZHES BYA SMOS SO, ,SROG CHAGS KYI KHYAD PAR NI MTHONG BA'I SA BON LAS NGES PA CAN DANG, DES PA CAN MA YIN PAR NAM YANG SNANG BA MA YIN PAR BSTAN PA NI, NAM YANG ZHES BYA BA'O, ,DE'I PHYIR MTHONG BAR BYED BRAG MED PA LA YANG KHYAD BAR DANG LDAN PA'I 'BRAS BU NI, KHYAD PAR DANG LDAN PAR MA MTHONG BAR GO BAR BYED PA YIN PAR BSTAN PA NI, LAS NYID NGES PAR BYED PA YIN ZHES BYA BA'O, ,DON MED PA'I SKYE BO DANG 'DRA BA DANG, MA LA SOGS PA'I RANG BZHIN PHYIN CI LOG PAR MTHONG BA LAS, DE'I BSKYED BYA NYID MA YIN LA PHYIN CI MA LOG PAR MTHONG BA YIN NA, DE'I BSKYED BYA NYID DU MTHONG BA YIN NO ZHE NA, GAL TE 'DOD PA LA SOGS PA PHA MA'I RANG BZHIN ZHES BYA BA'O, ,GOMS PA'I RJES SU 'BRANG BA'I KHYAD PAR NI SRID PA LA YOD PA YIN LA, 'DOD PA LA SOGS PA NI GOMS PA'I RGYU MTSAN YIN TE, GANG GIS GANG KHO NA DOR BA DANG LEN PAR 'DOD PA DANG GOMS PAR BYED PA DE 'DI'I GOMS PA JI LTA BA BZHIN DU 'GYUR BA YIN LA, MA LA SOGS PA RANG BZHIN YANG 'DIS BRJOD PA SNGON DU 'GRO BA CAN GYI GOMS PAR GYUR PA DE'I PHYIR, 'DI 'BYUNG BA

YIN GYI DE BZHIN DU DU BA LA SOGS PA GOMS PA SNGON DU 'GRO BA CAN MA YIN TE, RANG GI RGYU LA RAG LAS PA'I PHYIR RO, ,'DOD PA RAG LAS PA DANG, CIG SHOS DAG LA DBYE BA MED PAR KHAS BLANGS PA YIN NA, RNAM PAR DBYE BA DANG LDAN PA'I 'BRAS BU'I SPYI LA SOGS PA NYID DU MI 'GYUR TE, DE'I KHYAD PAR 'JIG PAR BYED PA'I TSAD MAS SPYI 'JOG PAR BYED PA MA YIN PA'I PHYIR RO ZHES BSTAN PA NI, 'BRAS BU'I CHOS NI 'DI YIN TE, ZHES BYA BA'O, ,DU BA LA SOGS PA YANG RANG GI RGYU LA RAG LAS PA YIN NA, DE LAS GZHAN PA LAS 'BYUNG BAR MI 'GYUR BA ZHIG NA, BSRUB SHING BSRUBS PA DANG, ME GZHAN LAS KYANG MI 'BYUNG BAR MTHONG LA, AUTPALA'I RTZA BA DANG BA LANG GI LCI BA LAS KYANG AUTPALA'I RTZA BA 'BYUNG BA DE'I PHYIR GOMS PA LAS KHYAD PAR GANG YIN PAR BSTAN PA DE YANG GZHAN DU YIN NO, ,'DOD PA LA RAG LAS PA NI MA YIN TE, 'ON KYANG RANG GI RGYU LA RAG LAS PA YIN PA'I PHYIR THAL CHES PA MA YIN NO, ,YANG NA DU BA LA SOGS PA YANG 'DOD PA LA RAG LAS PA YIN GYI, RANG GI RGYU LA RAG LAS PA NI MA YIN TE, GANG GI PHYIR KHYAD PAR GANG YIN PA GZHAN DU YANG GZHAN GYI BSKYED BYAR YANG 'GYUR BA DE GOMS PA LAS BYUNG BA YIN PAR BRJOD PA YIN NA, DU BA LA SOGS PA YANG DE BZHIN DU YIN NO SNYAM DU SEMS PA NI, DU BA DU BA LAS ZHES BYA BA'O, ,LAN DU, DU BA LAS BYUNG DU BA NI, CI 'DRA, ZHES BYA BA STE, RANG GI RGYU LA RAG LAS PA'I KHYAD PAR NI GOMS PA DANG, GZHAN LAS KHYAD PAR CAN DU 'GYUR BA NI MA YIN TE, DE YANG SKYE BA'I DANG POR DE KHO NA BZHIN DU MTHONG BA YIN GYI, 'DOD PA LA RAG LAS PA NI MA YIN TE, DE GOMS PAS KHYAD PAR DU MI 'GYUR BA MA YIN LA, ME'I BSKYED BYA DU BA LA SOGS PA ME'I KHYAD PAR GYIS KHYAD PAR DU 'GYUR BA MA YIN NO, ,'ON TE DU BA YANG KHYAD PAR DANG LDAN PA'I 'DOD PA LA RAG LAS PA KHO NA YIN PA'I PHYOGS YIN PA DE LTA NA YANG THAL CHES PA YIN TE, 'JIG RTEN BA ROL LA SKUR PA 'DEBS PA RNAMS DE LTA BU KHAS MI LEN PA'I PHYIR RO, ,DE SMRA BA RNAMS NI 'DOD PA KHO NA SGRUB PAR BYED PA'I PHYIR RO, ,DE DANG 'DRA BA KHO NA YIN TE, 'BA' ZHIG TSAD MA MED PA'I PHYIR KHAS LEN PA MA YIN NO ZHES BYA BA'I DGONGS PA BSTAN PA NI, DU

, ,BA ZHES BYA BA STE, DU BA DE GZHAN LAS KYANG STE, GOMS PA LAS KYANG SKYE BA MIN TE, KHYAD PAR DU 'GYUR BA MA YIN KYANG, ME LAS KYANG SKYE BA MA YIN ZHES BYA BA'I DON TO, ,DE BZHIN GNAS PA NI GOMS PA'I KHYAD PAR CAN DU 'GYUR TE, GOMS PA'I BSKYED BYA YANG ZHES BYA BA'I DON TO, ,ME'I BSKYED BYA'I ME BSRUBS PA'I ME NI NUS PA LAS KHYAD PAR YIN TE, ME DE LA BSREGS PA'I LCAGS KYI RENG BU DANG BSREGS PA'I RMA LA, DE'I MOD LA SHA SAR SKYE BA THOS PA YIN NO, ,SA BON DANG RTZA BA LAS SKYES PA SHING KA DA LI LA SOGS PA'I RANG GI NGO BO LAS KHYAD PAR YIN ZHES BYA BA LA SOGS PA THAMS CAD LA YANG GO BAR BYA'O, ,DE'I PHYIR LUS NYID DBUGS 'BYIN PAR BYED PA MA YIN NAM ZHES BYA BA LA SOGS PAR GANG SMRAS PA, RANG GI RIGS LA LTOS PA MED PAR MI RIG PA KHO NA YIN NO ZHES NYE BAR BSTAN PA NI, RIGS MTSUNGS PA YIN NO ZHES BYA BA NI LEGS PAR BRJOD PA YIN NO ZHES BYA'O, ,RANG BZHIN DANG 'BRAS BU YANG YOD PA'I SGRUB BYED YIN TE, 'DI LA GNYIS NI DNGOS PO SGRUB PAR BYED PA DAG YIN NO ZHES BYA BA'I TSIG LAS SO, ,BDAG NYID MA YIN PA'I DNGOS PO'I NGO BO LA RANG BZHIN GYIS 'BREL PA YIN PA'I PHYIR, 'BRAS BU GO BYED YIN GYI RGYU NI MA YIN TE, 'BREL PA MED PA'I PHYIR RO, ,RGYU RNAMS NI GDON MI ZA BAR DE DANG LDAN PAR 'GYUR BA MA YIN, TSOGS PA RNAMS YIN NA 'GYUR RO ZHE NA MA YIN TE, BAR DU BAR DU GCOD PA 'BYUNG BAR MI 'GYUR BAR DU GCOD PA 'BYUNG BAR MI 'GYUR RO ZHES BYA BA 'DI NI SHES PAR DKA' BA YIN TE, RES 'GA' MA MTHONG BA RNAMS KYANG YANG YOD PAR MTHONG BAS THE TSOM ZA BA'I PHYIR RO, ,'BRAS BU LA RUNG BA NYID KYI RJES SU DPOG PA YIN NO ZHE NA, RUNG BA NYID KYANG 'BRAS BU LA BAR DU GCOD PA MED NA, 'DI NYID STOBS DANG LDAN PA KHO NA YIN LA, DE'I PHYIR MED PAR NGES PA YIN NA NUS PA CAN KHO NA YIN NO, ,DE'I PHYIR MED PA LA THE TSOM ZA BA KHO NA YIN GYI, 'DAS PA LA NGES PAR BYED PA'I 'BRAS BUS KYANG DGOS PA CI YANG MED PA YIN TE, 'GA' YANG 'DAS PA LA 'JUG PAR BYED PA MA YIN LA, 'JUG PA'I YUL NYE BAR MTHONG BA YIN NA TSAD

MA YIN GYI, SRID PA GRUB PA TZAM NI DGOS PA MED PA'I RGYU MTSAN MA YIN NO, ,DE YI SRIN BU'I GRANGS MKHYEN PA, NGED LA MGAR YANG NYER MKHO MED, ,CES BYA BAS KYANG BKAG PA'I PHYIR RO, ,DU BA LAS SAM TSIG LAS ME'AM, SMRA BA PO DE'I TSE RJES SU DPOG PA NI MA YIN TE, 'BREL PA MED PA'I PHYIR RO, , 'DAS PA NYID KYANG DE'I DUS SU DPOG PA MA YIN TE, LTOS PA MED PA NYID KYI RGYU MA YIN PA'I PHYIR RO, ,GANG GI PHYIR YOD PA MA YIN PA'I 'BRAS BU NI RANG SGRUB PA LA GZHAN LA LTOS PA YIN GYI YOD PA NI MA YIN NO, ,DE DANG TSOGS PA GCIG PA LA RAG LAS PA'I PHYIR, ,DU BAS RANG GI DUS KYI ME RJES SU DPOG PAR BYED PA YIN NO ZHE NA, 'BRAS BU SMRA BA DON MED PAR 'GYUR RO, ,DE'I CHED KHO NA LA DE SMRA BA YIN NO ZHE NA, DE YANG 'DAS PA'I BYED PA PO'I TSIG LA 'AM DBUGS 'BYUNG BA LA SOGS PA LA NUS PA MED PA YIN LA DES RANG GI DUS KYI BYED PA PO'AM DBUGS 'BYIN PA LA SOGS PA RJES SU DPOG PAR BYED PA MA YIN LA, DU BA LA SOGS PA GANG LA DPOG BA DE YANG, DU BA BZHIN DU 'JUG PA'I YUL MA YIN LA, 'DAS PA YANG 'JUG PA'I YUL MA YIN TE, TSAD MAR MI NUS PA'I PHYIR RO ZHES BSTAN ZIN TO, ,RUNG BA TZAM GYI THE TSOM KHO NA LAS 'JUG PA YIN NO ZHE NA, DE LTA NA, 'JIG RTEN PHA ROL THE TSOM YANG, MKHAS RNAMS MI DGE NYID SPONG STE, ,ZHES BYA BA NI DE NYID BRJOD BYA YIN NO, ,MTSAMS SBYOR BAR, ,NUS LDAN MTHONG BA GANG DE LA, ,ZHES BYA BA LA SOGS PA CI'I PHYIR BRJOD, TSAD MA CAN RNAMS THE TSOM LA 'JUG PA YIN ZHES BYA BA NI LEGS PAR BYED PA MA YIN NO, ,DE'I PHYIR 'DI DANG PHA ROL LA YANG RJES SU DPAG PA LAS 'JUG PA'I YUL LA THE TSOM ZA BA KHO NA YIN NO SNYAM DU SEMS PA NI, 'BRAS BU LAS RGYU GRUB MOD CES BYA BA'O, ,LAN NI DE BSHAD PA NI ZHES BYA BA LA SOGS PA'O, ,SNGA MA SNGA MA NI ZHES BYA BA LA SOGS PA NAS, MI BDEN SOGS PA 'THAD PAR DKA', ,ZHES BYA BA'I BAR GYIS, MTSAMS SBYOR BAR NUS PA DANG LDAN PAR MTHONG BA GANG ZHES BYA BA DE TZAM RJES SU BRJOD PAR BYA BA NYID GRUB PA'I DON DU, SKYE BA'I DANG POR DE BZHIN GNAS, ,ZHES BYA BA LA SOGS PAS BSGRUBS PA NYID SPROS PAR BYED PA STE, GNAS SKABS

, ,GRUB PA'I DE MA THAG PA YIN PA'I PHYIR RGYU MA TSANG PA MED PA NI MNGON SUM MAM RJES SU DPAG PA LAS RTOGS PA NI, 'JIG PAR BYED PA MA BYUNG GI BAR DU GNAS PA YIN PAR RTOGS PA NI BUM PA BZHIN DU STE, BUM PAR BYUNG BA NI RGYUN YOD PA YIN LA, DE BZHIN DU BDAG DU BYED PA DANG BCAS PA'I SEMS LA SOGS PA LA YOD PA YANG RGYUN NYID DU DMIGS PA YIN NO, ,BUM PA NI JI SRID DU 'JIG PA'I RGYU MA BYUNG BA DE SRID DU RGYUN GNAS PA YIN NO ZHE NA, 'DI LA NI 'JIG PAR BYED PA MED PA'I PHYIR PHYI MAR YANG YIN NO, ,SHI BA'I 'JIG PAR BYED PA YIN NO ZHE NA, SHI BA'I 'JIG BYED MTHONG BA NI, DE NYID LAS 'DIR 'DAS PA LA'O, ,MTHONG BA LA SOGS PA MED KYANG JI LTAR LAN TSVA LA SOGS PA'I GNOD PAS BUM PA RANG NYID RGYUN CHAD PAR 'GYUR BA NI MA YIN NAM, DE BZHIN DU SEMS LA SOGS PA YANG NGO, ,DE LA PHAN PAR BYED PA'I NGA RGYAL LA SOGS PA BDAG MED BA MTHONG BAS NYE BAR MTHONG BA YIN NO DE LTAR 'GYUR BA ZHIG NA NI, SO SO'I SKYE BO NI DE LTAR 'GYUR BA MA YIN NO, ,DE'I PHYIR DE NI RANG NYID RGYUN CHAD PA MA YIN NO, ,BUM PA ZHES BYA BA'AM SNGON PO ZHES BYA BA NI MTHONG BA'I RJES SU 'BRANG BA'I RNAM PAR RTOG PA YIN TE, THO BAR BYA BA'I 'BRAS BUR MTHONG BA LA DE NYID KYIS NGES PAR BYED PA YIN ZHES, TSAD MA NYID SEMS PA ZHES BYA BAR RNAM PAR DPYAD PAR BYA BA YIN NO, ,JI SKAD DU DNGUL DU 'DZIN PA NI YUN RING POR GNAS PAR 'DZIN PA YIN TE, JI SRID DU MA 'ONGS PA'I NYA PHYIS KYI SHES PA'I DUS KYI BAR DU KHYAB PA YIN LA, DE BZHIN DU DE LTA BU'I DU BA LAS KYANG ME SHES PA LA YANG 'JUG PA'I DUS NA YOD PA KHYAB PA NYID YIN NO, ,DE'I BAR DU 'JIG PAR BYED PA NYE BAR 'ONGS PA THE TSOM ZA BA MA YIN NAM, JI LTAR TSAD MA NYID YIN, 'JOG PAR BYED PA YIN DU ZIN KYANG, YOD PA NYID CES DA LTAR BA BZHIN DU TSAD MA NYID MA NYAMS PA NYID YIN TE, THOB PAR BYED PA'I NUS PAS TSAD MA NYID YIN PA'I PHYIR RO, ,YANG NA SHES PA GANG LA BANG DU CHOD PA DE MED PAR NGES PA'I SHES PA DE NI THOB PAR BYED PA YIN GYI, GZHAN NI MA YIN NO, ,'DI 'DRA BA'I NGES PA NI 'JIG RTEN DU RNYED BLA BA YIN GYI YANG DAG PAR GSUNGS PA LAS, THAMS CAD MKHYEN PA

BRTEN PA NYID DU RTOGS PA LA, 'DI 'DRA BA'I THE TSOM YANG MED DO, ,DE NI DE 'DRA BA'I GSUNG LAS MDZAD PA CHEN PO LAS 'GRO BA MA LUS PA'I DE KHO NA NYID THUGS SU CHUD PAS, 'GRO BA'I BYA BA MI ZAD PA DANG BSOD NAMS LA SOGS PA'I TSOGS CHEN PO RDZOGS PA RNAMS RGYUN CHAD PA'I RGYU MED PA'I PHYIR, SHIN TU RGYUN MI 'CHAD PA'I CHOS CAN DU NGES PA, DA LTAR YANG BSNYEN BKUR BYA BA KHO NA YIN LA, DE BZHIN DU 'JIG RTEN PHA ROL TU RGYUN DU YANG YIN NO, ,'JIG RTEN 'DI PA'I RJES SU DPAG PAR YOD DU ZIN KYANG, 'JIG RTEN PHA ROL PO NI NGES PA'I 'BRAS BU CAN MA YIN TE, MA MTHONG BA'I YUL YIN PA'I PHYIR RO ZHES GANG SMRAS PA DE BSAL BA YIN TE, RGYUN GYI RGYU RTOG PA MA YIN PA NGES PA'I PHYIR RO, ,MTSAMS SBYOR BAR, NUS LDAN MTHONG BA GANG DE LA, ,CI ZHIG YOD CES BYA BAS, RGYU NI GDON MI ZA BAR 'BYUNG BA'I 'BRAS BU CAN NYID DU BSTAN PA YIN ZHING, DE YANG DE MED NA MI 'BYUNG BA'I 'BRAS BU KHO NA YIN PAR YANG NGO, ,DE NI DE'I TSE MTSAMS SBYOR BAR NUS PA DANG LDAN PA GANG YIN PA NI SNGA MA SNGA MA NI ZHES BYA BA LA SOGS PA NAS, MIG LA SOGS PA BDEN PA NYID DAM, PHYI ROL GYI DON YIN PA DE LTA NA YANG, ,RANG BZHIN 'DI THOG MA MED PA YIN PA'I PHYIR, 'KHOR BA THOG MTHA' MED PA NYID YIN NO ZHES BYA BA'I BAR GYIS BSTAN PA YIN NO, ,DE YOD PA NYID NI 'BYUNG BA'I PHYIR, ,'BRAS BU NI NGES PA CAN YIN LA, RGYU NI NGES PAR BYED PA YIN PAR BSTAN PA YIN GYI, 'BYUNG BA KHO NA ZHES BYA BA GANG DU DGOS PA YIN TE, NGES PAR BYED PA YIN PA LA NI DE BZHIN DU 'GYUR GYI, DE LTA BU NYID RTOGS PA'I YAN LAG KYANG MA YIN LA, NGES PA CAN NYID GZHAN DU MI 'GYUR BA YANG MA YIN TE, DE YONG NA RES 'GA' 'BYUNG BAS NGES PA CAN NYID DU RTOGS PA'I PHYIR RO, ,MI RIGS TE THAL CHES PA'I PHYIR RO, ,RGYU MA YIN PA LA YANG RES 'GA' 'BYUNG BA YOD PA YIN NO, ,DE LA NI DE YONG PA NYID NA ZHES BYA BA MED PA YIN NO ZHE NA, ,DE YOD PA NYID NA ZHES BYA BA 'DI YANG 'BRAS BU NI DE'I DBANG NYID YIN PAR BRJOD PA YIN NO, ,GANG GI TSE MA TSANG BA MED PA'I RGYU MTSAN DE YOD KYANG, RANG NYID KHO NA MI 'BYUNG BA YIN NO, ,DE'I TSE DE'I DBANG DU 'GYUR BA MA YIN NO, ,GANG GI PHYIR DE YOD PA LA DBANG

, ,BA NI DE YOD NA MI 'BYUNG BA MA YIN LA, DE'I TSE RGYU MED PA NYID DU SHES PA YIN NO, 'BRAS BU'I DUS SU YANG DE NYID YIN PA'I PHYIR RGYU MA YIN PA NYID DU 'GYUR ZHING, 'BRAS BU NI RANG DBANG DU 'GYUR TE, RANG NYID KHO NA RES 'GA' 'BYUNG BA'AM MI 'BYUNG BA YIN NO, ,GAL TE RANG DBANG YIN NA DE MAD KYANG CI STE 'BYUNG BAR MI 'GYUR JI LTAR MTHONG BA DE KHO NA BZHIN DU 'GYUR BA YIN LA, NGES PA CAN DU MTHONG BA DANG RANG DBANG NYID NI 'GAL BA YIN NO, ,DE'I PHYIR NGES PA CAN MTHONG BA LAS DE'I DBANG DU 'GYUR BA YIN NO, ,DE LA YANG RES 'GA' MI 'BYUNG NA GZHAN LA NI SMOS KYANG CI DGOS, DE MED PA NI RANG DBANG YIN PA NI DE MED KYANG YOD LA, YOD KYANG RES 'GA' YOD PA'I THAMS CAD DU CIS MED PA YIN ZHE NA, 'BRAS BUS GEGS BYAS PA'I PHYIR RO, ,DE YANG YOD NA GEGS BYED KYI MED NA NI MA YIN NO, ,MED PA NYID LA CI'I PHYIR MA YIN ZHE NA RGYU MED NA DE MED PA'I PHYIR ZHES BYA BA YIN GYI YOD NA NI MA YIN NO; ,SNGA NA YOD PA MED PAS BAR DU BCAD PA'I PHYIR ZHES BSTAN PA YIN NO ZHE NA, DE LTA NA GANG GI TSE 'BRAS BU YIN PA DE'I TSE YANG RGYU TZAM GYI GNAS SKABS NA DE MED PA YOD PA'I PHYIR BAR DU CHOD PAR 'GYUR RO, ,RGYU NI MED PAS BSGRIBS NAS NAN GYIS 'BRAS BU BSKYED PA YIN ZHE NA, GZHAN GYI TSE YANG DE DANG 'DRA BA LAN NA GYIS SKYED PAR BYED PAR 'GYUR BA'I PHYIR MED PAS BAR DU BCAD PA NI MA YIN NO, ,'BRAS BU NI RANG NYID KHO NA MI 'BYUNG BA YIN NO ZHE NA, RANG NYID KHO NA 'BYUNG BAR YANG 'GYUR RO, ,GZHAN DBANG NYID DU RTOGS PA YIN NO ZHE NA, GDON MI ZA BAR 'BYUNG BA YANG DE'I KHYAB BYED DU 'GYUR LA, RGYU RNAMS NI GDON MI ZA BAR DE DANG LDAN PAR MI 'GYUR RO ZHES MA TSANG BA'I GNAS SKABS LA LTOS NAS YIN LA, GDON MI ZA BAR 'BYUNG BA YANG YOD PA TZAM LAS NI MA YIN GYI, 'ON KYANG NGES PA CAN NYID NI RGYU MTSAN YIN LA, DE MED NA RANG DBANG NYID KYIS NGES PA CAN MED PA NYID DU 'GYUR RO, ,NGES PA CAN NYID NI 'BRAS BU NYID MA YIN PA MA YIN NAM, SHING SHA BA YANG SHING GI DE NYID DU THAL BAR 'GYUR BA'I PHYIR RO, ,LDOG PA NGES PA NYID KHO NA 'BRAS BU NYID YIN TE, DE LAS MI SKYEN DE LA MI 'KHRUL PAR NGES PA MED PA'I PHYIR RO, ,SMIN DRUG SHAR BA LA SOGS PA LAS

SNAR MA YANG NYE BA LA SOGS PA YIN PAR 'DIS BSHAD PA YIN NO, ,DE MED NA MI 'BYUNG BAR NGES PA YIN GYI, GDON MI ZA BAR 'BYUNG BA NI MA YIN NO, ,DE DANG 'DRA BA KHO NA YIN PA DE LAS MI 'BYUNG NA DE JI LTAR NGES PAR BYED PA YIN ZHING, DE NGES PAR BYED PA MA YIN NA DE LA JI LTAR NGES PA ZHES BYA BA YIN, SHING NI SHING SHA PA GDON MI ZA BAR YOD PA KHO NAR NGES PAR BYED PA KHO NA YIN TE, DE DANG LDAN PA MA YIN PA DE NI DE'I NGES PAR BYED PA MA YIN PA'I PHYIR RO, ,SHING MA YIN PA RNAM PAR GCOD PA 'BA' ZHIG GIS SAM, ME MA YIN PA RNAM PAR GCOD PAS NGES BZHIN PA NA, DE DANG DE MA YIN PA RGYUD KYIS SO SOR SNANG BA YIN TE, GZHAN DU NA NGES PAR BYA BAR MI NUS PA'I PHYIR RO, ,DU BA LA SOGS PA NI NGES PA LA YANG NGES PA CAN KHO NA YIN TE, NGES PA CAN DE KHO NA RJES SU 'BRANGS BA RNAMS NI DE YOD PA NYID NA 'BYUNG LA, DE MED NA MI 'BYUNG BA KHO NA YIN ZHES BYA BA LA SOGS PAR THA SNYAD DU BYED KYI, DE MED NA MI 'BYUNG BA NI DE LA NGES PAR BYED PA MA YIN NO, ,DE DAG TZAM NI NGES PAR BYED PA MA YIN PA'I PHYIR RO, ,'BRAS BU BZHIN DU RGYU YANG DE MED NA MI 'BYUNG BA'I PHYIR KHYAD PAR MED PAS RTOGS PAR BYED PAR 'GYUR RO, ,DE'I PHYIR 'BRAS BU'AM RANG BZHIN GYI GTAN TSIGS YIN ZHES BYA BA'I PHYAG RGYA CHAD PAR 'GYUR RO, ,DE LTAR RTOGS PA YIN NA DE YANG 'BRAS BU NYID YIN PAS KHYAD PAR MED PA KHO NA YIN PA'I PHYIR PHYAG RGYA GCAD PA MA YIN NO, ,DE LTA YIN NA DA LTAR RGYU NYID BOR BA YIN PA LA MA BOR NA NI DE YANG GO BAR BYED PA NYID YIN PA'I PHYIR DE DANG 'DRA BAR PHYAG RGYA GCAD PA YIN NO, ,BDEN TE 'BA' ZHIG DE BZHIN NA 'BYUNG BA KHO NA YIN ZHE NA DE NYID KHO NA NGES PAR BYA BA YIN NO, ,'BYUNG BAR BYED PA KHO NA BDAG NYID KYI YANG DE DANG BRAL BA'I GNAS SKABS LA GNOD PAR BYED PA YIN NO, ,DE'I PHYIR KHONGS SU GTOGS PA'I BSKYED BYA NYID KHO NA SKYED PAR BYED PA NYID YIN PA'I PHYIR SKYON MED DO, ,RE ZHIG 'BRAS BU DE LTAR RTOGS PA NI GO BYED YIN LA, RGYU YANG DE NYID DU RTOGS BZHIN PA NI 'BRAS BU KHO NA YIN GYI, 'BA' ZHIG NI MA YIN TE GANG GIS GTAN TSIGS GSUM PAR 'GYUR ZHES BYA BA'I DON TO, ,GAL TE YANG GOMS PA LAS BYUNG BA YIN NA DE'I

, ,KHYAD PAR CAN DU BYAS PA'I DBUGS LA SOGS PA LUS SAM, 'BYUNG BA RNAMS YONGS SU GYUR PA'I KHYAD PAR YANG RUNG BA, DBYE BA DU MA LAS CIS LTOS PA YIN, ,DE'I PHYIR YONGS SU GYUR PA'AM KHYAD PAR LAS 'BYUNG BA GOMS PAS KHYAD PAR DU BYED PA YIN TE, ME LA SOGS PA DANG PHRAD PAS GZUGS LA SOGS PA LTA BU YIN GYI, GOMS PA'I BSKYED BYA YANG KHYAD PAR LAS SAM, YONGS SU GYUR PA LAS GCIG GI RNAM PAR 'GYUR BA CAN MA YIN TE, SNA TSOGS NYID DU MTHONG BA'I PHYIR RO, ,SNA TSOGS PA DE NYID YONGS SU GYUR BA'AM, GZHAN YANG 'GRO BA SNA TSOGS BA NYID KYI RGYU YOD PA YIN NA, CIS RANG GI RIGS KYI RGYUR RTOG PA YIN, 'BRAS BU DANG RGYU NYID MED PA YANG MA YIN TE, YONGS SU GYUR PA LA SOGS PA SNA TSOGS PA NYID RGYU NYID DU MTHONG BA'I PHYIR RO, ,DA LTAR NI GOMS PA LAS YONGS SU GYUR PA LA SOGS PA LAS 'BYUNG BA'I PHYIR SKYE BA DANG PO LA DE BZHIN DU BSTAN PA YIN NA, ,ZHE NA YANG, ME DANG PHRAD PA LAS SNGA ROL DU YANG GZUGS LA SOGS PA KHO NA YIN PA'I PHYIR PHYIS KYI BZHIN DU DE LAS 'BYUNG BA NYID DU 'GYUR RO, ,SNGON PO NYID DANG DMAR PO LA SOGS PA'I DBYE BA YIN NA NI MTSUNGS PA YIN TE, 'DI LA YANG JI LTAR YANG DBYE BA MTHONG BA'I PHYIR RO,, DE'I PHYIR DANG PO YONGS SU GYUR PA'I BYE BRAG LAS 'BYUNG BA NI DBUGS LA SOGS PA YIN LA YONGS SU GYUR PA LA SOGS PA YANG SNANG BA'AM, GZHAN YANG MA YIN TE, KHYAD PAR DU RTOGS PA DOGS PA MED BA'I PHYIR RO SNYAM DU SEMS PA LA, GANG DU DROD GSHER LA SOGS SKYE BA'I ZHES BYA BA SMOS TE, RE ZHIG 'BYUNG BA RNAMS KYI SEMS PA DANG, CIG SHOS LA SOGS PA RNAMS KYIS 'DI RNAM PAR DBYE BA NI MA YIN TE, THAMS CAD LA SROG CHAGS SKYE BA MTHONG BAS SRA BA LA SOGS PA'I KHYAD PAR NI NGES PAR BYED PA MA YIN PA'I PHYIR RO, ,KHYAD PAR CAN YONGS SU GYUR PA YANG MA YIN TE, 'BYUNG BA RNAMS KYI KHYAD PAR DU MI 'THAD PA'I PHYIR RO, ,'PHEL BA DANG 'GRIB PA DAG 'DRES PA'I KHYAD PAR CAN DU GYUR BA YIN NO ZHE NA, 'BYUNG BA LAS KHYAD PAR MED NA 'DRES PA'I 'PHEL BA DANG 'GRIB PA DAG GI GZHAN SEMS PA CAN LA SOGS PA YONGS SU GYUR PA NI MI RIGS TE, BA GLANG DANG RTA LA SOGS PA

PA'I 'DRES PA'I KHYAD PAR GYIS, DE'I RANG BZHIN MA YIN PA'I DNGOS PO SKYE BAR MTHONG BA MA YIN NO, ,CHANG LA SOGS PA NI DE MA YIN PA'I NGO BO YIN NO ZHE NA, MA YIN TE DE LA YANG LOG PAR RTOGS PA'I PHYIR RO, ,GANG GI PHYIR 'GRO BA YONGS SU GYUR PA THAMS CAD KHO NA RTZOD PA'I GZHI YIN LA, DE'I PHYIR YONGS SU GYUR PA YANG SEMS PA DANG CIG SHOS NYID LAS RNAM PAR DBYE BA MA YIN TE, SA LA SOGS PA'I CHA SHAS YONGS SU GYUR PA 'GA' YANG MED DE, GANG DU DROD GSHER SOGS SKYE BA'I SKYE BO ZHES BYA BA LA SOGS PA'I DBYE BA MED DO ZHES BYA BA'I DON TO, ,SKYE BO ZHES BYA BA NI NYE BAR MTSON PA STE, SHING DANG CHANG LA SOGS PA'I DBYE BA MED PAR YANG 'BYUNG BA LA SOGS PA'I SEMS PA DANG, CIG SHOS LA SOGS PA'I RNAM PAR DBYE BA'I RGYU MED NA MI RIGS SO ZHES BYA BA'I DON TO, ,DE 'GA' YANG MED CES BYA BAS NI RNAM PAR DBYE BA MED PA'I 'BYUNG BA RNAMS BSTAN PA YIN NO, ,RGYU'I RNAM PAR DBYE BA MED NA 'BRAS BU'I RNAM PAR DBYE BA LEGS PA MA YIN TE, DE DNGOS SA BON LAS ZHES BYA BA NI THA MI DAD PA LAS SO, ,MA NGES PA NI THA DAD PA'O, ,NGES PA MED PA NI NGES PA CAN GYI NGES PAR BYED PA MA YIN PAR NI BDEN MOD KYI NGES PA CAN LA NGES PAR BYED PAR BRTAGS PA YIN NO, ,DE YANG 'BYUNG BA LA YOD PA NYID KYI SNA TSOGS PA LA LAS RNAMS NGES PAR BYED PA YIN ZHES CI LAS YIN, CHOS CAN GYI RNAM PAR RTOG PA BAS CHOS SU RNAM PAR RTOG PA SPANG BA'I PHYIR MCHOG YIN NO, ,CHOS CAN DU BRTOGS [*RTOGS?] PA'I NUS PA SNA TSOGS PA TZAM NI CHOS YIN NO SNYAM DU SEMS PA LA, DE PHYIR DBANG SOGS RANG RIG LA, ,LTOS PA MED PAR NI ZHES BYA BA SMOS TE, GANG DAG KHO NA GOMS PA LAS BYUNG BA'I SHES RAB DANG, MI BRJOD PA LA SOGS PA RNAMS DANG DBUGS LA SOGS PA RNAMS KYANG MTHONG BA DE RNAMS KHO NA SKYE BA'I DBANG PO LA YANG DMIGS PA YIN GYI ME DANG PHRAD PA LAS BYUNG BA'I TSOGS PA LAS NI MA YIN GYI, SNGA ROL DU YANG RIGS KYI DBYE BA YONGS SU GSAL BA'I PHYIR RO, ,DE DE BZHIN DU SKYE PA'I DANG PO'I DBUGS LA SOGS PA NI RANG GI RIGS KYI GOMS PA SNGON DU 'GRO BA CAN NYID KYIS SKYE BA SNGA MAR GRUB PA YIN LA, 'GRO BA'I SNA TSOGS PA'I RGYU 'BYUNG PA'I CHOS NYID KYI RTOGS PA'I KHYAD PAR BYED PA'I DGOS

, ,PA NI 'JIG RTEN PHA ROL MED PA NI DE DANG 'GAL BA'I PHYIR BKAG PA YIN NO, ,RANG GI RIGS KYI GOMS PA LAS BYUNG BA NYID LA THAL CHES PA'I SGO NAS 'JIG RTEN PHA ROL YOD PAS KHYAB PA YIN TE, KHYAB PAR BYED PA 'GAL BAS KHYAB PA YIN PAR BSTAN PA YIN NO ZHES BYA BA'I DON TO, ,'BRAS BU MED PA'I RTOGS PA NI, ,'THAD PAR BYA BA MA YIN TE, ,NUS PA DU MA CAN GYI 'BYUNG BA 'BRAS BU GCIG BYED PA CAN YIN NA, NUS PA GZHAN GYI BSKYED BYA'I 'BRAS BU GZHAN DU YANG DE'I TSE KHO NAR 'GYUR RO, ,DE BZHIN DU SKYED BYED MA YIN NA RIM GYIS KYANG MI 'GYUR TE, LTOS PA MED PA'I PHYIR RO, ,LAS SU SMRA BA LA NI DE LAS GZHAN BYAS PA YIN LA LTOS PA GZHAN YANG YOD PA DE'I PHYIR SKYON MED DO, ,DE'I PHYIR 'GRO BA SNA TSOGS PA'I RGYU 'BYUNG BA'I CHOS RNAMS NYID NUS PA'I KHYAD PAR DU BRTAG PA MA YIN TE, GANG GI PHYIR SHES RAB DANG MI BRJOD PA'I BLO LA SOGS PA RNAMS SKYE BA'I DANG PO LA RANG GI RIGS LA MI LTOS PA RNAMS 'BYUNG BAR KHAS LEN PA YIN NA, JI LTAR SKYE BA'I DANG POR 'BYUNG PA SHES RAB DANG MI BRJED PA'I BLO LA SOGS PA DANG LDAN PA'I YONGS SU GYUR PA RANG GI RIGS LA LTOS PA MED PA DE KHO NA BZHIN DU, DE LAS GZHAN YANG 'GYUR BA LA CI LAS YIN ZHE NA, ,BYANG PAR MED PAS SKYE BA'I DNGOS PO LAS 'BYUNG BA RNAMS DANG GOMS PA LAS BYUNG BA RNAMS KYANG THA DAD PAR NYE BAR MA MTSON PA'I PHYIR RO, ,'DI LA YANG YOD PA MA YIN TE, DE'I BSKYED BA NI, GOMS PA LA RAG LAS PAR MTHONG BA'I PHYIR, DE'I NUS PA MTHONG BA YIN GYI 'BYUNG BA'I NUS PA NI DE LTA MA YIN TE, GZHAN LAS BYUNG BA YANG RI LA DU BA BZHIN DU DE LA MTHONG BA 'GAL BA MED PA'I PHYIR RO, ,BUM PA NI ME DANG PHRAD PA'I SNGON ROL DU KHYAD PAR CAN YONGS SU GYUR PA NI DE LTA MA YIN TE, SNGON PO DANG DMAR PO LA SOGS PA THA DAD PAR YONGS SU GSAL BA YIN NO ZHES GZHUNG DANG SBYAR RO, ,YANG NA 'BYUNG BA RNAMS KYI THA MI DAD PA'AM YONG SU GYUR PA'AM, YONGS SU GYUR PA YANG KHYAD PAR MED PA'I PHYIR, KHYAD PAR MED PAS DMIGS LA SOGS PA DANG LDAN PA'I YONGS SU GYUR PA BONG BA DANG RTZIG PA LA SOGS PA DANG 'GYUR TE, SNA TSOGS PA GCIG GI NGO BOR

'GYUR GYI SNA TSOGS PA NYID DU MA YIN NO ZHES BYA BA'I DON TO, ,DBANG RNAMS RE RE LA GNOD KYANG, ,ZHES BYA BA'I TSIG SU BCAD PA'I, ,SKYE BA YONGS SU LEN PA NA, ,ZHES BYA BA 'DI BSHAD PAS DE LA GTAD PAS BSHAD PA YIN NO, ,DA NI DE'I 'GREL PA BSHAD PAR BYA STE, DE LA BUM PA ME DANG PHRAD PA'I BSKYED BYA RNAM PAR 'GYUR BA YANG DE KHO NA LAS SKYE BA MA YIN TE, RDZA MKHAN LAS SKYE BAR MTHONG BA'I PHYIR RO, ,DBANG PO RNAMS NI YID KYI BSGYUR BYA YIN LA, DE GSAL BA YIN NA DBANG PO RNAMS GSAL BA YIN TE, BZLOG PA YIN NA LOG PA YIN GYI GZHAN LAS SKYE BAR MTHONG BA YANG MA YIN NO, ,DE'I PHYIR DE KHO NA LAS SKYE BA YIN PAR SHES PAR BYA'O, ,BUM PA LA SOGS PA MES BYAS PA'I RNAM PAR 'GYUR BA KHO NA YIN PA'I PHYIR DPE MA YIN PAR MI RIGS TE, SKYE BA'I DANG PO'I DBANG PO YANG YID KYI RNAM PAR 'GYUR BA NYID LAS MA MTHONG BA YIN PAR 'GYUR BA'I PHYIR RO, ,PHYOGS LA 'KHRUL PA YIN ZHES BYA BA YANG MA YIN NO, ,DE LTA NA NI GANG YANG MA NGES PA ZHES BYA BAR MI 'GYUR BA NI BUM PA LA SOGS PA YANG RDZA MKHAN GYI BSKYED BYAR MI 'GYUR TE, DE YANG PHYOGS SU PHYED PA'I PHYIR RO, ,DE LA NI RDZA MKHAN GYI BSKYED BYAR MTHONG BA YIN LA, DES NA ME'I BSKYED BYA NYID MA YIN NO, ,DE'I PHYIR ME NI RNAM PAR 'GYUR BA SKYED PA YIN GYI, RANG GI NGO BO NI SKYED BYED MA YIN NO, ,DBANG PO YANG SKYE BA'I DANG PO 'BYUNG BA'I BSKYED BYA YIN TE, DE LTAR MA MTHONG BA'I PHYIR RO, ,DE'I TSE YID KYI BSKYED BYA NYID DU NYE BAR MTSON PA NI MA YIN TE, GZHAN GYI TSE'I YID KYI BSGYUR BYA LTA BU'O, ,DE TSE YANG DE'I BSKYED BYA NYID MA YIN TE; GZHAN DU DE'I BSGYUR BYA YIN PA'I PHYIR RO, ,GZHAN MED KYANG MES BUM PA BZHIN DU YIN LA, DE'I PHYIR MTHONG BA KHO NA DE'I 'BRAS BU NYID YIN GYI DE BZHIN DU DU BA YANG DE'I BSKYED BYA NYID DU 'GYUR BA MA YIN TE, ME'I BSKYED BYA NYID DU TSANG BA LA SOGS PAR MTHONG BA'I PHYIR RO, ,DE BZHIN DU DBANG PO YID KYI BSKYED BYA NYID YIN PAR 'GAR YANG MTHONG BA MA YIN TE, RNAM PAR RTOG PA THAMS CAD BSDUS KYANG DBANG PO YOD PAS MTHONG BA YOD PAR BRJOD PA'I PHYIR RO, ,'ON TE SNGA ROL DU YOD PA LAS SKYES PA'I DBANG PO NI RDZA MKHAN LAS BUM PA BZHIN DU PHYIS RGYUN DU BYED PA YIN NO, ,DE'I GNAS SKABS

, ,KYANG RNAM PAR RTOG PA GZHAN MED KYANG BDAG GO ZHES BYA BA'I BLO MED PA MA YIN TE, NGA RGYAL DANG BCAS PA'I RGYU YIN PA'I PHYIR RAM, DE'I BAG CHAGS RJES SU 'JUG PA'I PHYIR TE, DES NA SKYON MED DO, ,GNYID MTHUG POS NON NA SEMS NYID CHAD PA'I PHYIR DBANG PO YANG CHAD PA YIN LA, SAD PA'I DUS SU NI GNYID RTZOM[?] PA'I SEMS KHO NA LAS SEMS DANG, DBANG PO YANG 'BYUNG BA YIN NO, ,DE 'DI YID KYI RNAM PAR SHES PA'I 'BRAS BU NYID DU GRUB NA RTOG PAR BYED PAR RIGS KYI GZHAN DU NYE BAR RTOGS PA TZAM NI RTOG PA DANG LDAN PA RNAMS KYI BTANG SNYOMS SU BYA BA YIN NO, ,DE GRUB PA NI MA YIN TE, PHYIN CI LOG TU MTHONG BA'I PHYIR RO, ,DE LTAR BSTAN PA NI 'ON TE DE'I RNAM PAR BSGYUR BYA NYID CES BRJOD PAS, DE'I BSKYED BYA NYID KHO NA YIN BAR BSAMS PA YIN NA, DE MA GRUB PA YIN TE MES BUM PA LTA BU'O, ,RNAM PAR BSGYUR BYA NYID TZAM LA RGYUN NI DE'I 'BRAS BU NYID DU BRJOD PA MA YIN TE, LUS DANG DBANG PO LA SOGS PA SRID PAR RTOGS PA THAMS CAD YIN GYI RNAM PAR 'GYUR BA'I RJES SU BYED PA'I RNAM PAR 'GYUR BA NYID DU MTHONG BA YIN LA, SKYE BA'I DBANG PO LA YANG DE'I RNAM PAR 'GYUR BA DANG LDAN PA DE SNGON DU 'GRO BA CAN DU RTOGS PA YIN NO, ,RGYUN NI DE'I BSKYED BYA'AM GZHAN GYIS BSKYED BYA YIN ZHES BYA BA GANG DU DGOS PA YIN, RNAM PAR 'GYUR BA RNAMS GZHAN NYID KYANG MA YIN TE, DE NYID NGO SHES PA'I PHYIR RO, ,DE DAG TZAM LAS KYANG SKYE BA GZHAN GRUB PA YIN TE, RNAM PAR 'GYUR BA LA BRTEN PA NYID KYIS THAMS CAD DU YANG NYE BAR GNAS PA YIN LA, DE'I SGO NAS RGYUN YANG YIN PA'I PHYIR DE RTEN NYID DU BRJOD PA YIN PAR SHES PAR BYA'O, ,DBANG PO RNAMS NI SKYE BA'I DANG PO RNAMS LAS BYUNG BA RNAMS SO, ,YID KYI SHES PA LAS TE 'DAS PA'I SKYE BA LAS BYUNG BA LAS 'BYUNG BA'I PHYIR, THOG MA MED PA NYID YIN LA DE LAS KYANG ZHES BYA BA SKYE BA'I DANG POR LAS BYUNG BA'I DBANG PO LAS BYUNG BA RNAMS LAS, RANG GI SHES PA LNGA PO'I RIM GYIS YID KYI RNAM SHES 'BYUNG BA YIN LA, SKYE BA LA NI DE LAS KYANG YANG GZHAN YIN LA DE LAS KYANG GZHAN RNAMS TE, MA 'ONGS PA'I SRID PA LAS BYUNG BA RNAMS 'BYUNG BA YIN TE, NGA RGYAL DANG BCAS PA NYID KYIS GDON MI ZA BAR 'BYUNG PA'I

'BRAS BU DANG LDAN PA NYID 'PHEN BYED YIN PA'I PHYIR RO, ,GNYEN PO BSGOMS PA MED PA LAS NI MTHA' MED PA YIN PA DA LTA BU NI 'GREL PA'I DGOS PA YIN NO, ,LHAG MA NI TSIGS SU BCAD PA'I PHYI MA'I PHYED SNGA MAS GTAN TSIGS GZHAN DANG, PHYED PHYI MAS GTAN TSIGS MA NGES PA NYID KYIS LAN BTAB PAS BSHAD NAS TSIG GI DON BSHAD PAS KYANG, DON 'DI KHO NA 'CHAD PA NI GANG GI PHYIR ZHES BYA BA LA SOGS PA'O, ,PHYED SNGA MA 'CHAD BA NI DE BZHIN DU YID KYI RNAM PAR SHES PA NI ZHES BYA BA STE, GOMS PA'I BSKYED BYA'I KHYAD PAR NI YID KYI RNAM PAR SHES PA YIN LA, DBANG PO BSTAN PA LUS LA BRTAN PA JI LTAR YIN, YID KYI RNAM PAR SHES PAS BSGYUR ZHES BYA BA NI GTAN TSIGS SO, ,GANG KHO NA LAS YIN PA DE LAS DE'I TSOGS PA NI DE'I RTEN MA YIN TE, DBANG PO LNGA TSOGS PA NI DE'I 'BRAS BU LA, GZUGS DANG RO LA SOGS PA'I RNAM SHES LNGA PO DE LA BRTEN PA YIN LA, DE'I RANG RIG PA'I BYA BA'I RJES SU 'BRANG BAR BYED PA BDAG GO ZHES BYA BA'I RNAM PA ZHES GANG SMRAS PA DE MA YIN NO ZHES BYA BAR SBYAR RO, ,YID KYI RNAM SHES NI DBANG PO'I SHES PA'I RJES SU 'BRANG BA MA YIN NO, ,DE LTA YIN NA 'JIG RTEN PHYI MA'I YID KYI RGYAL SRID BYED PA'I NGA RGYAL DANG BCAS PA YANG YIN PA'I PHYIR RO, ,DE YANG DBANG PO LA BRTAN PA MA YIN TE, DBANG PO'I BYA BA 'PHEL BA YIN NA 'DI'I 'GRIB BAR 'GYUR BA'I PHYIR DANG, DE 'GRIB NA 'PHEL BAR 'GYUR BA'I PHYIR BSTAN PA YIN NO, ,YID KYI BLOR 'GYUR BA ZHES BYA BA LA SOGS PAS GTAN TSIGS GZHAN 'CHAD BAR BYED PAS DBANG PO RNAMS KYI 'GYUR BAR BYED BA PO YIN PA'I PHYIR, YID KYI RNAM PAR SHES PA BYED PA PO YIN ZHES BYA BAR MI RIGS TE, ME NI BUM PA'I RNAM PAR 'GYUR BAR BYED PA YIN YANG BYED PA POR 'GYUR BA NI MA YIN NO SNYAM DU SEMS PA NI GAL TE MIG LA SOGS PA ZHES BYA BA'O, ,BUM PA NI ME'I BSKYED BYA'I RNAM PAR 'GYUR BA KHO NA MA YID KYI, DBANG PO NI YID KYI RNAM SHES KYI BSKYED BYA'I RNAM PAR 'GYUR BA KHO NA YIN NO ZHES BYA BAR BYE BRAG TU BSTAN PA NI, BUM PA LA SOGS GZHAN DU MTHONG BA YIN PA ZHES BYA BA'O, ,SKYE BA'I DANG PO LA 'JIG PA DANG MYA NGAN LA SOGS PA RNAM PAR 'GYUR BA'I YID KYI RNAM SHES KYI BSGYUR BYA NYID DBANG PO RNAMS MA YIN PA MA YIN

, ,NAM; DANG PO NYID LA SOGS PAR MTHONG BA'I PHYIR RO SNYAM DU SEMS PAS, DANG PO NYID KYANG NYID KYI RNAM PAR 'GYUR BA YIN PAR BSTAN PA NI, DANG PO LA SOGS PA'I ZHES BYA BA'O, ,GAL TE SKYE BA'I DANG PO LA DBANG PO RNAMS YID KYI BSGYUR BYA YIN NA DE BZHIN DU RANG NYID KYI 'AM, GZHAN GYI MNGON SUM GYI NGES PAR CI STE MI 'GYUR ME'I BSKYED BYA DU BA NI RJES SU DPAG BYA THAMS CAD DU DE NYID KYIS MNGON SUM MA YIN PA MA YIN NO SNYAM DU SEMS PA NI 'ON TE, GAL TE YANG ZHES BYA BA'O, ,LAN NI, GAL TE ME LAS ZHES BYA BA STE, DU BA NI RJES SU DPAG PAR BYA BA LA ME LAS BYUNG BA NYID DU MNGON SUM YIN PA'I PHYIR DANG GO BYED MA YIN NO, ,'ON KYANG DE'I 'BRAS BU NYID KYI MNGON SUM YIN PA'I PHYIR RO, ,GANG GI PHYIR DE MA YIN PA LAS LOG PAS DU BA'I NGO BOR NGES PA KHO NA DE'I 'BRAS BU NYID DU NGES PA YIN GYI ME'I NGES PA NI MA YIN NO ZHES BYA BA'I DON TO, ,RIGS PA BRJOD NAS RNAL MA LA SBYOR BA NI DE'I PHYIR, DPER NA ZHES BYA BA STE SKYE PA'I DANG PO LA YANG, DBANG PO RNAMS LA RJES SU DPAG PA'I YAN LAG NI, DE'I 'BRAS BU NYID DU NGES PA YOD PA YIN GYI, DE LTA MOD KYI MNGON SUM NYID KYIS YIN ZHES BYA BA'I DON TO, ,DA SNGON DU 'GRO BA CAN NYID DU ZHES BYA BA NI MTSUNGS PAS SO, , GZHAN DU ZHES BYA BA NI KHYAD PAR LAS TE, DUS DANG YUL 'DI NI DUS DANG YUL GZHAN GYI DNGOS POS BSKYED BYA MA YIN PA'I PHYIR KHYAD PAR MA YIN ZHES BYA BA'I DON TO, ,JI LTAR SKYE BA'I DANG PO 'DI LA DBANG PO NI SKYE BA SNGA MA LAS BYUNG BA'I YID DU GO BAR BYED PA DE BZHIN DU SKYE BA GZHAN LA YANG, SKYE BA GZHAN LAS BYUNG BA'I YID DU GO BAR BYED PA YIN NO ZHES SLAR YANG BSHAD PA YIN NO, ,DBANG PO RNAMS ZHES BYA BA NI 'DI YANG DBANG PO DANG YID KYI RNAM PAR SHES PA DAG GI 'BRAS BU NYID DU BRJOD PA'I SHUGS KYIS GO BYA GO BYED DU BSTAN PA YIN TE, 'DI NI DE'I RGYU MTSAN YIN PA'I PHYIR, DA LAS ZHES BYA BA NI DBANG PO RNAMS LAS SO, ,DBANG PO'I BSKYED BYA NI YID MA YIN LA, YID KYI BSKYED BYA NI YIN ZHES 'DAS MA THAG KHO NA SMRAS PA MA YIN NAM, BDEN TE YID KYI RNAM SHES NYID DBANG PO LA SRED PA DANG BCAS PA NYID KYI DE LAS YIN ZHES BRJOD PA YIN NO, ,DE LAS KYANG ZHES BYA

BA YID KYI RNAM SHES LAS ZHES BYA BA 'DIS THOG MA MED PA DANG THA MA MED PA ZHES BSTAN PA NI, YID KYI SHES BA LAS ZHES BYA BA STE, SKYE BA GZHAN LAS BYUNG BA LAS DBANG PO LA SRED PA DANG BCAS PA NYID KYIS DE BZHIN SKYED PAR BYED PA'I NGO BOR SHES PA'I PHYIR RO, ,DE LAS ZHES BYA BA RJES SU DPAG BA'I DBANG PO RNAMS LAS, DBANG PO LA SRED PA LA SOGS PAR RJES SU DPAG PA LAS GRUB PA YIN PAR BSTAN PA NI, DE LAS KYANG YANG ZHES BYA BA STE, YID KYI RNAM SHES LAS DBANG PO RNAMS ZHES BYA BA'I DON TO, ,DE'I RNAM PAR 'GYUR BAS BSGYUR BYA YIN PA'I PHYIR, DE'I BSKYED BYA NYID DU BSGRUB PAR BYA BA YIN NA DE'I BSKYED BYA NYID MA YIN PA'I YID KYI RNAM PAR SHES PA YANG YOD PA'I PHYIR, MA NGES PA YIN NAM SNYAM DU SEMS PA NI, GAL TE YID KYI BLO YANG ZHES BYA BA'O, ,RNAM PAR 'GYUR BA GANG GIS BSGYUR BAR BYA BA GANG YIN PA DE KHO NA DE'I 'BRAS BU MA YIN NAM, JI LTAR DBANG PO NI YID KYI RNAM SHES KYI 'BRAS BU YIN PA DE BZHIN DU, BUM PA NI ME'I MA YIN TE, NGES PA MED PA'I PHYIR RO ZHES BSTAN PAS DE LTA BU'I RIGS CAN THAMS CAD GSAL BA KHO NA YIN LA, CI'I PHYIR YANG THE TSOM BYED CES BSTAN PA NI BSGYUR BYA NYID CES BYA BAR NGES PAR KHO NA BSGYUR BYA NYID YIN NO, ,MA NGES PA YIN NO SNYAM DU SEMS PA NI YID KYI RNAM SHES KYI RNAM PAR 'GYUR BA KHO NA DBANG PO YIN TE, DANG PO LA SOGS PA LA YANG DE'I RNAM PAR 'GYUR BA'I PHYIR LA, DE BZHIN DU YID KYI RNAM SHES KYANG MIG LA SOGS PAR 'GYUR BA KHO NA YIN TE, DANG BA LA SOGS PA YANG DE RNAM PAR 'GYUR BA'I PHYIR RO ZHES BYA BA NI THE TSOM GYI DON YIN NO, ,LAN GYI DON NI NGES PA MED PA YIN TE, DE SKAD DU YANG, NGES PA GNYI GA YANG MED CES BSTAN TO, ,GAL TE DBANG PO RNAMS BLO LA BRTEN PA YIN NA, DE LTA MA YIN NA BRTEN PA DANG RTEN LTOS PA MED PA YIN PA'I PHYIR, DE'I RANG BZHIN THOB PA MED PAS LAN CIG SKYES PA'I SNA TSOGS PA NI MI 'JIGS PA THOB PAR 'GYUR BA MA YIN NAM, DE'I PHYIR SKYE BA DANG 'CHI BA'I RGYUN MTHONG BA NU BA BAR 'GYUR RO, ,'ON TE 'DI'I RGYU MTSAN DE DANG 'DRA BA GZHAN DU RTOG PAR BYED PA DE LTA YIN NA DE 'JIG RTEN PHA ROL PA MA YIN NA DE'I 'BYUNG BA'I CHOS 'ONGS PA YIN NO

, ,SNYAM DU SEMS PA LA, DE PHYIR BLO GNAS BA'I RTEN ZHES BYA BA SMOS TE, 'GREL PAR NI YID RTEN MED PAR THAL LO ZHES BYA BA LA SOGS PA KHO NA LA YID KYI 'BRAS BU NI RTEN MED PA NYID KYIS 'JIG PA MED PA NYID DU MTSON PAR BYED PA YIN TE, 'BRAS BU DBANG PO LA SOGS PA 'JIG PAR MI 'GYUR RO ZHES BYA BA'I DON TO, ,YID KYI RNAM SHES KYI BSKYED BYA DBANG PO LA SOGS PA RNAMS KYI KHYAD PAR NI YID KYI RNAM SHES KYI BSKYED BYA'AM RANG GI RIGS GOMS PA'I BSKYED BYA YIN LA, YID KYI RNAM SHES NI RANG GI RIGS GO BAR BYED PA YIN PA'I PHYIR 'BYUNG BA'I CHOS NI DBANG PO RNAMS KYI RGYU MTSAN MA YIN TE, 'ON KYANG BLO KHO NA LA BRTEN PA'I BLO'I CHOS YIN NO, ,DBANG PO LA SRED PA DANG BCAS PA'I LAS SEMS PA'I NGO BO SEMS PA YID KYI YANG ZHES BYA BA DE YANG, DBANG PO RNAMS KYI RGYU MTSAN NI DE LA BRTEN PA'I BLO 'PHEN PA'I SGO NAS YIN PAS, BLO YANG BRTEN PA'I GNAS SU 'GYUR RO, ,'BYUNG BA'I CHOS NYID YIN NA RTEN DANG LDAN PA'I DBANG PO RNAMS KYI RNAM PAR 'GYUR BA NI YID KYI BSKYED BYA BA'AM, RANG GI RIGS KYI BSKYED BYAR MI 'GYUR RO, ,BLO'I RTEN GANG YIN BA'I RGYU MTSAN MA NYAMS PA YIN PAR BSHAD PA NI GNAS SKABS 'DIR DGOS PA MED DO, ,BLO'I RTEN NI 'BYUNG BA'I CHOS NYID DU GRUB PA YANG MA YIN LA, GANG GI 'BYUNG BA'I CHOS MA YIN PA'I RGYU MTSAN YIN PA DE LTA BUR TSIG NYID LAS 'GRUB PAR 'GYUR RO, ,GNAS SKABS KYI DBANG PO'I RGYU MTSAN GYI CHOS NYID SGRUB PAR BYED PA YIN NA, BLO RTEN DU GRUB PA YIN NA GNAS SKABS LA MI DGOS PA'I SKYON MED PA YIN TE, DBANG PO LA SRED PA DANG BCAS PA'I LAS BRJOD PA'I PHYIR RO, ,BLO RTEN YIN PAS GDON MI ZA BAR 'BYUNG BAR 'GYUR PA YANG MA YIN TE, GZUGS MED PA'I KHAMS PA RNAMS LA MED PA'I PHYIR RO, ,GANG GI PHYIR BLO'I CHOS RGYU MTSAN YIN PA DE'I PHYIR TE, BLO'I BSKYED BYA RNAM PAR 'GYUR BA YIN PA'I PHYIR, DE PHYIR BLO LAS DBANG PO YIN, ,ZHES BYA BA SKYE BA SNGA MA LAS BYUNG BA'I BLO LAS SO, ,MTSAMS SBYOR BAR, NUS LDAN MTHONG BA GANG DE LA, ,ZHES BYA BA LA SOGS PA DBUGS LA SOGS PA 'BYUNG BAR 'GYUR BA'I SKYE BA LA MTSAMS SBYOR

BA'I RIGS PA NYID BLO YANG ZHES BYA BA RJES SU BSTAN PA NI, DE CI 'DRA ZHIG 'PHEN BYED 'GYUR, ,ZHES BYA BA STE, SKYE BA SNGA MA LAS BYUNG BA'I JI SKAD GSUNGS PA'I TSAD MAS GRUB PA YIN PA, DE 'DRA PHYIS KYANG 'GYUR BA YIN TE, NGA RGYAL DANG BCAS PA NYID KYIS GDON MI ZA BAR 'BYUNG BA'I 'BRAS BU NYID YIN PA'I PHYIR RO, ,RIGS PA BSTAN NAS, LUNG GI RJES SU 'BRANG BA'I 'GRO BA RNAMS TSIM PAR BYA BA'I DON DU, DE DANG MI 'GAL BAR BSTAN PA NI DE'I SHES PAS TE, DBANG PO'I NGO BO'I 'BRAS BU'I SHES PA DMIGS PA'I NGO BOS BDAG GO ZHES PA'I BLO LA PHAN 'DOGS PAR BYED PA STE, SNGON POS DE'I SHES PA LA BZHIN DU TSIM PA LA SOGS PA DANG LDAN PA RNAMS KYIS KYANG YIN PA'I PHYIR, DE LA BRTEN PA STE LUS DANG SEMS DAG PHAN TSUN RJES SU BYED PA CAN NYID YIN PAR BCOM LDAN 'DAS KYIS GSUNGS PA'O, ,BDAG GO ZHES BYA BA NI DE'I BSKYED BYA YIN PA'I PHYIR, SHES PA RNAMS KYI RANG RIG PA'I RJES SU 'BRANG BAR BYED PA MA YIN NAM, DES NA DE LA DMIGS PA YIN TE, LUS MED NA DE'I SHES PA MED PA'I PHYIR GZUGS MED PA'I KHAMS NA CHOS LA DMIGS PA'I SHES PA'I RJES SU 'BRANGS NAS BYUNG BA YIN PAR KHAS BLANGS PA'I PHYIR DANG, NGA RGYAL DANG BCAS PA'I YID KYI RNAM SHES LUS DANG LHAN CIG PA NYID DU MTHONG BA'I PHYIR DANG, DE DANG BRAL BA'I GNAS SKABS MA MTHONG BAS, YOD PAR MI RIGS PA'I PHYIR DE'I 'BRAS BU NYID YIN NO, ,DE LTA NA 'O NA DBANG PO DANG BCAS PA'I LUS KYANG YID KYI BSKYED BYA'I KHYAD PAR DU MTHONG BAS DE'I BSKYED BYA NYID YIN NO; ,DE LTAR NA DE YANG LUS GZHAN GYI BSKYED BYA NYID YIN LA, DE YANG SEMS GZHAN GYI BSKYED BYA NYID YIN PA'I PHYIR, SKYE BA THOG MA MED PAR BRGYUD PA YIN PAR GRUB PA KHO NA YIN PAR BSTAN PA NI, GAL TE DBANG PO MED PAR BLO MA YIN, ,ZHES BYA BAS SKYE BA 'DI'I GNAS SKABS DANG, DE YANG DE MED PAR ZHES BYA BA DANG 'BREL PAS SKYE BA SNGA MA'I GNAS SKABS DANG, DE'I YANG 'OG TU YID KYI RNAM SHES DANG DBANG PO DAG PHAN TSUN RGYU CAN YIN NO ZHES BYA BAS, 'BYUNG BAR 'GYUR PA'I SKYE BA'I GNAS SKABS BSTAN PA YIN NO, ,DE LAS CI GRUB CE NA, DE LTAR PHAN TSUN RGYU MTSAN NYID YIN

, ,GYI LUS TZAM NI RGYU NYID MA YIN NA, ,DE BSTAN PA NI, DBANG PO MED PAR BLO MI 'BYUNG MOD CES BYA BA LA SOGS PA STE, RE ZHIG DBANG PA DANG BCAS PA'I LUS NI DBANG PO'I SHES PA BZHIN DU YID KYI RNAM SHES KYI RGYU MA YIN GYI 'ON KYANG RANG GI RGYU LAS BYUNG BA'I RTEN YIN TE, DE MED NA 'DAM BU'I BAM PO BZHIN DU DE LAS GZHAN MED NA GNAS BAR MI 'GYUR ZHES PA DE'I YID KYI RNAM SHES MED NA, LUS KYANG RUL BAR 'GYUR BAR GNAS PA MA YIN PA KHO NA YIN PA'I PHYIR RO, ,DE DAG RTEN NYID DU MTSUNGS PA YIN TE, GOMS PA'I YID KYI RNAM SHES KYI BSKYED BYA YIN PA'I PHYIR 'JIG RTEN PHA ROL YIN ZHES BYA BA'I DON TO, ,DE LTAR GYUR NA DBANG PO'I SHES PA NI DBANG PO LAS SKYES PA KHO NA GOMS PAS KHYAD PAR DU 'GYUR BA YIN LA, DE BZHIN DU YID KYI RNAM SHES DBANG PO LAS SAM DE'I SHES PA LAS 'BYUNG BA NI KHYAD PAR CAN DU 'GYUR RO, ,DE BZHIN DU DBANG PO YANG 'BYUNG BA RNAMS LAS KUN NAS LDANG BZHIN PA SHES PAS KHYAD PAR CAN DU 'GYUR RO, ,DE'I PHYIR DBANG PO DANG BCAS PA'I LUS NYID KYI RNAM SHES SAM CIG SHOS KYI RGYU YIN GYI DE NI LUS KYI MA YIN NO, ,'DI LA BRJOD PA DBANG PO'I SHES PA RNAMS DANG PO'I GOMS PA BSKYED BYA MA YIN TE, GLUR BLANGS PA LA SOGS PA'I SHES PA BZHIN DU DE'I BSKYED BYA'I KHYAD PAR DU MA MTHONG BA'I PHYIR RO, ,MTHONG BA YIN NO DE'I BSKYED BYA NYID YIN PA LA SU ZHIG 'GOG PAR BYED, DBANG PO DANG YID KYI RNAM SHES DAG YID KYI BSKYED BYA'AM, GOMS PA'I BSKYED BYA YANG RUNG BA'I KHYAD PAR YIN NA NI, DE'I TSE YANG DE BZHIN DU YOD PA'I PHYIR JI LTAR 'JIG RTEN PHA ROL MED PA YIN NA, 'DI LTAR RE ZHIG RTAG PA'I LUS KYANG RGYU MA YIN TE, TSAD MA DANG 'GAL PA'I PHYIR RO, ,MI RTAG PA NYID YIN NA DE NYID PHAN TSUN RGYU NYID DU 'GYUR RO SNYAM PA'I DGONGS PAS, RIM BZHIN SKYE BA CAN DAG NI, ,RTAG LAS SKYE BA MI 'THAD PHYIR, ,LTOS PAR MI RUNG BA YI PHYIR, ,ZHES BYA BA NI RTAG PA TSAD MA YIN PA'I RIGS PA STE, YID RTAG PA'I LUS KYI BSKYED BYA NYID YIN PA DGAG PA LA YANG RJES SU BSTAN PA NI, RIM CAN MIN LAS RIM CAN MIN, ZHES BYA BA STE, RTAG PA NYID KYANG YUL DANG DUS MA CHAD PA'I YOD PA CAN

GYI DNGOS PO YIN ZHES BYA BA'I RIGS PAS, DUS GSUM MA CHAD PA DANG, YUL MA CHAD PA LAS KYANG MNGON SUM LA SOGS PA RNAMS KYI NGES NA NGES PAS RJES SU DPOG PAR BYED PA'I BYA BA CAN MTHONG BA NI, MA BCAD PA KHO NA YUL DU BYED PA'I PHYIR RIM PA MA YIN PA STE, DUS CHAD PA PO YOD PA MA YIN PA NYE BAR MTSON PA'I PHYIR, YUL YANG MA BCAD PA'I DNGOS PO RGYU NYID DU BRTAGS PA DE SEL BAR BYED PA NI, RIM CAN MIN LAS ZHES BYA BA STE, RIM CAN ZHES BYA BA RIM PA CAN GYI 'BRAS BU NYID NI RGYU'I DUS NA MED PA YIN GYI, RGYU BZHIN DU YUL DANG DUS KYI NGES PA MED PA NI 'BRAS BU ZHES BYA BA MA YIN LA; LUS LA DE BZHIN DU NGES PA YANG MA YIN ZHING DE BZHIN DU DE LTA BU'I RGYU NYID MA YIN TE, RANG YOD PAS GZHAN GANG DU YANG NAM YANG YOD PA MA YIN PAR BYED NA, DE LTA BU NYID DU SMRA BA YIN LA DE DE LTAR KHAS LEN PA YIN NA, RGYU MA YIN ZHING, 'BRAS BU YANG MA YIN TE, RNAM PAR DBYE BA MED PA'I PHYIR 'GRO BA RNAMS LEN PA DANG 'DOR BA MED PAR 'GYUR TE, DE'I PHYIR, JI LTAR BLO LUS LA RTEN PAR 'GYUR, DE LTA YIN DU ZAD MOD CES BYA BAR YANG TSANGS PA RIGS PA MA YIN PAR BRJOD BYAR BYED PA MA YIN NO, ,DE LTAR RTOGS PA YANG MA YIN TE, MTHONG BA'I RJES SU 'BRANG BA'I NGES PA LAS YUL NGES PA LA SOGS PA'I DNGOS PO KHO NAR NGES PA'I PHYIR RO, ,MA BCAD PA'I RTOGS PAS YANG KHYAB PA YANG MA YIN TE, DE LA YANG GZHAN LA YANG RTOGS PA NI KHYAB PA YIN PA'I PHYIR RO, ,SO SOR SNANG BA NGES PA NYID KYANG MTHONG BA LAS 'BYUNG BAR NGES PA NI, DE KHO NA BZHIN YIN LA, DE KHO NA LAS KHYAB BAR NGES PA YIN TE, GZHAN DU MI RIGS PA'I PHYIR RO, ,DE BZHIN DU DUS DU MA LA SOGS PA NYID DU MA NGES PA NYID DU SNANG BA NI RTAG PA NYID YIN LA, DE KHAS LEN PA YANG RJES SU DPAG PA LA SOGS PAR SMRA BA KHYAB PA NGES LA SOGS PA KHAS LEN PA DANG 'GAL BA YIN PA'I PHYIR, DGAG PA NI, KHYAD PAR CAN MIN LTOS PA'ANG MED, ,CES BYA BA'O, ,DE DE LTA YIN NA YUL LAM DUS GCIG LA KHYAD PAR CAN MA YIN PA RTOGS PA STE, CHA DANG BRAL BA YIN NA JI LTAR DUS DANG YUL GZHAN LA SOGS PA LA LTOS PA YIN RTOGS PA'I 'BRAS BU'I KHYAD PAR NYID KYIS RTOGS PA'I MTHAR THUG PA'I PHYIR, RTOGS PA'I

, ,MTHAR THUG PA MA YIN NA, JI SRID RTOGS PA DE SRID DU YOD PA YIN NO, ,DE SRID DU NI MA YIN TE, GZHAN DU DE NYID NGES PA'I PHYIR RO ZHE NA, MA YIN TE DE NYID KYI NGES PA NI DE'I 'BRAS BU MA YIN PA RNAM PAR GCOD PA YUL YIN PA'I PHYIR LA, DE LTA BU'I DGONGS PAS KYANG RJES SU DPAG PA'I KHYAB PA BRJOD PA YIN NO, ,DE BZHIN DU 'GREL PAR YANG DE'I TSE MA RTOGS PA NI DE'I RGYU MA YIN NO, ,GAL TE RTOGS NA NI DE DANG GCIG YIN PA'I PHYIR, 'JIG PA'I MTHAR THUG PA RTOGS PA'I PHYIR DE NYID KYI TSE ZHIG PAR 'GYUR TE ZHES BSHAD PA YIN NO, ,NGES PA RNAM PAR GCOD PA MED NA 'BRAS BU NYID LA SOGS PA KHYAB PA NGES PA MED PA'I PHYIR DANG, GZHAN GYIS RTOGS PA'I PHYIR RAM, DE SRID DANG DE SRID MA YIN PA ZHES 'DZIN PAR 'GYUR BA YANG MA YIN TE, RNAM PAR SHES PA NI GZHAN RIG PA MA YIN PA NYID KYIS NI MA YIN TE, MA RTOGS PA THAMS CAD KYIS DOGS PA RING DU NUS PA'I PHYIR DANG, RIM PA NGES PA'I PHYIR, RGYU'I RIM PA NGES PA KHO NAR YIN PAR BSTAN PA NI, RIM GYIS BLO 'BYUNG NA ZHES BYA BA'O, ,RIG PA NI NYE BA NYID YIN LA RIG PA MA YIN PA NA DE DANG THA DAD PA YIN TE, DE DANG THA MI DAD PA YIN NA DE'I RIG PAS DE RIG PA MA YIN PAR MI RIGS PA'I PHYIR RO ZHES BSTAN PA NI, YID KYI BLO 'DI NI RIM PA DANG LDAN PA ZHES BYA BA LA SOGS PA'O, ,THA MI DAD PA NYID NI 'DRA BA NYID YIN LA DE'I TSE YANG YOD PA YIN NA GZHAN GYI TSE YANG JI LTAR YIN, GZHAN GYI TSE NI DE MED NYID, ,CES BYA BA CI LAS YIN ZHE NA, DE LTA NA DE 'BRAS BU BYED PAR 'GYUR RO ZHES BYA BA SMOS TE SRID PA NI JI LTAR RTOGS PA BZHIN 'BYUNG BA'I PHYIR, RTOGS PA YANG MTHONG BA'I NGO BO YIN TE, RANG GI DUS TZAM YUL YIN PA'I PHYIR RO, ,DE NYID NGO SHES PA YANG MTHONG BA DANG 'GAL BAS DON BYED PA'I YUL MA YIN PA'I PHYIR RO, ,RIM PA MED PA KHO NA RTAG PA NYID RGYU YIN NO, ,DE'I PHYIR DE'I 'BRAS BU YANG DE'I TSE KHO NA 'BYUNG GI, DUS GZHAN GYI TSE NI MA YIN TE, RGYU MED PA'I PHYIR RO ZHES BYA BA'I DON TO, ,GANG GI 'BRAS BU GANG YIN PA DE DE DANG NYE BA YIN NA, 'BRAS BU GZHAN BZHIN DU 'BYUNG BA KHO NA YIN TE, GZHAN DU NA RJES SU 'GRO BA MED NA LDOG PA YANG MED PAS RGYU MA YIN PA

NYID THOB PA YIN PAR BSTAN PA NI, YANG NA RGYU LAS 'BRAS BU DE'I ZHES BYA BA STE, 'GREL PA MDZAD PA'I BSHAD PA NI, RE ZHIG RIM PA CAN MI RTAG PA NI, 'BRAS BU'I RGYU NYID KHO NA MA YIN TE, PHAN TSUN RGYU NYID DU THAL BA'I PHYIR RO, ,'BRAS BU MA YIN PA'I PHYIR RTAG PA NYID DU 'GYUR GRANG NA, RTAG PA NI DUS GCIG PA'I MTHAR THUG PAS RIM PA MA YIN PA DUS GZHAN NA 'BYUNG BA'I 'BRAS BU'I RGYU NI MA YIN TE, DE'I TSE MED PAR 'GYUR RO ZHES BSTAN PA NI, GAL TE LUS NYID CES BYA BA'O, ,YID KYI RNAM SHES NI RIM PA MA YIN PA MA YIN TE, DUS GZHAN DU RJES SU 'JUG PA'I PHYIR RO, ,DANG PO 'DAS PA NYID DUS PHYI MA LA RTOGS PA YAG MA YIN TE, DANG PO RTOGS PA LA NYE BA MA YIN PA'I PHYIR, YID KYI RNAM SHES GZHAN DANG RIM PA DANG LDAN PA KHO NA YIN PAR BSTAN PA NI, YID KYI BLO 'DI NI ZHES BYA BA'O, ,NYE BA LA SKYON BSTAN PA NI, DE LTA MA YIN NA ZHES BYA BA'O, ,GNAS SKABS KYI NYE BAR BSGYUR BA'I NGO BO'I GNAS SKABS MI 'DZIN PAS GNAS SKABS BZUNG BA KHO NA YIN LA, DE NYID THAMS CAD LA YANG YOD PA'I PHYIR RO SNYAM DU SEMS PA NI, 'ON TE GNAS SKABS MI 'DZIN PAS ZHES BYA BA'O, ,GNAS SKABS KYIS NYE BAR BSGYUR BA'I NGO BO NI GNAS SKABS CAN YIN LA, DE MI 'DZIN NA MA BZUNG BA YIN ZHES BYA BA'I DON BSTAN PA NI, GNAS SKABS BZUNG BA MA YIN NA ZHES BYA'O, ,GNAS SKABS KYI NYE BAR BSGYUR BA NI RJES SU BYED PA MA YIN TE, 'ON KYANG DE DANG 'BREL BA'I NGO BO YIN NO SNYAM DU SEMS PA LA, RANG GI NGO BO TZAM NI 'BREL PA MA YIN PAR BSTAN PA NI, GAL TE BYUNG BA DANG ZHES BYA BA'O; ,GAL TE RTOGS PA'I NUS PA MED PA'I PHYIR DE LTAR MA RTOGS PA YIN NA, DNGOS SU PA'I NGO BO YANG DE KHO NA BZHIN DU 'GYUR RO SNYAM DU SEMS PA LA, RTOGS PAS MTHONG BA MNGON SUM PA'AM, CIG SHOS DNGOS SUM YIN BA STE, GZHAN LA TSAD MA MED DO ZHES BSTAN PA NI, RTOGS PA NYID YIN NO ZHES BYA BA'O, ,GZHAN RTOGS PA NI SHES PA GZHAN NO, ,DNGOS PO NI DNGOS PO GZHAN LAS SKYE BA YIN LA, DUS LA SOGS PA'I DNGOS PO GZHAN GYIS NYE BAR BSGYUR BA DANG, CIG SHOS DAG GI RIM PA CAN NAM, CIG SHOS SU YANG 'GYUR BA YIN GYI DE DAG TZAM GYI KHYAD PAR

, ,GYIS 'BRAS BU NYID DAM CIG SHOS NI MA YIN TE, RANG BZHIN THA MI DAD PA'I PHYIR RO SNAM DU SEMS PA LA, GAL TE RGYU'I RIM PA CAN MA YIN MOD CES BYA BA'O, ,RIM PA'AM GZHAN DU DUS LA SOGS PAS NYE BAR BSGYUR PA MA YIN TE, 'O NA CI ZHE NA, DNGOS PO RNAMS NYID KYI RANG BZHIN GYI KHYAD PAR NYE BA RIM PA MA YIN PA YIN LA, NYE BA DANG NYE BA MA YIN PA NI RIM PA YIN NO, ,DE BSTAN PA NI, GAL TE RIM MIN ZHES BYA BA'O, ,'BRAS BU NI NYE BA MA YIN PA MA YIN NAM, DE KHO NA'I TSE JI LTAR 'BYUNG BA YIN DE'I NGO BO GZHAN GYI NGO BOR 'GYUR BA NI MA YIN NO DE LTA YIN NA RGYU YANG NYE BA GCIG BU'I RANG BZHIN YIN LA, NYE BA MA YIN PA'I RANG BZHIN GYIS NYE BA MA YIN PA'I 'BRAS BUR MI 'GYUR BA KHO NAR BSTAN PA NI, GZHAN GYI TSE NI ZHES BYA BA'O, ,RGYU YANG NYE BA DANG MI NYE BA MA YIN NAM, DE LTA BU'I NGO BO 'BRAS BU NI THA DAD PA YIN GYI RGYU NI MA YIN PA'I PHYIR DE DAG DE'I NGO BOS 'BREL PA YIN NO SNYAM DU SEMS PA LA, DE LTA NA DE 'BRAS BU BYED PAR 'GYUR ZHES BYA BA STE, NYE BAR DMIGS PA'I RGYU DANG NYE BAR DMIGS PA DAG GIS DE NYID RTOGS PA'I DMIGS PA YANG NYE BA'I DNGOS PO KHO NA YIN GYI, CIG SHOS NI MA YIN NO ZHES BYA BA'I DON TO, ,GANG LO NA NYE BA YIN PAR RTOGS PA DE RTOGS PA GZHAN GYIS RTOGS BZHIN PA NI NYE BA MA YIN ZHES BYA BA 'DI LA 'GAL BA MED PA MA YIN NAM SNYAM DU SEMS PA LA 'ON TE RIM GYIS ZHES BYA BA STE, RGYU GZHAN DANG GZHAN YOD PAS GZHAN DANG GZHAN DU RTOGS PA'I YUL NYID NI GCIG PU LA SKYES BU'I DBYE BA BZHIN DU 'GAL BA MED DO ZHES BYA BA'I DON TO, ,GZHAN YANG GZHAN NYE BA MA YIN PAR DMIGS PAS JI LTA BA KHO NAR RTOGS PA DE BZHIN DU RTOGS BZHIN PA YANG YIN TE, KHYAD PAR MED PA'I PHYI RO ZHES BSTAN PA NI, DE LTA NA RIM PA MED PA MA YIN NO ZHES BYA BA STE, DE LTAR RES 'GA' BA'I RGYU LAS RES 'GA' BA MA YIN PA'I 'BRAS BU MI 'BYUNG ZHES BYA BA'I DON BSHAD NAS, RES 'GA' MA YIN PA LAS RES 'GA' MI 'BYUNG BA'I DON 'CHAD PA NI, YANG NA RGYU LAS 'BRAS BU ZHES BYA BA STE, RIM PA MA YIN TE, RTAG PA LAS TE RES 'GA' MA YIN PA'I RGYU LA, RES 'GA' BA'I 'BRAS BU RJES SU 'GRO BA NI MA YIN TE,

DE YOD KYANG RES 'GA' MI 'BYUNG BA'I PHYIR RO ZHES BSTAN PA NI, RGYU DANG MI 'DRA BA YANG ZHES BYA BA'O, ,RES 'GA' DE LAS 'BYUNG BA'I PHYIR, DE'I RJES SU 'GRO BA YOD PA MA YIN NAM SNYAM DU SEMS PA LA, GANG YANG DE LTA BU ZHES BYA BA SEMS TE, RES 'GA' 'BYUNG BA'I RJES SU 'GRO BA MA YIN TE, 'ON TE DE YOD NA YANG YANG DU 'BYUNG BAS RJES SU BYED PA MA YIN ZHES BYA BA'I DON TO, ,RJES SU BYED PA RJES SU 'GRO BA MA YIN NAM, MED NA MI 'BYUNG ZHES BYA BAR YANG 'GYUR LA, DE LTAR YOD NA 'BYUNG BA ZHES BYA BA 'DI MED NA MI 'BYUNG BA ZHES BYA BA KHO NAR RTOGS PA YIN LA, DE BZHIN DU KHYAB BYA MED PA NI KHYAB BYED YIN LA, DE BZLOG PA YIN NA KHYAB BYA YOD CING, KHYAB BYED YOD PA KHO NAR GRUB PA YIN GYI, YOD PA GDON MI ZA BAR 'BYUNG ZHES BYA BAR RTOGS PA MA YIN ZHING RJES SU DPAG PA'I YAN LAG KYANG MA YIN NO SNYAM DU SEMS PA NI, GAL TE DE MED NA MI 'BYUNG BA ZHES BYA BA'O, ,'BYUNG BA NI DE'I NGO BOS RAB TU SBYAR BA YIN TE, DE MED NA MI 'BYUNG ZHES BYA BA YIN LA, DE'I NGO BOS RAB TU SBYAR BA NYID KYANG, DE'I NGO BO YOD NA 'BYUNG BA'I PHYIR, RES 'GA' 'BYUNG BA MA YIN PAR BSTAN PA NI, GAL TE DE YOD KYANG MED NA ZHES BYA BA STE, GAL TE YAG MED PA DAG RTOGS NA SBYAR BYA DANG SBYOR BYED NYID RTOGS PA MA YIN LA, 'BYUNG BA DANG 'BREL PA SNGON DU 'GRO BA CAN NYID MED PA DANG 'BREL BA YIN TE, DE MED NA MED PA'I PHYIR RO ZHES BSTAN PA NI, DE MED PA 'DI DE MED PAS, ,ZHES BYA BA'O, ,JI LTAR YOD PA DAG GI DNGOS PO DAG GI RANG NYID KHO NA 'BREL PA JI LTA BA DE BZHIN DU, MED PA DAG GIS MA YIN NAM, GANG GZHAN LA YANG LTOS PA YIN TE, RGYU MED PA LA 'BREL PA CAN GYI 'BRAS BU MED PAR CIS MI 'GYUR LA, RGYU 'BRAS BU DANG 'BREL PA CAN DU CIS MI 'GYUR TE, RTOGS PA MED PAR KHYAD PAR MED PA'I PHYIR RO SNYAM DU SEMS PA LA, MED PA DAG RANG NYID KYI 'BREL PA YIN NA; YOD PA DAG KYANG YIN PA'I PHYIR GNAS SKABS PA'I RGYU NYID DAM CIG SHOS DAG KYANG DOR BAR 'GYUR LA, DE YANG KHAS BLANGS PAS NGES BYAS PAS MED PA DANG 'BREL PA NYID BRJOD BYA YIN PAR BSTAN PA NI, GAL TE 'DI ZHES BYA BA STE DE'I NGO BO YOD KYANG MI 'BYUNG NA 'BYUNG BA YANG DE LAS MI 'GRUB

, ,PO ZHES BYA BA'I DON TO, ,DE LA CIR 'GYUR ZHE NA, JI LTA BA DE'I GNAS SKABS ZHES BYA BA SMOS TE, DE MED KYANG RANG NYID KHO NA 'BYUNG BAR 'GYUR BA NI DE MED NA MI 'BYUNG NGO ZHES BYA BA MI 'GRUB BO ZHES BYA BA'I DON TO, ,MED PA NI RGYU MA YIN PA YIN NA, RANG NYID KHO NA MI 'BYUNG ZHES BYA BA 'DI RIGS PA YIN PAR BSTAN PA NI, DON RNAMS DNGOS PO ME PA NI, ZHES BYA BA STE, MED PA NI RNAG DBANG NYID KYI PHYIR, DE YANG BAR DU GCOD PA MED NA DES BYAS PA'I YOD PA LA BAR DU GCOD PA MED DO ZHES BYA'I DON TO, ,'BYUNG BA NI GZHAN DBANG NYID KYI PHYIR, RANG NYID KHO NA 'BYUNG BAR MI RIGS PA'I PHYIR MED PAS GEGS BYAS PA YIN PA NI DE'I NGO BO YOD KYANG MI 'BYUNG BA'I PHYIR MI RIGS PA YIN PAR BSTAN PA NI, YOD PA NI RGYU'I GZHAN GYI DBANG YIN PA'I PHYIR ZHES BYA BA'O, ,YOD PA YIN NA 'BYUNG BA'I MED PA NI RGYU MED PA CAN DU MI RIGS PA MA YIN NAM, GZHAN DU NA YOD PA'I GNAS SU YANG 'GYUR BA'I PHYIR SNA TSOGS PA RTOGS PA MED PA KHO NAR 'GYUR RO SNYAM DU SEMS PA LA, DNGOS PO'I YUL GZHAN LA SOGS PA MA DMIGS PA NYID NI MA YIN LA, DE LTAR NA 'DI THAL BAR 'GYUR BA MA YIN PAR BSTAN PA NI, MED PA NI ZHES BYA BA'O, ,GAL TE MA DMIGS PA KHO NA MED PA YIN NA, DE YANG RGYU MED PA YIN LA RGYU NUS PA CAN YOD KYANG DMIGS PA'I NGO BOR MI 'GYUR PA'I PHYIR JI LTAR 'BYUNG BA LA GEGS BYED PA YANG YIN SNYAM DU SEMS PA NI, GAL TE 'BRAS BU MED PA ZHES BYA BA'O, ,GAL TE RGYU NUS PA CAN YOD KYANG MED PA YIN NA, RGYU MED PAS 'BRAS BU MED PA YIN ZHES BYA BAR MI 'GYUR RO, ,DES NA MED PAS BAR DU BCAD PA MA YIN PA'I PHYIR, YOD PA DANG 'BREL PA YIN PAR MI 'GYUR BAR BSTAN PA NI, DE LTA NA 'O NA ZHES BYA BA STE, RANG NYID MI 'BYUNG BA ZHES BYA BAS MED PA LA BAR DU GCOD PA MED PAR BSTAN PA YIN NO, ,DES NGES PAR BYAS PA MA YIN PA ZHES BYA BAS DE SNGON DU 'GRO BA CAN GYI YOD PA LA BAR DU GCOD PA MED PAR BSTAN TO, ,NGES PA MED PA NYID RNAM GRANGS KYIS BSTAN PA NI, DES NA 'BRAS BU MA YIN NO ZHES BA STE, YOD PA'I BAR DU GCOD PA RANG DBANG YIN NA, DNGOS POS NAN GYIS DNGOS PO BSKYED PA YIN NA RGYU MED PA CAN GYI,

MED PA YOD PA'I 'OG TU 'BYUNG BA YIN PAR BSTAN PA NI, GANG GI TSE RGYU YONG NA 'BYUNG BA ZHES BYA BA STE, RANG GI NGA GIS 'GAG PA YIN YANG 'BYUNG BA YIN NO ZHES SKABS DANG SBYAR RO, ,CI LAS SHES SHE NA, GZHAN DANG GZHAN ZHES BYA BA'O, ,GAL TE 'BYUNG BA RANG GI DANG GIS 'GAG PA MED PA YIN NA, 'DI DE MED PAR RAB TU SBYAR BA MA YIN TE, DE MED KYANG YOD PA'I PHYIR RO, ,RANG GI DANG GIS 'GAG PA DE'I MED PAS RAB TU SBYAR BA YIN ZHES DE SKAD DU ZER, 'ON KYANG RGYU'I RGYUN MED NA 'BRAS BU'I RGYUN MED PA YIN PAR RTOGS PA BSTAN PA NI, DE MED PA NYID NA ZHES BYA BA'O, ,DE LTAR YANG RGYU YOD NA 'BYUNG BA KHO NA'I PHYIR, 'BRAS BU KHYAB PAR BYED PA YIN PAS, RGYU MED KYANG 'BYUNG BA YIN PAR BSTAN PA NI, DE'I PHYIR RGYU DANG 'BREL PA CAN NYID NI NGES PA CAN NYID DU 'GYUR BA KHO NA YIN PA'I PHYIR RGYU NGES PA CAN KHO NA 'BRAS BU YIN NO ZHES BSTAN PA'I DON TO, ,RIM CAN MA YIN PA LAS TE, RES 'GA' BA MA YIN PA LAS RIM PA CAN TE RES 'GA' BA YIN NO, ,LHAN CIG BYED PAS BSGRUB PAR BYA BA'I PHUL DU BYUNG BA NI KHYAD PAR YIN LA, DE MA YIN PA GANG LA YOD PA DE NI KHYAD PAR CAN YIN TE, DE'I LTOS PA MED PAR KHYAD PAR CAN DANG THA MI DAD PA PHUL DU BYUNG BAR BYED PA'I LHAN CIG BYED PA YIN PAR BSTAN PA NI, KHYAD PAR SGRUB TU MED PA NA ZHES BYA BA'O, ,'ON TE LHAN CIG BYED PA PO NYID MTHA'I GNAS SKABS BZHIN DU LHAN CIG BYE PA YIN NA, DE LTA YIN NA DE'I GNAS SKABS RNAMS KYI RE RE'I NUS PA YIN PA'I PHYIR, DE KHO NA LHAN CIG BYE DPA'I RGYUR 'GYUR BA YIN LA, RTAG PA DE LA NYE BAR MA BOR BA'I PHYIR, RGYU NYID KYI PHYIR NI MA YIN PAR BSTAN PA NI, KHYAD PAR THA DAD PAR KHAS LEN NA YANG ZHES BYA BA'O, ,RTAG PA NYID YANG MI BYED NA MTHA'I GNAS SKABS BZHIN DU LHAN CIG BYED PA'I DON DU MI 'GYUR RO, ,DES NA MTHA'I GNAS SKABS BZHIN DU RTAG PA YANG BYED PA YIN NO SNYAM DU SEMS PA NI, KHYAD PAR DE DE'I YIN NO ZHE NA ZHES BYA BA'O, ,BDEN TE, RE ZHIG KHYAD BAR DU BYED PAS LHAN CIG BYED PA NI MA YIN TE, RTAG PA NYID MED PAR THAL BAR 'GYUR RO ZHES BSTAN PA NI, MA YIN TE KHYAD PAR ZHES BYA BA'O, ,KHYAD PAR LAS NI LHAN CIG BYED PA'I'O, ,KHYAD PAR ZHES BYA BA NI KHYAD

, ,PAR LAS LHAN CIG BYED PA LAS KHYAD PAR DU BYED PA YIN ZHES BSGRUBS PAS KHYAD PAR NI PHUL DU BYUNG BA'O, ,DON MED DO ZHES BYA BA NI SNGA MA BZHIN DU BYED PA PO NYID MA SPANGS PA'I PHYIR ZHES BYA BA'I DON TO, ,KHYAD PAR RTOGS PA KHO NA THAMS CAD DU YIN NA RTAG PA LA YANG TSAD MA YOD PAR 'GYUR BA ZHIG NA, DE NI MED PA KHO NA STE RES 'GA' KHYAD PAR MED PAR YANG RTOGS PA'I PHYIR RO SNYAM DU SEMS PA NI, GAL TE KHYAD PAR MI RTOGS NA ZHES BYA'O, ,GAL TE LHAN CIG BYED PA'I DUS DUS SU YANG KHYAD PAR MED PA NYID YIN NO, ,DE SNGA MA'I NGO BO KHO NA MA BOR BA YIN NA, JI LTAR GLO BUR PA DE LA LTOS PA YIN, NUS PA MED PA BYED PA PO LA MA YIN PA LA LTOS PA NI MA YIN TE, DE BYED PA YIN NA DE'I LHAN CIG BYED PA LA LTOS PA YIN PAR BSTAN PA NI, DE LTA NA LTOS JI LTAR 'GYUR, GANG GI PHYIR ZHES BYA BAS KHYAD PAR DU SKYE BA BSAL BA YIN PAR BSTAN PA NI, DE LA NI, KHYAD PAR YANG NI YOD PA MA YIN ZHES BYA BA'O, ,KHYAD PAR CAN GYIS BYED PA YIN LA, BYED PA NYID KYANG GZHAN BYED PA POR LHAN CIG BYED PA LA LTOS PA YIN GYI, MI BYED PA LA NI MA YIN PAR BSTAN PA NI KHYAD PAR YOD NA NI ZHES BYA BA'O, ,LTOS PA KHYAD PAR DU BYED PA PO LA KHYAD PAR DANG LDAN PA LTOS PA YIN PA 'DI LA 'JIG RTEN NA GRAGS PA'I TSAD MAS YOD PAR BSTAN PA NI 'DI'I DON DU ZHES BYA BA NI KHYAD PAR GYI DON DU'AM, 'BRAS BU'I DON DU YIN NO, ,NYE BAR BSDU BA NI DE'I PHYIR ZHES BYA BA STE, KHYAD PAR MED PA LA STE KHYAD PAR BSGRUB TU MED PA NI LHAN CIG BYED PA LTOS PA MED PA'O, ,MI BYED PA'I NGO BO LAS GZHAN PA DE BYED PA'I NGO BO NI KHYAD PAR YIN LA, DE DANG BRAL BA KHYAD MED PA, ,'BRAS BU MI BYED PA NI DE BYED PA'I LHAN CIG BYED PA LA MI LTOS PA YIN NO SNYAM DU SEMS PA LA, GAL TE YANG DE KHYAD PAR MED PA'AM RIM PA MED PA NA DE LAS SKYE BA'I 'BRAS BU NI LHAN CIG BYED PA LAS SAM, GZHAN LAS RIM PA DANG LDAN PAR SKYE BA NI MA BSREGS PA'I BUM PA LAS BSREGS PA'I BUM PA LTA BU YIN NO SNYAM DU SEMS PA LA, LUS LAS ZHES BYA BA SMOS TE, BUM PA GZHAN LAS SKYE BA YIN PAR MTHONG BA NI, GZHAN TE ME DANG PHRAD PA LAS KHYAD PAR CAN YIN PAR NI RIGS KYI BLO NI DE LTA MA

YIN TE, GZHAN LAS SKYE BAR MA MTHONG BA'I PHYIR RO, ,MTHONG BA NI YIN YANG LUS NI RGYU MA YIN NO, ,DES NA RIM PA'I NGO BO NI KHYAD PAR DU BYED PA KHO NA DE BYED PA YIN NO, ,DE BZHIN DU BLO GZHAN YANG YIN PA'I PHYIR BLO NI DES BYAS PA KHO NA YIN TE, RTAG PA'I LUS KYIS BYAS PA NI MA YIN TE, RJES SU 'GRO BA LA SOGS PA MED PA'I PHYIR RO ZHES BYA BA'I DON TO, ,SNGAR GYI BLO NI BYA BA NI 'BRAS BU YOD PA YIN NA, DE'I PHYIR DE YANG RIM PA DANG LDAN PA'I 'BRAS BU'I RGYU MA YIN NAM, DE LTA YIN TE RIM GYIS BYED PA RIM PA DANG LDAN PA'I KHYAD PAR DE YIN NO, ,RIM PA CAN MA YIN PA'I KHYAD PAR CAN NYID YIN NA 'BRAS BU CIG CAR BA'I SKYON YIN PAR BSTAN PA NI 'ON TE BLO SNGA MA SNGA MA ZHES BYA BA STE, KHYAD PAR DU 'GYUR BA ZHES BYA BA STE, KHYAD PAR GYIS SAM RIM GYIS KHO NAS SO, ,RTAG PA NI 'JIG PA'I MTHAR THUG PAR SNANG BA NI GCIG YIN PA'I PHYIR, GCIG GI TSE SNANG BA NI SKAD CIG MA GZHAN LA MI 'BYUNG BAS RGYU MED PA'I PHYIR DE'I TSE 'BRAS BU MI 'BYUNG NGO ZHES SUN 'DON PA NI SKAD CIG MA LA YANG MTSUNGS PA MA YIN NAM, DE YANG SKAD CIG MA GZHAN LA YOD PA MA YIN TE, GZHAN DU NA SKAD CIG MA NYID DU 'GAL BAR 'GYUR BA'I PHYIR RO, ,SKAD CIG MA GZHAN NGES PA'I YUL YOD PA'I PHYIR SKYON MED DO, DE DANG LHAN CIG NYID YIN NA DE YANG DAM PA'I KHONGS SU GTOGS PAS DUS PHYI MA NYID MA YIN PA'I PHYIR RTAG PA NYID RIM GYIS MA YIN NO, ,DE'I TSE BDAG NYID THAMS CAD RTOGS PA YANG DUS GZHAN DU KUN DU RGYU BA NI MA YIN TE, JI SRID DU 'JIG BYED MED PA DE SRID GNAS PA YIN BAR NI MI RIGS TE, MTHA' MA BZHIN DU DANG PO LA YANG 'JIG PA'I MTHAR THUG PA CAN DU SNANG BAR KHYAD PAR MED PA'I PHYIR RO, ,DE'I TSE 'JIG PAR BYED PA'I RGYU MED PA'I PHYIR 'JIG PA MA YIN TE, DNGOS PO NI BDAG NYID THAMS CAD KYIS SNANG BA YIN NO ZHE NA, 'JIG PA'I RGYU MED DU ZIN KYANG DE'I MTHAR THUG PAR YANG RTOGS PA YIN NA, MTHA'I GNAS SKABS BZHIN DU JI LTAR PHYI MA'I DUS SU YOD PA YIN MI RTAG PA NYID NI SKAD CIG RE RE ZHING GZHAN DANG GZHAN PA'I PHYIR SNGA MA NYID PHYIS YOD PA NI MA YIN NO, ,DE'I PHYIR SNGA MA NI PHYI MA LAS RIM PA DANG RGYU

, ,NYID KYANG YIN TE, DE LTAR MTHONG PA'I PHYIR DANG, GZHAN DU MA MTHONG BA'I PHYIR RO, ,GANG GI TSE DE DANG DE LAS 'BYUNG BA NI DE LAS GZHAN PA LAS YIN PAR MA DMIGS PA'I PHYIR DE'I BSKYED BYA NYID YIN NO, ,'JIG RTEN GSUM PO YANG RGYU DUS MTSUNGS PA YIN NA, RGYU LAS JI LTAR MA BYUNG, DE NYID DU MA RTOGS PA'I PHYIR LA 'DI LA NI DE NYID DU NGES PAS DBYE BA YIN NA, DE'I 'BRAS BU NYID YUL DU BYED PA YIN PA'I PHYIR RGYU NYID DU YOD PAR RTOGS PA YIN NO, ,DE NYID KYI PHYIR DE KHO NA RIM GYIS BYED PA YIN PAR YANG GRUB PAR BSTAN PA NI, SNGON MED SKAD CIG RE RE YI STE, DE DANG DE'I, SNGA MA SNGA MA'I SKAD CIG NI RGYU YIN NO, ,'BRAS BU 'DAS PA RGYU 'DA' BAR RTOGS PA'I PHYIR 'BRAS BU YANG SNGA MA 'AM PHYI MA YANG NGA RGYAL DANG BCAS PA'I BLO DANG LHAN CIG PA MA YIN PAS DE DANG LHAN CIG PA'I RNAM PAR 'GYUR BA YIN LA, DE KHO NA BZHIN DU RGYU YANG YIN TE, DE LA YANG DE KHO NA BZHIN DU MTHONG BA'I PHYIR RO, ,ME DANG DU BDAG GI PHAN 'DOGS BYED DANG PHAN GDAGS BYA YIN PA BZHIN DU LHAN CIG PA MA YIN NO, ,DE'I PHYIR TSOGS PA LAS TSOGS PA SKYE BA MA YIN LA 'DI LA BZLOG PA YIN PA'I PHYIR, CI'I PHYIR DE BZHIN DU SKYE BA MA YIN ZHES BYA BA'I DON TO, ,SKYE BA 'DI LA NI DE BZHIN DU 'GYUR NA SKYE BA PHYI MA LA JI LTAR YIN SNYAM DU SEMS PA LA, DE LA YANG SKYE BA DANG PO LA BLO DANG LHAN CIG PA'I LUS SU DMIGS PA'I PHYIR, DE LTA BU'I RNAM PA CAN KHO NA'I LUS NI DU BA LAS ME BZHIN NAM, YAN LAG GI RNAM PAR 'GYUR BA LA SOGS PA'I MNGON PAR 'BYUNG BA LAS BZHIN DU DE'I RGYU YIN PAR RJES SU DPOG PA YIN PAR BSTAN PA NI, DES NA BLO DANG LHAN CIG PA'I LUS ZHES BYA BA STE, DE'I DE MA THAG PA'I RGYU NYID DU MTHONG BA'I PHYIR SNGON DANG PHYI MA'I DE KHO NA 'DRA BA'I LUS NI RGYU YIN PAR RJES SU DPOG PA YIN PA'I PHYIR 'JIG RTEN GRUB PA YIN NO, ,LUS KYI BSKYED BYA'I LUS NI BLO'I RGYUR SKAD CIG RE RE LA DMIGS PA NI SRED PA'I THOG MA DANG THA MA LA YANG YOD PA RANG GI RGYU MTSAN LUS GZHAN GYIS 'PHAGS PA YIN LA DES NA SRID PA GZHAN 'GRUB PA YIN NO ZHES BYA BA'I DON TO, ,SKAD CIG MA'I DNGOS PO RNAMS LA DUS GZHAN GYI RJES SU 'BRANG BA MED PA'I PHYIR CI 'DRA BA'I RIM PA YIN, GANG GI PHYIR DUS KYI DBYE BAS BYA

BA DANG LDAN PA THA DAD PA YIN NA, RIM PAR 'GYUR GYI GZHAN DU NI MA YIN NO SNYAM DU SEMS PA LA, SKAD CIG MA'I DNGOS PO LAS SKAD CIG SNGA MA SNGA MA LAS PHYI MA PHYI MA 'BYUNG BA KHO NAR RIM PA'I THA SNYAD KYI YUL YIN GYI, GZHAN DU NI MA YIN PAR BSTAN PA NI, SNGON MED SKAD CIG RE RE YI, ,ZHES BYA BA STE, GANG GI PHYIR SKAD CIG MA LA YANG RIM PA DANG LDAN PA'I YUL NI BLO'I RGYU YIN LA, DE LTA BU'I 'BRAS BU 'BYUNG BAR BYED PA SRID PA'I DANG PO LA MTHONG BA JI LTA BA DE BZHIN DU MTHA' MA LA YANG DE KHO NA LTAR MTHONG BA DE LTA BU KHO NA RANG LAS BYUNG BA'I LUS GZHAN 'PHEN PAR 'DOD PA'I PHYIR SKYE BA PHYI MA GRUB PA YIN PAR BSTAN PA NI, DE'I PHYIR NA DUS KUN DU RGYUR MTHONG BA NYID CES BYA BA STE, BLO'I RGYU LUS KYI BSKYED BYA YIN PA'I PHYIR, SKYE BA DANG PO LA DE LTA BU'I LUS GZHAN 'PHEN PAR BYED PA YIN ZHES BYA BA'I DON TO, ,YANG NA SKAD CIG MA NYID YIN YANG SKAD CIG MA SNGA MA NYID THAMS CAD KYI BYED PA PO YIN PAS CI'I PHYIR 'BRAS BU CIG CAR MA YIN ZHE NA, SNGON MED SKAD CIG RE RE NI 'BRAS BU'O, ,SNGA MA SNGA MA NI RGYU GZHAN DANG GZHAN YIN LA DE BZHIN NYID RE RE NI MA YIN NA GANG GIS CIG CAR BA'I SKYON DU 'GYUR, DE'I PHYIR RGYU MIN PA NYID DE RTAG PA NYID YIN LA, RTAG PA NYID NI DUS KUN DU STE, DUS THAMS CAD KHYAB PAR BYED PA NYID DU CIG CAR MTHONG BAR 'GYUR, GZHAN NI MA YIN NO ZHES BYA BAR SBYAR RO, ,YANG NA RGYU'I ZHIG PA NI RGYU LAS GZHAN MA YIN LA DES NA DE DANG LHAN CIG 'BYUNG BA'I 'BRAS BU DANG RGYU DANG LHAN CIG 'BYUNG BA YIN PA'I PHYIR SKAD CIG MA NYID LA YANG 'BRAS BU CIG CAR BAR 'GYUR TE, DE DAD DE NI 'DI KHO NA LAS 'BYUNG NGO SNYAM DU SEMS PA LA, SNGON MED SKAD CIG RE RE ZHES BYA BA STE, ,DUS NGES PA'I DNGOS PO NI YUL NGES PA BZHIN DU YUL GZHAN DANG GZHAN NYID LAS LDOG PA YIN GYI RANG GI DUS LA NI MA YIN TE, RANG NYID MED PAR THAL BAR 'GYUR BA'I PHYIR RO, ,LDOG PA NI LDOG PA PO LAS GZHAN MA YIN TE, DE LTA YIN NA NI DNGOS PO MI 'JIG PAR THAL BAR 'GYUR PA'I PHYIR RO, ,DE'I PHYIR GNYIS PA KHO NA SNGA MA ZHIG PA YIN NO, ,ZHIG PA DANG PHYED ZHIG PA DANG MA ZHIG PA LA SOGS PA'I RNAM PAR RTOG PA RNAMS SKAD CIG MA'I PHYOGS LA SKYON MA YIN TE, 'BRAS BU'I SNGA ROL NA MED PAR

, ,KHAS LEN PA'I PHYIR RO, ,SKAD CIG MA DANG SKAD CIG MA MA YIN PA NYID LA 'BRAS BU'I SKYE PA DGOS PA MA YIN TE, DE LTA MOD KYI NGES KYANG RANG NYID THOB PA'I DON DU YOD PA LA LTOS PA YIN LA, DE YANG GANG GI TSE LTOS PA KHO NA YIN GYI DE'I TSE 'BRAS BU NI MA YIN TE, LTOS PA MED PAR THAL BAR 'GYUR BA'I PHYIR RO, ,GANG GI PHYIR LTOS PA ZHES BYA BA NI DE LAS RANG NYID 'THOB PA YIN GYI THOB PA'I BDAG NYID CAN LA NI DE MI SRID PA YIN TE, MI LTOS PA'I PHYIR RO ZHES BYA BA'I DON TO, ,YOD PA'I YANG SNGA NA YOD PA NYID NI 'BRAS BU'I LTOS PA YIN TE, DES 'PHANGS PA NYID DU RTOGS PA'I PHYIR RO, ,CIG SHOS NI MA YIN TE, DE'I PHYIR DE KHO NA RGYU NYID KYI RGYU MTSAN YIN TE, 'BRAS BU'I DUS NA MI GNAS PA LA YANG MTSUNGS PA YIN PAR BSTAN PA NI, DE'I PHYIR NA DUS KUN DU RGYUR MTHONG BAR 'GYUR BA NI, DUS KUN DU STE THAMS CAD LA ZHES BYA BA LA LTOS PA YIN NO, ,RTAG PA NYID LA NI TSAD MA CI YANG YOD PA MA YIN NO ZHES BYA BA'I DON DU'O, ,BLO'I RIM PA NI, RGYU LUS KYI YANG RIM PAR RTOGS PAR BYED PA'I PHYIR RO, ,BLO DANG LHAN CIG PA'I LUS KHO NA GNAS SKABS PA YIN NO, ,DE'I PHYIR LUS KYI BSKYED BYA'I BLO NI LUS DANG LHAN CIG PA KHO NA YIN LA, BLO'I RGYU LUS NI DE YANG BLO DANG LHAN CIG PA KHO NAR BSTAN PA YIN NO, ,DES NA BLO DANG LHAN CIG PA'I LUS KYI RGYU YANG SKYE BA DANG PO LA DE LTA BU KHO NA YIN PAR 'DI LAS GO BAR BYED PA YIN LA, SKYE BA PHYI MA LA YANG DE LTA BU'I RGYU MTHONG BA LAS 'BRAS BU YANG DE LTA BU KHO NA YIN PAR JI LTAR MTHONG BAS RTOGS PAR BYA BA LA YIN ZHES BYA BA'I THOB PA YIN NO ZHES BSTAN PA NI, GANG KHO NA BLO'I LHAN CIG BYED PA'I LUS ZHES BYA BA'O, ,'ON TE 'BREL PA 'DZIN PA'I THABS GANG YIN ZHE NA, DE'I PHYIR LHAN CIG CES BYA BA'O, ,LAN CIG KYANG RANG GI DUS SU 'DZIN PAR MTHONG BAS 'DI'I 'BRAS BU YIN ZHES BYA BA LA SOGS PA SNGA MA DANG PHYI MA LA LTOS PA'I NGO BO MI 'DZIN PA KHO NA MA YIN NAM SNYAM DU SEMS PA LA, RGYU DANG 'BRAS BU NYID CES BYA BA STE, 'BRAS BU LA SOGS PA NI THA SNYAD DU GRUB PA YIN NO, ,JI SKAD RTOGS PAS 'BREL PAR BYED PA YIN ZHES GSUNGS PA'O, ,DE'I PHYIR RJES SU 'GRO BA DANG LDOG PA'I NGO BO'I RNAM PAR RTOG

PAS GO BAR BYA BA NI, 'BRAS BU NYID LA SOGS PA YIN GYI GZHAN NI MA YIN NO ZHES BYA BA'I DON TO, ,GAL TE YANG BLO DANG LHAN CIG PA'I LUS NI DE DANG 'DRA BA'I 'BRAS BU YIN PA'I PHYIR DANG, RGYU YIN PA'I PHYIR RTOGS BYED DU 'DOD PA YIN NA, 'GAL BA CAN 'CHI BA MTHONG BA'I PHYIR DRO BA MTHONG BA LAS GRANG BA BZHIN DU MED PAR YANG RTOGS PAR 'GYUR RO, ,RGYU MA TSANG BA MED PA'I SEMS RGYUN DU YOD PA NI 'CHI BA YOD NA MED PA'I PHYIR 'GAL BA YIN NO, ,DGRA BCOM PA'I RGYUN LA KHYED KYANG 'DI KHAS LEN PA YIN GYI, MA RIG PA DANG SRID PA MED PA'I PHYIR DGRA BCOM PA LA 'BRAS BU NYID MTSAMS SBYOR BA MED PA MA YIN LA, DE DAG MED KYANG 'TSO BA'I GNAS SKABS LA YANG MTSAMS SBYOR BA MTHONG BA'I PHYIR RO, ,SKAD CIG MA ZHIG PA NI 'CHI BA MA YIN TE, DE YOD KYANG 'TSO'I GNAS SKABS NA MTSAMS SBYOR PAR MTHONG BA'I 'GAL BA MED PAR THAL BAR 'GYUR RO, ,RGYUN CHAD PA YANG MA YIN TE, DE'I BSGRUB BYA YIN PA'I PHYIR RO, ,'ON KYANG DE'I RGYU'I DNGOS PO NI GNYID LOG PA BZHIN NAM, 'GOG PA'I SNYOMS PAR 'JUG PA LTA BU'I RGYUN CHAD PA LAS GZHAN PA'I RGYUN CHAD PA NI, GZHAN DU MI 'THAD PAR GO BAR BYED PA YIN GYI, DER RGYUN CHAD PA MTSAMS SBYOR BAR RIGS PA NI MA YIN TO, GANG GI PHYIR GNYID LOG PA LA SOGS PA NA 'GAG PA'I SEMS NI, DE NYID KYI TSE GZHAN DU MTSAMS SBYOR BA MA YIN LA, GNAS PAS 'PHANGS PA'I LAS MED PA TZAM NI 'CHI BA MA YIN TE, GNYID LOG PA LA SOGS PA MA MTHONG BA'I PHYIR RO, ,DE'I DUS SU BYUNG BA RGYUN CHAD PA YANG MA YIN 'CHI BA YANG MA YIN TE, MA MTHONG BA'I PHYIR RO, ,RNAM SHES DANG TSE 'GAG PA'I MTSAN NYID NI 'CHI BA YIN NO ZHE NA, YANG DE LTA YIN DU ZIN KYANG 'GAL BA GNYID LOG PA BZHIN DU JI LTAR MTSAMS SBYOR BAR BYED CES SMRAS PA YIN NO, ,RGYUN CHAD PA'I 'GAG PA NI RGYUN MI 'CHAD PA DANG 'GAL BA'I PHYIR MTSAMS SBYOR BA MED PA YIN NO, ,GNYID LOG PA'I 'GAG PA BZHIN DU MTSAMS SBYOR BA DANG 'BREL PA CAN GYI 'CHI BA NI 'GAG PA MA YIN TE, DE LTAR MA MTHONG BA'I PHYIR RO, ,TSAD MA THAMS CAD NUB PA NA YOD PA SRID PAR YANG NUS PA MA YIN TE, GTAN TSIGS KYI 'GRAN ZLA RNYED BLA

, ,BA'I PHYIR RGYUN CHAD PA DANG MTSAMS NYID MI MTHUN PAR TSAD MAS GRUB PA'I PHYIR RO, ,DE'I PHYIR RGYU LAS SAM 'BRAS BU LAS 'CHI BA'I 'OG TU 'BRAS BU DANG RGYU DAG SHES PA MA YIN LA, 'CHI BAS BAR DU BCAD PAS MA SKYES PA'I PHYIR RO, ,BAR DU GCOD PA MED NA SKYE BA YIN PA NI, DE LTA'I GNAS SKABS JI LTA BA BZHIN DU'O ZHES BYA BA NI RNAM PAR DBYE BA YIN NO SNYAM DU SEMS PA LA, THA MA'I SEMS NI SEMS GZHAN DANG MTSAMS SBYOR ZHES BYA BA STE, RE ZHIG GNYID LOG PA LA SOGS PA BZHIN DU RNAM SHES LA SOGS PA 'GAG PA NI, GNAS PA 'PHEN PAR BYED PA'I LAS 'GAG PA KHO NA LAS GZHAN PA YANG MA YIN TE, 'DI YOD NA GZHAN SHUGS KYIS MI 'THOB PA'I PHYIR LA, GNAS PA'I 'PHEN BYED YOD PAS 'GAG PA NI GZHAN DU MI MTHAD PA YIN TE, RGYU MTSAN GZHAN 'PHEN BYED YIN NO, ,DE LA YANG GNYID LOG PA YIN NO ZHES ZER RO, ,RGYU MTSAN GZHAN YOD DU CHUG KYANG DE YANG MTSAMS SBYOR BA DANG 'GAL BA MA YIN TE, GNYID LOG PA KHO NA BZHIN DU DUS NYUNG ZAD CIG 'GAG PA YANG SKYE BAR MTHONG BA'I PHYIR RO, ,'DI LA YANG MA MTHONG NGO ZHE NA, MA YIN TE, SKYE BA DANG PO'I SEMS DANG LUS KYANG GOMS PA LA SOGS PA'I BSKYED BYA'I KHYAD PAR DU MTHONG BA LAS SKYE BA SNGA MA'I MTHA'I SEMS MTSAMS SBYOR BA NI RJES SU DPAG PA'I PHYIR RO, ,DGRA BCOM PA'I SEMS KYANG DE BZHIN DU 'GYUR RO ZHE NA, 'GYUR BA YANG SKYON CI YOD RGYU MA CHANG BA LAS DE MTSAMS SBYOR BA MA YIN PA'I PHYIR THAMS CAD 'THAD PA YIN NO, ,SEMS GZHAN DANG MTSAMS SBYOR BA NI YUL LA'O, , THA MA'I SEMS NI 'CHI BA'I SEMS SO, ,'GAL CI YOD NI MED PA STE 'GEGS PAR BYED PA MED PA ZHES BYA BA'I DON TO, ,'GA' BA CAN NYID NI 'GEGS PAR BYED PA YIN PAR BRJOD DO, ,'BRAS BU'I GTAN TSIGS LAS SNGA MA DANG PHYI MA'I SKYE BA 'GRUB PA DANG 'GAL BA DMIGS PA YIN PAS DE MI 'GRUB PA'I PHYIR, 'GAL BA MI 'KHRUL PA CAN NI THE TSOM GYI RGYU YIN NO SNYAM DU SEMS PA NI, GAL TE JI LTAR DBUS KYI GNAS SHES PAR BYA BA'O, ,'DOD CHAGS BRAL BA'I 'CHI BA'I SEMS DANG NYID MTSAMS SBYOR BA NI DRO BA DANG GRANG BA BZHIN DU 'GAL BAR MTHONG BA YIN PAR BSTAN PA NI, GANG GANG

'CHI SEMS DE DANG DE, ,ZHES BYA'O, ,'CHI BA NI SEMS SKAD CIG PHYI MA LA MED PA MA YIN NAM, DE NI MTSAMS SBYOR BA DANG 'GAL BA CAN MA YIN TE, 'TSO BA'I GNAS SKABS NA 'GAL BAR MA MTHONG BA'I PHYIR RO, ,'DIS NI SKYON MED PAR YANG BSHAD PA YIN NO SNYAM DU SEMS PAS ZER BA NI, 'CHI BA'I SEMS GANG YIN PA DE NI ZHES BYA BA STE, RNAM SHES MED PA TZAM NI 'CHI BA MA YIN TE, 'TSO BA'I GNAS SKABS BZHIN DU DE NYID KYI TSE MTSAMS SBYOR BAR THAL BAR 'GYUR BA'I PHYIR RO, ,RGYUN MED PA LA YANG 'CHI BA MA YIN TE, RGYUN MED PA NI MTSAMS SBYOR BA MED PA'I NGO BO NYID KYIS 'DOD PA GRUB PA KHO NA YIN PA'I PHYIR RO, ,GNYID LOG PA LA SOGS PA DANG MTSUNGS PA YANG MA YIN TE, DE NYID KYI TSE MTSAMS SBYOR BAR THAL BAR 'GYUR BA'I ZHES BYA BA'I DON TO, ,'GAL BA'I BSGRUB BYA DAG GIS KHYAB PA YOD KYANG CHOS CAN GCIG LA BSGRUB BYA GNYIS MA YIN TE, MI RIGS PA'I PHYIR GNOD PA DANG BAR DU GCOD PA YANG MA YIN TE STOBS MTSUNGS BA'I PHYIR DANG, KHYAB PA YOD PA'I PHYIR RO SNYAM DU SEMS PA LA SGRUB BYED DANG GNOD BYED DAG NI 'GAL BA YIN LA, BAR DU GCOD BA NI KHYAB PA KHO NA YIN NA RIGS PA YIN GYI GZHAN DU NA GNOD PA YIN PAR BSTAN PA NI, 'ON TE BZLOG PAS ZHES BYA BA NAS MTSUNGS SO ZHES BYA BA'I BAR DU'O, ,'GAL BA'AM BAR DU CHOD PA 'AM YOD PA DANG MED PA YANG RUNG BA KHAS BLANGS PA KHO NA 'DI SGRUB PAR BYED PA BSTAN PA NI, GANG GI PHYIR ZHES BYA BA STE, 'ON KYANG 'CHI BA NI MTSAMS SBYOR BA DANG 'GAL BA MA YIN TE, GNAS PA'I RGYUN 'GAG PA YIN NA RNAM SHES 'GAG PA'I NGO BO YIN PA'I PHYIR RO, ,'GAL BA ZHES BYA BA KHO NAS MTSAMS SBYOR BA NI MA YIN TE, RGYU GZHAN GYIS 'PHANGS PAS MTSAMS SBYOR BA YIN PA'I PHYIR RO, ,DE BZHIN DU SKYE BA'I DANG PO'I SEMS GOMS PA'I BSKYED BYA'I KHYAD PAR NI, DE DANG 'DRA BA'I SEMS GZHAN GYIS 'PHANGS PA YIN PAR RTOGS PA YIN PAR BSTAN PA NI, 'CHI BA'I SEMS NI ZHES BYA BA STE, DGAG BYA MTSAMS SBYOR BA LA DE BZHIN DU DE'I YUL LA YANG YIN PAR RNAM PAR 'GREL PA NI, RE ZHIG SEMS NI SEMS GZHAN

, ,DANG 'GAL BA MA YIN LA, DE BZHIN DU 'CHI BA YANG DE MED PA'I NGO BO 'TSO BA'I GNAS SKABS LTA BU'O, ,GNYID LOG PA BZHIN DU RTOG PA YANG MA YIN TE, TSAD MA MED PA'I PHYIR RO, ,GNAS PA'I RGYU YOD KYANG SEMS 'GAGS PAS DE'I RTOG PA YIN NO, ,DUS MA YIN PAR 'CHI BA 'DI LA YANG GNAS PA'I RGYU NI YOD PA KHO NA YIN NO ZHE NA, MA YIN TE, YANG BA MA SPANGS PA KHO NAS DER SEMS 'GAG PA LA 'GAG BYED GZHAN DU RTOG PA LA NI, TSAD MA MED DO ZHES BSTAN PA NI LHAN CIG MI GNAS PA'I MTSAN NYID DAM ZHES BYA BA RGYU MA TSANG BA MED PA YIN PA NI GZHAN YOD NA MED PA ZHES BYA BA'I 'GAL BA'I MTSAN NYID DAM ZHES BYA BAS MTSON PA YIN NO, ,'CHI BA'I SEMS NYID 'ONGS NA ZHES BYA BA NI 'CHI BA'I SEMS NYID DANG MTSAMS SBYOR BAR BYED PA NYID DANG 'GAL BA MED DO ZHES BYA BA'I DON TO, ,RE ZHIG SEMS NI RANG NYID KYI RANG RIG PAR BYA BA YIN LA GZHAN GYI THA SNYAD RJES SU DPAG BYA MA YIN NAM, DE 'GAG PAR YANG NGES PA KHO NA YIN TE, DE LTA BU'I SEMS YOD NA DE'I 'BRAS BU MED PAR MI RIGS LA DE LTA BU'I 'GAG PA GZHAN LTA BU'I MTSAMS SBYOR BA YIN PAR YANG MI RIGS TE, GNYID LOG PA LA SOGS PA LA MA MTHONG BA'I PHYIR RO, ,DE'I PHYIR 'CHI BA LA SOGS PA YIN NA DE LTA BU'I SEMS KYI RGYUN NUB PA'I PHYIR, SNANG BA BZHIN DU MUN PA 'GAL BAR RTOGS PA YOD PA KHO NA YIN NA DE'I PHYIR DE JI LTAR MTSAMS SBYOR BA LAS BZLOG PA MTHONG BA MED PA YIN SNYAM DU SEMS PA LA, GNYID LOG PA'I DUS BZHIN DU 'CHI BA'I DUS NA 'GAG PA YANG RMI LAM GYI YUL BZHIN DU SKYE BA PHYI MA'I LUS MTSAMS SBYOR BA BSGRUB BYA YIN PA'I PHYIR, DE DANG 'GAL BAR RTOGS PA YANG MA YIN TE, 'CHI BA'I 'OG TU DE BZLOG PA RTOGS PA MED PA'I PHYIR DANG, DE'I TSE DE MA 'ONGS PA NYID KYIS DBANG PO LAS 'DAS PA'I PHYIR RO, ,ME DANG DUS PHYIS 'BYUNG BA'I GRANG BA'I RGYUN 'GAL BA NI MA YIN TE, RGYU MA TSANG BA YOD NA GZHAN YOD PAS MED PA 'GAL BAR RTOGS PA'I PHYIR RO ZHES BYA BA'I DGONGS PAS, SKYE BA GZHAN MTSAMS SBYOR BA NI, SNANG DU RUNG BA MA YIN NO, ,ZHES BYA BA'O, ,RMI LAM BZHIN

DU 'CHI BA NA DUS GZHAN DU MTSAMS SBYOR BA MA MTHONG BA YIN NA, JI LTAR KHAS LEN PA YIN ZHE NA, MA YIN TE SKYE BA DANG PO'I LUS DANG SEMS DAG RANG GI RIGS PA'I BSKYED BYA'I KHYAD PAR CAN NI DE'I 'BRAS BU YIN PAR GO BA YIN NA, JI LTAR MTSAMS MI SBYOR BA YIN TE, BZLOG PAR MTHONG BA'I PHYIR RO, ZHES BSTAN PA NI, 'BRAS BU NYID NI MTSAMS SBYOR BA MED PA DANG 'GAL BA YIN TE ZHES BYA BA STE, DE NYID KYI PHYIR RGYU MTSAN NUB NA, RGYU MTSAN CAN NAD ZHI BA BZHIN DU 'CHI BA YIN NA, RGYU SEMS MED PA'I PHYIR MTSAMS SBYOR BA MED PA GSAL BA YIN NO, ,'CHI BA YOD NA RGYU NUB PA'I PHYIR 'BYUNG BAR 'GYUR BA LA MTSAMS SBYOR BA DANG 'BRAS BU MED PAR GRUB PA KHO NA DGRA BCOM PA'I MA YIN NAM, DE LTAR 'GAL BA YIN, 'DI LA BSTAN PA, DGRA BCOM SEMS GANG YIN DE YANG, ,GANG LAS MTSAMS SBYOR MED PA STE, ,MTSAMS SBYOR DANG BRAL BA YIN PAR GANG LAS TE, TSAD MA GANG LAS 'DOD PAR TE SHES PA MA YIN PA'O, ,DE YANG 'GOG PA LA SNYOMS PAR 'JUG PA LTA BUR MTSAMS SBYOR BA CAN DU TSAD MAS RTOGS PA YIN TE, SEMS LA NI SHIN TU RNAM PAR GCOD PAR BYED PA CUNG ZAD KYANG YOD PA MA YIN NO, ,MYA NGAN LAS 'DAS PA YIN NO ZHE NA, MA YIN TE DE NI ZAG PA DANG BRAL BA TZAM YIN PA'I PHYIR RO, ,LHAG MA DANG BCAS PAS DE THOB PA YIN PA'I PHYIR LHAG MA DANG BCAS PA'I MYA NGAN LAS 'DAS PAR BRJOD DO, ,ZAG PA THAMS CAD ZAD PA YIN NA DE NYE BAR BRTEN PAR BYED PA MED PA'I PHYIR, RNAM PA YIN PAR MI RIGS TE, SEMS NYID SNGA MA'I NYE BAR BRTEN PAR BYED PA'I PHYIR RO, ,NYES PA THAMS CAD ZAD KYANG SKYON CAN MA YIN PA'I SEMS NI RNAM PAR CHAD PAR 'OS PA MA YIN TE, GCAD BYA GCOD BYED NYID DAG NI, ,PHYI ROL GYI NI KHAMS BZHI PO, ,ZHES BSTAN PA'I PHYIR RO, ,DE YANG DE LTA BU'I DGE BA'I BSHES GNYEN DANG PHRAD NAS SNYING RJE LA SOGS PA GOMS PAS SANGS RGYAS KYI RJES SU NOD PAR BYED PA YIN LA, DE MED NA, SRID PAR MTSAMS SBYOR BA'I RGYUN ZAD PAS MTSAMS SBYOR BAR BYED PA KHO NA YIN ZHES BYA BA 'DI NYID RIGS PA MA YIN PAR 'PHAGS PA RNAM PA'I CHOS PADMA DKAR PO LA SOGS PA'I RJES SU 'BRANG BAR

, ,BYA'O, ,MAR ME SHI BA LTA BUR NI, ,DE YI SEMS NI RNAM GROL YIN, ,ZHES BYA BA'I LUNG LAS MTSAMS SBYOR BA MED PAR RTOGS PA YIN NO ZHE NA, TSAD MAS MA GRUB DON CAN GYI, ,ZHES BYA BA SMOS TE, DGRA BCOM PA'I SEMS KYANG TSAD MAS MTSAMS SBYOR BA 'DZIN PA'I RIGS PAS MA GRUB PA YUL YIN NO, ,DGRA BCOM PA'I 'TSO BA'I GNAS SKABS KYI SEMS NI DE LAS GZHAN PAR MTSAMS SBYOR BAR MTHONG BA YIN LA, SO SO'I SKYE BO'I SEMS KYANG SEMS GZHAN GYI RJES SU MTSAMS SBYOR BAR BYED PA YIN LA, DE LTAR MTHONG BA KHO NA'I PHYIR RO, ,SKYON CAN MA YIN PA'I PHYIR DOR BYA MA YIN TE, GZHAN DU NA MYA NGAN LAS 'DAS PA YANG DE LTA BUR THAL BAR 'GYUR RO ZHES BYA BA LA SOGS PA'I RIGS PA NI, MDO SDE JI LTA BA BZHIN DU BLTA BAR BYA'O, ,GRUB MTHA'I RJES SU 'BRANG NGAM CI, ,ZHES BYA BA NI MA YIN PA NYID DO, ,RIGS PA DANG 'GAL BA'I GRUB MTHA' NI RTOG PA'I SKUL BYED BZHIN DU RJES SU 'BRANG BAR 'OS PA MA YIN NO, ,'ON TE SO SO'I SKYE BO'I SEMS NI MI RIG PA DANG SRED PA LA SOGS PA'I NYON MONGS PA'I DBANG GIS MTSAMS SBYOR BA CAN DU MTHONG BA YIN LA, DGRA BCOM PA LA NI DE MED PA'I PHYIR JI LTAR MTSAMS SBYOR BA CAN YIN SNYAM DU SEMS PA NI, GAL TE DE RGYU BRAL PHYIR NA, ,ZHES BYA BA STE, DE STE DGRA BCOM PA'I SEMS MTSAMS SBYOR BA MED PA'I PHYIR, RGYU SER SNA LA SOGS PA MA TSANG BA'I PHYIR ZHES BRJOD PA YIN NA, TSANG BA LA NI MTSAMS SBYOR BA DANG BCAS PAR BSTAN PAR 'GYUR RO, ,KHYAD PAR DGAG PA NA LHAG MA YANG KHAS LEN PA GTZO BO'I PHYIR DE YANG SNGAR MTSAMS SBYOR BA MED PAR KHAS BLANGS PA DANG 'GAL BA YIN PAR BSTAN PA NI DE NYID CES BYA BA TSANG BA YIN NA, MTSAMS SBYOR BA CAN YIN ZHES BYA BA'I KHO BO CAG GI 'DOD PA KHO NA YIN PAR MTSAMS SBYOR BA MED PA BZHIN DU BRJOD PA YIN TE, 'ON KYANG BRJOD PA YIN NO ZHES BYA BA'I DON TO, ,'ON TE DGRA BCOM PA'I SEMS MTSAMS SBYOR BA MA YIN PA NI, RGYU MA TSANG BA STE MED PA'I PHYIR ZHES BYA BA NI DOGS PA'I DON YIN NA, 'DI LA DE NYID DGRA BCOM PA'I SEMS 'DIR DE, MYA NGAN LAS 'DAS PA THOB PA YIN PAR MA BRJOD PA

STE; MA BYUNG BA YIN NA GANG GIS RGYU MED PAR 'GYUR, DE BZHIN DU RIM PA JI LTAR BYA BA'I DOR BYA LA SOGS PA LA GOMS PAR GYUR PA YAL BAR 'DUG PA DANG PO NYID NAS MA LUS PA LA BTANG SNYOMS PA'I YANG SEMS PA NI, RGYUN DU BYED PA KHO NA YIN TE, LEGS PAR SPYAD PA DANG, NYES PAR SPYAD PA DAG GIS BDE 'GRO DANG NGAN 'GRO RNAMS SU MTSAMS SBYOR BAR BYED PA YIN LA, DE MED NA BDE 'GRO DANG NGAN 'GRO YANG MTSAMS SBYOR BA MED PAS SEMS 'BA' ZHIG TZAM GYIS MTSAMS SBYOR BAR BYED PA YIN TE, BSOD NAMS KYI TSOGS BSKYED PAS SAM LAS DANG NYON MONGS PA LA DBANG THOB PA NYID NI 'DOD BZHIN DU SRID PAR 'JUG PA YIN PA'I PHYIR NYES PAS GOMS PA MA YIN PAR RIGS PA YIN PAR KHO BOS MTHONG NGO, ,'GREL PA MDZAD PAS BSHAD PA NI, DGRA BCOM SEMS GANG YIN DE YANG, ,GANG LAS MTSAMS SBYOR MED PAR 'DOD, ,CES BYA BA NAS BRTZAMS NAS YONGS SU GSAL BA KHO NAR RNAM PAR PHYE BA NI, DGRA BCOM PA 'CHI BA MTSAMS SBYOR BA MED PA NI YOD PA DANG MED PA BZHIN DU, MTSAMS SBYOR BA NYID DANG 'GAL BAR 'GYUR BA KHO NA MA YIN NAM SNYAM DU SEMS PA NI, GAL TE 'DIR ZHES BYA BA'O, ,MTSAMS SBYOR MED PA'I BSGRUB BYA DANG, DGRA BCOM PA'I 'CHI BA MYA NGAN LAS 'DAS PA'I MING CAN 'GAL BA CAN YIN ZHES ZER BA NI, MAR ME ZHI BAR 'GYUR BA LTAR ZHES BYA BA'O, ,LAS DANG NYON MONGS PA LAS BYUNG PA'I SKYE BA BDE 'GRO LA SOGS PA MA YIN PA'I PHYIR, DE LA LTOS NAS MAR ME BZHIN DU ZHES GSUNGS PA YIN NO, ,'GRO BA MA GTOGS PAR YANG SEMS CIS RGYUN BYED PA MA YIN SNYAM DU SEMS PA NI, 'GRO BA MA GTOGS PA'I RGYUN MA MTHONG BA'I PHYIR KHAS BLANGS PA MA YIN PAR BSTAN PA NI, MAR ME BZHIN DU ZHES BYA BA'O, ,DGRA BCOM PA'I SEMS NGO BO GANG GIS MTSAMS SBYOR BA MED PAR TSAD MA GANG GIS 'DOD PA STE, GZHUNG LUGS YIN TE, DE LTA BU'I SEMS KYI KHYAD PAR GRUB PA LA KHYED LA TSAD MA YOD PA MA YIN TE, THAR PA LA SOGS PA'I SKYES BU'I DON GYIS GTZO BO GNOD PA CAN YIN ZHES BYA BA'I DON BSTAN PA NI, DE YANG ZHES BYA BA STE, MTSAMS SBYOR BA MED PA NI MTSAMS

, ,SBYOR BAR BYED PA MA YIN PA NYID DO, ,MTSAMS SBYOR BA DANG NI MTSAMS SBYOR BAR BYED PA NYID DANG STE, DNGOS PO SGRUB PAR BYED PA'I PHYIR RO, ,DE YANG ZHES BYA BA NI NYON MONGS PA DANG BRAL BA STE THAR PA'O, ,GRUB MTHA' THAMS CAD 'GAL BAR NI, ,ZHES BYA BA NI SO SO'I SKYE BO'I YANG NGO, , MTSAMS SBYOR BA NI MTSAMS SBYOR BAR BYED PA NYID DU'O, ,DE LA SO SO'I SKYE BO 'CHI BA'I SEMS LA NI LUNG TSAD MA MA YIN PA'I PHYIR NYE BAR BRTEN PA'I TSAD MA MED PA DE LTA NA TSAD MA MED PA NYID NI SO SO'I SKYE BO 'CHI BA'I MTSAMS SBYOR BA BZHIN DU, DGRA BCOM PA 'CHI BA'I SEMS MTSAMS SBYOR BA MED PA LA YANG TSAD MA MED PA KHO NA YIN NO, ,THAMS CAD DU ZHES BYA BA NI SO SO'I SKYE BO 'CHI BA'I SEMS MTSAMS SBYOR BA LA YANG NGO, ,BZLOG PA GRUB PA NI MTSAMS SBYOR BA MED PAR GRUB PA LA MTSAMS SBYOR BA YOD PAR 'GRUB PA YIN NO, ,MA DES PA'I GTAN TSIGS ZHES BYA BA NI MTSAMS SBYOR BA MED PAR SGRUB PA LA 'CHI BA'I SEMS NYID NI, SO SO'I SKYE BO'I SEMS KYI MTSAMS SBYOR BA'I PHYOGS KHO NA LA MI MTHUN PA'I PHYOGS LA 'JUG PA YIN NO, ,RANG RTOGS PA YIN NA DE NYID GNYI GA LA ZHUGS PAR MTHONG PAS PHYOGS SU BYED PA LAS LDOG PA YIN TE, DNGOS SU BA YIN PA'I PHYIR RO, ,DE NYID CES BYA BA NI DE NYID GTAN TSIGS LTAR SNANG BA NGO SHES PA YIN PAR BSTAN PA NI, 'DI YANG GTAN TSIGS LTAR SNANG BA NYID DO ZHES BYA BAS SO, ,DE NYID CES BYA BA NI MA NGES PAR BZUNG BA NI GNAS SKABS YIN PA'I PHYIR MI SRID PA NYID KYIS GTAN TSIGS LTAR SNANG BA TZAM GYIS MTSON PA YIN NO, ,KHYAD PAR DE YANG MA GRUB PA YIN PA'I PHYIR, RTAG PA CIS TE YIN PAS MA MGU NAS BSHAD PA GZHAN BSTAN PA NI, YANG NA DE NYID CES BYA BA STE, 'ON TE YANG DGRA BCOM PA'I 'CHI BA'I SEMS MTSAMS SBYOR BA MED PAR 'DOD PA NI MTSAMS SBYOR BAR SGRUB PAR BYED PA'I TSAD MA MED PA'I PHYIR RO ZHES BYA BA PHYOGS SNGA MA'I DON YIN NA DE LA GANG KHO NA DBUGS 'BYUNG RNGUB DANG, DBANG PO DANG, BLO RNAMS ZHES BYA BA NAS BRTZAMS NAS, SNGON MED SKAD CIG RE RE YI, ,ZHES BYA BA'I BAR GYI MTSAMS SBYOR BA GRUB PAR BYED PA DE NYID 'DIR YANG KHO BOS CIS MA

BRJOD DE CIS MA BSTAN, KHYED KYIS KYANG CIS RJES SU MI 'BRANG DE NYID NI SGRUB BYED MA TSANG BA'AM, NO DI TAM STE MA NYAMS PA ZHES BYA BA LA SOGS PA GRUB PA YIN NO, ,DE'I PHYIR LUS KYIS SAM, BLO YIS SAM, DE GNYI GAS KYANG RUNG BA SKYE BA GZHAN LA BLO MTSAMS SBYOR BA LA 'CHI BA'AM GZHAN YANG BAR DU GCOD PAR BYED PA MED PA'I PHYIR, SNGON MED SKAD CIG RE RE YI, ,ZHES BYA BA LA SOGS PA GRUB PA YIN NO, ,DES NA DE BZHIN DU, GAL TE YANG DBANG MED PAR BLO, ,MA YIN DE YANG DE MED PAR, ,ZHES BYA BA NAS, DE NYID 'DIR NI CIS MA BRJOD CES BYA BA'I BAR GYIS BLO BZHIN DU LUS KYI YANG BLO RGYU NYID YIN NA LUS KYANG BLO'I BSKYED BYA YIN TE, RIGS PA MTSUNGS PA'I PHYIR RO, ,DE'I PHYIR PHAN TSUN RGYU NYID THOB PA YIN PAR BSTAN NAS, DA NI BLO NYID BLO'I RGYU YIN GYI LUS NI MA YIN NO ZHES RTOGS PAR BYED PAS, DBANG RNAMS RE RE LA GNOD KYANG, ,ZHES BYA BA 'DIS LUS DANG BLO DAG NI, BLO DANG LUS DAG GIS BSKYED BYA'I RNAM PAR 'GYUR BA'I YOD PA DANG MED PA DAG GIS DE'I BSKYED BYA DANG BSKYED BYA MA YIN PA NYID RGYAS PAR BRJOD NAS, DE'I BSKYED BYA NYID RNAM PA GZHAN GYIS RAB TU SGRUB PAR BYED PA BSTAN PA YANG, DE BLO BZHIN DU ZHES BYA BA STE, 'GREL PAR YANG GTAN TSIGS 'DI NI MA GRUB PA MA YIN TE ZHES BYA BA LA SOGS PA DANG, SNYING GI MCHAN NYID DAM GZHAN PA'O, ,LUS NYID LAS SKYE BA ZHES BYA BA'AM, GZHAN YANG DE LTAR DGONGS PA KHO NA YIN PAR SHES PAR BYA STE, LUS KYI BYA BA'I RJES SU 'BRANGS NAS DE'I BSKYED BYA NYID RE RE'I ZHES BYA BA NYID KYIS GSAL BA'I PHYIR RO, ,DE'I BYA BA'I RJES SU 'BRANG BA MA YIN PAR BDEN NA DE MED NA DMIGS PA YANG MA YIN LA LUS MED NA YID KYI RNAM SHES KYANG YOD PA MA YIN TE, DE'I PHYIR DE BSKYED BYA YIN NO, ,MA YIN TE DE RANG GI RIGS GOMS PA'I RJES SU 'BRANG BA'I KHYAD PAR NYID KYIS DE LAS 'BYUNG BA'I PHYIR, DE LTAR GONG DU RNAM PAR DPYAD ZIN TO, ,DE'I PHYIR ME NI DU BA DANG THAL BA BSKYED PA BZHIN DU, LUS NI DE 'DZIN PA DANG MI 'DZIN PA DANG SHES PA DANG LUS DANG MTSAN NYID MI MTHUN PAR SMRA BA NI, 'BREL PA CAN MA YIN NO, ,DE'I BYA BA LAS MI SKYE BA NYID KYANG DE LAS

, ,SKYE BA SRID BA YANG DE LAS BYUNG BA'I 'BRAS BU'I NGO BOR MTHONG BAR SGRO BTAGS PAS YIN NO, ,SGRO BTAGS PA MA YIN NA DE'I RGYU MTSAN DE LAS BYUNG BA NYID SRID PA YANG LDOG PAR 'GYUR RO, ,DE'I YUL BZHIN DU 'DZIN PA YANG RANG GI YUL GYI BYA BA YIN BA DE NI THAL BAR 'GYUR TE, DE LAS BYUNG BA NYID DES KHYAB PAR KHAS LEN PA'I PHYIR RO, ,DE BZHIN DU 'DZIN PA MED NA DE LAS BYUNG BA NYID LA, DES KHYAB PA YANG MED PAR 'GYUR TE, DE NYID SRID PA NI DE'I RGYU MTSAN YIN PA'I PHYIR RO, ,DE'I YUL BZHIN DU 'DZIN PAR DMIGS PA NI DE'I BYA BA'I RJES SU 'BRANG BA CAN NYID YIN NO ZHES BYA BA'I BSHAD PA NI, DBANG RNAMS RE RE LA ZHES BYA BA LA SOGS PAS ZLOS PA YIN NO, ,'DIS NI, SHES BSKYED NUS PA THA DAD PHYIR, ,KUN NAS KYANG NI MA YIN NO, ,ZHES BSHAD PA YIN NO, ,DE LAS BYUNG BA NYID KYI THA SNYAD KYI RGYU MTSAN NI DE'I BYA BA'I RJES SU 'BRANG BA'AM, DE'I 'BRAS BU GZHAN GYI NGO BO'I RJES SU 'JUG PA LAS YIN GRANG NA, RE ZHIG DANG PO NI MA YIN TE, DBANG RNAMS RE RE LA ZHES BYA BA LA SOGS PAS BKAG PA'I PHYIR RO, ,GNYIS PA YANG MA YIN TE, CIG CAR 'BRAS BU GZHAN BYED PA DMIGS PA'I PHYIR RO, ,DE LTAR YANG BLO BZHIN DU 'DZIN PA YOD PA MA YIN NO ZHES BYA BA'I YANG GI SGRA NI RE RE'I PHYOGS NYE BAR BSDU BA'I DON DU YIN GYI DE'I RGYU BSDU BA'I DON DU NI MA YIN TE, TSANG BA YIN YANG 'BRAS BU MI 'BYUNG BA'I PHYIR RO, ,'BYUNG BA YIN NA NI DE BZHIN DU 'BYUNG BA YIN GYI, GZHAN GYI NI MA YIN NO, ,DE LTAR YANG SKYED PAR BYED PA'I NUS PA THA DAD PAR SMRAS PAS TSANG BA YIN YANG 'BRAS BU MI 'BYUNG BAR SMRA BA YIN NO, ,DE'I RNAM PAR 'GYUR BAS 'GYUR BA CAN GYI RNAM SHES 'THOB PA'I PHYIR ZHES BYA BA YANG, DBANG RNAMS RE RE LA ZHES BYA BA 'DIS ZLOS PA YIN TE, DBANG PO RNAMS KYI NUS PA YIN GYI RNAM SHES LA YIN LA, DES NI THAMS CAD DU GSAL BA YIN PA'I PHYIR RO, ,DE'I PHYIR DE NYID DE'I BYA BA'I RJES SU 'JUG PA THAMS CAD DU GSAL BA YIN NA, DE'I 'BRAS BU NYID DU BRJOD PA NI DE LAS GZHAN PA'I 'BRAS BU BZHIN DU RGYU NYID KYANG DE RNAMS KYI GO RIMS JI LTA BA BZHIN DU RE RE ZHING TSANG BA'I PHYOGS KYI RNAM PAR RTOG PAR MI 'GYUR BAR NI, KHYAB BYA'I CHOS

KHAS BLANGS NA KHYAB BYED KYI CHOS KHAS LEN PA'I MTSAN NYID DU THAL BAR 'GYUR BAR BRJOD PA'I PHYIR, 'GREL PAR CI'I PHYIR ZLAS PA MA YIN, 'DI LA BSTAN PA DBANG PO'I BLO BZHIN DU, YUL SO SOR 'DZIN PA ZHES BYA BA NAS, RGYU MED PAR 'GYUR RO ZHES BYA BA'I BAR GYIS YID KYI RNAM SHES DBANG PO'I BSKYED BYA NYID DU KHAS LEN PA YIN NA, DE LAS GZHAN PA'I 'BRAS BU NYID DU 'DRA BAR 'GYUR RO ZHES THAL 'GYUR DU BYAS PA LAS, RGYU GCIG YIN NA YANG ZHES BYA BA NAS, DE BZHIN DU SNANG BA LA SOGS PAR YANG BRJOD DO ZHES BYA BA'I BAR GYIS RGOL BA YIN TE, GCIG YIN YANG DU MA MED DO ZHES BYA BA'I DON TO; ,DE LA LAN NI DBANG PO'I BYA BA LA BRTEN NAS ZHES BYA BA STE, DBANG RNAMS RE RE LA YANG GNOD KYANG ZHES BYA BAS GSUNGS PA NYID DRAN NAS DE NYID LA BRGAL BA DANG LAN YANG BTAB ZIN ZHES BYA BA'I DON TO, ,'DIR NI DE'I BYA BA'I RJES SU 'BRANG BA MED KYANG LHAN CIG PA TZAM DU MTHONG PA LAS DE'I 'BRAS BU NYID DU SGRO 'DOGS PA NI, DE'I 'BRAS BU GZHAN BZHIN DU 'GYUR BAR BRJOD PA YIN NO, ,'DI YI DON NI 'DI YIN TE, ,ZHES BYA BA 'DI NI BZLAS NAS 'DI'I DON DU YANG SBYOR BAR BYED NUS SO ZHES BYA BA'I DGONGS PAS DE'I BYA BA'I RJES SU 'BRANGS NAS 'DZIN PA NYID DU 'GYUR RO ZHES BYA BA DANG SBYAR BA NI, BLO BZHIN DU ZHES BYA BAS THOB PA YIN NO, ,DBANG PO LAS SKYES PA NYID YIN NA DE'I 'BRAS BU GZHAN BZHIN DU YID KYI RNAM SHES KYIS 'DZIN PAR GSAL BAR SNANG BAR 'GYUR ZHES BYA BA'I GRUB MTHA' LA BRGAL BA NI GSAL BAR SNANG BA NYID NI DBANG PO'I DON GYI BSKYED BYA YIN PAR MI RIGS TE; DON MED NA YANG 'BYUNG BA'I PHYIR RO ZHES ZER BA NI, DBANG PO LAS KYANG ZHES BYA BA'O, ,DBANG PO MED KYANG RMI LAM LA SOGS PAR 'BYUNG BA YIN NO ZHES ZER BA NI, MIG BTZUMS KYANG ZHES BYA BA'O, ,LAN NI GANG RNAM PAR 'GYUR YANG ZHES BYA BA STE, GSAL BAR SNANG BA'I KHYAD PAR NI DBANG PO'I DON GYI BSKYED BYA YIN NO ZHES BYA BA'I DON TO, ,BZLAS NAS BSHAD PA GZHAN BSTAN PA NI, DE LA DE BLO BZHIN DU'O, ,ZHES BYA BA STE, GONG MA LA 'DZIN PA'I BYA BA YIN PA PHYI MA LA RNAM SHES YIN ZHES BYA BA NI KHYAD PAR RO, ,LAN 'DI NYID YIN NO ZHES BYA BA NI DE 'GYUR BAS RNAM PAR SHES

, ,PAR 'GYUR RO ZHES BYA BA 'DI'O, ,LAN GZHAN ZHES BYA BA NI 'DUS PA LAS KYANG ZHES BYA BA 'DI LA SNGA MA'I GTAN TSIGS NI BSKYAR NAS BSHAD PA NI GRUB MTHA' LA YIN LA, TSANG BA SKYED BYED NYID MA YIN NO, SHES PA DE MED PAS DE'I BLO BZHIN DU 'DZIN PAR THAL BAR 'GYUR BA MED PAR 'GYUR RO, ,DBANG PO DANG BCAS PA LAS YIN GYI RNAM SHES MI 'BYUNG MI ZIN KYANG, DBANG PO MED PA LAS NI 'GYUR LA, DE LA JI SKAD BSTAN PA'I SKYON YANG MED DO, ,SHES PA'I NGO BO'I 'BRAS BU GZHAN MA MTHONG BA YIN NA, ,DE BZHIN DU 'BRAS BU'I NGO BO DANG RGYU NYID DAG TU SGRO BTAGS PAS 'BRAS BU NYID DAM, RGYU NYID DU SRID PA YIN GYI, GZHAN DU NI MA YIN TE, THAL 'GYUR MI RIGS PA'I PHYIR RO, ,JI LTAR MTHONG BA'I YID KYI RNAM SHES NI, SKRA DANG SEN MO LA SOGS PA'I 'BRAS BU YIN PA DE YANG DE'I RGYU YIN PAR 'GYUR BA ZHIG NA, DE DANG 'DRA BA'I 'BRAS BU GZHAN SKYED PAR MI BYED PAS DE KHO NA BSKYED BYA MA YIN PA MA YIN NO, ,DE LTA YIN NA DU BA YANG ME'I BSKYED BYAR MI 'GYUR RO, ,DBANG RNAMS RE RE ZHES BYA BAS BZLAS PA YANG MA YIN TE, DES DBANG PO RNAMS KYI SKYED BYED NYID BKAG PA'I PHYIR RO SNYAM DU SEMS PA LA, SEMS MED NYID PHYIR TE PHYI ROL GYI 'BYUNG BA BZHIN DU SEMS PA CAN DANG LHAN CIG PA MA YIN BA'I PHYIR, LHAN CIG PA YIN PA'I NGES PA YOD NA SEMS DANG DBANG PO DAG GI 'DI DAG LA GANG ZHIG GANG GIS 'BRAS BU YIN PAR DPYOD PAR 'GYUR GYI, SHI BA'I LUS LA NI SEMS LDOG PA NA DBANG PO LDOG PA BZHIN DU SKRA DANG SEN MO LA SOGS PA LDOG PA NI MA YIN LA, DBANG PO BZHIN DU 'DI LA YANG NUS PA DANG, BYIN GYIS RLOB BA ZHES BYA BA'I RNAM PAR DBYE BA YANG YOD PA MA YIN TE, DBANG PO'I NUS PA BZHIN DU DE'I NUS PAR RTOG PA YANG NUS PA MED PA'I PHYIR DE RNAMS SEMS PA CAN DANG LHAN CIG PA MA YIN PA'I MTSAN NYID KYI SEMS NYID DU GRUB PO, ,DE DAG GI LHAN CIG PA MA YIN PA'I NGES PA GRUB NA RGYU MTSAN MA MED PAS DE LA RAG LAS PA'I 'BRAS BU NYID LA SOGS PA'I RNAM PAR DPYAD PA MI 'JUG PA'I PHYIR RO, ,'GREL BAR YANG, GANG TSE SKRA DANG SEN MO SOGS, ,SEMS LDAN NYID NI MA

MTHONG BA, ,ZHES BYA BA LA SOGS PA LA, DON 'DI NYID YIN PAR SHES PAR BYA'O, ,DE DANG 'BREL PA NYID YIN NA NI, DE MED PAR YID KYIS SHES PAR MI 'GYUR ZHES BYA BA 'DIS LHAN CIG PAR MED PA KHO NAR GSAL BAR BYAS PA YIN ZHING, SEMS LDAN NYID DU ZHES BYA BA SEMS PA DANG LHAN CIG PA'I 'BRAS BU NYID DU SGRO BTAGS PA'I RGYU MTSAN YANG NGO, ,REG PA LA SOGS PA DANG NA REG PA'I DBANG PO LA SOGS PA DAG GO, ,JI LTAR LHAN CIG GNAS ZHES BYA BA NI 'BRAS BU DANG RGYU NYID MED NA LHAN CIG GNAS PA'I NGES PA MED DO, ZHES BYA BA'I DON TO, ,DBANG PO'I NUS PA DANG LHAN CIG PA'I LAS DANG, SEMS JI LTAR LHAN CIG GNAS PA NGES PA YIN, NUR NUR PO LA SOGS PA DBANG PO MED PA LA YANG BDAG GO ZHES BYA BA'I YID YOD PA MA YIN TE, DE'I BSKYED BYA RNAM SHES KYI BYED PA'I RJES SU 'BRANGS PA NYID KYI SA BAR DU CHOD PA'I PHYIR RO, ,RANG RIG PA'I BYA BA'I RNAM SHES RNAMS NI BDAG GO ZHES BRJOD PA YIN TE, SHES PA'I BDAG LA NI 'DI LTAR 'GYUR RO ZHES BYA BA'I TSIG GIS TE, NGES PA YANG BDAG NYID KYI YUL MA YIN PA'I PHYIR LA, DBANG PO DANG DUS MTSUNGS PA'I SHES PA DE YANG MA YIN NO, ,YID KYI RNAM SHES GZHAN NI DE SGRUB PAR BYED PA'I DUS SU YIN NO ZHE NA, DE NI 'JIG RTEN PHA ROL PO MA YIN TE, NGA RGYAL DANG BCAS PA'I SEMS LA DE NYID DU KHAS LEN PA'I PHYIR RO, ,'ON TE YID KYI RNAM SHES GZHAN KHO NA YID KYI RGYAL SRID LA SOGS PA BZHIN DU GOMS PA LAS BYUNG BA DBANG PO DANG DUS MTSUNGS PA'I PHYIR RANG RIG PA'I BYA BA LAS, NGA RGYAL DANG BCAS PA YANG 'JIG RTEN PHA ROL PO YIN NO DE LTA NA DE NI DBANG PO'I NGES PA MA YIN TE, DE LAS MA BYUNG BA'I PHYIR SKAD CIG MA MA YIN PA YIN NO, ,LHAN CIG PA YIN NA NI NGES PA CAN YIN TE DBANG PO MED NA MI 'BYUNG BA'I PHYIR RO, ,DE'I PHYIR DE LAS BYUNG BA NYID NI KHYAB BYED YIN LA, KHYAB BYA LAS DE DANG LHAN CIG PA NYID DU NGES PA RTOGS PA YIN NO ZHES BYA BA 'DI NI RIGS PA YIN NO, ,DE BLO BZHIN DU ZHES BYA BA NI MA NGES PA YIN ZHES DE'I 'BRAS BU THAMS CAD DE KHO NA BZHIN DU 'GYUR BAR BYA BA MA YIN LA, DE'I BU YIN PAS SDO

, ,BSANGS KHO NAR NGES PAR 'GYUR BAR BYA BA MA YIN TE, 'DI LA YANG MTSUNGS PA YIN PAR MTHONG BA NI GNOD PA CAN YIN NO SNYAM DU SEMS PA LA MTHONG BA GZHAN DU GRUB PA NYID YIN PAR BSTAN PA NI, LHAN CIG GNAS PAR NGES PAR BYED PA NUS BA LAS KYI MING CAN GYIS RGYU THA MI DAD PA'I PHYIR, DBANG PO LA SRID PA DANG BCAS PA'I LAS KYI DBANG PO 'PHANGS PAS DE'AM, BDAG GI YANG RTEN NYID KYIS NGA RGYAL DANG BCAS PA'I YID KYI RNAM SHES GZHAN NI BDAG GO ZHES BYA BA KHO NAS DBANG PO'I SHES PAS RJES SU BYED PAS 'PHANGS PA YIN LA DBANG PO'I SHES PA YANG GOMS PA'I BSKYED BYA NYID KYIS YID GZHAN BZHIN DU BDAG GI BLO 'JIG RTEN PHA ROL PO NYID DU BYE BRAG MED PA'I PHYIR DANG, GOMS PA'I BSKYED BYA'I KHYAD PAR NYID YIN PA'I PHYIR, LHAN CIG GNAS PA YIN TE, LUS KYI BSKYED BYA YIN PA'I PHYIR RAM RGYU THA MI DAD PA'I PHYIR RO, ,DE'I PHYIR THE TSOM MED PA'I PHYIR RO, ,YANG NA LUS DANG YID KYI RNAM SHES DAG NGES PAR LHAN CIG PAR DMIGS PA NI, DE LTA BU'I TSOGS PAS 'PHANGS PA YIN GYI PHAN TSUN 'BRAS BU NYID NI MA YIN TE, DE LTA BU KHO NAR 'TSO BA'I GNAS SKABS SU MTHONG BA'I PHYIR DANG, JI LTA BA MA YIN PA'I RTOG PA MI RIGS PA'I PHYIR RO, ,DE'I PHYIR DUS KUN DU RGYU MTHONG BA NYID YIN ZHES BRJOD PAS SO, ,TSOGS PA GCIG LA RAG LAS PA NYID KYIS LHAN CIG PA'I YUL PHYI ROL LAM, CIG SHOS KYI DBYE BAS BSTAN PA NI, DBANG PO BZHIN DU GZUNGS DANG RO BZHIN NO ZHES BYA BA STE, DBANG RNAMS RE RE LA GNOD KYANG ZHES BYA BA 'DI LA, DBANG PO'I RNAM PAR 'GYUR BA LAS KYANG YID KYI RNAM SHES 'GYUR BA YIN NO ZHES RGOL BA LAS, DE'I LAN NI BSGYUR BYA NYID GANG YIN PA DE 'BRAS BU YIN GYI DBANG PO'I RNAM PAR 'GYUR BA LAS YID KYI RNAM SHES DBANG PO BZHIN DU BSGYUR BYA KHO NA MA YIN TE, RNAM PAR 'GYUR BA NGES PA MED PA'I PHYIR 'BRAS BU MA YIN PA NYID DU BSTAN NAS, DA NI YID KYI RNAM SHES KYI 'GYUR BA NYID NI DBANG POS BYAS PA MA YIN TE, DMIGS PAR BYAS PA NYID KYIS GZHAN DU GRUB PA'I PHYIR RO ZHES PHYOGS SNGA PHYI DBYE BA BSTAN PA NI, DE 'GYUR

NA 'GYUR BA'I PHYIR ZHES BYA BA STE GANG GI PHYIR NYON MONGS PA CAN GYI YID NI LUS LA BRTEN PA MA YIN LA, DE'I PHYIR DE'I RTEN NI GZHAN YIN PAR BRTAG PAR BYA BA YIN TE, 'DI NI, GANG ZHIG YOD PAS PHAN 'DOGS BYED, ,CES 'CHAD PAR 'GYUR RO, ,GAL TE YANG PHYI ROL NI DON BYED PA YIN LA DMIGS PA MED PA'I YID KYANG PHYI ROL DE DANG NANG DU DE DMIGS PA NI RNAMS PAR 'GYUR BAR BYED PAR DMIGS PA MA YIN NO SNYAM DU SEMS PA LA, SNGA PHYI ZHES BYA BA STE SGRO BTAGS PA TZAM STE, SGRO BTAGS PA NYID KYI RNAM PAR RTOG PA'I BYA BA TZAM YIN PAR ZAD PA YIN GYI, NANG DANG PHYI ROL LAS GZHAN PA YOD PA MA YIN LA, DE YANG MI SNANG BA YIN PA'I PHYIR DMIGS PA MED PA YIN ZHING MIG LA SOGS PA'I RNAM SHES NI DBANG PO'I RNAM PA'I LUS LA BRTEN PA YANG MA YIN TE, DE BSTAN PA NI RTEN MED PA ZHES BYA BA'O, ,THA MA'I SEMS NI SEMS GZHAN DANG, ,MTSAMS SBYOR BA LA 'GAL CI YOD, ,CES BYA BAS 'CHI BA NI NAD DANG DUG DANG MTSON LA SOGS PA LAS GAL TE YANG SEMS DNGOS SU GCOD PAR BYED PA NYID BKAG PA YIN NA DE LTA NA YANG LUS LDOG PAS DE YANG LDOG PA DANG, LUS RNAM PAR 'GYUR BAS RNAM PAR 'GYUR BA YANG MA YIN NAM, DBANG RNAMS RE RE LA GNOD KYANG ZHES BYA BA 'DIS KYANG DBANG PO RNAM PAR 'GYUR BAS RNAM PAR 'GYUR BA NYID BSAL BA YIN NO SNYAM DU SEMS PA LA, DON GYI SGO NAS TE YUL GYI SGO NAS DUG DANG MTSON LA SOGS PAS NI, LUS LDOG PA'I SGO NAS SEMS LDOG PAR BYED PA'AM, DE RNAM PAR 'GYUR BA'I SGO NAS RNAM PAR 'GYUR BAR BYED PA YANG MA YIN TE, 'ON KYANG GDUNGS PAR BYED PA NYID KYIS SAM, GZHAN DU YANG DMIGS PAR BYED NA'O, ,'DOD PA SGRUB PAR BYED PA BZHIN DU LUS LA YANG RNAM PAR 'GYUR BA YOD PA YIN NO ZHE NA, YOD DU CHUG KYANG DES SEMS RNAM PAR 'GYUR BA NI MA YIN TE, DE MED KYANG DMIGS PA LAS RNAM PAR 'GYUR BA GRUB PA'I PHYIR RO, ,GZHAN GYI LAS TSOGS KYIS KYANG, DE'I BYAS PA'I RNAM PAR 'GYUR BA MTHONG BAS DE LA DMIGS PA'I PHYIR DANG, DE NYID LA MTSAMS SBYOR BAR CIS MI BYED PA YIN ZHE NA, TSE ZAD PA LA GNAS

, ,PA'I 'PHEN BYED MED PA'I PHYIR RO, ,YOD KYANG DUG LA SOGS PA'I GNOD PAS LUS LA RANG GI RNAM SHES MED PAS, DE PHAN MI THOGS PA'I PHYIR, DE YI SHES PAS PHAN 'DOGS PHYIR, ,YID KYI LUS LA BRTEN PAR BSHAD, ,CES GSUNGS PA'O, ,SA BON LAS BYUNG BA'I 'BRU YANG CHAR LA SOGS PAS PHAN MA BTAGS PAS NA PHUN SUM TSOGS PAR MI 'GYUR LA, PHAN 'DOGS BYED PA'ANG YIN BLA STE, ,ZHES BYA BA NI, DNGOS SU RTEN YIN PA NYID KYIS SAM, MA YIN YANG ZLOS PA MA YIN LA, LUS LA SRED PA DANG BCAS PA'I YID DAM, LAS KYANG DES PHAN 'DOGS PAR MI BYED NA MI 'GYUR ZHES BYA BA 'DI LA DGONGS PA NI, DE LA SRED PAS DER 'DREN PA'I PHYIR DANG, PHAN 'DOGS PAR MI BYED PA LA YANG MI LTOS PA'I PHYIR DANG, DE DANG DE MA YIN PA'I RTEN NYID KYANG RANG GI RIGS GOMS PA'I BSKYED BYA YIN PAR SKYE BA'I DANG PO LA MTHONG BA'I PHYIR RO ZHES BYA BA LA SOGS PA RJES SU RTOGS PA'I PHYIR DE LDOG PA YIN YANG MI LDOG PA YIN NO, ,YANG NA DON NI DON DU GNYER BAR BYA BA STE, BLANG BYA'AM DOR BYA STE BDE BA DANG SDUG BSNGAL DANG DE'I SGRUB BYED RNAMS YIN LA, DE YANG 'DI'I SGO NAS TE, DES DON NYID RNAM PAR 'GYUR BAR SGRUB PAR BYED CES BYA BA'I DON TO, ,DE YANG DMIGS PAR BYA BA NYID DE BZHIN DU 'GYUR BA'I PHYIR DE YANG SHUGS KYIS BSTAN PA YIN NO, ,DE'I SHES PAS PHAN 'DOGS PA'I PHYIR ZHES BYA BA DANG, SHES PA DANG SHES PA MA YIN PA DAG GI DBYE BA LA YANG DGONGS PA 'DI YIN NO, ,LUS RNAM PAR 'GYUR BA YIN NA SEMS RNAM PAR 'GYUR BA'I PHYIR 'GYUR BA CAN GYI SEMS NI SEMS KHO NA LAS SKYES PAR MI RIGS PA MA YIN NAM SEMS NI LUS DANG BRAL BAR MA MTHONG BA'I PHYIR RO, ,DE'I PHYIR LUS KHO NA LAS SKYES PA'I SEMS NI SEMS 'GYUR BAS 'GYUR BA CAN DU 'GYUR SNYAM DU SEMS PA LAS; LUS YOD BA NI RTAG TU ZHES BYA BA STE, GAL TE YANG LUS NI SEMS DANG MI 'BRAL BAR MTHONG BA DE LTA NA YANG SEMS KYI SNGA ROL TU MED PAR MI 'GRUB PO ZHES BYA BA'I DON TO, ,DE LTAR NA MA GRUB PA KHO NA YIN PAR BSTAN PA NI, RIG PA RANG NGAM ZHES BYA BA BDAG NYID KYIS SKYE BZHIN

PAR RIG PAS SAM GZHAN GYIS TE SEMS KYIS SAM SKYES BUS SO, ,RE ZHIG 'BRAS BU'I SHES PAS MA YIN TE RANG GI DUS 'DZIN PA'I PHYIR, SNGA ROL DU BYUNG BA'I 'BRAS BU 'AM RGYU 'AM GZHAN YANG RUNG BA RIGS PA MA YIN ZHES BYA BA'I DON TO, ,MIG LA SOGS PA BYA BA'I DUS SU DE'I SHES PA RNAMS MED PA'I PHYIR, DE RGYU NYID DU JI LTAR RTOGS PA YIN SNYAM DU SEMS PA NI, MIG LA SOGS PA'I RNAM PAR SHES PA RNAMS ZHES BYA BA'O, ,LAN NI MA YIN TE, DE DAG LA RJES SU 'GRO BA DANG LDOG PA ZHES BYA BA STE, MIG LA SOGS PA BYA BA'I DUS KHO NA'I TSE SHES PA GZHAN RJES SU 'GRO BA DANG LDOG PAR 'DZIN PAR BYED PA YOD CES BYA BA'I DON TO, ,DE 'DI NYID NYAMS SU MYONG BAR 'DZIN PAS SGRUB PAR BYED PA NI MIG PHYE BA NYID NI ZHES BYA BA STE, DE BZHIN DU SKYE BA'I DANG POR 'BYUNG PA'I LUS NI LUS KYI SHES PA SKYE PA'I SNGA ROL DU SHES PA MA YIN TE, SHES PA MED PA'I PHYIR RO, ,YOD DU ZIN KYANG DE LAS SKYE BA'I PHYIR LUS BSGYUR MI 'GYUR BAR BSTAN PA NI, SKYE BA'I DANG PO'I PHYOGS PA'I LUS ZHES BYA BA'O, ,MIG LA SOGS PA BZHIN DU SHES PA LA LUS KYANG RGYU YIN PAR SHES PA GZHAN GYIS RTOGS PA MA YIN NAM SNYAM DU SEMS PA NI; GAL TE GZHAN GYIS RTOGS SHE NA ZHES BYA BA'O, ,LAN NI SNGA NA MED PA GA LAS RTOGS ZHES BYA BA STE, MIG LA SOGS PA BYA BA'I DUS SU NI, DE'I BYA BA 'DZIN PA'I SHES PA NI GZHAN RANG GI RIG BYA NI DE SHES PA DANG BRAL BA'I PHYIR DE MED PAR THA SNYAD BYED PA YIN GYI, DE BZHIN DU LUS KYI BYA BA 'DZIN PA'I SHES PA GZHAN NI, DE SHES PA MED PA'I 'DZIN PA PO YOD PA NI MA YIN NO, ,YOD PA YIN NA YANG DE KHO NA LAS DE SKYE BAR 'GYUR TE, MA MTHONG BA TZAM NI THE TSOM GYI RGYU YIN ZHES BYA BA'I DON TO, ,'ON TE DUS PHYIS 'BYUNG BA'I SHES PA NI SNGAR SHES PA NI SNGAR SHES PA MED PAR RTOGS PA YIN LA, DE YANG RANG GI DUS KYI SHES PA MED PAR RTOGS PA YIN GYI, SNGAR SHES PA MED PA MA YIN PAR BSTAN PA NI, LTAR RUNG MA YIN ZHES BYA BA'O, ,'DI LA DPER BYA BA NI GNYID LOG PA LA 'ANG ZHES BYA BA STE, JI LTA BA KHO NA'I GNYID LOG PA'I GNAS SKABS KYI SHES PA NI

, ,DMIGS PA MED PA KHO NA YIN YANG DUS PHYIS SAD PA YIN GYI DE DAG TZAM GYIS MED PAR NGES PA NI MA YIN NO, ,LUS SKYE BA'I DUS NA SEMS KYANG YOD NA RANG RIG PAR 'GYUR LA, DUS PHYIS KYANG DRAN PAR 'GYUR RO SNYAM DU SEMS PA NI, 'ON TE GAL TE ZHES BYA BA STE, 'DI LA DPER BYED PA NI, GANG PHYIR SANG PAS ZHES BYA BA'O, ,LAN NI RTOG PA MED PA YIN NAM CI ZHES BYA BA STE LUS SKYE BA'I DUS NA SEMS NYAMS SU MYONG BA MED PA MED PA'I THA SNYAD KYI YUL YIN PAR NI MI RIGS TE, NYAMS SU MYONG BA YOD KYANG DRAN PA MED PAS NYAMS SU MYONG BA MED PAR MNGON PAR SEMS BA'I PHYIR TE, RMI LAM DU YANG SAD PA'I TSE NYAMS SU MYONG BA BZHIN DU'O ZHES BYA BA'I DON TO, ,PHYED PHYI MA RNAM PAR 'GREL PA NI, RMI LAM GYI RIG PA NI ZHES BYA BA'O, ,GAL TE SAD PA'I SHES PA BSKYED BYA NYID KYIS GNYID LOG PA'I SHES PA RTOGS PA MA YIN NA, DE KHO NA LAS DE YIN ZHES CI LAS SHES SHE NA, DE'I BSKYED BYA'I KHYAD PAR MTHONG BA'I PHYIR RO ZHES BSTAN PA NI, DE LTA NA YANG DE LTA BU NYID DO ZHES BYA BA'O, ,DE LA DE'I BSKYED BYA'I KHYAD PAR NYID RTOGS PA'I PHYIR DE'I BSKYED BYA NYID DU MI RTOGS PA MA YIN NAM, 'ON KYANG SAD PA'I GNAS SKABS NA DE'I BSKYED BYA NYID RTOGS PA KHO NA YIN NO SNYAM DU SEMS PA NI, 'ON TE SAD NA ZHES BYA BA STE, DE ZHES BYA BA NI SAD PA'I SHES PA LAS RMI LAM GYI SHES PA'O, ,'DI YANG ZHES BYA BA NI SKYE BA SNGA MA'I SHES PA LAS SKYE BA 'DI LA SOGS PA'I SHES PA YOD PA LA'O, ,MI RTOGS SO ZHES BYA BA NI SAD PA YIN NA RUNG BA'I GNAS SKABS SU 'DI YANG 'BREL PA CAN DU RTOGS PA MED PA 'DI CI LAS SHES, 'O THUG RNAMS KYI 'THUNG PA DANG 'JIG RTEN GYI PHAN PA ZHES BYA BA BZHIN DU 'DI YANG 'BREL PA CAN TZAM GYI DRUG PA YIN NO, ,GANG GI PHYIR LUS DANG MTSUNGS PA'I DUS SU BYUNG BA'I SHES PA'I MED PA NI RANG NYID DAM GZHAN GYIS KYANG RTOGS PA MA YIN NO, ,DE'I PHYIR LUS NYID SHES PA'I RGYUR MI 'GRUB PA YIN PAR NYE BAR BSDU BA NI, DE'I PHYIR ZHES BYA BA'O, ,GANG LAS SKYES PA DE BYAS PA'I RNAM PAR 'GYUR BA CAN KHO NA DER 'GYUR BA YIN ZHES BYA BA 'DI NI MA NGES PA YIN TE, GANG GI PHYIR BA LANG GI LCI BA

LAS SKYES PA'I AUTPALA'I RTZA BA NI AUTPALA'I RTZA BA GZHAN GYIS RNAM PAR 'GYUR BA MA YIN LA, DE LTA YIN DANG LUS LAS SKYES PA YIN PA'I SEMS YIN PA NI, SEMS GZHAN GYIS RNAM PAR 'GYUR BAR BYED PA YIN NO SNYAM DU SEMS PA NI 'ON TE LCI BA LAS ZHES BYA BA'O, ,AUTPALA'I RTZA BA'I BSGYUR BYA KHO NA BA LANG GI LCI BA LAS MTHONG BA NI MA YIN LA, SEMS KYI BSGYUR BYA NI SEMS KHO NA YIN TE, SKYE BA'I DANG PO LA GOMS PA'I BSKYED BYA'I KHYAD PAR YIN PA'I PHYIR RO, ,DE'I PHYIR DE KHO NA DE'I RGYU YIN GYI AUTPALA'I RTZA BA NI MA YIN NO ZHE NA, LAN 'DEBS PA NI, DANG PO LCI BA LAS SKYES PA ZHES BYA BA'O, ,GANG ZHIG YOD PAS PHAN 'DOGS BYED DE RGYU ZHES BYA BA NI BCOM LDAN 'DAS KYIS RGYU'I MTSAN NYID DU MA GSUNGS PA MA YIN NAM, THAMS CAD MKHYEN PA NYID KYIS MI MKHYEN PA'AM BAG MED PA'AM LE LO YIN PAR YANG MI SRID PA'I PHYIR LA, 'DI MI SRID PA NYID YIN PAR NI THAMS CAD MKHYEN PA'I MING CAN GYI TSAD MAS GNOD PA'I PHYIR RO SNYAM DU SEMS PA NI, 'DI YOD NA 'DI 'BYUNG ZHES BYA BA NI BCOM LDAN 'DAS NYID CES BYA BAS MI SHES PA BSAL BA YIN ZHING, YOD CING ZHES BYA BA LA SOGS PAS BAG MED PA DANG LE LO DAG BSAL BA YIN NO, , KHO BO CAG GIS BSHAD PA'I RGYU MTSAN NYID LAS JI LTAR BSTAN PAS RTAG TU PHAN 'DOGS PAR BYED PA NYID KYIS SO, ,GANG GI PHYIR 'DI NYID RGYU'I MTSAN NYID YIN PA DE NYID KYI PHYIR DON 'DI RTOGS PAR BYED PA'I BDUN PA'AM, LNGA PA NI 'DI YOD NA DANG, 'DI 'BYUNG BA LAS ZHES BCOM LDAN 'DAS KYIS GSUNGS PA YIN NO, ,DES NA LUNG DANG 'GAL BA MA YIN NO ZHES BYA BA'I DON TO, ,RGYU MTSAN GYI BDUN PA ZHES BYA BA NI RGYU MTSAN DANG SKYED BYED DANG RGYU RNAMS LA THAMS CAD KYIS MANG POR MTHONG BA YIN NO ZHES BYA BAS BDUN PA YIN TE, RNAM GRANGS KYI TSIG NI RANG GI NGO BO 'GEGS PA MA YIN PAS, DON 'DZIN PA'I DON DU YIN PA'I PHYIR SKYED PAR BYED PA PO'I SHES PA'I RANG BZHIN NI, RGYU DANG 'BYUNG GNAS ZHES BRJOD DO, ,JI LTAR LUS SEMS KYI RTEN MA YIN ZHES BRJOD PA DANG, DE'I RTEN YIN PAR BRJOD PA 'GAL BA YIN NO SNYAM DU SEMS PA LA, DE YI ZHES PAS PHAN 'DOGS

, ,PHYIR, ,YID NI LUS LA BRTEN PAR BSHAD, ,CES BYA BAS 'GAL BAR BSHAD PA YIN GYI 'DI LA NI DE LTA BU'I 'GAL BAR DOGS PA'I SA BON YANG YOD PA MA YIN TE, BDUN PA DANG LNGA PA DAG GIS DON GZHAN RTOGS PAR BYED PA MA YIN PA'I PHYIR ZHES BYA BAS CHOG MI SHES PA LA BSHAD PA GZHAN BSTAN PA NI, YANG NA BDAG CAG GIS GZHAN DU BSHAD PAR BYA STE ZHES BYA BA STE, DE NYID NI GAL TE RNAM PAR SHES PA SNGON DU 'GRO BA CAN ZHES BYA BA LA SOGS PA'I RGOL BA SNGON DU 'GRO BA'I BSHAD PA YIN NO, ,RGYU TZAM 'KHRUL PA CAN YIN LA, DE'I PHYIR NUS PA ZHES BYA BA NI KHYAD PAR YIN NO, ,RGYU GZHAN DU THAL BA ZHES BYA BA NI DON GZHAN RTOGS PAR BYA BA LA 'BRAS BU NYID CES BYA BA DANG 'GAL BA YIN NO, ,GANG GI PHYIR MTHA' RGYU TSOGS PA NI 'BRAS BU SKYE BA NI GZHAN LA MI LTOS PAR LAN CIG MTHONG BA LAS RTOGS PA YIN LA, DE YOD KYANG 'BRAS BU MI 'BYUNG NA LTOS PA DANG BCAS PAR 'GYUR RO ZHES BYA BA 'DIS LTOS PA MED PA NYID DE, TSANG PA DANG LTOS PA DANG BCAS PA NYID DE, MA TSANG BA 'GAL BA YIN LA, DES KHYAB PA'I RES 'GA' BA'I MI 'BYUNG BA DANG YANG 'GAL BA'I PHYIR, KHYAB PAR BYED PA 'GAL BA YIN NA NI RGYU NUS PA CAN NI 'BRAS BU LA MA 'KHRUL BA YIN NO ZHES BYA BA'I DON TO, ,DE LTA NA 'O NA RGYU'I MTSAN NYID KYI ZHES BYA BA 'DI LA NUS BA'I KHYAD PAR RJES SU 'JUG PA LA LTOS PA YIN NO, ,NUS PA CAN GYI RGYU MTHONG NA 'BRAS BU LA MI 'KHRUL PA DRAN PA'I DUS KHO NA LA BAR DU GCOD PA MED PA'I 'BRAS BU MNGON SUM DU 'GYUR BA MA YIN NAM, RJES SU DPAG PAS CI DGOS, GANG DU 'BRAS BU DBANG PO LAS 'DAS PA YIN PA DE LA RJES SU DPAG PA DON MED PA CAN MA YIN NO, ,DE'I PHYIR 'BRAS BU KHO NA YIN ZHES BYA BA NI 'GAL BA'I SKYON KHO NA YIN NO, ,RGYU TSOGS PA YANG BAR DU CHOD PA SRID PA'I PHYIR 'BRAS BU LA NGES PA'I RTAGS MA YIN NAM, DE LTA MOD KYI 'BRAS BUR RUNG BA NYID DU NGES PA LA YIN GYI 'BRAS BU MA NGES PAS RUNG BA NYID DU NGES PA LAS RJES SU DPOG PA NYID MA YIN TE, RUNG BA NYID DU NGES PA MA YIN PAS ZLOG PAR BYED PA NYID KYIS TSAD MA NYID MA YIN PA'I PHYIR RO SNYAM DU SEMS PA NI, 'ON TE 'BRAS BU LA THE TSOM ZA BAS ZHES BYA BA'O, ,

LAN NI MA YIN TE 'BYUNG BAR 'GYUR BA'I ZHES BYA BA STE RE ZHIG 'BRAS BU 'DAS PA'I RUNG BA NYID RJES SU DPOG PA NI MA YIN TE, DE RIG PA PO'I MNGON SUM YIN PA'I PHYIR RO, ,DE RIG PA MA YIN PA YANG 'BREL PA MA BZUNG BA'I RJES SU DPAG PA MI SKYE PA'I PHYIR RO, ,'BYUNG BAR 'GYUR BA'I 'BRAS BU'I RUNG BA NYID KYANG DE MA NGES NA MI NGES PA YIN NO, ,'DIS NI RUNG BA NYID KYI SPYI BSHAD PA YIN NO, ,RUNG BA NYID MA YIN PA'I NGES PA YANG MNGON SUM KHO NA LAS MTHONG BA'I 'BRAS BU'I RUNG BA NYID GRUB PA'I PHYIR 'BYUNG BAR 'GYUR BA'I 'BRAS BU LA NGES PA MED NA, RJES SU DPAG PA'I YUL MA MTHONG STE, NGES PA CAN GYI RUNG BA NYID NI RES 'GA' NGES PA DANG 'BREL PA MED PA'I PHYIR RO, ,GAL TE YANG YUL DANG DUS LA SOGS PA'I KHYAD PAR MED PAR MED PAS 'BREL PA 'DZIN PA YIN YANG, RJES SU DPAG MA NI DE'I KHYAD PAR GYIS MI LDAN PA RNAM PAR GCOD PA'I YUL CAN YIN NA, KHYAD PAR GYI YUL KHO NA YIN NO ZHES ZER BA NI 'BYUNG BAR 'GYUR BA'I 'JIG RTEN PHA ROL RJES SU DPOG NA NI ZHES BYA BA'O, ,RE ZHIG RUNG BA NYID RJES SU DPOG PA NYID RGYU TZAM LA MA YIN PA MA YIN NAM, 'ON CI ZHE ZHE NA, TSOGS PA YIN LA, DE YANG LTOS PA MED PA YIN TE, 'BRAS BU MED NA KHYAB PAR BYED PA 'GAL BA YIN PA'I PHYIR, DE JI LTAR 'BRAS BU LA THE TSOM ZA BA YIN, DE LTA YIN NA DE RGYU MTHONG BA LAS 'BRAS BU RJES SU DPOG PA NI, DON GZHAN RTOGS PAR BYA BA LA 'BRAS BU KHO NA ZHES BYA BA DANG 'GAL BA YIN NO, ,'DI LA BSHAD PA NI, RGYU NYID YIN LA ZHES BYA BA STE, 'BRAS BU MED NA MI 'BYUNG BA'I RGYU NI MED NA MI 'BYUNG BA KHO NA'I PHYIR, 'BRAS BU YIN ZHES BYA BA'I DON TO, ,'BYUNG BAR 'GYUR BA'I 'BRAS BU YANG RGYU YIN PAR CI LAS SHES SHE NA, RTAG TU ZHES BYA BA STE, GANG YOD NA DE GDON MI ZA BAR 'BYUNG BA STE, RJES SU 'BREL PA NI KHYAB PAR BYED PA NYID DU BRJOD PA YIN TE, RJES SU BRJOD PAR BYA BA LA BSGRUB PA KHYAB BYED YIN PA'I PHYIR RO, ,'DI LA 'KHRUL PAS CI PHAN ZHE NA, DE YOD NA 'BYUNG BA STE, DE LTAR YANG 'BRAS BU NYID GTAN TSIGS YIN PA LA 'GAL BA MED DO ZHES BSTAN PA NI, DON GZHAN GO BAR BYA BA LA ZHES BYA BA'O, ,RGYU YIN PA KHO NA GO BAR BYED PA CI STE, MA YIN SNYAM DU SEMS

, ,PA LA; MA NGES PA NYID NI 'BRAS BU LA 'KHRUL PA'I PHYIR RO ZHES BSTAN PA NI, GANG ZHIG DON GZHAN GYIS GO BYED CES BYA BA'O, ,NUS PA CAN GYI RGYU GANG YIN PA DE 'BRAS BUS KHYAB PA'I GO BYED MA YIN SNYAM DU SEMS PA LA, DE LTA YIN NA 'BRAS BUS KHYAB PA YIN TE, DE LA MA 'KHRUL PA'I PHYIR, RGYU KHO NA 'BRAS BU YIN PAR BSTAN PA NI, GANG ZHIG GANG MED PAR ZHES BYA BA'O, ,RGYU NI RANG NYID GRUB PA'I DON DU MED PA'I 'BRAS BU LA GANG GI TSE LTOS PA DE'I TSE, DE RGYU LA LTOS PA MA YIN TE, 'DI MED PA'I PHYIR RO, ,YANG NA RANG GI RGYU LAS SKYES PA'I RGYU NI RGYUR 'GYUR GYI DE YOD BZHIN PA MA YIN PA'I 'BRAS BU LA LTOS PA NI MA YIN NO SNYAM DU SEMS PA NI, RGYU JI LTAR 'BRAS BU YIN ZHES BYA BA'O, ,RANG GI RGYU LAS SKYE BA'I RGYU NI 'BYUNG BAR 'GYUR BA'I 'BRAS BU LA LTOS PA KHO NA'I PHYIR, DE RGYU YIN YANG 'BRAS BU KHO NA YIN TE, PHAN TSUN MA 'KHRUL PA NYID DU RTOGS PAS GRUB PA'I PHYIR DANG, DE TZAM KHO NAS 'BRAS BU YIN PA'I PHYIR RO ZHES LAN DU BSTAN PA NI, MA YIN TE DE 'BRAS BU YIN PA'I PHYIR RO, ,DE LA GANG ZHIG 'BYUNG BAR 'GYUR BA LA LTOS PA'I 'BRAS BU YIN PA KHO NA DE'I BAR BSTAN PA NI, SEMS SOGS RNAM PAR 'GYUR BA NI, ,ZHES BYA BA STE, SOGS PA'I SGRAS MIG LA SOGS PA BZUNG BA YIN NO, ,GANG SMRAS PA JI SKAD DU, SI TA SPRE'U DBANG MTSAN MO RGYU BA RNAMS, ,PADMA GSER DANG 'BAR BA'I DPE RNAMS NI, ,MGRIN BZANGS RA MA NA DAG MDZA' DUS SU, ,G-YON PA'I MIG RNAMS MTSUNGS PAR 'GUL BA YIN, ,ZHES SMOS PA'O, ,RNAM PAR 'GYUR BA'I RGYU NYID NI KHA CIG 'BYUNG BA CAN YONGS SU GYUR PA MNGON PAR 'BYUNG BAR 'GYUR BA'I RGYU MA YIN NAM, DE'I PHYIR, TSOGS PA GCIG LA RAG LAS PA'I GZUGS LA SOGS PA ROS RTOGS PA, RGYU CHOS RJES SU DPOG PA STE, DU BAS BUD SHING 'GYUR BA BZHIN, , ZHES SEMS PA LA, RNAM PAR 'GYUR BA 'DI NI ZHES BYA BA STE, TSOGS PA GCIG LA RAG LAS PA NYID NI GZUGS DANG RO BZHIN DU DUS GCIG PA NYID DU 'GYUR LA, RGYUS RJES SU DPOG PA LAS KYANG 'BRAS BU RJES SU DPOG PA LA DE NYID MA NGES PA'I GTAN TSIGS YIN NO, ,DE'I PHYIR NUS PA

CAN GYI RGYU MTHONG BA LAS RJES SU DPOG PA MA YIN PA'I YUL CAN NI RGYU'I CHOS RJES SU DPAG PAS RJES SU GSAL BA MA YIN NO, ,'O NA CI ZHE NA, LHAN CIG 'BYUNG BA'I RGYU GSAL BA YIN NO, ,GAL TE MA 'KHRUL PA YIN NA DE YANG JI LTAR GSAL BAR BYED PA YIN, TSOGS PA GCIG LA RAG LAS PA NYID NA 'KHRUL BA NYID YIN PAS DON RDZOGS PA'I PHYIR ZHES BYA BA'I DON TO, ,'JIG RTEN THAMS CAD KYI THA SNYAD CES BYA BA NI 'BRAS BU DANG RGYU NYID 'DZIN PAR BYED PA'I TSAD MA NYE BAR BSTEN PA YIN NO, ,BUD SHING RLON PA LA SOGS PA YOD KYANG ME MED NA MI 'BYUNG BA YIN LA, ME YOD KYANG DANG PO MA MTHONG BA ME YOD NA 'BYUNG BA'I DU BA NI MES DRANGS PAR RTOGS PA'I PHYIR DE'I 'BRAS BU NYID YIN GYIM 'KHRUL PA TZAM LAS NI MA YIN NO SNYAM DU SEMS PA LA, GZHAN DU YANG 'DI TZAM NYID KYIS ZHES BYA BA STE, MES DRANGS PA NYID CES BYA BA 'DIS KYANG MA 'KHRUL BA YIN ZHES BYA BAR BSTAN PA'I DON DO, ,DE YOD PA NYID NA 'BYUNG BA ZHES BYA BA NI RGYU NYID MA YIN NAM, 'BYUNG BAR 'GYUR BA YOD PA KHO NA NI MA YIN TE, MA 'ONGS PA NYID YIN NO SNYAM DU SEMS PA NI, 'BYUNG BAR 'GYUR BA JI LTAR RGYU YIN ZHES BYA BA'O, ,DE YOD PA KHO NA NI ZHES BYA BAS MA 'KHRUL PA'I YUL NYID KHO NA BRJOD PA YIN PAR BSTAN PA NI, DE LA STE 'BRAS BU LA MI 'KHRUL PA'I PHYIR TE, DE LA MI 'KHRUL PA'I YUL NYID YIN ZHES BYA BA'I DON TO, ,DE LA MI 'KHRUL PA'I YUL NYID NI RGYU NYID MA YIN TE, 'O NA CI ZHE NA, PHAN 'DOGS PA YIN LA PHAN 'DOGS PA NI, GANG ZHIG YOD PAS PHAN 'DOGS BYED, ,CES BSTAN PAS LTOS PAR 'GYUR PA MA YIN NAM SNYAM DU SEMS PA NI, GAL TE GANG PHAN 'DOGS PA ZHES BYA BA STE, 'BRAS BU'I NGO BO PHAN 'DOGS PA YOD PA MA YIN PA STE, MED PA ZHES BYA BA'I DON TO, ,SNGA NA YOD PA YANG 'BRAS BU'I NGO BO'I DUS NA MED PA NI RGYU MA YIN TE, PHAN MI 'DOGS PA'I PHYIR RO ZHES BSTAN PA NI, 'O NA 'DAS PA YANG ZHES BYA BA'O, ,'BRAS BU NI RANG SNGA NA MED PA'I DUS NA BDAG NYID 'THOB PA'I DON DU RGYU LA LTOS PA MA YIN NAM, 'BYUNG BAR 'GYUR BA NI DE'I TSE YOD PA MA YIN NO, ,'BRAS BU'I NGO BO LA LTOS NAS DE LAS 'BYUNG BAR 'GYUR BA ZHES BRJOD PA YIN GYI YOD PA YIN NA NI RGYU'I DON YOD PAR MA MTHONG STE,

, ,YOD PA'I NGO BO THAMS CAD LA, ,LTOS MED JI LTAR LTOS PA YIN, ,ZHES GSUNGS PAS SO, ,DE LA DE BSKYED PA'I DUS NA YOD PA'I PHYIR RO ZHES ZER BA LA, LAN NI, BSKYED PA'I DUS DE GANG YIN ZHES BYA BA STE, 'BRAS BU YOD PA LA LTOS NAS 'BYUNG BAR 'GYUR BA DE NYID KYI PHYIR, JI LTAR RGYU MA YIN PA DE BZHIN DU, DE YOD PA KHO NA LA LTOS NAS SNGA NA YOD PA YANG JI LTAR RGYU YIN, 'ON TE DE'I DUS NA DE MED PA'I PHYIR RGYU YIN NO, ,'BYUNG BAR 'GYUR BA LA LTOS NAS KYANG DE MED PA KHO NA YIN NO, ,RGYU'I BYED PA'I DUS NI 'BRAS BU 'BYUNG BA'I SNGA ROL GYI DUS MA YIN NAM, DE YANG 'BRAS BU 'BYUNG BAR 'GYUR BA'I DUS LAS THAG RING BA YIN NO, ,RGYU'I BYED PA DANG 'BRAS BU'I YOD PA ZHES BYA BA 'GAL BA MA YIN NAM, DE'I DUS NA YANG 'BRAS BU YOD NA DUS MTSUNGS PAR 'GYUR RO, ,DUS PHYIS YIN NO ZHE NA, 'BRAS BU'I DUS NYID NA RGYU'I BYED PA'I DUS YIN PA'I PHYIR, 'BYUNG BAR 'GYUR BA LAS THAG RING BA MA YIN NAM, RGYU'I BYED PA NI RANG GI DUS KHO NA YIN LA 'BRAS BU NI DE'I PHYIS YIN NO ZHE NA, DE 'DI NI 'BYUNG BAR 'GYUR BA LA YANG MTSUNGS SO, ,'ON TE SNGA NA MED PA 'BRAS BU MI 'BYUNG NGO ZHE NA, 'DI YANG PHYIS MED PA YIN NA MI 'BYUNG BAR MTSUNGS SO, ,SNGA ROL GYI BYED PA RGYU YIN LA SNGA ROL PAS BYAS PA 'BRAS BU MA YIN NAM, 'BYUNG BAR 'GYUR BA LA NI 'DI MI SRID DO, ,DE LTA MA YIN TE, BYA BA LA NYE BAR PHYOGS PA NYID NI SNGA ROL DU BYAS PA NYID YIN LA, DE LA NYE BAR PHYOGS PA'I BYED PA NYID KYANG SNGA ROL GYI BYED PA YIN PA'I PHYIR BYE BRAG CI YANG MED DO ZHES BYA BA'I DON TO, ,GAL TE 'BRAS BU LAS SNGAR ZHES BYA BA NAS JI LTAR MED PAS LA PHAN 'DOGS ZHES BYA BA'I BAR GYIS BYED PA PO DUS NA YOD PA NYID KYI 'BRAS BU NI DE DANG MTSUNGS PA NYID DU 'GYUR BAR BSTAN PA DE NYID KYI PHYIR ZHES BYA BA 'DIS DUS THA DAD PA NYI DU'O, ,'BRAS BU'I NGO BO YIN PA'I PHYIR BYA BA YIN LA, BAR CHAD NI RIGS MTHUN PAS BAR DU CHOD PA YIN TE, DE MED PA NI DE MA THAG PA'O, ,DE LA YOD PA'I TSUL DANG LDAN PA NI DE MA THAG TU YOD PA'O, ,'BRAS BU'I NGO BO'I BYA BA'I DUS SU GNYIS KA YANG MED PA YIN PAR MTSUNGS PA YIN PAR BSTAN PA NI, DE NI GNYIS KA LA YANG ZHES

BYA BA'O, ,SNGAR YOD PA'I RGYU NI DE MA THAG TU 'DAS PA'I DE MA THAG PA MA YIN NAM, 'BYUNG BAR 'GYUR BA NI CUNG ZAD NI YUN RING MO NAS KYANG YIN PA'I PHYIR, DE MA THAG KHO NA MA YIN NO SNYAM DU SEMS PA LA, 'DAS PA CUNG ZAD KYANG YUN RING MO NYID YIN PAR MTSUNGS PAR BSTAN PA NI, DE MA THAG PA NYID NI ZHES BYA BA'O, ,GNYID STUG POS NON PA LAS SAD PA'I SHES PA NI DUS KYIS BAR DU CHOD PAS SNGAR GYI SHES PA LAS BYUNG BAR CI LAS SHES, GNYID LOG PA NA RNAM SHES MED PA'I PHYIR RO, ,DE LTA MOD KYI BDAG NI SEMS MED PAR GNYID LOG GO ZHES SHES PA MED PAR DRAN PA YIN NO, ,NYAMS SU MYONG BA YOD NA DRAN PA'I PHYIR DE'I TSE YANG NYAMS SU MYONG BA YOD PA MA YIN NAM ZHE NA, MA YIN TE, GNYID LOG PAR RTZOM PA'I SEMS RANG RIG PAS RANG GI DUS TZAM RIG PA DANG GNYID LOG PA'I DUS NA MED PA NI SAD PA'I RTZOM PA'I DUS NA 'BYUNG BAS KYANG NYAMS SU MYONG BA'I PHYIR RO, ,DE GNYIS NI RANG NYID MED PAR NYAMS SU MYONG BA MA YIN NAM ZHES BYA BA GZHAN MED PA JI LTAR YIN, DE YANG DE TSE YOD NA RTOG PA DANG BCAS PA'AM CIG SHOS KYANG RANG RIG PA YIN NA RMI LAM GZHAN BZHIN DU CI'I PHYIR DRAN PAR MI 'GYUR, GNYID KYIS PHRA MOR BYAS PA'I PHYIR MI RIGS PA YIN NO ZHES BYA BA 'DI YANG RANG RIG PA DANG 'GAL BA YIN NO, ,GANG GI PHYIR MA RTOGS PA YIN NA NI DE SKAD DU BRJOD DO, ,RNAM PAR NGES ZHES BYA BA NI SKAD CIG GIS 'JIG PAR RAB TU BYED PA NI, RGYAS PAR RNAM PAR DPYAD PA YIN NO ZHES BYA BA'I DON TO, ,DE'I TSE NA YANG KHYAD PAR MA LUS PA'I SEMS TZAM NI DE MA THAG PA SAD PA'I BLO'I RGYU GANG YIN PA YOD PA MA YIN NAM SNYAM DU SEMS PA LA, DE LA LUS NI RGYU MA YIN TE ZHES BYA BA SMOS TE, GOMS PAS 'BYUNG BA'I KHYAD PAR GYI YID KYI RNAM SHES NI RGYU LUS LAS BZHIN DU DE LAS KYANG MI 'BYUNG BA YIN NO ZHES BYA BA'I DON TO, , SNGA MA'I RNAM SHES DANG 'DRA PA NYID DE LAS BYUNG BA'I KHYAD PAR NYID YIN GYI DE'I BSKYED BYA NYID NI MA YIN PA MA YIN NAM, DE'I PHYIR SEMS TZAM LAS SKYES PA LA NI SNGON GYI SHES PA LAS SEMS DE'I BAG CHAGS LAS KHYAD PAR CAN DU SKYES PA YIN NO SNYAM DU SEMS PA LA DU BA LA ME BZHIN DU KHYAD PAR

, ,SKYED BAR BYED PA NYID SKYED BYED YIN PA'I PHYIR SEMS TZAM NI SKYED BYED MA YIN NO, ,SHES BZHIN PA MA YIN PA DE LA DE'I BAG CHAGS KYI LUS CAN DU RTOGS PAR 'GYUR TE YANG BA'I PHYIR RO, ,DE YANG BKAG PA YIN TE THAL CHES PA YIN NO ZHES BYA BA LA SOGS PA BSTAN PA NI, DE'I PHYIR RJES SU 'GRO BA DANG LDOG PA'I RJES SU BYED PA YIN LA ZHES BYA BA STE, DE'I BSKYED BYA'I KHYAD PAR NYID NI DE'I KHYAD PAR GYIS KHYAD PAR CAN NYID YIN LA DE LA MA 'KHRUL PA CAN NYID YIN ZHES BYA BA'I DON TO, ,DMIGS BYA MA YIN PA'I SEMS TZAM LA DE LA MA 'KHRUL PA CAN NYID DU 'DZIN PA YANG MA YIN NO, ,NYE BAR MA DMIGS PA'I 'BYUNG BAR 'GYUR BA LA JI LTAR MA 'KHRUL PA CAN GYIS SHES PA YIN TE MI SHES PA DE LTAR NA 'DI'I YANG RGYU NYID MI SHES PA'I PHYIR DE NYID THAMS CAD DU NUB PAR 'GYUR DE'I PHYIR RIM GYIS DMIGS PA DAG GI DE NYID DMIGS PA YIN NA 'BYUNG BAR 'GYUR BA LA JI LTAR MA 'KHRUL PA CAN NYID KYIS SHES PA BZHIN DU MA 'KHRUL BA'I YUL NYID KYIS SHES PA MNYAMS PAR BSTAN PA NI, DES NA 'BYUNG BAR 'GYUR BA LA YANG ZHES BYA BA'O, ,MA 'KHRUL PA CAN NYID BZHIN DU 'DI'I MA 'KHRUL PA'I YUL NYID RTOGS PAR MI NUS PA MA YIN NAM DE DAG TZAM GYIS SNGAR BYUNG BA'I RGYUD NYID NI 'JIG RTEN LA RGYU NYID DU RTOGS PA'I PHYIR RO SNYAM DU SEMS PA LA, DE YANG MA 'KHRUL PA'I YUL NYID KHO NA RGYU YIN GYI SNGAR BYUNG BA NYID DU MA YIN PAR BSTAN PA NI, GANG ZHIG GANG GIS ZHES BYA BA STE, DE DAG TZAM NI 'JIG RTEN PA YIN NO ZHES BYA BA'I DON TO, ,RGYU MTSAN MA 'KHRUL PA'I YUL NYID MA YIN NAM DE YANG GONG DU BDUN PAS RNAM PAR GZHAG PA YANG RTOGS PA YIN LA DE DANG 'BREL PA CAN GYI 'BRAS BU NI PHYIS 'BYUNG BA KHO NA YIN NO SNYAM DU SEMS PA NI, 'ON TE YANG 'DI YOD NA 'DI 'BYUNG ZHES BYA BA NI, DE NAS KYANG NI BSTAN PA YIN, ,ZHES BYA BA'I BAR KYIS SO, ,BDUN PA NI RGYU MTSAN TZAM LAS YIN GYI SNGA MA NYID RNAM PAR 'JOG PA NI MA YIN NAM RGYU MTSAN DANG BYED PA DANG RGYU RNAMS LA ZHES BRJOD PA'I PHYIR RO, ,BDUN PAS RGYU MTSAN NYID DU RTOGS PA NI SNGA MA NYID LA SGRO BTAGS PA NI MA YIN TE, DBYE BA MA DMIGS PA'I PHYIR RO ZHES BYA BA 'DI LA SMRA BA NI, DE YI RJES SU 'GRO LDOG NI, ,ZHES BYA BA STE, YOD PA DAG SKYE

BA MED NA RGYU MTSAN NYID YIN PAS MI SRID LA DE LTA YIN NA SNGA MA NYID YIN NO ZHES BYA BA'I DON TO, ,GAL TE YOD PA DANG SKYE BA DAG GIS SAM NYID 'PHANGS PA YIN NA GZHAN RGYU MTSAN MA YIN PA'I PHYIR RO, ,DE LTA YIN NA RGYU MTSAN CAN YANG YOD PA DANG SKYE BA ZHES BYA BA'I TSIG GIS SNGA MA NYID DU 'GYUR BAR BSTAN PA NI, DE NI MI BDEN TE ZHES BYA BA'O, ,RGYU MTSAN DANG RGYU MTSAN MA YIN PA 'DI LAS 'DI'O ZHES RTOGS PA NI SNGAR GZHAG PA KHO NA RTOGS PA MA YIN NAM SNYAM DU SEMS PA NI, GAL TE YOD NA ZHES BYA BAS ZHES BYA BA STE, 'BYUNG BAR 'GYUR BA YOD PA MA YIN PA LAS DE LTAR RTOGS PAR MI NUS SO ZHES BYA BA'I DON TO, ,SNGA MA'I MNGON PAR 'DOD PA YANG 'BRAS BU'I BDAG NYID THOB PA'I DUS SU MED PA KHO NA MA YIN NA, DE NYID DE'I BYA BA'I DUS SU'O ZHE NA, YANG DNGOS PO'I RANG GI DUS NI BYA BA'I DUS MA YIN TE DNGOS POS STONG PA'I PHYIR RO, ,DE'I TSE YANG MED PA'I PHYIR JI LTAR SNGA MA NYID KYIS CHOS NYID YIN ZHES BSTAN PA NI, 'DAS PA YANG JI LTAR YOD PA MA YIN ZHES BYA BA STE, DNGOS PO'I RANG GI NGO BO KHO NA BYA BA NI MA YIN TE, DE'I TSE NYID 'BRAS BU 'BYUNG BAR THAL BAS SNGA MA NYID MED PAR THAL BAR 'GYUR RO ZHES BYA BA'I DON TO, ,'BRAS BU'I DUS SU RANG GI DUS NA YOD PA'I RGYU YOD PA YIN PA'I PHYIR SNGA MA NYID DNGOS PO'I CHOS SU 'GYUR BA MA YIN NAM SNYAM DU SEMS PA NI 'GYUR BA YIN NO ZHE NA ZHES BYA BA'O, ,GZHAN YANG 'BYUNG BAR 'GYUR BA RANG GI DUS NA BYUNG BAS YOD PA DANG SKYE BA DAG TU 'GYUR BA'I PHYIR LA DE YANG BLOS SNGA MA NYID DU RNAM PAR GZHAG PA RTOGS PA KHO NA YIN PAR BSTAN PA NI, GZHAN YANG ZHES BYA BA'O, ,GANG GI TSE YANG MTSON BYED TZAM GYIS BDUN PA NI DE'I TSE SNGA MA NYID DAM PHYI MA NYID DAM DE'I TSE YOD PA NYID RNAMS NI BRJOD PAR 'DOD PA MA YIN PAR BSTAN PA NI, DES NA YOD NA ZHES BYA BA'O, ,DE LTA YIN NA BRJOD PAR 'DOD PA NI GANG YIN ZHE NA DE YOD PAS ZHES BYA BA SMOS SO, ,'BYUNG BAR 'GYUR PA'I YOD PA YANG JI LTAR YIN ZHE NA, YOD PAS KYANG ZHES BYA BA SMOS TE, DE LTAR YANG 'JIG RTEN GYI THA SNYAD YIN PAR BSTAN PA NI 'CHI LTAS NI ZHES BYA BA'O, ,DUS KYI DBYE BA LA BDUN PA MA YIN DU ZIN KYANG LNGA PA DUS KYI RNAM

, ,PAR DBYE BA KHO NA LA 'JUG PA YIN TE, DUS LA SOGS PA'I DBYE BA CAN MA YIN PA NI DNGOS PO MA YIN PA NYID KYIS BYED PA PO NYID MA YIN PA'I PHYIR RO SNYAM DU SEMS PA LA SKYES PA'I PHYIR ZHES BYA BAS KYANG ZHES BYA BA'I BYED PA PO NYID NI BYED PA PO DANG LAS NYID LA SOGS PA BLOS SGRO BTAGS PA'I YUL CAN LA NI 'BYUNG BAR 'GYUR BA DANG 'DAS PA LA YANG MTSUNGS PAR BSTAN PA NI, JI LTAR MYU GU SKYE ZHES BYA BA STE, SNGAR DMIGS PA KHO NA RGYU NYID YIN PAR NI MI RIGS TE MA DMIGS PA YANG RGYU YIN PA'I PHYIR RO ZHES BSTAN PA NI, GANG GI DANG POR DMIGS GYUR PA, ,ZHES BYA BA STE; DMIGS PA DANG MI DMIGS PA DAG GIS 'BRAS BU DANG RGYU NYID YIN NO ZHES TSAD MAS DMIGS PAS GZHAL BYA YOD PA YIN PAR BRJOD PA YIN PAR BSTAN PA NI DES NA DMIGS PAS NI ZHES BYA BA'O, ,YOD PAR MA 'KHRUL PA'I YUL NI RGYU YIN LA MA 'KHRUL PA CAN NI 'BRAS BU YIN ZHES DMIGS PAS MTSON PA YIN PAR BSTAN PA NI DE YANG MI 'KHRUL PA'I YUL CAN YIN ZHES BYA BA'O, ,MA 'KHRUL PA NYID NI DE YOD NA 'BYUNG BA NYID MA YIN NAM DE YANG SNGA MA NYID KYIS, BYAD PAR GYI RGYU NYID YIN GYI DE YOD NA 'BYUNG BA TZAM 'BA' ZHIG NI MA YIN NO, ,SNGA MA DANG PHYI MA NYID MA YIN PA'I 'BRAS BU DANG RGYU MTSAN NYID YIN PAR RGYUR 'DOD PA RNAMS KYIS SMRAS PA MA YIN NO SNYAM DU SEMS PA NI, 'ON TE MI 'KHRUL PA'I YUL CAN DU GYUR BA NA ZHES BYA BA'O, ,MA 'KHRUL PA'I YUL CAN NYID NI RGYU NYID YIN PA LA MA 'KHRUL PA CAN NYID NI 'BRAS BU NYID YIN GYI SNGA MA NYID DAG KHONGS SU GTOGS PA MA YIN PAR BSTAN PA NI, DE YOD NA 'BYUNG NYID TZAM GYIS, ,ZHES BYA BA'O, ,GAL TE YANG MA 'KHRUL PA'I YUL NYID DE, RGYU NYID DE RGYU NYID LA SNGON NYID KHONGS SU GTOGS PA MA YIN PA DE LTAR NA YANG DE DANG LDAN PA KHO NA RGYUR BTZAL BAR BYA BA YIN TE, 'JUG PA'I YUL YIN PA'I PHYIR RO, , GZHAN NI DE LTA BUR GYUR PA YIN YANG RGYUR THA SNYAD GDAGS PA'I YUL MA YIN NO SNYAM DU SEMS PA NI, 'ON TE DANG PO NYID NI ZHES BYA BA'O, ,GAL TE RGYU SNGA MA NI 'BYUNG BAR 'GYUR BA'I 'JIG RTEN PHA ROL MA MTHONG BA'I PHYIR RJES SU DPAG PA MA YIN TE, 'KHRUL PA'I PHYIR 'BRAS BU LA MA NGES

PA NYID YIN TE, 'KHRUL PA NYID DU SRID PA'I PHYIR RO, ,DE'I PHYIR RJES SU DPAG PA'I DON LA 'BYUNG BAR 'GYUR BA'I RGYU BRJOD BYA YIN NO ZHES BYA BA 'DI LA GZHAN SMRA BA NI PHYI MA NYID NI RJES SU DPOG PA GANG ZHES BYA BA STE, RGYU YIN PA'I NUS PA LAS YIN TE, 'BRAS BU'I NI MA YIN ZHES BYA BA'I DON TO; ,RGYU LAS PHYI NYID YIN PAR RJES SU DPOG PA GANG YIN PA DE NI RGYU'I NUS PA LAS YIN NO ZHES BYA BAR SBYAR RO, ,LAN DU DE LA RGYU NYID KYANG ZHES BYA BA STE, RGYU YIN YANG MA 'KHRUL PAS 'BRAS BU NYID YIN NO, ,'BRAS BU NYID MA NYAMS PA YIN ZHES BYA BA'I DON TO, ,GROGS MO BU DANG BCAS PAR BROS PA LA SOGS PA NI 'BRAS BU NYID KHO NA YIN TE DE LAS RJES SU DPAG PA LAS GZHAN NYE BAR LEN PA MA YIN NO ZHES BYA BA'I DON TO, ,YANG NA NYE BAR LEN PA'I RGYU YANG DGOS PA LAM GRUB PA KHO NA YIN TE 'KHRUL PA YIN NA DE MI RIGS PA'I PHYIR RO, ,DE LTA YIN NA DE NYID 'BRAS BU YIN PA'I PHYIR 'BRAS BU NYID KHO NA RJES SU DPAG PA BZHIN DU NYE BAR LEN PA YIN YANG RGYU MTSAN YIN PAR BSTAN PA NI, GANG YANG RGYU NUS PA CAN NYID LAS ZHES BYA BA'O, ,LAG TU THOB BA NI THOB PAR NGES PA YIN TE DE NI 'BRAS BU NYID DANG MTSUNGS PA YIN NO, ,RKANG GIS BGROD PA NI THOB PAR NGES PAR MED PA YIN TE, RGYU NYID DANG MTSUNGS PA YIN NO, ,SEN MOS BCAD PAR BYA BA NI 'BAD PA MED PA'I BSGRUB BYA YIN LA DE NI 'BRAS BU NYID KYIS RJES SU DPAG PA YIN TE, LTOS PA MED PA'I PHYIR RO, ,STA RES BCAD PAR BYA BA NI 'BAD PAS BSGRUB PAR BYA BA YIN LA DE NI RGYU YIN TE, MA NGES PA NYID SPANGS PA NI 'BAD PA LA LTOS PA'I PHYIR RO, ,DRANG PO ZHES BYA NI RGYU NYID BZHIN TU MA NGES SPANG PA LA LTOS PA NI 'KHYOG PO NYID YIN PA'I PHYIR RO, ,DON MED YIN ZHES BYA BA NI 'BAD PA MED PAR GRUB PA LA 'BAD PA LA BRTZON PAR BYED PA NI 'KHRAS PA RNAMS KYIS SMAD PA YIN NO, ,AARKA'I SHING LAS SPRANG THOB NAS, ,GANG GI DON DU RI LA 'DZEG ,CES BYA BA NI DON YIN NO, ,DE SKAD DU YANG, DE CI 'DRA ZHIG 'PHEN BYED 'GYUR, ,DE 'DRA PHYIS KYANG 'GYUR BA YIN, ,ZHES BYA BA DANG, LUS NI GNAS PA YIN NA SEMS, ,LDOG PA MED PAR THAL BAR 'GYUR, ,ZHES BYA BA LA

, ,SOGS PA NI RGYU MA 'ONGS PA YIN PAR RJOD PAR BYED PA YIN NO ZHES NYE BAR BSDU BA NI, DE'I PHYIR MI 'KHRUL PAS NA ZHES BYA BA'O, ,MI SHES BZHIN PA NI YOD PA TZAM GYIS SKYE BA NYID NAS BRTZAMS NAS LUS JI SRID YOD PAR BDAG NYID NYE BAR PHAN 'DOGS PAR BYED PA RTEN YIN PAR BSTAN PA NI GANG ZHIG YOD PAS PHAN 'DOGS PA YOD CES BYA BA STE, DE'I RGYU NI YIN TE LAS KYI MING CAN NO, ,'BRAS BU LAS SNGAR RAM PHYIS KYANG NGES PAR YOD PA NI RJES SU 'JUG PA'O, ,DE'I PHYIR MA 'ONGS PA'I YID DAM SNGA MA YANG RUNG 'DI'I RGYU YIN PAR BSTAN PA YIN NO, ,DE LTA YIN DANG LUS NI RTEN DU 'GYUR BA MA YIN NO, ,DE'I PHYIR GNAS SKABS SU DGOS PA YIN NO ZHES BYA BA NI 'GREL PA'I DON YIN NO, ,SKYE PA'I DANG PO LA'AM THA MA LA'AM LUS LA'AM SEMS KYI 'BRAS BU LA'AM SNGA MA 'AM PHYI MA YANG RUNG BA'I SEMS NI SHES PA NYID PHAN 'DOGS PA YANG MA YIN LA, 'TSO BA'I GNAS SKABS SU SHES PA NYID YIN YANG DE'I RGYU MTSAN GYI PHAN 'DOGS PA NI MA YIN TE, RANG GI NGO BO TZAM LA RAG LAS PA'I PHYIR RO, ,SEMS KYI CHOS KYANG LAS KYI SEMS NI RGYUS BRJOD PAS RTEN YIN PAR BRJOD PA'I PHYIR SKYON MED DO, ,DE PHYIR BLO GNAS PA YI RTEN, ,BLO NYID LA NI BRTEN PA 'GAL, ,ZHES BYA BA LA SOGS PAS LUS 'PHEN PAR BYED PA DE LA SRED PA DANG BCAS PA'I LAS NI DE'I RTEN YIN PA NYID KYIS SAM BDAG NYID RTEN YIN PA NYID KYIS BLO 'PHEN PAR BYED PAS BLO'I RTEN DU 'GYUR BAR BSTAN PA'I PHYIR SNGAR GYI BSHAD PA LAS 'DI LA KHYAD PAR CI ZHIG YOD CE NA, SNGA MAS NI SKYA BA'I DANG PO'I SEMS KYI RTEN YIN PAR BRJOD KYI NAM MKHA'I MA YIN TE, DES SEMS TZAM DU 'PHEN PA'I PHYIR RO, ,'DIS NI THA MA'I YANG YIN PA'I PHYIR KHYAD PAR CHE'O, ,SNGA MA LA NI RGYU SNGA NA YOD PA'I PHYIR 'DI YOD NA DANG 'DI 'BYUNG BA LAS SHES KYANG 'BRAS BU LA BDUN PA DANG LDAN PA DANG RGYU MTSAN DANG RGYU YIN PAR GSAL BAR BYED PAR RIGS PA MA YIN NAM GZHAN LA NI MA YIN TE, DE'I TSE DE MA SKYES PA'I PHYIR RO, ,SNGA MA NI 'BRAS BU'I DUS NA MED KYANG SKYES PA YIN PAS RGYU MTSAN DANG RGYUR YANG 'GYUR RO SNYAM DU SEMS PA LA, DE'I PHYIR BDUN PA DANG ZHES

BYA BA STE, RGYU MTSAN DANG RGYU NYID TZAM NI BDUN PA DANG LDAN PA DAG GI RGYU MTSAN YIN LA 'BYUNG BAR 'GYUR BA LA YANG DE YOD PA'I PHYIR MA NYAMS PA YIN TE DE LTAR RTOGS PA'I PHYIR RO, ,'CHI LTAS SAM YAN LAG RNAM PAR 'GYUR BA NI 'CHI BA'AM, MNGON PAR 'BYUNG BA'I MA 'ONGS PA'I RGYU MED NA MI 'BYUNG BA NI DE'I 'BRAS BU RTOGS PA KHO NA YIN LA RTOGS PAR RNAM PAR BZHAG PA YANG YOD PA'AM RGYU MTSAN YIN NO, ,'BYUNG BAR 'GYUR BA YANG TSAD MAS RNAM PAR BZHAG PA MA YIN TE, DE'I TSE RANG GI NGO BO MED PA'I PHYIR RO, ,'DAS PA YOD PA YIN NO ZHE NA, 'GAL BA YIN NO, ,DE'I TSE YIN NO ZHE NA, DE'I TSE NI MA YIN TE, DE'I TSE NA YANG MED PA'I PHYIR RO, ,DE'I PHYIR 'DAS PA DANG MA 'ONGS PA'I DUS GANG LA MED KYANG CUNG ZAD RNAM PAR BZHAG NAS RGYU MTSAN NAM RGYUR DE RTOGS PAS THA SNYAD DU BYED PA YIN LA DE NYID DE'I BYA BA'I RJES SU 'BRANGS NAS 'JIG RTEN PA RNAMS DNGOS PO'I DE KHO NA NYID LA DE LTAR THA SNYAD 'DOGS PA YIN ZHES BYA BA'I DON TO, ,KHYAD PAR DU BYA BA LA RJES SU DPAG PA LA SOGS PA'I SHES PA'AM RNAM PAR RTOG PA'I SHES PA RUNG KHYAD PAR GYI RTAGS LA SOGS PA'I SHES PA CUNG ZAD DAM RTOGS PA MED PA CAN YANG RUNG BA MED NA MI SRID PA'I PHYIR DE LA BRTEN PAR NI RIGS KYI THAMS CAD NI MA YIN NO, ,'DI LA SMRAS PA RNAM PAR G-YENG PA LA SOGS PAS SNGA MA'I SEMS YON TAN DAM PA CAN NYID MA YIN NA PHYI MA MI 'BYUNG BA'I PHYIR SEMS CAN THAMS CAD KHO NA SEMS GZHAN LA BRTEN PA YIN NA NGA RGYAL DANG BCAS PA'I YID KYIS RNAM SHES NYID NI CHAR YANG SEMS LA BRTEN PA YIN TE PHYI ROL GYI NYAMS SU MYONG BA LAS BYUNG BA MA YIN PA DANG GOMS PA LAS BYUNG BA'I KHYAD PAR YIN PA'I PHYIR RO, ,RGYA SHUG GI 'BRAS BU DANG KHAM PHOR BZHIN DU LHAN CIG YOD PA'I RTEN MA YIN NAM DE BZHIN DU PHYI MA NI SKYE BA SNGA MA'I SEMS KYI RTEN MA YIN LA KUN GZHI'I BDAG NYID KYI SEMS RTEN NYID DU BRJOD PAS DE'I CHOS KYI LAS RJOD PAR BYED PA YANG MA YIN NO, ,DE YANG DE'I TSE NYID NYE BA KHO NA YIN PA'I PHYIR SKYON MED DO, ,'BRAS BU'I SEMS KYI DUS SU YANG RGYU'I SEMS THAMS CAD DU NYE BA YIN PAS RTEN NYID NI RTAG TU DE'I RJES SU 'JUG

, ,PAS ZHES BRJOD PA YIN NO, ,GOMS PA LAS BYUNG BA'I RNAM PAR RTOG PA'I TSOGS NI BSAL BAR DKA' BA YIN TE, PHYI ROL DANG NANG GI NYAMS SU MYONG BA RNAMS LHAN CIG MA YIN PA'AM GZHAN PA'I NGA RGYAL DANG BCAS PA RTOGS BZHIN PA'I 'JIG RTEN PHA ROL PO NI BRNYAS PAR 'OS PA MA YIN PA'I PHYIR THAMS CAD KHA NA MA THO BA MED PA YIN NO, ,'O NA LUS KYANG SEMS KYI RTEN YIN TE PHAN BYED PA'I PHYIR 'DOD PA YIN NO, ,DE LTA YIN NA DE SEMS BZHIN DU RTAG TU RJES SU 'JUG PAS PHAN 'DOGS PA YIN PA'AM GZHAN DU YANG 'GYUR GRANG NA GAL TE SEMS BZHIN GZHAN DU YIN NA SEMS KYANG DE'I RTEN DU 'GYUR BAR GAL TE YANG DBANG PO MED PAR BLO MA YIN ZHES BYA BA LA SOGS PAS PHAN TSUN RGYU NYID DU BRJOD PAS BSTAN PA YIN NO, ,DBANG PO DANG BCAS PA'I LUS SU BSTAN PA'I RIGS PA NI LUS TZAM LA YANG MTSUNGS PA YIN PA'I PHYIR RTOGS BYA KHO NA YIN NO, ,GZHAN DU NA DE LTA BU'I RTEN MA YIN, MA YIN PA NYID DU BSTAN PA NI PHAN 'DOGS BYED PA YANG YIN BLA STE ZHES BYA'O, ,YANG NA RES 'GA'I PHAN 'DOGS PA'I PHYOGS LA PHAN 'DOGS BYED PA YANG YIN BLA STE ZHES BYA BAS SKYON BRJOD NAS DUS THAMS CAD DU PHAN 'DOGS PAR BYED PA'I PHYOGS LA LDOG PA MED PAR THAL BAR 'GYUR BAR BSTAN PA NI, 'GAL BA BRJOD DO ZHES BYA BA NI THAL CHES PA LAS SO, ,GAL TE YANG ZHES RGOL BA'I BSAM PA'I RIGS PA NI DE LTA BU NYID DU YIN ZHES BYA BA LA LTOS NAS GZHAN DU YANG ZHES BYA BA STE, DE'I GNAS SKABS SAM GZHAN DU YANG ZHES BYA BA'I DON TO, ,YANG NA LDOG PA MI 'THAD PA MA YIN ZHES BYA BAR SBYAR NAS LDOG PA DANG MI LDOG PA DAG BSDUS NAS BKAG PA YIN TE, GNAS SKABS THAMS CAD DU 'BRAS BU DANG LDAN PA'I PHYIR RTEN NYID YIN ZHES BYA BA'I DON TO, ,DE DAG GI RGYU NI SEMS LAS GZHAN PA STE SEMS NI LHAN CIG BYED PA CAN YIN LA 'DI'I RGYU DE NYID YIN PAS DE'I RGYU CAN TE 'BRAS BU'O,, DAL BA NYID NI DBUGS 'DREN ZHES BYA BAR MTSAMS BCAD DO, ,GZHAN DU GYUR BA LAS NI DBUGS RING DU RNGUB PA LA SOGS PA LAS SO, ,LUS KYANG SEMS KYI RTEN YIN NA, GZUGS LA SOGS PA BZHIN DU 'AM RID PA LA SOGS PA'I GNAS SKABS BZHIN DU YIN GRANG NA GZUGS LA SOGS

BZHIN YIN NA NI DE BZHIN DU DE YANG DE YOD KYANG LDOG PA MED PAR THAL BAR 'GYUR BA'O, ,CI LAS SHE NA, DE YOD NA STE DE NYID YOD NA 'BYUNG BA STE, DE TZAM BSKYED BYA YIN PA'I PHYIR RO, ,DBANG 'GYUR PHYIR ZHES BYA BA NI DE RNAM PAR 'GYUR BA MA YIN NA 'DI BSGYUR BYA MA YIN PA'I PHYIR RO, ,YANG NA RTAG TU DE'I RJES SU 'JUG PAS DE SNGA MAS LDOG PAS KHYAB PA'I MED PA YIN PA BZHIN DU PHYI MAS RJES SU 'GRO BAS KHYAB PA YOD PA KHO NA YIN NO, ,DE LTAR NA DE NI DE LA BRTEN PA YIN GYI GZHAN DU NI MA YIN NO, ,'ON TE RID PA LA SOGS PA BZHIN DU YIN NA DE LTA NA YANG RES 'GA' BA NI DE TZAM LAS MI 'BYUNG BAS DE LTA BU'I DBUGS LA SOGS PA LA LTOS PA LAS 'BYUNG BA MA YIN NO SNYAM DU SEMS PA LA, DE LAS 'BYUNG RNGUB CES BYAS PA STE DE LAS NI SEMS NYID LAS SO, ,DE MA YIN NA SEMS TE LAS NI 'BYUNG RNGUB DAG LAS SO ZHES BYA BAR SBYAR RO, ,CI LAS YIN ZHES BYA BA LA LTOS PA YIN NA GNAS SKABS KYI GTAN TSIGS DANG SBYAR BAR BYA'O, ,JI LTAR ZHE NA, DBANG 'GYUR PHYIR TE SEMS KYI DBANG DU 'GYUR BA'I PHYIR RO, ,SEMS KYI DE DAG GI RGYUN DU 'JUG PA DANG LDOG PA DAG DANG PHUL DU BYUNG BA DANG PHUL DU BYUNG BA MA YIN PA DAG KYANG YIN NO, ,RGYAL POS BRAN BZHIN DU GZHAN GYI BSKYED BYA NYID DES DBANG DU BYED PA YIN NO ZHE NA, DE YOD PA NYID NA 'BYUNG BAS GZHAN LAS SKYE BAR MA MTHONG BA'I PHYIR RO, ,BRAN NI DE LAS BZLOG PA YIN NO, ,DE'I PHYIR GZHAN LAS SKYE BAR MA MTHONG BA YIN NA DBANG DU 'GYUR BA NYID GTAN TSIGS YIN NO ZHES BYA BA'I DON TO, ,'GREL PA MDZAD PAS NI SO SO'I GTAN TSIGS GNYIS LAS BRTZAMS NAS, BRAN NI GZHAN LAS SKYE NYID DU, ,MTHONG BA YIN GYI DE DAG MIN, ,ZHES BYA BA NI BANG DU 'GYUR BA'I KHYAD PAR KHO NA YIN TE DE YOD NA 'BYUNG BA NYID DU NYE BAR BSDUS PA YIN NO, ,GAL TE YANG DE LAS 'BYUNG RNGUB BYED CES BYA BA 'DI NYID KYIS GTAN TSIGS DAG TU NGES SBYAR BA YIN YANG LDOG PA MED PA THAL BAR 'GYUR RO ZHES BYA BA LA'ANG RTOGS PA'I PHYIR SBYAR BAR BYA BA DAG KHO NA YIN TE, GZHAN DU NI MA 'GRUB PA'I PHYIR DE LA GNAS PA DAG 'DI LA DBANG BYED PA KHO NA YIN PAR RIGS SO, ,DE BZHIN DU 'BYUNG BA TZAM MA MED

, ,YONGS SU GYUR PA'I KHYAD PAR YANG LUS TZAM MA DBUGS LA SOGS PA'I KHYAD PAR YANG SEMS KYI RTEN NYID YIN LA BKAG PA NA GNAS PA'I RLUNG NGAM DE'I KHYAD PAR CAN GYI LUS DE CI LAS THOB PA YIN DE'I PHYIR LDOG PA'I DON DU 'BYIN PA DANG 'DREN PA ZHES BYA BA NYE BAR SBYOR BAR MI RIGS SO; ,DE'I PHYIR DBUGS 'BYUNG BA LA SOGS PA NI SEMS KYI BSKYED BYA NYID DU BSGRUBS NAS DE LAS DE MA YIN ZHES BYA BA'I DAM BCA' BA LA GNAS SKABS KYI GTAN TSIGS LAS BZLOG PA GTAN TSIGS MA YIN PA DANG DE MED KYANG 'BYUNG BA'I PHYIR DANG DBANG DU 'GYUR BA MA YIN PA'I PHYIR ZHES BYA BA LA SOGS PA LA LTOS PA YIN NO, ,DBUGS 'BYUNG BA DANG RNGUB PA LA SOGS PA'I GNAS SKABS NA DE MED NA, SEMS YOD PA MA YIN PA MA YIN ZHING DE'I DBANG YIN PAR RTOGS PA NI MA YIN NO, ,DE LTAR YIN NA DBUGS 'BYUNG BA LA SOGS PA YANG GNYID STUG POS NON PA'I GNAS SKABS NA DE MED KYANG 'BYUNG BA YIN NA DBANG DU GYUR PA YANG MA YIN PAR MTSUNGS SO, ,'ON TE SEMS KYI 'DU BYED PA LA DBUGS 'BYUNG BA LA SOGS PA 'GYUR BA YIN NA NI DE LTAR NA DE SEMS BSKYED BYA'I 'DU BYED PA YIN GYI LUS KYI MA YIN TE, DE RGYU MA YIN PA'I PHYIR RO, ,DBUGS 'BUNG BA LA SOGS PA 'BRAS BU NYID LA DE DANG DE LAS GZHAN PA'I RGYUS SGRO BTAGS PA YIN NO ZHE NA YANG 'DI LA YANG SEMS LA SEMS GZHAN GYI RGYU YIN NA 'BRAS BU LA DBUGS PA LA SOGS PAR 'DU BYED PAR SGRO BTAGS PA YIN LA DE NA DE'I RGYU YIN PA'I PHYIR GTAN TSIGS LAS BZLOG PA YIN PA DANG DE MED KYANG 'BYUNG PAR MA GRUB PA YIN NO SNYAM DU SEMS PA LA, DBUGS 'BYUNG BA LA SOGS PA'I SEMS KYI BSKYED BYA'I KHYAD PAR JI LTA BU'I NGO BO NYID YIN PA DE LTA BU'I SEMS KYI BSKYED BYA'I KHYAD PAR NI MA YIN TE, RANG GI RIGS GOMS PA'I BSKYED BYA'I KHYAD PAR NYID RTOGS PA'I PHYIR RO ZHES BSTAN PA NI RLUNG 'BYIN PA DANG 'DREN PA NI ZHES BYA BA STE, DE'I NGO BO YANG SEMS KYI BSKYED BYA NYID DU NGES PAR GZUNG BA YIN PA'I PHYIR RMI LAM LA SOGS PA NA DE MED KYANG DE'I 'DU BYED PA LAS DER NGES PA YIN NO ZHES BYA BAR YANG MA GRUB PO, ,JI LTAR YANG SEMS PHUL DU BYUNG BA DANG 'GRIB PA YIN NA, DE DAG GI

PHUL BYUNG 'GRIB PA THOB PAR 'GYUR BA'O, ,DE BZHIN DU DE DAG GI PHUL DU BYUNG BA DANG 'GRIB PA YIN NA SEMS NI DE 'THOB PAR 'GYUR BA MA YIN NO, ,DE MED NA DBUGS 'BYUNG BA LA SOGS PA YOD KYANG GANG LAS YIN ZHES BYA BA'I DBANG DU BYAS NAS SEMS KYI BSKYED BYA'I NGO BO YANG DE MED KYANG DE'I 'DU BYED PA YIN NO ZHES BYA BAR YANG SBYAR BAR BYA'O, ,'DU BYED PA'I SGO NAS DE'I GNAS SKABS NA YANG DE NYID YOD PA'I PHYIR RO ZHES BYA BA'I DON TE, ,DE'I PHYIR SEMS KYI BSKYED BYA DBUGS 'BYUNG BA LA SOGS PA BZHIN DU SEMS NI DE DAG GI BSKYED BYA YIN PAR RTOGS PA MA YIN STE, DE'I BSKYED BYA MA YIN PA'I KHYAD PAR YIN PA'I PHYIR, DE'I PHYIR DE DE LAS MA YI PAR DAM BCAS PA GRUB PA YIN NO, ,DBUGS 'BYUNG BA LA SOGS PA SEMS PA YIN NA SEMS PHUL DU BYUNG BA DANG BSKYED BYA'I KHYAD PAR NI DBUGS 'BYUNG BA LA SOGS PA DE'I BSKYED BYA MA YIN LA, DE'I SKYED BYED MED NA GANG LAS 'BYUNG STE, DE'I BSKYED BYAR GYUR PA MA YIN NO ZHES BYA BA'I DON TO, ,BSKYED BYA NI SKYED BYED LA PHUL DU BYUNG BA CAN MA YIN LA DE BZHIN DU DBUGS 'BYUNG LA SOGS PA LA YIN PA'I PHYIR DE DBUGS 'BYUNG BA LA SOGS PA NI MA YIN TE, SKYED BYED KYI CHOS KYI RJES SU BYED PA'I PHYIR RO, , YANG NA DE DAG SEMS KYI BSKYED BYA NYID MA YIN LA SEMS KYI BSKYED BYA'I KHYAD PAR NYID NI GNOD PA CAN 'PHEL BA YIN PAR PHYED SNGA MAS BSTAN NAS PHYED PHYI MAS SEMS DBUGS 'BYUNG BA LA SOGS PA'I BSKYED BYA YIN NA, SEMS LA DBUGS 'BYUNG BA LA SOGS PA BZHIN DU DE'I BSKYED BYA'I KHYAD BAR NYID DU THAL BAR 'GYUR BAR SGRUB PA YIN NO, ,DE YOD PA MA YIN PA'I PHYIR DE DE LAS MA YIN ZHES BYA BAR GRUB PO, ,DBUGS 'BYUNG BA LA SOGS PA RNAMS SEMS LAS BYUNG BA NYID JI LTAR YIN, RMI LAM LA SOGS PA NA DE MED PA'I PHYIR RO SNYAM DU SEMS PA LA DE LA YANG SEMS KYI 'BRAS BU'I KHYAD PAR DU MTHONG BA'I PHYIR DE RJES SU DPAG PA NI RANG GI NGO BO MED KYANG DU BYED PA'I SGO NAS YOD PAR SHES PA YIN PAR BSTAN PA NI, RLUNG 'BYUNG PA DANG 'DREN PA NI, ,ZHES BYA BA STE, SEMS PHUL DU BYUNG BA DANG 'GRIB PA YIN NA DBUGS 'BYUNG BA LA SOGS PAS PHUL DU BYUNG BA DANG 'GRIB PA MED PA GANG LAS

, ,YIN ZHES GNAS SKABS DANG SBYAR RO, ,GNAS SKABS SU BSHAD PA RNAMS LA CI RIGS PAR MTSUNGS PAR THAL BAR 'GYUR BA DANG YANG SBYOR BAR BYA'O, ,SEMS DBUGS 'BYUNG BA LA SOGS PA'I BSKYED BYA YIN NA DE'I KHYAD PAR GYIS KHYAD PAR THOB PA YIN GYI KHYAD PAR THOB PA 'BA' ZHIG NI MA YIN NO, ,'O NA CI ZHE NA, DE MA LOG NA LUS RGYU YIN PAS 'CHI BA'I GNAS SKABS SU YANG MI LDOG PAR 'GYUR RO ZHES THAL BAR 'GYUR YANG LUS RGYU YIN PAR BSTAN PA LA MTSUNGS PAR 'GYUR LA DE BZHIN DU SEMS SKYED BYED NYID DU 'GYUR BA'I PHYIR DE DAG BSKYED BYA NYID MED PA 'BA' ZHIG NI MA YIN TE, SNGA MA BZHIN DU THAL BAR 'GYUR BA YANG MTSUNGS SO, ,YANG NA SEMS KYI BSKYED BYA PHUL DU BYUNG BA DANG 'GRIB PA YIN LA DE MED NA DBUGS 'BYUNG BA LA SOGS PA'I YUL YIN NA YANG SEMS KYI GANG LAS YIN TE, MA YIN PA KHO NA'O ZHES BYA BA 'DI LA YANG THAL BAR 'GYUR BA MTSUNGS PA YANG DBUGS DBYUNG BA LA SOGS PA RGYU GNAS PA YIN NA SEMS LDOG PA MED PAR THAL BAR 'GYUR BA'O, ,YANG NA JI LTAR RMI LAM LA SOGS PA NA SEMS KYI BSKYED BYA NYID YIN NA DBUGS 'BYUNG BA LA SOGS PA LA, SEMS KYI BSKYED BYA'I NGO BO'I SEMS MED NA MI 'GYUR RO ZHES THAL BAR 'GYUR BA DE BZHIN DU SEMS KYI BSKYED BYA MA YIN NA LUS KYI BSKYED BYA YIN PA'I PHYIR SHI BA'I GNAS SKABS NA SEMS LOG KYANG MI LDOG PAR 'GYUR LA DBUGS 'BYUNG BA LA SOGS PA'I BSKYED BYA YIN NA, SEMS PHUL DU BYUNG BA DANG 'GRIB PA'I BSKYED BYA PHUL DU BYUNG BA'AM 'GRIB PA'AM GZHAN YANG RUNG BA DBUGS 'BYUNG BA LA SOGS PA DE'I BSKYED BYA MA YIN PA LA, GANG LAS YIN ZHES BYA BA 'DI LA YANG DBUGS 'BYUNG BA LA SOGS PA'I BSKYED BYA'I SEMS DANG SEMS KYI BSKYED BYA MA YIN PA DE LA YANG SEMS LOG PA YIN NA, LDOG PA SEMS KYI BSKYED BYA NYID MED NA, GANG LAS YIN ZHES BZLOG PA MED PAR THAL BAR 'GYUR TE, SEMS LOG KYANG SEMS LA BSHAD PA'I THAL 'GYUR DANG DE DAG GI MTSUNGS PA YIN TE, 'BRAS BU LOG NA RGYU LDOG PA MA YIN TE, KHAS MA BLANGS PA'I PHYIR RO, ,'ON TE DE DAG GIS PHUL DU BYUNG BA DANG 'GRIB PA

YIN NA DE'I BSKYED BYA SEMS LA YANG PHUL DU BYUNG BA 'GRIB PA THOB PAR 'GYUR RO ZHES BYA BA DAG GI DON YIN NA, DE LTAR NA DE DAG RGYU YIN PAS DE DAG GI 'BRAS BU SEMS LA LDOG PAR THAL BAR 'GYUR BA NI RMI LAM LA SOGS PA DANG GZHAN LA YANG LUS RGYU YIN PAR MTSUNGS PA YIN TE RMI LAM BZHIN DU GZHAN LA YANG LUS YOD NA DBUGS 'BYUNG BA LA SOGS PA YOD PA DANG RJES SU 'JUG PA'I PHYIR RO, ,SEMS RGYU YIN NA RMI LAM BZHIN DU GZHAN LA YANG SEMS DE'I 'DU BYED PA LAS YIN PA'I PHYIR THAL 'GYUR 'DI NI MTSUNGS PA MA YIN NO, ,RGYU GZHAN YANG LHAN CIG BYED PA'AM RANG DBANG DAM LAS KYI MING CAN DU KHAS BLANGS PA'I PHYIR DE MED NA SEMS MED PA'I PHYIR DE'I 'BRAS BU DBUGS 'BYUNG BA LA SOGS PA NI LUS GNAS KYANG MED PA MI SRID PA MA YIN TE, LUS GNAS KYANG SEMS MED PA LA SOGS PA'I 'BRAS BU SNA TSOGS PA MTHONG BA'I PHYIR BRTAG BYA SNA TSOGS PA'I BAG CHAGS KYI NGO BO NI SEMS KYI CHOS YIN GYI 'BYUNG BA'I CHOS MA YIN TE, THAMS CAD DU 'BYUNG BA RNAMS DBUGS 'BYUNG BA LA SOGS PA DANG THUN MONG BA NYID KYIS SNA TSOGS PA MA YIN PAR THAL BAR 'GYUR RO, ,GNAS PA'I 'PHEN BYED GZHAN DAG KYANG; ,MTSUNGS MA YIN NI MTSUNGS PA MA YIN PA STE LUS KYI RGYU DANG NGO, ,SEMS KYI CHOS KYI BAG CHAGS SNA TSOGS PA LAS LUS DANG SEMS LA SOGS PA SNA TSOGS PA NYID DU MTHONG BA YIN PAR BSTAN PA NI, GNYID DANG 'BREL PA TZAM GYIS NI, ,ZHES BYA BA'O, ,SEMS LA SOGS PA SNA TSOGS PA DE NYID KYANG SKYE BA'I DANG PO LA BAG CHAGS KYI BSKYED BYA YOD PA'I PHYIR JI LTAR SKYE BA SNGA MA SNGA MA YIN ZHES BSTAN PA NI, DE PHYIR SEMS CAN THAMS CAD NYID, ,CES BYA BA STE, 'BRAS BU'I SHUGS KYIS KYANG RGYU SKYE BA SNGA MA LA GANG ZHIG MED NA MI 'GRUB PA DE THAMS CAD DE KHO NA BZHIN DU BRTAG PAR BYA BA YIN PAR BSTAN PA NI, BAG CHAGS STOBS LAS BYUNG GYUR KYANG, ,ZHES BYA BA'O, ,SKYE BA SNGA MA LAS SKYE BA 'DI'I 'PHO BA YIN PAR TSAD MA'I NUS PAS GRUB PA LA DPE LA LTOS PA GSAL BA YIN YANG NUS PA CHEN POR KHAS BLANGS NAS BSTAN PA NI LUS GZHAN DU

, ,'PHO BA JI LTAR YIN ZHES BYA BA NAS LTAG CHOD YIN PAR BSAL ZHES BYA BA'I BAR GYIS BSTAN PA YIN NO, ,SAD PA DANG RMI LAM GYI SEMS LA SOGS PA'I RGYUN LA BDEN PA DANG CIG SHOS KYI RNAM PAR DBYE BA MED PAS BAG CHAGS KYI BSKYED BYA NYID YIN PA LA, GNOD PA MED PAS 'BRAS BU LAS RGYU RJES SU DPOG PA'I PHYIR 'JIG RTEN PHA ROL GRUB PA LA GNOD PA CI YANG MED DO ZHES BYA BA'I DON TO, ,NYE BAR LEN PA GCIG LAS BYUNG BA'I GNAS KYI SA BON CHU LA SOGS PA DANG PHRAD PA CHE BA DANG CHES CHE BA LA SOGS GNAS SKABS SU SON PA YANG DBYE BA MED PAR MA YIN NAM DE BZHIN DU LUS KYANG BYIS PA DANG GZHON NU LA SOGS PA'I GNAS SKABS DAG LA THA DAD PA MA YIN NO SNYAM DU SEMS PA NI, NYER LEN GCIG GI DNGOS PO LAS, ,ZHES BYA BA'O, ,LAN NI DE LTAR NA YANG LUS GZHAN NYID LDOG PAR 'GYUR BA NI MED CES BYA BAR MTSAMS SBYOR RO, ,CI'I PHYIR ZHE NA, MTSAN NYID MI MTHUN PA NYID NI THA DAD PA NYID DO, ,DE NYID NI GCIG NYID DO, ,SA BON YANG CHER SKYES BA LA SOGS PA'I DBYE BAS BSTAN PA NI, GZHON NU LA SOGS PA'I LUS ZHES BYA BA'O, ,LUS BZHIN DU SEMS KYANG THA DAD PA MA YIN NAM, JI LTAR 'PHO BA YIN ZHE NA, DE DANG LHAN CIG SPYOD PAR ZHES SMOS SO, ,SNGA MA SNGA MA'I SEMS TZAM LAS 'BYUNG BA'I SEMS KYANG LUS DE LA SRID PA'I BAG CHAGS SNYING PO CAN YIN PA'I PHYIR LUS DANG LHAN CIG 'BYUNG BA YIN PAR BSTAN PA NI, BAG CHAGS KYI STOBS KYIS ZHES BYA BA'O, ,MTHONG BA NI ZHES BYA BA NI NYE BAR DMIGS PA YOD PA'O, ,DE JI LTAR YIN GZHAN DU NA SAD PA NA DMIGS PA BZHIN DU DMIGS PA THAMS CAD YOD PA NI MA YIN TE, 'O NA CI ZHE NA, BDEN PA YIN NA'O SNYAM DU SEMS PA NI JI LTAR MI BDEN PA BZHIN DU ZHES BYA BA'O, ,PHYIN CI LOG TU DMIGS PA NI GNOD PA CAN MA YIN NO, GNOD BYA GNOD BYED DAG LA BYE BRAG MED DO ZHES BSTAN PA NI, GANG GI TSE RTOGS PA DE ZHES BYA BA'O, ,'ON TE SNGA MA LA GNOD PAS SHES PA PHYI MA SKYES PA YIN LA DE NYID GNOD PA CAN YIN NO, ,PHYI MA NI SNGA MA LA GNOD PA MA YIN TE MA BYUNG BA'I PHYIR RO, ,SNGA MA LA GNOD PA MED NA PHYI MA'I SKYE BA MI 'GRUB PO

SNYAM DU SEMS PA NI, JI STE SAD NA MA DMIGS SO ZHE NA ZHES BYA BA'O, ,PHYI MAS SNGA MA LA GNOD PA NI RMI LAM LA YANG YOD PA'I PHYIR DE YANG KHYAD PAR MA YIN PAR BSTAN PA NI, SAD PA DANG MA SAD PA DAG CES BYA BA'O, ,SAD PA'I SEMS NI GNYID DANG BRAL BA'I BDAG NYID RIG PAR BYED PA MA YIN NAM SNYAM DU SEMS PA NI, BSAD DO SNYAM DU ZHES BYA BA'O, ,RMI LAM GYI SEMS KYANG DE BZHIN DU BDAG NYID RIG PA YIN PAR BSTAN PA NI, BSAD DO SNYAM PA ZHES BYA BA'O, ,MED PA NI GZHAL BYA'I'O, ,MI BDEN PA NYID NI TSAD MA'I'O, ,'ON TE SAD PA NA BZA' BTUNG DMIGS PA'I DON BYED PA RMI LAM NA RJES SU 'JUG PA YIN TE, SAD PA NA BSHAD BA LA SOGS PA DMIGS PA'I PHYIR DE'I PHYIR BDEN PA NYID YIN NO, ,RMI LAM DU DMIGS PA'I GNAS SKABS NA RJES SU 'GRO BA MA YIN TE, DE'I PHYIR MI BDEN PA NYID YIN NO SNYAM DU SEMS PA NI, 'ON TE BAG CHAGS STOBS CHUNG BA'I PHYIR ZHES BYA BA'O, ,DE LTA YIN NA MA 'ONGS PA'I DNGOS POS MI BDEN PA YIN GYI RANG GI NGO BOS MA YIN PAR BSTAN PA NI, 'O NA GANG LA BAG CHAGS BSTAN PA YOD PAR ZHES BYA BA'O, , RANG GI NGO BO NYID KYIS BDEN PA LA LTOS NAS 'PHO BA BDEN PA NYID DU BSTAN PA NYE BAR BSDU BA NI, DE NI RANG GI NGO BOR YOD PA NYID CES BYA BA'O, ,RMI LAM DU DMIGS PA THUN MONG PA NYID LA'ANG BDEN PA'I RGYU MTSAN YOD PAR BSTAN PA NI, GANG DU LHAS BSTAN PAS ZHES BYA BA'O, ,DE 'DI LTAR RMI LAM DU DMIGS PA YOD PA'I PHYIR 'PHO BA YOD PA KHO NAR GRUB NA YUN RING POR GNAS PA DANG CIG SHOS NYID KYIS BDEN PA DANG MI BDEN PA NYID KYIS KHYAD PAR DU RTOGS PAS DE DGAG PA RNAM RTOG DANG MTSUNGS PA YIN PAR BSTAN PA NI, 'PHO BA RAB TU GRUB PAS NA, ,ZHES BYA BA'O, ,YUL GZHAN BZHIN DU GOMS PA'I KHYAD PAR GYI BSKYED BYAR 'DOD PA YIN TE, SHIN TU CHER MTHONG BA'I PHYIR SKYE BA SNGA MA LAS 'PHOS PA RJES SU DPAG PA'I YUL YIN PAR BSTAN PA NI, SKYE BA DANG PO'I SEMS KYI 'DU BYED PA'I 'BRAS BU ZHES BYA BA'O, ,YUN RING POR MI GNAS PAS GZUNG BA LA 'KHRUL PA YIN YANG BAG CHAGS KYI BSKYED BYA NYID LA MI GNOD PA'I PHYIR DPE YIN PAR SNGAR BSTAN NAS

, ,DA LTAR NI, GZUNG BA LA YANG 'KHRUL PA MA YIN NO ZHES BYA BA'I KHYAD PAR YIN NO, ,GSAL BA ZHES BYA BA NI MNGON PAR 'DOD PA'I KHYAD PAR TE GOMS PA'I BSKYED BYA'I MNGON PAR 'DOD PA'I KHYAD PAR DANG LDAN PA NI SKYE BA 'DI LA GOMS PA MED PA'I PHYIR SKYE BA SNGA MA'I GOMS PA DANG LDAN PA YIN PAR RTOGS PA YIN LA DE'I PHYIR 'PHO BA YIN PAR RTOGS PA'I DON BSTAN PA NI, LUS LA KUN DU 'DZIN ZHES BYA BA STE, RE ZHIG DANG POR ZHES BYA BA NI 'BRAS BU STE, PHYOGS KYI CHOS SO, ,SNGON GYI LUS KYI GOMS PA'I ZHES BYA BA NI BSGRUB BYA STE DE 'DZIN PAR BYED PA YANG YIN PAR BSTAN LA DE NI 'DI LTAR PHYIS KHYAB PAR GRUB PA YIN NA KHYAD PAR 'GRUB PA RJES SU DPAG PA'I 'BRAS BU YIN PAR BSTAN PA YIN, SNGON GYI LUS LA KUN DU 'DZIN PA GOMS PA ZHES BYA BA'O, ,LDOG PA BSTAN NAS RJES SU 'GRO BA BSTAN PA NI, DE'I SHUGS KYIS ZHES BYA BA STE, SKYE BA 'DI LA GOMS PA MED PA YIN NA GOMS PA'I BSKYED BYA'I KHYAD PAR SKYE BA GZHAN LA GOMS PA YIN PAR SGRUB PAR BYED PAS 'PHO BA SGRUB PAR BYED PA YIN NO ZHES BYA BA'I DON TO, ,KHYAD PAR NYE BAR MA BZHAG PAS RJES SU DPAG PA MI 'JUG PAR BSTAN PA NI, DE LTA MA YIN NA NI ZHES BYA BA'O, ,'BRAS BU LAS RGYU RTOGS PA BZHIN PA NI, YUL DANG DUS DE LAS YID KYIS YUL DANG DUS GZHAN LAS NI MA YIN NO ZHES BYA BA DE TZAM GYI RJES SU DPAG PA 'JUG PA MA YIN NAM, DE NYID 'DIR 'PHOS PA NI MA YIN NO SNYAM DU SEMS PA NI, 'ON TE 'PHO BA LA MNGON SUM MED PAS ZHES BYA BA STE, 'PHO BA LAS KHYAB PA 'DZIN PA MED DO ZHES BYA BA'I DON TO, ,'BRAS BU LA RGYU TZAM DU RTOGS PA LA NI 'PHO BA MA YIN TE, RGYU THA DAD PA'I YUL YIN PA'I PHYIR RO, ,RGYU GCIG YIN NA SKYON DE MED PAR BSTAN PA NI, RJES DPAG BYA LA MNGON SUM NI, ,ZHES BYA BA STE, 'BRAS BU'I SEMS LAS RGYU'I SEMS RTOGS BZHIN BA NI DE KHO NA 'DI YIN ZHES RGYUD GCIG 'DZIN PA'I YUL YIN PA'I PHYIR 'PHO BA KHO NA YUL YIN ZHES BYA BA'I DON TO, ,'PHO BA'I 'BRAS BU NYID DU 'GAR YANG CUNG ZAD NYE BAR DMIGS PA GZHAN DU YANG, DMIGS NA 'PHO BA YIN

PAR RTOGS PAR BYED PA MA YIN NAM ZHES THUN MONG PAS YIN NO SNYAM DU SEMS PA NI, 'ON TE DE'I RIGS LA ZHES BYA BA'O, ,MNGON PAR 'DOD PA'I KHYAD PAR NI LUS SAM DE LA PHAN BYED PA YANG RUNG GOMS PA SNGON DU 'GRO BA CAN NYID DU DMIGS PA LA RJES SU DPAG PA 'JUG PAR BYED PA'I PHYIR DE'I RIGS LA MNGON SUM DU 'JUG PA MED PA MA YIN PAR BSTAN PA NI, RE ZHIG LUS SAM ZHES BYA BA'I LUS GCIG NYID LA MNGON PAR 'DOD PA'I BYE BRAG NI GOMS PA'I SEMS SNGON DU 'GRO BA CAN DU DMIGS PA YIN GYI LUS GZHAN LA NI MA YIN PA MA YIN NAM DE LA NI 'PHO BAR 'DOD PA YIN NO SNYAM DU SEMS PA NI, JI LTAR DE'I RIGS LA ZHES BYA BA'O, ,LAN NI GAL TE MNGON SUM GYIS 'PHO BA MA MTHONG YANG 'PHO BA DANG RJES SU MTHUN PA'I ZHES BYA BA STE, GOMS PA'I BSKYED BYA'I DNGOS PO NI LUS 'DI LA GOMS PA MED PAS SKYE BA SNGA MA'I LUS KYI GOMS PA YIN PAR RTOGS PAS 'PHO BAR RTOGS BA YIN PAR BRJOD DO ZHES BYA BA'I DON TO, ,RJES SU DPAG PA THAMS CAD LA SPYIS RJES SU 'GRO BA YIN LA KHYAD PAR NI JI LTA BA BZHIN MA YIN PA'I 'BREL PA 'DZIN PA'I YUL MA YIN PAR BSTAN PA NI DU BA LAS ZHES BYA BA'O, ,LUS GZHAN LAS GZHAN DU 'PHO BA SGRUB PA LA DE LAS BZLOG PA'I LUS GZHAN LA 'PHO BAR SGRUB PAR BYED PAR 'GAL BA MA YIN NAM, RMI LAM GYI LUS LA 'PHO BAR MTHONG BA'I PHYIR ZHES BYA BA 'DI LA YANG BDEN PA'I LUS GZHAN LA 'PHO BA SGRUB PA LA DE LAS BZLOG PA MI BDEN PA'I LUS GZHAN LA 'PHO BAR SGRUB PAR BYED PA'I PHYIR 'GAL BA YIN NO SNYAM DU SEMS PA NI, 'ON TE YANG DPER NA ZHES BYA BA LA SOGS PA'O, ,DE'I PHYIR 'JIG RTEN PHA ROL NI BDEN PAR ZHES BYA BA NI JI LTAR MTHONG BA'I RJES SU DPAG PA 'JUG PA YIN NA DE LTA NA YANG 'GAL BA KHO NA YIN ZHES BYA BA'I DON TO, ,RMI LAM BZHIN DU YANG 'PHO BAR SGRUB PA YIN NA DE KHO NA BZHIN DU 'PHO BA'I 'GAL BA RNAM PAR BCAD PA NI 'DOD PA DANG 'GAL BA GRUB PAR 'GYUR RO ZHES ZER BA NI, YANG JI LTAR ZHES BYA BA'O, ,LUS GZHAN LA 'PHO BA DOR BA NI LUS DE NYID DU 'PHO BA YIN NA 'GAL BA YIN PAR LAN GDAB PAR 'DOD PAS LUS DE NYID KYIS ZHES BYA BA SMOS SO, ,MI

, ,BDEN PA LAS 'ONGS PAR 'GYUR NA ZHES BYA BA'I LAN NI, RMI LAM RIG PA THAMS CAD NI ZHES BYA BA'O, ,GTAN DU RNAM CHAD PA ZHES BYA BA'I LAN NI, ,SAD PA DAG DANG 'BREL PAR DMIGS, ,ZHES BYA BA'O, ,GAL TE LUS DE NYID LA 'PHO BA LA NI MNGON SUM GYIS GNOD PA YIN LA LUS GZHAN LA YANG MA MTHONG BA'I PHYIR 'PHO BA NYID DU MI 'GYUR RO SNYAM DU SEMS PA LA DE RNAM PAR 'GREL PA NI BSHAD ZIN TO, ,GOMS PA'I BSKYED BYA'I KHYAD PAR NI DE MED NA MI 'BYUNG LA 'DI LA NI DE MED PA'I PHYIR SRID PA SNGA MA LA NGES PAS LUS DE DANG 'BREL PA YIN NO ZHES BYA BA'I DON TO, ,YONGS SU BTANG BA ZHES BYA BA RNAM PAR 'GREL PA NI SNGON GYI LUS MTHONG BA NYID CES BYA BA'O, ,SKYE BA SNGA MA'I LUS NI DUS LA SOGS PAS BSKAL PA YIN PA'I PHYIR MI SNANG BA YIN LA, JI LTAR MA MTHONG BAS MED PAR 'GYUR ZHES ZER BA NI, SNGON GYI LUS MA GRUB PAR ZHES BYA BA'O, ,MI SNANG BA YANG RJES SU DPAG PA LAS 'GRUB PAR BSTAN PA NI, MA YIN TE GANG GI TSE LUS LA SOGS ZHES BYA BA'O, ,RJES SU DPAG BYA LA MA MTHONG BA TZAM LAS MED PA JI LTAR 'GRUB PA YIN SNYAM DU SEMS PA LA DE LA DA LTAR LUS NYID MED PA LA MI DMIGS PA TSAD MA KHO NA YIN TE, DE'I BDAG NYID KYI KHYAD PAR YIN PA'I PHYIR RO ZHES BSTAN PA NI, LUS DE DA LTAR DMIGS PA NI MA YIN NO ZHES BYA BA'O, ,THA DAD PA DGAG PAR BYA BA LA GZHAN GYI MI SNANG BA MI DMIGS PA SGRUB PAR BYED PA MA YIN PAR BSTAN PA NI, 'DAS PA MA DMIGS PAS ZHES BYA BA'O, ,DE'I BDAG NYID DGAG PA NYE BAR BSDU BA NI, DE NAS SNGON GYI LUS ZHES BYA BA'O, ,RMI LAM DU RIG PA THAMS CAD CES BYA BA NI, JI SKAD DU JI LTAR ZHES BYA BA LA SOGS PA NAS 'CHAD PAR 'GYUR RO ZHES BYA BA'I BAR GYI BSHAD PA YIN NO, ,RMI LAM BZHIN DU THAMS CAD RIG PA TZAM NI 'BRAS BU DANG CIG SHOS NYID DU BDEN PA YIN GYI GZUNG BA DANG 'DZIN PAS MA YIN TE RNAM PAR RTOG PA TZAM YIN PA'I PHYIR RO ZHES BSTAN PA NI YANG NA ZHES BYA BA'O, ,GAL TE THAMS CAD RMI LAM DANG MTSUNGS PA NYID YIN NA THOGS PA DANG BCAS PA NI SAD PA NA YIN GYI GZHAN LA NI DE LAS BZLOG PA YIN NO ZHES RNAM PAR DBYE BA JI LTAR YIN, BAG CHAGS

KYI RNAM PAR DBYE BA LAS YIN PAR BSTAN PA NI, DE'I PHYIR GZHAN NAS ZHES BYA BA STE, THOGS PA DANG BCAS PA NYID LA SOGS PA YANG RIG PA'I BDAG NYID YIN GYI PHYI ROL DU RNAM PAR 'JOG PA'I RGYU MTSAN NI MA YIN NO ZHES BYA BA'I DON TO, ,GNAS DANG 'CHI BA LA SOGS PA YANG LAS KYI BAG CHAGS SNA TSOGS PA KHO NA YIN PAR BSTAN PA NI, 'CHI BA LA SOGS PA NI GNAS PA'I ZHES BYA BA STE, DPE LA LUS LA MA BOR NA 'PHO BA'AM MI BDEN PA NYID KYI KHYAD PAR NI MNGON PAR 'DOD PA MA YIN PA'I KHYAD PAR LA SOGS PA'I 'BRAS BU'I KHYAB BYED MA YIN PA'I PHYIR 'PHO BA TZAM SGRUB PAR BYED PA DANG 'GAL BA MA YIN LA BUM PA LA TSOS PAR BYA BA NYID KYI KHYAD PAR NI MI RTAG PA NYID DU GSAL BAR BYED PA'I KHYAB BYED MA YIN TE, DE LTA MOD KYI DE TZAM GYI NI MA YIN NO, ,'DI LA YANG 'PHO BA TZAM KHYAB BYED YIN GYI CIG SHOS NI MA YIN TE, DE KHO NA BZHIN DU DMIGS PA'I PHYIR RO ZHES BSTAN PA NI LUS DE NYID 'PHO BA LA ZHES BYA BA'O, ,BSKYED PA'I KHYAD PAR CAN SEMS PA MA YIN PA'I NYE BAR LEN PA NYID LA NGES PA CAN TZAM GYIS KHYAB PA NI BLO DANG LDAN PA RNAMS KYI DE'I KHYAD PAR MA YIN PA'I PHYIR DE TZAM LA DMIGS PA DANG LDAN PA'I RGYU NYID DU GRUB PA NI MA YIN NO ZHES BYA BA'I DON TO, ,RMI LAM GYI SHES PA YANG MNGON PAR 'DOD PA'I KHYAD PAR DANG 'BREL PA'I PHYIR PHYI ROL NYID LA GNOD PA YIN YANG RANG GI NGO BO MED PA MA YIN PAS RGYU NYID MA MA NYAMS PA YIN PAR BSTAN PA NI, RMI LAM RIG PA THAMS CAD NI, ,ZHES BYA BA STE, BDEN PA DANG MI BDEN PA NYID NI YUL GYI GNOD PA DANG GNOD PA MA YIN PA DAG GIS YIN GYI RANG GI NGO BO SGRUB PAR BYED PA LAS NI MA YIN ZHING RMI LAM NYID LA'ANG RJES SU 'BREL PA NYID MTHONG BAS NA GZHAN LA YANG DE KHO NA GZHAN DU SGRUB PAR BYED PA YIN ZHES BYA BA'I DON TO, ,DE'I PHYIR DE BZHIN DU LUS KYI 'BRAS BU SEMS YIN NA LUS KHO NA GNAS PA SGRUB PAR BYED PA YIN GYI DBUGS LA SOGS PA NI MA YIN TE, DE YANG GZHAN GYI BSKYED BYA NYID YIN NA, SEMS KYI DBANG NYID LA SOGS PAS DE'I BSKYED BYA NYID YIN PA'I PHYIR RO, ,'ON TE DANG PO LA LUS KYIS SMA DES BSKYED PA'I SEMS KYIS DBUGS LA SOGS PA

, ,BSKYED PA YIN LA DE'I 'OG TU RGYU TZAM DANG 'BREL PA CAN GYI SEMS KYI GNAS PA SGRUB PAR BYED PAR 'GYUR RO, ,DE NI DE LTA MA YIN TE, DBUGS LA SOGS PA DANG 'BREL PA NYID SEMS KYI BSKYED BYA NYID DU SHES PA'I PHYIR TE DE YANG RLUNG 'BYIN PA DANG 'DREN PA NI 'BAD RTZOL MED PAR GANG LAS YIN ZHES GSUNGS PA STE, 'BAD PA DANG LDAN PA'I SEMS KYI RGYUN GYIS BRJOD PA LA SOGS PA BZHIN DU RLUNG 'BYIN PA 'DREN PA 'PHANGS PA YIN TE, GOMS PAS GSAL PO YIN PA DES DUS BYAS PA YIN PA'I PHYIR DE MED KYANG RJES SU 'JUG PA KHO NA YIN LA DE BZHIN DU 'BRAS BU GZHAN SKYED PAR BYED PA LA LHUN GYIS GRUB BA MA YIN PA'I 'BAD PA DANG LDAN PAS 'BAD PA SNGA MA 'DU BYED BYED PA LA BAR DU GCOD PA'I PHYIR RLUNG 'BYIN PA LA SOGS PA BKAG PAR 'GYUR LA DE LOG NA YANG SNGA MA KHO NA LAS 'PHEL BAR BYED PA YIN NO, ,DE'I PHYIR SEMS KHO NA DBUGS LA SOGS PA'I GNAS PA SGRUB PAR BYED PA YIN GYI DE DAG NI SEMS KYI MA YIN PA'I PHYIR LUS KHO NA BSKYED PA'AM GNAS PA LA DE'I SGRUB BYED YIN GYI GZHAN NI MA YIN NO, ,DE'I PHYIR LUS YOD NA SEMS LDOG PAR MI 'GYUR BA KHO NAR THAL BAR 'GYUR BA GRUB PA YIN NO, ,SEMS KYI RGYU SEMS YIN NA DE GNAS PA SGRUB PAR BYED PA DE LA SRID PA DANG BCAS PA'I LAS NI LUS LA MNGON PAR CHAGS PA'I KHYAD PAR BZHIN DU SEMS KYI NGO BO GZHAN YOD PA'I PHYIR DE YOD PA DANG MED PA DAG GIS LUS YOD KYANG SEMS YOD PA DANG MED PAR 'GAL BA MED DO, ,LUS YOD KYANG SEMS LDOG PA'I PHYIR GZHAN SGRUB BYED YIN GYI LUS NI MA YIN NO ZHES BYA BA DE DAG TZAM DU GO BA MA YIN NAM DE NI LAS SAM GZHAN YIN PAR CI LAS SHES, RE ZHIG MTHONG BA NI MA YIN TE, DE NI DBANG PO LAS 'DAS PA YIN PA'I PHYIR RO, ,GZHAN DU SNANG PA YIN PA LA DER RTOGS PA MA YIN NO, ,LUS KYI GNAS SKABS KYI KHYAD PAR LAS RLUNG LA SOGS PA'I SKYON MTSUNGS PA NYID DU 'JIG RTEN THAMS CAD LA GRUB NA SEMS GNAS PA YIN LA DE DANG MI MNYAM PA YIN NA LUS DANG MI MTHUN PA'I PHYIR LDOG PA YIN NO, ,MI MNYAM PA LA SOGS PA YANG RIMS LA SOGS PA'I RNAM PAR 'GYUR PA YOD PA DANG MED PA

DAG GIS SHES PA YIN NO, ,GANG GI TSE RNAM PAR MI 'GYUR BA DE'I TSE YANG DE'I MI MNYAM PA KHO NA SEMS LDOG PA'I SGRUB BYED YIN PAR MTHONG BA'I SHUGS KYIS RTOGS PA YIN NO, ,RNAM PAR 'GYUR BA LAS RJES SU DPAG PA'I MI MNYAM PA NI LDOG BYA SEMS LDOG PA DE LTA BU'I PHUL DU BYUNG BA YIN PAR LUS LA SGRO BTAGS PA YIN LA JI LTAR DER YANG SKYE BAR MI 'GYUR BAR RO, ,SEMS NI SEMS GZHAN GYI BSKYED BYA MA YIN TE, LUS KYI BSKYED BYA YIN PA'I PHYIR RO, ,LUS DANG SEMS KYI RGYUN GNYIS RJES SU 'JUG PA NI ME DANG DU BA'I RGYUN GNYIS SU 'JUG PA LTA BU'O, ,DE DAG TZAM GYIS SEMS NI SKYED BYED MA YIN LA LUS LAS KYANG LAN CIG SKYES PA SKYON GYIS MI MTHUN PA SKYES KYI BAR DU RJES SU 'JUG PA YIN LA MNYAM PA NI GNAS PA SGRUB PAR BYED PA YIN NO, ,DE BZHIN DU GOMS PA YANG GZHAN LAS SKYE BA'I SEMS NYID LA BUM PA ME DANG PHRAD PA BZHIN DU PHAN 'DOGS PAR BYED PA YIN NO SNYAM DU SEMS PA NI, GAL TE SDONG BU LA SOGS BZHIN, ,NYES PAS MI MTHUN LUS RGYU MIN, ,ZHES BYA BA STE, MAR ME'I SDONG BU NI CHU LA SOGS PA'I NYE BAR GNOD PAS NI MAR ME'I RTZE MO'I RGYUN GYIS SGRUB BYED MA YIN LA SKYON DE DANG BRAL NA YANG MI LDOG PAR GNAS PA MA YIN TE, 'DI LA MTHONG BA LAS GZHAN PA'I RGYUR RTOGS PA YANG MA YIN NO ZHES BYA BA'I DON TO, 'DI LA LAN DU, SHI BA NYES PA MNYAM 'GYUR TSE, ,SLAR YANG 'TSO BA DAG TU 'GYUR, ,ZHES BYA BA SMOS TE GOMS PA LAS BYUNG BA'I SHES RAB DANG, MI BRJED PA'I BLO LA SOGS PA DANG YANG DAG PAR LDAN PA'I SEMS YIN PAR SKYE BA'I DANG PO LA SNANG BA YIN GYI DE DANG 'DRA BA YIN MA YIN TE, RTZA BA SA BON LAS BYUNG BA'I CHU SHING BZHEN DU DE NYID DU RTOGS PA YIN PA'I PHYIR BSRUB SHING BSRUBS PA LAS BYUNG BA'I ME'I BSKYED BYA ME YIN PAR BZHIN DU DE NYID DU SHES PA YANG MA YIN TE, GNOD PA CAN MED PA'I PHYIR RO, ,DE DAG LA BRTZON 'GRUS KYI DBYE BA GNOD PA CAN YIN NO, ,BSRUB SHING BSRUBS PA LAS BYUNG BA'I ME LA BSREGS PA'I LCAGS KYI GAR BU NI DE'I MOD LA RMA 'DRUBS PAR BYED PAR THOS PA YIN NO, ,DE BZHIN DU GZHAN LA YANG JI LTAR SRID PA'I GNOD PA CAN DU GO BAR

, ,BYA'O; ,'DI LA YUL GZHAN NAS 'ONGS PA'I MI SHES PA LA SOGS PA BZHIN DU GOMS PA'I SNGON DU 'GRO BA CAN NYID LA NI GNOD PA CAN CUNG ZAD KYANG MED PA YIN TE, DE'I BSKYED BYA NYID KYI KHYAD PAR MTHONG BA'I PHYIR RO, ,DE BZHIN DU RANG GI RIGS KYI BSKYED BYA'I SEMS NI LUS DANG LHAN CIG GNAS PA YIN TE MNGON PAR 'DOD PA'I RANG BZHIN PA'I PHYIR LA MNGON PAR 'DOD PA'I RANG BZHIN YANG LHAN CIG PA'I RGYU MTSAN DU MTHONG BA KHO NA YIN NO, ,DE MED NA GANG DAG DANG YANG GAR YANG LHAN CIG GNAS PA MA YIN NO, ,DE MED NA DE LAS BZLOG PA LA JI LTAR 'DOD PA BZHIN 'JUG PA KHO NA YIN PAR 'DI YANG MTHONG BA KHO NA YIN NA, DE DAG TZAM GYIS KYANG 'DI'I JI LTAR 'DOD PA PHUN SUM TSOGS PA MA YIN PA'I PHYIR DE LA MNGON PAR 'DOD PA'I SNYING PO CAN NI SBYIN PA LA SOGS PA'I RGYU MTSAN KUN DU SPYOD PA BYED PA YIN NO, ,DE'I TSE YANG JI LTAR 'DOD PA PHUN SUM TSOGS PAR 'GYUR TE, BSNYEN BKUR DANG 'DOD PA LA SOGS PA LTA BU YIN PAR BRJOD DE BSNYEN BKUR LA SOGS PA TZAM GYIS 'BRAS BU 'GRUB PA MA YIN TE, DA LTAR BA'I MNGON PAR 'DOD PA NI 'DI'I 'PHEN BYED MA YIN PA'I PHYIR RO, ,DE'I PHYIR 'DI LTAR RANG GI RIGS LAS SKYES PA'I SEMS MNGON PAR 'DOD PA'I SNYING PO CAN GNAS PA NI DES DRANGS PA'I SKYON MNYAM PA'I RGYU MTSAN TZAM YIN GYI, GZHAN DU NA DE DAG GI RIMS LA SOGS PA'I RNAM PAR 'GYUR BA YOD PA DANG MED PA GO BYA YIN PA'I PHYIR RO, ,SEMS YOD PA DANG MED PA DAG KYANG JI SKAD BSTAN PA'I RIGS PAS GZHAN DU YANG GRUB PA YIN TE GO BYED MA YIN PA'I PHYIR RO, ,RNAM PAR 'GYUR BA MED NA GANG LA YANG MI MTHUN PA MED PAS MNYAM PA'I DE'I BSKYED BYA SEMS GNAS PA YIN PA BZLOG PAR SUS NUS PAR 'GYUR TE, RNAM PAR 'GYUR BA PHRA MO YOD PA YANG MA YIN TE, DE RTOGS PA'I TSAD MA MED PA'I PHYIR RO, ,LAN CIG RJES SU DPAG PA'I MI MTHUN PA NYID LDOG PA NI SEMS KYI GNYEN PO 'DU BYED PAR SGRO BTAGS PA YANG MA YIN TE, RIMS NAD CAN THAMS CAD 'CHI BAR THAL BAR 'GYUR BAS GSO BAR RTZOM PA 'BRAS BU MED PA THAL BAR 'GYUR BAR SMRA BA'I PHYIR RO, ,LAS NI NGES

PAR SBYOR BA LA 'JOG PAR BYED DAM ZLOG BYED MA YIN TE, SHES PA MNYAM PAR DANG MI MNYAM PAR SGRO BTAGS PA'I SGO NAS BDAG NYID 'JUG PA DANG LDOG PA TZAM GYI RGYU MTSAN YIN PA'I PHYIR DE'I 'JUG PA DANG LDOG PA DAG YIN NO, ,LUS KYI 'JUG PA'AM LDOG PA YANG SNA TSOGS PA YIN TE, MNYAM PA DANG MI MNYAM PA DANG GNYI GA LA YANG YOD PA'I PHYIR DE DAG NI GAR YANG GNAS PA MA YIN NO, ,DE'I PHYIR MNYAM PA DANG MI MNYAM PA DAG NI DE DAG GI SGRUB BYED MA YIN TE, 'KHRUL PA'I PHYIR DANG NGES PA CAN MA YIN PA NI SGRUB BYED MA YIN PA'I PHYIR DANG RNAM PAR 'GYUR BA'I RGYU MA YIN PA YANG MI MNYAM PA MED PAR MI BYED PA'I PHYIR RO, ,BYED PA NYID YIN YANG JI LTAR YANG RNAM PAR 'GYUR BA THOB PA'I PHYIR 'U BU CAG LA MTSUNGS PA NYID MA YIN NO, ,LAS ZAD PA KHO NA LAS 'CHI BA YIN PA'I PHYIR GSO BAR NUS PA MA YIN PA LAS YOD NA RNAM PAR 'GYUR BA DANG TSOR BA LDOG PA YIN PA'I PHYIR RO, ,MI MTHUN PA MED PAS MNYAM PA YIN NA DE MI SKYE BA YIN PA'I PHYIR LAS YOD NA SKYES BU'I BYED PA LTA BU YIN GYI, GZHAN DU NA GSO BA THAMS CAD 'BRAS BU MED PA NYID KYIS DE LTA BU'I RNAM PA KHO NA'I RNAM PAR 'GYUR BA YOD KYANG 'GA' YANG 'CHI BA MED PAR THAL BAR 'GYUR BA'I PHYIR RO, ,BCUD KYIS LEN YANG LAS YOD PA KHO NA YIN NA SNANG BA YIN TE, LO STONG LA SOGS PAR 'TSO BA'I RGYU MTSAN GYIS LAS 'KHOR BA THOG MA MED PAR BSAGS PAR GYUR BA BCUD KYIS LEN PA LA SOGS PA'I SBYOR BAS BSGRUB PAR BYA BA 'BYUNG BA YONGS SU GYUR PA PHAN 'DOGS PAR BYED PA'I KHYAD PAR LA LTOS NAS TSE'I 'DU BYED MTSAMS SBYOR BAR BYED PA YIN NO, ,TING NGE 'DZIN NI DE YONGS SU GYUR PA SKYED PAR BYED PA'I SGO NAS RANG NYID KHO NA TSE DANG MTSAMS SBYOR BA YIN TE LAS KYI NGO BO YIN PA'I PHYIR LAS GZHAN 'GA' LA YANG DE LTOS PA MA YIN NO ZHES BYA BA'I DON TO, ,LUS 'DI DE LTA BU KHO NA'I GNAS PA SGRUB PAR BYED PA YIN ZHES GNAS BSGRUB PAR BYED PAR MTSUNGS PA'I GNAS SKABS DANG LDAN PA YIN NO, ,GANG GI PHYIR RGYU TSOGS PA NI 'BRAS BU LA MI SLU BA YIN NO ZHES BSTAN PA YIN LA MNYAM PA YANG GNAS PA'I TSOGS PA SGRUB PAR BYED PA YIN LA 'CHI BA LA NI MI MNYAM PA YIN NO, ,DE DAG KYANG 'DOD PA'I RJES SU 'JUG PA MA

, ,YIN PAR BSTAN PA NI LUS RGYU NYID YIN NA NI ZHES BYA BA'O, ,DE NYID KYIS NA DE DAG GI 'BRAS BU YANG GNAS PA LA SOGS PA 'KHRUL PA CAN YIN PAR BSTAN PA NI, NYES PA NYE BAR ZHI BAR GYUR KYANG ZHES BYA BA'O, ,NYES PAS SKYON CAN YIN PA'I 'BRAS BU 'CHI BA MA YIN NAM, DE LDOG PA YIN NA RNAM PAR 'GYUR BA MED PAR RIGS PA YIN NA MI RIGS PA JI LTAR YIN, DE LOG KYANG DE'I BSKYED BYA'I 'DU BYED NI ME'I BSKYED BYA SHING BZHIN DU MI LDOG PA YIN LA DE'I PHYIR 'KHRUL PA MA YIN NO, ,RGYU LUS KYI MNYAM PA'I 'BRAS BU LA 'KHRUL PA YIN BA NI 'DIS BSAL BA YIN NO, ,DE LA YANG MI MNYAM PA'I BSKYED BYA 'DU BYED PHRA MO MI LDOG PA'I PHYIR RO SNYAM DU SEMS PA NI, GAL TE ME NI LDOG NA YANG, ,SHING GI 'GYUR BA MI LDOG BZHIN, ,DE NI LDOG PA MED CE NA, ,ZHES BYA BA STE, 'CHI BA'I DON GYI RNAM PAR 'GYUR BA NI 'CHI BA'I RNAM PAR 'GYUR BA'O, ,'CHI BA KHO NA NI MA YIN TE, GNAS PA DANG 'CHI BA DAG GI 'BRAS BU YIN PA'I PHYIR DANG RTZOD PA'I GZHI YIN PA'I PHYIR YANG NGO, ,LAN NI, MA YIN GSO SBYOR YOD PHYIR RO, ,ZHES BYA BA STE, SHING LAS ME'I BSKYED BYA'I RNAM PAR 'GYUR BA BZHIN DU MI MNYAM PA'I BSKYED BYA'I RNAM PAR 'GYUR BA NI MA YIN TE, GSO SBYOR 'BRAS BU MED PAR THAL BAR 'GYUR BA'I PHYIR RO, ,GANG GI PHYIR 'BRAS BU CUNG ZAD KYANG MED PA LA NI SU YANG SBYOR BAR BYED PAR MI 'GYUR RO, ,DE'I PHYIR MI MNYAM PA LAS SKYES PA'I RNAM PAR 'GYUR BA NI BZLOG BYA YIN NO, ,DE'I BSKYED BYA RIMS LA SOGS PA GSO BA'I SBYOR BA LA SOGS PAS BZLOG BYA YIN PAR NI BDEN NA RIMS LA SOGS PA'I SGO NAS 'DU BYED PA NI MA YIN TE, DE MI LDOG PA LAS KYANG 'CHI BA YIN ZHES BYA BA 'DI LA YANG, MA YIN GSO SBYOR YOD PHYIR RO, ,ZHES BYA BA DE KHO NA RJES SU 'JUG PA YIN NO, ,GAL TE GSO BA LA SOGS PAS RIMS LA SOGS PA LDOG PA YANG DE'I SGO NAS 'DU BYED PA LDOG PA MA YIN NA DE LAS KYANG 'CHI BA KHO NA YIN NA DE'I TSE YANG GSO BA LA SBYOR BAR MI BYED DE GANG GI PHYIR JI LTAR 'DI 'TSO BAR 'GYUR ZHING 'CHI BAR MI 'GYUR ZHES DE LA SBYOR BAR BYED, DE'I SBYOR BA MA BYAS KYANG SHI BA YIN NA RIMS LA SOGS PA YANG ZHI BAR 'GYUR BA'I PHYIR DE'I DON DU GSO BA MA YIN NO, ,'ON TE 'GA' ZHIG

RIMS LA SOGS PA'I SGO NAS BYUNG BA'I RNAM PAR 'GYUR BA NI GSO BA'I SBYOR BAS DE LOG NA LDOG PA YIN LA DES NA 'TSO BA'I PHYIR DE NI 'BRAS BU DANG BCAS PA YIN LA 'GA' ZHIG GI SPYI LDOG PA YIN PA DES NA 'CHI BA YIN NO, ,MA YIN TE, RNAM PA GNYIS KYI RGYU MED PA'I PHYIR DES BSKYED PA'I MI MNYAM PA'AM RIGS LA SOGS PAR MNYAM PA YIN NA DE'I BSKYED BYA 'DU BYED PA GLOG BUR DU JI LTAR THA DAD PAR 'GYUR TE, DE DANG DE MIN DNGOS PO CAN, ,DE DANG DE MIN DNGOS RGYU SKYES, ,ZHES BSTAN PAS SO, ,ME DANG PHRAD PAR GCIG KYANG SHING DANG GSER YUL THA DAD PA YIN PAS BZLOG BYA MA YIN PA DANG, CIG SHOS RNAM PAR 'GYUR BA'I SKYED BYED DU MTHONG BA MA YIN NO SNYAM DU SEMS PA LA YUL THA DAD PA LAS 'BRAS BU THA DAD PA YUL GCIG LA MI RIGS PAR BSTAN PA NI, SNGAR MI 'BYUNG BAS RNAM PAR 'GYUR BA SKYED PAR BYED PA 'GA' NI ME DANG PHRAD PA LA SOGS PA'O, ,'GA' ZHIG NI SHING LA SOGS PA'I YUL LA'O, ,'GA' ZHIG NI DE NYID YUL GZHAN GSER LA SOGS PA LA STE, 'GA' ZHIG CES BYA BA NI DBANG DU BYAS PA'I PHYIR RO, ,BZLOG PA YIN PA NI SLAR 'BYUNG BA STE, 'GYUR BSKYED PAR BYED CES BYA BA DANG 'BREL PA YIN TE DE'I TSE NYID KHO NA LA DE BZHIN DU 'AM, GZHAN DU RNAM PAR 'GYUR BA SKYED PAR BYED PA NI MA YIN NO ZHES BYA BA'I DON TO, ,DE NYID DE KHO NA LAS BZLOG BYA RNAM PAR 'GYUR BA CHUNG NGU YIN GYI CHEN PO NI MA YIN NO ZHE NA, GANG GI CHUNG DU BZLOG BYA YIN PA DE'I CHEN PO YANG YIN TE, DPER NA GSER ME DANG PHRAD PA LAS ZHU BA NYID LTA BU'O, ,DE NYID SMAN GYI KHYAD PAR LAS GZHAN DU YIN NO, ,GANG GI RNAM PAR 'GYUR BA CHAN PO BZLOG BYA MA YIN PA'I DE'I CHUNG NGU YANG YIN TE, DPER NA SHING ME DANG PHRAD PA LAS LTA BU'O ZHES DGONGS PAS GSUNGS PA NI DANG PO'I ZHES BYA BA STE, SLAR 'BYUNG BA'I RNAM PAR 'GYUR BA BSKYED PAR BYAS PA GANG YIN PA CHUNG YANG ZHES BYA BA DANG 'BREL PA YIN TE, LAS KYI MING CAN GYI TSOGS THA DAD PA'I BSKYED BYA NI SMAN GYI BSKYED BYA GSER ZHU BA NYID YIN BZHIN DU BZLOG BYA MA YIN PAR YANG 'GYUR BA YIN GYI, MI MNYAM PA TZAM GYIS BSKYED BYA NI DE BZHIN DU'AM GZHAN DU YANG 'GYUR BA MA YIN TE, RGYU THA MI DAD PA'I

, ,PHYIR RO ZHES BYA BA'I DON TO, ,GANG LA TSOGS PA GZHAN GYI BSKYED BYA'I RNAM PAR 'GYUR BA YANG SLAR BZLOG PAR RUNG BA DE LA MI MNYAM PA TZAM GYIS BSKYED BYAR 'GYUR BA LTA CI SMOS ZHES BSTAN PA NI, 'DI LTAR GNYID KYI SEMS PA DANG BRAL BA ZHES BYA BA'O, ,DUG DANG RMONGS PA DANG BRGYAL BA RNAMS LA DBUGS 'BYIN PA MED KYANG SEMS SKYE BA MTHONG BA'I PHYIR RO, ,DBUGS 'BYUNG BA LA SOGS PA RGYU MA YIN NO ZHES BSTAN NAS SNA TSOGS PA MA YIN YANG DE SNGAR GYI SEMS SNA TSOGS PA'I CHOS KYI RJES SU BYED PA'I PHYIR 'BRAS BU SEMS THA DAD PA MA YIN PA LA SOGS PA 'BRAS BU YIN PAR BSTAN PA NI, GNYID DANG BRAL BAR GYUR NA BLO, ,SHES PA SNGA MA'I 'DU BYED LAS, ,LUS MTSUNGS PA ZHES BYA BA NI, 'BYUNG BA CHEN PO YONGS SU GYUR BA NYID KYIS SROG CHAGS THAMS CAD KYI LUS MTSUNGS PA'O, ,BLO RNAMS NI SNGA MA SNGA MA'I BLO'I BAG CHAGS THA DAD PA LAS THA DAD BAR SNANG BA YIN NO ZHES BYA BA'I DON TO, ,MNYAM PAR GZHAG PA'I SEMS LA YOD PA'I BAG CHAGS RMI LAM GYI DUS SU RJES SU 'JUG PA MA YIN SNYAM DU SEMS PA LA, SAD PA'I GNAS SKABS NA ZHES BYA BA SMOS TE, SAD PA NI NANG GI RIG PA'I RNAM SHES YIN TE LUS KHO NA'I SEMS MED PA DANG SEMS PA CAN ZHES BYA BAR SBYAR BAR BYA'O, ,MNYAM PAR GZHAG PA'I SEMS LA YOD PA LA CHAD MA MED DE RANG RIG PA NYID KYI DON SHUGS KYIS YUL MA YIN PA'I PHYIR RO ZHES BYA BA'I DON TO, ,'BYUNG BAR BA'I RGYU 'DAS PA DANG LHAN CIG BYED PAR KHYED 'DOD PA MA YIN SNYAM DU SEMS PA LA, KHYED LA YOD PA KHO NA LHAN CIG BYED PA YIN GYI GZHAN MA YIN PAR BSTAN PA NI, MED PA NI LAN CIG BYED PA MA YIN NO ZHES BYA BA'O, ,BYED PA'I BYA BA NI DNGOS PO RNAMS KYI NGO BO KHO NA YIN PAR BSTAN PA NI, YOD PA DANG MED PA NI ZHES BYA BA'O, ,GAL TE RMI LAM LA MNYAM PAR GZHAG PA NI SEMS SAM LUS KYANG SAD PA'I RGYU MA YIN NA LUS KYI GNAS SU SHAS CHE BAR BSNUN PA'I BZOD PA DKA' BA'I REG PA LA SOGS PA ZHES SANG BA'I RGYU JI LTAR YIN SNYAM DU SEMS PA NI, 'O NA JI LTAR BSNUN PA ZHES BYA BA STE, LUS RGYU NYID MA YIN NA DE'I GNAS SU BSNUN PA SAD PAR BYED PAR MI RIGS SO ZHES BYA BA'I

DON TO, ,'DI NI SAD PA'I RGYU MA YIN TE DE MED KYANG 'BYUNG PA YIN PAR BSTAN PA NI, SAD PA GDON MI ZA BAR NI ZHES BYA BA'O, ,SAD PA NI NANG GI REG PA'I ZHES PA YIN LA DE'I 'OG TU MTHONG BAR BYA BA'I DNGOS PO NYE BA GANG YIN PA DE DANG SNGAR GYI 'DU BYED PA'I SEMS DAG DUS THA DAD PA YIN PA NI JI LTAR SAD PA'I 'BRAS BU LA LHAN CIG BYED PA DE BZHIN DU LUS KYANG SNGAR GYI 'DU BYED PA DANG LHAN CIG BYED PA YIN NO SNYAM DU SEMS PA NI, GAL TE SAD MA THAG TU MTHONG BA NI ZHES BYA BA STE, MTHONG BYA'O DNGOS PO YIN LA DE DANG 'BREL BA NI NYE BA STE SNGAR GYI SHES PA DANG LHAN CIG BYED PA NYID DO, ,DE LAS RNAM PAR RTOG PA STE, 'JIGS PA DANG MYA NGAN LA SOGS PA'I RGYU YIN PA'I PHYIR, DE DANG YANG DAG PAR LDAN PA'I SHES PA SKYE PA YIN NA, DE LA JI LTAR MTHONG BA YIN SNANG BA YIN PAR BSGRUBS PAS BLTA BYA YIN PAR BRJOD LA, DE YANG SNGA MA'I SHES PA YANG 'DU BYED PA'I NGO BO YIN LA DE DAG GI LHAN CIG BYED BA NYID NI DUS KYI DBYE BA LAS YIN NO ZHES BYA BA'I DON TO, ,NYE BAR GNAS PA'I DNGOS PO YANG YID SMON TZAM LAS BYUNG BA'I SAD PA LA NGES PA MED PAS BSGOMS PA LAS BYUNG BA'I GSAL BAR SNANG BA LA DBANG PO BZHIN DU RGYU MA YIN PAR BSTAN PA NI 'DI LA YANG NGES PA YOD MIN TE ZHES BYA BA STE, NYE BAR GNAS PA ZHES BYA BAS NI, DNGOS PO LA YID SMON RGYU NYID YIN LA GANG ZHIG CES BYA BAS NYE BA NA GNAS PA'I RGYU NYID DU BSTAN PA YIN GYI SAD PA NI MA YIN NO, ,GNYID LOG PA KHA CIG LA YID SMON MED KYANG SEMS RGYUN CHAD PA LAS SAD PAR MTHONG BA MA YIN NAM, DE YANG JI LTAR RGYU YIN SNYAM DU SEMS PA LA, GANG JI LTAR GOMS PA ZHES BYA BA'O, ,GOMS PA 'KHRUL PA MA YIN PAR BSTAN PA NI, GZHAN DU NI MA YIN NO ZHES BYA BA'O, ,GNYID LOG PA NA RGYUN CHAD PA SAD PA NA 'DAS PA KHO NA LAS 'BYUNG BA YIN NA DE LTA NA DE MA THAG KHO NA 'BYUNG BAR 'GYUR RO, ,DE'I PHYIR GNYID MED DO, ,DE'I TSE MED NA DUS PHYIS KYANG MI 'BYUNG STE LTOS PA MED PA'I PHYIR RO ZHES BYA BA STE 'DI KHO NAS GSAL BA YIN TE, GOMS PA SNA TSOGS PA NYID KYIS JI LTAR GOMS PA'I SAD PA SNA TSOGS PA'I PHYIR ZHES BYA BA'I DON TO, ,

, ,GNYID LOG PA'I DUS NA SHES PA SNGA MA SHOS LAS KYANG DBANG PO'I BYA BA MED NA, PHYI ROL GYI YUL JI LTAR SHES PA YIN RNAM PAR RTOG PA CAN NI MA YIN TE, MTHONG BA MED NA LDANG BA'I PHYIR RO, ,BDAG GO ZHES BYA BA'I PHUNG PO NYAMS SU MYONG BA MED NA MI 'BYUNG BA YIN TE YUL MA RTOGS NA MI 'BYUNG BA'I PHYIR RO SNYAM DU SEMS PA LA, BSDAD PA NI ZHES BYA BA SMOS TE, MUN KHUNG DU NGA'I LAG NO MA YIN ZHES BYA BA BZHIN DU NANG GI REG PA'I SHES PA JI LTAR GOMS PA'I 'JIGS PA DANG BRTAN PA LA SOGS PA DANG LDAN PA'I BDE BA'I TSOR BA NI GZHAN SGRUB PAR BYED PA MA YIN PA KHO NA SAD PA YIN GYI DBANG PO'I SHES PA NI MA YIN NO ZHES BYA BA'I DON TO, ,SNGA MA'I SEMS LAS 'BYUNG BA SNGAR 'JUG PA GOMS PA'I BAG CHAGS YIN GYI GNYID KYI DUS SU 'BYUNG BA NI MA YIN LA DE'I SAD PA YANG DE DANG DE RJES SU MTHUN PA'I LUS KYI RNAM SHES KHO NA YIN PAR BSTAN PA NI, 'JIGS DANG BRTAN SOGS 'DU BYED LAS, ,ZHES BYA BA'O, ,DES NA LUS DANG ZHES BYA BA DE LA DE NAS ZHES BYA BA 'DIS SNGA MA SNGA LA'I SEMS KYI 'DU BYED KYI RJES SU 'GRO BA NYID RGYU NYID DU BSTAN PA YIN NO, ,DE LTA YIN PA NI BDEN NA GANG GIS CHUNG DU BSAL BYA YIN PA DE'I TSE CHEN PO YANG GSO BAS BSAL BAR BYA BA YIN NO, ,GANG GI TSE CHEN PO MA YIN PA DE'I CHUNG DU YANG MA YIN TE, NYES PA RNAMS KYIS YONGS SU GYUR PA THA DAD PA LAS GSO BYED DANG GSO BYA MA YIN PA MI MNYAM PAS THA DAD PA'I PHYIR ME DANG PHRAD PA TZAM GYIS SMAN GYI BSKYED BYA'I GSER ZHU BA NYID BZHIN DU TSOGS PA'I DBYE BAS 'BRAS BU THA DAD PAR KHAS BLANGS PA'I PHYIR SKYON GCIG 'PHEL BAR GYUR PA LAS THAMS CAD KYANG 'PHEL BAR BYED PA'I PHYIR THAMS CAD KYANG SKYED BYED NYID DU THAMS CAD LA BYE BRAG MED PA MA YIN TE THAMS CAD LAS SKYES PA YIN YANG DBANG BYED PA'I KHYAD PAR DU RNAM PAR GZHAG PA'I PHYIR RO, ,JI SKAD DU MDZE NAD THAMS CAD DANG RLUNG NAD THAMS CAD DANG MKHRIS NAD THAMS CAD DANG BAD KAN THAMS CAD DANG 'BU SRIN DANG BCAS PA RNAMS KYI NANG NAS GANG SHAS CHE BA DE 'DZIN PA YIN NO, ,LAN NI NANG DANG DE'I BSKYED BYA'I RNAM PAR 'GYUR BA 'CHOS PAR BYED PA NI, SLAR GSO BAR BYED PA'I SMAN LA SOGS PA MED PA'I

PHYIR GSO BYA MIN PAR BRJOD PA YIN LA KHYED KYI 'DOD PA LA NI DE MI SRID DO, ,SHI NA NYES PA MNYAM PAR BYED PAS 'BAD PA MED PAR 'CHOS PAR BYED PA GRUB PA YIN NO ZHES BSTAN PA YIN NO, ,RNYED PAR DKA' PHYIR ZHES BYA BA STE, KHO BO'I PHYOGS LA NI GNAS PA SGRUB PAR BYED PA'I LAS ZAD PA YIN NA TSE ZAD PA'I PHYIR NAD DE'I RNAM PAR 'GYUR BA YANG GSO BYA MA YIN PAR 'GYUR TE LAS ZAD PA YIN NA 'CHOS PAR MI SRID PA'I PHYIR RO, ,'DI LTAR GAL TE LAS MA ZAD PA YIN NA 'CHI BA LAS GZHAN DU YANG 'CHOS PAR 'GYUR BA ZHIG NA DE YANG MI SRID PAR BSTAN PA NI, TSE ZAD PHYIR ZHES BYA BA'O, ,RNAM PAR 'GYUR BA NI RGYU SHI BA LA SOGS PA YIN DU ZIN KYANG GSO BYA MA YIN PAR BSTAN PA NI, NYES PA 'BA' ZHIG YIN NA GSO BA MED PA NYID CES BYA BA'O, ,NYES PA MI MNYAM PA LA SOGS PA RNAM PAR 'GYUR BA'I RGYUS SEMS KYI RGYUN CHAD PA MA YIN NAM RGYU 'JIG NA YANG JI LTAR 'BYUNG BA YIN THOB LA SOGS PA 'JIG BYED KYIS BSHIG PA'I BUM PA NI DES BSHIG PA YIN NA YANG 'BYUNG BA MA YIN NO SNYAM PA'I KHYAD PAR CAN GYI LUS NI SEMS GNAS PA'I SGRUB BYED DU 'DOD PA YIN NO ZHE NA YANG, BDEN MOD KYI YOD PA'I SEMS DE NI DE LTAR 'GYUR GYI MED PA NI MA YIN NO, ,RGYU YANG DE BZHIN DU YIN NO ZHE NA YANG MA YIN TE, KHU BA LA SOGS PA RIM GYIS SKYES PA'I SEMS KYI BSKYED BYA'I RGYU YIN GYI DE BZHIN DU SKYE BA NAS 'JIG PA GNYID LOG PA NA RNAM PAR CHAD PA'O 'BRAS BU NI MA YIN NO, ,JI LTAR RGYU YIN ZHE NA YANG MA YIN TE, DE'I TSE 'BRAS BU DBUGS 'BYIN PA MTHONG BAS SEMS GTAN RGYUN CHAD PAR RTOGS PA MA YIN PA'I PHYIR YIN GYI, DE'I TSE RIG PAR KHAS BLANGS PA'I PHYIR NI MA YIN NO SNYAM DU SEMS PA LA SHI BAR ZHES BYA BA SMOS TE, 'ANG GI SGRAS NI RIM PA LAS BZLOG PA'O, ,DUG SOGS KYI SOGS PA'I SGRA NI BRGYAL BA LA SOGS PA'I RGYU MTSAN GANG GI YIN PA DE DE LTAR YIN TE, LOG PA'I SNGAGS DANG SMAN LA SOGS PAS SO, ,DE YI SOS ZIN BCAD LAS KYANG, ,ZHES BYA BA'I YANG GI SGRA NI LDOG PA'I RGYU GZHAN TE RNAM GRANGS KYI DON TO, ,RNAM PAR 'GYUR BA NI LUS LA YOD PA'I SEMS RGYUN CHAD PA'I DU BYED YIN LA DE'I RGYU NI DUG LA SOGS PA'I BSKYED BYA MI MNYAM PA YIN TE, DE DANG BRAL NA RGYU LOG NA

, ,DE'I YANG RGYU SOS BCAD PA YIN NO, ,DE BZHIN DU RNAM PAR 'GYUR BA'I RGYU DANG BRAL BA YIN NA DE STE SHI BA ZHES SLAR YANG 'TSO BAR MI 'GYUR BA NI CIS SLAR MI 'TSO STE 'TSO BA KHO NAR 'GYUR RO ZHES BYA BA'I DON TO, ,CI ZHES BYA BA NI SLAR LDOG PA'I DON YIN PA'I PHYIR RO, ,CIS ZHES 'DRI BA'I DON NYID KHAS BLANGS NAS CIS 'TSO BAR MI 'GYUR ZHES 'CHAD PA LA, SHI BA NYES PA MNYAM GYUR TSE, ,ZHES BYA BA 'DIS DON RTOGS PAR 'GYUR RO, ,'DI SKAD BSTAN PAR 'GYUR TE, BRAL BA'I SEMS KYANG 'JIG PA'I RGYU DANG BRAL NA, LUS DE NYID LA SLAR SKYE BAR MTHONG BA YIN GYI BUM PA LA SOGS PA NI MA YIN NA, DE'I PHYIR JI LTAR LUS SEMS KYI MNYAM PA'I KHYAD PA CAN NI GNAS PA GRUB PAR BYED PA DE LTAR MTHONG BA'I PHYIR RO, ,DE BZHIN DU RGYU YANG MA YIN TE, DE LTAR MTHONG BA'I KHYAD PAR MED PA'I PHYIR RO, ,NYES PA 'BA' ZHIG NI SEMS RGYUN CHAD PAR BYED PA KHAS BLANGS PA YIN NA GSO MIN MED PA NYID DE SEMS SLAR MI 'BYUNG BA MA YIN PA'I PHYIR RNAL MA 'GRUB PA'I PHYIR RO, ,LAS ZAD PA RGYU MTSAN YIN PA LA NI SKYON 'DI MED DO, ,LUS NYE BAR LEN PA'I SEMS KYANG 'JIGS PA DANG MYA NGAN DANG 'CHI BA LA SOGS PA CIS KYANG DE RNAM PAR 'GYUR BA ZHES MA YIN YANG BSGYUR BYA'AM 'JIG PAR 'GYUR BA MA YIN NAM, DPER NA RTZIG BA LA SOGS PA MI 'GYUR YANG RI MO LA SOGS PA LAG PA LA SOGS PA DANG MYU GU LA GNOD PA CAN LA SOGS PA DANG, GZUGS LA SOGS PA ME DANG PHRAD PA LTA BU'O, ,RTZIG PA DANG BUM PA LA SOGS PA NI RNAM PAR BSGYUR BYA'AM BSHIG BYA MA YIN TE, DE NYID YIN PAR RTOGS PA'I PHYIR RO SNYAM DU SEMS PA LA, NYER LEN 'GYUR BA MED PAR NI STE GANG ZHIG GSANG GI NYE BAR LEN PA YIN DE RNAM PAR 'GYUR BA MA YIN PAS SO, ,NYE BAR LEN PA NI RNAM PA GNYIS TE GNAS SKABS PA'I DANG RGYUN GYI'O, ,NYE BAR LEN PAR BYA BA RNAM PAR BSGYUR BA 'AM GZHIG PAR BYED PAR MI NUS SO, ,RE ZHIG RTZIG PA LA SOGS PA'I RI MO'I NYE BAR LEN PA MA YIN TE, DE LTA MOD KYI THA MI DAD PA'I LJANG GU LA SOGS PA YIN TE BUM PA'I 'JIM BA LTA BU YIN LA DE YANG LAG PA LA SOGS PAS 'JIG PAR BYED PA RTZIG PA NI RTEN TZAM YIN NO, ,DE BZHIN DU ME DANG PHRAD PAR GYUR BA'I

BUM PA LAS BUM PA GZHAN DMAR POR GYUR BA BSHAD PA YIN NO, ,THAMS CAD LA YANG THA MI DAD PA'I NYE BAR LEN PA YIN TE NYE BAR BLANGS PA'I NGO BO YIN PA'I PHYIR TE, CIG SHOS RGYU MTSAN TZAM MA MA MA RGYU YANG YIN LA RE ZHIG SEMS KYI RGYU LUS MA YIN TE, THA MI DAD PAR KHAS LEN PA'I PHYIR RO, ,THA DAD PA NI RGYU YIN TE RTAG TU DE'I RJES SU 'JUG PAS, ,GANG ZHIG YOD PA PHAN 'DOGS BYED, CES PA BSTAN PAS SO, ,RGYU MTSAN YANG MA YIN TE, THA MI DAD PA'I PHYIR RO, ,LUS DANG SEMS DAG NI 'JIM PA DANG BUM PA DANG GZUGS BZHIN DU 'AM THA MI DAD PA YIN NO, ,THA DAD PA LA NI, ,GANG ZHIG YOD PAS PHAN 'DOGS BYED, ,CES BSTAN PA YIN ZHING LUD KYI RJES SU BYE PA NYID MA YIN TE, RANG RIGS GOMS PA'I RJES 'JUG PHYIR, ,ZHES KYANG BSTAN PA YIN NO, ,MYU GU LA SOGS PA LAS THA MI DAD PA'I CHU NI NYE BAR LEN PA YIN GYI THA DA PA NI DE'I GNAS PA'I RGYU YIN NO, ,LUS NI MNYAM PA'I KHYAD PAR GYI SHI BA'I GNAS SKABS DANG 'TSO BA'I GNAS SKABS KYI LUS LA BYE BRAG CI YANG ME PA'I PHYIR SEMS MI LDOG PAR THAL BAR 'GYUR RO, ,'DI SKAD BSTAN PAR 'GYUR TE NYE BAR BLANG BYA NI NYE BAR LEN PA'I RNAM PAR 'GYUR BA'AM RGYU'I RNAM PAR 'GYUR BA LAS YIN GRANG NA RE ZHIG RGYU'I RNAM PAR GYUR BA LAS NI MA YIN TE, NYE BAR LEN PA'I 'GYUR BA LAS DE 'GYUR BA YIN PAR YOD PAS PHAN 'DOGS BYED CES BYA BAS BSTAN PA YIN LA DA LTAR NI DNGOS SU NYE BAR LEN PA'I 'GYUR BA LAS RNAM PAR 'GYUR BA YIN GYI GZHAN DU NI MA YIN NO ZHES SO, ,GANG ZHIG GANG GI 'GYUR BA KHO NAR RNAM PAR 'GYUR DE'I NYE BAR LEN PA YIN GYI LUS NI SEMS KYI DE LTA BUR MA YIN TE, 'JIGS PA DANG MYA NGAN LA SOGS PAS KYANG RNAM PAR 'GYUR BA'I PHYIR RO, ,NYE BAR LEN PA'I MTSAN NYID LA GNOD PA MED PA'I PHYIR BSHAD PA 'DI'I DBANG DU BYAS NAS BSTAN PA NI ,DNGOS GNAG ZHES BYA BA 'DIS DON RTOGS PA'I PHYIR MI RIGS SO, ,DE'I PHYIR SEMS LUS KYIS NYE BAR BLANG BYA NYID KHAS BLANGS PAS DE RNAM PAR 'GYUR BA MA YIN NA MI 'GYUR TE MI 'JIGS PA YIN NO ZHES BYA BA KHO NA LEGS PA YIN TE, GNAS SKABS KYI RJES SU 'JUG PA'I PHYIR RO, ,'ON TE LUS MI 'GYUR YANG SEMS 'GYUR BA YIN PA DE LTA NA DE DE'I NYE BAR LEN PA MA YIN TE, BA

, ,MEN LA BA LANG BZHIN NO, ,DE'I PHYIR LUS NYE BAR LEN PA NYID DU KHAS BLANGS PA SPANGS PAR 'GYUR BAR BSTAN PA NI, 'GYUR BA MED PAR NI ZHES BYA BA'O, ,BA ME NA NI BA LANG GI NYE BAR LEN PA MA YIN TE, THA DAD PA'I PHYIR RO, ,SEMS KYI YANG LUS DE BZHIN DU YIN TE THA DAD PAR SGRUB PAR BYED PA'I SO SOR SNANG BA'I DBYE BA LA SOGS PA LA KHYAD PAR MED DO ZHES BSTAN PA NI SEMS DANG LUS KYANG DE BZHIN DE THA DAD PA YIN ZHES BYA BA'I DON TO, ,DE LTA YIN NA THA DAD PA DAG LA NYE BAR LEN PA LA SOGS PA NYID MED PAS JI LTAR NGES PAS LHAN CIG GNAS PAR BYED PA YIN, ,DE RGYU STE LUS KYI RGYU STE LUS KYI RGYU NI SEMS KYI RGYU SEMS GZHAN DANG LHAN CIG BYED PA LAS SAM, SEMS KYI RGYU YANG RUNG DE'I RGYU LAS KYI MING CAN GYI NUR NUR PO LA SOGS PA SKYE BA'I 'BRAS BU LUS DANG SEMS KYI BDAG NYID CAN DANG LHAN CIG GNAS PA TZAM GYI DE KHO NA NYID DU NI THA DAD PA YIN NO, ,RGYU DBYE MED PHYIR LHAN CIG GNAS, ,ZHES BYA BA 'DI NI 'BRAS BU SEMS DANG RGYU LUS YIN PAR KHAS BLANGS PA YIN LA 'DI NI THA DAD PAR KHAS BLANGS PAS SO, ,GANG GI PHYIR THA MI DAD PA NYID DAG GI NYE PAR LEN PA LA SOGS PA NYID YIN PA NI 'BYUNG BA DANG 'BYUNG BA LAS GYUR PA LTA BU'O, ,PHYOGS SNGA MA DANG GRUB BA'I MTHA' LA YANG ZANGS MA'I ZHU BA BDAG NYID CAN GYI ME RJES SU 'GRO BA DANG LDOG PA DAG GIS BLANGS PA'I THA DAD PA NI DE NYE BAR 'TSO BA NYID DU BSTAN PA YIN GYI DUS THA DAD PA NI GNAS SKABS PA'I RGYU'AM RGYUN GYI YANG RGYU YIN GYI NYE BAR LEN PA NI MA YIN NO, ,DE LTAR YANG, GANG ZHIG YOD PAS PHAN 'DOGS BYED,, CES BYA BA LA SOGS PAS BSTAN PA YIN NO, ,DE YANG NYE BAR LEN PA 'BA' ZHIG MA YIN YANG DE LTAR NYE BAR BTAGS PA YIN GYI GNAS SKABS 'DI LA THA SNYAD GDAGS PAR 'OS PA MA YIN NO, ,DE'I PHYIR GNAS SKABS PA'I RGYU'I DNGOS PO NI NYE BAR LEN PA'I RGYU NYID MA YIN NO ZHES BYA BA LA SOGS PA NI GNAS SKABS PA DANG RGYUN GYI RGYU'I RNAM PAR DBYE BA'I TSIG YIN PAR, GANG ZHIG YOD PAS PHAN 'DOGS BYED, ,CES BYA BA 'DI'I GNAS SKABS SU BSTAN PAR BYA'O, ,YANG NA 'BRAS BU'I BDAG NYID KHO NA GNAS SKABS PA DANG RGYUN GYI RGYU ME DANG 'JI BA LA SOGS PA NYE BAR LEN PA YIN PA'I

PHYIR ZHES BRJOD KYI DUS THA DAD PA NI MA YIN TE, DE'I RGYU YIN PA'I PHYIR RO, ,JI SKAD DU 'JI BAR 'GYUR BA MED PAR BUM PA LA SOGS BZHIN DANG ME DANG ZANGS MA'I ZHU NYID YIN ZHES BYA BAR YANG BSTAN PA YIN NO, ,DES NA SKYON MED DO, ,SEMS KYI NYE BAR LEN PA CI ZHIG YIN RANG GI NGO BO KHO NA YIN TE 'BYUNG BA BZHIN NO, ,NYE BAR LEN PA GZHAN NI THAMS CAD DU SRID PA MA YIN LA RGYU NI SEMS SNGA MA NYID DO, ,DE'I RGYUN GYI RGYU 'AM NYE BAR LEN PA LA RANG GI 'BRAS BU DANG MTSAMS SBYOR BA LA GNOD PA'I RGYU GANG YANG MED PA KHO NAR, THA MA'I SEMS NI SEMS GZHAN DANG, ,MTSAMS SBYOR BA LA 'GAL CI YOD, ,CES BYA BA LA SOGS PAS BSTAN PA YIN NO, ,DE NYID KYANG 'ON TE YANG JI LTAR CHU LA SOGS PA LAS 'BRAS BU'I RGYUN GYI KHYAD PAR ZHES BYA BA NAS BRTZAMS NAS RGOL BA DANG LAN YANG BRJOD PA YIN NO, ,'GYUR BA'I RGYU DANG 'BRAL BAS NA, ,DE CIS SLAR YANG 'TSO MI 'GYUR, ,ZHES BYA BA LA SOGS PAS LUS KYI TSOGS PA LA DGONGS NAS DE BSTAN PA YIN LA DA NI RGYU TZAM LDOG NA 'BRAS BU LDOG PAR BYED PA MA YIN GYI 'O NA CI ZHE NA, NYE BAR LEN PA'O, ,LUS NI NYE BAR LEN PA MA YIN TE, NYE BAR LEN PA'I MTSAN NYID DANG MI LDAN PAR BSTAN PA NI, NYE BAR LEN PA'I RGYU MA YIN PAR LOG NA ZHES BYA BA'O, ,'ON TE MTSAN NYID DE DANG LDAN PA'I LUS YIN PA DE LTAN NI DE'I RNAM PAR 'GYUR BA KHO NAS SEMS 'GYUR BAR BSTAN PA NI, GAL TE YIN NA ZHES BYA BA'O, ,DON 'DI NYID TSIGS SU BCAD PAS BSTAN PA NI, GANG GI PHYIR ZHES BYA BA'O, ,GAL TE THA DAD PA'I LUS NYE BAR LEN PA YIN PA'I DBANG DU BYAS NAS LUS MI 'GYUR BA LA NI 'CHI BA'I GNAS SKABS NA YANG SEMS BSGRUB BYA MA YIN ZHES BRJOD PA YIN NA NI 'JI BA'I RNAM PAR 'GYUR BA MED NA BUM PA'I RNAM PA'I RNAM PAR 'GYUR BA ZHES BYA BA JI LTAR THA DAD PA'I 'JI BA'I 'GYUR BAS BUM PAR 'GYUR BA MA YIN TE, DE BUM PA'I DUS NA MED PA'I PHYIR DE 'GYUR BA MED PA NYID KYIS BUM PA 'JIG PA YIN NO, ,'ON TE 'JI BA ZHIG PA MED NA BUM PA'I 'GYUR BA STE SKYE BA MA YIN NA ZHES BYA BA DON YIN NA DE LTA NA YANG DON LA 'BREL PA MED PA YIN TE LUS MA ZHIG NA SEMS MI SKYE BA NI MA YIN NO, ,DES NA NYE BAR LEN

, ,PA DANG CIG SHOS DAG NI DE DAG GI MA YIN NO ZHES BYA BA'I DON YIN TE, GNAS SKABS DANG MI 'BREL BA YIN LA, LUS NI GNAS PA YIN NA SEMS LDOG PA MED PAR THAL BAR 'GYUR ZHES BYA BA NI GNAS SKABS YIN ZHING DON DAM DANG YANG MA 'BREL BA'I PHYIR SNGAR GYI LUS LDOG PA MED NA SEMS MI SKYE BA MA YIN NO, ,DE'I PHYIR 'BYUNG BA DANG 'BYUNG BA LAS GYUR PA BZHIN DU THA MI DAD PA'I NYE BAR LEN PA LA DGONGS NAS BUM PA NYE BAR BLANG BYAR BSTAN PA YIN NO, ,RNAM PAR 'GYUR BA YANG ZHIG PA KHO NA YIN PA'I PHYIR GDON MI ZA BAR LUS 'GYUR BA KHO NAS SEMS 'GYUR BA MA YIN NO ZHES BYA BA LA SOGS PA YANG THA MI DAD PA LA DGONGS PA KHO NA YIN TE, DE ZHIG KYANG MI 'JIG PA'I PHYIR DE NI DE'I NYE BAR BLANG BYA MA YIN PAR BSTAN PA NI, GNAS SKABS RGYU YI DNGOS PO NI, ,ZHES BYA BA STE, MYU GU LA CHU BZHIN DU GNAS SKABS PA'I RGYU LOG NA DES BYAS PA'I GNAS SKABS NYID LDOG PA YIN NO ZHES BYA BA'I DON TO, ,DES NA DE LTAR DE'I MI 'JIG PA DANG 'JIG PA DAG GIS 'JIG PA CAN DANG MI 'JIG PA'I NYE BAR BLANG BYA YIN PAR BRJOD PA DE LAS BZLOG PA'I NYE BAR BLANG BYA DANG CIG SHOS SU 'GYUR BA'I PHYIR THA MI DAD PA LA DGONGS PA YIN PAR BSTAN PA NI, RGYUN GYI RGYU ZHES BYA BA STE BUM PA'I KHONGS SU GTOGS PA'I 'JI BA NI BUM PA'I RGYUN GYI RGYU YIN LA DE LDOG PA NI RGYU LOG PAR BYED PA YIN NO, ,DE BZHIN DU SNGON PO LA SOGS PA RNAM PA'I SEMS LA NI SEMS KYI NGO BO RGYUN GYI RGYU YIN NO, ,THA DAD PA YIN NA NI RGYU KHO NA YIN TE, JI SKAD DU, GANG ZHIG YOD PAS PHAN 'DOGS BYED, ,CES BSTAN PA'O, ,GNAS SKABS PA'I RGYU'I DNGOS PO NI ZHES BYA BA 'DI LA DPE BRJOD PA NI, ME DANG ZANGS MI'I ZHES BYA BA'O, ,GAL TE LUS SEMS KYI NYE BAR LEN PA MA YIN NA 'JI BA DANG BUM PA BZHIN DU JI LTAR LHAN CIG GNAS PA YIN, DE'I SEMS NI LUS DANG LHAN CIG GNAS PA'I PHYIR NYE BAR LEN PA DAG CIG SHOS NYID LAS NI MA YIN PA'I PHYIR RO, ,ZANGS MA DANG LHAN CIG 'BYUNG BA'I ME BZHIN DU THA DAD PA DANG THA DAD PA MA YIN PA YANG RJES SU 'GRO BA DANG LDOG PAS THA DAD PA MA YIN PAR BSTAN PA NI, SEMS NI LUS DANG LHAN CIG TU, ,ZHES BYA BA STE DE DAG GI RGYU DAG LHAN CIG BYED

PA'I PHYIR RO ZHES BYA BAR SBYAR RO, ,LHAN CIG BYED PA NYID KYANG LHAN CIG GNAS PAS RANG GI 'BRAS BU'I BYED PA PO NYID YIN GYI RGYU LUS KYI 'BRAS BU SEMS MA YIN PAR BSTAN PA NI, 'BRAS MIN NA NI SEMS NYID CES BYA BA STE, ,SEMS DANG MA BRAL BA'I LUS KYI RGYU LUS LA SRID PA DANG BCAS PA'I LAS KYI BAG CHAGS DANG 'BYUNG BA CHEN PO YONGS SU GYUR PA'I NUR NUR PO LA SOGS PA YIN PAR BSTAN PA NI, ,LUS KYI RGYU NUR NUR PO ZHES BYA BA STE, ,LUS KYI RGYU NI SEMS KYI RGYU LA BRTEN NAS BAG CHAGS DANG BCAS PA'I SEMS KHO NA YIN NO, ,DE'I PHYIR LUS KHO NA SEMS KYI RGYU'I BSKYED BYA YIN PA'I PHYIR SEMS KYI BSKYED BYA YIN GYI, SEMS NI LUS KYI RGYU'I BSKYED BYA MA YIN ZHES BYA BA'I DON TO, ,LUS KYI RGYU LA MI BRTEN PA'I SEMS RANG GI RGYU LAS BYUNG BA NI LUS MED KYANG 'BYUNG BA YIN PAR BSTAN PA NI LUS LOG NA NI ZHES BYA BA'O, ,GNAS SKABS PA'I RGYU LOG NA GNAS SKABS NYID LDOG PA YIN ZHES BYA BA NI MA NGES PA YIN TE, ME DANG PHRAD BA LDOG KYANG DES BYAS PA'I RNAM PAR 'GYUR BA MI LDOG PA'I PHYIR RO ZHES ZER BA NI 'ON TE DE YANG ZHES BYA BA STE, DE ZHES BYA BA NI MYU GU RNAM PAR 'PHEL BA LA SOGS PA'I MTSAN NYID DE LDOG PA YIN ZHES BYA BA DANG SBYAR RO, ,JI LTAR LUS NI RANG GI NYE BAR LEN PA LA GNOD PA GANG LAS LDOG PA DE BZHIN DU SEMS KYANG RANG GI NYE BAR LEN PA LA GNOD PAR BYED PA LAS LDOG PAR 'GYUR BA BZHIN DU LDOG PAR 'GYUR PA'I PHYIR, LUS KHO NA BZHIN DU RGYUN CHAD PAR 'GYUR RO ZHES ZER BA NI ME LA SOGS PAS ZHES BYA BA'O, , GAL TE SEMS NYE BAR CHAD PA YIN NA SKYE PA'I DANG POR CI LAS SKYE BAR 'GYUR BA YIN ZHE NA YANG, JI LTA AUTPALA'I RTZA BA BA LANG GI LCI BA LAS 'BYUNG BA BZHIN DU 'BYUNG BA CHEN PO YONGS SU GYUR PA'I NUR NUR PO LA SOGS PA KHO NA LAS SKYE BA YIN NO ZHES ZER BA NI, YANG JI LTAR ZHES BYA BA'O, ,LAN NI 'BRU LA SOGS PA'I ZHES BYA BA STE, LUS LA SOGS PA'I NYE BAR LEN PA NI ME LA SOGS PAS GNOD PAR NUS PA YIN GYI RGYU'I NGO BO SEMS KYI NYE BAR LEN PA NI MA YIN TE, THAG RING BA YANG DE'I 'DU BYED PA'I RJES SU BYED PA'I 'BRAS BU LA GOMS PA JI LTA BA BZHIN NUS PA'I PHYIR GNOD PAR BYED PA

, ,MA YIN ZHES BYA BA NI YOD PA'I PHYIR YANG NYE BAR GNAS PA YIN ZHES BYA BA'I DON TO, ,DE'I 'DU BYED PA'I RJES SU BYED PA NYID KYI PHYIR SEMS NI DANG POR LUS LAS SKYE BA MA YIN TE, BA LANG GI LCI BA LAS AUTPALA'I RTZA BA LTA BUR RO ZHES BSTAN PA NI LUS LAS ZHES BYA BA'O, ,RGYU MA NYAMS PA YIN NA SEMS KYI NGO BO 'BRAS BU'I BDAG NYID KYI NYE BAR LEN PA YANG MA NYAMS PA KHO NA YIN PAR BSTAN PA NI, NYER LEN GNOD PA MED PAR NI, ,ZHES BYA BA NI, SEMS SNGA MA BA NYID JI LTAR GOMS PA'I SKYED BYED NI BAR DU CHAD PA NYID KYANG SKYED PAR BYED PA'I PHYIR GNYID LOG PA'AM GZHAN YANG DE LA GNOD PA BYED PAR NUS PA MA YIN PAR BSTAN PA NI, SNGON GYI 'DU BYED LA LTOS CAN, ,ZHES BYA BA'O, ,DE DE LTAR SEMS PA LA GNOD PAR BYED PA MI SRID PA'I SHES PA YIN PA'I PHYIR SHI BA LA YANG GNYID LOG PA BZHIN DU SKYED PAR BYED PA KHO NA YIN PAR BSTAN PA NI, BAR DU CHOD PA LAS KYANG ZHES BYA BA'O,, GNYID LOG PA NA CHAD PA GOMS PA KHO NA LAS JI LTAR YIN PA DE KHO NA BZHIN DU SHI BA LA YANG YIN PA'I PHYIR KHYAD PAR MED PAR BSTAN PA NA, SHI BA DANG GNYID LOG PA DAG LA ZHES BYA BA'O, ,GAL TE GOMS PA LAS KYANG SEMS CHAD PA YIN NA GTAN RNAM PAR CHAD PAR 'GYUR TE, DE LTAR GOMS PA SRID PA'I PHYIR RO SNYAM DU SEMS PA NI, 'ON TE RES 'GA' ZHES BYA BA'O, ,RE ZHIG GOMS PA LAS BYUNG BA'I RNAM PAR CHAD PA'I SEMS NI MTSAMS SBYOR BA KHO NAR MTHONG BAR BSTAN PA NI, SAD PA MED PA'I ZHES BYA BA STE, NUS PA CAN GYI TSOGS PA MTHONG BA'I PHYIR SRID PA LAS BZLOG PA NYID YIN TE, DE 'DRA PHYIS KYANG 'GYUR BA YIN, ,ZHES BYA BA'I RIGS PAS BSTAN PA NI, RANG GI BDAG NYID KYIS SO, ,GZHAN NI RGYUD GZHAN GYIS SO, ,GZHAN ZHES BYA BA NI ZHES BYA BA'O, ,'TSO BA'I SEMS NI SNGA MA DANG PHYI MA'I MTHA' DANG BRAL BA GTAN RNAM PAR CHAD PA KHO NAR DMIGS PA YIN ZHES BYA BA YANG 'GAL BA'I 'BRAS BU DMIGS PA YIN PA'I PHYIR MI RIGS PAR BSTAN PA NI, SNGON GYI MTHA' CAN LA LTOS CAN, ,ZHES BYA BA'O, ,SKYON DANG BCAS PA'I SEMS SEMS GZHAN DANG MTSAMS SBYOR BAR BYED PA, DE CI 'DRA ZHIG 'PHEN BYED 'GYUR, ,ZHES BYA BAS BSTAN PA MA YIN NAM, DGRA BCOM PA LA NI

DE MED PAS RGYU MA TSANG BA'I PHYIR RNAM PAR CHAD PAR 'GYUR BA KHO NA YIN NO SNYAM DU SEMS PA LA, 'DOD CHAGS DANG BRAL BAS ZHES BYA BA SMOS TE, GZHAN LA MI PHYOGS PAS YONGS SU 'DOR BA'I NGO BO'I SDANG BA'I PHYOGS YOD PA'I PHYIR DGRA BCOM PA LA YANG JI LTAR RGYU MA TSANG BA YIN, JI LTAR GZHAN LA MI PHYOGS PA MA YIN PA NI BDAG DANG BDAG GIR MNGON PAR ZHEN PA MA YIN PA'I SNYING PO CAN YIN PA'I PHYIR 'DOD CHAGS MA YIN GYI SNYING RJE MA YIN NAM DE BZHIN DU MI PHYOGS PA NI ZHE SDANG MA YIN NO SNYAM DU SEMS PA LA, THAMS CAD DU YONGS SU 'DOR BA'I NGO BO'I ZHE SDANG NI PHA ROL GYI YUL CAN YIN PA'I PHYIR LA MI PHYOGS PA NI DE'I PHYOGS KHO NA YIN PAR BSTAN PA NI GZHAN GYI DON LA DGA' BA MED PAS ZHES BYA BA'O, ,GAL TE YANG DGRA BCOM PA LA NI RGYU MA TSANG BA'I PHYIR RNAM PAR CHAD PA YIN LA DE MED PAS RNAM PAR MA CHAD PA KHO NA SRID PA'I YUL YIN PAR BSTAN PA NI; YANG NA ZHES BYA BA STE, 'DOD CHAGS DANG BRAL BA NYID KYI SHES PA LA KHO NA ZHES BYA BAR RIM PA MA YIN PA'I NGES PAR BZUNG BA YIN NO, ,THAMS CAD DU RNAM PAR CHAD PA NI RTAG TU RNAM PAR CHAD PA YIN LA DA LTAR BA'I SHES PA'I SKAD CIG LA DMIGS PA NI SNGA MA DANG PHYI MAS DBEN PA NYID KHO NA DE RNAM PAR CHAD PAR DMIGS PA YIN ZHES BYA BA NI BDAG CAG GI 'DOD PA YIN NO, ,DE'I PHYIR 'JIG RTEN PHA ROL MED PA DE KHO NAR KHYER 'DOD PA YANG BDAG GI 'DOD PAR 'OS PA YIN PA'I PHYIR LAN GDAB PAR DKA' BA NI RGOL BA 'DI LA LAN MED PA KHO NA YIN NO ZHES BYA BA'I DON TO, ,LAN NI; SNGON GYI 'DU BYED LA LTOS CAN, ,ZHES BYA BA STE, SNGA MA DANG PHYI MA'I MTHA' DAG LA SEMS GCIG KHO NA YANG MA YIN LA GZHAN DANG GZHAN YANG MA YIN ZHES BYA BA NI KHO BO'I 'DOD PA YIN GYI GZHAN DANG GZHAN YANG MA DMIGS PA YIN ZHES BYA BA DE LTAR NI MA YIN TE, MA MTHONG BA NI MED PA'I SGRUB BYED MA YIN PA'I PHYIR ZHES BYA BA'I DON TO, ,DE'I PHYI BLO GNAS PA YI RTEN, ,BLO NYID LA NI BRTEN PA 'GA', ,ZHES BYA BA DANG, DE YI SHES PAS PHAN 'DOGS PHYIR, ,YOD NA LUS LA BRTEN PAR BSHAD, ,CES KYANG GSUNGS PA KHO NA YIN PAR BSTAN PA NI, RTEN LDOG PAS

, ,LDOG PA NI BZLOG DU MED PA YIN NO ZHES BYA BA LA SOGS PA STE, GAL TE LUS KYI NYE BAR BLANG BYA SEMS YIN NA LUS RNAM PAR 'GYUR BA MA YIN PA, SHI BA'I GNAS SKABS NA YANG MI LDOG PAR 'GYUR RO, ,'ON TE LDOG NA NI LUS KYI NYE BAR BLANG BYA MA YIN TE, THA DAD PA'I PHYIR RO ZHES BYA BA NI, TSIGS SU BCAD PA GNYIS KYI DON YIN NO, ,'ON TE SEMS THA DAD PA YIN YANG DE 'DI'I RTEN YIN GYI BA LANG LA SOGS PA BZHIN DU RANG DBANG NI MA YIN NO, ,DE'I PHYIR RI MO BZHIN DU RTEN LOG NA'AM GZHAN DU YANG LDOG PAR BYED PA NYE BAR ZHUGS PAS LDOG PAR 'GYUR RO, ,DE'I PHYIR LUS MED NA LDOG PAR THAL BAR 'GYUR RO SNYAM DU SEMS PA LA, RTEN NI BKAG PA YIN PA'I PHYIR RO ZHES GANG GSUNGS PA DE NYID RNAM PAR 'GREL PA NI, YOD MED DAG LA RTEN MED PHYIR, ,ZHES BYA BA STE, RE ZHIG THA MI DAD PA'I DNGOS PO NI RTEN MA YIN TE, NYE BAR LEN PA YIN PA'I PHYIR RO, ,THA DAD PAR NI 'GYUR NA DE YANG YOD PA'I NI MA YIN TE, BSKYED BYA'I DUS BZHIN DU RTEN DANG BRTEN PA MA YIN PA KHO NA SKYE BAR 'GYUR RO, ,RI MO BZHIN DU YIN NO ZHE NA, THA DAD PA MA YIN PA NI NYE BAR LEN PA YIN NO, ,THA DAD PA YIN NA ME DANG ZANGS MA'I ZHU BA NYID BZHIN DU LHAN CIG SKYE BA YIN NO, ,RGYU LHAN CIG YOD PA'I PHYIR MED PA'I YANG RTEN MA YIN NO, ,'DU BAR RTOGS PA YANG NYE BAR LEN PA DANG NYE BAR BLANG BYA NYID KYI RGYU MTSAN NAM, LHAN CIG SKYE BA'I RGYU MTSAN YANG YIN NO, ,NYE BAR LEN PA DANG NYE BAR BLANG BYA'I 'BREL PA NI 'DU BA YIN ZHES BYA BA YANG GTAM TZAM YIN LA THA MI DAD PA DAG GI 'AM THA DAD PA DAG GI THA MI DAD PA NA LHAN CIG SKYE BA TZAM NYID KYIS DE RTOGS PA 'BYUNG BA'I PHYIR THA MI DAD PA'AM LHAN CIG SKYE BA YANG RUNG DE LTA BU'O 'DU BA YIN GYI GZHAN NI MA YIN TE MA MTHONG BA'I PHYIR RO, ,GANG GI PHYIR SO SOR MA YIN PAR GRUB PA RNAMS KYI 'BREL PA NI 'DU BA YIN LA SO SO BAR GRUB PA NI 'BYUNG BA DANG RI DAGS RTEN DANG RTEN CAN SO SO PA NI RANG GI CHA SHAS 'DU BA YIN NO, ,DE NYID KYANG MTSON CHA YIN GYI MTSAN NYID NI MA YIN TE, SO SO BAR RTOGS PA DANG LDAN PA NI MA YIN NO, ,DE LAS KYANG SO SO MA YIN PA

GRUB PAS NI SO SO MA YIN PA RTOGS PA NYID YIN TE GZHAN DU NA MTSAN NYID DU MI RIGS PA'I PHYIR RO, ,DE LA YANG BRDA JI LTA BA BZHIN DU 'DU BA'I SHES PA YANG TE DE YOD NA 'BYUNG BA NYID YIN NA 'BRAS BU RTOGS PA LTA BU'O, ,DE NI DU BA LAS ME'I SHES PA BZHIN DU DE'I SHES PA'I RGYU MTSAN YANG MA YIN TE, DE LTAR RTOGS PA MED PA'I PHYIR RO, ,DE DAG GI DU BA DAG LAS ME LA SOGS PA BZHIN DU NGES PAR RTOGS PA MA YIN LA DON GYIS GO BA YANG MA YIN NO, ,BSREG PA'I NUS PA 'BRUM BU LA SOGS PA BZHIN DU SO SO BAR MA RTOGS PA 'BA' ZHIG TZAM GYIS THA MI DAD PAR DMIGS PAS BRDA'I DBANG GIS 'DU BA YIN PAR MNGON PAR SEMS PAR BYED PA YIN GYI DE LAS GZHAN PA'I SHES PA NI MA YIN NO, ,SO SO BAR RTOGS PA DANG LDAN PA NYID YIN NA PHRAD PA YIN LA, DBYE BA NI DE LTA BU'I PHRAD PA LAS SO SO BAR GYUR PA YIN ZHES BYA BA NI RNAM PAR DBYE BA YIN NO, ,DE BZHIN DU RGYU'I DBANG GIS STENG MA DANG 'OG MA NYID DU SKYE BA TZAM NI RTEN LA SOGS PA NYID YIN NO, ,LTUNG BA LA DE DAG YOD NA MI LTUNG BA DE GNAS PA NI DE'I RGYU YIN NA DNGOS PO'I RTEN DU 'GYUR BA'I PHYIR GZHI YIN PAR BRJOD PA MA YIN NAM DE LTAR SKYE BA TZAM NI MA YIN TE, DE BSTAN PA NI, RTEN YOD PA GNAS PA'I RGYU YIN ZHE NA ZHES BYA BA'O, ,LAN NI, DNGOS PO PA LAS GZHAN MA NI PHYIR, ,ZHES BYA BA'O, ,GANG GI PHYIR LTUNG BA'I DNGOS PO KHO NA LTUNG BA YIN GYI GZHAN NI MA YIN ZHING DE NYID LTUNG BA YANG YIN PAR 'GYUR RO ZHES BYA BAR MI RIGS TE DE GZHAN YIN PA'I PHYIR RO; ,LTUNG BA DANG GCIG MA YIN TE, SNANG BA THA DAD PA'I PHYIR RO, ,DE'I PHYIR DE LTAR SKYE BA TZAM NI RTEN LA SOGS PA YIN GYI GZHAN NI MA YIN NO, ,DE LTA BUR SKYE BA LA DE RGYU MTSAN YIN NO ZHEN MA YIN TE, DE RGYU DANG LHAN CIG PA'I SNGA MA SHOS DE'I RGYU MTSAN YIN PA'I PHYIR RO, ,DE'I DUS SU 'BYUNG BA TZAM NI MA YIN TE, RGYU MTSAN MA YIN PA'I PHYIR RO, ,KHYAD PAR LA YANG CUNG ZAD 'GA' KHO NA RTEN NYID DU RTOGS PA YIN TE, BRDA'I DBANG DU BYAS PA'I PHYIR RO, ,YANG NA DE'I RGYU DANG RGYU'I LHAN CIG BYED PAS RGYU MTSAN YIN TE, RANG GI 'BRAS BU DANG GCIG TU BYED PA'I PHYIR DE NYID

, ,DU GYUR BAR RTEN DU NYE BAR BTAGS PA YIN NO, ,THA DAD PA YIN YANG SNGA MA DANG PHYI MA NYID KYIS DNGOS PO GCIG NYID DU GNAS PA'I PHYIR RO, ,RES 'GA' BA NYID KYIS DNGOS PO LAS THA DAD PAR YIN YANG SO SOR SNANG BA THA DAD PA DANG 'GAL BAS DE NYID KYIS SHES PA NI DE MI BYED PA'I DNGOS PO RNAM PAR GCOD PA'I YUL YIN PA'I GCIG NYID YIN GYI PHA ROL PO GZHAN GYIS MNGON PAR 'DOD PA MED DO ZHES SRID PA'I DON LA 'AM KHAS LEN PA'I DON LA YANG GI SGRA YIN TE, GAL TE 'DI LTAR SRID PA 'AM KHAS LEN PA YIN NA DES NI SNGA MA DANG PHYI MA DAG GI GCIG PA NYID YIN YANG GNAS PA DANG G-YO BA YANG TSAD MAS GRUB BA YIN PAR 'THAD PA KHO NA YIN NO ZHES BYA BA 'DI BSAL BA YIN NO, ,BYED PAR NUB PAR BYED PA'I RGYU MTSAN SKAD CIG PAR SMRA BA YANG MA YIN TE, SO SOR SNANG BAS GRUB PA'I PHYIR RO, ,DE'I PHYIR BYED PA NUB PA NI MA YIN NO, ,DE'I RGYU NI DE KHO NA'I RGYU KHO NA STE DNGOS PO'I RTEN NI MA YIN NO ZHES BYA BA'I DON TO, ,DE KHO NA'I BYED PA MA YIN PA'I PHYIR DNGOS PO'I RTEN NI MA YIN TE, DE LTA YIN NA KHAMS GSUM PO RTEN DU THAL BAR 'GYUR RO, ,DES NI DNGOS PO STE, SEMS LA CI ZHIG BYA STE RTEN MA YIN PA'I LUS KYIS NI PHAN BYAS PA MED PA STE RANG GI RGYU'I DBANG GIS 'BYUNG BA 'AM MI 'BYUNG BA YIN ZHES BYA BA'I DON TO, ,NYE BAR LEN PA MA YIN PA'I LUS NI SEMS KYI RTEN DU 'GYUR RO ZHES RGOL BA LA BRTEN PA NYID YIN DU CHUG KYANG RTZIG PA LA RI MO BZHIN DU LUS LA SEMS NI MA YIN TE 'PHO BA'I PHYIR RO ZHES RANG NYID KYIS LAN 'DEBS PA NI, DE YANG MI BDEN RI MO LA, ,ZHES BYA BA LA SOGS PAS SO, ,LUS DANG SEMS THA MI DAD NA GANG ZHIG GANG LA BRTEN PA YIN ZHES BYA BA NI, GZHAN YANG RTEN NYID NI ZHES BYA STE, LUS GRUB PA YIN YANG SEMS KYI DBYE BA LA THE TSOM ZA BA'I PHYIR DE DAG THA DAD PA MA YIN PAR ZER BA NI MA YIN MOD CES BYA BA'O, ,SNGA MA'I RGYU LAS DE BZHIN DU SKYE BA'I PHYIR ME DANG ZANGS MA'I ZHU BA NYID BZHIN DU LHAN CIG SKYE BA TZAM YIN GYI RTEN DANG BRTEN PA'I DNGOS POR MI RIGS PA MA YIN NAM RNAM SHES SKYE BZHIN PA'I TSAD MA DANG LDAN PA NYID KYIS SHES BZHIN PA NI RTEN DANG BRTEN PA NYID

DU 'THAD PA YIN SNYAM DU SEMS PA LA, RE ZHIG MED PA LA NI ZHES BYA BA STE, RNAM PAR SHES PA NI SKYE BZHIN PA NA RTOGS PA'I NGO BO YIN PA'I PHYIR TSAD MA NYID DU SKYE BZHIN PA YIN PAR NI RIGS NA BRTEN PA NI RTEN GYIS PHAN BTAGS PA YIN GYI DUS THA MI DAD PA LA NI MI RIGS TE, GZHAN PHAN GDAGS BYA DANG PHAN 'DOGS BYED DAG 'BRAS BU DANG RGYU'I KHYAD PAR NYID KYI GZHI YIN LA DUS PHYIS DE GANG GIS BAR DU BCAD PA NI DE LAS GZHAN PA YIN NO, ,BONG BU'I RVA LA NI RTEN GANG YANG MED PA'I PHYIR DUS THA DAD PA NI GDON MI ZA BAR BRTEN PAR BYA BA YIN NO ZHES DGONGS PAS RANG GI RGYU LAS SKYES PA NI RANG GI NGO BO TZAM DU DE LAS KHYAD PAR CI YANG MED DO, ,KHYAD PAR YOD NA DE NYID LAS DE YIN PA'I PHYIR DE KHO NA RTEN YIN GYI DUS MTSUNGS PA LA NI YIN PAR BSTAN PA NI, MED PA NI RGYU LAS SKYE BAR 'DOD PA 'BA' ZHIG TU MA ZAD DE ZHES BYA BA'O, ,JI LTAR SKYE BA'I DUS SU YOD PA'I RTEN MA YIN PA NI DE BZHIN DU DUS PHYIS KYANG YOD PAR KHYAD PAR MED PA'I PHYIR BRTEN PA MA YIN NO ZHES BYA BA NI MI RIGS TE, SKYES PA NI BYA BA'I YUL NYID KYIS RTEN YIN PA'I PHYIR STA RE'I SHING LTA BU YIN NO SNYAM DU SEMS PA LA, YOD PA LA YANG ZHES BYA BA STE, STA RE DANG ME LA SOGS PA'I 'BRAS BU KHO NA SHING YIN TE, DUS KYI DBYE BA LAS RNAM PAR 'GYUR BA 'BYUNG BA YIN ZHES BYA BA'I DON TO, ,'ON TE DE YOD PA'I RTEN TE BYA BA BYED PA YIN TE LTUNG BA LA SOGS PA BKAG PAS DE LA PHAN 'DOGS PA'I PHYIR RO, ,MA YIN TE, LTUNG BA BKAG PA NI RANG GI RGYU KHO NA LAS YIN PAR 'DOD PAR BSTAN PA NI YOD PA YANG ZHES BYA BA'O, ,RANG GI RGYU LAS DNGOS PO'I RANG GI NGO BOS MI LTUNG BA YIN TE RTEN YIN NO SNYAM DU SEMS PA NI, 'ON TE SKYES PA LA YANG ZHES BYA BA STE, BDAG NYID THAMS CAD CES BYA BA NI RANG GI NGO BOS SO, ,GNAS PA RANG GI NGO BO DAG GI DBYE BA RJES SU 'GRO BA DANG LDOG PA GRUB PA YIN NO ZHES ZER BA NI, GNAS PA NI ZHES BYA BA STE, GNAS PA DANG THA DAD PA MED PA ZHES BYA BA NI THA MI DAD PAR BYE BRAG MED PA'I PHYIR BYE BRAG LA GNAS PA MED PA'I PHYIR RO ZHES BYA BAR SBYAR BAR BYA BA'O, ,SHING LA SOGS PA'I YAN LAG CES BYA BA NI YAN LAG DAG KYANG SO SO MA YIN PAR GRUB PA'I PHYIR

, ,'DU BA'I 'BREL BA YIN NO, ,'O NA TE YAN LAG GI RTEN DANG RTEN CAN SO SO YIN PA'I PHYIR SO SO BAR GRUB YIN NA, 'DI LA YANG BRJOD PA NI, SHING LA SOGS PA ZHES BYA BA'O, ,SHING NI RANG GI YAN LAG LA 'JUG PA YIN LA RANG GI YAN LAG DE YANG YIN ZHES SO SO BA GRUB PA NYID DU 'GYUR RO, ,'DU BA KHAS LEN PA YIN NA NI SO SO BSGRUB BA NYID DU THAL BAR 'GYUR RO ZHES 'BREL PA YIN NO, ,'DU BA CAN GYI RANG GI YAN LAG LA 'DUS PA NYID NI THA MI DAD PA GRUB PA NYID YIN PA 'DI LA BRJOD PA NI, DE LTA NA YANG ZHES BYA BA STE, SO SO BA MA YIN PA GRUB PA NYID KYIS 'DU BA MTSON BAR BYA BA YIN LA, DES KYANG SO SO BA MA YIN PA NYID GRUB PA YIN PAS PAN TSUN LTOS PA'I PHYIR GNYI GA MA GRUB PA YIN LA, DE YANG MTSAN NYID DANG MTSON BYAR MI RIGS TE MTSON BYA DANG MTSAN NYID DAG THA DAD PAR RTOGS PAS 'DU BA GANG YIN PA DE NI MA YIN NO ZHES BYA BAR SBYAR RO; ,'DU BA CAN DAG GI YANG PHYOGS GCIG GIS 'BYAR BA NI, BIL BA DANG SKYUR RA DAG BZHIN DU PHRAD PA YIN GYI 'DU BA NI MA YIN NO ZHES BSTAN BA NI, YAN LAG MED PA'I DNGOS PO ZHES BYA BA'O, ,DE LTA MOD KYI YAN LAG GIS YIN NO, ,DE LTA NA YANG 'DU BA NI MA YIN TE, 'DU BA CAN DAG GI DBYE BA MA MTHONG BAS MED PA'I PHYIR RO ZHES BYA BA'I DON TO, ,DBYE BA MTHONG YANG YAN LAG DANG PHRAD PAS 'DU BA MA YIN PAR 'GYUR RO ZHES BSTAN BA NI, YAN LAG CAN DANG ZHES BYA BA'O, ,YAN LAG MA YIN PA DANG 'BYAR BA YANG DE DAG GIS DBYE BA DMIGS PA YIN PA KHO NA YIN LA YAN LAG THAMS CAD DANG LDAN BA NI YAN LAG CAN YIN LA RNAM BAR DBYE BA DMIGS PA NI YAN LAG RNAMS YIN NO SNYAM DU SEMS PA NI, RJES SU ZHUGS PA DANG MA ZHUGS BA ZHES BYA BA'O, ,RNAM PAR DBYE BA 'DOD PA RNAMS SHES BA GCIG TU SNANG BA RNAMS LA RNAM BAR DBYE BA NYE BAR MTSON PAR MA BYAS PAS DBYE BA MED PAR MCHOG TU 'DZIN PA YIN GYI SHES PA GCIG PO DE'I BYA BA'I RJES SU 'JUG PA 'DZIN PA MA GTOGS PAR DBYE BA MED PAR 'DZIN PA NI MA YIN NO ZHES BSTAN BA NI, 'THAD PA MA YIN TE ZHES BYA BA'O, ,SEMS KYI RTEN DANG BRTEN PA NYID KYANG BKAG BA'I NYE BAR BSDU BAS RGYU DANG LHAN CIG PAS 'BRAS BU DANG LHAN CIG GNAS PA

DE'I THA SNYAD KYI YUL YIN PAR BSTAN PA NI, DE'I PHYIR ZHES BYA BA'O, ,LUS NYE BAR LEN PA NYID YIN PA YANG GONG DU BKAG PA KHO NA YIN PAR BSTAN PA NI LUS NI ZHES BYA BA'O, ,GAL TE YANG SEMS GNAS PAR BYED PA'I PHYIR LUS RTEN PA YIN NA, LUS NI GNAS PA YIN NA SEMS, ,LDOG PA MED PAR THAL BAR 'GYUR, ,ZHES BYA BA 'DI NYID BZLAS NAS BSTAN PA NI, 'JIG PA MED PAR THAL BAR 'GYUR TE ZHES BYA BA'O, ,'ON TE LUS YOD KYANG MI MNYAM PA LA SOGS PAS SEMS 'JIG PAR 'DOD PA YIN ZHES ZER BA NI, GAL TE 'JIG RGYU LAS 'DOD NA, ,ZHES BYA BA'O, ,LAN NI DE LAS THAL BAR MTSUNGS PA YIN ZHES BYA BA LA THAL 'GYUR NI, SHI BA NYES PA MNYAM GYUR TSE, ,SLAR YANG 'TSO BA DAG TU 'GYUR, ,ZHES BYA BA'O, ,'ON TE RANG GI RGYU LAS BYUNG BA'I 'JIG PA'I RGYUS 'JIG PAR 'GYUR BA KHO NA YIN NA, DE LA YANG GNAS PA'I RGYUS KYANG CI ZHIG BYA ZHES BYA BA STE, 'JIG PA'I RGYU'I SNGON ROL NA DE MED PA'I PHYIR RANG NYID KHO NA GNAS PA YIN TE, 'JIG PA 'BA' ZHIG LAS KYANG ZAD KYANG MI BYED PA KHO NA MA YIN GYI GNAS PA'I RGYU 'DI LA YANG NGO, ,'ON TE 'JIG PA'I RGYU'I SNGA ROL NA YANG GNAS PA'I RGYU MED NA MI GNAS PA YIN TE, 'JIG PA YIN NO ZHES BYA BA'I DON NI, GAL TE 'JIG RGYU KHYAD PAR DU NGES GNAS ZHES BYA BA'O, ,LAN NI, 'JIG PA DNGOS CHOS NYID CES BYA BA STE, DNGOS PO'I CHOS NI DE TZAM DANG RJES SU 'BREL PAR BYED PAS GANG GIS KYANG BAR DU BCAD PAR MI NUS TE RANG BZHIN GYIS MI LDOG PA'I PHYIR RO ZHES BSTAN PA NI DNGOS PO YOD NA DE TZAM DANG RJES SU 'BREL PA CAN YIN PA'I PHYIR, GNOD MED DE 'JIG PA 'DI GZHAN DU BYED PAR MI NUS SO, ,'DIS NI 'JIG PA RGYU MED PA CAN YIN NA SKAD CIG GNYIS PA BZHIN DU SKAD CIG DANG PO LA YANG 'GYUR RO ZHES BYA BA BSAL BA YIN NO, ,GANG GI PHYIR DNGOS PO YOD NA DE'I CHOS SU 'GYUR LA RANG NYID 'JIG PA DANG CIG SHOS KYI PHYOGS DAG LA GNAS PA'I RGYU CUNG ZAD KYANG BYED BA MA YIN NO ZHES BYA BA'I DON TO, ,'GREL PA MDZAD PAS NI, THAL 'GYUR MTSUNGS PA DE LA YANG, ,ZHES NGAG GCIG GIS DE LA YANG STE 'JIG PA LA YANG YIN GYI GNAS PA'I RGYU 'BA' ZHIG LA NI MA YIN NO, ,DE DNGOS PO LAS THA MI DAD PA YIN NA, DNGOS PO

, ,KHO NA YIN LA RGYU DES BYAS PA'I THA DAD YIN NA DES DNGOS PO LA CI ZHIG BYAS ZHES SBYOR BAR BYED PA YIN NO, ,ME LAS DON GZHAN 'BYUNG NA NI, YANG NA GAL TE ZHES BYA BA STE, RANG GI RGYU LAS 'JIG PA 'BYUNG NA GNAS PAR BYED PA LAS MI 'JIG PAR 'GYUR RO ZHES BYA BAR NUS PA MA YIN TE, DE LAS SKYES PA NI RTAG PA NYID DU MI RIGS PA'I PHYIR RO, ,MI RTAG PA NYID KYI RGYUS 'JIG PA NI THA DAD PA DANG THA MI DAD PA DAG TU MI RIGS PA'I PHYIR RGYU GZHAN MED PA NI DNGOS PO'I CHOS KHO NA YIN PAR BSTAN PA NI, DE'I PHYIR 'JIG PA YANG ZHES BYA BA STE, RTZOD PA NI DON 'DI DAG DNGOS PO'I CHOS NYID CES BYA BA DE KHO NA LAN BZLAS PA YIN NO, ,PHYOGS 'DI LA YANG GNAS PA'I RGYUS KYANG CI ZHIG BYA ZHES BYA BA RGYU KHO NA 'JOG BYED PA MA YIN NO ZHES BYA BA'I DON TO, ,YANG NA DUS GCIG KHO NA DES DE LTAR BSKYED PA YIN NA YANG DES CI DGOS ZHES BSTAN PA NI, YANG NA GAL TE ZHES BYA BA'O, ,DUS THA DAD PA'I CHU LA SOGS PA'I RTEN BUM PA LA SOGS MA YIN PA MA YIN NAM, DE'I TSE 'BO BA'I PHYIR BO BA LA NI RTEN YOD PA MA YIN NA JI LTAR MI 'BO BA BO BA'I RTEN YIN, DNGOS PO GZHAN LHAN CIG BYED PA LAS DE NYID LA DE DANG LHAN CIG BYED PA NYID NI LHAN CIG PA NYID YIN TE, LHAN CIG PA NI MI LTUNG BA YIN PA'I PHYIR RTEN NYID RGYU MA YIN PAR GRUB PA YIN NO, ,'ON TE LHAN CIG PA MA YIN PA YANG LHAN CIG BYED PA NYID YIN NA NI DE RTAG TU YOD PA'I PHYIR RTAG TU MI LTUNG PAR 'GYUR RO, ,RUNG BA'I YUL NA GNAS PA YIN NO ZHE NA YANG JI TZAM LA RUNG BA NYID RGYU SHES PAR DKA'O, ,DE'I PHYIR RANG NYID NYE BAR LEN PA LAS SKYE BA NI DE YOD NA MI LTUNG BA YIN PA'I PHYIR RTEN NYID YIN GYI DE DE LTAR SKYE BA TZAM NI MA YIN LA, LUS KYI 'DI YANG SEMS RE RE LA YOD PA'I PHYIR DE YANG DE'I RTEN DU 'GYUR RO SNYAM DU SEMS PA NI, GAL TE DPER NA CHU SOGS KYI, ,ZHES BYA BA STE, LTUNG BA BKAG PAS RGYU NYID MA YIN NO ZHES BYA BA'I DON TO, ,LAN NI 'DI LA 'ANG MTSUNGS PA STE, SEMS DANG LUS DAG LA, YOD MED DAG LA RTEN MED PHYIR, ,ZHES BYA BA LA SOGS PA GANG GSUNGS PA STE, 'DI LA YANG CHU DANG DON GZHAN DAG TU MTSUNGS PA YIN TE CHU DANG CIG SHOS KYANG NYE BAR LEN PA DANG NYE BAR 'GRO BA DAG GI YUL

MTSUNGS PAR SKYED PAR BYED PA LA PHAN TSUN PHAN 'DOGS PA MED PA NI RTEN DANG BRTEN PA NYID MA YIN ZHING SKYES PA DE GNYIS KYI DE DANG 'DRA BA GZHAN GNYIS YIN LA DES KYANG DE DANG 'DRA BA GZHAN YIN PA'I PHYIR GANG LA YANG PHAN 'DOGS PA MAD DA, ,SNGA MA DANG MTSAN NYID MI MTHUN PA 'BRAS BU'I RGYUN 'BA' ZHIG GZHAN YOD NA YANG DAG PAR DMIGS PA SNGA MA DANG PHYI MA GCIG PA NYID DU MNGON PAR SEMS PA NI RTEN NAM CIG SHOS SU SHAS PA YIN NO, ,SNGA MAS PHYI MA LA PHAN BYED PA NI DE'I DUS SU MA YIN LA, DE MA YIN PA'I DUS SU YANG MA YIN TE, DE'I 'BRAS BU YIN PA'I PHYIR DE NYID DU SGRO 'DOGS PA'I YUL YIN PAR DE LTAR BRJOD PA YIN PAR BSTAN PA NI, DNGOS RNAMS SKAD CIG RE RER NI, ,ZHES BYA BA STE, SKAD CIG GCIG LA 'GRO BA SRID PA MA YIN TE, SKAD CIG GZHAN NA MED PA'I PHYIR GANG GEGS BYED PAS RTEN DU 'GYUR, NYE BAR LEN PA DANG, YUL THA DAD PA'I 'BRAS BU KHO NA 'GRO BA YIN LA, DE YOD NA MI 'BYUNG BA'I PHYIR JI LTAR DE LA DE'I DUS SU GEGS MI BYED PA YIN, 'DI LTA BU'I RTEN NYID NI DE'I DUS KYI CHU LA SOGS PA LA SRID PA YIN GYIS SEMS LA NI MA YIN TE, LUS LA GNAS PA'I 'BRAS BU MA YIN PA'I PHYIR DANG, SEMS DANG SEMS LAS BYUNG BA RNAMS NI YUL NA MI GNAS PAR KHAS BLANGS PA'I PHYIR RO, ,YON TAN DANG SPYI DANG LAS RNAMS KYANG 'GRO BA MED PA NYID YIN LA, LAS DANG LDAN PA DANG, YON TAN DANG LDAN PA DANG, 'DU BA CAN GYI RGYU YANG RDZAS YIN PAR KHAS BLANGS PA YIN PAR BSTAN PA NI, CHU SOGS KYI NI RTEN 'GYUR GYI, ,ZHES BYA BA'O, ,CHU DANG CIG SHOS KYANG LHAN CIG PA MA YIN PA DE LTA BU'O 'BRAS BU SKYED PAR BYED PA YIN LA, LHAN CIG PA NYID KYANG RGYU MA YIN PA'I RTEN NYID YIN TE, DE YANG SNANG BA NYID KHO NA YIN NO ZHES ZER BA NI, GAL TE RTEN GYI DNGOS PO MTHONG BA'I PHYIR JI LTAR MA MTHONG ZHE NA ZHES BYA BA'O, ,NYE BAR LEN PA DANG NYE BAR 'GRO BA DAG GIS SKAD CIG DE DAG GI LHAN CIG SKYE BA TZAM YIN GYI PHAN TSUN BYA BA CI YANG MED LA BRTOG [*RTOG?] PA'I RGYU'I STOBS KYIS DE BZHIN DU SKYE BA TZAM LAS 'DOD PA GRUB PA YANG MA YIN TE, BYA BA'I DUS NA MED PA'I PHYIR RO ZHES

, ,BSTAN PA NI, MA MTHONG BA NYID LA MTHONG BAR MNGON PAR RLOM PA YIN NO, ,DE'I DUS NA BYA BA MED PA KHO NA YIN PAR BSTAN PA NI, 'DZIN PA'I PHYIR BRTEN PA YIN NO ZHES BYA BA'O, ,DE DAG SKYE BA'I RGYU NYID KYI RTEN NYID NI SEMS LA SOGS PA'I RGYUN LDOG PAR BYED PA MA YIN TE, DE LOG NA DE BZHIN DU SKYES PA NYID LDOG PA'I PHYIR DANG, NYE BAR LEN PA LA SOGS PA LAS GZHAN DU SKYE BA YOD PA'I PHYIR RO, ,DE'I DUS KYI RTEN NYID LA SEMS LUS KYI NYE BAR LEN PA'AM, DE DANG 'DU BA CAN YANG DE LOG NA LDOG PAR 'GYUR RO, ,SEMS DANG YON TAN NYID DU PHRAD PA MED PA'I PHYIR JI LTAR BSAMS PA YIN ZHE NA, DNGOS PO DANG DNGOS PO MED PA NYID CES BYA BA STE, MED PA NI SNGA NA MED PA YIN GYI, GCIG LA GCIG MED PA NI MA YIN TE, CIG CAR BA YIN PA'I PHYIR LA DE YANG RGYU YOD NA YOD PA KHO NAS DE NYID YIN PA'I PHYIR RO, ,'DIS NI MED PA 'JOMS PA BSHAD PA YIN NO; ,GANG GI TSE 'DZIN PAR BYED PA'I RIM PA DANG, DE'I RTOGS BYA GZUNG BA YANG DE BZHIN DU SNANG BA NI RIM PA MA YIN PA MI RIGS PA KHO NA'O ZHES BSTAN PA NI, 'DZIN PAR BYED PA ZHES BYA BA'O, ,'DI'I BAR DU RTEN LA SOGS PA NYID 'BAD PAS BKAG PA YIN TE DE'I RTOGS PA YIN NA BAG CHAGS TZAM 'BYUNG BA NYID KYIS THOG MA MED PA NYID DU GSAL BA'I PHYIR 'JIG RTEN PHA ROL GRUB PA LA GTAN TSIGS GZHAN NYID YANG DAG PAR BSTAN PA'I DON DU, 'DI NI RNAM PAR RTOG PA TZAM DU ZAD DO ZHES BYA BA SMOS SO, ,BAG CHAGS TZAM LAS BYUNG BA NYID YIN NA YIN NA YID KYIS RGYAL SRID KYI RNAM PAR RTOG PA BZHIN DU NGES PA MED PAR 'GYUR BA MA YIN NAM SNYAM DU SEMS PA LA, YUL NGES PA'I RGYU MTSAN NI RTEN LA SOGS PA NYID KYI YIN PAR BSTAN PA NI, SKAD CIG RE RER 'JIG PA RNAMS KYI ZHES BYA BA'O, ,GAL TE RGYU NYID RTEN YIN NA DE'I YUL DU RTOG PA DNGOS PO'I YUL DU 'GYUR PA BSTAN PA NI, SNGA MA DANG PHYI MA DAG CES BYA BA STE, DE LA GCIG PA NYID DU SGRO 'DOGS PA NI THOG MA MED PA'I BAG CHAGS KYIS BYAS PA YIN ZHES BYA BA'I DON TO, ,DE'I DUS KYI RTEN NYID YIN NA DNGOS SU YIN PA'I PHYIR DE 'DZIN PA'I SHES PA GZHAN BZHIN DU, BAG CHAGS LAS

'BYUNG BA MA YIN PA'I PHYIR RO, ,DE'I PHYIR RGYU NYID KYI NGO BO'I DNGOS PO KHO NA 'JIG RTEN PHA ROL 'GRUB PAR BYED PAR MI 'GYUR RO, ,BDEN TE, RGYU'I NGO BO'I RTEN LA DE NYID DU SGRO GTAGS PA NI DE'I DUS SU RGYU MA YIN PA LA YANG YIN PA'I PHYIR BAG CHAGS KYI NUS PA BSAL BAR BYED PA YIN NO, ,DE LTAR NA 'JIG RTEN PHA ROL GRUB PA YIN PAR BSTAN PA NI, YID KYI RTOG PA THAMS CAD NI, ,ZHES BYA BA'O, ,RTOG PA NI SNANG BZHIN PA CAN GYI YUL CAN MA YIN NAM KHYAD PAR CAN TZAM YUL YIN PA'I PHYIR RO SNYAM DU SEMS PA NI, DNGOS PO DU MA NYID LAS ZHES BYA BA STE, DRAN BZHIN PA DANG MTHONG BZHIN PA GCIG PA NYID DU SGRO 'DOGS PA NI NYAMS SU MYONG BA TZAM LAS 'BYUNG BA MA YIN TE, DRAN PA DANG NYAMS SU MYONG BA DAG THA DAD PA'I PHYIR ZHES BYA BA'I DON TO, ,JI LTAR GCIG LA DRAN PA DANG NYAMS SU MYONG BA NYID DU MA NYID YIN PAS RJES SU 'BREL PA MA YIN PA'I PHYIR, RJES SU 'BREL PA CAN GYI BAG CHAGS KYI RTOG PA YIN PA DE BZHIN SNGA MA LA YIN LA, DE LAS KYANG SNGA MA'I YUL GZHAN YIN LA YUL DE LA RJES SU 'BREL PAR MI 'GYUR BA YIN NO ZHES ZER BA LA 'GYUR BA YIN PAR BSTAN PA NI, GCIG NI SNGAR YANG MA DMIGS PA, ,ZHES BYA BA'O, ,SKYE BA GCIG LA MTHONG BA NYID LA, RJES SU 'BREL PA YIN PA'I PHYIR DE TZAM KHO NA LA 'BYUNG BA'I BAG CHAGS YIN GYI SKYE BA GZHAN LA 'BYUNG BA NI MA YIN PA'I PHYIR JI LTAR THOG MA MED PA NYID YIN SNYAM DU SEMS PA LA, SKYE BA DANG PO LA MTHONG BA LA GNYIS PA MTHONG BA YIN NA RJES SU 'BREL BA NI SKYE BA SNGA MA LAS BYUNG BA'I BAG CHAGS MED NA MI 'BYUNG BAR BSTAN PA NI, DES NA SKYE BA GZHAN DU YANG ZHES BYA BA'O, ,BDAG NI SNGA MA DANG PHYI MA DAG LA RJES SU 'JUG PA YIN YANG DE LTA NA NI MA YIN TE, RJES SU 'BREL PAR NUS PA'I DON RNAMS LA NYAMS SU MYANG BA DANG DRAN PA DANG DE'I 'DU BYED PA RNAMS LA LTOS PA'I PHYIR RO, ,SNGA MA DANG PHYI MA DAG GCIG PA NYID DU NYAMS SU MYONG BA LAS DE'I RGYU LA LTOS PA NYID KYIS DE GRUB PA YANG MA YIN TE, DE TZAM LAS SKYE BA'I PHYIR RO ZHES BSTAN PA NI, DE BZHIN DU ZHES BYA BA'O, ,'DU BA CAN GYI RGYUS YON TAN MI 'JIG CES BYA BA NI, GAL TE JI LTAR 'GRO BA CAN NYID CES BYA BA

, ,LA SOGS PA NAS, 'JIG PA NYID YIN NO ZHES BYA BA'I BAR GYIS THE TSOM ZA BA LA RGYU LAS SAM THOB PA'I BDAG NYID CAN GYI DNGOS PO JI LTAR 'JIG PAR BYED PA YIN, SKAD CIG GNYIS PA LA RGYU 'AM RIGS PAS 'JIG PAR BYED PA YIN PAR NI MI RIGS TE DE MA MTHONG BA'I PHYIR RO, ,DE'I PHYIR SKAD CIG MA GNYIS PA LA DNGOS PO NI RGYU MED PAS MED PA'I PHYIR RGYU NI SKAD CIG RE RE ZHING YON TAN GYI SKYED BYED YIN PAR GRUB PAR BSTAN PA NI, 'GRO BA LA SOGS PA'I ZHES BYA BA STE, GANG DU 'GRO BA LA SOGS PA YIN PA DER GNAS PAR BYED PAS RTEN YIN LA DE MED NA SKAD CIG RE RE ZHING SKYED BYED YIN NO ZHES BYA BA'I DON TO, ,JI LTAR RGYU'I DBANG GI DE NYID DU SGRO BTAGS PA'I YUL GYI LHAN CIG SKYE BCAM NI RTEN YIN GYI GZHAN NI MA YIN PA DE BZHIN DU SO SO BAR SHES PA DANG LDAN PA'I DE BZHIN DU SKYE BA TZAM NI 'DU BA YIN TE JI LTAR BRDAR BYAS PA DE BZHIN DU RTOGS PA'I PHYIR GZHAN 'GA' ZHIG KHO NA NI MA YIN LA DE LTAR SKYE BA TZAM GYIS BYED PA PO NYID DAM 'BRAS BU NYID GZHAN NI MA YIN ZHING DE LTAR SKYAS BA NI RGYU'I DBANG GIS DE LDOG PAS GZHAN DU MI 'GYUR BA YANG MA YIN PAR BSTAN PA NI, 'DIS NI 'PHROD PA 'DU BA DANG ZHES BYA BA'O, ,'GREL PAR NI, RNAM PAR GNAS PA RGYU NYID MA YIN YANG DER GNAS PA'AM 'DU BA CAN NYID DU YANG DE NYID LA 'GYUR BA YIN GYI DE LA 'AM GZHAN LA YANG ZHES BYA NI MA YIN NO, ,'DU BA CAN GYI RGYU NI MI RTAG PA LA LTOS NAS BSHAD PA, RNAM GNAS NYID NI RTAG PA LA LTOS NAS BSHAD PA YIN NO, ,'DUS PA YANG RIGS BZHIN DU RGYU NYID KYIS RTEN GZHAN LA RNAM PAR GNAS PA MA YIN NAM, RTEN 'JIG NA SEMS MI 'JIG PA'I 'DU BA CI'I PHYIR BSAL BAR BYED PA YIN SNYAM DU SEMS PA NI, 'DUS PA YIN YANG ZHES BYA BA'O, ,RTEN DANG BRTEN PA SNGON DU 'GRO BA CAN GYI 'DU BA NI DE BKAG NA BKAG PA KHO NA YIN PAR BSTAN PA NI, RTEN DANG BRTEN PA'I DNGOS PO ZHES BYA BA'O, ,RANG GI NGO BO GNYIS SU MTHONG BA SNGON DU 'GRO BA CAN 'DU BA'I SHES PA YIN NA SO SO BA GRUB PA NYID DU 'GYUR BAR BSTAN PA NI, RIGS PA SOGS PA RGYU MED PAR RNAM PAR GNAS PA ZHES BYA BA'O, ,GZHAN YANG 'DIS DU BA KHAS BLANGS PA YIN YANG

'JIG RTEN PHA ROL 'GRUB PA YIN PAR BSTAN PA NI, YANG NA ZHES BYA BA'O, ,GAL TE 'JIG RGYU LAS 'DOD NA ZHES BYA BA 'DI LA THAL BA MTSUNGS PA DANG, SLAR YANG 'TSO BAR 'GYUR ZHES BYA BA DANG GANG GI TSE YANG 'JIG BYED MED PA DE'I TSE YANG DE MED PA NYID KYIS GNAS PA YIN PA'I PHYIR DE'I RGYUS KYANG CI ZHIG BYA ZHES BYA BA 'DIS KYANG SNGAR DANG PHYIS KYANG NYE BAR DGOS PA MED PAR LAN BTAB ZIN PA YIN NO, ,GAL TE 'GYUR NA 'JIG BYED MA BYUNG BA'I DUS SU YANG 'GYUR LA DE'I TSE LTOS PA YIN YANG BYA BA BYED PA MA YIN TE, DBANG MED DU 'JIG PA YIN PA'I PHYIR LA DE'I PHYIR GNAS PAR BYED PAS NI, RTEN MA YIN PAR BSTAN PA NI, ,GZHAN LAS TE, 'JIG PA'I RGYU LAS DNGOS PO 'JIG PAR GAL TE 'GYUR NA, GNAS PAR BYED PAS CI ZHIG MED PA GNAS PAR BYED PA NYID DANG BDAG NYID 'BREL PA CI ZHIG BYED PA YIN TE, 'JIG PA LA 'DI 'BA' ZHIG DBANG DU GYUR PA KHO NA YIN ZHES BYA BA'I DON TO, ,DBANG PO LA NI DGOS PA CI YANG MED PA YIN TE, GANG GI PHYIR DE MED NA YANG 'JIG PA'I RGYU GZHAN RNAMS KHO NAS NGES TE DNGOS PO'I 'JIG PAR 'GYUR TE 'JIG PA LA YANG DE RNAMS NUS PA MED PA YIN ZHES BYA BA PHUL DU BYUNG BA'I TSIG NI BZHAD GAD KYI TSIG YIN NO; ,DE'I PHYIR NUS MED YIN ZHES BYA BA NI NYE BAR BSDU BA'O, ,YANG NA DNGOS PO NI SKAD CIG MA MA YIN PA KHO NA YIN TE, DE LA 'JIG PA'I RGYU NUS PA CAN MA YIN LA GNAS PA'I PHYIR DE'I RGYU TSOL BA YIN LA DE YANG GANG GI TSE NYE BAR GNOD PA YOD PA'AM MED PA DE'I TSE GNAS PAR BYED PA MA YIN NO, ,DES NA RANG NYID KHO NA 'JIG PA YIN NO, ,'JIG PA NI DNGOS PO'I CHOS YIN YANG GNAS PAR BYED PA MED PA DANG NYE BAR GNOD PA YOD PAD DAG LA DE LTAR 'GYUR GYI THAMS CAD DU NI MA YIN TE, JI LTAR MTHONG BA'I DNGOS PO RNAM PAR GZHAG PA LA SOGS PA YIN PAR SEMS PAR DOGS PA LA; DE 'JIG 'GYUR ZHES BYA BA STE, LUS SAM GZHAN YANG RUNG BA RTEN NI SEMS LA SOGS PA'I LAS GZHAN PA NYE BAR GNOD PA'I RGYU RNAMS KYIS GNOD PA MA YIN PA KHO NA YIN TE, SEMS DANG MTSUNGS PA'I CHOS GZHAN GZUGS DANG RO LA SOGS PA DANG RID PA LA SOGS PAR

, ,MTHONG BA'I PHYIR RANG GI NGO BO GANG KHO NAS DE RNAMS KYI RTEN YIN PA DE KHO NAS SEMS KYI YAN LAG GZHAN DU NI MA YIN NO, ,RANG GI NGO BO THA DAD PAS DNGOS PO THA DAD PA YIN TE DE THA DAD PA NI DE'I MTSAN NYID YIN PA'I PHYIR RO, ,DE LTA YIN NA GZHAN GYI 'DOD PAR LTUNG BA YIN TE LUS LAS GZHAN PA DE'I RIGS DE'I RTEN NYID DU KHAS BLANGS PA'I PHYIR RO, ,THAL BAR MTSUNGS PA YIN ZHES BYA BA NI, SHI BA NYES PA MNYAM 'GYUR TSE, ,ZHES BYA BAS SHIN TU BSHAD PA YIN PA'I PHYIR ZLOS PA NYID MA YIN NO, ,DE NI SEMS LA SOGS PA'I DNGOS PO'O, ,'JIG PAR 'GYUR BA NI GZHAN MED NA DE NYE BAR GNOD PA MED NA YANG NGO, ,DE'I MED PAR YANG DE DANG MTHUN PA'I CHOS GZHAN MTHONG BA LAS SHES PA YIN NO, ,DE'I PHYIR SEMS LA NI GNAS PA'I RGYUR MNGON PAR 'DOD PA'I LUS LA SOGS PA RNAMS LA NUS PA MED PA YIN TE, SNGA ROL DU YANG DE YOD KYANG DE MED PA'I PHYIR ZHES BYA BA'I DON TO, ,'ON TE SHI BA'I GNAS SKABS NA YANG SEMS YOD PA KHO NA YIN TE GNAS PA'I RGYU MA NYAMS PAR YOD PA'I PHYIR RO, ,NAD LA SOGS PAS PHRA MO NYID DU 'GYUR BA 'BA' ZHIG NI MA DMIGS PA YIN LA RANG GI BYA BA MI BYED PA THAL BAR 'GYUR BA LA SOGS PA NA, DE'I RGYU LOG NA LDOG PA YIN NO SNYAM DU SEMS PA LA GNAS PA SGRUB PAR BYED PA'I RTEN YANG RTEN GZHAN GYIS MI GNOD PA'I PHYIR 'JIG PA MA YIN LA DE'I TSE YANG MI LDOG PAR 'GYUR BAR BSTAN PA NI, RTEN BCAS THAMS CAD GNAS LDAN DANG, ,ZHES BYA BA STE, RTEN LA NYE BAR GNOD PAS SAM RTEN LOG PAS BRTEN PA LDOG PA YIN LA DE YANG DE'I RTEN LA NYE BAR GNOD PAS SAM, RTEN LOG PAS DE YANG DE BZHIN DU YIN NO, ,MTHA'I RDUL PHRA RAB RNAMS KYI NYE BAR GNOD PA'AM 'JIG PA YANG MA YIN PA'I PHYIR SKYE BA CAN MA LUS PA'I RJES SU 'JUG BA KHO NAR THAL BAR 'GYUR RO ZHES BYA BA'I DON TO, ,GNAS PA DANG LDAN BA GANG YIN PA DE RTEN DANG BCAS PAR KHAS BLANGS PA YIN ZHES SBYAR BAR BYA STE, RTEN LA NYE BAR GNOD PA KHO NAR BYED PAR MI NUS SO ZHES BYA BA'I DON TO, ,TSIGS SU BCAD PA DANG POS NI DE YOD PAS SBYAR BA'I DE'I YOD PA MA YIN PAR BSTAN PA YIN LA, GNYIS PAS NI

DE'I MED PAS SBYAR BA'I DE'I MED PA MA YIN PAR RO, ,DE'I PHYIR GNAS PAR BYED PA'I SU PA MA YIN NO, ,DA LTAR NI GNAS BYA'I RANG GI NGO BO KHO NA 'JIG PA DANG 'JIG PA MA YIN PA'I BDAG NYID DU BRTAGS NAS GNAS PAR BYED PA'I NUS PA MI SRID PA YIN PAR BSTAN PA NI, GAL TE RANG 'JIG NGANG TSUL BDAG , CES BYA BA STE, 'JIG PA NYID NI SKAD CIG MA NYID MA YIN TE, 'JIG PA DNGOS CHOS NYID CES BSTAN PA'I PHYIR RO, ,'O NA CI ZHE NA DUS JI SRID PA YIN PA PHA ROL PO 'DOD PA'I PHYIR GANG YANG ZLOS PA MA YIN NO, ,'GREL PA MDZAD PAS NI 'DI RNAMS BSDU BA'I TSIGS SU BCAD PAS BSTAN PA YIN NO, , MAR ME LA SOGS PA RTEN YIN PA DANG, 'OD LA SOGS PA BRTEN PA YIN PAR 'DIS BSHAD PA YIN NO, ,GANG LA 'GRO BA'I GEGS SRID PA YIN YANG, 'BRAS BU DANG RGYU NYID MA GTOGS PA'I RTEN DANG RTEN CAN NYID MA YIN NA, DE LA SRID PA MED PA LTA CI SMOS, MAR ME DANG 'OD GNYIS PO 'DI NI DE'I 'AM GNYIS LAS 'BYUNG BA YIN GYI, PHAN TSUN PHAN PA BYED PA NI MA YIN NO ZHES BYA BA DE DAG TZAM NI TSAD MA'I YUL MA YIN NO, ,DE'I PHYIR, SEMS DANG LUS KYANG DE BZHIN NO, ,DE RGYU LHAN CIG BYED PA LAS, ,SKYE BA'I 'BRAS BU LHAN CIG GNAS, ,ME DANG ZANGS MA'I ZHU NYID BZHIN, ,ZHES BYA BA 'DI GRUB PA YIN NO, ,DE'I DUS SU MAR ME 'OD KYI RTEN YIN DU ZIN KYANG DE YOD NA YOD PA'I PHYIR TE DE SBRUL LA SOGS PA'I RNAM PAR 'GYUR BA YIN YANG DE LA BRTAN PA MA YIN TE, MAR ME MED NA DE YOD KYANG MED PA'I PHYIR TE, LUS NI SEMS KYI DE LTA MA YIN NO, ,LUS YOD KYANG MAR ME LA 'OD BZHIN DU SEMS MA YIN PA MA YIN NAM, SMRAS PA, LUS KYI PHUL BYUNG 'GRIB MED PAR, ,ZHES BYA BA STE, MA MTHONG BA TZAM YIN PA KHO NA LAS DE'I 'BRAS BU NYID 'BA' ZHIG NI MA YIN TE, MA BAG MAR LEN PA RIGS PA'I YUL DU BYUNG BA'I PANdI KHAR RDZUR MA BAG MAR LEN PAR RIGS PA NYID MED NA MA MTHONG BA YANG DE'I 'BRAS BU NYID DU MI SHES PA'I PHYIR RO, ,'O NA CI ZHE NA, DE'I BYA BA'I KHYAD PAR GYIS KHYAD PAR CAN YIN PA'I PHYIR RO ,DE LTA MOD KYI DE NYID LA THE TSOM ZA NA DE LA DPYOD PA NI SHES RAB YIN LA SHES RAB CAN YIN PA'I PHYIR DE NYID LAS RIG PA YIN ZHES BSTAN PAS SO, ,JI LTAR BZUNG BA

, ,RNAMS DE KHO NA BZHIN DU NYE BAR STON PA NI YID GZHUNGS PA YIN LA DE YANG BLO 'DI 'DZIN PA DANG DRAN PA'I NGO BO NYID YIN PA'I PHYIR RANG GI RIGS GOMS PA'I 'GRIB PA DANG PHUL DU BYUNG BA'I BDAG NYID KYI KHYAD PA CAN YIN NA 'GRIB PA DANG PHUL DU BYUNG BA DANG LDAN PAR 'GYUR RO, , LUS KYI KHYAD PAR GYI BSKYED BYA BLO MA YIN NAM, DE LTA YIN NA LUS MED NA MED PA'I PHYIR MAR ME LA BRTEN PA'I 'OD BZHIN DU DE LA BRTEN PA YIN PAR 'GYUR RO SNYAM DU SEMS PA LA, 'DI NI MAR ME'I 'OD LA SOGS, ,BRTEN PA RNAMS LA YOD MA YIN, ,ZHES BYA BA SMOS TE, 'OD NI MAR ME'I BYED PA'I DBYE BA'I RJES SU 'BRANG BAR BYED PAS DE NYID LA BRTEN PA YIN GYI GZHAN LA NI MA YIN NO, ,DE BZHIN DU BLO YANG SHES RAB LA SOGS PA'I NGO BO NI BLO'I BDE PA'I KHYAD PAR GYI RJES SU BYED PAS DE LA BRTEN PA KHO NAR SHES PA YIN GYI LUS LA BRTEN PA NI MA YIN TE, 'DI NI GZHAN LA MA BRTEN PA YIN NO, ,GAL TE DUS THA DAD PA'I BLO JI LTAR BLO GZHAN GYI RTEN YIN ZHE NA, BAG CHAGS KYI SGO NAS BLO PHYI MA LA NYE BA YIN PA'I PHYIR SKYON MED DO, ,DE'I DUS SU BYUNG BA'I SEMS LAS BYUNG BA LA NI SEMS DE NYID YOD PA YIN LA DE LTAR BSHAD PA NI, ,GANG ZHIG YOD PAS PHAN 'DOGS BYED, ,CES BYA BA 'DIS RTOGS PA'I DON YIN NO, ,DE LA YANG SEMS KHO NA SEMS GZHAN GYI RGYU YIN TE, DE'I BYA BA'I RJES SU 'BRANG PA'I PHYIR RO, ,LUS NI MA YIN NO ZHES BYA BA 'DI KHO NA DON YIN NO, ,DE'I PHYIR GZHAN DU BRJOD PA NI GAL TE DNGOS PO'I RGYUN DE LTAR SKYE BA NI RGYU DANG BCAS PA'I PHYIR RTEN YIN NA LUS KYANG SEMS KYI RGYU YIN PA'I PHYIR RTEN YIN PAR 'GYUR RO, ,DE RGYU NYID YIN PAR NI, DE RGYU LHAN CIG BYAD PA LAS, ,SKYE BA'I 'BRAS BU LHAN CIG GNAS, ,ZHES BYA BA 'DIS SMRAS PA YIN NO SNYAM DU SEMS PA LA, BLO YI BYED PA'I KHYAD PAR GYIS, ,ZHAS BYA BA SMOS TE, LUS KYI RGYU NI DE LA SRED BA DANG BCAS PA'I LAS KYI MING CAN SEMS KYI RGYU SEMS GZHAN RANG GI 'BRAS BU LA BYA BA BYED PA PO DANG LHAN CIG TU RANG GI 'BRAS BU LA BYA BA BYED PA PO YIN TE DE LA BRTEN PA YIN PA'I PHYIR RO, ,DE'I PHYIR LUS DANG LHAN CIG PA YIN GYI DES SAM DE'I RGYUS SEMS BYED PA LAS NI MA YIN NO, ,GANG GI

PHYIR SEMS NI SHES RAB LA SOGS PA YIN LA SEMS NYID KYI KHYAD PAR LA RANG GI KHYAD PAR GYI RJES SU BYED PA YIN GYI LUS LA SOGS PA NI MA YIN NO, ,DE'I PHYIR DE LA BRTEN PA KHO NA YIN GYI LUS LA SOGS PA LA BRTEN PA NI MA YIN NO, ,RI MO LA SOGS PA LA YANG SHES RAB LA SOGS PA'I SEMS KYI KHYAD PAR LA RANG GI KHYAD PAR GYI RJES SU BYED PA MA YIN NO, ,DE LA BRTEN PA YANG MA YIN TE RTZIG PA LA BRTEN PA'I PHYIR RO, ,DE BZHIN DU MAR ME LA MAR ME'I 'OD YIN NO, ,DE BZHIN DU SEMS KYANG SEMS GZHAN GYI RJES SU BYED PA NI LUS LA BRTEN PAR 'GYUR RO SNYAM DU SEMS PA LA 'DI NI MAR ME'I 'OD LA LA SOGS ZHES BYA BA SMOS TE; GAL TE YANG RI MO DANG MAR ME DANG MAR ME'I 'OD LA SOGS PA YANG SEMS KYI KHYAD PAR BYED PA YIN YANG DE BZHIN DU RTZIG PA LA SOGS PA LEGS BAR SBYANGS PA'I KHYAD PAR YANG YIN NO, ,LEGS PAR SBYAR BA'I RTZIG PA LA NI MKHAS PA YANG RI MO PHUN SUM TSOGS PA LA DBANG BYED PA MED DO, ,DE'I PHYIR SEMS KHO NA RTEN BYED PA NI MA YIN NO, ,SEMS NI JI SKAD BSTAN PA'I RIGS PAS SEMS GZHAN YIN GYI LUS NI MA YIN NO, ,BRTEN PA RNAMS LA ZHES BYA BA NI SEMS LAS THA DAD PAR RJES SU SGRUB PAR BYED PA NYID DU BSTAN PA YIN NO, ,GANG GI PHYIR GZHAN LA MI RTEN PA 'DI DE RNAMS LA YOD PA MA YIN TE DE NYID DU DMIGS PA'I PHYIR RO, ,DE MA YIN PA GZHAN DU YANG ZHES BYA BA NI MAR ME GZHAN LAS GZHAN PA NI BUM PA LA SOGS PA'O, ,BLO RTEN DU GYUR PA LA RTEN SHES RAB LA SOGS PA BRTEN PA YIN TE DE RNAMS RTEN DANG BRTEN CAN NYID YIN ZHES BYA BAR SBYAR RO, ,JI LTAR MAR ME LA BRTEN PA YIN YANG SBRUL GYIS 'OD RNAM PAR 'GYUR BA MA YIN NAM, LUS LA BRTEN PA'I SEMS KYANG SEMS KYI 'GYUR BAS 'GYUR BA YIN NO SNYAM DU SEMS PA NI, GAL TE MAR ME'I 'OD KYANG ZHES BYA'O, ,SPRUL LAS 'OD RNAM PAR 'GYUR BA YIN PAS, MAR ME'I 'GYUR BA RTOGS PA BZHIN DU SEMS 'GYUR BA LAS DE'I 'GYUR BAS LUS KYI 'GYUR BA RTOGS PA MA YIN PAR BSTAN PA NI, BLO'I BYED PA THA DAD PA'I ZHES BYA BA'O, ,BCUD KYIS LEN PA DANG BZA' BA'I KHYAD PAR NYE BAR MKHO BA LAS JI LTAR GOMS PA NYID KYI SHES RAB LA SOGS PA RNAMS BRJOD NAS DE LAS BZLOG PA LA SKYON BSTAN PA NI, BCUD

, ,KYIS LEN PA LA SOGS PAS ZHES BYA BA'O, ,'ON TE BLO TZAM NI BCUD KYIS LEN PA LA SOGS PA NYE BAR MKHO BA LAS BYAS PA'I LUS LAS 'BYUNG BA YIN PA, DE'I KHYAD PAR NI GOMS PA LAS YIN NO SNYAM DU SEMS PA LA, MNGON SUM DRAN PA MA GTOGS PA, ,ZHES BYA BA'O, ,DE BZHIN MNGON SPYOD PA ZHES BYA BA NI, DRAN PA'I RJES SU 'JUG PA MED KYANG ZHES BYA BA'I DON TO, ,SHES RAB DANG YID GZHUNGS PA DAG GI MTSAN NYID GZHAN BSTAN PA NI, SO SO SO SOR ZHES BYA BA STE, DE'I RIGS KYI DON YIN PAS TE GOMS PA'I BSKYED BYA'I KHYAD PAR GYI RIGS KYI DON LAS SO, ,DE LTAR 'GYUR NA DBANG PO'I RNAM SHES NI DBANG PO'I BDAG NYID KYI LUS KYI KHYAD PAR GYI RJES SU BYED PA YIN LA, DE LAS BYUNG BA NYID KYIS YID KYI RNAM SHES BSKYED PA YIN NO, ,DE'I PHYIR DE YANG BRGYUD PAS LUS LA BRTEN PA YIN LA DE LOG NA LDOG PAR 'GYUR BA NI DBANG PO'I RNAM SHES BZHIN DU 'JIG RTEN PHA ROL NI MA YIN NO SNYAM DU SEMS PA LA, DE LAS KYANG STE LUS LAS 'DI STE SEMS KYI KHYAD PAR GYI SEMS NYID LAS NI MA YIN NO ZHES BYA BA NI GZHAN GYI 'DOD PA YIN LA DE LTAR NA 'JIG RTEN PHA ROL NGES PA CAN DU MI 'GYUR RO, ,KYANG GI SGRA NI RANG KHO NA'I DON YANG YIN TE DES NA RANG KHO NA LAS ZHES BYA BA YIN NO, ,RE ZHIG YID GZHUNGS PA NI JI LTAR GZUNG BA DRAN PA YIN LA, 'DZIN PA YANG DBANG PO'I LAS YIN LA SHES RAB NI 'DZIN PA'AM DRAN PA YANG YIN RUNG THAMS CAD DU DE KHO NA LAS YIN LA GOMS PA NI DE SNGON DU 'GRO BAS 'JUG PA YIN ZHES BYA BA 'DI PHAN 'DOGS MED PAR MIN ZHES BYA BA DANG SBYAR RO, ,GANG GI TSE YIN ZHE NA, SEMS LA PHAN 'DOGS PA MED PA'I NGANG TSUL GANG GIS YIN PA DE'I TSE STE PHAN 'DOGS PA'I SEMS KHO NA LA DBANG PO'I SHES PA YANG YIN TE, SNGA MA'I RNAM SHES RNAM PAR G-YENG BA DANG CIG SHOS DAG LAS PHYI MA'I RNAM SHES RNAM PAR G-YENG BA DANG CIG SHOS MTHONG BA'I PHYIR RO, ,SNGA MA YANG DE BZHIN DU YIN LA DE LAS KYANG DE BZHIN YIN PA'I PHYIR 'JIG RTEN PHA ROL GRUB PA YIN NO, ,YANG NA DE LAS KYANG STE DBANG

PO'I NGO BO LUS LAS KHYAD PAR TE RNAM SHES NI GZUGS LA SOGS PA 'DZIN PA LA NGES PA'I NGO BO NI RJES SU BYED PA'I SEMS LA 'GYUR BA MIN PA KHO NA STE, SEMS DANG DBANG PO LA SOGS PA LAS RNAM PAR SHES PA'I KHYAD PAR DU 'GYUR BA YIN GYI GCIG LAS MA YIN TE, CHOS CAN MED PA'I PHYIR RO ZHES BYA BA'I DON TO, ,BLO DANG DBANG PO LA SOGS PA'I BSKYED BYAR MNGON PAR 'DOD PA'I KHYAD PAR YIN LA DE YANG DE LA GOMS PA'I KHYAD PAR LAS DBANG PO LA SOGS PA'I BYA BA LA YANG GNYID LOG PA LA SOGS PA DANG SAD PA LA YANG RI LA SOGS PA SNA TSOGS PAR 'GYUR LA SEMS LA NI PHAN 'DOGS PA MA YIN PAS GOMS PA'I SGO NAS DBANG PO LAS KYANG MI 'BYUNG LA PHAN PA BYED PA YIN NA DE LA DBANG PO YANG PHUL DU BYUNG BAR 'GYUR TE DE KHO NA LAS BYUNG BA'I PHYIR RO, ,NYE BAR MKHO BA'I BCUD KYIS LEN PA LAS SAM TING NGE 'DZIN GYI KHYAD PAR LAS NANG GI LUS KHYAD PAR CAN DU 'BYUNG BA MA YIN DU ZIN KYANG RGYAS PA LA SOGS PAS CHAGS PA LA SOGS PA DANG, SHES RAB LA SOGS PA YANG RUNG BA SNGA NA MED PA DE YOD NA 'BYUNG BA'I PHYIR DE'I BSKYED BYA NYID DU SHES PA MA YIN NAM, DE'I TSE BDE BA LA SOGS PA'I BSKYED BYA NYID KYIS SEMS KYI BSKYED BYA NYID KHO NA YIN NO ZHES ZER NA YANG LAN MA YIN TE, RANG GI RIGS GOMS PA LAS BYUNG BA NYID KYIS SEMS KYI BSKYED BYA NYID DU KHAS LEN PA YIN NA DE YANG YOD PA MA YIN NO, ,'DI LA BRJOD PA NI CHAGS SOGS 'PHEL BA ZHES BYA BA STE, BCUD KYIS LEN LA SOGS PAS RGYAS BA YIN NA, RGYAS PA'AM GZHAN GYIS KYANG CHAGS PA DANG, SHES RAB SOGS PA 'PHEL BA NI RES 'GA' YIN GYI THAMS CAD DU MA YIN TE, RGYAS PA YOD KYANG RES 'GA' 'BRAS BU MTHONG BA LAS DE'I SKYED PAR BYED PA'I RGYU RTOGS PA MTHONG BA'I PHYIR DE RANG GI RIGS GOMS PA KHO NA CHAGS PA DANG SHES RAB LA SOGS PA RTOGS PA YIN LA, RANG GI RIGS GOMS PA YANG BCUD KYIS LEN LA SOGS PAS BSKYED PA'I 'BYUNG BA'I KHYAD PAR 'DZIN PAR BYED PA'I BDE BA LA SOGS PA'I DBANG GIS SHES RAB LA SOGS PA'I NGO BOS BAG

, ,CHAGS SAD PA YIN PA'I PHYIR DE TZAM GYI BSKYED BYA NYID YIN NA THAMS CAD DE RTEN PAR BYE BRAG MED PAR 'GYUR RO, ,'DIS NI SMAN GYI BYE BRAG LAS NAD ZHI BA LA SOGS PA'I 'BRAS BU RES 'GA' BA NI MA MTHONG BA'I RGYU GZHAN GO BAR BYED PAR BSHAD PA YIN TE 'BRAS BU THAMS CAD DE TZAM LAS YIN PAR MI SRID PA'I PHYIR RGYU GZHAN DU RTOGS PAR BYED PA YIN NO, ,YANG NA BCUD KYIS LEN PA LA SOGS PAS 'BYUNG BA'I KHYAD PAR NANG GI REG BYA'I NGO BO SKYE BA YIN LA PHYI ROL BZHIN DU SHES PA LA YANG BAG CHAGS SAD PA'I DBANG GIS BDE BA LA SOGS PA 'BYUNG BA NA CHAGS PA DANG SHES RAB LA SOGS PA NI RANG GI SA BON SMIN PA LAS BYUNG BA MA YIN PA'I PHYIR KHAMS MNYAM PA LA SOGS PA'I RGYAS PA LA SOGS PA NYID KYI RGYU MTSAN NI DE YIN NO, ,NANG GI REG BYA DE YANG REG PA'I DBANG PO LAS SKYES PA'I SHES PA BZUNG BA YIN LA DE LAS KYANG BDE BA LA SOGS PA DE NYID YIN NO, ,DON NI DMIGS PA YIN LA DE LOG KYANG SHES PA LDOG PA MA YIN NO, ,RTEN YIN NO ZHE NA, DON GYI SGO NAS 'GYUR BA YIN, ,ZHES BYA BA DAR GO BAR BYED PA KHO NA YIN NO, ,DE YANG KHAMS MNYAM PA LA SOGS PA ZHES BYA BA'I SOGS PA'I SGRAS MI MNYAM PA YIN LA NGES KYANG RANG GI SHES PA YIN ZHING DE LAS KYANG SDUG BSNGAL YIN TE DE'I BAG CHAGS SAD PA'I LAS DE KHO NA MI MNYAM PA'I 'DZIN BYED YIN LA 'DZIN BYED KYANG THAMS CAD SNGAR GOMS PA KHO NA LAS 'BYUNG BA YIN LA DBANG PO NI DE'I RJES SU 'JUG PAR BYED PA YIN TE, YUL 'DZIN PA LA SO SOR NGES PA TZAM GYIS BYA BA YIN PA'I PHYIR ZHES BYA BA LA SOGS PAR SBYAR BAR BYA'O, ,RANG GI SDUG BSNGAL LAS RJES SU DPAG PA LAS GZHAN SDUG BSNGAL BA YIN PAR SHUGS KYIS GO PA YIN LA, DE'I PHYIR GZHI LA RGYU NI ZHE SDANG PHYIR GZHIL PA'I RGYU YIN NO, ,PHYI ROL GYI CHES YID DU 'ONG PA'I YUL NA DMIGS PA NA NANG GI DON NYE BA LAS BDE BA SKYE BA MA YIN NAM, DE DE LA DMIGS PA NI MA YIN NO, ,BDEN TE RTEN KHO NA DE 'DI'I YIN PAR BSTAN PA NI, GANG GI TSE ZHES BYA BA'O, ,GANG GI TSE DMIGS PA DE'I TSE RTEN MA YIN PAR BSTAN PA NI, DE LOG PAS LDOG PA YANG MA YIN NO ZHES BYA BA'O, ,'DUS PA LA SOGS PA MI MNYAM PA NI KHYAD PAR

NYID YIN LA DE NAS NI REG PA'I BSKYED PA DE'I SHES PA YIN LA DE LAS KYANG BAG CHAGS SAD PA LAS SAM, GTI MUG LA SOGS PA KHO NA LAS SAM, REG PA'I DBANG PO LAS 'DUS PA'I YUL 'DZIN PAR BYED PA NI, RI MO DANG GLUR BYA BA LA SOGS PA'I DRAN SHES BZHIN DU, GOMS PA LAS BYUNG BA YIN ZHES BYA BA LA SOGS PA DANG SBYAR BAR BYA BA YIN PAR BSTAN PA NI, 'DIS NI 'DUS PA LA SOGS PAS ZHES BYA BA STE, 'DUS PA LA SOGS PA'I SGRAS BZUNG BA'I PHYIR BCUD KYIS LEN LA SOGS PA DRAN PA NYAMS PA LA SOGS PA'I SGRUB BYED YIN PAR BSHAD PA NI, DER YANG ZHES BYA BA STE, BCUD KYIS LEN LA SOGS PA'I DBANG GIS NANG GI DON KHAMS MNYAM PA LA SOGS PA'I NGO BOR DMIGS PA'O, ,'DI SU ZHIG CE NA, BAG CHAGS LAS BYUNG BA'I DRAN PA NYAMS PA NI, RANG DANG GZHAN GYI RNAM PAR DBYE BA MI SHES PA'O, ,LUS KYI RNAM PAR 'GYUR BA NI, NANG GI 'BYUNG BA YONGS SU 'GYUR PA'O, ,MA YIN NO ZHES BYA BA NI RTEN NYID DGAG PA'O, ,JI LTAR MIG LA SOGS PA ZHES BYA BA NI MI MNYAM PA'I DPE'O, ,THAMS CAD RGYU YIN PAR THAL LO ZHES BYA BA NI SNGON GYI GOMS PA SAD PAR BYED PA NYID KHAS MI LEN NA THAMS CAD KYI BYED PA PO SHES RAB LA SOGS PA THAMS CAD DU BYED PAR 'GYUR RO ZHES BYA BA'I DON TO, ,DE BZHIN DU ZHES BYA BA NI GNAS SKABS KYI NYE BAR BSDU BA YIN NO, ,BZUNG BA'I DNGOS PO YANG BDE BA DANG RMONGS PA LA SOGS PA SKYED PAR BYED PAR MTHONG BA KHO NA YIN PAR BSTAN PA NI, DPER RGYUD KHYAD PAR LA LA LA ZHES BYA BA'O, ,PHAN PA BYED PA'I SEMS KHO NA LA SEMS KYI DBANG PO LAS SAM GOMS PA LAS KHYAD PAR YIN PAR NI BDEN NA, DE NI MA LA SOGS PA'I RGYUD LAS DANG PO SKYES PA NI PHYI MA PHYI MA'I RGYUR 'GYUR BA LAS GOMS PA LAS SAM DBANG PO LAS KHYAD PAR DU 'GYUR RO, ,GANG LA YANG DANG PO NYID DU KHYAD PAR CAN GYI SHES RAB LA SOGS PA'AM NGA RGYAL DANG BCAS PA'I YID KYI RNAM SHES YIN LA, DE LA YANG MA LA SOGS PA GOMS PA KHO NA RGYU YIN TE, DE NI DE MED NA MES PO'I YIN LA DE'I YANG DE MED NA YANG MES KYI YIN PAR RTOGS PAR BYA BA YIN TE, THAG RING BA LA RGYU YIN PA SNGON PO'I SHES PA'I SER PO'I SHES PA LA SOGS PA

, ,THAG RING PO SNGON PO'I SHES PA BZHIN DU 'DOD PA KHO NA YIN NO, ,DROD GSHER LAS SKYES PA MA LA SOGS PA MED PA'I PHYIR JI LTAR YIN NA ZHES BYA BA 'DI NI KHYED LA YANG MTSUNGS SO, ,LUS GZHAN LA YOD PA RANG GI RGYUD KYIS BSKYED PA YIN NO ZHE NA YANG BDAG GI YANG DE KHO NA YIN PA'I PHYIR BYE BRAG MED DO ZHES SNYAM DU SEMS PA LA, DE PHYIR NGES PAR GANG NYID KYI, ,ZHES BYA BA STE, DE'I PHYIR SEMS LUS LA BRTEN PA MA YIN TE, DE'I KHYAD PAR RJES SU 'JUG PA MA YIN PA'I PHYIR RO, ,DE'I NYID KYI PHYIR RGYUD GZHAN GYI SEMS LA BRTEN PA MA YIN NO, ,GANG GI PHYIR DE'I KHYAD PAR YANG NGES PAS RJES SU 'JUG PA MA YIN NO, ,DE BZHIN DU RGYUD GCIG LA BYIS PA'I NYAMS SU MYONG BA LANG TSO LA SOGS PA NA LUS THA DAD KYANG DRAN PA YIN GYI DE'I THA DAD PA DANG THA DAD PA MA YIN PA DAG NI JI SKAD BSTAN PA'I RIGS PAS SEMS LA PHAN 'DOGS PAR BYED PA MA YIN NO, ,RGYUD GZHAN GYI SEMS KYI BSKYED BYA'I 'DU BYED PA'I RJES SU 'BRANG PAS DER NYAMS SU MYONG BA LANG TSO LA SOGS PA'I GNAS SKABS SU NYAMS SU MYONG BA BZHIN DRAN PA DANG GNYID LOG PA LA SOGS PA'I GNAS SKABS KYI LUS KYI DBYE BA NYAMS SU MYONG BA LTA BU'O, ,SKYE BA'I DANG POR RANG NYID RGYUD KYI 'DU BYED PA RJES SU 'JUG PA YANG MED PA NYID MA YIN NAM, DER NYAMS SU MYONG BA YANG MI DRAN PA'I PHYIR RO, ,MNGAL GYI GNAS SU KHYAD PAR CAN GYI SDUG BSNGAL GYI 'DU BYED PA NYID NYAMS PA'I PHYIR DE'I TSE MI DRAN PA YIN LA 'DI LA NI DE MI SRID PA YIN NO, ,'DI LA YANG GANG NYID KYI ZHES BYA BA NGES PA'I DON LA NYID KYI SGRA YIN NO, ,GANG KHO NA TSIG BRJOD PA DE'I KHO NA RTOG GI NGAN PA BZHIN DU NGES PAS ZHES RJES SU 'JUG PA'I KHYAD PAR CAN GYI DE YANG MA YIN PA LAS LOG PA'I TSIG YIN NO, ,YANG NA BSGOM PAR BSTAN PA'I 'DU BYED GANG GI RGYUD YIN PA'I BSGOM PA LAS SEMS KYANG RJES SU 'JUG PAR BYED PA DE'I KHYAD PAR GYI KHYAD PAR CAN NYID KYIS YIN GYI MKHAS PA'I RGYUD KYIS GOMS PA LA DE'I SEMS BZHIN DU BU'I SEMS KYANG RJES SU 'JUG PA MA YIN TE, RES 'GA' BA'I RJES SU 'JUG PA CIG SHOS KYI 'DU BYED PA 'BYUNG BA BKAG PA MA YIN PA NI DE'I 'DU BYED PA'I BSKYED BYA'I BDAG

NYID DU NGES PAR BYED PA MA YIN NO, ,DE'I PHYIR MA LA SOGS PA'I SEMS KYANG LUS BZHIN DU RTEN MA YIN TE, DE LA KHYAD PAR MED KYANG KHYAD PAR YOD PA'I PHYIR RO ZHES BSTAN PA NI, BLO YI BYED PA'I KHYAD PAR GYIS, ,ZHES BYA BA'O, ,DE'I PHYIR NGES PA GANG NYID KYI, 'DU BYED CES BYA BA NI DE'I KHYAD PAR LA YANG KHYAD PAR YIN PA'I PHYIR ZHES BYA BA'O, ,SNGON PO LA SOGS PA DANG BDE BA LA SOGS PA'I SHES PA BZHIN DU 'AM BKRES PA LA SOGS PA BZHIN DU THAG RING PO'I GOMS PA LAS BYUNG BA NYID YIN NA'ANG SEMS PA LA SOGS PA'I GOMS PA'I BSKYED BYA NYID DU SHES PA NI MA YIN TE, PHA'I GOMS PA YIN NA YANG BU'I NI DE LAS BZLOG PA YIN PA'I PHYIR RO, ,RJES SU DPAG PA YANG GOMS PA TZAM LAS MTHONG BA'I PHYIR RANG GOMS PA KHO NAR GNAS PA YIN NO, ,SNGON PO LA SOGS PA'I SHES PA DANG BKRES PA LA SOGS PA RNAMS KYANG 'DI KHO NAR RTOGS PA YIN TE, DE RNAMS KYI RGYU YANG BDAG NYID GOMS PA PA KHO NA YIN PA'I PHYIR RO, ,MES PA'I GOMS PA KHO NA GOMS PA YANG MA YIN TE, MES PO GSON PA NA YANG DE'I GOMS PA'I KHYAD PAR GYIS, 'DI'I SEMS KHYAD PAR DU MA MTHONG PA'I PHYIR RO, ,RANG GI GOMS PA NI KHYAD PAR GYI RGYUR LA LAR MTHONG BA YIN NO, ,YANG NA LUS BZHIN DU GZHAN GYI SEMS KYANG RTEN MA YIN TE DE LA KHYAD PAR MED KYANG RANG GOMS PA'I KHYAD PAR GYIS KHYAD PAR MA YIN PA'I PHYIR RO, ,BLO'I BYED PA'I KHYAD PAR GYIS ZHES BYA BA NI 'DI KHO NAS BSTAN PA YIN PAR RGYUD GCIG LA YANG BLO RNAMS MTSUNGS PA'I PHYIR RO ZHES LHAG PAR BSTAN PA NI, DE'I PHYIR NGES PA GANG NYID KYIS, ,ZHES BYA BA STE, GANG DANG GANG GI SEMS DANG SEMS GANG DANG GANG YIN PAR SNGON PO LA SOGS PA NYID DU 'DU BYED KYI RJES SU 'JUG PA DE DANG DE NI DE DANG DE NI DE'I RTEN YIN TE, THAMS CAD KYI THAMS CAD NI MA YIN NO ZHES BYA BA'I DON TO, ,GANG GI PHYIR LUS DANG GZHAN GYI SEMS DANG SEMS GZHAN RNAMS LA BYE BRAG MED KYANG KHYAD PAR CAN GYI SEMS GANG PHUL DU BYUNG NA GANG PHUL DU BYUNG BAR 'GRO BA DE NI DE LA BRTEN PA YIN ZHES NYE BAR BSDU BA NI, DE'I PHYIR SEMS LA BRTEN PA YIN ZHES BYA BA'O, ,DE'I PHYIR SEMS LA BRTEN PA YIN NO ZHES BYA BAR RNAM PAR

, ,'GREL PA NI, DE PHYIR SEMS NYID LOG NA SEMS LDOG GO ZHES BYA BA'O, ,GONG DU LUS DE DANG DE LA BRTEN PA DANG DBANG PO TZAM LA BRTEN PA NYID KYANG BKAG PA YIN LA GAL TE DBANG PO LA SOGS PA ZHES BYA BA LA SOGS PAS NI DBANG PO'I SHES PA NYID KYIS BRGYUD PA YIN NO ZHES BYA BA NI KHYAD PAR YIN NO, ,BRGYUD PAS 'BYUNG BA DNGOS SU 'BYUNG BA KHO NA YIN TE DE NYID DU NGO SHES PA'I PHYIR RO ZHES ZER BA NI, ME GZHAN DANG GZHAN LAS ZHES BYA BA STE, SNGA NA MED PA NI PHYI MA'O, ,MA YIN TE ZHES BYA BA NI RGOL BA LA SEL BAR BYED PA YIN TE DBANG PO'I SHES PA MA GTOGS PAR YID KYI RGYAL SRID DANG DBANG PHYUG DANG GTZO BO LA SOGS PA'I NGA RGYAL DANG BCAS PA'I RANG RIG PA'I RTOG PA RAB 'BYAMS DGAG PAR MI NUS SO, ,DON YUL MA YIN PA'I PHYIR SEL BA'I YUL LA YIN TE, RUNG BA PO RNAMS KYIS MA SHES PA RANG GIS SHES PA'I PHYIR SHES PA TZAM NI SNGA MA SNGA MA LAS BYUNG BA NYID KYI PHYIR 'JIG RTEN PHA ROL PO YIN NO ZHES BYA BA'I DON TO, ,DU BA'I BSKYED BYA KHO NA DE NYID DU GTOGS PA'I PHYIR ME'I BSKYED BYA YIN NO ZHES BYA BA LA, DU BA ME LAS CI 'DRA BA ZHES BYA BA STE, YID NI SHES RAB LA SOGS PA'O, ,THAMS CAD LA KHYAB PA ZHES BYA BA NI, RANG RIG PA TZAM LAS BYUNG BA'I PHYIR RO, ,ME'I BSKYED BYA YIN PA'I DU BA NI RGYUN YIN LA SHES RAB LA SOGS PA YANG LUS KYI BSKYED BYA YIN PAS RGYUN YIN PAR 'GYUR RO SNYAM DU SEMS PA LA, DU BA NI ZHES BYA BA SMOS TE, ME'I BSKYED BYA'I DU BA BZHIN DU LUS KYI BSKYED BYA SHES RAB LA SOGS PA'I RGYUN MA YIN TE, 'ON KYANG GOMS PA'I BSKYED BYA NYID DO, ,DBANG PO'I SHES PA'I BSKYED BYA NYID KYI RNAM SHES YIN DU ZIN KYANG DBANG PO NYID LAS DBANG PO'I RNAM SHES NI MA YIN NO, ,'O NA CI ZHE NA, SNGA MA PA'I RNAM SHES NYID LAS YIN TE DE'I BYA BA'I RJES SU BYED PA'I PHYIR YIN LA, DBANG PO NI NGES PA TZAM GYIS DE'I RJES SU 'JUG PAR BYED PA YIN PAR BSTAN PA NI, GAL TE RNAM SHES 'GA' ZHIG NI, ,ZHES BYA BA'O, ,RNAM SHES SNGA MA'I BYA BA DANG RJES SU MTHUN PA NYID YANG STE, DBANG PO DANG SNANG BA DANG YUL TZAM NYID LAS DE SKYE BA YIN YANG MA NGES PA'I PHYIR MA SKYES PA BZHIN DU THA SNYAD BYED PA MA YIN NAM, JI LTAR SNGON PO'I RNAM PAR RIG PA YANG MA NGES PA'I PHYIR SNGON PO ZHES

BRJOD PA MA YIN LA NGES PAR YIN NA NI DE LTAR 'GYUR RO SNYAM DU SEMS PA NI, DE NI SKYES MOD KYI ZHES BYA BA'O, ,DE LTAR NA THAMS CAD DU RIG PA MED PA NI NGES PA MED PA KHO NA'I PHYIR ZHES THA SNYAD DU BYED PA YIN GYI, RANG MED PAS NI MA YIN PA DE LTA MIN NA, RIG PA LA THE TSOM ZA BAS 'GAR YANG BUM PA LA SOGS PA MED PAR MI 'GYUR BAR BSTAN PA NI, GAL TE RNAM SHES ZHES BYA BA STE, DE YANG ZHES BYA BA NI RNAM SHES SO, ,DE ZHES BYA BA NI NGES PA'I RGYU RIG PA'O, ,DE BZHIN DU RIG PA'I RGYU DBANG PO LA SOGS PA NYAMS PA YIN NO, ,DE DE LTAR SNGA MA'I RNAM SHES DANG LHAN CIG PA'I DBANG PO NI RANG GI SHES PA'I RGYU YIN PAR BSTAN NAS DA LTAR NI SNGA MA'I RNAM SHES NYID LAS 'DIR 'BYUNG BA YIN PA'I PHYIR DBANG PO'I RGYU MA YIN PAR BSTAN PA NI, GOMS PA'I STOBS LAS BYUNG BA YIN ZHES BYA BA STE MI 'KHRUL BA NYID NI MI SLU BA YIN TE, DON YOD PA'I PHYIR DANG, 'KHRUL PA NYID LA NI DE MED PA'I PHYIR DBANG PO YOD PA DANG MED PAS BYAS PA NI MA YIN TE, DBANG PO YOD KYANG RAB RIB CAN GYIS SLU BA YOD PA'I PHYIR RO ZHES BSTAN PA NI, DON YOD PA DANG MED PA LAS ZHES BYA BA STE SAD PA ZHES BYA BA NI DBANG PO 'DI'I KHYAD PAR RO, ,GNYID LOG PA'I DBANG PO NI GOMS PA LAS BYUNG BA YIN YANG SAD PA NI MA YIN PA MA YIN NAM, RANG GI RGYU MED PA'I PHYIR RO SNYAM DU SEMS PA LA, 'BRAS BU DBANG PO THA MI DAD PA'I PHYIR DANG, GOMS PA'I BSKYED BYA'I KHYAD PAR NYID NI SAD PA'I DBANG PO LA YANG YOD PA'I PHYIR GOMS PA'I BSKYED BYA NYID KHO NA YIN PAR BSTAN PA NI, 'BRAS DNGOS ZHES BYA BA STE, GOMS PA LAS BYUNG BA'I DBANG PO LA NI MA LA SOGS PA'I RGYU LHAN CIG BYED PA YIN ZHES BYA BA'I DON TO, ,RNAM SHES 'BA' ZHIG NI MA YIN TE, DBANG PO YANG GOMS PA'I BSKYED BYA YIN PA'I PHYIR, RNAM SHES KYI BSKYED BYA YIN PAR NYE BAR BSDU PA NI, DES NA DBANG PO NYID CES BYA BA'O, ,DE YANG 'DI LTAR SEMS 'BYUNG BA LA BRTEN PA NYID KYI 'JIG RTEN PHA ROL PO MA YIN PA'I SEMS KYI RTEN NYID DU SGRUB PA LA GTAN TSIGS DBANG PO'I BSKYED BYA NYID MA GRUB PA YIN LA 'GAL BAR YANG BSTAN NAS DA NI SKYE BA SNGA MA PA'I RANG GI

, ,SEMS RTEN NYID DU SGRUB PA LA, 'DU BYED PA TZAM GYI RJES SU BYED PA CAN NYID NI MA NGES PA YIN TE, SKYE BA 'DI PA TZAM LA SOGS PA'I SEMS KYI RTEN NYID LA YANG YOD PA'I PHYIR LA DE'I 'DU BYED PA'I RJES SU BYED PA CAN NYID DU MA GRUB PAR BSTAN PA NI, 'JIG RTEN PHA ROL PO'I ZHES BYA BA'O, ,DE'I 'DU BYED PA'I RJES SU 'JUG PA NYID GTAN TSIGS YIN PAS MA GRUB PA YANG MA YIN TE, NGES BAS SEMS KYI 'DU BYED PA'I RJES SU 'JUG PA'I PHYIR MTHONG BA YIN PAR BSTAN PA NI, PHA DANG MA YI RANG BZHIN GYIS, ,ZHES BYA BA'O, ,DE 'GYUR YANG ZHES BYA BA 'DI LAS BZLOG PA'I SKYON BSTAN PA NI GAL TE DE'I ZHES BYA BA'O, ,PHA DANG MA'I SEMS KYI 'DU BYED PA 'BA' ZHIG LAS NI BU'I SEMS KYI 'DU BYED PA MA YIN PA MA YIN NAM, DE LTA MOD KYI DER SGRO 'DOGS PAR BYED PA'I LHAN CIG BYED PA LAS YIN NO, ,JI LTAR DE DAG NYID DE LAS GZHAN PA'I LHAN CIG BYED PA LAS YIN NO SNYAM DU SEMS PA NI, 'ON TE JI LTAR ZHES BYA BA STE, DE DAG GI 'DU BYED PA GANG YIN PA DER SGRO 'DOGS PA 'DON PA PO'AM 'CHAD PA PO LHAN CIG BYED PA'I RGYU GANG YIN PA DE DE'I RANG BZHIN NYID NI, DE STE PHA DANG, DE'I STE MA DANG 'BREL PA CAN DU 'GYUR RO, ,'DON PA PO NI MA LA SOGS PA'I LHAN CIG BYED PA'I RGYU YIN TE DE'I NGO BO NYID KYIS NI MA YIN NO ZHE NA MA YIN TE, DE YANG DE'I RGYU YIN PAR BYE BRAG MED PA'I PHYIR RO ZHES BYA BA'I DON TO, ,'DU BYED PA YANG ZHES BYA BA NI, 'DON PA BOS RAG LAS PAR BYA BA LA'O, ,RES 'GA' NI MNGON PA 'DOD PA MED NA'O, ,DE RNAM PAR 'GYUR BA MED KYANG 'GYUR BA, ,ZHES BYA BA'I RNAM PAR 'GREL PA NI, DE LTA MA YIN PAR ZHES BYA BA'O, ,MA LA SOGS PA'I RANG BZHIN GYI RJES SU 'JUG PA MA YIN DU ZIN KYANG MKHAN PO'I 'DU BYAD PA'I RJES SU 'JUG PA YANG RANG GI 'DU BYED PA'I RJES SU 'JUG PA LA 'GAL BA MED PA KHO NA YIN NO SNYAM DU SEMS PA NI, MKHAN PO'I ZHES BYA BA'O, ,RANG GI RNAM SHES SNGON DU 'GRO BA MNGON PAR 'DOD PA'I KHYAD PAR KHO NA LAS DE 'BYUNG BA'I PHYIR SKYON MED PA YIN PAR BSTAN PA NI, MA YIN TE, DE MED NA ZHES BYA BA'O, ,DE RNAM PAR 'GYUR BA MED KYANG 'GYUR BA'I PHYIR ZHAS BYA BA 'DI NI 'JIG RTEN PHA ROL SGRUB PAR BYED PA'I MCHOG

YIN PAR BSTAN PA NI, DES NA 'JIG RTEN PHA ROL MED PAR NI ZHES BYA BA'O, ,'DU BYED RJES SU 'JUG CES BYA BA NI, PHA'I'O ZHES BYA BA LA LTOS PA YIN NO, ,CI LAS SHES SHE NA, PHA'I RANG BZHIN RJES SU 'JUG PAR ZHES BYA BA'O, ,'ON TE JI LTAR ZHES BYA BA 'DI RES 'GA' ZHES BYA BA LA LTOS PA YIN TE DE RGYU MA YIN NA RES 'GA' YANG MI 'BYUNG NGO ZHES BYA BA'I DON TO, ,DE BZHIN DU RGYU DE'I 'BRAS BU GZHAN LAS KYANG JI LTAR 'BYUNG BAR BSTAN PA NI PHA'I RANG BZHIN THAMS CAD CES BYA BA'O, ,RANG GI SEMS KYI BSKYED BYA KHO NA YIN NA, JI LTAR RES 'GA' PHA'I RANG BZHIN GYI RJES SU 'JUG PAR BYED CES PA SEL BA BSTAN PA NI, DE'I RANG BZHIN ZHES BYA BA STE PHA'I RANG BZHIN NO, ,DE'I PHYIR SEMS CAN THAMS CAD RANG GI RGYUD KHO NA'I 'DU BYED PA'I RJES SU 'JUG PA YIN GYI GZHAN NI MA YIN NO ZHES BSTAN PA YIN NO, ,DE SKAD DU YANG DE'I PHYIR NGES PAR BDAG NYID KYI 'DU BYED KYI NI RJES SU 'JUG PA ZHES GSUNGS PA'O, ,'DI KHO NAS RANG GI RGYUD KYI 'DU BYED PA'I RJES SU 'JUG PA'I NGES PAS RNAM SHES GCIG SROG CHAGS THAMS CAD KYI RNAM SHES RNAMS KYI SKYE GNAS YIN NO ZHES MA LA SOGS PA'I RNAM SHES BZHIN DU GSAL BA YIN PAR BSTAN PA NI, 'ON TE JI LTAR ZHES BYA BA'O, ,GAL TE 'DU BYED PA'I RJES SU 'JUG PA YIN NA BDAG NYID THAMS CAD KYIS 'GYUR GRANG NA DE'I RANG BZHIN BZHIN DU CIG SHOS KYANG MI 'GYUR BAR BSTAN PA NI, 'JIG RTEN PHA ROL TU SMRA BA LA YANG ZHES BYA BA'O, ,SNGON GYI 'DU BYED PA'I RJES SU BYED PA'I MNGON PAR 'DOD PA'I KHYAD PAR LA SOGS PA RE ZHIG RJES SU 'JUG PA YIN LA, DES DE'I BSKYED BYA YIN PAR SHES PAS RANG BZHIN GZHAN GYI RJES SU 'JUG PA LA RGYU MTSAN GZHAN YIN PAR BRTAG PAR BYA BA YIN PAR BSTAN PA NI MA YIN TE, RNAM PAR G-YENG BA'AM ZHES BYA BA STE, MA LA SOGS PA DANG RGYUD GCIG YIN NA RU'I RANG GI NYAMS SU MYONG BA'I NYAMS SU MYONG BA DRAN PA NI DE'I LUS LA YANG 'GYUR RO ZHES DE'I RGYUD NYID LA 'BRAS BU MED PAR BSTAN PA NI, DE NYID KYI LUS BZHIN DU CES BYA BA'O, ,DUG GI SRIN BU BZHIN NO ZHES BYA BA NI, PHA ROL PO'I BSAM PA'I DPE YIN LA DE'I NI SEMS THAMS CAD DE KHO

, ,NA'I TSE 'BYUNG BA YIN GYI SKYE BA GZHAN LA NI DE 'BYUNG BA MA YIN NO ZHES BYA BA'I DON TO, ,BYIS PA NYID LA 'BRAS BU'I KHYAD PAR MED PAS SEMS GSAL POR MA GYUR PA YIN LA DE KHYAD PAR YIN NA NI, LANG TSO LA SOGS PA NA GSAL POR 'GYUR BA MA YIN NAM BZA' BA'I KHYAD PAR LAS 'BYUNG BA CHEN PO KHYAD PAR SKYE BA'I PHYIR LUS KYI KHYAD PAR LAS KHYAD PAR YANG MA YIN TE, BCUD KYIS LEN BZHIN DU 'BYUNG BA'I KHYAD PAR GYIS BSKYED PA'I BDE BA'I REG PA'I KHYAD PAR GYIS BAG CHAGS KYI KHYAD PAR SAD PA LAS SEMS KYI KHYAD PAR 'BYUNG BAR MNGON PAR BRJOD PA'I PHYIR, 'GA' CHO CHAGS SOGS RGYAS SOGS KYIS, ,'PHEL PA BDE SDUG LAS SKYES YIN, ,ZHES GSUNGS PAS SO, ,DE'I PHYIR BZA' BA'I BYE BRAG MED KYANG LUS YONGS SU GYUR PA'I KHYAD PAR KHO NA LAS BLO'I KHYAD PAR SKYE BAR MTHONG BA'I PHYIR, DE'I BSKYED BYA YIN PA NI GOMS PAS KHYAD PAR DU YIN YIN NO SNYAM DU SEMS PA LA JI LTAR THOS SOGS KYI YUL DU BYED PA NI GOMS PA'O, ,SEMS LA BYAS PA NI SHES RAB LA SOGS PA'I SEMS KYI BDAG NYID KYIS GSAL BAR BYED PA YIN LA DE BZHIN DU LUS KYI BDAG NYID KYIS KYANG GSAL BAR 'GYUR TE, DE'I RJES SU 'BRANG BA'I SEMS LAS THA DAD PA MED PA'I PHYIR DBYE BA PHUL DU BYUNG BA LAS BYUNG BA'I SHES PA LA GOMS PA LAS 'BYUNG BA THA DAD PA MA YIN NO, ,DE'I PHYIR DE YANG DE BZHIN DU LUS PHUL DU BYUNG BA'I RJES SU BYED PA KHO NAR 'GYUR BA YIN GYI BYIS PA NYID LA SOGS PA LA NI MA YIN TE, GOMS PAS PHUL DU BYUNG BA MED PA'I PHYIR RO, ,'ON TE SEMS TZAM NI LUS LAS YIN LA GOMS PA LAS NI DE'I KHYAD PAR YIN NO, ,MA YIN TE, KHYAD PAR LAS GZHAN PA'I DE TZAM NI MA MTHONG PA'I PHYIR DANG KHYAD PAR THAMS CAD KYANG GOMS PA LAS BYUNG BA'I PHYIR, LUS LAS BYUNG BA MA YIN PA NYID KYI SHES PA KHO NA YIN TE, GOMS PA'I BSKYED BYAR MNGON PAR 'DOD PA LAS 'DI KHYAD PAR MED PA'I PHYIR RO, ,YON TAN ZHES BYA BA NI GZHAN GYI 'DOD PAS YON TAN NYID DU MNGON PAR 'DOD PA YANG DE BZHIN DU 'GYUR RO ZHES BYA BA'I DON TO, ,'GREL PA MDZAD PAS NI SEMS BZHIN DU LUS KYANG GSAL BAR 'GYUR BA STE

DMIGS PAR 'GYUR BA NI LUS LA THA MI DAD PA'I PHYIR TE YON TAN NYID KYIS DE'I DMIGS PA YIN NA, GZUGS LA SOGS PA BZHIN DU DMIGS BAR 'GYUR BA ZHIG NA DMIGS PA NI MA YIN NO, ,DE'I PHYIR LUS NYID BLO MA YIN NO ZHES BSTAN PA YIN NO, ,JI LTAR THOS SOGS 'DU BYED PA, ,SEMS LA BYAS BA ZHES BYA BA 'DIS NI BLO'I KHYAD PAR THE TSOM GYI YUL YIN PAR BSTAN PA NI THA DAD PA SGRUB PAR BYED PA YIN NO, ,DE YANG DE GRUB NA YANG BLO'I KHYAD PAR LA THE TSOM ZA BA'I PHYIR RO ZHES SMOS SO, ,DNGOS PO GRUB KYANG MI RTAG PA NYID DU MA GRUB PA MA YIN NAM, MA YIN TE, SNGA MA DANG PHYI MA'I RNAM PAR DBYE BA DANG BRAL BA'I DNGOS PO DMIGS PA KHO NA MI RTAG PA NYID MNGON BAR BRJOD PA'I PHYIR RO, ,DE LTAR LUS RIG PAS GZUGS LA SOGS PA RIG PA BZHIN DU BLO'I KHONGS SU GTOGS PA MA YIN NO ZHES BSHAD PA YIN NO, ,THOS PA LA SOGS PA'I 'DU BYED PA'I BSKYED BYA LUS KYI GNAS SKABS LAS PHUL DU BYUNG BA'AM, SKYE BA'I DANG PO LA BYUNG BA'I KHYAD PAR GYI KHYAD PAR LAS DE'I BSKYED BYAR 'GYUR BA MA YIN NAM, 'DI LAS GZHAN NAM GZHAN MA YIN PA'I SEMS PA CAN TZAM BYUNG BA TZAM LAS BYUNG BA YIN PA MA YIN LA KHYAD PAR YANG GOMS PA LAS GZHAN PA LAS MI 'BYUNG BA'I PHYIR SKYE BA SNGA MA LAS 'DIR 'ONGS PAR 'GYUR BA YIN NO, ,BLO DANG LDAN PA 'DI RANG DBANG DU 'DI YIN PAR MI RIGS TE GANG GI PHYIR BLO DANG LDAN PA NI SDUG BSNGAL DU MA CAN GYI SKYE BA'I RGYUN RANG DBANG DU MNGON PAR 'DOD PA MA YIN TE, LAS KYI DBANG GIS YIN NO ZHE NA, LAS SAM DE'I RGYU LAS YANG JI LTAR 'JUG PA YIN 'DI NI DPYAD PAR BYA BA YIN NO, ,DE'I PHYIR DE BZHIN DU SKYE BA'I 'CHI BA KHAS LEN PA LA DE'I RGYU NI DA LTAR BA BZHIN DU DBANG PHYUG YIN PAR 'GYUR TE, 'DZUD BYED YIN PA'I PHYIR RO, ,KHYAD PAR NI 'DI TZAM YIN TE DE DA LTAR BA NI MA NYES PA YIN NA DE'I RGYU YIN, GZHAN NI GZHAN DU YIN NO, ,'CHI BA GANG YANG LA LA'I THABS KYIS YIN GYI GZHAN GYI NI GZHAN DU YIN TE, LAS THA DAD PA'I PHYIR RO, ,DE'I DBYE BA YANG DE'I BKA' DRIN DANG CIG SHOS KYI DBYE BA LAS SO, ,DE YANG 'DOD PA'I DBYE BA LAS YIN LA 'DOD PA YANG DE'I DE BZHIN DU GOMS PA'I DBYE BA LAS YIN GYI RANG BZHIN GYI DBYE BA LAS NI MA YIN TE,

, ,'BRAS BU'I DBYE BA MTHA' YAS PA LA DNGOS PO THA DAD THAL BAR 'GYUR BA'I PHYIR RO, ,DE THA DAD PA YANG RANG BZHIN THA DAD PA'I MTSAN NYID YIN PA'I PHYIR RO, ,SROG CHAGS RNAMS KHO NA RANG BZHIN GYI DBYE BAS MTHA' YAS PA YIN NA DBANG PHYUG KYANG MTHA' YAS SHUGS KYIS THOB PA MA YIN TE, DE RNAMS KHO NA DE LTA BU'I RANG BZHIN DU 'GYUR RO, ,DE'I PHYIR DBANG PHYUG GCIG BU KHO NA JI LTAR GOMS PA'I 'DOD PA'I DBYE BAS BKA' DRIN DANG CIG SHOS LA SOGS PA NI DBYE BA DANG LDAN PA NI SNA TSOGS PA'I SKYE BA'I 'CHI BA SGRUB PAR BYED PA YIN PAR GRUB PA YIN TE 'BRAS BU'I KHYAD PAR GYI DMAN PA'I GNAS YONGS SU LEN PA NI, GZHAN DBANG MA YIN PA NYID DANG 'GAL BAS KHYAD PAR GYI RGYU SGRUB PA'I PHYIR RO, ,DE YANG, DBAD MED SHES MED SKYE BO 'DI, ,RANG GI BDE SDUG GANG YIN PA, DBANG PHYUG GIS 'PHANGS MTHO RIS SAM, ,NGAN 'GRO NYID DU 'GRO BA YIN, ,ZHES SMOS PA NI, GONG DU NI BLO DANG LDAN PA SNGON DU 'GRO BA'I NGO BO NI TSIG LA SOGS PA YOD PA MA YIN LA 'BRAS BU'I NGES PA YANG RGYU TZAM LA TSAD MA YIN GYI, KHYAD PAR LA MA YIN NO ZHES BSTAN PA YIN LA DA LTAR NI SKYE BA DANG LDAN PA NYID GOMS PA'I BSKYED BYA'I KHYAD PAR GYI SEMS DANG KHYAD PAR MED PA'I PHYIR 'JIG RTEN PHA ROL RJES SU DPAG PA BZHIN GZHAN GYIS BTZUD PAR KHYAD PAR MED PA'I PHYIR SBYOR BYED DBANG PHYUG RJES SU DPAG PA YIN PAR BSAMS PA NI 'DI'I BYE BRAG YIN NO LAN NI BDAG LA CHAGS PA DANG LDAN PA ZHES BYA BA'O, ,BDEN MOD KYI GOMS PA'I BSKYED BYA'I SEMS 'CHING BA'I MING CAN LAS 'DZUD BYED RJES SU DPOG PA YIN NO MNGON PAR 'DOD PA'I KHYAD PAR CAN KHO NA YIN PA NI THOS PA GOMS PA BZHIN DU MTHONG BAR RJES SU DPOG PA YIN GYI GZHAN NI MA YIN TE, GOMS PA'I BSKYED BYA'I KHYAD PAR YIN PA'I PHYIR RJES SU DPAG PA YIN TE, PHAN TSUN 'CHING BA YIN PA'I PHYIR ZHES BYA BA'I DON TO, ,SEMS CAN GZHAN GYIS BKRI MIN PA, ,ZHES BYA BAS NI, GZHAN GYIS KHAS BLANGS PA'I 'DZUD BYED BKAG PA YIN TE, DES GOMS PA'I BSKYED BYA'I KHYAD PA NYID LA MA KHYAB PA'I PHYIR DANG, MNGON PAR 'DOD PA'I KHYAD PAR GYIS KHYAD PAR DE GRUB BA YIN PAR BSTAN PA NI, BDAG

LA CHAGS PA DANG LDAN PA ZHES BYA BA STE, JI LTAR BDAG LA CHAGS PA 'DZUD BYED YIN PAR BSTAN PA NI, BDE SDUG 'DOR THUB CES BYA BA STE, BDAG LA MNGON PAR 'DOD PA NI, BDAG LA PHAN PA BYED PA'I PHRENG BA DANG TZAN DAN LA SOGS PA LA'AM, SBYIN BA LA SOGS PA LA 'BRAS BU MTHONG BA DANG, CIG SHOS LA MNGON PAR DGA' BAR BYED PA YIN LA, DE LA MNGON BAR DGA' BAR BYED PA NI, ,DE DON DU MI GNYER BA 'JOMS PA YIN LA MNGON PAR 'DOD PA DANG, SLAR GNOD PA DAG RAB TU SBYOR BAS DE DANG RJES SU MTHUN PA'I LAS RNAMS 'PHEL BAR BYED PA YIN LA, DE RNAMS KYI BDE 'GRO'AM NGAN 'GROR SKYE BA YIN NO, ,BDAG NYID SHES NA GNOD PA BYED PA DE LA MNGON PAR 'DOD PAR MI 'GYUR LA SGRUB BYED SBYIN PA LA SOGS PA LA MNGON PAR DKA' BAR 'GYUR GYI NGAN 'GRO LA NI MA YIN TE, GNOD PA BYED PA'I PHYIR LA GNOD PA BYED PA LA NI MNGON PAR DGA' BA MA YIN NO, ,'DIR BRJOD PA NI, NGAN 'GRO LA YANG BDAG LA CHAGS PAS BDE BA DANG SDUG BSNGAL LA SOGS PA DANG SNGON PO LA SOGS PAR SNANG BA RNAMS GOMS PA'I BSKYED BYA'I KHYAD PAR YIN PA'I PHYIR RANG GI RIGS GOMS PA LA LTOS PA KHO NA YIN PAR SHES PAR BYA'O, ,GNOD PA BYED PA DE RNAMS BDAG NYID DANG LDAN PA JI LTAR GOMS PAR BYED CE NA, BDAG LA CHAGS PA'I PHYIR RO, ,DE NI DE LTAR CHAGS PAR 'GYUR BAS GNOD PA BYED PA LA GNOD PAS BSOD NAMS MA YIN PA 'PHEL BAR BYED LA 'PHEL BA DE RNAMS KYIS KYANG DE BZHIN DU DE DE LTA BU'I SRID PA YIN BAR LUNG LAS GO BA YIN NO, ,GOMS PA'I BSKYED BYA NYID YIN NA, JI LTAR LAS RGYU MTSAN YIN DE LTA YIN NA DBANG PHYUG KYANG 'GYUR BA NI MA YIN TE, DBANG PO RNAMS SAM SHES PA'AM SHES RAB LA SOGS PA RNAMS GOMS PA'I BSKYED BYA'I KHYAD PAR YIN PA'I PHYIR RO, ,DGE BA'I SEMS PA LA DANG PA'I RJES SU 'JUG PA LAS BYUNG BA RNAMS BDE BAR GSHEGS PA RNAMS LA MNGON PAR GSAL BAR 'GYUR LA, MI DGE BA'I SEMS LA NI DE LAS BZLOG PA YIN PA'I PHYIR GOMS PA LAS BYUNG BA NYID DGE BA DANG CIG SHOS KYI BSGOM PA

, ,LAS BYUNG BA RNAMS LA KHYAD PAR MED PA YIN TE DE 'DRA BA DANG MTHUN PA YIN ZHES BYAS NAS SO, ,GZHAN NI YUL TE SNOD YONGS SU GYUR PA LA SOGS PA PHYI ROL GYI RGYU MTHUN PA DANG LHAN CIG PA'I DUS SU RGYU DE LAS BYUNG BA YIN PAR BRJOD PA YIN GYI, DE TZAM GYIS GRUB PA'I PHYIR RO, ,DBANG PHYUG LA SOGS PAR RTOGS PA NI MI RIGS TE MI 'DRA BAR SMIN PA NI RNAM PAR SMIN PA YIN PA'I PHYIR ZHES BYAS NAS RGYU MTHUN PA SGRUB PAR BYED PA NYID DE DANG LHAN CIG BYUNG BA'I RNAM PAR SMIN PA SGRUB PAR BYED PA NYID DU RIGS PA YIN GYI DBANG PHYUG LA SOGS PA NI MA YIN TE, PHYOGS GCIG LA YANG NUS PA YONGS SU MI SHES PA'I PHYIR ZHES BYA BA'I DON TO, ,DMAN PA'I GNAS YONGS SU 'DZIN PAS NI MA YIN NO, ,'BYUNG BA'I BSKYED BYA NYID DU 'GYUR RO ZHES BYA BA'I PHYOGS SNGA MA NI, JI LTAR THOS SOGS 'DU BYED DANG, ,ZHES BYA BA LA SOGS PAS GOMS PA'I BSKYED BYA'I KHYAD BAR NYID BSAL NAS, 'DIS BSAL BAR BYA BA NI, DE PHYIR 'O NA GAL TE 'BYUNG BA CHEN PO TZAM LAS BYUNG BA MA YIN GYI ZHES BYA BA NAS BRTZAMS NAS MI 'DOD DO ZHES BYA BA'I BAR GYIS BSTAN BA'I RJES SU BRJOD PA YIN NO, ,DBANG PHYUG GIS BSKUL BAR YANG MI 'DOD DO ZHES BYA BA'I PHYOGS SNANG MA YIN PAR SHES PAR BYA'O, BDAG TU LTA BA YIN YANG CHAGS PAR MA BYAS NA MI 'CHING PA YIN NO ZHE NA, BRJOD PA, SDUG BSNGAL DANG MI RTAG PA LA RGYU MTSAN LAS BYUNG BA LA RGYU MTSAN DU THA SNYAD 'DOD PA'I PHYIR SDUG BSNGAL NI RANG BZHIN GYIS MI RTAG PA YIN LA DE LAS BZLOG PA NI RTAG PA YIN TE, DE YANG BDE BA'I NGO BO'I KHONGS SU GTOGS PA YIN LA DE LA BLO GROS TE BDAG GO ZHES BYA BA NI BLO YIN LA DE KHO NA CHAGS PA YIN TE, MNGON PAR 'DOD PA'I RANG BZHIN YIN PA'I PHYIR, ,BDAG TU LTA BA NI RTAG PA DANG BDE BA BDAG NYID KYI YUL YIN PA NYID KYIS MNGON PAR 'DOD PA'I RANG BZHIN YIN GYI GZHAN NI MA YIN NO ZHES BYA BA'I DON TO, ,BDAG LA PHAN 'DOGS PAR BYED PA LA SKYE BA'I DANG PO LA SRED PA YANG DE LA CHAGS PA LAS 'GYUR BA'I PHYIR GNYIS PO DE 'CHING BA'I RGYU YIN GYI DBANG PHYUG NI MA YIN TE, NUS PA MI SHES PA'I PHYIR RO, ,'DAS PA'I SRID PA LAS

'DIR 'ONGS PA DANG 'DI LAS KYANG MA 'ONGS PAR 'GRO BA NI YUL NAS YUL GZHAN BZHIN DU 'BYUNG BA'I BSKYED BYA MA YIN NA RTOGS BAR 'GYUR LA DMIGS PA'I YUL YIN YANG MA DMIGS PA'I PHYIR 'BYUNG BYA KHO NA NYID YIN TE DE YOD NA 'BYUNG BA'I PHYIR ZHES BA NI, GAL TE 'GRO 'ONG MA THOD NA, ,ZHES BYA BA'O, ,DE 'DI NI MI RIGS TE, SNGA MA BZHIN DU GOMS PA'I BSKYED BYA'I KHYAD PA NYID LA SOGS PA LAS 'BYUNG BA'I BSKYED BYA NYID YIN PA GSAL BA'I PHYIR RO, ,DE'I PHYIR 'JIG RTEN PHA ROL GYI 'GRO BA LA SOGS PA MA MTHONG PA NI NUS PA DANG LDAN PA'I SKYES BUS BTZUD PAS MYUR DU 'PHANGS PA'I BONG BA LA SOGS PA'AM, DBUGS 'BYIN PAR BYED PA BZHIN DU SHUGS DANG LDAN PA KHO NA'I PHYIR NYE BAR MTSON PAR MI 'GYUR RO, ,BDAG LA CHAGS PA DANG SRID PA DAG KHO NA 'DZUD BYED NYING DU BRJOD PA YIN NO ZHE NA, BDEN TE, DE GNYIS KYANG 'GRO BA LA SOGS PAR NYE BAR MTSON PA MA YIN PAR MTSON PA YIN TE, SKUL BYED KYANG ZHES BYA BA NI, 'GRO BA DANG 'ONG BAR MTHONG BA'I SHUGS DANG LDAN PA'I 'DZUD BYED SNGON DU 'GRO BA CAN NI PHAN BYED KYI KHYAD PAR 'PHEN PAR BYED PA YIN NO ZHES BYA BA'I DON TO, ,YANG NA MA RIG PA DANG SRED PA DAG GIS BTZUD PAS 'GRO BA NI MTHONG BA'I LUS LA YOD PA'I PHYIR DE MED NA SKYE BA SNGA MA LAS 'JIG RTEN 'DI DANG 'DI LAS KYANG PHA ROL DU JI LTAR 'ONGS PA DANG 'GRO BA YANG YIN RNAM SHES LAS GZHAN NYE BAR BRTEN PA MED NA 'GRO BA'AM, GZHAN YANG MA YIN TE, SKAD CIG MA YIN PA'I PHYIR DANG LUS LA SRED PA DANG BCAS PA NI NGE MED NA SKYE BA SNGA MA MI GNAS PA'I PHYIR RO, , DE'I PHYIR 'GRO BA DANG 'ONG BA DAG MTHONG BA'I PHYIR RNAM SHES 'JIG RTEN PHA ROL PA MA YIN NO, ,'ON KYANG BDAG NI MA YIN TE, RTAG PA DANG KHYAB BDAG NYID DAG GI LUS GZHAN DANG 'BREL PA'I PHYIR LA DE YANG NYIN ZHAG GZHAN LA MTHONG BA NYIN ZHAG GZHAN LA BDAG 'DI MTHONG BAR 'GYUR BA YIN NO ZHES SHES PA LAS YOD PA MA YIN NO, ,SKAD CIG MA'I SHES PA RNAMS LA NI DE LTA BU MI SRID DO, ,DE'I PHYIR DE RNAMS NI GCIG MA YIN LA BDAG DE NI 'JIG RTEN PHA ROL PA YIN NO ZHES ZER BA NI, GAL TE 'GRO 'ONG ZHES BYA BA'O, ,LAN NI, DBANG PO MI GSAL PHYIR MI

, ,MTHONG, ,ZHES BYA BA'O, ,'GRO BA DANG 'ONG BA DAG GI MA MTHONG BA NI SHUGS SAM 'PHEN BYED YIN PAR GO BAR BYED PA MA YIN GYI 'GRO BA DANG 'ONG BA YANG BDAG LA CHAGS PAS 'PHANGS PA 'BA' ZHIG KHO NA YIN GYI DBANG POS RTOGS PA NI MA YIN TE, GSAL PO MA YIN PA'I PHYIR ZHES BYA BA NI 'DI YOD NA DON GYIS GO BA LA NUS PA MED DO, ,'DZUD BYED GZHAN YIN PAR SMRA BA PO YANG GSAL PO NYID LA SKUR PA 'DEBS PA YANG MA YIN NO, ,LUS 'DI BSREGS PA'AM BOR BA MA YIN NAM, DE JI LTAR 'GRO BA DANG 'ONG BA YIN, ,LUS GZHAN KHO NA MA 'ONGS PA'I SRID PA'I RNAM PA CAN NI DE'I TSE 'BYUNG BA'I PHYIR SKYON MED DO, ,'DI NI SAD PA'I LUS LAS GZHAN PHA'I LUS RMI LAM NA MTHONG BA YIN NO, ,DE KHO NA LA JI LTAR 'PHO BA YIN ZHEN, RMI LAM LUS KHO NA LTA BU YIN PA'I PHYIR SKYON MED DO, ,'DI SKAD BSTAN PAR 'GYUR TE, SKAD CIG MA'I RNAM SHES NI SNGA MA DANG PHYI MA'I RNAM PAS DBEN PA'I DMIGS PA NI DE DANG LHAN CIG PA NYID DU 'DZIN PA'I DON BYED PAR RNAM PAR GZHAG PAR BYED PA YIN GYI RANG GI NGO BO DANG 'GAL BAS NI MA YIN NO, ,GOMS PAS NYE BAR BSKYED PA'I KHYAD PAR NI RANG GI RIGS LA LTOS PA NI DE MED PAS DUS GZHAN LA LTOS PA YIN TE, DE JI LTAR RGYUR GYUR PA DE BZHIN DU BRTAG PAR BYA BA YIN PA'I PHYIR RTOG PA NI MTHONG PA'I RJES SU 'BRANG BA YIN LA, MTHONG BA YANG NYIN ZHAG RE RE LA RMI LAM GYI LUS KYANG LUS KYI BAR DU CHOD PA'I SAD PA'I LUS SO, , DE BZHIN DU 'DI LA YANG 'JIG RTEN 'DI DANG PHA ROL TU BYUNG BA'I LUS DAG GI BAR DU 'BYUNG BA NI YUL GZHAN YIN NO, ,JI LTAR YANG GNYID LOG PA NA DGAG PA'I SEMS NI LUS GZHAN NA SAD PA'I SEMS LA GZHAN MED KYANG SKYED BYED YIN PA DE BZHIN DU SKYE BA GZHAN GYI SEMS NI YUL DANG DUS KYIS BAR DU CHOD PA'I SEMS KYI'O, ,DE LTAR YANG YUL THAG RING PO'I ZLA BA NI, CHU SNOD RNAMS KYI CHU LA BDAG NYID SNANG BAR BYED LA DE NI GZUGS BRNYAN YIN PAR BRJOD KYI CHU LAS GZHAN PA NYID GZUGS BRNYAN GYI NGO BO NI MA YIN TE, THOGS PA DANG BCAS PA DAG NI GCIG

LA MI 'JUG PA'I PHYIR RO, ,YANG NA THOGS PA DANG BCAS PA NYID GSER LA DNGUL CHU BZHIN DU DNGOS PO GZHAN YIN LA RANG GI YUL LA GZUGS 'DZIN PA NI SO SOR SNANG BA DANG 'GAL BA YIN GYI, GZHAN DANG GZHAN PA TZAM GYIS KHAS BLANGS PAR 'OS PA NI MA YIN NO, ,DE LA DBANG PO LAS 'DAS PA'I DU BA 'BA' ZHIG NI MA YIN TE, 'O NA CI ZHE NA, THOGS PA MED PA NI, RI LA SOGS PA GANG LA YANG THOGS PA MED PA YIN TE, GSER LA DNGUL CHU LTA BU NI PHRA BA'I PHYIR RO, ,'GRO BA DANG 'ONG BA MA MTHONG PA MA YIN TE, GANG GI PHYIR SRID PA BAR DO'I LUS NI MED PA KHO NA YIN NO, ,DE LTA YIN YANG SKYE BA SNGA MA'I MTHA'I SEMS KYIS SKYE BA 'DI'I DANG PO'I SEMS THAG RING BA YIN YANG GNYID LOG PAR RTZOM PA'I SEMS KYIS SAD PA'I SEMS BZHIN DANG ZLA BAS GZUGS BRNYAN BZHIN DU BSKYED BA KHO NA YIN NO ZHES BYA BA'I DON TO, ,YANG NA LUS LA ME LONG LA SOGS PA LA, LUS KYI GZUGS BRNYAN YOD PA 'DI, ,GZHAN LA YANG DE BZHIN DU MTHONG BA YIN NO, ,GANG GI PHYIR LUS CAN YIN YANG PHRA PA'I PHYIR, 'GA' ZHIG LA LAR THOGS MED DE, ,JI LTAR BUM PAR CHU BZHIN DANG, GSER LA DNGUL CHU BZHIN MTHONG BA YIN NO, ,'GREL BA MDZAD PAS NI PHRA BA'I PHYIR ZHES BYA BA LA SOGS PAS SRID PA BAR MA DO MA MTHONG BA'I RGYU YIN NO ZHES ZER BA LA, MA YIN ZHES BYA BAS 'GEGS PAR BYED PA YIN TE GANG GI PHYIR MA MTHONG BA'I PHYIR DE GZHAN DU YANG RMI LAM BZHIN DANG GZUGS BRNYAN BZHIN DU SRID PA GZHAN MTSAMS SBYOR BA RIGS PA NYID KYIS MED PA'AM NI SRID PA BAR MA'I LUS YIN PAR BSTAN PA NI, 'ON KYANG ZHES BYA'O, ,'GAL ZHIG TU 'GRO BAR 'DOD PA'I SEMS LUS MED NA 'GRO BA'I YUL THAG RING POR JI LTAR 'GRO BA YIN, LUS MED PA NYID DU 'GRO BA MI SRID PA'I PHYIR RO, ,LUS YOD PA YIN NA THAG RING POR YANG DE 'GRO BA KHO NAS, YUL PA tA LI PU TRA NAS, YUL P'A nA dI DANG, MA THU RAR 'GRO BA LTA BU YIN NO SNYAM DU SEMS PA LA, DE LTAR 'DIR NI MA YIN TE ZHES BYA BA STE, DUS KYIS BAR DU CHOD PA NI

, ,GNYID KYIS CHOD KYANG SANG BA NA 'BYUNG BA'O, ,'DI LA YUL GYIS BAR DU CHOD PA BSTAN PA NI, GANG ZHIG NI GRONG DANG ZHES BYA BA'O, ,YUL GYIS BAR DU CHOD PAR BSTAN PA NI, 'GA' ZHIG NI 'DI NA 'DUG PA NYID CES BYA BA STE RGYUN GYIS SO, ,RMI LAM NA NI DE LTA MA YIN TE, GANG LAS GANG DU 'DI 'GRO BA DE DAG GI PAR NA LUS DANG SEMS KYI RGYUD DMIGS PA MA YIN TE, DE MED PA'I PHYIR TE, BAG CHAGS BRTAN PO MED PA'I PHYIR RO, ,SO SOR SNANG BZHIN PA'I GZUGS BRNYAN MED PA'I PHYIR NI MA YIN TE, DMIGS PA NI YOD PAR BRJOD PA YIN PAR BSTAN PA'I PHYIR RO, ,DE'I PHYIR RMI LAM BZHIN DU 'PHO BA NI 'JIG RTEN PHA ROL TU 'BYUNG BA MI BDEN PA MA YIN NO, ,'ON TE SAD PA'I SHES PA NI RMI LAM DU MTHONG BA LAS BZLOG PAR 'DZIN PA YIN PA'I PHYIR DES RTOGS PA MED PA'I BDAG NYID GSAL BAR BYED PA NI RNAM SHES KYI NUS PA YIN PA'I PHYIR DE SNANG BA YIN NO SNYAM DU SEMS PA LA, ,SAD PA'I SO SOR SNANG BA YANG BDAG NYID KHO NA'I MA YIN TE, MI BDEN PA'I RMI LAM DU DE LAS BZLOG PAR 'DZIN PAR SNANG BA'I PHYIR RO ZHES BSTAN PA NI, GAL TE SNANG BA GZHAN THOB PAS, ,ZHES BYA BA'O, ,DES NA SKYE BA GZHAN PA YANG, ,ZHES BYA BA STE, SAD PA NA MTHONG BA'O, ,GAL TE BZUNG BA NYID DU SNANG BZHIN PA YANG MI BDEN PA YIN NO, ,BYE BRAG MED PAR 'GYUR TE KHYAD PAR MED PA'I PHYIR RO, ,GNYI GA YANG GNYIS KA LA LTOS PAS BZLOG PA NYID KYIS PHAN TSUN GEGS BYED PA'I PHYIR RO, ,GEGS BYED PA STOBS MNYAM PA DAG MA YIN NAM, RMI LAM DU MTHONG BA NI RGYU MED PA YIN TE SKYED BYED MED PA'I PHYIR RO, ,DMIGS PAR BYED PA'I DBANG PO LA SOGS PA MED PA'I PHYIR GLO BUR DU DMIGS BZHIN PA NI, SAD PA NA MTHONG BA DANG LDAN PAS MNYAM PA NI MA YIN NO SNYAM DU SEMS PA NI, 'ON TE RMI LAM GYI ZHES BYA BA'O, ,LAN NI, SAD PA'I BUM PA LA SOGS KYANG, ,ZHES BYA BA STE, SKYED BYED KYANG NGO, ,DE MED KYANG DMIGS BYED YOD PA'I PHYIR, DE LA DMIGS PA YIN NO ZHE NA, RMI LAM NA YANG BAG CHAGS LA SOGS PA DMIGS BYED YOD PA KHO NA YIN TE DE

MED NA MED 'BYUNG BA'I PHYIR RO ZHES BSTAN PA NI, 'ON TE TSOGS PA LAS NI 'BYUNG BAR MTHONG BA ZHES BYA BA STE, SKYED BYED MED PAR GNYIS KA LA YANG MTSUNGS SO ZHES BYA BA'I DON TO, ,DE LA SKYED BYED DU RTOGS PA'I RGYU MTSAN RES 'GA' BA'I DMIGS PA NI, RMI LAM NA YANG ZHES BYA BA'O, ,THUN MONG MA YIN PA GNYID LOG KYANG RMI LAM BZHIN DU DE RNAMS LA KHYAD PAR MED PAR BSTAN PA NI, GZHAN GYIS ZHES BYA BA'O, ,THUN MONG PA KHO NA RI LA SOGS PA RNAMS MA YIN NAM, DMIGS BYED KYI TSOGS PA DANG BRAL BAS LONG BA BZHIN DU 'BA' ZHIG DMIGS PA MA YIN NO SNYAM DU SEMS PA LA, RMI LAM DU MTHONG BA YANG THUN MONG BA YIN TE, RMI LAM GYI TSOGS PA DANG BRAL BAS 'GA' ZHIG NI MA YIN NO, ,DE'I PHYIR DE YANG BDEN PA KHO NA YIN PAR BSTAN PA NI, JI LTAR 'KHOR BA'I ZHES BYA BA'O, ,RMI LAM DU MTHONG BA NYID KYIS RGYU'I SKYON GYIS 'BYUNG BA YIN LA DES NA MI BDEN PA MA YIN NAM, SAD PA NA MTHONG BA NI MA YIN TE, GANG GI PHYIR GNYID DANG BRAL BA'I SEMS NI RANG RIG PA YIN PAR BDAG NYID RIG PA NI SAD PA'I GNAS SKAS SU BRJOD DO, ,DE'I PHYIR DE NI DE'I GNOD BYED YIN NO SNYAM DU SEMS PA NI SAD PAR RTOGS PA ZHES BYA BA'O, ,GNYID DANG BRAL BA RANG NYID RIG PA DE NI RMI LAM DU MNGON PAR 'DOD PA LA YANG MTSUNGS PAR BSTAN PA NI, RMI LAM DU YANG SAD PA'I BLO, ,ZHES BYA BA'O, , BDEN PA DANG, CIG SHOS NYID NI DA LTAR YANG GNYIS KA LA GNAS PA MA YIN TE, GSAL BAR SNANG BA'I KHYAD PAR GYIS, ,ZHES BSTAN PA NI, SAD PAR 'DOD PA'I ZHES BYA BA'O, ,SAD PAR 'DOD PA'I GNAS SKABS LA RMI LAM DU MTHONG BA MED DO ZHES BYA BAR SHES PA YIN TE, DES NA MI BDEN PA YIN NO, ,DE'I PHYIR KHYAD PAR MED PA MA GRUB PO, ,SNGA MA LA NI GNOD MED NA, PHYI MA SKYE BA GRUB PA NI SNYAM DU SEMS PA NI, 'ON TE 'DI NI MI BDEN NO ZHES BYA BA'O, ,GANG GI PHYIR 'DI MED DO ZHES BYA BA'I SHES PA DE

, ,NI DE'I RMI LAM NA YANG DE DANG BRAL PA'I DMIGS PA YOD PA YIN TE, GOMS PA MED PA 'GA' ZHIG LAS NI DE LAS BYUNG BA DE MA YIN LA, DE'I PHYIR 'DI LA YANG KHYAD PAR MED PA KHO NA YIN PAR BSTAN PA NI, SAD PA'I RTOGS PA LA YANG ZHES BYA BA STA, DE LTAR RTOGS PA NYID KYIS NI MED DO ZHES BYA BAR RTOGS PA KHO NAS SO, ,DE NYID CES BYA BA NI MED PA NYID DO, ,DE'I MTSAN NYID KYIS KYANG ZHES BYA BA NI DE'I NGO BO NYID DE MED PA NYID SHES BYAR GNAS PA YIN NA, DE'I SHES PA RGYU NYID LAS DE 'BYUNG BA MA YIN TE, THAL CHES PA'I PHYIR RO ZHES BYA BA'I DON TO, ,'ON TE MED DO ZHES BYA BA'I SHES PA LAS DE NYID DU MI 'GYUR TE, SO SOR SNANG BA GSAL BA'I PHYIR RO ZHES ZER PA LA GZHAN YANG MI BDEN NO SNYAM PA'I BYA BA STE, BDEN LAS ZHES BYA BA NI MA YIN PAR DGAG PA YIN LA BDEN MED DE 'DIR DGAG PA YIN ZHES BYA BA NI MED PAR DGAG PA'O, ,DE'I RANG BZHIN TE, RMI LAM DU MTHONG BA'I GSAL BA NI DE DANG 'GAL BA NI DMIGS PA'I PHYIR GNYIS KA YANG MI RIGS SO, ,'THAD PA MA YIN ZHES BYA BA NI MA YIN PAR DGAG PA BSTAN PA YIN LA ZHES BYA BAR MI 'THAD DO ZHES BYA BAS NI MED PAR DGAG PA YIN NO, ,SNGA MA LA 'THAD PA NI DE LAS GZHAN NYID CES BYA BA'O, ,PHYI MA LA NI, MED PA YANG MA YIN TE ZHES BYA BA'O, ,YUN RING NAS DMIGS PA'I LTOS PA TZAM KHYAD PAR MA YIN PAR BSTAN PA NI, SKYED MOS TSAL GYIS ZHES BYA BA'I STE RANG GI RNAM PA NYID LA PHYIR ROL TU MNGON PAR SEMS PA NI RTOG PA YIN NO ZHES BYA BA'I DON TO, ,JI LTAR MNGON PAR SEMS PA LA MI SLU BA CAN YIN PA'I PHYIR, GNOD PA MED PAR BSTAN PA MA YIN NAM, RMI LAM DU MTHONG BAS GNOD PA NI MA YIN NO ZHES BYA BA'I DON YIN NO ZHES ZER BA NI, GAL TE RMI LAM DU DMIGS PA'I BUM PA ZHES BYA BA'O, ,MI SLU BA CAN NYID KHO NA YIN ZHES ZER BA NI BKRUS MA THAG TU ZHES BYA BA'O, ,LAN NI, RMI LAM MTHONG BA BAG CHAGS PA'I, ,ZHES BYA BA STE, RAB TU DGA' BA LA LONGS SPYOD PA'O,,

DE LA MI SLU PA LA GNOD PA CAN MED PA NI RNAL MA YIN NO, ,CI LAS SHE NO, RMI LAM DU SLAR YANG DE NYID LA 'AM GZHAN LA YONG NGO, ,'DI NI ZHES BYA BA NI, RAB TU DGA' BA LA LONGS SPYOD PA'O, ,RIG PHYIR RO ZHES BYA BA NI DE'I TSE KHO NA DON BYED PAR NYAMS SU MYONG BAS MI SLU BA'I PHYIR RO, ,DE'I PHYIR SAD PA DANG RMI LAM YANG MI SLU BA DANG CIG SHOS DAG GIS TSAD MA DANG CIG SHOS DAG YIN ZHES BYA BA'I DON TO, ,RMI LAM DANG CIG SHOS NYID LA MTHONG BA NYID KYIS DE DAG GIS MI BDEN PA DANG CIG SHOS NYID DU RNAM PAR PHYE BA KHO NA YIN NA RNAM PAR DBYE BA'I RGYU GZHAN CI DGOS SNYAM DU SEMS PA LA, RMI LAM CIG SHOS ZHES BYA BA STE, SO SOR SNANG BA NYID NI DE NYID DANG CIG SHOS KYI RNAM PAR DBYE BA BYED PA MA YIN TE, KHYAD PAR MED PA'I PHYIR RO, ,SLU BA DANG CIG SHOS KYI RNAM PAR DBYE BA MA GRUB PA YIN ZHES BYA BA'I DON TO, ,SKYES MOS KYIS 'DI LA DMIGS PA MED PA'I PHYIR ZHES BYA BA MI RIGS PA MA YIN NAM, GANG GI PHYIR MED PA'I PHYIR ZHES BYA BA 'DI NI DMIGS PA MA YIN TE, ,MED DO ZHES BYA BA 'DI DMIGS PA YIN PA'I PHYIR RO, ,NYE BAR BRTEN PA DANG BRAL NA SHES NA CUNG ZAD SKYE MI 'GYUR SNYAM DU SEMS PA LA, 'DI NI MED CES SHES PA NI ZHES BYA BA NI STE, GZHAN GYIS RTOGS PAR ZHES BYA BA NI MNGON SUM NA MA RJES SU DPAG PAS SO, ,GZUGS DANG RO LA SOGS PA NI DER SNANG BA'I MNGON SUM GYIS RTOGS PA YIN TE, DES NA YOD PA NYID NI GZHAN LAS DBEN PA DANG BRAL BAS MI SNANG BA'I PHYIR RO, ,DE DES BDEN PA'I NGO BO KHO NA YIN PA'I PHYIR SHES PA YIN TE DE LA RUNG BA'I YUL CAN RNAMS KYIS MI SHES KYANG RANG NYID SHES PA'I PHYIR RO, ,DE DANG BRAL BA'I NGO BO 'BA' ZHIG NI MNGON SUM GYI RJES SU 'BRANG BAS SHES PA NI BDAG GI RNAM PA'I SKYED BYED DU MNGON PAR SEMS PA YIN NO, ,DES NA 'DI'I DMIGS BYA NI MNGON PAR SEMS PA MA GTOGS PA GZHAN MA YIN PAR BSTAN PA NI, DE LTA BUR GYUR PA ZHES BYA BA'O, ,BAG CHAGS LAS BYUNG BA YANG DE KHYAD PAR

, ,GANG GIS NGES PA CAN GYI PHYI ROL GYI NGO BO LA MNGON PAR RLOM PA YIN NO SNYAM DU SEMS PA NI, KHYAD PAR GANG GIS ZHES BYA BA STE, 'DI'I MNGON PAR RLOM PA'I BYA BA 'DI PHYI ROL GYIS BYAS PA'I PHYIR ROL YUL YIN PAS DE LA DMIGS PA MED PA YIN ZHES BYA BA'I DON TO,, LAN NI DE LA SEMS GTAN PA ZHES BYA BA STE, DRAN BZHIN PA'I DGAG BYA LA GTAD PAS MA RMONGS PAR DRAN PA'I 'DU BYED KYI DMIGS PA MED PAS TE, GZHAN DMIGS PAS RMI LAM LAS KHYAD PAR DU BYED PA YIN NO, ,'DIS SAD PA YANG YIN LA BDAG NYID KYANG YIN PA DE LA MNGON PAR RLOM PA DE 'DI LA YOD PA DES RMI LAM GYIS SO, ,DE LTA BU'I DMIGS PA'I BSKYED BYA SHES PA DE NI DER RLOM PA YIN PA DE 'DZIN BYED NI MA YIN LA, DE'I MED PA NYID 'DZIN YID 'DZIN PA NI MA YIN NO, ,DE'I NGO BO SNANG BA BZHIN DU SNANG BA MA YIN PA'I PHYIR ZHES BYA BA'I DON TO, ,DE NYID SAD PA YIN PAR DBYE BA GANG GIS MNGON PAR 'DOD PA YIN ZHES BYA BA LA SAD PAR MNGON PAR RLOM PA ZHES BYA BA SMOS TE, NYAL BA'I LUS NI RMI LAM NA'O, ,GZHAN LA NI GZHAN DU ZHES BYA BA'I KHYAD PAR YIN NO, ,MA NGES PA NYID NI MA NGES PA CAN NO, ,RJES SU SGRUB PA MED PA NI RNAM PAR RTOG PA MED KYANG DE'I RTZA BA DBEN PA DMIGS PA YOD PAS, DE'I 'BRAS BU THE TSOM MED PAR 'GRO BA'I THA SNYAD NI, MI DMIGS PA'I MTSAN NYID YIN PA'I PHYIR GTZO BO NI RTZA BA YIN TE, MED CES BYA BA'I RNAM PAR RTOG PA YANG DE'I RJES SU 'BRANG BA NYID KYIS TSAD MA YIN PA'I PHYIR RO, ,DE DANG BRAL BA TSAD MA MA YIN NAM ZHES ZER BA LA, RNAM PAR RTOG PA ZHES BYA BA'O, ,PHAN TSUN 'GAL BA NI SKAD CIG MA DANG, DE MA YIN PA DANG RNAM PAR RIG PA TZAM DANG DE MA YIN PA DAG GO, ,DE'I PHYIR SO SOR SNANG BZHIN PA NI RMI LAM MAM GZHAN DU YANG BRDZUN BA MA YIN NO, ,DE LTA YIN NA MI BDEN PA NYID JI LTAR YIN, THA SNYAD PA RNAMS NI RMI LAM DU MTHONG BA LA MNGON PAR RLOM PA YIN PAR BSTAN PA NI, DE'I PHYIR ZHES BYA BA STE, 'DIS NI MA NGES PA NYID MI SNANG BA MI DMIGS PA YIN NO

ZHES BYA BA'I DON TO, ,SEMS KYI NYE BAR LEN PA NYID LUS YIN LA SHI BA LUS LA YANG YOD PAS, LUS NI GNAS PA YIN PAR SEMS, ,LDOG PA MED PAR THAL BAR 'GYUR, ,ZHES BYA BA LA SOGS PAS BSTAN NAS DA LTAR NI GANG GI TSE YANG YOD PA DE'I TSE YANG DE NYE BAR LEN PA MA YIN TE, BZLOG PAR DMIGS PA MA YIN ZHES BSTAN PA NI, GZHAN YANG RIG PA LUS LAS THA MI DAD PA DANG ZHES BYA BA'O, ,LUS NYE BAR LEN PA NI THA MI DAD PA YIN NA 'JI BA DANG BUM PA DAG GIS NYE BAR LEN PA DANG NYE BAR BLANG BYA BZHIN DU MNGON PAR GSAL BA'I SEMS PA CAN DU SMRA BA PO'I MNGON PAR 'DOD PA ZHES BYA BA RDUL PHRA RAB KYIS LUS KYI PHYOGS KYI SKYON NI YAN LAG CAN GYI PHYOGS LA YANG MTSUNGS PA YIN PAR BSTAN PA NI, 'ON TE YAN LAN CAN ZHES BYA BA STE, RDUL PHRA RAB RNAMS YOD NA YAN LAG CAN RDUL PHRA RAB GNYIS PA LA SOGS PA RIM GYIS 'BYUNG BA'I PHYIR RO, ,RE ZHIG RDUL PHRA RAB GNYIS PA NI RDUL PHRA RAB LA GNAS PA YIN LA RGYU LA YON TAN GYI RIM GYI YON TAN DANG LDAN PA'I SEMS PA RDUL PHRA RAB KYI SEMS PA CAN DU 'GYUR BA'I 'BRAS BU LAS S'A LU'I KHYAD PAR BZHIN DU MED PA KHO NA NI MA YIN TE, DE MI MTHONG BA'I DBANG GIS 'BYUNG BA YIN PAR NI MI RIGS TE MI MTHONG BA KHAS MI LEN PA'I PHYIR RO, ,DE NYID KYIS NA MYOS PA'I NUS PA BZHIN DU RNAM SHES NI MA YIN TE, DE BZHIN DU 'BRAS BU 'OG MA RNAMS LA YANG RGYU'I RIM GYIS RDUL PHRA RAB 'DZIN PA'I NYE BAR MTSON PA'I DON NYID KYI PHYIR SEMS PA CAN BRJOD BYA YIN NO, ,'O NA TE DE DAG LAS SKYES PA ZHES BYA BA 'DIS LUS LAS SEMS PA CAN THA DAD PA YIN LA, RGYU'I DON NI NYE BAR LEN PA'I DON DU YIN TE SEMS PA CAN GYI LUS YIN ZHES BYA BA'I DON TO, ,PHYOGS 'DI LA YANG DE'I 'DZIN BYED MED PA'I PHYIR DE DAG LAS SO ZHES 'DZIN PA YIN PAR BSTAN PA NI, DE LTA YIN NA ZHES BYA BA'O, ,SHES PA NI RANG DANG GZHAN GYI RIG PA MA YIN NAM ZHE NA, RANG RIG PA NI GZHAN RIG PA MA YIN NO ZHES BYA BA STE, SHES PA NI RANG LA YOD PAR RIG PA'I BYA BA YIN NA, JI LTAR PHYI ROL LA RNAM PAR GCOD PA YIN THA DAD PAR THAL BAR 'GYUR BA'I PHYIR RO, ,GAL TE SHES PA RANG NYID KHO NA RIG BYA YIN NA GZHAL BYA YANG DE BZHIN DU

, ,'GYUR RO, ,DE'I PHYIR 'DI NI RIG BYED GZHAN YIN PA KHO NAR RIG PA YIN TE, GSAL BYED MAR ME LA YANG DE YOD DO SNYAM DU SEMS PA NI, 'ON TE GZHAN RIG PA NYID NI GZUGS LA SOGS PA LTA BU'O, ,BDE BA NYID KYANG RIG BYA YIN PA'I PHYIR GZHAN KHO NAS YIN NO ZHES ZER BA NI, GZHAN DU GYUR PA NYID CES BYA BA'O, ,LAN NI GZHAN DU GYUR PA ZHES BYA BA STE, SNGON PO DANG BDE BA LA SOGS PA THAMS CAD GZHAN DU GYUR PA KHO NA RIG PA YIN PA'I PHYIR RNAM SHES MED PAR 'GYUR RO, ,BDE BA LA SOGS PA 'DZIN PAR BYED PA GZHAN DON GYIS GO BAS SAM, BDAG DANG YID PHRAD PA LAS BYUNG BA'I MNGON SUM GYIS RIG PA KHO NA MA YIN NA MA SNYAM DU SEMS PA LA, GANG LA RIG PA ZHES BYA BA SMOS TE, RIG BYA NYID DU THAMS CAD SNANG BA YIN NA RIG BYED NYID DU 'GAL BA YIN NO ZHES BYA BA'O DON TO, ,'ON TE REG PAR BYE PA NYID KYIS RIG PAR BYED PA NI DE GANG YIN LUS LA SOGS PA YANG MA YIN LA BDE BA YANG MA YIN TE, RIG BYA YIN TE, RIG BYA YIN PA'I PHYIR RO, ,GZHAN YANG MA YIN TE, MI SNANG BA'I PHYIR RO ZHES ZHES BSTAN PA NI, BDE BA DANG SDO SOGS ZHES BYA BA'O, ,SNANG BA MA YIN PAR NI BDE NA MOD KYI RTOGS PA YIN NO ZHE NA, RTOGS BZHIN PA NI RI BONG GI RVA BZHIN DU RTAGS MA YIN PA'I PHYIR RO, ,MED PA YIN PAR BSTAN PA NI, MIG SOGS ZHES BYA BA'O, ,BDE BA LA SOGS PA'I SHES PA NI GZHAN DU MI 'THAD PAS MIG LA SOGS PA'I BYED PA'I NGO BO BDAG GI RNAM PAR 'GYUR BA'I BLOR BRTAGS PA YIN PA'I PHYIR RTAGS MED PA YIN PAR BSTAN PA YIN NO SNYAM DU SEMS PA LA, 'BRAS BU'I SGO NAS ZHES BYA BA'O, ,GANG KHO NA 'BRAS BU'I SHES PA'I RTAGS YIN BA DE KHO NA BSGRUB BYAR JI LTAR 'GYUR ZHES BSTAN PA NI, DE YANG NUS PA NYID CES BYA BA'O, ,GZUGS LA SOGS PA RNAMS KYI MIG LA SOGS PA'I BYA BA YIN NA, RES 'GA'I NGO BO YIN LA SHES PA DE PHYIS KYANG MI 'BYUNG BA DES NA DBANG PO LA YOD PA'AM, BDAG LA YOD PA'I RNAM PAR 'GYUR BA'I NGO BOR RTOGS PA YIN LA DE NI NUS PA YIN NO SNYAM DU SEMS PA NI DMIGS PA'I GNAS SKABS ZHES BYA BA'O, ,DBANG PO LA SOGS PA'I 'GYUR PA'I DBANG GIS

DMIGS BYA'I NGO BO RDUL PHRA RAB RE RER 'GYUR BAR BSTAN PA NI, RDUL PHRA RAB RE RER ZHES BYA BA'O, ,DBANG PO LA SOGS PA'I DBANG GIS SHES PA 'BYUNG BA KHO NAR DBANG PO RTOGS PA NYID MA YIN NAM, GZHAN NI MA YIN NO, ,DE'I PHYIR SNGAR JI LTA BA'I NGO BO YIN PA DE LTA BU KHO NA YIN GYI DE LA KHYAD PAR NI MED DO SNYAM DU SEMS PA LA KHYAD PAR MED PAR NI ZHES BYA BA'O, ,KHYAD PAR MED NA SHES PA YOD KYANG CI LAS GZUGS RTOGS PA YIN, GANG GI PHYIR GZUGS NI GZUGS SO ZHES BYA BA'I LONG BA'I RNAM PAR RTOG PA YANG SNGON PO LA SOGS PA MTHONG BA NI MA YIN NO, ,GZUGS DANG SHES PA DAG LHAN CIG PAS SKYE BA KHO NA KHYAD PAR YIN ZHES BYA BAR NI MI RIGS TE, LHAN CIG PA YIN PA BZHIN DU LHAN CIG PA LA YANG KHYAD PAR MED PA'I PHYIR RO, ,RANG NYID LA YOD PA'I KHYAD PAR MED NA DE RIG PA ZHES BYA BA MA YIN NO, ,DE BSTAN PA NI, LHAN CIG NYID NA NUS DPOG CING, ,ZHES BYA BA STE, RJES SU DPOG PAR BYA BA YIN PA'I PHYIR NUS PA DMIGS PA NI MA YIN LA KHYAD PAR MED PA'I NGO BO YIN PA'I PHYIR MA GRUB PA'I LHAN CIG PA NI GTAN TSIGS MA YIN PA ZHES BYA BA'I DON TO, ,GANG GI PHYIR DE BZHIN DU RIG BYA NYID YIN NA RIG BYED MED PA DE'I PHYIR RANG RIG PA KHO NA RIG PAR BYED PA YIN GYI SNGON PO DANG BDE BA LA SOGS PA NI RIG PA LAS GZHAN PA MA YIN LA DE NYID RIG PA'I BDAG NYID YIN PA'I PHYIR RNAM PAR SHES PA YIN PAR BSTAN PA NI, DE'I PHYIR ZHES BYA BA STE, DE NI SEMS TZAM YANG YIN LA RANG RIG PA YANG YIN PA'O, ,RNAM SHES KYI BDE BA LA SOGS PA ZHES BYA BA'I GZHI MTHUN PA NI RIG PA CAN GYIS MA RTOGS PA MA YIN NAM, SANGS RGYAS PAS NI RTOGS PA YIN PAR DE DAG TZAM GYIS BRJOD PA YIN NO, ,GSOR MA MDUNG RNAMS KHYER LA SHOG CES BYA BA BZHIN DU SHES PA NI BDE BA ZHES BYA BAR NYE BAR BTAGS PAR 'GYUR RO SNYAM DU SEMS PA LA GZHI MTHUN PA NI GTZO BO DANG ZHES BYA BA STE, SKYES BU SEMS PA ZHES BYA BA BZHIN DU GTZO BO KHO NA YIN TE, DBYE BA MA DMIGS PAS GSOR MDUNG CAN BZHIN DU NYE BAR BTAGS PAR MI DMIGS PA'I PHYIR RO

, ,ZHES BYA BA'I DON TO, ,GAL TE ZHES BYA BA NI GTZO BO DANG CIG SHOS KYI RNAM PAR DBYE BA STE RGYU'I RJES SU 'BRANGS NAS KHAS BLANG BYA YIN GYI PHAN TSUN BSRES PA'I 'BRAS BU NI MA YIN ZHES BYA BA'I DON TO, ,ME LONG GZHAG PA LA BZHIN DU BLO GCIG PU LA SNGON PO LA SOGS PA GZHAN GYI GZUGS BRNYAN 'PHO BA NYID DU SNANG BA MA YIN NAM, DE'I PHYIR 'DZIN PA DANG THA DAD PA KHO NA YIN NO SNYAM DU SEMS PA LA, GOMS LAS DE LTA BUR GYUR PA'I ZHES BYA BA STE, SNGON PO LA SOGS PA NYID SNGON GYI BAG CHAGS KYI DBANG GIS RMI LAM DU RTOGS PA'I BDAG NYID NI GZHAN DANG GZHAN DU YANG 'GYUR GYI RTOGS PA'I NGO BO NI GZHAN MA YIN TE, DE YOD KYANG SNGON PO LA SOGS PA'I RANG GI NGO BO LA KHYAD PAR MED PA'I PHYIR RO, ,KHYAD PAR YOD NA YANG DMIGS PA LAS GZHAN MED PA'I PHYIR RO ZHES BYA'I DON TO, ,GAL TE SNGON PO'I KHONGS SU GTOGS PA YIN PA DE LTA NA SER PO NI DE MA YIN PA'I PHYIR DE RIG PA MA YIN LA NGO BO GCIG PA NYID KYI BLO'I PHRENG BA YIN NO SNYAM DU SEMS PA LA, GZUGS SOGS GZHAN DANG GZHAN DAG TU, ,ZHES BYA BA STE, SNGON PO RIG PA BZHIN DU SER PO RIG PA YANG BAG CHAGS JI LTAR BA BZHIN DU 'BYUNG BA KHO NA YIN NO ZHES BYA BA'I DON TO, ,DMIGS PA MED PA'I SHES PA KHO NA LUS LA BRTEN PA MA YIN NAM SNYAM DU SEMS PA LA, RNAM PAR SHES PA NI ZHES BYA BA STE, GZHAN DE RTEN DANG NGO, ,DE LAS CIR 'GYUR ZHE NA, DES NA BDE BA ZHES BYA BA STE, NYE BA LAS BAG CHAGS SAD PA NI BDE BA LA SOGS PA'I SHES PA DANG 'DRES PA YANG DANG PO DE LTAR SKYES PA KHO NA YIN NO, ,GZHAN GYI BDE BA LA SOGS PA DANG 'DRES PAR 'GYUR BAR MI RIGS PA MA YIN NAM, GANG GI PHYIR MNGON DU MA BYAS PA'I SHES PA DANG 'DRES PAR 'GYUR BAR MI RIGS PA MA YIN NO SNYAM DU SEMS PA LA, GANG GI TSE RNAM PA THAMS CAD KYI RTAGS 'DZIN PAS RNAM PA THAMS CAD RIG PA YIN LA GOMS PAS NI GSAL BA YIN ZHING DE'I TSE MNGON DU BYED PAS NA MNGON SUM GYI SHES PA NI GZHAN GYI BDE BA DANG, SNGON PO BZHIN DU 'DRE BAR BYED PAR BRJOD PA YIN PAR BSTAN PA NI GOMS PA LAS ZHES BYA BA'O, ,RNAM PAR DBYE BA 'DI CI LAS YIN ZHES BYA BA NI RIG PA

LAS NI MA YIN LA RIG BYA THA DAD PA MA YIN NO, ,KHYAD PAR NI GZHAN KHYAD PAR DU BYED PA YIN NO, ,DE'I PHYIR PHYI ROL ZHES 'DZIN PA LAS THA DAD PAR 'DZIN PA YIN NO ZHES BYA BA'I DON TO, ,MED PAR ZHES BYA BA NI, RIG PA ZHES BYA BA'I BYED PA 'DI DANG SBYAR BAR BYA'O, ,LTOS PA YOD MIN NA ZHES BYA BA NI, DE'I NGO BO'I LTOS BA'O, ,DON DAM DU STE, MNGON SUM DU SNANG BAS SO, ,KUN RDZOB NI RTAG PA CAN GYI MNGON PA'I NGA RGYAL GYIS RNAM PAR DPYOD PA STE RNAM PAR RTOG PA'I BYED PA KHO NA RANG GI RNAM PA LA PHYI ROL PA NYID DU 'DZIN PA YIN GYI 'DI LA GZUNG BA NI MED DO, ,YOD KYANG RANG GI MTSAN NYID LAS KHYAD BAR MED PAR THAL BAR 'GYUR TE, BRJOD BYA MA YIN PA'I PHYIR RO ZHES BYA BA'I DON TO, ,KHU KHRAG GI LUS NI NUR NUR PO LA SOGS PA YIN GYI MYOS PA'I NUS PA BZHIN DU NUS BA NI NUS PA MA YIN NO, ,RNAM SHES LUS LA BRTEN PA'I PHYIR SHES PA'I NUS PAS RTEN LUS G-YO BA YIN GYI, DE MED NA SHI BA'I LUS NI MA YIN NO ZHES BYA BA NI MI RIGS SO, ,REG PA'I RNAM SHES KHYAD PAR CAN NI 'BAD PA STE NANG GI REG BYA'I RNAM PA'I SHES NYID YIN LA DE YANG KA BA LA SOGS PA LA MED DO ZHES BA'I DON TO, ,SHES PA NI BDE BA LA SOGS PA DANG SDUG BSNGAL LA SOGS PA TZAM GYI RIG BYA YIN PA'I PHYIR KHYED KYI LA YANG SKYON MTSUNGS PA MA YIN NAM 'DOD CHAGS DANG BRAL BA YANG GZHAN GYI 'DOD CHAGS RIG PAS 'DOD CHAGS CAN DU 'GYUR RO SNYAM DU SEMS PA NI, KHYED LA YANG ZHES BYA BA'O, ,PHYI ROL NYID SHES PA'I BDAG NYID YIN PAR NI KHO BO CAG 'DOD PA MA YIN GYI 'O NA CI ZHE NA, PHYI ROL LA SOGS PA'I TSOGS PA LAS DE DANG 'DRA BA'I SHES PA SKYE BA YIN NO, ,DE'I PHYIR DE NYID YIN PAR MI 'GYUR LA BDAG NYID THAMS CAD KYIS 'DRA BA YANG MA YIN TE, PHYI ROL DANG CIG SHOS LA SOGS PA BZHIN DU KHYAD PAR YOD PA YIN NO ZHES BSTAN PA NI, DE'I RNAM PA CAN GYIS ZHES BYA BA'O, ,'ON TE YAN LAG CAN NYID SHES PA LAS THA MI DAD PA'I PHYIR DMIGS PA NYID KYI RTEN YIN GYI RDUL PHRA RAB DAG NI ZHES BYA BA'O, ,SHES PA'I DMIGS PA'I 'BRAS BU LAS THA DAD PAS DE RTOGS BYA MA YIN PA'I PHYIR DANG RTOGS PA GZHAN MED PA'I PHYIR DE RNAMS RDUL PRA RAB RNAMS MED PA NYID DU 'GYUR BAR BSTAN PA NI MED PA NYID BYA BA'O, ,MI SHES

, ,PA'I BDAG NYID YIN PA'I PHYIR SHES PA'I BDAG NYID KYI LUS NI GZHAN DU MI 'THAD PAS KYANG BRTAG BYA MA YIN PAR RTOGS PAR 'DOD PAS DE BSTAN PA NI, PHRA RAB RDUL RNAMS LUS KYI NI, ,ZHES BYA BA STE, LUS KYI DE'I RIGS SU RTOGS PA YIN NA, RDUL PHRA RAB RE RE NAS RIG PAR BYED PAR 'GYUR BA YIN TE, RNAM SHES KYI BDAG NYID YIN PA'I PHYIR RO, ,DE LTA BU'I LUS KYI DE 'DRA BA'I RIGS SU CI'I PHYIR RTOG PA YIN ZHES BSTAN PA NI, PHRA RAB RDUL RNAMS KYI NGO BO NYID DU ZHES BYA BA STE, PHYED SNGA MAS NI RNAM SHES KYI BDAG NYID KYI RDUL PHRA RAB KYIS BYAS PA'I PHYIR ZHES RDUL PHRA RAB RNAMS RTOGS BYA NYID DU BRJOD LA PHYI MAS NI BYED PA PO RNAMS SO, ,DE'I PHYIR DE LTAR RDUL PHRA RAB BKAG PAS YAN LAG MA LUS PA BKAG NAS DE'I PHYIR ZHES BYA BA SMOS SO, ,G-YO BA DANG MI G-YO BA'I SKYON KHO NAS SUN 'BYIN PA YIN NA BSGRIBS PA DANG MA BSGRIBS PA LA SOGS PAS CI DGOS SNYAM DU SEMS BA LA, YAN LAG CAN GYI RANG BZHIN GYI RDZAS ZHES BYA BA SMOS SO, ,PHRAD PA LA SOGS PA'I RGYU YIN PA'I 'DU BA'I RGYUR 'GYUR RO ZHES BYA BA'I DON TO, ,BYA BA CAN ZHES BYA BA NI YAN LAG CAN BSGRIBS PA NA ZHES BYA BA'O, ,YON TAN CAN ZHES BYA BA NI GCIG TSON GYIS BSGYUR NA ZHES BYA BAS SUN PHYUNG BAR BSTAN BA NI, TSON GYIS BSGYUR BA LA YANG ZHES BYA BA'O, ,YANG NA GAL TE SEMS KYI NYE BAR LEN PA LUS YIN NA SHI BA LA YANG 'GYUR TE NYE BAR LEN PA YOD PA'I PHYIR RO ZHES BYA BAR RIGS LA NYE BAR LEN PA YAN LAG CAN NI NYES PA MI MNYAM BA LA SOGS PAS LDOG PA YIN PA'I PHYIR ZHES BYA BA NI MI RIGS TE 'TSO BA'I GNAS SKABS NA YANG TSER MAS PHUG PA LA SOGS PAS LUS KYI YAN LAG CAN LDOG PAS 'CHI BAR THAL BAR 'GYUR BA'I PHYIR RO, ,SNANG BAR MNGON PAR 'DOD PA'I YAN LAG CAN KHYAB BYED NI NYE BAR DMIGS PA YOD PA NI MA YIN LA DE'I YOD PAR THA SNYAD BYED PA YANG NYE BAR DMIGS PAR BYED PA MA YIN GYI 'DI YOD DO ZHES BYA BA BKAG PA YIN NO, ,GCIG TU 'DZIN PAR YUL RAGS PA RNAMS MA YIN NAM, JI LTAR NYE BAR DMIGS PA SNANG BA YIN, 'PHEN SEL MED PA NI STENG 'OG LA SOGS PA'I CHA THA DAD KYANG GCIG ,TU SNANG

BA YIN GYI DU MAR NI MA YIN TE, RGYA KHYON CHE BAR DMIGS PA'I RGYU MTSAN NI CHE BA NYID YIN PA'I PHYIR RO, ,JI LTAR NAGS KYI PHRENG BA RGYU MTSAN MA YIN PA NI SO SO BAR MI 'DZIN BA MA YIN NAM DE BZHIN RDUL PHRA RAB KYI RGYU MTSAN LAS SNA TSOGS PA NYID DU MTSON PA'I THA DAD PA RNAMS KHO NA GCIG TU 'DZIN PA'I YUL YIN PAR MI RIGS TE, SNA TSOGS PA NYID DU 'DZIN PA'I PHYIR RO, ,NAGS LA SOGS PA LA NI NYE BA NA GNAS PAS DE 'DZIN PAR YIN NO SNYAM DU SEMS PA LA YAN LAG CAN 'DZIN PA YIN PA LA GNOD PA CAN BSTAN PA NI, LAG SOGS G-YO NA ZHES BYA BA STE, GANG LA DMIGS PAS SNA TSOGS PA NYID DU NYE BAR MTSON PA DE LA DMIGS PAS THA MI DAD PAR SHES PA YIN LA DE'I DMIGS PA YANG YAN LAG RNAMS KHO NA YIN GYI GZHAN MA YIN PA'I PHYIR LAG PA LA SOGS PA THA DAD PA G-YO BA YIN NA THAMS CAD G-YO BAR 'GYUR TE DE DANG THA MI DAD PA'I PHYIR RO, ,KHYAB BYA LAS THA MI DAD PAS KHAS BLANGS PA YIN PAS KHYAB BYED DU KHAS LEN PA YIN NO, ,G-YO BZHIN PA LAS THA MI DAD PA G-YO BA KHO NAR SNANG BAR 'GYUR BA DE LTAR MI SNANG NA THA DAD PA YIN PA'I PHYIR KHYAB PAR BYED PA MED DO, ,PHYOGS GCIG 'DZIN PAS KYANG YAN LAG CAN 'DZIN PA KHO NA YIN PAR DGONGS PA YIN PAR NYE BAR MTSON PAR BYED PA G-YO BA DANG CIG SHOS MTHONG BAS DMIGS PA NI DE BZHIN DU THA MI DAD PA LA YANG GCIG TU MA DMIGS NA THAMS CAD MA DMIGS PAR 'GYUR RO, ,NYE BAR DMIGS PA YANG YIN NA THA DAD PA'I PHYIR KHYAB PAR BYED PA MED PAR BSTAN PA NI GCIG CES BYA BA NI G-YO BA'O, ,SNGA MA DANG PHYI MA'I NGO BOS GCIG PA YIN PA'I PHYIR SO SOR SNANG BA THA DAD PAR NYE BAR MTSON PAR BYED PA RANG GI 'DOD PAS BSTAN PA NI, TSON GYIS ZHES BYA BA STE TSON GYIS BSGYUR BA GCIG SNANG BA NA DE DANG THA MI DAD PA YANG MA YIN PA BZHIN DU SNANG BAR 'GYUR TE, THA MI DAD PA KHYAB BYA YIN NA NI DER SNANG BA YOD NA NI SNANG BA'I KHYAB BYED DU 'GYUR RO, , DE MED NA YANG KHYAB BYA DANG THA DAD PA MED PAR 'GYUR RO, ,'ON TE YAN LAG RNAMS NYID G-YO BA LA SOGS PA DANG LDAN PA YIN GYI YAN LAG CAN NI MA YIN NA GZHAN DMIGS PA MA YIN LA SNA TSOGS PA NYID DU DMIGS PA'I MTSAN NYID KYI YUL LA THA DAD PA MED PAR SHES PA MA YIN NO, ,

, ,G-YO BA DANG BSGRIBS PA LA SOGS PA NI KHYAB BYA LA 'JUG PA'I PHYIR DE DANG LDAN PA NYID DU CIG SHOS THA DAD PA LAS MA YIN PA MA YIN NAM, BDAG DANG NAM MKHA' LA SOGS PA BZHIN DU BLO DANG SGRA LA SOGS PA ZHES BYA BAR NI MI RIGS TE, GCIG NYID YIN NAM KHYAB PAR MI RIGS PA'I PHYIR DANG NGO BO GZHAN MED PA'I PHYIR DE 'PHYIR SO SOR SNANG BA PHAN TSUN RJES SU 'JUG PA MA YIN PAS RGYA CHE BA NI THA DAD PA NYID CES BYA BA'I DON TO, ,SO SOR SNANG BA THA DAD PA'I RIGS PA 'DI KHO NA LAS TSOGS PA GCIG PA STE PHRAD PA NI TSOGS PA CAN MA RTOGS PA GSAL BA YIN PAR BSTAN PA NI, GCIG YOD MIN ZHES BYA BA'O; RDUL PHRA RAB RE RE RIG PAR THAL BAR 'GYUR BA NI, RE RE NUS PA NYID YIN NA, CIG CAR MANG PO 'BYUNG BAR 'GYUR, ,ZHES 'CHAD BAR 'GYUR BA MA YIN NAM, JI LTAR SNGA MA BZHIN ZHES RJOD PAR BYED CE NA, SKYON MED DE, DE'I PHYIR THAMS CAD SA BON DNGOS SHES PAR BSTAN PA'I PHYIR RO, ,RDUL PHRA RAB RNAMS RE RE NAS DMIGS PA MA YIN TE, CHES PHRA BA'I PHYIR RO 'DUS PA LA YANG DE RNAMS NYID 'DI DAG YIN PA'I PHYIR PHUL DU BYUNG BA MED PAS DMIGS PA MED PA NYID YIN LA RTEN NYID NI DE'I NYE BAR LEN PA NYID YIN NO SNYAM DU SEMS PA NI, KHYAD PAR MED PA'I PHYIR ZHES BYA BA STE, DMIGS BYA MA YIN PA SHA ZA LA SOGS PA RNAMS 'DUS NAS YANG DMIGS BYAR MI RUNG ZHES BYA BA'I DON TO, ,KHYAD PAR CAN RNAMS ZHES BSHAD PA NI RIGS PA'I GNAS SKABS NA YANG ZHAS BYA BA'O, ,DBANG YUL ZHES BYA BA'I BSHAD PA NI, DMIGS PA YIN PA'I PHYIR RO ZHES BYA BA'O, ,KHYAD PAR MED PA'I PHYIR MI DMIGS PA NYID MA YIN NO ZHES BYA BAS PHA ROL POS SMRAS PA BKAG PA YIN NO, ,'DUS BA'I GNAS SKABS NA NI RDUL PHRA RAB KYI YUL MA YIN TE, SNAM BU LA SNAL MA'I THA SNYAD BZHIN DU'O ZHES BYA BA LTA BU'O ZHES SLAR SEL BA BSTAN PA NI, DE NYID KYI PHYIR ZHES BYA BA STE, RDUL PHRA RAB KYI THA SNYAD KYI YUL NYID NI 'DI KHO NA YIN TE GZHAN MED PA'I PHYIR RO, ,THA SNYAD GZHAN MED NA DE NYID KHO NA 'DOR BA YANG MA YIN NO, ,DE'I PHYIR NYE BAR DMIGS PA LA GEGS MI BYED PA NYID 'ON RDUL PHRA RAB YIN ZHES BYA BA'I DON TO, ,YANG NA SEMS KYI NYE BAR LEN PA 'BYUNG BA YIN NA PHYI ROL GYI 'BYUNG BA RNAMS LA YANG THAL BAR 'GYUR TE THAL CHES

BA'I PHYIR RO ZHES BYA BA LA SOGS PA 'GYUR BA YIN PAR BSTAN PA NI SNGA MA BZHIN ZHES BYA BA'O, ,'ON TE LUS KYI RNAM PA'I KHYAD PAR MED PA'I PHYIR PHYI ROL LA SEMS PA CAN MED DE KHYAD PAR MED PA LAS KYANG RDUL PHRA RAB NYID YIN NO, ,DE'I PHYIR YANG RTOGS PA MA YIN TE, SEMS RTEN PA 'DZIN PAR YOD PA NYID KYIS YIN NO SNYAM DU SEMS PA NI, KHYAD PAR MED PA'I PHYIR ZHES BYA BA'O, ,LUS KYI RNAM PA NI SHI BA'I LUS LA YANG YOD PA'I PHYIR SEMS SU THAL BAR 'GYUR BAR BSTAN PA NI, SHI BA'I LUS LA YANG LUS KYI RNAM PA'I KHYAD PAR MED PAR MA GRUB PA'I PHYIR GANG LA DE'I KHYAD PAR MED BA KHO NAS RDUL PHRA RAB NYID YIN LA DE'I PHYIR SEMS KYI DMIGS PA KHO NA NYID KYIS BRTEN PA NYID CES BYA BA NI MA YIN NO ZHES BYA BA DE LA, KHYAD PAR CAN RNAMS ZHES BYA BA SMOS TE, PHUL DU BYUNG BA CAN RNAMS MED KYANG PHYI ROL GYI 'DUS PA RNAMS DBANG YUL NYID DE DBANG PO'I GZUNG BA NYID DMIGS BYA NYID YIN NO, DE'I PHYIR SHES PA'I DMIGS PA NYID DU RDUL PHRA RAB NYID MA YIN NO ZHES BYA BA'I DON TO, ,DBANG PO'I GZUNG BA NYID RDUL PHRA RAB RNAMS SO SO LA MED KYANG 'DUS PA NYID LA SGRA LA SOGS PA BZHIN DU YOD PA MA YIN NAM SNYAM DU THOGS PA NI MA YIN TE, CHEN PA'I 'BRAS BU MA YIN PA'I PHYIR RO, ,CHEN PO GCIG NI DE LTAR 'GYUR BA MA YIN TE, GSENG MED PA'I PHYIR RO SNYAM DU SEMS PA NI, GAL TE RDUL PHRA RAB TZAM YIN NA ZHES BYA BA'O, ,SNANG BA NYID LAS THA DAD PA PHUL DU PHYUNG BA GZHAN LA SGRIB PA LA SOGS PA RGYU MA YIN PAR BSTAN PA NI, 'DIS NI SGRIB BYED CES BYA BA'O, ,SNANG BA NYID PHUL DU BYUNG BA KHO NAS THOGS PA LA SOGS PA'I 'BRAS BU 'BYUNG BA GZHAN MED KYANG MTHONG BA YIN PAR BSTAN BA NI, DNGUL CHU GSER SOGS ZHES BYA BA STE, DA DUL CHU GSER LA ZHUGS PA NI RDUL PHRA RAB KYI BAR DU THA DAD PA MA YIN PA'I YAN LAG CAN YIN LA GSER YANG RDZAS SU MA BRTZAMS PA YIN TE, RIGS MTHUN PA MA YIN PA'I PHYIR THOGS PA DANG BCAS PA'I DMIGS BYAR MTHONG BA MA YIN TE, DE LA PHUL DU BYUNG BA YOD PA'I PHYIR RO, ,DE BZHIN DU RDO BSREGS PA YANG YIN NO, ,DE 'DIS NI RDO DANG 'BAR BA'I RDZAS NYID MA ZHIG PA THOGS PA DANG BCAS PA 'DRES PA YIN ZHES BYA BA GSAL BA YIN NO, ,YAN LAG SO SO BA YIN NO YAN LAG RE RE 'DRES PA MA YIN TE

, ,KHAB LA SOGS PAS BZHIN DU YAN LAG RNAMS DRUB PA MA YIN PA'I PHYIR THOGS PA MED PAR BRJOD DU GAL TE RDUL PHRA RAB TZAM SO SOR NI DBANG PO LAS 'DAS PA YIN NA 'DUS PA JI LTAR DBANG YUL YIN ZHE NA, DBANG SOGS SO SOR ZHES BYA BA STE, DBANG PO LAS 'DAS PA'I DBANG PO YANG DMIGS BYA'I SHES PA SKYED PAR BYED PA MTHONG BA YIN ZHES BYA BA'I DON TO, ,'ON TE DBANG PO LA SOGS PA SO SOR NUS PA MED KYI, DNGOS PO GZHAN PHRAD PA YOD NA NUS PAR 'GYUR RO ZHE NA, 'DIR THAL MTSUNGS ZHES BYA BA STE, PHUL DU BYUNG BA MA SKYES NA PHRAD PA NYID DU MI BYED LA GZHAN NI DE RGYU MA YIN TE, DES BYAS PA NYID YIN NA 'DI'I ZHES BYA BA'I 'BREL PA MED PA'I PHYIR RO, ,DE DANG 'DU BA LAS YIN NO ZHES NA, DE NYID 'DI RGYU NYID YIN BA'I PHYIR RTOGS PA BZHIN DU DE YANG MI 'GYUR RO ZHES BYA BA'I DON TO, ,GSER DANG DNGUL CHU LA SOGS PA PHAN TSUN THA DAD PAS RNGUL PHRA RAB RNAMS NI 'BRAS BU RTZOM PA MA YIN PA'I PHYIR DBANG PO LAS 'DAS PA MA YIN NAM MNGON SUM PA NI DON GZHAN PHRAD PA YIN LA DES KHAS MI LEN NA RIG PA MED PAR THAL BAR 'GYUR RO SNYAM DU SEMS PA NI, PHRAD PA SNANG BA ZHES BYA BA STE, MTHONG BA'I YUL PHRAD PA MED NA GANG YANG MED PA'I PHYIR DE RNAMS LA DE'I NUS PA RJES SU DPOG PA YIN TE DBANG PO'I YUL NYID KYI NUS PA ZHES BYA BA'I DON TO, ,DBANG PO'I YUL NYID KYI NUS PA MED NA PHRAD PA MED LA RLUNG DANG NAGS PHRAD PA BZHIN PA DE RNAMS MNGON SUM DU 'GYUR BA YIN PAR BSTAN PA NI, GA LA RTOGS ZHES BYA BA STE, MI SNANG BA NYID NI DON GZHAN PHRAD PA NYID LA GTAN TSIGS MA YIN NO, ,'ON KYANG DE RNAMS KYI DE LA NUS PA BSKYED PA LA ZHES BYA BA'I DON TO, ,DNGUL CHU DANG GSER LA SOGS PA'I NGO BO SNANG BA GZUGS DANG RO LA SOGS PAR SNANG BA PHRAD PA DANG 'GAL BAR BSTAN PA NI, RO GZUGS LA SOGS PHRAD PA 'GA', ,ZHES BYA BA STE, GZUGS LA SOGS PA DANG LDAN PAR SNANG BA NI, YONGS SU BRTAGS BA'I PHRAD PA DANG 'GAL BA YIN TE, DRO BA DANG GRANG BA LTA BU'O ZHES BYA BA'I DON TO, ,'ON TE RTEN LA YOD PA DE'I BRTEN PA PHRAD PA LA NYE BAR BRTAGS PA YIN TE, KHRI LA 'DUG PA LA KHRI'I SGRA LTA BU'O ZHES ZER BA NA, NYE BAR BTAGS PA LAS ZHES BYA BA'O, ,KHRI DANG DE LA 'DUG PA KHO NA BZHIN DU RDUL

PHRA RAB DANG DE'I PHRAD PA DAD SO SOR SNANG BA THA DAD PAR 'GYUR LA DE RNAMS RTAG TU MA DMIGS PA YIN NA GZUGS BZHIN DU DMIGS BYA YIN PAR NYE BAR BTAGS PA MA YIN NO, ,NYA PHYIS LA DNGUL BZHIN DU LHAG PAR SGRO 'DOGS PA YANG 'DIS BSAL BA YIN NO, ,DKAR PO LA SER PO'I SHES PA'I RIGS PA YANG THA DAD PAR MTHONG BA MED NA MI RIGS SO ZHES BYA BA'I DON BSTAN PA NI, BLO THA DAD PAR ZHES BYA BA STE, GZUGS BZHIN DU GCIG NI BSAGS PA YIN PA'I PHYIR RNGUL PHRA RAB 'DUS PA TZAM PHUL DU BYUNG BA SKYES PA'I DBANG PO'I YUL YIN ZHES BYA BA'I DON TO, ,GZUGS LA SOGS PA DANG LDAN PA SNANG BA MIN PA'I PHYIR PHRAD PA NI, SNANG BA 'BA' ZHIG MA YIN TE, DE LAS GZHAN PA PHRENG BA LA SOGS PA'I TSAD KYI YON TAN GZHAN MTHONG BA'I PHYIR ZHES BYA BA LA, PHRENG RING ZHES BYA BA SMOS TE, NGES PA CAN GYI PHYOGS DANG YUL RNAMS LA DNGOS PO RNAMS MA PHRAD PA YIN YANG PHRENG ZHES BYA BA NI GRANGS MANG PO NYID YIN YANG TSAD DANG LDAN PA MA YIN LA NYE BAR BTAGS PA YANG MA YIN TE, JI SKAD BSTAN PA'I RIGS PA LAS SO, ,DE 'DI PHRAD PA LA SOGS PA KHAS BLANGS NAS GZUGS LA SOGS PA'I YON TAN DANG 'BREL PA MED PAS DE DANG LDAN PA'I SHES BYA GZHAN MIN PAR YIN LAG CAN SPANGS PA BRJOD NAS DA NI GZUGS DANG RO LA SOGS PA'I NGES PAR SNANG BAS GZHAN GYI SNANG BA MED PA NI MED PA'I THA SNYAD DU BRJOD PA YIN NO, ,GRANGS DANG PHRAD DANG ZHES BYA BA STE, THAG NYE BA'I DNGOS PO GNYIS DANG DE'I BRDA LAS BYUNG BA'I SGRA YANG SNANG BA YIN GYI PHRAD PA GZHAN NAM DE'I SGRA YANG MA YIN NO, , DBANG PO'I YUL NYID KYI NUS PA LAS NUS PA GZHAN NI SGRIB PA LA SOGS PA'I 'BRAS BU YIN NO ZHES BYA BA PHA ROL PO'I GZHUNG SPONG BAR BYED PAR BSTAN PA NI, RDUL PHRA RAB RNAMS ZHES BYA BA STE, YAN LAG CAN GYIS NUS PA GZHAN DANG 'BREL PA NI DE NYID MED PA STE, YAN LAG CAN GYI NUS PA GZHAN MED NA'O; GSER DANG BCAS PHYIR ZHES BYA BA STE, PHAN TSUN 'DRES PA YIN NA GONG BU RDUL PHRA RAB TZAM THAL BAR 'GYUR BA'I PHYIR RDUL PHRA RAB RNAMS MA 'DRES PA YIN PAR KHAS BLANGS PAS RLUNG LA SOGS PA'I SGRIB PAR BYED PA'I SNAM BU LA SOGS SKAR KHUNG LTA BUR 'GYUR RO, ,GEGS MED PA NI

, ,PHAN TSUN NAD DU STE KHUNG DU RLUNG LA SOGS PA 'JUG PA GANG DAG GIS DE RNAMS DE LTA BUR RO, ,GANG DAG GIS YAN LAG CAN SKYED PAR BYED PA YANG PHUL DU BYUNG BA SKYE BAR MI BYED NA MI SRID PAR BSTAN PA NI, REG PA MED PAR ZHES BYA BA STE, GANG GI TSE YANG PHAN TSUN MA REG PA KHO NA MA MTHONG BA LAS NYE BAR GNAS PA'I RDUL PHRA RAB RNAMS DON GZHAN BZHIN DU SGRIB PA LA SOGS PAR BYED PA YIN LA DE'I TSE YANG SO SO YIN PA NI TSANG BA'I PHUB MA GTOR BA BZHIN DU MI 'GYUR BA KHO NAR BSTAN PA NI, RDUL PHRAN RNAMS NI 'DRES MIN YANG, ,ZHES BYA BA STE, MTHONG BA 'DI YANG THAG RING BA'I RGYU MTSAN GYI SO SO BA NYID MI 'DZIN GYI BAR MTSAMS MED PAR SNANG BAR BSTAN PA NI, JI LTA BAR MTSAMS DANG BCAS PA, ,ZHES BYA BA STE, RAB RIB CAN GYIS SKRA NYAG RE RE MI 'DZIN YANG 'DUS PA MI 'DZIN PA NI MA YIN NO, ,DE BZHIN DU RNGUL PHRA RAB KYANG MI SNANG BA KHO NA SNANG BAR 'GYUR ZHES RGOL BAS GNOD PA YANG MA YIN LA DBANG PO RNAMS YUL MA YIN PA LA 'JUG PA'I SKYON YANG MED DO, ,RAB RIB CAN LA NI SKRA RNAMS DBANG PO'I YUL NYID DU DGOS PA CAN MA YIN NO, ,RDUL PHRA RAB RNAMS KYANG RNAL 'BYOR BA'I DBANG PO'I YUL YIN ZHES TSIG YOD PA'I PHYIR RO, ,DE'I PHYIR GANG GIS 'DUS PA 'DZIN PA DES GCIG 'DZIN PA MA YIN ZHES BYA BA'I DGOS PA CAN MA YIN NO, ,RDUL PHRA RAB KYI TSOGS LA BRTEN NAS YAN LAG CAN LA 'DUS PA'I MTSAN NYID DU SGRUB PA NI, DE LA GNOD PA'I RGYU MTSAN MA YIN ZHE NA, BYA BA DANG 'GAL PA'I PHYIR SUN 'DON PA MA YIN PA MA YIN NAM, RAG LAS PA GZHAN DU MI 'THAD PAS RTOGS BZHIN PA NI DE NYID LA GNOD PAR BYED PA MA YIN NO, ,DE MED NA RANG NYID MED PA'I PHYIR RO, ,RIGS PA BRGYA BYEN CHE BA YIN GYI GCIG NI RGYA CHE BA MA YIN PA MA YIN NAM, YUL SNA TSOGS PA LA PHAN TSUN RJES SU MTHUN PA NI GCIG MA YIN NO, ,DE LTAR 'GA' YANG RTOG PAR BYED PA YANG MA YIN TE, SO SOR SNANG BA NYID DE LTA BU'I RNAM PA YIN PA'I PHYIR RO, ,DES NA 'JIG PA NI BLO LA BRTEN PA'I PHYIR MI RIGS TE, RDUL PHRA RAB RNAMS KHO NA SNANG BA'I PHYIR, MI SNANG NA DE LA 'DU BA CAN GYI RDZAS SNANG BA YIN PAR CI LAS YIN, YAN LAG 'DZIN PA MA YIN TE, MI GSAL BA'I SNANG BA

LA YANG CHU SKYAR DU 'DZIN PA LA RGYA CHE BA DMIGS PAS YAN LAG RNAMS 'DZIN PA'I PHYIR RO, ,DES NA MTHA'I SNANG BA LA YANG YAN LAG SNANG BA NYID YIN PA'I PHYIR RNGUL PHRA RAB RNAMS JI LTAR DBANG PO LAS 'DAS PA YIN, 'ON TE SNANG BA BZHIN DU DE YAN LAG RNAMS KYANG SNANG BA KHO NA'I PHYIR DBYE BA YIN NO, , DE LTA MA YIN TE, DE LA YANG YAN LAG YOD NA SNANG BA NYID DU THAL BAR 'GYUR RO, ,MI SNANG BA NYID YIN YANG DBYE BA NYID MA GTOGS PA'I PHYIR DE KHO NA RNGUL PHRA RAB RNAMS KYANG DBANG PO'I YUL NYID YIN PAR MA NYAMS PA YIN NO, ,GSENG MED PA'I SHES PA BZHIN DU GSER MED PA'I 'BRAS BU BSGRIBS PA LA SOGS PA'I 'BRAS BU 'DI NYID KYI YIN PAR BSTAN PA NI, DE BZHIN DU 'BRAS BU GZHAN YANG ZHES BYA BA SMOS TE, RDUL PHRA RAB RNAMS KYANG PHRA BA NYID KYIS DBYE BA MA NGES PAS DE LTAR SNANG BA NI THAMS CAD YUL GCIG LA 'DRES NA GONG BU RDUL PHRA RAB TZAM DU THAL BAR 'GYUR BA DANG, RDUL PHRA RAB CHA SHAS CAN DU THAL BAR 'GYUR BAR RTOGS PA YIN PAR BSTAN PA NI, 'DI LA YANG ZHES BYA BA STE, BU GCAN RNAMS KYI RGYU MTSAN CAN GYI DBANG GIS BUG MED PAR MTHONG BA MA YIN GYI SGRIB PA LA SOGS PA 'BRAS BU YANG MTHONG BA YIN PAR BSTAN PA NI, DPER NA ZHES BYA BA STE YAN LAG CAN MED KYANG GNYI GAS DNGUL CHU DANG GSER LA SOGS PA SGRIB PA LA SOGS PA BYED PAR MTHONG BAR BSTAN PA NI, YANG NA ZHES BYA BA'O, ,GAL TE MA MTHONG BA'I DBANG GIS RDUL PHRA RAB 'DUS PA NI MA 'BYAR BA YIN YANG SO SO BA MA YIN NA, PHUB MA PHYE MA CHANG PA LA SOGS PAS 'PHANGS PA YANG DE NYID DU 'GYUR RO, , 'DI LA BRJOD PA NI, RTOGS PA LA SOGS PA ZHES BYA BA STE, MA MTHONG BAS SBYAR BA'I RNGUL PHRA RAB RNAMS JI LTAR MTHONG BA KHO NAR RIGS PA YIN NO ZHES BYA BA'I DON TO, ,GTOR BA DANG CIG SHOS LA SOGS PA'I 'BRAS BU SNA TSOGS PA CAN NYID KHO NA RTOGS PA YIN PAR BSTAN PA NI, 'DI LTAR GZUGS LA SOGS PA ZHES BYA BA'O, ,'ON TE RTEN DANG PHRAD PA LAS DBANG PO PHRAD PAR RTOGS PA NI MA YIN NO, ,'ON KYANG PHRAD PA KHO NA LAS YIN NO, ,'DI LA BRJOD PA NI 'O NA RTEN MTHONG BA MED PAR ZHES BYA BA'O, ,RDZAS DANG DBANG PO DANG DNGUL LA CHUD DANG GSER DAG GI PHRAD PA NI PHRAD PA MA YIN TE, GANG GI PHYIR RDZAS DANG YON

, ,TAN DAG LA 'DIR RTOG PA NI MA YIN NO, ,DE LTA YIN NA KHAS BLANGS PA YIN PAR BSTAN PA NI, DE'I TSE ZHES BYA BA STE, RGYU MA YIN PA NI 'DU BA CAN GYI RGYU MA YIN PA'O, ,DBANG PO DANG LDAN PA'I RDUL PHRA RAB RNAMS LA 'DU BA LAS PHRAD PA 'DZIN PA YIN NA, DE'I KHYAD PAR DANG LDAN PA'I RDUL DRA RAB RNAMS SNANG BA 'AM 'BRAS BU GZHAN BYED PAR 'GYUR BA'I PHYIR YAN LAG NI RTOGS PA'I YUL MA YIN PAR BSTAN PA NI, DE LTA NA NI 'O NA ZHES BYA BA'O, ,LDAN PA'I 'DU BA 'DZIN PAR BYED PA NYID YIN NA, PHRA BA'I YAN LAG GI PHRAD PA YANG 'DZIN PAR 'GYUR BA YIN PAR BSTAN PA NI, PHRAD PA THAMS CAD CES BYA BA'O, ,THAG RING BA LA YANG RAGS PA MTHONG BA'I RJES SU DPOG PA NI DBANG PO DANG PHRAD PA YIN PAR BSTAN PA NI, MA YIN TE RAGS PA RNAMS KYANG ZHES BYA BA'O, ,RGYU MTSAN GYI RGYU NYID KHAS BLANGS PA DANG 'GAL BA SEL BAR BYED PA NI, 'ON TE PHRAD PA ZHES BYA BA STE, DBANG PO DANG PHRAD PA LA DNGUL CHU DANG GSER PHRAD PA'I RGYU MTSAN YIN PA DE CI LAS YIN PA BSAMS NA, GZHAN MED PAS DE KHO NA YIN PA'I PHYIR DE NYID SKYON YIN PAR BSTAN PA MA YIN TE, 'DU BA NI 'DI LA'O ZHES BYA BA'O, ,GAL TE 'BRAS BU RDZAS YOD PA YIN NA, DE DANG DBANG PO'I DNGOS SU 'BREL PA YIN PAS BRGYUD PA'I LDAN PA 'DU BAR RTOGS PA LA DON MED DO, ,DE LTA YIN NA DE BZHIN RDUL PHRA RAB PHRAD PA YOD NA YAN LAG CAN DU BRTAG PA DES CI ZHIG BYA, DE RNAMS KHO NA PHRAD PA'I KHYAD PAR DANG LDAN PA'I MNGON SUM PA RNAMS SU 'GYUR RO ZHES ZER BA NI, 'ON TE 'BRAS BU'I RDZAS ZHIS BYA BA STE, BZLOG PA LA YANG ZHES BYA BA NI RDUL PHRA RAB RNAMS MED NA YANG YAN LAG CAN DU RTOG PA YIN TE, RNAM PAR DBYE BA'I RGYU MED CES BYA BA'I DON TO, ,GANG YANG YAN LAG CAN YOD PA YIN NA RDUL PHRA RAB DANG PHRAD PA DBANG BO LA MI SRID DO ZHES BYA BA DE MI RIGS TE, YAN LAG CAN DANG PHRAD PA LA YANG DE RNAMS DANG YUL THA MI DAD PA NYID KYIS DE YOD PA'I PHYIR RO ZHES BSTAN PA NI, YAN LAG CAN DANG PHRAD PA NI, ,ZHES BYA BA STE, YAN LAG CAN DANG PAR 'DZIN PA YIN NO, ,GANG GI PHYIR DE NI GZHAN PAR DGAG PAR BYED PA MA YIN NO, ,DE'I PHYIR LDAN PA'I DUS KHO NA 'DZIN PAR RGYU MA YIN NO, ,DRUG PO 'BYAR BA YIN PA'I PHYIR YAN

LAG CAN BZHIN DU RNGUL PHRA RAB DANG PHRAD PAS KYANG DBANG PO DANG PHRAD PA YIN DU CHUG KYANG MTHONG BA LA MI 'THAD PA LUNG LAS SAM GZHAN LAS KYANG MA YIN PAR BSTAN PA NI, YANG NA RTOGS PA'I ZHES BYA BA STE, PHRAD PA LAS YANG DBANG PO'I PHRAD PAS RO DANG GZUGS LA SOGS PA RNAMS KYANG DE'I LDAN PA'I 'DU PA LAS DMIGS BYAR 'GYUR RO, ,DE MA MTHONG NA DE RNAMS LA DBANG PO DANG PHRAD PA MED PA'I PHYIR DE RNAMS LDAN PA'I 'DU BA LAS 'DZIN PAR MI 'GYUR RO, ,DE BSTAN PA NI GZHAN YANG ZHES BYA BA'O, ,BLO THA DAD PAR ZHES BYA BA NI DE YOD PA DANG MED PA DAG GIS SO SOR SNANG BA THA DAD PA'O, , GZHAN GYI NI DE LAS GZHAN PA LA NYE BAR BTAGS PA YANG DE KHO NA BZHIN DU 'GYUR GYI GZHAN DU NI MA YIN NO, ,GZHAN DU YANG SNANG BAR BSTAN PA NI, GZUGS SAM RO GANG YIN PA DE NYID CES BYA'O, ,GAL TE SHIN TU 'DRES PA NI SNA TSOGS PAR MTSON PA NYID LA GZHAN DU RTOGS PA GANG YIN NA RDUL PHRA RAB RNAMS KHO NA PHRA BA YIN PA'I PHYIR DE LTAR 'GYUR RO ZHES BSTAN PA NI, DE LTA NA NI 'O NA ZHES BYA BA STE, RDUL PHRA RAB RNAMS DNGAR BA'I KHYAD PAR LAS PHRENG BA LA SOGS LA DE LTAR RTOGS PA'I RGYU NYID MTHONG BA YANG YIN TE GZHAN MED PA'I PHYIR RO ZHES BSTAN PA NI, GAL TE RDUL PHRA RAB CES BYA BA'O, ,DNGAR BA ZHES BYA BA 'DI'I BSHAD PA NI, DNGAR BA'I KHYAD PAR TZAM NYID KYI, ,ZHES BYA BA'O, ,DE'I NA DE LTA'I ZHES BYA BA'I BSHAD PA NI, DE BZHIN DU ZHES BYA BA LA SOGS PA'O, ,RTZOD PA NI RAB TU RTZOD PA'O, ,GZHI NI GANG GI YAN LAG CAN GYI YUL DU MNGON PAR 'DOD PA DNGAR BA TZAM NYID LA RAB TU RTZOD PA TZAM DU RTOGS PA NYID KYIS MNGON SUM LA SOGS PA RTZA BA MED PA NYID GTAN TSIGS SU BRJOD PA YIN LA DE'I PHYIR DE BZHIN DU PHRAD PAR KHAS BLANGS PAS DE DANG DER BSTAN NAS DA NI PHRAD PA NYID DE LA RUNG BAR MNGON PAR 'DOD PA DANG THA DAD PAS MA DMIGS PAR BSTAN PA NI, GANG YANG BRJOD PA ZHES BYA BA NI PHRAD LAS SHES NA 'DIR THAL MTSUNGS ZHES BYA BA DER RO, ,PHRAD PA CAN 'BA' ZHIG NI NYE BA NYID KYIS PHRAD PA CAN GYI SHES PA'I YUL KHO NA YIN NO, ,GNOD PA MED PA'I RNAM RTOG GI BLO NI THA DAD PA'I YUL CAN YIN LA DE'I PHYIR MNGON SUM YANG THA DAD PAR 'DZIN PA YIN NO, ,GANG GI PHYIR DE NI GZHAN

, ,DU MTHONG BA LAS SKYES PA MA YIN LA DES MA SKYES PA NI DE LTA YIN YANG 'DI YANG DE LTAR 'GYUR BA NI MA YIN NO SNYAM DU SEMS PA LA DNGOS PO'I GNAS SKABS KYI KHYAD PAR MTHONG BA LAS SKYES PA'I PHYIR DE DNGOS PO'I DBYE BA'I PHAN BYED MA MA YIN NO ZHES BYA BA'I DON 'DI SGRA ZHES DNGOS PO ZHES BYA BA 'DI'I RTOGS BYA BSTAN PA NI, LDAN PA YIN NO ZHES BLOS BZUNG BA ZHES BYA BA'O, ,GNAS SKABS KYI KHYAD PAR BSTAN PA NI, DER NI NYE BAR SKYE BAR GYUR BA ZHES BYA BA'O, ,GNAS SKABS DE MA GTOGS PAR DE BYUNG NA DE DANG LDAN PA BZHIN DU SO SOR SNANG BAR 'GYUR BAR BSTAN PA NI, JI LTAR DON DE MDUN GNAS PA, ,ZHES BYA BA'O, ,GNAS SKABS KYI KHYAD PAR YANG DE MA GTOGS PAR MED PAR BSTAN PA NI, RJES 'GRO'I LDOG PA DAG LAS NI, ,ZHES BYA BA'O, ,RJES SU 'GRO BA DANG LDOG PA NYID BSTAN PA NI, 'BA' ZHIG PA ZHES BYA BA'O, ,'BYOR PA LAS MA 'BYOR PA GZHAN NYID YIN PAR MNGON SUM GYIS RTOGS PA MA YIN NAM, DE YANG GNAS SKABS YIN LA DE MNGON SUM PA YIN PA KHO NAR BSTAN PA NI, MNGON SUM GYIS ZHES BYA BA STE, DNGOS PO GZHAN KHO NA MNGON SUM GYIS RTOGS PA YIN GYI, GNAS SKABS GZHAN NI MA YIN NO ZHE NA, DNGOS PO NYID GNAS SKABS GZHAN DANG PHRAD PA YANG YIN PAR BRJOD PA YIN NO, ,DE NYID KYI PHYIR ZHES BYA BA NI, GCIG NYID DANG PHRAD PA LA SOGS PA CAN PHYI ROL GYI BSDUS PA LAS LDOG PA'I NUS PA CAN NYE BA DANG BSKYED PA YANG BOR NAS GZHAN NI MA YIN NO, ,DE YANG RANG DBANG DU RNAM RTOG GI SHES PAS 'DZIN PA MA YIN TE, 'O NA CI ZHE NA, RNAM PAR RTOG PA'I DON YIN NO, ,JI LTAR YIN ZHE NA, RNAM RTOG GIS TE THA DAD PAS SO, ,DNGOS PO THA DAD PA NI MED PA NYE BA LAS LDOG PA NI DNGOS PO'I RJES SU 'BRANG BAS ZHES BYA BA NI RNAM PA 'DIS SO, ,RNAM RTOG GI DON LA YANG DE LTAR YIN NO, ,BAG CHAGS LAS DNGOS PO THA DAD PA'I RJES SU 'BRANG BA'I PHYIR THA DAD PAR RNAM PAR BRTAG PA'I DON LA RNAM RTOG GI SHES PA YIN GYI PHYI ROL GYI DBYE BA RNAM PAR 'JOG PAR BYED PA NI MA YIN LA GZUGS GCIG DANG RO GCIG CES BYA BA LTA BU DANG, RDZA MA CHAG GO ZHES MYA NGAN BYED PA DANG, MA SKYES PA'I

BU RNAMS RGAN POR GYUR PA BZHIN DU YANG MTHONG BA YIN NO ZHES BSTAN PA NI, YON TAN LA SOGS PA 'AM ZHES BYA BA'O, ,DNGOS PO LA MED KYANG RNAM RTOG GI THA DAD PAR MTHONG BAR BYED PAR BSTAN PA NI, SGRA DANG SHES PA ZHES BYA BA NAS GNAS PAR 'GYUR BA MA YIN NO ZHES BYA BA'I BAR DU'O, , GAL TE BAG CHAGS KYI DBANG GIS DE LTA BU'I RNAM PAR RTOG PA DON GYI YUL LAM YIN NA 'ON TE DE LTA NA, JI LTAR DON MCHOG TU 'DZIN PA YIN, BRAL BA DANG MA BRAL BA LA YANG DE NYID DE LA MED KYANG DE KHO NA BRAL BA DE LA YOD KYANG MED PA YIN LA ZHES RJES SU 'GRO BA DANG LDOG PAS BZUNG BA YIN LA THA DAD PA'I SHES PA DE LTA BU'I BAG CHAGS LAS BYUNG BA NI DE LTAR GYUR PA MA YIN PA'I DON DE NYID DE LTA BU BYED PA YIN PAR BSTAN PA NI, DE LA RJES SU 'GRO BA DANG LDOG PAS ZHES BYA BA'O, ,RNAM PAR RTOG PA NI DE LTA BUR GYUR PA MA YIN PA'I DNGOS PO KHO NA DE LTA BUR MNGON PAR 'DOD PA YIN PAR BSTAN PA NI, BRTAGS PA NYID CES BYA BA'O, ,RNAM PAR BRTAGS PA NYID NI DON MA YIN LA SKAD CIG MA DANG SKAD CIG MA MA YIN PA NYID LA SOGS PA'I THA DAD PAR 'DZIN PA'I DBYE BAS DNGOS PO YOD NA YUL GYI RNAM PAR DBYE BAS 'JUG PA DANG LDOG PA DAG TU MI 'GYUR BAR BSTAN PA NI, RNAM PAR RTOG PA'I DON THA DAD PA NI ZHES BYA BA STE, RJES SU 'GRO BA DANG LDOG PA DAG GI BAG CHAGS GANG YIN PA DE LAS RNAM PAR RTOG PA YIN LA DE'I YUL YANG SGRA YIN NO, ,GAL TE LDOG PA YANG DNGOS PO LAS GZHAN PA YIN NA DE LA DMIGS PA'I RNAM PAR RTOG PA YANG THA DAD PA KHO NAS DMIGS PAR 'GYUR ZHES BYA BA 'DI LA LDOG PA YANG LOG PA LAS ZHES BYA BA SMOS TE, DE NYID NI GSENG GI DBYE BA BSDUS PA MA YIN PA DANG, MI LDAN PA LAS LDOG PA NI BSDUS PA DANG CIG SHOS KYANG DE NYID YIN PA'I PHYIR MI LDAN PA LAS THA DAD PA LAS RNAM RTOG GI YUL YIN NO, ,DE BZHIN DU MI LDAN PA DANG CIG SHOS LA YANG SBYAR BAR BYA'O ZHES MJUG SDUD PAR BYED PA NI, DE LAS KYANG ZHES BYA BA'O, ,GZUGS GCIG RO GCIG CES BSDUS PA LAS BZLOG PA NI RDZAS KYI THUN MONG BA NYID DMIGS NAS DE'I YON TAN GRANGS SU NYE BAR BTAGS PA MA YIN NAM, DE BZHIN DU RNGA MA CHAG PA RJES SU DRAN PAS BZUNG BA YIN NA,

, ,MYA NGAN NI LAS YIN PAS NYE BAR BTAGS PA YIN NO, ,NGES PAR BRTAGS PAS BZUNG BA'I BUL NI RGAS PA BYED PA PO NYID YIN NO, ,DE BSTAN PA NI, GAL TE 'DIR NI BTAGS 'DOD NA, ,ZHES BYA BA'O, ,DE LTA YIN NA BSDUS PA LAS LDOG PA LAS GCIG NYID YIN NA NI, GZHAN MA DMIGS PA'I PHYIR YIN LA GNYI GA NI MA YIN NO, ,DE LTA YIN NA, BSDUS PA LAS LDOG PA YIN PAS GCIG PA NYID DU NGES PAR 'GYUR TE, 'DI NI DE TZAM YIN PA'I PHYIR GSUM NYID DAM GCIG NYID DAG TU THE TSOM ZA BAR MI 'GYUR RO, ,DE LTA MA YIN TE, BSDUS PA LDOG PA TZAM GCIG NYID YIN LA DE'I KHYAD PAR LDOG PA NI MA YIN NO, ,GNYIS PA MA YIN ZHES BYA BA 'DI YANG KHYAD PAR LDOG PA YIN PA NI, GSUM NYID LA SOGS PA'I BSDUS PA GZHAN DANG THUN MONG BA YIN NO, ,DE'I PHYIR THE TSOM NI YON TAN NAM GZHAN YANG RUNG BA LDOG PAR BYED PA MA YIN PAR BSTAN PA NI; DE 'DOD PA ZHES BYA BA STE, ZHIG PA DANG MA SKYES PA DAG BZHIN DU NGES PAR RTOG PA DANG RJES SU DRAN PA DAG GIS BZUNG BA'I DNGOS PO THAMS CAD LA SGRA DANG SHES PA NI CHOS CAN YOD KYANG BSDUS PA LDOG PA LA SOGS PA RGYU MTSAN YIN TE, GZUGS LA SOGS PA BZHIN DU RDZAS LA YANG GCIG NYID DU 'DZIN PAR BYED CES BYA BA'I DON TO, ,RGYU MTSAN GANG GIS ZHES BYA BA NI ZHIG PA DANG MA SKYES PA'I BUM PA DANG BU LA SOGS PA RNAMS LA NGES PAR RTOG PA DANG RJES SU DRAN PAS BZUNG BA NYID NI NYE BAR GDAGS PA'I RGYU MTSAN YIN NO, ,NYE BAR BTAGS PA STE DE NYID YIN PAR SGRO GDAGS PA NI; SGRA DANG SHES PA'I RGYU MTSAN GANG GIS SHES PA DE LAS GZHAN SGRO 'DOGS PA NI MA YIN TE, DE DANG 'DRA BA NYID 'BA' ZHIG LAS DE NYID LAS SGRO 'DOGS PA YIN LA DE SHES PA'I NGO BO DANG DE'I RJES SU 'BRANG BAR BYED PA YANG DE'I SGRA YIN NO, ,DE BZHIN DU GZUGS LA SOGS PA RNAMS LA YANG BSDUS PA LAS BZLOG PA'I RGYU MTSAN LAS GCIG NYID DU SGRO 'DOGS PA DANG DE'I SGRA YIN NO, ,DE NYID DU SGRO 'DOGS PA DANG DE'I SHES PA DAG LA THA DAD PA MED KYANG THA DAD PAR BRJOD PAR SBYAR BAR BYA'O, ,DE NYID CES BYA BA NI DE RGYU MTSAN NYID DU NYE BAR BTAGS PA DE DAG GI RGYU YIN ZHES BSHAD PA NI, GAL TE

ZHIG PA DANG MA SKYES PA DAG LA ZHES BYA BA'O, ,GZHAN DAG NI GANG GI SGRAR BSTAN PA'I RGYU MTSAN KHO NA DE NYID YIN ZHES MCHOG TU 'DZIN PAR BYED DE RGYU NI RTAGS SU BZUNG NAS DE RJES SU DPAG PA'I YUL YIN NO ZHES BYA BA BZHIN DU PHO RTAGS NYID YIN LA RGYU NI RGYU MTSAN KHO NA YIN NO, ,ZHIG PA LA SOGS PA RNAMS LA DE'I SGRA DANG SHES PA DAG TU NYE BAR BTAGS PA YIN LA GANG ZHIG DE LA DE'I RGYU MTSAN YIN PA DE KHO NA THAMS CAD LA 'GYUR LA MA MTHONG BA'I RGYU MTSAN GZHAN BTAGS PAS CI ZHIG BYA ZHES BYA BA'I DON YIN PAR 'CHAD DO, ,BTAGS PA NI DE'I SHES PA DAG LA THA DAD PA MED KYANG RGYU DANG DE DANG LDAN PA NYID DU BRJOD PA YIN NO BYA BA DANG DE DANG LDAN PA DAG GI THA DAD PAR YONGS SU BTAGS PAS YIN PAR BSTAN PA NI, THOG MA MED PA'I RTOG PA STE THOG MA MED PA'I BAG CHAGS GANG YIN PA DE LA SGRO BTAGS PA NI BYED PA YIN NO, ,GZHAN LAS MTHONG BA RGYU MTSAN GANG GIS KYANG GZHAN DU SHES BZHIN PA'I SGRO 'DOGS PA NI NYE BAR GTAGS PA YIN PAR THA SNYAD 'DOGS PA YIN NO, GAL TE DE 'DI LA BZHIN DU GZHAN LA YANG MI 'GYUR NA DE'I SHES PA NYID DU YANG MI 'GYUR BAR BSTAN PA NI, GAL TE KUN LA NYER BTAGS MIN, ,ZHES BYA BA STE, KUN LA NI GTZO BO DANG PHAL PA LA YANG NGO, ,RGYU MTSAN GANG LAS PHAL BAR MNGON PAR 'DOD PA DE'I SHES PA DE KHO NA LAS GTZO BOR MNGON PAR 'DOD PA LA YANG DER 'GYUR TE, RGYU MTSAN GZHAN LA MTHONG BA'I PHYIR RO, ,MTHONG NA YANG RMO BAR 'DOD PA'I MI LA BA LANG ZHES BYA BA LA SOGS PA KHO NA PHAL PA DANG CIG SHOS YIN PAR BSTAN PA NI, THA DAD PAR NI BA LANG GI LKOG SHAL LA YIN LA RMO BYED KYI MI LA SOGS PA NI GTZO BO'I THA DAD KHYAD PAR YIN NO, ,GAL TE GA LAS NI MA YIN PA STE, GTZO BO THAMS CAD THA DAD PA'I KHYAD PAR MA YIN TE, KHA CIG YIN NO ZHES BYA BA'I DON TO, ,THA DAD PA'I KHYAD PAR NYID MED NA GTZO BO DANG CIG SHOS KYI DBYE BA JI LTAR YIN JI LTAR YANG MA YIN TE, GANG GI PHYIR THA MI DAD PA'I RGYU MTSAN LAS THA SNYAD DAG LA DE LTAR DBYE BAR BYED PA NI MA YIN NO, ,BSDUS PA LAS RTOG PA TZAM LA THA SNYAD 'DOGS PA NI GZUGS LA SOGS PA 'AM DE DANG LDAN PA LA YANG MTSUNGS PA MA YIN NAM ZHE NA, DE'I SGRA DAG LA BUM PA DANG RTZIG PA'I SGRA

, ,DAG BZHIN DU THA MI DAD PA'I DON NYID KYI YON TAN DANG YON TAN CAN GYI SGRA NYID DU MI 'GYUR RO ZHES BSTAN PA NI, THA DAD PA MED PA ZHES BYA BAS SO, ,KHYED KYIS GCIG PA NYID KYI GRANGS RJOD PAR BYED PA'I GCIG GI SGRA'I RDZAS LA DE MED KYANG GZUGS LA SOGS PA LA YIN YANG GZUGS LA SOGS PA'I SGRA'I RNAM GRANGS NI MA YIN TE, RGYU MTSAN GANG LAS KYANG JI LTA BA BZHIN DU KHO'I YANG GZUGS PO DANG BUM PA LA SOGS PA'I SGRA RNAMS MTSUNGS PA'I DON LA MA YIN TE, RGYU MTSAN THA DAD PA'I PHYIR ZHES BSTAN PA NI, DON GZHAN RGYU MTSAN CAN MIN YANG, ,ZHES BYA BA'O; ,GZUGS LA SOGS PA LA YANG RDZAS BZHIN DU GRANGS GCIG PA NYID NI KHYED KYI YANG YON TAN DANG LDAN PA NYID KYI RDZAS LAS THA MI DAD PA'I DON NYID DU THAL BAR 'GYUR BAR BSTAN PA NI, GAL TE DER YANG DON GZHAN NA, ,ZHES BYA BA'O, ,GZUGS LA SOGS PA DANG BUM PA LA SOGS PA'I SGRA DAG GI RGYU MTSAN GANG YIN GANG GIS THA DAD MA YIN PA'I RGYU MTSAN DU BSTAN PA NI, LDOG PA'I DBYE BAS THA DAD PA YIN TE ZHES BYA BA STE, GZUGS LA SOGS PA'I SGRA NI KHYAD PAR GYI NUS PA'I YUL YIN LA BUM PA'I SGRA NI SPYI'I NUS PA'I YUL LA YIN NO ZHES BYA BA'I DON TO, ,DE MA YIN PA LAS LDOG PA KHO NA'I NGO BO NI NUS PA YIN TE LAS MA YIN PA LA SOGS PA BZHIN DU GZHAN MA YIN PAR BSTAN PA NI, LAS RDZAS MIN PA ZHES BYA BA STE, GTZO BA'I RGYU MTSAN ZHES BYA BA NI DER SGRO 'DOGS PA'I NGO BO YIN PA'I PHYIR TE, DE MED NA GANG LA SGRO 'DOGS PA YIN DES NA NYE BAR BTAGS PA MA YIN ZHES BYA BA'I DON TO; ,MTHONG BA MED NA JI LTAR SGRO 'DOGS PAR BYED PA YIN ZHES BYA BAR NI MI RIGS TE, MTHONG BA MED KYANG DBANG PHYUG RTAG PA LA SOGS PA BZHIN DU RTOG PA TZAM GYIS DMIGS PA LA SGRO 'DOGS PA SRID PA'I PHYIR RO ZHES BSTAN PA NI, RTOG PAS BYAS PA'I KHYAD PAR THA DAD PA ZHES BYA BA STE, THA DAD PA'I KHYAD PAR NYID GTZO BO YIN NO ZHES RIM PA GZHAN DU NGES PAR BZUNG BA'I DON DU BRJOD NAS GNAS JI LTA BZHIN BSTAN PA NI, GZHAN YANG GAL TE ZHES BYA BA'O, ,THA DAD PA'I KHYAD PAR GTZO BO YIN NO ZHES BYA BA NYID CI LAS GCIG TU NGES PA KHO NA YIN TE MA YIN PA NYID DO, ,'ON KYANG THA MI DAD PA'I KHYAD PAR

GTZO BO MA YIN ZHES BYA BA 'DI YANG MTHA' YOD PA'I PHYIR SNGA MA SNGA MAR NYE BAR BTAGS PA ZHES PHYI MA PHYI MA LAS GTZO BO YIN ZHES BYA BA'I DON TO, ,YON TAN LA SOGS PA LA 'AM ZHES BYA BA 'DIS MED PA'I KHYAD PAR DANG LDAN PA ZHIG PA LA'AM SKYES LA ZHES BYA BAS MED PA'I KHYAD PAR CAN BRJOD PA YIN PAR BSTAN PA NI, ZHIG PA DANG MA SKYES PA LA NI ZHES BYA BA'O, ,GAL TE MED PA'I KHYAD PAR LA YANG GTZO BO YIN YANG KHYAD PAR DANG KHYAD PAR CAN GYI SGRA DAG RNAM GRANGS NYID DU 'GYUR TE, KHYAD PAR CAN TZAM YOD PA'I PHYIR ZHES BYA BA'I DON DANG THA DAD PA MED PA THA DAD DON ZHES BYA BA 'DI 'CHAD PAR BSTAN PA NI GAL TE KHYAD PAR ZHES BYA BA'O, ,GAL TE SGRA DAG GI 'JUG PA'I RGYU MTSAN THA DAD PA YIN NA 'DI DAG LA GNAS PA DAG LA BA LANG DANG RTA ZHES BYA BA BZHIN DU GZHI MTHUN PAR MI 'GYUR ZHES ZER BA NI THA DAD PAR 'GYUR BA'I PHYIR THA SNYAD PA YIN LA 'JUG PA'I RGYU MTSAN THA DAD PA SGRA GANG GI YIN PA DE DE LTAR 'GYUR RO, ,DE'I NGO BO NI DE TZAM MO, ,SNANG BA NI SNANG BAR BYED PA NYID YIN PA'O, ,GZHI MTHUN PA NYID NI SGRA LAS BYUNG BA YIN YANG DON LA BYUNG BAR 'GYUR BA MA YIN NO, ,SNGON PO'I SGRA NI YON TAN TZAM LA 'JUG PA YIN GYI YON TAN LA 'JUG PA NI MA YIN GYI, AUTPALA'I SGRA YANG RIG PA TZAM LA 'JUG PA YIN GYI DE DANG LDAN PA LA NI MA YIN NO ZHE NA; 'ON TE YON TAN GYIS MTSON PA'I YON TAN LA 'JUG PA YIN NA NI, DE LTA NA YON TAN CAN DE SPYI NYID DU MTSON PA MA YIN TE, GZHI MTHUN PA MED PAR THAL BAR 'GYUR BA'I PHYIR RO, ,KHYAD PAR LAS YIN NO ZHE NA, DE'I PHYIR BRJOD PA GCIG NYID DANG NI ZHES BYA BA STE, 'BREL PA NA ZHES BYA BA NI RGYU MTSAN GYI BDUN PA STE RGYU MTSAN DANG BYED PA DANG RGYU RNAMS LA THAMS CAD LA MANG POR MTHONG BA YIN ZHES BYA BA'I TSIG LAS SO, ,'DU BA'I 'BREL PA NI DE LTAR MTSON PA'I RGYU MTSAN YIN PA'I PHYIR GCIG NYID KYIS THAMS CAD MTSON PA NI DON GYI SGO KHO NA LAS YIN NO, ,DE'I PHYIR DPYOD PA KHO NAS DE YANG DPYAD PA YIN PAR BSTAN PA NI; DON RNAMS GZHI MTHUN PA NYID KYANG ZHES BYA BA'O, ,YON TAN NI YON TAN CAN GYI KHYAD PAR MTSON PAR BYED PA YANG RANG YONGS SU GCOD PAS MTSON PAR BYED PA YIN GYI GZHAN MTSON PAR BYED PA NI MA YIN TE, DE'I PHYIR GNYIS PA'I SBYOR BA YIN NO SNYAM DU SEMS PA NI 'BREL PA YOD PA YIN NA YANG ZHES BYA BA STE,

, ,GANG LAS ZHES BYA BA 'DI'I LAN NI, 'DU BA'I STOBS KYIS NI ZHES BYA BA STE, GZHAN MI SRID PA'I PHYIR RO, ,JI LTAR ZHES BYA BA 'DI LA NI THA MI DAD PAR ZHES BYA BA'O, ,'DU BA LA NI PHRAD PA BZHIN DU DON DMIGS PA MA YIN TE, ,SO SO BAR GRUB PAR THAL BAR 'GYUR BA'I PHYIR RO, ,DE'I PHYIR YON TAN DANG YON TAN CAN YANG THA MI DAD PAR DMIGS PA YIN NA DE DAG LA 'DUS PA DAG GI YON TAN DANG RIGS DAG LA DE LTAR DMIGS PA YIN PA'I PHYIR GCIG GI SGRA DON MED PA KHO NA YIN PAR BSTAN PA NI, GCIG NYID LAS NI ZHES BYA BA'O, ,'ON TE SNGON PO DANG AUTPALA'I SGRA DAG LA PHAN TSUN YONGS SU GCOD PA'I CHOS CAN LA KHYAB PA NI MA YIN TE, RANG GI BRJOD BYA YONGS SU GCOD PA TZAM LA MTHAR THUG PA YIN NO SNYAM DU SEMS PA NI, 'ON TE SNGO SOGS ZHES BYA BA'O, ,AUTPALA NYID 'DU BA CAN GYI CHOS CAN SNGON PO'I SGRA LAS RTOGS PA YIN NA, JI LTAR DBYE BA 'DI YIN ZHES ZER BA LA 'DU BA CAN TE; CHOS CAN NI AUTPALA NYID KYIS SO, ,RTOGS PA NI SNGON PO'I SGRA LAS SO, ,DE'I MNGON SUM GYIS SNGON PO'I CHOS RTOGS PA NA DE'I 'DU BA CAN AUTPALA NYID KYANG RTOGS BYA NYID DU MTHONG BAR BSTAN PA NI, JI LTAR SNGON PO MNGON SUM GYIS ZHES BYA BA'O, ,KHYAD PAR GYI MTHAR THUG PA YIN NA YANG SGRA NGAG GI GZHI MTHUN PA NYID DU MI 'GYUR BA YIN NO ZHES BYA BA NI, SGRAS NI NGES PA NYID KYI DON, ,ZHES BYA BA'O, ,BLANGS PA'I SNGON PO NYID CHOS CAN LAS GZHAN YOD PA MA YIN TE, MNGON SUM GYIS MA DMIGS PA'I PHYIR RO ZHES BSTAN PA NI, AINDRA N'I LA AUTPALA SOGS ZHES BYA BA'O, ,DE'I PHYIR CHA TZAM GSAL BA MA YIN NO ZHES BYA BA GSAL BA YIN TE ME BZHIN BA'I CHA NYID LEN PA YIN NA SGRA DON DANG REG PAR MI 'GYUR RO ZHES BYA BA'I DON TO, ,SNGON PO'I SGRA LAS AUTPALAR YANG NYE BAR 'JOG PAR BYED PA NA AUTPALA'I SGRA BZHIN YOD NA AUTPALA MA YIN PA LAS LDOG PA MA YIN NAM, DE BZHIN DU AUTPALA'I SGRA LA YANG SNGON PO'I SGRA YOD NA, SNGON PO MA YIN PA LAS LDOG PA YIN PA'I PHYIR GNYI GA'I NUS PA YIN NO SNYAM DU SEMS PA LA, GAL TE SNGO NYID CES BYA BA STE, GAL TE SNGON PO'I SGRA AUTPALA TZAM GYIS NUS PA CAN BZHIN NO, ,SNGON PO'I SGRA DON MED PAR 'GYUR LA, 'ON TE DE DANG DE MA YIN PA LA NUS PA CAN

YIN NA JI LTAR AUTPALA'I SGRA NYE BA NA LDOG PAR 'GYUR, 'ON TE DE NYE BA DANG MA 'BREL BA YANG SKYES BUS DE LTAR RNAM PAR GZHAG PAR BYA BA YIN NO, ,DE LTA YIN NA SKYES BU'I BLO LAS BYUNG BA'I KHYAD PAR LA SOGS PA NYID YIN GYI SGRA LAS BYUNG BA NI MA YIN NO, ,'ON TE SGRA YANG BLO DE'I RJES SU 'JUG PA YIN NA DE LTA YIN NA BLO SGRUB PA NI 'DI BRJOD BYA YIN PA'I PHYIR PHYI ROL GYI DON NYID NI MA YIN NO, ,'ON TE KHYAD PAR LA YANG SGRA NYID NUS PA CAN YIN NA THAMS CAD LA DE BZHIN DU 'GYUR RO, ,'ON TE GZHAN LA YANG NUS NA 'DI LA YANG DE BZHIN DU 'GYUR TE, NUS PA DE DANG MA BRAL BA'I PHYIR RO, ,GNAS SKABS LA SOGS PA YANG 'DIS BSHAD PA YIN NO, ,GANG GI PHYIR SKYES BU NI GNAS SKABS PAS DE LA MED PA'I KHYAD PAR YANG RTOGS PA YANG YIN NO ZHES BYA BA'I DON TO, ,GANG GI LA YANG SNGON PO MA YIN PA LOG PAS SNGON PO'I SGRAS RTOGS PAR BYA BA DE NYID AUTPALA'I SGRA YANG AUTPALA MA YIN PA LAS SO LDOG PA PHAN TSUN KHYAD PAR MED PAS GZHI MTHUN PA MED PA YIN TE, KHYAD PAR DANG CIG SHOS YOD PA DANG MED PAR THAL BAR 'GYUR RO SNYAM DU SEMS PA LA DE'I PHYIR RANG GI BAG CHAGS KYI DBANG GIS SKYES PA'I BLO NYID CES BYA BA STE, BAG CHAGS LAS BYUNG BA'I RTOG PA SNGON PO NYID DANG CIG SHOS THA DAD PAR BYED CING SLAR YANG THA MI DAD PAR BYED PA DE'I PHYIR GZHI MTHUN PA NYID DAM CIG SHOS SU 'GYUR GYI DNGOS PO THA MI DAD PA LAS NI MA YIN NO, ,RDZAS LHUNG NA DE'I GZUGS LA SOGS PA LHUNG BA YIN GYI GZHAN MA LHUNG BAR MTHONG BA LA GZHAN DU RDZAS DANG LDAN PAR SNANG BA NI MA YIN LA GZHAN LCI BA NYID NI GZHAN GYI LTUNG BA'I RGYU MTSAN MA YIN TE, THAL CHES PA'I PHYIR RO, ,DE'I PHYIR LCI BA NYID KYI PHYIR LTUNG BA YIN PAS GZUGS LA SOGS PA BYED PA DANG LDAN PAR BSTAN PA NI, LCI BA NYID YOD PAS NA ZHES BYA BA'O, ,GAL TE LCI BA NYID BZHIN DU GZUGS LA SOGS PA LTUNG BA LAS LCI BA NYID KYI KYANG DE LTAR 'GYUR NA DE LTAR NA THUG PA MED PA YIN NO, ,RANG GI NGO BO NI DE LTAR LTUNG BA ZHES MA YIN LA DE'I BAR GYIS GZHAN DE LTA BUR GYUR PA MA YIN YANG LTUNG BAR BYED PA NI MA YIN NO, ,DE LA RANG NYID DE LTAR GYUR PA YANG MA YIN PA'I PHYIR CHER DPYOD PA YIN NO, ,YON TAN LTUNG BA YIN ZHES 'DI MTHONG BA YIN PAR BSTAN PA NI

, ,BTUNG BA LA SOGS PA ZHES BYA BA'O, ,GAL TE BAG CHAGS LAS BYUNG BA'I RTOG PA NI, THA DAD PA DANG THA MI DAD PAR YANG BYED NA, JI LTAR DNGOS PO'I NGO BO GZHAN DU 'GYUR DE'I DBANG DU BYAS PA YIN NA, DE NYID RNAM GRANGS NYID YIN NO SNYAM DU SEMS PA LA, DNGOS PO THA MI DAD KYANG LDOG PA'I BYA BA'I DBANG GIS RTOG PA BAG CHAGS BYUNG BA YIN PAR BSTAN PA NI, DE'I PHYIR LDOG PA'I KHYAD PAR GYIS ZHES BYA BA STE, THA DAD PA ZHES BYA BA STE, PHO RTAGS YIN TE, SGRA DANG SHES PA'I BSAMS PAS YIN PAR BSTAN PA NI, SGRA DANG RTOGS PA THA DAD PA YIN TE ZHES BYA BA'O, , GAL TE LDOG PA'I YUL LA RTOG PA YIN NA BA LANG GI BA LANG NYID CES BYA BA BZHIN DU, BA YANG THU YU ZHES BYA BAR YANG 'GYUR GYI GZHI MTHUN PAR NI MI 'GYUR RO SNYAM DU SEMS PA NI, 'O NA CI LTAR ZHES BYA BA'O, ,DE LA RE ZHIG BA LANG GI BA LANG NYID CES BYA BA LA SOGS PA DNGOS PO BRJOD PA NYID KYI RTA DANG RTA LA SOGS PA RNAMS KYIS THA DAD BZHIN DU STE, YAN 'GAR BZHIN DU MTSON PA YIN NO, ,GANG DE LA CHOS GZHAN RNAMS KYIS TE DKAR PO NYID LA SOGS PA RNAMS KYI'O, ,KHYAD PAR BYED PA NI RNAM PAR GCOD PAR BYED PA NYID DO, ,DE'I PHYIR DE LAS GZHI MTHUN PA MA YIN NO, ,'DI LTA BU'I SBYOR BA 'DI NI THA SNYAD PA'I MA YIN PA MA YIN NAM DON BYED PAR MI STON PA'I PHYIR RO, ,DE RNAMS DON MED PA CAN LA THA SNYAD DU BYED PA NI MA YIN TE THA SNYAD DU BYED PA'I PHYIR RO, ,RTOG PA DANG LDAN PA'I PHYIR RO ZHES BSTAN PA NI, THOS PA DE TZAM ZHES BYA BA STE, THA SNYAD 'DI YANG DON GYI MTHAR THUG PA KHO NA YIN GYI; JI LTAR THU YUL LA 'JUG PA'I BA LANG GI BRDA NI KHRA MO LA BA LANG NYID KYI THA SNYAD MI BYED KYANG, BA LANG GI SGRA'I YUL YOD PA YIN LA DE 'DI LA YANG DES THA SNYAD LA 'DI'I GO SKABS YOD PA YIN NO ZHES BYA BA'I DON TO, ,'PHANGS PA MED PA NI KHONGS SU GTOGS PA MA YIN PA STE, GZHAN KUN NI CHOS GZHAN TE DKAR PO LA SOGS PA GANG GIS DE DE LTAR YIN PA'O, ,MNGON SUM GYIS BZUNG BA'I DNGOS POR THA MI DAD PA YIN YANG RTOG PAS BSLANG BA'I BSAM PA KHO NAS THA DAD PA YIN TE, 'DI LA DPE NI, SOR MO'I LDAN PA ZHES BYA BA'O, ,GZHI MTHUN PA'I YUL NYE BAR BSTAN PA NI, SOR MO LDAN GYUR

ZHES BYA BA STE, MI LDAN PA LAS LOG PA TZAM YUL NYID YIN PA'I PHYIR RO, ,DE DANG MTHUN PA YANG CHOS GZHAN DANG MA BRAL BA YIN PAR BRJOD PA'I PHYIR DE LAS GZHAN PA RJOD PAR BYED PA DE LTA BU RNAMS KYIS GZHI MTHUN PA 'THOB PA YIN LA CHOS CAN BRJOD PAR GRAGS PA YIN NO, ,DES THAMS CAD KHONGS SU GTOGS PAR BRJOD NA CHOS GZHAN DANG BRJOD PA RNAMS KYIS RNAM GRANGS SU 'GYUR BA MA YIN NAM ZHES ZER BA LA DON GCIG BRJOD KYANG ZHES BYA BA SMOS TE, THA DAD PA DANG THA MI DAD PA DAG LA, BRJOD BYA GCIG KHO NA YIN LA BRAL BA DANG MA BRAL BA DAG KHO NA YIN NO, ,GAL TE 'DI KHO NA CI LAS SHE NA, DE LTAR TE RNAM PA DE NYID KYIS BYAS PA NI RGAN PO RNAMS KYIS SO, ,BRDA NI RNAM PAR GZHAG PA STE, GANG GI YIN PA DE DE BZHIN TE GANG GI PHYIR YIN PA DE'I PHYIR 'DI KHYAD PAR YIN NO ZHES BYA BA'I DON TO, ,'GREL PA MDZAD PA NI LDOG PA'I YUL LA CHOS CAN BRJOD PA'I SGRA DAG GI THA DAD PA DANG THA MI DAD PA YANG RTOG PAS SPRUL PA YIN PAR BSTAN NAS LDOG PA'I THA DAD MED KYANG RTOG PAS BYAS PA'I THA DAD PA'I 'JIG RTEN GYI BRDA LA BRTEN NAS GO BAR BYA'O ZHES BYA BA'I DON DON GCIG BRJOD PA'I ZHES BYA BAS BSHAD PA YIN NO, ,DE BZHIN DU BA LANG GI ZHES BYA BA LA SOGS PAS THA DAD BZHIN DU ZHES BYA BA LA SOGS PA LDOG PA'I THA DAD YOD PA CAN GYI YUL ZHES BYA BA NI RNAM PAR DBYE BA'O, ,DE BZHIN DU ZHES BYA BAS KYANG BRTAGS PA'I THA DAD PAS ZHES 'DZIN PA YIN NO, ,RIL ZHES BYA BA NI CHOS BSDUS PA DANG CHOS GZHAN YANG BRJOD PA YIN NO, ,'DZIN PA GZHAN ZHES BYA BAS NI JI LTA BA'I RNAM GRANGS GSAL BA YIN NO, ,THA DAD PA NI ZHES BYA BAS NI DNGOS SU BA'I THA DAD GSAL BA YIN NO, ,GANG GI TSE BA LANG GI RNAM PA ZHES BYA BA LA SOGS PAS NI THA DAD PAR MNGON PAR BRJOD PA NI MA YIN LA DGONGS PA CAN NYID DU BSTAN PAS THOS PA DE TZAM ZHES BYA BA'I TSIGS BCAD BSHAD PA YIN NO, ,DE'I BDAG NYID KYI 'BREL PA NYID CES BYA BA NI MNGON SUM GYIS DE NYID MTHONG BA'I PHYIR RO, ,'BA' ZHIG CES BYA BA NI YUL THAG RING PO LA BA LANG DANG RTA'I BYE BRAG LA RNAM PAR DPYOD PA MED PA'I PHYIR RO, ,BA LANG DKAR PO ZHES BYA BAS THA DAD PA'I THA SNYAD KYI YUL

, ,BSTAN PA NI, SOR MO LDAN GYUR PA ZHES BYA BA'O, ,GANG GI TSE ZHES BYA BA LA SOGS PAS TSIGS SU BCAD PA'I PHYED BSHAD PA YIN NO, ,MKHAS PA ZHES BYA BA LA SOGS PAS NI JI SKAD BSTAN PA SDUD PAR BYED PA YIN NO, ,'DI RNAMS TSIGS SU BCAD PA DANG POS NI GANG GI TSE BA LANG GI RNAM PA ZHES BSTAN PA'I DRI BA BSDUS PA YIN NO, ,GNYIS PAS NI DE'I TSE BA LANG GI'O ZHES SNGAR MTHONG BA LAS ZHES BYA BA BSDUS PA YIN NO, ,GANG GI TSE GAL TE MTHONG BA DMAN PA ZHES BYA BA BSTAN PA NI, GAL TE TSAD MA'I 'JUG PA LA ZHES BYA BA 'DIS BSDUS PA YIN NO, ,DE'I TSE NI LAN DU ZHES BSTAN PA NI DE'I TSE DNGOS RIG PA DE ZHES BYA BA 'DIS BSDUS PA YIN NO, ,GZHAN DU NA THA DAD PA DANG THA MI DAD PA'I THA SNYAD MI RIGS PAR BSTAN PA NI, TSUL LUGS GZHAN GYI GO SKABS NI, ,ZHES BYA BA'O, ,CI LAS YIN ZHE NA, MNGON SUM NYID DAM ZHES BYA BA STE, CHOS CAN GYI THA DAD PA'AM THA MI DAD PA YANG RUNG MNGON SUM GYIS 'DZIN PA MA YIN NO ZHES BYA BA'I DON TO, ,NGES PAR BZUNG BA YANG CHOS DANG CHOS CAN DAG LA MNGON SUM MED NA MA YIN PA MA YIN NAM JI LTAR THOG MA MED PA'I BAG CHAGS RTZA BA YIN ZHES ZER BA LA, GANG TSE RJES 'GRO LDOG PA DAG, ,CES BYA BA'O, , THA SNYAD DE NI DE LTA NYID, ,CES BYA BA NI THOG MA MED PA'I BAG CHAGS KYI RGYU MTSAN LAS NGES PAR BZUNG BA YIN NO, ,GANG GI PHYIR SGRA DANG SHES PA NI THOG PA MED PA'I BAG CHAGS LAS BYUNG BA'I RNAM PAR RTOG PA'I DON GYI YUL YIN PA DE'I PHYIR DE LAS YAN LAG CAN LA SOGS PA MI 'GRUB PO ZHES BYA BA NYE BAR BSDU BA NI, DE'I PHYIR YAN LAG NYID CES BYA BA'O, ,GAL TE CHOS CAN GYI SGRA LDOG PA'I DNGOS PO'I YUL LA CHOS GZHAN MA SPANGS BA'I PHYIR DE'I BRJOD PA RNAMS KYIS GZHI MTHUN PA YIN PA GZUGS NI BUM PA'O ZHES BYA BAR YANG 'GYUR RO, ,GZUGS LA SOGS PA'I SGRA'I BRJOD BYA LAS GZHAN LA YAN LAG CAN DANG 'DUS PA LA SOGS PA DE'I YUL MA YIN NA GANG GIS 'DI SKYON MA YIN SNYAM DU SEMS PA NI, GAL TE YAN LAG CAN NI ZHES BYA BA'O, ,GAL TE YANG GZUGS LA SOGS PA THA DAD PA CUNG ZAD KYANG MED PA LA GZUGS LA SOGS PA RNAMS MTHUN PA'I

'BRAS BU DE LA MI BYED PAR RNAM PAR GCOD PA'I NGO BO'I NUS PA NI BUM SGRA BRJOD PA NI GZUGS LA SOGS PA'I NUS PAS BLANGS PA MA YIN LA DKAR PO LA SOGS PA'I NUS PA NI BLANGS PA YIN NO, ,BLANGS PA DANG MA BLANGS PA DE DAG NI GZHI MTHUN PA NYID DANG MI MTHUN PA NYID LA YANG 'DUS PA'I SGRA NYID DANG GZHAN LA NI RIGS KYI SGRA NYID YIN PAR BSTAN PA NI GZUGS LA SOGS ZHES BYA BA STE, GZUGS LA SOGS PA RNAMS KYI NUS PA THA DAD PA NI KHYAD PAR TE NGES PA'I 'BRAS BU LA THUN MONG MA YIN PA'I 'BRAS BU YIN LA DE RNAMS 'PHEN PA MA YIN PA STE, BLANGS PAS 'JUG PA ZHES BYA BA NI SGRA'I NUS PA YIN PAR 'JIG RTEN GYI THA SNYAD KYI RJES SU 'GRO BAR BRJOD PA YIN NA, DE'I PHYIR 'DI LTA BUR NUS PA'I KHYAD PAR TE NGES PA'I MI 'PHEN PAR BSTAN PAS NUS PA'I SPYI'I YUL BSTAN PA YIN NO, ,DE LTA YIN NA NUS PA'I SPYI NYID KYI DNGOS PO NYID BRJOD BYA YIN PA'I PHYIR YAN LAG CAN LA SOGS PA JI LTAR SPANGS PA YIN ZHES ZER BA LA, DE MTSUNGS ZHES BYA BA SMOS TE, ,DES TE GZUGS LA SOGS PA RNAMS DE MTSUNGS PA YANG YIN LA, 'BRAS BU YANG YIN PA NI CHU 'DZIN PA LA SOGS PA'I 'BRAS BU'O, ,DE'I RGYU MA YIN PA NI BYED PA MA YIN PA STE, SNAM BU LA SOGS PA'I GZUGS LA DE RNAM PAR GCOD PA'I NGO BO STE, BYED PA PO LA YOD PA'I BYA BA YIN PAR KHAS BLANGS PA'I PHYIR RO, ,GANG GI PHYIR NUS PA NI NUS PA MA YIN PA LAS LOG PA'I NGO BO YIN GYI GZHAN NI MA YIN NO, ,GAL TE GZUGS LA SOGS PA'I NUS PA'I SPYI BUM PA'I SGRAS BRJOD PA YIN NA, DE NYID 'DUS PA'I SGRA KHO NA YIN GYI RIGS KYI SGRAR MI 'GYUR ZHES ZER BA LA, DES NA 'DI'I ZHES BYA BA SMOS TE, BUM PA'I SGRA KHO NA NUS PA'I SPYI LA LTOS NAS 'DUS PA YIN TE, KHYAD PAR GYI NUS PA LA MI 'PHEN PA'I PHYIR RO, ,DE 'PHEN PA LAS NI DKAR PO BZHIN DU RIGS KYI SGRA YIN NO, ,NUS PA'I KHYAD PAR MI 'PHEN PA KHO NAS NUS PA'I SPYI LAS DE DE'I ZHES BYA BAR THA DAD PAR RNAM PAR DBYE BA BSTAN PA NI, BUM BA YE NI GZUGS SOGS ZHES BYA BA STE, TZAN DAN GYI DRI ZHES THA SNYAD 'DOGS PA NI YON TAN DANG YON TAN CAN THA DAD PAR BYED PA MA YIN TE, GZHAN DU YANG YOD

, ,PA'I PHYIR RO, ,NUS PA'I SPYIS KHYAD PAR CAN DU GYUR PA RNAMS NI DE LAS GZHAN PAS KHYAD PAR CAN DU BYAS PA'I GZUGS LA SOGS PA RNAMS LAS GZHAN PA 'JUG PA'I YUL DU 'GYUR BAR BSTAN PA NI, DE SPYI YAN LAG TU BYAS PA GANG DAG GI YIN PA DE DAG GI YIN GYI GZUGS LA SOGS PA TZAM GYIS NI MA YIN TE, BUM PA LA NGES PA'I DON BYED NUS PA'I SPYI'I YAN LAG DBYE BA YIN PA'I PHYIR, SNA TSOGS PA NYID KYIS NGO BO LA NYE BAR GNOD PA YIN ZHES BYA BA'I DON TO, ,DE DE LTAR BUM PA LA SOGS PA'I MING GI TSIG NI THOG MA MED PA'I BAG CHAGS LAS BYUNG BA'I RNAM RTOG GIS SBRUL PA'I DON GYI DBYE BA LA GNAS PA'I DON DANG 'JIG RTEN GYI LUGS LA YANG BRTEN NAS RNAM GRANGS MA YIN PA LA SOGS PAR BSTAN NAS, DA NI NYE BAR BSGYUR BA DANG, TSIG PHRAD DANG A'A KHYA TA LA SOGS PA RNAMS KYANG BRTAGS PA'I DON GYI DBYE BAS GZHI MTHUN PA NYID DANG CIG SHOS LA SOGS PA 'JIG RTEN GYI RNAM GZHAG LA BRTEN NAS YANG BSHAD PAR BYA'O ZHES BSTAN PA NI, PHYOGS 'DIS GZHAN LA YANG BRJOD PAR BYA ZHES BYA BA STE, 'DIS TE BRTAGS PA'I DNGOS PO'I DBYE BA DANG 'JIG RTEN GYI RNAM GZHAG DANG, SGRA'I NUS PA'I NGO BOS 'DI KHO NAS SEL BA RNAMS KHYAD PAR MED PA NYID KYIS RANG LA YOD PA'I DBYE BA MED PA'I PHYIR SGRA MA LUS PA'I RNAM GRANGS NYID GSAL BA YIN TE, BRTAGS PA RNAMS KYI DBYE BA MA RTOGS PA'I PHYIR RO, ,RIGS KYI SGRA NI ZHES BYA BA NI 'DI ZHES BYA BA LA LTOS PA YIN LA TSOGS PA'I SGRA 'DI NYID CES BYA BA NI RIGS KYI SGRAR 'GYUR TE, NUS PA DE'I SPYI NI GSAL BYA SO SO LA NGES PA GANG GI TSE RJOD PAR BYED, CHOS GZHAN MA SPANGS PAS ZHES BYA BA 'DI LA BSAMS PA'O, ,TSOGS PA'I SGRA NI 'DI LA DPE NI, DPER NA NAGS ZHES BYA BA'O, ,RIGS KYI SGRA ZHES BYA BA 'DI LA, DPE NI, DPER NA SHING ZHES BYA BA'O, ,NUS PA'I SPYI'I RJOD BYED KYANG NUS PA'I KHYAD PAR GYI RJOD BYED RNAMS KYI RES 'GA' ZHIG MTHUN PA NI SHING DANG NAGS ZHES BYA BA BZHIN DU, 'JIG RTEN LA SBYOR BA KHO NA MA YIN SNYAM DU SEMS PA NI, 'ON TE JI LTAR ZHES BYA BA'O, ,SHING DANG NAGS ZHES BYA BA NI 'JIG RTEN GYI RNAM GZHAG LAS DE LTAR YOD PA

LAS 'GYUR BA YIN GYI GZUGS BUM PA ZHES BYA BA NI MA YIN TE, DE MED PA'I PHYIR RO ZHES BSTAN PA NI, GAL TE BSTAN BCOS ZHES BYA BA STE, BSTAN BCOS GZHAN NI, RKANG MIG LA SOGS PA'I RIG PA'I RJES SU 'BRANG BA'O, ,'JIG RTEN RNAM GZHAG GI RJES SU 'JUG PA YIN NA; GZUGS LA SOGS PA RNAMS BUM PAR 'GYUR BAR BSTAN PA KHO NA NI DNGOS PO YANG DAG PAR ZHES BYA BA STE, DE MTSUNGS PA NI 'BRAS BU YI, ,RGYU MIN PA NI RNAM DPYOD PA, ,ZHES BYA BA 'DI LA DBYIBS KYI KHYAD PAR DU MNGON PAR 'DOD PA BZHIN NO GZHAN DU NA SPYI'I 'BRAS BU LA NUS PA MED PAR THAL BAR 'GYUR ZHES BSTAN PA NI, DBYIBS KYI KHYAD PAR GANG LAS ZHES BYA BA'O, ,DBYIBS DANG LDAN PA LAS THA DAD PA DE'I DBYIBS NI MA YIN NO, ,DE RNAMS DE LTAR 'BYUNG BA 'BA' ZHIG NI DE LTA BU'I THA SNYAD KYI YUL YIN PA'I PHYIR GZUGS LA SOGS PA RNAMS BUM PA BZHIN DU RIGS PA SHES PA PO LA GZUGS DANG BUM PA ZHES BYA BAR NI MI 'GYUR RO, ,PHYOGS GCIG LA BSDUS PA'I TSIG MED PA'I PHYIR RO ZHES BYA BA NI GZUGS LA BUM PA ZHES BYA'O, ,GAL TE PHAN TSUN KHYAB PA MED PA'I PHYIR GZUGS NI BUM PA ZHES BYA BAR GZHI MTHUN PA MA YIN NA DE BZHIN DU 'DIR YANG SHING NI SHING SHA PA ZHES BYA BAR MI 'GYUR RO, ,SHING SHA PAS SHING LA KHYAB PA NI MA YIN TE, SENG LDENG LA YANG YOD PA'I PHYIR RO SNYAM DU SEMS PA NI, GAL TE SHING DANG ZHES BYA BA'O, ,DE YANG YOD PA KHO NAS YOD PA LA KHYAB PA NI MA YIN NO, ,'ON KYANG RTOGS PA 'PHEN PA NI MA YIN LA, DE MI 'PHEN PA KHYAB BYA YIN PAR BSTAN PA NI, SHING BLO ZHES BYA BA'O, ,'DIR YANG ZHES BYA BA NI KHYAD PAR CAN GYI NUS PA DANG LDAN PA YANG 'PHANGS PA YIN ZHES BYA BA 'DI LA YANG NGO, ,GNA'I THA SNYAD NI 'JIG RTEN GYI THA SNYAD DO, ,RGYU MTSAN DE LAS KYANG SGRA'I NUS PA YIN GYIS RANG BZHIN GYI NI MA YIN TE, BRDA MA BZUNG NA MI RTOGS PA'I PHYIR RO, ,'DI SHING RTOG PA NAS ZHES BYA BAS SGRA LAS RTOGS PA NI MA YIN TE, DON MNGON SUM PA YIN PA'I PHYIR 'DI ZHES BYA BAR RAB TU GRUB PAR RJES SU BRJOD NAS SHING RTOG PA NAS ZHES PA SA'I SGRA BRJOD PAR BYA BA NYID DU GRUB PAR BYED PA YIN NO, ,DE'I PHYIR SGRA MA BZUNG

, ,BA LAS GNYI GA LAS BYUNG BA'I SHES PA YOD PA YIN TE BRDA CAN MA YIN PA NYID DU THAL BAR 'GYUR BA'I PHYIR RO, ,GAL TE BA LANG DAG NI NYI SHU'O ZHES BYA BA LA SOGS PA'I 'DRI BA YANG GRANGS LA JI LTA BA BZHIN DU NYE BAR BSGYUR BA DANG TSIG PHRAD DANG A'A KHYA TA DAG LA YANG MTSUNGS PA BCU 'DUS PA STE, BCU PHRAG GNYIS KYI NGO BO GZHAN KHO NA YIN PAR BSTAN PA NI, BSTAN PA'I NUS PA ZHES BYA BA STE, RAB TU GNAS PA DANG MNGON PAR 'GRO BA ZHES BYA BA NI NYE BAR BSGYUR BA'O, ,YOD PA'AM MED PA ZHES BYA BA NI TSIG PHRAD DO, ,'TSED PAR BYED CES BYA BA NI, A'A KHYA TA RNAMS KYI BYA BA BYED PA PO'I GNAS SKABS KYI TSIG LAS DON GYI BYE BRAG GSAL BA YIN NO, ,DE BZHIN DU DON GYI DBYE BA'I RJES SU 'BRANG BA'I RNAM RTOG GI GO BYA'I DON GYI BYE BRAG LA THA SNYAD DU BYED PA NI SGRA LAS CHUNG BA YIN GYI, SGRUB PA SMRA BA NI MA YIN TE, SGRUB PA SMRA BA PO RNAMS KYIS KYANG MA BOR BA'I PHYIR RO, ,YAN LAG CAN NAM SPYI LA YANG YAN LAG GI DBYIBS KYI KHYAD PAR DE LAS GZHAN PA LAS LOG PA MA RTOGS PAS RTOGS PAR MI NUS TE RJES SU 'JUG PA TZAM YIN PA'I PHYIR RO, ,BAG CHAGS JI LTA BA BZHIN DANG BRDA JI LTA BA BZHIN DU RTOG PA DON GYI DBYE BA RJES SU SGRUB PA BZHIN BA NI YUL DE KHO NA LA RIGS KYI DMIGS BZHIN PA MA YIN PA YAN LAG CAN DANG SPYI LA SOGS PA'I YUL LA NI MA YIN NO, ,DE LTAR SPYI'I DON GYI DBYE BA YUL LA BRTEN NAS SGRA'I THA SNYAD RNAM PAR DBYE BA BYAS NAS, DA NI DER GTOD PA MA BYAS PAS THOG MA MED PA'I BAG CHAGS TZAM GYI RNAM RTOG GIS BRTAGS PA'I DON GYI DBYE BA LA BRTEN NAS RNAM GRANGS MA YIN PA NYID DU BRJOD PA NI, YANG NA THOG MA MED PA'I ZHES BYA BA'O, ,PHYI ROL GYI DON LA YANG DE LTA BU'I BAG CHAGS YOD PA'I PHYIR BRTAG PAR BYA BA DANG GCIG TU BYAS NAS THA SNYAD DU BYED PA NI SGRUB PA'I YUL KHO NA LA YIN DU ZIN KYANG DE BZHIN DU SPYI DANG YAN LAG CAN LA SOGS PAR 'GYUR BA'I SKYON MED PAR BSTAN PA NI, GAL TE SGRA DON DE LTA BU YIN YANG ZHES BYA BA STE, DE LA STE SGRUB PA'I NGO BO'I BRJOD BYA LA RTZOD BYED NI SGRUB BYED RTOGS PAR BYED PA YIN TE, DES KYANG GZHAN GYI 'DOD PA CUNG ZAD KYANG MI 'GRUB PO ZHES BYA BA'I DON TO, ,DE LTAR BRJOD

BYA'I RNAM PAR DBYE BA NI RTOG PA TZAM GYI RGYU MTSAN LAS YIN PAR BSTAN NAS BRJOD KYI RNAM PAR DBYE BA YANG LEGS PA'AM MA LEGS PA'I NGO BO BAG CHAGS TZAM LAS BYUNG BA YIN TE, RNAM PAR RTOG PA'I RGYU MTSAN CAN KHO NA YIN NO, ,'DI LTAR DON GYI RNAM PAR DBYE BA NYID NI LEGS PA NYID KYI RGYU MTSAN MA YIN TE, MI LEGS PAR 'DOD PA LA YANG YOD PA'I PHYIR RO ZHES BSTAN PA NI, THA MAL PA'I SGRA ZHES BYA BA'O, ,'DU BYED DANG LDAN PAS 'DUS BYAS PA NYID NI THA MAL PA LA YANG YOD PA 'DI YANG MI RIGS PAR BSTAN PA NI, MTSAN NYID KYIS NI 'DOD PA NI MNGON PAR 'DOD PA'O, ,'ON TE LEGS PA NYID DANG CIG SHOS NYID 'DUS BYAS DANG CIG SHOS NYID YIN NA DE YANG RAB TU GRAGS PA MED NA RTOGS PA MA YIN NO, ,RTOGS PA MA YIN PAR BSTAN PA NI, LEGS PAR SBYAR DANG LEGS MIN ZHES BYA BA STE, CHOS DANG CIG SHOS KYI RGYU MTSAN LAS NI LEGS PA DANG MI LEGS PA NYID KYI NGO BO LEGS PAR SBYAR BA DANG CIG SHOS NYID TSAD MA GO BAR BYA BA MA YIN NO ZHES BYA BA'I DON TO, ,TSAD MA'I RJES SU 'JUG PA MED NA GRAGS PA NI MED PAR SMRA BA'I TSIG BZHIN DU PHYIN CI LOG TU GO BAR BSTAN PA NI, RNAM PAR GZHAG PA TZAM DU ZAD CAS BYA BA'O, ,YAN LAG DRUG PA'I RIG BYED RGYU MED PAR 'DON PAR BYED PA YIN NO ZHES BYA BA'I LUNG NI BY'A KA RA NA'I RTZA BA YIN NO, ,LUNG YANG TSAD MA KHO NA YIN SNYAM DU SEMS PA LA, MA MTHONG BA'I DON BRJOD NI ZHES BYA BA STE, LUNG NI BAG CHAGS LAS BYUNG BA'I RNAM PAR RTOG PA TZAM GYIS MTHONG BA'I DON GYI YUL LA YIN GYI DNGOS PO LA BRTEN PA NI MA YIN NO, ,DE LA BRTEN PA YIN NA NI DE SGRUB PA YIN NO, ,MA MTHONG BA'I DON LA MA YIN DU ZIN KYANG 'BRAS BUR RTOGS PA NA CHOS KYI 'BRAS BUR 'GYUR RO ZHES BYA BA'I DON TO, ,DE LA YID CHES YOD MIN TE, ZHES BYA BA NI, MNGON SUM LA SOGS PA'I TSAD MA MED PA'O, ,DE BZHIN DU THA MI DAD PA'I YAN LAG CAN DANG SPYI LA SOGS PA RNAMS SHES PA'I RGYU NI MNGON SUM LA SOGS PAS SAM THA SNYAD LAS KYANG RTOGS BYA MA YIN NO ZHES BSTAN PA YIN NO, ,SO SOR SNANG BA'I DBYE BAS THA DAD PAR NI 'GYUR NA RGYA CHEN POR DMIGS PAS PHAN TSUN RJES SU MI 'GRO BAR 'GYUR BA'I PHYIR RO SNYAM DU SEMS

, ,PA NI; GAL TE LUS KYI ZHES BYA BA STE, GAL TE ZHES BYA BA NI KHAS BLANGS PA ZHES BYA BA'I DON 'DI LA'AM DE BZHIN GYI DON LA YIN TE, YAN LAG CAN LA SOGS PA MED PAR BYAS PA YIN NO, ,DE LA ZHES BYA BA NI KHAS BLANGS PA LA PHYOGS GNYI GA LA YANG GO RIMS BZHIN DU SKYON BSTAN PA NI, MA LUS RGYU NYID CES BYA BA STE, RGYU MA LUS CAN NI YAN LAG GCIG MA TSANG NA RGYU MED PA'I PHYIR MI 'BYUNG NGO, ,DE MED KYANG 'BYUNG BA YIN NA NI RGYU DE NYID DANG 'GAL BA'I PHYIR RGYU GZHAN NYID KHYAB BYED DU RTOGS PAR BYED PAS 'GAL BA KHYAB PAR 'GYUR RO, ,RE RE'I RGYU NYID YIN NA YANG KHYAB BYED MANG PO 'BYUNG BA YIN LA DE DANG 'GAL BA GCIG NYID NI KHYAB PAR BYED PA 'GAL BAR 'GYUR BAR BSTAN PA NI, RE RE NUS PA NYID YIN NA, ,ZHES BYA BA'O, ,LUS KYI YAN LAG GI BSKYED BYA'I YANG SHES PA NI DBUGS 'BYUNG BA LA SOGS PA RGYU GCIG GIS NGES PAR GYUR BA NI GCIG KHO NAR 'GYUR BA MA YIN NAM DE'I PHYIR RGYU RE RE NYID LA MANG PO NYID SKYON MA YIN NO SNYAM DU SEMS PA LA, DU MA NYID DU ZHES BYA BA SMOS SO, ,DBUGS DBYUNG BA LA SOGS PA LA YANG DU MA NYID KYI PHYIR DU MA NYID KYI SKYON SPANGS PA MA YIN NO ZHES BYA BA'I DON TO, ,PHYOGS DANG PO 'CHAD PA RNA; 'BRAS BU GANG LA ZHES BYA BA'O, ,GNYIS PA 'CHAD PA NI, 'ON TE YAN LAG RNAMS ZHES BYA BA'O, ,DBUGS 'BYUNG RNGUB DAG GI DU MA NYID DU KHAS LEN PA LA SKYON BRJOD NAS GCIG PA NYID KHAS LEN PA LA YANG PHYOGS GNYIS PA'I SKYON GZHAN LA THAL 'GYUR YIN PA BSTAN PA NI, GCIG NYID YIN NA YANG ZHES BYA BA STE, NUS PA'I RGYU NI RANG GI 'BRAS BU LA LTOS PA DANG BCAS PA YIN LA DES NA KHYAB PA YIN TE DE'I KHYAB BYED 'BRAS BU NYE BAR BYED PA YIN NO, ,DE YOD KYANG MED NA NI KHYAB BYED MA YIN PA'I PHYIR DE'I PHYIR SHING NYID LA SHING SHA PA NYID BZHIN DU RTAG TU NYE BA YIN NO ZHES BYA BAS DANG PO'I 'BRAS BU'I DUS SU GNYIS PA LA SOGS PA'I BYED PA PO NYE BA YIN PAR MTSON PA YIN NO, ,RTAG TU NYE BA DE DE'I TSE MI NYE BAR GYUR PA NI MA YIN NO, ,'ON TE RGYU'I CHOS YIN PA'I PHYIR RAM GZHAN LAS KYANG RUNG 'BRAS BU DE'I DUS SU 'BRAS BU GZHAN BYED PA MA YIN LA DE LTA BU

YIN NA DUS GZHAN LA YANG DE NYID KHYAB PAR MI 'GYUR BA'I PHYIR MI 'BYUNG BA YIN NO SNYAM DU SEMS PA LA GAL TE DU MA'I RGYU MIN NA ZHES BYA BA'O, ,DBUGS 'BYUNG RNGUB LA SOGS PA'I SGRAS NI LUS GZUNG NGO, ,NUS PA'I RGYU NI RANG YOD PAS 'BRAS BU YOD PAR GO BAR BYED PA YIN TE, DES KHYAB PA'I PHYIR RO ZHES BSTAN PA NI, RGYU NYE YANG NGO ZHES BYA BA'O, ,BDEN TE 'BRAS BU SKYED PAR BYED PA'I RANG BZHIN NI LHAN CIG BYED PA LA LTOS PA YIN GYI 'BA' ZHIG NI MA YIN LA DES KYANG 'DI'I BDAG NYID DU GYUR PA 'AM GZHAN YANG PHUL DU BYUNG BAR BYED PA NI MA YIN NO, ,'O NA CI ZHE NA, 'BRAS BU YIN NO SNYAM DU SEMS PA NI, GZHAN DANG GZHAN ZHES BYA BA'O, ,GZHAN LA LTOS PA'I BYED PA RANG BZHIN YIN PA'I PHYIR, AA RU RA LA LTOS NAS LHA 'KHRU BAR BYED PA YIN PA BZHIN DU RIGS PA SHES PA RNAMS KYIS MNYAN PAR BYA BA MA YIN NO, ,'BRAS BU'I RANG BZHIN LTOS PA KHO NA LAS YIN TE, GZHAN NI DE'I 'BRAS BU NYID DU MA RTOGS PA'I PHYIR RO, ,SAD PAR BYED PA RNAMS KYANG DBUGS LA SOGS PA KHO NA BZHIN DU SEMS KYI RGYU NYID MA YIN TE, DE MED KYANG 'BYUNG BA'I PHYIR RO ZHES BSTAN PA NI, SAD PAR BYED PA'I RKYEN KYANG ZHES BYA BA'O, ,DE LTA YIN NA DE'I NGES PA GANG NA YOD CE NA, SNGON GYI 'DU BYED PA ZHES BYA BA SMOS SO, ,'DU BYED PA 'BRAS BU LA MI 'KHRUL PAR RTOGS PA YIN NA, DBUGS LA SOGS PA'I NUS PA NI MA YIN NO ZHES BSTAN PA NI, DES NA GAL TE ZHES BYA BA'O, ,DBUGS 'BYUNG BA LA SOGS PA GCIG NYID CES BYA BA 'DI NGES PA NYID CES BYA BA 'DI DANG SBYAR BAR BYA'O, ,DBUGS 'BYUNG BA LA SOGS PA GCIG NYID DU NGES PAR BYED PAR GZHAN 'DOD PAR KHAS BLANGS NAS DE MI RIGS PAR BSTAN PA YIN NO, ,DA NI RTOGS PA DANG 'GAL BAR BRJOD PA YIN PAR BSTAN PA NI, GCIG NYID DU 'THAD PA NI MA YIN TE ZHES BYA BA STE, DBUGS 'BYUNG BA GCIG GI DUS SU YANG DON DU MI SHES PA CIG CAR SKYES PAR MTHONG BA'I PHYIR DBUGS 'BYUNG BA DE LAS NGES PAR 'BYUNG BA NI MA YIN TE, DE LTA MOD KYI GANG DU YANG 'GRO BA NA BGROD BYA DRAN PA KHO NA'I TSE MDUN NA GNAS PA'I SHING MTHONG BA DANG DE'I ME TOG GI DRI BSNAMS PA DANG, SO RTZI LA

, ,SOGS PA'I RO MYONG BAR BYED PA DANG MKHRANG BA LA REG PA'I RLUNG LA SOGS PAS REG PAR YANG BYED PA LA SOGS PA RNAMS LA RIM GYIS RTOGS PA MA YIN LA CIG CAR RTOGS KYANG MA 'KHRUL PA YIN TE, GNOD PA CAN MED PA'I PHYIR RO, ,RES 'GA' RIM GYIS RTOGS PAS RTOGS PA LA NGES PAR BYED PA CIG CAR BAR MNGON PAR RLOM PA'I 'KHRUL PA NI MA YIN TE, DE KHO NA'I 'GOR BA DANG CIG SHOS DAG GI RIM GYIS DANG CIG SHOS SU YANG LEGS PA YIN PA'I PHYIR RO, ,DBUGS 'BYUNG BA GCIG GI DUS GCIG NYID KYI BLO SKYE BZHIN PA NI DON DU MA 'DZIN PA'I BDAG NYID CAN MA YIN NAM, DU MA NYID NI MA YIN NO SNYAM DU SEMS PA LA, DU MA BLO GCIG GIS SHES NA, ,ZHES SMOS SO, ,RNAM PA MED PA NYID KYIS NYE BA DANG LKOG TU GYUR PA MED PA'I PHYIR DE DAG TZAM 'DZIN PA BZHIN DU DON MA LUS PAR 'DZIN PAR 'GYUR RO, ,SKYED PAR BYED PA NYID DAM NYE BA NI NGES PA'I RGYU MA YIN NO ZHE NA, 'GAL BA MED PHYIR ZHES BYA BA SMOS SO, ,SKYES PAR BYED PA NI SHES PA'I BDAG NYID THOB PAR BYED PA DANG BYA BA NGES PAS KYANG NYE BA'AM DBANG PO YANG RUNG YUL 'DZIN PA LA NGES PAR BYED PA YIN TE, NGES PA MED PAR 'DZIN PA NI, GCIG YIN ZHES KHAS BLANGS PA'I PHYIR RO, ,'DZIN PAR 'DOD PA YANG NGES PAR BYED PA MA YIN TE, THA DAD PA'I PHYIR DANG SKYED BYED MA YIN PA'I PHYIR DANG NGO, ,DE SHES PA'I KHONGS SU GTOGS PA YANG MA YIN NO, ,DE'I PHYIR 'GAL BA MED PHYIR TE, MI MTHUN PA MA YIN PA'I PHYIR RNAM SHES THAMS CAD 'BYUNG 'GYUR RO; GANG GI TSE RJES SU MTHUN PA MA YIN PA'I BLO YANG DUS GCIG GI TSE BYUNG BA NI THAMS CAD 'DZIN PAR BYED PA MA YIN LA DE'I RIM GYIS KYANG YUL DE DANG DE 'DZIN PA MA YIN TE, MI MTHUN PA MA YIN PA NYID KYI KHYAD PAR DANG MTSAN NYID MI MTHUN PA MED PA'I PHYIR RO, ,MI MTHUN PA MA YIN PA NYID TZAM RGYU MTSAN CAN KHYAB BYED YIN NA DE YOD NA NGES PAR 'GYUR LA MI 'GYUR NA NI DE'I TSE RGYU MTSAN CAN MA YIN GYI GZHAN GYI RGYU MTSAN CAN DU 'GYUR BA'I PHYIR 'GAL BA KHYAB PA YIN NO, ,DE'I PHYIR GCIG LA YANG MI 'GYUR RO, ,RIM GYIS KYANG ZHES BYA BA NI RE RES KYANG ZHES BYA BA'I

DON TO, ,DBUGS GCIG KYANG NGES PA MED PA KHO NAR 'GYUR NA NGES PA DANG 'GAL BA KHYAB PA YIN NO ZHES BSTAN PA YIN YANG DBUGS DE LAS RTOGS PA YIN NA DE LAS SHES YANG BRJOD PA DON GZHAN DU 'GYUR BAR BSTAN PA NI, 'DZIN PA DE NYID CES BYA BA STE, 'DI YANG RNAM SHES NUS PA NGES PA'I PHYIR ZHES BYA BA 'DIS RNAM PAR DPYAD PA KHO NA YIN PAR BSAM PAR BYA'O, ,DU MA BLO GCIG GIS SHES NA, ,ZHES BYA BA 'DI YANG GNAS SKABS PA'I TSAD MA LA MI LTOS PA ME LONG DRI MA MED PA LTA BU'I BLO GCIG PU RTAG PA'I SEMS KYI NGO BOR GZHAN GYIS KHAS BLANGS PA LA BRTEN NAS BSHAD PA NI, 'ON TE YID KYI RNAM PAR SHES PA ZHES BYA BA'O, ,'DIS NI RGYAL DPOG PA'I GZHUNG BSAL BA YIN GYI, RGYANG 'PHEN PA'I BSAL BA NI MA YIN TE, DE NI BLO RTAG PAR KHAS LEN PA MA YIN TE, 'JIG RTEN PHA ROL MED PAR 'DOD PA'I PHYIR RO, ,DE'I GZHUNG LAS DBUGS GCIG PO LAS SKYES PA'I BLO GCIG KHO NA RIM GYIS DON DU MA SHES PA YIN ZHES BYA BA KHO NAR BSHAD PAR BYA BA YIN NO, ,GAL TE RNAM PAR SHES PA ZHES BYA BA MED PA NYID THOB NAS TE, THOB PAR BYAS NAS SO, ,NYE BA'I RIM PA KHYAD PAR CAN MED PA'I PHYIR ZHES BYA BA NI RTAG PA'I BLO LA DON GYI KHYAD PAR BSKYED BYA DANG CIG SHOS MED PAS DON NYE BA DANG NYE BA MA YIN PA DAG LA KHYAD PAR MED PA'I PHYIR RO ZHES BYA BA'O, ,NYE BA'I DON 'DZIN PA LA RGYU RNAM SHES KYI BDAG NYID DU GNAS PA NI NYE BA MA YIN PA'I YANG MTSUNGS SO, ,MTSUNGS PA'I PHYIR 'GAL BA'I DON MA YIN PAR BSTAN PA NI, ME LONG RNAM PAR GNAS PA'I ZHES BYA BA NI NYE BA 'DZIN PA'I RGYU MTSAN NYE BA MA YIN PA LA YANG MTSUNGS SO ZHES BYA BA'I DON TO, ,RGYU MTSAN LA KHYAD PAR MED KYANG GAL TE NYE BA MED PA MI 'DZIN NA NYE BA LA YANG DER MI 'GYUR BAR BSTAN PA NI, 'ON TE DE'I TSE NUS PA MED NA ZHES BYA BA'O, ,BLO RTAG PA'I PHYOGS ZHAR LA BYUNG BA YONGS SU RDZOGS PAR BYAS NAS DBUGS 'BYUNG BA NGES PA CAN GYI PHYOGS NYID RJES SU 'BREL PA YIN PAR BSTAN PA NI, 'ON TE 'DI SNYAM DU SEMS ZHES BYA BA STE, DE LA YANG ZHES PA NI DBUGS NGES PAR BYED PA'I PHYOGS LA YANG NGO, ,DBUGS LA SOGS PA GCIG

, ,NYID YIN YANG RTAG PA'I PHYIR 'BRAS BU PHYI MA BYED PA'I NGO BO SNGA NA MED PA'I PHYIR DE'I TSE DE KHO NA DE YANG 'BYUNG BAR 'GYUR RO, ,SHES PA GSAL BA MANG PO'I YIN PAR NI MI RIGS TE, DBUGS GCIG PA NYID YIN PA'I PHYIR RO, ,SKAD CIG MA'I DBUGS MANG PO ZHES BYA BA'O, ,DUS GCIG PA RNAMS KYANG YOD PA'I PHYIR DE KHO NA GSAL BA MANG PO'I YIN NO ZHE NA YANG ZHES BYA BA LA ZER BA NI, RANG RIG MIN PA'I DUS CAN GYI STE RIM GYIS 'BYUNG BA ZHES BYA BA'O, ,DE 'DRA BA'I ZHES BYA BA NI RIM GYIS 'BYUNG BA RNAMS KYI STE SEMS RE RE'I SKYED BYED KHO NA DBUGS RE RE'I SKYED BYED YIN NO ZHES BYA BA'I DON TO, ,DE LTA YIN YANG DBUGS DE RNAMS NYID RIM PA DANG LDAN PAR MI 'GRUB STE RGYU MED PA'I PHYIR RO, ,LUS NI MA YIN TE, DU MA NYID YIN PAS RNAM SHES BZHIN DU DE LA YANG THAL BAR 'GYUR RO, ,GO RIMS LDAN PA'I RGYU MED PHYIR, ,ZHES BYA BA'O, ,DA LTAR BA BZHIN DU SNGA MA SNGA MA'I RANG GI RIGS RGYU NYID YIN YANG SKYE BA'I DANG PO LA 'BYUNG BAR MI 'GYUR TE, 'JIG RTEN PHA ROL KHAS MI LEN PAS RANG GI RIGS KYI SNGA MA MED PA'I PHYIR RO ZHES BSTAN PA NI, RANG RIGS SNGA MA RGYU NYID NI, ,ZHES BYA BA'O, ,SKYE BA'I DANG PO'I DBUGS NI RES 'GA' BA MA YIN PA'I PHYIR 'BRAS BU YIN GYI RGYU CI YIN PAR RTOGS PAR BYED PA MA YIN NAM SNYAM DU SEMS PA LA, DES DE DBUGS DE 'DRA BA ZHES BYA BA RANG GI RIGS YOD PA MA YIN TE, 'JIG RTEN PHA ROL KHAS MI LEN PA'I PHYIR RO, ,RIGS THA DAD PA YANG RGYU MA YIN TE, 'TSO BA'I GNAS SKABS NA MA MTHONG BA'I PHYIR RO, ,DE'I BSKYED BYA GZHAN GYI TSE GZHAN GYI BSKYED BYA NI MA YIN TE, 'BRAS BU NYID MA YIN PAR THAL BAR 'GYUR BA'I PHYIR RO, ,GZHAN GYI BSKYED BYA BA NYID DU KHAS LEN PA YIN NA DE YANG GZHAN GYI LUS YIN TE GZHAN MA MTHONG BA'I PHYIR RO, ,DE YANG DU MA YIN PA'I PHYIR DBUGS KYANG DU MA YIN NO, ,DE'I PHYIR DE'I 'BRAS BU YANG DUS GCIG LA DU MAR 'GYUR RO, ,DE'I PHYIR DE KHO NA MA NGES PA NYID YIN PAR BSTAN PA NI, DU MA NYID YOD KYANG ZHES BYA BA'O, ,RGYU DU MA NYID MA YIN GYI SO SO SNANG BA LAS KYANG THA DAD PA YUL CAN PHYIR ZHES BYA BA NI,

RGYA CHE BAR DMIGS PA'I PHYIR RO, ,KHAS BLANGS PA DANG 'GAL BA YIN PAR BSTAN PA NI, KHYED LA NI ZHES BYA'O, ,PHA'I DBUGS SNGON DU 'GRO BA CAN YIN YANG RANG GI RIGS SNGA MA DANG LDAN PA NYID KYI RANG GI GOMS PA'I 'BRAS BU LA DBYE BA MED PA'I PHYIR GCIG GI NGO BO'I DBUGS SU 'GYUR ZHES BSTAN PA NI, DE LTA BU'I BDAG NYID DU GYUR PA ZHES BYA BA STE, THAL BA SNGA MA'I ZHES BYA BA NI RANG GI GOMS PA'I 'BRAS BU'I DBYE BYED MED PA'I PHYIR GCIG GI NGO BOR 'GYUR TE, PHA DANG MA'I DBUGS RGYU NYID YIN PAR KHAS BLANGS KYANG NGO, ,BRDAR RTOGS PAR BYED PA NA YANG BA LANG MTHONG BA LAS ZHES BYA BA'I RIGS PAS RNAM SHES DU MA SKYE BAR 'DOD PA KHO NA YIN NO SNYAM DU SEMS PA LA, RIGS MTHUN PA'I ZHES BYA BA STE, GAL TE RIGS THA DAD PA CIG CAR SKYE BA YANG MTSUNGS PAR NI MA YIN TE, MA MTHONG BA'I PHYIR RO, ,GAL TE YANG DBUGS KYI SKAD CIG MA MANG PO RNAMS CIG CAR SKYE BA YIN NA DE RNAMS KHO NA SHES PA RE RE SKYED PAR BYED PA YIN TE THA DAD PA'I PHYIR RIGS THA DAD PA SKYED PAR BYED PA YIN GYI RIGS MTSUNGS PA'I SKYED BYED NI MA YIN NO SNYAM DU SEMS PA LA, SKAD CIG THA DAD PA NYID KYIS ZHES BYA BA'O, ,DBUGS LUS BZHIN DU DU MA NYID YIN NA, RE RE RGYU NYID YIN PAS CIG CAR MANG PO 'BYUNG BAR 'GYUR BA'I SKYON LA DE'I PHYIR BLO NI CIG CAR SKYE BA ZHES BYA BA 'DIS BSTAN NAS, LUS RGYU NYID YIN NA NI, YAN LAG GCIG DANG BRAL NA 'ANG MIN, ,ZHES BYA BA BZLAS NAS BRJOD PAS BSTAN PA NI, GAL TE DU MA'ANG GCIG DUS CAN, , ZHES BYA BA'O, ,'ON TE GANG DANG GANG DBUGS KYI NYE BA'I YAN LAG YIN PA DE DANG DE SHES PA'I RGYUR 'GYUR RO SNYAM DU SEMS PA NI, JI STE JI LTAR YOD RGYU YIN, ,ZHES BYA BA STE, JI LTAR YOD PA NI JI LTAR SRID PA YIN LA, DBUGS NI PHUL DU BYUNG BA'I YAN LAG DANG 'GRIB PA'I YAN LAG KYANG RGYU YIN NO ZHES BYA BA'I DON TO, ,LAN NI, ,SHES PA LA YANG KHYAD PAR YOD 'GYUR TE PHUL DU BYUNG BA DANG 'GRO BA NYID DO, ,RGYU RNAMS PAR 'GYUR BA YIN YANG DE'I 'BRAS BU RNAM PAR 'GYUR BA MA YIN PAR BSTAN PA NI, DE DE'I 'BRAS BU MIN ZHES BYA BA STE, THA DAD PAR KHYAD PAR MED

, ,PAS THA DAD MIN TE, KHYAD PAR DU MI 'GYUR BA STE, DE'I KHYAD PAR GYI KHYAD PAR CAN NYID YIN NA DE'I 'BRAS BU NYID RTOGS PA YIN ZHES BYA BA'I DON TO, ,TSOGS PA DANG MA TSOGS PA DAG ZAD PA DBUGS ZHAN PAR RGYU BA LA SOGS PA RNAMS LA STE, NYUNG BA NYID LAM TSANG BA NYID NI MED PA'O, ,DE LTA BU'I DE NI GNYI GA LA YANG TSOGS PA MED PA KHO NA MA YIN PAR BSTAN PA NI DE MED PAR 'BYUNG BA ZHES BYA BA'O, ,JI LTAR YOD RGYU ZHES BYA BA'I BSHAD PA NI JI LTAR GNAS PA ZHES BYA BA'O, ,GAL TE JI LTAR YOD PA'I RGYU YIN NA NYE BA NA GNAS PA MA YIN PA YANG RGYUR 'GYUR RO ZHES BSTAN PA NI, DE LTA NA 'O NA ZHES BYA BA'O, ,DE LTAR NI MA YIN TE ZHES BYA BA NI YUL LA SOGS PAS GSAL BA NI, RGYU YIN PA MI SRID DE RJES SU 'GRO BA DANG LDOG PA MED DO ZHES BYA BA'I DON TO, ,DE'I PHYIR RGYU'I KHYAD PAR GYIS KHYAD PAR CAN 'BRAS BU YIN PAR BSTAN PA NI DE'I PHYIR TSOGS PA LAS ZHES BYA BA'O, ,GZHAN DU GYUR PA LAS ZHES BYA NI MI NYE BA LAS SO, ,GANG ZHIG GANG GI RNAMS PAR 'GYUR BAR BYED PA NI, YOD NA 'BYUNG BA YIN PAR SHES PA YIN NO ZHES BSTAN PA NI, MA YIN TE, DE 'GYUR BA NYID LAS ZHES BYA BA'O, ,DE 'GYUR BA NYID MED NA YANG DE'I CHOS KYI NGO BO NI DE MED NA MED PA'I PHYIR CI LAS DE'I 'BRAS BUR MA GYUR SNYAM DU SEMS PA LA DE YOD NA NI YOD TZAM GYIS ZHES BYA BA SMOS TE, DE'I 'GYUR BA DAG RGYU DANG LDAN PA DAG MA YIN NA, DE'I CHOS CAN DAG GI YANG DE LTA BU NYID KHO NAR RTOGS PAR 'GYUR TE RGYU MED PA'I SHES PA YIN PAR KHYAD PAR MED PA'I PHYIR RO ZHES BYA BA'I DON TO, ,YONGS SU GYUR PA'I KHYAD PAR LA LTOS PA'I LUS NI SEMS KYI RGYU YIN LA YONGS SU GYUR PA GCIG PA'I PHYIR SKYED PAR BYED PA YIN TE, SHI BA LA DE MED PA'I PHYIR SKYED BYED MA YIN NO SNYAM DU SEMS PA LA, 'DIS NI YONGS SU GYUR PA ZHES BYA BA'O, , DBUGS BZHIN DU YONGS SU GYUR PA YANG 'JIG RTEN PHA ROL MED NA DANG PO YANG MI 'GYUR BA KHO NA YIN TE, RGYU MED PA'I PHYIR RO ZHES BSTAN PA NI, YONGS SU GYUR PA'I RIM PA DE'ANG ZHES BYA BA STE, DA BZHIN DU DE'I KHYAD PAR MED PA YANG RNAM SHES KYI KHYAD PAR GYI RGYUR MI 'GYUR TE, LUS

LA KHYAD PAR MED PA'I PHYIR RO KHYAD PAR YIN NA YANG LUS TZAM LAS MI 'BYUNG BA'I PHYIR SLAR YANG KHYAD PAR RTOGS PA YIN NA THUG PA MED PAR 'GYUR BAR BSTAN PA NI, LUS KHYAD MED PHYIR DE YI YANG, ,ZHES BYA BA'O, ,YONGS SU GYUR PA'I KHYAD PAR MED NA RNAM SHES KYI KHYAD PAR 'DOD PA MA YIN TE, DE RGYU MED PA NYID YIN NA, RNAM SHES KYANG RGYU MED PA CAN NYID DU THAL BAR 'GYUR BA'I PHYIR RO, ,DE BZHIN DU YONGS SU GYUR PA'I KHYAD PAR YANG LUS KYI KHYAD PAR MED NA MI 'BYUNG BAR BSTAN PA NI, JI LTAR YONGS SU GYUR PA'I KHYAD PAR MED KYANG ZHES BYA BA LA SOGS PA'I YONGS SU GYUR PA LA KHYAD PAR YIN NA NI, RTZUB PA DANG CIG SHOS NYID DU MTHONG BA YIN LA DE BZHIN DU LUS LA KHYAD PAR MED KYANG DE'I YONGS SU GYUR PAR 'GYUR BA MA YIN NAM SNYAM DU SEMS PA NI, GAL TE 'O MA LA SOGS PA'I ZHES BYA BA'O, ,'O MA GNYIS DUS MTSUNGS PAR GZHAG PA KHA BAS DRO BAR MTSUNGS PA NI YONGS SU GYUR PAR MTSUNGS PAR 'GYUR BA YIN GYI LUS GNYIS DUS MTSUNGS PAR GNAS PA LA SOGS PA YIN YANG RNAM SHES YONGS SU GYUR PA MTSUNGS PAR 'GYUR BA MA YIN TE, MTSAN NYID MI MTHUN PA GZHAN DANG GZHAN PA'I RNAM SHES MTHONG BA'I PHYIR RO, ,DE'I MI MNYAM PA'I DPE YIN PAR BSTAN PA NI, 'O MA MTSUNGS PA ZHES BYA BA LA SOGS PA NAS MTSUNGS PA NYID DO ZHES BYA BA'I BAR GYI NGAG GCIG YIN NO, ,LUS NYID NI ZHES BYA BA NI YONGS SU GYUR PA'I ZHES BLTA BAR BYA'O, ,GAL TE LUS RNAM SHES YONGS SU GYUR PA'I RGYU MA YIN NA GZHAN GANG YIN ZHES ZER BA LA, LUS MTSUNGS PA DANG MI MTSUNGS PA DAG LA RJES SU MTHUN PA GOMS PA'I BAG CHAGS NI RGYU MTSAN YIN ZHES BYA BAR SBYAR RO, ,DE'I PHYIR JI LTAR SRID PA'I RGYU LA DE'I KHYAD PAR YIN NA 'BRAS BU'I KHYAD PAR KHO NA YIN PAR NYE BAR BSDU BA NI DE'I TSOGS PA'I 'BRAS BU NYID CES BYA BA STE, JI LTAR YOD PA'I 'BRAS BU NYID LA STE, PHUL DU BYUNG BA DANG 'GRIB PA NYID LA YOD PA'O, ,DE LTA MA YIN NA ZHES BYA BA NI RE RE'I NUS PA NYID YIN NA 'ANG NGO, ,DU MA NYID DO ZHES BYA BA NI CIG CAR MANG PO 'BYUNG BAR 'GYUR BA'O, ,DE LTA NA RGYU MTSAN GANG LAS

, ,RNAM SHES RIM GYIS 'BYUNG BAR 'GYUR SNYAM DU SEMS PA NI, GANG GI ZHES BYA BA'O, ,RGYU RNAM SHES NI GCIG YIN LA, DE LA BSDUS PA DANG RE RE'I RNAM PAR RTOG PA MED PA'I PHYIR DE'I PHYOGS LA 'BYUNG BA'I SKYON MA YIN NO, ,GCIG PO DE YANG GCIG GI RGYU YIN LA DUS GZHAN LA 'BYUNG BA'I RNAM SHES NI DE'I BSKYED BYA MA YIN NO, ,GANG GI PHYIR DE YOD PA LAS SKAD CIG MA DANG PO KHO NA LA 'BYUNG BA YIN SKAD CIG MA GCIG LA YOD PA GCIG PO KHO NA DU MA LA NUS PA CAN NI MA YIN TE, RJES SU 'GRO BA DANG LDOG PA DAG GIS MA RTOGS PA'I PHYIR RO, , RGYU GCIG PA'I 'BRAS BU NI RGYU YOD PAR GDON MI ZA BA MA YIN NAM DE'I PHYIR SNGA NA MED PA'I PHYIR RTAG TU BAR 'GYUR RO, ,'DI CI MIG GNYIS BTZUMS NAS RGOL BA YIN NAM GANG GI PHYIR 'BRAS BU'I SHES PA MA SKYES PA NUS PA CAN GZHAN LAS SKYE BA YIN LA DE'I GNAS SKABS SU 'DI'I 'BRAS BU YANG MA YIN TE, RGYU MED PA'I PHYIR RO, ,DE'I PHYIR JI LTAR SNGA NA MED PA MA YIN DE SKYES NA DE LAS SKYE BA YIN PA'I PHYIR JI LTAR RTAG TU BAR 'GYUR ZHES BSTAN PA NI, RNAM SHES NUS PA NGES PA'I PHYIR, ,ZHES BYA BA STE, SKAD CIG MA'I RNAM SHES GCIG NI SHES PA GCIG SKYED PA KHO NA LA NUS PA CAN DU RJES SU 'GRO BA DANG LDOG PA DAG RTOGS PA YIN TE, GZHAN GYI SKYED BYED MA YIN NO ZHES BYA BAR NGES PA'O, ,'GREL PA MDZAD PA NI ME LA SOGS PA BZHIN DU 'BRAS BU GZHAN DU MI 'THAD PAR RTOGS PA'I NUS PAS RJES SU MTHUN PA'I BAG CHAGS KYI RNAM SHES MTHONG BA KHO NA YIN PAR BSTAN PA NI; NUS PA NGES PA'I ZHES BYA BA'O, ,NUS PA'I MTSAN NYID GNYIS PA BSTAN PA NI, CHAGS PA'I KHYAD PAR ZHES BYA BA STE, DE YANG SHES PA GZHAN 'BYUNG BA LA GNOD PA KHO NAR MTHONG BA YIN NO, ,BAG CHAGS DANG RJES SU MTHUN PA ZHES BYA BA BSHAD PA NI, BAG CHAGS BRTAN PA ZHES BYA BA'O, ,'BA' ZHIG GAM ZHES BYA BA NI, GNYID LOG PA LA SOGS PAS SEMS RGYUN CHAD PA YIN NO, ,DE'I TSE RNAM RTOG KHO NA SAD PA YIN GYI GZHAN NI MA YIN NO, ,CHAGS PA'I KHYAD PAR RAM GNAS PA'I NGES PA ZHES BYA BA 'DI'I YUL BSTAN PA NI, SNGON POR MTHONG BA'I MTSUNGS

PA DE MA THAG PA'I RKYEN NI, SNGON PO'I RNAM PAR RTOG PA 'BYUNG BA LA RJES SU MTHUN PA'I BAG CHAGS SAD PA NI DE LA CHAGS PAS DE LAS 'BYUNG BA YIN NO, ,'BA' ZHIG GAM ZHES BYA BA 'DI LA NYAMS SU MYONG BAR 'DZIN PA NI, 'DI LTAR ZHES BYA BA'O, ,MTSUNGS PA DE MA THAG PA'I RKYEN NAM RJES SU MTHUN PA SAD PA ZHES BYA BA 'DI LA SPYOD PA NI MTSUNGS PA DE MA THAG RKYEN LAS ZHES BYA BA STE, NYE BA NYID DU ZHES BYA BA NI, SNGON PO MTHONG BA NI SNGON PO NI RNAM RTOG PA DANG NYE BA ZHES BYA BAS CHAGS PA'I KHYAD PAR BSTANG PA YIN NO, BAR DU GCOD PA NI BAR CHAD LA SOGS 'DI NYID 'CHAD PA NI, RNAM PAR SHES PA BAR DU GCOD PA'I BAG CHAGS GANG DAG YIN PA DE DAG GI RNAM PAR RTOG PA'O, ,GZHAN GYI SHES BYA NAS SKABS YIN PA'I PHYIR RNAM RTOG LAS SO, ,CI LAS SHES SHE NA, CHAGS PA'I YUL YIN PAS DES BAR DU CHOD PA'I PHYIR DE RNAMS SKYE BA MIN ZHES PAR SBYAR RO, ,DE'I PHYIR DE LTAR CHAGS PA'I KHYAD PAR GYI NGES PA LAS GCIG GAM DE MED NA DU MA YANG SEMS GCIG LAS KYANG SEMS SKYE BAR 'GYUR BA YIN GYI NUS PA NYID KYI NGO BO'I NUS PA LA NI MA YIN NO ZHES BYA BA NYE BAR BSDU BA NI, DE BAS NA RNAM PAR SHES PA LAS ZHES BYA BA'O, , SHES PA GCIG LAN CIG SKYE BZHIN PA NI, RGYU GCIG PAR GO BAR BYED NA DU MA'I NGO BO'I LUS LA MTSAN NYID MI MTHUN PA'I GO BAR BYED PA YIN ZHES BYA BA DE DAG TZAM LA TSAD MA 'JUG PA MA YIN NAM DE RNAM PAR SHES PA ZHES BYA BA CI LAS YIN, YOD KYANG YOD PA KHO NA YIN TE CIG CAR SHES PA MI SKYE BA NI YID KYI RTAGS YIN GYI NANG GI CHOS BDE BA LA SOGS PA RNAMS LA NI RGYU MED PAR SKYES PA SKYE BA MA YIN NO SNYAM DU SEMS PA LA, DON GZHAN CHAGS PAS NUS PA MED, ,CES BYA BA STE, SNGA MA'I SHES PA KHO NA SHES PA GCIG GI DUS NA SHES PA GZHAN MI 'BYUNG BAR NUS PAR RTOGS PA YIN GYI YID KYI NI MA YIN ZHES BYA BA'I DON TO, ,SHES PA GCIG DUS GCIG GI TSE 'BYUNG BA NGES PA CAN DE MA THAG PA GCIG GI NGO BO'I RNAM SHES GO BAR BYED PA MA YIN NAM DE YANG RANG GI RGYU DE LTA BU YIN LA DE YANG DE LTA BU'I YIN LA DE YANG DE LTA BU'I YIN PA NI JI SRID DANG PO'I RNAM SHES NI LUS GCIG LAS SAM DU MA

, ,LAS KYANG RUNG TSOGS PA'I NGO BO LAS SKYE BA DE SKYE BA DE SRID DU GO BA YIN GYI DUS GZHAN NA 'BYUNG BA NI MA YIN TE, DE LA LTOS NAS DE SKYED BYED MA YIN PA'I PHYIR DANG DANG PO SHES PA SKYE BA KHO NA LA NUS PA YIN PA'I PHYIR RO, ,DE'I PHYIR SHES PA THAMS CAD DE KHO NA BZHIN 'GYUR TE, NUS PA'I KHYAD PAR MED PA'I PHYIR RO ZHES BYA BAR THAL BAR 'GYUR RO SNYAM DU SEMS PA NI, GAL TE LUS NYID LAS ZHES BYA BA STE YANG GI SGRAS NI SHES PA GCIG SKYE BA YANG NGO, ,GAL TE SHES PA DU MA YIN NA JI LTAR SHES PA GCIG YIN RGYU DU MA NYID LA 'BRAS BU MANG PO MTHONG BA'I PHYIR RO SNYAM DU SEMS NA, YANG DE LA ZER BA NI, DPER NA DBANG PO'I RNAM PAR SHES PA DU MA ZHES BYA BA STE, DE ZER BA NI, GAL TE LUS LAS ZHES BYA BA'O, ,LAN CIG CES BYA BA NI, DUS GZHAN NA MI SKYE BA ZHES BYA BA NI DON TO, ,'DI YANG RANG YIN LA RIGS KYANG YIN LA ZHES BYA BA'I SHES PA'I NUS PA ZHES BYA BA'I DON TO, ,DANG PO SKYED BYED KYI LUS DUS PHYIS NGO SHES PA LAS RJES SU 'JUG PAR MTHONG BA'I PHYIR RO, ,JI LTAR SKYED BYED MA YIN PA'AM DE'I TSE KHO NA DE'I BSKYED BYA MED PA JI LTAR YIN TE BSTAN PA NI, DES NA LUS KYI NUS PA NI, DES NA LUS KYI NUS PA NI, ,ZHES BYA BA STE, LUS KYANG SKYED BYED YIN LA RNAM SHES KYANG YIN ZHES BYA BA RNAM PAR 'GREL BA NI, GAL TE LUS LAS ZHES BYA BA STE, GANG GI TSE YANG DANG YANG DU SKYED PAR BYED PA DE'I TSE KHYAD PAR MED PA'I PHYIR DANG PO'I TSE KHO NA SKYED PAR BYED PA KHO NA ZHES BYA BA'I DON TO, ,'ON TE YANG DANG YANG DU SKYED PAR BYED PA YIN TE, BSKYED BYA'I SHES PAS NYE BAR GNOD PA'I PHYIR RO SNYAM DU SEMS PA NI, 'ON TE RNAM PAR SHES PA DES ZHES BYA BA STE, SHES PA GCIG KHO NA LAS NUS PA'I PHYIR DANG DUS GZHAN GYI BSKYED BYA MED PA'I PHYIR KHYAD PAR MED PAR SHES PA DU MA CIG CAR SKYED PA MA YIN NO ZHES BYA BA'I DON TO, ,LAN NI DON 'DI ZHES BYA BA STE, 'BRAS BU'I RGYU'I NUS PA LA NYE BAR GNOD PA'I'O, ,GANG YUL DU BYAS PA YIN ZHE NA, RNAM SHES NYID LAS ZHES BYA BA'O, ,TSAD MA GNYI GA LAS GRUB PA'I RNAM SHES NI RNAM SHES NYID LAS SO, ,DPER NA 'TSO BA'I GNAS SKABS NA RNAM SHES NYID LAS RNAM SHES YIN PA NI DE'I 'DU BYED KYI

RJES SU BYED PA'I PHYIR YIN LA, DE BZHIN DU DANG PO'I GNAS SKABS LA YANG YIN GYI LUS LAS NI MA YIN TE 'GAL BA'I 'BRAS BU YIN NO ZHES BSTAN PA'I PHYIR RNAM PAR SHES PA DANG BRAL BA'I LUS NYID LAS ZHES BYA BA STE, RNAM PAR SHES PA DU MA SKYE ZHING ZHES BYA BA NI, GCIG GAM DU MA LA YANG MA GUS PA'I BSAM PAS SO, ,SHES PA DU MA GZHAN DANG GZHAN SKYED PAR BYED PA NI NUS PA LA KHYAD PAR MED PA'I PHYIR DUS GCIG LAS SHES PA DU MA SKYED PAR BYED PA YIN PAR DGONGS PA'O, ,'BRAS BU RGYU RNAMS KYI NUS PA LA NYE BAR GNOD PA MA BYAS KYANG GCIG GIS BYAS PA LA GZHAN YAL BAR 'DUG PAR MTHONG BA YIN NO SNYAM DU SEMS PA LA RGYU RNAMS RTOG PA DANG LDAN PA NI 'GA' YANG MED DO ZHES BYA BA STE, GANG GI GANG LAS ZHES BYA BA NI RGYU'I LNGA PA YIN NO, ,GAL TE YANG 'BRAS BUS NYE BAR GNOD PA NI GZHAN LA MI SNANG YANG 'DI NYID LA CIS MI SRID PA YIN SNYAM DU SEMS PA NI, 'ON TE BRGYA LA ZHES BYA BA NI, LAN NI LUS LAS ZHES BYA BA STE, LUS NI SHES PA LAS SKYED BYED NYID DU NGES BA YIN NA PHYI MA'I DUS SU SKYED PAR MI BYED PAS NYE BAR GNOD PA SRID PAR 'GYUR RO, ,RNAM SHES DU MA ZHES BYA BA NI SKYED BYED NYID TZAM DU DGONGS PAS SO, ,DU MA 'DZIN PA NI GTZO BO MI BYED PAS SO, ,DOGS PAR 'GYUR BA LA, LA LAR ZHES BYA BA NI DUS PHYIS SHES PA NYID LA SHES PA YIN NO, ,RGYU MTSAN NI LUS SKYED PAR BYED PA'I NUS PA CAN DU NGES PA'O, ,LUS BZHIN DU RNAM SHES KYI YANG CI LAS DE NGES PA YIN ZHES PA LA, DE'I PHYOGS SU LHUNG BA'I ZHES BYA BA SMOS TE, GOMS PA'I 'DU BYED PA'I KHYAD PAR GYIS NGES PAR RNAM SHES KYI SKYED BYED YIN LA GCIG SKYED PAR BYED PA 'DI YIN PAR NYAMS SU MYONG BA YIN NO ZHES BYA BA'I DON TO, ,DBANG PO DU MA'I BSKYED BYA SHES PA DU MA YIN PAR MTHONG BA MA YIN NAM, DE BZHIN DU LUS KYI BSKYED BYAR YANG 'GYUR SNYAM DU SEMS PA NI, BRJOD BYA MA YIN NAM ZHES BYA BA'O, ,DBANG PO YANG SNGA MA'I RNAM SHES DANG BRAL NA RNAM SHES KYI RGYU MA YIN TE RNAM SHES KYI 'DI BYED PA MED NA MED PA'I PHYIR RO, ,DE NI GCIG GAM DU 'AM YANG RUNG NUS PA YOD PA DANG MED PA DAG GIS

, ,RNAM SHES SKYED PAR BYED PA YIN PAR BRJOD PA NI, BDEN TE ZHES BYA BA LA SOGS PA'O, ,DE DE LTAR RNAM SHES KYI NGES PAR RNAM SHES GZHAN GYI 'DU BYED PA'I RJES SU BYED NA, 'JIG RTEN PHA ROL MED NA MI SRID PA YIN PAR BSTAN PA NI, GZHAN LA ZHES BYA BA'O, , LUS RGYU NYID YIN NA GSAL BA MANG PO KHO NA YIN TE, DE'I RTAG TU NYE BA YIN NO ZHES BSTAN PA NI, DES NA LUS DE ZHES BYA BA'O, ,NUR NUR PO'I NGO BO'I LUS SHES PA'I SKYED BYED MA YIN NAM, GZHAN NI DE DANG MTSAN NYID MI MTHUN PA NI DE'I SKYED BYED MA YIN NO, ,DE'I PHYIR NUS PA DANG LDAN PA'I LUS NI LDOG PA CI LAS YIN ZHES BYA BA RIGS PA YIN SNYAM DU SEMS PA NI, 'ON TE LUS DE'I ZHES BYA BA'O, ,NUR NUR PO DANG, MTSAN NYID MI MTHUN PA SKYED BYED MA YIN NA, DE DANG LHAN CIG MA BRAL BA'I RNAM SHES SU MI 'GYUR BAR BSTAN PA NI, GAL TE DANG PO'I LUS NYID KYI ZHES BYA BA LA SOGS PA STE, LAN CIG NYE BAR LEN PA NYID DU 'BRAS BU'I KHYAD PAR LA NGES NA DE NYID LA LHAN CIG BYED PA NYID NI DE DANG 'GAL BA NYID DU MI 'GYUR BAR BSTAN PA NI, GAL TE LUS ZHES BYA BA'O, ,BA LANG GI LCI BA DANG AUTPALA'I RTZA BA'I DBYE BA BZHIN DU LUS DANG RNAM SHES LAS BYUNG BA'I RNAM SHES KYI DBYE BA YIN NO SNYAM DU SEMS PA LA, RNAM SHES DAG GI DBYE BA NI GOMS PA'I BSKYED PA BYA'I KHYAD PAR NYID DU BYE BRAG MED PA'I PHYIR RO ZHES BSTAN PA NI, GSAL BA LA SOGS PA ZHES BYA BA'O, ,SEMS PA LUS NI NYE BAR LEN PA NYID MA YIN NA SEMS KYI 'DU BYED PA'I RJES SU 'JUG PAR NGES PAS LHAN CIG BYED PA NYID MED PA LA YANG RGYU MTSAN MTSUNGS PA YIN NO ZHES ZER BA NI, KHYED KYI LTAR NA YANG NGO ZHES BYA BA'O, ,RTEN MIN PHYIR NI NYE BAR LEN PA MA YIN PA'I PHYIR RO, ,LHAN CIG BYED PA MA YIN PA'I PHYIR LUS LA BRTEN PA MA YIN PA'I SEMS NI LUS MED KYANG RNAM PAR GNAS PAR 'GYUR RO ZHES BYA BA'I PHYOGS LA KHAS LEN PA YIN PAR BSTAN PA NI, SEMS KYI RGYU NI GNAS PA'I RGYU STE, GNAS PA NI RGYUN MA CHAD PA YIN PA DE'I RGYU NI LAS KYI MING CAN TE DE NI LUS KYI RGYU YIN NO, ,DE'I LUS KYI RGYU NI SKYE MCHED LNGA'O, ,DE'I 'JUG PA THOB PA NI LUS GZHAN

BSKYED PA'I BYA BA'O, ,DE'I DON DU YAN LAG NYID DE RGYU MTSAN DU GANG GI TSE MI 'GYUR NA STE LUS LA SRED PA DANG BCAS PA'O, ,DE'I TSE RGOL BA KHAS BLANGS PA YIN NO ZHES GNAS SKABS LA LTOS NAS LHAG MA'I DON YIN NO, ,DE'I RGYU 'JUG PA NA THOB DON DU ZHES BSTAN PA DE'I RGYU GANG YIN PA ZHES BYA BA DE LA BSTAN PA NI, ,TSE 'DI NYID SKYE MCHED LNGA'I SRID PA 'DI LAS GZHAN PA'I LUS SKYE BA GZHAN LA 'BYUNG BAR 'GYUR BA NI LUS GZHAN YIN LA DE'I BSKYED PA'I LUS LA RGYU YIN NO, ,YANG NA YAN LAG CAN NYID DU MI 'GYUR BA'I PHYOGS LA 'BA' ZHIG GNAS PAR DAM BCAS NAS PHYOGS GZHAN LA DE MED PAR BSTAN PA NI, DE NYID KYI GYIS GANG GI TSE YANG ZHES BYA BA STE, YANG GI SGRA NI KHYAD PAR GYI TSIG GO, ,'DI LA YANG BAG CHAGS LA GNAS PA'I LAM GYI NGO BO NI, DE DANG LHAN CIG BRJOD PA CAN DU BYED PA YIN NO, ,NUR NUR PO NI SRID PA GZHAN LA 'BYUNG BA'O, ,SOGS PA'I SGRAS NI TSE 'DI BA'I SKYE MCHED LNGA BSTAN PA YIN TE, 'BYUNG RNGUB DBANG PO BLO DAG NI, ,LUS NYID 'BA' ZHIG LAS SKYES MIN, ,ZHES GSUNGS PA'I PHYIR RO, ,MNGON PAR PHYOGS PA'I BYA BA'I DNGOS PO BSTAN NAS DER GTOD PA BSTAN PA NI, DE THOB PA NI LUS KYI RGYU 'BA' ZHIG LA ZHES BYA BA'O, ,DAG GI BYA BSTAN NAS; DGAG PAR BSTAN PA NI, DE YAN LAG DU MI 'GYUR NA ZHES BYA BA'O, ,'BA' ZHIG GNAS PA'I SEMS BAG CHAGS LA GNAS PA'I SKYE MCHED LNGA'I DBANG GIS DUS PHYIS LUS DANG BCAS PAR 'BYUNG BAR BSTAN PA NI, LUS GZHAN SKYE BA LA NI ZHES BYA BA'O, ,SEMS KYI NGO BO'I LAS KYANG SKYE BA PHYI MA'I LUS MA MTHONG NA JI LTAR RGYA YIN PAR RTOGS SNYAM DU SEMS PA NI, DE'I YAN LAG GI ZHES BYA BA'O, ,'DI NI LAS KYI'O, ,YAN LAG DNGOS PO NI SKYE MCHED LNGA PO RGYU NYID DO, ,DE DAG DGAG PA LA MI DMIGS PA NI 'BRAS BU MI DMIGS PA'O, ,DES 'BYED MIN PA NI KHYAD PAR MED PA NYID KYIS MA NGES PA YIN PA'I PHYIR RO, ,TSE 'DI PA'I SKYE MCHED LDAN PA NI SKYE BA PHYI MA 'BRAS BU'I LUS LA BZLOG PAS KHYAB PAS 'GAL BA YIN ZHES BYA BAR YANG 'GYUR BA'I PHYIR MI DMIGS PA NYID RTOGS BYA YIN PA'I PHYIR MI MTHUN PA'I PHYOGS LAS BZLOG PA LA THE TSOM ZA BA NYID KYIS 'GAL BAR MA RTOGS PAS MA

, ,NGES PA KHO NA YIN PAR BSTAN PA NI, DE YI YAN LAG DNGOS PO DANG, ,ZHES BYA BA'O, ,GAL TE YANG SKYE MCHED LNGA MNGON SUM PA YIN YANG DE'I 'BRAS BU SKYE BA PHYI MA'I LUS DBANG PO LAS 'DAS PA YIN PA'I PHYIR DE'I RGYU NYID DBANG PO LAS 'DAS PA KHO NA YIN NO, ,DE LTA YIN YANG KHAS BLANGS PA YIN PAR BSTAN PA NI, GAL TE YANG ZHES BYA BA STE, DE LTAR MED DO ZHES BYA BA NI MA DMIGS PA'I KHYAD PAR TE NUS PA'I NGO BO'I LAS KYANG DBANG PO LAS 'DAS PA YIN PA'I PHYIR ZHES BYA BA'I DON TO, ,KHYAB PA SNGON DU 'GRO BA CAN ZHES BYA BA NI, DBANG PO MTSAMS SBYOR BA LAS BZLOG PAS KHYAB STE, 'GAL BAS KHYAB PA ZHES BYA BA'I DON TO ZHES BSHAD PA ZHES BYA BA NI, 'BRAS BU'I 'DOD PAS SNGAGS RNAMS NI, ,BYAS DANG SKYES BUS BYAS BRJOD BYA, ,BLO DBANG SMRA DANG SKYES BU NYID, ,LA SOGS SGRUB BYED GANG BRJOD PA, ,TSAD LTAR SNANG YIN LHAG LDAN PAS, ,JI BZHIN DON RTOGS YOD MA YIN, ,ZHES GSUNGS PA'O, ,DE DANG MTSAMS SBYOR BA ZHES BYA BA NI, 'DI BA'I LUS SU GYUR PA'I DBANG PO DANG MTSAMS SBYOR BA'O, ,DE YANG NI, 'JIG RTEN PHA ROL DU 'BYUNG BA'I MTSAMS SBYOR BA'O, ,DE'I TSE NI DE'I DUS SU 'DI PA YIN PA'I PHYIR RO, ,KHU KHRAG GZHAN GYIS BSKYED PA'I DBANG PO ZHES BYA BA NI, LAS KYI MTSAMS SBYOR BAR BYED PA LA LTOS NAS MI DMIGS PA TZAM NI MI SNANG BA MI DMIGS PA'O, ,MI DMIGS PAR ZHES BYA BA NI, GZHAN GYIS TE SNANG BA MI DMIGS PAS RTOGS PA MA YIN NO ZHES BYA BAR SBYAR RO, ,JI LTAR BSGRUB BYA'I THUN MONG BA'I YUL NI, KHYAD PAR MA YIN PA DE BZHIN DU RGYU'I KHYAD PAR LAS BYUNG BA NYID KYANG, RTZA BA'I MED BZHIN DU KHYAD PAR MA YIN PA KHO NAR BSTAN PA NI, KHU KHRAG GZHAN NYID KYIS ZHES BYA BA'O, ,DPE DANG DON GYIS YUL GYI KHYAD PAR GYI DPE BRJOD PA NI BUM PA DANG SGRA'I ZHES BYA BYA'O; YUL DANG RGYU'I KHYAD PAR LA SOGS PA RNAMS NI, KHYAD PAR BYED PA NYID LA GTAN TSIGS NYID YIN TE, DBANG PO GZHAN DANG MTSAMS SBYOR BA LA GEGS MED PA'I PHYIR RO ZHES BSTAN PA NI, DBANG PO SNGA MA ZHES BYA BA STE, RANG RIGS LA NI RANG GI RGYUD LAS BYUNG BA RNAMS LA STE, RGYUD

GZHAN GYI DBANG PO LA MTSAMS SBYOR BA MA YIN NA RANG GI RGYUD LA MTSAMS KYI SBYOR BA MA YIN NO, ,GANG GI PHYIR ME NI ME GZHAN GYI BSKYED BYA'I DU BA SKYED PAR MI BYED PA MA YIN NO, ,'JIG RTEN PHA ROL DU BYUNG BA'I DBANG PO NI 'JIG RTEN PHA ROL GZHAN LAS 'BYUNG BA'I RANG GI RGYUD KYI SKYED BYED DU MA YIN NO ZHE NA, 'GYUR BA MTHONG BA'I PHYIR ZHES BYA BA SMOS TE, GOMS PA'I BSKYED BYA'I DBANG PO RNAMS KYI 'GYUR BA STE, G-YER BAG CAN LA SOGS PA'I KHYAD PAR DU SKYE BA DANG PO LA MTHONG BA'I PHYIR GZHAN LAS TE SKYE BA SNGA MA LAS GZHAN TE SKYE BA PHYI MA GZHAN GYI DBANG PO RNAMS 'GRUB PA NYID CES BYA BA GNAS SKABS YIN PA'I PHYIR 'TSO BA'I GNAS SKABS SU 'BREL PA 'DZIN PA LAS SKYE BA'I DANG PO LA RJES SU DPOG PA YIN NO ZHES BYA BA'I DON TO, ,GSAL BA'I KHYAD PAR LAS 'BREL PA 'DZIN PA NA DE DANG 'DRA BA LA YANG 'DZIN PA YIN GYI, GZHAN DU NA 'BRAS BU MTHONG BA NYID LA RGYUR RTOGS PAR BYA BA YIN PA'I PHYIR 'BRAS BU MI MTHONG BA NI NYE BAR LEN PAR MI BYED DO, ,DE LTA YIN NA THA SNYAD CHAD PAR 'GYUR BA YIN PAR BSTAN PA NI, GSAL BA'I KHYAD PAR ZHES BYA'O, ,DE LTAR NA G-YO BA ZHES BYA BA LA SOGS PA NAS SKYES PA NI DE LTA BUR GYUR PA'I BAR GYIS 'BREL PA 'DZIN PA YIN PAR BSTAN PA YIN NO, ,DE LTA BUR GYUR PA MTHONG BA LAS ZHES BYA BA NI RJES SU DPAG PA'O, ,'ON TE DBANG PO NI ZHES BYA BA NI DBANG PO GZHAN DANG MTSAMS SBYOR BA NYID KYIS GZUNG BA YIN NO ZHES ZER BA LA, GAL TE DE LTA NA ZHES BYA BA STE, GAL TE YANG DBANG PO CHOS CAN CIG YIN YANG DE'I KHYAD PAR G-YO BA LA SOGS PA RNAMS TE, GOMS PA'I BSKYED BYA NI, SKAD CIG RE RE ZHING THA DAD PA KHO NA YIN PAR BSTAN PA NI, G-YO BA LA SOGS PA GOMS PA SNGON DU 'GRO BA CAN ZHES BYA BA STE, DES NA DBUGS KYI GNAS SKABS SU ZHES BYA BA NI G-YO BA LA SOGS PA'I MTSAN NYID KYI RANG BZHIN DU GYUR PA LAS TE, RANG BZHIN MA YIN NA SKYE BA GZHAN DANG GZHAN GYI DBANG PO RNAMS MI 'GRUB PO ZHES BYA BA'I DON TO, ,SKYE BA GZHAN DANG GZHAN YANG SKAD CIG RE RE ZHING GZHAN DANG GZHAN NYID DU 'GREL PA MDZAD PA BZHED PA YIN NO, ,SA LA SOGS PA BZHIN ZHES

, ,BYA BA NI SA LA SOGS PA'I RANG BZHIN DU GYUR PA'I KHAM PHOR LA SOGS PA'I 'GYUR BA THA DAD PA YIN PA NI, SA LA SOGS PA NYID THA DAD PA YIN GYI SHES PA NI MA YIN NO, ,GAL TE LUS LAS LAN CIG BLO, ,SKYE ZHING PHYIS NI RANG RIG LAS NGES PA NA ZHES RGOL BA DANG; LUS KYI NUS PA NI CI'I PHYIR NA LDOG PA YIN ZHES BYA BA LA DE'I NGO BOR KHYAD PAR MED PA LAS SKYED BYED YIN NA CIG CAR DU MA'I SKYED BYED NYID DU THAL BAR 'GYUR BAR YANG NGO, ,DBANG PO LA YANG LHAG PAR BSTAN PA NI, GAL TE LUS LAS DE SKYE NA, ,ZHES BYA BA'O, ,DE NYID RNAM PAR 'GREL PA NI; ,'ON KYANG DANG PO ZHES BYA BA'O, ,LAN LHAG PAR BSTAN PA NI, SNGA MA BZHIN DU THAL BAR 'GYUR, ,ZHES BYA BA DER RNAM PAR 'CHAD PA STE, GAL TE LUS LAS ZHES BYA BA'O, ,YANG NA LUS LAS DBANG PO SKYE BAR KHAS LEN PA YIN NA GNAS SKABS LA SOGS PA THAL CHES PA YIN PAR SKYE BA YONGS SU 'DZIN PA LA THAL CHES PA'I PHYIR ZHES GSUNGS PA LHAG PAR BSTAN PA NI, SNGA MA BZHIN DU THAL BAR 'GYUR, ,ZHES BYA BA'O, ,SNGA MA DE NYID GTZO BO YIN TE RTZIG PA DANG BUM PA LA SOGS PA DANG, SHI BA'I LUS LA YANG SEMS MED PA'I PHYIR DBANG PO MED NA DE'I RGYU DE NYID YIN TE; 'BRAS BU DE LA NGES PA'I PHYIR RO ZHES BYA BA'I DOGS PA SNGON DU DONG BAS BSTAN PA NI, SEMS LAS KYANG ZHES BYA BA STE, KYANG GI SGRAS SEMS KYI ZHES BYA BA BSDUS PA YIN PAR BSTAN PA NI, SEMS KYI YANG ZHES BYA BA'O, ,GANG GI PHYIR GOMS PA'I BSKYED BYA'I RNAM PA MTHONG BA LAS DBANG PO RNAMS SKYE BA'I DANG PO LA SKYE BA SNGA MA'I DBANG PO'I SEMS RGYU'I KHYAD PAR DU GRUB PA YIN GYI 'BRAS BU'I KHYAD PAR NI DE MED NA GRUB PA MA YIN LA, DE LAS GZHAN PA LUS LA SOGS PA YANG RGYU MA YIN NO, ,DE'I PHYIR RGYU MA TSANG BA LAS SHI BA SKYE BA GZHAN DU MTSAMS SBYOR BA MA YIN PA MI RIGS PAR BSTAN PA NI, DES NI RGYU DANG BRAL BA'I PHYIR, ,ZHES BYA BA STE MED PA'I PHYIR RO, ,KUN ZHES BYA BA NI DGRA BCOM PA 'BA' ZHIG KHO NA MA YIN TE, SO SO'I SKYE BO RNAMS KYI YANG ZHES BYA BAR DGONGS BAS DGAG PA'I DAG GCIG YIN PA'AM, SO SO'I SKYE PO RNAMS SU MA ZAD KYI DGRA BCOM PA

RNAMS KYI YANG YIN NO, ,GANG GI PHYIR NYON MONGS PA MED PA'I SEMS SAM DBANG PO YANG RUNG DE'I YANG RGYUN DU BYED PA BKAG PA NI MA YIN NO, ,'ON TE DBANG PO'I SEMS KYANG MTSAMS SBYOR BAR BYED PA MA MTHONG BA'I PHYIR BZLOG PAS KHYAB PA YIN NA MA MTHONG BA LA KHYAD PAR MED PA NYID KYIS MA NGES PA'I PHYIR MI RIGS PA YIN PAR BSTAN PA NI, DE'I PHYIR 'DI 'DRA ZHES BYA BA'O, ,'CHI BA SEMS NYID YIN PA'I PHYIR, ,ZHES BYA BA NYE BAR MTSON PA NI DBANG PO NYID LA SOGS PAR RO, ,NANG GI RIG PA'I KHYAD PAR GYIS NI LUS KYI ZHES BYA BA DANG SBYAR BAR BYA'O, ,JI LTAR LUS THA DAD PA LA 'JUG PA NYID LUS THA DAD PA LA DMIGS PA NYID YIN PA DE BZHIN DU LUS GZHAN LA MTSAMS SBYOR BA CAN NYID KYANG LUS GZHAN LA DMIGS PA NI SEMS GZHAN SKYED PAR BYED PA NYID YIN NO, ,DE'I PHYIR YANG MA NGES PA'I GTAN TSIGS SU 'GYUR BAR BSTAN PA NI, DES NA MA NGES PA YIN NO ZHES BYA BA'O; RAB TU GRUB PA MA YIN PA'I KHYAD PAR YANG GTAN TSIGS YIN PAR BSTAN PA NI, LUS GZHAN PA NYID KYANG MA YIN TE, DE'I PHYIR LUS NI YID KYI RNAM SHES KYI RGYUN LA PHAN BYED PA'I PHYIR RTEN YIN GYI SKYED PAR BYED PA'I PHYIR NI MA YIN NO, ,DE YI SHES PAS PHAN 'DOGS PHYIR, ,YID NI LUS LA BRTEN PAR BSHAD, ,'GA' ZHIG TSE NA SEMS RGYUN GYI, ,PHAN 'DOGS BYED PA'ANG YIN BLA STE, ,ZHES GSUNGS PA YIN PA'I PHYIR ZHES BSTAN PA NI, DE'I PHYIR YID KYI RGYUN LA ZHES BYA BA'O, ,'BRU'I RGYUN BZHIN ZHES BYA BA NI SA BON LAS SKYED PA NI CHU LA SOGS PAS PHAN BYED PA YIN NO, ,DE LTA BU DE YANG SEMS SKYE BA BRGYUD PAR RGYUN MI 'CHAD PAR RJES SU 'JUG PA YIN LA, SNYING RJE LA SOGS PA DE'I CHOS RNAMS PHUL DU BYUNG BAR 'GYUR BA YIN NO, ,DE'I PHYIR, SGRUB BYED SNYING RJE GOMS LAS DE, ,ZHES BYA BA 'DI'I GNYEN PO 'DI GRUB PA YIN PAR BSTAN PA NI, DES NA SEMS KYI RGYUN THOG MA MED PA ZHES BYA BA'O, ,DE'I PHYIR GANG GI 'DU BYED NYID NGES PA YIN PA NI RJES SU 'JUG PA ZHES BYA BA LA SOGS PAS SEMS NI SEMS LAS YIN TE, SKYE BA DANG PO LA LUS LA SOGS PA 'GYUR BA MA YIN YANG DE 'GYUR NA 'GYUR BA'I PHYIR RO, ,SEMS NI LUS 'DZIN PA'I BDAG NYID

, ,YIN LA 'BAD PA MED PA'I RGYUN NYID KYIS BRTAN PA YIN YANG SNYING LA DE'I CHOS RNAMS GOMS PA LAS 'BYUNG BA NYID KYIS 'BAD PA LA LTOS PA YIN PA'I PHYIR GDON MI ZA BAR BYUNG BA'AM PHUL DU BYUNG BA YANG MA YIN TE, MCHONGS PA LA SOGS PA LTA BU YIN PAR BSTAN PA NI, GAL TE GOMS PA YOD MED CES BYA BA STE, RAB KYI NI YUL MA YIN PA DANG LDAN PA'O, ,MTHAR PHYIN PA NI MTHAR THUG PA GANG YIN PA DER CUNG ZAD TZAM NI DPAG TU YOD PA PHUL DU BYUNG BA MA YIN NO, ,KHYAD PAR NI PHUL DU BYUNG BAR SNANG BA'O, ,KHYAD PAR 'GYUR NA YANG ZHES BYA BA NI PHUL DU BYUNG BAR 'GYUR NA YANG NGO, ,RANG BZHIN NI DUS JI TZAM PA NYID DANG KHYAD PAR JI TZAM PA NYID KYANG NGO, ,DE LAS 'DA' MIN NI 'BAD PA MED PA'I RGYUN NYID DANG TSAD MED PA'I PHUL DU BYUNG BA NYID KYANG NGO, ,SHIN TU GOMS PA'I MCHONGS PA YANG DPAG TSAD DAM DPAG TSAD PHYED DU MI 'GYUR RO, ,CHU KHYAD PAR CAN DU BSKOL BA YIN YANG 'BAR BA'I MTHAR THUG PAR MI 'GYUR TE, RTEN CHU NYID MED PA'I PHYIR RO, ,GOMS PA NI RANG BZHIN LA KHYAD PAR GYI RGYU MA YIN TE, DE MED NA RGYU NI DE'I RGYU MA YIN PAR THAL BAR 'GYUR BA'I PHYIR TE SHIN TU PHUL DU BYUNG BA NYID DANG PHUL DU BYUNG BA'I RGYU NYID 'GAL BA'I PHYIR RO, ,MCHONGS PA PHUL DU BYUNG BA TZAM DANG LDAN PA NI SHIN TU PHUL DU BYUNG BA YIN YANG MCHONGS PA'I BDAG NYID LAS LDOG PA MA YIN NA GANG GIS 'GAL BAR 'GYUR PHUL DU BYUNG BAR LAN CIG SGRO BTAGS PAS KYANG RANG BZHIN LAS LDOG PA MA YIN TE, MCHONGS PA DANG SNYING RJE BA LA SOGS PA DANG KHYAD PAR CI YOD SNYAM DU SEMS PA LA, BYAS TE GAL TE ZHES BYA BA STE, GOMS PAS BYAS PA'I KHYAD PAR RO, ,RANG YOD PA LA 'BAD RTZOL GZHAN LA LTOS PA NI MCHONGS BA 'PHEL BA MA YIN TE, PHUL DU BYUNG BA GZHAN LA RTEN MED PA'I PHYIR, KHYAD PAR DAG NI MED 'PHEL ZHING, ,ZHES BYA BA'O, ,YANG 'BAD PA LA SOGS PA YIN YANG CHU SHIN TU CHER BSKOL BA LA SOGS PA'I DBYE BAS 'PHEL BA KHO NA YIN NO SNYAM DU SEMS PA LA KHYAD PAR DANG RTEN DNGOS SU 'GAL BA MA YIN YANG KHYAD PAR BYED PA DANG 'GAL BA'I PHYIR 'GAL BA'I 'BRAS BU NYID KYIS 'DI RANG BZHIN YIN PAR BSTAN PA NI, RANG BZHIN DE 'DRA BA YIN TE, ,ZHES BYA BA'O, ,SLAR YANG 'BAD PA LA BRTEN PA

DANG RTEN MI BRTEN PA NYID DAG LA GO RIMS BZHIN DU MI 'PHEL BA DANG, RANG BZHIN MA YIN PA'I SKYON MA YIN NO, ,CI LAS YIN SNYAM DU SEMS PA LA DANG PO LA GTAN TSIGS BSTAN PA NI, DE LA ZHES BYA BA LA, DE LA NI SNGA MA'I RGYUS RDZOGS PA'I KHYAD PAR LA PHAN 'DOGS PA'I NUS PA YONGS SU RDZOGS PA GANG DAG GI YIN PA DE DAG GI'O, ,PHYOGS GNYIS PA LA YANG RTAG TU ZHES BYA BA LA SOGS PA NAS KHYAD PAR 'PHEL YANG ZHES BYA BA'I BAR TE, RTEN GNAS MA YIN PA NI, RTEN GNAS PA MED PAS RANG BZHIN MA YIN PA'I PHYIR, KHYAD PAR DAG NI MI 'PHEL ZHING, 'PHEL YANG PHUL DU BYUNG BA MA YIN ZHES BYA BAR SBYAR RO, ,PHUL DU BYUNG BA'I 'PHEL BA MA YIN PA NI, SLAR YANG 'BAD PA LA LTOS PA DANG, RTEN BRTAN PA NYID MED NA MI 'BYUNG BA'I PHYIR DES KHYAB PA NI DE LAS BZLOG PA LA MI 'GYUR RO ZHES BZLOG PA BSTAN PA NI, GANG TSE BYAS 'GYUR BA ZHES BYA BA STE, RTEN MI BRTAN PA NYID LOG NA RANG BZHIN MA YIN PA NYID LDOG PA YIN NO ZHES BYA BA'I DON TO, ,'GREL PAR YANG DE LTA BU'I DON GO BAR BYA'O, ,KHYAD PAR NI PHUL DU BYUNG BA STE DE TZAM DU BYUNG BAR RNAM PAR GNAS PA PHUL DU BYUNG BA NYID KHYAD PAR DE LA 'BYUNG BA 'PHEL PAR CI STE MI 'GYUR, DE BSTAN PA NI, KHYAD PAR YIN NO COG CES BYA BA'O, ,RANG GI RGYUN DU GYUR PA TZAM GYIS NI KHYAD PAR NI RANG GI NGO BO TZAM DU GYUR PA DE LTAR RNAM PAR GZHAG PA PHUL DU BYUNG BA MA YIN NO, ,'ON KYANG ZHES BYA BAS KHYAD PAR BSTAN PA NI, MCHONGS BA'I YUL SNGA MA NYID LA SLAR YANG 'BAD RTZOL LA LTOS PA YANG CHU BSKOL BA 'PHEL PA YANG MI BRTAN PA NYID KYIS PHUL DU BYUNG BAR 'PHEL BA MA YIN PAR BSTAN PA NI, 'DI DANG ME DANG 'BREL PA MED KYANG YOD PA NI MA YIN NO ZHES BYA BA'I DE MA THAG TU RTEN YANG MA YIN ZHES BYA BAR BLTA BAR BYA'O, ,GANG GI PHYIR YOD PA LAS 'PHEL BA MTHAR THUG PAR MI 'GYUR BA NI PHUL DU BYUNG BAR MI 'PHEL BA'O, ,KHYAB PA ZHES BYA BA NI DE NYID LA YOD PA'I PHYIR RO, ,DE MED PA'I PHYIR NI KHYAB PAR BYED PA MED PA'I PHYIR RO, ,DE LAS BZLOG PA SRID PA'I PHYIR, ,ZHES BYA BA NI KHYAB PAR BYED PA 'GAL BA YIN NO, ,'DIS NI GANG TSE BYAS GYUR PA, ,ZHES BYA BA BSHAD PA YIN NO, ,RTEN MI BRTAN PA NYID GYUR NA, ,RANG BZHIN DE 'DRA 'ANG MA YIN TE, ,ZHES BYA BA 'BA' ZHIG

, ,MA YIN TE, 'ON KYANG SLAR YANG 'BAD RTZOL LA LTOS PA LA YANG SBYAR BAR NUS PA YIN NO ZHES BSTAN PA NI, YANG RTZOL BA LA LTOS PA GANG YIN PA ZHES BYA BA'O, ,KHYAD PAR BYED PA DANG BCAS PA ZHES BYA BA NI KHYAB PAR BYED PA MED PA'AM KHYAB PAR BYED PA DANG 'GAL BA'O, , GANG ZHIG YANG RTZOL BA ZHES BYA BA LA SOGS PA YANG 'BAD RTZOL LA LTOS PA LA YANG PHUL DU BYUNG BAR 'PHEL BA NI, RTEN DANG 'GAL BA'I 'BRAS BU YIN PA'I PHYIR, RANG BZHIN MED PA YIN NO ZHES DGONGS PA YIN TE, RANG BZHIN MED PA NYID CES BYA BA NI RTEN MI BRTAN PA NYID KYI PHYIR RO, ,RGYU NYE BA LA LTOS BA ZHES BYA BA NI 'BRAS BU 'BYUNG BA'I 'PHEL BA DANG LDAN PA'I RTEN LA DGONGS NAS 'GAL BA'I 'BRAS BU YIN PA'I PHYIR RO, ,RANG GI DANG GIS 'JUG PA ZHES BYA BA NI, 'GAL BA MED PA'I 'BRAS BU YIN NO, ,MCHONGS PA DANG CHU BSKOL BA BZHIN ZHES BYA BA 'DI LA, CHU BSKOL BA NI DPE YIN TE MCHONGS BA LA NI SBYOR BAR NUS PA YIN NO ZHES DGONGS PAS SO, ,GANG TSE BYAS GYUR PA ZHES BYA BA DE 'CHAD PA YIN, BRTZE BA LA SOGS PA'I YID KYI YON TAN ZHES BYA BA STE, 'DI LA DPE NI SHING DAG DANG DNGUL CHU ZHES BYA BA STE, DE RNAM PAR 'GREL PA NI, PHYI ROL GYI YON TAN 'GA' ZHIG CES BYA BA'O, ,YANG 'BAD RTZOL LA MI LTOS PA KHO NA'I PHYIR GOMS PA LAS BYUNG BA'I SNYING RJE LA SOGS PA YANG, GOMS PA YANG RANG GI DANG GIS TE, RANG GI RGYU MTSAN GYIS YIN PAR NYE BAR BSDU BA NI, SEMS LA ZHES BYA BA STE, BDE SOGS ZHES BYA BAS CHOS CAN RNAMS CHOS KYI KHYAD PAR DANG LDAN PAR BSTAN PA YIN NO, ,DE BZHIN DU 'BAD RTZOL GZHAN GYIS BSKYED BYA'I KHYAD PAR GZHAN NI RANG GI NGANG GIS 'JUG PA'I BRJOD BYA YIN PAR BSTAN PA NI, YANG NAS YANG DU ZHES BYA BA STE, DE GOMS PAS NI DE'I RJES SU 'JUG PA STE, BYAS PA'I KHYAD PAR NI PHUL DU BYUNG BA GANG DAG YIN PA DE DAG YIN NO; DE RJES SU 'JUG PA'I KHYAD PAR YIN YANG, MCHONGS PA LA SOGS PA RNAM PAR LDOG PA KHO NA YIN NAM DE LAS BSTAN PA NI, DE'I TSE SNYING RJE LA SOGS PA'I KHYAD PAR BYAS ZIN PAR BRJOD PA NI, GANG GI TSE YANG 'BAD RTZOL LA MI LTOS PA MCHONGS PA LA SOGS PA'I KHYAD PAR DANG MTSAN NYID MI

MTHUN PA'I KHYAD PAR BSTAN PA YIN GYI, KHYAD PAR TZAM NI MA YIN NO ZHES BYA BA'I DON TO, ,KHYAD PAR 'DI LA LTOS PA YIN NA 'DIR 'GYUR RO ZHES BSTAN PA NI, RTZOL BA GZHAN ZHES BYA BA'O, ,GAL TE KHYAD PAR 'DI NYID GOMS PA'I BSKYED BYA LA KHYAD PAR MED NA, 'DI JI LTAR YIN, RGYU LA KHYAD PAR MED NA 'BRAS BU LA KHYAD PAR MED DO SNYAM DU SEMS PA NI, GAL TE MCHONGS PA YANG ZHES BYA BA STE, GOMS PA'I BSKYED BYA'I KHYAD PAR YIN YANG, KHYAD PAR DAG LA YANG 'BAD RTZOL LA LTOS PA DANG MI LTOS PA CHOS CAN LA GNAS PA NYID KYIS KHYAD PAR CHE BA YIN PAR BSTAN PA NI, 'DI LA BSHAD ZIN TO ZHES BYA BA STE, YANG 'BAD RTZOL LA LTOS PA'I KHYAD PAR NI 'PHEL BA YIN YANG CHU BSKOL BA BZHIN DU SHIN TU 'PHEL BA MA YIN TE, RTEN DANG 'GAL BA'I 'BRAS BU NYID KYIS RANG NYID KHO NA MED PA'I PHYIR RO ZHES BSTAN PA NYE BAR BSDU BA NI, DE'I PHYIR ZHES BYA BA STE, RTEN BRTAN PA'I PHYIR 'PHEL BA'I KHYAD PAR NI RTEN DANG 'GAL BA'I 'BRAS BU MA YIN NO, ,DE'I PHYIR SHIN TU 'PHEL BA KHO NA YIN TE, KHYAD PAR GYI RGYU DANG RTEN MA 'GAL BA'I PHYIR DANG, KHYAD PAR LA YANG 'BAD RTZOL LA LTOS PA MED PA'I PHYIR RO, ,DA NI SNYING RJE LA SOGS PA'I CHOS KHO NA PHUL DU BYUNG BA'I MING CAN NI GOMS PA'I BSKYED BYA YIN GYI CHOS CAN NI MA YIN TE, RANG GI RGYUD LAS BYUNG BA'I PHYIR DANG DE KHO NA NYID BZHIN DU PHUL DU BYUNG BA'I GNAS SKABS MTHONG BA'I PHYIR RO, ,MCHONGS PA LA SOGS PA'I CHOS CAN YANG 'BAD RTZOL MED NA MI SRID PAR BSTAN PA NI GANG PHYIR ZHES BYA BA STE, RIGS MTHUN PA'I SNGAR GYI SA BON LAS BYUNG BA NYID 'BAD RTZOL NYID KYIS BSKYED BYA NYID SEL BAR BYED PAS YUL GYI PHAN 'DOGS PA LA SOGS PA LA LTOS PA'I YIN NO, ,DE'I PHYIR CHOS LA MI DMIGS PA LA SOGS PA NYID KYIS SNYING RJE LA SOGS PA RAB TU 'JUG PA BRJOD PA YIN PAR BSTAN PA NI, YUL NYE BA ZHES BYA BA LA SOGS PA'O, ,DE LA DMIGS PA NYID NI DA DUNG YANG SNANG BA NYID KHO NA YIN PAR BSTAN PA NI, DRAN PA DANG THOS SOGS KYIS KYANG ZHES BYA BA STE, DRAN PA LA SOGS PA'I MI DMIGS PA NI, DNGOS POR MI SNANG PHYIR RNAM RTOG CES BSTAN PA YIN NO, ,YUL LA SOGS PA LA LTOS PA MED PA 'BA' ZHIG NI MA YIN TE, MI MTHUN PA'I

, ,PHYOGS KYIS KYANG BZLOG BYA MA YIN PAR BSTAN PA NI, DE'I ZHING DU BYAS PA DAG CES BYA BA'O, ,RGYAS PA LAS GZHAN PA NI, RGYAS PA LA MA YIN PA STE GZHAN PA'O, ,DE KHO NA GZHAN PA NYID YIN TE, MI MTHUN PA'I PHYOGS KYIS MI GSAL BAR BYAS PA'I PHYIR DANG, GOMS PA'I YUL LA SOGS PA LA MI LTOS PA'I PHYIR ZHAN PA NYID MA YIN NO, ,'DI LTAR SEMS CAN DANG CHOS DAD MI DMIGS PA'I SNYING RJE RNAMS NI SO SO'I SKYE BO DANG, 'PHAGS PA DANG BYANG CHUB SEMS DPA' RNAMS KYI YIN PAR 'GRUB CES BYA BA'I DON TO, ,MCHONGS PA YANG RANG GI SA BON LAS BYUNG BA NYID MA YIN NAM, GOMS PA NI PHUL DU BYUNG BA KHO NA LA SNYING RJE LA SOGS PA BZHIN DU BYED PA YIN PA'I PHYIR RO SNYAM DU SEMS PA NI, JI STE ZHES BYA BA LA SOGS PA'O, ,MCHONGS PA NI MCHONGS PAS BYUNG BA NI YIN TE STOBS DANG 'BAD RTZOL LAS BYUNG BA YIN NO ZHES BYA BAR BSTAN PA NI, DE LTAR MCHOD NYID LAS MCHONGS MIN, ,ZHES BYA BA'O, ,STOBS LAS SAM 'BAD RTZOL LAS BYUNG BA NI GOMS PAS SHIN TU PHUL DU BYUNG BAR 'GYUR BA MA YIN NAM SNYAM DU SEMS PA NI, DE RGYU ZHES BYA BA STE, GNAS PA'I NUS NYID YIN PA'I PHYIR GNAS PA'I 'BRAS BU NYID YIN GYI, GOMS PA'AM GZHAN YANG RUNG DE'I RANG BZHIN GYIS MCHONG BA NI MA YIN NO, ,GOMS PA NI STOBS KYI RANG BZHIN KHO NA LA BRTEN PA YIN PAR BSTAN PA NI, RANG GIS MCHONGS PA GOMS PAR ZHES BYA BA'O, ,GOMS PA YOD PA'I MCHONGS PA GANG YIN PA NI, SNGA ROL DE STOBS YOD KYANG MED PA MA YIN NAM SNYAM DU SEMS PA NI JI STE YANG ZHES BYA BA LA SOGS PA'O, ,SNGAR GYI STOBS BAD KAN LA SOGS PAS LUS LCI BA LA SOGS PAS NYE BAR GNOD PA YIN LA GOMS PAS NI NYE BAR GNOD PA MED PAR BYED PA BSTAN PA NI, DE NI DANG PO ZHES BYA BA'O, ,GAL TE STOBS RANG GI SA BON TZAM LAS BYUNG BAR 'BAD RTZOL MED PAR PHUL DU BYUNG BA'I SNYAD RJER 'GYUR RO, ,GANG GI PHYIR 'BRAS BU MI DMIGS PA NI, RGYU'I TSOGS PA MED PAR GO BAR BYED PA YIN NO SNYAM DU SEMS PA NI, GAL TE BRTZE BA LA SOGS PA ZHES BYA BA'O, ,DE'I TSE DE'I BDAG NYID DU YANG ZHES YANG GI SGRA RIM LAS BZLOG PA YIN TE, GANG GI ZHE NA, RTEN BRTAN PA YANG

YIN NA YIN GYI GZHAN GYI TSE NI MA YIN PA'O, ,MI MTHUN PA'I PHYOGS SU BYED PA LA GOMS PA LAS RTOGS PA YIN GYI RANG GI NGO BO LAS NI MA YIN ZHES CI LAS RTOGS PA YIN ZHES, 'DI LTAR GOMS PA ZHES BYA BA LA SOGS PA SMOS SO, ,GSAL BA NI BYA BA LA PHUL DU BYUNG BA GOMS PA GANG YIN PA DE SNGA MA SNGA MA NI PHYI MA PHYI MA'I SNYING RJE LA SOGS PA'I RTZA BA YIN TE SNGA MA'I RANG GI RIGS KYI SA BON NYID MED NA, GOMS PA NYID DU MI 'GYUR RO ZHES BYA BA'I DON TO, ,SNGA MA'I RANG GI RIGS LAS BYUNG BA YIN NA GOMS PAR 'GYUR BAR BSTAN PA NI, BRTZE BA LA SOGS PA ZHES BYA BA LA SOGS PA'O, ,DE YANG GANG LA 'GYUR ZHE NA, GSAL BA ZHES BYA BA'O, ,SKYE BA LA NI MA YIN NO, ,DE'I PHYIR 'DI LTAR RANG GI SA BON LAS BYUNG BA'I GOMS PA PHUL DU BYUNG BA YIN PA'I PHYIR, SNYING RJE NI SEMS KYI RANG BZHIN KHO NA YIN PAR BSTAN PA NI, DES NA ZHES BYA BA STE, RANG GI DON ZHES BYA BAS GEGS BYED PA MED PA LA MCHOG TU 'DZIN PA YIN NO, ,RANG GI SA BON LAS BYUNG BA NYID CES BYA BAS GOMS PAS PHUL DU BYUNG BA NYID DU BSTAN PA YIN NO, ,'DI NYID NI TSAD MA KUN LAS BTUS PA LA SOGS PA LA 'GRO BA LA PHAN PAR BZHED PA NYID KYI BSAM PAS DGONGS PA PHUN SUM TSOGS PA YIN PAR BSTAN TO; SHIN TU GOMS PA NI BSAM PA JI LTA BA BZHIN DU SBYOR BAR BSTAN PA NI, DE LTAR NA ZHES BYA BA'O, ,THUGS RJE PHUL BYUNG ZHES BYA BA LA SOGS PA NI BRTZE BA DANG LDAN PA ZHES BYA BA 'DI BSHAD PA'O, ,SDUG BSNGAL GZHOM PA'I PHYIR ZHES BYA BA NI RANG DANG GZHAN GYI SDUG BSNGAL GZHOM PAR BYA BA'I DON DU'O, ,GZHAN GYI SDUG BSNGAL GZHOM PA SNGON DU BYED PA KHO NA SNYING RJE DANG LDAN PA'I RJES SU MTHUN PA MA YIN NAM, RANG GI SDUG BSNGAL GZHOM PA MNGON DU BYED PA NI, DE LTA BU'I BSAM PA MED PA'I PHYIR RO, ,RANG GI SDUG BSNGAL GZHOM PA MNGON DU BYED PA YANG, GZHAN GYI SDUG BSNGAL GZHOM PA MNGON DU BYED PA'I THABS YIN PA'I PHYIR GDON MI ZA BAR DGONGS PA YIN TE, DE MED NA DE NYID MED PA'I PHYIR RO ZHES BSTAN PA NI, LDOG TU GYUR PA ZHES BYA BA STE, THABS DANG DE'I RGYU MNGON DU BYED PA POS DE BSHAD PA NI SHIN TU BLA BAR MTHO RIS DANG BYANG GROL ZHES BYA BA'O, ,MTHO RIS KYI

, ,LAM MNGON DU MA BYAS PA NI, CHAD PAR NUS PA MA YIN TE, RJES SU DPAG PA'I YUL YIN PA'I PHYIR RO ZHES BSTAN PA NI, DE LA NI DES ZHES BYA BA'O, ,RJES SU DPAG PAS YONGS SU NGES PA'I DE KHO NA NYID YOD PA LA SOGS PAS SKAD CIG MA NYID LA SOGS PAR NGES PA YIN NA, RANG GI DON NI RJES SU DPAG PA'O, ,'DOD PA NI BYED PA STE DE'I DUS NA MED PA NI STON PA MED PA'O, ,JI TZAM DU ZHE NA, THAMS CAD KYI TSE NI MA YIN ZHES BYA BAR SBYAR RO, ,GZHAN GYI DON GYI RJES SU DPAG PA'I NGO BO STON PA NI, RANG GI SNGON DU 'GRO BA CAN YIN NA, DE'I TSE GDUL BYA NYE BA YANG YOD PA MA YIN TE, RANG NYID MA NGES PA'I PHYIR RO, ,LKOG TU MA GYUR PA'I THABS LAS BYUNG BA DANG, DE'I RGYU'I SKYON NI 'DI MA YIN TE, NGES PAR 'BYED PA'I CHA LAS BRTZAMS NAS KHYAD PAR THAMS CAD MNGON SUM YIN PA'I PHYIR RO, ,RJES SUD PAG PAS KHYAD PAR THAMS CAD NGES BA YANG MA YIN TE, MNGON SUM NYID DU THAL BAR 'GYUR BA'I PHYIR RO, ,THABS BYUNG DE RGYU LKOG TU GYUR PA LA SKYON GZHAN BSTAN PA NI, DMYAL BA LA SOGS PAR SKYES PA NA MED PA'I PHYIR RO, ,'BRAS BU MNGON DU BYED PA NI DMYAL BA LA SOGS PAR 'GRO BA MED PA'I PHYIR DUS THAMS CAD DU STON PAR BYED PAR 'GYUR GYI, GZHAN DU NI MA YIN NO ZHES BYA BA'I DON TO, ,DE BZHIN DU SDUG BSNGAL GZHOM PA MNGON DU BYED PAS 'KHRUGS PA MA YIN PA NYID MED NA DRAN PA GOMS PA'I YID KYI GSAL BA NYID DANG BRAL BA'I PHYIR SNGON GYI GNAS RJES SU DRAN PA'I SHES PA MED PA YIN NA SO SOR NGES PA'I LAS KYI 'BRAS BU STON PA MA YIN LA 'BRAS BU DANG RGYU'I RANG GI NGO BO'I KHYAD PAR MA NGES PAS RNAM PA THAMS CAD PA'I DNGOS PO THAMS CAD MNGON DU BYED PA MI SRID PA'I PHYIR 'OD ZER CAN GYI 'JIG RTEN GYI KHAMS LA SOGS PA'I SRUNG GTAM STON PAR MI 'GYUR RO, ,BSTAN PA NI 'JIG RTEN GYI KHAMS ZHES BYA BA'O, ,DE BAS NA THAMS CAD CES BYA BA NI GZHAN GYI SDUG BSNGAL GZHOM PA BZHIN DU RANG GI SDUG BSNGAL GZHOM PA YANG ZHES BYA BA'O, ,DE LA ZHES BYA BA NI, SDUG BSNGAL GZHOM PA DANG DE'I RGYU MNGON DU BYED PA DAG GO, ,RGYU NI THABS YIN TE DE BZHIN DU SDUG BSNGAL GZHOM PA'I PHYIR ZHES BYA BA NI SDUG BSNGAL

GZHOM PA DE'I RGYU MNGON DU BYED PA'I RGYU'I PHYIR ZHES BYA BAS BSHAD PA YIN TE SDUG BSNGAL GZHOM PA NI NYE BAR MTSON PA'I DON YIN PA'I PHYIR RO, ,DE NYID CES BYA BA NI RGYU DANG YUL LAS SO, ,DE LA RGYU NI LUNG DANG RIGS PAS ZHES BYA BA STE, RIGS PAS NI RIGS PA DANG MI RIGS PA NYID SHES PA YIN LA, LUNG GIS NI LAS KYI LAM STE, 'DI BYAS NAS 'DI BYAS PA YIN ZHES BYA BA'O, ,RIGS PA LAS GZHAN PA NI LUNG YIN TE DE 'DZIN PAR BSTAN PAS SGRA RNAMS NI DON LA MI RIGS PA NYID DU YANG 'DIS BSTAN PA YIN NO, ,LAM YANG RIGS PA KHO NA MA YIN NAM MA MTHONG BA DE'I CHOS YOD PAS GO BAR MI NUS PA'I PHYIR, DE YANG DE LA TSAD MA MA YIN NO, ,DE 'DI LTAR RIGS PA DANG LUNG DANG LHAN CIG PA 'JUG PA'I YUL DU NGES PAR BYED PA YIN GYI RE RE NI MA YIN NO, ,GANG GI PHYIR YUL MED PA NI RIGS PA MA YIN LA YUL YANG RIGS PA DANG BRAL BA YANG MA YIN NO, ,DES DE LTAR SPYI NYID LA 'DZIN PA RNAM PAR DPYAD PA BSTAN NAS SNGA MA GANG YIN PA DANG, PHYI MA GANG YIN PA ZHES BYA BA'I KHYAD PAR GYIS BSTAN PA NI, SDUG BSNGAL RGYU DANG ZHES BYA BA STE, DE MED NA RGYU MED PA CAN GYI SDUG BSNGAL DE GZHOM PA'I DON GYI 'BAD RTZOL NYID DU MI 'GYUR BA'I PHYIR 'JUG PA'I YAN LAG TU DANG PO RGYU YONGS SU RTOGS PA YIN NO, ,DE'I RJES LA YONGS SU RTOGS PA NI, DE'I ZHES BYA BA'I RGYU'I'O, ,MI RTAG PA NYID LA SNGA MA BZHIN DU PHYIN CI LOG PAS RGYU MA TSANG BA MED PA LA GZHOM PA NYID DU MI NUS PAS MI 'JUG PAR THAL BAR 'GYUR RO, ,GNYIS PO CI LAS RTOGS PA YIN ZHE NA, SDUG BSNGAL NYID KYIS ZHES BYA BA SMOS TE, RES 'GA' BA'I SDUG BSNGAL NI, RGYU DANG DE'I MI RTAG PA YANG GO BAR BYED PA YIN TE, DE MA THAG PA SHIN TU SBYOR BAR BYED PA MA YIN PAR BSTAN PA NI, 'DI THAMS CAD KYANG ZHES BYA BA'O, ,TSAD MA CAN GYI LUS LA YANG TSAD MA DE YIN PA'I PHYIR RO, ,'GREL BAR NI RIGS PA'I YUL MA YIN PA BSDU PA'I DON DU LUNG 'DZIN PA YIN, LUNG 'DZIN PA NI RIGS PA LAS 'JUG PA'I DON DU'AM ZHES BYA BA LA SOGS PAR RJOD PAR BYED PAR GSAL BA YIN NO, ,RNAM PAR DPYOD PA LA MNGON DU PHYOGS PA MA YIN PA NI RIGS PA MTHONG YANG SHIN TU SBYOR BAR BYED PA MA

, ,YIN PAR BSTAN PA NI, 'DI THAMS CAD KYANG ZHES BYA BA'O, ,TSAD MA CAN GYI YUL LA YANG TSAD MA DE MI 'THOB NA GO BAR BYED PA MA YIN NO SNYAM DU SEMS PA LA MA RMONGS PA LA NI MA YIN NO ZHES BYA BAR SBYAR RO, ,CI SNGAR RAM PHYIS KYANG YONGS SU RTOG PA ZHES BYA BA LA, KHYAD PAR DU YONGS SU RTOG PA YIN PAR BSTAN PA NI, DE LA RE ZHIG CES BYA BA'O, ,RGYU'AM DE'I MI RTAG PA YONGS SU MA BRTAGS NA 'DI LDOG PAR RUNG BA NI 'JUG PA LA KHYAB PAR BYA BA 'GAL BA YIN LA MI 'JUG PAR RUNG BA NYID RGYU MED PA YIN NO, ,RGYU MED PA NYID KYI NGO BO DMIGS PA YIN PAR BSTAN PA NI, RGYU MED PA ZHES BYA BA'O, ,GAL TE DNGOS PO SKAD CIG MA RANG GI NGANG GIS 'JIG PA CAN YIN GYI DE BZHIN DU RGYUN NI MA YIN PAR BSTAN PA NI, RGYU DANG BRAL BA MED PAR NI ZHES BYA BA'O, ,RGYU RTAG PA LAS KYANG LAN CIG SKYES PA NI RANG GI NGO BO KHO NA 'JIG PA MA YIN NAM GANG GI PHYIR RTAG PA YANG 'DI DE KHO NA'I SKYED BYED MA YIN TE, SKYES PAR BYA BA'I PHYIR RO SNYAM DU SEMS PA LA, RGYU YIS BYAS PA'I ZHES BYA BA STE, GAL TE SKYES PA YIN YANG DE DANG 'DRA BA GZHAN NI RGYU YOD NA 'JUG PA KHO NA YIN NO, ,GAL TE MED PA KHO NAS DE MED PAR 'GYUR ZHES CI LAS YIN, RDZA MKHAN LA SOGS PA MED KYANG BUM PA MED PA NI MA YIN NO, ,'DI LA BRJOD PA NI, GAL TE DE MED KYANG YOD NA ZHES BYA BA STE, RDZA MKHAN GYI DE MA THAG TU 'BYUNG BA'I SKAD CIG MA YIN GYI, PHYI MA NI MA YIN TE, SKAD CIG MA SNGA MA RGYU YIN NO ZHES BYA BA'I DON TO, ,RGYU MED PA NYID CES BYA BA LA SOGS PA LAS BZLOG PA'I YON TAN BSTAN PA NI MI RTAG PA'I RGYU CAN ZHES BYA BA LA SOGS PA'O, ,RTAG PA'I RGYU CAN LA RGYU MED PAR BSTAN PA NI, RTAG TU RGYU CAN LA ZHES BYA BA'O, ,DE LAS CIR 'GYUR ZHE NA, LDOG PA YOD MA YIN ZHES BYA BA SMOS TE, LDOG PA YOD PA MA YIN TE, MA BRAL BA YIN ZHES BYA BA'I DON TO, ,RTAG TU RGYU CAN LA ZHES BYA BA 'DIS YIN PA DE'I YANG RGYU GANG YIN, DE LA NI MED PA MED DO ZHES SBYAR RO, ,MI RTAG PA'I RGYU CAN YIN YANG RGYU RANG NYID KHO NAS 'JIG PA'I PHYIR DE'I DON DU RTOG PA DANG LDAN PA RNAMS KYI BYA BA 'BRAS BU MED PA KHO NA YIN NO SNYAM DU SEMS PA LA, GANG PHYIR DE LTAR RGYU GNAS NA, ,

ZHES BYA BA STE, DE LTAR GNAS PA NI RGYUN GYIS 'JUG PA 'AM BAG CHAGS KYI NGO BOS GNAS PA NA'O, ,'BRAS BU NI SDUG BSNGAL LO, ,LOG PA MED CES BYA BAR DGONGS NAS RGYU'I RGYUN NAM BAG CHAGS LDOG PA'I DON DU 'BAD RTZOL NI RIGS PA KHO NA'O, ,'GREL PA MDZAD PAS NI DE LTAR GNAS NA ZHES BYA BRGYU RTAG PA YIN NA'O ZHES BSTAN TO, ,DE YANG RGYU'I RGYUN NAM BAG CHAGS KYANG RUNG BA 'GAL BA CAN GYI LAM MED NA, MI LDOG PA YIN PA'I PHYIR DE'I 'GAL BA'I PHYOGS KYI LAM SHES PA YIN LA DE YANG RGYU'I RANG GI NGO BO KHO NA RTOG PA LAS SHES PAR BLA BAR BSTAN PA NI, DE RGYU ZHES BYA BA SMOS TE, SNYAM PA'I BLO DANG LDAN PA ZHES BYA BA NI, DE LTA'I RIGS PA DANG LDAN PAR 'GYUR BA'O, ,RTAG PA'I RGYU CAN GYI SDUG BSNGAL LA DE LTAR DGONGS PA YIN GYI MI RTAG PA'I RGYU CAN LA NI MA YIN ZHES BYA BA'I DON TO, ,RGYU 'JIG PA NI 'GAL BA CAN MED NA MA YIN PAR BSTAN PA NI, BYUNG BA ZHES BYA BA RGYUN GYIS 'JUG PA YIN TE, GRANG BA LA DRO BA BZHIN NO, ,'DI'I YANG PHYI ROL NYID DU CUNG ZAD 'GAL BA CAN DU 'GYUR RO SNYAM DU SEMS PA LA, RGYU MED PAR MI 'GYUR RO ZHES BYA BA'O, ,SKYE BA'I RGYU NI LAS DGE BA DANG MI DGE BA'I RGYU MA YIN NAM DE YANG 'DOD CHAGS DANG ZHE SDANG GIS BYAS PA YIN LA, RGOD PAR BYED PA LA SOGS PA'I RNAM RTOG GIS BYAS PA YIN NA, KUN TU RTOG PA DE LDOG NA DE LAS BYUNG BA'I CHAGS PA LA SOGS PA LDOG PA YIN LA DE LAS KYANG, DE'I LAS LDOG PA YIN NO, ,DE LTAR BA'I LAS KYANG 'BRAS BU BYUNG NA ZAD PA YIN PA'I PHYIR LAS ZAD BAS NI SDUG BSNGAL THAMS CAD LAS RNAM PAR GROL BAR BRJOD PA YIN NO SNYAM DU SEMS PA NI, GAL TE RGYU MED PA NYID LAS ZHES BYA BA'O, ,BDAG TU LTA BA YOD NA RANG LA CHAGS PA DANG LDAN PA NI BDAG GI LUS LA SOGS PA LA CHAGS PAR BYED PA'I BYIR CHAGS PA DE NYID RGOD PAR BYED PA'I KUN TU RTOG PA MA YIN PA DANG LAS KYI RGYU CAN NI, BDAG TU RTOG PA DANG MA BRAL BA YIN NO, ,DE'I TSE LAS GZHAN DANG GZHAN YIN GYI SDUG BSNGAL GROL BA MA YIN PAR BSTAN PA NI, MA YIN TE, MA RIG PA LAS ZHES BYA BA'O, ,SDUG BSNGAL PHYIN CI LOG BLO DANG, ,SRED PA KUN NAS 'CHING BA NI, ,ZHES BYA BA LA SOGS BA'I RIGS PA BSTAN PA NI,

, ,LAS DANG SDUG BSNGAL GYI RGYU NI MA RIG PA ZHES BYA BA'O, ,BDE BA DANG DGE BA LA SOGS PA MTHONG BA NI, MA RIG PA DANG LAS KYI SGO NAS SDUG BSNGAL GYI RGYU MA YIN PAR BDE BA LAS BZLOG BA SDUG BSNGAL LA SOGS PAR MTHONG BA NI, GNYEN PO YIN NO ZHES BYA BA NI KHA CIG GI'O; ,GZHAN DAG NA RE RANG BZHIN DANG SKYES BU DAG GZHAN YIN PAR MA MTHONG BA NI, LAS LAS YIN PAS SDUG BSNGAL GYI RGYU YIN ZHING BDAG DANG BDAG MA YIN PA DAG GI RNAM PAR DBYE BA DAG LA MTHONG BA NI 'CHING BA YIN LA, DBYE BA MTHONG BA NI DE'I GNYEN PO YIN NO ZHES ZER RO, ,DE LTAR RGYU'I NGO BO LA LOG PAR RTOGS PA YIN NA, DE'I GNYEN PO YANG NGES PAR GNAS PA MA YIN NO SNYAM DU SEMS PA NI, GAL TE SDUG BSNGAL GYI RGYU ZHES BYA BA STE, MTHONG BA YANG SNA TSOGS PAR MTHONG BA NYID KYANG SDUG BSNGAL GYI RGYU SNA TSOGS PA LAS YIN NO ZHES ZER BA NI, SDUG PA DANG BRAL BA ZHES BYA BA LA SOGS PA STE BZLOG PAR BYA BA NI RGYU ZHES BYA BA DANG SBYAR RO, ,BDAG CES BYA BA NYID DANG, BDAG GI ZHES BYA BA NYID KYANG CHAGS PA'I GZHI NYID YIN TE, GZHAN DU NA BDE BA DANG DGE BA'I 'DU SHES YIN YANG BLANG BYA NYID MED PAS NYE BAR LEN PA MED PA'I PHYIR RO, ,DE BZHIN DU SDUG BSNGAL GYI 'DU SHES LA YANG DOR BYA NYID MED PAS GZHOM BYA MA YIN PAR BSHAD PA YIN NO, ,DE LTAR NA GZHOM PA DANG NYE BAR LEN PA YANG BDAG GO ZHES BYA BA LA SOGS PA CHAGS PA'I RGYU MTSAN NI DE'I 'GAL BA BDAG MED PA MTHONG BAS LDOG PA YIN NO, ,DE KHO NA YANG BDAG NYID THAMS CAD KYIS GZHOM PA DANG NYE BAR LDOG PAR BYED PA YIN LA, DE'I BDAG NYID KYI SDUG BSNGAL BZLOG PA DANG SDUG BSNGAL GZHOM PA YIN PAR BRJOD PA YIN NO, ,DE BZHIN DU BDAG DANG BDAG MA YIN PA'I RNAM PAR DBYE BA MA MTHONG BA NI, BDAG DANG BDAG GIR CHAGS PA'I RTZA BA NI, GZHOM PA DANG NYE BAR LEN PA'I RGYU MTSAN DU RIG PAR BYA BA YIN PAR BSTAN PA NI, BDAG DANG BDAG GIR 'DZIN PA ZHES BYA BA'O, ,BDAG KHO NA LA BDAG TU LTA BA SEL BA NI, 'DUS BYAS SPYOD YUL CAN ZHES BYA BA STE, JI LTAR LUS DANG DBANG PO DANG BLO DANG TSOR BA LA SOGS PA RNAMS BDAG MA YIN PA LA BDAG TU LTA BAS

CHAGS PAR BYED PA YIN TE, YONGS SU MI 'DOR ZHING LEN PAR BYED PA DE BZHIN DU BDAG GI BA YANG SDUG BSNGAL BA'AM SDUG BSNGAL DANG 'BREL BA NI, NYE BAR LEN PAR MI BYED CING YONGS SU 'DOR BAR BYED DO, ,DE BZHIN DU GCIG PU MI DGA' NA, DE GNYIS PA 'DOD PA YIN ZHES BYA BA LA SOGS PA'I RIGS PAS RE ZHIG BDAG DANG BDAG GIR LTA BA NI SKYE BA'I RGYU YIN NO ZHES BYA BAR GNAS PA YIN NO, ,BDE BA DANG DE'I RGYU NYID LA SOGS PA MTHONG BA YANG BDAG MED PAR RIG PA'I 'CHING BA'I RGYU MA YIN NO ZHES BSTAN TO, ,DE LTAR RGYU'I NGO BO NGES PAR BRTAGS PAS DE LAS BZLOG PAS BDAG MED PAR 'DZIN PA LA MA YIN NO ZHES BYA BA SHES PAR BLA BA YIN PAR BSTAN PA NI, BDAG MED MTHONG BA 'GAL BA YIN, ,ZHES BYA BA STE, YID KYI SDUG BSNGAL BDAG DANG BDAG GIR KUN TU RTOG PA LAS BYUNG BA NI KUN RTOG MED NA MI 'BYUNG NGO, ,RTZUB MO LA REG PA LA SOGS PA'I YUL GYI BSKYED BYA'I DMIGS PA NI, TSOGS PA LAS BYUNG BA YIN PA'I PHYIR DMIGS PA KHO NA BZHIN DU 'BYUNG BAR 'GYUR RO SNYAM DU SEMS PA NI, GAL TE CHAGS PA DANG BRAL NA, ,ZHES BYA BA'O, ,GAL TE DMIGS PA BZHIN DU SDUG BSNGAL LAM CIG SHOS DE'I BSKYED BYA YIN NA, DE GCIG GI NGO BOR 'GYUR GYI CIG SHOS NI MA YIN NO, ,'GYUR NA YANG DES RTOGS PA NI YUL LA SOGS PA'I TSOGS PA BDE BA LA SOGS PA'I BAG CHAGS DANG LHAN CIG PA NYID BDE BA'I RGYU YIN NO, ,GANG YANG GZHAN SDUG BSNGAL DANG BRAL BAR 'DOD PA PHUL DU BYUNG BA'I BAG CHAGS KYIS RANG GI BDE BA LA SOGS PA'I BAG CHAGS BSGRIBS PA DE'I YUL LA DMIGS PA DE'I TSOGS PA YOD PAS DMIGS PA YOD NA BDE BA LA SOGS PA 'BYUNG BA MA YIN TE, RGYU MED PA'I PHYIR RO ZHES BSTAN PA NI, GZHAN SDUG BSNGAL BAS ZHES BYA BA'O, ,GAL TE GZHAN BDE BAR BYED PA 'AM SDUG BSNGAL GZHOM PAS KYANG RANG LA 'BRAS BU CI ZHIG 'BYUNG BA YIN, DE MED NA RTOG PA DANG LDAN PA RNAMS GANG LA YANG 'JUG PA MA YIN SNYAM DU SEMS PA LA, GZHAN GYI BDE BA LA'AM, GZHAN GYI SDUG BSNGAL GZHOM PA LA BDAG NYID DU MNGON PAR ZHEN PA YIN NA, RANG GI BDE BA LA SOGS PA LA LTOS PA MED PAS BDAG LA CHAGS

, ,PA BSGRIBS BZHIN PA LA 'JUG PA NI, BDAG LA YOD PA'I 'BRAS BU MED NA JI LTAR 'JUG PA YIN ZHES GLAGS BTZAL BAR BYA BA MA YIN NO, ,BDAG GI BA'I 'BRAS BU YANG DE NYID LA MNGON PAR ZHEN PA MED NA 'JUG PAR BYED PA MA YIN PAR BSTAN BA, BDAG GI BA LA MNGON PAR ZHEN PAS ZHES BYA BA STE, GZHAN LA RANG NYID KYI BLA YIN NA RANG LA CHAGS PAS LDOG PA KHO NA YIN TE, MNGON PAR 'DOD PA'I YANG KHYAD PAR LAS ZHES BYA BA'I DON TO, ,'DI MTHONG BA YIN PAR BSTAN PA NI, BU LA CHAGS PAS ZHES BYA BA'O, ,KHA CIG NI GZHAN LA RANG NYID DU MNGON PAR ZHEN PA PHUL DU BYUNG BA MED KYANG BDAG MED PA BSGOM PA PHUL DU BYUNG BAS BDAG DANG BDAG GIR MNGON PAR ZHEN PA LDOG PA PHUL DU BYUNG BA YIN NA DE'I SNYING PO CAN GYI BDAG CHAGS KYI NGO BO'I RGYU SPANGS PA'I PHYIR DMIGS PA'I TSOGS PA LAS DMIGS PA 'BYUNG BA YIN YANG, BDE BA DANG SDUG BSNGAL BA LA SOGS PA'I 'BRAS BU 'BYUNG BA MA YIN PAR BSTAN PA NI, DES NA BDAG MED PA DE'I BDAG TU GYUR PA ZHES BYA BA NAS, DE LA GNOD PA CI ZHIG YOD CES BYA BA'I BAR DU'O, ,'DI LAS KYANG BDAG MED PA MTHONG BA GOMS PAR MNGON PAR 'DOD PA'I BAG CHAGS PHUL DU BYUNG BA LAS KYANG SDUG BSNGAL GYI BAG CHAGS BSGRIBS PAS DE'I 'BRAS BU SDUG BSNGAL NI YUL LA DMIGS PA BZHIN DU SKYE BA MA YIN PAR BSTAN PA NI, GANG LA KHO NA LA GOMS PA ZHES BYA BA STE, BDAG DANG BDAG GIR 'DZIN PA MED NA, 'DU BYED PA TZAM MTHONG BA'I YAL BAR 'DUG PA NI PHUL DU BYUNG BA DANG LDAN PA YIN TE BSGOM PA PHUL DU BYUNG BA'I PHYIR RO, ,SDUG BSNGAL NI BDAG LA SOGS PAR MNGON PAR ZHEN PA'I SNYING PO CAN GYI BAG CHAGS KYI BSKYED BYA YIN LA, DE MED NA MI 'BYUNG NGO ZHES SNGAR BSTAN PA NYE BAR SDUD PA NI SHIN TU ZHES BYA BA'O, ,MANG PO ZHES BYA BA NI SBYOR BA PHAL CHE BA NYID DE, RTZA BA'I SEMS BSDUS PA'O, , RNAM PA DU MAR ZHES BYA BA NI, DE'I RJES SU SPYOD PA'I SEMS KYI PHUNG PO DANG KHAMS DANG SKYE MCHED LA SOGS PAR GNAS PA'I RNAM PAR DBYE BA YIN LA, RNAM PAR DBYE BA BSDUS PA YIN TE, BSDUS PA'I SEMS KYIS DUS MANG PO NYID DU BSGOMS PA LA SBYOR BA MANG PO NYID 'THOB PA YIN PAS RNAM PA THAMS CAD

GSAL BAR 'GYUR ZHES BYA BA'I DON TO, ,'GREL BAR NI BDAG MED PA MTHONG BA ZHES BYA BA NI SPANGS PA'I KHYAD PAR YOD NA'O, ,RTOGS PA ZHES BYA BA NI SHES RAB 'PHEL BA'O, ,THABS RNAM PA MANG PO ZHES BYA BA NI, RDZU 'PHRUL DANG MNGON PAR SHES PA LA SOGS PA'I YON TAN YIN LA, DE MED PA NI SKYON YIN PA STE, YID KYI NYES PAR SPYOD PA LA SOGS PA'O, ,NYES PA PHRA MO DANG RAGS PA NANG NA GNAS PA NI BDAG MED PAR MTHONG BA'I BSGOM PA PHUL DU BYUNG BAS 'DAS PA DANG MA 'ONGS PA'I SKYON PHRA MOR 'GYUR BA YANG DE'I NANG NA GNAS PA'I RIGS MTHUN PA BSGOMS PAS SHIN TU PHRA BA'I PHYIR SHIN TU MTSON PAR DKA' BA YANG MTSON PAR BYED PA YIN ZHES BYA BAS RTOG PA PHUL DU BYUNG BAR BSTAN PA YIN NO, ,BAG CHAGS NI NGAG MA DAG PA KHOL MO ZHES ZER BA LTA BU DANG, LUS MA DAG PA MCHONGS BAS 'GRO BA LTA BU DANG, YID MA DAG PA RTAG TU MNYAM PAR GZHAG PA MED PAS LUNG DU MA BSTAN PA SEMS MNGON DU RGYU BA YIN TE, BDAG TU NGA RGYAL BA LA SOGS PA'I NYON MONGS PA'I 'BRAS BU'I KHYAD PAR NI NYON MONGS PA MED KYANG 'PHAGS PA NYAN THOS LA SOGS PA RNAMS LA 'BYUNG BA YIN NO, ,GZHAN GYI DON LA 'JUG PA GANG GI YIN PA DE'I STE, THUB PA CHEN PO'I 'DI BSE RU LTA BU LA SOGS PA'I RANG SANGS RGYAS LA SOGS PA LAS KHYAD PAR NI BAG CHAGS SPANGS PA'I MTSAN NYID YIN NO, ,LUS DANG DBANG PO DANG BLO DANG TSOR BA LA SOGS PA RNAMS LA BDAG DANG BDAG GIR 'DZIN PA NI SDUG BSNGAL GYI YIN PAR NGES PA LA DE LAS BZLOG PA BDAG MED PAR MTHONG BA NI GNYEN PO YIN GYI, SDUG BSNGAL GYI 'DU SHES MED PA'I PHYIR BDAG DANG BDAG GIR 'DZIN PAS BYAS PA'O, ,RNAM PA MANG PO THABS MANG PO ZHES BYA BA LA SOGS PA LA NI DE LAS BSGOM PA LA SOGS PAS NI DE LA BSGOMS PA CIG PHUL DU BYUNG BAS RNAM PA THAMS CAD MTHONG BA YIN NA, RGYU 'JOMS PA PHUL DU BYUNG BA YIN LA, DE LAS KYANG MNGON PAR SHES PA LA SOGS PA'I YON TAN GYI THABS GOMS PAS DE YON TAN PHUN SUM TSOGS PA DANG LDAN PA YIN NO ZHES DE DAG TZAM BSTAN PA YIN GYI DE DAG TZAM GYIS THAMS CAD MKHYEN PA NYID NI MA YIN TE, NYAN THOS LA SOGS PAS RNAM PAR DBYE BA MED PAS THAL BAR 'GYUR RO SNYAM DU SEMS PA NI, YANG NA GAL TE ZHES BYA BA'O, ,RGOL BA 'DI

, ,LA YANG DANG YANG DU LAN BTAB PA YIN PAR BSTAN PA NI, 'DI LA BSHAD PA NI ZHES BYA BA'O, ,'KHOR BA PA'I SKYON YON MTHA' DAG GSAL LO ZHES BYA BA NI, SNA TSOGS PA RNAM PA GNYIS TE, YON TAN GYI PHYOGS DANG SKYON GYIS KYANG NGO ZHES BYA BA STE, RNAM PA GZHAN MED PA'I PHYIR RO, ,BTANG SNYOMS SU BYA BA YANG BLANG BYA MA YIN TE, DOR BYA YIN PA'I PHYIR RO, ,RNAM PA DU MAR THABS MANG PO NI SPROS PA STE, DE LA RE ZHIG LAS DANG 'BRAS BU DANG 'BREL PA YONGS SU SHES PA'I THABS BSTAN PA NI DRAN PA STE, GOMS PA DANG BCAS PA'I DRAN PAS YID KYI GSAL BA NYID 'DI LA MTHONG BA'I NUS PA NYID YIN NO, ,DE'I TSE NYAMS SU MYONG BA GSAL BA NI DRAN PA'I GSAL BA'I SGRUB BYED MA YIN TE, YID GSAL PO MED PA 'DOD PA YIN NA DE YOD NA SKYE BA SNGA MA LA NYAMS SU MYONG BA DRAN PA YIN LA, GANG GI PHYIR GANG ZHIG DRAN PAR 'DOD PAS SEMS KYI 'BAD RTZOL LAM, CHU TSOD DANG THUN PHYED DANG THUN LA SOGS PAR NYAMS SU MYONG BA DRAN PA YIN NA, NYIN ZHAG LA BYUNG BA LA YANG DRAN LA, DE BZHIN DU ZLA BA PHYED PA DANG ZLA BA DANG PO LA SOGS PA'I RIM GYIS BYIS PA'I BAR DU DRAN PA YIN ZHING, YID KYI DRAN PA'I NUS PA DANG LDAN PA YIN NA SKYE BA GZHAN LA NYAMS SU MYONG BA YANG DRAN PA LA YIN PAR SRID PA YIN TE, GOMS PA DANG LDAN PA PHUL DU BYUNG BA NI GCIG TU MI GNAS PA'I NGO BO YIN PA'I PHYIR RO, ,DE LAS KYANG DE LAS GZHAN PA YIN PA'I PHYIR SKYE BA THOG MA MED PA NAS BRGYUD PA DRAN PA YIN NA DE'I RGYU DANG DE'I 'BRAS BU DANG DE'I KHYAD PAR YANG DE'I KHYAD PAR SKYED PAR BYED PA NYID LA RJES SU 'GRO BA DANG LDOG PA NYAMS SU MYONG BA LA RTOGS PA YIN PAR BSTAN PA NI, DE'I TSE DE'I RJES SU 'BRANG BAS ZHES BYA BA'O, ,DE BZHIN DU RANG GI RGYUD LA 'BREL PA BZUNG BA'I 'BRAS BU DANG, DE'I KHYAD PAR YANG GZHAN LA RTOGS PA YIN NA, DE'I RGYU DANG DE'I 'BRAS BU YANG MNGON PAR RTOGS PA YIN PAR BSTAN PA NI; JI LTAR GRONG GZHAN NAS 'ONGS PA ZHES BYA BA SHES 'GYUR BA ZHES BYA BA DANG SBYOR BA'I RGYU BSTAN PA NI, DE DANG BRTEN PA ZHES BYA BA'O, ,DE RIG BA NI, DE DANG 'BREL PA RIG PA'O, ,GNAS SKABS DANG SBYOR BA NI DE BZHIN DU ZHES BYA BA STE, RANG GI RGYUD LA LAS DANG 'BRAS BU'I 'BREL PA SHES PAS

GZHAN LA YANG LAS DANG 'BRAS BU'I 'BREL PA SHES PA'I DON TO, ,DE DANG BRTEN PA ZHES BYA BA NI GRONG GZHAN BSTEN PA'O, ,LKOG TU GYUR PA ZHES BYA BA NI GZHAN GYI RGYUD LA YOD PA'O, ,DES NA ZHES BYA BA NI RANG GI RGYUD LA MNGON SUM GYIS SO, ,GZHAN GYI RGYUD LA NI RJES SU DPAG PAS SO, ,SO SOR NGES PA NI KHYAD PAR CAN GYI YUL LA SOGS PA'O, ,DE DANG 'BREL PA NI LAS LA YOD PA'O, ,DE'I 'BRAS BU NI BYA BA'O, ,DE DAG GI KHYAD PAR DE LA NGES PAR RTOG PA NA RANG GI RGYUD LA YID GSAL BA LAS BYUNG BA'I MNGON SUM GYIS YIN LA, DE'I TSE YANG DE'I RGYU DANG 'BRAS BU DANG RANG BZHIN DANG DBYE BA RNAMS KYI 'BREL PA NI 'BRAS BU DANG RGYU NYID DE RIGS PA YIN PAR BSTAN PA NI, RGYU'I RANG BZHIN DANG ZHES BYA'O, ,DE LTAR 'BREL PA RIGS PA YIN NA GZHAN LA YANG RJES SU 'JUG PA YIN PAR BSTAN PAS RIGS PA YIN PA'I PHYIR ZHES BYA BA NI GTAN TSIGS YIN LA, SO SOR NGES PA NI LAS SO, ,RANG BZHIN THAMS CAD RJES SU DPOG PA ZHES BYA BA NI RIM PA'O, ,LAS DANG 'BRAS BU ZHES BYA BA NI RANG DANG GZHAN GYI RGYUD LA YOD PA STE, SOGS PA'I SGRAS BYE BRAG GZUNG NGO, ,DE LTAR GZHAN GYIS SMRAS PA LA, 'DIR CHOS MKHYEN PA 'BA' ZHIG 'GEGS PAR SBYOR BAR BYED PA'I PHYIR, DA DGAG PAR BSTAN PA NI, MTHO RIS DANG NI BYANG GROL LAM, TZAM GYIS NI ZHES BYA BA NI THAMS CAD MKHYEN PA NYID MED KYANG NGO, ,THAMS CAD MKHYEN BA NYID YANG THABS YOD PAR BSTAN PA NI, 'GRO BA MTHA' DAG CES BYA STE, PHAN TSUN ZHES BYA BA NI RGYU LA LTOS PA'I 'BRAS BU DANG, DE LA YANG LTOS PA'I RGYU YANG RGYU YIN GYI RGYU NYID LA LTOS NAS 'BRAS BU'AM RGYU'AM CIG SHOS NI MA YIN NO ZHES BYA BA'I DON TO, ,DE LAS CIR 'GYUR ZHE NA, DES NA RGYU DANG 'BRAS BU ZHES BYA BA SMOS TE, RNAM PA DU MA ZHES BYA BA NI 'BRAS BU DANG RGYU DAG GI RANG GI NGO BO DANG DE'I KHYAD PAR RNAMS KYI DNGOS PO NI 'BREL PA'O, ,DE BSGOMS PA NI SHES PA STE, DE DANG RJES SU 'BREL PA NI YANG DANG YANG DU 'BYUNG BA'O, ,DES NA DE'I BSKYED BYA'I KHYAD PAR 'DZIN NA MNGON PAR 'DOD PA'I PHYIR RO ZHES BYA BA'I RIGS PAS 'GRO BA THAMS CAD KYI SHES PA YIN NO, ,JI LTA BU'I RNAM PAR MTHONG BA DE LTA BU'I RNAM PAR NYE BA YIN PAR MTSON PAR BYED PA'I PHYIR MTHONG BA DANG THUN MONG BA DE MA YIN PA LAS LDOG PA'I

, ,NGO BOS 'JUG PA'I YUL RTOGS PAR BYED PA RJES SU DPAG PA MA YIN NAM, KHYAD PAR GYI RNAM PA DANG 'BREL PA YIN YANG RNAM PAR RTOG PA YIN PA'I PHYIR, SPYI'I YUL CAN YIN GYI MNGON SUM GYI NI MA YIN NO, MNGON SUM GYI GANG GI SKAD CIG MA MTHONG BA DE'I RGYUN LA RGYUN GZHAN LAS LDOG PAS RNAM PAR GZHAG PAR BYED NA, 'JUG PA'I YUL LA LTOS NAS KYANG KHYAD PAR GYI YUL MNGON SUM DU BYED PA YIN GYI RJES SU DPAG PA NI MA YIN TE, SPYI'I YUL CAN NI MA YIN NO SNYAM DU SEMS PA NI, 'ON TE RJES SU DPAG PAS ZHES BYA BA'O, ,MNGON SUM NI RANG GI NGO BOS DNGOS PO MTHONG BA YIN LA, RJES SU DPAG PA NI DNGOS SU MA MTHONG YANG NGES PA CAN MTHONG BA LAS RNAM PAR 'JOG PA YIN NO NGES PA CAN MTHONG BAS KHYAD PAR DU BYED PA NI 'JUG PA'I YUL LA SKAD CIG GI KHYAD PAR GYIS KHYAD PAR DU MI BYED PA NI MA YIN NO, ,'DI SPYI'I YUL CAN YIN PA NI KHYAD PAR MA MTHONG BAS BYAS PA YIN TE, RTAGS NI SPYI'I YUL CAN DU BRJOD PA KHYAD PAR MI GNAS ZHES GSUNGS PAS SO, ,THA SNYAD PA'I TSAD MA'I MTSAN NYID 'CHAD PA POS GZUNG BA DANG 'JUG PA'I YUL LA SOGS PA'I YUL GYI DBYE BA BYAS PAS BSTAN PAR BYA BA MA YIN TE, 'GAL BA'I PHYIR RO, ,RNAM 'GREL MDZAD PA PO'I DE LTA BU'I SGROGS PA RNAMS NI DON DAM PA'I LUS LA YIN GYI THA SNYAD DU GDON PAR 'OS PA NI MA YIN NO, ,DE LA NI MTHONG BA'AM NGES PA CAN MTHONG BA NI 'JUG PA'I YUL DU RNAM PAR 'JOG PAR BYED PA 'DI NYID RIGS PA YIN PAR BSTAN PA NI, RNAM KUN RJES DPOG GANG YIN PA'O, ,RNAM PA THAMS CAD RJES SU DPOG PA NI GOMS PA DANG BCAS PA YIN LA, MNGON SUM NYID NI MNGON DU BYED PA MA YIN NAM ZHES BYA BA MI RIGS PA MA YIN NAM, DBANG PO DANG DON DU PHRAD PA'I SHES PA NI MNGON SUM YIN TE, DBANG PO LAS BYUNG BA'I PHYIR RO SNYAM DU SEMS PA LA, DBANG PO DANG NI PHRAD PAS KYANG, ,ZHES BYA BA STE, ,MNGON SUM DU DBANG PO TSOL BA NI MNGON DU BYED PA'I DON KHO NAS YIN GYI MA MTHONG BA'I DON NI MA YIN NO ZHES BYA BA'I DON TO, ,DON THAMS CAD ZLOS PA'I TSIG GI DBANG PO LA 'BRAS BU NYID DU BRJOD PAS MTSAN NYID KHO NAS LDAN PA NI MA YIN TE, SBYOR BAR BYED PA

MA YIN PA'I PHYIR RO ZHES BSTAN PA NI, 'DI NI MNGON SUM GYI MTSAN NYID MA YIN TE, SBYOR BAR BYED PA YIN PAR BSTAN PA NI, 'ON KYANG ZHES BYA BA'O, ,DBANG PO NI 'DI NYID KYI MING LA NYE BAR MTSON PA YIN TE, DON GCIG LA TSOGS PA'I PHYIR RO ZHES BSTAN PA NI DBANG PO NI ZHES BYA BA'O, ,MNGON SUM DU THA SNYAD 'DOGS PA LA DBANG PO SBYOR BA MA YIN DU ZIN KYANG, SBYOR BAR BYED PA'I RANG GI NGO BOR SNANG BA NI SBYOR BYED KHO NA YIN NO SNYAM DU SEMS PA LA, GZHAN YANG GANG ZHIG CES BYA BA SMOS TE, MNGON DU BYED PA NI DBANG PO'I SKYED BYED MA YIN TE, DE YOD KYANG GZHAN GYI RNAM RTOG GI GNAS SKABS DANG; GNYI GA RAB RI BA CAN GYIS SHES PA'I GNAS SKABS NA DON MNGON DU MI BYED PA'I PHYIR RO, ,'ON TE DBANG PO LA NYAMS PA 'DI'I RGYU YIN PA'I PHYIR, KHYAD PAR DANG BCAS PA 'KHRUL PA CAN MA YIN NO ZHES ZER BA NI, DE NI DBANG PO NYID MA YIN TE ZHES BYA BA'O, ,MNGON DU MI BYED PA NI DBANG PO MA YIN TE ZHES BYA BA'I NGAG YIN LA, DE LAS BZLOG PA RJES SU SHES PA YIN TE, GZHAN DU NA KHYAD PAR DON MED PA YIN PAR BSTAN PA NI, MNGON DU BYED RGYU ZHES BYA BA'O, ,DBANG PO LA SOGS PA'I BSKYED BYA YANG MNGON DU BYED PA NI, YID GSAL BA'I RJES SU 'GRO BA DANG LDOG PA'I RJES SU BYED PA'I PHYIR DBANG POS BYAS PA MA YIN NO ZHES BSTAN PA NI, GZHAN YANG ZHES BYA BA'O, ,MNYAM PAR GZHAG PA DANG 'GREL PA LAS NI RNAM PAR 'KHRUG PA NYID DANG BRAL BA LAS TE, DBANG PO LA SOGS PA RNAMS YOD NA ZHES BYA BA'O, ,DE BSTAN PA NI, DBANG PO'I SHES PA YANG ZHES BYA BA STE, DE'I PHYIR YID TZAM GYI RNAM RTOG TZAM LA NI MI 'BYUNG NGO ZHES BYA BA'I DON TO, ,GAL TE 'DAS PA LA SOGS PA ZHES BYA BA NI LKOG TU GYUR PA'I DON RTOGS PA RJES SU DPAG PA LA BRTEN PA'I PHYIR RO ZHES BSAMS PA'O, ,MNGON DU BYED PA YOD PAS NA, ,ZHES BYA BA NI RANG GI NGO BO SNANG BA YIN NA'O, ,LKOG GYUR MA YIN MED PAR 'GYUR, ,ZHES BYA BA NI DA LTAR BA LA YANG LKOG TU GYUR PA MA YIN PA MED PAR 'GYUR RO ZHES BYA BA'I DON TO, ,'ON TE DBANG PO'I BYED PA LAS ZHES BYA BA NI DA LTAR BA LA'O, ,RNAM PA THAMS CAD CES BYA BA NI DA LTAR BZHIN DU 'DAS PA LA SOGS PA LA YANG RTAGS YOD PAS RTOGS PA ZHES BYA BA'I DON TO, ,

, ,MIG LA SOGS PA'I BYED PA YANG, ,ZHES BYA BA NI DA LTAR BA'O, ,GAL TE 'DAS PA LA SOGS PA'I DNGOS PO MNGON DU BYED PA LA DBANG PO'I BYA BA JI LTAR 'GYUR, DBANG PO DANG LHAN CIG BYED PA NI MA YIN NO SNYAM DU SEMS PA LA, 'DAS PA'I DNGOS PO LA NI 'DAS PA KHO NA DBANG PO'I BYA BA YIN LA, 'BYUNG BAR 'GYUR BA LA NI 'BYUNG BAR 'GYUR BA LHAN CIG BYED PA YIN TE, DE LTA BU NYID DU RJES SU DPAG PAR BYA BA NYID YIN NO ZHES BSTAN PA NI, RNAM PA THAMS CAD RJES SU DPOG PA LA ZHES BYA BA'O, ,DE'I TSE NYID SKYES PA ZHES BYA BA NI MNGON SUM MA YIN PA'O, , MNGON SUM MA YIN NA NI DE YANG MNGON SUM MA YIN PA'O, ,LKOG TU MA GYUR PA NYID YIN NA DA LTAR BA NYID KHO NA YIN TE, DE DES KHYAB PA'I PHYIR RO SNYAM DU SEMS PA NI, GAL TE BYUNG BA DANG ZHES BYA BA'O, ,DE NI DE'I TSE 'DAS PA LA SOGS PA YIN NO ZHES DE SKAD DU SMRA BA SU YIN ZHES BSTAN PA NI, MNGON DU BYED PA NYID CES BYA BA STE, THAMS CAD DU NI DA LTAR BA LA YANG NGO, ,MNGON DU BYED PA MED KYANG MI SLU BA CAN YIN PA'I PHYIR RJES SU DPAG PA LA YOD PA NI DE'I PHYIR DE LAS GZHAN PA KHO NA YOD PA YIN NO ZHES ZER BA NI, GAL TE ME LA SOGS PA MNGON DU MA BYAS PA ZHES BYA BA'O, ,RJES DU DPAG PA LA YANG SNANG BA KHO NAR BRTAG PAR BYA BA YIN TE, DE LTAR NGES PA'I PHYIR RO ZHES BSTAN PA NI MA YIN TE, DER YANG ZHES BYA BA STE, SNANG BA DANG RNAM PAR BRTAGS PA DAG GCIG PA NYID DU ZHEN PA KHO NA RJES SU DPAG PA YIN PAR BSTAN TO, ,GZHAN DU NA RJES SU DPAG PA MI 'JUG PA'I PHYIR RO, , SNANG BA NI MTHONG DU RUNG BA MA YIN NAM, MTHONG BA'I YUL MA YIN PAR CI'I PHYIR MI 'GYUR ZHE NA, MI 'GYUR BA YIN PAR BSTAN PA NI MTHONG BA'I RJES SU 'BRANG BA NA ZHES BYA BA'O, ,CI LAS YIN ZHE NA, GZHAN DU MI 'THAD PA STE MA 'BREL PA'I PHYIR RO, ,SNANG BA NYID KHYAB BYED DU GZUNG BA NI RJES SU DPAG PAR BYA BA YIN LA, MI SNANG BA NYID YIN NA MIG LA SOGS PA GZHAN GYI DON BYED PA YIN ZHES BYA BAS MI SNANG BA'I 'DUS PA CAN MA YIN PA GZHAN GYI DON NYID DU 'GRUB PAR 'GYUR RO, ,DE'I PHYIR SNANG BA ZHES BYA BA NI YOD PA'I MTSON BYED MA YIN NO, ,'ON KYANG YOD PA KHO NA YIN NO, ,

GANG DU RTAGS KHO NA MNGON SUM YIN GYI RTAGS CAN GANG GI YANG MA YIN TE, DE LTA BU'I YUL LA MA MTHONG ZHING MI SNANG LA, MTHONG BAR MI 'GYUR BA RJES SU DPAG PAR BYA BA MA YIN NAM, MNGON DU BYED PA LAS YOD PA GZHAN JI LTAR MA YIN SNYAM DU SEMS PA LA, DE LA YANG 'BREL PA CAN KHO NA MTHONG BA NI GZHAN DU MI 'THAD PAS MTHONG BAR 'GYUR BA KHO NA RJES SU DPAG PAR BYA BA YIN TE, MI SLU BA'I PHYIR RO, ,MI SNANG BA LA NI SLU BA MA YIN NO, ,GAL TE DA LTAR BA MED PA NA MA 'ONGS PA JI LTAR 'BYUNG, 'DI GZHAN LAS KYANG 'BYUNG BA NI MA YIN NO, ,BDEN TE, DE'I BSKYED BYA 'AM DES 'DUS BYAS PA LAS YIN PA'I PHYIR RGYU MA NGES PAR BSTAN PA NA NI, GAL TA 'GAS KYANG ZHES BYA BA'O, ,SNANG BA NYID YOD PA NYID YIN NA 'U BU CAG LA SOGS PAS MTHONG BA DANG MTHONG BAR GYUR PA LA SOGS PA'I RNAM PAR DBYE BA LAS 'DAS PA DANG MA 'ONGS PA'I DBYE BA MA YIN NAM, RNAL 'BYOR PA'I NI MA YIN TE, THAMS CAD SNANG BZHIN PA NYID KYIS DA LTAR BA YIN PA'I PHYIR RO SNYAM DU SEMS PA NI, GAL TE DA LTAR BA'I ZHES BYA BA'O, ,GZUGS LA SOGS PA BZHIN DU DUS LA MNGON SUM MA YIN PA NI ME LA BZHIN DU MA YIN TE, MI SNANG BA'I PHYIR RO ZHES BSTAN PA NI, DUS NI TSAD MA GANG GIS KYANG ZHES BYA BA'O, ,DNGOS POS NYE BAR MNGON DU BYED PA'I PHYIR RANG BZHIN MNGON SUM GYIS BDAG GIR BYAS PA YIN NA, DON NYE BAR SNANG BAR BYED PA YIN GYI RNAM PA GZHAN GYIS NI MA YIN NO ZHES BSTAN PA NI, MDUN NA GNAS PA'I RNAM PA'I ZHES BYA BA'O, ,BUM PA ZHES SAM, G-YO BA ZHES BYA BA'I RNAM PA GZHAN DU YANG SNANG BA KHO NA MA YIN NAM SNYAM DU SEMS PA LA, DE LTAR MA YIN NA ZHES BYA BA STE, MDUN NA GNAS PA MA YIN PA'I RNAM PA 'DZIN PA DANG KHYAD PAR MED PA'I PHYIR RO ZHES BYA BA'I DON TO, ,CIG CAR MA YIN PAR BYAS PA ZHES BYA BA LA SOGS PA LA RDZAS DANG BYA BA LAS THA DAD PAS DE'I KHYAD PAR CIG CAR BA LA SOGS PA'I SHES PAS RTOGS PAR BYA BA MA YIN NAM, DE LA RTAGS CUNG ZAD KYANG 'BREL PA CAN DU DMIGS PA MA YIN, GZUGS MED PA DANG 'DU BA LAS NAM MKHA' BZHIN DU MNGON SUM PA MA YIN PA YANG MA YIN TE, RTAGS LAS MA BYUNG BA NYID

, ,DANG; GNOD PA MED PA NYID KYIS MNGON SUM TSAD MA NYID YIN PA'I PHYIR RO, ,GZUGS MED PA DANG 'DU BA LAS ZHES BYA BAR RJES SU DPAG PA NI MNGON SUM DANG 'GAL BA YIN NA TSAD MA MA YIN NO ,NAM MKHA' NI MNGON SUM GYI SHES PA'I YUL MA YIN PA'I PHYIR MNGON SUM PA MA YIN NO, ,GZUGS DANG 'DU BA MED PA LAS NI MA YIN NO, ,DE LTA YIN NA CIG CAR DANG CIG CAR MA YIN PA'I SHES PA'I DBYE BAS DUS GCIG MA YIN NO, ,DE LTA MA YIN TE, 'BRAS BU GCIG LA DE GNYIS MED PA'I PHYIR LA, DE LTA YIN NA NI SHES PA GNYIS SU THAL BA'I PHYIR RO, ,DE LTA YIN NA DE LTA BU'I DBYE BAS GCIG TU YANG JI LTAR RTOGS PAR 'GYUR, GSAL BYED RDZAS LA SOGS PA GNYIS YOD PA'I PHYIR MIG BTZUMS GCIG DANG, CHU TSOD LA SOGS PAS GNYIS GCOD PA NI DNGOS PO CIG CAR MNGON PAR GSAL BAR BYED PA YIN GYI, DE LAS BZLOG PA NI CIG SHOS KYI GSAL BYED YIN NO SNYAM DU SEMS PA NI, 'ON TE MYUR BA DANG ZHES BYA BA'O, ,DUS KYI DBYE BA NI GSAL BYED KYI RDZAS LA SOGS PA'I DBYE BA TZAM YIN TE, DE LTAR BRDAR BYAS PA'I PHYIR, DUS KYI SHES PA'I YUL NI, DNGOS PO GZHAN MA YIN NO, ,BUM PA LA SOGS PA'I SHES GZUGS LA SOGS PA'I DBYIBS KYI KHYAD PAR LTA BU'O ZHES BYA BA'I DON 'DI BSTAN PA NI, DUS NI YUN RING PO ZHES BYA BA'O, ,BDEN TE, DNGOS PO'I KHYAD PAR KHO NA DE LTA BU'I BRDA LAS DE LTAR SHES PA'I YUL YIN LA, GANG GIS DE LTAR 'GYUR BA DE NI DUS YIN NO SNYAM DU SEMS PA NI, GAL TE DUS MED NA ZHES BYA BA'O, ,'BRAS BU LA YOD PA'I DAL BA LA SOGS PA'I KHYAD PAR GYI SKYED BYED NYID RANG GI NGO BO'I SKYED BYED YIN PA'I PHYIR DUS NYID DNGOS PO RNAMS KYI RGYU YIN GYI DNGOS PO RNAMS NI MA YIN NO, ,DE DE'I 'BRAS BU MA YIN PA NI GANG ZHIG GANG GI DBYE BAS BYED PA MA YIN NO ZHES ZER BA NI, 'ON TE 'BRAS BU'I ZHES BYA BA'O, ,RTAG PA DANG KHYAB PA CAN GYI DUS NI BZLOG PA MED PA YIN TE, NYE BA MA BTANG BA'I PHYIR RO ZHES BYA BA NI DUS NI MED PA MA YIN TE ZHES BYA BA'O, ,MI RTAG PA DANG KHYAB PA MA YIN PA'I DUS NI RKYEN GYI DBANG GIS GSAL BA YIN ZHES BYA

BA'I PHYOGS SU SEMS PA NI, 'ON TE DUS ZHES BYA BA'O, ,GANG KHO NA LAS DUS KYI RIM PA YIN PA DE KHO NA LAS 'BRAS BU'I RIM PA YIN DU ZIN KYANG GZHAN DBANG GI RIM PA CAN GYI DUS LAS MA YIN PAR BSTAN PA NI, 'ON TE DE NYID LAS ZHES BYA BA STE, RANG LA YOD PA'I RIM PA YOD PA'I PHYIR 'DI NI RANG NYID BYED PA MA YIN ZHES BYA BA'I DON TO, ,DNGOS PO DAG GI LHAN CIG BYED PA NYID CIG CAR BA KHO NA MA YIN NAM, NYE BA MA YIN PA NYID NI CIG CAR BA MA YIN LA, DE DNGOS PO TZAM NI MA YIN TE, NYE BA MA YIN PA YIN BZHIN DU LHAN CIG PA NYID LA YANG DNGOS PO YOD PAS RIM PAR THAL BAR 'GYUR BA'I PHYIR 'DIS NI, RIM PA MA YIN PA YANG THAL CHES PA NYID DU BSTAN PAR BYA BA YIN NO SNYAM DU SEMS PA NI, RIM PA NYID DUS YIN NO ZHES BYA BA NI RIM PA MA YIN PA KHO NA ZHES BYA BA'I NYE BAR MTSON PA YIN NO, ,MA YIN TE RIM PA NI LHAN CIG PA DANG LHAN CIG PA MA YIN PA ZHES BYA BA LA LHAN CIG PA DMIGS PA MA YIN PA LAS LHAN CIG PAR DMIGS PA GZHAN KHO NA YIN TE, DNGOS PO'I DBYE BA LA GNAS SKABS KYI DBYE BAS RGYU MTSAN YIN PA'I PHYIR RO ZHES BYA BA'I DON TO, ,RANG GI NGO BO LAS THA DAD PA ZHES BYA BA NI GNAS SKABS KYI DBYE BAS KHYAD PAR DU BYAS PA'I RANG GI NGO BO LAS THA DAD PA ZHES BYA BA'I DON TO, ,DA NI DUS GSUM DU RNAM PAR GZHAG PA JI LTAR YIN SNYAM DU SEMS PA LA, DA LTAR BA DANG BYA BA'I 'BREL PA YOD PA NA DA LTAR BA YIN LA, 'DAS PA DANG YIN NA 'DAS PA NYID YIN ZHING, MA 'ONGS PA DANG YIN NA MA 'ONGS PA NYID DO ZHES BSTAN PA NI, MTHONG 'GYUR ZHES BYA BA STE, DUS MED NA MTHONG BAR 'GYUR BA NYID LA SOGS PA JI LTAR ZHES ZER BA NI MI RIGS SO, ,DMIGS PAR GYUR PA GANG GI TSE MA DMIGS PA DE 'DAS PA YIN ZHES BYA BA LA SOGS PA NI RE RE'I BDAG NYID DU RIG PAR BYA BA'I DBYE BA'O, ,DE KHAS MI LEN NA DUS SU SMRA BAS GSAL GYI DBYE BA MA RTOGS PAS JI LTAR SMRA BAR BYED, KHYED KYIS DUS GANG GI TSE GRONG LA SOGS PA'I DUS GANG BYUNG BA ZHES GRONG LA SOGS PA'I RANG GI NGO BO NYID KHO NA BDE BAR GNAS SAM, MI BDE BAR GNAS ZHES 'JIG RTEN GYI DRI BA'I YUL YIN GYI THA DAD PA CAN NI MA YIN NO ZHES BSTAN PA NI, DUS GANG YIN ZHES

, ,BYA BA'O, ,'DRI NA ZHES BYA BA NI 'DRI BA'I YUL LA'O, ,RNAL 'BYOR PA LA NI THAMS CAD SNANG BZHIN PA KHO NA YIN PA'I PHYIR 'DAS PA LA SOGS PA'I RNAM PAR DBYE BA MED PAS DE JI LTAR RIG PA YIN ZHES PA LAS GZHAN GYIS ZHES BYA BA STE, DES MTHONG BA NYID KYIS ZHES BYA BA NI RNAL 'BYOR PAS MTHONG BA NYID KYIS SO, ,DE LA LTOS NAS DBYE BA YOD PA MA YIN TE, MTHONG BZHIN PA NYID TZAM DA LTAR BA'I THA SNYAD KYI RGYU MA YIN PA'I DON TO, ,DE'I PHYIR DE LTAR 'U BU CAG LA SOGS PA LA LTOS NAS RNAL 'BYOR PA LA 'DAS PA LA SOGS PA'I RNAM PAR DBYE BA YIN GYI RANG NYID NI MA YIN NO ZHES BSTAN NAS LKOG TU MA GYUR PA NYID KYIS DNGOS PO RNAMS NI RANG GI NGO BOR SNANG BA 'DAS PA LA SOGS PA LA YANG 'GYUR BA YIN LA, DA LTAR BA NYID LA SOGS PA NI DUS KYI KHYAD PAR YIN LA, SHES PA DANG DE'I NGES PAR BYA BA NI RNAL 'BYOR PA RANG NYID LA YANG 'GYUR BA YIN PAR BSTAN PA NI, GZHAN YANG DUS DE DANG 'BREL PAS ZHES BYA BA'O, ,DA LTAR BA NYID DANG 'DAS PA LA SOGS PA RANG GI NGO BOS GSAL BA YIN NA DE LTAR 'DAS PA DANG CIG SHOS JI LTAR THA DAD PA YIN SNYAM DU SEMS PA LA 'U BU CAG LA SOGS PA DANG RNAL 'BYOR PA'I SEMS DA LTAR BA RANG GI RGYU'I DBANG GIS DMIGS PA YIN GYI SNANG BA NI MA YIN NO, ,DE'I PHYIR DE'I RNAM PAR GZHAG PA BSTAN PA NI, 'O NA DE JI LTAR ZHES BYA BA'O, ,MI 'DZIN PA'I PHYIR ZHES BYA BA NI SNANG BA ZHES BYA BA DANG SBYAR BAR BYA'O, ,GAL TE YANG DA LTAR MTHONG BA 'DI DE NYID MTHONG BA YIN NO ZHES BSTAN PA NI, DA LTAR BA'I ZHES BYA BA STE, GZHAN GYI NI SNANG BA'I'O, ,GANG ZHIG GANG GI ZHES BYA BA NI SKYES BU'I'O, ,DE'I TSE STE DE'I DUS DANG 'BREL PAS SAM, DE'I DUS MA YIN PA DANG 'BREL PA CAN NI GANG GI NGO BOR RIG PA NI DE'I STE SKYES BU'I'O, ,DE'I NGO BO NYID NI DE'I DUS KHO NA LA'O ZHES SBYAR RO, ,DE'I MING ZHES BYA BA NI DON GYI DUS GZHAN DANG 'BREL PA CAN GYI GZHAL BYA NI MTHONG BA PO'I RJES SU BYED BZHIN PA'I DUS DANG 'BREL PA CAN NI RANG GI RGYU'I GZHAN DBANG YIN PAR BSTAN NAS, DA NI MTHONG BA PO DANG SNANG BA DAG DA LTAR BA NYID MNYAM PAR GZHAG PA'I GNAS SKABS LA YIN LA, DUS PHYIS NI DUS THA DAD PA NYID YIN TE, DA LTAR BA DANG CIG SHOS NYID

KYIS SO ZHES BSTAN PA NI, GZHAN YANG DE'I TSE NI BYED PA PO YANG ZHES BYA BA STE, YANG GI SGRAS NI GZHAL BYA YANG ZHES BYA BA SDUD PAR BYED PA YIN NO, ,DE'I DUS NYID DU NI RTOGS PA'I DUS NYID DU'O, ,DA LTAR BA'I DUS NYID YIN NO, ,PHYIS NI LDANG BA'I DUS SU'O, DUS GZHAN NYID DU NI MTHONG BA PO'I DA LTAR BA NYID DANG 'DAS PA NYID DANG SNANG BA YIN NO, ,GZHAN NYID DU ZHES BYA BA NI PHYOGS PAR MA RGYAS PAR BYA BA'I PHYIR DRAN PAR BYED PA YIN LA, DE NYID RGYAS PAR BSTAN PA NI, DE'I PHYIR ZHES BYA BA STE, DE'I DUS NYID DU NI 'DAS PA'I DUS NYID DO, ,DE LA ZHES BYA BA NI DA LTAR BA'I DUS KYIS GZHAL BYA NYID LA STE, LKAG TU MA GYUR PA NYID TZAM GYI YUL NYID KYIS MNGON SUM 'JUG PA MA YIN NO, ,BU DANG LDAN PA NI MA 'ONGS PA'I BU DANG 'BREL PA CAN NYID NI RNAL 'BYOR PA'I MNGON SUM DU BYED PA BZHIN PA DE'I MNGON SUM DU YANG CIS MI 'GYUR, RUNG BA MA DMIGS BZHIN PA NI YOD PA MA YIN NO SNYAM DU SEMS PA NI, 'ON TE YANG ZHES BYA BA'O, ,DE DANG LHAN CIG PA'I MTSAN NYID NI 'BYUNG BAR 'GYUR BA KHO NA YIN NO, ,DE'I PHYIR BU DANG LDAN PA'I MI RUNG BA MA DMIGS PA MED PA SGRUB PAR BYED PA MA YIN LA, RNAL 'BYOR PAS NI RTAGS KYI KHYAD PAR MA LUS PA LA NGES PA CAN NI MNGON SUM DANG LDAN PA YIN LA, JI LTAR STON SOGS ZHES BYA BA STE, DUS DER LDAN NI DA LTAR GYI DUS SU LDAN PA'O, ,DE YIS MTHONG MED NI RNAL 'BYOR PAS SO, ,DE LTAR MA RTOGS NA YANG ZHES BYA BAS NI RNAL 'BYOR PAS MA 'ONGS PA'I DUS NYID YIN PAS NA, MA DMIGS PA YANG SKYON YOD MIN, ,ZHES BYA BA NI RUNG BA MA YIN PA MA DMIGS PA'I PHYIR TE, GNOD PA NYID MED PA'I MTSAN NYID MED PAR NGES PA BSKAL PA RNAMS KYI NI MA YIN NO ZHES BSTAN PA'I PHYIR RO, ,GAL TE DE'I TSE YANG ZHES BYA BA NI STON LA SOGS PA'I DUS SU YANG NGO, ,RNAL 'BYOR PA MA YIN PAS MA DMIGS PA DANG, RNAL 'BYOR PAS DMIGS PA KHO NA LA DNGOS PO 'DI YOD PA YIN ZHES BYA BA'I PHYOGS 'DI LA GNOD PA CAN CIS MED PA YIN, YUL MTSUNGS PA'I PHYIR RO SNYAM DU SEMS PA NI, 'ON TE JI LTAR DES ZHES BYA BA'O, ,GAL TE YANG RING PO MA YIN PA NA GNAS PAS CHES SHIN TU CHUNG BA LA SOGS PA'I KHYAD PAR LA YOD PA'I DNGOS PO RTOGS PA YIN NO, ,THAG RING PO NA GNAS PAS

, ,NI MA YIN TE, NYE BAR RUNG BA NYID MED PA'I PHYIR RO ZHES BYA BA'I DPE BSTAN PA NI, JI LTAR GZHAN GYIS ZHES BYA BA STE, RING PO MA YIN PA'I ZHES BYA BA'I DBANG DU BYAS PA DANG 'BREL PA YIN NO, ,PHRA MO LA SOGS PA NI CHES SHIN TU CHUNG BA LA SOGS PA'I KHYAD PAR RO, ,RUNG BA'I YUL NA GNAS PA YANG THAMS CAD KYIS NI MTSUNGS PAR RTOGS PA NI MA YIN TE, SKAD CIG MA NYID LA SOGS PAS BSGRIBS PA DANG ZHEN PA NYID KYIS DBANG PO RNAMS KHO NA THA DAD PA YIN PAR BSTAN PA NI, GANG LA GCIG GI NUS YOD PA, ,ZHES BYA BA STE, RNAL 'BYOR BA NI DBANG PO GSAL BA YIN PA'I PHYIR DANG, RJES SU DPAG PAR BYA BA NYID KYIS KYANG NYE BA'I PHYIR MTHONG BA KHO NA ZHES BYA BA'I DON TO, ,DE DE LTAR SLOB DPON RNAMS KYI BZHED GZHUNG BSTAN NAS MI 'DOD PA NYID STON PA YIN LA, DE LA YANG RNAL 'BYOR PA LA SNANG BZHIN PA NYID KYIS DA LTAR BA KHO NA YIN LA, GZHAN GYIS NI SNANG BZHIN PA MA YIN PA'I PHYIR 'DAS PA DANG MA 'ONGS PA YANG BRJOD PA YIN NO ZHES BYA BA'I PHYOGS MI 'DOD PAR BSTAN PA NI, 'ON TE YANG GAL TE ZHES BYA BA LA SOGS PAS NYE BA MA YIN PA THAG RING PA NA GNAS PAS SNANG BZHIN PA MA YIN PA NI, 'DAS PA DANG MA 'ONGS PAR YANG MI 'GYUR RO ZHES BYA BA'I DON TO, ,DE NYID NI DA LTAR BA'I MTSAN NYID YIN PAR BSTAN PA NI, GANG PHYIR DMIGS PA ZHES BYA BA STE, RTOGS PA DANG MA RTOGS PA DAG NI YOD PA DANG MED PA DAG DANG DA LTAR BA DANG CIG SHOS DAG KYANG NGO ZHES BYA BA'I DON TO, ,DNGOS PO NI 'DAS PA LA SOGS PA'I DUS KHO NA LA RNAM PA THAMS CAD DANG RJES SU DPAG PAS LKOG TU GYUR PA MA YIN PA CAN DU BYED LA LKOG TU MA GYUR PA NYID KHO NAR DA LTAR BA LA YANG DA LTAR BA NYID MA YIN TE, SHES PAS DMIGS PA NI DNGOS PO DANG DUS KYI 'BREL PA DAG GI DBYE BA YIN PA'I PHYIR RO ZHES BYA BA'I PHYOGS 'DI LA YANG SKYON BRJOD PAR DOGS PA YIN SNYAM DU SEMS PA NI, JI STE DUS GANG DU ZHES BYA BA'O ,DPYID KYI DUS LA SOGS PA RNAMS LA YANG DNGOS PO'I KHYAD PAR THA DAD PA MED PA'I PHYIR DUS 'GA' YANG MED PAR BSTAN PA NI, DNGOS PO LAS NI THA DAD PAR, ,ZHES BYA BA'O, ,DUS NI 'GA' YANG ZHES BYA BA NI RNAM PAR DBYE BA'I YAN LAG GI RDZAS NI GRANG BA'I DUS YIN LA, DE BZHIN DU RAB TU SNYI BA'I YAN LAG ME'I RDZAS KYI DPYID KYI DUS LA SOGS

PAR BLTA BAR BYA'O, ,DUS MED KYANG MTHONG BAR 'GYUR BA 'DAS PA'I DUS NYID DANG, SNANG BA'I DUS DA LTAR BA NYID DANG, MA 'ONGS PA MTHONG BAR 'GYUR BA NYID CES BYA BAR DUS RNAM PAR GNAS PA YIN ZHES BYA BA'I RNAM PAR DBYE BA YIN PA MA YIN NAM SNYAM DU SEMS PA LA, DE DAG NI ZHES BYA BA'O, ,THAMS CAD MNGON DU BYED PA'I RNAL 'BYOR PA LA NI MTHONG BAR GYUR PA NYID DANG, MTHONG BAR 'GYUR BA NYID KYANG YOD PA MA YIN NO, ,RNAL 'BYOR PA'I MTHONG BA LA NI 'DAS PA LA SOGS PA YOD PA MA YIN PA KHO NAR GSAL BAR BYED PA NI DPYID SOGS PA NI ZHES BYA BA'O, ,RNAL 'BYOR PA LA DE LTAR BU'I DBYE BA MED DU ZIN KYANG CHU ROL MTHONG BA LA LTOS NAS 'GYUR RO SNYAM DU SEMS PA LA, GNYIS PO ZHES BYA BA SMOS PA NI 'DAS PA DANG MA 'ONGS PA DAG GO, ,DE LTAR SLOB DPON RNAMS KYI BZHED GZHUNG RNAMS MNGON PAR 'DOD PA MA YIN PAR BSTAN NAS, RANG GI 'DOD PA BSTAN PA NI, JI LTAR RJES SU DPAG PA NI, ,ZHES BYA BA'O, ,RJES SU DPAG PAS DE RTOGS BZHIN PA NI DE LTAR 'GYUR GYI MNGON SUM GYIS NI MA YIN PA MA YIN NAM, LKOG TU MA GYUR PA NYID LA 'DAS PA NYID LA SOGS PA MI SRID PA'I PHYIR RO SNYAM DU SEMS PA NI, MNGON SUM YANG NI ZHES BYA BA SMOS TE, CI LAS YIN ZHE NA, RJES SU DPAG PA DES ZHES BYA BA SMOS SO, ,'DAS PA'I RGYUS SKYED PA'I 'BRAS BU GANG LAS 'DAS PAR 'GYUR ZHES ZER BA LA, RJES SU DPAG PA DES ZHES BYA BA SMOS SO, ,DE LTAR MNGON SUM GYIS MTHONG BA RJES SU RTOGS PA DE BZHIN DU RJES SU DPAG PAS MTHONG BA MNGON SUM GYIS YIN GYI 'BRAS BU DANG RGYU DAG LA NI RIGS PA 'DI MA YIN NO, ,RJES SU DPAG PAS BSKYED PA'I MNGON SUM NI RJES SU DPAG PA'I RTAGS DANG RTAGS CAN 'DZIN PA'I RIM PAS RIM GYIS 'JUG PAR 'GYUR LA, 'KHRUL PAS DNGOS PO MI SNANG BA'I PHYIR DANG, SPYI'I RNAM PA NYID KYI PHYIR DE LTA BUR 'GYUR BA YIN NO SNYAM DU SEMS PA NI, GAL TE MNGON SUM RJES SU DPAG PAS BSKYED PA NYID YIN NA ZHES BYA BA'O, ,RIM GYIS RTOGS PA NI GOMS PA PHUL DU BYUNG BA SNA TSOGS PA'I RNAM RTOG DANG SGRA'I DON GYI BDAG NYID CAN GYI BSTAN BCOS KYI RNAM RTOG BZHIN DU RIM PA MA YIN PAS SNANG BA BSTAN PA NI, DE NI SHIN TU GOMS PA LA, ,ZHES BYA BA'O, ,SHIN TU GOMS PA LAS DU MA SHES PA GCIG LA SNANG BA MA YIN NAM, SHES PA DU MA GCIG LA NI MA

, ,YIN NO, ,DE'I PHYIR JI LTAR GLO BUR DU DU BA MTHONG BA DANG DUS MTSUNGS PAR ME'I SHES PA YIN, CIG CAR BAR MNGON PAR 'DOD PA NI YID MYUR DU RGYU BA YIN PAS RIM PAR MTSON PA'I PHYIR MGAL ME LA 'KHOR LOR MTHONG BA LTA BU'O, ,DE LTA YIN NA RDZU 'PHRUL GYI CHOS CAN GYI RNAL 'BYOR PAS SPRUL PA'I LUS DANG DBANG PO RNAMS LA YID GCIG DBANG PO'I RNAM SHES DU MA'I SKYED BYED DU MI 'GYUR RO, ,DE'I PHYIR DON DU MA BZHIN DU GCIG DU MA LA YANG RGYU GZHAN TSANG BA YIN NA, DU MAR YANG BYED PA YIN TE, MA CHAGS PA'I PHYIR RO, ,MA TSANG BA NI RIM PA YIN NO ZHES BYA BA NI RIGS PA MTHONG BA YIN NO, ,'KHRUL PA NYID NI MNGON SUM LA YANG MTSUNGS TE SO SOR SNANG BA LA RNAM RTOG GI DON GYI PHYOGS LA 'DZUD PA'I PHYIR RO, ,'ON TE DE LA RNAM RTOG NYID NI 'KHRUL PA YIN GYI MNGON SUM NI MA YIN NO; ,DE LTA MA YIN TE GANG GI PHYIR MNGON SUM GYI BYA BA LA RNAM RTOG NI RANG GI BYED PA'I SGRIB PAR BYED PA 'DI MTHONG NGO ZHES RJES SU 'BRANG BAR BYED PA YIN NO, ,DE'I PHYIR DE YANG DE LTA BU NYID LA 'JUG PA YIN LA, SO SOR SNANG BA MA YIN PA NYID DE, DNGOS POR SNANG BA MA YIN PA NYID NI RNAM PA MA LUS PA YONGS SU 'DZIN PA MA YIN NO, ,'DIS NI SPYI'I RNAM PA NYID GSAL BA YIN NO, ,GANG LA GNYIS KA'I SKYON MTSUNGS PA, DE LA LAN YANG MTSUNGS PA YIN, ,DE 'DRA'I DON NI RNAM DPYAD LA, ,GCIG LA BRGAL ZHING BRTAG BYA MIN, ,ZHES BYA BA'I RIGS PA BSTAN PA NI, THOG MED GAL TE RIG BYED KYANG, ,ZHES BYA BA STE, DE LAS TE RIG BYED LAS RTOGS PA NI, 'JUG PAR BYED PAR RJOD PAR BYED PA NYID KYIS DE 'DZIN PAR BYED PA JI LTAR YIN TE, MA YIN PA KHO NA'O, ,DA LTAR 'DOD BZHIN PA NI THOG MA MED PA NYID DU RTOGS PA MA YIN TE, JI SRID JI SRID DU RTOGS PA DE SRID DE SRID DU NYE BA KHO NA YIN ZHES BYA BA'I DON TO, ,DE LTAR BA BZHIN DU DUS GZHAN LA YANG 'JUG PAR BYED PAR RJOD PAR BYED PA NYID DU MA YIN NA RIG BYED JI SRID YOD KYI BAR DU DON DANG 'BREL PA MA YIN PAR BSTAN PA NI, GAL TE 'DI ZHES BYA BA'O, ,DE LTAR NI DE LTA BU'I RANG BZHIN RTOGS PA NA DUS THAMS CAD DU DE'I RANG BZHIN KHO NA MA YIN NAM, BYED PA PO MA YIN PA NYID DRAN PA'I PHYIR RO SNYAM DU SEMS PA NI, GAL TE SNGON YANG ZHES BYA BA'O, ,SPYI NI PHAN TSUN THA DAD PAS MA RTOGS BZHIN PA NI KHYAD PAR RNAMS KHO

NA YIN NO, ,RANG RGYUD YONGS SU BCAD PA NA, ,ZHES BYA BA NI GNAS SKABS KYI DON NYE BAR BSDU BA YIN NO, ,YONGS SU SHES SU ZIN KYANG ZHES BYA BA NI THOG MA MED PA NYID KYIS THABS MA YIN PA ZHES BYA BA'I DON TO, ,'BREL PA NI RANG BZHIN PA MA YIN PA'I PHYIR DANG, DU BA'I 'BREL PA BZHIN DU RTOGS PA MNGON SUM MA YIN PA'I PHYIR 'BREL PA CAN NYID TZAM 'DZIN PA'I RGYU MTSAN CAN YIN PA NYID KYIS RANG BZHIN MA YIN PA'I 'BREL PA SNGON DU 'GRO BA CAN YIN PA'I PHYIR, RTOGS PA TZAM NI TSAD MA MA YIN NO, ,GNOD PA CAN MA DMIGS PA YANG THE TSOM YIN TE, GANG GI PHYIR MA 'ONGS PA'I 'BRAS BU LA 'BYUNG BAR 'GYUR BA'I GNOD PA CAN NI DA LTAR NYE BA MA YIN PA'I PHYIR, RTOGS PA MA YIN NO, ,SKYES BU MED PAS DE LAS 'BYUNG BA'I SKYON DU 'GYUR BA NI MA YIN TE, RAB RIB CAN BZHIN DU SKYON GZHAN YIN ZHES BYA BAS BSTAN PA YIN PAR BRJOD PA NI, SNGAR BSTAN PA NYID DON ZHES BYA BA'O, ,GAL TE YANG 'DOD CHAGS LA SOGS PA RNAMS MI SHES PA GZHAN NYID DU STON PA'I RGYU MA YIN DU ZIN KYANG BAG CHAGS KYI GNAS NGAN LEN NYID GZHAN DU RIG PA YIN YANG GZHAN DU BRJOD PAR 'DOD PA YIN ZHES BYA BA'I RIGS PA'AM, BKRES PA LA SOGS PAS TING NGE 'DZIN LA GNOD PAR BYED PA CIS MI SRID PA YIN SNYAM DU SEMS PA NI, GAL TE THABS GOMS PA LAS ZHES BYA BA'O, ,RGAN POS SGRA THOS NAS THA SNYAD DU BYED PA BYIS PAS MTHONG BA NI DE DANG 'BREL PA'I SHES PA RTOGS PA MA YIN NAM, DE YANG DE BZHIN DU GZHAN GYI YIN LA, DE YANG DE BZHIN KHO NA YIN NO SNYAM DU SEMS PA LA, DES NA DMUS LONG BRGYUD PA ZHES BYA BA'O; THA SNYAD BYED PA PO'I RGYUD PA NI SNGA MAS SNGA MA'I 'BREL PA YIN GYI ME DANG DU BA BZHIN DU 'BREL PA NI MA YIN TE, MNGON SUM PA MA YIN NO ZHES ZER BA'I DON TO, ,GZHAN LA YANG ZHES BYA BA NI SKYES BUS BYAS PA LA YANG NGO, ,'DI LA NI ZHES BYA BA NI THAMS CAD MKHYEN PA RJES SU DPAG PA LA RTZA BA YIN PA'I PHYIR; DON DANG 'BREL PA RANG BZHIN GYIS SHES PA KHO NA YIN NO ZHES BYA BA'I DON TO, ,'DIS NI 'DI RANG NYID DON DANG 'BREL PA LA BAG CHAGS NI GNOD BYED MA YIN PAR BSTAN LA, GZHAN LA YANG MA YIN TE, RANG NYID KHO NA MED PA'I PHYIR RO ZHES BSTAN PA NI, GZHAN YANG DES NA THUGS KYANG ZHES BYA BA NI DES

, ,NA GSAL BA'I PHYIR ZHES BYA BAR SBYAR RO, ,THABS GOMS PA PHUL DU BYUNG BA LAS BYUNG BA'I GSAL BA DES ZHES BYA BA LA LTOS PA YIN NO, ,DE YOD KYANG RANG GI DON RGYAS PA'I PHYIR DE SPANGS PA'I DON DU CI'I PHYIR 'BAD RTZOL BYED CES ZER BA LA BSTAN PA NI, GZHAN DON LA 'JUG PA CAN GANG YIN PA DE'I GZHAN GYI DON LA GNOD PAR BYED PA'I PHYIR 'DI NI NGES PAR SPANG BAR BYA BA KHO NA YIN NO, ,KHYAD PAR 'DI YIN ZHES BYA BA NI RANG GI DON LA 'JUG PA BES RU LTA BU LA SOGS PA MTSAN NYID MI MTHUN PA NYID DO, ,BKRES PA LA SOGS PA'I SDUG BSNGAL YANG BDAG DANG BDAG GIR 'DZIN PAS CHAGS PA'I SNYING PO CAN NI BAG CHAGS DANG LDAN PA RNAMS KHO NA YIN GYI DMIGS PA'I TSOGS PA CAN TZAM LAS NI MA YIN TE, GCIG GI RNAM PA'I BDE BA LA SOGS PAR THAL BAR 'GYUR BA'I PHYIR RO ZHES BSTAN PA NI, BRU BA TSA BA LA SOGS PA YANG ZHES BYA BA'O, ,DE BZHIN DU KHAM GYI ZAS DANG 'GAL BA CAN GZUGS NA SPYOD PA'I DGE BA BSAGS PA LAS KYANG SKYE BA SNGA MA LAS BYUNG BA'I SKYE BA DRAN PAS SAM, LAS LA DBANG DU GYUR PA NYID KYIS 'JUG PA'I PHYIR, BKRES PA LA SOGS PA RNAMS SHIN TU MI SRID PAR BSTAN PA NI, GAL TE SKYE BA DRAN PA YIS, ,ZHES BYA BA'O, ,LHA SOGS NGO BO YIS ZHES BYA BA NI GZUGS NA SPYOD PA'I LHA NYID THOB PAS SO, ,MIG LA SOGS PA NI SA BON DANG MYU GU LA SOGS PA BZHIN DU PHYI ROL GYI RGYU TZAM LAS BYUNG BA MA YIN TE, 'O NA CI ZHE NA, GOMS PA LAS BYUNG BA YIN LA, YOD PA DANG MED PA NI 'DOD PA'I GZHAN DBANG KHO NA YIN PAR BSTAN PA NI, LAN GSUM ZA BA GOMS PA LAS, ,ZHES BYA BA STE, GTAN MED PAR 'GYUR ZHES BYA BA NI GNAS SKABS KYI BCOM LDAN 'DAS SO, ,YANG NA PHYI ROL BZHIN DU RGYU TZAM LAS BYUNG BA 'DI NI YOD PA MA YIN TE, 'DOD PA LAS BYUNG BA'I GOMS PA LAS BYUNG BA NYID YIN PAR BSTAN PA NI, GAL TE 'DI ZHES BYA BA STE; 'DI GZHAN GYI DON LA 'JUG PA'I PHYIR, BKRES PA LA SOGS PA'I SKYON LAS LDOG PA KHO NA GOMS PAR RTOGS PA YIN PAR BSTAN PA NI, DE'I PHYIR, THAMS CAD GOMS PA'I RTZA BA CAN, ,ZHES BYA BA'O, ,SNGON GYI SLOB DPON GYI BZHED GZHUNG DANG 'GAL BA NYID KYIS GDAMS KYI DE KHO NA NYID MED

DO SNYAM DU SEMS PA NI, GAL TE SLOB DPON GYIS ZHES BYA BA STE, SBYOR BA NI THABS STON PA PO NYID YIN GYI GZHAN NI MA YIN NO, ,GZHAN THABS GOMS PA MA YIN PA'I PHYIR 'GAL BA YIN NO, ,THABS GOMS PA 'DI NYID SNGON GYI SLOB DPON RNAMS KYIS NYE BAR BTAGS PAS BSTAN PAR BRJOD PA YIN NO, ,BSTAN PA NI, DE DON PHYIR NA THABS GOMS PA, ,ZHES BYA BA STE, 'DI NYID CES BYA BA NI RIM PA LAS BZLOG PAS NGES PAR GZUNG BAS BDAG MTHONG BA KHO NA'I LUS DANG DBANG PO LA SOGS PA LA BDAG TU LTA BAS SAM, KHAMS GSUM PO LA YANG SDUG BSNGAL BA'I 'DU SHES 'DOR BA'I RGYU YIN PA'I PHYIR, THABS YIN ZHES BYA BA'I GZHAN GYI 'DOD PA BSAL BA YIN NO, ,BDAG TU LTA BA NI LUS LA SOGS PA LA YANG DE MA MTHONG YANG BDAG GIR MTHONG BAS CHAGS PA SKYE BA'I PHYIR, SDUG BSNGAL GYI 'DU SHES NYID MI 'JUG PA'I PHYIR RO, ,RES 'GA' 'JUG PA YIN YANG CHAGS PA LAS BZLOG PA YIN NO, ,'DI NYID THABS GOMS PA YIN PAR CI LAS SHES SHE NA, DE DON PHYIR ZHES BYA BA SMOS TE, BSTAN PA NI 'BRAS BU YIN GYI THABS MA YIN PA MA YIN NAM ZHES ZER BA LA, DE DON PHYIR NI BSTAN PA'I DON YIN PA'I PHYIR BSTAN PA'I RGYU'I PHYIR RO, ,'DI NYID KHO NA LAS THABS GOMS PA YIN GYI GZHAN NI MA YIN TE, DE'I DE RGYU YIN NO, ,'DI CI LAS NGES PA YIN ZHE NA, THUB LAS TE BDE BAR GSHEGS PA NYID LAS DANG PO 'BYUNG BA'I PHYIR, DE NYID GRUB PA'I NGO BO BSTAN PA'I SGRAR GDAGS PAR RUNG BA YIN GYI GZHAN NI MA YIN NO, ,'DI LA YANG RGYU NYID BSGRUB BYA KHO NA YIN NAM SNYAM DU SEMS PA LA, RGYU GNYIS PO 'DI JI LTA BA DE LTAR BSHAD PA NI DE MA THAG TU'O, ,'GREL PAR NI GSAL BA KHO NA YIN NO, ,DE CI MNGON ZHE NA ZHES BYA BA NI BSTAN PA'I RGYU NYID KYI PHYIR BSTAN PA YIN GYI DE NYID MA YIN ZHES CI LAS SHES PA'O, ,'DI NI RGYU RU BSHAD CES BYA BA NI RGYU PHUN SUM TSOGS PA'I DBANG DU BYAS NAS 'GRO BA LA PHAN PAR BZHED PA NYID DANG, STON PA NYID DU BSTAN PA YIN GYI 'BRAS BU PHUN SUM TSOGS PA'I DBANG DU BYAS PA NI MA YIN NO, ,DE'I PHYIR GTZO BO MA YIN PAR SHES PA YIN NO, ,DANG PO BRJOD PA NYID KYI PHYIR ZHES BYA BA NI TSAD MAR GYUR PA LA ZHES BYA BA'I TSIGS SU BCAD PA

, ,DER RO, ,GRUB PA'I NGO BO NI BDE BAR GSHEGS PA NYID YIN PA DE JI LTA BU YIN PAR BSTAN PA NI, RGYU SPANGS ZHES BYA BA'O, ,DOGS PA MED PA YUL MED PA NI GCIG PU MI DGA' NA GNYIS PA 'DOD PA YIN ZHES BYA BA'I RIGS PA LAS SO, ,BDAG MED PA MTHONG BAR RIGS PAS THA DAD PA YIN NO, ,DE BDEN THA DAD BDAG NYID KYIS, ,ZHES BYA BAS BRJOD BYA BZLOG PA MA YIN PAR DGONGS PAS MTHONG BA DANG RIGS PA'I SGRA DAG GI MTHONG BA DANG BSGOM PA'I LAM RJOD PAR BYED PA NYID DU BSTAN PA NI, SBYOR BA NI GOMS PA STE, BSGOM PAS ZHES BYA BA NI RNAL 'BYOR LA MNYAM PAR 'JOG PAR BYED PA ZHES MDO SDE LAS GSUNGS PA'I PHYIR RO, ,YANG NA BDAG MED PA MTHONG BA ZHES BYA BA NI PHA ROL PO MNGON PAR 'DOD PA'I SEMS CAN YOD PA TZAM NI DNGOS SU GNOD PAR BYED PA NYID KYIS CHOS LA BDAG MED PA MA BSDUS PAS DE MNGON PAR BRJOD PA'I DON DU BSTAN PA NI, YANG NA SBYOR BA NI ZHES BYA BA'O; ,GNYIS SU MED PAR NI THA DAD PA MA YIN TE, GCIG GI RNAM PA 'DI SHES PA LA YOD PA ZHES GSUNGS PAS SO, ,YANG NA GCIG CES BYA BA RGYA CHE BA LA DMIGS PAS PHAN TSUN MI RIGS PA'I PHYIR DBYE BA MA RTOGS PAR DGONGS PAS SO, ,DE DE LTAR YIN NA GZHAN DMIGS PAR RIGS PA NI MI DMIGS PA YIN NO, , PHAN TSUN MA 'DRES PAR JI LTAR 'GYUR, DE LTAR NYAMS SU MYONG BA YIN NA DE LTAR 'DZIN PA'I RNAM RTOG MA YIN LA, YIN NA YANG DE YANG DE LTAR RTOGS PA LAS MA 'DAS PA'I PHYIR, MA LUS PA MA RTOGS PAR GYUR PA YIN GRANG NA DE DE LTA NI MA YIN NO, ,DE'I PHYIR GNYIS SU MED PA NYID PHAN TSUN RJES SU 'JUG PAR RIG PA YIN NO, ,YANG NA BDAG MED PA MTHONG NA ZHES BYA BA NI BDAG MED PA GNYIS MNGON DU BYED PA NI 'PHAGS PA NYAN THOS LA SOGS PAR BRJOD PA YIN LA, BYANG CHUB SEMS DPA' RNAMS NI BDAG MED PA DE LA SBYOR BA NI LDAN PA STE, YONGS SU 'DRIS PA YIN GYI MNGON DU BYED PA NI MA YIN TE; SANGS RGYAS KYI CHOS RNAMS MA THOB PAR BAR MA DOR MYA NGAN LAS 'DAS PAR 'GYUR BAR THAL BA'I PHYIR RO, ,DE 'DIS KHYAB 'JUG GI 'JIG RTEN LA SOGS PAR 'GRO BAS GROL BAR 'GYUR BA YIN ZHES BYA BA GSAL BAR BSTAN PA NI THAMS CAD DU BDAG MED PA MTHONG BA LAS ZHES BYA BA'O, ,GANG GI TSE BDAG

MTHONG BA CAN LA BDE BA NI SKYES BU'I DON YIN LA, BDE BA THOB NA BYAS PAR 'GYUR BA YIN PAR LTA NA BDE BA'I 'DU SHES LA NYE BAR GNAS PA NI CHAGS PAR BYA BA'AM, KHRO BAR BYA BA'I KUN TU RTOG PAR GYUR NAS 'KHOR BAR KUN DU RGYUG PAR BYED KYI LDOG PAR MI BYED DO, ,DE'I TSE 'DI DRANG SRONG RNAMS KYIS SKYE BA NI SDUG BSNGAL KHO NA YIN NO ZHES PA SDUG BSNGAL BSGOM BA LAS SAD PA YIN NA YONGS SU TSOL BA'I SKYON RNAMS RIG PAR BYED PA YIN LA, 'DI GANG YONGS SU TSOL BAR BYED PA STE DGRA MANG PO CAN NI RNYED NA YANG NYUNG BA YIN LA, DE'I RGYU MTSAN LAS KYANG LUS DANG YID LA YAL GA MANG PO CAN GYI GDUNG BA SKYE BAR BYED NA CHAGS PAR MI BYED CING, YANG SRID KYI RGYU 'KHOR BA RNAMS SOGS PAR MI BYED DO, ,DES NA SDUG BSNGAL THAMS CAD LAS GROL BAR 'GYUR BA'I PHYIR DANG, BDAG TU YANG YOD PA'I PHYIR SU ZHIG BDAG MED PA MTHONG BA'I RNAM PAR GROL BAR 'GYUR TE, MI SRID PA KHO NA YIN NO SNYAM DU SEMS PA NI, PHYIR MI LDOG PA DE GANG ZHE NA ZHES BYA BA'O, ,DE LA RE ZHIG BDAG TU LTA BA YIN NA SDUG BSNGAL BSGOM PAS NYES PA DANG LAS MED PA MI SRID PA YIN TE, SDUG BSNGAL GYI 'DU SHES MED PA'I PHYIR RO ZHES BSTAN PA NI, SLAR YANG LDOG CES BSHAD PA YIN ZHES BYA BA STE, SLAR YANG MI LDOG PA'I RGYU NI BDAG TU LTA BA BCOM PA LAS LDOG PA'I BDAG TU LTA BA YOD PA THOB PA YIN LA, DE'I PHYIR BDAG TU LTA BA'I SA BON YOD PA NA'ANG, LUS LA SOGS PA BDAG GIR LTA BA'I SA BON YOD NA 'DI CHAGS PA'I SNYING PO CAN YIN PA'I PHYIR, SDUG BSNGAL GYI 'DU SHES NYID 'DOR BA'I YAN LAG LA 'JUG PAR MI 'GYUR TE, SDUG BSNGAL LTA BUR RO, ,LUS LA SOGS PA LA YANG SDUG BSNGAL MANG BAS BDAG GI BA NYID KYANG 'DOR BA'I SEMS SU 'GYUR RO ZHE NA DE'I RGYU YOD PA YIN NA, DE NYID 'DI LA SDANG BA YIN ZHING, DE LAS BZLOG PA LA CHAGS PA YIN PA'I PHYIR DE LAS BYUNG BA'I LAS NI SKYE BA'I RGYU YIN PA'I PHYIR SKYE BA YIN PAR BRJOD DO, ,DE'I PHYIR BDAG GI LA SOGS PAR LTA BA CHAGS BA'I SNYING PO CAN YIN PA'I PHYIR, PHAN BYED PA LA LTOS NAS CHAGS PAR BYA BA'I KUN DU RTOG PA YIN LA, GNOD PAR BYED PA LA LTOS NAS NI SDANG BAR BYA BA YIN NO, ,DE'I PHYIR CHAGS PAR

, ,BYA BA'I KUN DU RTOG PA RNAMS DANG, SDANG BAR BYA BA RNAMS KYANG BRDZUN PAR RTOGS PA'I NGO BO YIN PA'I PHYIR BDAG TU LTA BA NI GTI MUG YIN NO, ,DE DAG KYANG DE MTHONG BA NYID KHO NA BDE BA DANG SDUG BSNGAL BA BSGOM PAS RTOGS PA YIN ZHES GNYI GA MI 'THAD PA'I PHYIR RGOL BA DE NI GYI NA'O, ,DE LTA NA DE CI'I PHYIR SPANGS PA YIN ZHES BSTAN PA NI, BDAG LTA'I SA BON SPANGS PA'I PHYIR, ,ZHES BYA BA STE, BDAG TU LTA BA LA SOGS PA'I SNYING PO CAN GYI RTOG PA RNAMS BCOM PA NI YANG 'BYUNG BA MA YIN TE, SA BON MED PA'I PHYIR RO ZHES BYA BA'I DON TO, ,SKYE DANG ZHES BYA BA NI LAS SO, , SKYON MED PA'I GNAS SKABS DANG YANG SKYE BA MED PA'I PHYIR ZHES BYA BAR SBYAR RO, ,DE YANG BYANG CHUB SEMS DPA' RNAMS LA DGE BA'I LAS DANG SKYE BA DAG YOD PA'I PHYIR RO, ,NYAN THOS RNAMS LA NI DE MED PA'I PHYIR, SKYE BA MED PA YIN NO, ,SO SO'I SKYE BA RNAMS LA NI DE GNYI GA MED PA'I PHYIR NYES PA DANG, SKYE BA YOD PA YIN PAR BSTAN PA NI, NYES PA DANG ZHES BYA BA'O, ,DE YANG NYES PA MED PA'I GNAS SKABS CI LAS BYUNG BA YIN ZHE NA, DES NA ZHES BYA BA SMOS SO, ,GNAS SKABS GNYIS PA'I RGYU BSTAN PA NI, SKYE BA YANG ZHES BYA BA'O, ,BDAG DANG BDAG GI BA DAG NI RANG GI NGO BOS MTHONG PA 'DOD CHAGS LA SOGS PA'I RGYU MA YIN PA MA YIN NAM, 'O NA CI ZHE NA, BDE BA SGRUB PA LA SOGS PA'I SHES PA NYID KYIS CHAGS PA'I YUL NYID KYIS SAM, CHAGS PA'I SNYING PO CAN NYID KYIS YIN NO, ,DE'I PHYIR DE NYID 'DI'I SPANG BYA YIN GYI RANG GI NGO BOS NI MA YIN NO SNYAM DU SEMS PA LA BSTAN PA NI, BDAG TU LTA BA MED PA'I PHYIR LDOG PAS SO, ,GZHAN CI LAS NYON MONGS PA YOD PA YIN, BDAG LA SOGS PAR LTA BA KHO NA CHAGS PA'I NGO BO YIN ZHES BYA BA'I DON TO, ,BDAG TU LTA BA'I NGO BO'I CHAGS PA DANG PHAN 'DOGS PA DRAN PA YIN NA CHAGS PAR BYA BA'I RTOG PAS 'DOD CHAGS YIN, ,DE BZHIN DU GZHAN DRAN PA YIN NA 'KHRUGS PA'I RTOG PAS ZHE SDANG YIN NO, ,BDAG TU LTA BA'I CHAGS PA PHAN BYED PA DANG, GCIG LTOS PA'I NGO BO YOD NA DE LA LTOS PA NYID KHO NA GZHOM PAR MI NUS SO, ,NUS NA YANG RANG GI NGO BO 'JOMS PAR THAL BAR 'GYUR RO, ,DE DE LAS THA DAD PAR 'GYUR YANG BYANG GROL 'DOD PA'I

DON GANG YIN PA RGYAS PAR BYED PA YIN, SNGON PO LA SOGS PA'I RANG GI NGO BOS NI THA DAD PA CAN NYID KHO NAS DGOS PA DANG LDAN PA MA YIN LA, DE NI BDAG GO ZHES BYAS NAS TSOL BA'I SDUG BSNGAL YIN LA, DE NI MED PA KHO NA LA LTOS PA YIN GYI YOD PA LA NI MA YIN NO, ,'DIS NI BDAG NI 'DI RNAMS KYI'O, ,'DI RNAMS NI BDAG GI'O ZHES 'BREL PA'I BLO'I RGYU'I MTSAN GYI DE'I NGO BO NI MA YIN NO ZHES BYA BA GSAL BA YIN NO, ,BDAG MED PA DANG BDAG TU LTA BA DAG MTSUNGS PA NYID STOBS MTSUNGS PA 'GAL BAR RNAM PAR RTOG PA YIN NO SNYAM DU SEMS PA NI, GAL TE BDAG MED PA MTHONG BA ZHES BYA BA'O, ,BDEN PA DANG BDEN PA MA YIN PA'I YUL NYID KYIS STOBS MTSUNGS PA MA YIN PAR BSTAN PA NI, DE BDEN ZHES BYA BA STE, PHYIN CI LOG TU GYUR PA ZHES BYA BA NI 'GAL BA CAN YIN PA'I PHYIR RO, ,DE LAS BZLOG PA YIN PA'I PHYIR ZHES BYA BA NI BDEN PAR YOD PA DANG 'GAL BA CAN NYID MED PA'I PHYIR RO, ,DE LTAR BDEN PA DANG THA DAD PA'I SGRA DAG BSHAD NAS, BDAG NYID KYI SGRA BSHAD PA NI, THA DAD PA'I BDAG NYID KYANG ZHES BYA BA STE, BSDU BA BYAS PA YIN PA'I PHYIR THA DAD PA'I SGRA DANG LHAN CIG PAR RJES SU BRJOD PA YIN NO, ,RANG BZHIN RJOD PAR BYED PA 'DI NI GTAN TSIGS KYI TSIGS KYANG YIN NO, , BDAG MED PAR LTA BA NI BDEN PA DANG 'GAL BA CAN YIN TE, CI LAS LHAN CIG YIN PA'I PHYIR BDEN PA DANG 'GAL BA CAN YIN NO ZHES LHAN CIG PA YIN PA'I PHYIR BDEN PA DANG 'GAL BA CAN YIN NO ZHES RTOGS PA DE'I TSE BDAG NYID KYI SGRA NI RANG BZHIN RJOD PAR BYED PA YIN PA'I PHYIR, GTZANG SPRA CAN THOD PA CAN DU GYUR PA'I RANG BZHIN DU 'BAD PAS LDOG BYA NYID YIN ZHES ZER BA NI, GTAN TSIGS KYI NYID MED PA LA BLTA BAR BYA'O, ,DE'I TSE YANG DNGOS PO'I NGO BOR RJOD BYED NYID YIN NO, ,PHYIR LDOG PA MED PA'I PHYIR RO ZHES BYA BA NI PHYIR LDOG PA MED PAS SO, ,NAD MED PA NI NYON MONGS PA MED PA STE, YONGS SU BZUNG BA MED PA NI 'KHOR BA'I SDUG BSNGAL GYIS GDUNGS PA MED PA'I PHYIR RO, ,LAM BSHAD PA LA MI GSAL BA NI 'BRAS BU'AM RGYU YANG RUNG RNAM PA THAMS CAD PA'I LAM BSTAN PA LA MI GSAL BAR MTSON PAR BYED PAR BSTAN PA NI, NGES PA'I TSIG LA MI GSAL BA, ,ZHES BYA BA NI GTZO BO NYID KYANG NGO, ,BDAG MED

, ,BSAM SPANGS PA LA ZHES BYA BA NI 'PHAGS PA NYAN THOS LA SOGS PA LA NI BDAG MED PA 'GAL BA CAN MA YIN LA, LAM GZHAN YOD PA MA YIN NO ZHES BYA BA NI YON TAN GSUM PA MED PA'I PHYIR RO ZHES BYA BA'I DON TO, ,JI SRID SMRA BA ZHES BYA BA NI SMRA BA PO NYID DO, ,NYES PA DANG LDAN PA NYID KYIS 'U BU CAG LA SOGS PA RNAMS LA KHYAB PA YIN TE, 'DOD CHAGS DANG BRAL BA MA MTHONG BA YIN LA MA MTHONG BA DE LA LDOG PA MED PA'I PHYIR RO, ,YANG NA SMRA BA NI 'BRAS BU DANG RGYU'I RNAM PAR RTOG PA'I GO BYED YIN ZHES ZER BA NI, ,SMRA BA NI ZHES BYA BA STE, RNAM PAR RTOG PA NI RANG GI RNAM PA LA DON DU ZHEN PA'I 'KHRUL PA YIN TE, DE MA YIN PA LA DER ZHEN PA'I PHYIR RO, ,GAL TE YANG LUS PA NI LAM TZAM LAS MA NYAMS PA YIN LA, DE LA YOD PA'I KHYAD PAR GYI RNAM PA MTHONG BA KHO NA LAS 'DI NI LAM GZHAN LA SBYOR BAR BYED PA MA YIN NO ZHES ZER BA NI 'DI LAS LHAG MAR YOD PA MA YIN PAS MA LUS PA'O, ,GOMS PHYIR NI ZHES BYA BA NI KHYAD PAR GYI RNAM PA'I YUL LAS SO, ,THE TSOM ZA BA ZHES BYA BA NI MI 'GAL BA'I BSGRUB PA LAS LDOG PA MA GRUB PA'I PHYIR RO, ,RNAM PAR RTOG PA BSGRUB PA LA YANG ZHES BYA BA NI DE MED KYANG SHIN TU GOMS PA YIN NA TSIG RE RE DANG NGAG RE RE RJOD PAR BYED PA RNAMS LA RNAM PAR RTOG PA MED KYANG SMRA BAR MTHONG BA'I PHYIR MI SHES KYANG DE RNAM YOD PA NI MA YIN TE, RANG RIG PAR BYA BA NYID KYIS RNAM PAR RTOG PA GZHAN MED PA'I PHYIR RO, ,'PHEN PA STE GOMS PA'I SHUGS KYIS GDUL BYA DE'I BSAM PA CAN LA DE'I LAM DNGOS SU MTHONG BA KHO NA LAS RNAL 'BYOR PA'I TSIG 'JUG PA YIN NO, ,JI LTAR 'U BU CAG LA SOGS PAS KA BA LA SOGS PAS KA BA'O ZHES BYA BA'O, ,BSHAD ZIN ZHES BYA BA NI RTOG PA 'DI RNAMS SO SOR MA RIG PA KHO NA SKYE BA 'AM ZHIG PA YANG MA YIN NO ZHES GSUNGS PA YIN TE, DE'I TSE RNAM RTOG NI MA YIN NO ZHES BYA BA'I DON TO, ,DON GANG BLO LA RAB GSAL BA, ,SGRA NI DE LA TSAD MA NYID, ,DON GYI DE NYID RGYU CAN MIN, ,ZHES BYA BA LA SOGS PA NI RNA BA'I RNAM SHES LA DON GANG GSAL BA NI SMRA BA PO'I BLO'I YUL LA DON DE LTAR YIN PA'I PHYIR, SKYON MED PAR BSTAN PA'I PHYIR SKYON MED PAR BSTAN PA NI 'DIR NI SHES PA MI GSAL BAR ZHES BYA

BA'O; DE LTAR RJES SU DPAG PA BZHIN DU MNGON SUM GYIS KYANG GZHAN GYI DON THOB PAR BSTAN PA NI, MNGON SUM GYIS MTHONG BA ZHES BYA BA STE, TSUL GSUM PA'I RTAGS SU BSTAN PA NI GZHAN GYI DON GYI RJES SU DPAG PA MNGON SUM PA MA YIN PA LA YIN GYI BUM PA LA NI MA YIN NO, ,DE LTA YIN NA JI LTAR RJES SU DPAG PA YIN, RTAGS BZHIN DU GZHAN GYI RJES SU DPAG PAR BYA BA'I SHES PA SKYED PAR BYED PA'I PHYIR RO, ,DE LTA YIN NA DE'I DE RANG DON KHO NA YIN NO, ,DE LTA YIN NA YANG SMRA BA PO'I DE DE LTA YIN PA'I PHYIR DE LTAR BRJOD DO, ,GZHAN DU RJES SU DPAG PAR BYA BA'I TSIG RJES SU DPAG PAR 'GYUR RO, ,GAL TE MNGON SUM GYI YUL GYI SHES PA SKYED PAR BYED PA'I PHYIR, MNGON SUM YANG GZHAN GYI DON DU CIS MI 'GYUR, MA YIN TE, DE DE LA 'BREL PA'I RANG BZHIN CAN MA YIN PA NYID KYIS TSAD MA NYID MA YIN PA'I PHYIR, DON RTOGS PA LA BRDA CAN YIN PA'I PHYIR RO, ,JI LTAR YANG TSUL GSUM PAR BSTAN PA NI DE RIG PA PO LA RJES SU DPAG PAR BYA BA'I SHES PA'I RGYU YIN PA NYID KYIS RJES SU DPAG PAR NYE BAR GDAGS SU RUNG BA'I PHYIR SGRA TSAD MA YIN NO, ,GZHAN DU NI MA YIN NO ZHES BSTAN PAR 'DOD NAS DE LTAR THA SNYAD 'DOGS PA YIN TE, NUS PA MTSON PAR BYED PA'I RGYU TSIG NI ZHES GSUNGS PA'I PHYIR, DE LTAR RNAM PAR RTOG PA MED PA'I TSIG YOD PA MIN NA RNAM PAR NGES PA MED PA'I PHYIR SMRA BA PO NYID MA NGES PA YIN NO, ,'DOD CHAGS LA SOGS PA DANG LDAN PA NYID DU NI 'GAL BA MED PAR SGRUB PA'I PHYIR, LDOG PA LA THE TSOM ZA BA YIN PAR NYE BAR BSDU BA NI, DE PHYIR SGRA YANG ZHES BYA BA'O, ,LUS LA 'AM GZUGS LA SOGS PA LA YANG BDAG CES BYA BA DANG, BDAG GI ZHES BYA BAR YANG THUN MONG MA YIN PA NYID DU 'DZIN PA YIN LA, BDAG DANG BDAG GIR LTA BA NYON MONGS PA'I RGYU MA YIN PA MA YIN NAM, 'ON KYANG GTZO BO DANG CIG SHOS NI SGRUB PAR BYED PA NYID DU 'DZIN PA YIN NO, ,DRAN PA YANG BDAG LA SOGS PAR LTA BA SPANGS PA YIN YANG, NYON MONGS PA'I RGYUN LA NI THOG MA MED PA'I RGYU YOD PA'I PHYIR SEMS KYI RGYUN LAS NYAMS PA MA YIN NO, ,DE'I PHYIR MI MTHUN PA'I PHYOGS MED PAS 'DOD CHAGS LA SOGS PA LA SMRA BA POR LDOG PA LA THE TSOM ZA BA MA YIN NO, ,YOD PA LA MI RTAG PA NYID LTA BU'O SNYAM DU SEMS

, ,PA NI, GAL TE GZHAN LAS ZHES BYA BA STE, BDE BA LA SOGS PA SGRUB PAR BYED PA NYID 'DZIN PA DANG, DRAN PA'I RGYUD LAS NYES PA RNAMS ZAD PA MA YIN LA, DE'I PHYIR MED PA SGRUB PA MA YIN NO, ,'ON TE BDAG LA SOGS PAR LTA BA SPANGS PA LA NI NYON MONGS PA'I RGYU MTHONG PA MA YIN SNYAM NA YANG, MA YIN TE, DE MA DMIGS PA NI 'DOD CHAGS MED PA LAS MA DMIGS PA BZHIN DU RUNG BA MA YIN PA'I YUL CAN LA NI MED PA SGRUB PAR BYED PA MA YIN NO ZHES ZER BA NI, NYES PA ZAD PA MED PA ZHES BYA BA'O, ,BDE BA LA SOGS PA SGRUB PAR BYED PA NYID KYI SHES PA BDAG DANG 'BREL PA MED PAS 'DOD CHAGS LA SOGS PA'I RGYU MA YIN TE, THAL CHES PA'I PHYIR RO ZHES BSTAN PA NI, ,MA MTHONG BA JI LTAR ZHES BYA BA'O, ,DE LTA YIN NA ZHIG PA NYID DU JI LTAR RTOG CE NA, SKYON RNAMS MI ZAD PA NYID CES BYA BA SMOS TE, GANG LAS BSGRUB BYA LA SBYOR BAR BYED PA RTOGS PA YIN GYI SBYOR BAR MI BYED PA LA NI MA YIN LA, DE YANG 'JIGS PA MED NA RTAG PA NYID YIN NA MI RTAG PA LA YANG RGYUN DANG LDAN PA LA SEMS BZHIN DU RGYUD GCOD PAR BYED PA'I THABS MED PA YIN LA, YOD KYANG SO SO'I SKYE BO BZHIN DU YONGS SU MI SHES PA YIN NA'O, ,'ON KYANG RGYU ZHES BYA BA SBYOR BAR BYED PA'O, ,RTAG PA NYID MA GRUB PA YIN TE, 'DOD CHAGS LA SOGS PA SKYE BA DANG LDAN PA LA SOGS PA'I GTAN TSIGS KYIS RNAM PAR BCAD PA'I PHYIR, MI MTHUN PA'I PHYOGS MA BCAD PA NI SGRUB BYED MA YIN PA'I PHYIR ZHES BSTAN PA NI, RGYU YOD PHYIR DANG ZHES BYA BA'O, ,RGYU MA TSANG BA MED PA'I PHYIR, ,YOD KYANG GRANG BA BZHIN DU RGYU LA MI MTHUN PA'I PHYOGS YOD NA RTZA BA DANG BCAS PA CHAD PAR 'GYUR BAR BSTAN PA NI, GNYEN PO ZHES BYA BA STE, GNYEN PO YANG RGYU'I NGO BO SHES NA DE DANG 'GAL BA CAN DU MKHAS PAS SHES PA KHO NA YIN PAR BSTAN PA NI, RGYU'I RANG BZHIN ZHES BYA BA'O, ,'GREL PAR NI RGYU YOD PA NI RGYU DANG LDAN PA NYID DU BZHED DE, RGYU DANG LDAN PA ZHES BYA BA'O, ,PHYI ROL NI MAR KHU LA SOGS PA'O, ,PHYI ROL GYI NI RLUNG LA SOGS PA'O, ,NUS MTHU LA SOGS PA'I KHYAD PAR MED PA NI SMAN GYI RDZAS RNAMS NYE BAR 'JOMS PA'I PHYIR RO, ,BDAG MED PAR LTA BA NI ZHES BYA BA NI YUL LHAN CIG BYED PA CAN NYID KYI PHYIR 'JOMS PA MA YIN, LOG

PAR RTOG PA MED PA NYID NI BDAG MED PA'I YUL LA SOGS PA DANG, THUN MONG MA YIN PA'I GZUGS LA SOGS PA LA YANG BDAG DANG BDAG GI ZHES BYA BA'I BDAG TU 'AM, THUN MONG MA YIN PAR 'DZIN PAR BYED NA DE CHAD PA LA BDAG CHAD PAR SEMS PAR BYED PA NI MI 'CHAD PAR SRED PA DANG MA BRAL BA YANG DANG YANG DU DE NYE BAR LEN PAS RNAM PAR BCOM PAR 'GYUR RO ZHES BYA BA LA SOGS PAR NI PHA ROL POS KYANG KHAS BLANGS PA KHO NA YIN NO, ,BDE BAR GSHEGS PA BCOM LDAN 'DAS NI SKYES PA GZHAN BZHIN TSAD MA YIN GYI, BDAG CAG RIG BYED 'DON PA RNAMS KYI NI MA YIN TE, GANG GI PHYIR GZHAN LA TSAD MA MA YIN TE, NYE BAR STON PAR MI BYED PA'I PHYIR RO, ,RIG BYED NI DE DANG LDAN PA'I MIG LA SOGS PA KHO NA LTA BU YIN GYI BCOM LDAN 'DAS NI MA YIN TE, THA DAD PA'I PHYIR RO SNYAM DU SEMS PA NI, GAL TE YANG ZHES BYA BA'O, ,'ON TE GZHAN YANG TSIG GI SGO NAS TSAD MA YIN ZHE NA YANG BDEN TE, PHYIN CI MA LOG PAR SMRA BA YIN NA DE LTA YIN GYI BCOM LDAN 'DAS NI MA YIN TE, RIG BYED TSAD MAS GNOD PA'I YUL YIN PA'I PHYIR ZHES ZER BA NI, TSAD MA NI PHYIN CI MA LOG PA YIN ZHES BYA BA STE, THOG MA DANG THA MA MED PAR RTOGS NA PHYIN CI LOG LA DGA' BA BYED PA MA YIN NO, ,MA YIN TE; RIG BYED LA NI SKYOB PA MED PAS DOR BA'I YAN LAG YIN PA'I PHYIR, BCOM LDAN 'DAS NI DE LAS BZLOG PA YIN NO, ,NYA PHYIS LA DNGUL GYI SHES PA NI ZIN PA KHO NA'I PHYIR MI 'DOD PAR THUGS RJE'I DBANG GIS ZHES BYA BA STE, BCOM LDAN 'DAS NI SKYOB PA MNGAL BA'I PHYIR, PHYIN CI LOG LA GNOD PAR BYED PA YIN TE, DE LA TSAD MA MED PA'I PHYIR RO ZHES BSTAN PA NI SKYOB PA ZHES BYA BA'O, ,DE RNAM PAR 'CHAD PA NI, NYID GZIGS ZHES BYA BA STE, MTHONG BA SNGON DU 'GRO BA CAN NI RANG GI TSIG MTHONG BA'I PHYIR, BCOM LDAN 'DAS KYANG DE LTAR 'GYUR BA YIN NO, ,GZHAN DU YANG SLU BA'I BSAM PA MA MTHONG BA MA YIN NAM, 'BRAS MED PHYIR ZHES BYA BA STE, THOB PAR BYA BA MA LUS PA BRNYES PA NI GZHAN DU GSUNGS PA LA DGOS PA MED DO, ,THOB PAR BYA BA MA THOB PA'I CHED DU BDAG TU LTA BA CAN NI GZHAN DU YANG SMRA BA YIN TE, SPANGS PA PHUN SUM TSOGS PA MED PA'I PHYIR ZHES BYA BA'I DON TO, ,THOB

, ,BAR BYA BA THOB KYANG 'PHAGS PA NYAN THOS BZHIN DU DGOS PA MED PA'I PHYIR, NYE BAR MI STON PA KHO NA MA YIN NAM, MA YIN TE, THUGS RJE DANG LDAN PA NI GZHAN GYI DON 'BA' ZHIG LA 'JUG PAR STON PAR MDZAD PA NI THUGS BRTZER LDAN PHYIR ZHES BYA BA STE, GZHAN GYI DON DU NI RANG LA DGOS PA MED KYANG GZHAN GYI DON GYI DGOS PA TSIG GI BYED PA GANG LA YIN PA ZHES BYA BA'I KHYAD PAR GYIS GSUNGS PA YIN ZHES BYA BAR SBYAR RO, ,THUGS RJE DANG LDAN PA YANG DBANG PO LAS 'DAS PA SHES PAR MI NUS PA MI MKHYEN NA RMONGS PAS STON PAR BYED PAR RTOGS PA MA YIN NAM ZHE NA, RTZOM KUN YANG ZHES BYA BA STE, THAMS CAD MKHYEN PA'I DON DU RTZOM PA NI RTZOM KUN NO, ,DE LA MNGON PAR SBYOR BA NI GOMS PA LAS SO, ,DE'I PHYIR DRAN PA GOMS PAS YID GSAL BA YIN PA'I PHYIR, SKYE BA SNGA MA LA SOGS PA DRAN PA YIN NA CHOS DANG CHOS MA YIN PA SHES PA DANG, 'BRAS BU DANG RGYU'I RANG GI NGO BO'I KHYAD PAR GYI DE NYID SHES PA YIN NA, KHYAD PAR MA LUS PA'I RNAM PA'I RJES SU DPAG PA GOMS PA YIN PA'I PHYIR DBANG PO LAS 'DAS PAR SHES PAR NUS PA MA YIN NO ZHES BYA BA'I DON TO, ,'BRAS BU MED PHYIR ZHES BYA BA 'DI KHO NAS DGOS PA MED PA BZHIN DU DES DPOG PA'I RGYU MED PA YIN PAR YANG BSTAN PA NI, RGYU MED PA'I PHYIR ZHES BYA BA'O, ,THUGS NI BRTZE BAR LDAN PHYIR DANG, ,RTZOM PA KUN LA SBYOR BA'I PHYIR, ,ZHES BYA BA DAG GIS STON PA'I RGYU MTSAN BRJOD PA YIN PAR BSTAN PA NI, THUGS RJE LDAN PA'I PHYIR ZHES BYA BA'O, ,'PHEL BA'I SHUGS LAS ZHES BYA BA NI GOMS PA PHUL DU BYUNG BAS RNAM PAR RTOG PA MI MNGA' BAS STON PA YIN PAR BRJOD DO, ,DE'I PHYIR DE LTAR BCOM LDAN 'DAS NI MI SLU BA YIN PA'I PHYIR, MNGON SUM DANG RJES SU DPAG PA BZHIN DU TSAD MA YIN PAR BSTAN PA NI, DES NA SKYOB PA NI ZHES BYA BA'O, ,STON PA NI GSAL BAR MDZAD PA YIN LA, DE 'PHEN PA LAS YOD PA'I 'BRAS BU MED PHYIR ZHES BYA BA LA SOGS PA'I KHYAD PAR RNAM PA GSUM GYIS RNAM PAR DPYAD PAR BYA BA MU STEGS DANG, 'PHAGS PA NYAN THOS DANG BYANG CHUB SEMS DPA' RNAMS LA RNAM GRANGS JI LTA BA BZHIN DU DOGS PA SNGON SU 'GRO BA CAN DU BSTAN PA NI, GAL TE RANG GIS ZHES BYA BA'O, ,

'DI YANG DE LTA BU'I RNAM PA CAN KHO NAR CIS MI 'GYUR SNYAM DU SEMS PA NI, 'O NA 'DI LA YANG ZHES BYA BA'O, ,DON GYI GTZO BO LA MI SLU BAS DE'I SHES PA BZHIN DU DE DANG MTSUNGS PA'I BSGOM PA'I TSOGS PA LAS BYUNG BA'I RNAM PAR SHES PA GZHAN NI CHOS LA SOGS PA'I YUL CAN DU RTOGS PA YIN NO, , DE'I PHYIR DE'I RNAM PA CAN GYI SHES PA DGAG PA'I RGYU DANG LDAN PAR BSTAN PA NI, 'DI LA BSHAD ZIN TE, DE NI BDAG MED PA MTHONG BA'AM ZHES BYA BA'O, ,MI SLU BA NYID TSAD MA NYID DU YONGS SU GCOD PA YIN NA, 'DI YONGS SU GCOD PAR BYED PA YANG YONGS SU SHES PA KHO NA YIN LA, DE YONGS SU MA SHES NA DE NYID SHES PAR MI NUS SO ZHES BSTAN PA NI, BCOM LDAN 'DAS NI ZHES BYA BA'O, ,SKYOB PA 'AM ZHES BYA BA'I RNAM GRANGS GZHAN GYIS MI SLU BA CAN NYID KHO NAR BRTAG PA YIN PAR BSTAN PA NI, YANG NA BDEN PA ZHES BYA BA'O, ,CHOS DANG CHOS MA YIN PA DANG, BDEN PA BZHI LA SOGS PA STON PA NI LCI BAR RTOGS PA YIN PA DE LA SKYOB PA YIN PAR BSTAN PA YIN LA, 'DIR NI TSAD MAR 'THAD PA BDEN PA TZAM YUL YIN NO, ,DE'I PHYIR PHYIN CI LOG DGAG PAR BYA BA LA LTOS BYA NYUNG BA YIN PA'I PHYIR RTOGS PA YANG MA YIN NO ZHES BYA BA NI KHYAD PAR RO, ,RIGS PA'I BSTAN BCOS LA SOGS PA GZHAN LA YANG BDAG LA'AM LUS LA SOGS PA LA BDAG TU LTA BA DANG, GZUGS LA SOGS PA THUN MONG PA LA BDAG GI'O ZHES THUN MONG MA YIN PA NYID DU BDAG GIR LTA BA NI SDUG BSNGAL GYI RGYU YIN LA, DE LAS BZLOG PAR MTHONG BA NI BYANG GROL GYI YAN LAG YIN ZHES BYA BA LA SOGS PAS BSTAN PA KHO NA MA YIN NAM; DE'I PHYIR BDEN PAR STON PA THUN MONG MA YIN PA JI LTAR YIN SNYAM DU SEMS PA LA, GAL TE YANG ZHES BYA BA STE, STON PAR BYED PA NI GSAL BAR BYED PA'O, ,BDAG TU SMRA BA RNAMS KYANG LUS LA SOGS PA LA BDAG MED PAR LTA BA KHO NA YIN GYI BDAG TU LTA BA NI MA YIN TE 'GAL BA MED PA'I PHYIR RO ZHES BSTAN PA NI, RIGS PA DANG BRAL YANG ZHES BYA BA'O, ,SDUG BSNGAL NI MI RTAG PA DANG, SDUG BSNGAL BA DANG, STONG PA DANG, BDAG MED PA LAS ZHES BYA BA RNAM PA BZHI LA YANG SDUG BSNGAL GYI RNAM PAR THA SNYAD 'DOGS PA NI GZHAN GYI RNAM PA SDUD PAR BYED PA YIN PA'I PHYIR, DE 'DI RNAM PA GZHAN LA

, ,YANG MTSUNGS PA YIN NO SNYAM DU SEMS PA LA, DE LTAR BSTAN PA YIN NO, KUN 'BYUNG BA'I RNAM PA LA RGYU DANG, KUN 'BYUNG BA DANG, RKYEN DANG, RAB TU BSKYED PA'I RNAM PA RNAMS DANG, 'GOG PA'I RNAM PA LA 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM PA RNAMS DANG, LAM GYI RNAM PA LA YANG LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA RNAMS SDUD PA YIN NO, ,DE LA SDUG BSNGAL GYI BDEN PA BSTAN PA NI, SDUG BSNGAL ZHES BYA BA NI BSGRUB BYA'O, ,KUN 'BYUNG RGYU NI 'KHOR BA STE, SKYE BA DANG 'CHI BA'I RGYUN NO, ,DE GANG DAG GI YIN PA DE DAG CES BYA BA NI GTAN TSIGS SO, ,PHUNG PO ZHES BYA BA NI CHOS CAN NO, ,SKYE BA SNGA MA LAS 'DIR 'ONGS PA DANG, 'DI NAS DE'I PHYI MAR 'GRO BA 'KHOR BA MA YIN NAM, DE YANG GRUB PA MA YIN NO SNYAM DU SEMS PA LA, GOMS LAS ZHES BYA BA'O, ,DE YANG CI LAS YIN, 'DOD CHAGS LA SOGS PA NI PHUNG PO KUN TU 'DZIN PA'I YID KYI CHOS TE, DE LAS GSAL BA KHYAB PAR MTHONG BA'I PHYIR RO, ,GZHAN LAS BYUNG BA NI DE LAS KHYAD PAR DU NGES PAS MA YIN LA, 'DOD RGYAL NYID KYANG MA YIN NO, ,CI LAS SHE NA, SKYES PA'I PHYIR SKYE BA STE 'BRAS BU YIN LA, DE DANG 'GAL BA'I PHYIR NI MED PA'I PHYIR TE, RGYU MED NA 'BRAS BU 'BYUNG BA MA YIN TE, RTAG TU MED PAR 'GYUR RO, ,RGYU MED DE RGYU MED PA'I PHYIR, SKYE BA MA YIN TE, SKYE BAR 'GAL BA'I PHYIR NI MED PA'I PHYIR RTAG TU YOD PAR 'GYUR RO, ,'GREL PA MDZAD PAS NI 'KHOR BA CAN NYID NI SDUG BSNGAL DANG 'GAL BA YIN TE, DE LAS BZLOG PA KHYAB PA'I PHYIR, , ZHES BSTAN PA NI, GAL TE 'DOD CHAGS ZHES BYA BA'O, ,DE LA BDE BA'I RNAM PA NYID BZHIN DU SDUG BSNGAL GYI RNAM PA NYID KYANG YOD PA'I PHYIR, 'GAL BA NYID MA YIN LA, MA NGES PA NYID KYANG MA YIN NO, ,DUG DANG BCAS PA'I BZA' BA BZHIN DU SDUG BSNGAL DU RO GCIG PA NYID KYIS BLANG BYA MA YIN PA'I PHYIR RO ZHES BSTAN PA NI, 'KHOR BA'I LAM DU ZHES BYA BA STE, GZHAN DU NI BDE BA NYID DU'O, ,BDE BA'I RNAM PA NYID NI DNGOS SU MA YIN TE, PHUNG PO RNAMS GOMS PA LAS BYUNG BA NYID KYI PHYIR RI DVAGS 'CHOR BA PO LA SOGS PA LTA BU'O ZHES BYA BA'I DON TO, ,'DOD CHAGS LA SOGS PA ZHES BYA BA LA SOGS PA

NI; 'DOD CHAGS GOMS PA'I RGYU CAN TA, ,ZHES BYA BA'O, ,NGO BO NYID DU ZHES BYA BA NI SA BON LA SOGS PA LA YANG MYU GU LA SOGS PA BZHIN DU GOMS PA LA MI LTOS PAR SKYE BA MA YIN PA MA YIN NAM, DE LTAR SKYE BA NI DBANG MED PA NYID KYIS DOR BAR MI NUS PA YIN LA, 'GRO BA GZHAN NI MED PA'I PHYIR BDE BAR YANG SRID PA YIN NO ZHES BSTAN PA NI, GAL TE 'DOD CHAGS ZHES BYA BA'O, ,BDE BA ZHES BYA BA NI GOMS PA LAS BYUNG BA NYID KYANG GCIG TU BDE BA NYID CES BYA BAR SBYAR RO, ,GOMS PA LAS BYUNG BA NYID KYI PHYIR DBANG YOD PA NYID KYIS DOR BAR MI NUS PA YIN LA 'GRO BA GZHAN 'DOD CHAGS LA SOGS PA SPONG BAR MI NUS PA NYID DU BSTAN PA NI, GANG GI TSE DE NYID LAS ZHES BYA BA'O, ,YANG DAG PA MA YIN PA'I KUN TU RTOG PA DANG 'DRA BAS YANG DAG PA MA YIN PA'I KUN TU RTOG PA STE, 'DOD PA TZAM GYI GZHI CAN NYID DU MTSUNGS PA'I PHYIR RO, ,MNGON PAR DGA' BA'I NGO BO NI YID KYI BDE BA YIN GYI GZHAN NI MA YIN NO, ,DE'I PHYIR GOMS PA LAS BYUNG BA YIN GYI DNGOS SU MA YIN PAR BSTAN PA NI, BDE BA NI SEMS MNGON PAR DGA' BA ZHES BYA BA'O, ,GZIR PA'I GNYEN PO YIN PA'I PHYIR BDE BA YIN GYI RANG GI NGO BOS NI MA YIN PAR BSTAN PA NI, DE LTA YIN DANG ZHES BYA BA'O, ,DE NYID DANG CIG SHOS LA MNGON PAR DGA' BA NI GOMS PA LA MNGON PAR DGA' BAS DNGOS SU BA NYID DU KHYAD PAR MED NA DE KHO NA LA GOMS PA NYID MCHOG YIN ZHES BYA BA 'DI LA BYE BRAG CI ZHIG YOD CES ZER BA LA, GAL TE DE NI 'GYUR MED NA, ,ZHES BYA BA STE, DE KHO NA NYID LA MNGON PAR DGA' BA NI 'DOR BA MA YIN TE, GNOD PA CAN MED PAR RTAG TU YOD PA'I PHYIR YIN GYI, CIG SHOS NI MA YIN TE, YUL LA GNOD PAS LDOG PA'I PHYIR RO ZHES BYA BA'I DON TO, ,RGYU DE NYID KYIS DE KHO NA NYID NI 'DOD PA LA GNOD PA BYED PAR BSTAN PA NI, JI LTAR 'DOD CHAGS LA SOGS PA'I ZHES BYA BA'O, ,GOMS PA LAS BYUNG BAS THOG MA MED PA'I PHYIR, 'DUS BYAS PA'I SDUG BSNGAL NYID KYANG 'DOD CHAGS LA SOGS PA YIN PAR BSTAN PA NI, GANG GI PHYIR ZHES BYA BA STE, BDE BA NYID CES BYA BA NI SDUG BSNGAL DON DAM PA NYID MA YIN NO, ,THAMS CAD NYID LA ZHES BYA BA NI YUL LA'O, ,BZLOG PA NI MA YIN NO ZHES BYA BA NI SDUG BSNGAL 'BAD PAS BSGRUB PAR BYA BA YIN

, ,LA; BDE BA NI DE MED PAS RANG BZHIN GYIS GRUB PA'O, ,DE LA ZHES BYA BA NI BDE BA MED PA LA STE, 'DOD PA 'GAL BA NYID KYIS SKRAG PA YIN LA, DE GOMS PA NI RJES SU 'JUG PA YIN NO, ,DES NA DE MED PA'I PHYIR NI SKRAG PA GOMS PA MED PA'I PHYIR RO, ,SDUG BSNGAL DE NYID LA'AM NI MI 'DOD PA LA'O, ,DE MED PA'I PHYIR SDUG BSNGAL ZHES BYA BA DE LA, BDE BA NI SDUG BSNGAL GYI RGYU NYID 'DOR BA'I YAN LAG TU BRJOD PA NYE BAR BSDU BA NI, DE'I PHYIR GOMS PA ZHES BYA BA'O, ,DPE BSTAN PA NI BU LA CHAGS PA LA ZHES BYA BA STE, YOD PA'I BU LA MNGON PAR CHAGS PA DANG LDAN PA NI DE MED PA LAS SDUG BSNGAL BAR 'GYUR TE, DE LA SKRAG PA GOMS PA'I PHYIR RO, ,DE GOMS PA MED NA SDUG BSNGAL GYI RGYU BU DE NYID LA BDE BA YIN PAR BSTAN PA NI, BU SKYES NA ZHES BYA BA STE, SDUG BSNGAL GZHOM PAR 'DOD PAS BDE BA NYID GZHOM PAR BYA BA YIN NO ZHES BYA BA'I DON TO, ,DE LTA YIN NA MA SPANGS PA'I BDE BA DANG DE'I RGYU LA GOMS PAR BYA BA YIN GYI SDUG BSNGAL NI MA YIN NO ZHE NA, RTAG TU 'DOD PA DAG DANG NI, ,ZHES BYA BA STE, SDUG BSNGAL GYI DON DU NI 'GYUR BA'I SDUG BSNGAL GYI DON DU'O, ,SDUG BSNGAL BSKYED CES BYA BA NI SDUG BSNGAL GYI SDUG BSNGAL BSTAN PA YIN NO, ,RTOG PA DANG LDAN PA NI BSKYED PAR BYA BA'I BDE BAS SKYES PA'I SDUG BSNGAL BZLOG PA'I DON DU MA YIN NO ZHES 'DI LA 'JIG RTEN PA'I DPE BSTEN PA NI 'DAM RDZAB CES BYA BA'O, ,GANG YANG BDE BA KHO NA SKYES BU'I DON YIN GYI GZHAN NI MA YIN LA, DE YANG SDUG BSNGAL DANG SPEL MA KHO NAR 'THOB PA YIN NO ZHES DGONGS PA YIN NO, ,DE'I PHYIR DMYAL BA LA SOGS PA'I SDUG BSNGAL YANG DOR BYA MA YIN TE, BDE BA THOB PA'I RGYU YIN PA'I PHYIR RO, ,'ON TE BDE BA THAMS CAD NI ZHES BYA BA LA SOGS PA TSIGS SU BCAD PA GNYIS TE, DMYAL BA BZHIN DU SDUG BSNGAL LA YANG BDE BAR 'GYUR BA NI BSNYEN BKUR LA SOGS PA SDUG BSNGAL CHEN PO LAS ZHES BYA BAR SBYAR RO, ,YANG NA 'KHOR BA PA'I DNGOS PO GANG DAG 'BYUNG BA DANG 'JIG PA LA YANG PHUNG PO STE, SPUNGS PA'I NGO BO YIN GYI GCIG GI NGO BO MA YIN LA, GZUGS LA SOGS PA THA SNYAD KYI YUL NI RDUL PHRA RAB 'DUS PA LA SOGS PA LAS GZHAN MA YIN PAS NI RE RE NAS MI SNANG BA YIN GYI 'DUS PA YANG MI SNANG

BA NI MA YIN NO, ,RAB RIB CAN GYI SKRA SHAD BZHIN DU RAB RIB CAN MA YIN PAS NI RE RER YANG SNANG BA KHO NA YIN NO ZHE NA, RNAL 'BYOR PAS KYANG RDUL PHRA RAB BA RE RE NAS MTHONG BA YIN PA'I PHYIR MTSUNGS PA YIN, 'ON TE BDAG CAG LA SOGS PA'I DBANG PO LAS 'DAS PA YIN NO ZHE NA, RAB RIB CAN GYIS SKRA SHAD RNAMS KYANG RE RE NI DBANG PO LAS 'DAS PA YIN NA, 'DUS PA LA YANG JI LTAR PHYIN CI LOG YIN, DE'I TSE NI DE RNAMS MA YIN PA MA YIN NO, ,JI LTAR YANG DBANG PO LAS 'DAS PA RE RE ZHING RTZOM BYED MA YIN PA YIN NA, DBANG PO'I RDZAS RTZOM BYED JI LTAR YIN, DE'I PHYIR DE NYID SHIN TU MI 'THAD PA CHEN PO YIN NO, , 'DIS NI THAG RING PO'I SBRANG BU'I PHUNG PO LA SOGS PA 'DZIN PA NI RE RER 'DZIN PA MED NA JI LTAR YIN ZHES BYA BAR MTSUNGS PA YIN TE, RAB RIB CAN GYIS KYANG SPYI'I NGO BOR SKRA MTHONG BA YIN GYI BYE BRAG TU NI MA YIN LA, GZHAN LA NI GNYIS KAR YIN ZHES BYA BAR MI RIGS TE, DE LTA YIN YANG SKRA NYAG RE RE NI YUL MA YIN PA'I PHYIR RO, ,'ON TE MI SNANG BAS YANG PHAN TSUN NYE BAS PHUL DU BYUNG BA SKYED PAR BYED PAS DE LTAR SNANG BA YIN NO ZHE NA, DE LTA BUR NI RDUL PHRA RAB LA YANG MTSUNGS SO, ,RTAG PA PHUL DU BYUNG BA JI LTAR YIN 'DI YANG GTAN TZAM YIN TE, GNAS SKABS THAMS CAD PA MA YIN PA'I PHYIR RNAM PAR 'BYED PA NYAMS PA'I PHYIR MI 'THAD PA YIN NO, ,RDUL PHRA RAB NI 'JIG PA MA YIN TE, CHA SHAS MED PA'I PHYIR RO ZHE NA, MA YIN TE, SGRA DANG BLO LA SOGS PA CHA SHAS MED KYANG 'JIG PA'I PHYIR RO, ,DBYIBS DANG LDAN PA NYID KYIS CHA SHAS CAN YIN NA 'GAL BA CI YOD, ,STENG DANG 'OG GI RDUL PHRA RAB DAG GI BAR NA YOD PA THOGS PA DANG BCAS PA NYID KYIS BAR DU GCOD PAR BYED PA DANG 'BREL PA YIN NA PHYOGS GCIG GIS 'BREL PAR MI 'GYUR BA NI MA YIN NO, ,CHA'I SHES PA 'DI NI GNOD PA CAN MED PA'I PHYIR BTAGS PA YANG MA YIN NO, ,CHA LA YANG CHA DANG LDAN PA NYID DU GZHAG PA NI CHA SHAS RNAMS NI MTHA' YAS PA'I PHYIR DNGOS PO THAMS CAD KYI BONG TSOD DANG LCI BA NYI DAG GI DBYE BA MED PAR 'GYUR RO ZHE NA, MA YIN TE, ZHIG PA'I MTHA'I YIN NA MTHA' YAS PA MI 'THAD DO, ,RAS BA LA LA SOGS PA TSIG PA LA SOGS PAS ZHIG NA CHA SHAS PA MA YIN NO, ,DE ZHIG PA LA YANG DE LTA BU'I RIGS GZHAN

, ,NI DE LTA BU'I RIGS GZHAN LAS BYUNG BA YIN PA'I PHYIR GONG BU MED PAS 'DU BYED KYI SDUG BSNGAL NYID KYIS YUL SUN PHYUNG BAS CHAGS PA MED PA NYE BAR LEN PA MA YIN PA'I SEMS NI SDUG BSNGAL MA LUS PA LAS GROL BAR 'GYUR BA YIN NO, ,GONG BU YOD KYANG SDUG BSNGAL GOMS PA DANG 'DZIN PAR BYED PA'I 'BAD PAS DBANG PO YUL LA SOGS PAS YID KYI BZUNG BA LAS NI MA YIN NO, ,'JIG PA'I RGYU YUL SUN MA PHYUNG NA THE TSOM MED PAR SDUG BSNGAL GYI 'DU SHES GOMS PA 'AM 'DZIN PA YANG YID NI DKA' BA BYED PA YIN NO, ,RIL POR 'DZIN PA NI 'DOD CHAGS KYI RGYU MA YIN TE, NAM MKHA' DANG RTZVA DANG RDO BA LA SOGS PA LA MA MTHONG BA'I PHYIR RO, ,DGOS PA GANG GI DBANG GIS DUM BUR BYAS PA ZHES BYA BA LA SOGS PAR CIS MI 'GYUR, DE'I TSE 'DOD PA CAN MED DO ZHE NA, DE LTA YIN NA GONG BUR BYE BRAG TU 'DZIN PA KHO NA RGYU YIN NO, ,RTOG PA YIN PA'I YUL NI RGYU MA YIN NO ZHE NA, BUD MED DANG SKYES PA 'DIS ZHES BYA BA NI RNAM RTOG YIN LA, DE YANG RIL POR 'DZIN PA KHO NA YIN NO, ,'DIS NI BZANG PO LA SOGS PAR 'DZIN PAR BSHAD PA YIN LA, CHAGS PAR BYA BA LA SOGS PA'I RNAM RTOG GI BAG CHAGS KYANG RIL PO'I BYE BRAG GI BAG CHAGS YIN NO, ,SDUG BSNGAL GYI RNAM PAR RTOG PA LA BDE BAR MNGON PAR 'DOD PA SDUG BSNGAL GOMS PA YIN PAR BSTAN PA ZHES BYA BAR YANG MI RIGS SO, ,BYA BA LA SBYOR BZHIN PA'I 'DOD CHAGS CAN NI BSNYEN BKUR DANG 'DOD PA LA SOGS PA'I SDUG BSNGAL KHO NAR RIG PA YIN YANG BDE BA'I RGYU NYID DU LEN PA YIN LA, DE LA NYE BAR STON PAR BYED NA DES BSAMS PA'I BDE BA LA SDUG BSNGAL DU STON PAR BYED PA YIN TE, GZHAN DU NA MI MTHUN PA'I PHYIR LA, DE LTA YIN NA NI DE MA YIN PA LA DE 'DI ZHES NYE BAR BSTAN PA YANG BRDZUN PAR 'GYUR RO, ,BRDZUN NI MA'I MING BZHIN DU YUL SUN PHYUNG BAS BYANG GROL DANG RJES SU MTHUN PA YIN PA'I PHYIR GZHAN NI MA YIN NO, ,DE LTA YIN NA DE SUN PHYUNG BA 'DRA BA'I YON TAN NI BYANG GROL DU RIGS PAS SAM, GZHAN DU YANG RJES SU GNANG BAR BYA BA YIN GYI GZHAN NI DES BYED PA TZAM GYIS GSAL BAR BYA BA MA YIN NO, ,DE'I PHYIR PHUNG PO TZAM 'DI NI 'KHOR BA CAN YIN LA, DES NA SDUG BSNGAL LO ZHES BSGOM PA BSTAN PA NI, LEGS PA YIN

TE; 'KHOR BA'I RTZA BA NAS 'DON PA YIN PA'I PHYIR, PHA ROL PO'I NI MA YIN NO, ,DE'I PHYIR YAN LAG DANG YAN LAG CAN DANG, YON TAN DANG YON TAN CAN DANG, SKAD CIG MA DRUG GNAS PA DANG, RTAG PA DANG, SPYI DANG, KHYAD PAR DANG, 'DU BA LA SOGS PA DGOS PA MED PA CAN DAM MA YIN PA'I RTOGS PAS SBYAR BA'I 'KHRUGS PA NI CI NI RJES SU GNANG BA THOB PA MA YIN NO, ,GNYID LOG PA NA 'DI YANG 'DI MTHONG NGO ZHES SPYAD PA NA MTSAMS SBYOR BAR BYED PA MA YIN NAM, 'DI NI BDAG MED PA CAN GYI PHUNG PO RNAMS LA 'THAD PA MA YIN NO, ,DE'I PHYIR GNYID DANG SAD PA'I DUS KYI RJES SU 'JUG PA YIN PAR RTOGS PA YIN NO, ,DE YANG SGRUB BYED KYI SHES PAS RTOGS PAR BYED PA MA YIN NAM, MTSAMS SBYOR BA'I SHES PA RNAMS KYANG SNGA MA'I SHES PA'I BAG CHAGS NI SHES PA PHYI MA LA MTSAMS SBYOR BAR BYED PA YIN NO, ,BSDUS PA CAN MAL CHA LA SOGS PA NI GZHAN GYI DON MTHONG BAR BYED PA YIN LA, LUS DANG DBANG PO LA SOGS PA YANG 'DUS PA CAN YIN PA'I PHYIR, GZHAN GYI DON BYED PA YIN NA 'DUS PA CAN MA YIN PAR 'GYUR TE, 'DUS PA CAN NYID YIN NA DE YANG GZHAN GYI DON BYED PA NYID YIN PA'I PHYIR THUG PA MED PA YIN ZHING SGRUB BYED MA YIN PAR 'GYUR BA'I PHYIR 'DUS PA CAN MA YIN PA NI BDAG YIN TE RNAM PAR DBYE BA MED PA'I PHYIR, 'JIG PA MA YIN PA DANG CHAGS PA LA YUL YIN PA'I DOR BYA MA YIN TE, DON DAM PA LAS BDE BA KHO NA YIN NO SNYAM DU SEMS PA LA BDE BA YANG DE LAS BZLOG PAS ZHES BYA BA STE, 'DU BYED PA DANG LDAN PA NI SHES PA SNGA MA DRAN PA KHO NA YIN NA, JI LTAR MTSAMS SBYOR BAR BYED PA MA YIN, SHES PA SNGA MA'I 'DU BYED PA DANG LDAN PA KHO NA LAS SHES PA PHYI MA ZHES MTSAMS SBYOR BAR BYED PA NI MA YIN TE, DE NYID DE'I NGO BO NYID DU THAL BA'I PHYIR RO, ,PHYI MA DE NYID DU 'DU BYED PA DANG LDAN PA'I PHYIR MTSAMS SBYOR BA'I RGYU MTSAN YIN NA, DA LTAR DE'I RGYU MTSAN GZHAN GYIS CI ZHIG BYA, 'DUS PA CAN RNAM PAR GZHAG PA MA YIN NA JI LTAR 'DUS PA CAN YIN ZHES DE YANG RTOG PA TZAM YIN TE, GANG GI PHYIR 'BRAS BU LA RGYU 'BRAS BU MA YIN PA NYID DU RTOGS PA MA YIN LA, DE YANG 'BRAS BU NYID KYIS RGYU GZHAN DU RTOGS PA YIN NA YANG THUG PA MED PA'I SKYON

, ,MA YIN ZHING; BDAG GO ZHES BYA BA NI LUS DANG DBANG PO DANG BLO'I RIG PA LAS THA DAD PA YANG MA YIN, BSTAN BCOS LA MI RTEN PA'I 'JIG RTEN PA'I NGES PA YUL YANG MA YIN NO, ,DE'I PHYIR 'DI NI LUS DANG DBANG PO LA SOGS PA'I 'DUS PA LA BDAG GO ZHES GOMS PA'I PHYIR NGES PAR BYED LA, 'DUS PA MA YIN PA GZHAN DMIGS PA LA SOGS PA'I YON TAN DANG LDAN PA MA LUS PA LA KHYAB PAR BYED PA LA DON DAM PA'I BDAG LA SOGS PA DMIGS PA MED BZHIN PA NI DE'I RTOGS PAS BDAG NYID JI LTAR 'KHRUL PAR BYED PAR 'GYUR, RLUNG LA SOGS PA'I SKYON LAS BYUNG BA'I RMONGS PA LA SOGS PA RNAMS KHO NA GOMS PA LAS GSAL BA TZAM YIN GYI RANG GI NGO BO NI MA YIN PA MA YIN NAM, RLUNG LA SOGS PA MED NA BONG BA LA SOGS PA LA RMONGS PA LA SOGS PA RNAMS MA YIN NO SNYAM DU SEMS PA NI, 'ON TE YANG 'DOD CHAGS LA SOGS PA GOMS PA LAS SKYES PA ZHES BYA BA'O, ,LUS DANG BDAG YONGS SU GYUR PA RNAMS SAM, GZHAN RNAMS KYI 'AM, 'BYUNG BA RNAMS KYI NI 'DOD CHAGS PA RNAMS YON TAN MA YIN PAR BSTAN ZIN NAS, DA NI RLUNG DANG MKHRIS PA DANG BAD KAN GYI BDAG NYID KYI KHYAD PAR YONGS SU GYUR PA'I LUS KYI RANG BZHIN 'DOD CHAGS LA SOGS PA'I RGYU RNAM PA GZHAN GYIS BKAG PA YIN PA'I PHYIR ZLOS PA MA YIN NO, ,DUS MIN SGRA DKAR SHE SER DANG, ,BLO GSAL RTUL MANG BLO 'KHRUL DANG, ,RMI LAM DU DU NI 'OD 'BAR MTHONG, ,MKHRIS PA'I RANG BZHIN CAN GYI MI'O, ,ZHES MKHRIS PA'I RANG BZHIN ZHE SDANG YIN PA NI 'KHRUL PA YIN PA STE, RLUNG LA SOGS PA'I RANG BZHIN CAN LA YANG YOD PA'I PHYIR RO ZHES LDOG PA MED PAR BSTAN PA NI, 'KHRUL PHYIR ZHES BYA BA'O, ,'BRAS BU MTHONG BA LAS RLUNG GI RANG BZHIN CAN LA MKHRIS PA'I RANG BZHIN YANG YOD PA'I PHYIR 'KHRUL PA MA YIN SNYAM DU SEMS PA NI RANG BZHIN 'DRES PA ZHES BYA BA'O, ,MKHRIS PA NI NGO BO GANG KHO NAS ZHE SDANG SKYED PAR BYED PA DE KHO NAS DUS MA YIN PA'I SKRA DKAR LA SOGS PA'I CHOS KYANG SKYED PAR BYED PA'I PHYIR TSOGS PA GCIG LAS BYUNG BA'I GZUGS LA RO BZHIN DU DE YANG 'GYUR BA ZHIG NA, MI 'GYUR TE, 'BRAS BU MED PA LAS KYANG MKHRIS PA'I RANG BZHIN NI ZHE SDANG GI TSOGS PA MA YIN PAR GO BA YIN PAR BSTAN PA NI, DE LAS GZHAN YANG ZHES BYA BA'O, ,DE NI ZHES

BYA BA NI 'BRAS BU'O, ,DE LA NI RGYU LA'O, ,'KHRUL PA ZHES BYA BA NI RLUNG LA SOGS PA'I CHOS MA YIN PA'O, ,THAL 'GYUR LAS LDOG PAR BSTAN PA NI, DE'I 'BRAS BU MED NA ZHI, ,ZHES BYA BA STE, RGYU ZHES BYA BA NI TSOGS PA'I'O, ,GZHAN ZHES BYA BA NI DUS MA YIN PA'I SKRA DKAR LA SOGS PA'O, ,'DIR ZHES BYA BA NI ZHE SDANG LAS DPAG PA'I MKHRIS PA LA'O, ,BDEN TE 'BRAS BU DUS MA YIN PA'I SKRA DKAR LA SOGS PA MED PA'I PHYIR MKHRIS PA'I RANG BZHIN MED PA YIN NO, ,DE LA ZHE SDANG NI DE MED KYANG 'BYUNG BA 'KHRUL PA CAN YIN PAR BSTAN PA LA, GAL TE 'BRAS BU DE ZHES BYA BA NI ZHI SDANG NGO, ,JI LTAR 'BRAS BU LAS ZHES BYA BA NI DE BZHIN DU BTAGS PA'I RGYU TSOGS PA NYID NI 'BRAS BU MA RTOGS PAR BSTAN PA NI, DE BZHIN DU 'BRAS BUS YANG RGYU NUS PA THOGS PA MED PA ZHES BYA BA'O, ,'BRAS BU LAS BAD KAN GYI RANG BZHIN CAN DU DPAG PA LAS 'BRAS BU ZHE SDANG MTHONG BA'I PHYIR, MKHRIS PA NI RANG BZHIN GZHAN DU BRTAG PAR MI NUS TE, THAL CHES PA'I PHYIR RO ZHES BSTAN PA NI, GAL TE MTHONG BA'I RGYU SPANGS NAS, ,ZHES BYA BA'O, ,RLUNG LA SOGS PA RNAMS KYANG JI LTAR YOD PA BZHIN DU 'DOD CHAGS LA SOGS PA'I RGYU MA YIN NO, ,YIN NA NI GANG KHO NA'I TSE 'DOD CHAGS YIN PA DE KHO NA'I TSE ZHE SDANG LA SOGS RNAMS SU 'GYUR RO,, DE BSTAN PA NI, THAMS CAD 'DOD CHAGS MTSUNGS PAR NI, ,THAL PHYIR KUN GYI CHOS MA YIN, ,ZHE SDANG LA SOGS PA'I DUS SU YANG DUS MTSUNGS PAR 'DOD CHAGS MTSUNGS PAR THAL BAR 'GYUR RO, ,DE BZHIN DU ZHES SDANG MTSUNGS PAR THAL BAR 'GYUR BA LA SOGS PAR BRJOD PAR BYA BA YIN NO, ,RGYU NI 'BRAS BU SKYE DPAR BYED PA DE NYID GZHAN YANG BYED PA'I PHYIR 'BRAS BU RNAMS LHAN CIG PAR 'GYUR BA 'AM, ,'DOD CHAGS LA SOGS PA YANG MTSUNGS PAR THAL BAR 'GYUR BA YIN TE, RGYU MTSUNGS PA'I PHYIR 'DOD CHAGS CAN DANG, 'DOD CHAGS SHAS CHE BA LA SOGS PAR MI 'GYUR RO ZHES BYA BA'O DON TO, ,'BYUNG BA TZAM GYI BSKYED BYA NYID YIN PA YANG DRI LA SOGS PA REG BYA'I MTHAR THUG PA NI SA'I NI DRI DANG REG BYA DAG GO, ,CHU'I NI RO DANG REG BYA DAG GO, ,ME'I NI GZUGS DANG REG BYA DAG GO, ,RLUNG GI NI REG BYA'O ZHES BYA BAR NGES PA MA YIN NAM, DKAR PO DANG SER PO LA SOGS PA'I NGES PA BZHIN DU 'AM, 'DOD CHAGS LA SOGS

, ,PA'I NGES PAR 'GYUR RO SNYAM DU SEMS PA NI, GZUGS SOGS BZHIN ZHES BYA BA'O, ,'BYUNG BA LA KHYAD PAR MED KYANG KHYAD PAR DANG LDAN PA'I GZUGS LA SOGS PA NI KHYAD PAR CAN GYI RGYU GZHAN DU RTOGS PAR BYED PAR BSTAN PA NI, DER YANG BRTZAD PA MTSUNGS PA YIN, ,ZHES BYA BA'O, ,DE KHAS MI LEN NA NI SKYON YIN NO, ,NUS MED RANG BZHIN MED PAS NA, ,ZHES BYA BA NI 'GRIB PA DANG PHUL DU BYUNG BA DAG KYANG KHYAD PAR DU BYED PA MA YIN TE, GANG GI PHYIR KHYAD PAR THAMS CAD KHO NA THAMS CAD LA 'BYUNG BA YIN ZHES BYA PA'I DON TO, ,KHYAD PAR GZHAN YOD PA'I PHYIR ZHES BYA BA NI SKYES BU RE RE LA RLUNG LA SOGS PA'I RANG BZHIN LAS 'BYUNG BA'I KHYAD PAR YOD PA'I PHYIR RO, ,THAMS CAD NI RLUNG LA SOGS PA'O, ,RGYU GANG GI YIN PA'I KHYAD PAR DE DE LHA BU YIN GYI SKYES BU THAMS CAD KYI NI THAMS CAD KYI CHOS MA YIN NO, ,THAMS CAD 'DOD CHAGS LA SOGS PA SHIN TU SHAS CHE BA DANG LDAN PAR 'GYUR BA ZHIG NA 'GYUR BA NI MA YIN NO, ,JI LTAR ZHES BYA BA NI 'DOD CHAGS SKYED PAR BYED PA'AM, GZHAN YANG RUNG BA'I KHYAD PAR RO, ,DE LA YANG ZHES BYA BA NI KHYAD PAR 'KHRUL PA NYID YIN TE, 'BRAS BU 'DOD CHAGS LA SOGS PA NI ZHE SDANG LA YOD PA'O, ,YANG DAG PAR NI BSTAN PA YIN, ,ZHES BYA BA NI BZHAD GAD YIN TE, YANG DAG PA MA YIN ZHES BYA BA'I DO TO, ,GTAN TSIGS GANG LAS ZHES BYA BA NI GO BYED LAS SO, ,THAMS CAD KYI CHOS ZHES BYA BA NI 'DOD CHAGS LA SOGS PA STE, THAMS CAD KYI RANG BZHIN YIN NA DE LA YOD PA'I KHYAD PAR YANG THAMS CAD KYI RANG BZHIN KHO NAR 'GYUR TE, 'KHRUL PAR MTSUNGS PA'I PHYIR RO, ,GAL TE RLUNG LA SOGS PA GANG YANG RUNG RGYU NYID YIN YANG THAMS CAD 'DOD CHAGS LA SOGS PA THAMS CAD DANG LDAN PA MA YIN TE, THAMS CAD DU NGES PA MTHONG BA LAS RJES SU DPAG PA'I NGES PA'I KHYAD PAR LHAN CIG BYED PA'I PHYIR RO SNYAM DU SEMS PA NI, 'ON TE 'BRAS BU'I KHYAD PAR GYIS, ,ZHES BYA BA'O, ,DE LTA YIN NA LHAN CIG BYED PA'I KHYAD PAR DE NGES PA'I RGYU GOMS PA YIN TE, DE'I DBYE BAS 'DOD CHAGS LA SOGS PA'I BYE BA MTHONG BA'I PHYIR, RTOG PA GZHAN YIN NA DU BA YANG ME'I RGYU CAN DU MI 'GRUB PAR BSTAN NI, ME MA MTHONG BA'I DU BA GANG ZHES BYA BA'O, ,ME DANG LDAN PA'I YUL NI ME'I YUL TE DE LA'O, ,GZHAN LAS ZHES BYA BA NI ME DANG BRAL BA'O, ,RGYU'I KHYAD PAR

GYIS KHYAD PAR DU BYED PA NYID KYIS 'BRAS BU NYID LA KHYAB PAR BYED PA YIN NO, ,BAD KAN GYI KHYAD PAR LA YANG KHYAD PAR CAN DU MI 'GYUR BA'I 'DOD CHAGS NI KHYAD PAR BYED PA MED PA'I PHYIR MI 'BYUG BAR BSTAN PA NI, KHYAD PAR DANG BRAL BAS ZHES BYA BA'O, ,MKHRIS PA'I KHYAD PAR YIN NA ZHES SDANG GI KHYAD PAR MTHONG BA'I PHYIR; KHYAB PAR BYED PA MED PAR MA GRUB PA YIN ZHES ZER BA NI, MA GRUB PA NYID CES BYA BA'O, ,MA YIN ZHES BYA BA NI MA GRUB PA NYID DGAG PA'O, ,CI LAS SHE NA, 'GYUR BA YIS ZHES BYA BA NI KHYAD PAR GYIS SO, ,THAMS CAD NI RLUNG LA SOGS PA RNAMS KYI'O, ,'GYUR BA YIS ZHES BYA BA NI ZHE SDANG GI ZHES BYA BAR SBYAR RO, ,THAMS CAD KYI 'GYUR BAS 'GYUR BA CAN NI GANG KHO NA'I YANG MA YIN NO, ,THAMS CAD KYI 'BRAS BU NYID KYANG KUN GYI CHOS MA YIN ZHES BYA BAR BKAG PAR BSTAN PA NI, KUN LAS SKYE BA'ANG ZHES BSTAN PA'O, ,GAL TE YANG RGYU LA KHYAD PAR YOD KYANG 'BRAS BU KHYAD PAR CAN DU MI 'GYUR TE, DE LTA NA YANG RANG GI BOS 'GRUB STE, 'DI ME DPAR MI 'THAD PA KHO NA YIN PAR BSTAN PA NI, RGYU NI ZHES BYA BA STE, SLAR YANG 'PHEL BA KHO NAS MKHRIS PA 'PHEL BA LA TZA BA LA SOGS PA 'PHEN BA LTA BU'O ZHES BSTAN PA NI TSA BA LA SOGS PA BZHIN ZHES BSTAN PA'O, ,BCUD KYIS LEN PA LA SOGS PAS CHAGS PA 'PHEL BA LA DGOS PA DAG GIS BAD KAN 'PHEN NA 'DOD CHAGS 'PHEN BA MA YIN NAM, DE'I TSE BDE BA'I KHYAD PAR 'BYUNG BAS RANG GI BAG CHAGS YONGS SU SMIN PA LAS BYUNG BA YIN PAR BSTAN NI, CHAGS SOGS ZHES BYA BA'O, ,RGYU GZHAN YOD NA YANG ZHES BYA BA NI BAD KAN YOD NA YANG NGO, ,'BRAS PU GZHAN NI ZHE SDANG MTHONG BA YIN LA, DE NI ZHES BYA BA NI 'BRAS BU GZHAN TE, MA MTHONG BA'I KHYAD PAR NI RGYU LA YOD PA'O, ,KHYAD PAR GZHAN NI DER ZHES BYA BA STE, RGYU LA'O, ,DE'I 'BRAS BU GZHAN ZHES BYA BA DANG SBYAR RO, ,JI LTAR 'DOD CHAGS KYI RANG BZHIN LAS ZHE SDANG GI RGYU GZHAN DANG LDAN PA YIN PA'I PHYIR; KHYAD PAR GZHAN DU RTOGS PA DE BZHIN DU 'DOD CHAGS KYI KHYAD PAR YANG DE LAS GZHAN PA'I KHYAD PAR GYI RGYU CAN YIN SNYAM DU SEMS PA NI, DER YANG DE LAS GZHAN PA'I ZHES BYA BA'O, ,KHYAD PAR DE ZHES BYA BA NI 'DOD CHAGS KYI RANG BZHIN LA YOD PA'O, ,SNANG BA ZHES BYA BA NI SNANG BA'I KHYAD PAR GYI BSKYED

, ,BYA'O; ,MA MTHONG BA'I KHYAD PAR RGYU GANG GIS YIN PA DE'I MA MTHONG BA'I KHYAD PAR NYID DO, ,THAL 'GYUR DANG DE LAS BZLOG PA DAG BDE BA'I KHYAD PAR LAS ZHES BYA BA'O, ,'DOD CHAGS KYI RANG BZHIN GYI KHYAD PAR YIN NA 'DOD CHAGS KYI KHYAD PAR LA KHYAD PAR GZHAN MED PA'I PHYIR RO, , MA YIN DU ZIN KYANG RANG GI NGO BO JI LTAR MI 'GYUR, GAL TE KHYAD PAR ZHES BYA BA'O, ,'GRIB PA ZHES BYA BA NI MED PA'O, ,GANG GI PHYIR ZHES BYA BA LA SOGS PAS THUN MONG GI RIGS PAS BSTAN PA YIN NO, ,DE LTAR RGYU NI 'PHEL PAR GYUR PA NA ZHES BYA BA DANG, SKYON RNAMS YOD NA YANG ZHES BYA BA'I 'DIS ZLOS PA MA YIN ZHING; RNAM PAR 'GREL PA NYID KYANG MA YIN ZHES BYA BA'I DON TO, ,BAD KAN GYI KHYAD PAR YIN PA YANG KHYAD PAR MED PA LAS SAM, MED PA LAS RGYU 'DOD CHAGS KYI 'BRAS BU NYID MA YIN TE, KHYAB PAR BYED PA MED PA'I PHYIR MI RIGS TE, KHAMS MNYAM PA LAS BYUNG BA BDE BA LHAN CIG BYED PA NI RGYU NYID DU KHAS BLANGS PA'I PHYIR RO, ,DE DANG LDAN CIG PA'I BAD KAN MI 'DOD CHAGS LA 'KHRUL PA MA YIN NO SNYAM DU SEMS PA NI, GAL TE BAD KAN 'PHEN NA ZHES BYA BA'O, ,GZHAN GYIS GEGS BYAS NAS ZHES BYA BA NI, LHAN CIG BYED PA MA TSANG NA'O, ,CHA MNYAM LAS ZHES BYA BA NI MNYAM PA LAS BYUNG BA'I LHAN CIG PA'I BDE BA LAS SO, ,BDE BA YANG RANG SKYES PA TZAM GYIS SKYED BYED MA YIN GYI, 'ON KYANG KHU BA 'PHEL BA'I RIM GYIS YIN PAR BSTAN PA NI, KHU BA 'PHEL ZHES BYA BA STE, DE LAS NI 'DOD CHAGS SO, ,KHYAD PAR YOD NA YANG ZHES BYA BAS BAD KAN NI 'DOD CHAGS LA 'KHRUL PAR BSTAN NAS, THUN MONG BA BRJOD PA NI, CHA MI MNYAM PA LA'ANG ZHES BYA BA STE, DE MED KYANG YOD PA YIN NO, ,GZHAN NI ZHES BYA BA NI YON NA 'ANG MED PA'O, ,GZHAN NI MI TSANG BA BSGOM PA LA MNGON PAR DGA' BA'O, ,ZAD NAS ZHES BYA BA NI ZHU BA'O, ,DE MED KYANG YOD PA'I PHYIR LDOG PA MED PA YIN NO, ,RJES SU 'GRO BA MED PAR BSTAN PAR 'DOD NAS RANG GI NGO BO BSTAN PA NI, BUD MED GCIG LA ZHES BYA BA'O, ,DE MED PA BSTAN PA NI, DE GCIG LA ZHES BYA BA'O, ,BU BA 'BA' ZHIG RGYU MA YIN TE, GANG GIS THAMS CAD DU 'DOD CHAGS YIN PA'I PHYIR RJES SU 'GRO BA 'GYUR RO, ,'ON KYANG GZUGS DANG SPYOD TSUL LA SOGS PA'I LHAN CIG BYED PA YIN LA, BUD MED GCIG LA RJES SU 'GRO BA

NGES PA KHO NA MA YIN NO SNYAM DU SEMS PA NI, GAL TE GZUGS SOGS KYANG YAN LAG, ,NGES PA MED PAR ZHES BYA BA NI GZUGS LA SOGS PA YANG 'DOD CHAGS LA 'KHRUL PA YIN PA'I PHYIR RJES SU 'GRO BA MED PA YIN NO, ,GZUGS LA SOGS PA MED KYANG KHU BA YOD NA YOD PA'I PHYIR LDOG PA ME DPAR BSTAN PA NI, NGES PA MED PAR 'BYUNG BA 'ANG MIN, ,ZHES BYA BA'O, ,GZUGS LA SOGS PA'I LHAN CIG BYED PA'I KHU BA NI 'DOD CHAGS LA SOGS PA MED PAR BSTAN PAS RJES SU 'GRO BA LA SOGS PA MED PA KHO NAR BSTAN PAR BYED PA NI, YON TAN MA BZUNG ZHES BYA BA STE, MI GTZANG BA BSGOM PA LA SOGS PAS MI GTZANG BA LA SOGS PAR 'DZIN PA YIN NO, ,GZUGS LA SOGS PA TZAM 'DZIN PA NI LHAN CIG BYED PA MA YIN TE, 'ON KYANG GTZANG BA LA SOGS PAR 'DZIN PA YIN PAR BSTAN PA NI, DE'ANG YAN LAG YIN NA ZHES BYA BA'O, ,YON TAN 'DZIN PA NI MI GTZANG BA LA SOGS PA BSGOM PA MED PA'I PHYIR BAG CHAGS GZHAN YOD PA YIN NO, ,DE NYID RE ZHIG TAN 'DZIN PA'I LHAN CIG BYED PA CI LAS YIN ZHE NA, GZUGS LA SOGS PA'I LHAN CIG BYED PA THAMS CAD NI MI GTZANG BA BSGOM PA LDAN PA YANG CIG SHOS BZHIN DU DE DANG LDAN PAR 'GYUR BA'I PHYIR DE YANG 'DOD CHAGS CAN DU 'GYUR RO, ,CI LAS YIN ZHE NA, RGYU LAS TE 'DOD CHAGS KYI RGYU MI GTZANG BAR MTHONG BA LAS BZLOG PA BZHIN DU KHYAD PAR MED PA LAS SO, ,SO SOR NGES PA'I RANG GI RGYU LAS BYUNG BA'I YON TAN 'DZIN PA'I BAG CHAGS NI 'DZIN RTEN PHA ROL 'GRUB PA'I 'JIGS PAS KHAS MI LEN PA'I PHYIR RO, ,'DIS YON TAN MI 'DZIN PA YANG YON TAN 'DZIN PAR 'GYUR RO ZHES BA'I THAL 'GYUR RO ZHES BYA'I THAL 'GYUR 'DI NYID BSTAN PAR BYAS NAS, DA NI GRANG BA DANG DRO BA'I REG PA BZHIN DU 'GAL BA DAG NI 'DOD CHAGS DANG ZHE SDANG DAG GAM, BDE BA DANG SDUG BSNGAL DAG LA MTSUNGS PA'I TSOGS PA'I BSKYED BYA NYID DU MI RIGS PAS BAD KAN GYI RANG BZHIN LA 'DOD CHAGS YIN PA BZHIN DU ZHE SDANG YANG YIN PAR BSTAN PA NI, GNAS SKABS GANG ZHES BYA BA'O, ,'BRAS BU BZHIN DU DE'I RANG BZHIN DAG KYANG 'GAL BA KHO NA YIN LA 'GAL BA MA YIN NA, 'BRAS BU LA YANG DER MI 'GYUR BAR BSTAN PA NI, DE GNYIS ZHES BYA BA'O, ,'DOD CHAGS LA SOGS PA RNAMS BAD KAN LA

, ,SOGS PA'I RANG BZHIN LAS NGES PA MA YIN NA GANG GIS 'GAL BA ME DPAR 'GYUR ZHES BSTAN PA NI, 'DI LA NGES PA ZHES BYA BA'O, ,DE 'DI RNAM 'GREL GYI RNAM PAR DBYE BA'I KHYAD PAR NI 'GREL PAR YANG SBYAR BAR BYA BA YIN NO, ,GZUGS LA SOGS PA YANG KHU BA BZHIN DU NUS PA CAN YIN NO ZHES ZER BA NI, KHYAD PAR CAN GZUGS ZHAGS PA YIS, ,ZHES BYA BA STE, 'DOD PA YIN ZHES BYA BA DANG SBYAR RO, ,GZUGS NI SKYED BYED MA YIN ZHES BYA BAR BLTA BAR BYA'O, ,THAMS CAD RGYU MA YIN ZHES BYA BA NI GZUGS LA SOGS PA NI YOD PA JI LTA BA BZHIN DU RGYU NYID YIN BA BKAG PA YIN NO; ,RGYU NGES PA MED PA NYID CES BYA BA NI LDOG PA CAN MA YIN NA'O, ,GZUGS LA SOGS PA'I YON TAN 'KHRUL PA NYID YIN PAR BSTAN PA NI, GCIG LA NGES PA ZHES BYA BA STE, GZUGS DANG 'DOD CHAGS DANG LDAN PA LA YANG NGO, ,YUL MED PAR NI YUL MED NA'O ZHES BYA BA 'DIR MTSAMS BCAD DO, , 'ON TE MI 'BYUNG NA KHO NA ZHES RANG BZHIN NGES PA YIN NA RANG BZHIN GCIG NYID LA YANG CIG CAR 'BRAS BU MI 'BYUNG NGO SNYAM DU SEMS PA NI, 'ON TE MKHRIS PA YIS ZHES BYA BA'O, ,ME ZHES BYA BA NI PHYIR ROL GYI ME'O, ,CHAGS SOGS LA NI ZHES BYA BA NI PHYIR ROL LA LTOS PA MA YIN NO ZHES BYA BA'I DON TE, ,DE BZHIN RLUNG LA SOGS PA DANG GZUGS LA SOGS PA NI 'DOD CHAGS LA SOGS PA LA NGES PAR BYED PA MA YIN NA NGES PAR BYED PA GZHAN DU RTOGS PA NA MTHONG BA'I PHYIR NANG GI NI RANG GI RGYUD LA BYUNG BA YIN LA , DE YANG RANG LA PHAN 'DOGS PAS BYED PA'I BAG CHAGS GANG YIN PA DE NI PHAN 'DOGS PA'I BAG CHAGS SO, ,BAG CHAGS DANG 'BREL PA LAS TE SAD PA LAS SO, ,NGES PA LAS BZLOG PA NI MA NGES PA STE, 'DOD CHAGS LA SOGS PA'I'O, ,DE BZHIN DU GNOD PA BYED PA'I BAG CHAGS LA YANG BRJOD PAR BYA'O ZHES BSTAN PA NI, 'ON TE NANG GI ZHES BYA BA STE, BAG CHAGS NYID CES BYA BA NI PHAN 'DOGS PA'I BAG CHAGS NYID DO; ,BAG CHAGS KYI KHYAD PAR GYI RGYU YANG GZUGS SOGS PA SAD PAR BYED LA LTOS PA YIN PA'I PHYIR MA NGES PA MA YIN NAM SNYAN DU SEMS PA NI, 'ON TE YANG GANG ZHIG CES BYA BA'O, ,'DOD CHAGS LA SOGS PA LA NGES PA MED PA 'DI YANG RNAM PA 'GA' ZHIG CES BYA BA NI RTUL PO DANG 'BRING PO LA SOGS

PA'I DBYE BAS SO, ,'GA' ZHIG GI TSE ZHES BYA BA NI LANG TSO LA SOGS PA'I DUS KYI NGES PA SO, ,'GA' ZHIG GI ZHES BYA BA NI PHYI ROL GYI GZUGS LA SOGS PA'AM, NANG GI SEMS LA SOGS PA MA MTSON PA KHYAD PAR 'BRAS BU'I NGES PA GCIG PU LA NGES PAS SO, ,GZUGS LA SOGS PA LA LTOS PA MED PA'I PHYIR ZHES BYA BA 'DI NI NGES PAR LDOG PA MED PAS ZHES BYA BA LA LTOS PA YIN NO, ,DE BZHIN DU 'BYUNG BA LA YONGS SU GYUR PA NI BAD KAN DANG RLUNG LA SOGS PA 'DOD CHAGS LA SOGS PA'I RANG BZHIN BSAL NAS GZHAN GYIS KHAS BLANGS PA'I 'BYUNG PA NYID BSAL PAR BYED PA NI RLUNG LA SOGS PA'I CHOS 'DOD CHAGS MA YIN MO CES BYA BA STE, 'DIS NI ZHES BYA BA NI RLUNG LA SOGS PA RJES SU BYED PA MA YIN PAS BAG CHAGS KYIR RJES SU BYED PAS SO, ,BLO NI LUS LA BRTEN PA'I PHYIR, GOMS PAS GRUB PA MED CE NA, ,ZHES BYA BA LA SOGS PAS BKAG PA YANG GZHAN LOG PAR RTOGS PA SRID PA 'GEGS PAR 'GYUR BA YIN LA, DE MTHONG BA YANG YIN PAR BSTAN PA NI, 'DI DAG NI ZHES BYA BA'O, ,GZUGS LA SOGS PA 'BYUNG BA DAG LAS THA DAD PAR KHAS BLANGS PAS ZHAS BYA BA NI BRTEN PA NYID THA DAD PAS BYIN GYIS BRLABS PA'I PHYIR ZHES BYA BA'I DON TO, ,'BYUNG BA DANG GZUGS LA SOGS PA DAG GI RTEN DANG BRTEN BKAG PAS KHAS BLANGS PA DANG 'GAL BA YANG ME DPAR BSTAN PA NI, DE RTEN ZHES BYA BA STE, RGYU'I DON GYI RTEN GYI SGRA YIN PAS RTEN DANG BRTEN PA NYID MA YIN STE, DUS THA DAD PA'I PHYIR RO, ,GRUB PA'I NGO BO LA DE NUS PA MED PA'I PHYIR, LHAN CIG PAR GRUB KYANG DGOS PA MED PA YIN TE, LHAN CIG PA'I DON LA LTOS PA MED PA'I DON YIN PA'I PHYIR RO, ,'BYUNG BA'I NGO BO NI RANG BYUNG BA'I DON DU LTOS PA YIN NA JI SRID DU YOD PA LA LTOS PA DE NYID 'DI SNGA NA MED PA YIN JI SRED LHAN CIG GNAS PA DE SRID DU LTOS PA MED PAR BSTAN NI, RANG GI RKYEN DAG DANG ZHES BYA BA STE, DBYER MED PA NI GNAS PA'I PHYIR NI LHAN CIG GNAS PA'I PHYIR, 'DI KHO NA RGYU'I DON DANG RKYEN GYI DON DAG LA DUS THA DAD PA DANG THA MI DAD PA'I YUL NYID KHO NA GSAL BAR BYED PA NI, RGYU NI 'BRAS DANG LHAN CIG TU, ,ZHES BYA BA'O, ,'DI PHAN TSUN MED NA MI 'BYUNG BA NI DBYER BA NI DBYER MED PAR GNAS PA YIN ZHES BSHAD PA NI, GAL TE GZUGS SOGS ZHES BYA BA'O, ,'DI RTEN KYANG NI BRTEN PA'I RTEN

, ,YIN NO, ,BRTEN PA LA LTOS PA'I NGO BO NI BRTEN PA MED NA MED PA KHO NA YIN NO, ,MI 'JIG PA NI BRTEN PA DANG BRAL BAR GNAS NA'O, ,SNGAR YANG ZHES BYA BA NI BRTEN PA YIN PAR MNGON PAR 'DOD PA'I DUS NAS YANG NGO, ,DE NYID 'DI'O ZHES NGO ZHES PA LAS NI RTEN NYID MA YIN TE, 'BREL PA MED PA'I PHYIR RO, ,DBYE BA MED PAR GNAS PA'I KHYAD PAR LAS RTEN KHYAB BYA YIN PAR NI MI RIGS SO, ,DBYER MED PA MED KYANG TSANG DANG MYOS PA'I NUS PA DAG RTEN LA SOGS PA YIN PA'I PHYIR RO ZHES ZER BA NI, GAL TE MYOS SOGS NUS PA BZHIN, ,ZHES BYA BA'O, ,LAN NI, DNGOS PO LAS ZHES BYA BA STE, JI LTAR 'DI DAG DBYER MED PA MA YIN PA DE KHO NA BZHIN DU RTEN LA SOGS PA NYID KYANG YIN TE, THA MI DAD PA'I PHYIR RO, ,DE'I PHYIR KHYAB PAR BYA BA NYID NYAMS PA MA YIN ZHES BYA BA'I DON TO, ,THA DAD KYANG BRTEN PAS BYAS PAS NGO BO BRTEN PA ZHIG NA 'JIG PA YIN PAR BSTAN PA NI, RTEN TSANG PAR GNAS NA BRTEN PA ZHES BYA BA'O, ,'DOD CHAGS LA SOGS PA YANG LUS LAS THA MI DAD PA'I PHYIR LUS NYID ZHIG NA 'JIG PA MA YIN NAM, DE'I PHYIR RTEN DANG BRTEN PA'I DE MA YIN ZHING, DBYER MED PAR GNAS PA NYID KYANG MA YIN NO, ,THA DAD PA YIN YANG RTEN GNAS NA BRTEN PA 'JIG PA MA YIN TE, DE 'JIG NA DES BYAS PA'I RTEN NYID KYANG 'JIG PA'I PHYIR RO,, DES NA 'DOD CHAGS DANG LUS LA SOGS PA RTEN LA SOGS PA NYID DANG BYE BA MED PA YIN NO SNYAM DU SEMS PA NI, DE MED MTSUNGS ZHES BYA BA'O, ,THA MI DAD PA LAS KHYAB PA NYAMS PA MA YIN NO ZHES BYA BA NI MI RIGS TE, 'DOD CHAGS DANG LUS DAG THA MI DAD PA'I PHYIR RO, ,THA DAD NA YANG BRTEN PA ZHIG PAS RTEN NYID 'JIG PA'I PHYIR, RTEN LA SOGS PA NYID LA GNOD PA MED DO ZHES BYA BA 'DI LA THA DAD PA NI RTEN DANG BRAL BA'O, ,SNANG BA NI NYAMS SU MYONG BA YIN LA DE RTOGS PAS RO DANG GZUGS BZHIN DU GNYI GA LHAN CIG RIG PA YIN YANG RTEN DANG BRTEN PA NYID NI MA YIN NO, ,RTEN LA SOGS PA NYID DBYER MED PAS KHYAB PA YIN ZHES ZER BA NI, 'BRU'I CHANG DANG BCOS PA'I CHANG LA SOGS PA ZHES BYA BAR RO, ,RANG GI NGO BO NI ME'I RANG GI NGO BO'O, ,GZHAN LA NI SNGAGS LA SOGS PA DANG BRAL BA LA STE, NUS PA GZHAN GYIS SREG PA'I PHYIR RO ZHES BYA BA'I DON TO, ,DES ZHES BYA BA NI NUS PA GZHAN DANG LDAN PA'I NGO BO'O, ,NUS PA BKAG

PA LA YANG NI NUS PA GCIG NYID RANG GI NGO BO BZHIN DU'O ZHES BYA BA'I BSAM PAS RGOL BA'O, ,NUS PA GCIG YIN DU CHUG KYANG SNGAGS LA SOGS PAS GEGS BYAS PA MA YIN TE, DE LTA YOD KYI PHYIR ROL GYI SKYES BUS BSREG BYA MA YIN PA'I NGO BO GZHAN DU BYED PA YIN NO, ,DE'I PHYIR DE DANG BRAL BA LA SREG PA YIN NO ZHES ZER BA NI, BSREG BYA ZHES BYA BA STE, GZHAN NYID DU NI BSREG BYA MA YIN PA NYID DU'O, ,GZHAN GYI ZHES BYA BAS GNAS SKABS PA'I BSREG BYA NYID LA LTOS NAS BSREG BYA NYID BSTAN PA YIN NO, ,GZHAN DU NI SNGAGS DANG BRAL BA LA SOGS PA'O, ,GANG LAS BYUNG ZHES BYA BA NI, RGYU LAS SAM TSAD MA LAS SO, ,'DI SREG PAR BYED NA DE RNAMS MED KYANG BYED PA YOD PA'I PHYIR, DON GYIS GO BA NYAMS PAR 'GYUR BAR BSTAN PA NI, DE DAG GIS ZHES BYA BA'O, ,GAL TE GCIG NGO BO RGYU YIN NA 'BRAS BU YANG GCIG GI NGO BOR 'GYUR TE, RGYU'I NGO BOR BYE BRAG MED PA'I PHYIR SA BON DANG MYU GU LTA BU'O, ,DU MA'I NGO BO YANG YUL THA DAD PA'I MAR KHU DANG SDONG BU LA SOGS PA ZAD PA'I 'OD 'PHROS PA NI RANG GI RGYU DANG RANG GI SHES PA DAG GI RGYU ZHES BYA BA LA SOGS PA YIN LA, DE'I PHYIR DON GYI SHUGS KYIS RANG GI NGO BO MED NA DON GYI SHUGS KYIS NUS PA'I DBYE BAR RNAM PAR GNAS PA ZHES RTZOD PA BYED PA NI, DNGOS 'DI LTOS YOD MIN TE, ,ZHES BYA BA'O, ,ME LAS ZHES BYA BA LA SOGS PAS 'BRAS BU DU MAR BSTAN PA YIN NO, ,NUS PA DU PA DU NI LA TSAD MA BRJOD NAS, KHAS MI LEN PA'I SKYON BRJOD PA NI, RANG BZHIN GCIG PU ZHES BYA BA'O, ,YOD PA NI SNGAGS LA SOGS PA DANG BRAL BA LA'O, ,MED CES BYA BA NI MI SRID PA STE, DE DANG LDAN PAR TE GNYIS MA YIN TE, DUS GCIG PA LA GNOD PA YIN NO ZHES BYA BA'I DON TO, ,DE LA SNGAGS DANG BRAL BA LA ME NI SREG PAR BYED PA NYID DU YOD PA YIN GYI DE DANG LNGA PA LA YOD PA MA YIN TE, 'GAL BA'I PHYIR RO ZHES ZER BA BA NI, YOD NA THAMS CAD CES BYA BA NI THAMS CAD SNGAGS LA SOGS PA DANG LDAN PA YIN YANG BSREG BYA NYID YIN NO, ,LAN NI, JI LTAR NUS PA SNA TSOGS 'DI, ,ZHES BYA BA STE, YUL THA DAD PA'I 'BRAS BU DU MA MTHONG BA LAS NUS PA SNA TSOGS PAR RTOGS PA NI DE MED NA NUS PA DU MA DANG LDAN PA YOD KYANG NUS PA SNA TSOGS PA DANG LDAN PAR MNGON PAR 'DOD PA YIN YANG 'BYUNG BA MA YIN NO, ,DE LTA BU'I NUS PA DANG BRAL BA LAS DE LTAR NUS PA BZHIN DU 'BRAS BU LA

, ,RNAMS KHO NA SNA TSOGS PA'I NGO BO RNAMS SU 'BYUNG BA'I DON TO, ,'BRU SNA TSOGS PA NYID MTHONG BA NI RANG BZHIN MED PA TZAM GYIS 'BYUNG NA NUS PA SNA TSOGS PA NYID LA GZHAN DU GRUB PA YIN PAR BSTAN PA NI, GAL TE 'BRAS BU SNA TSOGS PA NI MTHONG BAS ZHES BYA BA'O, ,SREG BYED NYID YOD PA DANG MED PAR 'GAL BA LAN DU BSTAN PA NI, GANG GIS SNGAGS SOGS ZHES BYA BA STE, RANG GI RGYUD LAS SKYES PA'I ME NI SA BON BZHIN DU YOD PA DANG MED PA'I LHAN CIG BYED PA CAN GYI RGYU LAS RNAM PAR DBYE BA'I 'BRAS BU BYED PAR 'GYUR ZHES BYA BAR SBYAR RO, ,SNGAGS LA SOGS PAS BSREG BYAR BYED PA YIN PAR BSTAN PA NI, BSREG BYA'I RDZAS ZHES BYA BA STE, GZHAN GYIS ZHES BYA BA NI NGO BOS SO, ,DE NI ZHES BYA BA NI BSREG BYA'I NGO BO'O, ,DE NI ZHES BYA BA NI CHANG DANG MYOS PA'I NUS PA'I DPE'O, ,SKABS KYI ZHES BYA BA NI DBYER MED PA NYID MED KYANG RTEN LA SOGS PA NYID KYI'O, ,NUS PA LTAR 'BYUNG BA DANG THA MI DAD PA ZHES BYA BA 'DI'I DE MA THAG TU RTEN DANG BRTEN PA GNYIS ZHES BLTA BAR BYA'O, ,DE NYID CES BYA BA NI GNYIS PO 'DI MED PA RNAMS LA THA DAD PA MED PA MA YIN NO, ,SNANG BA'I RNAM PA THA DAD PA'I PHYIR RTEN DANG BRTEN PA NYID MA YIN NO, ,DE NYID KYIS NI SNANG BA THA DAD PA LAS THA DAD PA YIN PA'I PHYIR NI THA DAD PA'I PHYIR TE, BAR MTSAMS NA GNAS PAS RTEN MED PA LA SOGS PAR SNANG BA'I PHYIR RO ZHES BSTAN PA NI, SNANG BA THA DAD PA ZHES BYA BA'O, ,'DI LA KHA CIG NA RE YUL RNAMS 'DI LA SNANG BA'I PHYIR SNANG BA NI DBANG PO YIN LA, DE THA DAD PA YANG YIN LA SNANG BA YANG YIN PA DES RTOGS PA'I THA DAD PA YIN TE, DBANG PO THA DAD PA'I PHYIR RO, ,DA BZHIN DU GZHAN DAG NA RE SNANG BA THA DAD PA SKYES BU GANG GI YIN PA DES RTOGS PA'I PHYIR, RANG DANG GZHAN GYI BDAG NYID CAN GYI MNGON SUM PA NI LUS YIN LA, SEMS PA NI RANG GI MNGON SUM KHO NA YIN NO, ,'DI GNYIS KA YANG SNANG BA THA DAD PA MA YIN NA, THA DAD PAR SGRUB PAR BYED PA MA YIN LA, DE YOD NA DE NYID THA DAD PA'I SGRUB BYED NYID YIN GYI DBANG PO DANG SKYES BU DAG NI MA YIN NO ZHES BYA BA DE BSAL BA NI, DBANG PO THA DAD PA ZHES BYA BA'O, ,SNANG BA'I RANG BZHIN ZHES BYA BA NI RTOGS PA MED PA'O, ,LUS DANG SEMS PA DANG THA MI DAD PAS RTEN LA SOGS PA DANG DE LAS BZLOG PA'I SO SOR SNANG BA BSTAN PA NI, DER YANG SNANG BA NI THA DAD DO ZHES BYA BA'O, ,THA DAD PA MA YIN NO SNYAM

SEMS PA NI 'ON TE BDE BA LA SOGS PA NI NANG GI REG BYA ZHES BYA BA'O, ,PHYI ROL RIG PA MA YIN YANG THA DAD PA LAS BZLOG PA MA YIN PAR BSTAN PA NI, GANG ZHIG GANG NA ZHES BYA BA STE, PHYI ROL GYI SHING BZHIN DU RIG PA MA YIN PA NI, GZHAN GYIS ZHES BYA BAR SBYAR BAR BYA'O, ,GZHAN GYIS ZHES BYA BA NI SHES PAS SO, ,GZHAN GYIS CI PHYIR ZHES BYA BA NI SKYES BUS SO, ,GNYIS PO PHAN TSUN REG PA NI 'KHYUD PA NA'O, ,GNYI GAS KYANG NI ZHES BYA BA NI REG BYA DAG STE GZHAN LA GNAS PA GZHAN GYIS RIG PA BZHIN DU RANG LA YANG GNAS PAR RIG PAR 'GYUR RO ZHES BYA BA'I DON TO, ,BDAG GI RANG BZHIN NI BDAG GI REG PA'I NGO BO'O, ,DE LTA YIN NA ZHES BYA BA NI GZHAN LA YOD PA DANG, RANG LA YOD PA GNYIS KYIS CIG CAR KHO NAR RTOGS PAR 'GYUR RO ZHES BYA BA'I DON TO, ,RNAM PA THAMS CAD CES BYA BA RNAM PA GZHAN KHO NA CHA SHAS MED PA NYID KYIS MED PA'I PHYIR RO, ,DU MA ZHES BYA BA NI CHA SHAS DANG BCAS PA'O, , RANG NYID CES BYA BA NI RANG RIG PA RNAMS KYI BDE BA'I RDUL PHRA RAB RNAMS KYI'O, ,GCIG NYID CES BYA BA NI RDUL PHRA RAB PO, ,RDUL PHRA RAB RE RE NAS RIG PA MED PA'I PHYIR RDUL PHRA RAB DE RNAMS KYI 'BYAR BA YANG DBYE BAS RTOGS PAR 'GYUR RO ZHES BSTAN PA NI, YOD KYANG ZHES BYA BA NI 'BYAR BA ZHES BYA BA DANG SBYAR RO, , 'BYAR BAS ZHES BYA BA NI RDUL PHRA RAB RNAMS REG PA'O, ,DE DAG GI ZHES BYA BA NI RDUL PHRA RAB RNAMS KYI RANG GI NGO BO THA DAD PAR RTOGS PA MA YIN NO, ,'BYUNG BA DAG LAS TE MA RTOGS PA'I RDUL PHRA RAB RNAMS LAS SEMS PA THA DAD PAR RTOGS PA YIN TE, RTOGS PA DANG MA RTOGS PA THA DAD PA'I PHYIR RO, , GZHAN GYIS ZHES BYA BA NI REG BYA'O, ,DE'I PHYIR ZHES BYA BA NI BSDU BA'O, ,JI LTAR GNAS ZHES BYA BA NI BDE BA NYID DE, GANG DU YANG RUNG BAS REG PA NA DE LTA BU NYID DU 'GYUR RO ZHES BYA BA'I DON TO, ,GZHAN MED KYANG ZHES BYA BA NI LUS LAS SO, ,SEMS PA NI YID DU 'ONG BA NGO BO NYID KYI'O, ,GNAS ZHES BYA BA NI LAS KYI NGO BO'I RGYU'I KHYAD PAR LAS DE 'DI PA LA MED PA'I PHYIR, YID DU 'ONG BA NYID NI LUS KYI CHOS MA YIN GYI, 'ON KYANG SHES PA PO'I SHES PA'I CHOS YIN TE, RUNG BA'I YUL NA YOD PA RNAMS MI SHES KYANG RANG NYID SHES PA'I PHYIR RO ZHES BSTAN PA NI, GAL TE DE YI YID 'ONG NYID, ,CES BYA BA STE, DE LTA

, ,BU'I NGO BOR SNANG BA MTHONG BA NYID KYI MING CAN SKYES BU RE RE ZHING NGES PA RIG PA'I SHES PA KHO NA YIN PAR BSTAN PA NI, GZUGS NI SNANG BAR GYUR NA YANG, ,ZHES BYA BA'O, ,LUS KYI NANG DU CHUD NYID NA, ,ZHES BYA BA NI LUS LAS THA MI DAD NA STE, LUS 'BA' ZHIG GZHAN GYIS JI LTAR RIG PAR 'GYUR ZHES BYA BAR SBYAR RO, ,LUS MA RTOGS KYANG SHES PA RTOGS PAR BSTAN PA NI, MUN GNAG GNAS PA ZHES BYA BA'O, ,LUS KYI KHONGS SU GTOGS PA NYID, ,CES BYA BA'I NGES PA BSTAN PA NI, RNAM PAR RTOG PA MED PAR NI, ,ZHES BYA BA'O, ,MUN GNAG GNAS PA ZHES BYA BA 'DI'I BSHAD PA NI, DES NA ZHES BYA BA NI LUS KYIS SO, ,DE MED PAR NI RTOG PA MED PAR TE RIG PAR ZHES BYA BAR SBYAR RO, ,LHAN CIG DMIGS PAR NGES PA ZHES BYA BA NI YOD PA ZHES BYA BA'I DON TO, ,LUS KYI 'BRAS BU'AM LUS KYI BDAG NYID YIN NA LUS RNAM PAR 'GYUR NA RNAM RTOG TU GCIG PA'I RNAM PA KHO NAR 'GYUR BA YIN PAR BSTAN PA NI, JI SRID LUS NI 'GYUR BAR ZHES BYA BA STE, DE'I 'GYUR BAS 'GYUR BA NYID KYIS DE'I 'BRAS BU NYID LA KHYAB PA YIN LA, DE DANG 'GAL BA LA NI DE RNAM PAR 'GYUR BA MA YIN PAS RNAM PAR 'GYUR BA NYID YIN NA NI MI 'GYUR RO, ,LUS 'BA' ZHIG GI 'BRAS BU NYID YIN NA DE LTAR 'GYUR BA ZHIG NA, 'O NA CI ZHE NA, YID KYI RNAM SHES NI DON DANG LHAN CIG BYED PA'I LUS KYI 'BRAS BU YIN LA, LUS LA DBYE BA MED KYANG DON GYI DBYE BAS PHYE BA YIN NO, ,DE'I PHYIR DE'I TSOGS PA'I DBYE BAS PHYE BA YIN TE, DE'I 'BRAS BU KHO NA DE YIN NO SNYAM DU SEMS PA LA, RNAM PAR RTOG PA NI ZHES BYA BA STE, RNAM PAR RTOG PA NI DON LA MI LTOS PA'I PHYIR TE, LUS TZAM RGYU NYID DU KHAS LEN NA KHYAB PAR BYED PA 'GAL BAR GRUB PA KHO NA YIN NO ZHES BYA BA'I DON TO, ,YID KYI RNAM SHES KYI RGYU LUS NYID YIN NA LUS THA MI DAD NA YID LA SNANG BZHIN PA THA MI DAD PAR BSTAN NAS, BAG CHAGS SAD PA'I RGYU NYID YIN NA LUS LA DBYE BA MED KYANG DE'I DBYE BAS PHYE BAR 'THAD PA KHO NAR BSTAN PA NI, GANG TSE LTOS PA MED PA NI LUS KYI BYE BRAG LA STE, GANG GI TSE BAG CHAGS SAD PA KHO NA SHES PA GANG GIS RGYU YIN PA'I SHES PA DE 'GA' ZHIG TU 'GYUR, GANG DANG DE RTAG TU 'BREL PA'I PHYIR DE'I TSE DES NA SKYE RGYUS SO, ,'GA' ZHIG GI SKYES

BU'I'O, ,RES 'GA' 'GA' ZHIG TU 'GYUR GYI GCIG GI NGO BO NI MA YIN ZHES BYA BAR SBYAR RO, ,GANG GI TSE BAG CHAGS SAD PA'I RGYU SHES PA 'GA' ZHIG NI 'BYUNG BAR 'GYUR BA ZHIG GI YIN LA DE'I TSE DES TE, RGYUS RES 'GA' ZHIG 'GA' KHO NAR 'GYUR ZHES BYA BA NI GZHAN GYI 'DOD PA'O, ,'GREL BA MDZAD PA NI LUS LA LTOS PA MED PAR ZHES BYA BAS KHYAD PAR BKAG NAS LHAG MA KHAS BLANGS PAS BAG CHAGS SAD PA'I RGYU CUNG ZAD LA LTOS NAS DES TE RGYUS SKYES BU GANG LA LA'I NAM ZHIG GI DUS SU SHES PA CUNG ZAD DU 'GYUR ZHES 'CHAD BA NI, LUS RGYU YIN NA NI ZHES BYA BA LA SOGS PAS BSHAD PA YIN LUS KYI LHAN CIG BYED PA NYID KYIS RGYU NYID DU 'GYUR DU ZIN KYANG, GANG GIS 'GYUR BAS NGES PAR 'GYUR BA DE NYE BAR LEN PA'I SHES PA BTZAL BAR BYA BA KHO NA YIN PA'I PHYIR, SHES PA RGYU NYID YIN PA LA GTAN TSIGS GZHAN BSTAN PA NI, RNAM SHES MIN PA ZHES BYA BA'O, ,GAL TE LUS KYI LHAN CIG BYED PA YIN NA, DE NYID KYI SHES PA NUS PA'I NGO BOR 'GYUR LA, CHOS CAN GZHAN DU RTOGS PA MIN NA DE DANG NUS PA'I RTOGS PAR YANG 'GYUR BA'I PHYIR, RTOGS PA LCI BAR 'GYUR RO SNYAM DU SEMS PA NI, GAL TE DNGOS PO THAMS CAD NI ZHES BYA BA'O, 'DOD PA 'DI NI GRANGS CAN GYI YIN GYI, RGYANG BAN PA'I MA YIN ZHES BSTAN PA NI, DE SKAD GRANGS CAN ZHES BYA BA'O, ,'DI MI RIGS PAR BSTAN PA NI, NGO BO GANG ZHIG NI RNAM SHES KYI SNANG BA YIN LA, DE NUS PA'I GNAS SKABS KYI SHES PA LA MED PA'I PHYIR THA DAD PA YIN NO, ,DE'I PHYIR SNANG BA NYE BAR LEN PA NI SNANG BA RTOGS PA YIN GYI GZHAN NI MA YIN NO ZHES BYA BA'I DON TO, ,RGYU NI RNAM BRGYAR RNAM PHYE YANG, ,THA DAD PAR RO ZHES BYA BA NI BZHAD GAD YIN PAS MI DMIGS PA BSTAN PA YIN NO, ,SNANG BA'I RNAM SHES NYE BAR LEN PA NYID RNAM SHES YIN PAR BSTAN PA NI, RNAM PAR SHES PA MTHUN PA DANG MI MTHUN PA ZHES BYA BA'O, ,RTZVA MCHOG GI RTZE MO NA GLANG PO CHE BRGYA BZHIN DU 'O MA LA MA MTHONG BA'I ZHO KHAS LEN PA DANG 'DRA BA YIN PAR BSTAN PA NI, ZHO SOGS RNAMS KYI ZHES BYA BA'O, ,RANG BZHIN GZHAN GYIS NI YUL 'DZIN PA'I RANG BZHIN LAS GZHAN PA'I RANG BZHIN NI RANG BZHIN GZHAN NO, DES DE NYID YUL 'DZIN PA'I RANG BZHIN YIN NO, ,

, ,RNAM SHES LAS ZHES BYA BA NI YUL 'DZIN PA LAS SO, ,'DU BYED MNGON PHYOGS PA NI MKHAS PA NYID LA SOGS PA'O, ,MA YIN ZHES BYA BA NI SA BON LAS BYUNG BA YANG SLAR YANG RTZA BA LAS 'PHROS PA'I RIM GYIS RTZA BA LAS SKYES PA GZHAN LAS THA DAD PA MA YIN NO, ,DE'I PHYIR DE MA THAG PA'I RGYU NI 'BRAS BU'I DBYE BAS BYED PA YIN GYI, BAR DU CHOD PA NI MA YIN NO, ,RNAM PAR SHES PA LAS ZHES BYA BA NI YUL 'DZIN PA'I BDAG NYID LAS SO, ,RE ZHIG 'BYUNG BA RNAMS KYI SO SO NI 'DOD CHAGS LA SOGS PA MA YIN TE, 'DOD CHAGS LA SOGS PA MED KYANG SHING DANG RDO BA LA SOGS PA'I 'BYUNG BA MTHONG BA'I PHYIR, LUS KYANG RGYU MA YIN TE, DE YOD KYANG RES 'GA' MED PA'I PHYIR DANG, 'TSO BA YANG BTANG SNYOMS KYI DUS NA DE MED KYANG 'BYUNG BA'I NGO BO MTHONG BA'I PHYIR LA, DE NYID KYIS NA 'BYUNG BA TZAM GYI BSKYED BYA MA YIN TE, SNGA NA MED PA'I SEMS CAN 'BYUNG BA SNGON DU 'GRO BA LAS BYUNG BA MA YIN NO, ,DE LTA NA SHING LA SOGS PA BZHIN DU LUS YONGS SU GYUR PA YANG 'TSO BA NA 'DOD CHAGS LA SOGS PA DANG LDAN PA JI LTA BA BZHIN ZHES NGES PA MED PAR 'GYUR, GANG GI PHYIR RANG BZHIN GYIS NGES PA LA KHYAB PA YIN LA, RANG BZHIN MA YIN PA NYID NI DE DANG 'GAL BA YIN PAS KHYAB PAR BYED PA 'GAL BA YIN PAR BSTAN PA NI, SNGA NA MED PA 'BYUNG BA LA, ,ZHES BYA BA'O, ,GAL TE 'JIG RTEN PHA ROL TU 'BYUNG BA NGES PA CAN DU KHAS MI LEN, 'BYUNG BAR RTOGS PA YANG MED PA'I PHYIR JI LTAR NGES PA YIN ZHES RNAM PAR 'GREL PA NI, GAL TE 'JIG RTEN PHA ROL ZHES BYA BA'O, ,'JIG RTEN PHA ROL YOD NA SKYE BA SNGA MA LAS BYUNG BA'I SRED PA LA SOGS PA'I NGES PA CAN YIN PA'I PHYIR, NGES PA MED PA MA YIN NO, ,ZHES BYA BA MA YIN PAR BSTAN PA NI, GANG GI TSE ZHES BYA BA'O, ,CI LAS SHE NA, SRED PA NYID YOD PA'I SROG CHAGS SKYE BA YIN PA DE'I PHYIR, SRID PA NYID RGYU YIN ZHES BYA BAR SBYAR RO, ,DE LTAR NA ZHES BYA BA STE, 'JIG RTEN PHA ROL GYI RGYU YIN PA'I PHYIR, SKYE BA CAN 'DOD CHAGS DANG BRAL BAR MI 'GYUR ZHES BYA BA NI 'DOD CHAGS CAN NYID SKYE BA YIN ZHES BYA BA NI NGES PA'O, ,'BYUNG BA TZAM GYI BDAG NYID NI 'DOD CHAGS MA YIN NO, ,DE LTA MOD KYI LUS KYI RNAM PA YIN NO SNYAM DU SEMS PA NI, 'BYUNG BA'I BDAG LAS MA 'DAS PHYIR, ,ZHES BYA BA STE,

KUN ZHES BYA BA NI LUS KYI RNAM PA'O, ,RGYU DE NYID KYIS ZHES BYA BA NI, LUS KYI RNAM PA'I 'BYUNG BA'I BDAG NYID YIN PA'I PHYIR RO, ,RGYU LA KHYAD PAR MED NA 'BRAS BU LA KHYAD PAR MED DE DES KHYAB PA'I PHYIR SROG CHAGS NYID LTA BU'O, ,'ON TE LUS KYI RNAM PA CAN GYI 'BYUNG BA RNAMS LAS 'DOD CHAGS LA SOGS PA PHUL DU BYUNG BAS RJES SU DPAG PA'I PHUL DU BYUNG BA DANG, 'DOD CHAGS NYID MTSUNGS PA MA YIN NO SNYAM DU SEMS PA LA, GAL TE 'BYUNG 'CHAD LAS MIN NA, ,ZHES BYA BA'O, ,LUS KYI RNAM PA CAN RNAMS KYI SROG CHAGS NYID LA 'BRAS BU'I KHYAD PAR MED PA YIN TE, DE TZAM PA BSKYED BYA YIN PA'I PHYIR RO, , 'DOD CHAGS LA SOGS PA NI DE LTA MA YIN PA'I PHYIR DE TZAM GYI BSKYED BYA MA YIN PAS KHYAD PAR GYI RIM PA SKYE BAR BYED PAR RTOGS PAR BYED PA YIN LA, DE YANG DE LTAR RTOGS PA NI DE ZHES BYA BA NI LUS KYI RNAM PA'I 'BYUNG BA RNAMS TE, DE 'GYUR BA LAS NI 'DOD CHAGS LA SOGS PA NYID LAS SO, ,MED PAR BYED PA LAS NI 'DOR BAR BYED PA'O, ,CI LAS YIN ZHE NA, PHUL BYUNG 'GRIB PAR LDAN TE PHUL DU BYUNG BA DANG LDAN PA YANG GANG TSE 'GRIB PA DANG LDAN PA YANG GANG TSE 'GRIB PA DANG LDAN PA NYID KYIS SKYED BYED MA YIN PA DE'I TSE 'DOD CHAGS DANG BRAL BA NYID DU 'GYUR ZHES BYA BA'I DON TO, ,SNGA NA MED PA ZHES BYA BA LA SOGS PA TSIGS SU BCAD PA PHYED DANG GSUM GYI BSDUS PA'I DON TO, CHAGS SOGS NGES MED CES BYA BA LA SOGS PAS BSTAN PA YIN NO, ,JI SRID SROG CHAGS MA YIN PA, ,ZHES BYA BA NI SHING LA SOGS PA'I BYE BRAG KHYAD PAR GYI RIM PA THA DAD PA DANG LDAN PA'O, ,THA DAD PA NI KHYAD PAR GYI RIM PA'O, ,THA DAD PA LA YANG NI 'GRIB PA DANG PHUL DU BYUNG BA DANG LDAN PA LA YANG NGO, ,'DOD CHAGS LA SOGS PA'I RGYU'I MTSUNGS PA'I BDAG NYID NI SPYI'I RGYU NYID YIN LA, DE MI LDOG PA NI RTAG PA'I PHYIR RO, ,DE'I PHYIR 'DOD CHAGS LA SOGS PA ZAD PA MA YIN NO SNYAM DU SEMS PA'I DON TO, ,'DOD CHAGS LA SOGS PA'I RGYU'I KHYAD PAR MED NA SPYI JI LTAR YIN, RGYUD GZHAN LA YOD PA NI RGYUD GZHAN LA 'DOD CHAGS KYI RGYU YANG MA YIN NO, ,BRJOD PA 'DOD CHAGS NI LUS KYI RNAM PA KHO NA'I 'BYUNG BA LAS BYUNG BA YIN LA, DE NYID RGYU'I SPYI YIN PAR BRJOD DO, ,DE LA YOD NA 'DOD CHAGS 'BYUNG BA'I PHYIR RO, ,'BYUNG BA'I BDAG LAS MA 'DAS

, ,PHYIR; ,ZHES DOGS PAR GYUR PA MA YIN NAM, BDEN MOD KYI BYUNG BA TZAM LAS 'DOD CHAGS YIN LA, DE PHUL DU YANG BA LAS 'DOD CHAGS PHUL DU BYUNG BA YIN GYI, DE MED PA LAS NI 'BYUNG BA MA YIN LA, 'DOD CHAGS TZAM NI 'BYUNG BA TZAM LAS BYUNG BA YIN ZHES BYA BA NI KHYAD PAR YIN NO; ,'DRA BA'I RGYU CAN GYI ZHES BYA BA NI LUS KYI RNAM PA'I 'BYUNG BA TZAM LAS SO, ,MTSUNGS PA NYID CES BYA BA NI 'BYUNG BA TZAM DU'O, ,'BYUNG BA LA KHYAD PAR MED KYANG KHYAD PAR DANG LDAN PA GZHAN GYI 'BRAS BU YIN GYI 'BYUNG BA'I 'BRAS BU MA YIN NO ZHES BSTAN PA NI, GAL TE ZHES BYA BA'O, ,GANG LA ZHES BYA BA NI BYUNG BA'I KHYAD PAR LA'O, ,MTSUNGS PA LAS ZHES BYA BA NI 'BYUNG BA TZAM GYI BSKYED BYA NYID LAS SO, ,'DI NYID KYIS DPE BSTAN PA NI, BA LAG GI SHES PA ZHES BYA BA'O, ,BA LANG GI SHES PA NI MTSUNGS PA'I BDAG NYID KYI BA LANG NYID LAS SAM, BA LANG MA YIN PA LA SOGS PA LAS 'BYUNG BA LA KHYAD PAR MED PAR BSTAN PA NI, 'DIR YANG ZHES BYA BA'O, ,GNAS SKABS KYI 'BYUNG BA TZAM GYI BSKYED BYA'I SROG CHAGS NYID LA SOGS PA ZHES BYA BA'I YUL 'DI LA 'BYUNG BA TZAM GYI BSKYED BYA SROG CHAGS NYID LA KHYAD PAR MED PA'I PHYIR DPE GZHAN YIN NO, ,'JIG RTEN RGYANG BAN PA'I LTA BA LA LTOS NAS GNAS SKABS KYI DPE YIN NO ZHES BYA BA'I DON TO, ,CHAD PAR YANG ZHES BYA BA NI PHYOGS GZHAN MED PAR DGONGS PA'O, ,KHYAD PAR GYI RIM PA DANG LDAN PA'I CHOS NI CHOS CAN YOD NA SHIN TU LDOG PA MA YIN NO, ,ME YOD PA KHO NA YIN NA DRO BA NYID LDOG PA MA YIN PA'I PHYIR KHYAD PAR GYI RIM PA DANG LDAN PA NI SHIN TU MED PAS KHYAB PA MA YIN TE, DE MED KYANG YOD PA'I PHYIR RO SNYAM DU SEMS PA NI, DRO RIM KHYAD PAR ZHES BYA BA'O, ,CHOS CAN GNAS NA KHYAD PAR GYI RIM PA DANG LDAN PA GANG YIN PAR DE LDOG PA YIN TE, DE DE LA RES 'GA' SNGA NA MED PA YANG YIN PA'I PHYIR BSGRUB PAR BYA BA YIN GYI, DE BZHIN DU DRO BA NYID NI ME YOD NA LDOG PA MA YIN NO, , MA YIN TE, DE MED NA ME NYID MED PA'I PHYIR RO, ,DE NYID KYI PHYIR ME LAS DRO BA'I THA DAD PA BKAG PAS THA MI DAD PA'I THA SNYAD KYI YUL NYID DU BRJOD PA YIN TE, NGES PA DMIGS PA DANG MA DMIGS PA DAG KHO NA THA MI DAD PAR RTOGS PA'I YUL NYID RTOGS PAR BSTAN PA NI MIN, DRO LAS ME ZHES BYA BA STE, THAMS

CAD SNGA NA YANG YOD PA MA YIN PA MA YIN NAM ZHES BYA BAR SBYAR RO, ,LUS LA THA DAD PA'I PHYIR ZHES BYA BA NI LUS YOD KYANG MED PA'I PHYIR RO, ,DE BZHIN DU ME YOD KYANG DRO BA MED PA NI MA YIN NO ZHES BSTAN PA NI, 'DIR ME NI ZHES BYA BA'O, ,'DI NYID ME MA YIN ZHES BYA BA NYID KYI SGRA NI RIM PA GZHAN DU SBYAR BA YIN TE, LUS KYI RNAM PA'I 'BYUNG BA NYID YAL BAR 'DUG PA'I GNAS SKABS NA 'DOD CHAGS LA SOGS PA MED PA NI MI 'BYUNG BA MA YIN ZHES BYA BAR SBYAR RO, ,DE BZHIN DU THAL BA'I GNAS SKABS SU DRO BA MED PA NA ME YOD PA MA YIN PAR BSTAN PA NI, GAL TE 'BYUNG BA 'DUS PA ZHES BYA BA STE, RGYUN CHAD PA NYID SNGA NA MED PAR MA 'KHRUL PA YIN PAR THAL BAR 'GYUR GRANG NA, 'GYUR BA MA YIN ZHES BYA BAR BZLOG PAR GO BAR BYA BA'O, ,DRO BA NYID LA MI 'KHRUL PA CAN GYI CHOS CAN NI ME YIN GYI DE BZHIN DU 'BAR BA TZAM NI MA YIN NO ZHES BSTAN PA NI, SNGAGS RGYUD LA SOGS ZHES BYA BA STE, DRO BA LA MI 'KHRUL PA CAN GYI 'BAR BA NI DE MED PA KHO NA YIN PA'I PHYIR 'BAR BA YOD KYANG KHYAD PAR GYI RIM PA DANG LDAN PA'I DRO BA NYID MED PA MA YIN NA GANG GIS SNGA NA YANG MED PAR RTOGS PAR 'GYUR ZHES BSTAN PA NI, 'BAR BA LAS ZHES BYA BA STE, PHYI 'BRAL BAR 'GYUR BA NI, SNGA NA YANG YIN ZHES BYA BA'I DON TO, , SNGAGS LA SOGS PA'I NUS PAS DRO BA NYID MED KYANG 'BAR BA YOD PA YIN NA, 'ON TE 'BAR BA DE GANG YIN ZHE NA, DBYIBS DANG KHA DOG YIN PAR BSTAN PA NI, MDOG DANG DBYIBS KYI 'BAR BA'O, ,ZHES BYA BA'O, KHA DOG DANG DBYIBS SU 'GYUR BA DE JI LTAR YIN ZHE NA, DRO BA NYID YOD PA MA YIN ZHES BYA BAR SBYAR RO; ,DPE MA YIN ZHES BYA BA NI MI MTHUN PA'I PHYOGS LA GTAN TSIGS MA NGES PA NYID MTHONG BAR BYED PA MA YIN TE, BYUNG BA BYUNG NAS 'JIG PA YIN LA, SNGA NA YANG RES 'GA' MA BYUNG BAR RTOGS PA YIN NO ZHES BYA BA'I DON TO, ,SNGAGS DANG RGYUD SOGS ZHES BYA BA'I 'GREL PA NI 'BAR BA NI DRO BA MED PAR MI 'BYUNG LA ZHES BYA BAR SBYAR RO, ,'O NA CI ZHE NA, 'GYUR BA YIN NO, ,DRO BA LA ZHES BYA BA'I 'GREL PA NI GTAN MI BRAL BA'I ZHES BYA BA'O, ,DE'I PHYIR KHYAD PAR DANG BCAS PA ZHES BYA BA NI BYUNG BA BYUNG NAS ZHIG PA NI KHYAD PAR GYI RIM PA DANG LDAN PA YIN LA SNGA NA YANG KHA CIG TU GTAN MED PAR YIN PA NI BSGRUB BYA YIN ZHES BYA BA'I

, ,DON TO, ,KHYAD PAR RIM PA DANG LDAN PA YON TAN DANG LDAN PA ZHES BYA BAR SBYAR RO, ,GZHAN ZHES BYA BA NI DE RNAMS MED KYANG 'BYUNG BA DE MED KYANG 'BYUNG BA'O, ,DE KHYAD PAR NI DE'I KHYAD PAR RO, ,GANG ZHIG CES BYA BA NI SPYI'I CHOS CAN DU BSTAN PA'O, ,KHYAD PAR NI DBYE BA YIN LA, DE LTA BU'I YON TAN DE RNAMS LA LAR CHAD PA NI SNGA NA MED PA STE, DKAR PO LA SOGS PA'I YON TAN BZHIN DU NAG PO LA SOGS PA'I YON TAN YIN NA, DKAR PO DANG SHIN TU DKAR PO LA SOGS PA'I YON TAN DANG LDAN PA MA YIN PA KHO NA STE, MNGON PAR GYUR PA DANG MI MNGON PAR GYUR PA'I CHOS CAN RNAMS LA RJES SU 'JUG PA GANG YIN PA DE CHOS CAN YIN ZHES BYA BA'I RIGS PAS CHOS CAN YOD PA NA KHYAD PAR GYI RIM PA DANG LDAN PA'I YON TAN RANG NYID KHO NA LDOG PA YIN NA, KHA CIG TU SNGA NA YANG RANG NYID KHO NA MED PA YIN TE, DE LA DBANG MED PA'I PHYIR RO ZHES BYA BA'I DON TO, JI LTAR DRO BA NYID KHO NA ME YIN PA DE BZHIN DU DKAR PO LA SOGS PA KHO NA SA LA SOGS PA LTA BU YIN NA, DE LOG NA LDOG PA KHO NA YIN NO SNYAM DU SEMS PA NI, DE LA DKAR PO LA SOGS PA ZHES BYA BA'O, ,DE LTA YIN NA LUS KYI RNAM PA'I 'BYUNG BA NI 'DOD CHAGS DANG BLO DANG DBYIBS LA SOGS PA MA GTOGS PAR 'DOD CHAGS LA SOGS PA'I YON TAN MA YIN TE, 'DOD CHAGS LA SOGS PA SKYE BA DANG 'JIG PA YIN YANG LUS SO LUS SO ZHES BYA BA'I SHES PA RAB TU 'JUG PAS RJES SU 'JUG PA NI CHOS CAN YIN GYI DRO BA MED PA LA NI DE LTA BU'I SHES PA'I YUL RJES SU 'JUG PA NI MA YIN NO, ,GZHAN LA DKAR PO NYID LA SOGS PA LDOG PA YIN YANG DNGOS PO GZHAN 'BYUNG BAS REG BYA LA SOGS PA'I NGO BO RJES SU 'JUG PAR BSTAN PA NI, SNAM BU LA SOGS PA ZHES BYA BA STE, DE MED KYANG ZHES BYA BA NI NAG PO'I NGO BOR GYUR NA DKAR PO NYID MED PA'O, ,DES NA ZHES BYA BA NI DE DAG LA BSTOD PA BRJOD PA YIN NO, ,'BYUNG BA 'GYUR BA MA YIN YANG, ,'GYUR PA CAN NI DE LA DBANG MED PA YIN LA, DE YOD KYANG KHA CIG TU 'BYUNG BA MA YIN ZHES DGONGS PA'O, ,ME THA DAD PA YIN NA YANG DRO BA NI KHYAD PAR GYI RIM PA DANG LDAN PA YIN TE, DE YOD NA GTAN LDOG PA MA YIN NO, ,DE LAS DBYE BA MED PAS LHAN CIG SKYE BA DANG 'JIG PA YIN PA'I PHYIR RO, ,DE BZHIN DU 'DOD CHAGS LA SOGS PA LUS LAS THA MI DAD PA MA YIN TE,

DE YOD KYANG MED PA'I PHYIR RO, ,DE'I PHYIR LUS 'GA' NI 'DOD CHAGS DANG BRAL BAR YANG 'GYUR TE, DBYE BA DANG LDAN PA NYID YIN NA, KHYAD PAR GYI RIM PA DANG LDAN PA'I PHYIR GOS LA TSON BZHIN NO ZHES BYA BA'I DON TO, ,GZUGS SOGS BZHIN DU NGES MIN TE, ,ZHES BYA BA'I TSIGS SU BCAD PA NI, YANG NA, ME NYID RJES SU 'JUG PA NI, ,ZHES BYA BA'O, ,YANG NA DKAR PO LA SOGS PA GANG YANG RUNG BA CHAD KYANG GDON MI ZA BAR GZHAN ZHIG TU 'GYUR BA YIN NO, ,DE BZHIN 'DOD CHAGS LA SOGS PA YANG 'GYUR RO SNYAM DU SEMS PA LA, GZUGS SOGS BZHIN DU NGES MIN TE, ,ZHES BYA BA SMOS TE, NGES PA NI GANG YANG RUNG BA MED KYANG GANG YANG RUNG BAR 'BYUNG BA'I NGO BO'O, ,CI LAS YIN ZHE NA, DE DAG NI GZUGS LA SOGS PA RNAMS SO, ,'BYUNG BA LAS NI LUS KYI RNAM PA'I LAS SO, ,DBYER MED PHYIR NI PHAN TSUN MED NA MI 'BYUNG BA'I PHYIR RO, ,GZUGS LA SOGS PA MED NA 'BYUNG BA RNAMS MA YIN LA, DE RNAMS KYANG DE RNAMS MED NA MA YIN NO, ,'DOD CHAGS LA SOGS PA MED NA MI 'BYUNG BA'I LUS KYANG NGO SNYAM DU SEMS PA NI, DE MTSUNGS SHE NA ZHES BYA BA'O, ,MIN ZHES BYA BA NI 'DI DGAG PA'O, ,CI LAS YIN ZHE NA, GANG LA 'DOD CHAGS LA SOGS PA'I LHAN CIG PA'I YUL TZAM 'BYUNG BA RNAMS KYI BSKYED PA GANG YIN PA DE THAL BAR 'GYUR RO, ,'DI YANG, RGYU NI NYE PHYIR BLO RNAMS KUN, ,THAMS CAD TSE NA SKYE BAR 'GYUR, ,ZHES BYA BA RTOGS PA'I DON LA DGONGS NAS LHAN CIG RNAMS LUS DANG NGO, ,SKYE BA NI GNAS SKABS KYI YOD PA STE, DE THAL BAR 'GYUR BA DE LUS DANG LHAN CIG YOD PAR NGES PAS 'DOD CHAGS LA SOGS PA RNAMS SU 'GYUR BA ZHES BYA BA'I DON DU BSHAD PA NI, 'DOD CHAGS LA SOGS PA RNAMS ZHES BYA BA'O, ,THAMS CAD KYI TSE ZHES BYA BA NI BDAG MED PA LA SOGS PA BSGOM PAS YAL BAR 'DUG PA YOD PA NA'O, ,DA NI DON THA MI DAD PAR MI 'BYED PA'I DON DU BSHAD PA NI, 'BYUNG BA CHEN PO TZAM ZHES BYA BA'O, ,YUL DANG DBANG PO LA SOGS PA NYE BA YIN PAS LUS LHAN CIG BYED PA MA YIN NAM, RNAM SHES BZHIN DU 'DOD CHAGS LA SOGS PA RGYU NI YAL BAR 'DUG PA'I GNAS SKABS NA LHAN CIG BYED PA MA YIN NO SNYAM DU SEMS PA NI, YUL GYI RGYU CAN YIN PA'I PHYIR, ,ZHES BYA BA'O,,

, ,BUD MED DANG SKYES PA ZHES BYA BA 'DIS RNAM RTOG GI RNAM SHES KYI YUL RNAMS LA 'DOD CHAGS LA SOGS PA YIN GYI, MTHONG BA TZAM RNAMS LA NI MA YIN LA, RNAM PAR RTOG PA'I BAG CHAGS LAS BYUNG BA RNAMS YUL LA BRTEN PA NI MA YIN NO ZHES BSTAN PA NI, RNAM PAR RTOG PA YUL YIN PHYIR, ,ZHES BYA BA'O, ,DE LTA YIN NA BAG CHAGS DE'I SKYE GNAS BDAG DANG BDAG GI YIN LA, NUS PA DANG LHAN CIG BYED PA YIN NO SNYAM DU SEMS PA LA, SKAL MNYAM ZHES BYA BA SMOS TE, SKAL MNYAM NI 'DRA BA'I TSUL BZHIN MA YIN PA YID LA BYED PA'I SA BON RGYU YIN TE, 'JIG RTEN PHA ROL LA SKUR PA 'DEBS PA'I PHYOGS LA MED PA'I PHYIR RO, ,'DOD CHAGS LA SOGS PA LUS TZAM LAS BYUNG BA YIN NA NGES PA 'AM RE RER YANG 'GYUR BAR BSTAN PA NI, NGES PA ZHES BYA BA'O, ,CIG CAR YANG 'BYUNG BA YIN PAR BSTAN PA NI, THAMS CAD TSE NA ZHES BYA BA STE, 'DOD CHAGS KYI DUS SU ZHE SDANG DANG DE'I DUS SU 'DOD CHAGS SU 'GYUR RO, ,RNAM PAR RTOGS PA MED PAR BSTAN PA NI, 'DOD CHAGS LA SOGS PA YI RGYUN, ,ZHES BYA BA'O, ,GAL TE YONGS SU GYUR PA'I KHYAD PAR LUS TZAM LAS 'BYUNG BA YIN NA, LUS BZHIN DU DUS THAMS CAD DU GNAS PA'I PHYIR CIG CAR BA KHO NA YIN PAR BSTAN PA NI, GAL TE DE LTA NA ZHES BYA BA'O, ,'BRAS BU'I RIM PA MTHONG BA LAS RGYU 'AM RGYU YIS RGYU YANG RUNG, GANG YIN PAR YANG RTOGS PA YIN NO SNYAM DU SEMS PA NI, GANG YANG RUNG BA LA ZHE NA ZHES BYA BA'O, ,MA YIN ZHES BYA BA RA MTSAMS BCAD PAS 'DI NYID BKAG PA YIN NO, , GANG ZHIG GANG LA LAR THAMS CAD DU YOD PA DE'I RGYU CAN DU DUS THAMS CAD DU 'GYUR BA BSTAN PA NI, THAMS CAD TSE NA 'ANG 'GYUR ZHES BYA BA'O, ,RGYU THAMS CAD PA NI DUS THAMS CAD PAR 'GYUR RO, ,GAL TE MA MTHONG BA MED PA'I PHYIR ZHES ZER NA, RGYU MED PA CAN THAMS CAD DUS THAMS CAD PAR MI 'GYUR TE; MA MTHONG BA'I PHYIR RO ZHES BYA BA 'ANG 'GYUR BAR BSTAN PA NI, 'GA' YANG RGYU DANG ZHES BYA BA'O, ,GAL TE YANG TSUL MA YIN PA YID LA BYED PA SA BON DU MTHONG BA BOR NAS 'DOD CHAGS LA SOGS PAR NGES PA'I RGYU YONGS SU GYUR PA'I KHYAD PAR YIN PA KHAS LEN PA YIN PA DE LTA NA DU BA YANG ME'I BSKYED BYAR

MI 'GYUR BA ZHIG NA, THAMS CAD LAS 'GYUR BA MA YIN TE, YONGS SU GYUR PA'I KHYAD PAR MED PAR BSTAN PA NI, ME MED PAR YANG ZHES BYA BA STE, YUL LA SOGS PA LAS KYANG NGO, ,RGYU MED PA CAN LAS KYANG DU BA MTHONG BA'I STOBS KYIS YUL LA SOGS PA NGES PAR 'GYUR BA KHO NAR BSTAN PA NI, DNGOS PO RGYU MED PA LA YANG ZHES BYA BA'O, ,DE BZHIN DU 'DOD CHAGS LA SOGS PA RGYU THAMS CAD PA'AM, RGYU MED PA YANG RUNG, LUS KYI RGYU CAN MA YIN PA YANG NGES PA NI YONGS SU GYUR PA'I KHYAD PAR LAS SAM MTHONG BA LAS 'GYUR ZHES BYA BA'I DON TO, ,LUS KYI RGYU CAN NI MTHONG BA'I RGYU THAMS CAD NYID DAM RGYU MED PA NYID DAM RUNG BA MA MTHONG BA MA YIN NAM, NGES PA CAN NI YONGS SU GYUR PA'I KHYAD PAR TZAM MA MTHONG BA YIN YANG DE NI GCIG TU MA MTHONG BA MA YIN TE, MA MTHONG BA'I LUS LAS MA LOG PA'I PHYIR RO SNYAM DU SEMS PA LA, MTHONG BA'I BRTAG BYA RNAM PA GNYIS TE, RGYU NYID DU'ANG KHYAD PAR MED PAR 'GYUR GRANG NA, GAL TE KHYAD PAR MED PA MTHONG BA YIN NA, LUS KYI RGYU CAN NYID KYANG MI 'GRUB STE, RANG RIG PAS RGYU DANG RGYU CAN DANG, BDAG DANG GZHAN DANG, RIM PA GCIG DANG CIG SHOS MA GTOGS PA'I PHYIR RO ZHES BSTAN PA NI, MTHONG BA TZAM LA RTEN BYED NA, ,ZHES BYA BA'O,, 'ON TE RGYU NYID DU MTHONG NA RJES SU 'GRO BA DANG, LDOG PA'I KHYAD PAR GYIS RANG RIG PAS RGYU DANG DE DANG LDAN PA LA SOGS PA'I RNAM PAR RTOG PA THA SNYAD KYI MING CAN YIN LA, DES RGYU NYID LA SOGS PA GRUB PA YIN PA DE LTA NA, BDAG DANG BDAG GIR 'DZIN PA'I CHAGS PA'I RGYU CAN 'DOD CHAGS LA SOGS PA RNAMS YIN GYI LUS KYI RGYU CAN NI MA YIN TE, DE LTAR MA RTOGS PA'I PHYIR RO ZHES BSTAN PA NI, THA SNYAD 'JIG PAR ZHES BYA BA'O, ,GZHAN DU ZHES BYA BA NI 'DOR BAR NUS PA'O, ,SKYE BA'I DANG PO LA 'DOD CHAGS LA SOGS PA'I RGYU LUS NI, RANG RIG PA LAS BYUNG BA'I RTOG PAR RTOGS PA MA YIN NAM, 'DAS PA'I BDAG DANG BDAG GIR 'DZIN PA'I CHAGS PA RGYU NYID MA YIN SNYAM DU SEMS PA NI DPER NA KHA CIG TU ME'I RGYU RKYEN NYID DU DU BA MTHONG BA YIN LA, MA MTHONG YANG DE'I RGYU NYID DU RIG PA YIN LA DE BZHIN DU 'DI LA YANG BLTA BAR BYA BA YIN TE, DE LTAR NGES PAR GNAS PA'I PHYIR

, ,ZHES BSTAN PA NI, ,JI LTAR RJES SU DPAG PA YIS, ,THA SNYAD CES BYA BA'O, ,MED NA MI 'BYUNG BAR KHYAB PA CAN NI MNGON SUM PA MA YIN PA'I PHYIR MA MTHONG BA BZHIN DU MTHONG BA LA YANG RJES SU DPAG PA YANG TSAD MA MA YIN PA MA YIN NAM, DE'I TSAD MA NYID DE TZAM RTZA BA CAN YIN PA'I PHYIR RO SNYAM DU SEMS PA LA, THA DAD SHES DANG ZHES BYA BA SMOS TE, RJES SU 'GRO BA DANG LDOG PA DANG LDAN PA'I RANG RIG PA LAS BYUNG BA'I RNAM PAR RTOG PA'I RTOGS BYA MED NA MI 'BYUNG BA YIN LA, DE'I RTOGS BYA KHO NA YIN NO ZHES MNGON PAR 'DOD PA YIN PA KHAS MI LEN NA, KHYAD PAR MED PA'I BDAG NYID RIG PA TZAM YIN GYI, DE LA GZUNG BA DANG 'DZIN PA DANG 'DZIN PA DANG SNGON PO DANG CIG SHOS LA SOGS PA'I RNAM PAR DBYE BA MED PA YIN NA, CIS RNAM PAR 'BYED PA YIN ZHES BSTAN PA NI, DES NA THA SNYAD DBYE BAR NI, ,ZHES BYA BA STE, RANG RIG PA LAS 'DIS PHYIS DPOG PAR BYED PA YIN PA'I PHYIR, RJES SU DPAG PA YIN PA DE LAS TE, RANG GI 'DOD PA TZAM LAS BYUNG BA'I RNAM RTOG LAS THA SNYAD BYED PA NI MA YIN NO ZHES BYA BA'I DON TO, ,BLANG BA DANG DOR BA YONGS SU RTOGS BYA'I NGO BO YIN GYI GZHAN MA YIN PA MA YIN NA MA, DE JI LTAR DE LA MNGON SUM LAS DBYE BA MED PA YIN SNYAM DU SEMS PA LA DOR BYA ZHES BYA BA SMOS TE, SDUG BSNGAL SGRUB PAR BYED PA'I LUS LA GNAS PA'I NGO BO NI RANG GI NGO BO TZAM GYI YUL CAN GYIS MNGON SUM GYIS RTOGS PA MA YIN NO, ,DE'I PHYIR DE LAS GZHAN PA'I BLANG BYA BDE BA'I SGRUB BYED YIN PAR RTOG PAR BSTAN PA NI MA YIN NO ZHES BYA BA STE, 'DI NI ZHES BYA BA DANG SBYAR RO, ,JI LTAR LUS LA GNAS PA'I NGO BO LA MNGON SUM DU MI 'JUG PA DE LTAR SPROS NAS DE BSTAN PA NI, BLANG BYA NYID NI YOD PHYIR YANG, ,ZHES BYA BA STE, BDE BA SGRUB PA YOD PA'I PHYIR RAM, DOR BYA NYID LA NI SDUG BSNGAL SGRUB PAR BYED PA NYID MED PA'I PHYIR RAM ZHES BRTAG GRANG NA, DOR BYA NYID DU RNAM PAR GZHAG PA NI BLANG BYA NYID DU RNAM PAR GZHAG PA LAS BZLOG PAS SDUG BSNGAL SGRUB PAR BYED PA YIN PA'I PHYIR DANG, BDE BA SGRUB PAR BYED PA NYID MED PA'I PHYIR RO ZHES BSTAN PA NI, DOR BYA LAS NI ZHES BYA BA'O, ,RE ZHIG BDE BA'I SGRUB BYED NYID NI BDE BA LA MNGON SUM PA MA YIN NA, DNGOS PO LA MNGON SUM GYI RTOGS BYA MA YIN NO ZHES BSTAN PA

NI; DON BYED DON DU GNYER RNAMS KYI, ,ZHES BYA BA STE, DON NI SREG PA LA SOGS PA'I DGOS PA YIN LA, BYED PA NI BYED PA PO NYID DE, BLANG BYA NYID YIN LA NYE BA'I NGO BO'I 'DZIN PA'I MNGON SUM GYIS 'DZIN PA MA YIN NO ZHES BYA BA'I DON TO, ,BYED PA PO NYID NI BYED PA PO LAS THA MI DAD PA YIN GYI DE'I 'DZIN PAR GZUNG BA KHO NA MA YIN NAM, DE LTA NA YUL GYI YANG ME DANG 'BREL PA CAN NYID MNGON SUM GYIS BZUNG BA KHO NA YIN TE, THA MI DAD PA'I PHYIR RO, ,DE LA RJES SU DPAG PA CI ZHIG BYA, ,ZHES BZUNG BA YIN YANG MA NGES PAR BYA BA'I DON DU RJES SU DPAG PA YIN NO ZHE NA, MA YIN TE, NGES PA YIN YANG DU BA'I YUL LAS THA DAD PAS YUL GZHAN BZHIN DU MI SNANG BA'I PHYIR RO, ,DE MI SNANG NA DE DANG 'BREL PA CAN NYID SNANG BA MA YIN PAR BSTAN PA NI, 'BYUNG 'GYUR DON BYED NI ZHES BYA BA STE, DON BYED PA DANG LHAN CIG 'BYUNG BA'I NGO BO 'DZIN PAR BYED PA'I MNGON SUM NI DON BYED PA'I MNGON SUM BZHIN DU RTOGS PA MED PA YIN TE, 'JUG PAR BYED PA MA YIN PA'I PHYIR LA, 'JUG PAR BYED PA NYID NI SGRUB BYED SNANG BA CAN YIN TE, DE NI SGRUB BYED NYID DU RTOGS PAR BYED PAR NUS PA MA YIN NO ZHES BYA BA'I DON TO, ,DE LTAR NA BLANGS BYA NYID NI DMIGS LA, BZLOG PA DGAG PA NI MA MTHONG BA TZAM LAS MI 'GRUB PAR BSTAN PA NI, SPANG BYA BKAG PA 'ANG ZHES BYA BA'O, ,RTOGS 'DI MNGON SUM LAS MA YIN, ,ZHES BYA BA NI 'GAL BA DMIGS PA MED PA'I PHYIR RO ZHES BYA BA'I DON TO, ,RIM GYIS 'BYUNG BA'I MNGON SUM GNYIS PO 'DAS MA THAG TU BSTAN PA'I RIGS PAS RANG GI DUS LA YOD PA TZAM 'DZIN PA'I PHYIR; SGRUB BYED DANG BSGRUB BA BYA NYID MI 'DZIN PAR BSTAN PA NI, MNGON SUM GNYI GA ZHES BYA BA'O, ,DON BYED PA DANG LHAN CIG 'BYUNG BA'I NGO BO LAN CIG MA YIN PAR NYAMS SU MYONG BAR MTSON PA NI 'KHRUL PA MED PA'I MNGON SUM NI DON BYED PA MED KYANG 'JUG PA'I YUL MA YIN NAM SNYAM DU SEMS LA GAL TE SHIN TU GOMS PA'I ZHES BYA BA'O, ,RE ZHIG DON BYED PA DANG LHAN CIG 'BYUNG BA'I GOMS PA DMIGS PA MA YIN NO, ,'BA' ZHIG NI SNGA MA DANG MTSAN NYID DE LA DMIGS PA MED NA DE LA RUNG BAR YANG MI 'GYUR ZHENG, NYE BA LA DMIGS PA'I MNGON SUM NI DE NYID DAM, MTHONG BA NYID KYANG MA

, ,RTOGS PA YIN GYI 'DRA BA LA NI YIN NO, ,'DRA BA YANG RIG PA MA YIN NO, ,'BA' ZHIG NI SNGA MA DANG MTSAN NYID MI MTHUN PA NYID GZUNG BA YANG NGES PAR 'DZIN PA MA YIN NO, ,DE'I PHYIR DE NYID LA DRAN PA NI SGRO 'DOGS PA YIN NO, ,'JUG PA YANG THA DAD PA LA LHAN CIG PA DANG LHAN CIG PA DAG TU DMIGS PA YIN GYI LHAN CIG PA DMIGS PA GOMS PA YIN NA LHAN CIG PA MA YIN PAR DMIGS PA NI LHAN CIG PA LA TSAD MA MA YIN NO, ,GANG GI TSE LHAN CIG PA MA YIN PA DANG RUNG BA MA YIN PA YANG DMIGS BZHIN PA YIN NA, GOMS PA YANG DE KHO NA DU BZHIN DU BZLOG PA YIN LA DE GOMS PAS DE'I NGO BOR 'DZIN PA DANG; SNGON DU DE'I TSE NGO BO GZUNG BA LA GOMS PA YIN PA'I PHYIR, PHAN TSUN LTOS PA YIN PAR BSTAN PA NI, MA RTOGS PA LA GOMS PAR BYED, ,CES BYA BA STE, DON BYED PA'I SGRUB BYED DANG DMIGS PA RIM GYIS 'BYUNG BA DAG PHAN TSUN MI RIGS PAS RUNG BA NYID DU NYAMS SU MYONG BA'I PHYIR PHAN TSUN BSTAN PAR GSAL BA YIN NO ZHES BYA BA'I DON TO, ,MNGON SUM NYID NI RUNG BA NYID LA SOGS PA SKYES PA GOMS PA GANG GI 'BRAS BU YIN PA DE DE LTA MA YIN ZHES BYA BAR SBYAR RO, ,DOR BA DANG BLANG BAR MTHONG BA MA YIN PAR BSTAN PA SDUD PA NI, MNGON SUM TZAM ZHES BYA BA STE, TZAM SMOS PA NI, DE'I RJES LA 'BYUNG BA'I RNAM PAR RTOG PA BSAL BA'I DON DU'O, ,GAL TE DOR BA DE DANG BLANG BA YANG MNGON SUM GYI YUL MA YIN PA DE LTA NA, GANG YIN PA BSTAN PA NI, RANG GI RANG BZHIN TZAM ZHES BYA BA STE, TZAM SMOS PA NI RNAM PAR SHES PA RANG GI NGO BO YANG BSGRUB BYA'I SHES PA LA GNAS PA'I MNGON SUM MA YIN NAM ZHES BSTAN PA'I PHYIR RO, ,DE LTA YIN NA GANG LAS DOR BA LA SOGS PA RTOGS PA YIN ZHE NA, RJES SU DPAG PA ZHES BYA BA SMOS TE, DE DANG 'DRA BA MTHONG BA LAS DE'I DON BYE DA'I SHES PA'I NO, ,GNYI GA RIG PAR BYED PA MA YIN PA'I MNGON SUM NI 'BREL PA MI 'DZIN PA MA YIN NAM SNYAM DU SEMS PA LA MNGON SUM GNYIS PO LAS BYUNG BA'I RNAM PAR RTOG PAS 'BREL PA GRUB PA NI MNGON SUM DU GRUB PA KHO NA YIN TE, THA SNYAD PA RNAMS KYIS DE LTAR NGES PAR BYED PA'I PHYIR RO ZHES BSTAN PA NI, THA SNYAD 'DOGS PAS ZHES BYA BA STE, RNAM PAR RTOG PA'O, ,DOR BYA LA SOGS PA MNGON SUM GYIS MTHONG BA MA YIN

NAM; 'DI NI KHYAD PAR GYI YUL CAN YIN PA'I PHYIR RO, ,'ON KYANG THA MI DAD PA'I RANG GI NGO BO GZHAN SGRUB BYED MA YIN PA LKOG TU MA GYUR PA LA BSAMS LA, GNAS MA MTHONG BA'I DON BZHAG NAS ZHES BYA BA LA SOGS PA 'JIG RTEN PHA ROL LA SKUR PA GDAB PAR SEMS PA NI 'ON TE GNYIS MED CES BYA BA'O, ,'DI YANG NI 'JIG RTEN 'DI YANG NGO, ,'DI NI MNGON SUM STE, 'JIG RTEN PHA ROL LA LTOS NAS RANG RIG PA 'BA' ZHIG MA YIN TE, 'ON KYANG 'JIG RTEN 'DI LA LTOS NAS KYANG YIN ZHES BYA BA'I DON TO, ,'JIG RTEN GNYI GA'I 'BRAS BU MED PAR SMRA BA LA, CHES SHIN TU MED PA CAN YIN PA'I PHYIR JI LTAR MED PA LA YANG MED PA NYID YIN SNYAM DU SEMS PA LA, SEMS NI ZHES BYA BA SMOS TE, THAMS CAD LAS NI DOR BYA DANG BLANG BYA LAS SO, ,SPANG PHYIR NI NYE BAR BSDUS PA'I PHYIR TE BYA BA NUS PA'O, ,GTAN TSIGS DE'I PHYIR RANG RIG PA'I GNAS SKABS BSTAN PA LA GROL BA NYID DE, SEMS THAR PA THOB PA KHO NAR 'GYUR BA YIN NO ZHES 'DOD PA NI MED PA MA YIN TE, SKYES BU'I DON GYI GTZO BO LA SKUR BA MI 'DEBS PA'I PHYIR LA, DE LA SKUR BA 'DEBS PA NI MED PAR SMRA BA YIN NO ZHES BYA BA'I DON TO, ,RANG RIG PA'I MNGON SUM 'JIG RTEN PHA ROL SGRUB PAR BYA BA MA YIN LA, 'JIG RTEN 'DI YANG MA YIN PA NI BDEN MOD KYI, SA LA SOGS PA DE NYID GZHI, ,ZHES ZER BA'I DPE'I DON DU YIN LA, RNAM PAR DPYAD NA DE LA RAB TU GRAGS PA'I SA LA SOGS PA YANG DE NYID MA YIN LA, 'JIG RTEN PHA ROL LTA CI SMOS, DE DAG TZAM NI SKYES BU'I DON THAR PA MA YIN TE, RNAM PAR RTOGS PA YANG 'JIG RTEN 'DI'I YUL CAN YIN TE; RANG RIG PA BZHIN DU RANG BZHIN YIN PA'I PHYIR RO SNYAM DU SEMS PA NI, 'ON TE 'JIG RTEN 'DI LA ZHES BYA BA STE, RMONGS PA GZHAN ZHES BYA BA NI RNAM PA RTOG PA GZHAN TE, 'JIG RTEN PHA ROL PA SOGS PA'I YUL DU MA GRAGS PA KHO NA'I PHYI MI 'DOD PA YIN ZHES BYA BA'I DON TO, ,'DI YAN ZHES BYA BA NI YUL 'JIG RTEN 'DI'O, ,GANG LAS ZHES BYA BA NI MA YIN PA'O, ,GAL TE RANG RIG PA TZAM GYI NGO BO THAR PA YIN NA 'DOD PA CAN DU MI 'GYUR ZHES BSTAN PA'O, ,DE PHYIR NGES PA GANG NYID KYIS, ,'DU BYED KYIS NI RJES SU 'JUG PA, ,SEMS NI DE MED MI 'BYUNG BA, ,DE PHYIR SEMS LA RTEN PA YIN, ,

, ,ZHES BYA BA'I RIGS PAS GANG GI TSE THOG MA DANG THA MA MED PA'I RNAM RTOG NI RANG GI RIGS TZAM LAS GRUB PA DE'I TSE, 'JIG RTEN PHA ROL GRUB PA KHO NA YIN TE, THOG MA DANG THA MA MED PA NYID LA DE LTAR BRJOD PA'I PHYIR RO ZHES BSTAN PA NI, GAL TE THOG MTHA' MED 'GRUB NA, ,ZHES BYA BA'O, ,SNGA MA SNGA MA'I RNAM PAR RTOGS PA'I BAG CHAGS KYI RJES SU BYED PA'I RNAM PAR RTOG PA YANG DE'I BSKYED BYA MA YIN NA, 'BYUNG BA'I BSKYED BYA MA YIN PA LTA CI SMOS TE, DE'I KHYAD PAR MA YIN PA'I KHYAD PAR CAN YIN PA'I PHYIR RO, ,DE'I PHYIR 'DI RGYU MED PA NYID YIN NA 'BRAS BU THAMS CAD RGYU MED PA CAN NYID DU 'GYUR TE, 'DI RGYU MED PA CAN DU BSGRUBS NAS, RGYU MED NYID NI RGYU MED PA'O, ,RGYU MED PA CAN NI MING YIN PA'I PHYIR BSTAN PA NI, THAMS CAD RGYU MED NYID DU ZHES BYA BA STE KHYOD KYIS SMRAS PA YANG GZHAN GYIS GO BA'I PHYIR MA YIN NO ZHES BYA BA'I DON TO, ,CI DON NYID NI KHYED DON GANG LA YIN PA'AM, 'DI DON YANG YIN LA GANG YANG YIN PA'I PHYIR CI DON NO, ,DE GANG LA YOD PA NI DE NYID DO, ,SMRA BA PO KHYOD LA DGOS PA CI YOD CES DGONGS PA'O, ,'ON TE 'DI LA ZHES BYA BA NI DGOS PA STE 'BRAS BU'O, ,DES ZHES BYA BA NI GZHAN GYIS BRGAL ZHING RTAG PAS SO, ,BRGAL ZHING BRTAG PA LA DGOS BA CUNG ZAD BSGRUB PAR BYA BA MED PA MA YIN NAM, DE NYID NI MA RIG PA 'BA' ZHIG GIS 'GYUR BA YIN PAR BSTAN PA NI, MA RIG PAS BYAS PA NYID CES BYA BA'O, ,DON MED PA NI TSIG TZAM MO, ,DE NYID KYIS SKYON BSTAN PA NI, GZHAN GYI BSHAD PA ZHES BYA BA'O, ,GAL TE MA RIG CHAD MIN NA, ,ZHES BYA BA STE, RTOGS SU GZHUG BYA'I MA RIG PA GAL TE MA CHAD NA TSIG TZAM NI DON MED PA YIN NO, ,'ON TE CHAD NA YANG DE LTAR CHAD PAR BYED PA'I TSIG RGU KHO NA YIN PA'I PHYIR, RGYU MED PA SMRA BA JI LTAR YIN, 'ON TE MA RIG CHAD NA YANG, ,JI LTAR THOG MA MED PAR GRUB PAS 'KHOR BA GRUB PA YIN ZHE NA, MA RIG RNAM RTOG LAS ZHES BYA'O, ,'DI THOG MA MED PA YIN BAG CHAGS GOMS PA YANG YIN LA, DE'I YONGS SU SMIN PA NI SAD PA YIN LA, DES BYAS PA NI BSKYED PA NYID YIN PA'I PHYIR 'DOD CHAGS DANG BDE BA LA SOGS PA RNAMS GOMS PA LAS BYUNG BA NYID DU NYE BAR BSDU BA YIN NO, ,RGYU MED PA NI SKYE BA DANG 'GAL

BA'I PHYIR GOMS PA LAS SDUG BSNGAL SKYE BA YIN ZHES BYA BAR NI MI RIGS PA MA YIN NAM, RGYU MED PA NYID RTAG GO GOMS PAS MNGON PAR GSAL BA YIN NO ZHES ZER BA LA, DE NI RES 'GA' ZHES BYA BA SMOS TE, DMIGS BYA MA YIN PA LA DMIGS BYA NYID KYANG SNGA NA MED PA KHO NA BYUNG NA DE NYID YOD PA YIN GYI, DE YANG MI RTAG PA ZHES BYA BA KHO NAS SDUG BSNGAL TE, GNOD PA MA YIN LA ZAG PA MED PA RNAMS KYANG DE LTA BU NYID DU 'GYUR ZHES THAL BAR 'GYUR BA'I PHYIR RO ZHES BSTAN PA NI, NYES PA RNAMS TE, BDAG TU 'DZIN PA DANG 'DOD CHAGS LA SOGS PA GOMS PA LAS BYUNG BA RNAMS KYI RTEN YIN PA'I PHYIR, ZAG PA DANG BCAS PA YIN PA'I PHYIR ZHES DGONGS PA'O, ,RGYU NI BDAG DANG BDAG GIR 'DZIN PA'I CHAGS PA'I SNYING PO CAN YIN GYI, RGYU TZAM MA YIN TE, SNGA MA BZHIN DU THAL CHES PA'I PHYIR LA, ,DE'I DBANG NI DE LA RAG LAS PA'O, ,DE'I DNGOS PO NI DE NYID DO, ,YANG GI SGRA NI SDUG BSNGAL ZHES BYA BA'I RJES SU 'JUG PA'I DON DANG GOMS PA CAN NYID BSDU BA YIN NO, ,'GREL PAR NI GOMS PA LAS BYUNG BA NI 'DOD PA LA RAG LAS PA'O, ,BDAG TU 'DZIN PA LA SOGS PA LA MA GOMS PA NI MCHOG YIN TE, SDUG BSNGAL GYI RGYU YIN PA'I PHYIR RO, ,DE LAS BZLOG PA LAS GOMS PA NYID KYANG MCHOG YIN TE, MI MTHUN PA YIN PA'I PHYIR RO ZHES BSTAN PA YIN NO, ,GAL TE BDAG GO ZHES BYA BA BDAG TU 'DZIN PA RGYU YIN NA, BDAG TU 'DZIN PA 'DI NI GOMS PA LAS BYUNG BA MA YIN TE, LUS DANG DBANG PO DANG THA DAD PA'I YUL CAN YIN PA'I PHYIR SEMS LA SOGS PA'I GNAS SKABS RNAMS LA DBANG PO BYA BA BYED PA MED PAS LUS MA DMIGS KYANG BDAG GO ZHES NYAMS SU MYONG BA YIN NO, ,DE LTAR YANG RE RE'I BDAG NYID LA DE LTAR 'GYUR BA LA YIN NO ZHES SMOS PA YIN NO SNYAM DU SEMS PA LA, BDAG MIN ZHES BYA BA STE, BDAG TU DMIGS PA MA YIN TE, RE ZHIG RANG RIG PAS MA YIN TE, YUL NYE BA YIN PA'I PHYIR RO, ,YUL DANG DUS LA SOGS PAS MCHOD PA'I YUL NI NGES PA LAS KYANG MA YIN NO, ,MTHONG PA'I RJES SU 'BRANG BA NYID KYI PHYIR DANG MTHONG BA'I LUS LA SOGS PA NYID PHYI ROL DANG THA DAD PA YUL DANG DUS LA SOGS PA THA DAD PAS 'DZIN PA'I PHYIR DANG, RGYUN MI 'CHAD PAR

, ,YOD PA'I PHYIR, ,DNGOS GANG YUL DANG DUS DAG LAS, ,DE NI RTAG PA'I KHYAB BDAG 'DOD, ,DE PHYIR BDAG NI KHYAB BDAG BRJOD, ,CES BYA BA JI LTAR YIN, BDAG MNGON SUM PA MA YIN PA DE NI BDEN TE, NYE BA TZAM NYID KYIS SKAD CIG MA NYID DU THAL BAR 'GYUR BA'I PHYIR RO,, 'ON KYANG RJES SU DPAG PAR BYA BA NI YIN NO, ,'DOD PA DANG, ZHE SDANG DANG, 'BAD PA DANG, BDE BA DANG, BDE BA DANG, SDUG BSNGAL GYI SHES PA RNAS NI 'BRAS BU YIN PA NYID KYIS RGYU RNAM LAS LUS PA'I BDAG RTEN DU GYUR BAR GO BAR BYED PA YIN GYI, BDAG NYI NYAMS SU MA MYONG BA'AM MA DRAN PA 'DOD PA 'AM, SDANG BA YANG MA YIN PA'I PHYIR NAMS SU MYONG BA DANG DRAN PA DANG 'DOD PA DUS THA DAD PA RNAMS DE'I DUS SU YOD PA'I DNGOS PO MED NA 'BYUNG BA MA YIN NO SNYAM DU SEMS PA LA, BYIN GYIS BRLABS PA'ANG MA YIN PA NI 'DOD PA LA SOGS PA'I RTEN DU GYUR PA'I BDAG GIS SO, ,BRTEN PA NYID DU MA DMIGS PA'I PHYIR NYAMS SU MYONG BA'I BAG CHAGS TZAM LAS BYUNG BA'I PHYIR DE DAG MA YIN ZHING, BYIN GYIS BRLABS PA YANG MA YIN NO ZHES BYA BA DANG 'BREL PA'I PHYIR SDUG BSNGAL DANG GZHI MTHUN PA NYID YIN NO, ,'GREL PAR NI BAG CHAGS LAS BYUNG BA NYID KYIS GZHAN DU YANG 'THAD PA BSTAN PA NI, RGYU MIN ZHES BYA BA'O, ,DE LA BRTEN PA NYID DU MA MTHONG BAR BSTAN PA NI, RTAG PA 'ANG ZHES BYA BA'O, ,RTAG PA NYID DU KHAS BLANGS KYANG MI SDOD PA DANG, RIM GYIS BYED PA NYID 'GAL BAR BSTAN PA NI, DE'I PHYIR GCIG LAS ZHES BYA BA'O, ,DGONGS PA'I 'DI NYID KYIS BCOM LDAN 'DAS KYIS RNAM PA BZHIN BA'I SDUG BSNGAL GSUNGS PA YIN PAR BSTAN PA NI, MI RTAG PA NYID CES BYA BA'O, ,DE ZHES BYA BA NI SDUG BSNGAL 'KHOR BA'I ZHES BSTAN PA DANG SBYOR BA YIN NO, ,DE'I PHYIR ZAG PA MED PA RNAMS LAS THAL BA MA YIN NO, ,RTAG PA KHO NA LAS GOMS PA LA SOGS PA'I DBANG GOS DMIGS BYA GZHAN DANG GZHAN DU 'GYUR BA MA YIN NAM, NGO BO RTAG PA KHO NA YIN NO SNYAM DU SEMS PA LA, DMIGS PAR BYA BA NYID NI ZHES BYA BA SMOS SO, ,RTAG PA NYID YIN NA DMIGS BYA NYID MI DMIGS PA'I DUS SU YOD PAR 'GYUR ZHES BSTAN PA NI, THAMS CAD KYI TSE ZHES BYA BA STE, RGYU NI BDAG DANG BDAG GIR 'DZIN PA YIN LA,

'GREL PA'I PHYIR NI DBANG DU 'GYUR BA'I PHYIR RO, ,SKYED PAR BYED PA MA YIN PA ZHES BYA BA NI RJES SU 'GRO BA DANG LDOG PAR DMIGS PA MED PA'I PHYIR RO ZHES BYA BA'I DON TO, ,BYIN GYIS BRLABS PA'ANG MIN, ,ZHES BYA BA 'DI LA MI DMIGS PA'I TSAD MA BSTAN PA NI, BDAG GIS BYIN GYIS BRLABS PA CAN; ZHES BYA BA'O, ,BDAG MIN ZHES BYA BA 'DI LA YANG DE KHO NA YIN PAR BSTAN PA NI, GANG YIN PA ZHES BYA BA'O, ,DBANG PO LAS 'DAS PA BYIN GYIS RLOB PAR SMRA BA PO ZHES ZER BA NI, GAL TE BYIN GYIS MA BRLABS PA'I ZHES BYA BA'O, ,MI RTAG PA'I SEMS CAN GYIS BYIN GYI BRLABS PA YIN NA GZHAN DU MI 'THAD PAS DON MI RTAG PAR SEMS PAS BYIN GYIS RLOB PA THOB PA YIN NO ZHES BSTAN PA NI, MA YIN TE, MI RTAG PA'I SEMS PAS ZHES BYA BA'O, ,GAL TE YANG NYAMS SU MYONG BA'I BAG CHAGS LAS BYUNG BA'I 'BRAS BU YIN LA, 'DI LA GZHAN MI RTEN PA CI LAS NYIN, DBANG PO LAS 'DAS PA LA SOGS PAR BYED PA YOD PA MA YIN NO SNYAM DU SEMS PA LA DBANG PO LAS 'DAS PA SPONG BAR BYED PA NI MA YIN GYI, 'ON KYANG 'DI'I RGYU NYID LA MTHONG BA TZAM LAS BYUNG BA'I 'BRAS BU NI KHYAB PAR BYED PA 'GAL BA YIN PAR BSTAN PA NI, 'BRAS BU'I SKYE BA MED PA'I PHYIR, ,ZHES BYA BA STE; DE TZAM LAS MI 'BYUNG BA NI RGYU GZHAN NYID KHYAB PAR BYED PA NYID KYIS KHYAB PAR BYED PA YIN LA, 'DI YANG 'GAL BA 'BYUNG BA YIN LA, YOD KYANG KHYAB BYAR BYED PA MED PA YIN NA CI LTAR KHYAB BYA NUS PA YOD PA YIN ZHES BYA BA'I DON TO, ,RUNG BA'I KHYAD PAR NI BAG CHAGS KYI KHYAD PAR RO, , GANG GIS DE MED PAR ZHES BYA BA NI KHYAB PAR BYED PA MED PAS SO, ,KHYAB PAR BYED PA MED KYANG KHYAB BYA SRID PA YIN NA RGYU RNAMS LA 'DI TZAM ZHES MED PAR 'GYUR BAR BSTAN PA NI, ,RJES SU 'GRO BA MED PA TZAM, ,ZHES BYA BA'O, ,YUL LA KHYAB PA MED PA'I PHYIR DE LA MED PAS KHYAB PAR BYED PA MED PA YIN NO SNYAM DU SEMS PA LA, RTAG PA KHYAB PA MA YIN YANG, ,ZHES BYA BA STE, RTAG PA NYID KYIS SKYED BYED GCIG GI NGO BO YIN ZHES BYA'O DON TO, ,DE'I PHYIR SKAD CIG MA YANG CIS THAMS CAD KYI SKYED BYED MA YIN ZHES BYA BA NI THAL 'GYUR MA YIN NO, ,GANG KHO NA'I PHYIR SDUG BSNGAL THER ZUG PA

, ,MA YIN PA NI RES 'GA' BA YIN PA DE'I PHYIR RANG NYID GRUB PA LA BAG CHAGS LA SOGS PA CAN NI RJES SU 'GRO BA DANG LDOG PA DANG LDAN PA'I PHYIR RGYUR GO BAR BYED PA YIN PA'I PHYIR, RTAG PA BZHIN DU MI RTAG PA YANG JI LTAR RGYU YIN ZHES ZER BA MI RIGS PAR BSTAN PA NI, NGES 'GA' BA NYID CES BYA BA'O, ,RGYU MED PA CAN GYI SDUG BSNGAL NI RTAG TU BA YIN LA, MI RTAG PA NI MED PA KHO NA YIN TE, SNGAR BZHIN DU PHYIS KYANG SKYE BA'I RGYU MED PA YIN NA, MED PA'I PHYIR RO ZHES BSTAN PA NI, RTAG TU YOD PA'AM ZHES BYA BA'O, ,YOD PA MA YIN PA NI, RANG NYID 'GRUB PA LA GZHAN LA LTOS PA YIN NA, PHYIS KYANG DE BZHIN DU 'GYUR RO, ,ZHES DE BZHIN DU YOD PA YANG SNGAR NYID NGO BO YOD PAS RANG BZHIN LAS MA LOG PA'I PHYIR LTOS PA MED PA KHO NA YIN PAR BSTAN PA NI, GZHAN LAS MI LTOS PHYIR ZHES BSTAN PA'O, ,DGONGS PA 'DI NYID KYIS KUN 'BYUNG GI BDEN PA STON PAR BSTAN PA NI, KUN 'BYUNG BA'I BDEN PA LA YANG ZHES BYA BA'O, ,SDUG BSNGAL LA RGYU MED CES ZER BA DGAG PA'I PHYIR, RGYU NYID CES BYA BA'I RNAM PAR BSTAN PA NI, DE LA RGYU NI ZHES BSTAN PA'O, ,RGYU GCIG NI GTZO BO LA SOGS PA'O, ,GTZO BO LA SOGS PA BZHIN DU SRED PA MI NUS PA MA YIN PAR BSTAN PA NI, MI NUS PA SPANGS PAS ZHES BYA BA'O, ,DE LA RNAM PA DANG PO'I BSHAD PA NI, RES 'GA' BA NYID CES BYA BA'I TSIGS SU BCAD PA YIN PAR BSTAN PA NI, SDUG BSNGAL GYI NI RGYU YOD CES BYA BA'O, ,GZHAN NI ZHES BYA BA NI RGYU MA YIN PA'O, ,GZHAN DU ZHES BYA BA NI RGYU DANG 'BREL PA MED PA'O; ,YANG NA SNANG BZHIN PA'I YOD PA NI MI RTAG PA YIN LA, DE LA LTOS NAS GZHAN DU NI RTAG PA YIN NO ZHES BYA BA'I DON TO, ,RTAG TU YOD PA 'AM ZHES BYA BA 'DI NYID LA BSHAD PA GZHAN BSTAN PA NI YANG NA ZHES BYA BA'O, ,RTAG PA ZHES BYA BA THER ZUG TU GNAS PA NI MA YIN NO, ,'ON KYANG YUL THAMS CAD DU YANG 'BYUNG BA YIN NO, ,DPER NA RAB RIB CAN GYI YUL GYI RGYU MED PA'I SKRA LA SOGS PA'I SHES PA DBANG PO MNGON PAR PHYOGS PA TZAM LAS BYUNG BA NI THAMS CAD DU 'BYUNG BA YIN LA, SDUG BSNGAL YANG RGYU MED NA DE LTAR 'GYUR BAR BSTAN PA NI, JI LTA JI LTAR ZHES BYA BA'O, ,RANG RIG BAS

NI ZHES BYA BAS TSAD MA BSTAN PA YIN LA, DE'I PHYIR STONG PA NYID TZAM DMIGS PA RTOG PA MED PA'I SHES PA NI RMI LAM BZHIN DU STE, RMI LAM LA YANG RANG GI NGO BO TSAD MA'I YUL YIN PA'I PHYIR RO ZHES BYA BA'I DON TO, ,RTAG TU BA NI THER ZUG TU GNAS PA MA YIN PAR BSTAN PA NI, RES 'GA' BA MIN MTSAN NYID CAN, ,ZHES BYA BA'O, ,MED PAR ZHES BYA BA BSHAD PA NI, MO GSHAM BU SOGS ZHES BYA BA NI 'DIR YANG, YANG NA ZHES BYA BA'I BSHAD PA GZHAN NI RGYU MED NA 'BRAS BU NYID DON DAM PAR MED DO ZHES BYA BA'I DBU MA PA'I LTA BA SLAR YANG BRJOD BYA YIN PA'O, ,SDUG BSNGAL GYI RGYU RES 'GA' BA YIN DU ZIN KYANG DE 'BYUNG BA CHEN PO'I BDAG NYID KHO NA MA YIN NAM, MA RIG PA DANG, SRED PA DANG, LAS KYI NGO BO MA YIN ZHING, ,DBANG PHYUG LA SOGS PA'I NGO BO YANG MA YIN NO, ,'JIG RTEN PHA ROL GRUB PA LA 'BYUNG BA CHEN PO RGYU NYID YIN PA BKAG PA MA YIN NAM, BRJOD PA, SRID BA DANG PO'I SEMS NI MA LA SOGS PA DANG, MTSAN NYID MI MTHUN PA'I SEMS KYI 'DU BYED PA'I RJES SU BYED PA NYID KYIS SEMS GZHAN RTOGS PAR BYED PA YIN PA'I PHYIR, SEMS KYI NGO BO'I 'JIG RTEN PHA ROL GRUB KYANG SDUG BSNGAL LA SOGS PA'I GNAS SKABS KYI NGO BO RNAMS LA SOGS PA SEMS PA CAN GYI RGYU CAN NI MA YIN TE, RGYU 'BYUNG BA CHEN PO TZAM YOD NA GRUB PA YIN NO ZHES RGOL BAR BYED PA NI, JI LTAR TSER MA ZHES BYA BA LA SOGS PA STE, 'BYUNG BA CHEN PO TZAM KHO NA CHOS CAN SKYED BYED LAS YIN PA'I PHYIR, RGYU ZHES BYA BA NI SEMS PA CAN YIN LA, DE BZHIN DU SRID PA'I NGO BO 'DI YANG BDE BA DANG SDUG BSNGAL CAN LA SOGS PA YUL LA YOD PA NI, 'JIG RTEN PHA ROL DU 'BYUNG BA'I SEMS CAN GYI YANG RGYU MED PA NI YOD PA MA YIN PA'I SEMS PA DANG LDAN PA'I RGYUR 'GYUR ZHES RGYU MED PA CAN SMRA BA 'GA' ZER BA YIN NO, ,RANG BZHIN NYID KYIS ZHES BYA BA LA SOGS PA NI 'PHANG ZHES BYA BA LA SOGS PAS BSHAD PA YIN NO, ,DE LA KHYAD PAR DAG KYANG ZHES BYA BA LA SOGS PA NI MGAR PA LA SOGS PA MED KYANG ZHES BYA BA LA SOGS PAS SO, ,DE LA DON NI 'DI YIN TE, 'BYUNG BA CHEN PO'I NGO BO NI 'DI YIN TE, 'BYUNG BA CHEN PO'I NGO BO NI 'BYUNG BA CHEN PO KHO NA LAS 'BYUNG BA'I PHYIR, SEMS PA CAN GYIS BYAS PA MA YIN

, ,LA; BDE BA CAN DANG SDUG BSNGAL CAN LA SOGS PA'I NGO BO'I KHYAD PAR YIN LA, DE RNAMS KYANG TSER MA'I RNO BA LA SOGS PA'I NGO BO CHOS CAN GYI RGYU'I BSKYED BYA KHO NAR SNANG BA YIN GYI SEMS PA DANG LDAN PA'I RGYU CAN NI MA YIN NO, ,DE MED KYANG STE SEMS PA DANG LDAN PA'I RGYU MED KYANG NGO, , YOD PA'I PHYIR ZHES BYA BA NI RNO BA DANG ZHES BYA BAR SBYAR RO, ,GANG GI TSE SNYAM DU SEMS NA KHYAD PAR NI, MGAR BA LA SOGS PA MED KYANG NGO, ,GAL TE RES 'GA' MGAR BA LAS 'DI YANG 'BYUNG BA YIN NO SNYAM DU SEMS PA LA, RGYU NGES PA MED PA CAN 'DI NYID DA GANG GI RGYU NGES PA MED PA DE NI RGYU MED PA CAN YIN NO, ,GAL TE MA NGES PA'I RGYU CAN DU 'GYUR NA YANG RGYU MED PA CAN LTAR 'GYUR, BRJOD PA, MA NGES PA'I RGYU CAN NI DE'I RGYU NYID KYI DUS SU GZHAN GYI RGYU NYID SPANGS PA YIN LA, GZHAN GYI RGYU NYID KYI DUS SU YANG DE'I RGYU NYID YIN PA'I PHYIR, RGYU MED PA CAN NYID DU TSER MA LA SOGS PA'I RNO BA'I KHYAD PAR YANG 'BYUNG BA TZAM GYI BSKYED BYA MA YIN TE, KHYAB PAR MED PAR MI 'BYUNG BA'I PHYIR RO, ,RGYU SHUG GI SA BON LA SOGS PA'I NGO BO YONGS SU GYUR PA LA LTOS NAS KHA CIG TU 'GYUR BA KHO NA YIN ZHE NA, YONGS SU GYUR PA NYID KYANG 'BYUNG BA TZAM LAS BYUNG BA YIN GYI CIS THAMS CAD LA MA YIN, DE'I PHYIR 'BYUNG BA TZAM LAS MI SRID PA'I KHYAD PAR NI RGYU GZHAN LAS JI LTAR RANG GI DBYE BAS THA DAD PA'I LAS DANG SEMS PA'I NGO BOR RTOGS PAR BYED PA'I PHYIR, RGYU MED PA CAN NYID BSTAN PA NI, GANG YOD NYID NI ZHES BYA BA'O, ,'ON TE RGYU SHUG GI SA BON GZHAN LAS DE'I SKYED BYED NI DE YONGS SU 'GYUR BA YIN LA, DE YANG DE LAS GZHAN PA LAS DE'I SKYED BYED YONGS SU GYUR PA YIN ZHES THOG MA MED PA'I YONGS SU GYUR PA'I KHYAD PAR YIN NA, SHUGS KYIS LAS 'THOB PA YIN ZHES ZER NA, DE LA YANG GANG YOD NYID NA ZHES BYA BA LA SOGS PA SLAR 'KHOR BA YIN NO, ,SNGA MA SNGA MA'I KHYAD PAR JI LTA BA KHO NA BZHIN DU KHYAD PAR GYI SKYED BYED RGYU SHUG GI TSER MA LA SOGS PA RNAMS LA, DE KHO NA BZHIN DU MA RIG PA DANG SRED PA DANG LAS KYI NGO BO DAG 'GEGS PA DANG KHYER BA LA SOGS PA'I BYA BA NI SRED PA SKYED BYED DU MTHONG BA'I PHYIR THOG MA

MED PA'I YONGS SU GYUR BA'I KHYAD PAR NI RGYU NYID DU BRTAG BAR MI NUS SO ZHES BYA BA'O DON TO, ,THOG MA MED PA'I YONGS SU GYUR PA'I KHYAD PAR LA DGONGS NAS BSTAN PA NI RGYA SHUG GI TSER MA'I ZHES BYA BA'O, ,LAS KYI NGO BO'I SEMS PAS SKYED BYED YIN PA LA DGONGS NAS BSTAN PA NI, BLO SNGON BYED PA DMIGS PA'I PHYIR, ,ZHES BYA BA'O, ,DE NYID LAS NI ZHES BYA BA LCAGS KYI TSER MA LAS SO, ,KHYAD PAR YOD MOD CES BYA BA NI LCAGS KYI TSER MA LA YOD PA'O, ,RGYU BCAS NYID NI SEMS PA DANG LDAN PA'I RGYU CAN TE, SNGA MA SNGA MA'I SEMS PA'I KHYAD PAR GYI RJES SU 'GRO BA DANG LDOG PA'I RJES SU BYED PA NI SEMS DANG DBANG PO LA SOGS PA BZHIN DU DE'I RGYU CAN DU 'GYUR RO ZHES BYA BA'I DON TO, ,DE'I PHYIR GZHAN YANG SNGA MA SNGA MA'I YONGS SU GYUR PA'I KHYAD PAR LAS MNGON PAR 'BYUNG BA YIN YANG YUL DANG DUS LA SOGS PA NGES PA'I DBANG GIS NGES PAR BYED PA 'PHANGS PA KHO NA YIN PAR BSTAN PA NI, 'GA' ZHIG RGYA SHUG SA BON LAS, ,ZHES BYA BA'O, ,LAS KYI SBYOR BA LAS BYAS PA'I GSER YANG MA BYAS PA LTA BUR SNANG BA MA YIN NAM, DE'I PHYIR BYAS PA DANG MA BYAS PA DAG LA KHYAD PAR MED DO, ,DE LTA YIN NA BDEN PA'I SO SOR SNANG BAR MNGON PAR 'DOD PA YANG MI BDEN PAR 'GYUR TE, MI BDEN PA'I RMI LAM NA SO SOR SNANG BA DANG KHYAD PAR MED PA'I PHYIR RO ZHES BSTAN PA NI, KHYAD PAR MED PA KHO NA ZHES BYA BA'O, ,DE LTA YIN NA KHYAD PAR MED PA'I SO SOR SNANG BA TZAM 'GYUR BAR BSTAN PA NI, GNYIS MED DE NYID CES BYA BA'O, ,DE'I PHYIR KHA CIG TU THE TSOM CAN DU MTHONG BA LAS THAMS CAD THE TSOM ZA BAR BYA BA MA YIN BA NI, DE'I PHYIR GANG LAS ZHES BYA BA'O, ,'DI LTAR RGYU DANG BRAL BA'I ZHES BYA BA NI RAB RIB CAN GYI SKRA'I SHES PA BZHIN DU YUL DANG DUS LA SOGS PA'I KHYAD PAR NI MA YIN NA, GANG YOD NYID NA ZHES BYA BA DE MED NA MED PAS DE 'BRAS BU NYID DAM, DE'I RGYU NYID DU MI RIG PA MA YIN NAM, 'BRAS BU DANG RGYU MA YIN PA DAG GI REG BYA DANG GZUGS KYI SHES PA DAG NI DE MED NA MED PA YIN PA'I PHYIR RO SNYAM DU SEMS PA NI, GAL TE GANG YOD PA NYID NA ZHES BYA BA'O, ,MTHONG BA NI MIG GI BSKYED BYA GZUGS KYI SHES PA YIN ZHING,

, ,GZUGS KYI RGYU CAN NI MTHONG BA YIN LA, REG PA'I RJES SU 'GRO BA DANG LDOG PA GZHAN DU GRUB PA YIN NA RGYU MED PA'I SNA TSOGS PA NI TSOGS PA GCIG LA RAG LAS PA NYID MA YIN TE, GZHAN DU GRUB PA NYID LA RGYU MTSAN YOD PAR BSTAN PA NI, TSOGS GCIG LA RAG LAS ZHES BYA BA'O, ,DE LTA BU'I RNAM PA CAN GYI LDOG PA NI SDUG BSNGAL GYI RGYU LAS RGYU NYID KYIS RGYU MTSAN BRJOD PA MA YIN PAR BSTAN PA NI, RNAM PA 'DI LTA BU'I LDOG PA LAS ZHES BYA BA'O, ,REG PA MED NA MED PA NI, GZUGS MED NA MED PA KHO NA 'BA' ZHIG NI MA YIN GYI 'BA' ZHIG NI RGYU NYID KYI RGYU MTSAN YIN PAR BSTAN PA NI, 'ON KYANG GAL TE GZUGS ZHES BYA BA'O, ,'BA' ZHIG NI DNGOS SU RGYU NYID KYI RGYU MTSAN YIN LA, BRGYUD PAS NI 'BA' ZHIG MA YIN PA YANG NGO ZHES BSTAN PA NI, YANG NA ZHES BYA BA'O, ,LHAN CIG 'BYUNG BA'I RGYU NYID KHAS LEN PAR BYED PAS BRGYUD PA YIN GYI SNGA MA DANG PHYI MA NYID KYIS MA YIN PAR BSTAN PA NI, PHAN TSUN MI BRAL BA NYID KYIS SHES PAR BYA BA'O, ,RGYU YIN PA'I PHYIR ZHES BYA BA STE, RGYU NYID DU SGRUB PA LA RANG NYID MED NA MED PAR BYED PA NYID KYI'O, ,RNAM PA GNYIS PA ZHES BYA BA NI RGYU GCIG BKAG PAS SO, ,RGYU DANG BCAS PA NYID CES BYA BA NI RNAM PA DANG PO DANG 'BREL PA YANG RGYU GCIG NYID MI 'DOD PA'I PHYIR DE DGAG PA'I DON DU RNAM PA GNYIS PA YIN ZHES BYA BA'I DON TO, ,RTAG PA NYID DU 'GYUR ZHES BYA BA NI DUS THAMS CAD PAR 'GYUR TE, DUS GCIG KHO NAR 'GYUR ZHES BYA BA'I DON TO, ,LTOS PA MED PAS ZHES BYA BA NI GCIG NYID YIN NA LTOS PAR BYA BA MED PAS RIM PA CAN DU 'GAL BA'I PHYIR DANG, CIG CAR BA NYID KYANG MA YIN PAR BSTAN PA NI, DE DAG CES BYA BA'O, ,DE NYID BKAG PA'I RGYU MTSAN RIM PA DANG RIM PA MA YIN PA MA TSANG BA NYID LA, DE DAG LAS ZHES BYA BA LA SOGS PA'I 'DRA BA SNGON DU 'GRO BA CAN GYI GSAL BAR BYED PA YIN NO, ,DE NYID KYI PHYIR DE RNAMS KYI BAR DU SKYE BA NYID RNAM PA GSUM PA MA YIN PAR BSTAN PA NI, RNAM PA GSUM PA RAB TU SKYE BA MA YIN ZHES BYA BA'O, ,DE LTA YIN NA DE GANG GI YIN ZHE NA, SRED PA NYID KYI STE, NUS PA MED CING ZHES BYA BA DANG SBYAR RO, ,YUL GYI KHYAD PAR MTHO RIS LA SOGS PA'I RIS KYI KHYAD PAR CAN

YIN LA, DE YONGS SU 'DZIN PA NI RANG GIR BYED PA'O, ,DE THOB PA'I SEMS PAS BYAS PA NI YUL GYI KHYAD PAR THOB PA'I BYAS PA'O, ,LAS DANG LUS DANG MA RIG PA RNAMS RGYU NYID KYANG, YUL GYI KHYAD PAR LA SOGS PA LA 'JUG PA'I SRED PA KHO NA YIN PAR BSTAN PA NI, RGYU GZHAN NAM ZHES BSTAN PA'O,, SRED PA NI 'DREN PA'I BYED PA LAS RAB TU SKYE BA YIN DU ZIN KYANG JI LTAR SRID PA 'DOD PA YIN SNYAM DU SEMS PA LA DE KHO NA DE YIN PAR BSTAN PA NI, DE NI SRID 'DOD CES BYA BA'O, ,KUN 'BYUNG NI YANG NUS PA SRED PA TZAM YANG MA YIN LA, SRID PA 'DOD PA TZAM YANG MA YIN PA MA YIN NAM, 'DOD PA'I SRID PA LA SOGS PA GSUM KUN 'BYUNG BA NYID YIN PAR MDO SDE LAS GSUNGS PA YIN NO SNYAM DU SEMS PA NI, GAL TE YUL GYI KHYAD PAR ZHES BYA BA'O, ,GANG PHYIR YANG ZHES BYA BA'I YANG GI SGRAS NI BSDUS PA'I DON DANG 'BREL PA'I PHYIR DE YANG ZHES BYA BAR 'GYUR TE, SRID PA LA SRID PA KHO NA 'BA' ZHIG SRED PA 'DOD PA NI MA YIN GYI 'ON KYANG DE YANG NGO, ,DE YANG GANG YIN ZHE NA, GANG GI PHYIR NI SRID PA 'DOD PA LAS SO, ,SROG CHAGS ZHES BYA BAS NI SHES RAB DANG BRAL BA BSTAN TO, ,DE LTA YIN NA JI LTAR 'JUG PAR BYED, CES BSTAN PA NI, BDE BA DANG SDUG BSNGAL DANG 'BREL PA CAN 'THOB PA DANG MI 'THOB PAR 'DOD PA ZHES BYA BA NI PHAN 'DOGS PA'I YUL LA 'JUG PA'I RGYU SRED PA YIN PAR BRJOD NA, DE NYID BDE BA DANG SDUG BSNGAL DAG LA PHRAD PA DANG BRAL BAR 'DOD PA DAG GI DBYE BAS DOR BA'I SRED PA YANG MDO SDER GSUNGS PA YIN PAR BSTAN PA NI, 'DOD DANG 'JIG SRED CES BYA BA STE, 'THOB PA DANG MI 'THOB PAR 'DOD CES BYA BAS DBANG PHYUG 'DZUD BYED YIN PA BSAL BA YIN PA NI KHA CIG GIS 'DOD DO, ,DE YANG JI LTAR 'DOD PA SRED PA YIN ZHE NA, SRID PA'I SGRA NI 'KHOR BA'I RNAM GRANGS YIN LA, 'KHOR BA YANG GNAS DANG LONGS SPYOD BDE BA DANG PHRAD PA DANG, SDUG BSNGAL DANG BRAL BA YANG YIN TE, DE LA 'DOD PA RNAM PA GSUM 'BYUNG NGO ZHES BYA BA'I DON TO, ,SOGS PA'I SGRAS NI BDE BA DANG PHRAD PA DANG, SDUG BSNGAL DANG BRAL BA DAG BZUNG NGO, ,DGA' BA NI YID BDE BA YIN LA, DE ZHES BYA BA NI SRID PA 'DOD PA'O, ,THAMS CAD NI GCIG KHO NA MA YIN PA'I PHYIR RDZAS MA

, ,LUS PAR BRJOD PA'I RNAM PA'I DBYE BA NI, 'DOD PA'I SRED PA ZHES BYA BA LA SOGS PA'O, ,PHYE BA BSTAN PA NI, GANG ZHIG GNAS LA SOGS PA ZHES BYA BA STE, SOGS PA'I SGRAS NI LONGS SPYOD DO, ,'DI LA 'GAL BA MED PA DE BZHIN DU 'BYUNG BAR BSTAN PA YIN NO, , MA RIG PA NI SGRIB PA'I BDAG NYID CAN MA YIN NAM, 'DREN PA YANG, RNAM SHES KYIS BSGRIBS PA LAS YIN TE, SGRO 'DOGS PA NYID DANG, 'DREN PA LAS ZHES GSUNGS PA'I PHYIR SRED PA LAS NI MA YIN TE, 'GUGS PA'I BDAG NYID YIN NO SNYAM DU SEMS PA LA SRED PA'I YAN LAG THAMS CAD LA SRED PA'I BYA BA YOD PA YIN TE, CHAGS PA'I BDAG NYID YIN PA'I PHYIR RO ZHES BSTAN PA NI, BDAG TU CHAGS PA'I ZHES BYA BA STE, KUN LA RAB TU 'JUG PA STE, 'KHOR BA 'DIS YIN PA'I PHYIR 'JUG PA NI MA RIG PA LA SOGS PA RTEN 'BREL GYI YANG LAG YIN LA, DE THAMS CAD DE LA BDAG TU LTA BA'I MA RIG PA YOD PA YIN TE, DE MED NA MI 'JUG PAR THAL BAR 'GYUR BA'I PHYIR RO, ,DE YANG CHAGS PA'I SNYING PO CAN YIN PA'I PHYIR SRED PA YIN NO, ,DE BZHIN DU BDAG GIR LTA BAR YANG CHAGS PA'I SNYING PO CAN DU BRJOD PAR BYA BA YIN LA, DE MED KYANG MED PAR THAL BAR 'GYUR BA'I PHYIR RO ZHES BSTAN PA NI, BDE MIN NI BDAG GI BAR MNGON PAR 'DOD PA'O, ,BDE BAR 'DU ZHES PA NI BDAG GI BA NYID KYIS 'KHYUD PA NYID LAS TE, 'GRO BA'I YUL LA SOGS PA BDE BA YIN PA'I PHYIR CHAGS PA'I YUL NYID DU BRJOD DO, ,DE NI ZHES BYA BA NI MING GZHAN SRED PA ZHES BYA BA'I CHAGS PA STE RGYU NYID CES BYA BAR SBYAR RO, ,RAB TU 'JUG PA NI YAN LAG LA'O, ,YAN LAG GI YUL BSTAN PA NI GNAS DANG LONGS SPYOD LA SOGS PA BDAG GI BAR MNGON PAR 'DOD PA LA'O, ,PHYIN CI LOG BA ZHIS NYAMS PA ZHES BYA BA NI BDE BAR 'DU SHES PA ZHES BYA BA 'GREL PA'O, ,BDAG GIR LTA BA'I CHAGS PA'I SNYING PO CAN DU BSTAN PA YIN LA, 'DI'I RGYU NYID KYI LHAN CIG BYED PA NYID KYIS PHAN 'DOGS PAR BYED PA NYID KYI YAN LAG YIN PA'I PHYIR SNYING RJE DANG LDAN PA YIN NO, ,'DI NYID LAS BYA BA NI CHAGS PA'I NGO BO'I SRED PA NI THAMS CAD LA PHAN 'DOGS PAR BYED PA NYID KYIS LHAN CIG BYED PA NYID DU BRJOD PA'I

PHYIR RO, ,GAL TE SRED PA MED PAS MED PA'I PHYIR, RTEN 'BREL NYID YIN NA LUS MED NA YANG SKYE BA MED PAR 'GYUR RO, ,JI SKAD DU, 'BYUNG RNGUB DBANG PO BLO ZHES BYA BA'I TSIGS SU BCAD PA'I DON BSTAN PA NI, GAL TE RKYEN NYID KYANG ZHES BYA BA'O, ,JI LTAR 'DOD CHAGS DANG BRAL BA ZHES BYA BA NI TSIG GI DON BSHAD PA YIN NO, ,RIGS PA 'DI NYID NI ZHES BYA BA NI DE MED NA MED PA'O, ,RGYU MTSAN KHAS BLANGS PHYIR ZHES BYA BA'I DON BSTAN PA NI, 'DOD CHAGS MED KYANG ZHES BSTAN PA'O, ,'DI ZHES BYA BA NI LUS RGYU MTSAN NYID CES BYA BA'I TSIG NI NYE BAR LEN PA NYID KYI TSIG LA GNOD PA YIN NO, ,ZOS PA NI GSOL PA'O, ,DPYAD PA NI NGES PAR BRTAG PA'O, ,BLO GROS 'BAR BAS NI KHYED KYIS SO, ,SKYE BA STE LUS DANG LHAN CIG 'BYUNG BA NI 'DOD CHAGS DANG DUS MTSUNGS PAR 'BYUNG BA'I PHYIR RGYU NYID MA YIN TE, SNGAR YOD PA NYID RGYU YIN PA'I PHYIR RO ZHE NA, LHAN CIG 'BYUNG BA'I NGES PA BSHAD PA'I DON DU, RDZAS YON TAN DANG BCAS PA NYID RGYU MTSAN YIN NO ZHES ZER BA NI, GAL TE YON TAN DANG BCAS PA ZHES BYA BA STE, 'DI NYID BSHAD PA NI, GAL TE SKYE BA ZHES BYA BA STE, SKYE BA'I SNGA ROL MA MTHONG BA'I PHYIR DA LTAR MTHONG BA LAS LHAN CIG 'BYUNG BAR NGES PA YIN LA, DE LAS KYANG YON TAN DANG BCAS PA'I RDZAS SKYE BA'I RGYU MTSAN YIN NO ZHES BYA BA'I DON TO, ,'DI LA BRJOD PA NI, SKAL MNYAM SKYE LAS ZHES BYA BA STE, JI LTAR LHAN CIG 'BYUNG BA'I 'DOD CHAGS SKYE BA'I RGYU MA YIN PA DE BZHIN DU SKYE BA YANG LHAN CIG 'BYUNG BA'I PHYIR 'DOD CHAGS KYI RGYU MA YIN PA'I PHYIR RGYU SNGAR BYUNG BAR RTOGS PA NA, 'TSO BA'I GNAS SKABS SU MTHONG BA'I PHYIR SKAL PA MNYAM PA NYID DE, 'DRA BA NYID TSUL BZHIN MA YIN PA YID LA BYED PA NYID RGYUR BTAGS PA YIN NO ZHES BYA BA'I DON TO, ,BDAG DANG BDAG GIR LTA BA'I CHAGS PA'I SNYING PO CAN RGYU MA YIN NAM, CHAGS PA NI MA YIN NO, , 'DI BSTAN PA NI BDAG DANG BDAG GIR 'DZIN PAS BYAS PA'I CHAGS PAS ZHES BYA BA LA SOGS PA YIN NO, ,DE'I PHYIR DER LTA BA YANG RGYU KHO NA YIN GYI SRED PA NI MA YIN NO SNYAM DU SEMS PA LA, RGYU YIN YANG ZHES BYA BA STE, SGRIB PAR BYED PA'I BDAG NYID YIN PAS 'DZUD BYED MA YIN PA'I PHYIR RO,,

, ,DE'I PHYIR MI SHES PA STE MA RIG PA NI KUN 'BYUNG BA'I BDEN PA LA MA BRJOD PA YIN NO, ,SRED PA NI 'DZUD BYED YIN PA'I PHYIR BRJOD PA YIN PAR BSTAN PA NI, BSHAD PA ZHES BYA BA'O, ,GSUM RGYU YIN PA'I PHYIR ZHES BYA BA NI RTEN CING 'BREL PAR 'BYUNG BA'I YAN LAG RNAMS LA MA RIG PA DANG LAS DAG KYANG BRJOD PA'I PHYIR ZHES BYA BA'I DON TO, ,BAR DU MCHOD PAS ZHES BYA BA NI NYES BYAS SO, ,DE MA THAG NYID DU SGRUB PAR BYED PA NI GTI MUG DANG LAS DAG CES BYA BA'O, ,SRED PA MED NA LAS LA NUS PA MED PAR BSTAN PA NI, DE YOD PA NA ZHES BYA BA'O, ,LAS KYIS SBYAR BA ZHES BYA BA NI 'DI NYID KYI BSHAD PA YIN NO, ,SRED PA MED PAS YONGS SU 'DOR BA MA YAN GYI, 'ON KYANG LAS GZHAN GYIS BYAS PA KHO NA DE YANG YIN PA'I PHYIR GROL BA'I BDAG NYID CAN RNAMS KYI SKYE BA MED BA YANG LAS MED PAS BYAS PA KHO NA YIN GYI SRED PA MED PA NYID KYIS BYAS PA MA YIN PAR BSTAN PA NI, GAL TE BLO ZHES BYA BA'O, ,RE ZHIG SRID PA MED NA 'BYUNG BA YONGS SU 'DOR BA NI LAS GZHAN GYI NUS PAS 'PHANGS PA MA YIN TE, GZHAN DU YANG YIN PA'I PHYIR RO, ,'ON TE SRED PA MED NA LAS NYID MI 'BYUNG BA DE'I PHYIR LAS MED PA BYAS PA'I YONGS SU 'DOR BA YIN GYI LAS GZHAN GYIS BYAS PA MA YIN NO, ,'DI LA YANG BRJOD PA, SRED PA DANG NI RNAM BRAL NA, ,ZHES BYA BA NI LAS MED PA'I SGO NAS SRED PA NYID DER BYA BA BYED PA YIN NO, ,DE'I PHYIR SRID PA GTZO BO YIN TE MED PA KHO NA LA SBYOR BAR BYED PA'I PHYIR RO, ,'ON TE LAS MED PA NYID SBYOR BYED YIN TE, SRED PA YOD KYANG DE MED NA YOD PA'I PHYIR RO, ,DE MA GRUB PA YIN TE, DE YOD NA DE MED PA NYID 'GRUB PA'I PHYIR RO ZHES BSTAN PA NI, 'ON TE 'DI LA SRED YOD NA, ,ZHES BYA BA'O, ,SDUG BSNGAL DE GTAN DU BA MA YIN PA DANG MI BRTAN PA YIN TE, RES 'GA' DMIGS PA'I PHYIR ZHES BSTAN PA DE CI LAS YIN ZHES ZER BA LA, DE NI GTAN DU BA YIN TE, RGYU LA STE KUN 'BYUNG BA'O, ,GEGS BYED PA NI 'GAL BA CAN GYI LAM MO, ,SOGS PA'I SGRAS NI LHAN CIG BYED PA MA TSANG BA BSDU BA'O, ,'DIS NI RGYU MED PA BSTAN PA YIN NO, ,DE LTAR NA 'GOG PA'I BDEN PA YANG 'GOG PA NYID

CES BSTAN PAR 'GYUR BAR BSTAN PA NI DA NI ZHES BYA BA'O, ,'DUS BYAS PA CAN GYI PHUNG PO'I NGO BO GANG YIN PA DE RGYU TSANG BA LA SOGS PA DANG LDAN PA MA YIN NAM, JI LTAR 'DI 'GOG PA YIN, 'GOG PA YIN NO, JI LTAR 'KHOR BA PA YIN SNYAM DU SEMS PA NI 'KHOR PHYIR ZHES BYA BA'O, ,MA YIN ZHES BYA BA NI PHYOGS SNGA MA 'GEGS PA'O, ,CI LAS YIN ZHE NA, 'DOD PA'I PHYIR TE 'KHOR BA PA GANG YIN PA DE GROL BA MA YIN ZHES BYA BA 'DI NI 'DOD PA YIN NO, ,'KHOR BA PA DANG 'GOG PA YIN PA NI SKAD CIG MA LA LTOS NAS 'GAL BA YIN LA, RGYUN LA LTOS NAS 'GAL BA MA GRUB PAR BSTAN PA NI, MA GRUB PHYIR ZHES BYA BA'O, ,BDAG CES BYA BA NI SNGA MA DANG PHYI MA CAN DU GYUR PA NI 'KHOR BA PA YIN TE, RGYU DANG LDAN PA'I PHYIR RO, ,'KHOR BA PA MA YIN PA NI DE DANG BRAL BA'I PHYIR ZHES BYA BA GRUB PO, ,'GAR YANG YOD PA MA YIN NO, ,ZHES BYA BA NI 'DI SKAD CIG MA LA LTOS NAS 'GAL BA NYID BSHAD PA YIN NO, ,'ON KYANG SEMS KYI RGYUN ZHES BYA BA LA SOGS PAS 'GAL BA NYID RGYUN LA LTOS NAS NI 'GAL BA MI 'GRUB PO ZHES BSTAN PA YIN NO, ,MA GRUB PHYIR ZHES BYA BA NYID KYI DON YANG BSTAN PA NI, DON DAM PAR NI ZHES BYA BA STE, DON DAM PAR YONGS SU DPYAD PA 'KHOR BA PA NYID MA GRUB PA YIN LA, KUN RDZOB TU NI 'KHOR BA PA'I PHUNG PO NI SDUG BSNGAL NYID YIN PA LA 'GAL BA MED DO, ,GAL TE GZHAN BCINGS PA YIN LA GZHAN GROL BA YIN NA GZHAN 'GA' ZHIG GI RGYUD DAM, GZHAN YANG BCINGS PA DANG GROL PA DAG LA GNAS PA MA YIN PA DE LTA NA CHAD PA DANG RGYU MED PAR SMRA BA DAG YIN TE, SKAD CIG SNGA MA NI BDAG NYID THAMS CAD KYIS 'GAGS PA YIN LA, PHYI MA YANG RGYU MED PAS MI 'BYUNG BA'I PHYIR RO, ,DE LTAR YONGS SU SHES NA RTOGS PA DANG LDAN PA NI TSANGS PAR SPYOD PA LA GNAS PA MA YIN PA DE LTA NA CHAD PA DANG RGYU MED PAR SMRA BAR MI 'GYUR ZHING, DRANG SRONG CHEN POS GSUNGS PA YANG DON MED PAR 'GYUR BAR BSTAN PA NI GAL TE BCINGS PA ZHES BYA BA STE, 'JIG RTEN PA'I BZANG PO MANG PO BDAG MI 'DOD PA LA NUB PAR 'GYUR TE, RGYU MTSAN GANG GIS GANG LA YANG 'JUG PA MED PA'I PHYIR RO ZHES DPE MANG PO BSTAN PA YIN NO, ,BDAG TU SMRA BA

, ,YANG BDAG YOD PA KHO NAS 'JUG PA DANG LDOG PAR BYED PA MA YIN NO, ,'O NA CI ZHE NA, DE'I BSKYED PA YIN NA DE 'DI NI BDAG MED PAR SMRA BA LA MTSUNGS PAR BSTAN PA NI, JI SRID BDAG CHAGS TE, CHAGS PA'I SNYING PO CAN GYI SHES PA JI SRID DU BCOM PAR MA GYUR PA DE SRID DU BDAG SDUG BSNGAL CAN 'KHOR BA PAR SGRO BTAGS NAS NI KUN DU BTAGS NAS SO, ,YONGS SU GDUNG BA NI SDUG BSNGAL BAS GNAS PA DANG LDAN PAR 'GYUR LA, DE NAS SDUG BSNGAL DE GZHOM PA'I DON DU THABS RJES SU SGRUB PAS DKRIGS PA NI BDE BAR GNAS PA NYID 'THOB PA MA YIN NO, ,DE'I PHYIR BDAG LA CHAGS PA'I MTSAN NYID DE KHO NA LOG PAR SGRO 'DOGS PA GZHOM PA'I PHYIR RTZOM PA NI DRANG SRONG CHEN POS GSUNGS PA'I RJES SU BSGRUB PA YANG YIN TE, GROL PO MED NA YANG ZHES BYA BA NI BDAG MED KYANG NGO, ,DE'I PHYIR TSANGS PAR SPYOD PA LA GNAS PA 'BRAS BU MED PA MA YIN NO, ,'DI NYID BSTAN PA NI, 'ON TE DE LTA BU ZHES BYA BA'O, ,GAL TE DE KHO NA NYID MTHONG BA PO NI DON BYAS PA YIN PA'I PHYIR, RANG GI DON LA 'JUG PA MA YIN GYI GZHAN GYI DON KHO NA LA 'JUG PA YIN NA, 'DI'I CHED DU LAM 'DI KHO POS BSTAN PAR BYA'O ZHES RTOGS PAR MI BYED NA JI LTAR 'BAD PA BYED PA YIN SNYAM DU SEMS PA NI, 'ON TE GAL TE ZHES BYA BA'O, ,KUN RDZOB TU THA SNYAD YOD CES BYA BA NI, SLOB MA LA RDZOGS PA YIN PA'I PHYIR RO, JI LTAR DON DAM PA'I THA SNYAD DU 'GYUR ZHES BYA BA NI STON PA PO RDZOGS PA'I PHYIR RO, ,RE ZHIG SLOB MA YANG STON PA PO BDAG NYID LA YANG GCIG YIN PAR BSTAN PA NI, GCIG NYID KUN RDZOB PA ZHES BYA BA'O, ,STON PA PO NI RNAM PAR RTOG PA MED KYANG SNGA MA'I SHUGS KYIS 'JUG PA NI DE KHO NA NYID DU GCIG PA NYID DAM, THA SNYAD DU YANG MTHONG BA MA YIN NO ZHES BSTAN PA NI, JI LTAR DE NYID CES BYA BA'O, ,STON PA PO LA LTOS NAS 'BAD PA PO'I RTOGS PA YANG RANG RIG PA TZAM NI 'DOD CHAGS DANG BRAL BA YIN PAR BSTAN PA NI, 'BAD PA'ANG ZHES BYA BA'O, ,SA BON LA SOGS PA LA RTOG PA MED KYANG MYU GU 'BYUNG BA JI LTA BA DE KHO NA BZHIN DU YONGS SU RDZOGS PA RNAM PAR RTOG PA MI MNGA' BA LAS KYANG SNGON GYI 'DU BYED LAS THA

SNYAD 'BYUNG BA BSTAN PA NI, RGYU DANG 'BRAS BU'I YONGS SU RDZOGS PA MA YIN PA YANG 'BRAS BU NYID NI RNAM PAR RTOG PA LAS GZHAN PA TSAD MA MA YIN PAR RTOGS PA NI YOD MIN ZHES BYA BA STE, GNOD PA ZHES BYA BA NI RNAM RTOG GO, ,SKAD CIG MA RIG PA MNGON SUM NI RDZOGS PA DANG MA RDZOGS PA'I SNYING RJE DANG RNAM PAR RTOG PA DAG GI 'JUG PAR BYED PA YIN PAR BSTAN PA NI, KHAS BLANGS NAS KYANG ZHES BYA BA'O, ,SANGS RGYAS BCOM LDAN 'DAS RNAMS NI THUGS RJES 'GRO BA JI SRID PAR BZHUGS PA YIN LA, NYAN THOS RNAMS NI LUS KYI DUS NYUNG ZAD PA YIN YANG, TSE RING POR 'PHEL BA'I LAS YOD PA KHO NA YIN NO, ,TSIGS SU BCAD PA 'DI NYID RGOL BA NI, DAM PA'I DON RTOGS PA ZHES BYA BA'O, ,'DI NYID LA LAN 'DEBS PA NYID KYIS TSIGS SU BCAD PA'I DON LA SBYOR BAR BYED PA NI DPYOD PA'I YUL CAN GYI SHES PA DE RTOGS PA NI RANG RIG PA'I NGO BO NYID DO, ,DE LAS YANG BSKAL PA GRANGS MED PA GSUM DU BSAGS PA'I TSE 'PHEL BAR BYED PA'I BSOD NAMS KYI TSOGS DANG LDAN PA'I PHYIR BCOM LDAN 'DAS NYID LA LTOS NAS SO, ,YANG NA LAS KYIS ZHES RNAM PAR BRTAG PAR RIGS PA YIN PA NI, JI LTAR RGYAL PO SKYE DGU LA, ,ZHES BYA BA'O, ,RANG RGYUD LA NI BU LA'O, ,BRTZON LDAN NI RJES SU STON PA LA SOGS PAS SO, ,'DOD BZHIN PA'I 'BRAS BU NI BSOD NAMS RNAMS YIN LA, DE'I PHYIR BCOM LDAN 'DAS MTHA' MI MNGA' BAR BSTAN PA NI, SMON LAM ZHES BYA BA STE, RGYUN MTHA' MED PAR 'GRUB PA KHO NAR 'DOD PA NYID NI LAS KYI 'BRAS BU YIN NO ZHES BYA BA'I DON TO, , RNAM PA DE LTA BU'I ZHES BYA BA NI BDAG GI SDUG BSNGAL CAN NO ZHES BYA BA LA SOGS PA GCIG PA NYID DU SGRO BTAGS PA'O, ,GAL TE LAS KYI ZHES BYA BA'I RGOL BA LA LHAN CIG BYED PA ZAD PHYIR RO ZHES BYA BA LAN YIN LA, 'ON TE DGRA BCOM PA'I LAS LA NUS PA MED NA ZHES BYA BA LA NI 'PHANGS BA LDOG MED CES BYA BA 'DIS SO, ,GAL TE BRTZE BA NI ZHES BYA BA NI 'DOD CHAGS DANG BRAL BAS SEMS CAN MTHONG BA SGRUB PA LAS 'BRAS BU'I GTAN TSIGS MA YIN NAM, BRJOD PA NI SDUG BSNGAL SHES LA ZHES BYA BA STE, GZHAN GYI SDUG BSNGAL SHES NA ZHES BYA BA 'DIS NI PHYI ROL GYI RGYU BSTAN PA

, ,YIN NO, ,'GREL PA MDZAD PAS NI SRED PA MED PAR BRJOD PA YIN LA, DES NA 'GAL BA MED PA ZHES BYA BA NI SDANG BA CAN MA YIN LA, SRED PA DANG BCAS PA NI 'GA' ZHIG TU DE LA GNOD PAR BYED PA LA SDANG BAR 'GYUR RO, ,'DIS NI MI MTHUN PA'I PHYOGS MI MNGA' BAR BSTAN PA NI SNGA MA ZHES BYA BA STE, NANG GI RGYU BSTAN PA YIN NO, ,DNGOS CHOS ZHES BYA BAS NI 'DOD PA DANG GTI MUG LA SOGS PA LA LTOS PA MED PA NYID DU'O, ,SEMS CAN RJES 'BREL CAN MA YIN, ,ZHES BYA BA NI SEMS CAN DU LTA BA LA BRTEN PA MA YIN NO, ,SDUG BSNGAL GSUM NI SDUG BSNGAL GYI SDUG BSNGAL DANG, 'DU BYED KYI SDUG BSNGAL DANG, 'GYUR BA'I SDUG BSNGAL GYI NGO BO YIN NO, ,MNYAM PA NYID CES BYA BA NI DE RNAMS BDAG KHO NA YIN GYI GZHAN NI MA YIN PAR RO, ,SEMS CAN THAMS CAD LA RTAG TU BYAMS PA'I SEMS NI BDAG GO ZHES SAM, 'ON TE BDAG NYID YIN PA MED KYANG BU SDUG LA MA'I TSIG RTZUB BZHIN DU JI LTAR 'JUG PAR 'GYUR ZHES BYA BA'O, ,SEMS CAN MTHONG BA NI 'KHOR BA'I RGYU YIN PA'I PHYIR, SDUG BSNGAL GYI RGYU MA YIN NAM ZHES ZER BA LA, DE LTAR BUR GYUR PA ZHES BYA BA'O, ,BRTZE BA NI SEMS CAN DU LTA BA DANG 'GAL BA DMIGS PA YIN PAR BSTAN PA NI; DE YANG ZHES BYA BA'O, ,BRTZE BA NI CHAGS PA'I BDAG NYID YIN PA'I PHYIR BDAG LA CHAGS PA MED KYANG SEMS CAN RNAMS LA BDAG GI BAR CHAGS PA YIN PA'I PHYIR DE MED PA'I NGO BO NI 'DI'I 'DOD CHAGS DANG BRAL BA NYID MA YIN NO ZHES ZER BA NI GAL TE 'DOD CHAGS DANG ZHES BYA BA'O, ,BDAG LA'AM DE DANG 'BREL PA CAN YANG RUNG BA LA CHAGS PA NI 'DOD CHAGS YIN NO ZHES BSTAN PA NI, DE BDAG MIN PA ZHES BYA BA'O, ,BDAG DANG 'BREL PA CAN GYI BDE BA SGRUB PA NYID KYIS SEMS CAN GYI PHUNG PO DANG GZUR BA LA NI MA YIN PAR BSTAN PA NI, SDUG BSNGAL GYI RGYU NA NI GZHAN GYI STE, REG PA NI 'DZIN PA YIN LA DE NYID 'BA' ZHIG NA DE TZAM STE, SEMS CAN LA CHAGS BA TZAM NI BDAG DANG 'BREL PA DANG BRAL BA'I BRTZE BA YIN NO, ,GAL TE YANG BDE BA DANG 'BREL PA CAN NYID KYIS BDAG TU MI 'DZIN PA YANG BYED PA NYID KYIS GZHAN GYI BDE BA RNAMS LA BDAG TU SGRO 'DOGS PAR 'GYUR BA

KHO NA YIN NO SNYAM DU SEMS PA NI, GAL TE BDAG GI ZHES BYA BA'O, ,BDAG LA BDE BA GNAS PA YIN NA NGES PAR BDAG TU SGRO 'DOGS PAR 'GYUR BAR BSTAN PA NI, GAL TE BDAG DON ZHES BYA BA'O, ,GZHAN LA GNAS PA YIN NA CIS BDAG TU SGRO 'DOGS PA YIN ZHES BSTAN PA NI, GZHAN DON TZAM LA ZHES BYA BA'O, ,JI LTAR CHED KA CHE BA MA YIN ZHES ZER BA LA, RGYAL PO'I DPE ZHES BYA BA STE, GZHAN GYI DON LA 'JUG PA YIN ZHES BYA BA'I DON TO, ,RNAM RTOG MI MNGA' BA YANG SNGON GYI MDZAD PA'I SHUGS KYIS 'JUG PA YIN PAR BSTAN PA NI, SNGA MA SNGA MA LAS ZHES BYA BA'O, ,DE NYID GSAL BAR BYED PA NI, YOD MIN ZHES BYA BA STE, MNGON SUM GYI YUL MA YIN PA'I PHYIR RO, ,GNAS PA MA YIN PA NI SEMS CAN GYI DON GYIS STONG BA NYID DU'O, ,KHYED CAG CES BYA BA NI 'KHOR BA PA'O, ,'KHRUL PA ZHES BYA BA NI RNAM PAR RTOG PA KHO NA STE, MNGON SUM MA YIN PA'O, , BDAG LA GNOD PA BYED PA LA RGYAB KYIS PHYOGS PA NI ZHE SDANG YIN PA LA BDAG DANG BDAG GIR LTA BA'I SNYING PO CAN GYIS RGYAB KYIS PHYOGS PA MA YIN DU ZIN KYANG, PHYOGS PA TZAM YOD PA YIN NO ZHES ZER BA LA BSTAN PA NI, MI GTZANG BA LA SOGS PA MTHONG BA LAS ZHES BYA BA'O, ,ZHE SDANG GI RANG BZHIN DU ZHES BYA BA NI, ZHE SDANG GI YUL GCIG LA KUN DU SBYOR BA'I PHYIR RO, ,'DI LA YANG, BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ,ZHES 'CHANG PAR 'GYUR BA'I LAN BSTAN PA NI, MI SDUG PA BSGOM PAS ZHES BYA BA'O, ,MI RTAG PA LA SOGS PAR LTA BA LA YANG CI'I PHYIR MI 'GYUR ZHES ZER BA LA, BDAG YOD NA NI ZHES BYA BA'O, ,MI RTAG PA NYID DU LTA BAR 'KHRUL PA DANG 'GAL BAR BSTAN PA NI, GANG GI TSE RGYU LA RAG LAS PA ZHES BYA BA'O, ,'DOD CHAGS DANG BRAL BA RNAMS LA BDAG TU LTA BA MED PA'I PHYIR, BDAG TU LTA BA'I SNYING PO CAN GYI ZHE SDANG MI SRID DE, ,DE'I PHYIR DE RNAMS ZHE SDANG DANG LDAN PA CAN YIN GYI SNYING RJE MA YIN PAR BSTAN PA NI, GTI MUG NYES PA'I RTZA BA STE, ZHES BYA BA'O, ,NYES RGYU LA NI GNOD PAR BYED PA LA'O, ,NYES MED NI NYES PA DANG LDAN PA MA YIN PA'O, ,GAL TE 'DOD CHAGS DANG BRAL BA'I

, ,BCOM LDAN 'DAS 'KHOR BA JI SRID PAR BZHUGS PA YIN NA, LUS KYI 'CHING BA YOD PA'I PHYIR MA GROL BAR 'GYUR RO SNYAM DU SEMS PA NI, GAL TE 'DOD CHAGS DANG BRAL BA ZHES BYA BA'O, ,THUGS RJES 'KHOR BA JI SRID PAR BZHUGS PA'I SKU MNGA' NAS YANG 'DOD CHAGS LA SOGS PA'I DRI MA SPANGS PA YIN PA'I PHYIR THUGS GROL BA KHO NA YIN PAR BSTAN PA NI, NYES PA DANG BRAL BA'I THUGS ZHES BYA BA'O, ,GROL MED MA YIN ZHES BYA BA NI BCOM LDAN 'DAS LA LTOS NAS GROL BA MED PA MA YIN GYI 'ON KYANG GROL BA KHO NA YIN NO, ,MA GROL BA'I NGO BO NI 'DI YIN TE SNGON GYI 'DU BYED PA'I PHUNG PO RNAMS ZAD PA YIN NA GZHAN DAG MTSAMS SBYOR BA YIN LA, 'DI YANG SANGS RGYAS BCOM LDAN 'DAS LA MI MNGA'O, ,DE'I PHYIR MA GROL BA MA YIN NO, ,YANG BYANG CHUB SEMS DPA' RNAMS NI MTSAMS SBYOR BA DANG LDAN PA YIN YANG, SNYING RJE'I DBANG GIS NYES PA MED PA KHO NA YIN GYI, 'KHOR BA BA'I 'GRO BA LTA BU MA YIN PAR BSTAN PA NI, NUS PA MA ZAD PA STE, SNGA MA ZAD KYANG GZHAN 'BYUNG BA'I PHYIR BZHUGS PA NI 'TSO BA'O, ,YANG NA SNGA MA NI NYAN THOS LA LTOS PA'O, ,PHYI MA NI BCOM LDAN 'DAS LA LTOS PA'O, ,'DU BYED KYI SGRA NI DGE BA'I GNAS PA YIN NO, ,'DU BYED PA YOD PA DANG MED PA DAG KHO NAS GNAS PA DANG GNAS PA MA YIN PA 'BA' ZHIG NI MA YIN TE, SNYING RJE YOD PA DANG MED PA DAG LAS KYANG 'BYUNG BA YIN PAR BSTAN PA NI, DMAN PA NYID PHYIR ZHES BYA BA'O, ,SEMS CAN GZHAN GYI NGO BOR NI GZHAN GYI DBANG GIS SO, ,BDAG TU LTA BA KHO NA GTI MUG MA YIN TE, RGYUN DU ZHUGS PA LAS DE MED KYANG GTI MUG KHAS LEN PA'I PHYIR RO SNYAM DU SEMS PA NI, GAL TE LAM GYI NUS PA YIN NA ZHES BYA BA'O, ,'DI LA RGOL BA RJES SU BRJOD NAS LAN BRJOD PA NI, RGYUN DU ZHUGS PA LA LHAN CIG SKYES PA'I BDAG TU LTA BA YOD KYANG, GTI MUG GZHAN DU YOD PAR RTOG PA LA TSAD MA MED DO ZHES BSTAN PA NI, LHAN CIG SKYES PA MA SPANGS PHYIR, ,ZHES BYA BA NI, BDAG TU LTA BA YANG MNGON PAR SBYANGS PA NI RGYUN DU ZHUGS PA'I LAM GYIS SPANG BYA YIN GYI, LHAN CIG SKYES PAS NI MA YIN NO, ,DE'I PHYIR RNAM PA GNYIS PO 'DI

NI GTI MUG GZHAN DU RTOG PA 'JOMS PAR BYED PA YIN NO ZHES BYA BA'I DON TO, ,DBANG PO RNON PO'I YANG RNON PO KHA CIG NI DANG PO'I LAM NYID DU GTI MUG GNYI GA SPANGS PAS NYAMS SU MYONG BA YIN PAS SRED PA MED PA YIN PAR BSTAN PA NI, SPANGS NA YANG ZHES BYA BA'O, ,LAM GYI DANG PO LA GSAL PO MA YIN PAR BSTAN PA NI, BDE BA MTHONG BA TZAM NYID LA, ,ZHES BYA BA'O, ,BZLOG PA NI BDAG MED PA'O, ,BSTAN PA NI CHEN POR 'GYUR BA'O, ,BSGOM PA'I LAM NYID KYIS ZHES BYA BA NI GOMS PA LAS BYUNG BA'I BSTAN PA NYID KYIS SO, ,GANG GI 'DOD PAS ZHES BYA BA NI DBANG PO RNON PO'I YANG RNON PO STE, DE BSTAN PA NI, SHES RAB RNON PO'I ZHES BYA BA'O, ,MNGON PAR SBYANGS PA LAS LHAN CIG SKYES PA'I DNGOS PO MED NA RGYU DANG RNAM PA DAG GIS THA MI DAD PA YIN NO ZHES ZER BA NI, GAL TE SEMS CAN DU LTA BA LHAN CIG SKYES PA ZHES BYA BA'O, ,RNAM PA THA MI DAD KYANG BAG CHAGS TZAM LAS BYUNG BA NYID KYIS RGYU NYE BAR STON PA PO THA DAD PA LAS LHAN CIG SKYES PA THA DAD PAR BSTAN PA NI, BDE BAR GYUR BA 'AM ZHES BSTAN PA'O, ,DE BZHIN DU MNGON PAR SBYANGS PA'I LAS NI MA YIN TE, DE MED KYANG BSTAN BCOS SHES PA RNAMS DANG RGYUN DU ZHUGS PA'ANG YOD PA'I PHYIR RO, ,'ON TE DE RNAMS NYE BAR STON PA MED PAS BDAG GO ZHES BYA BA KHO NAR MI 'GYUR RO ZHES ZER BA LA, NGANG ZHES MTHONG BA MED PAR NI DE RNAMS KYI BDAG TU LTA BA'I RNAM PA'I BDAG LA CHAGS PA NYID NYAMS SU MYONG BA GRUB PO ZHES BYA BA'I DON TO, ,CHAGS PA NYAMS SU MYONG BA LA BYED PA NI 'BRAS BU'I RTAGS YIN PAR BSTAN PA NI, BDAG LA SRED PA MED PAR YANG, ,ZHES BYA BA'O, ,RGYU'I DBYE BA NYID BSTAN PA NI, THOG MA MED PA'I BAG CHAGS KYI DBANG GIS ZHES BYA BA'O, ,LAM GYI DANG PO LA LHAN CIG SKYES PA MA SPANGS PAS THAR PA MA YIN ZHES ZER BAS THAR PA LA NYON MONGS PA MED PAR BRJOD PA YIN PAR BSTAN PA NI, 'DIS NI ZHES BYA BA'O, ,BDAG TU SMRA BA YONGS SU MGU BA MED PAS GYA NOM PA MA YIN PA'I THAR PA YIN NO, ,DE'I PHYIR BDAG KHAS LEN PA NYID GYA NOM PA'I THAR PA YIN NO SNYAM DU SEMS PA NI, GAL TE BDAG YOD NA ZHES BYA BA'O, ,BDAG KHAS LEN NA THAR PA NYID DU MI 'GYUR BA BSTAN PA NI, SDUG BSNGAL SKYE

, ,BA'I ZHES BYA BA STE, 'KHOR BA SKYE BA'O, ,BCINGS PA DANG THAR PA DAG GIS BDAG DANG 'BREL PA NI RGYU NYID KHO NA YIN LA, DE NI RTAG PA LA MI SRID DO, ,'DU BA DANG PHRAD PA DAG KYANG DE YOD PA DANG MED PA'I DUS DAG LA KHYAD PAR MED PAS MED PA KHO NA YIN NO ZHES BYA BA'I DON TO; ,RTOGS PA DANG LDAN PA YANG RMONGS PA'I DBANG GIS BYED PA YIN NO ZHES ZER BA NI, 'ON TE 'DI ZHES BYA BA'O, ,BDAG SHES PA NI DE NYID SHES PA YIN TE, RMONGS PA'I DUS NA GAL TE MED PA YIN NA MI DMIGS PA NYID 'DI'I MED PA SGRUB PA YIN PAR BSTAN PA NI, DE'I TSE BDAG NYID CES BYA BA'O; ,DE'I RANG BZHIN NI GTI MUG NYID DO, ,SDUG BSNGAL BA YANG GTI MUG GIS MA YIN TE, 'ON KYANG LAS KYIS BSTAN PA YIN NO ZHES ZER BA NI, 'ON TE BDAG NYID SHES KYANG ZHES BYA BA'O, ,RNAM PAR RTAG PA MI 'THAD PA'I PHYIR BCINGS PA MA YIN PAR BSTAN PA NI, GAL TE 'DI ZHES BYA BA'O, ,GZHAN GYI DNGOS PO MED KYANG ZHES BYA BA NI SDUG BSNGAL MED PA'I RANG BZHIN MED PA NI SDUG BSNGAL GYI RANG BZHIN NYID DO, ,RIG PA MA YIN PAS BDAG DANG BDAG CES BYA BA'I 'KHRUL PA MA GTOGS PA'I BDAG RIGS PA MA YIN NO, ,GAL TE YOD PA'I BDAG NYID KYI MTHA' THAMS CAD DU RJES SU 'JUG PA YIN NO ZHES ZER BA NI, DE'I RANG BZHIN RIG CE NA, ZHES BYA BA'O, ,DGA' BA'I NGO BO TSANGS PA YIN, ,ZHES BYA BA 'DI LA, GAL TE THAR KYANG BDE NYID LA, ZHES SMOS SO, ,BDAG MED PA KHAS LEN PA GYA NOM PA NYID YIN PAR BSTAN PA NI, YONGS SU TSIM PA ZHES BYA BA STE, NON PA MED PA NI BDAG DANG BDAG GIR SGRO 'DOGS PA MED PA'I PHYIR RO, ,MI RIGS PA MED PA NI RTAG PA NYID MED PA'I PHYIR RO, ,GAL TE NGA SNGON GYUR TO ZHES BYA BA NI DPER NA SKYE BO LA PHAN PA'I RGYAL PO ZHES BYA BAR RO, ,RTAG PA BZHIN DU BRJOD BYA MA YIN PA YANG KHAS BLANGS PAR 'OS PA MA YIN TE, RIGS PA DANG 'GAL BA'I PHYIR RO ZHES BSTAN PA NI, MI RTAG PA NYID DU ZHES BYA BA STE, RTAG PA NYID LA SOGS PA DANG 'GAL BA'I RIM PA DANG CIG CAR BA NYID KYIS BYED PA PO LA KHYAB PA NI MI RTAG PA NYID DU RNAM PAR GNAS PA YIN PA'I PHYIR MI RTAG PA NYID KYIS KYANG KHYAB PA YIN ZHES BYA BA'I

DON TO, ,'ON TE BCINGS PA DANG THAR PA DAG CES BYA BA LA SOGS PA NI GNYI GA'I BDAG NYID MED PA'I RGYU YIN NO SNYAM DU SEMS PA'O, ,GNYI GA'I BDAG NYID KYIS TE BZLOG PA LA NI GZHAN DU GRUB PA NYID KYI GTAN TSIGS BSTAN PA NI, RTAG PA DANG MI RTAG CES BYA BA'O, ,MI 'JIG PA 'JIG PA DANG 'GAL BA YIN PAR BSTAN PA NI, GANG GI RANG BZHIN ZHES BYA BA'O, ,GAL TE KHO BO CAG GI 'DOD PA LAS BZLOG PA BRJOD PAR BYA BAR NGES PA YIN NO, ,RTAG PA YIN ZHES BYA BAR BRJOD BYA YIN PAR BSTAN PA NI, DE NI RTAG PA ZHES BYA BA'O, ,RTAG PA DANG CIG SHOS 'GAL BAR TSAD MAS GRUB PAR BYED PAR 'DOD PAS BSTAN PA NI, ZHIG PA DANG MA DMIGS PA ZHES BYA BA LA SOGS PA'O, ,GAL TE SNGON MTHONG BA DA LTAR SNANG BZHIN BA DANG GCIG PA NYID DU DE NYID YIN NO ZHES SHES BZHIN DU JI LTAR GZHAN DU MA YIN SNYAM DU SEMS PA NI, GCIG NYID DU RTOGS BZHIN PA NI ZHES BYA BA'O, ,GANG ZHIG CES BYA BA NI MTHONG BA'I'O, ,GCIG NYID DU ZHES BYA BA NI SNANG BZHIN PA DANG, LHAN CIG RTOGS PA DE NYID 'DI YIN ZHES BYA BA'O, ,DE NI MTHONG BA'O, ,MA RTOGS PA ZHES BYA BA NI MED PA DANG MA SKYES PA'I NGO BO NI 'GAL BA YIN TE, MTHONG BA LAS MA RTOGS PA NI MTHONG BA NI LA RTOGS PA YIN NO ZHES ZER BA NI, 'ON TE GZHAN RTOGS PA ZHES BYA BA'O, ,LAN NI DES NA MA RTOGS PA NI YOD PA MA YIN NO ZHES BYA BA STE, GZHAN RTOGS PA'I NGO BO YIN TE, GCIG NYID DU RTOGS PAR KHAS BLANGS PA'I PHYIR ZHES BYA BA'I DON TO, ,DE ZHES BYA BA NI DA LTAR BA'O, ,GZHAN ZHES BYA BA NI RTOGS PA NYID DO, ,DE'I MTHONG BA MA RTOGS PA ZHES RGOL BA'O, ,'DI YANG DA LTAR BA NYID MTHONG BA YIN PA ZHES BYA BA 'DIS 'GAL BA YIN PAR BSTAN PA NI, DE LTAR NA 'O NA ZHES BYA BA STE, SNGA MA GANG YIN PA DE NYID 'DI YIN NA, DE LA LTOS NAS KYANG GZHAN YIN PA'I RANG NYID KHO NA LA LTOS NAS DE GZHAN YIN NO ZHES BYA BA'I DON TO, ,DE YANG MI RUNG NGO ZHES BYA BA NI 'GAL BA'O, ,'GAL BA NYID BSTAN PA NI GZHAN PA NYID DU ZHES BYA BA STE, GZHAN PA NYID NI DBYE BA'O, ,GAL TE 'DI SNGAR MTHONG BA LAS GZHAN PA YIN NA, GZHAN MA YIN PA KHO NAR MI 'GYUR ZHES BYA BA NI DBYE BA YIN TE, GCIG NYID DE RTOGS PA NI MA YIN NO, ,GZHAN

, ,DU ZHES BYA BA NI DMIGS PA'O, ,'ON TE SNGA MA DANG PHYI MA DAG GI KHYAD PAR THA DAD PA DAG LA GCIG TU RJES SU 'JUG PA'I NGO BO NI DE DANG MA BRAL BAR RTOGS PA YIN NO SNYAM DU SEMS PA NI, GCIG NYID CES BYA BA'O, ,BRAL BA ZHES BYA BA NI DUS GCIG LA GZHAN MED PA'O, ,DE NYID KYI ZHES BYA BA NI RGOL BA'O, ,LAN NI JI LTAR GCIG CAN ZHES BYA BA'O, ,DE BZHIN ZHES BYA BA NI MA BRAL BA DANG BRAL BA'I NGO BO STE, SNGA MA'I NGO BO DANG MTSAN NYID MI MTHUN PA'I NGO BO DANG LDAN PA NYID DE DANG BRAL BA YIN TE, RIM GYIS 'BYUNG BA YIN PA'I PHYIR DE DAG LA RIM PA MED PA RIM GYIS 'BYUNG BAR MI RIGS SO ZHES BYA BA'I DON TO, ,RIM PA MA YIN PA YANG SNANG BZHIN PA NI DUS DANG YUL GCIG PA MA YIN PA'I PHYIR, SNGA MA DANG PHYI MA'I NGO BO LA KHYAB PAR BYED PA NYID YIN NO SNYAM DU SEMS PA LA, SNGA PHYI'I RANG BZHIN MA RTOGS NA, ,ZHES BYA BA NI SNGA MA DANG PHYI MA'I NGO BO DANG LDAN PA'I BDAG NYID DANG BRAL BA'I NGO BO SNANG BA NYID DE LAS GZHAN PA'I SNANG BA YIN TE, NYE BAR SNANG BA'I NGO BO YIN ZHES BYA BA'I DON TO, ,SNGA MA'I NGO BO DANG LDAN PA PHYI MA'I NGO BO DANG LDAN PAR MTHONG BA'I DUS SU MA MTHONG BA NI THA DAD PA'I THA SNYAD KYI YUL YIN TE, THA SNYAD DE'I RGYU MTSAN NI DE TZAM YIN PA'I PHYIR RO ZHES BSTAN PA NI, MTHONG BA DANG MA MTHONG BAR ZHES BYA BA STE, MTHONG BA ZHES BYA BA NI MTHONG BA'I NGO BO'O, ,MTHONG BA'I YUL GYI DNGOS PO NI BZLOG PA DANG 'GAL BA YIN PAR BSTAN PA NI, GCIG PHYIR ZHES BYA BA STE, RTAG PA MED PA LA DGONGS PA'O, ,DE NI 'DI YIN NO ZHES BYA BA'I RNAM PAR RTOG PA NI MTHONG BA DANG, SNANG BZHIN PA DAG LA GCIG TU ZHEN PA NI DRAN PA'I MNGON SUM GYI NGO BO YIN LA, DRAN PA DANG DBANG PO LA SOGS PA'I TSOGS PA LAS BYUNG BA YIN NA ZHES BYA BA'I BSAM PAS DOGS PA NI, YANG NAS YANG DU ZHES BYA BA'O, ,LAN NI, DRAN PA TSAD MA MA YIN PA'I PHYIR ZHES BYA BA'O, ,GZUNG BA TZAM 'DZIN PA NI DRAN PA YIN LA; 'DI NI DE LTA MA YIN TE, MA BZUNG BA YANG SNGA MA DANG PHYI MA DAG GCIG TU 'DZIN PA'I PHYIR RO SNYAM DU SEMS PA LA, MA RTOGS PA NI ZHES BYA BA STE, 'DI YANG SNGAR MTHONG BA NYID KYIS BZUNG BA YIN TE, GCIG YIN PA'I PHYIR RO ZHES BYA BA'I DON TO, ,DNGOS PO GCIG YIN PA DANG SNGAR BZUNG BA NYID DU NI BDEN

MOD KYI, DE NI DA LTAR GYI DUS NA YOD PA NYID SDANG BZUNG BA MA YIN TE, DE'I DUS NA MED PA'I PHYIR RO SNYAM DU SEMS PA NI, GAL TE DA LTAR YOD PA NYID, ,CES BYA BA'O, ,SNGON DANG PHYIS 'BYUNG BA'I DUS ZHES BYA BA 'GA' YANG MED DO, ,'O NA CI ZHE NA, DPYID DANG DGUN LA SOGS PA NYID YIN LA, DPYID DANG 'BREL PA'I DNGOS PO 'DZIN PA YIN NA DGUN DANG 'BREL PA 'DZIN PA MA YIN TE, CIG CAR BA MA YIN PA'I PHYIR RO, ,'BREL PA CAN MA BZUNG NA 'BREL PA 'DZIN PA MA YIN NO ZHES BYA BA'I DON TO, ,DE DNGOS PO'I CHA DRAN PA'I PHYIR SNGAR NYID BZUNG BA YIN PAS DE LA DRAN PA DANG 'BREL PA LA TSAD MA GZHAN MNGON SUM NYID YIN PA'I PHYIR JI LTAR SNGAR MTHONG BA NGO SHES PA'I TSAD MA YIN NO, ,DE BSTAN PA NI, THA DAD MED PHYIR ZHES BYA BA STE, DNGOS PO'I CHA DRAN PA KHO NA YIN ZHES BYA BA'I DON TO, ,SNGA MA 'AM PHYI MA RUNG BA MTHONG BA NI DUS RING MO YIN PAS DNGOS PO RTOGS PA'I NUS PA MED PA'I PHYIR MI RTOGS PA MA YIN NAM, 'ON KYANG RANG GI DUS NI YIN TE GCIG PA NYID DU SNGAR MTHONG BA NGO SHES PA NYID KYIS RTOGS PA YIN NO SNYAM DU SEMS PA LA, MTHONG ZIN NYID CES BYA BA STE, SNGAR DANG PHYIS MTHONG BA DAG GIS RANG GI DUS KYI NGO BO RNAM PAR 'JIG PA YIN PA'I PHYIR, DES GNOD PA'I SNGAR MTHONG BA NGO SHES PA NI BAG CHAGS KYI NUS PA LA BRTEN PA YIN GYI GCIG NYID DU SDUD PA MA YIN NO ZHES BYA BA'I DON TO, ,SNGAR MTHONG BA NGO SHES PA NI SNGAR DANG PHYIS MTHONG BA DAG CIG CAR RTOGS PAS, SNGA MA DANG PHYI MA DAG NYID RTOGS PA MA YIN NAM, DE'I PHYIR DE DAG GIS 'DI LA GNOD PA MA YIN TE, 'GAL BA MED PA'I PHYIR RO SNYAM DU SEMS PA NI, SNGA PHYI'I SHES PA LAS SHE NA ZHES BYA BA'O, ,SHES BYA BZHIN DU SHES PA YANG SNGAR MTHONG BA NGO SHES PA LAS NGO SHES PA GCIG NYID YIN PA'I PHYIR, SNGA MA DANG PHYI MA DAG TU RTOGS PA NI TSAD MA LAS MA YIN PAR BSTAN PA NI, DE DAG CES BYA BA'O, ,RANG RIG BA LA NI SNGA MA DANG PHYI MA NYID SHES PA'AM SHES BYA LA MI SRID PAR BSTAN PA NI RTOGS MI 'GYUR ZHES BYA BA'O, ,GZHAN GYI ZHIG PA YIN YANG NYE BAR 'DZIN PA'I PHYIR SNGA MAS PHYI MA'AM, DES SNGA MA 'DZIN PA MA YIN PAR BSTAN PA NI, MED PA NI ZHES BYA BA'O, ,MED PA NI 'DZIN PAR BYED PA'I DUS NA NYE BA MA YIN PA'O, ,SNGA MA'AM

, ,PHYI MA YANG RUNG PHAN TSUN THA DAD PA MA YIN PA MA YIN NAM, GCIG NYID YIN PA'I PHYIR RO SNYAM DU SEMS PA NI, MYONG BA DE DAG GCIG YIN NA, ZHES BYA BA'O, ,GAL TE YANG MNGON SUM BYAD PA LA SNGA MA DANG PHYI MA NYID MA YIN YANG RNAM PAR RTOG PA LA SNANG BA KHO NA YIN NO SNYAM DU SEMS PA NI; GAL TE SNGA MA NYID MED NA, ,ZHES BYA BA'O, ,RNAM PAR RTOG PA NI MNGON DU BYED PA'I NGO BO RTOGS PA MA YIN LA, DRAN PA'I NGO BO NI BAG CHAGS KYI STOBS KHO NA LAS DMIGS PA YIN PAR BSTAN PA NI, MNGON DU BYED NYID MA YIN PAS, ,ZHES BYA BA'O, ,ZHEN PAS 'DZIN PA NI RNAM PAR RTOG PA RNAMS LA YOD PA KHO NA YIN NO SNYAM DU SEMS PA LA, LAN NI SNGON DU BYED PA NYID, ,CES BYA BA STE, PHYIN CI LOG TU ZHEN PAS NI MA YIN NO, ,RGYU NYID NI GZUNG BA NYID YIN LA 'BRAS BU NYID NI 'DZIN PA NYID MA YIN NAM RIG PA SHES PA BZUNG BA NI, RGYU NYID KHO NAR RTOGS PA YIN, ,ZHES BYA BA'O, ,DE 'DI NI DRAN PA LA YANG MA NYAMS PA YIN NO SNYAM DU SEMS PA LA, DON LAS DRAN PA ZHES BYA BA STE, DRAN PA LA NI MYONG BA KHO NA NUS PA CAN YIN TE, DE'I BAG CHAGS DANG RJES SU 'BREL PA YIN PA'I PHYIR ZHES BYA BA'I DON TO, ,MYONG BA NUS PA LAS BYUNG BA'I DRAN PA DE NI DE'I BYA BA'I YUL TZAM LAS ZHEN PA YIN GYI , SNGA MA NYID LA SOGS PA NYID NI MA YIN TE, 'DI NI MYONG BAS 'DZIN PA YIN PA'I PHYIR RO ZHES BSTAN PA NI DE MYONG BA SNGA MAS ZHES BYA BA'O, ,DE'I PHYIR SNGA MA NYID LA SOGS PAR THOG MA MED PA'I BAG CHAGS LAS BYUNG BA'I RNAM PAR RTOG PAS RTOGS PAR BYA BA YIN PAR BSTAN PA NI, 'DAS PA MNGON DU BYAS PA ZHES BYA BA'O, ,'DI TZAM GYIS SNGA MA DANG PHYI MA DAG GI RJES SU 'JUG PA GCIG GI NGO BO BSAL NAS, DA NI SNGA MA DANG PHYI MA LA GNAS PA'I GCIG NYID DU 'DOD PA TSAD MA CAN MA YIN PA'I PHYIR SEL BAR BYED PA BSTAN PA NI, 'ON TE SKYE 'JIG CES BYA BA'O, ,'DI NYID KYI 'BREL PA NYID CES BSTAN PA NI, GANG TSE ZHIG PA ZHES BYA BA'O, ,YOD PA NI SKYE BA DANG LDAN PA YANG ZHIG PA MED PA STE, RAB TU NYAMS PAR 'GAL BA YIN ZHES BYA BA'I DON TO, ,SNGAR RTOGS PA'I BRTAN PA DANG SKYE BA DAG LA YUL NYE BA'I MNGON SUM GYIS BSTAN PAR MI RIGS PA KHO NA NI BRTAN LA'ANG ZHES BYA BA'O, ,LAM GYI ZHAR LA ZHES BYA BA NI

LAM BSTAN PAS ZHAR LA 'GOG PA'I RNAM PA BZHI PA STE, NGES PAR 'BYUNG BA 'DI LTA BU'I NGO BO BSTAN PA YIN NO, ,BSTAN ZIN ZHES BYA BA NI DE'I GNOD BYED NI BDAG MED MTHONG BA 'GAL BA YIN ZHES BYA BA DES SO, ,BDAG DANG BDAG GIR 'DZIN PAS BYAS PA'I CHAGS PA GZHOM PAR NI GNAS GYUR PA NI BDAG MED PA MTHONG BA GOMS PA LAS GYUR PA YIN PAR BSTAN PA NI, DE GOMS PA LAS ZHES BYA BA'O, ,JI LTAR BDAG DANG BDAG GIR 'DZIN PA GOMS PA BDAG TU GYUR PA KHO NA YIN YANG, BDAG MED PA DANG 'GAL BA CAN YIN PA DE BZHIN DU, 'DI BDAG TU GYUR PA YIN YANG BDAG LA SOGS PA 'DZIN PA DANG 'GAL BAR 'GYUR BA KHO NA YIN NA, JI LTAR GNAS GYUR PA YIN TE 'GAL BAR KHYAD PAR MED DO SNYAM DU SEMS PA NI BDAG GYUR KYANG ZHES BYA BA STE, LAM GYI SKYON BDAG TU 'DZIN PA LA SOGS PA RNAMS 'BYUNG BA NI SKYON GYI BDAG NYID DU GYUR PA LA LAM LTA BU'O, ,NUS PA MED PA NI BDAG TU 'DZIN PA LA SOGS PA KHYAB BDAG MA YIN PA'I PHYIR RO, ,LAM NI DE LAS BZLOG PA YIN PA'I PHYIR LAM YOD NA SKYON 'BYUNG BA MI RIGS SO ZHES BYA BA BZLOG PA NI YON TAN RNAMS LA SKYON YOD PAS GNOD PA'O, ,YON TAN RNAMS NI ZHES BYA BA NI BDAG MED PA MTHONG BA'O, ,DNGOS PO'I RANG BZHIN YIN PA'I PHYIR NI DNGOS PO'I YUL NYID KYIS SO, ,NYES PA RNAMS NI ZHES BYA BA NI BDAG TU 'DZIN PA LA SOGS PA RNAMS SO, ,BDAG LA SOGS PAR 'JIN PA YANG RNAM PAR SHES PA YIN TE, THOG MA MED PA'I BAG CHAGS LAS BYUNG BA'I PHYIR RGYU DANG BCAS PA YIN LA BDAG MED PAR MTHONG BA'I DMIGS PA'I RGYU CAN LAS THA MI DAD PA MA YIN NAM, DMIGS PA DANG BDAG PO'I RKYEN DAG LA KHYAD PAR CI YANG MED NA, GANG GIS GCIG GNOD PA CAN YIN LA CIG SHOS RGYU DANG BCAS PA YIN YANG MA YIN ZHES 'DRI BA NI, JI LTAR ZHE NA ZHES BYA BA'O, ,KHYAD PAR BSTAN PA NI RNAM SHES YUL 'DZIN PA'I CHOS NI RANG BZHIN YIN TE, GNOD BYA MA YIN PA'I PHYIR RO, ,NYA PHYIS 'DZIN PA BZHIN DU YUL DANG BRAL BA 'DZIN PA'I RGYU DANG BCAS PA YIN YANG DNGUL GYI SHES PA BZHIN DU SKYES NAS ZHIG PA YIN LA RANG BZHIN 'DI NI DE LTA MA YIN NO, ,CI LAS YIN ZHE NA, JI LTAR YOD DE 'DZIN PA DANG, ,ZHES 'CHAD PAR 'GYUR BA'O ZHES BYA BA

, ,NI GANG GI PHYIR ZHES BYA BA DON DU YANG SBYAR RO, ,'DIS KYANG RNAM SHES LA YOD PA GNOD BYA MA YIN PA NYID KYI RGYU MTSAN BSTAN PA YIN NO, ,YUL LA YOD PA YANG BSTAN PA NI, DES TE YUL 'DI'I STE RNAM SHES KYI SKYED PAR BYED PA YIN NO, ,'KHRUL PA LA YANG DE MTSUNGS YIN PA'I PHYIR KHYAD PAR DU BYED PA NI YOD PA'I NI BDAG NYID KYI STE RANG GI BDAG NYID RANG GI RNAM PA RGOD PAS SO, ,'KHRUL PA LA SKYED BYED YIN YANG RANG GI BDAG NYID KYI SKYED BYED MA YIN NO, ,'ANG GI SGRA NI SHES PA LA YOD PA'I RGYU MTSAN LA LTOS PA SDUD PA'O, ,YIN ZHES BYA BA NI GANG GI PHYIR ZHES BYA BA'I DON TO, ,BDAG MED PA MTHONG BA LA YANG RGYU MTSAN GNYIS YOD PA'I PHYIR RANG BZHIN KHO NAR BSTAN PA NI, 'DI YANG ZHES BYA BA'I YANG GI SGRAR BLTA BYA'O, ,'GREL PAR YANG 'DI LTA BUR GTONG BA KHO NAR SBYAR BAR BYA'O, ,RGYU MTSAN 'DI GNYIS DANG BRAL BA'I 'DZIN PA TZAM NI GNOD BYA YIN PA'I PHYIR RANG BZHIN MA YIN PAR BSTAN PA NI, GZHAN NI DE'I RANG BZHIN NO ZHES BYA BA DANG SBYAR RO, ,RKYEN GZHAN ZHES BYA BA NI YUL LA YOD PA'I RGYU MTSAN MED PAR BSTAN PA YIN NO, ,GOL 'GYUR ZHES BYA BA NI SHES PA RANG LA YOD PA'I RGYU MTSAN MED PAR BSTAN PA YIN NO, ,BZLOG PA LA RGYU MTSAN 'DI GNYIS CI LAS RTOGS PA YIN ZHES ZER BA LA, LDOG PA LA NI STE, LDOG PA'I RGYU MTSAN DU'O, ,GANG GI PHYIR GNOD PA CAN GYI RKYEN LA LTOS PA DE'I PHYIR MI BRTAN PA NI RANG BZHIN MA YIN PA STE NGO BO MA YIN PA'O, ,RANG BZHIN MA YIN PA'I DPE NI, SBRUL GYI BLO BZHIN ZHES BYA BA'O, ,RTZA BA MED PA CAN YIN PA'I PHYIR ZHES BYA BAS NI RANG GI BDAG NYID KYIS SKYED BYED KYI YUL MED PAR BSTAN PA'O, ,BDAG LA SOGS PAR 'DZIN PA RANG BZHIN MA YIN NA SKYED PAR BYED PA MED PA'I PHYIR MI SKYE BA KHO NA 'GYUR BA YIN NO ZHES ZER BA NI, GAL TE THAG PA LA SBRUL GYI BLO ZHES BYA BA'O, ,'DI LA ZHES BYA BA NI RGOL BA LA BSHAD PA NI PHYOGS GZHAN NAS BSTAN PA'I LAN TE, MI RTAG PA NYID CES BYA BA LA SOGS PA YOD PA LA DMIGS PAR BYED PA'I PHYIR YOD PA DMIGS PA NI THOG MA MED PA'I MA RIG PAS 'DUS BYAS PA DES NANG GI 'KHRUL PA'I RGYU BSTAN PA YIN NO, ,DE LTAR NI MTHONG BA'I YOD PA'O, ,DE DOGS PA NI DES

BSLUS PA LAM DE'I RGYU YUL LA YOD PAR BSTAN PA NI, 'DRA BA ZHES BYA BA'O, ,'AM GYI SGRA NI DANG GI DON TO, ,KHO BO SMRA BA NI GANG GI TSE MIG MA BTZUMS PAS MTHONG BA DE'I TSE, 'DRA BA GZHAN 'BYUNG BAS BSLUS PA NI MI RTAG PA NYID DU NGES PAR BYED PA MA YIN NO, ,GNAS SKABS DE'I 'OG TU DA LTAR YUN RING POR 'TSO BA NYID KYI RTAGS MTHONG BA BZHIN DU YOD PA LA DMIGS PA'I PHYIR YOD PA DMIGS PAR DES TE DE YOD PAR DOGS PA SRID PA NI RJES SU DPAG PA YIN LA DES BSLUS PA YIN NO, ,YOD PAS NI DA LTAR BA NYID KYIS DMIGS PAS GZHAN DU MI 'THAD PA'I PHYIR SNGON YANG BYUNG BAR GYUR TO ZHES BYA BAS DE YOD PAR RJES SU DPOG PAR BSLUS PA YIN NO, ,RTAG TU ZHES BYA BA NI SNGON DANG PHYIS KYANG NGO, ,YOD PA DMIGS PA NI DA LTAR DMIGS PAS RGYU 'AM 'BRAS BU NYID DU SRID PAR BYED PAS MI RTAG PA NYID DU NGES BAR BYED PA MA YIN NO, ,'GREL PA MDZAD PAS NI GANG GI TSE SNGAR MTHONG BA'I DNGOS PO'I BAR DU MA MTHONG LA YANG SNANG BA DE'I TSE BAR DU YOD PA SRID PA'I PHYIR MI RTAG PA NYID DU NGES PAR BYED PA MA YIN PAR BSTAN PA NI, GANG GI TSE JI SRID DU ZHES BYA BA'O, ,THA SNYAD PA RNAMS LA YANG SO SOR SNANG BA THA DAD PA YOD PA MA YIN NAM, BDEN MOD KYI YOD KYANG THA SNYAD PA RNAMS MCHOG TU 'DZIN PA MA YIN TE, DGOS PA MED PA'I PHYIR RO ZHES BSTAN PA NI, THA SNYAD PA ZHES BYA BA SMOS TE, 'DIS NI DON BYED PA CAN GYIS TSIM PA'I PHYIR SO SOR SNANG BA THA DAD PA MCHOG TU 'DZIN PA MA YIN PA NI DE KHO NA NYID MA MTSON PA'I RGYU YIN PAR BSTAN PA YIN NO, ,'DRA BA GZHAN DU 'BYUNG BA YANG RGYU YIN PAR BSTAN PA NI, 'DRA BA GZHAN ZHES BYA BA STE, 'DRA BA NYID LA GCIG LA SGRO 'DOGS PA'I RGYU MTSAN GYI DPE NI MTSE MA ZHES BYA BA'O, ,YOD PA LAS DMIGS PAS ZHES BYA BA 'DI LA YANG 'DRA BA GZHAN 'BYUNG BA YOD PA MA YIN PAR BSTAN PA NI, SNGA MAR NI ZHES BYA BA'O, ,'DRA BA GZHAN 'BYUNG BA MED PA NYID 'DOD PA'I DBYE BAS BSTAN PA NI, GZHAN DANG GZHAN ZHES BYA BA'O, ,'DOD PA GZHAN GYIS 'DRA BA GZHAN BYUNG BA BSTAN PA NI; YANG NA ME DE NYID CES BYA BA STE, MTHONG BA'I RJES SU 'BRANG BAS RJES SU DPAG PA'I PHYIR ZHES BYA BA'I DON TO, ,RTZVA LA SOGS PA GZHAN DANG GZHAN NYE BAR LEN PA YIN PA'I PHYOGS LA ME LA SOGS PA CI LAS SKYE BA YIN SNYAM DU SEMS PA NI, RIGS MI MTHUN PA LAS ZHES BYA BA'O, ,

, ,'DOD PA 'DI GNYIS LA BRTEN NAS 'DRA BA GZHAN BYUNG BAS BSLUS PA 'AM ZHES BYA BA BRTAGS PA YIN PAR BSTAN PA NI, DE NYID KYI PHYIR ZHES BYA BA'O, ,YANG NA DE MA YIN PA MED PA ZHES BYA BA LA SOGS PA NYAMS PA DANG RTAG TU RGYUN MI 'CHAD PAR DMIGS PA ZHES BYA BA YANG YOD PA LA DMIGS PA ZHES BYA BA DE'I KHYAD PAR YIN LA, DMIGS PA NI BAR DU MA DMIGS NA GANG GI TSE YANG DMIGS PA DE'I TSE, 'DRA BA LA ZHES BYA BA LA SOGS PAR BLTA BAR BYA BA YIN PAR BSTAN PA NI, GANG GI TSE BAR DU ZHES BYA BA LA SOGS PA'O, ,SHES PA TSAD MA MA YIN PA'I PHYIR ZHES BYA BA NI RGYUN CHAD PA MTHONG BAS RNAM PAR RTOG PA'I BAG CHAGS TZAM LAS BYUNG BA LA GNOD PA'I PHYIR RO, ,DON BYED PAR DMIGS PA 'BA' ZHIG GAM, 'DRA BA GZHAN 'BYUNG BA YANG RUNG STE, DE NYID MI MTSON PA'I RGYU MA YIN TE, 'O NA CI ZHE NA, THOG MA MED PA'I MA RIG PA'I 'DU BYED NYID KYANG YIN PAR NYE BAR BSDU BA NI, DE'I PHYIR NANG GI ZHES BYA BA'O, ,BDAG TU 'DZIN PA YANG RANG BZHIN KHO NA MA YIN NAM, GANG GI PHYIR SEMS NYID YUL DANG DUS RNAM PAR 'CHAD PA MA YIN PA NI BDAG GAM GZHAN PA'I PHUNG PO DANG MTSAN NYID MI MTHUN PA YIN NO SNYAM DU SEMS PA LA, SEMS 'DI'I ZHES BYA BA SMOS TE, SNGA MA NYID DANG PHYI MA DANG BRAL BA'O, ,CI LAS SHE NA, 'DI NI ZHES BYA BA NI NYE BA MNGON SUM PA'O, ,RANG RIG PA LA NI DUS LA SOGS PA MA CHAD PA MA YIN LA, 'DI'I GZUNG BA DE KHO NA 'DRA BA YIN TE, GZHAN DU NI DES RTOGS PAR MI NUS PA'I PHYIR, DE LTA YIN NA 'DI'I GRUB PA YIN PAR BSTAN PA PA NI; DRI MA RNAMS NI GLO BUR BA, ,ZHES BYA BA STE, RANG BZHIN MA YIN PA'O, ,DRI MA NI BDAG TU 'DZIN PA LA SOGS PA'O, ,RTZA BA MED PA CAN NI YUL MED PAS SO, ,GLEN PA'I RGYA TZAM DU ZAD PA YIN PA'I PHYIR NI MA DPYAD PA'I MNGON PAR 'DOD PA TZAM YIN PA'I PHYIR TE, RNAM PAR DPYAD NA RANG RIG PA TZAM NYID YIN PAS SGRO 'DOGS PA MED PA'I PHYIR ZHES BYA BA'I DON TO, ,BDAG TU GYUR PA LA YANG SKYON YOD DO ZHES BYA BA LA SOGS PA'I RGOL BA SPANGS PAR NYE BAR BSDU BA NI, DE PHYIR SNGAR YANG ZHES BYA BA SMOS TE, BDAG GYUR PA'I SNGAR NI TSU ROL MTHONG BA'I GNAS SKABS NA YANG NGO, ,BDAG TU

GRUB PA'I LAM GANG LA YANG KHA CIG TU SKYON YIN PA NI DE LA YANG GNAS PA CAN MA YIN TE, GANG LAS PHUL DU BYUNG BA THOB PA'I LAM DE NYID KYIS GNOD PA YIN PA'I PHYIR RO ZHES BSTAN PA NI, NUS YOD NA YANG ZHES BYA BA STE, GNOD PA CAN NI LAM MO, ,NUS PA NYID NI NUS MTHU STE BAG CHAGS KYI 'DU BYED CES BYA BA'I DON TO, ,DE'I SNYING PO CAN DNGOS LA NI SEMS LA STE, NUS PA YANG SKYES PA TZAM GYIS SO, ,YUN DU NI RGYUN GYIS 'PHEL BA'I NUS PA YIN ZHES BYA BAR SBYAR RO, ,GAL TE DAD PA ZHES BYA BA'I RGOL BA LA TSIGS SU BCAD PA BSHAD PA NI GAL TE DE YANG ZHES BYA BA'O, ,JI LTAR BDAG TU 'DZIN PA LA SOGS PA'I DRI MA RNAMS NI GOMS PA LAS BYUNG BA YIN LA, 'BAD PAS BZLOG PAR BYA BA YIN PA DE BZHIN DU GOMS PAS BDAG TU GYUR PA'I LAM YANG 'BAD PAS BZLOG BYAR 'GYUR RO ZHES ZER BA LA 'TSE BA MED PA ZHES BYA BA NI SKYON MED PA'O, ,SKYON MTHONG NA GSAL BA'I 'BAD RTZOL 'BYUNG BA YIN NA DE YANG YOD PA MA YIN PA'I PHYIR RGYU MED PA YIN NO, ,YANG DAG DON DANG RANG BZHIN ZHES BYA BA'I TSIG GNYIS NI GSAL BAR MI NUS PA NYID DANG 'BAD PA MED PA LA RGYU BSTAN PA YIN NO, ,PHYIN CI LOG GIS NI MI MTHUN PA'I PHYOGS KYIS TE BDAG TU 'DZIN PA LA SOGS PA RNAMS KYIS SO; ,GSAL BA LA 'BAD PA NYID DGAG PA LA RGYU 'GAL BA'I YON TAN MTHONG BA'I DMIGS PA BSTAN PA NI, DE'I PHYOGS ZHES BYA BA'O, ,DE BSHAD PA NI, PHYOGS SU LHUNG BAS NA ZHES PA'O, ,BRAL BA'I CHOS CAN GYI DGRA BCOM PA LA SBYOR BAR BYED PA NI, DNGOS PO MA LUS PA ZHES BYA BA STE, SKYON RNAMS LA 'JUG BZHIN PA YANG DE LA GNOD PA KHO NA'I PHYIR 'BAD PA MED PA YIN NA, YON TAN RNAMS LA 'JUG BZHIN PA LTA CI SMOS ZHES BYA BA'I DON TO, ,NANG GI CHOS NI 'GAL BA CAN GYI KHONG KHROS 'DOD CHAGS BZHIN DU 'GAG PA YIN YANG, YANG SKYE BA YIN NO, ,BDAG TU 'DZIN PA YANG NANG KHO NA YIN NO ZHES ZER BA NI, GAL TE 'DOD CHAGS DANG ZHE SDANG DAG CES BYA BA'O, ,'DOD CHAGS DANG KHONG KHRO DAG NANG GI YIN PA'I PHYIR SKYES PA MA YIN YANG 'ON KYANG RGYU GCIG YIN PA'I PHYIR RO, ,BDAG TU 'DZIN PHA NI 'DI DAG GIS RGYU YIN LA, RGYU DANG 'BRAS BU'I DNGOS PO'I PHYIR YANG YIN GYI DE BZHIN DU BDAG TU

, ,'DZIN PA DANG, BDAG MED PAR MTHONG BA DAG NI RGYU GCIG PA'AM RGYU DANG 'BRAS BU NYID KYANG MA YIN NO, ,NANG NYID DAM PHYI ROL YANG 'GAL PA LA KHYAD PAR DU BYED PA MA YIN ZHES BYA BA'I DON BSTAN PA NI, BDAG 'DZIN RGYU GCIG CAN ZHES BYA BA'O, ,GANG KHO NA'I PHYIR 'DOD CHAGS LA SOGS PA BDAG TU 'DZIN PA'I RGYU YIN PA DE KHO NA'I PHYIR BDAG TU 'DZIN PA DANG 'GAL BA CAN BDAG MED BAR MTHONG BA NYID LA MA YIN GYI, DE DANG 'GAL BA CAN MA YIN PA'I BYAMS PA LA SOGS PA MA YIN PAR BSTAN PA NI DE NYID KYI PHYIR ZHES BYA BA'O, ,CHAGS PAR BYA BA DANG 'KHRUG PAR BYA BAR KUN DU RTOG PA NYID GTI MUG MA YIN NAM, DE YANG BYAMS PA LA SOGS PAS LDOG PA NYID YIN PA'I PHYIR 'DI JI LTAR LAM MA YIN SNYAM DU SEMS PA LA, DE YANG ZHES BYA BA STE, CHAGS PAR BYA BA KUN DU RTOG PA YANG BDAG LA PHAN BYED PA NYID DU 'DZIN PA KHO NA YIN LA, DE'I PHYIR BDAG TU 'DZIN PA NYID NI GTI MUG YIN NO ZHES BYA BA'I DON TO, ,CHOS SU 'DZIN PA YANG GTI MUG KHO NA MA YIN NAM DE YANG JI LTAR 'JIG TSOGS LA LTA BA YIN SNYAM DU SEMS PA LA, NYON MONGS PA CAN GYI ZHES BYA BA STE, 'DOD CHAGS DANG KHONG KHRO DAG GI RGYU GTI MUG NI 'DIR GNAS SKABS YIN NO, ,MA RIG PA'I RKYEN GYIS 'DU BYED RNAMS ZHES GSUNGS PAS MA RIG PA NI RIG PA MED PA TZAM GYI GTI MUG MA YIN NA, 'JIG TSOGS LA LTA BA NI MA YIN NO ZHES ZER BA LA, ,RIG PA'I ZHES BYA BA'O, ,DGAG PA NI MI BDEN PA DANG CHOS MA YIN PA LA SOGS PA BZHIN DU 'GAL BA RJOD PAR BYED PA YIN PA'I PHYIR MED PA GTI MUG MA YIN NO, ,SO SOR RTOG PA MED PA'I RANG BZHIN GTI MUG LA MTHONG BA DANG 'GAL BA YIN NO ZHES ZER BA NI, SO SOR RTOG MED RANG BZHIN NI SHIN TU KHYAB PAR BYED PA YIN PA'I PHYIR MTSAN NYID MA YIN PAR BSTAN PA NI, 'ON TE ZHES BYA BA'O, ,RIG PA'I MI MTHUN PHYOGS NYID PHYIR, , ZHES BYA BA 'DI BSHAD PA NI, RIGS DANG 'GAL BA'I PHYIR ZHES BYA BA'O, ,MI BDEN PA NYID DU MI 'GYUR LA ZHES BYA BA NI JI LTAR RTOGS PAR BYED PA'I DNGOS PO MED PA'I PHYIR YANG DAG PAR RTOGS PAR BYED PA LA BSAM BA GZHAN PA NYID KYIS MI BDEN PA NYID 'DOD PAR MI 'GYUR RO ZHES BYA BA'I DON TO, ,MED

PA LA YOD PAR RLOM PA NI YOD DO ZHES RTOGS PAR BYED NA BSAM PA LA MI SLU BA YIN YANG, DON DE BZHIN DU MED PA'I PHYIR BRDZUN DU SMRA BAR 'GYUR RO ZHES ZER BA NI, MED PA LA ZHES BYA BA'O, ,'DI LA YANG SEMS PA ZHES BYA BA'I DE MA THAG TU YOD DO ZHES BYA BAR RTOGS PAR BYED PA DANG SBYAR BAR BYA'O, , SNGA MAS NI MI 'DOD PA THOB PA DANG, PHYI MAS NI 'DOD PA MI 'THOB PAR BSTAN PA YIN NO, ,BSAM PA LA YOD PA NYID NI YANG DAG PA NYID DAM YANG DAG PA MA YIN PA NYID YIN GYI DON LA YOD PA NI MA YIN NO ZHES BSTAN PA NI, SGRA RNAMS RNAM RTAG YUL CAN TE, ,ZHES BYA BA'O, ,BYANG CHUB SEMS DPA' RNAMS NI DON JI BZHIN PA'I BSAM PA JI BZHIN PA'I TSIG NI BDEN PA YIN LA, CIG SHOS MI BDEN PAR BSTAN PA NI, BYANG CHUB SEMS DPA' RNAMS LA NI, ,ZHES BYA BA'O, ,DMIGS PA'I PHYIR NI DMIGS PA'I NGO BO YIN PA'I PHYIR RO, ,DE NI DBANG PO'O, ,RNAM PA NI BLO'I RNAM PA'O, ,RDZAS NI SHES PA GCIG GO; MTSUNGS PAR LDAN PA NI RE RE ZHES BYA BA'O, ,SHES PAR NI SGRO 'DOGS PA DANG BRAL BA'I NGO BO'O, ,DE LAS BZLOG PA NYID DU RTOGS PA NI SGRO 'DOGS PA KHO NA YIN NO, ,GSUNGS PA GZHAN YANG BSTAN PA NI, DE BZHIN DU ZHES BYA BA'O, ,LTA BA NI 'JIG TSOGS LA LTA BA YIN LA, DE YANG BDAG TU MNGON PAR ZHEN PA'O, ,BDAG TU MNGAN PAR ZHEN PA LAS BYUNG BA'I PHYIR BDAG TU MNGON PAR ZHEN PA'I SGRAS DE DANG MTSUNGS PAR LDAN PA NI MA RIG PA NYID DU BRJOD DO ZHES RGOL BA MA RIG YAN LAG CES BYA BA NI YAN LAG BCU GNYIS DANG LDAN PA'I MA RIG PA'I YAN LAG YIN LA, DE RANG GI NGO BOR BRJOD PAR BYA BA YIN NA NYE BAR BTAGS PAS CI DOGS ZHES BYA BA'I DON TO, ,BZLOG PA LA NI TSAD MA DAG, ,CES BYA BA NI 'JIG TSOGS LA LTA BA NYID MA RIG PA YIN ZHES BYA BA 'DI LA SO SOR RTOG PA MED PA'I SKYON TSAD MA YIN NO, ,KHYAD PAR GYI SGRA ZHES BYA BA NI 'JIG TSOGS LA LTA BA'I SGRA'O, ,MA RIG PA LA LTA BA LA DBYE BA MED PA YIN NA SO SOR RTOG PA'I TSIG DBYE BA'I YUL DU MI 'GYUR RO SNYAM DU SEMS PA NI, DE BZHIN DU GAL TE ZHES BYA BA 'DI DANG 'GAL BAR BYED PA YIN PA'I PHYIR, 'GAL BA NI 'GAL BA CAN GYI TSIG YIN NO, ,BSHAD BYA ZHAS BYA BA NI SPYI DANG KHYAD PAR GYI RTOG PAS TE MA RIG PA ZHES BYA BA NI SPYI YIN LA,

, ,LTA BA ZHES BYA BA NI KHYAD PAR YIN NO, ,GCIG LA YANG THA SNYAD CAN NYID KYIS THA DAD PAR NYE BAR BTAGS PA YIN ZHES BYA BA NI GZHAN GYI'O, ,DE'I BDAG NYID KYIS KUN DU SBYOR BAR 'GYUR ZHES BYA BA NI DE LAS GZHAN PA'I'O, ,DE BZHIN DU BDAG MED PA MTHONG BA NI YUL LA SOGS PA'I DBANG GIS STOBS DANG LDOG BYA MA YIN PA NYID KYANG BSTAN NAS, BDAG TU LTA BA LA YANG LDOG BYA MA YIN PA'I RGYU MTSAN NAM, SROG CHAGS KYI RANG BZHIN NI, RANG BZHIN 'DI YIN 'DI LAS TE, ,RKYEN GZHAN GYIS NI GOL 'GYUR ZHING, ,ZHES BYA BAS BKAG PA YIN PAR BSTAN PA NI, ZAD MIN TE LDOG PA MA YIN PA MA YIN PA'O, ,SROG CHAGS CHOS NYID PHYIR ZHES BYA BA NI SROG CHAGS KYI RANG BZHIN PHYIR RO, ,BDAG TU 'DZIN PA NI THOG MA MED PA'I BAG CHAGS TZAM LAS BYUNG BA NYID KYIS SROG CHAGS KYI RANG BZHIN NYID DU MA GRUB PA'I PHYIR RO, ,BDAG TU 'DZIN PA YANG MI LDOG PA NYID DU DAM BCA' BA NI ME DRO BA MA YIN NO ZHES BYA BA BZHIN DU MNGON SUM DANG 'GAL BA CAN YIN PAR BSTAN PA NI 'BREL BA NA NI MNGON PAR PHYOGS PA YIN NA'O, ,GNYEN PO'I PHYOGS DANG ZHES BYA BA NI BDAG MED PAR LTA BA DANG NGO, ,BDAG MED PAR LTA BAS BDAG TU 'DZIN PA LDOG KYANG ME DANG PHRAD PA LAS ZANGS KYI SRA BA BZHIN DU YANG 'BYUNG BAR 'GYUR ZHES BYA BA'I BSAM PAS DAM BCA' BA MNGON SUM DANG 'GAL BA YIN NO SNYAM DU SEMS PA LA NGES PA NI BDAG TU 'DZIN PA YIN LA 'GAL BA NI BDAG MED PAR LTA BA STE, DE'I BDAG NYID KYI 'BREL PA MED PA NI NYE BA'I PHYIR RO, ,ME DANG PHRAD PA NI DE LTAR RTAG TU GNAS PA MA YIN NO, ,'BREL NA YANG DES LDOG PAR THAMS CAD DU SLAR 'BYUNG BA MA YIN TE, ME LDOG PA'I THAL BA BZHIN DU YANG SNGA MAR MI LDOG PA'I PHYIR RO ZHES BSTAN PA NI, MA NGES PHYIR ZHES BYA BA'O, ,DE LTAR BDAG MED PAR LTA BA'I LAM LA BDAG TU 'DZIN PA DGONGS PA CAN MA YIN PAR BSTAN NAS, LAM NYID YIN NO SNYAM DU SEMS BA BSAL BA NI, GAL TE BDAG BSGOMS PAS KYANG ZHES BYA BA'O, ,BDAG BSAM PAR BYA ZHES BYA BA LA SOGS PA'I SGRAS SHES PAR BYA BA DANG DMIGS PAR BYA BA YIN PA'I PHYIR TSIG GNYIS SMOS PA YIN NO, ,DE'I PHYIR BDAG BSAM PAR BYA ZHES BYA BA NI LUS DANG DBANG PO LA

SOGS PA 'BYUNG BA CHEN PO MA GTOGS PA 'BYUNG BA CHEN PO LAS THA DAD PAR BSAM PAR BYA BA DANG, BLO LA SOGS PA LAS THA DAD PAR DMIGS PAR BYA ZHES BYA BAR YANG 'DOD DO, ,YUL 'DZIN PA'I BDAG NYID KYI NGO BO DANG BRAL BAS SEMS DGA' BA'I NGO BO GCIG PU'I BDAG GI DE KHO NA NYID BSGOM BYA YIN PAR BSTAN PA YIN NO, ,GAL TE RE ZHIG RIGS PA CAN LA SOGS PA THA DAD PAR SMRA BA PO DE SKAD SMRA NA, DE'I BDAG TU LTA BA NI BDAG GI BA'I RJES SU 'JUG PA KHO NA YIN TE, CHAGS PA'I NGO BO YIN PA'I PHYIR, ,ZHES BSTAN PA NI, GANG ZHIG BDAG MTHONG BA ZHES BYA BA NI DE LA NI BDAG LA'O, ,'DI ZHES BYA BA NI SMRA BA PO'O, ,NGA ZHES BYA BA NI CHAGS PA'I BDAG NYID KHO NAR MTHONG BA'O, ,BDAG NI RIGS PA NYID DANG MA BRAL BA'I PHYIR DER LTA BA YANG CHAGS PA'I SNYING PO CAN DANG BRAL BA MA YIN PA KHO NAR BSTAN PA NI, RTAG TU ZHES BYA BA STE CHAGS PA YOD NA CHAGS PA'I YUL PHAN 'DOGS PAR BYED PA RNAMS LA DANG, DE SGRUB PAR BYED PA RNAMS LA YANG SRED PA YIN LA, DES DE RNAMS LA SDUG BSNGAL DANG RJES SU 'BREL PA'I SKYON GYIS CHA BSGRIBS PA'I PHYIR DE NYID MTHONG BA KHO NA MI 'THOB PA NI CHAGS PA DANG BRAL BAR MI 'GYUR RO ZHES BYA BA'I DON TO, ,'ON TE BDAG GNYIS SU MED PAR SMRA BA NI BDAG MTHONG BA 'BA' ZHIG LA THAR PA'I BDAG NYID YIN PA'I PHYIR, THAR PA'I LAM DE LTA BUR RTOGS PAR BYED NA 'KHOR BA PA'I 'GRO BAR GRUB PA'I SPROS PA THAMS CAD 'KHRUL PA'I PHYIR YIN NA, 'DI LA YANG GANG ZHIG BDAG MTHONG ZHES BYA BA NYID RJES SU 'JUG PA YIN NO, ,BDE BA RNAMS DANG BDE BA SGRUB PAR BYED PA RNAMS JI LTA BA DE LTA BA RNAMS LA SRED PAR BYED PA YIN LA, STOBS DANG LDAN PA'I CHA DE NYID KYIS 'KHRUL PA NYID KYI NGO BO'I SKYON NAM, DE'I MTHONG BA YANG MA MTHONG BAS 'DOD CHAGS DANG BRAL BA NYID MI THOB PA YIN ZHES BYA BA'I DON TO, ,BDAG TU LTA BA LAS GZHAN PA'I CHAGS PA'I DBANG DU BYAS NAS RGOL BA NI, GAL TE BDAG TU MTHONG BA LAS, ,ZHES BYA PA'O, ,'DI NYID LA LAN NI, THA DAD PAR MTHONG BAS BUD MED GZHAN LA SOGS PA LA BDAG LA PHAN 'DOGS PAR BYAD PA NI CHAGS PA YIN LA, GAL TE BDAG LA CHAGS PA MED NA GZHAN DU MI

, ,'GYUR RO ZHES BYA BA'I DON BSTAN PA NI, GANG ZHIG GZHAN LA ZHES BYA BA'O, ,BDAG TU LTA BA KHO NA CHAGS PA'I SNYING PO CAN YIN PAR BSTAN PA NI, GANG ZHIG BDAG LA ZHES BYA BA'O, ,BDAG TU LTA BAS BDAG LAS GZHAN PA LA PHAN 'DOGS PAR BYED PA NI MA BRTAGS PA KHO NA YIN PAR BSTAN PA NI, GAL TE BDAG NYID CHEN PO ZHES BYA BA'O, ,RANG LAS BYUNG PA'I 'BRAS BU MED NA GZHAN LA PHAN PA TZAM LA 'JUG PA NI BYOL SONG RNAMS BU LA SPUD PA BZHIN DU GTI MUG LAS BYUNG BA KHO NA YIN ZHES BYA BA'I DON TO, ,RANG GI DON LA GNAS PA ZHES BYA BA NI BDAG TU LTA BA'O; ,BDAG KHO NA DGA' BA'I NGO BO NYID KYIS NYE BA YIN PA'I PHYIR SRED PA NI MA 'ONGS PA'I BDE BA MNGON PAR 'DOD PA'I NGO BO MA YIN NAM SNYAM DU SEMS PA LA, YON TAN MTHONG BA ZHES BYA BA STE, BUD MED LA SOGS PA DE DANG DE SGRUB PAR BYED PA LAS BYUNG BA'I BDE BA DE MED NA YID TZAM GYIS NI 'GRUB PA MA YIN LA, MNGON PAR GSAL BAR BYA BA YANG GSAL BAR BYED PA MED NA MI 'BYUNG BA'I PHYIR GSAL BYED DAM DE'I SGRUB BYED BLANG BYA KHO NAR 'GYUR RO ZHES BYA BA'I DON TO, ,BDAG TU SMRA BA RNAMS LA BDAG TU LTA BA YOD NA BDAG GI BA BZHIN DU BDAG DANG GZHAN DU 'BYED PA DANG, PHYE BA LAS BYUNG BA'I SKYON DU YANG 'GYUR RO ZHES BSTAN PA NI, BDAG YOD NA NI ZHES BYA BA BDAG DANG BDAG GIR LTA BA BZHIN DU RANG DANG GZHAN DU 'BYED PA YANG SKYON GYI RGYUR 'GYUR BA KHO NA YIN NO ZHES BYA BA'I DON TO, ,'DZIN PA NI 'DOD CHAGS SO, ,BDAG TU LTA BA NI CHAGS PA'I NGO BO YIN PAR MI RIGS PA MA YIN NAM, SNGON PO'I SNANG BA BZHIN DU BDAG GI DNGOS PO'I SNANG BA YANG CHAGS PA MA GTOGS PAR YOD PA'I PHYIR DE'I SNANG BA YOD NA DE NYID DNGOS POR 'GYUR BA MA YIN NO, ,DE BZHIN DU BDAG GI BAR CHAGS PA YANG MA YIN TE, LTA BA 'BA' ZHIG KHO NA YIN LA DE 'CHING BA MA YIN NO SNYAM DU SEMS PA NI, 'ON TE BDAG KHO NA ZHES BYA BA'O, ,BDAG KHO NA LA CHAGS PA ZHES BYA BA NI TSIG GI LA DOR BA YIN TE, SEMS RING RIG PA NI BDAG MA YIN TE, SKAD CIG MA NYID YIN PA'I PHYIR RO, ,GZHAN YANG RNAM PAR MI RTOG PA'I SHES PA'I RTOGS BYA JI LTAR NYAMS SU MYONG BA NI SKAD CIG MA KHO NA YIN NO, ,'ON KYANG

KHAR RTZANG GI YANG BDAG NYID KHO NA YIN, DE RING GI BDAG NYID YIN PA'I RNAM PAR RTOGS PA'I RTOGS BYA YIN NA, RNAM PAR RTOGS PA YANG DE LTAR 'JUG BZHIN PA CHAGS PA LAS GZHAN MA YIN PAR BSTAN PA NI, NGES PAR BDAG LA ZHES BYA BA'O, ,BDAG TU RTOG PA NYID BDAG LA CHAGS PA 'DOR BA YIN GYI BDAG NI MA YIN NO, ,DES NA RNAM RTOG YONGS SU BOR BA'I PHYIR 'DOD CHAGS DANG BRAL BA MED PA MA YIN LA, BDAG YOD PAS THAR PA MED PA NI MA YIN NO SNYAM DU SEMS PA LA, NYES MED BDAG LA CHAGS PA NI BDAG LA TSAD MAS GRUB PA NYID DU BLO LA YOD PA YIN NA BLO DE KHO NA CHAGS PA YIN TE, TSAD MA LA SOGS PA MED NA BDAG MED PA BZHIN DU 'GYUR RO ZHES BYA BA'I DON TO, ,BDAG DANG BDAG GIR LTA BA LAS GZHAN PA NYID CHAGS PAR KHAS LEN PA MA YIN NAM, DE YANG 'KHOR BA'I RGYU YIN PA'I PHYIR SKYON CAN DOR BYA YIN NO SNYAM DU SEMS PA NI, 'ON TE BDAG DANG ZHES BYA BA'O; ,'DIR ZHES BYA BA NI KHAS LEN PA LA'O, ,GAL TE CHAGS PA SKYON BCAS NA, ,ZHES BYA BA'O, ,THA DAD PA KHAS LEN NA YANG 'DOD PA CUNG ZAD KYANG GRUB PA MED PAR BSTAN PA NI, DE LAS CIR TE CUNG ZAD KYANG MED DO ZHES BYA BA'I DON TO, ,THA DAD PA'I CHAGS PA NI DOR BAR NUS PA KHO NA YIN NO SNYAM DU SEMS PA NI DE SPONG STE CHAGS PA'I'O, ,THA DAD PA'I CHAGS PA YANG YUL GYI SKYON MTHONG BA KHO NA LAS 'DOR BA YIN GYI GZHAN DU MA YIN PAR BSTAN PA NI, SNGON BYUNG MED PAR ZHES BYA BA'O, ,SKYON GZHAN GYIS NI SKYON GZHAN GYIS TE RANG GI SKYON GYIS ZHES BYA BA'I SHUGS KYIS SKYON CAN MA YIN ZHES BYA BA NI BDAG GI YUL LA'O, ,BDE BA'I RGYU ZHES BYA BA NI BDAG GI BA'I RGYU LA'O, ,CHAGS PA NI BUM PA LA SOGS PA'I DNGOS PO BZHIN DU 'DOD PA DANG ZHE SDANG DAG GIS LEN PAR BYED PA'AM, 'DOR BAR BYED PA MA YIN NAM, DE LA YUL GYI YON TAN DANG SKYON LA BRTEN PA YIN NO SNYAM DU SEMS PA LA, 'DOD DANG SDANG SOGS SPANGS PA STE, ,YUL GYI YON TAN DANG SKYON DANG RJES SU 'BREL PA DANG ZHES BYA BAR SBYAR RO, ,YUL GYI YON TAN DANG SKYON DE DAG MTHONG BA MED PA NI 'DOR BA NI YUL GYI YON TAN MTHONG BA LA SOGS PA DANG, SKYON MTHONG BA LAS ZHE SDANG

, ,MI 'DOR BA MI 'BYUNG BA YUL GYI YON TAN DANG SKYON MTHONG BA'I RGYU MI SKYE BA'I NGO BO NI PHYI ROL GYI BUM PA LA SOGS PA'I YUL RNAMS LA YON TAN DANG SKYON MTHONG BA LAS NYE BAR LEN PA DANG 'JOMS PA'I CHAGS PA'O, ,YUL NI BDAG DANG BDAG GI STE DE'I DNGOS PO NYID DE YON TAN DANG LDAN PA ZHES BYA BA DANG SPYAR RO, ,DE MED PA'I PHYIR NI YON TAN DANG LDAN PA MED PA'O, ,DE'I PHYIR, RIGS PA 'DI CHAGS PA MA YIN PAR BSTAN PA NI ZHEN PA ZHES BYA BA'O, ,PHYI TSUL GANG YIN MIN ZHES BYA BA 'DI GSAL BAR BYED PA NI, CHAGS YON TAN GYI CHAGS MIN GYI, ,ZHES BYA BA'O, , RIGS PAS BRJOD NAS RNAL MA LA SBYOR BAR BYED PA NI BDAG DANG BDAG GI BA LA MA TSANG BA MED PA'I YON TAN MTHONG BA YIN NA BDAG TU LTA BA'I 'BRAS BU CHAGS PA MI LDOG PAR BSTAN PA NI, MA TSANG MED RGYU ZHES BYA BA'O, ,'DOD DANG SDANG SOGS SPONG BA NI, ZHES BYA BA 'DI DANG, DE BZHIN DU, NYES MED BDAG LA CHAGS PA DANG, ,BRAL BA'I RGYU YANG YOD MA YIN, ,ZHES BYA BA 'DIS KYANG, CHAGS YON TAN GYI CHAGS MIN GYIS, ,ZHES BYA BA'I DON RTOGS PA'I PHYIR, MA TSANG MED RGYU DE LA NI, ,'BRAS BU GANG GIS ZLOG PAR BYED, ,CES BYA BA'I DGONGS PAS BSDU BA'I TSIGS SU BCAD PA'O ZHES BYA BA'O, ,KHO BOS JI LTAR BSHAD PAS NI DES RTOGS PA'I DON MA YIN NO, ,NYES MED BDAG LA ZHES BYA BA 'DIS BDAG TU LTA BA DANG CHAGS PA DAG THA MI DAD PAR DGONGS PA YIN LA, MA TSANG MED RGYU ZHES BYA BA NI THA DAD PAR DGONGS PA YIN NO, ,CHAGS PA SKYON DANG LDAN PA NYID YIN PA NI SDUG BSNGAL GYI RGYU YIN PA NYID KYIS SDUG BSNGAL GYI RTEN YIN NO, ,DE 'DI BDAG LA YANG SDUG BSNGAL DANG 'DU BA CAN NYID MIN PA'I PHYIR, 'DOD CHAGS DANG BRAL BA MTSUNGS PA YIN NO, ,BDAG NI BDE BA DANG SDUG BSNGAL THAMS CAD SGRUB PAR BYED PA'I SHES PA DANG DE'I 'BRAS BU ZA BA PO YIN LA, DE'I PHYIR BDAG KHO NA BZHIN DU YIN LA, CHAGS PA YANG BDAG GIR LTA BA'I YUL NYID YIN PA'I PHYIR, 'DOD CHAGS DANG BRAL BA'I YUL DU MI 'GYUR BAR BSTAN PA NI, SKYON YANG GANG ZHIG MTHONG ZHES BYA BA'O, ,BDAG KYANG SDUG BSNGAL SGRUB PAR BYED PA'I SHES PA PO DANG ZA BA PO DANG ZA BA PO NYID YIN PAS 'DOD CHAGS

DANG BRAL BA'I YUL KHO NAR 'DOD PA MA YIN NAM, DE LTAR YIN NA 'DI'I NGO BO GZHAN MED PA'I PHYIR THAR PA 'DOD PAS JI LTAR BDAG SHES PAR BYA BA DANG 'DOD PAR BYA BA DANG DMIGS PAR BYA BA ZHES BYA BA YIN, DOR BYA NYID DU SHES PAR BYA BA YIN NA BDAG MED PAR LTA BA THAR PA SGRUB PAR BYED PA 'THOB PAR 'GYUR RO, ,BDAG YOD NA ZHES BYA BA NI THAMS CAD KYI SHES PA PO DANG ZA BA PO'I 'DU BA CAN GYI RGYU YOD NA'O, ,CHAGS PA LA SOGS PA BSKYED BYA SDUG BSNGAL GYI BDAG DANG DU BA 'BA' ZHIG YIN GYI BDAG NI SDUG BSNGAL GYI RGYU YIN TE, DE YOD NA 'BYUNG BA NYID DU MI SHES PA'I PHYIR RO SNYAM DU SEMS PA NI 'ON TE 'DI SNYAM DU BDAG GI ZHES BYA BA'O, ,DE NYID ZER BA NI, GAL TE DE MED CES BYA BA'O, ,'DU BA CAN BDAG YOD NA CHAGS PA LA SOGS PA SDUG BSNGAL GYI RGYU JI LTAR YIN, DE'I PHYIR SKYON CAN DU MI 'GYUR TE, 'DOD CHAGS DANG BRAL BA MI SRID PA YIN TE, YUL MED PA'I PHYIR RO, ,BDAG SDUG BSNGAL GYI RGYU YIN YANG DOR BYA MA YIN PA MA YIN NAM, 'DOR BA NI SDUG BSNGAL SGRUB PAR BYED PA YIN LA, SDUG BSNGAL DANG 'BREL PA NI SDUG BSNGAL BSGOMS PAS YIN TE, DE LTAR NA SDUG BSNGAL MI SKYE BA'I PHYIR BDAG KYANG DE DANG 'DU BA CAN NYID DANG BRAL BA YIN NO SNYAM DU SEMS PA LA, SDUG BSNGAL BSGOMS PAS ZHES BYA BA'O, ,BDAG GI BA NYID KYI BLOS BYAS PA NI BDAG MI 'DOR BA'I YUL NYID YIN NA BDAG GI BA LA YANG MTSUNGS PA'I PHYIR, SDUG BSNGAL BSGOMS PA 'DOR BA'I RGYU JI LTAR YIN ZHES BYA BA'I DON BSTAN PA NI, BDAG GI BA'I BLO BCOM BAS 'DIR 'DOR BAS ZHES BYA BA'O, ,DE BCOM NA JI LTAR BRAL BA YIN YANG LEN PA KHO NA YIN PAR BSTAN PA NI ZHES BYA BA'O, ,BDAG GI NYID KYI BLO KHO NA DE LA MED PA YIN PAR MI RIGS TE, DE'I LONGS SPYOD KYI GNAS NI LUS YIN LA, LONGS SPYOD SGRUB PAR BYED PA NI DBANG PO YIN ZHES SMRAS PA'I PHYIR RO ZHES BSTAN PA NI; LONGS SPYOD KYI RTEN NYID DU NI GZUNG BA LA ZHES BYA BA STE, SDUG BSNGAL BSGOM PA DANG 'GAL BA YIN NA, BDAG BZHIN DU BDAG GI BA LA YANG 'GYUR RO ZHES BYA BA'I DON TO, ,SDUG BSNGAL BSGOMS PAS CIR 'GYUR NA ZHES BYA BA 'DRI BA'I DON ZER BA NI, GAL TE BDE BA'I RGYU NYID NI, ,ZHES BYA BA'O, ,

, ,DE LAS BZLOG PA NI SDUG BSNGAL GYI RGYU NYID YOD PA LAS SO, ,LUS LA SOGS PA RANG NYID KYI BLO KHAS LEN PAR GRUB PA 'BA' ZHIG NI MA YIN GYI MNGON SUM GYIS GRUB PA YIN PAR BSTAN PA NI, MNGON SUM YIN ZHES BYA BA'O, ,MA'I MING CAN BZHIN DU LUS DANG DBANG PO LA SOGS PA RNAMS LA BDAG GI YIN PA LA, BDAG GI MA'I MING CAN LA GNAS PAS SDUG BSNGAL BSGOMS PAS SDUG BSNGAL BCOM PA THOB PA YIN NO SNYAM DU SEMS PA LA, 'DU SOGS 'BREL PA LAS ZHES BYA BA'O, ,LUS DANG DBANG BO LA SOGS PA KUN DU DMIGS NAS SDUG BSNGAL BSGOM PA BSNYAD PAR BYED LA DE LA DMIGS PA YANG LONGS SPYOD KYI RTEN NYID LA SOGS PA'I NGO BO YIN GYI DE YANG 'DU BA LA SOGS PA DANG 'BREL PA NI BDAG GI BA'I BLO'I YUL YIN PA'I PHYIR, SDUG BSNGAL BSGOM PA THOB BZHIN PA JI LTAR BDAG GIR 'DZIN PA'I BLO DANG BRAL BA YIN, LONGS SPYOD KYI RTEN LA SOGS PA BLO NYID DANG 'BREL PA'I BLO NYID KYIS BDAG GI BA'I BLO YIN PA'I PHYAR MTHONG DU ZIN KYANG NI SDUG BSNGAL GYI RGYU NYID SHES KYANG NGO, ,MA'I 'DU SHES NI MTHONG BA'I MA'I NGO BOR SGRO BTAGS PAS YIN LA, SDUG BSNGAL NI 'BREL BA DANG BRAL BA MA DMIGS PA'I PHYIR SGRO BTAGS PA MA YIN NO, ,'ON TE PHAN 'DOGS PA NYID KHO NA LUS LA SOGS PA DANG 'BREL PA YIN LA, PHRAD PA DANG 'DU BA LA SOGS PA NYID MA YIN NA DE LTA YIN NA BDAG GI BA'I PHAN 'DOGS PA'I BLO'I RGYU MTSAN THAMS CAD LA YIN PA'I PHYIR DE DANG BRAL BA LA SDUG BSNGAL NYID MA MTHONG BAS GTZO BO NYID MED PA'I PHYIR RO ZHES BSTAN PA NI, 'DU BA LA SOGS MED NA YANG, ,ZHES BYA BA STE KUN LA ZHES BYA BA NI GTZO BO MED PA'I PHYIR ZHES DGONGS PA'O, ,GAL TE GTZO BO GZHAN GYIS CI ZHIG BYA BA DAG GI LUS DANG DBANG PO LA SOGS PA NYID SDUG BSNGAL GYI RGYU YIN PA'I PHYIR BDAG GI YIN YANG BDAG GI BLO'I YUL DU MI 'GYUR TE, SPRUL GYIS ZOS PA'I MNGAR MO BZHIN DU YIN LA, DE YANG BDAG GI BLO KHO NA BDAG GI BA MA YIN PAR 'GYUR BA YIN NO SNYAM DU SEMS PA NI, SDUG BSNGAL BSKYED PHYIR ZHES BYA BA'O, ,LUS DANG DBANG PO LA SOGS PA NI DE NI GCIG TU SDUG BSNGAL MA YIN TE, SDUG BSNGAL KHO NA MA YIN ZHING PHAL CHE BA YANG MA YIN NO, ,

DUG DANG 'DRES PA'I BZA' BA JI LTA BA YIN PAR BSTAN PA NI, GCIG TU DE NI SDUG BSNGAL MIN, ,SDUG BSNGAL KHO NA'AM SDUG BSNGAL PHAL CHE BA KHO NA MA YIN DU ZIN KYANG BDE BA'I NGO BO KHO NA PHAL CHE BAR YOD PA'I PHYIR LA, DE LTA NA YANG SDUG BSNGAL GYIS SUN PHYUNG BA YIN PA'I PHYIR DUG DANG BCAS PA'I BZA' BA BZHIN DU BLANG BYA MA YIN PA KHO NAR 'GYUR RO, ,LUS MDZES PA YANG MDZE NAD GCIG PUS SKAL BA NGAN PA YIN NO ZHES BYA BA'I RIGS PA LAS SO SNYAM DU SEMS PA LA, KHYAD PAR CAN NI SDUG BSNGAL GYI CHA YANG MED PAS LHAG PA NI GCIG TU BDE BA'I NGO BO YOD PA'I PHYIR RO, , DE DANG 'GAL BA NI SDUG BSNGAL GYI CHA DANG 'DRES PA DANG KHYAD PAR YOD PA LA DUG DANG BCAS PA BZHIN DU CHAGS PA DANG BRAL BA NYID NI RGYAB KYIS PHYOGS PAR 'GYUR RO, ,DE MED NA NI BDAG CHAGS PA DANG LDAN PA DAG JI LTAR RNYED PA LA 'JUG PA YIN PAR BSTAN PA NI, MA RNYED NA ZHES BYA BA STE, 'DOD CHAGS KYIS NON PA KHYAD PAR CAN GYI BUD MED MA RNYED NA MO TZAM LA 'JUG PA YIN NO, ,RGYU'I STOBS LAS ZHES BYA BA NI SNGA MA SNGA MA'I BDE BA LA GOMS PA'I DBANG GIS SO, ,SDUG BSNGAL GYI CHA DANG LDAN PA KHO NA BDE BA NYE BAR LEN PA MA YIN NAM, 'GROS GZHAN MED PA'I PHYIR RO, ,BDE BA'I KHYAD PAR MED PA'I PHYIR DE LA LTOS NAS RIGS PA YIN GYI SHIN TU BA'I SDUG BSNGAL LAS GROL BA'I BDAG GI NGO BO LA LTOS NAS NI MI RIGS SO, ,SHIN TU BA'I SDUG BSNGAL LAS GROL BA NI SDUG BSNGAL BSGOMS PAS DE KHO NA NYID MTHONG BAR 'GYUR BA YIN NO SNYAM DU SEMS PA LA, BDAG BSGOM PA CI MI SRID PA NYID DO ZHES BYA BA LA SOGS PA NAS, DE NI 'GAR YANG GZHAN 'GYUR PHYIR, ,MIR ZHES BYA BA'I BAR DE'O, ,DON 'DI KHO NA LA RNAM 'GREL DANG SBYOR BA NI, DE NYID KYI PHYIR ZHES BYA BA STE, SDUG BSNGAL GYIS BYAS PA'I NGO BO LAS GZHAN PA KHO NA DE MED PAS BYAS PA YIN PA'I PHYIR DE LA LTOS NAS SNGA MA'I ZHIG PA KHO NA YIN NO ZHES BYA BA'I DON TO, ,GANG GI ZHES BYA BA NI RNAL 'BYOR PA'I'O, ,'DOD PA NI CHAGS PA'I YUL LO, ,DE ZHES BYA BA NI BDAG GO, ,DE NI ZHES BYA BA NI RNAL 'BYOR PA'O, ,GANG GI BDAG STE BDAG STE BDAG GI RANG GI NGO BO YIN TE, CHAGS PA YUL YIN LA, DE'I NI RANG GI NGO BO'I'O, ,DE ZHES BYA BA'I BDAG GO, ,

, ,'DOD CHAGS LA SOGS PAS NI BDAG LA 'GAR YANG PHAN MI 'DOGS PA MA YIN NAM, 'O NA CI ZHE NA, SBYOR BA TZAM YIN LA THAR PA LA NI DE DANG BRAL BA TZAM YIN NO, ,DE'I PHYIR BDAG ZHIG PA THAR PA MA YIN NO SNYAM DU SEMS PA LA, SKYON CAN ZHES BYA BA NI, MIN ZHES BYA BA DANG SBYAR RO, ,DE LDAN BAS NI 'DOD CHAGS LA SOGS BA DANG LDAN PAS SO, ,RANG NI RANG GI NGO BOS SO, ,BDAG NI LOG PA KHO NA YIN TE DE DANG GCIG PA NYID DU MI 'GYUR BA YIN ZHES BYA BA'I DON NI, DBYUG PA CAN NI DBYUG PA MIN, ,ZHES BYA BA'O, ,GAL TE, MYONG PHYIR DE NI CHAGS BRAL TE, ,ZHES BYA BA NI RGOL BA'O, ,DE NYID SGRUB PAR BYED PA NI MYONG BA LAS MA YIN ZHES BYA BA LA SOGS PA STE, BDAG GIS 'DOD CHAGS LA SOGS PAR RANG RIG PAR YIN NA 'DOD CHAGS LA SOGS PA NYID KHO NAR 'GYUR BA'I PHYIR THAMS CAD GZHAN RIG KHO NA YIN GYI RANG RIG PA NI MA YIN NO, ,DE LTAR BUD MED LA SOGS PA RIG PAS DE'I NGO BO NYID DU THAL BAR 'GYUR ZHES LAN DU ZER BA NI, BUD MED CES BYA BA LA SOGS PA'O, ,DE LTAR NA 'DOD CHAGS CAN JI LTAR YIN ZHES ZER BA LA, 'BREL PHYIR ZHES BYA BA'O, ,RIGS PA DE DANG LDAN PA NYID YIN NA RNAL 'BYOR PA YANG DE DANG LDAN PA NYID DU 'GYUR RO; ,DE'I PHYIR RIG PA YIN YANG 'DOD CHAGS MED PA NYID DU 'DOD PA 'GAL BA YIN NO ZHES ZER BA NI, CHAGS SOGS MYONG BAS RNAL 'BYOR PA, ,ZHES BYA BA'O, ,GRUB PA'I MTHA' BSTAN PA NI, THA DAD PA NI BDAG LAS 'DOD CHAGS LA SOGS PA RNAMS 'DU BA LAS 'DOD CHAGS CAN DU 'GYUR GYI, PHRAD PA LAS NI LDAN PA MA YIN NO, ,DE'I BDAG NI YID DANG LDAN PA YIN ZHING YID NI GZHAN GYI BDAG NYID YIN LA DE LA YOD PA'I 'DOD CHAGS LA SOGS PA DANG LDAN PA DANG 'DU BA YIN NO, ,YANG NA RNAL 'BYOR PA'I BDAG GZHAN GYI BDAG DANG LDAN PA YIN PAS MI SKYE PA'I PHRAD PAS DE LA YOD PA'I 'DOD CHAGS LA SOGS PA DANG YANG LDAN PA'I 'DU BA YIN NO, ,DES NA KHYAD PAR MED PA'I PHYIR KHYOD KYI RNAL 'BYOR PA YANG GZHAN GYI 'DOD CHAGS DANG 'BREL BA LAS 'DOD CHAGS CAN DU 'GYUR RO, ,'DU BA DANG PHRAD PA LA KHYAD PAR YOD CES ZER BA NI, THA DAD RTOGS MED CES BYA

BA'O; ,BDAG GI NGO BO YANG RANG RIG PA DANG MA 'KHRUL BA YIN NA, JI LTAR THA MI DAD PAR 'GYUR BA YIN PA BSTAN PA NI, BDAG NI RANG BZHIN ZHES BYA BA'O, ,BDAG NI RIG PA'I RANG BZHIN MA YIN TE, THAMS CAD KYANG THAMS CAD RIG PAR THAL BAR 'GYUR RO SNYAM DU SEMS PA NI, 'ON TE 'DI NI ZHES BYA BA'O, ,LAN NI GZUNG BYA ZHES BYA BA'O, ,LONGS SPYAD PAR BYA BA DANG LONGS SPYOD PAR BYED PA DE DAG GCIG PA'I DE NYID YIN ZHES BYA BA 'DI LA DPE MED PAR BSTAN PA NI, RO SOGS ZHES BYA BA STE, LONGS SPYAD PAR BYA BA LAS GZHAN PA NYID LONGS SPYOD PAR BYED PA DE LAS KYANG GZHAN YIN NA, DE LAS KYANG GZHAN YIN ZHING DE LAS KYANG GZHAN YIN PA'I PHYIR THUG PA MED PA YIN NO ZHES BYA BA 'DI NI SKYON MA YIN NO, ,GANG GI PHYIR 'BRAS BU DANG RGYU NYID BZHIN DU GZUNG BA DANG 'DZIN PA NYID LA THUG PA MED PA'I SKYON MED DO, ,DE LTA BU'I DGONGS PA NI GAL TE YUL NYAMS SU MYONG BA MA YIN NA RTAGS MED PA'I PHYIR JI LTAR LONGS SPYOD PA POR RTOGS PAR BYED, DE NYAMS SU MYONG NA YANG RANG RIG PA YIN NA JI LTAR LONGS SPYOD PAR BYED PAR RTOGS PA'I THUG PA MED PA MA YIN TE, LONGS SPYOD DANG 'DU BA CAN LONGS SPYOD PA PO NYID YIN PA'I PHYIR RO ZHES ZER BA NI, ,GAL TE DE DANG ZHES BYA BA'O; ,LONGS SPYOD KYI GZHI LONGS SPYOD PA PO YIN NA GZUGS LA SPYOD PA'I YUL NYID LONGS SPYOD PA POR 'GYUR BAR BSTAN PA NI, LONGS SPYOD NYAMS SU MYONG LAS ZHES BYA BA'O, ,'JIG RTEN GYI THA SNYAD NI BDAG BZHIN DU YUL NYID LA YANG BLO'I GZHI NYID DU MTSUNGS PA YIN PAR BSTAN PA NI, DMYAL BA'I ZHES BYA BA'O, ,LONGS SPYOD PAR BYA BA LA YOD PA'I LONGS SPYOD NI GZHAN DU MI 'THAD PAS LONGS SPYOD PA PO RJES SU DPOG PA PO YIN NO SNYAM DU SEMS PA KHO NA ZER BA NI, CI STE RJES SU DPAG BYA DE, ,ZHES BYA BA'O, ,GZHAN GYIS RIG PA'I LONGS SPYOD PA PO BSAL NAS RANG RIG PA NYID NYE BAR BSDU BA NI, DE'I PHYIR BDAG NI RANG RIG PA'I RANG BZHIN NYID CES BYA BA'O, ,JI LTAR ME LONG DANG BA'AM, ,JI LTAR SHEL SGONG DAG PA LA, ,DE DANG NYER GNAS GANG DANG GANG, ,DE LA DE'I GZUNGS BRNYAN RTOGS, ,ZHES BYA BA'I RIGS PAS NYE BA'I RUNG BA 'DZIN PA'I PHYIR THAMS CAD KYANG THAMS CAD RIG PAR THAL BAR 'GYUR BA MA

, ,YIN NO ZHES BYA BA'I DON TO, ,GNAS SKABS PA SDUD PA NI, GAL TE NGES BDAG CES BYA BA'O, ,RANG RIG PA'I BDAG NYID SHEL SGO BZHIN DU DANG BA LA, TSON SNGON PO LA SOGS PA GZHAN DANG GZHAN GYI GZUNGS BRNYAN NYID 'BYUNG BA DANG NUB PA DANG LDAN PA YIN GYI RTOGS PA'I NGO BO LA NI MA YIN TE, MNGON PAR SHES PA'I YUL YIN NO SNYAM DU SEMS PA NI, JI STE YANG ZHES BYA BA'O, ,TSON SNGON PO LA SOGS PA DANG THA MI DAD PAR RIG PA NI DE KHO NA BZHIN DU THA DAD PA MI RTAG PAR 'GYUR RO ZHES BYA BA'I DON BSTAN PA NI, BDE LA SOGS PA THA DAD PHYIR, ,ZHES BYA BA'O, , THA DAD PA'I SNGON PO DANG BDE BA LA SOGS PA DANG THA MI DAD PAR RIG PA YANG SNGON PO DANG BDE BA LA SOGS PA BZHIN DU THA MI DAD PA'I BDAG TU RIG PAR BYED PA MA YIN PAR BSTAN PA NI, BDAG TU GYUR PAS NI THA DAD PA'I SNGON PO DANG BDE BA LA SOGS PA RNAMS DANG, DE KHO NA BZHIN DU THA DAD PAS THA MI DAD PAR RANG BZHIN GCIG TU SHES PA MA YIN NO, ,CI DAD 'DRA ZHE NA, JI LTAR DE NYID NI TSON SNGON PO LA SOGS PA'I THA SNYAD PA NI KHYAD PAR RO, ,GAL TE RANG RIG PA THA DAD PAR RIG PA MA YIN DU ZIN KYANG RNAM RTOG NI RIG PA YIN ZHES ZER BA NI, RIG PA RIG PA ZHES BYA BA'O, ,RNAM PAR BRTAGS PA'I GCIG PA NYID NI RANG GZHAN GYI BDAG NYID LA YANG 'GYUR RO ZHES BSTAN PA NI, DE'I PHYIR ZHES BYA BA'O, ,'ON TE GZHAN GYI BDAG GZHAN GYIS RIG PA MA YIN PA KHO NA'O ZHE NA, RIG PA'I DNGOS PO MIN NA NI, ,ZHES SMOS TE, GZHAN GYIS GZHAN GYI BDAG MI RIG NA GZHAN NI BDAG MED PAR 'GYUR RO, ,RANG DANG GZHAN GYI BDAG DAG PHAN TSUN 'JUG PA MA YIN PAR RIG PA'I PHYIR, DBYE BA YIN NA RANG GI BDAG LA YANG SKAD CIG RE RE'I RIG PA THA DAD PAS THA DAD PAR 'GYUR BAR BSTAN PA NI, DE NI SO SOR RIG CE NA, GANG DU'ANG GCIG PA NYID MI 'GYUR, ,ZHES BYA BA STE, GCIG MI 'GYUR ZHES BYA BA NI RGYUN GCIG LA'O, ,SNGA MA DANG PHYI MA DAG NI 'KHOR BA DANG MYA NGAN LAS 'DAS PA'O, ,BSHAD PA'I TSIGS SU BCAD PA NYE BAR BSDU BA NI DE LTA YIN DANG ZHES BYA BA'O, ,BSHAD PA GZHAN BSTAN PA NI, THER ZUG RTAG PA NYID YIN NA, ZHES BYA BA'O, ,DE NYID LA NI 'KHOR BA NYID LA

STE YONGS SU RDZOGS PA'I PHYIR RO, ,DER ZHES BYA BA NI THER ZUG TU GNAS PA NYID DE KHO NA LA YONGS SU RDZOGS PA'I PHYIR RO, ,SNGAR MTHONG BA NGO SHES PA NI SRID PA MA YIN LA, SRID NA YANG GANG GI TSE DNGOS PO YOD PA DE KHO NA'I TSE 'BYUNG BAR 'GYUR TE, DNGOS PO'I STOBS LAS BYUNG BA'I PHYIR RO, ,DUS PHYIS NI MA YIN TE, DNGOS PO MED PA'I PHYIR RO ZHES BSTAN PA NI, DE'I RANG BZHIN YOD PA LA ZHES BYA BA'O, ,YUL GYI STOBS LA MI RTEN PA BAG CHAGS LAS BYUNG BA SNGAR MTHONG BA NGO SHES PA TSAD MA MA YIN PAR BSTAN PA NI, YUL MED PAR NI ZHES BYA BA'O, ,THER ZUG TU GNAS PA YANG 'GYUR BA CAN MA YIN BA'I PHYIR DANG, DMIGS PA'I RIM PA MED PA'I PHYIR MI RTAG PA NYID DU MA RTOGS PA'I PHYIR RTAG PA YIN NO ZHES ZER BA NI GAL TE THER ZUG RTAG NYID CES BYA BA'O, ,TSIGS SU BCAD PA 'DI NYID BSHAD PA NI, ,GAL TE THER ZUG CES BYA BA'O, ,'GYUR BA CAN MA YIN PA NYID DANG, DMIGS PA'I RIM PA MED PA'I PHYIR ZHES BYA BA'I GTAN TSIGS GNYIS PO RTAG PA NYID DU SGRUB PAR BYED PAR 'DOD PA NI 'KHOR BA DANG MYA NGAN LAS 'DAS PA'I RIM PA'I DMIGS PAR 'DOD PA YIN NA, MI RTAG PA NYID DU 'GYUR BAR BSTAN PA NI, DE'I PHYIR DMIGS PA RIM PA DANG LDAN PA ZHES BYA BA'O, ,MA DMIGS PA ZHES BYA BA NI THER ZUG TU GNAS PAR RO, ,MTSUNGS PA NYID DU DMIGS PA YANG, ,ZHES BYA BA LA SOGS PA'I TSIGS SU BCAD BA NI, YANG NA MTSUNGS PA'I RANG BZHIN DMIGS PA LAS SNGA MA DANG PHYI MA DANG GCIG NYID DU ZHES BYA BA LA SOGS PAS BSHAD PA YIN NO, ,BSHAD PA GZHAN BSTAN PA NI, YANG NA RTOGS PA'I RANG BZHIN NYID KYIS ZHES BYA BA STE, SEMS KYI BDAG NYID DU GCIG PA YIN PA'I PHYIR RGYU THA DAD PA MA YIN ZHING, SNGON PO DANG BDE BA LA SOGS PAS KYANG MA YIN TE, DBYE BA THAMS CAD 'KHRUL BA CAN YIN BA'I PHYIR LA, MA 'KHRUL BA NYID NI YOD PA'AM SEMS KYI NGO BO NYID KYANG RUNG THAMS CAD DU THOGS PA MED PA'I PHYIR RO, ,RNAM GCOD MED PA'I YOD PA CAN, ,YUL DAD DUS SU DNGOS PO GANG, ,RTAG PA DE NI KHYAB BDAG 'DOD, ,DE PHYIR BDAG NI KHYAB BDAG BRJOD, ,CES BYA BA'I DON TO, ,LAN NI, GAL TE DE LTAR NA ZHES BYA BA STE, 'KHRUG PA'I GNAS SKABS NA THA MI DAD PAR SKYES PA'I NGO BO YIN PA'I PHYIR

, ,SNGA MA'I NGO BO DUS PHYIS NI DE NYID 'JIG PA YIN NO ZHES BYA BA'I DON TO, ,GROL BA'I BDAG KYANG 'KHOR BA PA'I BDAG KYANG THA MI DAD PA YIN NA NI 'KHOR BA PA NYID DU 'GYUR BAR BSTAN PA NI, DE'I GNAS SKABS ZHES BYA BA'O, ,GAL TE GROL BA ZHES BYA BA'I DON LA SOGS PA'I TSIG RKANG PA GSUM BSHAD PA NI, GAL TE BUM PA'I NAM MKHA' ZHES BYA BA'O, ,DBYE BA MED PA'I GNAS SKABS LA BDAG TU SHES PA'I YUL MA YIN PA'I PHYIR BDAG MED PA'I NGO BO NYID DU THAL BAR 'GYUR BAR BSTAN PA NI, NAM MKHA' NYID DU NYE BAR SON PA ZHES BYA BA'O, ,'O NA NI BDAG MED PA NYID DU ZHES BYA BA NI BDAG TU SHES PA'I YUL MA YIN PA NI BDAG MA YIN PA'I PHYIR, SEMS KYI NGO BO'I RTAG TU'AM KHYAB PA CAN YANG MA YIN TE SNANG BA DANG NYE BA'I PHYIR RO, ,THAG NYE BA'I SNANG BZHIN PA NI YUL GZHAN NAM DUS GZHAN LA MA YIN NO, ,DE LTA BU NYID MA YIN NA YANG KHYAD PAR CAN DU MNGON PAR 'DOD PA'I NGO BO YANG DE LTAR 'GYUR BAR BSTAN PA NI, RANG GI RANG BZHIN TZAM RIG PA, ,ZHES BYA BA'O, ,GCIG LA MTHONG BA'I YOD PA'I NGO BO'AM SEMS KYI NGO BO NI GZHAN LA YANG DE NYID SNGAR MTHONG BA NGO SHES PA MA YIN NAM SNYAM DU SEMS PA NI, 'ON TE BUM PA LA SOGS PA ZHES BYA BA'O; ,SNGAR MTHONG BA NGO SHES PA NI GROL BA DANG 'KHOR BA DAG KYANG GCIG PA NYID DU SGRUB PAR BYED PA BSTAN PA NI SHIN TU GSAL BAR BYA ZHES BYA BA STE, SNGAR MTHONG BA NGO SHES PA MED PA MA YIN PA'I PHYIR RO, ,BDAG GO ZHES BYA BA LA SOGS PA NYAMS SU MYONG BA'I YUL NI YUL 'KHOR BA PO'I BDAG NI GROL BA'I GNAS SKABS NA YANG THAMS CAD NYAMS SU MYONG BA DANG BU DANG CHUNG MA LA SOGS PA'I YUL GYI THA SNYAD THAMS CAD DANG YON TAN KUN TE SHES RAB DANG YID GZHUNGS PA LA SOGS PA LDOG PAS DE LA CHAGS PA'I RGYU MTSAN MED PA'I PHYIR MED PA KHO NA YIN NO, ,DE'I PHYIR RTOG PA DANG LDAN PA 'DI LA DON DU GNYER BAR JI LTAR 'GYUR ZHES BSTAN PA NI KUN LDOG PA NI NYAMS SU MYONG BA DANG YON TAN DANG NGO BO CHAGS PA'I RTEN ZLOG PA GANG LA GROL BA'I GNAS SKABS NA LDOG PA GANG YIN PA DE LA JI LTAR 'DOD PA STE CHAGS PA JI LTAR BDAG GIR BYED, DE CHAGS PA JI LTAR BDAG GIR BYED DE CHAGS PA'I RGYU

MTSAN MED NA JI LTAR CHAGS PA YIN ZHES BYA BA'I DON YIN ZHING, CHAGS BA'I YUL NI 'DI 'DRA BA YANG JI LTAR GZHAN 'DRA BAR 'DOD CES BYA BA'I DON TO, ,RDO BA DANG RAS BAL LA SOGS PA LA KHYAB PA CAN NAM MKHA'I BDAG NYID DE, RANG GI NGO BO GANG YIN PA DE KHO NA BDAG YIN LA, THA SNYAD DU THAMS CAD NI DOR BYA DANG BLANG BYA LA SOGS PA STE, DE LAS 'DAS PA NI CHAGS PA'I YUL LAS BZLOG PA YIN NO ZHES BYA BA'I DON TO, ,DE 'DRA BA ZHES BYA BA NI SNGA MA'I NGO BO LAS BZLOG PA THAR PA'I NGO BO LA RTOG PA DANG LDAN PA 'JUG PA LA BAR DU GCOD PA YIN TE DON DU GNYER BA MI 'BYUNG BA'I PHYIR ZHES BYA BA'I DON TO, ,BDAG LA CHAGS PA NI MNGON DU BYED PAR 'GYUR ZHES BYA BA DANG SBYAR RO, ,GROL BA'I GNAS SKABS NA BDAG NAM MKHA' BZHIN DU DNGOS PO MED PAR 'GYUR BAR MI RIGS PA MA YIN NAM, BDAG TU SHES PA'I YUL YIN PA'I PHYIR RO, ,'DI RNAMS KYI BDAG DANG BDAG GI 'DI RNAMS ZHES BYA BA'I 'BREL PA'AM THUN MONG BA MA YIN PA NYID NI 'CHING BA YIN PA NI BDAG DANG BDAG GI ZHES BRJOD PA YIN LA, DE NI THAR PA LA YOD PA MA YIN NO SNYAM DU SEMS PA LA RNAM PA KUN DU ZHES BYA BA'O, ,BDAG GO ZHES BYA BAR RIG PA 'DI YANG, DE'I MED PA KHO NA YIN NO, ,RMI LAM MTHONG BA MA YIN PA'I GNYID LOG PA GROL BA'I DPER BYED DO, ,YIN NA YANG BDAG GO ZHES BDAG TU LTA BA'I RNAM PA NI 'BREL PA'I RNAM PA'AM DE DANG THUN MONG MA YIN PA'I RNAM PA YANG BDAG TU 'DZIN PA NI THAMS CAD DU CHAGS PA'I NGO BO'I SNYING PO CAN KHO NA YIN NO, ,DE'I PHYIR YANG BDAG GI BA LA MI THUN MONG BA LA'AM, THUN MONG MA YIN PA LA YANG CHAGS PA 'DREN PA YIN TE DE MED NA RANG NYID MED PA'I PHYIR RO ZHES BYA BA NI KHO BO'I BSHAD PA YIN NO, ,'GREL PA MDZAD PA NI GSAL BA KHO NA YIN NO, ,BDAG TU 'DZIN PA YONGS SU 'DOR BA YIN NA 'JUG PA'I YAN LAG MED DO, ,GANG GI PHYIR DE YOD NA SNGA MA DANG PHYI MA GCIG PA'I SDUG BSNGAL CAN SGRO BTAGS NAS DE LA SOGS PA 'JUG PA YIN NO, ,SKAD CIG MAR RIG PA'I BDAG NYID KYI RIG PA NI 'JUG PA'I YAN LAG MA YIN PA KHO NAR BSTAN PA NI, GAL TE 'DI LA BDAG 'DZIN ZHES BYA BA'I TSIGS SU BCAD PA GNYIS SO, ,BDAG TU 'DZIN PA MED KYANG GZHAN GYI DON LA 'JUG PA YIN NO, ,

, ,BDAG TU SMRA BA DON MED PAR BSTAN PA NI GZHAN GYIS PHYED PA ZHES BYA'O, ,YUN RING BDE BA ZHES BYA BA NI MYA NGAN LAS 'DAS PA LA DGA' BA TZAM GYIS BDAG GI NGO BO NI RTAG TU GSAL BA YIN LA, DE'I 'BRAS BU NYID KYIS MI RTAG PA'I BDE BA YONGS SU 'DOR BA YIN NO, ,MED PA YANG ZHES BYA BA NI, THE TSOM ZA BA YOD PA DANG MED PA'I THUN MONG BA NYID KYIS MED PA'I PHYOGS LA 'JUG PA NI MED PAR YANG SRID PA'O, ,SKAD CIG MA'I DNGOS PO SNANG BA TZAM LA SPRE'U'I ZLA BA ZHES PA DANG SBYAR BA YIN NO, ,DE'I PHYIR DE BZHIN DU BDAG TU LTA BA CAN NI BDAG GI BAR CHAGS PA LDOG PA LA 'BAD PA DANG BCAS PA YIN YANG YON TAN GYI CHA MTHONG BAS DE LA SKYON DU MTHONG BA BSGRIBS PA'I PHYIR MI RNYED PA KHO NA YIN PAR BSTAN PA NI, BRTZON YANG ZHES BYA BA STE, CHAGS PA DANG BRAL BA LA 'BAD PA YIN YANG, CHAGS PA DANG BRAL BA LA GEGS BYED PA YIN NO, ,CI LAS SHE NA, YON TAN CHA BRTEN NAS GANG LA 'JUG PA DANG LDAN PA'O, ,BDAG KYANG BDE BA DANG SDUG BSNGAL SGRUB PAR BYED PA PO'I NGO BO DANG DE'I 'BRAS BU'I ZA BA PO'I NGO BOS KYANG CHAGS PA DANG BRAL BA'I YUL YIN PAS DOR BYA KHO NA YIN NO SNYAM DU SEMS PA NI, GAL TE BDAG LA 'ANG ZHES BYA BA, NGO BO GANG GIS BDAG DOR BYA YIN PA DE KHO NA 'DI'I NGO BO YIN GYI, NGO BO GZHAN MA YIN PA'I PHYIR BDAG BLANG BYA NYID MA YIN PAR BSTAN PA NI, DA NI ZHES BYA BA STE, JI LTAR TE RNAM PA GANG GIS BDAG 'DOR BA NI DOR BYAR BYED PA'O, ,DE NI ZHES BYA BA NI SMRA BA PA'O, ,BLANG BYA LA CHAGS PA DANG BRAL BA RNAM PA GZHAN NI MED DO, ,GTAN TSIGS DE'I PHYIR SDUG BSNGAL BSGOM PAR BSTAN PA DON MED DO, ,'GREL PA MDZAD PAS NI RGAL BA'I DON, ,JI LTAR YOD PA DE LTAR MIN, ,ZHES BYA BA LA SOGS PAS BSHAD DO, ,BDAG GI BZHIN DU BDAG NYID 'DOR BA YIN NO ZHES BYA BA'I DON TO, ,CI ZHIG 'DOR BA YIN ZHE NA, CHAGS PA 'BA' ZHIG 'DOR BA YIN, , ZHES BYA BA'O, ,CHAGS PA DANG BRAL BA NI CHAGS PA MED PA STE, BRAL BA'I SGRA NI DGAG PA'I DON YIN PA'I PHYIR RO, ,BDAG LA CHAGS PA DANG BRAL BA NI THAR PA'I BDE BA YIN GYI BDAG TU 'DZIN PA YOD PA LA MI SRID PAR BSTAN PA NI, BDE BAR GNAS PA NI ZHES BYA BA'O, ,DA NI CHAGS BA LA GANG YIN MED, ,

CES BYA BA'I DON BSTAN PA NI GAL TE BDAG LAS ZHES BYA'O, ,'DI LA NI RGOL BA LA'O, ,SMRAS PA NI RNAM 'GREL LO, ,DE NI JI LTAR BDAG 'DOR BA DE BZHIN DU SDUG BSNGAL BSGOM PA DON MED PA MA YIN NO, ,CI LAS SHE NA, DE'I PHYIR DE DOR BA'I PHYIR RO ZHES BSTAN PA YIN NO, ,DOR BA NI CHAGS PA DANG BRAL BAR 'GYUR BA MA YIN TE, GZHAN YOD PA'I PHYIR RO, ,BDAG NI DOR BA NYID DU MI NUS SO ZHES BYA BA BRTAGS PA NI CHAGS PA DANG BRAL BA LA YANG MTSUNGS PAR BSTAN PA NI BDAG LA ZHES BYA BA STE, JI LTAR DE MED PA DANG ZHES BYA BA DANG SBYAR RO, ,'ON TE CHAGS PA NYID CHAGS PA DANG BRAL BAR 'GYUR RO ZHES BYA BA 'DI LA BSTAN PA NI DE NI ZHES BYA BA NI CHAGS PA'O, ,GZHAN YANG ZHES BYA BA NI CHAGS PA DANG BRAL BA'O, ,DE LTAR NI CHAGS PA'I NGO BOS SO, ,ZAD PA DANG PHYOGS GCIG CES BYA BA'I BDAG NYID KUN NAM ZHES BYA BA'O, ,GCIG NI CHA SHAS MED PA'O, ,GCIG LA YANG YAN LAG CAN BZHIN DU PHYOGS GCIG YOD PA YIN NO SNYAM DU SEMS PA LA, GANG ZHIG CES BYA BA STE, DE LTA YIN NA YAN LAG CAN DE YAN LAG RE RE LA YONGS SU RDZOGS PAS THA DAD PA KHO NA YIN NO, ,THA DAD PA LA YANG THA MI DAD PA'I NGO BO RIG PA'I GNAS SKABS NA YOD PA YIN PAR BSTAN PA NI, DE LTA YIN NA ZHES BYA BA'O, ,JI LTAR THUG PA MED PA YIN ZHE NA, GZHAN DANG GZHAN BRTAGS PAS ZHES BYA BA'O, ,NGO BO GCIG BYUNG BA YIN NA NGO BO SNGA MA BOR BA DANG NGO BO GZHAN BYUNG PA ZHES BYA BA'I RNAM PA 'DI NYID RIGS PA YIN NO, ,DE NI JI LTAR BDAG 'DOR BA, ,ZHES BYA BA LA SOGS PAS BSHAD PA YIN PAR BSTAN PA NI, DE'I PHYIR DES NI ZHES BYA BA'O; ,RNAM PA GANG GIS KYANG ZHES BYA BA NI CHAGS PA DANG BRAL BA'I RANG BZHIN GYIS SO, ,RNAM PA GZHAN DU SBYAR BA NI GAL TE BDAG LA ZHES BYA BA'O, ,GANG ZHIG CES BYA BA NI DE NYID CES BYA BA DANG SBYAR RO, ,GANG LA CHAGS PA DANG BRAL BA MED PA DE 'DOR BA MIN ZHES BYA BA DANG SBYAR RO, ,YUL LA LTOS NAS DON MED PA YIN NO, ,RNAM PA GZHAN GYIS KYANG BYED PA MA YIN TE, MED PA ZHES BYA BA'I DON TO, ,GAL TE DON MED PA YIN NA DE LAS KYANG CIR 'GYUR ZHE NA, SDUG BSNGAL BSGOMS PAS NI ZHES BYA BA'O, ,SDUG BSNGAL BSGOM PA NI MNGON DU 'DOD CHAGS DANG BRAL BA'I PHYIR NI MA YIN TE, 'ON KYANG

, ,SEMS LA DBANG DU 'GYUR BAR BYA BA'I PHYIR YIN LA SEMS DBANG DU BYA BA YANG SKYES BU'I GNAS SKABS THAMS CAD NA YOD PA'I PHYIR SDUG BSNGAL BSGOM PA BSTAN PAS CI DGOS TE MA BSTAN KYANG ZHES PA'I PHYIR RO ZHES BYA BA'I DON BSTAN PA NI, SDUG BSNGAL BSGOMS PAS TE NYE BAR BSTAN PAS KYANG NGO, ,DE DAG CES BYA BA NI SKYES BU'O, ,SDUG BSNGAL NYID NI SDUG BSNGAL SGRUB PAR BYED PA'O, ,SDUG BSNGAL DANG 'DRES PAR RNAM PAR SHES PAR BYED PA NI NGES PAR BYED PA'O, ,DE NI ZHES BYA BA NI NGO BO'O, ,SNGAR YANG NI BSTAN PA'I SNGA ROL DU YANG MNGON DU BYED PA KHO NA YIN GYI DE LAS CHAGS PA DANG MA BRAL NA NYE BAR BSTAN PA LAS KYANG CHAGS PA DANG BRAL BAR MI 'GYUR TE, GANG GI PHYIR DE YANG DE'I RJES SU SMRA BA YIN NO, ,SNGAR CHAGS PA DANG BRAL BA'I YUL MED PAR BSTAN NAS, DA LTAR NI CHAGS PA DANG BRAL BSGRUB PAR BYED PA NYID MA YIN PAR BSTAN PA YIN NO, ,KHO BO CAG GIS NI 'DU BYED PA'I SDUG BSNGAL NYID DU RTOGS NAS BLANG BYA DANG DOR BYA DANG BRAL BA'I PHYIR STE'U DANG TZAN DAN DAG GI 'DRA BA NYID NI CHAGS PA DANG BRAL BAR 'GYUR BA'I PHYIR DE'I BSGOM PA BSTAN PA YIN NO, ,CHAGS PA DANG BRAL PA'I RGYU MA YIN PA NYID KHO NA BSTAN PA NI, 'DIS NI 'DOD CHAGS DANG BRAL BAR 'GYUR BA MA YIN NO, ,'DI NYID GSAL BAR BYED PA NI SDUG BSNGAL SGOM PA ZHES BYA BA'O, ,SDUG BSNGAL GYI TSOGS SU MNGON SUM GYI NGES PA YIN YANG BDE BA 'DOD PAS DBANG BYAS PA'I YID CAN NI DRAN PA MED PAS NYE BAR ZHI BA LAS MI LDAN PA MA YIN NAM, DGA' BA'I RO YIS TSIM RNAMS KYIS, ,ZHI BA'I SEMS KYI BDE GANG YIN, ,NOR LA BRKAM PA DE DANG DER, ,RGYUG PA RNAMS LA GA LA YOD, ,GZHAN YANG RGYA MTSO'I SKA RAGS CAN GYI SA GZHI MA LUS PA DANG, BA LANG DANG RTA LA SOGS PA THOB KYANG NOR LA BRKAM CHAGS CAN NI DE RNAMS KYIS KYANG TSIM PAR MI 'GYUR LA, 'ON KYANG BDE BA NI NO RNYED PA YIN NO, ,BDE BA LA SBYOR BZHIN PA NI DE TSOL BA LA SOGS PA'I RNAM PAR RTOG PAS SDUG BSNGAL BA KHO NA LA BDE BAR MNGON PAR SEMS PA'I PHYIR SDUG BSNGAL BSGOM PA DRANG SRONG RNAMS KYIS BSTAN PA YIN NO SNYAM DU SEMS PA NI, GAL TE RAB TU ZHI BA'I STE, 'KHOR BA'I BDE BA LA SRED PAR MI 'GYUR BA NI SDUG BSNGAL BSGOMS

PAS ZHES BYA BA DANG SBYAR RO, ,SDUG BSNGAL BSGOM PA YIN YANG BDAG TU MNGON PAR ZHUGS PA CAN NI BDAG GI BA LA CHAGS PA LDOG PAR MI 'GYUR ZHES BSTAN PA NI, 'DIR NI ZHI BA BDAG TU LTA BA ZHES BYA BA'O, ,BDAG TU LTA BA LA YANG KHA CIG TU SDUG BSNGAL GYI RGYU NYID DU MTHONG BA LAS 'DOD CHAGS DANG BRAL BA NYID SNANG BA KHO NA MA YIN NAM, RIGS PA DE NYID KYIS THAMS CAD DU DE BZHIN DU 'GYUR BA SRID DO SNYAM DU SEMS PA LA, ,GAL TE DE LA NYES PA YIS, ,ZHES BYA BA'O, ,BDAG TU LTA BA LA CHAGS PA DANG BRAL BAS LDOG PAR SNANG BA YIN GYI MTHONG BA DANG 'GAL BA SRID PA NI TSAD MA MA YIN NO ZHES DGONGS PA'O, ,CHAGS PA'I NUS PA NI BDAG DANG BDAG GIR 'DZIN PA'O, ,BDAG TU 'DZIN PA DANG 'BREL PA'I SHES RAB LDOG PA'I DON DU 'PHAGS PA'I ZHES BYA BA NI KHYAD PAR RO, ,GZHOM PA DANG NYE BAR LEN PA DAG 'JOMS PA'I RGYU DAG MED PAR LTA BA YIN GYI BDAG TU LTA BA NI MA YIN NO ZHES BYA BA'I DON TO, ,BDAG SHES PA NI KHAMS GSUM PO'I SKYON MTHONG BA CAN GYI CHAGS PA DANG BRAL BA MA YIN NAM, DE JI LTAR GCIG LA NYES PAS BLO LDOG PA YIN SNYAM DU SEMS PA LA, BLANG DANG ROR BYA'I KHYAD YOD NA, ,ZHES BYA BA'O, ,BDAG TU SMRA BA NI KHAMS GSUM PO'I GDON MI ZA BAR DOR BYA YIN YANG NYE BAR BLANG BAR BYA BA LA BRTEN NAS GDON MI ZA BAR BLANG BYA YIN ZHING, NYE BAR BLANG BYA YANG BDAG GAM DE'I CHOS RNAMS KYANG YIN LA, DE 'DI YANG NYE BAR BLANG BYA'I NUS PA NI BYAS PA'I PHAN PA GZHAN LAS DE'I NUS PA'I SA BON YIN ZHES BRJOD DE, DE LA PHAN 'DOGS PAR BYED PA YIN YANG RUNG MA YIN YANG RUNG DE LA LTOS PA'I NYE BAR BLANG BYA'I NUS PA DE NYID NI GNOD PA BYED PA PO LA RGYAB KYIS PHYOGS PAR NYE BAR 'GRO BA'I ZHE SDANG GI SA BON YIN PAR YANG SHES PAR BYA'O, ,GAL TE THAMS CAD DU MI 'GYUR BA DE LTA NA JI LTAR 'GYUR ZHES ZER BA LA BSTAN PA NI, RNAM GRANGS KYIS ZHES BYA BA'O, ,DE'I RGYU CAN GYI 'DOD CHAGS DANG ZHE SDANG DAG DE KHO NA BZHIN DU 'BYUNG BA YIN PAR BSTAN PA NI, 'DOD PA DANG SDANG BA ZHES BYA BA'O, ,BDAG MED PAR LTA BA PO'I BLANG BYA'I MA YIN PA'I PHYIR NUS PA MA YIN ZHING, RGYAB KYIS PHYOGS PA YANG MA YIN PA'I PHYIR GANG ZHIG GANG GI SA BON YIN ZHES BSTAN PA NI, BDAG MED

, ,PAR LTA BA LA NI ZHES BYA'O, ,BDAG TU LTA BA CAN YANG KHAMS GSUM PO LA CHAGS PA DANG BRAL BA MA YIN NAM, YUL GZHAN YANG MED NA JI LTAR 'GA' ZHIG LA LTOS PA'AM LDANG BAR BYED PA YIN SNYAM DU SEMS PA LA, SKYON MED YUL CAN ZHES BYA BA'O, ,BDAG LA CHAGS PA YOD NA KHAMS GSUM PO DE LA PHAN 'DOGS PAR BYED PA'I CHA DANG LDAN PA LA CHAGS PA DANG LDAN PA NYID MI 'THOB PAS, BSAM MED BDAG LA CHAGS PA YIS, ,JI LTAR RNYED BZHIN ZHES BYA BA LA SOGS PAS BSTAN PA YIN NO ZHES BYA BA'O, ,SKYON DANG LDAN PA NYID LAS RGYAB KYIS PHYOGS PA NI BDAG GI BA BZHIN DU BDAG LA YANG YIN NO ZHES ZER BA NI, 'ON TE SKYON BCAS ZHES BYA BA'O, ,BDEN TE, SO SO'I SKYE BOS YON TAN MTHONG BAS SKYON BSGRIBS NAS LEN PAR BYED LA, SDUG BSNGAL BSGOM PA'I GDAMS NGAG DANG LDAN PA'I MNYAM PAR GZHAG PA NI, SKYON MTHONG NAS YON TAN LEN PA YIN NO SNYAM DU SEMS PA LA, YON TAN MTHONG BA LAS BYUNG BA'I, ,ZHES BYA BA'O, ,NYES PA MTHONG BA NI BSGOM PA LAS BYUNG BAS NYES PA MTHONG BA'O, ,SO SO'I SKYE BO RNAMS KYI LUS DANG DBANG PO LA SOGS PA RNAMS LA CHAGS PA NI YON TAN MTHONG BA'I BSKYED BYA MA YIN TE, RJES SU 'GRO BA DANG LDOG PA MED PA'I PHYIR RO, , ZHES BSTAN PA NI, DE YANG ZHES BYA BA NI CHAGS PA'O, ,DE LTAR YON TAN MTHONG BA LAS SKYES BA NI MA YIN NO, ,BYIS SOGS LA YANG ZHES BYA BAS NI LDOG PA MED PA'O, ,YON TAN LAS BYUNG BA YANG MA YIN TE, LDOG PA MED PA KHO NA'I PHYIR ZHES BSTAN PA NI, SKYON LDAN LA YANG ZHES BYA BA'O, ,RJES SU 'GRO BA MED PAR BSTAN PA NI, MED PHYIR ZHES BSTAN PA'O, ,GZHAN DAG LA NI GZHAN GYI LUS DANG DBANG PO LA SOGS PA'O, ,YON TAN DANG LDAN PA'I BDAG GI BA LA MED PA'I PHYIR YANG RJES SU 'GRO BA MED PAR BSTAN PA NI, BDAG GI BA LA 'ANG ZHES BYA BA'O, ,GAL TE YON TAN MTHONG BA LAS BYUNG BA MA YIN PA DE LTA NA CIS BSKYED PA YIN SNYAM DU SEMS PA LA BDAG GI BLO BCOM PAS 'DIR DOR BA YIN GYI BZLOG PA MIN ZHES BYA BA'I DGONGS PAS 'ON KYANG BDAG GI BA ZHES BYA BA'O, ,CHAGS PA BZHIN DU BDAG GI BA'I BLO LA YANG RJES SU 'GRO BA DANG LDOG PA MED PAR SBYOR BAR BYED PA NI, DE NYID KYI PHYIR NA ZHES

BYA BA'O, ,DE YANG NI BDAG GI BA'I BLO'O, ,DE'I PHYIR YON TAN MI MTHONG BAS NI SKYON MTHONG BAS SPONG BA YIN ZHES BYA BAR SBYAR TE, BDAG MED PA MTHONG BA KHO NA LAS SPONG BA YIN NO ZHES BYA BA'I DON TO, ,BDAG GI BA'I BLO DANG CHAGS PA DAG GIS SLAR YANG YON TAN MTHONG BA'I BSKYED BYA NYID YIN PAR BSTAN PA NI, GZHAN YANG YOD MIN YON TAN NI, ,SGRO 'DOGS ZHES BYA BA'O, ,CHAGS PA'I RGYU NI BDAG DANG BDAG GIR 'DZIN PA YIN LA, DE DAD 'GAL BA MA YIN PA SDUG BSNGAL BSGOM PA SGRUB PA YIN GYI DE'I 'BRAS BU CHAGS PA LA GNOD PA MA YIN NO ZHES NYE BAR BSDU BA NI, DE'I PHYIR GCIG NYID CES BYA BA'O, ,'GREL PAR NI YON TAN MTHONG BA NI SKYON MTHONG BA DANG 'GAL BA CAN DU BSTAN PA NI, ZHEN PAS ZHES BYA BA'O, ,LDOG BYA CHAGS PAS BZLOG BYA MA YIN PA YANG SKYON MTHONG BA NI LDOG PAR BYED PAS LDOG PA KHO NA YIN PAR BSTAN PA NI, GNOD BYED DE NYID CES BYA BA STE, LDOG BYA CHAGS PA'I BSKYED BYA NYID LDOG BYED LA YANG MI 'JUG PA'I MTSAN NYID YIN NO, ,DE LA CIR 'GYUR ZHE NA, DE LTA YIN NA ZHES BYA BA STE, SKYON DU LTA BA LDOG PA YIN NO ZHES BYA BAR SBYAR RO, ,RANG BZHIN NI BDAG MA YIN PA'I LUS LA SOGS PA YIN LA, SKYES BU NI BDAG YIN ZHING, DE DANG BYE BRAG NI DBYE BA STE DE YONGS SU SHES PA LAS GROL BA YIN TE, DE YONGS SU MA SHES PA NI DE DANG 'GAL BA'I PHYIR RO, ,DE YONGS SU MI SHES PA YANG CHAGS PA LA SOGS PA'I SGRUB BYED YIN PA'I PHYIR 'KHOR BA'I RGYU NYID YIN PAR BSTAN PA NI, RTOGS PA DAG PA'I ZHES BYA BA'O, ,'DI LA LAN DU, GZHAN DANG GZHAN DON GNYER ZHES BYA BA LA SOGS PA NI 'GREL PA MKHAN GYI'O, ,BDEN MOD KYI BDAG TU SMRA BA RNAMS KYIS SDUG BSNGAL GYI SHES PA CHAGS PA DANG BRAL BA MA YIN TE, 'ON KYANG BDAG MED PAR LTA BA YIN NO, ,LUS DANG DBANG PO LA SOGS PA 'DUS PA BDAG MA YIN PA LA BDAG TU 'DZIN PAS NA BCOM PA NYID DU 'DOD PA MA YIN NO, ,DE'I PHYIR DE NI DE LA BDAG STON PA MA YIN NO, ,'DI DAG MA YIN TE, 'O NA CI ZHE NA, 'DOD PA DANG, SDANG BA DANG, 'BAD PA DANG BDE BA DANG, SDUG BSNGAL SHES PA NI RTAGS CAN YIN TE, 'DOD PA LA SOGS PA NI 'BRAS BU YIN PA'I PHYIR BRTEN PA YIN GYI LUS

, ,NI RTEN MA YIN TE, BYIS PA LA SOGS PA'I SKABS KYI DBYE BAS MI RTAG PA'I PHYIR RO, ,GZHAN GYIS NYAMS SU MYONG BA GZHAN GYIS DRAN PA MA YIN LA, MA DRAN NA MTSAMS SBYOR BAR BYED PA MA YIN TE, GANG GI PHYIR SNGA MA DANG PHYI MA'I NYAMS SU MYONG BA DAG MTSAMS SBYOR BA NI DRAN PA DANG LHAN CIG YUL GCIG NYAMS SU MYONG BA STE, RIM GYIS DON DU MAR MTHONG BA GCIG TU RTOGS PAR 'GYUR BA YIN LA DE BZHIN DU SKYES PA'I BYIS PA'I SKYE BA'I DANG PO LA SKYE BA SNGA MA LA GOMS PA'I BDE BA DANG SDUG BSNGAL SGRUB PAR BYED PA LA DRAN PA'I RGYUN GYIS DGA' BA DANG 'JIGS PA LA SOGS PA'I 'BRAS BU LAS SKYE BA GZHAN LA BYUNG BA RJES SU DPOG PA YIN NO ZHES BYA BA LA SOGS PAR SEMS PA NI JI LTAR SDUG BSNGAL GYI SHES PA THAR PA'I YAN LAG MA YIN PA'I PHYIR MA BSTAN PA NI, SHES PAR SLA BA'I PHYIR YANG NYE BAR BSTAN PAR BYA BA MA YIN LA, DE BZHIN DU BDAG DANG THA DAD PA'I SHES PA YANG NGO SHES PA BSTAN PA NI, GZHAN DANG GZHAN ZHES BYA BA RIGS PAR MTHONG STE, GNAS SKABS KYI RJES SU 'JUG PA'I PHYIR RO, ,CHAGS PA NI GCIG NYID DU MTHONG BAS MA YIN GYI, 'ON KYANG THA DAD PAS MTHONG BAS YIN PAR BSTAN PA NI, CHAGS MIN BDAG LA CHAGS PA STE,, ZHES BYA BA STE, DMIGS PA STE LONGS SPYOD KYI NANG GI YAN LAG NI NYE BA'I SGRUB BYE DBANG PO LA SOGS PA RNAMS SO, ,THA DAD PAR MTHONG BA NI MI RTAG PA NYID DU MTHONG BA'O, ,THA DAD PA YIN TE ZHES BYA BA NI LDOG PA'O, ,DE LTA YIN NA THAR PA MED PA NYID DE ZHES BYA BA NI THA DAD PAR BSTAN PA TSAD MA DANG MA 'BREL BA KHO NA YIN NO ZHES BYA BA'I DON TO, ,BDE BA DON DU GNYER BA ZHES BYA BA NI BDAG LA CHAGS PA YIN PA'I PHYIR RO, ,GTZO BO DANG ZHES BYA BA NI SNGA NA GCIG PA YIN NA SPROS PA'I 'BRAS BU LA GTZO BO DANG GCIG PAR SEMS PA'O, ,RANG NYID SEMS PA'I ZHES BYA BA'I PHYED BSHAD PA NI, GTZO BO NANG DU ZHUGS PA ZHES BYA BA'O, ,YUL NYID DU GTZO BO RJES SU ZHUGS PA YOD PA KHO NA ZHES ZER BA NI, YUL NYID DU ZHES BYA BA'O, ,BLO MED PAR YANG ZHES BYA BA NI SPROS PA'I SNGA ROL NA'O, ,PHYED PHYI MA BSHAD PA NI, SKYES BU RNAMS KYI 'DOD PA YANG, ,ZHES BYA BA STE, 'DI YAN CHAD 'DI'I BLO'I MNGON PAR 'DOD

PA YANG GTZO BO LAS MA YIN GYI 'ON KYANG THOG MA MED PA'I BAG CHAGS LAS YIN NO, ,GAL TE DE LTA NA BDE BA DANG SDUG BSNGAL LA SOGS PA YANG DE LTAR 'BYUNG BA'I PHYIR GTZO BO NI MTHO RIS KYI RGYU MA YIN NO ZHES BSTAN PA NI, GAL TE THOG MED BAG CHAGS LAS, ,ZHES BYA BA'O, ,BAG CHAGS NI GTZO BO'I RNAM PAR 'GYUR BA MA YIN GYI 'ON KYANG RANG RIG PA BDAG KHO NA'I RANG BZHIN YIN NO ZHE NA, 'DI LA YANG BSTAN PA NI, DE PHYIR RANG RTOGS NGO BO'I PHYIR, ,ZHES BYA BA'O, ,DA LTAR BA'I SDUG RIGS PA NI KUN DU SKYO BA SGRUB PAR BYED PAR DMIGS NAS BSGOM PA LAS BYUNG BA LA YANG DE LTAR SRID PAR 'GYUR BA BSTAN PA NI GANG ZHIG DAG LTAR ZHES BYA BA'O, ,ZHE SDANG YANG CHAGS PA DANG BRAL BA SGRUB PAR BYED PA YIN PA'I PHYIR SKYON MA YIN NO ZHES ZER BA LA, CHAGS BRAL MA YIN ZHE BYA BA SMOS TE, CHAGS BRAL MA YIN PA NI CHAGS PA MED PA MA YIN PA'O, ,CI LAS YIN ZHE NA, DE TSE YANG STE GANG GI PHYIR DA LTAR GYI SDUG BSNGAL GYI DUS NA YANG GNAS SKABS GZHAN GYI BDE BA'I SGRUB BYED DU 'DOD PA'I PHYIR RO, ,SDUG BSNGAL SKYE BA DANG BCAS PA 'GAL BA CAN GYI RGYUD LA JI LTAR GNAS SKABS GZHAN TSOL BA'I PHYIR, 'DOD CHAGS SKYE BA YIN SNYAM DU SEMS PA LA, ZHE SDANG GI RGYU STE SKYE GNAS NI SDUG BSNGAL GANG GI YIN PA DE'I DNGOS PO NI ZHE SDANG NGO, ,DE SRID TZAM DU NI SDUG BSNGAL YOD PA TZAM DU'O, ,GNAS PA NI KUN DU GNAS PA GNAG GI YIN PA DE LTA BU STE, DE LOG NA 'GAL BA MED PA'I PHYIR CHAGS PA 'BYUNG BA KHO NA YIN NO ZHES BYA BA'I DON TO, ,CHAGS PA NYID KYIS NA ZHES BYA BA'I GANG GI PHYIR GYI SGRA NI GTAN TSIGS KYI DON NO, ,SDANG BA DANG LDAN PA NI ZHES BYA BA'I NI'I SGRA NI YANG GI SGRA YIN NO, ,THAR PA 'DI NI ZHI BAR MDZOD, ,CES BYA BAR SBYAR RO, ,GANG GI PHYIR 'DI NI THAR PA MA YIN TE, SDUG BSNGAL RJES SU 'JUG PA'I PHYIR RO, ,DE NI SHIN TU BA'I SDUG BSNGAL LDOG PA'I NGO BO YIN PA'I PHYIR RO ZHES BSTAN PA NI, SDUG BSNGAL DANG LDAN PAS ZHES BYA'O, ,GAL TE SDUG BSNGAL GYI SKYE BO CHAGS PA DANG BRAL BA MA YIN LA, DE'I SGRUB BYED KYANG MA YIN NA DE CI ZHIG CES BSTAN PA NI, BLANG DANG DOR BYA ZHES BYA BA'O, ,BDAG MED PAR LTA BAS DES PHAN 'DOGS PAR BYED PA MED PA'I PHYIR BLANG BYA

, ,MA YIN LA, GNOD PA BYED PA MA YIN PA'I PHYIR DOR BYA MA YIN TE, SDUG BSNGAL GYI RGYU STE'U DANG, BDE BA'I RGYU TZAN DAN DAG LAS MTSUNGS PA RNAMS KYI BTANG SNYOMS NI CHAGS PA DANG BRAL BA YIN NO, ,GNAS SKABS 'DI NI GOMS PA RANG DBANG DU GYUR PA'I THAR PAR 'DOD PA YIN NO; ,'DIS KYANG PHAN 'DOGS BZHIN PAR MA MTHONG NA JI LTAR GOMS PAR BYED PA YIN ZHE NA, 'DI'I MA GOMS PA GANG YIN, PHAN GDAGS BYA DANG PHAN 'DOGS BYED DU ZHEN PA'O, ,JI LTAR MA GOMS PA YIN, 'ON TE DE MED PA YIN NO ZHE NA, DE LTA NA YANG JI LTAR MA GOMS PA YIN, DE'I PHYIR DE NI GYI NA'O; ,JI SKAD DU, BDE BAR GYUR PA 'AM SDUG BSNGAL BAR MA GYUR CIG CES 'DOD PA NA, NGA'O SNYAM PA'I BLO GANG DE, ,ZHES GSUNGS PA'O, ,DE LTAR MTHONG NA LDOG PA MA YIN ZHING, MA MTHONG NA NI GROL BA KHO NA LA GNAS PA YIN NO, ,CHOS NYID DANG BDAG MED PA DANG, MNYAM PA NYID NI BDAG DANG GZHAN DAG DOR BYA DANG BLAR BYA DAG LA YANG CHAGS PA DANG BRAL BA'I DON DU MA YIN ZHING, GAL TE SDANG BA'I DON DU YIN NA DE LTA NA JI LTAR MDO SDE LAS SDUG BSNGAL GYI SDUG BSNGAL DANG, 'DU BYED KYI SDUG BSNGAL DANG, 'GYUR BA'I SDUG BSNGAL NYID CES GSUNGS SNYAM DU SEMS PA LA, 'DU BYED KYI SDUG BSNGAL LA DGONGS NAS ZHES BYA BA STE, SDUG BSNGAL DANG 'GYUR BA LA YANG SDUG BSNGAL DU GSUNGS PA GANG YIN PA DE NI 'DU BYED KYI SDUG BSNGAL NYID LA DGONGS PA KHO NAS YIN GYI DGONGS PA GZHAN GYIS NI MA YIN NO, ,DE LTA NA DE NYID NI ZHE SDANG GI RGYU YIN NO ZHE NA, DE YANG STE 'DU BYED KYI SDUG BSNGAL NYID RKYEN LAS SKYES PA STE, RTEN 'BREL YAN LAG BCU GNYIS YIN LA, RKYEN LAS SKYES PA DANG BDAG MED PAR LTA BA'I RTEN TE DMIGS PA'O, ,'DU BYED KYI SDUG BSNGAL NYID DE, RTEN CING 'BREL PAR 'BYUNG BA DANG BDAG MED PA LA YANG GNYIS MED PA 'DI MTHONG BA NI 'DU BYED KYI SDUG BSNGAL MTHONG BA NI SNGON ROL DU YIN LA, BDAG MED PA 'DI LA DON MED NA BYANG GROL GYI SGRUB BYED YIN PAR BSTAN PA NI, STONG NYID LTA BAS GROL BAR 'GYUR, ,ZHES BYA BA STE, BDAG MED PA KHO NA GROL BA'I NANG GI YAN LAG YIN TE, CHAGS PA'I GNYEN PO YIN PA'I PHYIR RO, ,'DU BYED KYI SDUG BSNGAL NYID LA SOGS

PA MTHONG BA NI DE NYID KYI SKYED BYED YIN PA'I PHYIR RTEN YIN PAR BSTAN PA NI, BSGOM PA LHAG MA DE DON YIN, ,ZHES BYA BA'O, ,'DU BYED KYI SDUG BSNGAL NYID SDUG BSNGAL KHO NA YIN PA 'DI LA SHES PAR BYED PA NI MI RTAG LAS ZHES BYA BA'O, ,BDAG MED PAR MTHONG BA NI GROL BA'I NANG GI YAN LAG YIN ZHES BYA BA 'DI LA, SDUG BSNGAL NI ZHES BYA BA SMOS TE, BDAG MED PAR MTHAR GSUNGS PA YIN PA KHO NI'I PHYIR DE NYID KYI YAN LAG YIN NO ZHES BYA BA'I DON TO, ,'GREL PA MDZAD PA NI SDUG BSNGAL NYID LA DGONGS NAS BSHAD PA NI, RTOG GAM NI RIGS SAM ZHES BYA BA'O, ,RNAM PAR RTOG PA'I SDUD PAR BYED PA NI; 'GREL PA DANG MI MTHUN PAR 'CHAD PA YIN PAR BLTA'O, ,BDAG MED PA NYID DU MTHONG BA MED NA MI RTAG PA NYID DANG SDUG BSNGAL BA NYID DU MTHONG BA YANG GROL BA MA YIN NO ZHES LDOG PA LAS NUS PA BSTAN PA NI, CHAGS BRAL MIN DANG ZHES BYA BA STE, BDAG TU LTA BA CAN DE 'BRAS BUS RGYU BRJOD PA'I PHYIR SRED LDAN NI CHAGS PA DANG LDAN PA STE, BDAG LA BDAG GI BA LA 'DOR BA DANG LEN PAR RTZOM PA DANG LDAN PA NI 'KHOR BA KHO NA YIN GYI GROL BA MA YIN NO, ,SKYES BU NYID NI 'DI DAG THAMS CAD LA DE LTAR LTA BA LA BDAG GI BA MED CING DE LA CHAGS PA YANG RTZOM PA MED PA MA YIN NO, ,DE'I PHYIR JI LTAR BDAG TU LTA BA CAN GROL BA MA YIN PAR BRJOD SNYAMS DU SEMS PA NI, JI STE 'GYUR NA YANG ZHES BYA BA'O, ,GAL TE ZA BA PO MA YIN NA YANG DE LAS CIR 'GYUR ZHE NA, BDAG KYANG MED CES BYA BA STE, BYA BA LA SOGS PA'I NGO BO DANG BRAL BA YOD PA TZAM NI NAM MKHA' BZHIN DU BDAG GI NGO BOR MI 'GYUR BA'I DON TO, , RIG PA YANG GZHAN YIN LA RIG PAR BYA BA NI BDAG YIN NO ZHES LTA BA 'DI LA GZUNG BA THAMS CAD KYANG RIG PAR THAL BAR 'GYUR TE, KHYAD PAR MED PA'I PHYIR RO ZHES BSTAN PA NI THAMS CAD RIG PAR THAL LO ZHES BYA BA'O, ,RIG PAR BYA BA MED PAR KHYAD PAR MED PA'I PHYIR BDAG KYANG ZHES BYA BA'O, ,'DZIN PAR BYED PA MA YIN LA GZUNG BAR BYA BA YANG MA YIN ZHES BYA BAR KHAS LEN NA YANG SO SOR SNANG BA GSAL BAR 'GYUR BA MA YIN TE, MNGON SUM DANG 'GAL BA'I PHYIR RO, ,DE'I PHYIR SNANG BA NI GNYIS SU MED PA YIN GYI MED PA YIN NO ZHES BSTAN PA NI, DE'I TSE SNA TSOGS GNYIS MED PA, ,ZHES BYA BA'O, ,

, ,SO SOR SNANG BA TZAM NYID RTAG PA'I PHYIR BDAG GNYIS SU MED PA MA YIN TE, NYE BA'I RANG RIG PA LA RTAG PA MI RIGS PA'I PHYIR RO ZHES BSTAN PA NI BDAG CES BYA BA YOD PAR MI 'GYUR TE ZHES BYA BA'O, ,MNGON SUM GYIS SO ZHES BYA BA NI RANG RIG PAS SO, ,GAL TE BDAG MED NA BDAG DANG BDAG GI ZHES BYA BA'I 'JIG RTEN LA JI LTAR GNOD PA MED PA'I SHES PA YIN ZHE NA, DE PHYIR GROL 'DOD CES BYA BA STE, GANG GI PHYIR BDAG TU LTA BA CAN GROL BA MA YIN PA DE'I PHYIR, THOG MA MED PA'I RGYUD DE RGYUN GANG GI YIN PA DE LA THOG MA MED PA'O, ,RGYUD KYANG DE YIN LA RIGS MTHUN PA YANG DE YIN NO, ,DE GANG GI SA BON YIN PA NI SEMS CAN DU LTA BA'I 'O ZHES BYA BA 'DIS YUL MED PA LA YANG KHYAD PAR CAN GYI SA BON YIN PA YOD PAR BSTAN PA YIN NO, ,BDAG MED PA BSGOM PA LA NI GZHAN GYI BAG CHAGS CAN GYI RGYUD LA DE'I BAG CHAGS 'GAL BA'I PHYIR BDAG TU BYED PA 'GAGS PA YIN PAR BSTAN PA NI, RTZA BA NYID NAS DBYUNG BAR GYIS, ,ZHES BYA BA'O, ,BDAG GI SHES PA NI BYANG GROL SGRUB PAR BYED PA LUNG LAS RTOGS PA MA YIN NAM, MNGON SUM GYIS GNOD PA MA YIN TE, YUL NYE BA MA YIN PA'I PHYIR RO, ,LUNG YANG SKYES BUS BYAS PA NI DON LA MI 'KHRUL BAS TSANG MA YIN TE; YID CHES PAS BSTAN PA'I PHYIR SNGAGS DANG TSE'I RIG PA LTA BU'O, ,DE LTAR YANG DBANG PO LAS 'DAS PA ZHES BYA BA LA SOGS PA SMRA BA'O, ,SKYES BUS BYAS PA YANG RGYU'I SKYON MED PA NYID KYIS 'KHRUL PA MED PA GRUB PA YIN PAR BSTAN PA NI SKYES BUS MA BYAS PA YANG ZHES BYA BA'O, ,BDAG YOD PA NYID DU MA DAG TU SHES PA YIN LA BDAG TU SHES PA DE YANG THABS LAS BYUNG BA NYID KYIS THAR PA NI 'BREL BA CAN DU 'GYUR RO, ,DBANG BSKUR BA LA SOGS PA'I CHO GAS DBYIG PA GSUM 'DZIN PA DANG, ZHI BA BA'I 'DUS BYAS PA'I LUNG NI DE LTA'I DNGOS PO NI DON LAM 'KHRUL PA YIN LA, DE LA RGYU NI MNGON SUM LA RANG GI NGO BO'I SNANG BA DANG, RJES SU DPAG PA LA 'BREL PA RTOGS PA'O, ,'DI LA NI DE GNYI GA MED DO, ,RAB RIB CAN GYI SHES PA SKYES BUS MA BYAS PA YANG TSAD MA MA YIN, GNOD PA CAN MA DMIGS PA NI RUNG BA MA YIN PA'I PHYIR RO, ,YID CHES PAS BSTAN PA YANG MA YIN TE, SNGAGS DANG TSE'I RIG PA SMRA BA BOS

BYAS PA NYID LA TSAD MA MED PA'I PHYIR LA DE DANG 'DRA BA GZHAN GYIS BYAS PA YIN ZHES BYA BA LA YANG TSAD MA MED LA, TSAD MA MED PA NYID LA RGYU MTSAN NA DON DANG 'BREL PA MED PA KHO NA YIN PAR DGONGS PA'O, ,BDAG MED PAR BSTAN PA DANG 'DOD CHAGS LA SOGS PA 'GAL BA BZHIN DU DBANG BSKUR BA'I CHO GA DANG SKYES BU'I SA BON LA SOGS 'GA' YANG SNANG BA MA YIN SNYAM DU SEMS PA LA BSTAN PA NI, NUS MIN NI NUS PA MED PA'O, ,SA BON NA SOGS GRUB CHO GA NI MI SKYE BA'I CHOS NYID DO, ,GANG GI CHED DU ZHE NA, SKYES BU RNAMS MI SKYED PA LA STE GROL BA SGRUB BYED MA YIN PAR MNGON PAR 'DOD PA RNAMS TIL MAR BSKUS PA LA SOGS PA RNAMS KYIS SA BON LA SOGS PA RNAMS LA MI SKYED PA'I CHOS NYID MTHONG BA'I PHYIR RO, ,SKYED PA DANG 'GAL BA CAN RNAMS TIL MAR BSKUS PA LA SOGS PA LA SKYE BA LA 'GAL BA MED PA'I PHYIR DBANG BSKUR BA LA SOGS PA'I CHO GA LA YANG DE KHO NA BZHIN DU SKYE BA DANG 'GAL BA MA YIN DU ZIN KYANG LAS DANG 'GAL BA NYID DU 'GYUR BA KHO NA YIN NO, ,CHOS DANG CHOS MIN ZAD BYED PA, ,DBANG PHYUG CHEN PO'I DBANG BSKUR SOGS, ,ZHES BYA BA'O, ,'DI LTAR SKYES BU LCID DE YANG DBANG BSKUR BA'I DE MA THAG TU YANG BAR 'GYUR RO SNYAM DU SEMS PA LA BSTAN PA NI, SNGAR LCI BA DBANG BSKUR BAS PHYIS YANG BA YIN PA'I PHYIR SDIG PA 'PHROG PA YIN TE, SDIG PA LCI BA'I PHYIR RO ZHES RGOL BA YIN NO, ,DBANG BSKUR BAS LCI BA NYID BSAL BA YIN TE, DE YOD NA DE MED PAS 'GAL BA RTOGS PA'I PHYIR BRKAM CHAGS LA SOGS PA DANG DE 'DU BYED PA'I SDIG PA YANG LCI BA YIN TE, LUS CAN MA YIN PA'I PHYIR RO, , YANG NA DBANG BSKUR NI YANG BSKYED PAR BYED PA YIN LA, DE YANG LCI BA SPANGS PA YIN PA'I PHYIR DE DANG 'GAL BA YIN GYI SDIG PA DANG MA YIN PAR BSTAN PA NI, LCI BA DANG 'GAL BA'I PHYIR YANG BA ZHES BYA BA'O, ,YANG BA NI 'BRAS BU 'GAL BA DANG, KHYAB PAR BYED PA 'GAL BA YIN NO SNYAM DU SEMS PA NI SDIG PA NYID KYIS ZHES BYA BA'O, ,'GAL BA KHAS BLANGS KYANG BSTAN PA NI, GZHAN YANG ZHES BYA BA STE, LCI BA NI SDIG PA'I 'BRAS BU MA YIN TE MNGON SUM DANG MI DMIGS PA MED PA'I PHYIR RO ZHES DGONGS PA'O, ,MI SKYE BA'I CHOS CAN GYI YANG DBANG BSKUR GYI CHO GA DANG SKYE BA 'GAL BA MA YIN NO, ,GANG DANG 'GAL BA

, ,YIN SNYAM DU SEMS PA LA RGYU DANG 'GAL BAS 'GAL BA YIN PAR BSTAN PA NI, LOG SHES TE TSOGS PA'I SNYING PO CAN GYI BDAG TU 'DZIN PA YIN LA, DE LAS BYUNG BA'I SRED PA DE NYID SEMS PA YIN LA, DE'I NUS PA DE NYID DMAN PA'I GNAS KYI 'GRO BA NI MNGAL LA SOGS PAR THOB PA'I NGO BO'I SKYE BAR 'GYUR BA'O, ,DE'I RGYU LOG PA'I SHES PA DES NI STE, 'GAL BA CAN GYI BDAG MED PAR LTA BA BCAD PA YIN TE SKYE BA MED PA YIN NO, ,DBANG BSKUR BA LA SOGS PA'I CHO GA NI DE DANG 'GAL BA CAN MA YIN PAR ZHES DGONGS PA'O, ,'GREL PA MDZAD PAS BSHAD PA NI GSAL BA KHO NA YIN NO, ,DBANG BSKUR BA LA SOGS PA DANG BRAL BA 'BYUNG BA CHEN PO RNAMS SKYE BA'I RGYU YIN LA DBANG BSKUR BA LA SOGS PA'I CHO GAS SEL BAR BYED PA MA YIN NAM ZHE NA, BSTAN PA NI DE DAG NYID NI LOG PA'I SHES PA'I SRID PA DANG SEMS PA DAG NYID KYI SKYE BA LA NUS PA YIN NO, ,GANG GI PHYIR BDAG TU MNGON PAR ZHEN NAS 'DOD CHAGS SAM ZHE SDANG LAS LOG PA'I SHES PA RTZOM PAR BYED, DMAN PA'I GNAS LA SOGS PA THOB PAR BYED PA YIN GYI DBANG BSKUR LAS BZLOG PA MA YIN LA, DBANG BSKUR DANG LOG PA'I SHES PA NYID 'GAL BA YANG MA YIN NO, ,LOG PA'I SHES PAS SRED PA DANG SEMS PA DAG SKYE BA'I RGYU YIN PAR MI RIGS TE, LAS RGYU YIN PA'I PHYIR, LAS LAS 'JIG RTEN SNA TSOGS SKYES, ,ZHES BYA BA YIN NO SNYAM DU SEMS PA LA SEMS PA DE DAG CES BYA BA STE, SEMS PA'I LAS DANG, BSAM PA'I LAS ZHES DGONGS PA'O, ,NYAMS PA MED PA STE MA TSANG BA MED PA'I MA RIG PA DANG, SRED PA DANG LAS KYANG ZHES BYA BA GSUM PA GNYIS TZAM LAS 'BYUNG BA'I PHYIR SRED PA'I DBANG NYID KYIS ZHES BYA BA NI SRED PA'I NUS PA'O, ,SKYE BA SNGA MA LAS BYAS PA'I SBYIN PA LA SOGS PA YANG LAS NYID MA YIN NAM SNYAM DU SEMS PA LA DE YANG RANG GI 'DU BYED PA LA RAG LAS PA YIN LA, 'DI NYID KYIS KYANG 'DI DAG GI RGYU YIN GYI SKYE BA'I DNGOS KYI RGYU MA YIN PAR BSTAN PA NI, SNGAR GYI SEMS PA'I ZHES BYA BA LA SOGS PA'O, ,SKYE BA GZHAN LA 'BYUNG BAR 'DOD PA NI BYED PAR 'DOD PA'I NGANG TSUL 'DI DAG YIN PA'I PHYIR SKYE BA GZHAN LA BYUNG BA'O, ,LAS NI DNGOS SU ZHES BYA BA NI BYED PA PO'AM, BYED PA YANG STE 'DIS YIN PA'I PHYIR SNGA MA DAG NI

SBYIN PA LA SOGS PA'O, ,DE'I RGYU YIN PA ZHES BYA BA NI RGYU'I RGYU YIN PA'I PHYIR RO, ,LOG PA'I SHES PA'I SRED PA DANG SEMS PA'I DBANG GIS 'GRO BA YIN PAR MI RIGS BA MA YIN NAM, 'GRO BA NI BGROD PAR BYA BA RTOGS PA SNGON DU 'GRO BA YIN PA'I PHYIR LA, RTOGS PA YANG BYED PA SNGON DU 'GRO BA CAN YIN PA'I PHYIR RO, ,YANG NA 'GRO BA NI BGROD PAR BYA BAR RO, ,BYED PA NI LAS KYI DBANG PO RNAMS SO, ,RTOGS PA'I RTEN NI SGRA LA SOGS PA LA DMIGS PA LA STE LONGS SPYOD LA BLO DANG DBANG PO DE MA THAG YIN PA'I PHYIR BYED PA RNAMS NYID NI SEMS PA DAG GI'O ZHES ZER BA NI, DE NI MA MTHONG BA LAS TE DE LAS GZHAN DU MI 'THAD PAR RTOGS PA LAS SO, ,SEMS PA DE NYID MTHONG BA MA YIN TE, KHYAD PAR LA TSAD MA MED PA'I PHYIR RO, ,BSTAN BCOS KYI RJES SU 'JUG PAS KYANG KHYAD PAR GYI SEMS YIN NA BDAG CAG GI 'DOD PA'I RJES SU 'BRANG BA YIN NA SEMS PA DE DAG NI MA YIN TE, 'ON KYANG DGE BA BCU RNAMS DANG MI DGE BA RNAMS KYANG BCU KHO NA YIN NO ZHES ZER BA NI, RNAM PA BCU NYID DO ZHES BYA BA STE, MA MTHONG BA DE YANG DBANG BSKUR BA LA SOGS PA 'GAL BA'I CHO GAS ZHIG PA'I PHYIR THAR PA YIN NO, ,'GAL BAR YANG KHYAD PAR CAN GYI LUNG LAS GRUB PA YIN NO, ,DE KHAS MI LEN NA SEMS PA DE DAG KYANG NI 'GRUB PO ZHES ZER BA NI, MA MTHONG ZHIG PHYIR ZHES BYA BA'O, ,MA MTHONG BA DE 'DU BYED PA LAS THOG MA MED PA'I BYED PAS BSKYED PA'I BDAG GI CHOS YIN ZHES BYA BA DE BZHIN DU GZHAN YANG SNA TSOGS PAR 'GYUR NA, 'DI SEMS PA'I NGO BO NYID DU 'PHANGS PA ZHES BYA BA'I DON TO, ,'DI LA LAN NI, YOD DANG MED PA'I ZHES BYA BA STE, BYED PA SKYED PA LA YID KYI BLO KHO NA'I NUS PA MTHONG BA YIN NO, ,DBANG RNAMS RE RE LA GNOD KYANG, ,YID BLO LA GNOD YOD MA YIN, ,'DI 'GYUR NA NI DE DAG KYANG, ,'GYUR BA DAG TU MTHONG BA YIN, ,ZHES BYA BA'I RIGS PA NI, YOD DANG MED PA'I RJES 'JUG PHYIR, ,ZHES BYA BA 'DIS BSTAN PA YIN NO, ,MA MTHONG BA YIN NA SHUGS KYIS MA MTHONG BA MA YIN PAR BSTAN PA NI, GZHAN GYI MA YIN ZHES BYA BA STE, LUNG GI STOBS KYIS KHYAD PAR RTOGS PA MA YIN ZHES PA'I DON TO, ,DE DAG NI BYED PA RNAMS TE DBANG BSKUR BA LA YANG BLO YOD PA'I PHYIR RO, ,YOD PA NI RGYUN GYIS

, ,'JUG PA'O, ,CIS MI 'GRO BA NI MNGAL GYI GNAS SU CIS MI 'GRO BA 'AM CIS MA RTOGS PA'O, ,BLO'I BSKYED BYA'I BYED PA RNAMS YIN PAR NI BDEN MOD KYI MA MTHONG BA DE'I LHAN CIG BYED PA NI DBANG BSKUR GYIS GNOD PA DE'I PHYIR DE RNAMS LHAN CIG BYED PA MA TSANG BA'I PHYIR SKYE BA GZHAN DU SKYED PAR BYED PA MA YIN NO SNYAM DU SEMS PA LA, 'DZIN PA NI 'JUG PA LA 'DZIN PA'O, ,'DZUD PA NI MI 'JUG PA'O, ,'KHRUGS PA NI RNAM PAR 'GYUR BA NYID DO, ,'GOG PA NI ZHIG PA'O, ,DE DAG NI BYED PA RNAMS SO, ,SEMS PA'I DBANG GIS NI BLO'I DBANG GIS TE, MED PAR 'GYUR BA DANG SBYAR RO, , GANG GI TSE ZHE NA, DBANG SOGS BYAS MA THAG PA KHO NA'O, ,MA MTHONG BAS LHAN CIG BYED PA'I RGYU LA GNOD PA BYED PA YIN ZHING BLO LA NUS PA MED NA SKYE BA GZHAN BZHIN DU MI 'GYUR RO, ,BLO NYAMS PAS NA ZHES BYA BA NI MTHONG BA'I LHAN CIG BYED PA'I GNOD PA STE 'DI YANG RGYU NYID LA LOG PAR RTOGS PA'I PHYIR, BLO TZAM YOD KYANG BYED PA RNAMS LA KHYAD PAR MED PAR THAL BAR 'GYUR RO ZHES DGONGS PA'O, ,ZHING DANG, CHU DANG, SA BON GYI 'DUS PA BZHIN DU YONGS SU GYUR PA'I BYE BRAG LA LTOS NAS DBANG BSKUR BA DANG BLO DANG MA MTHONG BA'I PHUNG PO LA NYE BAR GNOD PA YIN NA, 'BRAS BU MA YIN NO SNYAM DU SEMS PA NI, SHI MA THAG TU ZHES BYA BA'O, ,YONGS SU GYUR PA LA LTOS PA'I RGYU YANG ZLA BA PHYED PA DANG ZLA BA DANG PO LA SOGS PA LA LTOS PA MA YIN NO ZHES BSTAN PA NI, GAL TE DE NYID CES BYA BA'O, ,MA MTHONG BAS BSKYED PA'I LUS DANG DBANG PO DANG RIG PA LA SOGS PA NI JI LTAR YOD LA, DE MED NA MED PA MA YIN NAM, DE'I PHYIR LUS DANG DBANG PO LA SOGS PA KHO NA BZHIN DU BLO MTSAMS SBYOR BA CAN MA YIN NO SNYAM DU SEMS PA NI, 'ON TE DE LTA NA NI BLO ZHES BYA BA'O, ,SNGA MA NI BLO'I BSKYED BYA DE MED NA MI 'BYUNG NGO ZHES SEMS PA YIN LA, DA LTAR NI MA MTHONG BA'I BSKYED BYA DE MED PAS MI 'BYUNG BA YIN NO SNYAM DU SEMS PA NI ZHES BYA BA NI KHYAD PAR RO, , MI 'GYUR ZHES BYA BA NI BYED PA RNAMS SU MI 'GYUR BA'I PHYIR GROL BA YIN NO, ,'DI LA YANG LAN DU DRI MA RNAMS KYI STE, BDAG TU 'DZIN PA'I CHAGS PA LA SOGS PA MTSAMS SBYOR BA'I RGYU RNAMS DANG, MA MTHONG BA GZHAN GYIS KYANG BLO MTSAMS SBYOR BAR BYED PA KHO NA YIN NO, ,DE RNAMS TE DRI MA RNAMS SNGAGS

DANG RGYUD LA SOGS PA'AM DBANG BSKUR BAS NYE BAR GNOD PA'I PHYIR NUS PA MED PA YIN NA 'TSO BA'I GNAS SKABS NYID NA YANG NUS PA MED PAR 'GYUR BAR BSTAN PA NI DE RNAMS ZHES BYA BA'O, ,DBANG BSKUR BA YIN NA YANG DRI MA RNAMS KYIS MTSAMS SBYOR BAR MTHONG BA YIN NO, ,DE LTA NA DRI MA RNAMS NYID MA MTHONG BA LAS SAM MA BYUNG BA YONGS SU GYUR PA'I KHYAD PAR LAS 'BYUNG BA NI SHI BA YIN NA SLAR MI 'BYUNG BA YIN TE, MA MTHONG BA MED PA'I PHYIR RO SNYAM DU SEMS PA LA, 'GRIB PA NI GNYEN PO'O, ,'PHEL BA NI RANG GI PHYOGS SO, ,'PHEL NA NI SKYON RNAMS SO, ,DE LAS CIR 'GYUR ZHE NA, NYES RGYUN RANG GI SA BON GYI RGYU CAN NI RIGS MTHUN PA SNGON DU 'GRO BA CAN YIN GYI MA MTHONG BA'I 'BYUNG BA CHEN PO LA SOGS PA TZAM SNGON DU 'GRO BA CAN MA YIN PA, DBANG BSKUR BA LA YANG LDOG PA MED PA NI GNYEN PO 'PHEL NA SKYON RNAMS 'GRIB PAS RANG GI PHYOGS RGYAS PA STE, 'PHEL PA'I PHYIR RANG GI SA BON GYI RGYU CAN YIN ZHES BYA BA NI 'GREL PA MDZAD PA'I STE, TSUL BZHIN MA YIN PA YID LA BYED PA 'PHAL NA ZHES BYA BA DANG SBYAR RO, ,DBANG BSKUR BAL SOGS PA'I CHO GAS THAR PA YIN DU ZIN KYANG BDAG NI MA YIN TE, RTAG PA NYID KYIS 'KHOR BA LA SOGS PA'I 'BRAS BU'I RIM PA MI RIGS SO ZHES BSTAN PA NI, RTAG PA LTOS PA MED PA'I PHYIR; ,ZHES BYA BA STE, LTOS PA MED PA NI 'BRAS BU GCIG SKYED PAR BYED BA'I DUS NYID NA 'BRAS BU GZHAN SKYED PAR RUNG BA NYID KYANG YOD PA'I PHYIR RIM GYIS BSKYED PA 'BA' ZHIG KHO NA NI 'GAL BA MA YIN GYI BYED PA DANG YANG 'GAL BA YIN NO ZHES BYA BAR SBYAR RO, ,GANG GI ZHE NA, 'DRA BA'I BDAG NYID DO, , GANG NA ZHE NA, MI BYED PA DAG CES BYA BA STE, MI BYED PA'I NGO BO NI BYED PA'I DUS SU YANG YIN LA, DES NI MI BYED PA KHO NAR RIGS PA YIN NO ZHES DGONGS PA'O, ,DON 'DI BSTAN PAR 'DOD NAS RTAG PA'I PHYOGS SLONG PAR BYED PA NI, GAL TE BDAG MED PA MTHONG NGO ZHES BYA BA LA SOGS PA'O, ,BCINGS PA DANG THAR PA DAG LA GZHAN NYID DU RGOL BA KHAS LEN PA NI, DAG PA GANG YIN ZHES BYA BA'O, ,THA SNYAD DU GCIG PA NYID DU BSTAN PA NI, DE LTA YIN NA ZHES BYA BA'O, ,LONGS SPYOD PA'I DUS NA YOD PA KHO NA BYED PO'I DUS NYID DU ZA BA PO NYID DU 'GAL BA YIN PAR BSTAN PA NI, RGYU DANG 'BRAS BU ZHES BYA BA'O, ,BYED PA

, ,DANG LONGS SPYOD PA DAG KYANG BDAG DE LAS THA DAD PA YIN YANG DE DANG 'BREL PA'I PHYIR BYED PA PO DANG ZA BA POR YANG 'GYUR BA ZHES ZER BA LA, DE DAG LAS THA DAD NA ZHES BYA BA SMOS TE, THA DAD PA NI DBYE BA STE DE'I BDAG NYID MED PA'I PHYIR BYED PA PO DANG, ZA BA PO MA YIN TE, DE'I RANG BZHIN MA YIN PA LA YANG DE LTAR MA RTOGS PA'I PHYIR RO, ,'ON TE DE DAG BYED PA'I PHYIR DE LTA BU NYID YIN NO ZHE NA, NUS PA YANG ZHES BYA BA'O, ,BYED PA PO NYID YIN NA RIM GYIS BSKYED PA MA YIN TE, SDOD PA NI MI RIGS PA'I PHYIR RO, ,BYED PA PO NYID MA YIN NA YANG BYED PA PO YANG MA YIN NO ZHES BKAG PA'I PHYIR NUS PA GRUB PA MA YIN NO, , GZHAN GYIS NYAMS SU MYONG BA GZHAN GYIS MI DRAN PA MA YIN NAM, MI MTHUN PA'I PHYOGS LAS LDOG PA GCIG PA NYID KYIS KHYAB PAR DRAN PA NI GCIG NYID DU RTOGS PAR BYED PA YIN NO, ,DE BZHIN DU GZHAN GYIS BYAS PA GZHAN ZA BA MA YIN TE, BYAS PA 'JIG CING MA BYAS PA 'ONGS PAR THAL BAR 'GYUR BA'I PHYIR BYED PA PO NYID LONGS SPYOD PAR GRUB PO, ,DBUGS LA SOGS PA YANG BDAG MED PA BUM PA LA SOGS PA GANG MED PAS MED PA YIN ZHING, YOD NA YANG RTOGS PAR BYED PA YIN LA, MI MTHUN PA'I PHYOGS LAS LDOG LA MTHUN PA'I PHYOGS MED PA'I PHYIR DE LAS NI MA YIN NO, ,DE'I PHYIR RJES SU 'GRO BA LA MA 'KHRUL BA BZHIN DU LDOG PA LA MA 'KHRUL BAR YANG GO BAR BYED PA YIN LA, THOS PA NYID NI LDOG PA LA MI 'KHRUL BA MA YIN TE, MTHUN PA'I PHYOGS LA YANG MED PA'I PHYIR RO, ,'DUS PA CAN MAL CHA DANG STAN LA SOGS PA GZHAN GYI DON DU MTHONG BA YIN LA, MIG LA SOGS PA YANG 'DUS PA CAN YIN PA'I PHYIR GZHAN GYI DON YIN NO, ,GZHAN YANG 'DI LAS 'DUS PA CAN YIN NO, ,BZLOG PA YIN NA DE YANG GZHAN GYI DON YIN LA, DE YANG DE BZHIN YIN PAS THUG PA MED PA'I PHYIR SGRUB PAR BYED PA'I NUS PA MA YIN NO, ,DE'I PHYIR MI MTHUN PA'I PHYOGS LA YANG MED PA LA GNOD PA CAN NI BDAG DANG BCAS PA NYID DU SGRUB PAR BYED PA YIN NO SNYAM DU SEMS PA LA, GZHAN GYIS NI NYAMS SU MYONG BA CAN GYIS DRAN PA YIN LA, BYED PA PO GZHAN LONGS SPYOD PA'O, ,SOGS PA'I SGRAS NI DBUGS LA SOGS PA DANG, NUS PA CAN LA SOGS PA YANG GZUNG NGO, ,DE RNAMS NI BDAG MED PA MI MTHUN PA'I PHYOGS LA GNOD PA CAN MA YIN NO,

CI LAS SHE NA, 'GA' YANG DRAN PA MED PA'I PHYIR, ,ZHES BYA BA SMOS SO, DRAN PA NI NYAMS SU MYONG BA DRAN PA'I DUS NA YOD PA GCIG BUS KHYAB PAR DMIGS PA NI MA YIN TE, GANG GIS RGYUD GZHAN LA STE, MED PAS MED PA YIN PAR RTOGS PAR 'GYUR BA YIN, ,MED PA DAG LHAN CIG YOD PA TZAM GYIS KHYAB PAR GRUB PA YIN TE, YOD PA'I RGYUN SNGON DU 'GRO BA CAN YIN PA'I PHYIR RO, ,DRAN PA'I BYED PA PO'I CHA LA NYAMS SU MYONG BAR BYED PA PO'I CHA RJES SU 'JUG PA MA YIN NAM ZHES ZER BA LA BRTEN PA NI, MYONG LAS TE, NYAMS SU MYONG BA'I KHYAD PAR LA DRAN PA STE, MA BRJED PA ZHES DGONGS PA STE, NYAMS SU MYONG BA'I BAG CHAGS KYIS SKYED PA DRAN PA ZHES BYA BA'I DON TO, ,BDAG TZAM YANG ZHES BYA BAS MI DRAN PA MA YIN TE, GZHAN GYIS YANG NYAMS SU MYONG BA THAMS CAD DRAN PAR THAL BAR 'GYUR BA'I PHYIR RO, ,BDAG KYANG NYAMS SU MYONG BA'I BAG CHAGS KYIS DRAN PA YIN LA, NYAMS SU MYONG BA'I BAG CHAGS DANG BCAS PA'I SEMS NI SKAD CIG RE RE 'JIG PA'I 'BRAS BU DANG RGYUR GYUR PA YIN NA SHUGS KYIS BDAG 'THOB PA MA YIN NO, ,DBUGS LA SOGS PA YANG THOS PA NYID BZHIN DU LDOG PA MA NGES PA YIN TE, MTHUN PA'I PHYOGS LA MED PA YIN NA MI MTHUN PA'I PHYOGS MED PA'I PHYIR LOG PA NGES PAR MA YIN NO, , DE MED PA NYID CES BYA BA 'DI PHYOGS MED PAS THE TSOM MI LDOG PA'I PHYIR RO, ,DE YANG MTHUN PA'I PHYOGS YOD PAS MI MTHUN PA'I PHYOGS YOD PAR KHYAB PAR BYED PAS LDOG PAR BYED PA YIN GYI MI MTHUN PA'I PHYOGS LA MA MTHONG BA CAN GYIS LDOG PA MA YIN GYI, 'ON KYANG BSGRUB BYA PHYIN CI LOG PA'I CHOS DANG 'GAL BA YIN LA, DE YANG MI RTAG PA YIN PA'I PHYIR BDAG LAS BZLOG PAS DBUGS LA SOGS PA DANG, DE BZHIN DU 'GAL BA NI MA YIN NO, ,'DUS PA CAN MAL CHA LA SOGS PA LA 'DUS PA CAN GZHAN GYI DON GYIS KHYAB PA YIN GYI THE TSOM 'DZIN PAR 'DOD PAS THUG PA MED PA YANG MA YIN NO, ,GANG GI PHYIR DU BA NI 'BRAS BU NYID KYIS ME RTOGS NA 'BRAS BU MA YIN PA YANG RTOGS BYED MA YIN ZHING THUG PA MED PA YANG MA YIN NO, ,BYED PA DRAN PA'AM LONGS SPYOD KYANG DRAN PA PO'I MA LONGS SPYOD PA PO RTEN MED NA MI 'BYUNG BA MA YIN NAM, 'BYUNG BA NI 'BYUNG BAR BYED PA PO LA LTOS PA'I PHYIR RO SNYAM DU SEMS PA LA, DRAN PAR BYED

, ,PA PO 'GA' ZHIG CES BYA BA SMOS SO, ,RANG DANG GZHAN DAG GI NYAMS SU MYONG BA DANG LAS DAG LA KHYAD PAR MED PA NA MA YIN TE, KHYAD PAR GANG GIS DRAN PA DANG LONGS SPYOD PAR 'GYUR, 'BRAS BU DANG RGYU NYID DANG CIG SHOS NYID KYIS KHYAD PAR YOD PA'I PHYIR RO, ,GZHAN NYID KYANG BAG CHAGS LAS BYUNG BA'I DRAN PA LA GEGS BYED PA MA YIN TE, GCIG NYID YIN YANG DE MED NA MI 'BYUNG NGO ZHES BSTAN PA NI, GAL TE GZHAN GYIS ZHES BYA BA STE, NYAMS SU MYONG BA GZHAN NYID KYANG DRAN PA LA LTOS PA'I PHYIR BDAG LA YOD PA ZHES GZHAN GYIS ZHES BYA BA NI KHYAD PAR RO, ,JI LTAR RANG DANG GZHAN DAG GI NYAMS SU MYONG BA NYID KYIS SAM GZHAN NYID KYIS KHYAD PAR MED PAR DRAN PA YIN LA, DE BZHIN DU BDAG NYID DANG YANG KHYAD PAR MED PAR 'GYUR RO, ,SKYES BU RE RE ZHING BDAG RNAMS KYI GCIG PA NYID LA KHYAD PAR MED PA YIN NO, ,NYAMS SU MYONG BA PO DANG DRAN PA PO'I NGO BO DAG LA KHYAD PAR YOD PA'I PHYIR DRAN PA NGES PA LAS NYAMS SU MYONG BA POR NGES PA NI RNAM PAR SMRA BA LA GTAN TSIGS NGES PA YIN PA'I PHYIR RIGS PA YIN LA, BDAG TU SMRA BA LA NI MA YIN TE, RTAG PA NYID DU KHAS LEN PA'I PHYIR RO, ,RTAG PA NYID NI RGYU MED PA NYID KYIS RNAM PAR DBYE BA DANG 'GAL BA CAN GYI DBYE BA MED PAS KHYAB PA YIN PAR BSTAN PA NI, YID LA THA DAD CES BYA BA'O, ,ZHAG SNGA MA LA DMIGS PA'I DON RNAMS LA ZHAG PHYI MA LA BDAG 'DI MTHONG BAR 'GYUR RO ZHES MTHONG BA PO'I DRAN PA PO DAG GI GCIG PA NYID DU RJES SU 'BREL BA NI DE MTHONG BA MED KYANG 'GYUR RO SNYAM DU SEMS PA NI, BDAG GIS MTHONG BA ZHES BYA BA'O, ,BDEN TE, BDAG GCIG YOD NA DE LTAR MTHONG BAR MI NUS PA'I PHYIR DE MTHONG BA SNGON DU 'GRO BA CAN DANG RJES SU 'BREL PA MA YIN PAR BSTAN PA NI, SKYON 'DI DAG LA 'ANG ZHES BYA BA'O, ,'DI LA NI GCIG LA'O, ,TSAD MA SKYE BA NI MTHONG BA YOD PA'O, ,BDAG YOD PA NYID KYI PHYIR MTHONG BA MED KYANG DE LTAR SHES PA NI MA YIN NO, ,'DI YANG GZHAL BYA RNAMS TSAD MA'I DBANG YIN PA'I PHYIR DE BSTAN PA NI, BDAG YOD KYANG ZHES BYA BA'O, ,RANG GI RTOGS PA'I NGO BO'I BDAG NI NYE BAR RTOGS PA'I NGO BO YIN PA'I PHYIR DE LTA BU NYID DU RIG PA MA YIN PAR BSTAN PA NI, SNGA MA'I NGO BOR DE NYID CES BYA'O, ,RJES SU 'BREL PA KHO NA TSAD MA YIN ZHES ZER BA NI, DRAN PAS

ZHES BYA BA'O, ,MA YIN TE ZHES BYA BA NI RGOL BA DGAG PA'O, ,CI LAS SHE NA, RJES SU 'BREL PA NI MNGON SUM GYI TSAD MA MA YIN TE, NYE BA MA YIN PA'I YUL CAN YIN PA'I PHYIR RO, ,RJES SU DPAG PA NYID LA YANG MA YIN TE, RTAG PAS SKYES PA MA YIN PA'I PHYIR RO ZHES BSTAN PA NI, TSAD MA MIN ZHES BYA BA'O, ,NYE BA NYAMS SU MYONG BAS SAD PA'I THOG MA MED PA LA SOGS PA'I RJES SU 'BREL PA'I BAG CHAGS NI SEMS KYI RGYUN GYI LHAN CIG BYED PAR 'GYUR, DE'I PHYIR SHUGS KYIS BDAG THOB PA MA YIN PAR BSTAN PA NI, DRAN PA NYID CES BYA'O, ,JI LTA BA KHO NA'I LOG PA'I BAG CHAGS NI SNGA MA DANG PHYI MA'I NYAMS SU MYONG BA DANG DRAN PA DAG GCIG PA NYID DU MNGON PAR ZHEN PAR BYED, DE LTA BU KHO NAR DA LTAR BA DAG LA YANG YIN PAR BSTAN PA NI, DE DAG CES BYA'O, ,SNANG BA'I RGYUN BZHIN DU MTHONG BA'I RGYUN YANG GCIG TU 'DZIN PAR 'BRAS BU NYID KYIS DE LTAR MNGON PAR ZHEN PAR BYED, DE LTA BU KHO NAR DA LTAR BA DAG LA YANG YIN PAR BSTAN PA NI, DE DAG CES BYA BA'O, ,SNANG BA'I RGYUN BZHIN DU MTHONG BA'I RGYUN YANG GCIG TU 'DZIN PA'I 'BRAS BU NYID KYIS DE LTAR MNGON PAR ZHEN PA YIN PAR BSTAN PA NI, 'BRAS BU GCIG NYID LAS ZHES BYA BA'O, ,'DIS NI SNA TSOGS PA'I DBANG PO LAS BYUNG BA MTHONG BA RNAMS DANG, DRAN PA RNAMS KYANG BAG CHAGS KYI BSKYED BYA'I RJES SU 'BREL PAR BSHAD PA YIN NO, ,GAL TE BDAG MED PA YIN PA DE LTA NA RJES SU 'BREL PA YANG BRDZUN PA'I BAG CHAGS KYI BSKYED BYA YIN PA'I PHYIR LA, SEMS KYI SNGA MA SNGA MA'I SEMS KYI DBANG GI RGYUN YIN NO ZHES BSTAN PA YIN NO, ,BDAG TU 'DZIN PA DANG CHAGS PA LA SOGS PA RNAMS THOG MA NAS MA SKYES PA'I PHYIR 'KHOR BAR MI 'GYUR BA ZHIG NA YOD PA YANG YIN NO, ,DE'I PHYIR 'KHOR BA NI GZHAN DU MI 'THAD PAS BDAG GRUB PA YIN NO SNYAM DU SEMS PA NA, 'O NA JI LTAR ZHES BYA BA'O, ,BDAG YOD NA BDAG GO ZHES BYA BA'I BDAG TU 'DZIN PA THOG MA MED PA'I BAG CHAGS LAS BYUNG BA NI CHAGS PA 'PHEL PAR BYED PAS 'KHOR BA'I RGYUN BYED PA YIN PAR BSTAN PA NI, BDEN PA BZHI LA ZHES BYA BA'O, ,BDAG GO ZHES BYA BA NI BDAG TU 'DZIN PA NI 'KHOR BA'I RGYU YIN NAM, RE ZHIG RGYU MED PA CAN NI MA YIN TE, RGYU YANG YUL LAM BAG CHAGS KYANG YUL GYI BSKYED BYA BZHIN DU BAG CHAGS KYI BSKYED BYA YANG LDOG BYAR MI 'GYUR RO ZHES BSTAN PA NI, DE NYID LA NI ZHES BSTAN BA'O, ,DE

, ,NYID NI BDEN BZHI LA STE, DE STE DE RNAMS SGRO 'DOGS PA'I RNAM PA RNAMS SO, ,'GAL DON DE NYID NI YUL GYI DE NYID DO, ,RJES SU THOGS PA CAN NI BDAG GIR BYED PA GANG YIN PA DE NI YUL DU MA'I LHAN CIG BYED PA'I PHYIR STOBS DANG LDAN PA NYID DU BSTAN PA YIN NO, ,YANG DAG PA ZHES BYA BA NI LTA BA PHYIN CI MA LOG PA NI YUL DANG BRAL BA GANG LAS KYANG 'BYUNG BAR LOG PAR LTA BA LA GNOD PA YIN TE, DNGUL DU MTHONG BA LA NYA PHYIS SU MTHONG BA LTA BU'O, ,LEGS BSGOMS NI SHIN TU NGES PAR 'GYUR BA'O, ,SGRO 'DOGS PA NI RGYU 'BA' ZHIG MA YIN GYI 'BRAS BU YANG DE BZHIN DU YIN PAR BSTAN PA NI, YANG DAG PA MA YIN PA SGRO 'DOGS PA NYID CES BYA BA'O, ,RGYU'I YANG DAG PA MA YIN PA'I SGRO 'DOGS PA BSTAN PA NI, YANG DAG PA MA YIN PA NI RANG RIG PA LAS THA DAD PA'O, ,MNGON SUM GYIS RIG PA MA YIN PA YANG THAR PA JI LTAR YIN, DE'I PHYIR BDAG TU 'DZIN PA DANG SRED PA DAG KHO NAS DNGOS SU LAM BRGYUD PAS KYANG BDAG MED PA MTHONG BA DANG 'GAL BA YIN LA; LAS DANG LUS DAG GI NYE BAR LEN PA DAG GIS NI MA YIN NO, ,DE'I PHYIR YANG DAG PA'I LTA BA CAN YANG DE'I BSKYED BYA SRID PA 'BYUNG BA KHO NA YIN SNYAM DU SEMS PA LA, LAS DANG LUS DAG GNAS NA YANG, ,ZHES BYA BA'O, ,RGYU GSUM NI SRID PA'I RGYU RNAMS TE, LAS DANG LUS DANG, SRED PA'O, ,DE'I PHYIR SRED PA MED NA 'DI YOD PA RGYU MA TSANG BA'I PHYIR MI 'BYUNG BA NI RGYU MA TSANG BA'O, ,SRED PA MED PA BZHIN DU LAS LA SOGS PA MED NA 'ANG SRED PA YOD NA 'BYUNG NGO ZHES ZER BA NI, DE LTA NA NI 'O NA ZHES BYA'O, ,SRED PA'I GNYEN PO NI BDAG MED PAR LTA BA YIN GYI LAS LA SOGS PA NI MA YIN NO ZHES BSTAN PA NI, GNYEN PO DAG NI MED PHYIR DANG,, ZHES BYA'O, ,YOD KYANG SRED PA'I SA BON NI LAS GZHAN DANG GZHAN 'BYUNG BA KHO NA YIN PAR BSTAN PA NI, NUS PA MED PHYIR RO ZHES BSTAN PA'O, ,'BYUNG BAR 'GYUR BA'I LAS LA LTOS NAS BSTAN PA NI, SRED PA BZLOG PA MA GTOGS PA, ,ZHES BYA BA'O, ,LAS DANG LUS DANG 'GAL BA CAN NYID KYI BDAG MED PA LAS GZHAN PAR LUNG LAS RTOGS PA MA YIN PAR BSTAN PA NI, LUNG YANG TSAD MA MA YIN NO ZHES BSTAN PA'O, ,ZLA BA'I DKA' THUB DANG SKRA 'BAL BA LA SOGS PA NI MI MTHUN PA'I PHYOGS SU 'GYUR BA MA YIN NAM ZHES ZER BA LA BSTAN PA NI, 'BRAS BU SNA TSOGS ZHES BYA BA STE, BDE BA DANG SDUG BSNGAL LA SOGS PA 'BRAS BU DU MA YOD PAS GZHAN

DU MI 'THAD PAR BRTAGS PA'I LAS KYI 'BRAS BU'I MTHAR THUG PA NI DKA' THUB LAS TE, SDUG BSNGAL LA NYE BAR SPYOD PA'I NGO BO LAS 'BRAS BU NYID KYI MTHAR THUG PAR 'GYUR GYI GZHAN DU NI MA YIN NO ZHES DGONGS PA'O, ,NUS PA THA DAD NI RANG GI NGO BO THA DAD PA'O, ,SHIN TU RGAL DKA'I LAM RNAMS BYAS PA NI, BDAG NYID RNAM PAR SMAD PAS BSRABS PAR 'GYUR, ,BSHEGS DANG SDOM PAR BYED PA DE DAG GI, ,GTAN DU DRUNGS NAS BTON PA MA YIN NO, ,ZHES BYA BA'I RIGS PAS BYAS PA'I LAS RNAMS KYANG ZAD PAR KHYED CAG 'DOD PA KHO NA MA YIN SNYAM DU SEMS PA LA BSTAN PA NI, 'BRAS BU DE'I BSKYED BYAR KHO BO CAG 'DOD PA NI RNAM 'GAS ZHES BYA BA BDAG NYID SMAD PA DANG; BSHAGS PA LA SOGS PAS CHUNG BA 'AM GNAS SKABS KYI ZAD PA YIN LA, RIGS MTHUN PA CAN NI BSKYED BYA GZHAN DU MI 'GYUR RO, ,DKA' THUB NYAMS SU MYONG BA'I LAS GANG GIS BSKYED BYA'I 'BRAS BU CHUNG BAR 'GYUR BA 'AM, ZAD PAR 'GYUR GYI, RIGS MI MTHUN PA CAN NI MA YIN NO, ,RIGS MI MTHUN PA'I LAS KYI BSKYED BYA CHUNG BAR GYUR PA 'AM ZAD PAR 'GYUR RO ZHES BYA BA NI 'GREL PA MDZAD PA'I YIN TE DE BSTAN PA NI, LAS GANG GIS ZHES BYA BA'O, ,SDIG PA'I 'BRAS BU SKYED PAR BYED PA'I NUS PA NI BSOD NAMS KYI NUS PA DANG 'DRES PA YIN TE, SDIG PA'I 'BRAS BU NYAMS SU MYONG BA KHO NA BSOD NAMS KYI 'BRAS BU YANG ZAD PAS 'DI DAG GI GSAL BA'I DBYE BA LA LTOS NAS MANG PO'I TSIG YIN NO, ,'DI RNAMS CI LAS YIN ZHE NA, DKA' THUB CES BYA BA'O, ,DKA' THUB KYI NUS PA KHO NA YIN PAR CI LAS SHES SHE NA, NYON MONGS 'GAS ZHES BYA BA'O, ,DE LTAR GYUR PA YIN YANG NUS PA 'DRES PA RNAMS ZAD PAS CI ZHIG BYA BA LA CHA NI PHRA BAR BYAS PA'O, ,DE LAS KYANG CIR 'GYUR ZHE NA, SPONG 'GYUR ZHES BYA BA'O, ,CI LAS YIN ZHE NA, NYON MONGS PA MED PA LAS SAM, NYON MONGS PA BSRABS PA LAS SPONG BAR 'GYUR BA'O, ,GAL TE DKA' THUB CES BYA BA LA SOGS PA BSHAD PA YANG DON 'DI NYID KYI PHYOGS SNGA MA BSTAN PAR BYED PA YIN TE, GAL TE DKA' THUB KYI NUS PA KHO BOS KHAS LEN PA DE LTA NA DE'I 'BRAS BU'I CHA NI NUS PA 'DRES PA LA SOGS PA RNAMS KYIS NYON MONGS PA MED PAR RTZA BA DANG BCAS PAR SPONG BAR 'GYUR ZHES BYA BA NI PHYOGS SNGA MA'O, ,GAL TE SKRA 'BAL BA DANG ZLA BA'I DKA' THUB LA SOGS PA'I NYON MONGS PAS GZHAN DKA' THUB NI SBYIN PA DANG TSUL KHRIMS LA SOGS PA BSOD NAMS DANG YE SHES DAG RTZOM PA DANG,

, ,BSHAGS PA DANG SDOM PA LA SOGS PA YIN NA KHYOD KYIS SMRAS PA DE KHO BO CAG GI 'DOD PA KHO NA YIN TE, 'DI NYON MONGS PA MA YIN PA'I CHA'I NGO BO YIN PA'I PHYIR RO ZHES BSTAN PA NI, GAL TE DKA' THUB CES BYA BA LA SOGS PA'O, ,SBYIN PA DANG TSUL KHRIMS LA SOGS PAS NYON MONGS PA BZHIN DU, ME LNGA BSTEN PA LA SOGS PA'I NYON MONGS PA YANG DKA' THUB KHO NA MA YIN NAM ZHES ZER BA NI NYON MONGS NYID CE NA ZHES BYA BA'O, ,LAS KYI 'BRAS BU 'DI LAS BLO SNGON DU 'GRO BA'I RTZOM PA'I NYON MONGS PAS SBYIN PA LA SOGS PA DANG BRAL BA'I LAS KYI 'BRAS BU KHO NA YIN NO, ,DE NI SBYIN PA LA SOGS PA NYID BZHIN DU LAS STON PA'I LUNG LAS LAS NYID YIN NO ZHE NA, THAR PA MA YIN TE, LAS KYI 'BRAS BU'I RGYU YIN PA'I PHYIR RO, ,SHIN TU BA'I BDE BA 'DI'I 'BRAS BU YIN NO ZHE NA, 'DI YANG MI RIGS TE, NYON MONGS PA BZHIN DU SHIN TU BA'I BDE BA YIN PAR MI RIGS SO, ,BDE BA BZHIN DU NYON MONGS PA YANG RGYUN DU GNAS PA YIN NO ZHE NA, DE LTA NA 'KHOR BA BZHIN DU THAR PA MA YIN TE, NYON MONGS PA'I RGYU YIN PA'I PHYIR RO, ,DE NYID LAS ZHES BYA BA NI SBYIN PA LA SOGS PA CAN GYI DKA' THUB LAS SO, ,GZHAN GYIS ZHES BYA BA NI BSOD NAMS KYI MING CAN GYI DKA' THUB KYIS TE, GANG BYAS PA LAS MA LUS PA'I 'BRAS BU DES ZHES BYA BA NI GZHI MTHUN PA MA YIN PA'I GSUM PA'O; GZHAN GYIS ZHES BYA BA NI NYON MONGS PA'O, ,LAS KYI 'BRAS BU NYID KHO NA GNYI GA LA GRUB PAR BSTAN PA NI, NYON MONGS PA ZHES BYA BA'O, ,KHAS BLANGS PA DANG 'GAL BAR BSTAN PA NI, 'O NA NI CI LTAR ZHES BYA BA'O, ,MA NGES PA ZHES BYA BA LA SKRA 'BAL BA LA SOGS PA'I SDUG BSNGAL GYIS DE CI STE DER MI 'GYUR, DE'I PHYIR MA NGES PA NI PHYUGS KYI NYON MONGS PAS SO, ,GAL TE YANG RGYAL SRID LA SOGS PA'I BDE BA 'DOR BA NI 'DOD PA MED PA NYID LA GOMS PA'I BDAG NYID DU GYUR PA'I PHYIR GNOD PA CAN MED NA DMYAL BA LA SOGS PA'I SDUG BSNGAL YAL BAR 'DUG PAS GOMS PAS BDAG TU GYUR PA KHO NA GNOD PA BYED PA YIN PAR BSTAN PA NI, JI LTAR RGYAL SRID CES BYA BA'O, ,BTANG SNYOMS KYI BDAG NYID KHO NA THAR PA YIN GYI BDE BA'I BDAG NYID MA YIN TE, 'DOD PA LA GNOD PA YIN NO ZHES ZER BA LA, DE'I PHYIR GROL GNAS ZHES BYA BA'O, ,KHYOD KYI NI YUL RNAMS LDOG PA YIN TE, MI ZA BA'I LUS CAN GYIS RO LANGS PA NI RO YANG GZHAN MTHONG NAS

LDOG PA YIN PA'I PHYIR, SKYON DANG 'GAL BA CAN NI SKYON LAS BYUNG BA'I LAS LDOG PAR BYED PAR NUS PA YIN NO, ,CI LAS SHE NA, BSTAN PA NI, SKYE 'DOD NGES PA STE, RGYU LA GNOD PA BYED PAS SO, ,BYAS PA'I LAS NI KUN DU BSAGS SHING KUN DU BSTEN PA JI LTAR NYAMS PAR 'GYUR, DE NI MA BYAS PA MA YIN TE, GANG GI PHYIR RGYU MED PAS NI 'GYUR BA YIN, BYAS PA'I LAS NI 'GAL BAR BYED PA MED PA'I PHYIR DE NYID SHES PA LA YANG 'KHOR BA RGYAS PAR BYED PA KHO NA YIN NO, ,SKYE BA THA MA LA LAS MA LUS PA RNAM PAR SMIN PA NI, RDZU 'PHRUL GYI CHOS CAN NO ZHES GANG SMRAS PA YANG, DE 'DI LUNG MA GTOGS PA TSAD MA GZHAN GYIS RTOGS PAR 'GYUR BA MA YIN TE, SKYE BA DU MA'I BDE BA DANG SDUG BSNGAL RNAM PAR SMIN PA KHYAD PAR CAN DANG LDAN PA'I LAS KYI 'BRAS BU LUS GCIG GI SKAD CIG TZAM GYIS NYE BAR SPYOD PAR NUS PA MA YIN NO, ,DE LTA YIN NA KHYED KYI YANG LAS ZAD PA MA YIN TE, BSHAGS PA LA SOGS PA ZAD PAR BYED PA RNAMS NYID KYANG LUNG MA GTOGS PAR RTOGS PA MA YIN TE, SRED PA PHRA MO YANG LAS YOD NA YOD PA KHO NA DE'I RGYU YIN PA'I PHYIR LAS LAS SKYES PA PHU RON LA SOGS PA'I 'DOD CHAGS DANG, SBRUL LA SOGS PA'I ZHE SDANG DANG, PHAG LA SOGS PA'I GTI MUG YIN PA'I PHYIR 'KHOR BA KHO NA YIN NO SNYAM DU SEMS PA LA BSTAN PA NI, LAS LAS NGES PA MA YIN TE, 'ON KYANG TSUL BZHIN MA YIN PA YID LA BYED PA BDAG DANG BDAG GIR 'DZIN PAR MNGON PAR 'DOD PA LAS YIN NO, ,NYES PA RNAMS KHO NA LAS KYI RGYU YIN PAR BSTAN PA NI, SKYON LDAN ZHES BYA BA'O, ,'DOD CHAGS LA SOGS PA'I SKYON RNAMS KHO NA LAS KYI NUS PA CAN YIN TE, 'DOD CHAGS CAN NAM ZHE SDANG CAN LAS BYED PAR MTHONG BA'I PHYIR RO, , BDAG TU 'DZIN PA CHAGS PA LA SOGS PA MED NA GZHAN YOD PAR BYED PA NYID MA YIN PAR BSTAN PA NI, BZLOG PAS MIN ZHES BYA BA'O, ,BDAG TU NGA RGYAL BA ZAD PA YANG BDE BA SKYE BA MA YIN NAM, LUS KYI BDE BA NI YUL YOD NA 'BYUNG BA MA YIN TE, YID BDE BA LA SOGS PA BZHIN DU RNAM PAR RTOG PA 'BYUNG BA NI GZHAN DU YANG 'BYUNG BA'I PHYIR RO, ,DE LA YANG RJES SU 'DZIN PA'I BDAG NYID LA NGES PAR MNGON PAR 'DOD PA'O, ,'DIS NI SDUG BSNGAL ZHE SDANG DU BSHAD PA YIN NO, ,DE LTA YIN NA BYED PA PO 'GYUR BA KHO NA YIN PA'I PHYIR, JI LTAR THAR BA YIN SNYAM PA LA, LOG PA'I ZHES BYA BA STE, 'DOD PA NI BDAG DANG LONGS SPYOD PAR BYA

, ,BA'I BDAG GI BA LA CHAGS PA STE, SRED PA YIN LA DE YANG DE 'DZIN PA'I SKYE GNAS YIN LA, DE MED NA MI 'BYUNG BA KHO NA YIN NO, ,NYAMS SU MYONG BZHIN PA DE LA 'DOD PA NI MA YIN TE, MA 'ONGS PA DON DU GNYER BA'I RNAM PA CAN GYI RNAM PAR RTOG PA NI RNAM RTOG SPANGS PA LA MI SRID DO, ,BSGOM PA LAS BYUNG BA'I BDE BA YANG RANG NYID RIG PA NI MNGON PAR 'DOD PA'I SGRO 'DOGS PA'I YUL MA YIN, SDUG BSNGAL NI BSGOM PA LAS BYUNG BA YIN YANG BDAG TU 'DZIN PA BSGOM PA'I SNYING PO CAN GYI BAG CHAGS DANG LDAN PA'I BYED PA NI, YUL GYI BSKYED BYA YIN PA'I PHYIR BDAG TU 'DZIN PA SPANGS PA'I BSGOM PA CAN NI BTANG SNYOMS BSGOM PA'I BDAG NYID DU GYUR NA MI SKYE BA KHO NA YIN NO, ,DE'I PHYIR BDE BA LA SOGS PA NYAMS SU MYONG BA LAS BYUNG BA'I SKYON RNAMS MA YIN NO, ,BDE BA NYID CES BYA BA YANG 'BYUNG BAR 'GYUR BA LA 'DUG PA'I YUL CAN DU BSAMS NAS BSTAN PA YIN NAM, DA LTAR BA'I BDE BA RANG RIG PA LA NI MNGON PAR 'DOD PAS DON DU GNYER BA'I RNAM PA CAN MA YIN TE, NYE BA MA YIN PA'I PHYIR RO, ,DUS KYIS 'BYUNG BAR 'GYUR BA NYID DON DU GNYER BA YIN ZHE NA, RNAM PAR BRTAG PAR BYA BAR THAL BAR BSTAN PA NI, BDE BA DE YANG ZHES BYA BA SMOS SO, ,DE'I PHYIR DE BZHIN DU BDAG TU LTA BA MA YIN PA DANG, SDUG BSNGAL BSGOM PA DANG, DBANG BSKUR BA LA SOGS PA DANG, SKRA 'BAL BA DANG, ZLA BA'I DKA' THUB LA SOGS PA YANG THAR PA SGRUB PAR BYED PA MA YIN NO, ,'ON KYANG SRID PA'I RGYU YIN PA'I SRED PA'I RGYU BDAG TU 'DZIN PA DANG CHAGS PA LA SOGS PA YIN PAR NYE BAR BSDU BA NI DE'I PHYIR 'JIG TSOGS LA LTA BA'O ZHES BYA BA'O, ,SKYOB PA LAS TE BDEN PA BZHI STON PA'I NGO BO LAS YIN PAR JI LTAR RTOGS SHE NA, SKYOB LAS ZHES BYA BA SMOS TE, SKYOB PA NYID GZIGS LAM GSUNG BA ZHES BYA BAS NI GSHEGS PA'I DON LA BRTEN NAS RANG GI DON DANG GZHAN GYI DON GYI NGO BO'I 'BRAS BU PHUN SUM TSOGS PA DANG, RGYU PHUN SUM TSOGS PA YANG BSTAN PA YIN LA, DA LTAR NI RTOGS PA'I DON LA BRTEN NAS YE SHES PHUN SUM TSOGS PA DANG, DE'I RGYU PHUN SUM TSOGS PA BSTAN PA NI DE'I KHYAD PAR YIN NO, ,DE KHO NA NYID MKHYEN PA'I CHA NI BSNGAGS PA'I DON NYID DO, ,DE'I PHYIR PHYI ROL PA RNAMS LAS LHAG PA YIN NO, ,SLAR MI LDOG PA'I DON NYID LA NI BRTAN PA'I YE SHES TE,

RGYUN DU ZHUGS PA DANG, BYANG CHUB SEMS DPA' LA SOGS PA SLOB PA RNAMS LAS SO, ,MA LUS PA'I DON NYID LA DGRA BCOM PA MI SLOB PA RNAMS LAS KYANG NGO, ,DE'I PHYIR NI ZHES BYA BA NI SGRUB PAR BYED PA LAS SO, ,DE KHO NA NYID LA SOGS PA MKHYEN PA NI MNGON SUM YIN LA, SKYOB PA LAS TE BDEN PA BZHI STON PA'I NGO BO'I RTAGS KYI KHYAD PAR LAS RTOGS PA'O, ,SDUG BSNGAL LA CHOS SHES PA'I NGO BO SHES PA DANG, SHES PA DE LAS THOB PA RNAM PAR GROL BA'I YE SHES NI CHOS SHES PA'I BZOD PA YIN LA, DE DAG GI BSGRUB BYA SGRUB BYED NYID KYIS RJES SU SHES PA'O, ,DE YANG NGA LA YOD CES SHES PA NI RJES SU SHES PA'I BZOD PA YIN ZHES BYA BA'I MTHONG BA DANG BSGOM PA'I LAM DANG, SPROS PA RNAMS LA THE TSOM MED PAR STON PA NI KHYAD PAR RNAMS MNGON DU BYED PA MED NA RJES SU DPAG PA TZAM LAS 'GYUR BA MA YIN PAR BSTAN PA LAS NI ZHES BYA BA'O, ,GZHAN DAG KYANG ZHES BYA BA'I GRANGS CAN LA SOGS PA YANG NGO, ,SKAD CIG MA LA SOGS PA'I SHES PA LA RTAG PA'I SHES PA BZHIN DU 'KHRUL PA'I RGYU MI SRID PAR BSTAN PA NI, RTAG PA NYID DU ZHES BYA BA'O, ,DE KHO NA NYID LA SOGS PA'I SHES PA'I SGRUB BYED NI RDZOGS BYED YIN LA, DE BZHIN DU RANG GI DON GYI YE SHES YONGS SU RDZOGS PA DANG LDAN PA'I GZHAN GYI DON MKHYEN PA YIN LA, DE LA SBYOR BAR BYED PA YANG 'GYUR BAR BSTAN PA NI, GZHAN DON MKHYEN PA'O, ,DE'I PHYIR ZHES BYA BA NI DE KHO NA NYID LA SOGS PA'I YE SHES SGRUB PAR BYED PA'I PHYIR YIN LA SBYOR BA DE NYID STON PA'I RGYU YIN PA'I PHYIR STON PA'O, ,SBYOR BA DE LAS KYANG BRTZE BA'O, ,GANG YIN ZHE NA, GNAS SKABS THAMS CAD DU GZHAN DON NGOR TE GTZO BO NYID DO, ,DE'I NGO BO'I BRTZE BAS YIN PAR CI LAS RTOGS SHE NA, DON GRUB CES BYA BA'O, ,BDE BAR GSHEGS PA YIN NA 'THOB PAR BYA BA GZHAN MED PA 'JUG PA NI GZHAN GYI DON KHO NA YIN LA, DE'I PHYIR BRTZE BA DANG LDAN PAR RTOGS PA YIN NO, ,GRUB PA DE YANG KHA CIG LA YOD LA, KHA CIG LA MED PA SHES PAR MI NUS TE, DE'I PHYIR DE'I GZHAN DBANG NYID YIN PAR BSTAN PA NI, BRTZE BAS ZHES BYA BA'O, ,DE BZHIN DU SKYOB PA LA YE SHES DANG, DE LA MDZAD PA DANG, DE LA YANG BRTZE BA ZHES BYA BA

, ,DNGOS DANG BRGYUD PAS KYANG YE SHES LA SOGS PA RNAMS RGYU NYID BSTAN NAS, DA NI DNGOS SU BA KHO NA BSTAN PA NI, BRTZE BAS ZHES BYA BA'O, ,YANG NA GONG DU NI 'BRAS BU'I BYED PA BSTAN PA YIN LA, DE LTAR NI RGYU'I YIN NO ZHES BYA BA NI RNAM PAR DBYE BA'O, ,RGYU BZHI PO ZHES BYA BA NI 'BRAS BU TSAD MA NYID LA BRTZE BA DANG, MDZAD PA DANG, YE SHES DANG, SKYOB PA'I NGO BO'O, ,'DIS NI ZHES BYA BA NI BRTZE BAS ZHES BYA BA 'DIS SO, ,DNGOS PO NI BRTZE BA'O, ,THA MA NI SKYOB PA'O, ,DANG 'OG NI MDZAD PA LAS SO, ,MTHA' DAG NI YE SHES SO, ,BZHI PO 'DI NI TSAD MA NYID LA RGYU YIN TE NGES PA'I RGYU YIN PA'I PHYIR RO, ,TSAD MA NYID KHO NA YON TAN YIN TE, BDAG CAG LA PHAN 'DOGS PAR BYED PA'I PHYIR ZHES BSTAN PA NI, DE LTA'I DNGOS STON TE TSAD MA NYID DU STON PA'O, ,CI LAS YIN ZHE NA, DE BSTAN PA NYID LAS ZHES BYA BAR SMOS SO, ,RJES SU DPAG PA'ANG MA BZLOG PHYIR NI MA BKAG PA'O, ,DE LA RIGS PAS GRUB PAR BSTAN PA NI, RJES SU DPAG PA'ANG ZHES BYA BA'O, ,YANG NA MNGON SUM BZHIN DU RJES SU DPAG PA YANG PHYOGS GCIG GIS GSUNGS PA YIN PAR BSTAN PA NI, SBYOR BA 'ANG MTHONG PHYIR RO ZHES BYA BA STE, SBYOR BA NI GZHAN GYI DON RJES SU DPAG PA'O, ,TSUL GSUM BRJOD PA NI, GZHAN GYI DON GYI PHYIR RJES SU DPAG PA YIN GYI, CUNG ZAD SKYE BA'I BDAG NYID CAN LA SOGS PA LA DE YOD PA MA YIN TE, MED NA MI 'BYUNG BA TZAM BRJOD PA'I PHYIR RO ZHES ZER BA LA, RJES DPAG RTEN YIN NO ZHES BYA BA STE, MED NA MI 'BYUNG BA NYID RJES SU DPAG PA LA GTZO BO'I NGO BO YIN LA, DE BRJOD NA THAMS CAD BRJOD PA YIN ZHES BYA BA'I DON TO, ,GANG GI PHYIR BCOM LDAN 'DAS KYIS TSAD GSUNGS PA'I PHYIR; GZHAN TSAD MA MA YIN PAR BSTAN PA NI, GANG GI PHYIR GNYIS LDAN ZHES BYA BA'O, ,'DI LAS CIR 'GYUR ZHE NA, DE BZHIN GSHEGS PA NYID LAS THAMS CAD GRUB CES BYA BA'O, ,PHRAG DOG SGREGS PA'I RLABS 'JIGS RUNG, ,KUN RTOG CHU SRIN GYIS DKRIGS PA'I, ,YID KYI RGYA MTSO'I DUS RLABS LA, ,RGYAL PA CAN GYIS MDZES PA YIN, ,RNAM 'GREL DANG NI DE'I RGYAN GYI, ,'GREL BSHAD YID KYI DRI MA DAG ,SEL BYED 'DI MTHONG RGYAL 'GYUR ZHING, ,MKHAS PA RNAMS KYI RGYAN DU 'GYUR, ,TSAD MA RNAM 'GREL GYI RGYAN GYI 'GREL BSHAD SLOB DPON RGYAL BA CAN GYIS MDZAD PA LAS LE'U DANG PO'O,, ,,

, ,RNAM 'GREL DANG NI DE'I RGYAN GYI, ,'GREL BSHAD BLO'I SGRIB SBYONG BYED 'DI, ,YON TAN MCHOG LDAN MKHAS RNAMS KYIS, ,MTHONG BAS RGYAL BA CAN DU 'GYUR, ,[DD] SLOB DPON GYI GZHUNG 'CHAD PA'I THABS SU GYUR PA'I LE'U DANG POS NI RJES SU DPAG PA 'CHAD, LE'U GNYIS PA TSAD MA YANG DAG CES BYA BA'I TSIGS SU BCAD PA PHYED KYIS NI TSAD MA GRUB PA, , GSUM PA NI MNGON SUM 'CHAD PA YIN NO ZHES 'CHAD PA PO DANG NYAN PA PO SBYONG BAR BYED PA MA YIN TE, DON MNGON PAR MA BRJOD PA'I PHYIR RO ZHES BYA BA'I DGONGS PAS, DE LTAR SPYI'I MTSAN NYID CES BYA BA SMOS SO, ,GAL TE YANG 'DI NI SLOB DPON GYI GZHUNG 'CHAD PA DE LTA NA YANG LE'U DANG PO BSHAD PA'I ZHAR LA TSAD MA DAG GI SPYI'I MTSAN NYID DANG, DE'I RJES SU GZHUNG GZHAN BKOD PA'I KHYAD PAR GYIS SO ZHES STON PAR RIGS SO, ,DE LTAR YANG, TSAD MA MI SLU CAN SHES PA, ,ZHES BYA BAS NI SPYI'I MTSAN NYID BSTAN PA YIN LA, DE DAG GI KHYAD PAR GYI MTSAN NYID NI, MNGON SUM

, ,DANG NI RJES DPAG DANG, ,CES BYA BA LA SOGS PA SO SOR SNANG BA'I DBYE BA BRJOD PAS GSAL BA NYID DU BYAS PA YIN NO, ,GRANGS KYI NGES PA 'DI NI MTSAN NYID KYI YAN LAG YIN PA'I PHYIR DANG PO BYAS PA MA YIN NAM, GANG GI PHYIR GSAL BA'I DBYE BA RNAM PAR GZHAG PA LA GSAL BA SO SO'I NGES PA'I MTSAN NYID BRJOD PAR NUS PA MA YIN NO, ,DE NA GSAL BA'I DBYE BA RNAM PAR GZHAG PA GTZO BO NYID KYI RANG GI NGO BO'I DBYE BA'I RANG BZHIN GYI MTSAN GYI NGO BO LAS GZHAN YOD PA MA YIN PA'I PHYIR DE DAG NYID KYIS DE GNYIS RTOGS PA YIN LA, TSAD MA GZHAN NI DE DAG TZAM GYI GZHAL BYA YIN PAS BYA BA RDZOGS PA'I LAS SU BSGRUB PA NI SGRUB PAR BYED PA'I RIGS PA LAS 'DAS PA YIN NO ZHES BYA BA'I DON TO, ,TSAD MA NI RIGS PA YIN LA GNYIS NI GZHAL BYA STE, RIGS PAR BYED PA'I YUL TE GSAL BA DANG MI GSAL BA'I SO SOR SNANG BA NYID KYIS GNYIS YIN PA'I PHYIR RO, ,GSAL BA'I SO SOR SNANG BA 'DI NYID NI DON GYIS DNGOS SU BSKYED BYA YIN PA NYID LA DON DU SGRO 'DOGS PA'I YUL YIN PA'I PHYIR NUS PA YIN NO, ,MI GSAL BA'I YUL SO SOR SNANG BA NI DON GYIS BRGYUD NAS SKYED PAR SGRO 'DOGS PA'I YUL YIN

PA'I PHYIR MI NUS PA YIN TE RNAM PA GNYIS PO 'DI LAS GZHAN PA'I RNAM PA NI YOD PA MA YIN TE, GANG GIS TSAD MA GZHAN DU 'GYUR, ,ZHES BYA BA'I THA TSIG GO, ,GSAL BA SO SOR SNANG BA NYID DON NYID YIN PA'I PHYIR NUS PA YIN NA NI RAB RIB CAN GYIS SKRA SHAD DU SO SOR SNANG BA LA YANG 'GYUR RO SNYAM DU SEMS PA LA RAB RIB CAN GYIS DMIGS PAR ZHES BYA BA SMOS TE, GNOD PAR BYED PA MED PA YIN NA GSAL BAR SO SOR SNANG BA NUS PA'I RANG BZHIN YIN PA'I PHYIR KHYAB CHES PAR THAL BA MA YIN NO, ,GAL TE KHYAD PAR SO SOR SNANG BA JI LTAR DNGOS SU KHYAD PAR GYI BSKYED BYA YIN PA DE BZHIN DU SPYI'I SO SOR SNANG BA YANG SPYI'I DNGOS SU BSKYED BYA NYID DU 'GYUR GRANG NA, CI'I PHYIR BRGYUD PAS KHYAD PAR GYI BSKYED BYA KHO NA YIN PAR BRJOD PAR BYED SNYAM DU SEMS PA LA ,YUL GCIG NYID CES BYA BA SMOS TE KHYAD PAR LAS GZHAN PA'I RJES SU 'GRO BA DANG LDOG PA DAG LAS NUS PA MI RTOGS PA'I PHYIR RO ZHES 'CHAD PAR 'GYUR BA'I PHYIR RO SNYAM DU DGONGS PA'O, ,GAL TE GCIG NYID JI LTAR RNAM PA GNYIS SU 'GYUR ZHE NA, RTOGS PA'I DBYE BA ZHES BYA BA SMOS TE, GSAL BA DANG MI GSAL BA'I NGO BO'O, ,DE'I KHYAD PAR NYAMS SU MYONG BA YANG THA MI DAD PA YIN NO ZHE NA, RTOGS PA'I DBYE BA YANG ZHES BYA BA SMOS SO, ,SO SOR SNANG BA DANG DE DANG LDAN PA DAG LA BYE BRAG MED DO ZHE NA, DE NYID NI ZHES BYA BA SMOS SO, ,THA DAD PA NYID YIN NA NYAMS SU MYONG BA THA DAD KYANG SO SOR SNANG BA THA DAD PAR MI 'GYUR RO SNYAM DU SEMS PA NI, GAL TE RTOGS PA'I BYE BRAG CES BYA BA'O, ,DBYE BA YIN YANG SHES PA'I DBANG GIS GNAS PA'I SHES BYA NI SHES PA'I BYA BA'I DBYE BA JI LTA BAS PHYE BA YIN NO ZHES BSTAN PA NI, SHES PA DANG, SHES BYA DAG NI ZHES BYA BA'O, ,GAL TE BRGYUD PAS NUS PA NYID SPYI'I MTSAN NYID YIN NA MI NUS PA ZHES JI LTAR BRJOD CE NA, BRGYUD PA ZHES BYA BA SMOS TE, DNGOS SU SKYED PAR BYED PA'I NUS PA LAS GZHAN PA'I NUS PA MED PA YIN NO ZHES BYA BA MA YIN PA DGAG PA'O, ,DNGOS SAM ZHES BYA BA NI SKRA SHAD LA SOGS PA'O, ,BRGYUD PAS ZHES BYA BA NI SGRA'O, ,GNOD PAR BYED PA'I TSAD

, ,MA NI MI SLU BA'I SHES PA'O, ,YANG NA GNYI GA YANG DNGOS KHO NA YIN TE, 'DI LTAR SHES PA KHA CIG NI SREG PA DANG 'TSOD PA LA SOGS PA'I MTSAN NYID KYI DON BYED PA LA NUS PA CAN DU DNGOS SU SNANG BA YIN LA, GZHAN LA NI DNGOS KHO NA'I NUS PA YOD PA MA YIN PAS, NUS PA NYID KYANG MI NUS PAR SO SOR SNANG BZHIN PA'I NGO BOS SO ZHES BYA BA'I DON TO, ,DE NYID KYIS NA PHYI ROL GYI DON GYI BYA BA NUS PA MED PA'I PHYIR SKRA SHAD LA SOGS MED PA'I ZHES SMOS SO, ,DE BZHIN DU CUNG CAD NI DE PA DANG THUN MONG BA'I NGO BOS RTOGS PA YIN LA GZHAN NI THUN MONG MA YIN PAS SO ZHES BSTAN PA NI, 'DRA DANG ZHES BYA BA STE, SHES PA'I NGO BO'I DON BYED PA LA NUS PA DANG MI NUS PA'I SO SOR SNANG BA'I DBYE BAS GCIG NYID SO SOR SNANG BA ZHES BYA BA'I DON TO, ,DE NYID KHO NA MNGON SUM DU SGRA'I YUL MA YIN PA NYID KYIS SNANG BA YIN LA, RJES SU DPAG PA NI YUL NYID KYIS YIN NO ZHES BYA BA NI DBYE BA YIN NO ZHES BSTAN PA NI YUL DANG ZHES BYA BA STE, SGRA LAS BYUNG BA'I SHES PA LA SNANG BA'I PHYIR ZHES BYA BA'I DON NI MA YIN TE, NGES PAR BYED PA MED PAS SKRA SHAD LA SOGS PA BZHIN DU DON MED PA'I PHYIR RO, ,YUL GANG YOD NA DBANG PO LA SOGS PA'I RGYU MTSAN GZHAN YOD PA NA BLO STE RTOGS PA NI MNGON SUM DU MNGON DU BYED PA GANG 'BYUNG BA YIN NO, ,RJES SU DPAG PA LA NI DE YOD KYANG MNGON DU BYED PA MI 'BYUNG NGO, ,DU BA LA DBANG PO'I BYA BA YOD KYANG RJES SU DPAG PAR BYA BA MNGON DU BYED PA MI 'BYUNG BA YIN PAR BSTAN PA NI, RGYU MTSAN GZHAN NI ZHES BYA BA'O, ,DE NYID RNAM PA CI ZHIG LTAR ZHES BYA BA MNGON DU BYA BA MED NA'O, ,GAL TE ZHES BYA BA NI 'DRA BA NYID TZAM SPYI'I MTSAN NYID YIN NA NI THAL CHES SO, ,BA MEN DE NI 'DI ZHES BYA BA NI BA LANG JI LTAR GYUR PA DE LTA BU'I BI MEN NO ZHES LHAG PAR STON PA'I DAG LAS RTOGS PA'I BA LANG GI 'DRA BA NYID DANG, BYE BRAG CAN GYI BA MEN NYID BA MEN GYI SGRA'I BRJOD BYA BA NI BA MEN MTHONG BA LAS NI RJES SU DRAN PA YIN NO ZHES BYA BA'I DON TO, ,BA LANG MNGON SUM MA YIN PA LA BA MEN GYI 'DRA BA NYID MTHONG BA NI BA LANG DANG 'DRA BA'I BA MEN MTHONG BA'I KHONGS SU GTOGS PA YIN TE DE 'DZIN PAS DE MTHONG BA'I KHONGS SU GTOGS PA YIN TE,

DE MI 'DZIN PAS DE MTHONG BA NYID MED PA'I PHYIR RO, ,'DRA BA'I BDAG NYID CAN GSUM PO DE DAG KYANG 'DRA BA KHO NA YIN NO ZHES NGES PAR 'DZIN PA'I PHYIR GSAL BA YIN PAR BSTAN PA NI, 'DRA BA'I NGO BO NYID DU NI ZHES BYA BA'O, ,GAL TE YANG SPYI NI 'DRA BA'I NGO BOR 'GYUR BAR 'OS PA MA YIN TE, MNGON SUM GYI YUL NYID KYIS KHYAD PAR YIN PA'I PHYIR RO, ,KHYAD PAR MED PAR SO SOR SNANG BA NI GSAL BA MA YIN PA'I PHYIR SPYI YIN PAR 'DOD DO, ,GANG GI PHYIR NI SPYI'I SGO NAS KUN DU SNANG BZHIN PA'I KHYAD PAR NI SPYI'I MTSAN NYID YIN GYI SPYI KHO NA NI MA YIN NO ZHES BYA BA'I DON DU BSTAN PA NI DE'I NGO BO ZHES BYA BA'O, ,RIG PAR BYED PA'I MNGON SUM NI SPYI DANG KHYAD PAR DANG LDAN PA NYID YIN TE GZHAN DU MI RIGS PA'I PHYIR RO ZHES BSTAN PA NI, THA DAD PAR RTOGS PA MED PA'I PHYIR ZHES BYA BA'O, ,DER ZHEN PA YANG KHYAD PAR GYI YUL KHO NA NYAMS SU MYONG BAR BSTAN PA NI, 'DRA BA'O SNYAM DU ZHES BYA BA'O, ,RJES SU DPAG PA LA NI MNGON SUM GYIS NYAMS SU MYONG BA NYE BAS RTOGS PA MA YIN PAR BSTAN PA NI, RJES SU DPAG PA'I ZHES BYA BA'O, ,MNGON SUM GYIS RTOGS PA'I NYE BA MA YIN YANG SGRA LAS RTOGS PA'I SPYI MA YIN NAM ZHES BYA BA 'DIS KHYAB CHES PAR DOGS PA GSAL BA NI 'DI LA LAN ZHES BYA BA'O, ,MNGON SUM LAS RJES SU DPAG PAR BYA BA NYID SGRA'I YUL NYID KYIS THA DAD PA YIN NO, ,DE'I YUL YIN PA'I PHYIR RJES SU DPAG PA BZHIN DU SGRA YANG TSAD MAR 'GYUR RO ZHES ZER BA NI GAL TE SGRA'I YUL ZHES BYA'O, ,RJES SU DPAG PAR BYA BA NI SGRA GZHAN GYI DON GYI RJES SU DPAG PA NYID YIN PAR BSTAN PA NI GZHAN DON ZHES BYA BA'O, ,SGRA'I YUL NYID KYIS SPYI'I MTSAN NYID ME LA SBYIN SREG LAS MTHO RIS SO ZHES BYA BA 'DI LA YANG 'GYUR RO SNYAM DU SEMS PA LA, RANG GI MTSAN NYID KHO NA SGRA'I YUL DANG YUL MA YIN PA NYID KYIS GSAL BA DANG MI GSAL BA'I NGO BO YIN PA'I PHYIR, MTSAN NYID GNYIS YIN NO ZHES BYA BA NI GNAS SKABS SU MI 'GYUR BAR BSTAN PA LA, SGRA'I SPYOD YUL MA YIN PA ZHES BYA BA STE, 'DI DAG GI NANG DU SPYI'I SGRA'I YUL MA YIN NO ZHES DE LTAR RNAM PAR GCOD PAR BYED PA NI DGAG PA BYED PA'O, ,

, ,'DI LAS CIR 'GYUR ZHE NA, SGRA'I ZHES BYA BA SMOS SO, ,GNAS SKABS NYID BSTAN PA NI, SPYI'I SGRA KHO NA'I ZHES BYA BA'O, ,YUL BZHIN DU YUL MA YIN PA LA YANG GNAS SKABS MTSUNGS PAR BSTAN PA NI, YUL MA YIN PA YANG ZHES BYA BA'O, ,GNAS SKABS LA LTOS PA MED PA LA NI SGRA'I YUL DANG YUL MA YIN PA DAG NI DON DAD CIG SHOS DAG GO ZHES BSTAN PA NI DES NA SGRA'I YUL YANG ZHES BYA BA'O, ,GZHAN GYI 'DOD PAS BSHAD PA NI, RGYU MTSAN GZHAN ZHES BYA BA'O, ,RANG GI 'DOD PA BSTAN PA NI, YANG NA RGYU MTSAN GZHAN ZHES BYA BA'O, ,LKOG TU GYUR PA ZHES BYA BA NI RANG GI RO BO MA DMIGS PA'I PHYIR RO, ,SPYI DE ZHES BYA BA NI MI GSAL BA'I SO SOR SNANG BA'I YUL YIN PA'I PHYIR RO, ,MA GRUB PA NI GTAN TSIGS SU MI 'GYUR RO ZHES ZER BA NI, GAL TE MNGON SUM ZHES BYA BA'O, ,TSAD MA GNYIS NYID DU BSGRUB PAR BYA BA LA, GZHAL BYA GNYIS NYID NI RANG GI SGRUB PA LA TSAD MA GZHAN LA LTOS PA NI 'GAL BA YIN TE, BSGRUB PAR BYA BA PHYIN CI LOG TU SGRUB PAR BYED PA'I PHYIR RO ZHES ZER BA NI, TSAD MA GZHAN GYIS ZHES BYA BA'O, ,MA GRUB PA NYID YIN NO ZHES ZER BA NI, 'ON TE TSAD MA GNYIS NYID KYIS ZHES BYA BA NI, GAL TE TSAD MA DAG GIS NYAMS SU MYONG BZHIN PA YIN PA'I PHYIR, MA GRUB PA NYID MA YIN PA DE LTA NA BYANG GI SGRA MI SNYAN DANG LHA MO AA SA RA LA SOGS PA'I SHES PA NI GSUM LA SOGS PA NYID YIN PAR 'GAL BAR 'GYUR TE GZHAL BYA GZHAN YOD PA'I PHYIR RO ZHES ZER BA NI, GSUM PA LA SOGS PA YIS ZHES BYA BA'O, ,RANG GI MTSAN NYID GCIG PO TSAD MA'I DBYE BA LAS JI LTAR RNAM PA GNYIS YIN PA DE BZHIN DU SGRA LA SOGS PA'I TSAD MA'I DBYE BA LAS RNAM PA GSUM PA LA SOGS PAR YANG 'GYUR RO ZHES ZER BA NI TSAD MA'I DBYE BAS ZHES BYA BA'O, ,GAL TE MNGON SUM DANG MNGON SUM MA YIN PA'I NGO BO'I GZHAL BYA NI TSAD MA DAG GIS GRUB PA KHO NA YIN NO ZHES ZER YANG, 'JUG NA RJES DPAG CES BYA BA STE, MNGON SUM GYIS 'BREL PA MA BZUNG BA'I PHYIR RO, ,GTAN TSIGS KUN LAS NGES MI 'GYUR, ,ZHES BYA BA NI GCIG DANG

GSUM NYID LA SOGS PA MI MTHUN PA'I PHYOGS LA GNOD PA CAN GYI TSAD MA MED PAS LDOG PA LA THE TSOM ZA BA'I MA NGES PA YIN NO SNYAM DU SEMS PA'O, ,JI SKAD SMRAS PA RNAMS SDUD PAR BYED PA NI, DE LTAR GZHAL BYA GNYIS ZHES BYA BA'O, ,GSAL BA DANG MI GSAL BAR SNANG BA'I GZHAL BYA GNYIS PO SHES PA'I BDAG NYID RANG RIG PA NYID DU BSTAN PA NI, YUL RNAM PA GNYIS NI ZHES BYA BA STE, RANG RIG PA 'KHRUL PA YIN NA PHYI ROL YANG 'GRUB PAR MI 'GYUR BAR BSTAN PA NI, SHES PA THA DAD CES BYA BA'O, ,GSAL BA DANG MI GSAL BA'I RTOGS PA'I DBYE BAS NI TSAD MA'I DBYE BA LA MA NGES PA YIN NO ZHES ZER BA NI, RTOGS PA THA DAD NYID YIN YANG ZHES BYA BA STE, TSAD MA MI SLU BA CAN ZHES BYA BA LA SOGS PAS TSAD MA MA YIN GSAL BA KHO NA YIN NO ZHES BYA BA'I DON TO, ,GAL TE DE NYID KYIS RANG GI NGO BOS GRUB NA TSAD MA'I THA MI DAD PA NYID GRUB PA MA YIN NAM ZHES BSTAN PA NI DE'I THA DAD CES BYA'O, ,DE 'DI YANG GCIG NYID DU MNGON PAR ZHEN PA BSAL BA'I PHYIR KHA CIG TU THA DAD PA'I THA SNYAD DU 'GYUR BAR BSTAN PA NI, RNAM RTOG BCAS PA'O ZHES BYA BA NI, SNGON DANG 'DRA BA NI DE LTA BU'I SGRUB BYED YIN NA'O, ,DON DE DGOS PA'I GTAN TSIGS NYID DO, ,DON SGRUB NI DGOS PA SGRUB PA STE, RANG GI NGO BO NI MNGON SUM YIN LA DON BYED PA DANG 'BREL PA NYID NI RJES SU DPAG PAR BYA BA YIN NO ZHES BYA BA'I DON TO, ,SPYI'I RNAM PAS ZHES BYA BA NI DON BYED PA DANG 'BREL PA NYID KYIS 'DRA BA'I DON BYED PA DANG 'BREL PA NYID KYI NGO BO 'DZIN PA'I RNAM PA'O, ,GAL TE GANG ZHIG YUL DER NI, ,ZHES BYA BA LA SOGS PAS DANG POR ZHUGS PAS RJES SU DPAG PA'I DBANG NYID KYIS GOMS PA'I YUL LA YANG MNGON SUM 'JUG PAR BYED PA NYID YIN PAR BSTAN PA YIN NO, ,'ON TE GOMS PA LAS BYUNG BA'I MNGON SUM 'JUG PA'I RGYU YIN PA'I PHYIR, RJES SU DPAG PA GTZO BO MA YIN GYI BLO NI TSAD MA NYID, BLANG DANG DOR BA'I DNGOS PO YI, ,'JUG PA DE GTZO NYID PHYIR DANG, ,ZHES BSTAN PA YIN NO ZHE NA, MNGON SUM MED PAR ZHES BYA BA'O, ,DU BA MTHONG BA LAS ME RJES SU DPOG PA NA RJES SU DPAG PA 'JUG PAR BYED PA NYID LA SOGS PA LA

, ,MNGON SUM GTZO BO MA YIN NO ZHE NA, GANG ZHIG TU SOGS ZHES BYA BA'O, ,'BRAS BU'I RTAGS LA SOGS PA'I YUL CAN ZHES BYA BA NI GOMS PA LAS ME MED NA ME 'BYUNG BA'I DU BA MTHONG NA MNGON SUM NYID ME RNAM PAR 'JOG PAR BYED PA YIN NO ZHES ZER BA NI, 'ON TE YANG DE LA 'JUG PAR BYED PA NI MNGON SUM NYID DU ZHES BYA BA'O, ,ME TZAM GYIS 'BRAS BU NYID DU GOMS PA'I DU BA NI NYE BA NA GNAS PA'I ME'I 'BRAS BU NYID DU RJES SU DPAG PA YIN PAR BSTAN PA'O, ,DE LTAR RTOGS PA MED PA'I PHYIR RO ZHES BYA BA NI, RTAGS MTHONG BA NYID RTAGS CAN MTHONG BA YIN NO ZHES KHAS LEN NA NI PHA ROL PO MI 'DOD PA THOB PAR 'GYUR BA BSTAN PA NI, 'DIR YANG RTAGS KYI SGRUB BYED KYI, ,MNGON SUM NYID KYIS 'JIG RTEN GZHAN, ,ZHES BYA BA'O, ,THABS KHAS LEN PA NI THABS LAS BYUNG BA LA LTOS PA YIN GYI, RANG DBANG MA YIN PAR BSTAN PA NI, RJES DPAG TSAD MA NYID MIN NA, ,ZHES BYA BA'O, ,RJES SU DPAG PA NI DNGOS SU MNGON DU BYED PA MA YIN PA'I PHYIR SDUG BSNGAL LA SOGS PA'I CHOS MNGON SUM PA BZHIN DU NAM YANG THABS LAS BYUNG BA LA DE LTA MA YIN PAR BSTAN PA NI, GAL TE RJES SU DPAG PAS ZHES BYA BA'O, ,GAL TE RTAGS KYIS MNGON SUM GOMS PA YIN NA, CI MNGON SUM BZHIN DU LKOG TU GYUR PA MI 'DZIN PA LA YUL DU BYED PA'AM 'DZIN PA LAS YIN, GAL TE MI 'DZIN PA LA YIN NA, 'DIR YANG RTAGS KYI ZHES BYA BA LA SOGS PA NAS RJES SU DPAG PA TSAD MAR BSGRUBS PAS KHO BO CAG LA CI ZHIG BYA ZHES BYA BA'I BAR GYIS BSTAN ZIN TO, ,'DZIN PA LA YIN NA YANG, ,'DI LA GAL TE LKOG GYUR KYANG, ,MNGON SUM LAS ZHES BSTAN PA YIN NO, ,'DRA BA'I NGO BOR ZHES BYA BA LA NI DPE LA MTHONG BA'I NGO BO STE, 'DI SKAD DU, 'DRA BDAG NYID LAS LKOG GYUR PA, ,ZHES GSUNGS PA'O, ,DE SNANG BA'I SHES PA TZAM 'BYUNG BA DE'I YUL NYID NI 'DI'I KHYAB BYED 'DIS RTOGS PAR BSTAN PA NI, SGRA YI SHES PA DE NYID KYANG, ,ZHES BYA BA'O, ,'DI NYID RIGS PA CAN RNAMS KYIS NYE BAR 'JAL BA YIN NO ZHES ZER BA LA, NYE BAR 'JAL BAS ZHES BYA BA SMOS TE, BA MEN

GYIS 'DI BYOS ZHES 'DZUD PA NI BA MEN GYI SGRA MA RTOGS PAR BA MAN GYI SGRA'I MING CAN RTOGS PA DANG LDAN PA YANG BA MEN RTOGS PAR MI BYED PA DE LA DGON PA PA NA RE BA LANG JI LTA BU YIN PA BA MEN DE LTA BU YIN ZHES BA MEN BA LANG DANG 'DRA'O ZHES SMRAS PA DE THOS PA DANG LDAN BAS KYANG RIL PO MTHONG NAS SNGAR BSTAN PA'I NGAG DRAN NAS BA LANG DANG 'DRA BAR NGES PAR BYED PA DE'I DES PA NI NYE BAR 'JAL BA'I 'BRAS BU YIN GYI, MING DANG MING CAN 'BREL PA'I NGES PA NI MA YIN TE, DE LA 'DZUD PA'I RJES SU 'BRANGS NAS RANG NYID KYIS MNGON SUM GYI DNGOS PO LA DRAN PA'I BDAG NYID 'BYUNG BA'I PHYIR RO, ,RJES SU DPAG PA NI MNGON SUM TZAM GYI YUL LA MA YIN TE, LKOG TU GYUR PA YUL YIN PA'I PHYIR RO, ,'DIR NI MING CAN NYID DAM CIG SHOS KYANG RUNG MNGON SUM PA NYID DRAN PA YIN NO, ,'DI LA MNGON SUM PA KHYAD PAR YIN GYI RJES SU DPAG PA LA NI LKOG TU GYUR PA YIN NO ZHES BYA BA'I DON TO, ,'DRA BA NYID NI MNGON SUM GYI YUL MA YIN PA NYE ZHING MTSAN NYID MI 'DRA BA MA YIN PA'I YUL DE LA SNANG BA RNAM PAR RTOG PA TZAM LAS BYUNG BA NI DE'I YUL NYID YIN PA DES RTOGS PA DES NA RANG GI NGO BOS 'DRA BAR SNANG BA'I RNAM PAR RTOG PAS 'DRA BA'I YUL NYID RTOGS PA'I PHYIR RANG BZHIN GYI GTAN TSIGS YIN GYI TSAD MA GZHAN NI MA YIN NO, ,RGYAL DPOG PA NI BA LANG RIL PO MTHONG BAS BA MEN MTHONG BA NA BA LANG NYE BA MA YIN NA 'DI NI BA LANG DANG 'DRA'O ZHES SHES PA NI MNGON SUM YIN LA, 'DI DANG 'DRA BA NI BA LANG NGO ZHES BYA BA NI NYE BAR 'JAL BA YIN NO ZHES ZER RO, ,'DI LA YANG SNGAR DANG PHYIS DNGOS PO MTHONG BA'I MNGON SUM YIN LA, RNAM PAR RTOG PA NI 'DRA BA NYID KYI YUL CAN YIN PAS RANG BZHIN GYI GTAN TSIGS KHO NA YIN NO ZHES BSTAN PA NI, DE'I NGO BO MNGON SUM GYIS ZHES BYA BA'O, ,RNAM PAR RTOG PA MNGON SUM YIN PAR 'DOD PA LA NI MNGON SUM NYID 'DI YIN TE, 'DI LTAR DE DANG 'DRA BA NI 'DI YIN NO ZHES MA SHES PAS NI DE DANG 'DRA BA 'DI YIN NO ZHES RTOGS PA DES NA, 'DI'I 'DRA BA NYID 'DI DE'I 'DRA BA NYID DO ZHES DE'I 'DRA BA NYID RTOGS PA KHO NA 'DI'I 'DRA BA RTOGS PA 'DRA BA YIN NO ZHES BYA BA LA DBYE PA MED PAR BSTAN PA NI, 'DI

, ,LTAR 'DI DE DANG 'DRA'O ZHES BYA BA'O, ,MNGON SUM RTOGS PA MED PAR SMRA BA LA NI BDAG GI RJES SU BYED PA NI 'DRA BA YIN LA, DE'I THA SNYAD RNAM RTOG YIN PA NI RANG BZHIN GYI GTAN TSIGS YIN NO ZHES BSTAN PA NI DE'I RJES SU BYED PA ZHES BYA BA'O, ,'DRA BA NYID DU SNANG BA'I RNAM PAR RTOG PA NI DE'I SNANG BA'I RNAM PAR RTOG PA DE'I SNANG BA TZAM LAS BYUNG BA'I DE'I YUL NYID LA STE, LKOG SHAL LA SOGS PAR SNANG BA'I BA LANG GI RNAM PAR RTOG PA YANG DER SNANG BA TZAM LAS BYUNG BA'I LKOG SHAL LA SOGS PA'I YUL NYID LA RANG BZHIN GYI GTAN TSIGS RANG GI DON GYI RJES SU DPAG PA'O, ,RANG GI RTOGS PA GZHAN LA GO BAR BYED PA NA 'DI NI 'DI DANG 'DRA'O ZHES DE LTA BU'I RNAM PAR RTOG PA'I YUL NYID KHO NA BA BA LANG 'DI YIN TE, LKOG SHAL DANG LDAN PA'I PHYIR BA LANG GI SHES PA'I LKOG SHAL LA SOGS PA'I YUL NYID BZHIN NO ZHES THA SNYAD DU BYED PAR BRJOD DO ZHES BSHAD PA NI, DE NI 'DI DANG 'DRA'O ZHES BYA BA STE, 'DIR YANG DE DANG MTSAN NYID MI MTHUN PA MA YIN PA DNGOS PO DE'I NGO BO NI, DE NI 'DI DANG 'DRA'O ZHES RTOGS PA'I YUL RTOGS PA NYID KYI SHES PA YIN TE BA LANG GI SHES PA'I LKOG SHAL LA SOGS PA BZHIN DU RNAM PAR RTOG PA'I YUL NI 'DRA BA NYID YIN TE; DE YANG MTSAN NYID MI 'DRA BA'I DNGOS PO'I NGO BO NI RTOG PA DE KHO NAS SHES SO SNYAM DU DGONGS PA'O, ,DNGOS PO GANG DAG GI NGO BO BRTAG BYA DANG 'DRA BA NYID DE NI SNGA MA DANG PHYI MA'I MNGON SUM DAG NYID KYIS RTOGS PA YIN PAR BSTAN PA NI, RNAM PA GNYIS NI ZHES BYA BA STE, DER NI GNYIS KHO NA YIN GYI GCIG NI MA YIN NO ZHES BYA BA'I DON TO, ,YUL LAS GZHAN PA DBANG PO DANG GSAL BA LA SOGS PA'I RGYU MTSAN GZHAN RNAMS MED NA BLO YOD PA MA YIN PA NI RKYEN GZHAN TSANG BAR BSTAN PA YIN NO, ,BLO NI 'BYUNG DANG ZHES BYA BAS RANG BZHIN BRJOD PA YIN PAR BSTAN PA NI, GANG LA RGYU MTSAN GZHAN YOD PA NA ZHES BYA BA'O, ,DMIGS PA'I MI DMIGS PA NI DMIGS PA MED PA MA YIN NAM, DE YANG MI RIGS NA MED PA'I THA SNYAD BYED PA NYID MA YIN TE, SHIN TU MYOS PA DANG, BRGYAL BA LA SOGS PA'I GNAS SKABS NA MI MTHONG BA'I PHYIR, DE'I TSE NA SNANG BA MI

DMIGS PA MED PA YANG MA YIN LA GZHAN MTHONG BA DANG SO SOR 'BREL PA DRAN PA DAG KYANG MED PA'I SHES PA LA DGONGS PA DANG LDAN PA MA YIN TE TSAD MA MED PA'I RGYU MTSAN YIN PA'I PHYIR RO, ,DES NA GZHAN MTHONG BA NYID DE LAS GZHAN PA DMIGS PAS DBEN PA NI DE MED PAR GO BAR BYED PAS DNGOS PO'I MED PA RTOGS PAR BYED PA'I PHYIR LTOS PA YIN TE, GZHAN DU NA DE LA PHAN PAR MTSON PA MED PAR BSTAN PA NI, DE LA 'GA' ZHIG CES BYA BA'O, ,RTOGS PA NI SHES PA STE SNANG BA'I NGO BO GCIG NYID DU NGES PA'I PHYIR RO, ,SHES BYA NI SNANG BA DANG MI SNANG BA'I DBYE BAS MA NGES PA YIN PA'I PHYIR RTOGS PA MA YIN PAR BSTAN PA NI RTOGS PA'I RNAM PA ZHES BYA BA'O, ,RTOGS PA NI SHES PA'O, ,LKOG TU GYUR PA DANG CIG SHOS KYANG YIN LA, SHES PA YANG YIN PAS LKOG TU GYUR PA DANG CIG SHOS KYI SHES PA DE DAG GANG GI YUL YIN PA DE NI DE BZHIN NO, ,'DI YANG PHYIS ZHES BYA BA NI DON DANG DON MED NUS PA GANG ZHES BYA BA 'DI LA'O, ,GCIG LA 'JUG PA'I MNGON SUM LA GZHAN MI SNANG BA LA BDAG MI 'JUG GO ZHES BDAG RIG PA LKOG TU GYUR PA LA MI 'JUG PA'I RIG PA YANG, MNGON SUM GYI RIG PA LTA BU YIN PA'I PHYIR LKOG TU GYUR PA DANG LKOG TU MA GYUR PA'I RIG PA GCIG NYID YIN PAR BSTAN PA NI, GANG LA NGA NI MED PA DE ZHES BYA BA'O, ,CI LAS SHES SHE NA NGES PA NYID DU RTOGS PA NYID NI ZHES BYA BA'O, ,RJES SU DPAG PAR BYA BA LA 'BREL PA 'DZIN PA'I DUS SU MNGON SUM 'JUG PA KHO NA MA YIN NAM SNYAM SEMS PA LA MNGON SUM GYIS RTOGS KYANG ZHES SMOS SO, ,LKOG GYUR NYID CES BYA BA NI RJES SU DPAG PA 'JUG PA'I DUS SU'O, ,DE'I TSE YANG CHOS CAN MNGON SUM PA MA YIN PA'I PHYIR CHOS KYANG MNGON SUM PA MA YIN NO, ,SEMS PA NI DON SHES ZHES BYA BA'O, ,MNGON SUM LAS ZHES BYA BA NI DE DANG DE MA YIN PAR RIG PA DANG, RIG PA MA YIN PA'I RTAGS 'DZIN PA LAS SO, ,RANG RIG PA'I MNGON SUM ZHES BYA BA NI PHYI ROL RIG PA MA YIN PA'I NGO BO'O, ,DBANG PO'I SHES PA ZHES BYA BA NI 'BREL PA 'DZIN PA'I DUS SU 'BYUNG BA'O, ,'BREL PA RTOGS PA ZHES BYA BA NI RTAGS 'DZIN PA'I MNGON SUM

, ,GYIS CHOS DANG CHOS CAN GYI'O, ,JI LTAR YANG MNGON SUM 'JUG PAS DON MNGON SUM PA YIN PA DE BZHIN DU, DE LOG PAS MNGON SUM PAR MA YIN PAR 'GYUR BA'I PHYIR, MNGON SUM DANG DE LOG PA DANG LDAN PA'I CHOS KYANG CHOS CAN LA MNGON SUM PA DANG LKOG TU GYUR PA YIN NO ZHES BSTAN PA NI THA DAD MED PAR GNAS PA'I SGRUB PA'I NGO BO ZHES BYA BA'O, ,GANG GI PHYIR MNGON SUM PA'I SA PHYOGS NI CHOS CAN LA BUM PA MED PA NI CHOS YIN TE MED PA'I SA PHYOGS NI MNGON SUM PA MA YIN PA'I MED PA'I SHES PA'I KHONGS SU GTOGS PA'I SHES PA CAN NI MNGON SUM PA MA YIN PA'I CHOS CAN LA YANG MNGON SUM YIN NO ZHES BYA BA NI DPE YIN NO, ,DNGOS PO MI 'DZIN KYANG CHOS 'DZIN PA YIN NA, CHOS RIG PA YIN YANG RIG PAR MI 'GYUR RO ZHES LDOG PA'I SHUGS KYIS CHOS CAN RIG NA THAMS CAD RIG PAR BSGRUB PAR 'GYUR RO SNYAM DU SEMS PA LA DMIGS KYIS BSAL BAR BSTAN PA NI, DNGOS PO DANG THA MI DAD PA ZHES BYA BA STE, GZHAN GYIS SGRO BTAGS PA'I NGO BO NI ME DANG LDAN PA'I PHYOGS BZHIN DU CHOS CAN MNGON SUM NYID YIN YANG MNGON SUM MA YIN LA, GZHAN GYIS SGRO MA BTAGS PA'I DNGOS PO'I CHOS NI SKAD CIG PA NYID BZHIN DU CHOS CAN DANG LHAN CIG MNGON SUM GCIG GI YUL YIN ZHES BYA BA'I DON TO, ,CHOS GTZO BA'I RGOL BA LA BSTAN PA NI, RJES SU DPAG PAS ZHES BYA BA'O, ,CHOS CAN GTZO BO LA BSTAN PA NI MNGON SUM NYID DU GYUR NA YANG ZHES BYA BA'O, ,MTHONG BA'I NGO BO ZHES BYA BA NI CHOS CAN GYI 'BREL PA 'DZIN PA'I DUS SU'O, ,CHOS CAN BZHIN DU CHOS KYANG 'BREL PA 'DZIN PA'I DUS SU MNGON SUM PA YIN NO SNYAM DU SEMS PA LA, RJES SU DPAG PAS ZHES BYA BA SMOS TE, MI 'DOD KYANG ZHES BYA BA NI LTOS PA MED KYANG ZHES BYA BA'O, ,DE ZHES BYA BA NI LKOG TU GYUR PA NYID DO, ,LKOG TU GYUR PA'I DNGOS PO'I NGES PA NYID NI RJES SU DPAG PA'I DNGOS PO DANG 'BREL PA'I NGO BO TSAD MA NYID DU NGES PA YIN BAR BSTAN PA NI 'DIS NI ZHES BYA BA'O, ,RTOGS PAR BYED PA NYID NI TSAD MA NYID MA YIN TE TSAD MED PA YIN PA LA YANG YOD PA'I PHYIR RO, ,RTOGS PA'I KHYAD PAR NI DNGOS PO DANG 'BREL

BA NYID DU BSTAN PA NI, DNGOS DANG 'BREL PA TZAM GYIS ZHES BYA BA'O, ,GANG ZHIG RGYU'I TSOGS PA LAS ZHES BYA BA LA SOGS PA'I RIGS PA'I RGYU'I TSOGS PA YANG 'BRAS BU'I RTOGS PAR BYED PA NYID DU BSTAN PA NI, GANG PHYIR TSOGS PA YOD GYUR LA, ,ZHES BYA BA'O, ,GZHAL BYA GNYIS LAS ZHES BYA BA NI DE'I SHES PA YIN LA 'DIR SHES PA YANG 'DZIN PA KHO NA STE SHES PAR BYED PA PO'I DBANG DU BYAS PA GANG YIN PA LAS ZHES BYA BA'I RIGS PA LAS BSTAN PA'I DBYE BAS RANG GI RGYU MTSAN RTOGS PAR BYED DO, ,DE'I PHYIR 'DI 'BRAS BU'I GTAN TSIGS YIN PAR BSTAN PA NI GAL TE YANG GDON MI ZA BAR ZHES BYA BA'O, ,GZHAL BYA DANG LDAN PA NYID KYIS TSAD MA NYID LA KHYAB PA YIN PAR BSTAN PA NI, GZHAL BYA GNYIS LAS ZHES BYA BA'O, ,BDAG NI TSAD MA YIN LA DE YANG RTAG PA'I PHYIR, GZHAL BYA MED KYANG YOD NA JI LTAR KHYAB PA YIN SNYAM DU SEMS PAS BDAG YOD DO ZHE NA ZHES BYA BA'O, ,BDAG TZAM NI TSAD MA MA YIN GYI 'ON KYANG DE'I RNAM PAR 'GYUR BA YIN LA, DE YANG GZHAL BYA YOD NA YOD LA DE MED NA NI MA YIN NO ZHES BSTAN PA NI DE YANG ZHES BYA BA'O, ,GCIG CES BYA BA NI RANG GI MTSAN NYID DO, ,GZHAN ZHES BYA BA NI SPYI'I MTSAN NYID DO, ,RTOGS BZHIN PA THAMS CAD NI RANG GI NGO BO KHO NAS YIN GYI, GZHAN GYI NGO BOS MA YIN PA MA YIN NAM DE'I PHYIR JI LTAR DE LAS GZHAN PA ZHES JI LTAR BRJOD SNYAM DU SEMS PA LA, GZHAN GYI NGO BO RTOGS PA NYID SGRUB PAR BYED PA NI DON BYED NUS PA NI RANG GI NGO BO DMIGS PA LA'O GZHAN NI RANG GI NGO BO DMIGS PA MED NA DMIGS BZHIN PA KUN RDZOB PA'I YANG DAG PA'I RTOGS PAS RTOGS BZHIN PA'I GZHAN GYI NGO BOS DMIGS PAR 'GYUR RO ZHES BYA BA'I DON TO, ,DE DAG DE LTAR RTOGS PA NI RANG GI MTSAN NYID DANG CIG SHOS NYID DU SNGON GYI SLOB DPON RNAMS KYIS GSUNGS SO ZHES BYA BA'I DON TO, ,BAR SKABS KYI RGOL BA LA BSTAN PA NI BAR SKABS KYI TSIGS SU BCAD PA'O, ,'BRAS BU DANG, RGYU DANG, DE'I NUS PA YANG TSAD MAS RTOGS PA KHO NA YIN YANG SGYU MA LA SOGS PA BZHIN DU MED PA YIN NO ZHES BYA BA'O, ,PHYOGS SNGA MA PA'I BSAM PA NI

, ,GNOD PAR BYED PA MED NA MI RIGS SO SNYAM PAS TSAD MA CAN MA YIN PA NYID KYI PHYIR MA YIN NO ZHES BSTAN PA NI, GAL TE DON NUS PA 'GAL YANG ZHES BYA BA LA SOGS PA'O, ,BYED PA MED PA ZHES BYA BA NI DE'I RANG GI NGO BO NYAMS PA MA YIN YANG DE LA GZHAN MED NA 'BRAS BU MTHONG BA MA YIN NO, ,YUL NYUNG ZAD LA KHYAB PA NYID KHO NA KHYAB PA MA YIN PA NYID YIN LA DE YANG MNGON SUM GYI YUL MA YIN PAR BSTAN PA NI, DE YUL KHYAB MIN ZHES BYA BA'O, ,RTAG PA NYID DE DUS GZHAN DU GNAS NYID KYI NGO BO NI MNGON SUM GYI YUL MA YIN NO, ,RTAG PA MED CES BYA BA NI SKAD CIG PA LAS TE BYED PA STE BYA BA DE'I DUS NA MED PAR BSTAN PA NI SKAD CIG PA'I ZHES BYA BA'O, ,YOD PA NI SKYES PA'O, ,RANG GI NGO BO LAS BYED PA GZHAN PA MA YIN NO ZHES BSTAN PA NI, DE'I DE MA THAG CES BYA BA'O, ,'BRAS BU DE GZHAN YANG STE RGYU MA YIN PAR 'DOD PA YANG SNGA MA'I DE MA THAG PA ZHES 'KHRUL PA'O, ,THAMS CAD LTOS PA ZHES BYA BA NI 'BRAS BU DU BA NYID BOD BU LA LTOS PAR YANG 'GYUR RO, ,DE DANG 'BREL PA NI SKANG CIG DANG 'BREL PA STE RGYUN DANG NGO, ,THA DAD PA LA NI ZHES BYA BA NI RGYUN DANG RGYUN CAN DAG GI'O, ,RGYUN DE'I YANG SMRAS PA DANG, MA SMRAS PA YANG SDUD PA NI, RGYUN NYID DE LAS ZHES BYA BA'O, ,BRTAGS PA ZHES BYA BA NI RGYUN DU'O, ,DE DANG 'BREL PAS ZHES BYA BA NI RGYUN DANG NGO, ,RGYUN GYI BYED PA PO YIN PA'I PHYIR SKAD CIG MA RNAMS YOD PA GTZO BO YIN NO SNYAM DU SEMS PA NI, RGYU DANG 'BRAS BU 'BREL PA ZHES BYA BA NI RJES SU 'GRO BA TZAM GYI RGYU NYID NI RGYU DANG CIG SHOS DAG LA YANG MTSUNGS PA YOD PAR BSTAN PA NI, KHAMS GSUM GYI ZHES BYA BA'O, ,RTAG DANG CIG SHOS PHYOGS DAG NI, ,ZHES BYA BA NI RTAG PA NI LDOG PA MED PA SKAD CIG PA YIN NA RJES SU 'GRO BA'I KHYAD PAR MED DO, ,SKAD CIG PA NI RGYUN GYIS BYED, ,CES PA LA RGYUN GZHAN LA LTOS NA THUG PA MED PAR 'GYUR BAR BSTAN PA NI, GAL TE RGYUN GZHAN DAG TU NI ZHES BYA BA'O, ,'BRAS BU NYID MED PA NI RJES SU 'GRO BA NYID KYIS SO, ,SKAD CIG PA'I RGYUN YANG RGYUN GYI 'BRAS BU YIN ZHES BYA BA'I PHYOGS LA DE YANG SKAD CIG PA YIN PA'I PHYIR RGYUN GZHAN LA

LTOS PA NI THUG PA MED PAR BSTAN PA NI, GANG GI PHYIR 'DIR YANG RGYUN GYIS ZHES BYA BA STE, 'BRAS BU NYID LA BYED PA PO NI RGYU MTSAN YIN TE, SBYOR BAR BYED PA PO YIN TE DE'I STOBS KYIS 'BRAS BU NYID DU GSAL BA'I PHYIR RO, ,GZHAN PA'I 'BRAS BU YIS ZHES BYA BA NI MI SHES PA'I NGO BO'I 'TSED PA DANG, 'TSED PA LA SOGS PAS SO, ,RTZA BA'I ZHES BYA BA NI ME DANG SNGON PO LA SOGS PA'O, ,DE LTAR MI SRID PA'I MTSAN NYID BSTAN NAS KHYAB CHES PA BSTAN PA NI, SHES PA'I 'BRAS BUS ZHES BYA BA STE, RMI LAM DU MTHONG BA NI MED KYANG SHES PA LA GNOD PA MED PA KHO NA'O ZHES BYA BA'I DON TO, ,SHES PA SHES BYA'I 'BRAS BU NYID SHES PA LA MNGON SUM MED PAR BSTAN PA NI, 'DI LA'ANG ZHES BYA BA'O, ,DES SAM NI 'BRAS BU'I NGO BOS SO, ,MNGON SUM DE NYID LAS MIN TE, ,ZHES BYA BA NI 'BRAS BU STE DE ZHES BYA BA NI MNGON SUM STE 'BRAS BU'O,, SNGAR NI SHES BYA'I NGO BO RGYU YIN PA'I DUS SU'O, ,'JUG PA MIN PA NI 'BRAS BU DANG RGYU DAG MA SKYES PA NA DUS MTSUNGS PA NI MA YIN PA'I PHYIR, 'JUG PA'I SNGA ROL DU ZHES BYA BAR 'BREL TO, ,DE STE KHYOD LA 'BRAS NYID MIN TE DUS MTSUNGS PA'I PHYIR RO, ,'ON TE DE'I DUS NA 'BRAS BU DMIGS NAS RGYU NI DUS SNGA MA PAR NGES PAR BYED DO SNYAM DU SEMS PA SEL BAR BYED PA NI DE YANG ZHES BYA BA'O, ,GZHAN GYI PHYOGS RJES SU BRJOD NAS SUN 'BYIN PA NI, DE LTAR MTHAR THUG NYID MED PAR, ,ZHES BYA BA STE, 'BRAS BU DE SHES PA'I DUS NA MED PAS DE NYID KYIS SHES PA MA YIN LA, YIN NA YANG DUS MTSUNGS PA'I PHYIR 'BRAS BU NYID MA YIN NO ZHES BYA BA LA SOGS PA'I MTHAR THUG PA MED PAR RJES SU 'JUG GO ZHES BYA BA'I DON TO, ,RGYU DANG 'BRAS BU NYID NI BYED PA DANG BYA BA NYID DO, ,KA BA GCIG NYID BUM PA DANG LHAN CIG GAM, LHAN CIG MA YIN PAR SNGAR MTHONG BA NGO SHES PAS GAL TE DMIGS NA SKAD CIG PAR 'DOD PA NYAMS PAR 'GYUR RO ZHES BSTAN PA NI, DE LTAR BRTAG PAR ZHES BYA BA'O, ,SO SOR ZHES BYA BA NI SNGA MA'I NGO BO PHYI MA LA MA YIN ZHING DE LA PHYI MA YANG MA YIN NO, ,DRAN PA NI RNAM PAR RTOG PA STE THOG MA MED PA'I BAG CHAGS KYI BSKYED BYA

, ,YIN LA, NYAMS SU MYONG BA'I BAG CHAGS KYI BSKYED BYA'I DRAN PA NI JI LTAR NYAMS SU MYONG BA KHO NA LA 'JUG GI ,GCIG NYID LA MA YIN PAR BSTAN PA NI, SNGA MA DANG PHYI MA'I RTOGS PA YIS ZHES BYA BA'O, ,NYAMS SU MYANG BA 'AM NYAMS SU MYONG BA'I BAG CHAGS MED NA PHYI ROL RNAMS LA BDAG RIG PAR BYED PA PO NYID YIN NA, THAMS CAD THAMS CAD MTHONG BAR 'GYUR BAR BSTAN PA NI, GAL TE BDAG GCIG NYID YOD KYANG ZHES BYA BA'O, ,JI LTAR PHYI ROL GYI SGRUB PA LA TSAD MA DGOS PA DE BZHIN DU, BDAG KYANG NGO SNYAM DU SEMS PA 'KHRUL PA YIN PAR BSTAN PA NI BDAG LA BRTEN PA ZHES BYA BA'O, ,TSAD MA NI BDAG MED KYANG 'KHRUL PA MA YIN PAR BSTAN PA NI, BDAG LA BRTEN PA MA YIN YANG ZHES BYA BA'O, ,THOB PAR BYED PA'I SHES PA'I THOB PA NI TSAD MA NYID YIN TE, DE NI BDAG MED KYANG 'BRAS NYID LA SOGS PA BZHIN DU RJES SU 'GRO BA DANG LDOG PA'I LAS BYUNG BA'I RNAM PAR RTOG PAS RTOGS PA NYID DU BSTAN PA NI, MTHONG BA'I ZHES BYA BA'O, ,BDAG YOD NA YANG ZHES BYA BA NI TZAM GYIS ZHES BYA BA DE'I BSHAD PA'O, ,GANG RUNG NI ZHES BYA BA NI SHES PA'I'O, ,DE LTA YIN NA BDAG YOD KYANG GANG ZHIG TSAD MA YIN ZHE NA; MNGON SUM DANG NI RJES DPAG DAG ,KHO NA ZHES BYA BA SMOS SO, ,DE LTA YIN NA DE DAG KHO NAS BDAG GAM PHYI ROL GYI MI RTAG PA NYID RTOGS PAR BYED DO SNYAM DU SEMS PA LA SNGA MA DANG PHYI MA'I ZHES BYA BA SMOS SO, ,DE'I PHYIR DE DAG TZAM NI DE KHO NA NYID YIN PAR BSTAN PA NI SHES PAS MI MYONG BA'I ZHES BYA BA'O, ,'BRAS BU LA SOGS PA NYID GRUB NA RGYU'I DON LA RJES SU DPAG PA 'BRAS BU MTHONG BA YIN GYI, MA GRUB NA MA YIN NO ZHES BSTAN PA NI RJES SU DPAG PA DE YANG ZHES BYA BA STE, DNGOS LA NI 'BRAS BUR GYUR PA'AM, RGYUR GYUR PA LA MNGON SUM GYIS RIG PA MED NA MI 'BYUNG BA 'DZIN PA MED PA'I PHYIR RJES SU DPAG PA 'JUG PA MED DO ZHES BYA BAR 'BREL TO, ,RJES SU DPAG PA KHO NAS MED NA MI 'BYUNG BA RIGS PA YIN THUG PA MED PAR BSTAN PA NI, SNGON ROL MNGON SU ZHES BYA BA'O, ,'BRAS BU NYID LA SOGS PA 'BA' ZHIG MA YIN PA MA YIN ZHING,

GZUNG BA NYID LA SOGS PA YANG MA YIN PAR BSTAN PA NI, 'BRAS SOGS GZHAL BYA RE ZHIG ZHOG ,CES BYA BA'O, ,DE LTAR YANG DE DON MED PAR NUS PA MA YIN PAR BSTAN PA NI GZHI MED CES BYA BA LA SOGS PA'O, ,GAL TE 'DI NI SNGON PO'O ZHES BYA BA'I RNAM PAR SHES PA LA PHYI ROL GYI SNGON PO LA RTOG PA NA JI LTAR DMIGS PA MED PA YIN ZHE NA, SHES PA DMIGS DANG BCAS 'GYUR NA, ,ZHES BYA BA SMOS SO, ,RNAM PAR RTOG PA NI GZUNG BA DANG 'DZIN PA NYID DU MTHONG BA LA DBYE BA BYED PA YIN TE, DE MA YIN PA'I NGO BOR RIG PA MA YIN PA'I PHYIR RO ZHES BSTAN PA NI 'GRO 'DIR RGYU NYID CES BYA BA STE, GAL TE YANG MTHONG BA'I RJES SU DPAG PA'I RNAM PAR RTOG PA SNGON PO DANG DE MTHONG BA DAG GI RGYU DANG, RGYU DANG LDAN PA NYID KHO NA RJES SU 'BRANG BAR BYED PA STE, MTHONG BA LA DBYE BA MED PA'I PHYIR ZHES BYA BA'I DON TO, ,GNOD PA MED PA'I SO SOR SNANG BA'I RGYU MTSAN GYIS DMIGS PA DANG BCAS PA YIN NA RAB RIB CAN GYI SHES PA LA YANG DER SNANG BA'I GNOD PA MED PA'I PHYIR DER 'GYUR RO, ,DON MED KYANG 'BYUNG PA'I PHYIR DER MI 'GYUR RO ZHE NA YANG, DON RGYU NYID KHO NAS DMIGS PA DANG BCAS PA NYID DU BSTAN PA NI, SNANG BA TZAM GYIS ZHES BYA BA'O, ,'ON TE RGYU NYID KYANG MA NGES PA'I SNANG BA TZAM GYIS MI 'GRUB PO ZHE NA, GANG ZHIG GANG GI ZHES BYA BA'O, ,DON RGYU NYID MI 'DZIN PA'I PHYIR MI 'GYUR RO ZHES BSTAN PA'I PHYIR GZHAN GYI 'DOD PA NYID KYI 'BRAS BU DANG RGYU NYID RJES SU RJOD PAR BYED PA NI 'DI NI ZHES BYA BA'O, ,SNGON PO GZUNG BAR BYA BA NYID KYIS GSAL BAR SNANG BZHIN PA NI RGYU NYID KYIS DMIGS PA MA YIN PAR BRJOD PA YIN NA, RGYU GANG GIS RAB RIB CAN GYI SHES PAR THAL BAR 'GYUR SNYAM DU SEMS PA NI, RGYU NYID KYIS NI DMIGS PA MA YIN GYI ZHES BYA BA STE RGYU NYID TZAM GYIS MA YIN PA'O, ,RGYU NYID BZHIN DU GZUNG BYA NYID KYANG MI 'GRUB PO, ,DE'I PHYIR THAL CHES PA KHO NA YIN PAR BSTAN PA NI SNGON PO LA SOGS PA MA GTOGS PA'I ZHES BYA BA'O, ,DON GYI BYA BA BYED PA NYID DANG, CIG SHOS DAG GIS SO SOR SNANG BZHIN PA'I KHYAD PAR LAS DMIGS PA DANG BCAS PA DANG, CIG SHOS NYID KYI KHYAD PAR YIN NO SNYAM DU SEMS

, ,PA NI 'KHRUL PA NYID CES BYA BA'O, ,DON BYED NUS PA'I SHES PA NI NGO BO NYID KYIS RTOGS PAR BYED PA NI DON BYA MYONG BA ZHES BYA BA'O, ,SO SOR SNANG BZHIN PA DE NYID MYANG BYA MYONG BYED GANG YIN BA DE NI DE MYONG BA STE, DE'I 'DZIN BYED LAS GZHAN GYI SHES PA YIN NO ZHES BYA BA'I DON TO; ,DE NYID DAM SHES PA ZHES BYA BA BRTAG PA GSUM PA YIN PAR BSTAN PA NI 'ON TE DE YANG MYONG ZHES BYA BA'AM, GZHAN ZHES BYA BA'I DON GYI BDAG NYID YIN NAM CI ZHES BYA BA NI DE'I 'OG TU YANG MTHA' GSAL BAR BYED PA'I PHYIR DON BYA BA STE DON SGRUB PAR BYED PA NI THA DAD BA YIN PA'AM, DON GYI NGO BO 'AM DE'I SHES PA GZHAN GYI NGO BO YIN PAR YANG 'GYUR RO ZHES BYA BA'I DON TO, ,RGYU RNAMS NI GDON MI ZA BAR 'BRAS BU DANG LDAN PAR 'GYUR RO ZHES BYA BA'I RIGS PAS 'KHRUL PAR MNGON PAR 'DOD PA'I SHES PA LA YANG DON BYED PA MED PA TZAM GYIS, MI BDEN PA KHO NAR NGES PAR BYED PA MA YIN PAR BSTAN PA NI DE'I BYA BA DON GZHAN LA ZHES BYA BA'O, ,GAL TE GZHAN ZHES BYA BA NI GZUGS KYI'O, ,RANG MYANG BA LA YANG ZHES BYA BA NI GZUGS RIG PA LA YANG NGO, ,DE NI MYONG YANG NI REG BYA RIG PA LA YANG NGO, ,'KHRUL PA LA YANG STE RIG PA'I SHES PA LA YANG YONGS SU TSIM PAR 'GYUR RO, , DGUN SMAD KYI DUS SU MKHRIS PA'I RIMS KYIS GRANG BA'I REG PA YANG DRO BA YIN PAR SNANG BAR BSTAN PA NI GRANG BA'I DUS SU ZHES BYA BA STE, DGUN SMAD LA NI GRANG BA'I REG PAS GZHAN LA GNOD PAR MTHONG GI RIMS NAD CAN LA YANG DRO BAR TSOR BAR YOD PAS YONGS SU TSIM PAR BYED PAR BRJOD PA YIN NO; ;TSAD MAR GYUR PA NYID KYI MYONG BA NI YONGS SU TSIM PAR BYED PA YIN GYI, RANG DBANG NI MA YIN NO ZHE NA MYONG BA TSAD MA YIN NA NI ZHES BYA BA'O, ,DE LA YANG SKYON CAN ZHES BYA BA NI RAB RIB CAN GYI BLO YANG DMIGS PA DANG BCAS PA NYID DU 'GYUR RO ZHES BYA BA'O, ,YONGS SU TSIM PA BZHIN DU LHAG PAR SMOS PA YANG DE LA MYONG PAR 'GYUR BAR BSTAN PA NI DON DU MI SMOS PA ZHES BYA BA'O, ,KUN SGRUB BYED CES BYA BA NI RAB RIB CAN GYI MYONG BA YANG NGO, ,BSHAD PA YIN NO ZHES BYA BA NI MYONG BA LA GZHAN DBANG YIN GYI RANG DBANG MA YIN PAR RO, ,DE NYID BSTAN PA NI GZHAN YANG NYAMS SU MYONG BA ZHES BYA BA

LA SOGS PA'O, ,DE DAG CES BYA BA NI THUN MONG DANG THUN MONG MA YIN PA DAG GO, ,CI'I PHYIR NYAMS SU MYOD BA MED CE NA, GANG PHYIR MNGON SUM RJES DPAG GIS, ,ZHES BYA BA SMOS SO, ,GAL TE RANG GI MTHONG BA LA RJES SU DPAG PA YIN PA DE LTA NA GANG LA YIN ZHE NA SPYI'I YUL CAN NI 'DRA BA'I YUL CAN NO, ,KHYAD PAR RIG PA MIN PA NI RANG GI MTSAN NYID RIG PA MIN PA'O, ,RIG BCAS ZHES BYA BA LA RIG PA STE, TSAD MA DANG LHAN CIG 'JUG PA TSAD MA DANG LHAN CIG PA ZHES BYA BA'I DON TO, ,GANG GIS RIG CE NA RAB RIB CAN GYIS SO, ,RAB RIB CAN MA YIN PAS RIG PA NI THAMS CAD KYIS RIG PAR BYED DO ZHES PA MI RIGS PAR BSTAN PA NI RAB RIB CAN GYIS ZHES BYA BA'O, ,KA BA 'DZIN PA NI RAB RIB CAN GYI DMIGS BYA MA YIN PA'I MTSON PA'O, ,CUNG ZAD KYANG DMIGS PA MA YIN NO ZHES BYA BA'I 'OG TU GZHAN GYI DMIGS BYA ZHES RTOGS PAR BYA'O, ,MNGON SUM NYID KYIS GZHAN GYI DMIGS BYA NYID DGAG PA YIN NO ZHES BYA BAR SBYAR RO, ,JI LTA BU ZHIG CE NA GZHAN GYIS DMIGS PAR BYA BA ZHES BYA BA LA SOGS PA'O, ,YUL MA YIN PA'I PHYIR NI MI SNANG BA'I PHYIR RO, ,DE'I NI GZHAN GYI DMIGS PAR BYA BA NYID KYI'O, ,DE'I ZHES BYA BA NI GZHAN GYI DMIGS BYA YIN PA'I PHYIR DNGOS PO GZHAN GYI NGO BO'O, ,GAL TE NGES DNGOS PO'I NGO BO MI DMIGS PA DE LTA NA CI ZHIG DMIGS PAR BYED CE NA DMIGS BZHIN PA NYID CES BYA BA'O, ,DMIGS BZHIN PA NYID MA DMIGS NA DNGOS PO DMIGS PA MA YIN NO, ,DE GAL TE DMIGS NA DE KHO NA DMIGS PA YIN GYI DNGOS PO NI MA YIN NO ZHE NA GANG ZHIG CES BYA BA'O, ,RANG RANG GI DMIGS BYA NYID MA GTOGS PA MA DMIGS PA'I PHYIR DANG, DE KHO NA DNGOS PO YIN GYI GZHAN MA YIN PAR BSTAN PA NI DMIGS PA LAS THA DAD PA ZHES BYA BA'O, ,PHYI ROL GYI DON MI BYED PA NI BDE NA MOD KYI CUNG ZAD NYAMS SU MYONG BA KHO NA SNGON PO LA SOGS PA'I SNAD BA DANG, CHAGS PA LA SOGS PA MYONG PA'I NGO BO'I DON GYI BYA BA BYED KYI CUNG ZAD NI MI BYED DO ZHES NUS PA DANG, CIG SHOS DAG GIS YOD PA DANG MED PA'I RNAM PAR GZHAG PA'O SNYAM DU SEMS PA NI CI STE MYONG BA RNAMS ZHES BYA BA'O, ,PHYOGS 'DI LA RANG RIG PA'I SHES PA

, ,LA LKOG TU GYUR PA MED PAS YUL DE LA RJES SU DPAG PA MED PA'I PHYIR GNYIS NYID NYAMS PA YIN PAR BSTAN PA NI, RANG RIG TZAM GYI ZHES BYA BA'O, ,RGYUD GZHAN GYI SHES PA LKOG TU GYUR PA'I YUL DE LA RJES SU DPAG PAR 'GYUR RO SNYAM DU SEMS PA LA SHES GNYIS RGYU 'BRAS BOR YANG ZHES BYA BA SMOS SO, ,'BRAS BU MTHONG BA LAS RGYUD GZHAN GYI SHES PA RJES SU DPOG PAR BYED LA 'BRAS BU NYID KYANG 'GA' ZHIG GIS RANG GI RGYUD LA GZUNG BAR BYA BA DE YANG RANG RIG PA TZAM GYIS 'DZIN PAR MI BYED CING GZHAN RIG PA'I SHES PA NI MA YIN TE, GANG GI PHYIR DE NYID GZHAN DU 'GYUR BA NI MA YIN NO, ,'BRAS BU RIG PAR BYED PA'I DUS NA RGYU SNGA ROL DU MNGON SUM GYIS SHES PA DRAN PA LAS NYAMS SU MYONG BA'I BAG CHAGS LAS 'BYUNG NGO SNYAM DU SEMS PA LA, GAL TE RGYU NYID RJES DPAG GIS, ,ZHES BYA BA LAS SO, ,JI LTAR NYAMS SU MYONG BA DRAN PA LAS TE, DRAN PA YANG DE'I DUS NYID LA, ,ZHES BYA BA'I RIGS PAS DRAN PA SNGA ROL DU BYUNG BA MA YIN ZHING, SHES PA'I RGYU 'BRAS BU'I DUS NA MA YIN NO ZHES BSTAN PA NI DE TSE ZHES BYA BA NI DE'I DUS TE DA LTA NI MA YIN ZHES BYA BA'I DON TO, ,DE'I DRAN PA DA LTAR BA MA YIN NAM, DE'I PHYIR DE YANG DE KHO NA NYID YIN NO SNYAM DU SEMS PA LA SNGAR NI ZHES BYA BA'O, ,DE'I SHES PA DANG LDAN PA YIN YANG DE DE'I NI MA YIN NO, ,GANG GI PHYIR SHES PA YOD PA NYID KYI PHYIR SHES BYA YANG THAMS CAD DU YOD PA MA YIN PAR BSTAN PA NI, DE'I SHES DA LTAR YOD MIN NA, ,ZHES BYA BA STE DE'I SHES PA NI RGYU'I SHES PA'O, ,GANG GI TSE NA YOD PA DE'I TSE RJES SU DPOG PAR BYED PA YIN NO SNYAM DU SEMS PA LA SNGA MA NYID DU ZHES BYA BA'O, ,SNGA ROL DU MNGON SUM GYIS RIG NA RJES SU DPAG PA DON MED PAR BSTAN PA NI, MIN TE MNGON SUM GYIS RIG PHYIR, ,ZHES BYA BA'O, ,MNGON SUM GYIS RIG PA LA YANG SNGA ROL NYID NI MNGON SUM GYIS MI RIG STE, RJES SU DPAG PA'I YUL YIN NO SNYAM DU SEMS PA LA, DE LA RJES SU DPAG PA YIS, ,ZHES BYA BA'O, ,RANG RIG PA TZAM GYI NGO BO'I DRIN PA DES SNGAR GYI 'BRAS BU NYID DU SHES PAR MI BYED PAR BSTAN PA NI DES DE ZHES BYA BA'O, ,DA NI DA LTAR BA'I RTOG GE BA RNAMS DGA' BA'I

CHED DU GZHAL BYA'I RNAM RTOG BSTAN PA NI, RGYU DANG 'BRAS BU'I DNGOS PO 'DI, ,ZHES BYA BA'O, ,MED PA'I SKYE BA RTOGS NA RTA'I RVA YANG RTOGS PAR 'GYUR TE, SNGA NA MED PA ZHES BYA BA NI SKYE BA'I KHO NA'I KHYAD PAR LA KHYAD PAR MA RTOGS NA, MED PA CI LTAR KHYAD PAR DU MA BYAS KYANG SNGA NA MED PA MA YIN PAR BSTAN PA NI MTHONG BA BLO LA GNAS PA'I SKYE BA YIN NA, SNGA NA MED PA SHES PAR MI RIGS TE SKYE BA LA KHYAD PAR DU, GTAN MED PA LAS LDOG PA'I PHYIR, ,ZHES BYA BA'I DON TO, ,DE BSTAN PA NI, JI SRID SKYE BA MA YIN BA, ,ZHES BYA BA'O, ,'JIM PA'I GONG BU DANG, DBYIBS LA SOGS PA RGYUR MNGON PAR 'DOD PAR KHYAD PAR DU MA BYAS PA NYID KYI MED PA 'BRAS BUS STONG PA NYID KYI NGO BO NI RGYU RTOGS PA NYID KYI RTOGS PA DE'I PHYIR, PHAN TSUN BRTEN PA MA YIN NO SNYAM DU SEMS PA NI GAL TE 'BRAS BUS STONG PA'I ZHES BYA BA'O, ,LAN BTAB ZIN TO ZHES BYA BA NI SKAD CIG PA DANG, CIG SHOS KYI PHYOGS DAG LA RJES SU 'GRO BA DANG LDOG PA MED PAR RO, ,GAL TE YANG 'BRAS BU STONG PA'I NGO BO SNGA NA MED PA LA 'BRAS BU NI THAL CHES PA YIN YANG GTAN MED PA LA NI THAL CHES PA MA YIN NO SNYAM DU SEMS PA LA NI SNGA NA MED PA ZHES BYA BA SMOS SO, ,'BRAS BU NYID LA SOGS PA MED NA THAMS CAD MED PAR THAL BAR 'GYUR BAS RTOGS PA LA 'GAL BA YOD PA MA YIN TE, RTOGS PA NI SNGON PO LA SOGS PA NYID TZAM GYI YUL YIN PA'I PHYIR RO SNYAM DU SEMS PA LA DE'I PHYIR TSAD YOD CES BYA BA SMOS SO, ,MED PA SKYE NA THAMS CAD LAS SKYE BAR 'GYUR TE, NYE BA DANG RING BA DAG MED PA'I PHYIR RO, ,YOD NA YANG DE NYID 'BRAS BU NYID YIN PA'I PHYIR YOD PA'I 'BRAS BU YIN NO SNYAM DU SEMS PA NI JI STE YANG YOD PA NYID 'BRAS BU YIN TE ZHES BYA BA'O, ,KHA CIG TU YOD PA DANG MED PA DAG KHO NA NYE BA DANG RING BA DAG YIN GYI, GZHAN DAG NI MA YIN NO ZHES BSTAN PA NI BLTAS MNYAN ZHES BYA BA'O, ,DBANG PHYUG RGYU YIN PA'I PHYOGS LA LTOS NAS BYED PA NI MED PA LA MI SRID PA MA YIN NAM ZHES BSTAN PA NI GAL TE DBANG PHYUG CES BYA BA'O, ,DBANG PO LAS 'DAS BLO ZHES BYA BA DE'I TSE 'BRAS BU MED KYANG DBANG PO LAS 'DAS PA MTHONG BAS BZUNG BA NI RGYU NGES PA'I SBYOR BAS BYED PA KHO NA'O

, ,ZHES BYA BA'I DON TO, ,DE LTA YIN YANG MED PA LA YANG BYED PA YOD NA YOD PA'I 'BRAS BU ZHES SMRAS PA DANG DBANG PHYUG DANG BCAS PA DANG, DBANG PHYUG MED PAS CI ZHIG BYA, ,ZHES GSAL BAR BSTAN PA NI, 'DIR YANG 'BRAS ZHES BYA BA'O, ,GSAL BA KHO NAR BSHAD PA NI CI THAMS CAD CES BYA BA'O, ,DBANG PHYUG MED PA DANG, DBANG PHYUG DANG BCAS PA GSAL BAR BYED PA CIG MED PA NYID LA ZHES BYA BA'O, ,THAMS CAD YOD NA NI ZHES BYA BA NI DBANG PHYUG DANG BCAS PA DANG, CIG SHOS DAG LA MTSUNGS SO, ,LAN DU PHYOGS GNYIS LA MTSUNGS PAR BSTAN PA NI THAMS CAD KYI TSE ZHES BYA BA'O, ,'BRAS BU'I YOD PA DANG MED PA NYID BRTAG PAR BYAS NAS RGYU'I BRTAG PA BYED PA NI MED PA'I RGYU LAS TE ZHIG PA LAS SO, ,SNGA NA MED PA ZHES BYA BA NI 'BRAS BU'I SNGA ROL DU ZHIG PA'I PHYIR SNGA NA MED PA NI RGYU'I'O, ,'DI RNAMS NI SNGAR MA BYUNG PA RGYUR 'DOD PA RNAMS KYI'O, ,YOD PA NI RANG GI DUS BZHIN DU PHYIS KYANG RGYU MA YIN LA, MED PA NI SNGAR BYUNG BA BZHIN DU RGYU RNAMS SU 'GYUR RO ZHES BYA BA'I DON TO, ,GANG BYUNG 'DI RNAMS DE BYED PA, ,ZHES BYA BA'I RIGS PA BSTAN PA NI, DE STE RANG BZHIN BYED YIN NA, ,'BRAS BU 'BYUNG BA'I DUS SU YIN GYI, RGYU'I NI MA YIN NO ZHES BYA BA'I RIM PA'O, ,DE'I PHYIR 'DI LA DUS MTSUNGS PA YIN NO ZHES BYA BA'I SKYON MED PA STE, 'BRAS BU'I DUS NI MED PA NI RGYU NYID DU MA RIG GIS PA YIN LA, DE'I DUS SU YOD PA YANG RGYU NYID JI LTAR YIN, RGYU BZHIN DU RE BA MED PA'I PHYIR RO ZHES DGONGS PA'O, ,SNGON ROL SNANG BA'I SHES PA RES 'GA' BA NI DBANG PO LA SOGS PA LA MED PA'I RGYU RANG DANG RJES SU MTHUN PA RTOGS PAR BYED PA MA YIN NAM ZHES THE TSOM ZA BA NI JI STE YANG SHES PA'I ZHES BYA BA NI SNGA MAR ZHES BYA BA NI SNGA ROL TU BYUNG BA STE, 'BRAS BU DE NYID NI RJES SU DPAG PAS RTOGS PA'I DON GYIS YOD PA'I 'BRAS BU NI DE'I NGO BO STE, RJES SU DPAG PAS NI 'DI RTOGS PAR MI BYED DE MNGON SUM GYI YUL YIN PA'I PHYIR ZHES BYA BA'I DON TO, ,RTOGS BZHIN PA'I MNGON SUM GYI 'BRAS BU 'DI NI DE MED NA MI 'BYUNG NGO ZHES LDOG PA LAS DON GRUB PA YIN TE, 'DI RJES SU DPAG PA

PAR BYA BA NI MA YIN TE, MNGON SUM PA YIN PA'I PHYIR MNGON SUM GYI YANG MA YIN TE, DE MED NA ZHES RTOGS PA YIN TE, LKOG TU GYUR PA'I PHYIR ZHES BYA BA NI GNAS SKABS KYI DON TO, ,RJES SU DPAG PAS KYANG RANG GI NGO BO RTOGS PA MA YIN TE, MNGON PAR ZHEN PA TZAM YIN TE ZHES BSTAN PA NI RTOGS PAR GYUR PA ZHES BYA BA'O, ,DNGOS PO'I NGO BO GNYIS LA GSAL BA NI MNGON SUM GYI YUL YIN LA, MI GSAL BA NI RJES SU DPAG PA'I YUL YIN NO SNYAM DU SEMS PA NI RNAM PA MI GSAL BA ZHES BYA BA'O, ,MNGON SUM GYI NGO BO'I BDAG NYID KHO NA CIG SHOS KYANG NGO ZHES MNGON SUM LA NGO BO GNYIS SU SNANG BAR 'GYUR RO ZHES BSTAN PA NI MNGON SUM DE ZHES BYA BA'O, ,GAL TE YANG GNYI GA LAN CIG SNANG BA MA YIN TE TSU ROL DANG PHA ROL GYI CHA BZHIN DU RIM GYIS RTOGS KYANG MNGON SUM KHO NA YIN PAR BSTAN PA NI RANG BZHIN GNYIS NI ZHES BYA BA STE, RJES SU DPAG PA YANG MI GSAL BA'I DNGOS PO'I NGO BO LA REG PAS MNGON SUM NYID DU 'GYUR RO ZHES BYA BA'I DON TO, ,KHYAD PAR GYI DBANG GIS NI THAG RING BA DANG NYE BA DAG GI'O, ,NGO BO GNYIS LAS LHAG PA'I DNGOS PO'I NGO BO NYID RTOGS PA MA YIN PAR BSTAN PA NI GAL TE KHYAD PAR THA DAD PAS ZHES BYA BA'O, ,RJES SU DPAG PAS ZHES BYA BA NI MNGON SUM BZHIN DU DNGOS PO'I NGO BO SNANG BA'I PHYIR SHES PA DBANG PO LAS SKYES PAR 'GYUR RO, ,DBANG PO LA SOGS PA RTAG TU RJES SU DPAG PAR BYA BA, RJES SU DPOG BZHIN PA NA DBANG PO DANG 'BREL PA MA YIN PAR RJES SU DPOG PAR BYED PA JI LTA BA DE KHO NA BZHIN DU 'JUG PA'I YUL 'DI LA YANG RJES SU DPOG PAR BYED PA MA YIN NO SNYAM DU SEMS PA NI JI STE DBANG PO DANG 'BREL PA ZHES BYA BA'O, ,RTAG TU RJES SU DPOG PA BZHIN DU RJES SU DPAG PA'I YUL GZHAN YANG 'JUG PA'I YUL MA YIN PAR 'GYUR BA DE'I PHYIR, 'JUG PAR BYED PA MA YIN PA'I RJES SU DPAG PA TSAD MAR 'GYUR BA MA YIN PAR BSTAN PA NI, DE LA 'JUG PA DON MED YIN, ,ZHES BYA BA'O, ,RTAG PA'I RJES SU DPAG PA NI 'JUG PAR BYED PA'I RJES SU DPAG PA LA MKHO BA NYID DU 'DOD PA YIN LA DE MIN NA DER YANG MI 'GYUR RO ZHES BYA BA'I DON TO, ,GAL TE SANGS RGYAS PA'I YANG MNGON SUM NI RANG GI YUL

, ,'DAS PA DANG MA 'ONGS PA RIG PA MA YIN TE, RANG GI DUS KYI YUL CAN YIN PA'I PHYIR RO ZHES ZER BA NI GAL TE ZHES BYA BA'O, ,GAL TE 'DI NI KHYED LA YANG ZHES BYA BA'O, ,DE LTAR ZHES BYA BA NI 'DAS PA LA SOGS PAR SNANG BA'I SHES PA'O, ,DE'I NI SANGS RGYAS PA'I'O, ,GZHAN LAS KYANG ZHES BYA BA NI BAG CHAGS LA SOGS PA LAS KYANG NGO, ,MTHONG BA'I ZHES BYA BA NI DA LTAR BA'I RTAGS TE, DUS GZHAN GYI RTAGS CAN GYIS KHYAB PAR BYED CES BYA BA'I SHUGS KYIS DE'I DUS NA BSGRUB PAR BYA BA YOD PA YIN NO, ,GAL TE SHES PA ZHES BYA BA NI RJES SU DPAG PA'O, ,JI LTAR RNAM PAR 'JOG PA ZHES BYA BA NI DE SHES NA ME'I SHES PA SKYED PAR BYED PA'I GZHAN DU NI MA YIN ZHES BYA BA NI DU BA LA SOGS PA'O, ,DE LA ZHES BYA BA NI RJES SU DPAG PA'I SHES PA LA'O, ,SNGA MA'I NGO BO NYID KYIS RTOGS BZHIN PA, ,ZHES BYA BA NI RJES SU DPAG PAS SO, ,DE NI MI MTHONG BA NYID DO ZHES BYA BA NI RJES SU DPAG PAS MNGON PAR ZHEN PA'I BYA BA CAN YIN PA'I PHYIR RO, ,RTOGS PA MED PA NYID CES BYA BA NI RANG GI NGO BOR RO, ,LKOG TU GYUR PA NYID DU ZHES BYA BA NI RANG GI NGO BOR MA RTOGS PA KHO NA DON LKOG TU GYUR PA NI THE TSOM MO, ,DE NI MNGON SUM NYID CES BYA BA NI DON GYI NGO BO YIN PA'I PHYIR RO; ;THE TSOM 'BREL PA'ANG YOD MA YIN, ,ZHES BYA BA NI RANG GI NGO BOR RJES SU DPAG PAS BDAG NYID THAMS CAD NGES PA LA THE TSOM ZA BA NI MI RIGS LA MNGON SUM GYIS MTHONG BA LA NI NGES PA'I BDAG NYID MA YIN PA'I PHYIR THE TSOM ZA'O, ,SKAD CIG PA LA SOGS PA LA NI THAL BA LAS ME RJES SU DPOG PA NA ZHIG PA KHO NA YIN NO ZHES BYA BAR 'GYUR RO, ,MNGON SUM NYID YIN NA LKOG TU GYUR PA NYID MA YIN PAR BSTAN PA NI, DES NA LKOG TU GYUR PA'I DON GYI YUL CAN ZHES BYA BA'O, ,DE NYID KYI PHYIR ZHES BYA BA NI NUS PA NYID KHO NAR DMIGS KYIS BSAL BAR BYED PA'O, ,NUS MED NA ZHES BYA BA NI RANG GI NGO BO MA YIN ZHES BYA BA'I DON TO, ,'BAD PAS DU BA LAS LDANG 'DOD PA'I, ,SNYAN DANG GAS MKHAN PO RNAMS KYI GTZO, ,RTZOD DANG SKYON DNGOS LAS NI RGYAL BA'O, ,RGYAL BA CAN DAG GO BAR 'GYUR, ,NUS MTHONG ZHES BYA BA'I LAN BSTAN PA'I PHYIR SNGA MA'I PHYOGS KYANG MTHONG BA'I YUL KHO NA LA MA YIN NAM, DE'I

PHYIR MNGON SUM GYI NGO BO'I MTHONG BA MED CES BYA BA KHO NA RIGS PAR 'OS PA YIN NO SNYAM DU SEMS PA LA 'DI LTAR SA BON LAS ZHES BYA BA STE, MTHONG BA ZHES BYA BA RANG GI NGO BO'I YUL CAN MA YIN MOD KYI 'ON KYANG NUS PA'I YUL CAN YIN LA DE NI MNGON SUM MA YIN NO, ,DES NA 'DI MTHONG PA NI RTOGS PA'I TSIG YIN PAR JI SKAD BSTAN PA STE, RGYU LA SOGS PA LA 'JIG RTEN PA'I RTOGS PA YOD DO ZHES BYA BA'I DON TO, ,RNAM PAR DBYE BA MED PAR ZHES BYA BA NI MTHONG BA DANG 'DRA BAR MTHONG BA ZHES NYE BAR BTAGS PA'O, ,LHAG PAR MOS PA NI BSTAN PA'I RNAM PAR RTOG PA'O, ,RNAM PAR RTOG PA NYID NI PHAL CHER 'JIG RTEN PA THA SNYAD DU BYED PA YIN PAR BSTAN PA NI DNGOS 'DI BDAG GIS DRAN PA ZHES BYA BA STE, KHYIM NAS BYUNG NAS SLAR KHYIM DU 'ONG BA NI, DRAN PA'I NGO BO'I LHAG PAR MOS PA'I DBANG GIS SO ZHES BYA BA'I DON TO, ,RNAM PAR GZHAG PA THAMS CAD KYI, ,ZHES BYA BA NI 'BRAS BU DANG RGYU DANG GZUNG BYA DANG 'DZIN BYED KYI NGO BO LA SOGS PA RNAMS KYI STE, MNGON SUM NI RANG GI NGO BO RIG PA TZAM GYI MTHAR THUG PA YIN PA'I PHYIR RO, ,SGYU MA LTA BUR MA BRTAGS NA NYAMS DGA' BA'I MNGON SUM GYIS RTOGS PA NYID KUN RDZOB CES 'CHAD PA NI, GANG GIS RANG GI NGO BO YIS, ,GZHAN GYI NGO BO SGRIB BYED PA, ,ZHES BSTAN PA'I KUN RDZOB KYI MTSAN NYID DANG 'GAL BA CAN YIN PAR BSTAN PA NI, BSAM PA NI ZHES BYA BA'O, ,MA BRTAGS NA ZHES BYA BA NI TSAD MA CAN MA YIN PA'I RTOGS PA'I DON ZHES BYA BA'I DON TO, ,ME MA DMIGS NA MI DMIGS PA'I DU BA MI DMIGS PA NI ME DMIGS NA DMIGS SO ZHES BYA BA'I MNGON SUM DANG, MI DMIGS PA LNGA PO 'BRAS BU DANG RGYU NYID KYI DNGOS PO RNAMS DANG MTHUN PA'I RNAM PAR RTOG PA SKYED PA'I RNAM PAR GZHAG PAR BYED PA MA YIN NAM SNYAM DU SEMS PA LA 'DI LTAR RGYU DANG 'BRAS BU'I RTAGS NI ZHES BYA BA STE, RE ZHIG MNGON SUM DANG MI DMIGS PA RNAMS MNGON SUM GYI NGO BO STE, RANG GI YUL RNAMS LA 'BRAS BU DANG CIG SHOS NYID KYIS SBYOR PAR BYED PA MA YIN TE, SBYOR BAR BYED PA'I BDAG NYID MA YIN PA'I PHYIR RO, ,RJES SU DPAG PA'I NGO BO YANG RJES SU DPAG PA LA 'BREL PA 'DZIN PAR BYED PA MA YIN PAR BSTAN PA NI DE BZHIN RJES DPAG GI

, ,ZHES BYA BA'O, ,GNYI GA 'DZIN PA TZAM GYI BYA BA CAN YIN PA'I PHYIR RO ZHES BYA BA NI SBYOR BAR MI BYED PA'I BDAG NYID YIN PA'I PHYIR RO, ,'DI'I DE MA THAG TU ZHES BYA BA NI MNGON SUM NYAMS SU MYONG BA LAS BYUNG BA'I RNAM PAR RTOG PA'I BSAM PA RGOL BA'O, ,'DI LTAR 'DI NYID LAS BYUNG BA'AM ZHES BYA BA LA SOGS PA NI, GZHAN DANG 'BREL PA DANG MA 'BREL PA DANG, SHIN TU MA 'BREL PA RNAM PAR GCOD PA LA RIM PA JI LTA BA BZHIN DU MTHONG NGO, ,MNGON SUM GYI RJES LAS BYUNG BA'I RNAM PAR RTOG PA NI MNGON SUM GYIS MTHONG BA'I CHA TZAM GYI RJES SU 'BRANGS PAR BYED PA YIN GYI KHYAB PA NI MA YIN NO ZHES BSTAN PA NI, DA LTAR YANG ZHES BYA BA'O, ,NGES PA MED PA'I PHYIR ZHES BYA BA NI KHYAB PA MED PA'I PHYIR RO, ,'DI LAS BYUNG BA NYID DO ZHES NGES PAR BZUNG BA YANG MA YIN TE ZHES BYA BA 'DI NI MA 'BREL PA RNAM PAR GCOD PA BSTAN CING SHIN TU MA 'BREL PA RNAM PAR GCOD PAR BSTAN PA YANG; 'DI LAS ZHES BYA BA LA SOGS PAS SO, ,MI DMIGS PA LAS BYUNG BA'I RNAM PAR RTOG PA'I BSAM PAS ZER BA NI JI LTAR DE MED NA ZHES BYA BA'O, ,MI DMIGS PA NI MNGON SUM LAS GZHAN PA YANG YIN LA, RJES SU DPAG PA YANG YIN NO ZHES BYA BA'I PHYOGS LA BSTAN PA NI DE LTA BUR GYUR NA ZHES BYA BA'O, ,GZHAN MA YIN ZHES BYA BA NI GZHAN PA MA YIN BA STE MNGON SUM NYIS YIN TE, GZHAN DMIGS PA NI MI DMIGS PA YIN PA'I PHYIR RO, ,MNGON SUM LA BRJOD PA'I ZHES BYA BA NI MNGON SUM LAS BYUNG BA'I RNAM PAR RTOG PA BRJOD PA'O, ,GAL TE RJES SU DPAG PA YIN NO ZHES BYA BA DE DAG TZAM NI RGOL BA YIN TE, RJES SU DPAG PAS GZHAN TSOL NA THUG PA MED PAR BSTAN PA NI RJES SU DPAG PA THUG PA MED PAR YANG 'GYUR RO ZHES BYA BA'O, ,YUL DANG DUS NGES PA'I MNGON SUM LAS BYUNG BA'I RNAM PAR RTOG PA NI YUL NGES PA LA SOGS PAR MNGON PAR ZHEN PAR MI BYED LA, MED PA LAS KYANG MA YIN TE, YUL LA SOGS PA NGES PA MED PA'I PHYIR RO SNYAM DU SEMS PAS ZER BA NI, 'ON TE DNGOS PO MED PA'I ZHES BYA BA STE, YOD PA'I DNGOS PO BZUNG NAS NI, ,MI MTHUN PHYOGS DAG DRAN BYAS KYANG, ,YID KYI MED PA'I SHES PA NI, ,DBANG PO LA LTOS MED PAR

'BYUNG, ,ZHES BYA BA'I RIGS PAS, YUL LA NGES PA NYID KYI DNGOS PO NGES PA LA DNGOS PO MED PA'I TSAD MAS BSTAN TO ZHES BYA BA'I DON TO, ,DE YOD NA YOD PA'I RTAGS YIN LA DE LAS KYANG RTAGS GZHAN LA DE'I 'BRAS BU NYID DU SHES PA NI, 'BREL PA 'DZIN PA LA LTOS PA'I PHYIR RJES SU DPAG PA NI MA YIN LA GNOD PA CAN MED PA'I PHYIR TSAD MA NI YIN NO, ,DPYOD PA ZHES BYA BA'I TSAD MA YIN PA NI YUL DANG DUS LA SOGS PA NGES PA CAN DU 'JOG PAR BYED DO SNYAM DU SEMS PA NI DPYOD PA'I TSAD MAS RTOGS PAR BYA BA'O, ,NGES PA'I MTSAN NYID CES BYA BA NI DE YOD NA YOD PA'I RTAGS LAS RTAGS CAN GYI DBYE BA GSAL BA NI DE'I 'BRAS BU RTOGS PA ZHES NGES PAR RTOGS PA YIN NO, ,GANG GI PHYIR DU BA NI ME NYID LAS BYUNG BAR LAN CIG MA YIN PAR DMIGS PA YIN GYI, GZHAN LAS NI MA YIN NO ZHES BYA BA'I GZHAN DU MI 'THAD PA 'DIS ME LA NGES SO ZHES NGES PA'I SHES PA NI DON GYIS GO BA LAS ZHES BYA BA'I DON TO, ,DE YOD PA NYID NA YOD PA ZHES BYA BA'I KHONGS SU GTOGS PA'I NGES PA CAN NI RTAGS YIN LA, DE TZAM NI MA YIN TE 'KHRUL PA'I PHYIR RO, ,GAL TE DE 'GRUB BA NA GZHAN RTAGS CAN MA YIN ZHING TSAD MA GZHAN PO DPYOD PA'AM DON GYIS GO BA YANG MA YIN NO ZHES BSTAN PA NI, GAL TE RGYU DANG 'BRAS BU YI, ,ZHES BYA BA'O, ,DE LAS 'BYUNG BA ZHES BYA BA NI DE KHO NA LAS NGES PA CAN KHONGS SU GTOGS PA'O, ,DE LA SKYON NI ZHES BYA BA NI DE KHO NA LAS ZHES BYA BA'I NGES PAS KHYAB PO, ,MNGON SUM GYIS MA YIN ZHING DE LAS BYUNG BA'I RNAM PAR RTOG PAS KYANG MA YIN TE, YUL DANG DUS NGES PA'I PHYIR RO, ,DE KHO NA LAS BYUNG BA'I PHYIR GZHAN GYI 'BRAS BU NYID MA YIN DU ZIN KYANG, DE NYID NI GZHAN NO SNYAM DU SEMS PA LA, DE YANG YUL NGES PA LA SOG PA'I SBYOR BA MI BYED PA'I MNGON SUM GYIS MA RTOGS PA NYID DU BSTAN PA NI NGES PA CAN ZHES BYA BA STE KHYAB PAS SO, ,'ON TE DE YOD NA 'BYUNG BA TZAM NI RTAGS YIN LA, DE YOD NA YOD PA KHO NA NI RTAGS CAN NO SNYAM DU SEMS PA NI GAL GE NGES PA NI DPYOD PA'AM ZHES BYA BA'O, ,DE TZAM GYI NGES PA CAN KHYAB PA'I MNGON SUM GYIS KHYAB PA MA YIN PAR BSTAN PA NI GAL TE DA LTAR ZHES BYA BA'O, ,MA KHYAB PA LAS

, ,RTOGS PA NI NGES PA CAN MA YIN NO ZHES BSTAN PA NI 'O NA BUM PA ZHES BYA BA'O, ,LAN CIG MA YIN PAR LHAN CIG TU DMIGS PA RNAMS KYANG 'KHRUL PAR MTHONG BA'I PHYIR MA MTHONG BA LA YANG YID CHES PA MED DO, ,MA MTHONG BA LA NI YUL DANG DUS LA SOGS PA BSKAL PA RNAMS KYI MED PA NYID DU SGRUB PAR BYED PA MA YIN PAR BSTAN PA NI 'O NA NI 'DI NYID KYIS ZHES BYA BA STE, YID BRTAN DU MED PA'I YUL LA YANG YID CHES PA NI RING PO MTHONG BA MA YIN PA RNAMS KYI KUN RDZOB PA NYID YIN GYI, TSAD MA CAN MA YIN PAR BSTAN PA NI NUS PA RTOGS PA ZHES BYA BA STE, 'BYUNG BAR 'GYUR BA GNOD PAR BYED PA MED PA NI GNOD PA CAN MA 'ONGS PA MA YIN PA'I PHYIR, DE'I YUL LA THE TSOM ZA BA YIN NO ZHES BYA BA'I DON TO, ,YID MI CHES PA DANG YID CHES PA'I RTOGS PA DE NYID LA BRTEN NAS SNGAR MTHONG BA NGO SHES PA'AM DRAN PA 'BYUNG BA TSAD MA MA YIN PA'I RTOGS PA 'PHEN PA YIN PAR BSTAN BA NI, NGO SHES SNGAR GYI MTHONG BA DANG, ,ZHES BYA BA'O, ,DE LTAR ZHES BYA BA NAS KUN RDZOB CES BYA BA'I BAR GYIS DGOS PA BSTAN NAS GSUNGS SO ZHES BYA BA NI 'DOD NA ZHES BYA BA LA SOGS PA'O, ,JI LTAR DE LTAR ZHES BYA BA 'DIS NI GANG YANG RUNG BA'AM DE ZHES BYA BA BZHIN DU MA GUS PA'I TSIG NI MA YIN TE, 'ON TE KUN RDZOB JI LTA BA DE BZHIN DU GZHAG GI TSAD MA'I 'JUG PAS DKRUGS PAR MA BYED CIG CES RNAM PAR DBYE BA'I TSIG GO, ,GANG GI PHYIR TSAD MA 'JUG PAR BYED NA KUN RDZOB KYI 'BRAS BU NYID LA SOGS PA 'JIG PAR 'GYUR TE, RNAM PAR DBYE BA MED PA'I PHYIR RO ZHES BSTAN PA NI 'JIG RTEN GYI THA SNYAD CES BYA BA'O, ,DE LTA YIN NA SKAD CIG PA MA YIN PA NYID LA SOGS PA YANG RTOGS PAS GRUB PA, THA SNYAD PA KHO NA YIN NO SNYAM SEMS PA LA, GNOD PA NYID KYI PHYIR MA YIN NO ZHES BSTAN PA NI SMOS PA'I RNAM PAR DBYE BA TZAM GYIS ZHES BYA BA STE, MI SMOD PA'I RNAM PAR RTOG PA NI MOS PA YIN GYI, SKAD CIG PA YIN PA'I RNAM PAR RTOG PA NI 'BRAS BU NYID LA SOGS RNAM RTOG PA BZHIN DU MI SMOD PA MA YIN NA, SKAD CIG PA NYID KYI RNAM PAR RTOG PA NI MA SMAD PA YIN YANG TSAD MAS MA DPYAD PAS BSGOM PAR BYA BA KHO NA ZHES BYA BA'I DON TO, ,TSAD MA DANG TSAD MA MA YIN PA

DANG; 'BRAS BU DANG CIG SHOS NYID LA SOGS PA'I DBYE BA'I RNAM PAR RTOG PA NYAMS SU MYONG BA MED NA, SGOM PA PO MED PA'I PHYIR SGOM PA LA SOGS PA MED DE, RNAM PAR RTOG PA'I BAG CHAGS LAS BYUNG BA NYID KYI PHYI MA ZHES BSTAN PA NI, 'JIG RTEN GYI THA SNYAD KYI RGYUR ZHES BYA BA'O, ,SNGON PO LA SOGS PA MED PA'I PHYIR DE LAS THA MI DAD PA'I SHES PA MED PA NI KUN RDZOB YIN TE, 'JIG RTEN GYI THA SNYAD KYIS YONGS SU TSIM PAR BYED PA'I PHYIR, DE'I MNGON PA'I NGA RGYAL DU YOD PA YIN PA'I PHYIR 'GA' BA MED DO ZHES DBU MA PA'I 'DOD PA BSTAN PA NI SNGON PO LA SOGS PA ZHES BYA BA'O, ,GZHAN LA YANG ZHES BYA BA NI SAD PA'I GNAS SKABS NA YANG BAG CHAGS TZAM LAS BYUNG BA'I SHES PA NI BYA BA MED PA YIN NO, ,RANG RIG PA'I MNGON SUM LAS BDEN PA'I SHES PA LAS THA MI DAD PA'I SNGON PO LA SOGS PA NI DE'I BDAG NYID DU YOD PA YIN GYI, SKYE BA LA SOGS PA NI DE LTA MA YIN PA'I PHYIR MI BDEN PA'I KUN RDZOB YIN TE, SNGA MA DANG PHYI MA'I MNGON SUM LAS BYUNG BA'I RNAM PAR RTOG PAS RTOGS PA'I PHYIR YOD DO ZHES BYA BA NI RNAL 'BYOR SPYOD PA PA'I LTA BU BSTAN PA NI YANG NA SKYE BA LA SOGS PA ZHES BYA BA'O, ,DE 'DI LTAR TSAD MA DANG 'JIG RTEN GYI THA SNYAD LA LTOS NAS, YOD PA DANG MED PA DAG LA 'GAL BA MED PA LA, 'GREL PA BYED PA PO'I 'GAL BAR SMRA BA NI, MA NGES PA NYID YIN PAR BSTAN PA NI JI STE KUN RDZOB CES BYA BA NI ZHES BYA BA'O, ,SKYE BA YOD PA MA YIN NO ZHES BYA BA NI SKYE BA MED PA'O, ,DE MA THAG PA'I RGYU NI 'BRAS BU LAS SNGA ROL NA YOD PA MA YIN TE, 'DAS NAS YUN RING SU DON PA YIN LA MED PA YIN YANG GANG KHO NA DE MED PA'I DUS NA YOD PA DE KHO NA RGYU YIN TE, DE MA THAG PA YIN PA'I PHYIR RO, ,SNGA MA NI MA YIN TE, YUN RING BA'I PHYIR RO SNYAM DU SEMS PA LA SKAD CIG GI DNGOS PO ZHES BYA BA'O, ,DRI LA SOGS PA'I MTSAN NYID KYANG GZUGS KYI 'BRAS BU LA GZUGS KYI SKAD CIG PA BZHIN DU DE MA THAG PA YIN PA'I PHYIR, RGYUR 'GYUR PA ZHIG NA RJES SU 'GRO BA DANG LDOG PA DAG MED PA'I PHYIR MA YIN NO ZHES BYA BA 'DI YANG, 'DAS NAS YUN RING DU LON PA PAR DU CHOD PA LA YANG MTSUNGS PA YIN TE, DON GYIS NUS PA MED PA RNAMS LA DE MA THAG PA RNAM LA DOGS PA MED DO ZHES BYA BA'I RIGS PAS DE MA THAG PA NYID

, ,KYI RGYU YIN NA, DRI LA SOGS PA RGYU MA YIN PA NYID KYIS THA DAD PA NYID MA GRUB PO ZHES BSTAN PA NI, 'DI NI ZHES BYA BA'O, ,RNAM PAR RTOG PA'I RTOGS PA LA DE MED PA'I PHYIR RTOGS PA MED PA CAN GYI SHES PA YIN LA, DES GRUB PA NI MA BRTAGS PAS GRUB PA YIN NA TSAD MAS GRUB PA NYID JI LTAR KUN RDZOB YIN ZHES BSTAN PA NI BRTAG PA ZHES BYA BA STE, TSAD MA CAN MA YIN PA'I RTOGS PA NI KUN RDZOB STE, SGYU MA LA SOGS PAS BSTAN PA ZHES BYA BA'I DON TO, ,RTOGS PA GANG LA TSAD MA RJES SU 'JUG PA DE NI KUN RDZOB MA YIN ZHES BSTAN PA NI BSTAN BCOS BYED PA'I ZHES BYA BA'O, ,RANG RIG PA LAS PHYI ROL GYI TSAD MA DANG, CIG SHOS KYI RNAM PAR DBYE BA NI KUN RDZOB KHO NA YIN TE, PHYI ROL GYI DON LA LTOS PA YIN NO ZHES BSTAN PA NI TSAD MA DANG CHAD MA MA YIN PA ZHES BYA BA'O, ,THOB PA ZHES BYA BA NI SKYE BA SKYE BZHIN PA LAS THA MI DAD PA'I PHYIR THOB PA STE, PHRAD PA'I MTHAR THUG PA'I NGO BO'O, ,GANG LA LTOS NAS SGRUB BYED KYI SHES PA TSAD MA YIN PA DE SHES PA GZHAN YIN PAR BSTAN PA NI THOB PA ZHES BYA BA STE, GAL TE SHES PA SNGA MAS DON RIG PA YIN NA SHES PA PHYI MA DON MED PA YIN LA, DE DAG TZAM RTOGS PAR BYED PA YIN PAS CI'I PHYIR LTOS PA YIN, LHAG PAR RTOGS PAR BYED PA NYID YIN PAS SNGA MA PA NI YUL GZHAN PA MI SLU PA DANG, CIG SHOS KYI SHES PA GZHAN 'JUG PA NI, RANG GI DON SHES PA'I TSAD MA NYID MA YIN NO, ,DE LTA MOD KYI RANG GI YUL RNAM PAR 'JOG PA NI MA YIN NO, ,RTOGS PA'I NGO BO NYID KYIS NI YUL RNAM PAR 'JOG PAR BYED PA YIN GYI RTOGS PA GZHAN RANG GI YUL RNAM PAR GZHAG PA BYED PAS NI MA YIN NO, ,GAL TE DE LTA YIN NA RTOGS PA GZHAN YANG DE LAS GZHAN PA'I RNAM PAR GZHAG PA'I YUL LA YIN ZHING, DE YANG DE BZHIN NO ZHES MTHAR THUG PA MED PA'I PHYIR RO, ,GANG DU YANG RANG GI YUL RNAM PAR GZHAG PA MED PA'I PHYIR RO, ,SHES PA MA LUS PA TSAD MA MA YIN PAR THAL BAR 'GYUR RO, ,CI'I PHYIR THOB PA DON DU GNYER BAR 'GYUR, ,ZHES BYA BA NI, DE LTA BU NYID DMIGS PA NYID KYIS YANG TSAD MA NI DON MED DO ZHES BYA BA'I DGOS PA'O, ,BLO THAMS CAD TSAD MA YIN PAR NI MI RIGS PA

PA YIN NAM, GZHAN NYID DU GRUB PA'I PHYIR YANG, TSAD MA'I SKABS DANG ZHES PA YOD DO ZHES BYA BA'I RIGS PA DANG, GNOD PA CAN NYID TSAD MA YIN PA'I PHYIR DANG, GNOD PA CAN YANG RANG GI NGO BO LA GNOD PAR BYED PA MA YIN TE, RTOGS BZHIN PA YIN PA'I PHYIR RO, ,THOB BYA LA NI GNOD PA YIN TE; DE'I TSAD MED PA'I PHYIR DE'I YUL MA YIN PA SNGA MA DE'I GNOD PAS GNOD BYAR CI LTAR 'GYUR, PHRAD PA'I MTHAR THUG PA THOB PA'I TSAD MA NYID NI, GNOD BYA GNOD BYED KYI YUL MTSUNGS PA NYID DE YANG BKAG PA YIN TE, RANG GI DUS TZAM YUL YIN PA'I PHYIR RO SNYAM DU DGONGS PA'O, ,'DI NI ZHES BYA BA NI GZHAN NO, ,DES ZHES BYA BA NI SNGA MA'I SHES PAS SO, ,DE LTAR NA YANG ZHES BYA BA LA SOGS PA NI LAN YIN TE, THAMS CAD LA YANG GZHAN 'GA' ZHIG THOB PA YOD PA'I PHYIR RO, ,DE LTA NA YANG TSAD MA DANG TSAD MA MA YIN PA'I RNAM PAR DBYE BA MED DO ZHES BSTAN PA NI DE'I PHYIR DON DAM PA ZHES BYA BA'O, ,GZHAN PA TZAM NI YUL MA YIN MOD KYI, 'ON KYANG MNGON PAR 'DOD PA'I PHRAD PA'I MTHAR THUG PA THOB PA NI TSAD MA YIN NO ZHES 'JIG RTEN PA 'DOD PA YIN NO ZHE NA, DE LTA YIN NA DE KUN RDZOB PA NYID YIN PAR BSTAN PA NI KUN RDZOB TU CI LTA BA DE LTA YIN DU ZAD DO ZHES BYA BA'O, ,CI'I PHYIR MNGON PAR 'DOD PA YIN ZHE NA, DES NA DNGOS PO'I DE KHO NA NYID CES BYA BA STE, GANG ZHIG JI LTA BA YIN PA DE DE NYID YIN PAR NI KUN RDZOB YIN ZHES RNAM PAR DBYE BA YIN PA DE LTAR DE DE NYID YIN NO, ,SPYI LA YANG ZHES BYA BA NI, DPYID KYI DUS SU BRAM ZE ME RNAMS BSTEN PA DANG, BRAM ZE LA SBYIN PA ZHES BYA BA LA SOGS PA'I DON BYED PA NI SPYI LA SOGS PA THAMS CAD LA YANG YOD PA'I PHYI ROL GYI DON BYED PA YOD PA MA YIN ZHES BSAM PAR BYA'I, MED PA LA NI MA YIN NO ZHES BSTAN PA NI BLO LA ZHES BYA BA STE, 'DI LA BLO'I MTSAN NYID DANG LDAN PA NYID YOD PA MA YIN TE, RJES SU 'GRO BA DANG LDOG PA'I RJES SU BYED PA'I BLO NI YOD PA YIN TE, GZUGS LA SOGS PA'I BLO BZHIN NO, ,'BAD PA LA SOGS PA TZAM LAS BYUNG BA SPYI'I BLO NI MA YIN TE, MIG LA SOGS PA TZAM LAS BYUNG BA RAB RIB CAN GYI SHES PA BZHIN NO, ,MIG DANG GZUGS SOGS BLO BZHIN NO, ,ZHES BYA BA NI MIG LA SOGS PA'I BLO BZHIN

, ,DANG, GZUGS LA SOGS PA'I BLO BZHIN NO ZHES BYA BA NI, GO RIMS BZHIN DU MED PA NYID DANG YOD PA NYID KYI DPE YIN NO, ,DMIGS PA DANG BDAG PO'I RKYEN GYI YUL LA ZHES BYA BA LA DMIGS PA'I YUL NI GZUGS LA SOGS PA'I BLO RNAMS KYI'O, ,BDAG PO'I RKYEN GYI YUL NI RAB RIB LA SOGS PA RNAMS KYI'O, ,DE LTA YANG MIG LA SOGS PA MED PAR NI NANG GI ZHES STON PA'O, ,DE LTA BU'I THE TSOM LA DE NYID GANG ZHE NA, RTA DE NI BA LANG NYID KYI BAG CHAGS ZHES BYA'O, ,RTA DE MI BYED PA CI'I PHYIR ZHE NA BA LANG ZHES BYA BA'I BRDA NI DE NYID LA ZHES BYA BA STE, LKOG SHAL LA SOGS PA DANG LDAN PA LA YIN GYI, BA LANG NYID MED PA LA SOGS PA 'DI NI MA YIN NO, ,BA LANG GI TSOGS PA PA YANG RTA LA SOGS PA MTSAN NYID MI MTHUN PA RIL PO BZHIN DU, RJES SU 'JUG PA'I NGO BO NI MTHONG BA LA MI SNANG BA YIN PAR BSTAN PA NI, GSAL BA LAS THA DAD PA ZHES BYA BA'O, , MA TSOL BA'I BE'U NI RTA LA SOGS PA LAS LOG PA BA LANG GI TSOGS LA RJES SU 'JUG PA NI, MA MA YIN PA LA YANG 'JUG PA'I PHYIR RTOGS PA MA YIN NAM, 'DRA BAR RTOGS PA NI BDEN MOD KYI 'DRA BA NYID KYI RANG GI NGO BO LAS THA DAD PA MA YIN NO, ,RANG GI NGO BO KHO NA DE DE DANG 'DRA BA'AM DE DANG MI 'DRA BA YANG RUNG BA LA LOG PAR RTOGS PAR MI BYA BA'O, ,DON DAM PAR NI MA YIN NO ZHES BSTAN PA NI, DNGOS PO MA YIN PA'O, ,BLO NI RTOGS BYA LAS LDOG PA MA YIN PA MA YIN NAM, BDEN TE RTOGS BYA'I RJES SU 'GRO BA DANG LDOG PA'I RJES SU BYED PA YIN NA YIN GYI, GZHAN NI MA YIN NO ZHES BSTAN PA NI, GAL TE GSAL BA MED KYANG ZHES BYA BA STE, GSAL BAR BYED PA'I PHYIR GSAL BA NI SPYI YIN LA DE MED NA MED CING DE YOD NA YOD PAR 'GYUR RO, ,THAMS CAD DU BLO YOD NA RTOGS BYA YANG YOD PAR 'GYUR BA MA YIN NAM SNYAM DU SEMS PA NI, SPYI NI KHYAB PAR ZHES BYA BA'O, ,DE YOD NA NI 'BAD PA LA SOGS PA YOD NA'O, ,SUG PAR BYED PA NI GAL TE SPYI MI LDOG PA NYID CES BYA BA NI THAMS CAD NA GNAS PA NYID DO, ,SHES PA TZAM LA NUS PA MED PA'I PHYIR, ,ZHES BYA BA NI BLO'I MTSAN NYID KYI YOD PA NYID MED PA'I PHYIR RO, ,DES ZHES BYA BA NI DE'I RJES SU 'GRO BA DANG LDOG PA'I

MTSAN NYID SPYI LA BRJOD PA'I RIGS PAS SO, ,DE LTAR YIN NA GANG LAS DE DAG 'BYUNG BAR 'GYUR ZHES ZER BA LA, BRDA ZHES BYA BA LA SOGS PA SMOS TE, BUM PA NI YAN LAG CAN YIN LA, DE NYID KHO NA YAN LAG DU MA'I THUN MONG YIN PA'I PHYIR SPYI YIN NO, ,DE BZHIN DU 'DEGS PA NI, LAS YIN LA DE NYID RDZAS DU MA'I THUN MONG YIN PA'I PHYIR SPYI YIN NO, ,BAR GYI GSAL BAR BYED PA YIN PA'I PHYIR GRANGS LA SOGS PA RNAMS LA YANG SPYI ZHES BYA BAR 'GYUR RO, ,BUM PA LA SOGS SPYI MA YIN PA DE NI, RANG GI MTSAN NYID KHO NA YIN PA'I PHYIR 'GAL BA CUNG ZAD KYANG MED DE, DE'I PHYIR SPYI 'DZIN PA YIN NO, ,'DEGS PA NYID KYANG SPYI YIN TE, DUS MANG PO'I GSAL BA DUS GCIG LAS 'BYUNG BA MED PA'I PHYIR RO, ,BSKOR BA DANG 'DEGS PA LA SOGS PA NI BUM PA LA SOGS PA BZHIN DU DUS GCIG NA YOD PA MA YIN NO BYA BA'I YAN LAG RIM GYIS DUS MANG POR BYUNG BA RNAMS KYIS BSKOR BA GCIG TU GSAL BAR BYED PA 'DI YANG GTAM TZAM YIN TE MTHA'I GSAL BYED TZAM GYIS GSAL BAR BYA BA NYID LA THUN MONG MA YIN PA'I NGO BO NYID KYIS BSKOR BA MA YIN PA NYID DU THAL BAR 'GYUR TE, DE'I DUS NA MED PA GSAL BYED MA YIN PA'I PHYIR DANG, RANG GI SHES PAS GZHAN GYI BLO'I RGYU GSAL BAR BYED PA'I PHYIR TE GSAL BYED LTA BU'O, ,DBYE BA MED PA BUM PA GCIG TU SNANG BA MA YIN NAM, THAG RING BA LAS DU MA GCIG BZHIN DU SNANG BA MA YIN PAS, DE YANG DE LTAR 'GYUR BA NI RGYU MTSAN MED PA'I PHYIR RO, ,PHRA BA NYID RGYU MTSAN YIN PA NI RIGS PA MA YIN TE, RDUL PHRA RAB PHRA BA NI MNGON SUM YIN PA'I PHYIR RO, ,GANG GI PHYIR MNGON SUM NI THAG RING BA LA SOGS PA'I RGYU MTSAN GYIS RNAM PAR DBYE BA MA BZUNG BAR SNANG BAR 'GYUR GYI, RDUL PHRA RAB NI DU MA YIN YANG SNANG BA MA YIN TE, DBANG PO LAS 'DAS PA YIN PA'I PHYIR RO, ,GANG GI PHYIR DBANG PO LAS 'DAS PA NI DBANG PO'I YUL DU MI 'GYUR TE, 'GAL BA'I PHYIR RO SNYAM DU SEMS PA LA, RAB RIB CAN LA SKRA NYAG GCIG MNGON SUM MA YIN YANG, TSOGS PA RNAMS PHAN TSUN PHAN 'DOGS PAS MNGON SUM YIN PA DE BZHIN DU, RDUL PHRA RAB KYANG YIN NA GANG GI PHYIR GZHAN GYI MNGON

, ,SUM RAB RIB CAN LA DGOS PAR 'GYUR, RNAL 'BYOR GYI MNGON SUM NYID NI RDUL PHRA RAB RNAMS LA YANG KHO BO CAG LA SOGS PA LA DGOS PA YIN PAR BSTAN PA NI, GZUGS LA SOGS LAS THA DAD PAR, ,ZHES BYA BA STE, MIG LA SNANG BA LA GZUGS KYI RDUL PHRA RAB RNAMS RE RES DBANG PO LAS 'DAS PA YIN YANG PHAN TSUN PHAN 'DOGS PAS 'DUS PA NI MNGON SUM YIN TE, RAB RIB CAN GYI SKRA LA SOGS PA YIN PA'I PHYIR 'GAL BA CUNG ZAD KYANG MED DO, ,DE BZHIN DU RO LA SOGS PA'I RDUL PHRA RAB RNAMS KYANG NGO, ,GAL TE GZUGS LA SOGS PA RNAMS SU KHYAD PAR MED PA'I PHYIR DE DAG TZAM GYIS BUM PA NI SNAM BU LA SOGS PA RNAMS LAS KHYAD PAR DU MI 'GYUR RO SNYAM DU SEMS PA LA, DBYIBS KYI BYE BRAG GI KHYAD PAR DU BYAS PAS MTSAN NYID MI MTHUN ZHING BRDA'I BYE BRAG GI YUL DU MTHONG BA RNAMS NI DE'I BAG CHAGS SAD PA'I RGYU RNAMS LA DE'I SGRA RNAMS KYIS BRJOD PA YIN NO ZHES DON DU BSTAN PA NI, DES NA DE TZAM ZHES BYA BA'O, ,GZUGS LA SOGS PA TZAM GYI BUM PA LA NI, MIG LA SOGS PA RNAMS RNAM PAR GZHAG PA YIN GYI, 'TSOL BA NI MA YIN PA LA, 'TSOL BAR MTHONG BA MA YIN NAM, DE BZHIN DU BDAG GIS REG GO ZHES BYA BA'O, ,DE'I PHYIR DE YUL GZHAN YIN NO SNYAM DU SEMS PA NI GAL TE RDZAS NI ZHES BYA BA'O, ,MTHONG BA LA BDAG GIS REG GO ZHES BYA BA'I RNAM PAR RTOG PA NI MTHONG BA LAS BYUNG BA YIN GYI, RANG DBANG DU NA MI YIN LA MTHON BA YANG GZUGS THA DAD PA'AM, THA MI DAD PA'I RDZAS LA MA YIN TE, DE MED KYANG 'BYUNG BA NI BAG CHAGS TZAM LAS BYUNG BA YIN PAR RTOGS SO, ,DE NYID BSTAN PA NI RDZAS DE GZUGS LAS GZHAN YIN PA'AM ZHES BYA BA STE, THA MI DAD PAS SO, ,DE LAS BZLOG PA NI THA DAD PAS SO, ,'DI LA GZUGS YOD PA'I PHYIR GZUGS DANG LDAN PA'O, , DE LAS BZLOG PA LAS ZHES BYA BA 'DI LA BSTAN PA NI GZHAN DU RIGS PA YIN NA BLO ZHES BYA BA STE, BAG CHAGS CAM LAS BYUNG BA'I RNAM PAR RTOG PA YANG PHYI ROL RNAM PAR 'JOG PA BYED PAR 'GYUR RO ZHES BYA BA 'DI LA YANG DBYE BA DANG DBYE BA MA YIN PAR RIG PA KHO NA SNANG BA'I MED PA RIG PA LAN YIN PAR

YANG RTOGS SO, ,SNANG BA BZHIN DU RNAM PAR RTOG PA YANG PHYI ROL RTOGS NA GNOD PAR BYED PA MED PA'I PHYIR, RANG DBANG KHO NA MA YIN NAM, RGYU NI DE BZHIN DU MI 'THAD PAS BAG CHAGS KYI NGO BO'AM, GZHAN YANG RUNG BA 'GA' ZHIG TU YANG 'GYUR RO SNYAM DU SEMS PA NI CI STE BUM PA'I BLO NI ZHES BYA BA'O, ,'KHRUL PA MED PA ZHES BYA BA NI, GNOD PA MED PA STE GZUGS LA SOGS PA LAS THA DAD PAS BUM PA'O, ,BUM PA DMAR PO'O ZHES RTOGS PA YIN NO ZHES BYA BA'I DON TO, ,BRDAS THUN MONG DANG THUN MONG MA YIN PAR BYAS PA DAG JI LTA BA BZHIN PA'I BRDAS PA BRJOD PA DANG RTOGS PA YIN GYI DE DAG LAS DNGOS PO'I DBYE BAS GRUB PA NI MA YIN NO ZHES BSTAN PA NI, DMAR PO DANG NI MI DMAR BA, ,ZHES BYA BA'O, ,GANG KHO NAR GZUGS YIN PA DE KHO NAR REG PA MA YIN NAM, BRDA LAS NI MA YIN TE, DNGOS PO NI DE LTA BU YIN NO ZHES ZER BA NI CI STE GAL TE ZHES BYA BA'O, ,GZUGS DANG REG PA LA SOGS PA'I TSOGS PA GCIG LAS BYUNG BA'I 'DUS PA NI BUM PAR THA SNYAD GDAGS PA'I YUL YIN LA, DE LTA BUR BTAGS PA'I 'DUS PA GANG DE LA ZHES BYA BA NI, DMAG LA GLANG PO CHE BZHIN DU THA SNYAD 'DOGS PA'I YUL YIN NO ZHES BSTAN PA NI TSOGS PA GCIG LA RAG LAS ZHES BYA BA STE, DMAG GAM NAGS NI GRANGS MANG PO NYID YIN PA'I PHYIR, BUM PA LA SOGS PA 'GA' YANG DE LTA BUR 'GYUR RO, ,KHA CIG NA RE GRANGS KYI SHES PA'I RTOGS BYA NI MANG BA NYID YIN GYI, BUM PA'I SHES PA'I RTOGS BYA NI MA YIN ZHING, DMAG DANG NAGS LA SOGS PA'I SHES BYA'I RTOGS BYA YANG MA YIN NO, ,MI DMIGS NA NAGS LA SOGS PA'I SHES PA MANG PO NYID LA YANG MTSUNGS PA YIN TE, NYE BAR GNAS PA MED PA'I PHYIR 'KHRUL PA YIN NO, ,BAR NA GNAS PA'I NI MA YIN TE, DE LTA BU'I SHES PA MTHONG BA'I PHYIR RO, ,DE'I PHYIR BRDAS BRTAGS PA'I YUL THAMS CAD LA SGRA LAS BYUNG BA'I SHES PA RNAMS YIN GYI, DNGOS PO'I DE KHO NA NYID LA NI LTOS PAR BYED PA NI MA YIN TE, JI LTAR BRTAGS PA BZHIN YIN PAR NI MI RIGS PA'I PHYIR RO ZHES BSTAN PA NI, DE'I PHYIR TSOGS PA GCIG LA ZHES BYA BA STE, YAN LAG CAN THA DAD PA MA YIN MOD KYI 'ON KYANG GRUB PA

, ,DANG BDE BA GCIG PA'I GZUGS LA SOGS PA'I THA SNYAD GCIG GI YUL YIN LA STENG DANG 'OG GI CHAS PHYE BA YIN YANG GCIG YIN TE, GRUB PA DANG BDE BA GCIG NYID KYI PHYIR, DE'I YAN LAG RNAMS SU BRTAGS PA YIN PA DES NA YAN LAG CAN YOD DO SNYAM SEMS PA LA, GAL TE DE LTA NA PHAN TSUN ZHES BYA BA STE, THA DAD PA MED PA'I LUS NI GRUB BA DANG, BDE BA GCIG PA YIN NO, ,PHAN TSUN THA DAD PA MA YIN NO ZHES BYA BA NI, GRUB PA DANG BDE PA THA DAD PA DANG, GRUB PA DANG BDE BA GCIG PA NYID KYIS RGYU MTSAN KHO NA MTHONG BA LA BDAG REG GO ZHES BYA BA LA SOGS PA'I SHES PA RNAMS RNAM PAR GNAS PA YIN NO, ,DE SKAD SMRA BA NI 'DI LTAR MTHONG BA GANG YIN PA DE NYID LA ZHES BYA BA'O, ,GRUB PA DANG BDE BA GCIG PA NI GCIG RTOGS NA RTOGS PA'AM, GZHAN DU YANG RUNG BA'I RTOGS PA YIN PAR BSTAN PA YIN LA, GZUGS LA SOGS PA NI MA YIN TE, RTOGS PA THA DAD PA CAN YIN PA'I PHYIR RO ZHES BSTAN PA NI, GAL TE GZUGS SOGS BYA BA STE, GZUGS LA SOGS PA NI GRUB PA DANG BDE BA GCIG PA YIN NO, ,GZHAN DU JI LTAR 'GYUR ZHES BYA BA NI GRUB PA DANG BDE BA MI GCIG PA NYID NI THA MI DAD PAR RTOGS PA'I MTSAN NYID YIN NO, ,DE BSTAN PA NI SNANG BA THA MI DAD PAR THAL BA'I PHYIR RO ZHES BYA BA'O, ,GAL TE BUM PA'O ZHES RTOGS PA LA GRUB PA DANG BDE BA THA DAD PA NYID MA YIN TE THA DAD PA'I PHYIR RO, ,GZUGS DANG RO LA SOGS PA'I DBYE BA RTOGS PA NI KHYAD PAR GYI DBYA BAS BYAS PA'I 'KHRUL PA YIN NO ZHES BSTAN PA NI, 'ON TE GCIG PO DE NYID CES BYA BA'O, ,THA DAD PAR 'DZIN PA NI MNGON SUM YIN ZHING, THA MI DAD PAR 'DZIN PA'I SNANG BA NI RNAM PAR RTOG PA YIN NA, STOBS CHUNG BA JI LTAR GNOD PAR BYED CES BSTAN PA NI 'DZIN PA'I DBYE BAS GCIG PA'I ZHES BYA BA'O, ,RE ZHIG GCIG NYID DO ZHES BYA BA NI RNAM PAR RTOG PA'O, , RTOGS PA GCIG NYID RNAM PAR RTOG PA CAN NI, DBYE BSAM MTHONG BAS GNOD PA'I PHYIR, 'KHRUL PA YIN PAR BSTAN PA NI, GCIG NYID NI ZHES BYA BA'O, ,GZHAN DU 'DZIN PA MED PAS ZHES BYA BA NI GCIG LA'O, ,MA 'KHRUL PAR ZHES BYA BA'O, ,GCIG GO, ,DE NYID CES BYA BA NI MNGON SUM GYIS

MTHONG BA'I NGO BOS SO, ,THA MI DAD PAR RTOGS PA NI MNGON SUM GYI NGO BO YIN NO, ,GZUGS SNANG BA NYID NI ZHES BYA BA NI GZUGS KYI SNANG BA LA RO KHONGS SU GTOGS PA MA YIN NO, ,GZUGS LA SOGS PA TZAM NYID DO ZHES BYA BA NI SNANG BA THA DAD PA'O, ,DNGOS PO GCIG NYID YIN NA DBANG PO THAMS CAD LAS SKYES PA'I BLO 'KHRUL PAR 'GYUR BA'I PHYIR, YAN LAG CAN GRUB NA THAMS CAD MI 'DZIN PAR 'GYUR BAR BSTAN PA NI, GAL TE DBANG BO'I ZHES BYA BA'O, ,THAMS CAD KYIS MI 'DZIN NA YANG LAG CAN YANG MNGON SUM PA MA YIN PA'I PHYIR THAMS CAD MED PAR 'GYUR BAR BSTAN PA NI DON MED PAR ZHES BYA BA LA SOGS PA'O, ,LAG PA LA SOGS PA'I SKAD CIG CES BYA BA NI, DE MA GTOGS PA'I BYA BA NI SKAD CIG TU RTOG PA LA NI TSAD MA MED DO, ,MA YIN TE GSAL BAS GSAL BAR BYA BA YIN PA'I PHYIR RO ZHES BYA BA NI, RANG RIG GSAL BAS GSAL BAR BYED PA YIN PA'I PHYIR RO, , RNAM PA GZHAN DU YANG RUNG ZHES BYA BA NI MI RTEN BA'O, ,'DAS PA NI GSAL BAR BYED PA MA YIN RANG GI SHES PAS GZHAN GYI BLO'I RGYUD NYID MA YIN ZHES BSTAN PA NI, TSOGS PA 'BA' ZHIG CES BYA BA'O, ,NOR BU DANG DNGUL LA SOGS PA'I DNGOS PO NYID BZHIN DU GOMS PA LAS SNANG BA DANG, 'DEGS PA LA SOGS PAR MI RIGS TE, BRTAGS PA YIN PA'I PHYIR RO ZHES BSTAN PA NI, SHES PA DE ZHES BYA BA STE, NOR BU DANG DNGUL LA SOGS PA'I SHES PA NI MA YIN NO, ,GAL TE DON BYED PAR ZHES BYA BA KHYAD PAR DANG BRAL BA MI NUS PA'I SPYI'I MTSAN NYID NI KHYAB CHES PA YIN TE, DON MA YIN PA LA YANG YOD PA'I PHYIR RO SNYAM DU SEMS PA NI GAL TE DON BYED PAR ZHES BYA BA STE, DON NI NUS PA'I POS SNANG BA'I NUS PA'I MTSAN NYID YIN GYI, MI NUS PA'I NGO BOR SNANG BA NI SPYI'I MTSAN NYID YIN NO ZHES KHYAD PAR DANG BCAS PAS SKYON MED PAR BSTAN PA NI SGRA SHAD LA SOGS PA NI SPYI MIN TE ZHES BYA BA STE, RAB RIB CAN GYI SHES PA STE 'DI NI DON GYI MTSAN NYID NI MA YIN GYI, 'ON KYANG DBYE BA'I MTSAN NYID YIN NO, ,GAL TE DON LA DBYE BA'I MTSAN NYID 'DI YIN PAS MED NA MI 'GYUR RO SNYAM DU SEMS PA LA SHES BYAR 'DZIN PHYIR ZHES BYA BA STE, RTOGS PAR BYED, GO BAR BYED, SHES

, ,PAR BYED PA'I PHYIR DON YIN PAS MED PA YANG DON GYI KHYAD PAR GYI DBYE BAS MTSAN NYID KYI KHONGS SU GTOGS PA'I PHYIR ZHES BYA BA'I DON TO, ,GAL TE DON YIN NA JI LTAR MI NUS BYA BA'O, ,SKRA SHAD LA SOGS PA DAN SNANG PA NI, GAL TE 'DI ZHES BYA BA'O, ,NUS PA MED PA'I SNANG BA NYID BSTAN PA NI DNGOS SU ZHES BYA BA'O, ,DON NYIS BSTAN PA NI BRGYUD NAS BYA BA'O, ,SPYI NUS PA MED PA BZHIN DU DON GYI KHYAD PAR DANG BRAL BA'I SGRA'I YUL NYID KYANG MTSAN NYID MA YIN NO ZHES ZER BA NI 'O NA JI LTAR ZHES BYA BA'O, ,DON GYI KHYAD PAR GYI 'GAL BA ZER BA NI CHU KLUNG GI 'GRAM NA ZHES BYA BA'O, ,DE SPYI YIN MOD CES BYA BA NI SGRA'I YUL TZAM MO, ,YOD PA'I DON GYIS SGRA'I YUL DU SNANG BA NYID THAL CHES PAR MI 'GYUR BAR BSTAN PA NI 'DI LTAR SPYI NI KHO BO CAG CES BYA BA'O, ,'BRAS BU'I SGO NAS DON GYI KHYAD PAR YIN PAR BSTAN PA NI SPYI KHO NA SGRA'I YUL YIN NO ZHES BYA BA NI MA YIN ZHES BYA BA'O, ,DE LTAR SGRA'I YUL KHO NA YIN GYI ZHES BYA BA SMOS SO, ,RANG GI MTSAN NYID KYI MTSAN NYID LA YANG KHYAB CHES BA GSAL BA'I PHYIR, DON GYI KHYAD PAR DU 'GYUR BAR BSTAN PA NI DE BZHIN DU YUL MA YIN PA ZHES BYA BA'O, ,'DIR YANG ZHES BYA BA NI 'BRAS BU'I SGO NAS DON GYI KHYAD PAR LA'O, ,'DI NI DON GYI MTSAN NYID MA YIN GYI DBYE BA'I MTSAN NYID YIN PAR BSTAN PA NI, TSAD MA NI SLU BA MED PA CAN GYI SHES PA ZHES BYA BA'O, ,GAL TE SKRA LA SOGS PA YANG GANG DAG GI BYA BA LA LTOS NAS DE DAG GI BYA BA DANG ZHES SBYAR RO, ,DE'I TSE DE LA YANG ZHES BYA BA NI DON BYED PAR NUS PA NYID KYI DON NYID DE, TSAD MA'I YUL YIN PAR RTOGS PA'I PHYIR DON YIN ZHES SGRUB PAS SO, ,RGOL BA DE'I DE MA THAG TU DE DAG KYANG STE, SKRA SHAD LA SOGS PA RNAMS KYI YANG NGO DE LTA BU'I DNGOS POR MED PA NYID DU YONGS SU GCOD PA YIN NO, ,SPYI'I NGO BO NYID DGAG PA MED PAR BSTAN PA NI JI STE DE LTAR ZHES BYA BA NI, GAL TE YANG YOD PA'I SGRA LA SOGS PA NI SPYI'I SGO NAS SHES PA'I YUL YIN NA, JI LTAR GSAL BAR SNANG BA'I KHYAD PAR GYI NGO BO YIN, GANG GI PHYIR SNGON PO LA SOGS PA GSAL BA NYID DU SNANG BZHIN PA, MED PA DANG SPYI YANG MA YIN NO SNYAM DU SEMS PA NI DE LTA NA NI ZHES BYA BA'O, ,LAN DU GSAL SNANG

NYID CES BYA BA'O, ,DA NI MED PA'I YUL CAN GYI SPYI GANG YIN SNYAM SEMS PA LA, SKRA SOGS ZHES BYA'I BLO DAG NI, ,ZHES BYA BA'I 'DI LA SKRA LA SOGS PA ZHES BYA BA'I DE MA THAG TU MED DO ZHES BYA BA 'THOB PA YIN TE, DE DAG GI YANG DE LTA'I DNGOS ZHES BYA BA'I GNAS SKABS YIN PA'I PHYIR RO, ,MED DO ZHES BYA BA'I SPYI'I YUL CAN GYI BLO NI 'GAL BA'I PHYIR, GSAL BAR SNANG BA MA YIN PA MA YIN NAM, GZHAN DU SNANG BA LA NI MA YIN LA, SNANG BZHIN PA NI BRJOD BYA YIN PAR BSTAN PA NI SKRA SNANG ZHES BYA BA STE, PHYI ROL GYI DON GYIS DON MED PA CAN GYI SKRA SHAD KYI NGO BO'I SNANG BA SHES PA GANG YIN PA DE NI PHYI ROL GYI YUL CAN NYID DU KHAS BLANGS PA MED DO ZHES GNOD PA CAN GYI YUL YIN NO ZHES BYA BA'I DON TO, ,RANG GI NGO BOS SKRA SHAD KYI SNANG BA NI, RANG GI NGO BOS DGAG PA MA YIN PAR BSTAN PA NI, GAL TE RAB RIB CAN GYI ZHES BYA BA'O, ,SKRA SHAD LA SOGS PA DANG 'DRA BAR ZHES BYA BA STE, YOD PA DANG MED PA DAG GIS MED PAR BSTAN PA NI, SKRA LAS SOGS BDEN MIN ZHES BYA BA'O, ,YOD PAR BSTAN PA NI, YANG NA TSUL MTHUN PHYIR 'DRA YIN, ,ZHES BYA BA'O, ,GAL TE YOD PA GSAL BAR SNANG BA YIN PA DE LTA NA, MED PA GANG ZHIG YIN ZHES ZER BA NI, 'O NA DON MED PA'I ZHES BYA BA'O, ,DBANG PO'I RNAM PAR SHES PA NI PHYI ROL GYI YUL LA ZHES BYA BA'I THA TSIG GO, ,DE LTAR YANG, DON LA DE NI DBANG SHES YIN, ,ZHES SMOS PA'O, ,PHYI ROL LA LTOS NAS MI GSAL BAR SNANG BA DANG CIG SHOS NYID CES BYA BA'I RNAM PAR DBYE BA RANG RIG PA MA YIN PAR BSTAN PA NI DE'I PHYIR MI GSAL BA ZHES BYA BA'O, , GSAL BAR SNANG BA NYID KYIS DBANG PO'I SHES BA MA YIN GYI, 'ON KYANG DON GYI YUL CAN NYID KYIS MA 'KHRUL BA DANG 'KHRUL PA LA SOGS ZHES BSTAN PA NI DES NA DBANG PO NI ZHES BYA BA'O, ,NUS PA MED PA'AM SGRA'I YUL NI SPYI'I MTSAN NYID YIN ZHES BYA BA 'DI LA KHYAB CHES PA GSAL BA'I DON DU DON YOD DO ZHES KHYAD PAR DU MI BYED PA MA YIN NAM, SHES PA'I NGO BO NYID KYIS SGRA'I YUL THAMS CAD SKRA SHAD BZHIN DU DON DANG DON MA YIN PA'I RNAM PAR DBYE BA MED PA'I PHYIR RO ZHES ZER BA NI GAL TE SHES PA'I RANG BZHIN GYIS SHES PA'O, ,'GAL LO ZHES BYA BA NI NUS PA CAN DANG NUS PA CAN MA YIN

, ,NO ZHES RNAM PA GNYI GA YIN PAR RO, ,JI LTAR 'DOD PHYIR ZHES BYA BA NI GSAL BA'I SHES PA'I NGO BO NI RANG RIG PA'I YUL YIN GYI SPYI NI DE LTA MA YIN NO, ,GANG GI PHYIR DON RNAMS KYIS MTSUNGS PA'I NGO BO NI MTSUNGS PA NYID YIN TE, DON GYI MTHAR THUG PA NYID DU RTOGS PA'I PHYIR DE LTAR GSAL BA MA YIN PA DES NA, SHES PA'I NGO BO KHO NA PHYI ROL GYI DON BZHIN DU DNGOS PO'I DON DU CIS MI 'DOD CES GSAL BA YIN NO, ,DON NI ZHES BYA BA NI SPYI'I SHES PA LA'O, ,DE LA ZHES BYA BA NI SPYI'I SHES PA LA'O, ,SHES PA SHES PA'I NGO BO NYID KYIS DON NYID DU ZHEN BZHIN PA YANG JI SPYI YIN SNYAM DU SEMS PA LA, KUN LA ZHES BYA BA SMOS TE SHING GI SGRA'I SHES PA YANG, RNO BA NI GSAL BA STE CHES RNO BA DANG, DMAN PA DANG, CHES DMAN PA DANG, DRAG PA DANG, CHES DRAG PA YANG GANG GI DANG PO TZAN DAN YIN PA DE NI SENG SDENG LA SOGS PA STE, DER MTSUNGS PA DE'I SHES PA'I NGO BO LA GCIG TU BYAS PA NI RTOGS PA'O ZHES SBYAR RO, ,GZHAN GYIS KHAS BLANGS PA'I SPYI'I CHOS DE NYID LA YOD PAR BSTAN PA NI 'DI LTAR MTSUNGS PA ZHES BYA BA'O, ,KUN RDZOB TU ZHES BYA BA NI TSAD MA'O, ,DE LAS ZHES BYA BA NI DON LAS SO, ,DON LAS SKYE BA YIN NA RTOGS PA MED PAR 'GYUR RO SNYAM DU SEMS PA LA, BAG CHAGS KYI ZHES BYA BA'O, ,DE LTAR SGRUB PA'I NGO BO SNANG BA DANG, BRTAG BYA DAG GCIG TU BYAS PAS SPYI BSTAN NAS LDOG PA'I NGO BO SPYI BSTAN PA NI DE NI LDOG PA LA BSTAN NAS ZHES BYA BA'O, ,BRTAN PA NI NGO BO GNYIS TE DE LA SKYE BA DANG, DER 'JUG PA'I SHES PA STE, DE BSTAN PA NI DE'I RGYUD NAS ZHES BYA BA'O, , 'JUG PAR BYED PA YIN ZHES BYA BA NI DE LA ZHEN PAS ZHES BYAR BAR SBYAR RO, ,LDOG PA DANG 'BREL PAS ZHES BYA BA NI GNYIS KYI NGO BO STE, GANG GI PHYIR LDOG PA LAS SKYES PA'I RNAM PA NI LDOG PA NYID DU ZHEN PAR BYED DE, DE'I PHYIR LDOG PA'I RANG BZHIN NI, GAL TE SHES PA'I NGO BO GSAL BA LAS SKYES PA YIN NA, GSAL BA'I NGO BO ZHEN PA'AM, GSAL BA NYID DU KHYAD PAR MI MTSON PAR 'GYUR BA YIN GYI, GZHAN SHES PA'I NGO BO'AM SPYI YANG MA YIN ZHES ZER BA NI JI LTAR RNAM PA SPYI YIN ZHES BYA BA STE, DE'I PHYIR SHES PA'I RANG BZHIN GYI DNGOS PO NI, DON BYED PAR NUS PA MA YIN TE DON DANG DBANG PO LA

SOGS PA MED KYANG SGRA LAS BYUNG BA'I SHES PA LA SNANG BA'I PHYIR RO, ,DBANG PO MED KYANG SGRA LAS BYUNG BA LA SNANG BZHIN PA NI, DNGOS PO KHO NA YIN NO ZHE NA MA YIN TE, DBANG SOGS 'BRAS BCAS NYID PHYIR RO, ,TSOGS SMOS PA NI GCIG KYANG 'BRAS BU DANG BCAS PA NI MA YIN GYI, THAMS CAD NA SGRA YOD PA'I PHYIR RO, ,DE MED NA JI LTAR SGRA THOS PAR 'GYUR ZHING, ,MA BZUNG BA'I DON LA BRDAR YANG JI LTAR BYED, DBANG PO MA GTOGS PAR YANG THOG MA MED PA'I BAG CHAGS LAS BLO LA GNAS PA'I SGRA NI, BRDA 'DZIN PA LA RGYU MTSAN SAD PAR BYED PA'I PHYIR, DBANG PO TSOGS PA'I RTOGS PA NI, ,'DI BAS YANG BA'I RTOG PA YIN, ,ZHES BYA BA'I DON TO, ,YANG NA TSOGS PA DON MED PA YIN GYI, GCIG NI MA YIN TE, GANG GI PHYIR THOS PA'I SGRA NI RANG BZHIN KHO NAS DON RTOGS PAR BYED KYI, BRDA BYAS PA NI MA YIN NO ZHES BYA BA NI YANG BA'I RTOG PA YIN NO, ,NGAG NI MING LA 'JUG LA MING NI DON LA 'JUG CES BYA BA'I KHA CIG GI LTA BA DE SEL BAR BYED PA NI SHES PA'I RNAM PA DE NI MING MA YIN TE, RANG RIG PA'I SHES PA'I RNAM PA YIN PA'I PHYIR RO, ,RANG RIG PA'I BDAG NYID MA YIN NA RANG RIG PA MA YIN PA DE'I NGO BO MA YIN TE RTOGS PA MA YIN PAS MED PA'I PHYIR RO, ,KHAS BLANGS NAS BSTAN PA NI MING SOGS BRJOD NA ZHES BYA BA STE, SOGS PA'I SGRAS NI DON GYI GZUGS BRNYAN TE, RGYU MTSAN BSTAN PA YIN NO, ,ZAD PAR SGOM PA LA SOGS PA LA 'DI GSAL BA YIN NO, ,'BREL BA MED PA CAN ZHES BYA BA NI GSUM KA DANG 'BREL PA CAN MA YIN TE, SHES PA YIN YANG BRJOD BYA'I DON MA RTOGS PA'I PHYIR 'JUG PA MA YIN ZHES BYA BA'I DON TO, ,SGRA LAS MI RTOGS NA DON GYI GZUGS BRNYAN GYI NGO BO NYID YIN PAS, DON LA 'KHRUL PA YIN LA, DE LAS 'JUG PA YIN NO, ,DE BZHIN DU ZAD PAR SA BSGOM PA LA SOGS PA LA RGYU MTSAN RTOGS PA YIN TE, SAR MNGON PAR ZHEN PA'I PHYIR 'JUG PA YIN PAR BSTAN PA NI, , GAL TE DON LAS TSUL 'DRA LAS ZHES BYA BA STE, GZUGS BRNYAN GYI 'DRA BA NYID LAS NI, DUS THAMS CAD DU 'KHRUL PAS 'JUG PA MA YIN TE, NGAG MING LA 'JUG PAR MTHONG BA PO'I 'JUG PAR MI 'GYUR RO, ,MTHONG BA PO MA YIN PA 'JUG PAR 'GYUR RO ZHE NA, MTHONG BA PO LONG ZHING LKUGS PAR

, ,'GYUR BA DANG, SGRA'I THA SNYAD CHAD PAR 'GYUR RO, ,MING LA YANG 'JUG PAR 'GYUR RO ZHES BYA BA'I BSHAD PA NI THOG MA MED PA'I MA RIG PA'I BAG CHAGS LAS DER ZHEN PA NYID DE'I SHES PA DE ZHES BYA BA NI GZHAN GYI 'DOD PA YIN NO, ,DE NYID KHAS BLANGS NAS BRJOD PA NI YUL LA 'KHRUL PA YIN PAR 'GYUR TE, YUL 'DZIN PAR NYE BAR MTSON PA YIN PA'I PHYIR, GZUGS LA 'KHRUL PA YANG GZUNG STE, MI 'DOD KYANG 'KHRUL PA 'THOB PO ZHES BYA BA'I DON TO, ,YUL LA 'KHRUL PA YOD PA DE NI YUL LA MI GNAS PA'I PHYIR MING LA MI 'GYUR RO ZHES 'CHAD PA NI LDOG PA'I SGO NAS YIN LA; RJES SU 'GRO BA'I SGO NAS BSTAN PA NI GAL TE ZHES BYA BA'O, ,SHES PA'I RNAM PAR 'KHRUL PA NYID NI BAG CHAGS KYI RGYU YIN PAR BSTAN PA NI SHES PA LA MTSUNGS MIN ZHES BYA BA'O, ,DE 'DRA BA'I BLO ZHES BYA BA NI RANG GI RNAM PA LA DON NYID DU ZHEN PA'I BLO NI BDAG LA 'GYUR RO ZHES BYA BA'I DON TO, ,MING NI BLO NYID DE LTAR DPYOD PAS 'JUG PAR BYED PAR NI MI RIGS TE KHAS MA BLANGS PA'I PHYIR RO ZHES BSTAN PA NI GZHAN LAS TE, MING DANG MTSAN MA MTHONG BA LA'O, ,SHES PAR SMRA PAS GANG BSTAN PA DE NI MA YIN TE KHAS MA BLANGS PA'I PHYIR RO, ,PHYIR ROL GYI DON GYI RNAM SHES 'BYUNG BAR KHAS LEN PA LA TSAD MA CAN MIN PA NI RNAM SHES DANG PHYIR ROL GYI DON LAS GZHAN PA'I MING 'DI LA TSAD MA MED DE, DES BSKYED PA'I KHYAD PAR GRUB PA MED PA'I PHYIR RO, ,LDOG PA NI RJES SU DPAG PA STE, GRUB PA MED PA'I PHYIR RO, ,LUS CAN DANG LUS CAN MA YIN PA ZHES BYA BA NI, DBYIBS CAN DANG DBYIBS CAN MA YIN BA DAG GO, ,YUL DE RDUL GANG GI YIN PA DE NI DE'I YUL YIN PA DE'I'O, ,YUL MED PA ZHES BYA BA NA MI YIN PA ZHES BYA BA DANG SBYAR RO, ,SHES PA STE ZHES BYA BA 'DIS NI SMRAS PA DRAN PAR BYED PA YIN NO, ,MING DANG MTSAN MA MA RTOGS NA THA SNYAD KYI YAN LAG MA YIN GYI RTOGS NA SHES PA KHO NA YIN PAR BSTAN PA NI RTOGS NAS DON GYI RNAM PA ZHES BYA BA'O, ,DE MI 'THAD PA'I PHYIR ZHES BYA BA NI RTOGS PA'I BDAG NYID MA YIN PA'I PHYIR DANG, DE'I NGO BO MA YIN NA MI RIGS PA'I PHYIR RO, ,DA LA YANG ZHES BYA BA NI MING DANG MTSAN MAR SNANG BA'I PHYOGS LA YANG NGO, ,'KHRUL PA NYID NI PHYI ROL LA SHES PA'I

RNAM PA BZHIN DU KHAS BLANGS PA LA TSAD MA YIN NO ZHES SBYAR BAS RGOL BA YIN NO, ,LAN NI MA YIN NO ZHES BYA BA NI MA YIN PA KHO NA ZHES BYA BA'I DON TO, ,GAL TE PHYI ROL GYI SNANG BA LAS PHYI ROL YIN PA DE NYID NI 'JUG PAR BYED PA NYID YIN LA, DE LA YANG KHA CIG TU DON DU GNYER BA NYID KYIS SKYES BU 'JUG PA YIN GYI, KHA CIG TU NI MA YIN PA DE DAG TZAM GYIS 'KHRUL PA NI MA YIN NO SNYAM DU SEMS PA LA GAL TE SHES PA THAMS CAD CES BYA BA'O, ,PHYI ROL SNANG BA YIN PAR CI LAS SHES, ,ZHES ZER BA NI SHES PA NI MA YIN NO ZHES BYA BA'O, ,SHES PA THAMS CAD LA PHYI ROL ZHES BYA BA NI MI 'GRUB STE RMI LAM GYI SHES PA LA PHYI ROL PA MED PA'I PHYIR RO, ,RMI LAM NA YANG MI LDAN PA'I 'DU BYED MING LA SOGS PA LA BRTEN NAS MTHONG BA YIN NO SNYAM DU SEMS PA LA 'DU BYED LAS KYANG MIN ZHES BYA BA'O, ,'GAL BA DMIGS PA YIN PAR BSTAN PA NI DE'I SNGO LA SOGS PAR ZHES BYA BA'O, ,RMI LAM GYI NANG GI NI SNGON PO LA SOGS PA NYID MA YIN TE, THOGS PA MED PA'I PHYIR DANG, DANG BA'I PHYIR TE, THOGS PA MED PA'I BAR MA DO'I SRID PA'I GZUGS LTA BU'O ZHES 'DI LA BSTAN PA NI DE'I SHES PA YIN ZHES BYA BA'O, ,BAR MA DO'I SRID PA YANG GZHAN GYI SEMS BZHIN TE, LHA'I MIG GIS MTHONG BA NYID YIN YANG THUN MONG BA MA YIN NO, , GZUNG BAR BYA BA NYID MI DMIGS PA LAS KYANG SHES PA NYID YIN PAR BSTAN PA NI MING SOGS ZHES BYA BA'O, ,THAMS CAD DU DMIGS PA DANG LDAN PA YIN YANG, TSAD MA DANG TSAD MA MA YIN PA'I DBYE BAS 'GYUR BA BSTAN PA NI DE LTA NA'O NA ZHES BYA BA'O, ,'DI LA DE KHO NA NYID CES BYA BA THAMS CAD DMIGS PA DANG BCAS PA'AM, DMIGS PA MED PA'AM, CI ZHIG YIN ZHE NA, DMIGS PA MED PA NYID KHO NA STE, GZUNG BYA NYID MA DMIGS PA'I PHYIR RO, ,DE BSTAN PA NI DMIGS PA DANG BCAS PA NYID NI GRUB PA MED PA'I PHYIR RO ZHES BYA BA'O, ,GAR YANG ZHES BYA BA NI SAD PA'I GNAS SKABS NA YANG NGO, ,'O NA NI ZHES BYA BA NI KHAS BLANGS NAS BRJOD PA LA'O, ,SNGON PO LA SOGS PA NYID CES BYA BA NI BDEN PA'I SNGON PO LA SOGS PA'O, ,DE LAS BZLOG PA'I PHYIR RO ZHES BYA BA NI THOGS PA MED PA'I PHYIR RO, ,CI LAS SHES SHE NA DE LTA YANG SA PHYOGS SHIN TU DOG PAR ZHES BYA BA'O, ,THAMS CAD KYIS ZHES BYA BA NI GNYID

, ,LOG PA NYID KYIS SO, ,NANG GI BAG CHAGS YONGS SU SMIN PA YANG 'DZIN PA'I RGYU YIN PA'I PHYIR RGYU YIN PAR BSTAN PA NI 'DU BYED KYI ZHES BYA BA'O, ,'DU BYED LAS SKYES PA'I SHES PA LA YANG RANG LA YOD PAR KHYAD PAR MED PA'I PHYIR, THAMS CAD KYI SHES PA THOB PAR 'GYUR BAR BSTAN PA NI, NYE BA THAMS CAD CES BYA BA'O, ,'GA' ZHIG CES BYA BA NI GZUNG BAR BYA BA'O, ,'DU BYED PA'I DANG GIS DE SKYED PAR BYED PA MTHONG BA LA RNAM PAR DBYE BA YIN PAR BSTAN PA NI, SNGON GYI RANG BZHIN ZHES BYA BA'O, ,DE'I DUS NYID NI DA LTAR GYI DUS NYID DO, ,DE LA PHYIN CI LOG YOD MIN,, ZHES BYA BA NI SAD PA NA MTHONG BA LA PHYIN CI LOG PA'I CHOS YOD PA MA YIN NO, ,THAMS CAD KYIS ZHES BYA BA NI DE MTHONG BA'I SKYES BUS SO, ,DE DAG KYANG ZHES BYA BA NI PHYIN CI LOG PA NYID KYIS CHOS DANG LAS DAG LA PHYIN CI LOG NYID DU MTHONG BA'I SKYES BU DAG LA'O, ,THAMS CAD NI SKYES BU STE, GNYID LOG PA BZHIN DU SAD PA LA YANG SNANG BA NI, SHES PA YIN PAS SHES PA THAMS CAD 'KHRUL PA YIN PA LA DBYE BA MED DO, ,SNANG BA KHO NA YIN GYI ZHES BYA BA NI RNAM PA GZHAN DU DON RNAM PA GZHAN LTAR 'DZIN PA'O, ,GZHAN YANG ZHES BYA BA NI MED PA'I DON NO, ,MED PA'I DON GYI NGO BO MTHONG BA LAS DMIGS PA MED PAR RTOGS PA YIN GYI, PHYIN CI LOG TU SNANG BA NI MA YIN NO ZHES BSTAN PA NI DE LTA NA NI 'O NA SHES PA NYID DE ZHES BYA BA'O, ,RE ZHIG GNOD PA BYED PA MI 'BYUNG BA TZAM NI GNOD PAR BYED PA MA YIN TE THAL CHES PA'I PHYIR RO, ,'ON KYANG GNOD PA CAN LAS GZHAN PA'I SHES PA MA YIN NO ZHES BSTAN PA NI GNOD PAR BYED PA NYID KYANG ZHES BYA BA'O, ,PHRAD PA'I SHES PA'I NGO BO NI GNOD PAR BYED PA MED PAR SMRA BA NI DON THOB PA'I PHYIR ZHES BYA BA'O, ,'O NA JI LTAR ZHES BYA BA NI GZHAN GYI TSE MED PA KHO NAS DE LA YANG RJES SU DPAG PA YIN ZHES BYA BA DE KHO NA BSTAN PA NI DRI ZA'I GRONG KHYER ZHES BYA BA'O, ,DE LA DRI ZA'I GRONG KHYER LA SOGS PA RNAMS LA'O, ,'DIS NI ZHES BYA BA NI SHES PA THAMS CAD PHYIN CI LOG PAR SNANG BA NYID DU THAL CHES PAS SO, ,DON NI DON NO ZHES MTHONG BA LAS RTOGS PA YANG DON NYID DU RNAM PAR RTOG PAS RTOGS PA YIN NO, ,RMI LAM LA SOGS PA'I SHES PA DON DANG LDAN PA NYID NI RE ZHIG ZHOG ,SAD PA

RNAMS KYIS GZUGS LA SOGS PA'I BLO 'DI GANG YIN PA DE NYID DON DAN LDAN PAR GANG GIS TE, RGYU MTSAN GANG GIS 'DOD PA LAS GNYID KYI SNANG BA NI MA YIN TE, RMI LAM LA SOGS PA DANG THUN MONG BA NYID KYI PHYIR RO, ,GNOD PAR BYED PA MED PA NI SLU BA MED PA STE, MI SLU BA KHO NA YIN LA DE YANG THAB PAR BYA BA'I RJES SU 'GRO BA YIN NA'O ZHES ZER BA NI GAL TE DON NUS MTHONG PHYIR NA ZHES BYA BA'O, ,GZHAN PA STE RMI LAM DANG SPYI LA SOGS PA NI DON MED PA CAN YIN TE RGYU MTSAN MED PA'I PHYIR RO, ,THUG PA MED PAR ZHES BYA BA NI 'JIG RTEN PA MA YIN PA'O, ,'JIG RTEN PA NYID DU RTOGS PA ZHES BYA BA NI PHYIN CI LOG TU SNANG BAS TE, DE YANG 'JIG RTEN PA MA YIN PA LA 'JIG RTEN PAR RTOGS PA'O, ,'DIR DON GZHAN MED PA ZHES BYA BA LA SOGS PA BSHAD PA NI 'DI NI RTOGS PA TZAM NYID YIN NO ZHES BYA BA'O, ,'BREL PA CAN GYI MING BRJOD PAS KYANG DON LA 'JUG PA MA YIN NA, 'BREL PA MED PA LA LTA SMOS KYANG CI DGOS ZHES BSTAN PA NI, 'BREL MED NA YANG 'JUG MI 'GYUR, ,ZHES BYA BA'O, ,'BREL PA CAN GYI PHYOGS LA SKYON GZHAN BRJOD PA NI 'DAS PA DANG ZHES BYA BA STE, DON DANG 'BREL PA CAN GYI MING NI DON ZHIG NA 'JIG PAR 'GYUR ZHES BYA BA'I DON TO, ,DON DANG 'BREL PA CAN GYI MING NI, DON ZHIG NA 'JIG PA YIN TE, MI RTAG PA NYID KYI PHYIR LA SPYI NI DE LTA MA YIN TA, RTAG PA'I PHYIR RO ZHES ZER BA NI SGRA LAS SPYI NI 'DZIN PA'I PHYIR ZHES BYA BA STE, MING DANG MTSAN MA LA BSTAN PA'I THAL BAR 'GYUR BAR MI 'GYUR RO ZHES BYA BA'I DON TO, ,MTSUNGS PA RNAMS KYI DNGOS PO NI 'BYUNG BAR 'GYUR BA LA LTOS PA NYID KYIS DE 'DZIN PAR NUS PA'I 'DZIN PA KHO NA YIN PA'I PHYIR RO, ,DE 'DZIN PA LA SKYON DU 'GYUR BAR BSTAN PA NI DE MIN ZHES BYA BA'O, ,MTSUNGS PA RNAMS KYI NGO BO ZHAS BSGRUB PA TZAM GYI DNGOS PO RANG GI BDAG NYID KYIS YOD BZHIN PA'I SPYI NI GSAL BA RNAMS LA 'JUG PA YIN GYI, DE'I NGO BO NI MA YIN NO SNYAM DU SEMS PA LA 'DZIN NA YANG ZHES BYA BA STE, RANG DBANG GI GZUNG BYA NAM MKHA' BZHIN DU 'DZIN BZHIN PA YANG GSAL BA DE DAG GI SPYI MA YIN ZHING, DE DAG KYANG MA YIN TE, GSAL BAR BYED PA'I PHYIR GSAL BAR BYED PA ZHES BYA BA'I DON TO, ,DE'I PHYIR NAM MKHA' BZHIN DU MIG LA SOGS PA YOD PA TZAM GYIS TE, RTAG TU NI GSAL BA YOD DAM MED NA YANG

, ,DMIGS PAR 'GYUR RO ZHES BSTAN PA NI DES NA RTAG TU MI 'GYUR TE ZHES BYA BA'O, ,RES 'GA' BA NI RTAG TU DMIGS PA MA YIN PA MA YIN NO SNYAM DU SEMS PA LA RTAG NYID PHYIR RO ZHES BYA BA'O, ,NAM MKHA' RTAG PA YIN YANG MIG LA SOGS PA'I GSAL BA LA LTOS NAS JI LTAR MNGON SUM BA DE BZHIN DU SPYI YANG 'BREL PA CAN GYI GSAL BA MNGON PAR GSAL BA LA LTOS NAS MNGON SUM DU 'GYUR RO SNYAM DU SEMS PA NI, GAL TE YANG GSAL LAS MNGON SUM LA GSAL BA YIN ZHES BYA BA STE, GANG GI ZHAN GSAL BA'I STE KHYAD PAR GYI'O, ,SPYI'I MNGON SUM ZHES BYA BA NI RGYU MTSAN YIN NO, ,GSAL BA LAS MNGON PAR GSAL BA MNGON SUM LA ZHES BYA BA NI, 'BREL PAR DKA' BA YIN TE, GSAL BA DANG MNGON SUM PA DAG PA KHYAD PAR MED PA'I PHYIR RO, ,SPYI'AM NAM MKHA' YANG RUNG MNGON SUM GYI NGO BO NI GSAL BAR BYED PA LA LTOS PA MA YIN TE DON MED PA'I PHYIR RO, ,DE'I RANG BZHIN MA YIN PA YANG LTOS PAR BYED PA MA YIN TE, KHYAD PAR DU SGRO GDAGS PA MA YIN PAR BSTAN PA NI, BDAG LA SHES PA SKYED PA LA ZHES BYA BA'O, ,GZHAN DU ZHES BYA BA NI GSAL BAR GNAS PA'I NGO BO'O, ,GZHAN DU ZHES BYA BA 'DI LA ZHES ZER BA NI GAL TE SPYI ZHES BYA BA'O,, DE'I RANG BZHIN NI GSAL BA'I NGO BO'O, ,DE'I RANG BZHIN DU NI GSAL BAR GNAS PA NYID DU'O, ,DE ZHES BYA BA NI GSAL BA'I NGO BO'I 'O, ,GAL TE GSAL BA RTOGS PA MED PAR YANG, ,ZHES BYA BA'I SGRA LAS BYUNG BA'I PHYOGS KHO NA LA'O, ,GSAL BA DANG 'BREL PA MED NA GSAL BA KHO NA LA GZHAN DU YANG JI LTAR ZHES BYA BA NI RTZOD PA'I YUL YIN NO, ,MA GRUB PA'I SGRUB BYA DANG SGRUB BYED DANG 'BREL PA LA SOGS PA DPE'I SKYON DE DAG RNAMS NI SKYON DU MI 'GYUR TE, PHYOGS DE'I NGO BO YIN PA'I PHYIR RO ZHES BSTAN PA NI DPE'I SKYON MED PAR ZHES BYA BA'O, ,GONG BUR GSAL BA YIN YANG SPYI GSAL BAR MA YIN PAR BSTAN PA NI, ,DES NA GAL TE ZHES BYA BA'O, ,DE LA MNGON SUM GYIS RTOGS PAS CI BYA ZHES BYA BA NI KHAS BLANGS PA STE, MA GRUB PO ZHES BYA BA'I DON TO, ,SGRA LAS RTOGS PA NI MNGON SUM GYIS RTOGS PA MA GTOGS PAR MI 'BYUNG ZHES BYA BA DON GYIS GO BA YIN NO ZHES ZER BA NI,

GAL TE MNGON SUM ZHES BYA BA'O, ,MNGON SUM GYIS RTOGS PA NYID SGRA LAS RTOGS PAR BYED DO ZHES SNANG BA'I DBYE BA LAS DGAG PAR BYED PA NI, SPYI'I RNAM PA GANG YIN PA DE NYID CES BYA BA'O, ,SPYI NI DMIGS PAR BYA BA YIN YANG RANG BZHIN GYIS DMIGS BYA MA YIN PAS, GZHAN GYIS GZHAN DU 'GYUR BA MA YIN NAM ZHE NA, DE'I NUS PA ZHES BYA BA SMOS TE, GZHAN GYIS GZHAN DU BYED NA MI RTAG PAR 'GYUR RO ZHES BYA BA'I DON TO, ,SNGON PO LA SOGS PA'I RANG GI MTSAN NYID LA DMIGS NA BYIS PA'I THOG MA MED PA'I BAG CHAGS KYIS BSKYED PA'I SNGON PO LA SOGS PA'I SHES PA MI GSAL BAR SNANG BA YIN TE, PHYI ROL DU ZHEN PA'I SNANG BA DE LA BRDAR BYAS PAS SGRA LAS BYUNG BA YIN PAR SNANG BA YIN NA, DE LA MNGON SUM GYIS RTOGS PAS CI ZHIG BYA ZHES SEMS PA LA, SPYI'I RNAM PAR SHES PA DE YANG ZHES BSTAN BA LA, DE YANG ZHES BYA BA NI SGRA LAS BYUNG BA'I LAS TE RJES 'BREL NI RJES SU 'GRO BA'O, ,SNGON PO LA SOGS PA'I RNAM PA'I CHA NI MI GSAL BA'O, ,GANG GIS SPRUL ZHES BYA BA NI SNGON POR MTHONG BA DANG BAG CHAGS DAG GIS DRANGS PA YIN GYI, SPYI TZAM MTHONG BA LAS NI MA YIN NO ZHES BYA BA'I DON TO, ,SPYI MED PAR THAL BA'I PHYIR TE ZHES BYA BA 'DI BSTAN PA YIN NO, ,SNGON PO LA SOGS PA'I RNAM PA LAS THA DAD PA'I SPYI LA MTSUNGS PA'I RNAM PA YIN NA DON GYIR MI 'GYUR BA BSTAN PA NI, DE LA YANG ZHES BYA BA'I YANG NI NI'I DON TO, ,GNYI GA YANG ZHES BYA BA NI DON DANG SPYI DAG GI'O, ,DBANG POS GZUNG BAR MI 'GYUR RO, ,ZHES BYA BA NI, SGRA LAS BYUNG BA KHO NAS KHYAD PAR YANG RTOGS PA YIN NA, DBANG PO LA DON MED PA'I PHYIR DBANG POS GZUNG BAR BYA BAR MI 'GYUR RO, ,'ON TE SGRA LAS BYUNG BA NI GNYI GA'I 'DZIN PA YIN LA, DBANG PO NI KHYAD PAR TZAM 'DZIN PA YIN NO, ,DE'I PHYIR 'BRAS BU DANG BCAS PA YIN NO ZHES ZER BA NI DBANG POS ZHES BYA BA'O, ,DBANG POS SPYI MI 'DZIN PAS BRDA MED PA'I PHYIR, SGRA LAS BYUNG BAS 'DI RIG PA MA YIN NO ZHES BSTAN PA NI SGRA LAS ZHES BYA BA'O, ,MNGON SUM GYIS SPYI RTOGS PA MA YIN PAR BSTAN PA NI, SNANG BA THA DAD PA'I PHYIR RO ZHES BYA BA'O, ,GAL TE SNGON PO LA SOGS PA NYID SGRA LAS BYUNG BA'I YUL CAN GYI GZHAN SPYI'I MA YIN NA DE DANG 'DRA BAR DBANG PO LA DON MED PA

, ,YIN NO ZHES BYA BA'I THAL BAR 'GYUR BA'I DON NYE BAR BSDU BA NI GSAL BA NYID SGRAS ZHES BYA BA'O, SNGON PO LA SOGS PA'I NGO BO SPYI YIN PAR SMRA BA PO NYID SNGON PO LA SOGS PA GSAL BA DANG MI GSAL BA'I RNAM PAR DBYE BA LAS, DBANG PO DANG SGRA LAS BYUNG BA'I SHES PA DAG GI YUL RNAM PAR GZHAG PA'I PHYIR, DBANG PO 'BRAS BU MED PA MA YIN PAR BSTAN PA NI, GAL TE DBANG PO SHES DON NYID, ,CES BYA BA STE GSAL BAR SHES PA'I DON YIN PA'I PHYIR RO, ,SGRA SOGS NI SGRA DANG GZUGS LA SOGS PA LAS SO, ,GCIG GI NGO BO LA MNGON SUM DU NGO BO NYID GNYIS SU MI SNANG BA'I PHYIR THA DAD PAR SNANG BA STE, GSAL BA DANG MI GSAL BA GNYIS SU SNANG BA GA LAS TE, MNGON SUM LAS NI MA YIN NO, ,DE YOD NA ZHES BYA BA NI SGRA LAS BYUNG BA LA YOD PA'I PHYIR, DA LTAR BA DANG NYE BA LA DA LTAR BA BZHIN ZHES BYA BA'I RIG PAS SO, ,GSAL BA'I NGO BOR GCIG PA'I DNGOS PO YIN DU ZIN KYANG DE YANG DA LTAR BA'I NYE BA YIN PA NI, MNGON SUM KHO NA'I YUL YIN GYI, SGRA'I SBYOR BA NI DE LA 'BRAS BU DANG BCAS PA MA YIN LA, GZHAN DU NI SGRA YIN NO ZHES BYA BA'I RNAM PAR DBYE BA ZER BA NI, DE LTA NA YANG 'DAS PA DANG MA 'ONGS PA DAG CES BYA BA STE, MI SNANG BA MED PA ZHES BYA BAR SBYAR RO, ,MIG GI RNAM PAR SHES PAS GZUNG BA'I PHYIR YUL THAG RING BA LA SGRA THOS PA'I SHES PAS RTOGS PA YIN TE, GZHAN DU NA GNAS LA LTOS NAS KYANG JI LTAR YUL THAG RING BA NYID YIN TE, DE YANG RNA BAS MA RTOGS PA'I PHYIR RO ZHES BSTAN PA NI, DE NI RGYANG RING YUL NYID DU ZHES BYA BA'O, ,SNGON PO LA SOGS PA'I GSAL BA LA BRTEN PA MTSUNGS PA NYID TZAM GYI NGO BO SNGON PO LA SOGS PA'I CHA DANG LDAN PA'I RIGS NYID SNANG BA MA YIN NAM SNYAM DU SEMS PA LA, RIGS LDAN RIGS MIN ZHES BYA BA'O, ,GSAL BA'I NGO BO NI SO SOR GCIG LA GCIG LDOG PAR GRUB PA RANG RANG GI RGYU LAS GYUR PA YIN ZHES GZHAN GYIS KYANG KHAS BLANGS PA BSTAN TO, ,DE 'DI RIGS DANG LDAN PA YIN GYI RIGS NI MA YIN NO ZHES CI LAS SHES SHE NA, GANG GIS GZHAN LA BRTEN PA'I PHYIR, GZHAN LA LTOS PA NI GZHAN LA BRTEN PA YIN LA, KHRA BO LA KHU YU NYID DU SNANG

BA MA YIN TE, THA DAD PA'I GZHAN LA LTOS PA NYID NI 'BRAS BU NYID YIN LA, DE KHU YU LA SOGS PA LA PHAN TSUN MED DO, ,DE BSTAN PA NI, LTOS PHYIR 'BRAS BU NYID DU BRJOD, ,CES BYA BA'O, ,RANG GI RGYU LA LTOS NAS 'BRAS BU NYID YOD DO ZHE NA, DE LTA NA YANG GRUB PA NI LTOS PA MED PA YIN TE, GZHAN LA RAG MA LAS PA'I PHYIR RO ZHES BSTAN PA NI, GRUB PA'I PHYIR ZHES BYA BA STE RDZOGS PA'I PHYIR RO, ,MA GRUB PA NI GRUB PA 'BA' ZHIG KHO NA YIN GYI, LTOS PA NI MA YIN TE, RANG NYID PA NYID KYIS SO, ,KHRA BO LA SOGS PAR GRUB BU MA YIN PA NI LTOS PAR BYED PA MA YIN TE, LTOS PA MED PAR DMIGS PA'I PHYIR DANG, RDZOGS PA NYID KYIS DE LA LTOS NAS 'BRAS BU MA YIN PA'I PHYIR RO ZHES BSTAN PA NI, 'BRAS MIN JI LTAR YANG CI ZHIG ,CES BYA BA RNAM PA GNYIS SU'O, ,DE'I 'DI ZHES JI LTAR 'BRAS BU YIN PA DE BZHIN DU DE NYID 'DI'O ZHES 'BRAS BU MA YIN PAR RTOGS PA NYID DO ZHE NA RTOG PA 'BA' ZHIG GIS 'BREL PAR BYED PA YIN GYI, MNGON SUM GYIS NI MA YIN TE DE LAS BZLOG PAR DMIGS PA'I PHYIR RO, ,GSAL BA'I NGO BO LAS GZHAN NYID YIN NA, DE STE GSAL BA'I NGO BO RIGS DANG 'BREL PA MED DO, ,GANG GI PHYIR THA MI DAD PA DANG, CIG SHOS KYIS RNAM PAR RTOG PA MED PA DE'I PHYIR RIGS NI RANG BZHIN MED PA YIN TE THA DAD PA DANG CIG SHOS NYID DU BRJOD PAR BYA BA MA YIN TE, DNGOS PO MA YIN NA ZHES BYA BA'I DON TO, ,GAL TE THA DAD GRUB CES BYA, ,ZHE NA DANG, 'BRAS MIN NYID CES BYA BA YANG, SPYI YIN ZHES BYA BA NI ZHAR LAS BYUNG BA'O, ,LDOG PA'I PHYOGS LA BRTEN NAS BSHAD PA NI, GZHAN NYID YIN NA DE 'BREL MED, ,CES BYA BA 'DIS RTOGS PA'I DON YIN NO, ,GAL TE THA DAD GRUB CE NA, ,ZHES BYA BA 'DIS 'BRAS BU MA YIN PA'I GSAL BA'I YUL KHO NA LA 'CHAD PAR BYED PA NI, DE BZHIN DU KHRA BO LA SOGS PA NI GZHAN LA LTOS PA MED PAR ZHES BYA BA'O, ,'BRAS MIN JI LTAR YANG CI ZHIG ,CES BYA BA NI, GSAL BA'I YUL KHO NAR BSTAN PA NI, BZLOG PA LA SMOS KYANG CI DGOS ZHES BYA BA STE 'BRAS BU MA YIN PA'I GSAL BA'I NGO BO LA'O, ,GZHAN NAM SPYI YANG RUNG ZHES BYA BA NI MNGON PAR 'DOD PA YIN NO, ,GSAL

, ,BA LAS GSAL BA GZHAN NAM ZHES BYA BA 'DI NI SNGA MA LAS ZLOS PA YIN LA, NYES PA BSU BA YANG MA YIN TE BAR CHAD MED PA NYID KYIS MI DRAN PA MED PA'I PHYIR RO, ,DE LTAR NA KHRO BO LA SOGS PA'I BA LANG NYID NI SPYI MA YIN TE, RI BONG GI RVA BZHIN DU 'BREL PA MED PA'I PHYIR RO,, GAL TE 'GYUR NA RI BONG GI RVA LA YANG 'GYUR RO SNYAM DU SEMS PA LA, MED PA RIGS SU THAL MI 'GYUR, ,ZHES BYA BA SMOS TE, MED PA NI RI BONG GI RVA'O, ,CI LAS SHES SHE NA, LTOS PA MED PA'I PHYIR TE, RTOGS PAS 'BREL PAR BYED CES BYA BA'O, ,LTOS PA'I MTSAN NYID KYI 'BREL PA RTOGS PAS SPRUL PA'I RIGS DANG RIGS DANG LDAN PA DAG BSTAN PA MA YIN NO, ,'DI NI RI BONG GI RVA DANG BA KHRA MO DAG LA YOD PA MA YIN NO, ,DE LA BRTEN NAS ZHES BYA BA NI BA KHRA MO LA SOGS PA LA BRTEN NAS SO, ,DE LA YANG NI BA KHRA MO LA SOGS PA LA BA LANG NYID KYI RTOG PA 'JUG PAR BYED PA YIN PA'I PHYIR TE ZHEN PA'I PHYIR, SPYI DE'I NGO BO YIN GYI BA KHRA MO LA SOGS PA DE DAG GI 'BREL PA CAN THA DAD PA NI YOD PA MA YIN ZHING, THA MI DAD PA YANG MA YIN NO ZHES BSTAN PA NI, DE'I BDAG NYID KYI ZHES BYA BA'O, ,DNGOS SU 'BREL PA DANG BRAL BAR 'DOD PA TZAM LAS BYUNG BA RNAM PAR RTOG PAS BYAS PA'I 'BREL PA NI, PHYOGS DANG MTHUN PHYOGS PA BZHIN DU RI BONG GI RVA DANG BA KHRA MO DAG LA YANG CIS MI 'GYUR SNYAM DU SEMS PA LA, KHYAD PAR BSTAN PA NI DE'I PHYIR RI BONG LA BRTEN NAS ZHES BYA BA STE, BYIS PA DANG PHYUGS LA SOGS PA YANG BA KHRA MO MTHONG NAS, THU YUL LA SOGS PA MTHONG NA DE NYID LA DE NYID 'DI YIN NO ZHES RNAM PAR DPYOD KYI, RTA NGANG PA LA SOGS PA MTHONG BA LA NI MA YIN NO, ,DE YANG DON GYI KHYAD PAR MTHONG BA LAS BYUNG BA RTOGS PAS BYAS PA'I RIGS NI, BRDA YOD NA SGRA RNAMS KYIS BRJOD PAR BYA BA YIN TE, DE'I PHYIR RI BONG GI RVA DANG DON MTHONG BA LAS BYUNG BA'I RTOGS PAS GO BAR BYA BA'I YUL LA SGRA RNAMS RGYUD NAS, DON GYI YUL CAN DU 'GYUR RO ZHES BSTAN PA NI DE'I RIGS KYI'O, ,KHYAD PAR NI GSAL BA RNAMS SO, ,DE LA 'JUG PA NI RAB TU 'JUG PA'O, ,DGOS PA GANG DAG GIS YIN PA DE NI DON CAN NO, ,RTOG PA DANG MTSUNGS PA'I YUL CAN RNAMS

JI LTAR GSAL BA'I YUL CAN YIN ZHE NA, RTOG PA YANG ZHEN PA LAS DE'I YUL CAN KHO NA YIN TE, RTOG PA DANG MTSUNGS PA'I YUL CAN RNAMS KYIS SO ZHES BYA BA'I DON TO, ,NGO BO RNAMS NI RANG BZHIN RNAMS TE PHAN TSUN KHYAD PAR CAN RNAMS LA BRTEN NAS SKYES PA'I RTOG PAS SPRUL PA NI RIGS YIN NO, ,'DI DE YANG YIN LA KHYAD PAR YANG YIN PA'I RNAM PAR GCOD PA YOD DO, ,DE LA 'JUG PA NI RTOGS PAR BYED BA STE, GANG DAG GI DGOS PA YIN PA DE DAG GIS SO ZHES KHA CIG 'CHAD DO, ,DE LAS ZHES BYA BA NI KHYAD PAR LAS SO, ,DER LHAG PAR ZHEN PA ZHES BYA BA NI KHYAD PAR DU ZHEN BA'O, ,KHYAD PAR RTOGS PA KHO NA LAS RIGS RTOGS PA'I PHYIR RNAM PAR RTOG PA'I BYA BA NYID KHYAD PAR GYI YUL YIN NO, ,DE YANG KHYAD PAR THAMS CAD KYI THUN MONG YIN PA'I PHYIR SPYI ZHES BRJOD DO, ,GAL TE RNAM PAR RTOG PA'I BYA BA KHO NA RIGS YIN NA, MI GSAL BA'I NGO BO RNAM PA NYID JI LTAR YIN GANG GI PHYIR NGO BO MED PA LA NI NGO BOR RIGS PA MA YIN NO SNYAM DU SEMS PA LA, DE LA NGO BOR SNANG BA'AM ZHES BYA BA STE, DE LA NGO BOR SNANG BA NI GZUNG BA'I RNAM PA NGO BOR MTHONG BAR SGRO 'DOGS PA RNAM PAR RTOG PA'I BDAG NYID NI, DE'I BYA BA'I NGO BO'I RIGS LA YANG 'KHRUL PAS SBYAR BA THOG MA MED PA'I BAG CHAGS KYIS BSKYED PA YIN LA, NGES KYANG RIGS SU SBYAR BA'I NGO BO'I RNAM PAS DON LA YANG SBYOR BAR BYED PA NI, 'KHRUL PA KHO NA YIN PAR BSTAN PA NI, DON LA DE NYID DU 'DZIN BA ZHES BYA BA STE, 'DZIN PA NI SBYOR BA STE GCIG TU BYED PA'O, ,NGO BO'I RNAM PA NYID DO ZHES GZUNG BA'I RNAM PA DANG, RIGS SBYOR YIN PA NYID DU ZIN KYANG DE DAG SHES PA GCIG GI BDAG NYID DU GYUR PA'I PHYIR GCIG NYID DU ZHEN PA CI LAS YIN ZHES DBYE BA LAS DBYE BA BSTAN PA NI, NGO BO NYID LA ZHES BYA BA'O, ,NGO BO NYID NI GZUNG BA'I RNAM PA'O, ,MTHONG BA ZHES BYA BA NI RNAM PAR RTOG PA'I BDAG NYID DU GYUR PA NYID DO, ,MA MTHONG BA ZHES BYA BA NI GSAL BA DANG RNAM PAR RTOG PA DAG GI DBYE BA ZHES BYA BA'I DON TO, ,DE KHO NA MTHONG BA NYID KYIS ZHES BYA BA NI DBYE BA MTHONG BA NYID KYIS SO, ,RNAM PAR RTOG PA'I DBYE BA'I NGO BO'I SPYI BRJOD NAS, DON LAS LDOG

, ,PA'I NGO BO BSTAN PA NI DON RNAMS KYIS NI SPYI GANG YIN ZHES BYA BA'O, ,GZHAN DAG GI LDOG PA NI LDOG PAR BYED PA NYID KYI MTSAN NYID DE, NGO BO GANG GI YIN PA DE NI GZHAN LAS LDOG PA'I BDAG NYID KYI DNGOS KHO NA SPYI YIN LA, DE BRJOD PA'I SGRA DAG YIN GYI THA DAD PA'I SPYI YIN PAR SMRA BA BZHIN DU NI 'THAD PA MA YIN PA'I PHYIR, 'DIR GZHI MTHUN PA NYID MA YIN NO, ,DE LAS LDOG PAR BYED PA NYID NI SHES PAR BYED BA STE, DE LAS LDOG PAR BYED PA ZHES BYA BA DANG SBYAR BA STE, LDOG PAR BYED PA'I NGO BO'I DON TO, ,GAL TE 'JUG PAR YANG ZHES BYA BA NI SGRUB PA YANG NGO, ,'GOG PA ZHES BYA BA NI KHYER NAS MI 'ONG BA STE 'GOG PAR BYED PA'I NGO BOR RTOGS PA YIN NO, ,DE 'GOG PA ZHES BYA BA NI 'GOG PAR BYED PA NYID DO, ,DGAG PA LA ZHES BYA BA NI 'GOG PAR BYED PA NYID LA'O, ,BA LANG NGAM BA LANG MA YIN ZHES THE TSOM ZA BA, BA LANG MA YIN PA DANG 'BREL PA DE LA BA LANG NGO ZHES BYA BA NI, BA LANG MA YIN PA LDOG PAR BYED PA YIN GYI GZHAN LA NI DANG PO NYID BA LANG NGO ZHES SBYOR BA NI, BA LANG NYID SGRUB PA'I NGO BO RTOGS PA YIN GYI, RANG GI MTSAN NYID NI MA YIN NO, ,GZHAN YANG RIG PA NYID KHO NA DNGOS PO YANG DE YIN LA SPYI YANG DE YIN TE, DE YANG DKAR POR YANG 'GYUR SRID PAS, NAG PO ZHES BYA BA NI YANG LDOG PAR BYED PA'O, ,NAG PO YANG BA LANG MA YIN BA SRID PAS DE LDOG PAR BYED PA NI BA LANG NGO ZHES BYA BA LAS PHYI NAS RTOGS PAR 'GYUR GYI SNGAR NI MA YIN NO SNYAM DU SEMS PA NI, GAL TE SGRA DANG PO'I ZHES BYA BA'O, ,NGAG LA NI BYED PA'I TSIG GTZO BO YIN TE, BYA BA STON PA'I PHYIR RO ZHES STON PA NI, LEN PAR MI BYED PA 'DIR ZHES BYA BA'O, ,GZHAN CI YID CES BYA BA NI MI LEN PA YIN ZHES BYA BAR SBYAR RO, ,MING LA GZHAN DU THAL BAR 'GYUR RO ZHES BSTAN PA NI KHYER NAS 'ONGS PA NI KHYER NAS MA 'ONGS PA 'GOG PAR BYED PA DANG PO 'DZIN PA LA'O, ,DE NI BA LANG MA YIN PA LA YANG THAL BAR 'GYUR BAS BA LANG ZHES BYA BA'O, ,DE LAS KYANG NAG PO MA YIN PA LA YANG THAL BAR 'GYUR BA'I PHYIR, NAG PO'I ZHES BYA BA'I SEL BA NI SGRA'I DON TE, SEL BA KHO NA SGRA'I DON YIN NO ZHES BYA BA'I DON TO,,

MA YIN PAR DGAG PA KHO NA YIN GYI, MED PAR DGAG PA'I NGO BO NI MA YIN TE, DNGOS PO DE LAS GZHAN PA MED PA'I PHYIR RO, ,YOD BAR ZIN KYANG SPYI LA BSTAN PA'I GZHI MTHUN PA MA YIN PA NYID LA SOGS PA'I SPYI LA BSTAN PA'I SKYON RNAMS SU 'GYUR RO, ,MA YIN PAR DGAG PA BSGRUB PA KHO NA YIN NO ZHES ZER BA NI, GAL TE DE BKAG PA NI ZHES BYA BA'O, ,BDEN TE MA YIN PAR DGAG PA LA YANG DE'I BDAG NYID KHO NA GZHAN DANG THUN MONG MA YIN PA'I NGO BOS MED PAR DGAG PA BRJOD KYI DNGOS PO LAS THA DAD PAS THUN MONG MA YIN PA MA RTOGS PA'I NGO BO BSTAN PA NI BKAG PA NI 'GOG PAR BYED PA STE, DE'I RIGS MI MTHUN PA'O, ,GZHAN GYI RTOG PA YIN ZHES BYA BA NI THUN MONG MA YIN PA'I NGO BO'I RTOG PA'O, ,GAL TE YANG CHA DE LAS SGRA LAS RTOGS PA MA YIN YANG SEL BAR BYED PA'I BDAG NYID KYIS NI DE NYID RTOGS PA YIN PA'I PHYIR 'JUG PA KHO NA YIN PAR BSTAN PA NI, SGRA YI BYED PA DE LA MED, ,CES BYA BA STE, DE NYID DE ZHES DON DU GNYER BA NYID DO, ,GAL TE RTA LA SOGS PA GZHAN MED NA, GZHAN BA LANG GI JI LTAR YIN GANG GI PHYIR, MED PA SEL BAR BYED PA'I NGO BO YANG THUN MONG MA YIN PA'I NGO BO DANG BRAL BA MED PA TZAM KHO NA'O ZHES ZER BA NI GZHAN YOD PA NYID CES BYA BA'O, ,GZHAN RTOGS NA ZHES BYA BA NI YUL GZHAN RTOGS NA'O, ,DE YANG 'DI YIN LA RTOG PA YANG YIN PA DE SKYE BA'I PHYIR, RANG GI MTSAN NYID KHO NA MTHONG BA NI GZHAN LAS LDOG PAR BYED PA'I BDAG NYID KYIS RTOG PA'I YUL YIN NO, ,RANG GI MTSAN NYID NI RANG GI NGO BOS RNAM PAR RTOG PA LA MI SNANG BA MA YIN NAM, MA YIN DU ZIN KYANG RNAM PAR RTOG PAR 'GYUR BA YIN PAR BSTAN PA NI, RTOG PA'I RANG BZHIN ZHES BYA BA'O, ,RTOG PA GZHAN LAS LDOG PAR BYED PAR JI LTAR SHES PA DE BZHIN DU, DE DANG THUN MONG MA YIN PA LDOG PAR BYED PAR YANG NGO SNYAM DU SEMS PA LA, JI LTAR DE GZHAN MED PAR RTOGS PA DE BZHIN DU DE MED PA MA YIN PAR BSTAN PA NI, RANG GI BLO NYID DE STE, GZHAN GYIS DBEN PA KHO NA YIN GYI, THUN MONG MA YIN NO ZHES BYA BA NI RIM PA GZHAN NO, ,THUN MONG MA YIN PAS MED DO ZHES RTOGS PA MA YIN NO ZHES BYA BA'I DON TO, ,

, ,RIGS LDAN RIGS MIN ZHES BYA BA LA SOGS PAS SPYI NI THA DAD PA'AM, THA MI DAD PAR YOD PA MA YIN PA DE LTA MOD KYI, NGO BO MED CAN SPYI BLO LA, ,SPYI NYID DU ZHES BYA BA RANG GI NGO BOR MTHONG BA LAS SPYI NI MA YIN TE, SPYI MED KYANG SPYIR SNANG BA'I BLO NI DNGUL MED KYANG DNGUL DU SNANG BA'I BLO BZHIN DU, DA MA YIN BA LA DER 'DZIN PAS DON LA 'KHRUL PA YIN TE, NYA PHYIS LA DNGUL BZHIN DU SPYI YIN PAR 'DOD PA DE YANG BSLAD PA'I PHYIR TE SGRO BTAGS PA'I PHYIR, DE 'BA' ZHIG LAS NI MA YIN LA, NGO BO MED PA'I DON RNAMS GANG DAG YIN PA DE YANG SPYI YIN TE, BSLAD PA'I PHYIR RO, ,'DI YANG ZHES BYA BA'I DON NI YANG GI SGRA'O, ,DE 'DI NI SPYI MED KYANG JI LTAR RANG BZHIN MED PAR KHAS BLANGS PA NYE BAR SDUD PA NI DE NYID DU NA ZHES BYA BA'O, ,SPYI NYID DU NI MTHONG PHYIR ZHES BYA BA LA, SPYI BLO LA ZHES BYA BA NI RTOGS PA'I DON TE, SPYIR SNANG BA'I BLO NI SPYI'I BLO ZHES BRJOD DO, , 'BREL PAR NI NGO BO MED PA CAN LA RNAM PA MED PA NYID DU'O, ,SPYI BLO LA, SPYI NYID DU NI MTHONG PHYIR DANG, ,ZHES BYA BA NI SPYI NYID DU SNANG BA'I PHYIR RO, ,YANG ZHES BYA BA NI SRID PA'I DON TO, ,GAL TE RNAM PA MED PA NYID DU 'GYUR NA ZHES BYA BA'O, ,KHO BO'I BSHAD PA LA NI RNAM PA DANG BCAS PA DANG RNAM PA MED PA NYID KYI DBYE BA MED PA YIN LA, LHAG MA NI MTSUNGS SO, ,RIGS LDAN RIGS MIN ZHES BYA BA LA SOGS PAS BRJOD PAR BYA BA MA YIN PA'I PHYIR, RANG BZHIN MED PA NYID DU BSTAN TO, ,DE'I PHYIR NGO BO MED PA'I DON MED RNAMS KYI SPYI BLO LA ZHES BYA BA'I GANG YIN PA DE YANG TSIGS SU BCAD PA GSUM GYIS GO RIMS BZHIN DU RNAM PAR RTOG PA'I BYA BA TZAM DANG, LDOG PA DANG 'KHRUL PA NYID RNAMS KYIS DNGOS PO MED PA NYID YIN PAS BRJOD BYA MA YIN PA NYID BSTAN PA NI NGO BO MED PAS BRJOD BYA MIN ZHES BYA BA'O, ,RIGS LDAN RIGS MIN ZHES BYA BA 'DIS BRJOD PAR BYA BA MA YIN PA NYID NI, RANG BZHIN MED PA NYID LA GTAN TSIGS MA GRUB PA MA YIN NO SNYAM DU SEMS PA LA GAL TE BRJOD PA 'GA' ZHIG LAS ZHES BYA BA STE, GAL TE YANG BA LANG NYID RANG GIS GSAL BA RNAMS LAS BRJOD PAR BYA BA MA YIN YANG, RTA'I GSAL BA RNAMS LAS LDOG PA NI BRJOD BYA KHO NA YIN PA'I PHYIR BRJOD BYA

MA YIN PA MA GRUB PA YIN NO, ,GANG ZHIG KHA CIG TU BRJOD BYA'I DBYE BA MTHONG BA RANG GI GSAL BA LA GZHAN DU MI 'GYUR RO, ,DE'I PHYIR RANG GI GSAL BA LA BRJOD BYA MA YIN PA NI, GSAL BA GZHAN LA YANG DE KHO NA BZHIN YIN LA, 'BA' ZHIG NI MTSAN NYID MI MTHUN PA'I GSAL BDAG KHO NA DE LTAR THA DAD PA YIN GYI, RIGS DAG LA NI MA YIN TE, MA DMIGS PA'I PHYIR RO, ,GAL TE RIGS DAG LA THA DAD PA MED NA GSAL BYA DAG JI LTAR THA DAD PA YIN, RIGS NYID LA RNAM PA ZHES ZER TE DE GSAL BA GSAL BAR BYED PA'I PHYIR RO, ,RIGS DAG KYANG DE'I NGO BO NYID LA DBYE BA MED PAS JI LTAR DE LAS KYANG DBYE BA YIN ZHE NA, DBYE BAS DMIGS PA BA KHRA MO DANG, RTA NGANG PA LA SOGS PA'I GSAL BA DAG KHO NA'I DBYE BAS DE'I RGYU CAN GYI RNAM PAR RTOG PA DAG KYANG YUL GYI DBYE BA LA BTAGS PA YIN TE DE'I PHYIR RIGS NI 'GA' ZHIG LA BRJOD PAR BYA BA MA YIN PAR BSTAN PA NI, MIN PA NYID LA YIN ZHES BYA BA'O, ,'GREL PAR NI RANG GI NGO BO NYID DANG, KHYAB PA NYID KYIS DE BRJOD PAR BYA BA MA YIN PA NYID DANG, BRJOD PAR BYA BA ZHES KHYAB PA LA BRTEN PAS, DAG GCIG GIS BSHAD PA YIN TE, KHYAB BYA YOD PA'I PHYIR KHYAB BYED YOD PAR BSTAN PA NI DE NYID DANG GZHAN DAG TU ZHES BYA BA'O, , BRJOD BYA MA YIN BA NYID CES ZER BA NI JI STE SPYI GZHAN LAS ZHES BYA BA'O, ,THA DAD PAR SNANG BA MED PAS BRJOD BYA NYID MA YIN NA, SNANG BAR THA MI DAD PA'I PHYIR DE LTA YIN NA DNGOS PO MA YIN TE, DE BSTAN PA NI THA DAD PAR MI SNANG NA ZHES BYA BA STE, SO SOR SNANG BA THA DAD PA MED PA NYID NI DE NYID LA THA DAD PA NI DE NYID MA YIN PA'I PHYIR RJES SU DPAG PA MA YIN TE, DE NYID DANG GZHAN NYID BRJOD DU MED PA ZHES BYA BA'I DON TO, ,GAL TE DE DAG GI NI RI BONG GI RVA LA SOGS PA RNAMS KYI'O, ,RNAM PAR RTOG PA'I BYA BA TZAM GYI GZHAN LAS LDOG PA'I 'KHRUL BA NI, MTSAN NYID MI MTHUN PA'I SPYI BRJOD PAR BYA BA YIN NA 'DAS PA DANG MA 'ONGS PA SGRA SBYOR BAR MI 'GYUR TE, SPYI MED PA'I PHYIR RO ZHES BSTAN PA NI, 'DAS PA DANG NI MA 'ONGS PA YIN ZHES BYA BA'O, ,CI'I PHYIR SPYI MED CE NA YOD PA ZHES BYA BA NI DNGOS PO'I SPYI MED PA GSAL BA'I NGO BOR JI LTAR 'GYUR, MED PA'I CHOS NYID NI YOD PA NYID DU 'GAL BAS KHYAB

, ,PA YIN PAR BSTAN PA NI MED PA'I CHOS GANG YIN PA ZHES BYA BA'O, ,YOD PA MED PA'I CHOS NYID YIN NA MED PA KHYAB PAR BYED PAR 'GAL BA YIN PAR BSTAN PA NI, YOD PA MIN NA YANG ZHES BYA BA'O, ,DA LTAR YOD PA LA NI BUM PA'I SGRA GTZO BO YIN LA, MED PA 'DAS PA LA SOGS PA TSAD MA'I YUL NYID THUN MONG BA'AM, GZHAN LAS NYE BAR BTAGS PAR BYED DO SNYAM DU SEMS PA NI GAL TE NYE BAR BTAGS LAS DE 'DOD CES BYA BA STE, 'DAS PA LA SOGS PA SPYI NYE BAR BTAGS PA PA YIN PA'I PHYIR MED PA'I CHOS NYID MI 'GRUB STE, YOD PA NYID LA 'GAL BA KHYAB PA MI 'GRUB PO ZHES BYA BA'I DON TO, ,DE BSTAN PA NI MED PA ZHES BYA BA NI MA GRUB PA'O, ,YOD PA YANG MED PA'I CHOS YIN NA, KHYAB PAR BYED PA 'GAL BA YIN PA'I PHYIR DE YANG MA GRUB PA YIN PAR BSTAN PA NI, GANG ZHIG NYE BAR BTAGS PA ZHES BYA BA STE, GZHAL BYA NYID DU 'DRA BA'I PHYIR DA LTAR BA'I BUM PA 'DAS PA LA NYE BAR BTAGS PA NI, SNAM BU LA YANG KHYAD PAR MED DO, ,DE'I PHYIR 'DAS PA'I BUM PA'O ZHES BYA BAS 'DAS PA'I SNAM BU'O ZHES BYA BAR 'GYUR RO, ,ZHES BSTAN PA NI 'DAS PA ZHES BYA BA LA SOGS PA DE LA ZHES BYA BA'O, ,GZHAL BYA NYID DU 'DRA BA NYID KYIS NYE BAR BTAGS PA NI, 'DAS PA'I SNAM BU LA SOGS PA LA YANG 'GYUR BAR BSTAN PA NI 'BREL PA MED PAR ZHES BYA BA'O, ,NYE BAR BTAGS BAS KYANG MED PA LA 'JUG PA'I SGRA NI, MED PA'I YUL CAN DU 'GYUR BAR BSTAN PA NI, 'JUG NA NI ZHES BYA BA'O, ,DE YANG ZHES BYA BA'I SGRA'I BRJOD BYA'O, ,GCIG YIN PA'I PHYIR ZHES BYA BA NI DA LTAR BA DANG NGO, ,'DAS PA LA SOGS PA'I DUS KYI 'PHO BA 'JUG PA TZAM MO ZHES BYA BA'I LTA BA LA NI 'DAS PA LA SOGS PA GCIG PA NYID DU RIGS SO, ,DE NYID YIN TE ZHES BYA BA NI DA LTAR BA NYID DO, ,SPYI LTA BUR ZHES BYA BA NI DNGOS PO'I RANG GI NGO BO RTOGS PA YANG DON BYED PA DANG BRAL BA NYID KYI SPYI LTA BU'O, ,DON GYI NGO BO NI DA LTAR BA BZHIN DU DON BYED PA MED KYANG SPYI LTA BU MA YIN TE, SNANG BA THA DAD PA'I PHYIR RO ZHES BSTAN PA NI GAL TE DE MED NA ZHES BYA BA'O, ,GAL TE 'DAS PA LA SOGS PA RTOGS PA LAS THA DAD PA KUN RDZOB YIN NA, DE RNAM PAR DBYE BA BYED PA PO MA YIN TE, RTOGS PA THAMS CAD DON LA DMIGS PA NYID DU BYE BRAG MED PA'I PHYIR RO ZHES

BSTAN PA LA, KUN RDZOB 'DI CI ZHES BYA BA NI MA YIN PA KHO NA'O, ,CI LAS SHES SHE NA DON ZHES BYA BA'O, ,THA SNYAD KYI NGO BO NI KUN RDZOB YIN PA LA DON GO BAS GNOD PA YIN PAR BSTAN PA NI KUN RDZOB BDEN PA'I ZHES BYA BA'O, ,DNGOS PO BRJOD PAR BYA BA YIN NA BTAGS BA MA YIN TE, GTZO BO NYID DU THAL BAR 'GYUR BA'I PHYIR DNGOS PO MA YIN PA LA YIN NO, ,DE'I PHYIR YANG DNGOS PO MA YIN PA BRJOD BYAR THAL BAR 'GYUR RO ZHES BSTAN PA NI DE'I PHYIR DNGOS PO ZHES BYA BA'O, ,BA LANG LA BA LANG NGO ZHES BYA BA BZHIN DU BRJOD PA THA DAD PA CAN GTZO BO MA YIN NAM, DE MED PA LAS NI BTAGS PA YIN BA NI KHUR BU BA LA BA LANG NGO ZHES BYA BA LTA BU'O ZHES ZER BA NI, 'ON TE MED PAR RTOGS PA ZHES BYA BA'O, ,YUL MED PA NYID DU SGRUB PAR BYED PA NI GANG ZHIG MTHONG BA ZHES BYA BA'O, ,NGO BO GANG DU ZHES BYA BA SNANG BA'I DBYE BAR MI NUS PA'I PHYIR RO, ,GANG GIS DE DNGOS ZHES BYA BA NI MED PA'I YUL CAN NYID DU THAL BAR 'GYUR BA'I PHYIR RO, ,'DAS PA LA DE'I NGO BO RTOGS PA NYID DA LTAR BAR SGRO 'DOGS PA JI LTA BA DE BZHIN DU, DE'I DUS CAN DU YANG BSTAN PA NI DE LTA NA NI, 'O NA ZHES BYA BA'O, ,DE LTA MA YIN PA NI RANG GI NGO BO MA YIN PA'O, ,SPYI ZHES BYA BA NI MTHONG BAR SGRO BTAGS PA'I NGO BO'O, ,THAMS CAD DU ZHES BYA BA NI MNGON SUM MA MA RJES SU DPAG PA'O, ,'O NA NI DE ZHES BYA BA NI RJES SU DPAG PA'I YUL LO, ,MNGON SUM GYIS RTOGS PA'I GSAL BA'I NGO BO NI RJES SU DPAG PA'I YUL MA YIN YANG, MI GSAL BA NI DE NYID 'DI ZHES BYA BA 'AM THAG RING BA YANG RUNG BA YUL KHO NA YIN NO SNYAM DU SEMS PA NI, 'ON TE MNGON SUM GYIS KYANG ZHES BYA BA'O, ,DE NYID 'DI'O ZHES BYA BA NI MNGON SUM PA MA YIN TE, BRTAG PAR BYA BA MA YIN PA'I PHYIR RO, ,THAG RING BA LA YANG RGYU'I SKYON GYIS RAB RIB CAN BZHIN DU YIN PAR BSTAN PA NI, SPYI DE LA NI MNGON SUM NYID CES BYA BA'O, ,GNYI GA'I THUN MONG YIN NA ZHES BYA BA NI, DE NYID 'DI'O ZHES BYA BA'I 'DAS PA DANG DA LTAR BA GNYI GA DE DANG THUN MONG PA'O, ,MNGON SUM GYIS DA LTAR BA 'DAS PA'I SNANG BA DANG LHAN CIG PA THA MI DAD PAR MA RTOGS PA YIN PAR BSTAN PA NI DA LTAR BAR SNANG BA NI ZHES BYA BA'O, ,RNAM PAR RTOG PA LA YANG DE'I BYA BA LAS

, ,THA DAD PA THUN MONG BA'I NGO BO MED PAR BSTAN PA NI, DU MA NYID DU SNANG NA YANG ZHES BYA BA'O, ,DE'I SGRUB PA RIGS DANG 'DRA BA NYID 'BREL PA LA SOGS PA NYE BAR BYAS PA KHO NA NYE BAR BTAGS PA YIN GYI, RGYU MTSAN MED PA TZAM GYI RGYU CAN MA YIN PAR BSTAN PA NI, BLO NI 'KHRUL PA MED 'JUG PA, ,ZHES BYA BA'O, ,RGYU MTSAN DANG DE DANG 'BREL PA'I RGYU MTSAN NYID YIN GYI RGYU MTSAN MED PA TZAM GYI RGYU CAN NI NYE BAR BTAGS PA MA YIN TE, THAL CHES PAS 'KHRUL BA'I PHYIR, RGYU MTSAN DANG DE DANG 'DRA BA'I RGYU CAN NYID KYIS GTZO BO DANG BTAGS PAR YANG BDAG NYID JI LTA BA BZHIN DU YUL LA MA 'KHRUL PA KHO NA'O ZHES BYA BA'I 'DOD PA GZHAN YIN NO SNYAM DU SEMS PA LA, GTZO BO DANG SGRO BTAGS PA'I RGYU MTSAN YOD PA KHO NA LA BLO 'JUG GI ,MED NA NI 'KHRUL PA MED PA MA YIN NO, ,'GREL PAR NI 'KHRUL PA MED PA'I BLO'I YUL GTZO BO YIN LA, GZHAN NI BTAGS PA YIN ZHES KHONG NAS 'BYUNG BA YIN TE, DE BSTAN PA NI CIG SHOS ZHES BYA BA NI 'KHRUL PA'O, BRAM ZE'I KHYE'U LA YANG ZHES BYA BA'O, ,GZHAN DU ZHES BYA BA NI RGYU MTSAN MED PA TZAM YUL DU BTAGS PA LA'O, ,YUL MED PA NI BTAGS PA PA YIN TE, 'DRA PA'I RGYU MTSAN NYID KYIS GTZO BO MA YIN PA BZHIN NO, ,'KHRUL PA MED PAS 'JUG PA BSTAN PA NI, DON MED NA YANG 'GRO BA YIS, ,ZHES BYA BA STE, DON MED PA NYID NI BTAGS PA BA MA YIN TE, 'KHRUL PA MED PAR 'JUG PA NYID MA YIN NO ZHES BYA BA'I DON TO YANG NA DNGOS DANG BTAGS PA BDAG GI RGYU MTSAN NI, DNGOS LA 'KHRUL PA MED PAR 'JUG PA NYID KHO NA'O ZHES BYA BA TSIGS SU BCAD PA SNGA MA'I DON LA YANG SBYOR BAR BYED PA NI GANG LA ZHES BYA BA STE, GCIG LA 'KHRUL PAS 'JUG PA NYID, GZHAN LA DE LAS BZLOG PA KHO NA YIN NO ZHES BYA BA'I DON TO, ,'GREL PA'I BSHAD PA NI GSAL BA KHO NA YIN NO, ,GZHAN DU ZHES BYA BA NI DGOS PA DANG BCAS PA LAS SO, ,MTSUNGS PA'I PHYIR ZHES BYA BA NI 'KHRUL PA MED PAR RTOGS PA NYID KYIS SO, ,YOD PA DANG MED PA'I YUL NYID KYIS DON SNA TSOGS PA NI BA LANG GI SGRA BZHIN DU GTZO BO KHO NA YIN NO SNYAM DU SEMS PA LA, GNYI GA LA

RTOGS BYA GCIG BA NYID DU BSTAN PA NI DNGOS PO MED PA 'DZIN PA ZHES BYA BA STE, GANG GI PHYIR BUM PA'O ZHES 'DAS PA'AM, DA LTAR BA LA THA DAD PAR 'JUG PA MA YIN NO ZHES BYA BA'I DON TO, RNAM PA MTSUNGS PA CAN GYIS ZHES BYA BA NI DA LTAR BA DANG NGE, ,RTOGS PA NYID LAS ZHES BYA BA NI RTOGS BZHIN PA MED PA'I PHYIR RO, ,ZHIG PAR MA SHES PA ZHES BYA BA NI 'DAS PA'I KHYAD PAR DANG BRAL BA LA'O, ,'DI ZHIG GO ZHES BYA BA NI 'DAS PA'I KHYAD PAR CAN LA'O, ,THE TSOM ZHES BYA BA NI ZHIG PA LA ZHIG PA 'AM 'ON TE MA ZHIG PA ZHES SO, ,DNGOS PO 'DZIN PA'I RTOG PA LA 'DAS PA'I SHES PA GNOD PA YIN PAR BSTAN PA NI, GAL TE DNGOS PO ZHES BYA BA'O, ,DE LAS DE DANG ZHES BYA BA NI DUS THA DAD PA LA YANG LHA SBYIN KHO NA'O ZHES BYA BA NI GZHAN GYIS 'DOD PA'O, ,YOD PA'I RTAGS DU BA LA SOGS PA NI, KHYAB PAR BYED PA YOD BZHIN PAR RNAM PAR GZHAG PA BYED PA YIN PAR BSTAN PA NI 'O NA TE RJES SU DPAG PA LAS ZHES BYA BA'O, ,RTAGS KYI KHYAD PAR LAS ZHES BYA BA NYID 'CHAD PA NI 'DI LTAR ZHES BYA BA'O, ,DE NI ZHES BYA BA NI DA LTAR BA'I DNGOS PO'I YUL CAN YIN NO, ,MNGON SUM BZHIN DU BZUNG BA LA YANG CHA KHA CIG LA MA NGES PA'I PHYIR MA BZUNG BAR MNGON PAR SEMS PA YIN NO SNYAM DU SEMS PA NI, RNAM PA GZHAN ZHES BYA BA'O, ,NGES PA'I BDAG NYID KYI RJES SU DPAG PA LA MNGON SUM GYI RIGS PA MED PAR BSTAN PA NI DE LA RNAM PA GZHAN DE NI ZHES BYA BA'O, ,GZHAN DU ZHES BYA BA NI MA GTOGS PA NYID LA'O, ,'ON TE 'DI LA ZHES BYA BA NI SNANG BZHIN PA LA'O, , GAL TE MA MTHONG BA TZAM LA THE TSOM ZA BA MA YIN NA, GANG GIS THAL CHES PAR 'GYUR, 'ON KYANG CHOS CAN SPYIR MTHONG LA DE'I KHYAD PAR RNAMS MA MTHONG BA MTHONG PAR 'DOD PAS THE TSOM GYI YUL YIN NO ZHES ZER BA NI 'ON TE SPYI ZHES BYA BA'O, ,MNGON SUM LAS GZHAN PA MNGON SUM MA YIN PA'I SHES PA NI DRAN PA STE, MNGON SUM MA YIN NO ZHES BKAG PAS KHYAD PAR GYI NGO BO LA DMIGS PA'I SHES PA GZHAN YANG YOD PA YIN NA JI LTAR THE TSOM YIN MED PAR DGAG PA YIN NA NI, ,MA MTHONG BA LA THE TSOM DU 'GYUR RO ZHES BSTAN PA YIN PAR BSTAN PA NI, MED DANG MA YIN PA DAG LAS,

, ,ZHES BYA BA STE, RJES SU BYED PA YIN PA'I PHYIR GNAS MA YIN PA LA SLAR YANG BRJOD PA LTA BU'O, ,SNANG BA NYID DON DANG DON MA YIN PA LA THUN MONG BA YIN GYI, DON 'BA' ZHIG LA MA YIN PAR BSTAN PA NI 'O NA NI SNANG BA TZAM KHO NA LA'O ZHES BYA BA'O, ,MA YIN PAR DGAG PA DRAN PA THE TSOM GYI RGYU MTSAN LA SPYI MNGON SUM MO ZHES MNGON SUM GYI KHYAD PAR DU MI RIGS PAR BSTAN PA NI SPYI MNGON SUM YIN PA'I PHYIR ZHES BYA BA STE, DE YANG KHYAD PAR GYI NGO BO YIN PAS SO, ,GAL TE KHYED KYI 'DOD PA LA YANG MTHONG BA LA THE TSOM MED NA, ,MA MTHONG PA YANG THE TSOM MED DO ZHES BYA BA JI LTAR SKYON MA YIN ZHE NA, BAG CHAGS LAS RTOGS PA KHA CIG DMIGS PA MED PAR SKYE BZHIN PA THE TSOM MED PAR BSTAN PA NI DE'I PHYIR ZHES BYA BA STE, MA MTHONG BA 'GA' ZHIG LA ZHES BYA BA'I DON TO, ,GAL TE RJES SU DPAG PA MNGON SUM BZHIN DU DNGOS PO 'DZIN PA YIN NA GZHAN NYID DU RTOG PA YIN YANG G-YO BAR MI 'GYUR BA ZHIG NA, G-YO BA YIN TE SNGAR RTOGS PA'I RGYUN LDOG CING RGYUN GZHAN YANG 'DOD PA LAS SKYE BAR BSTAN PA NI GAL TE DER NI DNGOS PO DANG REG PAS ZHES BYA BA'O, ,DE MED PA'I PHYIR RO ZHES BYA BA NI G-YO BA MED PA'I PHYIR RO, ,RNAM PAR RTOG PA MED PA YIN YANG RGYU LA RANG GI NGO BO 'DZIN PA DANG BRAL BAR 'GYUR BA MA YIN NO, ,MA YIN TE RGYU MED PA'I PHYIR ZHES BYA BA NI RJES SU DPAG PA'I RGYUN YANG PHYIR CI LOG PA YIN NA, RNAM PAR GCOD PAR 'GYUR GYI MNGON SUM NI MA YIN NO, ,DE'I RGYU MED NA MI 'BYUNG BA'I RGYUN NYID DU NGES PA KHO NA RTAGS KYI BYA BA MA YIN NO SNYAM DU SEMS PA NI 'ON TE GZHAN DU ZHES BYA BA'O, ,RJES SU DPAG PAS DNGOS PO'I RANG GI NGO BO MTHONG BA NA, MED NA MI 'BYUNG BA NYID DU NGES PA KHO NAR BSTAN PA NI DE MTHONG NA ZHES BYA BA STE DNGOS PO'I MTHONG NA'O, ,BSTAN PA YIS ZHES BYA BA NI RJES SU DPAG PAS SO, ,DE DANG 'DRA BA NYID LAS MNGON SUM PA'I GZUGS 'DZIN PA'I BDAG NYID KYI RJES SU DPAG PA LA MTHONG BA NI, RANG GI NGO BO 'DZIN PA MA YIN NO, ,MTHONG BA'I ZHES BYA BA NI MNGON SUM GYIS TE DE NI DPE YIN NO, ,RANG GI NGO BOR MA MTHONG BA NYID G-YO BA YIN PAR BSTAN PA NI REG BYA REG MA YIN ZHES BYA BA'O, ,BSHAD PA YIN NO ZHES

BYA BA NI SNANG BZHIN BA LA MNGON SUM 'GAL BA'I PHYIR RO ZHES MA MTHONG BA KHO NA ZHES 'DIS BSTAN PA YIN NO, ,RNAM PAR RTOG PAR RIGS PA MA YIN NO ZHES BYA BA NI THE TSOM ZA BAR RO, ,RNAM PA GZHAN GYIS ZHES BYA BA NI SKAD CIG PA NYID DAM MA GOMS PA'AM THAG RING BA'I KHYAD PAR LA'O, ,DPAG BYA LA ZHES BYA BA NI MNGON SUM GYIS MA NGES LA, RJES SU DPAG PAS NGES PA'I KHYAD PAR GYI CHA LA YANG RGYANG RING PO NAS MTHONG BA'AM, MA MTHONG BAS KHA CIG LA YANG RJES SU DPAG PA NYID YIN TE 'OG GI CHA LA DBUS KYI CHA BZHIN DU DNGOS PO GCIG YIN PA'I PHYIR RO, ,SNANG BZHIN PA NI RJES SU DPAG PA LA YANG SLU BAS G-YO BA MA YIN PA MA YIN NO SNYAM DU SEMS PA LA SNANG BA LA ZHES BYA BA'O, ,PHYI ROL LA LTOS PA'I DBYE BA NI MNGON SUM DANG RJES SU DPAG PA DAG GIS TE, MNGON SUM DANG DE'I SNANG BA DAG GIS YIN GYI, RANG RIG PA LA LTOS PA NI MA YIN NO ZHES LAN DU BSTAN PA NI THA DAD CES BYA BA'O, ,'GA' ZHIG CES BYA BA NI RAB RIB LAS BYUNG BA LA SOGS PA'O, ,RJES SU DPAG PA NYID KYANG ZHES BYA BA NI MNGON SUM LTAR SNANG NYID CES BYA BA DANG SBYAR RO, ,DA LTAR BA'I DNGOS PO'I NGO BOR SNANG BA RJES SU DPAG PA YIN DU ZIN KYANG, DE TZAM GYIS NI RAB RIB LAS BYUNG BA BZHIN DU TSAD MA MA YIN TE, 'BYUNG BAR 'GYUR BA'I DNGOS PO DANG 'BREL PA MED PA'I PHYIR RO ZHES BSTAN PA NI, YANG NA ZHES BYA BA'O, ,DE NI SKYES BU GZHAN GYIS ZHES BYA BA NI 'BYUNG BAR 'GYUR BA'I MNGON SUM NYID KYIS YIN TE, DA LTAR BA NI RAB RIB LAS BYUNG BA LA YANG YOD PA'I PHYIR RO, ,RJES SU DPAG PA NYID YIN PA'I PHYIR ZHES BYA BA NI, DANG PO'I RJES SU DPAG PA DANG LDAN PA MTSUNGS PAR DNGOS PO 'DZIN PA MA YIN YANG, DNGOS PO MED NA MI 'BYUNG BA'I PHYIR DNGOS PO 'DZIN PA YIN NO, ,DNGOS PO'I YUL LA DNGOS POR SNANG BA THAMS CAD RJES SU DPAG PAR BTAGS PAR 'GYUR PAR BSTAN PA NI, RJES SU DPAG PA THAMS CAD CES BYA BA'O, ,YOD PA YANG MED PA'I YUL NYID DU DNGOS DANG BTAGS PA'I MTSAN NYID MA 'KHRUL PA DANG, CIG SHOS KYI SHES PA'I YUL NYID MA YIN NO ZHES 'DI CI LAS SHES SNYAM DU SEMS PA LA, 'JIG RTEN GYI GRAGS PA LAS SO ZHES BSTAN PA

, ,NI; JI LTAR DNGOS PO NUS MED PA, ,ZHES BYA BA STE, RAB TU BSTAN PA LA'O, ,MED PAR BRJOD PA'I PHYIR MED CE'AM ZHES BYA BA NI GTZO BO LA SOGS PA'I MNYAN PA YIN NO, ,GTZO BO LA SOGS PA DNGOS PO MA YIN TE, TSAD MA MA YIN PA'I PHYIR NUS PA MED PA'I DNGOS PO LA GRANGS CAN GYI SKYES BU'I SGRA DE 'BRAS BU DU MA'I NUS PA CAN LA YANG GTZO BO'I SGRAR BYED DO, ,DE YANG GTZO BO'I SGRAR BYED LA, DE YANG 'BRAS BU SNA TSOGS PA NYID KHAS BLANGS PA'I PHYIR, ,YOD PA'I YUL YIN YANG BTAGS PA YIN TE, MED PA'I YUL LA YANG GTZO BOR BSTAN PA NI RTOG PA CI BZHIN DU ZHES PA STE, GRANGS CAN GYI RTOG PA DANG RJES SU MTHUN PA'I DNGOS PO MED KYANG, GTZO BO LA SOGS PA'I SGRA GTZO BOR BYAS PA YIN ZHES BYA BAR SBYAR TE, KHYED KYI 'DOD PA NI 'JIG RTEN LAS PHYIN CI LOG PAR DMIGS PA YIN NO ZHES BYA BA'I DON TO, ,MED PA LA YANG GTZO BO LA SOGS PAR SGRO 'DOGS PA YIN TE SGRO GDAGS PAR BYA BA MED PA'I PHYIR MED PA'I YUL CAN BTAGS PAR 'GYUR BAS ZER BA NI JI STE GZHAN ZHES BYA BA'O, ,'DAS PA'I BUM PA LA SOGS PA'I SGRA 'KHRUL PA RTOGS PA'I YUL NYID BTAGS PA PA NYID MA YIN PAR BSTAN PA NI, SGRA LAS ZHES BYA BA'O, ,ZHIG PA STE 'DAS PA LA'O, ,MA ZHIG PA NI DA LTAR BA LA'O, ,DE 'DRA NYID NI KHYAD PAR MED PA NYID DO, ,YOD PA DANG MED PAS YANG MTSUNGS PAR KHO NA YIN GYI DES BYAS PA'I KHYAD PAR NI MA YIN NO, ,MNGON SUM MA LA NI MED PA LA MED PA KHO NA ZHES KHYAD PAR YIN PAR BSTAN PA NI DON YOD CAN ZHES BYA BA'O, ,'DAS PA DANG, DA LTAR BA LA YANG 'KHRUL PA MED PA'I BLO 'DZIN PA NYID SPYI TZAM 'DZIN PA YIN TE, DON YOD PA'I PHYIR NI MA YIN NO, ,GTZO BO LA SOGS PA'I BLO YANG RTOG PA JI LTA BA BZHIN DU SPYI'I YUL CAN KHO NA MA YIN NAM SNYAM DU SEMS PA NI SPYI TZAM ZHES BYA BA'O, ,GSAL BA'I MTHAR THUG PA NYID MED NA DE SPYI MA YIN ZHING, 'DAS PA LA SOGS PA YANG MA YIN PAR BSTAN PA NI DE YANG ZHES BYA BA'O, ,GSAL BA MA GTOGS PA'I 'BA' ZHIG 'DZIN PA NI SPYI MA YIN PAR 'GYUR YANG THA MI DAD PA LA NI SKYON 'DI MA YIN PA MA YIN NAM ZHES ZER BA NI 'ON TE GSAL PA DE NYID

CES BYA BA'O, ,GSAL BA RNAMS KYI NGO BO NI PHAN TSUN LDOG PAR 'DOD PA YIN LA, THA MI DAD PAR RTOGS PAR MI NUS PA'I PHYIR DE LA REG PA'I RTOG PA MA YIN NO ZHES BSTAN PA NI, PHAN TSUN KHYAD PAR CAN RNAMS NI ZHES BYA BA'O, ,SNANG BA NI LOG PA YIN LA MA LOG PA NI BRTAG BYA KHO NA MA YIN NAM ZHES ZER BA NI, NGO BO GNYIS NI YOD NA YANG, ,ZHES BYA BA'O, ,DE'I RJES SU 'GRO BA STE SPYI'I'O, ,RANG GI NGO BO NYID NI RJES SU 'GRO BA'I NGO BA'O, ,RANG GI NGO BO NYID KYIS ZHES BYA BA NI MNGON SUM GYIS SHES PA'I MNGON SUM YIN NO, GAL TE GSAL BA'I NGO BO MA LOG CING GCIG YIN NA, GSAL BA'I NGO BOR MI 'GYUR TE, DE LDOG PA'I NGO BO YIN PA'I PHYIR RO ZHES BSTAN PA NI, GSAL BA THA DAD PA MED PAR 'GYUR TE ZHES BYA BA'O, ,DE LTA NA YANG ZHES BYA BA NI GSAL BA'I MTHAR THUG PA MED PA MED PA'I PHYIR RO, ,DMIGS PA KHO NA YIN NO ZHES BYA BA NI MNGON SUM GYIS SO, ,RJES SU SONG BA'I RNAM PA CAN GYIS SHES PA ZHES BYA BA NI RNAM PAR RTOG PA'O, ,'DI LTAR SNGON PO ZHES BYA BA BA ZHIN DU 'DI SPYI'O ZHES JI LTAR SOR MOS STON PA MA YIN ZHES BSTAN PA NI, DE NYID DE LTAR ZHES BYA BA'O, ,BAG CHAGS LAS BYUNG BA'I RJES SU SONG BA'I SHES PA NI, DON SHUGS KYIS 'PHANGS PA MA YIN PAR BSTAN PA NI, THA SNYAD KYI BAG CHAGS KYI ZHES BYA BA'O, ,GNAS SKABS KYI BSU BA NI SPYI GZHAN NYID NI ZHES BYA BA'O, ,RNAM GZHAN ZHES BYA BA NI SNANG BA GZHAN NO, ,SNANG BA GZHAN TE DE NI DE NYID MA YIN NO ZHES BYA BA'I RIM PA'O, ,DE LTAR NA CI 'GYUR ZHE NA, GZHAN DU'O ZHES BYA BA'O, ,CI LAS SHEN MNGON SUM LAS SO, ,BAG CHAGS LAS BYUNG BA'I RTOG PA NI DON GYIS 'PHEN BA MA YIN PAR BSTAN PA STE, RJES 'GRO'I RTOG PA LAS ZHES BYA BA'O, ,GSAL BA LAS LOG PA YANG SPYI'I 'BREL PA MED PAR BSTAN PA NI DE DAG LAS TE, GSAL BA DAG LAS SO, ,MTSUNGS PA'I DNGOS NI GZHAN NYID DU GAL TE 'GYUR NA ZHES BYA BAR SBYAR RO, ,RTA NYID KHRA MO LA SOGS PA DANG 'PHREL PA MED PA NYID YIN PA'I PHYIR KHYAD PAR DU BYED PA NI DE DAG CES BYA BA'O, ,LAN NI DE DAG GI ZHES BYA BA'O, ,GZHAN LAS LOG PA NI SPYI YIN PAS DNGOS PO MA YIN TE, LOG PA DANG MA LOG PA'I

, ,RNAM PAR RTOG PA'I GZHI MA YIN PAR BSTAN PA NI LDOG PA LA NI ZHES BYA BA STE, LOG PA NI DE MA YIN PA LAS LOG PAS DNGOS PO MTSUNGS PA BZHIN DU RTOG PAR BYED CES BYA BA'I DON TO, ,GAL TE DE DAG NYID MTSUNGS PA'I NGO BOR 'DOD NA DE DAG LAS GZHAN DU 'GYUR RO ZHES BYA BAR SBYAR DU YANG RUNG NGO, ,GANG GI PHYIR DNGOS PO'I NGO BO NI, DE NYID DANG GZHAN NYID DAG GIS BRJOD PAR BYA BA MA YIN PA DE NYID KYI PHYIR, ,DNGOS PO MA YIN PAR BSTAN PA NI, DE PHYIR MTSUNGS NYID SPYI 'DI LA, ,ZHES BYA BA STE, RTOG PA GCIG GI RTOGS PAR BYA BA'I PHYIR, DE NYID DAM GZHAN NYID DAG TU MNGON SUM GYI YUL MA YIN NO ZHES BYA BA'I DON TO, ,DNGOS POS YOD PA'I SPYI NI 'BRAS BU'AM CIG SHOS KYANG RUNG BA DE NI CIG SHOS MA YIN TE, SPYI MA YIN PAR THAL BAR 'GYUR RO ZHES BSTAN PA NI DE 'BRAS YIN ZHE NA YANG ZHES BYA BA'O, ,'BRAS BU NYID YIN NA YANG GSAL BA BZHIN DU 'JIG PA CAN DU 'GYUR BAR BSTAN PA NI, 'JIG 'GYUR DE YANG 'DOD MA YIN, ,ZHES BYA BA'O, ,'BRAS BU YANG YIN LA RTAG PA YANG YIN NA 'GAL BA CI ZHIG YOD CE NA, DNGOS PO TZAM DANG NI BYA BA SMOS TE, DNGOS PO NYI DAM 'BRAS BU NYID KYANG RUNG MI RTAG PA NYID KYIS KHYAB PA PA YIN LA, MI RTAG PA DANG 'GAL BAS KHYAB PA YIN ZHES BYA BA'I DON TO, ,'BRAS BU NYID MA YIN NA YANG, ,YOD NA THAMS CAD LA LTOS MIN, ZHES BYA BA'I RIGS PAS GSAL BA RNAMS DANG 'BREL PA CAN MA YIN PA'I SPYI NI, NAM MKHA' LTA BUR 'GYUR ZHES BSTAN PA NI MA 'BREL BA DANG ZHES BYA BA STE, GSAL BA RNAMS DANG NGO, , DNGOS MED NI RANG BZHIN MED PA NYID DE RI BONG GI RVA BZHIN DU 'BRAS BU MA YIN PA'I PHYIR RO, ,'KHRUL PA ZHES BYA BA NI RANG GI RNAM PA LA DON GYI BDAG NYID DU MNGON PAR ZHEN PA LAS RTOGS PA'I 'BRAS BU YIN NO ZHE NA ZHES BYA BAS, RNAM RTOG SKYE BA'I SA BON NO, ,ZHES ZER BA'O, ,BA LANG NGO BA LANG NGO ZHES SNGAR MTHONG BA NGO SHES PA NI GSAL BA LA SPYI SGRUB PA MA YIN NAM SNYAM SEMS PA LA NGO SHES PA NI ZHES BYA BA'O, ,MA NGES PA ZHES BYA BA NI NGES PA MED PA'O, ,SPYI RNAMS LA GCIG PA'I SGRA'I RGYU MTSAN SNGAR MTHONG BA NGO SHES PA NI GSAL BA RNAMS LA YANG KHYAD PAR CAN MA YIN TE, NGO BO

GZHAN MA MTHONG BA LA SOGS PA'I KHYAD PAR YIN PA'I PHYIR RO, ,YUL MED NA NI BLO RNAMS KYI, ,SKYE BA MED CES ZER BA NI SPYI NI RTOGS PA YIN NO ZHES BYA BA'O, ,THAMS CAD MTSUNGS SO ZHES BYA BA NI GSAL BA RNAMS LA YANG BRTAGS PA'I SPYI NI MNGON SUM GYIS RTOGS PA MA YIN NO, , BRDA DANG MTSUNGS PA'I YUL NYID NI BZLOG PA DANG 'GAL BA CAN YIN TE, DNGOS PO'I YUL NYID LA 'GAL BAS KHYAB PA YIN PAR BSTAN TE, 'DI BRDA LA MA LTOS PAR RTOGS PA MA YIN GYI 'O NA CI ZHE NA, DE LA LTOS PA YIN NO, ,'DIS NI YUL GANG LA BRDA YIN PA'I YUL DE LA DE'I SHES PA YIN NO ZHES BSTAN TO, ,DNGOS PO'I YUL CAN NYID NI BRDA MED PA DANG MTSUNGS PA MA YIN PA'I YUL CAN MA YIN PA NYID KYIS KHYAB PA NI, BRDA DANG MTSUNGS PA'I YUL NYID LA 'GAL BA KHYAB PA YIN NO ZHES BSTAN PA NI DNGOS PO'I STOBS KYIS SKYES PA'I ZHES BYA BA'O, ,SGRO 'DOGS PA NYID DO ZHES BYA BA NI YUL LA'O, ,GAL TE SPYI'I SHES PA BRDA LA LTOS PA YIN ZHES CI LAS SHES SNYAM DU SEMS PA LA BRDA MED PAR ZHES BYA BA STE, DANG PO BSRING NGO ZHES BYA BA BZHIN DU GOO ZHES BYA BA'I BRDA YIN NA, 'DI NI GO'I SGRAS BRJOD PAR BYA BA YIN ZHES BYA BA'I DON YIN PA'I PHYIR BRDA MED NA GAR YANG SGRA RJOD BYED MA YIN NO ZHES BYA BA'I DON TO, ,GSAL BA GZHAN MTHONG BA LAS ZHES BYA BA NI, MTHONG BA'I GSAL BA GZHAN LA DE NYID DO, ,ZHES GSAL BA GZHAN MTHONG BA'O, ,JI LTAR BA LANG NYID LA SOGS PA RIGS NI RTAGS DANG BRDA LA SOGS PA'I SHES PAS RTOGS PAR BYA BA DE BZHIN DU SKYE BA GNYIS PA ZHES BYA BA LA SOGS PA YANG ZHES BYA BA BSTAN PA NI DE BZHIN DU GSAL BYED LA SOGS PA'I ZHES BYA BA'O, ,NGES PA'I BDAG NYID KYI MNGON SUM LA NGES PAR BYED PA PO'I NYE BAR BSTAN PA DON MED PAR BSTAN PA NI, MNGON SUM GYIS NI GZUNG ZHE NA, ,ZHES BYA BA'O, ,NGES PA'I BDAG NYID LA YANG NYE BAR BSTAN PA 'THAD PA MA YIN PAS DON MED PA CAN NYID YIN TE, RANG NYID MED PA'I PHYIR RO ZHES BSTAN PA NI, MNGON SUM GYIS NI MA BZUNG BA'ANG, ,ZHES BYA BA'O, ,BRDA MA BZUNG BA YANG BE'U MA TSOL BA DANG MA HE LA SOGS PA'I TSOGS MANG PO YONGS SU 'DOR NAS, RANG

, ,GI SPYIS BA LANG GI TSOGS DANG NYE BAR 'GRO'O ZHES BYA BA'I RIGS PAS DBANG POS LHAG PAR RTOGS PA MA YIN NO SNYAM DU SEMS PA NI JI STE YANG DNGOS PO ZHES BYA BA'O, ,DE NI DE LTAR MA RTOGS PHYIR, ,ZHES BYA BA NI BRDA MED NA'O, ,BA LANG NYID NI ZHES BYA BA NI BRDA MED PA'O,, GZHAN GYI ZHES BYA BA NI RJE RIGS LA SOGS PAS SO, ,GSAL BA NI MNGON PAR GSAL BA STE DE KHO NA NYID KYI NGO BA'O, ,BA KHRA MO LA SOGS PA'I GSAL BA RNAMS MTHA' YAS PA MA YIN NAM, RIGS GCIG MED NA GCIG GI SGRA NGES PAR SBYOR RO, ,DBYE BA RNAMS NI, MTHA' YAS PHYIR NA 'KHRUL PA NYID, ,CES BYA BA'I RIGS PAS ZER BA NI MTHA' YAS GSAL LDAN ZHES BYA BA'O, ,'ON TE BRDA MA BZUNG YANG GSAL BYED LA SOGS PA RNAMS LA DE NYID 'DI'O ZHES RJES SU 'BREL BAS BRDAR BYED PA NI, BA LANG NYID LA YANG MTSUNGS PAR BSTAN PA NI, NGO SHES PA ZHES BYA BA'O, ,NGA RO RTZUB PA LA SOGS PA NI SGRA DANG LDAN PA NYID LA SOGS PA'O, GAL TE RTA NGAG PA LA SOGS PA LAS, BA KHRA MO LA SOGS PA LA NGO BO GCIG MED NA, DBYE BA MED PAR 'DI KHO NA DE'I ZHES GCIG TU 'DZIN PA SGRA MED PAR JI LTAR SKYED PAR BYED SNYAM DU SEMS PA NI, JI LTAR RIGS MED SHES PA'I ZHES BYA BA SMOS TE, JI LTAR BA KHRA MO LA SOGS PA RNAMS LA RGYU MTSAN MED KYANG BA LANG NYID YIN GYI RTA NGAG PA LA SOGS PA RNAMS LA NI MA YIN PA DE BZHIN DU MTHONG BA LAS DE LA DE LTAR 'DZIN PA YANG DE LTA BU'I NGO BO'I SHES PA MIG LA SOGS PA RNAMS KHO NA LA YIN GYI, RNA BA LA SOGS PA RNAMS LA NI MA YIN TE, RGYU MTSAN GZHAN MED KYANG RANG BZHIN GYI YIN NO ZHES BSTAN PA YIN NO, ,BLO GCIG TU 'GYUR RO ZHES BYA BA NI 'DI GCIG BYA BA YIN BLO YANG YIN PA'O, ,MTSUNGS PA'I RNAM PA NYID CES BYA BA NI GZHAL BYA'I NGO BO'O, ,BLO SKYED PA NYID CES BYA BA NI DE'I RNAM PA'I BLO SKYED PAR BYED PA'O, , THA DAD PA'I BDAG NYID KYI BLO SKYED PA 'GOG PAR MI BYED PA MA YIN NAM, 'ON KYANG GCIG TU SNANG BA NYID YIN NO ZHES BDAG SMRA'O SNYAM DU SEMS PA LA, RNAM PA 'GAS KYANG NI MNGON SUM LA SNGON PO BZHIN DU GCIG TU SNANG BA MA YIN PA'O, ,MIG LA SOGS PA'I SHES PAS GZHAN DU MI 'THAD

PAS BRTAGS PA YANG YOD PA KHO NA MA YIN NAM, DE BZHIN DU BA LANG NYID KYANG YIN NO ZHES BSTAN PA NI, GAL TE ZHES BYA BA STE BA LANG NYID LA SOGS PA'I BLO BZHIN DU GZUGS LA SOGS PA'I BLO NI BA KHRA MO LA SOGS PA TZAM LAS 'BYUNG BA NI MA YIN TE, MIG LA SOGS PA MED NA MED PA'I PHYIR RO, , DE'I GZUGS BZHIN DU DBANG PO LAS 'DAS PA MTHONG BA PO LA DE'I NGO BOR SNANG BAR 'GYUR BAR SRID DO SNYAM DU SEMS PA LA, GAL TE LTA BA PO'I ZHES BYA BA'O, ,DE BZHIN DU RIGS NI DBANG PO LAS 'DAS PA MA YIN TE, KHAS MA BLANGS PA'I PHYIR RO, ,KHAS LEN NA NI DON GYIS GO BA NYAMS PAR BSTAN PA NI, RIGS RNAMS NI MA YIN ZHES BYA BA NI GZUGS CAN NYID MA YIN PA'O, ,YAN 'GAR PA RNAMS NI GSAL BYA 'DZIN PA DANG BRAL BA RNAMS SO, ,DE DAG 'DZIN NA DE RNAMS KHO NA DE LTA BU'I SHES PA SKYED PAR BYED PA'I PHYIR DON GYIS GO BA NYAMS PA YIN PAR BSTAN PA NI GSAL BA 'DZIN TSE NA 'ANG ZHES BYA BA'O, ,LUGS KYI NI DBYE BA ZHES BYA BA NI GSUM MO, ,BAG CHAGS KYI KHYAD PAR LA MIG TU SMRA BA'I 'DOD PA BSTAN PA NI, GANG ZHIG 'BRAS BU LDOG PAS ZHES BYA BA STE, LDOG PA LAS 'GRUB PAR 'GYUR RO ZHES BYA BA'I RIGS PAS, GANG GI PHYIR GSAL BA RNAMS NYID LA RNAM PA 'GAS GCIG GI BLOR 'GYUR BA DANG, RANG GI NGO BOR SNANG BA YANG RIGS LA NI MA YIN NO, ,DE'I PHYIR PHYI'I DON BYED PA YIN PAR LTA ZHOG GI, ,RTOG PA DANG CIG SHOS KYI NGO BO'I SHES PA TZAM GYI BYED PA YANG NUS PA MED PA'I PHYIR RO, ,NUS PA NYE BAR BRJOD PA THAMS CAD DANG BRAL BA'I MTSAN NYID NYE BAR BRJOD PA MED PAR 'THOB PO ZHES BSTAN PA NI, SHES PA TZAM GYIS ZHES BYA BA'O, ,RANG BZHIN MED PA ZHES BYA BYA YIN PA'I PHYIR RO, ,SHES PA TZAM GYI DON BYED PAR YANG MI PA YIN GYI GZHAN GYI NI MA YIN NO ZHES BSTAN PA NI, GANG DANG GANG ZHES BYA BA STE, DE DNGOS PO MED PA YIN TE, BRJOD BYA NYID DANG GZHAN NYID DAG TU BRJOD BYA YIN PA'I PHYIR RO, ,SHES PA TZAM GYI DON BYED PAR YANG MI RUNG BA'I PHYIR ZHES BYA BA LA SOGS PA JI SKAD DU BSTAN PA'I SPYI'I MTSAN NYIN YIN LA, DE LAS BZLOG PA RANG GI NGO BOR SNANG BA'I BRJOD BYA NYID NI BRJOD BYA MA YIN PA NYID

, ,CES BYA BA LA SOGS PA'I MTSAN NYID CAN RANG GI MTSAN NYID YIN PAR BSTAN PA NI, JI SKAD BSHAD LAS BZLOG GANG YIN, ,ZHES BYA BA'O, ,RANG GI NGO BO NYID LA MTSAN NYID CES BYA BAR NI MI RIGS TE, SPYI'I MTSAN NYID LA RANG GI NGO BO MED PAS KHYAB PAR BYED PA MA YIN PA'I PHYIR, GANG ZHIG RANG GI GSAL BA RNAMS LA KHYAB PAR MI BYED PA DE NI MTSAN NYID MA YIN PAR 'GYUR RO SNYAM DU SEMS PA NI, 'O NA JI LTAR ZHES BYA PA'O, ,YANG NA GSAL BA MA KHYAB PA'I PHYIR ZHES BYA BA NI SPYI NI KHYAD PAR LA KHYAB PAR BYED PA YIN TE, MTSUNGS PA RNAMS KYI DNGOS PO NI SPYI YIN NO ZHES BYA BA'I NGES PA'I TSIG LAS SO, ,DNGOS PO MED PAR SMRA BA LA NI DE MED PA'I PHYIR SPYI NI RNAM PAR RTOG PA'I BYA BA YIN NO, ,DE YANG DNGOS PO LA BRTEN PA YIN TE, RJES SU DPAG PA NGES PA'I TSUL GSUM PA'I RTAGS YOD NA YOD PA'I PHYIR RO, ,MA GRUB PA DANG 'GAL BA LAS BYUNG BA NI DNGOS PO MED PA LA BA RTEN PA YIN TE 'BREL BA MED PA LAS BYUNG BA'I PHYIR RO, ,MA NGES PA YIN PAS GNYI GA LA BRTEN PA YIN TE, GCIG TU YANG NGES PA MED PA'I PHYIR RO ZHES BSTAN PA NI SPYI DE YANG RNAM PA GSUM ZHES BYA BA'O, ,'GREL PAR BSHAD PA NI GSAL BA KHO NA'O, ,DNGOS PO DANG, DNGOS PO MED LAS ZHES BYA BA NI GRUB PA DANG BDE BA THA DAD PA NYID KYI SNANG BA THA DAD PA'I MING CAN NYID KYIS SO, ,DNGOS PO DANG DNGOS PO MED PA NYE BAR LEN PA ZHES BYA BA NI SGRUB PA LA SGRUB BYED DU RUNG BA NYID KYI MI DMIGS PA DAG BSTAN PA YIN NO, ,GNYI GA LA BRTEN PHYIR ZHES BYA BA SNANG BA DMIGS PA LA LTOS PA YIN PAR BSTAN PA NI GNYI GA'I NYE BAR LEN PA'I KHYAD PAR ZHES BYA BA'O, ,RANG GI MTSAN NYID KYIS DNGOS PO LA BRTEN PA MA YIN TE, MI SNANG BA'I PHYIR LA SNANG BZHIN PA LA NI 'GYUR BA DE LTA NA SPYI'I DNGOS POR THAL BAR 'GYUR BA MA YIN NA MA ZHES ZER BA NI, GAL TE DNGOS RTEN DNGOS 'BREL PHYIR, ,ZHES BYA BA STE, DNGOS PO LA 'GYUR GYI MED PA DNGOS PO MA YIN PA SPYI LA NI MI 'GYUR TE, DNGOS PO KHO NAR 'GYUR RO ZHES BYA BA'I DON TO, ,DNGOS PO 'DZIN PA NYID KYI PHYIR DNGOS PO'I 'BRAS BU YANG YIN NO ZHES ZER BA NI DNGOS 'BREL PHYIR ZHES BYA BA'O, ,LAN NI, RNAM PA 'GAS KYANG

RNAM SHES LA, ,DE DNGOS SNANG BA MED PHYIR RO, ,ZHES BYA BA DANG, DE'I PHYIR DE NI SHES TZAM GYIS, ,DON BYED PAR YANG MI RUNG NYID, ,CES BYA BAS LAN RGYAS PAR BTAB PA YIN NO, ,BYUNG BAR GYUR PA DANG 'BYUNG BAR 'GYUR BA ZHES BYA BA DE'I SHES PA SPYI LA MA DMIGS PAR SNANG BA'I PHYIR, 'DAS PA DANG MA 'ONGS PA NI SPYI MA YIN PAR BSTAN PA NI MTHONG PHYIR ZHES BYA BA'O, ,GZHAN DU ZHES BYA BA NI SPYI MED KYANG NGO, ,SHES PA DNGOS PO LA BRTEN PA ZHES BYA BA 'GREL PA NI, GAL TE DNGOS RTEN DNGOS 'BREL PHYIR, ,ZHES BYA BA'I RANG GI MTSAN NYID KYI DNGOS PO KHAS BLANGS NAS BKOD PA YIN NO, , GAL TE SHES PA DE SPYI LA YIN NAM ZHES BYA BA LA SOGS PA NI SPYI YOD PAR RO, ,BZLOG PA LA ZHES BYA BA NI SPYI MED PA LA'O, ,RANG DANG SPYI'I MTSAN NYID KYI DNGOS PO 'DZIN PA'I SPYI'I SHES PA DNGOS PO LA BRTEN PA JI LTAR BRJOD CES ZER BA NI, GAL TE DNGOS CHOS NYID NYAMS NA, ,ZHES BYA BA'O, , BRGYUD PAS RANG GI MTSAN NYID KYI NGO BO DNGOS PO LA BRTEN PAR BSTAN PA YIN NO ZHES BSTAN PA NI, DNGOS POR 'DZIN PA SDON 'GRO CAN, ,ZHES BYA BA'O, ,LKOG TU GYUR PA ZHES BYA BA NI GTZO BO LA SOGS PA BZHIN DU TSAD MA'I YUL MA YIN PA'O, ,RANG GI MTSAN NYID KHO NA TSAD MA'I YUL YIN PA'I PHYIR GZHAL BYA YIN PAR BSTAN PA NI, RANG GI MTSAN NYID GCIG GZHAL BYA, ,ZHES BYA BA'O, ,DNGOS PO LA RANG GI MTSAN NYID SNANG BA'I MNGON SUM DANG, SPYI SNANG BA'I RJES SU DPAG PA STE SHES PA GNYIS MA YIN NAM, GZHAL BYA GNYIS PHYIR TSAD MA GNYIS, ,ZHES BYA BA YIN NA, DE JI LTAR GCIG NYID YIN SNYAM DU SEMS PA LA, YOD PA DANG MED PA ZHES BYA BA'O, ,RJES SU DPAG PA LA YANG RANG GI MTSAN NYID KHO NA RNAM PAR DPYOD KYI SPYI TZAM NI MA YIN NO, ,CI LAS SHE NA DON BYA DE LAS ZHES BYA BA NI RANG GI MTSAN NYID LAS TE SPYIS MTSON BZHIN PA'I RANG GI MTSAN NYID YIN TE, DE LTAR YANG SNANG BA'I DBYE BA LAS, GZHAL BYA GNYIS ZHES BSTAN TO, ,RANG GI MTSAN NYID KHO NA YOD PA'AM MED PA NYID DU RJES SU DPAG PAS DPYOD PA YIN TE, RNAM PAR DPYOD PAR BYED PA'I BDAG NYID YIN PA'I PHYIR, ,'DZIN PA NI MA YIN NO ZHES BYA BA'I DON TO, ,RANG GI MTSAN NYID YOD PA DANG MED

, ,PA'I DON DU TSAD MAS RNAM PAR DPYOD PA RTOGS PA DANG LDAN PA'I BSTAN BCOS YIN PAR BSTAN PA NI 'GREL PA NI DON GYI BYA BA BYED PA ZHES BYA BA'O, ,GANG GI PHYIR RANG GI MTSAN NYID KYI DON DU BSTAN BCOS YIN PA DE'I PHYIR DES RTOGS PAR BYED PA'I TSAD MA GNYIS KYANG RANG GI MTSAN NYID KYI YUL CAN DU BSTAN PAR 'GYUR RO ZHES BSTAN PA NI, DES NA ZHES BYA BA'O, ,MNGON SUM GYI DBANG PO LAS BYUNG BA NYID NI RJES SU DPAG PA LA SOGS PA LAS THA DAD PA'I RGYU MTSAN MA YIN TE, DE MED KYANG RANG RIG PA LA SOGS PA MNGON SUM YIN PA'I PHYIR RO ZHES BSTAN PA NI MA YIN TE, DBANG PO SKYED PA NYID CES BYA'O, ,SGRA LAS BYUNG BA DANG NYE BAR 'JAL BA LA SOGS PA NI RJES SU DPAG PA LAS GZHAN PA'I TSOGS PA'I BSKYED BYA NI TSAD MA MA YIN TE, DE BZHIN DU DON DANG 'BREL PA MI 'GRUB PA'I PHYIR RO, ,'GRUB NA YANG RJES SU DPAG PA KHO NA YIN NO ZHES BSTAN PA NI DE'I PHYIR GZHAL BYA RNAM PA GNYIS ZHES BYA BA STE, SNANG BZHIN PA'I RNAM PA GNYIS KHO NAS SO, ,DE LTA YIN DANG MA KHYAB PA LA SOGS PA'I SKYON YANG MED DO, ,GAL TE RJES SU DPAG PA YANG RANG GI MTSAN NYID KHO NA STON PAR BYED PA NI GZHAL BYA RNAM PA GNYIS SU MI 'GYUR BA ZHES ZER BA LA, DE NI ZHES BYA BA NI RANG GI MTSAN NYID KYI STE, MNGON SUM DANG CIG SHOS KYI TSAD MA'I BYA BA'I DBYE BAS GCIG NYID RNAM PA GNYIS SU RNAM PAR GZHAG PA YIN NO ZHES BYA BA'I DON TO, ,GAL TE GZHAL BYA NI TSAD MA'I BYA BAS NYE BAR MTSON PA YIN NA, GNYI GA LA YANG THA DAD PAR MI 'GYUR TE, 'ON TE DE'I BYA BA DANG BCAS PA YIN NA DON DAM PA MA YIN LA, GZHAN DANG GZHAN DU NYE BAR BZHAG PAS GZHAN DANG GZHAN YIN PAS MTHA' YAS PAR 'GYUR RO ZHES ZER BA NI, GAL TE RTOGS PA'I DBYE BAS ZHES BYA BA'O, ,DE'I PHYIR 'DI NI DE'I RANG DANG GZHAN GYI NGO BO DAG GIS ZHES BYA BA'I DBYE BA'I MTSAN NYID NI MI RUNG NGO, ,CI LAS SHEN DON DAM ZHES BYA BA STE, DE DAG GIS NYE BAR MTSON PA NI GCIG NYID DO ZHES BYA BA'I DON TO, ,MTHA' MED PA NYID NI DE NYE BAR GNAS KYANG DE NYID KYI NANG GI DBYE BA LAS SO ZHES BSTAN PA NI, LTOS PAS BYAS PAS ZHES BYA BA

STE, NYE BAR DMIGS PAS SO, ,DON DAM PA NI MNGON SUM DU SNANG BA YIN TE, DE LAS DON BYED PAR DMIGS PA'I PHYIR 'DIS NI DE'I BYA BA NYE BAR MTSON PAR BRJOD DO, ,RJES SU DPAG PA LA NI DE LTAR MTSON PA MA YIN LA, MNGON SUM BYA BA BCAS PAR YANG DON DAM DANG KHO NA'O ZHES BSTAN PA NI, YOD PA YIN ZHES BYA BA NI GANG GI TSE DMIGS PAS 'DI BSHAD PA NI RANG GI NGO BOS ZHES BYA'O, ,GAL TE DMIGS PAS ZHES BYA BAS NI YOD PA YIN ZHES BYA BA LA SOGS PA 'PHEN PA YIN NO, ,GANG GI TSE MI DMIGS PA'I MED PA YIN LA, DE LAS BZLOG PAS DMIGS PA NYID NI YOD PA YIN GYI GZHAN NI MA YIN NO ZHES BSTAN PA NI, RI BONG GI RVA LA SOGS PA MA DMIGS PA ZHES BYA BA'O, ,DMIGS PAR BYA BA MED PAR JI LTAR MI DMIGS PA NYID YIN PA DE BZHIN DU DMIGS PA YANG DMIGS PA MA YIN PAR BSTAN PA NI, DNGOS PO MED PA NI ZHES BYA BA'O, , DE YANG ZHES BYA BA NI DMIGS PA MED PA STE, DMIGS PAR BYA BA BZHIN DU GZHAN GYIS RTOGS PAR BYA BA YIN NA'O, ,BLO'I MI DMIGS PA MED PAR MI 'GYUR BA'I PHYIR DON GYIS GO BAR NYE BAR 'JOG PA YIN NA, THUG PA MED PAR 'GYUR LA GANG GI PHYIR GANG KHO NA LA NYE BAR GZHAG PA MA BYAS PA DE KHO NA LA MED PAR 'GYUR RO, ,DE BSTAN PA NI, THUG PA MED PA'I PHYIR ZHES BYA BA STE, BLO MA DMIGS PAS MED PA YIN NA THUG PA MED PAR BRJOD DO, ,DNGOS PO DANG DMIGS PA DAG GCIG NYID YIN NA, MI DMIGS PA DANG DNGOS PO JI LTA MI 'GAL BAS DNGOS PO YOD PA DE BZHIN DU DMIGS PA LA YANG 'GYUR RO ZHES BSTAN PA NI, DE LTA YIN NA ZHES BYA BA STE SHES PA GCIG LA 'DRE BA DMIGS PA NA DE LAS GZHAN PA DMIGS PA MED PA NGES PAR BYED PA YIN TE MA 'DRES PA'I PHYIR RO, ,DE'I PHYIR THUG PA MED PA DANG, MED PA RTOGS PA ZHES BYA BA'I SKYON YANG MED DO ZHES ZER BA NI, 'ON TE GZHAN DMIGS PA NYID CES BYA BA'O, ,'DI LA LAN BTAB ZIN ZHES BYA BA NI DNGOS PO MED PAR NI RTOGS PA MA YIN NO ZHES BYA BAS SO, ,GZHAN DMIGS PA NYID NI DE LAS GZHAN BA DMIGS PA MED PAR NGES PA KHONGS SU GTOGS PAR BYED PA 'DI YANG TSAD MA MA YIN PAR BRJOD DE,

, ,GANG GI PHYIR TSAD MA CAN MA YIN PA'I NGES PA NI TSAD MA MA YIN NO, ,GZHAN RTOGS PA'I NGO BO NYID DE LAS GZHAN PA MI RTOGS PA'I NGO BOR RANG RIG PA YIN PAS, THUG PA MED PA MA YIN NO SNYAM DU SEMS PA NI, GZHAN DMIGS PA DE NYID CES BYA BA'O, ,RANG RIG PA GZHAN LAS DBEN PA DE LAS MI DMIGS PA GZHAN DMIGS PA MED PA'I NGO BOR MI 'GYUR BAR BSTAN PA NI, DE LTA NA YANG DE MED DO ZHES BYA BA'O, ,GCIG RIG PA KHO NA GZHAN RIG PAR BYED PA MA YIN PA NI GZHAN DU MI DMIGS PA YIN GYI MED PA NI MA YIN NO, ,DE LTA YIN NA DE DMIGS PA KHO NA DNGOS PO YIN PA'I PHYIR DE LAS GZHAN PA DMIGS PA DAG KHO NA YOD PA DANG MED PA DAG GO, ,DE BSTAN PA NI, DE LTA NA NI 'O NA ZHES BYA BA'O, ,SO SOR NGES PA'I NGO BO GZHAL BYA SNGA MA MA YIN NAM, DE LA DE'I DMIGS PA GZHAN YIN PA'I PHYIR, JI LTAR DMIGS PA YOD PA YIN SNYAM DU SEMS PA NI, GAL TE SO SOR NGES PA NYID CES BYA BA'O, ,'GA' LA YANG ZHES BYA BA STE, RJES SU DPAG PA LA DE BZHIN DU 'GYUR RO ZHES BYA BA'I DON TO, ,DMIGS PAR BYA BA NYID KYI NGO BO RJES SU DPAG PAR BYA BA NYE BA MA YIN PA'I PHYIR, MNGON SUM LA MI SNANG BAR CI LAS SHES SHE NA GAL TE 'GAS KYANG ZHES BYA BA SMOS TE, DMIGS PAR BYA BA MA YIN PA'I YUL LA RJES SU DPAG PA TSAD MA MA YIN PA YIN TE 'BREL PA MED PA'I PHYIR RO, ,'GAS KYANG ZHES BYA BA NI RANG GIS SAM GZHAN GYIS MA DMIGS PA'I NGO BO STE, RJES SU DPAG PA LA YANG MA RTOGS BZHIN PA NI DE LTAR YIN PA'I PHYIR DMIGS PAR BYA BA MA YIN PAR MI RIGS PAR ZER BA NI, DE'I TSE ZHES BYA BA'O, ,DE LTA MA YIN NO ZHES BYA BA YANG ZHES BYA BA NI DMIGS PAR BYA BA MA YIN PA LA YANG NGO, ,DMIGS PA MED PA'I PHYIR ZHES BYA BA NI, RANG GI NGO BO DMIGS PA MED KYANG NGO ZHES BYA BA STE SNANG BA DMIGS PA'O, ,PHYIS ZHES BYA BA NI THOB PA'I DUS SU'O, ,SNGAR ZHES BYA BA NI RJES SU DPAG PA 'JUG PA'I DUS SU'O, ,YOD PA NYID JI LTAR YIN ZHES BYA BA NI RJES SU DPAG PA'I DUS NA'O, ,PHYIS NYID CES BYA BA NI THOB PA'I DUS SU'O, ,DMIGS PAR BYA BA NYID DU RTOGS PA ZHES BYA BA NI TSAD MAS RTOGS PA'I PHYIR RO, ,

RJES SU DPAG PA'I DUS SU DE LTAR RTOGS PA NI MI SNANG BA NYID DU 'GYUR RO ZHES ZER BA NI DMIGS PAR BYA BA NYID DU ZHES BYA BA'O, ,GZHAN GYI TSE YANG ZHES BYA BA NI RJES SU DPAG PA'I DUS SU YANG NGO, ,GZHAN DU ZHES BYA BA NI DMIGS BYA MA YIN PA'O, ,GZHAN DU RTOGS ZHES BYA BA NI RTOGS BZHIN PA NYID KYIS SO, ,'BYUNG BAR 'GYUR BA'I YOD PA LA ZHES BYA BA NI THOB PA'I SHES PAS YUL LA YIN GYI, RJES SU DPAG PA'I DUS SU 'BYUNG BAR 'GYUR BA'I DMIGS BYA MA YIN PA LA NI MA YIN NO, ,DMIGS PAR BYA BA DE NYID GZHAN GYI NGO BOS ZHES BYA BA NI SNGAR MTHONG BA'I NGO BOS SAM ZHES PA'I RNAM PA'I NGO BOS SO, ,RANG GI MTSAN NYID DON DAM PA YIN DU ZIN KYANG RJES SU DPAG PA'I YUL DON DAM PA MA YIN PAR ZER BA NI, LTOS PA BYAS PA'I PHYIR ZHES BYA BA'O, ,DE LTAR RJES SU DPAG PAS SGRO BTAGS PA'I NGO BO NI DNGOS PO MA YIN PA DES NA GNYI GA'I NGO BO NYID MED PA'I PHYIR DNGOS PO'I MTSAN NYID 'DRES PAR BSTAN PA NI, TSAD MA GCIG GIS GNYI GA'I RANG BZHIN DU ZHES BYA BA STE, SPYI NI LTOS PA CAN YIN PA'I PHYIR DNGOS PO MA YIN NO, ,YANG NA ZHES BYA BA NI RANG GI MTSAN NYID KYANG DON DAM PA PA MA YIN TE, SHES PAS BSTAN PA NYE BAR MTSON PA'I SNGON PO LA SOGS PA NI BDEN PA YIN NO ZHES BYA BA'I DON TO, ,TSAD MA NYID DU ZHES BYA BA NI MNGON SUM DANG RJES SU DPAG PA DAG GO, ,THOB BYA GANG ZHES BYA BA NI GNYI GA YANG NGO, ,GAL TE GZHAN GYI NGO BOS DE RTOGS PA JI LTAR YIN, GANG GI PHYIR DKAR PO NI SER PO NYID KYIS RTOGS PA MA YIN NO SNYAM DU SEMS PA LA, JI LTA BA BZHIN MNGON ZHEN MIN PA'I PHYIR, ,ZHES BYA BA STE, 'KHRUL PAS NI DKAR PO YANG SER PO NYID DU RTOGS SO ZHES BYA BA'I DON TO, ,'KHRUL PA YIN YANG DKAR PO NYID SER PO ZHES CI LAS SHES SHE NA, DE LTAR MNGON PAR ZHEN PA KHO NAS SO, ,DE'I PHYIR MED PA'I YUL 'KHRUL PA NYID YIN NO ZHES ZER BA NI MA DPYAD PA KHO NA'O, ,RTOGS NAS ZHES BYA BA 'DIS 'KHRUL PA NYID RJES SU BRJOD NAS TSAD MA MIN ZHES BYA BA LA SOGS PAR SGRUB PAR BYED PA'O, ,GAL TE YANG RANG GI RNAM PA MTHONG BA THOB BYA NYID DU SGRO 'DOGS PAR BYED LA, THOB BYA NI MNGON PAR

, ,'DOD PA'I BSAM BAS 'DZIN PA STE BSAM PA JI LTA BA BZHIN DU 'THOB PAR BYED CING MI SLU BAR BYED PA NI TSAD MA YIN TE, MNGON SUM BZHIN NO ZHES BSTAN PA NI, BSAM PA LA NI ZHES BYA BA'O, ,JI LTAR BSAM PA THOB PA YIN NA, GZHAN NI GZHAN GYI RNAM PAS RTOGS BA'AM 'KHRUL PA NYID JI LTAR YIN ZHES BSTAN PA NI, RNAM PA GZHAN GYIS KYANG RTOGS PA ZHES BYA BA STE, RANG GI RNAM PA MTHONG NAS SEMS LA PHYI ROL DU SGRO 'DOGS PAR MTHONG BA'I PHYIR 'GAL BA MED DO, ,GAL TE BSAM PA THOB NA THOB PAR BYA BA KHO NA SNANG NGO ZHES CI'I PHYIR MA RTOGS ZHES ZER BA LA, PHYOGS 'DI LA ZHES BYA BA STE, JI BZHIN MNGON ZHE NA MIN PA'I PHYIR ZHES BYA BA LA SOGS PAS DNGOS POR 'DZIN PA'I RNAM PAR RTOG PA BKAG PA YIN NO ZHES BYA BA'I DON TO, ,BSAM PA NI RTOGS PA MA YIN NAM JI LTAR BSAM PA THOB PA NI MI SLU BA YIN LA, DE YOD NA JI BZHIN MA YIN PA'I DON DU MNGON PAR ZHEN PA JI LTAR YIN SNYAM DU SEMS PA LA, GZHAN DU YANG ZHES BYA BA NAS RIGS PA MA YIN GYI ZHES BYA BA'I BAR DU'O, ,LAN NI 'DI NI 'CHAD PAR BYED PA RNAMS KYIS RTOGS PA KHO NA YIN NO ZHES BYA BA STE, DE KHO NA NYID SEMS PA PO NI SNANG BA'I DBYE BA LAS SHES PA'I SNANG BA DANG PHYI ROL DAG GI DBYE BA MTHONG NAS DE NGAG LA GCIG PA NYID DU ZHEN PA NI JI BZHIN MA YIN PA'I DON DU MNGON PAR ZHEN PA RIG GO ZHES BYA BA'I DON TO, ,DE LA LTOS NAS PHYI ROL LAS GZHAN PA RANG GI RNAM PA MTHONG BA'I PHYIR, JI LTAR BSAM PA DE RTOGS PA'I NGO BO ZHES ZER BA NI DE NYID DU ZHES BYA BA SMOS SO, ,THA SNYAD BYED PA PO'I SKYE BO LA LTOS NAS BSAM PA LA MI SLU BA YIN PAR BSTAN PA NI MA YIN TE, RNAM PAR RTOG PA RNAMS ZHES BYA BA STE, DE KHO NA NYID RIG PA PO LA LTOS NAS 'KHRUL PA YIN GYI CIG SHOS LA NI BSAMS PA LA MI SLU BA YIN ZHES BYA BA'I DON TO, ,GNYIS NA ZHES BYA BA NI RJES SU DPAG PA RTOG PA YIN PA'I PHYIR, MA 'ONGS PA'I THOB BYA LA REG PA CAN YIN GYI MNGON SUM NI MA YIN TE, RANG GI NUS PA 'DZIN PA'I PHYIR RO ZHES BYA BA'I DON TO, ,RJES SU DPAG PAS GSAL BAR NI, ,ZHES BYA BA'O, ,YUL RUNG CAN GYIS MI SHES PA'I STE, MI GSAL

BA'I RNAM PA, RANG GIS SHES PHYIR DE SHES YIN, ,ZHES BYA BA'I RIGS PAS RANG GI NGO BO NYE BAR GNAS PA ZHES BYA BAR SBYAR TE, NYE BAR GNAS PA DANG NYE BAR GNAS PA MA YIN PA GANG LA YOD PA DE'O, ,RANG GI NGO BO NYID KYIS ZHES BYA BA NI THA DAD PA'I RTOG PA MED PA'O, ,RNAM PAR BRTAG PA 'BYUNG BAR 'GYUR BA ZHES BYA BA NI, SNGA MA DANG PHYI MAR GYUR PA'I DNGOS PO RNAMS KYI RGYUN GYI BRTAG BYA BA'O, ,DE'I ZHES BYA BA NI MNGON SUM LA'O, ,RGYUN ZHES BYA BA NI 'BYUNG BAR 'GYUR BA'I RGYUN SKAD CIG MA GZHAN LA'O, ,DE 'DI MNGON SUM LAS 'BYUNG BAR 'GYUR BA'I RNAM PAR RTOG PA LA RGYUN DANG DE'I RIGS LA 'JUG PA MA YIN PAR BSTAN PA NI, 'GAL TE ZHES BYA BA'O, ,SKAD CIG GANG GZUNG BA DE'I RGYUN LA MNGON SUM LAS BYUNG BA'I RNAM PAR RTOG PAS LHAG PAR ZHEN PAR BYED DO, ,DE'I PHYIR 'JUG PA'I YUL LA LTOS NAS KYANG KHYAD PAR GYI YUL CAN MA YIN NAM, RJES SU DPAG PA NI RGYU GZHAN DANG THUN MONG BAS DE STON PAR BYED CING DE LAS LTOS NAS KYANG SPYI'I YUL CAN YIN NO SNYAM DU SEMS PA LA MNGON SUM GYI BYA BA MI DPYAD PAR RNAM PAR RTOG PA TZAM LA DPYOD PAR BYED PA NI GNYI GA YANG SPYI'I YUL DU MTSUNGS SO, ,SKAD CIG MA'I MNGON SUM LTOS PA YIN NA YANG RTAGS KYI MNGON SUM LA LTOS NAS KHYAD PAR MTSUNGS PA YIN TE, SKAD CIG MA GANG GZUNG BA DE'I RGYUN BZHIN DU 'BRAS BU GANG GZUNG BA DE'I RGYUN LA NGES PAR BYED PA YANG YIN NO ZHES BSTAN PA NI, DE DANG 'BREL PA GZUNG BA NI ZHES BYA BA LA, DE ZHES BYA BA NI 'BYUNG BAR 'GYUR RO, ,'BREL PA CAN ZHES BYA BA NI DANG PO'O, ,RJES SU DPAG PA LA BSGRUB PAR BYA BA DANG 'BREL PA CAN GYI RTAGS KYI RTOGS PA MNGON SUM GYI RJES LA 'BYUNG BA LA RGYU NI 'BYUNG BAR 'GYUR BA LA'O, ,DE'I RIGS NYID NI MNGON SUM GYI YUL YIN NO, ,GANG LA ZHE NA, RJES SU DPAG PA'I YUL LA NI RJES SU DPAG PAR ZHES SBYAR RO, ,DER NI ZHES BYA BA NI RJES SU DPAG PA LA'O, ,'DI LA ZHES BYA BA NI MNGON SUM LAS BYUNG BA'I RTOGS PA LA'O, ,'DIR NI ZHES BYA BA NI MNGON SUM LA'O, ,'DI NYID LA NI GSAL BA GCIG LA'O ZHES BYA BA MI RIGS PAR BSTAN PA NI MA YIN TE, BYUNG BA DANG

, ,'BYUNG BAR 'GYUR BA ZHES BYA BA RGYUN GZHAN LAS LOG PA YANG SPYI KHO NA YIN NO ZHES BYA BA'I DON TO, ,THOB PAR BYA BA NI 'JUG PAR BYA BA STE THOB PAR BYA BA'I YUL NYID MED NA ZHES BYA BA NI DA LTAR BA STE 'KHRUL PA LA YANG MTSUNGS SO, ,MTHONG NGO ZHES BYA BA NI NOR BU'I 'OD LA NI NOR BUR SHES PA'O, ,PHYI MA RNAMS KYANG ZHES BYA BA NI GRUB PA DANG BDE BA GCIG PA'I PHYIR RO, ,SHES PA'I SKAD CIG MA DANG PO KHO NAS BZUNG ZHING KHONGS SU GTOGS PA'I NGES PA BAS NGES PA MA YIN NAM, DER MA NGES NA DE'I YUL DU DPYOD PA MI RIGS PA'I PHYIR RO SNYAM DU SEMS PA LA THE TSOM ZA NA NI ZHES BYA BA SMOS TE, NGES PA'I MTHAR THUG PA'I BYA BA LA TSAD MA RDZOGS NA THE TSOM MA YIN TE THAMS CAD LA DE LTAR THAL BAR 'GYUR BA'I PHYIR RO, ,TSAD MA MA YIN PA KHO NA'O ZHES BYA BA NI, THE TSOM ZA BAS GNOD PA'I BYA BA YIN PA'I PHYIR RO, ,DE LTA YIN NA ZHES BYA BA NI 'JUG PA'I SNGA ROL DU 'JUG PA PO DE MED PA'O, ,THE TSOM ZA BA'I YUL CAN GYI SHES PA NYID TSAD MA MA YIN PA LAS 'JUG PA NYID YIN PAR BSTAN PA NI, RE ZHIG MTHONG STE ZHES BYA BA NI MA NGES PA'I TSAD MA NYID LAS MI RIGS SO ZHES BYA BA'I DON TO, ,GSAL BA'I MNGON SUM LA NI MI GSAL BA 'BYUNG BAR 'GYUR ZHING MI GSAL BA'I RJES SU DPAG PA LA NI 'JUG PA'I YUL GSAL BA STE, BRTAGS PA NI MI GSAL BA YIN LA CIG SHOS NI GSAL BA YIN NO, ,GSAL BA YANG SGRO 'DOGS PAR BYED PA NI RJES SU DPAG PA YIN TE, RJES SU DPAG PA GZHAN BZHIN NO ZHES BSTAN PA NI, YANG NA RNAM PA GZHAN DU ZHES BYA BA'O, ,DE NI MNGON SUM GANG YIN NO ZHE NA GTZO BOR GYUR PAS NI BYA BA SMOS TE, SHIN TU GOMS PAS RTOG PA MED PA YIN NA KHYAD PAR DU 'JUG PAR BRJOD DO, ,RNAM PAR RTOG PA DES SBYOR BA CAN GYIS KYANG NI 'BREL PA CAN GYIS KYANG NGO, , DE MED NA YANG ZHES BYA BA NI RTOG PA MED NA YANG NGO, ,'JUG PAR BYED PA'I MNGON SUM CHA GANG LA NGES PA SKYED PAR BYED PA'I RNAM PAR RTOG PA NYE BAR MTSON PAR BYED PA MA YIN NAM, GANG GI PHYIR MNGON SUM NI THAMS CAD KYI CHA LA GSAL BA'I BYA BA CAN YIN PAR BSTAN PA NI,

RJES 'GRO LDOG PA DAG LAS NI, ,ZHES BYA BA'O, ,RNAM PAR RTOG PA'I 'JUG PA NI MNGON SUM GYIS 'JUG PA LA NUS PA YOD DO ZHES RNAM PAR BSGYUR NAS SBYAR BA YIN NO, ,DE LTAR ZHES BYA BA NI THA SNYAD SGRUB PAR BYED PAS PHAN MA THOGS PA LA DRAN PA SNGON DU 'GRO BA CAN GYI RTOG PA DANG, NGES PA RJOD PAR BYED PA LA SOGS PA'I DRAN PA NI MA MTSON PA'I YUL LA MI 'BYUNG BA NI DE NYID KYI PHYIR DRAN PA BZHIN DU THA SNYAD DU YANG 'GYUR BA'I PHYIR RTOG PA'I NUS PA MA YIN NO, ,GANG GA PHYIR RANG NYID MTSON PA LA NI RANG BZHIN GYI GTAN TSIGS KYANG DON MED DO, ,DE'I PHYIR RANG NYID MTSON PA MA YIN PA LA NI RANG BZHIN GYI GTAN TSIGS SAM GZHAN GYIS KYANG RUNG THA SNYAD KYI PHYIR NGES PAR BYED LA, DER NGES KYANG DE'I DON BYED PA LA NGES PA MED PA'I PHYIR DE'I NGES PA NI RANG NYID KYANG RTAGS KHO NA LAS YIN PAS SKYON MED DO, ,LKOG TU GYUR PA'I YUL LA 'JUG PAR BYED PA NYID YIN YANG ZHES BYA BA NI MNGON SUM DANG RJES SU DPAG PA DAG LA MTSUNGS PA YIN NO, ,GSAL BA DANG MI GSAL BA'I DBYE BAS ZHES BYA BA NI GZUNG BYA'I RNAM PA'I DBYE BAS SO, ,DE'I PHYIR, BSAM PA LA NI SLU MED PHYIR, ,'KHRUL PA LA YANG TSAD MA NYID, ,CES BYA BA NI LEGS PAR GSUNGS PA YIN PAR BSTAN PA NI, DES NA GZHAN GYI NGO BOS ZHES BYA BA'O, ,TSAD MA NYID YIN YANG ZHES BYA BA NI TSAD MA NYID 'KHRUL PA NYID DANG 'GAL BA MED PA YIN NO, ,'DI NYID BSTAN PA STE RJES SU DPAG PA NI DE KHO NA NYID RIG PAR BYED PA PO RNAMS LA 'KHRUL PA YIN TE, THA SNYAD PA RNAMS LA NI MI SLU BA'I PHYIR TSAD MA MA YIN NO, ,NOR BU'I 'OD LA NOR BU'I SHES PA NI 'KHRUL PA DANG MI SLU BA CAN YANG YIN PA THA SNYAD PA RNAMS KHO NA LA'O ZHES PA NI KHYAD PAR RO, ,PHAN TSUN KHYAD PAR MED MOD KYI ZHES BYA BA NI GSEB KYI BU GA'I PHYOGS LA GNYI GA LA YANG NOR BU MED PA'I PHYIR RO, ,DON JI LTA BA MA YIN PA'I SHES PA YANG GNOD PAR BYED PA 'BYUNG BA MED NA 'JUG PAR BYED PA MTHONG NGO ZHES BSTAN PA NI, MA MTHONG YANG ZHES BYA BA'O, ,RJES SU DPAG PA'I 'KHRUL PA LAS CIG SHOS LA KHYAD PAR MED PAR BSTAN PA NI, 'BREL PA'I DON LAS ZHES BYA BA STE TSAD MA SKYE BA'I STE MNGON SUM GYI SKYE BA'I RGYU MTSAN NO, ,DE BSTAN PA NI MNGON SUM GYI SKYE BA'I RGYU MTSAN GANG YIN PA

, ,DE NI DE LTA BU YIN NO, ,DE YANG DE YIN LA RJES SU DPOG PA'I SHES PA YANG YIN PA NI 'BRU MANG PO PA'I BSDU BA DANG, BSGRUB BYA LA DRUG PA'I BSDU BA STE, MNGON SUM GYI RJES SU DPAG PA BZHIN DU RJES SU DPAG PA TSAD MA YIN NO ZHES BYA BA'I DON TO, ,BSGRUB BYA'I BSHAD PA NI RJES SU DPAG PA NI ZHES BYA BA'O, ,DPE NI MNGON SUM YANG ZHES BYA BA'O, ,GAL TE MNGON SUM GYIS SNGON POR MTHONG BA LA, RJES SU DPAG PA JI LTAR DPE YIN SNYAM DU SEMS PA LA, RJES DPAG MED PAR ZHES BYA BA NI LAS KYI TSIG STE, SNGON PO MTHONG BA NI DES PA YOD NA MA GOMS PA'I CHED DU 'JUG PAR BYED PA YIN LA, NGES PA YANG RJES SU DPAG PA YIN PA'I PHYIR MNGON SUM TSAD MAR BYED NA RJES SU DPAG PAR THOB PAR YANG 'GYUR RO ZHES BYA BA'I DON TO, ,RJES SU DPAG PA'I TSAD MA NYID KYI RGYU MTSAN MI SLU BA'I NGO BO'I MNGON SUM YIN PAR BSTAN PA NI, DE BZHIN RJES SU DPAG CES BYA BA NI BYED PA PO'I TSIG GO, ,LA LAR DANG POR ZHES BYA BA NI MNGON SUM MA MA RJES SU DPAG PAR YANG NGO, ,MNGON SUM NI RJES SU DPAG PA SNGON DU 'GRO BA CAN MA YIN LA, RJES SU DPAG PA NI MNGON SUM SNGON DU 'GRO BA CAN MA YIN NAM ZHES BYA BA'I KHYAD PAR YOD PA JI LTAR KHYAD PAR MED PA YIN SNYAM DU SEMS PA LA, RJES DPAG LAS ZHES BYA BA'O, ,'DAS MA THAG PA'I TSIG RKAD BSHAD PA NI, 'ON TE 'GYUR NA YANG ZHES BYA BA NI SNGA MA'O, ,RJES SU DPAG PA MED PA YANG ZHES BYA BA NI LAS KYI TSIG GO, ,GAL TE NA MNGON SUM SKYE BA LA NI RJES SU DPAG BA LA MI LTOS PA THA SNYAD DU NI LTOS PA KHO NA YIN TE, GZHAN DU NA TSAD MA NYID DU MI RIGS PA'I PHYIR RO ZHES BSTAN PA NI, RJES DPAG MED PAR MNGON SUM NI, ,ZHES BYA BA STE, SGRUB PAR BYED PA RJES SU DPAG PA YIN ZHES BYA BAR SBYAR RO, ,BDEN TE THA SNYAD DU NI MNGON SUM RJES SU DPAG PA LA LTOS LA RJES SU DPAG PA NI DE LA LTOS PA MA YIN TE, RANG NYID NGES PA'I BDAG NYID YIN PA NYID KYIS THA SNYAD 'DOGS PA YIN PA'I PHYIR RO SNYAM DU SEMS PA NI, 'ON TE YANG 'GYUR NA, MNGON SUM NI ZHES BYA BA'O, ,SNGAR NYAMS SU MYONG BA'I BAG CHAGS LAS BYUNG BA'I RJES SU DPAG PA NI DRAN PA YIN LA JI LTAR NYAMS SU MYONG BA KHO NA

DNGOS PO'I DE LTAR BA NYID RNAM PAR GZHAG PA MI BYED DO, ,MNGON SUM NI PHYOGS KYI CHOS NGES PA'I YUL CAN GANG DRAN PA'I YUL LA KHYAB PAR BYED PA STE STON PA YIN NO, ,YUL CAN GZHAN GYIS DE'I YUL CAN LA KHYAB PA NI MA YIN TE, DE LTAR MA DMIGS PA'I PHYIR RO ZHES BSTAN PA NI, MNGON SUM MIN NA ZHES BYA BA'O, ,DRAN PA NI JI LTAR NYAMS SU MYONG BA KHO NA YIN NO ZHES BSTAN PA NI, RJES SU DPAG PAS ZHES BYA BA'O, ,DRAN PA NI YUL DANG DUS LA SOGS PAS THAG RING BA'I YUL CAN NYID DU BSTAN PA NI, RTZIG PA LA SOGS PA ZHES BYA BA'O, ,MNGON SUM GYIS ZHES BYA BA NI KHYAB PAR BYA BA'I MNGON SUM GYI BYA BA LAS 'BYED PA'I RJES SU DPAG PA DRAN PA TZAM NYID KYIS MA NGES PA'I YUL LA SOGS PA'I YUL CAN NYID YIN PAR THE TSOM ZA BA NYID DO, ,RJES SU DPAG PA DANG BRAL BA'I NOR BU'I 'OD LA NOR BU'I SHES PA LA YUL LA PHYIN CI LOG PA'I PHYIR, NGES PA'I YUL YONGS SU MI 'DZIN PA NI GNYI GA LA YANG MTSUNGS PA YIN PAR BSTAN PA NI, NOR BU'I 'OD LA ZHES BYA BA STE, NYAMS SU MYONG BA YUL NGES PA CAN YIN NA, DRAN PA YUL NGES PA CAN YIN TE, YUL NGES PA LA SOGS PA'I KHYAB PA NYAMS SU MYONG BA NI MA YIN NO ZHES BYA BA'I DON TO, ,RIM GYIS NGES PAR MTHONG BA CAN NI THE TSOM YIN LA GCIG MED PA NGES PAR 'GYUR RO SNYAM DU SEMS PA NI THE TSOM NI ZHES BYA BA'O, ,RIM GYIS SAM RIM GYIS MA YIN PAR YANG RUNG STE, THE TSOM NI NGES PAR MTHONG BA MA YIN TE, 'O NA CI ZHE NA, NGES PAR GZUNG BA MI BYED PAR BSTAN PA NI, GNYI GA'I CHA LA ZHES BYA BA STE, DE'I CHA GNYI GA NGES PAR 'DZIN PA MA YIN NO, ,CHA PHYED PA MED PA ZHES BYA BA NI, GAL TE YANG GZHAN LAS LOG PAR NGES PA YIN YANG, DE GNYI GA LAS GCIG NGES PAR 'DZIN PA MA YIN NO ZHES BYA BA'I DON TO, ,DE LTA YIN YANG MNGON SUM GZHAN KHO NA YUL NGES PAR BYED PAS TSAD MA YIN GYI RJES SU DPAG PAS NI MA YIN TE, YUL NYE BAR MA BSTAN PAS ZHIG PA'I PHYIR RO SNYAM DU SEMS PA LA, DES NA CHA PHYED PA MED PA DE ZHES BYA BA STE, DE DAG GI DBYE BA YIN NA BDEN MOD KYI TSAD MA GCIG GI BYA BA LA PHRAL BA'I DBYE BA YIN PAS DBYE BA LAS BYUNG

, ,BA'I SKYON MA YIN NO ZHES BYA BA'I DON TO, ,NOR BU'I 'OD LA NOR BU'I SHES PA PHYIN CI LOG PA YANG RJES SU DPAG PA DANG LHAN CIG BYA BA GCIG PA YIN GYI, BYA BA THA DAD PA'I SKYON GYIS GOS PA MA YIN PAR BSTAN PA NI PHYIN CI LOG KYANG ZHES BYA BA DANG, SEL BA YIN ZHES BYA BA DANG SBYAR TE MNGON SUM DANG RJES SU DPAG PA'I STOBS KYIS SNGA ROL NYID NI THE TSOM DANG PHYIN CI LOG PA MED DO ZHES BYA BA'I DON TO, ,DE LTA NA YANG NOR BU'I 'OD LA NOR BU'I SHES PA TSAD MA MA YIN PA KHO NAR GSUNGS SO ZHES BYA BA SEL BA YIN PAR BSTAN PA NI, RJES SU DPAG PA GZHAN LAS ZHES BYA BA'O, ,DE RJES SU DPAG PA'O ZHES LOG PAR RTOGS PAS ZER BA NI, DE TSANG MA GANG YIN ZHES PA'O, ,RANG GI 'DOD PA BSTAN PA NI, ,DE NI MNGON SUM TSAD MA NYID, ,CES BYA BA STE, 'KHRUL PA MED PA'I KHYAD PAR NI BSAMS PA'I CHA LA 'KHRUL PA BSAL BA'I CHED DU YIN GYI BDAG NYID THAMS CAD KYIS NI MA YIN NO, ,MNGON SUM THAMS CAD KHO NA NGES PAR MTSUNGS PA YIN PA'I PHYIR, BDAG NYID THAMS CAD KYIS MA 'KHRUL PA NI MA YIN NO ZHES BSTAN PA NI, MI SLU BAS NA ZHES BYA BA STE, BSAMS PA'I CHA LA 'KHRUL PA MED PAS CHA GZHAN THAMS CAD 'KHRUL PA YIN PAR BSTAN PA NI 'KHRUL DANG MI 'KHRUL ZHES BYA BA'O, ,NOR BU'I 'OD LA NOR BU'I SHES PA SPYI'I MTSAN NYID LAS RE ZHIG TSAD MA YIN PAR BSTAN PA NI, TSAD MA NI MI SLU BA CAN ZHES BYA BA'O, ,DE'I RGYU MTSAN MA 'KHRUL PA NYID MI SLU BA LAS GZHAN NYID YIN ZHES ZER BA NI, GAL TE MI SLU PA YANG ZHES BYA BA'O, ,DON JI LTA BA NYID DANG MA 'KHRUL PA DANG MI SLU BA RNAMS DON GZHAN MA YIN PAR BSTAN PA NI, YUL DANG DUS ZHES BYA BA'O, ,DE SKAD BRJOD PA'I PHYIR ZHES BYA BA NI GNOD PA MED PA NYID DU BRJOD PA'I PHYIR RO, ,GAL TE DE LTA NA RANG GI PHYOGS KYI RTZOD PA STE, 'KHRUL PA DAD MA 'KHRUL PA NYID DU KHO NAS DE DAG GI DBYE BA YIN GYI GZHAN DU NI MA YIN NO ZHES BYA BA'I DON TO, ,MA 'KHRUL PA'I DON NI MI SLU BA'I DON NYID YIN PA'I PHYIR, RTOG PA DANG CIG SHOS NYID DU DE LAS KHYAD PAR MED PAR BSTAN PA NI, SNANG BA THA DAD PA'I PHYIR RO ZHES BYA BA'O, ,MA 'KHRUL

PA NYID NI 'DOD PA LA MI SLU BA CAN NYID DU GNYI GA LA YANG KHYAD PAR MED PAR BSTAN PA NI, TSAD MA'I SHES PA THAMS CAD CES BYA BA'O, ,DE KHO NA NYID RIG PA PO'I RNAM PAR 'KHRUL PA YANG GNYI GA LA YANG 'KHRUL PA MED PAR BSTAN PA NI, 'KHRUL PA NI ZHES BYA BA'O, ,YANG DAG PA'I SHES PA SNGON DU 'GRO BA CAN YIN PA'I PHYIR, MI SLU BA CAN GYI YANG DAG PA'I SHES PA'I GNAS SKABS SU MI SLU BA'I DON CAN GYI MA 'KHRUL PA SMOS PAS CI ZHIG BYA ZHES BYA BA YANG GANG SMRAS PA, DE YANG BSDUS PA'I BDAG NYID KYI SDUD PAR BYED PA'I DAG GI SKYON MA YIN NO, ,GZHAN DU NA RTOGS PA DANG BRAL BA NYID KYANG DE LA SHES PA'I SNANG BA GANG YIN ZHES BYA BA'I GNAS SKABS RTOG PA MED PA CAN LAS PHYIN CI LOG TU BSHAD PAR BYA BAR 'GYUR RO ZHES BYA PA'I DON TO, ,GZHAN LA ZHES BYA BA NI SNGON PO LA SOGS PA'I MNGON SUM LA'O, ,DE NI ZHES BYA BA NI SNGON PO LA SOGS PA'I SHES PA LA'O, ,YUL GANG LA MTHONG BA'I YUL DE KHO NA RJES SU DPAG PA YIN LA, DE'I PHYIR YUL THA MI DAD PAR RLOM PA'I MNGON SUM PA YIN GYI NOR BU'I 'OD LA NOR BU'I SHES PA LA NI MA YIN NO, ,YUL BZHIN DU YUL GYI DBYE BAS TSAD MA GZHAN NYID DU MNGON PAR RLOM PA'I PHYIR ZHES ZER BA NI NOR BUR SHES PA LA NI ZHES BYA BA'O, ,MNGON SUM THAMS CAD LA NI NGES PA 'DREN PA'I BYA BA CAN RANG GI YUL LAS 'DAS NAS DE'I YUL DU 'GYUR RO ZHES BSTAN PA NI DON DAM DU NI ZHES BYA BA'O, ,THAMS CAD 'JUG PA'I YUL STON PAR BYED PA PO MNGON SUM DANG RJES SU DPAG PA YANG 'DUS PA KHO NA YIN TE, RE RE NI MA YIN PAR BSTAN PA NI, DE NI GNYI GA TSAD MA NYID CES BYA BA'O, ,DE NYID MNGON SUM MA MA ZHES BYA BA NI RANG GI 'DOD PA'O, ,YANG NA RJES DPAG NYID CES BYA BA NI SH'AKYA BLO'I'O, ,'OD LA NOR BU'I SHES PA NI, GZHAN SNANG BA DANG KHYAD PAR MED PA'I SNANG BA TZAM MA YIN PAR BSTAN PA NI, NOR BU SNANG BA'I ZHES BYA BA'O, ,SNANG BA LA KHYAD PAR MED PA LA JI LTAR YUL GZHAN LA YUL DE KHO NA ZHES GZHAN DU JI LTAR YIN SNYAM DU SEMS PA LA, DE LA LA LAR ZHES BYA BA STE, 'KHRUL PA NYID DU

, ,YANG KHYAD PAR MED DO, ,SPYI'I RJES SU DPAG PA ZHES BYA BA NI THA DAD PAR BYAS PA LA'O, ,JI LTAR DE KHO NA NYID RIG PA PO'I BSAM PAS RJES SU DPAG PA NI, BDAG NYID KYI RNAM PA LA PHYI ROL DU MNGON PAR ZHEN PAS 'KHRUL PA YIN PA DE BZHIN DU, MNGON SUM RNAM PA LA MNGON PAR ZHEN PAR MI BYED DO SNYAM DU SEMS PA LA, GANG LA DON GYI NUS PA LA ZHES BYA BA'O, ,MNGON PAR ZHEN PA MED PA'I BLO NI DON GYIS NUS PAS DON 'DZIN PAR BYED PA'I MNGON SUM YIN GYI NGO BO GZHAN MDUN DU BYAS PA MA YIN LA DON YANG BDAG NYID 'DZIN PA'I DON DU BLO LA BDAG NYID GZHAN GYIS BAR DU CHOD PAR BYED PA ZHES BYA BA BSTAN PA NI, DE LTA ZHES BYA BA'O, ,RANG DBANG CAN NI BAR DU MCHOD PA CAN NO, ,DE NYID CES BYA BA NI MNGON SUM PA'O, ,RTOGS PAR BYA BA GANG LA BLO'AM MA DON NI NGO BO GZHAN NYE BAR BYED PA LKOG TU GYUR PA YIN NO ZHES BSTAN PA NI, DE LAS GZHAN DNGOS ZHES BYA BA'O, ,DE'I RNAM PA NYID KYIS SKYE BA LAS THA DAD PA'I BLO'I BYA BA'AM, NGO BO GZHAN MDUN DU BYAS PA MA YIN PAR BSTAN PA NI, DE'I RNAM PA CAN DU ZHES BYA BA'O, ,DE DAG GNYI GA GZHAN LA YIN PAR BSTAN PA NI, GANG LA MNGON MTHONG BA ZHES BYA BA'O, ,DBANG PO'I BYA BA MED PA'I PHYIR LKOG TU GYUR BA THOB PA DE NI SANGS RGYAS PA RNAMS MI 'DOD PA YIN NO ZHES ZER BA NI DE LTAR NI DBANG PO'I BYA BA MED PAS LKOG TU GYUR PA NYID DU MI 'DOD PA'O, ,GANG GI PHYIR DNGOS PO'I NGO BO MTHONG BA DANG LKOG TU GYUR PA'I YUL NYID KYANG 'GAL BA CAN YIN NO ZHES ZER BA NI, DE'I PHYIR ZHES BYA BA'O, ,GAL TE LKOG TU GYUR PA SNAD BA MA YIN PA'I YUL SHES PA GANG GI YIN PA DE STE, DNGOS PO MTHONG BA NI DNGOS PO MTHONG BA MA YIN PA'O, ,DNGOS PO MTHONG BAR YANG LKOG TU GYUR PA'I YUL CAN NYID DU MI 'GYUR BAR ZER BA NI, RTOGS PA ZHES BYA BA'O, ,'DI NYID BSHAD PA NI, GAL TE RTOGS NA ZHES BYA BA'O, ,PHYED SNGA MA BSHAD PA NI, ,DNGOS PO LA REG PA MA YIN PA ZHES BYA BA'O, ,LAN NI SPYI'I YUL CAN YIN NA ZHES BYA BA'O, ,SPYI SNANG ZHING KHYAD PAR MI SNANG BA YIN NA YUL LKOG TU

GYUR PA YIN NO SNYAM DU SEMS PA NI, 'ON TE SPYI 'BA' ZHIG CES BYA BA'O, ,'DIR YANG ZHES BYA BA NI LAN NO, ,JI LTAR DE YUL NYID YIN PA NI DON YUL YIN TE ZHES 'DRI BA YIN NO, ,DE YANG ZHES BYA BA NI LAN YIN NO, ,GAL TE RANG GI NGO BOS RTOGS PA MA YIN PA DE BZHIN GYIS RTOGS BZHIN PA YANG YOD DO ZHES CI LAS YIN, DE LTAR RTOGS KYANG GTZO BO LA SOGS PA NI YOD PA MA YIN NO ZHES BSTAN PA NI, MA MTHONG BDAG NYID NGO BO DE, ,ZHES BYA BA STE, MA MTHONG BA'I RANG BZHIN GYI NGO BO'O, ,GZHAN LAS RTOGS PA YIN LA THAL CHES PAR 'GYUR BA SEL BA YIN TE; DE RTOGS PA'I RTEN TE, DMIGS PAS 'BREL PA CAN GAL TE NGES PA YIN NA DE LTAR 'GYUR BAR BSTAN TE, GO BYED NYID NI RTOGS PA'I RTEN TE, DE TSE ZHES BYA BA NI RANG BZHIN GYI 'BREL PA'I RTAGS KYI MTSAN NYID DO ZHES BSTAN PAR 'GYUR RO, ,GZHAN DAG NA RE DE RTEN NI BSGRUB BYA'I RTEN CHOS CAN DANG 'BREL PA CAN ZHES BYA BA NI PHYOGS KYI CHOS NYID DE, CHOS CAN DE DAG GANG GI RTEN YIN PA'I BSGRUB BYA'I CHOS DE DANG 'BREL PA CAN DU NGES PA'I PHYIR MED PA MI 'BYUNG BAR BSTAN TO ZHES SEMS PA YIN NO, ,DE NYID BSTAN PA NI RTEN DE DAD ZHES BYA BA'O, , JI LTAR ZHES BYA BA'I DRI BA BSHAD PA NI, 'BREL PA CAN LAS DRAN PA NYID CES BYA BA'O, ,DE LTA BU NYID DU MTHONG BA'I PHYIR RO ZHES BYA BA'I LAN GYI SHES PA NI MA YIN TE, 'BAD RTZOL LA SOGS PAS ZHES BYA BA'O, ,THAMS CAD KYI TSE YANG ZHES BYA BA NI NYE BAR MTSON PA YIN PA'I PHYIR THAMS CAD LA YANG ZHES BYA BA YANG 'THOB BO, ,DE'I PHYIR 'DRA BA'I RANG GI NGO BO THAMS CAD LA THAMS CAD DU YANG YIN NO, ,DU BA NI ZHES BYA BA 'DIS LKOG TU GYUR PA'I 'DRA BA RTOGS BZHIN PA NI RANG GI NGO BOS KYANG NGES PA CAN NI MA YIN NO ZHES BYA BA'I DON TO, ,MTHONG BA DE DAD DE 'DRA BA YIN TE DON DE BYED PA NYID KYIS SAM, GZHAN DU YANG RUNG BA MNGON SUM YIN TE, GZHAN DU MI 'JUG PA'I PHYIR BSTAN PA NI, DE DANG 'DRA BA DES ZHES BYA BA STE, DA LTAR BAS ZHES BYA BA'I DON TO, ,DE DANG 'DRA BA ZHES BYA BA NI MTHONG BA DANG 'DRA BAS SO, ,DE LA ZHES BYA BA NI DE'I DON

, ,BYED PA CAN GYI DA LTAR BA LA'O, ,'DIS KYANG MNGON SUM DAD DE DANG 'DRA BA 'DZIN PA'I PHYIR RJES SU DPAG PA MTSUNGS PAR BSTAN PA NI, DE LTA BU NYID CES BYA BA'O, ,GAL TE YANG DE DANG 'DRA BA RANG GI NGO BOS RTOGS PA MA YIN YANG DE DANG 'BREL PA CAN RTOGS PA YIN PAR BSTAN PA NI, 'BREL PA LAS KYANG ZHES BYA BA'O, ,'BREL PA NYID BSTAN PA NI, 'BRAS SOGS RTAGS NI ZHES BYA BA STE, 'DIS NI MED NA MI 'BYUNG BAR BSHAD PA KHAS LEN PA YIN NO, ,'BRAS BU NYID DU ZHES BYA BA NI SHING SHA PA NYID LA'O, ,RGYU NYID DU ZHES BYA BA NI DU BA LA SOGS PA'I'O, ,YOD PA'I PHYIR SKAD CIG PA NYID DO ZHES BYA BA 'DI LA YANG 'DRA BA NYID RTOGS PA KHO NA YIN NO ZHES BSTAN PA NI, DE NI 'DI YIN TE ZHES BYA BA'O, ,GZHAN GYI YANG ZHES BYA BA NI DNGOS PO'O, ,'BRAS BU LAS 'DRA BA NYID RTOGS PA YIN GYI RANG BZHIN LAS NI MA YIN TE, DPE MED PA'I PHYIR RO ZHES KHA CIG ZER BA LA, DE SEL BA BSTAN PA NI, RJES SU DPAG PA'I RTOG PA MTHA' DAG CES BYA BA STE, DE LA BRTEN NAS MI BSLU BA CAN NO ZHES BYA BAR 'BREL TO, ,JI LTAR MTHONG BA DRAN PA TSAD MA YIN TE, DPE MED PA'I DON YIN NO ZHES BYA BA'O DON YIN NA JI LTA BA MA YIN PA MTHONG BA TSAD MA MA YIN PAR 'GYUR BAR ZER BA NI, GAL TE MTHONG BA 'KHRUL PA ZHES BYA BA'O, ,MTHONG BA NI RANG RIG PAR MTHAR THUG PA'I PHYIR, JI LTAR MTHONG BA GZHAN DU DRAN PA MI SRID PAR BSTAN PA NI MTHONG BA LAS 'KHRUL PA DE YANG NI ZHES BYA BA'O, ,MTHONG BA YAL BAR BOR BA YANG DRAN PA KHO NAS PHYI ROL GYI YUL DU RNAM PAR GZHAG PA YIN LA, JI LTAR GZHAG PA DRAN PA TSAD MA YIN GYI GZHAN DU NI TSAD MA YIN PAR BSTAN PA NI DRAN PA DE YANG ZHES BYA BA'O, ,NYER MTSON DAG LAS ZHES BYA BA NI NGES PA DAG LAS SO, ,RANG GI NGO BOS RTOGS PA JI LTA BA DE BZHIN RANG GI NGO BO DANG MA 'BREL BA LAS KYANG MA YIN NAM, JI LTAR RANG GI NGO BO RJES SU DPAG PAS RTOGS PA MA YIN ZHES ZER BA LA, DE TSE GO BYED RJES SU 'GRO, ,ZHES BYA BAS SO, ,'BREL PA 'DZIN PA'I DUS SU MTHONG BA DANG 'DRA BA NI RJES SU DPAG BAR BYA BA LA GO BYED YIN ZHING GO BYA YANG NGO, ,DES

NA DE'I DUS CAN GYIS 'DI LA KHYAB PA YIN PA'I PHYIR, GO BAR BYED PA'I RJES SU 'GRO BA DE DANG 'DRA BA NI DE'I SPYI NYID DU RTOGS PA NI RANG GI NGO BOS SO ZHES BYA BA'I DON GO BYED YOD NA NGES PA YIN LA, GO BYA NI GO BYED KYI RJES SU 'GRO BA YIN NO, ,DE LA YANG SPYI'O ZHES BSHAD PA LA KHYAD PAR NYID CI'I PHYIR MA YIN ZHES BYA BAR NI RIGS PAR BSTAN PAR MI 'GYUR RO, ,'BREL PA 'DZIN PA LA LTOS PA MED PAR LUNG DANG DON GYI GO BA LA SOGS PA NI RANG GI NGO BOS SAM, GZHAN DU YANG RANG GI GO BYED MA YIN PAR BSTAN PA NI, DES NA LKOG GYUR CES BYA BA'O, ,GO BYED KYI RJES SU 'GRO BA YANG DE YIN LA, SPYI'I NGO BO YANG DE YIN PA'I RGYU DES NA, RTOGS PA NI LKOG TU GYUR PA'I DON GYI'O, ,GO BYED SPYI NI GO BYA KHYAD PAR LA MA NGES SO ZHES BSTAN PA NI, GO BAR BYED PA DE'I GZHAN GYI DBANG ZHES BYA BA STE, RTAGS KYI KHYAD PAR NYE BAR MTSON NA GO BYED KYI RNAM PA THAMS CAD RTOGS PA YIN NO, ,DE YANG ZHES BYA BA NI RJES SU DPAG PA'O, ,DRAN PA NYE BAR GZHAG PA LA SOGS PA BSGOM PA'I LAM NI LUNG MED NA, MI RTOGS PA MA YIN NAM, LUD DANG RIGS PAS RNAM DPYOD PAS ZHES GSUNGS PAS SO, ,BDEN TE DE'I DON YANG RIGS PA DANG 'BREL BA KHO NA YIN NO, ,GAL TE YANG LUD LAS THOG MAR DE RTOGS PAR RIGS PA MA YIN YANG TSAD MA KHO NA YIN PA'I PHYIR, RJES SU DPAG PA LAS GZHAN PA LAS DBANG PO LAS 'DAS PA RTOGS PA MA YIN PAR BSTAN PA NI, 'BREL PA CAN GYI CHOS LAS NI ZHES BYA BA STE, LUS LA SOGS PA LA CHAGS PA NI YUL GZHAN LA GNYEN PO BRTEN KYANG RGYAB KYIS PHYOGS PA THOB PAR MI 'GYUR LA DANG PO NAS DE'I BSAM PA DANG LDAN PA KHO NA YIN PA'I PHYIR RO, ,DE'I PHYIR SHES PA THAMS CAD LA SNGAR RAM PHYIS KYANG RUNG, 'BREL PA CAN MTHONG BA TSAD MA YIN GYI GZHAN DU NI MA YIN NO ZHES BYA BA'I DON TO, , GNAS GSUM BAR 'PHO BA NA LUNG TSAD MA YIN NAM ZHES ZER BA LA, MNGON SUM LKOG TU GYUR PA DAG LAS ZHES BYA BA STE, DE YANG GTZO BO'I DON LA MI BSLU BA BSGRUB PA'I BSGOM PA DANG, TSOGS PA GCIG LA RAG LAS PA'I SHES PA'I RGYU RJES SU DPAG PA KHO NA ZHES BYA BA'I DON TO, ,

, ,RJES SU DPAG PA'AM RJES SU DPAG PA NYE BAR 'JOG PA YANG RJES SU DPAG PA KHO NA'O ZHES BYA BA'I THA TSIG GO, ,DE DE LTAR TSAD MA RNAM GNYIS ZHES BYA BA LA SOGS PAS MTSAN NYID MI MTHUN PA'I RNAM PA GNYIS NYAMS SU MYONG BZHIN PA LAS, THA DAD PA'I NYAMS SU MYONG BA GCIG MA YIN ZHING GZHAN DU YANG MA YIN NO ZHES BYA BA NYID YIN GYI, GNYI GA'I BDAG NYID KYI GCIG NI NAM YANG MA YIN NA, GANG GIS DE'I YUL LA GSUM PAR 'GYUR, DE BZHIN DU RANG GI MTSAN NYID KHO NA GCIG MA YIN NA, GANG GIS GCIG KHO NA TSAD MAR 'GYUR ZHES BYA PA 'DIS GSUM NYID DAM GCIG KYANG GZHAL BYA RNAM PA GNYIS KYIS BKAG PA YIN NO ZHES BSTAN PA NI, GZHAL BYA GNYIS NI MTHONG BA'I PHYIR, ,ZHES BYA BA STE, GZHAL BYA GZHAN MED PA'I PHYIR TSAD MA GSUM PA LA SOGS PA MED PAR SNGAR BSTAN PA YIN LA, 'DIR NI GZHAN MED KYANG GNYIS PO DES GCIG TU GYUR PA'I GSUM PA 'PHANGS PA MA YIN NO ZHES BYA BA NI KHYAD PAR RO, ,'GREL PAR YANG DE LTA BU'I DON DU BSHAD PAR BYA'O, ,GSUM LA SOGS PA YANG MA YIN NO ZHES BYA BA'I SOGS PA'I SGRA NI BAG MED PAS BRJOD PA'AM YANG NA GNYI GA MA YIN PA LA SOGS PA SDUD PA'I DON DU'O, ,DE LA RE ZHIG RANG GI MTSAN NYID GCIG PO KHO NA SPYI DANG KHYAD PAR RTOGS PA'I YUL YIN PA'I PHYIR, GZHAL BYA GNYIS PO MED DO SNYAM DU SEMS PA NI 'ON TE SPYI DANG KHYAD PAR ZHES BYA'O, ,SPYI MED PAS GZHAN BYA THA DAD PA MA YIN PA'I PHYIR, RANG GI MTSAN NYID GCIG PO KHO NA RNAM PA GNYIS SU RTOGS PA YIN NO ZHES ZER BA NI, MED PAS GZHAL BYA MA YIN PHYIR, GCIG NYID CES BYA BA'O, ,MTSAN NYID NI MED PA NYID CES BYA BA NI DO BO'O, ,GZHAL BYA BA MA YIN PA NYID DU BSGRUB PA LA MA NGES PA YIN TE, MED PA GZHAL BYA LA YANG YOD PA'I PHYIR RO ZHES BSTAN PA NI MA NGES PA NYID DAM ZHES BYA BA'O, ,MED PA NI MED PA'I NGO BO STE GZHAN GYI GZHAL BYA ZHES BSTAN PA NI MED PA YANG ZHES BYA BA'O, ,SPYI'I YUL LA RJES SU DPAG PA TSAD MA MA YIN DU ZIN KYANG, MED PAR NGES PA'I NGO BO NI GNYIS PA THOB PA KHO NA STE, DE RJES SU

DPAG PA'AM GNYIS PAR 'GYUR RO ZHES BYA BA LA KHYAD PAR MED PAR BSTAN PA NI, DE NGES TSAD MA GNYIS BA NYID, ,CES BYA BA STE, GAL TE YOD PA GSAL BAR BYED PA'I DBANG PO NI DE'I KHYAD PAR DANG LDAN PA MED PA YANG GSAL BAR BYED PA YIN TE BYA BA DANG LDAN PA'I DBANG PO LA DE RTOGS PA MTHONG BA'I PHYIR RO SNYAM DU SEMS PA LA, MED PA DBANG SKYES BLO MIN TE, ,ZHES BYA BA STE, DES DBEN PA MTHONG BA LAS DE DRAN NA DE MED PA'I NGES PA SKYE BA YIN GYI DBANG PO LAS SKYES PA'I BDAG NYID RANG LA KHYAD PAR GZHAN DU SGRO 'DOGS PAS LTOS PA MA YIN NO, ,DRAN PAS PHAN BTAGS PA'I DBANG PO NYID MED PA'I SHES PA'I RGYU MA YIN NAM ZHES ZER BA LA, DON GYI STOBS LAS ZHES BYA BA STE, DON GYI NYE BA DANG NYE BA MA YIN PA DAG LAS SNANG BA'I DBYE BA DANG 'BREL PA'I SHES PA DE NI DE'I BSKYED BYA YIN GYI, MED PA'I NYE BA DANG CIG SHOS DAG LAS DE'I SNANG BA'I DBYE BA CAN GYI SHES PA NI MA YIN TE, KHYAD PAR MED PAR DMIGS PA'I PHYIR RO, ,DON NI SHES PA LA DMIGS PA NYID KHO NA SKYED BYED NYID YIN PA MED PA LA YANG 'DI LA KHYAD PAR MED DO SNYAM DU SEMS PAL, DON GYI NUS PA LA ZHES BYA BA SMOS TE, NYE BA DANG CIG SHOS KYI BSKYED BYA SNANG BA'I DBYE BA MED PAS DE LA DMIGS PA TZAM GYIS DON GYI BSKYED BYA NYID KYI DU BA LAS ME RTOGS NA MTHONG BA DANG THAL BA NI DUS KYIS BAR DU CHOD KYANG RAGS PAS PHRA MO'I SHES PA LA RANG BZHIN GYIS BSKAL BA YIN YANG DBANG PO BSKYED BYA NYID DU 'GYUR RO, ,GANG GI PHYIR DE'I TSE DBANG PO'I BYA BA MED PA NI MA YIN NO, ,DA LA GZHAN DU 'JUG PA'I DBANG PO YIN NO ZHES 'DI LA YANG CIS MI 'DOD, NYA BA DANG CIG SHOS DAG LAS SNANG BA LA KHYAD PAR MED PA NI DE'I BSKYED BYA NYID LA RGYU NI 'DI LA KHYAD PAR MED DO, ,GAL TE GANG GI MED PA 'DI YIN PA DE NI DE'I KHYAD PAR CAN MNGON SUM GYI YUL MA YIN LA 'O NA CI ZHE NA, YUL NYE BA LA SOGS PA DES DBEN PA'I PHYIR BAR DU CHOD PA RTOGS PA'I SKYON YOD DO ZHES ZER BA NI, 'ON TE SA PHYOGS DBEN PA DMIGS PA NYID LAS ZHES BYA BA'O, ,GCIG GI RIGS PA KHO NA'I MI SNANG BA LA LTOS NAS MI RIGS PA

, ,MA YIN NAM ZHES ZER BA NI, DE NYID LAS GZHAN RIG PA NYID CES BYA BA'O, ,SNANG BZHIN PA GZHAN MA YIN NA GANG LA LTOS NAS DE GZHAN YIN, DE MI SNANG NA GZHAN NYID MI 'GRUB BO ZHES BSTAN PA NI, DE LAS GZHAN NYID DU ZHES BYA BA'O, ,DE KHO NA NYID MED PA'I KHYAD PAR CAN MED PAR NGES PA LA MNGON SUM NYID LDOG PA LAS ZHES BYA BA NI LDOG PA'I PHYIR RO, ,LDOG PA NI MED PAR NGES PAR BYED DO SNYAM DU SEMS PA NI 'GAL BA STE MI MTHUN PA YIN NO, ,LOG PA STE MED PAR GYUR PAS YOD PA BZHIN DU MED PAR YANG NGES PAR BYED PA MI RIGS SO ZHES BYA BA'I DON TO, ,MNGON SUM LOG PA NI MA YIN GYI 'O NA CI ZHE NA, DE'I LDOG PAS STER BA TU LDOG PAR NI NGES PAR BYED PA YIN NO, ,DE LA SMRAS PA, MNGON SUM NYID CES BYA BA'O, ,GZHAN SEMS PA CAN DU RTOGS PA YOD PA MA YIN NO ZHES BYA BA CI LAS SHES PAR BYED CES ZER BA LA, SMRAS SOGS LA NI ZHES BYA BA STE, DE'I NGO BO NGES PA CAN NI GZHAN SEMS PA CAN DU RTOGS PA'I NGES PA'O, ,RNAM PA CI ZHIG LTAR ZHES BYA BA NI TSAD MA CAN MA YIN PA'O, ,THABS MED PA KHO NA'O ZHES BYA BA NI TSAD MA MED PA NYID DO, ,DE LTAR RTOGS NA GZHAN SEMS PA CAN DU RTOGS PAR 'GYUR BA BSTAN PA NI, DE LTA YIN NA ZHES BYA'O, ,'ON TE 'DI YANG ZHES BYA BA NI GZHAN LA THABS MED PAR BSTAN PA'O, ,GZHAN GYIS KYANG ZHES BYA BA NI 'JIG RTEN RGYANG PAN PAS SO, ,MED PA DANG RGYU DANG KHYAB BYED LA SOGS PA'I NGES PA YOD PA NI BDEN YANG, DE LTA BU TSAD MA YIN NA THAL CHES PA YIN NO ZHES ZER BA LA, SLU MED PHYIR NA TSAD MA NYID, ,CES BYA BA'O, ,DE THAMS CAD MKHYEN PA NYID MA YIN PA SMRA BA PO NYID DAM NYID MTSAMS MI SPYIR BA LA SHI BA'I SEMS NYID KHYAB BA YIN YANG NGES PAR BYED PA MA YIN PA MA YIN NA, DES NA MI SLU BA'I PHYIR RO, ,JI LTAR NYE BAR BSTAN PA TSAD MA MA YIN NO SNYAM DU SEMS PA NI, LA LA DAG TU ZHES BYA BA'O, ,SMRA BA PO NYID KYI PHYIR ZHES BYA BA THAMS CAD MKHYEN PA NYID LA SOGS PA 'GAL BA MA YIN ZHING, KHYAB PAR BYED PA LA SOGS PA 'GAL BA MA YIN PA LA 'BRAS BU 'GAL BA MA YIN ZHING DES KHYAB PA YANG MA YIN

NO, ,DE'I PHYIR THE TSOM ZA BA YIN LA 'BRAS BU'AM KHYAB BYA'AM 'GAL BA'I 'BRAS BU'AM KHYAB BYA ZHES BYA BA'I NGES PAR BSTAN PA NI, RTAGS LA LOG PAR MTHONG BA GANG GI YIN PA DE'I 'DI LTA BU'I RTAGS DANG RTAGS MA YIN PA MTSUNGS PAR BYED PAS RTAGS LAS NGES PA MED PA YIN GYI, DPYOD PAR BYED PA PO LAS NI MA YIN NO, ,DE YANG RE ZHIG TSOGS PA GCIG PAR MTSUNGS PA YIN NO ZHES ZER BA NI, TSOGS PA GCIG LA RAG LAS PA NYID KYIS ZHES BYA BA'O, ,GAL TE 'GAL BA'I 'BRAS BU'AM KHYAB BYA ZHES CI LAS YIN GANG GI PHYIR DE LA RES 'GA' 'BYUNG BA NYID KYIS DE'I 'BRAS BU NYID DAM KHYAB BYA NYID MA YIN TE, THAL CHES PA'I PHYIR RO ZHES ZER BA LA, GANG LAS NI DNGOS PO LAS TE DNGOS 'GAL LA'O, ,'DI'I NI RGOL BA PO'I'O, ,RTOGS PA GRUB PA NI NGES PA NYID DO, ,NGES PA'I NGO BO MI MTHUN PA'I PHYOGS MA NGES PA LAS LDOG PA'I DNGOS PO DE DE LTAR RTOGS PA'I YUL GYI 'BRAS BU'AM KHYAB BYA YIN NO, ,GANG GI PHYIR DE LA NGES PA NI DE'I 'BRAS BU MA YIN PA'AM KHYAB BYA MA YIN PA MA YIN TE, NGES PA NYID KHO NA LA DE LTAR BRJOD PA'I PHYIR RO, ,RTOGS PA ZHES BYA BA NI NGES PA'I YUL RTOGS PA'O, ,DE'I NGO BO ZHES BYA BA NI DE'I RANG GI NGO BO'O, ,DE'I 'BRAS BU NYID DAM DE'I NGO BO NYID 'DI GRUB NA DE NGES PAR YOD PA YIN TE DE MED NA DE NYID MED PA'I PHYIR RO ZHES BSTAN PA NI, RANG GI RGYU'AM NGO BO DAG CES BYA BA'O, ,GAL TE YANG SMRA BA PO NYID LA SOGS PA LAS DU BA LA SOGS PA'I RANG GI NGO BO NI BSGRUB BYA GZHAN NYID KHYAD PAR MED KYANG BSGRUB BYA'I 'BRAS BU DANG KHYAB BYA NYID KYI DE LAS KHYAD PAR YOD PA'I PHYIR GZHAN DU 'DI DAG GI 'BRAS BU NYID LA SOGS PA'I NGO BO GZHAN NYID KYI RGYU MTSAN GANG YIN PA DE DAG GI MTSAN NYID YIN NO ZHES BYA BAR SBYAR RO, ,'GREL PAR BSHAD PA NI GSAL BA KHO NA'O, ,GAL TE RES 'GA' RGYU'AM RANG BZHIN YIN YANG, GZHAN GYI TSE YANG DE LTAR YIN PA CI LAS SHE NA, DE LTAR DOGS PA YIN NA ZHES BYA BA'O, ,DE 'DI LTAR 'BRAS BU DANG KHYAB BYA YOD NA RGYU DANG KHYAB BYED YOD PAR BRJOD DE, DE YOD NA YOD PA NYID KYI PHYIR RO, ,

, ,DE NYID KYI PHYIR DE DAG MED PAR NGES NA 'BRAS BU DANG KHYAB BYA DAG MED PAR NGES PAR BSTAN PA NI, RANG GI NGO BO'AM ZHES BYA BA'O, ,BLTAR RUNG ZHES BYA BA NI NGO BO'I KHYAD PAR RO, ,MTHONG BA'I RGYU ZHES BYA BA NI RKYEN GZHAN TSANG BA'O, ,BLTAR RUNG MIN PA ZHES BYA BA NI RANG BZHIN MI DMIGS PA'O, ,DE DANG LDAN PA ZHES BYA BA NI RANG BZHIN GYI RGYU DANG LDAN PA'O, ,'DI LA JI SKAD BSTAN PA DANG LDAN PA ZHES ZER BA NI MI RIGS TE, RGYU DANG KHYAB PAR BYED PA MI DMIGS PA DAG GIS RUNG BA MA YIN PA'I MI DMIGS PA DANG LDAN PA NYID KYI MED PAR NGES PA'I PHYIR RO, ,'BREL PA CAN YANG YIN LA DE MED KYANG YOD NA 'GAL BA CI YOD CE NA, GANG GI PHYIR 'DI 'BREL PA CAN ZHES BYA BA STE, DE MED NA MED PA DANG YOD PAR YANG 'GAL LA MED PA NI 'BREL YIN ZHES BYA BA'O, ,MTHONG BA TZAM KHAS BLANGS NAS LKOG TU GYUR PA GSAL BAR BYED NA KHAS BLANGS PA'I KHYIM DANG SKYED MOS TSAL LA SOGS PA YANG YUL GZHAN DU SONG BA MI MTHONG BA'I PHYIR RO ZHES BSTAN PA NI, SPYI YI BLO NI TSAD MIN NA, ,ZHES BYA BA STE SPYI'I BLO NI LKOG TU GYUR PA'I BLO'O, ,DE MED PA NI RANG GIS KHAS BLANGS PA'I LKOG TU GYUR PA DE YANG MED PAR 'GYUR RO, ,PHA ROL GYI DNGOS BZHIN NI KHO BO CAG 'DOD PA'I 'JIG RTEN PHA ROL BZHIN NO, ,MA MTHONG BA'I KHYIM DANG SKYED MOS TSAL LA SOGS PA NI YANG MTHONG BA DE'I PHYIR MA MTHONG BAS KHYAD PAR DU BYAS PA'I MA MTHONG BA NI MED PAR GO BAR BYED LA 'JIG RTEN PHA ROL LA YAD DUS THAMS CAD DU MA MTHONG BA YANG YOD DO ZHE NA KHYOD KYIS 'DOD PA'I DBANG PO LA SOGS PA LA YANG DUS THAMS CAD DU MA MTHONG BA YOD DO ZHES BSTAN PA NI, DE MIN ZHES BYA BA'O, ,GNAS SKABS GNAS SKABS SU MTHONG DU ZIN KYANG DE MED PA'O ZHES BYA BA YANG MI RIGS TE, RGYU MED NA MTHONG BA KHAS BLANGS PA 'GAL BA'I PHYIR RO ZHES BSTAN PA NI, MED PAR RTOGS PA YIN NA NI, ,ZHES BYA BA'O, ,KHYIM DANG SKYED MOS TSAL LA SOGS PA MA MTHONG BA NI DE'I TSE MED BSAM RIG NA MI LTAR KHYAD PAR DU BYED CES ZER BA LA, 'O NA GANG GI TSE ZHES BYA BA'O, ,RUNG BA NYID LA ZHES BYA BA NI RGYU RNAMS KYI NUS PA LA LA'O, ,NUS PA

YANG DE YOD NA YOD PA NYID KYIS RANG BZHIN GYI GTAN TSIGS KYIS RTOGS KYI, GZHAN GYIS NI MA YIN NO ZHES BSTAN PA NI, RANG BZHIN GYI GTAN TSIGS ZHES BYA BA'O, ,BLO YANG YIN LA SKYE BA YANG YIN ZHES BYA BA NI, GNYIS GNYIS PA LA GCIG BZHIN PA'I NGO BO ZHES BSTAN PA NI SKYE BA DANG BLO'O ZHES BYA BA'O, ,'BRAS BU MTHONG BA DANG ZHES BYA BA NI RJES SU 'GRO BAS SO, ,MIG GAM NUS PA YANG RANG GI MTSAN NYID YIN LA, DNGOS PO YIN PA'I PHYIR MNGON SUM KHO NAR RTOGS PA MA YIN NAM ZHES ZER BA NI, RANG GI MTSAN NYID LA STE GZUNG BYA BA RNAM RTOG MED PA'O, , RTOG PA DANG BCAS PA'I MNGON SUM NI RANG GI RNAM PA LA DON DU ZHE NA SPYIS ZHEN PAR BYED LA, MNGON SUM GYIS RTOGS BYA NGES PA BAS NI MI GSAL BAR BYED PA YIN GYI, 'ON KYANG ZHEN PAR BYED PA YIN GYI NGO BO GZHAN GYI SPYI GSAL BAR BYED PA MA YIN PAR BSTAN PA NI, RNAM RTOG MED PAR ZHES BYA BA'O, ,SPYIS 'DZIN PAR RJES SU DPAG PA KHO NA YIN PAR BSTAN PA NI, DE LA ZHES BYA BA NI MIG LA SOGS PA LA'O, ,DE 'DI LTAR RANG GI MTSAN NYID GCIG PO GZHAL BYA LA, RANG GI MTSAN NYID DANG SPYI'I SHES PA'I YUL YIN PA DE'I PHYIR, SHES PA'I DBYE BA KHO NA TSAD MA'I DBYE BA YIN PAS GCIG NYID TSAD MA YIN NO ZHES GSAL NAS DA LTAR NI RANG GI MTSAN NYID DANG SPYI'I NGO BO GCIG PA'I GZHAL BYA GSUM PA YOD PA'I PHYIR TSAD MA GSUM PAR 'GYUR RO ZHES GSAL BA'I DON DU NYE BAR BKOD PA NI GZHAL BYA NGES NA KHA DOG NI ZHES BYA BA'O, ,RANG GI MTSAN NYID NI MNGON SUM KHO NA'I YUL YIN GYI, SPYI'I NI RJES SU DPAG PA KHO NA'I YIN TE RANG GI MTSAN NYID KYI NI KHA DOG MI RTAG PA NYID SPYI'I ZHES KHAS BLANGS PA'I PHYIR RO, ,DE BLO STE GNYIS GA'I BDAG NYID KYI BLO MNGON SUM YIN TE SPYI'I SNANG BA YIN PA'I PHYIR RO, ,RJES SU DPAG PA YANG MA YIN TE, KHYAD PAR GYI CHA SNANG BA'I PHYIR DANG RTAGS MED PA'I PHYIR YANG NGO ZHES BSTAN PA NI ZHES BYA BA'O, ,KHYAD PAR MTHONG BA LA NI RTAGS YOD KYANG RJES SU DPAG PA MA YIN TE SPYI'I YUL MA YIN PA'I PHYIR RO, ,DE BSTAN PA NI, KHYAD PAR MTHONG BA RTAGS DAD NI, ,ZHES BYA BA'O, ,CI'I PHYIR SPYI YUL MA YIN

, ,ZHE NA, DE DANG LHAN CIG RTAGS KYI 'BREL PA MI 'DZIN PA'I PHYIR RO ZHES BSTAN PA NI, RTAGS DANG NI ZHES BYA BA'O, ,TSAD MA GZHAN PA DE NI KHYAD PAR MTHONG BA STE, MNGON SUM YIN TE DBANG PO LAS SKYES PA MA YIN PA'I PHYIR RO, ,RJES SU DPAG PA MA YIN TE, SPYI YUL MA YIN PAS 'DI'I SHUGS KYIS TSAD MA GZHAN GRUB PA YIN ZHES ZER BA NI, MANG PO NYID DAM ZHES BYA BA'O, ,MNGON SUM DANG KHYAD PAR MTHONG BA YANG GCIG LA'AM KHYAD PAR LA ZHES BYA BA 'CHAD PAR 'GYUR BA'I DGAG PA DANG SBYAR BAS GNAS SKABS KYI MANG PO NYID KYI RTOG PA DGAG PA YIN TE, GCIG NYID KYIS RNAM PAR BCAD PA'I PHYIR RO, ,DE SMRA BA NI DPER NA KHYAD PAR MTHONG BA'I ZHES BYA BA NI GZHAL BYA LA'O, ,DE LTAR GCIG NYID DANG GSUM NYID GSAL BAR MI 'GYUR ZHES ZER BA NI GCIG MA YIN PA YANG MA YIN PA KHO NA'O ZHES BYA BA'I DON TO, , KHYAD PAR MTHONG BA'I TSAD MAS KHYAD PAR 'DZIN PA'I PHYIR RO, ,BSHAD PA GSUM PA 'JUG PA NI GCIG NYID KHO NA'O ZHES BYA BA'AM GYI SGRA NI 'JUG PA'AM ZHES RGYU MTSAN GYI RTOG PAS MANG PO NYID KHO NAR SGRUB PAR BYED PA DE LA NI GCIG NYID DU SGRUB PA MA YIN TI MANG PO NYID DNGOS SU 'GOG PA'I PHYIR RO, ,DE'I PHYIR DRANG BA'I DON NYID YIN NO, ,NUS DANG NUS MIN NYID CES BYA BA DRANG BA'I DON NYID YIN NO, ,THA DAD PAR SNANG BA YANG MNGON PAR ZHEN PAS GCIG NYID YIN NO SNYAM DU SEMS PA LA ZLOS PA NYID MA YIN PAR BSTAN PA NI, BDEN MOD KYI 'DI YANG ZHES BYA BA'I RIGS PA KHO NA YIN PA'I PHYIR ZLOS PA MA YIN NO, ,KHA DOG KYANG MI RTAG PA BZHIN DU RTOG PA'I YUL SPYI KHO NAS YIN NO ZHES BSTAN PA NI, SKYON 'DIR THAL BAR MI 'GYUR TE ZHES BYA BA STE, ,MI RTAG PA NYID BZHIN DU RNAM PAR RTOG PA'I YUL YIN PA'I PHYIR KHA DOG KYANG SPYI KHO NA YIN NO ZHES BYA BA'I DON TO, ,GAL TE KHA DOG LA SOGS PA'I SPYI MI RTAG PA NYID LA SOGS PA DAD SBYOR BA LA JI LTAR KHYAD PAR RNAMS LA MNGON PAR ZHEN PA'AM, 'JUG PA YIN ZHES ZER BA LA, DNGOS MED NGO BO MIN NI DNGOS PO LAS GZHAN PA'I SPYI YIN TE, SGRA MI RTAG PA'AM KHA DOG GAM ZHES BYA BA

'DIS DE NYID DE DNGOS PO NYID KYI'O, ,DE BZHIN NI MNGON SUM DU MI BYED PAS SO, ,GRUB PHYIR NI NGES PA'O, ,RAB BSGRUB PHYIR NI NGES PAR MTHONG BAS BYED PA'I PHYIR RO, ,GZHAN DU MNGON DU BYED PA NA MDON DU BYED PA'I YUL MA GRUB PA MA YIN NAM SNYAM DU SEMS PA NI, GZHAN LA ZHES BYA BA STE, DNGOS SU MI SNANG BA'I YUL LA GZHAN LA DE SNANG BA'I YUL DU JI LTAR 'GYUR BA YIN ZHE NA, RANG GI MTSAN NYID LAS GZHAN 'GRUB PA ZHES BYA BA NI MI RIGS PA KHO NA'O, ,DE NYID NI RANG GI MTSAN NYID DO, ,GRUB PHYIR NI ZHEN PA'I PHYIR TE, GAL TE YANG RANG GI MTSAN NYID SNANG BA MA YIN NA ZHEN PAR BYED PA YIN LA ZHEN PA YANG RANG GI NGO BO MI SNANG BA YIN NA ZHEN PA YIN TE, MI MTHUN PA YIN PA'I PHYIR THAMS CAD DU MTSUNGS PA YIN TE, GANG GI PHYIR RANG GI NGO BO SNANG BA NI NGES PA YIN PA'I PHYIR MI MTHUN PA ZHEN PA ZHES BYA BA'I DON TO, ,GAL TE BRTAGS PAS ZHES BYA BA NAS BRTZAMS NAS MA YIN NO ZHE NA ZHES BYA BA'I BAR GYI KHA DOG NYID DANG MI RTAG PA NYID DAG GIS SPYI'I NGO BO YIN PA'I PHYIR, DNGOS PO MA YIN PA NYID DU THE TSOM ZA BA DANG 'BREL PA YIN TE NGES BSKYED PA'I PHYIR DANG DER ZHEN PA'I PHYIR RO, ,DE LA ZHES BYA BA LA MI SNANG BA'I PHYIR NI MNGON DU MI BYED PA'I PHYIR RO, ,DNGOS SU MA 'BREL YANG ZHES BYA BA NI DNGOS SU MI SNANG BA LA YANG NGO, ,GAL TE DNGOS SU MI SNANG BA YIN YANG RANG GI MTSAN NYID KHO NA ZHES PAS YUL YIN GYI GZHAN NI MA YIN NA, DBANG PHYUG LA SOGS PA'I RNAM PAR RTOG PA LA YANG DE LTAR 'GYUR RO SNYAM DU SEMS PA LA, DNGOS PO JI LTA BUR GYUR PA ZHES BYA BA STE, RTAGS LAS SKYES PA'I RTOG PA NI RTAGS KYI RGYU DANG KHYAB BYED DAG LAS 'BREL PAS 'BREL PA CAN DE MNGON DU BYED KYANG DER ZHEN PA'I PHYIR DE'I YUL CAN YIN GYI CIG SHOS NA MI YIN TE, DE DANG 'BREL PA MED PAS DE'I YUL NYID DU RNAB PAR GZHAG PAR MI RIGS PA'I PHYIR RO, ,DNGOS GANG ZHES BYA BA NI YOD PA YIN GYI CIG SHOS NI MA YIN NO, ,JI LTA BUR GYUR PA ZHES BYA BA NI ME MA YIN PA DANG SHING MA YIN PA LA SOGS PA'I BDAG NYID KYIS YIN GYI YOD PA LA SOGS PAS NI MA YIN NO, ,DE 'DRA BA DE NI ZHES BYA BA NI DU BA MA YIN PA

, ,DANG SHING SHA PA NI MA YIN PA LAS LOG PA'I NGO BO YOD PA DANG, RTZVA LAS BYUNG BA LA SOGS PA NI MA YIN NO, ,RTAGS KYANG 'BRAS BU'AM KHYAB BYA YIN LA DE'I NI RGYU NI SBYOR BAR BYED PA'I RGYU MTSAN NI RGYU NYID KYIS SAM KHYAB PAR BYED PA NYID KYIS SO, ,SEMS KYI ZHES BYA BA NI MI SHES PA RTAGS MA YIN PA'I PHYIR BRGYUD PA BRTAN PAR BYED PA'O, ,DE LTAR YANG RGYU BYED PA YIN PA DE'I PHYIR RTAGS 'BRAS BU YIN NO, ,SEMS LA NI GNYI GA YANG KHYAB PA YIN NO ZHES BYA BA NI MI RIGS TE, GAL TE NA CUNG ZAD 'GAS KHYAB PAR BYED PA YIN NA NI 'DI LAS CIR 'GYUR ZHES BSTAN PA NI GANG GI PHYIR DE LTAR YIN PA DE'I PHYIR DES BSKYED PA NI RTAGS KYIS BSKYENG PA'I RTAGS CAN GYI BLO NYID DO, ,RGYU JI LTAR BUR GYUR PA'I DNGOS PO LA NI YUL LA 'AM RGYU MTSAN LA STE RTAGS KYI SGO NAS DE LAS BYUNG BA'I PHYIR GZHAN MED PA MA YIN NO ZHES BYA BAR DGONGS PA'O, ,RTAG TU SNANG BA LAS LKOG TU GYUR PA RTOGS PA NI THOB PAR BYA BA'I YUL NYID LA 'BREL BA'I YUL DU NGES PA CAN NYID YIN LA, 'BREL PA CAN MI BSLU BA YANG MI BSLU BA CAN GYI NGO BO NI TSAD MA NYID YIN ZHES BYA BA'I DON BSHAD NAS, BSHAD PA BYED PA GZHAN RNAMS KYI LOG PAR RTOG PA'I CHED DU YANG TSIGS SU BCAD PA BRJOD PA NI, DE LTAR RTAGS DANG RTAGS CAN BLO, ,ZHES BYA BA'O, ,RTAGS CAN GYI SHES PA BZHIN DU DER ZHEN PA'I RTAGS KYI SHES PA YANG DE DANG 'BREL PA CAN YIN PA'I PHYIR MI BSLU BA CAN YIN NO, ,'DI NYID SKYED PAR BYED PA'I PHYIR RTAGS KYI SHES PAS YANG DE LA ZHEN PA YIN NO, ,GANG GI PHYIR THA MI DAD PAR ZHEN PA NYID KYIS DER ZHEN PA NYID NI MA YIN TE MNGON SUM LA MED PA'I PHYIR RO, ,MNGON SUM NYID KYANG DE MA YIN TE MA BZUNG BA'I RGYUN LA ZHEN PA SKYED PAR BYED PA'I PHYIR RO, ,GAL TE DON DANG 'BREL PA ZHEN PA DANG THOB PA LA SOGS PA YOD PAS TSAD MA NYID YIN YANG JI LTAR 'KHRUL PA CAN YIN TE, 'GAL BA'I PHYIR RO ZHES ZER BA LA, DE'I NGO BOR DE'I RTAGS CAN LA ZHEN PAR BYED PA'I PHYIR RTAGS DANG RTAGS CAN GYI SHES PA DAG LA SNGAR JI SKAD BSTAN PA'I 'KHRUL PA YIN NO, ,DE YI NGO BOS STONG DE DAB, ,CES BYA BA NI DE MNGON

SUM DU BYED PA DANG BRAL BA DAG GO ZHES BYA BA'I GTAN TSIGS KYI TSIG GO, ,RANG GI NGO BO MNGON DU BYED PA NI MA 'KHRUL BA YIN NO, ,'GREL PA BYED PAS NI RTAGS DANG LDAN PA DANG MI LDAN PA NYID DU DBYE BA MED PA'I RTAGS KYI SHES PA NI RANG BZHIN GYI RJES SU DPAG PA YIN LA RTAGS CAN GYI SHES PA NI 'BRAS BU'I RJES SU DPAG PA YIN PAR BSHAD DO, ,DU BA LA SOGS PA ZHES BYA BA NAS BRTZAMS NAS GTZO BO NYID DU YIN NO ZHES BYA BA'I BAR GYIS RTAGS CAN GYI SHES PA BZHIN DU RTAGS KYI SHES PA YANG RTAGS KYI YUL CAN YIN LA RTAGS CAN MED NA MI 'BYUNG BA NYID KYI NGES PA'I NGO BO'I RTAGS KYI BYA BA LA RTAGS CAN YANG RJES SU 'JUG PA'I PHYIR GZHAN DAG GI RANG GI 'DOD BA BKOD BA YIN NO, ,'DIS KYANG PHA ROL PO GZHAN GYI RTZOD PA SEL BAR STON PA NI, DES NA JI SKAD DU ZHES BYA BA'O, ,DE'I YUL MA YIN PA'I PHYIR RO ZHES BYA BA BSAL NAS, YUL GCIG PA'I PHYIR ZHES BYA BA NI RTAGS CAN KHYAD PAR DU BYAS PA'I RTAGS RTOGS PA'I MNGON SUM MA YIN PAR SMRA BA NI MNGON SUM MA YIN PA'I PHYIR RO, ,DE 'DI NI GZHAN GYI 'DOD PA BKOD PA SEL BAR BYED PA NI, 'BREL PA NYID KYIS RTAGS 'DZIN PA ZHES BYA'O, ,THUN MONG GI CHOS DAG GI NI SPYI'I NGO BO DAG GI 'BREL PA NI MNGON SUM MA YIN TE, DE'I YUL CAN MA YIN PA'I PHYIR RO, ,RJES SU DPAG PAS 'DZIN PA YIN NA THUG PA MED PAR BSTAN PA NI, DE LTA YIN NA ZHES BYA BA'O, ,'ON TE GOMS PA LAS MNGON SUM GYI BSGRUB BYA MED NA MI 'BYUNG BA'I RTAGS LA DE NYID DU 'DZIN PA YIN NO SNYAM DU SEMS PA LA, DE'I TSE MNGON SUM DE RTAGS CAN SNANG BA NYID YIN, DE MI SNANG BA NYID YIN NA, DE MED NA MI 'BYUNG BA NYID KHO NA MI 'DZIN TO ZHES ZER BA NI 'ON TE RTAGS NI ZHES BYA BA'O, ,JI STE DE ZHES BYA BA'I RJES SU DPAG PA'O, ,RTAGS CAN MED NA MI 'BYUNG BA NYID 'DZIN PA NYID NI RTAGS KYI BYA BA YIN LA, 'DI LA RTAGS CAN 'DZIN PA RJES SU 'JUG BA YANG YIN PAR BSTAN PA NI, SHIN TU GOMS PA LAS ZHES BYA BA STE DU BA'I NGO BO NI SPRAD BU'I TSOGS PA DANG MI MTHUN PA'I MTSAN NYID LA GOMS PA YIN NA, ME MA RTOGS KYANG CHES

, ,GSAL BAR NYAMS SU MYONG BAS NYE BAR MTSON PA PA NI RTAGS YIN NO ZHES BYA BA'I DON TO, ,GOMS PA MED PA NI JI LTAR RTAGS 'DZIN PA YIN ZHE NA, DU BA DE NYID DU ZHES BYA BA SMOS TE DE'I TSE YANG ME 'DZIN PA MA YIN YANG RTAGS 'DZIN PA LA YANG 'JUG PA YIN NO,, ZHES BYA BA'I DON TO, ,GZHAN DANG 'BREL PA NYID DU NGES PA NI RTAGS 'DZIN PA YIN PAR BRJOD PA GANG YIN PA DE RTAGS CAN 'DZIN PA KHO NA YIN TE, RTOGS PA CAN MED PA'I PHYIR RO ZHES BSTAN PA NI, DE'I ME DANG 'BREL PA NYID CES BYA'O, ,MI DMIGS PA LAS BYUNG BA'I RJES SU DBAG PA NI MED PA'I YUL CAN YIN PA'I PHYIR, RTAGS DANG RTAGS CAN GYI SHES PA DAG LA BRGYUD PAS KYANG DNGOS PO DANG 'BREL PA MED PA MA YIN NAM, DNGOS PO GZHAN NI MED PAR BSAMS NAS DNGOS PO'I YUL NYID DO ZHES BRJOD PAS SHES PA DANG SHES BYA GZHAN DAG GI 'BREL PA YANG MA YIN TE, MNGON SUM YIN PA'I PHYIR RO ZHES BSTAN PA NI, DE'I PHYIR DNGOS PO RTOGS BYA LA ZHES BYA BA STE, KHYAB BYED NI KHYAB BYA'I RGYU MTSAN NAM DE'I NGO BO YANG RUNG DNGOS PO BSGRUB PAR BYA BA LA YIN GYI MED PA LA NI MA YIN TE, DE'I BDAG NYID DANG DE LAS SKYES PA NYID DNGOS PO BSGRUB BYA LA STE, DNGOS PO RTOGS PAR BYA BA YIN GYI MED PA LA NI MA YIN ZHES BYA BA'I DON TO, ,GAL TE DNGOS PO RTOGS PAR BYA BA YIN NA, DNGOS PO MA YIN PA LA YANG 'BRAS BU 'GAL BA DANG, 'GAL BAS KHYAB PAR DMIGS PA YANG JI LTAR YIN ZHE NA, ,DE DAG KHO NA DE LA YANG MA YIN TE, DE LAS DNGOS PO GRUB PA NYID SNGAR THOB PA YIN NO ZHES DE LTAR BSTAN ZIN TO, ,KHYAB BYA KHYAB BYED NYID GRUB NA, DE YANG STE KHYAB BYA NI DE'I BLO STE KHYAB PAR BYED PA'I SHES PA'I RGYUR 'GYUR BA LA, DE YANG ZHES BYA BA NI KHYAB BYED YIN LA KHYAB BYA YANG DE YIN PA'O, ,DGAG PA STE PHA ROL PO RNAMS KYI 'DOD PA'I MED PA DANG, KHO BO CAG GI MED PA'I THA SNYAD BSGRUB PAR BYA BA LA GEGS BYED PA 'GA' YANG MED PAR BSTAN PA NI, 'GAG PA NYID NI ZHES BYA BA'O, ,JI LTAR 'BREL PA YIN ZHES BYA BA'I 'GREL PA NI GSAL BAR BYED PA'I CHED DU'O, ,THAMS CAD DU

ZHES BYA BA NI SNANG BA DANG MI SNANG BA LA YANG NGO, ,'BREL PA MED PA CI LAS SHE NA, DMIGS PA NI DNGOS PO RNAMS 'DZIN PAR BYED PA'I PHYIR TSAD MA YIN LA GANG ZHIG GANG GI YIN PA DE'I MED PA NI, MI DMIGS PA'O, ,GANG GI PHYIR 'DZIN PAR BYED PA NI GZUNG BAR BYA BA 'JOG PAR BYED PA YIN GYI DE MED PA LA NI MA YIN NO, ,TSAD MA GZHAN YIN NO ZHE NA, RE ZHIG MNGON SUM NI MA YIN TE, DNGOS PO'I NYE BA DANG CIG SHOS DAG GIS NANG BA THA DAD PAR 'DZIN PA'I PHYIR DE MED PAS MED PA LA NI MI 'GYUR RO, ,RJES SU DPAG PA LA SOGS PA YANG 'BREL PA MED NA MI 'GYUR LA MED PAR RTOGS PA NI YOD DO, ,DE'I PHYIR SDUD PAR BYED PA YOD PA NYID KYIS GZHAN DU MI RIGS PAR BSTAN PA NI, GRUB PA NI NGES PA'O, ,DON GYIS ZHES BYA BA NI MED PAR RTOGS PA'I PHYIR RO, ,RNAM PA GZHAN MED PA NI SHUGS KYIS SO, ,BZLOG PA NYID CES BYA BA NI 'DZIN PAR BYED PA BZLOG PA STE 'DZIN BYED GZHAN BKAG NA DE MED PA KHO NA'O, ,THAMS CAD DU ZHES BYA BA NI RANG BZHIN MI DMIGS PA 'BA' ZHIG MA YIN GYI, 'GAL PA'I 'BRAS BU BSGRUB PA LA YANG NGO ZHES SHES PAR BYED DO ZHES BYA BA NI KHA CIG GI YIN NO, ,DE YANG MI DMIGS PA LA ZHES BYA BA NI SPYIS BSDUS PA'I PHYIR DANG, GZHI MA THUN PA NYID MED PA'I PHYIR BRJOD BYAS STONG PA YIN NO, ,GANG DU ZHES BYA BA NI SNANG BA 'AM MI SNANG BA LA YANG NGO, ,DE DGAG PA NI MA YIN NO ZHES BYA BA NI DNGOS PO'I 'O, ,RNAM PA GCIG BSTAN PA NI, 'DI LTAR ZHES BYA BA STE, DMIGS PAR RIGS PA NI SNANG BA'O, ,GAL TE GZHAN GYI MED PAR RTOGS PA NI JI LTAR YIN DU ZIN KYANG KHYOD KYI JI LTAR YIN, TSAD MA LAS BYUNG BA'I RTOGS PA NI DNGOS SU 'BREL PA CAN MA YIN PA MA YIN NO ZHES ZER BA LA, MI DMIGS PA NYID CES BYA BA'O, ,MI DMIGS PA LAS GZHAN DU DGAG PA YIN NA 'BREL PA MED PA YIN GYI, KHO BO CAG GI MA YIN TE, GZHAN MA YIN PA NYID KYIS DE'I BAR DAG NYID YIN PA'I PHYIR RO ZHES DE'I DON LA YANG TSIGS SU BCAD PA 'DI YIN NO, ,GRUB PA NI BSGRUBS PAS SO, TSAD MAS NI DMIGS PA'I TSAD MA LA BRTAN NAS SO, ,SMRA BA PO RNAMS KYI

, ,THA SNYAD PA RNAMS KYI'O, ,DON GYIS BZLOG PA NYID NI MA GRUB PA DANG DGAG PA PA DANG TSAD MA MA YIN PA DANG MI DMIGS PA NYID DO ZHES BYA BA'O, ,BSGRUB PA STE DMIGS PA LA DMIGS PA STE, DGAG PA NI DE'I BDAG NYID MA YIN PA BZHIN DU SGRUB PA NI MA YIN PAR MI 'GYUR LA YOD PA NI YIN NO, ,RANG BZHIN MI DMIGS PA LA RIGS PA 'DI MA YIN NAM, 'GAL BA DMIGS PA LA SOGS PA NI MA YIN TE, YUL DU MI RUNG BA NYID KYIS MI DMIGS PAS DGAG PA LA DBYE BA YOD PA'I PHYIR RO ZHES ZER BA NI, 'GAL BA YANG ZHES BYA BA STE DNGOS SAM ZHES BYA BA NI 'GAL BA DMIGS PA'O, ,BRGYUD PAS ZHES BYA BA NI RGYU 'GAL BA LA SOGS PA'O, ,'DI LA ZHES BYA BA NI RGYU 'GAL BA'O, ,SNANG BA MI DMIGS PA NYID LA MED PA NI RMONGS PA LA THA SNYAD TZAM BSGRUB PAR BYA BA MA YIN NAM, MI SNANG BA MI DMIGS PA TZAM NI YOD PA LA YANG YOD PA'I PHYIR DANG, SBYOR BA'I DBYE BA MED PAR THAL BAR 'GYUR BA'I PHYIR RO SNYAM DU SEMS PA LA, DE LA YANG 'GAL BA MA DMIGS PA'I DUS NA YOD PA'I SNANG BA DMIGS PA NYID DE DANG 'DRA BA MA THONG BAS RJES SU DPOG PA NI MED PA'I THA SNYAD KYI RGYU YIN NO ZHES BSTAN PA NI, DGAG PA DE YANG DE RGYU 'AM, ,ZHES BYA BA STE, GANG GI ZHE NA DE'I STE DGAG BYA GRANG BA'I'O, ,DGAG BYA DE'I SHUGS KYIS 'BRAS BU'I'O, ,RGYU 'AM NI GRANG BA NYID KYI'O, ,DE NYID NI GRANG BA'O, ,DE'I 'BRAS BU SPU LONG ZHES BYED PA LA SOGS PA LA DGAG PA LA YANG MTHONG BA STE, TSAD MA NYID MED PA STON PAR BYED PA NI MI DMIGS PA RJES SU DPAG PA STE 'BAR BA'I NGO BO MNGON SUM PA NI TSOGS PA GCIG LA RAG LAS PA DRO BA'I REG PA GRANG BA MI DMIGS PA RTOGS PAR BYED PA'I PHYIR RJES SU DPAG PAS MI DMIGS PA GRUB PO, ,DES NA MI DMIGS PA LA YANG 'GAL BA'I 'BREL PA GANG YIN ZHES BYA BA BSAL BA YIN NO, ,DE LA TSOGS PA GCIG LA RAG LAS PA'I ME'I GZUGS KYI DRO BA'I BDAG NYID KYI REG PA DPOG PA LA SOGS PA 'CHAD PAR 'GYUR BA GANG YIN PA'O, ,'GAL BA NI

GRANG BA'O, ,MED PAR 'GYUR BA ZHES BYA BA NI GRANG BA'I'O, ,DE LTA MA YIN PA ZHES BYA BA NI MI DMIGS PA LA'O, ,GZHAN DU ZHES BYA BA NI 'GAL BA LA SOGS PA BSGRUB PAS MI DMIGS PA LA RJES SU DPAG PA MED NA'O, ,DNGOS PO GCIG CES BYA BA NI 'GAL BA LA SOGS PA'O, ,GZHAN ZHES BYA BA NI GRANG BA LA SOGS PA'O, ,GANG LAS ZHES BYA BA NI TSAD MA GANG GIS SO, ,DE NI ZHES BYA BA NI LHAN CIG MI GNAS PA'O, ,TSAD MA MA YIN PA NYID MI DMIGS PA'O, ,'BREL PA 'DZIN PAR BYED PA KHO NAS GZHAL BYA GRUB NA RJES SU DPAG PA TSAD MA GZHAN DU MI 'GYUR RO ZHES BSTAN PA NI, 'BREL PAR GRUB PAR BYA BA LA ZHES BYA BA'O, ,'JUG PA GANG YIN PA ZHES BYA BA NI ME DMIGS PA'I NGO BO STE GRANG BA MA DMIGS PA'O, ,DU BA ME LA NGES PA NYID DU MNGON SUM GYIS GRUB NA DU BA MTHONG BA LAS ME RJES SU DPAG PAR 'GYUR GYI; 'GAL BA ME DMIGS 'DI LA NI MED PAR NGES PA NYID DE LTA BYOR 'DZIN PA MA YIN TE, MI DMIGS PA DANG MED PA DAG LA DBYE BA ME DPA'I PHYIR 'GAL BA CAN GYI MED PAR RTOGS SO ZHES MI DMIGS PAR RTOGS PA YIN NO ZHES BYA BA'I DON GYI THA MI DAD PA MED NA RJES SU DPAG BA MED PAS RTZOD PA'I GNAS SU 'GYUR RO ZHES BSTAN PA NI, ME LAS GRANG BA MED PAR NI ZHES BYA BA'O, ,GRANG BA LAS GZHAN PHA NI GRANG BA MED PA STE, DE'I 'BRAS BU LAS KYANG GZHAN PA NI MED PA YOD PAR YIN PAR BSTAN PA NI, GANG GI TSE ZHES BYA BA'O, ,DRO BA'I REG PA LA GZUGS NI GRANG BA MED PA'I NGO BO LA 'BRAS BU'I GTAN TSIGS SO, ,GRANG BA MED PA YANG DE LAS GZHAN PA'I NGO BO DE'I 'BRAS BU MED PA'I NGO BO'O, ,DE LA RGYU MED PAR BSTAN PA NI, DES NA RJES SU DPAG PA ZHES BYA BA'O, ,'BREL PA 'DZIN PA'I MNGON SUM KHO NA'I RJES SU DPAG PA LAS RJES SU DPAG PAR BYA BA GRUB PA NA RJES SU DPAG PA MED PA'I RTZOD PA'I GNAS GANG YIN PA DE YANG MNGON SUM LAS RJES SU DPAG BA THA DAD PA MED NA DE GRUB PAS DE NYID 'GRUB PO ZHES BYA BA MI RIGS SO ZHES ZER BA NI, GAL TE DE LTA NA NI ZHES BYA BA NAS TSAD MAR MI 'GYUR RO ZHES

, ,BYA BA'I BAR DU'O, ,DMIGS PA'I NGO BO YOD PA NYID LA MI DMIGS PA NYID MED PA DE'I PHYIR YANG RJES SU DPAG PAS MED PA YIN NO ZHES BYA BA'I PHYOGS NYAMS PAR 'GYUR RO ZHES ZER BA NI MES MED PAR SGRUB KYI ZHES BYA BA'O, ,MI DMIGS PAS MED PA'I DBYE BA MED LA GZHAN DMIGS PA MI DMIGS PA STE, MED PA NA CI ZHIG GANG GRIS SGRUB PAR BYED CES BSTAN PA NI ME NYID CES BYA BA'O, ,MI DMIGS PA LAS MED PA JI LTA BA DE BZHIN DU GZHAN DMIGS PA'I MI DMIGS PA'I NGO BO LAS SO, ,DE'I PHYIR THA SNYAD LAS GZHAN BSGRUB PAR BYA BA YOD PA MA YIN NO, ,JI SKAD BSTAN PA'I RIM PAS GANG GI PHYIR MI DMIGS PA NYID MED PA SGRUB PAR BYED PA DE'I PHYIR RANG GI SGRAS BRJOD NA YANG ZHES BYA BA NI MI DMIGS PA STE, YANG GI SGRAS NI RANG GI SGRA MA YIN PAS BRJOD PA STE 'GAL BA SGRUB PA LA ME YOD PA'I PHYIR RO ZHES BYA BAS SO, ,MA BRJOD PAR YANG ZHES BYA BA NI GZHAN NO, ,'GAL BA'I GNAS SKABS YIN PA'I PHYIR 'GREL PAR NI DE'I SGRA NI RANG GI SGRA ZHES BSHAD DO, ,RGOL BA PO GANG GI MI DMIGS PA DE GZHAN DMIGS PA'I NGO BO MNGON SUM LAS SAM RJES SU DPAG PA LAS 'GRUB PA MED PA'I THA SNYAD SGRUB PAR BYED PA YIN PAR MI 'DOD CING DNGOS PO RNAMS KYI MED PA NYID CI LAS KYANG BSGRUB PAR BYA BA YIN NO ZHES 'DOD PA DE DAG GI DE NI YID SMON GYI LA THU TZAM YIN NO ZHES BSTAN PA NI, ,GAL TE DE NI TSAD MIN DES, ,ZHES BYA BA'O, ,THAMS CAD DU ZHES BYA BA NI 'GAL BA NYE BAR BSTAN PAS SAM, TSAD MA GZHAN GYIS KYANG ZHES BYA BA'I DON TO, ,GANG LA TSAD MA GZHAN MED PAR SGRUB PAR BYED PA NYID KYI LUNG LA SOGS PA 'DOD PA DE LA YANG DE LTA BUR 'GYUR LA, DE NYID RNAM PA 'GAS MI DMIGS PA'I KHONGS SU GTOGS PA YIN NA, 'DIS MA MTSON PA'I SBYOR BA'I DBYE BAS 'PHANGS PA NYID YIN PAR BSTAN PA NE, DE DANG DGAG BYA DANG NGO, ,'GAL BA NI ME LA SOGS PA'O, ,DE'I 'BRAS BU NI DU BA LA SOGS PA DE BRJOD PA LA SOGS PA'O, ,JI SKAD BSTAN PA'I MI DMIGS PA DANG BRAL BA'I SBYOR BA LA SOGS PA GRUB PA MA YIN

PAR BSTAN PA NI, ,'GAL BA DANG ZHES BYA BA'O, ,'GAL BA BSGRUB PA MA GRUB PAR, THABS DANG BCAS PA NI DGAG PA LA RGYU DANG KHYAB PAR BYED PA DAG MI DMIGS PA DANG BCAS PA'O, ,CI ZHE NA 'GAL BA BSGRUB PA MA BYAS PA STE RANG BZHIN MI DMIGS PA RNAM PA BZHI'I MI DMIGS PA MA BSTAN PAR ZHES BYA BA'I DON TO, ,JI SKAD BSTAN PA'I MI DMIGS PA DANG BRAL BA'I SBYOR BA BSTAN PA NI, SMRA BA NI TSIG STE SHI BA'I SEMS NYID LA SOGS PA GANG GI DANG PO YIN PA DE LAS THAMS CAD MKHYEN PA DANG 'JIG RTEN GZHAN TE NYING MTSAMS SBYOR BA BKAG PA NI 'GAL BA BSGRUB PA LAS 'GYUR BA YIN TE GZHAN MED PA'I PHYIR RO, ,SMRA BA PO NYID LA SOGS PAS THAMS CAD MKHYEN PA NYID LA SOGS PA DE YOD NA MED PA'AM DE BSAL NA GNAS PAR RTOGS PA GRUB PA MA YIN TE, DBANG PO LAS 'DAS PA'I PHYIR RO, ,SKAD CIG PA MA YIN PA NYID NI SNGON PO LA SOGS PA RNAMS LA BDAG NYID DU SGRO BTAGS PA SNANG DU RUNG BA YIN NA SKAD CIG PA NYID DANG 'GAL BA YIN TE DE BSTAN PA NI, DBANG PO LAS 'DAS ZHES BYA BA'O, ,NYON MONGS PA DANG LAN DAG GTAN MED PA 'GAL BA MA YIN NAM, DE YOD NA DE CHES SHIN TU 'GRIB PA YIN PA'I PHYIR RO, ,DE BZHIN DU SHES PA DANG TSIG DAG LA YANG BRTAG PAR BYA'O ZHE NA 'DI NI MI RIGS TE, SHES PA 'PHEL PA YANG TSIG LA 'GRIB PAS LOG PAR SGRUB PA'I PHYIR RO ZHES BSTAN PA NI, GAL TE SHES PA KHYAD PAR DU 'PHEL PA'I RJES SU 'GRO BA ZHES BYA BA STE, SHES PA'I RGYU MTSAN TSIG YIN TE DE 'PHEL BA'I PHYIR RO ZHES BYA BA'I DON TO, ,DE LTAR NA SHES PA THAMS CAD DANG, TSIG DAG LHAN CIG PAR MA MTHONG YANG 'GAL BA RTOGS PA MA YIN TE, PHYIN CI LOG TU RTOGS PA'I PHYIR RO ZHES BSTAN PA NI, GAL TE SMRA PO RIG MIN NA, ,ZHES BYA BA STE, GANG GI PHYIR DE 'PHEL BA LA 'GRIB PA NI 'GAL BA SGRUB PAR BYED PA MA YIN NO ZHES BYA BA'I DON TO, ,DE LTA BU'I MI DMIGS PA'I KHYAD PAR GYI SMRA BA PO NYID NI GRANG BA MI DMIGS PA'I KHYAD PAR GYI DRO BA'I RIG PA BZHIN DU 'GAL

, ,BA CAN MA YIN NAM SNYAM DU SEMS PA NI DE 'DRA ZHES BYA BA'O, ,DE LTA NA NI MI DMIGS PA NYID SGRUB BYED YIN TE 'DIS SGRUB PAR BYED PA'I PHYIR, BSGRUB BYA NGES PA'I RGYU MTSAN NI SGRUB BYED NYID MI DMIGS PA KHYAD PAR DANG LDAN PAR BRJOD PAR BYA BA'O ZHES BYA BA'I DON TO, , KHYAD PAR MI LDAN NA MA NGES PA YIN PAR BSTAN PA NI NGES BYED MIN PAR TE SGRUB BYED MA YIN PA'O, ,GAL TE MI DMIGS PA TZAM LAS MED PAR MA NGES NA DNGOS PO YOD PAR NGES PAR 'GYUR RO ZHES ZER NA YANG DE PHYIR SHIN TU ZHES BYA BA'O, ,RES 'GA' LKOG TU GYUR PA NI YOD PA DANG MED PA NYID DU TSAD MA DAG GIS NGES PAR BYED PA YIN LA, DBANG PO NI THAMS CAD DU LKOG TU GYUR PA YIN TE, DON GYIS GO BA RTOGS PA YIN GYI THAMS CAD MKHYEN PA LA SOGS PA NI MA YIN NO ZHES PHA ROL PO KHAS LEN PA YIN NO, ,THAMS CAD SHES PA NI DNGOS PO THAMS CAD GSAL BAR MTHONG BA YIN ZHING RNAM PAR RTOG PA DANG 'GAL BA MA YIN NAM DE'I 'BRAS BU TSIG DANG YANG 'GAL BA YIN NO, ,DE'I PHYIR THAMS CAD MKHYEN PA NYID LA SMRA BA PO NYID 'BRAS BU 'GAL BAR THAL BAR 'GYUR RO SNYAM DU SEMS PA NI, 'ON TE GYUR NA YANG THAMS CAD MKHYEN PA ZHES BYA BA'O, , THAMS CAD MTHONG BAR GSAL BA YIN YANG DA LTAR BA NYID BZHIN DU RTOG PA 'JUG PA YIN NO, ,MA BRTAGS MA DPYAD PAR TSIG 'JUG PA MA YIN NO ZHES GSUNGS SO ZHES BYA BA NI LUNG RIGS RNAMS KYI DANG RNAM PAR RTOG PAS KYANG PHYI ROL NYID RANG GI GZUGS BRNYAN LTA BUR DE NYID DU ZHE NA PAS BRJOD PAR BYA BA YIN TE, TSIG GI RGYU MTSAN RTOGS PAS DE YOD KYANG DE RIG PA YOD PA NYID YIN LA, BRDA BYED PA PO'I RTOG PA NI BAG CHAGS KYI GNAS SKABS CAN YOD NA DE'I PHYIR TSIG MED PA CI LAS YIN ZHES BLA NA MED PA'I THEG PA MI SHES PA MA YIN PA DAG GI'O, ,DE GNYI GA YANG LHAN CIG TSIGS SU BCAD PA GCIG BRJOD PAS BSTAN PA NI, DON KUN GSAL BA NYID DU NI, ,ZHES BYA BA STE, GOMS PA LAS BRJOD PAR 'DOD PA 'JUG PA ZHES BYA BA LA BRJOD PAR 'DOD PA NI SNGAR YIN LA BRDA BYED PA PO'I GOMS PA LAS NI PHYIS TSIG 'JUG PAR 'GYUR PA YIN TE,

DPAG TU YOD PA LAS GZHAN PA NI DPAG TU MED PA'O, ,TSIG CES BYA BA DANG MI 'BYUNG BA NI MA YIN NO ZHES BYA BA DANG SBYAR RO, ,TSIG RNAMS KYI ZHES BYA BA NI 'DAS MA THAG TU BSTAN PA'I PHYOGS LA LAN BTAB PA YIN NO, ,KUN BSLANGS PAS ZHES BYA BA NI LUS KYI LAS SO, ,NYE BA ZHES BYA BA NI CHES DANG POR NYE BA STE, SNGAR MA MTHONG BA ZHES BYA BA'I THA TSIG GO, ,MNGON SUM ZHES BYA BA NI THAMS CAD MKHYEN PA NYID KYIS DE SNGA MA YIN PA'I PHYIR RO, ,PHAN TSUN 'GAL BA YANG DPER NA ME DANG GRANG BA'I ZHES BYA BA'O, ,GAL TE CHOS NI THA DAD PA ZHES BYA BA NI GZHAN GYIS THA MI DAD PAR SGRO BTAGS NA YANG 'GAL BA CAN NI 'GAL BA YIN PAR BSTAN PA NI, THA DAD THA DAD MED PA ZHES BYA BA STE, KHA BA MED PA NI GRANG BA MED PA NA'O, ,MED PA SKYE BA NI MED PA'I BDAG NYID THOB PA YIN NA YOD PA DANG MED PA GCIG PA NYID DU KHAS LEN PA NI 'GAL BA YIN NO ZHES BYA BA'I DON TO, ,THA DAD MED PA ZHES BYA BA NI KHAS LEN PA'I YUL YIN LA, GZHAN GYIS KHAS BLANGS PA DE NYID BSTAN PA NI, SKYE BA NI YOD PA LAS ZHES BYA BA'O, ,'GAL BA YANG ZHES BYA BA KHO NA MA YIN TE ZHES BSTAN TO, ,THA DAD PA MED PA ZHES BYA BA NI THA DAD PAR KHAS LAN NA 'GAL BA MED PA'O, ,DNGOS PO MED PAR BSTAN PA DANG CIG SHOS CIG MA YIN NO, ,MA TSANG BA MED PAR RGYU CAN YOD PA GZHAN YOD NA MED PAR RTOGS PA ZHES BYA BA'I 'GAL BA'I MTSAN NYID RJES SU BRJOD PA NI, MA TSANG BA MED RGYU CAN ZHES BYA BA'O, ,YOD PA ZHES BYA BA NI RGYUN GYIS GNAS PA'O, ,GANG DU 'DI MTHONG ZHE NA MED DANG GRANG BA LA'O, ,GAL TE GZHAN GYIS ZHES BYA BA 'DIS 'GAL BA NYID RNAM PAR DPYOD PAR BYED PA YIN NO, ,GAL TE RGYU YOD GYUR NA NI, ,ZHES BYA BA NI SKAD CIG PHYI MA'I RGYUN LA'O, ,RGYU MED NA DES BYAS PA'I 'BRAS BU MI SKYE BA NI 'GAL BAR BYED PA MA YIN PAR BSTAN PA NI, 'ON TE RGYU YOD MIN NA YANG, ,ZHES BYA BA'O, ,RGYU MED PA'I NGO BO'I MA TSANG BA NYID 'GAL BA CAN GYIS BYAS PA MA YIN TE, RANG NYID YOD PA'I PHYIR RO ZHES BSTAN PA NI GAL TE MED PA ZHES BYA BA'O, ,RANG GI NGO BO

, ,STE NUS PA CAN GYI NGO BOS SO, ,YOD PA YANG 'GAL BA CAN GYIS PHYIN CI LOG TU BYED PAR MI NUS SO ZHES BSTAN PA NI YOD PA YANG ZHES BYA BA'O, ,DE'I RGYU NI MA TSANG BA MED PA'I RGYU'O, ,RANG NYID CES BYA BA NI MA TSANG BA MED PAR SKYES PA MA YIN PA NI MA TSANG BA'O, ,ME GANG GI LHAN CIG BYED PA MA YIN GYI GRANG BA DE LAS ME MED PA DANG LHAN CIG PA'I GRANG BA NI GRANG BA SKYED PAR BYED DO, ,LHAN CIG BYED DANG ZHES BYA BA LA SOGS PA NYID BSHAD PA NI, ZHAN PA DANG CHES ZHAN PA ZHES BYA BA'O, ,GRANG BAR SHIN TU GSAL BA LA MI GSAL BA'I ME NI CI TZAM MA TSANG BAR BYED KYANG, GSAL BAR 'GYUR BA GRANG BA NI DE LAS BZLOG PA YIN TE, CHES SHIN TU BA'I DE LAS BZLOG PA LAS CHES SHIN TU GSAL BAR BYED PA YIN PA'I PHYIR 'GAL BA MED DO, ,SKAD CIG PHYI MA LDOG PA NYID DES BYAS PA MA YIN NAM ZHES ZER BA LA RGYU'I BYED PA NI SKYE BA LA ZHES BYA BA'O, ,RANG GI RANG BZHIN DE 'DI NI RANG GI RGYUS NGES PAR BSTAN PAR BYAS PA NI, YANG NA GRANG BA'I ZHES BYA BA'O, ,CHES GSAL BAR 'BAR BA'I ME'I 'BAR BA LA YANG DE LTAR GYUR PA'I RGYU DANG NYE BAR LDAN PA MUN PA DANG, GRANG BA DAG GI RGYU NYID DE DAG GI RGYUR MI 'GYUR GYIS SKYES ZIN PA GSAL BA NI MA YIN NO ZHES BSTAN PA NI, SHIN TU GSAL BA'I ZHES BYA BA'O, ,DE NYID KYIS NA ZHES BYA BA NI SNANG BA SKYES PA'O, ,SNANG BA 'BYUNG BA LAS SNGA ROL NA YOD PA'I'O, ,SNANG BA DANG DUS MTSUNGS PAR NI ZHIG PA MA YIN PAR BSTAN PA NI, RANG BZHIN GANG GIS KYANG ZHES BYA BA'O, ,SA PHYOGS NA ZHES BYA BA NI 'GA' ZHIG NA ZHES BYA BA'I DON TO, ,YANG ZHES BYA BA NI YUL GZHAN NA YOD PA'O, ,DE NYID KYI TSE ZHES BYA BA KHYAD PAR MA YIN NO ZHES ZER BA NI DUS GZHAN DU ZHES BYA BA'O, ,GAL TE YUL GZHAN DU MA DMIGS PA DE NYID YUL GZHAN NA YOD PA NI DUS GZHAN NA 'BYUNG BA MA YIN GYI DE NYID DU GZHAN DU YIN NO SNYAM DU SEMS PA NI, DUS GZHAN MA MTHONG 'JIG YIN NA, ,ZHES BYA BA'O, ,YUL GZHAN NA MED KYANG YUL GZHAN NA YOD PA BZHIN DU, DUS GZHAN NA MED PA DUS GZHAN DU GRUB PA CHOS CAN THA

DAD PAR RTOG PAS MI MTHUN PA NYID BRJOD PA NI GTAN TSIGS KYI RGYA NYAMS PAR BYED DO ZHES BYA BA'I DON TO, ,RGYU DANG 'BRAS BU'I KHYAD PAR NYID, ,CES BYA BA NI GRANG BA NI GRANG BA GZHAN SKYED NA ME DANG LHAN CIG SKYED PAR MI NUS SO, ,DE KHO NA LTAR ZHES BYA BA NI ME DANG BRAL BA GRANG BA'I RANG BZHIN SKYED PAR BYED PA BZHIN DU SKAD CIG PA MA YIN PA'I RANG BZHIN DANG BRAL BA NI SKAD CIG PA SKYED PAR BYED PA YIN NO, ,DE BZHIN DU SNGON PO NYID LA SOGS PA RNAMS KYANG SNGON PO 'BA' ZHIG GI RANG BZHIN SKYED PAR BYED PA YIN GYI SER PO LA SOGS PA DANG LHAN CIG PA MA YIN PA'I RANG BZHIN SKYED PAR BYED NUS PA YIN NO, ,ME DANG LHAN CIG PA LAS DE DANG BRAL BA'I GRANG BA NI SNGON PO DANG SER PO KHO NA BZHIN DU 'GAL BA YIN PAR BSTAN PA NI DES NA ZHES BYA BA'O, ,RGYU'I DBANG GIS ZHES BYA BA NI JI SKAD BSTAN PAS SO, ,MED PA'I SGRUB PA'I 'GAL BA DMIGS PA GANG YIN PA DE MA YIN NO ZHES BYA BA DANG SBYAR RO, ,BZLOG PA LA NI ZHES BYA BA NI THAMS CAD MKHYEN PA DANG 'JIG RTEN PHA ROL YANG YOD PA LAS SO, ,JI LTAR DMIGS PA LAS YOD PA GRUB PA DE BZHIN DU MI DMIGS PA LAS KYANG MED PA GRUB PA MA YIN NAM, MI DMIGS PA NGES PAR MI BYED PA JI LTAR YIN SNYAM DU SEMS PA LA JI LTAR DNGOS PO NYID BSGRUB PA NA ZHES BYA BA'O, ,SGRUB PA NI DMIGS PA LAS MA YIN NO, ,DNGOS PO RNAMS KYI STE LKOG TU GYUR PA RNAMS KYI SGRUB PAR BYED PA NI NGES PA LA'O, ,DE BZHIN DU DNGOS PO NYID LDOG PA NI LDOG PAR BYED PA YIN GYI DMIGS PA NI MA YIN NO ZHES BYA BA'I DON TO, ,'DIS GRUB PAR BYED PAS SGRUB PAR BYED PA STE 'BREL PA CAN NO ZHES BSTAN PA NI JI LTAR 'BREL BA ZHES BYA BA'O, ,DPER NA 'BRAS BU DANG KHYAB PAR BYA BA ZHES BYA BA NI DNGOS PO SGRUB PAR RTOGS PAR BYED PA PA'I TSIG GO, ,'DOD PA TZAM LAS BYUNG BA DANG DNGOS PO MA YIN PA SGRUB PAR BYED PA NYID KYANG MA YIN NO ZHES ZHAR LA BSTAN PA NI, 'DIS NI RTOGS PAS SBYAR BA'I CHOS ZHES BYA BA'O, ,SGRUB BYED MA YIN PA CI LAS SHE NA, GANG LAS GANG NA'ANG SRID PHYIR RO, ,ZHES BYA BA STE, DNGOS SU BA'I CHOS SPYI BSTAN PA SGRUB BYED YIN GYI

, ,GZHAN NI MA YIN NO ZHES BYA BA'I DON TO, ,CI DNGOS PO THAMS CAD NYID RANG LOG PAS DNGOS PO THAMS CAD NYID LDOG PAR BYED DAM 'ON TE CUNG ZANG KHO NA YIN ZHES ZER BA LA, DE LA YANG KHYAB PAR BYED PA'I CHOS ZHES BYA BA STE, KHYAB BYED NI RANG LOG PAS KHYAB BYA LDOG PAR BYED DE, DE NYID KYI PHYIR SGRUB BYED KYANG THAMS CAD MA YIN GYI 'O NA CI ZHE NA, DE LOG PAS GANG YIN PA GANG 'JUG PAS 'JUG PAR 'GYUR BA'O, ,DE'I PHYIR DNGOS NYID SGRUB PA NA, ,DNGOS PO RNAMS KYI SGRUB BYED 'DOD, ,CES BYA BA YANG THAMS CAD NI MA YIN NO ZHES BSTAN PA YIN NO, ,SPYI STON PA'I TSIGS SU BCAD PA SNGA MA'I DON MDOR BSDU BAS SDUD PAR BYED PA'I PHYIR BSDU BA YIN TE, RNAM PAR 'JOG PAR BYED PA'I DON TO ZHES BYA BA'I DON TO, ,KHYAB PAR BYED PA LOG PA NI RANG LOG PA YIN LA, DE YANG MNGON SUM GYIS GRUB PA YIN NAM GZHAN DMIGS PA'I NGO BO YIN PA'I PHYIR DE JI SKAD RNAM PA 'GAR ZHES BRJOD CES ZER BA LA, MED PA LA NI DE NYID KYI ZHES BYA BA STE, TSAD MA MED PA NI MI DMIGS PA'O, ,DE NYID KYI KHYAB PAR BYED PA NYID KYI'O, ,MED PA LA NI ZHES BYA BA NI BSGRUB PAR BYA BA LA, SHIN TU RMONGS PA'I DON DU RTAGS BRJOD PA GANG GI PHYIR YIN PA DE'I PHYIR DE LTAR BRJOD PA YIN NO ZHES BYA BA'I DON TO, ,RMONGS PA MA YIN PA RNAMS LA YANG RTAGS NYID CI'I PHYIR MA YIN ZHES ZER BA LA, GNAG RDZI MO'I BAR ZHES BYA BA'O, ,MA BSGRIBS PA ZHES BYA BA LA BSGRIBS PA NI LKOG TU GYUR PA MI RIGS PA MA GRANGS PA YIN LA, DE LAS BZLOG PA NI MA BSGRIBS PA STE RTAGS LA LTOS PA MA YIN PA'O, ,GANG GI PHYIR DMIGS SU RUNG BA MA DMIGS PA NI MED PA NYID KYI THA DAD KYI YUL CAN NYID DU BYAS PA RNAMS LA YANG NGES PA YIN LA, DES NA DE'I NGES PA LA KHYAB PAR BYED PA MI DMIGS PA LA SOGS PA RJES SU DRAN PA YIN ZHES ZER BA NI, RNAM 'GREL GYI RIGS PA DANG 'GAL BA YIN NO, ,YANG NA BRJOD PA GANG YIN PA DE SHIN TU RMONGS PA'I DON DU ZHES NGAG GI DON MCHOG TU 'DZIN PA'O, ,SHES PA GCIG LA 'DREL BA LA GANG

GI TSAD MA MED PA NYID DE KHO NA'I MI DMIGS PA YIN GYI MI SNANG BA'I MED PA'AM, MED PA'I THA SNYAD LA NI MA YIN TE, MI DMIGS PA'I PHYIR RO ZHES BRJOD PA'I BAR DU RMONGS PA'I DON DU YIN NO ZHES BYA BA NI BSHAD PA GZHAN YIN NO, ,DMIGS PA LOG PA YANG RANG BZHIN MI DMIGS NGO BO NI DNGOS PO'I LDOG BYED NYID MA YIN NAM, DNGOS PO NYID LOG BZHIN PA NI JI LTAR LDOG BYED YIN PAR BRJOD SNYAM DU SEMS LA 'GREL PA BSHAD PA NI, RANG BZHIN MI DMIGS PA YANG GO BAR BYED PA MA YIN NAM ZHES BYA BA'O, ,GNAG RDZI MO LA SOGS PA YANG RNAM PAR DPYOD PA DANG, MA BRAL BA NA 'DI LA MI RMONGS PA YIN NO, ,DE LTA NA RMONGS PA GANG YIN ZHE NA, GRANGS CAN ZHES BYA BA SMOS SO, ,GANG DU TSAD MA LNGA PO DAG, DNGOS PO'I NGO BOR MA SKYES PA, ,DNGOS PO'I MED PA RTOGS PA'I PHYIR, ,DE LA MED PA TSAD MA NYID, ,CES BYA BA'I RIGS PA MA YIN NAM ZHES PA LA SHIN TU LKOG TU GYUR PA LA TSAD MA LNGA PO LOG PA YANG RANG BZHIN NAM KHYAB PAR BYED PA MI DMIGS PA KHO NA'O ZHES BSTAN PA NI, MI DMIGS PA NI 'DI TZAM ZHIG CES BYA BA STE, MI DMIGS PA DE YANG DNGOS SU MED PAR NGES PA'I 'BRAS BU CAN NO, ,'DI TZAM ZHES BYA BA NI 'CHAD PAR 'GYUR BA'O, ,RGYU 'AM RANG BZHIN TE KHYAB PAR BYED PAR SNANG BAR 'DOD PA YIN LA, SNANG BA MED PA NI MA DMIGS PA STE, RUNG BA MI DMIGS PA ZHES BYA BA'I THA TSIG GO, ,THAMS CAD DU MNGON SUM LOG PA NI MED PA SGRUB PAR BYED PA MA YIN ZHING RJES SU DPAG PA LUNG LA SOGS PA'I YANG MA YIN NO, ,GANG GI PHYIR DE NI DNGOS PO MTHONG BA MA YIN ZHING KHYAB PAR BYED PA YANG MA YIN NO, ,RGYU 'AM RANG BZHIN ZHES BYA BA NI SNANG DU RUNG BA TZAM NYE BAR MTSON PA YIN LA, BYED PA PO DANG KHYAD BYED DANG RANG BZHIN MI DMIGS PA RNAMS NI MED, SGRUB PAR BYED PA YIN PAR 'DI TZAM ZHIG CES BYA BAS BSTAN PA YIN TE, RANG BZHIN GYI SGRA NI DNGOS PO'I NGO BO DANG KHYAB PAR BYED PA'I NGO BO LA YANG 'JUG PA YIN PA'I PHYIR 'GREL PAR RNAM PA GSUM KHO NA ZHES BYA BA'O, ,GZHAN MA YIN PA NI RGYU LA SOGS PA LAS GZHAN PA'O, ,RNAM

, ,PA GZHAN DU NI MA YIN NO ZHES BYA BA NI RUNG BA NYID MA YIN PA'O, ,'BRAS BU DANG RANG BZHIN DANG, MI DMIGS PA DE DAG GIS BSKYED PA YIN LA, DES NA ZHES BYA; BA NI RTAGS CAN GYI SHES PAS SO, ,DE LTAR ZHES BYA BA NI KHA DOG LA SOGS PA MI RTAG PA ZHES BYA BA'O, , DNGOS PO'I CHOS MA YIN PA NI MI RTAG PA LA SOGS PA'O, ,GAL TE DNGOS MED NGO BO MIN, DE NYID RANG GI MTSAN NYID DO, ,DE LTAR GRUB PAR BSGRUBS PHYIR RO, ,ZHES BYA BAS RJES SU DPAG PAR RANG GI MTSAN NYID KYI YUL CAN MA YIN NAM, DE BZHIN DU MNGON SUM GYI RJES SU DPAG PA'I SHES PA YANG YIN NA, MI RTAG PA NYID KYI SPYI DANG SBYOR BA'I KHA DOG GI SPYI'I SNANG BA DA LTA CI ZHIG YIN, GANG DU KHA DOG SPYI LA SBYOR PHYIR RO ZHES BYA BA 'DI YIN NO SNYAM DU SEMS PA NI, GAL TE KHA DOG 'DI MI RTAG PA'O ZHES BYA BA'O, ,RJES SU DPAG PAS ZHES BYA BA NI MTSAMS SBYOR BA'I YID LAS SO, ,DE BSTAN PA NI RANG DANG SPYI'I MTSAN NYID CES BYA BA'O, ,RANG GI MTSAN NYID DANG KHA DOG NYID KYANG THA SNYID 'DOG PAR MA YIN PA DE'I PHYIR RNAM PA 'DI DAG TU MNGON SUM GYIS SAM RJES SU DPAG PAS KHO DOG LA SOGS PA'I SPYI BZUNG NAS RNAM PA GZHAN BSTAN PA NI, MI RTAG PA NYID KYIS ZHES BYA BA'O, ,'DI TZAM GYIS NI SNGON DU BYUNG BA'I TSAD MA'I BYA BA BSTAN TO, ,DE'I 'OG TU YID KYI MTSAMS SBYOR BA STE, ,SBYOR BA BSTAN PA NI YID KYI ZHES BYA BA'O, ,GZHAN DU MNGON SUM GYI NGES PA'AM RJES SU DPAG PA LA NI RIM PA 'DI MA YIN TE; GZUNG BA LA 'DZIN PA'I PHYIR RO ZHES BSTAN PA NI, DE LTA TSAD MA NYID CES BYA BA STE, TSAD MA NYID YIN NA SO SO BA'AM SO SO BA MA YIN PA ZHES SEMS PA YIN NO ZHES BYA BA'I DON TO, ,YANG NA RJES SU DPAG PA'I TSAD MAS MI RTAG PA'I KHA DOG SPYI LA SBYOR BA YIN NA, MNGON SUM GYIS GRUB PA'I CHOS CAN LA TSAD MA GZHAN THOB PA'I SKYON MED DO, ,MNGON SUM GYIS RIM PA NI KHA DOG GI MTSAN NYID LA SBYOR BA NI YID KYI NGES PA STE TSAD MA MA YIN PAR BSTAN TO ZHES BYA BA'I DON TO, ,ZHAR LA BYUNG BA'I TSAD MA NYID NI DGAG PAR 'OS PA YIN PA'I PHYIR ZHAR LA BYUNG BA

BSTAN PA NI, RJES SU DPAG PAS ZHES BYA BA'O, ,CHOS CAN TE SPYI MNGON SUM GYIS SAM RJES SU DPAG PAS 'DZIN NA TSAD MA GZHAN YUL DE LA'O ZHES BYA BA'I DON TO, ,GNYI GA LA SKABS KYIS BYUNG BA'I RGOL BA GNYIS LA RE ZHIG KHA DOG LA SOGS PA NI GZUGS DANG ROL SOGS PA MNGON SUM GYIS GRUB PA MI RTAG PA NYID NI MED PA'I NGO BO YIN PA'I PHYIR DE 'GRUB MI SRID DO ZHES ZER BA NI MI RTAG PA NYID CES BYA BA'O, ,SNGON PO LA SOGS PA'I DNGOS PO LAS MI RTAG PA NYID GZHAN MA YIN TE, MTHA'I SKAD CIG MA MTHONG BA LA THA DAD PAR MA NGES PA'I PHYIR, SNGAR YANG DNGOS PO DMIGS PA THA MI DAD PA MI RTAG PA NYID KYI SNYING PO CAN NYID KHO NA YIN NO ZHES BSTAN PA NI GZHAN DU MED CES ZHES BYA BA'O, ,SNGAR ZHES BYA BA NI RNAM PAR RTOG PA LAS SO, ,GAL TE KHA DOG LA SOGS PA LAS THA DAD PA MA YIN PA MI RTAG PA NYID YIN NA KHA LOG LA SOGS PA MI RTAG GO ZHES BRJOD BYA THA DAD PA MED PA'I PHYIR RO, ,GZHI MTHUN PAR MI 'GYUR GYI RNAM GRANGS NYID DU 'GYUR RO SNYAM DU SEMS PA LA DU MA'I DNGOS ZHES BYA BA STE, LDOG PA'I KHYAD PAR GYI RGYU MTSAN GYI BRJOD BYA'I KHYAD PAR LAS NI SKYON 'DI MED DO ZHES BYA BA'I DON TO, ,MTSUNGS PA CAN RNAMS KYI ZHES BYA BAS DON DAM PA PA'I SNA TSOGS PA NYID DU DOGS PA MA YIN NAM, DON DAM PA MA YIN NO ZHES BYA BA NI LAN GYI DON TO, ,RE ZHIG RANG GI MTSAN NYID BRJOD BYA MA YIN ZHES BSTAN PA NI, DU MA'I DNGOS PO ZHES BYA BA'O, ,RNAM PAR BRTAGS PA DON DAM PA PA MA YIN PAR BSTAN PA NI, THA DAD PA NI ZHES BYA BA'O, ,BRTAGS PA'I SPYI LA GZHI MTHUN PA GSUM GYIS YIN NA, RNAM PAR RTOG PA GZUNG BA LA 'DZIN PA JI LTAR YIN ZHES ZER BA LA, BSTAN PA NI RNAM PAR RTOG PA'I SPYI'I CHOS DNGOS PO RNAMS KYI DE DANG DE LAS THA DAD PA MNGON SUM GYIS GRUB PA RTEN YIN TE, BRTAGS PA NI DE MTHONG BA LAS BYUNG BA'I PHYIR RO, ,'ON TE THA DAD PA MTHONG BA YANG NGES PA MA YIN TE, 'GA' ZHIG LA DES PA'I PHYIR RJES SU DPAG PAR 'DOD PA YIN PAR BSTAN PA NI, DE MA GRUB NA ZHES BYA BA'O, ,NGES PA'AM ZHES BYA BA NI GZHI MI MTHUN

, ,BA STE BA LANG NGAM RTA'AM SKYES BU BZHIN DU'O, ,DNGOS PO SNANG BZHIN BA LA DE'I RTOG PA NI THA SNYAD LA MTHAR THUG PA MA YIN NAM, LKOG SHAL LA SOGS PA DANG LDAN PA'I PHYIR 'DI NI BA LANG YIN NO ZHES BYA BA BZHIN DU 'DI ME DANG LDAN PA YIN TE DU BA DANG LDAN PA NYID KYI PHYIR RO ZHES ME YOD PAR MA MTHONG BA'I PHYIR RO SNYAM DU SEMS PA NI, GAL TE 'BRAS BU'I GTAN TSIGS ZHES BYA BA'O, ,'BRAS BU'I RJES SU DPAG PA LA DNGOS PO MA MTHONG BA KHO NAS GZHAN LA BRTEN PA YIN PAR BSTAN PA NI GAL TE DER YANG ZHES BYA BA'O, ,TSAD MA GZHAN 'JUG NA ZHES BYA BA NI TSAD MA GZHAN LA LTOS PA'I PHYIR RO, ,DE 'DZIN NA NI MED DES NA'O, ,DE DANG THA MI DAD PA ME 'DZIN PA NI DE THA MI DAD PA KHYAD PAR 'DZIN PA STE, ME'I KHYAD PAR LAS THA DAD PA TZAM MA YIN TE, DE MI 'DZIN NA YANG THAMS CAD MI 'DZIN PA DE'I PHYIR, LKOG SHAL LA SOGS PA'I BA LANG GI RNAM PAR RTOG PA DNGOS PO 'DZIN PA LAS 'DI THA DAD PA MA YIN ZHES BYA BA'I DON TO, ,SKRA SHAD LA SOGS PA DAG LA ZHES BYA BA NI RAB RIB CAN GYIS DMIGS PA RNAMS LA YIN GYI THAMS CAD LA NI MA YIN NO, ,'BYUNG BAR 'GYUR BA YIN PA'I PHYIR RO ZHES BSTAN PA NI RANG BZHIN GYI GTAN TSIGS DANG ZHES BYA BA'O, ,LKOG SHAL LA SOGS PA LA MTHONG BA NA BA LANG NYID CES THA SNYAD BYED PA MA YIN NAM ME LA NI MA MTHONG NA JI LTAR THA SNYAD BYED CE NA DE DANG 'BREL PA CAN MTHONG BA'I PHYIR SKYON MED DO, ,DE BSTAN PA NI RTAGS RTOGS PA NYID KYIS ZHES BYA BA STE, GAL TE YANG SPYI'AM KHYAD PAR MA MTHONG NA DE DANG 'BREL PA CAN LA DE DANG THA SNYAD YIN PAS DE'I THA SNYAD NI DE LA'AM, DE DANG 'BREL PA CAN LA ZHES BYA BAR KHYAD PAR MED DO, ,GANG GIS KYANG MA RTOGS PA ZHES BYA BAR SBYAR RO, ,SPYI RTOGS PA YIN NA YANG MA RTOGS PA'I KHYAD PAR NI MA YIN NO, ,GAL TE RTOGS PA NYID KHO NA YIN PA'I PHYIR RTOGS PA LA THE TSOM MA YIN DU ZIN KYANG, MA RTOGS PA LA NI 'DI SPYI'AM KHYAD PAR YIN ZHES BYA BA 'BYUNG BA KHO NA YIN LA, MA RTOGS PA BLO LA MI GNAS PA NI THE TSOM GYI YUL MA YIN TE, THE TSOM NI DER MNGON PAR ZHEN

BA'I BDAG NYID YIN PA'I PHYIR DE'I PHYIR THE TSOM LAS 'JUG PA YIN NO ZHES BYA BA NI MI RIGS SO, ,GAL TE MI RTAG PA NYID DNGOS PO LAS GZHAN MA YIN LA DNGOS PO'I CHOS NYID YIN NA BUM PA LA SOGS PA BZHIN DU RDO RJE PHA LAM LA SOGS PA YANG RTOGS PAR 'GYUR RO SNYAM DU SEMS PA NI GAL TE MI RTAG PA LA SOGS PA ZHES BYA BA STE, DE LA MTHA'I SKAD CIG MTHONG BA'I LAM MED PAR NGES PA YANG YOD PA MA YIN NO ZHES BYA BA'I DON TO, ,LA LAR NI RDO RJE PHA LAM LA SOGS PA LA'O, ,DE ZHES BYA BA NI MI RTAG PA NYID DU'O, ,YONGS SU MI SHES PA NI MA DES PA'O,, 'DRA BA NYID GZHAN RGYUN DU 'JUG PAS YOD PA'I PHYIR DANG, MI 'DRA BA SKYED PAR BYED PA MED PA'I PHYIR DE NYID 'DI YIN NO ZHES 'KHRUL PA YIN NO, ,DE'I PHYIR MTHONG BA YANG THA DAD PAR NGES PA GSAL PO MED PA'I PHYIR MA MTHONG BA KHO NA YIN PAR BSTAN PA NI MIG 'PHRUL GYI RI LU DAG GI THA DAD PA BZHIN NO, ,RI LU GCIG BSTAN NAS DE LAS GZHAN BSTAN NA THA DAD PA YIN YANG 'DRA BA NYID KYI PHYIR, ,DE NYID YIN PA'I BLO LA NI MTHONG BA YANG MA MTHONG BA DANG 'DRA BA YIN TE MA NGES PA'I PHYIR RO, ,DE PHYI MA'I RI LU GZHAN GYIS MTHONG BA BOR NAS RTOG PA BSKYED NAS, BSGRIBS PA YIN GYI, MTHONG BA YANG DE BRO NAS SKYE BA'I PHYIR MTSUNGS PA YIN PAR BSTAN PA NI PHAN TSUN SPANGS PAS ZHES BYA BA'O, ,DE NYID 'DI'O ZHES BYA BA NI SNGA MA DANG PHYI MA'I SNANG BA GCIG TU BYED LA, DE LA SNGAR MTHONG BA DANG, MTHONG BAR BYA BA YANG 'DAS PA YIN LA 'DAS PA LA DE LTAR RTOGS PA NI MI RIGS TE 'DAS PA'I PHYIR RO, ,DE BZHIN DU DA LTAR BA YANG GEGS BYA BAR MI NUS PA'I PHYIR THA DAD PAR GO BAR MI NUS SO, ,'DI LAS DE THA DAD PAR MA MTHONG BA 'DI NGE LAS THA DAD PAR MTHONG BA MA YIN PAR BSTAN PA NI, THA DAD DNGOS PO DE ZHES BYA BA STE, MTHONG DU RUNG BA DANG MTHONG BA YANG NGO, ,DES ZHES BYA BA NI SNGA MAS SO, ,MI MTHUN PA'I SKAD CIG MA MI SKYE BA YANG LA LAR SKYE NA YANG, LA LAR DON GYI RGYU LA MI RTAG PA NYID DU RTOG PA MA YIN NAM, RDO RJE PHA LAM LA SOGS PA LA 'DRA BA GZHAN MTHONG BA'I PHYIR NYE BAR MI MTSON PAR RIGS LA, GZHAN DU

, ,MI 'DRA BA BYUNG BA NA GCIG KYANG GZHAN DU 'GYUR RO SNYAM DU SEMS PA LA, MI 'DRA BA MA BYUNG YANG DE MTHONG BAR BSTAN PA NI, JI LTAR RTAGS MED CES BYA BA'O, ,PHYIS 'BYUNG BA DANG 'BREL PA MED PA SNGA MA GANG GI YIN PA DE PHYIS 'BYUNG BA YIN NO, ,CI LAS SHE NA MAR DANG SDOD BU LA SOGS PA'I TSOGS PA LA YANG DANG PO BZHIN DU LTOS PA'I PHYIR RO, ,DE LTAR BSTAN PA NI SGRON MA LA SOGS PA'I ZHES BYA BA'O, ,'BREL PA MED PA PHYIS 'BYUNG BA GANG YIN PA DE NI MTHA'I SKAD CIG MA'O ZHES BYA BA NI KHA CIG GI'O, ,DE NI LA LAR DE YONGS MI SHES TE ZHES BYA BA'I KHYAD PAR GYI TSIG GIS RTOGS PA'I DON YIN NO, ,SGRON MA DUS GZHAN GNAS PA SKAD CIG MA DANG PO NYID LA SKYED PAR KONG BU DANG SDONG BU LA SOGS PA'I TSOGS PA LA RJES SU DPAG PA DON MED PAR BSTAN NAS, MI LA SOGS PA YANG SKAD CIG MA DANG PO NYID LA BDAG NYID THAMS CAD 'DZIN PA'I PHYIR RJES SU 'JUG PA DON MED PAR BSTAN PA NI, DE BZHIN DU GAL TE ZHES BYA BA'O, ,DE DUS GZHAN DU GNAS PA YANG YIN LA 'DZIN PA YANG YIN PA'O, ,'DZIN PA ZHES BYA BA NI GZHAN DANG GZHAN MTHONG BAR LTOS PA'I RTOG PA'O, ,RTOG PA GNYIS PA LA BSTAN PA NI 'DZIN PA ZHES BYA BA LA, CIG CAR KHO NA ZHES BYA BA NI SKAD CIG MA GCIG KHO NA LA RDZOGS PAR 'GYUR RO ZHES BYA BA'I DON TO, ,DUS RING ZHES BYA BA NI DUS GZHAN DANG GZHAN DU RJES SU 'JUG PA'O, ,DNGOS PO LAS THA MI DAD PA'I MI RTAG PA NYID DNGOS PO BZHIN DU 'DZIN PAR 'GYUR BA MA YIN NAM, DE LTA YIN NA NI RTZOD PA MED DO SNYAM DU SEMS PA LA, DNGOS PO LAS THA MI DAD PAR YANG NUS PA NI MI RTAG PA NYID KYI CHOS SU GYUR PA NI DE 'DZIN PAS GZUNG BA LA YANG RMONGS PA MED DO, ,'BRAS BU NI MTHA'I SKAD CIG MTHONG BA MED PA'I PHYIR TE, MA MTHONG BA CI LAS YIN ZHEN DE MA THAG MED PA'I STE BAR DU CHOD PAS SO, ,GANG GI PHYIR MI 'DRA BA'I RGYU RNAMS THAMS CAD DU 'DI LAS NYE BAR GNAS PA MA YIN NO, ,MTHA'I SKAD CIG MTHONG BA NA MI RTAG PA NYID JI LTA BA KHO NAR SNANG YANG CI'I PHYIR NGES PA MED CES ZER BA LA NGES GSAL MED PA'I PHYIR RO STE MA GOMS PAS NYE BAR MA MTSON PA'I PHYIR RO, ,'GREL PAR NI DPE NYID KYI

SGO NAS 'BRAS BU'I NUS PA GSUNGS PA YIN NO ZHES 'CHAD PA NI, DPER NA ZHES BYA BA'O, ,DE NYID NI RMONGS PA'O, ,BZLOG PA'I CHED DU YOD PA'I PHYIR SKAD CIG PA YIN NO ZHES RNGES SU DPAG PA BRJOD PA YIN GYI DE'I NGO BO BSGRUB PA'I CHED DU MA YIN NO, ,DNGOS PO GRUB PA KHO NAS DE NYID 'GRUB PA'I PHYIR RO, ,GOMS PA LAS DE DE'I MTSON PA PO RNAMS NI MTHA'I SKAD CIG MA MTHONG BA MED KYANG MTHONG BA NYID LAS NGES PAR BYED PAR BSTAN PA NI, RNAM PA THAMS CAD NGES PAR BYED CES BYA BA'O, ,DE THAMS CAD KYANG YIN LA RNAM PA YANG YIN PAS RNAM PA DE DAG MI RTAG PA DANG SDUG BSNGAL BA DANG BDAG MED PA DANG STONG PA'I NGO BO'O, ,RNAM PA THAMS CAD DANG LDAN PA ZHES 'DON PA LA YANG NUS PA DANG MI RTAG PA NYID LA SOGS PA RNAM PA DU MA DANG LDAN BA LA PHYIR SKYON MED DO, ,BLO'I CHEN PO NYID KYANG GOMS PA LAS GSAL BA NYID DO, ,YOD PA DANG MI RTAG PA LA SOGS PA'I DBYE BA DANG BRAL BA'I DON LA NI KHYAD PAR LA BRTEN PA'I RJES SU DPAG PA BRTAGS PA'I YUL CAN MA YIN NAM, MYUR BAR SGRUB PAR BYED PAR 'DOD PA LAS BYUNG BA'I RTOG PA NI THAMS CAD RNYED PAR SLA BA'I PHYIR RO SNYAM DU SEMS PA LA THAMS CAD LAS NI LDOG PA'I ZHES BYA BA STE, DE DANG DE LAS LDOG PA'I DNGOS PO'I RGYU MTSAN GYI BLO DU MA DE DANG DE'I CHOS CAN DU STON PAR BYED CING RJES SU DPAG PA 'JUG PAR BYED PA YIN GYI, DE BZHIN DU 'DOD PA TZAM LAS BYUNG BA RNAMS NI DE LTA MA YIN NO, ,THA DAD RTEN CAN BZHIN ZHES BYA BA NI DMIGS PA THA DAD PA CAN BZHIN NO ZHES BYA BAS BSGRUB BYA DANG SGRUB BYED KYI DBYE BA BSTAN TO, ,SGRA RNAMS KYANG BRDA YOD NA KHYAD PAR 'DI KHO NA RJOD PAR BYED PAR BSTAN PA NI, CI LTAR BRDAR BTAGS PA NI JI LTAR BSKUL BA'O, ,RTAGS DANG BDE BA LA SOGS PAR SNANG BA'I YUL LA NI RANG BZHIN GYIS MED KYANG DE LAS BZLOG PAR SNAD BA MED PA NI, NYE BAR MTSAN PA MED PA YANG TSAD MA'I RTOGS PAR BYED PA MI SRID DO SNYAM DU SEMS PA LA 'KHRUL RGYU MED NA DE YIS NI ZHES BYA BA'O, ,GOMS PAS GSAL BA NYID LA SOGS PAS GLO BUR DU BYUNG BA CAN RNAMS LA 'KHRUL PA'I SA BON MED NA, MI RTAG PA DANG SDUG BSNGAL BA LA SOGS PA'I SNANG BA YOD PAR SKYED PAR BYED PA NI MTSAMS SBYOR BAR BYED PA'O, ,

, ,DE'AM GZHAN LA RTOGS PAR BYED PA NI RJES SU DPAG PAS SO, ,'GREL PAR YANG 'DI BZHIN DU GO BAR BYA'O, ,SKYE BA CAN ZHES BYA BA NI SKYE BA LEN PA'O, ,SNGAR MTHONG BA ZHES BYA BA NI SKAD CIG PA'I SHES PAS MTHONG BA'O, ,JI LTA BA BZHIN ZHES BYA BA NI BRJED PA LAS SO,, 'DI LA 'KHRUL PA'I SA BON MED PA NI RJES SU DPAG PA LAS DE BZHIN DU GYUR PA GZHAN GYIS RAB TU SBYAR PA YIN LA, GZHAN GYI YANG GZHAN LAS SO ZHES THOGS PA MED PA'I PHYIR SKYON MED DO, ,TSAD MA'I BYA BA MCHOG TU 'DZIN PA LA SNGA MA SNGA MA LAS PHYI MA PHYI MA'I TSIG 'BYUNG NGO ZHES BYA BA'I DON TO,, YANG NA SNGA MA SNGA MA RJES SU TSOL BA MED KYANG KHO BO CAG LA SOGS PA NYID KYIS MA DMIGS PAS MI RTAG PA NYID GRUB PAR BSTAN PA NI, YANG NA 'DIR YANG ZHES BYA BA STE, KHO BO CAG GI GNAS SKABS LA YANG NGO, ,JI LTAR ZHE NA SNGAR BYUNG ZHES BYA BA STE, MTHA' GNYI GA'I MI 'BYUNG BA BAR DU BYUNG BA'I DNGOS PO NI MI RTAG PA YIN GYI ZHES BYA BA'I DON TO, ,DNGOS PO SNGAR DANG PHYIS KYANG YOD PAR KHAS LEN PA 'DI NI GZHAN GYI 'DOD PA YIN NO ZHES BYA BA KHA CIG GI YIN PAR BSTAN PA NI GZHAN DAG SMRA BA NI ZHES BYA BA'O, ,BYUNG BA TZAM GYIS MA YIN NO ZHES BYA BA NI YOD PA TZAM GYIS MI RTAG PA NYID DU SMRA BA LA YANG MTSUNGS PA MA YIN NAM, GANG PHYIR 'DI YANG SNGAR DANG PHYIS KYANG NUB PA KHO NAS MI RTAG PA NYID DO ZER NA RGYU MED PA NYID KYIS DAM PA'I DE KHO NA NYID KYI SNANG BA TSE DANG LDAN PA LA JI LTAR YIN, MED PA'I DUS NA DNGOS PO MED CING, YOD PA'I DUS NA YANG DE DAG MA YIN NA DE DAG GI JI LTAR YIN, MI RTAG PA NYID DAM YOD PA NYID DAM DE DANG 'BREL PA NI GNYIS PO DE'I BAR DU GCOD PAR BYED PA DAG ,DNGOS PO'I DUS SU 'BYUNG BA YANG DNGOS PO LA 'GYUR RO SNYAM DU SEMS PA LA, GANG GI ZHES BYA BA'O, ,MTHA' GNYIS NI SNGA NA MED PA DANG ZHIG NAS MED PA DAG GI'O, ,CHOS PA NI BAR DU GCOD PAR BYED PA YOD PA'AM DE DANG 'BREL PA YANG RUNG BA MI RTAG PA NYID DO, ,DES NI SMRA BA BOS BRJOD PA STE SEMS PA'O, ,YOD PA DE DANG 'BREL PA'I DUS SUM BYUNG NA MED PA DAG JI LTAR DE DAG GI KHYAD PAR YIN YANG BLOS BYAS PA'I KHYAD PAR DU YOD PA NA

YANG CIS MI 'GYUR ZHES BSTAN PA NI, DE NYID MI RTAG CIS MA YIN, ,ZHES BYA BA'O, ,MED PA DAG DANG DUS THA DAD PA'I DNGOS PO 'BREL PA MED PAS DRUG PA LA SOGS PAR MI RIGS NA, MTHA' MNGON PAR 'DOD PA DAG LA YANG YOD PA BAR DU GCOD PAR BYED PA'AM, 'BREL PA LA YANG DRUG PA LA SOGS PAS SBYOR BA JI LTAR YIN PA BSTAN PA NI MTHA' LA ZHES BYA BA'O, ,MTHA' GANG DAG LA YOD PA DANG 'BREL PA DAG GI BAR DU GCOD PAR BYED PA DE DAG GANG GI YIN, YOD PA DANG 'BREL PA DAG GI NI MA YIN TE RGYUG PA'I PHYIR RO, ,DNGOS PO'I YANG MA YIN TE DUS THA DAD PA NYID KYIS 'BREL PA MED PA'I PHYIR RO ZHES BSTAN PA NI YOD PA NYID DANG 'BREL PA ZHES BYA BA'O, ,THA DAD PA MED PAS ZHES BYA BA NI DBYE BA MED PA'I PHYIR RO, ,SNGA NA MED PA ZHES BYA BA NI RGYU NYID 'BRAS BUS STONG PA MA YIN NAM, ZHIG NAS MED PA YANG 'BRAS BU RGYUS STONG PA YIN NO SNYAM DU SEMS PA LA, GAL TE RGYU 'BRAS ZHES BYA BA LA SOGS PA'O, ,MED PA BZHIN DU 'BRAS BU DANG RGYU DAG KYANG YOD PA'I DUS KYI DNGOS PO DANG 'BREL PA MED PA'I PHYIR SNGA NA MED PA NI DNGOS PO'I MA YIN ZHES NYE BAR MTSON PA'I PHYIR ZHIG NAS MED PA ZHES BYA BA YANG YIN NO, ,MA YIN PAR DGAG PA YANG DGAG PA'I KHYAD PAR GYI MING CAN NI 'BRAS BU'AM RGYU YIN GYI, DGAG PA DANG BRAL BA NI MA YIN NO ZHES BYA BA'I DON TO, ,SNGA NA MED PA DANG ZHIG NAS MED PA'I PHYOGS LAS 'BRAS BU DANG RGYU NI MTHA' GNYIS KYI PHYOGS TE PHYOGS GZHAN NO DE'I NYAMS PA NI DE NYAMS PA YIN TE, MED PA KHAS BLANGS PA'I LONGS SU GTOGS PA'I PHYIR RO ZHES BSTAN PA NI, PHYOGS GZHAN LA BRTEN PAR YANG ZHES BYA BA'O, ,KHA CIG GI BSHAD PA BSTAN PA NI, 'DIS NI SNGA NA MED PA'I KHYAD PAR CAN YIN NO ZHES BYA BA'O, ,SNGA NA MED PA'I KHYAD PAR CAN NI RGYU MA YIN GYI 'ON KYANG YOD PA DANG 'BREL BA'I 'DU BA NI 'BRAS BU'AM, RANG GI RGYU'AM 'DU BA'I RGYU LAS 'BRAS BU LA DER BYED NA RGYUN BRJOD DO ZHES BSTAN PA NI, YOD PA NYID DANG RANG RGYUD DANG, ,ZHES BYA BA'O, ,RE ZHIG DNGOS PO'I RANG GI NGO BO BYED PA MA YIN TE, KHAS MA BLANGS PA'I PHYIR RO, ,YOD PA DANG 'DU BA DAG KYANG RTAG

, ,PA YIN TE, 'BRAS BU MED PA'I PHYIR RGYU MA YIN ZHES BYA BA'I DON TO, ,'BRAS BU SKYE BZHIN BA'AM SKYES PA'I 'BRAS BU RANG GI RGYU LA 'BREL PAR 'GYUR BA'I PHYIR RO ZHES GZHUNG GNYIS BSDU BA'I PHYIR PHAL CHER ZHES BYA BA'I THA TSIG GO, ,GANG ZHIG MED PA DE BYED DO ZHES BYA BA NI RIM PA YIN LA, 'DI KHYED KYI 'DOD PA LA NI MA YIN ZHES BSTAN PA NI GANG ZHIG MED PA DES BYED NA ZHES BYA BA'O, ,LOG PA'I DNGOS PO NYID KHO NA YIN PAR BSTAN PA NI SNGAR MED PA KHO NA ZHES BYA BA'O, ,DE LTA MOD KYI DNGOS PO'I DUS NA MED PA SNGA NA MED PA DANG ZHIG NAS MED PA DAG DNGOS PO MI RTAG PA NYID DU 'GYUR BA BSTAN PA NI, DE'I PHYIR ZHES BYA BA STE SGRO 'DOGS PA NI DON LA REG PA DANG BRAL BA'I BLO DAG NI THA DAD PA MED PA'I DON RNAMS LA YANG SGRA RNAMS SU BRJOD BYA THA DAD PAR BYED, SBYOR BAR BYED, 'BREL PAR BYED DO ZHES BYA BA'I DON TO, ,YA NGA GI SGRAS DON THA DAD PAR 'DOD PA RNAMS LA RTOGS PAS SBYAR BA 'BREL PA YIN PAR BSTAN PA NI, GAL TE DNGOS PO LA YOD DNGOS PO ZHES BYA BA NAS, DON DAM PA NI MA YIN NO ZHES BYA BA'I BAR DU'O, ,DE 'DI LTAR YIN GYI MTSAMS SBYOR BA'I KHA DOG GI SPYI LA MI RTAG PA NYID SBYAR BA DE'I PHYIR ,GZHAL BYA GZHAN MED DO ZHES NYE BAR SDUD PA NI, DES NA KHA DOG GI ZHES BYA BA'O, ,TSAD MA'I RJES SU BYUNG BA DE NYID 'DI YIN NO ZHES RJES SU 'BRANGS PA SPYI DANG KHYAD PAR GYI BDAG NYID KYI YUL CAN NI TSANG MA GZHAN NO SNYAM DU SEMS PA LA, YANG NAS YANG DU ZHES BYA BA STE TSAD MAS MTHONG BA LA SLAR YANG NGO SHES PA NI TSAD MA SNGA MA DANG YUL LA KHYAD PAR MED PA YIN TE, DE DANG GRUB PA DANG BDE BA GCIG PA YIN NO ZHES BYA BA'I DON TO, ,BGROD BYA MA YIN PA SGYUG MO LA SOGS PA LA BGROD PA NI SKAD CIG MA'I RGYUN LA LTOS NAS YIN GYI SKAD CIG MA GCIG GI YUL NI MA YIN TE, RGYU DANG 'BRAS BU RGYUN LA GCIG TU THA SNYAD 'DOGS PA'I PHYIR RO ZHES BSTAN PA NI BGROD PAR BYA BA MA YIN PA LA BGROD PA LA SOGS PA ZHES BYA BA'O, ,DE 'DI LTAR MNGON SUM GYI RJES SU BYUNG BA'I ZHEN PA DAD RJES SU DPAG PA LA YANG GZUNG BA DANG 'DZIN PA YIN LA, THA SNYAD TZAM YIN TE YID LAS BYUNG BA'I

SPYI TZAM GYI YUL YIN PA DE'I PHYIR GZHAL BYA GZHAN MA YIN PAR BSTAN PA YIN NO, ,MTHONG NAS SLAR LOG PA SHING LA SOGS PAS BAR DU CHOD PA NA CI DA DUNG YANG YOD DAM ZHES THE TSOM ZA BAS DE NYID RJES SU DPOG PAR BYED KYI DE DANG 'DRA BA LA NI MA YIN NO, ,DE NI DBANG PO LAS SKYES PA'I RJES SU DPAG PA YIN TE, SPYI'I YUL MA YIN PA'I PHYIR TSAD MA GZHAN MA YIN NO SNYAM DU SEMS PA LA, SKAD CIG SO SOR THA DAD PHYIR, ,ZHES BYA BA'O, ,MNGON SUM MAM RJES SU DPAG PA YANG NYE BA'I 'JUG PA'I YUL STON PAR BYED PA YIN GYI, SNGAR MTHONG BA NYE BA NI MA YIN TE, NYE BA'I YUL CAN YIN YANG MNGON SUM MA YIN PA MA YIN NAM, DBANG PO LAS SKYES PA MA YIN PA'I PHYIR LA DE LA PHYIR DE NYID TSAD MA GZHAN YIN TE, RJES SU DPAG PA YIN PA'I PHYIR RO ZHES ZER BA LA, KHYAD PAR YUL CAN NYID KYANG MIN, ,ZHES BYA BA STE, 'BREL BA 'DZIN PA'I DUS SU MTHONG BA'I THUN MONG LA NYE BA YIN PAR 'JOG PAR BYED LA, DE YANG SPYI'I YUL NYID MA YIN NO ZHES BYA BA'I DON TO, ,KHYAD PAR MTHONG BA NI 'BREL PA 'DZIN PA'I DUS SU MTHONG BA KHO NA KHYAD PAR YUL NYID BYED PA MA YIN NAM, DE DANG 'DRA BA NI MA YIN NO SNYAM DU SEMS PA LA, GAL TE ZHES BYA BA SMOS SO, ,DE NYID NI RJES SU DPAG PAR BYA BA NYID DE, MNGON SUM 'JUG PA'I YUL DU 'BYUNG BA GAL TE RJES SU DPAG PAR BYA BA YIN NA RJES SU DPAG PAR BYA BA YIN NA RJES SU DPAG PA NI TSAD MA MA YIN TE, GZUNG BA LA 'DZIN PA'I PHYIR RO ZHES BYA BA'I DON TO, ,RJES SU DPAG PA'I DUS SU 'BYUNG BA LA NI 'DRA BA'I YUL CAN NYID DU BRJOD PAR BSTAN PA NI, JI STE MTHONG PAS ZHES BYA BA'O, ,GAL TE BRJED PHYIR ZHES BYA BA NI MNGON SUM GYIS MTHONG BA BRJED PA LA RJES SU DPAG PA RTOGS PA'I DON CAN MA YIN NO, ,BRJED PA NYID LA DPE MED PA'I PHYIR RJES SU DPAG PA MA YIN PAR BSTAN PA NI, DE NYID PHYIR NA ZHES BYA BA NI KHYAD PAR SO SOR NGES PA MA YIN NA'O, , 'DU BYED PA MA NYAMS PA'I MNGON SUM YIN NA RJES SU DPAG PA TSAD MA MA YIN LA, 'DU BYED PA NYAMS PA LA NI YIN NO SNYAM DU SEMS PA NI, DRAN PA YOD NA ZHES BYA BA LA SOGS PA NAS TSAD MA NYID YIN PA BZHIN NO ZHES BAR DU'O, ,MA YIN TE DE LA NI ZHES BYA BA NI RANG BZHIN GYI GTAN TSIGS SO, ,

, ,'DIR NI DE LTA MA YIN TE ZHES BYA BA NI KHYAD PAR MTHONG BA LA'O, ,DE LTA ZHES BYA BA NI RANG BZHIN GYI RJES SU DPAG PA BZHIN NAM GLO BUR BA'I RJES SU DPAG PA BZHIN DU'O, ,SNGON DE 'DRA BA ZHES BYA BA NI 'BREL PA 'DZIN PA'I'O, ,BRJED PA NYID KYIS MED PA'I PHYIR RANG BZHIN RJES SU DPAG PA MA YIN LA, GLO BUR BA'I RJES SU DPAG PA MA YIN PAR BSTAN PA NI GOMS PAS BSKYED PA ZHES BYA BA STE, GOMS PAS BSKYED PA LAS ZHES BYA BA NI GLO BUR PA'I RJES SU DPAG PA LA GOMS PA MED DO, ,RNAM PA GZHAN DU 'GYUR PA SRID PHYIR RO ZHES BYA BA NI BRJED PA'I PHYIR DANG RJES SU DPAG PA NI RTOG PA'I DON CAN YIN PAR KHAS MA BLANGS PA'I PHYIR RO, ,MA BRJED NA RJES SU DPAG PA SPYI'I YUL CAN KHO NA YIN PAR BSTAN PA NI, MNGON SUM GYI TSAD MAS ZHES BYA BA'O, ,GAL TE ZHES BYA BA LA SOGS PA NI GRUB PA'I MTHA'O, ,DE LA ZHES BYA BA NI SKYES BZHIN PA LA'O, ,SKYES DNGOS DNGOS PO GRUB PA ZHES BYA BA NI SNGAR MTHONG BA'I DNGOS PO GRUB PA'O, ,GZHAN LA DE NYID DU 'DZIN PA 'KHRUL PA YIN PAR BSTAN PA NI, GAL TE MTHONG NA DE DNGOS NI, ,ZHES BYA BA'O, ,MNGON SUM GYI GRUB PA KHO NA'AM KHYAD PAR MTHONG BA LAS GRUB PA LA NI TSAD MA NYID MA YIN PA STE, GZUNG BA LA 'DZIN PA YIN NO ZHES BSTAN PA NI, DES GRUB CES BYA BA'O, ,'DI NYID BSHAD PA NI MA MTHONG BA NI ZHES BYA BA'O, ,GAL TE MA BZUNG BA ZHES BYA BA NI MNGON SUM GYIS SO, ,JI STE RJES SU DPAG PA DNGOS PO 'DZIN PA ZHES BYA BA NI MNGON SUM GYIS GZUNG BA NYID KHYAD PAR MTHONG BAS 'DZIN PA YIN NO, ,MNGON SUM DANG CIG SHOS ZHES BYA BA NI MNGON SUM DANG RJES SU DPAG PAR BYA BA DAG GO, ,GCIG GRUB PA NA ZHES BYA BA NI GNYIS KYI NANG NAS GCIG KHO NA LAS GRUB PAR 'GYUR BAS CHOG MOD, ,GNYIS KYIS CI ZHIG BYA BA DE LA RAG LAS PA'I PHYIR ZHES BYA BA NI ,MIG LA SOGS PA'I BYED PA'I BYED PA LA RAG LAS PA'I PHYIR RO, ,GANG GI TSE SNANG BA YOD PA DE'I TSE YANG 'DZIN PA MA YIN NO ZHES ZER BA LA 'O NA SNANG BA DE ZHES BYA BA SMOS SO, ,DE LTA NA DE DAG TSAD MA DANG CIG SHOS GANG YIN ZHE NA, GZHAN DANG MTSAMS NI SBYOR BA'I ZHES

BYA BA STE, SNGAR MTHONG BA DANG LHAN CIG PA'I ZHEN PA STE, NGES PA NI DRAN PA YIN PAR BRJOD PA DE'I PHYIR MNGON SUM TSAD MA YIN NO ZHES BYA BA'I DON TO, ,DRAN PA NYID MED PAR BSGRUB PA LA DE RTAGS LA LTOS PA STE, 'DRA BA LA SOGS PA'I RTAGS LA LTOS PA'O, ,DRAN PA NYID KHO NA LA YOD PA'I PHYIR 'KHRUL BA CAN YIN NO ZHE NA, MA YIN 'KHRUL PHYIR ZHES SMOS SO, ,'GREL PA NI GSAL BA YIN NO, ,MNGON SUM RTOG DANG BRAL BAR NI, ,MNGON SUM NYID KYIS 'GRUB PAR 'GYUR, ,ZHES BYA BA'I BSHAD PA MTHONG NAS, BSHAD PAR BYA BA'I MDO LA 'JUG PAR BYED PA BSTAN PA NI DE LA MNGON SUM NI ZHES BYA BA LA SOGS PA'O, ,GZHAN DU SNANG BA NI DE LAS BZLOG PA'O, ,RTOG PA LAS BRAL BA DE'I NGO BO MNGON SUM NYID KYIS 'GRUB PAR 'GYUR ZHES BYA BA NI DE'I BDAG NYID DGAG PA LA KHYAD PAR MED PA'I MI DMIGS PAR 'DOD LA, THA DAD PA DGAG PA LA NI RANG BZHIN GYI KHYAD PAR BSTAN PA NI, SO SO RANG GI RIG BYA YIN, ,ZHES BYA BA'O, ,MING NI SGRA YIN LA RTEN CAN NI SGRAR RUNG BA'I SNANG BA ZHES BYA BA'I THA TSIG GO, ,RKYEN GZHAN TSANG BA BSTAN PA NI, ,THAMS CAD LA NI SEMS BSDUS NAS, ,ZHES BYA BA'O, ,THAMS CAD LAS NI YUL THAMS CAD LAS SO, , SEMS NI RNAM PAR RTOG PA'O, ,G-YO BA MED PA NI BLO 'DAR BA MED PAS TE, RTOG PA'I RLUNG DANG BRAL BA'I PHYIR RO, ,RTOG PA MED NA'ANG YOD PA'I PHYIR, ,RTOG PA MED PA GZHAN YIN PAR BRJOD PA 'DIS YIN DE'I PHYIR BSHAD PA STE, DE'I GNAS SKABS LA RNAM PAR RTOG PA MED PA NI MNGON SUM KHO NAS RTOG PA YIN PAR BSTAN PA NI, MNGON SUM KHO NAS ZHES BYA BA'O, ,GNAS SKABS DE LA YANG RNAM PAR RTOG PA'I RNAM PA NYID KYIS RJES SU 'JUG PA MA YIN NAM, DE MED NA DE'I MED MED PA YANG JI LTAR NGES PA YIN, NGES PA NI RIGS PA MA YIN NA KHYAD PAR MED PAR MED PA'I PHYIR RO SNYAM DU SEMS PA NI ,GAL TE 'DI LA ZHES BYA BA'O, ,NYAMS SU MYONG BA NI RANG GI YUL LA RANG GI BYA BA RJES SU 'JUG PA'I RTOG PA'I SKYED PAR BYED CING DE LAS SNGA ROL DU 'BYUNG GI DE DANG MTSUNGS PA MA YIN PA MA YIN NAM ZHES ZER BA LA YANG CUNG ZAD RNAM PAR RTOG NA ZHES BYA BA'O, ,RTOG

, ,PA CAN BZHIN DU RTOG PA CAN MA YIN PA YANG RANG GI NGO BOR GRUB NA RTOG PA CAN SKYED PAR BYED PA YIN NO, ,DBANG PO BZHIN DU SKYED PAR BYED PA NYID DU RTOG PA MED PA CAN NI SKYED PAR BYED PA YIN PAR MI RTOGS SO ZHE NA, RNAM PAR RTOG PA MED PA YANG ZHES BYA BA'O, ,DE'I TSE ZHES BYA BA NI RTOG PA DANG BRAL BA'I DUS SU'O, ,MTSAN NYID THA DAD PAS ZHES BYA BA NI NGES PA DANG MA NGES PAR SNANG BA'I PHYIR RO, ,TSOGS PA YOD PA'I PHYIR ZHES BYA BA NI RNAM PAR RTOG PA BSKYED PA LA DRAN PAS PHAN BTAGS PA'I DBANG PO YIN LA GZHAN LA NI 'BA' ZHIG YIN NO, ,DA NI RJES SU DPAG PAS YUL THA DAD PA'I MTSAN NYID LAS KYANG RTOG PA MED PA'I MNGON SUM BSTAN PA NI, GCIG TU MTHONG BA'I KHYAD PAR NI ZHES BYA BA STE, 'DIS MNGON SUM GYI YUL KHYAD PAR NI RNAM PAR NI RNAM PAR RTOG PA'I RUNG BA MA YIN PAR BSTAN PA YIN NO, ,RNAM PAR RTOG PA'I RUNG BA NYID KYANG RUNG BA NYID MA YIN PAR BSTAN PA NI, DE LAS MIN PA NI THA DAD PA LAS SO, ,GZHAN NI THA DAD PA MA YIN PA'O, ,GZHAN SNGA MA YIN PA LA LTOS NAS SNGA MA KHO NA STE, GZHAN ZHES BYA BA NI RNAM SHES LAS SO, ,THA DAD BLO MED CES BYA BA BSHAD PA NI, RNAM PA GZHAN SNANG BA MED PA'I PHYIR RO ZHES BYA BA'O, ,RNAM BAR RTOG PA NI KHYAD PAR GYI YUL KHO NA LA MA YIN TE, SGRA DANG MTSUNGS PA'I YUL CAN YIN PA'I PHYIR RO ZHES BSTAN PA NI KHYAD PAR RNAMS LA ZHES BYA BA'O, ,CI LAS SHE NA RJES SU 'GRO MED PAS ZHES BYA BA'O, ,SGRA DANG MTSUNGS PA'I YUL CAN GYI RNAM PAR RTOG PA YIN PA CI LAS SHE NA RNAM PAR RTOG PA'I YUL LA SGRA SBYOR PAR MTHONG BA'I PHYIR RO ZHES BSTAN PA NI, SGRA RNAMS YUL NI GANG DE NYID CES BYA'O, ,BRDA NI YUL DUS KYI RJES SU 'GRO BA MA YIN NAM, DE'I PHYIR DES NYE BAR MTSON PA'I KHYAD PAR RNAMS LA YANG BYED PA NYID JI LTAR YIN, DON JI SNYED PA'I MING GI SGRA RNAMS SO ZHES JI SKAD SMRAS PAS SO SNYAM DU SEMS PA LA DES 'DI ZHES NI 'BREL PA LA ZHES BYA BA STE BRDAS SGRA DANG DON DAG GI KHYAD PAR RNAMS RJOD PAR BYED PA DANG BRJOD PAR BYA BAR RTOGS PA YIN LA, DE 'DI ZHES BYA BA YANG MDUN NA GNAS PA THAMS CAD KYI THUN MONG BA NYID YIN NO, ,DBANG PO'I TSOGS

DON MED PAR 'GYUR RO ZHES BYA BA NI SGRA KHO NA LAS MNGON SUM SKYE BA'I PHYIR RO, ,LKOG TU GYUR PA NI 'DAS PA YIN NO, ,DON BYED NUS PA'I KHYAD PAR GYIS SNANG BA THA DAD PA NI DBYE BAS BYED PA YIN PAR BSTAN PA NI, DON BYED PA THA DAD PAS ZHES BYA BA'O, ,DE'I PHYIR YUL THAG RING PO NA GNAS PA'I ZHES BYA BA LA SOGS PA NI RIGS PA MA YIN TE, DNGOS PO DU MA LA THAG RING PO NA 'GA' ZHIG SNANG BA NYE BA LA YANG DE NYID YIN NO ZHES JI LTAR DNGOS PO'I YUL LA SNANG BA MA YIN PAR BRJOD, GANG DAG THAG RING PO NA SNANG BA DE DAG KHO NA NYE BA NYID LA NI GZHAN DU YIN PA'I PHYIR, THAG RING BA DANG NYE BA DAG YUL GCIG NYID MA YIN PA'I PHYIR GSAL BAR SNANG BA ZHES BYA BA LA SOGS PA LEGS PAR GSUNGS PA YIN NO, ,'DI'I ZHES BYA BA NI LKOG SHAL LA SOGS PA DANG LDAN PA'I'O, ,'DI ZHES BYA BA NI BA LANG ZHES BYA BA SGRA'I NGO BO 'DI YIN NO, ,LKOG TU GYUR PA YANG DRAN PA'I BLO LA GNAS PA'I PHYIR DE LTAR THA SNYAD 'DOGS PA YIN NO, ,GANG GI TSE YANG MNGON SUM PA'I DNGOS PO LA MING GI BYED PA YIN PA DE'I TSE YANG 'DI'I 'DI'O ZHES BLO'I YUL DU BYAS PA NYID KYI MNGON SUM GYI BRDA'I YUL DAG GI SNANG BA THA DAD PA YIN PAR BSTAN PA NI MIG LA ZHES BYA'O, ,PHAN GANG GAS BYA 'DOGS BYED KYI NGO BO ZHES BYA BA LA PHAN GDAGS PAR BYA BA NI BRJOD BYA STE LAS SO, ,PHAN 'DOGS PAR BYED PA NI RJOD BYED DE BYED PA PO'AM BYED PA'O, ,BSKYED BYA SKYED BYED KYANG YOD PAR BSTAN PA NI, NGES NA RES 'GA' NI ZHES BYA BA'O, ,BLO'I NGO BO DANG BLO'I SNANG BA'I RIG BYED DAG NI NGAG GI RIG BYED YIN LA, GAL TE YANG DE DAG MNGON SUM GYI YUL DU BRJOD BYA NYID KYIS SAM, RJOD BYED NYID KYIS LAS BYED PA NYID DU SNANG BA MA YIN PA DE LTA MOD KYI DE NYID BRJOD BYA DANG CIG SHOS YIN NO SNYAM DU SEMS PA LA, BRDA BYAS PA'I SGRA LAS DE'I NGO BOR SNANG BA MED PAS BRDA NI DE'I YUL CAN MA YIN PAR BSTAN PA NI, DBANG PO'I BYA BA MED PA LA ZHES BYA BA'O, ,SGRA LAS RANG GI MTSAN NYID RTOGS PA YIN NO SNYAM DU SEMS PA LA, 'BREL PA MA BYAS PA STE MA BRJOD PA'O, ,GANG LA BRDA YIN PA DE'I BRJOD PA'I RIM GYIS DBANG PO'I

, ,BYA BA YOD KYANG SGRA LAS RTOGS PA MA YIN NO, ,RANG NYID KYIS RTOGS NA DBANG PO'I BYA BA MED KYANG 'GYUR RO ZHES BYA BA'I DON TO, ,'GREL PAR BSHAD PA NI GSAL BA YIN NO, ,SGRA DANG MTSUNGS PA'I YUL NYID RTOG PA YIN PAR NYAMS SU MYONG BA DANG 'GAL BA YIN NO SNYAM DU SEMS PA NI 'O NA JI LTAR 'DI ZHES BYA BA LA SOGS PAS BA LANG NGO ZHES BYA BA NI BLANG BAR BYA BA'I YUL MIN NO, ,SPRUL ZHES BYA BA NI DOR BAR BYA BA'I YUL YIN NO, ,'DZIN PA LA THA DAD PA MED PA BSTAN PA NI 'DZIN PAR BYED PA ZHES BYA BA'O, ,GZUNG BA MED PAR BSTAN PA NI, 'DI LA RNAM PAR RTOG PA ZHES BYA BA'O, ,RTOG PA MED PA LAS GZUNG BYA LDOG PA'I BYA BA'I KHYAD PAR NI, GZUNG BA LA 'DZIN PA YIN PAR GSAL BA'I PHYIR BSTAN PA NI NGES PA'I DANG NI MA NGES PA NYID KYIS ZHES BYA BA NI, RJES SU DPAG PA YIN NO ZHES BYA BA NI DRAN PA LA'O, ,SNGON PO'I MTHONG BA DANG RNAM PAR RTOG PA DAG LA RGYUN GYIS 'JUG LA CIG CAR 'JUG PA YIN NO ZHES BSTAN PA NI, RTOG BCAS RTOG PA MED PA'I YID, ,CES BYA BA'O, ,'JUG PA MYUR PHYIR ZHES BYA BA NI MTHONG BA DANG RNAM PAR RTOG PA DAG RGYU DANG 'BRAS BU DAG GI'O, ,RIM GYIS THA DAD PA GRUB PA YIN YANG RMONGS PAS GCIG NYID DU MNGON PAR SEMS PA BYUNG BA'I PHYIR RO, ,THA DAD PA'I BSGRUB PA BSTAN PA NI, GAL TE BA LANG SNYAM PA'I RNAM PAR RTOG PA ZHES BYA BA'O, ,YI GE'I RANG GI MTSAN NYID SNANG BA LAS RNAM PAR RTOG PAR MI 'DOD KYI 'ON KYANG GSAL BA'I 'DZIN PA LAS YIN NO ZHES ZER BA LA GANG GI PHYIR ZHES BYA BA'O, ,YI GE MI GSAL BAR SNANG BA LA BA KHRA MO'I RANG GI MTSAN NYID SNANG BA'I DBYE BA BSTAN NAS RJES SU 'GRO BA DANG LDOG PA DAG GIS KYANG THA DAD PAR BSTAN PA NI, YI GER SNANG BA'I SHES PA NYID CES BYA BA'O, ,RANG GI MTSAN NYID LAS MI GSAL BA'I RJOD BYED KYI RNAM PA BSTAN NAS, BRJOD BYA GZUNG BA'I RNAM PA'I DBYE BA BSTAN PA NI, SNGON GYI RANG BZHIN NYID DU ZHES BYA BA'O, ,'BRAS BU GCIG PA NYID KYIS ZHES BYA BA NI BA LANG GI SHES PA GCIG YOD PA'I PHYIR YI GE GA LA SOGS PA GCIG NYID DU THA SNYAD LTA

BU'O ,RIM GYIS 'DZIN PAR ZHES BYA BA NI DANG PO RTOG PA MED PA YIN LA, DE NAS RNAM PAR RTOG PA YIN PA DE BZHIN DU MI 'DZIN PA BYA BA YANG RIM GYIS MA YIN NO ZHES BYA BAR SBYAR RO, ,SNANG BAR MA GYUR CES BYA BA NI MNGON SUM PA LA'O, ,DER ZHUGS PAS ZHES BYA BA NI YUL MED PA LAS TE SEMS RANG BZHIN GYIS ZHUGS BZHIN PA DE 'PHANGS PA ZHES BYA BA'I DON TO, ,DUS NYAMS PAS ZHES BYA BA NI DON GYIS RTOGS PA MED PA'I DUS SU KHO NA LA BAG CHAGS SANG PAS RNAM PAR RTOG PA 'BYUNG BA YIN NO ZHES BYA BA'I DON TO, ,GZHAN GYI YANG ZHES BYA BA NI RGOL BA PO'I'O,, DE LA ZHES BYA BA NI RIGS THA DAD PA'I RTOG PA LA'O, ,MGAL ME LA RIM GYIS MTHONG BA NI BAR BAR GYIS GZHAN DANG GZHAN MA MTHONG BA MED PA'I NGO BOS RIM GYIS 'BYUNG BA DE LTA BU'I MTHONG BA DE BAR DU CHOD PA DANG, RIGS MI MTHUN PA'I RNAM PAR RTOG PA YANG RIM GYIS 'JUG PA NI, PAR DU MTHONG BA LA BAR DU GCOD PAR BYED PA YIN PAR BSTAN PA NI GAL TE MGAL ME MTHONG BA BZHIN ZHES BYA BA'O, ,DNGOS PO DANG DNGOS PO MED PA DAG LAS DNGOS PO STOBS DANG LDAN PA YIN NO ZHES BYA BA'I RIGS PA YIN LA, RIGS PA DE 'DI RTOG PA MED PAR SMRA BA LA YANG MTSUNGS PA YIN PAR BSTAN PA NI, GZHAN LA YANG MTSUNGS PA YIN NO ZHES BYA BA'O, ,GAL TE RIGS PA 'DI YIN NA SA RA DANG GRANGS ZHES BYA BA'I YI GE'I RIM PA RTOGS PA MED PA'I PHYIR KHYAD PAR MED PAR BSTAN PA NI, YID DAG CIG CAR ZHES BYA BA'O, ,YID DAG DUS GCIG TU 'JUG PAR BYED PA'I PHYIR ZHES BYA BA NI SHES PA CIG CAR MI SKYE BA NI YID KYI RTAGS SO ZHES BYA'I RIGS PAS SO, ,GZHAN NI SGRUB BYED GZHAN TE MCHOG NI PHUL DU BYUNG BA'O, ,'ON TE YI GE SNGA MA'I SHES PAS YI GE PHYI MA BAR DU GCOD PA DE'I PHYIR, CIG CAR THOS PA MA YIN NO SNYAM DU SEMS PA LA CIG CAR DU ZHES BYA BA'O, ,YOD PA NA ZHES BYA BA NI BYA BA BYED PA RNAMS YIN YANG NGO, ,LNGA PO RNAMS KYI ZHES BYA BA NI DRI'I SHES PA LA GZUGS DANG, RO DANG REG PA DANG, SGRA'I SHES PA RNAMS DANG YID KYI SHES PAS BAR DU CHOD KYANG DUS GCIG TU SNANG BA YIN NA, DE LA SNGA MA'I YI GE'I SHES PA

, ,GCIG GIS YI GE PHYI MA LA BAR DU CHOD PA LTA SMOS KYANG CI DGOS, DE BZHIN DU GZUGS KYI SHES PA LA YANG SHES PA LNGA POS BAR DU CHOD PA YANG BRJOD PAR BYA BA'O, ,MING GI NI YI GE'I'O, ,MTHAR THUG PA NI MUR THUG PA STE 'DIS NI YI GE'I SKAD CIG PA NYID BSTAN TO,, DE'I SHES PA YANG DE LTA BU YIN PAR BSTAN PA NI, SKAD CIG PA'I SHES PA ZHES BYA BA'O, ,DE'I PHYIR SNGA MA LA CHES NYUNG BAS BAR DU CHOD PA YIN NA CHES SHIN TU CIG CAR SNANG BAR 'GYUR BA ZHIG NA DE LTA NA NI MA YIN NO, ,DES NA RIM GYIS YIN YANG BAR DU CHOD PA NYUNG BA NYID KYIS BYAS PA NI CIG CAR SNANG BA MA YIN NO, ,'O NA CI ZHE NA, CIG CAR NYID KHO NAS YIN NO, ,DE BSTAN PA NI DE'I PHYIR ZHES BYA BA'O, ,RNAM PAR RTOG PA YON TAN DANG LDAN PA ZHES BYA BAS YID KYI RNAM SHES BSTAN PA YIN NO, ,KHA'I RO MYANG BA ZHES BYA BA NI TZUM PA NA BYED PA NA'O, ,'DIS KYANG REG PA DANG RO'I RNAM SHES DAG BSTAN PA YIN NO, ,DE'I PHYIR ZHES BYA BA NI CIG CAR SNANG BA'I RGYU MTSAN MYUR BA MI SHES PA'I PHYIR RIGS MTHUN PA'I RNAM PAR RTOG PA RNAMS KYI CIG CAR SNANG BA'I NANG GI RGYU MTSAN JI SNYED PA DE SNYED KHO NA RIGS MI MTHUN PA'I RNAM PAR RTOG PA'I BAR DU GCOD PA'I SNANG BA'I RGYU MTSAN DU MI 'GYUR TE KHYAD PAR MED PA'I PHYIR RO ZHES BSTAN PA NI, SNANG BA LA YANG KHYAD PAR MED NA ZHES BYA BA'O, ,RIM GYIS SKYE BA'I PHYOGS LA YANG GZHAN LA CHAGS PA'I SEMS NYID GZHAN LA CIS MI SKYE BAR ZHES BSTAN PA NI, GNYI GA LA YANG RTZOD 'DI YOD, ,CES BYA BA'O, ,MGAL ME LA SOGS PA DANG 'BREL PA CAN GYI RJES SU 'GRO BA STE, RJES SU 'JUG PA DES GNOD PA DE GANG GI YIN PA DE NI GNOD PA CAN NO, ,MTHONG LAS ZHES BYA BA NI MIG GIS SO, ,MTHONG BA ZHES BYA BA NI MIG GI SHES PA RNAMS KYI'O, ,BRDA LA RMONGS PA NYID NI NUS PA NYID DO, ,DE DAG GI NI RGOL BA PO DAG GI'O, ,BRDA'I RGYU NI SGRA RUNG BAR SNANG BA'I SHES PA YIN LA DE KHYOD KYI 'DOD PAS BYIS PA RNAMS LA MI 'GYUR RO, ,YID YOD CES BYA BA NI SGRAR RUNG BA'I SNANG BA'O, ,DE BZHIN DU DBANG PO LAS SKYES PA YANG RUNG BA NYID KYI SNANG BA SRID PA'I PHYIR RO, ,MI MTHUN PA'I PHYOGS LAS LDOG PA LAS THE TSOM ZA BA CAN GYI DBANG PO

LAS SKYES PA NYID YIN PAR BSTAN PA NI, LHAG LDAN YIN ZHES BYA BA'O, ,BYIS LA SGRUB PAR BYED PA GANG YIN NI DPE LA'O, ,DE NYID 'DIR YANG NI DPE CAN TE BRDA LA BYANG BA LA'O, ,BSHAD PA BYOS ZHES BYA BA JI LTAR YIN TE, GANG GI PHYIR TSAD BANG DU ME SGRUB PAR BYED PA'I MNGON SUM PA KHO NA RJES SU DPAG PAR BYA BA LA YANG BRJOD PAR BYA BA MA YIN NO ZHE NA, BSTAN PA NI BSGRUB BYA'I RANG GI NGO BOS MA GRUB PA LA NI RIGS PA 'DI BRJOD PA YIN GYI, LKOG TU GYUR PA DANG CIG SHOS KYI NGO BO LA NI MA YIN NO, ,GANG GI PHYIR 'DI LA LKOG TU GYUR PA DANG CIG SHOS KYI NGO BO MED DO, ,RNAM PAR RTOG PA MED PA NYID DU ZHES BYA BA NI MI GSAL BAR SNANG BA'I RNAM PAR RTOG PA DE NI RTOG PA MED PA'I GSAL BAR SNANG BA MA YIN NO, ,RTOG PA DNGOS PO MI SNANG PHYIR NI MI GSAL BAR SNANG BA'I PHYIR RO ZHES GSUNGS PAS SO, ,RNAM PAR RTOG PA MED PA NYID KYIS ZHES BYA BA NI GSAL BAR SNANG BA NYID KYIS KHYAB PA DES NA 'DI NYID 'GAL BA'I RANG GI NGO BOS KHYAB PA YIN LA, DE'I NGO BO KHO NA 'GAL BA DMIGS PA YIN NO ZHES BYA BA'I DON TO, ,LDOG PA'I DBYE BA MED PAS BSGRUB PAR BYA BA NYID DO ZHES BYA BAS RTOGS PA STE, MNGON SUM DU BYED PA KHO NA RTOG PA MED PA NYID YIN NO ZHES BYA BA'I DON TO, ,GZHAN GYI LUGS LA LTOS NAS ZHES BYA BA NI GZHAN NI RJES SU DPAG BA MA 'KHRUL PA YIN PAR 'DOD DE TSAD MA YIN PA'I PHYIR RO, ,'KHRUL PA NYID NI TSAD MA MIN, ,ZHES BYA BA'I RIGS PAS DE LA LTOS NAS RNAM PAR GCOD PA LA BRTEN PA YIN NO, ,RANG GI GZHUNG LUGS LA LTOS NAS BSTAN PA NI, THAMS CAD DU YANG ZHES BYA BA'O, ,DMIGS KYIS BSAL BA'I SGO NAS ZHES BYA BA NI RAB RIB BCAS ZHES BYA BA NI DMIGS KYIS BSAL BA YIN NO, ,SHES PA THAMS CAD CES BYA BA NI ZLA BA GNYIS LA SOGS PA DAG GO, ,GAL TE ZLA BA GNYIS LA SOGS PA'I SHES PA PHYI ROL LA RNAM PA RTOG PA YIN NA DBANG PO'I SHES PA YANG DE LTAR 'GYUR BA'I PHYIR, MTSAN NYID KYIS PHYI ROL GYI MNGON SUM BSDUS PA MA YIN NO SNYAM DU SEMS PA NI PHYI ROL LA MA 'KHRUL PA YANG ZHES BYA BA'O, ,RANG NYID KYI RIG PA GZHAN BSTAN PA NI, JI LTA JI LAR DON BSAMS PA ZHES BYA BA'O, ,KHYAD PAR ZHES BYA

, ,BA NI GANG DANG CUNG ZAD 'BREL PA CAN DMIGS NAS 'DI NI 'DIS RNAM PAR GCOD PA YIN NO, ,'JIG RTEN GYI GZHUNG LUGS LA BRTEN NAS KHYAD PAR CAN DU GTOGS PA YIN GYI MTHONG BA'I DNGOS PO GNYI GA BSDOMS PA LAS KHYAD PAR CAN GYI SHES PA GZHAN NI MA YIN NO, , BSDOMS PA YANG 'JIG RTEN PA'I GZHUNG LUGS JI LTA BA BZHIN DU YIN LA, KHYAD PAR CUNG ZAD NI YAN LAG YIN TE, KHYAD PAR DU BYA BA GZHAN NI YAN LAG CAN YIN NO ZHES YAN LAG DANG YAN LAG CAN GYI NGES PA NI 'JIG RTEN LAS KHYAD PAR DANG KHYAD PAR DU BYA BA'I 'BREL PA MNGON SUM GYIS BZUNG BA NYID YIN LA YAN LAG LA SOGS PA'I NGES PA NI YAN LAG LAS SO, ,'DI DAG TZAM NI KHYAD PAR CAN GYI SHES PA'I RGYU YIN LA BSDOMS PA'I KHYAD PAR GYI SHES PA NI 'BRAS BU YIN NO, ,'DI NYID KYANG BYA BA DANG DE DANG LDAN PA'I DBYE BAS RNAM PAR BRTAGS PA NI BSDOMS NAS RTOGS PA YIN PAR BRJOD DO, , 'DI THAMS CAD BSDOMS PA LA YANG YONG PA'I CUNG ZANG NI 'GA' ZHIG TU YAN LAG DANG YAN LAG CAN GYI NGO BO NYID DU SBYAR ZHING 'DZIN PAR BYED PA YIN TE MI 'DZIN NA SBYOR BAR MI RIGS PA'I PHYIR RO, ,DBYIG BA CAN GYI RIGS PA NI RIGS DANG, YON TAN DANG DE DANG LDAN PA RNAMS LA YOD PA MA YIN NO, , GANG GI PHYIR GNYI GA MTHONG BA DAG LA NI GCIG KHYAD PAR DU BYA BA DANG KHYAD PAR DU BYED PA NYID THOB NA 'JIG RTEN LAS NGES PA YIN GYI, RIGS LA SOGS PA LA NI MA YIN TE, DBYE BA MA MTHONG BA'I PHYIR RO ZHES BSTAN PA NI, RIGS SOGS KYI ZHES BYA BA'O, ,'DI LA ZHES BYA BA NI YUL LA'O, ,DES NA ZHES BYA BA NI 'DI'I RGYU MTSAN THOG MA MED PA'I BAG CHAGS YIN GYI, GZHAN LAS LDOG PA'I RGYU MTSAN LAS NI 'GYUR BA KHO NA YIN NO, ,THA DAD PA 'JIN PA SNGON DU 'GRO BA CAN GYI SBYOR BA NI RIGS LA SOGS PA LA DE MED PAS MI 'GYUR BA BSTAN PA NI RIGS LA SOGS PA NI ZHES BYA BA STE, SOGS PA ZHES BYA BA'I SGRAS NI DE DANG LDAN PA LA SOGS PA RNAMS SO, ,THA DAD PA DANG THA MI DAD PA'I MNGON SUM LA NI 'BREL PA MED PA'I NGO BO YIN PA'I PHYIR SBYOR BAR BYED PA MA YIN TE YAN LAG DANG YAN LAG CAN GYI YUL DE MA YIN PA'I PHYIR BSTAN PA NI THA DAD MED PAR SNANG BA'I PHYIR ZHES BYA BA'O, ,GAL TE KHYAD

PAR CAN DU SNANG BA LA YANG DBYIG PA CAN ZHES BYA BA NYE BA'I SKYES BU 'BREL PA MED PA NYID DU SNANG BA MA YIN NAM, DE 'DI LTAR DBYUNG PA RNAM PAR GCOD PA RTOGS PA MED NA KHYAD PAR CAN NYID MED PA'I PHYIR 'BA' ZHIG BZHIN NO ZHES BSTAN PA NI, GAL TE KHYAD PAR LA SOGS PA ZHES BYA BA'O, ,SNGAR MTHONG BA BSDOMS PA NI RTOG PA MA YIN NAM, BSRES PA SNANG BA NI MA YIN TE, GANG GI PHYIR 'O MA DANG CHU LA SOGS PA'I SNANG BA NI RTOG PA MA YIN NA JI LTAR DE NYID KYI PHYIR ZHES BYA BA'I DOGS PA YIN ZHE NA, BDEN TE DE LTA BU'I RNAM PA YANG MI SRID PA YIN NA, ,SBYOR BA LTA CI SMOS ZHES BYA BA'I DON DU BKOD PA YIN NAM, THA MI DAD PAR MTHONG BA RTOG PA MA YIN DU ZIN KYANG BA LANG NGO ZHES BYA BA NI YIN TE, KHYAD PAR CAN GYI SHES PA YIN NO ZHES ZER BA NI, GAL TE BA LANG ZHES BYA BA'O, ,KHYAD PAR CAN GYI SHES PA NI KHYAD PAR CAN RTOGS PA LAS SO, ,DE LAS GZHAN DU MI 'THAD PAS KHYAD PAR RIGS LA SOGS PA NI DUS LA SOGS PA BZHIN DU RTOGS PAR BYED PAR BSTAN PA NI, KHYAD PAR CAN GYI SHES PA NI ZHES BYA BA'O, ,KHYAD PAR DU BYA BA'I SHES PA LA KHYAD PAR RTOGS PA MA YIN TE, GNYI GA RTOGS PA LA RANG DBANG YIN PA'I PHYIR KHYAD PAR CAN NYID MED PAR THAL BAR 'GYUR BAR BSTAN PA NI, DE NI 'DI YIN NO ZHES BYA'O, ,GAL TE DBYUG PA NYID LA KHYAD PAR CAN NYID YIN NA, SHES PA LA SKYES BU LTA BUR 'GYUR RO SNYAM DU SEMS PA LA GAL TE DBYUG PA YANG ZHES BYA BA STE, DBYUG PAR SNANG BA'I DE MA THAG TU SKYES BUR RTOGS PA NYID NI KHYAD PAR RTOGS PA YIN GYI DBYUG PA RTOGS PA NI MA YIN NO ZHES BYA BA'I DON TO, ,RIGS LA SOGS PA RTOGS PA'I DE MA THAG PA RTOGS PA'I YUL NYID PA KHRA MO LA SOGS PA MA GTOGS PA MED PAR BSTAN PA NI, GAL TE 'BA' ZHIG SNANG NA NI ZHES BYA BA STE GTOGS PA MED PA NA KHYAD PAR TE GZHAN LAS KHYAD PAR DU BYED PAR MI 'GYUR BA'O, ,RIM GYIS RTOGS PA MA YIN DU ZIN KYANG KHYAD PAR RTOGS PA KHO NA YIN NA GNYI GA RTOGS PA YIN NO, ,DE LA YANG KHYOD NYID KYIS SMRAS PA'I SKYON YIN PAR BSTAN PA NI, DE STE SNANG BA YIN NA NI ZHES BYA BA'O, ,KHYAD PAR CAN GYI SHES PA'I YUL NYID CES BYA BA NI SKYES BU GZHAN RNAM PA BCAD NAS

, ,SKYES BU'I SHES PA'I YUL NYID KYI SHES PA NI RANG LA YOD PA'I KHYAD PAR GYIS SKYES BU GZHAN LAS SKYES BU'O ZHES RNAM PAR BCAD PAR BYED PA'AM, SKYES BU LA YOD PA LAS KYANG RUNG BA'I BRTAGS PA GNYIS BSTAN PA NI, RANG LA BRTEN PA'I ZHES BYA BA'O, ,THA SNYAD TZAM NI YAN LAG DANG YAN LAG CAN NYID DU ZHEN PA TZAM MO, ,MNGON SUM BZHIN DU SNANG BA YIN NA GNYIS KYIS TSIG NYID DU 'GYUR TE, GNYI GA YANG 'BREL PA MED PA NYID KYIS RANG DBANG DU SNANG BA'I PHYIR RO ZHES BSTAN PA NI, THA SNYAD TZAM DU ZHES BYA BA'O, ,BA LANG DANG YUN RING PO DANG BYAS PA LA SOGS PA LA LDOG PA RTOGS PA DANG LHAG PAR RTOGS PA YANG YOD PA MA YIN NAM, GANG GI PHYIR BA KHRA MO LA SOGS PA KHO NA BA LANG MA YIN PAR BYA BA'I RDZAS LA RING BA YANG MA YIN NO SNYAM DU SEMS PA NI JI STE 'GYUR NA YANG YUL DANG DUS LA SOGS PA'O, ,'BA' ZHIG SNANG BA NI SDIG BA'I SNANG BA'O, ,RTA LA SOGS PA LAS BA KHRA MO LA SOGS PA LKOG SHAL LA SOGS PAS MTSAN NYID MI MTHUN PA YIN NO, ,YUN RING BA YANG YUN RING PA MA YIN PA LAS BYED PA'I RDZAS NYID KHYAD PAR 'GAS SNANG BZHIN PA YUN RING BA YIN NO, ,RANG LA YOD PA'I KHYAD PAR LA YANG MA RTOGS PA'I PHYIR DON LA SKYE BO LDOG PAR MI 'GYUR RO ZHES BYA BA'AM RNAM PAR DBYE'O ZHES BSTAN PA NI, DON GZHAN DANG NI 'BREL PA'AM ZHES BYA BA NI DBYUG PA CAN LA SOGS PA'O, ,RANG BZHIN ZHES BYA BA NI BA LANG DANG YUN RING PO LA SOGS PA LA'O, ,RNAM PAR RTOG PA NI DE MTHONG BA SNGON DU 'GRO BA CAN YIN PAS DE'I YUL CAN NYID YIN PA STE DE DANG BSDOMS PA'I BDAG NYID YIN PA'I PHYIR RO, ,MTSAN NYID MI MTHUN PA NYID NI LDOG PA MA YIN NO, ,DE'I PHYIR BA LANG DANG YUN RING BA LA SOGS PA'I RTOG PA NI RANG BZHIN GYI KHYAD PAR MTHONG BA LAS 'ONGS PA BRDA LAS BYUNG BA YIN GYI, MTHONG BA'I DNGOS PO SDOM PAR BYED PA'I BDAG NYID MA YIN PAR BSTAN PA NI, DE'I PHYIR GAL TE ZHES BYA BA'O, ,RJES SU 'BRANG BA LKOG SHAL LA SOGS PA MNGON SUM GYI YUL MA YIN NAM, RJES SU 'GRO BA'I NGO BO NI BA LANG YIN PA'I PHYIR RNAM PAR RTOG PA NYID KYIS RTOGS PA NYID YIN NO SNYAM DU SEMS PA LA, RJES 'GRO CAN GYI RNAM SHES GANG,

ZHES BYA BA'O, ,SGRA NI RJOD BYED DO, ,GSAL BA NI KHYAD PAR YIN TE DE DAG SNANG BAR BYED PA LA STE ZHEN PA LA 'DI'I TSUL YOD PA'I PHYIR, SGRA DANG GSAL BAR SNANG BA STE, SPYI'I SNANG BA CAN NI MA YIN TE, GSAL BAR 'JUG PA MED PAR THAL BAR 'GYUR BA'I PHYIR RO, ,'ON TE GSAL BA NYID MTSUNGS PA'I RNAM PA CAN NI SHES PA DES RTOGS PA YIN LA, DE NYID DE GSAL BA'I NGO BO MIG GI YUL LA STE DE'I SHES PA LAS SO, ,MTHONG BA MED PHYIR MTSUNGS PA NYID KYIS SO, ,MIG SHES PA NI KHYAD PAR NYID DU 'DZIN PA YIN LA, RNAM PA RTOG PA NI MTSUNGS PA NYID KYIS YIN NO ZHES BYA BAR NI MI RIGS TE, GNYI GA GCIG 'DZIN PAR BYED PA NYID YIN NA, GNYI GA LA NGO BO GNYIS SNANG BAR THAL BAR 'GYUR RO ZHES BSTAN PA LA, BLO THA DAD PA NI KHYAD PAR DANG SPYI'I NGO BO'I NGES PA YIN LA, DE NI DNGOS PO GCIG GIS SKYE BA 'DZIN PAR BYED PA NYID YIN NA MI 'GYUR ZHING NANG GI TSOGS PA LAS 'BYUNG BA DE LAS BYUNG BA MA YIN NO, ,KHA DOG LA SOGS PA'I RNAM PA DANG DE LAS THA DAD PA'I GSAL BA'I NGO BO DE DAG GIS KHRA BOR SNANG BA'I DBANG PO'I SHES PA MED DO ZHES BYA BA NI, SNANG BA GNYIS NI MED PHYIR RO, ,ZHES RTOGS PA'I DON TO, ,NANG DANG PHYIR ROL GYI RGYU'I DBYE BAS BLO THA DAD PAR KHAS MI LEN NA NI, DE 'GAR YANG MI 'GYUR RO ZHES BYA BA NI 'GREL PA BYED PA PO'I'O, ,SO SOR NGES PA ZHES BYA BA NI NGES PA'I TSAD YIN PA'I PHYIR RO, ,TSAD MED PA DAG LA NI TSAD MED BA'I KHRA BO LA SOGS PA'I KHYAD PAR RNAMS LA GCIG TU MNGON PAR MTSON PAR BYED PA MED NA BLO LA GNAS PA MA YIN PA RNAMS LA BRDAR BYED PA 'AM 'DZIN PA MI SRID PAR BSTAN PA NI, SO SOR NGES PA MED PA ZHES BYA BA'O, ,'ON TE MNGON SUM GYIS GZUNG BA'I GSAL BA LAS SPYI THA DAD PA YIN NA, RNAM PAR RTOG PAR RUNG BA NYID MNGON SUM GYI YUL MA YIN NO SNYAM DU SEMS PA LA, GSAL BA LA 'DU BA NI SPYI'I ZHES BYA BA SMOS SO, ,DBANG POS 'DZIN PA MED PA'I PHYIR DES MTSON PA'I GSAL BA 'DZIN PA MED PAS 'BREL BA NI BRDA'I STE, MTHONG BA MED PA STE MI 'DZIN PA DANG MI BYED PAR GNAS PA NYID NI GTZO BO'I PHYOGS LA YIN NO, ,SGRA LAS 'DZIN PA YIN NA NI RNAM PA GNYIS MNGON SUM DU 'GYUR RO ZHES BSTAN ZIN TO, ,SNGAR NI RIGS LA SOGS PA RANG GI

, ,NGO BOS NGES PAR MI RTOG PAS DE DANG LDAN PA DANG SBYOR BA MED PAR BSTAN NAS, DA NI 'BREL PA NGES PA MI RTAG PA LAS SO ZHES BYA BA NI KHA CIG GI'O, ,ZANGS GZHONG 'DI LA RGYA SHUG GI 'BRAS BU BZHIN DU SNAL MA RNAMS LA SNAM BU ZHES BYA BA NI 'DI LA BLO'I RGYU MTSAN CAN YIN TE, THA DAD PA MA YIN PAR GRUB PA'I PHYIR PHRAD PA MA YIN NO, ,LHAG MAS NI 'DU BA YIN NO SNYAM DU SEMS PA LA, SNAL MA 'DI LA SNAM BU ZHES, ,ZHES BYA BA STE, DE LTA BU'I BLO STE SNAM BU'I BLO NYID 'JIG RTEN PA'I MA YIN TE, GANG GI PHYIR YOD PA MA YIN PA NI RJES SU DPOG PAR BYED PA'AM 'DZIN PAR BYED PA MA YIN NO, ,RVA LA SOGS PA RTZOM PAR BYED PA 'BREL PA CAN NYID KYIS BA LANG DU RTOGS PA KHO NA YIN NAM DE LA YANG BA LANG LA RVA ZHES RTOGS PA YIN GYI, RVA LA BA LANG ZHES NI MA YIN NO, ,DE BSTAN BA NI BA LANG LA RVA ZHES BYA BA'O, ,DE LTA YIN YANG 'BREL PA NI 'DU BA MA YIN NAM, BA LANG LA ZHES BYA BA 'DI YANG DE MED PA YOD PA MA YIN LA, GAL TE YOD PA NA RVA LA YANG BA LANG ZHES BYA BAR 'GYUR TE, 'DU BA KHYAD PAR MED DO SNYAM DU SEMS PA LA, BA LANG ZHES BYA BA YANG DE YIN LA RVA LAS LHAG PA'I YAN LAG CAN YANG YIN PA DE DAG LA RNAM PAR GCOD PA MED PAR DMIGS PA'I RGYU MTSAN YIN PA DE LTA BU'I BLO YIN TE, DE LAS GZHAN PA'I 'DU BA MA DMIGS PA'I PHYIR RO, ,RNAM PAR MI GCOD PA'I RGYU MTSAN NI BA LANG NGO, ,RVA'O ZHES BYA BA YANG BA LANG LA RVA ZHES BYA BA'I DON DANG RJES SU MTHUN PA NYID DU RTEN DANG RTEN CAN YIN PA'I PHYIR RO, ,DE BSTAN PA NI RVA LA BA LANG ZHES BYA BA STE SHES PA YIN NO, ,BA LANG LA RVA ZHES BYA BA 'DI LA YANG YAN LAG CAN RGYU MTSAN MA YIN PAR BSTAN PA NI, RVA LA SOGS PA'I TSOGS LAS ZHES BYA BA'O, ,RVA DANG BA LANG LA SOGS PA DANG SNAL MA DANG SNAM BU LA SOGS PA MTSUNGS PA YANG MA YIN PA YIN PAR BSTAN PA NI, 'DI RNAMS KYIS ZHES BYA BA STE, SNAM BU'I DUS NA SNAL MA RNAMS YOD PA MA YIN TE, 'DU BYED PA NYID KYIS SKAD CIG PA YIN PA'I PHYIR RO, ,SNAM BU'I SNGA NA MED PA DE GANG LA YOD PA DE SNAM BU'I BLO'I YUL JI SRID DU MI SKYE BA ZHES BYA BA'I THA TSIG GO, ,DE DAG NI 'DI YIN NO ZHES BYA BA NI LOG PAR RTOG PAS NA RGYU RU SGRO

BTAGS PA YIN TE, 'BRAS BU LA SNGA ROL DU BYUNG BA'I RGYUR NYE BAR 'DOGS PAR BYED PA'O, ,SNAL MA GCIG NA BKAR BYAS PAS, ,ZHES BYA BA NI SNAM BU'I GNAS SKABS NYID NA PHAN TSUN GCIG LA GCIG GI KHYAD PAR LAS SNAL MA'I SGRA 'JUG PA YIN NO, ,CI'I PHYIR ZHE NA, SGRA'I ZHES BYA BA SMOS TE, SNAL MA'I SGRA'I YUL STON PA NA YIN TE BSTAN PA'I 'BRAS BU YIN PA'I PHYIR RO, ,GANG GI PHYIR MTSAN NYID KYI DON DU 'DAS PA LA RGYUR SGRO 'DOGS PAS 'BRAS BU LA SNAL MA'I MING 'JUG PAR BYED PA'AM RE RE NAS BKAR BAS KYANG NGO, ,STON PA NA RTEN NI RGYU YIN LA SNAL MA'I MING 'JUG PAR BYED PA YIN NO ZHES BYA BA NI GZHAN GYI'O, ,RE RE NAS BKAR BA NI SNAL MA'I THA SNYAD 'DOGS PA YIN NA DA LTAR SNAM BUR THA SNYAD 'DOGS PA'I YUL GANG YIN ZHES ZER BA LA, PHAN GDAGS PHAN 'DOGS TE ZHES BYA BA STE CHU DANG ZHING GI NGO BO'O, ,RNAM PAR CHAD PAR MA MTHONG BAS GYON PA LA SOGS PA'I BYA BA BYED PA NYID MTSON NAM DE YUL YIN ZHES BYA BAR SBYAR RO, ,DE KHO NA DNGOS PO YIN TE, DANG PO BRDA'I YUL NYID KYIS MA 'KHRUL PA'I SHES PA'I YUL YIN PA'I PHYIR RO ZHES BSTAN PA NI, 'KHRUL MED CES BYA BA'O, ,GANG ZHIG GANG LA BRDAR BYAS PA DE DE LA DNGOS PO YIN ZHING CIG SHOS NI DNGOS SU BA MA YIN PA'O, ,BRTEN PA GZHAN GYI RJES SU 'BRANGS PAS ZHES BYA BA NI YON TAN GZHAN GYI RJES SU 'BRANGS PAS SO, ,DE 'DI LTAR PHAN GDAGS BYA DANG PHAN 'DOGS BYED NYID LA SOGS PA'I BRDA'I RGYU MTSAN CAN GYI SNAM BU LA SOGS PA'I SHES PA LA RIGS LA SOGS PA MNGON SUM 'BA' ZHIG GIS MI RTOGS PA MA YIN ZHING RJES SU DPAG PAS KYANG RTOGS PA MA YIN TE, RTAGS MED PA'I PHYIR RO ZHES BSTAN PA NI, RJES DPAG KYANG MED CES BYA BA'O, ,DNGOS PO LAS ZHES BYA BA NI CHU DANG ZHENG LA SOGS PA'I DBYI BAS KYI KHYAD PAR LAS SO, ,THA DAD CAN NI SO SO BA LA'O, ,KHRA BO LA SOGS PA'I BA LANG NYID DANG TZAN DAN GYI DRI ZHES BYA BA YANG GANG ZHIG GANG LA THA SNYAD BTAGS PA DO DA LAS THA DAD PA YIN TE, DBYUG BA CAN LTA BU MA YIN NAM SNYAM DU SEMS PA LA, THAMS CAD LA YANG ZHES BYA BA'O, ,DPUNG GI GLANG PO CHE DANG NAGS KYI SHING ZHES BYA BA BZHIN DU THA DAD PA MED KYANG THA DAD

, ,PA NYID DU RTOGS PAS THA SNYAD 'DOGS PA YIN LA, DBYUG PA CAN ZHES BYA BA YANG 'BREL BA CAN DU DMIGS PA LA BRTAGS PA STE, KUN RDZOB PA YAN LAG DANG, YAN LAG CAN LA BRTEN NAS THA SNYAD 'DOGS PA YIN GYI MNGON SUM GYI RTOGS BYA NI MA YIN NO ZHES BYA BA'I DON TO; ,KHRA BO LA SOGS PA LA ZHES BYA BA NI KHRA BO'I BA LANG NYID CES BYA BA'I RGYU MTSAN YIN NO, ,YAN LAG DANG YAN LAG CAN NYID KYI PHYIR BA LANG NYID KYANG YOD NA, GZHAN GYI 'DOD PA'I RTAG PA'I SPYI DANG MTSAN NYID MI MTHUN PA BZHO BA DANG DGAL BA LA SOGS PA'I BYA BA BYED PA NYID NI BYA BA DE MI BYED PA LAS THA DAD PA'I NGO BOR 'DOD PA KHO NA YIN PAR BSTAN PA NI, DON DAM PA PA'I NI ZHES BYA BA'O, ,BA LANG NYID LA SOGS PA'I SHES PA'I RGYU MTSAN NI 'JIG RTEN NA YANG DGAL BA LA SOGS BA NYID BA LANG NYID YIN GYI, GZHAN DU RTOGS PA MA YIN PAR BSTAN PA NI DGAL SOGS ZHES BYA BA'O, ,DE NI ZHES BYA BA NI THA SNYAD 'DOGS PA'O, ,THA DAD PA MED KYANG THA SNYAD 'DOGS PA YIN TE, DPER NA RDZAS LA SOGS PA DRUG LA DNGOS PO NYID DANG KHANG BZANGS LA SOGS PA'I PHRENG BA ZHES BYA BA'I RIGS DANG YON TAN YANG THA DAD PA CAN MA YIN TE, DE LTAR TZAN DAN GYI DRI ZHES BYA BA LA SOGS PA YANG THA DAD PA MNGON SUM MA YIN PA NYID DU MTSUNGS PA'I PHYIR RO, ,DES NA KHYED KYI NYE BAR DGOD PA 'DI NI NYE BAR DGOD PA DANG MTSUNGS PAR BYAS BA MA YIN BAS RIGS SO ZHES BSTAN PA NI, DNGOS PO ZHES BYA BA'O, ,DE PHRENG NI DE'I PHRENG BA'O, ,YON TAN LA NI KHYIM GYI NGO BO'I PHRENG PA LA'O, ,DE NYID KYI PHYIR ZHES BYA BA NI YON TAN KHYIM LA YON TAN MED PA'I PHYIR RO, ,KHA CIG KYANG ZHES BYA BA NI GSAL BA RE RE ZHING YONGS SU RDZOGS PA'I YAN LAG CAN BZHIN DU RIGS NI MA YIN TE, KHYAB PAR 'JUG PA'I PHYIR RO, ,DE'I SGRA ZHES BYA BA NI PHRENG MANG PO LA'O, ,RIGS LA STE 'BRED BA'I NGO BO LA PHRENG BA GZHAN RIGS KYI NGO BO MED PA'I PHYIR SPYI LA SPYI'O ZHES DE MA THAG PA'I DMIGS PA RKYEN GANG GI YIN PA DE YOD PAS MTHA' MED PA LA DMIGS PA'I PHYIR, 'THAD PA MA YIN PA NI MI MTHUN PA NYID YONGS SU RDZOGS PA'I DMIGS PAR RTOGS PA NI MA RTOGS PA KHO NA YIN NO ZHES BYA BA'I DON TO, ,KHA CIG TU NI MTHA' MED PAR BRJOD PA DANG PO'I MTHA'

CAN YIN TE MTHA' MED PA NI RTOGS PA MTHA' MED PA 'THAD PA MA YIN TE, RTOGS PA'I PHYIR ZHES BYA BA NI RTOGS PAR BYED PA NYID DU KHAS BLANGS PA'I PHYIR GZHAN DU BA'I SKYON MED DO ZHES BYA BA'I DON TO, ,PHRENG BA CHEN PO ZHES BYA BA NI DZ'A TI'I ME TOG CHEN PO BZHIN DU MA 'KHRUL BA'I SHES PA'I YUL YIN PA NI DNGOS KHO NA YIN NO, ,DE'I PHYIR YON TAN DANG LDAN PA'I RDZAS YIN NO ZHES BYA BA'I MTSAN NYID LA NI RDZAS MED KYANG 'GAL BA MED DO, ,GANG GI PHYIR PHA ROL PO 'DOD PA'I RDZAS YAN LAG LAS LHAG PA NI GZHAN DU YANG DMIGS PA MA YIN TE, RDZAS MED PA NYID LA RDZAS KYI MTSAN NYID MED PA'I PHYIR 'GAL BA YIN NO ZHES BYA BA'I DON TO, ,DE BSTAN PA NI 'DI NI LEGS PAR BYAS PA MA YIN NO ZHES BYA BA'O, ,BTAGS PA MA YIN TE, 'KHRUL PA MED PA'I SHES PA'I YUL NYID KYIS DNGOS SU BA LAS KHYAD PAR MED PA'I PHYIR RO, ,DNGOS SU BA MA YIN TE, KHYOD KYIS KHAS BLANGS PA'I THA DAD PA'I KHYAD PAR NYID MED PA'I PHYIR RO ZHES BSTAN PA NI, GTZO BO NYID MA YIN NO ZHES BYA BA'O, ,NYE BAR BTAGS PA'I RGYU MTSAN MED PA'I PHYIR ZHES BYA BA NI 'JIG RTEN DU MTHONG BA'I 'KHRUL PA MED PA'I SHES PA'I YUL NYID MED PA'I PHYIR RO, ,KHYED KYI LTA BAS KYANG RGYU MTSAN NI ME TOG SKYES PA'I NAGS BZHIN DU DON GCIG LA 'DU BA NI PHRENG BA CHEN PO ZHES BYA BA 'DI LA MED PAR BSTAN PA NI, DPER NA ME TOG RGYAS PA'I NAGS ZHES BYA BA'O, ,PHRENG BA CHEN PO ZHES BYA BA NI DNGOS KHYAD PAR MED PA'I SHES PA'I GZUNG BA YIN YANG RGYU MTSAN THA DAD PA MED PA MED PA'I PHYIR BTAGS PA PA YIN NO ZHES KHAS BLANGS PA NI DNGOS SU BA 'DOD PA LA YANG KHYAD PAR MED PAR BSTAN PA NI, DNGOS SU MNGON PAR 'DOD PA YANG ZHES BYA'O, ,DNGOS SU BA GANG LA RGYU GZHAN MA YIN PA NYID MTHONG BA YIN NO ZHE NA, TSIG DON SGRA ZHES BYA BA'O, ,RANG GI NGO BO NYID CES BYA BA NI DNGOS PO'I ZHES BYA BA STE, BSIL BA'I 'OD ZER CAN CHEN PO ZHES BYA BA LA SOGS PA YANG DNGOS PO'I KHYAD PAR GZHAN PA NI CHEN PO NYID MA YIN NO ZHES BYA BA'I DON TO, ,RGYU MTSAN GZHAN MED KYANG GTZO BO DANG CIG SHOS KYI DBYE BA NI GRAGS PA YOD PA DANG MED PA LAS SO ZHES BSTAN PA NI, JI LTAR GRAGS LAS GRUB GANG YIN, ,ZHES BYA BA'O, ,GZHAN DU NA DNGOS PO LA MED PA'I THA SNYAD DNGOS

, ,SU BAR 'GYUR BAR BSTAN PA NI, DNGOS LA'ANG ZHES BYA BA'O, ,DON YOD PA NYID DAM ZHES BYA BA NI PHA ROL PO'I 'DOD PA LA'O, ,GZHAN DU YANG ZHES BYA BA NI KHO BO CAG 'DOD PA 'DI LA'O, ,DE LTA MA YIN NA ZHES BYA BA NI GRAGS PA LAS BZLOG PA LA STE, YOD PA'I YUL CAN LA NI DNGOS YIN LA, MED PA'I YUL CAN NI DNGOS SU PA MA YIN BA'O ZHES BYA BA'I PHYOGS LA'O, ,PHYIN CI LOG TU ZHES BYA BA STE, TSIG GI DON GYI SGRA NI BTAGS PA PA YIN LA DNGOS PO LA YANG MED PA'I SGRA DNGOS SU BAR 'GYUR BA'O, ,MED PA LA YANG GTZO BO MA YIN PAR 'GYUR PAR BSTAN PA NI, RGYU MTSAN MED PAR NI MED PA LA STE MED PA'I SGRA LA NYE BAR BTAGS PA'I RGYU MTSAN DU 'GYUR RO, ,GZHAN DU ZHES BYA BA NI SNGA MA BZHIN DU GRAGS PA LAS BZLOG PA LA STE GRAGS PA MED PA NI GZHAN DU 'GYUR NA'O, ,GRAGS PA YANG RGYU MTSAN GZHAN MED KYANG BRDA TZAM LAS BYUNG BA YIN NO ZHES BSTAN PA NI, GRAGS PA BRDA'I RJES 'GRO CAN, ,ZHES BYA BA'O, ,BRDA YANG RGYU MTSAN GZHAN MED KYANG RIG BYED LA SOGS PA'I SDE BA SBYOR GYI MING BZHIN DU DANG, RANG BZHIN DANG RKYEN LA SOGS PA'I SGRA'I CHA'I MING BZHIN DU 'DOD PA TZAM LAS BYUNG BA YIN PAR BSTAN PA NI, DE YANG BRJOD 'DOD CES BYA BA'O, ,MA YIN NO ZHES BYA BA NI RGOL BA LA LAN BTAB PA YIN NO, ,DPER NA SDEB SBYOR GYI YANG YIN LA SGRA'I YIN PAS SDEB SBYOR DANG SGRA'I'O, ,DE NYID KYI ZHES BYA BA NI BRDA'I STE, GANG GI PHYIR MA RTOGS PA LA BRDA MED DO, ,RANG BZHIN DANG RKYEN NYID KYANG SGRA'I CHAS SPYI GSAL BAR BYED PA MA YIN NAM SNYAM DU SEMS PA LA, GSAL BYED RNAM PAR BYED PA MED NA GSAL BYA YANG RNAM PAR GZHAG PA MED PAR BSTAN PA NI, RANG BZHIN LA SOGS PA DAG NI RNAM PAR GNAS PA ZHES BYA BA'O, ,'KHRUL PA MTHONG BAS ZHES BYA BA NI DE MED KYANG YOD PA'I PHYIR RO, ,MA HE LA SOGS PA DANG MTSAN NYID MI MTHUN PA'I KHRA MO MTHONG BA DANG LDAN PA'I THU YU MTHONG NA, DE'O ZHES PA RJES SU 'JUG PA'I SHES PA NI BRDA MED KYANG 'BYUNG BA MA YIN NAM, RIL PO MANG PO RNAMS THAG RING POR MI GSAL BAR SNANG BA RNAMS LA DE LAS LHAG PA RNAMS LA GZHAN MA YIN DU ZIN KYANG

SKRA SHAD MANG PO LA LTA BU'I SNYAM DU SEMS PA LA, THA DAD KYANG GANG DNGOS CHOS KYI, ,ZHES BYA BA'O, ,PHAN TSUN MTSAN NYID MI MTHUN PA NYID KYIS DON DE DAG CES BYA BA MANG PO'I TSIG YIN TE, GCIG JI LTA BA DE BZHIN DU GZHAN YANG NGO ZHES SHES PAR BYA BA'I DON TO, ,THA DAD KYANG ZHES BYA BA NI RJES SU 'JUG PA'I NGO BO MI SNANG BAS MED KYANG NGO, ,DE DAG LA NI SKYED PAR BYED PA DAG LA'O, ,DE LTAR NI THA MI DAD PAS SO, ,RTOGS PAR 'GYUR BA NI NGES PAR 'GYUR BA'O, ,DE BZHIN NI KHRA PO LA SOGS PA DE DAG GI SHES PA GZHAN DANG MTSAN NYID MI MTHUN PA RNAMS NI PHAN TSUN MTSAN NYID MI MTHUN PA MA YIN PA RNAMS SO, ,DE LTAR NGES PA'I RGYU MTSAN RNAMS NI NGES DE LTAR NGES PAR BYED PA YIN NO, ,GANG GI PHYIR GZHAN LAS MTSAN NYID MI MTHUN PA'I NGO BO'I DON GYIS SKYE BZHIN PA DE LA DE LTAR NGES PAR BYED PA YIN PA DE'I PHYIR, DE'I 'BRAS BU MA YIN PA GZHAN MTSAN NYID MI MTHUN PA RNAMS BRAL BA STE, LDOG PA'AM LDOG PAR BYED PA'I NGO BO YIN LA DE'I RJES SU 'GRO BA NI DE'I MNGON SUM YIN PA'I PHYIR GZHAN MA YIN PA NI SPYI MA YIN PA STE MNGON SUM MA YIN PA'I PHYIR RO, ,DE BSTAN PA NI DNGOS GCIG YOD MA YIN TE MNGON SUM PA'I DNGOS PO NI RJES SU 'GRO BA MA YIN PA'I PHYIR RO, ,DON LA BRTEN PA ZHES BYA BA NI BSGOM PA'I KHYAD PAR GYIS, BDE SOGS DON GYI NGO BO MIN, ,ZHES BYA BA'I RIGS PAS SO, ,DE NYID KYANG ZHES BYA BA NI SDUG BSNGAL NYID KYANG NGO, ,RANG BZHIN GNYI GA ZHES BYA BA NI BDE BA DANG SDUG BSNGAL GYI BDAG NYID CAN NO, ,GNYI GA'I BDAG NYID KYI DON MA MTHONG BAR NGES PAR 'DZIN PAR BYED PA PO NI MA YIN NO ZHES ZER BA NI, NGES PAR BYED PA ZHES BYA BA'O, ,RTOG PA DU MA ZHES BYA BA NI BDE BA DANG SDUG BSNGAL GYI BDAG NYID CAN GYI DNGOS PO MA MTHONG BA DANG DES BYAS PA'I NGES PA YANG NGO, ,DE BSTAN PA NI BDE BA LA SOGS PA ZHES BYA BA'O, ,BYED PA PO'I PHYOGS LA RTOGS PA YANG BSTAN PA NI, SGRUB PA YIN PAR RTOGS PA LA NI ZHES BYA BA'O, ,DE RJES SU 'GRO BA NYID CES BYA BA NI THA MI DAD PA'I MCHOG TU 'DZIN PA'I RJES SU 'GRO BA NYID LAS SO, ,SPYI'I DON NI DGOS PA'O, ,DE SGRUB PAR BYED PA NI NGES PA'O, ,

, ,SPYI'I DNGOS PO KHAS LEN PA YIN NA 'DZIN PAR NGES PAR BYED PA PO'I BAG CHAGS KHAS BLANG DGOS SO ZHES BSTAN PA NI GANG GI RGYU ZHES BYA BA'O, ,BDEN TE, GCIG SNANG CIG SHOS RTOGS PA KHO NA YIN NO, ,'DU BA LAS THA MI DAD PA LTA BUR SNANG BA MA YIN NO ZHES ZER BA NI 'DU BAS ZHES BYA BA'O, ,'DU BAS 'DRES PA'I MA YIN TE, MI DMIGS PA'I PHYIR RO ZHES BSTAN PA NI, MA YIN TE 'PHROD PA 'DU BA YANG ZHES BYA BA'O, ,RTOGS PAR GYUR PAR MI NUS PA NI GNYI GA'I'O, ,GCIG PO NGES LA SOGS PA GANG DAG GI 'BRAS BU YIN PA DE DAG GI NGO BO YIN PA STE, RTOGS PA YOD PA NYID DO ZHES BYA BA DE DAG TZAM NI LAN YIN NO, ,DE'I 'BRAS BU NYID SPYI'I YIN NO ZHES ZER BA NI, SPYI'I ZHES BYA BA'O, ,GSAL BYA RE RE LA NGES PA CAN NI BA LANG NYID BZHIN DU SPYI YIN GYI DE'I 'BRAS BU NYID NI MA YIN TE, RE RE LA MED PA'I PHYIR RO ZHES BSTAN PA NI MA YIN TE BA LANG NYID DU ZHES BYA BA'O, ,THA DAD PA MI 'PHRIGS PA LAS ZHES BYA BA NI 'DZIN PA DES KHYAD PAR MA NGES PA STE, KHYAD PAR RNAMS MNGON SUM BZHIN DU MI 'DZIN PA'I PHYIR RO, ,SPYI YOD PA MA YIN PA NI MI DMIGS PA'O, ,RNAM PAR DPYAD NA ZHES BYA BA NI MNGON SUM GYI BYA BA LA NGES PAR RTOGS PAS SO, ,KHRA BO LA SOGS PA'I DNGOS PO NYID LDOG PA'I BDAG NYID DU RTOGS PA YIN LA, DES NA DE'I RNAM PA CAN DU BSTAN PA NI, 'DI LA BA LANG NGO ZHES BYA BA'O, ,SNANG BA'I SHES PAS YANG ZHES BYA BA NI, MNGON SUM GYIS SO, ,DNGOS PO'I RNAM PA BAG CHAGS KYIS BSKYED PA YIN PA'I PHYOGS LA, GAL TE SHES PA DE SHES PA LA SOGS PA RGOL BA YIN GYI TSU ROL GYI PHYOGS NI MA YIN NO, ,DE'I PHYIR ZHES BYA BA NI DNGOS PO LA MI SLU BA'I PHYIR RO, ,DE'I 'BRAS BU NYID NI NUS PA'AM DE'I 'BRAS BU MA YIN PA RNAM PAR GCOD PA YANG MNGON SUM BZHIN DU RNAM PAR RTOG PAS MI 'DZIN PA MA YIN NAM, RNAM PAR RTOG PA'I RNAM PA NI MNGON SUM GYIS GZUNG BA BZHIN DU SGRA'I YUL LA MA YIN PA NI BDEN MOD KYI, 'ON KYANG DE'I GZUNG BAR ZHEN PAR BYED PA YIN PAR BSTAN PA NI, PHYI ROL NUS PA RNAM GCOD LA, ,ZHES BYA BA'O, ,DE'I MTHAR THUG PA RNAMS LA NI PHYI

ROL DU LTAG PAR ZHEN PA RNAMS LA'O, ,LHAG PAR ZHEN PAS GZHAN SEL BA'I YUL LA YIN TE, SGRA NI GZHAN SEL BAR BYED CING RANG GI DON LA 'JUG PA DANG LDOG PA'I YUL RJOD PAR BYED PA YIN ZHES BSTAN PA NI, PHYI ROL GYI MTHAR THUG PA ZHES BYA BA STE, PHYI ROL DU LHAG PAR ZHEN PA CAN NI PHYI ROL LAS THA MI DAD PA MA YIN PA NI MNGON SUM BZHIN DU SNANG BA MED PAS SO, ,RTOGS PA'I BYA BAR LHAG PAR ZHEN PAR BYA BA'I PHYI ROL MI SNANG BA MA YIN NAM, BLO'I NGO BO NI MNGON SUM BZHIN DU SNANG BA YIN YANG ZHEN PAR BYA BA NI MA YIN NO, ,PHYI ROL DANG SHES PA LAS GZHAN PA'I BRJOD BYA MED DO SNYAM DU SEMS PA NI, RNAM PAR RTOG PA'I GZUNG BA BLO LAS ZHES BYA BA'O, ,'DI LA BSTAN PA NI MA YIN TE THA DAD PAR SNANG BA TZAM NI ZHES BYA BA'O, ,DE'I MTSAN NYID MA YIN PA'I PHYIR RO ZHES BYA BA NI THA DAD PA'I PHYIR DANG MTSAN NYID KYI PHYIR RO, ,LHAG PAR ZHEN PAR BYA BA NYID KYIS SNANG BZHIN PA YIN YANG PHYI ROL NYID RGYU MTSAN MED PA'I PHYIR RAB RIB CAN GYIS SKRA SHAD BZHIN DU NANG GI BA NYID YIN TE, YUL RUNG CAN GYIS MI SHES PA, ,RANG GIS SHES PHYIR DE SHES YIN, ,ZHES BYA BA'I RIGS PAS SO ZHES BYA BA'I DON TO, ,SHES PA'I NGO BO NYID 'DI KHO NA BSTAN PA NI, LDOG PA BZHIN DU ZHES BYA BA'O, ,DON GYI BDAG NYID MIN PA NI ZHES BYA BA NI DON DU GNYER BYA YIN PA'I PHYIR DON TE SHES PA LAS GZHAN NI MA YIN NO, ,'O NA CI ZHE NA SHES PA'I RNAM PA KHO NA YIN TE, THUN MONG BA MA YIN PA'I PHYIR RO, ,PHYI ROL GYI RANG GI MTSAN NYID DU MNGON PAR ZHEN PA'I YUL CAN YIN PA'I PHYIR 'KHRUL PA YIN PA CI LAS SHE NA BAG CHAGS LAS BYUNG BA YIN ZHES BYA BA'O, ,DE DANG DNGOS PO NI MA YIN GYI ZHES BYA BA NI SHES BYA'O, ,DNGOS PO MA YIN PA NI SHES BYA MA YIN PA'O, ,DE NI ZHES BYA BA NI ZHEN PAR BYA BA'I SHES BYA'AM SHES PA'I RNAM PA'O, ,SHIN TU DON BYED BA'I NUS PA'I PHYI ROL GYI 'JUG PA'I YUL LA STE DON BYED PA'O, ,DE DON CAN NI DON BYED PAR RTOGS PA'I DON CAN NO, ,GZHAN SEL BA ZHEN BZHIN PA NI DON BYED PA KHO NA LA YIN PA'I PHYIR, SHES PA'I RNAM PA LA SHES BYAR BRJOD PA'I SKYON MED PAR BSTAN PA NI, SGRAS DON CHA NI ZHES BYA BA'O,,

, ,LHAG PAR ZHEN PAR BYA BA'I GZHAN SEL BA NI KHRA BO LA SOGS PA LA RJES SU 'GRO BA CAN YIN GYI, SHES PA'I RNAM PA'AM SHES BYA DON BYED PA NI MA YIN TE, 'BREL PA MED PA'I PHYIR RO ZHES BSTAN PA NI, RJES 'GRO CAN SGRA ZHES BYA BA'O, ,BLO LAS THA DAD MED PHYIR RO, ,ZHES BYA BA NI BLO BZHIN DU 'BREL PA MED PA'I PHYIR RO ZHES BYA BA'I DON TO, ,DON THA MI DAD DU CIS MI 'GYUR ZHE NA, MTHONG BA GOMS PAS ZHES BYA BA SMOS SO, ,DE'I PHYIR DNGOS NI ZHES BYA BA NI SHES BYA STE NANG MA YIN ZHING PHYI ROL DU YANG BRJOD PAR BYA BA MA YIN NO, ,GAL TE SHES PA'I RNAM PA LAS BYUNG BA'I SGRO 'DOGS PA NI SHES PA YIN GYI, DON GYI NI MA YIN NA DE'I DON LA MTHAR THUG PA NYID YIN PA DE LA MTHAR THUG PAR BRJOD PA JI LTAR YIN ZHES ZER BA LA, DE DNGOS TE SHES PA'I RNAM PA'I DON TO, ,SGRO BTAGS PA NI MNGON PAR ZHEN PA YIN LA DE RTOGS PAS TE, RNAM PA GZHAN LAS BZLOG PA NI DON BYED PA'O, ,RTOGS BYED NI DON PHYIR ZHES BYA BAS DON BYED PA NYID SGRA'I DON DU BRJOD DO, ,'GREL PA YANG DE LTA BU'I TSUL DU BSHAD PAR BYA'O, ,GAL TE SPYI'I DNGOS PO NGES PAR BYA BAR CIS MI 'GYUR ZHES ZER BA LA SHES PA SGRA YIS ZHES BYA BA STE 'BREL PA MED PAR GNAS PA'I SPYI'I 'DZIN PA YIN NA, KA BA 'DZIN PA BZHIN DU RTOGS PA CAN MA YIN PA DANG, BRDZUN PA MA YIN PA YANG SGRA LAS BYUNG BAR 'GYUR BA DANG, DON BYED PA'I KHYAD PAR NYID KYIS KYANG SPYI 'DZIN PA YIN NA BRDZUN PA'I RNAM PAR RTOG PA YANG 'GYUR RO, ,NYID KYI SGRA NI NGES PA'I DON TO, , KHA CIG NA RE DE'I PHYIR 'DIS RNAM PA BZHIN DU SPYI KHAS BLANGS KYANG DON BYED PAR SGRO BTAGS PA'I NGO BO NYID KYIS GZHAN SEL BA'I YUL CAN KHO NAR BRJOD PA YIN LA, NYID KYI SGRAS SNGA MA'I GZHAN SEL BA'I YUL NYID LA SOGS PAR SNANG BA NYID DU RTOGS PAR BYED PA YIN NO ZER RO, ,'DI LA LOG PAR SNANG BA NYID KHO NA LAS GZHAN SEL BA'I YUL NYID YIN GYI RNAM PAR RTOG PA'I DON NI MED DO, ,DNGOS PO'I YUL CAN NYID MA YIN PA NI SPYI'I YUL CAN NYID MA YIN PA'O, ,DNGOS PO'I RNAM PA LTAR ZHES BYA BA NI SPYI TZAM GYI MTHAR THUG PA NYID MA YIN GYI DE'I RNAM PA LA NI MA YIN NO, ,DE LTAR

SNANG BA MED PA KHO NA GNOD PA BYED PA YOD PA YIN NO, ,CIG SHOS NI ZHES BYA BA NI SPYI TZAM GYI MTHAR THUG PA NYID KYI DE'O, ,DE DNGOS SGRO BTAGS RTOGS PA YIS, ,ZHES BYA BAS RNAM PAR RTOG PA'I NGO BO DON BYED PA GZHAN LAS LOG PA'I BDAG NYID DU SBYOR BA YIN NO ZHES BSTAN PA YIN NO, ,YANG NA RNAM PAR RTOG PA'I GZUGS BRNYAN ZHES BYA BA NI RNAM PAR RTOG PA'I NGO BO'I GZHAN SEL BA NI DON BYED PA LA SGRO BTAGS PA YIN NO ZHES RTOGS PA'I DON CAN NYID DO, ,GAL TE RANG GI NGO BOS ZHES BYA BA LA SOGS PAS GNAS SKABS KHO NA LA YONGS SU DPYOD PAR BYED DO, ,RANG GI 'DOD PAS ZHEN PAR BSTAN PA NI, DE'I THA SNYAD KYI YUL NYID DU RNAM PAR 'JOG PA'O ZHES BYA BA'O, ,GZHAN GYI MING GZHAN DU THA SNYAD BYED PA NI RIGS 'KHRUL PA YIN NO, ,DE LA ZHES BYA BA NI NYA PHYIS LA'O, ,RANG BZHIN GZHAN DU DNGUL DU SGRO BTAGS PA'O ZHES BYA STE PHA ROL PO'I 'DOD PA'O, ,SHES PA GZHAN YIN PA'I PHYIR RO ZHES BYA BA'I DON NI GZHAN GYI SHES PA YIN PA'I PHYIR RO, ,DES ZHES BYA BA NI SHES PA GZHAN GYIS SO, ,DE'I RANG BZHIN ZHES BYA BA NI LHAG PAR SGRO BTAGS BZHIN PA'I DNGUL LA SOGS PA'O, ,DE LTA'O ZHE NA ZHES BYA BA'I YOD DO ZHE NA ZHES BYA BA'O, ,GANG LA ZHES BYA BA NI NYA PHYIS LA SOGS PA LA'O, , DE LA ZHES BYA BA NI NYA PHYIS LA'O, ,DE ZHES BYA BA NI DNGUL LO, ,GZHAN GYIS ZHES BYA BA NI SKYES PA GZHAN GYIS SO, ,NYA PHYIS RIG PA NI YUL MA YIN PA'I PHYIR TE, MI SNANG BA'I PHYIR NYA PHYIS LA DNGUL GYI SHES PA YANG DBANG PO LAS SKYES PAR KHAS LEN PA LA GZHAN SMRA BA NI, DBANG PO NYAMS PA LAS ZHES BYA BA'O, ,DE'I NI DNGUL GYIS TE DE'I TSE NYID YOD PA'O, ,THOB PAR BYA BA MED PA'I PHYIR THA SNYAD MI BYED DO ZHES ZER BA NI, 'ON TE THOB PAR BYA BA'O, ,DE'I PHYIR ZHES BYA BA NI SHES PA'I RNAM PA LA PHYI ROL GYI THA SNYAD DU BYED PA'I PHYIR RO, ,DE'I NANG 'DI LTAR THA SNYAD KYI DUS SU SGRA LAS DON GYI KHYAD PAR GYI GZHAN SEL BA RTOGS PA'I PHYIR BRDA YANG DE'I DON GYI KHYAD PAR GYI BDAG NYID KHO NA LA YANG SGRA'I BYAS PA YIN NO ZHES SHES PA YIN PAR BSTAN PA NI, DE'I PHYIR THA SNYAD KYI DUS NA GZHAN SEL BA'I BDAG NYID KYI KHYAD PAR RTOGS PA'I PHYIR BSTAN PA'I DON TO, ,RANG GI MTSAN NYID KYIS THA SNYAD KYIS DUS RANG NYID DE, BDAG

, ,NYID KYIS RTOGS PA'I 'BRAS BU DON GYI KHYAD PAR GANG GI YIN PA DE NI TSIG GI DON DANG GZHAN RANG GI SGRAS BRJOD PA YIN LA, DE'I PHYIR 'DI LTA BU'I 'JUG PA'I YUL DANG DE'I BDAG NYID KYIS BSDUS PA'I GZHAN SEL BA'I BDAG NYID KYI DON BYED PA'I KHYAD PAR NI BRJOD BYA NYID KYI SGRAS 'BREL PAR BYED PA YIN GYI SPYI MA YIN, SPYI MA YIN ZHING SHES BA'I DON YANG MA YIN ZHES BYA BA'I DON TO, ,'BREL PA BYED PA PO'I RANG GI 'DOD PA NI, BRDA NI DON RTOGS DON YIN PAR, ,ZHES BYA BA LA SOGS PA'O, ,GNYI GA YIS KYANG ZHES BYA BA NI SMRA BA PO DANG NYAN PA PO DAG GIS SO, ,GZUGS BRNYAN ZHES BYA BA NI RNAM PAR RTOG PA'I RNAM PA STE, MTSUNGS PA NYID KYIS KHYAB PA CAN GYI BRDA BSTAN PA YIN NO, ,SHIN TU MTHONG BA GOMS PA ZHES BYA BA NI BRTAGS PA NANG KHYAD PAR DAG LA THA MI DAD PAR ZHEN PA'O, ,GOMS PA LA YIN PA LA NI NYE BA TZAM MDUN DU BYAS PA YIN TE, MI SHES PA'I PHYIR RO ZHES BSTAN PA NI, RTOG PA MNGON DU GTONG BA CAN MA YIN PA'I PHYIR YANG ZHES BYA BA NI, BZLOG PAS NI ZHES BYA BA NI RTOGS PA DANG LDAN PA NYID YIN NA'O, ,GZUGS BRNYAN DU RTOGS PA NI BSTAN PA'I DON GANG YIN PA'I BRDA'I YUL GYI KHYAB PA RTOGS PA YIN NO, ,THA SNYAD LAS BRDA RTOGS PA'I KHYAB PA BSTAN PA NI, 'DI KHYER LA SHOG SHIG CES BYA BA'O, ,YANG NA BSTAN PA NI ZHES BYA BA NI 'GREL PA BYED PA'I 'DOD PA BSTAN PA NI BRJOD PA'O, ,DE'I STE GZUGS BRNYAN GYI'O, ,RANG GI NI GZHAN SEL BA'I STE, RTOGS PA NI RANG GI RTOGS PA YIN LA DE GANG GI 'BRAS BU YIN PA DE STE GZUGS KYIS SO, ,'DI LAS KYANG BRDA NI RANG GI MTSAN NYID LA MA YIN ZHING, GZUGS LA YANG MA YIN PAR BSTAN PA NI, GZHAN DU MA MTHONG LA LTOS DANG, ,ZHES BYA BA STE, DE LA SBYOR BA MANG BA STE, KHRA PO LA SOGS PA DE LA SBYOR BA MANG BA NYID KYIS GZHAN LA SBYOR BA MED PAR BRJOD DO ZHES BYA BA'I DON TO, ,LA LAR DE MTHONG LA LTOS PHYIR, ,ZHES BYA BA NI KHYAD PAR RJOD PAR BYED PA NI KHYAD PAR THAMS CAD LA MTHONG BA BRDAR BYED KYI KHA CIG KHO NAR NI MA YIN TE, DE'I KHYAD PAR THAMS CAD LA MTHONG

NA'O ZHES BRJOD DO, ,YANG KHYAD PAR RJOD BYED LA LA KHO NA LA 'GYUR TE, ,LA LAR DE MTHONG BA LA LTOS PAR THAL BAR 'GYUR BA'I PHYIR RO ZHES BYA BA'I DON TO, ,'DI NYID KHO NA YANG NA, LA LAR DE MTHONG LA LTOS PHYIR, ZHES BYA BA LA SOGS PA 'CHAD PAR 'GYUR BA'O, ,'DI NI SPYI'I DNGOS PO BRJOD PAR BYA BA YIN PAR BSGRUB PA'I MNGON SUM LA 'THAD PA MA YIN NAM, DE'I NYE BAR BSTAN PA KHO NAS 'GRUB PA'I PHYIR RO ZHES BSTAN PA YIN NO, ,DE NI DNGOS LA MI RUNG NGO, ,ZHES BYA BA'O, ,THAMS CAD LA NI GSAL BA'O, ,MTHONG BA NI BRDA'I YUL SHES PA STE, DER THAL BAR 'GYUR BA STE, MTHONG BA TZAM LA LTOS PAR 'GYUR GYI, GZHAN DU MA MTHONG BA LA MA YIN NO, ,GZHAN DU MA MTHONG BA LA LTOS PA YIN NA SPYI NYID BRJOD BYA'O ZHES RTOGS PAR MI 'GYUR BAR BSTAN PA NI, SPYI LDOG PA DANG BCAS PAR ZHES BYA BA'O, ,BRJOD BYA MA YIN PA'I THUN MONG MA YIN PA YIN NAM, JI LTAR GZHAN SEL BA'I RTEN YIN ZHES ZER BA NI, GSAL NYID NI ZHES BYA BA'O, ,SPYI NI SGRO BTAGS PA NYID YIN GYI DE SGRUB PA MA YIN PAR BSTAN PA NI, GSAL BA MAD PAR ZHES BYA BA'O, ,KHRA BO NYID LA SOGS PA'I SPYI NYID DE'I RTEN NYID KYIS RTOGS PAR 'GYUR BA YIN GYI, GSAL BA NI MA YIN NO ZHES BSTAN PA NI, DE NI MA YIN TE KHRA BO LA SOGS PA RNAMS KYI ZHES BYA BA'O, ,KHYAD PAR GANG YANG RUNG BA NI GSAL BA NYID KYI'O, ,MTSAN NYID DU GYUR PA ZHES BYA BA NI 'DIS MTSON PAR BYED PAS BYED PA DANG BCAS PAS SO, ,DNGOS PO DANG BRAL BA'I PHYIR ZHES BYA BA NI DON BYED PA DANG BRAL BA'I PHYIR RO, ,SPYI DANG PHYI ROL MA YIN PAR BSTAN PA NI, GAL TE SPYI'AM ZHES BYA BA'O, ,GZHAN LA LDOG PA YANG DON BYED PA KHO NA SGRA'I YUL MA YIN NAM, DE'I PHYIR SLU BAR MI 'GYUR RO ZHES ZER BA LA, RTOGS PA LA NI SLU BA YOD PA MA YIN NO ZHES BYA BA STE RNAM PAR RTOG PA'I GZUGS BRNYAN MTHONG NAS DE LAS GZHAN PA SGRO BTAGS PA'I DNGOS PO LEN PA'I PHYIR SLU BA YIN NO, ,GZHAN ZHES BYA BA NI GZHAN LAS LOG PA'I BDAG NYID DU SGRO BTAGS PA'I DNGOS PO DE NYID KYI PHYIR ZHES BYA BA NI SLU BA LAS MA YIN PA'O, ,YANG NA GZHAN DU ZHES BYA BA LA SOGS PA NI GZHAN LAS LOG PA LA SGRA NI

, ,SLU BA CAN MA YIN TE, RE ZHIG DE NI ZHES BYA BAS BSTAN PA YIN NO, ,GANG LA ZHES BYA BA NI KHYAD PAR LA'O, ,DE 'DI LTAR GZHAN LAS LOG PAS TSIG RNAMS SLU BA YIN PAR BSTAN NAS NGAG GI BSTAN PA NI DNGOS PO 'DI 'ON CIG CES BYA BA STE, BYED PA NAN TAN DU BYA BA'I PHYIR DE'I YAN LAG NYID KYIS TSIG GI DON RNAMS DE DANG LDAN PA YIN GYI RANG DBANG BA DAG GI DON MA YIN NO ZHES BYA BA'I DON TO, ,DON GYIS GO BA DANG ZHES BYA BA NI 'ON CIG CES BYA BA LAS GZHAN DU MI 'THAD PAS SO, ,RJES SU 'GRO BA MED NA RTOGS PA MED PAR BSTAN PA NI, DE LTA NA YANG ZHES BYA BA'O, ,'DI'I MING 'DI YIN NO ZHES BYA BA NI KHYAD PAR GYI'O, ,THAMS CAD KYI TSE ZHES BYA BA NI BRDA'I YUL KHRA BO NI THU YU'I SBYOR BA LA MED PA'I PHYIR RO, ,'DI LA ZHES BYA BA NI KHRA BO LA'O, ,GZHAN LA ZHES BYA BA NI THU YUL STE RTA NGANG PA LA SOGS PA BZHIN NO, ,BRDA MED PAS THA SNYAD MED DO ZHES BYA BAR THAL BAR 'GYUR BA ZHIG NA THA SNYAD NI YOD PA YIN NO, ,DE'I PHYIR GZHAN LAS LDOG PA'I SGRA'I DON YIN NO, ,DE LAS BZLOG PA BSTAN PA NI GZHAN SEL BA'I YUL CAN ZHES BYA BA'O, ,RNAM PAR RTOG PA THAMS CAD GZHAN SEL BA'I YUL CAN MA YIN TE DNGOS PO LA SLU BAS SGRA LAS BYUNG BA NYID SLU BA YIN LA RTAGS CAN NI MA YIN NAM ZHES DNGOS PO LA MI SLU BA'I PHYIR RO SNYAM DU SEMS PA NI, JI STE GANG DU ZHES BYA BA'O, RJES SU DPAG PA LA YANG DNGOS PO'I KHYAD PAR NYID KYIS 'BREL PA MED PA'I PHYIR SLU BA KHO NA YIN PAR BSTAN PA NI, MA YIN TE DER YANG ZHES BYA BA'O, ,ME NGES PAR YOD PA MA YIN NAM ZHES BYA BA NI RGYU YIN TE KHYAD PAR MA YIN PA RGYU MA YIN PA'I PHYIR RO, ,GSAL BA DE LA YANG NGES PA MED PA KHO NA YIN PAR BSTAN PA NI, MA YIN TE ME NI REG PA'I KHYAD PAR ZHES BYA BA'O, ,KHYAD PAR GYI RIM PA ZHES BYA BA NI KHYAD PAR NYID KYI'O, ,MA YIN TE ZHES BYA BA NI PHYOGS SNGA MA DGAG PA'O, ,DER YANG ZHES BYA BA NI 'BRAS BU'I GTAN TSIGS LA YANG NGO, ,RIGS LA SOGS PA YANG YIN LA DE DANG LDAN PA YANG YIN PA'O, ,DES NA ZHES BYA BA NI GZHAN LAS LDOG PA NYID LA ZHES BYA BA DANG SBYAR RO, ,GZHAN

MTHONG BAS ZHES BYA BA NI GZHAN GYIS RTOGS PAS SO, ,DE'I PHYIR RTOG PA MED PA NYID KYANG ZHES BYA BA NI DE LTA BU'I NGO BO'I PHRAD PA'O, ,DE NYID LA ZHES BYA BA DE'I NGO BOR SNANG BA NYID DU BSTAN PA YIN TE, RTOG PA'I RTAGS LA LTOS PA'I PHYIR RO, ,GNYI GA'I LAS SKYES PA NI STOBS 'GYED PA GNYIS LA'O, ,GANG YANG RUNG BA'I LAS LAS SKYES PA NI MTHO YOR DANG KHRA DAG LA'O, ,PHRAD PA LAS SKYES PA NI RGYU NAM MKHA'I PHRAD PA LAS SKYES PA STE 'BRAS BU'I NAM MKHA'I PHRAD PA'O, ,DE LTAR GYUR PA ZHES BYA BA NI BAR MTSAMS MED PA'O, ,DE NYID CES BYA BA NI BAR MTSAMS DANG BCAS PA'I SNGA MA'O, ,PHRAD PA ZHES BYA BA NI BAR MTSAMS MED PAR MTHONG BAR 'GYUR BA'O ZHES NI DE LTA BU'I RNAM PAR RTOG PA'O, ,DE LAS ZHES BYA BA NI BAR MTSAMS MED PA'I GNAS SKABS LAS SO, ,'DI LA BSTAN PA NI, SNGA MA DANG ZHES BYA BA STE BAR MTSAMS DANG BCAS PA NYID BAR MTSAMS MED PA ZHES BYA BAR NI MNGON SUM MA YIN NO ZHES BYA BA'I DON TO, ,GCIG GIS ZHES BYA BA NI 'DI DAG LAS GCIG GIS SO, ,BYA BA 'DI'I DGOS PA YIN NO, ,BAR MTSAMS MED PAR 'BYUNG BA YIN DU ZIN KYANG GZHAN DU MI LTOS PA LA LTOS PA'I PHYIR, GZHAN SEL BA'I YUL CAN YIN LA KHYAD PAR NYID LA BRDA YIN NO, ,GCIG TU NGES PA MED PA NYID KYIS DE'I YUL CAN MA YIN PA DE'I PHYIR, BRDA'I SNGA ROL NA SGRA MED KYANG DON MTHONG BA YIN YANG DE DRAN PA MA YIN PA'I PHYIR RO ZHES BSTAN PA NI, BRDA PHRAD PA'I RGYU CAN GYI ZHES BYA BA STE DE MED NA SNGAR BYUNG BA MA YIN NO ZHES BYA BA'I DON TO, ,'GREL PAR NI DRAN PA YOD NA 'GYUR RO ZHES BYA BA 'DIS MTHONG BA LAS PHYI MA YANG RTOG PA MED PAR SMRA BA YIN NO, ,DE'I RJES SU 'BRANG BA NI DBANG PO'I RJES SU 'BRANG BA'O, ,DE LAS GZHAN PA'I RJES SU 'BRANG BA NI SHES PA SNGA MA'I RJES SU 'BRANG BA'O, , DE'I RJES SU 'BRANG BA YIN ZHES BYA BA NI DBANG PO'I RJES SU 'BRANG BA'O, ,MNGON SUM PA'I DANG PO LA GANG YIN ZHES BYA BA NI SNGA MA DANG LHAN CIG PA NYID DO, ,DE'I ZHES BYA BA NI SNGA MA'I'O, ,'DI DANG ZHES BYA BA NI SNANG BZHIN PA DANG NGO, ,'DI DE DANG ZHES BYA BA NI SNGA MA DANG NGO, ,'DI ZHES BYA

, ,BA NI SNANG BZHIN BA'O, ,DE DANG LDAN PA ZHES BYA BA NI GCIG DANG LDAN PA'O, ,RANG BRGYUD PA ZHES BYA BA NI GCIG PA'O, ,GZHAN DU 'DZIN PA ZHES BYA BA NI DE DANG LDAN LA BRTEN PA NYID KYIS 'DZIN PA YIN NA'O, ,BRDA'I SNGA ROL GYI DE DRAN PA'I BDAG NYID KYI RNAM PAR RTOG PA NI DE MED PA MI 'BYUNG BA YIN GYI PHYIS 'BYUNG BA NI DE LAS BYUNG BA'I PHYIR RNAM PAR RTOG PA CAN KHO NAR 'GYUR RO SNYAM DU SEMS PA LA, DE'I TSE NA YANG RNAM PAR RTOG PA GZHAN YOD KYANG BYUNG BA NI RNAM PAR RTOG PA MED PA'I DON MTHONG BA NI, RNAM PAR RTOG PA CAN NYID DANG 'GAL BAS CIG CAR MI RIGS PAR BSTAN PA NI, GZHAN BA NI SNANG BZHIN PA NI SNANG BZHIN PA LA 'JUG PA'I SEMS KYI RNAM RTOG GANG GI YIN PA DE YANG 'GAL BA'I RNAM RTOG MNGON DU BYED NA, RTA LA RTOG PAR BYED PA NA YANG BA LANG MTHONG BA YIN NO, ,DE YANG 'DI YIN LA BRDA'I DUS SU 'BYUNG BA'I SGRA NI DE'I BRDA YIN LA, DE MI 'DZIN PA NI DE LA RNAM PAR RTOG PA GZHAN MNGON DU PHYOGS PA YOD PA NA GSAL BA KHO NA YIN NO, ,DE 'DZIN PA LAS BYUNG BA NI, DES BSKYED PA'I RTOG PA YIN LA DE MED NA MI 'BYUNG BA ZHES BYA BA'I DON TO, ,RNAM PAR RTOG BZHIN PA NYID NA ZHES BYA BA NI RNAM PAR RTOG PA GZHAN MNGON DU PHYOGS PA YOD NA'O, ,DER YANG DBANG PO LA LHAN CIG BYED PA DRAN PA MED PAR BSTAN PA NI, GANG ZHIG GANG GI ZHES BYA BA'O, ,GAL TE DBANG PO'I BSKYED PA'I 'BRAS BU TZAM RTOG PA MED PA YIN NA, DE DRAN PA'I LHAN CIG BYED PA YOD NA YANG RNAM PAR RTOG PA'I BDAG NYID DU MI 'GYUR TE, 'GAL BA'I PHYIR RO ZHES BSTAN PA NI, GZHAN DU NA ZHES BYA BA'O, ,SNGAR MTHONG BA NGO SHES PA TSAD MA NYID MA YIN LA SNGON PO DANG SER PO SO SOR DMIGS KYANG LHAN CIG DMIGS PA NI GCIG NYID DU GYUR PAR BSHAD ZIN PAR BSTAN PA NI HA CANG THAL BAR 'GYUR RO ZHES BYA BA'O, ,LKOG TU GYUR BA'I RNAM PAR RTOG PA KHAS LEN NA MI DMIGS PA RTOGS PAR BYED PA MA YIN NO SNYAM DU SEMS PA NI, JI STE DMIGS KYANG ZHES BYA BA'O, ,RNAM PAR RTOG PAS KHYAB PA'I THA SNYAD DU BSTAN PA NI, RNAM PAR RTOG PA MED PAR NI ZHES

BYA BA'O, ,DE'I TSE ZHES BYA BA NI DU BA LAS ME RJES SU DPOG PA'I TSE NA'O, ,RJES SU DPAG PA ZHES BYA BA 'DI BAR DU CHOD PA'I ME DU BA LAS RJES SU DPOG BZHIN PA'O, ,LAG PAS REG PAS GRANG BA LA SOGS PA DE LAS GZHAN PA'I ME LA BRTEN NA THA SNYAD RUNG BA GZHAN DES RTOGS PA DE'I PHYIR THE TSOM GYI YUL MA YIN NO ZHES BYA BA'I DON TO, ,DANG PO'I RJES SU DPAG PA BZHIN DU REG PA LA SOGS PA'I RJES SU DPAG PA LA YANG RIGS PA MTSUNGS PA'I PHYIR THE TSOM DU MI 'GYUR BAR BSTAN PA NI, REG SHES ZHES BYA BA'O, ,BLO SNGON DU BTANG NAS BYAS PA ZHES BYA BAS NI DNGOS PO DANG 'BREL PA MED PA'O, ,MI'I RJES SU DPOG PA DANG MTSUNGS PA MA YIN PA'I RNAM PAR RTOG PA'I RJES SU DPAG PA NI SNANG DU RUNG BAR RANG BZHIN GCIG PA'I PHYIR RNAM PAR RTOG PA RNAMS RANG RIG PA NYID KYIS SO ZHES BSTAN PA NI, DE LTAR RTOG PA'I SGRUB BYED MIN, ,ZHES BYA BA'O, ,'DI LA GOMS PA MED PA'I PHYIR GOMS PA MED PA STE SKYES BU'I NI 'GYUR MIN ZHES BYA BA DANG SBYAR RO, ,DE NYID DU 'GYUR BA NI GOMS PA DANG LDAN PA NYID YIN NO, ,MED PAR YANG ZHES BYA BA NI DPYOD PA LA SOGS PA'O, ,MTHONG BA DE DAG LA ZHES BYA BA NI DE KHO NA LTAR MTHONG BA YIN NO ZHES BYA BA'I DON TO, ,GAL TE MI 'DZIN NA ZHES BYA BA DANG SBYAR RO, ,RTOG PA MED PA YOD PA NI BDEN MOD KYI DE NI TSAD MA MA YIN TE, NGES PA MED PAS NGES PAR GZUNG BA'I YUL MA YIN PA'I PHYIR RO, ,NGES PA SKYED PAR BYED PA NYID KYIS NI MIG LA SOGS PA BZHIN DU BTAGS PA'I TSAD MA YIN NO, ,GANG GI TSE MTHONG BA'I DON LA YANG NGES PA SKYED PA MA YIN PA DE'I TSE TSAD MA YIN TE, GZHAL BYA NGES PAR MI 'DZIN PA'I PHYIR RO SNYAM DU SEMS PA LA, NGES PAS KYANG 'DI NI YUL DU RNAM PAR 'JOG PA'I YUL BRJOD PA YIN PAR BSTAN PA NI, GZUGS ZHES MTHONG BA NA ZHES BYA BA STE, RTOGS PA NI BDAG NYID LA MI RTAG PA NYID DU 'JOG PAR BYED PA YIN NO ZHES BYA BA'I DON TO, ,JI LTAR MTHONG ZHES BYA BA NI RNAM PA GANG GIS TE RTOG PAS NI MA YIN TE, GANG GI PHYIR PHYI ROL GYI RNAM PAR RTOG PAR BYED NA RANG NYID LA RNAM PAR RTOG PA MI SRID DE 'GAL BA'I PHYIR RO ZHES BYA BA'I DON TO, ,RTOG PA MED PA YIN NA DE LTAR RANG NYID LA PHYI ROL DU RNAM PAR

, ,RTOG PAR BYED KYANG NGES PAR BYED PA MA YIN NO SNYAM DU SEMS PA LA NYAMS SU MYONG BA YANG YOD CES BYA BA STE, 'DI'I NYAMS SU MYONG BA'I BDAG NYID KYIS NGES PA GZUNG BA NI NGES PA MED KYANG YOD PA YIN TE, DE MED NA YOD PA NYID KHO NA NI BSGRUB PAR DKA' ZHES BYA BA'I DON TO, , RIGS PA'I NGO BO'I RTOG PA LA BDAG NYID DANG BDAG NYID MA YIN PA LA YANG RUNG BA DE NYID RNAM PAR RTOG PA CAN NYID DU 'GAL BA YIN PAR BSTAN PA NI, DE NYID KYIS MYONG BA YIN NA NI ZHES BYA BA'O, ,GCIG NYID NI RIM PA MA YIN PAS KHYAB PA YIN PA DANG RIM PA DANG 'GAL BA'I KHYAB PA YIN PAR BSTAN PA NI, GAL TE BLO GCIG CES BYA BA'O, ,DE YANG NI RIM PA MA YIN PA YANG NGO, ,THUG PA MED PA ZHES BYA BA NI GCIG NYID DANG RIM PA 'GAL BA KHYAB PA YIN NO ZHES BYA BA DE NYID SLAR 'KHOR BA YIN NO ZHES BYA BA'I DON TO, ,GCIG NYID LA RIM PA YANG RIM PA MA YIN PA'I KHYAB BYED DANG 'GAL BA YIN PAR BSTAN PA NI, GZUGS LA MNGON PAR ZHEN PA'I GNAS SKABS NA ZHES BYA BA'O, ,MNGON PAR ZHEN PA NYID NI MNGON PAR ZHEN PA PO YIN TE, DE LA GZHAN DU RTOG PAR BYED NA DE LA YANG GZHAN YIN PA'I PHYIR THUG PA MED PAR BSTAN PA NI, DE LA YANG GZHAN GYIS ZHES BYA BA'O, ,GZUGS KYI RTOG PA'I RANG GI NGO BO LA BDAG NYID DU GYUR PA'I RTOG PA MA MTHONG BA BZHIN DU GZHAN DU GYUR PA'I RNAM PAR RTOG PA MA MTHONG BA BSHAD PAR BYA'O ZHES BSTAN PA NI, DES NI DUS MTSUNGS RNAM PAR SHES, ,ZHES BYA BA STE, GZUGS BZHIN DU DE'I NYAMS SU MYONG BA LA NYAMS SU MYONG BA NI BRTAGS PA MA YIN NO ZHES BYA BA'I DON TO, ,GZUGS ZHES BYA BA LA GZUGS LAS GZHAN BA'I RNAM PAR RTOG PA NYAMS SU MYONG BA JI LTAR DE BZHIN DU DE LTAR BUR GYUR PA NYAMS SU MYONG BA YANG DE LAS GZHAN PA DANG RTOGS PA YANG YIN NO SNYAM DU SEMS PA LA DES NA ZHES PA STE GZUGS NYAMS SU MYONG BA BZHIN DU DE NYAMS SU MYONG BA'I LAS NYAMS SU MYONG BA GZHAN NYID YIN NA DE YANG GZHAN YIN PA'I PHYIR THUG PA MED PAS GZUGS NYAMS SU MYONG BA MED CING DE'I NYAMS SU MYONG BA YANG MED PA'I PHYIR RANG RIG PA NYID LA NYAMS SU MYONG BA BTZAL BAR BYA'O ZHES BYA BA'I DON TO, ,

THA SNYAD PA RNAMS DON 'DZIN PAR 'DOD PA MA YIN GYI 'ON KYANG DON RTOGS PAR BYED PA MA YIN NA, DUS GZHAN DU DON SHES PA NYID KYIS GZHAN DU MI 'THAD PAS DON SHES PA YIN NO ZHES GO BAR BYED DO SNYAM DU SEMS PA LA, 'DAS PA LA NI DRAN PAR 'GYUR, ,ZHES BYA BA STE, NYAMS SU MYONG BA'I SHES PA NYID KHO NA SHES SO ZHES DRAN PA YIN GYI BLO GZHAN GYIS 'DZIN PA 'DAS PA NYID KYIS MED PA'I PHYIR 'DZIN PAR BYED PA NI MA YIN NO, ,GANG GI PHYIR MED PA DMIGS PA MA YIN TE, DMIGS PA NYID KHO NA LA YOD PAR THA SNYAD YIN PA'I PHYIR RO ZHES BYA BA'I DON TO, ,SKYES PA'I DON GYI SHES PA NI RANG GI SHES PA SKYE BA'I DUS KHO NA NA GNAS PA MA YIN NAM, GANG GI PHYIR SHES PA GNYIS KYIS LHAN CIG SKYES PA DGAG PA YIN GYI LHAN CIG GNAS PA NI MA YIN TE, SKAD CIG PA NYID KYANG MYUR DU 'JIG PA'I BSAM PAS YIN NO SNYAM DU SEMS PA LA, GZHAN GYI BLO ZHES BYA BA'O, ,BLO NI BLO GZHAN GYI DUS SU GNAS PA MA YIN TE, SKYES PA'I DUS BZHIN DU DON NYAMS SU MYONG BA RJES SU 'JUG PAR THAL BAR 'GYUR BA'I PHYIR RO, ,'ON KYANG RTOGS PA TZAM GYIS SO, ,DE LTA NA SNGON PO'I SHES PA SER PO LA SOGS PA'I SHES PA GZHAN LAS KHYAD PAR MED PAR RTOGS PAR 'GYUR TE RNAM PA MED PA'I PHYIR RO, ,RANG DANG GZHAN GYI SHES PA'I RNAM PA'I DBYE BA MED PAR YANG 'GYUR RO, ,GANG GI PHYIR BDAG DANG YID PHRAD PA SKYES BZHIN PA'I SHES PA NI MNGON SUM MA MA RJES SU DPAG PA YANG MA YIN TE, MING THA DAD PA TZAM GYIS BYE BA YIN TE, GZUNG BA'AM 'DZIN PA'I SHES PA LA YANG RANG LA YONG PA'I KHYAD PAR MED PA'I PHYIR DANG, KHYAD PAR DU BYED PA GZHAN YANG MED PA'I PHYIR RO ZHES BYA BA'I DON TO, ,GZHAN DANG 'BREL PA CAN GYI BLO DE'I YONGS SU GCOD PA DE DANG GCIG PA'I RANG GI BLO YIN LA, DE'I BLO YONGS SU GCOD PA'I RANG RIG PA'I RNAM PA DAG BAS LEN PA'I PHYIR RO ZHES BYA BA'I THA TSIG GO, ,SNGAR YANG ZHES BYA BA NI GANG GI TSE DA LTAR GYUR PA'O, ,'DAS PA NYID DU KHAS LEN NA DA LTAR BA NYID DU MI 'GYUR BAR BSTAN PA NI, KUN TSE 'DAS PA'I DNGOS PO YIN PAR ZHES BYA BA'O, ,'GAL LO ZHES BYA BA NI GCIG NYID LA RIM PA LA 'GAL BA KHYAB PA YIN LA,

, ,RIM PA YANG DE LA 'DI'I KHYAB PAR BYED PA DANG 'GAL BA YIN NO, ,RANG GI NGO BO 'DZIN PA'I 'BREL BA CAN RTOGS PA NI DE'I MED PA KHO NA ZHES BYA BAR SBYAR RO, ,'DAS PA'I SHES PA GZHAN GYIS RIG BZHIN PA NI GZHAN GYI BLO'I RTOGS PA DANG MTSUNGS PAR 'GYUR BA YIN GYI DA LTAR NI MA YIN NO ZHES BSHAD DO, ,GAL TE MYONG BA ZHES BYA BA NI GZUGS KYI SHES PA'O, ,JI LTAR GZHAN GYI SHES PA LKOG TU GYUR PA BZHIN DU RANG GI SHES PA YANG 'DZIN PAR BYED PA'I DUS SU 'DAS PA YIN PAS LKOG TU GYUR PA YIN PAR BSTAN PA NI 'DAS PA LKOG GYUR CES BYA BA'O, ,RANG GI BLO LKOG TU GYUR PA MA YIN NO, ,GANG GIS GZHAN GYI BLO YONGS SU GCOD PA DANG MTSUNGS PA NYID DU 'GYUR RO, ,'ON KYANG MNGON SUM PA YIN PAS GZUGS BZHIN DU 'DZIN PAR BYED PA GZHAN GYIS GZUNG BA YIN NO SNYAM DU SEMS PA NI CI STE RANG GI BLO NI ZHES BYA BA'O, ,DE NYID CES BYA BA NI SHES PA GZHAN GYIS RTOGS BYA NYID YIN NA RJES SU DPOG PA'I RTOGS BYA DANG MTSUNGS PA NYID KHO NA YIN TE, RTOGS BYA'I NGO BO RTOGS PA LA KHYAD PAR MED PA'I PHYIR RO, ,MNGON DU BYED PA'I RANG BZHIN DU ZHES BYA BA NI RANG RIG PA LA'O, ,'DZIN BYED 'BYUNG BA'I DUS SU GZUGS 'DZIN PA'I BYA BA BYED PA'I SHES PA NYID GZUNG BYA MA YIN NAM SNYAM DU SEMS PA LA, DON RIG 'DAS PA ZHES BYA BA STE, DE LTA BU'I NI 'DZIN PAR BYED PA'I DUS NA 'DAS PA KHO NA YIN NO ZHES BYA BA'I DON TO, ,'DAS PA ZHES BYA BA NI MNGON SUM GYI YUL MA YIN PA NYID DO, , DPE DAG DANG BRAL BA ZHES BYA BA NI RJES SU DPAG PA'I YUL MA YIN PA NYID DO, ,RTAG NI YOD MIN TE ZHES BYA BA NI MED NA RJES SU DPAG PA MED PA STE, SHES PA NYID NI BLO NYID YIN TE DBANG PO LA SOGS PA'I BYED PA LAS BYUNG BA YIN NA NANG GI BDAG NYID KYI 'GYUR BA'I RANG BZHIN GYI BLOS CI ZHIG BYA, DBANG PO LA SOGS PA'I BYED PA NI BLO MA YIN TE SEMS PA CAN MA YIN PA'I PHYIR LA, SEMS PA CAN NI BLO YIN PA'I PHYIR RO, ,'GREL PA BYED PA POS NI DPE DANG BRAL BA DANG, RTAGS MED PA NYID LA, RGYU YIN ZHES BSHAD PA NI, ,SHES PA 'DAS PA LA DPE NI MED DE ZHES

BYA BA'O, ,RIG PA NYID CES BYA BA NI RANG RIG PA NYID LA STE, RNAM PAR DBYE BA NI RANG DANG GZHAN DAG GI RJES SU DPAG PA'O, ,SNGA MA'I BLO DE DA LTAR BLO GANG GIS YIN PA DE NI DE'I SNGA MA YANG LA BLO YANG YIN PA DE NI 'DZIN PAR MI 'GYUR TE, RANG RIG PAR BYA BA MA YIN PA'I PHYIR RO ZHES BSTAN PA NI GZUGS LA SOGS PA NI ZHES BYA BA'O, ,DE BLO GZHAN GYIS 'DZIN PA KHAS LEN NA DE'I 'DZIN PA BTZAL DOGS SO, ,GZHAN DU NA SNGA MA 'DZIN PA MI SROD PAR 'GYUR LA, DE BZHIN DU DE'I YANG ZHES THUG PA MED PAR BSTAN PA NI, DE LAS GZHAN PA'I BLO ZHES BYA BA'O, ,RGYUR GYUR PA DE'I SNGA MA'I BLO DE 'DZIN PAR 'DOD PAR NI MI 'GYUR TE BAR DU CHOD PA'I PHYIR RO, ,'DI'I DON BSHAD PA NI, BLO'I BLOS DE DE MA THAG TU SNANG BA CAN GANG YIN PA ZHES BYA BA'O, ,BAR MTSAMS MED PA'I GZUGS KYI BLO NI GZUNG BAR MI 'GYUR TE, BLO'I BLOS SKAD CIG RE RE ZHING BAR DU CHOD PA'I PHYIR ZHES BSTAN PA NI DE LTA YIN NA ZHES BYA BA'O, ,BRDAR BYA MI NUS PA ZHES BYA BA NI RTOG PA MED PA NYID LA GTAN TSIGS KYI TSIG GO, ,SBYOR BAR MI RUNG BA'I NYE BAR MTSON PA BSTAN PA NI, RANG GI NGO BO NYID KYIS NI ZHES BYA BA'O, ,DON DAM PA MA YIN DU ZIN KYANG BRTAGS PA LA NI 'GYUR RO SNYAM DU SEMS PA NI CI STE 'DI NI ZHES BYA BA'O, ,BRDA'I DUS SU 'BYUNG BA'I BA LANG NGI SGRA'I BRJOD BYA NYID NI NYE BA MA YIN PA'I SBYOR BA YIN GYI, MNGON SUM MA YIN PAR BSTAN PA NI, 'DI NI BA LANG GI SGRA'I BRJOD BYA YIN TE, DE KHO NA LTAR NGES PA'I PHYIR RO ZHES BYA BA'O, ,DE 'DI LTAR MA NGES PA'I YUL CAN GYI RTOG PA NI NGES PA 'DZIN PA MA YIN LA, DE 'DZIN PAR BYED PA'I SHES PA RTOG PA MED PA BTZAL DGOS SO ZHES BSTAN PA NI RTOG PA MED PA MED NA NI ZHES BYA BA'O, ,DE DANG DON GCIG PA ZHES BYA BA NI SGRA DANG YUL MTSUNGS PA'O, ,DE 'DZIN PA'I SHES PA DANG LHAN GCIG PO DE LA RAG LAS PA'ANG 'DI LA, SHES PA YIN PA NGES GZUNG BAR BYA BA NYID DO, ,RGYU MTSAN GANG GIS KYANG RTOGS PA PA'I GZHI MTHUN PA NYID DU BSTAN PA NI, DON GCIG BYED PAS ZHES BYA BA'O, ,SHES KUN ZHES BYA BA NI SGRA LAS BYUNG BA YANG NGO, ,RIG PAR BYA BA NI RIG PA'I YUL LO, ,'O NA

, ,DE ZHES BYA BA NI SPYI'O, ,DE NYID CES BYA BA NI SPYI NYID DO, ,DE'I TSE ZHES BYA BA NI KHYAD PAR TZAM SNANG BA'I DUS SU'O, ,DE'I ZHES BYA BA NI SPYI'I'O, ,DE NYID KYIS ZHES BYA BA NI KHYAD PAR GYIS SO, ,DE'I NI SPYI'I'O, ,DE KHO NA NYID NI KHYAD PAR NYID DO, ,GAL TE DER ZHES BYA BA NI SNGAR MTHONG BA'I SPYI'I NGO BO STE, GCIG NYID DU MI SNANG BA ZHES BYA BA DANG SBYAR RO, ,RGYU MED PAS ZHES BYA BA NI RGYU MIG LA SOGS PA MED PA STE, RANG RIG PA BZHIN DU DON GYI SHES PA RTOG PA MED PA DANG DE BZHIN BRDAR BYAR MI NUS PA ZHES BYA BA YIN LA, GAL TE RTOG MED 'GA' ZHIG KYANG, ,YONG NA ZHES BYA BA NI KHYAD PAR RTOGS PA BZHIN DU SGRA DANG MTSUNGS PA'I YUL MA YIN PA'I PHYIR RNAL 'BYOR PA'I YID LA SOGS PA'I SHES PA RTOG PA MED PAR BSTAN PA NI YIN NO, ,DE'I PHYIR ZLOS PA MA YIN NO ZHES BYA BA'I DON TO, ,DE DANG MTSUNGS RGYU CAN ZHES BYA BA NI NGES PA'I YUL CAN NO, ,RTOG PA DANG RTOG PA MED PA DAG NI MA NGES PA DANG CIG SHOS KYI YUL NYID KYIS RGYU MTSUNGS PA CAN MA YIN PAR BSTAN PA NI, PHYI ROL DON LA LTOS MED PAR, ,ZHES BYA BA NI 'DI SBYOR BA'I RANG BZHIN YANG YIN LA, MI DPYOD PA LA SOGS PA'I RANG BZHIN GYI RTOG PA YANG YIN PAS, DBANG PO'I SHES PA DANG DE YANG NGO ZHES GNYIS GNYIS PA'I BSDU BA'O, ,RANG GI NGO BO STE SKYE BA NI RANG GI NGO BO'O, ,DE LA TSOGS PA DE'I DNGOS PO NI SKYE BA STE DE LA BRTEN PA'I PHYIR DE LA RTEN CAN YIN GYI, DE LA BRTEN PAS NI, 'GAL BA'I TSOGS PA'I NGO BO LA BRTEN PA'I RANG BZHIN GYIS NI MA YIN NO, ,SGRA DANG SPYI LA SOGS PA DANG 'BREL PA'I ZHES BYA BA NI DON JI SNYED PA KHO NA MING GI SGRA RNAMS YIN NO ZHES BSTAN PAS SGRA DANG 'BREL PA CAN YIN NO, ,PHYI ROL DANG SGRA LA SOGS PA'I 'BREL PA KHAS BLANGS NAS BSTAN PA NI, GANG ZHIG GANG DANG ZHES BYA BA'O, , SGRA DANG LHAN CIG PA NYID DON LA MED DO ZHES BYA BA NI SGRA MI 'DZIN PAR ZHES BYA BA'O, ,BRDA 'DZIN PA LAS SNGA ROL DU BRJOD BYA NYID DU MI DRAN PA'I PHYIR RTOG PA MED PAR NI BDEN MOD KYI DUS PHYIS DRAN PA DANG LHAN CIG BYED PA'I DBANG PO LAS SKYES PA RNAM PAR RTOG PA CAN YIN NO ZHES ZER BA NI JI STE 'GYUR NA

YANG 'DI BA LANG NGO ZHES BYA BA STE, PHYI ROL DON LA LTOS MED PAR, ,ZHES BYA BA LA SOGS PA NI MI RIGS SO ZHES BYA BA'I DON TO, ,NGES PA CAN GYI DRAN PA NI 'BAD PA LA SOGS PA LAS MI 'BYUNG BAS DON MTHONG BA LAS 'BYUNG BA DE'I PHYIR DON MTHONG BA NI DU BA LA SOGS PA BZHIN DU BRDAS MTHONG BA'I DRAN PA NYID LA BYA BA BYED PA YIN GYI, MNGON SUM SKYED PA LA NI MA YIN NO ZHES BSTAN PA NI, GAL TE GZUGS NI BRDA DRAN NA ZHES BYA BA'O, ,ME DANG 'BREL PA'I DU BA NI ME DRAN PAR BYED PA MA YIN NAM, GZUGS KYANG SGRA DANG 'BREL PA CAN GZUNG BA NYID YIN TE, GANG GI PHYIR BRDA NI BRJOD BYA RJOD BYED KYI NGO BOR RTOGS PAR BYED PA NYID KHO NA DON GYI RJES SU 'GRO BA DANG LDOG PA DANG BRAL BA SGRA DANG DON DAG GI 'BREL PA DNGOS SU MA YIN DU ZIN KYANG SKYES BU'I BLOS DE LTA BU KHO NA RNAM PAR 'JOG PA YIN NO, ,GZHAN DU NA BLO'I RGYU MTSAN YOD PA KHO NAR MI 'GYUR RO ZHES BYA BA'I DON TO, ,SGRA DANG DBYUG PA LA SOGS PA BZHIN DU BA LANG NYID LA SOGS PA'I SPYI MTHONG BA DRAN PA MA YIN PAR BSTAN PA NI, 'ON TE SPYI MTHONG BA ZHES BYA BA'O, ,LKOG SHAL LA SOGS PA'I YAN LAG DANG LDAN PA MTHONG NAS DE DANG 'DRA BA'I YAN LAG DANG LDAN PA MTHONG BA DRAN PA KHO NA YIN PAR BSTAN PA NI, CHA SHAS MTSUNGS PA NYID NI ZHES BYA BA STE, 'DRA BA NYID NI GZHAN MTHONG BAS RNAM PAR RTOG PA MTHONG BA'I YUL CAN YIN PA'I PHYIR BAG CHAGS TZAM LAS BYUNG BA NI TSAD MA MA YIN TE, GTZO BO DANG DBANG PHYUG LA SOGS PA'I RNAM PAR RTOG PA BZHIN DU'O ZHES BYA BA'I DON TO, ,SBYOR BA NI ME DANG NGO ZHES BYA BA DANG SBYAR RO, ,DBANG PO'I SHES PA NI ME MA BZUNG BAS SBYOR BAR BYED PA'I BDAG NYID MA YIN PAR BSTAN PA NI, DBANG PO'I SHES PA ZHES BYA BA'O, ,DE MA THAG TU ZHES BYA BAS NI DBYE BA MED PA LA YANG THA DAD PAR THA SNYAD 'DOGS PA NYID DU BSTAN TO, ,DE YANG THOG MA MED PA NAS ZHES BYA BA NI DE LTA BU'I BAG CHAGS KYI SNYING PO CAN GYI RTAGS KYI SHES PA SBYOR BA'I NGO BO NI RJES SU DPAG PA SKYED PAR BYED CES BYA BA'I DON TO, ,RJES SU DPAG PAS SBYOR BA MED PA'I SKYON RJES SU BRJOD NAS DGAG PA BYED PA NI RJES SU DPAG PA YANG ZHES BYA BA'O, ,GZUGS LAS DRAN PA YID

, ,LA DE LAS KYANG MNGON SUM MA YIN NAM SNYAM DU SEMS PA LA DRAN PA DE LAS DE'I NGO BO DANG 'BREL PA STE NYE BA YIN NA NI DE DANG 'BREL PA YIN LA, DE LAS SKYES PA DRAN PA GANG GI YIN PA DE LAS DBANG PO'I BLOR 'GYUR RO ZHES BYA BA DE TZAM NI DRI BA YIN NO, ,LEN NI DRAN PA KHO NA LAS 'GYUR 'O ZHES GNAS SKABS LAS SO, ,'ON TE DRAN PA'I DUS SU YANG DON KHO NA LAS 'BYUNG BA NI DE LA MIN PA STE, DBANG PO'I BLOR MI 'GYUR BAR BSTAN PA YIN TE, DE'I TSE NA DON MED PA'I PHYIR RO, ,YANG NA NYAMS SU MYONG BA MED PAS DRAN PA NYID MED PA'I PHYIR DE'I BSKYED BYAR MI 'GYUR BA NYID BSTAN PA NI, MIN PA'AM DE LAS ZHES BYA BA STE DRAN PA LAS SO, ,DE LTAR DON LAS GZHAN LA DRAN PA BYUNG NA YANG BAG CHAGS SAD PA LAS 'BYUNG BA YIN LA, DE'I SAD PA YANG DON NYE BA'I DUS NA STOBS DANG LDAN PA 'GA' ZHIG GIS RNAM PAR G-YENGS PAS DUS GZHAN DU STE, DON ZHIG PA'I DUS SU 'BAD RTZOL LA SOGS PAS 'BYUNG ZHING DRAN PA SKYED PAR BYED LA, DE YANG MNGON SUM MA YIN PA'I PHYIR DON ZHIG PA NA YANG DBANG PO'I BLOR 'GYUR RO ZHES BSTAN PA NI, DUS GZHAN DU YANG ZHES BYA BA'O, ,'GREL PAR NI GSAL BA YIN NO, ,GZUGS NI SNGA ROL DU DRAN PA SKYED PAR BYED PA YIN LA, DE NAS RTOG PA DANG BCAS PA'I MNGON SUM MA YIN NAM SNYAM DU SEMS PA NI, GAL TE RIM GYIS ZHES BYA BA'O, ,DRAN PA SKYED PAR BYED PA'I DUS NYID DU MNGON SUM YANG SKYE BAR 'GYUR TE, NUS PA LA KHYAD PAR MED PA'I PHYIR RO ZHES BSTAN PA NI, THA DAD MED PHYIR ZHES BYA BA'O, ,THA DAD MED PHYIR NI SNGA MA DANG PHYI MA'I DUS DAG GCIG PA'I PHYIR RO, ,DE LTAR MTHONG BA DE NYID CES BYA BA NI DES BYAS PA'I KHYAD PAR MTHONG BA'I PHYIR ZHES BYA BA'I DON TO, ,DE DNGOS MIN NA ZHES BYA BA NI DE'I GZUNG BA LAS THA DAD PA SGRA DANG DBYUG PA LA SOGS PA'I KHYAD PAR LAS SO, ,SKAD CIG PA YIN PA'I PHYOGS LA GZUGS KYI SKAD CIG MA DANG PO NI DRAN PA'I RGYU YIN LA, GNYIS PA MNGON SUM GYI YIN NO SNYAM DU SEMS PA NI, DBANG PO'I BLO RGYU GZHAN YIN NA ZHES BYA BA'O, ,PHYOGS DE LA YANG SKAD CIG MA DANG PO'I YUL CAN GYI DRAN PA NI SKAD CIG MA GNYIS PA LA 'DZIN BAR BYED PA'I MNGON SUM LA DON MED PA

STE, DGOS PA MED PA NI RGYU MA YIN NO ZHES BYA BA'I DON TO, ,DON MED PAR 'GYUR ZHES BYA BA BSHAD PA NI, BRDA DRAN JI LTAR ZHES BYA BA STE, BRDA'I YUL NI DRAN PA'I YUL YIN LA, DE LAS GZHAN PA NI MNGON SUM GYI YUL YIN PA DE'I PHYIR 'DI GNYIS LA 'BREL PA MED DO ZHES BYA BA'I DON TO, ,'GREL PAR BSHAD PA NI THAMS CAD DU GSAL BA KHO NA YIN NO, ,DES NI ZHES BYA BA NI DPYOD PAS SO, ,'DI NI ZHES BYA BA NI RNAM PAR RTOG PA'O, ,DES ZHES BYA BAS NI BRDA DRAN PAS SO, ,BRDA NI SPYI'I YUL CAN YIN PA'I PHYIR DE'I YUL GYI DRAN PA LAS BYUNG BA YANG SPYI'I YUL CAN NYID MA YIN NAM SNYAM DU SEMS PA LA SPYI'I TZAM 'DZIN PA YIN NA NI ZHES BYA BA STE, MNGON SUM DANG RNAM PAR RTOG PA DAG NI 'DZIN PA DANG ZHEN PA DAG GIS KHYAD PAR KHO NA YUL DU BYED PA YIN NO ZHES BYA BA'I DON TO, ,KHYAD PAR LA LTOS PA NI KHYAD PAR LA ZHEN PA'O, ,DE'I PHYIR MIG DANG ZHES BYA BA'I DANG GI SGRA NI NGES PAR GZUNG BA LA YIN TE DES NI DRAN PA MA YIN NO ZHES BYA BA'I DON TO, ,GAL TE CI'I PHYIR ZHES BYA BA LA SOGS PA NI, GAL TE DNGOS SU ZHES BYA BA LA SOGS PA'I TSIGS SU BCAD PA GNAD KYI DON ZER BA LA, DBANG PO'I SGO NAS MA YIN ZHES BYA BAS DBANG PO'I KHYAB CHES PA NYID DU BSTAN PA'O,, YUL GYI RANG GI NGO BO ZHES BYA BAS KHYAB PAR BYED PA MA YIN PA NYID DO, ,YUL GYIS BSKYED PA YANG ZHES BYA BA 'DI NI DPYOD PAR BYA BA MA YIN NAM, DRAN PAS BYAS PA'I KHYAD PAR MA MTHONG BA LAS MNGON SUM DON GYI BSKYED BYA YIN YANG, DE'I BSKYED BYAR NI MI 'GYUR TE, DER THA SNYAD 'DOGS PA MA MTHONG BA'I PHYIR RO SNYAM DU SEMS PA NI GAL TE DNGOS SU ZHES BYA BA 'DIS BRGYUD PAS BSKYED PAR BYA BA RJES SU DPAG PAR BYA BAS GCOD PA YIN NO, ,MNGON SUM DU THA SNYAD GDAGS PA'I YUL GYI SHES PA'I KHYAD PAR GYI DBANG DU BYAS NAS 'DRI BA 'DI DANG LAN YANG BTAB PA YIN TE, DES NA DON GYI NUS PAS PHAN 'DOGS PA NYID KYI SGO NAS ZLA BA GNYIS PA LA SOGS PA'I SHES PA RTOGS PA MED PA SGRUB PAR BYED PA NI MA YIN PA'I PHYIR SKYON MED DO, ,'ON TE 'DIS DBANG PO'I BSKYED PA NYID NYE BAR MTSON PA'I PHYIR ZLA BA GNYIS KYI SHES PA LA SOGS PA BSDUS PA DE LTA NA MNGON SUM NYID DU

, ,YANG 'GYUR RO, ,RTOGS PAR BYED PA NYID YOD PA DANG MED PA'I RGYU MTSAN CAN DU THA SNYAD PA'I MED PA DANG, YOD PA DAG YIN GYI, RGYU NYID TZAM NI YOD PA DANG MED PA'I RGYU MTSAN CAN DAG MA YIN NO ZHES BYA BA'I DON BSTAN PA NI, GO BAR BYED PA NYID MTHONG NAS ZHES BYA BA STE, GANG GI PHYIR RGYU MTSAN GZHAN GYI THA SNYAD 'DOGS PA MED PA NI RGYU NYID MED PA RTOGS PAR BYED PA MA YIN NO ZHES BYA BA'I DON TO, ,GO BAR BYED PA NYID DU MA 'KHRUL PA CAN NYID NI THUN MONG MA YIN PA NYID DU THA SNYAD GDAGS PA'I NGES PAR SBYOR BA'I YUL YIN LA, DE SKYED PAR BYED PA NI LKOG SHAL LA SOGS PA LA BA LANG GI THA SNYAD 'DOGS PA BZHIN DU'O, ,DE TZAM LAS BYUNG BA NYID DU RTOGS PA'I YUL DES KYANG YUL CAN DE'I NGES PAR SBYOR BA RTOGS PA YIN NO ZHES BSTAN PA NI DE YOD CES BYA BA STE, GO BYED NYID KYI YUL DBANG PO'I THA SNYAD LA YOD PA YIN GYI YUL GYI THA SNYAD LA NI MA YIN NO, ,DE'I YUL GYI CHOS TE YUL CAN SBYAR BA NYID NI NGES PAR SBYAR BA STE, MTSON PA'I RGYU LA NI YUL GO BYED YIN LA, YUL CAN GO BYA YIN NO, ,DE NI YUL MA YIN PA'I PHYIR ZHES BYA BA NI ZLA BA GNYIS KYI SHES PA GO BYA'I'O, ,GAL TE DE NI ZHES BYA BA STE ZLA BA GNYIS SHES PA MNGON SUM YIN YANG YUL MA YIN NA GZHAN GYI STE, RJES SU DPAG PA'I YUL YIN PAR JI LTAR 'GYUR ZHES BYA BA DANG SBYAR RO, ,DBANG PO NYID DE BZHIN DU MA YIN TE SHES PA GCIG NYID LA LTOS NA DE'I RGYU YIN ZHING RGYU MA YIN PA YANG YIN ZHES YOD PA DANG MED PA'I KHYAD PAR CAN MA YIN NO ZHES BSTAN PA NI DBANG PO NYID NI ZHES BYA BA'O, ,'DIS NI SHES PA GCIG NYID LA YUL NI MA NGES PA YIN PAR BSTAN TO, ,YUL LA BRTEN PA ZHES PAR THA SNYAD GDAGS PA LA DNGOS SU 'AM, BRGYUD PAS KYANG KHYAD PAR RTOGS PA MA YIN NO ZHES BSTAN PA NI, 'ON TE YUL LA BRTEN PA ZHES BYA BA LA SOGS PA NAS, DE'I PHYIR DBANG PO'I THA SNYAD NYID 'THAD DO ZHES BYA BA'I BAR GYIS SO, ,GANG GI TSE YANG DON GYI MTHU LAS NI, YANG DAG SKYE BA YIN PHYIR RO, ,ZHES BYA BAS NYE BA DANG NYE BA MA YIN PA DAG LAS SHES PA'I SNANG BA THA DAD PAR BYED PA NYID DU BSTAN PA NI DE'I TSE, ZLA BA GNYIS LA SOGS PA'I SHES PAR

'KHRUL PA MA YIN TE, KHYAD PAR GYI GNAS SKABS YIN PA'I PHYIR 'DI'I RTOG PA MED PA NYID KYANG DE'I MTSAN NYID KHO NA LAS YIN TE, DES NA RNAM PAR 'GAS KYANG GSAL BAR SNANG BA NYID KYIS GZHAN DU 'DRI BA KHO NA YIN NO, ,YUL GYIS KYANG MTSON PAR NUS PA MA YIN NAM ZHES BYA BA LA SOGS PA NI GZHAN GYI 'DOD PA KHO NA'O, ,DE LTAR NA YANG YUL GYI GO BYED NYID MED NA YUL CAN GYI NGES PAR SBYAR BA YANG LDOG PA YIN PAR BSTAN PA NI DE'I PHYIR THA SNYAD CES BYA BA STE, RTAGS ZHES BYA BA NI YUL CAN GYI NGES PAR SBYAR BA'O, ,KHYAD PAR BYED PA ZHES BYA BA NI YUL GYI GO BYED NYID KYIS SO, ,'GREL PA BYED PAS NI GO BYED NYID DU MA MTHONG BA'I NGES PAR SBYOR BA NI DES KHYAB PA YIN PA DE'I RTAGS NI RANG BZHIN GYI GTAN TSIGS YIN PAR BSTAN PA NI, RTOG PA SNGON DU GTONG BA ZHES BYA BA'O, ,MTSAN NYID PA'I GTAN TSIGS NYID KYANG STON PA NI, DON DAM PAR NI ZHES BYA BA'O, ,RNAM PAR RTOG PA MED PA CAN NYID BSTAN NAS SPYI'I YUL CAN NYID KYI TSIG 'GAL BA YIN PAR BSTAN PA NI, SPYI'I YUL CAN NI ZHES BYA BA'O, ,'GAL BA CAN NYID DU BSTAN PA NI, BSAGS PA DAG NI ZHES BYA STE, GSUM CHAR YANG DON MTSUNGS SO ZHES BYA BA'I DON TO, ,GAL TE TSOGS PA DON DAM PA MA YIN NA DE'I SHES PA RTOG PA MED PA KHO NAR 'GYUR LA, DON DAM PA NYID MA YIN PAR DER SGRO 'DOGS PA RNAM PAR RTOG PA CAN KHO NA YIN PAR BSTAN PA NI, MANG PO'I RANG BZHIN ZHES BYA BA'O, ,DE LTA YIN PA NYID NA YANG ZHES BYA BA NI DE RNAMS LAS GZHAN NYID YIN NO, ,DON GZHAN ZHES BYA BA NI NYE BAR 'GRO BA'I RGYU RNAMS YIN LA, MA MTHONG BA LA SOGS PA STE NYE BAR 'GRO BA'I RGYU DE RNAMS KYIS MA 'BREL PA RNAMS KYI 'BREL PA SKYES PA NI BSAGS PA YIN PAR BSHAD PA BSTAN PAN I, DON GZHAN DANG NI ZHES BYA BA'O SPYI'I SGRA'I DON BSTAN PA NI, RDUL PHRA RNAMS ZHES BYA BA STE SHES PA GCIG LA SNANG BA'I DU MA RNAMS NI SPYI'I YIN NO ZHES BYA BA'I DON TO, ,NYE BA LA SKRA SHAD RNAMS SNANG BA JI SKAD DE BZHIN DU THAG RING BA LA THA DAD PA MA YIN NAM THA MI DAD PAR SNANG BA NI RDUL PHRA RAB RNAMS LA YANG DGAG BYA MA YIN TE, GANG GI PHYIR 'DI'I GNOD BYED THA DAD PA SNANG BA NI RDUL PHRA RAB RNAMS LA MI SRID DE,

, ,STENG DANG 'OG GI CHA'I DBYE BAS SNANG BZHIN PA NI GCIG LA YANG 'GAL BA MED DE, THAG RING PO NAS SKRA SHAD SNANG BA LTA BU'O, ,THAG RING PO NA SKRA SHAD SNANG BA NI NYE BA NYID BZHIN DU THA DAD PA YIN ZHES BYA BA YANG RMONGS PAS SMRA BA YIN TE, SNANG BA'I DBYE BA MED PAR THAL BAR 'GYUR RO ZHES BSTAN PA NI, 'OG MA MNGON SUM LA ZHES BYA BA'O, ,'KHRUL PA NYID CES BYA BA NI THAG RING PO NA SKRA SHAD SNANG BA LTA BU'O, ,'KHRUL PA CAN GYI RNAM PAR RTOG PA RJES SU DPAG PA BZHIN DU 'GYUR BA MA YIN NAM SNYAM DU SEMS PA LA, 'KHRUL PA YIN YANG RAB RIB LAS SKYES PA BZHIN DU RTOG PA MED PA NYID KYI SNGON PO LA SOGS PA'I SHES PA YIN TE, MI SBYOR BA'I BDAG NYID YIN PA'I PHYIR RO ZHES BSTAN PA NI DE SKAD DU RNAM PAR RTOG BCAS PA ZHES BYA'O, ,RNAM PAR RTOG PA DANG BCAS PA NI, 'DZIN PA LA NI MNGON PHYOGS PA, ,ZHES BYA BA DANG SBYAR RO, , DE LAS BZLOG PA LA NI ZHEN PA LAS BZLOG PA LA'O, ,DE LTA NA DE NYID RANG GI MTSAN NYID DU THA MI DAD PA'I NGO BO MNGON SUM GYI YUL YIN DU ZIN KYANG, RDUL PHRA RAB KYI RTOG PA CI ZHIG BYA ZHES BSTAN PA NI 'O NA DE LTA NA NI ZHES BYA BA'O, ,RNAM DBYE 'DI ZHES BYA BA NI GCIG TU STUG PA'I RAGS PAR SNANG BA'I RDUL PHRA RAB RNAMS LA 'KHRUL PA YIN NO, ,'JIG RTEN GYI BSAM PAS NI DE DAG KHO NA PHRA MO NYID KYI RNAM PAR DBYE BA NI SNANG BAS SNANG BZHIN PA RNAMS LA SPYI ZHES BRJOD PA YIN PAR BSTAN PA NI, DE'I PHYIR ZHES BYA BA'O, ,'DI NI 'DOD PA NYID ZHES BYA BA NI RANG RIG PA LA THA DANG PA RTOGS PA MED PA YIN NO ZHES BYA BA'O, ,DU MA SHES PA GCIG LA SNANG BA NI SPYI YIN NA, PHRA MO'I YID KYIS YUL DU MA LA SHES PA GCIG GAM DU MA YANG CIG CAR SKYED PAR BYED PAR MI NUS SO SNYAM DU SEMS PA NI, GAL TE SKYE MCHED GCIG YIN YANG, ,ZHES BYA BA'O, ,DE'I PHYIR NA ZHES BYA BA LA SOGS PA NI 'GREL BA'O, ,DE GCIG PA YANG ZHES BYA BA NI DU MA 'DZIN PA 'GAL BA CAN GCIG NYID CI LAS YIN ZHES BYA BAR SBYAR RO, ,TIL SOGS THA DAD LA JI LTAR, ,ZHES BYA BA SOGS PA NI RNAM 'GREL YIN TE YUL NYE BA LA'O, ,BSHAD ZIN TO ZHES BYA BA NI LNGA PO RNAMS KYI CHOD PA YANG ZHES BYA

BAS SO, ,MGYOGS PA YIN YANG CIG CAR MA YIN PAR BSTAN PA NI DE RNAMS NYID LA ZHES BYA BA'O, ,BLO THAMS CAD KYANG SKAD CIG PA NYID KYIS MYUR BAR KHYAD PAR MED PA'I PHYIR RO, ,RIM DANG CIG SHOS KYI RNAM PA NYID 'THAD PA MA YIN PAR BSTAN PA NI, DUS MTSUNGS ZHES BYA BA LA SOGS PA STE, DE TZAM RGYU MTSAN NYID YIN NA RIM PA MIN PA YIN LA, GZHAN DU NA GZHAN LA LAR YANG DE BZHIN DU 'GYUR ZHES BYA BA'I DON TO, ,DER NI BZLOG PA NI RIM PA'O, ,RIM GYIS 'DZIN PAR KHAS LEN NA YANG RNAM PAR RTOG PA NYID LA CUNG ZAD KYANG NYAMS PA MED PAR BSTAN PA NI RIM GYIS 'DZIN ZHES BYA BA'O, ,SNGON GYI MTHONG BA ZHES BYA BA NI DRI BA'O, ,SHIN TU GOMS PAR ZHES BYA BA LA SOGS PA NI LAN NO, ,PHYE MA LEB KHRA BO LA SOGS PA DU MA SHES PA GCIG LA SNANG BAR 'GYUR BAR BSTAN PA LA DU MA NI GCIG MA YIN PA'O, ,KHRA BO ZHES BYA BA GCIG GI TSIG TU GO BA'I PHYIR DE'I NGO BO YANG GCIG YIN NA NI SNANG BA DANG 'GAL BA YIN PAR BSTAN PA NI, GAL TE SNA TSOGS DE GCIG NA ZHES BYA BA'O, ,RIGS MI MTHUN PA SNAL MA RNAMS MA BTAGS PA MA YIN PA'I BTAGS PA TZAM GYI SNAM BU LA SOGS PA'I SNANG BA THA DAD PA TZAM RGYU MTSAN GYIS DU MA NYID DU 'DOD PA YIN PAR BSTAN PA NI SDO STZOGS RNAM PAR DBYE BA NI ZHES BYA BA'O, ,BCOS MA MA YIN PA'I PHYE MA LEB LA SOGS PA LA SNA TSOGS PA'I RNAM PA LA LHAG PA GCIG NI TSIG TZAM YIN GYI, GZHAN MA YIN PAR BSTAN PA NI, GAL TE SNGON PO LA SOGS PA SPANGS PA'I ZHES BYA BA'O, ,SNANG BA THA DAD PAS NI DU MA YIN LA GCIG TSIG GIS NI GCIG NYID YIN ZHES DE GNYI GA'I NGO BO YIN NO SNYAM DU SEMS PA LA, NAGS SO ZHES BYA BA BZHIN DU GCIG GI TSIG DANG TSIG GO ZHES BYA BA BZHIN DU YANG SNANG BA'I PHYIR SGRUB PAR BYED PA MA YIN PA KHO NAR BSTAN PA NI, SNA TSOGS NGO BO'I PHYIR BLO DANG SBYAR RO, ,TSIG THA DAD PA DANG THA DAD PA MA YIN PA DAG NI DNGOS PO'I THA DAD PA DANG THA DAD PA MA YIN PA DAG SGRUB PAR BYED PA NI MA YIN TE, BTZUN MO RNAMS GRONG DRUG LA SOGS PA LA PHYIN CI LOG LA SOGS PA'I PHYIR RO ZHES BYA BA'I DON TO, ,RNAM PAR 'JOG PA LA GEGS MED PA NI RAB TU 'PHEL BA

, ,RTZOM PA GANG DAG GI YIN PA DE DAG GO, ,CHOS MTHUN PA NI RIGS MTHUN PA RNAMS TE RTZOM PAR BYED PA YIN PA'I PHYIR RO, ,RIGS MI MTHUN PA NI RTZOM BYED MA YIN PA'I PHYIR RO ZHES BSTAN PA'O, ,DE LTA NA GANG GI TSE DE DAG THA MI DAD PA SGRUB PAR BYED PA YIN ZHE NA, SNANG BA'I GZHAN LA NI ZHES BYA BA SMOS TE GNOD BYED LAS SO, ,'BREL PA GRUB PA NI YUL RNAM PAR 'JOG PA'I RGYU MTSAN GANG DAG GI YIN PA DE DAG GO, ,SNANG BA NI RANG NYID KYIS SO, ,'ON TE SNANG BA NI CI ZHIG LTAR ZHES BYA BA NI, 'OG BZHIN NAM MKHA' SNANG BA YIN, ,ZHES BYA BA'I RIGS PAS SO, ,GCIG LA ZHES BYA BA NI RIM PA DANG LDAN PA'I'O, ,DU MA NI RIM PA MA YIN PA'O, ,GCIG NI SNANG BA ZHES BYA BA NI RIM PA'O, ,CIG SHOS NI 'KHRUL PA TZAM DU ZAD DO ZHES BYA BA NI RIM PA MA YIN PA'O, ,DE LTAR DE NYID CES BYA BA NI RIM PA NYID DO, ,GAL TE GZHAN ZHES BYA BA NI RIM PA MA YIN PA SNANG NA'O, ,RANG DNGOS SNANG BA ZHES BYA BA NI RIM PA NYID SNANG BAS SO, ,DE ZHES BYA BA NI RIM PA'O, ,BRJOD PA 'DOD PA ZHES BYA BA LAS NI RIM PA LAS SO, ,BLO DE NI RIM PA'I BLO'O, ,DE'I ZHES BYA BA NI RIM PA MA YIN PA'O, ,RANG GI NGO BO LA ZHES BYA BA NI BLO'I'O, ,RIM GYIS 'DZIN PA'I NGO BO NI ZHES BYA BA NI RIM GYIS 'DZIN PA'I NGO BO'I'O, ,RIM MIN SNANG BA NI GZHAL BYA LA RIM PA MA YIN PA'I BYA BA'O, ,NOR BU DANG MU TIG LA SOGS PA NI GZHAL BYA BA'I ZHES BYA BA DANG SBYAR RO, ,BLO 'DZIN PAR BYED PA ZHES BYA BA NI RIM PA MA YIN PA'O, ,RIM PA MA YIN PAR SNANG BA MED DO ZHES BYA BA NI GZHAL BYA BA'I BLO LA GNAS PA'O, ,'KHRUL PA STE SNANG BA ZHES BYA BA NI GZHAL BYA'I BLO'I RIM PA MA YIN PAR SNANG BA'O, ,DE NYID CES BYA BA NI BLO 'DZIN PAR BYED PA'I BLO'I RIM PA MA YIN PA'O, ,BLO 'DZIN PA BZHIN DU RIM PA MA YIN PA'I GZHAL BYA 'DZIN PAR 'GYUR ZHES ZER BA LA, GZHAL BYA 'DZIN PA NI ZHES BYA BA'O, ,'DZIN PA'I DUS NI ZHES BYA BA NI BYA BA'I DUS SO, ,SNAM BU KHRA BO LA SOGS PA LA YANG GCIG NYID DU RTOGS PAS GCIG YIN NO ZHES KHAS LEN PA'I SNGAR KHAS BLANGS PA DANG 'GAL BA MA YIN NAM ZHES ZER BA LA, RIGS MI MTHUN PA RNAMS ZHES BYA BA'O, ,

YAN LAG GI NGO BO NI THA DAD PA YIN GYI SNA TSOGS PA GCIG MA YIN PA DE'I PHYIR BTAGS NAS, DON GCIG LA 'DU BAS PHRAD PA NI BTAGS PA BA MA YIN NO ZHES BSTAN PA NI NYE BAR BTAGS PA ZHES BYA BA'O, ,BDEN MIN RANG BZHIN 'DZIN NA NI, ,ZHES BYA BA NI GZHAL BYA LA GNAS PA'I RIM PA MA YIN PA'O, ,BDEN DNGOS ZHES BYA BA NI BLO LA GNAS PA'I RIM PA MA YIN PA'O, ,RANG BZHIN DE NI ZHES BYA BA NI MDUN NA GNAS PA NYID KYI SNANG BZHIN PA'O, ,DE'I NGO BOR ZHES BYA BA NI SER PO LA SOGS PA'I SNANG BAS SO, ,DE'I ZHES BYA BA NI BLO'I BDAG NYID KYI'O, ,MIN NA ZHES BYA BA NI SER PO LA SOGS PA'I SNANG BA'O, ,DE LA DE LTAR ZHES BYA BA NI CIG CAR BA'O, ,DUS MTSUNGS PAR 'DZIN PA MI SRID DO ZHES BYA BA NI RIGS PA MA YIN NAM, MIG GI 'OD ZER PHYI ROL GYI 'OD ZER DANG LHAN CIG TU GYUR PA DBANG PO YIN NA CIG CAR KHO NA 'DZIN PAR BYED DE, ,DE LTAR NA MTHA' MED PA MA LUS PA'I DNGOS PO 'DZIN PA CIG CAR KHO NAR 'GYUR TE, PHYI ROL GYI 'OD ZER DNGOS PO THAMS CAD KYI RJES SU 'GRO BA'I PHYIR RO ZHES BYA BA'I BSAM PAS SKYON MED DO, ,MA BSGRIBS PA LA YANG PHRAD NAS 'DZIN NA, GZUGS BZHIN REG BYA LA SOGS PA MIG GIS 'DZIN PAR 'GYUR RO, ,'ON TE PHRAD NAS KYANG RUNG BA NYID DU RUNG BA'I YUL CAN NYID 'DZIN PA YIN NA, DE 'DI NI MA PHRAD PA LA YANG MTSUNGS PAR BSTAN PA NI, MA PHRAD PAR BYED PA YIN YANG ZHES BYA BA'O, ,STA RE LA SOGS PA'I BYED PA PHRAD NAS BYED PA MTHONG BA'I PHYIR, KHAB LONG LA SOGS PA YANG DE BZHIN DU 'GYUR BAR RJES SU DPAG PAR 'GYUR RO SNYAM DU SEMS PA NI, 'ON TE PHRAD PA ZHES BYA BA'O, ,MGYOGS PAR 'GYUR BA ZHES BYA BA NI YAL GA DANG ZLA BA DAG DUS GCIG TU SHES PAS MNGON PAR RLOM PA 'DZIN PA YIN NO ZHES BYA BA'I DON TO, ,DE LTA BUR GYUR PA'I ZHES BYA BA NI RIM PA'I SHES PA LA NGES PAR BYED PA YIN NO, ,DE'I PHYIR ZHES BYA BA NI SHOS, CIG CAR MI SKYE BA'I PHYIR RO, ,GZUGS MED PHYIR LDAN ZHES BYA BA LA SOGS PA BSHAD PA NI, PHRAD PA NI ZHES BYA BA'O, ,SNA TSOGS PA'I BLOS RIM GYIS GZUNG BA RNAMS LA CIG CAR BAR SGRO 'DOGS PAR BYED PAS BSRES PA STE, CIG CAR SNANG BA NI SNA TSOGS BLO YIS

, ,BSRES PA ZHES BYA BAR SBYAR RO, ,GCIG GIS DU MA 'DZIN PA GRUB MTHA' DANG 'GAL BAR BSTAN PA NI, DU MA MI 'DZIN PHYIR ZHES BYA BA'O, ,JI LTAR SGRO 'DOGS ZHES BYA BA NI, 'DRA BA NYID MED PA'I PHYIR RO, ,'ON TE NYE BAS SO ZHES BYA BA NI 'DRA BA NYID DO, ,CIG CAR 'DZIN PA ZHES BYA BA NI ME NYID DU SGRO BTAGS PA LA'O, ,RIM GYIS 'DZIN NA NI ZHES BYA BA NI GZUGS LA SOGS PA RNAMS LA'O, ,NYE BAR 'DZIN PA NI ZHES BYA BA NI 'DRA BA NYID DU'O, ,YUL GYI DBYE BA MED DO ZHES ZER BA NI, YUL DER ZHES BYA BA STE, YUL GZHAN DU GZUNG BA'I ME NYID NI, YUL GZHAN DU BAR SGRO 'DOGS NA 'DRA BA LA LTOS PA'I PHYIR RO ZHES BYA BA'I DON TO, ,RTOG PA MED PA CI LAS YIN, ,ZHES ZER BA LA RTOG PA NA'ANG ZHES ZER BA NI 'GAL BA RTOG PA YOD PA NA RNAM PAR RTOG PA GZHAN MI 'BYUNG BA'I PHYIR RO ZHES BYA BA'I DON TO, ,DE LA GANG GIS RNAM 'BYED CES BYA BA NI DBYE BA STE DE LA PHYI ROL LA'O, ,GANG GIS BYED PA NI TSAD MA GANG GIS BYED CES PA'O, ,DON RNAMS ZHES BYA BA NI PHYI ROL RNAMS SO, ,PHYI ROL BZHIN DU SNANG BA'I DBYE BAS NI BLO'I RNAM PA LA MTSUNGS PA YIN PAR BSTAN PA NI, SNA TSOGS SNANG CAN DON RNAMS LA, ,ZHES BYA BA'O, , BLO'I RNAM PA LA YANG SNANG BA'I DBYE BA YOD PAS THA DAD PA KHO NA YIN PAR BSTAN PA NI, DE NI DNGOS STOBS LAS 'ONGS YIN, ,ZHES BYA BA'O, ,DPRAL BA'I DON CI ZHIG YIN SNYAM DU SEMS PA NI, CIG 'GYUR ZHE NA ZHES BYA BA'O, ,LAN NI SNA TSOGS DE ZHES BYA BA'O, ,GAL TE BLO'I RNAM PA MED NA BLO YANG DE DANG THA MI DAD PAS MED DO, ,DE'I PHYIR THAMS CAD MED PA DE KHO NA NYID YIN PAR BSTAN PA NI, GAL TE DON BDAG 'DI ZHES BYA BA'O, ,RDUL PHRA RAB SO SO LA ZHES BYA BA STE, RAB TU DBYE BA'I RNAM PA NI CHES SHIN TU NYID KYI STE, GANG LAS CHUNG BA MED PA DE LA GNAS PA'I PHYIR RO,, GZHAN YANG ZHES BYA BA NI GNYI GA'I THUN MONG BA'I'O, ,MED PA'I PHYIR THAMS CAD MI RTOGS PA KHO NA YIN NO ZHES BYA BA'I DON TO, ,MTHONG BA NYID KYI PHYIR ZHES BYA BA NI SNA TSOGS PA NYID DU RTOGS PA'I PHYIR RO, ,BRKYANG BA DMIGS PA'I PHYIR GCIG DANG DU MA'I NGO BO DANG BRAL BA YIN YANG

DMIGS PA'I BDAG NYID KYIS DMIGS PA YOD PA YIN NO ZHES BYA BA'I RIGS PAS, YOD PA KHO NA YIN NO ZHES ZER BA NI JI STE GCIG DANG DU MA'I ZHES BYA BA'O, ,DON BYED PA NI RNAM PA GNYIS TE, BDE BA LA SOGS PA'I SNANG BA DANG PHYI ROL GYI SNGON PO LA SOGS PAR KHA BSGYUR BA LA SOGS PA YIN PAR BSTAN PA NI, ,SNANG BA TZAM GYIS ZHES BYA BA'O, ,SNGON PO LA SOGS PA NA DE DAG TZAM GYIS 'JIG RTEN PA MGU PA MA YIN PAS, GANG LA MGU BAR BYED PA NYID KYIS DON BYED PA NYID DU SNANG BA DE DON BYED PA YIN PA'I PHYIR THUG PA MED PA MA YIN PAR BSTAN PA NI GANG ZHIG CES BYA BA'O, ,SNGON PO BZHIN DU BTZOS PA YANG RANG GI NGO BO SNANG BA JI LTA BU'I DON GYIS BYA BA BYED PA NYID KYIS DE NYID YIN NO SNGON PO LA YANG 'GYUR TE, DE'I YANG DE NYID YIN PA'I PHYIR RO ZHES ZER BA LA, SNGON PO LA SOGS PA'I RANG BZHIN LAS ZHES BYA BA'O, ,MGU BA DANG MI MGU BA DAG NI LA LAR GOMS PA LA RAG LAS PA YIN GYI DNGOS PO LA RAG LAS PA MA YIN PAR BSTAN PA NI, DE NYID GNAS PA MED PA KHO NA ZHES BYA BA'O, ,SNA TSOGS PAR SNANG BA'I SHES PA YANG GOMS PA KHO NA LAS BYUNG BA NYID DO ZHES BSTAN PA NI, GOMS PA MED NA NI ZHES BYA BA'O, ,SNGA MA SNGA MA'I MI BDEN PA'I SHES PA DAG NYID CAN GYI MA RIG PA YANG SHES PA BZHIN DU MI BDEN PA KHO NA YIN PAR BSTAN PA NI, SNANG BA TZAM ZHES BYA BA'O, ,DE'I BDAG NYID CES BYA BA NI RAGS PA'I NGO BO'O, ,GCIG LA ZHES BYA BA NI YAN LAG CAN LA'O, ,MANG PO RNAMS NYID SHES PA GCIG LA SNANG BA RAGS PA'I THA SNYAD KYI YUL MA YIN NAM SNYAM DU SEMS PA LA, LINGS PO GCIG CES BYA BA STE, NYE BA DANG CIG SHOS KYI SKRA SHAD KYI SNANG BA'I DBYE BA BZHIN DU, 'DI LA YANG DBYE BA YIN NO ZHES BYA BA'I DON TO, ,DE LTA NA YANG YAN LAG DE RAGS PA'I SNANG BA CAN RIL PO GCIG TU 'GYUR RO ZHES BSTAN PA NI, JI STE RDUL PHRA RAB DENGS PA ZHES BYA BA'O, ,TSU ROL DANG PHA ROL GYI CHA BZHIN DU GCIG YIN PA'I PHYIR DE'I YANG PHA ROL GYI CHA 'DZIN PAS GNAS PA'I GZHAL BYA MTHONG BAR 'GYUR RO ZHES BSTAN PA NI, PHA ROL GYI CHA ZHES BYA BA'O, ,YONGS GCOD NA YIN ZHES BYA BA NI SNGON PO'I'O, ,PHYI ROL LTAR

, ,ZHES BYA BA NI SER PO'I BDAG NYID DO, ,THA DAD SNANG BA ZHES BYA BA NI SNGON PO DANG SER PO'I BDAG NYID DANG, STENG DANG 'OG GI CHA'I BDAG NYID KYIS KYANG BRKYANG BA'I SNANG BA LA'O, ,SO SOR ZHES BYA BA NI PHAN TSUN DU'O, ,RANG DANG GZHAN RIG PA ZHES BYA BA NI, RANG RIG PA DANG GZHAN RIG PA YANG PHAN TSUN RJES SU MI 'JUG PA YIN NO ZHES BYA BA'I DON TO, ,DE DAG LAS GCIG DON NAS GCIG NYID RNAM PAR 'JOG PAR BYED NA, DE LA YANG MTHONG BA LA SOGS PA GCIG POR BAS RANG BZHIN MED PA NYID DU THAL BAR 'GYUR BA BSTAN PA NI, DE LA GCIG NI MED PAS KYANG ZHES BYA'O, ,DE THA DAD LA BRTEN PA YIN ZHES BYA BA NI SHES PA THA DAD PA LA BRTEN PA'O, ,DE NI BSLAD PA NYID YIN NA ZHES BYA BA NI SHES PA BSLAD PA NYID YIN NA'O, ,GZUNG BA DANG 'DZIN PA'I SHES BYA DANG SHES PA DAG GI NGO BO LA DE LAS PHYI ROL NI THA DAD PA YIN NO, ,GZUGS SU RUNG BA DANG THOGS PAR BYED PA DE'I PHYIR GZUGS DANG TSOR BAR BYED NYAMS SU MYONG BAR BYED PAS TSOR BA DANG, MTSAN MA KUN TU SHES PAS 'DU SHES DANG, RNAM PAR SHES PAR BYED PAS RNAM PAR SHES PA LA SOGS PA BYED PA'I MTSAN NYID KYI PHUNG PO LA SOGS PA MA YIN ZHES ZER BA LA, PHUNG PO LA SOGS BYE BRAG GI, ,ZHES PA STE, MTSAN NYID BRAL NI MTSAN NYID SPANGS PA'O, ,'DIS PHYI ROL GYI DON GYI TSUL GYI STONG PA NYID DANG, BAR MAS RNAM PAR RIG PAR SMRA BA'I TSUL GYIS DANG, DANG POS NI DBU MA'I TSUL GYIS BSTAN PA YIN NO ZHES BYA BA'I DON TO, ,SO SO'I SKYE BO RNAMS PHYI DANG NANG LA SOGS PAR MNGON PAR ZHEN PA CAN GYI SHES PA BSKYED LA, MA RIG PA NI DE LTA BU'I SHES PA GZHAN GYI BAG CHAGS KYI RGYU YIN PAR BSTAN PA NI, JI LTA'I RANG RKYEN LA ZHES BYA BA STE PHYI ROL LAM NANG GI RKYEN SAD PAR BYED PA'O, ,LTOS NAS NI DE LA LTOS NAS SO, ,DE LAS NI MA RIG PA STE DE'I BAG CHAGS SAD PA YIN LA DES NYE BAR BSLAD PA'I BDAG NYID GANG DAG GI YIN PA DE DAG GI MA RIG PA DE TSU ROL MTHONG BA RNAMS TE, DE LO NA NYID MA MTHONG BA RNAMS KYIS SO, ,DE DAG GI, DE NYID DE NI RIGS MA YIN, ,ZHES BYA BA CI LAS SHE NA, DE DAG CES BYA BA STE, TSU

ROL MTHONG BA RNAMS LA MI SRID PA'I PHYIR BSLAD PA MED NA ZHES BYA BA DANG SBYAR RO, ,'DIS NI DE KHO NA NYID BSTAN PA LA SNOD MA YIN PA NYID BSTAN TO, ,DE'I PHYIR ZHES BYA BA NI SNOD MA YIN PA'I PHYIR DE KHO NA NYID KYI DON BZHAG NAS, GLANG CHEN GZIGS STANGS NYID MDZAD NAS, ,ZHES BYA BA NI BDAG NYID KYIS MKHYEN KYANG MI MKHYEN PAR BSTAN NAS SO, ,PHYI ROL DPYOD LA ZHES BYA BA NI PHUNG PO LA SOGS PA LA DPYOD PA STE, BDAG MED PA RTOGS PAR BYA BA'I DON DU MDZAD PA STE, 'JIG RTEN 'JUG PAR BYA BA'I PHYIR RO ZHES BYA BAR SBYAR RO, ,SNA TSOGS PAR KHAS BLANGS PA ZHES BYA BA NI SHES PA'I RNAM PA RNAM PAR DBYE BAR MI NUS PA'I PHYIR TE, RNAM PAR DBYE BAR NUS PA NYID YIN NA SNA TSOGS PA NYID LA DU MA NYID KYIS KHYAB PA YIN NO ZHES BYA BA'I DON TO, ,SHES PA'I KHYAD PAR ZHES BYA BAS SHES PA GCIG GI BYED PA'I RJES SU 'GRO BA BSTAN PA YIN NO, ,SNGON PO LA SOGS PA DE LAS THA DAD PA MA YIN PA DE'I PHYIR BYED PA BZHIN DU GCIG YIN PAR BSTAN PA NI, GZHAN BRTEN MED CES BYA BA'O, ,GAL TE GZHAN LA BRTEN PA BZHIN DU CIS MI 'GYUR ZHE NA, MTHONG NUS MA YIN ZHES BYA BA SMOS TE, GZHAN GYIS MTHONG BAR MI NUS PA GANG GI YIN PA DE NI SKYES BU GZHAN GYIS KYANG RANG GI SHES PA'I RNAM PA NYID KYIS DE DANG 'DRA BA GO BAR BYED PA YIN GYI RNAM PA GZHAN NI MA YIN NO ZHES BYA BA'I DON TO, ,DE LTAR MTHONG BA PO DE NYID KYI PHYIS 'DI'O ZHES BYA BA'I SHES PA GZHAN BDAG GIR 'DZIN PA'I GNAS MA YIN PA NYID DU ZHEN NAS BLO LA THA DAD PAR BYED PA YIN NO SNYAM DU SEMS LA, DE LA NI ZHES BYA BA NI, RNAM PAR RTOG PAS 'BYED PA NI BLO LAS GZHAN PA YIN LA GZHAN THA DAD PA NI PHYI ROL NYID DU YIN GYI RANG RIG PA NI MA YIN NO ZHES BYA BA'I DON TO, ,YAN 'GAR DU ZHES BYA BA NI SHES PA RJES SU 'JUG PA DANG BRAL BA'O, ,DES NA ZHES BYA BA NI BLO NI ZHES BYA DANG SBYAR RO, ,GCIG NYID CES BYA BA NI BLO'I RJES SU 'GRO BAS SO, ,RNAM PAR DBYE BA ZHES BYA BA NI GZUGS KYI BLO LAS SO, ,YAN 'GAR DU 'DZIN PA ZHES BYA BA NI SGRA DANG BRAL BA'I 'DZIN PAS SO, ,DE'I TSE ZHES BYA BA NI SGRA DANG BRAL BA'I GZUGS LA SOGS PA SNANG

, ,BA'I DUS SU'O, ,SNGAR GYI SNANG BA ZHES BYA BA NI DE DANG LHAN CIG PA'I SNANG BA'O, ,THA MI DAD PA ZHES PA NI SGRA DANG CIG SHOS KYI SNANG BA DAG GO, ,SGRA 'DI DE'I TSE YOD KYANG LKOG TU GYUR PA'I PHYIR SHES PA MA YIN NO ZHES BYA BAR SBYAR RO, ,DON NYID LA ZHES BYA BA NI PHYI ROL NYID LA STE SGRA'I BDAG NYID LA'O, ,SHES PA MA GTOGS PA ZHES BYA BA NI PHYI ROL NYID DU'O, ,GZUNG BA DANG 'DZIN PA NI SNGON PO LA SOGS PA DANG DE'I SHES PA YANG NGO, ,SNGON PO LA SOGS PA NI SNGON PO DANG SER PO LA SOGS PA STE, SNGON PO LA SOGS PA DANG DE'I SHES PA DAG THA MI DAD PA LHAN CIG DMIGS PA'I NGES PAS JI LTA BA NYID YIN NA DE BZHIN DU SNGON PO LA SOGS PA YANG PHAN TSUN YIN NO ZHES BYA BA'I DON TO, ,THA MI DAD PA NI RANG BZHIN LAS THA DAD PA YIN PA LA DBYE BA MED DO, ,DE MED PAS KYANG KHYAD PAR DU BYA YANG NGO, ,THA DAD PA YIN NA JI LTAR GNYIS SU MED PA NGO, ,THA DAD PA YIN NA JI LTAR GNYIS SU MED PA YIN ZHE NA THA DAD MED NA ZHES BYA BA'O, ,DBYE BA'I ZHES BYA BA NI KHYAD PAR DU BYA BA'I'O, ,GZHAN GYIS SGRO BTAGS PA'I DBYE BA NI MTHONG BA LA MA DMIGS PAS THA SNYAD KYIS DGAG PAR BYED PA YIN TE, SGRO BTAGS PA MED NA DGAG PA MED PA'I PHYIR RO ZHES BSTAN PA NI, THA DAD CES BYA ZHES BYA BA'O, ,RNAL 'BYOR BAS KYANG 'DAS PA LA SOGS PA MNGON DU BYED PA NA DA LTAR BA NYID DU 'GYUR RO ZHES BSTAN PA NI, SKYE BA 'DI LAS ZHES BYA BA'O, ,SNANG BZHIN PAR 'DOD PA NI SNGA MA DANG PHYI MA MNGON PAR 'DOD PA'I'O, ,SAD PA RNAMS ZHES BYA BAS RMI LAM BDEN PA MTHONG BA'I DUS SU SNANG BA'I GTAN TSIGS BSTAN PA YIN NO, ,DE LTAR ZHES BYA BA NI MI DMIGS PA'I BDAG NYID KYIS SO, ,BRTAN PA LA SOGS PA RTOGS PA'I PHYIR ZHES BYA BA NI TSE RING BA NYID DANG 'BREL PA CAN GYI RI MO LA SOGS PA'I RTAGS MTHONG BA'I PHYIR, MA 'ONGS PA'I TSE RING BA NYID RTOG PA YIN NO, ,RGYU YANG ZHES BYA BA NI RTOGS PA'I RGYU MTHONG BA'I PHYIR RO, ,DES NA ZHES BYA BA NI 'BYUNG BAR 'GYUR BA'I NGO BO LAS SAM 'BRAS BU LAS RI MO LA SOGS PA'I RGYU LAS NI THA DAD PAR RO, ,BRTAN PA NYID CES BYA BA NI RI MO LA SOGS PA'I RTAGS SU BRJOD PA'O, ,BRTAN PA NYID CES BYA BA NI 'BYUNG BAR 'GYUR

BA'I NGO BO LAS 'KHRUL PA MED PA'O, ,MI 'GYUR RO ZHES BYA BA NI THAL CHES PA'O, ,THAMS CAD CES BYA BA NI GNYIS SU MED PA NYID LA RMONGS PA'I'O, ,THA DAD PAR MNGON PAR ZHEN PA ZHES BYA BA NI 'DI THA DAD PA YIN LA MNGON PAR ZHEN PAR BYA BA YANG DE YIN NO, ,'DIS NI NGES PA'I DMIGS PA GZHAN DGAG PA MED NA MI 'BYUNG BA NYID KYI PHYIR 'GAL BA DMIGS PAR BSHAD DO, ,SNANG BAS THA MI DAD PA BSGRUBS NAS 'JIGS PA'I GRUB PA DANG, BDE BA GCIG PAR BSTAN PA NI LOGS SU BCAD PAR MI NUS SHING ZHES BYA BA'O, ,DE NYID CES BYA BA 'DIS NI 'DI YIN NO ZHES BYA BA LA YANG RTOGS PA YIN LA 'DI YIN NO ZHES BYA BA 'DIS KYANG DE NYID CES RTOGS PA YIN NO, ,GZHAN DU NA GZHI MTHUN PAR RTOGS PAR RTOGS PA MA YIN NO ZHES ZER BA NI 'O NA JI LTAR BYA BA'O, ,THA SNYAD MTHONG BA'I PHYIR ZHES BYA BA NI RNAM PAR RTOG PA MTHONG BA'I PHYIR RO; ;'O NA JI LTAR THA SNYAD DU 'GYUR ZHES BYA BA NI 'JUG PA LA SOGS PA'O, ,GAL TE DE ZHES BYA BA NI THOB PAR BYA BA'O, ,'O NA CI'I PHYIR ZHES BYA BA NI RJES SU DPAG PA KHO NAS THOB PAR BYA BA'I RANG GI NGO BO RTOGS PA YIN PAR ZHES BYA BA'I DON TO, ,GTOR MA YANG YIN PHYIR ZHES BYA BA NI PHRAD BYAR BRTAGS PA ZHES DGONGS PA'O, ,GNOD SBYIN JI BZHIN ZHES BYA BA NI 'JUG PAR YANG BTAGS PA YIN ZHES BYA BA'I DON TO, ,RANG DANG GZHAN GYI DBYE BAR SNANG BA'I SHES PA YANG RMI LAM GYI SHES PA BZHIN DU RANG RIG PA YIN PAR BSTAN PA NI, 'DI RANG DANG GZHAN DU ZHES BYA BA STE, BDAG MA YIN PA DANG, BDAG GIS MA MTHONG BA DANG, NAM MKHA' DANG SEN MO LA SOGS PA BZHIN DU, BSAM PA GZHAN YANG GZHAN DU STON PA GNYIS SU MED PAR SHES PA PO'I SNGAR GOMS PA LAS MNYAMS PA KHO NA YIN NO ZHES BYA BA'I DON TO, ,RJES SU DPAG PA LAS GNYIS SU MED PAR GZUNG BYA YIN PAR RTOGS SO ZHES BYA BA NI GTAN TSIGS DANG DAM BCA' BA NYID 'GAL BA YIN PAR BSTAN PA NI 'O NA NI SMYON PAR 'GYUR ZHES BYA BA STE, DE MA RTOGS NA SGRUB PAR BYED PA'I 'BRAS BU CUNG ZAD KYANG MED DO ZHES BYA BA'I DON TO, ,'DI LA

, ,RTOGS PA ZHES BYA BA NI PHYIR RGOL BA'I RGYUD LAS BYUNG BA'I GNYIS SU MED PA 'DZIN PA'I SKYE BA MED PA YIN TE, RTOGS PA THAMS CAD DMIGS PA LA 'KHRUL PA'I PHYIR RO ZHES BYA BA'I DON TO, ,SNA TSOGS PA'I SHES PA LA GCIG GO ZHES KHAS LEN NA YAN LAG CAN YANG SHES PA NYID BZHIN DU SKAD CIG MAR 'GYUR TE, GANG GI PHYIR YAN LAG CAN DU SMRA BA PO RNAMS KYI RUS KYI NGES PA'AM GRUB MTHA'I NGES PA YANG MA YIN NA, GANG GIS YAN LAG CAN SKAD CIG MA YIN PA YIN GYI, GZHAN MA YIN SNYAM DU SEMS PA NI, JI STE BKAB PA NI ZHES BYA BA'O,, YUL RUNG CAN GYIS MI SHES PA, ,RANG GIS SHES PHYIR DE SHES YIN, ,ZHES BSTAN PA NI, JI LTA JI LTAR ZHES BYA BA'O, ,RGYU GZHAN NI SHES PA'I RGYU DBANG PO LA SOGS PA LAS GZHAN PA'O, ,PHYI ROL GYI DE'I BSKYED BYA DMIGS PAR BYA BA NYID TZAM NI RANG RIG PA LA RGYU MA YIN TE, GZHAN DU YANG 'THAD PA'I PHYIR RO ZHES BSTAN PA NI, DMIGS PA NYID DU DPYAD BYA'I PHYIR, ,ZHES BYA BA'O, ,GZHAN GYI KHYAD PAR DU BYAS PA'I DMIGS BYA NYID NI GZHAN DMIGS PA RTOGS PAR MI 'GYUR RO ZHES BSTAN PA NI, GAL TE GZHAN GYIS DMIGS BYA BA, ,ZHES BYA BA'O, ,'ON TE GZHAN GYIS KHYAD PAR DU BYAS PA'I DMIGS BYA NYID DMIGS BZHIN PA LA GZHAN DU RTOG PAR BYED DE, GZHAN DU MI 'THAD PA'I PHYIR RO ZHES BYA BA'I PHYOGS 'DI LA, RANG NYID DMIGS PA NYID LA NI GZHAN DU YANG 'THAD PA YIN NO ZHES BYA BA NI LHAG MA YIN LA, GZHAN GYI DMIGS BYA NYID GTAN TSIGS YIN PAR KHAS LEN NA NI GTAN TSIGS KYI KHYAD PAR DMIGS BYA YIN PA'I PHYIR THUG PA MED PAS GTAN TSIGS NYID MI 'GRUB PAR BSTAN PA NI, GAL TE DE YANG GZHAN 'DOD NA, ZHES BYA BA'O, ,LKOG TU GYUR PA MA YIN PA NYID KYIS KYANG RANG RIG PAR BRJOD PA NI, BDAG BZHIN DU BDAG LA YANG 'GAL BA'I BYA BA YIN PA'I SKYON BRJOD PA'I GZHI NYID YIN PAR BSTAN PA NI, BDAG BZHIN BZUNG BA'I ZHES BYA BA'O, ,THE TSOM ZA NA ZHES BYA BA NI GZHAN LA'O, ,GAL TE GZHI MTHUN DBANG GIS NA, ,ZHES BYA BA NI RTOG PA MED PA'I MNGON SUM LAS MI 'GRUB NA, BAG

CHAGS TZAM LAS BYUNG BA'I RNAM PAR RTOG PA LAS MI 'GRUB PO ZHES BYA BA'I DON TO, ,DE LTA MIN NA ZHES BYA BA NI DE MED NA DU MA NYID MED LA BSGRUB BYA GCIG NYID MED CING DE LAS BZLOG PA STE DU MA NYID MED PA STE LKOG TU MA GYUR PA YANG DAG PAR RIG PA LAS SKYED PAR GYUR PA ZHES BYA BA DANG SBYAR RO, ,RJES SU 'GRO BA DANG LDOG PA BSTAN PA NI GZUGS LA SOGS PA NI, DE MED KYANG ZHES BYA BA LA SOGS PA'O, ,'BREL PA LAS NI DE DANG 'BREL PA LAS SO, ,'DI NI NGAS BYAS ZHES BYA BA NI MA BYAS PA LA YANG NGO, ,DMAN PAR NYAMS SU MYONG BA NI 'GRO BA NA RTZAL REG PA BZHIN DU 'DU BYED PA NYID SKYE BA MA YIN ZHING, SKYES PA NYAMS PA YANG MA YIN NO ZHES ZER BA LA MA YIN TE, 'DU BYED MED PA'I PHYIR RO ZHES BYA BA'O, ,GANG LA SKYED PA YOD PA DE LA YANG RANG GI DUS NA DNGOS PO NYAMS PA MA YIN ZHING DUS GZHAN NA YANG DNGOS PO NI RANG NYID KYIS MED PAR 'GYUR BA'I PHYIR SNGAN MED PA NYID YIN PAR BSTAN PA NI, 'DU BYED PA ZHES BYA BA'O, ,DE'I PHYIR RGOL BA DANG PHYIR RGOL BA'I SGRUB PAR BYED PA DANG, DE'I SNANG BA BSGRUB BYA DANG CIG SHOS RTOGS PA LA SOGS PA LA THAMS CAD DE LTA BU'I BAG CHAGS LAS BYUNG BA NI RANG RIG PA TZAM GYIS MTHAR THUG PA YIN PA'I PHYIR, 'GAL BA CUNG ZAD KYANG MED PAR BSTAN PA NI, MNGON PAR RLOM PA TZAM ZHES BYA BA'O, ,SNGON PO DANG SER PO'I BDAG NYID KYI DA LTA BAR THA DAD PA MED KYANG SNGON PO 'DI ZHES BYA BA SNGAR MTHONG BA DANG GCIG YIN PA DE BZHIN DU, SER PO YANG YIN NO ZHES MTHONG BA DANG SNANG BZHIN PA GCIG NYID DU 'DZIN PA NA, PHYI ROL NYID YIN PA DE LTA NA YANG THA DAD PAS SNA TSOGS PA GCIG TU 'GYUR BAR BSTAN PA NI, THA DAD CAN NI ZHES BYA BA'O, ,DE MED PAR ZHES BYA BA NI THA DAD PA CAN MED PA LA'O, ,THA DAD PA CAN GYI YAN LAG RNAMS THA DAD PA MED PA'I ZHES BYA BAR SBYAR RO, ,CIG CAR NYID DU 'DZIN PA ZHES BYA BA NI YAN LAG CAN GYI SHES PA'I RNAM PA SKAD CIG PAR KHAS BLANGS PAR BYA BA MA YIN NO ZHES BYA BA'I DON TO, ,KHYED CAG LA YAN LAG GCIG PO MED PA MA YIN NAM, RDUL PHRA RAB MANG PO RNAMS KYANG SHES PA GCIG LA

, ,CIG CAR SNANG BA JI LTAR 'GYUR, DE LTAR SNANG BAS KYANG GCIG NYID YIN NO SNYAM DU SEMS PA NI, GAL TE DU MA GCIG GIS ZHES BYA BA'O, ,PHYI ROL GYI DON YOD PA YANG SHES PA'I DMIGS PA MA YIN GYI 'ON KYANG SKYED PAR BYED PA YIN LA, DU MAS KYANG GCIG SKYED PAR BYED PA LA 'GAL BA MED PAR BSTAN PA NI, 'GAL BA DAG NI CI ZHIG YOD, ,CES BYA BA'O, ,RE RE ZHING SKYED PAR BYED PA MA YIN YANG PHAN TSUN BSKYED PAR BYA BA'I KHYAD PAR YOD PAR BSTAN PA NI, KHYAD PAR SKYES GYUR CES BYA BA'O, ,DBANG PO LA SOGS BZHIN ZHES BYA BA NI DBANG PO DANG SNANG BA DANG, YID LA BYED PA LA SOGS PA BZHIN TE, DU MA GCIG GI SKYED BYED MA YIN PA YANG RE RE ZHING SKYES PAR GYUR PA NI SKYED BYED DU MTHONG BA YIN ZHES BYA BA'I DON TO, ,NYE BA'I YUL NA GNAS PA SHES PA GSAL BA'I SKYED BYED JI LTAR YIN PA YUL RING BA LA NI DE LTA MA YIN TE, YUL THAG RING BA NI MI GSAL BA'I SKYED BYED YIN GYI YUL NYE BAR NI MA YIN PAR BSTAN PA NI, TSOGS GZHAN RJES SU ZHUGS PA'I PHYIR RO ZHES BYA BA STE, PHYI ROL GYI KHYAD PAR SKYES PA YANG TSOGS PA'I KHYAD PAR NYID KYIS GZUNG BA YIN GYI, DON MED PA LA LTOS NAS SKYES PA MA YIN ZHING, GZUNG BA YANG MA YIN NO ZHES BYA BA'I DON TO, ,RANG GI SNANG BA'I RGYU NYID KYIS GZUNG BA YIN GYI THAMS CAD MA YIN PAR BSTAN PA NI, RGYU'I DNGOS PO MA GTOGS PAR ZHES BYA BA'O, ,SNGON PO NYID NI RDUL PHRA RAB RE RE LDOG PA RTOGS PA YIN ZHING, RJES SU 'JUG PA MA YIN PA MA YIN NAM, DE'I PHYIR SPYIR 'GYUR RO ZHES ZER BA NI, 'DI RDUL PHRA RAB RNAMS KYI ZHES BYA BA'O, ,RDUL PHRA RAB MA GRUB NA DE'I SPYI MA YIN PA NYID DO ZHES BSTAN PA NI GZHAN DU MI 'THAD PA'I PHYIR TE, LU GU RGYUD DANG BONG BA YANG RDUL PHRA RAB TU RNAM PAR PHYE BA MTHONG BA'I PHYIR, RDUL PHRA RAB RNAMS SU DE DAG DA LTAR GNAS PA YIN NO ZHES BYA BA'I DON TO, ,YAN LAG CAN DANG LHAN CIG PA'I YAN LAG MI 'DZIN NA BA LANG LA SOGS PA YAN LAG CAN NYID KHYAD PAR CAN DU 'DZIN PAR BSTAN PA NI, JI LTAR RANG GI YAN LAG BCAS, ,ZHES BYA BA'O, ,YAN LAG GI

KHYAD PAR MED KYANG YAN LAG CAN NI RANG GI NGO BO KHO NAS YAN LAG CAN GZHAN LAS KHYAD PAR CAN YIN NO ZHES ZER BA LA, LKOG SHAL SOGS MTHONG MED PAR NI, ,ZHES BYA BA'O, ,LKOG SHAL LA SOGS PA'I KHYAD PA NI KHYAD PAR DU BYA BA YAN LAG CAN RTOGS PA YIN NO, ,KHYAD PAR CAN RTOGS PA GZHAN DU MI 'THAD PA MED PA'I PHYIR RO SNYAM DU SEMS PA NI, GAL TE YON TAN GTZO BO DAG ,CES BYA BA'O, ,DE LTAR NA KHYAD PAR DU BYED PA NYID KYI YAN LAG GZUNG BA YIN GYI, CIG SHOS NI MA YIN NO, ,DE'I PHYIR DE DAG TZAM GYI KHYAD PAR CAN 'DZIN PAR 'GYUR GYI, YAN LAG GZHAN LA KHYAB PA MA YIN PA'I PHYIR RTOGS PA DANG MA RTOGS PA DAG THA DAD PAR 'GYUR BAR BSTAN PA NI CIG CAR YAN LAG CES BYA BA'O, ,YON TAN DANG YON TAN CAN DAG RIM GYIS 'DZIN PA LA RANG DBANG YIN PA'I PHYIR YON TAN MA YIN ZHING YON TAN CAN YANG MA YIN PAR BSTAN PA NI, YON TAN LA SOGS LDAN PA'ANG MIN, ,ZHES BYA BA'O, ,GZUNG BA'I YUL TZAM KHYAD PAR MA YIN ZHING, KHYAD PAR DU BYA BA YANG NGO, ,'ON KYANG DE NYID KYIS 'DZIN PA YANG RNAM PAR RTOG PAS YIN LA, RNAM PAR RTOG PA YANG BDAG NYID THAMS CAD 'DZIN PAR MI NUS KYI, CHA TZAM LA MCHOG TU 'DZIN PA YIN PAR BSTAN PA NI, BRJOD PAR 'DOD PA GZHAN DBANG PHYIR, ,ZHES BYA BA STE, DE NI DE NYID KYIS 'DZIN 'GYUR, ,ZHES BYA BAR SBYAR RO, ,PHYE MA LEB KHRA LA SOGS GZUGS, ,DU MA'ANG ZHES BYA BA LA SOGS PA LA YANG, DE MA YIN PA LAS LOG PA'I BDAG NYID KYIS DNGOS PO LA REG PA YIN GYI, BDAG NYID THAMS CAD KYIS 'DZIN PAR BYED PA NI MA YIN NO ZHES BYA BA'I DON TO, ,DON DAM PA MA YIN TE ZHES BYA BA NI BTAGS PA YIN PA'O, ,CI LAS SHE NA KHYAD PAR NYID CES BYA BA STE, BRJOD PAR 'DOD PA'I DBANG GIS NGES PA NYID MA YIN PA'I PHYIR THAMS CAD DNGOS SU MA YIN ZHES BYA BA'I DON TO, ,GRU BZHI MA YIN NO ZHES BYA BA'I KHYAD PAR NYID LA SOGS PA NGES PA CAN MA YIN PA NYID DU BSTAN PA NI SNA TSOGS PA NYID NI MA NGES PA NYID DO, ,LKOG SHAL LA

, ,SOGS PA DANG NYE BAR LDAN PA'I RDZAS NI BA LANG GI SHES PA YUL YIN GYI GZHAN NI MA YIN NO, ,BA LANG SHES PA MTHONG BA MED, ,CES BYA BA LA SOGS PA BSTAN ZIN TO, ,NYE BAR LDAN PA MA YIN PA'I RDZAS KYANG RANG GI NGO BOS YOD PA MA YIN NAM, DE DANG LDAN PA MA YIN PA BA LANG DANG RTA LA SOGS PA'I DBYE BA MA RNYED PA'I RDZAS TZAM NI DOR BYA MA YIN ZHING BLANG BYA MA YIN PAR BSTAN PA NI, RANG GI DNGOS PO GZHAN DAG LAS ZHES BYA BA'O, ,RANG GI NGO BO NYID KYIS RNAM PAR DBYE BA YIN NA, BA LANG NYID LA SOGS PA DBYE BA BYED PAR MI 'GYUR BAR BSTAN PA NI BA LANG RANG NYID KYIS ZHES BYA BA'O, ,KHYAD PAR NYID DAM KHYAD PAR DU BYA BA NYID DNGOS SU YIN DU ZIN KYANG, RIM GYIS 'DZIN PA LA NI KHYAD PAR TZAM GANG GI YIN PA LA MTSON PA'I KHYAD PAR DU BYA BA TZAM DU 'GYUR RO ZHES BSTAN PA NI, YON TAN LA SOGS KHYAD PAR NI, GZUNG PHYIR ZHES BYA BA'O, ,DE BSTAN PA NI GANG GI YIN PA MI SHES PAR 'GYUR RO ZHES BYA BA'O, ,YAN LAG CAN GYI PHYOGS LA RE ZHIG CIG RKYANG PA BZUNG BA MA YIN NAM, DE NI GZHAN LAS THA DAD DAM THA MI DAD CES RNAM PAR DPYOD PA MED DO, ,DU MA'I PHYOGS LA NI YID NI GCIG LA BYA BA BYED PAS GZHAN LA BYED PA MED PA'I PHYIR YAN LAG RDZOGS 'DZIN MIN ZHES BYA BA LA SOGS PA'I THAL 'GYUR GYI LAN DKA' BA KHO NA YIN NO SNYAM DU SEMS PA LA SGRA SOGS ZHES BYA BA'O, ,DU MA CIG CAR 'DZIN PA LA NI 'DI SKYON MA YIN NO, ,YAN LAG RDZOGS PA 'DZIN PA NI GZHAN DU MI 'THAD PA'I YID KYIS DE RNYED PA 'DZIN PAR NUS PA'I PHYIR YAN LAG CAN GYI PHYOGS LA YANG 'DI LTA BU'I NUS PA CAN GYI YID NI YAN LAG RDZOGS PA 'DZIN PA LAS GZHAN DU MI 'THAD PA'I PHYIR RO ZHES ZER BA LA BKOD PA STE YAN LAG CAN GYI'O, ,'DZIN PAR MI RUNG BA NI BKOD PA CAN TE, YAN LAG CAN RNAMS RIG PAR MI RUNG BA'O, ,'GREL PAR NI DGOD PAR BYA BA'I BDAG NYID KYI BKOD PAR 'DZIN PA YIN NA, GRANGS CAN GYI CIG CAR DU MI 'DZIN PAR 'GYUR BAR BSTAN PA NI, DE TZAM LNGA'I ZHES BYA BA'O, ,'DI NYID RNAM PAR DBYE BA NI, DE LA SGRA'I

YONGS SU GYUR PA'I ZHES BYA BA'O, ,LAN LHAG MA NI ZHES BYA BA NI MGYOGS PAR ZHES BYA BA LA SOGS PAS SO, ,RDUL PHRA RAB GCIG CIG CAR 'DZIN PA BZHIN DU MI RTAG PA DANG, BYAS PA NYID LA SOGS PA'I CHOS DANG LDAN PA'I DU MA'I CHOS CAN 'DZIN PA YANG CIG CAR KHO NA MA YIN NAM, DE BZHIN DU MIG PHYE BA KHO NAS YOD PA DANG BUM PA DANG, RDZAS DANG MI RTAG PA DANG BYAS PA DANG ZLUM PO ZHES BYA BA'I BDAG NYID KYIS MTHONG BA YIN TE, THUN MONG MA YIN PA BZHIN DU YIN LA DBANG PO'I RJES SU BYED PA NI MNGON SUM MA YIN PA MA YIN TE, THAL CHES PAR 'GYUR BA'I PHYIR RO SNYAM DU SEMS PA LA, RDZAS LA SOGS PA'I SHES PA RNAMS DBANG PO'I RJES SU BYED PA NI, GZHAN LAS DNGOS PO'I DBYE BA 'DZIN PA SNGON DU 'GRO BA CAN YIN PA'I PHYIR GZHAN DU GRUB PA YIN PAR BSTAN PA NI, CHOS CAN THAMS CAD LAS LDOG PA ZHES BYA BA'O, ,DE'I THA DAD PA NI DE THA DAD PA STE; 'DZIN PA DES BRTAGS PA'I THA DAD PA CAN TE, NYE BAR BRTAGS PA'I SNA TSOGS PA NYID YIN GYI BRTAGS PA GZHAN GYIS NI MA YIN NO, ,DU MA'I NGO BO GANG YIN PA DE NI DE'I THA DAD PAR 'DZIN PA'I BRTAGS PA'I THA DAD PA'O, ,DE'I PHYIR MIG LA SOGS PA LA LTOS PA'O, ,'DI LTAR MA HE LA SOGS PA'I TSOGS BOR NAS, BA LANG GI TSOGS KYI RJES SU 'GRO BA NI DE BOR NAS 'DI RNAM SHES SO ZHES RTOGS PA'O, ,'DI RNAMS KYI MTSUNGS PA'I NGO BO SHES SO ZHE NA, NYE BA RTOGS PA MA YIN TE, RING BA NA GNAS PA YANG DNGOS PO DE RNAMS NYID NYE BA MA YIN PA SKRA SHAD BZHIN DU NYE BAR RTOGS PA YIN LA, THA DAD PA'I SNANG BA DE DAG LA THA MI DAD PA'I SGRO 'DOGS PA NI 'KHRUL PA YIN NO ZHES BYA BA 'DI DAG TZAM NI RIG PA'I YUL YIN GYI SPYI LA SOGS PA NI MA YIN NA, GANG GIS DE 'DZIN PA LAS MNGON SUM RTOGS PA CAN DU 'GYUR BA YIN, DON 'DI NYID NI GAL TE RNAM PAR RTOG PA MED PA ZHES BYA BA LA SOGS PA'I DOGS PAS CHOS CAN DU MA'I NGO BO NI ZHES BYA BA LA SOGS PAS THAMS CAD LAS LOG PA'I DNGOS PO MNGON SUM GYIS 'DZIN PA YIN LA, DE'I RJES SU 'BRANGS PA'I RNAM PAR RTOG PA NI CHOS CAN DANG CHOS LA

, ,SOGS PA'I RNAM PAR DBYE BA LA DPYOD PAR BYED PA YIN PAR BRDA'I RJES SU 'BRANGS NAS ZHES BSTAN PA NI, DU MA'I NGO BO ZHES BYA BA'O, ,KHYAD PAR DU BYA BA DANG KHYAD PAR GYI NGO BOR RNAM PAR DBYE BA JI LTAR RTOGS ZHES ZER BA LA, RANG NYID RIG BYA STE, RANG GI NGO BOS RIG PAR BYA BA'O, ,LDOG PAR BRTAGS PA YANG DE NYID KYIS YIN NO SNYAM DU SEMS PA LA, BSTAN MIN PA'I ZHES BYA BA STE, BSTAN PA'I YUL MA YIN PA NYID KYIS RTOGS PA'I YUL NYID MA YIN PAR MTSON PA'O, ,DBANG PO LNGA'I YUL GZUGS LA SOGS PA BZHIN DU DE'I CHOS KYANG MA YIN NAM, DE JI LTAR DE 'DZIN PA'I SHES BRTOGS PA MED PA YIN ZHES ZER BA LA PHAN TSUN DPEN PAR NI ZHES BYA BA SMOS TE, GZUGS DANG RO LA SOGS PA PHAN TSUN MI LDAN PA RTOGS PA YIN GYI GZHI GCIG MA YIN PA STE, GCIG MA YIN ZHES BYA BA'I DON TO, , MTHONG BA LA BDAG GIS REG GO ZHES NGES PA RJES SU 'JUG PA'I BYED PA CAN GYI MTHONG BA DANG, REG PA'I MNGON SUM NI GZUGS DANG REG PA DAG GI GCIG NYID DAM, DE'I GZHI GCIG NYID YUL DU BYED PA MA YIN NAM SNYAM DU SEMS PA LA, GAL TE BDAG GIS MTHONG BA ZHES BYA BA'O, ,RNAM PAR RTOG PA JI LTA BA BZHIN DU MTHONG BA MA YIN TE, THAL CHES PA'I PHYIR RO, ,'O NA CI ZHE NA, JI LTA BA NYID DE YIN NO ZHES BSTAN PA NI, MA YIN TE NGO SHES PA ZHES BYA BA'O, ,DE LA BAG CHAGS JI LTA BA BZHIN DU 'BYUNG ZHING MTHONG BA LA BRTEN PA MA YIN PAR BSTAN PA NI, GDUGS DANG REG PA ZHES BYA BA'O, ,'DI'I MTHONG BA NYID KYI RJES SU 'BRANG BA NYID BSTAN PA NI MIG GI RIGS PA NI GZUGS TZAM RIG PA YIN NO ZHES BYA BAR SBYAR RO, ,REG PA YANG YIN LA 'JUG PA YANG YIN PAS REG PA 'JUG PA STE DE MED PA'I PHYIR RO ZHES BYA BA'O, ,GANG GI ZHES BYA BA'I'O, ,REG PAR BYED PA'I PHYIR REG PA STE, REG PA YANG YIN PA YUL YANG DE YIN PA'O, ,GANG GI TSE DE REG PA ZHES BYA BA 'DI LA YANG BAR DU GSAL BAR BYED PAS GANG GI YIN ZHES BYA BA 'BREL BZHIN PA'I SHUGS KYI GANG GI ZHES BYA BAR 'GYUR TE, MTHONG BA DANG REG PA'I

SHES PA PHAN TSUN YUL THA DAD PAS NANG GI YUL NYID RJES SU DPAG PA LAS RTOGS PAR BYED CING, THA DAD PA NYAMS PAR BYED DO ZHES BYA BA'I DON TO, ,GAL TE MTHONG BA DANG REG GO ZHES BYA BA DE LTA BU'I BYED PA RTOGS BAR BYED PA NI, MTHONG BA MA YIN GYI'O NA CI ZHE NA, YID KYI MNGON SUM YIN TE, YID NI DBANG PO YIN PA'I PHYIR DE'I GCIG NYID DAM RTEN GYI GCIG NYID RNAM PAR 'JOG PAR BYED DO SNYAM DU SEMS PA NI, 'ON TE DE NYID TZAS BYA BA'O, ,MA 'KHRUL PA NYID DE MI SLU BA NYID NI MNGON SUM GYIS RTOGS PA MA YIN TE, MTHONG BA DANG REG PA'I MNGON SUM NI NGES PA'I YUL CAN YIN PA'I PHYIR RO ZHES BSTAN PA NI, GANG NYID MTHONG BA ZHES BYA BA'O, ,MTHONG BA LA SOGS BAS MA PHYE BA'I GZUGS KYI GZUGS NYID GSER GYI BUM PA BZHIN DU YAN LAG CAN GCIG MA YIN NAM SNYAM DU SEMS PA LA GZUGS LA SOGS PA THA DAD PA ZHES BYA BA STE, GZUGS KYANG THA DAD PAR MTHONG BAR NUS PA NI DU MA NYID YIN NO ZHES BYA BA'I DON TO, ,DBYE BAR MI NUS PA'I GZUGS NI SHES PA GCIG GI KHONGS SU GTOGS PA YIN GYI PHYI ROL GYI MA YIN PAR BSTAN PA NI, DE BZHIN DU GZUGS NI RANG GIS RIG PAR BYA BA ZHES BYA BA'O, ,RNAM PAR RTOG PA NI DBANG PO'I YUL LA ZHEN PAR BYED CING DE MA YIN PA'I SHES PA BZHIN DU RTOGS PAR BYED PA MA YIN PAR BSTAN PA NI, NGO SHES PA NI TSANG MA NYID MA YIN ZHES BYA BA'O, ,'DIR YANG ZHES BYA BA NI RNAM PAR RTOG PA LA'O, ,MNGON SUM DANG MI MTHUN PA'I PHYIR ZHES BYA BA NI, MNGON SUM GYI KHYAD PAR TE, RNAM PAR RTOG PA'I NI MA YIN NO ZHES BYA BA'I DON TO, ,RANG GI NGO BO STE MNGON SUM GYI RTOGS PAR BYA BA'I KHYAD PAR YIN PA NI DE'I RTOGS PA YIN NO, ,SGRA LAS BYUNG BA LA SNANG BA NI TSIG LAS BYUNG BA'I SHES PA GNOD PA MED PA YIN TE, YUL GANG DANG GANG DU 'BYUNG BA'I PHYIR DE NI TSAD MA MA YIN TE, TSAD MA MED PA'I PHYIR RO, ,NGAG LAS BYUNG BA DE NI THE TSOM LAS KHYAD PAR MED PAR BSTAN PA NI MA YIN TE, DE LA YANG ZHES BYA BA'O, ,KHYER LA SHOG CES BYA BAS GDON MI ZA BAR BYA BA NYID DU RTOGS PA YIN GYI, PHYOGS CAN NI MA YIN PA MA YIN NAM, DE'I

, ,PHYIR 'KHRUL PA MED PA YIN TE GZUGS GZHAN BKAG PA YIN NO SNYAM DU SEMS PA NI, 'O NA JI LTAR KHYER NAS 'ONGS PA LA SOGS PA ZHES BYA BA'O, ,TSIG GI SHES PA NI RANG BZHIN PA'I 'BREL PA MED PA'I PHYIR DON LA NGES PA CAN MA YIN NA, DE SNGON DU 'GRO BA CAN GYI NGAG GI SHES PA YANG DE KHO NA BZHIN DU'O ZHES BSTAN PA NI MI 'KHRUL PA YOD PA NI MA YIN TE ZHES BYA BA'O, ,BYA BA LA ZHES BYA BA NI BSKUL PA LA'O, ,DE NI 'DI LTAR RNAM PAR RTOG PA LAS MNGON SUM GYI YUL THA DAD PA YIN NA, JI LTAR 'DI MNGON SUM LAS BYUNG BA DANG, JI LTAR DBANG PO'I RJES SU BYED PA NI GZHAN DU GRUB PA YIN NO ZHES ZER BA NI, 'O NA JI LTAR CHOS CAN GYI CHOS ZHES BYA BA'O, ,TSIGS SU BCAD PA'I DBANG DU BYAS NAS BSTAN PA NI, CHOS LA SOGS PA'I ZHES BYA BA'O, ,LDOG PA 'DZIN PA'I KHYAD PAR GYIS BRTAGS PA DES SKYED PA STE, RNAM PAR RTOG PAS SPRUL PA YIN LA DE'I PHYIR DBANG PO'I RJES SU 'DI GZHAN DU GRUB PA YIN NO ZHES BYA BA'I DON TO, ,LDOG PA'I TSIG GIS DON 'DZIN PA LA RNAM PAR RTOG PA'I RGYU NYID YIN PAR BSTAN PA NI, DE LA DA LTAR NI ZHES BYA BA'O, ,DMIGS KYIS BSAL BA'I RTOG PA NYID BSTAN PA NI, GAL TE KHA DOG DANG ZHES BYA BA STE, SNGON PO ZHES DBYIBS KYIS PHYE BA YIN NO ZHES BYA BA'I DON TO, ,SNGON PO MA YIN BA LAS THA DAD PA'I DBYIBS NI SNGON PO LA SOGS YIN NA, DES NA SNGON PO MA YIN PAR 'GYUR BAR BSTAN PA NI, DE TSE BUM PA ZHES BYA BA LA SOGS PA'O, ,SNGON PO LAS THA MI DAD PA YANG SNGON PO MA YIN PA LA YIN NA, DES NA DE SNGON POR 'GYUR RO ZHES BSTAN PA NI, SNGON PO MA YIN PA ZHES BYA BA NAS DBYIBS LA SOGS PA ZHES BYA BA'I BAR DU'O, ,GANG GI PHYIR SNGON PO MA YIN PA YANG SNGON PO'I KHONGS SU GTOGS PA MA YIN PA DANG, GANG GI PHYIR YANG SNGON PO'I DBYIBS SNGON PO MA YIN PA'I KHONGS SU GTOGS PA MA YIN PA DE'I PHYIR ZHES NYE BAR SDUD PA YIN NO, ,THA DAD PA LA THA MI DAD PA SNANG BA NI RGYU MTSAN GZHAN CAN GYI 'KHRUL PA KHO NA YIN LA SHEL LA DMAR PO NYID BZHIN DU ZHES ZER BA NI, DON GCIG LA 'DU BA NA

ZHES BYA BA'O, ,THA DAD PAR DGA' BA NYID NI DOR BYA NYID YIN TE, DE DANG 'DU BAS SO SOR SNANG DU RUNG BA LA GZUGS SU SNANG BA YIN NA, GANG LA SHES PA GCIG TU SNANG BA YIN ZHING, JI LTAR DBANG PO THA DAD PA'I GZUNG BA YIN TE, 'DZIN PA'I 'BRAS BU THA MI DAD PA'I PHYIR RO ZHES BYA BA'I DON TO, ,BUM PA RTOGS PAR MI 'GYUR RO ZHES BYA BA NI, SNAM BU RTOGS PA DANG MTSAN NYID MI MTHUN PA TZAM NI, GZUGS LA SOGS PA TZAM NI THAMS CAD LA MTSUNGS PA'I PHYIR RO, ,DE'I PHYIR BA LANG NYID LA SOGS PA THA DAD PA RNAMS KYI ZHES BYA BA NI DE DANG THA MI DAD PA RNAMS KYI'O, ,RJES SU DPAG PA DANG LDAN PA'I ZHES BYA BA NI RJES SU 'GRO BA DANG LDOG PA NYAMS PA'O, ,MNGON SUM GYI GO BYA NYID YIN NA YANG RJES SU DPAG PA DON MED PA MA YIN PA DE'I TSOGS PA CAN 'DI YIN PA'I PHYIR RO ZHES BSTAN PA NI, 'DI NI ME LA YANG ZHES BYA BA'O, , DBANG PO LA SOGS PA YANG MIG 'BRAS LA SOGS PA LAS GZHAN GZHAN PA MI 'DOD PA KHO NA YIN NO ZHES ZER BA NI RTAG TU RJES SU DPAG PAR BYA BA ZHES BYA BA'O, ,RJES SU 'GRO BA DANG LDOG PA CAN NYID LA THA DAD PAS KHYAB PA NI DBYIBS DANG KHA DOG LA YOD DO SNYAM DU SEMS PA NI, GANG DANG ZHES BYA BA'O, ,MA YIN TE RJES SU 'GRO BA NI ZHES BYA BA NI KHYAB PA'I STE SNAM BU DANG SHING RTA DAG NI THA DAD PA LA RJES SU 'GRO BA DANG LDOG PA NYID DGONGS PA CAN MA YIN TE, MNGON SUM GYIS BYAS PA'I PHYIR RO ZHES BYA BA'I DON TO, ,THA DAD PAR MA YIN NO ZHES BYA BA NI SNAM BU DANG SHING RTA DAG LA'O, ,MA 'DRES PAR ZHES BYA BA GYI SO SOR BYAS NAS SO, ,THA DAD PAR SNANG BA NI THA DAD PAR RTOGS PA'O, ,RJES SU 'GRO BA MED PA'I PHYIR RO ZHES BYA BA NI KHRA BO LA SOGS PA'I KHYAD PAR LAS SO, ,DE LA NI MA YIN BA LAS LOG PA'I RGYU MTSAN CAN NI RTOGS PA GCIG GI RJES SU 'GRO BA YIN PAR BSTAN PA NI, GCIG TU RTOGS BA DANG LDAN PAS NI ZHES BYA BA'O ZHES GCIG TU RJES SU 'GRO BA CAN DE DANG GCIG PAR RTOGS PAS RNAM PAR GZHAG PA YIN NO SNYAM DU SEMS PA NI, GCIG TU RTOGS PA NYID CES BYA BA'O, ,KHYAD PAR RNAMS KHO NA GCIG TU RTOGS

, ,PA LA RNAM PAR GZHAG PAR BYED PA YIN TE, DE MA YIN PA'I RTOGS PA NI DE LA 'JUG PA'I PHYIR RO ZHES BSTAN PA NI, MTHONG BA ZHES BYA BA'O, ,NGES SPYI'I RTOGS BA MA YIN PAR BSTAN PA NI, MA MTHONG BA'I ZHES BYA BA'O, ,KHYAD PAR RNAMS GCIG NYID DU RNAM PAR 'JOG PAR BYED KYI, DE LAS THA DAD PA NI MA YIN NO SNYAM DU SEMS PA LA, DE NI THA DAD PA DAG LA ZHES BYA BA STE, THA DAD PA RNAMS RTOGS PAS RANG GI NGO BO THA MI DAD PAR RTOGS PA'I YUL YIN TE, 'DI THA MI DAD PA'I YUL CAN YIN TE ZHES BYA BA'I DON TO, ,DE BSTAN PA NI RANG GI NGO BO TZAM ZHES BYA BA STE, THA DAD PA RNAMS RTOG PA NI MNGON SUM PA BZHIN DU DE LA SNANG BA MA YIN PA'I PHYIR KHYED KYI SPYI 'KHRUL PA YIN NO, ,'ON TE SPYIR NGES PA CAN 'JUG PAR 'OS PA YIN NO ZHES BYA BA'I DON TO, ,GCIG TU RTOGS PA NI GCIG NYID MA RTOGS PAR MI 'THAD PA MA YIN NAM SNYAM DU SEMS PA LA, 'DI NI GANG DU YANG ZHES BYA BA STE, 'DI NI RTOGS PA MA YIN TE, 'DI DANG MTHONG BA MED PA LA KHYAB PA NYAMS SU MYONG BA MED PA'I PHYIR RO ZHES BYA BA'I DON TO, ,DON GYIS GO BA YANG MA YIN TE, MTHONG BA TZAM YOD PAS GZHAN DU YANG 'THAD PA'I PHYIR RO ZHES BSTAN PA NI, DMIGS PA LA ZHES BYA BA'O, ,DE LTA NA YANG GCIG NYID DE DMIGS PA KHO NA YIN TE, GZHAN DU NA 'DI NYID 'DZIN PAR MI 'GYUR RO SNYAM DU SEMS PA LA DE YANG ZHES BYA BA STE MTHONG BA'I GCIG PA NYID DO, ,DE NI SKAD CIG RE RE ZHIG GZHAN YIN PAS 'DZIN PA'I YUL MA YIN TE, 'DI THAMS CAD LA RJES SU MTHUN PA YIN NO ZHES BSTAN PA NI, RE RE NI ZHES BYA BA'O, ,SO SO SO SOR RIG PA MED PA'I PHYIR NI 'DZIN PA'I BYA BA STE, NGES PA'I YUL MED PA'I PHYIR RO ZHES BYA BA'I DON TO, ,THAMS CAD LAS LOG PA'I NGO BO 'DZIN BYED DU MTHONG BA NI RANG GI SNANG BA'I RTOG PAS BLANGS PA'I NGO BO'I DBYE BA NI SNANG BZHIN PA'I DNGOS PO DANG 'BREL PAR RUNG BA NYID KYI PHYIR 'DZIN PAR 'GYUR RO SNYAM DU SEMS PA LA BRTAGS PA'I RANG BZHIN THA DAD PA ZHES BYA BA STE BRTAGS PA LA RUNG BA NYID DO, ,RTOGS PA MED PA'I ZHES BYA BA NI DE RNAMS SU MTHONG DU RUNG BA NYID LA KHYAB PAR BYED PA 'GAL BA NI

RTOG PA MED PA YIN NO ZHES BYA BA'I DON TO, ,BRTAGS PA'I NGO BO RNAMS KYIS 'DRES PA'I NGO BO MNGON SUM GYIS MTHONG BA NI DPYOD PA DANG BRAL BA YANG MNA' BSKYAL BAS RTOGS PAR BYA BA YIN NO, ,KHRA BO NI DE LTA BU'I SNANG BAS KHYAB PA YIN LA, KHRA BO MA YIN PA'I SNANG BA'I YUL MA YIN TE, KHYAB PAR BYED PA DANG 'GAL BA'I PHYIR RO ZHES BSTAN PA NI SNA TSOGS MIN ZHES BYA BA'O, ,MTHONG BA NI DON NYE BA KHO NA LAS 'BYUNG NA RES 'GA' BA YIN LA, RTOG PA LAS BYUNG BA'I BRTAGS PA NI RTOG PA LAS BYUNG BA'I PHYIR RES 'GA' BA MA YIN LA KHYAB PAR BYED PA DANG 'GAL BA CAN NGES YUL CAN DU BYED PA MA YIN ZHING, NYAMS SU MYONG BA LA YANG 'BYUNG BA STE, DE LAS GZHAN BA LAS DBANG PO LAS SKYES PA MA YIN PA NYID DU KHYAD PAR MED DO, ,DE DBANG PO RNAMS KYI YANG NYAMS SU MYONG BA'I DON NYID KYIS GZHAN DU GRUB PA'I PHYIR RO ZHES BSTAN PA NI, RES 'GA' BA'I ZHES BYA BA'O; ;SNGA MAS NI RTOG PA DANG RTOG PA MED PA DAG GI NGO BO'I DBYE BA DANG, BAR MAS NI YUL GYI DBYE BA DANG, THA MAS NI RGYU'I DBYE BA BSTAN PA YIN NO, ,RNAM PA THA DAD PAS ZHES BYA BA NI RANG GI RNAM PA'I YUL GYI RNAM PA THA DAD PAS SO, ,BRKYANG PA'I SNGON PO DMIGS NA CHA BZHIN DU CHA MED PA YANG MTHONG BA'I YUL MA YIN NAM, GANG GI PHYIR SKRA SHAD RNAMS NYE BA BZHIN DU, THAG RING BA LA YANG SNANG BA'I YUL MA YIN NO SNYAM DU SEMS PA NI, GAL TE DKAR SOGS YONG GYUR KYANG, ,ZHES BYA BA'O, ,GCIG PO DE NI PHYI ROL MA YIN TE DBYE BAR MI NUS PA'I PHYIR DANG, SHES PA GCIG NI NANG DU 'DUS PA'I PHYIR RO, ,PHYI ROL NI DBYE BAR NUS PA NYID KYI CHA SHAS CAN YIN PA'I PHYIR RO, ,PHYI ROL DE GCIG TU KHAS BLANGS KYANG MTHONG BA'I YUL YIN GYI RNAM PAR RTOG PA'I MA YIN TE, DE'I NGO BO LA REG PA MA RTOGS PA'I PHYIR RO ZHES BYA BA'I DON TO, ,BLO RNAMS DON GCIG NYID YIN ZHES BYA BA NI RTOG PA DANG RTOG PA MED PA DAG GI YUL GCIG YIN PA LA'O, ,'DIS NI SGRA DANG DBANG PO'I RJES SU DPAG PA LAS RANG GI NUS PA RJES SU 'BRANG BA GANG DAG GIS RES 'GA' 'GA' ZHIG KHO NAR DNGOS PO'I CHA GCIG RTOGS PA YIN NO ZHES BYA BA DE YANG

, ,BSAL BA YIN NO, ,SKRA DANG RJES SU DPAG PA LA SOGS PAS KYANG DNGOS PO'I CHA NYID RTOGS PA MA YIN TE THA DAD PA'I PHYIR RO, ,THA MI DAD NA YANG SGRA LAS BZHIN DU DBANG POS KYANG RTOGS PAR 'GYUR TE DNGOS PO NYID BZHIN DU RUNG BA NYID YIN PA'I PHYIR RO ZHES BYA BA'I DON TO; ;'ON TE DNGOS PO GCIG NYID TSOGS PA'I DBYE BA DE DANG DES DE LTA DE LTAR RTOGS PA YIN TE, THAG RING BA DANG CIG SHOS LA SOGS PA BZHIN DU'O, ,SNGON PO LA SOGS PA'I TSAD MA'I DBYE BA TSOGS PA'I DBYE BA NYID KYIS YIN GYI YUL GYI DBYE BAS NI MA YIN NO SNYAM DU SEMS PA LA, BLO RNAMS DON GCIG YIN YANG ZHES BYA BA'O, ,RTEN SNA TSOGS PA ZHES BYA BA NI TSOGS PA'I DBYE BA'O, ,DER 'GYUR BA NA ZHES BYA BA RTOGS PA'I NGO BO'I DBYE BA'O, ,GZUNG BYA'I NGO BO THA MI DAD PA YIN NA, RTEN THA DAD PA NI MIG DANG RNA BA BZHIN DU RTOGS PA'I NGO BOR THA DAD PAR BYED PA MA YIN PAR BSTAN PA NI, RNA BA LA SOGS SEMS ZHES BYA BA'O, ,THA DAD DON CAN NI KHYAD PAR GYI DON GCIG NYID KYIS TE THA MI DAD PA'I NGO BO RNAMS SO SOR SNANG BA'I RANG BZHIN GCIG PAR GRAGS PA YOD PA RNAMS 'THOB PAR MI 'GYUR GYI SGRA LA SOGS PA BZHIN DU THA MI DAD PA'I NGO BO 'THOB PAR 'GYUR RO ZHES BYA BA'I DON TO, ,RTEN THA DAD PA LAS 'BRAS BU RNAMS NYID SNA TSOGS PA'I NGO BO CAN DON SNA TSOGS PAR 'GYUR RO ZHES BYA BA'I DON BSHAD PA NI, GAL TE RTEN THA DAD PAS ZHES BYA BA'O, ,RTEN RNAMS KYI RNAM PA LNGA'I DBYE BAS NGO BO'I DBYE BA LNGA NYID YIN GYI GZHAN SNGON PO DANG SER PO LA SOGS PA MA YIN PAR BSTAN PA NI, SER PO LA SOGS PAR ZHES BYA BA'O, ,'ON TE SGRA RNAMS NYID SNGON PO DANG SER PO LA SOGS PA'I NGO BO RNAMS KYI DBYE BA DAG NI DE'I DBYE BA YIN PA DES NA SKYON 'DI MED DO SNYAM DU SEMS PA LA, NUS PA'I KHYAD PAR ZHES BYA BA'O, ,RNAM PA GZHAN DU ZHES BSHAD PA NI, THA DAD PAR RAM ZHES BYA BA STE, GSAL BA THA DAD PAR RO, ,GZHAN YANG RUNG BA ZHES BYA BA NI THA MI DAD PAR YANG NGO, ,SPYI'I SGO NAS LAN BTAB PA NI, RNAM PA GZHAN DU RTOGS PA NAS ZHES BYA BA STE, DBANG POR RTOGS PA LAS SO, ,'DI'I ZHES BYA BA NI SGRA'I

RTOGS BYA'I'O, ,DON DAM PA NYID CES BYA BA NI KHA CHU LA SOGS PA'O, ,DE NYID CES BYA BA NI KHA CHUS BSGRUB PAR BYA BA LA'O, ,DON GCIG YIN NA ZHES BYA BA NI GZUNG BA GCIG NYID YIN NA'O, ,YUL SO SOR NGES PA YIN NA, RGYU SHES PA'I RTEN YIN GYI RNAM PA THA DAD PA YIN NA MA YIN PAR BSTAN PA NI, ,SEMS KYI RTEN NI GZHAN DANG GZHAN, ,ZHES BYA BA STE, GZHAN DANG GZHAN NI RTEN TE MIG GCIG YIN YANG RNAM SHES NI SNGON PO DANG LJANG GU LA SOGS PA'I YUL GYI DBYE BA'I RJES SU 'BRANG BA CAN RNAM PA SNA TSOGS PA YIN GYI, RTEN GCIG NYID KYIS RNAM PA GCIG NYID MA YIN NO ZHES BYA BA'I DON TO, ,DON NI MA YIN NO ZHES BYA BA NI YUL GYI RNAM PA'I'O, ,SGRA DANG DBANG PO LA SOGS PA RTEN THA DAD PA YIN YANG DON THA DAD PAR 'DOD PA MA YIN PAR BSTAN PA NI, DON NI SNGON PO LA SOGS PA ZHES BYA BA'O, ,SHES PA DE LA ZHES BYA BA NI SGRA DANG DBANG PO LA SOGS PA'I BSKYED BYA'O, ,DE'I PHYIR DE'I SNANG BA YANG NGO BO GCIG TU 'GYUR RO ZHES BSTAN PA NI, RANG BZHIN GCIG NYID CES BYA BA'O, ,DBANG PO'I YUL GYI NGO BO MED PA NYID SGRA LAS BYUNG BA LA SNANG BAR MI RIGS PA MA YIN NAM, SGRA DANG DBANG PO DAG YUL GCIG PA NYID DU KHAS BLANGS PA'I PHYIR RO ZHES BSTAN PA NI MED PA NI SNANG BA MA YIN NO ZHES BYA BA'O, ,'BREL PA ZHES BYA BA NI 'THAD PA'O, ,DE'I ZHES BYA BA NI DBANG PO'I YUL GYI'O, ,DE'I NI SGRA'I 'BREL PA CAN GYI SGRA LAS BYUNG BA'I'O, ,SGRA YANG MIG LAS BYUNG BA'I'O, ,MIG KYANG YUL THA DAD PA LA DE DANG GCIG NYID DU 'GAL BAR BSTAN PA NI, GCIG NYID 'GAL BA ZHES BYA BA STE SHUGS KYI YUL GYI'O, ,NYAMS PAR 'GYUR RO ZHES BYA BA NI RTEN DANG YUL DAG THA DAD PAR KHAS BLANGS PA'I PHYIR RO ZHES BYA BA'I DON TO, ,DE'I PHYIR RANG GI NGO BO ZHES BYA BA NI, SGRA LAS 'BYUNG BA LA MED DO ZHES BYA BA'I DON TO, ,'ON TE SGRA LAS BYUNG BA LA YANG DON GCIG RANG GI KHO NAS SGRA'I RTEN GYI NGO BOR SNANG BA YIN GYI DBANG PO'I RTEN GYI NGO BOR NI MA YIN NO SNYAM DU SEMS PA NI, 'ON TE SGRAS RTEN YIN PA'I PHYIR RO ZHES BYA BA STE, DMIGS PA YIN PA'I PHYIR

, ,RO; ;RNA BAS RTOGS PA'I SGRA NI DON RTOGS PAR BYED PA NA, RANG NYID NI DE LAS SDANG BAR BYED PA MA YIN PAR BSTAN PA NI, RTOGS BA'I ZHES BYA BA STE RANG GI ZHES BYA BA NI NGO BO GZHAN 'DIS BLANGS PA MA YIN NO ZHES BYA BA'I DON TO, ,'DI NI ZHES BYA BA NI SGRA STE, RNA BAS RTOGS PA'O, ,LAN NI DE LTAN NI ZHES BYA BA'O, ,MA RTOGS PA'I PHYIR ZHES BYA BA NI SGRA BZHIN NO, ,GZHAN LAS ZHES BYA BA NI RANG GI NGO BO MA YIN PA'I SNANG BA'I SGRA LAS SO, ,DE LAS ZHES BYA BA NI MI GSAL BA'I RNAM PA LAS YIN GYI DON DAM PA NI MA YIN TE, RTOG PA NYID KYI DBANG PO'I YUL SNANG BA MA YIN PA'I PHYIR RO, ,'DI NYID GSAL BAR BYED PA NI MA RTOGS KYANG ZHES BYA BA'O, ,RTEN SNA TSOGS NYID YIN YANG ZHES BYA BA NI SGRA DANG DBANG PO DANG RTAGS LA SOGS BA'I RTEN NYID YIN NA YANG NGO, ,'GA' ZHIG CES BYA BA NI MI GSAL BA'O; ,GZHAN GYIS KYANG ZHES BYA BA NI DBANG PO LAS SKYES PA'O, ,RJES SU ZHUGS ZHES BYA BA NI THA MI DAD PA'O, ,DE 'DI LTAR SGRA LAS BYUNG BA NI SNANG DU RUNG BA'I DBANG PO'I YUL LA RTOG PA MED PAR NI STE, 'DZIN PA'I BYED PA MED PAS 'JUG PA'I PHYIR 'DAS MA THAG TU BSTAN PA'I GTAN TSIGS MTHONG BA LAS TE, 'DZIN PA'I BYED PA PO LAS BA LANG BA LANG NGO SHES PA NI BA LANG LA SOGS PA RNAMS KYI BA LANG NYID LA SOGS PA'I RTEN NYID KYIS KHRA MO LA SOGS PA'I NGO SHES PA BZLOG PA YIN ZHES BYA BA NI MTHONG BA LA SOGS PA'I TSIGS SU BCAD PA'I DON TO, ,ZHEN PAS NI BZLOG PA MA BYAS PA KHO NA'O, ,MTHONG BA RTOGS PA YIN NA ZHES BYA BA NI SNANG BA 'DZIN PA NYID YIN NA'O, ,RTOGS PA MED PA'I NGO SHES PA NI MTHONG BA KHO NA LAS BYUNG BA MA YIN NAM, GANG GI PHYIR SNANG BZHIN BA LAS SNGA MA NYID NI MI SNANG BA MA YIN TE, BRNGA JI LTA BAR 'DI'I SGRA DRAN PAR BYED PA 'AM, MTSAMS SBYOR BAR BYED PA MA YIN TE, JI SKAD DU, GANG ZHIG YOD PA GANG MTHONG BA, ,DE MTHONG BA DE'I SGRA DRAN PAR, ,ZHES GSUNGS PA RIG PA RIGS PA MA YIN SNYAM DU SEMS PA LA, BA LANG LA SOGS MTHONG BA LA, ,ZHES BYA BA STE, RNAM PAR RTOG PA'I SNGAR

MTHONG BA NGO SHES PA MTHONG BA'I PHYIR MTHONG BA NI SNANG DU RUNG PA'I SNGA MA NYID MTHONG BA'O ZHES RJES SU DPAG PA YIN LA, DRAN PA DANG RNAM PAR RTOG PA DAG DRAN PA MTHONG BA TZAM GYIS MA GRUB PA MA YIN NO, ,MTHONG BA'I BYED PA RJES SU DPAG PA BYA BA NI MA YIN NO, , LA LAR MA NGES PA NI NGES PAR BYA BA SNANG BA STE, SNGAR GYI DNGOS PO'I BYED PA DE LTA BU MA YIN ZHES BYA BA'I DON TO, ,BA LANG LA SOGS PA MTHONG BA TZAM ZHES BYA BA LA KHRA BO LA SOGS PA LA'O, ,RJES SU 'GRO LAS RJES DPOG GANG, ,ZHES BYA BA NI RIGS LA SOGS PA'I STE SNGAR GYI DNGOS PO'I GNAS SKABS KYIS MTHONG BA'I YUL YIN NO, ,DNGOS PO LA REG PA ZHES BYA BA NI KUN DU REG PA'O, ,'DZIN PA NI BRJOD PA DANG RTOG PA DAG GIS ZHES BYA BA DANG SBYAR RO, ,MNGON PA'I NGA RGYAL TZAM NYID DE ZHES BYA BA NI DE LTA BU'I THOG MA MED PA'I BAG CHAGS LAS BYUNG BA'O, ,MTHONG BA JI LTA BA BZHIN DU ZHES BYA BA NI BAG CHAGS SKYED PAR BYED PA'I RNAM PAR RTOG PA MTHONG BA'O, ,BRJOD DANG RNAM RTOG DAG CES BYA BA NI RJES SU 'GRO BA TZAM BYAS PA'I 'BREL PAS BYED PA PO'I DRUG PA YIN LA, DE BYED PA PO'I RJES SU 'GRO BA NI RIGS LA SOGS PA 'DZIN PA YIN TE, SNANG DU RUNG BA'I BA LANG LA SOGS PA LA DE BYED PA PO DANG 'BREL PA CAN GYI NGO BO 'DZIN PA SUN PHYUNG PA YIN NO, ,'GREL PAR BYED PA PO'I BSHAD PA NI MTHONG BA RTOGS PA MED PAR NI ZHES BYA BA 'DIS BSTAN PA KHO NA YIN PAR SHES PAR BYA'O, ,GZHAN DAG NA RE SNANG DU RUNG BA'I KHRA PO LA SOGS PA LA BA LANG BA LAR ZHES BRJOD PA DANG, RNAM PAR RTOG PA DAG GIS LDAN PA'I NGO BO MA GTOGS PAR MI 'GYUR ZHES RJES SU DPAG PA SUN PHYUNG BA YIN NO ZHES ZER RO, ,GAL TE 'DRA BA MTHONG BA LAS DE'I RJOD BYED DRAN PA YIN NA DE DANG 'DRA BA YIN NO ZHES BYA BAR 'GYUR GYI DE NYID YIN NO ZHES BYA BAR JI LTAR 'GYUR, SNGA MA DANG PHYI MA MTHONG BA'I YUL MA YIN PA'I SNGA MA DANG PHYI MA GCIG PA NYID DU ZHAN PA LAS SO, ,SNGA MA'I DON SHES PA TSAD MA YIN NO SNYAM DU SEMS PA LA, MTHONG BA THA DAD NYID YIN NA, ,ZHES BYA

, ,BA STE, MTHONG BA THA DAD RNAMS TE, YUL THA DAD PA CAN RNAMS YUL LA GOMS PA'I BAG CHAGS KYI SNYING PO CAN RANG GI YUL GYI KHYAD PAR NGES PAR BYED CING, DRAN PA'I YUL CAN RNAMS KYANG DE LTAR MA NGES PA RNAMS NI DE NYID 'DI YIN NO, ,NGES PA SKYES PA'I DON TO, ,RTZOD PA'I RNYOG LAS RGYAL BA CAN, ,DRAN PA GSAL PO THOB PA DANG, ,DAM PA'I LAM BDAG NYID DU GYUR, ,SRID PA'I RGYA MTSO'I PHA ROL 'GRO, ,'DI LTAR YANG GZUGS NI MNGON SUM GNYIS PO DAG GIS 'DZIN PA YIN TE, DBANG PO'I SHES PA DANG NGES DRANGS PA'I YID KYI RNAM SHES KYIS KYANG NGO ZHES GSUNGS SHING, SNGON GYI SLOB DPON RNAMS KYIS KYANG YID KYI'ANG ZHES BYA BA LA SOGS PA BSHAD PA DE NI 'THAD PA YIN PA'I PHYIR DRI BA SNGON DU 'GRO BA NI SNGAR MYONG BA NI 'DZIN PAR NA ZHES BYA BA NI, SNGA MA'I DBANG PO'I RNAM SHES KYI SKAD CIG SNGA MAS BZUNG BA NYID NI DBANG PO'I SHES PA'I SKAD CIG MA GNYIS PA BZHIN DU'AM, DBANG PO'I RNAM SHES KYI DUS NYID DU DE'I YUL 'DZIN PA NI DE BSGRUB PAR BYA BA'I DON BYED PA LA YOD PA MA YIN NA DE NYID KYIS NUS PA'I PHYIR GNYIS PA LA SOGS PA BZHIN DU'AM, RNAM PAR RTOG PA BZHIN DU YIN PA DE DANG GRUB PA GCIG PA MA YIN PA NI TSAD MA YIN NO, ,SNGAR MYONG BA ZHES BYA BA NI DUS MTSUNGS PAR 'DOD PA'I BSAMS PAS YIN GYI BSKYED PA'I BSAMS PAS NI MA YIN TE, 'BREL PA NI SKYED PA'I BSAM PA KHO NA YIN TE, DE BSTAN PA NI SNGAR MYONG BA DRAN PA ZHES BYA BA'O, ,DBANG PO'I BYED PA 'DAS NA YID KYIS NI PHYI ROL GYI NYE BA STON PAR MI BYED DE LONG BA LA SOGS PA MED PAR THAL BAR 'GYUR RO ZHES BSTAN PA NI, MA MTHONG 'DZIN NA ZHES BYA BA STE DBANG PO'I YUL MA YIN PA 'DZIN NA'O, ,YID KYI NI YID KHO NA'O, ,GZHAN GYI ZHES BYA BA NI LONG BA MA YIN PA'I'O,, SNGA MA'I DBANG PO'I SHES PA'I DUS SU YID KYI NI MA YIN TE, DON MED PA'I PHYIR LA GNYIS PA LA YANG MA YIN TE, DBANG PO'I RNAM SHES KYI SKAD CIG BZHIN DU SKAD CIG PHYI MA'I YUL LA DBANG PO'I BYA BA YOD NA DON MED PA'I PHYIR RO, ,MED NA YANG LONG BA LA SOGS PA MED PAR THAL BAR

'GYUR RO, ,'ON KYANG SNGA MA'I DBANG PO'I SHES PA'I SKAD CIG MA'I YUL NYID DA LTAR MTHONG BAR BYED PA YIN GYI, DA LTAR YANG DE NYID MTHONG BAR BYED PA NI MA YIN NO ZHES BSTAN PA NI, SKAD CIG MA'I PHYIR 'DAS PA'I ZHES BYA BA STE, SHES PA BZHIN DU DE'I YUL YANG 'DAS PA NI MTHONG BAR MI NUS PA NYID DO ZHES BYA BA'I DON TO, ,'ON TE SKAD CIG MA MA YIN PA'I PHYOGS LA MTHONG BAR NUS PA YIN PA DE LTA NA YANG YID KYI MNGON SUM SKAD CIG PA MA YIN NO ZHES KHYAD PAR GYI MTSAN NYID BRJOD BYAR 'GYUR BAR BSTAN PA NI, SKAD CIG MI NA NA ZHES BYA BA'O, , MTHONG BA SNGA MAS SNGA MA'I DUS BZUNG BA YIN LA DA LTAR BAS NI LTAR BA'O ZHES BYA BA'I PHYOGS LA DRAN PA NYID BZHIN DU JI LTAR TSAD MA MA YIN ZHES BSAM DGOS SO, ,NYAMS SU MYONG BZHIN PA NI NYAMS SU MYONG BA NYID KYANG DRAN PA YIN GYI, NYAMS SU MYONG PAR GYUR PA LA NI DBANG PO LAS SKYES PA SNGA MA NYID KYIS THOB PA'I BAR DU 'JUG PA'I YUL STON PA NI, DE LAS LHAG PA'I BYED PA GZHAN MED PA'I PHYIR, YID KYI NI TSAD MA GZHAN MA YIN NO ZHES BSTAN PA NI, BYA BA BSGRUBS CAN ZHES BYA BA STE 'JUG PA'I YUL GYI LAS GANG GIS RNAM PAR GCOD PA'I BYA BA DBANG PO LAS SKYES PA BSGRUBS PA DE LA KHYAD PAR NI LHAG PA'I BYED PA PO'O, ,DBANG PO CAN ZHES BYA BA NI LAN YIN TE GZHAN DAG NI ZHES BYA BA NI YID KYI'O, ,RANG BZHIN YONGS SU BCAD PA ZHES BYA BA NI 'THOB PA'I BAR DU NGES PA'O, ,RTOGS PA'I DON LAN DU BSTAN PA NI, SNGA MA GANG YIN DE NYID DO, ,ZHES BYA BA'O, ,RANG GI NGO BO SNANG BA NYID DO ZHES BYA BA NI LAN YIN NO, ,GZHAN LA YANG STE RNAM PA GCOD PA LA YANG ZHES BYA BA NI RGOL BA'O, ,DE LTA NA ZHES BYA BA LA SOGS PA NI LAN YIN NO, ,RTAG PA NI SKAD CIG PA MA YIN PA'O, ,RTAG TU NI THAMS CAD DU'O, , SHES BYA BZHIN DU RANG NYID KYIS BRJOD PAR SHES PA'I RTAG PA NYID YIN PAR BSTAN PA NI MA YIN TE, ,RTAG PA'I PHYIR ZHES BYA BA'O, ,MNGON SUM LAS GZHAN PA SNGAR MTHONG BA NGO SHES PA DE YAN TSAD MA MA YIN PAR BSTAN PA NI MA YIN DE, YID CES PA ME PA'I PHYIR ZHES BYA BA'O, ,MNGON

, ,SUM GZHAN YANG SNGA MA NYID BZHIN DU RTOG PA MA YIN PAR BSTAN PA NI MA YIN TE, JI LTAR GZHAN ZHES BYA BA'O, ,PHYI MA DE PHYI MA'I DUS SU JI LTAR DNGOS PO RIG PA DE BZHIN DU SNGAR YANG YIN TE, DE'I NGO BO LA KHYAD PAR MED PA'I PHYIR RO ZHES BSTAN PA NI, DNGOS PO DE LAS SKYES PA'I BLO YANG ZHES BYA BA'O, ,GANG GI TSE GCIG BYUNG BA DE NYID KYI TSE BLO GZHAN YANG YOD PA YIN TE, YOD PA 'DZIN PA NYID NI GZHAN MED PA'I PHYIR TE JI LTAR GCIG PA DE BZHIN DU GZHAN YANG YIN NO ZHES BYA BA'I DON TO, ,YUL DANG DUS LA SOGS PA LA LTOS NAS CUNG ZAD JI LTAR YANG 'DZIN PA YIN NO SNYAM DU SEMS PA LA GZHAN GYIS ZHES BYA BA STE, YUL LA SOGS PA RNAMS KYIS 'BRAS BU'I RANG GI NGO BO BSDUS PA'I RTAG PA SHES PA THAMS CAD KYIS KYANG YOD PA JI LTA BA KHO NA BZHIN DU 'DZIN PA YIN NO ZHES BYA BA'I DON TO, ,DE LA LTOS PA ZHES BYA BA NI YUL LA SOGS PA LA LTOS PA'O, ,DUS GCIG TU ZHES BYA BA NI SHES PA'I BYA BA'I KHYAD PAR RO, ,DE 'DI LTAR YID KYI KHAS BLANGS NAS DE BSTAN PA YIN LA, DA NI DE NYID MED PAR BSTAN PA NI, NYAMS SU MYONG BA'I RNAM PA ZHES BYA BA'O, ,DRAN PA GZHAN DU MI 'THAD PAS YID KYI YOD PAR GYUR PA YIN PAR RTOGS SO SNYAM DU SEMS PA NI, GAL TE YID KYI MA DMIGS NA ZHES BYA BA'O, ,'DI SKAD DU, ,RNA BAS 'DZIN PA'I DUS NA NI, GAL TE DE YID MI 'DZIN NA, ,'ON BAS SGRA NI DRAN MI 'GYUR, ,DRAN PA THAM CAD 'BYUNG MI 'GYUR, ,ZHES GRAGS PA'O, ,DRAN PAR MI 'GYUR TE ZHES BYA BA NI YID KYIS SO, ,DE DAG KYANG ZHES BYA BA NI RTOGS PA DANG BCAS PA DANG YID DAG GI'O, ,RNAM SHES NYID NI DBANG PO'I RNAM SHES DANG YID DAG LA YANG MTSUNGS PAR BSTAN PA NI, SHES PA YIN PA'I PHYIR ZHES BYA BA'O, ,GANG GI PHYIR DBANG PO'I RNAM SHES KYI YUL LAM GZHAN YANG 'DZIN NA YID KYI NI GZUNG BA LA 'DZIN PA NYID YIN PA DANG, LONG BA LA SOGS PA MED PA NYID YIN PA DE'I PHYIR, SER PO'I RNAM PAR SHES ZHES BYA BA LA DE MA THAG PAS TE BAR MED PA'I RKYEN YIN GYI DMIGS PA MA YIN NO, ,

DES NA DBANG PO'I SHES PAS DMIGS PA LAS BYUNG BA'I RNAL 'BYOR PA'I SHES PA BKAG PA YIN NO, ,DE LAS BYUNG BA CAN NI DE LAS BYUNG BA GANG GI YIN PA DE'O, ,DE'I PHYIR 'DIS LONG BA LA SOGS PA MED PA GSAL BA YIN NO, ,GZHAN NYID NI DBANG PO'I SHES PA DANG DUS MTSUNGS, DE'I YUL GYI SKAD CIG MAS BSKYED PA'I SKAD CIG MA GZHAN YIN NO, ,'DIS BA LANG 'DZIN PA NYID KYANG GSAL BA YIN NO, ,JI SRID DBANG PO'I BYA BA YOD PA DE SRID DU DBANG PO'I SHES PA NYID YIN NO ZHES ZER BA LA, GAL TE DBANG PO'I RNAM PAR SHES PA ZHES BYA BA'O, ,GZHAN ZHES BYA BA NI RTOG BA MED PA'O, ,DBANG PO'I MTSAN NYID DANG MI MTHUN PA'I DMIGS PA BSTAN PA NI 'DI'I ZHES SOGS ZHES BYA BA'O, ,SHES PA DE'I RGYU MTSAN NYID MI MTHUN PAR BSTAN PA NI GOMS PA LAS BYA BA'O, ,MNGON SUM NYID KYI RGYU MTSAN BSTAN PA NI, MDUN DU GNAS PA LA ZHES BYA BA'O, , DBANG PO'I BYED PA YOD KYANG DE'I 'BRAS BU DANG MTSAN NYID MI MTHUN PA LA GOMS PA'I RJES SU BYED PA'I PHYIR DE'I BSKYED BYA NYID YIN PAR BSTAN PA NI, MA YIN TE MIG GI SHES PA NI ZHES BYA BA'O, ,MOS PA ZHES BYA BA NI PHYI ROL GYI 'DZIN PA'O, ,DBANG PO'I SHES PA NI 'JUG PA'I YUL MTHONG BAS 'JUG PAR BYED LA, PHYI ROL GYI 'DZIN PA NI ZHEN PAS SO ZHES BSTAN PA NI, 'DI ZHES BYA BAS ZHES BYA BA'O, ,GANG GI TSE DBANG PO'I SHES PA'I 'OG TU YID KYI YIN PA DE'I TSE, DBANG PO'I SHES PA GZHAN YANG YIN PA'I PHYIR DUS MTSUNGS PAR MNGON PAR ZHEN PA DANG CIG SHOS RNAM PA GNYI GA DMIGS PA MA YIN NAM SNYAM DU SEMS PA LA, 'O NA DUS GCIG TU ZHES BYA BA'O, ,RNAM PA GNYIS THA DAD PA YIN YANG DUS GCIG TU MNGON PAR RLOM PA'I YUL YIN PAR BSTAN PA NI, RAB RIB CAN GNYIS KYIS ZHES BYA BA'O, ,DE'I PHYIR 'DIS DBANG PO LAS SKYES PA YUL THOB PA'I BAR DU NI YID KYI NUS PA NYID KYIS YIN LA, DE'I PHYIR DBANG PO LAS SKYES PA GNYI PA BZHIN DU RTOGS PA'I DON CAN MA YIN NO ZHES STON PAR 'GYUR RO, ,GAL TE GOMS PA'I BSKYED BYA YID KYI MNGON PAR ZHEN PA YIN LA, GOMS PA'I BSKYED BYA BDE BA LA

, ,SOGS PA YANG YID KYI BAR 'GYUR TE GOMS PA YID YIN PAR KHAS BLANGS PA'I PHYIR RO SNYAM DU SEMS PA NI BDE BA LA SOGS PA YANG ZHES BYA BA'O, ,DBANG PO'I RNAM SHES KYI DE MA THAG LAS BYUNG BA'I RKYEN LAS BYUNG BA CAN BZHIN DU DE DAG LA YOD PAR BSTAN PA NI, MDUN NA GNAS PA'I RNAM PA 'DZIN PA ZHES BYA BA'O, ,DBANG PO LAS BYUNG BA'I ZHES BYA BA NI DBANG PO LAS SKYES PA'O, ,RTZA BA DANG 'GAL BA'I BSHAD PA GZHAN DU 'GYUR RO ZHES BYA BA'I RIGS PA BSTAN PA NI, BDE BA LA SOGS PA'I SGRAS NI ZHES BYA BA STE, BDE BA DANG BDE BA MA YIN PA'I RGYU YIN PA'I PHYIR BDE BA DANG BDE BA MA YIN PA NI TSA BA DANG ZHIM PA LA SOGS PA'I NGO BO'O, ,DBANG PO LAS BYUNG BAR JI LTAR SMRA BA YIN ZHE NA RNAM PAR MI RTOG KYANG SNANG BA ZHES BYA BA'O, ,DE SKAD BRJOD PA NI DBANG PO LAS BYUNG BA ZHES BYA BAR NYE BAR BTAGS PA YIN NO, ,RNAM PA GZHAN DU 'DZIN CING ZHES BYA BA NI SNA TSOGS KYI RNAM PA LA 'DZIN PA STE SNA TSOGS PA NYID LA GOMS PA'I PHYIR RO, ,DE NYID DU ZHES BYA BA NI SNA TSOGS PA'I RNAM PA 'DZIN PA NYID KYI RGYU LA KHYAD PAR MED PAR BSTAN PA NI, DBANG PO'I SHES PA LA YANG ZHES BYA BA'O, ,DE LTA NA 'O NA ZHES BYA BA NI JI LTAR GOMS PA'O,, SNA TSOGS PA'I SHES PA NYID KYIS YID KYI BYED PA NYID DU ZHEN PAR RTOGS PA YIN NO SNYAM DU SEMS PA NI, YID NYID NI MA YIN NO ZHES PA'O, ,GOMS PA'I YID KYI BSKYED BYA YID KYI MNGON SUM NYID YIN NA 'DI'O ZHES BYA BA BZHIN DU DE'O ZHES BYA BAR 'GYUR RO SNYAM DU SEM PA NI 'ON YID KYI SHES PA ZHES BYA BA'O, ,JI LTAR DBANG PO LAS SKYES PA THAM CAD DON GYI KHYAD PAR YIN PA'I PHYIR MNGON SUM MA YIN PA DE BZHIN DU YID KYI YIN PAR BSTAN PA NI RANG GI DON RJES SU 'GRO BA'I DON GANG GI RGYU YIN PA DE YANG 'DI YIN LA, DON YANG YIN PA DE LA LTOS PA'I PHYIR DE LA LTOS PA CAN TE DBANG SKYES BLO ZHES BYA BAR SBYAR RO, ,DPYOD PA NI RNAM PAR RTOG PA MA YIN NAM, JI LTAR MNGON SUM YIN SNYAM DU SEMS PA LA, DE NI ZHES BYA BA STE RNAM PA GSAL BAS MTSON PAS MNGON SUM YIN GYI RNAM PAR RTOG PA'I CHAS NI MA YIN NO ZHES BYA BA'I DON TO, ,RGYU DBANG PO'I SHES PA NI

YID KYI DANG DUS MTSUNGS PA MA YIN TE, DUS THA DAD PA'I YANG YID KYI YUL LHAN CIG BYED PA MA YIN TE, YID KYI DUS SU YUL YIN PA'I PHYIR RO SNYAM DU SEMS PA NI, GAL TE YID KYI SHES PA YANG ZHES BYA BA'O, ,RGOL BA 'DI RJOD PAR BYED PA'I TSIGS SU BCAD PA BSTAN PA NI RANG SHES DUS CAN NI YID KYI DANG DUS MTSUNGS PA'O, ,'BRAS BU LAS SNGA ROL NA MED PA NYID YIN PAS KHYAB PA 'BYUNG BAR BYED PO NYID LA KHYAB PAR BYED PA 'GAL BA YIN PAR BSTAN PA NI, MED PAR SNGAR ZHES BYA BA'O, ,'BRAS BU'I YOD PA NYID DAM YOD PAS KHYAB PA 'BYUNG BAR BYED PA PO NYID LA KHYAB PAR BYED PA 'GAL BA YIN PAR BSTAN PA NI PHYIS KYANG ZHES BYA BA'O, ,SNGA NA YOD PA LA NI 'BYUNG BAR BYED PA PO NYID 'BRAS BU LAS SAM, RGYU LAS KHYAB PAR BYED PA 'GAL BA MA YIN TE, YOD PA DANG MED DAG MA GRUB PA'I PHYIR RO ZHES BSTAN PA NI, RGYU RNAMS THAMS CAD SNGAR YOD YIN, ,ZHES BYA BA'O, ,RANG BLO STE YID KYI DANG LHAN CIG PA MA YIN TE, DBANG PO'I SHES PA DANG DUS MTSUNGS PA KHO NA YIN NO ZHES BYA BA'I DON TO, ,'DZIN PA'I BYED PAS KHYAB PA'I GZUNG BA NI 'DZIN PA'I DUS NYID NA MA YIN NAM, DUS GZHAN NYID NI SNANG BA NYE BAR MI RIGS PA'I PHYIR RO, ,DUS GZHAN YANG KHYAB BYA YIN NO ZHES BYA BA YANG GTAM TZAM YIN TE DE NYE BA NYID RANG GI NGO BO NYE BA YIN PA'I PHYIR RO, ,'DI LA LAR KHYAB PA MED PA JI LTAR YIN ZHE NA 'DI DE'I TSE MED PA'I PHYIR RO, ,SNANG BA'I DUS NA NI YOD PA KHO NA YIN TE, SNANG BA YOD PAR BRJOD PA YIN NO SNYAM DU SEMS PA NI DUS THA DAD PA ZHES BYA BA'O, ,DBANG PO LA SOGS PA'I BSKYED BYA NYAMS SU MYONG BA NI BDAG NYID MA YIN PA LA MI 'JUG NA, DMIGS PAR BYED PA MA YIN LA 'JUG NA YANG DE'I BDAG NYID KHO NA YIN TE DE LAS SKYES PA'I PHYIR 'DZIN PAR BYED PA YIN NO, ,DE LTA BU'I RGYU NYID GZUNG BA NYID YIN PAR BSTAN PA NI GZUNG BAR SHES ZHES BYA BA'O, ,SNANG BA'I NGO BOR YANG GZUNG BYA NYID NI SHES PA DANG DUS MTSUNGS PA NYID KYIS KHYAB PAR NI THA DAD PA YIN LA 'GAL BA KHYAB PA YIN ZHES ZER BA 'DI SNANG BA YANG

, ,ZHES BYA BA'O, ,'DI CI ZHIG CES BYA BA NI GRUB MTHA'O, ,SHES PA YOD NA GANG SNANG BDE NYID SNGAR MI SNANG BA'I NGO BO GZHAN SKYE BA NI MA YIN TE, DE LTA NA YANG SHES PA'I NUS PA YOD DO SNYAM DU SEMS PA NI SHES PAS KYANG DE NYID CES BYA BA'O, ,'ON TE SHES PA YOD NA ZHES BYA BA NI RJES SU 'GRO BA'O, ,GZHAN DU NI MA YIN NO ZHES BYA BA NI LDOG PA'O, ,DUS MNYAM PA NYID 'BRAS BU YIN TE MTHONG BA'I PHYIR RO ZHES ZER BA NI DUS MNYAM NYID DU MTHONG ZHES BYA BA'O, ,MIG LA SOGS PA'I BYED PA THA DAD PA CAN SHES PA DAG NYID KYI 'GYUR BA LA SOGS PA DMIGS PA MA YIN NO ZHES BSTAN PA NI, DE LTA'O NA NI ZHES PA STE, BDAG GO ZHES BYA BAR RTOGS PA YANG LUS DANG DBANG PO DANG BDE BA LA SOGS PA NYID DMIGS PA YIN ZHES BYA BA'I DON TO, ,DON GYI NGO BO MA YIN NO ZHES BYA BA BSHAD PA NI GANG YOD NA NI ZHES BYA BA STE DON LA'O, ,GANG ZHES BYA BA NI SNANG BA'O, ,SKYE ZHING ZHES BYA BA NI PHYIS YIN GYI LHAN CIG NI MA YIN NO ZHES BYA BA'I DON TO, ,ZHIG PA YANG LHAN CIG PA MA YIN PAR BSTAN PA NI, GNAS PA NYID NA ZHES BYA BA'O, ,LHAN CIG PA MA YIN PA'I SKYE BA DANG 'JIG PA DAG THA DAD PA NYID DU MTHONG BA YIN PAR BSTAN PA NI, GANG GI PHYIR GZHAN GYI ZHES BYA BA'O, ,GAL TE YUL THA DAD PA'I PHYIR ZHES BYA BA LA SOGS PA'I TSIGS SU BCAD PA NYID NI RGOL BA YIN TE YUL GYI SNANG BA THA DAD PA DANG THA MI DAD PA DAG GIS BZHIN LAS GZUGS BRNYAN DANG, SNGON PO LAS SNANG BA'I'O ZHES BYA BA'I DON TO, ,SNANG BA'I BDAG NYID KYI SNGON PO NYID YIN TE, YUL SNANG BA'I DBYE BA LA THA DAD PA'I SGRUB BYED MED PA'I PHYIR RO ZHES BSTAN PA NI, JI LTAR MIG LAS ZHES BYA BA'O, ,SNGON PO LA SOGS PA'I SNANG BA'I BDAG NYID YIN PA DANG, MIG LA SOGS PA MI SNANG BA'I BDAG NYID YIN PAR SNGAR KHAS BLANGS PAS GTAN TSIGS GRUB PA YIN PAR BSTAN PA NI, JI LTAR MIG LA SOGS RNAMS LAS, ,ZHES BYA BA'O, ,DE BZHIN DU STE DON BZHIN DU SNANG BA MI SRID PAR SNGA ROL DU MIG LA SOGS PA RNAMS LAS MA YIN NO ZHES BYA BAR SBYAR RO, ,DBANG PO'I RNAM SHES

DANG DUS MTSUNGS PAS DBANG PO'I RNAM SHES KYI YUL GYI BSKYED BYA'I DON GYI RANG GI BDAG NYID KYI RNAM PAR BSKYED PAS SKYED BYED MA YIN PA GZHAN MI 'DZIN PA MA YIN NAM, DE 'DZIN PA ZHES BYA BA JI LTAR YIN SNYAM DU SEMS PA LA, RGYU DU MA NYID YOD NA YANG BYA BA SMOS TE, RANG GI RNAM PA'I SHES PA SKYED PAR BYED PA NYID KHO NA GZUNG BA NYID YIN ZHING, DE SGRO BTAGS PA'I RNAM PA NYID KHO NA 'DZIN PA NYID NI GTZO BO YIN TE GZHAN MI MTHONG BA'I PHYIR RO ZHES BYA BA'I DON TO, ,'BRAS BU ZHES BYA BA NI 'CHAD PAR 'GYUR BA'I 'BREL PA CAN BYED PA'O, ,GANG ZHES BYA BA NI RJES SU BYED PA'I BYA BA LAS SO, ,RGYU DE YANG 'BRAS BU DE LA DE LTA BUR NGO BO GANG GIS DE LTA BU'I YIN PA DES 'BRAS BUS 'DZIN PA YIN ZHES BRJOD DO, ,'DI NYID GTZO BO 'DZIN BYED LA SOGS PA MING GI BRDA'I YUL YIN GYI PHAL PA NI MA YIN NO, ,PHYED SNGA MAS NI 'DZIN BYED KYI MING GI YUL DANG, PHYED PHYI MAS NI GZUNG BYA'I MING GI YUL BSTAN PA YIN NO, ,'BRAS BU DE'I NI RGYU DE DANG DE'I NGO BO ZHES BRJOD DE DE DANG 'BREL PA'I PHYIR 'DZIN BYED KYANG YIN LA RGYU DE 'BRAS BU DES BZUNG BA YIN NO ZHES KYANG BRJOD DO, ,GZHAN DAG NI KUN DU 'KHOR BAS GZUNG BYAR NYE BAR BTAGS PAS BSTAN PA YIN NO ZHES ZER RO, ,BDE BA DANG SDUG PA BSNGAL RNAMS LA ZHES BYA BA LA SOGS PA'I SGRAS RNAM PAR RTOG PA'I RANG GI NGO BO BSDU BAR BSTAN PA NI, SEMS DANG SEMS LAS BYUNG BA THAMS CAD KYI ZHES BYA BA'O, ,'DOD CHAGS DANG ZHE SDANG LA SOGS PA BZHIN DU RANG GI NGO BOR 'DZIN PA MA YIN TE, MI GSAL BA'I PHYIR RO ZHES BSTEN PA NI, BDE BA LA SOGS PA SMOS PA NI ZHES BYA BA'O, ,SHES PA GZHAN NI GZHAN LA GZHAN DANG SBYOR BAR BYED PA YIN GYI GZHAN MA YIN PA NI YIN NO, ,BDE BA LA SOGS PA RNAMS KYIS KYANG MNGON SUM GYI NGO BO NI GZHAN MA YIN TE, GANG GI PHYIR MNGON SUM NYID DE LAS GZHAN PA MA YIN NO, ,GZHAN MI RTEN NI 'DZIN PAR BYED PA GZHAN GYI YUL MA YIN NO, ,GZHAN GYI YUL NYID YIN PA LAS BYUNG BA BRDA'I YUL NYID LA DES KHYAB PA LA YUL GZHAN NYID NI KHYAB PAR BYED PA 'GAL BA STE, RNAM PAR RTOG

, ,PA CAN NYID LA KHYAB PAR BYED PA 'GAL BA YIN PAR BSTAN PA NI BRDA BYED PAR NI NUS MA YIN ZHES BYA BA'O, ,RANG RIG NI LKOG TU GYUR PA MA YIN PA NYID DO, ,BRJOD PA NI RJOD PAR BYED PA STE, DE DANG RJES SU 'BREL PA NI 'DRES PA YIN LA, DE DANG LDAN PA MA YIN PA STE RANG GI YUL GYI BDAG NYID NI BRDA LA RUNG BA NYID MA YIN TE, RJOD PAR BYED PA NYID RUNG BA MA YIN NO ZHES BYA BA'I DON TO, ,DE LA MA RTOGS PA DE RIG PA MED PA'I PHYIR RO ZHES BYA BA NI RIGS PA'I BDAG NYID YIN PA'I PHYIR RO, ,BDAG GI BDE BA RIG GO ZHES THA DAD PAR 'DZIN PA NI BDE BA MNGON SUM GYI PHYIS KYI RTOG PA NYID YIN PAR BSTAN PA NI SNGA MA LA SOGS PA'I RANG BZHIN NAM ZHES BYA BA'O, ,DRAN PAS RIG PA ZHES BYA BA NI BDAG GI BDE BA RIG GO ZHES RTOGS PA LA'O, ,DE'I TSE NYID NA SKYES PA NI BYUNG BA'O, ,DE LA GNAS PA ZHES BYA BA NI MNGON SUM GYI'O, ,YID KYI BDE BA YID KYI GZUGS DANG SGRA LA SOGS PA'I RNAM PA YIN YANG MI GSAL BA MA YIN NAM, DE KHO NA LA JI LTAR MA 'BREL BA YIN SNYAM DU SEMS PA LA, YID KYI'ANG ZHES BYA BA STE, NYAMS SU MYONG BA'I BAG CHAGS LAS 'ONGS PA YANG YID LAS BYUNG BA RANG BDAG NYID NI YID KHO NA LA GNAS PA MA YIN PA'O, ,DON LA YANG NI PHYI ROL RNAMS LA STE DE LAS SBYOR BAS DON LA RNAM PAR RTOG PA CAN YIN NO ZHES BYA BA'I DON TO, ,LKOG TU GYUR PA MA YIN PA'I RANG GI NGO BO LA NI DE RTOG PA CAN MA YIN TE, GZHAN GYIS RIG PA MA YIN PA'I PHYIR RO ZHES BSTAN PA NI, SKYE BA DE TSE NYID YOD PHYIR, ,ZHES BYA BA STE, LKOG TU MA GYUR PA NYID SKYE BA'I PHYIR RO ZHES BYA BA'I DON TO, ,GAL TE DON NI 'DZIN GYUR NA, ,ZHES BYA BA NI GAL TE 'DI LA DON GYI RNAM PA CAN 'DZIN PA YIN NA ZHES BYA BA'I DON TO, ,DER YANG ZHES BYA BA NI SGRO BTAGS PA LA YANG NGO, ,'DZIN DANG SGRO 'DOGS YOD PA'I PHYIR, ,ZHES BYA BA NI MTHONG BA DANG SGRO 'DOGS PA DAG GI'O, ,GCIG TU BYED NA NI STE SNANG DU RUNG BA DANG BRTAG PAR BYA BA GCIG TU BYED NA NI'O, ,DE DAG CES BYA BA NI 'DZIN PA DANG SGRO BTAGS PA DAG GI'O, ,RTOG PA CAN MA YIN PA'I GCIG PO MA BZUNG BA LA 'JUG PAR BYED PA JI

LTA BA DE BZHIN DU RNAM PAR RTOG PAR MNGON PAR 'DOD PA YANG YIN PA'I PHYIR RTOG PA MED PAR YANG 'GYUR BAR BSTAN PA NI, 'O NA DA NI SHES PA KUN ZHES BYA BA'O, ,MNGON DU MI BYED PA'I SHES PA 'JUG PAR BYED PA RNAM PAR RTOG PA YIN PAR BSTAN PA NI, MNGON DU BYED PA MA YIN PAR ZHES BYA BA'O, ,DE LAS GZHAN PA RTOGS PA MED PA'I MNGON SUM YIN PAR BSTAN PA NI, GANG LA MTHONG BAR MNGON 'DOD PA, ,ZHES BYA BA'O, ,RNAM PAR RTOG PA DANG CIG SHOS KYI RANG GI NGO BO'I DBYE BA BSTAN PA NI, MNGON SUM DBYE BA BSTAN PA NI, BAG CHAGS STOBS LAS ZHES BYA BA'O, ,GANG LA MTHONG BAR MNGON 'DOD PA, ,ZHES BYA BA'I RTOG PA MED PA'I MTSAN NYID BDE BA LA SOGS PA RIG PA LA YOD PAR BSTAN PA NI, BDE SOGS RNAMS KYI RANG BZHIN LA, ,ZHES BYA BA'O, ,DE LA LAS DANG BYED PA YIS, ,ZHES BYA BA NI DE RIG PA'I GZUNG BYA MA YIN PA'O, ,BYED PA YIS ZHES BYA BA NI RIG PA'I BDAG NYID KYI RJOD BYED NYID MA YIN PA'O, ,DE 'DI LTAR DON NAM BDE BA LA SOGS PA MNGON DU BYED PA LA RIG PA NI DBANG PO LA MI LTOS PA'I YID TZAM LAS BYUNG BA NYID KYIS YID KYI MNGON SUM YIN PAR SLOB DPON RNAMS KYIS GSUNGS PA YIN NO, ,RNAM 'GREL MDZAD PAS NI RANG GI YUL GYI DE MA THAG PA'I YUL LHAN CIG BYED PA CAN DBANG PO'I SHES PA'I DE MA THAG PA'I RKYEN GYIS BSKYED PA ZHES BYA BAS YID KYI KHYAD PAR CAN NYID DU BSTAN PA YIN LA, DE YANG BDE BA LA SOGS PA RIG PA LA MI SRID DO SNYAM DU SEMS PA LA, RNAM PA 'GA' YOD PAR BSTAN PA NI, 'DI LA YID MNGON SUM ZHES BYA BA'O, ,'DI LA YANG BDE BA 'DZIN PA DANG PO'I RANG GI YUL NYID LHAN CIG BYED PA CAN NI DE MA THAG PA MA YIN PA STE, DUS THA DAD PA MIN NA DE MA THAG PA YIN PAR 'GYUR RO, ,DBANG PO'I SHES PAS ZHES BYA BA YANG SHES PA SNGA MA NYE BAR MTSON PA YIN PAR BSTAN PA NI, DON DANG BDE SOGS RANG BZHIN LA, ,ZHES BYA BA'O, ,'GYUR BA NYID DE ZHES BYA BA NI RNAM PA GNYIS SU RTOG PA ZHES BYA BAR SBYAR RO, ,'KHRUL PAS DBYE BA MI RTOGS PAR BSTAN PA NI, RAB RIB CAN GNYIS

, ,KYIS ZHES BYA BA'O, ,DE LTAR ZHES BYA BA NI THA DAD PAS SO, ,DE LA YANG ZHES BYA BA NI ZLA BA GNYIS SU MTHONG BA LA'O, ,JI LTAR MED PAR GYUR PA DE LTAR THA DAD PAS ZHES BYA BAR SBYAR RO, ,DE GCIG NYID DU RJES SU DPOG ,CES BYA BA NI 'BRAS BU MTHONG BA LA LTOS PA BSDU BA'O, ,GNYIS PA ZHES BYA BA NI ZLA BA GNYIS LA'O, ,MTHONG BA ZHES BYA BA NI MNGON SUM GYIS SO, ,DES NI SKYES BU DES SO, ,'DI NI ZHES BYA BA NI YID KYI MNGON SUM DANG DBANG PO LAS SKYES PA YANG NGO, ,MIG LA SOGS PA'I RGYU NYID BZHIN DU YID KYI NI RANG RIG PA LA SOGS PA'I THA SNYAD LAS THA DAD PA YIN YANG THA MI DAD PAR ZHEN PA'I YUL YIN PAR BSTAN PA NI, DE BZHIN DU YID DANG ZHES BYA BA'O, ,THA MI DAD PAR MNGON PAR ZHEN PA YIN NA THA SNYAD PA'I 'JIG RTEN GYI THA SNYAD MED PAR 'GYUR BA MA YIN NAM ZHES ZER BA NI, 'DI LA THA SNYAD CES BYA BA STE, RJES SU DPAG PA YANG ZHES BYA BA NI BTAGS PA'O, ,GNOD PAR BYED PA'I THA SNYAD YOD PA'I PHYIR ZHES BYA BA NI BDAG NYID KYI RJES SU DPAG PA LA RJES SU 'GRO BA DANG, BZLOG PA'I RJES SU 'GRO BA LA SOGS PA SRID PA'I PHYIR RO, ,DE'I PHYIR DBANG PO'I SHES PA DANG RANG RIG PA YOD NA YOD PA KHO NAS YID KYI MNGON SUM YIN TE, SEMS YOD NA 'DU SHES LA SOGS PA'I SEMS LAS BYUNG BA BZHIN DU STE 'BRAS BU PHUL DU BYUNG BA YIN NO ZHES BYA BA GNAD KYI DON YIN NO, ,RIG PA'I BDAG NYID KYI RNAM PA SHES KYANG RANG NYID RIG PAR BYED PA MA YIN TE, RANG LA BYED PA 'GAL BA'I PHYIR RO, ,RIG PAR BYED PA MA YIN PA'I BDAG NYID NI CHES MA YIN NO ZHES ZER BA NI, GZHAN YANG RIG BYED MIN DE DAG ,CES BYA BA'O, ,DE DAG KYANG BEMS PO'I BDAG NYID YIN LA, DON BZHIN DU MNGON SUM PA KHO NA YIN NO ZHES ZER BA NI, DON GCIG LA BRTEN ZHES BYA BA STE, DON GCIG LA 'DU BAS GNYI GA YANG BDAG LA 'DU BA'I PHYIR RO, ,GAL TE RIG PAR BYA BA YIN PA'I PHYIR ZHES BYA BA NI MNGON SUM YIN PA'I PHYIR RO, ,DON GCIG LA 'DU BA'I SHES PAS 'DZIN PA NI SHES PA BZHIN DU BDE BA LA SOGS PA'I SHES PA'I BDAG NYID KHO NA YIN GYI SNGON PO BZHIN DU BEMS PO'I BDAG

NYID NI MA YIN TE, TSOGS PA THA MI DAD PA'I PHYIR RO ZHES BSTAN PA NI, DE DANG DE MIN RANG BZHIN DNGOS, ,ZHES BYA BA'O, ,TSOGS PA'I KHYAD PAR 'BRAS BU'I 'KHRUL PA CAN MA YIN PAR BSTAN PA NI, DE MIN DNGOS RGYUS BSKYED PA NI DE MA YIN PA'I NGO BO CAN RNAMS SO, ,'DI NYID BSHAD PA NI RGYU THA DAD PAS NI ZHES BYA BA'O, ,'BRAS BU THA DAD PA NI ZHES BYA BA NI GNAS SKABS PA LA DGOS PA YIN GYI GNAS SKABS PA NYID NI MA YIN NO, ,DE'I DNGOS PO'I RGYUS BSKYED PA ZHES BYA BAS DBYE BA'I RGYU'I TSOGS PA'I BYE BRAG LAS BDE BA DANG RNAM SHES DAG GI MA GRUB PA NYID BRJOD PA YIN PAR BSTAN PA NI, DE YANG MED DO ZHES BYA BA'O, ,DE'I DNGOS PO CAN ZHES BYA BAS BSGRUB BYA MA GRUB PA'I 'BRAS BU NYE BAR BSDU BA BSTAN PA NI, THA MI DAD PA'I RANG BZHIN ZHES BYA BA'O, ,YANG NA DE'I DNGOS PO'I RGYUS BSKYED PA YIN PA'I 'BRAS BU RGYU TZAM LAS BYUNG BA RNAMS NI DE'I NGO BO CAN TE, BYUNG BA'I NGO BO'I YOD PA NYID DE DE DANG LDAN PA RNAMS DE'I TSE NYID NA YOD PAR 'GYUR DU ZIN KYANG DE LTA NA YANG SHUN PA DANG SNYING PO CAN DANG, SNYING PO MED PA'I RNAM PAR DBYE BAS 'BRAS BU NA GA RANG GA TSOGS PA GCIG LAS 'BYUNG BA NI LHAN CIG KHO NA 'BYUNG BA DE BZHIN DU BDE BA'I BDAG NYID KYI SHES PA YANG YIN PAR BSHAD PA NI, YANG NA GAL TE BDE BA LA SOGS PHA ZHES BYA BA'O, ,RNAM PAR SHES PAS ZHES BYA BA NI LHAN CIG PA'I DON DU'O, ,GANG LA LHAN CIG 'BYUNG BA'I SHES PA MED PA DE MI SHES PA JI LTAR YIN ZHES BYA BA'I DON TO, ,NYE BAR LEN PA THA DAD PA YANG THA MI DAD PA DAG GIS BLANG BYA DANG BLANG BYA MA YIN BA BRJOD PA 'DI MA YIN TE SHUN PA DANG SNYING PO DANG DE'I CHA SHAS LA SOGS PA'I RNAM PAR DBYE BAS 'BRAS BU THA DAD PA'I RJES SU 'BRANGS NA, 'BRAS BU THAMS CAD LA KHYAD PAR MED PA DANG, TSOGS PA'I BSKYED PA'I 'BRAS BU'I KHYAD PAR NUS PAR THAL BAR 'GYUR RO, ,KHYOD KYI PHYOGS LA YANG ZHES BYA BA NI BDE BA DANG SDUG BSNGAL LA SOGS PA'I SHES PA'I BDAG NYID DMIGS LA SOGS PA'I TSOGS PA'I BSKYED BYA LHAN CIG PAR 'GYUR RO ZHES BYA BA'I DON TO, ,RGYU MTSUNGS

, ,PA NYID CES BYA BA 'DI TSOGS PA MTSUNGS PA NYID DO, ,NYE BAR LEN PA MTSUNGS PA NYID YIN NA DON DANG BCAS PA YIN ZHES BYA BA LA SOGS PAS TSOGS PA'I NUS PA YIN PAR BSTAN PA NI 'BREL PA MED PAR 'GYUR RO, ,'ON TE DE'I TSE BDE BA MA SKYES PA ZHES BYA BA NI RNAM PAR SHES PA'I RGYU LAS GZHAN PA STE, RGYU GZHAN LA LTOS NAS BDE BA SKYE BA MA YIN ZHES BYA BA'I DON TO, ,RNAM SHES BZHIN DU BDE BA LA SOGS PA LA YANG, MIG LA LTOS PA LAS GZHAN PA'I RGYU DMIGS PA DANG MA DMIGS PA LA TSAD MA MED PAR BSTAN PA NI, DE DAG MED NA MI SKYE ZHES BYA BA NI LDOG PA'O, ,YOD NA MI SKYE BA MA YIN BA NI RJES SU 'GRO BA'O, ,NUS MIN ZHES BYA BAR MTSAMS GCAD DO, ,NUS PA GANG LA YIN ZHE NA, 'DOD PA BSGRUB PA LA STE, PHRENG BA DANG TZAN DAN LA SOGS PA BDE BA SGRUB PA LA STE CHOS LA SOGS PA'I SHES PA NI BDE BA LA SOGS PA'I TSOGS PA NYID DU NYE BAR 'GRO BA YIN NO ZHES BYA BA'I DON TO, ,DAG PA'I SHES PA'I TSOGS PA LAS CHOS LA SOGS PA'I KHYAD PAR DU BYAS PA'I BDE BA LA SOGS PA'I TSOGS PA THA DAD PA YIN NO SNYAM DU SEMS PA NI, 'ON TE RGYU THA DAD PA'I PHYIR ZHES BYA BA'O, ,S'A LU'I SA BON LA SOGS PA'I TSOGS PA NYID LAS KHYAD PAR DU BYAS PA'I RDZAS GZHAN DANG GZHAN THOB PA YIN NA, MYU GU LA SOGS PA GONG NAS GONG DU KHYAD PAR DU GYUR PA BSKYED PA BZHIN DU, SHES PA'I TSOGS PA NYID LAS CHOS LA SOGS PA KHYAD PAR DU BYED PA GZHAN MED NA, BDE BA DANG BDE BA MA YIN PA'I SHES PA'I 'BRAS BU'I KHYAD PAR YIN PAR BSTAN PA NI, DE YANG YIN TE GANG GI PHYIR ZHES BYA BA'O, ,'DI NYID DU BSTAN PA NI, DE DAG NYID KYI KHYAD PAR LAS, ,ZHES BYA BA'O, ,KHO BOS NI GAL TE TSOGS PA GCIG GI BSKYED BYA GCIG NI RNAM PA GCIG KHO NA YIN NA, GCIG GI RNAM PA SNYING PO DANG SNYING PO MED PA LA SOGS PA THA DAD PA BZHIN DANG, 'BRAS BU NA GA RANG GA LA SOGS PA'I BDE BA DANG SDUG BSNGAL LA SOGS PA THA DAD PA BZHIN DU RNAM PAR SHES PA YANG NGO SNYAM DU SEMS PA LA, TSOGS PA NYID KYI NYE BAR LEN

PA'I DBYE BAS GZHAN LAS SNA TSOGS PA'I RNAM PAR 'GYUR BAR BSTAN PA NI, BDE SDUG LA SOGS THA DAD YIN, ,ZHES BYA BAR MTHONG NGO, ,DE DANG DE MIN RANG BZHIN GYIS, ,ZHES BYA BO TSOGS PA THA MI DAD PA LAS THA MI DAD PA DANG, 'DIS NI DE NYID NYE BAR LEN PA THA DAD PA LAS SNA TSOGS PA'I BDAG NYID BSTAN TO ZHES BYA BA'I DON TO, ,CHOS LA SOGS PA THA DANG PA NI 'BRAS BU THA DAD PA LA MA NGES PAR BSTAN PA NI, SHES RAB LA SOGS PA ZHES BYA BA'O, ,SHES RAB LA SOGS PA RNAMS DANG, BDE BA LA SOGS PA RNAMS KYI TSOGS GCIG PA NYID KHO NA SLAR YANG BSTAN PA NI BDE BA LA SOGS PA YANG ZHES BYA BA'O, ,BLUN PO'I PHYIR ZHES BYA BA NI SKYES BU'I RGYUD KYI GOMS PA NI 'BRAS BU MED PA'O, ,PHONGS PA THAMS CAD KYI RGYU SDIG PA CAN GYI LAS YOD KYANG MA ZHUM PA NYID YOD PA'I PHYIR, BDE BA LA SOGS PA YOD PA DES NA, RGYUD KYI KHYAD PAR LAS BYUNG BA NYID SHES RAB LA SOGS PA NYID BZHIN DU BSTAN PA NI NGO BO NYID KYIS ZHES BYA BA STE, ZHAN PA MA YIN PA NYID NI 'TSE BA LA SOGS PA'I SEMS PA DANG LDAN PA'I PHYIR PHONGS PA'I RGYU YIN NO, ,RNAM SHES NI DRAN PA BZHIN DU 'DU BYED PA LAS YIN GYI YUL LA SOGS PA LA NI MA YIN PA MA YIN NAM, BDE BA NI YUL LA SOGS PA KHO NA LAS YIN NO ZHES ZER BA NI, GAL TE BDE BA LA SOGS PA NI YUL LA SOGS PA LAS ZHES BYA BA'O, ,'DI ZHES BYA BA NI 'DU BYED PA'I'O, ,DE NYID LAS ZHES BYA BA NI BSGOMS PA LAS SO, ,GOMS PA'I YUL SHES PA'I GZUNG BA YIN GYI BDE BA LA SOGS PA NI GZUNG BA MA YIN NA, JI LTAR NA 'DI YUL YIN SNYAM DU SEMS PA LA, GAL TE DNGOS PO 'GA' ZHIG GZUNG BA NI, ,ZHES BYA BA STE GZUNG BA'I RNAM PAR RTOG PAS GZUNG BA'AM, GZHAN GYIS KYANG RUNG DE KHO NA BZHIN DU GOMS PA LAS, GSAL POR 'GYUR ZHING GZUNG BYA NYID DU 'GYUR BA YIN GYI GZHAN DU NI MA YIN NO ZHES BYA BA'I DON TO, ,SHES PA THA DAD PA YIN NA SHES BYA DE TZAM GYI DUS CAN GYI THA DAD PA BZHIN DU YIN NO ZHES BYA BA LA SOGS PA ZHAR LAS BYUNG BA YIN PAR BSTAN PA NI, GAL TE SHES PA THA DAD NA ZHES BYA BA'O, ,SHES PA THA

, ,DAD PA YIN YANG DON BZHIN DU DUS DU MA NA YOD PA'I BDAG NI DUS DU MA NYID RIG PA YIN NO SNYAM DU SEMS PA NI BDAG GCIG DE NI ZHES BYA BA'O, ,BDAG NI RTOGS PA'I NGO BO YIN PA'I PHYIR RNAM SHES GZHAN LA DON MED DO, ,'DI RJES SU 'JUG PA MA YIN PA'I PHYIR GOMS PA MED DO ZHES BSTAN PA NI, BDAG NI RTOGS PAR 'DOD PHYOGS LA, ,ZHES BYA BA'O, ,SHES PA SNGAR MTHONG BA NGO SHES PA'I YUL YIN PA'I PHYIR, GOMS PA'I YUL YIN PA'I JI LTA BA DE BZHIN DU BDE BA LA SOGS PA YANG NGO ZHES BSTAN PA NI, DE LTA YIN NA BDE BA LA SOGS PA YANG ZHES BYA BA'O, ,DE LTAR YANG RNAM PAR RTOG PAS BZUNG BA NI GOMS PA GSAL BA YIN NA, GSAL POR 'GYUR ZHING BDE BA LA SOGS PA'I SHES PA BZHIN DU RNAG RIG PA KHO NA YIN GYI GZUNG BAR 'GYUR BA MA YIN PAR BSTAN PA NI, ,GOMS PA LA SOGS ZHES BYA BA STE SHES PA BZHIN DU ZHES BYA BA'I DON TO, ,SHES PA NI SHES PA LA GOMS PA'I 'DU BYED PA SNGON DU 'GRO BA CAN NI SHES PAR GYUR NA, BDE BA LA GOMS PA'I 'DU BYED PA'I SNGON DU 'GRO BA CAN NI, BDE BAR 'GYUR BA YIN NAM, SHES PAR 'GYUR BA JI LTAR SNYAM DU SEMS PA NI, GOMS PA LAS GROL BA LA SOGS PA YANG ZHES BYA BA'O, ,BDE BA LA SOGS PA RNAMS KYI GOMS PA'I BSKYED BYA'I YUL NYID KYIS YUL LAS RGYU GCIG NYID BKAG PA YIN GYI SHES PA NYID GRUB PA NI MA YIN NO, ,DE DANG DE MIN RANG BZHIN DNGOS, ,ZHES BYA BA LA SOGS PAS SHES PA'I KHYAD PAR BDE BA LA SOGS PAR BSGRUBS PA YIN LA, DE DANG 'BREL PA MA YIN PA'I CHED DU PHYI ROL GCIG GI BSKYED BYA NYID YIN PAR RTZOD PA'I GNAS YIN ZHES ZER BA NI, DE BZHIN RTOGS PA'I RANG BZHIN NI, ,ZHES BYA BA'O, ,RANG RIG DE NI MA GRUB PO, ,ZHES BYA BA NI, ,DE DANG DE MIN RANG BZHIN DNGOS, ,ZHES BYA BAS, SHES PA'I NGO BO JI LTAR GRUB PA YIN, ,BDEN TE, RANG RIG PA NYID BSGRUBS PA NI MA YIN LA SHES PA YANG SHES PA GZHAN KHO NA BZUNG BA YIN NO ZHES BYA BA'I DON TO, ,RE ZHIG RNAM SHES DANG BDE BA LA SOGS PA TSOGS PA MTSUNGS

PA LAS BYUNG NI THA DAD PA MA YIN PAR BSGRUB PA YIN LA, SNGON PO LA SOGS PA BZHIN DU MNGON SUM BZUNG BA MA YIN PA, DES NA RANG RIG PA NYID GRUB PA YIN PAR BSTAN PA NI, GANG ZHIG CI 'DRA GOMS 'GYUR BA STE, LKOG TU MA GYUR PA ZHES BYA BA'I DON TO, ,DE'I PHYIR RIG PA DAG GA PAR BYED PA MA YIN GYI LAS NYID TZAM DGAG PA YIN GYI RIG PA NI MA YIN NO ZHES BYA BA'I DON TO, ,'O NA DANG PO NI ZHES BYA BA NI GOMS PAS DRANGS PA NYID MI SHES PA NA, GNAS PA RTOGS PA NYID LA GZHAN GYIS RIG PA GRUB PA YIN NO ZHES BYA BA'I DON TO, , GOMS PAS DRANGS PA RNAMS NI DE NYID KYI TSE MNGON SUM PA YIN PAS GZHAN GYIS RIG PA MA YIN PAR BSTAN PA NI, DE'I PHYIR BSGOMS PA'I STOBS LAS ZHES BYA BA'O, ,'DIS NI ZHES BYA BA NI TSOGS PA'I DBYE BA NI 'BRAS BU'I DBYE BA LA MA 'KHRUL PA CAN TE GZUGS LA SOGS PA'I RNAM SHES LA SOGS PA LA'O ZHES BSHAD PAS SO, ,TSOGS PA GCIG PA NYID LAS 'BRAS BU GCIG GO NGO BOR 'GYUR BAR BSTAN PA NI, PHAN TSUN LHAN CIG BYED PA NYID KYIS ZHES BYA BA'O, ,NYE BAR LEN PA'I DBYE BAS 'BRAS BU'I DBYE BA YIN NA BDE BA YANG RNAM SHES LAS THA DAD PA'I NYE BAR LEN PA YIN PAS THA DAD PAR 'GYUR BA YIN PAR BSTAN PA NI, GZUGS LA SOGS PA'I TSOGS PA DE NI ZHES BYA BA'O, ,SHES PA BZHIN DU MIG LA SOGS PA'I TSOGS MA YIN TE DE MED KYANG GZUGS LA SOGS PA'I RANG GI TSOGS PA LAS BYUNG BAR KHAS BLANGS PA'I PHYIR LDOG PA MED PAR BSTAN PA NI, JI LTAR BSGOMS PA 'PHEL BA RANG SKYES PA'I ZHES BYA BA STE, TSOGS PA THA DA NI 'BRAS BU THA DAD DE NI ZHES BYA BA'O, ,SHES PA BZHIN DU MIG LA SOGS PA'I TSOGS PA SGRUB PAR BYED PA YIN LA, DE YANG GZUGS LA SOGS PA'I RNAM SHES LA YOD PA YIN GYI BDE BA LA SOGS PA LA NI MA YIN NO ZHES BA'I DON TO, ,RNAM SHES 'BYUNG BA'I GZUGS KYI SKAD CIG MA YIN NAM, MA YIN TE SKAD CIG MA LA 'BRAS BU DANG RGYU NYID MED PA'I PHYIR RO ZHES BSTAN PA NI, GZUGS LA SOG PA DAG NI ZHES BYA BA NI, BDE BA LA SOGS PA BDAG LA

, ,'DU BA DE DANG DON GCIG TU 'DU BA CAN GYI SHES PAS 'DZIN TO ZHES YANG ZER BA GANG YIN PA DE NI DON GYIS GO BA MA YIN TE, SHES PA TZAM LAS BYUNG BA'I PHYIR RO ZHES BSTAN PA NI, RE ZHIG SHES RAB LA SOGS PA ZHES BYA BA STE, THOG MA MED PA'I DUS NAS GANG GO BA NYID LA GOMS PA NYID YIN BAS GOMS PA TZAM LAS BYUNG BA'I PHYIR, GZUGS LA SOGS PA'I TSOGS PA LAS BYUNG BA MA YIN ZHES BYA BA'I DON TO, ,GZUNG BA'I DON DE LA GNAS PA NYID GANG GI YIN PA DE KHO NA 'DI YIN NO ZHES 'DZIN PAR BYED PA'I BLO'O, , DE LA YANG ZHES BYA BA NI MNGON SUM GZHAN LA YANG NGO, ,BDAG LA SOGS PA YANG DE BZHIN NO ZHES BYA BA NI 'DZIN PAR BYED PA NYID KYIS SAM, 'DZIN PA NYID KYIS DON ZHIG NA JI LTAR SNANG BAR 'GYUR DE'I BDAG NYID DU 'AM ZHES BYA BAR NI DON 'DZIN PAR BYED PA NYID KYIS KYANG BDE BA LA SOGS PA YANG NGO ZHES BYA BA DANG SBYAR RO, ,DON YANG GSAL BAR BYED PA NI BLO LA SOGS PA YIN LA DE NI BDAG CES BYA BAR YONGS SU BSGYUR BA YIN NO, ,BAG CHAGS LAS BYUNG BA'I BDE BA LA SOGS PA LA RANG GI RIG PA DGOS PA CAN YIN GYI BDAG DANG 'DU BA NI MA YIN NO ZHES BSTAN PA NI, THOG MED GOMS PA'I NGO BO LAS, ,ZHES BYA BA'O, ,DE STE BDAG GI 'DU BAR MI 'DOD PA STE, KHAS MI LEN NA BDAG SU'I 'BREL PA CAN YIN TE, BDE BA BZHIN DU 'BREL PA CAN MI RIGS SO ZHES BYA BA'I DON TO, MI RTAG PA NYID YIN NA MI GA LAS BYUNG BA MA YIN PA'I MNGON SUM NYID KYI RANG GI NGO BO'I BDE BA LA SOGS PA YIN LA, DE DAG TZAM GYIS YON TAN NYID DU GYUR PA NI MA YIN TE, 'BREL PA MED PA'I PHYIR RO, ,DU BA NI ME MED NA MI 'BYUNG BA'I PHYIR GO BAR BYED PA YIN PAR BSTAN PA NI, GAL TE DANG PO YON TAN NYID, ,CES BYA BA'O, ,DE 'DI LTAR BDE BA LA SOGS PA'I RNAM SHES LAS TSOGS PA'I DBYE BA THA DAD PA'I SGRUB BYED MA YIN LA, BSGOMS PA'I STOBS KYIS SKYE BZHIN PA NYID MNGON SUM YIN BAS SHES PA'I BDAG NYID KYI RANG RIG PA NI GRUB PA YIN GYI DE DON GCIG LA 'DU BA CAN GYI SHES PAS MNGON SUM PA NI MA YIN TE, SKYED BYED KYI

DON TZAM 'DZIN PA'I PHYIR DANG, SKYED BYED MA YIN PA 'DZIN NA YANG THAL CES PA'I PHYIR DANG, TSOGS PA GCIG LA 'BREL PAS KYANG MIG LA SOGS PA RNAMS LA THAL BAR 'GYUR BA'I PHYIR RO ZHES BSTAN PA NI, DON GANG ZHES BYA BA'O, ,NYE BAS NI TSOGS PAR GTOGS PA STE, RGYU MA YIN NA YUL MA YIN PAR NI RIGS PA YIN NO ZHES BYA BA'I DON TO, ,GZUGS NYID LA ZHUGS PA NI BYE DPA PO MIG NI LAS BDE BA 'DZIN PAR BYE DPA'I SHES PA LA 'JUG PAR BYED PAR 'GYUR RO ZHES BYA BAR SBYAR BAR BYA STE, DU BA LA 'JUG PA'I MIG NYID ME LA SHES PA BSKYED PA'I DON YIN NO ZHES BSTAN PA NI, RJES SU DPAG PA YANG ZHES BYA BA'I DON TO, ,'ON TE GZUNG BA'I RNAM PA LAS, ,ZHES BYA BA NAS CI STE MI RTAG NA ZHES BYA BA'I BAR DU RGOL BA YIN NO, ,BDE BA'I RNAM PAR NYID 'BA' ZHIG CES BYA BA NI GZUGS LA SOGS PA BZHIN DU LOGS NA GNAS PA NYID KYIS MI RIGS PA'I PHYIR RO ZHES BYA BA'I DON TO, ,GZHAN YANG ZHES BYA BA NI SNGON PO LA SOGS PA KHO NA BZHIN DU SHES PA SKYE BA'I SNGA NA YOD PA LA RJES SU DPAG PA YIN NA NI PHYI ROL GYI NYE BAR GZHAG PHA BSGRUB PA LA DE LAS BZLOG PA'I BAG CHAGS KYI NYE BAR GZHAG PA SGRUB PAR BYED PA 'GAL BA YIN PAR BSTAN PA NI MA YIN TE, PHYI ROL GYI DON ZHES BYA BA'O, ,DON DE NYID LAS BYUNG BA'I DBANG PO'I BLOS 'DZIN PA MA YIN NAM, BDE BA NI BDAG DANG YID PHRAD PA LAS BYUNG BAS SO SNYAM DU SEMS PA LA RIM GYIS BYUNG BA'I SHES PA GNYIS RIM GYIS RANG GI YUL LA SNANG BAR BYED PA YIN GYI, SNGON PO DANG BDE BA YANG CIG CAR SNANG BAR BYED PA MA YIN PAR BSTAN PA NI, RIM BYIS 'DZIN NA ZHES BYA BA'O, ,GZUGS RIG PA YIN NA BDE BA RIG PA MA YIN LA, 'DI RIG NA YANG GZUGS MA YIN NO ZHES RIG PA BZHIN DU MI RIG PA'I MYUR BAR MTSUNGS PAR BSTAN PA NI, DE MTSUNGS MIN ZHES BYA BA'O, ,RNAM CHAD MED PAR RTOGS PA NYID BSHAD PA NI, RTOGS PA KHO NA STE ZHES BYA BA'O, ,MI 'DZIN PA TZAM GYI DBANG DU BYAS NAS ZHES BA NI 'ON TE MI 'DZIN PA YANG ZHES BYA BA LA SOG PA NI RGOL BA YIN NO, ,MED PA'I

, ,THA SNYAD KYI YUL GYI YOD PA MA YIN PAS 'BYUNG BA 'DZIN PA YIN PA'I DBANG DU BYAS NAS LAN BSTAN PA NI, GCIG GI STE SA PHYOGS YOD PA NI GZHAN DAG STE, BUM PA MED PAR BRJOD PA YIN NO, ,BRJOD PA NI RANG GI NGO BOS MA YIN GYI, 'ON KYANG DES DBEN PA NYID KYIS SO, ,'DI DMIGS PA'I DUS NA DE MA DMIGS PA'I PHYIR ZHES SBYAR BA YIN TE, GANG DANG DE NI RTAG TU 'BREL PA MA YIN PA'I PHYIR RO, ,DES NA BDEN PA 'DZIN PA NI DE YIN NO ZHES SBYAR BAR BYA'O, ,DE RNAM PAR MA CHAD PA NI MI 'DZIN PA MA CHAD PA'O, ,GZUGS RIG PA NYID BDE BA RIG PA MED PA JI LTA BA DE BZHIN DU 'DI'I YANG BDE BA RIG PA YIN PAR BSTAN PA NI BDE BA 'DZIN PA LA YANG ZHES BYA BA'O, ,GNYIG LA YANG ZHES BYA BA NI BDE BA DANG GZUGS DAG GI RIG PA NI CIG CAR RIG PA MA YIN TE, CIG CAR 'DZIN PA MA YIN PA YANG PHAN TSUN GEGS BYED PA'I PHYIR RO ZHES BYA BA'I DON TO, ,DE 'DI LTAR LHAN CIG MI RIG PA DMIGS PA YIN NA MI RIGS PA TZAM CIG CAR YIN NO ZHES BYA BA NI RGOL BA NYID MA YIN PAR BSTAN PA NI, GZHAN DU ZHES BYA BA'O, ,RANG GI NGO BO MA ZHUGS PA TZAM GYIS DBEN PA 'DZIN PA NI DGAG PA'I DON TO, , MA ZHUGS PA 'DZIN PA NI CIG CAR 'DZIN PA YIN TE YAN LAG DANG YAN LAG CAN 'DZIN PA BZHIN DU YIN PAR BSTAN PA NI, PHAN TSUN RANG BZHIN ZHES BYA BA'O, ,'DIR YANG ZHES BYA BA NI BDE BA'I NGO BO RIG PA LA BAR GYIS 'DZIN PA GNOD BYED MA YIN TE, ,MI 'DZIN PA NI 'DZIN PA LA ZHES BYA BAR SBYAR RO, ,DE LA ZHES BYA BA NI THAG RING PO'I GONG BU SNANG BA LA'O, ,CI LAS SHE NA, YOD MIN JI LTAR GNOD BYED YIN, ,ZHES BYA BA SMOS TE, GNOD PAR BYA BA MA YIN PA LA 'DOD PA MA YIN PA NI KHO BO CAG GI'O ZHES BYA BAR SBYAR RO, ,NYAMS SU MYONG BA MNGON SUM MA YIN NA GZUGS NYAMS SU MYONG BA NYID DU MI 'GYUR BAR BSTAN PA NI, RANG NYID GSAL BA MED PAR ZHES BYA BA'O, ,JI SRID DU GZHAN GYIS GSAL BAR MI BYED DE SRID PA GZUGS NYAMS SU MYONG BA MED LA, NYAMS SU MYONG BA GZHAN YANG JI SRID DU MNGON SUM MA YIN PA DE SRID

DU GZUGS KYI NYAMS SU MYONG BA MA YIN TE DE NYAMS SU MYONG BA'I MNGON SUM NYID KHO NA MNGON SUM YIN PA'I PHYIR RO, ,DE MED NA NYAMS SU MYONG BA THAMS CAD MED PAR BSTAN PA NI, GSAL BAR BYED PA GZHAN YANG ZHES BYA'O, ,DE'I PHYIR GZUGS KYI NYAMS SU MYONG BA NYID KYI MNGON SUM NI BDE BA 'DZIN PA MA YIN PA'AM, BDE BA GZUGS KYI'O, ,NGES DBEN PA LAS 'DZIN PA GZHAN GYI GZUNG BA MA YIN PAR BSTAN PA NI, SNANG BAR GYUR PA DE DAG CES BYA BA'O, ,GNOD PAR BYED PA MA YIN PAR SU SMRA DE NYID KYI PHYIR RES 'GA' GNOD PAR BYED PA ZHES ZER BA NI, 'ON TE BDE BA 'DZIN PA ZHES ZER BA STE, GONG BU 'DZIN PA'I DUS SU SKRA SHAD KYI BAR DU 'DZIN PA MI SKYED PA DE BZHIN DU BDE BA 'DZIN PA SKYES PA MA YIN PA DE'I PHYIR GONG BU 'DZIN PA BZHIN DU GZUGS 'DZIN PA NI, 'DI'I GNOD BYED YIN ZHES BYA BA'I DON TO, ,RES 'GA' GNOD BYED MA YIN PA MI SKYE BA'I PHYIR THAMS CAD DU GNOD BYED MA YIN PA MA YIN TE, SKRA SHAD RNAMS KYI YANG BAR 'DZIN PA THAG RING PO MA SKYES PA NYID GNOD PAR BYED PA YIN GYI SKYES PA NI MA YIN NO ZHES BSTAN PA NI, KUN TSE CI'I PHYIR GNOD MA GYUR, ,CES BYA BA'O, ,DES NA MA DMIGS PA NI BYA BA NI SKYES PA ZHES BYA BAR SBYAR RO, ,DE'I TSE ZHES BYA BA NI BDE BA LA SOGS PA 'DZIN PA'I NGO BO'I BDE BA SKYES PA NA'O, ,ZIL GYIS GNON PA NI GNOD PA'O, ,SKRA'I BAR 'DZIN PA LTAR ZHES BYA BA NI GONG BU 'DZIN PA NYID KYIS SO ZHES BYA BA'I DON TO, ,'ON TE DON LAS SKYE BZHIN PA BDE BA LA SOGS PA DANG LHAN CIG PAR THAL BAR 'GYUR PAS DE YANG GSAL BAR SNANG NGO SNYAM DU SEMS PA LA GCIG GIS ZHES BYA BA'O, ,DES PHYIR ZHES BYA BA NI RGYU MA YIN PA 'DZIN PA LA KHYAD PAR MED PA'I PHYIR MA LUS PAR 'DZIN PAR THAL BAR 'GYUR RO, ,DE NUS GRUB MED PHYIR, ,ZHES BYA BA 'DI BSHAD PA NI, SNGON PO'I DBANG PO'I RNAM SHES LA, ,ZHES BYA BA'O, ,DE LTAR ZHES BYA BA NI SO MED KYANG DBANG PO'I SHES PAS BZUNG BZHIN BA NI DBANG PO'I SHES PAS BZUNG BZHIN BA NI DBANG PO'I SHES PA LA NUS LA, DE YOD NA DE BZHIN

, ,DU YOD PA YIN LA, DE BZHIN DU BDE BA NI SNGON PO LA SOGS PA MED NA DBANG PO'I SHES PA LA NUS PA MA YIN PAR BSTAN PA NI, SO SO SO SOR YANG ZHES BYA BA'O, ,GNYIS KYIS DE SNGON PO LA SOGS PA DAG 'BA' ZHIG 'DZIN PA KHO NA YIN NO SNYAM DU SEMS PA LA DE'I ZHES BYA BA NI BDE BA'I STE MYONG BAR MI RIGS SO ZHES BYA BA DANG SBYAR RO, ,GANG GI TSE ZHE NA KHYAD PAR DU BYED PA NI DE RGYU STE GZUGS LA SOGS PA MA BZUNG BAR ZHES BYA BA'O, ,MI RIGS SO ZHES BYA BA 'DI'I MTHONG BA DANG 'GA' ZHIG CES BYA BA NI 'GREL PA YIN NO, ,SNGON PO YANG MI RIG PA DANG RANG RIG PA'I PHYOGS LAS MA 'DAS PA'I PHYIR, MA BZUNG BA 'THOB PAR 'GYUR BA MA YIN NAM, 'ON TE DBANG PO DANG, DE'I BSKYED BYA'I SHES PA DAG SNGON PO LA MNGON DU PHYOGS PA'I NGO BO YIN PA'I PHYIR, GZUNG BA LA SOGS PA NYID YIN PA DE LTA NA'ANG BDE BA DANG DBANG PO'I SHES PA DAG LA 'DIR 'GYUR RO SNYAM DU SEMS PA NI, RANG GI RGYU ZHES BYA BA STE, RGYU LAS GZHAN RIG PA'I BDAG NYID KYIS 'DI'I NI RNAM SHES KYIS TE, BDE BA DANG DUS MTSUNGS PA'I YANG MNGON DU PHYOGS PA LAS 'DZIN PA NI 'DZIN PAR BYED PA NYID DU GAL TE 'DOD NA'O, ,DE LTAR YANG MA DMIGS SO ZHES BYA BA NI SGEG MO RTOG PAR BYED NA'O, ,DE LTA NA 'O NA ZHES BYA BA NI GAL TE THA DAD PA NYID MED KYANG NUS PA NYID YIN NA'O, ,DON DANG LHAN CIG NYID 'DZIN PA'I BDE BA LA SOGS PA RNAMS NI SO SO BA MA YIN ZHES BYA BA'I PHYOGS 'DI LA YANG NUS PA MED PAR BSTAN PA NI, DON DANG LHAN CIG NYID CES BYA BA'O, ,CI LAS SHE NA, GANG GI PHYIR SO SO BA DES BSKYED PA'I BLO MI 'DOD PA DE'I PHYIR NUS PA NYID MED DO ZHES BYA BA'I DON TO, ,MIG LA SOGS PA'I SHES PAS KYANG BDE BA LA SOGS PA 'BA' ZHIG 'DZIN NA NI DE'I RGYU BUD MED LA SOGS PA 'DZIN PA STE TSOL BAR MI 'GYUR RO, ,GZHAN DU NA BDE BA LA SOGS PA 'DZIN PAR MI 'GYUR BA'I PHYIR DE 'DZIN PAR TSOL BAR BYED DO, ,DE BSTAN PA NI DON MED PAR NI ZHES BYA BA'O, ,DE NI SRID PA MA YIN TE, DON GCIG LA 'DU BA CAN NYID KYIS BDE BA LA SOGS PA NYE

PA NYID YIN NA'O ZHES BSTAN PA NI, NANG GI YAN LAG CES BYA BA STE, DE'I TSE PHYI ROL MTHONG BAR MI 'GYUR RO ZHES BYA BA NI MJUG BSDU BA'O, ,'ON TE DON GYI GO BA BSKYED BYA'I DBANG PO'I SHES PA DON GYI GZHAN DBANG YIN PAS DON 'DZIN PA YIN GYI BDE BA LA SOGS PA 'DZIN PA NI MA YIN TE, DE DANG 'BREL PA MED PA'I PHYIR RO ZHES ZER BA LA, DON 'DZIN NA NI ZHES SMOS TE, BDE BA DANG GZUGS LA SOGS PA DE DANG DE YUL YOD PAS BLO 'DAS PA NA, CIG CAR BDE BA DANG SDUG BSNGAL BYED PA'I DON GCIG NYID LA SHA ZA MO GZHON NU MA'I BDAG NYID YOD NA BDE BA RIG PA NI SDUG BSNGAL RIG PA DANG LDAN PAR 'GYUR TE, KHYED MI 'DOD PA KHO BO CAG GI 'DOD PAR 'GYUR RO ZHES BYA BA'I DON TO, ,G-YUL GYI ROS ZHES BYA BA NI G-YUL DU ZHUGS PA'I ROS SO, ,GLA NI RNGAN PA'O, ,'DOD PA NYID KYIS MI 'DOD PA MNGON DU BYED PAR MI RIGS PAR BSTAN PA NI, 'DOD PA NYID KYIS ZHES BYA BA'O, ,LA LAR YANG 'GYUR RO ZHES BYA BA NI CIG CAR ZHES BYA BA DANG SBYAR RO, ,RTOGS PA'I RANG BZHIN NYID DO ZHES BYA BA NI RTOGS PA'I DUS KHO NA NA YOD PA'I PHYIR RO, ,DBANG PO LA SOGS PA'I TSOGS PA LA GNAS PA'I GZUGS LA SOGS PA RNAMS LAS BDE BA LA SOGS PA KHO NA 'BYUNG GI SHES PA NI MA YIN TE, BSGOMS PA'I STOBS LAS BYUNG BA'I PHYIR RO ZHES BSTAN PA NI, BSGOMS PA'I STOBS LAS ZHES BYA BA STE, GOMS PA LAS BDE BA LA SOGS PA MA YIN ZHING MIG LA SOGS PA LAS SHES PA MA YIN NO ZHES BYA BA'I DON TO, ,DNGOS PO'I STOBS LAS SKYE BA NI ZHES BYA BA NI LEGS PAR YONGS SU NGES PA'I SHES PA'O, ,MA 'BREL 'GYUR ZHES BYA BA NI RMI LAM GYI SHES PA BZHIN DU SHES PA THAMS CAD BAG CHAGS LAS BYUNG BA NYID KYI PHYI ROL GYI DON MED PAR 'GYUR RO, ,NYE BA'I BDE BA LA SOGS PA SHIN TU SNGA NA MED PA'I DNGOS PO BZHIN DU, SHES PA NI BSGOM PA MED KYANG 'BYUNG BAR 'GYUR RO ZHES ZER BA NI, GAL TE BDE BA LA SOGS PA ZHES BYA BA'O, ,'DI LA TSAD MA CI YOD CES BYA BA NI BDE BA LA SOGS PA RNAMS LA YANG SHES PA BZHIN DU BSGOMS PA'I RJES SU MTSUNGS PA'I PHYIR RO, ,DON

, ,LA SOGS PA LA ZHES BYA BA NI DON DANG DBANG PO LA SOGS PA'O, ,DON GYI RNAM PA YANG ZHES BYA BA STE, SHES PA NI BSGOMS PA LAS BYUNG BA NYID KYIS PHYI ROL LA RAG LAS PA MA YIN PA NYID SGRUB PA YIN TE, DON GYI RNAM PA YANG GRUB PA DANG BDE BA THA MI DAD PA'I PHYIR 'DOD PA NYAMS PA YIN NO, ,BDE BA DANG SDUG BSNGAL BSGRUB PA LA DU MA LA DBANG PO GCIG GIS 'DZIN NA, KHYED KYI SHES PA DU MA CIG CAR 'BYUNG BAR KHAS BLANGS PAS, DUS GCIG KHO NA LA BDE BA DANG SDUG BSNGAL RIG PA DANG LHAN CIG TU 'GYUR BA ZHIG NA SHES PA BZHIN DU DE'I BSKYED BYA BDE BA LA SOGS PA'I RING GI NGO BO YANG DE RIG PA'I NGO BO YIN BA KHAS BLANGS PA'I PHYIR MI RIGS SO, ,GANG GI PHYIR SDUG BSNGAL MYONG BA'I DE MA THAG TU BDE BA 'BYUNG NGAM MI 'BYUNG YANG DE TZAM LAS NYE BAR LEN PA'I RANG GI SA BON SHES PA LA GNAS PA GO BAR BYED KYI, SHES PA NI THAMS CAD KYI SA BON YIN PAS THAMS CAD 'BYUNG BA NI MA YIN TE, GANG LA LA'I KHA CIG GI RES 'GA' NYID SAD PAR KHAS BLANGS PA'I PHYIR RO ZHES BSTAN PA NI, NANG GI YOD KYANG DON 'BA' ZHIG NI MA YIN TE, DBANG PO LA SOGS PA'I SHES PA STE DON LAS THA MI DAD PA'O, ,NYE BAR LEN PA NI RIGS MTHUN PA'I SA BON LA'O, ,DE YANG GCIG GI TSE GCIG SAD PA NI RANG RANG GI 'BRAS BU LAS BZLOG PA'I YANG NYE BAR LEN PA MA YIN TE, TSOGS PA GCIG LAS BYUNG BA'I 'BRAS BU YANG NYE BAR LEN PA SAD PA'I BYE BRAG LAS DU MA GCIG GI TSE MA YIN NO ZHES BYA BA'I DON TO, ,GAL TE RANG GI 'BRAS BU LAS BZLOG PA LA NYE BAR LEN PA MA YIN NA, RANG GI 'BRAS BU LA YANG BDE BA'I SHES PA'I BDAG NYID NI DE'I BDAG NYID MA YIN PA LA 'GAL BA NYID KYIS NYE BAR LEN PAR MI 'GYUR BAR BSTAN PA NI, RNAM PAR SHES PA NI MI SHES PA'I ZHES BYA BA'O NI MI SHES PA'I BDAG NYID KYI RANG GI 'BRAS BU LA SHES PA NI BDAG PO'I RKYEN YIN GYI NYE BAR LEN PA NI MA YIN NO SNYAM PAS BDAG PO NYID DU SMOS SO, ,DE 'DI RANG GI 'BRAS BU BZHIN 'GAL BA DAG LA YANG MTHONG BAR MTSUNGS PAR BSTAN PA NI, DE NI ZHES

BYA BA STE BDAG PO NYID DE, MTHOR ZHES BSTAN PA'I BSHAD PA NI, MIG DAG LA ZHES BYA BA STE, MTSAN MO RGYU BA DANG DE DANG DE LAS GZHAN PA DAG NI 'UG PA DANG BYA ROG DAG GI'O, ,MTHUN PA DANG MI MTHUN PA DAG NI GNOD PA DANG MI GNOD PA DAG STE, BDE BA LA SOGS PA RNAM PAR SHES PA'I BDAG NYID KYI PHYOGS LA NYE BAR LEN PA NGES PAR LAS NGES PAR GYUR TO ZHES BYA BA'I DON TO, ,SHES PA ZHES BYA BA NI SHES PA'I BDAG NYID LAS SO, ,'GAL BA RNAMS TE, BDE BA LA SOGS PA RNAMS KYI NYE BAR LEN PA GCIG SHES PA LA GNAS PAR MI RIGS TE, DUS THAMS CAD DU THAMS CAD SKYE BAR THAL BAR 'GYUR BA'I PHYIR RO, ,'ON KYANG RES 'GA' GANG LA LA'I CUNG ZAD PA NYID DU MTHONG BA YIN NO SNYAM DU SEMS PA NI, 'ON TE 'GAL BA'I ZHES BYA BA STE, BDE BA'I SA BON NI SDUG BSNGAL GYI MA YIN ZHES BYA BA'I DON TO, ,RNAM PAR SHES PA MA YIN PA STE, BDE BA LA SOGS PA'I RNAM PAR SHES PA'I SA BON GYI BDAG NYID PA DANG, RNAM PAR SHES PA'I STE SA BON GYI BDAG NYID KYI BDE BA LA SOGS PA'I RNAM PAR MA SHES PA NYE BAR LEN PA DANG BYED PA POR JI LTAR 'GYUR ZHES SBYAR RO, ,BDE BA LA SOGS PA GZUGS LA SOGS PA 'DZIN PA NI, GZUNG BZHIN BA NI TSOGS PA GCIG DANG 'BREL PA'I PHYIR 'DZIN PA GCIG GIS BZUNG BA MA YIN NAM GZUGS DANG BDE BA LA SOGS PA'I 'DZIN BYED KYI RNAM SHES NI BDE BA LA SOGS PA KHO NA 'DZIN PAR BYED PA MA YIN TE, 'DI 'BREL PA LA KHYAD PAR MED PA'I PHYIR RO, ,'DZIN BYED DANG GZUNG BYA DAG GI RANG BZHIN DU NGES PA'I PHYIR RO SNYAM DU SEMS PA LA, DE'I PHYIR BDE SOGS ZHES BYA BA SMOS TE, BDE BA DANG SNGON PO LA SOGS PAR SNANG BA'I BDAG NYID KYI MNGON SUM GCIG PU DON DANG DBANG LA SOGS PA'I BSKYED BYA YIN GYI, GZHAN GYI 'DZIN BYED MA YIN ZHING GZUNG BYA YANG MA YIN NO ZHES BYA BA'I DON TO, ,DE'I PHYIR GZHAN YANG RIG BYED MIN DE DAG RANG GI NGO BO JI LTAR RIG CES BYA BA GSAL BA YIN NO, ,GAL TE SNGON PO LA SOGS PHYI ROL DANG BDE BA LA SOGS PA PHYI ROL MA YIN PA DE JI LTAR

, ,GCIG YIN ZHE NA, NANG GI YONGS GCOD CHA 'DI GZHAN PHYI ROL NA NI GNAS PA YIN ZHES BYA BA'I RIGS PAS SO, ,YANG NA BDE BA LA BDE BA'I BDAG NYID KYI DON DANG SDUG BSNGAL LA BDE BA MA YIN PA'I BDAG NYID CES BYA BA LA SOGS PA 'DI'I YANG BDAG NYID LA GNAS PA'I RIG PAR BYED PA DANG, BDAG NYID KYANG RIG PAR BYED PA NI RNAM SHES BZHIN DU SNGON PO LA SOGS PA'I YANG YIN NO, ,BDAG NYID CES BYA BAS SHES PA DANG BDE BA LA SOGS PA'I RANG NYID RIG PA'I BYED PA LA BRDA JI LTA BA'I RNAM PAR RTOG PA NI SNGON PO'I RTOG PA BZHIN DU 'GYUR LI MI SHES PA'I BDAG NYID KYI BDE BA LA SOGS PA'I PHYOGS LA RNAM SHES KYI BDAG NYID KYIS BON RIG PA DAG GIS SA BON YIN PAR 'GAL BA YIN GYI, RNAM SHES KYI BDAG NYID KYI BDE BA LA SOGS PA'I PHYOGS LA NI DE LTA MA YIN TE, GANG LA LA'I RES 'GA' SAD PA'I PHYIR ZHES BYA BA'I TSIGS SU BCAD PA'I GNAD KYI DON BSHAD PA NI, GAL TE BDE BA ZHES BYA BA LA SOGS PAS SO, ,DENG LA YANG ZHES BYA BA NI MA RTOGS PA'I NGO BO'I BDE BA LA SOGS PA YANG BAG CHAGS SAD PA'I KHYAD PAR LAS BYUNG BA YIN LA, BAG CHAGS LAS BYUNG PA NI RTOGS PA'I DUS NYID NA SKYES PA NI SNGAR GNAS PAR RTOGS PA MA YIN LA, BAG CHAGS NI RTOGS PA'I YIN GYI MA RTOGS PA'I NI MA YIN TE, BAG CHAGS JI LTA BA BZHIN DU 'BYUNG BA'I BDE BA LA SOGS PA NI SHES PA KHO NA YIN NO, ,RTOGS PA'I BAG CHAGS YIN DU ZIN KYANG 'CHOL BAR 'GRO BA LA SOGS PA NI MA RTOGS KYANG 'BYUNG BA YIN GYI BDE BA LA SOGS PA NI MA YIN TE, MA RTOGS PA LA SGOB PA MED PA'I PHYIR RO ZHES BSTAN PA NI, BAG CHAGS STOBS LAS BYUNG NA NI, ,ZHES BYA BA'O, ,SHES PA'I BAG CHAGS KYI STOBS LAS BYUNG BA'I SHES PA NYID YIN NA, SHES PA'I BAG CHAGS LAS BYUNG BA NI SHES PA MTHONG BA MA YIN PAR BSTAN PA NI, BAG CHAGS DRAN DANG NGO SHES ZHES BYA BA'O, ,BDE BA LA YOGS PA YANG 'TSOL BAR 'GRO BA LA SOGS PA BZHIN DU MI SHES PA'I NGO BO NYID MA GOMS PAS MI SHES PA KHO NA 'BYUNG BAR 'GYUR BA

MA YIN SNYAM DU SEMS PA NI, GAL TE DRAN PA LA SOGS PA YANG ZHES BYA BA STE, SHES PA MA YIN PA'I BDAG NYID RGYUN GYIS 'JUG PA NYID BRGYA LAN SHES PA'I STOBS KYIS SHES PAR 'GYUR RO ZHES BYA BA'I DON TO, ,SHES PA'I DUS MA GTOGS PAR DE YOD DO ZHES BYA BA LA TSAD MA CUNG ZAD KYANG MED PA YIN TE, 'CHOL BAR 'GRO BA LA SOGS PA NI DE LAS GZHAN PAS RTOGS PA YIN PAR BSTAN PA NI, SNANG BA'I SPYOD YUL NI RUNG BA NYID DO, ,MNGON SUM BZHIN DU ZHES BYA BA NI RTOGS BZHIN PA BZHIN DU'O, ,DPE YIN NA NI MNGON SUM BZHIN DU STE MNGON SUM LTA BU'O, ,DON NI ZHES BYA BA NI DPE CAN TE, BDE BA LA SOGS PA'O, ,RANG GI ZHES BYA BA NI SNANG BZHIN PA NYID YIN TE, DE'I GNAS NA YANG ZHES BYA BA NAS SO, ,MNGON SUM DANG DRAN PA DAG CES BYA BAS NI 'DZIN PA DANG SRID PA'I GNAS SKABS DAG LA KHYAD PAR MED PA'O,, DPE YIN NA NI GSAL PO DANG CIG SHOS DAG LA KHYAD PAR MED DO ZHES BYA BA'I DON TO, ,'ON TE SNGON NYID DANG NI ZHES BYA BA NI 'BYUNG SRID PA'I BDE BA LA SOGS PA STE, DRAN PAS NGO SHES PA LA NI KHA DOG DANG DBYIBS SO, ,LKOG TU GYUR PA 'DZIN PA'I PHYIR, ,ZHES BYA BA NI LKOG TU GYUR PA NYID DU SNGA MA MA DRAN PA DANG SRID PAS KYANG DE 'DI'I ZHES 'DZIN TO ZHES BYA BA'I DON TO, ,DON NYID CES BYA BA NI BDE BA LA SOGS PA'AM, KHA DOG LA SOGS PA STE MNGON SUM LA NI BDE BA LA SOGS PA'I YUL LA'AM, GZHAN LA YANG NGO, ,DNGOS PO DAG GI RNAM PAR DBYE BA KHO NA CI LAS YIN ZER BA NI 'ON TE DNGOS PO DAG GI ZHES BYA BA'O, ,DNGOS PO MED PA LAS ZHES BYA BA NI MED PAS SO, ,GZHAN MED DO ZHES BYA BA NI GANG GIS 'BYED PA'O, ,LAN NI MED PA NI YOD PA LAS 'BYED PAR BYED PA MA YIN NO, DE DAG THA MI DAD PA'I PHYIR DNGOS PO DAG GI YANG THA MI DAD PAR 'GYUR BAR BSTAN PA NI, GAL TE DNGOS MED CES BYA BA'O, ,TSAD MA THA DAD PHYIR ZHES BYA BA NI DNGOS PO DANG DNGOS PO MED PA DAG GI DBYE BA'O, , ,THA DAD MED PAR 'DZIN ZHES BYA BA NI, DNGOS PO DANG DNGOS PO MED PA DAG GCIG NYID YIN TE,

, ,DPER NA MIG DANG RNA BA DAG GIS GZUGS DANG SGRA DAG 'DZIN PAR SO SOR NGES PA YIN YANG NGA KHO NAS GNYI GA RTOGS SO ZHES BYA BA LTA BU'O, ,DE BZHIN DU DNGOS PO DANG DNGOS PO MED PA RTOGS PA NGES PA YIN YANG GCIG NYID YIN NO SNYAM DU SEMS PA NI, GAL TE MIG GI RNAM SHES KYIS, ,ZHES BYA BA'O, ,SO SO RANG GI THA SNYAD NI YUL SO SO BA CAN NO, ,BLTAR RUNG BA YIN ZHES BYA BA NI GZHAN GYIS BSGRUBS PA'I YAN LAG CAN LA SOGS PA'O, ,DE ZHES BYA BA NI SNGAR DMIGS PA'O, ,DE'I BDAG NYID CAN NYID YIN YANG ZHES BYA BA NI LKOG TU GYUR PA NYID DNGOS PO'I BDAG NYID YIN NO, ,NUS PA NGES PA ZHES BYA BA NI MNGON SUM STE LKOG TU MA GYUR PA NYID YIN NA'O, ,LKOG TU GYUR PA NYID LA NI DRAN PA NYID YIN NO, ,DON BYED PAR NUS PA NYE BAR STON PA TSAD MA'I MTSAN NYID DRAN PA LA MED PAR ZER BA NI LKOG TU GYUR PA NYID LA ZHES BYA BA'O, ,LKOG TU GYUR PA NYID RIG PA NA RJES SU DPAG PA 'JUG PA'I YAN LAG NYID MA YIN PAR BSTAN PA NI, RJES DPAG CHOS CAN ZHES BYA BA'O, ,DRAN PA'I RNAM PA LA ZHES BYA BA NI MI GSAL BA LA'O, ,RNAM PA 'DI NI ZHES BYA BA NI MI GSAL BA'O, ,GANG GI PHYIR BSGOMS PA'I STOBS LAS BYUNG BA DANG LDAN PA'I BDE BA LA SOGS PA NI DRAN PA BZHIN DU YIN PA DE'I PHYIR RNAM SHES KYI BDAG NYID DANG CIG CAR 'BYUNG BA YANG MA YIN NO ZHES BYA BA NYE BAR SDUD PA NI, DE'I PHYIR BDE SOGS ZHES BYA BA'O, ,GOMS PA'I 'DU BYED LAS ZHES BYA BA NI SHES PA BSGOMS PAS SO, ,NANG GI REG BYA'I KHYAD PAR ZHES BYA BAS NI BDE BA LA SOGS PA'I RANG BZHIN GYI NGO BO BSTAN PA YIN NO, ,DE ZHES BYA BA NI 'DU BYED KYI'O, ,DE MTHONG BA LAS ZHES BYA BA NI REG BYA DANG PHRAD PA'I'O, ,GZHAN DAG NI PHYI ROL GYI 'DOD PA LA SOGS PA'I DON RNAMS KYI RANG GI NGO BO LA 'DI 'PHOS PA YANG YIN LA, SNANG BA YANG YIN PA DE GANG DAG GI YIN PA DE DAG NI RANG NYID DANG PHYI ROL GYI DON GYI RNAM PA YANG RIG PAR BYED PA YIN NO ZHES ZER RO, ,DE NYID KYI PHYIR RANG NYID KYI RNAM PA DANG RANG LA YOD PA'I PHYI ROL GYI RNAM

PA RIG PA'I PHYIR DE RNAMS LA DON MYONG BAR BSHAD PA STE GRAGS PA'O ZHES BSTAN PA NI, DON GYI BDAG NYID CES BYA BA'O, ,GAL TE DON GYI RNAM PA CAN BE BA LA 'DI DAG GIS DMIGS PA CI ZHIG YIN ZHE NA, BDAG NYID KHO NA BDAG NYID KYIS DMIGS PA MA YIN TE, 'GAL BA'I PHYIR RO ZHES ZER BA NI, DMIGS PA NYID NI ZHES BYA BA SMOS TE, DMIGS PA'I THA SNYAD KYI YUL BDE BA LA SOGS PA DER SNANG BA STE PHYIR ROL GYI DON DU SNANG BA ZHES BYA BA'I DON TO, ,RIGS ZHES BYA BA NI 'BREL PA CAN YIN TE NYAMS SU MYONG BA'I BDAG NYID YIN PA'I PHYIR RO, ,'BRAS NYID KYIS ZHES BYA BA NI DON GYI 'BRAS BU SHES PAS SO, ,MIG DON LA MNGON DU PHYOGS PA MA GTOGS PA'I DON LA MA YIN PAR BSTAN PA NI, DON LA PHYOGS PAR ZHES BYA BA'O, ,RTOG PA'I DON LA YANG RIG PA GZHAN NI KHYAD PAR BYED PA POR MI 'GYUR BAR BSTAN PA NI GRUB PAR ZHES BYA BA'O, ,DE LAS ZHES BYA BA NI LHAN CIG SNANG BZHIN PA NYID LAS SO, ,GZHAN ZHES BYA BA NI RTOGS PA NYID MA YIN PA'O, ,THA DAD PA RIGS PA LAS DON RIG PA NYID DU MI 'GYUR BAR BSTAN PA NI, DES NI DE ZHES BYA BA'O, DON GCIG LA 'DU BA CAN GYI SHES PAS 'DZIN PA LAS NANG NYID RTOGS PA YIN PAR MI 'GRUB PA STE SNGON PO BZHIN NO, ,NGA'I BDE BA YIN NO ZHES PHYI ROL NYID RIG PA'I PHYIR RO SNYAM DU SEMS PA NI, 'GA' ZHIG BDE SOGS PHYI ROL NA, ,ZHES BYA BA'O, ,SHES PA LAS PHYI ROL NYID YIN NA, BDE BA LA SOGS PA LA SNGON PO MED PA BZHIN DU DE MED KYANG SHES PA 'BYUNG BAR 'GYUR BA ZHIG NA 'BYUNG BA NI MA YIN NO, ,DE'I PHYIR DE'I BDAG NYID KHO NA DE YIN PAR BSTAN PA NI, DE'I YANG ZHES BYA BA'O, ,SHES PA LAS PHYI ROL YIN NA SNGON PO DANG LHAN CIG PA NYID YIN GYI, SER PO BZHIN DU LHAN CIG PA MA YIN PA NI MA YIN ZHES BYA BA LA RIGS PA MA YIN NO ZHES BYA BA'I 'BREL BA NI BDE BA LA SOGS PA ZHES BYA BA'O, ,SHES PA'I DBYE BA MED NA SNGON PO'I DBYE BA MED PA CI 'DRA BA YIN ZHES BSAM DGOS SO, ,DE TZAM LNGA RNAMS LAS ZHES BYA BA DANG

, ,'BREL PA YIN TE, LNGA ZHES BYA BA NI 'BYUNG BA CHEN PO'O, ,'DI LTAR NGA RGYAL GYI 'GYUR BA'I RNAM PA BSTAN NAS RNAM PA GZHAN BSTAN PA NI, BLO'I DBANG PO LNGA ZHES BYA BA STE, NGA RGYAL LAS ZHES BYA BAR SBYAR RO, ,GAL TE BDE BA LA SOGS PA'I NGO BO GTZO BO YONGS SU GYUR PA RNAMS KYIS KYANG BDE BA LA SOGS PA'I NGO BOR GYUR PA YIN NO ZHES BYA BA'I NGES PA CI ZHIG YIN SNYAM DU SEMS PA LA, RNAM PAR 'GYUR BA YANG RANG BZHIN GYIS ZHES BYA BA'O, ,SHES PA DANG THA MI DAD PAS BDE BA LA SOGS PA DE DANG LHAN CIG 'DZIN PA MA YIN GYI, 'ON KYANG BZUNG BA'I SNGON PO LAS THA DAD PA'I PHYIR RO SNYAM DU SEMS PA LA, SNGO SOGS RANG BZHIN ZHES BYA BA'O, ,BDE BA LA SOGS PA DANG SNGON PO LA SOGS PA YANG THA MI DAD PAR MI RIGS TE, SNANG BA THA DAD PA'I PHYIR RO ZHES BSTAN PA NI, THA DAD SNANG CAN ZHES BYA BA'O, ,SO SOR SNANG BA THA DAD PA NYID KYI GZHUNG LUGS KYIS SBYAR BA'I THA MI DAD PA MI RIGS SO ZHES BSTAN PA NI, BDE BA LA SOGS PA'I NGO BO'I GTZO BO'I RANG BZHIN CAN NYID DO ZHES BYA BA GA LAS YIN ZHES BYA BAR SBYAR RO, ,DE BZHIN DU BDE BA LA SOGS PA KHO NA ZHES BYA BA 'DI YANG GA LAS YIN ZHES BYA BAR SBYAR RO, , RGYU LAS DANG RANG BZHIN LAS KYANG SNGON PO LA SOGS PA RNAMS LA DRI BA BSTAN PA YIN NO, ,RLUNG SGRA NYID DU GYUR PA DANG, SGRA'I RDUL PHRA RAB RNAMS SGRA NYID DU GYUR PA YANG ZHES BYA BAR MTSAMS GCAD DO, ,RLUNG GI RNGUL PHRA RAB RNAMS KYI SGRA PHRA MO GANG YIN PA DE DER 'GYUR RO ZHES NGAG GCIG NYID YIN NO, ,DE GRUB PA MA YIN NO ZHES BYA BA NI, 'DOD PA TZAM LAS NI 'GA'I YANG 'GRUB PA MA YIN NO ZHES BYA BA'I DON TO, ,BUM PA'I DPE LAS 'DI YANG RIGS MTHUN PA'I RGYU NYID YIN NA BUM PA LA SOGS PA LA DPE 'DI LAS RIGS MI MTHUN PA'I RGYU NYID DU SGRUB PAR BYED PAS 'GAL BA YIN PAR BSTAN PA NI, 'BRAS BU GANG JI SNYED PA ZHES BYA BA STE, GANG GI PHYIR LHAN CIG PA MA YIN PA'I RIGS MTSUNGS PA'I RGYU MA YIN NO, ,'ON TE DE'I 'OG TU KHYED SGRUB BYED LA YANG PHYIN CIG LOG TU SGRUB PA YIN NO ZHES ZER BA NI 'ON TE THAMS CAD NYID CES BYA BA'O, ,MIG

MNGON PA NI RANG BZHIN GYI NGO BO'I MNGON PAR MI GSAL BA NI RNAM PAR 'GYUR BA'I NGO BO YIN NO ZHES ZER BA NI, MNGON PAR GSAL BA DANG ZHES BYA BA'O, ,PHYI ROL GYI BUD MED LA SOGS PA DANG LHAN CIG PA'I BDE BA LA SOGS PA'I BLO LA SNANG BZHIN PA GOMS PA'I KHYAD PAR GYIS KHYAD PAR DU BYED KYI PHYI ROL NI MA YIN TE, DE LAS THA MI DAD PA STE KHYAD PAR MED PA LA NI BDE BA LA SOGS PA LA YANG KHYAD PAR CAN DU MI 'GYUR TE DE BZHIN KHO NA YIN PAR BSTAN PA NI DE'I KHYAD PAR ZHES BYA BA STE CHOS LHAG PA'I KHYAD PAR RO, ,DE KHO NA MA YIN PAR ZHES BYA BA NI PHYI ROL PA MA YIN PA'O, ,GOMS PA'I KHYAD PAR DU BYAS PA'I BDE BA LA SOGS PA NI GOMS PA LAS BYUNG BA YIN GYI PHYI ROL MA YIN NO ZHES RGYU'I DBYE BA BSTAN PA YIN NO, ,YUL GYI DBYE BA LAS 'DI DAG GI RANG BZHIN THA DAD PAR BSTAN PA NI, PHYI ROL YIN NA ZHES BYA BA'O,, BLO DANG LHAN CIG PA'I BDE BA LA SOGS PA THA MI DAD PA NYID DU NGES PAR 'DZIN PA NI BDEN MOD KYI, YANG BDE BA LA SOGS PA'I NGO BO DE'I RANG BZHIN DE YANG BDE BA LA SOGS PA'I NGO BO NYID YIN PAS GRUB PA BSGRUB PA MA YIN TE, SEMS PA CAN GYI NGO BO MA GRUB PA'I PHYIR RO SNYAM DU SEMS PA LA, PHYI ROL GYI NGO BO MA YIN PAR BSTAN PA NI, GAL TE BLO YANG BDE SOGS KYI, ,ZHES BYA BA STE, CIG CAR 'DZIN PA LA 'GAL BA NYID MED PA'AM, PHYI ROL GYI KHYAD PAR LA KHYAD PAR GYI'O, ,BDE BA LA SOGS PA SEMS CAN MA YIN DU ZIN KYANG, PHYI ROL NYID NI DMIGS PA'I YUL KHO NA MA YIN NO ZHES ZER BA LA, DA NI PHYI DE ZHES BYA BA'O, ,YANG NAS YANG DU ZHES BYA BA NI RGYUN GYIS 'JUG PA'O, ,'BREL PA MA YIN PA NI BDE BA LA SOGS PA NYID MA GRUB NA GTZO BO'I RNAM PAR 'GYUR BA NYID MI 'GRUB PA'I PHYIR RO, ,DE NYID YIN PAR NGES ZHES BYA BA NI GTZO BO YONGS SU GYUR PA NYID DU NGES PA'O, ,DE YONGS SU GYUR PA NYID GRUB PA YIN YANG DE'I NGO BO NYID RTOGS PAR NUS PA MA YIN TE,YIN YANG DE'I NGO BO NYID RTOGS PAR NUS PA MA YIN TE, GZHAN NYID DU MTHONG BA'I PHYIR RO ZHES BSTAN PA NI ME YONGS SU GYUR PA'I RANG BZHIN YIN PA ZHES BYA BA'O, ,BDE BA LA SOGS PA'I

, BLO NI DE MA YIN PA'I NGO BO SGRA LA SOGS PA LA 'DZIN BYED DU MI 'GYUR RO ZHES BYA BA GZHAN DU MI 'THAD PAS BDE BA LA SOGS PA GRUB PO SNYAM DU SEMS PA LA, GAL TE RIGS NI ZHES BYA BA'O, ,SGRA LA SOGS PA BDE BA LA SOGS PA NYID MA YIN NA, BLO NI 'DZIN BYED MA YIN ZHING 'BRAS BU YANG MA YIN LA, DE'I RNAM PA CAN GYI 'BRAS BU NYID KHO NA 'DZIN BYED NYID DANG RANG GI RNAM PA'I 'DZIN BYED NYID NI GZUNG BYA NYID YIN TE, DE MED NA DER YANG MI 'GYUR RO ZHES BYA BA YANG MI RIGS TE, SKYES BU 'BRAS BU MA YIN YANG 'DZIN BYED NYID DANG SGRA LA SOGS PA RGYU MA YIN PA YANG GZUNG BYA NYID DU MTHONG BA NYID KYI PHYIR RO ZHES ZER BA LA, RGYU DANG 'BRAS BU GSAL ZHES BYA BA'O, ,GAL TE BLO DANG SGRA LA SOGS PA DANG, BDE BA DAG 'BRAS BU DANG RGYU DAG GZUNG BA DANG 'DZIN PA NYID YOD PA'I YIN PA DE LTA NA GZHAN LA YANG STE, BDAG LA GZUNG BA DANG 'DZIN PA DE NYID YOD PA DE'I PHYIR 'BRAS BU DANG RGYU NYID DU 'GYUR RO ZHES SBYOR BAR BYED PA NI CI'I PHYIR ZHES BYA BA LA SOGS PA'O, ,'DIS NI THAL BAR 'GYUR BA NI DNGOS SU DE LAS BZLOG PA NI SHUGS KYIS BSTAN PA YIN LA, RGYU DANG 'BRAS BU MIN PA'AM ZHES BYA BA'I RNAM PAR DBYE BA LA NI BZLOG PA DANG THAL BAR 'GYUR YANG DNGOS SU YIN NO, ,YOD NA'AM ZHES BYA BA NI 'BRAS BU DANG RGYU NYID NA'O, ,GZHAN LA'ANG ZHES BYA BA NI BDAG LA'O, ,DE NI ZHES BYA BA NI 'BRAS BU DANG RGYU NYID DU 'GYUR PAR BRJOD PA'O, ,DE BSTAN PA NI YANG NA RGYU DANG 'BRAS BU DAG CES BYA BA'O, ,YANG NA RGYU DANG 'BRAS BU YIN PA'AM ZHES BYA BA NI BZLOG PA YIN TE, GZUNG BA LA SOGS PA NYID MED PA'I PHYIR 'BRAS BU LA SOGS PA NYID MED PAR BRJOD PA NYID YIN NO, ,YOD NA'AM ZHES BYA BA NI GZUNG BA NYID DE 'BRAS BU LA SOGS PA NYID NA'O, ,DE NI ZHES BYA BA NI 'BRAS BU LA SOGS PA NYID DO, ,DNGOS PO DE LAS GZHAN LA YANG DE BDAG LA'O, ,BDAG LA YANG 'GYUR PA ZHES BYA BA NI THAL BAR 'GYUR BA'O, ,DE'I PHYIR ZHES BYA BA NI BLO LA GNAS PA NYID

RIG PA'I PHYIR RO, ,SNGON PO LA SOGS PA BZHIN DU BDE BA LA SOGS GZUNG BA YANG RIG PA'I BDAG NYID KHO NA YIN TE, DE MA YIN PA'I NGO BOS MI RIG PA'I PHYIR RO ZHES BSTAN PA NI, GANG GI RANG BZHIN MYONG MA YIN, ,ZHES BYA BA'O, ,RIG PA NYID KYANG DE'I KHONGS SU GTOGS PA NYID YIN TE PHYI ROL MA DMIGS PA'I PHYIR RIGS PA'I BDAG NYID KHO NAR 'GYUR LA SNGON PO LA SOGS PA NI RIG PA'I KHONGS SU GTOGS PA YIN YANG PHYI ROL YIN TE, PHYI ROL GYI DON BYED PAR NUS PA'I PHYIR RO ZHES BSTAN PA NI, PHYI ROL NYID TSAD MA MED PA'I PHYIR ZHES BYA BA'O, ,BDE BA LA SOGS PA RNAMS NI PHYI ROL GYI NGO BO'I RJES SU MTHUN PA RIG PA MA YIN NO ZHES GANG BSTAN PA DE NYID BSHAD PA NI, BDE BA LA SOGS PA'I RNAM PA NI ZHES BYA BA'O, ,BLO LA GNAS PA'I BDE BA LA SOGS PA DANG SEMS PA CAN RIG PAR BYED PA NI SHIN TU NYE BA DU MA YANG GCIG BZHIN DU SNANG BA MA YIN NAM SNYAM DU SEMS PA NI, GAL TE DE RANG BZHIN MIN PA ZHES BYA BA'O, ,MYONG BAS ZHES BYA BA NI NYE BAR GYUR PA'O, ,RIG PA LAS THA DAD PA'I BLO'I GZHUNG LUGS NI TSAD MA'I RJES SU 'GRO BA MA YIN PA DE'I PHYIR BCOM LDAN 'DAS CHOS KYI GRAGS PAS, MNGON SUM DRAN PA'I RNAM PA CAN, ,MYONG BA MA GTOGS 'DIR BLO GANG, ,ZHES BYA BA GSUNGS SO, ,SGOM PA GRUB PA NA ZHES BYA BA NI BDE BA LA SOGS PA DANG, DE SGRUB PA LA BTANG SNYOMS BSGOM PA THOB PA NA'O, ,CHA TZAM SPONG BAR MTHONG BA'I PHYIR, ,ZHES BYA BA NI BDE BA DANG SDUG BSNGAL GONG NAS GONG DU SPONG BA MTHONG BA'I PHYIR RIG PA GZHAN KHO NA BDE BA DANG SDUG BSNGAL DANG 'BREL PA DANG BRAL BA YIN NO, ,DE BZHIN DU ZHES BYA BA NI BDE BA DANG SDUG BSNGAL LAS GROL BA'O, ,BDE BA DANG SNGON PO LA SOGS PA DANG, SEMS PA CAN GANG DU GZUGS BRNYAN GYI SBYOR BAS 'DRES PA DE BLO MA YIN NAM SNYAM DU SEMS PA LA BDE BA DANG SNGON PO LA SOGS PA 'DRES PA NYID KYI SEMS PA CAN GCIG NYID YIN GYI DE'I GZHIR GYUR PA'I BLO GZHAN DMIGS PA MA YIN PAR BSTAN PA NI, DE DANG DE DON LA BRTEN NAS ZHES BYA BA'O,,

, ,BLO DANG BDE BA DANG RIG PA RNAMS CHU DANG 'O MA BZHIN DU SHIN TU 'DRES PA NI THA DAD PAR MA DMIGS PA YIN GYI, THA MI DAD PA NYID KYIS NI MA YIN PA MA YIN NAM SNYAM DU SEMS PA NI, LCAGS GONG DANG NI ME BZHIN DANG, ,ZHES BYA BA'O, ,THA MI DAD PAR RIG KYANG THA DAD PAR RNAM PAR GZHAG PA YIN NA, THA MI DAD PAR RNAM PAR GZHAG PA MED PA'I PHYIR THA DAD PAR YANG RNAM PAR GZHAG PAR MI 'GYUR RO ZHES BSTAN PA DANG, DE LTA YIN NA DNGOS KUN LA, ,ZHES BYA BA'O, ,THA MI DAD PAR RIG PA LA THA MI DAD PAR RNAM PAR GZHAG PAR MI BYED PAS, THA MI DAD PA NYID NYAMS PAR 'GYUR BA NI MA YIN NAM, DE JI LTAR THA DAD PA NYAMS PA YIN SNYAM DU SEMS PA LA, THA DAD MED MIN GCIG YIN NO, ,ZHES BYA BA STE, THA MI DAD PAR RNAM PAR 'JOG PAR BYED PA'I TSAD MA YOD NA DE LAS BZLOG PA THA DAD PAR RNAM PAR 'JOG PAR BYED PAR 'GYUR GYI GZHAN DU NI MA YIN NO ZHES BYA BA'I DON TO, ,THA MI DAD PA'I SNANG BA NI THA DAD PA LA THA DAD PA'I SNANG BA DANG, THA DAD PA'I SNANG BA NI YANG THA DAD PA LA THA MI DAD PA'I SNANG BA KHYAB PAR BYED PA 'GAL BA YIN PAR BSTAN PA NI, SDUG BSNGAL DKAR SOGS THA DAD SNANG, ,ZHES BYA BAS, THA MI DAD PA LA THA DAD PA LA KHYAB PAR BYED PA 'GAL BA YIN PAR BSTAN TO, ,SEMS LAS BYUNG BA REG PA DANG SEMS PA LA SOGS PA SEMS LAS BYUNG BA THAMS CAD NI BDE BA LA SOGS PA BZHIN DU THA DAD PAR MTSON PA MA YIN PAR 'GYUR BA ZHIG NA, DE DAG THA DAD PA MA YIN PAR MA YIN NAM, DE'I PHYIR THA DAD PA LA THA MI DAD PA'I RIGS PA NI KHYAB PAR BYED PA 'GAL BA MA YIN TE, KHYAB PA MA GRUB PA'I PHYIR RO SNYAM DU SEMS PA LA BSGRIBS PA RNAMS GCIG GI TSE NYE BAR MTSON PA NA GSAL BA STE, BDE BA LA SOGS PAS RGYUN LA RGYU LA SGRIB PAR BYED PA MED NA THA DAD PAR NYE BAR MTSON PA NYID YIN PA'I PHYIR KHYAB PA GRUB BO ZHES BYA BA'I DON TO, ,SEMS DANG SEMS LAS BYUNG BA YANG THA MI DAD PAR RIG PA'I YUL YIN PA'I PHYIR MTHUN PA'I PHYOGS NYID YIN PAR BSTAN PA NI, DE LTAR

KHAS LEN PA MA YIN ZHES BYA BA'O, ,TSOR BA LA SOGS PA NI BDE BA LA SOGS PA STE, SOGS PA'I SGRAS NI RNAM PAR DPYOD PA LA SOGS PA'O, ,GZHAN GYI TSE ZHES BYA BA NI SGRIB PAR BYED PA MED NA'O, ,RNAM PAR RTOG PA MED PA'I SEMS LA RGYU MTSAN 'DZIN PA'I BDAG NYID KYI 'DU SHES YOD PA MA YIN YANG, SEMS THAMS CAD LA SEMS PA LA SOGS PA RNAMS MED PA MA YIN PA MA YIN NAM SNYAM DU SEMS PA NI, GAL TE MTSAN MAR 'DZIN PA LA SOGS PA ZHES BYA BA'O, ,LTA BA 'KHOR BAS RAB ZAB PA'I, ,PHRAG DOG CHU BOS YONGS 'KHRUL PAS,, SKYE BO RNAMS NI MA RGYAL NA, ,RGYAL BA CAN GZHAN SU ZHIG YIN, ,BLANG DANG DOR BYA'I DE NYID KYI, ,THABS DANG BCAS PAR RIG MDZAD PA, ,GANG DE TSAD MA NYID 'DOD KYI, ,THAMS CAD RIG MDZAD MA YIN NO, ,ZHES BYA BAS RNAL 'BYOR PA'I SHES PA GSUNGS PA YIN PAR BSTAN PA NI RNAL 'BYOR SHES PA SNGAR BSHAD PA ZHES BYA BA'O, ,DE YANG MI RTAG PA DANG STONG PA NYID LA SOGS PA SPYI'I CHOS NYID LA DMIGS PA YIN GYI MNGON SUM MA YIN TE, RTOGS PA YIN PA'I PHYIR RO SNYAM DU SEMS PA LA, MNGON SUM NYID DU BSGRUB PA'I CHED DU RTOGS PA MED PA NYID YIN PAR BSTAN PA NI, GSAL BA NYID DU SNANG BA YIN, ,ZHES BYA BA STE, CHOS NYID NI CHOS LAS THA DAD PA MA YIN TE, CHOS NYID DE LTA BU YIN PAR RJES SU DPAG PAS JI LTA BA BZHIN DU RTOGS PA YIN NO ZHES BYA BA'I DON TO, ,GSAL BA NYID KYI PHYIR SNGON PO MTHONG BA BZHIN DU RTOG PA MED PA YIN PAR BSTAN PA NI, RTOG PA'I DRA BA RNAM BSAL BAS, ,ZHES BYA BA STE, GAL TE YANG 'U BU CAG GI STONG PA NYID LA SOGS PA NI THAMS CAD YOD PAR NGES BZHIN PAR BRTAGS PA YIN GYI RNAL 'BYOR PA RNAMS KYI NI MA YIN NO ZHES BYA BA'I DON TO, , CI LAS YIN ZHE NA, SGOM BYUNG YIN ZHES BYA BA'O, ,DE DAG GI BSGOMS PA'I STOBS LAS CHOS THAMS CAD STONG PA YONGS SU SNANG BA YIN ZHING, DE LTAR MTHONG BA NYID THAR PA NYID CES BYA BA'I DON TO, ,MED PA'I YUL CAN YIN YANG ZHES BYA BA NI ZAD PAR SA LA SOGS PA'I YUL

, ,CAN NO, ,DON DANG DBANG PO LA SOGS PA'I TSOGS PA BZHIN DU BSGOM PA YANG RNAM SHES GSAL BAR BYED PA YIN PAR BSTAN PA NI, 'DOD 'JIGS MYA NGAN GYIS ZHES BYA BAS BRLAMS PAR BYAS PA DANG, RKUN PO'I RMI LAM DANG DE LA SOGS PAS NYE BAR GTZES PA'I SEMS DANG LDAN PA RNAMS YANG DAG PA MA YIN PA YANG ZHES BYA BAS, DON GYI NUS PA NYID MED PAS BSGOM PA'I NUS PA NYID GSAL BA YIN NO, ,DE LTA YIN DANG ZHES BYA BA NI GRAGS PA'I DPE YIN NO, ,RTOG PA MED PA DANG CIG SHOS DAG GSAL BA DANG CIG SHOS NYID DU SNANG BA NYID KYIS 'GAL BA YIN PAR BSTAN PA NI, RNAM PAR RTOG DANG RJES 'BREL NI, ,ZHES BYA BA'O, ,'DOD PAS MYOS PAS NYE BAR BSLAD PA NI RMI LAM BZHIN DU GSAL BA NYID KYI RGYU MA YIN NAM, BSGOM PA NI MA YIN NO SNYAM DU SEMS PA LAS RMI LAM NA YANG ZHES BYA BA STE, NYE BAR BSLAD PAR KHYAD PAR MED PAS MI GSAL BA'I SNANG BA'I SHES PA RMI LAM DU MI 'GA' YANG MI 'GYUR RO ZHES BYA BA'I DON TO, ,DON LDAN ZHES BYA BA NI GSAL BAR SNANG BA'O, ,YUL GYI STOBS KYIS ZHES BYA BA NI NYE BAR BSLAD PA DAG NYE BAR MTSON PA YIN NO, ,'DOD PAS MYOS PA LA SOGS PAS NI BSGOM PAS GZHAN DU MTHONG BA NYID GZHAN DU SNANG BA YIN GYI SHIN TU MED BZHIN PA NI MA YIN NAM SNYAM DU SEMS PA LA, MED BZHIN PA YANG RNAM PAR RTOG PAS BZUNG NA BSGOM PAS GSAL BAR 'GYUR BAR BSTAN PA NI, MI GTZANG ZAD PAR ZHES BYA BA'O, ,STONG PA NYID LA SOGS PA'I YUL CAN NI DE KHO NA NYID LA BYED PA YIN GYI, GZHAN MA YIN PAR BSTAN PA NI DE KHO NA NYID YID LA BYED PA MA YIN ZHES PA'O, ,BSGOMS PA TZAM GYIS RNAL 'BYOR PA MA YIN LA, PHYI ROL BZHIN DU RIGS PA SEMS PA SNGON DU 'GRO BA CAN GYI BSGOM PA NI RNAL 'BYOR PA'I RGYU MTSAN YIN GYI, RIGS PA MED PA'I DON LA MA YIN PAR BSTAN PA NI, BSGOMS PA TZAM GYIS NI ZHES BYA BA NI, ,ZHI GNAS NI SEMS RTZE GCIG PA YIN ZHING, LHAG MTHONG NI SHES RAB YIN TE, DE DAG GI ZUNG DU 'JUG PA NYID DON JI LTA BZHIN GYI SHES PA YIN GYI,

THAMS CAD TSAD MA MA YIN PAR BSTAN PA YIN TE, SHES RAB NI CHOS LA RNAM PAR DPYOD PA'I MTSAN NYID CAN YIN PA'I PHYIR RO, ,'BRAS BU'I DON DU ZHES BYA BA NI RDZU 'PHRUL GYI CHED DU STE, NAM MKHA' LAS SAR LHAG PAR MOS PAS 'GRO BA YIN NO, ,SA LA SOGS PA'I CHA 'GA' ZHIG MTHONG BA BSGOM BZHIN PA NA MA LUS PAR 'GYUR BA MA YIN NAM CHOS LA SOGS PA'I NI CHA 'GA' ZHIG DE LTAR SNANG BA NI MA YIN NA, GANG GIS BSGOM PA LA SNANG BAR 'GYUR SNYAM DU SEMS PA LA, BRTAGS PA LA BSGOM PAS GSAL BAR BYED PA YIN NO ZHES BYA BA DE DAG TZAM NI DE NYID YIN TE, MTHONG BA'I DUS NA BSGOM PA LA NUS PA MED PA NYID DANG, BSGOM PA'I DUS NA YANG MTHONG BA MED PA'I PHYIR, SNGA NA YOD PA LA DGOS PA MED PAR BSTAN PA NI, DE PHYIR YANG DAG YANG DAG MIN, ,ZHES BYA BA'O, ,MTHONG BA 'AM MA MTHONG BA ZHES BYA BA MA GRUB PA'I TSIG YIN TE, DGOS PA MED PA'I PHYIR MED PAR YANG BSGOM PAS GSAL POR 'GYUR RO ZHES 'GREL PA LAS DE BSTAN PA NI, YOD PA 'BA' ZHIG CES BYA BA'O, ,BRTAG PA TZAM BSGOM PAS GSAL POR BYED PA YIN NA, GTZO BO DANG BDAG LA SOGS PA YANG GSAL POR 'GYUR SNYAM DU SEMS PA LA, DE LA ZHES BYA BA NI BRTAGS PA NI MI GSAL BA LA'O, ,SNGAR DPYAD DNGOS PO NI BDEN PA BZHI'I NGO BO'O, ,GANG GI YIN PA DE DANG LDAN PA YIN PA'I SLU BA MED PA CAN TE, MNGON SUM MA YIN GYI BDAG LA SOGS PA'I YUL CAN MA YIN PAR BSTAN PA NI, LHAG MA ZHES BYA BA STE, RMI LAM GYI SHES PA LTA BU'O ZHES BYA BA'I DON TO, ,'GA' ZHIG LA ZHES BYA BA NI NGES PAS TE THUN MONG MA YIN PA'O, ,GNAS PA MIN PA JI LTAR 'GYUR, ,ZHES BYA BA NI GNAS PA MIN PA MIN PA NYID CES BYA BA'I DON TO, ,DON MTHONG BA LA GNOD PA MED DO ZHES BYA BA 'DI NI DBANG PO LAS 'DAS PA NYID KYI PHYIR NGES PAR GZUNG BA DKA' BA YIN NO ZHES ZER BA NI JI STE 'DI ZHES BYA BA'O, ,DE BZHIN GSHEGS PA'I RJES SU DPAG PA NI DON MTHONG BA NYID KYI PHYIR, GNOD PAR BYED PA YIN TE MI BSLU BA LAS SHES PA

, ,YIN NO ZHES BSTAN PA NI, DE BZHIN GSHEGS PA'I ZHES BYA BA'O, ,BDAG LA SOGS PA'I YUL LA SHES PA DANG, TSIG LA YANG 'U BU CAG LA SOGS PA THE TSOM ZA BA'I PHYIR DE'I MTSAN NYID KYI TSAD MA MA YIN PA NYID YIN PAR BSTAN PA NI, DBANG PO LAS 'DAS PA LAS ZHES BYA BA'O, ,PHYIN CI LOG PA'I MTSAN NYID KYANG, RNAL 'BYOR PA'I SHES PA LA GNOD PA BYED PA MA YIN PAR BSTAN PA NI, RNAL 'BYOR PA'I SHES PAS KYANG ZHES BYA BA'O, ,DE'I TSIG NI BDAG LA SOGS PA'I TSIG GO, ,DE'I RGYU SHES PA NI GNOD PA NYID DO; ;'DI ZHES BYA BA NI RGOL BA'O, ,PHRAD BYA MA YIN PA LA BSTAN BCOS DON DANG LDAN PA MA YIN PAR KHAS LEN NA, TSAD MA NYID KYI RGYU MTSAN MI BSLU BA MED PA'I PHYIR DANG, MNGON DU BYED PA MA YIN PA'I PHYIR DANG, NGES PA MED PA'I PHYIR DON GYI NGES PAS RTOGS PA PA LA THE TSOM ZA BA YIN GYI TSAD MA MA YIN PAR BSTAN PA NI GAL TE DBANG PO LAS 'DAS PA'I DON ZHES BYA'O, ,CIG SHOS KYIS ZHES BYA BA NI MNGON SUM LA SOGS PA RNAMS KYIS SO, ,GZHAN GYI SLU BA LA RUNG BA NYID DU RJES SU RJOD PAR BYED PAR 'GYUR RO SNYAM DU SEMS PA NI MI SRID PA'I PHYIR RO ZHES BYA BA'O, ,RNAL 'BYOR PA'I SHES PA LA YANG RJES SU RJOD PAR BYED PAR CI'I PHYIR MI 'GYUR BA BSTAN PA NI, RNAL 'BYOR PA'I SHES PA YANG ZHES BYA BA'O, ,RNAL 'BYOR PA NI 'GA' YANG MED KYI RIG BYED KHO NA RIG PAR BYED PA YIN PA DE'I PHYIR RJES SU RJOD PA MA YIN NO ZHES ZER BA NI, RNAL 'BYOR PA'AM RIG BYED CES BYA BA STE, 'AM GYI SGRA NI NGES PAR GZUNG BA'O, ,CI LAS SHE NA RANG BZHIN GYIS GRUB CES BYA BA STE, SKYES BUS BYAS PA MA YIN PA'O, ,RANG BZHIN GYIS GRUB CES BYA BA NAS GTAN LA 'BEBS PA ZHES BYA BA'I BAR DU'AM YOD NA NI ZHES BYA BA'I BAR DU RGOL BA YIN NO, ,DNGOS 'DIR TSAD MA NI DE LTAR 'U BU CAG LA SOGS PA RNAMS LA NI MI SRID DO ZHES BYA BA NI LAN YIN NO, ,MI BSLU BA CAN NYID KYIS RJES SU RJOD PAR BYED PA PO YIN PAR NI MI RIGS TE, DES GSUNGS PA YIN PA'I

PHYIR DANG, 'U BU CAG LA SOGS PAS SNGAR MA SHES PA'I PHYIR RO ZHES DOGS PA SNGON DU SONG BAS BSTAN PA NI 'ON TE DE DON GNYER ZHES BYA BA'O, ,SDUG BSNGAL SPANGS PA NI RGYU SPANGS PA LAS SO, ,DE'I RGYU MTSAN BSTAN PA NI, ,BDAG DANG BDAG GIR 'DZIN LDAN PAS, ,ZHES BYA BA'O, ,SDUG BSNGAL DANG BDE BA DANG GZHAN YANG GRUB BA MA YIN NAM, JI LTAR DE MED BA BDE BA'I MCHOG YIN TE, DE DANG LDAN PA MED PA'I PHYIR RO SNYAM DU SEMS PA LA, GAL TE RTAG TU ZHES BYA BA STE, SDUG BSNGAL MED PAR RIGS GCIG SEMS RGYUN CHAD PA MA YIN PAR RGYUN DU BYED DO ZHES BYA BA'I DON TO, ,SEMS KYI RGYUN CHAD PA'I MYA NGAN LAS 'DAS PA TSAD MA DANG LDAN PA MA YIN PAR BSTAN PA NI MAR ME SHI BAR GYUR BA BZHIN ZHES BYA BA'O, ,SEMS GTAN DU RGYUN CHAD PA MED PA'I DON BSTAN PA NI, SREG DANG GCOD LA SOGS PA YIS, ,ZHES BYA BA'O, ,RNAM PAR 'BYED PA LAS NI SHES RAB LAS SO, ,'DOR BA'I RGYU MTSAN SKYON MTHONG BA NYID NI SDUG BSNGAL THAMS CAD LAS GROL BA'I SEMS KYI RGYUN LA YOD PA MA YIN PAR BSTAN PA NI, GAL TE SKYO BAS ZHES BYA BA'O, ,CHOS THAMS CAD STONG PA NYID KYI PHYIR SKYO BA DANG CIG SHOS KYIS DBYE BA YOD PA MA YIN PAR BSTAN PA NI, MNYAM PA NYID NI MTHONG BA ZHES BYA BA'O, ,BTANG SNYOMS BSGOM PA PHUL DU BYUNG BAS BKRES PA LA SOGS PA'I SDUG BSNGAL SPANGS PA DANG LDAN PA RAB TU DGA' BA KHYAD PAR CAN SKYES PA'I DRAN PA GOMS PAS GSAL BA THOB PA'I YID KYIS, SNGON GYI GNAS RJES SU DRAN PA'I PHYIR 'BAD RTZOL DANG LDAN PAS LAS DANG SOGS PA'I YUL CAN NI BSGOM PA LAGS BAR 'GYUR BAR BSTAN PA NI, SKYE BA GZHAN SOGS ZHES BYA BA'O, ,'BRAS BU'I KHYAD PAR GYI SHES PAS RGYU'I KHYAD PAR GYI SHES PA 'DAS PA LA SOGS PA'I YUL CAN NI BSGOM PA LA GSAL BAR 'GYUR BAR BSTAN PA NI, RGYU DANG 'BRAS BU'I DNGOS PO NI ZHES BYA BA'O, ,RNAM PA THAMS CAD RIG PA LA RGYU MTSAN BSTAN PA NI, DNGOS PO'I BDAG MED RTOGS PA NA, ,ZHES BYA BA'O, ,RANG GI RTOGS PA'I RJES SU 'BRANG

, ,BA'I BSGOM PA MED NA MI 'BYUNG BAR BSTAN PA NI, BSGOM PA'I SHES PA'ANG ZHES BYA BA'O, ,BSGOMS PA LAS BYUNG BA'I YOD PA'I DON LA SLU BA MED PAS MA GUS PA'I YUL MA YIN PAR BSTAN PA NI, YOD PA'I DON LA ZHES BYA BA'O, ,'PHAGS PA NYAN THOS KYI 'DOD CHAGS DANG BRAL BA NYID YIN LA, DRAN PA GOMS PA LA SOGS PA LA GSAL BA MED PA'I PHYIR RNAM PA THAMS CAD MTHONG BA MED PAR BSTAN PA NI, BAG CHAGS DANG BRAL BA ZHES BYA BA'O, ,ZAG PA MED PA'I SEMS KYI RGYU CAN LA SOGS PA 'DOR BA'I RGYU MTSAN GYI SKYON MTHONG BA MED PA'I PHYIR DE RNAMS LA YANG YOD PA NYID DU BSTAN PA NI, NYON MONGS MED PA'I ZHES BYA BA'O, ,NYON MONGS PA MED PA'I GNAS SKABS KYI SEMS LA GUS PAS 'JUG PA NI DE LAS MA GUS PAS 'DI LHAG PA CI ZHIG 'DOD PA YIN TE, DE LAS GZHAN PA'I GYA NOM PA MED PA'I PHYIR RO ZHES BSTAN PA NI, GAL TE RTOGS PA ZHES BYA BA'O, ,KHO BO CAG GI 'DOD PA ZHES BYA BA NI BTANG SNYOMS LA MNGON PAR DGA' BA'I BSGOMS PA LAS SKYES PA ZAG PA MED PA PHUL DU BYUNG BA DANG LDAN PA RGYUN MI 'CHAD PA'I YID BDE BA LHAG MA MED PA'I MYA NGAN LAS 'DAS PA'I MING CAN NI 'DOD PA YIN NO ZHES BYA BA'I DON TO, ,DRAN PA GOMS PA DANG 'BRAS BU'I KHYAD PAR LAS SKYE BA NYUNG ZAD KYI RGYU'I KHYAD PAR RTOGS PA YIN YANG, THAMS CAD RIG PA MA YIN NAM ZHES ZER BA NI, 'ON TE JI LTAR ZHES BYA BA'O, ,YOD PA SRID KYANG DE'I SHES PA'I SHES BYA LA RTOG PA DANG BRAL BA RNAMS KYIS JI LTAR RTOGS PA YIN ZHES ZER BA NI DE LA MI BSLU BYA ZHES BYA BA'O, ,'DOD CHAGS DANG BRAL BA NYID KYI KHYAD PAR DANG THAMS CAD MKHYEN PA NYID NI 'GAL BA YIN TE, PHA ROL GYI 'DOD CHAGS RIG PA NAS 'DOD CHAGS DANG BCAS PA NYID DU THAL BAR 'GYUR RO ZHES ZER BA NI, THAMS CAD RIG PA ZHES BYA BA LA SOGS PA'O, ,SRID PAR BSTAN PA NI, ,THABS NI RNAM PA DU MA DAG ,CES BYA BA'O, ,GNYI GA SRID PA NA 'DOD CHAGS DANG, 'DOD CHAGS DANG BRAL BA DAG PHAN TSUN GEGS BYED NA, CHAGS PA MA YIN ZHING CHAGS PA DANG BRAL BA MA YIN

BAR 'GYUR GYI, 'DOD CHAGS DANG LDAN PA NI MA YIN PAR BSTAN PA NI, GCIG GIS KYANG ZHES BYA BA'O, ,RNAM PA MED PAR RIG NA 'DOD CHAGS DANG BCAS PA NYID MA YIN PAR BSTAN PA NI, LOGS NA GNAS PAR ZHES BYA BA'O, ,RNAM PA DANG BCAS PAS RIG PA NA DE DANG LDAN PA NYID YIN NO ZHES ZER BA NI, 'ON TE BDAG NYID THAMS CAD CES BYA BA'O, ,DE ZHES BYA BA NI 'DOD CHAGS DANG BCAS PA'O, ,DE NYID KYIS ZHES BYA BA NI RANG RIG PAS SO, ,DE'I BDAG NYID KYIS ZHES BYA BA NI RANG RIG PAS SO, ,'DOD CHAGS RIG PA TZAM NI 'DOD CHAGS DANG LDAN PA MA YIN GYI, 'O NA CI ZHE NA, DE'I BAG CHAGS YOD PAS DE'I BYA BA BYED PA YIN PAR BSTAN PA NI, CHAGS SOGS KYIS ZHES BYA BA'O, ,RNAM 'GYUR BAR ZHES BYA BA NI MI 'GYUR ZHES BYA BA DANG 'BREL TO, ,CI LAS SHE NA GZHAN LA GNAS PA'I ZHES BYA BA SMOS SO,, RANG GI BAG CHAGS LAS BYUNG BA DE PHYED PA LA, GZHAN GYI BAG CHAGS LAS BYUNG BA NI GRUB PA LA NYE BAR GNAS PA YIN PA NI, SO SO'I SKYE BO LTA BUR 'DOD CHAGS DANG BRAL BA LA ZHES BSTAN PA NI, GZHAN GYI BAG CHAGS LAS BYUNG BA ZHES BYA BA'O, ,'DOD CHAGS KYI RANG GI NGO BO RIG PA'I 'BRAS BU BA SPU LNGANG BA LA SOGS PA YIN GYI, BAG CHAGS KYI 'BRAS BU MA YIN PA MA YIN NAM ZHES ZER BA NI, GAL TE RANG GI NGO BO ZHES BYA BA'O, ,BAG CHAGS DANG BCAS PA'I 'DOD CHAGS RIGS PA'I 'BRAS BU YIN GYIS, 'DOD CHAGS TZAM GYI 'BRAS BU MA YIN PAR ZER BA NI, LUS RNAM PAR 'GYUR BA ZHES BYA BA'O, ,GZHAN GYI SEMS RIG PA GOMS PA LA, GZHAN 'DOD CHAGS KYANG YOD PA'I PHYIR BAG CHAGS JI LTAR MA YIN PA BSTAN PA NI, GAL TE GZHAN GYI SEMS ZHES BYA BA'O, ,GZHAN GYI 'DOD CHAGS RTOGS PAR BYED PA'I RTAGS KYI KHYAD PAR NI 'BRAS BU'I NGO BO GOMS PA YIN GYI, 'DOD CHAGS NI MA YIN PAR BSTAN PA NI, GO BAR BYED PA ZHES BYA'O, ,SHIN TU MTHAR PHYIN PA NI GOMS PA'O, ,RTAGS CAN GYI KHYAD PAR LA 'BREL PA NYID KYIS RTAGS KYI KHYAD PAR GOMS PA YIN NA,

, ,DE LA DE YOD PA KHO NA MA YIN NAM SNYAM DU SEMS LA, YOD KYANG ZHES BYA BA SMOS TE, GZHAN GYI BAG CHAGS KYIS BSKYED BYA'I 'DOD CHAGS RIG PA YIN PA'I PHYIR SKYON MED DO ZHES BYA BA'I DON TO, ,MI GTZANG BA'I RO YANG DBANG PO LAS SKYES PA'I SHES PAS RTOGS BYA MA YIN GYI, 'O NA CI ZHE NA YID KYIS SO, ,DE LTA NA YANG DAG BYED MA YIN NA, THAMS CAD DE LTAR 'GYUR LA, GSAL BA DANG CIG SHOS DAG NYID KYI RNAL 'BYOR PA DANG CIG SHOS DAG GI KHYAD PAR YIN GYI GZHAN DU NI MA YIN NO ZHES BSTAN PA NI, MI GTZANG SOGS ZHES BYA BA'O, ,BGROD PAR MI BYA BA ZHES BYA BA NI MA'AM SGYUG MO LA 'GRO BA NI BGROD PAR MI BYA BA LA 'GRO BA'O, ,GAL TE YONGS SU 'GYUR BA MA YIN PA DANG LDAN PA NGES PAR RTOGS PAR 'GYUR NA, RNAM PAR RTOG PA YANG RTOGS PAR MI BYED PAR BSTAN PA NI, 'ON KYANG BSTAN BCOS KYI ZHES BYA BA'O, ,THA SNYAD LA YANG ZHES BYA BA NI 'GRO BA LA YANG NGO; ;'DI YIN TE ZHES BYA BA NI 'BRAS BU'I'O, ,RNAM PAR 'GYUR BA'I ZHES BYA BA NI KHYAD PAR RO, ,'DI 'DRA BA'I SNGA MA NI DANG PO STE DE MA THAG PA'I ZHES BYA BA'I DON TO, ,RGYU 'DI'I 'BRAS BU KHA CIG NI BRGYUD NAS YIN LA, KHA CIG NI DNGOS SU YIN ZHES CI LAS YIN SNYAM DU SEMS PA LA, GANG GIS 'DI LA ZHES BYA BA SMOS TE, RGYU'I LHAN CIG BYED PA RNAMS MED PA DE'I PHYIR BRGYUD PAS YIN GYI, GANG GIS YOD PA YIN PA DE'I PHYIR GZHAN DU ZHES BYA BA'I DON TO, ,GZHAN GYI SEMS RTOGS ZHES BYA BA NI THAMS CAD MKHYEN PA'O, ,LUGS KUN ZHES BYA BA NI GZHAN GYI THAMS CAD MKHYEN PA GRUB PA'I LUGS DANG, DE SUN DBYUNG BA'I LUGS RNAMS KYANG STE, GZUNG BYA'I DON LA SHES PA GSAL BA'I RNAM PA NYID GZHAN DU ZHES BYA BA'I DON YIN NO, ,YUL GYI RNAM PA GSAL PA NYID MED PA'I PHYIR TSAD MA MA YIN PA STE, MNGON SUM MA YIN ZHES BYA BA NI GNAS SKABS LAS SO, ,DRAN PA DANG ZHES BYA BA NI RTOG PA DANG BCAS PA'O, ,GZHAN GYIS RIG PA ZHES BYA BA NI RIG PAR BYA BA YIN PA'I PHYIR ZHES BYA BA DANG SBYAR RO, ,DE NYID KYI TSE ZHES BYA BA NI RIG PA'I DUS NYID RIG PA'I BDAG NYID KYIS BSKYED PA'I PHYIR RO, ,DE NYID KYIS ZHES BYA BA NI 'DAS PAS SO, ,MI 'DOD CES BYA BA NI RTOG PA'O, ,CI LAS RNAM PAR

RTOG PA MED PA YIN ZHES ZER BA LA, LKOG TU GYUR ZHES BYA BA'O, ,'DI YANG CI LAS SHE NA, DE NYID KYI ZHES BYA BA'O, ,RNAM PAR RTOG PA MNGON PAR 'DOD PA'I SHES PA GCIG PO RANG RIG PA'I BYA BA DANG LDAN PA MA YIN NAM, DON GYI YUL LA RTOG PA NYID GZHAN GANG YIN SNYAM DU SEMS LA, RNAM PAR RTOG PA BZHIN DU DON GYI YUL NYID DU RTOG PA YIN PAR BSTAN PA NI, SGRA'I DON DE LA RUNG BA NYID NI DE LA 'DZIN PA YIN TE, DE LA STE DON LA DE NI STE RTOG PA YIN LA, DE LA 'DZIN PA NYID DU RUNG BA MA YIN PA RNAM PAR DBYE BA'O, ,DON GYIS GO BA'I SHES PA GZHAN GYI RANG GI NGO BO RIG PA YIN PA DE'I PHYIR RNAM PAR RTOG PA'I YUL NYID YIN PAR BSTAN PA NI, 'ON TE DON GYIS GO BAS ZHES BYA BYA BA'O, ,MA GRUB BA'I RANG GI NGO BO DON GYIS GO BAS RTOGS BA'O, ,MA GRUB BA'I RANG GI NGO BO DON GYIS GO BAS RTOGS PAR ,MNGON SUM GYIS GRUB NA NI ZHES BYA BA NI MNGON SUM GYI NGO BO DES GRUB NA STE LKOG TU GYUR PA NYID MA YIN PA ZHES BYA BA'I DON TO, ,'DI NYID CES BYA BA NI LKOG TU MA GYUR PA'I NGO BO'O, ,SHES PAS CI ZHIG BYA BA RGYUS SO, ,MIG LA SOGS PA'I BYED PA TZAM NI MA YIN GYI, 'ON KYANG DE'I BSKYED BYA'I SHES PA MA YIN NAM ZHES ZER BA NI RNA BA LA SOGS PA'I 'JUG PA ZHES BYA BA'O, ,JI LTAR SHES ZHES BYA BA NI MIG LA SOGS PA'I BYED PA DE'I BSKYED BYA LKOG TU MA GYUR PA'I NGO BO LAS MA GTOGS PA NI, MNGON SUM LA SOGS PA'I YUL MA YIN NO ZHES BYA BA'I DON TO, ,GAL TE BSGOMS PA LAS SKYES PA YANG MI BSLU BA'I PHYIR MNGON SUM GYI TSAD MA YIN NA RMI LAM GYI SHES PA YANG RMI LAM GYI DON LA MI BSLU BA'I PHYIR TSAD MA YIN NO ZHES ZER BA NI, GAL TE BSGOM PA'I ZHES BYA BA'O, ,'KHRUL PA'I SHES PA NI SMIG RGYU LA CHUR ZHES BYA BA'O, ,KUN RDZOB TU YOD PA ZHES BYA BA NI YAN LAG CAN LA SOGS PA RNAMS LA SHES PA ZHES BYA BA NI GNAS SKABS PA'O, ,MNGON SUM LTAR SNANG BA CI LAS SHE NA, DON GZHAN NI GZUGS LA SOGS PA GZHAN YAN LAG CAN LA SOGS PA'O, ,DER ZHEN PAS 'JUG PAS GANG LAS YIN ZHES BYA BA'O, ,GAL TE BUM PA ZHES BYA BA LA SOGS PA'I SHES PA YAN LAG CAN GYI YUL CAN YIN PA'I PHYIR CI'I PHYIR MNGON SUM MA YIN ZHE NA, YAN LAG CAN NI ZHES

, ,BYA BA'O, ,RJES SU DPAG PA'I SHES PA 'DI YANG ZHES BYA BA NI RTAGS KYI SHES PA STE, BSGRUB BYA MED NA MI 'BYUNG BA'I SHES PA'O, ,KHA CIG TU NI ZHES BYA BA NI GOMS PA MED NA'O, ,SMIG RGYU LA CHU DANG BCAS PA CAN GYI SHES PA DAG GZHAN DBANG PO LAS SKYES PA DANG, ZHEN PA'I BDAG NYID KYI 'KHRUL PA MED PA CAN DU YANG 'DOD PA'O, ,DBANG PO LAS SKYES PA MA YIN PA NYID KYI KHYAD PAR GYIS NI DBANG PO DANG DON 'BREL PA LAS BYUNG BA NYID KHO NA RNAM PAR GCOD PAR 'GYUR YANG RJES DPAG RJES SU DPAG NAS BYUNG BA ZHES BYA BA NAS, 'DOD PA LAS BYUNG ZHES BYANG NAS, 'DOD PA LAS BYUNG ZHES BYA BA'I BAR DU DPE BRJOD PA YIN NO, ,RNAM PAR RTOG PA'I DBYE BA BRJOD PA'I DGOS PA BSTAN PA NI, DBANG SKYES MIN PA ZHES BYA BA'O, ,SNGA MA GNYIS LA DBANG PO LAS SKYES PA NYID DU MNGON PAR SEMS PA'I RGYU MTSAN NI DE SKYED PAR BYED PA'I GZUGS LA SOGS PA DANG, SMIG RGYU LA SOGS PA'I SHES PA DBANG PO'I YOD PA LA BAR MTSAMS MED PAS SO ZHES BSTAN PA NI, BRDA GANG GI RTEN YIN PA DE YIN PA'I YAN LAG CAN DANG GZHAN YOD BZHIN DRAN BZHIN PA'I CHU LA SOGS PA'I DON DE DAG GO RIMS BZHIN DU SGRO 'DOGS PA DANG, RNAM PAR RTOG PA DAG NI DBANG PO LAS SKYES PA NYID DU 'KHRUL PA'I RGYU NYID YIN NO, ,CI LAS SHE NA 'GA'I TSE MNGON SUM RJES SU 'JUG PA CAN YIN PA'I PHYIR RO, ,BLA LHAG TU SGRO 'DOGS PA ZHES BYA BA NI GZUGS LA SOGS PA LAS LHAG PA'I YAN LAG CAN GYI'O, ,MTHONG BA NI ZHES BYA BA NI SNGA MA'I CHU NYAMS SU MYONG BA'O, ,BZLOG STE ZHES BYA BA NI RIM PA GZHAN DU SGRO 'DOGS PA STE SNGAR MTHONG BA LA'O, ,RNAM RTOG NI ZHES BYA BA NI SNGA NA MED PA'I'O, ,GNYI GAR ZHES BYA BA NI CHU LA YANG SKO 'DOGS PA NI RNAM PAR RTOG PA LA'AM YAN LAG CAN LA'O, ,'JUG PA'I PHYIR ZHES BYA BA KHAS BLANGS NAS, 'GA' TSE ZHES BYA BA DE DANG SBYAR NAS PHYOGS GZHAN BSTAN PA NI, NYE BAR 'JUG PA NYID DAM ZHES BYA BA'O, ,DE NYID DAM ZHES BYA BA NI SGRO 'DOGS PA DANG RNAM PAR RTOG PA DAG GO, ,DES ZHES BYA BA NI RES 'GA' MNGON SUM DANG, NYE BA LA 'JUG PA

NYID KYIS NYAMS SU MYONG BA'I BRDA DRAN PA LA LTOS PA NYID MNGON SUM MA YIN PA NYID KYIS KHYAB PAR MTHONG BAR BSTAN PA NI, JI LTAR LKOG TU GYUR ZHES BYA BA STE, BRDA DRAN PA LA LTOS PA NYID NI DBANG PO LAS SKYES PA'I MNGON SUM NYID LA 'GAL BAS KHYAB PA YIN ZHES BYA BA'I DON TO, ,DE LTA MA YIN YANG ZHES BYA BA NI YAN LAG CAN MED KYANG ZHES BSTAN PA NYID KYI BSHAD PA NI, YUL GCIG PA NYID CES BYA BA'O, ,DON GCIG LA NI SBYOR BA DANG ZHES BYA BA NI 'BRAS BU GCIG NYID YIN PA'I PHYIR BA LANG GI SGRA GCIG BZHIN NO, ,DE 'GYUR NA NI 'GYUR BA'I PHYIR ZHES BYA BA NI REG PA 'GYUR NA GZUGS 'GYUR BA'I PHYIR RO, ,THA DAD PA NYID CES BYA BA NI YAN LAG CAN NO, ,GSUM PO ZHES BYA BA NI GZUGS DANG REG PA DANG YAN LAG CAN NO, ,DE'I PHYIR ZHES BYA BA NI RTAG PA'I 'DU BA'I'O, ,RGYU MED PAS RGYUD PA NYID YIN PAR BSTAN PA NI, RANG GI RGYU LAS DE DAG GI ZHES BYA BA STE, 'DU BA DANG LDAN PA RNAMS KYIS SO, ,DE'I RGYU NYID NI 'DU BA DANG LDAN PA RNAMS KYI RGYU NYID DO, ,DE'I 'GYES PA NI 'DU BA DANG LDAN PA LAS MI 'GYES PA YIN NO, ,MNGON SUM RTOG PA DANG BRAL BA ZHES BYA BA DE DAG TZAM GYIS NI ZLA BA GNYIS KYI SHES PA YANG RTOG PA DANG BRAL BA'I PHYIR MNGON SUM THOB PAR 'GYUR BA LA DMIGS KYIS BSAL BAR BYED PA NI RAB RIB DANG BCAS PA SMOS PAS ZHES BSTAN PA NI, 'DIR BZHI PA DMIGS BSAL TE ZHES BYA BA'O, ,SNGAR MA MTHONG BA TZAM ZHES BYA BA NI MI MTHUN PA'I PHYOGS LA ZHES BYA BAR SBYAR RO, ,GANG RTOG PA DANG BRAL BA DE MNGON SUM ZHES BYA BA DE GZHAN NYID LA NI DE LAS TE, KHYAD PAR GYI RJES SU DPAG PA LAS GZHAN PA KHO NA LA'O, ,DE NYID YIN NO ZHES BYA BA STE, SPYI'I TSIG LA KHYAD PAR GYI TSIG GIS GNOD PA YIN NO, ,SPYI MTHONG BA LAS ZHES BYA BA NI RGYU MTSAN LAS SO, , RAB RIB DANG BCAS PAS SMOS PA ZHES BYA BA NI LAN YIN TE, DON LA KHYAD PAR MED PA'I PHYIR TSIG GI KHYAD PAR LA DE MA THAG PA MED PA NI RGYU MA YIN NO ZHES BYA BA'I DON TO, ,GNOD BYA GNOD BYED KYI NGO BO ZHES BYA BA NI SPYI'I YUL DAG LA'O, ,MNGON SUM NI MA 'KHRUL PA YIN PA DE DAG

, ,TZAM GYI MTSAN NYID KYIS CHOG PA MA YIN NAM ZHES ZER BA NI, MA 'KHRUL PA NYID SMOS PA ZHES BYA BA'O, ,DE NI BDEN TE ZHES BYA BA NI KHAS LEN PA'O, ,RTOG PA DANG BRAL BA SMOS PA'I DGOS PA BSTAN PA NI, DE'I DBANG DU BYAS NAS ZHES BYA BA'O, ,GZHAN GYI GZHUNG LUGS BSAL BA'I DON DU KHYAD PAR DU ZHES BYA BA NI RTOG PA DANG BRAL BA ZHES BYA BA'O, ,THAMS CAD KYANG ZHES BYA BA NI 'KHRUL PA MED PA'O, ,RNAM PAR GCAD PAR BYA BA NI GZHAN GYI GZHUNG LUGS LAS GZHAN MED DO ZHES BYA BA'I DON TO, ,GNOD BYA GNOD BYED KYI TSUL ZHES BYA BA NI SPYI DANG KHYAD PAR GYI NGO BO'O, ,DE YANG ZHES BYA BA NI MI SHES NA YANG NGO, ,DE LTA NA NI ZHES BYA BA NI 'KHRUL PA'I BLO SKYE BA NA'O, ,NYI MA'I GNYA' SHING ZHES BYA BA BZHIN DU MTHO RIS 'DOD PAS ME LA SBYIN SREG BYA ZHES BYA BA 'DI LA YANG, DE'I DUS SU GNOD PAR BYED PA MED KYANG DUS PHYIS 'GYUR BAR BSTAN PA NI MA YIN TE, PHYIS YANG ZHES BYA BA'O, ,MA YIN TE TSAD MA NI ZHES BYA BA NI MNGON SUM LA SOGS PA'O, ,DE LTA MA YIN NA ZHES BYA BA NI MA SPANGS NA'O, ,DON DU SMRA BAS BSHAD PA ZHES BYA BA NI NYI MA GNYA' SHING PO ZHES BYA BA NYI MA DANG 'DRA BA NYID KYIS DANG PHYIS BSTAN MCHOD SBYIN BYED PA PO'I ZHES BYA BA YIN TE, ,MCHOD SBYIN BYED PA PO'I BYA BA BYED PA'I PHYIR RO ZHES BYA BA LA SOGS PA NI DON DU SMRA'O, ,SKYES BUS BYAS PA KHO NA YIN NO ZHES BYA BA NI TSAD MA YOD PA DANG MED PA DAG GIS SO, ,RAB RIB CAN GYI DMIGS PA NI MIG SER CAN LA YANG KHYAD PAR MED PA'I PHYIR NYE BAR MCHON PA YIN PAR BSTAN PA NI, RAB RIB NI ZHES BYA BA'O, ,DPE YIN GYI ZHES BYA BA NI GNAS SKABS KYIS BZLOG PA'I DPE YIN NO, ,YID KYI ZHES BYA BA NI RTOG PA CAN NO, ,MIG GI DBUS NA ZHES BYA BA NI RAB RIB KYI SKYON GYIS SO, ,MIG LA SOGS PA'I RDUL PHRA RAB RNAMS DE DAG NYID CES BYA BA LA SOGS PA'I GZHUNG DANG 'GAL BAR BYED PA NI, SNGO DANG ZLA GNYIS LA SOGS BLO'I, ,ZHES BSTAN PA NI, MI NUS SO ZHES BYA BAR SBYAR RO, ,DBANG PO'I SHES PA'I SPYOD YUL DAG ,CAS BYA BA NI DNGOS SU'O, ,YID KYI ZHES BYA BA NI BRGYUD PA'I YUL GYI'O, ,GCIG GI RNAM PAR RAGS PA ZHES BYA BA NI THAG RING PO NA SNANG BA'I SKRA SHAD

LA SOGS PA BZHIN DU'O, ,DBANG PO'I YUL NYID DU ZHES BYA BA NI BRGYUD PA'I RGYU'O, ,'O NA NI THAL BA NYID CES BYA BA NI BRGYUD PA'I RGYU LAS SO, ,DE'I PHYIR YID KYI NI SKABS SU JI LTAR ZHES BYA BA 'DI'I YUL BSTAN PA NI, BSAM PA NI ZHES BYA BA STE, ZLA BA GNYIS KYI SHES PA RTOG PA YIN PAR SMRA BA'AM, RNAM 'GREL BSHAD PA PO YANG RUNG STE, BSHAD PA NI YUL DE BSHAD PA NYID YIN NO, ,GRUB MTHA' BSTAN PA NI, RDUL PHRAN PHAN TSUN DBEN PA DAG ,CES BYA BA'O, ,PHYOGS SNGA MA BSTAN PA NI RNAM PAR RTOG PA'I ZHES BYA BA STE GAL TE ZHES BYA BA LA LTOS PA YIN NO, ,DE'I YANG ZHES BYA BA NI RNAM PAR RTOG PA'I STE MTHONG BA'I RJES SU 'BRANG BA NYID KYI PHYIR DRAN PA BZHIN DU'O ZHES DGONGS PA'O, ,DER MI SNANG PHYIR ZHES BYA BA NI GRUB MTHA' LA 'GA' ZHIG GIS RNAM PAR ROG PA'I YUL DU GZHAN PA NA RNAM 'GREL DU MTHONG BAR BSTAN PA NI 'DI LA BRJOD PA ZHES BYA BA'O, ,RIGS PA BRJOD PA YIN GYIS ZHES BYA BA NA ZLA BA GNYIS KYI SHES PA YID KYI NYID DU MI RIGS PA'I PHYIR RO, ,DE MTSUNGS ZHES BYA BA NI ZLA BA GNYIS KYI SHES PA'O, ,'GYUR LDAN NA ZHES BYA BA NI MI 'GYUR BA NA'O, ,DE 'DI NYID NA ZHES BYA BA NI ZLA BA GNYIS KYI SHES BA'I 'GYUR BA'O, ,YID KYI NYID DU THAL BAR 'GYUR BAR BSHAD PA NI, DANG PO NI ZHES BYA BA'O, ,RANG GI RNAM PA CAN NI DBANG PO LAS YIN LA, DON GYI RNAM PA CAN NI YID LAS YIN ZHES BYA BA'I RNAM PAR DBYE BA 'DI LA TSAD MA MED DO SNYAM DU SEMS PA NI, CI STE 'DI LA ZHES BYA BA'O, ,LAN NI DE LTA NI ZHES BYA BA STE, TSAD MA MED PAR NI ZLA BA GNYIS SU SNANG BA'I RNAM PAR DBYE BA LA YANG MTSUNGS PA YIN NO, ,DE'I TSE YOD NYID CES BYA BA NI ZLA BA GNYIS KYI SHES PA NYID DO, ,DE NYID RAB RIB LA SOGS PA'I DBANG PO'I 'GYUR BAS RNAM PAR BSGYUR BA YIN GYI, GZHAN LAS NI MA YIN TE; DANG PO NI ZLA BA GCIG GI SHES PA YIN NO, ,DBANG PO LA RTEN PAR YANG ZHES BYA BA NI DANG PO'I YANG NGO, ,DNGOS SU'O ZHE NA ZHES BYA BA NI DANG PO'I ZLA BA GCIG GI SHES PA'O, ,GZHAN LA ZHES BYA BA NI ZLA BA GNYIS KYI SHES PA NYID DNGOS SU YIN GYI, GZHAN MA YIN PA NI ZLA BA

, ,GCIG GI SHES PA'O ZHES BYA BA'I DON TO, ,'DI'I RJES SU 'BRANGS NAS ZHES BYA BA NI ZLA BA GNYIS KYI SHES PA RJES SU 'BRANGS NAS SO, ,DE YANG ZHES BYA BA NI DNGOS SU ZLA BA GCIG GI SHES PA'O, ,DE YANG ZHES BYA BA NI DANG PO NA YANG NGO, ,'DI BZHIN NO ZHES BYA BA NI ZLA BA GNYIS KYI SHES PA BZHIN DU'O, ,THUG PA MED PAR ZHES BYA BA NI THAL CHES PA'O, ,LDOG 'GYUR ZHES BYA BA NI RNAM PAR DPYOD PAS SO, ,LDOG PAR MI 'GYUR ZHES BYA BA NI RTAG PA NYID KYI 'KHRUL PA BZHIN TE, YID KYI 'GA' RNAM PA GNYIS SU MTHONG BA YIN GYI RNAM PA GSUM NI MA YIN NO ZHES BYA BA'I DON TO, ,DBANG PO 'GYUR BA NI YOD KYANG ZHES BYA BA DANG SBYAR RO, ,GANG GI TSE ZHE NA RNAM PAR DPYOD NA NI YONGS SU DPYOD NA'O, ,SBRUL DU 'KHRUL PA NI RNAM PAR 'GYUR BA YOD KYANG, RNAM PAR DPYAD NA MA GYUR PA MA YIN NAM, NAG PO NYID LA SOGS PA NI RNAM PAR 'GYUR BA YANG NA RNAM PAR DPYAD PA LA SOGS PAS MI LDOG PA'I PHYIR RO, ,'ON TE DPYOD PA DANG BCAS PAS LDOG PA YIN PA DE LTA NA YANG MA NGES PA YIN NO SNYAM DU SEMS PA NI, JI STE NAG PO LA SOGS ZHES BYA BA'O, ,DBANG RTEN GANG YIN GAL TE GANG, ,ZHES BYA BA GSAL BAR BYED PA NI DE YOD NA YOD PA ZHES BYA BA'O, ,DPYAD DU RUNG BA LA SOGS PA'I 'KHRUL PA LDOG PAR 'GYUR RO ZHES BSTAN PA YIN NO, ,RNAM PAR 'GYUR BA LAS SKYES PA'I NAG PO LA SOGS PA'I NGO BO NI ZLA BA GNYIS KYI SHES PA BZHIN DU YIN PAR BSTAN PA NI, NAG PO LA SOGS PA SNANG BA ZHES BYA BA'O, ,DE YANG YID KYI ZHES BYA BA 'DI LA YID KYIS ZHES BYA BA NI RNAM PAR RTOG PA CAN YIN LA, RTOG PA DANG BRAL BA SMOS PA NYID KYI LDOG PA KHAS LEN PA YIN PAR BSTAN PA NI, RTOG PA DANG BCAS PAR ZHES BYA BA'O, ,GNONG BAR BYED PA NYID DU MNGON SUM BAR ZHEN PA NI SBRUL DU 'KHRUL PA YIN LA, PHAN 'DOGS PAR BYED PA NYID DU ZHEN PA NI CHUR 'KHRUL PA YIN NO ZHES BSTAN PA NI, PHAN 'DOGS PA DANG GNOD PA BYED PAR SNANG BA ZHES BYA BA'O, ,GNYID LOG PA'AM ZHES BYA BAS YID KYI GSAL BAR SNANG BA BSTAN PA YIN NO, ,SAD PA NA ZHES BYA BAS NI DBANG PO LAS BYUNG BA'O, ,GNYI GAR YANG ZHES BYA BAS

NI GNYID LOG PA DANG SAD PA DAG GO, ,DE LTA MI GSAL BAR SNANG BA STAN PA YIN NO, ,DE'I BYA BA NI ZLA BA GNYIS KYI SHES PA'I'O, ,RTOG MED NA YANG ZHES BYA BA NI MNGON SUM NYID LA RTOG PA DANG BRAL BA NYID KYI KHYAB PA LA BKAG PA STE ZHES BYA BA NI RAB RIB BCAS PA ZHES BYA BA DES SO,, SLU BA'I PHYIR RO ZHES BYA BA NI SPYI'I MTSAN NYID MED PA'I PHYIR RO, ,TSAD MA'I MTSAN NYID KYI GNAS SKABS SU RANG GI NGO BO TSAD MA MA YIN PA LAS LDOG PAR BYED PA YIN TE, 'KHRUL PA CAN MA YIN NO ZHES BYA BA LA SOGS PA NI RIGS KYI THA SNYAD GDAGS PAR BYA BA NYID MA YIN TE, THA SNYAD GDAGS PA'I YUL TSAD MA NYID KYI PHYIR TE, MNGON SUM NYID KYI PHYIR RO ZHES BYA BA'I DON BSTAN PA NI, GZHAN DU YANG ZHES BYA BA STE, THA SNYAD GDAGS PAR BYA BA NYID KYANG NGO, ,GZHAN GYIS GZHAN LA GANG DU THA SNYAD GDAGS PAR BYA BA NI NYA PHYIS LA DNGUL BZHIN DU DE LDOG PA YANG MA YIN TE, MA 'KHRUL PA CAN NYID DU 'DZIN PAS THA SNYAD 'DOGS PA MA YIN PA'I 'BRAS BU GRUB PAS GNYI GA LA SKYES PA STE, SGRA DANG DBANG PO LAS SKYES PA YANG THA SNYAD GDAGS PAR BYA BA MA YIN PA'I TSIG GIS SGRA LAS BYUNG BA YIN PAS LDOG PAR BYED DO ZHES BYA BAR MI RIGS TE, GNYI GA LAS SKYES PA NYID NI GANG YANG RUNG BA NYID DU RNAM PAR GZHAG PA MI RIGS SO ZHES BYA BA'I DON TO, ,THUN MONG MA YIN PA MA YIN GYI 'ON KYANG THUN MONG BA LDOG PAR BYED PA'I PHYIR THUN MONG MA YIN PA NYID KYIS YOD PA DANG NYE BA LA SOGS PA ZHES BYA BA NI YOD PA DANG PHRAD PA ZHES BYA BA LA SOGS PA'I KHYAD PAR TSAD MA NYID LA DGOS PA MED PA'I PHYIR BSAL BA YIN NO, ,RNAM PA GZHAN DU BSGRUB PA'I PHYIR NI CHOS LA RGYU MTSAN MA YIN PA NYID BSGRUB PA'I PHYIR RO, ,BRJOD PAR BYA BA'O ZHES BYA BA NI SKYES BU DANG PO RNAMS LA SOGS PA RNAMS LA DO MED DO ZHES BYA BA'I DON TO, ,RNAM PA GZHAN BSTAN PA LA ZER BA NI, JI STE CHOS LA ZHES BYA BA'O, ,MTSAN NYID BSGRUB PA NI CHOS LA SKUL BYED GCIG PU TSAD MA YIN PAR DAM BCAS PAS 'BREL PA MED PA MA YIN NAM, RJES SU BRJOD PA NI RGYU MTSAN NYID BKAG PAS 'BREL PA CAN YIN NO SNYAM DU SEMS PA LA, MTSAN NYID KYANG PHYI ROL GYI DON DANG RIG BYED DANG, DE'I DON RNAM PAR GZHAG PA'I PHYIR 'BREL PA CAN NYID DU 'GYUR

, ,BAR BSTAN PA NI, PHYI ROL DON GYI SGRUB PA LA ZHES BYA BA'O, ,TSAD MAS GRUB PA NYID CES BYA BA NI CHOS BZHIN DU MNGON SUM LA YANG YIN TE, 'JIG RTEN LA GRUB PA NYID DU BSLAD PA'I PHYIR RO, ,DES NA DON LAS SHES PA MNGON SUM MO ZHES BYA BA NI RTZOD PA BSGRUB PA'I TSIG CES BYA BA YIN NO, ,SHES PA'I SNANG BA LAS SKYES PA NYID MI SRID PAR BSTAN PA NI, MA GRUB DANG ZHES BYA BA STE, SNANG BZHIN PA NI BRKYANG PA NYID KYIS GCIG MA YIN PA'I PHYIR DANG, PHYI ROL NA DE LTA BU MED PAS SKYED BYED MA YIN PA'I PHYIR RO, ,'ON TE SKYED PAR BYED PA GANG YIN PA'I DON DE LA DMIGS PA YIN NA, SKYED BYED KYI DMIGS PA CAN NYID DBANG PO RNAMS LA KHYAB CHES PAR BSTAN PA NI, MA NGES NYID DU GSAL BA YIN, ,ZHES BYA BA STE, MA NGES PA NYID NI KHYAB CHES PA NYID DO, ,SHES PA MED PAR MTSON MA YIN, ,ZHES BYA BA NI SHES PA NYID KYIS SO, ,GZHAN ZHES BYA BA NI RTOG PA DANG BRAL BA NYID LA SOGS PA LAS GZHAN PA NYID DO, ,YON TAN MCHOG LDAN CHUS GANG ZHING, NGOGS NA GRAGS 'PHEL LJON SHING LDAN, ,RGYAL BA CAN MTSOR PHRAG DOG GIS, ,GDUNGS PA ZHI PHYIR 'GRO BAR MDZOD, ,GANG LAS RTOGS PA DE NYID SGRUB BYED CES BYA BA YANG SPYI'I TSIG YIN GYI, DBANG PO LA SOGS PA KHON BRJOD PA MA YIN PAR BSTAN PA NI, RE ZHIG SHES PA SKYE BA NI ZHES BYA BA'O, ,DE NYID YIN TE ZHES BYA BA NI DBANG PO LA SOGS PA YIN TE, SHES PA DANG LHAN CIG 'BYUNG BAS TSOGS PA GCIG PAR 'BREL PA'I PHYIR RO, ,GAL TE YANG DBANG PO LA SOGS PA LAS SKYES PA'I SHES PA YIN YANG DE LAS RTOGS PA NGES PA NI MA YIN TE, GANG GI PHYIR SKYES PA LA SGRUB BYED YIN ZHES BYA BA NYID KYIS NGES PA LA YANG MA YIN NO ZHES BYA BA NI MA YIN TE, THAL CHES PA'I PHYIR RO ZHES BSTAN PA NI, BYA BA SGRUB PAR BYED CES TE ZHES BYA BA'O, ,CI ZHIG SU'I YIN ZHES ZER BA LA, GANG YIN DE NI DE SGRUB BYED, ,CES BYA BA STE, DBANG PO'AM NYE BA YANG RUNG RNAM SHES KYI RTOG PA'AM NGES PA LA RGYU MA YIN TE, THUN MONG MA YIN PA'I PHYIR RO ZHES BYA BA'I DON TO, ,GCIG BSKYED PA NA GZHAN LA YANG NGES PA LA, GAL TE SKYED BYED KYIS NGES PAR BYED NA, SKYED BYED

MA YIN PAS CHER BYED DO SNYAM DU SEMS PA LA, DE LAS TE DBANG PO LA SOGS PA LA NYAMS SU MYONG BA'I BDAG NYID YOD NA, DON THAMS CAD LA THUN MONG PA'I SHES PA LA NGES TE, RANG BZHIN GYIS 'GYUR BA YIN PA GANG GI YUL SO SO LA RNAM PAR 'BYED PA STE, NGES PAR 'BYED PA'I SHES PA NI, DBANG PO LA SOGS PA LAS DE LTA BU'I RANG BZHIN DU 'GYUR RO ZHES KHAS BLANGS PA YIN GYI, GZHAN LAS NI MA YIN NO ZHES BYA BA'I DON TO, ,GRANGS CAN PA'I ZHES BYA BA NI NYE BAR MTSON PA STE GRANGS CAN LA SOGS PA ZHES BYA BA'I DON TO, ,RNAM PAR GZHAG PAR 'OS PA YANG ZHES BYA BA NI RNAM PAR GZHAG PAR 'DOD PA ZHES BYA BA DANG SBYAR RO, ,DE LA ZHES BYA BA NI NYAMS SU MYONG BA LA'O, ,RTOGS BYED DANG RTOGS BYED MA YIN PA MA YIN PA NI YUL GYI DBYE BA YIN YANG, RANG GI 'DOD PA'I DBYE BA MA YIN PAS MI RIGS PAR BSTAN PA NI, JI STE DE NI RTOGS BYED DNGOS, ,ZHES BYA BA'O, ,DE'I PHYIR, GCIG LA RTOGS BYED YIN PA NI, ,GZHAN LA YANG ZHES BSTAN PA NI, DES NA 'JAL BYED MA YIN PA MA YIN ZHES BYA BA STE, RTOGS BYED MA YIN PA NI GZHAN LA YANG NGO ZHES BYA BA'I DON TO, ,BLO NI RNAM PA DANG BCAS PA YIN PA'I PHYIR 'DI RNAM PAR GZHAG PA YIN GYI, NYAMS SU MYONG BA MA YIN NO ZHES ZER BA NI BLO DANG BDE BA LA ZHES BYA BA STE, BDAG NYID CES BYA BA NI RANG GI NGO BO'O, ,DE LTAR ZHES BYA BA NI DE'I NGO BO MNGON DU BYED PA STE, SKYES BU'I DON LA 'GYUR GYI BLO CI ZHIG BYA, DE BSTAN PA NI DON NYID CES BYA BA'O, ,SHIN TU STABS YIN NA THAG RING BA RTOGS PAR MI 'GYUR BAR BSTAN PA NI YUN RING PO CAN MA YIN PA ZHES BYA BA'O, ,GANG LAS SHE NA ZHES BYA BA NI 'DI RTOGS PA LA LTOS PA'O, ,GZHAN NI ZHES BYA BA NI RIG BYED KYI MTHA'I DGONGS PA 'CHAD PAR 'GYUR BA NI, DE LTA MIN NA SNA TSOGS KYI, ,NGO BOR SNANG CAN DNGOS GCIG LA, ,RNAM PAR JI LTAR BDEN 'GYUR TE, ,GCIG PA NYID DE NYAMS PHYIR RO, ,ZHES BYA BAR 'DOR RO, ,MIG LA SOGS PA LAS YUL NGES PA NI DE'I BSKYED BYA'I SHES PA NYID LAS MA YIN NAM ZHES ZER BA NI, GAL TE RNA BA LA SOGS PA ZHES BYA BA'O, ,GAL TE YANG MIG LA SOGS PA NI YUL GYI NGES PA SKYES PA YIN YANG, DE'I BSKYED BYA NI DE MED

, ,NA MI 'BYUNG BAR 'GYUR BA ZHIG NA, NGES 'DZIN PA'I DBYE BA LA KHYAD PAR LAS NI MA YIN TE S'A LU DANG NAS LA SOGS PA'I SA BON THA DAD PA LA DES SKYED PA NYID TZAM GYI MYU GU LA THA DAD PA MA YIN GYI 'ON KYANG 'BRAS BU'I THA DAD PA MTHONG BA LAS RANG BZHIN THA DAD PA YOD PAR BSTAN PA NI, BDAG NYID GYUR MIN ZHES BYA BA STE, RANG LA YOD PA'I KHYAD PAR MED PAS MIG GI BSKYED BYA NI GZUGS BZHIN DU REG PA LA SOGS PA LA YANG 'DZIN DU 'GYUR RO ZHES BYA BA'I DON TO, ,DE'I YUL CAN YIN PA'I PHYIR DE'I 'DZIN BYED NYID YIN ZHES BYA BA 'DI LA YANG DBYE BA MED DE, SHES PA LA BYED PA PO YIN PA'I PHYIR NGES PAR BYED PA NYID NI RNAM PAR 'BYED PA NYID KYIS YIN PAR BSTAN PA NI, RNAM PA DANG BCAS PAR THAL BA'I PHYIR RO ZHES BYA BA'O, ,DE NYID DU ZHES BYA BA NI MIG GI RNAM SHES GZUGS DANG REG PA LA SOGS PA LAS KYANG NGO, ,DON MA SHES NA ZHES BYA BA NI NGES PAS SO, ,NGES PAR SHES PAR BYED PA NYID YIN PAR ZER BA NI, SNANG BA BZHIN DU ZHES BYA BA'O, ,SHES PAR BYED PA ZHES BYA BA NI MIG LA SOGS PA RNAMS SO, ,SNANG BA GSAL BA YANG RIG PA'I BDAG NYID MA YIN PA'I RNAM PA MED PA'I SHES PAS JI LTAR RIG PAR BYED CES BYA BA'I PHYOGS NYID LA 'DI BSTAN PA NI, ,MA YIN TE DE DAG LA YANG ZHES BYA BYA'O, ,THAMS CAD DU ZHES BYA BA NI SGRA DANG RO LA SOGS PA'O, ,'DI ZHES BYA BA NI NYAMS SU MYONG BA'O, ,MIG GI SHES PA'I BYA BA'I NGO BO DE LAS KYANG DON LA SHES PA NYID 'BRAS BU YIN PA DE'I PHYIR NGES PA YIN NO SNYAM DU SEMS PA LA, DE'I PHYIR 'DIR BDAG CES BYA BA STE, RTOG PA NYID KHO NA YIN PA'I SHES PA DBANG PO LAS SKYES PA YIN DU ZIN KYANG BYA BA'I NGO BO GZHAN GYIS CI ZHIG BYA ZHES BYA BA'I DON TO, ,'DI'I RTOGS PA ZHES BYA BA NI SHES PA 'DI'I'O, ,BYED PA NI BYA BA'I'O, ,DE ZHES BYA BA NI BYED PA'O, ,DE'I SGRUB BYED CAN DU ZHES BYA BA NI DES SGRUB PA'O, ,RTOG PA NYID KHO NA SHES PA YIN PA NI DON GYI RNAM PA DANG BRAL BA YIN NO SNYAM DU SEMS PA LA, 'DI NI DON DANG 'BREL BYED PA, ,ZHES BYA BA SMOS SO, ,GZHAN ZHES BYA BA NI SHES PA NYID DE SHES PA YOD NA NGES PAR YOD PAS 'DI'I RANG BZHIN DU BRJOD DE, DPER NA MI DMIGS PA LA BRJOD PA LTA BU'O, ,

RNAM 'GAS ZHES BYA BA NI 'DI RTOGS SO ZHES BYA BA'I RNAM PAS SO, ,SHES PA'I RANG GI DBYE BA LAS, ,ZHES 'DOD PA NI DON BZHIN DU RNAM PA YANG, RNAM PA GZHAN LA LTOS PAS THUG PA MED PA YONGS SU SPANG BA'I DON DU'O, ,RGYU RNAMS LA NYE BA GANG GIS DON GYI RNAM PA'I SHES PA YIN PA DE NYID KYIS DE NYID 'DZIN PAR BYED PA YIN NA, RNAM PAS CI ZHIG BYA ZHES ZER BA LA, DE PHYIR GZHAL BYA RTOGS BYA'I ZHES BYA BA SMOS TE, ,RANG GI RIG PA KHO NA DON RIG PA YIN GYI BDAG NYID DANG 'BREL PA MA YIN LA, SHES PA'I BDAG NYID YIN ZHES BYA BA'I DON TO, ,GZHAN YIN NA ZHES BYA BA NI DON GYI BDAG NYID YIN NA'O, ,SHES PA'I BDAG NYID LA YANG SHES PA DE'I LAS DANG 'BREL PA NI DE LAS DANG 'BREL PA YIN NO, ,MNGON DU BYED PA NYID CES BYA BA NI NYE BAR BRJOD PA'O, ,GZHAN 'GA' ZHIG CES BYA BA NI MNGON DU BYED PA'I NGO BO MA YIN PA'O, ,GAL TE RNAM PAR SHES PA DE'I BYA BA RTOGS PA NI BYED PA'I NGO BO KHYAD PAR CAN MA YIN PA'I PHYIR JI LTAR LAS LA NGES PA YIN NO SNYAM DU SEMS PA LA RNAM PA DANG LDAN PA'I SHES PA LAS BYA BA THA MI DAD PA'I BYA BA RNAM PA DANG LDAN PA YIN NA, RANG NYID NGES PA CAN YIN PAR BSTAN PA NI, DE YANG ZHES BYA BA NI GZHAL BYA'I NGO BO NYID YIN LA, DE'I STE SHES PA'I BYA BA'I'O, , BDAG NYID DU GYUR PA NYID BYED PA DANG LDAN PA DAG THA MI DAD PA'I PHYIR RO, ,DON GZHAN MIN PA ZHES BYA BA NI, ,RNAM PA LAS THA MI DAD PA'I RTOGS PA YIN NO ZHES BYA BA'I DON TO, ,RNAM SHES NI SNGON PO RIG PAR BYED PA YIN PAR KHAS BLANGS NAS RNAM PA NGES PAR BYED PAR 'DOD PA MA YIN NAM, DE YANG TSOGS PA GCIG DANG 'BREL PA CAN NYID YIN NA RNAM PAS CI ZHIG BYA, 'DI LTAR BDE BA NI DBYIBS CAN MA YIN LA, SHES PAS NI SNGON PO'I DBYIBS CAN DU RIG PA YIN NO SNYAM DU SEMS PA LA, BDE BA LA SOGS PA'I RNAM PA NI ZHES BYA BA'O, ,RNAM PA DANG BCAS PA NYID KYI DON RIG PAR BYED PA NI BDEN TE, DE'I TSE YANG NGES PA KHO NA YIN TE THAL CHES PA YANG GZHAN GYIS RNAM PA MED PA NYID KHO NA RIG PAR BYED PA KHAS BLANGS PAS, ,DE'I GCIG PA NYID KHO NA KHAS BLANGS PA YIN NO ZHES BSTAN PA'I DON DU'O, ,BDE BA'I RNAM PA RIG PA NI SNGON PO LA MA YIN TE 'GAL BA'I PHYIR DANG, DE TZAM GYI MTHAR

, ,THUG PA'I PHYIR BDE BA DANG CIG SHOS DAG GI GCIG MA YIN NO, ,KHYAD PAR BZHIN DU KHYAD PAR DU BYAS PA'I NGO BO KHAS BLANGS PAS BDAG MA YIN PA RIG PA NI BDAG MA YIN PA KHO NAS RIG PA'I PHYIR, JI LTAR BDAG NI BDE BA'I RGYU NYID DU DON LA 'DZIN PA YIN, DON GYI RNAM PA NYID YIN NA NI RIGS PA YIN LA, GZHAN DU NA DE NYID DU 'GYUR RO ZHES BSTAN PA NI GAL TE DON GYI RNAM PA ZHES BYA BA'O, ,CI'I PHYIR ZHES BYA BA NI DE'I RNAM PA MA YIN PA NYID GNYI GA YANG KHYAD PAR MED PA'I PHYIR RO, ,GAL TE BDE BA'I RNAM PA SNGON PO LA MA YIN NA, DE YANG RANG LA MED PA YIN TE, BYED PA 'GAL BA'I PHYIR RO, ,DE NAS 'BRAS BU MED CING DE DANG LDAN PA YANG MED PAR ZER BA NI, DE NI DE YI RANG GI NGO BO NYID, ,CES BYA BA STE, DE'I SHES PA'I RIG PA YIN GYI BYED PA NI MA YIN TE THA DAD PA MED PA'I PHYIR RO, ,DE'I ZHES BYA BA NI GZHAL BYA'I NGO BO NYID DO, ,'DZIN PA DE ZHES BYA BA NI SHES PA'O, ,DON RTOGS PA'I BDAG NYID DE NGO BO MED PA GANG GI YIN PA DES BYED PA DANG BCAS PA LTA BUR ZHES BYA BA NI LDAN PA LTA BUR SNANG BA DE DANG BRAL BA NYID YIN NA YANG ZHES BYA BA'I DON TO, ,RANG GI LAS LA ZHES BYA BA NI SNGON PO LA SOGS PA'I PHYI ROL LA'O, ,KHA CIG NI 'DZIN PA DE NI STE DE DANG 'DRA BA'I RGYU MTSAN BSTAN PA YIN NO ZHES ZER RO, ,DON RTOGS PA'I BDAG NYID KYIS ZHES BYA BA NI BYED PA DANG BCAS PA LTA BUR SNANG BAS NI RANG GI LAS LA STE, RANG GI RNAM PA LA'O, ,BYED PAS NI RANG GI RIG PAS SO, ,'DI NYID PHYI ROL YIN NO ZHES THA MI DAD PAR MNGON PAR ZHEN PAS RNAM PAR RIG PA NYID PHYI ROL RIG PA ZHES BYA BA NI RIGS PAR MTHONG BA YIN NO, ,DE'I DBANG GIS ZHES BYA BA NI RNAM PA'I DBANG GIS SO, ,DER GZHAG PHYIR ZHES BYA BA NI RTOGS PAR RNAM PAR GZHAG PA'I PHYIR RNAM PAR 'JOG PAR BYED PA'I TSAD MA YIN NO, ,BDAG NYID NI RANG NYID DU GYUR PA'I RTOGS PA'I BYED PA PO MA YIN PA'AM, BDAG NYID KYI BYED PA PO NI 'BRAS BU GZHAN NYID DU 'JOG PA'I RGYU MTSAN YIN NO ZHES BYA BA'I DON TO, ,DE LTA DE LTAR ZHES BYA BA NI SNGON PO DANG SER PO LA SOGS PAS CI ZHIG YIN ZHES BYA BA'I THA SNYAD LA DGONGS PA MED PA'I PHYIR RO, ,'BRAS BU YANG DON RIG PA JI LTAR YIN ZHE NA, DON GYI

RNAM PA ZHES BYA BA STE, BAR GYI TSIG PHYI BAS BA LANG GI SHING RTA LTA BU'O ZHES BYA BA'I DON TO, ,GAL TE 'DOR BA LA SOGS PA'I BYED PA NI RIGS PAS RNAM PAR GZHAG PA YANG CI'I PHYIR DNGOS SU BA MA YIN SNYAM DU SEMS PA LA, DNGOS SU BA'I MNGON SUM LA RIGS PA CHEN PO MA YIN PAR BSTAN PA NI, GANG GI TSE SNGON PO MYONG BA NI ZHES BYA BA'O, ,DE DANG DE MA YIN PA'I RNAM PA NI SNGON PO DANG CIG SHOS KYI RNAM PA'O, ,DE DANG 'DRA BA NYID KYIS BSKYED PA NYID LA BRDA'I DBANG GIS NGER 'DZIN PA'I THA SNYAD 'DOGS PA YIN GYI GZHAN LA MA YIN PAR BSTAN PA NI, DPER NA 'BRAS BU ZHES BYA BA STE, 'BYUNG BA'I PHYIR ZHES BYA BA NI THA SNYAD 'DOGS PA LA RGYU MTSAN TE, RGYU BAG CHAGS KYI NUS PA ZHES BYA BA DANG SBYAR RO, ,MA MTHONG BA LA NI DON GYI NUS PA NYID YIN TE BAG CHAGS MED PA'I PHYIR RO ZHES BSTAN PA NI, 'O NA SNGON MA MTHONG BA ZHES BYA BA'O, ,MA MTHONG BA DANG MA THOS PA BZHIN DU, MTHONG BA LA YANG DNGOS SU'AM, GZHAN DU YANG THUN MONG MA YIN PA NYID DU GO BA YIN PAR BSTAN PA NI 'DI LTAR BAG CHAGS LAS ZHES BYA BA'O, ,MTHONG BA DANG DBANG PO DANG 'BREL BA'I KHYAD PAR GYI SHES PA DAM PA'I DON GYI RGYU RNAMS LA YANG RNAM PAR 'JOG PAR BYED PA NYID LAS RTOG PA TSAD MA NYID MA YIN PAR BSTAN PA NI, DE'I PHYIR MTHONG BA DANG ZHES BYA BA NI RTOG PA CAN MA YIN TE, RNAM PAR RTOG PA'I 'BRAS BU SKYED PAR BYED PA YIN YANG RNAM PAR 'JOG PAR BYED PA NI MA YIN NO, ,GAL TE MTHONG BA LA SOGS PA YANG RNAM PA BZHIN DU RTOGS PA DANG RNAM PAR GZHAG PA DAG SNGA MA DANG PHYI MA DAG MED PAR 'GYUR RO SNYAM DU SEMS PA LA SNGA MA DANG PHYI MA MED KYANG BYED PA DANG, CIG SHOS LA SOGS PA 'JIG RTEN PA MA YIN PA MA YIN PAR BSTAN PA NI, THAMS CAD NYE BAR SBYOR BA NI, CIG CAR ZHES BYA BA'I DON TO, ,MTHA'I THA DAD PAR BYED PA 'JIG RTEN LA GRAGS PAS GRUB PA YIN PAR BSTAN PA NI DBANG PO LA SOGS PA ZHES BYA BA'O, ,NYAMS PA MED PA YANG SHES PA TZAM LAS GO BA MA YIN PAR BSTAN PA NI DBANG PO ZHES BYA BA STE, RNAM PA YANG NGES PAS TSAD MAR RNAM PAR 'JOG PAR BYED PA YIN ZHES BYA BA NI 'DOD PA'O, ,GZHAN GYI SUN DBYUNG BA BSTAN PA NI MA YIN TE, MNGON SUM

, ,GYI TSAD MA'I ZHES BYA BA STE, RANG NYID KYIS DE'I RNAM PAR 'JOG PAR MI BYED NA, YUL DE LA NGES PAR MI RIGS SO ZHES BYA BA'I DON TO, ,RNAM PAR GZHAG PA LAS PHYIR 'BYUNG BA'I NGES PA NI MA GOMS PA NA LTOS PA YIN GYI, RNAM PAR GZHAG PA NYID LA MA YIN PAR BSTAN PA NI, GZHAN GYI BYED PA MA YIN NO ZHES BYA BA'O, ,RNAM PA'I DUS SU DBANG PO YOD PA JI LTAR GZHAN MA YIN PA MA YIN ZER BA LA, KUN GYI MTSUNGS RGYU ZHES BYA BA'O, ,DE DE'I TSE YOD KYANG TSAD MA GZHAN LA YANG YOD PA'I PHYIR RNAM PAR GZHAG PAR BYED PA MA YIN LA, RNAM PA NI DE LTA BU MA YIN ZHES BYA BA'I DON TO, ,DE THA DAD KYANG ZHES BYA BA NI TSAD MA THA DAD KYANG NGO, ,THA DAD MED NI DBANG PO DE'I'O, ,'DI ZHES BYA BA NI TSAD MA'I NGO BO'I 'BRAS BU'O, ,'BRAS BU RE RE LA DBANG PO YANG RNAM PA BZHIN DU GZHAN DANG GZHAN KHO NA YIN NO ZHES ZER BA NI, GAL TE SNGON PO DANG SER PO ZHES BYA BA'O, , DBANG PO'I MNGON DU PHYOGS PA'I KHYAD PAR BYED PAR 'DOD PAS KYANG RNAM PA'I KHYAD PAR BTZAL BAR BYA DGOS PA'I PHYIR, DE NYID NANG GI YAN LAG YIN PAR BSTAN PA NI MA YIN TE, MNGON DU PHYOGS PA NI ZHES BYA BA'O, ,DE YANG DE'I RNAM PAR GZHAG PAR BYED PA LA DE'I RNAM PA NYID KHO NA MDUN DU BYED PA YIN GYI KHAS BLANGS PA 'BA' ZHIG LAS NI MA YIN TE, NANG GI YAN LAG DANG CIG SHOS SU 'BYED PA'I GNAS SKABS YIN PA'I PHYIR, THA MA'I THA DAD BYED GANG STE, DE YI SGRUB BYED DAM PAR 'DOD, ,CES BYA BA'O, ,DE LA NYAMS MYONG TZAM DU NI, ,'DRA BA'I BDAG CAN SHES PA NI, ,ZHES BYA BA LA SOGS PA RJES SU DPAG PA MA YIN NAM, MNGON SUM YANG RNAM PA LA DON NYID DU LHAG PAR MOS PA YIN GYI RJES SU DPAG PA NI MNGON SUM LA 'GAL BA MA YIN NO SNYAM DU SEMS PA NI, GAL TE DON GYI RNAM PA'I DON NYID YIN GYI ZHES BYA BA'O, ,RNAM PA'I SHES PA NYID MNGON SUM KHO NA YIN GYI, LKOG TU MA GYUR BA'I PHYIR LHAG PAR MOS PA NYID NI RJES SU DPAG PA YIN TE, DE'I BDAG NYID 'DZIN PA DE DON RTOGS PA'I BDAG NYID KYI ZHES GSUNGS PA'I PHYIR RO ZHES ZER BA NI, DE LAS BZLOG PA RTOGS PA ZHES BYA BAR SBYAR RO, ,BEMS PO'I

NGO BO NYID DU ZHES ZER BA BSAL BA NI MA YIN TE, RTOGS PA'I NGO BO NYID CES BYA BA STE, BEMS PO'I NGO BO NYID KYIS NI MA YIN NO ZHES BYA BA'I DON TO, ,CI LAS SHE NA RTOGS PA'I NGO BO KHA DOG DANG DBYIBS KYI BDAG NYID DU GYUR PA YIN PA'I PHYIR RO ZHES BSTAN PA NI, RNAM PA MA GTOGS PA ZHES BYA BA'O, ,MED PA NYID DU 'GYUR RO ZHES BYA BA NI LKOG TU GYUR PA LA LTOS NAS PHYOGS GZHAN NO, ,'O NA NI ZHES PA LKOG TU GYUR PA ZHES BYA BA BSAL BA NA DON NI LKOG TU MA GYUR NYID CES BYA BA STE, THA DAD PA MED DO ZHES BYA BA'I DON TO, ,DON LAS KYANG LKOG TU MA GYUR PA NYID KYI NGO BO'I SHES PA'I KHYAD PAR BSTAN PA NI, DON GNAS NA NI ZHES BYA BA'O, ,DBANG PO'I BYED PA LAS SNGA ROL DU DON DE DANG BRAL BA NYID NI PHYIS KYANG NGO ZHES BSTAN PA NI, MI GNAS PA NYID CES BYA BA'O, ,'DI NYID KYI DON GYI 'BRAS BU NYID KYANG BRJOD PA YIN PAR BSTAN PA NI, DES NA DON YOD CES BYA BA'O, ,DE NYID KYI PHYIR MED PA NYID DU ZHES BYA BA YANG 'DIS NI MED PA YANG SPANGS PA YIN NO ZHES BYA BA'O, ,GAL TE RJES SU 'GRO BA DANG LDOG PAS SNGON PO LA SOGS PA LAS LKOG TU GYUR PA MA YIN PA THA DAD YIN NA, SHES PA RNAM PA MED PAR SMRA BA 'GRUB PO SNYAM DU SEMS PA LA, LKOG TU MA GYUR PA ZHES BYA BA STE, NYAMS SU MYONG BZHIN PA'I SNGON PO LA SOGS PA NI, RJES SU 'GRO BA DANG LDOG PA MA YIN GYI, 'ON KYANG RJES SU DPAG PAR BYA BA YIN ZHES BYA BA'I DON TO, ,PHYI ROL GYI BEMS PO NYID DE LAS LDOG PA DANG 'GAL BA YIN PAR BSTAN PA NI, BEMS PO'I RANG BZHIN DU ZHES BYA BA'O, , KHYAD PAR DAG CES BYA BA NI BSTAN PA'I'O, ,DON NYID DO ZHES BYA BA NI LHAG PAR MOS PA'O, ,RANG NYID MED PA'I MED PA NYAMS SU MYONG BAS GNOD PAR BSTAN PA NI MA YIN TE, 'KHRUL PA'I PHYIR RO ZHES BYA BA'O, ,MCHOG GO ZHES BYA BA NI SHES BZHIN PA NI SHES PA'I BDAG NYID YIN PA'I PHYIR DANG, RJES SU DPAG PA YANG BAG CHAGS KYI YUL CAN YIN PA'I PHYIR DANG RTOGS PA GZHAN MI 'THAD PA'I PHYIR RO ZHES BYA BA'I DON TO, ,RNAM PA DANG LKOG TU GYUR PA NYID DAG GIS 'DRES PA YIN PA'I PHYIR DBYE BA MED PA YIN NO SNYAM DU SEMS PA NI, 'ON TE DON GYI RNAM PA NI ZHES BYA BA'O, ,GZUGS

, ,BRNYAN MTHONG BA BZHIN DU THA DAD PA MTHONG BA YIN NO, ,'DRES PA YIN GYI GZHAN DU MA YIN PAR BSTAN PA NI, BZHIN LA SOGS PA MED PAR YANG ZHES BYA BA'O, ,THAMS CAD KYI TSE ZHES BYA BAS LHAN CIG DMIGS PA'I NGES PA BSTAN PA YIN NO, ,RNAM PA MED PA'I SHES PA NI 'DZIN BYED YIN LA, RNAM PA DANG LDAN PA'I DON NI GZUNG BYA YIN NO ZHES BYA BA BSAL BA NI, GAL TE DE LTA BUR GYUR PA ZHES BYA BA'O, ,YANG NA DBANG PO DANG DON DU PHRAD PA STE LDAN PA'I 'DU BA LA DBYE BA MED NA, BA LANG DANG DKAR PO DANG 'GRO BA ZHES BYA BA LA SOGS PA LA RTOGS PA THA DAD PAR MI 'GYUR TE, RGYU THA DAD PA MA YIN PA'I PHYIR RO ZHES BSTAN PA NI, KUN GYI MTSUNGS RGYU YIN PA'I PHYIR, ,ZHES BYA BA'O, ,BYED PA'I CHOS NYID YIN PA'I PHYIR RIM GYIS SKYED PA BZHIN DU RTOGS PA THA DAD PAR BYED PA'I NYID DU YANG 'GYUR SNYAM DU SEMS PA LA, DE THA DAD KYANG ZHES BYA BA SMOS TE, BYED PA'I CHOS NYID KYIS SKYE BA THA DAD KYANG BSKYED BYA'I SHES PA NI GSAL BA THA DAD PA YIN YANG RTOGS PA TZAM DU KHYAD PAR MED PA YIN LA, GANG GI CI ZHIG YIN ZHES BYA BAR NI SHES PAR MI BYED DO ZHES BYA BA'I DON TO, ,'DIS NI ZHES BYA BA NI BSKYED BYA DANG SKYED BYED LA GNAS PA'I KHYAD PAR MED PAS DBANG PO DANG PHRAD PA DE'I BSKYED BYAR BRJOD PA'I MTHONG BA DANG, DE'I BSKYED BYA LA SOGS PA'I KHYAD PAR MED PA BSHAD PA YIN NO ZHES BYA BA'I DON TO, ,SHES PA NI NGES PA CAN DU ZHES DGONGS PA'O, ,BA LANG DKAR PO DANG 'GRO BA ZHES BYA BA BA LANG NYID LA SOGS PA'I KHYAD PAR NI THA DAD PAS DE'I SHES PA KHYAD PAR DU MI BYED NA; RNAM PAR 'JOG PAR BYED PA MA YIN PAR BSTAN PA NI, KHYAD PAR BLO YANG ZHES BYA BA'O, ,DE'I DNGOS PO MED PA NI BA LANG NYID LA SOGS PA'I RNAM PA NYID MED NA PHAN TSUN DBYE BA MED DO, ,KHYAD PAR DU BYA BA'I SHES PA RNAMS KYANG DE BZHIN YIN PAR BSTAN PA NI, DE BZHIN TE ZHES BYA BA'O, , DE MA YIN PA'I NGO BO'I KHYAD PAR CAN GYI BLO NYID MI 'GRUB BO ZHES BYA BA LA SOGS PA YANG 'DI'I 'DI ZHES DE GANG LAS ZHES BYA BA BSTAN ZIN TO, ,GAL TE RE ZHIG CES BYA BA LA SOGS PA STE, KHYAD PAR SNGAR KHO NA YIN LA KHYAD PAR DU BYA BA NYID NI PHYIS 'DZIN PA YIN NO ZHES BYA BA'I PHYOGS LA'O, ,DE LA BRTEN PA NYID CES BYA BA NI KHYAD

PAR DU BYA BA LA BRTEN PA NYID DO, ,KHYAD PAR NI KHYAD PAR DU BYA BA LA LTOS PA YIN LA, KHYAD PAR DU BYA BA NYID KYI DE LA LTOS PA YIN PAS DE 'DZIN PA NA GZUNG BA YIN NO ZHES BYA BA'I PHYOGS LA BSTAN PA YIN NO, ,DE'I RNAM PA 'DZIN PA NA ZHES BYA BA'O, ,DE'I DUS SU YANG ZHES BYA BA NI KHYAD PAR DU BYA BA RTOGS PA'I DUS SU YANG NGO; ;GAL TE KHYAD PAR GYI SHES PA KHYAD PAR DU BYA BA LA BYED PA LAS TSAD MA YIN NO SNYAM DU SEMS PA LA, BSKYED PA MA GTOGS PA'I BYA BA MED PA'I PHYIR KHYAD PAR DU BYA BA'I SHES PA NYID BZHIN DU DE YANG YIN PA'I PHYIR GCIG DON MED PAR BSTAN PA NI, DONG GCIG YIN NA ZHES BYA BA'O, ,RANG GI SHES PA'I DUS KHO NA LA DE'I SHES PA YANG SKYE BAR 'GYUR TE, KHYAD PAR MED PA'I PHYIR RO, ,SKYED BYED MA YIN NA DE'I BYED PA MA YIN PAR BSTAN PA NI, RIM GYIS 'BYUNG BA'ANG MED PAR 'GYUR, ,ZHES BYA BA'O, ,SNGA MA BZHIN DU ZHES BYA BA NI KHYAD PAR GYI DUS NYID NA KHYAD PAR 'DZIN PA YIN NO, ,SHES PA GCIG NYID RIM GYIS 'JUG PA YIN GYI DU MA YIN NO ZHES BYA BA MI RIGS PAR BSTAN PA NI GCIG LA ZHES BYA BA'O, ,GCIG DUS THA DAD PAR SKYED PA 'GAL BA YIN GYI BZLAS PAS NI MA YIN NO ZHES ZER BA NI BZLAS PA'I BYE BRAG GIS ZHES BYA BA'O, ,SHES PA SNGA MA LAS PHYI MA'I THA DAD PA'I NGO BO'AM, THA MI DAD PA'I NGO BO 'DZIN NA 'BRAS BU MED PA YIN TE, THAL CHES PA'I PHYIR DANG, RJES SU BRJOD PA'I PHYIR RO ZHES BSTAN PA NI, RIM GYIS BYUNG YANG ZHES BYA BA'O, ,DE DAG GI THA DAD PA DANG THA MI DAD PA YANG YIN LA, DE'I RANG GI NGO BO YANG YIN PA DE DAG GI 'DZIN PA'I NGANG TSUL CAN RNAMS SO, ,RTOG PA MA YIN TE ZHES BYA BA NI RTOGS PA'I NGO BO NYID PHYI MA ZHES BYA BA DANG 'BREL TO, ,CI LAS SHE NA SNGA MA DANG KHYAD PAR MED DO ZHES SMOS SO, ,DON GCIG NYID YIN NA RIM GYIS 'BYUNG BA MA YIN DU ZIN KYANG CIG CAR 'BYUNG BA YIN NO ZHES ZER BA LA, BLO NI CIG CAR 'BYUNG GYUR NA, ,BSGRUB BYA SGRUB BYED MED PAR 'GYUR, , ZHES BYA BA STE, GNYI GA YANG ZHES GNAS SKABS LAS SO, ,LO BO CAG GI 'DOD PA LA NI SHES PA'I CHA DAG STE RNAM PA DANG RTOGS PA DAG CIG CAR 'BYUNG YANG, DE ZHES BYA BA LUNG GI RNAM PAR GZHAG PA STE, NGES PA DE'I RTEN NI RGYU MTSAN YIN LA, DE'I YOD PA'I PHYIR NGES PAR BYA BA DANG NGES PAR

, ,BYED PA'I NGO BOS BSGRUB BYA SGRUB BYED DU GZHAG PA STE THA SNYAD DO, ,SGRUB PA DANG DGAG PA'I YUL NYID LA CHOS DANG CHOS NYID KYI RGYU MTSAN BZHIN DU YIN PAR BSTAN PA NI, CHA DAG CES BYA BA'O, ,DBANG PO DANG DON DU PHRAD PA NI DUS LAS DANG NGO BO LAS KHYAD PAR DU 'GYUR BA MA YIN TE, DBANG PO DANG RDZAS LA PHRAD PA DANG 'DU BA DAG DANG LDAN PA'I 'DU BA DANG, DE'I 'DU BA DANG DE'I KHYAD PAR NYID KYANG YIN LA, DE'I BDAG NYID THAMS CAD KYIS 'DZIN PA'I RGYUR KHYAD PAR MED PA'I PHYIR 'DZIN PAR THAL BAR 'GYUR RO, ,GANG ZHIG GANG LAS MI 'BYUNG BA DE DANG PHRAD PA LAS GZHAN RTOGS PAR SGRUB PAR BYED PA YIN PAR BSTAN PA NI, BDAG NYID KUN GYIS 'BREL NA YANG, ,ZHES BYA BA'O, ,YANG NA PHRAD PA NI MTHONG BA YOD NA DON LA NGES PA CAN YIN GYI, MTHONG BA'I RGYU NI MA YIN PA NYID DO ZHES BYA BA SEL BA NI DE LTA BU'I GNAS SKABS LAS DER BYUNG BA YIN YANG, GZHAN GYI TSE DE LAS BYUNG BA YIN PAR RTOGS PAR MI NUS SO, ,DE BSTAN PA NI, 'BREL PA BYE BRAG MED PHYIR RO, ,ZHES BYA BA'O, ,DBANG PO DANG PHRAD PA DANG 'BREL PAS PHRAD PA DANG 'DU BA'I NGO BO LAS 'DZIN PA YIN NA THAL CHES PAR BSTAN PA NI, GAL TE SBYOR BAS ZHES BYA BA'O, ,'DIS NI STE DON GCIG LA 'DU BAS SO, ,DE NYID 'DI ZHES BYA BA NI MIG GIS BZUNG BA NYID DO, ,'BREL PA LA KHYAD PAR MED PAS 'DZIN PA LA KHYAD PAR MA YIN NO ZHES BSTAN PA NI DE'I PHYIR ZHES BYA BA'O, ,MIG LAS BYUNG BA'I SNGO BSANGS NYID 'DZIN PA MA YIN ZHES ZER BA NI, SNANG BA YANG ZHES BYA BA'O, , DBYIBS DE DBYIBS TZAM NI MUN PAR 'DZIN PA YIN NO ZHES BYA BA'I RIGS PA BSTAN PA NI, DES NA ZHES BYA BA'O, ,DE BDEN PA YANG YIN LA DBYIBS KYANG YIN PAS DE'I'O, ,SGRIB PAR BYED PA RDUL LAM CIG SHOS SEL BAR BYED PAR 'GYUR BAR BSTAN PA NI, DON DE ZHES BYA BA'O, ,GRUB PA'I RNAM PA NI DES PA CAN YIN PA'I PHYIR TSAD MA YIN PAR BSTAN PA NI, DE'I PHYIR RNAM PA NYID CES BYA'O, ,CHOS DANG CHOS MA YIN PAR BSHAD PA'I 'DU BYED PA 'DOD PA DANG CIG SHOS KYI YUL NYID KYIS RNAM SHES NGES PAR BYED PAR BSTAN PA NI, 'DU BYED LAS NA ZHES BYA BA'O, ,MIN ZHES BYA

PA NI NGES PA CAN NYID DGAG PA YIN NO, ,CI LAS SHE NA, DE YANG ZHES BYA BA NI 'DU BYED PA'O, ,DE'I DNGOS MED NA ZHES BYA BA NI DON GYI RNAM PA DANG BRAL BA YIN NA'O, ,GZHAG MED PHYIR ZHES BYA BA NI NGES PA MED PA'I PHYIR RO, ,SHES PA LAS SKYES PA SHES PA'I RGYU NGES PAR BYED PA 'DU BYED PA YIN NO ZHES BYA BA'I 'GREL PA NI DON SO SOR NGES PA ZHES BYA BA'O, ,BLO'I CHA DAG CES BYA BA LA GNYIS KYI TSIG MA YIN TE, GNYIS MED PAS RANG LA BYED PA 'GAL BA'I PHYIR RO ZHES ZER BA NI, GAL TE BYA BYED GCIG YIN PAR, ,ZHES BYA BA'O, ,BYAS PA DANG MI RTAG PA NYID BZHIN DU LDOG PA'I DBYE BAS BRTAGS PA'I CHOS KYI DBYE BA LAS BSGRUB BYA DANG SGRUB PA'I THA DAD PA YIN TE, DNGOS PO LA DBYE BA MED KYANG NGO ZHES BSTAN PA NI, CHOS THA DAD PA KHAS LEN PHYIR, ,ZHES BYA BA STE, LUS LA SOGS PA'I THA SNYAD NI RNAM PAR GZHAG PAR BYA BA LA SOGS PAR BRTAGS PAS YUL THA DAD PA YIN GYI CIG SHOS NI MA YIN NO ZHES BYA BA'I DON TO, ,DU BA NI ME LAS SO ZHES BYA BA'I DNGOS PO'I DBYE BA YIN YANG, 'BRAS BU LA SOGS PA NYID NI RJES SU 'GRO BA DANG LDOG PAS SPRUL PA YIN PAR BSTAN PA NI, DE LTA'I RNAM PAR ZHES BYA BA'O, ,RNAM PAR GNAS ZHES BYA BA NI BYED PA STE DE DANG LDAN PA'I BYE BRAG TU BRTAGS PA ZHES BYA BA'I DON TO ZHES BSTAN PA NI, BYED PA PO'I BDAG NYID CAN GYIS ZHES BYA BA'O, ,GCIG NYID KYANG YIN LA GCIG MA YIN PA NYID KYANG YIN PA STE, GCIG NYID DU MA NYID DAG TU BRTAGS PA'I YIN NA'O, ,RE ZHIG LHA SBYIN ZHES BYA BA NI GCIG NYID DU BRTAGS PA'O, ,DE'I ZHES BYA BA NI DU MA'I'O, ,RANG LA BYED PAR 'GAL BA SPANGS PA'I NI DON DAM PA NI ZHES BYA BA'O, ,GNYIS SU SNANG BA'I ZHES BYA BA NI YUL DANG SHES PA'I SNANG BA'I'O, ,RNAM PAR RIG PA NYID DON RIG PA YIN PAR MI RIGS PA MA YIN NAM, SNGON PO RIG PA NI SER PO'I MA YIN NO ZHES ZER BA NI, DON RIG GANG YIN ZHES BYA BA'O, ,PHYI ROL SMRA BA POS GZHAN CUNG ZAD KHO NA DE RIG PAS KHAS BLANGS PA NI MA YIN TE, 'O NA CI ZHE NA, MNGON SUM GANG YIN PA 'DI 'DI NYID DE LKOG TU MA GYUR PA'I NGO BO YIN LA DE YANG RES 'GA' BAS 'GRO BA NA RTZAS REG PA BZHIN

, ,DU BRJED PAR 'GYUR LA, RAB TU SPYOD PA NYID MANG DU BSTAN PA NI, SO SO SO SOR RIG PA NI RGYUN GYI RIG PA YIN TE RANG GI NGO BO DANG BCAS PA ZHES BYA BA'I DON TO, ,YANG NA GANG YIN 'DI NYID CES BYA BA STE, RIG PA YIN PAS BRJED PA'I YUL NYID SEL BAR BYED PA'O, , SO SO SO SOR ZHES BYA BA NI RGYUN DANG MNGON SUM YANG YIN TE, RGYUN MA YIN PA DANG LKOG TU GYUR PA NI BRJED PAR 'GYUR BA'AM THE TSOM ZA BAR 'GYUR RO ZHES BYA BA'I DON TO, ,KHA CIG NA RE SO SOR RIG PA NI MTSAMS SBYOR BA YIN NO ZHES ZER RO, ,SO SOR NGES PA'AM RIG PA DE YIN PA'I PHYIR BAR GYI TSIG PHYI MA YIN NO ZHES BYA BA NI 'GREL PA'I DGONGS PA'O, ,DE NI ZHES BYA BA NI LKOG TU MA GYUR PA'I SNGON PO LA SOGS PA'I NGO BO'I DON TE, LKOG TU GYUR PA'I BEMS PO'I RIG PA NI RIG PA GANG GIS TE, 'GAS KYANG MA YIN TE, 'GAL BA'I PHYIR RO ZHES BYA BA'I DON TO, ,DNGOS SU NI MA YIN TE, 'ON KYANG DON DANG 'DRA BA NYID KYIS SO SNYAM DU SEMS PA NI, DE 'DRA BA LAS YIN NA ZHES BYA BA'O, ,DON MTHONG BA LAS DE DANG 'DRA BA NYID YIN PA'I PHYIR THE TSOM ZA BA YIN PAR BSTAN PA NI 'KHRUL PAR 'GYUR RO ZHES BYA BA'O, ,DE 'DRA LAS ZHES BYA BA DE TZAM NI 'DIR SGRUB BYED DU 'DOD PA YIN LA BSKYED PA DANG KHYAD PAR CAN NI DE 'DRA BA DANG DE LAS BYUNG ZHES BYA BAS 'CHAD PAR 'GYUR RO, ,'GREL PA THUN MONG GI MA NGES PA YIN PAR BSTAN PA NI MA YIN TE, SKRA DANG SBRANG BU LA SOGS PA ZHES BYA BA'O, ,NYAMS SU MYONG BA NI BYUNG BA PO LA LTOS PA MA YIN NAM, DE LTA BU DES KHYAD PAR DU BYAS PA'I 'DRA BA NYID NI DON LA MED PA NYID YIN NO ZHES ZER BA NI, 'ON TE 'DIR RIG PA STE RTOGS PA'O, ,GANG LA ZHES BYA BA NI BYUNG BA PO GANG LA'O, ,SNGON PO'I RNAM PA CAN GYIS SHES PA'I LKOG TU MA GYUR PA NYID NYAMS SU MYONG BA YIN GYI THA DAD PA NYID MA YIN NO ZHES BSTAN PA NI, 'DI NI DE NYID YIN ZHES BYA BA'O,, PHYI ROL DANG 'DRA BA NYID DU RTOGS KYANG RDUL PHRA RAB KYI NGO BO NI RAGS PA MA YIN TE, 'GAL BA'I PHYIR RO ZHES BSTAN PA NI RDUL PHRAN DE DAG CES BYA BA'O, ,BAR MTSAMS MED PA'I RDUL PHRA RAB RNAMS NYID GCIG TU SNANG BZHIN PA MANG PO RAGS PA YIN NO ZHE NA DE LTA MA YIN TE, GANG GI PHYIR THAG RING BA DANG

CIG SHOS NI SHING SNANG BA DAG LA THA DAD PA MED PA'I TSIG NI MKHAS PA RNAMS MGU BAR BYED PA MA YIN TE, GANG GI PHYIR DE LA BAR MTSAMS MI SNANG BA TZAM NI MA YIN PA'I PHYIR RO, ,BAR MTSAMS MANG BA'I SNANG BA DANG SNANG BA MA YIN PA NYID NI RAGS PA NYID MA YIN TE, GNAS SKABS DE'I SNANG BA DAG NYID LA KHYAD PAR YOD PA'I PHYIR RO, ,PHYI ROL GYI RAGS PA YANG SNA TSOGS DE GCIG YIN ZHE NA ZHES BYA BAS BKAG PA'I PHYIR THE TSO MA ZA BA YIN NO ZHES BSTAN PA NI, DE'I PHYIR ZHES BYA BA STE YIN YANG ZHES BYA BA NI DON GYI DNGOS PO NYID YIN NA'O, ,RANG GI RIG PA'I SHES PA DON DANG 'DRA BA YIN YANG SNGON PO BZHIN DU SNGON PO GZHAN LA GO BYED MA YIN NO, ,'ON TE 'BRAS BU YIN PA'I PHYIR SHES PA DON GYI GO BYED YIN GYI SNGON PO NI MA YIN NO SNYAM DU SEMS PA LA, DE 'DRA BA DANG DE LAS BYUNG, ,ZHES BYA BA SMOS SO, ,DE LAS BYUNG BA'I KHYAD PAR CAN GYI DE DANG 'DRA BA NYID NI DE'I GO BYED DU MI RIGS TE DE DANG 'DRA BA NYID BZHIN DU, DE DANG 'DRA BA NYID MA GRUB PA'I PHYIR TE DE MA THAG PA'I RKYEN LA DE LAS BYUNG BA DANG DE DANG 'DRA BA GRUB PA'I PHYIR DE NYID KYI GO BYED DU 'GYUR RO ZHES BYA BA'I DON TO, ,SER PO'I RNAM PA'I DE MA THAG PA LAS SNGON PO'I RNAM PA MI 'BYUNG BA SNGON PO'I RNAM PA GANG LAS BYUNG BAR SHES PA DE KHO NA LAS 'BYUNG BA YIN NO SNYAM DU SEMS PA NI, 'ON TE GANG LAS ZHES BYA BA'O, ,DE LTA NA DE MA THAG PA ZHES BYA BA LA SOGS PA THAMS CAD LA MA YIN GYI, 'O NA CI ZHE NA NGES PA'I YUL LA'O, ,DE LAS BYUNG BA DANG 'DRA BA DAG GIS DE'I YUL NYID YIN NA NYAMS SU MYONG BA'I RJES SU 'BRANGS PA'I DRAN PA NYAMS SU MYONG BA'I YUL NYID DU THAL BAR 'GYUR TE, KHYAB CHES PA'I MTSAN NYID YIN NO ZHES BYA BA NI LHA DANG DBANG BLO'I YIN PAR BSTAN PA NI, GZHAN DAG SMRA BA NI ZHES BYA BA'O, ,PHYI ROL GYI DON DU SMRA BA PO YANG DRAN PA NYAMS SU MYONG BA'I YUL CAN DU 'DOD PA'I PHYIR KHYAB CHES PA MA YIN PAR BSTAN PA NI, DRAN BA NI ZHES BYA BA'O, ,DON MYONG BA NI NYAMS SU MYONG BA'I RJES SU 'BRANGS PA YIN ZHES BYA BAR SBYAR RO, ,RTZOD PA'I GZHI KHYAD PAR GYI DRAN PA 'DI LAS KHYAB CHES PA MA YIN PAR BSTAN PA NI, 'DI NI YUL MED PAR YIN PAS ZHES BYA BA'O,,

, ,RANG NYID KYI BSHAD PA NI 'DIR BRJOD PA ZHES BYA BA'O, ,SNGON PO LA SOGS PA GSAL BAR SNANG BA NI RMI LAM BZHIN DU SAD PA NA YANG GOMS PA'I BSKYED BYA KHYAD PAR GYI SHES PA NI SNGA MA SNGA MA RANG GI RIGS KYI NUS PA LAS BYUNG BA YIN PA'I PHYIR DE'I YUL 'THOB PA YIN NO ZHES BYA BA'I DON BSTAN PA NI, BSGOMS PA'I STOBS KYIS ZHES BYA BA'O, ,BAR TE BAR DU CHOD PA MED PA GANG GI YIN PA DE MTSUNGS PA YANG YIN LA, DE MA THAG PA YANG YIN PAS SNGON PO'I SHES PA LAS BYUNG BA SER PO'I SHES PA 'DAS PA NI SER PO SHES PA LA MA YIN TE, BAR DU CHOD PA'I PHYIR RO ZHES ZER BA NI, JI LTAR DE DE MA THAG BA ZHES BYA BA'O, ,SER PO'I SHES PA NYID DE LAS GZHAN PA'I MTSUNGS PA DE MA THAG PA YIN TE, DE'I RIGS KYI BAR DU GCOD PA GZHAN GYI NUS PA BSGRIBS PA MA THOB PA'I PHYIR RO ZHES BSTAN PA NI, DE 'DRA BA'I ZHES BYA BA'O, ,RNAM PAR RTOG PA LAS GSAL BA NYID BZHIN DU GSAL BA BSGOMS PA LAS BYUNG BA NYID YIN TE, DE DANG 'DRA BA NYID DMIGS PA'I PHYIR ZHES BSTAN PA NI, DES NA RNAM PA DE LA ZHES BYA BA'O, ,NGAS 'DI MTHONG NGO ZHES BYA BA BYED PA PO DANG LAS LA SOGS PA NI THA DAD PAR SNANG BA MA YIN NAM SNYAM DU SEMS PA NI, 'DI MTHONG 'DI THOS ZHES BYA BA'I NGES PAS DMIGS PAR BRJOD PA'O, ,DE ZHES BYA BA NI BYED PA PO'O, ,DE'I ZHES BYA BA NI LAS KYI'O, ,MYONG BA NI MYONG BAR BYED PA'O, ,SNANG BA NI LAS NYID DO, ,MTHONG BA NI BYED PA PO NYID DO, ,NYE BA DE NYID DPYAD BYA YIN TE, DE'I BDAG NYID KYI MTSAN NYID YIN GYI GZHAN NI MA YIN NO, ,DPYAD PA GANG GIS SHES BYED NYID NYE BA YIN NO SNYAM DU SEMS PA LA, DE DAG 'BREL PA ZHES BYA BA SMOS TE, 'BREL PA NI KUN DU 'BREL PA'O, ,DES DE YIN ZHES BYA BA NI 'DI'I 'DI'O ZHES DE MED PAS YOD PA TZAM SHES BYED NYID YIN NA THAL CHES PAR 'GYUR TE, NYAMS SU MYONG BA MED NA NGES PA MI RIGS PAR BSTAN PA NI NGES PA NI MYONG BA ZHES BYA BA'O, ,DE KHO NA BZHIN DU RANG GI NGO BO TZAM GYI NGES PA JI LTAR GOMS PA BZHIN 'BYUNG BA NYAMS SU MYONG BA LA RAG LAS PA MA YIN PAR BSTAN PA NI, NYAMS SU MYONG BA NYID CES BYA BA'O, ,LDOG PA'I DBYE BA LA BRTEN NAS BRDA YOD NA DE LTAR GOMS PA LAS YIN GYI, NYAMS SU MYONG BA LA BRTEN NAS MA YIN PAR BSTAN PA NI, GANG GI PHYIR DE LTA YIN NA ZHES BYA BA'O, ,ZLA BA GNYIS SU MTHONG BA LA NI DE'I NGES PA DE KHO NA NYID DU 'BYED PAR BYED PA MA YIN PA'I PHYIR MA NGES PA YIN PAR BSTAN PA NI, GAL TE DE LTA NA ZHES BYA BA SMOS TE,

GCIG TU NGES PAR BYED PA MA YIN GYI 'ON KYANG DU MAR NGES PAR BYED PA YIN NO, ,DBANG PO LAS BYUNG BA NI 'BYED PAR BYED PA YIN NO SNYAM DU SEMS PA NI, JI STE GOMS PA LAS ZHES BYA BA SMOS TE, YID KYI NGES PA 'DI TSAD MA YIN TE, BRGYUD NAS DBANG PO'I BSKYED BYA YIN, ,ZHES BYA BA'I DON TO, ,DBANG BO LAS NI MTHONG BA YIN LA DE LAS KYANG NGES PA NI DBANG PO BZHIN DU BYED PA PO NYID YIN PAS NI MA YIN TE, 'ON KYANG 'DZIN PAS SO, ,BZUNG BA LA NGES PAR BYED PA MTHONG BA YIN PAR BSTAN PA NI MA YIN TE GOMS PA NI ZHES BYA BA'O, ,DON NO ZHES BYA BA YANG PHYI ROL MA YIN GYI 'ON KYANG DON BYED PA'I TSIG STE SHES PA NYID LA YANG SKYON CAN MA YIN PAR BSTAN PA NI, DON ZHES NGES PA YANG ZHES BYA BA'O, ,'BREL PA YANG THA DAD PA DAG NYID LA THE GU DANG BUM PA DAG LA BZHIN DU 'GYUR RO SNYAM DU SEMS PA LA RANG RIG PA YIN NA, RANG MA YIN PAR RIG PA NYID MA YIN PAR BSTAN PA NI, DE YI MYONG DE DAG NYID DE, ,ZHES BYA BA STE, DE'I SNGON PO LA SOGS PA'I'O, ,SNGON PO LA SOGS PA NYID GZHAN GYI NYAMS SU MYONG BAR 'GYUR RO ZHES ZER BA LA, DE GZHAN ZHES BYA BA SMOS TE, DE ZHES BYA BA NI SNGON PO LA SOGS PA STE, BDAG NYID NYAMS SU MYONG BA DANG SBYAR RO, ,NGES PAR GZUNG BA GNYI GA'I 'BRAS BU BSTAN PA NI, GZHAN GYI NYAMS SU MYONG BA MANG ZHING NYAMS SU MYONG BAR BYA BA YANG MA YIN ZHES BYA BA'I DON TO, ,YANG NA LDOG PA STE BDAG NYID DE ZHES BYA BA'O, ,DE GZHAN ZHES BYA BA NI DNGOS PO 'BYUNG BA LA LTOS PA NYID DO, ,MNGON SUM SO SOR RIG BYA YANG, ,ZHES BYA BAS KYANG NYAMS SU MYONG BA LA DE LAS GZHAN PA RIG PAR BYA BA BSAL BA YIN NO, ,'GREL PA NI GSAL BA YIN NO, ,GYUR MOD CES BYA BA'I KHAS LEN PA NI NYAMS SU MYONG BA DON GYI BDAG NYID CES BYA BA 'DI'I'O, ,BDAG NYID KYI PHYOGS LA SKYON BSTAN PA NI, GAL TE DON GYI BDAG NYID CES BYA BA'O, ,'DI NYID LA DGAG PA SBYOR BAR BYED PA NI GZHAN LA NI DE LTA MA YIN NO ZHES BYA BA'O, ,'DI THAMS CAD NI BDAG KHO NA YIN NO ZHES BYA BA NI BDAG GI'O, ,GNYA' SHING LA NYI MA BZHIN DU BSTOD PA YIN GYI DE KHO NA NYID NI MA YIN NO ZHES ZER BA NI, DE NI DON BRJOD PA YIN NO ZHES BYA BA'O, ,BDAG NI SEMS TZAM YIN LA RIG PA NI SNA TSOGS PA YIN PAS, DE DANG 'GAL

, ,BA YIN PAR BSTAN PA NI MA YIN TE, RNAM PA SNA TSOGS PA MYONG BA'I PHYIR RO, ,SNGON PO NI NYAMS SU MYONG BA'I BDAG NYID YIN PA'I PHYIR MNGON SUM MA YIN TE, 'ON KYANG TSOGS PA GCIG LA 'BREL PA'I PHYIR RO, ,DE'I BDAG NYID DANG DE LAS BYUNG BA DAG LA KHYAD PAR MED DO SNYAM DU SEMS PA LA, DES NA NYAMS MYONG BYA GZHAN MED, ,CES BYA BA STE, DE LTAR 'BREL PA YIN KYANG BDAG NYID MA YIN PA LA ZHUGS PA'I PHYIR LA RJES SU ZHUGS PA NI NYAMS SU MYONG BAR BYA BA YIN GYI BDAG NYID RIG BA NI MA YIN TE, SKYED BYED NYID LAS GZHAN PA'I 'GAL BA CAN DE NI BDAG NYID MA YIN TE, RIG PA MA YIN PA BRJOD PA'I PHYIR RO, ,DE MA THAG PA DE LTA NA ZHES BYA BA'I SHES PA GZHAN GYIS GZUNG BA MA YIN NAM SNYAM DU SEMS PA LA, DE LA'ANG MYONG BA GZHAN YOD MIN, ,ZHES BYA BA SMOS TE, GZUNG BA LA SOGS PA'I NGO BOR 'DOD PA LA 'DI THAL CHES PA YIN GYI SGRUB PAR BYED PA NI MA YIN NO ZHES BYA BA'I DON TO; ;MED PA CI LAS SHE NA DER YANG ZHES BYA BA SMOS TE, SHES PA GZHAN LA BDAG NYID RIG PA MA YIN PA NI DE'I BDAG NYID MA YIN PA DANG 'GAL BA ZHES BYA BA'I DON TO, ,DE RTOGS PA CI LAS SHE NA, DE'I PHYIR RANG NYID CES BYA BA NI GZHAN MI LTOS PA'I SNGON PO LA SOGS PA'I RIG BA GSAL BA YIN PA NI, MNGON SUM STE LKOG TU MA GYUR PA ZHES BYA BA'I DON TO, ,MI RTAG PA DANG BYAS PA NYID BZHIN DU SNGON PO NYAMS SU MYONG BA DE'I BDAG NYID KHO NA YIN NO ZHES BYA BA YANG THA SNYAD 'DOGS PA YIN NO, ,'BREL PA NYAMS SU MYONG BA'I RJES 'BRANG BA YIN GYI GZHAN DU MA YIN PA BSTAN PA NI, DE YI DNGOS DE SNGO SOGS KYI, ,ZHES BYA BA STE, NYAMS SU MYONG BA'I BYED PA BSTAN PA YIN NO, ,THA DAD PA NI LDOG PAS BRTAGS PA YIN TE MCHI GU'I LUS SO ZHES BYA BA BZHIN DU, THA MI DAD PA 'GAL BA CAN MA YIN PAR BSTAN PA NI, LDOG PA'I RANG GI NGO BO LA'ANG, ,ZHES BYA BA'O, ,GSAL BAR BYA BA NYID NI GSAL BAR BYED PA NYID KYI KHONGS SU GTOGS PAR BYED PA MA YIN TE, 'GAL BA'I PHYIR RO ZHES ZER BA NI JI LTAR SNGON PO ZHES BYA BA'O, ,GSAL BAR BYED PA NYID NI GZHAN KHONGS SU GTOGS PAR BYED PA MA YIN PAR BSTAN PA NI, BDAG NYID LA NI ZHES BYA BA'O, ,GSAL BAR BYA

BA'AM CIG SHOS KYANG MA YIN TE, 'ON KYANG LKOG TU MA GYUR PA YIN PAR BSTAN PA NI, JI LTAR DE YI BDAG NYID PHYIR, ,ZHES BYA BA STE, DE LA MNGON SUM LAS GZHAN PA'I BYED PA'I YUL MA YIN PA NYID KHO NA'I RJES SU 'BRANGS PAS RANG NYID GSAL BAR BYED PA YIN NO ZHES ZER GYI, DE LA BYED PA 'GA' YANG MED DO ZHES BYA BA'I DON TO, ,BRGAL ZHING BRTAG PA NI MA YIN NO ZHES BYA BA NI DE LTA BUR GYUR PA BYED PA NYID KYI PHYIR RO, ,SGRON MA LA LTOS NAS MIG LA SOGS PAS BUM PA GSAL BA MA YIN NO ZHES ZER BA NI, 'ON TE BUM PA ZHES BYA'O, ,JI LTAR SGRON MA SKYED PAR BYED PA NYID GSAL BAR BYED PAR THA SNYAD 'DOGS PA DE BZHIN DU MIG LA SOGS PA'ANG YIN PAR BSTAN PA NI, GSAL BAR BYED PA YIN MIN YANG, ,ZHES BYA BA'O, ,GZHAN DAG NI SHES PA'I'O, ,BDAG NYID KYI NGO BO BYED PA SHES PA DANG 'GAL BA MA YIN PAR BSTAN PA NI, GANG TSE DE'I RANG BZHIN ZHES BYA BA'O, ,CHAD PA NI ZHES BYA BA NI RAL GRI'I SO DE NYID KHO NAS GCOD PA MA YIN PAR BSTAN PA YIN NO, ,DON DE NYID CES BYA BA NI DE NYID KYIS ZHES BYA BA LA SOGS PA'O, ,'ON TE JI LTAR ZHEN PAS RIG PAR BYA BA DANG RIG PAR BYED PA DAG NI THA DAD PA NYID YIN NA SKYON CI YOD CES ZER BA LA, DE'I RIG BYA BA ZHES SMOS TE, RNAM PA MED PA'I RIG PA DANG, RIG PAR BYA BA YANG DE'I BDAG NYID MA YIN NA MI 'THAD PA STE, 'BREL PA CAN MA YIN PAR 'GYUR RO ZHES BYA BA'O, ,GSAL BAR BYED PA MA YIN PA'I DON NI DE'I RNAM PA CAN GYI GSAL BAS SAM, GZHAN GYIS KYANG RIG GO ZHES BYA BA'I THA SNYAD RIGS PA YIN GYI, GNYI GA CIG CAR GSAL NA NI MA YIN TE, NUS PA YONGS SU MA GTOGS PA'I PHYIR RO ZHES BSTAN PA NI, DE'I TSE NI ZHES BYA BA'O, ,DE NYID YIN ZHES BYA BA NI GSAL BAR BYA BA DANG CIG SHOS NYID YIN NO, ,DE NI NYE BA'I KHYAD PAR GYIS GZUGS KYI KHYAD PAR BSKYED PA NYID YIN GYI GZUNG BA NYID NI MA YIN TE, SHES PA RJES SU 'JUG PA NI DE LTA YIN NO ZHES BSTAN PA NI, DE LTAR SKYES PA ZHES BYA BA'O, ,JI LTAR MA RTOGS SHE NA, THA SNYAD DE LTA BUR ZHES BYA BA NI RES PA STE, PHYI ROL GYI YUL NYID DU NGES PAR BYED PA ZHES BYA BA'I DON TO,,

, ,PHYI ROL GYI YUL NYID KYI NGES PA NYAMS SU MYONG BA DANG 'GAL BA YIN PAR BSTAN PA NI, NYAMS SU MYONG BA MTHUN PA ZHES BYA BA'O, ,JI STE ZHES BYA BA NI LKOG TU MA GYUR PA NYID DO ZHES BYA BA'O, ,CI LAS SHE NA RIG PAR BYA BA'I ZHES BYA BA SMOS SO, ,DE MED PA STE RTOGS PA MED PA NA JI LTAR 'GYUR TE RTOGS PAR JI LTAR 'GYUR ZHES BYA BAR SBYAR RO, ,DE LAS ZHES BYA BA RJES SU DPAG PA'I RNAM PA LAS DON YANG YOD CES BYA BA DON GYI BYA BA BYED PA GSAL BAR SNAD NGO, ,GZHAN DU NA ZHES BYA BA NI SNANG DU RUNG BA MA YIN PA'O, ,GZHAN GYIS RTOGS PA YIN NO ZHES BYA BAR RTOGS PA MED PAR BSTAN PA NI MA YIN TE, RTOGS PA MED PA'I PHYIR RO ZHES BYA BA'O, ,DNGOS PO NYID GSAL BA'I NGO BO NYID DU RJES SU DPAG PA'I GO BYA YIN PAR ZER BA NI, RJES SU DPAG PA NYID KYI ZHES BYA BA'O, ,GSAL BA NYID NI SHES PA'I CHOS NYID YIN LA KHYAD PAR LA MNGON SUM YIN GYI; RJES SU DPAG PA MA YIN PAR BSTAN PA NI, RJES SU DPAG PA NYID DU ZHES BYA BA'O, ,RJES SU DPAG PA NYID KYIS RTOGS PA YIN PAS MNGON DU BYED PA YIN TE, MNGON DU MI BYED PA DANG 'GAL BA'I PHYIR RO ZHES BSTAN PA NI, DE MED PA YANG ZHES BYA BA'O, ,RANG BZHIN GCIG PA NYID CES BYA BA NI DON DAM PAR RTOGS PA THA DAD PA DE LA BRTAGS PA NYID YIN PA'I PHYIR RO, ,DE DANG 'BREL PAS ZHES BYA BA NI 'O MA DANG CHU BZHIN DU DON DANG RTOGS PA'I BYED BRAG 'DRES PAS SO, ,KHYAB BYA ZHES BYA BA NI DU BA'O, ,KHYAB BYED KYIS ZHES BYA BA LKOG TU GYUR PAS SO, ,DE'I TSE ZHES BYA BA NI 'BREL PA 'DZIN PA'I DUS NA'O, ,SNGON DANG NGA LTAR ZHES BYA BA NI KHYAB PA'O, ,RTOG PA TZAM ZHES BYA BA NI YUL DANG DUS LA KHYAD PAR MED PAS SO, ,KHYAD PAR ZHES BYA BA NI YUL DANG DUS KYI KHYAD PAR NYID KYIS SO, ,MED NA MI 'BYUNG BA NYID KHYAB PA MA YIN NAM, YUL DANG DUS DAG NI MA YIN TE, DE YANG GZHAL BYA'I DU BA RTOGS NA LKOG TU GYUR PA'I ME LA YOD PA YIN PA DE LTA NA ME YANG RTOGS PAR 'GYUR RO SNYAM DU SEMS PA NI, GAL TE DU BA'I RNAM PA NI ZHES BYA BA'O, ,DU BA YANG RTOGS PA TZAM MA YIN NO ZHES ZER BA NI, ME'I 'BRAS BU ZHES BYA BA'O, ,PHYI ROL GYI

ME'I 'BRAS BU NYID MA GRUB PO ZHES BSTAN PA NI, ME'I 'BRAS BU NYID YIN ZHES BYA BA'O, ,MTHONG BA DANG SNANG BZHIN PA DAG GI GCIG PA NYID BAR MA DANG LKOG TU GYUR PA YOD PA MA GTOGS PAR MI 'GYUR BAR BSTAN PA NI, NGO SHES PA'I STOBS NYID KYIS ZHES BYA BA'O, ,DE NYID GSAL BAR BYED PA NI, GAL TE MYONG BA'I NANG GNAS NA, ,ZHES BYA BA'O, ,BAR NA YOD PA LKOG TU GYUR PA YIN NO ZHES ZER BA NI, GAL TE MYONG MIN DON BDAG NI, ,ZHES BYA BA'O, ,LAN NI LKOG TU GYUR PAR ZHES BYA BA'O, ,DE NYID NI ZHES BYA BA NI SNGA MA DANG PHYI MA RTOGS PA TZAM MO,, GCIG NYID DU SNGAR MTHONG NGO SHES PA'I YUL YIN GYI BAR GYI NI MA YIN TE, RJES SU DPAG PA'I RNAM PA YANG PHYI ROL NYID DU ZHEN PAS BAG CHAGS TZAM LAS YIN PAS, GZHAN YANG DE'I RIGS PA YIN PAS DE LTAR 'GYUR BAR BSTAN PA NI, DE'I PHYI GSAL BAR SNANG BA'I ZHES BYA BA'O, , RNAM SHES BYAS PA NI RNAM SHES KYIS BYAS PA ZHES BYA BA STE, DON DANG BAG CHAGS DAG GI NGO BO THA DAD PA'O, ,GSAL BA SNANG BA BAG CHAGS TZAM LAS BYUNG BA YIN NA 'DOD PA KHO NA 'GRUB PAR 'GYUR TE, 'DOD PA NI RANG DBANG NYID KYI PHYIR RO ZHES BSTAN PA NI, PHYI ROL KHYAD PAR YOD MIN YANG, ,ZHES BYA BA'O, ,BAG CHAGS THAMS CAD GCIG GI TSE NYID NA NYE BAS SAR PA NA THAMS CAD SNANG BA'I SHES PAR 'GYUR BA'I PHYIR NYAMS SU MYONG BA NI 'GAL BA'I 'BRAS BU'I BYE BRAG YIN NO SNYAM DU SEMS BA NI 'GAL TE BAG CHAGS ZHES BYA BA'O, ,PHYI ROL KHAS BLANGS KYANG 'GAL BA'I 'BRAS BU KHO NA YIN PAR BSTAN PA NI MA YIN TE, NYE BA MA YIN PA YANG ZHES BYA BA'O, ,DRAN PA NI NYE BA'I YUL CAN MA YIN PA KHO NAR BSTAN PA NI, DRAN PA BRJED PAR ZHES BYA BA'O, ,LOG PAR RIG PA ZHES BYA BA NI YUL DANG DUS GZHAN LA GNAS PA LA, DE LAS GZHAN PAR RTOGS PA YIN NO, ,MED PA YANG YUL LA SOGS PA LA NGES PA MA YIN PAR BSTAN PA NI, GZHAN DAG MED SNANG ZHES BYA BA'O, ,DU MA MTHONG BA DANG DU MA DRAN PA NI RNAM SHES NYID YIN PA LA YANG, DRAN PA BRJED PA'I PHYOGS DE DANG 'GAL BA CAN MA YIN PAR BSTAN PA NI

, ,DE MTSUNGS PA'I ZHES BYA BA'O, ,BAG CHAGS THAMS CAD GCIG GI TSE KHO NA NYE BA NI MA YIN TE, BAG CHAGS KYI NUS PA KHAS MI LEN PA'I PHYIR RO ZHES BSTAN PA NI, DE MA THAG PA'I ZHES BYA BA'O, ,SNGA MA SNGA MA TSES CHES GSAL BA'I SHES PA'I BDAG NYID RIM GYIS 'GYUR BA YIN PAR BSTAN PA NI, SNANG BA NI GSAL ZHING ZHES BYA BA'O, ,SHES PA PHYI MA'I NUS PA YIN ZHING SNGA MA SNGA'I RNAM SHES NI PHYI MA LA MNGON DU PHYOGS BA STE, MTHONG BA'AM GZHAN YANG RUNG BA CUNG ZAD MTHONG BA'I DBYE BA LA LTOS NAS MED KYANG 'BRAS BU DE BYED PA YIN TE, DUS THA DAD PA LA YANG LHAN CIG BYED PA MTHONG BAR BYED PA YIN NO ZHES BSTAN PA NI SAD BYED CES BYA BA STE, NUS PA'I BAG CHAGS NYID LA'AM SAD PAR BYED PA'I DBYE BAS BYAS PA'I 'BRAS BU THA DAD PA'I RIM PA 'DIS BSTAN PA ZHES BYA BA'I DON TO, ,NUS PA'I KHYAD PAR ZHES BYA BA NI DE LAS THA MI DAD PA'AM, SHES PA PHYI MA'I BDAG NYID KYANG NGO, ,BAG CHAGS YOD PA NYID DANG ZHES BYA BA NI SHES PA PHYI MA'I BDAG NYID DO, ,PHYI ROL GYI NYAMS SU MYONG BA MED PA SA DE'I BAG CHAGS YIN NO ZHES ZER BA NI, BAG CHAGS KYI DBYE BA LA RGYU CI YOD CES NA ZHES BYA BA'O, ,SNGON PO LA SOGS PA'I NGO BO THA DAD PAR MI SNANG NA 'KHRUL PAR MI RIGS PAR BSTAN PA NI, DE'I RGYU MTSAN YOD PA ZHES BYA BA STE, BAG CHAGS THA DAD MA MED PA YIN TE, THA DAD PA'I RGYU MED PA'I PHYIR ZHES BYA BA BSAL BA YIN NO, SHES PA THA DAD RGYU YIN NA, ,DE YI THA DAD JI LTAR YIN, ,BAG CHAGS THA DAD LAS SHE NA, ,PHAN TSUN RTEN PA 'THOB PAR 'GYUR, ,ZHES ZER BA NI, DE LTAR PHAN TSUN RTEN PA YI, ,ZHES BYA BA'O, ,DE NYID MIN ZHES BYA BA NI SKYED BYED CES BYA BA DANG SBYAR RO, ,DE NYID CES BYA BA NI SKYED BYED KYI SHES PA'I STE, SA BON DANG MYU GU LTA BUR ZHES BYA BA NI LAN YIN NO, ,RTOGS PA'I NGO BO DNGOS SU RNAM PAR SHES PA MA YIN NAM, DE LTAR YANG DON GYI RNAM PA NYID DU THA MI DAD PA NI DNGOS SU BA'I BAG CHAGS TZAM LAS BYUNG BA'I PHYIR SHES PA RNAMS PAR BYED PAR MI BYED NA DANG BA'I SHES PA'I NGO BO LAS SA BON DANG MYU GU'I RIGS PA JI LTAR YIN, RANG LAS THA DAD

PA DANG, DES THA DAD PA DANG LDAN PA MA YIN ZHING, YOD PA NYID LA YANG TSAD MA DANG BAG CHAGS PA NYID KYI TSAD MA DANG THA DAD PA LA YANG YOD PA YIN NO ZHES ZER BA NI, GAL TE DON GYI BYE BRAG GI, ,ZHES BYA BA'O, ,RNAM PAR SHES PA'I BSKYED BYA'I 'DU BYED PA NI BAG CHAGS YIN TE, GANG NYAMS SU MYONG BA CHES GSAL BA NI DRAN PA'I SA BON 'JOG PAR BYED DO ZHES GSUNGS PAS SO, ,DE GAL TE 'DZIN PA DANG DRAN PA'I NGO BO'I SHES PA 'BYED PAR BYED NA YUL GYIS THA DAD PA MA YIN BAR 'GYUR RO, ,'DZIN PA'I DBYE BA BYED NA YANG, ,GZUNG BA'I DBYE BA SU ZHIG BYED, ,BSAMS NAS BSKYED PA YIN NA NI, ,DRAN PA TZAM LAS BYED PAR 'GYUR, ,ZHES SMOS SO ZHES THEG PA NI, ,DE LA BAG CHAGS ZHES BYA BA'O, ,BAG CHAGS NI DRAN PA'I SA BON MA YIN GYI CHES GSAL BA'I RNAM SHES YIN PAR BSTAN PA NI, 'DIR NI RNAM SHES SNGA MA NYID, ,CES BYA BA'O, ,DE NI DE LTA BU'I RNAM PA KHYAD PAR CAN SKYED PAR BYED PA NI BAG CHAGS YIN TE, SAD PA'I SHES PA BZHIN DU RMI LAM LA'O ZHES BSTAN PA NI, DE DANG DE'I RNAM PA'I ZHES BYA BA'O, ,'BRAS BU'I DUS NA DE MED KYANG DE BYED PA NI BAG CHAGS YIN PAR BRJOD DO ZHES BSTAN PA NI, DPER NA LCAGS SGROG GIS BCINGS PAS ZHES BYA BA'O, ,RTA LA SOGS PA DRAN PA'I SA BON DANG MI MTHUN PA'I BAG CHAGS YOD PA NYID KYI TSAD MA LA BSTAN NAS DBYE BA LA BSTAN PA NI, BAG CHAGS DBYE BAS ZHES BYA BA STE, ,SHES PA'I BDAG NYID YIN PAS BZUNG BA'I RNAM PA NI BAG CHAGS KYIS BYAS PA YIN YANG DNGOS SU BA KHO NA YIN NO ZHES BYA BA'I DON TO, ,'DI LA YANG PHYI ROL GYI SHES BYA NI BDAG CAG GI YIN GYI, KHYED LA NI MED PA'I PHYIR JI LTAR SHES PA THA DAD PA YIN ZHES ZER BA NI, JI STE DER YANG ZHES BYA BA'O, ,YUL 'DI DANG 'BREL PA BZHIN DU 'DI MED PA KHO NA YIN PAR SHES PAR BSTAN PA NI, 'DIR DMIGS PA ZHES BYA BA'O, ,GZHAN DU ZHES BYA BA NI MA YIN NO ZHES BYA BAR SBYAR RO, ,'O NA DE LA ZHES BYA BA NI YUL 'DI DANG 'BREL PA LA'O, ,RTEN DANG CIG SHOS MA GTOGS PAR 'BREL PA MED NA, LOG PA DANG CIG SHOS LA THA DAD PA MED PAR BSTAN PA NI GAL TE

, ,'BREL PA LA'ANG ZHES BYA BA'O, ,BAG CHAGS NI DRAN PA'I SA BON MA YIN LA, SHES PA DAG GI 'BRAS BU DANG RGYU'I NGO BO BSGO BYA SGO BYED KYI NGO BOR 'GYUR ZHING RIM GYIS MA YIN PAR SKYES PA DAG DANG SKAD CIG PA RNAMS DANG, SEMS DANG RJES SU 'GRO BA MED PAR 'JIGS PA LA YANG NGO, ,BSGO BYA SGO BYED DAG LHAN CIG PA MA YIN PA'I PHYIR 'DI BAG CHAGS MED PA YIN NO ZHES ZER BA NI, JI STE SHES PA SKAD CIG PA, ,ZHES BYA BA'O, ,ZHIG PA NI SNGA MA BZHIN DU CHOS SNGA MA BAS YANG SNGA ROL DU MA SKYES PA'I PHYIR SGO BAR BYED PA MA YIN LA, SKAD CIG MA SNGA MA RNAMS KYIS MA SKYES PA'I SKAD CIG PA PHYI MA NI BSGO BYA MA YIN NO ZHES ZER BA NI, MA SKYES PA NI BSGO BAR BYA BA MA YIN LA ZHES BYA BA'O, ,SNGA MA RNAMS NI ZHIG PA'I PHYIR, ,PHYI MA DAG GIS BSGOS PA MIN, ,ZHES ZER BA NI, 'DAS PA'I DON YANG ZHES BYA BA STE, SGO BAR BYED PA MA YIN NO ZHES BYA BA LA YANG YANG GI SGRA YIN NO, ,LHAN CIG SKYE BA DAG LA YANG DES BSKYED PAR BYA BA MED PA'I PHYIR LHAN CIG PA YIN KYANG DE DAG LA 'BREL PA NYID YOD PA MA YIN PA'I PHYIR BAG CHAGS MED PAR ZHES ZER BA NI, LHAN CIG PA DAG KYANG ZHES BYA BA'O, ,BSGO BAR BYA BA DANG, SGO BAR BYED PA MA YIN NA SKAD CIG PA NYID NI BSGRUB BYA PHYIN CI LOG TU SGRUB PAR BYED PA YIN NO ZHES BSTAN PA NI BZLOG PAR SGRUB PAR BYED PA YIN NO ZHES BYA BA'O, ,DRAN PA'I SA BON GYI NGO BO'I BAG CHAGS KYANG BZUNG BA'I DBYE BAS KHYAD PAR CAN MA YIN PA NYID KYI 'DZIN PA'I DBYE BA SKYED PAR BYED PA YIN GYI NYAMS SU MYONG BA 'BA' ZHIG PA NI MA YIN TE, THA MI DANG PAR THAL BAR 'GYUR RO ZHES BSTAN PA NI, ,DRAN LA 'DZIN DBYE YOD CES BYA BA'O, ,SKAD CIG PA NYID DU RIM GYIS 'BYUNG BA NYID KYI PHYIR RGYU DANG 'BRAS BU'I NGO BO DANG, BSGO BYA SGO BYED KYI NGO BO YIN PAR BSTAN PA NI, SKAD CIG PA'I SEMS NGAG LA ZHES BYA BA STE, BSKYED BYA'I KHYAD PAR NI BSGO BYA'I MING CAN MA YIN PA'I PHYIR ZHES BYA BA'I DON TO, ,'DI RTAG PA LA MI SRID PAR BSTAN PA NI, DON 'THAD RTAG PA LA MA YIN, ,ZHES BYA BA'O, ,SKYE BA'I DI MA THAG TU 'JIGS PA'I GZHAN LA BYED PA MED PA YIN TE SKAD CIG PA YIN

PA'I PHYIR RO, ,GNYI GA LA YANG PHAN TSUN BYED PA MED DO SNYAM DU SEMS PA LA, BSGO BYA SGO BYED DNGOS PO 'DI, ,ZHES BYA BA'O, ,'JIG PA'I GNAS SKABS CAN NI PHYI MA'I SGO BYED MA YIN TE MED PA'I PHYIR RO, ,'JIG PAR 'GYUR BA'I DNGOS PO YANG 'JIG PAR 'GYUR BA GZHAN GYIS JI LTAR BSGO BYAR 'GYUR SNYAM DU SEMS PA LA, 'JIG PA SNGA MAS ZHES BYA BA'O, ,RGYU DANG 'BRAS BU MA GTOGS PA BSGO BYA SGO BYED KYI NGO BO NI BRTAN PA RNAMS NYID DU 'GYUR RO, ,GANG GI PHYIR, BRTAN PA'I DNGOS LA BSTAN DNGOS KYI, ,BAG CHAGS SGO BAR BYED PA YIN SNYAM DU SEMS PA LA, BRTAN PA'I DNGOS LA ZHES BYA BA SMOS TE, PHAN PA BYED PA MA YIN PA NI SGO BAR BYED PA MA YIN ZHES BYA BA'I DON TO, ,SHES PA NI RANG LAS THA MI DAD PA NI RNAM PAR 'GYUR BA BYED NA 'DU BYED PA NI BYED PA PO NYID YIN TE, THA DAD PA SKYED PA LA NI DE'I'O ZHES 'BREL PA MED PA'I PHYIR RO, , GZHAN GYI DGOS PA NYID RIGS PA YIN NO ZHES ZER BA LA, BRTAN PAR GNAS PA SNGA MA LA, ,ZHES BYA BA'O, ,KHYED KYI BLO NI SKAD CIG NA, ,RJES SU MTHUN NYID DE YOD MIN, ,YIN LA SNGA MA'I RJES SU 'JUG PA MA YIN NA PHYI MA 'DRA BA MA YIN NO SNYAM DU SEMS PA LA DE DANG RJES SU MTHUN ZHES BYA BA SMOS TE, SNGA MA NI PHYI MA'I RJES SU 'JUG PA RIGS PA MA YIN LA, 'DRA BA NYID NI THA DAD PA NYID DU RTOGS PA YIN TE, DE RTOGS PA'I YUL YIN PAR NGES PAR BYED CES BYA BA'I DON TO, ,DE MA THAG TU BSKYED PA NI 'BRAS BU NYID MIN LA, DE MA THAG TU NGES PA'I SNGON DU 'GRO BA NI RGYU NYID YIN TE, MA SKYES PA DANG SKYES BZHIN PA DANG, MTHONG BA RNAMS MED PA'I PHYIR RIGS PA MA YIN TE, SNGAR BYUNG BA THAMS CAD BYED PA PO NYID DU THAL BAR 'GYUR BA'I PHYIR RO, ,SNGA MA'I SHES PA MA SKYES PA'I, ,'BRAS BUR 'GAR YANG RTZOM MI BYED, ,DE LA 'JIG PA YOD MIN ZHING, , RDZOGS PA'ANG SKAD CIG GNAS PA YIN SNYAM DU SEMS PA LA, ,RNAMS SHES TSAD MAS DE TSE ZHES BYA BA STE RJES SU 'GRO BA LA SOGS PA LAS BYUNG BA'I RTOGS PAS RTOGS PA'I RGYUN GYI KHONGS SU GTOGS PA PA'I SKAD CIG MA RGYU NYID DU KHAS LEN NA, SNGA MA TZAM LA NI THAL CHES PA MA YIN NO ZHES

, ,BYA BA'I DON TO, ,DE'I PHYIR SKYES NAS 'JIGS PA'I PHYIR, ,SKAD CIG MA LA 'ANG RTZOM PA MED, ,CES BYA BA MI RIGS PAR BSTAN PA NI, DES NA SKYES NAS ZHES BYA BA'O, ,RJES SU 'GRO BA MED PAR 'JIG PA YIN NA SNGA MA'I NGO BO RJES SU 'JUG PA MED PA'I PHYIR 'DRA BA NYID MA YIN TE, RJES SU 'GRO BA MED PAR ZHIG PA'I PHYIR RJES SU MTHUN PA NYID GANG LAS YIN SNYAM DU SEMS PA LA, RJES 'GRO MED PAR ZHIG GYUR PAR, ,ZHES BYA BA'O, ,'DRA BA SKYED PAR BYED NYID KYIS, ,BAG CHAGS NYID YIN NAM TSAN NYID MI MTHUN PA DAG LA BSKYED PAR BYA BA DANG, SKYED PAR BYED PA DAG GI NGO BOR MI 'GYUR RO SNYAM DU SEMS PA NI GAL TE BA LAR ZHES BYA BA'O, ,LAN NI GZHAN GYIS BAR DU CHOD NA YANG ZHES BYA BA'O, ,MTSAN NYID MI 'DRA'I SHES PA KUN, ,MTSAN NYID MI 'DRA NYID MIN NA SNYAM DU SEMS PA LA, GLANG PO'I SHES PAS SNGA MA'I ZHES BYA BA'O, ,GANG GI LTA BA LA YANG KUN GZHI'I RNAM PAR SHES PA NI 'JIG PA'I RANG BZHIN GYIS 'JUG PA'I RNAM SHES RNAMS KYIS KUN GZHI LA BSGOS PA YIN LA, DE RNAMS BSKYED PA NA CIG CAR BSKYED PA'AM SNA TSOGS PA GCIG TU BSKYED PA YIN GYI RIM GYIS NI MA YIN TE, PHYI ROL GYI DON MED PAS LTOS PA MED PA'I PHYIR RO,, PHYI DON PHAN 'DOGS MIN PA'I PHYIR, ,GZHAN DON GYI DBANG MA BYAS PAS, ,RJES 'GRO MED PAR 'JIGS GYUR NA, ,'BRAS BU RIM GYIS JI LTAR BYED, ,CES BYA BA SE, GZHAN GYI DON GYI DBANG MA BYAS PA NI BSKYED PAR RANG BZHIN GCIG PA RNAMS SO, ,RGYU ZHIG NA NI 'DOD PA YI, ,'BRAS BU RTZOM PA GZHAN DU MIN, ,SHES PA 'DI NYID DU ZHIG NA, ,BAG CHAGS THAMS CAD 'JIG PAR 'GYUR, ,ZHES BYA BA STE BRTZAM PAR BYA BA JI SNYED YOD PA DUS GCIG KHO NA BRTZAM PAR BYA BA'O SNYAM DU SEMS PA LA, PHYI ROL MED KYANG SMON LAM GYI SEMS KYI KHYAD PAR LA SOGS PA RIM GYI 'BYUNG BA NI SHES PA RIM GYIS SKYE BA'I RGYU YIN PA'I PHYIR RGYUN CHAD MED PAR BSTAN PA NI, SHES PA GCIG NYID ZHIG PA YIS, ,ZHES BYA BA STE, BSAG CHAGS RNAMS KYI RIMS KYIS BYED PA'I LHAN CIG BYED PA GZHAN MA YIN ZHING, MTSAN NYID MI MTHUN PA'I RGYU GZHAN YANG MA YIN NA, GANG GIS

GZHAN DANG 'DRA BA'I 'BRAS BUR 'GYUR ZHES GSAL BA YIN NO ZHES BYA BA'I DON TO, ,MTHONG YANG GZHAN DANG GZHAN PA'I GNAS SKABS GZHAN NI SHING TOG PI DZA PU RA'I ME TOG LA RGYA SKYEGS KYIS BSGOS PA 'BRAS BU'I DUS SU GSAL BAR BYED PA NI, RGYU GCIG LA BYUNG BA YIN LA, GNAS SKABS GZHAN NA BSGOS PA MI MNGON PA KHO NA 'BRAS BU'I DUS SU MNGON PAR GSAL BAR BYED PA NI MA YIN TE, SNANG DU RUNG BA LAN BRGYA GSHAGS NA YANG DE'I GNAS SKABS NAM DMIGS PA'I PHYIR RO, ,DMIGS PAR BYA BA MA YIN PA DMIGS PAS DMIGS PA NI BAG CHAGS DE NYID YIN PAR BSTAN PA NI, ME TOG ZHIG PAR ZHES BYA BA'O, ,DMIGS PA MA DMIGS PA NI ZHIG PA YIN LA, DE'I NUS PA YANG BAG CHAGS YIN PA'I PHYIR DE LTA BU'I 'BRAS BU MA YIN NO, ,DE'I PHYIR 'DI MI BDEN TE, BI DZA PU RA'I SOGS ME TOG ,RGYA SKYEGS KHU BAS BSGOS PA GANG, ,DE YI DNGOS LA 'PHOS NYID YIN, ,BAG CHAGS 'BRAS BU LA GSAL 'GYUR, ,'O MA DANG CHUB LA SOGS PA BZHIN DU RGYUD GCIG PA NI 'BRAS BU RIM GYIS 'BYUNG BA'I RIM PA BYED PA'I SAD BYED YOD PA YIN NO ZHES DE'I PHYIR, 'DI DAG THAMS CAD LAS ZHES BYA BA LA SOGS PA GSAL BA YIN NO ZHES BSTAN PA NI, DE'I PHYIR 'DI DAG THAMS CAD LAS ZHES BYA BA'O, ,KUN GZHI ZHIG KYANG BAG CHAGS GZHAN LAS BYUNG BAR KHAS BLANGS PAS 'JUG PA'I RNAM SHES SKYE BAR 'GYUR RO, ,GAL TE RNAM SHES RGYU BZHIN DU, ,BAG CHAGS RNAMS KYI RGYU YANG NI, ,DE'I RJES BAG CHAGS LAS SHES PA, ,DE LAS KYANG NI BAG CHAGS YIN, ,ZHES BYA BA BSAL BA YIN TE, SHES PA'I BSKYED BYA SHES PA'I BDAG NYID KYI NUS PA'I BAG CHAGS KHAS BLANGS PA'I PHYIR RO ZHES BSTAN PA NI, BAG CHAGS LDAN RNAMS ZHES BYA BA STE, SHES PA LAS THA MI DAD PA YIN NA BAG CHAGS DANG SHES PA DAG THA DAD PA'I SKYON MED DO, , RES 'GA' DE DAG PHAN TSUN NI, ,MTSUNGS PA NYID NI BYED PA YIN, ,ZHES BYA BA BSTAN PA NI, BAG CHAGS LAS TE ZHES BYA BA'O, ,MTSAN NYID MI 'DRA'I RGYU GZHAN MIN, ,GANG GIS GZHAN 'DRA'I 'BRAS BU YIN, ,ZHES BYA BA LA SOGS PA YANG BSAL BA YIN NO ZHES BSTAN PA NI, NUS

, ,PA'I BDAG NYID CAN GYI RGYU ZHES BYA BA'O, ,DE'I PHYIR KUN RDZOB BDEN PA 'DI, ,BRTAGS PA YIN GYI DNGOS YOD MIN, ,ZHES BYA BA'ANG YID LDOG PA LA GNAS PA YIN GYI NGO BO LA GNAS PA MA YIN PAR BSTAN PA NI, DE'I PHYIR LDOG PA ZHES BYA BA'O, ,THA DAD PA MA YIN PA YANG BSTAN PA NYID KYIS BYED PA PO NYID YIN NO ZHES BYA BA BSAL BA YIN NO, ,'DI LTA BU YI DNGOS PO LAS, ,LA LAS 'BRAS BU SKYE BA MI NA, ,ZHES BSTAN PA NI, DE'I 'BRAS BU'I ZHES BYA BA'O, ,SHES BYED GANG GI LA GNAS PA, ,SHES PA GOMS PAS LDAN PAR 'GYUR, ,DE YI DE NI BAG CHAGS BRTEN, ,BAG CHAGS KYANG NI DE NYID YIN, ,ZHES BYA BA BSAL BA YIN PAR BSTAN PA NI, ,GANG DAG SHES BYED BRTAN PA DANG, ,ZHES BYA BA'O, ,DE'I 'DI LTAR BAG CHAGS MED PA LA RIGS PA RNAMS RGYAL BA CAN YOD PA YIN NO, ,RIGS PA MED CING YOD MIN BRTAGS YIN LA, , BAG CHAGS GANG YIN DON GYIS SEL BA 'DI, ,ZHEN LDOG DON DU SANGS RGYAS RNAMS KYIS GSUNGS, GZHAN DAG DE LA RNAM 'GAR 'DZIN PAR 'GYUR, ,ZHES BYA BA 'DI LA YANG LAN NI, RIGS PAS 'THAD PA'I ZHES BYA BA'O, ,NYON MONGS RGYA MTSO PHRAG DOG GI, ,RBA KLONG 'KHYIL BAR 'KHOR BA YI, ,'GRO RMONGS MTHONG LAS RGYAL BCAN, ,LAM DES SU ZHIG GROL MI 'GYUR, ,RNAM PA'I BAG CHAGS LAS RNAMS MA YIN NAM, SHES PA'I YANG DE YIN PA'I PHYIR LA DE LTA YIN DANG GNYI GA YANG SO SO BA NYID YIN NO ZHE NA DE'I PHYIR, RNAM PA'I RNAM DBYE BAS ZHES BYA BA SMOS TE, RNAM PA'I RNAM PAR DBYE BA YIN GYI SHES PA NI MA YIN PA DE'I PHYIR DBYE BA NI MED DO ZHES BYA BA'I DON TO, ,PHYIR ROL GYI DON NYID DANG BRAL NA RIG PA'I KHONGS SU GTOGS PA THA MI DAD PA'I DMIGS PA CAN GYI SHES PA DMIGS PA MED PAR BRJOD PA YIN PAR BSTAN PA NI, DE NYID KYI PHYIR ZHES BYA BA'O, ,RANG NYID CES BYA BA NI TSAD MA'I MTSAN NYID YIN PA'I PHYIR RO, ,TSAD MA'I 'BRAS BU NI SGRUB PAR BYED PA'I NUS PA LA BYUNG BA'O, ,'DI'I PHYIR YANG 'DI'O ZHES DPE MA GRUB PA MA YIN NAM ZHES ZER BA LA, RTZOD PA'I GZHI ZHES BYA BA STE, PHA ROL LA YANG GRUB PA KHO NA YIN NO, ,RMI LAM GYI GOMS

PA'I RJES SU 'GRO BA NYID YIN YANG GZHAN LA YANG GNOD PA MED PA DE CI LAS YIN ZHES ZER BA NI, JI LTAR KHYAB PA ZHES BYA BA'O, ,GOMS PA'I RJES SU 'GRO BA NYID LA GNOD PA'I DON CAN GYI GNOD PA NI MYUR DU NYAMS PA YIN GYI GZHAN GYI MA YIN PAR BSTAN PA NI, RIGS GANG ZHES BYA BA'O, ,RIGS GANG GANG LAS GRUB PA NI ZHES BYA BA'I RIGS PA BSTAN PA NI GUS PAR GOMS PA ZHES BYA BA'O, ,SKAD CIG GIS NYAMS PAS GNOD PA YIN NA GOMS PA'I RJES SU 'GRO BA NYID KYIS RMI LAM DU DE LA DMIGS PA MA YIN PA RANG LA DMIGS PA MA YIN GYI SHES PA NYID LA MA YIN NO ZHES ZER BA NI, GAL TE RMI LAM GYI ZHES BYA BA'O, ,SKAD CIG GIS NYAMS PA GNOD PAR GYUR PA NYID NI RMI LAM YIN GYI, GZHAN LA MA YIN NO ZHES ZER BA NI, RMI LAM MTHONG BA NI ZHES BYA BA'O, ,DE TSE DES SAM ZHES BYA BA NI RMI LAM DANG LDAN PA'O, ,GZHAN GYIS BYA BA NI SAD PA RNAMS KYIS SO, ,GNOD PAR BYED PA NI NYAMS PAR BYED PA STE, YUL MED PA'I SGO NAS DMIGS PA MED PA NYID RANG LA DMIGS PA NYID DU RTOGS PAR BYED NA GOMS PA'I RJES SU 'GRO BA NYID DU GO BAR BYED PA YIN GYI MED PA NYID DU MA YIN NO ZHES ZER BA NI, GNOD BYED SHES PAS ZHES BYA BA'O, ,GOMS PA'I RJES SU 'GRO BA NYID NI RJES SU 'GRO BA LA SOGS PA LAS YIN GYI, GNOD PAR BYED PA LAS MA YIN PAR BSTAN PA NI, GNOD BYED SHES PAS ZHES BYA BA LA SOGS PA'O, ,GZHAN DAG GIS MA MTHONG BA NYID GNOD PAR BYED BA MA YIN ZHING MI DMIGS PA NYAMS PAR BYED PA MA YIN LA DE'I PHYIR SKYES NAS 'JIG PA YIN PAR MI RIGS PAR BSTAN PA NI, DNGOS PO MED PAR ZHES BYA BA'O, ,'GAL BA'I SHES PA GNOD PAR BYED PA YIN NO ZHES BYA BA 'DI YANG MI DMIGS PA NYID KYIS BYAS PA YIN PAR BSTAN PA NI, 'GAL BA MED PAR ZHES BYA BA'O, ,RIGS PA'I 'BRAS BU NI STOBS LA LTOS PA YIN GYI RANG DBANG BA NI MA YIN NO,, DE'I PHYIR KHYAD PAR MED DO ZHES ZER BA NI DES NA JI LTAR ZHES BYA BA STE, DE LAS KYANG ZHES BYA BA NI RIG PA LA SOGS PA NYID LAS ZHES BYA BA'I DON TO, ,RANG DBANG NI TSAD MA MA YIN PAS KHYAD PAR DU BYED PA NYID MA YIN PAR BSTAN PA NI, 'BRAS BUS ZHES BYA BA'O, ,RIG PA BZHIN DU 'BRAS BU NYID KYANG

, ,RANG DBANG NYID YIN NO ZHES ZER BA NI, RIG PA MED PAR ZHES BYA BA'O, ,'BRAS BU NYID NI RANG DBANG MA YIN GYI RANG RIG PA NI YIN NO ZHES BSTAN PA NI, RANG RIG PAS ZHES BYA BA'O, ,RIG PA YANG DE NYID KYIS SKYED PAR BYED PA NYID KYIS SO ZHES BSTAN PA NI, DE NAS 'BRAS BU BZHIN DU ZHES PA'O, ,DE MA THAG PA'I KHYAD PAR GYI SKYED PAR BYED BA NYID LA SOGS PA DNGOS SU BA MA YIN PAR BSTAN PA NI, DON RIG CES BYA BA'O, GANG ZHIG GZHAN GYI NGO BO 'DZIN PAR BYED PA NYID KYI RANG NYID 'DZIN PAR BYED PA NYID GANG YIN PA DE NI SAD PA'I SHES PA LA YANG MTSUNGS PAR BSTAN PA NI, DE YANG SHES PA ZHES BYA BA'O, ,NYAL BA ZHES BYA BA NI GNYID 'ONGS SNGA ROL DU'O, ,LANGS PA ZHES BYA BA NI SAD PA NA STE DE'I TSE NA DE DANG BRAL BA'I SEMS RANG NYID RIG PA YIN NO, ,DE LTAR 'GYUR ZHES BYA BA NI SAD PA LA SOGS PA'I RNAM PAR DBYE BA'O, ,RMI LAM NI SKAD CIG GIS NYAMS PA'I PHYIR DE LAS GZHAN PA'I YIN ZHING, GZHAN LAS KHYAD PAR MA YIN NAM SAD PA'I SHIN TU NGES PA'I BLO YIN PA'I PHYIR, GNOD PAR BYED PA'I SHES MED NA, ,SHES PA NGES PAS DE DAG LA, ,TSAD MA LTAR SNANG NYID MED PA, ,DE'I PHYIR STOBS NI BSTAN PA YIN SNYAM DU SEMS PA NI, DER RNAM PAR MI GNAS PA ZHES BYA BA'O, ,RNAM PA'I RNAM PAR DBYE BA LAS BAG CHAGS KYI DBYE BA RTOGS PA 'DI NI KHYAD PAR LAS KYANG SKAD CIG GIS NYAMS PA LA SOGS PA'I SKYED BYED KYI KHYAD PAR NI BSTAN PA LA SOGS PA NYID DU GO BA YIN GYI PHYI ROL YOD PA DANG MED PA NI MA YIN PAR BSTAN PA NI, BAG CHAGS BSTAN PA YIN GYI ZHES BYA BA'O, ,YID DU 'ONG BA LA SOGS PA MTHONG BA NI YID DU 'ONG BA LA SOGS PA DMIGS PA'O, ,DE 'DI NI MNGON SUM LA SOGS PA'I YUL PHYI ROL NYID DU GNAS PA STE, DE DGAG BYAS PA DE YI PHYIR, ,DE LTAR NA PHYOGS LA GNOD 'GYUR, ,ZHES BYA BA PHYIN CI LOG YIN TE, GANG GI PHYIR BAG CHAGS KYI BSKYED BYA'I RNAM PA LAS RANG NYID KYI RIG BYA'I DMIGS PA GZHAN MA MTHONG NGO, ,GAL TE DMIGS PA MED PA NYID KYI RJES SU DPAG PA DANG, DE'I RTZA BA PHYOGS DANG, CIG SHOS KYI SHES PA RANG GI CHA LA DMIGS PA MA YIN TE, 'DOD PA GRUB PA'I PHYIR

DMIGS PA YIN PAS SNA TSOGS PA'I DMIGS PA YIN NO ZHES ZER BA NI, GAL TE RMI LAM DANG RMI LAM MA YIN PA ZHES BYA BA'O, ,THA DAD PA GANG GI SGRUB BYED YIN PA DE RJES SU DPAG PA YIN PA'AM THA DAD PA'I SGRUB BYED KYI MNGON SUM YIN TE, GZHAN DU NA THUG PA MED PA'I PHYIR RO, ,MNGON SUM DMIGS PA MED PA YIN, ,ZHES ZER BA NI, JI STE TSAD MA MA YIN NA, ,ZHES BYA BA'O, ,RJES SU DPAG PA'I PHYOGS LA ZHES ZER BA NI, DMIGS PA MED PA NYID JI LTAR GRUB CE NA ZHES BYA BA'O, ,DON RANG GI NGO BOS SNANG BA'I PHYIR RJES SU DPAG PA DMIGS PA MED KYANG MI SLU PA YIN PA'I PHYIR RJES SU DPAG PA TSAD MA YIN PAR BSTAN PA NI, DE TSAD MA NYID YIN PAS ZHES BYA BA'O, ,YANG DAG PA NYID 'DI YIN YANG, ,RNAM PA DAG KHYOD MI 'DOD PA, ,ZHES BYA BA 'DI BSAL BA YIN NO, ,DE DMIGS PA DANG BCAS PA NYID YIN NA DE BZHIN DU GZHAN YANG YIN NO ZHES BYA BA'I RIGS PA MTSUNGS PAS THAMS CAD DMIGS PA DANG BCAS PA NYID DAM YANG NA 'DI YANG YIN NO ZHES ZER BA LA GAL TE RMI LAM DANG ZHES BYA BA'O, ,DE LA DMIGS PA NYID YIN NA YANG JI LTAR THA DAD PA 'GRUB PA YIN ZHES ZER BA LA, DE GNYIS THA DAD CES BYA BA LA SOGS PA STE, MI BSLU BA CAN GYI NGES PA THA DAD PA'I SGRUB BYED NI MI SNANG NGO ZHES BYA BA'I DON TO, ,'DI ZHES ZHES BYA BA NI MTSUNGS PA NYID DU SEMS PA'O, ,DON DAM PAR MI MTHUN PA NYID MED PA KHO NA DPE LA DPE CAN GYI'O ZHES BSTAN PA NI DE NAS PHYIS ZHES BYA BA STE, SNGAR SNANG BA'I KHYAD PAR LAS MA YIN GYI 'JIG RTEN LAS YIN NO ZHES BYA BA'I DON TO, , 'JIG RTEN LA GRAGS PA THA DAD PA'I RJES SU DPAG PA YIN PAR BSTAN PA NI, GAL TE NYES PA YOD NA ZHES BYA BA'O, ,DON DAM PAR GRUB PA NI RJES SU DPAG PA 'JUGS PA LA GNOD PA YIN PAR BSTAN PA NI, GAL TE TSAD MA MED PA NA, ,ZHES BYA BA'O, ,DE LTA MA YIN NA ZHES BYA BA NI GAL TE TSAD MA MA YIN NA ZHES BYA BA'AM RIG BYED MA YIN PA'O, ,'DI NYID 'JIG RTEN LA GRAGS PA YIN PAR BSTAN PA NI, DE LTA NA 'O NA ZHES BYA BA'O, ,PHYI MA DON DAM PAS LNGA MA 'JIG RTEN LA GRUB PA LA GNOD NA THAMS CAD RJES SU DPAG PA NYID DU MI 'BYUNG BAR BSTAN PA NI, CHOS CAN THUN MONG BA

, ,NYID DU, ,RTOGS PA GANG YIN TSAD MA MIN, ,DE LTAR YIN DANG DE LTA BU'I, ,SGO CAN PHYI ROL GZHAN YANG MIN, ,ZHES BYA BA LA DE'I PHYIR GZHAN YANG MIN PA NI RJES SU DPAG PA YIN YANG NGO, ,DE LTA BU'I SGO CAN TSAD MA MA YIN PA'I CHOS CAN RTOGS PA'I SGO CAN NI TSAD MA MIN ZHES BYA BAR SBYAR RO, ,THA MI DAD PA BSGRUB PA NI, DPE LA SOGS PA'I THA DAD PA DANG 'GAL BA CAN YIN GYI 'PHEL BA LA NI MA YIN NO ZHES ZER BA NI, GAL TE DE'I ZHES BYA BA'O, ,'DI LA YANG TSAD MA DANG CIG SHOS NYID THUN MONG BA DANG THUN MOG MA YIN PA'I TSAD MA NYID DANG 'GAL BA NYID YIN PAR BSTAN PA NI, RANG BZHIN TSAD MA NYID CES BYA BA'O, ,DE LA NI CHOS CAN LA'O, ,DE DANG BRAL BA NI ZHES BYA BA NI BSGRUB PAR BYA BZHIN PA NYID KYI KHYAD PAR DANG BRAL BA NI SPYIS 'DZIN PA YIN GYI TSAD MA NI MA YIN NO, ,DE LAS BZLOG PAR 'DZIN PA NA ZHES BYA BA NI KHYAD PAR LAS BZLOG PAR 'DZIN PA LA'O, ,DE LAS BZLOG PA'I GZHAN BYA DRUNGS PHYUNG NA ZHES BYA BA NI KHYAD PAR LAS BZLOG PA'I GZHAN BYA DRUNGS PHYUNG NA STE GNOD PA NA'O, ,RANG GI NGO BO NYID KYIS TE SNGA MAS MA BZUNG BA NI SNGA NAS YOD PA'O, ,'GA' ZHIG CES BYA BA NI SPYI'I CHA'O, ,SPYI'I DANG KHYAD PAR DAG GI DBYE BA YIN NA GZHAN DANG GCIG TU 'DZIN PA MA YIN PAR ZER BA NI CHOS THA DAD PAR ZHES BYA BA'O, ,GZUNG BA'I SPYI DANG 'GAL BA CAN MA YIN PA'I KHYAD PAR SGRUB PAR BYED PA BZHIN DU SGRO BTAGS PA'I THA DAD PA'I 'GAL BA CAN YIN LA, THA MI DAD PAR SGRUB PAR BYED PA 'GAL BA CAN MA YIN PAR BSTAN PA NI, THA DAD PAR NI ZHES BYA BA'O, ,RNAM PAR DBYE BA ZHES BYA BA'I BSHAD PA NI, CHOS CAN DU BYED PA ZHES BYA BA STE, THA MI DAD PAR RIG PA RGYU DANG 'GAL BA YIN NA JI LTAR 'BRAS BU THA DAD PA SGRUB PAR BYED PA YIN ZHES BYA BA'I DON TO, ,SHES PA NYID DMIGS PA DANG BCAS PA LAS GNOD PAR BYED PA MI DMIGS PAS BZLOG PA NI DMIGS PA MED PA NYID KYIS KHYAB PA YIN NO ZHES BSTAN PA NI JI LTAR RMI LAM GYI SHES PA DANG KHYAD PAR MED PA'I PHYIR ZHES BYA BA STE, 'BREL PA'I PHYIR ZHES BYA BA DANG GZHI MTHUN PA'O, ,DE NYID DMIGS PA MED PA NYID YIN NO ZHES BYA BA NI YOD PA DANG MED PA NYID LAS

RNAM PAR GROL BA NYID CES BYA BA'I DON TO, ,'GAL BA MI 'KHRUL PA CAN NYID NI MA YIN TE, NUS PA MI MTSUNGS PA'I PHYIR RO ZHES BSTAN PA NI DMIGS PA DANG BCAS PA NYID CES BYA BA'O, ,GZHAN PA'I SKYES BU GZHAN GYI'O, ,DMIGS BZHIN PA NYID DMIGS PA YIN PAR RMI LAM LA YANG YIN PA'I PHYIR 'BREL PA MTSUNGS PA YIN NO ZHES ZER BA NI, DE LA YANG ZHES BYA BA'O, ,THAMS CAD KYI TSE MED PAR 'GYUR RO ZHES BYA BA NI DU BA'O, ,KING SHU KA'I PHUNG PO NI DU BA MI BYED KYANG RANG GI BYA BA BYED PAS YOD PA KHO NA YIN GYI RMI LAM GYI MTHA' CAN NI MA YIN NO ZHES ZER BA NI, KING SHU KA'I PHUNG PO BZHIN DU ZHES BYA BA'O, ,RNAM PA DE LTA BU ZHES BYA BA NI 'JIG RTEN LAS 'DAS PA'O, ,RNAM PAR SHES PA NYID DO ZHES BYA BA NI BDE BA LA SOGS PA BZHIN DU RIG PA TZAM DON YIN PA NYID KYI PHYIR RO, ,RIG PA TZAM GYI DON CAN GYI BDE BA LA SOGS PA YANG PHYI ROL GYI DON CAN GYI DON YIN NO ZHES ZER BA NI, DON GYI RANG BZHIN NYID CES BYA BA'O, ,GOMS PA'I STOBS KYIS BYUNG BA NYID NI, PHYI ROL GYI NYE BAR LEN PA CAN GYI MIG LA SOGS PA LA YANG YOD PAS RANG GI RTOGS PA'I KHYAD PAR YIN PA'I PHYIR, RANG GI RTOGS PA NYID DON NYID LA 'GAL BA'I 'BRAS BU YIN PAR BSTAN PA NI, MA YIN TE NANG GI BYED PA LA RAG LAS PAR ZHES BYA BA STE, SHES PA'I BYED PA LA NGAG LAS PA NYID KYI'O, ,SAD PA LA YANG THAMS CAD DE LA RAG LAS PA NYID YIN PAR BSTAN PA NI, DE LTAR YANG BLO TZAM DU ZHES BYA BA'O, ,RIG PA LA NI DON GZHAN NYID KHYAD PAR BYED PA 'GAL BA YIN PAR BSTAN PA NI, RANG BZHIN DE NI ZHES BYA BA'O,, DE BZHIN DU GZHAN YANG ZHES BYA BA NI 'KHRUL PAR 'DOD PA'I SHES PA'I DON YANG NGO, ,DE BZHIN DU MIG LA SOGS PA YOD NA GZHAN GYI SHES PA LA YANG SRID DO ZHES ZER BA NI, 'ON TE PHA ROL DAG GIS KYANG ZHES BYA BA'O, ,GOMS PA'I KHYAD PAR LAS 'CHOL BA DANG CIG SHOS LA SOGS PA'I KHYAD PAR YIN GYI, DON YOD PA DANG CIG SHOS LAS MA YIN PA BSTAN PA NI, GOMS PA'I BYE BRAG GIS ZHES BYA BA'O, ,DES NA ZHES BYA BA NI MNGON SUM GYIS SO, ,RANG NYID LAS TSAD MA MA YIN PA RNAM PAR RTOG PA LA 'BREL PA LAS TSAD MA NYID NI RTOG PA GZHAN GYI GO BYA YIN TE, 'BREL PA

, ,GZHAN NYID LAS YIN PA NI THUG PA MED PA YIN PAR BSTAN PA NI, 'DI LAS YANG PHYOGS NYID DO ZHES BYA BA'O, ,RNAM SHES PHYI ROL GYI BSKYED BYA YIN PAR ZER NA BAG CHAGS KYI BSKYED BYA YIN PAR GNYI GA LA GRUB PA'I PHYIR KHAS BLANG BAR 'OS PA YIN NO ZHES DE DAG TZAM BRJOD BYA YIN GYI BSGRUB BYA MA YIN NO ZHES BSTAN PA NI, PHYI DANG RGYU 'BRAS ZHES BYA BA'O, ,BAG CHAGS LAS SKYE BA NYID DU MA GRUB KYANG SNGON PO LA SOGS PA NI SHES PA NYID YIN TE, BDE BA BZHIN DU RANG RIG PA'I PHYIR RO ZHES BSTAN PA NI, BAG CHAGS KYIS BSKYED PA MED KYANG ZHES BYA BA'O, ,SNGON PO NI RIG PA'I DUS TZAM LA YOD PAS DE DAG THA MI DAD PA'I PHYIR SAD PA NA YANG RMI LAM DANG MTSUNGS PA YIN PAR BSTAN PA NI, DE DANG MTSUNGS PA'I PHYIR ZHES BYA BA'O, ,RJES SU DPAG PA'I DUS NA 'BREL PA 'DZIN PA MA YIN TE, DE'I PHYIR 'BREL PA GZUNG BA YIN PAR BSTAN PA NI, RJES SU DPAG PA'I DUS NA ZHES BYA BA'O,, BAR DU CHOD PA'I ME'I BSKYED BYA DU BA BZHIN DU BAR DU CHOD PA'I GOMS PA'I SAD PA YIN PAR BSTAN PA NI, BSGOM PA CHOD PAR GYUR NA YANG, ,ZHES BYA BA'O, ,SAD PA NA MTHONG BA CUNG ZAD NYID NI DE LTA BU GOMS PA'I BSKYED BYA YIN GYI, SKYE BA'I DANG PO LA MTHONG BA YANG NI MA YIN NO SNYAM DU SEMS PA LA, DE YANG SKYE BA SNGA MA LA GOMS PA DRAN PA NYID LOG PA'I DE MA THAG TU RMI LAM MTHONG BA YIN PAR BSTAN PA NI, SKYE BA GZHAN SOGS MTHONG BA YANG, ,ZHES BYA BA'O, ,'CHI BA'I GNYID NI GNYID LOG PA'O, ,RMI LAM NI MTHONG BA'O, ,DON MTHONG BA ZHES BYA BA NI SKYE BA 'DI LA'O, ,PHYIS KYI NI MTSAN MO NI MA RIG PA'I MTSAN MA'O, ,DES CHOD PA NI BSGRIBS PA'O, ,NYIN MO NI 'OD GSAL BA'I RANG BZHIN GYI SEMS TZAM NYID GANG GI YIN PA DE YANG DE YIN LA, RMI LAM BZHIN DU DE KHO NA NYID 'JUG PA MED PAS MTHONG BA'I THA SNYAD MED PAS 'JIG RTEN PA YIN NO, ,RMI LAM DU MTHONG BA GOMS PA LAS BYUNG BA NYID DU BSGRUB NAS 'DI LAS KHYAD PAR MED PA'I PHYIR, GNYID KYI DUS NA 'BYUNG BA NYID BSAL BA NI MA YIN TE, GOMS PA'I KHYAD PAR LAS ZHES BYA BA'O, ,'DI YANG ZHES BYA BA NI SAD PA'I'O, ,DMIGS PA DANG BCAS PA NYID DU DAM BCAS PA NI MNGON SUM DANG 'GAL BA YIN TE, SGRA NI MNYAN

PAR BYA BA MA YIN NO ZHES ZER BA LA, GNOD PAR BYED PA'I SHES PA NI, ,ZHES BYA BA STE, MNGON SUM SNGON DU 'GRO BA CAN GYI RJES SU DPAG PA NI DE DANG 'GAL BAS TSAD MA MA YIN NO ZHES ZER NA, DE SNGON DU 'GRO BA CAN NI MNGON SUM DANG 'GAL BA YIN NA NI MA YIN NO ZHES BYA BA 'DI YANG DAM BCA' BAR 'GYUR RO, ,DE'I PHYIR RJES SU DPAG PA NI MNGON SUM TZAM DANG 'GAL BA CAN MA YIN NO ZHES BYA BA'I DON TO, ,KHYED LA YANG BSGRUB BYA DANG SGRUB BYED DAG PHAN TSUN BSTEN PA DAG JI LTAR MA YIN TE, MNGON SUM YIN PA'I PHYIR DANG, ,GZHAN GYI BSGRUB BYA MA YIN PA'I PHYIR RO ZHES BSTAN PA NI, 'DI NI BSHAD ZIN TE ZHES BYA BA'O, ,'BYUNG BAR 'GYUR BA MYONG BA NYID YIN NO ZHES BSTAN PAS DE YANG TSAD MA NYID YIN PAR TSAD MAS GRUB PA MA YIN PAR BSTAN PA NI, DE YANG THOG MA MED PA ZHES BYA BA'O, ,LONG BA BRGYUD PA LAS 'ONGS PA JI LTAR TSAD MA NYID YIN ZHE NA, MI SLU BA LAS YIN PAR BSTAN PA NI, DE YANG MI SLU BA LAS ZHES BYA BA STE, LHAG PAR ZHEN PAR BYA BA DANG PHRAD PA'I TSAD MA NYID NI LHAG PAR ZHEN PA DANG PHRAD PA DAG GI YUL GCIG NYID LA THA SNYAD RTOGS PA NA, SHES PA YIN ZHES BYA BA'I DON TO, ,RANG GI NGO BO'I YUL LA ZHES BYA BA NI MI GSAL BA LA'O, ,DE LA ZHES BYA BA NI SHES PA'I RANG GI NGO BO LA'O, ,DE'I ZHES BYA BA NI RJES SU DPAG PA'I'O, ,MNGON SUM NYID CES BYA BA NI RANG GI RIG PA'I NGO BO'O, ,GNOD PAR BYED PA'I RJES SU DPAG PA YANG RANG RIG PA'I MNGON SUM LA NI MA YIN TE, LKOG TU GYUR PA'I YUL CAN NYID KYI YUL MTSUNGS PA MA YIN NO ZHES ZER BA LA DES NA, RJES SU DPAG PAS ZHES BYA BA SMOS SO, ,LKOG TU GYUR PA LA YANG YUL MTSUNGS PA NYID JI LTAR YIN TE, MNGON SUM MI BYED PA'I PHYIR RO SNYAM DU SEMS PA NI, JI LTAR LKOG TU GYUR PA LA ZHES BYA BA'O, ,'JUG PAR BYED PA NYID KYIS YIN GYI 'DZIN PAR BYED PAS NI MA YIN NO ZHES BYA BA NI 'DZIN PA DANG ZHEN PA DAG MED NA 'JUG PAR BYED PA NYID MED PA'I PHYIR MI RIGS SO SNYAM DU SEMS PA LA, 'DI LTAR THA DAD PA'I ZHES BYA BA'O, ,RJES SU DPAG PAS GNOD ZHES BYA BA NI NGES PA TZAM GYIS NI MA YIN TE, MI 'DZIN PA'I PHYIR DANG, 'BREL PA MED PA'I PHYIR RO ZHES BSTAN PA YIN NO, ,DE'I PHYIR RJES

, ,SU DPAG PA NI 'DZIN PAS GTZO BO MA YIN TE, NGES PA LAS ZHES BRJOD PAR BYA'O, ,DE YANG DE MED NA YANG MA YIN TE, GOMS PA 'DZIN PA NYID KYIS 'JUG PA'I PHYIR DE NYID NGES PA'I SO SO PA'I THABS YIN LA, RJES SU DPAG PA LA YANG SNGAR 'JUG PA'I NUS PA LAS YIN NO ZHES BYA BA'I DON TO, ,LKOG TU GYUR PA'I DON GYI RJES SU DPAG PA NI DE MED PA'I RJES SU DPAG PA MNGON SUM LAS BYUNG BAS GNOD PA YIN TE, RNAM PAR RTOG PA TZAM LAS BYUNG BA'I PHYIR RO ZHES ZER BA LA, DE NI LONG BA BRGYUD PA LAS BYUNG BA'I ZHES BYA BA'O, ,RANG RIG PA'I MNGON SUM LAS BYUNG BA PHYI ROL MED PA'I RJES SU DPAG PA MA DMIGS PA GANG YIN PA NI RANG RIG PA GNYIS LAS BYUNG BA'I THA SNYAD PA DE NI GOMS PA LAS MNGON SUM YANG YIN LA, MNGON SUM RTZA BA YIN PA'I PHYIR GNOD PAR BYED PA MA YIN PA NYID DU BSTAN PA NI, MNGON SUM DANG DES BSLANG BA'I RJES SU DPAG PA DAG LA NI ZHES BYA BA'O, ,PHYI ROL GYI RJES SU DPAG PA 'BA' ZHIG NI DE MED NA GNOD PA MA YIN TE, LOG PAR 'DZIN PA'I PHYIR RANG RIG PA'I RJES SU DPAG PA YANG ZHES RGOL BA SNGON DU 'GRO BAS BSTAN PA NI, GAL TE MNGON SUM YANG ZHES BYA BA'O, ,DE'I PHYIR MNGON SUM MA YIN PA NYID KYIS RJES SU DPAG PA LA SOGS PA'I YUL MA YIN PA'I PHYIR, MNGON SUM LA SOGS PA'I YUL YANG PHYIR ROL MA YIN PA NYID DU GNAS PA YIN NO, ,DE DGAG BYAS PA DE YIN PHYIR, ,DE DAG PHYOGS LA GNOD PAR 'GYUR, ,ZHES ZER BA MI RIGS PAR BSTAN PA NI, DES NA SHES PA THAMS CAD CES BYA BA'O, , DE LTA YIN NA DPE DES ZHES BYA BA NI GNOD PA'I BLO'I DPES SO, ,DE RANG GI NGO BO MA YIN PA LA DMIGS PA YID KYIS PHYI ROL MA YIN PA NYID RIG PA YIN NO, ,DE'I PHYIR, BSLAD PA'I SHES PAS GZUNG BA'I DON, ,DGAG PAR YANG NI RIGS PA YIN, ,BZUNG BA TZAM LA GNOD BYED NA, ,RANG GI PHYOGS KYANG 'GRUB MI 'GYUR, ,ZHES BYA BA NI LEGS PAR SMRAS PA MA YIN TE, DMIGS PA MED PAR DE NYID DU DMIGS PA'I BLO RNAMS KYI SHES PA NYID DMIGS PA MED PA NYID DU MA NGES PA YIN TE, DE RNAMS DMIGS BCAS NYID YIN NA'ANG, ,DE DAG GIS NI MA NGES 'GYUR, ,ZHES ZER BA CI GAL TE DMIGS

PA MED PA NYID CES BYA BA'O, ,SAD PA'I BLO DMIGS PA DANG BCAS PA NYID YIN NA CIG SHOS DMIGS PA DANG BCAS PA NYID DU THAL BAR 'GYUR BZHIN DU 'DI YANG DE LTAR 'GYUR BA NI MA YIN NO, ,RANG GI CHA LA NGES PA GNOD PAR BYED PA'I MNGON SUM GYIS RJES SU GZUNG BA'I SHES PA DMIGS PA DANG BCAS PA NYID YIN NO, ,GZHAN YANG DE LTA NI MA YIN TE, THAL CHES PA'I PHYIR RO ZHES BSTAN PA NI, GAL TE MNGON SUM SNGON DU 'GRO BA CAN YIN PA'I PHYIR ZHES BYA BA STE, THAMS CAD SGRUB PAR BYED PA'I BLO, ,GAL TE 'KHRUL 'DOD DE YI PHYIR, ,JI LTAR 'DOD BZHIN KUN MED PA'AM, ,MA TSANG LA SOGS THAL BAR 'GYUR, , ZHES BYA BA'I DON TO, ,MNGON SUM GYIS GRUB PA LA YANG 'DI DE TSAD MA YIN TE, LTOS PA MED PA'I PHYIR ZHES SMRA BA POS GZHAN DAG LA SMRA BA NI DE LTA BU'I THA SNYAD YIN PAS TSAD MAR BRJOD PA DES DON SGRUB PAR BYED PA YIN NO ZHES ZER BA LA, 'DI THA DAD PA ZHES BYA BA SMOS TE, THA DAD PA NI RANG LAS SO, ,DMIGS PA MED PA NYID KYI THA SNYAD LA TSAD MAR THA SNYAD 'DOGS PA'I RGYU MTSAN BSTAN PA NI, GZHAN LAS ZHES BYA BA'O, ,THA SNYAD KYI NGO BO'I BLO YANG BDAG CAG GI NI YUL LA DMIGS PA NYID YIN NO ZHES ZER BA NI, GAL TE DE YI RANG BZHIN ZHES BYA BA'O, ,KHO BO CAG GI YANG MI BSLU BA LAS DE LTA BU'I THA SNYAD YIN GYI DMIGS PA NYID LAS MA YIN PAR BSTAN PA NI, DE LA MI BSLU BA'I PHYIR RO ZHES BYA BA STE, JI LTAR 'DOD PA DANG PHRAD PA NI MI BSLU BA YIN GYI DMIGS PA NI MA YIN NO ZHES BYA BA'I DON TO, ,DMIGS PA MED PAR YANG DE LA DMIGS PA CAN GYI BLO YIN LA, DE NYID KYI PHYIR RIG PAR BYA BA DANG RIG PAR BYED PA'I RNAM PA 'DI LA MED DO ZHES BYA BA NI GNAS SKABS KYI RJES SU DPAG PA LA DGOS PA MA YIN PAR BSTAN PA NI, RIG BYA BA'I DNGOS PO MED PA KHO NAR ZHES BYA BA'O, ,RIG PAR BYA BA MED KYANG RIG PAR BYED PA NI RIG PAR BYED PA KHO NA YIN PAR BSTAN PA NI RIG PAR BYED PA LTA BU'I RNAM PA GANG LA YOD PA DE NI RIG PAR BYED PA'I RNAM PA YIN NO, ,RIG PAR BYED PA MED NA DE DANG 'DRA BA JI LTAR YIN ZHES ZER BA LA, 'KHRUL PAS ZHES BYA BA STE, THOG MA MED PA'I 'KHRUL PA BAG CHAGS KYIS SGRO BTAGS PA'I RIG PAR BYED PA ZHES BYA BA'I DON TO, ,DES NA ZHES BYA BA NI DE NYID LA TSAD MA YIN BA'O, ,DE'I PHYIR MNGON SUM LA

, ,SOGS PA'I YUL PHYI ROL KHO NAR GNAS PA YIN, DE DGAG BYAS PA DE YI PHYIR, ,DE DAG PHYOGS LA GNOD PAR 'GYUR, ,'ON TE 'DI NI SHES PA'AM, ,LAS DANG YOD PA SOGS YOD 'GYUR, ,ZHES BYA BA LA SOGS PA BSAL BA YIN PAR BSTAN PA NI, DMIGS PA DANG BCAS PA NYID NI ZHES BYA BA STE DNGOS SU BA'O, ,BDE BA'I DUS SU DKAR PO LA SOGS PA DMIGS PA KHO NA MA YIN NAM ZHES ZER BA LA THOB PAR BYA BA'I RANG BZHIN ZHES BYA BA SMOS SO, ,THOB PAR BYA BA NI 'JUG PA'I YUL TE DMIGS PA YIN GYI CIG SHOS NI MA YIN TE, ,THOB PA LA 'JUG PA MED PA'I PHYIR RO, ,SNANG BA NI RTOGS PA STE THOB PA NYID DO, ,DE LTA MA YIN NA ZHES BYA BA NI DUS MTSUNGS NA'O, ,YANG DANG YANG ZHES BYA BA NI GLANG PO CHE'I ZHES BYA BA LA SOGS PA'I SHES PA BZUNG BA'I DON DU'O, ,JI LTAR ZHE NA THOB PA'I PHYIR RO, ,YUL DU MA BYAS PA LA KHYAD PAR MED PA'I PHYIR THAMS CAD LA 'GYUR RO ZHES ZER BA LA, RGYU DANG 'BRAS BU'I DNGOS PO 'DI ZHES BYA BA'O, ,'BRAS BU'AM RGYU YANG MTHONG NAS NGES PA NI MA GOMS PA NA RANG GI RGYU'I NUS PA NYID KYIS DE LTAR NGES PA'I RGYU DE'I BAG CHAGS DANG GOMS PAS KYANG NGES PA KHO NA BYED PA YIN TE, SHES PA GZHAN YIN PA'I PHYIR RANG GO NGO BO SHES PA TZAM LAS THOB PA'I SHES PA YANG MA YIN TE, 'JUG PA'I DON YOD PA'I PHYIR RO ZHES BYA BA NI RGYAL BA CAN GYI'O, ,RIG PAR BYA BA DANG RIG PAR BYED PA'I RNAM PA 'DI LA MED DO ZHES BYA BA YANG SNGA MA DANG PHYI MA DANG DE'I TSE YANG RIG PAR BYED PA PO'I RIG PA MED PA LA THA DAD PA LA SOGS PA MED PAR BRJOD PA YIN PAR BSTAN PA NI, YANG NA ZHES BYA BA'O, ,THOB PAR BYA BA'I DON BYED PA'I MTHA'I SKAD CIG NI DON BYED PAR RIG PA'I DUS SU GTOGS PA'I NGO BO YANG BYED PA PO YOD PA YIN PAR KHYAD PAR MED PA'I PHYIR ZHES BSTAN PA NI DUS MNYAM PA YANG ZHES BYA BA'O, ,'DI LTAR BRJOD PA'I MTSUNGS PA NI SAD PA'I SHES PA LA YANG NGO, ,RNAM PAR PHYE BA'I MTSAN NYID NI RMI LAM DANG CIG SHOS TSAD MA DANG CIG SHOS LA SOGS PAS SO, ,DE LTAR RNAM PAR PHYE BA YANG RIG BYA MA YIN PA LA SOGS PA'I RNAM PA CI LAS SHES ZHES ZER BA LA, BZUNG BA DANG ZHES BYA BA SMOS SO, ,BSLAD PA KHO NA YIN TE ZHES BYA BA NI 'DIR GRUB PA LA DE RGYU NYID YIN NO, ,DE

LTA YIN DANG RMI LAM DANG CIG SHOS LA SOGS PA'I GZUNG BA LA SOGS PA BDE BA KHO NA YIN NO ZHES ZER BA LA, DES NA ZHES BYA BA SMOS SO, ,GZUNG BA LA SOGS PA'I RNAM PAR RTOG PA TZAM 'BA' ZHIG NI MA YIN GYI RMI LAM DANG CIG SHOS LA SOGS PA YANG YIN NO, ,CI LAS SHE NA RANG GI NGO BO TZAM ZHES BYA BA SMOS SO, ,GZHAN ZHES BYA BA NI RMI LAM LA SOGS PA YANG NGO, ,SNGON GYI 'PHEN PA NI DE'I BAG CHAGS KYI SO, ,DE LAS NI RNAM PAR RTOG PA LAS SO, ,DE LTAR NI SAD PA DANG RMI LAM LA SOGS PAS SO, ,DE NI 'DI LTAR RANG GI SA BON YONGS SU SMIN PA LAS BYUNG BA'I RNAM PAR RTOG PA LAS TSAD MA LA SOGS PA NYID PHYI ROL DANG CIG SHOS LA SOGS PA MED KYANG NGO, ,DE'I PHYIR DON GYIS STONG PA'I BLO RNAMS KYI DNGOS PO MED PA NYID LA TSAD MA MA YIN PA NYID DANG, BSOD NAMS DANG SDIG PA LA SOGS PA DANG, DE'I 'BRAS BU LA SOGS PA THAMS CAD BSTAN PA YIN TE, DE LTA BU'I NGO BO LA RANG RIG PAR BYA BA DANG CIG SHOS NYID DU NYAMS SU MYONG BA MED PA'I PHYIR TE, PHYI ROL NYID DU ZHEN PAS SNANG BA MA YIN PA'I PHYIR DANG MNGON DU SEMS PA TZAM GYI BYED PA YIN PAR THA MI DAD PA'I PHYIR ZHES BYA BA'I DON TO, ,DE YANG RANG GIS ZHES BYA BA NI NGO BOR MI RTOGS PAS GZHAN LAS KHYAD PAR MED PA'I PHYIR RO, ,DE'I PHYIR RANG RIG PA LAS DE NYID CES BYA BA'I DON NYID DO, ,DE BSHAD PA NI GAL TE ZHES BYA BA'O, ,DES MA RTOGS PA MI GZHAN GYIS RIG PA'I PHYIR MED PAR MI 'GYUR BA ZHES ZER BA LA, GZHAN ZHES BYA BA SMOS SO, ,DES NI GZHAN GYIS SO, ,DE LAS KYANG GZHAN GYIS RIG PA YIN ZHE NA GZHAN GYIS ZHES BYA BA SMOS SO, ,SPYI'I ZHES BYA BA NI 'DRA BA NYID DE, 'DRA BA'I BDAG NYID KYIS SO, ,DE'I YUL RJES SU DPAG PA MA YIN ZHING 'DRA BA'I YUL CAN DU MTHONG BAR BSTAN PA NI, JI SPU LDANG ZHES BYA BA'O, ,YUL NI LUS SO, ,GCIG NYID LA ZHES BYA BA NI RJES SU DPAG PAS GRUB PA LA'O, ,DE GNYIS LAS ZHES BYA BA NI YUL THA DAD PA NYID LAS SO, ,CIS MA YIN ZHES BYA BA NI THA DAD PA ZHES BYA BA DANG SBYAR RO, ,'BRAS BU THA DAD PA LAS 'DZIN BYED THA DAD PA YIN LA, DES BZUNG BA BSTAN PA YIN PAR BSTAN PA NI, SPU LDANG LA SOGS ZHES BYA BA'O, ,BA SPU LDANG BA LA SOGS PA

, ,THA MI DAD PA LAS BZUNG BA THA MI DAD PA YIN NA 'DZIN BYED KYANG THA DAD PAR MI 'GYUR BAR BSTAN PA NI, GAL TE SPU LDANG LA SOGS KYANG ZHES BYA BA STE, BDE BA LA SOGS PA BZHIN DU'AM, BA SPU LDANG BA LA SOGS PA YANG RTAGS SU DBYE BA MED DO ZHES BYA BA'I DON TO, ,RANG RIG PA'I KHONGS SU GTOGS PA LAS KYANG BA SPU LDANG BA LA SOGS PA NI RANG GI BDE BA MED KYANG YOD PA'I PHYIR, GZHAN GYI BDE BA'I KHYAD PAR RTOGS PA BZHIN DU GZHAN GYI RIG BYA'I KHYAD PAR RTOGS PA YIN PAR ZER BA LA, GAL TE KHO BO'I ZHES BYA BA SMOS SO, ,GNYI GA DUS GCIG TU RIG BYA YIN LA, DUS THA DAD PA LA NI THA DAD PA YIN TE, GCIG RIG PA MA YIN YANG RIG PA YIN PAR ZER BA NI, GAL TE DER YANG ZHES BYA BA SMOS SO, ,DUS THA DAD PA MA YIN PA BZHIN DU THA DAD PA LA YANG RTAGS THA MI DAD PAS THA MI DAD PA NI DUS THA DAD PAS BSGRIBS PA MA YIN PAR BSTAN PA NI, NGO BO NYID KYIS DBYER MED LA ZHES BYA BA'O, ,RTAGS DANG DUS DAG THA MI DAD PA DANG THA DAD PA DAG GIS GNYI GA'I BDAG GCIG YIN NO ZHES ZER BA NI, DER YANG THA DAD MED PA'ANG YIN, ,ZHES BYA BA'O, ,GCIG GI TSE NYID DUS THA MI DAD PA NYID YIN YANG MNGON SUM NYID YIN TE, DE NYID YOD PA'I PHYIR RO ZHES BSTAN PA NI, ,DE NI LKOG GYUR ZHES BYA BA STE, DE'I TSE YANG GNYI GA RIG PAR 'GYUR RO ZHES BYA BA'I DON TO, ,RTAGS THA MI DAD PA NI SNGA NA YANG THA MI DAD PA YIN NA MNGON SUM DANG 'GAL BAR BSTAN PA NI, RIG PA ZHES BYA BA'O, ,LKOG TU GYUR PA YIN ZHES BYA BA NI BSHAD ZIN TO, ,GAL TE ZHES BYA BA DANG RIG PA ZHES BYA BA NI PHAN TSUN DU'O, ,GNYI GA CIG CAR SNANG BA NA MNGON SUM GYI RIG BYA GCIG YIN GYI PHAN TSUN SPANGS PA MA YIN NAM ZHES ZER BA NI, GAL TE THUNG MONG BZHIN DU ZHES BYA STE, RTOGS NAS NGES PA LA SNGON PO BZHIN DU THE TSOM MA YIN ZHES BYA BA'I DON TO, ,TSAD MA GZHAN GYIS NI TSIG LA SOGS PAS SO, ,RANG GI SNANG BA NYID NI NYAN PA PO'I'O, ,THUN MONG BA NYID KYI NYAN PA PO'I TSIG LA SOGS PA'I RTOGS PA NI SMRA BA PO YIR YANG 'GYUR LA, DE BZHIN DU NYAN PA PO'I SHES PA SNGON DU 'GRO BA'I TSIG LAS SMRA BA PO SHES PA SNGON DU 'GRO BA'I TSIG LA DE LAS KYANG 'DI'I YIN PAR ZER

BA NI, DES KYANG ZHES BYA BA STE, SMRA BA POS KYANG NGO, ,PHAN TSUN BSTEN PA YIN PAR BSTAN PA NI MNGON SUM GYIS ZHES BYA BA'O, ,MNGON SUM GYIS NGES PA LA YANG TSIG LA DGOS PA MED PAR BSTAN PA NI, MNGON SUM GYIS ZHES BYA BA'O, ,MNGON SUM GYIS MA RTOGS PA LA TSIG YIN PAR BSTAN TE, 'DI'I TSAD MA NYID NI TSIG LA NGES PA'I PHYIR DANG, GZHAN DU NGES PA MA YIN PA'I PHYIR RO SNYAM DU SEMS PA LA, GZHAN YANG MNGON SUM ZHES BYA BA'O, ,RGOL BA GZHAN LA PHYI MA DANG PHYI MA DANG PHYI MA THAMS CAD DU BSDUS PA NI MA YIN NO, ,RE RE ZHING TSAD MA MA YIN PA NI BSDOMS KYANG TSAD MA NYID MA YIN PAR BSTAN PA NI, ,RAB RIB CAN GNYIS ZHES BYA BA'O, ,SHES PA NYID YIN PAS ZHES BYA BA NI RIG PAR BYA BA MA YIN PA'I SNGON PO LA SOGS PA RIG PAR BYED PA BZHIN DU RNAM PA GANG GI YIN DE BLO YIN LA, DES YANG MNGON PAR SEMS PA LAS MA GTOGS PAR BLO'I NGO BO RTOGS BYA DANG BRAL BA YIN NO, ,DE KHO NA LTAR NI MNGON PAR SEMS PA JI LTA BA'O, ,DE NYID LA ZHES BYA BA NI RIG PA GZHAN DON MED PA'I NGO BOR BYED PA'I PHYIR, ,DON MYONG BA YOD PA MA YIN PA NI PHYI ROL GYI'O, ,SMRAS PA GANG YIN PA ZHES BYA BA NI, KHYED KYIS GZUNG DANG 'DZIN PA DAG ,GCIG PAR 'DOD PA 'DI MIN TE, ,DE LTA'I BDAG NYID GCIG NYID NA, ,KHYOD LA DPE NI 'GA' YANG MED, ,CES BYA BA'O, ,BZLOG PA MED PA NI BZUNG BA DANG 'DZIN PA'I NGO BO DBYE BA MED PA LA'O, ,DE'I PHYIR ZHES BYA BA NI GAL TE RANG GI CHA GZUNG BA GSAL BAR BZLOG NUS PA DE'I TSE GZUNG BA BZLOG PA'I KHYED KYI PHYOGS DGAG PA YIN NO ZHES BSHAD PA YIN LA PHYOGS DE NI ZHES BYA BA NI, MNGON SUM LA SOGS PA YI YUL, ,PHYI ROL NYID DU GNAS PA YIN, ,DE DGAG BYAS PA DE YI PHYIR, ,DE DAG GI PHYOGS LA GNOD 'GYUR, ,ZHES BYA BA'O, ,SHIN TU NGES PAS DE DAG LA, ,GNOD PA'I SHES PA MED PA NA, , TSAD MA LTAR SNANG NYID YOD MIN, ,DE PHYIR STOBS NI BRJOD PA YIN, ,ZHES ZER BA NI SHIN DU RNAM PAR NGES PA'I PHYIR ZHES BYA BA'O, ,SAD PA'I BLO NI KA BA'O ZHES BYA BA'AM, RTZIG PA'O ZHES BYA BAR SHIN TU NGES PA NI JI LTAR PHYIN CI LOG PAR 'GYUR RO ZHES SHIN TU RNAM PAR NGES PA SMOS PAS SO,,

, ,DMIGS PA MED PA YIN TE SHES PA YIN PA'I PHYIR, RJES SU DPAG PA 'DI LAS SNANG BA DRAN PA DAG GI DNGOS PO'I NGES PA RTOGS PA'I BDAG NYID KYI SNGON PO LA YIN GYI RTOGS PA MA YIN PA'I BDAG NYID LA NI MA YIN TE, YUL DU MA BYAS PA LA MI RIGS PA'I PHYIR RO,, SNGON PO BDAG GIS RIG GI ZHES BYA BA YANG LAS LA SOGS PA'I RNAM PAR DBYE BA CI NAS KYANG SNANG BA KHO NA YIN NO, ,DE LTA YIN DANG RIG PA'I BDAG NYID KHO NA YIN PAR BSTAN PA NI, SHIN TU RNAM PAR NGES PA NYID CES BYA BA'O, ,BZUNG BA TZAM LA GNOD PA NI, ,RANG GI PHYOGS KYANG 'GRUB MI 'GYUR, ,ZHES BYA BA 'DI LA BSTAN PA NI, GZUNG MED CES BYA BA STE SNGON PO'O ZHES RANG RIG PA LAS NYID 'DZIN PA KHO NA YIN GYI DE NYID NI MA YIN NO ZHES BYA BA'I DON TO, ,BZUNG BA NI MNGON SUM GYIS RTOGS PA'O, ,MA BZUNG BA NI ZHES BYA BA NI DE'I 'DZIN PA CAN YANG DMIGS PA MED PA NYID YIN NO; ;KHYAD PAR DANG KHYAD PAR CAN DAG GI CHOS DANG CHOS CAN NO, ,GANG YANG RUNG BA ZHES BYA BA NI MA GRUB PA NYID DO, ,THA DAD 'DZIN PA LAS ZHES BYA BA NI PHYIS TE, SNGAR NI BDAG MED PA RTOGS PA LAS TE PHYOGS SNGA MA BZHIN DU'O, ,SNGAR DE NYID LAS THA DAD PA YIN NA PHYIS JI LTAR GZHAN DU 'GYUR ZHES ZER BA LA, LDOG PA ZHES BYA BA SMOS TE SNGA NA YANG DE NYID MA YIN NO ZHES BYA BA'I DON TO, ,MA SON TAM ZHES BYA BA LA SOGS PA NI SONG PA'I RJES SU 'BRENGS PA'O, ,YUL DE SKYE BA'I GNAS SPYI LA SOGS PA GANG GI YIN PA DE'O, ,DE NYID NI SNGAR YANG SGRA DANG RTOGS PA DAG LAS LDOG PA'I YUL CAN NYID KYIS DMIGS PA MED PA'I PHYIR GNYI GA LA YANG RANG GI TSIG GIS GNOD PA YIN PAR MI RIGS PAR BSTAN PA NI, 'CHAD PHO NYAN PA'I ZHES BYA BA'O, ,LDOG PA'I YUL GYI RNAM PAR RTOG PA'I DBYE BAS CHOS DANG CHOS CAN THA DAD PA YIN YANG, DAM BCAS DON NI MDZES PA LA, ,DE PHYIR DES PAR BRTAGS PA MED, ,CES BYA BA MI RIGS PAR BSTAN PA NI, YOD YIN PA ZHES BYA BA'O, ,DA MIGS PA MED PA ZHES BYA BA'I, ,ZHES BYA BA NI SANGS RGYAS PA'O, ,GAL TE DNGOS MED CES BYA BA NI RGYAL DPOG PA'I STE, BLO'I YUL NYID KYI DNGOS PO NYID CES BYA BA'O, ,MNGON SUM GYI BLO'I

YUL NYID NI RNAM PAR RTOG PA'I MA YIN TE, DNGOS PO MA YIN PA'I 'DAS PA LA SOGS PA YANG 'BYUNG BA'I PHYIR RO ZHES BSTAN PA NI 'DI NI BSHAD ZIN TO ZHES BYA BA'O, ,DE NYID KYI PHYIR TE ZHES BYA BA NI RTOG PA'I YUL NYID YIN PA'I PHYIR RAM YOD PA NYID KYI PHYIR RO, ,YOD PA'I NGO BO SNANG BA'I PHYIR RTOGS PA MA YIN PAR BSTAN PA NI, DNGOS PO LA ZHES BYA BA'O, ,DE LTAR ZHES BYA BA NI RTOG PA NYID YIN NA'O, ,DNGOS PO'I NGO BO MA YIN NA NI MI SNANG PA YIN TE, MED PA BZHIN DU NGO BO MED PA'I PHYIR RO, ,GZHAN DU NA MED PA ZHES BYA BAR RJES SU BRJOD PAR MI RIGS SO, ,GZHAN SEL PA'I RJES SU BYED PA LAS DE NYID MED PAR RTOGS PA MA YIN NAM ZHES ZER BA LA, MED LA ZHES BYA BA'O, ,GZHAN SEL BA NYID MED PA'I PHYIR RO, SGRA'I SBYOR BA MI DMIGS PA'I PHYIR RJES SU DPAG PA DMIGS PA MA YIN NO ZHES ZER BA LA, JI STE SHES PA ZHES BYA BA'O, ,DNGOS PO LA SOGS PA RNAMS LA 'GAL BAR 'GYUR RO ZHES ZER BA LA, LAN 'DEBS PA NI GAL TE RTOGS PAS ZHES BYA BA STE, RANG GI BDAG NYID LA GNAS PA'I RANG GI NGO BO RIG PA'I BYED PA NI YUL GZHAN LA MA YIN TE, BYED PA'I YUL GZHAN RANG GI NGO BO'I YUL YIN PA NYID KYIS PHYI ROL MED KYANG DNGOS PO LA SOGS PA YOD PA LA 'GAL BA MED DO ZHES BYA BA'I DON TO, ,LAS LA YIN GYI SGRO BTAGS PA DE'I NGO BOS GZHAN GYIS DMIGS PAR BYED PA ZHES BYA BA NI DMIGS PA MED PA NYID YIN NA JI LTAR YIN, GAL TE LAS YIN NA NI GRUB PA LA SGRUB PA YIN NO, ,DE BSTAN PA NI LAS YIN NO ZHES BYA BA'O, ,RTOGS PA MED DO ZHES BYA BAS DMIGS BYA 'GEGS PA BKAG PA YIN NO, ,CI LAS SHE NA, RANG GI NGO BOS ZHES BYA BA STE, THA DAD PA'I 'DZIN PAS SO, ,NGES ZHES BYA BA NI GOMS PA LAS SO, ,PHYI ROL MNGON PAR 'DOD PA DANG RANG GI BDAG NYID LA YANG MTHONG NGO ZHES BSTAN PA NI NGA'O SNYAM PA ZHES BYA BA'O,, BDE CAN ZHES BYA BA NI RANG NYID RIG PA LA DMIGS PA'O, ,DE DAG TZAM MI DMIGS PA'I RJES SU 'BRANGS PA'I RNAM PAR RTOG PA NI 'DI RANG DPANG DU 'DZIN PA MA YIN PAR BSTAN PA NI, DBANG PO LA SOGS PA ZHES BYA BA'O, ,SEMS PA CAN MA YIN PA RNAMS NI NUS PA MED PA'I PHYIR 'DI RNAMS

, ,KYI SKUL BYED RJES SU DPOG PA YIN LA, DE NI BDAG NYID YIN NO ZHES ZER BA NI, GANG GIS ZHES BYA BA'O, ,SKUL BYED YOD PA LAS NA DBANG PO LA SOGS PA RNAMS LAS GZHAN PA NI RJES SU DPAG PA'I SHES PAS RIG PA MA YIN NO ZHES BSTAN PA NI, GZHAN DU RIG MED CES BYA BA'O, ,DE NYID CES BSTAN PA GSAL BAR BYED BA NI BLO'I NGO BO ZHES BYA BA'O, ,DE'I 'DU BYED PA'AM ZHES BSTAN PA NI, SNGA MA SNGA MAR ZHES BYA BA'O, ,DBANG PO LA SOGS PA'I BLO'I SKYED BYED RIG BYA YIN NO ZHES ZER BA NI, BDE DBANG ZHES BYA BA STE, DBANG PO NI DE'I RNAM PA CAN GYI BLO LAS GZHAN MA YIN NO ZHES BYA BA'I DON TO, ,BLO NYID LAS BLO GZHAN RNAM PAR DANG LDAN PA YIN PAR BSTAN NAS, RIM MA YIN PA LA YANG RIG BYA RIG BYED DAG MED PA YIN TE, PHAN TSUN BYED PA MED PA'I PHYIR RO ZHES BSTAN PA NI, DUS MNYAM PAR NI ZHES BYA BA'O, ,SHES PA'I BDAG NYID MA YIN PA'I DE MA GRUB PA YIN TE, SNANG BA'I BDAG NYID YIN PA'I PHYIR RO ZHES BSTAN PA NI, GZUGS LA SOGS PA ZHES BYA BA STE, SKYES BU RE RE ZHING SHES PA THA DAD PAS DE'I BDAG NYID KYI SNGON PO NI NYE BA DANG CIG SHOS DAG LA GCIG GI NGO BOR SNANG BA MA YIN NO ZHES BYA BA'I DON TO, ,BYED PA PO NYID LA SOGS PA'I BSHAD PA NI, DE DAG GIS KYANG ZHES BYA BA'O, ,SGRA SHA LHAG TZAM NI DMIGS PA MED PA'I SHES PA YANG NGO, ,DE LTAR SHIN TU LEGS PAR BRJOD PA ZHES BYA BA BSHAD PA LA DON NI PHYI ROL TE, DMIGS PA MA YIN PA NYID DE SGRA RNAMS NI DON LA RIG PA MA YIN PA'I PHYIR LDOG PA'I DBYE BA BKAR NAS MNGON PAR 'DOD PA LAS RJOD PAR BYED PA NYID MA NYAMS PA YIN PAR BSTAN PA NI, LDOG PA'I SGRA'I ZHES BYA BA'O, ,BKAR BA'I LDOG PA NYID BSGRUB BYAR THAL BAR 'GYUR BA MA YIN TE PHYI ROL NYID MNGON PAR 'DOD PA'I YUL NYID YIN PA'I PHYIR RO ZHES BSTAN PA NI, SGRA'I SPYOD YUL ZHES BYA BA'O, ,SGRUB PAR BYED PA YANG MNGON PAR 'DOD PA NYID LAS PHYOGS KYI YUL NYID DMIGS PA MED PA NYID DU 'GAL BA MED DO, ,DE'I RGYU CAN ZHES BYA BA NI BYED PA PO LA SOGS PA'I RGYU MTSAN LA'O, ,RTOGS PAR BYED PA ZHES BYA BA NI BYED PA PO'O, ,DES ZHES BYA BA NI

BYED PA'O, ,RTOGS PAR BYA BA ZHES BYA BA NI NGO BO'O, ,LAS MED NA BYED PA PO LA SOGS PA'I RGYU MTSAN MED PA YIN TE, SGRUB PA MED PA'I PHYIR PHYOGS DE LAS 'BYUNG BA'I SKYON MED DO ZHES BSTAN PA NI, DE RGYU CAN YIN NA ZHES BYA BA'O, ,DE'I RGYU MTSAN LA RJES SU BRJOD PA MED PA MA YIN TE, BRTAGS PA'I YUL CAN YIN PA'I PHYIR RO ZHES BSTAN PA NI, GANG YIN PA DE NYID NI ZHES BYA BA'O, ,KHYED KYIS ZHES BYA BA NI RGYAL DPOG PAS SO, ,BSGRUB PAR BYA BA NI SANGS RGYAS PO'I'O, ,'DOD PA NYID DO ZHES BYA BA NI SHES PA 'DOD PA'I BYE BRAG DANG LDAN PA'I CHOS CAN NYID KYI PHYIR SKYON MED DO ZHES BYA BA'I DON TE, ,GTAN TSIGS SKYON CAN NYID DU SMRA BA NI, MA NGES PA NYID DAM ZHES BYA BA STE, KHYAB PA MA GRUB PA'I PHYIR RO, ,DE NYID KYI PHYIR ZHES BYA BA DANG 'BREL PAS SNGAR DRIS PA NI, RANG GI NGO BO NYID NI ZHES BYA BA STE, DE MA GRUB PA NYID NA SHES PAR 'DOD PA'I BYED BRAG DANG LDAN PA NYID DO ZHES BYA BA'I DON TO, ,GZHAN LA YANG MA GRUB NA DPE MED PA'I PHYIR DE SKYON NYID YIN LA DE'I RJES SU 'BRANGS PA STE, BSGRUB BYA'I RJES SU 'BRANGS PAS DE NYID SNGA NA YOD PAR BSTAN PA NI, DE'I TSE ZHES BYA BA'O, ,LUNG LA MA GRUB NA YANG TSAD MAS GRUB MA GRUB PA MA YIN PAR BSTAN PA NI, BDAG GI CHOS ZHES BYA BA'O, ,DE LTAR MA GRUB NA RGYAL DPOG PA'I YANG SGRUB PAR BYED PA CUNG ZAD KYANG MED PAR BSTAN PA NI, DE LTA MA YIN NA ZHES BYA BA'O, ,BRJOD BYA'I DBYE BA NI RJOD BYED LA THA DAD PA'I BRJOD BYA KHAS MI LEN PA'I PHYIR RO, ,SGRA DANG DON TZAM LA 'DI NI SGRA 'DI NI DON NO SGRA 'DI NI DON NO ZHES BRTAG PAR MI NUS PA'O, ,SKYI NYID NI SGRA DANG DON DAG GI'O, ,DES NI ZHES BYA BA NI GANG ZHIG CES BSTAN PA'O, ,KHYAD PAR MED PA NI THA DAD PA CIG SHES 'DZIN PAR BYED PA NYID LA SOGS PA'I KHYAD PAR MED PA'I PHYIR RO, ,SGRA DON TZAM NI SGRA'I SNANG BA LAS DON GYI SNANG BA SHES PA STE, DE NYID NI SHES PA'AM GZHAN YANG RUNG BA'I PHYIR THAMS CAD DU CUNG ZAD DMIGS PA MA YIN NO, ,KHYAD PAR MA GRUB PA ZHES BYA BA NI SHES PA THAMS CAD LA JI LTAR YANG DMIGS PA MED PA'I PHYIR RO, ,SAD PA'I ZHES BYA BA NI BSGRUB BYA'O, ,DE LTA YANG NI DMIGS PA MED PA NYID DE DUS GZHAN GYI TSE DMIGS PA MED PA NYID

, ,YIN NA'O, ,DUS DER DMIGS PA CAN GYI BLO'I 'DZIN BYED KYI CHA YIN NO, ,GANG ZHIG GI RNAM PAR CAN NI BZUNG BA SNGON PO'I RNAM PA CAN NO, ,KHAS BLANG PHYIR ZHES BYA BA NI GZUNG BA DANG 'DZIN PA'I CHA GNYI GA KHAS BLANGS PA'I PHYIR RO, ,'GAL BA NYID BSTAN PA NI 'DZIN PA'I CHA ZHES BYA BA'O, ,BLO DE NI PHYI ROL GYI BLO STE, KA BA'AM RTZIG PA ZHES BYA BA'I BLO 'BYUNG BA'I PHYIR RO, ,PHYIR ROL NYID NI PHYI ROL GYI SHES PA'I YUL YIN GYI KA BAL SOGS PA'I SHES PA'I MA YIN PA'I PHYIR KA BAL SOGS PA'I NGO BOS KA BA LA KA BA'I SHES PAS 'DZIN PA MA YIN NO, ,ZLA BA GNYIS DANG DBANG PO PHRAD PA MED PA CI LAS YIN ZHE NA, ZLA BA GCIG CES BYA BA'O, ,THAMS CAD DU ZHES BYA BA NI ZLA BA GCIG TU GTOGS PA'I TSE YANG ZLA BA GNYIS KYI SHES PA'I DMIGS PA MED PA'I RGYU NYID MED PAR THAL BAR 'GYUR BA'I PHYIR RO, ,DE'I PHYIR ZHES BYA BA NI RIGS PA DANG 'GAL BA'I PHYIR RO, ,SKABS LA SOGS PA LAS RTOGS ZHES BYA BA NI, KHAMS GSUM PA NI SEMS TZAM MO ZHES BYA BA LA SOGS PA STE, SEMS LAS GZHAN BKAG PA'I PHYIR RO, ,GNAS SKABS LA SOGS PA LA MA LTOS PA KHO NAR 'ON TE GANG GI RNAM PA'I BLO ZHES BYA BA LA SOGS PAS BRTAGS PA YIN NO, ,DE LTA NA YANG, 'CHAD PAR 'GYUR BA MA BCAD NAS, ,YONGS SU RGOL BA SRID PA NI, ,SANGS RGYAS BKA' SOGS 'DON PA LA, ,DE 'DRA'I RGOL BA BYED PAR 'GYUR, ,ZHES BYA BA LA SOGS PA GNAS SKABS MA BCAD PA DANG CIG SHOS NYID KYI PHYOGS SNGA MA DANG CIG SHOS LA BRTEN NAS 'BREL BA MED PA YIN PAR BSTAN PA NI, DE LTA MA YIN NAS GRA LAS ZHES BYA BA'O, ,'DI LTAR KHO NA ZHES BYA BA NI SEMS TZAM DU BSGRUB PA'I GNAS SKABS LAS YIN LA, DE GNAS PA NI DBYE BA DANG CIG SHOS SEMS PA YIN NO, ,MI RIGS PA CI YOD CES BYA BA NI SGRO 'DOGS PA SEL BAR BYED PA'I RJES SU DPAG PA LA MNGON PAR 'DOD PA YIN PA'I PHYIR RO ZHIG 'DI ZHES BYA BA LA THE TSOM ZA BA LAS 'DI KHO NA'O ZHES RNAM PAR 'JOG PA'I PHYIR RO ZHES BYA BA'I DON TO, ,SGRO 'DOGS PA NYID BSHAD PA NI GAL TE 'GA' ZHIG CES BYA BA'O, ,NAM MKHA' ZHES BYA BA NI SKYON GYI STOBS

KYIS SGRO BTAGS PA'I RNAM PAR GZHAN SKRA SHAD KYI SHES PA'I GO BYA DANG RGYU YANG YIN NO, ,GO BYA'I DON LA RNAM PAR DPYOD PA NA RGYU GNAS SKABS PA MA YIN PA DANG, GO BYA YANG RNAM PA GZHAN LA GZHAN MA YIN TE, THAL CHES PA'I PHYIR RO ZHES BSTAN PA NI, 'O NA JI LTAR ZHES BYA BA'O, ,SKYON YOD NA RNAM PA GZHAN YIN LA MED NA RANG GI'O ZHES BYA BA YANG 'DI LA YANG RNAM PAR DBYE BA'I RGYU MED PA YIN TE, THAMS CAD KHO NAR BAG CHAGS KYI SKYON YOD PAS PHYI ROL YOD PA MI 'GRUB PA'I PHYIR RO ZHES BSTAN PA NI, 'DI LA YANG ZHES BYA BA'O, ,NAM MKHA' LAS PHYIN CI LOG TU SNANG BA NI SKRA SHAD KYI'O, ,DRAN PA NI SKRA SHAD KYI'O, ,NAM MKHAR RTOGS PA YANG 'KHRUL PA THAMS CAD YID KYI YIN PA'I PHYIR DRAN PA'I CHA ZHIG PA DANG NAM MKHA' YANG DRAN BZHIN BA LAS THA DAD PA MI 'DZIN PA NI BRJED PA YIN NO, ,'JIG RTEN PA NI RANG GI DON BYED PA YIN LA, DE MI BYED PA DE'I 'DI LTA BU NI 'JIG RTEN LAS 'DAS PA YIN NO, ,SOGS PA NI MING DANG RGYU MTSAN DANG RMI LAM GYI MTHA'I MI LDAN PA 'DZIN PA TZAM LA STOGS PA'O, ,DON BYED PA LA MI SLU BAS GNOD PAR BYED PA MED PA DANG CIG SHOS KYI SHES PA RNAMS DE'I NGO BO LAS 'DAS PA NA RGYU MED PA'I PHYIR RO ZHES BYA BA'I DON TO, ,DE'I RANG BZHIN CAN YIN PA'I PHYIR ZHES BYA BA NI ZLA BA GNYIS SU SNANG BA LAS ZLA BA GCIG TU SNANG BA DANG KHYAD PAR MED PA'I PHYIR RO, ,DE LA YANG ZHES BYA BA NI ZLA BA GCIG GI SHES PA LA STE, DE'I RNAM PA'I PHYI ROL SNANG BA MA YIN PA NI GNOD BYED YIN LA RNAM PA YANG SNANG BZHIN PAR GNYI GA LA YANG KHYAD PAR MED DO, , SHES PA'I BDAG NYID KYI SNGON PO YANG SER PO LA SOGS PA YOD PAS MI 'BYUNG NA RJES SU MTHUN PA'I PHYI ROL GYI SNGON PO NYID RGYU YIN PAR RTOGS PAR BYED DO SNYAM DU SEMS PA LA, CI LTAR GZUGS KYI ZHES TE, GZHAN GYI BSKYED BYA YANG DE'I RNAM PAR CAN DU MTHONG BA'I PHYIR RO ZHES BYA BA'I DON TO, ,JI LTAR RO'I SHES BAS GZUGS LA SOGS PAS STONG BA'I PHYIR GRUB PA LA SGRUB PA JI LTAR YIN ZHES ZER BA NI, JI LTAR GZUGS KYI ZHES BYA BA'O, ,GDUNGS PA'I DGON DUNG LA CHU'I SHES PA NGES PAR 'BYUNG BA NI ROL GZUGS KYI SHES PA NGES PAR SKYE BA DANG, MTSUNGS PA YIN PAR BSTAN PA NI, ,

, ,RO LA SOGS PA MED PAR YANG, ,ZHES BYA BA'O, ,DE'I PHYIR DES NA RJES SU MTHUN PA'I PHYI ROL GRUB PAS GRUB PA LA SGRUB PA MA YIN NO ZHES BYA BA'I DON TO, ,'KHRUL PA'I CHAG GIS KYANG MA NGES PA BSTAN PA NI, 'BYUNG BA YIN NO ZHES BYA BA'O, ,KHYAD PAR NI MED KYANG 'BYUNG BA DE'I BSKYED BYA BA'I'O, ,DMIGS PA MED PA NI DGON DUNG GI CHU'I SHES PA LTA BU'O, ,DE LTA MA YIN PAR ZHES BYA BA NI BDEN PA'I CHU'I SHES PA BZHIN DU DMIGS PA DANG BCAS PA YIN NO, ,MI SNANG BA'I 'OD ZER GYIS GDUNGS PA'I DGON DUNG GI BAG CHAGS YIN TE, RMI LAM LA SOGS PA LA NUS PA MTHONG BA'I PHYIR RO, ,'O NA SNANG BA NYID CES BYA BA NI BDE PA LA SOGS PA'I 'DZIN PAR BYED PA LAS THA DAD PA'I BZUNG BA NYID KYIS SO, ,MNGON SUM DANG RJES SU DPAG PA LA YANG RTOGS PA MED PA'I BDE BA LA SOGS PA NANG DANG PHYI ROL YIN LA, DE'I PHYIR KHYAD PAR MED DO, ,SHES PA BZHIN DU DE NYID NI MA YIN TE; GZUNG BA RNAM PAR GNYIS MA GTOGS PA'I BYA BA GZHAN MED PA'I PHYIR RO, ,DE DANG LDAN PA'I SBYOR BA'I RNAM PAR RTOG PA NI SO SO KHO NA YIN TE, BDE BA DANG SBYOR BA DAG THA DAD PAR NYAMS SU MYONG BA'I PHYIR RO, ,DE BSTAN PA NI SNANG BA LA NI ZHES BYA BA'O, ,MNGON SUM NI RTOGS PA MED PA SNANG BA'I DON BYED PAS DON MA MIN PA NYID DU MI RIGS PA'I PHYIR MA LUS PA 'KHRUL PA MED PA KHO NA YIN GYI DBYE BA MED PAR BSTAN PA NI, 'JIGS RTEN GRAGS RTEN ZHES BYA BA'O, ,KHYED LA YANG, TSAD MA NYID DANG TSAD MED NYID, ,DGE DANG SDIG SOGS DE'I 'BRAS BU, ,DON DANG STONG PA'I BLO RNAMS LA, ,'DI LA SOGS KUN MI RIGS 'GYUR SNYAM DU SEMS PA LA, THAMS CAD RANG GI NGO BO LA ZHES BYA BA STE, SNANG BZHIN PA LA'O, ,GZHAN GYI NGO BO LA ZHES BYA BA NI SNANG BZHIN PA MA YIN PA'I MNGON PAR 'DOD PA'I YUL LA'O, ,THOB PA MED CES BYA BA NI SNGAR RTOGS PA DUS PHYI MA LA RTOGS PA MA YIN PA'I PHYIR RO, ,'ON TE SNANG BA DANG CIG SHOS KYANG DE MA YIN PA LAS LOG PAS GCIG NYID DU ZHEN PA NI NYE BAR BSTAN PA YANG YIN LA THOB BYA YANG YIN ZHES ZER BA LA, SMIG RGYU LA NI ZHES BYA BA SMOS TE, SMIG RGYU LA CHU'I SHES PA LA YANG RES 'GA' KHUNG BU'I DANG, CHU BO'I CHU DANG PHRAD NA DE DMIGS PA DANG BCAS

PA YIN NO, ,SMIG RGYU'I SHES PA LA NI KUN TSE MIN NA ZHES BYA BA THOB PA MA YIN ZHES BYA BA SBYAR BAS RGOL BA'O, ,LAN NI THAMS CAD LA ZHES BYA BA STE, BDEN PA'I CHU'I SHES PA LA YANG, ,NGES PA'I SKAD CIG LA 'JUG PA MA YIN PAS NUS PA YANG 'BRAS BU MI SHES NA NGES PA MED PA'I PHYIR RO, , 'ON TE MIG MI 'DZUMS PAR MTHONG BA NYID NI 'THOB PA YIN NO ZHES ZER BA NI, MA ZHIG NA ZHES BYA BA'O, ,ZHIG PA GANG YIN PA DE YANG JI LTAR 'JIG PAR 'GYUR ZHES BYA BA NI LAN YIN TE, SNGA MA DANG PHYI MA'I CHA DANG BRAL BA'I SNANG BA NYID NI ZHES PA YIN LA, GZHAN DU YANG MA NYAMS PA YIN NO ZHES BYA BA'I DON TO, ,SNGAR MTHONG BA NGO ZHES PA NI DE MA YIN PA'I 'BRAS BU RNAM PAR GCOD PA'I YUL CAN TE, 'GAL BA CAN MA YIN PAR BSTAN PA NI, NGO SHES PA NI ZHES BYA BA'O, ,KHYAD PAR NI DMIGS PA MED PA NYID DO, ,KHYAD PAR GYI KHYAD PAR NI PHYI ROL GYI NGO BO'O, ,RNAM GZHAG 'GYUR ZHES BYA BA NI RJES SU DPAG PA LA'O, ,DON DAM PAR ZHES BYA BAS SGRO BTAGS PAS NI GRUB PA YIN PA'O, ,BLO LA MI GNAS LA NI KHYAD PAR MA YIN PA NYID KYI PHYIR DON DAM PAR MED PA SGRUB PAR BYED PA'I RGYUR 'GYUR PAR BSTAN PA NI, TSAD MA LA TSAD MAS ZHES BYA BA'O, ,SNANG BA DGAG PA YIN GYIS GRO BTAGS PA NI, SNANG BA MA YIN NO ZHES ZER BA NI, YUL DANG ZHES BYA BA'O, ,YUL GZHAN LA SOGS PA'I KHYAD PAR NI GZHAN DU NGES PAR YIN GYI SGRO 'DOGS PA MA YIN TE, 'KHRUL PA'I RGYU MA YIN NO ZHES BSTAN PA NI, YUL LA SOGS PA ZHES BYA BA'O, ,MED PAR SGRUB PA NI MED PA'I DON DU'O, ,'GA' ZHIG LAS NI GRANGS CAN LA SOGS PA'I LAS SO, ,GZHAN LAS KYANG ZHES BYA BA NI SNGAR MTHONG BA'I NGO SHES PA LAS SO, ,YUL GZHAN LA SOGS PAR MTHONG BA YANG GZHAN DU SGRO GTAGS PA'I SNANG BA NYID KHO NA DGAG PA NI GZHAN LA YANG MTSUNGS PAR BSTAN PA NI, TSAD MAS MTHONG BA ZHES BYA BA'O, ,RNA BA LAS BYUNG BA BSHAD PA NI RES 'GA' 'KHRUL PA GANG YIN PA DE ZHES BYA BA SA NI 'KHRUL PA'O, ,GZHAN DU NI YONGS PA'I YUL LAS SO, ,GNOD PA'I TSAD MA NI SNANG BA NI DMIGS PA'O, ,JI LTAR ZHES BYA NI DE MED PA'I MA DMIGS PA TZAM NI GNOD BYED MA YIN PA'I PHYIR RO, ,GNOD BYED KYI 'KHRUL

, ,PA NYID SEL BAR BYED CING MNGON PAR 'DOD PA LAS GZHAN PA'I GNOD PAR BYED PA ZHES BYA BA NI NYAMS PA TE RGYUN GCOD PA'O, ,MED PA LA NI BYED PA PO NYID DE SHES BYED PA STE, JI LTAR BSGRUB PAR 'GYUR BA'O, ,DE LTA BU'I MED PA NI MED PA'O, ,RGYU DANG GNOD BYED DAG GIS YOD PA DANG MED PA'I BDAG NYID GCIG TU BYED PA MA YIN NAM ZHES ZER BA LA DE MED CES BYA BA'O, ,YOD PA'I NGO BO DE KHO NAS YOD PA MA YIN DU ZIN KYANG GRUB PA LA SGRUB PA YIN GYI DE'I ZHIG PA MA YIN PAR BSTAN PA NI, GZHAN GYI NGO BOS ZHES BYA BA STE, 'JIG PAR 'GYUR ZHES BYA BAR SBYAR RO, ,DE'I NGO BOS ZHES BYA BA NI GZHAN MA YIN PA'O, ,PHYIS ZHES BYA BA NI SNGAR MA YIN PA'O, ,THAMS CAD KYI TSE ZHES BYA BA NI RES 'GA' BA MA YIN PA STE, PHYIS KYANG 'JIG PAR 'GYUR RO ZHES BYA BA'I DON TO, ,JI LTAR ZHES BYA BA'I DE'I NGO BO DE'I TSE YANG RJES SU 'JUG PA'I PHYIR RO, ,RJES SU 'JUG PA MA YIN NA 'JIG PA'I DON MED DE SNGA NA NYID MED PA'I PHYIR RO ZHES BSTAN PA NI, DE TSE NYID CES BYA BA STE SNGA NA NYID NA'O, ,SNGA MA NYID NI RGYU YOD PAR RTOG PA NYID NA'O, ,JI LTAR SKYES PA MA YIN PA'I ZHES BYA BA'O, ,SGRUB PA NI MI DGOS PHYIR NGANG ZHES BYA BA'O, ,'DI JI LTAR SKYES PA YANG YIN MA SKYES PA YANG YIN PA'I 'JIG PA'I PHYOGS 'DZIN PAR BYED PA'I TSAD MA 'JUG PA MED PAS DE KHAS LEN PA RIG PA MA YIN NO ZHES BSTAN PA NI, TSANG MAS ZHES BYA BA'O, ,DE TSE ZHES BYA BA NI MA MTHONG BA NA'O, ,DNGOS PO RTOGS PA'I DUS SU KHYAD PAR DANG BCAS PAR MA GRUB PA'I PHYIR DE'I TSE DNGOS PO'I KHYAD PAR DE JI LTAR GZHAN RTOGS PAR MI NUS PAS MA GRUB PA'I KHYAD PAR LA PHYOGS GRUB PA MA YIN PA DE KHO NA BZHIN DU 'GYUR ZHING, KHYAD PAR GYI KHYAD PAR LA YANG DE BZHIN NO ZHES BYA BA NI KHYOD LA YANG 'GYUR BA YIN PAR BSTAN PA NI, KHYAD PAR RAB TU MA GRUB NA, ,ZHES BYA BA'O, ,RANG GI NGO BOS GZHAN GYIS RJES SU CHAGS PAS BYAS PA'I KHYAD PAR MED PA CUNG ZAD KYANG MED PAR BSTAN PA NI, DE DNGOS RANG BZHIN ZHES BYA BA'O ,DNGOS PO NYID KHA CIG LA 'JUG BZHIN PA YIN ZHING GZHAN LA LDOG BZHIN PA YIN NO, ,KHYAD PAR NI MED PA'I MA YIN NAM SNYAM DU SEMS PA NI, DE NYID CES BYA BA'O, ,DE LTA BU NYID DU ZHES BYA BA

NI KHA CIG TU 'JUG PA DANG LDOG PAS KYANG NGO, ,DGAG PA LA NI DON CI YOD CES BYA BA NI MA DMIGS PA LAS MA SKYES PA'O, ,GZHAN DU NA KHA CIG TU 'JUG PA DANG LDOG PA MED NA CHAD MAS RTOGS PA LA GZHAN DU RTOGS PA NI 'KHRUL PA YIN TE, DE LA YANG BSTAN PA NI, 'DI NI SDAR BSHAD ZIN PA'I PHYIR ZHES BYA BA'O, ,TSAD MAS MTHONG LA 'KHRUL PA GANG, ,SA PHYOGS 'GA' ZHIG NYID DU STE, ,TSAD MA DAG GIS LDOG PA NA, 'KHRUL PA NYID DU BZOD DAM CI, ,ZHES BYA BA LA SOGS PAR MI 'GYUR BA'I PHYIR KHYAD PAR GRUB PA MA YIN NA'ANG, ,KHYOD KYI RTOGS NUS JI LTAR YIN, ,ZHES BYA BA'I RGOL BA GZHAN BSAL BA'I PHYIR RGOL BA GZHAN YANG SMRA BA NI, GAL TE DENG NI DRAN PA YIN, ,ZHES BYA BA'O, ,RANG BZHIN ZHES BYA BA NI PHYI ROL GYI'O, ,JI LTA BUR 'GAG PA MED CES BYA BA NI 'GAL BA'I PHYIR RO, ,RANG BZHIN MIN BZUNG NA ZHES BYA BA LA MED PA'I KHYAD PAR NI RANG BZHIN MA YIN NA ZHES BYA BAR SBYAR RO, ,'ON TE ZHES BYA BA LA SOGS PAS NI DRAN PA LA SOGS PA PHYI ROL MA YIN PA'I YUL NYID BSTAN PA YIN NO, ,'JIG RTEN RTOGS DANG ZHES BYA BA NI SAD PA'I KA BA'I SHES PA'I PHYOGS SO, ,DE NI DE TZAM NYID CES BYA BA NI RTOGS PA TZAM NYID DO, ,DE NYID DU ZHES BYA BA NI PHYI ROL NYID DU STE, 'DI BSHAD PA NI RTOGS PA TZAM NYID CES BYA BA'O, ,DPE GZHAN BSTAN PA NI, RMI LAm SOGS PA ZHES BYA BA'O, ,DE NI 'DI LTAR, 'ON TE DRAN DANG RNAM RTOG LAS, ,ZHES BYA BA LA SOGS PAS GNOD PAR BYA BA LA SOGS PA YOD PA DANG MED PA YIN YANG RTOGS PA'I SNANG BA RJES SU DRAN NAS DMIGS PA NYID DU BRJOD PA YIN NO, ,RTOGS PA NYID THOB PAR BYA BA YIN NO ZHES SGRO BTAGS PA'I YUL CAN GYI GNOD BYED NYID NI BRTAGS PA PA NYID YIN PAR BSTAN PA NI RTOGS BZHIN PA NI ZHES BYA BA'O, ,SGRO BTAGS PA'I 'BYUNG BA DE LA YANG DE DAG 'BREL PA'I RTOGS BZHIN PA YOD PA NYID GNOD PAR BYE DPA'I YUL CAN DU BSTEN PAN I, GAL TE GNOD BYED CES BYA BA STE, BRTAGS NAS TE BSAMS NAS BRTAGS PA'I YUL SNANG BA MA YIN NO ZHES BYA BA'I DON TO, ,DE'I DUS NI BRTAGS PA'I DUS SO, ,GZHAN GYI DNGUL NYA PHYIS KYI NGO BO'O, ,DES ZHES BYA BA NI

, ,SHES PAS SO ZHES BYA BA STE RJES SU 'GRO BA'O, ,GAL TE ZHES BYA BA NI LDOG PA'O, ,DMIGS PAR ZHES BYA BA NI DNGOS PO'O, ,SRID PA'I YUL NYID BSTAN PA NI LDOG GYUR CES BYA BA'O, ,'BYUNG BAR 'GYUR BA NI YOD PA NYID DO, ,DE YI RNAM CAN SHES SKYES NA, ,DE'I TSE DMIGS PA NYID DU 'JOG, ,CES BYA BA NI RNAM PA MED PAR SMRA BA PO'I YANG 'DI KHO NA LTAR 'JOG PA YIN PAR BSTAN PA NI, DE BZHIN SHES PA ZHES BYA BA'O, ,GZHAN DU NA YUL GYI NGES PA MA YIN TE, DE MIN NGO BO MI RIG PHYIR RO, ,'DI NI LKOG TU GYUR PA'I SKYED PAR BYED PA BRTAN PAR BYED PA'I RGYU DMIGS PAR BYED PA YIN GYI, LAS NI MA YIN NO ZHES BSTAN PA NI, SEMS NI YONGS SU ZHES BYA BA'O, ,LKOG GYUR 'BYUNG BAR 'GYUR BA'I DON, ,RNAM NGES TE RTOGS PAS BYAS PAR MI RIGS PA DE BZHIN DU, ,DE YI RNAM CAN SHES SKYES NA, ,ZHES BYA BA LA SOGS PA DE NYID DO, ,LKOG TU GYUR PA KHO NA NYID JI STE, MIN ZHE NA ZHES BYA BA NI RGOL BA'O, ,MA YIN TE MNGON SUM ZHES BYA BA NI LAN NO, ,'BREL PA NI RTAGS SO, ,'KHOR LO LTA BU ZHES BYA BA NI DNGOS PO YOD NA MNGON SUM DMIGS PA DANG BCAS PA YIN LA, DE LA RTAGS LAS BYUNG BA'I RJES SU DPAG PA YIN ZHING DE LAS KYANG DNGOS PO YOD PA NYID DO; ;DE LTAR NA JI LTAR PHYI ROL YIN ZHES ZER BA LA, DE LTAR NA ZHES BYA BA NI KHAS BLANGS PA TE SRID PA'O, ,TSAD MAS BSAL BA'I KHAS BLANGS PA YANG JI LTAR YIN TE, MI SHES PA'I PHYIR ZHES BSTAN PA NI, TSAD MA'I RANG BZHIN ZHES BYA BA'O, ,CI'I PHYIR MA RIG PA'I KHAS BLANGS PA YIN NO ZHES ZER BA LA, RANG RIG YOD PA ZHES BYA BA STE, RES 'GA' PA'I KHYAD PAR CAN GYI RNAM PA'I RTOGS PA DE'I ZHES BYA BA'I KHAS BLANGS PA'I RTOGS PA'O, ,KHYAD PAR DANG KHYAD PAR DU BYA BA NYID PHYI ROL GYI DMIGS PA MED PA NYID NA NGES SAM ZHES BSDU BA YIN NO, ,DE'I RANG BZHIN NI BDEN PA NYID KYI'O, , RTOGS PA NI SHES PA YIN NO KHYOD KYIS KYANG RTOGS PA ZHES BYA BAR SBYAR RO, ,KHAS BLANGS PA GRUB PA NI MA BTAGS PA PHYIN CI LOG PAS LDOG PA YIN PA DE'I PHYIR DMIGS PA MED PA NYID BSTAN PA NI ,PHYI NAS ZHES BYA BA'O, ,DE'I PHYIR, PHYI ROL NYID NI MA GRUB PAS, ,DE'I PHYIR DMIGS PA MED PA'I BLO, ,

'DI NI JI LTAR SGRUB BYED MIN, ,DE'I TSE PHYOGS KYANG SHES PA YIN, ,ZHES BYA BA BSAL BA YIN NO, ,KHAS BLANGS PAS GRUB PA NI MNGON SUM MA YIN NA GANG GIS DE BKAG PA NA DES GNOD PAR 'GYUR DE'I PHYIR MI RIGS SO, ,MNGON SUM LA SOGS PA YI YUL, ,PHYI ROL KHO NAR GNAS PA YIN, , DE DGAG BYAS PA DE YI PHYIR, ,DE DAG GI PHYOGS LA GNOD 'GYUR, ,ZHES ZER BA NI, GAL TE DE LTAR ZHES BYA BA'O, ,'KHRUL PA DANG CIG SHOS DAG GIS GNOD PAR BYA BA LA SOGS PA'I NGO BOR 'DOD PA KHO NA YIN NO ZHES ZER BA NI, GAL TE SNGA PHYI ZHES BYA BA'O, ,NYA PHYIS LA DNGUL GYI SHES PA BZHIN DU DNGUL MA YIN NA JI LTAR DNGUL GYI KHYAD PAR DGAG PA YIN ZHES BRGAL ZHING BRTAGS PA'O, ,DE'I 'KHRUL PA NYID GA LAS ZHES BYA BA NI GZHAN NO, ,CI LAS SHE NA 'KHRUL NYID CES BYA BA'O, ,DON DAM PAR NA PHYI ROL GYI 'KHRUL PA MED PA CUNG ZAD KYANG YOD PA MA YIN PA'I PHYIR KHYAB CHES PA YIN NO, ,RGYU DANG LDAN PA NYID KYIS 'KHRUL PA NI MA YIN GYI 'ON KYANG DE RGYU DANG LDAN PA NI YIN TE, DE LAS BSTAN PA NI GAL TE RGYUR BCAS ZHES BYA BA STE, MA 'KHRUL PAR 'DOD PA DE DANG RGYU DANG LDAN PA YIN NA DE LAS BRGAL ZHING BRTAGS PA MTSUNGS SO ZHES BYA BA'I DON TO, ,'KHRUL PA YOD MOD CES BYA BA NI GNAS SKABS LAS SO, ,'KHRUL PAR 'DOD PA DE SGRUB PAR BYED PAS MA 'KHRUL PAS 'KHRUL PA THOB PAR 'GYUR RO ZHES ZER BA NI, GAL TE MA 'KHRUL BA NI ZHES BYA BA'O, ,PHYI ROL DU 'KHRUL PA LA SGRUB PA'I NGO BO 'THOB PA MA YIN TE MI MTHONG BA'I PHYIR RO, ,DE'I PHYIR KHYAD PAR DU 'KHRUL PA YIN PAR NGES PA NYID DU BSTAN PA NI, SGRUB PA'I TSUL DU MTHONG BA GANG ZHES BYA BA'O, ,'KHRUL PA NYID NI RJES SU BRJOD PAR BYA BA YIN GYI, BSGRUB PAR BYA BA NI MA YIN TE, THAL CHES PA'I PHYIR RO ZHES BSTAN PA NI, GANG YIN PA DE ZHES BYA BA'O, ,KHYAD PAR DANG BCAS PA'I BLO GANG DU RGYU YIN PA DE 'KHRUL PA YIN NO ZHES BYA BA'I KHYAD PAR GYIS NYE BAR BKOD PA LAS YIN GYI, RGYU NGES PA LAS NI SNGAR RTOGS PA'I 'KHRUL PA NYID RTOGS PA NI MA YIN NO ZHES BSTAN PA NI, 'KHRUL PA'I RANG BZHIN SHES NA YANG, ,ZHES BYA BA STE, KHAS BLANGS PA TZAM LAS NI 'KHRUL PA NYID MA YIN

, ,NO ZHES BYA BA'I DON TO, ,DES RTOGS PA YIN YANG MNGON SUM GYI NGES PA MA YIN PA NI 'KHRUL PA NGES PA YIN PAR BSTAN PA NI, RANG BZHIN GANG GIS ZHES BYA BA'O, ,MNGON SUM GYIS MA NGES PAS RANG GI NGO BO STE, MNGON SUM GYI RTOGS PAR BYA BAS 'KHRUL PA NYID 'DZIN PA'I YUL YANG MNGON SUM GYIS NGES PA MA YIN TE, 'KHRUL PA NYID BZHIN NO ZHES BYA BA NI DE YANG ZHES BYA BA'O, ,GAL TE 'DI YANG ZHES BYA BA NI 'KHRUL PA NYID 'DZIN PA'O, ,DE LTAR YANG ZHES BYA BA NI KHAS LEN PA'O, ,ZAD PAR SGRUB PAR BYED BLO YANG, GAL TE BRDZUN 'DOD DE YI PHYIR, ,JI LTAR 'DOD PAS KUN PA'AM, ,MA TSANG SOGS PAR THAR BAR 'GYUR, ,DE LTAR YANG ,DE BRDZUN NYID DU THAL 'GYUR NA, ,SNGA MA THAMS CAD MED PAR 'GYUR, ,ZHES BSTAN PA NI, DNGUL DU RTOGS PAR BYED NA NI, ,ZHES BYA BA'O, ,GANG GI TSE NYA PHYIS SU 'GYUR ZHE NA, RTOGS PA LDOG PA YIN PA NI DNGUL GYI'O, ,LDOG PA'I RGYU NI GNOD PAR BYED PA'O, ,RTOGS PA GNYIS KYI YUL MI DMIGS PA LA KHYAD PAR MED PAS DE'I TSE KA BA SGRUB PAR BYED PA'I SHES PA'I DBYE BA MA YIN NO ZHES BYA BA NI 'DOD PA KHO NA YIN PAR BSTAN PA NI, GNYI GA DAG KYANG NI ZHES BYA BA'O, ,SGRUB PAR BYED PA'I SHES PA NI KA BA LA SOGS PA'I SHES PA'I YUL MA YIN PA'I MI DMIGS PA RJES SU BRJOD PA LAS KHYAD PAR DU BYA BA KHO NA YIN NO ZHES ZER BA NI, GAL TE YANG ZHES BYA BA'O, ,LA LA DAG TU NI SGRUB PAR BYED PA'I SHES PA LA'O, ,DE LA BSTAN PA NI MI DMIGS PA STE NYE BAR BSTAN PA'O, ,GZHAN LA NI KA BA LA SOGS PA'I SHES PA LA'O, ,GNOD PAR BYED PA'I SHES PA'I DBANG DU BYAS PA'I BSGRUB BYA NYID NI SNGA MA'I NGO BO YIN PA DE TSAD MA YIN NA MI 'GYUR RO SNYAM DU SEMS PA NI, GNOD BYED RTOGS PA ZHES BYA BA'O, ,DE LAS LDOG PA NI GNOD BYA LAS BZLOG PA'O, ,BZLOG PA YI NI GNOD PAR BYA BA'I'O, ,MED PA NI GNOD PAR BYA BA NYID DO, ,BZLOG PA DANG CIG SHOS DAG KYANG RIG YIN NA SNGA MAS CI ZHIG 'THOB PA YIN NA GANG GIS NGES PA MED PAR 'GYUR, GANG GI PHYIR SNGON BO NI SER PO RIG NA MED PAR 'GYUR RO ZHES BSTAN PA NI GAL TE ZHES BYA BA'O, ,BZLOG RIG DE STE DE

LTAR MIN, ,ZHES BYA BA NI BZLOG PA RIG PA'O, ,GAL TE SNGA MA MI DMIGS PA'I BDAG NYID YIN NA MI DMIGS PA KHO NA MED PAR NGES PA KHO NA YIN NO ZHES BSTAN PA NI NGES PA MI DMIGS PAS BYAS NAS ZHES BYA BA STE, KA BA'O ZHES SAM RTZIG PA'O ZHES PA'I NGES PA LA NGES PA MA DMIGS NYID GNOD PAR BYED PA YIN NA PHYIN CI LOG TU DMIGS PAS CI ZHIG BYA ZHES BYA BA'I DON TO, ,BZLOG PA YANG RANG RIG PA TZAM NYID DU DMIGS PA YOD DO ZHES ZER BA LA, GAL TE BZLOG PA DMIGS PA'I PHYIR, ,ZHES BYA BA'O, ,DE ZHES BYA BA NI SNGA MI'O, ,MA GRUB PA NI MED PA'O,, GRUB PAR BYED PA YANG MI DMIGS PA KHO NA LA RJES SU 'BRANG BA YIN PAR BSTAN PA NI, DE'I PHYIR ZHES BYA BA'O, ,MI DMIGS PA NI RANG RIG PA TZAM GYI NYE BAR MTSON PA YIN NO, ,DE'I PHYIR PHYI ROL GYI DON LA DMIGS PA'I BLO NI, ,YANG DAG PA NYID KYI BLO 'DI YIN TE, GNOD BYED KYI BLO DANG BRAL BA'I PHYIR DPER NA RMI LAM LA SOGS PA'I GNOD PA'I BLO BZHIN DU'O ZHES BYA BA'I MI DMIGS PA'I GNOD PAS MA GRUB PA YIN PAR BSTAN PA NI JI LTAR RNAM PAR SHES PA ZHES BYA BA'O, ,YANG BRJOD PA, GANG YIN PA ZHES BYA BA NI, ,KHYAD PAR DANG NI KHYAD PAR DU, ,BYA BA DAG LA DBYE MED DANG,, PHYOGS KYANG NGAG GI DON YIN PAR, ,RNAM PAR GZHAG PA BYED PA YIN, ,ZHES BYA BA YANG NGO, ,LDAN PA'I DON MED NYID CES BYA BA NI DMIGS PA'I 'BREL PA MED PA'O, ,DNGOS PO GZHAN NI MED PA GZHAN, ,'GA' YANG MED DE MA BRTAGS PHYIR, ,ZHES BYA BA'I RIGS PAS DMIGS PA DANG BRAL BA'I RIG PA NYID RANG NYID RIG PA'O ZHES BRJOD PA YIN NA ,DNGOS PO MED PA'I CHOS RNAMS LA, ,JI LTAR KHYOD NI RTOGS PAR 'DOD, ,GAL TE RANG BLOS RTOGS NA NI, ,KHYOD NI KLAN KA TSOL BA YIN, ,ZHES BSTAN PA NI, DNGOS PO MED PA DANG LDAN PAR ZHES BYA BA'O, ,MED PA'I RTOG PA CI 'DRA ZHIG ,RTOG BYED DNGOS POR THAL BAR 'GYUR, ,ZHES BYA BA 'DI LA BSTAN PA NI LDOG PA'I SGO NAS ZHES BYA BA'O, ,GAL TE, KUN RDZOB LA NI BDEN MED NA, ,BDEN PA'I DBYE 'DI CI LAS YIN, ,GAL TE BDEN KUN RDZOB 'DI GANG, ,GAL TE BRDZUN NA JI LTAR BDEN, ,ZHES ZER BA LA, BDEN PAR SNANG BA ZHES

, ,BYA BA'O, ,RNAM PAR MI DPYAD PA'I RTOGS PA NI KUN RDZOB KYANG YIN LA BDEN PA YANG YIN TE, DE LTA BU'I RTOGS PA DANG LDAN PA LA GNOD PAR BYED PA MI 'BYUNG BA'I PHYIR TE, 'KHRUL PA BSTAN PA'I PHYIR RO, ,TSAD MA LA GNAS PA RTZA BA YIN PA'I PHYIR 'DIR DA LTAR NI RNAM PAR DPYAD NA ZHES BYA BA LA SOGS PAS RNAM PAR DPYOD PA'I KHAS BLANGS PA'I PHYIR DE BSTAN PA NI MED NA NI DNGOS PO STE, 'DI ZHES BYA BA NI 'KHRUL PA NYID DO, ,DNGOS PO LA YANG DE BZHIN DU RJES SU 'GRO BA YIN NO, ,DNGOS PO DANG CIG SHOS RNAM PAR DPYAD MI BZOD PA'I SHES PA NI 'KHRUL PA YIN LA DE LTA NA DE NYID KUN RDZOB YIN PAR ZER BA NI, GAL TE DE NYID MI SNANG 'KHRUL, ,ZHES BYA BA'O, ,DE'I PHYIR RANG DANG GZHAN GYI 'DOD PA MA DPYAD PAS DON MTSUNGS PA YIN YANG DES 'DI LOG PA DANG KUN RDZOB KYI SGRA DAG SLU BA'I DON DU NYE BAR BKOD PA YIN TE, KHA CHU 'THUNG ZHES BRJOD PA BZHIN,, ZHES PA BSTAN PA NI, DES NA BDEN LTAR ZHES BYA BA'O, ,GANG ZHIG CES BYA BA NI RGYAL DPOG PA LA SOGS PA'I'O, ,BDEN PA'I MIN LA YANG ZHES BYA BA NI RIG BYED DANG, PHYI ROL GYI DON LA SOGS PA YANG NGO, ,MI 'BYOR PA NI RIGS PA DANG 'GAL BAS SO, ,DE'I PHYIR ZHES BYA BA NI SMRA BA LAS SO, ,MA YIN PAR DGAG PA NI PHYI ROL LAS GZHAN DMIGS PA YIN GYI PHYI ROL LAS GZHAN DMIGS PA YIN GYI PHYI ROL DMIGS PA NI MA YIN NO, ,GAL TE YANG ZHES BYA BA 'DI LA YANG GRUB PA LA SGRUB PA YIN ZHES BYA BAR RJES SU 'JUG GO, ,SHIN TU THA DAD PAS DMIGS PA MED PAR ZHES BYA BA NI GRUB PA YIN TE, SNGON PO DANG DE'I BLO DAG KUN RDZOB KYI DBYE BAR KHAS BLANGS PA'I PHYIR RO, ,RNAM PA 'GAS KYANG THA DAD PA DMIGS PA MA YIN NO ZHES KHAS BLANGS PA DANG 'GAL BA YIN PAR BSTAN PA NI, RNAM 'GAS YIN NA ZHES BYA BA'O, ,BLO NI SNGON PO LA SNGON PO'I RNAM PA NYID KYIS DMIGS PA MA YIN NO ZHES GRUB PA KHO NA YIN NO ZHES BSTAN PA NI, DNGOS SOGS RNAMS LAS KYANG, ,ZHES BYA BA'O, ,RANG NYID KYI DMIGS PAS LHAN CIG DMIGS PAR NGES PA YIN PA 'DI LA ZER BA NI, 'DZIN LAS ZHES BYA BA'O, ,GZUNG BA SNGA MA LA PHYIS 'BYUNG BA'I 'DZIN BYED CES GCIG NYID DU NUS PA'I

DBYE BA 'GAL BA YIN PA NI DMIGS PA MED PA'I BLO 'BA' ZHIG YIN NO, ,CHOS DANG CHOS CAN BRJOD PA'I STOBS KYIS, MO GSHAM LAS SKYES BU 'DI NI, ,SMIG RGYU'I CHU LA KHRUS BYAS NAS, ,RI BOR RVA YI GZHU THOGS SHING, ,NAM MKHA'I ME TOG THOD BCINGS 'GRO, ,ZHES BYA BA LTA BU'I BLO'I SKYE BA YIN PAR BSGRUB PA LA BLO'I SKYE BA BSGRUB PA NI GRUB PA LA SGRUB PA YIN PAR BSTAN PA NI, GAL TE DMIGS PA MED PA'I BLO YANG ZHES BYA BA'O, ,'DI LA KHYOD KYI YANG LOG PA'I DON KHO NA YIN PAR BSTAN PA NI, KHYED NI RNAM PA JI LTAR YANG, ,ZHES BYA BA'O, ,SGRUB BYED KYIS BSKYED PA'I BLO NI RANG GI CHA LA MTHAR THUG PA'I PHYIR KA BA LA SOGS PA'I BLO DMIGS PA NYID KYI YUL MA YIN ZHING GNOD PA CAN YANG MA YIN TE, YUL THA DAD PA'I PHYIR RO ZHES BSTAN PA NI NAG PA LA SOGS ZHES BYA BA'O, ,KA BA LA SOGS PA'I BLO GNOD PAR BYA BA MA YIN PA GZUNG BA'I YUL CAN NI DMIGS PA CAN DANG BCAS PA NYID YIN PAR BSTAN PA NI, RANG BZHIN YIN PHYIR ZHES BYA BA STE, GZUNG BA'I BYED PA'I PHYIR RO, ,BYED PA SGRUB PA'I RTOGS PAR BYED PA'I SGRA NI CHOS CAN GYI RJOD BYED YIN ZHING, RANG NYID KYANG CHOS CAN NYID DU BRJOD PA LA DON RIG PA'I NGO BO DMIGS PA NYID 'GOG NA GRUB BA LA SGRUB PA YIN TE, SEMS PA CAN MA YIN NO ZHES BSTAN PA NI, GAL TE ZHES BYA BA'O, ,BLO SKYED PA'I NGO BO'I DMIGS PA NYID 'GOG PA NA MNGON PAR 'DOD PA'I DMIGS PA MED PA'I SHES PA NYID BSTAN PAR MI 'GYUR BAR BSTAN PA NI, GAL TE BLO SKYED CES BYA BA'O, ,CI LAS SHE NA SGRUB BYED CES BYA BA'O, ,KHYED KYI SGRA NI DON LA RJOD BYED MA YIN PA NYID DU BSTAN PA NI, BRJOD PA 'BREL PA MED PAR MIN, ,ZHES BYA BA STE, SGRA DANG DON GYI DBYE BA'I 'BREL PA 'DZIN PA MED PA NI DMIGS PA MED PA NYID YIN NO ZHES BYA BA'I DON TO, ,DER RTEN NI SGRA'I DON GYI RTEN NO, ,DE NYID KYI PHYIR KHYOD LA SGRUB BYED KYI DBYE BA'I SBYOR BA MED DO ZHES BSTAN PA NI, CHA SHAS BCAS PA'I ZHES BYA BA STE, 'DRI BA PO RNAMS KYIS MA RTOGS PA'I DON RTOGS PAR BYED PAR 'DOD PA NI PHYOGS DANG GTAN TSIGS DANG DPE'I TSIG DZIN PAR BYED PA DMIGS PA MED PA NYID YIN NA MI 'GRUB PO

, ,ZHES BYA BA'I DON TO, ,DE DMIGS PA DANG BCAS PA NYID YIN YANG KHAS BLANGS PA DANG 'GAL BA YIN PAR BSTAN PA NI GAL TE DE LDAN ZHES BYA BA'O, ,MA YIN PAR DGAG PA 'DI LA BSTAN PA NI SHES LAS ZHES BYA BA'O, ,GRUB PA LA SGRUB PA MA YIN PAR BSTAN PA NI, SNGO SOGS ZHES BYA BA'O, ,DE CHOS YOD KYANG ZHES BYA BA NI GZHAL BYA NYID LA SOGS PAS SNGON PO LA SOGS PA'I CHOS KYANG NGO, ,THA MI DAD PA MA YIN YANG 'ON KYANG THA DAD PA KHO NA YIN TE, PHYI ROL GYI TSUL ZHES BYA BA NI LHAG MA'O, ,GZHAL BYA LAS NI CHOS CAN LAS TE, JI LTAR THA DAD PA DE LTAR DMIGS PA STE, DE'I BDAG NYID MA YIN PA LAS ZHES BYA BA'I DON TO, ,SHES PA LAS THA DAD PA'I RGYU MTSAN GRUB PA LA SGRUB PA CI LAS YIN ZHES BYA BAR SBYAR RO, ,THA MI DAD PA NYID GSAL BAR BYED PA NI THA DAD NYID PHYIR ZHES BYA BA'O, ,GAL TE YANG ZHES BYA BA 'DI LA BSTAN PA NI SHIN TU ZHES BYA BA'I, ,RNAM 'GAS ZHES BYA BA 'DI LA BSTAN PA NI, GAL TE RNAM PA 'GA' ZHIG GIS ZHES BYA BA STE, KUN RDZOB PA'I DON LA BRTEN NAS SO, ,BLTA BAR ZHES BYA BA NI THA DAD PA DANG CIG SHOS MTHONG BA DAG CIG CAR 'GAL BA'I PHYIR RO, ,SNGO SOGS RNAM PA THA DAD PAR, ZHES BYA BA, ,'DOD PA BLANGS NAS BSTAN PA NI, ,SHES PA'I RNAM PA NYID KYIS ZHES BYA BA'O, ,DNGOS SOGS RNAM PA LAS KYANG NGO, ,ZHES 'DON PA LA BSTAN PA NI, GNYI GA RTOGS PA'I NGO BOR NI, ,ZHES BYA BA'O, ,RTOGS LAS ZHES BYA BA NI RNAM PA'I'O, ,DBYE BA LA NI RANG GI RIG PA GNYIS BDE BA DANG SDUG BSNGAL BZHIN DU GZUNG BA LA SOGS PA NYID MA YIN TE, DE'I DMIGS PA DANG BCAS PA NYID YOD PA MA YIN ZHES BYA BA DANG SBYAR TE, DNGOS PO LA RANG LA YOD PA'I GZHAL BYA BA LA SOGS PA'I NGO BOS 'DZIN PA YIN TE THA MI DAD PA'I PHYIR RO ZHES BYA BA'I DON TO, ,GZHAL BYA LA SOGS PA LAS THA MI DAD PA ZHES BYA BA DE LA SEL BAR BYED PAS BSAL BA YIN NO, ,'DZIN LAS ZHES BYA BA DE LA BSTAN PA NI, ,RTOGS LAS MI GZHAN GZUNG 'DZIN GYI, ,DBYE DANG ZHES BYA BA'O, ,NUS PA'I DBYE BA 'GAL BAR 'GYUR, ,ZHES BYA BA DE 'DIS BSAL BA YIN TE, GZUNG BA DANG 'DZIN PA

NYID KYIS CIG CAR RAM RIM GYIS NUS PA'I DBYE BA YIN PA RNAL 'BYOR SPYOD PA PA RNAMS 'DOD PA MA YIN NO, ,DBYE BAR YANG NI JI LTAR 'GYUR, ,ZHES BYA BA NI GNAS SKABS PA'O, ,DA BYE BA 'GA' YANG MED PA MA YIN TE, DBYE BA MED PA YIN ZHES BYA BA'I DON TO, ,DE GSAL BAR BYED PA NI DPER NA RTOGS PA'I ZHES BYA BA'O, ,GZHAN RNAMS KHO NAS 'DZIN PAR BYED PA LA SOGS PA BRTAGS PA YIN PAR BSTAN PA NI, DE'I PHYIR ZHES BYA BA'O, ,SNGAR GYI PHYOGS LAS NI ZHES BYA BA NI THAMS CAD NYID DMIGS PA MED PA MA YIN NAM ZHES BYA BA LAS SO, ,DE LA YANG SKYE BA DANG LDAN PA NYID DU 'DOD PA YIN PAR BSTAN PA NI, DE BZHIN THAMS CAD SKYE BA NI, ,ZHES BYA BA'O, ,SGRUB BYED LAS BYUNG BA'I BLO CHOS SU GYUR BA'I DMIGS PA MED NYID MI 'DZIN KYANG ZHEN PAR BYED PA YIN NO, ,DES NA NAG PA LA SOGS SHES PA'I ZHES BYA BA LA SOGS PA NGO BO MED PA'I PHYIR BSAL BA NI, BLO NI DMIGS DANG BCAS PA NYID, ,CES BYA BA'O, ,GAL TE RTOGS BYED SGRA YANG NI, ,ZHES BYA BA DE LA BSTAN PA NI, RTOGS PA'I SGRA ZHES BYA BA STE, GNAS SKABS LAS GZHAN PA LA'O, ,GAL TE BLO SKYE NUS PA NI, ,ZHES BYA BA DE LA SEL BA NI BLO SKYED PA'I NUS PA NI 'GOG PAR 'DOD PA ZHES BYA BA'O, ,BSGRUB BYA YIN PA'I PHYIR NI PHA ROL GYI 'DOD PA'I RJES SU DPAG PA LA'O, ,PHA ROL PO'I SGRO BTAGS PA'I DMIGS PA MED PA NYID CES BYA BA LA SOGS PA NI, RGOL BA YIN LA MA YIN TE, ,ZHES BYA BA LA SOGS PA NI LAN NO, ,JI LTAR MI SLU BA YIN ZHES BYA BA NI DMIGS PA DANG BCAS PA NYID DU 'JUG PA'I PHYIR RO, ,MED PA JI LTAR YIN ZHE NA, ,DMIGS PA ZHES BYA BA'O, ,GZHAN SEL BA RTOGS PAR BYED PA NI PHA ROL POS SGRO BTAGS PA'I MED PA RTOGS PAR BYED PA YIN NO, ,'GYUR RAM CI ZHES BYA BA NI SPONG BA'I DON TO, ,DE YANG ZHES BYA BA NI THA DAD 'DZIN PA'O, ,PHYI NAS ZHES BYA BA NI DMIGS PA MED PA RTOGS PA 'BRAS BU'I DUS SO, ,'BRAS BU GRUB PA NI DMIGS PA MED PA NYID DU RTOGS PA NA'O, ,DMIGS PA MED PA NYID SEL BAR, ,SNANG BA CI'I PHYIR GZHAN DAG BYED, ,CES ZER BA LA, 'THAD BRAL BUD MED CES BYA BA STE, DE KHO NA NYID RTOGS PA GANG LA YOD PA'I

, ,MKHAS PA DE'I NGO MTSAR SKYES PA YIN ZHES BYA BAR SBYAR RO, ,CI LAS SHE NA DE'I MDUN DU MI RIGS PA'I PHYIR 'JIG PAR 'GYUR BA NI, PHYIR YANG TE PHYIS KYANG NGO, ,MCHOG TU 'DZIN PA NI RNAM PAR DPYOD PA NA'O, ,SKYON MED PA NI DUS MTSUNGS PA MA YIN PA NYID KYIS 'GAL BA MED PA'I PHYIR RO, ,GZHAN GYIS RTOGS PA MA YIN PA NYID 'DZIN PA NI DUS GCIG KHO NA LA'O, ,CI'I PHYIR MI 'GAL ZHES BYA BA NI NGAS ZHES BYA BA'O, ,TSIG LAS THAMS CAD DMIGS PA MED PA KHO NA YIN PA'I PHYIR, 'BRAS BU'I DUS SU NI PHYIR RGOL BA LA YANG 'GAL BA MED DO ZHES BYA BA NI DES NA ZHES BYA BA'O, ,GNAS SKABS DE LA PHYIR RGOL BA'AM 'DRI BA PO YANG RGOL BA PO NYID DU MA YIN PAR ZER BA NI 'ON TE ZHES BYA BA'O, ,DE NYID RIG PA CAN NYID KYIS DPYAD BZOD PA'I PHYIR 'DRI BA PO RNAMS KHO NA YIN PAR BSTAN PA NI DE NYID RTOGS BYED CES BYA BA'O, ,'DRI BA PO MED PAS RGOL BA PO'I DRI BA NYID YOD PAR MI 'GYUR TE, PHYOGS SU LHUNG BA'I PHYIR ZHES ZER BA NI RGOL DAG CES BYA BA'O, ,DE DAG 'GAL BA CAN NI TSAD MA LAS BYUNG BA DANG 'GAL BA CAN NO, ,DE ZHES BYA BA NI SNGAR KHAS BLANGS PA'O, ,SEL BA NI 'DOR BA'O, ,GAL TE DE ZHES BYA BA NI DBYE BA'O, ,DE DAG GIS NI 'DRI BA PO RNAMS KYIS SO, ,RNAM PA CI ZHIG LTAR ZHES BYA BA NI TSAD MA CAN MA YIN PAS SO, ,'DIS NI ZHES BYA BA NI SGRUB PAR BYED PA'I SHES PAS SO, ,TSAD MA'I STOBS LAS ZHES BYA BA NI MI DMIGS PA'I KHYAD PAR LAS SO, ,GANG LA ZHES BYA BA NI NYE BAR BSDU BA'O, ,CHOS DANG CHOS MA YIN PA DANG SLOB MA DANG SLOB DPON DAG 'DZIN PAR BYED PA DMIGS PA MED PA YIN NA, SLOB DPON GYIS SLOB MA RNAMS LA SOGS PA STON PAR MI 'GYUR RO ZHES ZER BA NI, CHOS DANG CHOS MIN RTOGS PA DANG, ,ZHES BYA'O, ,DMIGS PA MED PA NYID KYI MDO SDE LAS MDO SDE GZHAN GYI DON RNAM PAR NGES PA LA SOGS PA DE LA'O, ,RNAM PAR RIG PA LAS THA DAD PA'I DON KHAS BLANGS PA LAS DAM BCA' BA LUNG DANG 'GAL BA YIN NO ZHES ZER BA NI GSAL BAR DES ZHES BYA BA'O, ,'JIG RTEN LA GRAGS PA DANG 'GAL BA CAN YIN NO ZHES ZER BA NI 'JIG RTEN KUN ZHES BYA BA'O, ,TSUL

GSUM 'DZIN PAR BYED PA DMIGS PA MED PA YIN NA GSUM MAM GCIG KYANG RUNG BA JI LTAR 'DOD PA BZHIN MED PAR 'GYUR RO ZHES ZER BA NI, GAL TE MA LUS ZHES BYA BA'O, ,DE DMIGS PA DANG BCAS PA NYID YIN NA GTAN TSIGS MA NGES PA YIN PAR ZER BA NI DE DAG CES BYA BA'O, ,SHES PA RNAMS DMIGS PA MED PA YIN TE, SGRUB PAR BYED PA'I BLO LAS GZHAN NYID YIN ZHING, SHES PA YIN NO ZHES BYA BA'I GTAN TSIGS MA NGES PA MA YIN NO ZHES ZER BA NI DE LAS GZHAN PA ZHES BYA BA'O, ,LAN DU SMRA BA NA GZHAN PA'I RTOGS PA ZHES BYA BA'O, ,DGOS PA BSHAD PA NI PHYOGS SOGS ZHES BYA BA STE, DE LAS GZHAN PA NYID NI DAM BCA' BA DANG GTAN TSIGS DE DAG GI KHYAD PAR ZHES BYA BA'I DON TO, ,DE LAS GZHAN PA'I 'DZIN BYED KYI KHYAD PAR LA SOGS PA'I KHONGS SU GTOGS PAS DMIGS PA MED PA NYID NA GZUNG BA DANG DE LAS GZHAN PA NYID MA GRUB PAS GTAN TSIGS MA GRUB PA'I PHYIR, DMIGS PA MED PA NYID 'GRUB PA MA YIN NO ZHES ZER BA NI, DE NI LOG PAR GRUB NA YANG ZHES BYA BA'O, ,THA DAD MED PAR 'GYUR ZHES BYA BA NI DMIGS PA MED PA NYID KYIS GZHAN DU 'DZIN PA'I SGRUB PAR BYED PA'I BLO'I'O, ,DMIGS PA DANG BCAS PA DE NYID LA 'JUG PA'I GTAN TSIGS MA NGES PA YIN LA, SGRUB PAR BYED PA'I BLO LAS GZHAN NYID DU 'DZIN PAR BYED PA DE LAS GZHAN PA NYID KYI KHYAD PAR YIN NA, DE 'DZIN PA PO BRDZUN PA NYID YIN PA'I PHYIR MA GRUB NA, DES KHYAD PAR DU BYAS PA MA GRUB PA DE'I PHYIR DMIGS PA MED PA NYID MA YIN NO ZHES ZER BA NI CI SRID CES BYA BA'O, ,DE LTAR DE LAS GZHAN BYED PA ZHES BYA BAR YANG 'DON PA YOD DO, ,PHYI MA RNAMS NI KHYAD PAR 'DZIN PAR BYED PA RNAMS SO, ,SNGA MA NI DANG PO STE DMIGS PA MED PA NYID DU 'DZIN PA'I'O, ,PHYOGS THAMS CAD LA NI DE LAS GZHAN PA'I NYID KYI KHYAD PAR CAN GYI GTAN TSIGS KYI PHYOGS RNAMS LA'O, ,SHES PA NYID KYI 'GAL BA MA 'KHRUL PA NYID DAM, DAM BCA' BA LA RJES SU DPAG PA DANG 'GAL BA NYID YIN ZHES ZER BA NI, 'GAL BA MI 'KHRUL CAN DU 'ANG 'GYUR, ,ZHES BYA BA'O, ,DE LTAR BSTAN PA'I BSHAD PA NI PHYI ROL DON YOD CES BYA BA'O, ,

, ,BLO NI KA BA LA SOGS PA'I YUL CAN GYI RTZOD PA'I YUL YIN NO, ,GNOD DANG BRAL BA'I ZHES BYA BA NI KHYAD PAR GYI BLO YIN PA'I PHYIR RO ZHES BYA BA'I GTAN TSIGS SO, ,RMI LAM LA SOGS PA'I GNOD PA CAN GYI BLO YANG PHYI ROL GYI DON LA DMIGS PA CAN MA YIN TE, BSGRUB BYA MA TSANG BA'I PHYIR GTAN TSIGS KHYAB PA MA YIN NO ZHES ZER BA NI DE YANG ZHES BYA BA'O, ,GNOD PAR BYED PA BRDZUN NYING YIN NA GNOD PAR BYA BA RMI LAM BDEN PA YIN PA'I PHYIR MI BDEN PA'I DON NYID BSGRUB BYA MA TSANG BA'I PHYIR RNAM PA MED PA NYID KYIS SHES PA NYID KHYAB PA MA YIN PAR YANG BSTAN PA NI RMI SOGS DAG LA ZHES BYA BA'O, ,GAL TE MA LUS SGRUB BYED BLO, ,ZHES BYA BA 'DI MA GRUB PA NYID DANG, DE DAG DMIGS DANG BCAS NA NI, ,ZHES BYA BAS MA NGES PAR NAN GYIS KHAS LEN DU BCUG CING BRJOD NAS DE KHAS LEN PA NYID KYIS BSTAN PA NI, RNAM SHES YOD DANG ZHES BYA BA LA THA DAD PA NI, RGYU RNAMS KYI'O, ,SKAD CIG PA NYID NI SNGA MA DANG PHYI MA'I NGO BOS SO, ,PHYOGS LA GNOD PA NI KHAS BLANGS PA LA GNOD PA'O, ,RAB TU GRUB PA'I CHOS CAN RAB TU GRUB PA'I BYE BRAG GI KHYAD PAR CAN ZHES BYA BA 'DI LA CHOS DANG CHOS CAN DAG MED PAS MED PA YIN NO ZHES GZHAN GYI'O, ,SHES PA NYID MED PA LAS KYANG DE BSGOMS PAS BYAS PA'I THAR PA MA YIN PA DE'I PHYIR DE'I DON DU 'BAD PA MI BYED DO ZHES ZER BA NI DE'I PHYIR THAR PA YIN ZHES BYA BA'O, ,CHOS DANG CHOS MIN RTOGS PA DANG, ,ZHES BYA BA DE LA BSTAN PA NI, GAL TE DA LTA LA ZHES BYA BA STE TSU ROL GYI GNAS SKABS LA'O, ,DE NYID KHYAD PAR DU BYED PA NI 'KHOR BA'I ZHES BYA BA'O, ,BYIS PA'I RTZED MO BZHIN DU BSNYEN PA DANG SLOB GNYEN LA SOGS PA DE'I DON DANG DON MA YIN PA'I DBYE BA LA SOGS PA 'DOD PA DANG CIG SHOS SU MNGON PAR ZHEN PA YANG BYIS PA'I RTZED MO BZHIN DU CHOS LA SOGS PA LA DON DU GNYER BA BSKYED PAS 'JUG PA YIN PAR BSTAN PA NI, 'GRO KUN GANG LA ZHES BYA BA'O, ,DE DANG NI THA DAD PAR MNGON PAR ZHEN PA CAN GYI'O, ,DE LA MNGON PAR ZHEN PA CAN MA YIN PA'I RNAL 'BYOR PAS KYANG BSTAN PA STE, GLANG PO CHE'I LTA STANGS KYIS BSTAN PA NI, GLANG CHEN ZHES BYA BA'O, ,

DE NI 'DI LTAR THA MI DAD PA LA YANG THA SNYAD NI THA DAD PA'I RIG PA 'PHEN PA YANG MA YIN TE, GZHAN DU YANG YIN PA'I PHYIR RO, ,DE NI MA YIN TE DE BSGRUB PHYIR NI ZHES BYA BA SOGS PA LEGS PAR GSUNGS PA YIN PAR BSTAN PA NI, 'DIS DER NAN TAN ZHES BYA BA'O, ,MDO GZHAN DAG CES BYA BA DE LA BSTAN PA NI, DE'I BSAM PAS ZHES BYA BA'O, ,'JIG RTEN KUN GYI ZHES BYA BA DE LA BSTAN PA NI, DE NYID RIG MED CES BYA BA STE, DE NYID RIG PA PO'I RAB TU GRAGS PAS GNOD PA YIN NA, KHYOD KYI RIG BYED DPYAD PA LA YANG GNOD PAR 'GYUR RO ZHES BYA BA'I DON TO, , DE GRAGS PAS KYANG GNOD PA MA YIN PA DE'I PHYIR GNYIS SU MED PA LA LHAG PAR BYAR MED PA NYID KYI RTOGS BYA NYID YIN PAS RIM PA LA LTOS PA'I PHYIR, THAMS CAD YOD CES BRJOD PAR BYA, ,ZHES BYA BA'I RIGS PAS SO ZHES BSTAN PA NI DE NYID RIG MED CES BYA BA'O, ,DE LA NYE BAR ZHES BYA BA NI PHYI MA PHYI MA'I DE NYID KYI KHYAD PAR LA 'DOD BA MED PA'O, ,GAL TE MA LUS SGRUB BYED BLO, ,ZHES BYA BA DE LA BSTAN PA NI, DE LA SGRUB BYED BLO ZHES BYA'O, ,DE'I STE DE NYID MI RIG PA NI DMIGS PA MED PA MIN ZHES BYA BAR SBYAR RO, ,GANG TSE ZHES BYA BA NI DE NYID SHES PAR 'DOD PA'I TSE NA'O, ,BSGRUB BYA DANG SGRUB BYED KYI BLO DAG DMIGS PA MED PA NYID YIN NA BSGRUB BYA SGRUB BYED DU MI 'GRUB BO ZHES ZER BA NI, GAL TE DE'I SGRUB BYED NI ZHES BYA BA STE, DMIGS PA'AM RGYU MTSAN YANG RUNG, SHES PA GANG GI YIN PA DE DE SHES PA DE LAS GAL TE SGRUB BYED DANG BSGRUB BYA YANG NGO, ,LAN NI, SLU BA MED PA NYID DE YIS, ,ZHES BYA BA STE, DES PA JI LTA BA BZHIN 'THOB PA'O, ,DE YIS ZHES BYA BA NI BSGRUB BYA DANG SGRUB PAR BYED PA'I SHES PAS SO, ,YOD MA YIN NI NGO BO DMIGS PA'O, ,MNGON SUM NI BZUNG BAS DBEN PA YIN LA, LHAG PAR ZHEN PA RJES SU BRJOD PA LA DMIGS PA DANG BCAS PA ZHES BYA BA NI KHO NA BZHIN YIN NO, ,GZHAN DU NA DE YANG BDAG NYID GZHAN LA YIN PA'I PHYIR THUG PA MED PA YIN TE, TSAD MA MA YIN NA YANG DE BSGRUB PA THAMS CAD MED PA'AM, JI LTAR 'DOD KUN MED PA'AM, MA TSANG LA SOGS THAL BAR 'GYUR, ,DE NI 'DI LTAR MI SLU BA CAN

, ,YANG ZHEN PA NI DNGOS PO 'DZIN PA MA YIN PA NYID KYIS, DMIGS NYID KYIS NI MA YIN TE, ,DE DAG DMIGS DANG BCAS NAS NI, ,ZHES BYA BA BSAL BA YIN PAR BSTAN PA NI, DE NI ZHES BYA BA STE BSGRUB BYA DANG SGRUB BYED KYI SHES PA'I'O, ,MTHONG PHYIR ZHES BYA BA NI DPE YIN PA'I PHYIR RO, ,YIN NA DE LTAR ZHES BYA BA NI DPE YIN PAS PHYOGS DANG, DPE DAG THA DAD PA'I PHYIR TE, DE LAS GZHAN PA KHAS LEN NA ZHES BYA BA 'DOD PA KHO NA YIN PAS GNOD PA MA YIN NO ZHES BYA BA'I DON TO, ,DE LAS GZHAN PA'I RTOGS PA BRDZUN, ,ZHES BYA BA YANG THAMS CAD BRDZUN PA YIN PA'I PHYIR SKYON MED PA KHO NA YIN PAR BSTAN PA NI, DE LAS GZHAN PA'I RTOGS PA YANG, ,ZHES BYA BA YANG MI 'DOD PA MA YIN NO ZHES BYA BA NI RIM PA'O, ,DE NI LOG PAR GRUB NA YANG, ,SNGA MA THAMS CAD 'GRUB MI 'GYUR, ,ZHES BYA BA DE YANG MI 'GRUB PAR BSTAN PA NI, DES NA LOG PA SNGON 'GRO CAN, ,ZHES BYA BA STE NGO BO GTZO PO'O, ,DPE'I DON DU YANG DE LAS GZHAN PA ZHES BYA BA KHYAD PAR YIN NA THUG PA MED PA YIN TE, DE DAG TZAM GYIS THAMS CAD BRDZUN PA NYID DU GRUB PA'I PHYIR RO, ,CUNG ZAD KYANG DMIGS PA DANG BCAS PA NYID MA YIN PAR BSTAN PA NI, DE LAS GZHAN PA ZHES BYA BA'O, ,DE 'DI GSAL BAR BYED PA NI GANG LA ZHES BYA BA'O, ,GZHAN LA YANG NI PHYI ROL GYI TSUL LA YANG NGO, ,DES PA RNAMS KYI MA NGES PA, ,DE NI JI LTAR DE DAG YUL, ,ZHES BYA BA STE, DE MA YIN LA DE 'DZIN PHYIR, ,'KHRUL YANG 'BREL PHYIR TE MI SLU BA'I PHYIR TSAD MA YIN ZHES BYA BA'I DON TO, ,RJES SU DPAG PAS GNOD PA NA, ,'GAL BA MI 'KHRUL CAN DU'ANG 'GYUR, ,ZHES BYA BA'I PHYI ROL GYI MI DMIGS PA NI MNGON SUM DANG 'GAL BA YIN NO ZHES ZER BA LA SGRUB BYED BSTAN PAR ZHES BYA BA'O, ,PHYI ROL NYID MI RIGS PA'I PHYIR DE LA GNOD PA NYID MI 'GRUB PAR BSTAN PA NI, GNOD PA DANG BRAL ZHES BYA BA'O, ,BDEN PA NYID KYANG RMI LAM LA SOGS PA'I GNOD BYED KYI GNOD PAR BYED PA MI DMIGS PA YIN LA, KA BA LA SOGS PA'I SHES PA NI PHYI ROL GYI GNOD BYED MI DMIGS PAR BSTAN PA NI, RMI SOGS ZHES BYA BA'O, ,DE SKYED CES BYA BA NI PHYI ROL

GYI GNOD BYED MI DMIGS PA YIN PA'O, ,RNAM SHES YOD DANG ZHES BYA BA RJES SU BRJOD PA NI SKAD CIG SOGS ZHES BYA BA'O, ,SHES PA'I NGO BO DMIGS PA YIN YANG DE NYID DMIGS PA DANG BCAS PA NYID YIN NO SNYAM DU SEMS PA LA GRUB PA LA SGRUB PA YIN PAR BSTAN PA NI RNAM SHES NGO BO ZHES BYA BA'O,, DMIGS MED MIN PA ZHES BYA BA NI DMIGS PA DANG BCAS PA NYID DO, ,GZHAN NYID KYI PHYI ROL MA YIN PA LA DMIGS PA DANG BCAS PA NYID YIN NA, RMI SOGS DAG LA GNOD MED PAS, ,DA NI KHYOD KYI SGRUB BYED PA, ,CHOS MTHUN CAN DPE MED PAR 'GYUR, ,ZHES BYA BA DE LA BSTAN PA NI DES NA RNAM PAR SHES PA'I BDAG NYID CES BYA BA'O, ,RIG PA YIN PA NI TSOD MA YIN PA STE, MNGON SUM GYI BDAG NYID KYI RIG PA'O, ,RJES SU DPAG PA NI BDAG NYID MA YIN PA LA LHAG PAR ZHEN PA CAN YIN GYI ZHEN PA JI LTA BA BZHIN DU THOB PA NI 'DZIN BYED MA YIN ZHING DMIGS PA MA YIN TE, PHYI ROL DU SMRA BA PO'I LTA BU'O ZHES BSTAN PA NI RJES SU DPAG CES BYA BA'O, ,THOB PA YANG RANG DANG RJES SU MTHUN PA'I SHES PA GZHAN SKYED PA'I RJES SU DPAG PA LA'O, ,MNGON SUM LA NI NGO BO RIG PA YIN GYI, SHES PA NI MA YIN TE KHYAD PAR MED PA'I PHYIR RO, ,KHYAD PHAR YOD NA DE YANG RJES SU DPAG PAR 'GYUR BAR BSTAN PA NI MI SLU BA CAN GANG YIN PA ZHES BYA BA'O, ,DE LTAR NA DE'I BSKYED BYA'I SHES PA GZHAN SKAD CIG PA NYID LA SOGS PA LAS THA DAD PAR RIG PA YIN PAR BSTAN PA NI, RKYEN GZHAN GYIS ZHES BYA BA'O, ,BZLOG PA'I TSAD MA RNAMS KYIS RANG LA BYED PA 'GAL BA'I PHYIR, MNGON SUM LA SOGS PA YI YUL, ,PHYI ROL NYID DU GNAS PA YIN, ,DE DGAG BYAS PA DE YI PHYIR, DE DAG GI PHYOGS LA GNOD 'GYUR, ,GNOD DANG BRAL BA'I BLO YIN PHYIR, ,PHYI ROL DON YOD SNYAM PA YI, ,ZHES BYA BA LA SOGS PA LA RIG PA'I BDAG NYID YIN ZHING, GZHAN GYI YUL YANG MA YIN PA LKOG TU GYUR PA'I NGO BO NI RANG NYID RIG PA YIN LA DE LA 'GAL BCUD ZAD KYANG MED DE, DE MED PA LA DON GYIS GO BAR MI 'BYUNG PA'I PHYIR RO ZHES BSTAN PA NI, DE'I RANG BZHIN ZHES BYA BA'O, ,RIG PA NA ZHES BYA BA NI RIG PA'I BDAG NYID YIN NA STE, GANG LA RIG PA YOD PA MA YIN PA DES RIG BZHIN PA MA YIN

, ,PA'I DON TO, ,THAMS CAD KYIS NI SKYES BU RNAMS KYIS SO, ,RNAM PA GZHAN DU'ANG ZHES BYA BA NI, ,GCIG NYID KYIS KYANG STE, GNYI GA LA YANG NGO BO LAS GZHAN PA'I LAS NYID DU RIG PA MED PA'I PHYIR MTHONG BA MED DO ZHES BYA BA'I DON TO, ,LTOS PA MED PA'I RIG PA NI RIG PAR BYED PA GZHAN THOB PA LA GEGS BYED PA YIN PAR BSTAN PA NI DON GYIS GO BA ZHES BYA BA'O, ,JI LTAR ZHES BYA BA NI YUL GZHAN MA YIN PA NYID KYIS DE RIG PAR BYED PA GZHAN DU RTOG PA NYID NI MTHONG BA DANG 'GAL BA YIN NO ZHES BYA BA'I DON TO, ,KHYAD MED CES BYA BA NI LAS NYID SNGON PO'I RIG PA LA KHONGS SU GTOGS PA MA YIN PA'I PHYIR, PHYI ROL GYI ZHEN PA NI 'DI'I DE NYID 'BREL BA MA YIN PA DE'I PHYIR GANG GI TSE GZUNG BA'I RNAM PA SNGON PO LA SOGS PA RTOGS PA DE'I TSE 'DZIN PAR BYED PA'I RNAM PAR RIG PA NI GANG DU MA MTHONG NGO ZHES BYA BA LAS SOGS PAS GZUNG BA DANG 'DZIN PA DAG GCIG GI BDAG NYID YIN PA'I PHYIR RIG PA GCIG LA RIG PA GZHAN DU THAL BAR 'GYUR BA NI BYUNG BA'I TSUL MI SHES PA NYID YIN LA, GNYI GA MA YIN PA'I NGO BO RIG PA CAN GYI RIG PA SMRA BA PO LA GNYI GA RIG PAR THAL BAR 'GYUR BA'I GNAS SKABS GANG YIN, RNAM PA 'GAS KYANG DNGOS PO'I NGO BO LAS THA DAD PA NYID KYI SHES PA DE'I 'DZIN BYED DU 'GYUR ZHING, DE LA GZUNG BYA NI RDZAS LA SOGS PA YIN GYI RANG NYID NI MA YIN NO ZHES RJES SU BRJOD NAS BSTAN PA NI, BDAG GI ZHES BYA BA STE, SNGON PO LA SOGS PA'I YANG GZUNG BAR BYA BA NI SPYI YIN LA, 'DZIN PAR BYED PA NI RIG PAR BYED PA NYID YIN NO ZHES BYA BA'I DON TO, ,SNGON PO NYID RIG PA RIG PAS ZHES BYA BA NI RIG PA'I BDAG NYID YIN LA DE'I PHYIR, GNYI GA'I BDAG NYID CIS MA YIN, ,BUM PA SHES PA PO NYID DANG, ,BUM PA LA SHES PA PO NYID DANG SHES PA PO NYID YIN NA BDAG GIS BUM PA SHES SO ZHES RTOGS BA'I PHYIR, KHO BO CAG GI SBYOR BAS 'BREL PA'I BDAG GO ZHES BYA BA'I SHES PA NYID KYANG BUM PA'I SHES PA'I BYED PA PO NYID DU SHES PA PO NYID YIN NA BUM PA'I SHES PA PO NYID YIN NA ZHES BYA BA'I THA TSIG GO, ,'GYUR RO ZHES BYA BA DE LA BDAG NYID RIG PA NI BDAG NYID BYED PA PO LA YANG RIGS PA YIN ZHES BYA BA DE LA BSTAN

PA NI BDAG GZHAN DU ZHES BYA BA'O, ,GNYI GA'I RANG BZHIN NYID NI SNGON PO LA SOGS PA'I YIN PA DE'I PHYIR DAG PA NYID KYI RNAM PA MED PA 'DZIN PA YIN NO, ,RIG PA NI GZUNG BA LAS THA MI DAD PA NYID YIN NA YANG DE RIG PA YIN PAR MI RIGS SO ZHES BYA BA NI GTAM TZAM MO, ,SNGON PO DANG BDE BA LA SOGS PA YANG RANG RIG PA GCIG GIS BYED PA'I KHONGS SU GTOGS PA'I PHYIR THA DAD PA MA YIN TE LHAN CIG RIG PA MED PAR THAL BAR 'GYUR BA'I PHYIR, RJES SU 'GRO BA NI RIG PA'I DON DANG LHAN CIG GNYI GA'I NGO BOR MA DRES PA'I SNANG BA LAS GRUB PAR GCIG PA NYID BSAL BA YIN TE, GCIG GI NGO BOR GCIG 'GYUR BA, ,'DI NI DBANG PHYUG GIS BSHAD MIN, ,ZHES BYA BA BSAL BA BSHAD PA NI, GCIG GI RANG BZHIN ZHES BYA BA'O, ,THAMS CAD CES BYA BA NI RNAM PAR CHAD PAR SNANG BA'O, ,THA DAD NYAMS PHYIR RDZAS RE LA, ,THA DAD NGO BOR DMIGS PA MIN, ,MNGON SUM RIG PA MA YIN TE, LAS KYI NGO BO YIN ZHES ZER BA NI, ,RIG BYA RIG BYED CES BYA BA'O, ,THAMS CAD GCIG TU ZHES BYA BA'I BSHAD PA NI, TSE SNGON PO ZHES BYA BA'O, ,RANG BZHIN THA DAD LAS ZHES BYA BA NI RIG BYA RIG BYED DAG LAS SO, ,RANG BZHIN THA DAD PA'I RGYU NYID DU YUL THA DAD PA YIN ZHES BSTAN PA NI, YUL THA DAD PAS ZHES BYA BA'O, ,RANG BZHIN LA DBYE BA MED NA YUL THA DAD PA YIN YANG THA DAD PAR BYED PA MA YIN PA'I PHYIR KHYAB PA MA YIN PAR BSTAN PA NI DE LTAR ZHES PA'O, ,DAM PA'I DON DU ZHES BYA BA NI THOG MA MED PA'I BDAG CHAGS LAS BYUNG BA'I 'KHRUL PA YOD PA NYID MED PA TZAM GYI PHYIR RO, ,THAR PA LA 'BAD PA NI 'DI DANG 'DI BYA'O ZHES ZHEN PA YIN LA, DE'I RGYU MTSAN GYI BYED PA YANG BSAM PA DANG SBYOR BA DAG NI RNAM PAR RTOG BA'I BDAG NYID YIN PA'I PHYIR MNGON PAR 'DOD PA TZAM YIN TE, RANG RIG BA MA YIN PA MED PA'I PHYIR RO ZHES BSTAN PA NI THAR PA LA SOGS ZHES BYA BA LA DON MED PA NYID SEMS PA STE, DE'I PHYIR THAR PA'I 'BAD PA YANG, ,KHYED LA 'BRAS BU MED PAR THAL, ,ZHES BYA BA DANG, RNAM SHES YOD DANG THA DAD DANG, ,DE BZHIN SKAD CIG NYID SOGS BLO, ,GAL TE BDEN PAR KHAS LEN NA, ,ZHES BYA BA DE LA CHOS DANG CHOS CAN GYI 'BREL PA NI,

, ,RTOG PA MED PA'I SPRUL PA YIN PA'I PHYIR LA RTOG PA YANG BRDZUN PA YIN PA'I PHYIR, RNAM PAR RTOG PA SKYE BA NA ZHES BYA BA LA SOGS PA YANG BRJOD PAR BYA'O, ,RNAL 'BYOR SPYOD PA PA'I LTA BA LA SKAD CIG PA RNAM PAR SHES PA'I BDAG NYID DU GYUR PA BSGRUB PAR BYA BA YIN TE, ZHES BYA BA LA SOGS PAS LAN BTAB PA YIN NO, ,THA MI DAD PA LA NI RTOG PA MED PA'I KHO NA 'JUG PA YIN TE, RANG NYID RIG PA'I PHYIR RO, ,PHYI ROL LA NI RIGS PA KHO NA YIN PAR BSTAN PA NI, GZHAN YANG RNAM PAR RTOG PA ZHES BYA BA'O, ,SHES PA'I RANG GI NGO BO NYID RTOG PA MED PA'I TSAD MA GZHAN YIN LA BLO NI DON GYIS GO BA'I RTOGS BYA YIN PA'I PHYIR BRTAG BYA YIN TE, 'DI SKAD CIG PA NYID LA SOGS PA DANG 'BREL PA YIN NO ZHES BYA BA'I DON TO, ,DE LTA BU'I RNAM PA BSHAD PA NI RNAM PAR RTOG PA MED PA NI ZHES BYA BA'O, ,GZHAN MED NA NI RTOG PA MED PA MED NA'O, ,GAL TE NI KHAS LEN NA'O, ,MTHONG BA MED NA 'DI MTHONG NGO, ,ZHES BYA BA'I RNAM PAR RTOG PA 'ANG MED DE, RNAM PAR RTOG PA TZAM NI TSAD MA MA YIN TE, THAL CHES PA'I PHYIR RO, ,RNAM PAR RTOG CES BYA BA STE DRAN PA YIN PA'I PHYIR DANG, DNGOS PO MA YIN PA'I YUL CAN YIN PA'I PHYIR RO ZHES BYA BA'I DON TO, ,PHYI ROL LA NI MTHONG BA'I RJES SU 'BRANG BA CAN GYI RNAM PAR RTOG PA'AM GZHAN MA YIN PAR BSTAN PA NI GANG TSE ZHES BYA BA'O, ,THA SNYAD MED CES BYA BA NI PHYI ROL LA'O, ,DON DAM PAR ZHES BYA BA NI BDEN PA'I PHYI ROL GYI YUL MTHONG BA'I RJES SU 'BRANGS PA'I PHYIR, SLU BA CAN GYI RNAM PAR RTOG PA YIN NO ZHES BYA BA'I DON TO, ,SHES PA'I RNAM PA NYID RANG NYID RIG PAR BYED PA LA PHYI ROL GYI BAG CHAGS KYI PHYI ROL GYI RNAM RTOG YIN GYI GZHAN LA NI MA YIN PAR BSTAN PA NI, MI MNGON PA'I RANG BZHIN CAN ZHES BYA BA STE, RANG NYID RIG BYA YIN GYI PHYI ROL NI MA YIN NO, ,SHES PA'I RNAM NYID YIN NA THUN MONG BA NYID JI LTAR YIN ZHES ZER BA LA MIG SER CAN ZHES BYA BA STE, PHYI ROL GYI BAG CHAGS THUN MONG BA NYID YIN PA'I PHYIR RO, ,'KHOR BA PA'I SHES PA THAMS CAD GZUNG BA LA SOGS PA'I NGO BOS BRNYOGS PA YIN PA'I PHYIR RNAM PAR RTOG PA DANG BRDZUN PA YIN TE,

PHYI ROL GYI DON GYI STONG PA'I PHYIR YANG YOD PA'I DON DANG CIG SHOS NYID KYI NYE BA DANG CIG SHOS MED PA TSAD MA DANG CIG SHOS KYI RNAM PAR DBYE BA MED LA 'U BU CAG LA SOGS PA'I SHES PA THAMS CAD LOG PA YIN TE, RNAM PAR RTOG LA YIN PA'I PHYIR, NYE DANG BSKAL PA NYID LA NI, ,YOD DANG MED PA RNYED DKA' LA, ,ZHES BYA BA BSTAN PA NI, THAMS CAD KYANG ZHES BYA BA STE KHAS BLANG BA'O, ,RNAM PA GZHAN GYIS DGAG PAR BYA BA RJES SU BRJOD PA NI 'DI NI BCOM LDAN ZHES BYA BA'O, ,BZLOG PA NI BSKAL PA STE MED PA'O, ,DE 'DI NYE BA LA SOGS PA STE DGE BA DANG CIG SHOS LA SOGS PA'I BAG CHAGS MANG PA'I PHYIR DKA' BA MA YIN NO ZHES BYA BA'I DON TO, ,YOD MIN PA LA 'BYUNG YOD MIN, ,YOD PA LA NI MED PA MED, ,CES BYA BA DANG, 'DU BYED THAMS CAD SKAD CIG PA, ,ZHES BYA BA YANG BRDZUN PA NYID DU KHYAD PAR MED PA'I PHYIR RO, ,GRANGS CAN PA'I LTA BA SPANGS NAS SANGS RGYAS PA'I PHYOGS SU LHUNG BA NI DON MED PA YIN TE, LOG PA'I SHES PA KHYAD PAR MED BZHIN DU GRANGS CAN LA SOGS PA'I YONGS SU DOR NAS SANGS RGYAS KYI LTA BA PHYOGS GCIG TU MA LHUNG BA MI RIGS SO ZHES ZER BA LA, SANGS RGYAS PA'I ZHES BYA BA STE, MI SLU BA DANG CIG SHOS DAG GI TSAD MA DANG CIG SHOS NYID YIN PAS PHYOGS SU LHUNG BA DANG CIG SHOS DAG YIN NO ZHES BYA BA'I DON TO, ,SAD PA'I SHES PA RNAMS BRDZUN PA NYID YIN NA, YUL SOGS PA LA GNOD PAR 'GYUR LA, MI GNOD KYANG RNAL 'BYOR PA'I SHES PA BRDZUN PA NYID YIN PA DE'I PHYIR, KA BA LA SOGS PA'I SHES PA LAS KHYAD PAR MED DO, ,GAL TE BLO NI BRDZUN NYID NA, ,GNOD PA JI LTAR DMIGS MA YIN, ,GNOD PA MED KYANG DER 'GYUR NA, ,RNAM PAR GZHAG PA 'THAD PA MIN, ,ZHES BYA BA 'DI LA BSTAN PA NI, BLO RNAMS BRDZUN PA NYID LA NI, ,ZHES BYA BA'O, ,DE LTAR GNOD PA NYID KYIS KHO BO CAG GI PHYOGS LA YANG GNOD PAR BYED PA YOD PA DANG MED PA NYID KYIS BYAS PA TSAD MA DANG CIG SHOS SU RNAM PAR GZHAG PA 'DI NI MI MTHUN PA'I SAD PA'I SHES PA MTHONG NA KHO BO CAG GI RMI LAM LA SOGS PA'I SHES PA BRDZUN PAR 'GYUR RO ZHES BYA BA 'DI LA BSTAN PA NI GNOD BYED CES BYA BA'O, ,

, ,GNOD PAR BYED PA MED YANG KA BA LA SOGS PA'I SHES PA TSAD MA MA YIN PA DANG, RNAL 'BYOR PA'I SHES PA TSAD MA YIN NO ZHES BYA BA'I RNAM PAR DBYE BA MED PA YIN NA, KHYOD KYIS DBYE BA SU YIS BYAS, ,ZHES BYA BA 'DI LA BSTAN PA NI, 'KHRUL PAR ZHES BYA BA STE, KA BA LA SOGS PAR RANG GI RIG BYA NYID YIN PAS PHYI ROL MI DMIGS PA'I PHYIR RO ZHES BYA BA'I DON TO, ,KA BA LA SOGS PA'I SHES PA LOG PA'I SHES PA YIN PA'I PHYIR RO ZHES BYA BA'I RJES SU DPAG PA GNOD PAR BYED PA NYID YOD PA YIN NA JI LTAR GNOD PA JI LTAR DMIGS PA YIN ZHES ZER BA NI, GZHAN YOD CES BYA BA STE, MNGON SUM DANG 'GAL BA 'DI NI GNOD BYED MA YIN TE, MNGON SUM LA MNGON SUM GZHAN GNOD BYED YIN NO ZHES BYA BA'I DON TO, ,RMI LAM GYI SHES PA YANG GNOD BYED NYID MA YIN TE, GNOD PAR BYED PA'I CHOS DANG CHOS MI MTHUN PA NYID KYIS GNOD PAR BYA BA YIN PA'I PHYIR LA, GNOD BYED KYI NI DE'I CHOS DANG CHOS MI MTHUN PA CAN NYID GNOD PAR BYED PA NYID YIN NO ZHES ZER BA NI MI SOGS ZHES BYA BA'O, ,BAG CHAGS SAD PA PA LAS ZHES BYA BA NI DE'I BSKYED BYA DE'I'O, ,MI BDEN PA'I DON NYID NI MI SLU BA LA YANG NGO, ,MED PA'I DON NYID NI PHYI ROL GYI DON NYID MA YIN PAR BSTAN PA NI, MI SLU BA'I RNAM PA YANG ZHES BYA BA'O, ,'DI MA YIN NO ZHES BYA BA YANG BAG CHAGS DANG 'BREL PA'I SHES PA NYID LA BRTEN PA YIN PAR BSTAN PA NI, MI SLU BAR SNANG BA YANG ZHES BYA BA STE, GNOD PAR BYED PA'I SHES PA 'BA' ZHIG LAS DE DANG 'BREL PAS NGES PA LA BSGRUB BYA YIN NO ZHES BYA BA'I DON TO, ,BAG CHAGS DANG 'BREL PA NYID KYANG SPYI LA MI SLU BA DANG CIG SHOS DAG NI KHYAD PAR YIN PAR BSTAN PA NI, BAG CHAGS DANG NI 'BREL YIN YANG, ,ZHES BYA BA STE, THAMS CAD DU SNGON PO LA SOGS PA LA MA YIN ZHING, GSAL BA NYID LA SOGS PA LA NI YIN NO, ,SNGON PO LA SOGS PA YANG BAG CHAGS KHO NA LAS YIN PAR BSTAN PA NI, DON GYI BDAG DE ZHES BYA BA'O, ,'JIG RTEN PA MI NI NYO TSONG LA SOGS PA'I THA SNYAD KYI YUL MA YIN PA'I PHYIR RO, ,GNYI GA'I BDAG NYID NI GNOD BYA DANG CIG SHOS DAG GIS YOD PA DANG MED

PAR SBYOR BAS SO, ,DRAN PA NYAMS PHYIR NI 'DZIN PA DANG DRAN PA DAG GI KHYAD PAR NUS PA'I PHYIR RO, ,PHYIN CI LOG TU SNANG BA NI DE NYID GZHAN DU SNANG BA'O, ,GNOD PA DANG BCAS PA NI GNOD BYED YOD PA STE DE'I NGO BO'O, ,'DIS KYANG DON MED PA NYID BSTAN PA YIN TE GZHAN DU NA SLU BA MA YIN PAR BSTAN PA NI, DE LTA'I DON YOD MIN ZHES BYA BA'O, ,RNAM RTOG GI 'KHRUL PA LA RNAM PA BAG CHAGS KYI 'BREL PA YIN PAR BSTAN PA NI, SNGON SPRUL MTHONG BA MED PAR NI, ,ZHES BYA BA'O, ,BZLOG PA'I SNANG BA YANG SNGAR MTHONG BA LAS BYUNG BA YIN PAS BAG CHAGS LAS BYUNG BA KHO NA YIN PAR BSTAN PA NI, PHYIN CO LOG LA SOGS PA ZHES BYA BA STE, DUNG LA SER PO'I SHES PA NI SNGAR MTHONG BA LAS BYUNG BA MA YIN NA JI LTAR BAG CHAGS LAS BYUNG BA YIN ZHE NA, MA YIN TE DE LAS YANG GSER LA SOGS PA MTHONG BA RGYU YIN PA DE'I PHYIR BAG CHAGS LAS BYUNG BA NYID KHO NA YIN PAR BSTAN PA NI, RTOGS PA GZHAN DAG KYANG ZHES BYA BA STE, SKYE BA'I DANG PO NAS MIG SER CAN LA YANG SKYE BA GZHAN GYI MTHONG BA RGYU YIN NO ZHES BYA BA'I DON TO, ,GNOD PAR BYED PA MED NA DON GYI YUL NYID LA THOB PO SNYAM DU SEMS PA NI, GZHAN LA DON THOB CES BYA BA'O, ,THOB PA YOD MIN NA MA DMIGS PA'O, ,DON GYI NGES PA MA NGES PA YIN PAR BSTAN PA NI NGES PA'I PHYIR ZHES BYA BA'O, ,DON MED PAR NGES PA MA YIN PAR BSTAN PA NI, DON ZHES NGES PA ZHES BYA BA'O, ,GNOD PAR BYED PAR YANG SAD PA'I SHES PA'I BAG CHAGS TZAM RGYU MTSAN YIN PA NYID KYI SHES PA NI, DON LAS SKYES PA NYID KYI NGES PA'I GNOD BYED YIN PAR BSTAN PA NI, BAG CHAGS GZHI CAN ZHES BYA BA'O, ,BAG CHAGS LAS SKYES PA NYID JI LTAR YIN ZHE NA, SHES PA SNGON MTHONG ZHES BYA BA'O, ,BAG CHAGS TZAM RGYU MTSAN NYID YIN PA'I SHES PA GNOD BYED NYID YIN NA RNAL 'BYOR PA'I SHES PA'I GNOD BYED NYID KYI RTOG PA SUS KYANG MA BYAS SO ZHES BSTAN PA NI DES KYANG 'DI YANG ZHES BYA BA'O, ,BAG CHAGS KYI GZHI CAN NYID KYI SHES PA LAS 'DI NGES PAS MI SRID PA MA YIN PAR BSTAN PA NI GOMS PA'I STOBS KYIS ZHES BYA BA STE, 'DOD PA DANG MYA NGAN LAS SOGS LA RIG PA NYID YIN GYI TSAD MA CAN MA YIN PA KHO NA BRTAGS

, ,PA MA YIN ZHES BYA BA'I DON TO, ,DE'I GNYEN PO 'DI MA YIN NO ZHES BYA BA'I DE LAS BZLOG PA NYA PHYIS KYI SHES PA BZHIN DU DNGUL GYI SHES PA YANG ZHES BYA BA NI, GRANGS CAN LA SOGS PA'I 'DOD PA LA NGED KYI NI BSGOMS PA'I STOBS LAS BYUNG BA CAN GYI BLO MYA NGAN LAS BSLAD PA'I BLO GANG YIN PA DE DAG GI ZHES BYA BAR SBYAR RO, ,'U BU CAG LAS MTSAN NYID MI MTHUN PA NI RNAL 'BYOR PA RNAMS YIN LA DE'I SHES PA YANG KA BA LA SOGS PA'I SHES PA'I GNOD BYED YIN NO ZHES BYA BA 'DI LA RJES SU DPAG PA CUNG ZAD KYANG MED PA YIN TE DPE MED PA'I PHYIR RO, ,DE LTA BU'I RNAL 'BYOR CAN GYI BLO'I DPE'I KHYED LA MED DO ZHES BYA BA DE LA BSTAN PA NI, DE 'DRA'I ZHES BYA BA'O, ,KHYOD KYI RNAL 'BYOR PA LAS BZLOG PA'I BLO CAN GYI RNAL 'BYOR PA RNAMS NI LAM PO CHE'I MI'I DPE NYID KYIS GRUB PA YIN NO, ,KHYED CAG GI DPE GANG YIN PA, ,GZUNG BA DE NI YOD PA YIN, ,ZHES BYA BA DE LA BSTAN PA NI KHYED KYI LA NI ZHES BYA BA STE, PHYI ROL MI DMIGS PAS GNOD PA'I PHYIR RO ZHES BYA BA'I DON TO, ,DE BSTAN PA NI DE NAS ZHES BYA BA STE, PHYI ROL MI DMIGS PAS GNOD PA'I KA BA LA SOGS PA'I BLO NI DE LTAR MNGON DU BYED PA PO SHES LA GO BYED YIN NO ZHES BYA BA'I DON TO, ,'ON TE ZHES SMOS PA BOR NAS DES NA ZHES BYAS PAS LAN KHO NA YIN NO, ,GNYEN PO DANG NI BCAS PAR 'GYUR, ,ZHES BYA BA NI GNOD BYED DANG BCAS PA NYID DU'O, ,RGYAL DPOG PA'I LA YANG GNYEN PO NYID 'GRUB PA YIN TE, MNGON SUM LA SOGS PA SMIG RGYU LA SOGS PA'I BLO DAG DANG, MI MTHUN PA NYID KYI PHYIR DANG BLO NYID DU KHYAD PAR MED PA'I PHYIR DE NYID DE YIN NO ZHES GNOD BYA NYID ROL SOGS PA LA GZUGS KYI BLO BRDZUN PA NYID YIN NO SNYAM DU SEMS PA NI, GNYEN PO DANG BCAS ZHES BYA BA'O, ,GNOD PAR BYED PA JI LTA BA NYID DAM CIG SHOS KYANG GNAS PA NI, SNGA MA GNOD PAS BSKYED PA NI; ;PHYI MA DAG GIR 'GRUB PA MIN, ,DE PHYIR RTOGS PA'I BDAG NYID KYIS, ,BLO YI TSAD MA NYID 'THOB PO, ,DES NA GZHAN DU RGYUS BSKYED PA'I, ,SKYON GYI SHES PAS DMIGS BSAL YIN, ,GANG GI RGYU SKYON CAN YIN PA DANG, BRDZUN PA YIN NO ZHES KYANG SHES PA DE NYID MI RIGS PA YIN

PA'I PHYIR LA, 'DI NI DE LTA BU MA YIN PAR BSTAN PA NI, LTAG CHOD SMRAS PA YIN ZHES BYA BA'O, ,GCOD PAR BYED PA'I PHYI ROL LA, ,KUN GYIS THAMS CAD GNOD BYED YIN PA STE SGRUB BYED MA YIN PA'I SKYON GZHAN MI SHES PA YIN NO ZHES BSTAN PA NI, JI LTAR ZHES BYA BA'O, ,GNYEN PO NYID NI MI MTHUN PA NYID DO, ,GNOD BYED MA YIN PA'I RNAL 'BYOR PA'I SHES PA LA YANG GNOD BYED KYI BLO NYID 'BYUNG NA MA NGES PA YIN PA NI, GNOD BYED KYIS KYANG MA NGES DANG, ,ZHES BYA BA'O, ,GNOD PAR BYED PA'I BLO LAS GZHAN NYID NI RGYU'I KHYAD PAR NYID YIN TE, SGRUB PAR BYED PA'I BLO GZHAN NYID BZHIN DU BSAL BAR BYA BA YIN PA NI, DE LAS GZHAN PA'ANG SNGA MA BZHIN, ,ZHES BYA BA'O, ,SNGA MA BZHIN ZHES BSTAN PA'I BSHAD PA NI, SAD SOGS ZHES BYA BA'O, ,JI LTAR NGES PAR BRTAGS PA YIN ZHE NA, SAD SOGS SHES PA ZHES BYA BA'O, ,THA SNYAD CES BYA BA NI GNOD BYA GNOD BYED LA SOGS PA'O, ,DE NI BRJOD PAR 'GYUR ZHES BYA BA NI BAG CHAGS BRTAN PA DANG CIG SHOS LA SOGS GNOD PAR BYED PA GRUB NA YANG RMI LAM BZHIN DU BRDZUN PA'I BLO NYID LA 'GYUR RO, ,YANG DAG PA'I BLO LA NI DE LAS BZLOG PA CHOS KYI KHYAD PAR PHYIN CI LOG TU SGRUB PAR BYED PAR 'DOD PAR 'GYUR BAR BSTAN PA NI, LOG BLO ZHES BYA BA'O, ,SNGA MA BZHIN DU BRJOD PA BSTAN PA NI, ,BLO KUN LOG PA NYID YIN YANG, ,ZHES BYA BA'O, ,RGYAL DPOG PA'I 'DOD PA LA CI NAS KYANG THAMS CAD DMIGS PA DANG BCAS PA NYID YIN PA'I PHYIR, CI LAS MI BRDZUN PA NYID YIN, ,ZHES BSTAN PA NI, PHYI DANG ZHES BYA PA'O, ,KHYAD PAR MA LUS PAS DE LTAR 'DING LTAR ZHES YUL DANG DUS KYI MING CAN 'DI SGRUB BYED MA YIN PA DANG DE LTAR KHYAB PA YANG 'DI LA DA LTAR MED PAR SGRUB PAR BYED PA YIN GYI KHYAD PAR ZHES BYA BA 'DOD CHAGS LA SOGS PA ZAD PA'I RGYU MTSAN DANG LDAN PA NYID DANG, RNAL 'BYOR PA NYID KYI RGYU MTSAN DANG LDAN PA NYID KYANG LOG PAR SGRUB PAR BYED PA DANG BCAS PA 'DI GTAN TSIG YIN NO ZHES ZER BA NI, SKYE BO MANG ZHES BYA BA'O, ,PHYI ROL LAM DMIGS PAS GA NYEN PO DANG BCAS PA NYID KYIS BLO NYID DU BZLOG PA'I SGRUB BYED MI SRID PAR NUS PAR BYED PAR BSTAN PA NI GAL TE 'BREL PA

, ,ZHES BYA BA'O, ,MA MTHONG BA TZAM NI MI MTHUN PA'I PHYOGS LA'O, ,MTHONG BA TZAM NI MTHUN PA'I PHYOGS LA'O, ,KHYAB PA NYID BSTAN PA NI, DON DAM PAR ZHES BYA BA'O, ,JI LTAR BA DEN PA DANG CIG SHOS YIN ZHES ZER BA NI, KUN RDZOB TU NI ZHES BYA BA'O, ,CHES CHE BA'I ZHES BYA BA NI BAG CHAGS KYI'O, ,CHE BA DANG CHES CHE BA DE LA LTOS PA MED PAR GNOD PAR BYED PA NYID NI PHYIN CI LOG PA DMIGS PA NYING KHO NA YIN PAR BSTAN PA NI SAD PA'I BLO NI ZHES BYA BA'O, ,MI BDEN YANG ZHES BYA BA NI PHYI ROL LA MA LTOS PAR RANG NYID TZAM RIG PA NA'O, ,GZHAL BYA GZHAN YANG ZHES BYA BA NI PHYI ROL GYI TSUL LA'O, ,GAL TE 'DI YANG ZHES BYA BA NI GNOD PA'I BLO'O, ,SGRUB BYED DON NI ZHES BYA BA NI SGRUB PAR BYED PA RTOGS PA'I DUS SU GZUNG BA LA SOGS PA'I DBYE BA MTHONG BA CAN NO, ,BSGRUB BYA RTOGS PA LA DE MED BA LA SKYON CUNG ZAD KYANG YOD PA MA YIN TE GRUB PA'I PHYIR RO, , GANG GI PHYIR DE'I SNGA MA'I SGRUB BYED NI DMIGS PA MED PA YIN TE, SHES PA YIN PA'I PHYIR RO, ,DE'I SKYON NI 'DIS RTOGS PAR BYED PA'I PHYIR RTOGS PA YIN PA'AM DE NYID KYANG RUNG ZHES BYA BA LA SOGS PA RNAMS SO, ,DRAN BYAS DE BLO NYID DU'O, ,DE BSTAN PA NI RTOGS PAR BYED PA'I ZHES BYA BA'O, ,'DIR ZHES BYA BA BSHAD PA NI BSGRUB BYA DANG THA DAD MED PAS ZHES BYA BA'O, ,THA DAD PA NI GSAL BYA'I DBYE BA MNGON SUM YIN PA'I PHYIR RO, ,THA MI DAD PA NI BRTAGS PA'I NGO BOR MTSUNGS PA'I PHYIR THA MI DAD PAR BSTAN PA NI, LDOG PA MTSUNGS PAR ZHES BYA STE, BRTAGS PAR RO, ,DNGOS PO NI BYED PA PO'O, , DNGOS PO DANG 'BREL PA NYID BSTAN PA NI, NYAMS SU MYONG BA ZHES BYA BA STE, DE BZHIN DU 'DI NI MA GRUB PA'O ZHES BYA BAR SBYAR RO, ,SHES PA'I SGRA LAS ZHES LNGA PA'I MTHA' CAN LAS RANG GI CHA LA DMIGS PA'I SHES PA 'BYUNG BA NI RJES SU 'GRO BA DANG PHYOGS CHOS NYID DAG MED PA'I PHYIR GTAN TSIGS MA YIN PAR BSTAN PA NI DON MED PANG NI ZHES BYA BA'O, ,DE'I GTAN TSIGS NYID DU 'DZIN PAR BYED PA'I BLO'O, ,RANG GI CHA LA DMIGS PA'AM DE'I SGRAS BSKYED PA NI DE'I BLO'O, ,GZHI MA GRUB PA NI KHYAD PAR DU BYA BA'I MA GRUB PA'I PHYOGS BRJOD PA YIN NO ZHES BSTAN PA NI, GZHI YANG ZHES BYA BA'O, ,

DPE LA BSGRUB BYA MA TSANG BA NYID DANG GTAN TSIGS 'GAL BA NYID NI KHYAD PAR MA GRUB PA ZHES BYA BA NYID BRJOD PA YIN PAR BSTAN PA NI DE BZHIN GTAN TSIGS ZHAS BYA BA'O, ,SNGAR SPANGS ZIN TO ZHES BYA BA NI KHYAD PAR LA SOGS PA MA GRUB PA'I LAN GYIS SO, ,SAD PA'I SHES PA BZHIN RMI LAM GYI SHES PA'I YANG PHYI ROL DU DMIGS PA MA YIN NAM, 'DI SNGON PO'O ZHES RANG RIG PA BYED PA LAS THA DAD PAR SNGON PO BZHIN DU GZUNG BA NYID SNANG BA'I PHYIR BDAG SNGON PO'O ZHES GZUNG BA NYID DANG 'GAL BA'I SNANG BA YIN NO, ,DE NI 'DI LTAR PHYI ROL DMIGS PA NYID YIN NA SNANG BA NI SNANG BAS STONG PA MA YIN TE, DE LTA BUR MI RIG PA NYID KYIS SO, ,MI SOGS SHES PA LA PHYI ROL KUN DU MI 'DOD PA MIN TE PHYI ROL LA MI DMIGS PA NYID DU MTSUNGS PA YIN YANG, GNOD PA'I SHES PA LAS KHA CIG TSAD MA NYID MA YIN NO, ,TSAD MA DANG CIG SHOS DAG GI YUL LA LKOG TU MA GYUR PA DANG RANG NYID MA YIN PA NYID DU YANG SNANG BA LA KHYAD PAR 'GA' YANG MED LA, YOD PA DANG MED PA NYID KYIS KHYAD PAR YIN PA'I PHYIR, DE DAG GI DE NYID YIN NO, ,DE SMRAS PA NI YUL DUS GZHAN DU BDAG NYID CAN NO, ,GAL TE YANG SNANG BA'I RGYU MTSAN YOD PA NYID YIN NA, ,DE YANG 'DI MA YIN NO ZHES BZLOG PAR GO BA'I PHYIR GNYI GA'I BDAG NYID YIN LA, DE LTA NA YANG DE TSAD MA MA YIN PA'I SGRA'I SBYOR BA LAS TSAD MA MA YIN NO SNYAM DU SEMS PA LA RTOG PA MED PA LA NI SNGON PO BZHIN DU BZUNG BA MA YIN LA, RTOG PA NI GOMS PA LAS BYUNG BA YIN GYI NYAMS SU MYONG BA JI LTA BA BZHIN DU MA YIN TE, BDAG MED PA'I LUS LA YANG RNAM PA 'GAGS KYANG BDAG GO ZHES PA 'BYUNG BA'I PHYIR DANG, SNGON PO'I TSOGS PA LA YANG DE LTA BU YOD PA'I PHYIR RO, ,DE'I PHYIR DE LTA MA YIN TE, NYAMS SU MYONG BA DANG 'GAL BA'I PHYIR RO ZHES BSTAN PA NI DES NA 'DI ZHES BYA BA STE, DPE LA BSGRUB BYA MA TSANG BA MA YIN NO ZHES BYA BA'I DON TO, ,NGA RGYAL RNAM PAR BSREGS NA, ,RGYAL BA CAN BZANG 'GYUR ZHING, ,SHES RAB SHIN TU CHEN PO, ,MYUR BA NYID DU THOB 'GYUR, ,DES NA GZHAN RIG CES BYA BA NI PHYI ROL RIG PA STE, PHYI ROL LA LTOS PA'I GZUGS LA SOGS PA'I SHES PA DE STONG PA NYID MA

, ,YIN PA'I TSIG NI RNAM PAR RIG PA'I PHYIR RNAM PAR SHES PA NI, PHYI ROL NYID LA'O ZHES BYA BA'I DON TO, ,LHAG MA NYID NI MA RIG PA YIN PAS SUN DBYUNG BA MA YIN PAR BSTAN PA NI RANG RIG CES BYA BA'O, ,PHYI ROL GYI RIG PA CI'I PHYIR MA YIN ZHES ZER BA LA, RANG RIG PA NYID CES BYA BA SMOS SO, ,CI LAS SHE NA RNAM PAR SHES PA ZHES BYA BA STE, BDAG NYID MA YIN PA LA NI REG PA MA YIN NO, ,REG NA YANG DE'I BDAG NYID YIN NO ZHES BYA BA'I DON TO, ,RNAM PAR RTOG PA LAS BDAG GIS SNGON PO RIG GO ZHES THA SNYAD YIN PA'I PHYIR, GSUM NYID KHO NA DE NYID YIN TE; RTOG PA MED PA LA THA SNYAD MED PA'I PHYIR RO SNYAM DU SEMS PA NI, GAL TE ZHES BYA BA'O, ,'DI'I RNAM PAR RTOG PA YANG NYAMS SU MYONG BA'I RJES SU 'GRO ZHING GSUM KA RNAM PAR GZHAG PAR BYED PA MA YIN TE, NYAMS SU MYONG BA LA NUS PA MED PA'I PHYIR RO ZHES BSTAN PA NI 'DI NYID CES BYA BA STE; NYAMS SU MYONG BA'I 'THOB PA DE'I BDAG NYID KHO NA YIN NO ZHES BYA BA'I DON TO, ,GAL TE ZHES BYA BA BSHAD PA NI, ZHIB MO ZHES BYA BA STE, THA SNYAD LA MI DGOS PA 'DI CI ZHIG BYA ZHES BYA BA'O, ,KHYOD KYI YANG RIG BYED LA SOGS PA SKYES BUS MA BYAS PA NYID LA SOGS PA ZHIB MOR DPYAD PA NI THA SNYAD KYI 'BRAS BU DANG BCAS PA MA YIN PAR BSTAN PA NI, GAL TE THA SNYAD CES BYA BA'O, ,KHYAD PAR CAN GYI THA SNYAD 'BRAS BU YIN GYI DE TZAM NI MA YIN NO ZHES ZER BA NI JI STE ZHES BYA BA'O, ,RTOG PA MED PA'I YUL RNAM PAR DPYAD PA LA KHYED LA 'BRAS BU CI YOD CES ZER BA LA GANG TSE PHYI ROL ZHES BYA BA'O, ,NYAMS SU MYONG BA'I RJES SU 'JUG PA MI SRID PA'I PHYIR RJES SU 'JUG PA BSTAN PA NI, GAL TE BLO NI ZHES BYA BA'O, ,RNAM PA'I RJES SU ZHUGS CAN NI RJES SU 'JUG PA'I RNAM PA CAN NO, ,GZHAN LAS ZHES BYA BA NI BAG CHAGS LAS SO, ,DE'I RNAM PA CAN GYI 'BRAS BU'I SHES PA GZHAN SHES PAR BYA BA'I DON DU DE NYID NI SKYED BYED SNGA MA'O, ,DE NYID CES BYA BA NI RNAM PA MED PA NYID 'DZIN PAR BYED PA MA YIN PAR MTHONG BAR 'DOD DO, ,GAL TE BLO NI DE RNAM CAN, ,ZHES BYA BAS DE 'DI LTAR RTOGS PA YIN NO ZHES ZER BA NI JI STE ZHES BYA BA'O, ,GNYI GA YANG ZHES BYA BA NI DKAR PO DANG

BDE BA LA SOGS PA'I BDAG NYID DO, ,PHAN TSUN ZHES BYA BA NI RANG RIG PA GCIG GI KHONGS SU GTOGS PA'O, ,PHAN TSUN RJES SU 'JUG PA MED NA RDUL PHRA RAB KYI BAR DU THA DAD PA YIN PAS MA RIG PAR 'GYUR RO ZHES BSTAN PA NI 'GA' YANG ZHES BYA BA'O, ,GNYI GA YANG RANG RIG PA GCIG GIS BYED PA LA 'JUG PA'I PHYIR RNAM PA DANG BCAS PA'I LTA BA GZHAN 'THOB PA YIN PAR BSTAN PA NI RANG RIG PA NYID DO ZHES BYA BA'O, ,'DI NYID CES BYA BA NI LKOG TU MA GYUR PA NYID DO, ,LKOG TU MA GYUR PA NYID CES BYA BA GZHAN DU BRTAG PAR BYA BA MA YIN PAR BSTAN PA NI 'ON TE ZHES BYA BA'O, , GZHAN BRTAG PAR BYA BA MA YIN PA NI PHYI ROL LO, ,SNGON PO'I NI BLO BZHIN DU LKOG TU MA GYUR PA'I KHONGS SU GTOGS PA YIN NA GZHAN GYIS CI ZHIG BYA BA ZHES BSTAN PA NI MTHONG BA'I KHYAD PAR ZHES BYA BA'O, ,BRAL BA NI MI SNANG BA'O, ,DE 'DZIN NA NI DE'I BDAG NYID DU 'DZIN PAS SO, ,SNGON PO NI GNYI GA'I RJES SU 'JUG PA RANG RIG PA GCIG PO'I KHONGS SU GNYI GA GTOGS PA'I PHYIR ZHES BYA BA'I DON TO, ,YAN GAR ZHES BYA BA NI RIG PA YIN PA LAS MTHONG BA LAS PHYI ROL YIN NO, ,ZHEN PA JI LTAR MTHONG BA MA YIN PA NI THOG MA MED PA'I BAG CHAGS LAS BYUNG BAS LOG PAR 'DZIN PA YIN PAR BSTAN PA NI MTHONG BA GANG YIN PA DE NYID CES BYA BA'O, ,GZHAN NI MA YIN NO ZHES BYA BA NI SNANG BA GNYIS MI SNANG BA'I PHYIR RO, ,THA DAD PA YIN NA ZHES BYA BA NI NANG GI BDE BA LA SOGS PA'O, ,DE LA NI PHYI ROL LA STE SNANG BAR ZHES BYA BAR SBYAR RO, ,GNYI GA DE BZHIN LKOG TU MA GYUR PA YIN TE, DE LTA BU'I BAG CHAGS YOD PA'I PHYIR ZHES BSTAN PA NI GAL TE THA DAD CES BYA BA'O, ,SNANG BA'I SGO NAS BSTAN NAS TSOGS PA THA MI DAD PAR BSTAN PA NI, DPER NA ZHES BYA BA'O, ,DE DANG DUS MTSUNGS PA CAN NI GSAL BAR DUS MTSUNGS PA STE, DE DANG DE MIN NGO BO'I ZHES BYA BA'I RIGS PAS SO, ,DE BZHIN NYID DO ZHES BYA BA NI SNGA MA NYID DO, ,GANG GIS RTOGS ZHES BYA BA NI THA MI DAD PA'I SNANG BA LAS SO, ,LKOG TU MA GYUR PA NYID KYANG ZHES BYA BAR THAL BA'I PHYIR RO ZHES BYA BA'I BAR DU RGOL BA YIN NO, ,MA YIN TE LKOG TU GYUR PAR THAL BAR 'GYUR BA MA YIN PA'O, ,

, ,SKYES BU'I DBYE BAS ZHES BSTAN PA NI, GZHAN GYI ZHES BYA BA'O, ,LKOG TU MA GYUR PA NYID YOD KYANG LKOG TU MA GYUR PA MA YIN TE, GZHAN GYI RGYU LA YOD PA'I PHYIR NGA'I ZHES BYA BA NI RTOGS PAR BYED PA PO'I'O, ,LKOG TU MA GYUR PA NYID BZHIN DU DE'I BDAG NYID KYI SNGON PO YANG LKOG TU GYUR PAR BRTAGS PA MA YIN TE, DGOS PA MED PA'I PHYIR RO ZHES BSTAN PA NI DES NA LKOG TU GYUR PA MA YIN PA ZHES BYA BA'O, ,'GRO BA'AM CI GA ZHES BYA BA NI SNGON PO NYID DO, ,GZHAN LA NI RDZAS LA STE SKYES BU LA'O, ,LKOG TU GYUR PA'I GNAS SKABS KYANG ZHES BYA BA NI DU BA LAS ME RJES SU DPAG PA'I GNAS SKABS LA STE, MNGON SUM YIN NA NI DU BA BZHIN DU RJES SU DPAG PA LA DON MED PA'I PHYIR RO, ,DRAN PA NYID CES BYA BA NI RJES SU DPAG PA'O, ,'DI NA ZHES BYA BA NI DU BA'I YUL LA'O, ,ME GANG GI YUL GCIG GANG YIN PA DE NI YUL GCIG GO, ,DU BA'I YUL DU NI RJES SU DPAG PAR BYA BA'I YUL DU'O, ,SGRO BTAGS BZHIN PA NI SNANG BZHIN PA LAS GZHAN YIN TE, LKOG TU GYUR PA YIN NO SNYAM DU SEMS PA LA, ,MTHONG BA LAS THA DAD PAR ZHES BYA BA SMOS SO, ,SGRO 'DOGS PA'I DUS SU YANG SNANG BZHIN PA NYID NI NANG GI BDAG NYID KYI RJES SU BYED PA NYID YIN PAR BSTAN PA NI, MTHONG BA NYID DU RTOGS PA MED, ,CES BYA BA'O, ,YOD PA GANG YIN PA ZHES BYA BA NI GANG YIN PA DE YANG RUNG BA'O, ,'JUG PAR BYED PA ZHES BYA BA NI 'JUG PAR BYED PA'I MI'O, ,DE'I PHYIR SGRO 'DOGS PAS SGRO BTAGS PA YIN PAR BSTAN PA NI SGRO 'DOGS PA DE LTA BU ZHES BYA BA STE, NYAMS SU MYONG BA LAS SAM SGRO 'DOGS PA LAS KYANG 'JIG RTEN 'JUG PAR MA THONG NGO ZHES BYA BA'I DON TO, ,SNGON MTHONG BA YANG DE YIN LA SMIG RGYU'I CHU'I YUL YANG YIN PA'O, ,GANG LA NI ME LA'O, ,YUL MED PA'I SGRO 'DOGS PA NI RIGS PA'I PHYIR MA GTOGS PA SGRO 'DOGS PA'I YUL MA YIN PAR BSTAN PA NI MA YIN TE DE ZHES BYA BA'O, ,SGO 'DOGS PAR BYA BA BZHIN DU YUL YANG SGRO 'DOGS PAR BYA BA RTOGS PAR BYA BA NYID YIN NO, ,GZHAN DU NA SGRO 'DOGS PA MED PA'I PHYIR RO ZHES ZER BA NI DE NYID YIN NO ZHES BYA BA'O, ,LKOG TU MA GYUR PA NYID CES BYA

BA NI SGRO 'DOGS PA'I YUL MTHONG BA YIN NO ZHES BYA BA'I DON TO, ,GZHAN GYIS RTOGS PAS LKOG TU GYUR PA NYID YIN GYI, BDAG NYID KYIS RANG GI NGO BO RTOGS PA NI, LKOG TU MA GYUR PA NYID CES BYA BAR SBYAR RO, ,GZHAN GYIS SAM RANG NYID KYIS RTOGS PA'I LKOG TU GYUR PA LA KHYAD PAR CI YOD CES ZER BA LA, DE NYID CES BYA BA SMOS SO, ,DE'I PHYIR SGRO 'DOGS PA BRDZUN PA CI LAS YIN ZHES ZER BA LA PHYI ROL ZHES BYA BA STE, MI SLU BA MED PAS GZHAN GYIS RTOGS PA'I SGRO 'DOGS PA TSAD MA MA YIN NO ZHES BYA BA'I DON TO, ,SKRA SHAD SNANG BA BZHIN DU ZHES BYA BA 'DI LA, SKRA SHAD LA SOGS PA ZHES BYA BA NI GNAS SKABS LA STE, RANG BZHIN THA DAD PA LAS SO, ,RANG BZHIN GCIG TU 'GYUR GYI ZHES BYA BA NI, NYAMS PA'I RGYU THA MI DAD PA'I PHYIR RO, ,SGYUR NA SKRA SHAD LA SOGS PA STE, 'GYUR RAM CI ZHES BYA BA NI MA YIN ZHES BYA BA'O, ,DES NA NI MIG LAS SO, ,SNGON PO LA SOGS PA DANG DE'I LKOG TU MA GYUR PA DAG LA RNAM PA 'GAS KYANG MNGON PAR ZHEN PA YIN YANG RGYU THA DAD PAS GCIG DANG DU MA YIN PA'I PHYOGS SNGA MA'O, ,BAG CHAGS KYI DBYE BA DANG DE SAD PAR BYED PA'I SEMS KYI KHYAD PAR MIG NI LHAN CIG BYED PA CAN YIN TE RMI LAM GYI SHES PA LTA BU'O ZHES BYA BA'I GRUB MTHA' BSTAN PA NI, 'DIR 'GA' ZHIG NI ZHES BYA BA'O, ,SNGON BO DANG CIG SHOS LA SOGS PA'I SHES PA'I KHYAD PAR 'GA' ZHIG SAD PAR BYED PA YIN GYI PHYI ROL MA YIN PAR BSTAN PA NI NANG GI ZHES BYA BA'O, ,THA DAD PA'I BAG CHAGS KYANG 'BRAS BUS GO BYA YIN LA DES NA, RGYU MTSAN LA NI NGES PA NYID, ,BAG CHAGS YIN PAR GANG BRJOD PA, ,DE MI SRID PAS 'DI YIN DANG, ,GZHAN DON MED PHYIR RNYED PAR DKA', ,YUL DANG DUS DANG RGYU MTSAN SOGS, ,KHYOD LA NGES PAR BYED PA MED, ,CES BYA BA BSAL BA YIN NO, ,GZHAN DON MED PHYIR ZHES BYA BA RTZOM PAR MI BYED PA'I PHYIR RO, ,YUL LA SOGS PA DANG DE'I SHES PA LA YANG KHYAD PAR MED DO, ,DE YANG YIN LA KHYAD PAR GYI BAG CHAGS LA SOGS PA YANG YIN NO ZHES SBYAR BAR BYA'O, ,DE YANG MIG LA SOGS PA'I KHYAD PAR BAG CHAGS KYI NGO BO'I RTOG PA'O, ,LUS KYANG ZHES BYA BA NI BDAG LA SOGS PA'I NYE

, ,BAR MTSON PA'O, ,SHES PA'I BDAG NYID MA YIN PA NI RGYU MA YIN PA NYID YIN TE, MI DMIGS PA MED PA'I PHYIR RO ZHES BSTAN PA NI MA YIN TE LUS SU SNANG BA ZHES BYA BA'O, ,DE MA THAG PA'I RKYEN GYI KHYAD PAR NYID KYI BAG CHAGS KYI KHYAD PAR GYI NGO BO LAS YUL DANG DUS DANG RNAM PA LA SOGS PA NGES PA YIN GYI, PHYI ROL LAS NI MA YIN PA MA MTHONG BA KHYAD PAR MED NA JI LTAR YIN ZHES ZER BA LA JI LTAR CHAGS SOGS ZHES BYA BA SMOS TE, BAG CHAGS KYI NUS PA MTHONG BA YIN GYI PHYI ROL GYI NI MA YIN NO ZHES BYA BA'O DON TO, ,MED PAR YANG ZHES BYA BA NI 'BAD PA MED NA YANG NGO, ,GZHAN DU YANG ZHES BYA BA NI, PHYI ROL MED NA YANG NGO, ,JI LTAR YIN ZHES ZER BA LA, ,PHYI ROL NYID NI ZHES BYA BA'O, ,SEMS PA GZHAN PA DE LAS GZHAN PA'I SAD PAR BYED PAR GANG DU YIN ZHES ZER BA LA DPER NA ZHES BYA BA SMOS SO, ,GAR YANG ZHES BYA BA NI PHYI ROL LA'AM MI BDEN PA LA'O, ,YANG MA GOMS PA NI NANG GI YAN LAG YIN TE 'BAD PA LAS KYANG NGO ZHES BSTAN PA NI MNGON DU PHYOGS PAR MTSUNGS KYANG ZHES BYA BA'O, ,YUL DANG DUS DANG RGYU MTSAN SOGS, ,KHYED LA NGES PAR BYED PA MED, ,CES BYA BA MI RIGS SO ZHES BYA BA'I DON TO, ,DE BSTAN PA NI RMI LAM LA SOGS PA'I ZHES BYA BA'O, ,CI ZHIG YONG CES BYA BA NI PHYI ROL LO, ,SKYE BA GCIG LA'AM THA DAD LA, DE TSE NA'AM DUS GZHAN NA'ANG, ,YUL DE'AM YUL GZHAN LA YANG RUNG, ,RMI LAM SHES PA'I SPYOD YUL YIN, ,ZHES ZER BA NI SKYE BA GZHAN DU ZHES BYA BA'O, ,MTHONG BA NI MA NGES PA YIN PAS NGES PAR BYED PA MA YIN PAR BSTAN PA NI THAMS CAD CES BYA BA'O, ,YUL NGES PA CAN LA SOGS PA'I NGES PAR BYED PA MED PA'I PHYIR YUL MA NGES PA LA SOGS PA THAMS CAD SNANG BAR 'GYUR BA YIN PAR ZER BAR BSTAN PA NI, GAL TE YUL LA SOGS PA ZHES BYA BA'O, ,MTHONG BA LA SOGS PA ZHES BYA BA NI, MI SNANG BA NGES PAR BYED PA MA YIN PA'I PHYIR DON GYI RNAM PA CAN GYI MTHONG BA NYID NI NGES PAR BYED PA YIN DU ZIN KYANG DON NI MA YIN TE, MA MTHONG BA'I PHYIR RO ZHES BSTAN PA NI DA NI DON GYIS ZHES BYA BA'O, ,SNGON GYI SNANG BA NYID LAS NGES PAR BYED PA NYID NI YUL 'DI'O

ZHES BYA BA LA SOGS PA'I SNANG BA LA NI SNGA MA'I DON YANG MTSUNGS PA YIN PAR BSTAN PA NI SNANG BA DON GYI ZHES BYA BA'O, ,YUL DE LA SOGS PA'I SNANG BA DA LTAR LA SOGS PA'I YUL CAN GYIS DES DE ZHES BYA BA NI DON TO, ,DA LTAR NI DUS 'DI DANG 'BREL PA CAN NO, ,SNGON GYI SNANG BA 'DI LA SNANG BA MA YIN PAR BSTAN PA NI SNANG BA NI ZHES BYA BA'O, ,GAL TE YANG ZHES BYA BA NI PHYI ROL YANG DA LTAR BA MA YIN NO ZHES BYA BA'I DON TO, ,KHAS BLANGS PA'I PHYIR RO ZHES BYA BA NI DE MIN NGO BO RIG MIN PHYIR RO, ,MI 'THAD PA CI YOD CES BYA BA NI RIG PA YIN NO ZHES BYA BA'I DON TO, ,BRGYUD PAS ZHES BYA BA MTHAR THUG PA MED PA'I, ,GAL TE MI SLU BA MED PAS DER 'BREL PA MA YIN ZHING 'ON KYANG GNOD PAR BYED PA MED PA'I PHYIR GAL TE GANG ZHIG CES BYA BA'O, ,SHIN TU NGES PA NYID CES BYA BA NI GNOD PA MED PA NYID YIN LA, PHYI ROL DU RTOG PAR BYED PA MA YIN TE, GZHAN DU YANG YOD PA'I PHYIR RO ZHES BSTAN PA NI BAG CHAGS BSTAN PA ZHES BYA BA'O, ,RTOG PA NI THA DAD PA RNAMS SO, ,SAD PA'I CHU LA SOGS PA'I 'BRAS BU GSHER BA'I GNAS SKABS LA SOGS PA NI RMI LAM NA RJES SU 'JUG PA MA YIN NAM, RMI LAM LA SOGS PA NA 'BYUNG BA SAD PA'I GNAS SKABS NA NI MA YIN NO ZHES ZER BA LA RMI LAM ZHES BYA BA SMOS TE, CUNG ZAD CES BYA BA NI GSHER BA'I GNAS SKABS LA SOGS PA'O, ,RJES SU 'JUG PA MED CES BYA BA NI DE 'DRA BA GANG YIN PA ZHES BYA BAR SBYAR RO, ,GNAS SKABS NI LUS KYI'O, ,GNAS SKABS KYI KHYAD PAR LAS NI 'BYUNG BAR BSTAN PA NI, BYIS PA'I ZHES BYA BA STE PHYI ROL GYI BYIS PA YOD PA DE'I PHYIR PHYI ROL DANG 'DI NA DANG 'DI'O ZHES 'DZIN PAR BYED PA'I CHA LAS THA DAD PA'I RIG BYA SNGON PO DANG SER PO LA SOGS PA MNGON SUM LA SOGS PAS BSTAN PA YIN NO ZHES BYA BA SEL BA YIN TE, MTHONG BA LAS THA DAD PA'I SNANG BA MED DO ZHES BYA BA'I DON TO, , DE'I PHYIR MTHONG BA YANG MA YIN PAR BSTAN PA NI, DE'I PHYIR GCIG LA ZHES BYA BA'O, ,SNGON PO BZHIN DU 'DI NYAMS SU MYONG BA YANG NYAMS SU MYONG BA 'BA' ZHIG YUL MA YIN LA, RNAM PAR RTOG PA YANG BDAG GI DON GANG YANG DE'I TSE GZUNG BA MI DRAN NO ZHES DRAN PAR BYED PA STE, 'DZIN PAR

, ,BYED PA'I RNAM PA NI GZUNG BAR BYA BA'I NGO BO DANG BRAL BA YIN NO, ,DE BSTAN PA NI GCIG LA TSUL GNYIS ZHES BYA BA STE, NYAMS SU MYONG BAS GANG LAS DE LTAR NYAMS SU MYONG BA'O, ,YUL NYE BAR GNAS PA LAS BYUNG BA'I NYAMS SU MYONG BA NI SEMS PA CAN GZHAN MA YIN NA GANG GI BYED PA'I SHES PA'I BYA BA'AM, LAS KYANG RUNG BA'I PHYI ROL GYI NYAMS SU MYONG BA LAS THA DAD PA'I GSUM PO NI NYAMS SU MYONG BAR MA GRUB NA GANG GIS SHES PAR 'GYUR, 'ON TE BDAG GIS 'DI MTHONG NGO ZHES SHES PA PO'I DRAN PA NI SKAD CIG PA NI NYAMS SU MYONG BA LA MI SRID PAS YUL GZHAN LA RJES SU DRAN PA DANG BCAS PA GZHAN GYI SGRUB BYED MA YIN PA'I SEMS PA CAN NI, 'DIR BDAG YIN NO ZHES THA SNYAD GDAGS PAR BYA BA DE'I BYED PA NI BYA BA YIN LA SHES PA NI DE'I 'BRAS BU NYAMS SU MYONG BA LAS GZHAN DU MI 'THAD PA YIN PA'I PHYIR, DE LA RNAM PA GNYIS NYID RIGS PA YIN TE, MTHONG BA NI SHIN TU STOBS DANG LDAN PA LAS BYED PA PO'I MCHOG YIN PAR RANG LA RANG GIS SHES PA YIN TE, GZHAN GYIS GSAL BAR BYA BA MA YIN NO ZHES BYA BA'I DON TO, ,YID KYI RGYU MTSAN YIN PA'I GO BYA NYID 'DI'I BDE BA LA SOGS PA NI YUL GYI RNYOGS PAS BRNYOGS PA'I 'KHOR BA LA RTAGS DANG DANG SGRA LA SOGS PA'I SEL BAS YID DANG PHRAD PA'I RGYU CAN MNGON SUM YANG 'DI YIN TE, DE NGES PAS BDE BA LA SOGS PA LA BZHIN DU BRTAGS PA YIN NO ZHES BYA BA'I GZHAN GYI 'DOD PA NYID BSTAN PA NI DRAN PAS ZHES BYA BA'O, ,RNAM PAR RTOG PA NI DRAN PA YIN LA NYAMS SU MYONG BA'I RJOD BYED LA SOGS PA DANG SBYOR BA'I NYAMS SU MYONG BA'I YUL TE, DE YI 'OG TU'ANG DNGOS PO NI, ,RIGS LA SOGS PA'I CHOS GANG GIS, ,BLO YI NGES PA DE YANG NI, ,MNGON SUM NYID DU YANG DAG 'DOD, ,GZHAN DU SNGON PO LA SOGS PA'I LAS SAM DE'I YUL MA YIN NO, ,DRAN PA DANG NI NGO SHES DAG, BAG CHAGS DBANG GIS BYUNG GYUR NA, ,SHES PA PO YI DON GZHAN LA, ,NGO SHES PAR NI 'GRUB MI 'GYUR, ,ZHES BYA BA MA YIN NAM BAG CHAGS LAS DRAN PA NI PHYI ROL SHES PA PO'I BDAG NYID LAS GZHAN DU 'GYUR ZHING 'DRA BA LAS KYANG BAG CHAGS SAD PA LAS YIN GYI SHES PA PO'I DRAN PA

GZHAN NYID YIN NA MI 'BYUNG STE GZHAN SHES PA PO MA YIN PA'I PHYIR RO, ,'DI LA BRJOD PA NI 'BYUNG BAR 'GYUR BA'I BDAG NYID KYI RNAM PA CAN GYI NYAMS SU MYONG BA LAS THA DAD PAR MA NGES PA LAS BYUNG BA'I BAG CHAGS NI THA MI DAD PA NYID KYIS MCHOG TU 'DZIN PA SKYED PAR BYED LA, THA DAD PAR NGES PA YIN NA NI DE LTAR MI 'GYUR TE, DE NI RNAL 'BYOR PA'I GNAS SKABS YIN TE, BDAG MED PA LA SOGS PA RTOGS PA'I PHYIR RO, ,DE LA BRTEN NAS TSU ROL MTHONG BA RNAMS MI RIGS SO ZHES RGOL BAR BYED PA MI RIGS SO ZHES BYA BA'I DON TO, ,NYAMS SU MYONG BA NI LAS YIN LA, ,SNGON PO NI NYAMS SU MYONG BA MA YIN NAM, 'DI SNGON PO'O ZHES BYA BA'I SHES PA LA PHYI ROL DU NGES PAR RTOGS PA YIN NO ZHE NA, GZUNG BA DANG CIG SHOS KYI RNAM PA DAG GIS GNYIS NYID 'GRUB PA YIN PAR BSTAN PA NI 'DI'I ZHES BYA BA STE, GZUNG BA DANG 'DZIN PA MA YIN PA SNGON PO MA YIN PA DANG, RIG PA YIN PA LAS LDOG PAS RNAM PA GNYIS NI GZUNG BA LA SOGS PA NYID DU RIG PA NI LKOG TU MA GYUR PA NYID YIN GYI, GANG DU YANG 'GA' ZHIG GIS BYED PA MED PA YIN PA DE'I PHYIR, GZUNG BYA NYID DU KHYOD 'DOD PHYIR, ,GCIG NYID YOD PA 'DI MIN TE, ,DE LTA'I GCIG GI BDAG NYID LA, , KHYOD LA DPE 'GA' YOD MA YIN, ,ZHES BYA BA'I PHA ROL PO'I 'DOD PA BSAL BA YIN TE, GZUNG BA DANG 'DZIN PA NGAG GCIG MA YIN GYI, 'ON CI ZHE NA GZUNG BA LA SOGS PA'I MNGON PAR ZHE NA PA'I YUL NI GCIG STE MNGON SUM MA YIN NO ZHES BYA BA'I DON TO, ,RA ZHIG SNGON PO NYID LAS NYID NI RNAM PAR RTOG PA LA SNANG BA MA YIN PAR BSTAN PA NI THA DAD PAR ZHES BYA BA'O, ,SNGON PO'O ZHES BYA BA'I RNAM PAR RTOG PA NI BRDZUN PA YIN TE, JI LTA BA BZHIN DU MA YIN PA'I BAG CHAGS LAS BYUNG BA'I PHYIR RO ZHES BSTAN PA NI LDOG PA DE'I BRTAGS PAS ZHES BYA BA'O, ,RNAM PA GNYIS LAS ZHES BYA BA NI 'DI NI LDOG PA'I DON GYI'O, ,SDUG PA DANG MI SDUG PA DAG LEN PA DANG 'DOR BA'I SHES PA'I SGRUB BYED DAG SHES PA NYID DU DBYE BA MED PA MA YIN NAM, 'BAD PA CHEN POS BSGRUB PAR BYA BA'I PHYI ROL 'GRUB NA, YID LA 'DOD PA 'BRAS BU DANG BCAS PA NYID DU 'GYUR GYI, ,

, ,'BAD PA MED PAR 'GRUB PA'I SHES PA LAS 'BYUNG BA NI MA YIN NO ZHES ZER BA LA GANG TSE ZHES BYA BA SMOS SO, ,MA GRUB PA NI MA RDZOGS PA'O, ,DE'I DNGOS POR NI 'DOD PA DANG MI 'DOD PA'I NGO BO GANG GI YIN PA DE GZHAN NI PHYI ROL LO, ,RNAM RIG RGYU ZHES BYA BA NI RNAM PAR RIG PA DANG DUS MTSUNGS PA MA YIN PA NYID RDZOGS PA'I RGYU'O, ,DUS MTSUNGS PA NYID YIN YANG TSOGS PA GCIG LA RAG LAS PA NYID KYIS GZUNG BAR BYA BA MA YIN PAR BSTAN PA NI, YUL ZHES BYA BA STE DBYIBS CAN NAM, GCIG SHOS KYANG DUS MTSUNGS PAR PHAN TSUN BYA BA BYED PA'I MNGON SUM NI BDE BA DANG SNGON PO DAG GNYIS SAM GNYIS MED PA NI DE DAG RANG GI RIG PA GCIG GIS BYED PA'I KHONGS SU GTOGS PA YIN NO ZHES BYA BA'I DON TO, ,DE'I TSE 'DI NYAMS SU MYONG BA GANG GI YIN ZHES ZER BA LA DE NI ZHES BYA BA STE RNAM PAR SHES PA'I'O, ,DE LTAR ZHES BYA BA NI 'DOD PA DANG CIG SHOS NYID KYIS SO, ,MYONG BA ZHES BYA BA NI PHYI ROL MA YIN PA NYID DE, PHYI ROL NYID DANG 'GAL BA'I PHYIR SHES PA NYID SDUG PA LA SOGS PA'I DBYE BA GOMS PA LA SOGS BYUNG BA YIN TE, DE LTAR MTHONG BA YIN ZHES BYA BA'I DON TO, ,GANG GI TSE ZHES BYA BA 'BANGS PA NI DE'I TSE'O, ,RGYU NI RNAM PAR RIG PA'I'O, ,GRUB PA ZHES BYA BA NI TSAD MAS GRUB PA'O, ,NYAMS SU MYONG YANG ZHES BYA BA NI NGES PA YIN NA STE, DON NYAMS SU MYONG BA DANG 'GAL BA'I RANG NYID KYIS NYAMS SU MYONG BA ZHES BYA BA'I DON TO, ,GNOD PA MED PA'I PHYIR 'GAL BA MED PA NA YANG PHYI ROL THOB PAR 'GYUR BA MA YIN PAR BSTAN PA NI, GANG GI TSE SHES CHA ZHES BYA BA STE, NYAMS SU MYONG BA JI LTA BZHIN DU NGES PAR KHAS LEN PA YIN YANG PHYI ROL MA YIN TE, SHES PA CHA KHA CIG NYID DU DON NYID DU NGES PA'I RJES SU 'GRO BA'I PHYIR BDAG NI SNGON PO RIG GO ZHES BYA BA YANG RANG NYID RIG PA'I LAS NYID RJES SU BRJOD PA YIN GYI LAS GZHAN NYID NI MA YIN TE, MA MTHONG BA'I PHYIR RO ZHES BYA BA'I DON TO, ,GZUNG BA'I RNAM PA NI SNGON PO'O ZHES BYA BAR NGES PA'I STOBS KYIS YIN GYI SNANG BA LAS GZHAL BYA'O ZHES BYA BA NI MA YIN TE, PHYI ROL DANG SBYOR BA 'DZIN PA'I

RNAM PA NI SHES PA NYID YIN NO, ,YANG NA ZHES BYA BA NI SBYOR BZHIN PA MA YIN PA STE PHYI ROL YOD KYANG SHES PA'I RIG PA KHO NA DE'I RIG PA YIN NO, ,RIG PA'I BYED PA RTOGS PA RANG GI RIG PA NYID MA YIN NAM, RANG GI RIG PA LAS GZHAN GYI SHES PA'I NGO BO'AM, BYED PA NI MA YIN ZHES BSTAN NA NI GAL TE 'DOD PA MYONG BAR 'GYUR BA NI RANG RIG PA NYID YIN TE, RANG RIG PA LAS GZHAN PA'I 'DOD PA'I RNAM PA'I DON LA RIG PA RNAM PA MED PA'I PHYIR RO, ,'DOD PA'I BDAG NYID RIG PA DANG DON RIG PA DAG THA MI DAD PA YIN NO NYE BAR BTAGS PA'I KHYAD PAR YOD NA SGRO BTAGS PA YIN LA, DE SHES NA RJES SU DPAG PA LA SHES SO ZHES BYA BAR MI RIGS TE, SHES PA'I SHES PA NYID DON GYI SHES PA NYID YIN PA'I PHYIR ZHES BYA BA'I DON TO, ,DES KYANG ZHES BYA BA NI 'DOD PA'I RNAM PA NYAMS SU MYONG BAS SO, ,'GYUR BA YIN ZHES BYA BA NI GZHAN DU MI 'THAD PA'I PHYIR RO, , DE BSTAN PA NI RIG PA GZHAN NYID LA ZHES BYA BA'O, ,NYE BAR BTAGS PA LAS NI THA MI DAD PA LAS TE, GNYIS SU MI DMIGS PA LAS PHYI ROL RIG PA KHAS BLANGS PA'I PHYIR 'DOD PA'I RNAM PA SNGON PO LA SOGS PA'I NYE BAR MTSON PA YIN TE, RANG RIG PA NYID KYIS GNYI GA GRUB PAR YONGS SU GZUNG BA'I PHYIR, THA DAD PA'I RIG PA LAS YANG BDE BA KHO NA'I RIG PA MA YIN TE, SNGON PO GZHAN NYID DU YOD PA'I PHYIR DBYIBS DANG BCAS PA RIG PA YIN LA, BDE BA KHO NA YIN NO ZHES BYA BA YANG THOB PAR MI 'GYUR BA'I PHYIR THAMS CAD BDE BA NYID YIN PAS JI LTAR THA DAD MA YIN PA'O, ,JI LTAR THA DAD PA YIN ZHES BYA BA'I THA DAD PA'I PHYOGS SEL BA'I TSIGS SU BCAD PA LA GNAS PA BSTAN PA NI GAL TE ZHES BYA BA'O, ,RNAM PA GZHAN DU NI MI 'DOD PA'I RNAM PA'O, ,MYONG BAR 'GYUR NA NI ZHES BYA BA NI DON NO, ,'DOD PA'AM MI 'DOD PA ZHES BYA BA NI DON GYI GNYI GA'I BDAG NYID YIN TE, RNAM PA GNYI GA'I BDAG NYID KYIS GO RIMS BZHIN DU GNYI GA MED PAR 'GYUR RO, ,GO RIMS JI BZHIN MA YIN PAR 'GYUR BAR BSTAN PA NI, 'DOD PA'I RNAM PAS ZHES BYA BA'O, ,DNGOS KYI 'JUG PAS ZHES BYA BA NI THA DAD PAS NYAMS SU MYONG BAS YIN GYI, BEMS PO DANG CIG SHOS KYI

, ,NGO BOS NI MA YIN ZHING NYAMS SU MYONG BAR KHYAD PAR MED PA'I PHYIR RO, ,DE LTA MA YIN NA ZHES BYA BA NI GO RIMS JI LTA BA BZHIN BSTAN PA MA YIN NA'O, ,NYE BAR BTAGS PA NYID NI THA MI DAD PA NYID NI BDE BA DANG BDE BA MA YIN PA GNYIS GCIG LA GCIG GI TSE 'GAL BA YIN NO, ,PHYI DER BYE BRAG MED MOD KYI, ,GOMS PA SHIN TU PHUL BYUNG LAS, ,BLO LA DGA' DANG YONGS SU GDUNG, ,BDE SOGS DON GYI NGO BO MIN, ,ZHES BYA BA MA YIN NAM, DE LTAR NA 'DOD PA DANG CIG SHOS KYI DON RTOGS PA JI LTAR BRJOD PA YIN, 'DOD PA DANG CIG SHOS KYI RGYU LHAN CIG BYED PA NYID KYI 'DOD PA DAG CIG SHOS NYID YIN GYI RANG LA NI MA YIN NO ZHE NA, JI LTA DE LTA YIN DU CHUG KYANG RNAM PA THAMS CAD DU DON DE NYID KHO NA YIN PAR GO RIMS BZHIN DU STON PA MA YIN NA YANG DBYE BA MED DO, ,DE'I PHYIR RANG GI RIG PA NYID DON GYI BYED PA DANG 'BRAS BU YANG YIN TE, THA MI DAD PA'I PHYIR DBANG PO LA SOGS PA LA DON NYID RIG PAR CI'I PHYIR MI 'DOD CES ZER BA LA, PHYI RDOL DON NI ZHES BYA BA STE, RANG GI RIG PA NYID YIN NA NYAMS SU MYONG BA NYID 'DI YIN GYI DON NI MA YIN NO ZHES BYA BA'I DON TO, ,SKYES BU RE RE ZHING DBANG PO'I DBYE BAS SKYED PA'I RIM PA RNAMS NYID THA DAD PAS DON THUN MONG PA NYID DU MI 'GYUR BAR BSTAN PA NI, RANG NGO BOS ZHES BYA BA'O, ,DU MA'I BDAG NYID CES BYA BA NI THUN MONG MA YIN PA NYID DO, ,DON NI RDUL PHRA RAB KYI BDAG NYID YIN PA'I PHYIR, RDUL PHRA RAB KYI MTHAR THUG PAR RIG PA'I DBYE BA LAS RIG PA MED PAR THAL BAR 'GYUR RO, ,RANG GI RGYU'I BSKYED BYA NYID LA DU BA'I BDAG NYID NYID DU THAG RING BA DANG CIG SHOS KYI DBYE BAS RIG PA DANG CIG SHOS KYI BDAG NYID DE LA SKYON NI SUN DBYUNG BAS TE, BSAL BA'O ZHES BYA BA NI RGYAL BA CAN GYI'O, ,GZHAN DAG NA RE RIG PA GCIG GI BDAG NYID LAS BZLOG PA NI DON GNYIS PA'I DMIGS PA KHAS BLANGS PAS DON DANG LDAN PA'I NYAMS SU MYONG BA'I 'BRAS BU LA YANG BYA BA NI BYED PA PO'I BYA BA YIN LA, BYED PA PO YANG DE DANG LDAN PA YIN NO ZHES ZER RO, ,RNAM PAR RIG PAR SMRA BA YANG DON BZHIN DU KHAS LEN PA TZAM MA YIN TE,

TSAD MAS GRUB PA'I PHYIR RO ZHES BSTAN PA NI, RNAM PAR SHES PA SMRA BA ZHES BYA BA'O, ,TSAD MA MED NA NI KHYAD PAR MED PAR KHAS MA BLANGS PAS NGES 'GYUR BAR BSTAN PA NI RTEN MED PAS ZHES BYA BA'O, ,RANG GI NGO BO NYID CES BYA BA NI SHES PA'I RIG PA YIN NA NI ZHES BYA BA DANG SBYAR RO, ,'DOD PA NI RIG PAR RO, ,SNA TSOGS PA'I BDAG NYID KYI DON YANG BAG CHAGS KYI NGES PA LAS SKYES BU RE RE ZHING NGES PAR MTHONG BA YIN GYI, SHES PA'I BDAG NYID YIN PA'I PHYIR NI MA YIN TE, LAS NYID DU SNANG BA'I PHYI ROL LA SOGS PA'I BLO NYID LA DE LTAR 'DRA BA'I NGO BO NYID DU RNAM PAR GNAS PA LA BAG CHAGS DANG LHAN CIG BYED PA NYID RNAM PAR 'JOG PAR BYED PA YIN GYI MTHONG BA LA MA YIN PAR ZER BA NI DON DU MA'I RANG BZHIN ZHES BYA BA'O, ,BAG CHAGS KYI SNGA ROL DU YOD PA LA TSAD MA MED PA'I PHYIR DANG, DE MA THAG NYID DU DMIGS PA'I PHYIR DE'I BSKYED BYA NYID KYIS SHES PA NYID YIN NA LAS NYID BEMS PO BZHIN DU 'GAL BAR BYED PA NYID MA YIN BSTAN PA NI KHAS BLANGS NA YANG ZHES BYA BA STE, DU MA NYID DU DBYE BAS RNAM PAR GZHAG PA NI SKYES BU NYID KYI BAG CHAGS KYI NGES PAS SNGA NA YOD PA LA TSAD MA MED PAS TSAD MA'I BDAG NYID DU THAL BAR 'GYUR ZHES BYA BA'I DON TO, ,RNAM PA GZHAN DANG LDAN PA LA RNAM PA GZHAN DU RTOGS PA STE, KHONG DU CHUD PA YIN NA RNAM PAR GZHAG PA MED PAR THAL BAR 'GYUR BA BSTAN PA NI RANG GI RNAM PA ZHES BYA BA'O, ,YANG NA ZHES BYA BA NI THABS KHAS LEN PA YIN NA'O, ,THA DAD PAR NI DU MA'I BDAG NYID DU STE LAS SU SGRUB BYED YIN PA'I PHYIR RNAM PA GNYIS PO DAG LAS GCIG NYAMS SU MYONG NA CIG SHOS KYANG NYAMS SU MYONG BAR 'GYUR RO, ,DNGOS PO'I DON TO ZHES BYA BA NI BAG CHAGS KYI KHYAD PAR PHYI ROL DU NGES PAR BYED PA YIN PA'I PHYIR RO, ,RANG GI SHES PA'I RJES BYED PA, ,MANG PO'I RNAM PA'I DNGOS RNAMS LA, ,NGES PAR BZUNG BAS NUS PAR 'GYUR, ,SNGAR MIN RNAM PA'I RTOG PA MIN, ,RANG GI SHES PA'I RJES SU BYED PA NI BAG CHAGS YIN NA, PHYI ROL NYID NI BAG CHAGS KYI NGES PA MA YIN PA MA YIN NO ZHES BYA BA NI YANG NA ZHES BYA BA GZHAN DU SBYAR BA'O, ,SNGA MA LA NI GCIG TU 'GYUR BAR MA BSHAD LA, 'DI LA NI THA DAD

, ,PAR MI 'GYUR BA YIN NO, ,'ON KYANG THA MI DAD PA STE NGES PA MED PAS RNAM PA THAMS CAD KYI SHES PAR 'GYUR RO ZHES BYA BA NI RNAM PAR DBYE BA'O, ,YANG GI SGRAS NI RE ZHIG JI LTA BA BZHIN NYAMS SU MYONG BA DON RIG PA MA YIN TE, THA DAD PAR KHAS BLANGS KYANG STE DON NI SNGA BA YIN LA SHES PA NI 'PHYI BA YIN NO, ,GNYIS PO DAG MYONG MI 'GYUR ZHES BYA BA NI DON GYI RIG PA GCIG NYID KYIS RDZOGS PA'I PHYIR DON GYIS GO BA MA YIN PA'I PHYIR RO ZHES BYA BA NI RGYAL BA CAN GYI'O, ,DON RIG PA'I DUS NA SHES PA YOD KYANG MA MTHONG BAS BSGRIBS PAS SAM TSAD MA MED PAS RIG PA MA YIN PA YIN GYI, MED PAS NI MA YIN NO ZHES ZER BA NI MA MTHONG ZHES BYA BA'O, ,RIG BZHIN PA'I DON GYIS BSGRIBS PAS RIG PAR MI 'GYUR RO ZHES BSTAN PA NI RTOGS MI 'GYUR ZHES BYA BA'O, ,DON GYI RIG PA NI SHES PA'I RIG PA LA TSAD MA MA YIN TE, DE YOD KYANG 'DZIN PAR 'DOD PA MA YIN NA MI RIGS PA'I PHYIR RO, ,'DOD PA GRUB PA YANG DNGOS SU BA MA YIN TE, DU BA NI MED NA ME 'BYUNG BA NYID KYI PHYIR SHES PA'I SGO NAS RIG PAR BYED PA YIN GYI DON GYI SHES PA NI DE LTA MA YIN TE, BSGRUB BYA MNGON SUM MA YIN PA NYID KYIS DE MED NA MI 'BYUNG BAS MI SHES PA'I PHYIR RO, ,DE'I PHYIR MA SHES PA'I DON LA SU ZHIG GIS KYANG BLO DMIGS PA MA YIN TE, DON SHES NA NI RJES SU DPAG PA LAS BLO RTOG PA YIN NO ZHES SHES PA'I DON CAN MA YIN NO, ,GANG GI PHYIR TSAD MA NI YOD LA GZHAL BYA RTOGS PA NI MA YIN NO ZHES BYA BA NI RIGS PA MA YIN PA'O, ,'GREL PAR NI DON GYI RNAM PA GCIG SHES PA NA RNAM PA GZHAN BSGRIBS PA YIN PA LA BRGAL BA'I BSAL BAS DE LTA NA DON JI LTA BA BZHIN DU RIG PAR MI 'GYUR RO ZHES BSTAN PA NI GCIG TU STE DON GYI'O, ,RNAM PA GNYIS DANG LDAN PA SNGA NA YOD PA LA TSAD MA MED PA'I PHYIR MA MTHONG BA'I LOG PAR STON PA YIN GYI BSGRIBS PA MA YIN PAR BSTAN PA NI RAB RIB LTA BUR ZHES BYA BA'O, ,RAB RIB NI ZLA BA GCIG LA RNAM PA GNYIS SU MTHONG BAR BYED PAS BRDZUN PA YIN PA DE BZHIN DU MA MTHONG BA YANG GCIG NYID LA GNYIS KYI RNAM PAR RO ZHES BSTAN PA NI, ZLA BA GNYIS NYID CES BYA BA'O, ,DON GYI DBANG GIS MA YIN NO ZHES BYA BA NI

BRDZUN PA NYID KYI PHYIR RO, ,DE BSTAN PA NI MA MTHONG BA NYID KYIS ZHES BYA BA'O, ,MED PA MTHONG BAR MI NUS PA NI YOD PA BSGRIBS PA DANG MTSUNGS PA YIN PAR BSTAN PA NI RUNG BA'I YUL NA ZHES BYA BA'O, ,YOD PA LA DMIGS PA'I BDAG NYID KYIS LONGS SPYOD PA GZHAN DU MI 'THAD PAS RTOGS PAR BYA BA'I MA MTHONG BA NI LONGS SPYOD PA'I BDAG NYID MA YIN PA BSGRIBS PA'I 'BRAS BUR MI 'THAD PA YIN PAR BSTAN PA NI, DE LA ZHES BYA BA STE JI LTAR RIG PAR BYED PA YIN ZHES BYA BAR SBYAR RO, ,CHES 'DOD PA'I RIG PA'I GO BYA LAS PHYIN CI LOG TU BYED PA MA YIN TE, TSAD MA MED PA'I PHYIR RO ZHES BYA BA'I DON TO, ,BSDU BA NI GNAS SKABS KYI DBANG DU BYAS PA'O, ,LAS NI LAS GZHAN DANG 'BREL PAS RANG NYID KYIS NYAMS SU MYONG BA SKYED PAR BYED, 'GA' LA NI SGRIB PAR BYED PA LAS KYI PHYED MYONG NAS LAS GZHAN PAR DU GCOD PAR BYED PA YIN NO SNYAM DU SEMS PA LA GOMS PA'I DBANG GIS 'BYUNG BAR MTHONG ZHES BYA BA STE, GOMS PA'I BDAG NYID KYI LAS RIG PAR BYED PA NI TSAD MA CAN YIN LA, SNA TSOGS LA SOGS PA'I BSTAN BCOS KYI NI MA YIN TE, 'BRAS BU DE'I RJES SU 'GRO BA LA SOGS PA'I RJES SU BYED PAR NYAMS SU MYONG BA MED PA'I PHYIR, SGRA NYID NYAMS SU MYONG BA NI MA YIN TE, MNGON DU BYED PA DANG 'BREL PA DAG MED PA'I PHYIR RO, ,RNAM PAR RTOG PA TZAM NI SKYES BUS MA BYAS PA NYID MA YIN PA LA YANG DON LA THE TSOM ZA BA'I PHYIR RTOGS PAR BYED PA MA YIN ZHING SGRA NI 'DI TSAD MA NYID MA YIN PA LAS 'DAS PA MA YIN NO ZHES BYA BA'I DON TO; ;GOMS PA'I BDAG NYID KYI LAS KYANG DE LAS GZHAN PAS BAR CHOD PAS RANG GI 'BRAS BU RIG PA SKYED PAR BYED PA NI SGRIB PA KHO NA YIN NO ZHES ZER BA DE NYID CES BYA BA'O, ,DE LTA BU'I MTHONG BA NI RIG PA'I BDAG NYID KYIS DON GYI SKYED BYED NYID YIN GYI RIG PA MA YIN PA RIG PAR BYED PA MA YIN PAR BSTAN PA NI GRUB PA NYID CES BYA BA'O, ,DE NYID BSTAN PA NI BAG CHAGS STOBS LAS ZHES BYA BA'O, ,BAG CHAGS NI RTOG PA'I SKYED BYED YIN GYI, DON GYI NI MA YIN ZHES ZER BA NI GAL TE DON NI ZHES BYA BA'O, ,DE LTAR NI 'DOD PA DANG MI 'DOD PA NYID KYIS SO, ,MTSAMS SBYOR

, ,MED CES BYA BA NI RNAM PA SNA TSOGS PA NYID KYI PHYIR RO, ,SEMS KYANG NI DON GYI BLO RNAMS KYANG NGO ZHES RIM PA GZHAN DU SBYAR BA'AM, DE LA 'ANG STE DON LA YANG NGO, ,DE'I PHYIR JI LTAR NYAMS SU MYONG BA STE, JI LTAR RIG PA'I NGO BOR SHES PA'I BDAG NYID YIN PA'I PHYIR RANG NYID NYAMS SU MYONG STE RIG PA'I NGO BO'O, ,JI LTAR NYAMS SU MYONG BA YIN ZHES ZER BA LA, NYAMS SU MYONG BA MCHOG TU 'DZIN PA NI GNAG PHYIR ZHES BYA BA'O, ,'DI'I NI NYAMS SU MYONG BA'I'O, ,PHYI'I DON LA YANG ZHES BYA BA YANG ZHES BYA BA NI THA DAD PAR KHAS LEN PA NA'O,, DE STE DON RIG PA LA'O, ,RANG RIG PA ZHES BYA BA NI NYAMS SU MYONG BA'I NGO BO'O, ,JI LTAR RIG PAS NI RIG PA KHO NAR 'GYUR NA THA DAD PA LAS DON RIG PAR JI LTAR 'GYUR ZHES ZER BA LA 'DI LA YANG NYAMS SU MYONG BA'I RANG RIG PA LA SHES PA'I NYAMS SU MYONG BA BOR NAS PHYI ROL NYID RTOGS PA YIN NO ZHES MI RIGS SO ZHES BYA BA'I DON TO, ,SLOB DPON NI SLOB DPON PHYOGS KYI GLANG PO'O, ,SHES PA NI SHES PA'I BDAG NYID DO, ,'DI'I NI RANG GI NGO BO'O, ,KUN DU SNANG BA NI 'DRA BA NYID DO, ,CI LAS SHE NA GANG GI PHYIR ZHES BYA BA STE, DE'I PHYIR YUL DU SNANG BA'O ZHES BYA BA NI RGYU YIN PA'I PHYIR RO ZHES BYA BA'I DON TO, ,JI LTAR ZHES BYA BA NI RAB TU BSTAN PA'O, ,SDUG GU LA SOGS PA NI BDE BA LA SOGS PA NYID KYIS TE, 'DI NI NYE BAR MTSON PA YIN PAR BSTAN PA NI, DE'I PHYIR ZHES BYA BA'O, ,RNAM PA THA DAD PAS ZHES BYA BA NI SNGON PO LA SOGS PA STE NYE BAR BRTAGS PA'O,, RNAM PA THA DAD PA MED PA'I NGO BO YIN PAS 'DZIN PA'I RNAM PA NI RNAG RIG PAR RUNG BA'I NGO BOR THA MI DAD KYANG NYE BAR BTAGS PA NYID KYIS RNAM PAR GZHAG PAR CI'I PHYIR MI BYED CES BYA BA LA KUN LA ZHES BYA BA SMOS SO, ,SNGON PO ZHES DON GYI KHYAD PAR GYI NGES PA BYUNG BA NI NYAMS SU MYONG BA'I CHA'I KHYAD PAR SNGAR NYAMS SU MYONG BA LA RAG LAS PA YIN GYI NYAMS SU MYONG BA'I BDAG NYID KYI RANG MTSAN NYID KYIS DBYE BA LA RIG PA'AM NGES PA LA KHYAD PAR DU BYED PA MA YIN TE, KHYAD PAR MED PA'I PHYIR RO, ,TSOGS PA GCIG LAS RAG LAS PA NYID KYI KHYAD PAR GYIS DE MI RIGS PAS RIG PAR BYA BA MA

YIN ZHING YOD PA TZAM GYIS KYANG KHYAD PAR MED PA MA YIN TE NGO BO LA DBYE BA MED PA'I PHYIR RO, ,RANG GI MTSAN NYID THA DAD PA'I RGYU NYID KYANG DE LAS GZHAN PA LAS NGO BO THA DAD PA BYED PA MA YIN TE, DE'I YUL CAN YIN PA'I PHYIR RO, ,GAL TE YANG KHYAD PAR MED NA RIG PAR BYA BA MA YIN LA, RIG NA YANG RNAM PA'I KHYAD PAR THOB PAR 'GYUR BA DE'I PHYIR, RNAM PA MED PA'I KHO BO CAG GI BLO ZHES BYA BA NI MA YIN NO, ,NYE BA GANG GIS DON NYID KYI RNAM PA BDAG GIR BYED PA DE NYID KYIS DE RIG PAR BYED PAR 'GYUR NA RNAM PAS CI ZHIG BYA BA 'DI YANG LEGS PA MA YIN TE GZUNG BA'I RNAM PA RIG PA NI 'DZIN PA NYAMS SU MYONG BA 'DI LAS SO ZHES BYA BA NI MI RIGS PA KHO NA YIN PA'I DON TO, ,RNAM PA YANG SHES PA LA GNAS GZHAN MED PA'I PHYIR RO, ,'BRAS BU YIN NO ZHES BYA BA'I DON JI LTAR MA YIN ZHES ZER BA LA, GANG PHYIR ZHES BYA BA SMOS SO, ,RNAM PA NI RANG LAS THA DAD PA MED PAS DON RIG PAR SGRO BTAGS PA MA YIN TE, 'ON KYANG RANG NYID KYI RJES SU MTHUN PA NGES PAS THA DAD PAR RNAM PAR 'JOG PAR BYED KYI 'DZIN PA'I RNAM PA NI MA YIN TE KHYAD PAR MED PA'I PHYIR RO, ,DON GYI BDAG NYID NI RNAM PA'O, ,GNAS PA NI NYE BA'O, ,'DI NI ZHES BYA BA RNAM PA NI TSAD MA YIN LA, DON DES PA NI 'BRAS BU YIN GYI RANG NYID KYI RIG PA NI MA YIN PA YIN NAM ZHES ZER BA LA BDAG NYID RIG PA YIN ZHES BYA BA NI BDAG NYID RIG PA LAS TE, RIG PA MA YIN PA LA NGES PA'I MI RIGS PA'I PHYIR RO, ,RNAM PA'I BDAG NYID RIGS PA NA DON RIG PA GZHAN MED PA'I PHYIR RO, ,'BRAS BU YIN NO ZHES BYA BA'I DON TO, ,DE BSTAN PA NI DE'I PHYIR ZHES BYA BA NI DE'I PHYIR RO, ,DON DANG SHES PA DANG DE DAG DANG 'BREL PA CAN GYI BLO NI MA YIN TE NYAMS SU MYONG BA MA YIN PAR BSTAN PA NI, DON BDAG SNANG BA MA YIN PA ZHES BYA BA'O, ,PHYI ROL NI RJES SU DPAG PA LAS BZHIN DU MNGON SUM LA YANG SNANG BZHIN PA MA YIN PA NYID YUL DU 'GYUR BA MA YIN NAM ZHES ZER BA LA GANG GI PHYIR ZHES BYA BA SMOS TE, MNGON SUM GYI YUL NYID NI NGO BOR SNANG BA YIN GYI GZHAN ZHIG GZHAN DU NGES PA NI MA YIN TE DE SNGON DU 'GRO BA CAN NYID KYIS DE NYID GTZO BO YIN ZHES BYA BA'I DON TO, ,RANG GI NGO BO NI PHYI

, ,ROL MA YIN PA'O, ,RANG RIG PA NI RANG GI NGO BO RIG PA STE, MNGON SUM MA YIN PA'I PHYIR ZHES BYA BA NI THABS YIN PA DANG DANG POR RIG PAR KHAS BLANGS PA NI MA YIN NO, ,RANG RIG PA NI DON RNAM PAR NGES PAS RNAM PAR NGES PA'I YANG RGYU MTSAN NI RNAM PA YIN LA, DON RIG PA'I YANG NGES PAR BYED PA'I NGES PAR BYED PA GCIG PA NYID DU SGRO BTAGS PA YIN PAR BSTAN PA NI, DE'I ZHES BYA BA NI RANG RIG PA'I STE NGES PA DON DU SGRO BTAGS PA'I'O, ,BLO LA NI GNAS DON ZHES BYA BA NI RANG RIG PA'I RNAM PA'O, ,SGRUB BYED NI NGES PA CAN GYI NGES PA SGRUB PAR BYED PA'I PHYIR RO; ;DE NYID KYI PHYIR BYA BA NYID NI DBANG PO LAS 'DAS PA'I BYA BA DANG, DE'I 'BRAS BU LA SOGS PA'I RTOG PA NI TSAD MA DANG LDAN PA YIN NO ZHES BYA BA'I DON TO, ,DES NA ZHES BYA BA NI DE'I ZHES BYA BA'I BSHAD PA'O, ,RNAM PAS BYAS PA'I RIG PAS RNAM PA GZHAN MI GNAS PA STE, NGES PAR 'GYUR BA MA YIN NAM ZHES ZER BA LA JI LTAR DON DE NI GNAS PA ZHES BYA BA STE, RANG RIG PA'I DUS KYI RNAM PA YIN LA DE BZHIN DU DON NYE BA'I DUS NA YANG GSAL BAS NGES PA MED PA YIN NO ZHES BYA BA DE NYID BSHAD PA NI DE'I RANG BZHIN DU ZHES BYA'O, ,DON NYE BA'I DUS NA YANG RNAM PA YONGS SU 'DOR NA DON JI LTAR RIG PA YIN ZHES ZER BA LA DE'I BDAG NYID PHYIR TE, RNAM PA'I NGO BOS DON GNAS PA STE, RNAM PAR 'JOG PA'AM THA SNYAD LAS SO ZHES BYA BA YANG NGO, ,DE LTA NA 'O NA ZHES BYA BA LA SOGS PA'I 'BREL PA YANG YUL GYI DBYE BA DANG DE'I LAN GYI SGO NAS DE LTA BU YIN NO ZHES BYA BA NI RGYAL BA CAN GYI'O,, RANG RIG YANG ZHES BYA BA NI NYE BA'I DUS NA YANG RANG GI RNAM PA TZAM YUL YIN PA'I PHYIR, DON RIG PA YIN TE RNAM PA'I RIG PA JI LTA BA BZHIN DU DON KHAS BLANGS PA'I PHYIR RO, ,GNYI GA YANG ZHES BYA BA NI TSAD MA DANG 'BRAS BU'O, ,DE NYID CES BYA BA NI PHYI ROL DANG DON DAM PA LAS YANG DE DAG GI YUL THA MI DAD PA'I PHYIR RO, ,DE'I PHYIR RNAM PAR RIG PA JI LTA BA BZHIN DU PHYI ROL GNAS PA'I PHYIR YUL THA DAD PA MA YIN NO, ,DE LTA NA PHYI ROL NYID DU BYA BA YIN PA'I PHYIR, PHYI ROL RIG PA NYID YIN NA RANG RIG PAS CI ZHIG BYA ZHES ZER BA LA RANG RIG CES BYA BA STE NYE BA'I DUS NA'O, ,GANG LAS

SHE NA DE'I BDAG NYID PHYIR TE, RNAM PA JI LTA BA BZHIN DU RANG RIG PA NI DON RIG PA YIN PA'I PHYIR RO, ,DON RIG PA DE'I BDAG NYID KYIS NI MA YIN TE, RANG RIG PA'I BDAG NYID YIN PA'I PHYIR 'DI LTAR DON BDAG SNANG BA YIN ZHES BYA BA 'GAL BA'I PHYIR SHES PA'I RIG PA KHO NA DON GYI RIG PA MA YIN TE GZHAN NYID YIN NA GZHAN DU MI 'THAD PA YANG DE MED NA NI JI LTAR YIN, YOD NA NI RTOGS PA KHO NA YIN NO ZHES BYA BA NI RGYAL BA CAN GYI'O, ,DON DAM PA NA ZHES BYA BA'I 'GREL PA NI DON RIG PA DE'I BDAG NYID DANG RANG RIG PA'I TSAD MA NYID DANG DON GYI YUL NYID MED PA RNAMS BSTAN PA YIN NO, ,BDAG NYID DANG CIG SHOS RIG PA NYID KYIS NGES PA DANG CIG SHOS DAG TU 'GAL BA MA YIN TE, SHES PA DANG SHES PA MA YIN PA NYID GZHAN DU RNAM PAR DBYE BA YIN PA'I PHYIR RO ZHES BSTAN PA NI GAL TE NA ZHES BYA BA'O, ,SNGON PO'I RNAM PA'I SHES PA'I GNYUG MA NYID YIN NA SER PO LA SOGS PA'I RNAM PA NYID MI 'GYUR RO ZHES ZER BA NI RNAM PA DU MA CAN ZHES BYA BA STE, BAG CHAGS SNA TSOGS PA YIN PA'I PHYIR RO, ,RNAM PA'I BDAG NYID RIG PAS DON NO ZHES NGES PA YIN YANG DON GZHAL BYA NYID JI LTAR YIN TE, 'BREL PA MED PA'I PHYIR RO ZHES BYA BA NI RGOL BA'I DGOS PA'I DON NO,, DON NO ZHES NGES PAR RIG PAR BYED PA'I SHES PA NI DON GYI 'BRAS BU YIN PAR BSTAN PA NI DE LTAR SNANG BA ZHES BYA BA STE, SNGON PO LA SOGS PA RNAM PA NYID KYI DON NO ZHES PA NYID KYI PHYIR 'DZIN PAR BYED PA NYID BZHIN DU 'BRAS BU NYID KYANG NGO ZHES BYA BA'I DON TO, ,DON YANG NGO ZHES BYA BA 'DI YANG RTZA BA NYID MA YIN TE; NGES PAR RNAM PAR 'JOG PAR MI BYED PA'I PHYIR NGES PAR GZUNG BA'I DON MA YIN PAR BSTAN PA NI, GAL TE YANG ZHES BYA BA STE, DON TZAM LA NGES PA YIN GYI KHYAD PAR LA NI MA YIN NO ZHES BYA BA'I DON TE, ,KHYAD PAR BZHIN DU DE TZAM YANG NGES PA NI RNAM PAR 'JOG PAR BYED PA MA YIN NO ZHES ZER BA NI GAL TE ZHES BYA BA STE, SMIG RGYU LA CHUR SNANG BA NI CHU'I BAG CHAGS KYI RGYU CAN YIN NO ZHES BYA BA LA LOG PAR RTOGS PA MED DE, GZHAN DU MI 'BYUNG BA'I PHYIR RO ZHES BYA BA'I DON TO, ,DON RGYU YIN NO ZHES BYA BAR MI 'DZIN PA NI DON 'DZIN PA YIN NO, ,JI LTAR RNAM PA 'GA' ZHIG LTAR ZHES BYA BA

, ,NI DON MED KYANG BAG CHAGS LAS 'BYUNG BA'I PHYIR RO, ,BDEN ZHES BYA BA NI BAG CHAGS TZAM LAS BYUNG BA NYID DO, KHAS BLANGS BA SGRUB PAR BYED PA NI DON NYE BAR GNAS PA'I ZHES BYA BA'O, ,DE ZHES BYA BA NI NYE BA'O, ,'DZIN PA MA YIN PA NI 'DZIN BYED MA YIN PA STE, DE'I YUL NYID MA YIN NA DER SNANG BA NI BAG CHAGS LAS BYUNG BA YIN NO ZHES BYA BA'I DON TO, ,YUL ZHES BYA BA DNGOS PO LAS GZHAN MED DE, YUL LA YANG YUL GZHAN DU THAL PAR 'GYUR BA'I PHYIR RO ZHES ZER BA NA YUL GZHAN DU MTHONG BA ZHES BYA BA'O, ,DE'I DUS NYID NI MED PA'I BAG CHAGS LAS BYUNG BA YIN PAR BSTAN PA NI YUL GZHAN YANG ZHES BYA BA'O, ,DE'I DUS NYID KYANG DNGOS PO LAS THA DAD PA MA YIN NO ZHES ZER BA NI GANG LA YOD PA ZHES BYA BA'O, ,YUL DANG DUS KYI NGES PA MED NA DNGOS PO ZHES BYA BA MED PAR BSTAN PA NI GAL TE ZHES BYA BA'O, ,GANG NA YANG NI YUL LA'AM DUS LA'O, ,YUL LA SOGS PA RNAM PAR MA BCAD PA'I DNGOS PO YOD PA YIN TE, SNANG BA'I 'BRAS BU SKYED PA'I PHYIR RO ZHES ZER BA NI GDON MI ZA BAR ZHES BYA BA NAS RTOGS SO ZHES BYA BA'I BAR DU'O, ,'O NA MA MTHONG BA ZHES BYA BA NI YUL PAndI DANG YUL MA THUR LA SOGS PA MA MTHONG BA GANG GI'AM RMI LAM DU SNANG BA YANG NGO;; RANG NYID KYIS MTHONG BA NYID DU KHYAD PAR MED PAS THAMS CAD LA THAMS CAD SNANG BAR 'GYUR BAR BSTAN PA NI MA MTHONG BAR YANG ZHES BYA BA STE DON THAMS CAD CES BYA BAR SBYAR RO, ,THAMS CAD NI SKYES BU STE, YUL LA SOGS PA SHES PA'I LHAN CIG BYED PA MA YIN PA'I PHYIR ZHES BYA BA'I DON TO, ,GNAS SKABS KYI KHYAD PAR YIN ZER BA NI RAB RIB LA SOGS ZHES BYA BA'O, ,DE NYID NI MTHONG BA NYID CES BYA BA DANG SBYAR RO, ,SNANG BAS ZHES BYA BA NI MTHONG BAS ZHES BYA BA DANG SBYAR RO, ,'DI NYID CES BYA BA NI RAB RIB CAN GYIS MTHONG BAS SO, ,GNYI GA LA YANG ZHES BYA BA NI RUNG BA'I YUL NA GNAS PA MA GTOGS PAR MA MTHONG NGO ZHES BYA BA'I RGOL BA PO DAG NI NUS PA MA GTOGS PAR RO, ,DE NYID CES BYA BA NI SNANG BZHIN PA'O, ,DON NYID CES BYA BA NI DON BYED PAR NUS PA NYID DO, ,DE LTA BUR GYUR PA NI DON BYED PAS NUS PA'O, ,THAMS CAD DE LTAR ZHES BYA BA NI NUS PAR MNGON PAR 'DOD PA YANG

NGO, NUS PAS DON NYID YIN PA NI SHES PA NYID LA YANG 'GAL BA MED LA, GZUNG BA NYID KYI DON NYID YIN NA RAB RIB LAS BYUNG BA LA YANG 'GYUR RO, ,DE NYID DU YOD PA LAS GNOD PAR BYA BA NYID DAM SLU BA NYID MA YIN TE, DE NYID KYI TSE MI SLU BA'I PHYIR PHYIS DE MED PA NI DE NYID MA YIN NO, ,DES NA THAMS CAD MTSUNGS PA'AM CIG SHOS KYANG RUNG BA YIN TE, SKYES NAS ZHIG PA NI RGYUN GYI RGYU MED PA YIN GYI MED PAS NI MA YIN TE, YOD PA NI DMIGS PA'I MTSAN NYID YIN PA'I PHYIR RO, ,'DI DE LTA BU MA YIN ZHES BYA BA YANG DE'I RANG GI NGO BOR RTOG PA TZAM NI 'GAL BA CAN MA YIN TE DE LTAR BRJOD KYANG DE LAS MA 'DAS PA'I PHYIR RO, ,'JUG PA MED KYANG DE DE LTA BU KHO NA YIN TE, DE YANG DON DU GNYER BA'I DGOS PA LAS DE'I NGO BO DANG CIG SHOS KYIS BYAS PA'I TSAD MA DANG CIG SHOS NYID NI SHES PA NYID LA YANG YIN NO ZHES BSTAN PA NI MTHONG BA PA MA GTOGS PA'I ZHES BYA BA'O, ,KHYAD PAR NI RAB RIB LAS GZHAN PA LAS SO, ,GZHAN GYIS BYA BA NI MI GZHAN GYIS TE SOGS PA ZHES BYA BA NI MI SNANG BA YANG THUN MONG BA DANG CIG SHOS NYID CES BYA BA'I DON TO, ,DANG PO DANG GZUNG BA LA YOD PA DANG, MED PAR THE TSOM ZA BA NI PHRAD PA'I SHES PA LA YANG MTSUNGS TE, KHYAD PAR MA MTHONG BA'I PHYIR RO ZHES BSTAN PA NI CI LTAR ZHES BYA BA'O, ,RANG NYID LAS ZHES BYA BA NI MTHONG BA NYID THE TSOM ZA BA'I GNYEN PO YIN PA'I PHYIR RO, ,THAMS CAD CES BYA BA NI RAB RIB LAS BYUNG BA LA YANG MTHONG BA YOD PA'I PHYIR RO, ,DE NI 'DI LTAR NGES PA'I YUL CAN LA YANG MED PA'I YUL CAN NYID DU MTHONG BA'I PHYIR CIG SHOS LA YANG DE NYID DU THAL BAR BYED PA DANG, RGYU'I SKYON SHES PAS BRDZUN PA NYID DANG, SKYON MED PA'I SHES PAS KYANG YANG DAG PA NYID DANG, DE LTA'I RGYU'I SKYON RNAMS LAS, ,GANG ZHIG GANG LA THE TSOM 'GYUR, ,DE NYID YOD DAM MED PA'I PHYIR, ,DE LA YANG DAG DANG BRDZUN BLO, ,ZHES BYA BA NI MI RIGS PAR BSTAN PA NI 'ON TE RGYU NI ZHES BYA BA LA SOGS PA'O, ,DE'I SHES PA NI RGYU DAG PA NYID KYIS SHES PA YANG NGO, ,PHYI ROL LAS SKYES PA NYID SHES PAR DKA'O ZHES BYA BA 'THAD PAR BYAS NAS BAG CHAGS LAS BYUNG BA NYID SHES PAR SLA BAR BSTAN PA NI BAG

, ,CHAGS LAS ZHES BYA BA'O, ,RNAM PAR GNAS ZHES BYA BA NI CHU MA MTHONG BA LA CHU'I NGES PA MI 'BYUNG BA'I PHYIR RO, ,SHES PA CAN GYI BSKYED BYA NYID DU NYE BAR LEN PA THA MI DAD PA NI RNAM PAR RTOG PA DANG CIG SHOS DAG NGES PA MED PA DANG CIG SHOS SU 'DZIN PA DAG LA CIG CAR NYE BAR BLANG BA NYID DU 'GAL BA YANG MA YIN TE, BAG CHAGS KYI KHYAD PAR NYE BAR LEN PA'I PHYIR BDE BA DANG SDUG BSNGAL LTA BUR LEN GDAB PAR SLA BA YIN PAR BSTAN PA NI, THOG MED 'BREL PA YIN PAR NI, ,ZHES BYA BA'O, ,BAG CHAGS DANG 'BREL PA MA YIN TE, RNAM PAR RTOG PA YANG RANG RIG PA TZAM NYID YIN PA'I PHYIR RO ZHES ZER BA NI GAL TE ZHES BYA BA'O, ,RANG BZHIN LAS ZHES BYA BA NI GZHAN YIN NA ZHES BYA BA DANG SBYAR RO, ,GANG GIS ZHES BYA BA NI BEMS PO NYID KYIS SHES PA'I YUL MA YIN PA'I PHYIR RO, ,RANG BZHIN NYID CES BYA BA NI GZHAN MA YIN PA'I PHYIR 'BREL PA MED NA DES BYAS PA'I 'BREL PA CAN MED PAR BSTAN PA NI 'BREL PA DANG 'BREL PA CAN DAG CES BYA BA'O, ,PHYI ROL GYI TSUL LA YANG 'DI LAS 'DI SKYE'O ZHES NGES PA'I RTEN YOD PA NI SNGA MA DANG PHYI MA'I KHYAD PAR DANG BCAS PA NI DUS KYIS BYAS PA YIN YANG RTOG PA MED NA GO BA MA YIN PAR BSTAN PA NI BAG CHAGS DANG 'BREL PA ZHES BYA BA STE, SNGAR MTHONG BA'I BSKYED BYA NYID KHO NA BAG CHAGS KYI SKYED BYED NYID YIN NO ZHES BYA BA'I PHYIR RO ZHES BYA BA'I DON TO, ,DRAN PA MED PA NI RNAM PAR RTOG PA MED PA LA RNAM PAR RTOG PA GZHAN DE NYID DU RNAM PAR 'JOG PA YIN PAR BSTAN PA NI DE LA YANG ZHES BYA BA'O, ,DE NYID 'DIR ZHES BYA BA NI BSDU BA'O, ,'DZIN PA MA YIN NA ZHES BYA BA NI RANG RIG PA TZAM YIN PA'I PHYIR RO, ,PHYI ROL NA YANG 'BRAS BU LA SOGS PA DE NYID DE LTA MA YIN PAR BSTAN PA NI DE LTA YIN NA ZHES BYA BA'O, ,RNAM PAR SHES PA PHYI ROL GANG GI 'BRAS BU YIN PA'O, ,DNGOS PO NI RNAM PAR 'JOG PAR BYED PA RTOG PAR BYED PA YIN YANG RNAM PAR RTOG PA'I GO BYA YANG 'BRAS BU'I DUS LAS 'DAS PA BZHIN DU YUN RING POR 'DAS PA YANG YIN TE RTOG PA MED PA'I PHYIR RO, ,DE'I NUS PA YIN YANG DUS 'DAS PAS YOD PA NYID YIN YANG DE MA THAG PA YANG RGYU MA YIN TE, 'BRAS

BU'I DUS LAS 'DAS PA DANG LHAN CIG YOD PA DANG RI BONG GI RVA LTA BU'O, ,YOD KYANG RE ZHIG DE'I TSE MA RTOG PA DE BZHIN DU DE MA THAG PA YANG DE NYID KHO NAS MA YIN TE, 'O NA CI ZHE NA DE LTAR RTOGS PA'I RGYU YIN NO, ,DE NI 'DAS NAS YUN RING BA LA YANG NGO, ,DE LA DE MA THAG PA DE NYID GZHAN GYI NUS PA MA RTOGS PA'I PHYIR DE MA THAG PA YANG RGYUD LA GNAS PAS RJES SU 'GRO BA LA SOGS PA'I GO CHA YIN LA 'DAS KYANG RGYU YIN NO, ,RGYU YIN PA'I PHYIR RO ZHES BYA BA NI RTOGS PA LA GNAS PA MA YIN TE, RTOGS PA MTSUNGS PA'I PHYIR RO, ,DE LA YANG GAL TE NUS NA DE'I TSE NYID BYED PAR 'GYUR LA, MI NUS PA NYID DE LTA NA DUS GZHAN DU YANG BYED PAR THAL 'GYUR MTSUNGS PA YIN TE, GNAS PA'I BYED PA PO NYID MA GTOGS PA'I PHYIR RO, ,MTHA'I SKAD CIG LA YANG DE'I NGO BO LAS MA 'DAS PA'I PHYIR SKAD CIG GZHAN DANG GNAS PA NYID KYI BYED PA PO NYID DU THAL BAR 'GYUR BA MA YIN NAM MTHAR GNAS PA NI DUS DE SNYED NI SNGA MA LA LTOS PA NA BYED PA PO NYID JI LTAR MA YIN PA DE LAS BYUNG BA YANG RTOGS PA'I PHYIR RGYU MED PA CAN NYID KYI SKYON YANG MA YIN NO, ,DE LA YANG DE MA THAG PA'I SNGAR BYUNG BA DANG, DE NYE BAR BYED PA ZHES BYA BA LA YANG RTOGS PA MA YIN PA DANG, RIGS PA YANG MNGON SUM DANG 'GAL BA YIN NO, ,PHYI ROL NI MA MTHONG BA NYID 'BA' ZHIG LA RGYU MA YIN PA MA YIN GYI NGES PAR BYED PA MA YIN PA LAS KYANG NGO ZHES BSTAN PA NI DE BZHIN DU YUL DANG ZHES BYA BA'O, ,CHU LAS CHU DANG CHU MA YIN PA CHU SHEL GYI LHAN CIG PA'I ZLA BA'I 'OD ZER GYIS PHOG PA'I RGYUN LAS KYANG NGO, ,CHU NYID DU CHU DE'I SA BON YIN LA, RI DANG NUS PA LA SOGS PAS THA DAD PAS RIGS MI MTHUN PA NYID CIG SHOS LA YANG YIN TE, YUL RE RE ZHING NANG GI KHYAD PAR YOD PA'I PHYIR RO, ,DE BZHIN DU BA LAS DU BA DANG DU BA MA YIN PA RDUL LTA BU SHING GI CHA LAS KYANG NGO, ,ME LAS ME DANG ME MA YIN PA'I SHING BSRUBS PA LAS KYANG NGO ZHES BYA BA LA SOGS PA NGES PA CAN MA YIN PA'I RGYU NYID NI PHYI ROL GYI TSUL LA RGYU MA YIN PA'I DON TO, ,SHES PA'I TSUL LAS NI DU BA NI DU BA LAS DANG DE'I BAG CHAGS LAS KYANG 'BYUNG NA DU BA NYID LAS YIN TE, 'DAS PA'I DMIGS PA CAN GYI DU

, ,BA NYID KHO NA BAG CHAGS KYI MING CAN YIN PA'I PHYIR DU BA LAS KYANG 'BYUNG BA'AM DU BA MA YIN PA LAS BZHIN DU DE'I BAG CHAGS NYID DES SAD PA LAS ZHES BYA BA NGES PA YIN PAR BSTAN PA NI RIG PA'I PHYOGS LA NI ZHES BYA BA'O, ,CHUR SNANG BA YANG NI BDEN PAR MNGON PAR 'DOD PA STE, SPRANG BU'I TSOGS LA DU BA LTA BUR DANG, SMIG RGYU LA CHU LTA BUR 'DI DAG SNGAR DE'I DMIGS PA LAS BYUNG BA'I PHYIR RO, ,PHYI ROL NYID CES BYA BA NI PHYI ROL DU ZHEN PA'I YUL NYID DU 'DOD PA YIN NO, ,DE BSTAN PA NI PHYI ROL 'DI NI ZHES BYA BA'O, ,MING TZAM ZHES BYA BA RIG PA'I BDAG NYID KYIS SHES PA YIN PA'I PHYIR TSANG BAR DU DU BA ME'I BSKYED BYA NYID YIN PA LTA BU'O, ,BAG CHAGS KYI 'BRAS BU NYID NI SNANG BA'O, ,SHES PA NYID YIN PAR BSTAN PA NI RGAN POS ZHES BYA BA'O, ,BAG CHAGS KYI STOBS LAS KYANG SNGAR NYAMS SU MYONG BA'I PHYIR ROL NYID NYAMS SU MYONG BAR BYED PA YIN TE, NYAMS SU MYONG BA LAS GZHAN MA GTOGS PA'I PHYIR ZHES BSTAN PA NI DE'I PHYIR ZHES BSTAN PA'O, ,PHYI ROL NYID CES BYA BA NI BCOS MA'I DPE NI LTA BU'O, ,BAG CHAGS LAS BYUNG BA'I RNAM SHES YUL GCIG NYID DU RMI LAM MTHONG BA RNAMS KYI THUN MONG BA MTHONG BA NI, YUL RUNG CAN GYIS MI SHES PAS, ,RANG GIS SHES PHYIR DE SHES YIN, ,ZHES BYA BA BSTAN PA NI THOG MED CES BYA BA'O, ,'BRAS BU NYID BAG CHAGS LAS BYUNG BA NYID KYIS KHYAB PA YIN PAR BSTAN PA NI, 'BRAS BU YIN PHYIR ZHES BYA BA'O, ,RMI LAM MTHONG BA YANG DE YIN LA 'BRAS BU YANG DE YIN PA'O, ,GTZO BO DANG DBANG PHYUG LA SOGS PA NI BAG CHAGS MA GTOGS PAR MTHONG BA'I YUL MED PAR BSTAN PA NI GTZO BO ZHES BYA BA'O, ,GZHAN YANG ZHES BYA BA NI DUS LA SOGS PA'O, ,PHA ROL PA'I LHAG MA NI TSAD MAS MA GRUB PA'I PHYIR RTOG PA DANG LDAN PA LA GSHA' MA MA YIN PA STE, 'BRAS BU'I 'GAL BA YIN PAR BSTAN PA NI DE LTA MIN NA ZHES BYA BA'O, ,MI MTHUN PA'I PHYOGS LA GNOD PAR BSTAN PA NI RANG DBANG DU ZHES BYA BA'O, ,LUNG PHOGS PA LAS DE YANG RTOGS PA YIN PAR ZER BA NI, LUNG DPOG BYED PA'I ZHES BYA BA'O, ,LEGS PA'I DON NI DOGS PA 'BYUNG BA'O, ,GANG GI LUNG 'PHYOGS PA GANG LAS DE DE LTA BU DE'I

MI SDUG PA STE GSHA' MA MA YIN PA BYED PA CAN GYI LAS YIN LA DE LAS SKYES PA YIN PAR KHAS BLANGS PAS DE BYED PA CAN LAS KYI SGO NAS PHYIN CI LOG TU BYED PA YANG RTOG PA DANG MI LDAN PA NYID LA NGES PA YIN PAR BSTAN PA NI CI RUNG BAR NI ZHES BYA BA STE, GZHA' MA NYID NI DNGOS SU RIG PA YIN PA'O, ,GZHAN DU NI 'DI LA DNGOS SU'AM RGYUD PAS KYANG BAG CHAGS LHAN CIG BYED PA NYID YIN NA, DE NYID GTZO BOR 'GYUR RO ZHES BSTAN PA NI, BAG CHAGS STOBS LAS BYUNG BA ZHES BYA BA'O, ,SNGAR BYUNG BA'I SHES PA LA BRTEN NAS PHYIS 'BYUNG BA RJES SU 'GRO BA'I RJES SU BYED PA NI BAG CHAGS ZHES BRJOD KYI LHAN CIG BYUNG BA TZAM LAS NI MA YIN TE, PHAN MI 'DOGS PA'I PHYIR RO, ,YOD PA LA MA GTOGS PA NI BYED PA MA YIN TE, DE LA YANG DE MA GTOGS PAR RGYUR THAL BAR 'GYUR BA'I PHYIR RO ZHES BSTAN PA NI DE LTAR ZHES BYA BA'O, ,ZAD PA MIN PA NI GNOD PA MED PA'I PHYIR RO, ,SKYE DANG 'JIG PA MTSUNGS NA YANG, ,PHAN TSUN LTOS PA MED PA'I PHYIR, ,RGYU DANG 'BRAS BU NYID YIN TE, ,DE YI BYED LAS MI PHAN PHYIR, ,ZHES BYA BAS BAR MA CHOD PAR SKYED PAR BYED PA NYID MI RIGS TE GZUGS KYIS GZUGS BZHIN DU SNAM BU LA YANG YIN NO SNYAM DU SEMS PA SEL BA NI RJES SU 'GRO BA LA SOGS PA'I RJES SU BYED PA CAN PAR DU CHOD PA'I PHYIR RO ZHES DGONGS PAS SO, ,DE'I PHYIR, BUM PA'I GZUGS NI 'JIG PA LAS, ,DRI LA SOGS PA SKYE BZHIN PA, ,JI LTAR RGYUR NI MI 'DOD PA, ,NGO BO GZHAN LA 'ANG DE BZHIN NO, ,ZHES BYA BA NI LEGS PAR SMRAS PA MA YIN NO, ,BDE LA GOMS LAS BDE 'BYUNG BA, ,DBANG PHYUG BSNYEN PAS MA YIN NO, ,ZHES BSTAN PA NI LEGS PA'I THABS KYIS TE, SBYIN PA DANG TSUL KHRIMS LA SOGS PAS SO, ,DE BAS NA ZHES BYA BA NI SHES PA'I RNAM PA KHAS BLANGS PAS DON 'DZIN PA YIN NO DON ZHIG PA'I PHYIR RO, ,DE LTA YIN NA KHYOD KYIS RNAM PA MED PA LA DON 'DZIN PA MI SRID PA RNAM PA DANG 'BREL PAR 'GYUR BA JI LTAR BRJOD CES ZER BA LA DE'I BSAM PA ZHES BYA BA'O, ,SHES PA DON 'DZIN PA ZHES BYA BA NI MTHAR THUG PA'I TSUL YIN LA, RNAM PA MED NA THAMS CAD DU 'DZIN BYED MA YIN TE, RNAM PA MED PA LA 'BREL PA'I PHYIR RO, ,RNAM PA

, ,DANG BCAS PA LA YANG DON MED PA YIN LA, SHES PA DON 'DZIN PAR BYED PA YIN NO ZHES BYA BA NI LEGS PAR BYAS PA MA YIN NO, ,THA SNYAD CES BYA BA NI RNAM PAR RTOG PA'AM SGRA LA SOGS PA YANG NGO, ,RNAM PAR DBYER MED NI THAMS CAD RANG RIG PA TZAM YIN PA'I PHYIR RO, ,PHYIN CI LOG RNAMS KYIS ZHES BYA BA NI PHYIN CI LOG PA'I RNAM PAR RTOG PA YIN TE, DON MA YIN PA'I RANG GI SNANG BA LA DON DU SGRO 'DOGS PAS 'JUG PA'I PHYIR RO, ,RTOG PA MED PA NI PHYIN CI LOG MA YIN TE, RANG RIG PA LAS 'KHRUL PAR MI RIGS PA'I PHYIR RO, ,DE NYID KYI PHYIR BZHIN ZHES BYA BA'I SGRA YIN NO, ,SHES PA YIN NA RANG GI'AM GZHAN GYI THUN MONG MA YIN PA ZHIG NA RE ZHIG RANG GI NI MA YIN TE, DA MED KYANG GZHAN LA YOD PA'I PHYIR RO ZHES BSTAN PA NI GZHAN ZHES BYA BA'O, ,GZHAN GYI YANG MA YIN TE, DE MED KYANG RANG GIS MTHONG BA'I PHYIR RO ZHES BSTAN PA NI 'DI DA LTAR ZHES BYA BA'O, , GYUR PA NYID DO ZHES BYA BA NI MED PA'O, ,GZHAN GYIS JI LTAR ZHES BYA BA NI RANG RIG PA TZAM GYI NGO BOR THUN MONG YIN PA'I PHYIR RO, ,DE LTA YIN DANG GZHAN GYIS MTHONG BA GANG YIN PA LA SOGS PA NI THUN MONG MA YIN PA'I MTSUNGS PA DANG CIG SHOS KYI BAG CHAGS LAS BYUNG BA YIN LA, DE PHYIR SKYES NAS 'JIG PA LA, ,SKAD CIG MA YANG RTZOM PA MED, ,CES BYA BA NI 'JIG PAR MTSUNGS PA'I DUS NYID KYIS DE'I RGYU NYID MED PAS GZHAN DU YOD PA'I RGYU YIN PA'I PHYIR MI RIGS SO, ,GANG GI PHYIR DUS MTSUNGS PA'I YOD PA NI RANG GI NGO BOS CUNG ZAD KYANG BYED PA MA YIN LA 'BYUNG BA 'BA' ZHIG NI MED NA MI 'BYUNG BA'I PHYIR TSAD MA'I RJES SU 'BRANG BA RNAMS DE TZAM RGYU MTSAN YIN PA DE'I 'BRAS BU NYID KHA CIG TU GO BAR BYED PA YIN GYI THAMS CAD DU NI MA YIN TE TSAD MA MED PA'I PHYIR RO, ,GZHAN GYIS MTHONG BA GANG YIN PA DE NGAS MTHONG NGO ZHES BYA BA LA RJES SU DPAG PAR 'GYUR RO ZHES ZER BA NI 'ON TE DE YANG STE GZHAN YANG NGO, ,BDAG GIS MTHONG NGO ZHES BYA BA DE LA GZHAN GYIS MTHONG BA GANG YIN PA DE RJES SU SBYAR RO, ,DE LTA YIN NA ZHES BYA BA NI MNGON SUM MED NA DE MNGON DU 'GRO BA MED PA'I PHYIR RO, ,DE LA MED PA'I MNGON SUM YANG, DE YI 'BRAS BU LA YOD DO, ,ZHES ZER BA NI 'BRAS BU ZHES BYA BA'O, ,THAL

BA MA YIN PA'I PHYIR NI MED PA'I PHYIR RO, ,SPU LNGAR BA LA SOGS PA ZHES BYA BA NI SNANG BA'I DNGOS PA'I 'BRAS BU'O, ,GZHAN NI GZHAN PA'O, ,MTHONG BA NI MNGON SUM GYIS 'DRES PAR 'GYUR BA STE GCIG NYID DU DE LTA MA YIN NA GCIG NYID DU MNGON SUM GYIS RTOGS PA'O, ,NGO BO NYID NI DNGOS PO'I RANG GI NGO BO'O, ,MNGON SUM MA YIN PA ZHES BYA BA NI YOD BZHIN PA'O, ,GZHAN GYIS MTHONG BA NYID NI SNANG BA'I RANG BZHIN YIN PAS SNANG BA BZHIN DU SNANG BA MI DMIGS PA LAS BA NI RNAM PAR RTAG PAR BYA BA'I BDAG NYID KYIS SO, ,DE MED NA NAM ZHES BYA BA NI SLAR DRI BA'O, ,SNANG BA MI DMIGS PA LA THE TSOM MED PAR BSTAN PA NI DE LTA NA NI 'O NA ZHES BYA BA'O, ,YOD DO ZHES BYA BA NI SNGAR DU BA TZAM MTHONG BA NA GZHAN GYIS MTHONG BA NYID LA THE TSOM ZA BA YOD CES BYA BA'I DON TO, ,MA MTHONG BA NYID BDAG GIS MTHONG NGO ZHES BYA BA NI THA SNYAD KHO NA YIN NO, ,LKOG TU GYUR PA LA NI PHYI ROL LA'O, ,GCIG NYID LA YANG ZHES BYA BA NI PHYI ROL NYID DU KHYAD PAR MED PA'I PHYIR RO, ,MA YIN NO ZHE NA ZHES BYA BA'I RANG GI NGO BO TZAM LA MTHAR THUG PA'I PHYIR RO, ,JI LTAR ZHE NA ZHES BYA BA NI KHYAD PAR MED PA'I PHYIR RO, ,GCIG TU BYAS PA ZHES BYA BA NI MNGON PAR 'DOD PA YIN GYI DE'I BDAG NYID NI MA YIN NO, ,DE'I BDAG NYID YIN PA LA SKYON BSTAN PA NI MA YIN TE, SHES YUL ZHES BYA BA'O, ,SNANG 'DIR ZHES BYA BA NI RNAM PAR RTAG PAR BYA BA'I BDAG NYID KYIS SO, ,DE MED NA MNGON PAR 'DOD PA LAS GZHAN DU LKOG TU GYUR PA NI YUL NYID MA YIN PA'I PHYIR RO ZHES BSTAN PA NI SNANG BA SPANGS PAS ZHES BYA BA'O, ,DAG GI TSUL NI RTOG PA STE MNGON PAR 'DOD PA'O, ,DE LAS ZHES BYA BA NI MNGON PAR 'DOD PA LAS SO, ,JI LUS BA'I PHYIR NI JI LTAR NGES PA THOB PA'I PHYIR RO, ,THOB PA YID PA NI RANG GI NGO BO SNANG BA'O, ,DE NI PHRAD PAR BYA BA'O, ,YOD PAR ZHES BYA BA NI NGO BO NYE BAR MTSON PA'I PHYIR RO, ,SNGAR NI DE MED PA NA ZHEN PA TZAM LA'O, ,THOB PA YOD PA ZHES BYA BA DE BSHAD PA NI DNGOS YOD PAR ZHES BYA BA'O, ,SNGAR ZHES BSHAD PA NI 'BYUNG BA'I ZHES BYA BA'O, ,RJES SU DPAG PA YOD NA NI ZHEN PA YOD NA'O, ,RTOGS PA NYID NI NGO BO'I SNANG BA'O, ,SPRIN

, ,LDANG BA LAS CHAR 'BAB PAR RJES SU DPAG PAR 'BYUNG BAR 'GYUR BA'I YUL CAN MA YIN NAM, DU BAS ME LA NI MA YIN NO ZHES ZER BA LA THAMS CAD DU ZHES BYA BA STE, DE LA YANG MI SLU BA NI 'BYUNG BAR 'GYUR BA KHO NA LA ZHES BYA BA'I DON TO, ,SNGA MA DANG PHYI MAR GYUR PA'I RGYUN RJES SU DPAG PA'I YUL YIN GYI 'BYUNG BAR 'GYUR BA KHO NA MA YIN NO ZHES ZER BA NI GNYI GA ZHES BYA BA'O, ,BYUNG BAR GYUR PA LAS 'BYUNG BAR 'GYUR BA SHIN TU THA DAD PA JI ZHIG YIN ZHES BSTAN PA NI RANG BZHIN GCIG NYID DU ZHES BYA BA'O, ,BYUNG DANG ZHES BYA BA NI BYUNG BA'I NGANG TSUL CAN TE DA LTAR BA'O, ,ZHEN PAS GCIG NYID NI MNGON PAR 'DOD PA TZAM YIN PAR BSTAN PA NI DES NA ZHES BYA BA'O, ,RGYU NI RDZA MKHAN LA SOGS PA'O, ,DE LTA NYID DU ZHES BYA BA NI BUM PA DANG RDZA MKHAN LA SOGS PA'AM, 'DUS BYAS PA'I KHYIM LA SOGS PA YANG NGO, ,DE LTAR MTHONG BA MIN NA SNGA NA YOD PAR RO; ;RJES SU DPAG PA'I DUS SU YANG GZHAN GYIS MTHONG BA NYID MA YIN NAM, DE JI LTAR 'BYUNG BAR 'GYUR BA YIN ZHES ZER BA LA DE'I TSE'ANG ZHES BYA BA STE SNGA ROL DU'O, ,CI LAS SHE NA DE BZHIN TE ZHES BYA BA STE, GZHAN GYIS MTHONG BA'I NGO BOS YOD DO ZHES BYA BA LA TSAD MA MED DO ZHES BYA BA'I DON TO, ,GZHAN YANG RANG GI SNANG BA NYID KHO NA RIG PA YIN GYI GZHAN GYI SNANG BA NYID NI MA YIN PAR BSTAN PA NI GZHAN YANG ZHES BYA BA'O, RTOGS PAR 'GYUR BA MIN PA ZHES BYA BA NI MNGON SUM GYIS SO, ,PHYI ROL SNANG BA NYID NI GZHAN GYIS MTHONG BA YIN PA'I PHYIR DANG, GZHAN GYIS MTHONG BA NYID KYANG KHO BO CAG GIS BRJOD PAS GZHAN GYIS MTHONG BA YIN PA'I PHYIR RANG LAS MA YIN PAR BSTAN PA NI, RJES SU DPAG PA YIS SHES NA, ,ZHES BYA BA STE, MNGON SUM GYIS MA SHES NA'O, ,DE YANG ZHES BYA BA NI GZHAN GYI YANG NGO, ,CI LAS SHE NA GZHAN DANG THUN MONG NYID YIN NA ZHES BYA BA STE, GZHAN GYIS MTHONG BA NYID DU SHES PA YIN NA'O, ,DE NI YOD CES BYA BA NI PHYI ROL YIN TE, DE'I BDAG NYID KYI SNANG BA'O, ,DE YOD NYID NA NI DE'I BDAG NYID SNANG BA'I PHYI ROL NYID KYI SHES PA YOD NA STE, 'BREL PA 'DZIN PA SNGON DU 'GRO BA CAN GYI RJES SU DPAG PA'I SGO NAS GZHAN GYI SNANG BA NYID SHES

PA LAS PHYI ROL GYI BSGRUB BYA'I SHES PA MED NA DE DANG 'BREL PA'I MI SHES PA'I PHYIR RO ZHES BYA BA'I DON TO, ,MNGON SUM GYIS BSGRUB BYA SHES NA DE DANG 'BREL PA SHES PA'I PHYIR RJES SU DPAG PA YIN PAR BSTAN PA NI NGES NA ZHES BYA BA'O, ,RJES SU DPAG PA TZAM NI 'BREL PA MI SHES PA'I PHYIR PHAN TSUN BSTEN PAR BRJOD DO ZHES BYA BA NI RJES SU DPAG PA ZHES BYA BA'O, ,'DAM BU'I PHUNG PO GNYIS LUS DANG SEMS KYANG GZHAN LAS YOD PA GRUB PA NI PHAN TSUN BSTEN PA YIN GYI MA GRUB BA YOD PA CAN MA YIN PAR BSTAN PA NI PHAN TSUN BSTAN PA'I PHYIR ZHES BYA BA'O, ,RANG GI RGYUD LA SNGON PO MTHONG BA'I 'BRAS BU PHYI ROL GYI YIN NO ZHES THOG MA MED PA'I BAG CHAGS LAS BYUNG BA'I RNAM PAR RTOG PAS NGES PAR BYAS NAS GZHAN DU 'BRAS BU DE DE'I BSKYED BYA YIN NO ZHES NGES PAR BYED CING GZUNG BA NYID RIG PAR BYED PA YIN PAR BSTAN PA NI, DE'I PHYIR THOG MA MED PA CAN GYI DE LTA BUR GYUR PA'I RJES SU DPAG PA ZHES BYA BA STE RNAM PAR RTOG PA NI RNAM PAR RTOG PA'I BAG CHAGS LAS RJES SU BYUNG BA'I PHYIR RO, ,DON DAM PAR NI ZHES BYA BA NI MNGON SUM GYIS BYED PA YIN PA'I PHYIR RO, ,MYONG BA NYID DO ZHES BYA BA NI RANG RIG PA TZAM GYI MTHAR THUG PA'I PHYIR RO, ,YUL RUNG CAN GYIS MI SHES PA; ;RANG GIS SHES PHYIR DE SHES YIN, ,ZHES BYA BA'I MTSAN NYID LAS THAMS CAD MA 'DAS PA'I PHYIR RO, ,DBYE BA MED PA ZHES BYA BA NI NYE BA'I KHONGS SU GTOGS PAS RJES SU 'GRO BA RIG PA'I PHYIR RO, ,GA LAS SHES NA ZHES BYA BA NI 'KHRUL PA LA YANG GZUNG BA LA SOGS PA'I RNAM PAR RTOG PA MA SPANGS PA'I PHYIR RO, ,'KHRUL PA'I NGO BO PHYI ROL NA MED PA NYID SNGAGS LA SOGS PAS SNANG BA CHE BA LA CHUNG BAR DANG, CHUNG BA LA CHE BAR YIN LA, DE NYID NI PHYI ROL MA YIN TE DE'I RGYU MA YIN PA'I PHYIR DANG, GZHAN GYIS MA MTHONG BA'I PHYIR DANG, RNAM PAR RNAM PA MA GTOGS PAR PHYI ROL SNANG BA MA YIN PA'I PHYIR, GNYI GA ZHES BYA BA DE DAG TZAM GYIS BZUNG BA DANG CIG SHOS MA YIN PAR BSTAN PA NI SNGAGS DANG RGYUD LA SOGS PA ZHES BYA BA'O, ,PHYI ROL SNANG BA LA 'KHRUL PA NYID NI GNOD PAR BYED PA'AM MED PAR YANG MA YIN LA, NYUNG BA LA YANG YIN TE 'PHEL BA LAS YUL LHAG

, ,PA NYID KYI PHYIR LA, DE BZHIN DU 'GRIB PA YIN YANG DE LTA BU YIN PA'I PHYIR ZHES BYA BA'I DON TO, ,MA RTOGS PA NI MA DPYAD PA'O, ,GANG GI RANG BZHIN NI PHYI ROL DANG PHYI ROL MA YIN PA YANG NGO, ,DE KHO NA BZHIN DU ZHES BYA BA NI RIG PAR BYED PA'O, ,MA YIN TE RJES SU DPAG PA ZHES BYA BA NI RNAM PAR DPYAD PA'O, ,NUS PA ZHES BYA BA NI DE'I SNGA ROL DU MNGON SUM LA DE MED PA'I PHYIR RO, ,MNGON SUM NYID CES BYA BA NI DPYOD NA YANG NGO, ,THAL BA MA YIN PA'I PHYIR ZHES BYA BA NI DU BA LA ME DPOG PA LA YANG NGO, ,MNGON SUM PA YOD PA RNAM PA DPYOD PA'I NYID MNGON SUM YIN GYI, DU BA LAS ME DPOG PA LA NI MA YIN NO ZHES ZER BA NI, DE NYID MNGON SUM YIN LA RAG MOD CES BYA BA NI RIM PA BZLOG PA YIN NO, ,DE RNAM PA DPYOD PA'I BDAG NYID KYI BAG CHAGS YIN TE, RNAM PAR DPYOD PA'I RIM GYIS 'BYUNG BA'I PHYIR RO, ,DON DAM PA NYID MA YIN PA NI PHYI ROL MA YIN PA'O, , 'ON TE DPYOD PA'I BDAG NYID KYI RNAM PAR RTOG PAS PHYI ROL RNAM PAR GZHAG PAR BYED NA DE BZHIN DU PHYI ROL MA YIN PA YANG YIN PA 'GAL BAR BSTAN PA NI BZLOG PA LA YANG RJES SU DPAG PA STE, RNAM PAR RTOG PA PHYI ROL MI DMIGS PA LAS BYUNG BA'O, ,GNYI GAR ZHES BYA BA NI SNGAR YOD PA DANG PHYIS MED PA RTOGS PA YIN TE, SKYES BU RE RE'I SHES PA RE RE LA THUN MONG MA YIN PA'I PHYIR RO, ,SHES PA BOR NAS DE LAS GZHAN RJES SU RTOGS PAR BYED NA, THA DAD PAR 'GYUR BA DE'I PHYIR GZUNG BA NYID NI LKOG TU GYUR PA'I NGO BO LAS GZHAN MA YIN NO, ,DE'I PHYIR NI THUN MONG MA YIN PA'I PHYIR RO, ,DE LTAR NI BZLOG PAS YOD PA MA YIN PA NYID KYIS SO, ,DE LTA NA YANG ZHES BYA BA NI BZLOG PAS MA RTOGS NA YANG NGO, ,THUN MONG BA NYID DU YOD PA ZHES BYA BA RGOL BA'O, ,'ON TE ZHES BYA BA NI GRUB MTHA' CAN GYIS DRIS PA STE, MA RTOGS SO ZHES BYA BA NI BZLOG PA YIN LA GZHAN GYIS BZLOG PA MA RTOGS PA'O, ,RJES SU DPAG PA RTOGS NA BZLOG PA LA YANG YIN PAR BSTAN PA NI BZLOG PA LA YANG ZHES BYA BA STE 'GAL LO ZHES BYA BA'I DON NO, ,MED DO ZHES BYA BA NI THUN MONG BA NYID 'DZIN PA'I RJES SU DPAG PAS GNOD PA'I PHYIR RO, ,JI LTAR ZHES BYA BA NI RANG DANG GZHAN LAS SNANG DU RUNG BA GCIG NYID KYIS YUL CAN RJES SU DPAG

PA MA YIN PA'I PHYIR RO, ,'BRAS BU SBU LDANG BA LA SOGS PA GCIG BDE BA BZHIN DU 'DRA BA YIN YANG SKABS DANG BCAS PA YIN PAR BSTAN PA NI, GCIG NYID DANG ZHES BYA BA'O, ,DE LTAR BZLOG PA'I RJES SU DPAG PA MA YIN TE, MA MTHONG BA'I YUL CAN YIN PA'I PHYIR RO ZHES BSTAN PA NI 'DIR NI ZHES BYA BA STE, DE NYID DANG GZHAN NYID 'DI LA KHYAD PAR MED DO ZHES BYA BA'I DON TO, ,DE'I PHYIR NA THUN MONG BA NYID LA MNGON SUM MI 'JUG PA'I PHYIR GZHAN LA DE LTAR THUN MONG BA NYID DU RTOGS PA MA YIN TE, GZHAN LA NI DE LTAR NGES PA YIN ZHES BYA BA NI GRUB MTHA'I NYE BAR BSDU BA YIN NO, ,GZHAN GYIS MNGON SUM NI THUN MONG BA NYID LA MA YIN YANG JI LTAR DE MED KYANG GZHAN GYI DE YIN ZHES RGOL BA'O, ,'ON TE ZHES BYA BA NI MNGON SUM MED KYANG RJES SU DPAG PA DE LTA BU YIN SNYAM DU SEMS PA LA, RJES SU DPAG PA THUN MONG BA NYID LA YANG NGO ZHES BSTAN PA NI BZLOG PA LA YANG ZHES BYA BA STE THUN MONG NYID LA'O, ,MED DO ZHES BYA BA NI DE MED PA DANG 'GAL BA'I PHYIR RO, ,JI LTAR ZHES BYA BA NI GZHAN GYI'O, ,'GAL BA NYID LA LAN 'DEBS PA NI GCIG NYID DANG ZHES BYA BA'O, ,DE LTA YIN NA THUN MONG BA NYID DU RJES SU DPAG PA JI LTAR 'JIG RTEN PA YIN ZHES ZER BA LA 'DRA BA ZHES BYA BA'O, ,THUN MONG MA YIN PA'I DON NYID NI MNGON SUM GYI YIN TE KHYOD KYIS KYANG 'DI MTHONG NGAM CI ZHES BYA BA LA SOGS PA'I THA SNYAD LAS SHES PAR SLA BA YIN PAR BSTAN PA NI 'DIR NI ZHES BYA BA'O, ,'DI YANG ZHES BYA BA NI SHES PA'I BDAG NYID KHO NA THUN MONG BA NYID DU BRTAGS PA YIN GYI GZHAN NI MA YIN NO, ,DE NYID BSTAN PA NI DE DAG MA BSLAD CES BYA BA'O, ,DPER NA ZHES BYA BA NI THUN MONG PA NYID DU BRTAGS PA'O, ,'DI DAG NI SNGAGS LA SOGS PA BSLAD PAS MTHONG BA RNAMS KYI'O, ,CHUNG NGU'ANG CHEN POR ZHES BYA BA'I 'ANG GI SGRA LAS CHEN PO 'ANG CHUNG NGUR JI LTAR MTHONG BA THUN MONG BA NYID KYIS DE BZHIN DU MTHONG BA'I PHYIR ZHES BYA BAR SBYAR RO, ,GZUNG BA'I RNAM PA LAS GZHAN PA GZUNG BA MA YIN GYI GZUNG BA DANG GZUNG BA MA YIN PA'I RNAM PA YANG MA YIN PAR BSTAN PA NI DE BZHIN DU 'DI NI ZHES BYA BA'O, ,DE'I PHYIR THUN MONG BA DE LAS GZHAN DU THUN MONG BA MA YIN PA'O, ,DE STE THUN MONG BA MA MTHONG BA'O, ,RANG RIG PA

, ,TZAM RIG PA MA YIN NAM RTAGS LA SOGS PA MED PA NI RJES SU DPAG PA MA YIN NO ZHES ZER BA LA GZHAN GYIS ZHES BYA BA SMOS TE, RJES SU DPAG PA NI MI DMIGS PA LAS BYUNG BA'O, ,GZHAN GYIS KHAS BLANGS PA'I RTAGS NI RTOGS PAS SGRO BTAGS PA MA YIN NAM, JI LTAR 'GA'I YANG SGRUB BYED YIN ZHES ZER BA LA YANG NA ZHES BYA BA STE RTOG PAS BYAS PA NYID NI MI SLU BA CAN NYID YIN PA'I PHYIR DNGOS SU BA YIN PA'I PHYIR RO ZHES BYA BA'I DON TO, ,GANG ZHIG NI RIG PA'O, ,JI LTAR NI THA MI DAD PA'O, ,GZHAN NI PHYI ROL LO, ,RJES SU DPAG PA NI DE'I NGO BO'I RNAM PAR 'JOG PAR BYED PAR THA DAD PAR MTHONG BAR BYED PA MA YIN NAM ZHES ZER BA LA RJES SU DPAG PA YANG ZHES BYA BA SMOS TE, GZHAN LA THA MI DAD PAR RNAM PAR 'JOG PAR BYED NA RANG NYID LA YANG MTSAN NYID MTSUNGS PA'I PHYIR ZHES BYA BA'I DON TO, ,GAL TE ZHES BYA BA NI MI DMIGS PA'I RJES SU DPAG PA BZHIN DU 'DI YANG MNGON PAR 'DOD PA'I KHYAD PAR YIN PA'I PHYIR LA, MNGON PAR 'DOD PA YANG RANG GI RIG PA TZAM YIN PAR BSTAN PA NI DE YANG ZHES BYA BA'O, ,MNGON PAR 'DOD PA TZAM GYI BAG CHAGS LAS BYUNG BA LAS TSAD MA DANG 'BRAS BU LA SOGS PA'I RNAM PAR GZHAG PA NI THAL CHES PA YIN NO ZHES ZER BA NI 'O NA JI LTAR ZHES BYA BA'O, ,MTHONG BA'I BYED PA DANG CIG SHOS KYI RJES SU 'BRANGS PA LAS RNAM PAR DBYE BA BSTAN PA NI GZUNG BA 'DZIN PA ZHES BYA BA'O, ,JI LTAR RJES SU SNANG BZHIN PA NI MTHONG BA'I RJES SU 'BRANG BA'I RNAM PAR RTOG PA LAS MA 'DAS PAS SO, ,GZUNG BA DANG RIG PA RNAM PAR RIG PA NI GZHAL BYA LA SOGS PA'I BDAG NYID RNAMS SO, ,GNAS PA NI DBYE BAS GZHAG PA STE RNAM PAR RTOG PAS BSTAN PA'I GZUNG BA LA SOGS PA LA GZHAL BYA LA SOGS PA'I RNAM PAR RTOG PA YANG DE DANG DE LAS LOG PA'I PHYIR THAL CHES PA MA YIN NO, ,LDOG PA'I DBYE BA BSTAN PA NI DE NYID CES BYA BA STE, SNGON PO LA SOGS PA'O, ,GZHAN LA ZHES BYA BA NI 'DZIN BYED GZHAN LA'O, ,THA SNYAD DU ZHES BYA BA NI MNGON PAR 'DOD PA LAS SO, ,YOD PA MA YIN PA STE MED PA THOB PA'I PHYIR YOD PA MA YIN PA GANG GI BDAG NYID YIN PA DE LA YOD PA YIN GYI, YOD PA LA NI MA YIN TE RANG NYID KYIS YOD

PA'I PHYIR RO, ,YOD PA MA YIN PA 'DZIN PA ZHES BYA BA NI SKAD KYI BYINGS KYI DON DU MA YIN PA'I PHYIR RO, ,THUN MONG BA LA SOGS PA ZHES BYA BA'I THUN MONG PA'I TSAD MA'O, ,LHAG MA ZHES BYA BA NI MED PA MA YIN PA'O, ,'DI BDAG GIS MTHONG BAR GYUR TO ZHES 'DZIN PA SNGAR MTHONG BA NGO SHES PA'I SEMS PA CAN NI BDAG MA YIN NAM, DE'I DBANG PO LA SOGS PA'I RNAM PAR 'GYUR BA NI 'DI SHES PA'I PHYIR SHES PA YIN TE, DES BYAS PA YANG YUL NYE BAR GZHAG PA DANG, NYAMS SU MYONG DANG RTOGS PA ZHES BYA BA YANG NGO, ,YUL YANG PHYI ROL GYI DNGOS PO 'DZIN PA'I SHES PAS RTOGS PA'I BDAG NYID GANG YIN PA 'DI'I YUL YANG YIN PA MA RIG PA'I DBANG GIS NGES PA YIN NO ZHES ZER BA NI GAL TE ZHES BYA BA'O, ,SHES PA NYID LAS LOG PAS DE LTAR THA SNYAD 'DOGS PA NI MA YIN NO ZHES BYA BA'I DON TO, ,SHES PA NYID SNGON PO LA SOGS PA'I RNAM PAR DBYE BA YIN YANG DE MA YIN PA LAS LOG PAS GCIG TU ZHEN PA YIN TE, MNGON SUM GYI YUL YIN PA'I PHYIR GZHAN MA YIN PAR BSTAN PA NI DE LTA MIN NA ZHES BYA BA STE, GZHAN GYIS YANG BDAG LA THA DAD PA NI BRTAGS PA KHO NA YIN TE, GZHAN DU NA 'GAL BA'I PHYIR RO ZHES BYA BA'I DON TO, ,'GAL BA BSTAN PA NI GAL TE GCIG YIN NA ZHES BYA BA'O, ,SNANG BA NI MNGON SUM MO, ,SNA TSOGS PAR SNANG BA GCIG NYID YIN NA SNGON PO LA SOGS PA'I YUL LA THAL CHES PAR BSTAN PA NI GZHAN LA ZHES BYA BA'O, ,SNGON PO LA SOGS PA YANG RNAM PAR DBYE BA DANG LDAN PA MA YIN NAM ZHES ZER BA LA THA DAD MED PA NI GCIG NYID DO, ,GZHAN GYI THA MI DAD PA'I RANG BZHIN MTHONG BA MED PA'I PHYIR THA MI DAD PAR NYAMS SU MA MYONG BA'I PHYIR ZHES BYA BA'I DON TO, ,SHES PA TSUL LA NI SNGON PO LA SOGS PA YANG SHES PA LAS THA MI DAD PA NYAMS SU MYONG BA'I PHYIR DE DANG RJES SU MTHUN PAR NGES PA YIN PAR BSTAN PA NI BLOS DNGOS THA DAD MED CES BYA BA'O, ,GZHAN GYIS ZHES BYA BA NI RGOL BA PO'I'O, ,BSHAD PAR BYA BAR NYE BAR BLANGS PA'AM, GZHAN YANG SNGON PO LA SOGS PA'I THA MI DAD PA DGAG PAR BYA BA LA THA DAD PA'I NGO BO MTHONG BA'I PHYIR 'GAL BA DMIGS PA YIN PA'I BSHAD PA NI, DE LTA NA NI 'O NA RANG BZHIN THA DAD PAR SNANG BAS NA ZHES BYA BA'O, ,YOD PA'I RANG BZHIN THA DAD PAR

, ,ZHES 'DOD PA LA NI RANG BZHIN MI DMIGS PAR BSHAD PA'O, ,THAMS CAD BDEN PA NYID DO ZHES BSHAD PA NI GSAL BA NYID CES BYA BA'O, ,BDAG NYID GZHAN NO ZHES BYA BA NI THA DAD PA YIN NA'O, ,BDAG NYID KHO NA YIN PAR BSTAN PA NI GSAL BA'I RANG BZHIN NYID CES BYA BA'O, ,MANG PO NYID NI BDAG RNAMS KYI STE SEMS PA CAN GCIG YIN PA'I PHYIR RO, ,STONG BAR ZHES BYA BA NI THA DAD PA'I NGO BO YIN TE, DNGOS DMIGS PA'I PHYIR GCIG NYID MA YIN TE NGO SHES PA NI LDOG PA'I YUL CAN YIN PA'I PHYIR RO, ,YOD PA MA YIN NO ZHES BYA BA NI 'DI THAMS CAD BDAG KHO NA YIN PA'O, ,'KHRUL PA MED NA ZHES BYA BA LA SOGS PA NI RGOL BA YIN TE, BDAG THA MI DAD PA'I PHYIR DANG DE NYID MA YIN PA SNANG BA NYID LAS SNANG BA YIN NO ZHES BYA BA NI GZHUNG LUGS YIN PA'I PHYIR RO, ,MED PA NYID KYI PHYIR GNOD BYA NYID MI 'GRUB PAR BSTAN PA NI 'DI NI 'KHRUL PA ZHES BYA BA'O, ,MED PAR MA NGES PA LAS KYANG SNGON PO LA SOGS PA'I KHYAD PAR GYI SNANG BA LDOG PA'I PHYIR RNAL 'BYOR PA 'JUG PAR MI 'GYUR BAR BSTAN PA NI 'KHRUL PAR NGES PA LA ZHES BYA BA'O, ,DE'I PHYIR 'JUG PA'I SHES PA BZHIN BDAG BZHIN DU DNGOS PO THAMS CAD KYANG GNYI GA'I NGO BO MA YIN TE, 'GAL BA'I PHYIR RO ZHES BSTAN PA NI GANG GIS DNGOS PO ZHES BYA BA STE GNYI GA'I BDAG NYID KYIS TE, SNGON PO DANG SNGON PO MA YIN PA YOD PA DANG MED PA LA SOGS PAS SO, ,GCIG DANG DU MA'I ZHES BYA BA NI NYE BAR MTSON PA'O, ,RANG BZHIN NI GNYI GA'I BDAG NYID KYI'O, ,BLO NI DNGOS PO THAMS CAD LAS, ,LDOG DANG RJES SU 'GRO'I BDAG NYID LAS, , GNYI GA'I BDAG NYID SKYED PA NA, ,DE MED NA NI MI 'GRUB BO, ,ZHES BYA BA BSAL BA YIN GYI RIG PA'I BDAG NYID NI MA YIN NO, ,GNYI GA'I BDAG NYID 'GAL BA KHO NA YIN PAR BSTAN PA NI GCIG NI YOD PA MA YIN TE ZHES BYA BA'O, ,RIG PA'I BDAG NYID KYIS GCIG NYID YIN NA GNYI GA'I BDAG NYID DU 'GAL BA NYID DU BSTAN PA NI GCIG NI ZHES BYA BA'O, ,RIG PA'I BDAG NYID KYIS DU MA NYID DU MNGON PAR 'DOD PA LA GCIG NYID BSTAN PA NI MYONG BA MA YIN PA ZHES BYA BA'O, ,RANG GI NGO BO'I MTHAR THUG PA LA YANG GCIG NYID YIN TE, MTHAR THUG PA MA RTOGS PA'I PHYIR RO, ,THA DAD PAR MA RTOGS PA'I PHYIR

RTOGS PA'I MTHAR THUG PA MA YIN PAR BSTAN PA NI, RANG RIG PA NYID CES BYA BA'O, ,DE'I NANG DU ZHES BYA BA NI RIM PA GCIG RTOGS PA NA THA DAD PA NYID RTOGS PA YIN TE, RTOGS PA'I RJES SU 'GRO BA'I PHYIR RO ZHES BYA BA NI RGOL BA'O, ,SNA TSOGS PA'I RNAM PA'I PHYI ROL GYI PHYE MA LEB KHRA BO LA SOGS PA SNGON PO LA SOGS PA PHYI ROL DU MA YIN LA, RIG PA NI GCIG GI RJES SU 'GRO BA NYAMS SU MYONG BA'I PHYIR MA BKAG PA YIN LA, BSGOMS PA LAS BYUNG BA NYID NI CI'I PHYIR MI BDEN ZHES ZER BA LA BZLOG PAR NUS PA'I PHYIR NA ZHES BYA BA'O, ,BZLOG PAR NUS PA NI MI BDEN PA YIN TE, RANG GI RGYU LAS BYUNG BA'I PHYI ROL NI BSGOMS PAS BZLOG PAR NUS PA MA YIN NO ZHES BYA BA'I DON TO, ,DBYE BA MED PAR RIG PA NI DBYE BA DANG LDAN PA 'KHRUL PAS RTOGS PA YIN NO ZHES BSTAN PA MA YIN NAM, ,DBYE BA DANG LDAN PA MED NA YANG GTZO BO'I RJES SU BYED PA CAN NI 'KHRUL PA MA YIN NO ZHES ZER BA NI CHOS MTHUN PA NYID CES BYA BA STE, RNAM PAR DBYE BA DANG LDAN PA NI DNGUL GYI BZHIN DU NYA PHYIS LA DNGUL DU 'KHRUL PA YIN NO ZHES BYA BA NI RGOL BA'O, ,NANG GIS BSLAD PA NI RNAM PAR RTOG PA'I BAG CHAGS TE, YUL LA SOGS PA LA YOD PA'I 'DRA BA NYID LA SOGS PA LA LOG PA'O, ,NANG GIS ZHES BYA BA RNAM PAR RTOG PAR BYA BA'I GZUNG BA LA SOGS PA YIN LA, RNAM PAR RTOG PA YANG BAG CHAGS LAS BYUNG BA YIN PAR BSTAN PA NI GANG ZHES BYA BA'O, ,RNAM PAR RTOG PA'I RNAM PAR DBYE BA MA MTHONG NA JI LTAR DE'I BAG CHAGS SAD PA YIN ZHES ZER BA LA, DE NI ZHES BYA BA SMOS TE, DE'I MTHONG BA NI 'KHRUL PA YIN NO ZHES DGONGS PA'O, ,'ON TE DE LNGA MA YIN PAR MTHONG NA JI LTAR 'KHRUL PA MA YIN ZHES SBYAR PAS CHOS MTHUN PA NYID MTHONG BA LAS ZHES BYA BA'I DON TO, ,MA YIN TE 'DI NI 'KHRUL PA BRGYUD PA ZHES BYA BA NI LAN YIN NO, ,BRTAGS PA NI TSAD MA DANG CIG SHOS KYI ZHEN PA'O, ,MTHONG BA'I RJES SU 'BRANGS PA'I RTOGS PAS GZHAL BYA LA SOGS PA LA GZUNG BA LA SOGS PA RNAM PAR GZHAG PA MI RIGS PA MA YIN NAM, MTHONG BA LA NI DBYE BA THAMS CAD NUB PA'I PHYIR RO ZHES ZER BA NI JI LTAR ZHES BYA BA'O, ,RANG GI BDAG NYID CES BYA BA NI DBYE BA NUB PAS RGYU MTSAN MED PA'I RNAM

, ,PAR GZHAG PA NGES PAS SO ZHES BYA BA'I DON TO, ,DE LA NI 'KHRUL PA LA STE JI LTAR MTHONG BA'I RNAM PAR GZHAG PA STE LDOG PA'I RGYU MTSAN LA LDOG PAR BYED PA'I NGO BO THA MI DAD PA NI YONGS SU GCOD PA YIN TE, 'DIS STON PO LA SOGS PA'I BLO YOD PA DE'I BDAG NYID KYIS YONGS SU GCOD PAS SO, ,GZHAN LA MA LTOS PA'I 'DZIN PAR BYED PA'I RNAM PA TSAD MA YIN TE BYED PA PO MED PA'I PHYIR DANG, DON GYIS GO BA NYAMS PA'I PHYIR TE, DE NYID KYI PHYIR DE'I SGRUB BYED YIN PAR 'DOD PA'O, ,DE'I NI YONGS SU GCOD PA'I BDAG NYID RIG PA'O, ,CI LAS SHE NA DE'I BDAG NYID PHYIR TE RIG PA'I BDAG NYID KYI PHYIR RO, ,DE LTAR RAB TU RTOGS PAR BYED PA'I TSIG LAS DE'I YUL CAN GYI GZHAL BYA SHUGS KYIS BSTAN PA YIN NO, ,DE BSTAN PA NI DE NYID BSGRUB BYA ZHES BYA BA STE DE'I YUL NYID KYIS RIG PA DANG, NGES PA DAG 'BYUNG BA'I PHYIR DE NYID SGRUB BYED YIN TE DE YOD NA GZHAN MED KYANG RIG PA'I PHYIR DANG, RIG PA'I BDAG NYID DE LAS THA MI DAD PA'I PHYIR RO, ,RIG PA'I BDAG NYID DANG 'GAL BA'I PHYIR RANG LA RIG PA MA YIN PA MA YIN NAM 'O NA CI ZHE NA, GZHAN LA'O ZHES ZER BA LA DE LA NI BSGRUB PAR BYA BA'I RANG GI RIG PA'I BDAG NYID LA TSAD MA NI 'DOD CHAGS LA SOGS PA RIG PAR MTHONG BA DE LA 'GAL BA MED DE, RIG PA LAS GZHAN PAS RIG NA BDE BA MA YIN PA NYID DU THAL BAR 'GYUR RO ZHES BYA BA LA SOGS PA BSGRUB PA'I GNAS PHYIR RO, ,RIG PA'I DON BYED PA NI GZHAN DU YANG MA YIN LA, BDE BA NI GZHAN YANG MA YIN LA DE BZHIN DU SNGON PO LA YANG MA YIN TE, KHA BSGYUR BA LA SOGS PA YOD PA'I PHYIR ZHES ZER BA LA 'DI NI KUN LA ZHES NGON PO LA SOGS PA ZHES BYA BA'O, ,MA YIN TE RANG GI NGO BO YANG RIG PA'I BDAG NYID KYI DON BYED PA GNYIS YIN LA, BDE BA LA SOS PA LA NI RIG PA KHO NA YIN GYI DE DAG TZAM GYI KHYAD PAR NI MA YIN TE, RIG PA LAS THA MI DAD PAR NYAMS SU MYONG BA'I PHYIR RO ZHES BYA BA'I DON TO, ,JI LTAR BDE BA LA SOGS PA JI LTAR RANG RIG PA YIN PAR MI 'GAL BA YIN ZHES ZER BA LA BDE BA LA SOGS PA ZHES BYA BA SMOS SO, ,GOMS PA'I STOBS LAS ZHES BYA BA NI RANG RIG PA SGRUB PAR BYED PA'O, ,THA DAD PA MED PA NYID DU ZHES BYA BA NI THA DAD PA NYAMS

SU MA MYONG BA'I PHYIR RO, ,DE'I PHYIR THA DAD PA'I TSIG NI RMONGS PA YIN PAR BSTAN PA NI RNAM PA BZHIR ZHES BYA BA'O, ,THA DAD PA KHO NA'O ZHES BYA BA NI BDE BA LA SOGS PA NYID 'DZIN PAR BYED PA'I PHYIR DBYIBS MA YIN PA'O, ,SNGON PO'I RNAM PA ZHES BYA BA NI DBYIBS DANG BCAS PA DANG CIG SHOS ZHES BYA BA'I KHYAD PAR YIN GYI GZUNG BA DANG CIG SHOS NI MA YIN TE, LAS DANG BYED BA PO NYID DU MA RTOGS PA'I PHYIR RO, ,MI SLU BA DANG CIG SHOS DAG GIS TSAD MA DANG CIG SHOS NYID DU LAS DANG 'BRAS BU'I NGO BO 'THAD PA'I PHYIR SHES PA TZAM LA YANG DGE BA DAN CIG SHOS RNAM PAR DBYE BA MA YIN NO, ,RNAM PA MED PA LA NI RNAM PAR DBYE BA RANG NYID GRUB PA MA YIN TE, SNGON PO LA SOGS PA NI BDE BA LA SOGS PA BZHAN DU CHO MI MTHUN PA NYID KYIS RANG NYID RIG PA JI LTAR YIN, BDE BA LA SOGS PA'I BDAG NYID BZHIN DU BDE BA DANG SNGON PO LA SOGS PA DAG LA KHYAD PAR MED DE LAS DANG CIG SHOS KYI NGO BOS GNYI GA MA YIN PA'I PHYIR RO ZHES BSTAN PA NI DE LA'ANG ZHES BYA BA'O, ,NYAMS MYONG BDAG NYID PHYIR NI NYAMS SU MYONG BA GZHAN LA MI LTOS PA'I PHYIR RO, ,GZHAN GYIS NYAMS SU MYONG NA DE'I NYAMS SU MYONG BA MI RIGS PA'I PHYIR RUNG BA NYID NI GZHAN LA MA LTOS PA'I NGO BO'O, ,LKOG TU GYUR PA'I RANG BZHIN YIN PA'I PHYIR DANG, SNANG BZHIN PA YIN PA'I PHYIR RO, ,DE BSTAN PA NI SNGON PO LA SOGS PA ZHES BYA BA'O, ,MA YIN TE RANG GI NGO BOS ZHES BYA BA NI SKYED PAR BYED PA'I PHYIR MIG LA SOGS PA SNANG BA MA YIN ZHES BYA BA'I DON TO, ,SKYED PAR BYED PA YANG 'BA' ZHIG MA YIN PAR BSTAN PA NI, GANG GI PHYIR ZHES BYA BA'O, ,MA ZHUGS KYANG ZHES BYA BA NI RMI LAM LA SOGS PA LA LTOS PA MED PA'O, ,'DI LTAR ZHES BYA BA NI SAD PA'I GNAS SKABS NA'O, ,GZHAN NYID DU ZHES BYA BA NI 'DOD PA DANG MI 'DOD PA NYID KYIS SO, ,MIG LA SOGS PA ZHES BYA BA BSHAD PA NI GAL TE ZHES BYA BA'O, ,MNGON DU PHYOGS PAR BYED PA DANG SNANG BA DAG LA DBYE BA ZHES BYA BA'I DON TO, ,DE GOMS PA DANG CIG SHOS DAG GIS MI GAL BA NA 'DOGS PA'I PHYIR 'DI'I DBYE BA YIN NO SNYAM DU SEMS PA NI 'ON TE ZHES BYA BA'O, ,DE LTA NA GOMS PA NYID GTZO BO YIN LA, MIG NI RJES SU 'JUG PA YIN PA'I PHYIR GZUGS 'DZIN

, ,PA LA NGES PAR BYED PA YIN YANG DE LA NGES PA DANG MA NGES PA 'DZIN PA'I SHES PA SKYED PAR BYED PA NI BAG CHAGS KYI RNAM PAR DBYE BA LAS YIN TE, BDE BA DANG CIG SHOS BSTAN PA NI GAL TE MIG SOGS ZHES BYA BA STE, MIG LAS BYUNG BA GZUGS MNGON DU BYED PA GZHAN LAS JI LTAR YIN ZHES BYA BA BSAL BA YIN NO, ,GZHAN DU GYUR PA LA RANG GI NGO BO MED PAS SNANG BA LA KHYAD PAR MED NA, DNGOS PO'I NGO BO MED PA JI LTAR YIN ZHES ZER BA LA MA YIN TE PHAN TSUN ZHES BYA BA STE, MI SLU BA YANG SNANG BA NYID YIN ZHES BYA BA'I DON TO, ,'KHRUL NA ZHES BYA BA NI PHYI ROL NA THAMS CAD DU MED PA YIN, YUL DANG DUS SU GZHAN PA'I BDAG NYID 'KHRUL PA YIN PA'I PHYIR RO ZHES BSTAN PA NI YID BSTAN PA GA LAS YIN ZHES BYA BA STE, DON LA MI SLU BA YANG MED DO ZHES BYA BA'I DON TO, ,RANG GI NGO BO LAS GZHAN RIG NA YUL LA SOGS PA GZHAN DU YANG 'GYUR BA ZHIG NA, GZHAN DU NI MA YIN NO ZHES BSTAN PA NI DES NA SNANG BA ZHES BYA BA'O, ,SNANG BZHIN DU NI PHYI ROL GYI DON GYI'O, ,SHES PA THAMS CAD PHYI ROL NYID MA YIN NAM, DBYE BA NA GNOD PAR BYED PA MED PA'I SHES PA LAS YIN NO ZHES ZER BA GNOD BYA ZHES BYA BA'O, ,DE'I GNOD BYA NI PHYI ROL GYIS BYAS PA'I 'DRA BA NYID DAM PHYI ROL GYI BDAG NYID KYIS SGRO BTAGS PA'I NGO BO'O, ,DE LA'ANG NYAMS MYONG BDAG NYID PHYIR, ,ZHES BYA BA LA SOGS PAS RNAM PA DANG BCAS PA'I RIGS PA DANG DON RIG PA LA YANG DE'I RIG PA YIN NA DE'I LAN NI RNAM PAR RIG PA TZAM GYI TSUL YIN TE, PHYI ROL YOD NA DE'I RIG PA NYID DU 'GYUR RO, , DE NYID RNAM PA'I RIGS PA YIN NO SNYAM DU SEMS PA NI GAL TE SHES PA RNAM PA DANG BA CAS PA ZHES BYA BA STE, THAMS CAD KHO NA ZHES BYA BA NI SHUGS NYID KYIS SO, ,NYE BAR GZHAG PAS BSGYUR PHYIR NA, ,ZHES BYA BA NI RNAM PA DANG BA CAS PA ZHES BYA BAR SBYAR RO, ,MIG LA SOGS PA'I SNANG BA NYE BA LAS YUL MA YIN YANG DRI LA SOGS PA MIG LA SOGS PA LA SNANG BAR 'GYUR RO ZHES ZER BA LA JI SRID PA ZHES SNOS SO, ,NYE BA LAS SMANG BA MA YIN TE 'ON KYANG MIG LA SOGS PA'I BSKYED BYA SNANG BA KHYAD PAR CAN YIN PAR BSTAN PA NI 'ON TE ZHES BYA BA'O, ,DER SHAR BA ZHES BYA BA NI MIG 'BRAS

LA SHAR BA STE SNANG BA'O, ,CHEN PO MA YIN PAR NI RAGS PAR MA YIN PA STE MIG 'BRAS TZAM YIN PA'I PHYIR RO, ,CI 'DRA ZHES BYA BA NI SNGON PO'AM SER PO STE, GSAL BAR BYED PA'I RNAM PA BSGRIBS PA'I PHYIR RO, ,'DI NYID BSTAN PA NI MDOG KYANG ZHES BYA BA'O, ,ZHUGS PA NI 'OD ZER RNAMS SO, ,RGYAB DANG MDUN JI SNYENG PA'I YUL GYI TSAD KYIS CHEN PO LA SOGS BA RNAMS TE, CHEN PO DANG CHUNG NGU LA SOGS PA RNAMS LA'O, ,KHYAD PAR CAN NI SNGAR MI GSAL BA LAS GSAL BA DANG, MIG GI SNANG BA'I DANG 'BREL PA YIN NA, RIG PA'I BDAG NYID YIN LA SNGAR RIG PA'I BDAG NYID MA YIN PA DANG, DE'I BSKYED BYA'I KHYAD PAR MED NA SNGAR MI GSAL BA 'AM MI RIG PA'O, ,KHYAD PAR GZHAN YIN NA NI THUG PA MED PAR 'GYUR BAR BSTAN PA NI GAL TE ZHES BYA BA'O, ,'OD ZER LAS RIG PA YIN NA THAMS CAD DE'I NGO BO YIN LA, 'OD ZER 'GRUB PA LA TSAD MA MED PAR BSTAN PA NI 'ON TE RANG BZHIN ZHES BYA BA'O, ,KUN GYI RNAM PAR ZHES BYA BA NI MIG LA SOGS PA'I RNAM PAR RO, ,DON GNAS NI NYE BA NA'O, ,SKYES TZAM ZHES BYA BA NI LDOG PA DANG BRAL BA'I RJES SU 'GRO BA TZAM LAS SO, ,GANG LAS ZHES BYA BA NI LDOG PA DANG BCAS PA'I RJES SU 'GRO BA LAS SO, ,NYE BA GANG LAS SHES PA DON NYID KYI RJES SU BYED PA DES DE NYID RJES SU 'DZIN PAR 'GYUR NA RNAM PA'I RTOG PA LA DGOS PA MED DO ZHES BYA BA'I DON TO, ,SKYE BA LA NYE BA NYID NI DBANG PO LAS 'DAS PA YIN YANG RIG PA LA NI SHES NA STE, DE RIG PA NYID NI DE LTA BU'I DON GYIS RIG PA'I PHYIR DANG, RANG NYID MNGON SUM BAS GZHAN LA MI 'JUG PA'I PHYIR DANG, 'JUG NA YANG DE'I NGO BOR THAL BAR 'GYUR BA'I PHYIR DBANG PO YANG NGES PAR BYED PA NYID YIN NO, ,DBANG PO TZAM LAS NGES PA YIN NA DE'I YUL YANG DE NYID LAS YIN PA'I PHYIR DON MED PAR 'GYUR RO, ,DON LAS SKYE BZHIN PA NI DBANG PO LA NGES PA CAN YIN NO ZHES BYA BA YANG YID KYI LA THU TZAM YIN TE, DE LAS SKYE BA NYID DE'I BDAG NYID MA YIN PAS MA NGES PA'I PHYIR RO, ,DBANG PO YOD KYANG DE MED NA RIG PA MA YIN NO, ,DE LTA YEN NA DBANG PO'I SGO NAS DE'I BDAG NYID KYI RNAM PAR SGRO BTAGS PA NI RJES SU 'GRO BA LA SOGS PAS RTOGS PAR BYA BA

, ,YIN GYI 'BA' ZHIG NI MA YIN PAR BSTAN PA NI YUL RNAMS LAS ZHES BYA BA'O, ,RNAM 'GA' ZHES BYA BA NI SKYE BA LA NGES PAR BRTAGS PA MA BYAS KYANG SKYON MED DO ZHES BYA BA'I DON TO, ,YUL DANG 'DRA BA'I RNAM PA STE, 'DRA BA NYID DAM DE NYID DU SGRO BTAGS PA YANG RUNG PA GANG GI YIN PA SHES PA STE, DBANG PO LAS YUL 'DZIN PA LA SO SOR NGES PA YIN TE, NGES PA'I RNAM PA SKYED PAR BYED PAS PHAN 'DOGS PA'I PHYIR RO SNYAM DU DGONGS PA'O, ,GANG KHO NA LAS ZHES BYA BA NI GANG DANG GANG KHO NA LAS SO, ,SKYED PAR BYED PA NYID DU KHYAD PAR MED KYANG CUNG ZAD NYID NI 'DRA BA NYID KYIS SKYED PAR BYED PA'AM, DE NYID DU SGRO BTAGS PA'I YUL YIN PAR BSTAN PA NI DPER NA ZHES BYA BA STE, RIG PA'I SNGON PO NI RIG PA LAS THA MI DAD PAR PHYI ROL GYIS BYAS PA NI PHAS BYAS PA'I BU'I NGO BO BZHIN DU MTHONG NGO ZHES BYA BA'I DON TO, ,GCIG GI ZHES BYA BA NI BYED PA PO YIN YANG DE LAS GZHAN PA RNAM PA'I BYED PA PO MA YIN PAR SHES PAR BYA BA'I CHED DU'O, ,DE BSTAN PA NI DE LAS BYUNG BA ZHES BYA BA'O, ,DE BZHIN DU DON NYID LAS DON GYI RNAM PA MTHONG NGO ZHES BSTAN PA NI DE'I PHYIR ZHES BYA BA STE, DON NYID RNAM PA BYED PA YIN TE, DE'I RNAM PA MTHONG BA'I PHYIR RO ZHES BYA BA'I DON TO, ,DON NYID RNAM PA'I KHYAD PAR SKYED PAR BYED PAS YUL 'DZIN PA LA NGES PAR BYED PA YIN GYI DBANG PO NI MA YIN NO ZHES BSTAN PA NI THAG RING ZHES BYA BA'O, ,RNAM PA'I BYED PA PO NYID NI GZUNG BA NYID NA LA YANG LAG GI GTZO BO YIN NA, ,BYAB PA THAL CHES PA'I RGYU NYID KYIS CI ZHIG BYA ZHES BSTAN PA NI DE LAS GZHAN DANG ZHES BYA BA STE, DE'I RGYU NYID DU NI SHES PA'I RGYU NYID DU'O, ,MTSUNGS PA NI DE LAS GZHAN PA DBANG PO LA SOGS PA RNAMS DANG NGO, ,YUL DAG LA NI MTSUNGS PA LA'O, ,DE'I CHAS NI RNAM PA BYED PA NYID GTZO BO YIN PA'I PHYIR RO, ,DE NYID NI MA YIN TE SMIG RGYU DKAR PO LA SOGS PA LA YANG CHU'I RNAM PA SER PO CAN LA RANG GI RNAM PAR SGRO BTAGS PAS RGYU MA YIN PAS YUL MA YIN PA'I PHYIR RO, ,YUL NGES PA CAN NYID KYANG SKYON RNAMS KYI DE NYE BA YOD PAS NUS PA MNGON PAR GSAL BA'I PHYIR RO, ,DE MED PAR ZHES BYA BA NI RANG GI RNAM PAR SGRO 'DOGS PAR BYED PA NYID MED NA DE YUL NYID MA YIN

NO; ,RGYU NYID KYIS RANG GI RNAM PAR SGRO 'DOGS PAR BYED PA NYID BRJOD PAR 'DOD PA NYID DU BSTAN PA NI, RGYU NYID KYIS NI ZHES BYA BA'O, ,DE'I RNAM PA NI BDAG NYID KYI RNAM PA'O, ,GNYI GA'I RGYU NYID DANG BDAG GI RNAM PAR SGRO 'DOGS PAR BYED PA NYID KYANG NGO, ,DE LTA MA YIN YANG ZHES BYA BA NI MYONG BA NYID MA YIN NA'O,, MA RTOGS PA'AM GZHAN RTOGS PA TZAM YIN NA YUL RTOGS PAR 'GYUR BA MA YIN NAM ZHES ZER BA LA RTOGS PA DANG ZHES BYA BA SMOS SO, ,YUL MI RIGS PAR BSTAN PA NI GAL TE ZHES BYA BA STE SNGON PO LA SOGS PA'O, ,DON MED PA'I PHYIR RO ZHES BYA BA NI DE LA STE DBANG PO LA SOGS PA LA BRTEN PA'I BDAG NYID YIN PA'I PHYIR TE, GZHAN DU NA DE MI RIGS PA'I PHYIR RO, ,MI NUS PA'I PHYIR ZHES BYA BA NI RTOGS PAR BYED PA'I TSAD MA MED PA'I PHYIR RO, ,DE BSTAN PA NI MA RTOGS PA NI ZHES BYA BA'O, ,RTOGS BZHIN PA LA NI DE'I NGO BO NYID KHO NA RTOGS PA YIN PA'I PHYIR GZHAN LHAG MA YIN NO, ,DE BSTAN PA NI RTOGS SO ZHE NA ZHES BYA BA'O, ,RTOGS BZHIN PA NYID 'BRAS BU YIN PAS BYED PA RTOGS PAR BYED PA MA YIN NAM, DE YANG BDAG GI 'GYUR BA'I BLO'AM DBANG PO LA SOGS PA'I BYED PA'ANG RUNG ZHES ZER BA LA BYA BA GZHAN ZHES BYA BA'O, ,BSTAN TO ZHES BYA BA NI DBANG PO LA SOGS PA NYID LAS DE LTA BU'I NGO BO SKYED PA LAS RTOGS PAR BYED PA MED PA'I PHYIR ZHES BYA BA BSTAN ZIN PA NI DE MED NA NI DE MI 'BYUNG ZHES BYA BA LA SOGS PAS SO, ,YUL SHES DE'I SHES PA'I ZHES BYA BA NI SLOB DPON PHYOGS KYI GLANG PO'I GZHUNG NGO, ,DON GYI RANG GI SNANG BA NI DON SNANG BA DANG RANG SNANG BA ZHES BYA PAS TSUL GNYIS NYID CES BYA BA BSHAD PA YIN NO, ,YUL SHES PA'I SHES PA ZHES BYA BA NI BYE BRAG LAS SO, ,'OG MA DAG NI ZHES BYA BA NI 'DI NYID DO, ,DE LTA MA YIN NA ZHES BYA BA LA SOGS PA NI DE LTA MA YIN TE, GAL TE ZHES BYA BA LA SOGS PA'O, ,RE ZHIG 'DI LTAR RNAM PA RNAMS, ,SPROS DANG LDAN PAR MTHONG BA MIN, ,ZHES BYA BA'I GTAN TSIGS MA GRUB PA NYID YIN TE, 'DI BUM PA'O ZHES BYA BA LAS BUM PA'I RNAM PA MA RTOGS PAR SHES PA'I RNAM PAR MI RTOG PA'I PHYIR MI RIGS PA YIN NO, ,BUM PA'I RNAM PA 'DI NYAMS SU MYONG BAS MYONG BA MA YIN NA BUM PA NYAMS

, ,SU MYONG BAR MI 'GYUR ZHING, RNAM PA DANG BCAS PA NYID KYIS KHYAD PAR MED PA NA BUM PA'I SHES PA DE'I SHES PA'I DBYA BA LAS NI MA YIN NO, ,RNAM PA MED PA NYID YIN YANG RANG NYID KHO NA YIN TE, RNAM PA MED PA NYID DU MTSUNGS PA YIN YANG JI LTAR RNAM PA DANG BCAS PA RNAMS KYI DBYE BA'I NGES PA RANG BZHIN CAN YIN PA DE BZHIN DU SHES PA RNAMS CI'I PHYIR MA 'GRUB CE NA, SHES PA DANG MA SHES PA NYID KYIS THA DAD PA'I PHYIR RO, ,BUM PA DANG DE'I SHES PA LA SOGS PA'I YUL THA DAD PA LAS DES MA RIG NA SHES PA THA DAD PA YANG MA YIN LA RIG NA YANG TSUL GNYIS NYID YIN NO, ,DE'I PHYIR, YUL DU THA SNYAD 'DOGS PA NI, ,SHES LA NGES RTOGS MED NA MIN, ,DE PHYIR SHES BDAG NYID GCIG LA, ,GZUNG BYA THA DAD RGYU MTSAN NI, ,RIG PA'I DBYE BA 'GRUB 'DI LA, ,RNAM GZHAN NGED LA CI ZHIG DGOS, , ZHES BYA BA'I DON NI BDEN PA MA YIN NO, ,PHYIS KYI DUS SU DRAN PA LAS, ,'DI NI NGES PA MED MA YIN, ,ZHES BYA BA BSHAD PA NI CI 'DRA ZHIG CES BYA BA NI DRAN PA STE, MNGON SUM GYIS RTOGS PA LA LHAG PAR MOS PA NI, RJES SU DPAG PA MA YIN PA LAS YIN GYI RJES SU DPAG PA LAS BYUNG BA MA YIN NO ZHES BYA BA'I DON TO, ,NYAMS SU MYONG BA'I BAG CHAGS LAS BYUNG BA'I DRAN PA YANG MA YIN TE, GZHAN DU NYAMS SU MYONG BA LA THA SNYAD MED PAR THAL BAR 'GYUR RO ZHES BSTAN PA NI GANG ZHIG CES BYA BA'O, ,NYAMS SU MYONG BA DRAN PA PHYI ROL LA YIN GYI RNAM PA NI MA YIN PAR BSTAN PA NI DE LTA BUR ZHES BYA BA STE, MNGON SUM GYI SNANG BA STE DE'I RJES SU 'BRANG BA'I DRAN PA YIN GYI PHYI ROL NI MA YIN NO ZHES BYA BA'I DON TO, ,MNGON SUM PA PHYI ROL LO ZHES BYA BA YANG MNGON SUM PA MA YIN PAR BSTAN PA NI GAL TE ZHES BYA BA'O, ,MNGON SUM GYI SNANG BA MA RTOGS PA GZHAN MA YIN NO ZHES BYA BA'I DON TO, ,SNANG BA NI SNANG BZHIN PA'I DON DU'O, ,DON NI PHYI ROL LO, ,DE 'DRA BA NI SNANG BA CI 'DRA BA'O, ,GCIG PA NYID DE THA MI DAD PA YIN NA'O, ,DON NI SNANG BAS SO, ,RAGS PA ZHES BYA BA NI DON DANG DON MA YIN PA'I THUN MONG BA YIN TE, DON MA YIN PA YANG PHYI ROL YIN PA'I

PHYIR RO, ,DE SKAD ZER BA NI CHA GNYIS ZHES BYA BA'O, ,SNANG BZHIN PA NI PHYI ROL LAM DON MA YIN PAS YANG MA YIN TE, GZHAN DU DE LTAR NGES PA'I PHYIR ZHES BSTAN PA NI 'DI NI PHYIS ZHES BYA BA DE MED NA NI DE MI 'BYUNG ZHES BYA BAS SO, ,RIG PA KHO NA SHES PA'I DON GYI RNAM PA NYID RTOGS BYA MA YIN NO, , SO SOR SNANG BAS KYANG NGO ZHES BSTAN PA NI DON DANG LDAN PA ZHES BYA BA'O, ,DON DANG 'DRA BA'I RNAM PA NI DON GYI RNAM PA'I SHES PA'I YIN LA DE MA YIN PA'O, ,DE LA DGOS PA NI 'DI KHO NA DON NYID YIN NO ZHES BYA BAR RO, ,NGES PA NI DE'I RNAM PA CAN NYID KYI 'DAS PA LA SOGS PAR 'DZIN PA LA'O ZHES BSTAN PA NI 'DAS PA'I ZHES BYA BA'O, ,TSUL GNYIS ZHES BYA BA NI SNGON PO'I RNAM PA NYID KYI GZHAL BYA DANG, GZHAN GYIS MI 'GRUB PA'I RTOGS PA NYID DO, ,'DZIN PAR BYED PA RANG RIG PAR GYUR PA NI 'BRAS BU'O, ,DGAG PAR BYA BA BSTAN PA NI GANG DAG SHES PA NI ZHES BYA BA'O, ,SHES PA NI RTOGS PA NYID YIN NA SHES PA LA NGES PA YIN TE NGES NA BDAG GIR 'GYUR BA STE BYED BA SHES PA PO NYID KYI NGO BO NI LKOG TU GYUR PA YIN NO ZHES ZER BA NI MYONG BA MA YIN LA ZHES BYA BA STE MNGON SUM MO, ,DE NYID KYI PHYIR DE NI RNAM PA MA YIN TE MNGON SUM DANG CIG SHOS DAG DE'I BDAG NYID MA YIN NO ZHES ZER BA NI DON GYI RNAM PA YANG ZHES BYA BA'O, ,GSAL BA ZHES BYA BA NI PHYI ROL NYID DU NGES PA RNAM PAR 'DZIN PA YIN NA'O, ,DE YANG ZHES BYA BA NI 'DZIN PA'O, ,THAMS CAD LA NI RAB RIB LAS BYUNG BA LA SOGS PA LA YANG DO, ,DON LTA BU'I RNAM PAR SHES PA GANG GI YIN PA DE'I NGO BO ZHES BYA BAS RIG PAR BYA BA BSTAN PA YIN NO, ,DE LA BSTAN PA NI GANG LA DON YOD PA ZHES BYA BAS TSIGS SU BCAD PA BSHAD PA YIN NO, ,MNGON SUM GYIS GNOD PA ZHES BYA BA NI NYE BA'I SNANG BA NI 'DAS PA'O DON DANG 'GAL BA CAN YIN PA'O, ,'BREL PA 'DZIN PA NYE BA'I MNGON SUM GYI SNANG BA LKOG TU GYUR BA MA YIN PA PHYI ROL LAS GZHAN PA'O, ,DES NA ZHES BYA BA NI 'BREL PA 'DZIN PA LAS SO, ,DE ZHES BYA BA NI SHES PA YIN NA'O, ,THAMS CAD DU NI DON BZHIN DU MNGON PAR 'DOD PA LA YANG NGO, ,YUL SHES PA LA RANG BZHIN NI TSUL GNYIS NYID DO, ,DE'I STE YUL SHES PA'I SHES PA YIN LA DE'I DE YANG TSUL

, ,GNYIS YIN NO, ,DE KHO NA BZHIN DU THAMS CAD LA'O, ,TSUL GNYIS NYID 'DZIN PA CAN GYI RANG BZHIN YIN PA'I PHYIR DES MA NGES PA MA YIN TE PHYI ROL GYI YUL NYID MNGON PAR 'DOD PA TZAM LAS YIN PA'I PHYIR DANG, MI SLU BAS KYANG TSAD MA YIN PA'I PHYIR RO, ,DE'I PHYIR, MA LUS SGRUB PAR BYED BLO YANG, ,GAL TE BRDZUN 'DOD DE YI PHYIR, ,JI LTAR 'DOD PA KUN MED PA'AM, ,MA TSANG SOGS PAR THAL BAR 'GYUR, ,DE RNAMS DMIGS BCAS NYID DU 'GYUR, ,ZHES BYA BA LA SOGS PAR LEGS PAR SMRAS PA MA YIN NO, ,DE 'DZIN PA LA 'DAS PA NYID SNANG BA MA YIN TE NGO BO RIG PA MA YIN NA, NGO BO RIG NA YANG 'DAS PA NYID MA YIN ZHES BYA BA'I DON TO, ,DE'I PHYIR 'DI'I NGO BO NYID SPYIR GZUNG BA NYID DU SNANG BA YIN PAR BSTAN PA NI SNGO SOGS ZHES BYA BA'O, ,RIGS NI KHA DOG DANG LDAN PA MA YIN LA, BSGOS NA YANG SHEL LTA BUR THA DAD PAR GRUB NA'O, ,DE YANG RANG GI RIG PAR BYA BA SHES PA'I NGO BO PHYI ROL DU MNGON PAR 'DOD PA'I BYED PA'I YUL NI RANG GI RIG PA LA GSAL BA YIN ZHING PHYI ROL LA NI MI GSAL BA YIN NO, ,DE LTAR DBYE BA YANG MA YIN TE, DE'I MNGON PAR 'DOD PA NYID DANG RANG NYID RIG PA LA THA DAD PA MED PA'I PHYIR MI RTAG PA NI RES 'GA' BA'I SNANG BA YIN PA'I PHYIR RO, ,SKYED PAR BYED PA NI SNANG BA YIN LA SNANG BZHIN PA NI MA YIN TE, YUL DANG DUS LA SOGS PA MA CHAD PA MI 'GRUB PA'I PHYIR RO ZHES BYA BA'I DON TO, ,RGYU NYID KYI PHYIR NI SNANG BZHIN PA NYID KYI PHYIR RO, ,SKYED PAR BYED PA MA YIN PA NI SNANG BAR 'GYUR BA MA YIN PA STE, KHYAB PA CAN GYI SNANG BA MI RIGS PA'I PHYIR RO, ,RANG GI RIG PA ZHEN PA DANG BRJOD PA DAG LA MNGON PAR 'DOD PA'I YUL NYID LA SOGS PA'I DON YANG DE MA RTOGS PA'AM CIG SHOS MED PAR BSTAN PA NI MING SOGS ZHES BYA BA'O, ,ZHEN PAR BYA BA NI RANG GI RIG PA LAS THA DAD PA'I SHES BYA MA YIN ZHING ZHEN PA LAS THA DAD PA DANG CIG SHOS DANG BRAL BA DNGOS PO MED PA'I ZHEN PAR BYA BA YANG MA YIN TE, RANG GI RNAM PA PHYI ROL DU SGRO BTAGS PA NI RNAM PAR RTOG PA'I SHES BYA YIN TE, DE LTAR 'PHANGS PA NI DE'I BYED PA YIN PA'I PHYIR RO, ,RNAM PAR RTOG PA'I BAG CHAGS LAS BYUNG BA YANG DON

MED PA NYID DU MI RIGS PA'I PHYIR, MA RIG PA LAS DE LTA BU'I BYED PA YIN GYI, DE LTA BU'I GZUNG BA NI MA YIN TE, RNAM PA MED PA RIG PA MA YIN PA'I PHYIR DANG RGYU MA YIN PA YUL MA YIN PA'I PHYIR DANG, 'BRAS BU LA SOGS PA NYID KYIS KYANG NGO MED PA NYID DU MI RIGS PA'I PHYIR RO ZHES BSTAN PA NI TSUL 'DI ZHES BYA BA STE, RNAM PAR RTOG PA LA YOD PA'I RIGS PA'O, ,CI LAS SHE NA 'DOD PA TZAM ZHES BYA BA STE, MA RIG PA LAS BYUNG BA SKYED BYED MA YIN PA GZUNG BA MA YIN TE, DMIGS PA'I SHES PA SKYED PAR MI BYED PA MI RIGS PA'I PHYIR TE, 'DOD PA TZAM LAS BYUNG BA NI DMIGS PA DANG 'GAL BA MA YIN NO ZHES BYA BA'I DON TO, ,RNAM PA NYAMS SU MYONG BA DAG DE'I BDAG NYID NYAMS SU MYONG BA LAS TSUL GNYIS NYID 'BA' ZHIG MA YIN GYI, DRAN PA LAS KYANG RJES SU DPAG PA LAS BYUNG BA YIN PAR BSTAN PA NI RNAM PA 'DI 'DRA ZHES BYA BA STE, RNAM PA 'DI 'DRA BA ZHES BYA BA NI 'DAS PA 'DZIN PA'O; ,MYONG LAS ZHES BYA BA NI DE'I YUL NYID DO, ,STONG NA ZHES BYA BA NI DE'I YUL DU THA SNYAD 'DOGS PAS SO, ,SHES LA NGES RTOG MED NA MIN, ,ZHES BSTAN PA NI DE'I BDAG NYID MA YIN PA'I YUL YANG MA YIN NA KHYAD PAR MA YIN LA, NYAMS SU MYONG BA DANG RNAM PA DAG 'DRES PAS THA MI DAD PAR SNANG BA MA YIN TE, DRAN PA'I RNAM PAR MTHONG BA'I PHYIR RO ZHES BYA BA'I DON TO, ,SNANG BZHIN PA 'DI PHYI ROL MA YIN NA PA NI BDEN TE, DE NI 'DAS PA YIN LA DES SGRO BTAGS PA'I NGO BO YANG DRAN PA'I DNGOS SU BA YIN NO ZHES ZER BA NI, 'ON TE DE'I RNAM PA CAN GYI ZHES BYA BA'O, ,DE ZHES BYA BA NI DE'I PHYIR RO,, DE TSE ZHES BYA BA BRTEN PA'I RNAM PA'I DUS SU'O, ,MED PHYI NI 'DAS PA'I PHYIR RO, ,DE LTAR YIN NA MYONG LA'ANG 'GYUR RO ZHES BYA BA NI DRAN PA LTA BU'O, ,DER ZHES BYA BA NI RNAM PAR TE RNAM PA MED PA NYID MI RIGS SO ZHES BYA BA'I DON TO, ,'DAS PA LAS NI MI GSAL BA'I RNAM PA YIN LA, GSAL BA NI DON NYID MA YIN NAM, NYAMS SU MYONG BA LA NI RNAM PAR RTOG PA MA YIN NO ZHES ZER BA LA RNAM PA DE NI ZHES BYA BA SMOS TE 'DI NI DON GYI BSKYED BYA BA MA YIN TE, MTSAN NYID MI MTHUN PA'I PHYIR LA GSAL BA DON BYED PAR NUS PA NI NYAMS SU MYONG BA'I BDAG NYID RJES SU MTHUN PAR BYED PA ZHES BYA

, ,BA 'DI NYID RIGS PA YIN NO ZHES BYA BA'I DON TO, ,DES NA DRAN PA LA SNANG BA CAN GYI DON GYI MA YIN NO ZHES DAM BCAS GZHAN NYID YIN PA'I PHYIR DON GYI BSKYED BYA RNAM PA DE MA YIN DU ZIN KYANG, BAG CHAGS KYI BSKYED BYA SHES PA LA THA DAD PA NI ZHEN PAR BYA BA NYID KYIS PHYI ROL YIN LA, SHES PA DON GYI BYA BA BYED PA NYID KYIS DNGOS PO YIN NO SNYAM DU SEMS PA LA RNAM PA DE NI ZHES BYA BA SMOS SO, THUN MONG MA YIN PA'I SHES PA LAS GZHAN PA NI GZHAN PA'O, ,BDAG LA 'BREL PA ZHES BYA BA NI RANG GI BAG CHAGS KYI BSKYED BYA YIN PA'I PHYIR THUN MONG MA YIN PA NYID NI THUN MONG BA MA YIN PA STE, DU BA LTA BU YIN LA DE LTA YIN DANG ZHES BYA BA NI THUN MONG MA YIN PA NYID KYI PHYIR RO, ,DE LTA MA YIN NA YANG ZHES BYA BA NI MA BSTAN PAR TE, DE LTA NA YANG THUN MONG BA NYID KYI PHYIR RO, ,GZHAN NYID DO ZHES BYA BA NI STON PA PO DANG 'BREL PA DANG 'DRA BA YIN GYI PHYI ROL GYI NGO BO DANG LDAN PA NI MA YIN NO, ,RE RE DAG DANG ZHES BYA BA NI SKYES BU RE RE ZHING THA DAD PA'I PHYI ROL GYIS SO, ,DE'I BDAG NYID LA SOGS PA ZHES BYA BA NI DE'I BDAG NYID BZHIN DU THUN MONG MA YIN PA'O ZHES DGONGS PA'O, ,MTSAMS SBYOR BA NI LOG PAR RTOGS PA MA YIN PA'O, ,DER SNANG MIN NI THA DAD PA MA YIN PAR SNANG BA DAG GI'O, ,THA MI DAD PA'I BLO NI 'DRA BA NYID DMIGS PA MA YIN GYI 'O NA CI ZHE NA, DE NYID LA PHYI ROL DE NI MED PA YIN LA DE'I RNAM PA'I BLO'I RNAM PA DANG LDAN PA NI THA DAD PA YIN NA YANG GZHAN YANG RTOGS PAR 'GYUR RO ZHES SNGA MA BZHIN DU THAL BAR 'GYUR BA BSTAN PA NI DE TSE ZHES BYA BA STE, THA DAD PA LA THA MI DAD PAR SNANG BA KHAS BLANGS PA'I DUS NA'O, ,'O NA TE 'DRA BA NYID CES BYA BA NI DE NYID KYI SHES PA'I YUL LA RE RE ZHING KHAS BLANGS PA YIN NA NI MA YIN NO, ,THA DAD PAR SNANG BA YANG THUN MONG BA NYID KYI PHYIR DE'I SHES PA DE YIN PAR BSTAN PA NI DE LTA NA 'O NA ZHES BYA BA'O, ,GANG GI TSE NI GANG GI DUS SU YANG NGO, ,BDEN PA LA YANG THA MI DAD PA LA THA DAD PA'I BLO'I RNAM PA YIN PA'I PHYIR BLO THUN MONG BA NYID DAM THUN MONG MA YIN PA NYID LA YANG SHES PA'I RNAM PA GRUB PO ZHES BYA BA'I DON TO, ,DON DANG LDAN PA'I NYAMS SU MYONG BA'I SEMS

LA DON MED PA'I RNAM PAR DOGS PA MA YIN NAM, JI LTAR SEL BAR BYED CES ZER BA LA GAL TE NA ZHES BYA BA STE, YONG SU BRTAGS PAS ZHES BYA BA NI, SNGO SOGS THA DAD CAN SNANG PHYIR, ,ZHES BYA BA LA SOGS PAS SAM, GNOD PAR BYED PA'I TSAD MA'I STOBS KYIS TE, RNAM PA DE NI DON GYI MIN, ,ZHES BYA BA LA SOGS PA LAS SO, ,NYAMS SU MYONG BA NI RNAM PA DANG BCAS PA YIN TE, DE 'DZIN PA LA DE DANG LDAN PA NYID DU SNANG BA'I PHYIR RO, ,DE'I SHES PA 'DZIN PA CAN NI DE DANG THA DAD PA'I YUL LA 'DZIN PA CAN MA YIN NA YUL DU THA SNYAD 'DOGS PA GANG GIS DE 'DZIN PA CAN DU 'GYUR ZHES BSTAN PA NI DE YANG NI ZHES BYA BA'O, ,CHA GNYIS ZHES BYA BA NI YUL DANG NYAMS SU MYONG BA DAG GO, ,RNAM PA GCIG GIS ZHES BYA BA NI RANG GI RNAM PA'O, ,DE SHES PA YIS ZHES BYA BA NI YONGS SU BRTAGS PA STA SNGON PO'I BDAG NYID NYAMS SU MYONG BA'I RNAM PA'I SHES PA DE LTAR DUS PHYIS YONGS SU BRTAGS PA'I PHYIR RO ZHES BYA BA'I DON TO, ,YUL GYI RNAM PA NYID BZHIN DU 'DZIN PA NYID KYANG SKYE BA'I DUS NA GNYIS KYI RNAM PA NYID DU NYAMS SU MYONG BAR 'GYUR BA MA YIN NAM, DRAN PA NYE BAR DGOD PAS CI ZHIG BYA, NYAMS SU MYONG BA MA YIN PA YANG 'DI DRAN PA MA YIN ZHING DE SHES PA DE'I 'DZIN PA NYID KHO NA YIN NO, , DRAN PA'I RJES KYI DUS LA ZHES, ,'DI NI BRDZUN PA NYID DU GRAGS, ,DE NYID TSE NA 'DI RIG PA, ,DON GYI GO BA SKYE BA YIN, ,DON SHES PA NYID LAS GZHAN DU MI 'THAD PAS DE'I SHES PA RTOGS SO ZHES ZER BA LA DE LTA BUR GYUR PA ZHES BYA BA'O, ,NYAMS SU MYONG BZHIN PA'I SNGON PO NI GZHAN GYIS SGRUB PAR BYED PA MA YIN PA'I PHYIR 'DZIN PA DANG RIG PA'I BDAG NYID KYI PHYIR DE'I BDAG NYID DU GYUR PA'I 'BRAS BU YANG YIN TE, SNGON PO GZUNG BA'O ZHES BYA BAS DE MA YIN PA LAS LOG PAS THA MI DAD PAR MA RTOGS PA LOG PAR RTOG PA RNAMS RTOGS PA YIN NO, ,PHYIS KYI DUS SU DRAN PA LAS, 'DI NI NGES PA MED MA YIN, ,ZHES DGONGS PA'O, ,'BA' ZHIG NI DON GYI RNAM PA DANG BRAL BA RGYAL DPOG PA GANG GI YIN PA DE'I YANG BLO NGO BO RNAM PA MED PA NI BLO GZHAN LAS THA DAD PAR NGES PAR RTOGS PAR BYED PA MA YIN PAR BSTAN PA NI DON GYIS GO BA ZHES BYA BA'O, ,NGES PA GZUNG BYA MIN PA NI RNAM PA

, ,MED PA RTOG PA TZAM YIN PA'I PHYIR SHES PA'I KHYAD PAR LAS BLO RTOGS PA YIN NO, ,THA DAD PAR 'GYUR BA MA YIN PA NI DNGOS PO'I NGO BO YIN PA'I PHYIR RO, ,DES ZHES BYA BA NI GHA NYA ZHES BYA BAS SO, ,DE NI ZHES BYA BA NI KTI NA'O, ,DE LTA YIN NA'O, ,NGES PAR BRTAG PAR BYA BA CI ZHIG YIN ZHES ZER BA LA DE'I PHYIR SNGON PO LA SOGS PA ZHES BYA BA'O, ,CHOS KYI BYE BRAG GIS NI LDOG PAS BYAS PA'O, ,DE'I RNAM PA NYID NI RTOGS PA'I NGO BO'I SNGON PO NYID DO, ,SNGON PO'I SHES PA'O ZHES BYA BA NI THA MI DAD PAR NYAMS SU MYONG BA DANG 'GAL BAR BSTAN PA NI SNGON PO LAS ZHES BYA BA'O, ,NGO BO GCIG NYID YIN NA JI LTAR 'DOD PA'I BLO NYID MED PA YIN GYI MNGON SUM GYI DON NI MA YIN NO SNYAM DU SEMS PA NI GAL TE ZHES BYA BA DANG 'O NA NI ZHES BYA BA'O, ,CI LA BRTEN NAS GANG GI SEL BA YIN ZHES ZER BA LA TSAD MAS GRUB GYUR ZHES BYA BA'O, ,DON NAM BLO YANG RUNG TSAD MAS GRUB PO ZHES BYA BA'I BRTAG PA GNYIS YIN PAR BSTAN PA NI GAL TE DON ZHES BYA BA'O, ,DON GYI PHYOGS LA GNYIS NYID YIN PAR BSTAN PA NI DE LA RE ZHIG CES BYA BA'O, ,BLO NI DON RTOGS PA NYID KYI SHES BYA MA YIN PAR BSTAN PA NI DE BLO DANG LDAN PA ZHES BYA BA'O, ,PHYI ROL LA YANG NYAMS SU MYONG BA'I NYAMS SU MYONG BA NYID DE NYAMS SU MYONG BA MA YIN NAM, GZHAN DU NA NYAMS SU MYONG BA MA YIN PAR ZER BA NI 'ON TE DON YANG ZHES BYA BA'O, ,NYAMS SU MYONG BA'I NYAMS SU MYONG BA DANG, DON NYAMS SU MYONG BA GCIG YIN PAR BSTAN PA NI DE LTA NA ZHES BYA BA'O, ,DE'I RNAM PA CAN NI DON LA NYAMS SU MYONG BA NGES PAR BYED DO ZHE NA, DON NI ZHES BYA BA'O, ,NGES PA'I RNAM PA NI RNAM PA'I SGO NAS DON LA NYAMS SU MYONG BA NGES PAR BYED PAS NYAMS SU MYONG BA NYID NGES PAR BYED PA MA YIN PAR BSTAN PA NI DKAR PO LAS NI ZHES BYA BA'O, ,NGES PA MED NA NYAMS SU MYONG BA LA RNAM PAR RANG GI NGO BO LAS NGES PAR BYED CING NGES PA'I 'PHEN PAR BYED KYI NGES PA NI MA YIN TE, RNAM PA MED PA NYID DU KHYAD PAR MED PA'I PHYIR RO ZHES BYA BA'I DON TO, ,DE'I RNAM PA TZAM LAS BYUNG BA NI DE'I MTHAR THUG PA YIN PA'I PHYIR DON ZHIG PAR 'GYUR RO SNYAM DU SEMS PA LA SKAD CIG NYID SOGS ZHES BYA BA SMOS

TE; THA MI DAD PA NYID DU NGES PA'I YUL DE ZHIG PA MA YIN NO ZHES BYA BA'I DON TO, ,NGES PAS KYANG RNAM PA DANG PHYI ROL THOB BYA'I NYAMS SU MYONG BAR BYED PA YANG DE LAS NGES PAR BYED PA MA YIN PAR BSTAN PA NI DE PHYIR ZHES BYA BA'O, ,RTOGS PAR BYED PA'I BLO NI SPYIS YIN TE, DE'I RGYU NYID NI KHYAD PAR LAS YIN NO ZHE NA DES NA ZHES BYA BA SMOS SO, ,RGYU NYID KYIS RTOGS BYA BA NYID DBANG PO LA YANG YIN TE, RGYU NYID KYIS ZHES BYA BA YANG BLOS BYAS PA YIN GYI DNGOS SU BA'I 'BREL PA LA RAG LAS PA NI MA YIN TE, GZHAN DU YANG YOD PA'I PHYIR MTHONG BA LAS GZHAN DU GRUB PA YIN NO ZHES BYA BA'I DON TO, ,RNAM PA GNYIS NYID YIN NA GZUNG BA DANG CIG SHOS KYI BDAG NYID KYIS THA DAD PA MA YIN NAM, RNAM PA DAG NYID DE LTA BU YIN NO ZHES ZER BA LA YANG NA ZHES BYA BA'O, ,RNAM PA GCIG GI NGO BO KHYAD PAR GANG GI YIN PA DE'O, ,KHYAD PAR LHAG PA CAN MA YIN PA NYID KYANG 'DIR KHYAD PAR BYED PA YIN PAR BSTAN PA NI GCIG GIS ZHES BYA BA'O, ,'DI LA GCIG SNANG BA YIN GYI GZUNG BA LA SOGS PA NYID NI MA YIN NA JI LTAR RNAM PA GNYIS NYID YIN ZHES ZER BA LA CHA GNYIS LA NI ZHES BYA BA STE KHYAD PAR NI DE DANG DE LAS LOG PA YIN LA DES BYAS PA'I RNAM PA GNYIS NYID YIN GYI SNGON PO DANG SER PO BZHIN DU SNANG BA'I DBYE BAS BYAS PA MA YIN NO ZHES BYA BA'I DON TO, ,BDE BA DANG SNGON PO YANG SO SOR SNANG BA MA YIN NAM, JI LTAR GCIG LA RJES SU 'JUG PA YIN ZHES ZER BA LA RTOGS PA DANG SNGON PO'I RNAM PA DAG DBYE BA MED PA'O, ,DE DAG GIS MA YIN PAR BSTAN PA NI DE DAG KYANG ZHES BYA BA STE, DE DAG KYANG GCIG LA GNAS PA'I RIG PA'I RJES SU 'JUG PA'I PHYIR THA MI DAD PA NYID KYI PHYIR ZHES BYA BA'I DON TO, ,RANG GI RIG PA YIN LA SNGON PO NI RIG PAR BYA BA YIN PAS SO SO BA MA YIN NAM ZHES ZER BA NI GAL TE RNAM PA GNYIS ZHES BYA BA'O, ,GZHAN DU NA ZHES BYA BA NI THA DAD PA YIN NA'O, ,DE RNAM CAN MIN NI THA DAD PA'I PHYIR GZHAN GYI RNAM PA CAN THA MI DAD PA SNGON PO'I RNAM PA CAN NO, ,SHES LA NI DRAN PA LA JI LTAR GNAS PAR 'GYUR RO, ,DRAN PAR MI 'GYUR RO ZHES BYA BA'I DON TO, ,RTOGS PA'I SNGON PO DRAN BZHIN PA NI LDOG PA LAS TSUL GNYIS PAR BRJOD DO ZHES ZER BA NI GAL TE BDAG NYID DE'I RNAM PAR

, ,ZHES BYA BA'O, ,NYAMS SU MYONG BA DANG YUL GNYIS NYAMS SU MYONG BA DRAN PA MA YIN NAM, GCIG LA RNAM PA GNYIS JI LTAR 'DOD CES ZER BA LA 'DI LTAR PHYI MA PHYI MA'I ZHES BYA BA'O, ,RTOGS PA'I SNGON PO LAS GZHAN PA RANG GI NGO BO MA RTOGS PA MCHOG TU 'DZIN PA LA SNANG BA MA YIN TE, DE LTAR DE LA MCHOG TU 'DZIN PA YIN NA 'DI NYID GSUM DANG BDAG NYID CES BYA BA LA SOGS PA THA DAD PAR 'GYUR BA'I PHYIR RGYUN GYI LEGS PAR MTSON PA RMONGS PA'I GNAS MA YIN ZHES BYA BA'I DON TO, ,NGA LA CI ZHIG YOD PAR GYUR ZHES RGYUN MCHOG TU 'DZIN NA MI SNANG BA MED PAR BSTAN PA NI GDON MI ZA BAR ZHES BYA BA'O, ,RE ZHIG 'DI LTAR RNAM PA RNAMS, ,SPROS DANG LDAN PAR MTHONG BA MIN, ,ZHES BYA BA YANG MI RIGS SO, ,RGYU MED PHYIR NA 'JIG RTEN PA, ,DPYOD PAR BYED PA MI 'DOD KYI, ,STOBS DANG STOBS MIN SOGS BSGRUB PHYIR, ,RIGS PAR SHES RNAMS DPYOD PAR BYED, , MA DPYAD PAR NI GNYIS SAM CIG SHOS SU YANG ZHES BYA BAR NGES PAR MA YIN NO ZHES BYA BA'I DON TO, ,'DI NYID CES BYA BA NI RNAM PA GNYIS CAN GCIG YIN PA'O, ,RGYUN GYI YONGS SU BRTAGS PA DE NYID MTSON PA'I THABS YIN PAR BSTAN PA NI DON GYI NGO BOS ZHES BYA BA'O, ,DE'I ZHES BYA BA NI DANG PO'O,, DON GYI NGO BOS NI DON GYI NGO BO DANG LHAN CIG PA'O, ,DE'I ZHES BYA BA NI SHUGS KYIS RANG GI NGO BO'O, ,DE'I PHYIR RNAM GNYIS ZHES BYA BA STE RNAM PA MED PA DANG, RIG PA'I BDAG NYID MA YIN PA YANG DE LTA BU'I KHYAD PAR GYI YUL MA YIN NO ZHES BYA BA'I DON TO, ,YUL DU THA SNYAD 'DOGS PA NI, ,SHES LA DES RTOG MED NA MIN, ,DE PHYIR SHES BDAG NYID GCIG LA, ,GZUNG BYA THA DAD RGYU MTSAN NI, ,RIG PA'I DBYE BA 'GRUB 'DI LA, ,RNAM GZHAG NGED LA CI ZHIG DGOS SNYAM DU SEMS PA NI, 'ON TE GNYIS PAS ZHES BYA BA'O, ,BSRE BA NI RIG PAR BYA BA DANG, RIG PAR BYED PA DAG THA DAD PAR SHES PA DAG GCIG TU BYED PA'O, ,'KHRUL PA YIS ZHES BYA BA NI BSRE BA'I BSHAD PA'O, ,'DI LA RGAL BA NI DON 'BRAS NYID KYIS ZHES BYA BA YIN LA, DE RJES SU BRJOD NAS BSTAN PA NA SNANG BA DANG ZHES BYA BA STE, 'BREL PA MED PA YUL NYID YIN NA NI THAL CHES PA'I PHYIR RGYU MA YIN ZHING, RGYU YANG RNAM PA KHAS MI

LEN NA DE DAG TZAM YIN PAS SNANG BA DANG YID LA BYED PA LA YANG 'GYUR TE DRAN PA LA YANG NYAMS SU MYONG BA LA BAG CHAGS KYIS SKYED PAR BYED PA YIN ZHING DMIGS PA YANG RNAM PA MED NA SKED PAR BYED PA TZAM YIN NO, ,BYED PA PO NYID KYANG DON LA KHYAD PAR CAN DU SKED PAR BYED PA YIN GYI KHYAD PAR CAN LAS GZHAN SHES PA NI MA YIN NO, ,SKYED PAR BYED PA YANG DBANG PO LA SOGS PA NYID DANG SNANG BA YANG SKYED PAR BYED PA NI THAL CHES PA'I YUL YIN GYI GZUGS KYI BDAG NYID NI MA YIN TE YID LA BYED PA LTA BU'O ZHES BYA BA'I DON TO, ,RTOGS PA'I TSAD NYID PHUL DU BYUNG BA RTOGS PAR BYA BA SHES PAR BYED PA PO NYID KYI NGO BO BDAG GI 'GYUR BA NI SHES PA YIN NO SNYAM DU SEMS PA LA GZUGS LA SOGS PA'I ZHES BYA BA SMOS SO, ,RANG GI RIG PA'I RTOGS PA'I NGO BO LAS GZHAN PA SHES PA MA YIN TE, RANG GI RIG PA'AM GZHAN YANG ZHES BYA BA NI LOG PAR RTOGS PA YIN TE, 'BRAS BU'I SHES PA 'DZIN PA'AM DRAN PA YIN NA DE'I BDAG NYID MA YIN PA'I DON LA DE DAG YOD PA MA YIN TE THAL CHES PA'I PHYIR RO ZHES DGONGS PA'O, ,DE MI 'DZIN NA 'DZIN PA LAS NI DE'I 'BRAS BU MA YIN PA YIN TE DE'I 'BRAS BU YANG DE LTAR MTHONG BA'I PHYIR RO ZHES BSTAN PA NI, DE BZHIN 'BRAS BU THAMS CAD KYANG, ,ZHES BYA BA'O, ,SHES PA LA DON GYI BSKYED BYA DBANG PO LA SOGS PA LA MI SRID PA'I 'BREL PA CUNG ZAD YOD PA YIN GYI DON GYI RNAM PA NI MA YIN LA, DE NYID KYI DON 'DZIN PA YIN NA RNAM PA'I BRTAGS PAS CI ZHIG BYA ZHES ZER BA NI 'ON TE BYA BA LA SOS PA'O, ,DON DANG 'DRE BA BSTAN PA NI KHYAD PA CAN NYE BA YIN NO, ,DON GYI RNAM PA NI DON GYI BSKYED BYA NYE BA STE DON GYI RNAM PA NYID KHO NA YIN PAR BSTAN PA NI 'DRA BA LAS ZHES BYA BA'O, ,DON LAS DE'I RNAM PA CAN NYID NYE BA YIN LA, DBANG PO LA SOGS PA LAS NI RNAM PA MED PA NYID KYI SKAL BA NI RANG GI RGYU BRGYUD PA LAS 'ONGS PA YIN GYI, DE MA YIN PA'I NGO BO 'DZIN PAR BYED PA NI MA YIN TE, SHES PA YOD NA DON DE'I YUL DU 'GYUR RO ZHES BYA BA YANG DE'I RNAM PA 'DI KHO NA YIN NO ZHES BYA BA'I DON TO, ,MED PAR MI 'DZIN PA ZHES BYA BA NI DE'I BDAG NYID DO, ,SNGON PO'I SHING ZHES BYA BA NI THAG RING BA'I KHYAD PAR LA'O, ,DE'I 'BRAS BU NYID KYIS SHES PA DRAN PAS DON DRAN PA MA YIN PA DE LTA NA CIR 'GYUR

, ,ZHES ZER BA LA DANG PO ZHES BYA BA SMOS TE, DANG PO GCIG GI SHES PA TZAM GYIS GZUNG BA LA'O, ,RNAM PA MED PA NYID DANG RANG GI RIG PA MA YIN PA NYID DAG GIS DANG PO BA GNYI GA'I RANG BZHIN NYID MA YIN NA 'BYED PAR 'GYUR BA MA YIN TE THA DAD PAR MI 'GYUR BA'O, ,NGES PAR 'DZIN PA'I SEMS KYIS ZHES BYA BA NI NGES PAR DPYOD PA'I SEMS KYIS TE, DANG PO'I SHES PA TZAM DANG GNYIS PA GZHAN YANG RANG GI 'DZIN BYED LA SNANG BAR 'GYUR RO ZHES BYA BA'I DON TO, ,NGES PAR 'DZIN PAR MI BYED PA SU ZHIG GIS YIN ZHES ZER BA LA GNYIS PA NGES PAR 'DZIN PA YI ZHES BYA BA'O, , PHAN TSUN THA DAD PA KHO NA SHES PA SNANG BA MA YIN TE, RNAM PA'I KHYAD PAR NYAMS SU MYONG BA MA YIN PAR BSTAN PA NI DON BSRE BA DANG 'BREL PA CAN TE, LDAN PA SNGON PO'O ZHES DON DANG BSRE BA DANG LDAN PA YIN GYI RNAM PA MED PA'I SHES PA NYAMS SU MYONG BA NI MA YIN TE, RNAM PA NYID MNGON SUM PA YIN PA'I PHYIR RO; ,RIG PA TZAM GYI RTOGS BYA RNAM PA DANG BCAS PA MA YIN GYI 'ON KYANG MNGON SUM YIN TE, RIGS PAS DPYOD PA YIN NO ZHES BYA BA'I DON TO, ,DE'I PHYIR NI RIGS PA'I PHYIR RO, ,DON GYI RNAM PA CAN YIN PA'I PHYIR ZHES BYA BAS YUL GYI YUL CAN GYI RIGS PA BSTAN PA YIN NO, ,'BREL PA NI NGO BO YIN GYI NGES PAR 'DZIN PA NI MA YIN NO, ,RNAM PA MED PA LA NI DE'I TSE BDAG GIS DON GANG YANG 'DZIN PA YIN PAR MI DRAN NO ZHES GZUNG BA'I NGO BO DANG BRAL BA'I 'DZIN PA SKYE BA DRAN PA BYED PA DE'I PHYIR 'GAL BA'AM MA NGES PA YIN NO SNYAM DU SEMS PA NI GAL TE 'BA' ZHIG CES BYA BA'O, ,CI ZHIG BZUNG ZHES BYA BA NI GZUNG BA DANG 'DZIN PA'I SPYI LA NGES PA YIN GYI DE DAG GI KHYAD PAR LA NI THE TSOM ZA BA YIN TE, GCIG LA MA NGES PAR ZER BA LA BZUNG LA ZHES BYA BA STE, NGES PAR 'DZIN PA DANG CIG SHOS DAG THA DAD PA NI MA YIN NO ZHES BYA BA'I DON TO, ,DER NI ZHES BYA BA NI 'DZIN PA LA SHES PA 'BA' ZHIG PA NYID NI 'DZIN PA NYID DANG 'GAL BA YIN PAR BSTAN PA NI GAL TE ZHES BYA BA'O, ,GZHAN NYID DU GYUR PA ZHES BYA BA NI NYAMS SU MYONG BA'I DUS SU'O, ,DE LTA BUR GYUR PA NYID NI 'DZIN BYED MA YIN PA NYID DO, ,DE KHO NA LTAR NI 'DZIN PA NYID KYIS SO, ,DE'I PHYIR NI 'DZIN PA'I PHYIR RO, ,DE ZHES BYA BA

NI GZUNG BA'O, ,DE'I PHYIR 'BA' ZHIG NYID 'DZIN PA NYID MA YIN PAR THAL BAR 'GYUR BA'O, ,DE LA BRTEN PA NI GZUNG BA LA BRTEN PA'O, ,DBYE BAR MI NUS PA ZHES BYA BA NI DRAN PAS SAM NYAMS SU MYONG BAS THA MI DAD PAR RTOGS PA'I PHYIR RO, ,DANG POR RANG BZHIN GNYIS MIN NA, ,ZHES BYA BA LA YANG SNGON PO LA SOGS PA'I GZUNG BA'I STOBS KYIS GZHAN LAS 'BYED PA NYID MA YIN NAM ZHES ZER BA LA GZHAN DU ZHES BYA BA'O, ,GAL TE YANG ZHES BYA BA 'DI NYID KYI BSHAD PA NI DE SKAD DU YANG ZHES BYA BA STE, SHES BYED BSTAN PA NYID NI GZUNG BA'I YUL MA YIN PA NYID LA, DE LA NGES PAR 'DZIN PA MA YIN PA'I PHYIR LA DE'I 'DZIN PA LA SOGS PA YANG 'BYED PA NYID YIN NO ZHES BYA BA'I DON TO, ,THAG RING PO'I DON GYI RNAM PA LAS KYANG SKYE BA NI DE'I RNAM PA CAN DANG DE'I 'DZIN BYED DU YANG 'GYUR BAR BSTAN PA NI DE'I ZHES BYA BA STE, DON GYI RNAM PA CAN GYI SHES PA DE LAS TE DANG PO LAS SO, ,SHES PA DANG SHES BYA THA DAD PA YANG PHAN TSUN LTOS PA'I SHES PA YOD PA CAN NI GZHAN DU BYA BAR MI NUS SO SNYAM DU SEMS PA NI 'ON TE SHES PA ZHES BYA BA'O, ,CI LAS SHE NA DE LAG NAS PA NYID CES BYA BA SMOS SO, ,DES NA ZHES BYA BA NI NYE BAR BSDU BA'O, ,SHES PA DANG SHES BYA DAG LHAN CIG PA NYID KYI NGO BO DANG DMIGS PA YANG YUL DANG YUL CAN GYI NGO BO YIN PA'I PHYIR RO ZHES BYA BA'I DON TO, ,THA DAD PAR MI RIGS NA YUL LA SOGS PA NYID LHAN CIG PA NYID KYANG MI RIGS PAR BSTAN PA NI GNYIS DAG CES BYA BA'O, ,DBANG PO LA SOGS PA NYID KYI BLO NI SNGON PO RTOGS PA LA SOGS PA'I NGO BOS SHUGS KYIS GZHAN YIN PAR ZER BA LA SNGON PO'I RNAM PA ZHES BYA BA'O, ,SNGON PO MTHONG BA NA BDE BA MTHONG BA NI SHES PA NYID MA YIN PAR KHAS BLANGS PAR BSTAN PA NI BDE BA LA SOGS PA'I NGO BOR NA ZHES BYA BA'O, ,BDE BA'I SHES PA YANG GZHAN GYI 'DZIN BYED MA YIN TE KHYAD PAR MED PA'I PHYIR RO ZHES BSTAN PA NI JI LTAR ZHES BYA BA'O, ,DE MED KYANG NI 'DZIN BYED NYID MED NA YANG NGO, ,BDE BA LA SOGS PA GZHAN GANG YANG RUNG BA MA YIN TE, DE DMIGS NA GDON MI ZA BAR DMIGS PA'I PHYIR RO, ,GANG ZHIG CES BYA BA NI SNANG BA'O, ,GANG MED PAR YANG ZHES BYA BA NI 'DZIN PA NYID MED PAR YANG NGO, ,DES BYAS PA NI 'DZIN PA NYID BYAS PA'I 'DZIN PA STE, BDE BA LA

, ,SOGS PA 'DZIN PA'I NGO BO ZHES BYA BA'I DON TO, ,RANG GI NGO BO KHYAD PAR GYIS NI SNANG DU RUNG BAS SO, ,BYAS PA NI RAB TU SBYAR BA'O, ,DE MED PAR NI GZHAN GYI SEMS LA'O, ,SNGON PO LA SOGS PA LKOG TU MA GYUR PA NYID NI DANG PO'I SHES PA LA GNYIS PAR NGES PAR RTOGS PA NI LKOG TU MA GYUR PA NYID 'DZIN PA YIN ZHES BYA BA'I DON TO, ,LKOG TU MA GYUR PA'I SNGON PO DANG LHAN CIG 'BYUNG BA'I BDE BA RNAM PA MED PA TSOGS PA GCIG LAS 'BYUNG BA NI 'DI NYID 'DZIN PA YIN NO SNYAM DU SEMS PA LA GYUR PA YIN DU ZIN KYANG ZHES BYA BA SMOS SO, ,YUL DU MA SHES PA GCIG LA RKYANG PA BZHIN DU SNANG BA NI BDE BA DANG SNGON PO LA SOGS PA RANG GI RIG PA GCIG GI KHONGS SU GTOGS PA NI GCIG YIN TE, RNAM PA LTA BU'O ZHES BSTAN PA NI NGES PAR ZHES BYA BA'O, ,CIG CAR DU NI RANG RIG PA GCIG GI KHONGS SU GTOGS PA'O, ,NGES PAR ZHES BYA BA NI SO SO BA MA YIN PAR DMIGS PA LAS THA MI DAD PA'I DMIGS PA NYID DO, ,LHAN CIG TU ZHES BYA BA NI RKYANG PA RIG PA NYID NI GCIG NYID MA YIN TE RKYANG PA NYID KYI PHYIR RO, ,DU MA MA YIN TE RIG PA GCIG GI KHONGS SU GTOGS PA'I PHYIR RO, ,DU MA BZHIN GCIG MA YIN TE RIG PA GCIG GI KHONGS SU GTOGS PAS GCIG NYID DU NGES PA'I PHYIR RO ZHES BSTAN PA NI YUL NI ZHES BYA BA'O, ,THA MI DAD PA NYID RKYANG PA YIN PA'I PHYIR THA DAD PAR THA SNYAD 'DOGS PA LA BRTEN PAR MTHONG BAR BSTAN PA'I RNAM SHES 'KHRUL PAS ZHES BYA BA'O, ,THA DAD PA'I BAG CHAGS KYI SNYING PO CAN YIN PA'I PHYIR RNAM SHES 'KHRUL PA GANG DAG GI YIN PA DE DAG GIS MTHONG BA STE, THA DAD PA'I YUL GYI MTHONG BA SRID PA'O, ,ZLA BA'I NI RAB RIB CAN LA SNANG BA'O, ,GNYIS MED PAR ZHES BYA BA NI RIG PA GCIG GI KHONGS SU GTOGS PA'I PHYIR RO, ,DE THA DAD PA'I BAG CHAGS YIN NA RGYUD GZHAN LTA BU'I TSUL DU THAL BAR 'GYUR BA'I PHYIR RO, ,GCIG NYID LA NI RIG PA GCIG GI KHONGS SU GTOGS PA'I PHYIR RO, ,BDAG NYID LA YANG NI RANG RIG PA LA STE DE'I RNAM PA'I KHYAD PAR GYIS KHYAD PAR YIN PA'I PHYIR RO, ,RAB RIB CAN GYI RNAM PA GNYIS LA'AM DE DANG LDAN PA'I MTHONG BA LA MTHONG BA THA DAD PA MNGON PAR 'DOD PA MA YIN PA MA YIN NAM, THA MI DAD PAS DE'I YUL GYI ZLA BA NI

YIN NO SNYAM DU SEMS PA NI GAL TE YUL ZHES BYA BA'O, ,RNAM PAR SHES PA'I RNAM PA THA DAD PA'I PHYIR NI KHYAD PAR YIN PA'I PHYIR 'DI JI LTA BU YIN PA DE LTA BU RAB RIB CAN NI MA YIN NO, ,DE'I BDAG NYID LA NI ZLA BA GNYIS KYI RNAM PA'I SHES PA'I BDAG NYID LA'O, ,DE ZHES BYA BA NI GZHAN NAM RANG RIG GI NGO BO'I'O,, THA DAD PA'I BAG CHAGS KYI SNYING PO CAN GYI MTHONG BA'I BDAG NYID CAN NI DE SKYED PAR MTHONG BAR 'DOD PA'I YUL YIN TE, GZHAN NYID YIN NO ZHES BSTAN PA NI, GAL TE RANG GI NGO BO NI ZHES BYA BA'O, ,GZHAN DU NI GZHAN GYI NGO BO STE RANG GI RIG PA'I BDAG NYID YIN PA'I PHYIR RO, ,'DI NYID KYI PHYIR GZHAN GYI NGO BO YANG RANG GI NGO BOS SHES PAR BYA BA MA YIN TE, GANG GI PHYIR GZHAN GYI NGO BO NI RANG LA YOD PA RNAM PAR BYA BA YIN GYI RNAM PA MED PAS NI MI RIGS SO ZHES BYA BA'I DON TO, ,THA DAD PAR RTOGS PAR NUS PA MA YIN PA NI ZHES BYA BA RANG RIG PA'I KHONGS SU GTOGS PA'I PHYIR RO, ,THA DAD PAR MA RTOGS NA RIGS PA CI YIN ZHES ZER BA LA GAL TE ZHES BYA BA'O, ,RNAM PA SNA TSOGS PA ZHES BYA BA NI BDE BA DANG SNGON PO LA SOGS PA'I BDAG NYID DO, ,GZHAN DU NI DU MA NYID DU'O, ,MI 'THAD PA'I PHYIR RO ZHES BYA BA NI SNA TSOGS PAR NYAMS SU MYONG BA'O, ,ZLA BA GNYIS NI GCIG NYID MA YIN PAR RANG GIS RIG PA MA YIN TE THA DAD PA'I PHYIR RO, ,GZHAN GYIS KYANG MA YIN TE RNAM PA MED PA'I PHYIR RO ZHES BSTAN PA NI RANG DANG GZHAN DAG GIS ZHES BYA BA'O, ,DE'I PHYIR ZHES BYA BA LA SOGS PA NI RTZOM PA NYID KYI TSE BSHAD ZIN TO, ,THA DAD PA DRAN PAR BYA BA YANG SNGON PO DANG SER PO GCIG TU DMIGS PAR MTHONG BA MA YIN NAM ZHES ZER BA LA DE LTA NA 'O NA ZHES BYA BA NI STE, THA MI DAD PAR 'DZIN PA DE YANG RKYANG PA LA DMIGS PA'I PHYIR GCIG NYID YIN LA THA DAD PAR 'DZIN PA'I DRAN PA NI 'KHRUL PAS SO, ,DE LTA BU'I RIG PAR BYED PA LAS SNGON PO'I RIG PA MA YIN TE RIG PA NYID KHO NA MI DRAN NA DE MI DRAN PA'I PHYIR RO,, NGES PAS ZHES BYA BA YANG 'DI NYID KYI KHYAD PAR BRJOD PA'I CHED DU YIN PAR BSTAN PA NI DE NI DE BZHIN TE ZHES BYA BA'O, ,'DOD NA NI ZHES BYA BA NI 'KHRUL PAS THA DAD PAR RNAM PAR GCAD PA'O, ,'DI LTAR ZHES BYA BA NI NGES PA MED PA'O, ,SNGON PO NI THA DAD PAR DMIGS PA'I SNGON PO STE RKYANG PA DMIGS PA YIN

, ,PA'I PHYIR GCIG NYID DU 'GAL BAS SER PO BSAL BA YIN GYI RANG GI DMIGS PA LA NI MA YIN TE, RANG NYID MED PAR THAL BAR 'GYUR RO ZHES BSTAN PA NI SO SOR THA DAD CES BYA BA'O, ,DE BZHIN DU BDE BA DANG SNGON PO DAG GCIG PAR DMIGS PA MA YIN TE, DE DAG NI 'GAL BA DMIGS PA GCIG PAR DMIGS PA'I KHONGS SU GTOGS PA MA YIN PAR DE LTAR BRJOD PA'I PHYIR RO ZHES BSTAN PA NI, ,RTAG PA DANG NI CIG SHOS DAG ,CES BYA BA'O, ,'GAL BA NI PHAN TSUN DMIGS PA LA RJES SU ZHUGS PA MED PA'O, ,GNYIS PA NI BDE BA DANG SNGON PO DAG LA STE, BDE BA NI RANG GI RIG PA'I RTOGS PA YIN PA DE LTA NA YANG RNAM PA DANG BCAS PA YIN NO ZHES BYA BA'I DON TO, ,RNAM PAR DBYE BA MED PA NI RANG RIG PA GCIG GI KHONGS SU GTOGS PA'O, ,DE NYID DANG NI RANG RIG PA DANG NGO, ,RIG PAR BYA BA DANG RIG PAR BYED PA DAG SNGON PO DANG SER PO BZHIN DU THA DAD PAR RIG PA MA YIN PAR BSTAN PA NI MYONG BA MED PAR ZHES BYA BA'O, ,RANG GI RIG PA GCIG LA RJES SU ZHUGS PA YIN PAR BSTAN PA NI 'DI LTAR ZHES BYA BA'O, ,BDE BA DANG SNGON PO DANG DE NYID KYI PHYIR THA DAD PAR SNANG YANG THA MI DAD PA'AM THA DAD PA'I 'BRAS BU MED PA'I PHYIR RO ZHES BSTAN PA NI THA DAD PAR NI ZHES BYA BA'O, ,THA DAD RIG PA ZHES BYA BA NI DE SNYED LA SOGS PA'I THA DAD PA NYID KYI KHYAD PAR RO, ,RIG PA LAS BZHIN DU SER PO LAS KYANG SNGON PO THA MI DAD PA'I RIG PA CAN GCIG NYID YIN PAR BSTAN PA NI BLANG BYA DANG ZHES BYA BA'O, ,DUS GZHAN LA THA DAD PAR RIG PA NI GZHAN NYID YIN PAR BSTAN PA NI DE'I TSE ZHES BYA BA'O, ,THA DAD PA DANG THA MI DAD PA RIG PA'I SER PO GCIG TU BRTAGS NAS MA NGES PA'I 'KHRUL PA YIN PAR BSTAN PA NI THA DAD PA'I ZHES BYA BA'O, ,DE'I PHYIR ZHES BYA BA'I RNAM 'GREL GYI DON NI GCIG DMIGS PA'I RANG BZHIN DU GZHAN LA'ANG KHYAD PAR MED PA YIN TE, GZHAN DU NA 'DI LA YANG 'GYUR RO ZHES BYA BA'I DPYAD PA TZAM YIN NO ZHES BYA BA'I DON TO, ,DON SNANG BA YIN NA SHES PA'I RNAM PA NYID THOB PAR 'GYUR NA ZHES PA JI LTAR YIN NGES PA MA YIN NA YANG DE DANG LDAN PA NYID LAS DBYE BA YIN GYI RIG PA LAS NI MA YIN NO SNYAM DU SEMS PA NI SHES PA 'BA' ZHIG CES BYA BA'O, ,RGYU NYID NI SKED PAR BYED PA'O, ,

THA DAD PAR NI KHYAD PAR RO, ,'GYUR BA NI SHES PA'I RNAM PA'I KHYAD PAR LAS SO ZHES RJES SU DPOG PA NI DON GYI NUS PA YIN TE, DE'I RNAM PA MA YIN PA NYID THOB PAR 'GYUR BA'I PHYIR RO, ,RANG GI RNAM PA LA DON DU LHAG PAR MOS PA'I PHYIR SRID PA'AM, DE MI 'DZIN NA 'BREL PA MI 'DZIN PAS SRID PA NI MNGON PAR 'DOD PA TZAM YIN PA'I PHYIR LA DE NYID KYI NA SNGON PO 'DI ZHES SHES PA LA, PHYI ROL SNGON POR NGES RTOG YIN, ,ZHES BYA BA'I DON TO, ,SRID PA LA YANG RGYU MTSAN MED PAR THAL BAR 'GYUR PHYIR RGYU MTSAN BSTAN PA NI RGYU GZHAN DAG NI ZHES BYA BA'O, ,LDOG PA TZAM LAS 'JUG PA YIN, ZHES BYA BA NI SPYI MTHONG BA'I MTSAN NYID DO, ,'O NA DE ZHES BYA BA NI RNAM PA GNYIS NYID DON YIN NO ZHES BYA BA'I 'GAL BA'O, ,DE'I RNAM PA ZHES BYA BA NI MNGON SUM GYI RNAM PA DANG 'DRA BA NYID YIN GYI RJES SU DPAG PA LA NI DE'I RNAM PA DANG 'DRA BA MED DO ZHES BYA BA'I DON TO, ,'DIR NI RIG PA TZAM LA'O, ,GNAS PA'I PHYOGS ZHES BYA BA NI DOGS NAS ZHES BYA BA'I DON TO, ,STON PA NI ZHES BYA BA NI GRUB MTHA'O ZHES BYA BA RGYAL BA CAN GYI'O, ,'DIR MA YIN NO ZHES BYA BA PHYI ROL MA GRUB PA YIN NO ZHES BYA BA NI GZHAN DAG GI'O, ,MTSUNGS PA DE MA THAG PA'I RKYEN NI SNA TSOGS PA'I RNAM PA CAN RMI LAM MTHONG BA NI DE'I RNAM PA SKYED PAR BYED PA MTHONG BA YIN GYI RNAM PA MED PA'I NYID GRUB PA MA YIN TE, SEMS 'KHRUGS PA TZAM 'BRAS BU YIN PA'I PHYIR RO ZHES BSTAN PA NI GANG GI TSE ZHES BYA BA'O, ,GRUB PA BZHIN DU DON DANG BRTAG PAR BYA BA MA YIN TE, 'BRAS BU LA KHYAD PAR MED PA'I PHYIR RO ZHES BSTAN PA NI MTHONG BA'I ZHES BYA BA STE, 'BRAS BU'I KHYAD PAR RO, MA MTHONG BA NI 'BRAS BU MA MTHONG BA'O, ,THAG RING BA LA SHING GI RNAM PA NI SHES PA YIN TE GSAL BA'I DON NI MA RTOGS PA STE, MA RIG PA BAG CHAGS MA GTOGS PAR DE YIN TE, DES 'GA' NYAMS SU MYONG BA YIN PA'I PHYIR RO SNYAM DU SEMS PA LA GAL TE PHYI'I ZHES BYA BA'O, , THAG RING PO NA SHES PA'I RNAM PA MTHONG BA NI GANG GI TSE GZHAN DU MTHONG BA DE NYID MTHONG BA NYID YIN GYI BAG CHAGS MA GTOGS PA YIN PAR BSTAN PA NI MA YIN TE DER YANG ZHES BYA BA'O, ,DPYOD PA PO DAG GIS DE LTAR SHES KYI THA SNYAD BYED PA PO NI MA YIN TE, DGOS PA MED PA'I PHYIR RO ZHES BSTAN PA

, ,NI DPYAD PA ZHIB MO ZHES BYA BA'O, ,RTOGS PA MA YIN PA NI DPYAD PA DMAN PA STE DPYOD PAR MI BYED PAS DE'I RNAM PA LA BDAG GIS SNGON PO MTHONG NGO ZHES THA DAD PAR RTOG PA'I PHYIR RO, ,DON YOD NA LHAN CIG BYED PA RNAMS KYIS SGRO BTAGS PA'I KHYAD PAR CAN NYE BAR LEN PA'I 'BRAS BU'I RGYUD THA DAD PAR BYED PA MA YIN TE, RTAG TU TSOGS PA'I TSOGS PA DANG BRAL BA'I PHYIR BDAG TU LTA BA PHYIN CI LOG PA DANG DE DANG RJES SU MTHUN PA'I 'JUG PA NI BDAG 'DI BYED DO ZHES SROG GCOD PA LA SOGS PA MI 'DOD PA'I 'BRAS BU CAN NI, 'DOD PA'I 'BRAS BU BYED PA MA YIN PA'I PHYIR LOG PA'I SHES PA LA 'JUG PA BZHIN DU DE LA YANG 'DOD PA'I NGA RGYAL GYI GNAS NYID 'THOB PA MA YIN TE, DBANG PO'I DON TZAM NYE BA YIN PA'I PHYIR LA, BDAG MED PAR LTA BA PHYIN CI MA LOG PA DANG DE DANG RJES SU MTHUN PA'I SBYOR BA LA SOGS PA 'DOD PA'I 'BRAS BU DANG LDAN PA NI YANG DAG PA'I SHES PA BZHIN DU 'DOD PA 'THOB PAR BYED PA YIN LA, SHES PA TZAM DU DBYE BA MED PA'I PHYIR DGE BA DANG CIG SHOS KYI RNAM PAR DBYE BA MED DO SNYAM DU SEMS PA NI GAL TE PHYI ROL GYI DON ZHES BYA BA'O, ,RNAM PA'I KHYAD PAR LAS NGES PA YIN NO ZHES BYA BA'I MI RIGS TE, ,SER PO LAS KYANG SNGON PO MTHONG BA'I PHYIR RO ZHES BYA BA NI PHYI ROL MED NA ZHES BYA BA'O, ,SER PO NI PHYI ROL TE PHAN TSUN RGYU NYID LA NI NGES PA MED DO, ,LHAN CIG BYED PA'I DON NI SNGON PO'I SNANG BA LAS SER PO DANG LHAN CIG BYED PA LAS SER POR SNANG BA YIN LA, SER PO'I SNANG BA LAS KYANG SNGON PO DANG LHAN CIG BYED PAS SNGON PO'I SNANG BA YIN NO, ,DE DAG LAS NGES PA MED PAR GSAL BAR BYED PA NI RNAM PAR SHES PAR SMRA BAS NI ZHES BYA BA'O, ,MYU GUR ZHES BYA BA NI SKYE BA'I DBANG DU BYAS PA'O, ,RING DU SPANGS PA NYID DO ZHES BYA BA NI 'BRAS BU LA SOGS PA NYID MED PA'I PHYIR DANG, LKOG TU GYUR PA'I RJES SU DPAG PAR BYA BA MED PA'I PHYIR RO ZHES BYA BA'I KHYAD PAR LAS SO, ,LHAN CIG BYED PA RNAMS KYIS SGRO BTAGS PA'I KHYAD PAR CAN GYI RGYU DANG 'BYED PAR BYED PA NI NYE BAR LEN PA NI PHYI ROL LAM SHES PA LA YANG KHYAD PAR MED DO, ,DE BZHIN DU MI SLU BA DANG LDAN PA NI TSAD MA YIN GYI CIG SHOS NI MA YIN NO, ,RNAM PA DANG BCAS PA'I SHES PA NI THA DAD PA'I YIN GYI RMONGS PA DANG CIG SHOS LAS BYUNG

BA'I RTOGS PA TZAM NI MA YIN TE, BSOD NAMS DANG CIG SHOS KYANG NGO ZHES BYA BA LA SOGS PA'I RNAM PAR DBYE BA SHIN TU RNYED PAR SLA BA YIN PAR BSTAN PA NI SA BON LAS ZHES BYA BA'O, ,RNAM PA DANG BCAS PA'I SHES PA NI NGES PAR BYED PA YANG YIN LA, GZHAN YANG SNGON PO'I BAG CHAGS KYIS SNYING PO CAN GYI SER PO LAS KYANG SNGON PO LAS SNANG BA NGES PA YIN NO, ,SAD PAR BYED PA YANG DMIGS PA LA LHAN CIG BYED PA BZHIN DU DMIGS PA KHA CIG LA RMI LAM DU MTHONG BA YIN TE, GNYID SNA TSOGS PA YIN YANG BAG CHAGS SNA TSOGS PA SAD PA LAS BYUNG BA YIN NO, ,PHYI ROL DU SMRA BA YANG 'DI SPONG BAR BYED PA MA YIN ZHING, 'DI LA SEMS KYI GNAS SKABS KYI KHYAD PAR YANG 'BRAS BU'I NUS PA CAN GYI RIGS PA MED NA NYE BAR MTSON PAR BLA BA'I SAD PAR BYED PA NYID MA YIN NO ZHES BYA BA'I DON TO, ,NGES 'BREL PA'I NI 'BREL PA NGES PA TZAM GYI'O, ,PHYI ROL DANG RNAM PAR RIG PA DAG GI TSUL MTSUNGS PA YIN YANG RNAM PAR RIG PA LA YON TAN CI YOD NA GANG GIS JI LTAR MNGON PAR 'DOD PA'I PHYI ROL TSUR BRGYUD NAS 'ONGS PA BSGOMS NAS DE SMRA BAR BYED CES ZER BA LA SNANG BA NYID KYIS ZHES BYA BA STE, RNAM PA'I KHYAD PAR DANG LDAN PA'I SHES PAS SO, ,DGOS PA NI GRANG BA MED PAR BYED PA LA SOGS PA'O, ,SNANG BA'I RGYU SNANG BZHIN PA MA YIN PA'I DBANG PO LA SOGS PA YANG YOD PA MA YIN NAM ZHES ZER BA LA MI SNANG BA'I YOD KYANG ZHES BYA BA STE, DE YANG MTHONG BA'I BAG CHAGS MA GTOGS PA TSAD MA'I YUL MA YIN ZHES BYA BA'I DON TO, ,DMIGS PA NYID CES BYA BA NI RGYU DANG RGYU CAN GYI BDAG NYID DO, ,RGYU NI BAG CHAGS YIN LA DES NA PHYI ROL MED KYANG DE NGES PA YIN PAR BSTAN PA NI PHYI'I DON NO ZHES BYA BA'O, ,DE YANG PHYI ROL DU BA MED NA ZHES BYA BA'O, ,'GYUR RO ZHES BYA BA NI BAG CHAGS KYI NGES PA LAS SO, ,PHYI ROL SNANG BZHIN PA MA YIN PA YANG 'GAL BA MED DO ZHES BYA BA YANG MI RIGS TE, MED PA NYID DU 'GAL BAR 'GYUR RO ZHES BYA BA LA SOGS PA KHYAD PAR YIN PAR BSTAN PA NI, ,GAL TE DON DE SU LA YANG, ,ZHES BYA BA'O, ,GRUB NA ZHES BYA BA NI MA DMIGS BZHIN PA'I GNAS SKABS NA YANG 'BRAS BU NYID LA SOGS PA'I KHYAD PAR YOD PA'I PHYIR RO, ,KHA CIG TU MA DMIGS

, ,PA DE DMIGS NA DMIGS BZHIN PA DE'I 'BRAS BU YIN PAS RNAM PAR RTOG PA DE MA YIN PA LAS LOG PA'I YUL CAN YIN PA'I PHYIR KHYAB PA YIN NO ZHES ZER BA NI 'ON TE GCIG NYID DU ZHES BYA BA'O, ,KUN RDZOB TU NI DE MA YIN PA LAS LOG PAS SO, ,GZHAN ZHES BYA BA NI RGYUD GZHAN LAS 'BYUNG BA'I PHYIR RO, ,'DI NI MTSUNGS SO ZHES BYA BA NI DE LAS GZHAN GYIS DMIGS PA'I PHYIR RO, ,RANG LA SNANG DU RUNG PA DANG CIG SHOS LA SNANG DU RUNG BA DAG GCIG PA NYID DU SGRO 'DOGS PAR NI PHYI ROL DU SMRA BA DANG CIG SHOS LA MTSUNGS PA YIN PAR BSTAN PA NI RNAM PAR SHES PA SNANG BA LA YANG ZHES BYA PA'O, ,MYU GU SNANG BA LA PHYI ROL BZHIN DU SA BON MI SNANG BA NI SGRO BTAGS PAS RGYU YIN NO ZHES NYE BAR SDUD PA NI DES NA ZHES BYA BA'O, ,DE'I NGO BO YANG YIN LA NGES PA YANG YIN ZHING, DE DAG SNANG BA YANG YIN LA, 'BREL PA YANG YIN PA DE DAG GO RIMS BZHIN DU GANG GI YIN PA DE DAG GO, ,'KHRUL PAS GZUNG BA'I MYU GU'I SNANG BA NI PHYI ROL GYIS BON DU SNANG BA'O, ,RNAM PAR 'JOG PAR BYED PA MA YIN TE, BAG CHAGS TZAM LAS BYUNG BA'I PHYIR RO ZHES BYA BA'I DON TO, ,GZHAN SNANG BA LA MI SLU BA CAN GYI RJES SU DPAG PA MA YIN TE, RANG NYID DON BYED PA'I NYAMS SU MONG BA LA DE LTAR BRJOD PA'I PHYIR MA YIN NAM ZHES ZER BA LA GZHAN YANG ZHES BYA BA'O, ,PHYI ROL GYI RJES SU DPAG PA LA YANG SNANG BA MI SLU BA YIN TE, 'JUG PA MED PAR THAL BAR 'GYUR BA'I PHYIR RO ZHES BYA BA'I LAN NI RNAM PAR SHES PA SNANG BA LA YANG MTSUNGS TE, GZHAN GYI SNANG BA'I SEMS PA CAN GYI RJES SU DPAG PA LA GNOD PA MED DO ZHES BYA BA'I DON TO, ,'GYUR NA ZHES BYA BA NI RJES SU DPAG PA LA'O, ,PHYI NAS NYID NI MI SLU BA'I DUS NYID LA'O, ,SNGAR ZHES BYA BA NI RJES SU DPAG PA'I DUS NA'O, ,RNAM PA THAMS CAD CES BYA BA NI MI SLU BA'I DUS KYI'O, ,RTAG TU ZHES BYA BA NI RTOGS PA'I KHYAD PAR RO, ,GCIG NI MI SLU BA'I DANG MTSUNGS PA'I RNAM PA GANG GI YIN PA DE'O, ,GZHAN GYI NGO BO NI DON DAM PA'I NGO BOS SAM SPYI'I RNAM PAS SO, ,DER NI PHYI ROL DU'O, ,DES CI ZHIG BYA ZHES BYA BA NI DGOS PA CAN GYI NGO BO MED PA'I PHYIR RO, ,DE MED NA ZHES BYA BA NI RTOG PAS SGRO BTAGS PA'I PHYI ROL MED NA'O, ,RNAM PAR CHAD PA SKYES ZHES BYA BA NI MI

SLU PA'I DUS TZAM LA YOD PAS SO, ,DE ZHES BYA BA NI SNGAR RO, ,NUS PA MA YIN NO ZHES BYA BA NI SNANG BA MED PAS GCIG MTHONG BAR MTSUNGS PA'O, ,MI SLU BA LA RGYA SKYEGS 'BRAS BU LA YOD PA'I TSON GYIS SO, ,RNAM SHES TSOGS NI RIM GYIS 'BYUNG BA'I SKAD CIG MA RNAMS BSDUS PA'O, ,DE'I BAG CHAGS NI SHES PA SNGA MA'I BAG CHAGS SO, ,NGES PA NI SHES PA'O, ,PHYI ROL LA TSAD MA MED PA'I PHYIR MER SNANG LAS TE RJES SU DPAG PA LAS SO ZHES BYA BA NI DPE YIN NO, ,DPE CAN LA NI DES DE'AM ZHES BRJOD PA YIN LA RNAM PAR SHES PA'I TSUL LA 'DI GNYIS LA ZHES BYA BA'I PHYI ROL DANG CIG SHOS DAG LA'O, ,DU BA MES SKYED 'GYUR BA MIN, , ZHES BYA BA NI BAG CHAGS NYID LAS BYUNG BA'I PHYIR RO, ,ME'I SNANG BA NI DE'I BAG CHAGS SAD PAR BYED PA NYID KYI RGYU NYID YIN PA NI DU BA LA YANG YIN TE, DES KYANG DE SAD PAR BYED PA'I PHYIR RO, ,DE'I PHYIR DE LAS RJES SU DPAG PA MA YIN TE, 'KHRUL PA'I PHYIR RO ZHES ZER BA NI RGYU DAG NI YIN NA YANG ZHES BYA BA'O, ,DU BA NI ME'I BAG CHAGS DANG BCAS PA'I RANG GI BAG CHAGS LAS BYUNG BA YIN LA, DE GNYI GA DE LTAR SAD PA YIN PAR GO BAR BYED PA YIN LA, TSOGS PA GCIG LA RAG LAS PA LAS MER SNANG BA YANG NGO, ,GANG GI DE SAD PA YIN NA DE'I 'BRAS BU MED PA MA YIN TE, DE'I DNGOS PO NYID SAD PAR BYED PA NYID DU BRJOD PA'I PHYIR RO ZHES BSTAN PA NI DE LA'ANG ZHES BYA BA'O, ,SAD PAS GSAL BA'I BAG CHAGS GANG GI YIN PA DE'O, ,DE LTA BU'I GSAL BA NYID DU BAR SNANG BA'I RGYU'I LHAN CIG BYED PA NYID YIN PA'I PHYIR MA SAD PA NI LHAN CIG BYED PA MA YIN NO ZHES BYA BA'I DON TO, ,RTOGS 'GYUR ZHES BYA BA NI GDON MI ZA BAR YOD PA'I PHYIR RO, ,ME BZHIN YIN PA NI SKYED PAS NA ZHES BYA BA DANG SBYAR RO, ,DU BA DANG 'BYUNG BAR 'GYUR BA'I ME DAG GI SNANG BA DAG STE DE'I NGO BO'O, ,LKOG TU GYUR PA NI RJES SU DPAG PAR BYA BA'O, ,MA GYUR PA NI MI SLU BAR RTOGS PA'O, ,BAG CHAGS KYI DBANG NYID KYIS ZHES BYA BA NI GCIG PA NYID DU 'DZIN PA'I SNGAR MTHONG BA NGO SHES PA DE'I NGO BO YIN PA'I PHYIR DA LTAR BA'I SNANG BA GZHAN LA GNAS PA'I RJES SU DPAG PA LA 'GAL BA MED PAR BSTAN NAS, RANG NYID KYI 'BYUNG BAR 'GYUR BA LA YANG BSTAN PA NI PHYI'I DON LA YANG ZHES BYA BA'O, ,JI LTAR ZHES BYA BA NI ME MA YIN PA LA 'JUG PA'I RGYUD RJES SU DPAG PAR BYA BA YIN PA'I PHYIR RO, ,GOMS PA'I YUL CAN GYIS BSGRUB

, ,PA'I 'BRAS BU'I CHA LA BTANG SNYOMS SU 'JIG PA BZHIN DU DGONGS PA'I MTHAR THUG PA YIN PAR BSTAN PA NI DE LTA BU NYID DU ZHES BYA BA'O, ,RGYUD LA YANG 'DAS PA LA SOGS PA'I CHA PHRAD PAR MA YIN TE, CHA RNAMS NI RGYUD DU BRJOD PAR BYA BA YIN NO ZHES BSTAN PA NI MTHONG PHYIR ZHES BYA BA'O, ,PHYI ROL NYID DGOS PA CAN MA YIN PAR BSTAN PA NI PHYI DON LA NI ZHES BYA BA'O, ,SHIN TU NGES ZHES BYA BA NI 'JUG PA'I YUL YIN PA'I PHYIR GCIG NYID DU ZHEN PAS 'JUG PA NA 'BYUNG BAR 'GYUR BA NYID DU 'GYUR RO ZHES BYA BA'O, ,CI LAS SHEN RIG PAS ZHES BYA BA SMOS TE THOB PA'I YUL NI RIG PA'I YUL YIN NO ZHES BYA BA'I DON TO, ,DA LTAR BA'I DON GYI YUL CAN ZHES BYA BA LA SOGS PA NI G-YO 'GUL BYED PA LAS BRTZAMS NAS 'BRAS BU DANG PHRAD PA'I BAR DU GCIG PA NYID DU ZHEN PAS MNGON SUM YIN PAR BLTA BAR BYA BA'O, ,BAG CHAGS NI RTOGS PAR BYA BA YIN PAS DE'I BSKYED BYA'I SNANG BA LA GCIG PAR ZHEN PAS MER SNANG BA'I BLO NYID NI RTOGS 'GYUR ZHES BYA BAS BSTAN ZIN PAR BSTAN PA NI BAG CHAGS DE YANG ZHES BYA BA'O, ,'BYUNG BAR 'GYUR BA'I ME BZHIN NO ZHES BYA BA NI DA LTAR BA DANG GCIG NYID DU ZHEN PA NA'O, ,PHYI ROL GYIS BYAS PA'I SNANG BA LA DAD PA'I YUL CAN NYID NI RNAM PAR SHES PA'I TSUL LA MI 'GYUR BA MA YIN NAM ZHES ZER BA NI 'JIG RTEN DON NYID CES BYA BA'O, ,SNANG BA NYAMS PAR MI BYED PA NI BAG CHAGS BRTAN PO KHYAD PAR DU BYED PA YOD NA SHUGS KYIS PHYI ROL THOB PAR 'GYUR BA MA YIN PAR BSTAN PA NI GAL TE BAG CHAGS BRTAN PA BRTEN NAS ZHES BYA BA'O, ,MTSAMS SBYOR LDAN NA ZHES BYA BA NI NYAMS PA CAN MA YIN PA'O, ,YIN YANG ZHES BYA BA BSHAD PA NI, RMI LAM GYI KHYAD PAR NYID CES BYA BA'O, ,'JUG PA MED PAR THAL BA NI THAL BAR 'GYUR BA'O, ,DU BA'I SNANG BA'I BLO NI RANG GI BAG CHAGS DE'I BSKYED BYA RTOGS PAR BYED PA YIN GYI DE'I SNANG BA'I MTHAR THUG PA'I ME'I BAG CHAGS NI MA YIN NO SNYAM DU SEMS PA NI GAL TE ME LA SOGS PA ZHES BYA BA'O, ,RANG GI BAG CHAGS BZHIN DU ME'I BAG CHAGS KYANG GROGS BYAS NAS DU BA'I BLO BSKYED PA YIN PAR BSTAN PA NI SEMS RGYUD DE RUNG ZHES BYA BA'O, ,ME'I SNANG BA LA RUNG BA'I

BAG CHAGS SNYING PO STE, DU BA'I BAG CHAGS KYI SNYING PO CAN RGYUD GANG GI NANG NA YOD PA DE'I SNYING PO CAN YIN GYI PHYI ROL GYI DU BA ME'I BSKYED BYA CAN NI MA YIN TE, DE DAG GI SNANG BA LA TSAD MA MED PA'I PHYIR RO ZHES BSTAN PA NI 'KHOR BA'I SPROS PA ZHES BYA BA'O, ,SEMS NYID LAS ZHES BYA BA NI BAG CHAGS KYI NGO BO LAS SO, ,DU BA'I BAG CHAGS KYANG LHAN CIG BYED PA LA'O, ,CI LAS SHE NA ME'I BAG CHAGS NI DU BA'I SNANG BSKYED BYED YIN TE, DU BA'I BAG CHAGS GROGS YIN PA'I PHYIR RO ZHES BYA BA NI RIM PA'O, ,ME SNANG BA'I BLO NYID NI RTOGS 'GYUR ZHES GSUNGS PAS MA 'ONGS PA'I YUL NYID DU GSUNGS PA YIN PAR BSTAN PA NI THAMS CAD DU NI MA 'ONGS PA ZHES BYA BA'O, ,DU BA LAS ZHES BYA BA NI PHYI ROL GYI TSUL LA YANG NGO, ,'DI'I SNANG BA NI RAB RIB CAN GYIS MTHONG BA LAS KHYAD PAR BYED DE DON GYI DBYE BA MED DO ZHES BSTAN PA NI DE'I DUS SU ZHES BYA BA'O, ,PHYI ROL LA YANG RANG GI DUS NA SHES PA LA MED PA DANG KHYAD PAR MED PA NA BSTAN PA NI JI LTAR TSAD MA NYID CES BYA BA'O, ,GNYA' BO'I TSUL GYIS TE 'JAL GNYA' LTA BU'O, ,BAG CHAGS TZAM GYIS GO BYA NI BAG CHAGS TZAM LAS 'BYUNG BA'I ME'I SHES PA'I GO BYED NYID YIN PA'I PHYIR RANG GI NGO BO MNGON SUM GYIS RTOGS PA YIN LA RANG GI NGO BO'I RTOGS PA YANG BAG CHAGS NYID LAS YIN TE, RMI LAM LTA BU'I ZHES BSTAN PA NI BAG CHAGS KYANG ZHES BYA BA'O, ,RIGS SO ZHES BYA BA NI PHYI ROL LA TSAD MA MED PA'I PHYIR SNANG BA GZHAN NYID BAG CHAGS NYID KYIS MNGON SUM YIN PA'I PHYIR RO, ,GNOD PAR BYED PA'I SNANG DU RUNG BAR BYED PA'I BAG CHAGS DANG 'BREL PA CAN GYI SEMS KYI RGYUD KYI BSKYED BYA DU BA'I BLO YIN NO ZHES BYA BAS 'BYUNG BAR 'GYUR BA'I ME'I BLO'I BSKYED BYA NYID BSTAN TO, ,DE NYID KYI PHYIR THOB PAR BYA BA'I BLO'I BSKYED BYA NYID MNGON SUM GYI RANG GI NGO BO BSTAN PA YIN NO ZHES BYA BA'I DON TO, ,'O NA JI LTAR ZHES BYA BA NI NGES PA YANG SHES PA'I RNAM PA'I YUL NYID KYIS PHYI ROL DU MED PA'I PHYIR RO, ,BDEN TE PHYI ROL MTHONG BA NYID LA MKHAS PAS RIG PA LA MI MKHAS PA DAG PHYI ROL DU MNGON PAR RLOM PAR BYED CING DE LTAR MNGON PA 'DOD PA YANG DE RJES SU GZUNG BA'I CHED DU KHAS BLANG PA KHO NAS SHES PA'I RNAM PA

, ,NYED BRJOD BYA YIN PAR BSTAN PA NI MKHAS PA RNAMS LA ZHES BYA BA'O, ,LHAN CIG NI DE'I BDAG NYID DU MTHONG BA DE MYONG PA YANG NYAMS SU MYONG BA'I NGES PAS SO, ,DE YANG NI TSUL GNYIS NYID DE RANG GI RIG PA DANG SNGON PO LA SOGS PA NYID KYIS SO, ,THA MI DAD PAR NYAMS SU MYONG BA'I LCAGS NI ME BZHIN DU RJES SU 'GRO BA LA SOGS PAS THA DAD PA KHO NA YIN PAR BSTAN PA NI 'DZIN PA NYID CES BYA BA'O, ,DE NYID DANG ZHES BYA BA NI RIG PA'I RNAM PA'O, ,THA DAD PAR NYAMS SU MYONG BA YANG BDE BA LA SOGS PA MA YIN PAR BSTAN PA NI THA DAD PA LA YANG ZHES BYA BA'O, ,DUS THA DAD PA LA YANG RNAM PA THA MI DAD PAS GCIG PAR RIG PA MA YIN PAR BSTAN PA NI DE NYID CES BYA BA'O, ,MNGON SUM NI DE MA YIN PA LAS LDOG PAR BYED PA 'DZIN PA YIN TE, ,DE LA MCHOG TU 'DZIN PA SKYED PAR BYED PA'I PHYIR 'BREL PAR 'DZIN PAR BYED PA YIN GYI 'DI MA YIN PA'I YUL LA SOGS PA 'DZIN PAR BYED PA MA YIN, PAR BSTAN PA NI MA YIN TE, SPYI'I YUL CAN YIN PA'I PHYIR ZHES BYA BA STE, DE MA YIN PA LAS LOG PA'I YUL CAN YIN PA'I PHYIR GCIG NYID KHO NA YUL LA SOGS PA'I DBYE BA CAN MA YIN PA'O, ,DE BZHIN DU SNGON PO MA YIN PA DANG RIG PA MA YIN PA LAS LOG PAR 'DZIN PA DANG, DE LA MCHOG TU 'DZIN PA DAG GIS THA DAD PA DANG THA MI DAD PA DAG GO, ,RTOGS PA'I RANG BZHIN DANG ZHES BYA BA NI BDE BA DANG SNGON PO DAG RIG PA GCIG GI BDAG NYID KYI KHONGS SU GTOGS PA DAG GO, ,SPYIR ZHES BYA BA NI 'DI LTA BUR GYUR PA'I MTSAN NYID KYI GSUM PA'O, ,LHAN CIG DMIGS PA NGES PA NYID NI RANG RIG PA GCIG GI BYED PA LA RJES SU ZHUGS PA NYID DO, ,DON GYI DBYE BAS DBYE BA MED PA BZHIN DU RNAM PA MED PA NYID KYIS DBANG PO THA DAD PA LAS KYANG THA DAD PAR MI 'GYUR TE, 'DI RNAM PA'I YUL CAN YIN PA'I PHYIR RO ZHES BSTAN PA NI GANG GI TSE ZHES BYA BA'O, ,GZHAN YANG ZHES BYA BA NI GSAL BA DANG MI GSAL BA DANG BSRES PA LA SOGS PA YANG NGO, ,DBANG PO 'GYUR PAS BYAS PA'I 'GYUR BA'I RNAM PA CAN GYI SHES BYA NI NYAMS SU MYONG BA'I YUL CAN YIN PAR BSTAN PA NI DBANG PO'I KHYAD PAR ZHES BYA BA STE, RNAM PA NI DE LTA BU'I DBYE BA CAN YIN GYI RTOGS PA NI MA YIN TE, KHYAD PAR

MED PA'I PHYIR RO ZHES BYA BA'I DON TO, ,DON LA YANG DE LTAR THA DAD PA MED DE DBYE BA MED PA'I PHYIR RO, ,THA DAD NA YANG SHES PA THAMS CAD LA DE LTA BUR SNANG BAR 'GYUR TE, NGO BO DE RES 'GA' BA MA YIN PA'I PHYIR RO ZHES BSTAN PA NI DON GYI ZHES BYA BA STE, RNAM PA NI 'BRAS BU YIN TE JI SRID PA PO'I 'DRES PA LA SOGS PAS THA DAD PAR 'GYUR GYI DON NI MA YIN TE RTOGS BYA YIN PA'I PHYIR RO ZHES BYA BA'I DON TO, ,DE NI SHES PA'I DON LAS DER SNANG BA NYID MA YIN NO ZHES BYA BAR SBYAR RO, ,RUNG BA'I YUL NYID DU KHYAD PAR MED PAS CHA BZHIN DU CHA GZHAN LA YANG SHES PA DE LTA BU'I NGO BO NYID DU 'GYUR TE, DBANG PO'I RNAM PAR 'GYUR BA'I BAG CHAGS RNAMS KYANG 'DZIN PA'I NGES PA CAN NYID MA YIN NA, DON NYID DE LAS DE'I TSE SKYE BA NI SHES PA BZHIN YIN TE, SNGAR YOD PA LA TSAD MA MED PA'I PHYIR RAM, MI 'DZIN PA NYID DU SNANG BA'I PHYIR YANG SHES PA'I BDAG NYID KHO NA YIN NO ZHES BYA BA'I DON TO, ,DON GYI RNAM PA GCIG LAS DE DANG RNAM PA GCIG PA'I SHES PA NI DBANG PO LA SOGS PA'I DBYE BA SNA TSOGS PA'I LHAN CIG BYED PA CAN SNA TSOGS PAR NI MI RIGS SO ZHES BSTAN PA NI DON LA BRTEN NAS SO ZHES BYA BA'O, ,DE NI ZHES BYA BA NI DE'I RNAM PA CAN GYI'O, ,'GA' YIS ZHES BYA BA NI BSRES PA LA SOGS PAS SO, ,GZHAN LAS KYANG ZHES BYA BA NI DBANG PO LA SOGS PAS KYANG NGO, ,SKYE BAR 'GYUR BA YOD NA GZHAN LAS KYANG STE DBANG PO LA SOGS PAS KYANG NGO, ,DE'I RNAM PA NYID NI BSRES PA LA SOGS PA'I RNAM PA NYID DO, ,RNAM PA'AM SHES PA NYID KYANG DE LAS DE'I NGO BO YIN LA GZHAN LAS NI GZHAN GYI RNAM PA CAN YIN NO ZHES BYA BA 'DI LA BSTAN PA NI 'DI LTAR ZHES BYA BA'O, ,'GA' YIS ZHES BYA BA NI LAS DANG 'BYUNG BA CHEN PO LA SOGS PA LAS SO, ,DBANG PO NI SHES PA SKYED PAR BYED CING DE NYID RANG GI SKYON GYIS SRE BAR BYED KYI, DON GYI BSKYED BYA'I RNAM PA LA MA YIN PA MA YIN NAM SNYAM DU SEMS PA LA RNAM PA LA YANG DBANG PO'I SKYON GYI BYED PA MTHONG BAR BSTAN PA NI MAR ME LA SOGS ZHES BYA BA STE, DBANG PO NI SKYON BZHIN DU DE'I RNAM PA YANG BYED PA YIN NO ZHES BYA BA'I DON TO, ,MAR ME'I RANG BZHIN DE LTA BU'I RNAM PA CAN MA YIN NAM, JI LTAR DBANG PO NYID DE LTA BUR BYED PA YIN ZHES ZER BA LA DE'I ZHES BYA BA STE,

, ,MAR ME YANG RGYU MTSAN YIN GYI DE LTA BU'I BDAG NYID NI MA YIN TE, DE LTA BU'I BDAG NYID MA YIN PA YANG SKYON LAS 'BYUNG BA'I RGYU MTSAN YIN TE, NGES PA'I YUL CAN YIN PA'I PHYIR LA DE NYID KYI PHYIR 'DI DE NYID YIN NA GZHAN GYIS KYANG MTHONG BAR 'GYUR RO ZHES BYA'I DON TO, ,DE LTA BU'I RNAM PA PHYI ROL NYID YIN YANG DBANG PO'I SKYON YOD KYANG TSAD MA MA YIN PAR BSTAN PA NI YANG DAG MTHONG NA ZHES BYA BA'O, ,NYAMS PA NYID NI DE NYID MA YIN NO ZHES ZER BA NI 'ON TE YOD PA ZHES BYA BA'O, ,PHYI ROL NYID KYI KHYAD PAR MTHONG BA NA MA NYAMS PA YIN LA DE LAS GZHAN PA SNANG DU RUNG BA DKYIL 'KHOR DANG BRAL BA LA RGYAS PA TZAM YANG MTHONG BAR 'GYUR BAR BSTAN PA NI RAB RIB KYIS SBYANGS ZHES BYA BA STE, GZHAN GYIS MTHONG BA'I NGO BO 'DZIN PA'I NUS PAR SGRO BTAGS PA'I PHYIR RO, ,DE NI ZHES BYA BA NI MIG GO, ,GSAL MA YIN NO MI NUS PA'O, ,DE LTAR NA GZHAN LA SNANG BA MI GSAL BAR MTHONG BAR 'GYUR RO, ,'ON JI LTAR NGES PAR BSTAN PA YIN ZHES NA, GANG ZHIG CES BYA BA'O, ,GZHAN GYI SNANG BA MA MTHONG BA'I PHYIR NUS PA NYAMS PA YIN GYI SBYANGS PA STE KHYAD PAR CAN DU BYAS PA MA YIN PAR BSTAN PA NI DES NA ZHES BYA BA'O, ,YANG DAG YANG DAG MIN NI YANG DAG PA YIN NA THAMS CAD YANG DAG PA DANG YANG DAG PA MA YIN NA THAMS CAD DE LTA BU YIN TE, MTHONG BA NYID DON BYED PA NYID YIN PA DE'I PHYIR TE, DE NYID KYI PHYIR PHYI ROL GYI YANG DE NYID YIN TE GZHAN DU NA THUG PA MED DO ZHES BYA BA'I DON TO, ,YANG DAG PA NYID MIN TE, PHYI ROL GYI SHES PA'I TSOGS PA LAS BYUNG BA'I PHYIR RO ZHES BSTAN PA NI ZHES BYA BA STE, GANG ZHIG CES BYA BA NI SHES PA'I NGO BOS SO, ,GZHAN DU NI JI LTA BUR NA ZHES BYA BA NI PHYI ROL TE DBANG PO NYID NI DE'I BSKYED BYA MA YIN TE, RGYU YIN PA'I PHYIR DANG, DE MA YIN PA LAS LOG PA'I SKAD CIG GI KHYAD PAR YANG DE'I RGYU YIN PA'I PHYIR NYE BAR LEN PA YANG RGYUN KHO NA YIN GYI SKAD CIG MA NYE BAR LEN PA LA SOGS PA NYID NI 'JIG RTEN PA MA YIN TE RTOGS PA MA YIN NO ZHES BYA BA'I DON TO, ,RAB RIB LA SOGS PA ZHES BYA BA NI SHES PA'I TSOGS PA LAS 'BYUNG BA NYID DO, ,GZHAN YANG DKYIL 'KHOR NYID MTHONG BA MA YIN TE GANG GIS DE'I SNANG DU RUNG BA GZHAN

YANG MTHONG NGO ZHES BYA BAR 'GYUR RO ZHES BSTAN PA NI SNANG DBANG ZHES BYA BA'O, ,GCIG GI NI DKYIL 'KHOR DANG BRAL BA'O, ,RTOGS PA NI 'DIS SO, ,DES NA NI RTOGS PA'I NUS PAS YIN GYI GZHAN GYI RGYU MA YIN NO, ,DKYIL 'KHOR MTHONG BA'I YANG DKYIL 'KHOR LA SOGS PA RGYU MA YIN TE RANG RIG PA LAS GZHAN DU YUL MA YIN LA, DES NA YUL YANG RANG RIG PA NYID YIN NO ZHES BYA BA'I DON TO, ,GZHAN DU NI YUL GZHAN LA SOGS PA LA'O, ,JI LTAR ZHES BYA BA NI RAB RIB KYIS SBYANGS ZHES BYA BA'I RIGS PAS SO, ,GANG DU ZHES BYA BA NI GZHAN DU'O, ,RANG SNANG BA YIN NA NI ZHES BYA BA NI DKYIL 'KHOR RO, ,GZHAN YANG NI GZHAN DU YOD PA YANG NGO, ,PHAN TSUN DU ZHES BYA BA NI GZHAN DU GNAS PA NI 'DIR GNAS PA'I GZHAN DU'O, ,MYONG BA NYID DU ZHES BYA BA NI SNGA MA DANG PHYI MA DAG LAS GCIG LAS YANG PHYI ROL MI GNAS PA'I PHYIR RO, ,DES NA YANG MYONG BA'I BDAG NYID LAS MYONG BA'I RGYU RJES SU DPOG PA YIN PAR BSTAN PA NI SNGON PO LA SOGS PA LA YANG MYONG BA GNAS PAR 'GYUR BA RNAMS ZHES BYA'O, ,DKYIL 'KHOR BZHIN DU GZHAN LA YANG PHYI ROL RJES SU DPAG PA MA YIN PA MA YIN NAM 'BREL PA MA MTHONG BAR KHYAD PAR MED PAR ZER BA LA DKA' BA LA SOGS PA ZHES BYA BA'O, ,GZHAN GYIS NI MI GZHAN GYIS SO, ,SHES PA GZHAN GYIS NI SKYON LAS MA BYUNG BAS YIN GYI DKYIL 'KHOR NYID NI MA YIN NO, ,DE'I 'BRAS BU NI PHYI ROL DON GYI 'BRAS BU'O, ,DE LTA NA JI LTAR RTOGS PA YIN ZHE NA DE LTA BU MA YIN PA'O, ,'JIG RTEN GYI ZHES BYA BA NI DE'I DE LTA BU'I ZHEN PA'I THA SNYAD DO, ,THAMS CAD NYID NI DON BYED PAR NUS PA'AM CIG SHOS KYANG NGO, ,CI STE MA YIN ZHE NA ZHES BYA BA NI DE LTA BU'I ZHEN PAS SO, ,JI LTAR MI 'DOD CES BYA BA NI DE'I BDAG NYID MNGON SUM GYIS NYAMS SU MYONG BA'I PHYIR RO, ,MYONG BA'I NGO BO MA YIN YANG ZHES BYA BA NI DON GYI STE, GZHAN MYONG BA'I PHYIR RAM MYONG BA GZHAN 'DZIN PAR BYED PA MED PA NA TSAD MA MED PA'I PHYIR DANG, RANG NYID RIG PA YIN NA DON GYIS GO BA MA YIN PA'I PHYIR RO, ,JI LTAR YIN ZHES BYA BA NI RANG LA BYED PA 'GAL BA'I PHYIR RO, ,MA YIN TE MTHONG BA'I PHYIR RO ZHES BYA BA NI RTOGS PA NYID BZHIN DU DON LKOG TU MA GYUR PA NYID DU 'THAD PA'I PHYIR RO, ,DE LA YANG GZHAN LA LTOS PA YIN

, ,NA RTAGS MED PA'I PHYIR RGYU RTOGS PA MA YIN NO, ,GZHAN GYIS KYANG ZHES BYA BA NI RJES SU DPAG PAS SO, ,'DI LA TSAD MA CI YOD CES BYA BA NI DE LA GZUNG BA MED PA ZHES BYA BA'I DON TO, ,KHYED LA YANG ZHES BYA BA NI NGES PA YOD PA LA'O, ,NGES PA MED KYANG PHYI ROL SNANG BA YIN NO ZHES ZER BA LA GZHAN RIG PA MA YIN PA NYID DO ZHES BYA BA'O, ,BUM PA ZHES BYA BA NAS GNAS PA'I PHYIR RO ZHES BYA BA'I BAR DU RGOL BA YIN NO, ,DE LA ZHES BYA BA NI MUN PA'O, ,TSOGS PA GCIG LA ZHES BYA BA LA SOGS PA NI RGOL BA'O, ,NGES PAR GRUB PA YIN NA DON DAM PAR NI ZHES BYA BA NI LAN YIN TE, MNGON SUM NYID MA YIN PA'I PHYIR DANG, NGES PA YANG DE'I MTHAR THUG PA NYID KYIS RANG DBANG MED PA'I PHYIR DE LTA BU'I NGES PA LAS PHYI ROL GRUB PA NI MA YIN NO, ,NGES PA TZAM 'DI NI RANG RIG PA YIN LA MAR ME'I GSAL BA NYID NI GZHAN LA LTOS PA MA YIN TE DBANG PO DANG BCAS PA LAS RTOGS PA 'BYUNG BA'I PHYIR BUM PA DANG SNANG BA DANG BCAS PA NYID NI MA YIN LA MAR ME LAS NI YIN GYI RANG NYID LAS NI MA YIN NO ZHES BYA BA DE DAG TZAM NI DPE YIN GYI RANG NYID RTOGS PA NI MA YIN NO, ,RNAM PA NI DKYIL 'KHOR GYI RNAM PA'O, ,PHYI ROL NYID SNGON PO LA SOGS PA BZHIN DU DKYIL 'KHOR DBANG PO LA SOGS PAS RTOGS PA NI RTOGS PA NYID KYI RNAM PA YIN NO ZHE NA MAR ME'I SNANG BA KHO NA 'DZIN PAR MI 'GYUR TE, GANG GI PHYIR DNGOS PO SO SO BA NI DE LA 'BREL PA MED PAS TE DE NYID YOD NA 'DZIN PA MA YIN PAR BSTAN PA NI, GZHAN YANG GAL TE ZHES BYA BA'O, ,MAR ME LAS THA DAD PA DE'I GNAS KHO NA 'DZIN PAR MI 'GYUR BAR BSTAN PA NI, GAL TE DE NYID CES BYA BA STE DE DKYIL 'KHOR GYI RNAM PA'O, ,GLING BU RKYANG PA LA SOGS PA LA PHYOGS GCIG 'DZIN PA MA YIN PAR BSTAN PA NI KHYON DANG LDAN ZHES BYA BA STE, 'DZIN PA MA YIN ZHES BYA BAR SBYAR RO, ,DE LTA NA ZHES BYA BA NI DE LA LTOS PA 'DZIN BA YIN NO, , MAR ME TZAM GYIS ZHES BYA BA NI MAR ME GANG DANG GANG DU MAR ME SBAR BA DE DANG DE NA 'BYUNG BA DE'I PHYIR GNYI GA RGYU NYID MA YIN NO, ,BYED PA 'JUG PA ZHES BYA BA NI RTOGS PA NYID DU BYED PA'I PHYIR RO, ,DUS MTSUNGS PA NYID KYIS NI RTOGS PA NYID KYI 'BRAS BU DANG NGO, ,RJES SU 'GRO BA LA SOGS PA NI MIG

DANG DE'I GZUGS KYI YUL LO, ,MAR ME NI DPE'O, ,DE NYID NI DKYIL 'KHOR NYID DO, ,MIG NI MIG GI DBANG PO'O, ,YONGS SU GSAL BA NI SNGON PO LA SOGS PA RTOGS PA'I NGO BO'AM DKYIL 'KHOR GYI NGO BO'O, ,DPER NA MAR MES MAR ME GSAL BAR BYED PA MA YIN PA DE BZHIN DU 'OD KYIS 'OD GSAL BAR BYA BA MA YIN TE, RANG GSAL BA NYID YIN PA DE BZHIN DU SNGON PO LA SOGS PA YANG NGO ZHES BSTAN PA NI DE'I PHYIR ZHES BYA BA'O, ,GNYIS PO NI MIG DANG GZUGS DAG GO, ,GZHAN ZHES BYA BA NI DE LTA BU'I NGO BOS BSKYED PA'I BAG CHAGS SO, ,TSUL GNYIS NI RANG RIG PA DANG SNGON PO'I NGO BO YIN GYI RANG RIG PA LAS GZHAN PA'I DKYIL 'KHOR NI MA YIN NO ZHES BYA BA'I DON TO, ,YANG NA DON NYID RANG RIG PA'I RNAM PA MA YIN PA'O, ,MI RUNG NGO ZHES BYA BA NI RANG RIG PA'I RNAM PAR RO, ,KHYAD PAR LAS NI TSOGS PA'I KHYAD PAR LAS TE, THAG RING PO LA BAR DU YOD PA'I SNANG BA 'PHROS PAS MANG PO YIN PA'I PHYIR BKAB PA MI GSAL BAR NI RIGS TE, LHA KHANG LA SOGS PA BZHIN DU CHA 'GA' MI 'DZIN PA'I PHYIR DU MA'I BDAG NYID DON YIN PAS BSAGS PA'I PHYOGS KYIS BRI BA 'DZIN PA LA 'GAL BA MED DO, ,CHEN PO LAS CHUNG DU YOD PA'I PHYIR RO, ,MYA NGAN DU CHUNG DU LA CHEN POR 'DZIN PA NI 'KHRUL PA YIN TE, RGYAS PA MED PA'I PHYIR RO SNYAM DU SEMS PA NI DER 'GYUR ZHES BYA BA STE, THAG RING BA DANG NYE BA'I KHYAD PAR LAS SNANG BA THA DAD PA'I PHYIR BKAB PA'I CHA NI MI 'DZIN LA, CIG SHOS NI 'DZIN PA YIN NO ZHES BYA BA'I DON TO, ,CHA GCIG BKAB PA YIN NA DE'I PHYOGS GZHAN YANG BKAB PA YIN LA MA BKAB NA YANG DE'I CHA DANG LDAN PA GZHAN YANG BKAB PAR MI 'GYUR TE, RDUL PHRA RAB NYID DU KHYAD PAR MED DO ZHES BSTAN PA NI DE'I STE, SNANG BAS CHOD PA YIN NA NI CHA 'GA' ZHIG MI MTHONG NA CIG SHOS KYANG NGO, ,MA CHOD NA YANG GZHAN MTHONG NA GZHAN YANG NGO ZHES BYA BA'I DON TO, ,MTHONG BA'I YUL ZHES BYA BA NI RUNG BA'I YUL NA GNAS PA'O, ,GZHAN GYI NI THAG RING PO LA NGO BO GZHAN MED PA'O, ,SHES PA NI DE YOD PA YIN TE THA DAD PA'I PHYIR RO, ,DON LA MI SRID NA SHES PA LA YIN PAR BSTAN PA NI 'DI NI MTHONG BA ZHES BYA BA'O, ,MA TSANG BA MED PA ZHES BYA BA NI RDUL PHRA RAB RNAMS YONGS SU GYUR

, ,PAR MTSUNGS PA YIN PA'I PHYIR RO, ,DE'I RANG BZHIN NI DON GYI RANG BZHIN NO, ,SNANG BA THA DAD KYI SNANG DU RUNG BA NI MA YIN NO ZHE NA, SNANG BA NI ZHES BYA BA STE, SNANG BA NI DE LAS THA DAD PA'I NI MA YIN NO ZHES BYA BA'I DON TO, ,MTSAN NYID NI DE YIN PA'I PHYIR RO ZHES BYA BA NI SNANG BZHIN PA'I MTSAN NYID YIN PA'I PHYIR RO, ,DE'I GNAS SKABS NA MI SNANG BA DANG LDAN PA MA YIN TE, MED PA'I PHYIR DANG THAG RING POR MI SNANG BA'I PHYIR RO ZHES BSTAN PA NI DON THA DAD PA YIN NA ZHES BYA BA'O, ,GZHAN ZHES BYA BA NI SPYI NI DON GZHAN DU 'DOD PA'I PHYIR RO, ,DE'I ZHES BYA BA NI DON GYI'O, ,GSAL BA NYID NI PHYIS DE LTA BU'I DON BYED PA'I PHYIR RO, ,DE NYID NI ZHES BYA BA NI DON NYID YIN NA'O, ,DE'I NI THAG RING PO NA SNANG BA'O, ,GZHAN NI RING PO MA YIN PA NA'O, ,GNYI GA GCIG YIN TE, GCIG NYID DU SNANG BA'I PHYIR ZHES BSTAN PA NI DE'I NGO BOR ZHES BYA BA'O, ,RANG BZHIN THA DAD NI SNANG BA LAS SO, , DE ZHES BYA BA NI RTOGS PA YIN TE GCIG NYID KYIS GNOD PA'I PHYIR RO, ,RTOGS PA NYID BAG CHAGS LAS THA MI DAD PA'I RNAM PA CAN YIN PA DE'I PHYIR RNAM PA DANG BCAS PA NYID YIN PAR BSTAN PA NI THA DAD MED PAR ZHES BYA BA'O, ,YANG ZHES BYA BA NI DUS PHYIS SO, ,GANG LAS ZHES BYA BA NI CHA YANG NYE BA BZHIN DU SNANG BA MA YIN NO ZHES BYA BA'I DON TO, ,YAN LAG DU MA CAN GYI RDZAS LA YAN LAG 'GA' ZHIG RING POR SNANG BA GANG YIN PA NI RAGS PA YIN LA GZHAN NI DE LTA MA YIN PA DE'I PHYIR GSAL BA MA YIN NO SNYAM DU SEMS PA NI GAL TE SNANG BA ZHES BYA BA'O, ,SNANG BA MI GSAL BA ZHES BYA BA NI THAG RING BA'I PHYIR RO, ,THA DAD NA ZHES BYA BA NI YAN LAG THAMS CAD LA KHYAB PA CAN THAG RING BA'AM, GZHAN DU YANG SNANG DU RUNG BA'O, ,THAMS CAD NYID CES BYA BA NI YAN LAG THAMS CAD DANG LDAN PA KHYAB PA CAN NO, ,MTHONG BAS ZHES BYA BA NI YAN LAG MI 'DZIN NA YANG NGO,, MI SNANG BA'I YAN LAG LA LTOS NAS YAN LAG CAN GYI NGO BO 'DZIN PA MI GSAL BA MA YIN TE THAL CHES PA'I PHYIR RO ZHES BSTAN PA NI PHYI ROL DON GCIG CES BYA BA STE, NYE BA NA YANG YAN LAG THAMS CAD 'DZIN PA MA YIN NA ZHES BYA BA'I DON TO, ,DU MA NYID YIN NA'AM, RDUL PHRA RAB KYI DBYE BAS

GCIG YIN PA LA GCIG GI 'DZIN PA DANG MI 'DZIN PA NI GZHAN LA YANG YIN TE, KHYAD PAR MED PA'I PHYIR RO ZHES BSTAN PA NI PHRA RDUL DU MA ZHES BYA BA'O, ,GZHAN DU NAD DANG BCAS PAR 'DZIN PA NA'O, ,GZHAN DU 'GYUR BA NI YONGS SU GSAL BA'I RNAM PA NYID DO, ,CHES SRAB PA'I YAN LAG MI 'DZIN PA NYID YAN LAG CAN 'DZIN PA LA NI MI GSAL BA NYID KYI RGYU MTSAN MA YIN NAM ZHES ZER BA LA GZHAN ZHES BYA BA NI YAN LAG NYID SENG LDENG DANG PA LA SHAL SOGS PA LA NI MA YIN TE, YAN LAG CAN DE LTA BU'I NGO BO YIN PA'I PHYIR RO, ,DE LTA BU'I NGO BO NYID MA YIN NA SNA TSOGS PA GCIG TU GYUR LA, THAG RING BA LA DE THA DAD PAR SNANG BA JI LTAR DE TZAM NI MI GSAL BA NYID YIN NO ZHES BYA BA YANG MA YIN TE, RANG BZHIN RTOGS PA NYID MI GSAL BA RTOGS PA NYID KYI PHYIR RO ZHES BYA BA'I DON NI GSAL BA YIN TE, THAL BAR 'GYUR ZHES BYA BA DANG MTSAMS SBYOR RO, ,DU MA NYID YIN NA ZHES BYA BA NI RDUL PHRA RAB BSAGS PA'I BDAG NYID YIN PA'I PHYIR PHYI ROL LO, ,DE MI 'DZIN NA NI RDUL PHRA RAB GCIG MI 'DZIN NA'O, ,DE LAS GZHAN PA NI RDUL PHRA RAB GZHAN TE DE DANG LHAN CIG 'DZIN PA'I PHYIR RO, ,RDUL PHRA RAB GCIG MI 'DZIN NA GZHAN 'DZIN PA MA YIN TE BSDUS PA 'DZIN PA'I PHYIR RO, ,YONGS SU GSAL BA NI NGO BO'O, ,DE NYID CES BYA BA NI YONGS SU GSAL BA NYID DO, ,DE LAS ZHES BYA BA NI GZHAN 'DZIN PA LAS SO, ,DE ZHES BYA BA NI GSAL BA NYID DO, ,DE LTA BUR GYUR PA NI DE LAS GZHAN PA 'DZIN PA LAS BYUNG BA'O, ,GZHAN GYIS RKYANG NI NYE BA NA YOD PAS SO, ,RTOGS PA NYID NI SHES PA NYID DO, , DON 'BAR BZHIN PAR MTHONG BA ZHES BYA BA NI BZUNG BA'O, ,'BRAS BU 'BAR BZHIN PA NYID YIN PAS MIG LA DE LTAR BRJOD PA YIN GYIS RANG NYID LAS NI MA YIN TE, MNGON SUM LAS RTOGS PA'I PHYIR RO, ,DE LDAN ZHES BYA BA NI 'BAR BZHIN PA DANG LDAN PA'O, ,DE'I 'BRAS BU MTHONG BA NI MIG GI'O, ,'ON KYANG YUL NYID KYIS RANG GI CHOS YUL CAN LA SGRO 'DOGS PA YIN NO ZHES ZER BA NI DER 'GYUR NA ZHES BYA BA'O, ,LAN NI SNGON PO LA YANG ZHES BYA BA'O, ,SHES PA LA YOD PA NYID NI MI GSAL BA NYID YIN GYI DON LA GNAS PA MA YIN PAR BSTAN PA NI DE'I PHYIR ZHES BYA BA'O, ,'JIG RTEN THAMS CAD

, ,CES BYA BA NI NGA'I MIG NI 'BAR BZHIN ZHES RGYU MED BZHIN PA'I GNOD PA MED PAS SO, ,RANG NYID BDAG NYID DU'O, ,GSAL BA DANG CIG SHOS KYANG RUNG PHYI ROL MA YIN NA MA DE LTAR ZHEN PA'I PHYIR LA SHES PA'I RNAM PA YANG DE NYID KYI PHYIR PHYI ROL NYID DU 'JOG PAR BYED YIN GYI DON GYI GNOD PA MED NA 'KHRUL PA'AM, MTHONG BA MED NA GSAL NYID LA SOGS PA LA RGYU MTSAN 'BA' ZHIG NI MA YIN TE BRTAGS BZHIN PA NA SNANG BA MI GSAL BA DANG CIG SHOS LA SOGS PA NYID MTHONG BA'I PHYIR RO, ,DE LA NI DE DE LTA BU'I SNANG BA YIN GYI DE LTAR SNANG BA YANG SHES PA'I CHOS MA YIN TE, SHES BYA LA GNAS PA NYID DU SNANG BA'I PHYIR RO ZHES ZER BA NI GAL TE SNANG BA ZHES BYA BA STE, MI GSAL BA NI SNANG BA LA YOD PA'O, ,MI GSAL BA LA SOGS PA'I DON JI LTAR YIN ZHE NA, DE GSAL BAR BYED PA'I PHYIR RO, ,DE LTA NA DES BYAS PA YIN PA DE'I PHYIR DER DE'I NGO BO NYE BA NA 'DUG PA YANG SHES PAR 'GYUR RO, ,'ON TE DE'I BLO DE LTAR BYED PA YIN NA DE LTA NA DE LAS 'ONGS PA'I RNAM PA DANG LDAN PA NYID 'DI MA YIN PAR BSTAN PA NI GZHAN THA DAD PA ZHES BYA BA'O, ,SNANG BA'I NGO BO MI GSAL BA NYID LA SOGS PA BLO THA DAD PA STE SHES PA 'DZIN PA'I BYED PA THA DAD PA YIN GYI, RANG LAS NI MA YIN TE RANG LA GNAS PA'I DBYE BA NI RNAM PA YIN NO, ,RE ZHIG MI GSAL BAS GSAL BAR BYED PA MA YIN TE, NYE BA NA GNAS PAS MI DMIGS PA'I PHYIR RO, ,DES BYAS PA'I GSAL BA MI GSAL BA YIN ZHES BYA BA NI BLO NYID KYI DE LTA BU'I RNAM PA NYID DAM DE'I BYED PA'I YANG NGO, ,BLO DANG DON DAG 'BREL PA CAN MA YIN PA'I SNANG BA'I CHOS 'GA' YANG MED PAR BSTAN PA NI DON NI ZHES BYA BA'O, ,MED PA NYID SNANG BA NI MA YIN TE 'GAL BA'I PHYIR RO, ,MED PA'I NGO BO SNANG BA NI MA YIN TE, THAG RING BA DANG CIG SHOS NA GNAS PA THAMS CAD MNGON SUM YIN PA'I PHYIR RO, ,SKAR KHUNG GI BU GA'I NYI ZER LAS YOD PAR GO BA'I RDUL RNAMS NAM MKHA' KHYAB PAR BYED PA DE DAG GIS THAG RING PO NAS BSGRIBS PA'I RDZAS LHA KHANG LA SOGS PA CHEN PO YIN YANG CHES MANG BA RNAMS KYIS BSGRIBS PA YIN GYI, SNANG BA CHEN PO YIN YANG GSAL BAR MI NUS PA LA MI GSAL BA YIN NO SNYAM DU SEMS PA LA NYE BA YIN RDUL

RNAMS KYIS G-YOGS PA DANG SNANG BA MI GSAL BAR BYED PA YANG MTSUNGS PA YIN TE, RDUL PHRA RAB KYIS SRAB PA NYID NI SNANG BA DE'I PHRA BA NYID LA GNOD PAR BYED PA YIN TE, SNANG BA NI MANG BA NYID BZHIN DU CIG SHOS MANG BA NYID KYANG YIN PAR BSTAN PA NI SNANG BA DE YANG ZHES BYA BA STE, THAG RING PO NA YOD PA'I RDUL RNAMS KYIS BSGRIBS PA YIN GYI, CI STE MA YIN NO ZHES BYA BA'I DON TO, ,CI LAS SHE NA NYE BA LA YANG DE STE BSGRIBS PA CIS MA YIN ZHES BYA BA NI G-YOGS PA DANG BSGRIBS PA DAG THAG RING BA BZHIN DU KHYAD PAR MED PA'I PHYIR RO, ,DMIGS PAR BYA BA SGRIB PAR BYED PA NI THAG RING BA LA YIN GYI NYE BA LA MA YIN PA YIN NAM, THAG RING PAR YANG SNANG DU RUNG BA NYE BA LA CHES SHIN TU BA LA YIN NAM, GZHAN DU RIGS SAM YAN LAG CAN YANG DE'I GNAS SKABS DANG LDAN PA DE'I TSOGS PA LAS DMIGS PA YIN NO ZHES BYA BA 'DI YANG CI'I PHYIR LAN MA YIN ZHES BYA BA'I DON TO, ,SGRIB PAR BYED PA SRAB PA'I PHYIR NYE BA LA MI SRAB PO ZHE NA, LAN NI SNANG BA YANG ZHES BYA BA STE NYE BA LA YANG 'DI SRAB BA NYID DO, ,THAG RING BA LA YANG GNYI GA MTSUNGS PA YIN PA'I PHYIR SGRIB PAR 'GYUR BAR BSTAN PA NI GZHAN DU'ANG ZHES BYA BA STE, THAG RING BA LA YANG SRAB PAR BYED PA DANG CIG SHOS DAG SRAB PAR MA YIN PAR MTSUNGS PA NYID DO, ,SHIN TU NYE BA DER YANG NI NYE BA LA YANG NGO, ,NAM MKHA' CAN GYIS KHYAB PAS NI RLUNG GIS SO, ,'DI NA ZHES BYA BA NI NYE BA PA LA'O, ,SROG CHAGS GO DHA'I MJUG MA DANG, RI BONG GI RNA BA RING BA NYID MTSUNGS PA YIN LA, THAG RING BA LA RDUL MANG BA NYID YIN NA SNANG BA LA YANG YIN TE, DE YANG DER DE LTA BU NYID YIN PA'I PHYIR RO, ,NYE BA LA SRAB PA NYID KYI PHYIR RDUL SGRIB PAR BYED PA MA YIN NA SHIN TU NYE BA LA CHES SHIN TU YANG NGO ZHES BSTAN PA NI SHIN TU NYE BA ZHES BYA BA'O, ,DE ZHES BYA BA NI DES GSAL BAR BYAS PA STE, THAMS CAD DU MI GSAL BA'I NGO BO YIN PAS KYANG MTHONG BAR MI 'GYUR TE DBANG POS MI NUS PA'I PHYIR RO ZHES BYA BA'I DON TO, ,THAG RING POR KHYAD PAR MTHONG BA LAS DNGOS PO MI SNANG NGO ZHES BYA BA'I THA TSIG GO, ,THAG RING PO NA'AM SHIN TU NYE BA LA NI MA MTHONG BA'I DBANG GIS MI GSAL BA'I NGO BO GZHAN DE'I TSE NYID NA BYUNG BA NI GSAL BA MTHONG BAR BYED PA NI SNANG BA LA SGRIB PAR BYED PA MA

, ,YIN LA, NYE BA LA NI DE NYID SNANG BA GSAL BAS BSGRIBS PA YIN PAR 'DOD BA GANG DAG GI YIN DE DAG GI THAG RING PO NA SNANG BA NYAMS PAS BSGRIBS PA NI GSAL BAR MTHONG BAR BYED BA MA YIN ZHING NYE BA LA YANG MI GSAL BA YIN PAR BSTAN PA NI GAL TE DER YANG ZHES BYA BA'O, , DE BSHAD PA NI MA MTHONG BA'I MING CAN ZHES BYA BA'O, ,SEMS PA MED PA ZHES BYA BAS RANG GI NGO BO BSTAN PA'AM MI MTHUN PA NYID LA SKYON MED PA'O, ,DE LA GCIG NYID NI THAG RING BA DANG CIG SHOS DAG LA MI SGRIB PA NYID YIN NO ZHES BYA BA NI GZHAN DAG GI'O, ,MTHONG BAR 'GYUR ZHES BYA BA'I LAN BSHAD PA NI DE LTA YIN NA ZHES BYA BA'O, ,GZHAN NI MA YIN TE ZHES BYA BA NI GSAL BA'O, ,DE ZHES BYA BA NI GSAL BAR MTHONG BAR BYED PA'O, ,DE ZHES BYA BA NI MA MTHONG BA LAS SKYE BA'O, ,RGYAB TU NI GSAL BAR MTHONG BA'I PHYI NAS SO, ,MA YIN TE YUL GCIG NYID CES BYA BA NI MA MTHONG BA LAS BYUNG BA STE, GSAL PE DANG YUL MTSUNGS PA'O, ,'KHRUL PA YIN NO ZHES BYA BA NI YUL NYE BAR 'DZIN PA'I RGYU MTSAN THUN MONG MA YIN PA NYID MTHONG BA LAS MNGON PAR 'DOD DO, ,YUL LA 'KHRUL PA ZHES BYA BA NI GSAL BAR MTHONG BA PO'I STE RGYAB KYI PHYOGS NYID KYANG GSAL BA'I PHYOGS NYID DU SNANG BA'I PHYIR RO, ,DE LTAR NA DE'I TSE MED PA NYID YIN NO ZHES ZER BA YUL DER YANG ZHES BYA BA'O, ,DE'I DUS NA MED LA DUS GZHAN GYI TSE YOD PAR DMIGS NA THAL CHES PAR BSTAN PA NI DE'I DUS SU ZHES BYA BA'O, ,DE'I DUS NA THAMS CAD MED BAR MTHONG BA YIN ZHING, DON THAMS CAD MTHONG BA NYID KYANG MA YIN NO, ,GZHAN GYIS KYANG ZHES BYA BA NI SANGS RGYAS BAS KYANG NGO, ,MA MTHONG BA DE LAS ZHES BYA BA NI BAG CHAGS LAS SO, ,MTHONG BA NI SHES PA DE'I SKYE BA STE GZHUNG 'DZUGS NA ZHES BYA BAR SBYAR RO, ,RMI LAM BZHIN DU YOD PA ZHES BYA BA NI GZHUNG 'DZUGS PA YIN LA, MED PA NYID KYI ZHES BYA BA NI SUN 'DON PA YIN NO, ,DNGOS GANG JI LTAR MTHONG GYUR PA, ,ZHES BYA BA NI GSAL BA'I YUL CAN NO, ,RGYAB TU GSAL BAR MTHONG BA MA YIN PAR BSTAN PA NI MI GSAL ZHES BYA BA'O, ,MDUN NA GNAS PA NI GSAL BAR MTHONG BA PO'I YANG NGO, ,DE ZHES BYA BA NI GSAL BA'O, ,MA MTHONG BA DE LAS SKYES PA PO GANG GI SGRIB BYED YIN PA DE NYID DE MTHONG

BA YIN PAS GZHAN NI MA YIN NO SNYAM DU SEMS PA LA DE LA GCIG CES BYA BA'O, ,GZHAN GYIS ZHES BYA BA NI THAG RING PO NA GNAS PA'I GSAL BA'O, ,GAL TE ZHES BYA BA NI LAN GANG PA'I CHED DU RJES SU BRJOD PA'O, ,MA MTHONG BA 'DIS BSGRIBS PA'I PHYIR BSGRIBS BA YIN NA MTHONG BAR MI 'GYUR RO ZHES BYA BA NI GNAS SKABS KHO NA'I TSIG GI LHAG MA YIN GYI GZHAN NI MA YIN NO, ,CI BYED CES BYA BA NI GO BYED BA'O, ,'BRAS BU MED PAR RANG NYID MED PA'I PHYIR RO, ,THAG RING POR MA MTHONG BA GSAL BA GANG YIN PA 'BREL PA CAN DE'I MI GSAL BAR MTHONG PA GANG YIN PA'O, ,'DI YANG ZHES BYA BA NI BTANG SNYOMS KYI RIG PAR BYA BA YIN PA'I PHYIR RO, ,SUN 'BYIN PA DANG GZHUNG 'DZUGS PA'AM SUN 'BYIN PA DE'I YANG NGO, ,DE'I PHYIR ZHES BYA BA NI THAG RING POR MI GSAL BA SHES PA'I RNAM PA NYID YIN PA'I PHYIR MYONG BA NI THAMS CAD DO, ,RGYU BZHIN DU NI MTSUNGS PA DE MA THAG PA DANG DBANG PO LA SOGS PA'I RGYU LAS MA 'DAS PA'O, ,DON LA BRTEN PA NI DBANG PO LA SOGS PA LAS MA YIN TE, DE YOD KYANG SHES PA GZHAN LA MED PA'I PHYIR RO, ,LHAG MA NI RNAM PA MED PA DANG THA MI DAD PA'I DBANG PO LA SOGS PA'I RNAM PA ZHES BYA BA LA SOGS PA RNAMS SO, ,BLO NGAN RNAMS NI LUGS NGAN ZHES BYA BA NI RNAM PA MED PA NYID YIN NA DBANG PO LA SOGS PA MI GSAL BA DANG 'DRES PA LA SOGS PA RJES SU BYED PA MED PAR THAL BAR 'GYUR BA LA SOGS PAS GNOD PA'I PHYIR RO, ,SKAD CIG PAR MNGON PAR 'DOD PA NI DON GYI SHES PA YANG RNAM PA DANG BCAS PA YIN TE, DON RGYU YIN PA NYID KYI DE'I DUS MA YIN PA NA MED PA'I PHYIR RO ZHES BSTAN PA NI SHES PA SGRA DANG ZHES BYA BA'O, ,CIG SHOS KYI NI RJES SU DPAG PA LA SOGS PA'O, ,GANG GIS ZHES BYA BA NI RNAM PA MED NA'O, ,MED PA NI ZHES BYA BA NI RANG GI NGO BOS MI GNAS PA STE, GZHAN GYI NGO BOS KYANG MTHONG NA GZHAN GYI RNAM PA DANG BCAS PA NYID YIN TE, RANG RIG PA LA NI DE'I BDAG NYID KYI PHYIR YANG GSAL BA YIN NO ZHES BYA BYA BA'I DON TO, ,DMIGS PA NYID KHO NA PHAN 'DOGS PA MA YIN TE THAMS CAD DE LTA BU NYID THOB PAR 'GYUR BA'I PHYIR RO ZHES BSTAN PA NI GSAL BAR 'GYUR ZHES BYA BA STE, DMIGS PA NYID KYIS PHAN 'DOGS PA NYID DU RTOGS PA NI DUS GZHAN

, ,KHO NA MA YIN PA'I PHYIR RNAM PA DANG BCAS PA NYID YIN NO, ,RJES SU DPAG PA YANG SHES PA'I RGYU NGES PAR BYUNG BA GZUNG BA YIN GYI THAMS CAD NI MA YIN PA MA YIN SNYAM DU SEMS PA NI GAL RGYU ZHES BYA BA STE SNGA MA NYID KYI TSOGS PA NI, YUL GYI SKAD CIG SHES DANG BCAS, , SNANG BA DANG BCAS GZUGS BZHIN BYED, ,DE PHYIR LHAN CIG RIG PA YIN, ,ZHES BYA BA'I DON YIN NO, ,SO SOR NGES PA'I RANG GI TSOGS PA LAS BYUNG BA ZHES BYA BA 'DI NI NGES PAR RTOG PA NI SKYE BA LA SHES PA STE RIG PA'I BYED PA LA MED DO, ,RANG LA YOD PA'I KHYAD PAR GYIS KHYAD PAR DU BYED PA YIN GYI SKYE BAS NI MA YIN TE 'BREL BA'I NYE BA DANG GZHAN LA YANG KHYAD PAR MED PA'I PHYIR DANG, GNOD PA'I BDAG NYID YIN PA'I PHYIR 'DI LHAN CIG SKYES PA NI BYED PA LA YOD PA MA YIN NO, ,DE LTA NA RNAM PA DE NYID SHES PA'I RANG BZHIN YIN PAR STON GYI SO SOR NGES PA NYID NI MA YIN NO, ,RGYU LAS ZHES BYA BA NI RTOGS PA BZHIN DU DON LAS KYANG SHES PA'I PHYIR RO, ,DE'I PHYIR RTOGS PA NYID LAS GZUNG BA LA SOGS PA NYID MA YIN TE, GZHAN DU NA DON DANG SHES PA YANG RGYU LAS SKYES PA DON BZHIN DU KHYAD PAR DU SNANG BA NI RANG NYID RIG PA LA BYED PA DANG LDAN PA YIN GYI GZHAN DU NI MA YIN TE RGYU NYID LAS NGES PA'I PHYIR RO ZHES ZER BA NI 'ON TE RGYU DANG 'BRAS BUR ZHES BYA BA STE, RANG GI RGYU LAS GZHAN SKYE BA BZHIN DU SHES PA LAS KYANG GZUGS LA SOGS PA MA YIN PAR BSTAN PA NI DE'I TSE YANG ZHES BYA BA STE SKYED PAR BYED PA NYID 'DZIN PAR BYED PA MA YIN TE THAL CHES PA'I PHYIR RO ZHES BYA BA'I DON TO, ,NGO BO BZHIN DU BSKYED BYA'I KHYAD PAR LA YANG ZHING LA SOGS PA BZHIN DU SA BON 'DZIN PA MA YIN NO, ,DBANG PO LA SOGS PA NYID LAS KHYAD PAR CAN DU 'BYUNG BA NA SHES PA 'BRAS BU GZHAN LAS LHAG PA KHO NA YIN PAR BSTAN PA NI GANG GI TSE ZHES DE'I PHYIR ZHES BYA BA'O, ,GZUNG BA DANG 'DZIN PA'I DNGOS BO NI 'DZIN PA MED PA LAS KHYAD PAR DANG LDAN PA MA YIN TE, RANG GI RGYUD NYID LAS BYUNG BA'I PHYIR RAM GZUNG BA'I SHES PA LAS BUM PA BZHIN DU 'DZIN PA SKYED PAR BYED PA'I TSOGS PA MA YIN PAR BSTAN PA NI, GANG GI TSE SHES PA ZHES BYA BA'O, ,BDAG DANG YID PHRAD PA LAS BYUNG BA'I MNGON SUM DANG DON GYIS GO BA'I SHES PA GZHAN YANG 'DI LA YANG STE, 'DAS PA

'DZIN PA LA DE'I RNAM PA NYID YIN ZHES BYA BA'I DON TO, ,CIG CAR BA NYID DE CIG CAR SHES PA BYUNG BA NI YID KYI RTAGS YIN NO ZHES PA 'GAL BA YIN PAR BSTAN PA NI GNYIS DUS MNYAM PAR ZHES BYA BA'O, ,CIG CAR SKYE BA 'GAL BA YIN GYI YOD PA NI MA YIN NO ZHES ZER BA LA DUS MNYAM PA NYID YIN NA YANG BYA BA STE, 'DZIN BYED 'DZIN PA YIN NA GZUNG BYA 'DZIN PA GZHAN LAS DE DANG DE'I 'DZIN PA YIN PA'I PHYIR THUG PA MED PA ZHES BYA BA'I DON TO, ,DON YANG ZHES BYA BA NI SHES PA NYAMS SU MYONG BA'I BDAG NYID YIN PA'I PHYIR DE 'DZIN PAR 'DOD PA YANG RIGS PA MA YIN PAR BSTAN PA NI DANG PO GZUNG BA ZHES BYA BA STE, DANG PO ZHES BYA BA NI SNGA MA'O, ,PHYIS KYANG ZHES BYA BA NI 'DZIN PA'I DUS NA MED PA'O, ,GZUNG BA MA YIN TE SKAD CIG PA YIN PA'I PHYIR DANG, MTHAR THUG PAR 'DZIN PA'I PHYIR DANG DE'I DUS MA YIN PA'I PHYIR RO, ,YOD NA YANG GZHAN RTOGS PAR 'GYUR TE, DE DE'I DUS CAN MA YIN PA'I PHYIR RO ZHES BSTAN PA NI DE'I RANG BZHIN ZHES BYA BA'O, ,DE'I DUS NA GZUNG BA YIN NA 'DZIN BYED DANG 'DZIN PA YANG DE'I DUS NA YIN TE, DUS GZHAN NA NI DE DANG DE'I RNAM PA YIN TE, DE'I RNAM PA MA YIN PA NI DE'I 'DZIN BYED MA YIN PA'I PHYIR RNAM PA DANG BCAS PA YIN NO ZHES ZER BA NI SNGAR YANG ZHES BYA BA NAS THAL BA'I PHYIR RO ZHES BYA BA'I BAR DU'O, ,DE ZHES BYA BA NI GZUNG BA'I STE RIG PA'I'O, ,DE LTA BU YANG ZHES BYA BA NI RIG PA NYID YIN NA DBANG PO LAS SKYES PA NYID KYIS SO, ,DBANG PO DE MA YIN PA LAS LOG PA NI DE NYID KYI BSKYED BYA MA YIN TE, SKAD CIG MA'I SKYED BYED NYID LA SOGS PA MA RTOGS PAS DBANG PO MA YIN PA LA SOGS PA'I PHYIR RO, ,'DZIN PA'I RNAM PA YANG THA DAD PA'AM THA MI DAD PA YANG TE, GZHAN DU NA MI RIGS PA'I PHYIR RO, ,GZHAN DU NA NI PHYI NAS SO, ,DE LTA MA YIN PA NI DON GYI DUS DANG DE DANG THA MI DAD PA'I NGO BO DAG GO, ,GZHAN GYI ZHES BYA BA NI SKYES BU GZHAN GYI'O, ,RTOG PA YIN NO ZHES BYA BA NI THA SNYAD DO, , TSOGS PA NGES PAR BYED PA SKYE BAS 'DZIN PA NA JI LTAR NGES PA YIN ZHES ZER BA LA DE BYAS SHES PA ZHES BYA BA'O, ,'DZIN PA LA NGES PA'I GZUNG BYA'I DON SNANG BA NYID KYI PHYIR TE RNAM PA LAS SO, ,DE ZHES BYA BA NI RNAM PAR SGRO BTAGS PA'I DON NO, ,GSAL BA ZHES BYA BA NI 'DZIN PAR BYED PA'O, ,GZHAN NI MA

, ,YIN TE DE'I RNAM PAS RIG PAR NGES PA'I PHYIR RO, ,DE'I BDAG NYID YIN PAS DE NYID DE'I RNAM PA YIN GYI DON RIG PA NI MA YIN TE, DE 'DI LA RJES SU MA ZHUGS PA'I PHYIR RO ZHES BSTAN PA NI BRJOD PA YIN ZHES BYA BA STE, NGES PA'I RNAM PAR RIG PA NI LKOG TU GYUR PA NI DE LTA BU NYID DU NGES PA LA LTOS PA MA YIN TE, GSAL BA'I PHYIR GZHAN DU NA DE MED PAS LOGS NA GNAS PA NYAMS SU MYONG BAS NYAMS SU MYONG BA MA YIN PA'I BDAG NYID THOB BA'I PHYIR DE LTA BU NYID MA YIN NA RJES SU DPAG PA LAS BYUNG BA MA YIN TE, SNGA NA MED PAR RIG PA RGYU MTSAN MA YIN PA'I PHYIR RO, ,DON RIG NA YANG SNGA ROL DU DE MA YIN PA'I RTOG PAS 'DI DE KHO NA NYID RJES SU DPAG PA DANG 'GAL BA YIN LA, DE NYID LAS GZHAN NYID DU SGRO BTAGS PA NI RJES SU DPAG LAS LOG PAR 'GYUR BA'AM DON LA RNAM PAR GZHAG PA YANG YIN TE, RJES SU STE RNAM PA RIG PA'I PHYI NAS DON LA DPOG PA NI RNAM PAR RTOG PA YIN TE, DES DON RNAM PAR 'JOG PAS DON RNAMS LA STE, NGES PAR 'DZUD PAR BYED PA'I PHYIR RO, ,DE'I PHYIR RNAM PA'I NGES PA NI RANG LAS NGES PA YIN PAR BSTAN TO ZHES BYA BA'I DON TO, ,DE MED KYANG ZHES BYA BA NI SHES PA'I DUS NA SKYED PAR BYED PA NYID YIN PAS CIG CAR BA MA YIN PA'I PHYIR SNGAR BYUNG BA'I DON DES BYAS PA NI SHES PA YIN NO ZHES BYA BAR SBYAR RO, ,DE'I RNAM PA NI DON DE DANG 'DRA BA'I BSKYED BYA'O, ,GAL TE DE MA GRUB NA DE'I RNAM PA NYID CI LAS YIN ZHE NA DE GRUB PAR BSTAN PA NI GZHAN GYIS ZHES BYA BA STE, RANG RIG PA NI GZHAN GYIS RIG PAR BYA BA MA YIN ZHES BYA BA'I DON TO, ,RANG NGAM ZHES BYA BA NI RNAM PA DBANG PO LA SOGS PA RNAMS LA MED PA'I PHYIR RO, ,GNAS NA NI GRUB NA'O, ,DE MED PAR ZHES BYA BA NI DE'I RNAM PA'I SKYED BYED KYI DON MED NA STE BAG CHAGS TZAM GYI BSKYED BYA YIN PA'I PHYIR NYA PHYIS LA DNGUL DU LTA BU'O, ,DON DAM PAR ZHES BYA BA NI RANG DANG GZHAN LA SNANG BA DAG GI DBYE BA NYAMS SU MYONG BA'I PHYIR NGES PA GAL TE MA YIN NA ZHES BYA BA'I RIGS PAS SO, ,RJES DPAG LA LTOS NA ZHES BYA BA NI THOB PAR BYA BA MNGON SUM MA YIN BAS SKYED PAR BYED PA MA SHES PA'I PHYIR RO, ,LONG BA ZHES BYA BA NI RTOG PA TZAM YIN PA'I PHYIR RO, ,THAMS CAD DE KHO NA NYID CES BYA BA NI KHAS BLANGS PA LAS KYANG YOD PAS

DE LTA BUR GYUR PA'I LUD LA GOMS PAS KHAS BLANGS PA'I PHYIR RO, ,SNANG BZHIN PA NYID KYI DON LA DE MA YIN PA'I NGO BO MI RIG PA'I PHYIR SHES PA'I RNAM PA'I RTOG PAR RJES SU DPAG PA LAS 'GYUR BA MA YIN NAM ZHES ZER BA LA LHAN CIG SKYES PA'I ZHES BYA BA'O, ,RTOGS PA'I RNAM PA NI BDAG NYID DU GYUR PA RIG NGES PAR BYED PA YIN GYI RJES SU DPAG PAR BYED PA NI MA YIN TE, LHAN CIG SKYES PA YANG SHES PA BZHIN DU RTOGS PA'I BDAG NYID DU PHAN 'DOGS PAR BYED PA MA YIN PA NI RNAM PA DANG KHYAD PAR BYED BA 'GAL BA DANG GZUNG BA NYID LA YANG 'GAL BA YIN NO, ,SKYES PA NI SKYES PAR 'GYUR BA'O, ,GZUNG BA NYID LA 'GAL BA DMIGS PAR BSTAN PA NI LHAN CIG SKYES PA ZHES BYA BA'O, ,DE'I RNAM PA KHYAD PAR BYED PA 'GAL BA YIN PAR BSTAN PA NI DES PHAN 'DOGS PA MED PA'I PHYIR ZHES BYA BA'O, ,RNAM PA MED KYANG YUL NYID YIN PA'I PHYIR SHES PA'I GZUNG BYA YIN NO SNYAM DU SEMS PA LA SHES LA ZHES BYA BA STE, YUL NYID NI RNAM PA DANG LDAN PA NYID KYIS KHYAB PA YIN NA DE MED NA JI LTAR YIN ZHES BYA BA'I DON TO, ,RIGS PA YIN TE ZHES BYA BA NI GZHAN DU NA THAL CHES BA'I PHYIR RO, ,SHES PA'I DUS SU ZHES BYA BA NI 'DZIN PA'I DUS SU'O, ,JI LTAR ZHES BYA BA NI SKYED PAR BYED PA NYID SHES PA DANG LHAN CIG YOD PA'I PHYIR RO; ;GZUNG BAR BYA BA'I RDO RJE DANG RDO BA LA SOGS PA YANG SHES PA SKYED NA GANG GI TSE SKYED PAR BYED PA DE'I TSE BDAG NYID THAMS CAD KYIS RTOGS PA'I PHYIR RTOGS PA NYE BA YIN PAS 'DZIN PAR BYED PA'I DUS NA MED PA MA YIN PAR BSTAN PA NI, BRTAN GANG RDO RJE RDO SOGS KYI, ZHES BYA BA'O, ,SHES PA NI CIG CAR RANG NYID SKYED BAR 'GYUR ZHES BYA BA NI CIG CAR NYID SHES BYAR 'GYUR BA'O, ,GZHAN YANG DE LTAR 'DZIN PAR 'GYUR BAR BSTAN PA NI KUN GYI ZHES BYA BA'O, ,RANG GI NGO BOS DE'I TSE NYID 'BYUNG NA NGO BO GZHAN GYIS NI 'DZIN PA'I DUS NA YANG NGO ZHES BSTAN PA NI RANG NYID CES BYA BA STE, NGO BO GZHAN NI DE NYID KYI MA YIN NO, ,DBYE BA MED KYANG DUS GZHAN LA JI LTAR MA YIN ZHES ZER BA LA GZHAN LA LTOS MED PHYIR ZHES BYA BA STE, DBYE BA MED PA'I NGO BO NI GZHAN LA MA LTOS PAR RDZOGS PA NI DE'I TSE NYID DU YIN GYI DUS GZHAN DU NI MA YIN TE, DE LA DBANG MA YIN PA'I PHYIR RO ZHES BYA BA'I DON BSHAD PA NI DUS KYI CHA YIN ZHES BYA BA'O, ,SHES PA

, ,GCIG GI DUS NYID DU ZHES BYA BA NI SHES PA GCIG LA SKYED PA'I DUS NYID NA'O, ,RTAG PA NYID DU MI 'GYUR BA NI 'DZIN PA'I DUS NA SHES PA LA SOGS PA BZHIN DU YOD NA'O, ,DE NYID BSTAN PA NI DE NYID KYI TSE ZHES BYA BA STE SKYED PAR BYED PA'I DUS NA'O, ,DUS KYANG GCIG YIN PAS DE NYID KYI CHAR 'GYUR BAR BSTAN PA NI DUS KYI CHA MTHA' DAG CES BYA BA'O, ,SHES PA GCIG LA YANG DE LTA BUR YIN PAR BSTAN PA NI SHES PA GCIG LA YANG ZHES BYA BA'O, ,SKAD CIG RE RE ZHING SHES PA'I BYED PA PO THA DAD KYANG LAS GCIG MA YIN PAR BSTAN PA NI LHAN CIG BYED PA ZHES BYA BA'O, ,'BYUNG NA ZHES BYA BA NI 'BYUNG BA'I NGANG TSUL CAN NO, ,DE DAG NI SHES PA DAG GO, ,SKYED PAR BYED PA'I SHES BYA'I NGO BO THA DAD PA RTOGS PAR BYED PA DE'I DE NYID DE SHES PA LA SOGS PA'I SKYON 'DI LA YANG ZHES BYA BA NI RDO RJE LA SOGS PA LA'AM BUM PA LA SOGS PA'I SKYON YANG NGO, ,TSOGS PA LAS BYUNG BA CIG CAR GNYI GA YANG GZUNG BA LA SOGS PA NYID DANG SBYOR BA MA YIN PAR BSTAN PA NI SNGAR BZHIN ZHES BYA BA'O, ,SKYE BA NI DES PA CAN YIN LA 'DZIN BA LA SOGS PA NI MA YIN TE 'DZIN PA MED PA'I PHYIR RO, ,SHES PA THA DAD PA YIN NA DES BYAS PA DE'I YUL NYID KYI NGO BO YANG THA DAD PA YIN TE, YUL MA YIN PA LA DE LTA BU MED PA'I PHYIR RO ZHES BSTAN PA NI SHES PA RNAMS ZHES BYA BA'O, ,DE LTA BU MA YIN PA'I PHYIR ZHES BYA BA NI, SNGA MA DANG PHYI MA MED PA'I PHYIR RO, ,RAG LAS PA'AM ZHES BYA BA NI SNANG DU RUNG BA NYID DO, ,GZHAN DU ZHES BYA BA NI SHES PAS BYAS PA'O, ,SNANG DU RUNG BA NYID NI SHES PA YIN GYI GZHAN MA YIN PA MA YIN NAM, DE'I RGYU MIG LA SOGS PA GCIG YIN PA DE'I PHYIR DE YANG GCIG YIN NO, ,DE ZER BA NI 'ON TE ZHES BYA BA'O, ,RANG GI RGYU LAS NYE BAR BSGRUBS PAS TE BSKYED PA'I MIG LA SOGS PA GANG GI YIN PA DE'O, ,RTAGS NYID NI GNAS PA NYID DO, ,MIG MI 'DZUMS PAR YANG MTHONG YANG SKAD CIG RE RE ZHING MIG NYE BA LA LTOS PAR DE LTA BU'I KHYAD PAR GYI SNANG BA NYID KYANG RTOGS PA YIN PAR BSTAN PA NI RDO RJE DANG RDO LA SOGS PA NI ZHES BYA BA'O, ,RNAM PA KUN DU ZHES BYA BA NI MI 'DZUMS PA DANG CIG SHOS KYIS MA RTOGS PA'I PHYIR RO, ,DE'I TSE NA MED PA'I PHYIR RO, ,MTHONG BA NYID THA MI DAD PA LA MA YIN NAM RTOGS PA NI THA DAD PA'I YUL CAN YIN PA'I PHYIR DANG DON GCIG GI YUL CAN

YIN PA'I PHYIR RO SNYAM DU SEMS PA LA, THA MI DAD PA LA YANG THA SNYAD YIN PAR BSTAN PA NI DUS PHYIS DRAN PA ZHES BYA BA STE 'DI MTHONG NGO ZHES BYA BA NI MTHONG PA'I BDAG NYID KYI RANG GI RIG PA NYID KYANG SNGON BOR NGES PA YIN NO ZHES BYA BA'I DON TO, ,SHES PA MED PAR ZHES BYA BA NI MTHONG BA DANG RNAM PAR RTOG PA DAG THA MI DAD PA KHO NA YIN NO ZHES BYA BA'I DON TO, ,RIG PAR BYA BA ZHES BYA BA NI SHES PA'I BDAG NYID DO, ,YUL DE SNGON PO LA SOGS PA DE'I SHES PA NYID BYE BRAG YIN PA DE LAS MTHONG BA NI RANG NYID DANG YUL YANG RIG PA YIN ZHES BYA BA'I DON TO, ,RNAM PAR SHES PA ZHES BYA BA NAS JI LTAR ZHES BYA BA'I BAR NI RGOL BA YIN TE, TSUL GNYIS PA NI YUL GYI STE RANG GI RIG PA DANG GZHAN GYI RIG PA LA YANG SKYON MED DO ZHES BYA BA'I DON TO, ,SKABS LAS ZHES BYA BA NI RANG GI RIG PA NYID MED NA YUL NYID MI RIGS PAR 'GYUR TE MA RIG PA'I PHYIR RO, ,SHES PA'I RIG PA BYED PA PO NYID DU KHAS BLANGS PA NYID KYI PHYIR RANG GI RIG PA YANG RTOGS PA YIN LA YUL GYI RNAM PA NYID NI DE LTA MA YIN PA'I PHYIR SGRUB PAR BYED PA YIN PAR BSTAN PA NI DER YANG ZHES BYA BA'O, ,'DOD PA NI LOG PAR RTOGS PA YIN PA'I BAR RO, ,RIG BYA LAS RIG PA NI RANG NYID KYIS LKOG TU MA GYUR PA NYID KHO NA KHYAD PAR YIN PAR BSTAN PA NI DE DAG NYID KYIS ZHES BYA BA STE, DE DAG NYID KYIS NI LKOG TU MA GYUR PA NYID KYIS SO, ,YANG DAG DRAN LAS NI RIG PA LA RJES SU 'JUG PA MA YIN PA MI RIGS PAS MI DRAN PA'I PHYIR RO, ,RANG RIG PA LA NI GZHAN RIG PA MA YIN PA LA'O, ,RIG PA TZAM ZHES BYA BA NI LKOG TU MA GYUR PA TZAM STE, SNGON PO RIG PA LKOG TU MA GYUR PA LA LOG PAR RTOG PA MA YIN NO ZHES BYA BA'I DON TO, , RANG RIG PA ZHES BYA BA NI GZHAN GYIS SGRUB PA NYID MA YIN PA'O, ,RNAM PAR PHYE NAS NI GSAL BA'I NGO BOS SO, ,DON GYI RNAM PA BZHIN DU SHES PA LA YANG DRAN PA YIN TE, DES NA SNGAR GNYI GA NYAMS SU MYONG BA MA YIN NAM, MA YIN TE DON DAM TZAM NYAMS SU MYONG BA LA DE LTA BU MED PA'I PHYIR RO, ,DRAN PA LAS PHYIS DUS KYANG ZHES, ,'DI NI BRDZUN PA NYID SMA YIN, ,DE NYID TSE 'DI YANG DAG RIG, DON GYIS GO BAR NYE BAR SKYED, ,DON DE SHES PAR YANG DAG RIG ,DRAN PA LAS KYANG RJES DPAG YIN, ,ZHES BYA BA NI MI RIGS SO, ,DRAN PA LAS ZHES BYA BAS DON GYIS GO BA NYID KHYED KYIS BSTAN PA YIN NO ZHES ZER BA NI RNAM PA

, ,MED PA LA YANG ZHES BYA BA STE, SHES PA RANG RIG PA YIN YANG RNAM PA DANG BCAS PA YIN TE, DRAN PA'I RJES SU DPAG PA LAS DON MNGON SUM YIN NO ZHES BYA BA'I DON TO, ,NYAMS SU MYONG BA JI LTA BA BZHIN DU DRAN PA LAS RNAM PAR RIG PA NYAMS SU MYONG BA NI NYAMS SU MYONG BA GZHAN GYI MTSAN NYID KHO NA 'DIS BRJOD PA YIN GYI RJES SU DPAG PA NI MA YIN TE, GSAL BA'I KHYAD PAR NYAMS SU MYONG BA MA YIN PAS DRAN PA YIN PA'I PHYIR RO ZHES BSTAN PA NI 'DI NI PHAN TSUN ZHES BYA BA STE, SNGON PO DANG DE'I RIG PA YANG DE LA GNAS PAR RIG PA NYID YIN NO ZHES BYA BA'I DON TO, ,NYAMS SU MYONG BA LA YOD PA'I GSAL BA'I KHYAD PAR NYID BSTAN PA NI DRAN BA BRJOD PAR 'DOD PA ZHES BYA BA'O, ,GSAL BA THA DAD CES BYA BA NI SNGON PO RIG PA'O, ,DE'I TSE RIG PA ZHES BYA BA'I DON BSTAN PA NI RANG SPYOD YUL GYIS ZHES BYA BA'O, ,SNGON PO LA SOGS PA RIG PA NI PHAN TSUN MA 'DRES PA NYID DU RIG PA NI RANG GI RIG PAR BYA BA LAS GZHAN DU NYAMS SU MYONG BA'I MA YIN PAR BSTAN PA NI PHYE MED CING ZHES BYA BA'O, ,RANG NYID DU GYUR BA'I YUL GYIS RNAM PA GZHAN DANG LDAN PA SHES PA NYID KYI PHYIR 'DI NI 'DI LTAR TE 'DI SNGON PO'O ZHES BYA BA DANG 'DI LTAR NI MIN ZHES BYA BA NI SER PO MA YIN PA'O, ,'DI NI ZHES BYA BA NI DRAN PA'O, ,THA DAD MED 'GYUR GYI DAD PA NI GZHAN PA'O, ,YUL GYI BYED PA LAS DE'I RNAM PA MA YIN YANG 'BYED PAR 'GYUR RO ZHES BYA BA MI RIGS PAR BSTAN PA NI RNAM 'BYED MIN ZHES BYA BA STE, SHES BZHIN DU BYED PA LA YANG YUL LA MA ZHUGS PA'I PHYIR DBYE BA MED PA YIN NO ZHES BYA BA'I DON TO, ,SHES PA RNAMS KYI BDAG NYID DU GYUR PA'I YUL LAS RANG GI MTSAN NYID KHYAD PAR GSAL BA NI GZHAN KHO NA MA YIN NAM MA YIN PAR BSTAN PA NI MED PA LA RNAM 'BYED CES BYA BA'O, ,MTSE SOGS ZHES BYA BA NI BA LI DANG MGRIN BZANGS LTA BU DANG, MIG 'PHRUL GYI RI LU GNYIS LA SOGS PA DBYE BA MI GSAL BA LA SOGS PA'O, , DRAN PA LA KHYAD PAR MI GSAL BA'I PHYIR MI GSAL BA YIN NO ZHES BYA BA'I DON TO, ,GAL TE ZHES BYA BA NAS DRAN PAR MI 'GYUR RO ZHES BYA BA'I BAR GYIS RANG SPYOD YUL GYIS PHYIR MED CING ZHES BSHAD PA YIN NO, ,'ON TE ZHES BYA BA NAS DRAN PA YIN NO ZHES BYA BA'I BAR GYIS NI NYAMS SU MYONG BA TZAM GYIS NI ZHES BYA BA

BSHAD PA'O, ,'GA' ZHIG CES BYA BA NI RANG GI MTSAN NYID KYI DBYE BA'O, ,BRTAG PA ZHES BYA BA STE RNAM PAR DBYE BA ZHES BYA BA NI GNAS SKABS LAS SO, ,RGYU MA YIN BA YUL MA YIN PA'I PHYIR DE MED PAS RNAM PA MED PA'I SHES PA MI DBYE BA KHO NAR 'GYUR RO ZHES BRJOD PA YIN PAR BSTAN PA NI YUL GYI RNAM PA NYID MED PAR ZHES BYA BA STE NYAMS SU MYONG BA'I YUL DRAN PA NI DE'I RNAM PA'O, ,MNGON SUM LAS GZHAN DU 'DAS PA YANG RE ZHIG DMIGS PA MA YIN TE 'DAS PA NYID DU THAL BAR 'GYUR RO ZHES BSTAN PA NI, RNAM PA DE NI 'DAS PA'I ZHES BYA BA'O, ,DA LTAR NYAMS SU MYONG BA NYID YIN NA DRAN PA NI MA YIN TE KHAS MA BLANGS PA'I PHYIR RO ZHES BSTAN PA NI DE NI DA LTAR BA YIN NA ZHES BYA BA'O, ,DRAN PA NYID DE LTA BU'I RNAM PA CAN YIN TE, THA MI DAD PAR NYAMS SU MYONG BA'I PHYIR RO ZHES BYA BA NI NYAMS SU MYONG BA LA YANG 'GYUR BAR BSTAN PA NI RNAM PA DE ZHES BYA BA'O, ,CI STE ZHES BYA BA NI RIM PA'O, ,NYAMS SU MYONG BA BZHIN DU DON NYID LAS DRAN PA RNAM PA DANG LDAN PA NYID JI LTAR YIN ZHING GANG LAS DE DE'I RNAM PA CAN YIN ZHES ZER BA LA RNAM PA DANG BCAS PA'I ZHES BYA BA'O, ,CI LAS SHE NA PHAN MI 'DOGS PAR KHYAD PAR MED PA'I PHYIR THAL CHES PA YIN PAR BSTAN PA NI DON LAS DRAN BYUNG NA ZHES BYA BA'O, ,DE NYID CES BYA BA NI DON NYAMS SU MYONG BA'I NGO BO'O, ,DON MED NA MI 'BYUNG NGO ZHES BYA BA'I MED PA'I LAS NI DE RGYU MA YIN NO ZHES BSTAN PA NI DON MED PAR YANG ZHES BYA BA'O, ,RNAM PA MED PA NYAMS SU MYONG BA YIN NA YANG DRAN PAS 'DI'I RNAM BA JI LTAR 'DZIN PA YIN ZHES BSTAN PA NI GAL TE ZHES BYA BA'O, ,NYAMS SU MYONG BA LA NI JI LTAR NYAMS SU MYONG BA YOD PA NGES PA'I PHYIR DON LA BZHIN DU THAL CHES PA MA YIN PAR BSTAN PA NI GANG ZHIG CES BYA BA'O, ,GNYI GA'I RANG BZHIN DU ZHES BYA BA NI SNGON PO NYID DANG LKOG TU MA GYUR PA NYID DO, ,RANG RIG PAR YANG RIG PA YIN NO ZHES BYA BA NI SNGON PO 'DZIN PA'I DUS NA DE'I 'DZIN PA GZHAN MI 'BYUNG BA'I PHYIR DANG, RIG PA MA YIN BAS THUG PA MED PA MA YIN PA'I PHYIR RO, ,GAL TE 'DZIN BYED GZHAN MED NA SNGON PO NYID LKOG TU MA GYUR PA YIN DU ZIN KYANG JI LTAR RANG RIG PA YIN ZHES ZER BA LA TSUL GNYIS ZHES BYA BA SMOS TE, SNGON PO LKOG TU MA GYUR PA ZHES BYA BA NI TSUL GNYIS YIN LA, DE LKOG TU GYUR BA MA YIN ZHES BYA BA NI RANG GI RIG PA

, ,YIN NA'O, ,RANG RIG PHAL CHER GRUB PA ZHES BYA BA NI LKOG TU MA GYUR PA'O, ,MYONG BA NI LKOG TU MA GYUR PA NYID DE SNGON PO DANG LKOG TU MA GYUR PA DAG NI LKOG TU GYUR PA MA YIN PA'O ZHES BYA BA'I DON TO, ,PHAL CHER ZHES BYA BA NI SNGON PO'O, ,LKOG TU MA GYUR PA ZHES BYA BA 'DI LA LKOG TU MA GYUR PA NYID DE, SGRUB PAR BYED PA NYID DU 'DZIN PA YIN GYI BSGRUB BYA NYID DU NI MA YIN NO ZHES BYA BA'I DON TO, ,SGRUB PAR BYED PAS ZHES BYA BA NI GRUB BAS SO, ,ZHAL LA ZHES BYA BA BSHAD PA YANG 'DI BZHIN DU SHES PAR BYA'O, ,GZUNG DANG 'DZIN PAR 'DOD PA LA, ,KHYOD KYI GCIG 'DOD DE LTA MIN, ,DE LTA'I BDAG NYID GCIG NYID LA, ,KHYOD LA DPE NI 'GA' YANG MED, ,CES ZER BA NI GAL TE RANG RIG PA ZHES BYA BA'O, ,MAR ME LA SOGS PA RNAMS BUM PA LA SOGS PA RNAMS KYI GSAL BYED DU GRAGS PA GANG YIN PA DE DAG GSAL BAR BYA BA'I NGO BO YIN TE, GSAL BA LA MI LTOS PA'I PHYIR RO ZHES BSTAN PA NI MA YIN TE MAR ME LA SOGS PA LA NI ZHES BYA BA'O, ,GZHAN LA NI DE MA YIN PA LA'O, ,GSAL BAR BYA BA NYID YIN PAR GZUNG BA NYID YIN PAR BSTAN PA NI GANG TSE DE DAG CES BYA BA'O, ,DES MA YIN ZHES BYA BA NI BYED PA YIN PA'I PHYIR RO, ,KHYED KYIS BDAG GZUNG BYA 'DZIN PAR BYED PA KHAS BLANGS PA MA YIN NAM ZHES ZER BA LA GAL TE BDAG CES BYA BA'O, ,BDAG NYID DU NI SEMS PA CAN GYI NGO BO NYID DU'O, ,YOD MA YIN ZHES BYA BA NI DE'I GZUNG BYA MED CING DES NI 'DZIN PA MED CES BYA BA'I RIGS PA STE SNGON POR SNANG BA NI MNGON SUM YIN GYI BDAG SNANG BA NI MA YIN NO ZHES BYA BA'I DON TO, ,DE LTAR GZUNG BA DANG 'DZIN PA NYID GZHAN GYI GSAL BAR BYA BA NYID MA YIN PA NI RANG NYID GSAL BA GSAL BA NYID YIN GYI RANG NYID LA BYED PA NI MA YIN NO, ,DE BSTAN PA NI MA YIN NO, ,DE BSTAN PA NI GANG LA ZHES BYA BA'O, ,DE NYID KYI PHYIR ZHES BYA BA NI GSAL BAR BYA BA MA YIN PA'I PHYIR DANG, GSAL BAR BYED PA MA YIN PA'I PHYIR RO, ,DE BSTAN PA NI MIG BYED PA ZHES BYA BA'O, ,DBANG PO LAS DE 'DZIN PA'I BDAG NYID YIN GYI DBANG PO NYID DE LTA MA YIN PAR BSTAN PA NI DE LA DBANG PO ZHES BYA BA STE DBANG PO 'DZIN PA MA YIN PA'O, ,MAR ME DANG BUM PA LA SOGS PA 'DIR DPE YIN ZHING BDE BA LA SOGS PA DE DAG KYANG NGO, ,BDAG DANG SEMS PA CAN DANG SEMS PA CAN DU 'DU BA YIN PAS GZUNG BA NYID MA

YIN TE, RANG GI RIG PA NYID DU 'GYUR BAR BSTAN PA NI 'DU BAS ZHES BYA BA'O, ,MED DO ZHES BYA BA NI 'DU BA CAN DAG THA DAD PA YIN NA 'DU BA MA YIN LA, THA MI DAD NA YANG DE GNYI GA'I BDAG NYID YIN NA YANG NGO, ,BDAG NI SNGON PO RIG PA DANG SER PO YANG NGO ZHES TSAD MA PA NI BDAG TU SHES PA'I YUL SNGON PO LA SOGS PA DANG THUN MONG PA YIN GYI DE NYID MA YIN PA MA YIN NAM ZHES ZER BA NI GAL TE GZUNG BAR BYA BA ZHES BYA BA STE, SNGON PO NI SER POR RIG PA MA YIN NO ZHES BYA BA'I DON TO, ,RANG NYID BZHIN DU TSAD MA BA LA YANG YUL THUN MONG DU 'GYUR GYI BDAG GIS SHES SO ZHES BYA BA 'DI SHES PA LDOG PA NYID MA YIN TE, SNGON PO LA SOGS PA RNAMS GZUNG BA NYID DU RANG RIG PA RJES SU 'BRANG BA NA DNGOS PO LDOG PA BZHIN DU DNGOS PO'I SHES PA MA YIN PA LDOG PA YIN GYI SHES PA NI MA YIN TE, DE NI TSAD MA BYED PA PO DANG THUN MONG BA MA YIN PAR BSTAN PA NI NGA NI DKAR SHAM ZHES BYA BA'O, ,LUS LDAN PA'I NI LUS LA GNAS PA DAG GI STE GZUNG BA NYID DANG BDAG TU 'DZIN PA'I SHES PA'I YUL LA 'GAL BA MED DO ZHES BYA BA'I DON TO, ,RANG RIG PA YANG MA YIN PA NI GZUNG BA MA YIN PA'O, ,DE YOD NA YANG ZHES BYA BA NI BDAG GIS GZUGS ZHES BYA BA'I MTHONG BA MED NA YANG NGO, ,MTHONG BA NI BDAG DKAR SHAM MI ZHES BYA BA NI DE'I RANG BZHIN TE; DKAR SHAM GYI RANG BZHIN GYI RGYU MTSAN NYID YIN PA MA YIN TE, 'ON KYANG YOD PA NYID DO, ,BDAG DKAR SHAM MO ZHES BYA BAS GZUGS NYID BRJOD PA YIN PAR BSTAN PA NI DKAR SHAM LA SOGS ZHES BYA BA'O, ,GZUNG BA NYID KYI ZHES BYA BA NI BDAG GI GZUGS SO ZHES BYA BA MED PA'I PHYIR RO, ,'GAL BA CAN YANG MA YIN NO ZHES BYA BA NI BDAG DANG DKAR SHAM MO ZHES GZUNG BA NYID LA LOG PAS DKAR SHAM DANG GZUGS DAG LA THA DAD PA MED PA'I PHYIR RO, ,RGYU MTSAN MA YIN LA ZHES BYA BA NI 'BREL PA YOD KYANG NYE BAR BTAGS PA MED PA'I PHYIR GZHAN GYIS GSAL BAR BYA BA MA YIN PA'I YUL DU BDAG GO ZHES BYA BA'I SGRA SNGON LA SOGS PA LA YANG YIN NO ZHES BYA BA 'DI NI BDEN PA YIN NO ZHES BYA BA'I DON TO, ,GZHAN GYIS GSAL BAR BYA BA MA YIN PA NYID KYI RGYU MTSAN LA GTZO BO NYID YIN PAR BSTAN PA NI NGA DKAR SHAM MO ZHES BYA BA'O, ,BDAG DANG BDAG GI SGRA DAG GZHAN GYIS GSAL BAR BYA BA MA YIN PAR BRJOD PA

, ,DAG SNGON PO DANG BDE BA LA SOGS GTZO BO YIN PAR BSTAN PA NI NGA'I BDE BA ZHES BYA BA DE DRUG PAS THA DAD PAR BRJOD PA YANG NGA'I BDAG NYID DO ZHES BYA BA DE NI SMRA BA BO'I RTOG PA TZAM YIN GYI DNGOS SU NI MA YIN NO ZHES BYA BA'I DON TO, ,GZHAN DAG RTOGS PA YOD MA YIN, ,ZHES BYA BA NI BSDUS PA DANG DE DANG LDAN PA DANG BDAG NYID DANG GNAS SKABS DANG LDAN PA'I DBYE BA LAS DE LTA BU'I DBYE BA YIN YANG NYAMS SU MYONG BA'I BDAG NYID KYIS YUL GTZO BO YIN TE, DE BZHIN DU STE SEMS PA CAN GYI DBYE BA BZHIN DU ZHES BYA BA'I DON TO, ,SNGA MA'I ZHAG LA MTHONG BA PHYI MA'I ZHAG LA BDAG GIS MTHONG NGO ZHES BYA BAR 'GYUR BA MA YIN NAM DA LTAR YOD PA'I BDAG NYID LA YANG DE LTA BUR 'GYUR GYI GZHAN LA NI MA YIN TE, GZHAN 'DI NI SNGON PO'AM LUS LA SOGS PA'AM NYAMS SU MYONG BA'O SNYAM DU SEMS PA LA TE POR BTAGS KYANG ZHES BYA BA'O, ,GZHAN DMIGS PA NI GZHAN LAS MA YIN TE, CI LAS SHE NA GZHAN ZHES BYA BA STE LUS LA SOGS PA LAS GZHAN PA NYID NI GZHAN GRUB NA 'GRUB PA YIN TE, BDAG GO ZHES BYA BA YANG DE TZAM DU NGES PA YIN NO ZHES BYA BA'I DON TO, ,LUS SAM GZHAN YANG SHES PA PO'I RIG PA NI SKAD CIG RE RE ZHING THA DAD PA MA YIN NAM, NYAMS SU MYONG BA PO'I BDAG 'DI MTHONG NGO ZHES DAN PA NI SHES PA PO GZHAN GYI MA YIN GYI YUL GZHAN YANG DE'I RANG BZHIN GYIS MA YIN NO, ,SHES PA PO LAS BYUNG BA NI GZHAN LA DMIGS PA MA YIN LA RANG NYID RIG PA'I NYAMS SU MYONG BAS RNAM PAR MA CHAD PAR MA NGES PA CAN GYI BAG CHAGS KYIS BYAS PA'I SGRO 'DOGS PAR BYA BA'I DRAN PA'I RGYU MA YIN TE NYAMS SU MYONG BA JI LTA JI LTA BA BZHIN DRAN PA'I PHYIR RO, ,SHES PA BO YIS NGO SHES PA, ,BAG CHAGS KYIS BYED 'OS YIN LA, ,DE MIN PA LA DER SHES PA, ,'DI NI 'KHRUL PA'I RGYU MA YIN, ,ZHES BSTAN PA NI THOG MA MED PA'I ZHES BYA BA STE NYAMS SU MYONG BA DANG, DRAN PA DANG DE'I GNAS SKABS BAR GNAS PA RNAMS THA DAD PA YIN LA, THA MI DAD NA YANG GNYI GA DUS GCIG PAR 'GYUR RO, ,THA MI DAD PA YANG THA DAD PAR MA MTSON PA LA RANG GI RIG PA RJES SU 'JUG PA YIN NA STE DE LTAR BAG CHAGS YONGS SU SMIN PA'I PHYIR RO, ,SNGON DANG DA LTAR 'ANG BDAG RIG PHYIR, ,BDAG GIS 'DI NI SHES PA YIN, ,ZHES BYA BA NGES PA

YIN GYI JI LTA BA BZHIN NYAMS SU MYONG BA MA YIN PA LA DPA'I RNAM PA STE, ,LUS DANG SNGON PO LA SOGS PA BYA BA 'BREL BA'AM ZHES BYA BA'I DON DU RTOGS PA YIN NO, ,LUS LA SOGS PA RANG LA GNAS PA RIG PA DANG, CIG SHOS NYID LA YANG THAMS CAD KYI PHAN TSUN DU 'BREL PA MED PA MA YIN TE, GCIG GI BDAG NYID RIG PA'I KHONGS SU GTOGS PA'I PHYIR RO, ,RIG PA'I RGYU MTSAN GYI BDAG GO ZHES BYA BA LUS LA BZHIN DU RTZIG PA LA SOGS PA LA YANG 'GYUR RO ZHES ZER BA NI 'O NA JI LTAR ZHES BYA BA'O, ,KHYAD PAR MED PAR BSTAN PA NI JI LTAR ZHES BYA BA'O, ,DES NA ZHES BYA BA NI DE BZHIN DU LUS LA YANG NI MA YIN NO ZHES BYA BA'I DON TO, ,MA SHES PA NYID YIN YANG LUS BZHIN DU RTZIG PA LA YANG CIS MI 'GYUR ZHES ZER BA LA, JI LTAR RANG RIG MIN NYID KYANG, ,ZHES BYA BA'O, ,NGES PA'I BAG CHAGS YOD PAS DE LTA BU'I YUL LA RTOG PA YIN PAR BSTAN PA NI JI LTAR BAG CHAGS ZHES BYA BA'O, ,RIG PA NYAMS SU MYONG BA NI RTZIG PA LKOG TU GYUR PA MA YIN TE, RANG NYID KHO NA YIN GYI GZHAN RIG MA YIN PA'I PHYIR RO, ,GZHAN DU NA THUG PA MED PAR BSTAN PA NI DE'I PHYIR ZHES BYA BA'O, ,GANG ZHIG CES BYA BA MAR ME LA SOGS PA'O, ,MIG NI DE LTA BU'I NGO BO'I RIG PA SKYED PAR BYED PA YIN GYI 'DZIN PA MA YIN PAR BSTAN PA NI MIG NI ZHES BYA BA STE, GZUNG BA YIN PA'I PHYIR DANG, RANG RIG PA DANG DRAN PA LAS NGES PAR GZUNG BA'I PHYIR RO, ,RANG RIG PA TZAM NI BDAG TU SHES PA'I YUL MA YIN GYI RTAG TU RJES SU 'BREL PA YANG NGO ZHES BSTAN PA NI 'BREL MI RTAG PHYIR ZHES BYA BA'O, ,RTAG TU NI THER ZUG PA NYID DO, ,BDAG GO ZHES BYA BA MED NA GZHAN GSAL BAR BYED PA NYID DU JI LTAR GO BA YIN ZER BA LA NGAR 'DZIN PA'I ZHES BYA BA'O, ,GZHAN LA LTOS PA MED PAR ZHES BYA BA NI RANG GI RIG PAR BYA BA MNGON SUM PA KHO NA YIN NO ZHES BYA BA'I DON TO, ,DE'I RNAM PA ZHES BYA BA NI 'DZIN PA'I RNAM PA ZHES BYA BA NI SDANG SNGON PO LA SOGS PA BYA BA BYED PA'I 'DZIN PAR BYED PA GZHAN MTHONG BA MA YIN TE, BDE BA LA SOGS PA YANG NANG GI REG BYA YIN PAS GZHAN MA YIN NO, ,LTOS PA MED PA NI 'DZIN PA LA STE LAS KYI NGO BO MED NA'O, ,RTOGS PA MED DO ZHES BYA BA NI LUS DANG BDE BA DAG RANG GI RIG PA'I BYA BA GCIG LA ZHUGS PA'I PHYIR RO, ,RKYANG BA DMIGS

, ,PA LAS THA DAD PA YIN NA THAMS CAD MI DMIGS PAR THAL BAR 'GYUR RO, ,THA DAD PA YIN NA YANG RANG GI RIG PA TZAM YIN PA'I PHYIR BDAG NYID MA YIN PA'I NGO BO LA MA ZHUGS PAS DE MIN NGO BO MI RIGS PAS TE 'DI RIG PA MA YIN PAR BSTAN PA NI DE DAG NI ZHES BYA BA'O, , BDE BA LA SOGS PAS THA DAD NA YANG ZHES BYA BA NI 'DZIN PA'I DBYE BA 'BYED PAR BYED PA MA YIN PA NYID YIN NA DE'I DBYE BA LA TSAD MA MED PA'I PHYIR RO, ,'DOD PA LA SOGS PA ZHES BYA BA NI 'DOD PA MA YIN PA LA SOGS PA DANG, GZUGS LA SOGS PA DANG, MDZES PA'I GZUGS LA SOGS PA'O, ,'DZIN PAR BYED PA LA LTOS PAS ZHES BYA BA NI 'DZIN PAR BYED PA'I KHYAD PAR LA LTOS PA STE, GCIG GI GZUNG BA NI CIG SHOS KYI YANG MA YIN TE, GCIG GI 'GAL BA MI 'DZIN PA'I PHYIR RO, ,'DZIN PAR BYED PA NGES PA YIN YANG DNGOS PO GCIG NYID DU 'GAL BA YIN PAR BSTAN PA NI GCIG TU RIG PA ZHES BYA BA'O, ,THAMS CAD NI BDE BA LA SOGS PA DANG SNGON PO LA SOGS PA'O, ,DE NYID KYI TSE NI SNGON PO LA SOGS PA NYAMS SU MYONG BA LKOG TU MA GYUR PA'I DUS NA'O, ,SNGON PO NYAMS SU MYONG BA LKOG TU MA GYUR PA NYID DE LAS GZHAN DU MI 'THAD PA'AM BLO YANG RIG PAR 'GYUR BA MA YIN PAR BSTAN PA NI 'JIG RTEN RIG BYA ZHES BYA BA'O, ,SHES PA NI RIG PA STE LKOG TU MA GYUR PA NYID DO, ,LKOG TU MA GYUR PA RIG PA NI SNGON PO LA SOGS PA LA MA GTOGS PA DON GYIS GO BA'I YUL MA YIN PAR BSTAN PA NI DON GOMS ZHES BYA BA STE, RANG NYID LKOG TU MA GYUR PA NYID KYIS SNGON PO MA YIN PA LA SOGS PA'I KHYAD PAR LAS KYANG DON GYIS GO BA LA LTOS PA MED PA'I PHYIR ZHES BYA BA'I DON TO, ,SNYAM PA'I BZUNG BA'I RNAM PA ZHES BYA BA LA SOGS PA'I KHYAD PAR GYI BLO'I NGO BO RNAM PAR RTOG PA'I SHES PA GANG GI YIN PA DE DE LTA BU'I NGO BO'I YUL CAN NO, ,MTHONG BA'AM RTOGS PAS KYANG MA RTOGS PA'I NGO BO TSAD MA'I SPYOD YUL MA YIN PA MA YIN YANG MED PA KHO NA YIN PAR BSTAN PA NI RANG BZHIN MA RTOGS PA ZHES BYA BA'O, ,DE LTAR NI MI 'DZIN PA NYID KYIS SO, ,RTOGS PA MED PA NYID NI 'DZIN PA RTOGS PA MA YIN PA NYID DO, ,NGA'I ZHES BYA BA 'DI'I DON GTZO BO YIN GYI BDAG GI NI MA YIN NO, ,LUS LA SOGS PA LAS GZHAN RTOGS PA MA YIN

PAR BSTAN PA NI BLO ZHES BYA BA'O, ,DRUG PA THA DAD PAR THA SNYAD 'DOGS PAR YANG RNAM PA 'GAS RTOG PA TZAM YIN PAR BSTAN PA NI GZUGS LA SOGS PA'I KHYAD PAR ZHES BYA BA'O, ,JI LTAR GZUGS DMIGS KYIS BSAL BA LA BSTAN PA NI GZUGS LA SOGS PA NI ZHES BYA BA'O, ,GZHAN DU ZHES BYA BA NI GCIG GIS MA RTOGS PA NI GZHAN GYIS KYANG MA RTOGS PA'O, ,GZHAN YANG ZHES BYA BA NI RTOGS PA'O, ,GZUGS KYI GSAL BA'I NGO BO RANG RIG PA YIN PAR GRUB PA NYID DU BSTAN PA NI RTOGS PA NYID CES BYA BA'O, ,SMRAS PA ZHES BYA BA NI, DE'I TSE BDAG GI GZUNG DON LA, ,GANG YIN BDAG GIS MI DRAN PA, ,GZUNG BA'I NGO BO DANG BRAL BA'I, ,'DZIN PA'I RNAM PA DRAN PAR BYED, ,CES BYA BA'O, ,KHYAD PAR LA ZHES BYA BA NI GZUNG BA'I KHYAD PAR GYI MTHAR THUG PA'O, ,THE TSOM MI ZA BA YIN NO ZHES BYA BA NI DON GANG YANG GZUNG NGO ZHES BYA BA'I SHES PA YIN PA'I PHYIR RO, ,SNGON PO'I BDAG NYID KYI BLO NYID BLO GZHAN GYIS GZUNG BA YIN NO ZHES ZER BA NI GZUGS SOGS ZHES BYA BA'O, ,RE ZHIG SNGON PO 'DZIN PA'I DUS NA DE 'DZIN PAR BYED PA CIG CAR MA YIN TE, SHES PA MA SKYES PA'I PHYIR RO, ,GZHAN LA CHAGS PAS MI PHYOGS PA'I PHYIR RIM GYIS KYANG 'DZIN PA'I RNAM PA MED PA DANG, GZUNG BA YANG MI RIGS PAR BSTAN PA NI DE DNGOS CAN ZHES BYA BA'O, ,'GAGS ZHES BYA BA NI GZUNG BA'O, ,DE ZHES BYA BA NI 'DZIN PAR BYED PA STE, SHES PA NYAMS SU MYONG BA'I BDAG NYID YIN PA'I PHYIR DON NYAMS SU MYONG BA NI DE MED NA MI 'BYUNG BA'I PHYIR ZHES BYA BA'I DON TO, ,KHAS BLANGS PA'I PHYIR RO ZHES BYA BA NI RGYU NYID DU CIG CAR BA MA YIN PA'I PHYIR RGYU MED YIN PA NYID DU THAL CHES PA'I PHYIR RO, ,GZUNG BAR BYA BA YANG SNGON PO DANG DE'I SHES PA YANG NGO, ,MNGON SUM LAS GZHAN PA'I 'DAS PA LA SOGS PA'I YANG 'DZIN BYED MA YIN TE DNGOS PO MED PA'I PHYIR RO ZHES BSTAN PA NI RANG GI NGO BO MED PA ZHES BYA BA'O,, RANG GI RANG BZHIN YANG NA 'DZIN PAR BYED PA'I STE KHAS MA BLANGS PA'I PHYIR NYAMS SU MYONG BA MA YIN PA ZHES BYA BAR SBYAR RO, ,THUG PA MED PAR ZHES BYA BA NI 'DZIN BYED GZHAN 'PHEN PA YIN NA'O, ,'DZIN PAR BYED PA'I RIG PA YANG GZUNG BA BZHIN DU MA YIN ZHING, LAS MED PA NYID KYIS YIN PAR BSTAN PA NI

, ,DON DU SNANG BA ZHES BYA BA'O, ,GZUNG BYA'I LAS CAN GYI SHES PA DE'I SNGON PO'I SHES PA DON DU SNANG BA DANG LDAN PA'O, ,SNGON PO RIG PA'I MNGON SUM NYID LAS KYI NGO BOS MA YIN PAR BSTAN PA NI BLO LA ZHES BYA BA STE SNGON PO RIG PA LA'O, ,'DZIN PAR BYED PA ZHES BYA BA NI MNGON SUM NYID DO, ,BDAG LA NANG MNGON PHYOGS ZHES BYA BA NI LAS DANG BYED PA PO NYID KYI NGO BOS NI MA YIN TE, MNGON SUM RIG PA 'DI LAS KYI NGO BO MED DO ZHES BYA BA'I DON TO, ,GAL TE ZHES BYA BAS DON DU SNANG BA BZHIN ZHES BYA BA'I DON BSHAD PA YIN NO, ,BDAG GCIG LA 'DU BA'I PHYIR GZUNG BA DANG CIG SHOS KYI BLO DAG PHAN TSUN RJES SU ZHUGS PAS NANG DU PHYOGS PA NYID DU SNANG BAR MI RIGS TE DRAN PA LA YANG KHYAD PAR MED PA'I PHYIR RO ZHES ZER BA NI 'ON TE BDAG GI NYID KYIS BLO ZHES BYA BA'O, ,DON DU SNANG BA DANG LDAN PA NYID MED PAS PHYI ROL DU MNGON PAR PHYOGS PA NYID RANG RIG PA MA YIN PA LA 'GYUR BA MA YIN PAR BSTAN PA NI YUL GANG GI NI SNANG BA GANG ZHES BYA BA STE KHYAD PAR DU SNANG BA'O, ,YUL GANG GI ZHES BYA BA NI BSHAD PA PO'I DANG SHES PA'I ZHES BYA BA NI RGYAL BA CAN GYI'O, ,DE ZHES BYA BA NI YUL DU SNANG BA'AM YUL YANG RUNG BA DE'I SHES BA GANG GIS ZHES BYA BAR BSTAN PA NI YIN NO, ,RANG GI RIG PA MA YIN GYIS RANG NYID DU GYUR PA'I SNANG BA RIG PA MA YIN PA'I PHYIR DE'I SGO NAS DON RIG PA MA YIN PA NI BDAG NYID SNANG BA 'DZIN PA NYID DON 'DZIN PAR STON PAR BYED PA YIN TE, RTZA BA NAS 'THUNG BA LA SOGS PA LTA BU'O, ,DON DU SNANG BA NI BLO NI DON RIG PA YIN GYI BDAG NYID RIG PA NI MA YIN NO SNYAM DU SEMS PA NI MYONG GZHAN CI YOD CES BYA BA STE, MYONG BA'I BDAG NYID NI DON RIG PA'I NGO BO YIN PAS RNAM PA MED PA'I BLO MI RIGS PA'I PHYIR RO, ,DE BSHAD PA NI GAL TE BLO NI ZHES BYA BA'O, ,DE'I NGO BOR ZHES BYA BA'I DON DANG 'DRA BA'I BLO NI DON RIG PA YIN TE NGES PA RANG LAS RTOGS PAR BYA BA TZAM GYI MTHAR THUG PA'I PHYIR RO, ,DE'I NGO BO YANG DON BZHIN DU RTOGS BYA RTOGS PA NYID YIN NO ZHES ZER BA LA, DE YI RANG BZHIN RIG MED NA, ,ZHES BYA BA'O, ,DE LA YANG RANG RIG PA MA YIN NO ZHES BYA BA'I DON BSTAN PA NI RANG RIG PA GZHAN ZHES BYA BA STE, BDAG NYID DU GYUR PA'I RNAM PA YANG PHYI ROL NYID DU RTOGS PA YIN ZHES BYA BA'I DON TO, ,DE MED PAS ZHES BYA BA NI RANG RIG PA MED PAS

TE DE DANG 'DRA BA NYID DAM DE RIG PA'O, ,MYONG BA'I MTSAN NYID NI NGES PA RIG PA'O, ,SNGAR GYI DON GYI RNAM PA TZAM LAS ZHES BYA BA NI BLO'O, ,GZHAN DU ZHES BYA BA NI RNAM PA MED PA'O, ,DE'I TSE NGES PA RIG PA MA YIN NA PHYI ROL GYI RNAM PA YANG BOR NA NGES PA'I DON DU RNAM PA GZHAN LA BRTEN NA THUG PA MED PA YIN PAR BSTAN PA NI 'DRA BA THAMS CAD CES BYA BA'O, ,DE YANG ZHES BYA BA NI DON YANG NGO, ,DER ZHES BYA BA NI BLO NYID DO, ,DON NYID KYI PHYIR NI BEMS PO NYID KYI PHYIR SNGON PO MA YIN NO, ,RANG GI RIG PA MA YIN PA LAS DON NYID NI BLO YIN PAR MNGON PAR 'DOD PA LA YANG YIN PAR BSTAN PA NI DON ZHES BYA BA 'DI CI YIN ZHES BYA BA'O, , GZHAN LA MTHAR THUG PA YIN PA'I NGO BO DON NYID YIN NO ZHES ZER BA NI BLO MA YIN ZHE NA ZHES BYA BA'O, ,RGYU LAS GZHAN PA MTHAR THUG NYID MA YIN TE, DON LA YANG DE KHYAD PAR CAN MA YIN PAR BSTAN PA NI BLO MA YIN PA NYID CES BYA BA STE BLO NYID DANG LDAN PA NI MA YIN TE, NGO BO'I NGES PA LA PHYIN CI LOG PAR KHYAD PAR MED PA'I PHYIR RO ZHES BYA BA'I DON TO, ,BLO MA YIN PA NYID NI DON MA YIN PA'I NGO BO'I BLO BKAG PA YIN NA DON MA YIN PA NYID KYANG BLO'I DON BKAG PA YIN NA DGAG BYA YIN NO ZHES DGONGS PA'O, ,BDAG NYID MA YIN PA RIG PA YANG DE'I NGO BO'I BDAG NYID RIG PA KHO NA YIN PAR BSTAN PA NI NGES NA ZHES BYA BA STE, BDAG NYID LA GNAS PA'I BLO NYID CES BYA BAR SBYAR RO, ,GZHAN DU ZHES BYA BA NI DE'I BDAG NYID DU'O, ,BDAG LA GNAS PA ZHES BYA BA BDAG NYID MA YIN PA RIG PA NI GZHAN GYIS MA RIG PA KHO NA YIN PAR BSTAN PA NI BDAG LA GNAS PA NYID KYANG ZHES BYA BA'O, ,'BAD RTZOL LA SOGS ZHES BYA BA NI 'BAD RTZOL DANG SNGON PO LA SOGS PA'O, ,'DRA BA'I PHYIR ZHES BYA BA NI RIG PA STE, BLO NYID NI 'DRA BA NYI DE RIG PA'I BLO NYID KYIS ZHES BYA BA'I DON TO, ,RANG LA GNAS PA NYID NI MI SRID PA YIN TE, RIG PAR BYED PA MED PA'I PHYIR RO ZHES BSTAN PA NI 'BAD RTZOL LA SOGS PA RNAMS ZHES BYA BA STE, PHAN TSUN RIG PAR BYED PA NI BDAG NYID LA GNAS PA NI RIG PAR BYED PA MA YIN NO ZHES BYA BA'I DON TO, ,BDAG NYID LA GNAS PAS KHYAD PAR NI PHYI ROL LAS YIN GYI BLO GZHAN LAS MA YIN PA DE'I PHYIR NANG GI BDAG NYID YIN PAR BSTAN PA NI BDAG LA GNAS PA YIN NA ZHES BYA BA'O, ,THA DAD PA MED PA'I PHYIR NI BDAG NYID GCIG PA'I PHYIR RO, ,BLO NI BDAG LA GNAS PA NYID

, ,KYIS RTOGS BZHIN PA MA YIN PA NI, RTOGS PA CAM LAS BDAG LA GNAS PA MA YIN TE, GZUGS LA SOGS PA RNAMS LA YANG KHYAB PA THAL CHES PA YIN PA'I PHYIR RO ZHES BSTAN PA NI BDAG MA RTOGS PAR NI ZHES BYA BA'O, ,MI BYED NA BYED PA NYID MA YIN PAR BSTAN PA NI BYED PA PO GZHAN BRTAGS PAS ZHES BYA BA'O, ,BYED PA PO'I BYED PA NYID NI BYED PA PO GZHAN GYIS YIN PA'I PHYIR DE'I RTOG PA YIN NO ZHES ZER BA LA DE DAG NI ZHES BYA BA'O, ,BDAG DE YANG LUS KYI MA YIN TE, DE LTA BU YIN PA'I PHYIR ZHES BSTAN PA NI YANG NA ZHES BYA BA'O, ,DE NYID KYI PHYIR NI LUS KYI KHONGS SU GTOGS PA NYID KYI PHYIR RO, , GZHAN DU NI LUS LAS PHYI ROL DU GYUR PA GZHAN GYIS MA RTOGS PA ZHES BYA BA'O, ,'GA' ZHIG KYANG NI RGYU MA YIN PA LA SOGS PA RNAMS KYI NGO BO GZHAN LA BLO GZHAN YIN NO, ,BLO'I MTSAN NYID NI DON DANG 'DRA BA'I DON RIG PA YIN GYI THAMS CAD RANG RIG PA MA YIN NO ZHES ZER BA NI GAL TE BLO 'DRA ZHES BYA BA'O, ,BLO YANG RJES SU DPAG PAR BYA BA RIG PA'I NGO BO MA YIN PA 'DRA BA NI THAL CHES PAR BYED PA YIN PAR BSTAN PA NI DA NI 'DRA LAS ZHES BYA BA STE, 'DRA BA'I BLO'I PHYOGS LA THAL CHES PAS 'BA' ZHIG MA YIN GYI DON RIG PA SKYE BO THAMS CAD KYI MNGON SUM YANG 'DRA BA MA YIN PA'I PHYIR DON NYAMS SU MYONG BA GRUB PAR 'GYUR RO ZHES BYA BA'I DON TO,, 'DRA BA CAN NI 'DRA BA'O, ,'DZIN PA'I BYED PAS RJES SU DPAG PA NI RGYU'I BLO YIN NO ZHES BYA BA KHYAD PAR NYID YIN PAR BSTAN PA NI GAL TE 'DRA BA RNAMS ZHES BYA BA STE, 'DRA TZAM GYI BLO NYID CES BYA BAR SBYAR TE, 'DRA BA NYID TZAM 'DZIN PAR BYED PA YIN NO ZHES BYA BA'I DON TO, ,DE NYID CES BYA BA NI 'DZIN PAR BYED PA NYID DE'O, , JI LTAR ZHES BYA BA NI MIG LA SOGS PA'I GZUNG BAR BYUNG BA ZHES BYA BA'I DON TO, ,RIG PA NI 'DRA BA NYID DO ZHES BYA BA'I DON BSHAD PA NI KHYAD PAR GANG LAS ZHES BYA BA'O, ,DES BYAS PA ZHES BYA BA NI BLOS BYAS PA'O, ,BLO NYID KYANG ZHES BYA BA NI RANG RIG PA NI GZUGS LA SOGS PA LA YANG 'GYUR RO ZHES BYA BA'I DON TO, ,RANG RIG PA YIN NA 'DRA BA NYID NI NGES PA'I DON DU 'DOD PA YIN GYI 'DRA BA TZAM NI MA YIN PAR BSTAN PA NI DE LTA NA YANG ZHES BYA BA'O, ,'DRA BA NYID LAS NGES PA RIG PA NI RNAG RIG PA LA YANG YIN PAR BSTAN PA NI DE'I MYONG DE ZHES BYA BA STE GZHAN GYIS NI MA YIN TE, LAS YIN PAS LKOG TU MA GYUR PA'I PHYIR BLO DE'I SER PO LA SOGS

PA'I RIG PA NI MNGON SUM YIN NO, ,GZHAN DU NA THAMS CAD MED PAR 'GYUR RO ZHES BYA BA'I DON TO, ,'DRA BA NYID KYI MTSAN NYID TSAD MA GANG GI YIN PA DE LTA BU'O, ,MIN ZHES BYA BA NI RANG RIG PA LAS MED PA SNANG BZHIN PA'O, ,DE BSTAN PA NI MNGON DU BYED NA ZHES BYA BA'O, ,PHYI ROL NI 'DZIN BYED DANG 'DRA BA NYID LAS GZUNG BA YIN YANG 'DZIN BYED LAS THA MI DAD PA MA YIN NO ZHES ZER BA LA GAL TE 'DI ZHES BYA BA'O, ,SKYES PA NYID NA RANG NYID KYIS NYAMS SU MYONG BA YIN NA YANG CI ZHIG BYA ZHES BSTAN PA NI CHUS KHYER BA LA ZHES BYA BA'O, ,NGES PAS NI PHYI ROL TU SGRO 'DOGS NA DGOS PA KHO NA YIN PAR BSTAN PA NI BYA BA STE NYAMS SU MYONG BA'O, ,LAS NI PHYI ROL GZUNG BA'O, ,RNAM GZHAG NI DE DAG GI NGES PA'O, ,'DI ZHES BYA BA NI 'DRA BA NYID DO, ,'JIG RTEN NI PHYI ROL RIG PA PO STE DE'I NGES PA DANG LDAN PA LA STE, GZUNG BA NYID LA SOGS PA 'JIG RTEN PA'I ZHEN PA TZAM GYIS STON PA'I PHYIR RO, ,'DIS ZHES BYA BA NI 'DRA BA LAS ZHES BYA BA'O, ,GAL TE PHYI ROL SNANG BA NYID KYIS CI ZHIG BYA 'ON TE MA YIN NA DE LTA NA YANG CI DGOS SHE NA DE NYID DE LTAR ZHEN PA YIN YANG JI LTAR PHYI ROL YIN ZHES BSTAN PA NI RANG GI NGO BO ZHES BYA BA STE MYONG BA DE'I NGO BO NI SNGON PO LA SOGS PA'I RANG BZHIN RANG RIG PA DE'I RIG PA YIN LA, DER SGRO 'DOGS PA NI RNAM PAR RTOG PA YIN ZHING DES 'KHRUL PA NI GCIG TU BYED PA STE DE'I NGO BO PHYI ROL YIN LA, DE'I RIG PA PHYI ROL PA YIN NO ZHES BYA BA NI BYED PA'O, ,DE LAS SNGO SOGS NI PHYI ROL LA NYAMS SU MYONG BAR THA SNYAD 'DOGS PA YIN NO, ,GZHAN GYI BDAG NYID NI BDAG NYID MA YIN TE, RIG PA MA YIN PA NI DE YOD NA YANG RIG PAR MI 'GYUR RO ZHES BYA BA'I DON TO, , NYE BAR BTAGS NA ZHES BYA BA NI THA MI DAD PAR BYED PA LAS SO, ,GNYI GA MTHONG BA KHA CIG TU CUNG ZAD NYA PHYIS LA DNGUL BZHIN DU SGRO BTAGS PA MA YIN NAM, GANG RUNG GCIG MTHONG BA LA JI LTAR YIN ZER BA LA GZHAN RIG NA YANG ZHES BYA BA STE, PHYI ROL LAS RANG RIG PA YIN LA DE LAS GZHAN PA NI PHYI ROL LO, , GANG GI TSE DE'I NGO BO RTOGS ZHES BYA BA NI BAG CHAGS YONGS SU SMIN PA LAS RTOGS PAR BYED PA DE'I TSE BDAG GIS ZHES BYA BAR SBYAR RO, ,THA SNYAD NI LUS DANG NGAG GI BDAG NYID KYI'O, ,RTOG PA JI LTA BA BZHIN DU CIS MI 'GYUR ZHES ZER BA LA BLO NI ZHES BYA BA STE, PHYI ROL LAS BZLOG PA NI RIG PA YIN NO ZHES

, ,BYA BA'I DON TO, ,DE NI ZHES BYA BA NI BLO RANG GI NYAMS SU MYONG BA'O, ,DE'I ZHES BYA BA PHYI ROL GYI JI LTAR YIN PA STE, DON MYONG BA GRAGS PA DANG RANG RIG PA GNYI GAR ZHES BYA BA'I DON TO, ,GCIG RIG NA GZHAN MI RIG PA DES GZUNG BAR 'GYUR BAR BSTAN PA NI RIG PAR GYUR PA MA YIN PA ZHES BYA BA'O, ,DE LTA BU'I NGO BO YIN NA SHES PA NYID DNGOS POR MI 'GYUR BA MA YIN NO, ,NYE BAR BRTEN PA DANG BRAL BA'I, ,SHES PA CUNG ZAD SKYED MI 'GYUR, ,ZHES ZER BA NI RANG RIG PA TZAM NI ZHES BYA BA'O, ,LAN NI GANG TSE ZHES BYA BA'O, ,MYONG BA'I BDAG NYID NI GZHAN MA YIN PA BSGRUB PA YIN GYI 'DRA BA NYID LA BRTEN PA NI MA YIN GYI 'DRA BA NYID LA SOGS PA DE LA BRTEN PA YIN NO, ,RANG NYID CES BYA BA NI RANG GI RGYU MIG LA SOGS PA LAS SO, ,DON LA BRTEN PA MA YIN ZHING DE'I 'DRA BA LA BRTEN PA MA YIN PA STE, BYED PA NI RANG NYID LA BRTEN PA YIN LA, SKYE BA YANG RANG GI RGYU MIG LA BRTEN PA'I PHYIR DON LA RAG LAS PA CUNG ZAD MED PA'I PHYIR RO ZHES BYA BA'I DON TO, ,'BREL BA NI YUL CAN NYID DANG NGO, ,DON LA SHES PA BSTAN PA YANG SNAL MA RNAMS LA SNAM BU BZHIN DU MA YIN PAR BSTAN PA NI BDAG NYID KUN GYIS ZHES BYA BA'O, ,SHES BYA SHES BYA MA YIN PAR 'GYUR RO ZHES BYA BAR YANG RTOGS PAR BYA'O, ,ZANGS GZHONG LA RGYA SHUG GI 'BRAS BU BZHIN DU SHES BYA DES PA MA YIN TE, DE'I BDAG NYID MA YIN PA'I PHYIR RO ZHES BSTAN PA NI MTSUNGS NA NI PHYE NA ZHES BYA BA'I DON TO, ,THAMS CAD CES BYA BA NI RTOG PA'I RNAM PA LA MA REG PAS SO, ,CI LAS SHE NA GANG LAS ZHES BYA BA STE MIG LAS MA MTHONG PA'I PHYIR RO, ,SHES PA NI PHYI ROL LA 'DU BAS SAM PHRAD PA DE LA BSTAN PA MA YIN GYI 'ON KYANG DE'I RNAM PA CAN DU SKYES PAS MA YIN NAM ZHES ZER BA LA, JI LTAR SNGO SOGS NGO BO'I PHYIR, ,ZHES BYA BA'O, ,NYAMS SU MYONG BA LA YOD PA'I SNGON PO'I NGO BO MTHONG BA LAS RTEN YANG NYAMS SU MYONG BA'I BDAG NYID DU 'GYUR GYI PHYI ROL NYID MA YIN PAR BSTAN PA NI DE BZHIN ZHES BYA BA'O, ,DE YANG STE NYAMS SU MYONG BA'I YANG 'BREL PA CAN GYI BSKYED BYA'O, ,'BREL PAR YANG DON DE LTA BUR GO BAR BYA'O, ,NYAMS SU MYONG BA DANG SNGON PO LA SOGS PA YANG SO SO BA NYID DU 'JOG PAR BYED PA YIN NO SNYAM DU SEMS PA NI 'ON TE SNGON PO ZHES BYA BA'O, ,NYE BAR GZHAG PA

MIN PA NI NYE BAR 'JOG PAR BYED PA MIN PA'O, ,SNGON PO RTOGS PA'I 'BRAS BU SO SO BA GCIG NYID YIN NA RGYU THA DAD PA JI LTAR YIN ZHES ZER BA LA THA DAD PA ZHES BYA BA'O, ,'DI NYID CES BYA BA NI SNGAR MTHONG BA NYID LAS SO, ,THAMS CAD DU NI RAB RIB LA DANG GZHAN LA YANG NGO, ,RNAM PA ZHES BYA BA NI THA DAD PA'O, ,RAB RIB BZHIN DU NYE BAR 'JOG PAR BYED PA DANG, GZHAN BZHIN DU YOD PA YANG MA YIN PAR BSTAN PA NI 'GAL BA MA 'KHRUL PA ZHES BYA BA'O, ,MTHONG BA SNGA MA ZHES BYA BA NI MNGON SUM NYID NI MI DRAN PA NYE BAR 'JOG PAR BYED PA MA YIN NO, ,BSTAN PA NI DON NI ZHES BYA BA'O, ,NGES PA'I RJES SU 'GRO BA'I BYED PA CAN GYI MTHONG BA NI PHYI ROL RNAM PAR GZHAG PAR BYED PA MA YIN NAM, NYAMS SU MYONG BA MA YIN NO ZHES ZER BA LA MA YIN TE ZHES BYA BA'O, ,DE'I NYAMS SU MYONG BA MA NGES PAR NYAMS SU MYONG NGO ZHES BYA BA JI LTAR YIN, DON BZHIN DU NI ZHES BYA BA NI CHOS MI MTHUN PAS SKYON MED DO ZHES BYA BA NYAMS SU MYONG BA'I BDAG NYID KYI DON LA'O, ,DE NI ZHES BYA BA NI NGES PA'O, ,DON LA 'ANG RTAG TU ZHES BYA BA NI RTA LA RTOGS PAR BYED PA NA YANG BA LANG MTHONG BA'I PHYIR RO, ,'DI RES 'GA' MTHONG BA YIN PA'I PHYIR NYAMS SU MYONG BA'I BDAG NYID LA YANG YOD DO ZHES BYA BAR NYAMS SU MYONG BAR 'GYUR RO, ,DE BZHIN DU NYAMS SU MYONG BA'I NYAMS SU MYONG BA ZHES BYA BA'O, ,DE NI RTAG TU MED PA'I DON BSHAD PA NI YANG NA ZHES BYA BA'O, ,DE LAS ZHES BYA BA NI NGES PA NYID MA YIN PA LAS TE ZHES PA LAS SO, ,DE KHO NA RNAM PAR GNAS PA NI THA DAD PA'I PHYIR ROL RNAM PAR GNAS PA'O, ,NYAMS SU MYONG BA TZAM LAS NGES PA'I DON BZHIN NYAMS SU MYONG BA'I BDAG NYID LA YANG 'GYUR BAR BSTAN PA NI LDOG PA NYID KYI ZHES BYA BA'O, ,GSAL BAR NYAMS SU MYONG BA NI SNGON PO'I YIN GYI NYAMS SU MYONG BA'I MA YIN PAR BSTAN PA NI GZHAN YANG ZHES BYA BA'O, ,DKAR PO LA SOGS PA MNGON PAR GSAL BA'I NGO BO SNANG BA NI MNGON SUM GSAL BA NYID DE NGES PAR NUS PA NYID DO, ,DER MNGON PAR GSAL BA LAS GSAL BA'I NGO BO GZHAN GYI DNGOS PO STE THA DAD PA'O, ,BDAG TU GYUR PA'I NGO BO'I MNGON PAR GSAL BA LAS THA MI DAD PA ZHES BYA BA'I THA TSIG GO, ,MNGON PAR GSAL BA GANG GI YIN PA DE'I GZHAN DNGOS TE SNANG BA YIN NA'O, ,GSAL MI NA NI MA DMIGS PA NA'O, ,JI LTAR

, ,NI ZHES BYA BA NI MA YIN PA'O, ,GSAL BA NI MA DMIGS PA'O ZHES BYA BA'I DON TO, ,MI GSAL BA'I NGO BO YIN PA NI DNGOS PO CUNG ZAD KYANG GSAL BA MA YIN PAR BSTAN PA NI MNGON PAR GSAL BA MA YIN PAS NI ZHES BYA BA'O, ,LKOG TU GYUR PA'I SHES PA'I NGO BO'I GSAL BAS DKAR PO GSAL BAR BYAS PA MA YIN NAM ZHES BYA BA MI RIGS PAR BSTAN PA NI DE MNGON PAR GSAL BA'I ZHES BYA BA'O, ,RIG PAR BYAS PA NI MNGON PAR GSAL BA'O, ,DE NYID NI MNGON SUM YIN TE GZHAN MA YIN PA NI MNGON SUM MA YIN PA'O, ,JI LTAR ZHES BYA BA NI DE MI SKYE BA'I GNAS SKABS SU KHYAD PAR MED PA'I PHYIR RO, ,LAS KYI NGO BO NI KHYAD PAR NYID YIN LA DE YANG KHYAD PAR MED PAR JI LTAR YIN ZHES ZER BA LA 'DI CI ZHIG CES BYA BA STE RANG RIG PA MA YIN PA'O, ,LHAG PA DANG THUG PA MED PA DANG RTOGS PA MED PAR YANG BYED PA YIN PAR BSTAN PA NI DE ZHES BYA BA'O, ,MA RTOGS PA NYE BAR BSDU BA NI DE'I PHYIR ZHES BYA BA'O, ,GSAL MIN NI RTOGS PA MA YIN PA'O, ,GZHAN NI RANG GI KHYAD PAR LAS SO, ,DE LTA BU NYID NI SHES PA NYID KYIS SO, ,'DI ZHES BYA BA NI SHES PA'O, ,MI GSAL BA NYID DANG BDEN PA PA DANG, LKOG TU GYUR PA DANG, BEMS PO STE PHYI ROL MI GSAL BA YIN NA GSAL BAS GSAL BAR MI 'GYUR LA, DE'I GSAL BA NI DE LAS GZHAN PAS YIN GYI RANG LAS NI MA YIN NO SNYAM DU SEMS PA LA GSAL BA ZHES BYA BA SMOS TE, GSAL BA'I GSAL BA NI GSAL BA NYID DE DKAR PO LA SOGS PA'I GSAL BA YANG YIN PA'I PHYIR GSAL BA GZHAN LA THUG PA MED PAS THAMS CAD MI GSAL BA'I SKYON YIN NO ZHES BYA BA'I DON TO,, SHES PAS GSAL BA GSAL BA'I PHYIR GSAL BA GZHAN GYIS RTOGS PA YIN NO ZHES BYA BA 'DI LA THUG PA MED PAR 'GREL PAS BSTAN PA NI GANG GIS ZHES BYA BA STE, DE YANG ZHES BYA BA NI GSAL BA'I SHES PAS GSAL BA NYID DU 'DZIN PA'O, ,RANG GI NGO BO NYID CES BYA BA NI RANG NYID YIN GYIS SHES PAS NI MA YIN NO, GSAL BA SNGA MAS ZHES BYA BA NI DKAR PO RTOGS PAS SO, ,DE'I YANG ZHES BYA BA NI DKAR POR GSAL BA'I SHES PA GSAL BA NYID 'DZIN PA'O, ,GZHAN GYIS NI SHES PAS SO, ,DKAR PO'I GSAL BA NI DKAR PO MA YIN PA'I GSAL BA BZHIN DU GSAL BA DE RTOGS PAR MI 'GYUR BAR 'PHEN PA YIN NA THUG PA MED PA YIN NO, ,

GSAL BA NI RANG NYID DAM GSAL BA GZHAN GYIS KYANG GSAL BAR BYED LA, DE LTA YIN NA NI DKAR PO LA SOGS PA GSAL BAR 'GYUR BA MA YIN NAM ZHES ZER BA LA MTHONG DANG ZHES BYA BA'O, ,GSAL BAS GSAL BA'I SHES PA YIN NA NI DE DANG 'BREL PA'I SHES PAS 'BREL PA RTOGS PA MA YIN PA DKAR PO LA SOGS PA GANG GI YIN PA'I 'BREL PA CAN GYI SHES PA SNGON DU 'GRO BA CAN GYI 'BREL PA'I SHES PA NYID KHYAD PAR GYI SHES PA YIN NO ZHES BYA BA'I DON TO, ,'BREL PAR NI DE LTA MA YIN NA ZHES BYA BA LA SOGS PA RTOGS PA LA YOD PAR SNANG BA YIN NO, ,KHYAD PAR GZUNG BA NYID LAS ZHES BYA BA NI KHYAD PAR CAN BZUNG BA NYID LAS SO, ,GZHAN GYI BDAG NYID NYAMS MYONG MED, ,CES BYA BA NI SANGS RGYAS PA'I GRUB MTHA' YIN NO ZHES ZER BA KHYED KYI LTAR NA YANG ZHES BYA BA'O, ,BSTAN ZIN PAS ZHES BYA BA NI, ,RANG GI NGO BO'I RANG BZHIN DE'I, ,MYONG BA SGRO 'DOGS 'KHRUL PA LAS, ,SDO SOGS MYANG BAR GRAGS YIN GYI, ,GZHAN GYI BDAG NYID MYONG LAS MIN, ,ZHES BYA BAS SO, ,'DIR NI ZHES BYA BA NI KHYOD KYI 'DOD PA LA'O, ,KHYED KYI 'DOD PA LA KHYAD PAR CAN MA YIN PA NYID CES MA YIN ZHES ZER BA LA GANG PHYIR GNYIS LAS ZHES BYA BA'O, ,KHO BO CAG GI SHES PA GCIG NYID SHES PA GNYIS YIN PA BZHIN DU KHYOD KYI NI MA YIN NO ZHES BYA BA NI RGYAL BA CAN GYI'O, ,'GREL PAR NI SHES PA RE RE NYID YIN GYI GNYIS MA YIN PAR BSHAD PA NI DON RTOGS PA'I DUS SU ZHES BYA BA'O, ,NGES PA LAS KYANG GCIG RTOGS NA GNYIS KA RTOGS PA YIN PAR BSTAN PA NI GNYIS DAG 'BREL PAR ZHES BYA BA'O, ,'GREL PA NI 'DI RANG GI 'DOD PA MA YIN ZHES BYA BA YIN TE, KHYED KYI 'DOD PAS ZHES BYA BA'I TSIG GIS SO, ,NGED KYI LTAR NA ZHES BYA BA LA SOGS PA YANG RTOGS PA DON YIN TE, JI LTAR MTHONG BA YIN ZHES NGES PA YIN PA'I PHYIR RO, ,DON ZHES BYA BA NI GNAS SKABS MA YIN PA'O, ,DON RTOGS PA NI DE NYAMS SU MYONG BA'O, ,DON GYI NGO BO SHES PA YIN PA'I PHYOGS LA GNYI GA 'BREL PA CAN NYID YIN YANG DE'I SHES PA NI SHES PA GZHAN GYIS YIN NO ZHES BYA BA NI KHYAD PAR YIN NO SNYAM DU SEMS PA NI GANG GI MTHONG BA ZHES BYA BA'O, ,GANG GI ZHES BYA BA NI RGOL BA GANG GI 'DOD PA LA'O, ,DE LA ZHES BYA BA NI 'DOD PA LA'O, ,MTHONG ZHES BRJOD CES BYA BA NI

, ,NGES PAS TE MTHONG NGO ZHES BYA BA YIN GYI RANG RIG PA DANG 'BREL PA'I ZHES PA LA NI MA YIN NO, ,'GREL PAR NI KHYAD PAR LA SOGS PA NYID RANG GI RIG PA GRUB PA MA YIN PAR BSTAN PA YIN NO, ,'DRA BA MTHONG BA 'DZIN PA DE LTA NA RANG NYID RIG PA YIN GYI GZHAN DU NA THAMS CAD MI DMIGS PAR THAL BAR 'GYUR BAR BSTAN PA NI, RANG RIG GRUB CES BYA BA'O, ,'DI'I NI GZHAN GYI'O, ,GANG LA ZHE NA 'DRA BA NYID LA STE 'DRA BA MTHONG BA'I 'DRA BA NYID LA'O, ,'GREL PAR NI KHYAD PAR LA SOGS PA NYID DNGOS SU MA YIN PA'I PHYIR DER ZHEN PA CAN GYI BDAG NYID KYI RIG PA LA DON MED PA YIN NO ZHES BYA BA'I LAN GYI DON BSTAN PA NI, KHYAD PAR DANG NI KHYAD PAR CAN, ,ZHES BYA BA LA SOGS PA'O, ,KHYAD PAR DANG ZHES BYA BA NI DON DE LTA BU'I NGO BO MA YIN PA'I PHYIR RO, ,SHES PA MI RIG NA SHES BYA YANG MI RIG PA YIN TE RTOGS PA NYID RIG PA YIN NA YANG RANG GI RIG PA NYID DU THAL BAR 'GYUR BAR BSTAN PA NI, NYAMS MYONG MA LUS LDOG PAR 'GYUR, , ZHES BYA BA NYID KYIS, 'GRO BA MA LUS GSAL MA YIN, ,ZHES BYA BA BZHIN DU DRAN PAR BYAS PA YIN NO ZHES BYA BA NI RGYAL BA CAN GYI'O, ,KHYAD PAR BDAG NYID GZHAN MI SRID PA'I PHYIR ZHES BYA BA NI 'GREL PAR TE DE YANG ZHES BYA BA'O, ,GZHAN GYIS RANG GI NGO BO GZUNG BA'I KHYAD PAR NYID LA SOGS PA PHYIS GZHAN GYIS SHES PAR BSHAD NAS, SNGA MA DE'I YUL MA YIN NA DE'I PHYI MA DE'I YUL DU JI LTAR DE BZHIN DU 'DZIN PAR 'GYUR ZHES BYA BA MED PAS DE'I NGO BO MA YIN PA'O ZHES BYA BAS, GANG GI MTHONG BA 'DRA BA NI, ,ZHES BYA BA BSHAD PA YIN NO, ,RANG RIG GRUB CES BYA BA LA SOGS PA'I BSHAD PA NI, DANG PO KHYAD PAR MTHONG BA MED, ,ZHES BYA BA'O, ,DRAN PAS PHAN BTAGS PA'I DBANG PO NI DE NYID KYI TSE DE RIG PA YIN GYI SNGAR NI MA YIN NAM ZHES ZER BA NI 'ON TE PHYIS ZHES PA'O, ,PHAN MA BTAGS PA'I GZUNG BA JI LTAR PHAN BTAGS PA YOD NA GZHAN DU 'GYUR ZHES BSTAN PA NI, DE'I NGO BOR ZHES BYA BA STE KHYAD PAR MA YIN PA NYID LA SOGS PA'O, ,KHYAD PAR CAN NYID NI LHAG PA NYID YIN TE DE'I YUL MA YIN PA NYID DU 'GYUR BA'I PHYIR DE NYID GZHAN DU 'DZIN PA LA RANG DBANG MED PA'I PHYIR RO, ,NYA PHYIS LA DNGUL LO ZHES BYA BA NI 'KHRUL PA NYID YIN PAR BSTAN PA NI DE LTAR YIN PAR ZHES BYA BA'O, ,GANG YIN ZHES BYA BA NI GNOD PAR BYED PA LA YANG

GZHAN DU RIG PAR BYED PA'I PHYIR RO, ,DRUG LDAN LA SOGS PA SNGAR MA RTOGS PA'I PHYIS RTOGS PA NYID YOD PA MA YIN NAM ZHES ZER BA LA GAL TE SNGAR ZHES BYA BA'O, ,KHYAD PAR ZHES BYA BA NI KHYAD PAR LA SOGS PA'I NGO BO'O, ,THOS PA GOMS PA YIN NA DRUG LDAN LA SOGS PA YIN GYI KHYAD PAR NYID LAS DBANG PO'I YUL MA YIN PAR BSTAN PA NI GAL TE KHYAD PAR ZHES BYA BA'O, ,RTOGS MI 'GYUR ZHES BYA BA NI GOMS PA DANG GZHAN DU YANG TSAD MAS MI RTOGS PA'O, ,TSAD MAS MI RTOGS PA NYID BSTAN PA NI RTAG TU 'BA' ZHIG PA ZHES BYA BA'O, ,RTAG TU NI GOMS PA DANG GZHAN DU YANG GZHAN GYIS SO, ,RANG NYID KYIS 'DRA BA NYID KHO NAR CI'I PHYIR RIG PA MA YIN ZHES ZER BA LA 'DRA BA LAS NI ZHES BYA BA'O, ,SNGAR NYID CES BYA BA NI 'DRA BA THAMS CAD PHAN TSUN DU MYONG BA NYID NI THOB PAR 'GYUR ZHES BYA BAR RO, ,RANG RIG PA MA YIN PA LA 'DRA BA NYID MED DO ZHES BYA BA YANG GNYI GA RIG PA YIN PA LAS BSTAN PA NI MTHONG BA DAG NYID CES BYA BA'O, ,DE NI ZHES BYA BA NI DON NO, ,DE NI 'DI NI 'DRA BA'O ZHES BYA BAS BSTAN PA'O, ,GZHAN GYIS RIG PA MA YIN TE THUG PA MED PA'I PHYIR DANG, RANG NYID KYIS KYANG MA YIN TE KHAS MA BLANGS PA'I PHYIR RO, ,DON RIG PA MA YIN PA LAS KYANG 'DRA BA NYID MA YIN PA'I PHYIR 'GRO BA MA LUS PA SEMS PA CAN MA YIN PA THOB PAR 'GYUR BAR BSTAN PA NI 'DRA BA NYID KYANG ZHES BYA BA'O, ,GNYIS KA YANG YIN LA MTHONG BA YANG YIN PA DE MED PA'O, ,DE DANG DE NYID BSHAD PA NI DE TSE ZHES BYA BA'O, ,SHES PA ZHES BYA BA NI RANG DANG GZHAN GYIS MI RIG PAS SO, ,'BA' ZHIG MTHONG LA NI DON MA MTHONG BA NA'O, ,MTHONG BA NI DON GYIS BYAS PA'I RNAM PA CAN NI SGRO 'DOGS PA PO'I DON RANG GI DUS NA RNAM PAR 'JOG PAR BYED PA YIN NO SNYAM DU SEMS PA LA RNAM PA RANG GI DUS KYI DON LA MA NGES PA YIN PAR BSTAN PA NI 'DAS PA DANG ZHES PA'O, ,DON DANG DON GYIS MTHONG BA YANG DE DAG GI'O, ,DE KHONG NAS DBYUNG BA YIN NA YANG ZHES BYA BA NI LHAN CIG YOD PAR RTOG PA NA'O, ,RNAM PAR SHES PA NYID CES BYA BA NI DON DE LA RJES SU ZHUGS PA'I PHYIR RO, ,SHES PA'I RJES SU ZHUGS PA MA YIN PA NYID NI RANG NYID RIG PA MA YIN PA'I PHYIR DON NYID YIN LA MA RIG PA DANG MTHUN PA MED PA YANG MI MTHUN PAR BYED PA YIN PAR BSTAN PA NI PHYIS KYI

, ,ZHES BYA BA'O, ,DER SGRO 'DOGS PA NI DON DU SGRO 'DOGS PA'O, ,MI SRID PA'I PHYIR NI 'DRA BA NYID MED PA'I PHYIR RO, ,PHYIS ZHES BYA BA NI MTHONG NGO ZHES BYA BA'I RTOG PAS SO, ,MI 'DRA BAS NI KHYAD PAR NYID LA SOGS PAS SO, ,PHYIS MTHONG BAS KHYAD PAR MED PA LA SOGS PA MTHONG BA NA SNGA MA NI MTHONG BA'I DUS YIN PA'I PHYIR, RANG DBANG MA YIN PAR BSTAN PA NI RANG GI NGO BOS ZHES BYA BA'O, ,KHA ROG 'DUG PA NI SEMS PA MED PA'I PHYIR RO, ,KA BA LA SOGS PA ZHES BYA BA NI MTHONG BA MA YIN NAM ZHES BYA BAR SBYAR RO, ,MTHONG BA MI 'THAD PA MA YIN PA'I LAN NI 'GAL TE ZHES BYA BA'O, ,RANG GI NGO BOS NI RANG NYID KYIS TE DE GAL TE RANG BZHIN GZHAN YIN NA ZHES BYA BAR SBYAR RO, ,DE ZHES BYA BA NI LKOG TU MA GYUR PA'I MI GSAL BA ZHES BYA BA NI MA DMIGS PA NA'O, ,GANG YIN PA 'DI ZHES BYA BA DANG, SNANG BA DANG 'DI YIN TE ZHES BYA BAR SBYAR NAS RGOL BA'O, , NANG DU ZHUGS PA'I ZHES BYA BA NI LAN YIN TE GSAL BA'I RNAM PA SNANG BA NANG DU ZHUGS PA NI BLO LA ZHES BYED PA'I TSIG BSGYUR NAS SO, ,RANG RIG PA MA YIN NA RJES SU DPAG PA BZHIN DU YANG DON GSAL BA MA YIN PAR BSTAN PA NI DE YANG ZHES BYA BA'O, ,DON DMIGS PA'I NGO BO'I BLO MNGON SUM MA YIN NA, THAMS CAD MNGON SUM NYID DU MI 'GYUR ZHES BSTAN PA'I RIGS PA BSTAN PA NI BDAG RIG MIN PA'I ZHES BYA BA'O, ,BDAG RIG MIN PA'I PHYOGS DAG LA ZHES BYA BA NI BLO GZHAN GYIS BLO MNGON SUM MIN PA'I PHYOGS LA'O, ,MNGON SUM MIN NI RTAG TU RJES DPAG PAR BYA BA'O, ,LAN BTAB PA ZHES BYA BA NI BLO'I SNANG BA RANG LAS NGO BO RTOGS PAR KHYAD PAR MED PA'I PHYIR DE LAS GZHAN PA'I DBANG PO'I BYED PA'I NGO BO MA YIN TE, RANG RIG PAR BYA BA NYID DU LOG PAR RTOGS PA MED PA'I PHYIR DANG KHAS MA BLANGS PA'I PHYIR DANG LKOG TU GYUR PA NYID DU KHAS BLANGS PA'I PHYIR, RTAG TU RJES SU DPAG PAR BYA BA NYID YIN NA BLO'I LONGS SPYOD PAR BYA BA MNGON SUM MA YIN PA NYID DU BSTAN NAS, LONGS SPYOD PA MA YIN PAR BSTAN PA NI DE DAG GI BLO NYID CES BYA BA STE MNGON SUM YIN NO, ,GANG YIN ZHE NA BDE SDUG 'DOD PA LA SOGS PA'I KHYAD PAR GANG DAG YIN PA DE DAG GO ZHES BYA BA NI NGO BO BSTAN PA YIN NO, ,'DI DAG BLO NYID CI

LAS YIN ZHES PA LA BSTAN ZHES BYA BA STE BLO'I TSOGS PA LAS BYUNG BA'I PHYIR YIN GYI NYE BAR LEN PA DANG BCAS PA NI MA YIN TE RTEN LA SOGS PA BRJOD PA'I PHYIR RO, ,DE LTA BU'I NGO BO LA SOGS PA'I MTSAN NYID DAG LA BLO NYID DAM PHUL DU BYUNG BA DAG MA YIN TE, DE MIN PA LAS LOG PAS PHAN TSUN PHAN 'DOGS PA DAG GI RGYU NYID DU KHAS BLANGS PA'I PHYIR RO, ,RTEN GYI DBYE BA THA DAD PA NI RTEN GYI KHYAD PAR RO, ,YUL NYID LA ZHES BYA BA NI 'BRAS BU NYID LA'O, ,DMIGS PA LA SOGS PA ZHES BYA BA NI MTSUNGS PA DE MA THAG GI RKYEN LA SOGS PA'O, ,GAL TE ZHES BYA BA NI SHIN TU LDOG PAS ZHES BYA BA'I DGONGS PA'O, , MNGON SUM DU ZHES BYA BA NI GSAL BA STE LAS KYI NGO BO DANG BRAL BA'O, ,DE DAG LAS GZHAN PA NI DE LAS GZHAN PA STE BDE BA LA SOGS PA'I NGO BO DANG BRAL PA'I SHES PA 'DZIN PAR BYED PA DE DAG GI RTOGS MED NI LAS MA YIN PA'I NGO BOS GSAL BA YIN NO ZHES BYA BA'I DON TO, ,'DZIN PA GZHAN GYIS KYANG LKOG TU MA GYUR PA'I NGO BO NI GZHAN GYIS KYANG GZHAN GYIS BDE BA RIG PA'I PHYIR LAS DANG 'BRAS BU MA NGES PA'I NGO BO YANG MA BYAS PA 'THOB PA'I SKYON DU YANG 'GYUR BAR BSTAN PA NI GAL TE GZHAN GYIS ZHES BYA BA'O, ,GZUNG BA NYID DU RANG DANG GZHAN DU DBYE BA MA YIN PAR BSTAN PA NI GZUNG BAR BYA BA NYID KYIS ZHES BYA BA'O, , RANG LA 'DU BA DANG CIG SHOS NYID KYIS KHYAD PAR YOD KYANG MA DMIGS NA LONGS SPYOD PA LA DGOS PA CAN MA YIN ZHES ZER BA LA MA YIN TE ZHES BYA BA STE TSIM PA NI LONGS SPYOD PA'O, ,DMIGS PA YIN YANG BDAG GI MA YIN PA NYID LA NI LONGS SPYOD PA MIN ZHES ZER BA LA YID DGE ZHES BYA BA'O, ,YID DGE BA MIN PA LA NI DMIGS PA NYID LONGS SPYOD YIN PAR MTHONG GI BDAG GI BA NYID LA SOGS PA NI MA YIN NO, ,YID DGE BA LA NI JI LTAR GOMS PAS GZHAN DU BA NYID YIN GYI BDAG GI BA NYID LA SOGS PAS MA YIN PAR BSTAN PA NI YID DGE MIN LA ZHES BYA BA STE GRUB MTHA' CAN GYI'O, ,DE LA ZHES BYA BA NI GZHAN NE, ,GZHAN GYI RDZAS NYE BAR SPYAD PAS KYANG RANG LA BDE BA BSKYED PA'I PHYIR GZHAN GYI RDZAS BZHIN DU BDE BA DMIGS PA NA YANG 'DI'I RANG GI BDE BA BSKYED PAR 'GYUR BAR BSTAN PA NI GZHAN GYI ZHES BYA BA'O, ,'DI LTA NYID DU ZHES BYA BA NI BDAG NYID KYI BDE BA SKYES PA'O, ,DE LTA YIN YANG BDAG NYID KYI BDE BA LA LONGS SPYOD PA MA YIN NAM

, ,SNYAM DU SEMS PA LA, BDAG GIR MA DMIGS NA LONGS SPYOD MA YIN LA, NYE BAR DMIGS PA LONGS SPYOD YIN NA GZHAN GYI YANG CI STE MA YIN ZHES BSTAN PA NI GANG GI ZHES BYA BA'O, ,DMIGS PA DANG CIG SHOS DAG LA LONGS SPYOD PA DANG, CIG SHOS NYID KYIS RANG DANG GZHAN DAG GI KHYAD PAR YIN PAR BSTAN PA NI MA YIN RANG BZHIN DBYER MED PHYIR ZHES BYA BA'O, ,RING PHYIR DE'I ZHES BYA BA NI GZHAN GYI BDE BA YIN TE GZHAN GYI YUL LA YOD PA'I PHYIR RO ZHES BYA BA NI RGOL BA'O, ,RANG GI BDE BA BZHIN DU GZHAN GYI YANG RIG PA LA RJES SU ZHUGS PA'I PHYIR RING BA NYID MA YIN PA KHO NAR BSTAN PA NI RIG NA ZHES BYA BA'O, ,GZHAN GYI BDE BA NI RIG PA'I RJES SU ZHUGS PA YIN YANG GZHAN GYI BDAG NYID LA'AM, LUS LA RJES SU ZHUGS PA MA YIN PA MA YIN NAM DE'I PHYIR 'DI LONGS SPYOD PA MA YIN PAR BSTAN PA NI GAL TE MA RIG PHYIR ZHES BYA BA'O, ,RIG PA'I BDE BAS NI LUS LA CHU DANG 'O MA BZHIN DU GCIG PA NYID DU 'DRES PA LA LONGS SPYOD NA LUS RIG PA'I BDAG NYID DU 'GYUR BAR BSTAN PA NI RIG NA ZHES BYA BA STE, LKOG TU MA GYUR PA'I NGO BO NI RANG GI RIG PA YIN ZHING BDE BA BZHIN DU LUS KYANG KUN DU REG PA YIN ZHES BYA BA'I DON TO, ,BDAG NYID THAMS CAD KYIS GCIG TU 'DRES PAR GYUR PAS GAL TE LUS LA YOD PA RIG PA NI GZHAN GYI BDE BA DANG BDAG NYID THAMS CAD KYIS 'DRES PAR MI BYED PA DE LTA NA RANG GI BDE BA NYID DE LTAR 'DRES PA RIG PA YIN NO, ,DE LTAR NA RANG RIG PA THOB PAR 'GYUR PAR BSTAN PA NI PHYOGS GCIG GIS NI ZHES BYA BA'O, ,GZHAN PA ZHES BYA BA NI LOGS NA GNAS PA'I GZUNG BYA'O ZHES BYA BA'I DON TO, ,BDE BA RIG PA'AM RIG PAR BYA BA'I LUS LA GZHAN DU RJES SU DPAG PA LAS, GAL TE RIG PA'I LUS LA'AM RIG PA LA RJES SU ZHUGS BA YIN NA DE LTA MA YIN PAR TE, RJES SU MA ZHUGS NA RANG RIG PAR MI 'GYUR RO ZHES BYA BA NI GNAS SKABS KYI RNAM PAR DBYE BA'O, ,RANG GI RIG PA DANG DE'I BSKYED BYA NYID KYIS DE'I NGO BOR SNANG BA YANG GZHAN GYI BDE BA LA SRED PA MA YIN TE RTAGS LAS DE'I RIG PA 'BYUNG BA'I PHYIR RO ZHES BSTAN PA NI DE LAS SKYES PA DANG ZHES BYA BA'O, ,DE LAS MI SKYE BA RTAGS NYID LAS 'BYUNG BA'I PHYIR RO, ,DE LAS MI SKYE BA NYID KYIS DE'I SNANG BA MA YIN PA DANG,

RANG GI RIG PA MA YIN PA YANG JI LTAR DE'I RIG PA YIN ZHES ZER BA LA DE BSKYED PA DANG ZHES BYA BA STE DE'I RNAM PA CAN NO, ,DER SNANG BA ZHES BYA BA NI DE'I BDAG NYID DU'O, ,DE RIG PAR BYED PA'I RJES SU DPAG PA LA YANG DE GNYI GA YIN TE GZHAN DU NA DE RIG PAR BYED PA NYID DU MI RIG PA'I PHYIR THAL CHES PA YIN PAR BSTAN PA NI DMIGS PAR BYED PA GZHAN LA YANG ZHES BYA BA STE DE RIG PA CAN GYI SEMS LA KHAS LEN PA NYID KYIS DE LA DMIGS PA NYID YIN NO, ,DE LAS SKYE BA'I RTAGS NI MIG LA SOGS PA BZHIN DU LHAN CIG BYED PA YIN PAR BSTAN PA NI DES NA ZHES BYA BA'O, ,DON GYI ZHES BYA BA NI NGES PA'I DON GYI NGO BO SNANG BA'I SHUGS KYIS SO, ,PHYIR ZHES BYA BA NI GTAN TSIGS SO, ,KHYAD PAR MED DO ZHES BYA BA NI GZHAN GYI SHES PA LAS GZHAN GYI BDE BA'I SHES PA LA'O, ,KHYAD PAR YOD NA YANG DE RIG PA MA YIN TE, DE MIN NGO BO RIG MIN PHYIR, ,ZHES BSTAN PA NI, CI STE DE LAS SKYES MIN ZHING, ,ZHES BYA BA'O, ,DU BA LAS ME BZHIN DE YI, ,DE YI SPYI NI RIG PA YIN, ,ZHES BYA BA YIN NO SNYAM DU SEMS PA DGAG PA BYED PA NI SPYI DAG KYANG ZHES BYA BA'O, ,MI 'DZIN DE NI ZHES BYA BA NI DNGOS PO MIN PA'O, ,DE 'DZIN PA'I BDAG NYID KHO NA SPYI 'DZIN PA YIN LA, DE 'DZIN PA MED NA MI SRID PA YIN GYI KHYAD PAR CAN DE'I NGO BO LAS GZHAN YANG MA YIN TE DE MI DMIGS PA'I PHYIR RO ZHES BSTAN PA NI DNGOS MIN ZHES BYA BA STE RNAM PAR RTOG PA'I ZHEN PAR KHYAD DANG LDAN PA MA YIN PA'I GSAL BA'I NGO BO SPYI YIN GYI GZHAN NI MA YIN NO ZHES BYA BA'I DON TO, ,YUL GYI MTSAN NYID CES BYA BA NI 'DZIN BYED RIGS ZHES BAS, SHES PA'I RNAM PA 'JOG NUS PA, ,RGYU NYID LAS NI GZUNG BAR SHES, ,ZHES BYA BA'O, ,GZHAN GYIS KHAS BLANGS PA'I SPYI'I BLO YANG BRTAGS PA YIN LA, DE'I RNAM PAR ZHES BYA BA GSAL BA'I RNAM PA'O, ,'DI ZHES BYA BA NI SPYI'I NGO BO RTOG PA MED PA LA YUL GYI RNAM LA YOD PAR BSTAN PA NI NYE BAR GZHAG PA YIN ZHES BYA BA STE YUL DU 'DOD PA'O, ,DE LA, GANG DANG GANG LA NYER GZHAG PA, ,DE YI GZUGS BRNYAN THOB PAR BYED, ,CES BYA BA'I RIGS PAS SO, ,RANG GI GZHUNG LUGS BSTAN PA NI GOMS PA'I BYA BA STE RMI LAM BZHIN DU'O, ,BLO NI RNAM PAR RTOG PA MA YIN PA 'AM CIG SHOS SO, ,'JIG RTEN RIG PA NI BCOM LDAN 'DAS SO, ,DE'I PHYIR ZHES BYA BA NI THA

, ,DAD PA SPYI MI SNANG BA'I PHYIR RO, ,DE LAS ZHES BYA BA NI GZHAN GYI BDE BA RIG PA LAS SO, ,MNGON SUM GYI LKOG TU GYUR PA MA YIN PA DANG, BDAG RIG KYANG STE DE DAG GRUB PA NI GZHAN GYI BDE BA'I BLO LA'O, ,PHYI ROL GYI PHYOGS SU LHUNG BA'I PHYIR ZHEN PA DANG CIG SHOS KYANG PHYI ROL NYID YIN PAR BSTAN PA NI GAL TE NA ZHES BYA BA'O, ,RANG DBANG MA YIN ZHES ZER BA NI DE YANG ZHES BYA BA'O, ,GZHAN GYIS ZHES BYA BA NI GANG GI BDE BA DE'O, ,RANG BZHIN ZHES BYA BA NI GZHAN GYIS RTOGS BZHIN PA'O, ,DE LA NI BDE BA DE GANG GI YIN PA DE LA'O, ,DE DANG ZHES BYA BA NI GZHAN DANG NGO, ,GZHAN NI RANG DANG 'BREL PA'I GSAL BA BZHIN DU NGO BO DE YANG RTOGS PAR 'GYUR BA ZHIG NA DE MED PA'I PHYIR ZHES BSTAN PA NI MA YIN TE GZHAN LA ZHES BYA BA STE GANG GI BDE BA DE'O, ,BRJOD PA DE ZHES BYA BA NI GZHAN NO, ,STENG DU GNAS PA YIN BA NI RGOL BA THAMS CAD KYI YIN GYI RIGS PAS NI MA YIN NO, ,GZHAN DAG KYANG ZHES BYA BA NI DE GANG GI MA YIN BA'O, , 'ON TE GZHAN GYIS KYANG ZHES BYA BA NI DE GANG GI RJES SU DPOG PAR BYED PA MA YIN PA'O, ,DE NYID CES BYA BA NI GZHAN GYI BDE BA'I NGO BO STE RJES SU DPAG BA YANG RANG NYID RIG PA MA YIN NO ZHES BYA BA'I DON TO, ,BDE BA LA LONGS SPYOD PAS BDE BA LA LONGS SPYOD PA CAN ZHES BYA BAR SBYAR TE, RJES SU DPOG PA PO GZHAN BDE BA'I BDAG NYID KYI BLO GAL TE 'DZIN NA MNGON SUM DU BYED PA KHYAD PAR CAN GYI MNGON SUM MA YIN PA DE'I PHYIR DE'I LONGS SPYOD PA CAN MA YIN NO ZHES BYA BA'I DON TO, ,DON MTSUNGS PA DAG NI RANG DANG GZHAN GYI RIG PA DAG LA DON GYI NGO BO SNANG BAR KHYAD PAR MED PA LA THA DAD CES BYA BA STE, LONGS SPYOD PA DANG CIG SHOS NYID KYI KHYAD PAR NYID DU MI 'GYUR BA'O, ,RANG GI NGO BO MNGON DU BYED PA NI RJES SU DPAG PA LA YANG YIN NO ZHES ZER BA LA RANG GI NGO BO ZHES BYA BA'O, ,RNAM PA MTSUNGS PA DAG NA MNGON SUM DANG RJES SU DPAG PA DAG GO, ,TSOGS PA THA DAD PA LAS 'DI DAG GI SNANG BA THA DAD PA YIN GYI, YUL THA DAD PA LAS NI MA YIN PA MA YIN NAM, THAG RING BA DANG CIG SHOS NYID KYIS GCIG LA YANG GSAL BA DANG CIG SHOS LA GSAL BA DANG CIG SHOS KYI SNANG BA LTA BU'O ZHES ZER BA NI SNANG BA'I DBYE BAS ZHES BYA BA'O, ,THAG RING BA NYID LA SOGS PA'I RGYU'I DBYE BAS THA DAD PA NYID DU SNANG BA NI DON BYED PA YIN

GYI DE LAS 'DI GZHAN YANG MA YIN ZHING, 'DRES PAR BYED KYANG ZHES PA MA YIN TE DE LTAR SNANG BAS GNOD PA'I PHYIR RO, ,DON GCIG GI YUL GYI TSANG MA DANG CIG SHOS KYI SNANG BA DAG 'BA' ZHIG YIN TE SER PO DANG CIG SHOS LTA BU YIN PAR BSTAN PA NI RANG GI NGO BO LA GNAS PA NYID CES BYA BA'O, ,DE YANG RANG GI NGO BO SNANG BA YIN NA MI RIGS NGAR BSTAN PA NI GNYI GA'I ZHES BYA BA'O, ,DE NYID KYI PHYIR RGYU THA DAD PA MA YIN PAR BSTAN PA NI MI RIGS PA'O ZHES BYA BA STE RTAGS NYE BA YIN ZHES BYA BAS MNGON DU BYED PA LA DBYE BA MED DO ZHES BYA BA'I DON TO, ,MNGON DU BYED PA'I BYED PA PO NYID THA DAD PA YIN YANG 'BRAS BU YANG THA DAD PAR 'GYUR BAR BSTAN PA NI, RANG GI NGO BO THA DAD KYANG, ,ZHES BYA BA STE GSAL BA DANG CIG SHOS NYID DU MI RIGS PAR 'GYUR RO, ,RTOGS PA'I RANG BZHIN NYID CES BYA BA NI RNAM PA'I KHYAD PAR MA YIN PA'O, ,GANG GI MA MTHONG BAS DRANGS PA'I BDE BA DE NYID LONGS SPYOD PAR BYED PA LA GANG DANG 'BREL PA DE DANG LDAN PA'I SHES PA'I SHES PA GANG GI MIG LA SOGS PA LA SKYES PA DE NYID RIG PA YIN NO SNYAM DU SEMS PA RJES SU BRJOD PA NI MA MTHONG ZHES BYA BA'O, ,RNAM KUN DU ZHES BYA BA NI MNGON SUM DANG RJES SU DPAG PAS KYANG NGO, ,RANG GI NGO BO SNANG BA YIN NA DE LTA BU'I DBYE BA MA YIN PAR BSTAN PA NI MYONG BA'I ZHES BYA BA'O, ,NGES PA'I KHYAD PAR BSHAD PA NI CI STE 'GYUR NA YANG ZHES BYA BA'O, ,DE'I TSE ZHES BYA BA NI SNGON PO LA SOGS PA'I MNGON SUM LA YANG NGO, ,'DI YANG ZHES BYA BA NI SDUG BSNGAL LA SOGS PA'O, ,'GYUR MOD CES BYA BA NI RGOL BA KHAS BLANGS PA'O, ,BDE BA DANG SDUG BSNGAL LA SOGS PA BZHIN DU RANG GI RIG PA LA SOGS BA YANG MA MTHONG BA KHO NA YIN ZHES ZER BA LA RANG RIG PA'I ZHES BYA BA'O, ,DE NYID KYI PHYIR NI RANG RIG PA NYID KYI PHYIR RO, ,MYONG BA THA DAD PA NI GSAL BA DANG CIG SHOS NYID DU SNANG PA'I NGO BO LA'O, ,GSAL BAR SNANG BA NYID KYI RJES SU DPAG PA'I MIG KYANG CI'I PHYIR MA YIN ZHES ZER BA LA MIG LA SOGS PA YANG ZHES BYA BA'O, ,MIG LA SOGS PA MED KYANG RANG RIG PA BZHIN DU GSAL BA NYID TZAM LAS MNGON SUM YIN PAR BSTAN PA NI DANG PO ZHES BYA BA'O, ,MA GTOGS PA NA ZHES BYA BA NI MNGON SUM NYID DU ZHES BYA BAR SBYAR RO, ,DE LTA NA CI ZHIG RTOGS PA YIN ZHE NA 'GA' ZHIG KYANG ZHES BYA BA'O, ,'DI GNYIS MED PA NI

, ,GSAL BA'I DBANG PO LAS SKYES PA'I NGO BO'O, ,NYE BA YANG DAG PAR RIG PA'I NGO BO NI GNYI GA NYE BA NI MNGON SUM NYID LA RGYU MTSAN MA YIN PA'O, ,GZHAN DU YOD PA'I PHYIR ZHES BSTAN PA NI NYE BA DANG NI ZHES BYA BA'O, ,GSAL BA NYID KYI PHYIR THAG RING BA'I PHYIR MNGON SUM NYID YIN NA DE NYID LA DE KHO NA RGYU MTSAN YIN GYI, NYE BA MA YIN PAR BSTAN PA NI DE'I GSAL BA ZHES BYA BA'O, ,DE MED NA YANG ZHES BYA BA NI NYE BA MED NA YANG NGO, ,MNGON SUM DANG MNGON SUM MA YIN PAR ZHES BYA BA NI MNGON SUM NYID KHO NA YIN GYI MNGON SUM DANG CIG SHOS KYANG YIN BA NI MA YIN NO, ,DE 'DI LTAR NGO BO RIG PA NI MNGON SUM DANG RJES SU DPAG PA LA DBYE BA MED PAR BSTAN PA NI GZHAN GYI BDE BA RNAL 'BYOR PA'I MNGON SUM NYID YIN GYI, RANG RIG PA MA YIN PAR 'DI LA KHYAD PAR MED PAR BSTAN PA NI GANG DAG GIS ZHES BYA BA STE 'DOD PA'O, ,DE BZHIN DU NI GZHAN BZHIN DU'O, ,GDUNG BA NI 'DOD CHAGS LA SOGS PA SEMS PA LAS 'KHOR BA CAN DAG GO, ,SPROS ZIN PA NI, MA MTHONG DON GCIG LDAN SOGS KYI, ,ZHES BYA BAS SO, ,RNAL 'BYOR PAS NI GZHAN LA GNAS PA SHES PA YIN GYI DE LAS SKYE BA NI MA YIN TE RGYU MED PA'I PHYIR RO SNYAM DU SEMS PA NI, GAL TE YUL DBANG DUS MED PAS, ,ZHES BYA BA STE, GSUM 'DUS PA NI RIG PA YIN LA GZHAN GYI RGYU YIN GYI RNAL 'BYOR PA'I NI MA YIN NO, ,SKYE BA TZAM NI LONGS SPYOD PA MA YIN GYI 'O NA CI ZHE NA, MYONG BA NI RNAL 'BYOR PA'I YANG YIN PAR BSTAN PA NI SDUG BSNGAL SKYES PAR ZHES BYA BA'O, ,SKYE BA NYID LONGS SPYOD PA CIS MA YIN ZHES ZER BA LA, SDUG BSNGAL LA SOGS ZHES BYA BA'O, ,MA RTOGS NA RJES SU 'DZIN PA LA SOGS PAR MI BYED PAR BSTAN PA NI 'DI LTAR PHAN TSUN ZHES BYA BA STE GNYI GA'I BSKYED BYA'I DE NYID NI BYED PA PO GNYI GA NYED GZHI NYID YIN PAS SGRUB PAR BYED PA LAS MTSUNGS PAR RJES SU 'DZIN PA SKYED PAR MI BYED DE, DE RIG PA PO'I RJES SU 'DZIN PA YIN GYI DE MI RIG PA'I NI MA YIN TE, DE'I 'BRAS BU SPU LDANG BA LA SOGS PA MED PA'I PHYIR RO, ,CI ZHES BYA BA NI DRI BA LA YIN GYI THAL 'GYUR LA NI MA YIN NO, ,THUN MONG BA'I 'BRAS BU BSKYED PA NA GNYI GA'I THUN MONG BA'I BDE BA YANG YIN PA'I PHYIR DGA' BA MI MNYAM PA DANG, DGA' BA CHE BA DANG, DGA' BA CHUNG BAR MI 'GYUR BAR BSTAN PA NI DE LTA BU'O ZHE NA

ZHES BYA BA STE, BA SPU LDANG BA LA SOGS PA THUN MONG BA BSKYED PA NA'O, ,DE'I PHYIR NI RNAM PAR DBYE BA MTHONG BA'I PHYIR RO, ,MYONG BA YOD PA DANG MED PA DAG DE'I RGYU YIN PAR BSTAN PA NI RANG RIG PA YIN NA ZHES BYA BA'O, ,GZHAN DU NI MA YIN NO ZHES BYA BA NI MA MYONG NA'O, ,SKYES PA TZAM NI BDE BA CAN NYID MA YIN BA'O, ,MIG LA SOGS PA'I PHRAD PA YOD, ,ZHES BYA BA NI BDE BA CAN NYID MA YIN NO, ,MED PA ZHES BYA BA NI RANG RIG PA TZAM MA YIN PA LA'O, ,BDE PA MTSUNGS PA NYID CES BYA BA NI SKYES PA DANG BUD MED GNYI GA'O, ,DE LA ZHES BYA BA NI DE DAG LAS GANG YANG RUNG BA'O, ,DER NI BDE BA LA'O, ,KHYED LA YANG RNAL 'BYOR PA YOD PA'I PHYIR GZHAN GYI BDE BA RIG PA NA DE KHO NA BZHIN DU GDUNG PA CI'I PHYIR MA YIN ZHES ZER BA LA GANG TSE RANG NYID CES BYA BA STE, SNANG BA NI MA MYONG BA DGAG PA LAS DANG RANG GI NGO BOS NI RJES SU DPAG PA LAS GZHAN GYI NGO BO DGAG PA DANG, RANG NYID CES BYA BA NI 'DZIN PAR BYED PA GZHAN GYIS GZUNG BA NYID DGAG BA'I SGO NAS GZHAN GYIS GSAL BAR BYAS PA MA YIN PA'I SDUG BSNGAL NI GDUNG BA YIN ZHES BSTAN PA YIN NA'O, ,GZHAN GYI GDUNG BA'I 'BRAS BU DANG LDAN PA MA YIN NO ZHES DGAG PA NYID BSTAN PA NI, DE ZHES BYA BA NI SDUG BSNGAL TE DMIGS PA SHES PA GANG GI YIN PA DE GDUNG BA MA ZHES BYA BA'I DON TO, ,RNAL 'BYOR BA NI GZHAN GYI SDUG BSNGAL RIG PA MA YIN GYI, 'ON KYANG SHES PA GZHAN GYIS SNGON PO LA SOGS PA BZHIN DU, DE DE'I RNAM PA CAN DE NI DE LA DMIGS PA CAN YIN TE, RANG LA YOD PA'I BDE BA KHYAD PAR CAN GYI RANG GI RIG PA DANG LDAN PA'O, ,RNAL 'BYOR SPYOD PA NI DE GNYIS SU MED PA'I RIG PAR RO GCIG PA RTOG PA SPANGS BA RANG RIG PA'I MTHAR THUG PA NI DGA' BA SKYED PAR BYED PA YIN GYI, 'DI GZHAN LA GNAS PA NYID NA KHO BO CAG LA BRTEN NAS DE LTA DE LTAR THA SNYAD 'DOGS PAR BYED PA YIN NO, ,RNAL 'BYOR PA GZHAN GYI SDUG BSNGAL RANG YANG DAG PAR RIG PA MA YIN TE, DE LTA BU'I RNAM PA 'DI'I 'DZIN BYED MA YIN TE DE MED NA DE LTA BU JI LTAR YIN ZHES ZER BA'I THA TSIG GO, ,RANG RIG PA MA YIN PA YANG ME LA SOGS PA BZHIN DU GTOGS PA GDUNG BAR BYED PA CIS MA YIN ZHES ZER BA NI ME LA SOGS PA ZHES BYA BA'O, ,DE MED PA'I PHYIR RO ZHES BYA BA NI BSGOM PA STE'U DANG TZAN DAN 'DRA BA NYID DU YOD PA'I PHYIR

, ,RO DE LTA BU NYID DU ZHES BYA BA NI THA DAD PA GDUNG BAR BYED PA NYID KYIS SO, ,THA DAD PA'I SDUG BSNGAL NI DE LTAR GDUNG BAR BYED PA MA YIN TE, RANG NYID DE'I BDAG NYID YIN PA'I PHYIR RO ZHES BSTAN PA NI RIG PAS BYED PA'I ZHES BYA BA'O, ,THAMS CAD NI DE LDAN PA DANG DE LAS GZHAN PA YANG NGO, , GZHAN GYI BDE BAS SGRO BTAGS PA RTZIG PAS BZHIN DU RIG PA NYID KYI NGO BO MA YIN NO, ,DE'I DNGOS MIN RIG MIN PHYIR, ZHES ZER BA LA, DES NA SHES PA ZHES BYA BA, ,ZHES BYA BA'O, ,DES BYAS PA YANG DES PHYOGS SU LHUNG BA YIN TE GZHAN DU NA DE LAS DE'I RIG PA MA YIN TE, RANG NYID RIG PA TZAM LAS LTA BU STE BDAG TU BYED PA'I YUL DANG CIG SHOS KYI RGYU MTSAN YANG 'DI DAG LA THA DAD PA YOD PA YIN NO ZHES BYA BA'I DON TO, ,THAMS CAD KYI RNAL 'BYOR PA DANG GZHAN GYIS YANG NGO, ,DES NA ZHES BYA BA NI RANG RIG PA DANG CIG SHOS NYID KYIS SO, ,DMIGS PA NI RANG NYID KYI MYONG BA MA YIN PA DANG, MYONG BA YANG CIG SHOS KYIS STE DE DAG NI DON 'DRA BA NYID YIN TE DMIGS PA'I CHOS KYI RJES SU BYED PA'I PHYIR RO, ,MYONG BA NI RIG PA STE BDAG CES BYA BA NI NGA RGYAL GYI YUL LO, ,RANG NYID GSAL BA RTAG TU RJES SU 'GRO BA YIN PA DES NA DE LTAR THAL MI 'GYUR ZHES BYA BAR SBYAR TE GZUNG BA DANG CIG SHOS BSNYEN PA'I RANG BZHIN DANG RANG BZHIN MA YIN PA DAG GI RIG PA'I CHA DAG YIN NO ZHES BYA BA'I DON TO, ,DMIGS BA'I CHOS KYI RJES SU BYED PA NI RES 'GA' BA NYID DU BSTAN PA NI DE'I RNAM PA ZHES BYA BA'O, ,MYONG BA'I NI RANG RIG PA NYID KYIS PHYI ROL GYI CHOS KYI RJES SU BYED PA BSTAN PA NI BDAG GI NGO BO ZHES BYA BA'O, ,RNAM PA MED PA LA YANG YUL DU BYED PA NI RANG RIG PA NYID YIN PAS CI'I PHYIR GDUNG BAR MA BYED CES ZER BA LA DE'I RNAM PA ZHES BYA BA STE LOGS NA GNAS PA NYID NI RNAM PA DANG BCAS PA LA MI MTHUN PA MA YIN ZHING CIG SHOS RNAM PA MED PA LA YANG MA YIN TE RIG PA LA BDAG NYID RIG PAR KHYAD BAR MED PA'I PHYIR, GZUNG BA NYID KYIS KYANG DE LA KUN DU REG PA'I PHYIR LA, MA REG NA YANG MI RIG PA'I RNAM PA LA MNGON DU BYED PA YIN LA, GZHAN LA NI DNGOS DE KHO NAR DE REG PAR BYED PA'I PHYIR CHES SHIN TU GDUNG BA NYID YIN NO, ,RANG RIG PA LA RJES SU ZHUGS PA NI GZHAN GYI RNAM PA DANG DE'I BDE BA DAG LA KHYAD PAR CAN MA

YIN PA MA YIN NAM ZHES ZER BA NI, DE GNYIS LA ZHES BYA BA'O, ,DON DAM PAR NI ZHEN PA MA GTOGS PAR RO, ,JI LTAR MA GDUNG BA DANG CIG SHOS NYID YIN ZHE NA 'ON KYANG ZHES BYA BA'O, ,DE LTA MA YIN PAS ZHES BYA BA GNYIS SU MED PA'I DE BZHIN DU RO GCIG PA NYID KYI PHYIR RO, ,BDE BA LA SOGS PA'I RNAM PAR BDE BA ZHES BYA BA NI BDE BA DANG CIG SHOS NYID KYIS SO, ,RNAM PA MED PA DAG CIG SHOS KYI PHYOGS DAG LA SKYON DANG CIG SHOS MTSUNGS PA YIN YANG JI LTAR RNAM PA DANG BCAS PA LA RJES SU CHAGS PA YIN ZHES ZER BA NI ZHES RAB LA SOGS PA YANG ZHES BYA BA STE 'DOD CHAGS LA SOGS PA YANG NGO, ,MTSAN NYID MI MTHUN PA NYID NI RNAM PA'I DBYE BA LAS RANG GI RIG PA'I DBYE BA YOD PA YIN GYI DE RNAM PA GZHAN GYIS NI MA YIN NO, ,RNAM PAR SHES PA ZHES BYA BA NI GZEGS ZAN NO, ,RE ZHIG RNAM PA DANG BCAS PA NYID DU BSGRUB PAR BSTAN PA NI SHES RAB DE NYID CES BYA BA STE GZUNG BAR SNANG BA NYID DE'I RNAM PA NYID DU SNANG BA YIN NO ZHES BYA BA'I DON TO, ,GZHAN ZHES BYA BA MNGON SUM MO, ,BSTAN CING ZHES BYA BA NI, ,RNAM PAR SHES PA THAMS CAD NYID, ,YUL RNAMS LAS NI 'BYUNG BA'I PHYIR, ,DE LAS GZHAN RGYU YOD NA YANG, ,RNAM 'GAS YUL DU BYAS PA YIN, ,ZHES BYA BA LA SOGS PAS SO, ,RANG GI RIG PA ZHES BYA BA NI RNAM PA DANG BCAS PA YANG NGO ZHES BYA BAR GNAS SKABS LAS YIN NO, ,GNYIS KA MED NA 'GA' YANG RTOGS PA MED PA NI DON GYI 'BREL PA MED PA CAN NO, ,DES NA THA SNYAD NI DON DANG SHES PA DANG RTOGS SO ZHES BYA BAR MI 'GYUR BA'O, ,RTAGS MED PA'I PHYIR BLO RTAG TU RJES SU DPAG PAR BYA BA MA YIN PAR BSTAN PA NI GZHAN YANG ZHES BYA BA'O, ,MNGON SUM NYID NI BDAG NYID RIG PA'O, ,BLO DANG DON DANG DE LAS SNGA MA'I STE 'BRAS BU LAS RTOGS PAR BYA BA 'DAS PA'I DON CAN GYI BLO'AM, RGYU 'BRAS TSOGS PA NI 'DUS PA LA 'BREL PA CAN NO, ,GNAS SKABS PA STE GZHAN 'BREL BA MED PA'I PHYIR RO, ,GANG GI PHYIR RGYU YANG MA YIN LA 'BRAS BU YANG MA YIN PA NI RTOGS PAR BYED PA MA YIN TE 'KHRUL PA'I PHYIR RO, ,DBANG PO YOD PA ZHES BYA BA DE DAG TZAM GYIS NI SHES PA MA YIN TE GZHAN DU NA BLO MED KYANG 'THAD PA JI LTAR YIN ZHES ZER BA LA RGYU NYID DU ZHES BYA BA'O, ,NUS DANG LDAN PA MED

, ,NA 'THAD PA NYID MA YIN PAR BSTAN PA NI NUS PA YANG ZHES BYA BA'O, ,RGYU DBANG PO LA SOGS PA NI RTAGS MA YIN TE 'BRAS BU LA MA NGES PA'I PHYIR RO, ,LHAN CIG TU KHAS BLANGS NAS MTHONG BAR BRJOD PA YIN TE, 'BRAS BU NI DE'I YUL CAN NYID KYIS DE MA 'DZIN NA DE DANG 'BREL PA 'DZIN PA MA YIN PAS LKOG TU GYUR PA NYAMS SU MYONG BA'I SHES BYA YANG DE LTA BU YIN PA'I PHYIR RTAGS MA YIN TE MA GRUB PA'I PHYIR RO ZHES BSHAD PA NI MA GRUB PA NI ZHES BYA BA'O, ,MNGON SUM DU GRUB PA NYID NI RANG RIG PAS RTOGS PA'O, ,DON NI DE LTA BU'I GSAL BA'I NGO BO NA YIN PAR BSTAN PA NI DON YOD PA TZAM LAS KYANG ZHES BYA BA'O, ,GANG KHO NA DON GSAL BA NYID KYI RTAGS LKOG TU GYUR PA DE KHO NA YIN PA'I PHYIR DE KHO NA 'GREL PAR BSTAN PA NI DE NYID KYI PHYIR ZHES BYA BA'O, ,DE NYID CES BYA BA GSAL BA YIN NO ZHES BYA BA NI LEN NO, ,LKOG TU MA GYUR PA'I GSAL BA NI DBANG PO LA SOGS PA TZAM LAS BYUNG BA'I BLO YIN LA BLO GZHAN SHUGS KYIS THOB PAR 'GYUR BA NI MA YIN NO, ,'DIS NI ZHES BYA BA NI GSAL BA SHES PA NYID YIN PAS SO, ,GSAL BA NYID KYI DON NI LKOG TU MA GYUR PA'I SHES PA YIN TE THUN MONG MA YIN PA'I PHYIR RO, ,GZHAN YANG DE NYID RTOGS PA NI MA YIN TE, DE'I DBANG PO LA SOGS PA LA LTOS BA MED PAR THAL BAR 'GYUR BA'I PHYIR RO, ,DE NYID KYI PHYIR DON LAS GSAL BA GZHAN YIN NO, ,GSAL BA NYAMS SU MYONG BA YIN PA DE LTA NA DES NON PA'I DON GSAL BA YIN GYI GZHAN DU NI MA YIN NO ZHES ZER BA LA, GSAL BA NYAMS SU MYONG ZHES BYA BA'O, ,DUS GCIG GI TSE NI DE NYID GANG GI TSE RTAGS YIN PA'I DUS NA'O,, GZHAN GYI TSE ZHES BYA BA NI DON LAS THA MI DAD PA 'GEGS PAR BYED PA NYID KYIS DBYUG PA CAN BZHIN DU KHYAD PAR BRJOD PA YIN NO, ,MNGON SUM GYIS NI RANG GIS SO, ,THUG PA MED PA NI RTAGS DE YANG GZHAN LAS YIN LA, DE YANG GZHAN RJES SU DPAG PA LAS YIN GYI MI SHES PA NI RTAGS SU MI 'GYUR RO; SNANG BA NI SNGON PO RIG GO ZHES BYA BA'I NGES PAS SO, ,BYA BA NI BYED PA PO'I BDAG NYID KYI BYA BA SHES PA PO NYID KYI NGO BO RNAM PAR 'GYUR BA'I LAS NYID DU SHES PAR BYED PA'O, ,NYE BAR DMIGS PA'I LAS NYID DU NYE BAR DMIGS PA'I BLO NYID KYIS BLO GZHAN THOB BA MA YIN NO, ,LAS TZAM LA BYA PA TZAM NI DBANG PO

LA SOGS PA'I BYA BA YIN GYI BLO NI MA YIN NO, ,DE'I BLO NYID DU YANG RANG RIG PA LA RTZOD PA'I MA YIN PAR BSTAN PA NI BYA BAS BYAS PA STE YIN NA ZHES BYA BA'I DON TO, ,LA LAS MED CES BYA BA NI GZHAN MIN ZHES BYA BA DANG SBYAR TE RJES SU 'GRO BA LA SOGS PA'I RTOG PAS DMIGS KYIS BSAL BA'I BYA BA YIN GYI, DON DAM PA NYID NI MA YIN NO ZHES BYA BA'I DON TO, ,GZHAN LAS KYANG STE MTHONG BA PO LAS 'DZIN PA'I LAS NYID NI DE TZAM MA YIN NO, ,DES NI 'BRAS BU KHYAD PAR LAS BYA BA'I KHYAD PAR NI BLO NYID YIN PAR ZER BA NI, 'ON TE DON NI ZHES BYA BA'O, ,DE NYID NI 'DZIN PA NYID YIN DU ZIN KYANG NGO, ,BLO STE GNYI GA'I NGO BO NYID NI BLO DANG 'DZIN PA YIN GYI THA DAD PA'I GSAL BAS BSGRIBS PA NI MA YIN NO, ,'DI NI DON GYI BDAG NYID KYI KHYAD PAR DBANG PO LA SOGS PA'I BSKYED BYA YIN NO ZHES ZER BA NI, 'ON TE GSAL DE DON NYID KYI, ,ZHES BYA BA STE, DE'I PHYIR BDAG GI RNAM PA 'GYUR BA'I NGO BO'I BLO GZHAN NYID YIN NO ZHES BYA BA'I DON TO, ,SKAD CIG RE RE ZHING KHYAD PAR DON GYI DBYE BAS MA YIN PAR BSTAN PA NI SKYE BA DANG NI ZHES BYA BA'O, ,JI LTAR THA DAD PA MED CE NA BLOS 'DZIN PA NI ZHES BYA BA'O, ,THA DAD PA YIN NA DON NYID DE LTAR SKYE BA NI MNGON SUM MO, ,GANG GI PHYIR GRUB PA LA BLOS 'DZIN PA'O, ,THA DAD PA'I KHYAD PAR 'DZIN PA JI LTAR GNAS PA'I BLO'I BDAG NYID YIN PAR BSTAN PA NI JI LTAR GNAS PA ZHES BYA BA'O, ,JI LTAR GNAS PA BZHIN DU MA YIN PA NI NYA PHYIS LA DNGUL LTA BU MA YIN PAR BSTAN PA NI RANG BZHIN GZHAN DU ZHES BYA BA'O, ,RANG DUS DANG 'BREL PA ZHES BYA BA NI DON NO, ,DE LA'ANG ZHES BYA BA NI LEN NO, ,THA MI DAD PA'I KHYAD PAR KHAS LEN NA DON NYID SKAD CIG RE RE ZHING SKYE BAR BSTAN PA NI DE 'DOD NA YANG ZHES BYA BA'O, ,THA MI DAD PA'I KHYAD PAR KHAS LEN NA YANG SHES PA RE RE ZHING KHYAD BAR RE RE LA STE SHES BA'I KHYAD PAR DON LAS THA MI DANG PA YIN NA, DON DANG LDAN PA'I BLO GZHAN MED PAR BSTAN PA NI GAL TE 'DI ZHES BYA BA'O, ,DON BRTAGS PAS CI ZHIG BYA ZHES BYA BA NI PHYI ROL DANG BEMS PO DANG SKAD CIG MA DANG RANG RIG PA MA YIN PAS SO, ,RANG RIG PA NYID KYI SNGON PO DE MA YIN PA LAS LOG PAS SNGON PO RIG GO ZHES BYA BA LAS YIN PAR BSTAN PA NI GANG GI TSE ZHES BYA BA STE RTOG PA NI THA MI DAD PA DANG 'GAL BA MA YIN NO ZHES BYA BA'I DON TO, ,DON NI PHYI ROL LO, ,RTOGS PA NI

, ,GZHAN LAS LOG PA'O, ,'BYUNG BA NI SKYE BA'O, ,'DI'I ZHES BYA BA NI SNGA MA NYID LAS DA LTAR BA'O, ,DES NA ZHES BYA BA NI DE'I PHYIR RO, ,LONG BA ZHES BYA BA NI BRTAGS PA NYID YIN PA'I PHYIR RO, ,THA MI DAD PA LA YANG SHES PA'I NGO BO KHYAD PAR MED DO ZHE NA DE YANG ZHES BYA BA SMOS SO, , SHES PA'I SHES PA NYID KHYAD PAR GYI SHES PA YIN PA'I PHYIR DE NYID THAL 'GYUR YIN PAR BSTAN PA NI GAL TE SHES PA ZHES BYA BA'O, ,DE ZHES BYA BA NI RTOGS PA NYID DO, ,DE'I RANG BZHIN NI LKOG TU MA GYUR PA'I RANG BZHIN NO, ,DON MED NI DE LTAR RAB TU BRJOD CES BYA BAR SBYAR RO, ,DE MI SHES NA SHES PA MI SHES PA'I PHYIR SHES BYA YANG DE LTAR 'GYUR BAR BSTAN PA NI SHES GYUR NYID DU ZHES BYA BA'O, ,DON RTOGS SO ZHES BYA BAS DON SHES NA DE NYID KYI TSE DON GYI GO BA LAS BLO SHES PA MA YIN NAM, DRAN PA NI MA YIN NO SNYAM DU SEMS PA NI DON ZHES BYA BA'O, ,SNGON PO DANG SER PO'I ZHES BYA BA SHES PAS SHES PA'I SHES PA YIN NO ZHES ZER BA NI, DON SHES TZAM DU ZHES BYA BA'O, ,GANG GI TSE YANG MA SHES NA DE'I TSE YANG DON RIG PA YIN PA'I PHYIR, RIG PA'I BDAG NYID CAN GYI DON YIN NO ZHES BYA BAR LAN 'DEBS PA NI DE'I NGO BOR ZHES BYA BA STE, DE LTA BU'I NGO BO NI RIG PA'I NGO BO NYID DO, ,BLO DANG DES BYAS PA'I KHYAD PAR YANG MI SHES PA NYID MA YIN NAM ZHES ZER BA LA, MTHONG BA MTHONG GYUR MIN GZHAN GYI, ,MTHONG GYUR TE RANG NYID KYIS MA MTHONG BA'O, ,DE BZHIN DU RANG GIS MTHONG BA YANG STE, SHES PA MI SHES NA DON YANG BEMS PO NYID YIN PA'I PHYIR SHES PAR MI 'GYUR LA, MTHONG BA MNGON SUM NYID KHO NA SNANG DU RUNG BA NYID YIN ZHES BYA BA'I DON TO;; DE BSTAN PA NI GAL TE MTHONG BA ZHES BYA BA'O, ,GZHAN ZHES BYA BA NI GZHAN PA'AM GZHAN MA YIN PA YANG NGO, ,MTHONG BA TZAM LAS ZHES BYA BA NI MTHONG BA LAS SO, ,DON GYI KHYAD PAR NA MTHONG BA NYID DO, ,MTHONG BA LAS NI RTOGS PA'O, ,DE CI LAS SHE NA DE'I ZHES BYA BA STE KHYAD PAR GYI'O, ,MTHONG BAS ZHE SA BYA BA NI RTOG PA MED PAS SO, ,GZHAN GYIS MTHONG BA LA ZHES BYA BA NI GZHAN GYI BLA LA'O, ,GCIG NYID MA YIN TE ZHES BYA BA NI SKYES BU RE RE ZHING THA DAD PA YIN PA'I PHYIR RO, ,DON LA GNAS PA'I KHYAD PAR LA DON BZHIN DU NGO BO LA KHYAD PAR MED PA'I PHYIR GZHAN GYI BLO LA YANG RANG GI NGO BO YIN PAR GO BAR 'GYUR

PA BSTAN PA NI KHYAD PAR DE ZHES BYA BA STE, RANG GIS MTHONG BA LA YANG GZHAN GYI NGO BO YIN PAR GO BAR 'GYUR ZHES BYA BAR YANG RTOGS PAR BYA'O, ,'GREL PA'I RIM PA NI THAMS CAD DU THA DAD PAS RJES SU BSGRUB PAR BYA'O, ,DE NYID CES BYA BA NI RANG GI MTHONG BA LA DPYOD PAS RTOGS PA GANG YIN PA'O, ,RANG NYID KYANG NI BDAG NYID BYED PA PO CAN NO, ,BDAG MA RTOGS NA DE YOD PA MA YIN PAR BSTAN PA NI RANG GIS MTHONG BA DANG ZHES BYA BA'O, ,GZHAN LTOS NA GZHAN GYIS MTHONG BA'O, ,GANG GI PHYIR MTHONG BA MTHONG GYUR MIN, ,ZHES BYA BA MA GRUB PA NYID DANG, KHYAD PAR DE ZHES BYA BA 'DI 'GAL BA NYID YIN BA DE'I PHYIR ZHES BYA BA'O,, DON CHOS ZHES BYA BA NI BLOS BYAS PA LAS KYANG NGO, ,DU BA YANG BLO'I CHOS CAN LA KHYAD PAR MED PA NI RTAGS MA YIN NO, ,THUN MONG MA YIN PA DE'I CHOS RANG GI RIG PA NYID YIN GYI, DNGOS PO NYID LA SOGS PA MA YIN PAR BSTAN PA NI RANG BLO ZHES BYA BA RANG GI RIG PA LAS TE, DU BA YANG RTOGS PA NA RTAGS YIN PA'I RIG PA NI RANG RIG PA KHO NA YIN NO ZHES BYA BA'I DON TO, ,GANG ZHES BYA BA NI GANG YANG RUNG BA STE, GTAN TSIGS KYI CHOS LKOG TU MA GYUR PA KHO NA RTOGS PAR BYED PA YIN PA'I PHYIR RANG RIG PA KHO NA'O, ,BLO NYID CES BYA BA NI RTOGS BA'I NGO BO STE RANG GI RIG PA NYID DO, ,DE YANG ZHES BYA BA NI CHOS CAN GYI BLO'O, , JI LTAR ZHES BYA BA NI CHOS KYI NGO BO BLO'I TSOGS PA LAS SKYES PA'I BDE BA LA SOGS PA YANG BLO NYID DU SGRUB PAR BYED PA YIN TE, DE KHO NA BZHIN DU MTHONG BA'I PHYIR RO ZHES BSTAN PA NI RGYU MTSUNGS PA LAS ZHES BYA BA'O, ,DE ZHES BYA BA NI BDE BA LA SOGS PA'O, ,GZHAN SKYES ZHES BYA BA NI BLO'I BSKYED BYA MA YIN ZHES DE'I TSOGS PA LAS BYUNG BA YANG MA YIN PA'O, ,MTHONG BAR GYUR PA NI NYE BAR DMIGS PA'I YUL GZUGS LA SOGS PA'O, ,GANG LAS ZHES BYA BA NI RANG GI RIG PA MED NA RANG GZHAN DU RNAM PAR DBYE BA MED PA'I PHYIR RO, ,'DI ZHES BYA BA NI RANG NGA MA GZHAN GYI'O, ,BDAG 'BREL PA CAN RNAMS YIN PAS SKYED PAR BYED PA YIN PA DE'I PHYIR 'BREL PA CAN YIN NO ZHES ZER BA LA, RANG GI BDE BAS ZHES BYA BA SMOS SO, ,TSOGS PA GCIG LA RAG LAS PA RNAMS 'BYUNG BA MTSUNGS PAR BSTAN NAS, BLO'I 'BRAS BU MED PAR BSTAN PA NI GZUGS LA SOGS ZHES BYA BA'O, ,GZUGS LA SOGS

, ,PA NAS DMIGS PA DAG CES BYA BA'I BAR MA GTOGS PA GZHAN MI DMIGS NA, ,GANG ZHIG DE'I 'BRAS BUR 'GYUR TE 'DI RNAMS NI 'BRAS BU MA YIN PA NYID DO ZHES BYA BA'I DON TO, ,'GREL PAR BLO DANG TSOGS PA MTSUNGS PAR ZHES BYA BA NI TSOGS PA SNGA MA LAS PHYI MA YIN NO ZHES BYA BA'I DON TO, ,DBANG PO'I BLO'I RGYU YIN ZHING 'BRAS BU YANG DMIGS PA MA YIN NAM ZHES ZER BA LA DE LA GNYIS NI ZHES BYA BA STE DBANG PO LAS 'DAS PA LA 'BRAS BU NYID LA SOGS PA MI RTOGS PA'I PHYIR RO, ,GZUGS LA SOGS PA YANG BLO'I RANG GI NGO BO MTHONG BA LAS SO, ,GZHAN DU ZHES BYA BA NI BLO MED PA NA'O, ,SRED BRAL ZHES BYA BA NI MI 'BYUNG BAS RTOGS PA MED CES BYA BAR SBYAR RO, ,DE NYID DU YUL KHO NAR RO, ,BLO NYID YIN NA YANG THUN MONG MA YIN PA NYID DU 'GYUR PAR BSTAN PA NI, GZUGS MTHONG ZHES BYA BA STE RANG GI NGO BO'O, ,THAMS CAD KYI NI SROG CHAGS KYI'O, ,DON RNAMS NI GZUGS MTHONG BA NI SROG CHAGS SO SO LA YOD PA'I PHYIR THA DAD PA YIN NO, ,DON YANG ZHES BYA BA NI DE BZHIN DU STE DE LAS SKYES PA'I PHYIR GZUGS MTHONG BA LAS SKYES PA'I PHYIR RO, ,SHES PA NYID YIN NA NI THAMS CAD KYIS THAMS CAD NYE BAR DMIGS PAR BSTAN PA NI THAMS CAD KYIS ZHES BYA BA'O, ,NGES PA DMIGS PA LA NI THUN MONG MA YIN PA'I PHYIR RE ZHIG RANG NYID KYI RIG PA NYAMS PA MA YIN PAS BSTAN PA NI SO SOR RANG NYID CES BYA BA'O, ,THUG PA MED PA LA KHYAD PAR MTHAR THUG PA MED PAS THUN MONG BA NYID DU GNAS PAR MI 'GYUR RO ZHES ZER BA NI DE STE GZHAN GYIS ZHES BYA BA'O, ,RANG RIG PA NYID DU KHAS MI LEN BA'I PHYIR GZHAN GYI RIG PAS THAMS CAD MA DMIGS PAR THAL BAR 'GYUR BA'I PHYIR 'JIG RTEN PA MA YIN PA NI 'JIG RTEN LAS 'DAS PA STE MA GRUB PA RTAGS MA YIN PA'I PHYIR RO, ,RJES SU 'GRO BA MI SHES PA YIN NA BLO MNGON SUM NYID MA YIN NA, RTAGS MA YIN PAR BSTAN PA NI RTAGS YOD NA YANG ZHES BYA BA'O, ,'DI DE MED NA MI 'BYUNG BA'I 'BREL PA YIN PAR MI SHES NA DE LTA NA DON GYIS GO BA'I RJES SU DPAG PA MA YIN NO ZHES BYA BA'I DON TO, ,RTAGS DAG NI ZHES BYA BA NI GZHAN DU MTHONG BA'O, ,DBANG PO NI RANG NYE BA LAS 'BREL PA'AM, RANG NYID MTHONG BA LAS LTOS PA MA YIN ZHING DE DANG GZHAN BSGRUB PA MA YIN TE THAL

CHES PA'I PHYIR RO, ,MA MTHONG BA LA RJES SU DPOG PAR BYED PA'I MTHONG BA NI MA MTHONG BA ZHES BYA BAR SBYAR TE, 'BREL TZAM TSAD MA NYID GNAS PA'AM, ,'ON TE DBANG PHYUG BKA' YIN NA, ,'BREL PA MED BZHIN MNGON SUM NI, ,CHAD MA NYID DU JI LTAR 'GYUR, ,ZHES BYA BA NI RANG GI NGO BO DANG CIG SHOS KYI SHES PA LA LTOS PA DANG, CIG SHOS KYI NGO BOR RIG PA'I PHYIR ME 'BREL PA YIN NO ZHES BYA BAR DGONGS PA'O, ,MA MTHONG BA'I DBANG PO LA SOGS PA NI MA MTHONG BA 'GA' ZHIG GI 'BREL PA LAS DBANG PO LAS 'DAS PA YIN YANG RTOGS PA NYID MA YIN NAM ZHES ZER BA LA, RTAGS DE NYID LAS ZHES BYA BA'O, ,'BRAS BU NI RES 'GA' BA YIN PAS 'BREL PA MTHONG BA NI DMIGS PA LA SOGS PA YANG RGYU RNAMS KYI GO BYED YIN NO, ,CHOS CAN DE NYID DAM GZHAN LA RJES SU 'GRO BA MA SHES PA NI RTAGS MA YIN NO ZHES BYA BA'I DON TO, ,DPE NI RJES SU 'GRO BA'I YUL LO, ,'DI LA YANG ZHES BYA BA NI RJES SU DPAG PAR MNGON PAR 'DOD PA'I STE RJES SU DPAG PA NYID MA YIN PAR MTSUNGS PA'O, ,MTSAN NYID GZHAN PA DE YOD PA MA YIN TE, RANG GI NGO BO MI MTHONG BA'I PHYIR ZHES BYA BA'I DON TO, ,DPE LA KHYAB PA'I SGRUB BYED NI DE MED NA MI 'BYUNG BAR MA RTOGS PA NI DON GYIS GO BA MA YIN YANG RTOGS NA YANG RJES SU DPAG PA NYID YIN TE, SNGAR MTHONG BA'I RJES SU 'BRANG BA YIN NO ZHES ZER BA LA RTOGS PA ZHES BYA BA STE MNGON SUM MA YIN PA'O, ,JI LTAR YANG ZHES BYA BA NI SHES PA LAS SAM, SHES PA MA YIN PA LAS SO, ,DON GRUB KYANG BLO'I GRUB PA RJES SU DPAG PA MA YIN BAR BSTAN BA NI DE MA GRUB PAR ZHES BYA BA STE BLO MA GRUB NA'O, ,SNGAR BSHAD PA'I ZHES BYA BA NI MA NGES PA NYID DANG MA GRUB PA NYID DANG RJES SU 'GRO BA MED PA LA SOGS PA'O, ,BLO MNGON SUM NYID MA YIN NA PHYI ROL GYI DON MA GRUB PA BZHIN DU GZHAN GYI SEMS MA GRUB PA NYID KYI PHYIR THA SNYAD MA LUS PA GRUB PAR 'GYUR BAR BSTAN PA NI BRJOD DANG G-YO 'GUL LA SOGS MTHONG NAS, RJES SU DPOG PA DE KHYOD LA MI 'GYUR RO ZHES BYA BA NI 'BREL BA'O, ,SEMS DANG 'BREL PA G-YO 'GUL LA SOGS PA'I 'BRAS BU NYID MNGON SUM MA YIN PA LA MI 'GRUB PA'I PHYIR RANG LA MTHONG BA NYID KYIS KHYAB PAR MTHONG BA NI GZHAN LA

, ,YANG DE GO PAR BYED PA YIN PAR ZER BA NI RANG NYID KYIS MTHONG BA CI LAS ZHES BYA BA'O, ,DPE DANG BSGRUB BYA'I 'BREL PA 'DZIN PA TSAD MA GZHAN GYIS YIN NA THUG PA MED PA YIN TE, SHES PA DE NYID GZHAL BYA'I SHES PA YIN PA'I PHYIR RO, ,DE LA YANG RANG NYID DANG 'BREL PA YIN NA DE LAS DANG POR DON MTHONG BA DANG, DE LAS RTOGS PA DANG MTHONG BA LA SOGS PA YIN PAS THUG PA MED DO, ,DES NA ZHES BYA BA NI THUG PA MED PA'I PHYIR YUL RTOGS PA RANG NYID RTOGS PA'I NGO BO YIN PA'I PHYIR RO, ,YUL TZAM ZHES BYA BA NI GZHAN GYIS KHAS BLANGS PA'O, ,YID KYI BLO LA RTAGS NYID KYI DON GRUB PAS RJES SU DPAG PAR MI 'GYUR RO ZHES BYA BA NI GNAS SKABS LAS SO, ,DON NYID CES BYA BA NI RANG GI MTSAN NYID DO, ,RIGS LA SOGS PA ZHES BYA BA NI RIGS LA SOGS PA'I NGO BOS SO, ,LAN BTAB ZIN TO ZHES BYA BA NI GSAL BA'I NGO BO RIGS MA YIN TE DE 'DZIN PAS MA BZUNG BA'I PHYIR RO, ,KHRA BO LA SOGS PA NANG GI KHYAD PAR MI 'DZIN PA NI THAG RING BA LA SOGS PA NYID KYIS MIG SER LA SOGS PAS DON LA SER PO LA SOGS PA'I RNAM PA NI DON GYIS MA YIN TE, SHES PA YIN PA NI 'DI MI GSAL BA SHING LA SOGS PAR MYOS PAR BYED LA RNAM PAR RTOG PA YANG MTHONG BA'I RJES SU 'BRANGS NAS YIN TE, GZHAN DU NA BAG CHAGS LAS BYUNG BA YIN GYI PHYI ROL LA BRTEN PA MA YIN NO, ,DE BSTAN PA NI DE TSAD MA YIN PA'I PHYIR ZHES BYA BA'O, ,SNANG BA LAS THA DAD PA MA YIN NA SHES PA'I BDAG NYID YIN PA'I PHYIR BDEN PA NYID YIN PAR BSTAN PA NI 'DI CI ZHIG CES BYA BA'O, , TSAD MAS ZHES BYA BA NI RTOGS PAR BYA BA MA YIN BA LA BDEN PA NYID DU RTOGS PAR BYED PAR MI RIGS PA'I PHYIR RO, ,RANG RIG PAR ZHES BYA BA NI BDE BA BZHIN DU'O, ,GZHAN GYIS ZHES BYA BA NI MTHUN MONG BA YIN PA'I PHYIR RO, ,MA RIG PA NYID NA MTHONG BA NYID KYI YUL DU RNAM PAR RTOG PA YIN GYI PHYIR ROL GYI YUL DU NI MA YIN PA'I THUN MONG BA'I YUL CAN MA YIN PAR BSTAN PA NI MA YIN TE DRAN PAS ZHES BYA BA'O, ,SNGA MA 'DI YIN NO ZHES BYA BA'I SHES PA NI PHYIR ROL RIG PA MA YIN NAM SNYAM DU SEMS PA LA 'DI LA SNGA MA'I RANG BZHIN NYID NI YOD PA MA YIN PA'I PHYIR ZHES BYA BA'O, ,PHYIR ROL MA YIN PA'I YUL CAN

YIN PA'I PHYIR PHYI ROL LA LTOS NAS RTOGS PA MI BDEN PA'I THA SNYAD KYIS YUL YIN PAR BSTAN PA NI GZHAL BYA ZHES BYA BA'O, ,RTOGS PA'I DON NO ZHES BYA BA'I RTOGS PA 'DI YANG SHES PA'I DON RTOGS PA YIN GYI BLO MA YIN PAR BSTAN PA NI KHYED KYI BLO NI ZHES BYA BA STE, NYAMS SU MYONG BA MED NA TSAD MAR RTOGS PA MA YIN NO ZHES BYA BA'I DON TO, ,NYAMS SU MYONG BA MA YIN NA YANG RANG GI RIG PA NYID YIN PAR BSTAN PA NI GSAL MIN BDAG TU ZHES BYA BA'O, ,RANG RIG PA YIN NA PHYI ROL RIG PA JI LTAR YIN ZHES ZER BA LA YUL NI JI LTAR ZHES BYA BA STE, GSAL BA LA NI RANG RIG PA LA'O, ,NGO BO NI YUL GYI BDAG NYID KYI RANG BZHIN NO, , 'PHO PHYIR NI 'DRA BA SKYED PA'I PHYIR YIN GYI RANG NYID GSAL BAS NI MA YIN TE, 'BREL PA MED PA'I PHYIR RO, ,'BREL NA YANG DE'I BDAG NYID THOB PAR 'GYUR TE, YUL BZHIN DU NGO BO'I YANG NGO BO 'PHO BA'I PHYIR RO, ,GSAL BA DE YANG DE LAS GZHAN PA 'PHO BA'I PHYIR THUG PA MED PA YIN PAR BSTAN PA NI GSAL BA DE'ANG ZHES BYA BA'O, ,DE STE YUL BZHIN PA'I NGO BO GANG GI YIN PA DE'I NGO BO YANG GSAL BA LAS THA MI DAD PA YIN TE, RANG GI RIG PA NYID DU SKYES ZHES BYA BA'I THA TSIG GO, ,PHYIR ROL NI GSAL BA LA NGO BO 'PHYI BAS GSAL BA NA PHYI ROL DU SMRA BAR 'GYUR RO ZHES ZER BA NI 'O NA JI LTAR ZHES BYA BA'O, ,PHYI ROL KHAS BLANGS PAS DE'I NGO BO'I RIG PA RANG RIG PAR BRJOD DO ZHES BSTAN PA NI DE LTA YIN MOD CES BYA BA'O, ,DE NYID BZHIN DU NA SGRON MA NYID BZHIN DU'O, ,SNGON PO LA SOGS PA PHYIR ROL NYID KYANG GZUNG BA KHO NA YIN PAR BSTAN PA NI GAL TE RANG LAS ZHES BYA BA'O, ,DE DANG CHOS MTSUNGS PA NYID KYIS NI SGRON MA DANG CHOS MTSUNGS PA NYID KYIS SO, ,'DI'I NI SHES PA'I 'BREL PA CAN GYI GSAL BA'I RIG PA'I'O, ,'ON TE RIG PA 'DI RANG GI RIG PA LAS GZHAN PA PHYIR ROL NYID MA YIN NO ZHES BYA BA LA, RANG RIG NYID DU ZHES BYA BA SMOS SO, ,SGRON MA BZHIN DU GSAL BAR BYA BA NYID GSAL PAR BYED PA NYID YIN PAR BSTAN PA NI DE YANG SNANG BA GZHAN GYIS NI ZHES BYA BA STE, DE YANG ZHES BYA BA NI SGRON MA'I YANG NGO, ,SNGON PO LA SOGS PA'I NGO BO GSAL BA LA 'PHO GSAL BA BZUNG BA YIN PA DE BZHIN DU BLO LA YANG YIN PAR BSTAN PA NI DE LTAR BLO LA ZHES BYA BA'O, ,DE LTA NA YANG 'DZIN PAR BYED PA'I BLO

, ,RANG GI RIG PA YIN TE, GZHAN DU NA RIG PAR BYA BA MA RIG PA'I PHYIR RO ZHES BSTAN PA NI BLO LA ZHES BYA BA'O, ,DE LTA MIN NA ZHES BYA BA NI BDAG NYID RIG PA MA YIN NO, ,CHOS MTSUNGS PA NYID NI GSAL BAR BYED PA NYID KYI NGO BO GNAS SKABS LAS GANG GI YIN PA DE'O, ,DE YANG 'DRA NYID THAMS CAD PHAN TSUN DU, ,MYONG BA NYID NI THOB PAR 'GYUR, ,ZHES BSTAN PA NYID YIN NO, ,YUL NI JI LTAR GSAL BA YIN, ,GSAL BA NGO BO 'PHO PHYIR RO, ,ZHES BYA BA BSTAN NAS YUL DANG DBANG PO LA SOGS PAS BSGRUBS PA'I RANG GI SNANG BA'I BLO'I NGO BO LA 'PHO BA YIN BAR BSTAN PA NI DE PHYIR ZHES BYA BA'O, , GSAL BA'I NGO BO NI YUL LA 'PHO BA YIN LA, YUL YANG BDAG NYID LA 'PHO BA'I BLO'I BDAG NYID YIN PAS DE RIG PAS RIG PA YIN PAR BSTAN PA NI GZHAN 'DIR ZHES BYA BA'O, ,GCIG GIS DE LTAR RTOGS KYANG GZHAN GYIS MA YIN TE, RIG PA THUN MONG MA YIN PA'I PHYIR RO ZHES BSTAN PA NI 'DRA BA YIN YANG ZHES BYA BA'O, ,YUL GYI BDAG NYID YIN NA RANG RIG BLO BZHIN DU GZHAN GYI BLO YANG 'GYUR TE, YUL THUN MONG BA YIN PA'I PHYIR RO, ,DE'I PHYIR RANG GSAL BAR GYUR PA NYID GZHAN GYI GSAL BAR GYUR PA YIN GYI, RANG NYID RIG PA NYID DE LTAR 'GYUR BA MA YIN TE, BLO THUN MONG MA YIN PA'I PHYIR RO ZHES BSTAN PA NI RANG NYID CES BYA BA'O, ,'DI NYID KYI PHYIR YUL NI GZHAN GYIS RIG NA GZHAN GYIS KYANG NGO ZHES BSTAN PA NI DON ZHES BYA BA'O, ,DE'I NGO BOS ZHES BYA BA NI THUN MONG BAS YIN GYI THUN MONG MA YIN PA GSAL BA'I NYID DU GYUR PA GZHAN GYI BLO'I NGO BOS NI MA YIN PA'O, ,BLO GZHAN ZHES BYA BA 'DI LA DPE BSTAN PA NI DPER SGRON ZHES BYA BA'O, ,SGRON GNYIS ZHES BYA BA NI GZHAN GYIS GSAL BA YIN NA GZHAN GYIS KYANG NGO ZHES BYA BA 'DI LA'O, ,MAR ME DANG BUM PA DAG CES BYA BA NI THA DAD PA DAG LA'O, ,YOD MED DAG TU 'DZIN PA YIS, ,NGA RGYAL BAG MED PHRAG DOG LAS, ,RGYAL BA CAN MIN NA SU ZHIG, ,'GRO NA CHO 'PHRUL STON NAM CI, 'GREL PA BYED PAS, DE LTA MIN NA YUL YANG NI, ,BLO DANG LHAN CIG CHOS MTSUNGS NYID, ,CES BYA BAS GZHAN GYI NI THAL CHES PA YIN PAR BSTAN NAS RANG GI PHYOGS LA NI, DE'I PHYIR NGED KYI BLO RANG NYID, ,GSAL BA'I NGO BOS RAB GSAL ZHING, ,ZHES BYA BAS DE GSAL BA YIN NO, ,

DE BSHAD PA NI GZUGS DANG BLO'I, ,ZHES BYA BA'O, ,DE LTAR BLO LA BLOR 'DOD NA, ,ZHES BYA BAS GZUNG BA NYID KYI SKYON GZHAN DU 'DOD PA NI RANG GI 'DOD PA'I 'DRA BA NYID LA YANG YIN PAS DE SEL BA YIN PAR BSTAN PA NI GSAL BA MA YIN PA NI GZHAN GYIS GSAL GYI ZHES BYA BA'O, ,DE NI DE LTAR NYAMS SU MYONG BAS BLO YOD PA'I PHYIR 'DOD PA DANG, MYA NGAN GYI NGO BO NYID LA BLO NYID MED PA YIN GYI MNGON SUM PA'I DON MED PA MA YIN NO ZHES BYA BA BSAL NAS DES BAS BSAL BA NI, YUL DANG DBANG PO TZAM GYIS NI, ,ZHES BYA BA'O, ,NGES PA LAS KYANG BLO MTHONG BA YIN NO, ,NYAMS MYONG RNAM SHES DE YANG NI, ,CHA GNYIS DMIGS PA CAN GYI NI, ,RNAM PA GCIG LAS KHYAD PAR CAN, ,SHES DE YIS NI DMIGS PAR 'GYUR, ,ZHES BYA BAS RNAM PA GNYIS NYID YIN NO, ,JI LTAR RTOGS ZHES BYA BA NI RO LA SOGS PA YANG RTOGS PAR THAL BAR 'GYUR RO, ,DE LA YANG ZHES BYA BA NI MNGON DU PHYOGS PA'I MIG LA'AM GZUGS LA'O, ,JI LTAR ZHES BYA BA NI THAL CHES PA NYID DO, ,DE'I BDAG NYID MYONG BA LA, ,BRTZAD PA 'GA' YANG YOD MA YIN, ,DE'I DON NGO BO NYID MA GRUB, ,DE YANG DRAN PA LAS GRUB 'GYUR, ,ZHES BYA BAS DON BLO'I RNAM PA NYID DU BSTAN TO, ,DRAN LAS ZHES BYA BA RANG RIG PA YIN PAR BSTAN PA NI RANG RIG PA GRUB PAR MA ZAD KYI ZHES BYA BA'O, ,NYAMS MYONG MA LUS LDOG PAR 'GYUR, ,ZHES BYA BAS NYAMS SU MYONG BA LAS DRAN PA MA YIN NAM, NYAMS SU MYONG BA YANG SNGON POR RANG NYID KYIS NYAMS SU MYONG BA YIN GYI, GZHAN GYIS NYAMS SU MYONG BA MA YIN ZHES BYA BA LA NGES PA CI YOD, ,RANG NYID KYIS NYAMS SU MYONG BA NI NYAMS SU MYONG BA YIN GYI, GZHAN GYIS NYAMS SU MYONG BA NI MA YIN TE THUG PA MED PA'I PHYIR RO ZHES BYA BA NI, RIM BZHIN SKYE BA CAN DAG NI, ,RTAG LAS SKYE RIM RUNG PHYIR RO, ,ZHES BYA BA LA SOGS PAS BSTAN PA NYID YIN NO, ,DE LTA YIN NA DUS NI RING BA'I DNGOS PO SKAD CIG RE RE ZHING NYAMS SU MYONG BAS THA DAD PA LA, GZHAN GYIS NYAMS SU MYONG BA YIN NA RING BA NYID DU NYAMS SU MYONG BA MA YIN PA'I PHYIR DRAN PA MA YIN LA, RANG GIS NYAMS SU MYONG BA LA NI BAR DU MA CHOD PAR NYAMS SU MYONG BAS SNA TSOGS PA NYID DU MA MTSON NAS DE RING BA NYID DU DRA NA PAR BYED LA RING PO GCIG NI RIM GYIS 'JUG PA RIM PA MA YIN PA'I BDAG

, ,NYID KYI RNAM PA CAN GYI RTOGS PA SKYED PAR BYED PA MA YIN NO, ,RIM GYIS SKYE BAR BYED PA MA YIN TE, DRAN PA'I DUS KYI 'OG TU YANG, ,'DI NI NGES PA MED LA MIN, ,RIM PA CAN MA YIN PA YANG BA DAG NYID KYI RNAM PAR SGRO BTAGS NAS RIM PA CAN GCIG GIS BYED PA MA YIN TE, RNAM 'GA' PHAN GDAGS BYA MIN PHYIR, ,MI RTAG PA LA'ANG TSAD MA MED, ,DE MI RTAG PA'I RIM PA'I 'BRAS BU LA YANG TSAD MA MED BA LA RTAG PA BYED PA PO NYID MA YIN TE, RIM PA DANG MI LDAN PA NI RNAM PA 'GAS KYANG SKAD CIG MA DANG PO MA BSKYED LA GNYIS PA LA SOGS PA LA YANG DE DAG TZAM YIN PA'I PHYIR DANG PO NYID LAS MA 'DAS PA'I PHYIR RO, ,RIM PA DANG LDAN PA'I MI RTAG PA YANG RIM PA MA YIN PA SKYED PAR BYED PA NI, PHAN TSUN 'DRA BA MED PA YI, ,YIG CHA RIM LDAN JI LTAR NA, ,RIM MED PA LA PHAN 'DOGS BYED, ,CES BYA BAS BSAL BA YIN NO, ,DE RNAM PA CAN GYI RNAM PAR RTOG PA YANG DRAN PA NYID YIN NO ZHES BYA BA'I SLOB DPON GYI DGONGS PA NI SHES PA GZHAN GYIS ZHES BYA BA LA SOGS PA BSTAN PA YIN NO, ,RANG DBANG YANG PHYI MO MANG POR MI GNAS PA'I PHYIR ZHES BYA BA NI YI GE'I CHA MANG PO'I DUS NA SHES PA MI GNAS PA'I PHYIR GCIG DE LTAR GNAS PA YIN NA GNAS NYAMS SU MYONG BA YANG DRAN PAR 'GYUR RO, , DE MI GNAS PA ZHES BYA BA NI SHES PA MI GNAS NA'O, ,MI GNAS PA NI YI GE'I CHA SNGA MA'O, ,GNAS PA DANG NI MTHA'I STE RTOGS PA MA YIN NO ZHES BYA BAR SBYAR RO, ,SHES PA'I DUS NA RTOGS PA YIN NO ZHES ZER BA LA 'ON KYANG ZHES BYA BA'O, ,DE'I RNAM PA CAN GYI BLO GCIG RIG PA NA ZHES BYA BA LA SOGS PA NI DPYAD PAR BYA BA YIN NO, ,RIG BYA NYID PHYIR RIG BYA NI, ,ZHES BYA BA LA SOGS PA NI RGOL BA'O, ,LAN NI GANG GI ZHES BYA BA NAS BSTAN ZIN TO ZHES BYA BA'I BAR TE, BSTAN ZIN PA NI BRJOD PA STE DE'I DON DPYAD ZIN PA'O, ,LHAG MA NI RTZOM PA NYID NI PHYI MO MANG PO DANG, RING PO LA SOGS PA RNAMS MI GNAS PA'I PHYIR RO ZHES BYA BAS SO, ,'GREL PAR NI PHYI MO RNAMS MI GNAS PA NYID MA YIN PA DE'I PHYIR NA RING PO LA SOGS PA MI 'DZIN PA MA YIN NO ZHES BYA BA'I TSIG LAS SHES PA NI GZHAN GYIS RIG PA YIN NA GNAS PAR RTOGS PA RING POR 'DZIN PA YIN GYI SHES BYA GNAS PA NI DE'I DE MA THAG PA YIN LA DES KYANG

DE NYID 'PHANG BAR BYED PA YIN NO, ,DE LTAR NA SHES PA'AM YI GE YANG MI GNAS PA YIN NA GNAS PA MED PA YIN GYI RING POR 'DZIN PA NI MA YIN NO GNAS PA YIN NA 'GYUR BAR BSTAN PA NI, GNAS NA GO RIMS MED PAR NI, ,ZHES BYA BA'O, ,GO RIMS MED PAS ZHES BYA BA NI NGO BO MED PAS DE NYID KYI TSE YONGS SU RDZOGS PA'I PHYIR SKAD CIG TZAM NYID JI LTAR RING BA YIN, GANG GI PHYIR GNAS PA'I SHES PA'AM SHES BYA YANG MA YIN PAS SO, ,PHYI MO RNAMS ZHES BYA BA NI SHES PA'I YANG NYE BAR MTSON PA'O, ,MA YIN TE ZHES BYA BA NI YOD PA NYID DGAG PA YIN TE, DE'I TSE CI'I PHYIR MED CES ZER BA LA BLO DE NI ZHES BYA BA'O, ,BLO'I RTOGS BYA YANG NYE BAR MTSON PA YIN PA'I PHYIR DE NI ZHES BYA BA NI SNGA MA DANG PHYI MA'O, ,DE YANG GCIG YIN TE, SKAD CIG MA TZAM GYI MTHAR THUG PA YIN PA'I PHYIR RO, ,DE'I YOD PA SKAD CIG GZHAN LA YOD PA MA YIN NO, ,RIM PA MA YIN PA NI RIM PA DANG LDAN PA LA DMIGS PA MA YIN TE, SKAD CIG MA GZHAN NA MED PA'I PHYIR RO ZHES BSTAN PA NI PHAN TSUN ZHES BYA BA'O, ,PHAN 'DOGS BYED CES BYA BA NI RNAM PA SKYED PAR BYED PAR DMIGS BYAR 'GYUR RO, ,YUL THA DAD PAR SNANG BA YIN NA BLO GCIG MA YIN NO ZHES BYA BA 'DI JI LTAR RTOGS PAR BYED PA YIN ZHES ZER BA LA JI LTAR DE ZHES BYA BA'O, ,MTHA'I CHA'I DUS NA SNGA MA'I BLO'I CHA'I YANG DE'I DUS SU RJES SU 'JUG PA YIN LA DE'I TSE YANG RING BAR 'DZIN PA YIN NO ZHES ZER BA LA SNGA MA'I MTHA'I BAR ZHES BYA BA STE, GRONG KHYER PA tA LI PU TRA'I BAR DU ZHES BYA BA BZHIN DU KHYAB PA LA'O, ,SNGA MA NI SNGAR THOS PA'I CHA GNAS PAR KHAS LEN THOS PA SNGA MA DANG MTHA'I THOS PA YANG YIN PA'I PHYIR 'PHEL BA NYID DU 'GYUR BA STE, DANG POR BRJOD PA'I YI GE A'A DE'I 'OG TU GZHAN YIN PA DE'I DUS NA SNGA MA YANG YOD PA'I PHYIR GZHAN SNGA MA NI MTHA'I DUS NA SNGA MA'I NGO BO NYID DU YOD PA YIN PA'AM DE LAS KYANG DE BZHIN NO ZHES BYA BA'O, ,RJES SU 'GRO BA'I PHYIR ZHES BYA BA NI RJES SU 'JUG PA'I PHYIR RO, ,SNGA MA NI SNGA MA'I NGO BOS RJES SU 'GRO BA MA YIN GYI 'O NA CI ZHE NA NGO BO GZHAN GYIS SO ZHES ZER BA 'DI LA BSTAN PA NI RIM PA MED PAR GZUNG BAS ZHES BYA BA'O, ,RIM PA DANG LDAN PA ZHES BYA BA NI SNGA MA YANG RJES SU 'JUG PA MA YIN PA'O, ,RJES SU 'JUG PA MA YIN PAR BSTAN PA NI DE'I 'OG TU YUL NI ZHES BYA BA'O, ,BLO NI RANG NYID CES BYA BA'I BSHAD PA

, ,NI 'ON TE DANG PO ZHES BYA BA'O, ,RGYAS PA MA YIN PA'I SGRA 'BYUNG BA'I DUS SU CHA TZAM YONG BAS SNGA MA NI PHYI MA'I TSE 'PHEL BA YIN LA SNGA MA'I NGO BO YANG 'PHEL BA YIN PA DE LTA NA THUG PA MED DO, ,SNGA MA'AM MTHA'I BLA NI YUL LOG PA YIN YANG MI LDOG PA DE'I PHYIR RING BA'I BLO YIN NO ZHES ZER BA LA RANG NYID GNAS NA ZHES BYA BA'O, ,KHYAD PAR MED PHYIR ZHES BYA BA NI YUL MED PAR RO, ,YUL 'DZIN PA'I BYA BA MED KYANG BYA BA DANG LDAN PA MED PA NI MA YIN NO, ,DE'I TSE ZHES BYA BA NI 'DZIN PA MA GTOGS PA DE DANG LDAN PA'I 'DZIN PA TZAM MA MTSON PA'I PHYIR RO, ,BDAG GO ZHES BYA BA'I RANG RIG PA'I DBYE BA MED PA NYE BAR MTSON PA'I PHYIR RO ZHES DGONGS PA'O, ,RNAM PAR DBYE BA NI LAN CIG SKYES PA'I MNGON SUM GYI BLO GNAS PA BZHIN DU YI GE GNAS NA YANG MI 'JIG PA'I SKYON DU 'GYUR BAR BSTAN PA NI YI GE RI MA MED CES BYA BA'O, ,RTAG PAR SMRA BA LA LAN CIG SKYES PA GNAS PA LA NI MI GNAS PAS KHYAB PA'I PHYIS KYI 'BAD RTZOL LA LTOS PA NYID NI 'GOL BA KHYAB BA YIN PAR BSTAN BA NI LAN CIG RTZAL SKYES ZHES BYA BA'O, ,GZHAN ZHES BYA BA NI PHYI MA STE MIG LA SOGS PA'AM RKAN LA SOGS PA'O, ,GLOG LA SOGS PA SKAD CIG MA'I SNANG BA NI GSAL BA'I NGO BO LAS THA DAD PA NYID YIN TE SNANG BA THA DAD PA'I PHYIR ZHES BSTAN PA NI YI GE RNAMS NI ZHES BYA BA'O, ,'DI NI 'BAD PA PHYI MA DON MED PA'I SKYON YIN NO, ,RIM GYIS SKYES PA'I BLO DU MAS BA ZUNG BA YANG RING BA NYID MA YIN TE BLO'I 'DZIN PA NI SHES BYA 'DZIN PA YIN GYI MTHA'I KHO NA'I 'DZIN PA MA YIN TE, GZHAN NI BAR DU MA CHOD PAR SKYE BAS 'GREL BA NYID KYIS 'DZIN BA MI SRID PA'I PHYIR RO ZHES BSTAN PA NI DU MA YIS NI ZHES BYA BA'O, ,GANG GI PHYIR SKAD CIG MAS MA YIN ZHING GZHAN GYIS MA YIN LA, SNGA MAS MA YIN ZHING MTHA' YIS MA YIN LA, SNGA MAS MA YIN ZHING MTHA' YIS MA YIN LA, THAMS CAD KYIS KYANG RING PO 'DZIN PA MA YIN GYI DE'I PHYIR GZHAN GYI RIG PAS DE DRAN PAR MI 'GYUR ZHES BYA BA'I NYE BAR BSDU BA NI DES NA ZHES BYA BA'O, ,DU MA YANG ZHES BYA BA NI RIM GYIS 'BYUNG BA YANG 'DZIN BYED MA YIN, BUM PA LA SOGS PA'I BLO BZHIN DU SKAD CIG RE RE ZHING RIG PA YIN TE, GZHAN DU NA RIG PAR BYA BA MI RIG PA'I PHYIR RO ZHES BYA BA'I PHYOGS LA KA DANG TZA DANG, dA DANG TA DANG PA LA SOGS PA BZHIN DU RING PO NYID DU MI 'GYUR BAR

BSTAN PA NI, BLO RNAMS SO SO THA DAD DU, ,ZHES BYA BA'O, ,'ON TE CHOD PA'I DMIGS PA YANG MGAL ME'I 'KHOR LO BZHIN DU MYUR BA NYID KYIS SBYAR BA YIN NO ZHES KHAS LEN NA, BUM PA LA SOGS PA LA YANG CIG CAR DMIGS PA 'KHRUL PA YIN PAR BSTAN PA NI SBYOR BAR BYED PA'ANG ZHES BYA BA'O, ,RNAM PAR CHAD PA LA BAR CHAD PA THAL CHES PA YIN PAR BSTAN PA NI GAL TE CHAD PA ZHES BYA BA'O, ,'DIR NI ZHES BYA BA NI RING POR 'DZIN PA LA'O, ,CHAD PAR SNANG BSAM CHAD PAR SNANG BA LA GNOD PA NI MA CHAD PAR MTHONG BAR MNGON PAR 'DOD PA'I GZUGS LA SOGS PA LA YANG THAL CHES PA YIN PAR BSTAN PA NI DBANG BOS RNAM CHAD CES BYA BA'O, , YANG NA SKYON MED PA'I DBANG PO NYID LAS CHAD PAR MTHONG BA LA DBANG PO NYID LAS MA CHAD PAR MTHONG BA'I PHYIR PHAN TSUN GNOD PA NA PHYIN CI LOG PA STE MI BDEN PA NYID MA CHAD PA DANG CIG SHOS KYI SNANG BA DANG, GZHAN YANG MA RTOGS PA'I PHYIR RO ZHES BYA BA NI RGYAL BA CAN GYI'O, ,SGRO 'DOGS ZHES BYA BA NI 'KHRUL PA'O, ,THAMS CAD CES BYA BA NI RNAM PAR CHAD PAR MTHONG BA'O, ,GANG YANG RUNG BA NYID MTHONG BA DE BDEN PA MA YIN ZHES BYA BA LA YI GE'I BDAG NYID CES BYA BA STE THAMS CAD DU GNYI GA MTHONG BA ZHES BYA BA'I DON TO, ,DE YANG ZHES BYA BA NI MIG 'DZUMS PA'O, ,RDZOGS PA NI MTHAR THUG PA'O, , RIM PA LA YANG DUS THA DAD PAS RNAM PAR CHAD PA NI YIN PAR BSTAN PA NI RDUL GCIG 'DAS DUS ZHES BYA BA'O, ,GZUGS DANG DE'I BLO DAG LA YANG RNAM PAR CHAD PA YIN TE, DE'I BLO'I DUS DANG YUL GZHAN NYID YIN PAR BSTAN PA NI GZUGS LA SOGS PA LA ZHES BYA BA'O, ,SKYE BA BRTEN PA ZHES BYA BA NI SKYE BA'I DUS KYI RIM PA SKYE BA THOB PA RNAMS KYI JI LTAR YIN ZHES BSAM PAR BYA BA YIN TE, GANG GI GANG DU YANG MI 'GYUR BA'O, ,CHAD PAR MTHONG NA MA CHAD PAR RIG PA PHYIN CI LOG PA NYID SKAD CIG LA THA DAD PA LA THA MI DAD PAR 'KHRUL PA NYID MA YIN NAM ZHES ZER BA LA DBANG PO'I 'KHRUL PA LAS ZHES BYA BA'O, ,THA DAD MTSON MED KYIS ZHES BYA BA NI 'DRA BAR MTHONG BA LA SOGS PAS SO, ,DE THA DAD PAR MTHONG BA DANG STOBS MTSUNGS PA NYID NI RTOGS PA NYID KYIS YIN GYI, MNGON SUM YIN PAR BSTAN PA NI, ,ZHES BYA BA'O, ,YID KYI BZHIN DU GSAL BAR SNANG BA YANG BRJOD PA DANG 'BREL PA CAN MA YIN

, ,NAM ZHES ZER BA LA, DBANG POS BZUNG BA ZHES BYA BA STE YID KYI LA YANG MNGON SUM GYI NGO BO SGRA LA RUNG BA NYID MA YIN ZHES BYA BA'I DON TO, ,SKAD CIG MA THA DAD PA NYID BZHIN DU PHYI MO MANG PO RNAM PAR CHAD PAR MTHONG BA RNAM PAR RTOG PAS SBYOR BAR BYED PA YIN NO SNYAM DU SEMS PA NI CHOD PA MTHONG BA ZHES BYA BA'O, ,BDEN TE CHAD PA MTHONG BA LA RIM PAR SNANG BA LA CHAD PAR RTOG PA 'KHRUL PAR BYED PA YIN GYI MA CHAD PAR MTHONG BA'I SHES BYA DANG DE'I SHES PA LA NI MA YIN TE RIM PA MED PA'I PHYIR RO ZHES BSTAN PA NI DON DANG ZHES BYA BA'O, ,DON SNANG BA DANG DE'I SNANG BA YANG RTAG TU MA CHAD PA DE DAG CHAD PA LA GNOD PA BYED PA STE, RIGS PA DANG BCAS BAS GNAS PA NI DAM PA YANG 'DI YIN NO ZHES BYA BA NI GZHAN NO, ,DE LA MA CHAD PAR SNANG BA NI RGYU'I SKYON 'DZIN PA LA GZHAN DU MA YIN NO ZHES BYA BAR SBYAR RO, ,GZUGS DANG DE'I RIG PA'I SNANG BA DAG LA YANG RANG RIG PA MA YIN PAR RJES SU DPAG PA'I RIM PA YIN NO ZHES ZER BA NI 'ON TE ZHES BYA BA'O, ,BLO'I NUS PA LAS NI GZHAN GYI RIG PA NYID DU YIN GYI, RANG GI RIG PA LA MA YIN TE GZHAN DAG CIG CAR BA MI SRID PA'I PHYIR RO, ,GSAL BAR BYED PA NYID NI PHYI ROL GYI DON LA YIN GYI, NUS PA MED PA'I PHYIR RANG NYID LA NI MA YIN NO, ,DE NI ZHES BYA BA NI NGES PA'O, , GANG LAS ZHES BYA BA NI DON RIG PA RIG PAS GNYI GA RIG PA'I BLO MTHONG BA'I PHYIR TE, ,DON GYI BLO DANG DE'I BLO MTHONG BA MED PA'I PHYIR RO, ,GZUGS NYAMS SU MYONG BA MA RIG NA THAMS CAD MA DMIGS PA THOB PA YIN PAR BSTAN PA NI DE NYID 'DI ZHES BYA BA'O, ,CIG CAR BA BZHIN DU MI MTHONG BA'I PHYIR MTHONG BA NYID RNAM PAR CHAD BA SKYE BA MA YIN PAR BSTAN PA NI 'O NA NI RNAM PA ZHES BYA BA'O, ,DE LA YANG ZHES BYA BA NI CIG CAR BA 'GA' ZHIG LA MA YIN NO, ,DE'I ZHES BYA BA NI MTHONG BA RNAM PAR GCAD PA LA'O, ,BLO NI RNAM CHAD SKYE BA DAG GI 'BREL PA CAN MED PA'O, ,CIG CAR LA ZHES BYA BA NI CIG CAR BA'I 'BREL BA CAN LA'O, RNAM PAR MA CHAD PAR MTHONG BA'I PHYIR ZHES BYA BA NI RIGS MI MTHUN PA'I BLO RNAMS KYI'O, ,CIG CAR SKYE BA ZHES BYA BA NI GZUGS KYI SHES PA DANG DE'I SHES PA DAG GO, ,'ON TE CIG CAR MTHONG BA'I PHYIR RIGS MTHUN PA RNAMS LAS RIGS MTHUN PA RNAMS YIN NA, RIM GYIS MTHONG BA LAS RIGS MI MTHUN PA LAS CIS MI 'GYUR

ZHES BSTAN PA NI DE RNAMS ZHES BYA BA STE RIM PA BZHIN DU RIM PA MA YIN PA YANG RTOGS PAS GRUB PA MA YIN NO ZHES BYA BA'I DON TO, ,RNAM PAR RTOGS PA RNAMS ZHES BYA BA NI RIGS MTHUN PA RNAMS CIG CAR SKYE BA MA YIN NO, ,THAMS CAD NYID NI RIGS MI MTHUN PA YANG NGO, ,SHES PA CIG CAR BA NYID LA YANG DE'I SHES PA LA SOGS PA YANG YIN PAS THUG PA MED PA'I PHYIR GCIG GI YANG RTOGS PA MA YIN NO, ,DE BDAG NYID BYED DON RIG LA, ,BDAG NYID SHES PAR MI 'DOD DE, ,DE PHYIR GSAL BAR BYED NYID LA'ANG, ,RTOGS PHYIR GZHAN LA SDOD PAR BYED, ,CES BYA BA 'DI NI RIGS PA MA YIN PA'O, ,'DIS NI ZHES BYA BA NI RNAM PAR CHAD PAR NYAMS SU MYONG BA LA MA CHAD PAR NYAMS SU MYONG BA NI DBANG PO'I NYAMS SU MYONG BA THAMS CAD DON MED PAS SO, ,RNAM PAR CHAD PA GOMS PA'I DBANG PO'I BYA BA LAS DANG PO NYID DU NYAMS SU MYONG BAR 'DU BYED BA GROGS SU GYUR BA LAS, RTOG PA MED PA'AM CIG SHOS KYANG RUNG BA MA CHAD PAR NA 'DZIN PA YIN ZHES BYA BA RGYAL DPOG PA'I 'DOD PA BSAL BA YIN NO ZHES BYA BA NI RGYAL BA CAN GYI'O, ,DBANG PO LAS SKYES PA'I RNAM PAR CHAD PA MTHONG BA LA DE'I DUS SU DE LAS SKYES PA'I MA CHAD PA LA DE'I RIGS TE, RIGS MTHUN PA'I NUS PA'I NGES PA 'DIS BSAL BA YANG YIN NO, , BSAL BAR SNANG BAS ZHES BYA BA NI RIGS DANG STOBS MTSUNGS PA NYID DO, ,RNAM PAR CHAD PAS NYAMS SU MYONG BAS GNOD PA YANG DE YIN TE, BREGS NAS SKYES PA'I SKRA LA SOGS PA LA'O, ,'DI'I GNOD PA'I RGYU MTSAN RAB RIB BZHIN DU GZHAN MA YIN PAR BSTAN PA NA SKRA DANG ZHES BYA BA'O, ,RIGS NI SNGAR MTHONG BA NGO SHES PA'I RGYU MTSAN MA YIN TE, KHYAD PAR YIN PA'I PHYIR RO, ,KHYAD PAR NYID DU RIGS MIN NO, ,ZHES BYA BAR NI MU COR SMRA BA YIN NO, ,RNAM PAR CHAD PA RIG PA PO LA NI DE LTA BU'I GNOD PAR BYED PA CUNG ZAD KYANG MED PAR BSTAN PA NI DE 'DRA'I BLO ZHES BYA BA'O, ,DER NI ZHES BYA NI SKRA LA SOGS PA LA'O, , GAL TE RNAM PAR MA CHAD PA'I SHES PA NYID GNOD PAR BYED PA'AM SDUD PAR BYED PAR CIS MI 'GYUR GANG GI PHYIR DRAN PA DANG DBANG PO'I MTHONG BA LA GCIG PAR MNGON PAR SHES PA YIN NA'O, ,MTHONG BA'I BAG CHAGS LAS BYUNG BA DBANG PO LAS SKYES PA MA YIN PA SNANG BA LAS KHANG PA'I NANG DU

, ,ZHUGS PA'I MIG GI NUS PA YONGS SU SMIN PA LAS BYUNG BA DANG, MI 'GOR 'ONGS PA TZAM GYIS JI LTAR BSGRUN PA YIN ZHES BSTAN PA NI SNGON MYONG ZHES BYA BA'O, ,DE'I CHOS NI DE DANG GCIG PA NYID DO, ,BDAG DBANG POS GROGS BYAS PA NI DRAN PAR BYED PA MA YIN TE, SEMS CAN RE RE ZHING YUL MA YIN PA LA DE LTAR GROGS MA BYAS PA'I PHYIR RO, ,DBANG PO LAS SKYES PA NYID MED NA BDAG LAS SKYES PA NYID MED PA YIN NA, BDAG LAS SKYES PA NYID NI YIN GYI MTHU'I SHES PA LAS KHYAD PAR YOD PA MA YIN TE, SKYON MED PA'I DBANG PO LAS SKYES PA NYID NI DE LAS GZHAN PA LAS KHYAD PAR DU BYED PA YIN NO ZHES BYA BA'I DON TO, ,SNGAR NYID 'DZIN PA KHO NA DRAN PA YIN PAR BSTAN PA NI DRAN PA MED PAR ZHES BYA BA'O, ,GAL TE DE LTAR NA ZHES BYA BA NI SHI BA NYID LANG BA'I CHED DU DRAN BZHIN PA LA DBANG PO'I BYED PA LTOS NA'O, ,DE NYID DU ZHES BYA BA NI DRAN BZHIN PA'I DNGOS PO'I NGO BOR RO, ,YUL DER SONG BAS NI DNGOS PO YOD PA'I YUL DU SONG BAS SO, ,GAL TE DE LTA NA ZHES BYA BA NI YUL 'DIR SONG BAS RUNG BA'I YUL NYID MA YIN TE, YUL GZHAN ZHES BYA BAS RUNG BA MA YIN PA'I YUL NYID YIN PA'I PHYIR RO, ,YUL DANG DUS DE LA BKAG PA YUL DANG DUS 'DI LA YIN PAR BSTAN PA NI DA LTA BA KHO NA'I ZHES BYA BA STE SNGAR MTHONG BA NGO SHES PA 'KHRUL PA YIN NO ZHES BYA BA'I DON TO, ,DE NYID CES BYA BA NI RTOGS PA STE GANG GIS ZHES BYA BA NI RIM PA'O, ,MA RTOGS PA LA YANG ZHES BYA BA NI MNGON SUM GYIS SO, ,DE ZHES BYA BA NI SKAD CIG DE LA 'BYUNG BA'I'O, ,KHYAD PAR 'DI ZHES BYA BA RGOL BA'O, ,'BYUNG BAR 'GYUR BA NYID DU ZHES BYA BA NI RGOL BA RJES SU BRJOD PA'O, ,'DIR YANG ZHES BYA BA NAS YOD PA YIN ZHES BYA BA'I BAR NI LAN NO, ,THUG PA MED PA ZHES BYA BA NI DE NYID DU PHYIS RTOGS LA SNGAR YANG YIN TE DE NYID DU KHYAD PAR MED PA'I PHYIR DE'I TSE MED NA THA DAD PAR 'GYUR LA DE NYID NA PHYIS YOD PA SNGA NA YANG YIN NO, ,DE BSTAN PA NI DE LAS YANG ZHES BYA BA STE SNGA NA YANG NGO, ,PHYIS YOD PAR BSTAN PA NI DE LA YANG GZHAN ZHES BYA BA'O, ,SHES PA DANG DE'I SHES PA DAG CIG CAR BA NYID LA YANG DE'I SHES PA LA SOGS PAR YANG THAL BAR 'GYUR BAS THUG PA MED PA'I PHYIR SNGA MA RTOGS PA MA YIN PAR BSTAN PA NI DON DANG SHES PA

ZHES BYA BA'O, ,SHES PA DANG DE'I SHES PA YANG SKYES PA YANG YIN GYI GZHAN NI MA YIN TE GZUNG BAR MI 'DOD PA'I PHYIR RO SNYAM DU SEMS PA LA, SHES PA GSUM PA MED NA GNYIS PO DE NYID RTOGS PA MA YIN PAR BSTAN PA NA DON DANG SHES PA'I ZHES BYA BA'O, ,SKYES PA MI SHES PA NI 'DZIN BYED MA YIN NO, , DON ZHES BYA BA NI DAM BCA' BA YIN LA, RTOGS PA ZHES SGRUB BYED YIN ZHES BYA BA NI 'BREL PAR DKA' BA YIN NO, ,SHES PA CIG CAR ZHES BYA BA LA SOGS PA'I RNAM 'GREL NI GSAL BA YIN NO, ,DON GYI SHES PA 'DZIN PAR BYED PA NI DON GSAL BAR BYED PA NI RANG GI CHOS SU SGRO 'DOGS PAR BYED PA MA YIN NAM RAL GRI LA GDONG LTA BU'O ZHES ZER BA LA DON DU SNANG BA'I ZHES BYA BA'O, ,'BA' ZHIG CES BYA BA NI SHES PA DANG BRAL BA'O, ,RNAM PA GCIG NYID KYI SHES PA DAG GZUNG BA YIN ZHES BYA BAR MI 'THAD DO, ,GZUNG ZHES BYA BA NI MA NING GI RTAGS YIN TE, MA NING GI RTAGS MA YIN PA DANG GCIG NYID BZHIN DU GZHAN GANG YANG RUNG BA ZHES BYA BA MA NING GI RTAGS SU BYAS PA YIN LA MA NING GI RTAGS MA YIN PA DANG LHAN CIG SBYOR BA'O, ,RAL GRI DANG GDONG BZHIN DU SO SOR SNANG BA MA YIN TE THA MI DAD PA LA GNOD PA MED PA'I PHYIR DANG SNANG BA'I PHYIR ZHES BSTAN PA NI THA DAD MED PAR ZHES BYA BA'O, ,GAL TE BDE BA ZHES BYA BA LA SOGS PA YANG DE LTA BU'I DON CAN YIN NO, ,MA MTHONG BA'I DBYE BA YANG RNAM PA 'GA' THA DAD PAR SNANG BA'I SNGON PO LA SOGS PA'I SHES PA THA DAD PA MA YIN NAM ZHES ZER BA LA LEGS PAR RTOGS PA'I ZHES BYA BA'O, ,SNGON PO DANG SER PO BZHIN DU LCAGS GONG DANG ME DANG DNGUL CUNG ZAD KYI CHA YOD PA'I GSER NI SNGAR DANG PHYIS KYANG DBYE BA GSAL BA YIN GYI THA DAD PA DANG THA MI DAD PA YANG RUNG BA DE BZHIN DU SNGON PO DANG DE RIGS PA DAG THA DAD PAR MTHONG BA MA YIN NO, ,DE'I PHYIR DER ZHEN PA NI DMAG GI GLANG PO CHE BZHIN DU DE MA YIN PA LAS LDOG PA'I YUL KHO NA ZHES BYA BA'I DON TO, ,CI LTAR ZHES BYA BA NI SO SO BA NYID DGAG PA'O, ,DON DANG SHES PA DAG SO SOR 'DZIN PA NYID YIN NA CHOS BZHIN DU THA DAD PA MYONG BA YIN PAR BSTAN PA NI DON DANG DON GYI ZHES BYA BA'O, ,DON DANG DON GYI YID DAG GI YANG SO SO BA NYID DU MTSON PA STE, DON DANG DON GYI SHES PAR SNANG BA BZHIN DU THAL BAR 'GYUR BAR BLTAR BAR

, ,BYA'O; SNANG BA NI SHES PA PO DON GYI SHES PA DANG DE'I SHES PA DAG RNAM PA MED PA YIN NA DE RIG PA'AM THA DAD PA YANG MA YIN TE, RANG GI MTSAN NYID KYI DBYE BA THA DAD PAR BYED PA MA YIN PAR BSTAN PA NI DON RIG PA NI ZHES BYA BAS SNANG BA SNA TSOGS PA NYID KYI ZHES BYA BA BSHAD PA YIN NO, ,THA DAD PAS SAM GCIG GIS GNYI GA RIG PA MA YIN GYI 'O NA CI ZHE NA GCIG NYID YIN PAR BSTAN PA NI 'DI LTAR ZHES BYA BA'O, ,GCIG CES BYA BA NI MYONG BA DANG NGO, ,GCIG NYID DAM ZHES BYA BA NI RNAM PA'O, ,SO SO BA MA YIN PAR BSTAN PA NI GZHAN MA YIN ZHES BYA BA'O, ,DE BSTAN PA NI MYONG BA DANG GCIG PA NYID CES BYA BA'O, ,YANG NA RNAM PA MED PA LAS LOG PA GCIG YIN LA MI RIG PA LAS LDOG PAS RIG PA YIN PA'I PHYIR NGO BO GNYIS KHAS BLANGS PA LAS KYANG DE GNYIS SU 'GYUR BA MA YIN ZHES BYA BA'I DON TO ZHES BYA BA LA NI RGYAL BA CAN GYI'O, ,NGES PA MED PA LA 'DI MED MIN ZHES BYA BA STE, RANG RIG PAS SO ZHES BYA BA'I DON DU BSHAD NAS, SHES PA GZHAN GYIS NYAMS SU MYONG BA YIN NA MTHAR THUG PA MED PA DANG, DE LA'ANG DRAN PA ZHES BYA BA BSHAD PA NI SHES PA GZHAN GYIS ZHES BYA BA'O, ,YUL GYI SHES PA DANG SHES PA'I SHES PA ZHES BYA BAR NI RIGS PA YIN TE, DE MA SHES NA YUL MI SHES PA'I PHYIR DON GYIS GO BA LAS SHES PA'I SHES PA MA YIN TE DE LA YANG DRAN PA NI 'DOD PA LAS MTHONG NGO, ,DE'I PHYIR, BUM PA LA SOGS DON 'DZIN NA, ,GAL TE RE ZHIG DE MA THAG, ,DON GYIS GO BAS MA RTOGS PA, ,YANG DANG YANG DU SHES PA DAG ,JI SRID DUB PA DE LAS PHYIS, ,DE SRID NYID DU DRAN PAR 'GYUR, ,ZHES BYA BA NI LEGS PAR SMRAS PA MA YIN NO, ,RJES 'BREL CAN ZHES BYA BA NI GANG GI TSE KHO NA SKYED PAR BYED PA DE NYID KYI TSE 'DZIN PAR BYED PA YIN NO ZHES BYA BA'I DON TO, ,BDAG DANG YID PHRAD PA TZAM YIN PA'I PHYIR DANG PO BZHIN DU GZHAN GYI TSE YANG YIN PA'I PHYIR MTHAR THUG PA MED PAR BSTAN PA NI GAL TE SNGAR BLO ZHES BYA BA'O, ,GZUNG BA SKYED PAR BYED PA'I PHYIR, YUL SHES PA'I CHED DU DANG PO RANG GI SHES PA SKYED PAR BYED PA YIN TE, MA SHES PA NI DE'I SHES PA MA YIN PA'I PHYIR, DE YANG DE BZHIN NO ZHES BYA BAS MTHAR

THUG PA MED PA YIN LA YUL GZHAN SKYED PAR BYED PA NYID SRID PA YIN PAR BSTAN PA NI GZUNG BA'I MTSAN NYID CES BYA BA'O, ,DANG PO'I SHES PA RANG NYID KYI SHES PA SKYED PAR BYED PA MA YIN NAM, MA YIN TE, GSAL BA'I YUL GYI RANG LA NGES PAR BYAS PA'I PHYIR RO ZHES BSTAN PA NI PHYI ROL DON NI ZHES BYA BA'O, ,DANG PO YANG RANG NYID SKYED PAR BYED PA MA YIN TE, KHYAD PAR MED PA'I PHYIR RO, ,DES NA MA LUS PA MI DMIGS PA YIN NO ZHES BYA BA'I DON TO, ,MI GSAL BA YANG SHES PA SKYED PAR BYED NA RANG LA NGES PAR BYED PA NYID DU SNANG BA NYID KHO NA YIN PAR BSTAN PA NI DON DE MIN PA ZHES BYA BA'O, ,NYE BA MA YIN PA'I DON NI GSAL BA 'AM CIG SHOS BLO GANG GI YIN PA DE NYAMS SU MYONG BAR MI 'GYUR BAR MI 'GYUR NA BLO'I RTZA BA MED DE SNANG BA MED PA'I PHYIR RO, ,DRAN PA YANG MED PHYIR ZHES BYA BA NI DON LA YANG NGO, ,DE'I PHYIR AA RE MDZES ZHES BYA BA NI BZHAD GAD DO, ,NYAMS SU MYONG BA DANG DRAN PA DAG MED NA 'GRO BA MA LUS PA SEMS PA CAN MA YIN PA THOB PAR 'GYUR RO, ,NYAMS SU MYONG BA LA NYAMS SU MYONG BA BKAG PAS DON NYAMS SU MYONG BA KHAS BLANGS PA YIN NO SNYAM DU SEMS PA LA DON ZHES BYA BA SMOS SO, ,RTAG TU BAR ZHES BYA BA NI NYAMS SU MYONG BA SKYED PAR BYED PAS DON GYIS GO BA SKYED PAR BYED PA BKAG PA'I PHYIR DE'I SKYED BYED KYIS NYAMS SU MYONG BA BKAG PA NA DE GRUB PA YIN NO, ,NYAMS SU MYONG BA NYAMS SU MI MYONG NA DON NYAMS SU MYONG BA MA YIN TE, SNGA MA BZHIN NO ZHES BSTAN PA NI YOD PA TZAM LAS ZHES BYA BA'O, ,NYAMS SU MYONG BA YOD PA GANG LAS ZHES BSTAN PA LA DBANG PO DANG ZHES ZER BA'O, ,'DOD PAS BZLOG PAR BYA BA NYID NI DE LAS BYUNG BA DON NYE BA LAS MI LTOS PA'I RTOG PA RNAMS LA DANG, 'BAD PA SKYED PA'I DBANG PO LAS SHES PA GZHAN DU NYAMS SU MYONG BA'I PHYIR BDAG NYID DU SHES PAR NUS PA DE LA 'BAD PA GZHAN GEGS BYED PA MA YIN TE, RGYU MED PAS RANG NYID MED PA'I PHYIR DANG RGYU GNYIS MA YIN PA'I PHYIR DANG, 'GAL BA'I PHYIR RO ZHES BSTAN PA NI 'DAS SOGS RNAM RTOG CES BYA BA STE, 'DOD PAS DBANG PO LDOG PAS DE'I BSKYED BYA LDOG PA NI RGYU MED PAS YIN GYI 'DOD PAS NI MA YIN NO ZHES BYA BA'I DON TO, STZOGS PA ZHES BYA BA NI DA LTAR BA'I RNAM RTOG YIN LA,

, ,DE YANG DON NYE BA YANG YOD PA'I PHYIR KHYAD PAR DU BYED PA NI GANG DAG LA ZHES BYA'O, ,'PHO BA NI RIGS MI MTHUN PA'I RNAM PAR RTOG PA'O, ,RGYU STE 'DZIN PAR 'DOD PA'I GZHAN MED PA'I PHYIR NI RGYUD MED PA'I PHYIR RO, ,DANG PO BZHIN DU RANG NYID KYI SHES PA SKYED PA NYID DU NUS PA'I PHYIR DON LA DPYOD PA STE LEGS PAR NYAN 'DOD PA DANG NYAN PA DANG 'DZIN PA DANG GZUNG BA'I SHES PAS SPONG LEN GYI DE KHO NA BZHIN DU MNGON PAR ZHEN PA'I NGO BO'O, ,DE LTA YIN DANG ZHES BYA BA NI DANG PO'I RTOGS PA LA YANG SHES PA 'PHO BAR MI 'GYUR BA'O, ,'DOD PA DANG GZHAN DANG 'DRES BAS 'PHO BA BSAL NAS DUB PA LAS SEL BAR BYED PA NI GAL TE BDAG LA ZHES BYA BA STE RGOL BA RJES SU BRJOD PA'O, ,DE NYID CES BYA BA NI YUL GZHAN LA 'PHO BA'I NGO BO'O, ,DUB PA NI NUS PA ZAD PA'I NGO BO'O, ,GA LAS YIN ZHES BYA BA NI MI NUS PA LAS MI SKYE BA NI SKYE BA'I PHYIR RANG LA MI NUS NA GZHAN LA NUS PA MA YIN PA STE, BLO SNGA MA SNGA MA'I MTHONG BA LAS DE NYAMS NA NUS PA MED PA NYID YIN PAR BSTAN PA NI, SNGAR GYI BLO NI NUS ZAD NA, ,ZHES BYA BA'O, ,SNGA MA'I SHES PA NI RANG NYID KYI SHES PA SKYES NAS 'JIG PA YIN LA, DBANG PO DANG DON NYE BA TZAM LAS DON SHES PA MA YIN NAM ZHES ZER BA LA, BLO SNGON MED PAR ZHES BYA BA STE, KHYAD PAR GYI BLO LAS KHYAD PAR DU BYA BA'I DON TO, ,DE LTA BU NYID DE BZHIN GYI SNGON PO LA SOGS PA'I BLO LAS SER PO LA SOGS PA'I BLO MA YIN PA MA YIN NAM ZHES ZER BA LA, DON GZHAN ZHES BYA BA STE, SNGON PO LA CHAGS PA NA DBANG PO LA SOGS PA TZAM LAS BYUNG BA'I SER PO'I BLO CIS MI SKYE ZHES BYA BA'I DON TO, ,MA RTOGS PHYIR NI MA NGES PA'I PHYIR RO, ,MI MTHUN PA 'AM ZHES BYA BA NI BYED PA PO'O, ,DE'I ZHES BYA BA NI RGOL BA'I'O, ,RNAM PAR SHES PA SNGA MA ZHES BYA BA KUN GZHI LAS GZHAN YIN GYI DE NI MA YIN NO, ,SNGA MA LA LTOS PA YIN NA DE NYID RGYU YIN PAR ZAD KYI, KUN GZHI NI MA YIN NO ZHES ZER BA NI 'JUG PA'I RNAM PAR SHES PA ZHES BYA BA'O, ,GZHAN LA CHAGS PA YIN YANG SHES PA GZHAN SKYE BA MA YIN NAM, RTAR RTOG PA NA YANG BA LANG MTHONG BA'I PHYIR RO ZHES BSTAN PA NA CIG CAR ZHES BYA BA'O, ,CIG CAR DU MA LA CHAGS PA NI MI MTHUN PA

NYID MA YIN TE MI MTHUN PA MA YIN PA'I BDAG NYID KYI CHAGS PA YIN PA'I PHYIR GZHAN LA YANG RIGS MTHUN PA LA NI CIG CAR RIGS MI MTHUN PA LA NI RIM GYIS PAR 'GYUR RO, ,YUL LA 'JUG PA'I SHES PA CHAGS PA MA YIN NAM, DE NI SKYED PAR BYED PA MA YIN TE, KUN GZHI SKYED BAR BYED PA YIN NO ZHES ZER BA LA SHIN TU GSAL BA'I ZHES BYA BA STE, DE LA CHAGS PA'I MI MTHUN PA NYID KYI KUN GZHI NYID MI MTHUN PA YIN PA'I PHYIR 'JUG PA'I RNAM SHES RNAMS KYI BAG CHAGS KYI GZHI STE, DER SGRO GDAGS PAR BYA BA'I KHYAD PAR CAN NI KUN GZHI RNAM PAR SHES PA YIN NO ZHES BYA BA'I DON TO, ,'GREL BA NI GSAL BA YIN NO, ,GZHAN DU NA DE DANG MTSUNGS PA NYID LA LTOS PAR MI 'GYUR BAR BSTAN PA NI DE LTA MIN NA ZHES BYA BA NI KUN GZHI 'JUG PA'I RNAM SHES KYI SGRO GDAGS PAR BYA BA'I KHYAD PAR CAN NYID MA YIN NA'O, ,DBANG PO DANG DON NYE BA TZAM RGYU YIN NA DE MED PA'I PHYIR YID KYI RNAM SHES 'BYUNG BAR MI 'GYUR GYI, KUN GZHI TZAM LA RIM PA YIN PAR BSTAN PA NI YID SHES ZHES BYA BA'O, ,YID NI PHRA BA MA YIN NAM GCIG LA SONG BA NA GZHAN LA MA YIN PA'I PHYIR SHES PA RNAMS KYI RIM PA YIN GYI, SHES PA'I MI MTHUN PA NYID LAS NI MA YIN NO ZHES ZER BA NI YID GCIG YIN PHYIR ZHES BYA BA STE RGOL BA RJES SU BRJOD PA'O, ,PHRA MO NYID NI RIGS MTHUN PA LA BZHIN DU RIGS MI MTHUN PA LA YANG NGO ZHES BSTAN PA NI RES 'GA' LHAN CIG 'BYUNG PHYIR TE, RES 'GA' NI RIGS MI MTHUN PA LA'O, ,YUL KHA CIG LA CHAGS PA'I SHES PA DMIGS PA YIN GYI DE MA RTOGS PAR MA YIN PAR BSTAN PA NI YID DE YANG ZHES BYA BA'O, ,YID 'JUG PA MTSUNGS PA YIN NA CIG CAR ZHES BYA BA MI DMIGS TE PHRA BA NYID DU KHYAD PAR MED PA'I PHYIR RO ZHES BSTAN PA NI, 'JUG PA MTSUNGS PA LA'ANG ZHES BYA BA STE, GCIG LA NUS PA MED PA LA YANG NGO, ,THAMS CAD TSE ZHES BYA BA NI MI MTHUN PA DANG GZHAN LA YANG NGO, ,GZHAN NI YUL GZHAN LA'O, ,RTOGS PAR MI 'GYUR BA NI NYE BAR 'GRO BA MA YIN PA'O, ,GZUGS KYI RDZAS NYID DANG, YOD PA LA SOGS PA MIG DANG PHRAD PA'I 'DU BAS CIG CAR 'DZIN PA YIN YANG NGO ZHES BSTAN PA NI BDAG NYID LDAN PA ZHES BYA BA'O, ,RTOGS PA NI NYE BAR

, ,'GRO BA STE PHRAD PA'I KHYAD PAR RO, ,BYED PA'I CHOS NYID YIN PA'I PHYIR BYED PA GCIG LAS BYA BA GCIG MA YIN NAM ZHES ZER BA NI GCIG LAS ZHES BYA BA'O, ,BYED PA'I MAR ME YANG BYA BA DU MA BYED PA GCIG GI TSE GCIG MA YIN NAM ZHES BSTAN PA NI JI LTAR ZHES BYA BA STE, DU MA MTHONG BAR BYED PA'I DE BZHIN DU YIN KYANG DU MAR MTHONG BA'I BYA BA GCIG YIN NO ZHES BYA BA'I DON TO, ,SKYES BU DU MAS MTHONG BAR BYED PA YIN ZHES BYA BA'I DON NI 'GREL PA'I'O, ,YUL DANG 'BREL PA CAN GYI YID KYANG DANG PO GSAL BAR BYED PA MA YIN NA PHYIS KYANG MA YIN TE, DE KHYAD PAR MED PA'I PHYIR RO ZHES BSTAN PA NI RIM GYIS KYANG ZHES BYA BA STE 'GREL PAR NI KHYAD PAR TE SNGA NA YANG YIN GYI SKYE BAR BYED PA NI MA YIN NO ZHES BYA BA'I DON TO, ,SGRO 'DOGS PAR BYED PA MA YIN PA'I YUL DU BYUNG BA NYID KYI KHYAD PAR MED PAR 'GREL PAS BSTAN PA NI RTAG PA NI ZHES BYA BA'O, ,DE BDAG KHYAD PAR 'GYUR MA YIN, ,ZHES BYA BA NI MI RTAG PA NYID DU THAL BAR 'GYUR BA'I PHYIR RO, ,MI 'GYUR ZHES BYA BA NI 'BREL PA CAN DANG 'BREL PAR KHYAD PAR MED PAR SGRO GDAGS PAR BYA BA MA YIN DANG 'BREL PAR KHYAD PAR MED PAR SGRO GDAGS PAR BYA BA MA YIN PA'I KHYAD PAR NYID KYIS SO, ,'GREL PAR NI RNAM PAR SHES PA NI MTHONG BA'I RNAM PAR SHES PA SKYED PAR BYED PA'I BAG CHAGS YONGS SU SMIN PA'I KHYAD PAR LAS RIM GYIS BYED PA YIN PAR BSTAN PA NI RNAM PAR SHES PA DE NYID CES BYA BA'O, ,BDAG BYIN GYIS BRLABS PA'I DBANG PO'I YUL DANG 'BREL PAR KHYAD PAR MED KYANG SHES PA SNGA MA SNGA MAS BSKYED PA'I 'DU BYED PA'I KHYAD PAR LAS SHES PA RIM PA YIN NO SNYAM DU SEMS PA NI GAL TE 'DU BYED CES BYA BA'O, ,DE ZHES BYA BA NI 'DU BYED PA'O, ,BLO NI BLO NYID LAS TE BLO DANG 'BREL BA CAN NO, ,DE LAM GTOGS PA DE'I RTEN MTHONG BA'I PHYIR BDAG GO ZHES BYA BA YANG GOMS PA LAS BYUNG BA YIN GYI NGES PA'I YUL CAN MA YIN NO, ,'DOD PA NYID CES BYA BA NI SHES PA BSKYED PA'I BAG CHAGS LA BRTEN PA'I RNAM SHES MTHONG BA'I PHYIR RO, ,SHES PA LAS SHES PA YIN PAR NI BDEN TE SHES PA NYID KYI 'PHO BA NI SHES PA BZHIN DU 'DZIN PAR BYED PA YIN NO ZHES ZER BA LA GZUNG LA GZUNG NYID CES BYA STE,

BSKYED BYA NYID KHO NA 'DZIN PAR BYED PA NYID NI YUL LA BZHIN DU SHES PA LA YANG NGO ZHES BYA BA'I DON TO, ,YUL DANG BCAS PA'I SHES PA'I BSKYED BYA NYID NI 'PHO BA YIN LA, SHES PA TZAM DU BSKYED PAR BYA BA NYID NI YIN NO ZHES ZER BA LA SKYED BYED NYID CES BYA BA STE GNYI GA SKYED PAR BYED PA'I PHYIR GNYI GA 'DZIN PAR BYED PA ZHES BYA BA'I DON TO, ,SKYED PAR BYED PA YANG DBANG PO GZUNG BAR BYA BA MA YIN PA MA YIN NAM ZHES ZER BA LA SNANG BA GZUNG MIN ZHES BYA BA'O, ,SNANG BA ZHES BYA BA NI GSAL BA YIN GYI DBANG PO NI MA YIN NO, ,GSAL BA NI PHRA BA NYID KYIS BAR DU CHOD PAS SHIN TU NYE BA'I PHYIR BRKYANG BA'AM BRDABS PA'I PHYIR GZUNG BA MA YIN NO ZHES ZER BA LA CHA MED PA LA'ANG ZHES BYA BA STE, CHA MED PA NI YAN LAG MED PA STE RIG PA'I BDAG NYID LA SNANG BA 'DZIN PA NA GZUGS NYID 'DZIN PA NI MA YIN NO ZHES BYA BA'I DON TO, ,NAM YANG NI PHRA BA LA SOGS PAS SO, ,DUB PA'I SNGA ROL DU BSKYED PA NI GZUNG BA NYID YIN GYI PHYIS NI SKYED PAR BYED PA NYID YIN NO SNYAM DU SEMS PA NI GZUNG BA'I ZHES BYA BA STE 'PHO BA'I DUS NA'O, ,SKYED PAR BYED PA YANG YIN LA BDAG NYID KYANG YIN PA DE'I NGO BO NYAMS PA MA YIN NO ZHES BSHAD PA'O, ,'GREL PAR YANG NUS PA GNYIS YIN TE, DE NI MI RIGS TE ZHES BYA BA LA SOGS PAS SO, ,MAR ME LA SOGS PA GSAL BA'I MI GSAL BA NYID BZHIN DU GZUNG BAR BYA BA NYID MA YIN PAR YANG 'GYUR RO SNYAM DU SEMS PA LA GZUNG BA'I NUS PA NYAMS PAR MI 'GYUR BA STE, GSAL BAR BYA BA NYID MA YIN YANG GZUGS LA SOGS PA BZHIN DU 'DZIN PAR BYED PA LAS GZHAN PA STE SKYED PA'I BDAG NYID DANG GZHAN MA YIN PA STE, SKYED PA MA YIN PA YANG LAS MA YIN PAS 'BREL PA MED PA'I PHYIR RO ZHES BYA BA NI RGYAL BA CAN GYI'O, ,GSAL BA LAS BZHIN DU GZUNG BA NYID YIN LA 'DI LAS KYANG SKYED PA GZHAN YIN NO ZHES ZER BA LA GZUNG BA ZHES BYA BA STE GSAL BAR BYA BA MA YIN PA NYID YIN YANG GZUNG BAR BYA BA NYID YIN PA'O, ,'DI LAS GZHAN DU SKYE BA MA YIN ZHING DE YANG SA BON LA SOGS PA MA YIN NO ZHES BYA BA MI RIGS PAR BSTAN PA NI GZUNG BA'I MTSAN NYID CAN LA ZHES BYA BA NI GNAS SKABS PA YIN GYI BYED PA PO'I MTSAN NYID LA NI MA YIN NO, ,DE LA NI

, ,GZUNG BA NYID LAS GZHAN PA YANG SKYED PA YIN NO, ,DNGOS SU ZHES BYA BA NI RJES SU DPAG PAR BYA BA SKYED PA GZHAN NYID DO, ,GZHAN DU DMIGS PA'I RKYEN NYID YIN PAR TE RKYEN NYID DU MI 'GYUR BA'I PHYIR RO ZHES BSTAN PA NI GZHAN DU MIN PAR NI ZHES BYA BA'O, ,PHAN 'DOGS ZHES BYA BA NYID NI RKYEN YIN TE PHAN 'DOGS PA MA YIN PA GZHAN DU STE GZUNG BAR BYA BA MA YIN PA NYID KYIS SO, ,SKYED PAR BYED PA NI GZUNG BA NYID MA YIN TE, 'O NA CI ZHE NA SNANG BA NYID MA YIN NAM ZHES ZER BA LA, GZUNG BA'I MTSAN NYID LA STE YUL LA SOGS PA BSKAL PA MA YIN PA LAS SO, ,SKYED PAR BYED PA'I GZUNG BA'I MTSAN NYID CI ZHIG YOD CES BYA BA NI RGYAL BA CAN GYI'O, ,'DI'I NI GZUGS LA SOGS PA'I'O, ,DE DNGOS NI SNANG BA'I'O, ,NGES PA NI 'DI SNANG GI 'DI MI SNANG NGO ZHES BYA BA'O, ,BSKAL PA DANG CIG SHOS DAG LA KHYAD PAR MED PA'I PHYIR THAMS CAD DU THAMS CAD SNANG BAR 'GYUR GYI TSOGS PA GCIG LA RAG LAS PA'I RGYU'I CHOS NYID DNGOS SU YOD NA BRGYUD PA MI RIGS TE, GZHAN DU BLO LA GZUGS LA SOGS PA PHAN 'DOGS PA MA YIN PA'O, ,DE ZHES BYA BA NI GZUNG BA NYID KYI MTSAN NYID DO, ,DE NYID DU ZHES BYA BA NI SNANG BA'I NGES PA LA'O, ,DE YANG ZHES BYA BA NI GZHAN MA YIN PA'O,, DE NI DNGOS SU SKYED PAR BYED PA'AM SNANG BA 'AM THA DAD PA'AM THA MI DAD PA YANG BLO'I YIN PAR BSTAN PA NI 'DZIN PA ZHES BYA BA BSKYED BYA'I STE 'DZIN PAR BYED PA'I'O, ,DE'I YANG NYE BAR LEN PA YOD PA DANG, MYONG BA YANG 'DZIN PA'I SEMS KYI GZUGS LA SOGS PA BZHIN DU GZUNG BA'I DON GYI MTSAN NYID YIN NO ZHES BYA BA'I GNAS SKABS KYI NYE BAR BSDU BA NI SEMS KYI ZHES BYA BA NAS RNAM PAR DBYE BA'I ZHES BYA BA'I BAR DU'O, ,GZUGS LA SOGS PA'I KHYAD PAR GYI TSIG BLO LA YANG DE YOD PAS KHYAD PAR MED PA'I PHYIR BSAM PAR BYA BA YIN NO, ,GZHAN DU SKYED PAR BYED PA TZAM LA NYE BAR LEN PA MED PAS DNGOS SU SKYED PAR BYED PA MA YIN PA'I PHYIR RO ZHES BYA BA NI RGYAL BA CAN GYI'O, ,GZHAN GYI SEMS DANG DBANG PO YANG BRGYUD PAS RJES SU DPAG PAR BYA BA YIN GYI DNGOS SU GZUNG BAR BYA BA MA YIN GYI, GZUGS SOGS GZHAN DU MIN PAR NI, ,BLO LA DNGOS SU PHAN 'DOGS MED, ,CES GSUNGS PAS GZUGS LA SOGS

PA GZUNG BA NYID YIN NO, ,GZUNG BA MA YIN PA NYID NI DNGOS SU SKYED PAR BYED PA MA YIN TE GZUNG BA NYID NI SNANG BZHIN PA'O, ,GZUNG BA NYID LAS DRAN PA NI MA YIN GYI 'O NA CI ZHE NA, RJES SU DPAG PA NYID MA YIN NO ZHES ZER BA NI 'ON TE BLO NI DON GYIS GO BAS ZHES BYA BA'O, ,RJES SU DPAG PA MA BYUNG NA YANG NYAMS SU MYONG BA DRAN PA YIN NA NYAMS SU MYONG BAR BYED PA'I MNGON SUM RTOGS PAR BYED PA YIN NO ZHES ZER BA LA GANG TSE ZHES BYA BA STE, KA BA DANG BUM PA LA SOGS PA'I SPROS PA STE, RGYAS PA RAB TU STE SHIN TU MANG BA NYID DU BGRANG BAR BYA BA MANG PO NYID GANG YIN PA DE LA'O, ,RINGS PA DANG BCAS PAR ZHES BYA BAS BAR DU RJES SU DPAG PA'I SKABS MED PA'O, ,DON RIG PA'I BLO RJES SU DPAG PA LA RANG DANG GZHAN GYI DBYE BA MED PAR BSTAN PA NI DON RTOGS LAS KYANG ZHES BYA BA'O, ,DE NYID KYI PHYIR ZHES BYA BA NI PHYOGS GNYI GA'I SKYON YIN PA'I PHYIR RO, ,RANG RIG LAS ZHES BYA BA NI GZHAN RIGS PA MA YIN PA LAS TE RANG RIG YIN PAR GNAS ZHES BYA BA'O, ,PHAN TSUN BSTEN PA NI GTAN TSIGS MA GRUB PA'O, ,DE NYID KYI PHYIR ZHES BYA BA NI DON GCIG MA GRUB PA'I PHYIR RO, ,DES NA ZHES BYA BA NI RJES SU DPAG PAS RIG PA MI RIGS PA'I PHYIR RO, ,'DZIN PA'I NI NYER LEN DANG ZHES BYA BA'I DBANG DU BYAS NAS BSTAN PA NI DE LA ZHES BYA BA'O, ,DNGOS SU SKYED PA DANG SNANG BA'I GZUNG BA NYID NI GZHAN GYI SEMS DANG DBANG PO LA SOGS PA'I RJES SU DPAG PA YIN PA BZHIN DU 'U BU CAG LA SOGS PA LTA BUR RNAL 'BYOR PA'I YANG MA YIN PA MA YIN NAM ZHES ZER BA LA, GZUGS STZOGS DANG NI SEMS DE LTAR, ,ZHES BYA BA'O, ,BSAM MI KHYAB CES BYA BA NI GZHAN GYI SEMS LA SOGS PA RNAL 'BYOR PA'I SHES PA GANG YANG RUNG BA'I KHYAD PAR LAS DNGOS KHO NAS SKYED PAR BYED PA YIN TE, DES NA, BDAG GI MNGON SUM BZHIN PA YANG, ,YID BZHIN PA LA DMIGS PA NI, ,MNGON SUM NYID DU MI 'DOD DE, ,CHOS NI RNAL 'BYOR MNGON SUM PHYIR, ,ZHES BYA BAS BSAL BA YIN NO, ,DUB PA LA SOGS PAS 'PHO BA'I TSE NA SKYED PAR BYED PA NYID YIN GYI GZUNG BA NYID MA YIN PA'AM, DANG PO BYAS PA'I GZUGS LAS NI MA YIN NO ZHES BSTAN PA NI DE LA ZHES BYA BA'O, ,GZUNG BA NI GZUGS LA SOGS

, ,PA'O, ,SNGAR ZHES BYA BA NI GZUNG BA NYID YOD PA NI 'GRO BA'I TSE'I RTZA'I REG PA DANG MTSAN NYID MI MTHUN PA'O, ,'PHO BA NA YANG RANG GI BLO NYID 'DZIN NA SKYON CI ZHIG YOD CES ZER BA LA DE'I PHYIR ZHES BYA BA'O, ,DE MA THAG PA NI DNGOS SU'O, ,GZHAN DU NA ZHES BYA BA NI DON NYID GZUNG BAR MI 'GYUR BA'O, ,SKYE BA DANG 'DZIN PA YANG ZHES BYA BA'I 'BRAS BU THA DAD PAS RGYU'I NUS PA YANG THA DAD PA MA YIN NAM DUB PA LA SOGS PAS GCIG ZHIG NA YANG SKYED PA'I NUS PA YOD PA KHO NAR BSTAN PA NI NUS PA DU MA ZHES BYA BA'O, ,DNGOS PO'I NGO BO'I NUS PA'I RJES SU 'GRO BA LA SOGS PAS 'DZIN PA NI DBANG PO LAS 'DAS PA NYID KYI YUL MA YIN PAS RGYU NYID DU MA RTOGS PA'I PHYIR RO, ,NGO BO NYID KYIS NI RANG BZHIN NYID KYIS TE RANG BZHIN NYID SKYED PAR BYED PA YIN NA THAMS CAD KYI TSE CIS MI NUS PA YIN ZHE NA, NGO BO'I KHYAD PAR NI NUS PA BZHIN DU RES 'GA' YIN TE, SNGAR MTHONG BA NGO SHES PA NI 'DRA BA'I YUL CAN YIN PA'I PHYIR YUL GCIG NYID YIN NA NUS PA YANG DNGOS PO'AM RGYU MA YIN TE, RJES SU 'GRO BA LA SOGS PA MED PA'I PHYIR RO ZHES BYA BA'I DON TO, ,DNGOS PO'I NGO BO GCIG LAS 'BRAS BU SNA TSOGS PA MA YIN TE RIM GYIS SAM CIG CAR NYID MI RIGS SO SNYAM DU SEMS PA LA MA YIN 'GA' ZHIG CES BYA BA SMOS TE, GCIG NI SKYED PAR BYED PA MA YIN TE RIM DANG CIG CAR NYID DU 'GAL BA'I PHYIR RO, ,BYED PA GZHAN GYIS KYANG MA YIN TE, BYED PA GZHAN DANG 'BREL PAS THUG PA MED PA'I PHYIR RO, ,MA YIN ZHES BYA BAS MTSAMS BCAD NAS PHYOGS SNGA MA BKAG PA YIN NO, ,'DI BSTAN PA NI TSOGS PA YOD NA ZHES BYA BA'O, ,YOD PA NYID SPROS NAS BSHAD PA NI 'GA' ZHIG CES BYA BA'O, ,RGYU'I SPROS PA DE CI LAS SHE NA RANG GI RGYU NYID LAS ZHES BYA BA'O, ,'GA' ZHIG MA YIN ZHES BYAS NAS NGAG GCIG GIS KYANG BSTAN PA NI YANG NA GANG ZHES BYA BA'O, ,TSOGS PA GNYIS LA GCIG NI GCIG TU 'DZIN PA'I YUL YIN LA, GCIG PA DE DU MA BYED PA YIN NO, ,GAL TE GCIG LAS KYANG LHAN CIG BYED PA'I TSOGS PAR 'GYUR BA THA DAD PA LAS 'BRAS BU SNA TSOGS PA YIN PA DE LTA NA SHES PA LAS KYANG SHES PA DON DANG BDAG NYID LA 'PHO BA NA GNYI

GA 'DZIN PAR BYED PAR GYUR ZHES ZER BA NI GAL TE ZHES BYA BA'O, ,GZHAN NI 'PHO BA'I DUS NA 'BYUNG BA'O ZHES BYA BA NI GZHAN GYI PHYOGS RJES SU BRJOD PA'O, ,SNGA PHYIR ZHES BYA BA NI SUN DBYUNG BA STE SHES PA SNGA MA DON DU SNANG BA YIN PA'I PHYIR DER SNANG BA DANG, DON DU SNANG BA DANG 'PHO PA'I DON DU SNANG BA YANG DPYOD PA LA SOGS PA'I SEMS PA GCIG CES BYA BA NI RTOG PA DANG RTOG BA MED PA'I GNAS SKABS DAG LA'O, ,DE LA CIR 'GYUR ZHE NA BRJOD GNYIS ZHES BYA BA STE SHES PA DANG BRJOD PA'I NGO BO THA SNYAD GNYIS RIM GYIS MTHONG BA'O, ,RIM MIN TE CIG CAR NYAMS SU MYONG BAR 'GYUR BA STE, 'BRAS BUS RGYU MTSON PA LAS YI GE AI 'DZIN PA NI YI GE 'DZIN PA YIN LA DE SNANG BA NA SHES PA SNGA MA SNANG BA'I PHYIR ZHES BYA BA NI GZHAN NO, ,YUL GZHAN LA 'PHO BA'I SNGA ROL YANG YUL GYI SHES PA YUL DU SNANG BA DANG DE'I SHES PA'I SHES PAR YANG 'GYUR BAR BSTAN PA NI GNYIS GNYIS ZHES BYA BA STE, BDAG NYID KYANG DON GYIS DANG DE'I RIG PA DANG DON GYI RIG PA'O, ,SNGAR GYI BLO YANG YIN LA GZUGS LA SOGS PA'I DON YANG 'DZIN PA DE DAG GI 'DZIN PA YIN NO, ,GZUGS LA SOGS PA'I DE MA THAG TU BRJOD PA GNYIS PO RIM PA MA YIN PAR SNANG BAR 'GYUR RO ZHES BRJOD PAS YI GE GNYIS PA 'DI LA YANG 'DOD PA YIN NO; ,RANG GIS ZHES BYA BA NI GZUNG BAR 'DOD PA'I BDAG NYID KHO NAS SO, ,GZHAN GYIS NI BDAG DANG YID PHRAD PA LAS SKYES PA'I SHES PA GZHAN GYIS SO, ,DON GYIS GO BAS KYANG ZHES BYA BA NI LAN NO, ,'BREL PA NYAMS SU MYONG BA LA MI LTOS PA DON NYAMS SU MYONG BA'I SHUGS LAS BYUNG BA'I PHYIR RTAG TU NYAMS SU MYONG BA LA YANG 'GYUR RO ZHES ZER PA LA GAL TE DON GYI SHUGS KYIS ZHES BYA BA'O, ,BRGYAR ZHES BYA BAS NI NYE BAR MTSON PA'O, ,NYAMS SU MYONG BA LAS MTHONG BA'AM THOS PA'I DON GYIS PHYIS GZHAN DU MI 'THAD PA'I PHYIR DON GZHAN DU RTOG PA'I DON GYIS GO BA NI TSOGS PA MED PA'I PHYIR MI 'GYUR BAR BSTAN PA NI DE TSE'ANG ZHES BYA BAS TE NYAMS SU MYONG BA'I PHYIS KYI'O, ,DON GYIS GO BAS BYAS PA'I BYED PA PO'I STE DON GYI SHES PA'I'O, ,DRAN PA NYID CES BYA BA NI DRAN BZHIN PA'I DRAN PA MED NA DRAN PA LAS NYAMS SU MYONG BA'I RTOGS PA MI 'BYUNG LA DE MED NA DRAN BZHIN

, ,PA MED PA'I PHYIR RO ZHES ZER BA NI 'ON TE ZHES BYA BA'O, ,DRAN PA LAS NYAMS SU MYONG BAR GYUR PA NYID SKYED PA NYID KYIS DE YUL YIN PA NYID KYI PHYIR BLO RTOGS PA MA YIN PAR BSTAN PA NI BDAG GIS ZHES BYA BA'O, ,MYONG BA'I NGO BO'I BLO LA DRAN PA 'KHRUL PA 'DI LA YANG, , PHYIS NI SHES RNAMS LA SHES 'GYUR, ,'DI NI DE TSE DON DRAN LAS, ,ZHES BYA BA LA SOGS PA MI RIGS PAR BSTAN PA NI DE'I TSE SNGAR ZHES BYA BA STE KHAS MA BLANGS PA'I PHYIR RO, ,PHYIS KYANG ZHES BYA BA NI NYAMS SU MYONG BAR GYUR PA DRAN PAS DE'I RGYU MTSAN DBANG PO LA SOGS PA NYID RTOGS PA'I PHYIR RO, , GANG GANG ZHIG CES BYA BA NI DON NAM SHES PA'I'O, ,GANG GI PHYIR MYONG PA DE'I PHYIR MYONG BA YIN ZHES BYA BA NI SNGA MA'I'O, ,GANG GI PHYIR DRAN PA NI DRAN BZHIN PA'I DON GYI'O, ,DE LAS DRAN PA NI DRAN BZHIN PA'I YUL LA'O, ,CHER ZHES BYA BA NI DANG PO LA DBYE BA MED PA'I PHYIR DANG GNYIS PA LA YANG BLO MA RTOGS PA'I PHYIR RO, ,DRAN PA LAS KYANG BDAG RIG 'GRUB, ,SHES PA GZHAN GYIS RIG NA NI, ,ZHES BYA BA NAS BRTZAMS NAS SLOB DPON NYID KYI LAN YIN NO, ,DE'I PHYIR RANG NYID KYIS BSTAN NAS SLOB DPON GYIS YUL GZHAN DU 'PHO ZHES BYA BA BSTAN PA YIN NO ZHES BYA BA NI MI RIGS SO, ,DON DANG NI RNAM SHES SNGA MA ZHES BYA BA BLO GCIG GIS GNYI GA 'DZIN PA LA SKYON BSTAN NAS, BLO MI 'DZIN PA'I SKYON BSTAN PA YIN NO ZHES BYA BA NI RGYAL BA CAN GYI'O, ,THA MA'I NI SHES PA'I SHES PA'O, ,NYAMS SU MYONG MIN NA ZHES BYA BA NI RIG PA MA YIN PAR KHAS BLANGS PA'I PHYIR RO, ,GZHAN GYIS NYAMS SU MYONG BA BZHIN, ,ZHES BYA BA NI GZHAN GYIS GZHAN GYI NYAMS SU MYONG BA NYAMS SU MA MYONG BA'I PHYIR NYAMS SU MYONG BA MA YIN PA DE BZHIN DU BDAG NYID KYIS NYAMS SU MYONG BAR GYUR PA YANG YIN PA'I PHYIR THAMS CAD DE SNGAR NYAMS SU MYONG BA MA YIN PA'O, ,JI LTAR ZHES BYA BA NI NYAMS SU MYONG BA NYAMS SU MYONG BA MA YIN NA'O, ,GZHAN GYI NYAMS SU MYONG BA GZHAN GYIS NYAMS SU MYONG BA'I PHYIR NI MA YIN NA 'O NA CI ZHE NA, RANG NYID KYIS NYAMS SU MA MYONG BA'I PHYIR NYAMS SU MYONG BA MA YIN PA DE BZHIN DU RANG GI NYAMS SU MYONG BA RANG NYID KYIS NYAMS SU MYONG BA MA YIN TE, GZHAN GYIS NYAMS

SU MA MYONG BA'I PHYIR RO ZER BA NI GAL TE GZHAN ZHES BYA BA'O, ,GZHAN GYIS NYAMS SU MYONG BA MYONG BA MED NA NYAMS SU MYONG BAR 'GYUR BZHIN PA'I GZHAN GYIS NYAMS SU MYONG BA MED DO, ,DE BZHIN DU RANG LA YANG BRJOD PA YIN PAR BSTAN PA NI JI LTAR GZHAN GYIS ZHES BYA BA'O, ,MYONG BAR BYAS PA NI PHYI ROL GYI DNGOS PO'O, ,NYAMS SU MYONG BA GZHAN YIN NA DE YANG BDAG NYID KYIS YIN NO, ,BDAG DANG CIG SHOS KYI NYAMS SU MYONG BA BDAG GIS MNGON SUM DANG CIG SHOS DAG YIN GYI NYAMS SU MYONG BA DAG CIG SHOS TE, NYAMS SU MYONG BA DAG GIS NI MA YIN NO ZHES ZER BA NI GAL TE BDAG MYONG ZHES BYA BA'O, ,GANG LAS ZHES BYA BA NI RANG RIG PA LAS NI MA YIN TE, KHAS MA BLANGS PA'I PHYIR DANG, SHES PA GZHAN GYIS NYAMS SU MYONG BA LA YANG SKYON BRJOD PA'I PHYIR RO, ,GANG GIS TE NYAMS SU MYONG BA SGRUB PAR BYED PA BDAG NYID KYIS SO, ,DE SKAD CES BYA BA NI RANG NYID NYAMS SU MYONG BAR GYUR GYI CIG SHOS NI MA YIN PA'O, ,RANG NYID NYAMS SU MYONG BAR GYUR PA NI RANG NGAM GZHAN GYIS KYANG MI 'GRUB PA MA YIN NAM, DE LTA NA DNGOS PO MA GRUB PA MA YIN PAR BSTAN PA NI GSAL BA RNAMS KYIS GSAL BA NYID DE'I RGYU GSAL BA YIN LA, DE MA GRUB PA'I PHYIR MI 'GYUR BA GANG GI ZHE NA GSAL BAR TE GSAL BA LAS GSAL BAR 'DOD PA'I NI GSAL BAR KHAS LEN PA'I'O, ,GSAL BAR GYUR PA'I NGO BO BZHIN DU GSAL BA MA GRUB NA GSAL BA NYID KYIS KHYAB PAR BYA BA YANG MI 'GYUR BAR BSTAN PA NI GAL TE GSAL BA MA GRUB KYANG ZHES BYA BA STE, GSAL BA'I RGYU RNAMS MIG LA SOGS PA MA GRUB PA'O, ,GSAL BA ZHES BYA BA NI SHIN TU MA 'BREL PA MA YIN NAM, GSAL BAR GYUR PA MI 'GRUB PA MA YIN LA GNAS SKABS DE'I RGYU MA GRUB PA LA KHAS BLANGS PA DGOS PA CAN YIN NO ZHES BYA BA NI RGYAL BA CAN GYI'O, ,RANG RIG PA MA YIN NA NI BDAG DANG 'BREL BA CAN NYID DU MI 'GYUR BA STE YIN NA'O, ,NYON MONGS BCAS PA'I SEMS KYI DRI MA SPANGS PAS BYA BA BYAS BLOR LDAN GYUR LA, ,BZOD PA RGYA CHEN BYED CING LHAG PA'I BYAMS PA DANG LDAN TSOGS PA'I DAM PAR BCAS, ,MNYAM GZHAG PHUL DU BYUNG BAS JI BZHIN DON RTOGS GYUR PA'I RGYAL BA CAN RNAMS KYI, ,

, ,MDZES PA'I TSIG GI RGYUN GYIS MKHAS PA RNAMS KYI BLO YI DGA' BA SKYED PAR BYED, ,TSAD MA RNAM 'GREL GYI RGYAN GYI 'GREL BSHAD MKHAN PO RGYAL BA CAN GYIS MDZAD PA LE'U GNYIS PA'O,, ,,MNGON SUM GYIS DE MA THAG TU GZHAN GYI DON GYIS KHYAD PAR DU BYAS PA'I RJES SU DPAG PA MA YIN GYI KHYAD PAR DU MA BYAS PA'I TSIG DANG RJES SU DPAG PA YANG GZHAN DON DU 'GYUR RO, ,'BREL PA'I YUL RTOG PAR BYED PA NYID KYI PHYIR MNGON SUM DU YANG 'GYUR RO, ,MNGON SUM LA TSIG GIS CI ZHIG BYA ZHE NA RJES SU DPAG PA LA YANG MTSUNGS SO, ,GZHAN LA RJES SU DPAG PA MED PA BZHIN DU MNGON SUM MED PA YANG NGO, ,RANG NYID KYIS TSUL GSUM PAS RTOGS NAS RTOGS PAR BYED PA YIN PA'I PHYIR RJES SU DPAG PA NYID YIN NA, MNGON SUM LAS RTOGS NAS RTOGS PAR BYED PA 'DI NA YANG DE NYID YIN TE, DE LAS KYANG RTOGS BZHIN PA NI TSIG GI RTAGS KYI RNAM PAR RTOGS PA LAS RTOGS PAR 'GYUR BA'I PHYIR RTOGS PAR BYED PA PO'I RANG GI DON GZHAN GYI DON YIN NA, MNGON SUM YANG 'GYUR RO SNYAM DU SEMS PA LA RANG GI DON GYI RJES SU DPAG PA'I ZHES BYA BA SMOS TE, MNGON SUM GYIS KYANG RTOGS NAS 'DI 'DI LA SMRA BAR BYA'O ZHES BYA BAS BRTAGS PA'I YUL NYID RJOD PAR BYED PA YIN TE, RANG GI DON GYI RJES SU DPAG PA'I DE MA THAG TU RNAL 'BYOR PA MA YIN PA'I YANG GNAS SKABS SNGA MA LA YOD DO ZHES BYA BA'I DON DO, ,'DI'I BAR NA MNGON SUM RANG GI DON YOD KYANG RNAM PAR DBYE BA'I CHED DU SO SOR BSTAN PA YIN NO, ,DE LTAR NA NI SMRA BA PO GNYIS KYIS BYE BRAG MED DO ZHES BYA BA'I RGOL BA SEL BA YIN NO, ,YANG NA TSAD MA DANG CIG SHOS KYI RNAM PAR DPYAD PA NI RJES SU DPAG PAS YIN PA'I PHYIR DE NYID DANG POR RNAM PAR BKOD NAS GNYIS PAS, DE NYID TSAD MA MI SLU CAN, ,ZHES BYA BAS SPYIS KYANG RNAM PAR PHYE NAS MNGON SUM GYIS MTSON TE DE'I 'OG TU DE GNYI GAS NGES PAR RTOGS PA GZHAN LA BRJOD PA STE, SMRA BA PO'I GZHAN DON DANG NYAN PA PO'I RJES SU DPAG PA YANG YIN TE, 'BREL PA RTOGS PAS RTAGS YIN PA'I PHYIR RO, ,YANG NA RJES SU DPAG PAS SPYIR RNAM PAR BZHAG NAS BSGOMS PAS NI KHYAD PAR MNGON SUM YIN LA, SNYING RJES GZHAN LA DE LTAR STON

PA NI RTAGS MED NA RTOGS PAR BYED PA MI NUS PA DE'I PHYIR TSUL GSUM PA'I RTAGS BRJOD PA NI LE'U DANG POR RNAM PAR GZHAG PA'I RANG GI DON GYI RJES SU DPAG PA'I DE MA THAG PA NYID YIN PAR 'DI KHO NAR YIN TE, GZHAN GYI DON NI RANG GI DON SNGON DU 'GRO BA CAN YIN PA'I PHYIR RO, ,RANG GIS MTHONG BA NI MNGON SUM DANG RJES SU DPAG PAS MTHONG BA'O, ,'DIS RAB TU GSAL BAR BYED PA'I PHYIR RAB GSAL BYED PA YIN TE, NGES PAR BYED PA YIN GYI TSIG TZAM LAS NI MA YIN NO, ,RANG GIS MTHONG DON ZHES BYA BA'I RJES SU 'JUG PAS RANG GIS MTHONG BA'I DON LAS GSAL BAR BYED PA YIN NO ZHES GRUB PA'O, , RANG GIS ZHES BYA BA NI BDAG NYID KYIS SO, ,DE DAG RNAMS KYI YANG ZHES BYA BA NI BYED PA PO'I DRUG PA'O, ,LOG PAR RTOGS PA'O ZHES BYA BA NI RANG GIS MTHONG BA'I DON GYIS BZLOG PAR BYA BA YIN NO, ,DE YANG ZHES BYA BA NI GSAL BAR BYED PA'O, ,RANG GIS MTHONG BA'I DON NI GSAL BAR BYED PA'I GNAS SKABS LAS TSUL GSUM YIN TE GZHAN GYIS MI NUS PA'I PHYIR RO ZHES BSTAN PA NI TSUL GSUM PA'I ZHES BYA BA'O, ,BSGRUB BYA LA NI THE TSOM ZA PA YIN LA, SGRUB BYED NI NGES PA YIN GSAL BAR BYED PA DANG RJES SU DPAG PA'I DON YIN GYI GZHAN DU NI MA YIN NO ZHES BSTAN PA NI TSUL GSUM PA'I RTAGS LAS ZHES BYA BA'O, ,LUNG LAS GRUB PA DON MED PA'I TSIG LA GZHAN GYI DON GYIS RJES SU DPAG PA NYID YIN PAR LOG PAR RTOGS PA SEL BA'I DBANG DU BYAS PA'I NGAG LA MA TSANG BA NYID LA SOGS PA YIN PAR RGOL BAR MI RIGS SO ZHES BYA BA NI RGYAL PA CAN GYI'O, ,TSIG NI RJES SU DPAG PA'I RGYU YIN PAS RJES SU DPAG PA YIN GYIS MNGON SUM NI MA YIN TE, DE'I RGYU MA YIN NO ZHES BSTAN PA NI JI LTAR TSIG LAS ZHES BYA BA'O, ,TSIG LAS DRAN PA YIN NA BSGRUB BYA MED NA MI 'BYUNG BA'I DRAN PA NYID RJES SU DPAG PA YIN PAR BSTAN PA NI TSUL GSUM ZHES BYA BA'O, ,DRAN PA MNGON SUM MA YIN PAR BSTAN PA NI RANG RIG GIS ZHES BYA BA'O, ,TSIG LAS CI'I PHYIR MA YIN ZHE NA, DU BA LAS 'DIR YANG ZHES BYA BA'O, ,DE LA ZHES BYA BA NI DRAN PAR BYA BA'AM DRAN PA LA BRJOD KYI BYA BA NI TSIG TU'O, ,DON MED DO ZHES BYA BA NI MA RTOGS PA'I DON RTOGS PAR BYED PAS TE RGOL BA PO

, ,YIN PA'I PHYIR RO, ,RTOGS PA BYUNG BA NI RTOGS PAR GYUR PA'O, ,DON NI 'DI YIN TE ZHES BYA BA NI TSIG LAS DE DANG 'DRA BA NYID KYI RJES SU DPAG PA NI MNGON SUM LA YANG YIN NO ZHES BYA BA'I DON TO, ,'BRAS BU LA DE'I 'DRA BA NYID KYI RJES SU DPAG PA'I RANG BZHIN DU 'GYUR BA NI RANG GI DON LA YANG YIN TE, DE NYID DANG RJES SU 'BREL BA MA YIN PAS RANG GI DON MA YIN PAR BSTAN PA NI RANG DON RJES DPAG CES BYA BA'O, ,'DIR SMRAS PA ZHES BYA BA NI RGOL BA'O, ,RANG GI DON LA RANG BZHIN 'JUG KYANG 'BRAS BU NYID NYAMS PA MA YIN NO ZHES ZER BA NI 'GAL BA CI ZHIG YOD CES BYA BA'O, ,GZHAN GYI DON LA NI DE NYAMS PA YIN NO ZHES ZER BA NI GZHAN GYI DON GYIS RJES SU DPAG PAR ZHES BYA BA'O, ,JI LTAR SRID PA ZHES BYA BA NI GZHAN GYI DON DU RANG BZHIN KHO NA YIN PA'O, ,GZHAN LA ZHES BYA BA NI 'BRAS BU LA'O, ,JI LTAR SRID PA NI GTAN TSIGS GRUB PA LA 'BREL PA'I DON DU DANG, 'DI MA GRUB NA GTAN TSIGS KYI DON DU DANG GNYI GA MA GRUB NA GNYI GA'I DON DU'O, ,TSIG NI RJES SU DPAG PA NYID KYIS TSAD MA NYID YIN PAS TSAD MA YIN GYI GZHAN DU NI MA YIN NO ZHES BYA BA'I DBANG DU BYAS PAR 'DIR MA YIN PAR BSTAN PA NI TSIG LA ZHES BYA BA STE, RJES SU DPAG PA MA YIN PA'I TSIG KYANG TSAD MA YIN TE, RGOL BA BSTAN PA NI JI SKAD DU ZHES BYA BA'O, ,MED PAR 'GYUR RAM CI ZHES BYA BA NI DRAN NAS KYANG 'BYUNG BA'I PHYIR RO, ,DE LTA BU'I DON CAN ZHES BYA BA NI MNGON SUM LA SOGS PAR RTOGS PA'I DON CAN NO, ,MNGON SUM LTAR ZHES BYA BA NI RIG BYED KYI TSIG LAS MNGON SUM GYI SHES PA YIN NO ZHES ZER BAS SO, ,RJES SU DPAG PA YID CHES PA'I GNAS JI LTAR YIN ZHE NA 'BREL PA'I PHYIR RO ZHES BSTAN PA PA NI RJES SU 'GRO DANG ZHES BYA BA'O, ,RJES SU DPAG PA BZHIN DU RIG BYED KYANG 'GYUR RO ZHES ZER BA LA YANG NA ZHES BYA BA'O, ,NGAG LA LOG PAR RTOGS PA BSAL BA'I DON NYID BSTAN PA NI GZHAN LA ZHES BYA BA'O, ,GZHAN DAG GIS MTHONG BA ZHES BYA BA NI LUNG LAS SO, ,BDAG MTHONG BA'I TSIG NI RANG GIS MTHONG BA'I TSIG GO, ,RANG NYID KYIS ZHES BYA BA NI NGES PAR GZUNG BA DANG BCAS PAS GZHAN GYIS MTHONG BA THAMS CAD RNAM PAR BCAD NA RANG NYID KYIS LUNG

LAS GRUB PA'I RTAGS NYID THOB PAR 'GYUR RO ZHES ZER BA NI GAL TE DE LTAR NA ZHES BYA BA'O, ,GZHAN KHO NAS ZHES BYA BA'I NGES PA YIN NA RANG GI MTHONG BA BKAG PAS GNYI GA LA GRUB PA NYID DU 'GYUR BAR BSTAN PA NI MA YIN TE GNYI GAS ZHES BYA BA'O, ,RANG GI BRJOD BYA LAS NI SGRA'I NUS PA YIN LA, GZHAN LA 'JUG PA NI DE'I SHUGS KYIS YIN PAR BSTAN PA NI JI LTAR GNAS PA NYID DO ZHES BYA BA'O, ,DE'I DON ZHES BYA BA NI LOG PAR RTOGS BA BSAL BA'I DON YIN PAR MI RIGS SO ZHES BYA BAR SBYAR RO, ,GANG GI DON DU ZHES BYA BA NI RANG GI BRJOD BYA'I DON DU'O, ,GZHAN NYID KYIS ZHES BYA BA BKAG PAS DE THOB PA'I PHYIR GZHAN GYIS NI PHYIR RGOL BA'O, ,GZHAN GYIS NI RGOL BA POS SO, ,YONGS SU SHES PA NI PHYIR RGOL BA'I'O, ,GZHAN LA NI PHYIR RGOL BA'O, ,RANG GIS NI RGOL BA POS SO, ,GZHAN LA NI PHYIR RGOL BA LA GRUB PAS SO, ,DE NYID DU NI RGOL BA POS YONGS SU SHES PA'O, ,GANG GIS DE LTA YIN PA DES NA'O, ,DON LA RANG GI RTOGS PA MED KYANG RJOD PAR BYED PA BZHIN DU GZHAN GYIS RTOGS PA MA YIN NAM, RTOGS PA YOD NA TSIG 'BYUNG BAR BSTAN PA NI TSU ROL MTHONG BAS ZHES BYA BA STE, RJOD PAR BYED PA NYID LA SOGS PA YANG RANG NYID KYIS MA SHES PA GZHAN GYIS SHES SO ZHES BYA BA NI THA SNYAD LA SOGS PAS SHES PA MA YIN NO ZHES BYA BA'I DON TO, ,RANG GIS KYANG ZHES BYA BA NI DE RTOGS PA YIN TE, LUNG ZHES BYA BA DANG SBYAR RO, ,RANG GIS MTHONG BA GZHAN NYID KYIS MTHONG ZHES BYA BAS LUNG LAS GZHAN GYIS MTHONG BA'I LUNG KHAS BLANGS PA NI JI LTAR YIN ZHES ZER BA LA YONGS BRTAGS ZHES BYA BA STE, RJES SU DPAG PA'I YUL TE GNAS LA SGRUB PA'I RTOGS PAR BYA BA LA TSIG TSAD MA NYID DU 'DOD PA MA YIN TE, STOBS MI MTSUNGS PA'I PHYIR DANG 'BREL PA MED PA'I PHYIR RO, ,DE LTA NA GANG GI TSE DE TSAD MA YIN ZHES ZER BA LA TSAD MA DAG GIS YONGS SU BRTAGS PA'I YUL KHAS BLANGS PA'I PHYIR KHAS BLANGS PA'I NGO BO'I TSAD MA NYID YIN GYI LKOG TU GYUR BA'I DUS NA NI MA YIN NO, ,DE LTA BUR 'DI TSAD MA NYID YIN NA SGRUB PAR BYED PA BZHIN DU BSGRUB BYA LA YANG 'GYUR BA'I RJES SU DPAG PA THAMS CAD TSAD MA YIN TE, LUNG YANG LUNG LAS RJES SU DPOG PAR MI 'GYUR BA

, ,DE NYID KYI PHYIR DE YANG 'BREL PA 'DZIN PAR GRUB PA KHO NA YIN NO, ,MA GRUB NA DE'I TSE TSIG TSAD MA NYID MA YIN NO ZHES BYA BA'I DON TO, ,'GA' LA YANG MA YIN NO ZHES BYA BA NI PHYIR RGOL BA LA YANG NGO, ,RJES SU DPAG PA'I YUL LA ZHES BYA BA NI YONGS SU BRTAGS PA'I DUS NA'O, ,'DI'I YONGS SU BRTAGS PA YANG RANG GI YUL KHO NA LA MA YIN NAM MA YIN TE DE MNGON SUM DANG ZHES BYA BA SMOS SO, ,TSAD MA YIN PA NI YONGS SU BRTAGS PA'I PHYIR RO, ,DE'I YUL LA MA YIN NO ZHES BYA BA NI LUNG GI YUL LA'O, ,THAMS CAD DU ZHES BYA BA NI MNGON SUM LA SOGS PA'I YUL LAS GZHAN LA YANG NGO, ,GRANGS CAN GYI TSIG CES BYA BA NI BDE BA LA SOGS PA SEMS PA CAN MA YIN PA ZHES BYA BA LA SOGS PA'O, ,SGRUB PAR BYED PA NI TSAD MA'O, ,GZHAN LA YANG DE MA GRUB PA YIN TE, PHYIN CI LOG PA'I BSGRUB PAR BYA BA RTOGS PAS DE'I TSE LUNG DE BOR BA'I PHYIR RO ZHES BSTAN PA NI LUNG LA GNOD PHYIR ZHES BYA BA'O, ,BLO LA BRTEN PA'I CHOS DANG CHOS CAN GYI RIGS PAS THAMS CAD MI DMIGS PAS MED PAR RTOGS NA, TSAD MAS GRUB PAS GNOD PA YIN NA YANG CHU LON GYIS CI ZHIG DGOS ZHES BYA BA LTA BUR 'GYUR TE, SEMS PA CAN MA YIN PA LA BRTAGS PA LAS GZHAN PA'I TSAD MA MED DO ZHES BYA BA'I DON TO, ,DE'I TSE ZHES BYA BA NI SGRUB BYED LAS BSGRUB BYA RTOGS PA'I DUS NA'O, ,TSAD MA MIN PA NI SNGA MA YANG YIN TE DUS GZHAN NA YANG GNOD PA YOD PA'I PHYIR RO, ,BSGRUB BYA MED NA MI 'BYUNG BA NYID RTOGS NA YANG NGO, ,DE BAS NA NI TSAD MA MA YIN PA'I PHYIR RO, ,DES NI LUNG GIS SO, ,MA LUS GRUB MA YIN ZHES BYA BA NI GRUB BYED KYANG NGO, ,KHAS BLANGS PAS BYAS PA YANG DE YIN LA, ,TSAD MA'I DNGOS PO YANG DE LA YIN PA DE NI LUNG GI TSAD MA YIN LA, DE ZHES BYA BA NI KHAS BLANGS PA'O, ,DE'I ZHES BYA BA NI LUNG GI'O, ,DE LA RAG LAS PA ZHES BYA BA NI KHAS BLANGS PA LA RAG LAS PA'O, ,BDAG NYID THAMS CAD NI TSAD MA CIG SHOS NYID LA SOGS PA'O, ,MTSANG NI SBA BAR BYA BA STE MI SHES PA ZHES BYA BA'I THA TSIG GO, ,DE LTA MOD KYI ZHES BYA BA NI SGRUB PAR BYED PA MI SHES KYANG NGO, ,SKYON CI YOD CES BYA BA NI BSGRUB PAR BYA BA SHES PA'I PHYIR RO, ,RTOGS PAR BYA PA'I SKYON

YANG MED DO ZHES ZER BA NI RANG LA GRUB PA'I ZHES BYA BA STE PHYIR RGOL BA LA GRUB PAS SO, ,DES NA ZHES BYA BA NI RGOL BA PO'AM RTAGS KYIS SO, ,JI STE 'DI ZHES BYA BA NI GRANGS CAN NO, ,RGOL BA RTAG PA MA YIN NO ZHES BYA BA NI NGO ZLOG PAR ZHES BYA BA'O, ,GZHAN KHO BO'I SGRUB BYED LA RTOGS PAR MI SHES NA JI LTAR RJOD PAR BYED CES BSTAN PA NI GANG ZHIG GZHAN GYIS ZHES BYA BA'O, ,MA RTOGS PAR NI MA RTOGS PA LAS SO, ,JI LTAR RTOGS PA NI PHYIR RGOL BAS SO, ,RTOGS PA TZAM LAS RTOGS PAR BYED PA MA YIN PAR BSTAN PA NI NGA YIS KHYOD KYI ZHES BYA BA STE, BSLUS NAS KYANG ZHES BYA BA 'BREL PA MED PAR SMRAS PAS SO, ,RTOGS PAR BYED PA 'DI LA RTOGS PA MED PA DE'O, ,RANG GIS RTOGS PA MED PA NI RGOL BA STAN PAR BYED PAR MI 'GYUR TE, GAL TE PHYIR RGOL BA GZHAN KHAS MI LEN PA STE, ,SGRUB PAR BYED PA ZHES BYA BAR SBYAR RO, ,PA RGYAL KHAS LEN PAR 'GYUR RO ZHES ZER BA LA BDAG NYID NYAMS PAR BYED PA SU YOD CES BYA BA'O, ,RANG NYID TSAD MAS ZHES BYA BA NI RGOL BAS RTOGS NA'O, ,KHAS MI LEN PAS ZHES BYA BA NI PHYIR RGOL BA'O, ,GZHAN MI BDEN PAR SMRA BA NI RTOGS NAS KHAS MI LEN PA'I PHYIR RO, ,NUS PA LAS 'DAS NAS MA BYAS PAS ZHES BYA BA NI NUS PA MED PAS MA BYAS NAS SNYING RJES MED PA'I BDAG NYID MI 'GYUR RO ZHES BYA BAR SBYAR RO, ,PHYOGS SU LHUNG BA DANG BRAL BA'I NYAN PA PO YIN NO ZHES ZER BA LA THAMS CAD RTZOD PA ZHES BYA BA'O, ,PHAN TSUN LTOS PA'I PHYIR RO ZHES BYA BA NI RTZOD PA MA YIN NO ZHES BYA BAR SBYAR TE, NYAN PA PO GCIG MA YIN NO ZHES DGONGS PA'O, ,DE LTA NA NI GTAN LA BAB PA KHO NA YIN PAR BSTAN PA NI DE LTA NA NI ZHES BYA BA'O, ,BSGRUB BYA'I RJES SU 'GRO BA'I SGRUB BYED RTOGS BZHIN PA YANG LUNG LAS KHAS BLANGS PA MA BOR BA YIN NO ZHES ZER BA LA, GAL TE LUNG DE LDAN LA GRUB, ,CES BYA BA'O, ,DE BOR NA RJES SU 'GRO BA MA YIN NO ZHES ZER BA LA GANG GI ZHES BYA BA'O, ,RJES SU 'GRO BA'I DON DU DE BOR PHAN MA GRUB PA NYID YIN NO ZHES ZER BA LA TSAD MAS GNOD LA ZHES BYA BA'O, ,DES ZHES BYA BA NI SGRUB PAR BYED PAS SAM, RGOL BAS SO, ,SNANG BA MI SHES NA ZHES BYA BA NI LUNG LA GNOD PA'I PHYIR RO, ,SGRUB PAR BYED PA'I NGAG TSAD MAR KHAS

, ,BLANGS NAS DE DANG 'GAL BA'I NGAG GZHAN LUNG MA YIN PA BOR BA MA YIN NAM, DPER NA SKYE DGU'I BDAG POS CHU LHA LA RTA BYIN PA STER BA PO'I NYE BAR RTZOM PAS RTA LEN PA'I CHU LHA GANG YIN PA DES GNOD PA BLANGS PA'I PHYIR LEN PA PO NYAMS PAR GYUR PA ZHES ZER BA LA DE DANG 'GAL BA KHAS LEN PA ZHES BYA BA NI BSGRUB BYA'I DUS NA'O, ,DE NYID KYIS NI SGRUB PAR BYED PA'I DUS KYIS SO, ,NYAMS PA MI BDEN NYID NI RTZOM PA PO LA YANG NUS PA MTSUNGS PA'I PHYIR 'DIS NI RJES SU DPAG PAR BYA BA'I TSIG BRJOD PA YIN NO, ,'ON TE BYE BRAG PA'I LUNG LAS GNYI GA GRUB PA NYID YIN NO ZHES ZER BA LA DE LAS GZHAN PA ZHES BYA BA STE, SANGS RGYAS PA LAS GZHAN PA BYE BRAG PA DANG GRANGS CAN LA SOGS PA'I BSGRUB BYAR KHAS LEN NA, DE ZHES BYA BA SANGS RGYAS PA DOR BA'I YAN LAG KHYAD PAR GANG GI YIN PA DE DOR BAR BYA BA NI TSAD MA YIN TE ZHES BYA BA STE, GTAN TSIGS KYI NGO BO DANG RJES SU 'GRO BA DAG MI 'GRUB PO ZHES BYA BA'I DON TO, ,'GREL PA NI GSAL BA YIN NO, ,RTOGS MIN NA ZHES BYA BA NI YANG DAG PA'I SGRUB BYED MA BRJOD NA'O, ,SKAL LDAN YANG NI NUS PA CAN YANG NGO, ,'DI NI ZHES BYA BA NI LAN YIN NO, ,DE'I PHYIR RANG GI RTOGS PA SGRUB PAR BYED PA NYID GZHAN GYI YANG SGRUB PAR BYED PA BSTAN PA NI RANG RTOGS ZHES BYA BA'O, ,DE LUNG LAS GZHAN PA GANG ZHIG YIN ZHES ZER BA LA RIG PA ZHES BYA BA STE, LUNG GI TSAD MA NYID KHAS BLANGS PAS BYAS PA YIN TE RANG NYID DON DANG 'BREL PA LA SOGS PA MED PA'I PHYIR KHAS BLANGS PA'I RTZA BA CAN GYI TSAD MA NYID NI DE MED NA KHAS BLANGS PA'I PHYIR RO ZHES BYA BA'I DON TO, ,'DI'I YANG ZHES BYA BA NI BSGRUB BYA'I STE DE 'DZIN NA DE'I YUL CAN GYI LUNG YANG TSAD MA MA YIN PA'I PHYIR RO, ,'GREL PAR NI 'DI'I YANG ZHES BYA BA STE SANGS RGYAS PA'I BSGRUB BYA 'DZIN PAR BYED PA'O, ,RANG GI BSGRUB PAR BYA BA'I SEMS PA CAN RNAL 'BYOR PA'I RTOGS BYA NYID LA YANG TSAD MA GZHAN RTZA BA YIN TE, GANG GIS 'GRUB PA BSGOMS PAS RNAL 'BYOR PA NYID YIN PAR BSTAN PA NI SNGAR NI SGRUB BYED CES BYA BA'O, ,SNGAR RNAL 'BYOR PA MA YIN PA NA GANG DAG GIS ZHES BYA BA SEMS PA CAN DANG CIG SHOS SGRUB PAR BYED PA BSGOMS PA RNAMS KYIS DBANG PO PHUL DU BYUNG BA

DANG RTOGS PA STE, KHONG DU CHUD PA DE LAS DE DAG SKYE BA'O, ,YANG NI RTOGS PA NI NGES PA BRJOD PA STE, KHONG DU CHUD PA NAN TAN DU BYED PA'O, ,GZHAN DAG NI MNGON SUM YIN NO ZHES ZER RO, ,DE'I NI SANGS RGYAS PA'O, ,DON NUS NI SEMS PA CAN DANG CIG SHOS BYA BA LA SOGS PA'O, , GZHAN DAG NI BSGRUB BYA DANG SGRUB BYED KYI NUS PA YIN NO ZHES ZER RO, ,BSGRUB BYA NI SEMS PA CAN YIN NA DE LA CI'I PHYIR NUS PA MED CES BYA BA NI RGYAL BA CAN GYI'O, ,DBANG PO NI BSGRUB BYA YIN LA DE SGRUB PAR BYED PA NI THABS YIN NO, ,DE'I NUS PA'I SHES PA LA NUS PA YANG ZHES BYA BA NI GNAS SKABS MA YIN TE, TSAD MAS MTHONG BA BSGOMS PAS MNGON DU BYED PA NI RNAL 'BYOR PA NYID YIN GYI GZHAN NI MA YIN ZHES BYA BA'I DON TO, ,ME'I SPYIN SREG GIS MTHO RIS SGRUB PAR BYED PA NYID BZHIN DU SEMS CAN MA MTHONG BA DANG 'BREL PA NYID KYIS SHES SO ZHES ZER BA LA, GANG YANG RJES 'GRO RNAM CHAD CAN, ,ZHES BYA BA STE, DPE LA RJES SU 'GRO BA MI 'DZIN PA'O, ,DBANG PO LA SOGS PA RJES SU 'GRO BA RNAM PAR CHAD PA MA YIN NAM, JI LTAR GRUB PAR BYA BA YIN ZHES ZER BA LA SPYIS KYANG ZHES BYA BA'O, ,'BRAS BU NI BYED PA'I SGRUB BYED DO, ,BUM PA LA SOGS PA'I SHES PA YANG DE LTA YIN PA'I PHYIR CIS RJES SU 'GRO BA MTHONG BA YIN GYI MI RTAG PA'I SEMS PA CAN GYIS MA YIN NO, ,BSGRUB BYA DANG SGRUB BYED DPYOD PA NI GO BYA GO BYED LA DPYOD PA'O, ,'GREL PA NI GSAL LO, ,KHYAD PAR GYI ZHES BYA BA NI SEMS PAR BYED PA ZHES BYA BAR SBYAR RO, , KHAS BLANGS PA TSAD MA'I RTZA BA CAN CI'I PHYIR YIN KHYAD PAR GYI RTZA BA CAN YANG TSAD MA MA YIN NAM ZHES ZER BA LA SKYES BU'I ZHES BYA BA STE, TSAD MA NI KHYAD PAR CAN DANG CIG SHOS NYID NI TSAD MA MA YIN NO ZHES BYA BA'I DON TO, ,BSAM PA'I DBANG GIS ZHES BYA BA NI DE TZAM GYI DBANG GIS SO, ,DE NYID MIN ZHES BYA BA NI TSAD MA DANG CIG SHOS NYID RNAM PAR GZHAG PA'O, ,SNANG MED 'GYUR ZHES BYA BA NI LA LA'I BSAM PAS TSAD MA MA YIN PA DE'I PHYIR GTAN TSIGS MA YIN PA DANG, GZHAN DAG RTOGS PA LAS NI TSAD MA YIN PA DE'I PHYIR DER SNANG BA MA YIN NO, ,CI LAS SHE NA DE NI ZHES BYA BA NI BSAM

, ,PA'O, ,DNGOS RTEN MIN NI TSAD MA LA MI RTEN PA'I PHYIR DANG RANG NYID TSAD MA MA YIN PAS 'GAL BA'I PHYIR DANG GCIG NYID LA TSAD MAS GNOD PA'I PHYIR RO, ,SKYE BA'I PHYIR DANG MI RTAG PA'I PHYIR RO ZHES BYA BA'I SHES PA'I NI 'JIG RTEN THAMS CAD LA GRUB PA'I SHES BYA NYE BAR GZHAG PAR BYED PA'I MNGON SUM BZHIN DU SGRUB PAR BYED PA MA YIN NAM ZHES ZER BA LA DON YOD CES BYA BA STE, MNGON SUM PA LA SOGS PA'I DU BA LA SOGS PA'O, ,MED PA ZHES BYA BA NI RGOL BA NYID KYIS TSAD MA MA YIN PA NYID DU KHAS BLANGS PA'I PHYIR RO, ,DE'I PHYIR 'JIG RTEN THAMS CAD KYIS NGES PAR GZUNG BA'I SNGAR MTHONG BA NGO SHES PA 'DI LAS BDAG MED PAR SMRA BA LA GNOD PAR 'GYUR BA YIN NO ZHES BYA BA NI MI RIGS SO, ,YANG DAG PA'I SGRUB BYED KYANG BSGRUB BYA YIN PA NI GANG LAS CI NAS KYANG 'GRUB PAR 'GYUR BA THAMS CAD SHES PA NYID LA SOGS PA MA YIN NAM ZHES ZER BA LA YOD KYANG ZHES BYA BA STE; DNGOS PO MA YIN PA SGRUB BYED MA YIN PA'O, ,MED PA RTOGS DANG MTSUNGS ZHES BYA BA NI SBRANG MA'I TSOGS LA SOGS PA LAS ME RTOGS PA LTA BU'O, ,DE LTA YIN NA THAMS CAD SHES PA NYID DANG SKAD CIG MA NYID DANG THAMS CAD STONG PA NYID CES BYA BA JI LTAR YIN ZHES ZER BA LA RANG BZHIN DANG ZHES BYA BA STE, RANG BZHIN NI SKAD CIG MA NYID DO, ,'DOD CHAGS DANG BRAL BA SGRUB PAR BYED PA LA 'BRAS BU YIN ZHING, THAMS CAD MKHYEN PA NYID LA NI BDEN PA STE MA NOR BAR STON PA'O, ,BDEN PA MTHONG BA LA GZUNG BA DANG CIG SHOS LA SOGS PA MA MTHONG BA NI STONG PA LA'O, ,'BREL DE DNGOS LA ZHES BYA BA NI RANG BZHIN GYIS BSGRUB BYA LA 'BREL PA'O, ,GRUB PA YIN PA NI MNGON SUM LA SOGS PA'O, ,RANG LA STE RGOL BA SANGS RGYAS PA LA CI'I PHYIR MA GRUB PA STE, GANG GIS PHA ROL POS KHAS BLANGS PA SGRUB BYED DU 'GYUR, BDEN TE GRANGS CAN GYI YANG RMI LAM GYI SHES PA DE LTA BU'I RNAM PA CAN NYID SGRUB BYED YIN NO ZHES ZER BA LA GZHAN GYIS KYANG ZHES BYA BA STE RTOGS PAR BYA BAS SO, ,'GREL PA NI GSAL BA YIN NO, ,GZHAN GYIS BRTAGS PA YIS ZHES BYA BA NI RIM GYIS BYED PA NYID YIN NA MI RTAG PA NYID YIN NO, ,GZHAN DU NA CIG CAR BA YIN ZHES BYA BA LA SOGS PAS BDAG LA SOGS PA LA THAL BAR 'GYUR BA NI

CHOS CAN MA GRUB NA KHYED KYI YANG SGRUB BYED JI LTAR YIN TE, MA NGES PA'I PHYIR RO ZHES ZER BA LA GNYIS 'BREL PHYIR ZHES BYA BA LA, CHOS GNYIS CHOS CAN GZHAN LA KHYAB BYA KHYAB BYED KYI NGO BO YIN PA'I PHYIR RO, ,GCIG STE KHYAB BYED MED NA GZHAN TE KHYAB BYA DGAG PA'I DON DU'O, ,KHA CIG NA RE CHOS CAN LA MED PA YIN NA YANG SGRUB BYED NYID DANG CIG SHOS KYANG 'GAL BA MA YIN NO ZHES ZER RO, ,SHING MED NA SHA PA MED PA DE BZHIN DU NI MA YIN TE RUNG BA MA YIN PA'I MA DMIGS PA LAS MA NGES PA'I PHYIR RO, ,KHYAD PAR LA RUNG BA MA YIN ZHING SPYI LA RUNG BA NYID KYI SA PHYOGS LA NI NGES PAR BRJOD PA DE'I PHYIR MA BSTAN PA'I YUL LA KHYAB BYED MED NA, GNOD PAR BYED PAS KHYAB PA GRUB PA LA 'DI DGOS PA YIN ZHES BYA BA NI RGYAL BA CAN GYI'O, ,GNYIS NI CHOS TE 'BRAS BU DANG RANG BZHIN YIN LA, 'BREL PA STE RAB TU 'BREL PA CHOS CAN GZHAN LA GRUB PA'I PHYIR THAL BAR 'GYUR BA MA YIN TE, DPER NA BYED PA PO NYID LA RIM PA DANG RIM PA MA YIN PA DAG GIS KHYAB PA BUM PA LA SOGS PA LA YIN PA BDAG LA SOGS PA LA YANG THAL BAR 'GYUR RO, ,RIM PA MA YIN TE SKAD CIG RE RE ZHING GZHAN NYID YIN PAS MI RTAG PA NYID YIN TE RTAG PA NYID DANG 'GAL BA'I PHYIR RO, ,SGRO BTAGS PA YANG 'GAL BA'I YUL YIN TE, YOD PA DANG MED PA LTA BU'O, ,CIG CAR NYID YIN NA YANG SKAD CIG GZHAN LA BYED PA PO NYID MA YIN PAS MED PA NYID YIN PA'I PHYIR SGRUB BYED MA YIN TE, MA GRUB PA'I CHOS CAN LA NGES PA MED PA'I PHYIR RO, ,KHYAB PA NI MA NGES PA'I YUL CAN YIN TE DE DAG MED NA 'ANG DE MED CES BRJOD PA LAS KYANG DE RTOGS PHYIR ZHES GSUNGS PA'O, ,GTAN TSIGS MED NA CHOS CAN MI 'GYUR BA'I PHYIR RTZA BA LAS BYUNG BA'I RTZA BA CAN NI GNOD PAR BYED PA NYID YIN TE, DPYOD PA RTZOM PA NA BYUNG BA'I PHYIR DE'I KHYAB PA BZLOG NAS STON PA NI THAL 'GYUR MI NA NO, ,YUL DANG DUS DANG GNAS SKABS KYI KHYAD PAR RNAM PAR NGES PA GCIG DANG 'DRES PA LAS RNAM PAR BCAD PA MA YIN PA'I RANG BZHIN GZHAN MED PA'I PHYIR ZHES BYA BAS GCIG DANG DU MA'I NYID DAG LA GCIG DANG SNA TSOGS PA LA 'JUG PA NYID KYIS KHYAB PA'O, ,THA MI DAD PA YIN NA GCIG KHA BSGYUR BAS THAMS CAD KHA BSGYUR BAR 'GYUR

, ,ZHES BYA BA LA SOGS PA GNOD PAR BYED PA STON PA YIN LA, DE NYID KYIS DE ZLOG PA LA MTHAR THUG PA BSTAN PAR BYA BAR BRJOD DO, ,SNA TSOGS PA LA 'JUG PA NYID SNA TSOGS PA NYID KHO NA LA MA YIN PA LA MA YIN NAM KHYAB PA CAN NYID LA YANG YOD PA'I PHYIR RO, ,DE'I PHYIR DU MA NYID LA SNA TSOGS LA 'JUG PA NI 'GAL BA KHYAB PA YIN NO ZHES ZER BA NI GAL TE GCIG YIN YANG ZHES BYA BA'O, ,DUS LA KHYAB PA LA MNGON SUM GNOD PAR BYED PA YIN PAR BSTAN PA NI, MA YIN TE DUS DU MA DANG ZHES BYA BA'O, ,DE LTA MIN NA KHYED KYIS KYANG SNGON DANG PHYI MA NGI LTAR RTOGS PA ZHES ZER BA LA SNGON DANG PHYI MA'I ZHES BYA BA'O, ,DUS LAS MTHONG BA MED PA'I PHYIR RTOG PA MED PAR BSTAN PA NI DE'I DUS SU ZHES BYA BA'O, ,DUS MED PA'I PHYIR NI MA MTHONG BA'I PHYIR RO, ,THA SNYAD NI RNAM PAR RTOG PA'O, ,YOD KYANG NI MTHONG KYANG NGO, ,DUS THA DAD PA'I PHYIR ZHES BYA BA NI 'DAS PA LA SOGS PA NYID KYIS SO, ,GCIG NYID DU KHAS LEN NA THA DAD PA DANG 'GAL BA MA YIN PAR BSTAN PA NI RTAG DANG ZHES BYA BA'O, ,LHAN CIG SPYOD PA ZHES BYA BA NI R'A MA DANG, R'A MA NA LA SOGS PA LHAN CIG SPYOD PA RNAMS SO, ,DE BZHIN PHYIR NI 'DAS PA LA SOGS PA NYID KYI PHYIR RO, ,PHAN TSUN DU ZHES BYA BA NI LHAN CIG SPYOD PA RNAMS RANG GIS DE LTA BU NYID YIN NA DUS SU RTOG PA MED DO, ,DE LTA BU NYID MA YIN NA YANG GCIG GIS GZHAN GYI GSAL BA DE JI LTAR YIN ZHES ZER BA LA GNYIS PO LHAN CIG 'BYUNG NA NI ZHES BYA BA'O, ,DUS SU RTOGS PAR BYED KYANG DE LTA BU'I KHYAD PAR GYI NGO BO KHAS LEN PA YIN NO, ,GZHAN DU NA RGYU MTSAN MED PA'I PHYIR RO ZHES BSTAN PA NI 'DAS PA'I DNGOS PO ZHES BYA BA'O, ,DNGOS PO LA YOD PA'I NGO BO DE CI ZHIG YIN ZHES ZER BA LA RGYU YOD PA DANG ZHES BYA BA STE SNGAR RO, ,'BRAS BU YOD NA ZHES BYA BA NI DE LTA BA'O, ,DE MED PA LAS NI MED PA LA NI 'BYUNG BAR 'GYUR BA STE, DUS LA SOGS PA MI DMIGS PA BZHIN PA MA YIN PA YANG SNGA MA LA SOGS PA NYID DMIGS PA KHO NA YIN NO ZHES BYA BA'I DON TO, ,BYAS SO ZHES BYA BAS BYA BA DANG RDZAS KYANG YIN LA, YUN RING PO ZHES BYA BA NI DE LA MA GTOGS PA'I DUS YIN NO SNYAM DU SEMS PA NI 'ON TE YUN RING ZHES BYA'O, ,GZHAN GYIS ZHES BYA BA NI KHYAB PA CAN GYIS SO, ,DE LTA BUR GYUR PA ZHES BYA BA NI KHYAB

PA CAN LA'O, ,BYAS SO ZHES BYA BA NI SPYI YIN ZHING YUN RING PO ZHES BYA BA NI DE'I KHYAD PAR YIN TE, AUTPALA SNGON PO LTA BU'O ZHES BSTAN PA NI GZUNG BA'I RANG BZHIN ZHES BYA BA'O, ,DON 'DI DUS NI ZHES BYA BA'I RGOL BA'I BSHAD PA NI YUN RING BA DANG MYUR BA NI ZHES BYA BA LA SOGS PA STE DNGOS PO LAS DUS GZHAN PA'O ZHES BYA BA'I DON TO, ,YUN RING BA DANG MYUR BA LA SOGS PA THA DAD PA'I RJES SU 'BRANG BA'I DON GYI YIN GYI GCIG PA NYID DU GYUR PA NI MA YIN NO ZHES BSTAN PA NI, YUN RING MYUR SOGS DBYE BA NI, ,ZHES BYA BA'O, ,KHYAD PAR YANG BYA BA LA YOD PA YIN PAR BSTAN PA NI YUN RING LA SOGS ZHES BYA BA'O, ,BYED PA NI BYA BA'O, ,BYED PA PO LAS ZHES BYA BA NI BYED PA'I GNAS SKABS PAS SO, ,TSAD MA YIS ZHES BYA BA NI RTOG PA MED PA STE DE MA YIN PA LAS LOG PAS NI RTOG PA YIN NO ZHES BYA BA'I DON TO, ,RGYUG PA NI 'GRO BA STE DE'I GNAS SKABS KYI SHES PA NYID LAS 'BYED BZHIN PA DANG CIG SHOS DAG LA GCIG TU ZHEN PA'I PHYIR RO, ,BAG CHAGS CAM LAS BYUNG BA'I RJES SU 'GRO BA DANG LDOG PAR BYED PA'I BYA BA'O, ,GAL TE THA DAD MED NA ZHES BYA BA PHYOGS RJES SU BRJOD NAS MI 'GYUR ZHES BYA BA NI SKYON BRJOD PA'O, ,DE LTAR ZHES BYA BA NI BYA BA DANG LDAN PA STE LDOG PA'O, ,GZHAN YANG ZHES BYA BA NI RJES SU LDOG PA'O,, SNGAR ZHES BYA BA NI 'CHAD PA PO'I BYED PA'I YUL ZHES BYA BA DER RO, ,RTAGS LA SOGS ZHES BYA BA NI RTAGS MED PA DANG GRANGS MED PA LA SOGS PA NI MED PAR GYUR PA'I MTSAN NYID YIN PA'I PHYIR RO NGO BO MED PA YIN NO ZHES BYA BA'I DON TO, ,DE KHO NA NYID MA YIN ZHES BYA BA NI DNGOS PO LAS THA DAD PA MA YIN PA'O, ,TSIG PHRAD KYI DBYE BAS DNGOS PO'I DBYE BA NI TSIG PHRAD JI SNYED PA'O ZHES BSTAN PA NI JI LTAR ZHES BYA BA STE, BYA BA'I KHYAD PAR GSAL BAR BYED PA YUN RING BA LA SOGS PA RNAMS YIN TE, DE LTAR ZHES BYA BA LA SOGS PA LTA BU'O ZHES BYA BA'I DON TO, ,DE'I RTEN ZHES BYA BA NI KHRA BO LA SOGS PA'O, ,GCIG LA LUS PAS THA MI DAD PA GZHAN LA THA MI DAD PAR MI 'GYUR BAR BSTAN PA NI DER ZHUGS PA NI ZHES BYA BA'O, ,THAMS CAD CES BYA BA NI RTEN GZHAN YANG NGO, ,DE'I RNAM PA CAN GYI BLO DANG GSAL BA YANG RIG PA'I YUL YIN GYI GZHAN MA YIN PAR BSTAN PA NI BLO

, ,RNAMS ZHES BYA BA'O, ,'DI'I DON NI GSAL BA DANG BLO ZHES BYA BA DE LTA BU'I NGO BO'I SGRA'I DON BRJOD BYA GANG YIN PA DE'I STE RNAM PAR DPYAD NA ZHES BYA BAR SBYAR RO, ,RNAM PA GNYIS SU NI GNYIS NYID DU'O, ,RANG GI NGO BO NI BLO'I'O, ,DE'I TSE NI DE'I BLO'I DUS NA'O, ,SNANG BA NYID CES BYA BA NI RTOG PA MED PA'I RTOGS PAS GNYI GA'I BDAG NYID KYI DNGOS PO YANG 'DZIN PA'O, ,GANG GI PHYIR SNGON PO NI SNGON PO MA YIN PA LAS BZHIN DU SNGON PO GZHAN LAS KYANG LDOG PAR RTOGS PA YIN NO ZHES BYA BA'I DON TO, ,SNGON PO YANG DE'I GZHAN BA LAS SNGON PO MA YIN PA LAS BZHIN DU DE MA YIN PA LAS LOG PA LAS BYUNG BA'I RNAM PAR RTAG PA MA GTOGS PAR THA DAD PA NYID DU MA MTHONG BAR BSTAN PA NI RANG LTA'I PHYOGS SU ZHES BYA BA'O, ,BLO 'DI NI BLO MED KYI ZHES BYA BAR SBYAR RO, ,DE DANG THA MI DAD PA'I MTSAN NYID CES BYA BA NI LKOG SHAL LA SOGS PA LAS THA MI DAD PA'I NGO BO'O, ,DE LTAR MNGON SUM GYIS GZUNG BA MED PHYIR NI DU MA NYID DU 'DZIN PA'I PHYIR RO, ,GSAL BA THAMS CAD RNAM PA GCIG YIN NO SNYAM DU SEMS PA LA GCIG PHYIR ZHES BYA BA'O, ,GSAL BA THAMS CAD LA RNAM PA GCIG TU SHES PA NA GSAL BA THAMS CAD 'DZIN PAR 'GYUR TE, DE'I RNAM PA DANG LDAN PA DANG GSAL BA RNAMS THA MI DAD PA'I PHYIR RO;; GZHAN NI ZHES BYA BA NI GSAL BA GZHAN LA GNAS PA'I SPYI'I NGO BO, DE YI BDAG NYID KHO NA LAS, ,ZHES BYA BA NI GZUNG BA'I RNAM PA LAS THA MI DAD PA LAS SO, ,DE BDAG NYID NI SNGA MA'I RNAM PA'I BDAG NYID KYIS SO, ,DE'I BDAG NYID CAN NI LKOG SHAL LA SOGS PA'I YANG YIN GYI DE'I BDAG NYID MA YIN PAS NI MA YIN NO, ,DE DE'I BDAG NYID NYID YIN PA NI GZHAN GYI YANG GZHAN DU YIN GYI DE YANG DE LTAR MI 'GYUR BAR ZHES BYA BA'I RIGS PA'O, ,BRGYUD PA ZHES BYA BA'I BSHAD PA NI DE BDAG NYID KYI ZHES BYA BA'O, ,DE DANG THA MI DAD PA ZHES BYA BA NI RNAM PA DANG THA MI DAD PA'O, ,DE LAS GZHAN NI RNAM PA GZHAN TE GSAL BA GZHAN LA GNAS PA'O, ,DE DANG THA MI DAD PA'I PHYIR NI SNGAR GZUNG BA'I RNAM PA LAS THA MI DAD PA'I PHYIR TE, MI 'GYUR RO ZHES BYA BA RNAM PA GZHAN NYID CES BYA BA DANG SBYAR RO, ,RNAM PAR BSHAD PA BYED PA NI SBYOR BA SMRA BA PO MU STEGS SHA BA RA'O, ,GCIG LA ZHIG PAS NI ZHES BYA BA NI SPANGS PA YIN PAR

LAN BTAB PA YIN NO, ,RNAM PA DANG LDAN PA'I YON TAN LA SOGS PA LAS RNAM PA THA DAD PA MA YIN NO ZHES ZER BA NI 'ON TE ZHES BYA BA'O, ,DBYE BA BYED PA'I THA DAD PA NI RNAM PA'I YANG YIN PAR BSTAN PA NI RNAM PA LA YANG ZHES BYA BA STE, THA MI DAD PA YIN NA RNAM PA DANG LDAN PA'I NGO BO NYID THA DAD PA YIN NO ZHES BYA BA'I DON TO, ,THA DAD PA MA YIN PA'I YON TAN YANG DE DANG LDAN PA'I DBYE BA BYED PA KHO NA MA YIN NAM ZHES ZER BA NI THA DAD MIN PHYOGS ZHES BYA BA STE, YON TAN DANG YON TAN CAN DAG GO, ,THA DAD NI KHYAD PAR CAN GYI SPYI'O, ,GZHAN DU NI KHYAD PAR MED NA'O, ,THA DAD MED CES BYA BA NI GSAL BA DANG RNAM PA'I'O, ,THA DAD PA LAS ZHES BYA BA NI NAG PO LA SOGS PA LAS SO, ,DE BSHAD PA NI RNAM PA DANG LDAN PA ZHES BYA BA'O, ,YON TAN RNAMS ZHES BYA BA NI RTEN PA RNAMS SO, ,RIGS PAS THAMS CAD KYI BDAG NYID KYI SNANG BA SGRUB PA NI RTOGS PAS GNOD PA YIN PAR BSTAN PA NI THAMS CAD CES BYA BA'O, ,GNOD PA LA RIGS PA BSTAN PA NI RGYU LAS ZHES BYA BA'O, ,SKYES PAR GYUR PA ZHES BYA BA'I SKYES PA NI BYUNG BA'O, ,GAL TE ZHES BYA NI KHAS BLANGS PA YIN NA'O, ,'DI THOB PAR 'GYUR BAR BSTAN PA NI DE NYID CES BYA BA'O, ,GSAL BA NI MNGON PAR GSAL BA'O, ,YANG GSAL BA NI KHYAD PAR YIN TE KHRA BO LA SOGS PA LTA BU YIN GYI GSOG NI MA YIN TE, THAMS CAD STONG PAR 'GYUR BA'I PHYIR RO ZHES BSTAN PA NI 'DIR NI 'DI NI ZHES BYA BA'O, ,RGYU LA NI GTZO BO LA'O, ,YOD PHYIR RO ZHES BYA BA NI NUS PA'I NGO BOR RO, ,GZHAN NYID CES BYA BA NI GSAL BA'O, ,SNGAR LHA GSOL BAR MTHONG BA'I RANG GANG GI YIN PA DE'I'O, ,DE NI THA SNYAD LA ZHES BYA BA NI SNGA NAS 'DUG PA'O, ,SNGON PO NI SNGON PO MA YIN DU SNGON GZHAN KYANG THA MI DAD PAR DMIGS PA KHO NA YIN PAR BSHAD PA NI DE BZHIN DU DUS MTSUNGS PA ZHES BYA BA'O, ,MNGON SUM MED PA'I PHYIR GZHAL BYA MED PA YIN YANG SHES PA MTSUNGS PA YIN PAR BSTAN PA NI RTOGS PA 'DI NI ZHES BYA BA'O, ,RNAM PA MTSUNGS PA NYID CES BYA BA NI THA DAD PAR ZHES BYA BAR SBYAR RO, ,DE NI RTOGS PA CAM ZHES BYA BA NI MTSUNGS PA'I RNAM PA CAN NYID KYI SHES PA STE, GZHI MTHUN PA'I PHYIR DE'I RTAGS NYID DO, ,ZHEN PAR BYA BA'I RNAM PA DE ZHEN PA LAS PHYIR ROL NYID MA YIN

, ,NAM ZHES ZER BA LA RTOGS PAR BYA BA'I ZHES BYA BA'O, ,DE 'DRA'I DNGOS MIN RIG MIN PHYIR SNANG BZHIN PA MA YIN PA'I GZUNG BA NYID LA DMIGS PA MED PA NYID KYIS KHYAB PA NI SNGA MA PHYI MA'I KHYAD PAR DANG SPYI'I SHES PA MTHONG BAR BSTAN PA NI, MTSUNGS PA'I RNAM PA'I RTOGS PA GANG ZHES BYA BA'O, ,SNGON DANG PHYI MA'I KHYAD PAR DAG MTSUNGS PA'I RNAM PA'I SHES PA GANG GI YIN PA DE BZHIN NO, ,DE ZHES BYA BA NI BA LONG NGO ZHES BYA BA'O, ,THAMS CAD CES BYA BA NI RTA NGANG PA DANG BA KHRA BO LA SOGS BA'O, ,JI LTAR SKYE ZHES BYA BA LA KHA CIG NYID DU ZHES BYA BA NI LHAG MA'O, ,SPYI MED PA NI MTSUNGS PA MA YIN PA'I PHYIR RO, ,KHYAB PAR BYA BA 'AM KHYAB PAR BYED PA MED NA NI MA GRUB PA'I CHOS CAN LA MA NGES PA'I PHYIR SGRUB BYED MA YIN PA MA YIN NAM ZHES ZER BA NI GAL TE SPYI GSAL BA ZHES BYA BA STE, RANG BZHIN GZHAN MA YIN PA'I PHYIR RO, ,'DI NI THAL BA ZHES BYA BA NI BSGRUB PAR BYA BA DANG THOB PAR 'GYUR BA YIN NO, , GZHAN GYI DON RJES SU DPAG PA LA NGES PA BRJOD PA'I PHYIR CI ZHIG NGES PAR BYAS ZHES ZER BA LA GNYI GA 'BREL PA'I PHYIR GCIG YOD NA GZHAN 'THOB PA YIN LA GZHAN MED PAR KHAS LEN NA DE YANG MED DO ZHES BYA BAS THOB PAR 'GYUR RO, ,MIN NA ZHES BYA BA NI RTOGS PA'O, ,LDOG PA 'BRAS BU YIN PA'I PHYIR MA NGES PA LA RJES SU DPAG PA 'BREL PA'I RTZA BA CAN YIN PA'I PHYIR LUNG GI DON RNAMS LA PHAN TSUN 'GAL BAR SEMS PA BZHIN NO ZHES BSTAN PA NI 'DI NI THAL BA ZHES BYA BA STE, THOB PAR 'GYUR BA'I NGO BO YIN PA'I PHYIR RO, ,SGRUB BYED PA NI LDOG PA'I 'BRAS BU CAN YIN PA'I PHYIR DANG 'BREL PA'I RTZA BA CAN YIN PA'I PHYIR RO, ,GCIG LA MTHAR THUG PA MA YIN NA DU MA LA MTHAR THUG PA MA YIN TE, MNGON SUM DANG 'GAL BA'I PHYIR RO ZHES BSTAN PA NI DE NI THUN MONG NYID YIN NA ZHES BYA BA'O, ,DE'I NGO BO NI KHYAB PA CAN GYI NGO BO'O, ,SUN DBYUNG BA 'DI LTA BU YANG YOD PAR BSTAN PA NI PHAN TSUN ZHES BYA BA'O, ,GZHAN DU MI 'THAD PAS ZHES BYA BA NI MTSUNGS PA'I RNAM PA'I SHES PA'I STE DBANG PO LAS 'DAS PA ZHES BYA BA'I DON TO, ,MTSAN NYID MI MTHUN PA NYID CAN LUNG CAN MA YIN PA NYID KYIS SO ZHES ZER BA NI GZHAN GYI CHOS NI ZHES BYA BA'O, ,DE NYID KYI PHYIR NI KHYAD PAR NYID KYI PHYIR RO, ,KHYAB PA CAN NYID MI 'DZIN NA DE LTA BU'I NGO BO'I SPYI MA YIN

PAR BSTAN PA NI KHYAB PA NYID NI ZHES BYA BA'O, ,RANG GI NGO BO TZAM GYI KHYAD PAR DANG LDAN PA SPYI MA YIN PAR BSTAN PA NI RANG NGO BOS ZHES BYA BA'O, ,DE'I PHYIR NI RANG GI GZUNG BA'I PHYIR RO, ,MTSUNGS NA NI ZHES BYA BA'I RGOL BA LA LAN GZHAN GYI SGO NAS YANG BSTAN PA YIN TE, SPYI KHAS LEN PA LA TSAD MAR BRGAL ZHING BRTAGS PA NI THAL BA'I CHED DU'O ZHES BYA BA'I DON TO, ,RTZA BA CAN NI TSUL GSUM GRUB PA 'DI'I'O, ,DE LA SOGS PA NI RJES SU DPAG PA'O, ,DES GZUNG BA'I 'BREL PA NI PHYIR KHYAB PA CAN NYID DU KHAS LEN PA RANG BZHIN GZHAN MA YIN PA 'GAL BAR BSTAN PA NI YUL DANG DUS ZHES BYA BA'O, ,SNANG DU RUNG BA'I SPYI LA KHYAB PA CAN NYID NI MNGON SUM GYIS GSAL BA YIN PAR BSTAN PA NI MNGON SUM GYIS ZHES BYA BA'O, ,SNANG DU RUNG BA THAMS CAD KHYAB PA CAN MA YIN PA NYID DU BSTAN PA NI MA YIN TE RNAM PA LA NI ZHES BYA BA'O, ,'O NA CI LTAR ZHES BYA BA NI YANG DAG PA NYID KYI SGRUB BYED YIN NO ZHES BYA BA'I DON TO, ,GZHAN GYIS ZHES BYA BA NI, ,GANG GIS GSAL BA RNAM PAR NI, ,BYED PAS RIG NYID RNAM YIN ZER, ,RNAM PA NI DBYIBS TE SNANG DU RUNG BA'O, ,YANG NA ZHES BYA BA NI RTZA BA CAN GYI PHYOGS KYIS RTOGS PA'O, ,BZLOG PA NI ZHES BYA BA GCIG LA MTHAR THUG PAR DMIGS PA'I PHYIR KHYAB PA CAN MED DO ZHES BYA BA LA 'GAL BA BRJOD PA NI THAL 'GYUR DANG BZLOG PA YANG YIN NO, ,GZHAN NI ZHES BYA BA NI 'GREL PA BYED PA PO DAG GO, ,BRAL BA'I PHYIR ZHES BYA BA NI SNA TSOGS PA NYID KYI KHYAB BYED MED PA'O, ,SPYI CHOS CAN DU MA GRUB KYANG BZLOG PA NI DE'I CHOS NYID MA YIN PAR BSTAN PA NI MED PAR DGAG PA ZHES BYA BA'O, ,KHYAB PAR BYA BA MED PAR NI SHING SHA PA MED PA BZHIN DU NGES PA'I YUL LA BSGRUB PAR BYA BA YIN TE GZHAN DU NA NGES PAR BYED PA YIN PA'I PHYIR RO ZHES BSTAN PA NI GAL TE SPYI NI ZHES BYA BA'O, ,BSGRUB BYA SGRUB PA NI NGES PA'O, ,GTAN TSIGS ZHES BYA BA NI DNGOS PO 'AM DNGOS PO MA YIN PA'O, ,GZHAN GYI ZHES BYA BA NI RGYAL DPOG PA'I'O, ,'DOD PA NYID DU ZHES BYA BA NI GRUB PA LA SGRUB PA'O, ,GZHAN GYIS KHAS BLANGS PA NI BDE BAR GSHEGS PA PAS SO, ,DES KYANG ZHES BYA BA NI RGYAL DPOG PAS KYANG NGO, ,BDE BAR GSHEGS PA'I NI KHAS BLANGS PA DANG 'GAL BA YIN NO ZHES ZER BA NI GZHAN SEL BA ZHES BYA

, ,BA'O CHOS CAN MED NA KHYAB PAR BYED PA TZAM DRAN PA'I YUL CAN NI KHYAB PAR BYA BA MED PA TZAM GYI RTOGS BYED YIN PAS KHYAB PA GRUB PA YIN NA GZHAN DU RTZA BA CAN YIN PAR BSTAN PA NI MA YIN TE, 'BREL PA YOD NA ZHES BYA BA'O, ,GANG GI PHYIR MED PA SHES TZAM LAS SGRUB BYED MA YIN LA, YOD PA YANG DE LAS GRUB PA MA YIN PA DE'I PHYIR DON SMOS PA NI SGRUB BYED MA YIN PA BZLOG PA'I DON DU'O, ,'DAS PA MCHOG TU 'DZIN PA 'BRAS BU BYED PA NI SHIN TU 'BREL BA CAN MA YIN TE MED PA'I PHYIR RO, ,SGRUB BYED MA YIN PA DAG BSTAN PA NI, SGRA DAG DANG ZHES BYA BA'O, ,DON SMOS PA TZAM YIN NA DON DU MNGON PAR 'DOD PA YIN PA'I PHYIR LUNG GIS RTOGS PAR BYA BA YANG DON NYID DU 'GYUR RO, ,RTAGS NYID MIN PA NI MED PA NYID KYIS NUS PA MED PA'I PHYIR RO, ,DON NI NUS PA CAN YIN TE YOD PA'I PHYIR RO ZHES BSTAN PA NI DON LAS ZHES BYA BA'O, ,NUS PA CAN YANG MED PA LAS MA YIN PAR BSTAN PA NI DON NI ZHES BYA BA'O, ,SGRA LAS GRUB BA YANG DON NYID MA YIN PA NI DON SMOS PA LAS YIN PA'I PHYIR SGRA SMOS PA YIN NO, ,GNYI GA LA GNYI GA MA YIN PAS GRUB PA DON MA YIN PA BKAG PA'I PHYIR RO, ,YANG NA RANG MTHONG BA'I TSIG DAG GIS GNYI GA MA YIN PA RTOGS PA TZAM LAS GRUB PA BSAL BA YIN NO, ,CI LAS SHE NA DON NYID KYI PHYIR RO, ,RANG GIS MTHONG BA DON MED PA CI'I PHYIR RTAGS MA YIN ZHE NA, NUS PA MED PA'I PHYIR RO ZHES BSTAN PA'I DON LAS ZHES BYA BA'O, ,RTOGS BYED KYI DON YOD NA RTOGS BYA'I DON YIN PAR BSTAN PA NI DON NI GRUB PA'I PHYIR RO ZHES BYA BA STE RGYAL BA CAN GYI'O,, DE LAS NI DON SMOS PA LAS DON DANG BCAS PA YIN PA'O, ,NGES PA'I TSUL GSUM PA RTAGS NYID DU BRJOD PA'I PHYIR DE'I NGO BOR NGES PA MED PA NI MA NGES PA YIN PAS BSAL BA NYID YIN PAR BSTAN PA NI DON DAM PAR NI ZHES BYA BA STE 'DIR THAL 'GYUR YIN NO, ,SGRA DANG RNAM PAR RTOG PA YANG DE'I RNAM PA CAN YOD PA'I PHYIR NUS PA NYID MA YIN NAM ZHES ZER BA LA RTOG DANG ZHES BYA BA'O, ,RNAM PAR RTOG PA DANG SGRA YANG RTOGS PAR BYA BA'I DON LA 'GREL PA CAN MA YIN TE 'DOD PA LAS BYUNG BA'I PHYIR RO, ,DE NYID KYI PHYIR DES SGRO BTAGS PA'I DE'I YUL NYID KYANG RANG BZHIN MA YIN PA YIN TE MA NGES PA'I PHYIR RO,,

BSGRUB BYA MTHONG BA LAS BYUNG BA NI DE NYID KYI PHYIR NGES PA YIN NO, ,SGRUB BYED LAS BYUNG BA YANG SGRUB BYED NYE BAR 'JOG PAR BYED PA NI DE NYID KYI NUS PA'O, ,BSGRUB BYA LAS BYUNG BA'AM DE'I RANG BZHIN GYI DNGOS PO NI DE LTA MA YIN PAR BSTAN PA NI DNGOS LAS ZHES BYA BA'O, ,BRTAGS PA ZHES BYA BA NI SGRA DANG RNAM RTOG GIS BYAS PA RNAMS 'DOD PA LONGS PA MED PA'I PHYIR MA NGES PA RNAMS SO, ,BAG CHAGS NI RNAM PAR RTOG PA'I BAG CHAGS SO, ,'DI NYID KYIS ZHES BYA BA NI DON 'DZIN PA'I PHYIR RO, ,DNGOS SU ZHES BYA BA NI SLOB DPON GYI'O, ,DNGOS PO NI BSGRUB BYA STE DE 'GRUB PA'O, ,BSGRUB BYA NYID SGRUB BYED LA 'OS PA NYID YIN PA'I PHYIR THAMS CAD NI MA YIN PAS NGES PA CAN GYI DON LAS LDOG PA KHO NA YIN PA'O, ,RJES SU DPAG PAR BYA BA NI 'DIR SHES PAR 'DOD PA'I BYE BRAG DANG LDAN PA'I CHOS CAN NYID SGRUB PAR BYED PAR 'OS PA YIN GYI YOD PA'I CHOS NYID NI MA YIN NO, ,LOG PAR RTOGS PA'I PHYIR DE YANG YIN NO ZHE NA, DE LTA NA DE 'DOD BZHIN PA NYID KYIS BSGRUB BYA YIN PAR BSTAN PA NI PHYOGS DANG ZHES BYA BA'O, ,SPYI TZAM NI NGES PA CAN MA YIN ZHING KHYAD PAR NI BYAS PA NYID YIN PAR RNAM PAR PHYE NAS BSTAN PA NI GAL TE DON 'DI ZHES BYA BA'O, ,'ON TE PHYOGS SU BYAS PA ZHES BYA BA NI SPYI'O, ,GAL TE DNGOS PO LA ZHES BYA BA NI 'DOD PA DANG BRAL BA'O, ,SGRUB PAR BYED PA NI DON DAM PA'I RJES SU DPAG PA'O, ,DE NI PHYOGS SO, ,MA YIN TE, TSIG NI ZHES BYA BA NI 'DOD PA DANG 'BREL PA'I PHYIR RO, ,TSIG TZAM 'DOD PA DANG 'BREL PA'I PHYIR DON SGRUB PAR BYED PA MA YIN DU ZIN KYANG PHYOGS KYI TSIG 'GAL BA NYID DU DOGS PA BSAL BAS BSGRUB BYA NYID SGRUB PAR NGES PAS SGRUB PAR BYED PA'I TSIG KYANG DE NYE BAR 'JOG PAR BYED PA'I PHYIR 'GYUR BA MA YIN NAM ZHES ZER BA LA DON GYI ZHES BYA BA STE, DON LA NGES PA LAS SO, ,SGRA NI DE LA MA NGES PA YIN LA 'DOD PA LA NGES PA'I PHYIR, NYE BAR STOBS PAR MI BYED NA DE DANG 'GAL BA SEL BAR BYED PA MA YIN TE, GTAN TSIGS DON MED PA'I PHYIR RO, ,SMRA BA PO BSAL BA YANG 'DOD PA'I DNGOS PO'I RNAM PA CAN GYI 'DOD PA LA NGES PA LAS BZLOG PA SEL BA'I PHYIR BSGRUB BYA'I TSIG 'BA' ZHIG RGYUR NGES PA'O, ,BSTAN PA'I KHYAB

, ,CAN LA NI DE MED KYANG RGYU'I TSIG LAS MA GRUB PA LAS BZLOG PA'I RNAM PA CAN RTOGS PA YIN LA, DES NI 'GAL BA NYID LA SOGS PA DOGS PA BSAL BA YIN PAR BSTAN PA NI, PHYOGS KYI TSIG CES BYA BA STE, DE ZHES BYA BA NI DE'I PHYIR TE, RANG NYID KYIS DON SGRUB PAR BYED PA NYID MA YIN PA'I PHYIR RO, ,DE LAS TE BSGRUB PAR BYA BA'I TSIG LAS THE TSOM SKYE BA'I PHYIR ZHES BYA BA NI YOD DAM MED CES BYA BA'O, ,DE LAS BZLOG PA LA YANG THE TSOM LDOG PA MA YIN TE DON BZHIN DU GZHAN LA YANG MA NGES PA SKYE BA'I PHYIR RO ZHES BSTAN PA NI DNGOS SU ZHES BYA BA'O, ,ZLOG PAR BYED CES BYA BA NI GEGS BYED PA'O, ,'PHEN PA YIN ZHES BYA BA NI DRAN PA STE PHYIR RGOL BA LA GRUB PA'I PHYIR RO, ,DE NYID KYI TSE ZHES BYA BA NI PHYIR RGOL BA LA TSAD MA SKYED PA'I PHYIR RO, ,SKYE BZHIN PA YANG MA RIG PA NI TSIG LAS RTOGS PAR 'GYUR GYI RANG RIG PA'I TSAD MA NYID MA YIN NO ZHES ZER BA LA DE LTAR BA LA NI ZHES BYA BA'O, ,SGRUB BYED KYI RNAM PAR 'DOD PA NGES PAR BYED PA'I PHYIR TSIG DE BSGRUB BYA NGES PAR BYED PA DE BZHIN DU BSGRUB BYA'I TSIG KYANG DE'I RNAM PAR 'DOD PAR NGES PA YIN TE, PHYIN CI LOG PA BSAL BA'I PHYIR RO SNYAM DU SEMS PA LA BSGRUB PAR BYA BA ZHES BYA BA STE MA GRUB PA'O, ,GANG GI PHYIR TSIG LAS KYANG SGRUB PAR BYED PA BZHIN DU BSGRUB PAR BYA BA GRUB PA MA YIN LA, DE GRUB NA NI TSIG GIS KYANG DE KHO NA BZHIN DU DRAN PAR 'GYUR RO, ,GRUB PA BRJOD PA YIN GYI BSGRUB PAR BYA BA BRJOD PA NI MA YIN TE, GRUB PA LA SGRUB PAR 'GYUR BA'I PHYIR RO ZHES BSTAN PA NI, BSGRUB PAR BYA BA ZHES BYA BA'O, ,BSGRUB BYA NYID KHO NAR BRJOD PA YIN NA, DE LA THE TSOM ZA BA DANG DE DANG 'GAL BA LA YANG YIN PA'I PHYIR DE LA THE TSOM LDOG PA MA YIN PAR BSTAN PA NI JI LTAR PHYOGS KYI TSIG CES BYA BA'O, ,NYAMS PA NYID NI PHYIR RGOL BA LA GZHAN GYI DON NYID MED PA DANG RGOL BA LA RJES SU DPAG PA NYID MED PA'O, ,GANG LA RJES SU DPAG PA YIN PA DE LA GZHAN GYI DON NYID MED LA GANG LA GZHAN GYI DON YIN PA DE LA RJES SU DPAG PA YIN NO ZHES ZER BA NI BSTAN PAR BYA BA LA ZHES BYA BA'O, ,TSIG NI MA YIN TE DON RTOGS PA'I PHYIR RO ZHES BYA BA NI RJOD PAR BYED PA NYID 'DOD PA LA RAG

LAS PA'I PHYIR RO DON NI BSGRUB BYA'O, ,DE YANG ZHES BYA BA NI BSGRUB BYA YANG YIN GYI SGRUB PAR BYED PA DRAN PA STE BYED PAS PHAN 'DOGS PAR BYED PA 'BA' ZHIG PHYIR RGOL BA'I PHYIR TSIG MA YIN GYI RTOGS PAR BYED PA KHO NA YIN NO ZHES BYA BA'I DON TO, ,MA YIN TE TSIG GIS RJES SU BRJOD PA ZHES BYA BA NI SNGAR GANG LA MTHONG BA DE LA DRAN PA SKYE BAR BYED DO ZHES BYA BA'I RIGS PA LAS SO, ,NYE BAR BTAGS PA'I ZHES BYA BA NI RJES SU DPAG PA'I RGYU YIN PA'I PHYIR RJES SU DPAG PA YIN NO ZHES BYA BA'O, ,DE NYID KYI PHYIR ZHES BYA BA NI TSAD MA MA YIN PA'I PHYIR DANG DRAN BZHIN PA MA NGES PA'I PHYIR TSAD MA MA YIN TE, DRAN PA LA YANG BYED PA PO YIN PA'I PHYIR RO ZHES BYA BA'I DON TO, ,NGES PA MA YIN NA GZHAN GYI DON GYI RJES SU DPAG PA NYID DANG, RJES SU DPAG PA'I RGYU NYID KYANG JI LTAR YIN ZHES ZER BA NI, 'O NA JI LTAR ZHES BYA BA'O, ,DON LA ZHES BYA BA NI RTAGS LA'AM GZHAN LA YANG RUNG STE, TSIG DE RANG NYID LAS TSAD MA MA YIN GYI TSAD MA LA NI CHAD MA YIN NO ZHES BYA BAR SBYAR RO, ,RTAGS DRAN PAR BYED NA TSIG DE TSAD MA YIN TE DE LAS GZHAN DU MI 'THAD PAS RTOGS PAR BYED PA YIN GYI RJOD PAR BYED PA NYID KYIS MA YIN PAR BSTAN PA NI DON LA NI ZHES BYA BA'O, ,DE LA YANG MNGON SUM MED PAR BSTAN PA NI TSAD MA YANG ZHES BYA BA'O, ,SGRUB PA NI RTOGS PA STE 'ON KYANG NGES PAR BYED PA BZHIN NO, ,DRAN PA ZHES BYA BA NI RJES SU DPAG PA'O, ,NGES PA NI ZHES BYA BA NI RNAM PA THAMS CAD RTOGS PA'O, ,RJES SU DPAG PA LA DE MA YIN PA LAS LOG PAR NGES PA YIN YANG RANG GI NGO BOR NGES PA MA YIN TE, 'BAD PA LAS BZHIN DU RTAGS TSIG LAS KYANG DRAN BZHIN PA LA NI TSAD MA'I STOBS KYIS DE LAS BYUNG BA'I THE TSOM BSAL BA YIN PAR BSTAN PA NI TSIG LAS DON LA ZHES BYA BA'O, ,RTOG NA ZHES BYA BA NI 'BREL PA'I NGO BO'I KHYAD PAR LA STE LOG PAS THE TSOM CAN YIN PA'I PHYIR RO, ,TSIG LAS DRAN PA'I THE TSOM SEL BAR BYED PA STE NYE BAR BSDU BA NI DE'I PHYIR ZHES BYA BA'O, ,DON THOB PA'I MTSAN NYID DE RGYU RTOG PA GANG GI YIN PA DE THA SNYAD YIN GYI GZHAN RTOGS PA TZAM NI MA YIN NO, ,SLOB DPON GYIS, ,PHYOGS CHOS 'BREL PA BSGRUB BYA DAG ,BRJOD PA LAS GZHAN SPANG BAR BYA, ,ZHES

, ,BYA BAS BSGRUB PAR BYA BA'I TSIG SGRUB PAR BYED PA BRJOD PA NYID MA YIN NAM, BRJOD PA DE NUS PA MED PA JI LTAR YIN ZHES ZER BA LA GTAN TSIGS DON GYI NI RTAGS KYI YUL NYID KYIS SO, ,DE NI ZHES BYA BA NI NUS PA MED PA'I BSGRUB BYA'I BRJOD BA SGRUB BYED DU BSHAD PA NI SLOB DPON GYIS SO, ,YANG NA DE NI ZHES BYA BA NI SGRUB BYED DO, ,DE BRJOD PA NI RTAGS SO, ,YUL BRJOD PA YANG GTAN TSIGS 'BA' ZHIG LA SO SO BA YIN GYI RJOD PA'I KHYAB PA CAN LA NI DE'I KHONGS SU GTOGS PA YIN TE, 'GAL BA NYID DOGS PA BSAL BA'I CHED DU ZHES BYA BA'I DON TO, ,GSUNGS SO ZHES BYA BA NI SLOB DPON GYIS SO, ,NGED KYI LTAR NA ZHES BYA BA NI GTAN TSIGS DON ZHES BYA BA BSHAD PA'O, ,'DI NUS PA MED PA YANG YIN LA BRJOD PA YANG YIN PA BSHAD PA NI, BSGRUB PAR BYA BA BRJOD PA ZHES BYA BA'O, ,BRJOD PA NI BCOM LDAN 'DAS CHOS KYI GRAGS PAS SO, ,'O NA JI LTAR ZHES BYA BA NI SLOB DPON GYI DANG 'GAL BAR RO, ,'DI NI MA YIN ZHES BYA BA NI LAN NO, ,BSGRUB BYA'I TSIG KYANG YUL NYID YIN PAS GTAN TSIGS DANG 'BREL BA'I PHYIR DE'I TSIG BZHIN DU NUS PA KHO NA YIN NO SNYAM DU SEMS PA NI, GAL TE DE LA'ANG NUS YOD DE, ,ZHES BYA BA NI BSGRUB BYA'I TSIG LA'O, ,LAN NI DE NI ZHES BYA BA STE PHYOGS KYI TSIG GO, ,THE TSOM GYIS ZHES BYA BA NI RGYUS SO, ,DE NYID SHES PAR 'DOD PA CAN GYI NYAN PA POS SO, ,RAB TU BYED PAS TE BSGRUB BYA SGRUB PAR BYED PA RTZOM PA 'DIS YIN PA'I PHYIR GNAS SKABS TE GTAN TSIGS KYI TSIG NI DE'I RTEN DU 'GYUR BA'O, ,DE BZHIN DU MI MTHUN PHYOGS TE PHYOGS SNGA MA KHAS LEN BA LA YANG NGO, ,THE TSOM ZA BA MA YIN PA PHYIN CI LOG MA YIN PAR GZUNG BA NI RIGS PAS NGES PAR BRTAG PA'I YUL MA YIN NO, ,DE'I PHYIR DE STE GTAN TSIGS KYI TSIG 'JUG PAR BYED PA NYID KYI PHYIR NUS PA NYID NI 'DI DAG GI MTSUNGS PA YIN PA'I PHYIR THUG PA MED PA STE NUS PA NYID LA'O ZHES BYA BA NI RGYAL BA CAN GYI'O, ,DE NI ZHES BYA BA NI BSGRUB BYA LA THE TSOM GYIS SHES PAR 'DOD PA YIN LA THE TSOM DE NI SKABS KYI RTEN DU 'GYUR BA DE BZHIN DU KHA CIG GIS RTAG PA YIN PA'I PHYOGS KHAS LEN PA YIN NA YANG BYAS PA NI MI RTAG PA YIN TE, BUM PA LTA BU'O ZHES BYA BA'I GTAN TSIGS BRJOD PA 'JUG PA'I PHYIR DE

DAG GI TSIG KYANG BYAS PA NYID KYI TSIG DANG LHAN CIG SGRUB BYED DU 'GYUR RO ZHES BYA BA NI GZHAN GYI'O, ,THE TSOM LA MA YIN ZHES BYA BA LA SOGS PAR 'CHAD PA NI GZHAN DU BA'O, ,DON ZHES BYA BA NI DGONGS PA'O, ,BSGRUB BYA BSGRUB PA LA NI PHYOGS KYI TSIG NYE BA YIN ZHING THE TSOM LA SOGS PA NI MA YIN PA MA YIN NAM ZHES ZER BA LA, NANG GI YAN LAG CES BYA BA STE 'BREL PA LA LTOS NAS TSUL GSUM PA'I RTAGS DANG DE'I TSIG CES BYA BA'I DON TO, ,GTAN TSIGS LAS DE NI STE BSGRUB BYAR NGES PA STE GDON MI ZA BAR RO, ,PHYIS ZHES BYA BA NI NYE BAR BSDU BA'I NGO BO'O, ,YOD PA TZAM LAS ZHES BYA BA NI MA GRUB PA NYID BSAL BA LAS SO, ,BA LANG DANG 'DRA BA'I PHYIR NI MNGON SUM LAS KHYAD PAR DANG 'BREL PA SGRUB PAR TE, JI LTA BUR GYUR PA'I BA LANG YIN PA DE LTA BUR GYUR PA BA MEN YIN NO ZHES DRAN PA NYID DU 'BREL PA 'DZIN PA YIN PA'I PHYIR RO, ,GZHAN MA YIN PA ZHES BYA BA 'DI LTA BU LAS GZHAN PA'O, ,BYAS PA NYID KYIS GTAN TSIGS NYID KYIS YIN GYI BSGRUB BYAS NI MA YIN TE, RJES SU DPAG PA NYID DU 'GYUR BA'I PHYIR RO, ,BYAS PA NYID GNYIS ZHES BYA BA NI SGRA DANG BUM PA LA YONG PA'I MNGON SUM PA'O, ,YANG YAN LAG DANG SPYI SBYOR BA NI RIGS GZHAN GYI DE YIN NO ZHES ZER BA NI DE LA GAL TE ZHES BYA BA'O, ,GZHAN DU ZHES BYA BA NI 'DRA BA NYID KHAS MI LEN NA'O, ,RGYU NYID DU ZHES BYA BA NI 'BRAS BUS BTAGS PA'O, ,RGYU YANG ZHES BYA BA NI GZHAN TE, MTHONG BA NYID NI RTOGS PA'O, ,'DRA BA NYID DO ZHES BYA BA'I SHES PA LAS 'DRA BA NYID YIN GYI RTOG PA LAS NI MA YIN NAM ZHES ZER BA LA GAL TE DE LA ZHES BYA BA STE, 'DRA BA ZHES BYA BA NI RNAM PAR RTOG PA TZAM YIN TE, MNGON SUM LA MI SNANG BA'I PHYIR RO ZHES BYA BA'I DON TO, ,DE NYID DU ZHES BYA BA NI LTA BA NYID DO, ,RNAM PAR RTOG PA TZAM LA RUNG BA NYID KYANG MA YIN TE, 'DI 'DRA BA YIN NO ZHES BYA BA'I RTOGS PA LA DNGOS PO TZAM DU ZHEN PA'I PHYIR DANG, GZHAN PAR MA NGES PA'I PHYIR RO ZHES BSTAN PA NI DNGOS PO'I NGO BO LAS ZHES BYA BA'O, ,DBEN PAR ZHES BYA BA NI BRAL BAR TE RTOG PA LA'AM GZHAN PA LA'O, ,RNAM PAR RTOG PA NI GZHAN DU MI 'THAD PAS MTHONG BA RJES SU DPOG PA MA YIN TE, GZHAN DU YANG 'BYUNG BA'I PHYIR RO ZHES BSTAN PA NI THOGS MED CES BYA BA'O, ,DE NYID DU NI 'DRA BA NYID KYI NGO BO

, ,NYID DU'O, ,BAG CHAGS TZAM LAS BYUNG BA YANG NYAMS SU MYONG BA'I 'BREL BA CI NAS KYANG THA SNYAD LA DGOS PA NYID YIN PAR BSTAN PA NI DNGOS DANG 'BREL PHYIR ZHES BYA BA'O, ,GAL TE NAL BYAD CES BYA BA NI 'DRA BA DANG CIG SHOS LAS BYUNG BA'I DON GYI BYA BA'O, ,DER YANG ZHES BYA BA NI 'DRA BA'I DNGOS PO LA YANG NGO, ,CI'I PHYIR ZHES BYA BA NI NANG GI KHYAD PAR RO, ,GZHAN DU YONG PA ZHES BYA BA NI MI 'DRA BA RNAMS LA'O, ,LUNG GI TSAD MA MED PAR NI DU BA LA SOGS PA LAS BYUNG BAS SO, ,CI STE ZHES BYA BA NI GTAN TSIGS LA'O, ,DE'I TSE YANG ZHES BYA BA NI GZHAN GYI'O, ,DAM BCA' BA DE YANG ZHES BYA BA NI RANG GI 'DOD PA'I YUL LA'O, ,MED NA SGRUB BYED MI 'GRUB PA'I PHYIR SGRUB BYED KYI TSIG BZHIN DU DAM BCA' BA'I TSIG NI THE TSOM LA SOGS PA MA YIN PA LTA BU ZHES ZER BA NI, GAL TE YUL BSTAN MED PAR NI, ,ZHES BYA BA'O, ,THE TSOM LA SOGS PA'I YUL BZHIN DU NANG GI YAN LAG MA YIN ZHING DE MA BRJOD NA MA GRUB PA NYID DANG 'GAL BA NYID DU DOGS PA MED DO, ,KHYAB PA'I GTAN TSIGS DANG 'GAL BA LA YANG KHYAD PAR MED PA'I PHYIR, RANG BZHIN 'BRAS BU 'GRUB BYA'I PHYIR, ,GTAN TSIGS GNYIS DANG BZLOG PA GNYIS, ,ZHES BYA BA'I DON TO, ,PHYOGS KYI CHOS NYID KYI NGO BO MED PA PHYOGS MA YIN PAR BRJOD PA BSHAD PA NI BYAS PA'I PHYIR ZHES BYA BA DANG MI RTAG PA ZHES BYA BA'O, ,BSGRUB BYA'I CHOS GTZO BO YIN TE GTAN TSIGS KYI YUL NYID KYIS PHYOGS KYI CHOS NYID KYI TSE SNGA NA YOD PA'I PHYIR RO, ,DE LTA MA YIN NA ZHES BYA BA NAS YIN NO ZHE NA, BSTAN NA ZHES BYA BA'I BAR DU NI RGOL BA RJES SU BRJOD PA YIN PA NI SGRUB BYED NYID GSAL BAR BYED PA'I DON DU'O, ,TSAD MA'I 'BRAS BU ZHES BYA BA NI SGRUB PAR BYED PA NYID KYI 'THAD PA'O, ,DE NI ZUG GZER LA ZHES BYA BA NI BZHAD DAG DU BYED PA YIN TE SGRA GZHAN GYIS DE NYID BRJOD PA'I PHYIR TE, KHYAB 'JUG PA NI LTO BA LA SOGS PA'I ZUG GZER LA DBANG PHYUG CHEN PO PAR GYUR PA'I 'JIGS LAS 'KHOR LO'I SGRAS BRJOD KYI RTZE GSUM GYI SGRAS NI MA YIN NO, ,GTAN TSIG NYID TZAM YIN NA THE TSOM LA SOGS PA LA YIN PAS THAL CHES PAR BSTAN PA NI 'DIR BSHAD ZIN TE ZHES BYA BA'O, ,MA GRUB PA DANG 'GAL BA NYID DU DOGS PA LA YANG BSTAN PA NI DE MED KYANG ZHES BYA BA STE BSTAN PA NI

BRJOD PA'I KHYAB PA CAN YIN PA'I PHYIR RO, ,KHYAB SNGON CAN LA ZHES BYA BA NI 'GREL BA YIN NO, ,DE NI 'JIG BLOR NI SGRA MI RTAG CES BYA BA MA GRUB PA LA SOGS PA SEL BAR BYED PA'O, ,'GAL BA DANG GTAN TSIGS DE DAG GI NGES PA'O, ,MA YIN TE ZHES BYA BAR MTSAMS GCAD PAR BYA STE, MA YIN DU ZIN KYANG ZHES BYA BA'I DON TO, ,CI LAS SHE NA RANG GNOD PA LA ZHES BYA BA NI RGOL BA'I'O, ,KHYAB PA SNGON DU 'GRO BA CAN GYI SBYOR BA LA SKYON THAMS CAD BSAL BAR BYA BA YIN TE GZHAN DU NA DAM BCA' BA YIN YANG LAN GNYIS BRJOD KYANG DE LA 'KHRUL PA SRID PA'I PHYIR RO ZHES BSTAN PA NI, KHYAB PA SNGON DU 'GRO BA CAN, ,ZHES BYA BA'O, ,BSTAN BCOS SU BSGRUB BYA LAN GNYIS SU BRJOD PAR 'DOD PA'I RKANG MIG PA LA SOGS PAR NI BSAL BA'I DON DU YIN NO SNYAM DU SEMS PA LA, DE NI RGOL BA LA ZHES BYA BA'O, ,DAM BCAS PA MED KYANG 'GAL BA NYID DU DOGS PA BSAL NAS DE YOD KYANG 'GAL BA NYID YIN PA SEL BA NI GAL TE SGRA NI RTAG STE ZHES BYA BA'O, ,RTAG PA NYID KYI KHYAB BA MTHONG NA YANG DAM BCA' BAS CI ZHIG DGOS ZHES BSTAN PA NI DE'I TSE KHYAD PA PHYIN CI LOG PA ZHES BYA BA STE, KHYAB BA STON PA NYID KYI NGAG LAS SO, ,GANG GI ZHES BYA BA NI RKANG MIG PA LA SOGS PA'I YIN GYI GZHAN GYI NI MA YIN TE KHYAB PA'I TSIG LAS RTOGS PA'I PHYIR RO, ,BYAS ZIN PA ZHES BYA BA NI GNAS SKABS KHO NA LA DAM BCAS PA YIN ZHES BYA BA STE 'DOD PA KHO NA YIN ZHES BYA BA'I DON TO, ,BZLOG PA NYID DO ZHES BYA BA NI DAM BCA' BA GNAS SKABS TZAM NYID YIN PA'I PHYIR RO, ,DE NI 'DI LTAR DAM BCA' BA MED KYANG GTAN TSIGS MA GRUB PA NYID LA SOGS PA BSAL BA'I PHYIR SGRUB PAR BYED PA'I YAN LAG NYID MA YIN NA, DES MA TSANG BA NYID KYI TSAR BCAD PA'I GZHI MA YIN PAR BSTAN PA NI PHYOGS BSTAN PA NI ZHES BYA BA'O, ,GRUB PA NI GTAN TSIGS SO, ,GZHAN DAG NI RJES SU DPAG PA YIN NO ZHES ZER RO, ,DE DANG ZHES BYA BA NI SGRUB PAR BYED DANG NGO, ,MA 'BREL PA NI DAM BCA' BA'I TSIG STE DE'I YAN LAG GO, ,DAM BCA' BA'I TSIG GIS KYANG MED PA DANG KHYAB CHES PAR BSTAN PA NI BSGRUB PAR BYA BA ZHES BYA BA'O, ,GANG ZHIG CES BYA BA NI 'BRAS BU BSTAN PA LAS GRUB PA SKYED PA'I DON DU DE'I TSIG SGRUB PAR BYED PA NYID MA YIN NA DAM BCA'

, ,BA MA TSANG BA'I SKYON MED PA BZHIN DU DE'I MTSAN NYID LA THAL CHES PA YANG SGRUB BYED LTAR SNANG BA LA MA YIN PAR BSTAN PA NI BSGRUB BYA BRJOD PA ZHES BYA BA STE, BSGRUB BYA STON PA'O, ,DE LA STE DE'I TSE BSGRUB PA SMRA BA LA'O, ,SGRUB BYED DBANG DU BYAS NYID KYIS, ,ZHES BYA BA NI GTAN TSIGS LTAR SNANG BA STE, DAM BCA' BA'I DBANG DU BYAS PA LA MED PA'I PHYIR RO, ,SGRUB PAR BYED PA NI GTAN TSIGS LTAR SNANG BA'O, ,SGRUB PAR BYED PA MA YIN PA NI DAM BCA' BA'O, ,DAM BCA' BA SGRUB PAR BYED PA YIN YANG BSGRUB PAR BYA BA'I YUL NYID LA YIN GYI SGRUB PAR BYED PA'I YUL NYID LA NI MA YIN NO SNYAM DU SEMS PA NI GAL TE ZHES BYA BA'O, ,MA BSTAN PAR 'GYUR ZHES BYA BA NI GRUB PA YANG DE LTAR BRJOD NA DE LTA BU NYID DU THAL BAR 'GYUR BA'I PHYIR RO, ,SGRUB PA 'OS PA NYID CES BYA BA'I NGES PAR BZUNG BA YIN NA GSAL BAR BYED PA'I DAD PAS GTAN TSIGS MA GRUB PA LA YANG THAL BAR 'GYUR BAR BSTAN PA NI 'ON TE ZHES BYA BA'O, ,GZHAN GYIS ZHES BYA BA NI GSUM PA LA SOGS PAS SO, ,DANG PO ZHES BYA BA NI BSTAN PA'O, ,PHYOGS KYI MTSAN NYID BYED PA KHYED LA YANG CI ZHIG YIN ZHES ZER BA LA, PHYOGS KYI ZHES BYA BA'O, ,DON MED PAS ZHES BYA BA NI 'JIG RTEN LA GRAGS PA'I PHYIR RO, ,DBANG DU BYED PA MA YIN PA'I PHYIR CI'I PHYIR 'BREL PA MED PA YIN TE BSGRUB BYA YIN PA'I PHYIR SGRUB PAR BYED PA LTAR SNANG BA LA 'BREL PA YOD DO ZHES ZER BA LA KHYAD PAR MED PAR RJOD PA STE BSGRUB BYA BRJOD PA'O, ,GNAS SKABS KYIS RIGS GCIG BZLOG PA YIN TE, GZHAN DU GNAS SKABS KYIS BZLOG PA MA YIN NA BSGRUB BYA TZAM YIN NA BUM PA BYED DO ZHES BYA BA'I BYED PA PO LA YANG BSGRUB BYAR RTOGS PAR 'GYUR RO, ,SHES PA PO BSGRUB BYA'I GNAS SKABS KYIS BZLOG PA YIN NA GAL TE DE LTA NA SGRUB PAR BYED PA'I GNAS SKABS KYANG THOB PA YIN NO ZHES BYA BA'I DON TO, ,GRUB PA NYID KYIS SGRUB BYED NI BSGRUB BYA'I TSIG NYID KYIS LDOG PA YIN NA SGRUB BYED MA YIN PA'I GNAS SKABS KYIS CI DGOS ZHES ZER BA NI GAL TE GRUB BRJOD CES BYA BA STE, GRUB PA NYID DU BRJOD PA'I PHYIR SGRUB BYED NYID LA YANG GRUB PA DANG BSGRUB PAR BYA BA NYID KYIS THA DAD PA YIN NO ZHES BYA BA NI RGOL BA YIN NO, ,GRUB PA DANG BSGRUB PAR BYA BA DAG GIS THA DAD PA NI GZHAN DAG LA YANG

STE GRUB MTHA' PA DAG LA YANG 'DOD PA YIN NO, ,MI 'DOD PA GANG YIN ZHE NA DA NI ZHES BYA BA STE GRUB PA'I TSIG LA SGRUB BYED NYID DU KHAS LEN PA'I PHYIR RO, ,'GREL BAR NI MA GRUB PA SGRUB PAR BYED PA LTAR SNANG BA NYID 'DIS BSAL BA YIN GYI BSGRUB BYA'I NI MA YIN TE, DES NA SGRUB PAR BYED PA YIN, GZHAN DAG GIS TE SGRUB PAR BYED PA NYID DU SMRA BA RNAMS KYI SKYON MED CES BYA BA NI RGOL BA'O, ,GRUB PAS NI MA GRUB PA BZHIN DU BSGRUB PAR BYA BA BSAL BA YIN NO ZHES BSTAN PA NI DA NI ZHES BYA BA'O, ,RGOL BA DANG LAN DAG LA SNYING PO MED PA'I PHYIR GRUB PA NYID DU BRJOD NA SGRUB PAR BYED PA YIN PAS DER SNANG BA BSDUS PA'I PHYIR DANG BSGRUB BYA LDOG PA LA RGOL BA YIN PAS SGRUB PAR BYED PA NYID DU KHAS BLANGS PA DANG 'GAL BA YIN NO ZHES BYA BA NI LAN GYI MCHOG YIN NO ZHES BYA BA RGYAL BA CAN GYI'O, ,GAL TE ZHES BYA BA LA SOGS PA'I 'GREL PA NI RJES SU BRJOD PA'O, ,MA GRUB PA NYID KYIS ZHES BYA BA NI DE'I 'THAD PA'O, ,GAL TE DAM BCA' BA GRUB NA MA GRUB PAR SMRA BA PO PHAM PAR MI 'GYUR BAR BSTAN PA NI MA GRUB PA NYID CES BYA BA'O, ,SGRUB PAR BYED PA NYID KYIS ZHES BYA BA NI DAM BCA' BA'O, ,RANG GI DON LA ZHES BYA BA NI BRJOD PAR BYA BA YIN LA DE LA LTOS NAS TSIG NI SGRUB PAR BYED PA MA YIN GYI BSGRUB PAR BYA BA LA SGRUB PAR BYED PA NYID YIN NO ZHES BYA BA NI RGOL BA'O, ,GAL TE RANG GIS BRJOD PAR BYA BA LA SGRUB BYED TSIG YIN PA SU ZHIG GI BSAM PA YIN PA DES NA DAG GI PA YIN ZHES ZER BA LA MA YIN TE DON DANG LDAN PA ZHES BYA BA'O, ,DE'I ZHES BYA BA NI RANG NYID KYI'O, ,TSIG LA SGRUB PAR BYED PA DANG CIG SHOS NYID DU SU'I YANG BSAM PA MA YIN PAR BSTAN PA NI, SGRA'I PHUR MA ZHES BYA BA'O, ,MNGON SUM LA SOGS PA BZHIN DU 'DI BRJOD BYA LA TSAD MA NYID YIN NA, SGRUB PAR BYED PA DON MED PA YIN TE DE NYID LAS BSGRUB BYA 'GRUB PA'I PHYIR RO ZHES BSTAN PA NI 'ON TE DON NYID CES BYA BA'O, ,GZHAN NI RIGS PA'I SGO'I N'I K'A BYED PA PO'O, ,DAM BCA' BA ZHES BYA BA NI DE'I SGRUB BYED BRJOD PA PO'I'O, ,SUN 'BYIN PAR SMRA BA NI SGRUB BYED MA YIN PAR SMRA BA'O, ,LTAR SNANG BA'I TSIG BSGRUB BYA SGRUB PAR BYED PA YIN NA SGRUB PAR MI BYED PA'I SHES PA'I BDAG NYID NYID KYI MNGON SUM PA YANG YOD PAR BSTAN PA NI MNGON SUM

, ,GYIS ZHES BYA BA'O, ,LAN GDAB PO ZHES BYA BA NI SGRUB PAR BYED PA SMRA BA PO'I'O, ,SUN 'BYIN PAS ZHES BYA BA NI SGRUB BYED DU SMRA BA MA YIN PA'O, ,KHYAD PAR GYI SGO NAS LAN NA SUN DBYUNG BA GRUB PA MA YIN TE, KHYAD PAR RNAMS LA MTHA' MED PA'I PHYIR RO ZHES BSTAN PA NI SU NA 'BYIN PAR 'GYUR BA MA YIN PA ZHES BYA BA'O, ,TSIG NI LTAR SNANG BA DANG BCAS PA NYID KYIS SGRUB BYED YIN ZHING GNOD PAR BYED PAS KHYAB PA MI 'GRUB PA'I PHYIR SGRUB BYED MA YIN PA YANG YIN PA DE'I PHYIR MA NGES PA NYID DU LAN 'DEBS PA NI BZHAD GAD YIN NO, ,TSIG NYID YIN NA ZHES BYA BA NI BZHAD GAD YIN TE KHYAD PAR GYIS DNGOS SU BA MA YIN PA'I PHYIR RO, ,GANG GI ZHE NA GAL TE SGRUB BYED DU SMRA BA'I YIN NA 'DOD PA YIN NO, ,SUN 'BYIN PAR SMRA BA'I JI LTAR YIN ZHE NA DE KHAS BLANGS PAS DAM PA MA YIN PAR SMRA BA KHAS BLANGS PA'I PHYIR RO, ,DE GNYI GA BSTAN PA NA MA MTHONG BA TZAM GYIS ZHES BYA BA NI 'GREL PA'O, ,BSGRUB BYA TZAM GYI TSIG NI NUS PA MED PA YIN TE, BSGRUB BYA BA SGRUB PA LA GTAN TSIGS DON MED PAR THAL BAR 'GYUR ZHES BYA BA LA SOGS PAS SGRUB BYED MA YIN PA NYID YIN PA NYID YIN NA LTAR SNANG BCAS SOGS ZHES BYA BA LA SOGS PAS SGRUB BYED NYID DANG SGRUB BYED PA MA YIN PA NYID DU NYE BAR BKOD PA NI BZHAD GANG YIN TE, KHYAB PA MED PAS MA NGES PA YIN PA'I PHYIR RO, ,'DI LA YANG KHYAD PAR GYIS LAN DU BZHED PA NI DNGOS SU BA MA YIN PA'I PHYIR BZHAD GANG YIN NO ZHES BYA BA'I DON NO ZHES BYA BA NI RGYAL BA CAN GYI'O, ,SLOB DPON PA RNAMS KYIS DE'I TSIG SGRUB BYED NYID DU KHAS BLANGS PA'I PHYIR RO, ,BSGRUB BRJOD CES BYA BA STE RTOGS PA'I DON NI KHYAB PA DANG BCAS PA CAN GYI SBYOR BA LA BSGRUB BYAR RTOGS PA YIN NO, ,DE LA YANG RMONGS PA NI BSGRUB BYA LA BSGRUB BYA MA YIN PA NYID DANG, BSGRUB BYA MA YIN PA LA BSGRUB BYA NYID DU RTOGS PA'O, ,DE SEL BAR BYED PA'I CHED DU MTSAN NYID YIN NO, ,DE DAG LA BSGRUB BYA MA YIN PA LAS BZLOG PA'I RMONGS PA NI GZHAN GYI DON TZAM ZHES BYA BA'O, ,BSGRUB BYA LAS BZLOG PA NI BSGRUB BYA YIN YANG ZHES BYA BA'O, ,DE BSAL BA'I PHYIR ZHES BYA BA NI LOG PAR RTOGS PA BSAL BA'I PHYIR RO, ,BSGRUB BYA DANG CIG SHOS KYI YUL LA LOG PAR RTOGS PA BSAL BA'I PHYIR TSIG RE RE ZHING DES PAR GZUNG BA'I SBYOR PA

YIN PAR BSTAN PA NI DE BZHIN DU ZHES BYA BA'O, ,CI ZHIG BYA ZHES BYA BA LA SOGS PA NI 'DI NYID KYI 'THAD PA'O, ,RTOGS PA'I DON CAN NYID KHYAB PA DANG LDAN PA YIN YANG SGRA LAS DE DANG BRAL BA'I GTAN TSIGS 'BA' ZHIG YIN NA BSGRUB BYA DANG CIG SHOS BZLOG PA'I THE TSOM ZA BA BZLOG PAS MA GRUB PA DANG 'GAL BA DANG MA NGES PA DAG BSAL BAR BYED PA'I PHYIR ZHES BYA BA NI RGYAL BA CAN GYI'O, ,BSGRUB BYA NI SPYI YIN GYI RJES SU 'GRO BA MED PA'I PHYIR KHYAD PAR MA YIN PAR BRJOD PA MA YIN NAM, DU BA NI ME'I KHYAD PAR LAS SPYIR 'PHEN PA'I PHYIR SGRUB BYED YIN LA DNGOS SU NI MA YIN NA 'DOD PA SMOS PAS DE SEL BA'I PHYIR, JI LTAR KHYAD PAR 'DZIN PA YIN, ,ZHES ZER BA LA MA BRJOD NA YANG ZHES BYA BA STE, ,BRJOD PA'I SPYI'I RJES SU 'GRO BA'I DUS NA MTHONG BA'I KHYAD PAR GYI RIGS 'PHEN PA YIN GYI SPYI'I KHYAD PAR LA GZHAN GTAN MA MTHONG BA NI MA YIN NO ZHES BYA BA'I DON TO, ,BSGRUB BYAR ZHES BYA BA NI SPYI GZHAN GYI BDAG NYID NYID KYIS RJES SU 'GRO BA MED PA'I PHYIR RO, ,GZHAN NI SPYI GNYIS BDAG NYID KYIS TE RANG NYID SMRA BA GZHAN GYI DON TZAM BSGRUB BYA YIN NO ZHES BYA BAS SO, ,SKABS SU MA BAB PAR ZHES BYA BA NI BDAG GI DON NYID GNAS SKABS YIN PA'I PHYIR RO, ,PHYIR RGOL BA YANG ZHES BYA BA NI BDAG GI DON NYID DU GNAS SKABS YIN YANG DE'I BSAM PA MA NGES PA'I PHYIR RO, ,DES NA ZHES BYA BA NI GRUB PA YIN PA LA RTZOM PA'I PHYIR RANG NYID KYIS SO ZHES BYA BA'I DON TO, ,DE'I PHYIR RGOL BA MI 'DOD PA GZHAN GYIS 'DOD PA NI RGOL BA MI 'DOD PA YIN NA'O, ,DE NYID KYIS ZHES BYA BA NI 'DOD PA SMOS PA LAS RJOD PA TZAM MI 'DOD PA'I PHYIR RGOL BA'I 'DOD PA GSAL BAR BYED NA BSTAN BCOS LA 'DOD PA LA SOGS PA GZHAN GYI 'DOD PA THAMS CAD SEL BAR BYED PA NA RANG NYID SMOS PAS CI ZHIG BYA SNYAM DU SEMS PA LA, BSTAN BCOS KHAS LEN PA PO DE LA 'DOD PA NI 'DOD PA KHO NA YIN NO ZHES BYA BA MI LDOG PA'I RLOM PA CAN LA DOGS PA'I GNAS TE BSTAN BCOS KHAS BLANGS PA'I PHYIR DE LA 'DOD PA 'DOD PA KHO NA YIN TE, RANG NYID MI 'DOD KYANG ZHES BYA BA'I LOG BAR RTOGS PA'O, ,'DI LTAR LUNG DANG 'GAL BA NI MNGON SUM LA SOGS PA DANG 'GAL BA BZHIN DU RJES SU DPAG PA MA YIN PA DE'I PHYIR DE BSAL BA'I DON DU RANG NYID SMOS PA YIN NO, ,GAL TE YANG 'GREL PAR DE LTAR BSTAN PA

, ,YIN NA YANG MDO LAS NI DON GZHAN DU 'GYUR RO ZHES ZER BA LA 'DI NI DE DON ZHES BYA BA STE, DE'I DON NI BSTAN BCOS LAS 'DOD PA'I DON RJOD PAR BYED PA NI 'GREL PAR YANG 'DOD PA SMOS PA'I PHYIR RO, ,DE LTAR MA YIN NA ZHES BYA BA NI DE MA BZLOG NA GTAN TSIGS SU MI 'GYUR RO ZHES BYA BAR SBYAR RO, ,YOD DAM MED KYANG BSTAN BCOS DANG 'GAL BAR MI 'GYUR TE, RANG NYID KYI 'DOD PA BSDUS PA BSTAN BCOS RNAMS SU BZLOG PA'I DON YIN GYI YAN LAG GI NI MA YIN NO SNYAM DU SEMS PA NI, YAN LAG NYID DU SLOB DPON GYI 'DOD PA SHES PA YIN PAR BSTAN PA NI DE NYID 'DOD PAS KHYAB PA'I KHYAD PAR GYI YIN PAR BRJOD PA CHOS DANG CHOS MA YIN PA CAN LA LTOS NAS YIN PA DE'I PHYIR DON SO SO PA YIN NO ZHES BYA BA'I DON TO, ,'GREL PAR NI GZHAN DE PHYIR RGOL BA LA LTOS NAS KHYAD PAR DE 'DOD PAS MA BRJOD PA'I SPYI BO'I NGO BO KHO NA YIN NO, ,CI'I DON DU ZHE NA MTHONG BA BSDUS PA GZHAN GYI DON TZAM GYIS KHYAB PA'I PHYIR MA BSDUS PA LA 'GAL BA NYID DGOD PA'I PHYIR RO, ,ZHES BYA BA'I DON TO, ,SMRA BA PO'I TSIG LAS 'DOD PA'AM CIG SHOS RTOGS PAR 'GYUR BA MA YIN NAM, DE MED NA JI LTAR YIN ZHES ZER BA LA MA BRJOD NA YANG ZHES BYA BA'O, ,DE BSGRUB BYA NYID YIN NA SKYON CI YOD NAS GANG GIS BKAG PA YIN ZHES ZER BA LA RJES 'GRO MED PA'I ZHES BYA BA'O, ,SKYON DE 'DI NA SLOB DPON NYID KYIS BSTAN PA YIN PAR BSTAN PA NI BSHAD BZHIN TE ZHES BYA BA STE, DE MA BRJOD NA BZLOG PAR BYA BA NYID DU MI 'GYUR RO ZHES BYA BA'I DON TO, ,'DOD PA LA GNOD PA YANG DE BSGRUB BYA NYID KHO NA'I PHYIR BRJOD PA YIN PAR BSTAN PA NI DER NI ZHES BYA BA'O, ,DE NYID CES BYA BA NI GZHAN NYID KYI DON NYID TZAM MO, ,TSUL ZHUGS ZHES BYA BA NI CI LA BRTEN PA NYID DE DE LA BRTZON PA'O, ,'DOD PA NI NANG DU BRJOD PA TZAM YANG GNAS SKABS PA NYID MA YIN NAM, DE CI LAS THA DAD PA YIN ZHES ZER BA LA GAL TE GANG LA ZHES BYA BA STE, GNAS SKABS PA'I RTZOD PA'I GZHI NI BSGRUB BYA MA YIN NO ZHES BYA BA NI KHYAD PAR YIN NO ZHES BYA BA'I DON TO, ,RTZOD PA MED NA YANG BSGRUB BYA NYID LA SKYON BSTAN PA NI GZHAN DU NA ZHES BYA BA'O, ,MI 'DOD PA ZHES PA ZHES BYA BA NI RGOL BA PO'I'O, ,'BRAS MED NI PHYIR RGOL BA STE GRUB PA LA BSGRUB PA'I PHYIR RO, ,'GREL PAR NI BDAG NYID DU

BSGRUB PAR BYA BA LA NI 'GAL BA DANG MI 'DOD PA YIN NO, ,GZHAN GYI DON TZAM LA NI 'BRAS BU MED PA NYID DANG, BSGRUB BYA MA GRUB PA NYID DAG GO ZHES BYA BA'I BSTAN PA NI DE LTA NA NI ZHES BYA BA STE, KHYAB PA 'DZIN PA'I DUS NA MTHONG BA'I KHYAD PAR GYI RIGS NYID BZHIN DU'O, ,KHYAD PAR 'DI YANG DE NYID KHO NA YIN PA'I PHYIR RO ZHES BSTAN PA NI, GAL TE GZHAN GRUB NA ZHES BYA BA'O, ,NYE BA ZHES BYA BA NI 'BREL PA'I'O, ,KHYAD PAR ZHES BYA BA NI PHUL DU BYUNG BA'O, ,DE NI ZHES BYA BA NI BDAG GI DON NYID DO, ,BRJOD PAR 'DOD PA'I ZHES BYA BA NI BRJOD PA TZAM LA'O, ,BRJOD PA'I SHUGS KYIS RTOGS PAR BYA BA BSGRUB PAR BYA BA LA SKYON BSTAN NAS, DE'I RTOGS BYA'I BRJOD PA NYID LA BSTAN PA NI, 'DIS NI GNYIS BCAS ZHES BYA BA'O, ,BUM PA DANG GNYIS BCAS NYID NI RTOGS PAR BYA BZHIN PAR MI 'DOD LA SEMS PA CAN GYI BDAG NYID KYI LUS DANG, GNYIS BCAS NYID NA 'DOD PA YIN GRANG NA, ,DE NI DPE LA MA GRUB PO, ,BRJOD PA DANG MA BRJOD PA YANG 'DOD PA BSGRUB PAR BYA BA YIN GYI CIG SHOS NI MA YIN NO ZHES BYA BA'I DON TO, ,RJES SU 'GRO MED DANG 'GAL BDAG, ,CES BYA BA NI BUM PA NI BUM PA NYID DANG GNYIS BCAS NYID THOB PAR BYA BA'I PHYIR NI RGOL BA'I DANG RJES SU 'GRO MED PA NI PHYIR RGOL BA'I'O, ,SPYIR ZHES BYA BA NI GANG YANG RUNG BAS GNYIS BCAS NYID TZAM TE ME NYID LTA BU'O, ,KHYAD PAR NI SHUGS KYIS SO, ,KHYAD PAR YOD NA SPYI BSGRUB BYA YIN GYI DE MED NA NI MA YIN TE RANG NYID MED PA'I PHYIR RO ZHES BSTAN PA NI DE NYID CES BYA BA'O, ,DON GZHAN MED PA CI LAS YIN, ,ZHES ZER BA LA LUS ZHES BYA BA'O, , GANG GI PHYIR LUS MI 'GRUB PA DE'I PHYIR 'GRUB PAR BYA BA YIN NO ZHES ZER BA LA BRJOD BYAS ZHES BYA BA STE, YOD PAR KHYAD PAR CAN GYI SPYI BSGRUB BYA YIN GYI GZHAN KHYAD PAR MED PA NI MA YIN NO ZHES BYA BA'I DON TO, ,SEMS PA CAN GYI KHYAD PAR CAN DE LA SPYIS KYANG YIN PA CI LAS SHE NA THABS YIN NO ZHES BYA BA STE, RGOL BA PO THABS LA MKHAS PAR BYA BA'I DON TO, ,THABS MKHAS PAS BSGRUB BYA YIN PA DE'I TSE YANG SKYON YIN PAR BSTAN PA NI, 'DI LA SPYI 'AM ZHES BYA BA'O, ,DE ZHES BYA BA NI DE MED NA MI 'BYUNG BA MA YIN PA NYID DO, ,KHYAD PAR 'PHANGS PA NI BSGRUB BYA NYID KYIS DA RTZVA LAS BYUNG BA LA

, ,SOGS PA BZHIN DU MA GRUB NA MED PA'I PHYIR RO, ,DUS DANG YUL GYI KHYAD PAR LAS DE BZHIN DU 'GYUR BA'I PHYIR ZHES BYA BA THA SNYAD KYI SPYOD YUL NYID 'GYUR BA'I PHYIR RO, ,'DI NYID LAS ZHES BYA BA NI AUTPALA MA YIN PA NYID LAS SO, ,SPYI MED NA KHYAD PAR GYI NGO BO JI LTAR YIN PA BSTAN PA NI SPYI MA GRUB PA LA NI ZHES BYA BA'O, ,KHYAD PAR MED PA'I SPYI NI DNGOS PO MA YIN LA BSGRUB BYA MA YIN ZHING SGRUB BYED KYANG MA YIN PAR BSTAN PA NI DES NA ZHES BYA BA'O, ,DNGOS PO GCIG NYID LA GANG YANG RUNG BA'I TSIG RIGS PA MA YIN YANG RUNG BA'I TSIG RIGS PA MA YIN NAM GNYI GA BSDUS PA YIN PA'I PHYIR RO ZHES ZER BA LA, PHYOGS NYID SGRA LA YOD KYI ZHES BYA BA'O, ,BDEN TE NGO BO GCIG LA MI 'GAL BA YIN NA ZHES BSTAN PA NI, GNYIS LAS ZHES BYA BA STE 'GAL BA MED PAS RNAM PAR BRTAG PA ZHES BYA BAR SBYAR RO, ,NGES PA'I ZHES BYA BA NI GZHAN MED NA'O, ,BUM PA'I RIGS LA DE NYID KYIS GNYIS BCAS NYID DU MI SRID PA'I TSIG NI SKYES BU DANG GNYIS BCAS NYID 'DOD PAR SMRA BA YIN TE DE BSTAN PA NI, DE LTA BU'I ZHES BYA BA'O, ,DE DANG 'DRA BA'I SKYON YIN PA'I PHYIR TSIG GI PHYOGS GCIG GIS DE LAS GZHAN PA DON MED PAR 'PHEN PA NI THOS PA'I DON GYI GO BA DANG 'BREL PA MED PA MI RIGS PAR BSTAN PA NI TSON PO ZHES BYA BA'O,, MI RTAG PA NYID NI RANG GI KHYAD PAR YOD PAS SPYI YIN ZHING SGRUB PAR BYED PA SRID PA YIN GYI KHYAD PAR GZHAN YOD PAS MA YIN PAR BSTAN PA NI, SGRA DANG BUM PA'I KHYAD PAR LAS, ,ZHES BYA BA'O, ,MTSUNGS ZHES BYA BA NI BDAG GI DON NYID DU'O, ,MA YIN 'JIG PA GRUB PA YIS, ,ZHES BYA BA NI BUM PA LA YOD PA'I MI RTAG PA NYID KYI KHYAD PAR GYIS TE BDAG GI DON NYID KYIS KHYAD PAR GRUB PA MA YIN NO ZHES BYA BA'I DON TO, ,LUS DANG GNYIS PA DANG BCAS PA BZHIN DU MI RTAG PA NYID MA GRUB PA MA YIN PAR BSTAN PA NI DE BZHIN ZHES BYA BA'O, ,'DUS PA'I GZHAN GYI DON NYID NI 'DUS PA GZHAN LA GNAS PA YIN NO ZHES BYA BA'I TSIG GI SHUGS KYIS 'DUS PA MA YIN PA'I DON GYIS NYID NI KHYAD PAR YIN LA MI RTAG PA NYID NI KHYAD PAR KHO NA LAS MTHONG BA NI DE MA YIN PA LAS LOG PAS SPYI YIN PAR YUL LA SOGS PA'I KHYAD PAR GYIS BSGRUB PAR BYA BA YIN NO, ,DE BZHIN DU BUM PA NI BUM PA NYID KYIS GNYIS PA DANG BCAS PAR 'GAL BA'I PHYIR TE, DE LTA BU'I LUS

DANG GNYIS PA DANG BCAS PA NYID KYIS TSIG GI SHUGS KYIS BRJOD PA YIN PA DE'I PHYIR SKYON MED DO ZHES DGONGS PA'O, ,YANG NGO ZHES BYA BA NI DE NI MA YIN NO ZHES BYA BAR SBYAR RO, ,MI RTAG PA LA SOGS PA TSAD MAS GRUB PA NYID DU BSTAN PA NI BUM PA LA ZHES BYA'O, ,MTHONG BA'I KHYAD PAR KHO NA DE MA YIN PA LAS BSGRUB PAR BYA BA YIN PAR BSTAN PA NI GZHAN NYID CES BYA BA'O, ,'DI CHOS CAN YANG YIN LA BUM PA YANG YIN PA'I PHYIR BSGRUB PAR BYA BA'I BUM PA LOG PA'O, ,SKYES BUS GNYIS PA DANG BCAS PA ZHES BYA BA NI TSIG LAS YIN GYI GZHAN LAS MA YIN PA'I PHYIR RO, ,DPE LA DE MA YIN PA LAS LOG PAR MTHONG BA MA YIN NAM BSGRUB BYA MA YIN TE, GRUB PA'I PHYIR DPE CAN LA MTHONG BA'I PHYIR DE MA YIN PA LAS LOG PAS SAM, GZHAN DU YANG RUNG JI LTAR BSGRUB BYA YIN TE, RJES SU 'GRO BA MTHONG BA MTHONG BA'I PHYIR RO ZHES ZER BA NI MI RTAG CES BYA BA'O, ,DPE LA YOD PA NYID DU GRUB PA DPE CAN LA YOD PA GRUB PAR BYA BA NYID DU'O, ,MA YIN PA NI THA DAD PA YIN PA STE, CHOS KHO NA ZHES BYA BA'I NGES PA GZUNG BAS MI LDAN PA RNAM PAR GCOD PA RTOGS PA YIN PA'I PHYIR BSDUS PA NYID YIN PAR BSTAN PA NI MI LDAN DANG ZHES BYA BA STE, DPE CAN DANG THUN MONG BA NYID DU RTOGS PA LA DPE DANG THUN MONG BA RTOGS PA RJES SU 'JUG PA KHO NA YIN PA DE'I PHYIR RJES SU 'GRO BA'I NUS PAS RJES SU DPAG PA YIN NO ZHES BYA BA'I DON TO, ,NGES PAR GZUNG BA'I DON GCIG LA 'DI RNAM PAR DBYE BA JI LTAR YIN ZHE NA, BSDUS PA DANG GZHAN YANG YIN PAR BSTAN PA NI, RNAM PA GNYIS ZHES BYA BA'O, ,YUL GYI DBYE BA LAS NGES PAR BZUNG BA'I RNAM PAR DBYE BA YIN LA, YUL NI CHOS DANG CHOS CAN NO, ,CHOS CAN DANG 'BREL PA'I CHOS LA NGES PAR GZUNG BA YIN NA, RNAM PAR DBYE BA MED PA KHO NA YIN NO SNYAM DU SEMS PA LA MI LDAN GCOD PHYIR ZHES BYA BA STE, RNAM PAR DBYE BA BYAS PA'I 'BREL PA NYID NGES PAR BZUNG BA'I DON YIN NO ZHES BYA BA'I DON TO, ,DPE LA GNOD PAS NGES BZHIN PA DANG LDAN PA NI DE DANG GZHAN LA YANG RJES SU DPAG PA LAS KHYAD PAR CAN DU RTOGS PA YIN PAR BSTAN PA NI GAL TE ZHES BYA BA'O, ,KHYAD PAR MED PA BSDUS PA KHYAD PAR DANG 'GAL PA YIN NO ZHES ZER BA NI, GAL TE ZHES BYA BA'O, ,BSDUS PAS KHYAD PAR YIN TE MI SRID PA RNAM PAR

, ,GCOD PAR SGRA LAS RTOGS PA'I PHYIR RO ZHES BSTAN PA NI MA YIN TE MA 'BREL PA ZHES BYA BA'O, ,ZAB LA TSIG GI NUS PA MA NGES PA MED PA DANG 'GAL BA MED PAR BSTAN PA NI ZA BA NI ZHES BYA BA'O, ,CHOS CAN BUM PA LA BUM PA DANG GNYIS PA DANG BCAS PA NYID MA YIN TE TSIG GI NUS PAS 'GAL BA'I PHYIR RO, ,BZLOG PA LA YANG NI SGRUB PAR BYED PA'I NUS PA MED PA NA YANG NGO, ,KHYAD PAR DANG BSDUS PA DAG YOD NA YOD TAN GZHAN YANG NGO ZHES BSTAN PA NI SPYI NYID CES BYA BA STE, RJES SU 'GRO BA MED PA'I SKYON MED PA DANG GRUB PA SGRUB PA NYID MED PA'O, ,KHYAD PAR CAN ZHES BYA BA NI DE LAS GZHAN PA'I NGO BO'I SPYI NI KHYAD PAR CAN NYID YIN TE KHYAD PAR GZHAN MA SPANGS PA'I PHYIR RO, ,RTAGS NI KHYAD PAR GYI MNGON SUM LAS DE LAS GZHAN LDOG PA NI SPYI DANG 'GAL BA CAN YIN PAR BSTAN PA NI SPYI NI ZHES BYA BA'O, ,GAL TE KHYAD PAR GYI SPYI MA GRUB NA DE MA YIN PA LAS LOG PAS KYANG KHYAB PA 'DZIN PA'I YUL JI LTAR YIN ZHES ZER BA NI GAL TE BSGRUB BYA ZHES BYA BA STE, KHYAD PAR GYIS SO, ,BSGRUB PAR BYA BA YANG YIN SPYI YANG YIN ZHES BYA BA YIN NO ZHES BYA BA NI RGOL BA'O, ,KHYAB PA 'DZIN PA NI MA'AM DU BA ZHES BYA BA NI DE MA YIN PA LAS LOG PA'I SHES PA'I RJES SU 'BRANG BA'I PHYIR, SPYI YIN LA DE'I SHUGS KYIS RJES SU 'BRANG BA'I KHYAD PAR BSGRUB BYA YIN PA DE'I PHYIR 'GAL BA MED PAR BSTAN PA NI 'DI NI BSHAD ZIN ZHES BYA BA'O, ,CHOS CAN BCAS PAR ZHES BYA BA NI CHOS CAN THAMS CAD DU 'GRO BA YID KYIS ZHEN PA TZAM YIN GYI NGES PAR STON PA'I NGES PAR DMIGS PA NI MA YIN NO ZHES BYA BA'I DON TO, ,MI LDAN PA RNAM PAR BCAD PAS KHYAD PAR DU BYAS PA'I SPYI YANG BUM PA'AM SGRA LA MA YIN PA MA YIN NAM, KHYAD PAR MED PA'I PHYIR RO, DE'I PHYIR RJES SU 'GRO BA DANG 'GAL BA DAG NYID DO ZHES ZER BA LA 'DI NI ZHES BYA BA STE, RJES SU 'GRO BA CAN MED PA'I BSGRUB BYA NYID KYI KHYAD PAR YIN GYI KHYAD PAR DU BYAS PA NI RJES SU 'GRO BA MED PA MA YIN NO ZHES BYA BA'I DON TO, ,CI'I PHYIR 'GOG PA YIN ZHES ZER BA LA DE LTAR ZHES BYA BA'O, ,'DIS NI ZHES BYA BA 'DOD PA SMOS PAS ZHES BYA BA NI 'GREL PAR RO, ,CHOS CAN LA CHOS DANG CHOS CAN BSDUS PA NYID BSDU BYA NYID YIN NO, ,DE GNYI GA'I NGO BO'I KHYAD PAR LAS ZLOG PA BSGRUB PAS 'GAL BA NYID

MI 'GYUR BAR BSTAN PA NI, JI LTAR ZHES BYA BA'O, ,GNYIS LAS ZHES BYA BA NI CHOS CAN DANG DE LA YOD PA'I CHOS TZAM GYI BSGRUB BYA LA'O, ,GCIG NI CHOS CAN NAM CHOS KYI'O, ,MA YIN TE ZHES BYA BA NI RGOL BAS DAM BCAS PA'I PHYIR RO, ,MI RTAG PA'I SGRA DANG LDAN PA'I SGRA MA YIN TE, BYAS PA'I PHYIR RO ZHES BYA BA YANG CHOS CAN NAM CHOS NYID KYIS SEL BAR BYED PA MA YIN NAM, DE CI'I PHYIR DE LTA BU'I SKYON MED PA YIN ZHES ZER BA LA CHOS CAN LA NI ZHES BYA BA'O, ,MI RTAG PA'I SGRA DANG LDAN PA SGRA MA YIN ZHES BYA BA NI CHOS CAN NAM CHOS 'BA' ZHIG SEL BA MA YIN TE, CHOS CAN LA 'DOD PA MA YIN PA DE NYID SEL BA'I PHYIR CHOS CAN LA CHOS BSGRUB BYA YIN NA, TSOGS PA NI TSOGS PA KHO NA MA YIN ZHES BYA BA'I DON YIN TE, CHOS CAN LA 'DUS PA MI 'DOD PA'I PHYIR RGOL BA PO SEL BAR BYED KYANG SKYON MED PA YIN TE KHYAD PAR MED PA'I PHYIR RO, ,BSTAN BCOS SU 'DOD PA LA YANG 'GYUR NA, DOGS PA'I GNAS DGAG PA'I RANG NYID KYI SGRAS CI ZHIG BYA ZER BA LA, CHOS CAN GCIG LA ZHES BYA BA STE RGOL BA 'DOD PA'I CHOS TZAM BSGRUB BYA YIN NA, TSOGS PA 'DOD PA MA YIN TE THA DAD PA'I PHYIR LA CHOS CAN LA CHOS GZHAN 'DOD PA NYID YIN NA BSTAN BCOS SU 'DOD PA 'DI 'DOD PA KHO NA YIN TE, CHOS GZHAN BZHIN DU YOD PA'I PHYIR ZHES BYA BA'I DOGS PA 'DOD PA SMOS PAS BSAL BAR BYA BA MA YIN PAR 'GYUR BA DE BZLOG PA'I PHYIR RANG NYID KYI SGRA YIN NO ZHES BYA BA'I DON TO, ,LUNG GI DAM BCA' BA'I DON YIN PA'I PHYIR GCIG BZHIN DU GZHAN YANG 'DOD PA SMOS PAS THOB PA DE RANG NYID CES BYA BAS SEL BAR BYED PA YIN PA BSHAD PA NI KHA CIG NA RE ZHES BYA BA'O, ,RNAM 'GREL NI GSAL BAR BYED PA'I'O, ,BSTAN BCOS SU 'DOD PA'I RANG NYID KYI 'DOD PA YIN NO ZHES BYA BA'I DON DU SMRA BA NI MI RTAG PA NYID KYANG ZHES BYA BA'O, ,DE YANG ZHES BYA BA NI NAM MKHA'I YON TAN NYID KYANG STE, MI RTAG PA NYID DU BSGRUB PAS DAM BCA' BA'I SKYON TE KHAS BLANGS PA DANG 'GAL BA'O, ,DE LTA BUR THOB PA YIN NA RANG NYID KYI DON BSTAN PA NI, SKAD CIG DE MA THAG CES BYA BA STE, RNAM PA GNYIS KA LA YANG RTEN GYI NUS MED DO ZHES BYA BA'I DON TO, ,'DZIN PA PO NAM MKHA' KHAS MI LEN NA 'JIG PAR BYED PA MA BYUNG GI

, ,BAR DU YANG RLUNG GIS GSHAGS PAS ZHIG PAR GYUR PA YIN NO SNYAM DU SEMS PA NI RLUNG GIS ZHES BYA BA'O, ,'JIG PAR BYED PA LAS 'JIG PA CAN NI NAM MKHA' MED KYANG NAM MKHA' MED PA NYID LAS GNAS PAR 'GYUR RO ZHES BYA BA NI RANG BZHIN NYID CES BYA BA'O, ,RTEN GZHAN MED PA NI RNAM PA'O, ,SKAD CIG PA DU GZHAN LA GNAS PA MA YIN PA LA RTEN DON MED PAR BSTAN PA NI, GAL TE ZHES BYA BA'O, ,RTEN DON MED PA YIN YANG SGRA LA SOGS PA'I DE NYID KYI RANG BZHIN LUNG LAS GRUB PA YIN LA BRGAL ZHING BRTAG PAR BYA BA NYID MA YIN NO SNYAM DU SEMS PA NI DE BDEN ZHES BYA BA'O, ,DE'I PHYIR ZHES BYA BA NI NYE BAR BSDU BA'O, ,GTAN TSIGS KYI SKYON NI BSTAN BCOS SU 'DOD PA'I BSGRUB BYA PHYIN CI LOG TU BSGRUB PAR BYA BA'I PHYIR BSTAN BCOS SU 'DOD PA'I BSGRUB BYA LA GNOD PA YIN YANG RANG GI 'DOD PA GRUB PA YIN NA SGRUB BYED LA SKYON MED DO ZHES BYA BA'I CHED DU RANG SMOS PA YIN NO, ,SKYON YIN NA THAL CHES PA'I SKYON YIN PAR BSTAN PA NI, GAL TE BSTAN BCOS KHAS BLANGS PHYIR, ,ZHES BYA BA'O, ,KUN BZUNG BAS ZHES BYA BA NI RGOL BAS TE BSTAN BCOS SU 'DOD PA'I CHOS THAMS CAD KHAS BLANGS PAS SO, ,DE LA NI CHOS KYI PHUNG PO LA'O, ,GCIG LA'ANG ZHES BYA BA NI NAM MKHA'I YON TAN NYID LA SOGS PA'O, ,RAB TU GNOD PA'I PHYIR GTAN TSIGS LA SOGS PA'I SKYON DU GAL TE 'GYUR NA CHOS CAN GZHAN LA YANG STE, DRI SA'I YON TAN NYID BZLOG PA BSGRUB PA LA YANG 'GYUR RO ZHES BYA BA NI THAL 'GYUR RO, ,GZHAN LA'ANG ZHES BYA BA NI NAM MKHA'I YON TAN NYID LA'O, ,NAM MKHA'I YON TAN YIN PA LA SGRA CHOS CAN MI RTAG PA NYID DU BSGRUB PA LA GNAS SKABS PA MA YIN NAM, DRI NI MA YIN NO SNYAM DU SEMS PA NI JI STE CHOS CAN 'DIR ZHES BYA BA'O, ,DRI SA'I YON TAN NYID BZLOG PA BSGRUB PA LA YANG BSTAN BCOS KYI DON BSGRUB PA KHAS BLANGS PA'I PHYIR GNAS SKABS PA KHO NA YIN PAR BSTAN PA NI GAL TE 'DIR ZHES BYA BA'O, ,CHOS DE'I ZHES BYA BA NI MI RTAG PA NYID KYI CHOS SO, ,'DOD PA'I CHOS KYI RTEN NYID KYIS CHOS CAN DU 'DOD PA NI CHOS DANG BCAS PA KHO NA YIN NO ZHES ZER BA NI CHOS CAN ZHES BYA BA STE CHOS CAN CHOS SOGS ZHES BYA BA NI 'DOD PA'I CHOS

CAN GYI CHOS YIN PA'I PHYIR, 'DOD PA'I CHOS BZHIN DU RGOL BA 'DOD PA YIN NO ZHES BYA BA'I DON TO, ,CHOS CAN 'DOD PA YIN YANG CHOS CAN BZHIN DU DES CHOS THAMS CAD BSGRUB BYA NYID DU 'DOD PA MA YIN PAR BSTAN PA NI, GNAS SKABS 'GA' YIS ZHES BYA BA STE PHYIR RGOL BAS GNAS SKABS KYIS BYAS PA RNAMS KYIS SO, ,'DOD PA NI RGOL BA'I'O, ,RTOGS PA YANG DE DAG GI ZHES BYA BA NI RGOL BAS GNAS SKABS SU BYAS PA RNAMS KYIS SO, ,NAN GYIS ZHES BYA BA NI DE LTA BU RTOGS PAR BYED PA MED PA'I PHYIR DANG GZHAN YANG LHAG MA DANG LDAN PA YIN PA'I PHYIR RO, ,GO BAR BYED PA'I TSIG GI KHYAD PAR GYI GNAS SKABS KYANG GO BAR BYED PAR BRJOD DO ZHES BYA BA BSHAD PA NI, DE NYID NUS PA ZHES BYA BA'O, ,GAL TE 'DOD PA'I CHOS CAN GYI CHOS YIN PA'I PHYIR 'DOD PA'I CHOS BZHIN DU RGOL BA'I 'DOD PA YIN PA'I PHYIR, CI'I PHYIR SGRUB PA MA YIN ZHES ZER BA LA, 'BRAS BU'I RTAGS CAN TE BSGRUB BYA LAS THA DAD PA'I 'BRAS BU NYID RTAG PA YIN PA LAS NA 'DI NI 'BRAS BU MA YIN NO ZHES BYA BA'I DON TO, ,YONG BA'I PHYIR SKAD CIG MA NYID YIN PA LA LUNG LAS 'DOD PA'I BDAG MED PA NYID NI GNOD PAR BYA BA MA YIN PAR KHYED NYID KYANG 'DOD PA MA YIN NAM, DE GNOD NA GTAN TSIGS LA SOGS PA'I SKYON YIN ZHES ZER BA LA MED NA MI 'BYUNG ZHES BYA BA STE, BSTAN BCOS SU 'DOD PA YIN PA'I PHYIR BDAG MED PA LA GNOD PA MA YIN PA MA YIN TE, KHYAB PAR BYED PA NYID KYIS MED NA MI 'BYUNG BA YIN PA'I PHYIR SKAD CIG MA NYID DU NI MED NA MI 'BYUNG BA LA NAM MKHA'I YON TAN NYID MA YIN TE 'GAL BA'I PHYIR RO ZHES BYA BA'I DON TO, ,GAL TE LUNG LAS 'DOD PA NYID KYI BDAG MED PA NYID LA GNOD PA MA YIN NA, DE'I RTZA BA TZAN GYI SKAD CIG MA NYID DU SGRUB PAR 'DOD PA STE 'DOD PA KHO NA YIN NO ZHES ZER BA LA, RJES DPAG CES BYA BA LA SOGS PA STE BSHAD PA NI, RJES SU DPAG PA'I YUL LA TSIG, ,TSAD MA NYID DU MI 'DOD CING, ,'DI LA RJES DPAG MI 'JUG STE, ,YONGS BRTAGS YONGS SU LEN PHYIR RO, ,BYA BAS SO, ,YOD PA NYID NI SKAD CIG MA NYID LA MI MTHUN PA'I PHYOGS LA GNOD PAR BYED PA'I TSAD MA LAS NGES PA YIN LA LUNG LAS NI DE LAS SHES PAR 'DOD PA TZAM YIN GYI RJES SU DPAG PAR

, ,BYA BA LA NGES PA MA YIN PAR BSTAN PA NI, DE'I TSE ZHES BYA BA NI RGYAL BA CAN GYI'O, ,'GREL PA NI GSAL BA YIN NO, ,DE NA DE BZHIN ZHES BYA BA NI LHA'I MIG CAN NO, ,KHYED CAG PAS ZHES BYA BA NI KHYED CAG LAS KYANG GZHAN PA MA YIN PA STE DMAN PA MA YIN GYI MCHOG YIN NO ZHES BYA BA'I THA TSIG GO, ,LUNG THAMS CAD CES BYA BA NI THAMS CAD KYIS THAMS CAD RIG PA'I PHYIR RO, ,BRTAGS NAS ZHES BYA BA NI SKYES BUS BYAS PA DANG CIG SHOS NYID KYANG SGRA LAS BYUNG BA LA RANG NYID KYIS DON DANG 'BREL PA MED PA'I PHYIR RO, ,DES NA LUNG DANG LUNG 'GAL BA TSAD MA NYE BAR LDANG BA KHAS MI LEN PA'I PHYIR, SHES PAR 'DOD PA LDANG BA'I CHED DU LUNG KHAS BLANGS NAS RJES SU DPAG PA'I DUS SU 'DOR BA'I PHYIR, DES KHAS BLANGS PA'I RJES SU DPAG PA NYID 'DOR BAR 'GYUR RO ZHES ZER BA NI, DE CHE RTZOD DOR ZHES BYA BA'O, ,RJES SU DPAG PA'I DUS NA NGES PAR BYED PA'I PHYIR KHAS LEN PA DANG 'DOR BA YANG MA YIN LA, SHES PAR 'DOD PA'I DUS NA NI DE LDANG BAR BYED PA NYID DU KHAS LEN PA DANG 'GAL BA YIN NO ZHES BYA BA NI RGYAL BA CAN GYI'O, ,SHES PAR 'DOD PA LDANG BAR BYED PAS TSAD MA LDANG BAR BYAS NAS KHAS BLANGS PA'I YUL DU 'GYUR RO ZHES BSTAN PA NI, 'DI NI KHAS LEN THABS YIN TE, ,ZHES BYA BA NI RJES SU DPAG PA'O, ,KHAS LEN PA NI NYE BAR 'DOD PA'O, ,DE'I TSE YANG SHES PAR 'DOD PA LDANG BAS RJES SU DPAG PA'I DUS NA YANG YOD PA'I RJES SU 'JUG BZHIN PA YANG DON DANG 'BREL PA MED PAS NGES PAR BYED PA MA YIN PAS YAN LAG MA YIN PA'I PHYIR RO, ,RJES SU DPAG PA KHAS LEN PA'I THABS MA YIN NAM NAM MKHA'I YON TAN NYID LA YANG YOD PA KHO NA YIN LA MI RTAG STE BYAS PA'I PHYIR RO ZHES ZER BA LA, DE LTAR YUL GNYIS ZHES BYA BA STE DE LTAR TE 'GAL BA MED PAS SO, ,YUL GNYIS NI DNGOS SU DANG RJES SU DPAG PA'I MED NA MI 'BYUNG BA'I YUL BDAG MED PA BZHIN DU KHAS LEN PA'I DUS YIN LA, DE'I TSE NI GNOD PA KHAS LEN PA NA'O, ,NAM MKHA'I YON TAN NYID NI MED NA MI 'BYUNG BA MA YIN TE, MI RTAG PA NYID DANG 'GAL BA'I PHYIR RO ZHES BYA BA NI RGYAL BA CAN GYI'O, ,'GREL PAR NI GSAL BA YIN NO, ,DE'I TSE YANG DON LA NGES PA MED PA'I PHYIR JI LTAR GNOD PA YIN ZHES ZER BA LA DE DANG

NI 'GAL BAR ZHES BYA BA'O, ,GAL TE NGES PA MED PA NYID DU KHYAD PAR MED PA'I PHYIR DUS PHYIS BZHIN DU YUL RNAM PAR DAG PA'I DUS NA YANG CI'I PHYIR BSTAN BCOS 'DZIN PA MA YIN ZHES ZER BA LA GNAS GSUM PAR NI ZHES BYA BA STE, DE GRUB PAR TSAD MA LAS RTOGS NAS DE'I THOB PAR BYA BA YIN PA RTOGS PA'I DON DU LUNG KHAS LEN PA YIN GYI DE'I THOB PA NYID LA NI MA YIN TE DON MED PA'I PHYIR RO ZHES BYA BA'I DON TO, ,BRTAGS NAS ZHES BYA BA NI YUL GNYIS LA'O, ,DE DANG STE KHAS LEN PA'I DUS NA 'BYUNG BA'I LUNG DANG 'GAL BA YIN PA NGES TE SEMS PA NI RGOL BA PO 'DI'I YONGS SU RTOGS PA STE, SLAR YANG ZHES BYA BAR SBYAR RO, ,RNAM PAR DPYOD PA NI DUS RING BA NYID KYIS BSTAN BCOS 'DZIN PA NYID KYI DUS LAS 'DAS PAS MA DPYAD PAR JI LTAR YANG RUNG ZHES BYA BAS KHAS BLANGS PA YANG DE NYID KYI TSE GNOD PAR BYED PA MA YIN TE KHAS LEN PA'I DUS LA LTOS PA'I PHYIR RO ZHES BYA BA NI GNAS SKABS KYI DON TO, ,LUNG LAS GRUB PA'I CHOS KYI CHOS CAN BDE BA RAB TU STER BA LAS PHYIN CI LOG PA LA LUNG GIS GNOD PA NI CHOS BZHIN DU DE'I BDAG NYID KYI BSGRUB BYA LA YANG DE TSAD MA NYID KYI PHYIR, RDZAS DANG YON TAN LA SOGS PA'I BDAG NYID LA YANG 'GAL BA MA YIN PAR BSTAN PA NI DER YANG ZHES BYA BA STE LUNG GI GNOD PA LA'O, ,MED NA MI 'BYUNG LA ZHES BYA BA NI LUNG GIS GRUB PA DE'I BDAG NYID KYIS SO, ,GZHAN MIN TE ZHES BYA BA NI RDZAS MA YIN PA NYID LA SOGS PA RNAMS SO, ,LUNG GIS GNOD PA YIN DU ZIN KYANG 'BREL PA CAN GYI RJES SU DPAG PA LA SOGS PAS GNOD PA YANG DE NYID KYI SPANG BYA YIN PAR BSTAN PA NI DER YANG ZHES BYA BA STE; RJES SU DPAG PA LA SOGS PAS GNOD PAR TE, MI RTAG PA NYID LA BDAG MED PA NYID LTA BU'O, ,GZHAN MIN ZHES BYA BA NI NAM MKHA'I YON TAN NYID LA SOGS PA 'BREL PA CAN MA YIN PA RNAMS SO, ,'GREL PAR NYE BAR BSDU BA'I DON BSHAD PA NI, 'DI GNAS PA YIN NO ZHES BYA BA'I TSIG GIS SO, ,MED NA MI 'BYUNG MIN DON LA, ,ZHES BYA BA'I SGRUB BYED KYIS SO, ,BDAG MED PA'I CHOS RNAMS DANG, DMIGS PA MED PA'I SHES PA RNAMS, ,ZHES BYA BA LA SOGS PA LUNG LA MA GRUB PA'I CHOS CAN LA NI BDAG DANG BCAS PA NYID DANG, DMIGS PA DANG BCAS PA NYID LA SOGS PA LUNG

, ,LAS RTOGS PA NI 'BREL PA CAN LA GNOD PAR BYED PA MA YIN PAR BSTAN PA NI DPYOD KUN LA ZHES BYA BA'O, ,DNGOS SU 'BREL PAS SAM DON LA DES PA'I PHYIR ZHES BYA BA NI RGYAL BA CAN GYI'O, ,DNGOS PO'I STOBS KYIS 'JUG PA BDAG MED PAR RIGS PA MI DMIGS PA LA GNOD PAR BYED PA NI LOG PAR 'JUG PA YIN LA BSTAN BCOS NI DU BA LAS ME'I ZHES BYA BA LA KHYAD PAR CAN DU 'JUG PA MA YIN PAR BSTAN PA NI DA NI ZHES BYA BA STE, BZLOG PA LA 'JUG PA BZHIN DU MI 'JUG PA YANG GNOD PA CAN KHO NA YIN NO ZHES BYA BA'I DON TO, ,'JIG RTEN PHA ROL LA DOGS PA CAN GYI YANG TSAD MA LAS NGES PA YIN NA, LUNG LA DON MED PAR BSTAN PA NI KHAS BLANGS MED PAR ZHES BYA BA'O, ,GAL TE ZHES BYA BA NI RGOL BA'O, ,DOGS PAR 'GYUR ZHES BYA BA NI MED PA NYID DU SHES PAR 'GYUR BA STE NGES PAR 'GYUR BA'O, ,MA YIN TE ZHES BYA BA NI LEN NO, ,YON TAN DANG LHAN CIG GNAS PA'I PHYIR YON TAN DANG LDAN PAS DE'I NGO BO DES SO, ,DE'I ZHES BYA BA NI RGOL BA'O, ,DE NI ZHES BYA BA NI BSTAN BCOS SO, ,RIGS GSUM PO RNAMS DANG GZHAN RNAMS KYANG RIGS DANG RIGS MA YIN PA LA SOGS PA'I RNAM PAR DBYE BA LUNG DANG 'BREL PA LAS MA YIN NAM, LUNG DANG 'GAL BA YIN NA DE'I GNOD PA YIN TE DE MA YIN PA LAS GRUB PA'I CHOS CAN LA YANG GZHAN DU MI RIGS PA'I PHYIR RO ZHES BSTAN PA NI SKYE BOR RENG BUR ZHES BYA BA STE, SKYE BA'I DUS NA DE DAG LA YANG DE LAS GRUB PA'I RIGS LA SOGS PA'I RNAM PAR DBYE BA NI MNGON SUM LA SOGS PA'I YUL MA YIN TE, PHA LA SOGS PA RNAMS KYANG DE'I GNAS SKABS NA DE LTA BU YIN PA'I PHYIR RO, ,DGE SLONG NYID LA SOGS PA BZHIN DU LUNG KHAS BLANGS PAS BYAS PA MA YIN PAR BSTAN PA NI YON TAN NYES PA ZHES BYA BA STE, KHAS LEN PA'I RGYU 'BREL PA LA SOGS PA MED NA YANG NGO, ,GANG NAS 'DI YI PHA MA DANG, MES PO LA SOGS SONG GYUR PA'I, ,LAM NAS DAM PA RNAM 'GRO RIGS, ,ZHES BYA BA LA SOGS PA SLU BAR 'DOD PA'I TSIG GIS NYE BAR BSGRUBS PA KHO NA LA BYIS PA RNAMS LUNG DU 'DZIN PA YIN PA'I BAR BSTAN PA NI, KYE MA SU YIS ZHES BYA BA'O, ,SPANGS PHYIR ZHES BYA BA NI LUNG DANG 'GAL BAS SO, ,MNGON SUM DON DANG RJES DPAG DANG, ,YID CHES GRAGS PAS

MA BSAL BA, ,ZHES BYA BA'I YID CHES PA'I BSAL BA'I RJES SU DPAG PA MA YIN PAR BSTAN PA NI MA YIN NAM ZHES ZER BA NI GAL TE BSTAN BCOS DANG 'GAL BA'I ZHES BYA BA'O, ,MI RTAG PA NYID KYIS BYAS PA NYID LA BZHIN DU NAM MKHA'I YON TAN DANG BSTAN BCOS KYI DON GYIS RJES SU 'GRO BA BSTAN PAR BYA BA MA YIN NAM, GZHAN DU NA KHYAD PAR MED PA'I PHYIR SUS KYANG MA YIN PAR BSTAN PA NI GAL TE DPE LA ZHES BYA BA STE, BSTAN BCOS KHAS BLANGS PA YIN YANG DE'I DON GCIG RJES SU 'GRO BA YOD NA LHAG MA DE'I DON GZHAN LA RJES SU 'GRO BA RNYED DKA' BA KHO NA YIN NO ZHES BYA BA'I DON TO, ,BSTAN BCOS RNAMS KYI PHAN TSUN 'GAL BA BSAL BAR MI NUS PA'I PHYIR RO, ,'JIG RTEN 'DAS LUGS ZHES BYA BA'I 'GREL PA NI, BSTAN BCOS DANG 'GAL BA'I ZHES BYA BA'O, ,CHOS CAN DE NYID KYI CHOS NYID NI NAM MKHA'I YON TAN NYID DO, ,GNOD NA NI BYAS PA NYID KYIS SO, ,BRJOD PA LA YANG NI MI RTAG PA NYID DU'O, ,GNOD PAR BYED PA NI BYAS PA NYID DO, ,NAM MKHA'I YON TAN NYID MA GRUB NA DE LA NGES PA'I MI RTAG PA NYID MI 'GRUB PO ZHES BYA BAR, MED NA MI 'BYUNG MIN DON LA, ,ZHES BYA BAS LAN BTAB ZIN TO, ,KHYAB PA LA KHYAD PAR MED KYANG NAM MKHA'I YON TAN NYID SGRUB PAR BYED PA MA YIN NA, MI RTAG PA NYID DU SGRUB PAR MI 'GYUR RO ZHES DE SEL BAR BYED PA NI 'BREL MED CES BYA BA'O, ,KHYAD PAR BYA BA NYID KYIS 'BREL PA CAN DE BSGRUB PA'I CHED DU MNGON SUM LA SOGS PAS GRUB PA'I CHOS CAN GYI CHOS CAN NYID DANG, GTAN TSIGS KYI RJES SU 'GRO BA BSTAN PAR BYA BA MA YIN NA BSTAN BCOS LA GRUB PA RNAMS DANG NI SMOS KYANG CI DGOS ZHES BSTAN PA NI CHOS CAN ZHES BYA BA'O, ,ME MI 'GRUB PA NI MA YIN LA ZHES BYA BA NI RANG GI DON LA'O, ,BSTAN PAR BYA BAS ZHES BYA BA NI GZHAN GYI DON LA'O, ,CHOS CAN GYI CHOS BLANGS PA MED NA GRUB MTHA' LA GNOD PA MA YIN GYI NAM MKHA'I YON TAN NYID NYAMS PA YIN NA, BSTAN BCOS KHAS BLANGS PA'I PHYIR GRUB MTHA' LA GNOD PA YIN PAR BSTAN PA NI MI 'KHRUL PAS NA ZHES BYA BA'O, ,RANG BZHIN NI GTAN TSIGS KYI KHYAB BYED DO, ,DON NI KHYAB BYA'O 'BRAS BU LA YANG MI 'KHRUL BAS TE GNOD PAR BYED PA'I TSAD MAS GRUB PA'I NGES PAS SO, ,NGO BO NYID LAS

, ,ZHES BYA BA NI GO BAR BYED PA'I NGO BO LAS TE SMRA BA NI 'DOD PAS BYAS PA DON GYI NGO BO MA YIN PA BZLOG PA YIN NO ZHES BYA BA'I DON TO, ,NGES PA'I DON LA YANG RANG BZHIN GYIS GO BYED YIN YANG BSTAN BCOS DANG LDAN PA NI KHAS BLANGS PAS GNOD PA'I 'JIGS PAS DE LAS RTOGS PAR BYED PA MA YIN ZHES ZER BA LA DE NI 'DOD PA'I ZHES BYA BA STE, CHOS CAN LA BSGRUB BYA MED NA MI 'BYUNG BA NYID KYI DON RTOGS PA KHO NA BSGRUB BYA RTOGS PA YIN PA'I PHYIR JI LTAR RTOGS PAR MI BYED CES BYA BA'I DON TO, ,'GAL BA CAN DE DE LTAR SHES KYANG BRJOD NA RGOL BA SKYON CAN NYID YIN NO ZHES ZER BA LA GTAN TSIGS ZHES BYA BA'O, ,TSIG GI NUS PAS GNOD PA YIN NA RGOL BA'I SKYON CAN DU 'GYUR BA ZHIG NA DE LTA NI MA YIN TE MA BRJOD KYANG DE'I RANG BZHIN YIN PA'I PHYIR RO ZHES BYA BA'I DON TO, ,DE'I RANG BZHIN BRJOD NA DON BZHIN DU RGOL BA PO NI TSIG GIS RJES SU 'BRANG BA'I PHYIR KHAS BLANGS PA DANG 'GAL BAR 'BREL PA KHO NA YIN NO ZHES ZER BA NI GNOD BYED CES BYA BA'O, ,MA BRJOD PA'I SGRUB BYED LA YANG GNOD PAR BYED PA YIN NA TSIG 'DI LHAN CIG BYED PA MA YIN NO ZHES BYA BA'I DON BSTAN PA NI GAL TE ZHES BYA BA'O, ,DE ZHES BYA BA NI RGOL BA'O, ,DNGOS SU'AM LHAN CIG BYED PA NYID KYIS KYANG NGES PA STE, MI RIGS PA BYED PA MIN NA SKYON CAN DU MI 'GYUR BA'O, ,GTAN TSIGS BZHIN DU LTAR SNANG BA LA YANG RANG NYID KYI SKYON YOD NA DE DAG GI TSIG DAG LA 'DOD PA DANG CIG SHOS GRUB PA'I RGYU NYID DU KHYAD PAR CHE BA YIN PAR BSTAN PA NI GTAN TSIGS LTAR SNANG ZHES BYA BA'O, ,'DIR MA YIN ZHES BYA BA NI BYAS PA NYID LA'O, ,DE ZHES BYA BA'I 'DOD PA'I MI RTAG PA NYID DE RANG GI 'DOD PA BSGRUB PA'I PHYIR SGRUB PAR BYED PA'I YAN LAG BRJOD PA'I PHYIR RO, ,'DIR NI ZHES BYA BA NI MI RTAG PA NYID RTZOD PA'I GZHI YIN PA'I GNAS SKABS LA'O, ,'DI LA YANG ZHES BYA BA NI BYAS PA NYID LA'O, ,MA BRJOD PA ZHES BYA BA NI BSTAN BCOS KYI DON NAM MKHA'I YON TAN NYID SGRUB BYED DE, MA YIN TE SGRUB PAR BYED PA YANG ZHES BYA BA NI BSTAN BCOS KYI DON MI RTAG PA NYID DO, ,'DIR MI RTAG PA NYID BSTAN BCOS KYI DON DANG 'GAL BA CAN NI MI 'DOD PA DANG 'DRES PA'I PHYIR 'DOD PA SGRUB PAR BYED PA YIN YANG DUG DANG 'DRES PA'I KHA ZAS BZHIN DU

MI 'DOD PA KHO NA MA YIN NAM ZHES ZER BA LA GAL TE ZHES BYA BA'O, ,RIGS MIN BAS ZHES BYA BA NI 'GAL BA CAN NO, ,RIGS PA SMRA BA YANG ZHES BYA BA NI KHYAB PAR BYED PA YANG BSGRUB BYA NYID DU SMRA BA'O, ,KYANG ZHES BYA BA NI 'GOG BYED CES BYA BA'I 'DREN PAR BYED PA'O, ,BSTAN BCOS MA LUS PA'I DON GTAN TSIGS DANG 'GAL BA MA YIN TE DE STE 'GAL BA YOD PA'I PHYIR RO, ,'GA' ZHIG LA YANG 'GAL BA YOD PA MA YIN PAR BSTAN PA NI 'BREL PA ZHES BYA BA STE, YUL THA DAD PA'I PHYIR 'GAL BA MED DO ZHES BYA BA'I DON TO, ,ME LA SOGS PA'I SGRUB BYED THAMS CAD KYANG ME MA YIN PA DGAG PA LA SOGS PA MI 'DOD PA DANG 'DRES PA'I PHYIR, SGRUB BYED MA YIN PA THOB PAR 'GYUR RO ZHES ZER BA LA DON KUN ZHES BYA BA STE, BZLOG PA DGAG PAR MI BYED NA 'KHRUL PA YIN PAR SGRUB BYED MA YIN PA KHO NA YIN NO ZHES BYA BA'I DON TO, ,KUN DU NI 'JIG RTEN DANG BSTAN BCOS DAG LA'O, ,ME NI ME MA YIN PAR MNGON SUM GYIS BKAG PA DE'I PHYIR 'GAL BA CAN MA YIN PA MA YIN NAM, NAM MKHA'I YON TAN NYID NI LUNG LAS GRUB PA YIN NA 'GAL BA CAN YIN TE 'GAL BA MI 'KHRUL PA LTA BU'O ZHES ZER BA LA CHOS CAN GCIG LA ZHES BYA BA STE SDE PHAN TSUN DU'O, ,'DIR ZHES BYA BA NI NAM MKHA'I YON TAN NYID DANG MI RTAG PA NYID DAG TSAD MA'I RTZA BA CAN GYI MI RTAG PA NYID KYIS CIG SHOS LA GNOD PA'I PHYIR RO, ,RANG BZHIN GYI 'BREL PA MED PA'I PHYIR STOBS MTSUNGS PA JI LTAR YIN ZHES ZER BA LA GNYI GA YANG ZHES BYA BA'O, ,SGRUB PAR BYED PA NI BSGRUB BYA RTOGS PAR BYED PA'O, ,NYAMS 'GYUR TE ZHES BYA BA NI THAMS CAD DU 'GAL BA CAN GYI TSIG MTHONG BA'I PHYIR RJES SU DPAG PA LAS KYANG SRID PA'I PHYIR RO, ,DE LA NI BSTAN BCOS LA'O, ,YOD PAR BYED PA NI GRUB PAR BYED PA'O, ,NAM MKHA'I YON TAN NYID KHO NA MI RTAG PA NYID DANG 'GAL BA YIN GYI DE'I MED PA DANG NI MA YIN PAR BSTAN PA NI, NAM MKHA'I YON TAN NYID MED PA NI ZHES BYA BA STE, DE MED PA DANG 'GAL BA MED NA DE NYID 'GRUB PA YIN GYI RTAG PA NYID LA SOGS PA NI MA YIN NO ZHES BYA BA'I DON TO, ,MI RTAG PA NYID DANG NAM MKHA'I YON TAN NYID DAG GI PHAN TSUN 'GAL BA DANG CIG SHOS KYI GNAS SKABS YIN LA, DE'I MED PA DANG

, ,'GAL BA MED PAR BRJOD PA NI DES GNOD PAR BYED PA MA YIN PA NYID DU BSGRUB PA LA BRTEN PA YIN TE, GZHAN DU NA MI RIGS PA'I PHYIR RO ZHES BYA BA NI RGYAL BA CAN GYI'O, ,GZHAL BYA DAG LA PHAN TSUN 'GAL BA YIN ZHES ZER BA NI, SKYON MED SHES PA MED PA LA, ,TSAD MA DAG LA KHYAD MED PHYIR, ,BSGRUB PAR BLO YIS MNGON SUM LAS, ,MED SMRA DAG GIS KHYAD PAR BRJOD, ,CES BYA BA YIN NO ZHES ZER BA NI, DE DAG GNOD BYED NI, ,ZHES BYA BA STE, PHAN TSUN DU'O, ,MI RTAG PA NYID GNOD PAR BYED PA YIN YANG DE DAG STE NAM MKHA'I YON TAN NYID DANG MI RTAG PA NYID DAG MA YIN GYI MI RTAG PA NYID DANG NAM MKHA'I YON TAN NYID MED PA DAG GI GNAS SKABS NI MA YIN NO, ,MED NA MI 'BYUNG MI 'DOD LA, ,GNOD KYANG GZHAN LA CI ZHIG GNOD, ,CES BYA BA KHAS BLANGS NAS BSTAN PA NI, 'BREL PA MED KYANG ZHES BYA BA STE, DE DAG GI NAM MKHA'I YON TAN NYID GNOD BYA YIN NA YANG KHAS BLANGS PA'I BSTAN BCOS LA GNOD PA'I PHYIR, MI RTAG PA NYID KYI SGRUB BYED LA GNOD PAR 'GYUR RO ZHES BYA BA NI RGOL BA'I DON YIN NO, ,BSGRUB BYA GANG YANG RUNG BA BSGRUB PA NA BSTAN BCOS KYI DON GANG YANG RUNG BA GNOD PA'I PHYIR YANG SKYON DU 'GYUR BA BSTAN PA NI THAMS CAD THAMS CAD KYI GNOD 'GYUR ZHES BYA BA STE, THAMS CAD NI BSTAN BCOS TE 'BREL PA CAN MA YIN PA'O, ,THAMS CAD KYI NI RTAGS KYI'O, ,GNOD PA NI RTAGS THAMS CAD KYI BSTAN BCOS GNOD PA'I PHYIR THAMS CAD KYI ZHES BYA BA GTAN TSIGS LA GNOD PA YIN NO ZHES ZER BA 'BREL PA MED PA YIN NO ZHES BYA BA NI RGYAL BA CAN GYI'O, ,'BREL PA MED KYANG GNOD PA YIN NA THAL CHES PA NI 'DI LA MA YIN TE, DE YOD PA'I PHYIR RO ZHES ZER BA NI 'BREL PAS TE YOD PA ZHES SBYAR RO, ,CI LAS SHES NA DES NA STE MI RTAG PA NYID KYI RGYUS SO, ,DE NYID NI CHOS CAN LA STE BSTAN BCOS KYI DON NAM MKHA'I YON TAN DE NYID GNOD PAR 'GYUR BA DE'I PHYIR SKYON YIN NO ZHES BYA BA NI BSAMS PA'O, ,MA YIN TE ZHES BYA BA NI RGOL BA BZLOG PA'O, ,CHOS CAN DE LA YANG RANG GI BSGRUB BYA NYID DANG 'BREL PA'I GTAN TSIGS YIN GYI NAM MKHA'I YON TAN NYID LA SOGS PA GZHAN DANG NI MA YIN PAR BSTAN PA NI GTAN TSIGS ZHES BYA BA'O, ,GNAS

PA MA YIN YANG MI RTAG PA NYID LA BDAG MED PA NYID BZHIN DU 'BREL PA YIN PA'I PHYIR 'DI MED NA MI 'BYUNG BA'I PHYIR RIGS PA YIN PAR BSTAN PA NI, MED NA MI 'BYUNG BA ZHES BYA BA STE MI RTAG PA NYID LA BDAG MED PA LTA BU'O, ,DE NI 'DIR ZHES BYA BA NI MI RTAG PA NYID DANG NAM MKHA'I YON TAN NYID LA'O, ,BSTAN BCOS GNOD PA 'BA' ZHIG NI GZHAN NI GTAN TSIGS TE, BRTZAL MA THAG TU BYUNG BA NYID DES BYAS PA YANG DE LA'AM SA LA YANG MTSUNGS PA YIN NO, ,KHYAB PAR BYED PA BSTAN PA 'DI DE LA ZHES BYA BA'O, ,RGOL BA'I 'DOD PA LAS BSTAN BCOS GZHAN GYI 'DOD PA BSAL BAR BYA BA'I CHED DU RANG GI SMOS PA MA YIN NA, GTAN TSIGS MA GRUB PA NYID LA SOGS PA'I TSIG DAM BCA' BA YIN PA'I PHYIR DE YANG GTAN TSIGS KYI SKYON DU 'GYUR BAS BSTAN PA NI GAL TE, BSTAN BCOS KHAS BLANGS PA'I PHYIR ZHES BYA BA'O, ,RGOL BA RANG GI SGO NAS GZHAN GYI 'DOD PA LAS KYANG KHYAD PAR MED PAR BSTAN PA NI GZHAN GYI YANG ZHES BYA BA'O, ,DAM BCA' BA NI LUNG YIN PAR ZHES BYA BA SGRUB PA MA YIN PA'O ZHES ZER BA NI LUNG MA YIN NO ZHES BYA BA'O, ,DAM BCA' BA NYID LUNG YIN NO ZHES BYA BA BSGRUB PAR BYA BA YIN ZHES ZER BA NI LUNG ZHES BYA BA STE, MA GRUB PA LA SOGS PA'I TSIG DAM BCA' BA MA YIN NO ZHES BYA BA'I DON TO, ,LUNG NYID DAM BCA' BA MA YIN NO BAR BSHAD ZIN TO ZHES ZER BA NI MA YIN TE DAM BCA' BA NI ZHES BYA BA'O, ,RANG GI 'DOD PA LA SKYON SEL BAR BYED PA NI, DE NI BDEN MOD KYI ZHES BYA BA'O, ,BSTAN BCOS KYI DON NYID KYI RGYU MTSAN NI SGRUB BYED KYI BSGRUB PAR BYA BA NYID KYANG KHYAD PAR GYIS BZLOG PAR BYA BA MA YIN TE, THAL CHES PA'I PHYIR RO ZHES BSTAN PA NI GAL TE SGRUB BYED NYID CES BYA BA'O, ,BSTAN BCOS KYI DON RJES SU BRJOD NAS RGOL BA'I 'DOD PA BSGRUB BYA YIN NO ZHES BYA BA 'DI NYID RIGS PA MA YIN NAM, DE LTA YIN NA RANG GI DON KHO NA BSGRUB BYA YIN PAR BSTAN PA NI, GAL TE MI 'DOD CES BYA BA'O, ,NAM MKHA'I YON TAN NYID NI BRTEN PA LA SOGS PA NYID DU MI RIGS PA'I PHYIR RANG BZHIN BA DANG DON RTOGS PAR BYED PA NYID NI RGAN PO RNAMS KYI THA SNYAD LAS YI GE SNGA MA 'DZIN PA'I MNGON SUM GYIS MI 'DZIN PA'I PHYIR YI GE MA GTOGS PA DE'I THA SNYAD GZHAN DU MI 'THAD PAS RGAN PO RNAMS KYIS DE LTAR SHES PA'I PHYIR, GZHAN

, ,YIN PA DANG MTHONG BA NYID DU ZHEN PA'I SGRA LAS SOR MO'I BRDA LTA BUR BRDA JI LTA BA BZHIN DU DON DRAN PA'I PHYIR, DRAN PA PO GZHAN DANG SHES PA YANG NGES PA YIN TE, DRAN PA JI LTA BA BZHIN DU 'DOD PA LA SOGS PA DANG 'DRES PA'I PHYIR GZHAN SKYES BUS BYAS PA DANG, TSAD MA NYID KYANG YIN NO ZHES BYA BA LA SOGS PA NI GZHAN YANG ZHES BYA BAR BRJOD DO, ,GNOD PAS ZHES BYA BA NI DE LTA BU LA SOGS PA LA MI RTAG PA NYID KYI SGRUB BYED KYIS SO, ,NYES PA CAN NI RGOL BA'O, ,MA YIN TE ZHES BYA BA NI LAN NO, ,RANG NYID NI 'DOD PA ZHES BYA BAR SBYAR RO, ,DE DANG LDAN PA'I PHYIR NI DE DANG 'DU BA'I PHYIR RO, ,GZHAN DU YANG ZHES BYA BA NI SGRA DANG SGRA GZHAN LAS SKYES PAS SO, ,DE NYID DU ZHES BYA BA NI GSAL BA'I GNAS NYID DU'O, ,GSAL BAR BYED PA'AM SKYED PAR BYED PA YANG RNA BA'I YUL DU SGRA GSAL POR BYED PA MA YIN NO, ,DPAG TSAD CES BYA BA NI GSAL BA'I KHYAD PAR YIN PA'I PHYIR MA KHYAB NA 'JUG PA NYID NI YAN LAG MED PA NYID DU MI RIGS TE YON TAN RNAMS BRTEN PA'I PHYIR RO, ,DRI YANG SA LA ZHES BYA BA NI GCIG TU DBYER MED PAR MA RTOGS PA'I PHYIR ZHES BYA BAR SBYAR RO, ,GZHAN DU 'DAS PA NI RLUNG GI RDZAS KYIS SO, ,YON TAN DANG NI SGRA DANG SA YIN PA'I PHYIR NI RDZAS YIN PA'I PHYIR RO, ,DE ZHES BYA BA NI SGRA'O, ,DE DMIGS KYANG NI DRI DMIGS PA'O, ,LHAN CIG TU ZHES BYA BA NI SA DANG NGO, ,BYA BA DANG BCAS PA NYID MA YIN NA YON TAN NYID KHO NA DO RA BAR BYA BA YIN PAR BSTAN PA NI, GAL TE ZHES BYA BA STE, NANG GI RLUNG RNA BA'I PHYOGS SU SONG BAS KHYAB PA'I SGRA GSAL BAR BYED PA YIN NO ZHES PA 'DIS BSAL BA YIN TE, SKYE BA'I YUL LA DMIGS PAS SGRA NYID 'DA' BAR BYA BA YIN NO, ,GZHAN YANG ZHES BYA BA NI RANG GI 'DOD PA LA 'DA' BAR BYA BA NYID LA SOGS PA MED PAR BSTAN TO, ,YON TAN LA NI YON TAN NYID LAS SO, ,GZHAN GYI YANG SKAD CIG RE RE ZHING YUL GZHAN DANG GZHAN LA 'DRA BA SKYED PAR 'DOD PA KHO NA YIN PAR BSTAN PA NI, CHU RLUNG SA DANG ZHES BYA BA'O, ,RGYAL DPOG PA RNAMS NI GSAL BAR BYED PA'I RLUNG DANG GZUGS LA SOGS PA NYID KYIS RDZAS ZHES BYA BAR 'DOD PA YIN NO, ,RANG GI 'DOD PA BSTAN PA NI GZHAN YANG ZHES BYA BA'O, ,GEGS BYED NI LUS CAN NO, ,BRAL BAS NI MED PAS BYAS PA'O, ,BDAG NYID KYIS 'DOD PA'I DON DU BRTAGS

PAS SGRA LA SOGS PA'I GZHI NYID GRUB PA'I PHYIR NAM MKHA' LA SOGS PA DON LAS THOB PA MA YIN PAR BSTAN PA NI 'ON TE KHYAB DANG ZHES BYA BA'O, ,DE 'DRA BA'I BDAG NYID NI DE'I BYA BA BYED PA NYID KYIS SO, ,NAM MKHA'I CI BYAR YOD CES BYA BA NI DE YANG DE'I BYA BA DANG LDAN PAR MI 'GYUR BA'O, ,DE RNAMS KYIS TE PHYOGS RNAMS KYI SHAR NYID LA SOGS PA'I DBYE BA'O, ,BU GA MED PAR BYED BA MED PA NA PUG LA DE LTAR TE NAM MKHAR RO, ,BU GA MED PAR BYED PA STE MTHAR THUG PAR BYED PA YOD PA'O, ,DE MED NA YANG NI DMIGS PA MED PA YANG NGO, ,DE DANG ZHES BYA BA MTHAR THUG PA LA'O, ,GZHAN NA NI GZHAN NA'O, ,DE NYID NA NI MTHAR THUG PA NA'O, ,'GAL LO ZHES BYA BA NI NAM MKHA' BU GA YIN PA'I PHYIR RO, ,GANG LAS ZHES BYA BA NI DBYIG PA LA SOGS PA LAS SO, ,DE ZHES BYA BA NI BUM PA LA SOGS PA'O, ,DE MED DE DBYIG PA LA SOGS PA MED PA NA'O, ,DE ZHES BYA BA NI BUM PA LA SOGS PA'O, ,DE MIN NI NYE BAR GNOD PA'O, ,BLTAD [?] PA NI DMIGS PA MED KYANG THA SNYAD BYED PA'O, ,TSAD MA NI MED DO ZHES SBYAR RO, ,GZHAN PA LAS MA YIN ZHES BYA BA NI KHYAB PA MA YIN PA NYID DO, ,'GRO BA NI SHAR LA SOGS PA'O, ,DE MED PA NI NUB LA SOGS PA MED PA'O, ,GZHAN DU NI PHYOGS GZHAN DU'O, ,GNAS PA NI GSAL BAR BYED PA'I MI SHAR LA SOGS PA MED NA RANG LAS DE MNGON PAR GSAL BA NI PHYOGS LAS KYANG MI 'GYUR BAR BSTAN PA NI, GNAS SKABS LAS ZHES BYA BA'O, ,'GYUR BA NI PHYOGS LAS ZHES BYA BAR SBYAR BA'AM THA SNYAD DU 'GYUR BA NI YOD PA'I THA SNYAD DO, ,RANG GI NGO BOR ZHES BYA BA NI GZUGS LA SOGS PA BZHIN DU YID KYIS RTOGS PA NA'O, ,GANG LA NI GRONG LA SOGS PA LA'O, ,DUS LA YANG 'DAS PA LA SOGS PA'I NGO BO'I GSAL BAR BYED PA KHO NAR NGES PA'I DNGOS PO NI 'DAS PA LA SOGS PA'I THA SNYAD KYI YUL YIN PAR BSTAN PA NI BYUNG BAR GYUR TO, ,YANG NGO ZHES BYA BA'O, ,RGYAL PO GANG DAG CES BYA BA NI R'A MA nA LA SOGS PA'O, ,SO SOR NGES PA NI SO SOR NGES PA CAN NO, ,'GOG PA NI DNGOS PO'I RANG GI NGO BO 'THOB PA MED PA DANG GNANG BA MED PA'O, ,DUS KYIS 'BYUNG BA SMIN BYED CING, ,DUS KYIS SKYE DGU SDUD PAR BYED, ,CES BYA BA LA, SMIN PA NI SKYED PAR BYED PA'O, ,'DOD PA LAS NI BDAG LAS SO, ,GZHAN DU NI DUS

, ,LA SOGS PA THA DAD PA NYID DO, ,'DI NI NAM MKHA' NYID DU ZHES BYA NI RGOL BA'O, ,DE'I NI 'BAR BA LA SOGS PA'O, ,MTSUNGS SO ZHES BYA BA NI RTEN LAS GZHAN DU MTHONG BAR RO, ,GAL TE 'DOD PA SMOS PA KHO NA LAS BSTAN BCOS SU 'DOD PA LAS LDOG PA YIN NA PHYOGS KYI MTSAN NYID RDZOGS PA YIN ZHING, RANG NYID CES BYA BA DON MED DE BZLOG PAR BYA BA MED PA'I PHYIR RO ZHES ZER BA NI PHYOGS MTSAN ZHES BYA BA'O, ,BSTAN BCOS SU 'DOD PA THAMS CAD BSGRUB BYA NYID YIN PA'I PHYOGS LA RANG NYID CES BYA BA DON MED PAR 'GYUR ZHES BYA BA'I 'GREL PA NI, RANG NYID KYI SGRA NI ZHES BYA BA'O, ,DE YANG, GAL TE MI 'DOD SGRUB MIN NA, ,ZHES BYA BA LAN YIN NA JI LTAR YIN ZHES BYA BA NI RGYAL BA CAN GYI'O, ,BSTAN BCOS SU 'DOD PA LA RANG GI 'DOD PAS KHAS LEN PA MA YIN GYI, 'O NA CI ZHE NA KHYAD PAR CAN GYI YANG DAG PAR 'DOD PA NYID KYIS YIN TE, SKYES BU MA BYAS PA'I PHYIR RO SNYAM DU DOGS PA BSAL BA'I DON DU RANG NYID KYI TSIG YIN PAR BSTAN PA NI GAL TE BSTAN BCOS ZHES BYA BA'O, ,YOD PA LA SOGS PAS MI RTAG PA NYID YIN NA SKYES BUS BYAS PA MA YIN PA NYID LA SOGS PA MI SRID PA'I PHYIR TSAD MAS RJES SU BZUNG BA'I BSTAN BCOS KHAS BLANG BA BYAS PA'I KHYAD PAR CAN NYID YIN NA, JI LTAR 'DOD PAS 'JUG PA DANG CIG SHOS YIN ZHES DOGS PAR BYED CES BSTAN PA NI, 'O NA DOGS 'DI ZHES BYA BA'O, ,TSAD MA'I RGYU MTSAN GYIS 'JUG PA DE MED NA MI 'BYUNG BAR BSTAN PA NI GAL TE TSAD MAS BKAG NA YANG ZHES BYA BA'O, ,TSIG LAS NI BYED PAS SO, ,GANG GIS RGOL BA STE RTOG PA DANG LDAN PA'I 'DOD PA YANG TSAD MA'I RTZA BA CAN NYID YIN NO ZHES BYA BA'I DON TO, ,CIG SHOS KYANG 'DOD PA TZAM DU KHAS BLANGS PA DE BZHIN DU KHAS BLANGS PA YIN NA, GZHAN YANG DE KHO NA BZHIN DU KHAS LEN PAR 'GYUR TE DE LTAR 'JUG PA GRUB PA'I PHYIR RO ZHES BSTAN PA NI DE DAG SNGAR YANG ZHES BYA BA'O, ,RGOL BA'I 'DOD PA YIN YANG TSAD MA YOD PA DAD CIG SHOS DAG NYID KYIS 'DZIN PA DANG CIG SHOS DAG YIN NA, RANG NYID KYI TSIG GIS CI ZHIG BYA ZHES ZER BA NI, DE LTAR NA 'O NA ZHES BYA BA STE, RANG NYID CES BYA BAS BSTAN BCOS SU 'DOD PA BZLOG PAS KYANG BSGRUB BYA 'GRUB BO ZHES BYA BA'I DON TO, ,MA BZLOG KYANG 'THOB PA'I DON YIN NO ZHES ZER BA NI,

GAL TE MI GNOD DO ZHEN ZHES BYA BA'O, ,MI 'DOD PA NYID KHO NAS BSTAN BCOS SU 'DOD PA BZLOG PA MA YIN NAM CI'I PHYIR RANG NYID SMOS PA YIN SNYAM DU SEMS PA LA RNAM PAR BCAD PA'I DON DU NI MA YIN TE, LOG PAR RTOGS PA BSAL BA'I DON NYID DOGS PA'I GNAS BKAG PAS ZHES BYA BAS BKAG ZIN TO, , DE'I PHYIR DGOS PA CI ZHIG YOD CES ZER BA LA, LOG PAR RTOGS PA ZHES BYA BA RJES SU BRJOD PA'O, ,'DOD GNOD MED CES BYA BA LA SOGS PA NI 'BRAS BU BSGRUB BYA STE, 'DOD PA MI RTAG PA NYID LA GNOD PA MED PA STE 'GAL BA MED PA'I PHYIR LA 'GAL BA MED PA YANG DE MED NA MI 'BYUNG BA NYID KYIS SO,, BSGRUB PAR BYA BA MA YIN PA NYID KYI PHYIR BSTAN BCOS SU 'DOD PA MA YIN PA'I'O, ,BSGRUB BYA MA YIN NA NYID LA YANG YIN NA THUG PA MED PA NI GTAN TSIGS THAMS CAD KYI 'BRAS BU'I NYE BAR MTSON PA'O, ,GAL TE SGRA MI RTAG CES BYA BA'I CHOS CAN JI LTA BU YIN, MA GRUB PA'I CHOS CAN LA NI SGRUB BYED MA YIN LA GZHUNG LUGS KYI KHYAD PAR GYIS BYAS PA'I CHOS CAN LA GRUB PA LA SGRUB PA YIN NO, ,GZHAN YANG ,YON TAN GSUM MAM 'DI SKYES BU'AM, ,YANG NA NAM MKHA'I YON TAN NAM, ,YI GE LAS GZHAN NA DE'I BDAG ,RLUNG GI YON TAN BYED MIN NA, ,TSIG DANG NGAG GI BDAG BSAL BA'AM, ,RANG BDAG NYID LAS MA BZLOG PA,, 'DI RNAMS MI RTAG 'GYUR MOD KYANG, ,DED LA DE RNAMS MI RTAG MIN, ,KHYAD PAR NYID NI MA GRUB DANG, ,GZHI MA GRUB PA'I GTAN TSIGS NYID, ,CES BYA BA LA SOGS PA'I SKYON DU 'GYUR RO SNYAM DU SEMS PA LA DE BSAL BA'I CHED DU RAB TU GRUB PA'I CHOS CAN YIN PAR SHES PAR BYA BA'I PHYIR RANG NYID SMOS PA YIN NO ZHES BSTAN PA NI ,GZHUNG LUGS KYIS BYAS KHYAD PAR DAG ,CES BYA'O, ,RAB TU GRAGS PA SGRA ZHES BYA BA SGRAS BRJOD PAR BYA BA SGRA NYID KYI SPYI RTAG PA RTAG PA KHO NA MA YIN NAM ,JI LTAR ,MI RTAG PA NYID BSGRUB BYA MIN, ,SPYI NI 'DI LA GANG CUNG ZAD, ,THAMS CAD KYIS NI RTAG PAR BRTAGS, ,ZHES BYA BA LA, RIGS KYI SGRA GSAL BA RNAMS KYI RJOD BYED MA YIN TE GSAL BA RNAMS NI SGRA ZHES BYA BA'I SGRA GSAL BAR BYED PAR MI NUS TE, RIGS KYIS NYE BAR MTSON PA'I KHYAD PAR RNA BAS 'DZIN PA NI CHOS CAN YIN TE GZHUNG LUGS THAMS CAD DU MA SPANGS PA RAB TU GRAGS PA BRJOD PA DNGOS PO LA BRTEN PA RNAM PAR

, ,DPYOD PA NI DNGOS PO MA YIN PA BRDA LAS BYUNG BA RANG NYID KYIS MI 'GYUR PA 'DI LA 'BAD PAS CI ZHIG BYA ZHES BSTAN PA NI, DPYOD PA NYID KYI SKABS KYIS NA, ,ZHES BYA BA STE, BYAS PA'I PHYIR ZHES BYA BA'I SGRUB BYED NI DPYOD PA YIN LA, 'DOD PA SGRUB PA'I CHED DU SBYAR BA NI NANG GI SGRUB PA LA TSAD MAS GRUB PA'I CHOS CAN 'PHEN PAR BYED CES BYA BA'I DON TO, ,BSTAN BCOS GCIG GI GO BYA LA MNGON PAR 'DOD PA'I DGOS PA MED PAR BSTAN PA NI, RANG 'DOD BRTAGS PA'I ZHES BYA BA'O, ,DE LTAR GYUR PA'I CHOS CAN NYID DU SGRUB PAR BYED PAR 'DOD PA YIN NA, RGOL BA NI RANG GI DON GYI SGRUB BYED BRJOD PAR MI BYED PAR BSTAN PA NI NYAN PO ZHES BYA BA'O, ,'DOD MED PHYIR NI DON DU GNYER BA MA YIN PA'I PHYIR RO, ,BYAS PA NYID LAS KYANG BRDA LAS BYUNG BA DE GRUB PA MA YIN TE, KHYAD PAR BYED PA MED PA'I PHYIR RO ZHES BSTAN PA NI DE YAS ZHES BYA BA'O, ,GAL TE GRUB PA NYID KHO NA STON PA NI MA YIN GYI 'ON KYANG DE'I SGO NAS CHOS CAN MA GRUB PA YANG BSGRUB BYA NYID YIN NO ZHES ZER BA NI, CI STE ZHES BYA BA'O, ,DE NI MA GRUB PA'I NGO BO BZLOG PA'I TSIG NYID KYIS 'GRUB PAR BSTAN PA NI, RANG GI NGO BO NYID CES BYA BA'O, ,RNAM PAR GCAD PAR BYA BA MED NA KHYAD PAR MED PAR BSTAN PA NI GRUB PA DANG ZHES BYA BA STE, GRUB PA'I NGO BOS NI CHOS CAN MA GRUB PA YIS TE, GRUB PA NI DPYOD PA'I GNAS SKABS NYID NA GRUB PA NYID BZHIN DU GRUB PAR BYA BA NYID MA YIN PA'I PHYIR RO, ,MA GRUB PA'I CHOS CAN GRUB PAR BYA BA NYID GSAL BA'I CHED DU RANG GI NGO BO NYID CES BYA BAS ZHAR LA GRUB PA'I CHOS BSGRUB BYA NYID YIN PA YANG SEL BAR BYED DO ZHES BSHAD PA NI MA GRUB PA ZHES BYA BA'O, ,NAM MKHA'I YON TAN NYID KYI KHYAD PAR GYI CHOS CHOS CAN GANG GI YIN PA GRUB PA DE'O, ,CHOS CAN GYI KHYAD PAR NYID DU ZHES 'DON PA LA NI CHOS CAN LA KHYAD PAR NYID KYIS MA GRUB PA'I CHOS CHOS CAN GYI ZHES BYA BAR SBYAR RO, ,SGRA MTSUNGS KYANG ZHES BYA BA NI NAM MKHA'I YON TAN GYI SGRA MI RTAG PA'O, ,BSGRUB BYA'I CHOS KHYAD PAR DU BYED PA NI SGRA LA SOGS PA'I CHOS CAN RANG GI MTSAN NYID YIN LA, RJES SU DPAG PA NI DE'I YUL CAN MA YIN TE, DPE DANG THUN MONG BA'I SPYI LA 'JUG PAR BRJOD PA'I PHYIR RO ZHES BSTAN PA NI RJES SU DPAG PA ZHES BYA BA'O, ,DE'I PHYIR

'DIR NI PHYOGS KYI MTSAN NYID LA RANG GIS ZHES BYA BAS CHOS CAN MA GRUB PA'AM CIG SHOS BSGRUB BYA NYID DU MA BRJOD KYANG BSGRUB BYA NYID DU THAL BAR 'GYUR BA MA YIN PAR BSTAN PA NI PHYOGS LA 'GAL BA ZHES BYA BA'O, ,RANG GI MTSAN NYID KHO NA DE MA YIN PA'I NGO BO LAS LOG PAS SPYI MA YIN NAM, RJES SU DPAG PA'I YUL MA YIN PA JI LTAR YIN ZHES ZER BA LA GAL TE CHOS CAN ZHES BYA BA'O, ,CHOS CAN NI CHOS CAN GZHAN LA MED PA'I CAN PHYIR GTAN TSIGS RJES SU 'GRO BA CAN MA YIN PAR 'GYUR RO ZHES ZER BA NI RTAGS RJES 'GRO MED PHYIR ZHES BYA BA'O, ,RJES SU 'GRO BA CAN MA YIN PA NYID NI GTAN TSIGS KYI SKYON YIN GYI PHYOGS KYI NI MA YIN TE, DE'I MTSAN NYID LA SKYON DE SPANG BAR BYA BA YIN PAR BSTAN PA NI 'DI DE DAG GI ZHES BYA BA STE, DE DAG NI GTAN TSIGS DANG DPE DAG GI STE RJES SU 'GRO BA MED PA DANG, BSGRUB BYA MA TSANG BA NYID KYI NGO BO'O, ,GTAN TSIGS LA SOGS ZHES BYA BA NI MA GRUB PA NYID LA SOGS PA'O, , PHYOGS TZAM LA YOD PA NYID KYIS THUN MONG BA YIN PAR BSTAN PA NI MNGON SUM LA SOGS ZHES BYA BA'O, ,'ON TE DPER NA ZHES BYA BAS SGRUB BYED LA 'OS PA NYID PHYOGS KYI YON TAN NYID DU BSTAN TO, ,GTAN TSIGS KYI SKYON ZHES BYA BA NI PHYOGS SKYON CAN MA YIN PA'I PHYIR RO, ,GZHAN GYIS NI BYAS PA NYID LA SOGS PAS SO, ,DE'I ZHES BYA BA NI CHOS CAN LA'O, ,MNGON SUM GYIS GRUB PA LA SGRUB PA NYID PHYOGS KYI SKYON NYID MA YIN NAM ZHES BSTAN PA NI, GRUB PA LA SGRUB PA NYID KYI SKYON NI ZHES BYA BA'O, ,LUNG LAS GRUB PA LA RJES SU 'GRO BA MED PA YIN TE MA GRUB PA'I PHYIR LA, MNGON SUM LAS NI THUN MONG MA YIN PA'O ZHES BYA BA NI LUNG GIS GRUB PA ZHES BYA BA'O, ,RANG BZHIN DES ZHES BYA BA NI KHYAD PAR GYIS SO, ,DE ZHES BYA NI SPYI'O, ,GSAL BA MNGON SUM GANG GI YUL YIN PA MNGON SUM DE GANG LA YOD PA DE LA RJES SU DPAG PA MA YIN ZHES BYA BAR SBYAR RO, ,DER ZHES BYA BA NI KHYAD PAR MA YIN PA'I BDAG NYID MNGON SUM NYID KYIS GRUB PA'I PHYIR DANG KHYAD PAR GYI BDAG NYID KYIS MA GRUB PA'I PHYIR RO, ,KHYAD PAR LA DBYE BA MED PAS SPYI'I YUL CAN RJES SU DPAG PA YIN YANG KHYAD PAR GYI YUL CAN SHUGS KYIS YIN PAR BSTAN PA NI, RANG GI MTSAN NYID CES BYA BA'O, ,DE LTAR YIN NA RANG GI MNGON SUM RANG GI

, ,MTSAN NYID KYI YUL CAN YIN ZHES BYA BA LA SOGS PAS YUL GYI NGES PA JI LTAR YIN ZHES ZER BA LA, RJES SU DPAG PAS ZHES BYA BA'O, ,RTOGS PA NI ZHES BYA BA NI YUL LA SOGS PA'I KHYAD PAR MED PA'O, ,GANG STE TSAD MA'I YUL YIN PA DE NI YUL GANG YIN PA DE'I'O, ,DE NYID KYI SGO NAS NI YUL CAN GYI SGO NAS SO, ,DE YUL DANG MI 'GAL BAR BSTAN PA NI, DE DANG MI 'GAL BA'I PHYIR RO ZHES BYA BA'O, ,GZHAN NI DGAG PAR BYED PA'O, ,DE TZAM DANG 'BREL PA PHYOGS KYI SKYON YIN GYI GZHAN MIN ZHES BYA BA JI LTAR YIN TE, DE RNAMS SPANG BAR BYA BA MA YIN PA YANG MA YIN NO SNYAM DU SEMS PA LA RGYU SOGS ZHES BYA BA STE GTAN TSIGS LA SOGS PA'I MTSAN NYID RNAMS KYIS GZHAN DAG BSAL BA YIN NO ZHES BYA BA'I DON TO, ,GTAN TSIGS LA SOGS PA'I MTSAN NYID KYIS SKYON BSAL BA'I PHYOGS LA GTAN TSIGS 'JUG PA'I PHYIR RO, ,CI'I PHYIR DE TZAM DANG 'BREL PA SEL BAR BYED CES ZER BA LA MA KHYAB DANG ZHES BYA BA STE, DE MA SPANGS NA PHYOGS NYID MI 'THOB CES BYA BA'I DON TO, ,GTAN TSIGS LA SOGS PA'I MTSAN NYID KYIS KYANG MA GRUB PA'I CHOS CAN SGRUB PAR BYED PA NA, RJES SU 'GRO BA CAN MA YIN PA NYID SPANGS PAS DE'I DON DU RANG NYID SMOS PA NI MA KHYAB PA DANG, KHYAB CHES PA DAG LA DGOS PA MED PA NI DON MED PA 'THOB PAR 'GYUR RO ZHES ZER BA LA, 'GYUR BA MA YIN ZHES BYA BA'O, ,MTSAN NYID KYI NI PHYOGS KYI STE GZHAN NYID KYIS SPANGS PA'I PHYIR RO ZHES BYA BA'I DON TO, ,DE TZAM NYID CES BYA BA NI RANG NYID KYI TSIG DANG BRAL BA NYID DO, ,GZHAN GYIS NI RANG NYID SMOS PAS SO, ,DE LTAR NA KHYAB CHES PA SEL BA NI RANG NYID CES BYA BAS BSTAN BCOS SU 'DOD PA DANG NGES SU GZUNG BAS MA GRUB PA SGRUB BYED NYID DU BRJOD PA DANG, RANG GI NGO BO ZHES BYA BAS CHOS CAN NYID DU GRUB PA DANG TSAD MAS BSAL BA NI MA BSAL BA'I TSIG GIS JI SKAD BSTAN PA'I SKYON RNAM PAR GCOD PA'I PHYIR, MA KHYAB PA SEL BAR BYED PA'I 'DOD PA SMOS PAS RTOGS PA MA YIN PAR BSTAN PA NI, RANG NYID TSIG PHRAD CES BYA BA'O, ,LDOG PA NI KHYAB CHES PA'O, ,GZHAN GYIS CI DGOS ZHES BYA BA NI GTAN TSIGS LA SOGS PA'I RNAM PAR BCAD PAR BYA BA RNAM PAR GCOD PAR BYED PAS SO, ,RNAM PAR GCOD PAR MI BYED PA LA BSTAN

PA'I SKYON DRAN PAR BYED PA NI, GAL TE RANG NYID CES BYA BA'O, ,TSIG GIS SGROS PA LHUR LEN PA LA MTSAN NYID BSTAN NAS MDOR BSDUS PA LA DGA' BA LA BSTAN PA NI, BSGRUB PAR KHAS BLANGS ZHES BYA BA STE BSGRUB BYA MIN GYI BSGRUB BYA MIN PA NI MA YIN NO, ,TSAD MA DAG GIS KHYAB PA DANG DE'I NGO BOR MA YIN PA'I PHYIR MA GRUB PA DANG KHYAD PAR NYID KYIS RJES SU 'GRO BA MED PAR GRUB PA'I CHOS CAN DANG, SGRUB BYED NYID DU BRJOD PA DANG, BSTAN BCOS SU 'DOD PA DANG KHAS LEN PA POS KHAS MA BLANGS KYANG 'PHANGS PA LA KHAS LEN PA MED PA'I PHYIR, DNGOS SU RNAM PAR GCAD PA'I PHYIR DE LTAR NI MI RIGS NA CI'I PHYIR DE YONGS SU SHES PA LA 'BAD PA MI BYED CES BYA BA NI RGYAL BA CAN GYI'O, ,BSGRUB BYA KHAS BLANGS PA ZHES BYA BA LA BSGRUB BYA NYID DU ZHES BYA BA'I THA SNYAD KYI 'BREL PA NI 'BRAS BU MED PA YIN TE BSGRUB BYA BSTAN PA ZHES BYA BA 'DI LA GZHAN NI DNGOS SU BA'I 'BREL PA LA DE LTAR RTEN PA MA YIN TE, BSTAN BCOS KYI 'DOD PA THAMS CAD BSGRUB BYA NYID DU KHAS BLANGS PA'I PHYIR RO, ,'DIR NI ZHES BYA BA NI 'GREL PA RJES SU BRJOD PA'O, ,'DIR CI ZHIG BSGRUB CES BYA BA NI RGOL BA'O, ,SNGAR NYID CES BYA BA NI RANG NYID TSIG PHRAD CES BYA BAS SAM, MA GRUB SGRUB BYED MIN ZHES BYA BAS SO, ,LHAG MA NI GO SLA'O, ,RANG GI DON ZHES ZER BA NI DE LTAR NA NI 'O NA ZHES BYA BA'O, ,BSGRUB PAR BYA BA NYID DU 'DOD PA BZHIN DU RANG NYID 'DOD PA NI NI sht'I RKYEN NYID KYI 'DOD PAR 'GYUR BA'I BSGRUB BYA NYID SGRUB BYED NYID DU BRJOD PA SEL BAR BYED PA MA YIN TE, BSTAN PAR BYA BA DUS GSUM GYI DON LA GTZO BO DANG 'BREL PA'I PHYIR NA shtI'I RKYEN GYI DON LA MI LTOS PA'I PHYIR RO ZHES BSTAN PA NI RANG NYID 'DOD PA YIS ZHES BYA BA'O, ,BSGRUB BYA NYID DU 'DOD PA'I PHYOGS BSTAN PAR BYA BA YIN ZHES BYA BA KHONG NAS PHYUNG BAS NGAG RDZOGS PA'I PHYIR, NYE BAR BSTAN PA RTOGS PA MA YIN NAM, MTSAN NYID MI MTHUN PA JI LTAR YIN ZHES BYA BA'I ZER BA LA, 'DOD RKYEN 'DIR ZHES BYA BA STE, RANG GI NGO BO NYID DU BSTAN BYA YIN PAR BSTAN PA DE LAS JI ZHIG RTOGS PAR BYA BAR 'GYUR, MA BRJOD PA LA NI KHONG NAS DBYUNG BAS 'DOD PA JI LTA BA BZHIN PA'I 'DOD PA 'GRUB PAR 'GYUR ZHES BYA BA LA SOGS PAS KYANG 'GYUR RO ZHES BYA BA'I DON TO, ,YANG NA ZHES BYA BA'I 'GREL BA'O, ,YAN

, ,LAG NI 'BRAS BU DANG LDAN PA'O, ,YAN LAG MED PA NI CIG SHOS SO, ,RANG NYID CES BYA BA 'DOD PAS YONGS SU BZUNG BA'I RJOD BYED MA YIN NAM, GRUB PA'I NGO BO DANG BSTAN BCOS SU 'DOD PA BSGRUB BYA MA YIN PA NYID DAG LA BSTAN PA'I RIGS PAS 'DI NYID DO ZHES BYA BAR JI LTAR NGES PA YIN ZHES ZER BA LA, RJOD BYED MIN PHYIR ZHES BYA BA'O, ,THUN MONG BA'I TSIG KYANG TSIG GZHAN LAS RTOGS PA'I KHYAD PAR NI GZHAN GYI RJOD BYED NYID MA YIN PA NYID DO, ,BSTAN PAR BYA BA DANG BDAG NYID 'DOD PA ZHES BYA BA 'DI YANG KHYAD PAR NYID YIN TE, NAG PO LA SOGS PA NYE BA LA BA LANG BZHIN DU ZHES BYA BA'I DON TO, ,DE'I PHYIR 'DI BSTAN PAR BYA BA YIN PAR BSTAN PA NI, BSTAN BCOS KUN LA ZHES BYA BA'O, ,DE'I 'DOD PA NI RGOL BA'I 'DOD PA'O, ,DE LTA NA MI 'DOD PA YANG 'DOD PA DANG 'DRES PAR 'DOD PA KHO NA YIN LA DE GNOD NA NI GTAN TSIGS 'GAL BA DANG PHYOGS LA YANG DES GNOD PAR 'GYUR RO ZHES ZER BA LA, DES NA ZHES BYA BA STE RGOL BA 'DOD PA TZAM BSGRUB BYA NYID YIN PAS SO, ,MI 'DOD DANG ZHES BYA BA NI NAM MKHA'I YON TAN NYID DANG DON GCIG LA 'DU BA CAN GYI MI RTAG PA NYID DANG LDAN PA'I SGRA'O, ,DE LTA MA YIN PA'I ZHES BYA BA NI RGOL BA'I 'DOD PA NYID MED NA'O, ,BSGRUB BYA KHAS LEN PA'I PHYOGS ZHES BYA BA'I BSGRUB BYA SMOS PAS MA BSAL BA'I TSIG MED NA CI LAS BSAL BA SEL BAR BYED PA YIN ZHES ZER BA LA KHAS BLANGS ZHES BYA BA'O, ,BSGRUB BYA'I SGRA NI THE TSOM ZA BA BRJOD PA'I PHYIR GRUB PA NYID BSAL BA NI DE LTAR RAM GZHAN DU ZHES BYA BA'I DGONGS PAS YIN NO ZHES BYA BA NI RGYAL BA CAN GYI'O, ,'GREL PA NI GO SLA'O, , TSAD MA NI NGAG GIS BKAG MED CES BYA BA MA YIN NAM, MNGON SUM DON DANG RJES DPAG DANG, ,YID CHES GRAGS PAS MA BSAL BA, ,ZHES BYA BA'I PHYOGS JI LTAR YIN ZHES ZER BA LA RJES SU DPAG PA'I ZHES BYA BA'O, ,RJES SU DPAG PA NI DUS DANG YUL LA SOGS PA'I DBYE BAS YAL GA MTHA' YAS PA CAN MA YIN NAM, RNAM PA GSUM JI LTAR YIN ZHES ZER BA LA, DE LA ZHES BYA BA STE GSAL BA'I DBYE BAS RNAM PA GSUM NYID MA YIN TE, 'O NA CI ZHE NA 'BRAS BU DANG RANG BZHIN DANG DE DANG 'DRA BA'I DBYE BAS ZHES BYA BA'I DON TO, ,LUNG GTZO BO YIN GYI 'DRA BA NI MA YIN NA YANG GNOD BYED NYID YIN NA THUG PA MED PAR

BSTAN PA NI, YANG DAG NGES LDAN ZHES BYA BA STE, 'DI GNOD NYID DU BRJOD PA NI MA YIN TE GNOD NYID DU KHAS BLANGS PA NI NGES PA'I YUL LA YIN NO ZHES BYA BA'I DON TO, ,'DOD PA NI KHAS BLANGS PA'O, ,YANG DAG CES BYA BA NI BDEN PA'I NGAG YIN PAS YID CHES ZHES BYA BAR SBYAR RO, ,DE'I PHYIR BSTAN BCOS TSAD MA YIN PA NI RANG GI TSIG LTA BU'O ZHES BSTAN PA NI RANG GI TSIG DANG NI BSTAN BCOS ZHES BYA BA'O, ,BSTAN BCOS DANG RANG GI TSIG DAG TSAD MA NYID DU KHAS MI LEN NA, DE BRJOD PA DANG DE LA BRTEN NAS DPYOD PA DAG MED PAR 'GYUR BAR BSTAN PA NI JI LTAR ZHES BYA BA'O, ,DPER NA NGAS SMRAS PA THAMS CAD BRDZUN YIN NO ZHES SMRAS PA'I TSIG 'DI NYID RANG TSAD MA NYID MA YIN NA MI 'BYUNG BA DE BZHIN DU 'DAS PA DANG CIG SHOS KYANG YIN PAR BSTAN PA NI DUS GSUM ZHES BYA BA'O, ,BRDZUN PA NYID KYI TSIG KHO NA DGAG PA YIN TE BRKUS NAS ZHES BYA BA NI TSAD MA NYID MA YIN NA DE BRJOD KYANG 'DOR BA'I PHYIR RO, , 'JUG PAS ZHES BYA BA NI DE'I TSE'AM GZHAN GYI TSE'O, ,'ON TE DA LTAR YIN NA 'DI ZHES BYA BA GNYI GA DANG 'BREL PA'I PHYIR CI BYA ZHES BYA BA NI CI YANG MA YIN PA'O, ,CI LAS SHE NA 'BYUNG BAR 'GYUR BA LA ZHES BYA BA'O, ,DZAB MKHAN ZHES BYA BA NI NYAN PA PO MED KYANG RTZED MO'I RO'I DON DU 'JUG PA'I PHYIR RO, ,BSTAN BCOS GRUB PA LA NI BSTAN BCOS LA BRTEN NAS DPYOD PA DE DANG 'GAL BA CAN NI DE NYID KYI GNOD PA YIN PAR GO SLA BA YIN PA'I PHYIR GZHAN DU GNOD PAR BYED PA NYID DGAG PAR BYED PA'I DON DU BRJOD PA YIN PAR BSTAN PA NI MTSUNGS PAR BSTAN PA'I PHYIR ZHES BYA BA STE, DE'I DPYOD PA'I GNAS SKABS KYI RTEN NYID KHO NA LA GNOD PAR BYED PA YIN GYI GZHAN LA NI MA YIN PA'I PHYIR GNAS SKABS KYI RTEN NYID KHO NA GNOD PAR BYED PA NYID KYI RGYU MTSAN YIN GYI DNGOS PO'I STOBS KYIS 'JUG PA NYID NI MA YIN NO ZHES BYA BA NI, DE BZHIN BSTAN BCOS GRAGS DON LA, ,DE BSTAN MIN NA SPYOD PA YANG, ,ZHES BYA BA 'DI NYID KYIS RTOGS PA YIN NO ZHES BYA BA NI RGYAL BA CAN GYI'O, ,'DI NYID BSTAN PA NI GAL TE BSTAN BCOS MED NA ZHES BYA BA'O, KHAS BLANGS NAS DE DANG 'GAL BA LA DE GNOD PAR BYED PA YIN TE, DPER NA GZHAL BYA'I DON CAN GYI TSAD MA RNAMS MED PA YIN NO ZHES BYA BAS BSTAN BCOS

, ,DANG RANG GI TSIG DAG GI MTSUNGS PA'I DPE YIN PAR BSTAN PA NI, DES NA 'DIR 'DI ZHES BYA BA'O, ,BSTAN BCOS KYI NGAG GIS RANG GI NGAG 'GAL BA YIN NA BSTAN BCOS DANG 'GAL BAR 'GYUR GRANG NA 'DI NI DE LTAR MA YIN PAR BSTAN PA NI RANG TSIG 'GAL LA ZHES BYA BA'O, ,DE LAS ZHES BYA BA NI BSTAN BCOS DANG 'GAL BA LA'O, ,DE NYID KYI PHYIR ZHES BYA BA MA 'ONGS PA NA MI BDE BA STER BA'O, ,GZHAN LA YANG BSTAN BCOS KYIS DE MED PA KHO NAS DE KHAS MI LEN PA'I PHYIR GNOD PA MA YIN PA MA YIN NAM ZHES ZER BA LA DE LA RTEN MIN ZHES BYA BA STE, YOD KYANG KHAS BLANGS PAS RANG BZHIN 'BREL PA MED PA'I PHYIR GNOD PAR BYED PA NYID MA YIN NO ZHES BYA BA'I DON TO, ,DNGOS PO LA ZHES PA NI CHOS CAN LA'O, ,MI RTAG PA NYID NI KHAS BLANGS PA'I RTAG PA NYID DANG BSTAN BCOS PA'I YANG 'GAL BA YIN PA'I PHYIR DANG, GZHAN YANG DE DANG 'BREL PA'I PHYIR JI LTAR MI RTAG PA NYID GRUB PO ZHES ZER BA LA DE DAG CES BYA BA STE, BSTAN BCOS PA'I YANG YIN NA GZHAN LTA SMOS KYANG CI DGOS ZHES BYA BA'I DON TO, ,DAM BCAS NI MI RTAG GO ZHES BYA BA'O, ,RJES SU DPAG PA NI BYAS PA'I PHYIR ZHES BYA BA'O, ,DAM BCA' BA NI BSTAN BCOS SO, ,RIGS BRAL NI SKYES BUS MA BYAS PA NYID LA SOGS PA DON DANG 'BREL PA'I RGYU NYID MA YIN PA'I PHYIR RO ZHES BYA BA'I DON TO, ,GZHAN DU ZHES BYA BA NI 'BREL BA MED NA'O, ,SKYES BUS MA BYAS PA NYID LA RGYU SKYON MED PA MA YIN NAM, RJES SU DPAG PA BZHIN DU LUNG LAS NGES PA YANG TSAD MA NYID YIN NO, ,DON DANG 'BREL PA MED NA DE MED PA NYID THE TSOM ZA BA YIN PAR BSTAN PA NI LUNG RNAMS ZHES BYA BA'O, ,TSAD MA MA YIN PA LA 'BREL PA YANG DAG LA YOD CE NA DE MED NA MI 'BYUNG BA'I PHYIR RO ZHES BSTAN PA NI DE'I PHYIR NA ZHES BYA BA'O, ,BAR SKABS KYI TSIGS SU BCAD PA ZHES BYA BA NI RGOL BA'I KHYAD PAR LA'O, , RANG GI TSIG BZHIN DU GNOD PAR BYED PA RJES SU DPAG PA LAS PHYI ROL NYID YIN GYI GZHAN DU NA DE NYID RTOGS PA MA YIN PA'I PHYIR ZHES BSTAN PA NI DES NA ZHES BYA BA'O, ,DGOS PA MED KYANG SO SOR BRJOD NA NI DON GYIS GO BA LA SOGS PA YIR YANG 'GYUR RO ZHES BSTAN PA NI, DE LTAR MIN NA ZHES BYA BA'O, ,

DGOS PA DANG LDAN PA YANG RJES SU DPAG PA GZHAN DU RTOGS PAR 'GYUR BAR BSTAN PA NI, LOGS SHES BYAS PA ZHES BYA BA STE, LOGS SHIG TU BYED PA MTHONG BA LAS DON MED DO ZHES BYA BA'I DON TO, ,'BREL PA'I DBANG DU BYAS PA NI GSAL BA YIN NO, ,RANG GI TSIG KYANG BSTAN BCOS LAS THAL CHES PA'AM DON MED PA NYID DAG KHO NA 'BRAS BU YIN LA, SNGA MA DANG PHYI MA'I NGAG DAG LA NI BSTAN BCOS LA GEGS BYED PA YIN ZHING RANG GI TSIG NI DE TZAM LA'O ZHES BSTAN PA NI, RANG GI TSIG KYANG ZHES BYA BA THA DAD PA ZHES BYA BAR SBYAR RO, ,GEGS BYED PA YANG KHAS BLANGS PA KHO NA LAS MA YIN NAM, GNOD PAR BYED PA NYID KYIS MA YIN ZHES ZER BA NI DE YIS ZHES BYA BA STE, RGOL BAR KHAS BLANGS PAR BYAS PA GNOD BYED YIN PA'I PHYIR CIG SHOS MED NA DE NYID KYI MA YIN PA'I PHYIR DNGOS SU MA YIN PAR 'GYUR RO ZHES BYA BA'I DON TO, ,KHAS BLANGS PA TZAM YANG DE MA YIN PA LA YANG 'GYUR BAR BSTAN PA NI, SKYES BU'I 'DOD PAS ZHES BYA BA'O, ,RANG LA GRUB PA RNAMS LA YANG BSTAN BCOS KHAS BLANGS PA'I PHYIR GEGS BYED PA'AM CIG SHOS MA YIN NAM, JI LTAR DE MED NA MED PAR DE KHAS BLANGS PA'O ZHES ZER BA LA, LKOG GYUR DAG LA ZHES BYA BA STE, SHES PA THAMS CAD DMIGS PA MED PA NYID LA SOGS PA NI DE RAB TU GRAGS PA MED NA MI 'GYUR BA MA YIN NO ZHES BYA BA'I DON TO, ,GAL TE LUNG GIS GRUB PA LA DE 'GAL BA CAN DU SEMS PA MA YIN NA, CHANG BTUNG BA MA YIN NO ZHES BYA BA'I BKAG PA ME'I ZHI BA'I MCHOD SBYIN LA JI LTAR BRTAG PA YIN ZHES ZER BA LA, 'DI LA BRTAG PA ZHES BYA BA STE 'GAL BA BRJOD PA LAS LEN PA DANG MI 'GAL BA MA YIN TE, KHYAD PAR SEMS PA LA DPYOD PA BZHIN DU THE TSOM DANG PHYOGS SNGA MA LA SOGS PA RNAMS SRID PA'I DON CAN YIN PA'I PHYIR RO, ,GEGS BYED PA NYID KHO NA'I 'THAD PA NYID 'DI YIN NO ZHES BYA BA 'GREL BAR TE, GAL TE DE LTA NA 'GA' YANG GNOD PA MA YIN NO ZHES RJES SU BRJOD PA'I PHYIR RO, ,PHAN TSUN 'GAL BA BRJOD PA BRTAG PA PHAL CHER NI BLANG BA DANG DOR BA MA YIN PA DON MED PA BSTAN BCOS KYIS GNOD PA MA YIN PAS 'GAL BA DANG CIG SHOS KYANG MI SRID PA'I PHYIR BYA BA MA YIN PA DE LA BRTAGS

, ,PAS CI ZHIG BYA ZHES ZER BA LA MTHONG DANG ZHES BYA BA'O, ,RANG BZHIN DANG 'BRAS BU'I DBYE BA NI KHAS BLANGS PAS BYAS PA'I THA MI DAD PA LA GNOD PA MA YIN NO ZHES ZER BA NI GAL TE YID CHES PA'I ZHES BYA BA'O, ,DE LTAR NA JI LTAR LEN THEBS PA YIN ZHES ZER BA LA, 'DIR SMRAS PA ZHES BYA BA'O, ,KHAS BLANGS PA NYID RANG BZHIN DANG 'BRAS BU NYID KYIS THA DAD PA YIN PAR BSTAN PA NI RANG BZHIN 'BRAS BU'I ZHES BYA BA'O, ,SGRA DON ZHES BYA BA NI GRAGS PA'O, ,DE LAS TE BSTAN BCOS LAS 'DI ZHES BYA BA NI GRAGS PA'O, ,GAL TE BSTAN BCOS ZHES BYA BA LA SOGS PA 'DI LA RGOL BA'I NI DES NA GZHAN ZHES BYA BA'O, ,GZHAN GYIS KHAS BLANGS PA ZHES BYA BA NI DE DANG DE MA YIN PA GRUB PA'I CHOS CAN LA YANG BSTAN BCOS KHAS BLANG PAR BYA BA YIN PA'O, ,BSTAN BCOS NI PHYI ROL LA GNOD PAR BYED PA YIN LA, GRAGS PA NI BRTAGS PA LA YIN PAR BSTAN PA NI YANG NA ZHES BYA BA'O, ,DE LA YANG ZHES BYA BA NI BRTAGS PA YIN NA YANG NGO, ,PHYI ROL MED PA KHO NAS GNOD PA YIN PAR BSTAN PA NI NYI TSE BA ZHES BYA BA'O, ,'DI LA YANG ZHES ZER BA NI 'ON TE BSTAN BCOS LAS ZHES BYA BA'O, ,GNOD BYA MA YIN PA THAMS CAD DU GRAGS PA BRJOD PA YIN PAR BSTAN PA NI GRAGS PA YIN ZHES BYA BA'O, ,DE'I DON DPYAD PA LA BSTAN BCOS 'BA' ZHIG NI MA YIN TE, DE DANG 'GAL BAS GNOD PAR BYED PA'I GNOD BYED RJES SU DPAG PA MED PA'I PHYIR 'DOD PA'I SGRA'I BRJOD PAR BYA BA'I DON RNAMS LA RNAM PAR RTOG PA'I YUL NYID TZAM LAS BYUNG BA YIN PA DE'I PHYIR, PHYI ROL NYID DANG BRTAG PA NYID LA SOGS PA LA RJES SU DPAG PAS GNOD KYANG DE LAS BZLOG PA LA SGRA DE'I BRJOD BYA NYID NI 'DOD PA LAS BYUNG BA YIN PA'I PHYIR, 'JIG RTEN DANG RIG BYED DAG LA 'JIG RTEN LA 'GRUB PA BRTAG PA LA SOGS PA'I DON YANG YONGS SU BRTAG PA LA SOGS PAS DE LAS BZLOG PA'I DON NYID DU 'GYUR BAR BSTAN PA NI DON RNAMS LA ZHES BYA BA'O, ,'GAG PA MED PA NYID CI LAS SHE NA RNAM PAR RTOG PA'I YUL NYID TZAM RGYU MTSAN YIN PAS 'DOD PA LAS BYUNG BA'I PHYIR RO ZHES BSTAN PA NI SKYES BU'I 'DOD PA ZHES BYA BA'O, ,'DIR ZHES BYA BA NI 'DOD PA'I SGRA'I BRJOD BYA

NYID LA'O, ,GNOD MED NGAG NI RJES SU DGAG PAS MI GNOD PA'I NGAG CAN GYI SKYE BO YID CHES PA YIN PA NA BSTAN BCOS GNOD BYED YIN ZHES BYA BA'I DON TO, ,RTOG PA CAN RANG BZHIN GYI BA LANG NYID LA SOGS PA DE NYID BRJOD PA'I SGRA'I BRJOD BYA NYID YIN PAR BSTAN PA NI, 'DOD PA'I SGRA'I BRJOD PAR BYA BA ZHES BYA BA'O, ,NUS PA MA YIN NO ZHES BYA BA DGAG PAR ZHES BYA BAR RJES SU 'JUG GO, ,NYE BAR LEN PA NI SMRA BA PO'I RGYUD LA GNAS PA'O, ,'BRAS BU NI NYAN PA PO'I RGYUD LA GNAS PA'O, ,GAL TE DE LTA NA ZHES BYA BA NAS GZHAN DU KHAS LEN ZHE NA ZHES BYA BA'I BAR DU RGOL BA'O, ,MA YIN TE ZHES BYA BAS MTSAMS BCAD NAS SHES NA YANG ZHES BYA BA'I BAR GYIS DGAG PA'O, ,KHYAB PA NI KHYAB PAR BYED PA STE GSAL BYED KYI'O, ,DE ZHES BYA BA NI SPYI'O, ,KHYAB PA CAN GYI RTOGS PA CI LAS YIN ZHE NA 'ON KYANG THOG MED CES BYA BA'O, ,THA SNYAD NI 'DOD PA'I RNAM PAR RTOG PA STE, BA LANG NGO ZHES BYA BA LA SOGS PA RJES SU 'JUG PA'I NGO BO KHYAD PAR DU MA BYAS PA'I CHOS KYI SGRUB BYED DO, ,BRDA LAS BYUNG BA'I KHYAD PAR NI SGRA LAS BYUNG BA DE NYID MA YIN PAR BSTAN PA NI, BRAM ZE DANG ZHES BYA BA'O, ,CI ZHIG YOD CES BYA BA NI MTSUNGS PA'I RNAM PA TZAM YIN PA'I PHYIR RO, ,GRAGS PA NI RTOGS PAS GRUB PA'O, ,BRJOD PA NI SLOB DPON GYIS SO, ,CHOS NI 'DOD PA'I SGRAS BRJOD PAR BYA BA'I NGO BO YIN LA, DE NI ZHES BYA BA NI 'DOD PA'I SGRA'O, ,THA SNYAD LA SKYES PA NI ZLA BA'I ZHES BYA BA LA SOGS PA LAS SO ZHES BYA BA NI BSHAD PAR RO, ,GRAGS PA'I SGRAR ZHES BYA BA NI 'GREL PAR RO, ,MNGON SUM DON DANG RJES DPAG DANG, ,YID CHES GRAGS PAS ZHES BYA BAS BSTAN PA MA YIN GYI, 'O NA CI ZHE NA THA SNYAD LAS BYUNG BA'O, ,MNGON SUM SOGS KYIS ZHES BYA BA NI PHYI ROL GYI TSAD MA'I SGRA DANG 'GAL BA CAN BZLOG NAS SHES PAR BYA BA YIN NO ZHES BYA BA NI RGYAL BA CAN GYI'O, ,DE'I PHYIR GNOD PA RNAM PA BZHI PO 'THAD PA YIN NO, ,'DOD PA LAS BYUNG BA YIN YANG SNAM BU LA BUM PA'I SGRAR MA BYAS NA DE'I BRJOD BYA DE JI LTAR YIN ZHES ZER BA LA, DE LA BRTEN NAS BYUNG BA CAN ZHES BYA BA STE, RNAM PAR RTOG PA'I YUL LA BRTEN NAS BYUNG BA CAN 'DOD PAS 'JUG PA YIN PA'I PHYIR, DE LAS GZHAN PA

, ,LA YANG RUNG BA NYID KYIS SO ZHES BYA BA'I DON TO, ,BYAS DANG ZHES BYA BA NI 'JIG RTEN PA'I RNAMS SO, ,MA BYAS PA RNAMS NI SKYES BUS MA BYAS PA'I PHYIR RO ZHES BYA BA NI RGYAL BA CAN GYI'O, ,BYAS PA STE BRDAR BYAS PA RNAMS DANG GZHAN RNAMS SO ZHES BYA BA NI 'GREL PA'I'O, ,RTOGS PAS SPRUL PA NI DON NYID KYI NGO BO MA YIN PA MA YIN NAM ZHES ZER BA LA, RANG BZHIN NYID KYIS ZHES BYA BA'O, ,DON NYID LA ZHEN PA YIN GYI BAR MA DO BA NI MA YIN TE, LHAG PAR ZHEN PAS RNAM PA DANG DON GCIG TU BYAS NAS 'JUG PA'I PHYIR RO, ,DE'I PHYIR 'JIG RTEN DANG RIG BYED LA NGES PA'I DON CAN NYID KYI TSIG RNAMS SKYES BU'I BLO LAS BYUNG BA DNGOS POR RUNG BA NYID MA BKAG PA YIN PAR BSTAN PA NI, DON TZAM NGES PA'I DON NYID KYIS MNGON SUM YIN LA MA NGES PA'I DON CAN NYID KYI RJES SU DPAG PAR BYA BA JI LTAR GNOD BYED YIN ZHES ZER BA LA GRAGS PA MED KYANG ZHES BYA BA'O, ,'JUG PA BZHIN DU GZHAN YANG RUNG BA NYID DE LAS BYUNG BAR GYUR PA KHO NA YIN TE, SMRA BA PO'I 'DOD PA MED PAS BYUNG BAR GYUR BA MA YIN PA NYID DO, ,DES NA ZHES BYA BA NI DNGOS SU 'BREL PA NYID KYIS SO, ,DE GRUB PA NYID NI DE'I SHES PAR BYA BA NYID DE 'DOD PA'I SGRAS BRJOD PAR BYA BA NYID YIN NO ZHES BYA BA'I DON TO, ,'GREL PA NI GSAL BA YIN NO, ,'GAR YANG ZHES BYA BA NI PHYOGS GCIG LA'O, ,RTOG PA'I YUL NYID DNGOS PO'I RUNG BA NYID YIN GYI DNGOS SU MA YIN PAR BSTAN PA NI DNGOS RNAMS ZHES BYA BA'O, ,RTOG PA YANG 'DOD PA LAS BYUNG BA YIN GYI DNGOS PO LAS MA YIN PA BSTAN PA NI 'DOD PA TZAM GYIS ZHES BYA BA'O, ,RANG GI RGYU LAS BYUNG BA'I 'DOD PA NI DON YUL NYID LA LTOS BZHIN PA YIN YANG DE LAS BYUNG BA MA YIN TE, DE BSTAN PA NI DON TZAM LA YANG ZHES BYA BA'O, ,DON DE'I RTOG PA DANG RTOG PA'I MTSUNGS PA YIN PA'I PHYIR 'DI BZHIN DU GZHAN YANG YIN TE RTOG PA'I YUL NYID TZAM RGYU MTSAN NYID DU KHYAD PAR MED PA'I PHYIR RO ZHES BYA BA'I DON BSTAN PA NI, SGRA THAMS CAD CES BYA BA'O, ,DE LTA YANG MA YIN ZHES BYA BA GZHAN LA SNANG BA YIN ZHES BYA BAR BSGYUR NAS SBYAR RO, ,ME'I SBYIN SREG LA SOGS PA'I NGAG LA KHYI'I SHA'I DON NYID MNGON SUM DANG

'GAL BA MA YIN TE, DE'I RUNG BA NYID MNGON SUM YIN NO ZHES BSTAN PA NI, KHYI SHA ZO ZHES BYA BA'O, ,GZHAN DU BRDA YIN NO ZHES BYA BA MI RIGS PA YANG MA YIN TE MI SHES PA RNAMS KYIS CHOS LA SOGS PA RNAMS LA BRDAR BYAS PA LA MI SHES PA LA SOGS PAS BRDA GZHAN DU MI 'GYUR BAR BSTAN PA NI YANG ZHES BYA BA'O, ,RANG BZHIN GYIS DON MED PA NYID BSTAN PA NI JI LTAR ZHES BYA BA'O, ,KHYAB PA'I DON CAN GCIG CIG LA PHYI MA'I DON DU BSHAD PA NI, 'DIR NI ZHES BYA BA'O, ,SGRA MNGON SUM PA YIN YANG DON RTOGS PA NI RJES SU DPAG PA NYID LAS YIN NA, JI LTAR RUNG BA NYID RTOGS PA'I GNOD BYED YIN ZHES ZER BA LA, YANG NA DE LA YANG ZHES BYA BA'O, ,SHES PA GZHAN GYI ZHES BYA BA NI MNGON SUM GYI DON BZHIN DU'O, ,'ON TE DER ZHES BYA BA NI SGRA LAS BYUNG BA LA'O, ,DE LTAR 'GYUR RO ZHES BYA BA NI RJES SU DPAG PA MED NA ZHES BYA BA NI LAN NO, ,'DI LA YANG NI SGRA LAS BYUNG BA LA'O, ,DE LTA MA YIN NA ZHES BYA BA NI BRDA'I DUS KYI RJES SU 'BRANG BA MED NA'O, ,BSHAD PA'I RJES SU MA 'BRANG PAR YANG ZHES BYA BA NI RTOGS PA NI ZHES BYA BA DANG 'BREL PA'O, ,SDANG BA LA SOGS PAS GZHAN DU YANG ZHES BYA BA NI GRAGS PA LAS BZLOG PAR CHES SKYON CAN NYID YIN TE, TSAD MA CAN MA YIN PA'I DON SMRA BA PO NI CHES DMAN PA'I PHYIR RO, ,DES NA ZHES BYA BA NI RJES SU DPAG PA YIN PA'I PHYIR RO, ,DE LTAR NA RANG RIG PAR SMRA BA PO MNGON SUM DANG 'GAL BA YIN NO ZHES ZER BA LA, DE LA GANG ZHIG CES BYA BA'O, ,DE YOD NA YOD PA DANG MED PA DAG CES BRJOD PA BSHAD PA NI SGRA DON GYI 'BREL PA ZHES BYA BA'O, ,NYE BAR LEN PA NI DON NO, ,SGRA NI NYE BAR BLANG BYA STE 'BRAS BU'O, ,SGRA NI ZHES BYA BA LA SOGS PAS RJES SU DPAG PA GTZO BO MA YIN PAR BSTAN TO, ,'ON TE JI LTAR ZHES BYA BA'I 'BRAS BU YIN PA'I PHYIR, RGYU NYID 'DOD PA DANG 'BREL PA BRJOD BYA NYID KYI RGYU MTSAN DE'I RANG BZHIN PAR BSTAN PA NI, DE'I PHYIR ZHES BYA BA'O, ,NYER LEN NYID CES BYA BA NI RTAGS SO, ,BRJOD BYA NYID NI BSGRUB BYA YIN NO ZHES BYA BA'I DON TO, ,GANG ZHIG GI ZHES BYA BA NI DON NO, ,GANG GI ZHES BYA BA NI SGRA'I'O, ,NYE BAR LEN PA DANG 'BRAS BU NYID DU NI NYE BAR LEN PA NYID KYIS DANG 'BRAS BU NYID KYIS SO, ,NYE BAR LEN PA DANG 'BRAS BU NYID DU MI SNANG BA 'BA' ZHIG MA

, ,YIN TE, 'O NA CI ZHE NA NYE BAR LEN PA'I SHES PA SMRA BA PO'I RGYUD LA YOD PA DANG, 'BRAS BU SHES PA NYAN PA PO'I RGYUD LA GNAS PA YANG SNANG BA MA YIN PAR BSTAN PA NI, GAL TE DON TO ZHES BYA BA'O, ,DE'I BRJOD PAR 'DOD PA MED KYANG PHYI ROL KHO NA SHES PA GNYIS KYI ZHEN PAR BYA BA YIN NO ZHES ZER BA NI, 'ON TE RNAM PA DE LAS KYANG ZHES BYA BA'O, ,DES NI ZHES BYA BA NI GANG LA THUN MONG MA YIN PA'I PHYIR ZHES BYA BA LA SOGS PAS SO, ,MNGON SUM LA SOGS PAS GRUB PA MA YIN DU ZIN KYANG, 'ON KYANG GZHAN PA DE NI 'DOD PA'I SGRA'I RUNG BA NYID DON RNAMS LA CI LAS YIN ZHES ZER BA LA GZHAN DU ZHES BYA BA STE, DGAG PAS DPE LA GTAN TSIGS KHYAB PA MED PA'I PHYIR RO, ,SGRUB PA NYID YOD PA'I PHYIR DE YOD PA MA YIN TE PHYOGS GCIG PA NYID YIN NO ZHES BYA BA'I DON TO, ,'DI ZHES BYA BA NI SGRA LAS BYUNG BAS GRUB PA'I'O, ,DE SKAD DU ZHES BYA BA NI THUN MONG MA YIN PA'I PHYIR GNOD PAR BYED PA'I RJES SU DPAG PA MED PA'O, ,GNOD PAR BYED PA MED PAS GNOD PAR MI NUS PA DE NYID KYI PHYIR SGRA LAS BYUNG BA NGES PAR BYED PA MA YIN NO ZHES BYA BAS GNYI GA LAS KYANG PHYI MA GTZO BO YIN NO ZHES BYA BA NI DE SKAD DU ZHES BYA BA'I KHYAD PAR LHUR LEN PA'I DBYE BA LAS SO ZHES BYA BA NI RGYAL BA CAN GYI'O, ,GNOD PAR BYED PA MED PA NYID KYIS GNOD BYA NYID MA YIN, NGES PA NI SGRA LAS BYUNG BA ZHES BYA BA DE NYID KYIS YIN PAR BSHAD PA NI, TSAD MA MED PAR NI ZHES BYA BA'O, ,GCIG GIS GCIG GI SGRUB NA GZHAN RJOD PAR BYED PA YIN PAR BSTAN PA NI, PHYI MA ZHES BYA BA'O, ,SGRA LAS BYUNG BA NI GNOD BYA NYID DANG NGES PAR BYED LA MA YIN PA NYID KYANG RJES SU DPAG PA LAS YIN TE, MNGON SUM GYI YUL MA YIN PAS MI SRID PA'I PHYIR RO ZHES BSTAN PA NI, DE 'GOG CES BYA BA'O, ,RANG RIG PA'I NYE BAR MTSON PA ZER BA NI GAL TE ZHES BYA BA'O, ,ZHEN PAR BYA BA NI RANG RIG PA MA YIN TE, PHYI ROL YIN NO ZHES ZER BA NI THUN MONG MA YIN PAR ZHES BYA BA'O, ,DBANG PO'I MNGON SUM NYID RUNG BA MA YIN TE, RTOG PA GCIG GI YUL NYID YIN PA'I PHYIR RO ZHES BSTAN PA NI MA YIN TE ZHES BYA BA'O, ,YUL YIN PA NYID GSAL BAR BYED PA NI RUNG BA NYID CES BYA BA'O, ,SGRA LAS BYUNG BAS

GRUB PA'I DON SGRA'I DON NYID DU NGES PA NI, SNANG BA ZHES BYA BAR SBYAR RO, ,SNANG BA'I SGRA DANG 'BREL PA CAN NAM ZHES BYA BA NI GAL TE ZHES BYA BAR 'BREL TE, 'BREL PA NI 'BREL PA DANG RUNG BA NYID KYANG DGAG PAR BYA BA NI MDON SUM LA RUNG BA MA YIN PA'O, ,DES NA 'DI NI ZHES BYA BA NI 'BREL PA RUNG BA NYID KYANG NGO, ,RUNG BA NYID DGAG PA LA RJES SU DPAG PA THAMS CAD THUN MONG MA YIN NO ZHES BRJOD PAR 'DOD PAS LUS PA LA KHYAB PA'I YOD PA NYID KYANG THUN MONG MA YIN PA NI PHYOGS KYI SKYON LA YANG BRJOD PAR BSTAN PA NI, GANG LA YOD NYID CES BYA BA'O, ,GNOD PAR BYED PA YOD PA LA LTOS PA NI DNGOS SU BA MA YIN LA, DNGOS SU BA YIN PA NI RANG NYID GNOD BYED YIN PA'I PHYIR RO ZHES BSTAN PA NI, SGRA LAS BYUNG BA'I GRAGS PA 'DI ZHES BYA BA'O, ,GNOD PAR BYED PA MED PA'I PHYIR DGAG PAR MI NUS PA YIN PA DE'I PHYIR MA NGES PA YANG YIN TE, SGRA LAS BYUNG BAS GRUB PA NYID KYIS THAMS CAD DU GRUB PA'I PHYIR RO ZHES BSTAN PA NI SGRA NI BRDA LA ZHES BYA BA'O, ,MI 'GRUB MIN ZHES BYA BA NI 'DOD PA LA GEGS MED PA'I PHYIR RO, ,DE LTAR NA DGAG PAR MI NUS PA NYID KYIS GNOD PAR BYED BA MED PAS NGES PAR NUS PA'I PHYIR, RJES SU DPAG PA THAMS CAD LA 'GAL BA MI 'KHRUL BA MI SRID PAR BRJOD PA YIN PAR BSTAN PA NI RJES SU DPAG PAS ZHES BYA BA'O, ,DE LTA BU'I NI DGAG PAR MI NUS PA LA SOGS PAS SO, ,GRAGS PA LA DE LTAR BRJOD KYI RJES SU DPAG PA LA NI, MA YIN NAM ZHES ZER BA LA, GRAGS PA ZHES BYA BA'O, ,DE YANG ZHES BYA BA NI GZHAN YIN TE SGRUB PAR BYED PAR ZHES BYA BAR SBYAR RO, ,RTOGS PAR MI NUS PA NI DMIGS PAR MI NUS PA'O, ,GCIG LA ZHES BYA BA NI DNGOS PO LA'O, ,THE TSOM ZA BA YOD NA STON PA YIN PA'I PHYIR DGOS PA BSTAN PA NI GANG ZHIG CES BYA BA'O, ,MNGON DU BYAS PA THAMS CAD LA TSAD MA GZHAN GNOD PAR BYED PA GZHAN MA YIN PAR BSTAN PA NI MNGON DU BYAS PA ZHES BYA BA'O, ,THAMS CAD NI 'KHRUL PA YANG NGO, ,DE'I PHYIR MNGON SUM LA 'BREL PA KHO NA TSAD MA NYID KYIS RGYU MTSAN YIN PAR BSTAN PA NI DE 'DI ZHES BYA BA'O, ,RGYUN GYIS DON BYED PAR DMIGS NAS DE DANG 'DRA BA LA DE NYID DO ZHES NGES

, ,PAR BYED PA'I MNGON SUM NI 'JUG PAR BYED PA MA YIN NAM, 'BYUNG BAR 'GYUR BA'I DON BYED PA DANG DE'I RUNG BA NYID 'DI'I YUL MA YIN NO ZHES ZER BA LA MI SLU BA DE YANG ZHES BYA BA STE, THOB PA NI SNANG BZHIN PA KHO NA YIN GYI DE'I NGO BO LA 'JUG PA NI MA YIN TE, MI SNANG BA'I DON GYI NGO BO LA NI DON GYI SNANG BA'I RUNG BA NYID RJES SU 'GRO BA LA SOGS PAS RTOGS PA NI GOMS NA MTHONG BA KHO NA LAS DE 'DI YIN NO ZHES BYA BA'I DON TO, ,YANG NA RJES SU DPAG PA MED NA SGRA LAS BYUNG BAS GRUB PA GNOD BYED YIN PA DE LTA BUR RTOGS PAS SGRA LAS BYUNG BA RJES SU DPAG PA NYID DU BRJOD PA'I PHYIR, GNOD BYED KYI YANG GNOD BYED NI RJES SU DPAG PA YIN PAR BRJOD PAS SHUGS KYIS RJES SU DPAG PA'I YUL LA 'GAL BA MI 'KHRUL BA CAN MED PAR GSUNGS SO ZHES BYA BA'I DON TO, ,DE NI 'DI LTAR DGAG PAR MI NUS PA NYID KYIS GRAGS PA'I DON CAN GYI TSIG RNAMS DON GZHAN DANG LDAN PA MA YIN NO ZHES BYA BA 'DI NI GNOD PAR BYED PA NYID NI BZLOG PA'I TSAD MA MED PA NYID DANG, NGES PA MED PAS KYANG SGRA LAS BYUNG BA SGRUB PA LA GNOD PAR BYED PA NYID YIN NO, ,'GAL BA MED PAS RJES SU DPAG PA NGES PA'I DON CAN YIN PA NYID KYIS RIG BYED LA SOGS PA DANG MTSUNGS PA NYID MA YIN NO, , DE LTA BU'I ZHES BYA BA LHAG PAR BSTAN PAS MNGON SUM LA SOGS PA'I PHAN YON GSUM BSTAN TO, ,DE BZHIN DU MI MTHUN PA MED PA NYID KYIS SAM GZHAN LAS KYANG RTOGS PA MED PA YIN NO ZHES BYA BAR SBYAR RO, ,'BREL PA'I STOBS LAS BYUNG BA GNOD DO ZHES BYA BA CIR 'GYUR ZHES BYA BAR SBYAR RO, , 'DIR ZHES BYA BA NI SGRA LAS BYUNG BAS GRUB PA LA RJES SU DPAG PA MED PA RTOGS PAR BYED PA LA'O, ,STOBS CHUNG BA LA STOBS SU BRJOD PA NI GZHAN MTSON PAR BYED DO ZHES BYA BAR MI RIGS TE, 'DI NYID 'DOD PA YOD PAS STOBS DANG LDAN PA'I PHYIR RO SNYAM DU SEMS PA NI, GAL TE 'DOD TZAM ZHES BYA BA'O, ,DBYIG PAS SNUM KHUR BSHAD PA NI BYI BA RNAMS KYIS DBYIG PA KHYER BA'I TSUL GYIS TE, LAN NI SNUM KHUR SMOS KYANG CI DGOS ZHES BYA'O, ,SGRA LAS BYUNG BA 'DOD PA 'BYUNG BA YIN PA LA GNOD PAR BYED PA YOD NA DNGOS PO BYUNG BA LA, LTA SMOS KYANG CI DGOS ZHES BYA BA'O, ,YOD MIN

ZHES BYA BA NI KHYAB PA NYID KYIS SGRA LAS BYUNG BA STOBS CAN YIN PA'I PHYIR RO, ,DANG PO LAS ZHES BYA BA NI DNGOS PO LAS BYUNG BA NYID KYIS RJES SU DPAG PA NI KHYAB PA CAN MA YIN PA'I PHYIR RO, ,DE'I ZHES BYA BA NI SNUM KHUR DANG DBYIG PA'I TSUL LO, ,KHYAB PA CAN NYID DNGOS SU BA NYID MA YIN NA MED PA DANG 'DRA BAR BSTAN PA NI, DNGOS POS 'JUG MIN PA ZHES BYA BA'O, ,DE SPANGS PAS ZHES BYA BA NI 'DOD PA SPANGS PA STE, LEN PA BZHIN DU 'DOR BA YANG THOB PAR SLA BA KHO NA YIN NO ZHES BYA BA'I DON TO, ,TSUL 'DI ZHES BYA BA NI LAS NGAN ZHUGS PA'I DOGS PA THAMS CAD CES BYA BAR SBYAR RO, ,DON RNAMS SGRA'I RUNG BA NYID BRJOD BYA NYID YIN PA DANG, SGRA RNAMS RJOD BYED YIN PA NYID NI RANG BZHIN PA YIN GYI SKYES BUS BYAS PA CAN MA YIN NAM BYED PAR MI NUS PA'I PHYIR RO, ,SGRA MA YIN PA NI SGRA RNAMS KYIS KYANG DE DAG GIS MA YIN NA, GZHAN MED PAS KYANG RANG NYID KYIS BYAS PA KHO NA LA MA BYAS PA LTA BUR THA SNYAD YIN PA'I PHYIR RTOGS PA DGAG BYA BA MA YIN PA'I PHYIR RO ZHES BSTAN PA NI YANG NA ZHES BYA BA'O, ,BRJOD PA LA ZHES BYA NA NI ZLA BA NI RI BONG CAN NO ZHES BYA BA NI 'DIR RANG BZHIN GYIS 'BREL PA LA'O, ,DES STONG PA'I DUS MED PAS ZHES BYA BA NI GZHAN DU GRUB PA'I PHYIR MA BYAS ZHES BYA BA'I TSIG GAM DRAN PA YANG RUNG BYED PAR RUNG PA NYID LA MI SLU BAR BYED PAR 'DOD PA NYID YIN PA'I PHYIR SGRUB PAR BYED PA'I RJES SU DPAG PA MED PA'O, ,GANG LA YANG ZHES BYA BA LA SOGS PAS BSTAN PA DE'I TSE YANG BRDA LAS BYUNG BA'I GNOD BYED SGRA LAS BYUNG BA ZHES BYA BA LA SOGS PAS BSTAN PA DE DAG GI YUL GYI DBYE BA BSTAN PA'I CHED DU YIN PAR BSTAN PA NI CI DES ZHES BYA BA'O, ,DE YANG DNGOS PO LAS BYUNG BA MA YIN GYI, 'O NA CI ZHE NA, BRJOD PAR 'DOD PAS BYUNG BA DE'I PHYIR RIG BYED RNAMS LA DON GYI NGES PA MED PAR BSTAN PA NI DES NI ZHES BYA BA'O, ,DE'I DBANG NI DNGOS PO'I DBANG NGO, ,DE'I 'DOD LAS SKYES NA SKYES BU'I 'DOD PA LAS SKYES PA'O, ,GZHAN DAG NI DRUG PA DANG TSIG GI DBYE BA LA SOGS PA NI DNGOS SU BA YIN NO ZHES ZER RO, ,THAMS CAD DNGOS SU BA NYID MA YIN NA KHYAD PAR GYIS CI ZHIG BYA ZHES BYA BA NI RGYAL BA CAN GYI'O, ,DNGOS RNAMS YOD MED PA'I

, ,RJES SU 'JUG CAN ZHES BYA BA NI 'DI BZLOG BYA BSTAN PA NI RJES SU DPAG PAR ZHES BYA BA'O, ,GZHAN LAS MI 'GYUR BAS TSOGS PA YOD NA MA DMIGS PA NI 'BRAS BU YIN GYI BRJOD BYA RJOD PAR BYED PA NI DE LTAR MA YIN TE, 'DOD PA TZAM GYIS BYAS PA YIN PA'I PHYIR RO ZHES BSTAN PA NI DE NI BDEN MOD KYI ZHES BYA BA'O, ,SNGAR ZHES BYA BA NI SHES PA'O, ,NGAS SNGAR ZHES BYA BA NI RTOG PA STE, 'BRAS BU NYID RGYU MTSAN DANG BCAS PA BRJOD BYA NYID MA YIN NO ZHES BYA BA'I DON TO, ,DE LTAR NA YANG ZHES BYA BA NI NYE BAR BSTAN PA MED NA YANG NGO, ,DE LTAR MA YIN NA ZHES BYA BA NI MA BOR NA'O, ,RGAN PO'I THA SNYAD LAS KYANG 'BREL PA CAN NYID DU SHES PA KHO NA YIN GYI 'BREL PA'I SHES PA MA YIN PAR BSTAN PA NI GAL TE MING DANG MING CAN DAG CES BYA BA'O, ,GZHAN YANG RUNG TE ZHES BYA BA NI 'BRAS BU LA SOGS PA'O, ,MTHAR GNAS NI YA DANG RA DANG LA DANG WA RNAMS SO, ,RING PO GANG GI DBYANGS KYI DANG POR RING BA DE NI RING BA YIN LA, DE MA YIN PA NI THUNG BA'O, ,DGRA BO LA MED PA NI DGRA BO LA MI GNAS PA'O, ,MA YIN TE ZHES BYA BA NI BRDA'I DUS NA 'DI NI SHING RTOG PA NA SA'O ZHES BYA BA'I 'BREL PA MA SHES PAS MI SHES PA'I PHYIR RO, ,'DIS NI RANG BZHIN PA BSAL BA YIN TE, THAL CHES PA YIN PAS BRDA LA LTOS PA MED PAR THAL BAR 'GYUR BA'I PHYIR RO, ,SGRA DE'I BRJOD BYA NYID KHO NA DE LAS KYANG SHES PA'I PHYIR RO ZHES BRTAG PAR MI BYA STE, RGAN PO RANG NYID KYI RTOG PA LA NI SU ZHIG LA YANG RANG DBANG MED DE, SKYES BUS MA BYAS BA'I PHYIR SKYON MED PA'I DON DANG 'BREL PA'I ZHES BYA BA DGOS PA 'GRUB PA'I NGES PA YIN NO ZHES ZER BA NI 'ON TE ZHES BYA BA'O, ,RGAN POS BRTAGS PA LAS DON GZHAN RANG GIS RTOGS PAR BYA BA LA MNGON SUM LA SOGS PA'I RTZA BA MED NA, RGAN PO BRGYUD PA MI SHES PA'I RTZA BA CAN YIN PAS JI LTAR 'DI SKYON MED PA'I SHES PA YIN ZHES BSTAN PA NI GAL TE DON NI ZHES BYA BA STE, RTZA BA MED PA NI SKYON KHO NA YIN NO ZHES BYA BA'I DON TO, ,RTOG PA 'DI SKYES BUS BYAS PA YIN PA JI LTA BA DE BZHIN DU GZHAN YANG 'DI BZHIN DU YIN TE, GZHAN DU BA NYID LA TSAD MA MED PAR BSTAN PA NI DON 'DI YANG ZHES BYA BA'O, ,DE NYID KYIS NI RTOGS PAR BYED PA LAS SO, ,GZHAN

YANG ZHES BYA BA NI THAMS CAD GZIGS PA'O, ,DE ZHES BYA BA NI DNGOS PO'O, ,BSHAD PAS CI ZHIG BYA ZHES BYA BA NI DE GZIGS PA LA'O, ,RI BONG CAN ZLA BA MA YIN ZHES BYA BA DE LTAR SMRA BA LA ZLA BA NYID DU SGRUB PAR BYED PA'I TSIGS SU BCAD PA BSTAN PA GAL TE RI BONG CAN ZHES BYA BA'O, ,'DI NI GRAGS PA'I BRJOD BYA BZHIN ZHES BYA BA NI BUM PA ZHES BYA BA LA SOGS PA LTA BU'O, ,ZLA BAR RTOGS PA BZHIN DU BUM PA LA SOGS PAR RTOGS PA DE LA MED PA KHO NA YIN PAR BSTAN PA NI RI BONG CAN ZHES BYA BA'O, ,'DOD PA'I SGRA BRJOD PAR BYA BA YIN PA'I PHYIR DON RNAMS LA ZLA BA MA YIN PA NYID DU RJES SU DPAG PA NI THUN MONG MA YIN PA MA YIN NAM, DE NYID KYI PHYIR ZLA BA NYID MA GRUB PA LA BUM PA LA SOGS PA LA JI LTAR THUN MONG MA YIN PA MA YIN ZHES ZER BA LA, RI BONG CAN ZHES BYA BA LA SOGS PA YIN NO ZHES BYA BA NI RGYAL BA CAN GYI STE, RTOG PA THAMS CAD SPONG BAR BYED PA LA DPE MED PA YIN GYI 'DOD PA'I SGRA'I BRJOD BYA NYID SMRA PA PO LA NI MA YIN NO ZHES BYA BA'I DON TO, ,GZHAN DU NA SHING SHA PA NI SHING MA YIN TE, YOD PA'I PHYIR ZHES BYA BA LA SOGS PAR BRJOD PA MI SRID PA'I PHYIR 'DI GNOD BYED DU MI 'GYUR RO, ,DA LTAR NI SENG SDENG LA SOGS PA LA YANG SHING MA YIN PAR KHAS LEN PA'I PHYIR BRJOD PA SRID PA LA GNOD BYED YIN PAR BSTAN PA NI, DPE 'DI NYID CES BYA BA YIN NO ZHES BYA BA NI RGYAL BA CAN GYI'O, ,DE SPONG BAR MI BYED PA NYID LA ZLA BA GCIG NYID YIN PA'I PHYIR DE NYID MA YIN TE DHA TRI SHING MA YIN ZHES BYA BA YANG DES KHAS BLANGS PA'I PHYIR RO, ,'GREL PA NI GSAL LO, ,BRJOD PA LA SRID PAS GCIG KYANG GCIG MANG PO YIN PA'I PHYIR KHYAB PA YIN PAS GCIG TU SBYOR BAR BYED PA YIN PAR BSTAN PA NI BSGRUB BYA ZHES BYA BA'O, ,YANG NA ZLA BA NYID LA YANG YOD PA NYID THUN MONG MA YIN PA MA YIN PAR BSTAN PA NI 'DIR YANG ZHES BYA BA'O, ,RTOGS PA THAMS CAD SPONG BA LA GAL TE THUN MONG MA YIN PA NYID YIN NA DE SMRA BA PO LA YANG CIS MI 'GYUR ZHES ZER BA LA, BRDA LAS ZHES BYA BA STE 'DOD PA TZAM LAS BYUNG BA ZLA BA NYID KHO NA 'AM BRDA LAS BYUNG BA YIN TE THAMS CAD DU BYUNG BA'I PHYIR 'DIS NI ZLA BA MA YIN PA NYID THUN MONG MA YIN PAN YID DU BRJOD PA YIN NO, ,ZLA BA NYID MA YIN NA BUM PA LA SOGS

, ,YONG PAS KHYAB PA MA YIN NA, DE'I SHES PA LA DE BDEN PA KHO NA YIN NO ZHES ZER BA LA GAL TE LA LAR ZHES BYA BA STE, RTOGS PA SPONG BA PO'I YANG ZLA BA MA YIN PA NYID DO, ,LA LAR ZHES BYA BA NI BUM PA LA SOGS PA LA'O, ,DNGOS STOBS LAS YIN ZHES BYA BA NI DE YANG RI BONG CAN LA ZLA BA NYID DE NYID DU 'GRUB PAR 'GYUR RO, ,CI LAS SHE NA GRAGS PAS GRUB PA ZHES BYA BA STE, GRAGS PAS GRUB PA ZLA BA NYID MA YIN PA BUM PA LA SOGS PA KHAS LEN NA RI BONG CAN MA YIN PA ZLA BA NYID MA BKAG PA'I PHYIR TE, RIGS PA LA KHYAD PAR MED PA'I PHYIR RO ZHES BYA BA NI RGYAL BA CAN GYI'O, ,LA LAR NI DNGUL LA SOGS PA LA ZLA BA NYID DU GAL TE GRUB NA NGES PA'I YUL CAN YIN PAS DNGOS SU BA KHO NA YIN NA DES GRUB PA DNGOS SU BA MA YIN PA'AM DE DGAG PA YANG JI LTAR YIN, 'ON TE GRAGS PAS GRUB PA'I PHYIR DNGOS SU BA MA YIN NA GRAGS PAR KHYAD PAR MED PA'I PHYIR RI BOD CAN LA YANG BKAG PA MA YIN NO ZHES BYA BA NI 'BREL PAR RO, ,GAL TE KHA CIG KHO NAR TE RI BONG CAN ZLA BA NYID YIN GYI DNGUL LA SOGS PA MA YIN TE, DE LTA YIN NA NGES PA'I YUL CAN DNGOS SU BA DGAG PAR MA YIN LA GRAGS PAS GRUB PA MA YIN PA MA NGES PA'I YUL CAN YIN PAS RI BONG CAN MA YIN PA DNGUL LA SOGS PA LA YANG JI LTA THUN MONG MA YIN ZHES BYA BA NI 'GREL PAR RO, ,JI LTAR BUM PA LA SOGS PA LA ZLA BA MA YIN PA NYID GRAGS PAS, GRUB PA DNGOS SU PA YIN PA, DE BZHIN DU RI BONG CAN LA YANG ZLA BA NYID YIN PAR BSTAN PA NI DE NI DNGOS STOBS ZHES BYA BA STE, DE NI ZHES BYA BA NI ZLA BA NYID DO, ,DNGOS PO LA STE RTZA 'DI NI TSIM PAR BYED PA'O ZHES BYA BAS ZLA BA NYID DE LA 'JUG PAR BYED PA'I RGYU MTSAN MED NA RI BONG CAN MA YIN PA STE, BUM PA LA SOGS PA LA ZLA BA NYID BZLOG KYANG NGO, ,'GREL PA NI GSAL LO, ,DE LTAR NA BUM PA LA SOGS PA LA SU ZHIG GIS BZLOG PAS SKYON YIN PAR BSTAN PA NI DE PHYIR ZHES BYA BA LA'O, ,'GREL PAR DANG PO'I GNAS SKABS NA YANG 'DI DANG 'BREL PA NI THUN MONG MA YIN PA NYID KYI GNAS SKABS NYE BAR BSDU BA 'BREL PAR DKA' BA YIN PA'I LAN BSTAN PA NI RUNG BA NYID DES ZHES BYA BA'O, ,RUNG BA NYID KYANG RGYU MTSAN DANG BCAS PA MA YIN NAM

ZHES ZER BA LA, GAL TE SGRA THAMS CAD CES BYA BA'O, ,RGYU MTSAN MED KYANG RGYU MTSAN LA 'JUG PAR MTHONG BA MA YIN NAM, DE BZHIN DU DE DANG LDAN PA YANG 'GYUR RO ZHES ZER BA LA, SGRA RNAMS 'JUG PA'I ZHES BYA BA'O, ,KHYAB PAR BYED PA MA YIN BA MI SRID PAR BSTAN PA NI RGYU MTSAN LA YANG ZHES BYA BA'O, ,DNGOS SU BA'I 'BREL PA MED PA THUN MONG MA YIN PA NYID KYIS MA YIN PAR BSTAN PA NI GAL TE LA LAR ZHES BYA BA'O, ,GZHAN DU YANG ZHES BYA BA NI RGYU MTSAN DANG LDAN PA LA'O, ,BA LANG LA SOGS PA'I SGRA 'DOD PA LAS BYUNG BA NI DA LTAR RAM DUS GZHAN DU DRAN PA YIN NO ZHES ZER BA NI 'DOD PA ZHES BYA BA'O, ,MA DMIGS PA ZHES BYA BA NI LAN NO, ,'DAS PA'I 'DOD PA YOD KYANG GANG LAS KYANG MA DMIGS PA'I PHYIR DRAN PA MA YIN NO ZHES BYA BA'I DON TO, ,RGYU MTSAN YOD KYANG JI LTAR RGYU MTSAN MED PA YIN ZHES ZER BA SEL BA NI, GZHAN DAG SMRA BA NI ZHES BYA BA STE, RGYU MTSAN DANG LDAN PA NYID YI RGYU MTSAN LA NI MA YIN ZHES BYA BA'I DON TO, ,YANG NA DNGOS PO'I SGRA GZHAN MA YIN PAR BSTAN PAN I RJES SU 'GRO BA ZHES BYA BA'O, ,RGYU MTSAN YIN NA RGYU MTSAN DANG LDAN PA DNGOS PO RKYEN YIN YANG JI LTAR BRJOD BYA YIN DU SEMS PA NI, NI STE ZHES BYA BA'O, ,RGYU MTSAN LA 'JUG PA NI DE DANG LDAN PA 'BREL PA YOD NA 'GYUR BAR BSTAN PA NI, GANG GI TSE ZHES BYA BA'O, ,DNGOS PO'I RKYEN GYIS SGRA THA DAD PA YIN GYI DON THA DAD PA MA YIN PAR BSTAN PA NI, DNGOS PO'I RKYEN MED PAR ZHES BYA BA'O, ,RKYEN THAMS CAD NI ZHES BYA BAS DNGOS PO'I RKYEN GYI MTHA' CAN LA KHYAD PAR MED PA RDZAS KYI SGRAS SEL BAR BYED PA'O, ,RGYU MTSAN DANG LDAN PA'I RGYU MTSAN GYI KHYAD PAR NI RDZAS KYI SGRA LA RGYU MTSAN YIN LA DE BZHIN DU DNGOS PO'I SGRA LA YANG KHYAD PAR YIN PA'I PHYIR THA DAD PAR BSTAN PA NI RDZAS LA 'JUG PA ZHES BYA BA'O, ,DNGOS PO'I MTHA' CAN GYI SGRA GZHAN NYID NI MA YIN TE, DE NI SGRA GZHAN YIN PA'I PHYIR RO ZHES BYA BAS NYI BAR MTSON PA KHO NA YIN PAR BSHAD PA NI, RANG BZHIN DANG ZHES BYA BA'O, ,RIM GYIS SAM CIG SHOS KYI RNAM PAS KYANG RGYU MTSAN YIN PAR BSTAN PA NI DE LTAR MA YIN NA ZHES BYA BA'O, ,DES RNAM PAR BCAD PA NYID MA RTOGS PAR BSTAN PA NI

, ,DES NA RGYU MTSAN ZHES BYA BA'O, ,RGYU MTSAN DANG LDAN PAR RTOGS PA DE GTZO BOR DANG CIG SHOS LA SOGS PA YANG 'DOD PA LAS BYUNG BA YIN PAR BSTAN PA NI GTZO BO PHAL PA ZHES BYA BA'O, ,SBRANG RTZI NI RDZAS DE GRAGS TZAM GYI 'DOD PA LAS BYUNG BA'O, ,DE'I PHYIR ZHES BYA BA NI LAN NO, ,BYA ROG LA SOGS PA GANG YIN PA DANG RIGS LA SOGS PA GANG YIN PA YANG RDZAS KYI RJOD BYED DE NYID LAS MTSON PAS NI BYA ROG LA SOGS PAS SO, ,MTSON PAR GYUR PA MA YIN PAS ZHES BYA BA NI RIGS LA SOGS PAS SO, ,DES ZHES BYA BA NI RGYU MTSAN GYIS SO, ,RGYU MTSAN MED KYANG GOMS PAS 'JUG PA YIN NA THAMS CAD LA 'JUG PA YIN PAR BSTAN PA NI DE LTA NA 'O NA ZHES BYA BA'O, ,DE LTA MA YIN NA ZHES BYA BA NI RGYU MTSAN MED KYANG 'JUG PA YIN NA'O, ,SKYES BU'I 'DOD PA'I DBANG GIS GRAGS PA NI GANG NA YOD PAR MI 'GYUR ZHES BSTAN PA NI KHYI SHA LA YANG ZHES BYA BA'O, , NYES PA DANG LDAN PA 'GA' YANG LDOG PA MA YIN ZHES BYA BAR SBYAR RO, ,'DOD PA LAS BYUNG BA'I CHOS KYI RUNG BA NYID BZHIN DU DE DGAG PA'I RUNG BA NYID YIN NA, JI LTAR DE DANG 'GAL BA YIN, ,ZHES ZER BA LA RUNG BA NYID CES BYA BA'O, ,DE ZHES BYA BA NI 'DOD PA LAS BYUNG BA RTOGS PA'I GO BYA STE, DE'I GO BYA BKAG NA DE MA YIN PA'I GO BYAR 'GYUR BA MA YIN NO ZHES BYA BA'I DON TO, ,BRDA SKAD BKAG PA MED PA LAS BYUNG BA'I RUNG BA NYID RJES SU DPAG PA'I YUL GANG YIN PA DE STE, DE LAS BZLOG PA DE DANG 'GAL BA MA YIN PA LA 'GYUR BA MA YIN NO ZHES BYA BA'I DON TO, ,DON RNAMS SGRA THAMS CAD KYI RUNG BA NYID DU BRJOD PAS SGRA YANG DON THAMS CAD KYI RUNG BA NYID DU BRJOD PAR 'GYUR BAR BSTAN PA NI SGRA RNAMS LA NI ZHES BYA BA'O, ,DER ZHES BYA BA NI NGES PA YOD PA MA YIN PA LA'O, ,'GOG PA NI 'JIG RTEN LA DON GANG DAG LA GRAGS PA'I TSIG RNAMS SRID PA YIN NA DE DON DANG LDAN PA NYID YIN GYI DON GZHAN DANG LDAN BA NI MA YIN PA'O, ,MA YIN TE 'DIR GZHAN DU ZHES BYA BA NI BYED PA GRUB PA'I PHYIR RO, ,DER BRTAG PA'I RGYU MTSAN ZHES BYA BA NI TSAD MA NYID DO, ,YANG NA 'JIG RTEN SMRA NYID LA, ,RJES DPAG MED PA BRJOD PA CI, ,ZHES BYA BA DE LA YANG RTZA BA NI KHYAD PAR MED PA'I DON RNAMS SGRA'I RUNG BA NYID KHO NA YIN PAR BSTAN PA NI, DES NI

RGYU MTSAN CAN SGRA'I ZHES BYA BA'O, ,RUNG BA NYID LA SGRA'I BRDA NI DE NYID 'DI YIN NO ZHES BYA BA'I RNAM PAR RTOG PAS SPRUL PA'O, ,SKYES BU RE ZHING BRDA'AM BRJOD PA RE RE NYID LA'AM, 'GRO BA'I DANG POR BYED PA'AM, ,GCIG PO SU YIS CIG CAR YIN, ,ZHES BYA BA LA SOGS PAS YIN NA, ,JI LTAR GSAL BAR BYA BA YIN, ,ZHES ZER BA LA, DPYOD PA LA ZHES BYA BA'O, ,DE LAS NI DPYOD PA LA SOGS PA LAS SO, ,GRAGS PA NI BRDA LAS BYUNG BA'I GNOD PA MI RIGS TE, YON TAN DANG 'PHEL BA NYID LA SOGS PA BZHIN DU NUS PA NYID KYI PHYIR RO, ,BRDA LAS RUNG BA NYID KYI YUL CAN GYI RTOGS PA NI RJES SU DPAG PA YIN LA, YONGS SU BSHAD PA PA'I YUL DU THA DAD PAR BRJOD PA GZHAN DU NGES PA'I YUL CAN YIN PA DE YANG 'GYUR BAR SRID PAR BSTAN PA NI, DES NA ZHES BYA BA'O, ,SNGA MA BZHIN ZHES BYA BA NI RANG GI TSIG DANG BSTAN BCOS BZHIN DU'O, ,GRAGS PA SPONG BA NI DON DAM PA PA MA YIN NO ZHES BYA BAR SBYAR RO, ,RANG GI BSTAN BCOS TSAD MA NYID DU KHAS BLANGS PA LA DES GNOD PA DANG BRDA LAS BYUNG BA'I RUNG BA NYID LA GNOD PAR GRAGS PAS GNOD PA YIN NO ZHES BYA BA'I DGONGS PA NI THA DAD PAR BYED PA PO YIN GYI GZHAN MA YIN ZHES BYA BAR JI LTAR RTOGS PA YIN ZHES ZER BA LA, GRUB PA THA DAD CES BYA BA STE, RJES SU DPAG PA SMOS PAS DE'I MTSAN NYID DANG LDAN PA'I PHYIR RO, ,THA DAD PAR BSHAD PA'I DOGS PA NYID YIN PAR SHES PAR BYED PA NI, DAM BCA' BA TZAM GYIS ZHES BYA BA STE, GTAN TSIGS BRJOD PAS SO, BRJOD PA TZAM GYIS RJOD BYED DANG BRJOD BYA DAG GAM SNGA MA DANG, PHYI MA'I BRJOD BYA DAG 'GAL PA YIN PA'I PHYIR GNOD PAR BYED PA'I RJES SU DPAG PA THUN MONG MA YIN PA NYID KYIS KYANG DON THAMS CAD DU SRID PA NYID YIN TE, 'DOD PA LAS BYUNG BA NYID KYIS MI GNOD PA'I PHYIR RO ZHES BYA BA NI RGYAL BA CAN GYI'O, ,THA DAD PAR BYED PAR YUL GYI DBYE BA STON PA YIN LA, GTAN TSIGS DANG BCAS PA NYID KYIS NI DE'I KHYAD PAR RO, ,DE YANG LHAG PA LAS KHYAD PAR TZAM RTOGS PA'I PHYIR, DE LTA MA YIN TE GAL TE ZHES BYA BA NI JI LTAR YIN ZHES BSAM PAR BYA BA'O, ,RGYAS PA LAS CIG SHOS DGOS PA GANG GI YIN PA'I TSIG DE GANG

, ,DAG GI YIN PA DE DAG GO, ,RI BO 'BIGS BYED KYI NANG NA GNAS PA NI DRANG SRONG BYA dA'I'O, ,MI BZAD PA NI MI BZAD PA CAN NYID DO, ,SHAR BA NI MTHO RIS DANG BYANG GROL GYI LAM CHES CHE BAR SON PA'O, ,DE NYID MTHO BA'I RI BO YIN TE THAMS CAD LAS 'PHAGS PA'I PHYIR RO, ,LAM GOL BA NI DMAN PA RNAMS KYI LAM TE LAM NGAN PA MA YIN PA'O, ,NUB PAR NI NU PA RI LA STE NYAMS PA NI NUB PA'O, ,'OD ZER NI RNAMS NYID PHYAG STE, DES 'BRAS BU MED PA'I RTZOM PA NI SHAR LA SOGS PA STE DE MI SRID PA'O, ,YANG NA AA STE BYA STA'I SGRA NI 'CHOL BAR TE, MA BRNGAS PAR RUL PA'I RTZVA LTA BU'O, ,TSIG RKANG BZHI PA 'DI NI RGYAL BA CAN GYIS SBYAR BA YIN NO, ,JI LTAR GRAGS PA NI SGRA'I YUL DU RUNG BA'I YUL CAN NI RANG GI YUL BKAG PAR BYED PA DE BZHIN DU MNGON SUM YANG GZHAN LA MA YIN PAR BSTAN PA NI MNGON SUM GYIS ZHES BYA BA'O, ,DU MA'I DNGOS NYID DU ZHES BYA BA NI BRJOD BYA BYED NYID KYI SPYI'I KHYAD PAR LA SOGS PA'I NGO BO NYID DU'O, ,GRAGS PA'I NI RTOG PA'I YUL GYI'O, ,MNYAN LA ZHES BYA BA NI RNA BA'I SHES PA LA'O, ,NGO BO NYID GANG ZHIG NI BRJOD BYA RJOD BYED LA SOGS PA GNYIS DANG BRAL BA DE'I NGO BOR SNANG BA NYAMS SU MYONG BA MED PA'I PHYIR DE LA MNGON SUM GYIS GNOD PA YIN NA PHYOGS MA YIN PA NYID CES BYA BA RJES SU 'JUG PA YIN GYI, RJOD BYED MA YIN PA LA SOGS PA GZHAN MA YIN TE, DE LA MNGON SUM NYID MI 'JUG PAS RJES SU DPAG PA MED PA'I PHYIR RO, ,DE NYID SPONG NA MNGON SUM GYIS GNOD 'GYUR ZHES BYA BAR SBYAR BA YIN GYI 'BREL PA'I NI MA YIN NO, ,RNA BA'I DBANG POS GZHUNG BAR BYA BA NYID NI SGRA MNYAN PAR BYA BA YIN LA, DE'I 'DI YIN PA'AM DE LAS BYUNG BA NI SNANG BA YIN PA'I PHYIR MNYAN PAR BYA BA YIN LA, DE MA YIN ZHES BYA BAR BSGRUB PAR BSTAN PA NI, 'O NA CI ZHE NA ZHES BYA BA'O, ,SNGON PO NI DE LAS GZHAN PA LAS SNGON PO MA YIN PA LAS BZHIN DU LOG PA NYID MNGON SUM PA YIN TE, RTOGS PA MA RTOGS PAR ZHES BYA BA NI MI SNANG BA YANG ZHES BYA BA'O, ,MNYAN PAR BYA BA MA YIN PA'I DPE 'BA' ZHIG LAS DON 'DI MA YIN GYI MDO LAS KYANG YIN PAR BSTAN PA NI, DE DON ZHES BYA BA'O, ,DON BSHAD CES BYA BA NI

MNGON SUM DON ZHES BYA BA LA'O, ,BRJOD PAR BYA BA NYID DANG SPYI LA SOGS PA YANG MNGON SUM GYIS MTHONG BA'I YUL LA RTOGS PA'I GO BYA NI DNGOS PO KHO NA MA YIN NAM ZHES ZER BA LA, ,DE NYID DE DANG DE LAS LOG PA'I RGYU MTSAN GYI RTOG PA NI NYID DRAN PAR BYED PA YIN PAR BSTAN PA NI LHAG MA ZHES BYA BA'O, ,LDOG PA'I NGO BO YIN PA NYID YIN PA'I PHYIR DNGOS PO MA YIN PAR BSTAN PA NI, SPYI NI DNGOS MED NGO BO YIN, ,ZHES BYA BA'O, ,GNYIS MED CES BYA BA LA SOGS PAS SO SOR SNANG BAR MA YIN PAR BSTAN PAS, RTOG PA MED PAR RTOGS PAS GNYIS KYI BDAG NYID KYI DNGOS PO YANG 'DZIN PA MA YIN NA, RTOG PA GCIG PU'I GO BYA LA NI MNGON SUM GYIS GNOD PA CHES MA YIN PAR BSTAN PA NI, DES NA ZHES BYA BA'O, ,GNYIS MED CES BYA BA LA SOGS PA'I DON BSTAN PA NI, RANG BZHIN GNYIS PA ZHES BYA BA LA SOGS PA'O, ,SNGON PO'I MTSAN NYID MI MTHUN PA NI SNGON PO LA YIN PA LAS BZHIN DU SNGON PO GZHAN LAS KYANG YIN NA, DE RIGS MTHUN PA DANG MI MTHUN PA'I RNAM PA DES NA JI LTAR YIN ZHES ZER BA LA GAL TE ZHES BYA BA'O, ,GZHAN DAG LAS LDOG PA NI BA LANG MA YIN PA LAS SO, ,DE BZHIN DU GZHAN DAG LAS ZHES BYA BA NI KHRA BO LA SOGS PA LAS SO, ,GSAL BA NI SPYIS RNAM PAR BYED CING RTOGS PAR BYED PA YIN NA, RNAM PAR BYAS PA DES NI SPYI RTOGS PA YIN PA'I PHYIR MI RIGS PAR BSTAN PA NI GSAL BAS GSAL BYA ZHES BYA BA'O, ,RANG GI NGO BOR YOD PA'I PHYIR, ,ZHES BYA BA NI GZHAN LAS LOG PAS SO,, YOD PA MIN PA NI KHYAB PAS SO, ,SNGA MA LDOG PAR 'GYUR BA MA YIN PA NI KHYAB PA CAN NO, ,NGES PAR GZUNG PA NYID LAS ZHES BYA BA NI NGES PAR GZUNG BA'I SNANG BA LAS SO, ,NGES PAR GZUNG BA'I KHYAD PAR LAS NGES PA YIN GYI DE'I NGO BO NYID KYI NUS PA LA SOGS PA'I SPYI NI ZHEN PAR BYA BA YIN TE, GZHAN MA YIN NO ZHES ZER BA LA, SPYI NI ZHES BYA BA'O, ,JI LTAR GSAL BA YIN ZHES BYA BA NI MNGON PAR GSAL BA STE, SPYI NI ZHES BYA BAR SBYAR RO, ,MI 'DRA BA NYID KYIS ZHES BYA BA NI GSAL BA'I NGO BO RNAMS KYIS SO, ,RTA DANG PA LA SOGS PA LA CI'I PHYIR MA YIN ZHES BYA BA NI SPYI DES PA KHO NA LA LTOS

, ,PA'O, ,JI LTAR NUS PA YOD PA YIN, ,ZHES BYA BA NI SPYI DANG KHYAD PAR LA ZHES BYA BAR SBYAR RO, ,CHANG MI 'THUNG BA LA SOGS PA CHANG 'THUNG BA LA SOGS PA MA YIN PA STE SKYABS YIN ZHES BYA BAR SBYAR RO, ,RNA BA'I DBANG POS GZUNG BA MNYAN PAR BYA BA YIN ZHES BYA BA LA SOGS PA BSGRUB PAR BYA BA LA YANG DE SGRUB BYED KYI GNOD PA NYID BRJOD PA'I PHYIR THAMS CAD 'THAD PA NYID YIN PAR BSTAN PA NI RNAM KUN ZHES BYA BA'O, ,DE LA PHAN PA'I RKYEN NI 'BREL PA NYID BRJOD PA MA YIN GYI 'O NA CI ZHE NA, DE LAS KHYAD PAR CAN NO, ,DE LA STE DBANG PO LA BRTEN PA'I PHYIR GNYIS SU MED PA'I NGO BO NYID GRUB PAS NI SHES PAS SO, ,DE'I STE SGRUB BYED KYI STOBS KYIS GNOD PA NYID KYI PHYIR BRJOD PAR RIGS PA YIN PA'I PHYIR RO, ,GZHAN GYIS TE RANG GI MTSAN NYID LA SOGS PAS 'DI YANG DE'I NGO BO BZHIN DU BRJOD PAR MI 'GYUR RO ZHES BYA BA NI RGYAL BA CAN GYI'O, ,GRUB PAS TE DON LA DE LTA BU'I NGO BO YIN NA DE LA STE DBANG PO'I SHES PA LA BRTEN PA'I PHYIR MA YIN NO ZHES KYANG BSHAD DO, ,GRUB PAS ZHES BYA BA NI TSAD MAS SO, ,DE LAS ZHES BYA BA NI, GNOD BYED NYID LA BRTEN PA'I PHYIR, ,ZHES BYA BA NI 'GREL PAR RO, ,LHAG MA NI GO SLA'O, ,SGRA RANG GI MTSAN NYID KYI SGRA YANG RJOD PAR BYED PA ZHES BYA BA LA SOGS PA NI RANG GI MTSAN NYID DANG MNYAN PAR BYA BA'I SGRA DAG LA KHYAD PAR MED PAR BRJOD PA NI DGOS PA BYAS PA LTA BUR MA YIN PA DE'I PHYIR BSAM PAR BYA BA MIN NO, ,RJOD BYED KYI NGO BO MA YIN PA NI NYE BAR BRJOD PA'I NGO BO MA YIN PA'O, ,YOD PA NYID CES BYA BA NI 'JI BA'I GONG BU DANG GONG BU DAG GI GNAS SKABS LA'O, ,MI GSAL BA NI MA DMIGS PA YIN TE SNANG DU RUNG BA MA DMIGS PA'I PHYIR MED PA'I DE NYID YIN LA DE 'DIS MA MTSON PA DANG RTAG PA NYID LA YANG THAMS CAD KYI LUS LA SOGS PA'I NGO BO 'DZIN PA DANG 'GAL BA YIN PAR BSTAN PA NI, DE LTA YIN NA RGYU RNAMS NI, ,ZHES BYA BA'O, ,'BRAS BU SNGA NA GRUB PA YOD NA YANG RGYU RNAMS GSAL BAR BYED PA NYID YIN NO ZHES ZER BA NI GSAL BAR BYED DO ZHE NA ZHES BYA BA'O, ,MED PA NYID LA NI DE'I DBANG YIN PAS DE'I 'BRAS BU YIN TE DE LAS SKYES PA NYID DE YIN PAR BSTAN PA NI RDZA MKHAN SOGS

ZHES BYA'O, RDZA MKHAN GYI BYED PA'I DE MA THAG TU SNANG BA NI 'JI BA'I GONG BU LA BAR DU CHOD KYANG MA MTHONG BA YOD PAR KHAS LEN NA, BONG BU'I RVA YANG YOD PAR 'GYUR BAR BYED PA YIN PAR BSTAN PA NI RDUL PHRAN BRGYUD DAG TU ZHES BYA BA'O, ,GZHAN DU ZHES BYA BA NI SNANG MED PA BYUNG BA NA'O,, MED PA RI BONG GI RVA LA SOGS PA RGYU MA YIN MOD KYANG, RI BONG GI RVA'I RGYU MA YIN NO ZHES BYA BA NI MI RIGS PAR BSTAN PA NI DE DE LA YOD CES BYA BA STE, RI BONG GI SVA GSAL BA DE LA'O, ,'DI ZHES BYA BA NI GONG BU'I'O, DE SKYED MED PAR ZHES BYA BA NI RGOL BA'O, ,MED 'DOD LA ZHES BYA BA LA SOGS PA NI LAN NO, ,DE LTA MIN NA ZHES BYA BA NI YOD PA MA YIN NA'O, ,DE LA ZHES BYA BA NI NUS PA CAN NYID LA'O, ,DE ZHES BYA BA NI BUM PA LA'O, ,YOD PAR ZHES BYA BA NI 'JI BA'I GONG BU LA'O, ,DE LAS ZHES BYA BA NI SKYE BA LAS SO, ,DE YIN NA NI YOD PA DANG 'BREL PA MA BZUNG NA JI LTAR RTOGS PAR BYED, DON GYI GO BA LAS KYANG DE LTA MA YIN PAR BSTAN PA NI YOD PA DANG ZHES BYA BA'O, ,RGYU NYID LAS BZHIN DU YOD PA LAS KYANG 'BRAS BU LA SNGA NA YONG PAR KHYAD PAR MED PA'I PHYIR ZHES BSTAN PA NI JI LTAR ZHES BYA BA'O, ,DE DANG 'BREL PA LAS 'BRAS BU YIN PA'I PHYIR DANG, DE'I 'BRAS BU YIN PA NI 'BRAS GANG GANG ZHIG CES BYA BA'I RIGS PAS SO, ,GANG GI 'BRAS BU 'BYUNG BAR 'GYUR BA YIN PA DE YOD PA SNGON DU 'GRO BA CAN DE YIN NO, ,SNYAM DU SEMS PA NI DE YONG CES BYA BA'O, ,'BRAS BU DE DE NYID KYI 'BRAS BU JI LTAR YIN RANG NYID KYIS RANG NYID 'BRAS BU MA YIN NO ZHES BYA BA NI LAN NO, ,GZHAN BZHIN ZHES BYA BA NI 'BRAS BU YOD PA LAS GZHAN PA NI RDZA MKHAN LA SOGS PA'O, ,CI LAS SHE NA NUS PA LAS ZHES BYA BA'O, ,NUS PA NI 'BRAS BU'I NGO BO YIN TE GZHAN GYI NGO BO NYID LA 'BRAS BUR NGES PA'O, ,'BRAS BU KHO NA LA NUS PA NYID DU SKYE BAR BYED PA YIN PAR BSTAN PA NI THA DAD MED NA ZHES BYA BA'O, ,'BRAS BU YOD NA DE SKYED PAR BYED MA YIN NA'O, 'O NA CI ZHE NA, GSAL BA YIN PAR ZER BA NI, ,GAL TE NUS LA ZHES BYA BA'O, ,NUS LAS NI 'BRAS BU'I NGO BO LAS SO, ,GZHAN NAM CI NI GZHAN MA YIN PA YIN LA, DE YANG BSKYED BYA MA YIN TE,

, ,NUS PA NYID BZHIN DU SNGON NYID YOD PA'I PHYIR RO, ,GAL TE GZHAN YOD NA BSKYED BYA MA YIN TE, YOD PA NYID KYI PHYIR RO, ,GSAL BA BLO ZHES BYA BAS 'DI NYID BSHAD PA YIN NO, ,MYONG ZHES BYA BA NI SEMS PA CAN NO, ,DES NA 'BRAS BU DANG 'BREL PA CAN NI BYED PA PO'I BYED PA PO GSAL BA MA YIN NO ZHES BYA BA NI NYE BAR BSDU BA YIN TE, SNGA MA YOD PA LA TSANG MA MED PA'I PHYIR RO, ,THAMS CAD CES BYA BA NI MI RTAG PA NYID DU RJES SU DPAG PA'O, ,RANG GI BDAG NYID KYI CHOS KYI CHOS CAN YIN GYI GZHAN GYIS MA YIN PA'I PHYIR SHUGS KYIS GRUB NA RANG GI CHOS CAN LA ZHES BYA BAS CI ZHIG BYA ZHES ZER BA LA, KUN DU ZHES BYA BA'O, ,BSTAN BCOS SU RIGS PA 'DI GRUB PA YIN NO ZHES BYA BA'I DON GYIS RGOL BA YIN PA'AM, 'DI NI GRUB PA'I MTHA' KHO NA YIN TE, CHOS GZHAN DANG LDAN PA NYID KYIS CHOS CAN BSAL BA'I DON CAN YIN PA'I PHYIR RO ZHES BYA BA 'GREL PAR RO, ,GRUB PA'I NYE BAR DGONG PA CI'I PHYIR YIN ZHES BYA BA NI RGYAL BA CAN GYI'O, ,DE ZHES BYA BA NI SGRUB PAR 'DOD PA'O, ,CHOS CAN GZHAN BSAL BAR BYA BA'I CHED DU NI MA YIN TE, 'O NA CI ZHE NA CHOS CAN DE NYID CHOS GZHAN GYI CHOS CAN GZHAN YIN PA'I'O ZHES BSTAN PA NI DE LTA NA YANG ZHES BYA BA'O,, CHOS CAN GZHAN YANG CHOS CAN DE NYID YIN PAS GNOD PAR MA YIN NA, JI LTAR SKYONG MIN MED PA YIN, ,ZHES ZER BA LA GZHAN DU ZHES BYA BA STE, CHOS GZHAN DANG CHOS CAN LA GNOD PA YIN NA, RANG GI CHOS KYIS CHOS CAN LA GNOD PA YIN NO ZHES BYA BA'I DON TO, ,DE LTAR BKOD NAS LAN 'DEBS PA NI DON 'DI ZHES BYA BA STE, RANG GI CHOS BZHIN DU CHOS CAN YANG BSAL BA YIN NO ZHES BYA BA'I DON TO, ,DE BSAL BAS DE LA BRTEN PA YANG BSAL BA YIN PAR BSTAN PA NI, RTEN NI ZHES BYA BA'O, ,CHOS CAN LA YANG GNOD PA'I SKYON NI CHOS NYID LA BRGYUD PAS NYE BAR GNOD PA YIN GYI GZHAN DU NI MA YIN NO ZHES BSTAN PA'I CHED DU RANG GI CHOS CAN SMOS PA YIN PAR BSTAN PA NI GZHAN DU ZHES BYA BA STE, RTEN PA LA 'GAL BA MED KYANG NGO, ,DE LTA'I RNAM CAN ZHES BYA BA NI CHOS CAN LA BSGRUB BYAR RO, ,CHOS CAN TZAM GYI GNOD PA YANG DE GNOD NYID NI CHOS CAN LA GNOD PAR SEMS PA STE,

CHOS TZAM GYI GNOD PA NI CHOS LA GNOD PA NI MED BYED NA DE LA GNOD PA MA YIN NO ZHES BYA BA'I DON TO, ,DE LTAR KHA CIG DAG GI LOG PAR RTOGS PA YIN PAR BSTAN PA NI, 'GA' ZHIG CHOS CAN ZHES BYA BA'O, ,DPER NA MKHA' SOGS ZHES BYA BA'O, ,,MED PAR DGAG PAS BSGRUB PA NI DE DANG 'GAL BAS CHOS CAN LA 'GAL BA MA YIN NO ZHES BYA BA'I DON TO, ,DE LTA NA DNGOS PO MA YIN PA NYID LA BSGRUB BYA'AM SGRUB BYED KYI GNOD PA MA YIN TE BKAG PA TZAM YIN PA'I PHYIR RO, ,CHOS CAN MI GNOD NA CHOS TZAM LA GNOD PA YIN YANG BSGRUB BYA'I CHOS LA SKYONG 'GA' YANG MED PAR BSTAN PA NI, CHOS CAN 'BA' ZHIG LA ZHES BYA BA'O, ,BSGRUB BYA'I CHOS LAS GZHAN PA'I CHOS KYI CHOS CAN GNOD PA SKYONG CAN MA YIN PAR BSTAN PA NI, YANG NA ZHES PA BYA BA'O, ,SKABS KYI MA YIN PA NI MI RTAG PA NYID DO, ,JI LTAR YAN LAG CAN GCIG PO YAN LAG DU MA LA KHYAB PA DE BZHIN DU NAM MKHA' YANG DNGOS PO DU MA LA KHYAB PA CAN RTAG PA YIN NO SNYAM DU SEMS PA LA SNAM BU LA SOGS PA ZHES BYA BA'O, ,DRANGS PA NI MANG PO DAG GIS PHAN TSUN DU'O, ,RTZOM PAR MI BYED PA'I DRANGS PA YIN YANG SO SO BAR 'GYUR BA MA YIN PAR BSTAN PA NI, MGRIN PA'I SBUBS ZHES BYA BA'O, ,GZHAN GYI ZHES BYA BA NI SANGS RGYAS PA'I'O, ,CHOS CAN DANG CHOS KYANG BSGRUB BYA YIN GYI DE LA CHOS BZHIN DU CHOS CAN TZAM LA GNOD PA YANG SKYON CAN KHO NA MA YIN NAM ZHES ZER BA LA, 'DIS NI GNYI GA ZHES BYA BA STE, CHOS BZHIN DU CHOS CAN NI SHES PAR 'DOD PA MA YIN GYI 'O NA CI ZHE NA, DE LA DGONGS PA CAN NYID KYIS SO, ,GNOD PA YANG DE LTA BU NYID KYIS SKYON CAN YIN NO ZHES BYA BA'I DON TO, ,DE LTA BU NYID DU ZHES BYA BA NI DE LA DGONGS PA NYID KYIS SO, ,'BA' ZHIG NI DGONGS PA CAN MA YIN PA'I GNON PA NI SKYON CAN MA YIN NO, ,MA YIN TE ZHES BYA BA NI GAL TE ZHES BYA BA LA SOGS PA ZLOG PAR BYED PA'O, ,SGRUB BYED THAMS CAD LA CHOS CAN YANG BSGRUB BYA DANG RJES SU MTHUN PA YIN LA, DE DANG 'GAL BA CAN MA YIN PA NYID GRUB PAR BSTAN PA NI, GAL TE CHOS CAN ZHES BYA BA'O, ,GAL TE MA MKHA' LA SOGS PA LHAN CIG BYED PA RNAMS KYIS SGRO BTAGS PA'I KHYAD PAR DANG BRAL

, ,NA NI MED PAR GRUB KYANG SKYON MA YIN NA BDE BA LA SOGS PA YANG DE LTAR GRUB NA MED PAR 'GYUR TE, RTAG PA NYID KYI NGO BOR YOD PA GNOD PA'I PHYIR RO SNYAM DU SEMS PA NI GAL TE DE LTA NA ZHES BYA BA'O, ,RTAG PA YOD PA MED KYANG MI RTAG PA YOD PA LA 'GAL BA MED PA'I PHYIR; DNGOS PO MED PA NYID DU, CIG CAR SGRA SOGS RGYU MIN PHYIR, ,ZHES BYA BA LHAG MA DANG LDAN PAR BSTAN PA NI GAL TE 'DI LA ZHES BYA BA STE, CIG CAR DU RGYU NYID YIN PA DES NI MI RTAG PA NYID KYI PHYIR YOD PA DANG 'GAL BA MA YIN NO ZHES BYA BA'I DON TO, ,BSGRUB BYA'I CHOS LA GNOD PAR BYED PA YANG CHOS CAN LA GNOD PA CI'I PHYIR MA YIN ZHES ZER BA LA, GANG PHYIR RANG NYID CES BYA BA STE, 'DOD PA'I CHOS DANG NYE BA YIN PA'I PHYIR, ,ZHES BYA BA'I DON TO, ,RANG NYID CES BYA BA NYID KYIS GRUB PA YIN YANG CHOS CAN LA DNGOS SU BYED PA THA DAD PA BYED PA YIN PAR BSTAN PA NI RANG NYID SGRA YIS ZHES BYA BA'O, ,CHOS CAN GZHAN GYI LA GNOD PAS GNOD PA MA YIN PAR BSTAN PA ZHES BYA BAR SBYAR RO, ,GAL TE CHOS CAN GYI SKYON GYIS BSGRUB BYA'I CHOS SKYON YIN PA'I PHYIR PHYOGS KYI SKYON YIN NO, ,SGRUB BYED KYI SKYON YANG DE NYID YIN PA'I PHYIR, DE'I SKYON DU 'GUR BAR BSTAN PA NI, SGRUB BYED SKYON NI ZHES BYA BA STE SGRUB BYED KYI SGO NAS SKYON RNAMS DE'I MTSAN NYID LAS GZHAN PA'I SHES PAR BYA BA NI 'DIR MA BSTAN TO ZHES BYA BA'I DON TO, ,RTEN MA GRUB PA NYID PHYOGS KYI SKYON MA YIN PAR BSTAN PA NI, DE LA GNOD PA TZAM GYIS ZHES BYA BA'O, ,RANG GI NGO BO NYID KYIS MA YIN NO ZHES BYA BA SEL BAR BYED PA BSTAN PA NI, 'DI NGES PA YANG MA YIN TE ZHES BYA BA'O, ,MA GRUB PO ZHES BYA BA LA SOGS PA'I DGONGS PA BSTAN PA NI, GZHI MA GRUB PAS NA ZHES BYA BA'O, ,DE NYID KYI PHYIR DAM BCA' BA TZAM GYIS ZHES BYA BAR SLOB DPON GYIS GSUNGS PAR BSTAN PA NI YAN LAG PHYI MA LA LTOS PA'I SKYON GANG YIN PA DE NGES TE, YAN LAG PHYI MA'I RTEN DU 'BREL TO ZHES BYA BAR SBYAR RO, ,SGRA MNYAN PAR BYA BA MA YIN ZHES BYA BA LA SOGS PA CHOS KYI RANG GI NGO BO LAS BZLOG PA LA GNOD PA NYID NI, DE'I KHYAD PAR DANG CHOS CAN GYI RANG GI NGO BO DANG KHYAD PAR BZLOG PA LA GNOD PA'I NYE BAR MTSON PA YIN TE DE LA MA 'KHRUL

PA'I PHYIR RO ZHES BYA BA BSTAN PA NI 'DIS BSGRUB YAN LAG CES BYA BA'O, ,BSGRUB BYA'I YAN LAG NI BSGRUB BYA MED NA MI 'BYUNG BA ZHES BYA BA NI KHA CIG GI'O, ,BSGRUB BYA'I KHONGS SU GTOGS PA YIN, ,ZHES BYA BA NI 'GREL PA MDZAD PA PO'I STE, DE BSTAN PA NI BSGRUB BYA NYID DU KHYAD PAR MED PA'I PHYIR RO ZHES BYA BA'O, ,DE'I CHOS CAN CHOS NYID KYI RANG GI NGO BO DANG 'DRA BA NI PHYOGS TZAM STE CHOS KYI KHYAD PAR BRJOD PA YIN GYI GZHAN GYI NI MA YIN TE, NYE BAR MTSON PA YIN PA'I PHYIR RO, ,CHOS KYI KHYAD PAR GYI DPE BSTAN PA NI, RDZAS KYI MTSAN NYID CAN TE BYA BA DANG LDAN PA DANG YON TAN DANG LDAN PA DANG 'DU BA CAN GYI RGYU ZHES BYA BA'O, ,LCI BA NYID KYI YON TAN GYIS DANG 'OG TU 'GRO PA'I BYA BA'I KHYAD PAR GYIS 'DI DAG GI 'DU BA CAN GYI RGYU NYID DANG LDAN PA NI YAN LAG RNAMS LAS GZHAN PA SNANG DU RUNG BA YIN ZHES BYA BA NI KHYAD PAR RO, ,DE 'DRA BA'I KHYAD PAR BRAL BA GZHAN NYID GRUB KYANG RGOL BA LA KHYAD CUNG ZAD KYANG MED PAR BSTAN PA NI, MA MTHONG KHYAD PAR CAN MIN PA, ,ZHES BYA BA'O, ,DGOS PA NI GZHAN TZAM MA YIN GYI 'DOD PA NYID KYI PHYIR DGOS PA YIN LA, ,MA MTHONG BA RNAMS LA STE RDUL PHRA RAB 'BRAS BU MI RTZOM PA RNAMS LA 'BRAS BU MED PAR MTHONG NAS, MTHONG BA DANG 'DZIN PA LA SOGS PA RTAG TU NUS PA DANG LDAN PA DES NA BSGRUB BYA NYID YIN NO ZHES BSTAN PA NI YAN LAG CAN 'DOD DO ZHES BYA BA'O, ,GZHAN GYI BA TZAM NI PHYIR RGOL BA YANG 'DOD PA KHO NA YIN TE, BDE BA LA SOGS PA KUN RDZOB PA YIN PAR BSTAN PA NI KHYAD PAR CAN MIN ZHES BYA BA'O, ,BSGRUB BYA'I CHOS KHYAD PAR BSTAN NAS DE'I GNOD PA LA SBYOR BA NI GAL TE, 'DI LCI 'OG 'GRO 'GYUR ZHES BYA BA'I BYA BA DANG LDAN PA DANG YON TAN DANG LDAN PA DANG, 'DU BA CAN GYI RGYU YAN LAG CAN NI YAN LAG RNAMS LAS GZHAN ZHES BYA BAR DAM BCA' BA LA YAN LAG CAN NI YAN LAG LAS GZHAN MA YIN TE, SRANG MDA' BA'I KHYAD PAR MI 'DZIN PA'I PHYIR ZHES BYA BA STE, GZHAN NYID YIN NA YAN LAG BZHIN DU 'DI YANG LCI BA NYID LHAG PA DE'I YON TAN GYI 'BRAS BU DANG, DE'I 'BRAS BU DMA' BA YANG KHYAD PAR DU MI 'GYUR ZHING MTHO BA YANG MA YIN PA'I PHYIR, CHOS GZHAN NYID KYI KHYAD PAR LAS BZLOG PAS GNOD PA YIN NO, ,YAN LAG CAN NI YAN

, ,LAG DAG LAS GZHAN MA YIN TE ZHES BYA BAS CHOS CAN GYI RANG GI NGO BO BSAL BA YIN TE, MNGON SUM GYI YAN LAG CAN LAS GZHAN NYID YIN NA YAN LAG RNAMS MNGON SUM PA MA YIN PAR 'GYUR RO, ,RDZAS NI YOD PA MA YIN TE, ,ZHES BYA BA NI YOD NA THA DAD PAR 'GYUR LA DE LTA NA YANG KHYAD PAR MED PAR 'GYUR RO, ,CHOS CAN GYI KHYAD PAR GSAL BA NI YAN LAG CAN NI ZHES BYA BA'O, ,DE BSHAD PA NI GANG ZHIG GANG GI ZHES BYA BA'O, ,YAN LAG DAG GZHAN MA YIN PA ZHES BYA BA BSHAD PA NI GAL TE ZHES BYA BA'O, ,DE YAN LAG CAN ZHES BYA BA NI YAN LAG CAN THA DAD PA'I PHYOGS LA SRANG MDA' DMA' BA'I KHYAD PAR GNYI GA'I MNGON SUM NYID DU KHYAD PAR MED PA'I KHYAB BYED RNAMS LA MED PAS GNOD PA YIN NO ZHES BYA BA'I DON NAM YAN LAG CAN GZHAN MA YIN PA DANG YAN LAG DAG GZHAN MA YIN YANG GNYI GA GCIG TU BYAS NAS CHOS KYI KHYAD PAR SEMS PAR BYED PAS SO, , RDZAS NI YOD PA MA YIN TE, ,ZHES BYA BA CHOS CAN GYI RANG GI NGO BO SEL BAS SO ZHES BYA BA DPE GNYIS NI SMRA BA PO TSAD MA NYID DU KHAS BLANGS PAS DES BYAS PA'I NGAG NYID BDE BAR BRJOD PAR BYA BA NYID LAS BZLOG PA DANG 'GAL BA YIN PAR BSTAN PA NI DAG THAMS CAD KYI ZHES BYA BA'O, ,BSTAN TO ZHES BYA BAS YAN LAG CAN GZHAN MA YIN NO ZHES BYA BA SUN 'BYIN PA'I YUL GYI DAM BCA' BA'I DON YIN PAR BSTAN TO, ,BLO 'KHRUL PA'I RNAM PA ZHES BYA BA JI LTAR YIN ZHE NA RDUL PHRA RAB RNAMS NYID KYI RNAM PAR DBYE BA RKYANG PA LAS DMIGS PA'I PHYIR RO ZHES BSTAN PA NI HA CANG RING PO NA ZHES BYA BA STE, NYE BA'I SKRA SHAD SNANG BA NYID BZHIN DU THAG RING BA LA NI MA YIN TE, RDUL PHRA RAB NYID DU KHYAD PAR MED LA SNANG BA DANG MI SNANG BA DAG TU RUNG BA NYID LA KHYAD PAR MED PA MA YIN NO ZHES BYA BA'I DON TO, ,RDZAS KYI MTSAN NYID DANG BRAL BA'I PHYIR DANG CHEN PO NYID KYI PHYIR DANG, RDZAS DU MA DANG LDAN PA NYID KYI PHYIR DANG, NGO BO'I KHYAD PAR DANG 'DU BA YIN PA'I PHYIR RDZAS DMIGS PA MA YIN NO ZHES BSTAN PA NI DE PHYIR 'BRAS BU ZHES BYA BA'O, ,'BRAS BU NI LCI BA NYID DO, ,BYA BA NI BSGRIBS PA LA SOGS PA YIN NO ZHES BYA BA NI GZHAN DAG GI'O, ,NGO BO NI RANG BZHIN NO, ,YAN LAG BSDUS PA LAS GZHAN PA SHES PA GCIG LA SNANG BA NYAMS SU MYONG BA'I

PHYIR, YON TAN DANG BYA BA DANG 'BRAS BU BSTAN PA NI, LCI BA NYID CES BYA BA'O, ,PHRA BA NYID DANG THAG RING BA NYID KYIS SRAN MUD GA LA SOGS PA RNAMS LA RNAM PAR DBYE BA DMIGS PA MA YIN PA'I RDUL PHRA RAB RNAMS LA SHES PA'I SNANG BA STUG PO GCIG YIN GYI DON MA YIN PAR BSTAN PA NI SNANG BA TZAM NYID CES BYA BA'O, ,SRAN MUD GA LA SOGS PAR SNANG BA NI THAG RING PO LA DE LTA BU NI NYE BA LA MTHONG BA'I PHYIR SLU BA YIN GYI YAN LAG CAN NI MA YIN NO, ,DE'I PHYIR DE MTHONG BA LAS DE'I LCI BA NYID NYE BAR DPOG PA YIN TE, MANG PO RNAMS SU NYUNG BA NYID NYE BAR MA MTSON PAR SNANG BA YIN PAR BSTAN PA NI PHRA MO NAS ZHES BYA BA'O, ,'DA' BA NI RAS BAL GYI'O, ,RDUL PHRA RAB NYID LAS DBYE BA GRUB NA MI SLU BA JI LTAR YIN, RAGS PA'I SHUGS KYIS RDUL PHRA RAB GRUB PA YANG MA YIN TE, 'DI NYID RGYAS PAR SNANG BAS RDUL PHRA RAB KYI NGO BO YIN PA'I PHYIR RO, ,ZHES BYA BA'I DON BSTAN PA NI, ,GAL TE CI NYID MI RTOGS NA, ,ZHES BYA BA'O, , DE RIG PA NI YAN LAG CAN NYID RIG PA'O, ,'DI NYID LA ZHES BYA BA NI LCI BA NYID LA SOGS PA RIG PA NYID LA RE BA YIN NO, ,GZHAN DU NA YAN LAG RNAMS KYIS YAN LAG CAN DE JI LTAR BYAS PA YIN ZHES BYA BA'I DON TO, ,DE'I ZHES BYA BA NI GZHAN GYI'O, ,SO SOR ZHES BYA BA NI GONG BU GNYIS LA SOGS PA'I RIM GYIS SO, ,GONG BU GNYIS LA SOGS PA'I RIM PAS GONG BU LNGA CIG CAR SBYAR BAS GONG BU LNGA PO RNAMS KYI NANG GI YAN LAG RNAMS MED NA SO SOR BCAL BA NI RIM GYI SBYOR BA DANG, CIG CAR SBYAR BA NI LHAN CIG PA YIN PA'I 'DU BA CAN RGYU YIN PA'I PHYIR MTHA' YAN LAG CAN GYI DUS NA YAN LAG CAN THAMS CAD ZHIG PAR 'DOD PA NI MA YIN TE, PHRA RAB KYI BAR DU RDZAS KYI PHRENG PAR KHAS LEN PA'I PHYIR RO ZHES BSTAN PA NI DE LTA YIN NA ZHES BYA BA'O, ,LHAN CIG DANG RIM GYIS SBYAR BA'I RDUL GYI PHUNG PO NI RDZAS RTZOM PA MA YIN NO, ,DE LTA BU'I PHRAD PA MED PA'I PHYIR RO ZHE NA RIM GYIS ZHES BYA BA'O, ,RDUL PHRA RAB RNAMS KYANG 'JIG PAS ZHES BYA BA NI GZHAN GYI 'DOD PA MA YIN PA'O, ,RDUL PHRA RAB MED DO ZHES BYA BA NI KHA CIG GI STE SPYOD PA PA RNAMS KYI STE, RDUL PHRA RAB RNAMS GDON MI ZA BAS 'DOD PA MA YIN NO ZHES BYA BAS SO, ,GCIG GI NGO BO GZHAN LA YOD PA MA YIN TE GZHAN DU RIG PA'I PHYIR RO, ,DE'I PHYIR RDUL

, ,PHRA RAB GNYIS CAN GYI YANG NGO BO GANG YIN PA DE NI GNYI GA'I THUN MONG BAR NYAMS SU MYONG BA MED PA'O, ,NAM PHYED LA SOGS PA'I RIM GYIS GNYIS DANG GSUM DANG BZHI'I GRANGS LA SOGS PA LHAN CIG BZHUS PA NI SHIN TU PHRAD PA YIN PA'I PHYIR RDZAS SU RTZOM PA NI LCI BA LA SOGS PA THA DAD PAR 'GYUR RO ZHES BYA BA'I DON TO, ,GRANGS MTSUNGS PA NI 'DRES PA'I DUS NA SNGA MA DANG SO SO BAR GYUR PAS SO, ,RAS BAL GYI 'DA' BA BZHAG PA BZHIN DU NYE BAR MTSON PAR BYA BA NYID MA YIN PA NI MNGON SUM GYIS GNOD PA YIN TE, TSOGS PA LA DE NYE BAR MTSON PA YOD PA'I PHYIR RO ZHES BSTAN PA NI GCIG CES BYA BA STE 'DA' BA ZHES BYA BA DANG SBYAR RO, ,GCIG BZHIN DU YAN LAG CAN GYI LCI BA LA SOGS PA THAMS CAD NYE BAR MTSON PA MA YIN NA MTSUNGS PA YIN PA'I PHYIR RDUL PHRA RAB RNAMS KYI LCI BA NYID TZAM LUS PA YIN NO, ,DE LTA NA YANG RDUL DE'I TSOGS NYID RDZAS YIN GYI GZHAN MA YIN PAR BSTAN PA NI GAL TE YUNGS KAR NAS BRTZAMS TE ZHES BYA BA'O, ,YUNGS KAR NAS BRTZAMS NAS ZHES BYA BA NI, GNYIS PA CAN NAS BRTZAMS NAS RDUL PHRA RAB LCI BA NYID KHO NA MTHA'I YAN LAG CAN GYI GNAS SKABS LA YANG GZHAL BAR BYA BA YIN NO ZHES BYA BA'I RIG PA BSTAN PA NI, THA MA'I ZHES BYA BA STE RGYU DANG 'BRAS BUR GYUR BA'I YAN LAG CAN DAG ZHIG NA YANG DE NYID DE DAG GI LCI BA NYID DU MTHONG NGO, ,YANG NA THA MA STE MTHA'I YAN LAG CAN ZHIG KYANG LCI BA NYID GANG YIN PA RGYU DANG 'BRAS BUR GYUR PA DE DAG GI DE NYID MTHONG BA'O, ,PHYIS KYANG ZHES BYA BA NI YAN LAG CAN ZHIG PA ZHES BYA BAR SBYAR RO, ,DE ZHES BYA BA NI 'BRAS BU'O, ,LCI BA NYID NYE BAR MA MTSON KYANG GZHAL BAR BYA BA'I 'DA' BA BZHIN DU RDZAS NI YAN LAG 'DUS PA LAS GZHAN PAR MTHONG BA MA YIN PAR BSTAN PA NI, DON DE MTHONG MED CES BYA BA STE, THAG RING BA DANG NYE BA DANG NYE BA LA YANG YAN LAG 'DUS PA GCIG PO SHES PA LA SNANG BA YIN TE, DE'I BYED PA LA THA MI DAD PA'I GCIG YIN GYI GZHAN NI MA YIN NO ZHES BYA BA'I DON TO, ,DE'I 'BRAS BU ZHES BYA BA NI YAN LAG 'DUS PA LA BYUNG BA'I BSGRIBS PA LA SOGS PA'O, ,YAN LAG GI GZUGS LA SOGS PA LAS YAN LAG CAN GYI GZUGS LA SOGS PA DE DANG LDAN PA YIN GYI YAN LAG CAN LCI BA NYID DU

NYE BAR MA MTSON KYANG SNANG BA KHO NA MA YIN NAM ZHES ZER BA LA, LCI BA NYID CES BYA BA'O, ,THAMS CAD KYANG DE YIN LA DE'I YON TAN YANG YIN PA DE RTOGS PA MED PA'I PHYIR RO, ,NAM PHYED LA SOGS PA'I YAN LAG CAN NI YAN LAG RNAMS LAS LHAG PA MA YIN TE, ,SRANG MDA' DMA' BA'I KHYAD PAR MI 'DZIN PA'I PHYIR ZHES BYA BA DE'I 'BRAS BU THAMS CAD YON TAN LA SOGS PA LHAG PA MED PA NYE BAR MTSON PA'I DON DU'O ZHES BSTAN PA NI DMA' BA'I MIN ZHES BYA BA'O, ,DE'I YON TAN THAMS CAD MED PA CI LAS YIN ZHES ZER BA LA, JI BZHIN RANG GI ZHES BYA BA'O, ,MA RTOGS PA NI MA DMIGS PA'O, ,'DI YANG ZHES BYA BA NI YAN LAG RNAMS LAS YAN LAG CAN GZHAN YIN PA'O, ,CHOS KYI KHYAD PAR BSAL BA BZHIN DU CHOS CAN GYI RANG GI NGO BO DANG KHYAD PAR BSAL BA YANG JI LTAR YOD PA KHAS LEN PA DANG, RANG GI TSIG LA SOGS PAS GNOD PAR BRJOD PAR BYA BA YIN PAR BSTAN PA NI KHAS BLANGS ZHES BYA BA'O, ,PHYOGS KYIS NI ZHES BYA BAS NI CHOS KYI KHYAD PAR SEL BAR BYED PA'I PHYOGS KYIS SO, ,NGO BO LA GNOD PA LA SOGS PA BZHIN NO ZHES BYA BA NI RANG GI NGO BO'I KHYAD PAR LA SOGS PA LA GNOD PA BZHIN DU'O, ,BSGRUB BYA DANG KHYAD PAR MED PA NI BSGRUB BYA YIN PA'I PHYIR BSGRUB BYA DANG MTSUNGS PA YIN PA BZHIN DU BSGRUB BYA YIN ZHES BYA BA NI GRUB PAR BSAL BA'I DON TO, ,DE'I PHYIR GTAN TSIGS LA SOGS PA MA GRUB PA'I TSIG DAM BCA' BA YIN TE, 'DOD PA'I KHYAD PAR MED NA'O ZHES BSTAN PA NI BYA BA DUS GSUM ZHES BYA BA'O, ,DA LTAR BA KHO NAR CI'I PHYIR MI BRJOD CES BYA BA LA 'GREL PA NI, DE LTA BU'I BDAG NYID MA YIN ZHES BYA BA NI SGRUB BYED KYI BDAG NYID MA YIN PA'O, ,RTAG PA LUS CAN MA YIN PA'I PHYIR BLO BZHIN DU DANG, MIG GIS GZUNG BAR BYA BA YIN PA'I PHYIR DE BZHIN DU SGRUB PAR BYED PA NYID DU BSTAN PA NI, NYE BAR DGOD PA STE DE DE'I TSE MI 'DOD NA YANG BSGRUB BYAR 'GYUR RO ZHES BYA BAR SBYAR RO, ,GO BAR BYED BA'I DBANG DU BYAS PA NI MA GRUB PA'I GTAN TSIGS LA SOGS PA SEL BAR BYED PA MA YIN TE, BYED PA PO LA LTOS PAS BSGRUB BYA BSAL BAR BYA BA'I CHED DU YIN NO ZHES BSTAN PA NI SHES PAR BYED PA'I ZHES BYA BA'O, ,LA BRTEN MIN ZHES BYA BA NI MA GRUB PA'I GTAN TSIGS LA SOGS PA LAS GZHAN PA'O,,

, ,GZHAN DU NI ZHES BYA BA NI SHES PAR BYED PA'I GNAS SKABS MA YIN NA'O, ,'DOD PA'I ZHES BYA BA'O 'DOD PA'I RKYEN BZHIN DU LAS LA SOGS PA MI 'DOD PA RNAM PAR GCOD PA YIN PAR BSTAN PA NI THAMS CAD CES BYA BA STE, SHES PAR 'DOD PA'I BYE BRAG GI CHOS CAN LA SGRUB BYED KHO NA NGAG GIS BSGRUB PAR BYA BA YIN GYI SGRUB PAR BYED PA CIG SHOS NYID KYIS 'DOD PA GRUB BA MA YIN NO ZHES BYA BA'I DON TO, ,BSGRUB BYA'I NGO BO BRJOD PA NYID KYIS GRUB PA'I NGO BO BKAG PA YIN NO ZHES BYA BA YANG MI RIGS TE, MTSAN NYID LAS SNGAR YOD PA MI 'GRUB PA'I PHYIR RO ZHES ZER BA LA, SNGAR MA GRUB PA'I ZHES BYA BA'O, ,DE LA MA RTOGS PA NI MTSAN NYID LA MA RTOGS PA'O, ,BSGRUB PA'I YUL NYID KYANG MA GRUB PA TZAM LAS BYUNG BA DANG, DE BZHIN DU DE LA 'ONG BA NYID DANG DE LTAR 'DOD PA NYID DANG, DE'I PHUG NYID BRJOD PAR 'DOD PA MA YIN NO, ,KHYAD PAR DU 'PHAGS PA'I ZHES BYA BA NI 'JIG RTEN LAS KHYAD PAR MED KYANG DE LTAR BRJOD PA'I PHYIR RO, ,MDO'I RNAM PAR DBYE BA NI BYED PA POR 'DOD PA DANG 'DOD PHUG KYANG YIN PA LA 'DOD PA SNGA MA LA NI KHYAD PAR DU 'PHAGS PA'I DON MED DO, ,SPONG BA'I PHYIR RO ZHES BYA BA NI BYED PA PO RNAMS KYI BYA BA LA KHYAD PAR 'PHAGS PA MED PA'I PHYIR RO, ,CHOS BSGRUB BYA BA NA ZHES BYA BA'O, ,DON MED 'GYUR ZHES BYA BA NI CHOS CAN GRUB PA'I PHYIR BSGRUB BYA SGRUB PAR BYED PA'I GTAN TSIGS MA YIN NO, ,PHYI MA'I YAN LAG LA LTOS NAS THA DAD PAR GRUB PA 'BA' ZHIG MA YIN GYI 'GAL BA YANG YIN PAR BSTAN PA NI TSOGS PA ZHES BYA BA'O, ,PHAN TSUN ZHES BYA BA NI TSOGS PA LA'O, ,NGAG GI DBYE BAS DPE LA CHOS CAN DANG GTAN TSIGS LA CHOS SO, ,NYE BAR BTAGS NAS BSGRUB BYA YIN PAR BSTAN PA NI MI SRID PHYIR NA ZHES BYA BA'O, ,TSOGS PA'I MTSAN NYID MED NA RANG NYID KYIS NGAN PAR BYAS PA SPANGS PAS RTOGS PA NYID KHO NA CI'I PHYIR MA YIN ZHES BSTAN PA NI BSTAN BCOS CI BYA ZHES BYA BA'O, ,BSTAN BCOS BYED PA NYID NI NYE BAR BTAGS PA SMRA BA MA YIN TE, DGOS PA MED PA'I PHYIR DANG, BTAGS PA PA MA YIN PA YOD PA'I PHYIR TE, DE LTAR RTOGS PAR GYIS ZHES BYA BA YANG THAL CHES PA'I PHYIR RO ZHES BYA BA'I DON TO, ,YAN LAG LA SPYI NYE BAR BTAGS PA'I PHYIR RO ZHES BYA BA NI 'BYUNG BAR 'GYUR BA'I TSOGS

PA'I CHOS CAN GYI PHYOGS YIN NO ZHES BYA BA NI 'JIG RTEN PA'I NYE BAR BTAGS TE, RAS YUG CHEN 'THAG GO ZHES BYA BA LTA BU'O, ,DE'I CHA ZHES BYA BA'I BSHAD PA NI DE'I CHOS ZHES BYA BA'O, ,CHOS CAN CI'I PHYIR MA YIN ZHE NA, SMRA BA PO'I BSAM PA'I DBANG GIS ZHES BYA BA SMOS TE, SMRA BA PO'I SGRA 'AM BRDA BYED PA PO'I 'DAS PA'I RGAN PO RNAMS KYI YIN GYI DA LTAR BA NI MA YIN TE, DE'I NUS PAS ZHES BYA BA'I DON TO, ,DE LTA NA CI ZHIG BZLOG PAR BYA BA YIN ZHES ZER BA LA, DE'I PHYOGS GCIG NI ZHES BYA BA STE, PHYOGS GCIG NI SGRA'I NUS PA'I NGES PAS CHOS CAN YIN NO, ,CI LAS SHE NA PHYOGS KYI SGRA SPYI BRJOD PA MA YIN PA'I PHYIR RO ZHES BYA BA STE, CHOS CAN GYI KHYAD PAR TZAM BRJOD PA'I PHYIR RO, ,'DI NYID BSHAD PA NI PHYOGS KYI SGRAS NI ZHES BYA BA STE, RJES SU DPAG PAR BYA BA NI 'DIR SHES PAR 'DOD PA'I BYE BRAG DANG LDAN PA'I CHOS CAN NO ZHES BSTAN PA'I PHYIR RO ZHES BYA BA'I DON TO, ,SNGAR NGES PAR GZUNG BAR 'GYUR RAM ZHES BYA BA NI SNGAR BSGRUB PA RJES SU BRJOD PA'O, ,DE ZHES BYA BA NI GZHAN YIN NO, ,DE LTA NA GZHAN MA YIN NO ZHES BYA BA STE, GZHAN DGAG PA YIN LA GZHAN NGES PAR GZUNG BA DE'I SGRUB PA NI DE LAS GZHAN PA BSDU BA'O, ,DE NI 'DI'I NGES PAR GZUNG BA MA YIN GYI DE'I TSIG LA YIN NO ZHES ZER BA NI, GAL TE BSGRUB PAR BYA BA NYID CES BYA BA'O, ,'PHANGS PA NYID KYIS YIN PAR BSTAN PA NI SGRUB BYED BSTAN PA'I ZHES BYA BA'O, ,DON DE ZHES BYA BA NI MA GRUB PA'O, ,MED PA GTZO BO'I BSGRUB BYA'I TSIG BSGRUB PA LA YANG BSTAN PA NI GTAN TSIGS SOGS ZHES BYA BA'O, ,'DI'I 'BRAS BU NI GTAN TSIGS PA LA SOGS PAR DAM 'CHA' BA STE, 'DI YANG GTAN TSIGS KYI DPE'I MTSAN NYID KHO NA LA NYID CES BYA BA'I YI GE LAS KHYAB PA GRUB PA NI 'GAL BA YIN PAS GRUB PO ZHES BYA BA'I DON TO, ,DER ZHES BYA BA NI MA GRUB PA BSGRUB PA'I SGRUB BYED LA SOGS PA STE, GRUB PA BZHIN DU SGRUB PAR BYED PA DON MED PA YIN TE, SGRUB PAR BYED PA'I NYID KHO NAS ZHES BYA BA'I SGRA'I BYED PA NYID LAS SGRUB BYED DU BRJOD PA SEL BA YIN NO ZHES BYA BA'I THA TSIG GO, ,SNGAR NGES BZUNG BAS ZHES BYA BA BSGRUB BYA BSTAN PA NYID CES BYA BA NI BSHAD PA'O, ,GANG

, ,GI PHYIR DON MED PA DE'I PHYIR KHYAB PA 'BRAS BU CAN DAM BCA' BA NYID YIN PA'I PHYIR GTAN TSIGS MA GRUB PA LA SOGS PA SDUD PAR BYED PA NI SHUGS KYIS GNAS PA'O, ,SGRUB PAR BYED PA DOGS PA'ANG MED, ,CES BYA BA DANG, DE LTA NA'ANG DPE NI MA GRUB PAR, ,ZHES BYA BA DANG 'GAL BA MA YIN NAM ZHES ZER BA NI, GAL TE RANG NYID KYIS ZHES BYA BA'O, ,DES NA ZHES BYA BA NI SNGAR NGES PAR BZUNG BA LA DON MED PA'I PHYIR RO, ,BSAL BA ZHES BYA BA NI, ,DE LTA'ANG DPE NI MA GRUB LA, ,ZHES BYA BA'O, ,'GAL BA NYID NI SGRUB BYED DO, ,'DOD PA DANG 'BREL PA MED PA NI BSGRUB BYA DANG NGO, ,PHAN MED NI 'GAL BA NYID DO, ,LHAN CIG GNAS PA MIN ZHES BYA BA NI MA GRUB PA'O, ,CI STE ZHES BYA BA NI THAMS CAD MI RTAG PA NYID KYIS SO, ,SGRA LA ZHES BYA BA NI BSGRUB BYA'I CHOS CAN NYID LA MI RTAG PA NYID KYIS GTAN TSIGS DANG BCAS PA YIN NA, DE LTAR DE THAMS CAD MI RTAG PA'I PHYIR ZHES RJOD PAR BYED NA MTHUN PA'I PHYOGS NYID DU 'GAL BAS SEL BAR MI 'GYUR RO ZHES BYA BA NI KHA CIG GI'O, ,THAMS CAD MI RTAG PA'I PHYIR ZHES BYA BAS DE NI DE LTAR BZLOG PAR 'GYUR TE, GAL TE SGRA NYID MI RTAG PA NYID YIN PA DES NI GTAN TSIGS DANG LDAN PA NYID DU RJOD PAR BYED NA ZHES BYA BA NI RGYAL BA CAN GYI'O; ,GAL TE MI RTAG PA NYID DANG, DE'I GTAN TSIGS NYID KYANG SGRAR MI BRJOD NA CI ZHIG RJOD PAR BYED CES ZER BA LA 'DI LA DPE ZHES BYA BA'O, ,DPE BSTAN PA YANG MTHUN PA'I PHYOGS NYID KYIS BSTAN PA NI KHYAD PAR LAS NI GZHAN BRJOD NAS ZHES BYA BA STE GZHAN ZHES BYA BA NI 'GAL BA YIN NO ZHES BYA BA NI KHA CIG GI'O, ,'GREL PAR NI KHYAD PAR YIN ZHES BSHAD DE, ,ZHES BYA BA NI 'GAL BA'O, ,SPYIS KHYAB PA NI MA YIN TE 'DI NYID KYIS GNOD PA'I PHYIR RO ZHES BYA BA NI CHOS MI MTHUN PA'I NYID CAN NO, ,GNOD PAR 'DOD PA YANG RANG GI TSIG PHAM PA 'BA' ZHIG GI 'BRAS BU CAN YIN PAR BSTAN PA NI 'BRAS BU'ANG ZHES BYA BA'O, ,SPYI DANG KHYAD PAR GYI TSIG NI, ,SPYIR BTANG BA DANG DMIGS KYIS BSAL BA'I BDAG NYID SMRA BA PO NYE BAR MTSON PA YIN PAR BSTAN PA NI, THAMS CAD NYID CES BYA BA'O, ,NYE BAR MTSON PA NYID LA RMONGS PA MA YIN PAR BSTAN PA NI DE LTA

BU NI 'GA' YANG ZHES BYA BA'O, ,DE NYID LA ZHES BYA BA NI MI RTAG PA NYID DU BSGRUBS NAS RTAG PA NYID DU SGRUB PAR BYED PA'O, ,GANG LA ZHES BYA BA NI SMRA BA PO DANG NYAN PA PO LA'O, ,JI LTAR RUNG BA ZHES BYA BA NI 'GAL BA NYE BAR MTSON PA'AM CIG SHOS NI KHYAD PAR DANG 'GAL BA YIN GYI SPYI NI MA YIN NO, , GSUNGS PA NI GNOD PAR BYED PA STE SLOB DPON PHYOGS KYI GLANG POS DE'I PHYIR SGRA LA GNAS PA'I ZHES BYA BA LA SOGS PA BSTAN PA NI DE'I PHYIR ZHES BYA BA'O, ,GZHAN LA ZHES BYA BA NI 'GAL BA LA'O, ,BSTAN PA NI SGRUB BYED DO, ,SGRUB BYED NYE BAR BKOD PAS BSGRUB BYA SEL BA MA YIN PA NI SUN PHYUNG BA'O, ,THAMS CAD KYI MI RTAG PA NYID NI SGRA LA GNAS PA YIN TE, DE LAS BZLOG PA THAMS CAD MA YIN PA NYID DU RTOGS PA'I PHYIR RO SNYAM DU SEMS PA LA YUL GZHAN LA ZHES BYA BA'O, ,THAMS CAD NYID NI GZHAN LA TE MI RTAG PA NYID LA'O, ,GZHAN DU ZHES BYA BA NI THAMS CAD MA YIN PA NYID DO, ,RJOD PA NI SGRA'I'O, , SGRA LA THAMS CAD MA YIN PA THAMS CAD NYID DANG 'GAL BAR BRJOD NA SGRA NI THAMS CAD LAS GZHAN PA NYID DU SMRAS PA YIN NO, ,GZHAN NYID CI ZHIG YIN ZHE NA, THAMS CAD MA YIN PA'I NGO BO STE THAMS CAD MA YIN PA NYID DANG THAMS CAD NYID 'GAL BA YIN NO ZHES BYA BAR RTOGS PA YIN LA RTAG PA NYID KYIS KYANG DE DANG KHYAD PAR MI SPONG BA'I PHYIR 'GAL BA YIN NO, ,'GAL BA STE MI RTAG PA NYID SGRA LAS GZHAN PA'I YUL DU BRJOD PA NYID KYI SGRA YANG GZHAN YIN NO ZHES BRJOD PA YIN NO ZHES BYA BAS KYANG GZHAN PA NYID 'GAL BAS LTOS NAS MI RTAG PA NYID YIN GYI THAMS CAD MA YIN PA NYID MA YIN NO; ,DE'I PHYIR DE YANG ZHES BYA BA LA SOGS PA'I 'GAL BA NI GNAS SKABS DE DANG LDAN PA YIN NO ZHES BYA BA NI RGYAL BA CAN GYI'O, ,GZHAN LA NI THAMS CAD LA STE, 'GAL BA NI MI RTAG PA NYID DU SMRA BAS GZHAN NYID DE THAMS CAD MA YIN PA NYID DU BRJOD PA NI YIN NA SKYON MED PAR BSTAN PA NI, THAMS CAD MI RTAG PA NYID KYIS ZHES BYA BA'O, ,GZHAN NYID THAMS CAD MA YIN PA NYID KYI NGO BO MA YIN PA NYID DU BSTAN PA NI GZHAN NYID DU BSTAN PA'I PHYIR RO ZHES BYA BA'O, ,THAMS CAD KYI SGRA NI SPYI'I SGRA YIN PA'I PHYIR KHYAD PAR GYI SGRA 'PHEN PAR BYED NA, MI 'PHEN PA'I BDAG NYID DE THAMS

, ,CAD NYID THAMS CAD MA YIN PA JI LTAR YIN ZHES ZER BA LA SPYI NI ZHES BYA BA'O, ,SPONG BA YIN YANG RANG GI NGO BO NI MA YIN TE 'GAL BA YIN LA, NGES PA LA NI 'GYUR RO ZHES BSTAN PA NI DPER NA ZHES BYA BA'O, ,DE TZAM GYIS ZHES BYA BA NI RANG GI NGO BOS DE NYID MA YIN NA THAMS CAD NYID MED PAS THAMS CAD NYID DE YANG MED PA'I PHYIR RO, ,THAMS CAD NYID MA YIN PA MA YIN YANG THAMS CAD KYI NGO BO SPONG BA'I PHYIR MNYAN PAR BYA BA NYID BZHIN DU LDOG PA'I DBYE BA MED PAS MA GRUB PA YIN PAR BSTAN PA NI SHES BYA BYED SHES BYA BA'O, ,CHOS TZAM GRUB PA NYID KYIS BSGRUB BYA MA YIN PA'I PHYIR DE'I KHYAD PAR CAN GYI CHOS CAN BSGRUB BYAR MA GRUB PA'O ZHES BYA BA'I DON TO, ,BSGRUB BYA'I KHYAD PAR GYI CHOS CAN SO SOR BYAS PA YANG DE LAS GZHAN PA'I CHOS MED NA DE GRUB PA NYID YIN PAR BSTAN PA NI, SGRA NYID YIN PA'I PHYIR MI RTAG GO ZHES BYA BA'O, ,TSOGS PA BSGRUB BYAR MI 'GYUR RO, ,ZHES BYA BA NI GRUB PA LA SGRUB PA NYID DO, ,DE NYID RTAG PA LA LDOG PA'I BSGRUB BYA DANG SGRA MA YIN PA LAS LOG PA'I SGRUB BYED MA YIN NAM, JI LTAR BSGRUB BYA'I CHA'I RJES SU 'JUG PA YIN ZHES ZER BA NI GAL TE ZHES BYA BA'O, ,YANG ZHES BYA BA NI PHYIS KYANG NGO, ,MI RTAG PA ZHES BYA BA NI GRUB PA NYID BZLOG PA'I CHED DU SGRA LAS LDOG PAR LTUNG NA MA GRUB PA KHO NA YIN LA YANG BRJOD KYANG KHYAD PAR MED PA'I PHYIR DANG, SGRA NYE BAR DMIGS PA NYID KYIS DE LTAR RTOGS PA'I PHYIR LOG PAR RTOGS PA LA RTOGS PAR BYA BA MA YIN PA NYID THOB PAR 'GYUR BA'I PHYIR RO ZHES BSTAN PA NI, GAL TE SGRA NYID CES BYA BA STE, MI RTAG PA'O ZHES BYA BA BZHIN DU SGRA'O ZHES BYA BA YANG GRUB PA'I BSGRUB BYA NYID YIN NO ZHES BYA BA'I DON TO, ,GAL TE MA NGES PA NYID KHO NAR CI'I PHYIR MA BRJOD CES ZER BA LA, BRGAL ZHING BRTAGS PA LA ZHES BYA BA STE MA GRUB PA NYID MDUN NA YOD PA SPANGS PA NI SKYON YIN NO ZHES BYA BA'O, ,LKOG TU GYUR PA STE RTZOD PA'I YUL GYI RANG GI NGO BO'O, ,SGRUB PA NI SGRA NYID LA MI RTAG PA NYID BZHIN DU'O, ,LKOG TU MA GYUR PA STE MNGON SUM PA CI LAS YIN, GANG GI PHYIR RTZOD PA'I YUL MA YIN PA'O, ,MI MTHUN PA ZHES BYA BA NI DPE ZHES BYA BA'I DON TO, ,MAR ME ZHES BYA BA NI 'DI NYID KYI BSHAD PA'O, ,

MNGON SUM DU GRUB PA KHO NA ZHES BYA BA NI RTZOD PA'I GZHI MA YIN PA NYID DO, ,SGRA NYID KHO NA THAMS CAD MA YIN PA NYID YIN TE LDOG PA'I KHYAD PAR MED PA'I PHYIR MA GRUB PA YIN NO, ,BSGRUB BYA SGRUB BYED MED PA TZAM BRJOD PAR 'DOD PA'I CHOS MI MTHUN PA'I DPE NYID YIN TE, CHOS MI MTHUN PA'I DPE GZHAN DU MI 'THAD PAS BTAGS PA NYID GTAN TSIGS MA YIN ZHING BSGRUB BYA NYID YIN PA'I PHYIR THAMS CAD MA YIN PA NYID NI YAN LAG MA YIN PA MA YIN TE, GRANGS CAN PA RNAMS KYIS YAN LAG PA DANG BCAS PAR KHAS BLANGS PA'I PHYIR RO, ,RGYAL DPOG PA RNAMS KYI YANG YAN LAG CAN YIN PA NYID DAM NGO SHES PAR BYA BA NYID KYANG SGRUB BYED MA YIN TE, MI RTAG PA NYID KYI RJES SU DPAG PAS GNOD PA'I PHYIR DPER NA SGRA RTAGS PA NYID LA RNA BA LAS BYUNG BAR NGO SHES PA LTA BU'O, ,GANG GI PHYIR NYAMS SU MYONG BA'I 'DU BYED PAS SAD PA LAS DRAN PA DANG RJES SU BYED PA DANG SNGAR MTHONG BA NGO SHES PA ZHES BYA BA'I RIM PAS SAD PAR DES PA YIN TE DE MTHONG BA BZHIN DU MTHONG BA DANG, SNANG BZHIN PA NGO SHES PA NI GZHAN MTHONG BA MA YIN NO, ,BDEN MED KYI DE MTHONG BA LAS SAD PA 'DAS PA'I NI MA YIN TE, 'O NA CI ZHE NA NYE BA'I YIN TE MTHONG BA'I PHYIR RO, ,MTHONG BA NYID DANG NYE BA NI MA YIN TE, MA MTHONG BA LA YANG DE LTAR THAL BAR 'GYUR BA'I PHYIR RO, ,DE'I DON BYED PAS DE NYID NYE BA YIN LA, DE KHO NA BZHIN DU DON YOD PA DMIGS PA YIN GYI THAMS CAD DU NI MA YIN NO ZHE NA, DE LTA YIN NA 'DRA BA DON NGO SHES PA MA YIN TE, NYE BA LA DE'I SHES PA YIN PA'I PHYIR 'DI'I DON DU 'DRA BA GZHAN ZHES BYA BA LA SOGS PA'O, ,DE'I PHYIR SNGAR NYAMS SU MYONG BA'I LAS TZAM MAM BTAGS PA MA YIN PA'AM DRAN PA MA YIN PA MA YIN NO, ,DE NYID KYI PHYIR LHA SBYIN NI DE'I DON BYED PA MA YIN TE, DE'I TSE MED PAR THAL BAR 'GYUR BA'I PHYIR RO, ,SNANG BZHIN PA DANG DE'I GCIG PA DANG NYID NI 'DI DANG 'DRA BA NYID KYI DPE'O, ,RGYAL DPOG PA'I NI NYAMS SU MYONG BA DANG, BYED PA DRAN PA'I MNGON SUM GNYIS PO RTOGS PA NI MNGON SUM KHO NA YIN PAR 'DOD PA NI MA RIG PA LAS BYUNG BAS KUN RDZOB YIN NO, ,SGRA MI RTAG STE, BUM BA BZHIN DU MIG GIS GZUNG BAR BYA BA YIN PA'I PHYIR LA, RIGS KYIS MA

, ,NGES PA NYID DU BRJOD PA NA BUM PA DANG SGRA YANG RTAG PA YIN NO ZHES BYA BAS SNGA NA MED PA'I RTAG PA NYID DU KHAS BLANGS PAS SNGAR DAM BCAS PA NYAMS PA NI PHYOGS KYI SKYON MA YIN TE, MA NGES PA NYID KYI SKYON GYIS PHAM PA'I PHYIR RO, ,GZHAN DU NA GTAN TSIGS KYI SKYON THAMS CAD PHYOGS KYI SKYON DU 'GYUR RO, ,DAM BCA' BOR BA NI BLANGS PA BOR BA STE, SGRA MI RTAG CES SUS SMRAS ZHES ZER BA LA SNGA MA BZHIN DU GTAN TSIGS KYI SKYON KHO NAS PHAM PA YIN NO, ,SGRA NYID PHYOGS LA YOD KYANG GTAN TSIGS NYID DU MA GRUB PA MA YIN NAM BYAS PA NYID LAS BZHIN DU GTAN TSIGS LA YOD PA CHOS LA SOGS PA LA YOD PAR 'GYUR TE, MNGON SUM NYID YIN PAS RJES SU DPAG PAR BYA BA MA YIN NO SNYAM DU SEMS PA NI, DNGOS PO KUN LA CHOS DANG NI, ,ZHES BYA BA STE, RNAM DBYE NI THA DAD PAR RO, ,DNGOS PO KUN LA ZHES BYA BA NI DAM BCA' BA DANG GTAN TSIGS KYI DNGOS PO RNAMS LA'O, ,MED PA'I PHYIR NI MNGON SUM LA SOGS PAS NYAMS SU MYANG BA'I PHYIR RO, ,KUN LA ZHES BYA BA NI DAM BCA' BA DANG GTAN TSIGS LA YANG NGO, ,KUN RDZOB TU ZHES BYA BA NI LDOG PA'I DBYE BA NYAMS SU MYONG BA LAS BYUNG BA'I RNAM PAR RTOG PAS KHYAD PAR DU DBYE BA YIN PA'I PHYIR RO, ,DAM BCA' BA LAS BYUNG BA'I GTAN TSIGS LAS BYUNG BA'I PHYIR DAM BCA' BA LAS BYUNG BA STE, GTAN TSIGS LAS BYUNG BA NI MNGON SUM GYIS GRUB PA NYID LA DBYE BA MED PA'O, ,BYAS PA NYID GTAN TSIGS LA YOD PA DANG PHYOGS LA YOD PA'I SGRA NYID NI BSGRUB BYA SGRUB BYED KYI NGO BO'O, ,CHOS DANG CHOS CAN GYI NGO BO DBYE BA DANG BRAL BA'I MAR ME LA YANG KUN RDZOB KYIS MA YIN PA'I PHYIR LDOG PA'I DBYE BA'I MTHAR THUG PA NYID KYIS MAR ME LA YANG DE YOD DO SNYAM DU SEMS PA NI, MAR ME ZHES BYA BA NAS CHOS CAN NO ZHES BYA BA'I BAR GYIS SO, ,BYED PA MED LA ZHES BYA BA NI LAN NO, ,BRJOD PAR 'DOD PA'I DON BYA BA MED PAS ZHES BYA BA NI RANG GI NGO BO YOD PA MA YIN NO ZHES BYA BA'I DON GYI RGOL BA'O, ,HA CANG THAL BAR 'GYUR BA NI RI BONG GI RVA LA'O, ,DE SKAD DU ZHES BYA BA NI BYED PA MED PA DANG CIG SHOS LA SOGS PA'I THUN MONG BA NYID KYI BYA BA BYED PA NYID YIN GYI CHOS CAN NI MA YIN NO, ,SGRA NYID DAM THAMS CAD MA YIN PA NYID LA

BSGRUB BYA SGRUB BYED KYI DBYE BA MED PA'I PHYIR RO, ,BYAS PA NYID CES BYA BA LA SOGS PA NI SGRUB BYED DANG BSGRUB BYA DANG CHOS CAN RNAMS SO, ,DE'I DBYE BA DNGOS SUM MA YIN PA LA DE DANG BRAL BA 'DZIN PA'I MNGON SUM GNOD BYED YIN PAR BSTAN PA NI DON GYIS RANG GI NGO BO GCIG CES BYA BA STE, DE LA CHOS LA SOGS PA'I DBYE BA DE MA YIN PA LAS LDOG PA MA RTOGS PA MA YIN NO ZHES BYA BA'I DON TO, ,MI RTAG PA NYID GZHAN NYID YIN NA NI THA DAD PA NYID YIN NA'O, ,MI 'THAD CES BYA BA NI DE GNYI GA YANG MI RTAG PA'I PHYIR RO, ,KHYAB PA DANG CIG SHOS ZHES BYA BA NI RTAG PA LAS GZHAN PA NYID NI DNGOS PO RIG PA NYID KYIS RIG PA'O, ,DE LTA NA TSAD MA GZHAN TSAD MA YIN TE, RJES SU DPAG PA DANG 'GAL BA DAG GIS ZHES BSTAN PA NI DUS GZHAN KHYAB NA NI ZHES BYA BA'O, ,KHYAB PA DANG CIG SHOS NYID DNGOS PO LAS THA DAD PA YIN PAS DE 'DZIN GZUNG BYA MA YIN PA MA YIN NAM ZHES ZER BA NI 'O NA TE MNGON SUM GYIS ZHES BYA BA'O, ,KHYAB PA NYID NI GZHAN LA LTOS PAS GZHAN YIN PAR 'GYUR GYI DE DANG BRAL BA'I NGO BO MI RTAG PA NYID MA YIN PAR BSTAN PA NI MI RTAG PA NYID CES BYA BA'O, ,DE NYID CES BYA BA NI KHYAB PA NYID DE MI RTAG PA NYID DU MA RTOGS PA ZHES BYA BAR SBYAR RO, ,DE NYID KYI ZHES BYA BA NI KHYAB PA CAN GYI'O, ,YOD DAM ZHES BYA BA NI DMIGS PAR BYA BA NYID KYIS SO, ,DE'I BDAG NYID DU ZHES BYA BA NI DBYE BA BYED PA DE NYID MA YIN PAR THAL BAR 'GYUR BA'O, ,MED PAS ZHES BYA BA NI MA DMIGS PAS SO, ,'DIS NI ZHES BYA BA NI SNGAR DMIGS PA CHOS DANG BRAL BA NYID DO, ,CHOS CAN 'DZIN PA LA CHOS MI 'DZIN NA SKYON GZHAN BSTAN PA NI MA GRUB NA ZHES BYA BA'O, ,MNGON SUM GYIS MI RTAG PAR 'DZIN PA'I YON TAN BSTAN PA NI, GANG TSE ZHES BYA BA'O, ,GZHAN YANG MNGON SUM GYIS CHOS DANG CHOS DANG CAN 'DZIN PA THAMS CAD DU 'DZIN PA'I PHYIR RJES SU DPAG PA DON MED DO ZHES ZER BA NI, 'ON TE ZHES BYA BA'O, ,'DI LA CHOS YOD PA'I PHYIR CHOS CAN NI MI 'DZIN NA MI 'GYUR RO ZHES ZER BA LA, CHOS NI MNGON SUM GYIS ZHES BYA BA'O, ,'GA' DANG LHAN CIG 'DZIN YANG CHOS GZHAN DANG MA YIN NO ZHES ZER BA NI, GAL TE 'KHRUL PA'I CHOS ZHES BYA BA'O, ,THO YOR NYID LA

, ,SOGS PA DANG BRAL BA YANG DBYIBS SNGON DU 'GRO BA NYID DU MTHONG BA YIN GYI KHYAB PA CAN DANG CIG SHOS DANG BRAL BA'I DNGOS SO, ,BZUNG BA MA YIN PAR BSTAN PA NI MI DANG THO YOR ZHES BYA BA'O, ,YUL KHYAB PA CAN LA GZHAN DU 'DZIN PA BZHIN DU, DUS KHYAB PA CAN YANG GZHAN DU 'DZIN PAR 'GYUR RO ZHES ZER BA NI GAL TE RING PO ZHES BYA BA'O, ,RJES SU DPAG PAS ZHES BYA BA NI GCIG G-YO BA NI GZHAN G-YO BA GZHAN DU MI 'THAD PAS SO, ,'KHRUL 'KHOR GYI DNGOS PO GNYIS BZHIN DU GCIG G-YO BA NI GZHAN G-YO BA NI THA DAD PA YIN YANG CI LAS KYANG YIN BA'I PHYIR GZHAN DU MI 'THAD PA MA YIN PAR BSTAN PA NI DE NI RJES SU DPAG PA YANG ZHES BYA BA'O, ,MTHONG BA RNAMS KYI GCIG PA NYID MNGON SUM DANG 'GAL BA YIN PAR BSTAN PA NI DE NI ZHES BYA BA'O, ,DUS SNGA MA'I BRDA'I YUL GYI KHYAD PAR MI 'DZIN PA DES KHYAD PAR DU BYAS PA DA LTAR BA MNGON SUM GYIS MI 'DZIN PAR BSTAN PA NI MA YIN TE DE NYID CES BYA BA'O, ,DA LTAR BA'I BRDA'I YUL GYI KHYAD PAR 'DZIN PA NI DES KHYAD PAR DU BYAS PA 'DZIN PA NI DES KHYAD PAR DU BYAS PA 'DZIN NA MI RTAG PA NYID KHO NAR 'DZIN PA YIN PAR BSTAN PA NI DES NA MI RTAG PA NYID NI ZHES BYA BA'O, ,RTOG PA TZAM GYIS SBYAR BA NI SGRUB BYED DAM CIG SHOS KYANG MA YIN TE 'BREL PA MED PA'I PHYIR RO ZHES BSTAN PA NI, 'BREL PA YOD PA NYID LAS ZHES BYA BA'O, ,GCIG LAS ZHES BYA BA NI BA LANG MA YIN PA LA SOGS PA GANG YANG RUNG BA LAS SO, ,DU MA NI KHRA BO LA SOGS PA'O, ,THA DAD PA'I LDOG PA LAS YANG MNGON SUM PA NI RNAM PAR RTOG PA BAG CHAGS LAS BYUNG BA'I RTOG PAS GCIG NYID DU ZHEN PA YIN PAR BSTAN PA NI DNGOS PO KUN GYI ZHES BYA BA'O, ,BAG CHAGS DE DANG LHAN CIG BYED BA'I DBANG PO LAS BYUNG BA'I MNGON SUM NYID DER RTOG PAR BYED PA YANG YIN PAR BSTAN PA NI, GAL TE DBANG PO'I ZHES BYA BA'O, ,DBANG PO LAS BYUNG BA NI DBANG PO BZHIN DU YOD PA'I YUL CAN YIN LA, BAG CHAGS BYUNG BA NI YUL YOD PA MA YIN PAS RTOG PA CAN YIN PAR BSTAN PA NI SNGA MA PHYI MA ZHES BYA BA'O, ,RJES 'GRO MED CES BYA BA NI GSAL BA RE RE ZHING NGES PA NYAMS SU MYONG BA'I PHYIR RO, ,GSAL BA DU MA 'DZIN KYANG RJES SU 'GRO BA 'DZIN PA

MA YIN TE, GSAL BA GCIG 'DZIN PA BZHIN DU RJES SU 'GRO BA MED PAR BSTAN PA NI, GANG GIS BYA BA STE DON GZHAN DU MTHONG BA DANG LHAN CIG GCIG NYID DU GZHAN DU YANG MA MTHONG BA DANG RJES SU 'GRO BA NUB PA DANG LDAN PA NYID DU SNANG BA'I RGYU LA GOMS PA YIN NO, ,DE BSTAN PA NI RTZIG PA LA SOGS PA NI ZHES BYA BA'O, ,GSAL BA DAG GI DUS PHYIS RTOGS PA SNGA MA'I GSAL BA ZHIG PA NA BYUNG BA JI LTAR DE'I KHYAB PA NYID KYI YUL YIN ZHES ZER BA LA MA YIN TE, GSAL BA YOD PA DANG ZHES BYA BA'O, ,SNGA MAR ZHES BYA BA NI SNGAR MTHONG BA'I YUL GYI PHYOGS SU'O, ,KHYAB PA NYID DU MED PA'I PHYIR ZHES BYA BA'I RGOL BA BSHAD PA NI, DE'I RANG BZHIN NI ZHES BYA BA'O, ,DE'I GZHAN DU BA NYID MA RTOGS PA MNGON SUM GYIS MA GRUB PA LA MNGON SUM DANG BRAL BA'I ZHES PA TZAM YIN LA, MNGON SUM GYIS MA GRUB PA NYID KYI PHYIR THA DAD PA DANG THA MI DAD PA YANG MA YIN NO ZHES BSTAN PA'I PHYIR PHAN TSUN ZHES BYA BA'O, ,THA DAD LAS GZHAN ZHES BYA BA'O, ,DE TSE ZHES BYA BA NI THA DAD PA NA'O, ,DE NYID KYIS ZHES BYA BA NI GANG KHO NAS THA DAD PA'O, ,DE YANG NI ZHES BYA BA NI THA MI DAD PA NYID DU GNAS PA MA YIN TE, YANG THA DAD PAR 'GRO BA'I PHYIR RO, ,THA DAD PA DANG THA MI DAD PA'I PHYIR 'GAL BA LA KHYAD PAR MED PA'I THAL 'GYUR YIN PAR BSTAN PA NI MTHONG BA MTHONG BAR MIN PAR ZHES BYA BA'O, ,LDOG PA MA YIN PA'I KHYAD PAR GYI NYE BAR LEN PA'I RNAM PAR RTOG PA LAS CHOS LA SOGS PA'I DBYE BA MA YIN PAR BSTAN PA NI, GANG LA DE MED CES BYA BA'O, ,KAL TE KUN RDZOB TU RNAM PAR DBYE BA YOD NA DNGOS PO THAMS CAD LA CHOS LA SOGS PA'I DBYE BA JI LTAR MA GRUB PA YIN ZHES ZER BA LA, DON DAM PAR NI ZHES BYA BA'O, ,DE NYID CES BYA BA NI GCIG NYID DE GSAL BAS RIGS LA SOGS PA STE BA LANG NGO ZHES BYA BA'O, ,GZHAN NYID NI BA LANG NYID CES BYA BA STE 'GOG PAR 'GYUR ZHES BYA BAR SBYAR RO, ,CI LAS SHE NA MNGON SUM LAS DE MA GRUB PA'I PHYIR RO, ,DE 'BREL PA NYID DU GANG DU GNAS PA YIN ZHE NA KUN RDZOB PA'I RNAMS LA'O, ,RNAM PAR RTOG PA'I BAG CHAGS KYI RTOG PA LAS DE LTAR RTOGS PA NI RGYAL BA CAN GYI'O, ,GZHAN DAG NI DON DAM PAR RNAM PAR BCAD PA'I

, ,GNAS SKABS RNAMS LA GNAS PA DE LA BRTEN PAS KUN RDZOB PA RNAMS LA 'GOG PAR 'GYUR RO ZHES ZER RO, ,GSAL BA NYID DE LAS GZHAN PA LAS THA DAD PA LA THA MI DAD PAR ZHEN PA ZHES BYA BA NI GRAGS PA'O, ,DON DAM PAR RNAM PAR DPYAD PA MNGON SUM GYI DON GYI YUL RNAMS LA DE LTA BUR GYUR PA MA GRUB PA'I PHYIR ZHES BYA BA NI CHOS LA SOGS PA'I RNAM PAR DBYE BA MA GRUB PA'I PHYIR RO, ,GZHAN NYID NI GSAL BAR 'GOG PAR 'GYUR RO ZHES BYA BA'O, ,RTOG PA LA GRUB PA'I PHYIR DE NYID YIN GYI LDOG PA'I RGYU MTSAN GYIS NI DE NYID MA YIN PAR 'GOG PAR 'GYUR BA'O, , DE'I RGYU MTSAN MA YIN NA GZHAN NYID YIN NO ZHES BYA BA NI 'GREL PAR RO, ,KUN RDZOB TU YOD PA ZHES BYA BA LA SOGS PAS DE NYID 'GOG PA YIN LA, DES NA THA DAD PA ZHES BYA BAS NI GZHAN NYID DO, ,DE DAG NI KUN RDZOB PA YIN LA MNGON SUM MED PAS DE DAG LA RJES SU DPAG PA MED PAR BSTAN PA NI, MNGON SUM SNGON DU 'GRO BA CAN, ,ZHES BYA BA'O, ,SGRUB BYED RANG BZHIN NI PHYOGS KYI CHOS NYID LA SOGS PA'O, ,KUN RDZOB GNAS PA'I NGO BO NYID CES BYA BA NI KUN RDZOB TU YOD PA NYID DO, ,MNGON SUM PA NI GSAL BA TZAM YIN GYI CHOS LA SOGS PA MA YIN PAR BSTAN PA NI DE NYID NA ZHES BYA BA'O, ,DE LAS ZHES BYA BA NI GSAL BA'I NGO BO LAS SO, ,KHYAD PAR RIG MI 'GYUR ZHES BYA BA NI GSAL BA RIG PAR MI 'GYUR BA'O, ,RDZOGS MED PAS NI RTOGS PA MED PAS SO, ,CHOS DANG CHOS MA YIN PA LA SOGS PA'I NGO BO'I SPYI BTAGS PA BA NYID YIN PAR BSTAN PA NI; DE'I PHYIR SPYI NI ZHES BYA BA'O, ,LDOG PA'I GSAL BA MTHONG NA BLO'I ZHES BYA BA NI BLO SKYES PA NA GSAL BA LA 'JUG PA'I 'BRAS BU NYID YIN PAR BSTAN PA NI DE LTA BU NYID DU ZHES BYA BA'O, ,MTSUNGS PA'I PHYIR RO ZHES BYA BA NI GSAL BA LA SPYI ZHES BYA BA'O, ,RTOG PA TZAM GYIS GSAL BA'I 'BRAS BU LAS 'JUG NA SPYI MA GTOGS PAR BSTAN PA NI 'DI NI ZHES BYA BA'O, ,'JUG PA MED PA NI GSAL BA MI SHES PA'I PHYIR RO, ,RJES SU DPAG PAR BYA BA'I GSAL BA GZHAN GYIS DE KHO NA BZHIN RJES SU DPAG PAR BYA BA'I KHYAB PA 'DZIN PA YIN NA RJES SU DPAG PAR BYA BA GRUB

PA LA GO BYED MA YIN TE GRUB ZIN PA'I PHYIR RO ZHES BSTAN PA NI, SPYI NI KHYAB PA NYID YIN YANG, ,ZHES BYA BA'O, ,DE KHO NA BZHIN DU MA 'DZIN NA NI RTOGS PA MA YIN TE 'BREL PA MA RTOGS PA'I PHYIR RO ZHES BSTAN PA NI GAL TE SPYI KHYAB CES BYA BA'O, ,MA RTOGS PA'I 'GREL PA CAN RTOGS PA YIN NA THAL TSES PA YIN LA 'GREL PA CAN YANG DE LTAR MA RTOGS NA RTAGS MA YIN TE KHYAB TSES PA'I PHYIR RO ZHES BSTAN PA NI 'BREL BA MA BZUNG BA LAS KYANG ZHES BYA BA'O, ,DE ZHES BYA BA NI 'BREL BA CAN GYI SPYI'O, ,MNGON SUM 'JUG PA DE GANG GI YIN PA DE CHOS CAN GYI SGRA NYID KYIS ZHES BYA BAR SBYAR RO, ,DE NI ZHES BYA BA NI KHYAD PAR RO, ,DE RIG PA NI KHYAD PAR RIG PA'O, ,DE'I RANG BZHIN NI KHYAD PAR GYI'O, ,SNGAR NYID DU NI RTOGS PA MED PA LA'O, ,GANG LA ZHES BYA BA NI GSAL BA'I NGO BO LA'O, ,MGRON BYA BAS ZHES BYA BAS SPYI'I 'DRA BA NYID DO, ,CHAG PO ZHES BYA BA NI MA RTOGS PA NYID KYI'O, ,GZHAN DU MI 'THAD PAS ZHES BYA BA NI MA HE LA SOGS PA BOR NAS BA LANG GI SGRA LAS 'GRO BA LA 'JUG PA'I PHYIR RO, ,MI 'DRA BA NYID DU ZHES BYA BA NI MA HE DANG MI 'DRA BA'I BA LANG GI TSOGS SO, ,GNYIS ZHES BYA BA NI BA LANG DANG MA HE DAG GO, ,DE NI ZHES BYA BA NI SPYI'O, ,THAMS CAD MTHONG PA MA YIN NO ZHES BYA BA LA NI BA LANG NYID KYI RTEN THAMS CAD NI MTHA' YAS PA'I PHYIR RO, ,DES NA DE YANG ZHES BYA BA NI LDOG PA'I SPYI MTHONG BA'O, ,SPYI YANG GSAL BA MA LUS PA SDE TSAN DU MI BYED BA'I PHYIR RO, ,DE LA RTOGS BYA MA YIN PAR BSTAN PA NI SPYI NI ZHES BYA BA'O, ,GSAL BA NI SNANG BA NYID DO, ,GSAL BA NYUNG SHAS RNAMS LA BA LANG NYID KYI SPYI NYE BAR MTSON PA NAS BRNGAS THA SNYAD BYED PA'I PHYIR SNGAR MTHONG BA NGO SHES PA LAS DE NYID DU MTHONG BA MA YIN NAM ZHES ZER BA LA GSAL BA GCIG MTHONG NAS ZHES BYA BA STE, BRDA'I SNGA ROL DU RTA NYID DANG BUM PA NYID LA SOGS PA'I RJES SU 'GRO BA NYID KYI KHYAD PAR CAN MA YIN ZHES BYA BA'I DON TO, ,LKOG SHAL LA SOGS PA'I KHYAD PAR CAN GYI RNAM PA YIN PA'I PHYIR GSAL BA'I KHYAD PAR YIN NO SNYAM DU SEMS PA NI GANG ZHIG 'DI LTA BUR ZHES BYA BA'O, ,BRDA'I LAS PHYIS KYI DUS NA KHYAD PAR CAN NYID NI DE MED NA MI 'BYUNG NGO ZHES ZER BA NI BA LANG BA LANG ZHES BYA BA'O, ,MI 'JUG PA NYID KYIS ZHES BYA BA NI LDOG PA

, ,NYID KYIS SO, ,KHRA BO LA SOGS PA BZHIN DU GSAL BA LAS THA DAD PA NI BA LANG NGO ZHES BYA BA'I BLO LA SNANG BAR MA YIN PAR BSTAN PA NI SHES PA MED PA ZHES BYA BA'O, ,DE LTA NA RIGS MI MTHUN PA LAS LOG PA NI SPYIS BYAS PA YIN NO SNYAM DU SEMS PA LA RIGS MI MTHUN BA LAS KYANG ZHES BYA BA SMOS SO, ,DE LAS GZHAN PA'O, ,DE LAS ZHES BYA BA NI RIGS MI MTHUN PA LAS SO, ,GCIG PA NI KHRA BO'O, ,GZHAN ZHES BYA BA NI THU YU'O, ,JI LTAR DE LAS LOG PA DE LTAR MA YIN PAR BSTAN PA NI, GZHAN DU MA YIN NA ZHES BYA BA'O, ,LOG PA NYID LDOG PA MIN NA, ,DE YANG THA DAD BA LA THA MI DAD PA'I THA SNYAD KYI YUL NI RTOG BA'I YUL NYID KYIS YIN TE, SPYI LTA BU'O ZHES BSTAN PA NI THA SNYAD KYANG ZHES BYA BA'O, ,LAS MA YIN PA NI RDZAS DANG YON TAN DAG GO, ,RDZAS MA YIN PA NI LAS DANG YON TAN DAG GO, ,DPER NA BRAM ZER MA YIN BA LA BRAM ZE NYID MA YIN PAR DGAG PA NI SKYES BU NYID KYI RTEN YIN PA DE BZHIN DU 'DI YANG 'GYUR RO ZHES ZER BA LA SPYI RNAMS KYI ZHES BYA BA'O, ,BRAM ZE MA YIN PA LAS GZHAN PA NYID BRAM ZE YIN GYI DE MED PA NI MA YIN TE, DGAG PA DON DU MA CAN YIN PA'I PHYIR RO, ,DE BZHIN DU BA LANG MA YIN PA YANG GZHAN KHO NA YIN TE 'JUG PA'I YUL YIN PA'I PHYIR GZHAN BA LANG NYID TZAM SGRA LAS BYUNG BA YIN GYI GZHAN NYID NI DES MTSAN PA'I GSAL BA DANG SBYOR BA'I DBYE BA LAS YIN NO SNYAM DU SEMS PA NI, 'ON TE SPYI RNAMS ZHES BYA BA'O, ,GSAL BA YANG RANG GI NGO BO NYID DU MTSON PAR 'GYUR LA, RANG GI NGO BO NYID GZHAN NYID YIN NA SPYI NYID YIN PAR BSTAN BA NI NGO BOS THA DAD CES BYA BA'O, ,GZHAN LAS ZHES BYA BA NI GSAL BA'I SBYOR BA LAS SO, ,SPYI THAMS CAD DANG LDAN PA'I PHYIR ZHES BYA BA NI 'DRES PA'I PHYIR RO, ,MIG LAS BYUNG BA LAS GZUGS TZAM DANG REG PA LAS BYUNG BA LAS REG BYA TZAM NYID DU SNANG BA YIN GYI GZHAN NI MA YIN TE, GZHAN DU SNGAR MTHONG BA NGO SHES PA NI DE NYID KYIS GNOD PA BYAS PA YIN PAR BSTAN PA NI GZUGS SOGS ZHES BYA BA'O, ,MTHONG BA DANG REG PA'I YUL LAS YUL GZHAN SNGAR MTHONG BA NGO SHES PA MA YIN TE, DE'I RJES SU 'BRANG BA'I PHYIR RO ZHES BSTAN PA NI, DRAN PA MED PAR ZHES BYA BA'O, ,DE'I

TSE MED PA'I PHYIR RO ZHES BYA BA NI GZUGS DANG REG BYA LA SOGS PA 'DZIN PA'I DUS NA'O, ,RIM GYIS GZHAN LEN PA DANG 'DZIN PA NA RNAM PAR BZUNG BA TZAM RJES SU 'BRANG BAR BYA BA YIN GYI LHAG PA MA YIN PAR BSTAN PA NI, PHYOGS GCIG GZHAN DAG NI ZHES BYA BA'O, ,JI LTAR YAN LAG CAN RNAMS ZHES BYA BA NI DMIGS PA ZHES BYA BAR SBYAR RO, ,YAN LAG LA SOGS PA SKAD CIG RE RE ZHING 'PHEL BAR YANG LAG CAN GYI KHYAD PAR YIN PA'I DGONGS BAS MANG PO'I TSIG YIN NO, ,SNGAR MTHONG BA DO SHES PA NYID SNGA NA MED PA'I DON MTHONG BA NI YAN LAG CAN 'DZIN PA YIN GYI SNGA MA LA NI MA YIN NO SNYAM DU SEMS PA NI, 'ON TE DRAN PA DANG LHAN CIG CES BYA BA'O, ,RNAM PAR RTOG PA TZAM GYI GO BYA'I YAN LAG CAN YIN NA MED PA YANG DE'I GO BYAR 'GYUR TE, NYAMS SU MYONG BA DANG DRAN PA DANG LHAN CIG PA NYID LA KHYAD PAR MED PA'I PHYIR RO ZHES BSTAN PA NI, DE'I TSE YAN LAG DANG YON TAN GZHAN LA ZHES BYA BA'O, ,MA BRAL BA'I YUL NYID KYIS KYANG SNGAR MTHONG BA NGO SHES PA NI RNAM PAR PHYE BA'I RTOG PAS GNOD PAR BYA BA MA YIN PAR BSTAN PA NI MI DBYE BA ZHES BYA BA'O, ,DE LAS GZHAN PA LA NI GNOD PA KHO NA YIN PAR BSTAN PA NI, DRAN PA DANG NGO SHES PA ZHES BYA BA'O, ,TSAD MA RNAM PAR GZHAG PA LAS PHYI ROL DU GYUR PA YANG TSAD MA NYID YIN NA DON MED PAR 'GYUR BAR BSTAN PA NI TSAD MA DON MED PAR ZHES BYA BA'O, ,DRAN BZHIN PAS BZHIN DU GZUNG BZHIN PA LA 'DZIN PAR 'GYUR RO, BAR RJES SU DPOG PAS THA MI DAD PA'I RJES SU ZHUGS PA MTHONG BAS GNOD PA YIN PAR BSTAN PA NI RJES SU DPAG PA NI ZHES BYA BA LA SOGS PA'O, ,GZHAN DU ZHES BYA BA NI DBYE BAS SO, ,GCIG NYID NI BYED PA PO'O, ,RJES SU DPAG PA'I YUL LA ZHES BYA BA NI DRAN PA'I YUL LA'O, ,DU MA'I YUL CAN ZHES BYA BA NI 'DRA BA'I YUL CAN YIN PA'I PHYIR RO, ,DON DE BYED PA NYID KYIS ZHES BYA BA NI 'DRA BA NYID DANG RGYU MTSAN YANG NGO, ,'DRA BA RNAMS LA SNGA MA SNGA MA'I BAG CHAGS LAS GCIG NYID DU BRTAG PA YIN LA, DA LTAR BA RNAMS LA NI DER SGRO 'DOGS PA'I RGYU MTSAN YIN PAS GTZO BOR BRJOD PA YIN PAR BSTAN PA NI, THOG MA MED PA'I BAG CHAGS LAS, ,ZHES BYA BA'O, ,YANG NA DANG PO'I BYA BA

, ,BYED PA TZAM LAS SKAD CIG MA GZHAN LAS DE DANG 'DRA BA NYID LAS DER THA SNYAD 'DOGS PAR BYED PA'I YUL YIN PAR BSTAN PA NI YANG NA DANG PO ZHES BYA BA'O, ,DE NYID DANG GZHAN NYID DU ZHES BYA BA NI BUM PA DANG SNAM BU DAG GI DKAR PO NYID NI CHOS CAN THA DAD PA YIN YANG THA DAD PA MA YIN PA'I PHYIR SNAM BU NYID KYI DKAR PO DANG CIG SHOS LA SOGS PA CHOS CAN GYI DE KHO NA NYID YIN PA DE NYID KYI PHYIR GZHAN NYID YIN NO, ,CI LAS SHE NA DE NYID LAS ZHES BYA BA'O, ,'DI DAG THA DAD PA MA YIN YANG RIG PAS THA DAD PA YIN NO, ,THOG MA MED PA'I BAG CHAGS KYIS BYAS PA'I RJES SU DPAG PA ZHES BYA BA NI RNAM PAR RTOG PA'I KHYAD PAR YIN GYI DE DAG TZAM NI MA YIN NO, ,DON DAM PA MA YIN PA NI BDEN PA MA YIN PA'O, ,YOD PA NI KUN RDZOB TU'O, ,DE LTA BUR GYUR MA GRUB PHYIR, ,ZHES BYA BA NI MA GRUB PA'I PHYIR RO, ,DE NYID GZHAN NYID 'GOG PAR 'GYUR BA'I ZHES BYA BA GANG DU ZHE NA DON DAM PAR RNAM PAR DPYAD NA'O,, GANG DU GNAS SHE NA KUN RDZOB PA'I DNGOS RNAMS LA ZHES BYA BAR SBYAR BA'O, ,THA MI DAD CES BYA BA NI DE NYID DANG GZHAN NYID DU DBYER MED PA'O, ,GNYI GA ZHES BYA BA NI THA DAD PA DANG THA MI DAD PA DAG STE DBYE BA MNGON SUM PA MA YIN NO ZHES BYA BA'I DON TO, ,THA DAD LA ZHES BYA BA NI DE NYID DANG GZHAN NYID DU'O, ,SHES PA LA ZHES BYA BA NI DMIGS KYIS BSAL BA'I RTOG PAS GRUB PA'O, ,SHES PA NI THOG MA MED PA'I BAG CHAGS LAS BYUNG BA MI SLU BA CAN YIN GYI RNAM PAR RTOG PA TZAM NI MA YIN NO, ,DE'I PHYIR RJES SU DPAG PA DANG RJES SU DPAG PAR BYA BA LA SOGS PA'I DBYE BA BZHIN DU SUN DBYUNG BAR BYA BA DANG, SUN 'BYIN PAR BYA BA YANG RTOG PA TZAM LAS BYUNG BA YIN PAR BSTAN PA NI KUN RDZOB KYI THA DAD PA 'GA' ZHIG CES BYA BA'O, BSTAN PA NI KUN RDZOB KYI THA DAD PA 'GA' ZHIG CES BYA BA'O, SUM LA'O, ,BRTAGS PA BA LA NI GNYI GA MI SLU BA YIN LA GZHAN LA NI GNYI GA MA YIN PA MA YIN NAM, DE'I PHYIR KHYAD PAR CI ZHIG YOD CES ZER BA LA BDAG NYID JI LTA'I ZHES BYA BA'O, ,RJES SU DPAG PA LA SOGS PA'I RNAM PAR RTOG PA NI DNGOS PO'I KHYAD PAR LA MI SLU BA CAN YIN GYI SUN 'BYIN PA'I RTOG PA NI MA YIN NO ZHES BYA BA'I DON TO, ,DNGOS PO'I KHYAD PAR LA MI LU BA CAN SGRA MI RTAG STE THAMS CAD NYID MA YIN

PA'I PHYIR SGRA LA SOGS PA NYID MA YIN NAM SNYAM DU SEMS PA LA 'DIR NI ZHES BYA BA STE THA SNYAD KYIS BZHAG PA NI RNAM PAR RTOG PAS SO, ,'DRES PA ZHES BYA BA NI 'BREL PA CAN TE, KHYAD PA GANG GIS BLO DE BSGRUB BYA GANG LA YOD PA DE GZHAG PA YIN GYI GZHAN MA YIN PA'I PHYIR MA GRUB PA YIN TE, SGRUB PAR BYED PA'I DUS NA THA DAD PA MED PA'I PHYIR RO, ,SGRA NYID KYI PHYIR ZHES BYA BA NI THA DAD PA NYID YOD PA MA YIN NAM ZHES ZER BA LAS LOG PA THA DAD PAS ZHES BYA BA'O, ,DE LTA NA DE CI LAS YIN ZHES ZER BA LA GANG LAS ZHES BYA BA'O, ,BYAS PA NYID NI THUN MONG YIN TE, SGRA DANG GZHAN LA YANG YOD PA'I PHYIR RO;; THUN MONG MA YIN PA NI SGRA NYID YIN PAR BSTAN PA NI, THUN MONG DANG THUN MONG MA YIN PA NYID KYIS ZHES BYA BA'O, ,BYAS PA'I DNGOS PO NI BYAS PA NYID DO ZHES BYA BA BZHIN DU SGRA NYID LA SOGS PA BYED PA LAS YIN PAR BSTAN PA NI DE JI LTAR ZHES BYA BA STE, LDOG PA'I KHYAD PAR NI MED DO ZHES BYA BA'I DON TO, , SGRA'I RGYU MTSAN GYIS 'GYUR BA MA YIN NO ZHES BYA BA NI BRDA MED NA RJOD BYED MA YIN PA'I PHYIR RO, ,DON MA MTHONG BA'I PHYIR BRDA'I DBANG YIN PAS RANG DBANG KHO NA YIN PAR BSTAN PA NI DE LTA BU NYID CES BYA BA STE SGRA'I GO BYA NYID DO, ,DAG BRJOD PA ZHES BYA BAS RANG DBANG GI TSAD MA YIN ZHES BYA BAR GZUNG BAR BYA'O, ,GZHAN NYID MED PA'I PHYIR MA GRUB PA 'BA' ZHIG MA YIN GYI DAM BCA' BA'I DUS SU RTOGS PA NYID KYIS SBYOR BA MED PA'I PHYIR YANG NGO ZHES BSTAN PA NI, GAL TE SGRA YANG GZHAN YANG SGRA NYID YIN PA'I PHYIR ZHES BYA BA'O, ,CHOS CAN GYI RANG GI NGO BO YANG BSGRUB BYA SGRUB PAR BYED NA ME GRUB PA YANG DE LTAR 'GYUR BA'I PHYIR RTOGS PAR BYED BA GZHAN GYI SBYOR BA MED PA'I PHYIR BSTAN PA NI MAR ME'I TSUL DU NI ZHES BYA BA'O, ,CHOS CAN GYI DUS SU BRJOD PA GTAN TSIGS KYI DUS NA MA GRUB PA YIN NA BRTZAL MA THAG TU BYUNG BA'I SGRA MI RTAG STE, BRTZAL MA THAG TU BYUNG BA'I PHYIR RO ZHES ZER BA LA DES NA BYE BRAG CES BYA BA'O, ,BYE BRAG NI KHYAD PAR TE SGRA TZAM LAS YOD PA NI KHYAD PAR RO, ,SGRA DANG CIG SHOS KYI THUN MONG BA GTAN TSIGS YIN PA LA SKYON MED DO, ,DE LAS GZHAN PA LAS ZHES BYA BA NI BUM PA LA SOGS PA LAS SO, ,BRTZAL MA THAG PA LAS BYUNG BA NYID GLOG LA SOGS PA LA

, ,MED PA GANG GI YIN PA DE LAS SO, ,CHOS CAN ZHES BYA BA NI DE'I KHONGS SU GTOGS PA'I PHYIR RO, ,KHYAB PA NYID KYIS ZHES BYA BA NI CHOS CAN GZHAN LA YOD PAS SO, ,RIGS PA MED PA NYID DU BSTAN PA NI, GTAN TSIGS YOD NA ZHES BYA BA'O, ,DE LTA NI SPYI DANG KHYAD PAR GYI DBYE BA MED PAS MA GRUB PA NYID KHO NA YIN NO SNYAM DU SEMS PA LA PHYOGS GZHAN YAN LAG CES BYA BA STE, PHYOGS KYI KHYAD PAR NYID YIN PA YANG NGO, ,BYE BRAG DANG SPYI'I KHYAD PAR 'BA' ZHIG GIS MA YIN TE GNOD MAD PHYIR ZHES BYA BA YANG STE, LDOG PA'I DBYE BA LAS SO, ,DE LTA NA YANG GTAN TSIGS THUN MONG MA YIN PA NYID DU BSTAN PA NI, THA DAD PA'I CHOS CAN GYI DPE GANG GI YIN PA DE LA YIN NA MA GRUB PA MA YIN NA NI RTOG BYED NYID MA YIN PA MA YIN NO, ,BOD BU RVA CAN 'DI RVA CAN NYID YIN PA'I PHYIR RTA MA YIN PA BZHIN DU BRTZAL MA THAG DU BYUNG BA NYID KYI PHYIR ZHES BYA BA SPYI NI PHYOGS KYI KHYAD PAR YIN YANG GTAN TSIGS KHO NA YIN NO ZHES BYA BA'I DON TO, ,SGRA NYID LAS 'DI'I KHYAD PAR GZHAN BSTAN PA NI YANG NA ZHES BYA BA STE, BSGRUB BYA'I DUS KYI YAN LAG GI KHYAD PAR SGRA NYID LA SOGS PA NI THA MI DAD PA'I PHYIR MA GRUB PA YIN GYI 'DI NI DE LTA MA YIN TE NYE BAR MTSON PA'I PHYIR GTAN TSIGS GZHAN LTA BU'O;; MNYAN PAR BYA BA NYID LA SOGS PA NI THA DAD PAR YOD PA'AM SPYI YANG MA YIN PA NI NYE BAR MTSON PA MA YIN NO; ,DE YANG RANG GI NGO BO THA DAD PA LAS GRUB PA LDOG PAS THA DAD PA YANG YIN TE, NYAN PA DANG 'BREL PA DANG CIG SHOS KYI DBYE BA YIN PA'I PHYIR RO ZHES ZER BA LA CHOS THA DAD PHYIR KHYAD PAR ZHES BYA BA STE, THUN MONG MA YIN PA YANG NGO, ,'THAD PA MA YIN PA NI MA GRUB PA ZHES BYA BAR SBYAR RO, ,LDOG PA'I DBYE BA LAS CHOS KYI DBYE BA BSTAN PA NI, DON GZHAN DANG NI 'BREL PA LAS, ,ZHES BYA BA STE NYAN PA'I SHES PA DANG 'BREL BA'I PHYIR RO, ,DE'I PHYOGS GCIG PA'I NI 'DUS BYAS PA'I PHYOGS GCIG STE SGRA'O, ,GANG PHYIR GTAN TSIGS ZHES BYA BA BSHAD PAR 'DOD NAS PHYOGS SNGA MA BSTAN PA NI GAL TE DE LA ZHES BYA BA'O, ,BSHAD PA NI GTAN TSIGS DAG DANG GTAN TSIGS LTAR SNANG BA ZHES BYA BA'O, ,PHYOGS CHOS RAB TU DBYE BA ZHES BYA BA DE DAG

TZAM GYI GTAN TSIGS DANG DE LTAR SNANG BA DAG TZAM ZHES NGES PAR GZUNG BA'O, ,DE LA THE TSOM ZA BA YIN NA THE TSOM ZA BA'I MA GRUB PA'I CHOS DANG CHOS CAN GYI TSOGS PHYOGS YIN PAR BRTAGS NAS ZER BA NI, GAL TE CHOS CAN GYI ZHES BYA BA'O, ,MA GRUB PA NYE BAR BZUNG NAS BSTAN PA NI TSOGS DON ZHES BYA BA'O, ,TSOGS PA NI GANG YANG RUNG BA'I KHYAD PAR YIN PAS GANG YANG RUNG BA YIN GYI GNYI GA GTZO BO MA YIN PAR BSTAN PA NI DE'I PHYIR ZHES BYA BA'O, ,GANG YANG RUNG BA'I KHYAD PAR GYI CHOS LA SOGS PA MA GRUB PA'I PHYIR KHYAD PAR LA SOGS PA GTZO BO MIN YANG ZHES GSUNGS PA YIN PAR BSTAN PA NI NYE BAR BTAGS PA'I PHYIR RO ZHES BYA BA'O, ,CHOS MI MTHUN PA NYID CAN DPE CHOS CAN ZHES BYA BAS CHOS MTHUN PA NYID CAN GYI DPE CHOS CAN YANG NGO, ,MA YIN TE MED LA MED CES BYA BAS RANG GI RIG PA YOD PA YANG NGO, ,GSUM PA ZHES PA NI MTHUN PA'I PHYOGS DANG MI MTHUN PA'I PHYOGS LAS GZHAN PA'O, ,NGES PAR GZUNG BA'I PHYIR RO ZHES BYA BA NI RIGS MTHUN PA NYID LA'O, ,BSGRUB PAR BYA BA'I CHOS CAN GYI CHOS DE BSGRUB BYA LAS BZLOG PA YIN PAS 'JIG RTEN PA YIN PA'I PHYIR CHOS GZHAN DU CHOS CAN NYE BAR BRTAGS PA NYID MA YIN TE GRUB PA'I PHYIR RO ZHES ZER BA NI GAL TE NYE BAR BRTAGS PA'I ZHES BYA BA'O, ,RNAM PAR GCOD PAR BYED BA'I PHYIR RO ZHES BYA BA NI AUTPALA SNGON PO LTA BU'O, ,DBYUG PA LA SOGS PA YANG DE'I TSOGS PA LAS DE LTAR SKYES PA NI NGES PAR BYED PA'I TSOGS PA GCIG LA NGES PAR BYED PA YIN PAR BSTAN PA NI CHOS RNAMS NI ZHES BYA BA'O, ,KHYAD PAR DU NI NGES PA CAN NO, ,THAMS CAD 'BRAS BU'I GTAN TSIGS NYID DU ZHES BYA BA NI CHOS CAN LA THA DAD PA YIN NA RGYU NYID KYIS NGES PAR BYED PA'I PHYIR CHOS CAN LA NGES PA NYID CES BYA BA NI THUN MONG BA NYID KHO NA YIN NO ZHES BYA BA'I DON TO, ,NGES PA CAN GYI CHOS MA NGES PAR GZUNG BA DANG BCAS PA'I NGAG YIN PA'I PHYIR DE'I RJES SU 'GRO BA KHO NAS NGES PAR BYED PA NI LDAN PA MA YIN PA'I DON NYID BSAL BA'I CHED DU YIN PA DE LTA NA YANG NGES PAR GZUNG BA RJES SU MI 'GRO BA MA YIN TE, SNGA MA DANG PHYI MA NYID KYIS THA DAD PA YIN PA'I PHYIR RO ZHES BSTAN PA NI

, ,NGES LDAN ZHES BYA BA'O, ,THA DAD BYED PA NI THAMS CAD LA YOD PA'I DON BSTAN PA NA GAL TE ZHES BYA BA'O, ,NGES PAR GZUNG BA SNA TSOGS PA NYID DU BSTAN PA NI KHYAD PAR CAN DAG DANG ZHES BYA BA'O, ,NGES PAR GZUNG BA YOD NA DE LTAR 'GYUR TE BA LANG NYID CES BYA BA LTA BU'O, ,MED NA NI PHYOGS KYI CHOS LA SOGS PA JI LTAR YIN ZHES ZER BA LA DE SBYAR MED KYANG ZHES BYA BA STE PHYOGS LA YOD DAM MED CES BYA BA'I GNAS SKABS LA PHYOGS KYI CHOS ZHES BRJOD PAS NGES PAR GZUNG BA'I DON MI LDAN PA RNAM PAR GCOD PAR RTOGS PAR BYA BA YIN NO ZHES BYA BA'I DON TO, ,PHYOGS NYID KYI KHYAD PAR YIN PA'I PHYIR, CHOS NYID NGES PAR GZUNG BA YIN TE, GANG LA NYID KYI SGRA YOD PA, ,DE LAS GZHAN PA NGES PAR GZUNG BAR BYA BA YIN ZHES BYA BA'I RIGS PAS SO ZHES BSTAN PA NI RIM PA JI LTA BA BZHIN DU ZHES BYA BA'O, ,RJOD BYED YIN PAR SMRA BA NI, ,GAL TE DE DAG THA DAD PAS, , ZHES BYA BA STE DON THA DAD PAS SO, ,NGAG GI DON GYI RJES SU 'GRO BA BSAL BAR BYED PA NI MA YIN TE, DE ZHES BYA BA STE, THA DAD PA MED PAR JI LTAR 'GYUR, ,ZHES SBYAR RO, ,RNAM PAR GCOD PA NI DNGOS PO MED PAS 'DOD PA LA SOGS PA MED PA STE RJES SU 'GRO BA MED PAS SO ZHES BYA BA'I DON TO, ,KHO BOS MTHONG BA SBYOR BA MED NA DE'I DON BRJOD PAR 'DOD PA JI LTAR YIN PA DE BSTAN PA NI, GANG GI NGAG 'BRAS ZHES BYA BA STE, GZHAN RNAM PAR BCAD PA'I 'JUG PA'I YUL DES NAS TSAD MA GANG YIN PA DES RTOGS PA NI SBYOR BA MA BYAS KYANG DON DE RTOGS PA YIN NO ZHES BYA BA'O,, RNAM PAR GCOD PA'I BDAG NYID KYIS DNGOS POR NGES PA NA RANG GI NGO BO LA NUS PA MED PA'I PHYIR MI 'DOD PA LA SOGS PA SKYON YANG MED DO, ,DAG CES BYA BA TSIG GI BDAG NYID KHO NA YIN GYI GSAL BA LA SOGS PA GZHAN MA YIN PAR BSTAN PA NI NGAG RDZOGS PAR BYED PA ZHES BYA BA'O, ,DE LAS GZHAN PA ZHES BYA BA NI GSAL BAR BYED PA LA SOGS PA'O, ,DE DANG THA DAD PA MED PAS ZHES BYA BA NI RNAM PAR GCAD PAR BYA BA THA DAD PA LAS SO, ,RNAM PAR GCOD PA'I BDAG NYID KYIS DNGOS PO NYID DU NGES PA YIN GYI BDAG NYID NI MA YIN TE, BDAG NYID LA NUS PA MED PA'I PHYIR RO, ,JI STE DNGOS PO YIN LA

ZHES BYA BA NI SPYI'AM NGES 'PHANGS BA'I KHYAD PAR RO, ,'BREL PA NI RJES SU 'GRO BA'O, ,THA DAD KYANG NI DBYE BA YOD KYANG NGO, ,'BREL PA'I PHYIR NI NGES PA'I PHYIR TE, THA DAD PA MED PA'I PHYIR RO, ,RANG GI NGO BO MA YIN PA DNGOS PO'I DBYE BA YIN NA ,MNGON SUM NI THA MI DAD PAR 'DZIN PA YIN TE ,GZHAN 'DI RANG GI NGO BO LA MI 'JUG PA'I PHYIR ZHES BSTAN PA NI THA DAD NI DNGOS PO ZHES BYA BA'O, ,RANG NYID RJES SU 'GRO BA'I PHYIR, ,ZHES BYA BA NI THA MI DAD PA'I PHYIR RO, ,GNYI GA YANG ZHES BYA BA NI BSGRUB PAR BYA BA DANG CIG SHOS DAG GO, ,GANG ZHIG GANG GI ZHES BYA BA NI ,SNANG BA LA SOGS PA'O, ,DE ZHES BYA BA NI SNANG BA LA SOGS PA'I GZHI'O, ,DE'I ZHES BYA BA NI BRTEN PA BUM PA'I'O, ,SNAM BU'I DBUS NA ZHES BYA BA NI RTEN LA'O, ,BUM PA'I ZHES BYA BA NI BRTEN PA'I'O, ,SNAM BU'I ZHES BYA BA NI THA SNYAD BYED PA NI MA YIN NO ZHES BYA BAR SBYAR RO, ,DNGOS PO MED PA'I DBUS SU ZHES BYA BA NI RGOL BA'O, ,DNGOS PO LA BZHIN DU DNGOS PO MED PA LA YANG GNAS PA NI MED PA GZHAN NYID DANG KHYAD PAR MED PA YIN LA DE LTAR NA YANG KHYAB PA MA YIN PAR BSTAN PA NI, DON DE RANG GI NGO BOS ZHES BYA BA STE, RANG GI NGO BOS GNAS PAS KHYAB PA CAN YIN NO ZHES BYA BA'I DON TO, ,KHYAD PAR MED PA NYID DU BSTAN PA NI GANG ZHIG GANG NA ZHES BYA BA'O, ,KHYAB PA CAN DBUS SU BYED PAR NI MI NUS TE, DUM BU MA YIN PA'I PHYIR RO ZHES BSTAN PA NI, DNGOS MED NGO BO NYID KYIS NI, ,ZHES BYA BA'O, ,KHYAB PA CAN GYI DNGOS PO RNAMS MED PAS SDUD PAR MI BYED PAR BSTAN PA NI, RANG GI NGO BO TZAM GYIS ZHES BYA BA STE, YOD PA TZAM GYI BAR DU GNAS PAR BYED PA MA YIN PA NI SDUD PAR BYED PA MA YIN PA'O, ,DNGOS PO MA 'DRES PAR GRUB PA DE'I PHYIR DNGOS MED TSAD MA NYID CES ZER BA LA, DNGOS PO MED PA NI ZHES BYA BA'O, ,'ON TE KHYAB PA NYID MED NA 'ON TE SNGAR NI MED PA NYID DO ZHES BYA BA NI KHYAB PA NYID DO, ,GZHAN NI ZHES BYA BA NI KHYAB PA NYID DO, ,JI SKAD DU SMRAS PAS ZHES BYA BA NI BRAM ZE SPUN ZLAS RGYUS PAS SO, ,DE LAS GZHAN PA GNYIS NI THA DAD PA MA YIN PA DAG GO, ,'KHRUL PAR 'GYUR BA NI MA 'DRES PA RNAMS BSRES PA'I PHYIR

, ,RO;; LTOS PA RE RE ZHING STE SA MTSAMS RE RER ZHES BYA BAR NI RGOL BA'O, ,SLAR LOG PAS 'GRO BA NI DNGOS PO'I DBYE BA BYED BAS MA YIN LA, NYE BAR 'GRO BA NI DBYE BAR BYED PAR 'DOD PA LA RANG DBANG YIN PAS RANG GI NGO BO THA DAD PA DANG, MED PA YANG RAB TU DPOG PA YIN PAR BSTAN PA NI TSAD MAS GRUB PA NI ZHES BYA BA'O, ,RANG NYID LAS THA DAD PA YIN NA THAMS CAD ZIL GYIS NON PA'I PHYIR DE LAS THA DAD PA MA YIN PAR BSTAN PA NI NGO BOS ZHES BYA BA'O, ,THA DAD NI THA DAD PAR BYED PA'O, ,DNGOS PO BRJOD PA ZHES BYA BA NI DNGOS PO'I NGO BO BRJOD PA'O, ,'CHOL BA NI ZHES BYA BA NI THA MI DAD PA'O, ,DNGOS PO'I NGO BO ZHEN PAR BYA BA YIN PA'I PHYIR RANG GI NGO BO MA GRUB PA MA BRJOD PA YIN PAR BSTAN PA NI BUM PA DE NYID CES BYA BA'O, ,DNGOS PO NYID RNAM PAR GCOD PA RNAMS KYI ZHEN PAR BYA BA YIN GYI GZHAN NI MA YIN TE MA RTOGS PA'I PHYIR RO, ,LDOG PA NI DE LAS GZHAN PA SPYIR GYUR PA BRJOD BYA MA YIN PAR BSTAN PA NI, LDOG MED PA NYID SPYI DANG NI, ,ZHES BYA BA'O, ,SPYI'I RTOG PA ZHES BYA BA NI LDOG PA'I SPYI'I RTOG PA'O, ,DANG PO'I THA DAD PAR RTOGS BA GNYIS PA MTHONG BA LA THA MI DAD PAR DE NYID 'DI'O ZHES RTOGS PA LAS DE NYID 'DI YIN NO ZHES BYA BAR RTOGS PA'I PHYIR THA DAD PA DANG THA MI DAD PA YIN NO ZHES ZER BA NI, 'ON TE THA DAD PAR YANG ZHES BYA BA'O, ,DANG PO'I THA DAD PAR MTHONG BA NI RANG GI YUL DE MA YIN PA LAS LOG PAR STON PAR BYED CING DE LAS BZLOG PA RNAM PAR GCOD PAR BYED PA YIN PAR BSTAN PA NI, GAL TE THA DAD PAR ZHES BYA BA'O, ,GNYIS PA YANG DE LTAR YIN PAR BSTAN PA NI ,THA DAD MED PAR ZHES SDUD PA'O, ,NYI PHYIS LA DNGUL GYI SHES PA BZHIN DU ZHES BYA BA NI DON YIN NO ZHES BSTAN PA NI ,GCIG LA NI ZHES BYA BA STE ,DNGUL LA SOGS PA'I SHES PA'O, ,'DI MA YIN NO ZHES SGRUB BAR BYED PAS BSDUS PA 'DI NI DE LTA MA YIN NO SNYAM DU SEMS PA NI, GAL TE SPYI DE ZHES BYA BA'O, ,'DI LA YANG BSDU BA GCIG NYID LA GNOD PA YIN PAR BSTAN PA NI PHAN TSUN THA DAD CES BYA BA'O, ,SNGA NA THA DAD PA PHYIS THA MI DAD PA YIN PA'I PHYIR, DE'I BDAG NYID KYIS BSDUS PA YIN NO SNYAM DU SEMS PA LA RANG BZHIN THA DAD CES BYA BA STE, DNGOS PO THA MI DAD PA'I

NGO BOR MTHONG BA LAS THA MI DAD PA YIN NA PHYIN CI LOG NYID DU RTOGS PA YIN NO ZHES BYA BA'I DON TO, ,DE SPYI MA YIN NO ZHES BYA BA NI BZLOG PA'I SHES PAS GNOD PA'I PHYIR RO, ,'ON TE SPYI DANG LDAN PAS PHYI YIN NA STE ,GSAL BA'I NGO BO ZHES BYA BA DE DAG TZAM MI RGOL BA'O, ,DE LA SPYI GZHAN ZHES BYA BA NI LAN YIN TE; DE LA ZHES BYA BA NI THA DAD PA DANG THA MI DAD PAR GRAGS PA'I NGO BO GNYIS LA'O, ,DE GNYIS ZHES BYA BA NI THA DAD PA DANG THA MI DAD PA'I NGO BO'I DNGOS PO GNYIS SO, ,SPYI'I RANG BZHIN GNYIS LA ZHES BYA BA NI THA DAD PA DANG THA MI DAD PA'I NGO BO LA YIN NA'O, ,MTSUNGS PAR MI 'GYUR BA NI DE DANG LDAN PA'I SPYI LA YIN PA'I PHYIR RO, ,GSAL BA LA MA YIN ZHES BYA BA NI SPYI'I RANG BZHIN GNYIS NYID KYIS BAR DU CHOD PA'I PHYIR RO ZHES BYA BAR SBYAR TE DE LA SPYI GZHAN ZHES BYA BA LA SOGS PA NI 'DIS BSHAD PA YIN NO, ,THA DAD PA DANG THA MI DAD PA DAG GI THA DAD PA LA YANG THA MI DAD PA'I NGO BO YOD PA DE'I PHYIR GSAL BA LA MTSUNGS SO ZHES BYA BA DE'I KHYAD PAR LAS BYUNG BA YIN TE, BAR DU GCOD PAR 'GYUR BA MED PRA 'GYUR RO ZHES ZER BA NI 'ON TE KHYAD PRA DANG SPYI DAG CES BYA BA TE, THA DAD PA DANG THA MI DAD PA DAG GO, ,DE DAG GI ZHES BYA BA NI THA DAD PA DANG THA MI DAD PA DAG GI YIN PA DAG GO, ,SPYI GZHAN ZHES BYA BA NI SPYI DE DE'I NGO BO DE DAG GI YANG SPYI NI GZHAN YIN NO ZHES BYA BA'I DON TO, ,DE LTA YIN DANG ZHES BYA BA NI PHYI MA'I SPYI LA LTOS NAS SNGA MA'I SPYI'O, ,DE LTA BU'I NGO BO YIN NA GSAL BA RNAMS YIN TE THA DAD PAR SNANG BA'I PHYIR RO ZHES BSTAN PA NI, SPYI DANG SPYI'I RANG BZHIN DAG CES BYA BA'O, ,MTSUNGS PA NYID NI MTSUNGS PA'I BLO'I YUL NYID SNGA MA'I SPYI YOD NA GSAL BA LA MI 'GYUR RO, ,CI LAS SHE NA ,SNGA MA'I SPYI DANG 'BREL PA MED PA'I PHYIR RO, ,MTHA'I ZHES BYA BA NI DA LTA BU'I SPYI'I PHYIS BRTAGS PAS SO, ,DES NA GCIG KYANG ZHES BYA BA NI SPYI'I MA YIN PA DANG, DE'I NGO BO DAG GI MA YIN PA DANG, DE'I SPYI'I MA YIN PA DANG GSAL BA'I MA YIN PA STE, KHYAD PAR MED PAS KHYAD PAR CAN NYID DU MI RIGS PA'I PHYIR RO, ,DNGOS PO CAN MA YIN PA'I YUL RNAMS YIN NO, ,YONGS SU RDZOGS PA MED PA NI RANG GI NGO BO'I MTHAR THUG PA NYID KYIS THA DAD

, ,PHYIR RO, ,SPYI'I NGO BO DAG THA DAD PAS GSAL BA NYID LA YANG GZHAN MED PA NA GSAL BA LA YANG DE LTAR 'GYUR BAR BSTAN PA NI, YONGS SU RDZOGS PA YOD KYANG ZHES BYA BA'O, ,DE LAS ZHES BYA BA NI SPYI'I NGO BO DAG LA'O, ,DE DAG GI THA DAD PA NYID KYIS GSAL BAR 'GYUR BA DAG GI SPYI'I NGO BO MA YIN NA, DE LAS THA MI DAD PA SNGA MA LA SPYI MA YIN PAR BSTAN PA NI, MTHA'I MTSUNGS PA NYID CES BYA BA'O, ,DE LAS THA MI DAD PAS SNGA MA YANG ZHES BYA BA NI GSAL BA YANG NGO, ,SPYI JI LTA BA BZHIN DU THA DAD PA RNAMS KYANG THA DAD PA YANG ZHES BSTAN PA NI, DE BZHIN DU GAL TE ZHES BYA BA'O, ,GSAL BA THA DAD PA SPYIS GZHAN DU MI 'GYUR RO ZHES BSTAN PA YIN NO, ,GAL TE THA DAD PA MA YIN NA SPYI GZHAN MA YIN PAR BSTAN PA NI GSAL BA THA DAD PA MED NA ZHES BYA BA'O, ,DNGOS PO'I NGO BO 'DZIN PA LA CHA SHAS DANG CHA SHAS CAN NYID MA YIN LA, GZHAN LA NI DER 'GYUR BA KHO NA YIN PAR BSTAN PA NI GAL TE RTOGS PA ZHES BYA BA STE, GANG GI PHYIR BA LANG NGO ZHES BYA BAS BA LANG MA YIN PA LAS LOG PA NYID DMIGS KYIS BSAL BA NYID DU NGES PA YIN NO, ,THA DAD MED PA ZHES BYA BA NI GSAL BA'I NGO BO'O, ,THA DAD 'DRE BA ZHES BYA BA NI RIGS MI MTHUN PA DANG 'DRES PA DE LA SRID PA'O, ,DE LA RTOG PA GZHAG PA YIN GYI DNGOS PO JI LTA BA BZHIN BU MA YIN PAR BSTAN PA NI, YUL THAG RING PO NA ZHES BYA BA'O, ,DE NYID THA DAD PA MA YIN PA'I PHYIR ZHES BYA BA NI GSAL BA LAS SO, ,THA DAD PA DANG THA DAD PA MA YIN PA NI LOG PA DANG LOG PA MA YIN PA'O, ,YUL THAG RING PO DANG LHAN CIG BYED PA'I MIG NI THA DAD PA'I SPYI 'DZIN PA YIN NO ZHES ZER BA NI, DE LTA YIN DU ZIN KYANG THA DAD PA YIN TE ZHES BYA BA NI LDOG PA'O, ,SPYI MIN ZHES BYA BA NI ,MTSUNGS PA RNAMS KYI NGO BO YIN, ,ZHES BYA BA'I RIGS PAS SO, ,DE LAS ZHES BYA BA NI MTSUNGS PA NYID LAS SO, ,GZHAN PA NI SPYIR 'DOD PA GSAL BAR 'GYUR TE THA DAD PA'I PHYIR RO, ,'O NA GSAL BA LA ZHES BYA BA NI LAN NO, ,DE'I TSE YANG ZHES BYA BA NI 'KHRUL PA LA YANG NGO, ,BE'U MA TSOL BA NA MA HE LA SOGS PA'I TSOGS MANG PO BOR NAS RANG GI SPYI'I DBANG GIS BA LANG

TSOGS SU NYE BAR 'GRO'O ZHES BYA BA'I RIGS PAS KHA CIG LA 'JUG PAR MTHON BA'I PHYIR DE LTA BU RTOGS PA YIN NO ZHES ZER BA LA, DE LAS GZHAN DAG LAS LDOG PAS ZHES BYA BA'O, ,RNAM PAR RTOG PAS KYANG NGO ZHES BYA BA NI 'JUG PA'I YUL NYE BAR STON PAR BYED PA NYID DU KHAS BLANGS PA'I PHYIR RO, ,DNGOS PO'I YUL CAN MA YIN PA NYID DO ZHES BSTAN PA NI, SGRUB PA'I BDAG NYID KYIS MA YIN GYI 'O NA CI ZHE NA LDOG PA'I MTSAN NYID KYIS YIN NO, ,DUM BU MA YIN PAR RTOG PA YOD PA DE DAG TZAM GYIS SKYES BU RNAMS 'JUG PA YIN GYI BDEN PA DANG CIG SHOS NYID KYI DBYE BA CAN MA YIN PAR BSTAN PA NI, LDOG PA'I 'BREL YUL ZHES BYA BA'O, ,DBYE BA BYED PA PO'I NGO BO RNAM PAR RTOG PAS DMIGS KYIS BSAL BA MA LUS PA'I THUN MONG NI SPYI YIN GYI DNGOS PO NI MA YIN NO ZHES BSTAN PA NI, CI TZAM GYIS ZHES BYA BA'O, ,THA DAD CES BYA BA NI RNAM PAR GCOD PA STE MI SLU BA CAN NO, ,DONG BU'I 'O MA DANG MTSUNGS PAR 'GYUR ZHES BYA BA NI, BLANG BYA MA YIN PA NYID KYIS SO, ,DE LA YANG ZHES BYA BA NI SNYAD LA YANG NGO, ,DE'I PHYIR ZHES BYA BA NI LAN YIN TE, THA SNYAD NI MTHONG BA LA BRTEN NAS TSAD MA YIN GYI 'BA' ZHIG NI MA YIN NO ZHES BYA BA'I DON TO;; DON DAM PA LA SKYON BSTAN PA NI, 'DI CHU KLUNG 'DI NA RTAG CES BYA BA'O, ,'ON TE THA SNYAD 'DI GANG YIN ZHE NA, CHA SHAS PAS RTOGS PA YIN PAR BSTAN PA NI, RNAM GCOD 'BRAS CAN ZHES BYA BA'O, ,YOD PA NI RNAM PAR GCOD PA'O, ,CI LAS SHE NA RTOGS PAR 'GYUR BA'I PHYIR RO, ,YON TAN MA LUS PHUN TSOGS PA, ,'BYUNG 'GYUR MYU GU 'THON GYUR LA, ,PHRAG DOG MES GDUNGS DE LAS GANG, ,SRUNG NUS RGYAL BA CAN DU 'GYUR, ,DES PAR GZUNG BA NI RNAM PAR GCOD PAR BYED PA YANG THAMS CAD DU MA YIN ZHING, GNAS SKABS SU BRJOD PAR 'DOD PA LA YIN TE, ZLA BO NYID MIN PAS ZHES BSTAN PA NI DER YANG ZLA BO ZHES BYA BA'O, ,PHYOGS LA YOD DAM MED PA ZHES BYA BA'I RIM PA LA, PHYOGS KYI CHOS ZHES BRJOD PA NI, PHYOGS LA MED PA NYID SEL BAR BYED PA'O ZHES NGES PAR GZUNG BA'I 'BRAS BU LA DER THA SNYAD 'DOGS PA YIN PAR BSTAN PA NI, DES NA MI LDAN RNAM

, ,GCOD PAS, ,ZHES BYA BA'O, ,KHYAD PAR DANG 'BREL PA YIN YANG GZHAN DANG LDAN PA RNAM PAR GCOD PA'I NGES PAR GZUNG BA YIN PAS 'DRES PA YIN NO ZHES ZER BA NI, GAL TE 'PHONG SKYEN PA ZHES BYA BA'O, ,SGRA LAS KHYAD PAR GYI DON YANG KHYAD PAR CAN NYID YIN PA DE'I PHYIR DE NYID KYI DES PAR GZUNG BA DANG SBYOR BA DANG SBYOR BA YIN PAR BSTAN PA NI, KHYAD PAR DU NI ZHES BYA BA STE, SGRA'I TSUL DU GNAS SKABS LAS MI LDAN PA RNAM PAR GCOD PA YIN LA GZHAN DU NI MA YIN NO ZHES BYA BA NI RNAM PAR DBYE BA'O, ,DE BSTAN PA NI 'DIR NI SKABS KYIS ZHES BYA BA'O, ,DNGOS PO'I CHOS NI DON TO, ,DE 'DI'I RNAM PAR DBYE BA CHOD MAS GRUB PA YIN PAR BSTAN PA NI, 'DIR NGES PAR GZUNG BA'I DON ZHES BYA BA'O, ,DE LTA NA NI RNAM PAR DBYE BA MED PAR RGOL BA TSAD MA DANG 'GAL BAR 'GYUR BAR BSTAN PA NI, GZHAN DANG LDAN PA RNAM PAR GCOD PAS ZHES BYA BA'O, ,RJES SU DPAG PA NYID LA RTOGS PAR ZHES BYA BA NI KHYAD PAR LA SOGS PA ZHES BYA BA NAS RTOGS PA YIN ZHES BYA BA'I BAR DU'O, ,THA DAD PA NI RNAM PAR GCOD PA'O, ,'BREL PA NI RJES SU 'GRO BA'O, ,THA DAD PA DANG 'GREL PA DAG NI GNYI GA'O, ,PHYOGS KYI CHOS KYI DBYE BA BRJOD PA NI GTAN TSIGS DANG DE LTAR SNANG BA CI TZAM YIN PA NGES PAR BYA BA'I CHED DU BRJOD PA NYID RNAM PAR 'BYED PA NI RANG BZHIN 'BRAS BU GRUB DON DU STE RANG BZHIN 'BRAS BU'I NGO BO CI TZAM YIN, CI ZHE NA, SPYI BRJOD PA LA YANG DGOS PA GZHAN YIN TE, LDOG PA CAN THA DAD RJES SU 'GRO BA CAN YANG GTAN TSIGS YIN NO ZHES BYA BA'I RGOL BA BSAL BA YIN PAR BSTAN PA NI THUN MONG DANG THUN MONG MA YIN PA DAG GO, ,DGOS PA GZHAN LHAG MA MA LOG PA NYID KYI PHYIR SGRUB BYED MA YIN PA MI MTHUN PA'I PHYOGS LAS LOG BA SGRUB BYED YIN TE DE BSTAN PA NI LHAG MA ZHES BYA BA'O, ,MTHUN PA'I PHYOGS DANG MI MTHUN PA'I PHYOGS KYI PHYOGS GCIG LA 'JUG GO, ,NGES PAR ZHES BYA BA NI LDOG PA CAN DANG RJES SU 'GRO BA CAN NO, ,LHAG MA ZHES BYA BAS LDOG PA GTZO BO NYID KYIS RNAM PAR GCOD PA'I RJES SU DPAG PA'I YUL NYID GSAL BAR BYED PA YIN PAR BSTAN PA NI LHAG MA GSUM ZHES BYA BA'O, ,RTAG SOGS LA ZHES BYA BAR BRJOD PA NYID

KYIS RNAM PAR DBYE BA NI RTAG PA DANG MI RTAG CES BYA BA'O, ,MTHUN PA'I PHYOGS LA YOD PA DANG MED PA DANG RNAM PA GNYIS NYID KYIS GZHAL BYA BYAS DANG MI RTAG PA RNAMS NI RTAG DANG MI RTAG RTZOL BYUNG RNAMS LA'O, ,DE BZHIN DU MTHUN PA'I PHYOGS LA MED PA DANG MI MTHUN PA'I PHYOGS LA YOD PA DANG MED PA DANG GNYI GNYID KYIS BYAS DANG MNYAN BYA RTZOL BYUNG RNAMS NI BAR DU GSUM DAG LA'O ZHES BYA BA STE, RTAG PA NI THER ZUG PA YIN LA MI RTAG PA NI 'DI LA MI MTHUN PA'I PHYOGS YIN NO, ,MTHUN PA'I PHYOGS LA RNAM PA GNYIS MI MTHUN PA'I PHYOGS LA YOD PA DANG MED PA DANG RNAM PA GNYIS NYID KYIS MI RTAG PA RTZOL BYUNG REG MIN TE, GSUM PO RNAMS NI RTZOL BYUNG MIN DANG MI RTAG CES BYA BA RNAMS LA'O, ,GZHAN GYIS ZHES BYA BA NI GO BYED KYIS SO, ,RGYU GO BYA LA GO BYED 'KHRUL PA SRID PAR BSTAN PA NI RGYU NI ZHES BYA BA'O, ,'BRAS BU RNAM GNYIS ZHES BYA BA NI 'BRAS BU 'BYUNG BA DANG MI 'BYUNG BA YANG NGO, ,BRTZAL MA THAG TU BYUNG BA'I SHES PA'I 'BRAS BU BZHIN DU RGYU'I DE MA THAG TU BYUNG BA'I SHES PA'I 'BRAS BU BYAS PA YIN LA, 'BRAS BU NYID NI MTSAN NYID KYIS YIN NO SNYAM DU SEMS PA LA KHAS LEN PA NI RGYU'I DE MA THAG TU ZHES BYA BA STE, 'BRAS BU YANG KHYAB BYED YIN PAS RANG BZHIN KHO NA YIN NO ZHES BYA BA'I DON TO, ,SHES PA NI DNGOS PO RNAMS KYI RANG BZHIN MA YIN PA MA YIN NAM ZHES ZER BA LA JI LTAR DMIGS PA MED CES BYA BA'O, ,YOD NA KHA CIG TU 'BYUNG LA KHA GCIG TU MI 'BYUNG BA NI RJES SU 'GRO BA DANG LDOG PA DAG GO, ,DE LTAR YANG ZER BA NI RKANG MIG PA'O, ,BSHAD PA BYED PA NI MU STEGS SHA BA RA'O, ,GSAL BA DMIGS PA NYID YIN PAR CI LAS SHES ZHES ZER BA LA, GSAL BA'I ZHES BYA BA'O, ,SNGAR YOD PA ZHES BYA BA NI DE'I TSE RIG PAS 'BRAS BU NYID YIN NO ZHES BYA BA NI RJES SU 'GRO BA YIN TE, THAMS CAD LA YOD PA'I PHYIR RO, , GSAL BA YANG YOD PA KHO NA YIN NO ZHES ZER BA LA ,THAMS CAD THAMS CAD LA ZHES BYA BA'O, ,NGES PAR BYED PA ZHES BYA BA NI 'JI BA'I GONG BU LA BUM PA KHO NA YIN GYI SNAM BU MA YIN PA'AM, YANG NA BYED PA KHO NAS RGYU LAS BYUNG BA YIN GYI SNGA NA NI MA YIN NO, ,BZLOG PA ZHES BYA BA NI BYED PA PO'I BYA BA LAS

, ,SNGA ROL DU'O, ,PHYIS ZHES BYA BA NI DUS PHYIS SO, ,DMIGS PA NI RTOGS PA NI STE YOD PA'O, ,RTOGS PA STE DMIGS PA YOD PA'O, ,DE YANG NI NGES PA'I YANG BYED PA STE BYED PA PO RNAMS KYIS BYA BA MA YIN PA'O, ,GSAL BA'I DNGOS PO BYED PA MA YIN PAR BSTAN PA NI YOD NA 'ANG ZHES BYA BA STE NYE BAR BSDU BA YIN TE, DE NI 'DI LTAR RDZA MKHAN GYIS 'BAD PA'I DE MA THAG NYID DU SHES BZHIN PA'I BUM PA BZHIN DU SGRA YANG YIN GYI MAR ME'I 'BAD PA'I DE MA THAG TU SHES BZHIN PA NI MA YIN TE, YOD PA'I SHES PA NI 'BAD PA DANG 'BAD PA MED KYANG 'BYUNG BA YIN GYI SGRA NI DE LTA MA YIN NO ZHES BYA BA NI TSIGS SU BCAD PA'I DON TO, ,DE NI 'DI LTAR SHES PA JI SNYED PA YANG SGRA MED PA NYID LA YIN PA'I PHYIR SHES PA LA SNGAR MTHONG BA NGO SHES PA NI DE DANG DON GCIG PAR BYED PA'I RGYU MTSAN YIN GYI YOD PA NYID LA TSAD MA MA YIN PAR BSTAN PA NI, 'O NA JI LTAR ZHES BYA BA LA SOGS PA NAS SLAR 'TSO BA MA YIN NO ZHES BYA BA'I BAR DU'O, ,DE NI 'DI'O ZHES BYA BAR GZHI MTHUN PA NYID NI DBANG PO'I YUL MA YIN TE, DRAN PAS PHAN BTAGS PA'I MIG RO'I YUL CAN MA YIN PAR BSTAN PA NI, DRAN PA'I DON LA ZHES BYA BA'O, ,RTOGS PA ZHES BYA BA NI DON LA MI SLU BA CAN NO, ,RANG GI RNAM PA LA DON DU ZHEN PAS DRAN PA LA GZHAL BYA MED PA'I PHYIR SNANG BZHIN PA'I DE DANG GCIG NYID MED PA KHO NA YIN PAR BSTAN PA NI, DRAN PA TSAD MA MA YIN PHYIR, ,ZHES BYA BA'O, ,CHOS NI NGO BOR GYUR PA'O, ,SNGAR MTHONG BAS 'DUS BYAS PA'I MTHONG BA GNYIS PA SNANG BZHIN PA LA SNGAR MTHONG BA NYID RIG PA YIN NO SNYAM DU SEMS PA LA, SNGA MA'I DUS DANG 'BREL PA NI, ,ZHES BYA BA STE, SNGAR MTHONG BA NYID 'DZIN PA KHO NA LA 'JIG RTEN PA DRAN PA YIN ZHES BYA BA'I DON TO, ,DE'I DON MED PA MTHONG BA LAS, ,DE'I TSE THA SNYAD SNGA MA BZHIN DU YIN PAR BSTAN PA NI, DNGOS PO TZAM ZHIG SNANG BA NI; ;ZHES BYA BA'O, ,DANG POR ZHES BYA BA NI MTHONG BA LA YUL DANG DUS LA SOGS PA'I NGES PA MED PA 'DZIN PA NI RTAG PA NYID DU SNANG BA YIN TE, DE DE'I MTSAN NYID YIN PA'I PHYIR DANG, MED PA'I YUL NYID MA YIN PA'I PHYIR YANG NGO, ,RNAM BCAD YOD PA'I MED PA CAN, ,YUL DUS DAG LA

DNGOS PO GANG, ,DE NI RTAG PA'I MIN ZHES BYA BA'I RIGS PAS SO, ,ZHES ZER BA DE NI DE NYID DU MI 'DZIN PA KHO NA DE DGAG PA YIN PAR BSTAN PA NI DUS KYI CHA KUN ZHES BYA BA'O, ,CHOS CAN ZHES BYA BA NI RTOGS PAR BYA BA'I DNGOS PO DE'O, ,JI LTAR GCIG NYID 'JUG BZHIN PA LA GCIG NYID BDEN PA DE BZHIN DU GZHAN YANG 'GYUR RO SNYAM DU SEMS PA NI GCIG CIG CES BYA BA'O, ,LAN NI CIS MA RTOGS ZHES BYA BA STE CIS TSAD MA MA YIN PA'O, ,BDEN PA DANG MI BDEN PA DAG LAS YANG DE CI'I PHYIR MA YIN ZHES BSTAN PA NI BDAG DANG ZHES BYA BA STE, BDEN PA NYID MI BDEN PA YIN NO ZHES BYA BA NI 'GAL LO ZHES BYA BA'I DON TO, ,SNGAR MTHONG BA NGO SHES PA NI THA DAD PA MI MTHUN PA'I PHYOGS LA MED PA'I PHYIR THA MI DAD PA LA LDOG PA CAN GYI GTAN TSIGS YIN NO ZHES BSTAN PA NI, 'ON TE GZHAN DU ZHES BYA BA'O, ,KHYAD PAR GZHAN ZHES BYA BA'I 'DRA BA NYID SNGAR MTHONG BAS 'DUS BYAS PA'I 'DRA BA MTHONG BA NA, BREGS NAS SKYES PA'I SKRA LA SOGS PA THA DAD PA YANG SNGAR MTHONG BA NGO SHES PA YIN PAR BSTAN PA NI 'DI NI ZHES BYA BA'O, ,SKRA LO NI BREGS NAS SKYES PA'I SKRA'O, ,ZHIG PA DANG MA ZHIG PA DAG GCIG PA NYID GZHAL BYA MA YIN PAR BSTAN PA NI, SNGA MA'I RANG BZHIN ZHES BYA BA'O, ,'DI LA TSAD MA YANG MED PAR BSTAN PA NI ZHIG PA GANG DU YANG ZHES BYA BA'O, ,SNGAR MTHONG BA'I 'DU BYED PA NYID LAS NAGS DE'O ZHES 'DRA BAR YANG RTOGS PA MA YIN NAM, DE'I PHYIR DE GCIG PA NYID YIN TE, NYAMS SU MYONG BA DANG RJES SU MTHUN PA'I PHYIR RO SNYAM DU SEMS PA NI DE DAG DANG LHAN CIG CES BYA BA'O, ,SNGA MA NYID DANG 'DRA BA NI MTSAN NYID MI MTHUN PA MA YIN TE, MTSAN NYID MI MTHUN PA BZHIN DU DBANG PO'I YUL YIN GYI GCIG NYID NI MA YIN TE NYE BA MA YIN BA'I PHYIR RO, ,SNGAR NYAMS SU MYONG BA MA DRAN NA RTOGS PA MA YIN TE DE'I RTOGS PA NYID DRAN PA YIN PA'I PHYIR RO, ,MI DRAN NAM MTSAN NYID MI MTHUN PA LA SOGS PA'I SHES PA MA YIN PAS DA LTAR BA'I BSGRUB BYA MA NGES PAR RIG PA LAS DE DRAN PAR RIGS PA'I PHYIR RO ZHES BSTAN PA NI, MYONG MIN DON GYI YUL CAN NA'ANG, ,ZHES BYA BA'O, ,NYAMS SU MYONG BA'I DON GYI YUL CAN ZHIG PA LA JI LTAR 'GYUR ZHES

, ,BYA BA NI NYE BA NYID NYAMS SU MYONG BA YIN GYI SNGAR NYAMS SU MYONG BA DE NYID KYIS NI MA YIN NO ZHES BYA BA'I DON TO, ,DE LTA BU KHO NA YIN NO ZHE NA, MYONG MIN DON GYI YUL CAN NA'ANG, ,ZHES BYA BA'O, ,DE NI JI LTAR DRAN PA YIN, ,ZHES BYA BA NI DRAN BZHIN PA DANG LHAN CIG GCIG NYID DU MI 'GYUR RO ZHES BYA BA'I DON TE, 'DRA BA KHO NA MTHONG BA YIN NO ZHES BYA BA'I DON TO, ,DE LTA NA YANG ZHES BYA BA NI SNGA MA MA YIN PA'I YUL NYID KYIS NYE BA'I YUL CAN YIN PA'I PHYIR RO, ,NYE BA LA NYE BA MA YIN PA'I SHES PA NI SNGAR MTHONG BA'I NGO SHES PA MA YIN NO, ,DBANG PO DANG 'BREL PA MA YIN DU ZIN KYANG MI SLU BA MED NA TSAD MA NYID JI LTAR YIN ZHES ZER BA LA, MI SLU BA DANG LDAN PA LAS, ,ZHES BYA BA'O, ,DON BYED DE MIN NAM CI ZHES BYA BA NI MI DMIGS PA'AM GZHAN PA STE DANG PO'I MTHONG BA LTA BU'O, ,DON BYA BA DE BYED PAS ZHES BYA BA NI 'DRA BA NYID LAS YIN GYI SPYI GCIG PA NI MA YIN NO, ,BREGS NAS SKYES PA'I SKRA LA SOGS PA LA YANG SNGAR MTHONG BA NGO SHES PAR BYA BA GSAL BA MA YIN PAR BSTAN PA NI DON BYA BA DANG BRAL BA'I ZHES BYA BA'O, ,DE'I RANG BZHIN NI DON BYA BA DE BYED PA NYID KYI NGO BO'I RTAGS GANG GI YIN PA DE'I'O, ,BUM PA LA SOGS PA RNAMS LA ZHES BYA BA NI GZHAN DANG GZHAN RNAMS LA'O, ,DRAN MIN MNGON PAR SHES PA NI, ,DRAN YANG THA DAD PAR 'GYUR RO, ,ZHES BYA BA BSTAN PA NI, RTOGS PAR BYED PA'I NUS PA ZHES BYA BA'O, ,GAL TE GZHAN NA MED PA ZHES BYA BA'I MA DANG PHA LA SOGS PA'O, ,'KHRUL PA ZHES BYA BA NI SLU BA'O, ,DE DANG MTSUNGS PA NI MI SLU BA CAN GYI BU DANG MTSUNGS PA LA'O, ,DPER NA DE'I BU LA SOGS PA PHYI MA LA'O, ,DE NYE BAR LEN PA RGYUN GANG GI YIN PA DE YANG DE YIN LA RGYUN YANG YIN PA DE LA'O, ,DE DANG NYE BA NI 'JIGS PA DANG NGO TSA BA DANG NYE BAS SO, ,MING YANG DE ZIN PAR ZHES BYA BA NI BSGYUR BAR BYA BA MA YIN PA'I PHYIR RO, , RTAG PA'AM MI RTAG PA YANG RUNG DE 'DI YIN NO ZHES BYA BA'I BLO'I YUL NYID KYIS 'JIGS PA DANG NGO TSA BA LA SOGS PA'I THA SNYAD KYI RGYU YIN GYI YOD PA TZAM GYIS NI MA YIN NO ZHES MTSUNGS PA YIN TE, DE BSTAN PA NI 'KHRUL PA DE NYID CES BYA BA'O, ,DE'I NI THA SNYAD BYED PA PO'I CI STE MA YIN, DE LTA'I

THA SNYAD CES BYA BA NI 'JIGS PA DANG NGO TSA BA'I THA SNYAD DO, ,RTAG PA YANG RGYU LAS DE LTAR SKYES PA NYID 'JIGS PA YOD PA DANG NGO TSA BA YOD PA ZHES ZER BA LA GZHAN GYI RTAG LA ZHES BYA BA'O, ,DE NI 'DI LTAR 'BAD PA MA YIN TE MAR ME BZHIN DU SNGA NA MA GRUB PA'I PHYIR RO, ,SGRA'I GSAL BYED NI DE THA DAD PAS THA DAD PA'I PHYIR YANG MA YIN PAR BSTAN PA NI RKYEN GYI DBYE BAS ZHES BYA BA'O, ,GSAL BAR BYED PA YANG DE'I DBYE BAS DBYE BA CAN MTHONG NGO ZHES ZER BA NI, CI STE SGRON MAS GSAL NA ZHES BYA BA STE RKYEN GYI BYE BRAG GIS THA DAD PA CAN NYID NI 'BRAS BU NYID LA MA NGES PA YIN NO ZHES BYA BA'I DON TO; ;NGO BO GZHAN DU BYED PA'I BYED PA PO'AM MTHONG BA PO RAB RIB BZHIN DU 'KHRUL PA YIN PAR BSTAN PA NI, GAL TE DNGOS RNAMS ZHES BYA BA'O, ,GZHAN DANG GZHAN YI GE GA LA SOGS PA MA GTOGS PA GAnd'I'I SGRA DMIGS PA'I YUL MA YIN PAR BSTAN PA NI, GAL TE 'KHRUL PA'I RANG BZHIN LAS,, ZHES BYA BA'O, ,THA DAD CES BYA BA NI THA DAD PA'I CHE BA DANG CHUNG BA LAS LOG PA'I CHE BA NYID LA SOGS PA'O, ,THA MI DAD PAS NI GZHAN PA MA YIN PAS SO, ,THA DAD PA NYID MIN NI THA MI DAD PA KHO NA'O, ,'KHRUL PA NYID NYAMS 'GYUR BA NI, ,THUG PA MED PAR DGONGS PA YIN PAR BSTAN PA NI, 'KHRUL PA'I RANG BZHIN DE LAS KYANG, ,ZHES BYA BA'O, ,CHUNG NGU LA SOGS PA'I YIG GE GA LA SOGS PA'I BSHAD PA NI 'KHRUL PA LA YANG ZHES BYA BA'O, ,CHUNG NGU DANG CHEN PO LA SOGS PA NI SKAD CIG MA MA YIN NAM, RJOD PA DANG 'DZIN PA DANG 'BREL PA'I SHES PA'I DUS NA MI GNAS PAS RJOD BYED MA YIN PA NI YIG GE GA LA SOGS PA TZAM DON BYED PA'I PHYIR YOD PA YIN GYI GZHAN MA YIN NO ZHES ZER BA NI GAL TE SGRA TZAM GYIS ZHES BYA BA'O, ,DMIGS PA'I MTSAN NYID KYI DON GYI BYA BA BYED PA NYID YOD PA NA CHUNG NGU LA SOGS PA NYID KYI YIN LA BRDA LAS BYUNG BA'I RJOD BYED NYID KYANG SGRA'I DON MA YIN PAR BSTAN PA NI SGRA LA DON RTOGS ZHES BYA BA'O, ,DBYE BA BYED PA'I BYED PA PO GTZO BO YIN GYI CIG SHOS GTZO BO MA YIN PAR BSTAN PA NI BRGYUD PA YIS ZHES BYA BA'O, ,THA DAD MIN ZHES BYA BA NI CHUNG NGU LA SOGS PA'O, ,TSIGS SU BCAD PA'I DON GZHAN BSTAN PA NI, GAL TE SGRA RTAG

, ,BAR ZHES BYA BA'O, ,SNGA NA YOD NA BTZAL MA THAG TU SHES BYA'I YUL DON DU CI LAS 'GYUR ZHES BSTAN PA NI SNGAR YANG ZHES BYA BA'O, ,DE LAS BZLOG PA BSAL BA NI MI RTOGS PAR ZHES BYA BA'O, ,PHYIS KYI RTZOL BA'I SNGON ROL DU ZHES BYA BAR SBYAR RO, ,DE LTA MA YIN NA ZHES BYA BA NI GSAL BA LA YANG NGO, ,DON GZHAN BSTAN PA NI, RTZOL BA'I SNGON ROL DU ZHES BYA BA'O, ,DE LAS GZHAN GYIS ZHES BYA BA LA DE LAS NI SNGA MA'I RTZOL BA LAS SO, ,GZHAN GYIS NI DA LTAR BAS SO, ,GZHAN NI SNGA MA RNAM PAR GCOD PA'O, ,DE LTAR NA YANG SHES PA THA MI DAD NA KHYAB PA CAN RTOGS PA NYID YIN PAR BSTAN PA NI SNGA PHYI SHES PA GCIG YIN ZHES BYA BA STE, 'DI TZAM GYIS NI RTZOL BA SGRA LA DGOS PA MED PAR BSTAN TO, ,MTHONG BA DMIGS PA NA DE NYID DU NGO SHES PAS DE 'DI YIN NO ZHES GRUB PA YIN LA, DE MA DMIGS PA NI BSGRIBS PAS YIN TE, DPER NA RGOD PA'I PHYIR MAS MA MTHONG BA YIN TE, YUL MA BYUNG BA'I PHYIR RO SNYAM DU SEMS PA NI, 'O NA GANG GI TSE ZHES BYA BA'O, ,MNGON SUM GYIS NGO SHES PA NA DANG PO MTHONG BA BZHIN DU DE'I 'DU BYED PA LA YANG DBANG PO LAS BYUNG BA NI NYE BAR RTOGS PA YIN GYI SNGAR MTHONG PA'I YUL NYID RTOGS PA'I NI MA YIN NO,, DE'I THA SNYAD NI DE NYID KHO NAS YIN GYI NGO SHES PAS NI MA YIN NO, ,SNGAR MTHONG BA NGO SHES PA NI DRAN PA DANG SNANG BA GCIG TU 'DRA BA NYID KYI PHYIR LA 'KHRUL PA YIN LA DE MI BYED PA RNAM PAR GCOD PA'I YUL CAN YIN PA DE'I PHYIR 'BAD PAS BSGRIBS PA SPANGS PA MA YIN GYI 'ON CI ZHE NA, SGRA BYUNG BA KHO NA YIN PAR BSTAN PA NI, DE YANG RNAM 'GYUR ZHES BYA BA'O, ,DMIGS PA LDOG PAS ZHES BYA BA NI SNGA MA'O, ,GZHAN DMIGS PA NI GZHAN GYIS DMIGS PA'I NGO BO DE YIN PA'I PHYIR RO ZHES ZER BA LA GZHAN GYIS DMIGS SO ZHES BYA BA'O, ,'DI LA NI SNGA ROL GYI NGO BO LA'O, ,BAR DU ZHES BYA BA NI SNGA MA DANG PHYI MA'I MNGON SUM DAG GI'O, ,BAR MA MNGON SUM GYI YUL NYID DU MA YIN PAR BSTAN PA NI SGRIB PAS CHOD PA ZHES BYA BA'O, ,DE NYID KYI TSE ZHES BYA BA NI PHYIS NYID DO, ,YOD PA NI BYUNG BA'O, ,'GYUR BA MED PA ZHES BYA BA NI DE NYID KYI TSE ZHES BYA BAR SBYAR RO, ,RJES SU DPAG PA ZHES BYA BA NI SNGAR MTHONG BA NGO SHES

PA'I'O, ,GZHAN GYIS ZHES BYA BA NI GCIG BSGRIBS NA YANG NGO, ,NGAS MA MTHONG BA DES MTHONG BA YIN NO ZHES BYA BA'I GZHAN GYI TSIG MNGON SUM GYIS GNOD PA YIN PAR BSTAN PA NI GZHAN GYIS ZHES BYA BA'O, ,DE LTAR ZHES BYA BA NI 'DRES PA'O, ,DE LTA BU NYID KYIS RNAM PAR 'GYUR BA NI BA SPU LDANG BA LA SOGS PA'O, ,BA SPU LDANG BA LA SOGS PA'I RTAGS NI DE LTA BUR GYUR PAS 'DRA BA YIN PA'I PHYIR RTAGS CAN YANG DE LTAR YIN PAR BSTAN PA NI DE LTA BU NYID 'GRUB KYI ZHES BYA BA'O, ,'DRA BA'I BDAG NYID KYIS MNGON SUM MA YIN NO ZHES BYA BA'I RIG PA NI, RJES SU DPAG PA NI ZHES BYA BA'O, ,DE NYID RJES SU DPAG PA LA GNOD BYED YIN PAR BSTAN PA NI GAL TE BA SPU LDANG BA ZHES BYA BA'O, ,RANG DANG GZHAN GYIS ZHES BYA BA NI RIM GYIS PAS CIG CAR YANG DE RTOGS PA MED NA GNYI GA LA GCIG TU RTOGS PA MED PAS GNOD PAR BYED PA ZHES BYA BAR NGES PAR RTOGS PA MA YIN NA'O, ,GNOD BYED SKYES PA MED PAR NI, ,ZHES BYA BA NI RANG NYID KYIS SO, ,RMONGS PA YIS NI PHONGS PA NYID KYIS SO, ,THA SNYAD PA RNAMS KYIS NI RTOGS PA TZAM GYI RJES SU 'BRED BA RIGS PA YIN GYI GZHAN MA YIN NO ZHES ZER BA NI, ZHIB MOR LTA BAS ZHES BYA BA NI RNAM PAR DPYOD PAS SO, ,BSTAN BCOS BRTZAMS PA NI DPYOD PA PA'I MING CAN GYI RNAM PAR DPYAD BA'O, ,MCHOD SBYIN LA 'JUG PAS ZHI BA'I BTUNG BA LA 'JUG PA MA YIN TE, ME'I SBYIN SREG GI DBANG DU BYAS PA'I CHO GA DANG DBANG BSKUR BAR BSKYED PA'I CHO GA RNAMS DANG LHAN CIG DBANG DU BYED PA CHEN PO NYID KYIS GCIG TU GNAS PA NA DE'I PHYOGS GCIG GI DBANG BSKUR BA LA SOGS PA RNAMS LA GNAM STONG DANG ZLA BA NYA'I SBYIN SREG GI CHO GA MTHA' YAS PA LA 'JUG PAR KHAS BLANGS PA'I PHYIR ZHI BA'I BTUNG BA DANG ME'I SBYIN SREG LA YANG 'JUG PA DES KHAS BLANGS PAR 'GYUR RO SNYAM DU SEMS PA LA GRUB MTHA' MA LUS PA MA GRUB PA'I PHYIR SNGA NA MED PA NYID RTOGS PA LA 'GAL BA MED PA'I PHYIR RO, ,YAN LAG THAMS CAD SGRUB PAR BYED PA NYID LAS MCHOD SBYIN BZHIN DU SNGA NA MED PA NYID DU 'DOD PA MA YIN PA NYID KYI PHYIR RO ZHES BYA BA LA SOGS PAS BRAM ZE DANG, GAR MKHAN LA SOGS PA BLO RTZING BA

, ,RNAMS THA SNYAD BYED PA YIN PAR BSTAN PA NI, THA SNYAD LA RTZING BA'I BLO ZHES BYA BA'O, ,KHYOD KYI SPYOD PA NI THA SNYAD THAMS CAD DANG 'GAL BA YIN NO ZHES ZER BA LA, GAL TE DPYAD NA ZHES BYA BA'O, TSAD MA DANG LDAN PAS PHYUNG BA'I RGYUN NI SU YIS BZLOG PAR NUS ZHES BYA BA BSTAN PA NI BZLOG PAR NUS PA MA YIN TE ZHES BYA BA'O, ,RNAM PAR DPYAD PAS PHRA BA'I DE NYID RNAM PAR GZHAG PA YIN YANG RNAM PAR RTOG PA LAS BYUNG BA'I 'JIG RTEN PA'I THA SNYAD KHO NA YIN PAR BSTAN PA NI JI LTAR SNANG BZHIN ZHES BYA BA'O, ,LONG BA BRGYUD PA NYID KYIS ZHES BYA BA NI RNAM RTOG GI BSKYED BYA'I RTOG PA NYID LAS SO, ,RNAM PAR RTOG PA NYID 'KHOR BA YIN LA, RANG RIG PA LAS NI MYA NGAN LAS 'DAS PA YIN GYI RNAM RTOG LAS GZHAN 'KHOR BA NI 'GA' YANG YOD PA MA YIN TE, DE'I PHYIR RNAM RTOG SPANG BA KHYOD, ,RTAG TU MYA NGAN 'DAS NYID YIN, ,ZHES BYA BA'I RIGS PA BSTAN PA NI KUN RDZOB TZAM LA MA GTOGS PA ZHES BYA BA'O, ,GNYIS MED PAR 'GYUR RO ZHES BYA BA NI RANG RIG PA YIN PA'I PHYIR RO, ,DE MA BRTAGS NA ZHES BYA BA NI RNAM PAR RTOG PA'I BYED PA LA'O, ,RANG NYID KYIS SPROS PA'I RANG BZHIN NI NYAMS PAR 'GYUR PA STE ZAD PAR 'GYUR BA JI LTAR TE MA YIN PAR BSTAN PA NI JI SRID CES BYA'O, ,'DI NYID YIN NO ZHES BYA BA NI MYA NGAN LAS 'DAS PAR 'GRO BA YIN TE 'KHOR BA NI SO SO'I SKYE BOS BYAS PA YIN PA'I PHYIR RO, ,DE LA BAGS KYIS ZHES BYA BA NI CIG CAR NYID RANG RIG PA NYID LA 'JUG PA MA YIN PA'I PHYIR RO, ,DBANG PO LAS BYUNG BA DE'I BYA BA LAS LHAG PA'I BYA BA BYED NA 'DAS PA DANG 'DUS BYAS PA'I THOG MA MED PA'I 'KHOR BA 'DZIN PAR THAL BAR 'GYUR BAR BSTAN PA NI, DE LTA MA YIN NA DNGOS PO RNAM PAR GZHAG PA MED PA ZHES BYA BA STE, SO SOR NGES PA 'DZIN PA MED PAR 'GYUR RO, ,DBANG PO'I BYED PA'I YUL GYI MTHONG BA NI SNGA MA DANG PHYI MA DAG GI YOD PA BZHIN DU MED PA YANG DUS KYIS BSKAL PA YIN PAS BSKAL PA RNAMS NI MED PAR NGES PAR BYED PA MA YIN PAR BSTAN PA NI, GAL TE BAR GYI RANG BZHIN ZHES BYA BA'O, ,YUL NYID BZHIN DU YIN PAR BSTAN PA NI, GAD DU DMIGS PA'I MTSAN NYID CES BYA BA'O, ,SNGA MA DANG PHYI MA DAG NI BAR DU DMIGS PA'I

MTSAN NYID DANG DE BZHIN DU GCIG YIN PAR BSTAN PA NI DE'I RANG BZHIN ZHES BYA BA'O, ,DE NYID DANG DE NYID MA YIN PA NI MTSAN NYID MI MTHUN PA NYID DO, ,DE NYID CES BYA BA NI SNGA MA NYID DO, ,DE MED NA ZHES BYA BA NI DE'I DUS SU MED PA'I PHYIR RO, ,DE LTAR RO ZHES BYA BA'I DON YOD PA LA MA GTOGS PA'I DUS NA DNGOS LAS THA MI DAD PAS DBYE BA MED PAR BSTAN PA NI, GCIG NYID NA ZHES BYA BA'O, ,DE LTA NA YANG DUS DE MED PA'I PHYIR ZHES BYA BA NI DNGOS PO NYE BA LA DE LAS LHAG PA MA YIN PA YANG NYE BA YIN PA'I PHYIR DUS SNGA MA LA MED PA'O, ,DE ZHES BYA BA NI SNGA MA'I'O, ,DUS THAMS CAD PA ZHES BYA BA NI GCIG NYID KYI PHYIR RO, ,KHYAD PAR MA DMIGS PA NI KHYAD PAR CAN YANG DE YIN NO ZHES ZER BA NI 'ON TE DUS KYI ZHES BYA BA'O, ,GZHAN ZHES BYA BA NI MTHONG BA'I DUS KYI CHA'O, ,DE LTAR NYID SNANG BZHIN PA DANG SNANG BZHIN PA MA YIN PA DE MA RTOGS PAS THA DAD PA YIN PAR BSTAN PA NI MI SNANG BA DANG ZHES BYA BA'O, ,'DIS NI ZHES BYA BA NI GZHAN MTHONG BA MED PA'I PHYIR RO, ,SNGA MA DANG CIG SHOS KYI YAN LAG GI GSAL BYA DE LTAR 'GYUR BA YIN PAR BSTAN PA NI, SNGA MA DANG PHYI MA'I ZHES BYA BA'O, ,GCIG NYID YIN PAR BSTAN PA NI, DE'I PHYIR GAL TE ZHES BYA BA'O, ,RTAG PA NYID DU SMRA BA YANG SKAD CIG MA NYID GSAL BA YIN PAR BSTAN PA NI DES NA ZHES BYA BA'O, ,DE'I TSE YANG, KUN DU LDOG LAS CI ZHIG BYA, ,ZHES BSTAN PA NI DE LA YANG ZHES BYA BA'O, ,DBANG PO LA PHAN 'DOGS PA DMIGS PA NGES PAR BYED PA MA YIN PAR BSTAN PA NI, DE'I TSE YANG ZHES BYA BA'O, ,'DI LA YANG TSIGS SU BCAD PA'I DON SBYOR BAR BYED PA NI, DES NA NGES PAR ZHES BYA BA'O, ,RTAG PA NYID YIN NA DBANG PO LA PHAN 'DOGS KYANG DE KHO NA BZHIN DU DMIGS PAR BYED PA YIN PAR BSTAN PA NI, LEGS BYAS LAS KYANG ZHES BYA BA'O, ,DE LTA BUR GYUR PA YANG DE YIN LA NYE BAR DMIGS PA YANG YIN PA'O, ,SKAD CIG TZAM DMIGS PA NI PHAN 'DOGS PA MED KYANG YIN BAR BSTAN PA NI LEGS PAR BYAS KYANG ZHES BYA BA'O, ,DE LA NI DBANG PO LA'O, ,YOD MA YIN ZHES BYA BA NI DNGOS PO GTZO BO NYID DO, ,DE NI ZHES BYA BA NI LEGS PAR BYAS PA DANG CIG SHOS DAG GI YANG NGO,

, ,RTAG PA NYID NI DBANG PO LA RUNG BA NYID MA YIN TE, NYE BA'I YUL CAN YIN PA'I PHYIR RO, ,NYE BA'I YUL MA YIN PA'I PHYIR NYE BA MA YIN PAR BSTAN PA NI, RTAG PA NYID NI YOD MI 'GYUR, ZHES BYA BA'O, ,DMIGS PA DANG NYE BA DMIGS PA YIN PAR BSTAN PA NI DMIGS PA NYID NI YOD BA'I PHYIR ZHES BYA BA'O, ,JI LTAR YONG PA NYID YIN, ,ZHES BYA BA NI YOD PA'I THA SNYAD DO, ,DE NYID KYI PHYIR ZHES BYA BA NI MI SNANG BA MI DMIGS PA YIN BA'I PHYIR RO, ,YOD PA'I THA SNYAD NI DMIGS PA LA YIN LA THA MI DAD PA'I PHAN 'DOGS PAS KYANG MI RTAG PA YIN PAR BSTAN PA NI SGRA LA PHAN 'DOGS PA'I ZHES BYA BA'O, ,YUL DANG DUS LA DNGOS PO GANG, ,RNAM PAR MA DPYAD YOD PA YIN, ,ZHES BYA BA MA GRUB PAR BSTAN PA NI, LTOS PA MED PA ZHES BYA BA STE, 'GA' ZHIG GI TSE ZHES BYA BA NI 'BRAS BU MI BYED PA ZHES BYA BA DANG SBYAR RO, ,LTOS PA MED PA NI YUL DANG DUS SU BCAD PA MA YIN PA'O, ,RES 'GA' BA NI KHA CIG TU 'BRAS BU MI BYED PA'O, ,BYED PA STE BYED PA PO NYID SHES PA'I GZUNG BYA NYID YIN GYI DE RES 'GA'I KHA CIG TU MI 'GYUR RO ZHES BYA BA'I DON TO, ,DE'I PHYIR RES 'GA' BA STE DUS LA SOGS PA BCAD PA'I 'BRAS BU NI BYA BA STE SHES PA'O, ,DE LTA MA YIN NA DMIGS PAS BCAD PA'I DMIGS PAR MI 'GYUR LA DE'I NGO BO 'DZIN PA NI RNAM PAR MA BCAD PA 'DZIN PA'O, ,DE ZHES BYA BA NI RNAM PAR GCOD PAR RTOGS PA'O, ,KHYAB PA ZHES BYA BA NI MA BCAD PA'I GZUNG BYA'I KHYAB PA CAN NO, ,'KHRUL PA YIN YANG ZHES BYA BA NI MA BCAD PA'I RTOGS PA'O, , GAL TE 'KHRUL PAS ZHES BYA BA NI GRUB MTHA' LA DOGS PA'O, ,BCAD PA'I YUL LA DBANG PO LAS SKYES PA NI 'GAL BA CAN GYI MA BCAD PA'I RNAM PAR RTOG PA LA GNOD PA BYED PA YIN PAR BSTAN PA NI NGO SHES BA'I NUS PA DE ZHES BYA BA'O, ,BRTAGS PA RNAM PAR BCAD PA MA YIN PA LA MNGON SUM GCOD PA MA YIN PAR BSTAN PA NI, NGO SHES KYI RTOGS PA NI ZHES BYA BA'O, ,BCAD PA 'DZIN PA YIN YANG BCAD PA MA YIN NA BUM PA LA SOGS PA YANG DE LTAR 'GYUR BAR BSTAN PA NI GAL TE KHYAB PA ZHES BYA BA'O, ,GZHAN DU ZHES BYA BA NI KHYAB PA CAN DU'O, BRTAGS PA PA'I GCIG NYID NI MNGON SUM

DU GRUB PA'I DU MA NYID KYIS GNOD PA YIN PAR BSTAN PA NI, GCIG NYID MI BDEN PA YIN NO ZHES BYA BA'O, ,DBANG PO LAS SKYES PA NI BRTAGS BA PA LA DU MA NYID DU MTHONG BA LA YIN TE, 'GAL BA'I YUL CAN YIN PA'I PHYIR RO ZHES BSTAN PA NI DE'I PHYIR ZHES BYA BA'O, ,RTOG PA NI MNGON SUM GYI YUL LA GZHAN DU BYED NA GNOD PA YIN PAR BSTAN PA NI THA DAD DNGOS LA ZHES BYA BA'O, ,THA MI DAD PA MA GRUB PA LA THA DAD PA BZHIN DU THA DAD PA MA GRUB NA THA MI DAD PAS RTOGS PA MA YIN PAR BSTAN PA NI THA DAD PA NYID BDEN PA YIN NA ZHES BYA BA'O, ,THA DAD PA RANG DBANG KHO NA YIN PAR BSTAN PA NI GANG PHYIR ZHES BYA BA'O, ,THA MI DAD PA NI THA DAD PAR MTHONG BA DAG 'DRES PA'I BDAG NYID YIN PA'I PHYIR DE LTA MA YIN PAR BSTAN PA NI, THA MI DAD PA NI ZHES BYA BA'O, ,KHYAB PA CAN GYI MTHONG BA RNAM PAR MI GCOD PA LA THAL 'GYUR BSTAN NAS RNAM PAR GCOD PA BSTAN PA NI DE'I PHYIR ZHES BYA BA'O, ,RES 'GA' SHES PA GANG GI BYA BA YIN PA DE LA GZUNG BA NYID MA YIN PA 'GAL BA YIN TE, DE BYED PA GZUNG BA YIN PA'I PHYIR RO, ,DE BYED PA NI GSAL BAR BYED PA LA SOGS PA LA LTOS PA MED PAR MTHONG LA, SNGA NA DE KHO NA RNAM PAR GCOD NA RTOGS PAR BYAS PA LTOS PA DANG BCAS PA NYID DAM, GZUNG BAR BYA BA MA YIN PA NYID JI LTAR YIN TE, DE'I RANG BZHIN MA YIN PA'I PHYIR RO, ,DE BSHAD PA NI GZHAN DU ZHES BYA BA'O, ,RTAG PA DE NYID BSTAN PA NI TSAD MA MED PA'I RANG BZHIN ZHES BYA BA'O, ,DE KHO NA BZHIN DU ZHES BYA BA NI RGYUN MI 'CHAD PA NYID KYIS SO, ,'BRAS BU NI 'DZIN PAR BYED PAR 'GYUR BA YIN TE, 'DZIN PAR BYED PA GZHAN MED PA'I PHYIR RO, ,'BRAS BU MI BYED NA GZUNG BAR BYA BA MA YIN NO, ,DE'I RANG BZHIN NI SNGA MA'I GZUNG BA'I BDAG NYID LA'O, ,'DZIN PA NA ZHES BYA BA NI RNAM PAR GCOD PA'I TSE NA RTOGS PA NA'O, ,DE YANG NI SNGA MA SNANG DU RUNG BA STE, GCIG GI RANG BZHIN LA MTHONG BA RGYUN CHAD PAR MI RIGS SO ZHES BYA BA'I DON TO, ,BRTZAL MA THAG TU SHES PA SKYE BA'I RANG BZHIN NYID KYIS 'BRAS BU DANG RANG BZHIN DAG GRUB PA YIN NA, DE'I DON BYAS PA NYID NI ZLOS MA YIN NO SNYAM DU SEMS PA LA, 'DI NYID KYIS ZHES BYA BA STE BRTZAL MA THAG TU BYUNG BA NYID KHO NAS

, ,GRUB KYANG NGO, ,RANG BZHIN 'BRAS BU DANG LHAN CIG BSTAN PA NA BYAS PA NYID RANG BZHIN KHO NA YIN PA THA DAD BYAS PA NI RANG BZHIN GYI GTAN TSIGS THAMS CAD DE 'DRAR ZHES BYA BA 'BRAS BU'I GTAN TSIGS DANG 'DRA BA STE, MTHUN PA'I PHYOGS KYI PHYOGS GCIG LA 'JUG PA YIN PAR SHES PAR MI 'GYUR BAR ZHES BYA BA'I DON TO, ,BYAS PA BZHIN DU PHYOGS KYI CHOS BSDUS PA LA DE LA RIGS MTHUN LA YOD DANG, RNAM GNYIS MED LA MED GANG YIN, ,ZHES BYA BA LA SOGS PA LOGS SU BRJOD PA MA YIN NO, ,'O NA CI ZHE NA, RNAM PAR DBYE BA BRJOD PA YIN NO, ,CI'I PHYIR LOGS SU BRJOD CE NA ZHES BYA BA NI BSAM PAR BYA BA YIN PAR KHO BOS MTHONG NGO, ,BYAS PA NYID LA SOGS PA RANG BZHIN DANG 'BRAS BU'I GTAN TSIGS KYI TSUL GSUM RTAGS LAS DON MTHONG BA ZHES BYA BA LA SOGS PAS RANG GI DON GYI RJES SU DPAG PA LA RTOGS PA'I DON DAG YIN YANG BSDUS PA 'DIR CI'I PHYIR BRJOD SNYAM DU SEMS PA LA RJES SU DPAG PA'I MTSAN NYID DU RTOGS PA'I DON YIN YANG BSDUS PA 'DIR GTAN TSIGS BRJOD PAR BYAS PA NI RTOGS PA'I DON DU STE, NGES PA'I DON DU YIN LA PHYOGS KYI CHOS LA DBAD BA'I NGES PAR GZUNG BA LAS 'DI DAG NYID YIN NO SNYAM DU DOGS BA ZLOG PA'I PHYIR RO, ,YANG NA CI'I PHYIR LOGS SU ZHES BYA BA LA TSIGS SU BCAD PA 'DI YIN NO, ,'DI NI DPE MED PA'I PHYIR ZHES BYA BA NI BRJOD PA MED PA'I PHYIR MTSAN NYID MI SRID PA STE BYAS PA NYID DO, ,YANG NA RANG GI DON GYI RJES SU DPAG PA'I MTSAN NYID LAS CI'I PHYIR LOGS SU BRJOD PA NI TSIGS SU BCAD PA 'DI'O, ,DE LTA MA YIN TE ZHES BYA BA NI MTHUN PHYOGS LA YOD MED RNAM GNYIS ZHES BYA BA 'DI LA YOD PA NYID NI BYAS PA NYID DE RANG BZHIN NYID YIN LA SHES PA'I NGO BO'I 'BRAS BU MA BRJOD PA'I 'DRA BA NI MA YIN NO, ,DPYOD PA PA RNAMS KYI NI SHES PA RTZOL BA LAS BYUNG BA YIN GYI SGRA MA YIN PA'I PHYIR DE DAG LA 'BRAS BU YIN TE DE BSTAN PA NI GZHAN GYI 'DOD PAS ZHES BYA BA'O, ,RTZOL BA'I BSKYED BYA'I SHES PA NI DE DAG GI YUL 'DZIN PAR BYED PA YIN LA DES KYANG SKYED PAR BYED PA'I PHYIR MI RTAG PA'I SKRA'I BSKYED BYA YIN PAR BSTAN PA NI, DE LA JI SKAD

BRJOD PA YIN TE ZHES BYA BA'O, ,MI RTAG PA NYID LA SHES PA 'GAL BA YIN NO ZHES ZER BA NI 'ON TE YANG ZHES BYA BA STE, DE LTAR 'DZIN PA LA YANG 'DZIN PA'I PHYIR SKAD CIG MA MA YIN ZHES BYA BA'I DON TO, ,DE ZER BA NI PHYIS MTHONG BA NA ZHES BYA BA'O, ,SNGA MAS PHYI MA DANG DES SNGA MA 'DZIN PA MA YIN NA NGES PAS DE DRAN PAR MA 'GYUR ZHES ZER BA NI, DRAN PAR JI LTAR 'GYUR ZHES BYA BA'O, ,GZUNG BA NYID NI ZHES BYA BA NI MNGON SUM SNGA MAS SAM 'DIS KYANG STE SNGON POR NGES PA BZHIN DU MTHONG BA SNGON DU 'GRO BA CAN GYI DE NYID 'DI'O ZHES BYA BA YIN NO ZHES BYA BA'I DON TO, ,SNGA MA'AM PHYI MA MTHONG BA NI RANG GI DUS KYI DON BYED PA'I YUL CAN YIN LA DE NYID 'DI'O ZHES BYA BA'I RNAM PAR RTOG PA NI 'DRA BA MTHONG BA'I RJES SU 'BRANG BA CAN YIN GYI DE NYID LA NI MA YIN TE, NUS PA MED PAS NYAMS SU MYONG BA MA YIN PA'I PHYIR ZHES BSTAN PA NI 'DZIN PA YIS NI ZHES BYA BA'O, ,SKAD CIG MA NYID NI RTAG TU THE TSOM ZA BA YIN TE, RNAM PAR DPYAD PAS LOG PA'I PHYIR RO ZHES BSTAN PA'I MA DMIGS PA LA ZHES BYA BA'O, ,THA DAD PA MED PA'I PHYIR RO ZHES BYA BA NI DA LTAR BA LAS SO, ,'BYUNG BAR 'GYUR BA LA THE TSOM YIN GYI GZUNG BZHIN PA NYID 'BYUNG BAR 'GYUR BA YIN PAR BSTAN PA NI, DE'I TSE GZUNG BA NI ZHES BYA BA'O, ,DNGOS PO BZHIN DUS KYANG RANG GI NGO BOS 'DZIN PA THE TSOM ZA BA DANG 'GAL BA YIN PAR BSTAN PA NI, DE YANG ZHES BYA BA STE DUS KYANG NGO, ,KHYOD KYI 'DOD PA ZHES BYA BA STE 'O NA 'BYUNG BAR 'GYUR BA'I DUS DANG 'BREL PA'I PHYIR 'BYUNG BAR 'GYUR BA ZHES BYA BA'O, ,DE LTAR NYID DU SNANG BA YANG ZHES BYA BA NI NYE BA NA SNANG BA YANG 'DRA BAR 'DZIN PA LAS DRAN PA YIN GYI DE 'DZIN PA LAS MA YIN PAR BSTAN PA NI THAL BA 'DI ZHES BYA BA'O, ,YOD MIN ZHES BYA BA NI DA LTAR MA YIN PA'O, ,DE MIN RANG BZHIN ZHES BYA BA NI RNAM PA MED PA'O, ,BDAG MED SHES ZHES BYA BA NI LUS LA SOGS PA LAS MI MTHUN PA SHES PA DANG CHOS MTHUN PA YIN NO, ,DE'I TSE'ANG ZHES BYA BA NI'ANG GI SGRAS NYAMS SU MYONG BA DANG DRAN PA'I DUS NYID KYI SHES PA DANG CHOS MI MTHUN PA NYID YIN PA DE LTAR NA 'DI LTAR 'GYUR TE 'DZIN PA DANG NI ZHES BYA BA'O, ,'DZIN PA DANG DRAN PA DAG SHES PA GZHAN LAS THA DAD PA YIN NA THAMS CAD THAMS CAD KYI SHES PAR

, ,'GYUR RO ZHES BYA BA'I SKYON LDOG PA LA YIN PAR BSTAN PA NI, DANG POR 'DZIN DANG DRAN PA 'DI, ,ZHES BYA BA 'DIS SO, ,DE YOD NA DE DAG 'BYUNG BAS DE NYID YIN NA THAL CHES PAR BSTAN PA NI LUS KYANG ZHES BYA BA'O, ,MI RTAG PA'I PHYIR RO ZHE NA ZHES BYA BA NI DUS GNYIS SU MI GNAS PA'I PHYIR RO; ,'DU BA STE BYAD PA NI NAM MKHA' LA SOGS PA LA MA YIN NO SNYAM DU SEMS PA NI DE LA DE GNYIS MI 'DU BA'I PHYIR RO ZHES BYA BA'O, ,BDAG MNGON SUM BA MA YIN TE BDAG GO ZHES BYA BA'O, ,SHES PA'I YUL NYID RTZOD PA'I YUL NYID YIN PA'I PHYIR RO, ,SHES PA PO'I DRAN PA PO NYID DU SGRUB PAR BYED PA'I RJES SU 'BREL PA NI NAM MKHA' LA SOGS PA LA YANG MTSUNGS PA YIN PAR BSTAN PA NI DE NI RJES SU 'BREL PA'I PHYIR ZHES BYA BA'O, ,DER YANG ZHES BYA BA NI NAM MKHA' LA YANG NGO, ,DE DAG GI LOG PA DANG CIG SHOS DAG LA THAMS CAD KYI TSE 'BYUNG BA DANG CIG SHOS KYI THAL 'GYUR GYI RTZOD PA MTSUNGS PA'AM, 'DU PA LA LDOG PA DANG CIG SHOS KYI RGOL BA MTSUNGS PA'O, ,DRAN PA LAS 'DZIN PA MED PAR BSTAN PA NI DRAN PAS KYANG ZHES BYA BA'O, ,'DZIN PA LA DRAN PA MED PAR BSTAN PA NI DRAN PAS ZHES BYA BA STE, SNGAR RJES SU 'BREL PA 'DZIN PA YOD PA MA YIN NO ZHES BYA BAR SGRUB PA'O, ,BRTZAL MA THAG PA'I SHES PA NI MI RTAG PA'I 'BRAS BU CAN YIN NO ZHES BYA BA DE DAG TZAM GNAS SKABS PA YIN LA NANG GI KHYAD PAR GYI DBYE BA GNAS PA MA YIN PAR BSTAN PA NI SHIN TU ZHIB MOR BRTAG PA NI ZHES BYA BA'O, ,GZHAN NI MA YIN ZHES BYA BA NI PHRAD PA CAN LA SOGS PA'O, ,DE'I YANG BSDU BA'I CHED DU DE'I RNAM PAR DBYE BA YIN NO ZHES BYA BA'I DON BSTAN PA NI 'DI LAS LAN BTAB PA NI ZHES BYA BA'O, ,KHO BOS MTHONG BA NI BSGRUB BYA'I 'BRAS BU DE NYID KYIS NGO BO CAN MA YIN PA BZHIN DU DE LA 'KHRUL PA MED PA YIN PA DE LA YANG YID CHES PA MA YIN NA, GAR YANG MI 'GYUR RO ZHES BYA BAR DGONGS PAS DE DAG GI DBYE BA YIN PAR BSTAN PA NI, YOD PA GANG MED MI 'BYUNG BA, ,ZHES BYA BA'O, ,GO BYED NYID MA YIN YANG 'BRAS BU YIN PA DE BZHIN DU MA 'KHRUL PA'I NGES PA MA YIN NO ZHES ZER BA NI GAL TE MI 'KHRUL PA ZHES BYA BA'O, ,DE 'KHRUL PA MED PA ZHES BYA BA NI RANG GI DUS KYI ME LA 'BRAS BU NYID KYI KHYAD PAR GO BYED YIN GYI DE TZAM NYID MA YIN TE NGES PA NYID LTA BU'O, ,

DO GOS KYI CHOS BZHIN DU'AM DU BA YANG NGES PA TZAM DANG BRAL BA MA YIN PAR BSTAN PA NI 'BRAS BU NYID YIN PAS NA ZHES BYA BA'O, ,ME'I KHYAD PAR GYIS KHYAD PAR DU BYAS PA'I DU BA BZHIN DU 'BRAS BU NYID KYI KHYAD PAR GYIS KHYAD PAR CAN YIN PA DE'I GO BYED YIN GYI DE'I RGYU MTSAN MA YIN PA NI MA YIN PAR BSTAN PA NI DE NYID KYI PHYIR ZHES BYA BA'O, ,DE NYID CES BYA BA NI DE MED NA MED PA GANG YIN PA STE, NGES PA DANG 'BREL PA ZHES BYA BA LA SOGS PA'I SPYI'I SGRA YIN YANG LDOG PAS 'BRAS BU NYID STON PA YIN NO ZHES BYA BA'I DON TO, ,GANG GI BYED PA LAS BYUNG BA GANG YIN PA DE NI DE'I 'BRAS BU MA YIN NAM, DES PA NI DE LAS MA SKYES KYANG SMIN DRUG SHAR BA LA SOGS PA LAS SNAR MA 'CHAR BA LA SOGS PA LA YIN NA ZHES ZER BA LA GANG ZHIG CES BYA BA'O, ,BYED PA LA DE LAS GZHAN PA MED KYANG DE'I BSKYED BYA BZHIN DU 'DI LAS DE MED NA MED PA YIN PAS DE'I 'BRAS BU NYID YIN NO, ,SMIN DRUG SHAR BA LA SOGS PA YIN YANG DE MED PA LA THE TSOM ZA BA YIN NO ZHES BYA BA'I DON TO, ,'KHRUL PA'I PHYIR GO BYED MA YIN YANG GO BYED GNAS PA GO BAR BYED PA YIN NO, ,GANG GI'O ZHES BYA BA'I THA DAD PA'I KHYAD PAR NI BZLOG PA LA NUS PA MED PA'I KHYAD PAR CAN NYID YIN PAR BSTAN PA NI, RIGS PA NA 'DI NYID YIN TE ZHES BYA BA'O, ,'DI NI THA DAD PA KHAS BLANGS NAS BSTAN PA YIN GYI 'DI NI MA YIN NO ZHES BSTAN PA NI GZHAN DANG ZHES BYA BA STE 'BAB PA DANG NGO, ,DE 'DI LTAR CUNG ZAD GO BAR BYED PA YIN GYI GZHAN NI GO BYED DANG GO BYED MA YIN PAR BSTAN PA NI RANG BZHIN GANG GIS ZHES BYA BA'O, ,'BRAS BU YANG RNAM PAR 'BYED PA BZHIN DU YOD PA GANG MED MI 'BYUNG BA'AM ZHES BSTAN PA YIN NO ZHES BYA BA'I DON TO, ,BDAG GANG ZHES BYA BA NI BSGRUB BYA'O, ,RANG ZHES BYA BA NI SGRUB BYED KYI CHOS KYI BDAG NYID DO, ,DE DANG ZHES BYA BA NI BSGRUB BYA DANG NGO, ,GANG GI TSE SGRUB BYED KYI BDAG NYID BSGRUB BYA YIN PA DANG, SGRUB BYED KYANG 'DI'I YIN PA'I PHYIR DE YANG GO BYED DU 'GYUR RO SNYAM DU SEMS PA LA RNAM DBYER MED CAN ZHES BYA BA'O, ,BSGRUB BYA YANG MI RTAG PA NYID LA SOGS PA BYAS PA NYID LA SOGS PA GO BYED KHO NA YIN GYI SHING NYID SHING SHA PA'I NI MA YIN TE, DE DANG DE MA YIN PA'I BDAG NYID DU NGES PA DANG MA NGES PA'I YUL CAN YIN PAS DE NYID MA YIN PA'I PHYIR RO, ,GANG ZHIG CES BYA BA NI SGRUB BYED KYI

, ,CHOS DE ZHES BYA BAR SBYAR RO, ,SHING GI BDAG NYID CES BYA BA NI SHING GANG GI BDAG NYID YIN PA'O, ,GAL TE JI LTAR ZHES BYA BA NI MNGON SUM NI GNYI GA DBYE BA MED PAR 'DZIN PA YIN ZHES BYA BA'I DON TO, ,SHING SHA BA GANG GI BDAG NYID YIN PA DE DE BZHIN NO, ,DE BZHIN BSGRUB BYED DANG CIG SHOS NYID KYI PHYIR DE'AM DE DANG DE MA YIN PA'I BDAG NYID CES BYA BA'I KHYAD PAR YIN PAR BSTAN PA NI MA YIN TE, RNAM PAR DBYER MED PA NYID MA YIN PA'I PHYIR RO ZHES BYA BA'I DON TO, ,DE'I BDAG NYID GO BYED DANG CIG SHOS SU MTSUNGS PA YIN GYI DBYER MED PA NI DE LTA MA YIN PA'I PHYIR DE'I MTSAN MA YIN NO SNYAM DU SEMS PA NI GAL TE DE'I ZHES BYA BA'O, ,DBYER MED PA'I NGES PA DE'I BDAG NYID MA YIN YANG GO BYED KHO NA YIN PAR BSTAN PA NI, DE'I BDAG CES BYA BA'O, ,DBYER MED PA'AM NGES PA ZHES BYA BA YANG MTSUNGS PAR BRJOD PA CAN DE'I BDAG NYID DANG DE LAS BYUNG BA DAG GI KHYAD PAR DMIGS PAR BYED PA YIN TE, GZHAN LAS NI NGES PA MED PA'I PHYIR RO ZHES BSTAN PA NI 'DI BSHAD ZIN PA ZHES BYA BA'O, ,DE'I NI GO BYED KYI RGYU MTSAN NO, ,DE DAG CES BYA BA NI DE'I BDAG NYID DANG DE LAS BYUNG BA DAG GO, ,DE'I KHYAD PAR GYIS KHYAD PAR CAN GO BYED NYID DU BSTAN PA NI DE'I NANG GI ZHES BYA BA'O, ,GZHAN MA NGES PA'I PHYIR MA NGES PA NYID 'DI DAG NGES PA LA MED PAR BSTAN PA NI DE'I BDAG NYID NI ZHES BYA BA'O, ,DE STE SGRUB BYED BDAG NYID GANG GIS YIN PA DE NI DE'I BDAG NYID YIN LA DE BSGRUB BYA BDAG NYID GANG GIS YIN PA'O, ,DE'I BDAG NYID DANG DE LAS BYUNG BA DANG BRAL BA YANG GO BYED YIN PAR MTHONG NGO ZHES BYA BA NI 'DI LA BSTAN PA NI, , LDAN PA CAN SOGS GANG DAG LA, ,ZHES BYA BA'O, ,DE'I BDAG NYID NI SHING SHA BA SHING GI BDAG NYID MTHONG BA YIN PAS JI LTAR YIN ZHES BRGAL ZHING BRTAG PAR MI BYA'O, ,DU BA NI ME LAS BYUNG BA YIN LA 'DI SMIN DRUG SHAR BA SNAR MA 'CHAR BA LA SOGS MA YIN PA'I PHYIR BZLOG PA LAS LDOG PAR THE TSOM ZA BA YIN LA, DE BSTAN PA NI DE DAG 'KHRUL PA SRID PA'I PHYIR ZHES BYA BA'O, ,'DI LAS GZHAN DU 'GYUR BA MED DO ZHES BYA BA NI GO BYED NYID MED PAR RO, ,DES NA ZHES BYA BA NI MA NUS PA'I SHES PAS SO, ,LDOG PA LA 'KHRUL BA CAN 'BRAS BU YIN NO ZHES BYA BA'I MTSAN NYID BZHIN DU DE YANG 'BRAS BU KHO NA

YIN PAR BSTAN PA NI DE LTA YIN DANG ZHES BYA BA'O, ,KHYAB PAR BYED PA ZHES BYA BA NI NGES PAR BYED PA STE 'BREL PA'I YUL CAN NO, ,SHING SHA PA GANG GI BDAG NYID YIN PA DE'I MA NGES PA ZHES BYA BA NI RES 'GA' BA STE, SHING SHA PA LA YOD PA'I SHING DANG GZHAN LA YOD PA YANG YIN LA DE LA GNAS PA NYID KYIS GO BYED YIN GYI GZHAN LA YOD PAS NI MA YIN NO, ,ME YANG DU BA LA NGES PA CAN DANG RNAM PA GZHAN YANG YIN PA'I PHYIR RGYU'I GTZO BO DANG GTZO BO MA YIN PA DMIGS PA YIN GYI GTAN DU RGYU MA YIN PA NI MA YIN NO, ,MA NGES PAS ZHES BYA BA NI NGES PA'I NGO BOS GO BYED YIN GYI GZHAN GYIS NI MA YIN TE, DE'I BSKYED BYA'I KHYAD PAR 'DZIN PA YIN NA MNGON PAR 'DOD PA YIN NO ZHES GSUNGS PA'I PHYIR RO, ,GO BYED KYI RGYU MTSAN DE'I BDAG NYID DANG, ,CIG SHOS LA SOGS PA LAS DE LA MA NGES PA NYID DU MI 'GYUR NA NGES PA CAN GYI GO BYED NYID KYI RGYU MTSAN YIN NO, ,GANG DE'I RJES SU 'JUG PA MA YIN PA ZHES BYA BA NI NGES PA CAN GYI RJES SU 'JUG PA MED PA'O, ,YANG NA DE ZHES BYA BA NI KHYAB PAR BYED PA'AM RGYU YANG NGO, ,DE'I ZHES BYA BA NI KHYAB BYA'I 'AM 'BRAS BU YIN TE RGYU MTSAN NI NGES PA CAN NO, ,GANG DE'I RJES SU 'JUG PA MA YIN PA NI GANG GI RJES SU 'JUG PA MED PA'O, ,DE'I PHYIR NGES PA MED PA NYID NI NGES PAR BYED PA NYID MA YIN PA ZHES BYA BA'I DON TO, ,DE LTA MA YIN YANG ZHES BYA BA NI DE'I RJES SU 'JUG PA YIN YANG NGES PAR BYED PA NYID YIN NA 'BRAS BU DANG KHYAD PAR BYED PA DAG LA YANG RJES SU BYED PA NYID DU THAL CHES PA NYID YIN NO, ,DE DE BZHIN NO ZHE NA ZHES BYA BA CHA SHAS KYIS MA NGES PA DANG NGES PA NYID DO, ,PHRAD PA DANG 'DU BA LA SOGS PA'I DBYE BA NI 'DI MA YIN TE, KHYAD PAR MED PA'I PHYIR RO ZHES BSTAN PA NI, LDAN PA CAN SOGS GANG DAG LA, ,ZHES BYA BA STE, 'BREL PA DANG CIG SHOS BZHIN DU PHRAD PA LA SOGS PA KHYAD PAR DU BYAS PA MA YIN NO ZHES BYA BA'I DON TO, ,GZHI BZHIN DU PHRAD PA 'KHRUL BA CAN YIN PAR BSTAN BA NI MTSUNGS PA'I PHYIR RO ZHES BYA BA'O, ,BRTEN PA NYID NI RTEN GYIS PHAN 'DOGS PA NYID YIN PAS 'BRAS BU BYED PA KHO NA NYID YIN PAR BSTAN PA NI DE LTA YIN NA ZHES BYA BA'O, ,'BRAS BU RIGS PA NI GZHAN PHRAD PA NYID CAN LA LTOS PA YIN LA DE MED NA MED PA MA YIN NAM SNYAM DU SEMS PA LA MA YIN TE, DE MED

, ,NA MED CES BYA BA 'DI NYID 'BRAS BU YIN TE, NGES PA CAN 'BRAS BU YIN PA'I PHYIR RO ZHES BSTAN PA NI, 'BREL PA YOD PA ZHES BYA BA'O, ,NGES PA DANG BRAL BA'I PHRAD PA CAN GZHAN GYI LA YANG SGRUB BYED MA YIN PAR BSTAN PA NI, NGES PA MED PA SGRUB BYED MIN, ,ZHES BYA BA'O, , NGES PA NYID RJES SU 'GRO BA YIN GYI NAM MKHA'I DKYIL DU 'GRO BA'I DU BA'I RTZE MO LA MA 'GRO BA NI MA YIN NO, ,MED NA MI 'BYUNG BAR NGES PA NI BUM PA LA SOGS PA LA BDAG MED NA MED PA'I PHYIR SROG LA SOGS PA'I YANG MA YIN NAM DE'I PHYIR DE YANG GTAN TSIGS NYID DU 'GYUR RO ZHES ZER BA LA, LDOG PA NYID NI NGES PA NYID, ,CES BYA BA STE BDAG MED PAS BYAS PA'I SROG LA SOGS PA MED PA BDAG KHYAB PAR BYED PA NYID YIN NA YIN TE, GZHAN LAG PAS GZHAN LDOG PAR NGES PA MED PA'I PHYIR NGES PA CAN LDOG PA NA KHYAB PAR BYED PA DANG KHYAB PAR BYA BA NYID DU NGES PA YIN NO ZHES BYA BA'I DON TO, ,LDOG PAS RJES SU 'GRO BA 'PHANGS PA YIN GYI MA MTHONG BA TZAM NI MA YIN NO, ,MED NA MI 'BYUNG BA YANG DE YOD PA NYID NA YOD PA KHO NA YIN PAR BSTAN PA NI BDAG MED PA LAS LDOG PA NYID CES BYA BA'O, ,RJES SU 'GRO BA GCIG TU 'DZIN PA MED DE THAMS CAD DU ZHES DE'I LDOG PA LA 'BREL PA MED PA'I PHYIR RO ZHES BSTAN PA NI MI MTHUN PA'I PHYOGS ZHES BYA'O, ,RJES SU 'GRO BA DE LTAR 'DZIN PA NI RANG BZHIN DANG 'BRAS BU NYID 'DZIN PA'I PHYIR TE, YOD NA 'BYUNG BA TZAM NI RJES SU 'GRO BA MA YIN PA'I PHYIR RO ZHES BSTAN PA NI RJES SU 'GRO BA'I SGO NAS NI ZHES BYA BA'O, ,NGES PAR BZUNG BAS ZHES BYA BA NI RANG BZHIN DANG 'BRAS BU NYID GZUNG BAS SO, ,RJES SU 'GRO BA BZUNG BA DE'I 'BRAS BU NYID KHO NA LDOG PAS RIG PAR BYED PA YIN PAR BSTAN PA NI GZHAN YOD PA NA YANG ZHES BYA BA NI RGYU MA YIN PA YOD KYANG NGO, ,GZHAN MED NA YANG ZHES BYA BA NI RGYU MA YIN PA LAS LOG PA MED PA'O, ,LDOG PA'AM RJES SU 'GRO BA TZAM LA YANG GZHAN PA MA LUS PA LA LTOS PA MA YIN TE, DE NI 'BRAS BU NYID KYI RJES SU 'GRO BA MA YIN TE, GSAL BA GCIG PO LA YANG DE'I 'BRAS BU NYID RTOGS PA'I PHYIR RO ZHES BSTAN PA NI, 'DI NYID LA NI ZHES BYA BA'O, ,DE TZAM GYIS NI ZHES BYA BA NI GSAL BA TZAM GYIS SO, ,RJES SU 'GRO BA 'DI LA LDOG PA YANG GO SLA

BA NYID BSTAN PA NI DE YANG GZHAN LAS ZHES BYA BA'O, ,MED NA MI 'BYUNG BA 'BRAS BU NA YID RJES SU 'GRO BA BSTAN PA NI 'DI NYID LAS ZHES BYA BA'O, ,MED NA MI 'BYUNG BA 'BRAS BU YIN PA'I PHYIR GZHAN LDOG PA DANG RJES SU 'GRO BA YAN LAG MA YIN TE 'BREL PA'I BDAG NYID MA YIN PA'I PHYIR RO ZHES BSTAN PA NI LAS ZHES BYA BA'O, ,GZHAN DU NI ME'I GSAL BA GZHAN LA'O, ,'BRAS BU NYID RJES SU 'GRO BA BSTAN PA NI 'DI NYID LAS ZHES BYA BA'O, ,ME NA MI 'BYUNG BA'I LDOG PA BSTAN PA NI GZHAN LAS NI MA YIN NO ZHES BYA BA'O, ,RANG RIG PA YIN PAR BSTAN PA NI DE LTAR YANG ZHES BYA BA'O, ,SNGAR GYI ZHES BYA BA NI RGYU 'DAS PA NA'O, ,DE MA THAG NYID DU NI GZHAN DU MI 'THAD PA LA SOGS PA'I DPYAD PA MED PAR RO, ,DE MED NA ZHES BYA BA NI RGYU MED NA'O, ,DE MED NA 'BRAS BU MED PA NI RTOGS BZHIN PA RNAMS SO ,SNGAR GYI ZHES BYA BA NI LDOG PA LAS SO, ,DE MED PA YANG GZHAN MED PA STE RGYU MED PA NA MED PA ZHES BYA BA NI RJES SU 'GRO BA'I STE RTOGS PA ZHES BYA BAR SBYAR RO, ,GZHAN LAS MI 'BYUNG BA'I PHYIR 'BRAS BU YIN NA GZHAN PA TZAM MED KYANG KHYAD PAR CAN GZHAN LAS ME LAS BZHIN DU BA LAS KYANG DU BA 'BYUNG BA'I PHYIR 'BRAS BU NYID LA MED NA MI 'BYUNG BA'I RJES SU 'GRO BA DANG LDOG PA DAG MED DO SNYAM DU SEMS BA NI GAL TE GZHAN LAS ZHES BYA BA'O, ,LDOG PA MED DO ZHES BYA BA NI NGES PAR GZUNG BA'AM RJES SU 'GRO BA TZAM LAS KHYAD PAR DU'O, ,LDOG PA YANG ZHES BYA BA NI MED NA MI 'BYUNG NA YANG NGO, ,MA MTHONG BA LA YANG ZHES BYA BA NI SHA ZA LA SOGS PA GZHAN LA YANG NGO, RGYU ME'I DUS NA YOD PA'I DU BA LAS ME NGES PAR BYED PAS NGES PA CAN GYI DU BAS KHAS BLANG BAR BYA BA YIN PAR BRJOD PA NA YANG BRJOD PA NI DE NGES PA NYID YIN PAR BRJOD PA NYAMS PAR 'GYUR RO ZHES BYA BAS BSTAN PA NI KHYOD KYI GTAN TSIGS ZHES BYA BA'O, ,GZHAN LTOS PA YIN NA DE'I DE MA THAG TU 'DI 'BYUNG BAR MI 'GYUR BAR BSTAN PA NI DE MA THAG TU YOD MIN NA'O ZHES BYA'O, ,'BRAS BU SO SO LA NI BYA BA SO SO LA'O, ,NGES BA CAN GYI LDOG PA YIN PA NI BDEN TE, 'BREL PA YOD PA NYID NA DE RTOGS PAS PHYOGS NYID KYI KHONGS SU GTOGS PA YIN GYI DE'I YAN LAG NI MA YIN NO SNYAM DU SEMS PA LA RANG BZHIN BDAG GAM ZHES BYA BA STE, LDOG PA YANG 'BREL PA'I

, ,SHES PA YIN NA SHES PAR 'GYUR LA DE SHES PA'I YUL YANG RJES SU 'GRO BA'I YUL GYI DPE YIN TE, GZHAN DU NA BSGRUB BYA MA NGES PA'I PHYIR RO ZHES BYA BA'I DON TO, ,KHYAD PAR NI ZHES BYA BA NI THUN MONG MA YIN PA'O, ,CI'I PHYIR LDOG PA MED CES ZER BA LA RJES SU 'GRO YOD MA YIN ZHES BYA BA'O, ,LDOG PA'I NGES PA MA SHES NA 'BRAL BA'I SHES PA YAN LAG MA YIN PA NYID DU BSTAN PA BSHAD PA NI DE'I BDAG NYID LA NGES PA MA YIN PA ZHES BYA BA'O, ,RNAM PA DE NYID KYANG ZHES BYA BA NI DE'I BDAG NYID DANG DE LAS BYUNG BA'I 'BREL PA'O, ,DE LTAR YANG MA GYUR TE ZHES BYA BA NI SROG LA SOGS PA RTOGS PA'O, ,DE LTAR SLOB DPON GYIS NGES PAR LDOG PA'I PHYIR GCIG TU LDOG PA'I NGO BO YIN PAR JI LTAR GSUNGS ZHES ZER BA LA MA MTHONG BA TZAM ZHES BYA BA'O, ,'DI CI LAS SHE NA GZHAN NI MA NGES PA YIN NO ZHES BYA BAS MA NGES PA NYID DU GSUNGS PA'I PHYIR RO ZHES BSTAN PA NI DE'I PHYIR NA MA NGES PA ZHES BYA BA'O,, LDOG PA NGES PA YIN NA GTAN TSIGS KHO NAR 'GYUR BA YIN TE, DE LAS BZLOG PA LA MED PA GTAN TSIGS YIN ZHES BYA BA GSUNGS PA'I PHYIR ZHES BSTAN PA NI GZHAN DU NA ZHES BYA BA'O, ,DNGOS PO DAG BZHIN DU DNGOS PO MED PA DAG KHO NA 'BREL PA YIN GYI DE SNGON DU 'GRO BA CAN NI MA YIN PA MA YIN NAM ZHES ZER BA LA GAL TE BDAG NI ZHES BYA BA STE, SROG SOGS MED PAS ZHES BYA BA NI SGRUB BYED DO, ,LDOG 'GYUR NA ZHES BYA BA LA SOGS PA NI BSGRUB BYA'O, ,DE YANG YOD MA YIN ZHES BYA BA NI LAN NO, ,KHYAB PAR BYA BA MA YIN PA'I ZHES BYA BA NI SGRUB PA'I NGO BOS SROG LA SOGS PA'I'O, ,DNGOS PO NI DE'I BDAG NYID DAM DE'I 'BRAS BU YANG RUNG BA NGES KHYAB PA YIN GYI MED PA NI DE LTA MA YIN NO ZHES BSTAN PA NI GZHAN LDOG PAR ZHES BYA BA STE, DNGOS SU BA'AM BRGYUD PAS KYANG SROG LA SOGS PA DANG BDAG YOD PA DANG 'BREL PA MED DE GANG GI PHYIR BDAG MED LAS GZHAN PA KHYAB BYED MA YIN PA LAS LOG PAS GZHAN TE, SROG LA SOGS PA KHYAB BYA MA YIN PA LDOG PAR MI RIGS SO, ,DE STE SROG LA SOGS PA RNAMS KYI BDAG NYID DE NGO BO'O, ,DE LAS TE BDAG LAS BYUNG BA NI SKYES PA'O SNYAM DU SEMS PA NI BRGYUD PA'I 'BREL PAS GRUB PA'I DON DU'O, ,DE STE BDAG GI BDAG NYID DE NGO BO'O, ,SROG LA SOGS PA GANG GI

YIN PA DE'I BDAG NYID DO ZHES BYA BA NI 'GREL PAR RO, ,'DU BA CAN GYI RGYU YIN PA'I PHYIR RO ZHES BYA BA NI RTZOL BA LA SOGS PA'I RGYU MTSAN GYI 'DU BA CAN GYI RGYU NI SROG LA SOGS PA 'BRAS BU LA YANG DE LTAR BRJOD PA YIN NO, ,GAL TE ZHES BYA BA LA SOGS PA STE, 'DI ZHES BYA BA NI BDAG GI 'BRAS BU NYID YIN PAS RGYU'I KHYAD PAR GYI BSKYED BYA NYID YIN GYI SKYED BYED NYID TZAM NI MA YIN NO, ,RES 'GA' BA NYID DU GRUB PA'I PHYIR DE STE SROG LA SOGS PA MA RTOGS NA BDAG RTOGS KYANG SROG LA SOGS PA DMIGS PA DANG MI DMIGS PA DAG GIS GRUB PAR 'GYUR RO ZHES BYA BA'I DON TO, ,BDAG DANG LHAN CIG MA DMIGS PA MA YIN NO ZHES BYA BAR SBYAR RO, ,DE'I BDAG NYID NI BDAG DMIGS PA YOD NA ZHES BYA BAR SBYAR NAS, DE'I 'BRAS BU NYID MA YIN PA LA YANG 'JUG PA RIG PA RGYU DANG 'BRAS BU'I NGO BOR NI ZHES BYA BA'O, ,BDAG DMIGS PA DANG MA DMIGS PA DAG RGYU NYID YIN PA DANG, SROG LA SOGS PA 'BRAS BU NYID NI DBANG PO LAS 'DAS PA LA SGRUB PA MA YIN LA DBANG PO'I YUL LA YANG DE DAG MED NA 'BRAS BU NYID LA SOGS PAR MI 'GYUR BAR BSTAN PA NI SHIN TU ZHES BYA BA'O, ,DGAG PA'I DUS NA THAMS CAD LKOG TU GYUR PA KHO NA MA YIN NAM, GZHAN DU MTHONG BA NI CUNG ZAD KYANG KHYAD PAR CAN DU MTHONG BA MA YIN NAM SNYAM DU SEMS PA LA GZHAN PA STE YUL DANG DUS LA YANG NGO, ,MA MTHONG BA TZAM LAS MED PA YIN NA BUM PA LA SOGS PA BZHIN DU SNGON PO'I LUS LA YANG 'GYUR TE KHYAD PAR MED PA'I PHYIR RO, ,MTHONG DU RUNG BA NI MTHONG BA MED PAR 'GYUR TE, DES KHYAB PA'I PHYIR YIN LA, GSON PO'I LUS LA BDAG NI DE LTAR MA YIN PAR BUM PA LA SOGS PA DANG MTSUNGS PA YIN NO, ,GANG GI PHYIR DMIGS PA LOG NA KHYAB BYA LDOG PAR BYED PA YIN GYI DNGOS PO TZAM NI MA YIN TE, DMIGS PA MED PA RNAMS KYANG YOD PA'I PHYIR RO, ,DE'I PHYIR BDAG MI DMIGS PA KHYAB PAR BYED PA MI DMIGS PA MA YIN NO ZHES BYA BA'I DON TO, ,BUM PA LA SOGS PA LA BDAG MED PAR MA NGES PA NA MI MTHUN PA'I PHYOGS LA NGES PA MED PA YIN LA MI MTHUN PA'I PHYOGS LAS LOG PA LA NGES PA MED PA'I SROG LA SOGS PA LDOG PA NI MI MTHUN PA'I PHYOGS BDAG MED PA LA KHYAB PA CAN MA YIN PA NYID DU BSTAN PA NI LDOG PA SHES PA MED PA'I ZHES BYA BA STE, MED

, ,PAR MA NGES PA'I BDAG MED PA'I MED PA YOD PA'I PHYIR SROG LA SOGS PA MED PA LDOG PA MED NA KHYAB PA CAN DU MI 'GYUR RO, ,DE'I BDAG NYID KYI SROG LA SOGS PA KHYAB PA CAN YIN NO, DE'I MED PA YANG BDAG GI MED PA LA 'GYUR RO, ,DE'I MED PA NI BDAG SROG LA SOGS PA MED PA'I MED PA STE, SROG LA SOGS PA LA'O ZHES BYA BA NI 'GREL PAR RO, ,DE BSTAN PA NI SROG LA SOGS PA NI MED PA LDOG PA LA BDAG GIS KHYAB PAR JI LTAR 'GYUR ZHES BYA BA'O, ,GANG ZHIG CES BYA BA NI BDAG GI'O, ,GANG LDOG PAS ZHES BYA BA NI SROG LA SOGS PA LDOG PAS SO, ,DE LDOG PAS ZHES BYA BA NI KHYAD PAR CAN GYI LDOG PA DE'I'O, ,LDOG PA NI ZHES BYA BA NI SROG LA SOGS PA'O, ,DES ZHES BYA BA NI BDAG GIS SO, ,LDOG PA LOG PAS MED PA'I MED PA YOD PA'I PHYIR 'DI NI KHYAB PAR BYA BA DANG CIG SHOS KYI NGO BO BDAG GI MED PA MA NGES PA SRID PA MA YIN PAR BSTAN PA NI BDAG LDOG PA MA GRUB PAS ZHES BYA BA'O, ,GAL TE BUM PA LA BDAG MA DMIGS PAS MED PAR GRUB PA MI BYED PA DE LTA NA YOD PAR 'GYUR RO ZHES ZER BA LA SROG LA SOGS ZHES BYA BA'O, ,KHA CIG TU MTHONG BA NI MTHONG BA DANG MTHONG BA DAG GIS YOD PA DANG MED PA NYID DU NGES PAR BYED DE SROG LA SOGS PA LTA BU'O, ,BDAG NI MA YIN TE MTHONG BA MED PA'I PHYIR DANG, NYAMS SU MYONG BA NI SKAD CIG MA NYID KYIS DE NYID KYI SHES PA LA GNOD PA'I PHYIR RO, ,SROG LA SOGS PA YOD PA DANG MED PA NYID DAG GIS BDAG YOD PA DANG MED PA NI LUS DANG BUM PA DAG LA RTOGS PA MA YIN NAM, MTHONG BA DANG MA MTHONG BA DAG GIS NI MA YIN NO SNYAM DU SEMS PA LA SROG LA SOGS PA YOD PA DANG MED PA DAG GIS RGYU BLO LA SOGS PA YOD PA DANG MED PA RTOGS PA YIN GYI BDAG NI MA YIN NO ZHES BYA BA'I DON BSTAN PA NI RGYU GANG ZHIG CES BYA BA STE, GZHAN DU YANG 'THAD PA'I PHYIR RO, ,SROG LA SOGS PA MED PAS CHOS MI MTHUN PA NYID YIN NA YANG ZHES BYA BA NI SROG LA SOGS PA MED PA NI CHOS MI MTHUN PA NYID KYIS SO, ,BDAG DANG BCAS PAR ZHES BYA BA NI CHOS MI MTHUN PA NYID DU 'GYUR RO, ,LUS BDAG MED PA NYID YIN NA BUM PA BZHIN DU SROG LA SOGS PA DANG MI LDAN PA NYID DU THAL BAR 'GYUR RO SNYAM DU SEMS PA LA MI 'DOD PAR

THAL BAR 'GYUR BAR BSTAN PA NI, GAL TE CUNG ZAD CES BYA BA STE THA DAD PA YANG ZHES BYA BA NI BUM PA LAS LUS SO, ,BLO LA SOGS PA DANG LDAN PA NYID KYIS CUNG ZAD CHOS MTHUN PA'I PHYIR NI BDAG MED PA NYID DU CHOS MTHUN PA'I PHYIR RO, ,DE NYID CES BYA BA NI SROG LA SOGS PA DANG MI LDAN PA NYID DO, ,GZHAL BYA NYID PHYIR NI LUS BZHIN DU BUM PA LA SOGS PA BDAG DANG BCAS PAR 'GYUR BA ZHIG NA, BUM PA LA SOGS PA 'DI BDAG MED PA MA YIN TE GZHAL BYA NYID MED PAR THAL BAR 'GYUR BA'I PHYIR RO ZHES BYA BA'I DON TO, ,MO GSHAM GYI BU LA SOGS MI MTHUN PA'I PHYOGS KYI SHES BYA NYID LAS GZHAL BYA NYID LAS LOG PA YIN ZHING MTHUN PA'I PHYOGS LA YANG YOD PA MA YIN TE, DE MED PA'I PHYIR SROG LA SOGS PA BZHIN LDOG PA CAN YIN NO, ,TSAD MA'I STOBS KYIS MI 'DOD KYANG 'ONGS PA SPANG BAR MI RIGS PAR BSTAN PA NI MI 'DOD CE NA ZHES BYA BA'O, ,TSAD MAS BSGRUB PA YANG RANG GI RGYUD 'JOMS PA DOR BYA MA YIN NAM, DE'I PHYIR 'DOD PA NYID KYIS DE YANG RNAM PAR 'JOG PAR BYED PA YIN NO ZHES ZER BA LA DNGOS PO DANG DNGOS MED RNAM GZHAG STE NGES PA'O, ,TSER MA LA SOGS PA DOR BYAR TSAD MAS GRUB KYANG 'DOD PAS 'DOR BA YIN PA YANG BDAG LA SOGS PA BLANG BAR BYA BA NI DE LTA MA YIN TE DE LTA YIN NA, BDAG CAG GIS BDAG LA SOGS PA 'DOR LA KHYED KYIS KYANG BDAG MED PA NYID BOR BA'I PHYIR RNAM PAR GZHAG PAR MI 'GYUR TE, TSAD MA'I NUS PA MED PA'I PHYIR RO ZHES BYA BA'I DON TO, ,'DOD PAS DNGOS PO YOD PA DANG MED PA 'DOR BAR BYED CES BYA BAR SBYAR RO, ,MA 'CHOL BA MED PA NI 'CHOL BA NYID DO, ,GZHAN NYID CES BYA BA NI DRAN PA DANG 'DOD PA LA SOGS PA RNAMS SO, ,BUM PA DANG LUS BDAG MED PA NYID DU KHYAD PAR MED NA SROG LA SOGS PA JI LTAR YONG CES ZER BA LA SROG DANG MIG 'BYED CES BYA BA'O, ,RLUNG 'BYIN PA DANG 'DREN PA NI 'BANG RTZOL MED PAS GANG LAS YIN ZHES BYA BAS SROG LA SOGS PA NI RTZOL BA LAS BYUNG BA YIN LA DE YANG 'DOD PA LAS SO, ,'DOD PA YANG NYAMS SU MYONG BA DRAN PA YIN NA DRAN PA DE YANG YUL DANG DBANG PO DANG BLO DAG LAS YIN TE, ,YUL DANG DBANG PO 'DZIN PA NI BDAG DANG DBANG PHYUG LA SOGS PA 'DOR

, ,PA'I CHED DU'O, ,NYAMS SU MYONG BA'I BAG CHAGS LAS BYUNG BA'I DRAN PA NI DRAN PAR BYED PA YIN NO, ,DE MED NA GZHAN YANG DE NYID DU MI RIGS PA'I PHYIR RO, ,DE DAG CES BYA BA NI YUL DANG DBANG PO DANG BLO RNAMS TE YUL DANG DBANG PO DANG BLO'I SKAD CIG RNAMS NI SNGA MA'I RANG GI RIGS RNAMS YIN PA DE LAS 'BYUNG BA'O, ,PHAN TSUN RKYEN NYID DU LTOS PA YIN GYI DE LA YANG BDAG RGYU NYID KYI RJES SU ZHUGS PA MA YIN NO, ,BDAG NYID NI BDAG GI DNGOS PO 'DI'O ZHES BYA BA THA SNYAD BYED PA PO'I SKYES BU'I MNGON SUM MO, ,'DI NI RANG NYID GSAL BA NYID DO ZHES BYA BA YANG 'DI NYID LA YIN TE, GZHAN LA TSAD MA MED PA'I PHYIR LUNG TZAM GYIS GO BYAR 'GYUR TE, MI SNANG BA'I PHYIR RO, ,DE MTHONG BA LAS BYANG GROL YANG MA YIN NO, ,GDOL PA'I BAR LA'ANG MA BTZAL BZHIN, ,LUNG NYID LAS NI SNANG BA YIN, ,ZHES BYA BA NI RIGS PA MA YIN NO, ,DE'I PHYIR DE TZAM LA NI ZHES BYA BA NI RJES SU 'GRO BA DANG LDOG PA'I CHA LA YIN NO, ,DE TZAM LAS BYUNG BA NI MTHAR THUG PA YIN TE RGYU GZHAN MED PA'I PHYIR THUG PA MED PAR BSTAN PA NI, DRAN PA LAS MTHONG BA'I THA DAD PA NYAMS SU MYONG BA YIN LA, DRAN PA PO DANG MTHONG BA PO DAG GI YANG, DE'I NGO BO DANG 'BREL PA CAN NYID YIN NA, DE DANG 'BREL PA CAN NYID MA YIN NA DE NYID MA YIN PAR BSTAN PA NI, DRAN PA GCIG LA ZHES BYA BA'O, ,GZHAN GYI KHYAD PAR GYIS ZHES BYA BA NI DRAN PAS SO, ,NYAMS SU MYONG BA'I BAG CHAGS KYIS BSKYED PA'I PHYIR DRAN PA NYAMS SU MYONG BA'I YUL JI LTAR YIN PA DE BZHIN DU DE'I KHYAD PAR GYIS BSKYED PA'I PHYIR DE'I KHYAD PAR GYI YUL MA YIN PAR BSTAN PA NI, RANG GI RGYU LAS ZHES BYA BA'O, ,DE NYID DRAN PA'I RGYU ZHES BYA BA NI DRAN PAR BYED PA ZHES BYA BA'I DON TO, ,CI LAS SHE NA, RGYU NYID LA NI GZUNG BAR SHES, ,ZHES PA'I RIGS PAS BSTAN PA NI, ,RGYU DANG 'BRAS BU RIGS PA'I PHYIR RO ZHES BYA BA STE, GZUNG BA DANG 'DZIN PA NYID KYIS SO ZHES BYA BA'I DON TO, ,BDAG SMRA BA POS KYANG NYAMS SU MYONG BA'I BAG CHAGS KYI NGES PA NI DRAN PA NGES PA'I RGYUR KHAS BLANG BAR BYA BA KHO NA YIN PAR BSTAN PA NI, BDAG YOD PA NYID KYIS NI ZHES BYA BA'O, ,BDAG GI NUS PAS DRAN PA NYID YIN NO ZHES BYA BAR 'GYUR BA ZHIG NA 'GYUR BA NI

MA YIN NO, ,DE'I PHYIR NYAMS SU MYONG BA'I BAG CHAGS LAS BYUNG BA KHO NA YIN PAR BSTAN PA NI, DER 'GYUR NA NI 'GYUR PHYIR DANG, ,ZHES BYA BA STE NYAMS SU MYONG BA DANG BAG CHAGS DAG GI RNAM PAR 'GYUR BAS 'GYUR BA'I PHYIR RO ZHES BYA BA NI KHYAD PAR RO, ,RJES 'GRO LDOG PA'I ZHES BYA BA STE, NYAMS SU MYONG BA PO MED NA ZHES BYA BAR SBYAR RO, ,MI 'GYUR RO ZHES BYA BA NI RGYU NYID YIN PAR THAL BAR 'GYUR BA ZHES BYA BAR SBYAR RO, ,SNGA MA DANG PHYI MA'I DUS DANG 'BREL PA CAN GYI GNAS PA PO'O, ,MNGON SUM MA YIN TE, RIM PA MA YIN PA'I PHYIR RO ZHES ZER BA LA, GANG GI PHYIR GNAS SKABS ZHES BYA BA STE; GNAS SKABS PA MA YIN ZHES BYA BA'I DON TO, ,LUS GZHAN ZHES BYA BA NI GNAS SKABS LA'O, ,NGED KYI PHYOGS GRUB PA LA NI ZHES BYA BA NI BDAG MED PA GRUB PA'O, ,DRAN PA DANG NYAMS SU MYONG BA THA DAD PA DE LA DRAN PA PO NYID LA SOGS PA MED PAR BSTAN PA NI, RTAG PA'I RANG BZHIN ZHES BYA BA'O, ,'DU BA YIN YANG RNAM PAR 'GYUR BA MA YIN PA'I PHYIR SHES PA'I NGO BO'I RNAM PAR 'GYUR BA YANG 'DI LA RTAG PA NYID DU 'GAL BA MED PA YIN LA, DRAN PA DANG NYAMS SU MYONG BA'I NGO BO RNAM PAR 'GYUR BA THA DAD PA MA YIN PA DE'I PHYIR MI RTAG PA YANG YIN ZHING DE NYID RTOGS PA'I PHYIR RTOG PA YANG YIN NO SNYAM DU SEMS PA LA, GAL TE DE DRAN BYED CES BYA BA STE, GAL TE DE NYID RTOGS PA PO DRAN PA PO NYID YIN NA NYAMS SU MYONG BA POR MI 'GYUR LA, GAL TE DE LTAR NA DRAN PA POR MI 'GYUR TE, DNGOS PO'I DBYE BA NI NGO BO'I DBYE BA'I MTSAN NYID YIN PA'I PHYIR RO, ,DE ZHES BYA BA NI RTAG TU GNAS PA PO'I DRAN PA GZHAN DU MI 'THAD PA NI NYAMS SU MYONG BA TZAM LA NYAMS PA YIN GYI DE LAS BDAG GRUB PA MA YIN PAR BSTAN PA NI, GANG PHYIR DRAN PA ZHES BYA BA'O, ,NYIN ZHAG SNGA MA LA MTHONG BA RNAMS LA NYID ZHAG PHYI MA LA BDAG GIS 'DI MTHONG NGO ZHES BYA BA'I SHES PA SKYE BA MA YIN NAM, SHES PA DE LAS BDAG GZHAN YOD DO SNYAM DU SEMS PA NI, 'ON TE NGA ZHES BYA BA'O, ,RNAM SHES PA ZHES BYA BA NI DBANG PO LAS SKYES PA MA YIN PA MNGON SUM MA YIN TE, THA LA CHES PA'I PHYIR RO, ,SKAD CIG MA DANG THAMS CAD MKHYEN PA LA SOGS PA LA YANG YID LAS BYUNG BA'I SHES PA DGAG PA MED PA

, ,YIN PAR BSTAN PA NI, SNGON MTHONG DRAN ZHES BYA BA'O, ,KUN RDZOB PA TZAM ZHES BYA BA NI SNGA MA DANG PHYI MA MTHONG BA DAG GI RANG RIG PA'I BYED PA'I RJES SU 'BRANGS NAS BRDA JI LTA BA BZHIN DU MNGON PAR ZHEN PAR BYED CING, SHES PA SBYOR BAR BYED PA NI BDAG SHES PA DANG LDAN PA YIN NO ZHES BYA BA'I DON TO, ,DE NI 'DI LTAR BSGRUB BYA LA RJES SU 'JUG PA MED PA LAS MI MTHUN PA'I MTSAN NYID KYI 'KHRUL PA NI MNYAN PAR BYA BA BZHIN DU SROG LA SOGS PA LA YANG YIN PAR BSTAN PA NI, 'KHRUL PA NYID KYIS ZHES BYA BA'O, ,JI LTAR SGRUB MIN NYID LAS DE, ,ZHES BYA BA NI MI MTHUN PA'I PHYOGS NYID LAS SO, ,LDOG PA NI THA DAD PA'O, ,'ON KYANG BSGRUB BYA LAS KYANG STE MTHUN PA'I PHYOGS LAS KYANG NGO, ,DE NI MNYAN PAR BYA BA NYID CES BYA BA NI RGOL BA'O, ,'O NA ZHAS BYA BA NI BSGRUB BYA LAS KYANG NGO, ,DON GYIS NI SHUGS KYIS SO, ,DE ZHES BYA BA NI SHUGS KYIS SO, ,GZHAN LA YANG ZHES BYA BA NI SROG LA SOGS PA LA YANG NGO, ,'DI NI ZHES BYA BA NI BSGRUB BYA LA 'JUG PA MED PA'O, ,MTSUNGS ZHES BYA BA NI BSGRUB BYA YOD DAM MED PA LA YANG KHYAD PAR ZUNG ZAD KYANG MED DO ZHES BYA BA'I DON TO, ,MNYAN PAR BYA BA NYID NI BSGRUB BYA RNAM PAR GCOD PA YIN GYI SOG LA SOGS PA NI MA YIN TE, BSGRUB BYA MA YIN PA NYID LAS RNAM PAR BCAD PA'I PHYIR ZHES BYA BA 'DI KHYAD PAR MA YIN NAM SNYAM DU SEMS PA LA BSGRUB MIN NYID LA ZHES BYA BA'O, ,KHYAD PAR GYI SGRUB PA NI KHYAD PAR DGAG PA LA BRTEN PA YIN PA'I PHYIR SGRA DANG DON DAG LAS GCIG GIS GNYI GA STON PA YIN TE, GZHAN DU NA MNYAN PAR BYA BAS 'DI LAS KHYAD PAR MED DO, ,DE BSTAN PA NI DON GO BAS ZHES BYA BA'O, ,YANG LDOG PA'I NGAG GIS RJES SU 'GRO BA STON PA DANG, RJES SU 'GRO BA'I NGAG GIS KYANG LDOG PA YIN NO ZHES BSTAN PA NI, DE NYID PHYIR NA DON GO BAS, ,ZHES BYA BA'O, ,'DI 'DRA'I ZHES BYA BA NI MNYAN PAR BYA BA NYID DANG MTSAN NYID MI MTHUN PA STE, BSGRUB MIN NYID LAS ZHES BYA BA NI NGES PAR GZUNG BA'I MTSAN NYID CAN NAM MED NA MI 'BYUNG BA'O, ,SLOB DPON GYIS MA GSUNGS SO ZHES BYA BA 'DI LA YANG THAMS CAD GSUNGS PA YIN TE, GSAL BAR MA RTOGS KYANG GSUNGS PA LA GSUNGS PA KHO NAR GO PA YIN TE GZHAN DU NA KHYAD PAR DU

DGAG PA LA DON MED DO, ,DE BZHIN DU MED NA MI 'BYUNG BA DGAG PAS YOD NA YOD PA 'PHANGS PA YIN PA'I PHYIR DE NYID YIN NO, ,'DI NI ZHES BYA BA NI MI MTHUN PA'I PHYOGS MA LUS PA 'DZIN PA SNGON DU 'GRO BA CAN NO, ,LDOG PA 'DZIN PA NI MTHA' YAS PA'I PHYIR NUS PA MA YIN GYI DE DANG 'BREL PA CAN NYID NA DE NYID GZHAN DU MI 'GYUR RO ZHES BYA BAS GZHAN LAS MED PAR BYA SLA BA YIN PAR BSTAN PA NI, BDAG NYID LA NI 'BREL PA'I PHYIR, ,ZHES BYA BA'O, ,'O NA MED PA YIN PAR 'GYUR BAS ZHES BYA BAS MNYAN PAR BYA BA NYID LAS KHYAD PAR MED PA'O, ,NGAS NI SROG LA SOGS PA BDAG GI RJES SU 'GRO BAR SMRAS PA MA YIN PA KHO NA'O SNYAM DU SEMS PA LA, BKAG PAR 'GOG PAR BYED BA NI ZHES BYA BA'O, ,BSGRUB BYA MA YIN PA NYID LAS RNAM PAR BCAD PA BSGRUB BYA LA MA YIN PAR BDEN MOD KYI BSGRUB BYA YOD NA BSGRUB PA YIN GYI MED PA LA NI MA YIN TE 'GAL BA'I PHYIR 'GOG PA YANG RTEN NYID LA SOGS PAS BLO'I SPYOD YUL MA YIN PA'I PHYIR NYE BAR BRJOD PA MA YIN PA LA 'THAD PA MA YIN NO SNYAM DU SEMS PA NI BSGRUB BYA NYID LAS ZHES BYA BA'O, ,SROG LA SOGS PA DANG LDAN PA'I GTAN TSIGS NI BSGRUB BYA MED PA LAS TE MTHUN PA'I PHYOGS LAS SO, ,BSGRUB MIN NYID LA ZHES BYA BA NI MI MTHUN PA'I PHYOGS NYID LA'O, ,MED CES BYA BA'I GTAN TSIGS SO, ,BLO'I YUL MA YIN PA'I BSGRUB BYA LAS GTAN TSIGS LDOG PA MA YIN NO ZHES BYA BA 'DI NYID LDOG PA'I LDOG PA YIN NO, ,GTAN TSIGS DANG DE LDOG PA'I LDOG PA YIN PAS CUNG ZAD KYANG KHYAD PAR MED PA JI LTAR YIN ZHES BSTAN PA NI DE NYID NI ZHES BYA BA'O, ,DE YANG ZHES BYA BA NI LDOG PA LDOG PA'O, ,LDOG PA'I GZHI GANG YIN PA NI LDOG PA'I'O, ,LDOG PA'I 'BYUNG KHUNGS ZHES BYA BA NI GTAN TSIGS LDOG PA'I'O, ,GANG DANG LDAN PA ZHES BYA BA NI GTAN TSIGS GANG DANG NGO, ,GANG DANG ZHES BYA BA NI LAN NO, ,MED PA LA GDON MI ZA BAR BRAL BA YIN PAR BSTAN PA NI BRAL BA TZAM ZHES BYA BA'O, ,RTAG TU SDIG PA LAS LDOG PA ZHES BYA BA NI PHRAD PA SNGON DU 'GRO BA CAN NYID YIN NA MI 'GYUR RO ZHES BYA BA'I DON TO, ,DE'I PHYIR ZHES BYA BA NI BLO LA YOD PA'I MED PA LA GTAN TSIGS LDOG PA DGAG PA'I PHYIR RO, ,LDOG PA NI LHAN CIG PA YIN TE 'GAL BA MED

, ,PA'I PHYIR RO ZHES BSTAN PA NI LDOG BA MED PA ZHES BYA BA'O, ,SGRUB PA NYID KYI BSHAD PA NI DNGOS YOD CES BYA BA'O, ,'GAL BA CAN NI YOD LA 'GAL BA MED PA NI MED DO ZHES BYA BA NI BLUN PO NYID NGO, ,BZLOG KYANG ZHES BYA BA NI YOD KYANG NGO, ,CIG SHOS NI MED PA STE 'THAD PA'I RANG BZHIN YIN YANG MED DO ZHES BYA BAR SBYAR RO, ,MED PA LA NI MED PA DANG, YOD PA DANG MED PA LA'O, ,DE LA MED BZHIN PA NYID KHO NA DE LAS LDOG PA NYID DU THA SNYAD 'DOGS PA YIN PAR BSTAN PA NI DE LA MED PA NI ZHES BYA BA'O, ,PHAN TSUN SPANGS PA'I RANG BZHIN CAN, ,ZHES BSHAD PA NI DNGOS PO'I NGO BO GZHAN MA YIN NO ZHES BYA BA'O, ,DE LDOG PA LA ZHES BYA BA NI MED PA LDOG PA'O, ,SDUD PAR NI 'DI LTAR GAL TE ZHES BYA BA'O, ,DE YANG ZHES BYA BA NI DNGOS PO YANG NGO, ,TSAD MA GCIG 'JUG PA NYID KYIS ZHES BYA BA NI DNGOS PO 'DZIN PAR BYED PA STE RANG GI YUL LAS BZLOG PA DGAG PAR BYED NA RNAM PAR GZHAG PAR BYED PA MA YIN TE, GZHAN DU MI RIGS PA'I PHYIR RO, ,RNAM PA GZHAN LA ZHES BYA BA NI YUL LAS ZLOG PA LA'O, ,RNAM PA GZHAN GYI NGO BOR ZHES BYA BA NI BZLOG PA NYID DO, ,RNAM PA GZHAN NI GNYI GA'I NGO BO LAS BZLOG PA'O, ,PHYI ROL GYI NGO BO LAS RNAM PAR GZHAG BA CI'I PHYIR YIN ZHES ZER BA LA GANG ZHIG CES BYA BA'O, ,DER MA CHUD PA NI KHONG DU CHUD PAR GYUR PA MA YIN PA'O, ,DNGOS PO MED PA NI MED BZHIN PA'I MTHUN PA'I PHYOGS LA'O, ,MED PA NYE BAR BRJOD PA MA YIN PA LA GTAN TSIGS 'BREL PA MA YIN NAM, JI LTAR LDOG PA BRJOD PAS SGRUB PA JI LTAR YIN, 'BREL PA MED PA NYID LDOG PA BZHIN NO ZHES BYA BA NI YON PO'I TSIG GIS BSTAN PA NI, GAL TE DE LA LDOG MED NA, CES BYA BA'O, ,MA 'BREL PA'I NGO BO'I 'JUG PA NI 'BREL PA'I NGO BO YIN TE, 'BREL PA'I NGO BO 'DI NYID BKAG PA YIN NA LDOG PA CI STE LDOG CES BYA BA NI LDOG PA MED DO ZHES BYA BAS JI STE 'GOG CES BYA BAR SBYAR TE LDOG PA MA YIN PAS ZHES BYA BAS NI YOD DO ZHES BYA BA'I DON TO, ,'BREL PA'I NGO BO MA YIN PA NYID LDOG PA YIN TE GZHAN DU NA MTHUN PA'I PHYOGS LA MED PA ZHES BYA BA YANG THA SNYAD DU MI 'GYUR BAR BSTAN PA NI, BSGRUB BYA DANG DGAG PA ZHES BYA BA'O, ,MED PA LA 'BREL PA MED PAS DGAG PA MA YIN NA MED DE ZHES BYA BAR MI 'GYUR RO, ,DE

BSTAN PA NI MTHUN PA'I PHYOGS MED PA LA ZHES BYA BA'O, ,DE BZHIN KHO NAR ZHES BYA BA NI MI SMRA PA NYID DU'O, ,LDOG PA'I DNGOS PO KHO NA KHYED CAG GI MED PA YIN GYI GZHAN MA YIN PA MA YIN NAM, CI ZHES GANG DU 'GOG PAR BYED SNYAM DU SEMS PA LA, YOD PA RNAMS LA ZHES BYA BA SMOS SO, ,BUM PA BZHIN DU DE'I MED PA YANG YOD NA DGAG PA'I YUL MA YIN NO, ,BUM PA'I MED PA 'DI YIN NO ZHEN ZHIG PA'I BUM PA LDOG PA MA YIN NAM GZHAN NI 'GA' YANG MA YIN NO, ,BUM PA LOG BZHIN PA KHO NA MED PA YIN TE, DE GNAS SKABS KHA CIG BUM PA LAS GZHAN PA MA YIN TE, MED PA MED PAR THAL BAR 'GYUR BA'I PHYIR RO, ,DNGOS PO LDOG PA NA MED PA'I THA SNYAD DU 'JIG RTEN LA GRAGS PAR MI 'GYUR BAR BSTAN PA NI, DE LTA MED LA ZHES BYA BA STE, YOD PA BKAG PA NI YOD PA KHO NA BKAG PA YIN GYI GZHAN NYE BAR BRJOD PA MED PA SKYED PA NI MA YIN PA'I PHYIR MED PA BRJOD DE DGAG BYAS STONG PA'I MED PA TZAM MO, ,NGES PAR RTOGS PA MED PA'I YUL LA ZHES BYA BA NI NGES PAR RTOGS PA'I DGAG BYA LA'O, ,THAMS CAD LA KHO BO'I DANG 'GREL PA PO'I BSHAD PA BSDUS PA YIN NO, ,'ON TE RTOGS PA NI RNAM PA GZHAN DU ZHES BYA BA NI YUL DANG DUS LA SOGS PAS SO; ;YOD PA RNAMS LA DGAG PA MED PA NI BDEN MOD KYI DNGOS PO DGAG PA NYE BAR BRJOD PA MED PA LA YANG MA YIN TE, 'O NA CI ZHE NA, YOD PA KHO NA YUL GZHAN LA LAM DUS GZHAN DU DGAG PA YIN NO ZHE NA, DE LTA NA YANG YUL GANG NA DE RNAMS YOD PA NI DGAG PA'I YUL MA YIN ZHING YUL DANG DUS GZHAN LA YANG DE DAG GTAN MA BYUNG BA YIN PAS MED PA'I PHYIR DGAG BYA MA YIN PA KHO NA YIN PAR BSTAN PA NI, GAL TE YUL DUS 'GOG CE NA, ,ZHES BYA BA'O, ,DNGOS PO LAS THA DAD PAR NYE BAR BRJOD PA MED PA NI GZHI NYID DU MI RIGS PA'I PHYIR RTOGS PAR MI NUS PAS DGAG PA'I YUL MA YIN NO ZHES BYA BA NI 'GREL PA'I DON TO, ,DE'I PHYIR DNGOS PO NYID NYAMS PA MED PA'I THA SNYAD KYI YUL YIN GYI NYAMS PA TZAM NI MA YIN NO ZHES BYA BA NI TSAD MA'I DON TO, ,YOD PA DANG MED PA'I THA SNYAD KYI DUS DAG LA KHYAD PAR CUNG ZAD YOD PA MA YIN NAM, BDEN TE 'JUG PA DANG LDOG PA

, ,YANG ZHES BYA BA YIN GYI LDOG PA GZHAN PA NI MA YIN NO, ,MED PAR JI LTAR 'GYUR ZHES BYA BA NI GZHI MED PA'O, ,DGAG PAR BYA BA SGRO 'DOGS PA'I GZHI MA YIN NAM, DGAG PA NI MA YIN NO ZHES ZER BA NI, 'ON TE DGAG PAR BYA BA ZHES BYA BA'O, ,DGAG PAR BYA BA BZHIN DU DE'I YUL YANG MTHUN PA'I PHYOGS LA SGRO 'DOGS PA YIN PAR BSTAN PA NI, DE LTA YIN NA MTHUN PA'I PHYOGS ZHES BYA BA'O, ,'ON TE MED PAR ZHES BYA BA NI BUM PA'I SGRAS YOD PAR GZUNG NA ZHES BYA BAR SBYAR RO, ,GAL TE YOD PAR ZHES BYA BA NI NYE BAR BSDU BA'O, ,GAL TE BUM PA NYID LDOG PA DE'I LDOG PA LA MA YIN NA, MED PA LA ZHES BYA BA'I THA SNYAD GANG DU BYAS, YUL MED PA LA NI YUL LA SOGS PA'I NGES PAS DE 'BYUNG BA MA YIN NO SNYAM DU SEMS PA LA, DE'I PHYIR DNGOS DNGOS MI RTEN PA, ,ZHES BYA BA SMOS SO, ,LDOG PA'I DNGOS PO RTOGS NAS BAG CHAGS KYI RJES SU 'BRANG BA'I RNAM PAR RTOG PA NI DNGOS PO LDOG PA YIN PA'I PHYIR DES BSTAN PA LA BRTEN NAS MED DO ZHES BYA BA'I DGAG PA'O, ,DE LTAR NA SGRA DANG RNAM PAR RTOG PA'I YUL DE'I PHYIR PHYI ROL KHO NA DGAG PA YIN NO ZHE NA, DNGOS DANG DNGOS MED RTEN PA ZHES BYA BA STE, DNGOS PO DANG DNGOS PO MED PA LA THUN MONG BA'O, ,MED DO ZHES BYA BAS MED PA KHO NA MA YIN TE YOD PA LA YANG THOGS PA'I PHYIR RO, ,DE BZHIN DU YOD PA LA YANG NGO, ,SGRA LAS BYUNG BA DANG PHYI ROL DAG LA SNANG BA'I KHYAD PAR 'DI YIN NO, ,DE'I PHYIR PHYI ROL RTEN MIN ZHES BYA BA NI NYE BAR BSDU BA'O, ,PHYI ROL DU LHAG PAR ZHEN PAR BYAS KYANG SO SOR SNANG BA'I DBYE BAS DE LTAR BRJOD PA YIN NO, ,SO SOR SNANG BA'I DBYE BA NYID BSHAD PA NI TSAD MA'I DON YANG ZHES BYA BA'O, ,GZHAN DANG ZHES BYA BA NI SGRA'I DON LA NGES PA'O, ,SGRA'I DON NGES PA CAN MA YIN PAR BSTAN PA NI, SGRA LAS ZHES BYA BA'O, ,THAMS CAD NI TSAD MA MA YIN ZHES BYA BA NI ZLA BA GNYIS LA SOGS PA'I SHES PA'O, ,SGRUB PA DANG DGAG PA'I THA SNYAD KYANG YUL BSTAN PA NI, GAL TE TSAD MA MA YIN PAR ZHES BYA BA'O, BSGRUB PA'I TSUL DU ZHUGS NA GAL TE TSAD MA YIN NA ZHES BYA BAR SBYAR RO, ,DGAG PA'I TSUL GYIS ZHES BYA BA'I RJES THOGS SU 'JUG PA ZHES BYA BA LA SOGS PAR 'BREL TO, ,SGRUB PA'I TSUL DU ZHUGS

PA NA DE NYID KYIS TSAD MA MA YIN NAM, RANG RIG PA YIN PAS DE LA YANG DGAG PAS CI ZHIG BYA SNYAM DU SEMS PA NI, GAL TE 'DI ZHES BYA BA'O, ,NGO BO GZHAN DU SNANG BA YIN YANG DE NYID RANG RIG PA YIN PAR BSTAN PA NI, RNAM PA GZHAN DU SNANG YANG ZHES BYA BA'O, ,'ON TE DE LA DNGOS PO'I NYE BAR LEN PA NYID 'GOG PA YOD PA YIN NO ZHES ZER BA NI, RANG GI NGO BOR ZHES BYA BA'O, ,DNGOS PO'I NYE BAR LEN PA NYID GANG GI DGAG PA YIN PA'I CHOS GRUB PA KHO NA YIN NA JI LTAR 'DI'I DGAG PA YIN TE, DE'I NYE BAR LEN PA NYID DE'I RANG BZHIN YIN PA'I PHYIR GZHAN MI SNANG BA'I PHYIR RO, ,DE JI LTAR SGRUB PA DANG DGAG PA SGRA'I DON LA BRTEN PA JI LTAR YIN ZHES ZER BA 'DI LA BSTAN PA NI, DE DAG DANG ZHES BYA BA STE, SGRUB PA DAG DANG NGO, ,CHOS CAN DE ZHES BYA BA NI SGRA'I DON TO, ,ZHEN PAR BYA BA'I 'BREL PA CAN RANG RIG PA YIN NA DGAG PAR BYA BA DANG BSGRUB PAR BYA BA JI LTAR YIN ZHE NA, DE RIG PA YANG MA YIN LA YOD PA YANG MA YIN PAR BSTAN PA NI, DE 'DRA MED NA YANG ZHES BYA BA'O, ,ZHEN PA JI LTA BA BZHIN DU PHYI ROL MA YIN TE, ZHEN PAR BYA BA NI TSAD MAS RTOGS BYA MA YIN ZHING RANG RIG PA YANG MA YIN LA BAR MA YANG MA YIN NO, ,DE LTA BUR SNANG BA DANG MED DO ZHES BYA BA 'GAL BA MA YIN NAM, MA YIN TE SGRA 'JUG PA NYID LAS TE RNAM PAR RTOG PA'I BYED PA LAS SNANG BA YIN NO, ,YOD PA DANG MED PA THUN MONG BA'I PHYIR YOD PA STE, BSGRUB PA DANG DGAG PA DAG LA RUNG BA YIN PAR BSTAN PA NI, DE YANG ZHES BYA BA'O, ,DNGOS PO NI RNAM PAR RTOG PA LA RANG GI NGO BOR MI SNANG BA GZHAN LAS LOG PAR SNANG BA YIN PA'I PHYIR THUN MONG BA DANG MA NGES PAR RNAM PAR GZHAG PAR BYED PA YIN TE, DE BSTAN PA NI GZHAN SEL BA LA BRTEN TO ZHES BYA BA'O, ,DE 'DRA BA'I PHYI ROL DANG NANG GI BA YANG ZHES BYA BA NI DNGOS DNGOS MED RTEN PA, PHYI ROL RTEN MIN ZHES BYA BA 'DI NYID KYIS 'DI LAS GZHAN PA BSAL BA YIN NO, ,SGRO BTAGS PA NI RTOGS PA'O, , PHYI ROL NI SHES PA LAS SO, ,RANG BZHIN DE NGO BO GANG GI YIN PA DE DE BZHIN TE ZHEN PAR BYA BA STE SHES PAR BYA BA'I THA TSIG GO, ,DE'I ZHES BYA BA NI CHOS CAN GYI'O, ,SHES PA DANG SHES BYA MA GTOGS PA ZHES BYA BA NI GZUNG BA DANG, 'DZIN PA'I RANG GI MTSAN NYID MA GTOGS PA BAR NA GNAS PA LAS SO, ,NANG

, ,YANG MA YIN PHYI ROL YANG MA YIN ZHES BYA BA SHES PA LAS SAM SHES BYA LAS KYANG GZHAN DU BRTAGS PA PHYI ROL GYI 'DRA BA NYID LAS PHYI ROL DU SGRO BTAGS PA DANG GZUNG BA'I RNAM PA YANG DE LAS GZHAN MA YIN TE, MA NGES PA'I PHYIR RTOG PA MA YIN NO, ,PHYI ROL GYI RNAM PA LAS RANG RIG PA NI PHYI ROL GYI RANG GI MTSAN NYID NYID DU ZHEN PA YIN GYI 'DI NYID PHYI ROL MA YIN NO, ,BDE BA LA SOGS PA LA LTOS NAS PHYI ROL KHO NA YIN NO ZHE NA MA YIN TE, MNGON SUM GZHAN BZHIN DU RTOG PA MED PA THOB PA'I PHYIR DE NYID PHYI ROL NYID DU RTOGS PA DANG 'GAL BA YIN NO, ,ME'I ZHES BYA BA NI PHYI ROL GYI RANG GI MTSAN NYID DU ZHEN PA YIN NO, ,DE NI 'KHRUL PA YIN NO ZHE NA, DE LA YANG GZHAN DU SGRO BTAGS PA YIN PA'I PHYIR THUG PA MED DO, ,DE'I PHYIR RANG GI SNANG BA GZUNG BA'I RNAM PA DON MA YIN PA PHYI ROL GYI RANG GI MTSAN NYID YIN NO ZHES BYA BA NYID LA TSAD MA 'JUG PA YIN NO, ,DE NYID GZHAN GYI NGO BOS RTOGS PA YIN PHYIR DE NYID YIN NO ZHES ZER BA LA THUG PA MED DO ZHES BYA BA'O, ,DE LA YANG GZHAN GYI NGO BO 'THOB PA'I PHYIR DON LA MA REG PA ZHES BYA BA NI DGOS PA LA MA REG PA NYID DO, ,RANG GI RANG BZHIN LA ZHES BYA BA NI BAR NA GNAS PA'I RANG GI YUL LA'O, ,DE'I PHYIR RNAM PAR RTOG PA NYID GZUNG BA'I RNAM PA DANG LDAN PA RANG RIG PA YIN GYI 'DI'I SHES BYA GZHAN MA YIN PAR BSTAN PA NI, DE'I PHYIR ZHES BYA BA'O, ,THA SNYAD LAS ZHES BYA BA NI RANG RIG PA LAS MA YIN GYI 'O NA CI ZHE NA, RNAM PAR RTOG PA'I BYED PA LAS RTOGS PA'O, ,GAL TE CUNG ZAD CES BYA BA NI RANG RIG PA'I BYED PA'I RJES SU 'BRANG BAR MI BYED NA SKYON YIN PA'O, ,RNAM PAR RTOG PA'I BYED PA LAS 'DI YIN NO ZHES RTOG PA KHO NA YIN PAR BSTAN PA NI, DE NYID KYI PHYIR ZHES BYA BA'O, ,DE LTAR MA YIN NA ZHES BYA BA NI RANG RIG PA'I BYED PAR RO, ,THA SNYAD PA'I YANG MNGON PAR 'DOD PA LAS RANG RIG PA GZHAN MA YIN PAR BSTAN PA NI, SGRA LAS GZHAN NI ZHES BYA BA'O, , RTOG PA RNAMS KYI RGYUD PA 'BA' ZHIG YIN GYI GZHAN BRJOD BYA MED DO, ,'DI NYID BSHAD PA NI ME 'O NA CIG CES BRJOD PA NA ZHES BYA BA'O, ,DNGOS PO BRJOD BYA YIN ZHING CHOS DANG CHOS CAN THA MI DAD PA YIN NA MNGON SUM BZHIN DU THUN MONG MA YIN PA'I YUL NYID DANG, GCIG GIS RNAM PA THAMS CAD

BRJOD NA GNYIS LA SOGS PA MED PAR BSTAN PA NI, DE LTA MIN NA ZHES BYA BA'O, ,BDAG THA DAD MED PHYIR ZHES BYA BA NI DBYE BA MED PA'I PHYIR RO, ,CHOS DANG CHOS CAN DAG LA DBYE BA YOD NA SRID PA DANG 'KHRUL PA DAG GIS RNAM PAR BCAD PAR BYA BA DANG RNAM PAR GCOD PAR BYED PA'I NGO BOS 'BRAL PA YIN NO SNYAM DU SEMS PA LA, THA DAD YIN NA GZHAN DANG GZHAN, ,DGAG PA DANG NI SGRUB PA BZHIN, ,ZHES BYA BA STE, BA LANG DANG RTA DANG MI DANG GLANG PO CHE BZHIN DU, CHOS CAN GCIG LA 'DU MI 'GYUR, ,ZHES BYA BA STE GZHI MTHUN PA MED PA'O, ,DE BZHIN ZHES BYA BA NI DE BKAG NA DE'I BDAG NYID DGAG PA MA YIN PA MED PA'O, ,MA BKAG PA ZHES BYA BA NI DE YANG MA BKAG PAR THAL BAR 'GYUR BA'I PHYIR RO, ,SGRA DANG RNAM PAR RTOG PA RNAMS KYI KHYAD PAR MED PA'I BDAG NYID LA NUS PA MED PA'I PHYIR MED PA NYID BZLOG PAR BYA BA MA YIN NO ZHE NA MA YIN TE THA DAD PA MED PAS DUM BU MED PA'I PHYIR RO,, 'O NA THAMS CAD CES BYA BA NI RNAM PAR RTOG PA DANG NGES PA LA KHYAD PAR MED PA'I PHYIR RO, ,NGES PA'I BDAG NYID CAN GYI MNGON SUM LA NI NGES PA DANG CIG SHOS KYI RNAM PAR DBYE BA YOD PA YIN NO ZHES ZER BA LA, RNAM PAR DBYE BA YOD NA ZHES BYA BA'O, ,DE NGES PA YIN NA MA NGES PA DE LAS THA DAD PA NYID YIN PAR BSTAN PA NI, DE RNAM PAR DBYE BAS ZHES BYA BA STE, NGES PA'I DBYE BAS SO, ,SNGON PO'O ZHES BYA BAS SNGON POR NGES KYANG THA DAD PA YIN YANG SKAD CIG MA NYID DU MA NGES PA MA YIN NAM SNYAM DU SEMS PA NI, GAL TE SKAD CIG MA NYID DU MA NGES KYANG ZHES BYA BA'O, ,'GAL BA'I PHYIR ZHES BYA BA NI NGES PA DANG MA NGES PA DAG THA DAD PA'I PHYIR RO, ,SNGON PO LAS SKAD CIG MA NYID THA DAD PA MA YIN PA MA YIN NAM, DE JI LTAR 'DI YIN ZHES ZER BA LA, NGES PAS GAL TE ZHES BYA BA'O, ,SNGA MA DANG PHYI MAR GYUR PA'I YUL NYID LAS 'DI NGES PA YIN NO ZHES BYA BA'I DON TO, ,'ON TE MTHONG BAS BSGRIBS PA NYE BAR RTOG PA'I BYED PA NI RANG GI BYED PA'I RJES SU 'BRENG BA CAN GYI NGES PA BSKYED PA NI MTHONG BA NYID BYED PA ZHEN NAS LHAG PAR RJES SU 'GRO BA MIN PA DE'I PHYIR SKAD CIG MA LA GNOD PA MED PA YIN TE, 'GAL BA CAN GYI YUL CAN NYID MA YIN PA'I PHYIR RO ZHES BSTAN PA NI, 'ON TE GAL TE SNGON POR NGES PA ZHES

, ,BYA BA'O, ,SNGON PO TZAM MTHONG BA'I RJES SU 'BRENG BA'I NGES PA NI SKAD CIG MA NYID MA GTOGS PAR NGES PA NYID NI TSAD MA'I BYED PA YIN LA, DES NA MTHONG BA YANG NGES PA DANG TSUL MTSUNGS PA YIN PA'I PHYIR MTHONG BA DANG LHAN CIG PA'I NGES PA NI SKAD CIG MA NYID DANG 'GAL BA CAN MA YIN GYI MTHONG BA YANG BDAG NYID THAMS CAD 'DZIN PA MA YIN TE DGOS PA CAN LA NGES PA GTZO BO YIN PAR BSTAN PA NI, GNOD PA'I MTSAN NYID DE LDAN PHYIR, ,ZHES BYA BA'O, ,MNGON SUM GYI TSAD MA'I RJES SU 'BRANGS NAS ZHES BYA BA NI SNGON POR NGES PA'I BDAG NYID KYI MNGON SUM GYI TSAD MA'I RJES SU 'BRENG BA'I GNAS SKABS YIN PA'I PHYIR RO, ,DE NYID KYIS ZHES BYA BA NI SNGON POR NGES PA'I BDAG NYID KYIS SO, ,'DIR NI ZHES BYA BA NI SKAD CIG MA NYID LA'O, ,GZHAN DU NI ZHES BYA BA NI SNGON POR RO, ,YANG NA 'DIR NI ZHES BYA BA NI KHYED KYI 'DOD PA LA'O, ,GZHAN DU NI ZHES BYA BA NI KHO BO CAG GI 'DOD PA LA'O, ,THA DAD MED PAS DUM BU NYID MED PA'I PHYIR RO ZHES BYA BA DE NYID KYI NYE BAR BSDU BA NI, DES NA GCIG BSGRUBS PAS ZHES BYA BA'O, ,SNGON PO YON TAN NI BUM PA DANG SNAM BU BZHIN DU RDZAS LAS RNAM PAR GCOD PA MA YIN PA MA YIN NAM, DES NA 'DRES PA'I PHYIR GZHI MTHUN PA YIN NO SNYAM DU SEMS PA NI, 'ON TE SNGON PO YAN GAR BA ZHES BYA BA STE, THA DAD PA YANG BUM PA LA GNAS PA MA YIN NO ZHES BYA BA'I DON TO, ,PHAN TSUN SPANGS PA MA YIN PAS 'DRES PA NI GCIG RTOGS NA GZHAN RTOGS PA KHO NA YIN PAR BSTAN PA NI, DE LTA YIN NA SNGON PO'I ZHES BYA BA'O, ,RDZAS DANG YON TAN BRJOD PA BSTAN NAS RIGS DANG YON TAN BRJOD PA BSTAN PA NI, 'ON TE RIGS DANG YON TAN YIN NA ZHES BYA BA'O, ,'ON TE SNGON PO'I RDZAS NYID CES BYA BA NI GNYI GA SNGON POR BRJOD PA'O, ,'ON TE SNGON PO YAN GAR BA MA YIN PA ZHES BYA BA 'DRES PA'I PHYIR RO, ,MNGON PAR BRJOD PA BZHI'AM ZHES BYA BA NI SGRA GNYIS POS RE RE ZHING GNYIS BRJOD PA'I PHYIR RO, ,GSUM ZHES BYA BA NI SNGON PO RDZAS NYID YIN PA'I PHYOGS LA SNGON PO'I SGRAS GNYIS BRJOD PA DANG, AUTPALA'I SGRAS RIGS BRJOD PA YIN NO, ,YON TAN SNGON PO DANG RIGS DANG RDZAS RNAMS 'DUS PA NYID KHO NA RE RE ZHING MNGON SUM GYIS RTOGS

PAR MI NUS PA NI BDEN MOD KYI DE LA BUM PA DANG SNAM BU BZHIN DU GZHI MTHUN PA MA YIN NO ZHES ZER BA NI 'ON TE SNGON PO LA SOGS PA ZHES BYA'O, ,SGRA'I THA SNYAD GZHI MTHUN PA YIN NO ZHES ZER BA NI, SNGON PO LA SOGS PA DE DAG NI ZHES BYA BA STE YON TAN RNAMS SO, ,SGRA GZHAN SBYAR RO ZHES BYA BA NI SGRA DU MA SBYOR BA'O, ,SGRA NI DNGOS PO'I YUL MNGON SUM BZHIN DU 'DZIN PA YIN TE, GZHAN DU NA DNGOS PO MED PA'I PHYIR RO ZHES ZER BA LA GAL TE SDO SOGS ZHES BYA BA'O, ,SGRA DANG SHES PA 'JUG PA'I PHYIR RO ZHES BYA BA NI 'DZIN PAS ZHES BYA BA'O, ,CI YANG NYAMS PAR MI BYED DO, ,ZHES BYA BA NI RANG BZHIN DU RTOGS NA ZHES BYA BA STE GNAS SKABS PA'O, ,PHAN TSUN RNAM PAR GCOD PA'I PHYIR, ,ZHES BYA BA NI SNGON PO'I ZHES BYA BAS SNGON PO MA YIN PA BCAD PA DANG AUTPALA ZHES BYA BAS NI AUTPALA MA YIN PA'O, ,'DI'I SHUGS KYIS AUTPALA SNGON POR RTOGS PA'O, ,SNGON PO NI AUTPALA DANG AUTPA LA MA YIN PA DANG, AUTPALA YANG SNGON PO DANG SNGON PO MA YIN PA GNYI GA LA YOD KYANG GZHAN DU JI LTAR 'GYUR ZHES ZER BA LA, ZIN PA GZHAN DANG GZHAN LAS NI, ,ZHES BYA BA STE, GZHAN YOD PAS SGRA'I NUS PA GZHAN DU 'GYUR NA MI RTAG PAR 'GYUR RO ZHES BYA BA'I DON TO, ,SNGON PO AUTPALA YIN PA LA THE TSOM ZA BA NI DE RNAM PAR GCOD PA'I PHYIR SGRA GNYIS SBYOR BAR BSTAN PA NI, 'O NA SGRA GZHAN LAS ZHES BYA BA'O, ,RNAM PAR BRTAG PA ZHES BYA BA'I NI THE TSOM ZA BA'O, ,DE'I SGRA LAS ZHES BYA BA NI CI AUTPALA SNGON PO'AM 'ON TE GZHAN YIN ZHES BYA BA'I SGRA LAS SO, ,AUTPALA SNGON PO ZHES BYA BA NI MTHA' GCIG DANG 'ON TE GZHAN ZHES BYA BA SNGON PO MA YIN PA NI GNYIS PA STE, SGRA LAS RTOGS PA'I SPYI BZHIN DU THE TSOM ZA BA YANG BSDUS PAR BZLOG PAR MI 'GYUR RO ZHES BYA BA'I DON TO, ,DE LTA BU NYID NI BZLOG PAR BYA BA MA YIN PA'O, ,MA NGES PAR BZLOG PAR BYA BA NYID DU ZHES BYA BA NI 'KHRUL PA NYID TZAM MO, , SPYI BRJOD PA LAS SGRA GZHAN BRJOD PA NA KHYAD PAR RTOGS PA BZLOG PAR BYA BA MA YIN PA MA YIN NAM, DON MED PA NYID NI SGRA'I NUS PA'I RJES SU 'BRENGS NAS RTOGS PAR BYA BA SNGA MA DANG PHYI MA YANG ZHES BYA BA NI RIGS PA YIN NO ZHES ZER BA LA, SPYI TZAM BRJOD PA ZHES BYA BA STE DE'I PHYIR PHYI MA THE TSOM ZA

, ,BA'I GNOD BYED MA YIN PA'O, ,SGRA NI 'BREL PA MED PA'I PHYIR GNOD BYED MA YIN DU ZIN KYANG RJES SU DPAG PA NI DE LTA MA YIN NO ZHES ZER BA NI, 'ON TE RJES SU DPAG PA ZHES BYA BA'O, ,RJES SU DPAG PA LA YANG ZHES BYA BA LA THE TSOM ZA BA NYID YIN PAR BSTAN PA NI MA YIN TE, DE LA YANG MNGON SUM GYIS GNOD PA'I PHYIR TE GNOD PAR BYED PA NYID DU MTHONG BA'I PHYIR RO, ,SPYI LA ZHES BYA BA NI ME MA YIN PA LAS LDOG PA LA'O, ,THAMS CAD KHO NA THE TSOM YIN TE THA NA YOD PA NYID DO ZHES BYA BA YANG RNAM PA GSUM PA GZHAN LAS LDOG PA KHO NA YIN LA, DE DAG TZAM GYIS KYANG KHYAD PAR LA NGES PA MA YIN PAR BSTAN PA NI, MA YIN TE SPYI RTOGS PA NI ZHES BYA BA'O, ,KHYAD PAR LA SPYI'I RTOGS PA MA YIN PA 'BA' ZHIG DE LAS NGES PA CAN YANG MA YIN PAR BSTAN PA NI SPYI LA NI RNAM PAR NGES PA ZHES BYA BA'O, ,NGES PA MED PAR BSTAN PA NI SHES PA THAMS CAD BSLAD PA NYID CES BYA BA STE, KHYAD PAR LA MA NGES BA'O, ,KHYAD PAR LAM NGES PA NYID KYI BSLAD PA BSHAD PA NI SPYI RTOGS KYANG ZHES BYA BA'O, ,RTOGS PA BSLAD PA NI THE TSOM ZA BA'O, ,CHOS MTSUNGS PA GANG GI YIN PA DE NI CHOS MTSUNGS PA'I CHOS CAN NYID MTHONG BA LAS DE'I KHYAD PAR LA THE TSOM ZA BA YIN GYI SPYI LA NI MA YIN BA MA YIN NAM ZHES ZER BA LA, JI STE YANG SRID PA NYID CES BYA BA'O, ,GANG ZHIG CES BYA BA NI KHYAD PAR RO, ,GANG LA ZHES BYA BA NI SPYI LA'O, ,DE ZHES BYA BA NI KHYAD PAR RO, ,DE MTHONG BAS NI SPYI MTHONG BAS SO, ,DE NYID LA THE TSOM ZHES BYA BA NI KHYAD PAR LA'O, ,GANG MTHONG BA LAS THE TSOM ZA BAR CHOS MTSUNGS PA'I CHOS CAN DE MA YIN GYI 'O NA CI ZHE NA CHOS CAN NYID THE TSOM ZA BA YIN PAR BSTAN PA NI, KHRA BO LA SOGS ZHES BYA BA'O, ,DE MA NGES NA DE LA THE TSOM ZA BA MI RIGS PA'I PHYIR THE TSOM ZA BA NYID LAS NGES PA YIN NO ZHE NA, THE TSOM GYI YUL NYID DU NGES PA YIN NO ZHES BYA BA NI 'GAL BA YIN LA RNAM PAR RTOG PA'I NGES PA YIN NA THE TSOM ZA BA KHO NA LAS NGES PA YIN NA ZHES BYA BA LAS KHYAD PAR MED DO, ,SGRA TZAM MTSUNGS PA YIN GYI GZHAN PA'I BA LANG NYID MED PAR BSTAN PA NI SGRA TZAM ZHIG NI ZHES BYA BA'O, ,BA LANG NI KHRA BO'AM GZHAN ZHES BYA BA'I THE TSOM ZA BAS BA LANG NYID DU RTOGS PA KHO NA MA YIN NAM SNYAM DU SEMS PA LA, DE LTA BU'I RNAM PA CAN GYI RTOGS PA NYID BAG CHAGS LAS BYUNG

BA YIN GYI GZHAN NI MA YIN TE, MNGON SUM GYIS MA RTOGS PA'I PHYIR RO ZHES BSTAN PA NI, YANG NA THOG MED CES BYA BA'O, ,RNAM PAR RTOG PA NI THE TSOM ZA BA'O, ,RTAGS KYANG ZHES BYA BA NI KHYAD PAR GCIG GIS NGES NA MNGON SUM BZHIN DU BDAG NYID THAMS CAD KYIS SO, ,'ON TE ZHES BYA BA NI KHYAD PAR GCIG TU RNAM PAR BCAD PA TZAM YIN GYI KHYAD PAR GZHAN GYI KHYAD PAR DU BYAS PA NI MA YIN NO, ,GZHAN ZHES BYA BA NI KHYAD PAR GZHAN GYIS KHYAD PAR GZHAN DANG LDAN PA ZHES BYA BA'I DON TO, ,SNGON BO'I KHYAD PAR GYIS RNAM PAR BCAD PA NI AUTPALA GZHAN DU SGRUB PAR NUS PA MA YIN NO, ,'O NA CI ZHE NA SGRO 'DOGS BA TZAM YIN NO ZHES ZER BA NI 'ON TE GZHAN GYIS ZHES BYA BA'O, ,DE LTA NA AUTPALA MA YIN PA LAS LOG PA JI LTAR YIN ZER NA YANG, DE LAS GZHAN BZLOG PA NI ZHES BYA BA'O, ,JI LTAR AUTPALA NYID DANG LDAN PA MED PA DE BZHIN DU AUTPALA MA YIN PA NYID DANG LDAN PA YANG SRID PA MA YIN TE, MI SRID PAR NGES PA'I PHYIR RO, ,MI SRID PAR NGES PA GANG LAS MI SRID PA KHO NA YIN PA DE'I TSE CHOS DANG LDAN PA NI, SNGON PO'I CHOS DANG LDAN PA'O, ,DE LAS GZHAN PA'I CHOS DANG LDAN PA NI AUTPALA MA YIN PA'I CHOS DANG LDAN PA'O, ,YANG NA SGRO BTAGS PA'I AUTPALA NYID DANG LDAN PA'AM DE LAS GZHAN PA STE; AUTPALA LAS GZHAN PA NYID DANG LDAN PA LA'O, ,BA LANG NGO ZHES BYA BA NI BRJOD PAR 'DOD PA MA YIN PA'I DBYE BA CAN GYI KHYAD PAR RNAMS NI SPYI YIN LA THAMS CAD THOB PAS GZHAN LA YANG DES NYE BAR MTSON PA'I GSAL BA TZAM YIN NO, ,SNGON PO'I TSIG NYE BA DE JI LTAR BSDUS PA YIN TE, BRJOD PA'I DUS NA DE MED PA'I PHYIR RO, ,MA 'ONGS PA LA NI THAMS CAD DU 'GYUR RO, ,DE DANG BRAL BA'I NGAG LA JI LTAR LTOS PA YIN NO ZHE NA, MA YIN TE BRJOD PA'I DUS THAMS CAD DU LTOS PA MED PA'I PHYIR RO, ,DE BRJOD PA TZAM GYI SGRA'I BYED PA LA SNGA MA DANG PHYI MA'I RJES SU 'GRO BA BRJOD PA RNAMS KHO NA YIN TE, SKYES BU'I BLO LAS BYUNG BA NI DON TO, ,DE LTA NA DON GZHAN LA RUNG BA NYID KYI DBANG GIS RUNG BA NYID 'DZIN PA NI RJES SU DPAG PA'AM GAL TE MA BZUNG NA SKYES BU'I BLO'I NUS PA MIN NO ZHES BSTAN PA NI, GAL TE PHYOGS GZHAN 'THOB [?] NA NI, ,ZHES BYA BA'O, ,'ON TE GZHAN RNAMS THOB MED NA, ,ZHES BYA BA NI

, ,DON DANG LDAN PA NYID KYI BRJOD BYA'O, ,KHYAD PAR GZHAN GYIS CI BYA STE, ,ZHES BYA BA NI DE'I DON TE NYID KYIS BRJOD PA'I PHYIR RO, ,MI MTSON PA'I MTSON PA LAS NI MTSON PA NYID MED KYANG KHYAD PAR DANG LDAN PA YIN NO ZHES ZER BA NI 'ON TE KHYAD PAR ZHES BYA BA'O, ,NAM YANG ZHES BYA BA NI THAG RING BA DANG NYE BA LA YANG MI 'DZIN PA'I PHYIR RO, ,RDZAS LA BRTEN PA'I DBYIBS LA SOGS PA 'DZIN NA YANG KHYAD PAR GCIG GIS BDAG NYID THAMS CAD 'DZIN PA'I PHYIR KHYAD PAR GZHAN LA DON MED PAR BSTAN PA NI, 'ON TE DBYIBS NI ZHES BYA BA STE, RDZAS MA YIN PA GZHAN MNGON SUM MA YIN PA'AM, SGRA YANG BDAG NYID THAMS CAD 'DZIN PA JI LTAR YIN ZHES BYA BA'I DON TO, ,RNAM PAR RTOG PA'I YUL NYID YIN NA BDAG NYID THAMS CAD 'DZIN PA DANG, GZHI MTHUN PA MA YIN PA RNAMS SU THAL BAR 'GYUR BA MA YIN BAR BSTAN PA NI, SNA TSOGS CHOS KYI ZHES BYA BA'O, ,DE DAG TZAM GYI YUL CAN GYI RTOGS PAS BSTAN PA'I CHOS CAN NI DNGOS SU DE LTA BU YIN PAR BSTAN PA NI, SNA TSOGS CHOS KYI ZHES BYA BA'O, ,MI RTAG PA GRUB PA NI YOD PA DANG MED PA'I CHOS GZHAN GYI SEMS PA DANG BRAL BA NI CHOS GZHAN RNAMS LA LTOS PA YIN TE, CHOS MED PA'I CHOS CAN MI SRID PA'I PHYIR RO, ,YANG NA DNGOS PO GRUB PA NA DE LAS GZHAN PA RNAMS TE, SNGON PO MA YIN PA RNAMS BTANG SNYOMS TE 'GOG PAR BYED PA'O, ,'GOG NA ZHES BYA BA NI AUTPALA'O ZHES BYA BAS AUTPALA MA YIN PA'I SNGON PO LA SOGS PA 'GOG PA NA'O, ,DE LAS KYANG GZHAN LA ZHES BYA BA NI AUTPALA DANG SNGON PO RNAMS LA LTOS PA DE BZHIN DU AUTPALA GRUB PA LA YANG BRJOD PAR BYA BA'O, ,YANG NA GCIG GRUB PA NI ZHES BYA BA NI 'DRES PA NA'O, ,GZHAN RNAMS BTANG SNYOMS ZHES BYA BA NI DBYE BA YOD DO ZHES BYA'I DON TO, ,'GOG PA DANG DES DBEN PA DAG GI DON YIN NA YANG DE LAS GZHAN LA LTOS PA STE 'DRES PA LA'O, ,THA SNYAD DANG THA SNYAD KYI YUL SHUGS KYIS BSTAN NAS JI LTAR ZHES BYA BA NI GNAS SKABS KYI RNAM PA'O, ,DBEN PA YANG YIN LA DON YANG YIN PA DE MA YIN PA DE NI MNGON SUM MA YIN TE, RTOG PA'I JI LTA BA BZHIN DU MA MTHONG BA'I PHYIR RO, ,MA BRTAGS PAR ZHES BYA BA NI MA DPYAD PA'O, ,THA DAD DON ZHES BYA BA LDOG PA NI RTEN DE SKYED BYED YIN PA'I PHYIR

GANG YIN PA DE LA MA BRTAGS PA RANG RTEN PA NI THA SNYAD PA RNAMS SO, ,MI BDEN PA'I DON NI RTOG PA'I YUL LA BLOS JI LTAR BRTAGS PA DE BZHIN DU DE LTA BUR CHOS CAN LA GNOD MI 'GYUR ZHES BYA BAR SBYAR RO, ,RNAM PAR RTOG PA LAS BYUNG BA RNAMS LA GNOD PA KHO NA YIN TE, TSAD MA MI BZOD PA'I PHYIR RO, ,BLO DE YANG TSAD MA MA YIN TE, MI BDEN PA'I YUL CAN YIN PA'I PHYIR RO, ,DE LTA DE LTAR CHOS CAN DU BLO NYID RTOGS PAR BYED KYI MNGON SUM GYIS MA YIN PAR BSHAD PA NI SGRUB BA DGAG PA ZHES BYA BA STE, DNGOS PO MNGON SUM GYI YUL MA YIN NO, ,DE LA JI LTAR 'JUG PAR 'GYUR BA YIN ZER BA LA, 'BA' ZHIG NI MED BA STE GZHAN SEL BA'O, ,DE LTA BU ZHES BYA BA NI JI LTAR RTOGS PA'O, ,MI 'GYUR BA NI GZHAN DANG GZHAN DU 'GYUR BA MA YIN PA'O ZHES BYA BA'I 'DZIN PAR BYED PA'I DAG GNYIS YIN LA, RTOGS PA ZHES BYA BA BSHAD PA NI 'DI NI KHO NA YIN DU KHO BOS ZHES BYA BA STE, NGES PAR GZUNG BA'I DON YIN TE, DE LA NI MA YIN PA'O, ,'BA' ZHIG KHO NA ZHES BYA BA LA SOGS PA BSHAD PA NI, DE NYID KYI ZHES BYA BA'O, ,'KHRUL PA TZAM SEL BA'I PHYIR RO ZHES BYA BA NI BA LANG NGAM, ME'AM YOD PA'AM ME MA YIN NAM ZHES BYA BA'I THE TSOM ZA BAS SAM, ME MA YIN PA'I CHA LA SGRO BTAGS PA 'KHRUL PA YIN PA'I PHYIR YID GNYIS MED NA 'KHRUL BA'I 'JUG PA MED DO, ,'JUG MIN YUL DANG ZHES BYA BA NI YAL BAR 'DUG PA'I YUL YIN PA'I PHYIR RO, ,MA NGES PA NI ZHES BYA BAS NI 'JUG PA'I YUL BSTAN PA YIN NO, ,GZHAN DU RTOGS PA ZHES BYA BA NI SPYIS RTOGS PA'O, ,SGRA LAS BYUNG BA'I RANG GI YUL LA 'KHRUL PA BZLOG PA NI MNGON SUM LAS BYUNG BA'I RTOG PA MA YIN TE, DE DANG LHAN CIG PA'I DON NYID DANG GRUB PA DANG BDE BA THA MI DAD PA'I PHYIR RO ZHES BSTAN PA NI, MNGON SUM GYI DUS PHYIS 'BYUNG BA'I ZHES BYA'O, ,DE 'DI'I ZHES BYA BA MNGON SUM LAS BYUNG BA LNGA YANG SNGA MA DANG PHYI MA'I NGO BO YUL CAN MA YIN NAM SNYAM DU SEMS PA LA DE 'DI'I ZHES BYA BA'O, ,MNGON SUM LAS BYUNG BA'I PHYIR DE'I YUL YANG SNGA MA DANG PHYI MA NI MNGON SUM BZHIN DU RGYU KHO NA YIN NO ZHES ZER BA NI 'ON TE DE SKAD CIG MA NYID CES BYA BA'O, ,MA YIN TE ZHES BYA BA NI MNGON SUM NYID SKAD CIG MA NYID CES BYA BAR SBYAR RO, ,'THAD DE ZHES BYA BA NI SKYON MED PA'O, ,DNGOS PO THA MI

, ,DAD PAS DE LAS LDOG PA RNAMS GZHI MTHUN PA NYID YIN NA PHAN TSUN THA MI DAD PA'I PHYIR RNAM GRANGS PAR 'GYUR ZHES ZER BA NI, GAL TE LDOG PA RNAMS ZHES BYA BA'O, ,THA DAD PA'I PHYIR RNAM GRANGS MA YIN TE KUN RDZOB TU NI RNAM RTOG LA'O, ,SGRA DON ZHES BYA BA NI RNAM RTOG GI GO CHA'O,, THA DAD THA DAD MED PA DAG NI RNAM GRANGS MA YIN PA DANG CIG SHOS DAG GI RGYU MTSAN NO, ,GNYI GA'I RANG BZHIN NYID DO ZHES BYA BA NI RNAM GRANGS MA YIN PA DANG CIG SHOS NYID DO, ,LDOG PA RNAMS RNAM PAR RTOG PAS SO SO BAR BYAS PAS RNAM GRANGS MA YIN PA DANG CIG SHOS NYID KYI DBYE BA YIN NO ZHES BYA BA NI LHUR LEN PA'O, ,DON GYI DBYE BA'I RTEN CHOS CAN LA BRTEN NAS DON GYI DBYE BA DON LAS THA MI DAD PAS THA MI DAD PA YIN NA RNAM GRANGS NYID DU 'GYUR RO SNYAM DU SEMS PA LA DE 'BREL CAN ZHES BYA BA'O STE, DE'I 'BRAS BU NI BUM PA'O, ,DE DE ZHES BYA BA NI YOD PA NI MED PA LAS DANG DKAR PO NI DKAR PO MA YIN PA LAS THA DAD PA'O, ,DE DE LAS ZHES BYA BA NI DE DANG DE LAS THA DAD PA TZAM LAS BYUNG BA'I NYE BAR BSLAD PA STE, RNAM PAR RTOG PA RNAMS KYIS SO, ,BYED PA STE 'PHEL BAR BSGRUBS PA DANG ZHES BYA BA NI YOD PA'O, ,'GRIB PA NI DKAR PO GANG DAG GI YIN PA DE DAG GI NI DE LTA BU MA YIN PA'O,, LTA BUR ZHES BYA BA'I DON NI SGRO BTAGS YIN GYI RTOG PA RNAMS RANG RIG PA TZAM YIN PA'I PHYIR DE NYID NI MA YIN TE, GANG GIS RTOGS PAR BRJOD PA DES ZHES BYA BA'I DON TO, ,PHYI ROL YANG DE'I STON PA'I NGO BO NYID DU BSTAN PA NI, DE LDAN NYID MIN YANG ZHES BYA BA LA RNAM PAR RTOG PAS BSTAN PA'I NGO BO DANG BRAL BA YANG STE, MNGON SUM GYIS MA RTOGS PA'I PHYIR RO, ,'BREL PA 'GA' LAS ZHES BYA BA NI DE DANG DE THA DAD PA'I DON NYAMS SU MYONG BA'I BAG CHAGS KYI 'BREL LAS SO, ,'GREL PAR NI DE'I BDAG NYID DANG DE LAS BYUNG BA'I RTAGS KYI 'GREL PA LAS SO, ,MTHONG BAR SBYAR ZHES BYA BA NI RANG GI BYED PA STE SGRO BTAGS PA ZHEN PAR BYA BA LA'O, ,CI LAS SHE NA THA DAD RTEN CAN ZHES BYA BA SMOS TE GANG GIS TE DAG DBYE BA LA BRTEN PA YIN PA'O, ,MI SLU BA ZHES BYA BA NI 'GREL PAR RO, ,DE LAS NI MI SLU BA LAS SO, ,BSLAD PA YANG SHES MA YIN ZHES BYA BA NI RNAM PAR RTOG PA DE DAG BSLAD

PA NYID DU MI SHES PA STE MI SLU BA LA DGA' BAS DE NYID DAM CIG SHOS LA LTOS PA MA YIN NO ZHES BYA BA'I DON TO, ,LDOG PA RNAMS THA DAD PA'I PHYIR RNAM GRANGS MA YIN PA NYID DANG NYAMS SU MYONG BA DANG 'BREL PA'I PHYIR DON GYI YUL CAN YIN TE GNOD PA MED PA'I PHYIR THA SNYAD KYI RGYU NYID DANG DE'I RGYU MTSAN YANG BSTAN PA YIN NO, ,DE 'BRAS MED PA YANG DE BZHIN DU BRJOD PAR BYA'O, ,DE NYID MA YIN PA'I YUL NYID LA GNOD PA KHO NA YIN TE, THAG PA LA SBRUL GYI BLO LTA BU'O ZHES ZER BA LA NI, GAL TE THA SNYAD 'DI ZHES BYA BA'O, ,RGYU MTSAN MTHONG BA LA SBYOR BA ZHES BYA BA'I BSHAD PA NI MI SLU BA'I PHYIR ZHES BYA BA'O, ,RNAM PAR RTOG PAS LDOG PA NI THA SNYAD PAR NYE BAR BSTAN PA YIN YANG THA DAD PA THOB PA MA YIN PA'I PHYIR THA DAD PA DANG THA MI DAD PA 'DOD PA THOB PA LA LTOS PA MA YIN TE, 'BRAS BU ZHIG PA DANG SKYUR BA'I RGYU NYID DU THA MI DAD PAR BRJOD KYANG, BU RAM DANG MNGAR BA NYID THA MI DAD PAS DON GYI BYA BA MTHONG BA'I PHYIR RO ZHES BSTAN PA NI, THA DAD THA DAD MED SLU BA, ,ZHES BYA BA'O, ,DE 'BRAS CAN ZHES BYA BA LA SOGS PA'I BSHAD PA NI, CHOS KYI DBYE BA NI ZHES BYA BA STE, DE 'BRAS BU YIN PA LA DE MA YIN PA'I 'BRAS BU CAN MTHAR THUG PA DANG, DE 'BRAS BU CAN MA YIN PA NI CIG SHOS SO, ,BRTAGS PA ZHES BYA BA NI DE NYID MA YIN PA'O, ,DNGOS PO DANG 'BREL BA LAS ZHES BYA BAS 'BREL BA 'GA' LA ZHES BYA BA BSHAD PA'O, ,DPYOD PA LAS ZHES BYA BA RNAM PAR RTOG PA'O, ,THA SNYAD NI MNGON PAR BRJOD PA LA SOGS PA'O, ,DE'I PHYIR ZHES BYA BA NI DNGOS PO LA DNGOS PO LDOG PA'I RGYU MTSAN NI MED PA'I THA SNYAD GZHAN GYI RGYU MTSAN MA YIN PA'I PHYIR RO, ,MTHUN PA'I PHYOGS LA MTHONG BA NI GZHAN LA MI MTHONG BA'I PHYIR MED DO ZHES BYA BAR 'GYUR RO, ,GZHAN DU NI 'DI'I NGO BO KHO NA BSGRUB BYA THAMS CAD LA THE TSOM ZA BAR 'GYUR BAR BSTAN PA NI YOD PA NYID SGRUB BYED 'JUG PA'I PHYIR ZHES BYA BA'O, ,GSON PO'I LUS LA YOD PA DANG BUM PA LA SOGS PA LA MED PA NI BDAG YIN NO ZHES BYA BA'I LUNG LAS DBYE BA GRUB PA YIN NO SNYAM DU SEMS PA LA, KHAS BLANGS TSAD MAR MIN PA LAS MED PA ZHES BYA BA'O, ,THE TSOM MI ZA BAR JI LTAR

, ,'GYUR ZHES BYA BA NI MED PA NYID KYIS SO, ,MTHUN PA'I PHYOGS MED PAS DE LAS GTAN TSIGS MED PAR NGES PA NA MNYAN PAR BYA BA NYID DANG MTSUNGS PAR BSTAN PA YIN GYI MA NGES PA YIN NA THE TSOM ZA BA NI MTHUN PA'I PHYOGS MA YIN PA LA 'GYUR TE, NGO BO LAS THE TSOM ZA BA'I PHYIR RO ZHES BSTAN PA NI, MED LAS LDOG PA MED NA YANG, ,ZHES BYA BA'O, ,GAL TE SANGS RGYAS PAS KHAS BLANGS PA NYID KYIS ZHES BYA BA LA SOGS PAS NI KHAS BLANGS TSAD MA YIN PA LAS, MED PA ZHES BSHAD PA YIN NO, ,GZHAN DU MI 'THAD PA NYID KYI PHYIR GTAN TSIGS YIN GYI MTHUN PA'I PHYOGS LA YOD PAS MA YIN PA MA YIN NAM SNYAM DU SEMS PA LA PHUNG PO GNYIS LAS ZHES BYA BA'O, ,GZHAN DU MI 'THAD PA NYID NI NGES PA YIN LA DE YANG GANG DU GZUNG BA DE KHO NA MTHUN PA'I PHYOGS YIN GYI GZHAN DU MA MTHONG BA YIN YANG STE MI MTHUN PA'I PHYOGS LA NI MTHONG BA 'BA' ZHIG MA YIN GYI MA MTHONG YANG LDOG PAR 'GYUR RO, ,'DI GNYIS KYANG MTHUN PA'I PHYOGS DANG MI MTHUN PA'I PHYOGS DAG LA YOD PA DANG MED PA'I PHUNG PO GNYIS YIN NA YIN GYI GZHAN DU MA YIN PAR BSTAN PA NI, MTHONG MED DAG LA ZHES PA STE, GNYI GA MED NA MTHUN PA'I PHYOGS DANG, CIG SHOS DAG LA YOD PA DANG MED PA MA MTHONG BA RNAMS LA MTHONG BAR MA NGES PA'I PHYIR THE TSOM ZA BA STE MA NGES PA NYID YIN NO, ,LUS DANG BUM PA DAG LA BDAG MED PAR KHYAD PAR MED PA MA YIN NA SROG LA SOGS PA YOD PA DAG CIG SHOS KYI RNAM PAR DBYE BAS DBYE BA DANG LDAN PA BDAG MA YIN NAM ZHES ZER BA LA GSAL BA KHYAB BYED MA YIN NA ZHES BYA BA SMOS SO, ,YANG GI SGRAS NI BLO LA SOGS PA GCIG PO YOD PA DANG MED PA NYID DU RNAM PAR DBYE BA'I RGYU YIN PAR YANG BSTAN PA'O, ,BDAG MED PA NYID KYI RIGS PA LA YOD PA'I SROG LA SOGS PA RNAMS NI GSAL BA THAMS CAD LA KHYAB PA MA YIN TE, MA KHRIGS PA'I RIGS KYI GSAL BA RNAMS BUM PA DANG RDO RJE PHA LAM LA SOGS PA YANG RNAM PAR DBYE BA MED KYANG MTSON GYIS CHOD PA DANG MI CHOD PA'I RNAM PAR DBYE BA LTA BU'O, ,DE'I PHYIR KHA CIG TU MTHONG BAS MA MTHONG BA'I BDAG DANG SROG LA SOGS PA LA YANG NGES PA MED DO, ,DE'I PHYIR BDAG MED PA NYID KYANG YIN LA SROG

LA SOGS PA YOD PA LA 'GAL BA CI ZHIG YOD CES BSTAN PA NI DNGOS PO LA BDAG MED PA'I SROG LA SOGS PA LA YANG THE TSOM GANG LAS LDOG PAR 'GYUR ZHES BYA BA'O, ,CI LAS SHE NA, 'GAL PA MA MTHONG NA ZHES BYA BA STE, 'GAL BA'I 'BRAS BU MA MTHONG NA'O, ,'GAL BA NI 'GAL BA'I 'BRAS BU'O, ,'GAL BA KHYAB PA NYID KHO NA SROG LA SOGS PA DANG 'GAL BA YIN GYI GZHAN MA YIN PAR BSTAN PA NI, LA LAR NGES PA LAS GZHAN CI YOD CES BYA BA NI 'GAL BA STE, 'GAL BA KHYAB PA KHO NA YIN NO ZHES BYA BA'I DON TO, ,DE NYID CES BYA BA NI NGES BA YIN LA DE'I 'BRAS BU NYID MED NA DE'I NGES PA MED PAS DE DANG 'GAL BA CAN YIN PA'I MI MTHUN PA'I PHYOGS DANG YANG 'GAL BA YIN PAR THE TSOM ZA BAR BSTAN PA NI, DES NI BDAG MED PA LA ZHES BYA BA'O, ,DES NA ZHES BYA BA NI 'BREL PA SNGON DU 'GRO BA CAN GYI 'GAL BA MA YIN NA GZHAN NI 'GAL BA MED PA KHO NA YIN PA DES SO, ,DE SNGON DU 'GRO BA CAN GYI 'BREL PA MA YIN PAR BSTAN PA NI, LDOG TU CHUG PA ZHES BYA BA STE, MED PA'I MED PA YOD PA NYID DU KHAS MI LEN PA'I PHYIR BDAG MED PA MED PA'I PHYIR SROG LA SOGS PA LAS BDAG GRUB PA MA YIN NO ZHES BYA BA'I DON TO, ,LDOG PA ZHES BYA BA NI MED PA'O, ,MED PA'I MED PA GANG DU YOD PA MI 'DOD PA YIN ZHES ZER BA LA, DPER NA SROG LA SOGS MTHUN PA'I PHYOGS LA ZHES BYA BA STE, MED PA'I MED PA LA'O, ,MED PA'I MED PA GAL TE YOD PA 'DOD NA DE LTAR NA SROG LA SOGS PA'I RJES SU 'GRO BA CAN YIN PAR BSTAN PA NI, MTHUN PA'I PHYOGS LAS LDOG PA MED, ,CES BYA BA'O, , RJES SU 'GRO BA NYID MED NA BDAG MED PA NYID KYANG BDAG TU MI 'GYUR BAR BSTAN PA NI, RJES 'GRO CAN YIN ZHES BYA BA'O, ,MED PA'I MED PA YANG YOD PA MA YIN TE, CHOS CAN LA YOD PA'I PHYIR RO SNYAM DU SEMS PA NI MTHUN PA'I PHYOGS LA ZHES BYA BA'O, ,MED PA'I MED PA YOD PA NYID KYI STOBS KYIS MTHUN PA'I PHYOGS MED PA MI 'GRUB PAR BSTAN PA NI MA YIN TE, MED PA NYID DU MI 'THAD PA'I PHYIR RO ZHES BYA BA'O, ,PHYI LTAR MTHUN PA'I PHYOGS MED PAR ZHES BYA BA NI MTHUN PA'I PHYOGS MED PA'O, ,GAL TE YOD PA MI SRID NA DE NYID MED PA MI SRID PAR BSTAN PA NI, 'O NA MED PA NYID CES BYA BA'O, ,

, ,JI LTAR MTHUN PA'I PHYOGS LA YOD PA MED PA BZHIN DU SROG LA SOGS PA LA YANG YIN PAR BSTAN PA NI JI LTAR MTHUN PA'I PHYOGS ZHES BYA BA'O, ,GAL TE MED NA BDAG MED PA LDOG PA YIN YANG BDAG MED PA NYID LDOG PA MA YIN NO ZHES BYA BA'I NYE BAR BSDU BA NI, DE LTA YIN NA GSON PO'I LUS LA ZHES BYA BA'O, ,DE ZHES BYA BA NI GSON PO'I LUS SO, ,GZHAN YOD PA YIS ZHES BYA BA NI GSON PO'I LUS YOD PAS SO, ,'KHRUL CAN ZHES BYA BA NI YOD PA MED PA STE MED PA LAS 'KHRUL PAR GYUR PA YIN TE, MTHUN PA'I PHYOGS LA YOD PA ZHES BYA BA 'DI LAS GZHAN PA LA'O, , MED PA RTEN NYID MA YIN PA BZHIN DU BRTEN PA NYID KYANG MED PAR BSTAN PA NI, MED PA YANG ZHES BYA BA STE MTHUN PA'I PHYOGS LA BZHIN DU MI MTHUN PA'I PHYOGS LA YANG MED PA DE'I PHYIR LDOG PA CAN YIN NO ZHES BYA BA'I DON TO, ,MTHONG BA'I DNGOS PO KHA CIG LAS LDOG PA NA MED PA YIN GYI BDAG NI MTHONG BA MA YIN PA'I PHYIR MED PA TZAM NI BUM PA LA SOGS PA LAS YIN TE, DE LOG KYANG LUS LA MED PA TZAM GRUB PA YIN PAR BSTAN PA NI, SO SOR NGES BA'I RANG BZHIN MA MTHONG BAR ZHES BYA BA'O, ,SGRO BTAGS PA KHYAD PAR CAN YIN NA MTHUN PA'I PHYOGS LA YANG YIN PAR BSTAN PA NI DE'I PHYIR, GAL TE GTAN TSIGS MTHUN PHYOGS LAS, ,ZHES BYA BA'O, ,BDAG MED PA NYID MED NA YANG BDAG MI 'GRUB NA SROG LA SOGS PA DANG LDAN PA NYID MED PAR THAL BAR 'GYUR BA NYID MA YIN NAM ZHES ZER BA LA 'JUG PA GANG GI ZHES BYA BA STE, NGES PA CAN NI NGES PAR BYED LA LOG PAS LDOG PA YIN LA, BDAG NI SROG LA SOGS PA'I NGES PAR BYED PA POR MTHONG BA MA YIN NO ZHES BYA BA'I DON TO, ,BDAG RANG BZHIN GYIS LOG PAR NGES PAR BYED PA'I LDOG PAR BYED PA YIN NA, DE LA MTHONG BA CI ZHIG BYA SNYAM DU SEMS PA LA, MED NA MI 'BYUNG DE YANG NI, ,ZHES BYA BA'O, ,'JUG PAR BYED BA DANG LDOG PAR BYED PA ZHES BYED PA'I NGES PA YANG TSAD MA MED PA MA YIN LA, SGRUB PAR BYED PA'I TSAD MA YANG DE MTHONG BA KHO NAS MTHONG BA YIN PA'I PHYIR RJES SU 'GRO BA DANG LHOG PA DAG MTHONG BA DAG TU GRUB PA'I NGO BO LA YIN NO, ,DE DAG GZHAN KHO NA YIN NO SNYAM DU SEMS PA LA, DE DAG RGYU DANG 'BRAS BU NYID DE MTHONG BA DANG MA MTHONG BA'O, ,

DE TZAM MTHONG NAS 'DI NI 'BRAS BU YIN PA DANG GZHAN ZHES BYA BA YANG NGES PA'I PHYIR 'DI LA SGRUB BYED YIN NO ZHES NYES PAR BTAGS PA MTHONG BA LA YANG NGO ZHES BYA BA'O, ,MED NA MI 'BYUNG BA NYID DU NGES PA 'GRUB PA MA YIN TE SGRUB BYED MED NA STE RJES SU 'GRO BA DAG MED NA'O, ,SGRUB PAR BYED PA NI RTAGS RGYU MTSAN TE SGRUB BYED GZHAN GYI'AM TSAD MA'I DE ZHES BYA BA LDOG PA'I DBYE BAS DE LTAR BRJOD PA YIN NO, ,THA DAD PA DAG GIS ZHES BYA BA NI DE'I BDAG NYID DGAG PA STE, 'BRAS BU LA SOGS PA'I NUS PA KUN DU STON PA'I PHYIR TE, SNGA MA LAS DE MA THAG PA RNAM PAR GCOD PAS DE MA THAG TU 'BYUNG BA'I 'BRAS BU NYID YIN PA DANG, PHYI MA RNAM PAR GCOD PAS SNGA MA RGYU NYID YIN PAR NGES PA'I RGYU MTSAN YIN TE, GZHAN MTHONG BA DANG MTHONG BA DAG GIS ZHES BYA BA'I DON TO, ,YOD PA DANG MED PA TZAM NI 'BRAS BU NYID MA YIN TE, SKYE BA'I KHYAD PAR YANG 'DI'I DE MA THAG TU MTHONG BA DANG DE LTA BU'I RNAM PA CAN DU BYUNG BA YANG DE LTAR MTHONG BAR BRJOD KYI GZHAN YOD PA DANG MED PA YANG DMIGS PA DANG DMIGS PA DAG MA YIN TE, SKYE BA'I KHYAD PAR YANG 'BRAS BU LA SOGS PA NYID DE'I GO BYA MA YIN PAR BSTAN PA NI, MTHONG BA DANG MTHONG BA DE DAG CES BYA BA'O, ,RJES SU 'GRO BA DANG LTOG PA DAG LAS ZHES BYA BA NI YOD PA DANG MED PA DAG LAS SO, ,DON GZHAN ZHES BYA BA NI RJES SU 'GRO BA DANG LDOG PA DANG 'BREL BA'I 'BREL PA CAN GYI MED NA MI 'BYUNG BA NYID DO, ,DE'I SGRUB BYED PA MED PA ZHES BYA BA NI TSAD MA MED PA'O, ,DE YONG GANG ZHES BYA BA NI RJES SU 'GRO BA DANG LDOG PA DANG BRAL BA YOD NA YANG NGO, ,GZHAN YOD PA'I NGES PA MA YIN PA NI KHYAD PAR MED PA MA YIN PA NYID MED NA MI 'BYUNG BA CAN DU NGES PA MA YIN PA'O, ,'BRAS BU LA 'BRAS BU YOD PA NYID NI DE LA GNAS PA KHO NA SGRUB PAR BYED PA'I RGYU MTSAN LA LTOS PA MA YIN LA, 'BRAS BU NYID DE YANG MTHONG BA DANG MA MTHONG BA YOD PA DANG MED PA DAG LA YIN GYI GZHAN LA NI MA YIN NO ZHES BYA BA'I DON DU MTHONG NGO, ,BDAG YONG PA KHO NA LA SROG LA SOGS PA YOD PA YIN TE KHYAB BYED YIN PA'I PHYIR RO, ,DE MED NA MED CES BYA BA YANG DE YOD NA YOD PA KHO NA MA YIN NAM SNYAM DU SEMS PA LA, RTAG TU YOD PA ZHES BYA BA'O, ,DE YOD

, ,NA GZHAN LA YANG YOD PA SRID NA DE KHO NAS NUS PA CAN RTAG PA KHYAB BYED YOD NA 'BYUNG BA KHO NA YIN NO ZHES BYA BAR 'GYUR TE, NGO BO LA KHYAD PAR MED PA'I PHYIR RO, ,'DI LTA BU'I NI BDAG KHYAB BYED NYID LAS MA YIN TE, 'BRAS BU CIG CAR BA MA YIN PA'I PHYIR DANG SROG LA SOGS PA DE RNAMS MED PA MI SRID PAR 'GYUR BA'I PHYIR RO, ,GANG GI TSE ZHE NA RTAG DU YOD PA STE THER ZUG TU GNAS PA MA MTHONG BAS MED PA'I PHYIR RGYU NYID MA YIN NO ZHES BYA BA'I DON TO, ,MTHONG BA'I RJES SU 'GRO BA MA YIN NO ZHES BYA BA YANG RGYU NYID MA YIN TE, KHYAB PA CAN GYI YUL DANG DUS LA NGES PA CAN MA YIN PA'I PHYIR NGES PA CAN MA YIN PA'I 'BRAS BUR 'GYUR BA ZHIG NA NGES PA CAN YIN PAR BSTAN PA NI, 'BRAS BU'I RANG BZHIN THA DAD RNAMS, ,ZHES BYA BA NI YUL DANG DUS DANG NGO BO'I KHYAD PAR RNAMS SO, ,RGYU RNAMS NI ZHES BYA BA NI KHYAD PAR RNAMS SO, ,KHYAB PA CAN MA YIN PA NI DE DAG YOD PA'I NI DE DAG YOD PA'I PHYIR DE DAG MED PAR ZHES BYA BA YIN NO, ,GZHAN LAS ZHES BYA BA NI BLO LA SOGS PA RNAMS SO, ,KHYAD PAR CAN LAS KHYAD PAR MED PAR 'BYUNG NA DES BSKYED DE KHYAD PAR CAN GYI BSKYED BYA KHYAD PAR MED PAR 'BYUNG BAR MI 'GYUR RO ZHES BYA BA'I DON TO, ,RJES SU 'GRO BA TZAM GYI RGYU NYID YIN NA KHYAB PA CAN MA YIN PA'I 'BRAS BU DE MED KYANG GZHAN LAS KYANG 'BYUNG BAR 'GYUR TE, MI 'BYUNG BA'I PHYIR RO ZHES BYA BA'I DON YIN PAR 'GREL PAR RO, ,YIN DU ZIN MOD CE NA YANG MI RIGS PAR BSTAN PA NI DE DAG MED PAR ZHES BYA BA'O, ,DES BSKYED PA'I ZHES BYA BA NI RJES SU 'GRO BA'I BSKYED BYA'I KHYAD PAR MED PA'O, ,DE BZHIN DU KHYAD PAR CAN GYI NGO BO YANG MI RIGS PAR BSTAN PA NI, TSOGS PA'I NUS PA THA DAD MIN, ,ZHES BYA BA'O, ,KHYAD PAR CAN NYID KYI YIN GYI KHYAD PAR CAN GYI MA YIN PA NI MA YIN LA, KHYAD PAR CAN GYI KHYAD PAR YIN GYI KHYAD PAR MA YIN PA NI MA YIN NO ZHES BYA BA NI 'GREL PAR RO, ,GAL TE DE ZHES BYA BA NI TSOGS PA'I NUS PA'O, ,THA DAD BYED MIN NI DBYE BA MA YIN NA DE'I 'BRAS BU YANG DE LTAR 'GYUR TE, KHYAD PAR MED NA YANG THAMS CAD KHYAD PAR MED PAR 'GYUR BA ZHES BYA BA'I DON TO, ,THA DAD PAR NI RE ZHIG DMIGS NA ZHES BYA BA NI DMIGS PA TZAM DON DU GNYER BA MA YIN PA DES NA GZHAN TSOL BA

YIN PA DE DANG 'BREL PA'I PHYIR 'DU BA'I 'BREL PA JI LTAR YIN PA BSAM PAR BYA BA YIN NO, ,DE BSAM PA NI SROG SOGS 'BREL PA ZHES BYA BA'O, ,NGES PA ZHES BYA BA NI DUS DANG YUL LA SOGS PA'I'O, ,'BREL PA CAN MA YIN PA LAS GRUB PA NGES PA CAN GYI MA YIN PAR BSTAN PA NI JI LTAR BDAG KYANG ZHES BYA BA'O, ,'ON TE SROG LA SOGS PA SKUL BAR BYED PA BSKUL BAR BYA BA NYID KYIS SKUL BYED DU GO BAR BYED KYI NAM MKHA' LA SOGS PA NI MA YIN TE, SEMS PA CAN MA YIN NO ZER BA NI 'ON TE SKUL BAR BYED PA'I ZHES BYA BA'O, ,BSKUL BAR BYA BA NYID YIN PAS GO BAR BYED NA, SKUL BYED LA YIN GYI KHYAB PA CAN NI MA YIN TE, SGRO GDAGS PAR BYA BA'I KHYAD PAR MA YIN PA NYID KYIS 'BYUNG BA LA DE NYID DU MA RTOGS PA'I PHYIR RO ZHES BSTAN PA NI BYA MED KHYAB PA ZHES BYA BA STE, KHYAB PA CAN BYA BA MED PA LA SROG LA SOGS PA 'GAL BA'I 'BRAS BU YIN NO ZHES BYA BA'I DON TO, ,RTOGS PA NGES PA YIN NA ZHES BYA BA NI SNGON PO'I RNAM PAR SHES PA'I RGYU SNGON PO NI YUL YIN NO ZHES BYA BA'I RIGS PAS SO, ,RTOGS BZHIN PA'I DBYE BA MA YIN DU ZIN KYANG RTOGS PA'I DBYE BA NI THA SNYAD KYI CHED DU YIN NO ZHES ZER BA NI 'ON TE SNANG BA ZHES BYA BA'O, ,DE'I MTSAN NYID LA SNANG BA TZAM ZHES BYA BA NI THA SNYAD LA DE LTAR 'GYUR ZHING RGYU MTSAN DU 'GYUR RO, ,BLANG BYA DANG DOR BYA MA YIN NO ZHES BYA BA NI 'KHRUL PA MED PA DANG CIG SHOS KYI DBYE BA'O, ,SO SOR SNANG BA'I DGOS PA LA NYE BAR MKHO BA DNGOS PO BZHIN DU BSHAD BYA YIN PAR BSTAN PA NI, ,DE'I PHYIR THA DAD PA DANG, THA DAD PA MED PA ZHES BYA BA'O, ,DON 'DI YANG TSIGS SU BCAD PA NYID DU YIN PAR BSTAN PA NI, TSOGS PA'I NUS PA THA DAD PHYIR, ,ZHES BYA BA STE, RGYU THA DAD PA'I PHYIR RO, ,DNGOS RNAMS ZHES BYA BA NI PHYI ROL RNAMS SO, ,SNA TSOGS NGO BO NYID DU NI 'JUG PA DANG CIG SHOS KYI YUL NYID DO, ,'KHRUL PA DANG CIG SHOS NYID KYIS KYANG THA DAD PA'O, ,DE MED NA SNANG BA TZAM GNYIS SU MED PA YIN PAR BSTAN PA NI GAL TE DE ZHES BYA BA'O, ,BDAG 'DI'I 'BRAS BU'I DBYE BAS THA DAD PA'I NGO BO YANG YOD PA MA YIN NAM ZHES ZER BA LA 'DI THA DAD BYED THA DANG BYED CES BYA BA'O, ,THA DAD PA'I NGO BO 'BRAS BU'I DBYE BA BYED KYANG THA MI DAD PA THA DAD PAR BYED PA MA YIN PA NI BYED PA PO MA YIN PA'I PHYIR

, ,MED PA KHO NA'O, ,YOD NA YANG SNA TSOGS PA NYID GCIG NYID GCIG NYID DANG 'GAL BA YIN TE, ME DANG ME MA YIN PA LTA BU'O ZHES BSTAN PA NI GCIG NI RANG BZHIN DU MAN, ,ZHES BYA BA'O, ,ME MA YIN PA'I GROG MKHAR LA SOGS ME'I NGO BO NYID KYIS DU BA SKYED PA YIN SNYAM DU SEMS PA LA, DE LTA NYID MA YIN NA DU BA ME MA YIN PA LAS BYUNG BA MA YIN NO ZHES BYA BA NI 'GREL PAR TE, DU BA 'BYUNG BA GZHAN DU MI 'THAD PA KHO NAS ME MA YIN PA LA ME'I NGO BOR RTOGS PAS THA DAD PA YIN PAR BSTAN PA NI, DNGOS PO THA DAD PA'I MTSAN NYID NI ZHES BYA BA STE, THA MI DAD PA'I NGO BO GZHAN YANG DE LAS THA DAD PA'I PHYIR THA DAD PAR BYED PA'I NGO BO THA MI DAD PA'I NGO BO GANG GI YIN PA DE NI THA DAD PA'I DNGOS PO NI THA DAD PA NYID KYI NGO BO YIN NO ZHES BYA BA'I DON RIGS PAS SO, ,DE'I TSE 'BREL PA CAN GZHAN YANG THA DAD PA KHO NA YIN PAR BSTAN PA NI DES NA GZHAN NI ZHES BYA BKA'O, ,DE NI THA DAD PA'I NGO BO NYID KHO NA'O, ,DE'I NGO BO MED NA DE DE'I 'BRAS BU DANG LDAN PA MA YIN PAR BSTAN PA NI, DE LAS ZHES BYA BA STE, THA DAD PA'I NGO BO'I 'BREL PA CAN DE'I NI THA MI DAD PA'I NGO BO NYID KYIS MA YIN NO, ,RGYU'I DE SKYED PA'I NGO BO STE DU BA DE NYID CES BYA BA NI TSOGS PA LA'O, ,GAL TE GZHAN GYI ZHES BYA BA NI 'BREL PA CAN YIN NA DE'I TSE DE NYID NI TSOGS PA'O, ,DE MED NA GZHAN LAS BSKYED BYA'I 'BRAS BU JI LTAR 'BYUNG ZHES BYA BA NI 'GREL PAR RO, ,DE'I SKYED BYED KYI RANG BZHIN DE NYID KYIS KHYAB PA YIN TE, GZHAN DU NA 'GAL BA KHYAB PA YIN PA DE'I PHYIR DE'I SKYED BYED GZHAN YANG SKYED PAR BYED DO ZHES BYA BA'I GO SKABS MED DO, ,DE'I BSKYED BYA'I 'BRAS BU'I YANG GZHAN GYI BSKYED BYA YIN NA DE KHO NA GZHAN DU 'GYUR BAR BSTAN PA NI DE'I PHYIR ZHES BYA BA'O, ,DE'I SKYED BYED DE NYID DU NGES PA NI DNGOS SU 'BRAS BU DE KHO NA LA YIN PA DE BZHIN DU 'BRAS BU YANG NGO ZHES BSTAN PA NI PHAN TSUN ZHES BYA BA'O, ,NGES PA CAN BZUNG YANG BSGRUB BYA LA RTOGS PA NYID SKYED PAR BYED PA 'DIS NI NGES PA CAN MA YIN PA LA YANG MTSUNGS PA YIN NO SNYAM DU SEMS PA LA DE NYID KYI DE LA NGES PA MTHONG BA YANG DE'I NGO BO'I KHONGS SU GTOGS PAR BYED KYI GZHAN GYI NI MA YIN PAR BSTAN PA NI, DES NA DE'I PHYIR RANG NYID KYI NGO BO MTHONG BA BZHIN DU DE STE BSGRUB BYA'O, ,'BRAS BU NI NGES PA CAN NO, ,'BRAS BU NYID NI NGES PA CAN NYID MA YIN PA MA YIN NAM, GZHAN LA YANG YOD PA'I PHYIR RO ZHES ZER BA NI GCIG CES BYA BA STE THA MI DAD

PA'O; ;DU MA LAS ZHES BYA BA NI THA MI DAD PA LAS SO, ,CHUS ZHES BYA BA NI 'BRAS LA SOGS PA TSOS PA NI 'O MA LAS KYANG 'GYUR RO ZHES BYA BA'I DON TO, ,DU MA NI MA YIN TE 'O MA DANG CHU DAG GI 'JUG PA'I NUS PA THA MI DAD PAR BSTAN PA NI GSHER NUS ZHES BYA BA'O, ,THA DAD PA LAS NI TSOS PA MA YIN TE 'O NA CI ZHE NA, ME MA YIN PA LAS LOG PA LAS DU BA BZHIN DU ZHU BA MA YIN PA LAS LDOG PA LAS YIN PAR BSTAN PA NI, DER GNYI GA LA'ANG ZHES BYA BA'O, ,'O MA DANG CHU DE NYID KYIS THA DAD PA YANG YIN LA ZHU BA'I BDAG NYID KYIS THA MI DAD PAR YANG YIN NA, DE NYID THA DAD PA DANG THA MI DAD PA GCIG YIN PAR THAL BAR 'GYUR BA MA YIN NAM ZHES ZER BA LA, THA DAD GCIG PA'I ZHES BYA'O, ,THA DAD PA GCIG PA'I PHYOGS LA DER GNYI GA'ANG ZHES BYA BA'O, ,GCIG NYID BYA BAR MI RIGS PA YIN PAR BSTAN PA NI, THA DAD GSHER NYID JI LTAR YIN, ,ZHES BYA BA'O, ,THA DAD MED PHYIR GCIG CES BRJOD, ,CES BYA BA NI THA DAD PA'I PHYOGS LA YANG DE MA YIN PA LAS BYUNG BA'I BLO'I BYED PA THA MI DAD PA'I PHYIR THA MI DAD PAR GNAS PA MA NYAMS PA KHO NA YIN PAR BSTAN PA NI, DE YI RANG BZHIN CAN GYI BLO, ,ZHES BYA BA'O, ,CHU DANG 'O MA 'BA' ZHIG NI THA MI DAD PAS RGYU NYID MA YIN GYI ME YANG NGO ZHES BSTAN PA NI DE BZHIN ZHES BYA BA STE, 'O MA DANG CHU BZHIN NO, ,GANG GIS ZHES BYA BA NI SREG BYED KYI SHES PA LA BRTEN PA NYID KYIS TE, SREG BYED MA YIN PA LAS LOG PAS ZHES BYA BA'I THA TSIG GO, ,SKYED PA NI BYAS PA'O, ,DES NI ZHES BYA BA NI CHA NGES SO, ,DES NA ZHES BYA BA NI DU BAS SO, ,DE LTAR NI 'BREL PA CAN NYID DU STE DU BA MA YIN PA LAS LOG PAS DE GO BYED MA YIN NO ZHES BYA BA'I THA TSIG GO, ,THA DAD PA KHO NA BSKYED BYA DANG SKYED BYED MA YIN NAM, DE BZHIN DU 'BREL PA JI LTAR YIN ZHES ZER BA LA BSTAN PA NI MER SHES YAN LAG CES BYA BA STE THA DAD PA YANG DE MA YIN PA LAS LDOG PAR BYED PAS BSKYED BYA DANG SKYED BYED DU BZUNG BA YIN NO, ,DE BZHIN ZHES BYA BA NI ZHU BA BZHIN DU'O, ,'BRAS GZHAN ZHES BYA BA NI DU BA'I NGO BO'O, ,DE LTAR ZHES BYA BA NI ME MA YIN BA CAN LAS LDOG PAR BYED PAS BSKYED BYA CAN BZHIN DU BA MA YIN PA LAS LDOG PA CAN YIN NO ZHES BYA'I DON TO, ,DE BZHIN ME NI THA DAD KYI, ,ZHES BYA BA'I BSHAD PA NI DE BZHIN ZHES BYA BA NI ZHES BYA BA'O, ,DE LAS GZHAN DAG LAS LDOG PAS NA ZHES BYA BA NI ZHU BA'I SHES PA LA BRTEN PA BZHIN DU ZHES BYA BAR SBYAR RO, ,THA DAD KYANG ZHES

, ,BYA BA NI CHU DANG 'O MA NYID KYIS SO, ,THA DAD KYANG ZHES BYA BA NI RTZVA DANG LO MA LA SOGS PA LAS BYUNG BA NYID KYIS SO, ,ME NI MA YIN PA LAS LOG PAS SKYED PAR BYED PA'I ME'I SHES PA THA DAD PA GANG YIN SNYAM DU SEMS PA LA DU BAS BUD SHING GI 'GYUR BA DANG, LUS DRO BA YANG STE DE RNAMS BYED PA'O, ,YANG NA DE RNAMS KYI YAN LAG STE DE BYED PA NI KHYAD PAR RNAMS KYI NGO BO ME'I SHES PA'I YAN LAG NYID DO, ,DE BYED PA MA YIN PA RNAM PAR GCOD PA'I YUL NYID ME MA YIN PA'I DU BA LA RGYU 'GAL BA'AM 'GAL BA KHYAB PA YIN PAR BSTAN PA NI, GAL TE MA YIN ZHES BYA BA'O, ,DU BA YANG ME MA YIN PA LA 'BRAS BU 'GAL BA SRID PAR BSTAN PA NI, GAL TE DE DU BA ZHES BYA BA STE, MTHONG BA'I RJES SU 'BRANGS NAS SRID PA YANG YIN NO ZHES BYA BA'I DON TO, ,GZHAN DANG GZHAN DU ZHES BYA BA NI GZHAN DU SRID PA LAS TE SNGON PO NYID GZHAN DU STE SER POR MI 'GYUR RO ZHES BYA BA CI LAS YIN ZHES BYA BAR SBYAR RO, , DU BA NYID MI 'GYUR RO ZHES BYA BA NI DU BA'I BYA BA MI BYED PA'I PHYIR DANG ME'I BSKYED BYA MA YIN PA'I PHYIR YANG NGO, ,'DI GANG LAS ZHES BYA BA NI BSKAL PA LAS TSAD MA MED PA'I PHYIR RO, ,RANG BZHIN TZAM DNGOS PO'I 'BRAS BU'I BYED PA PO MA YIN ZHES ZER BA NI RANG GI MTSAN NYID MED NA ZHES BYA BA'O, ,'BRAS BU NYID LA NGES PA YIN NA RANG BZHIN NGES PA CAN DU MI 'GYUR RO SNYAM DU SEMS PA LA JI LTAR RANG RGYU ZHES BYA BA STE MED NA MI 'BYUNG BAR ZHES BYA BA NI NGES PA'O, ,RANG BZHIN GYI RANG BZHIN NYID NI 'BRAS BU NYID BZHIN DU NGES PA CAN YIN TE, SPYI MNGON PAR BRJOD PA'I PHYIR GTAN TSIGS LA LTOS PA YIN TE TSAD MA LA LTOS PAS SO, ,YANG NA GTAN TSIGS TE SGRUB BYED KYI CHOS LA LTOS NAS RANG BZHIN TE BSGRUB BYA MED NA MI 'BYUNG BA NYID DE NGES PAR BYA BA NYID KYANG GTAN TSIGS LAS SO, ,JI LTAR RANG RGYU ZHES BYA BA NI THAMS CAD THAMS CAD KYI MA YIN PA'O, ,RGYU MA YIN PA NYID LA RIGS PA 'DI KHO BOS SROG LA SOGS PA'I YUL DU BRJOD PA'I PHYIR SLOB DPON GYIS GSUNGS PA'I MNYEN PAR BYA BA NYID YANG SHES PAR BYA BA YIN TE, LDOG PA CAN THAMS CAD KYI RIGS PA MTSUNGS PA'I PHYIR RO ZHES BSTAN PA NI, LDOG CAN MTSUNGS PAR BSTAN PA'I PHYIR, ,ZHES BYA BA'O, ,LDOG PA CAN DANG MA NGES PA DAG 'GAL BA CAN YIN NO SNYAM DU SEMS PA LA, MTHUN PHYOGS

LAS ZHES BYA BA STE, LDOG PA CAN ZHES BYA BA'I DON TO, ,'DI'I LDOG PA PA NA MA YIN NYID 'THAD PA DANG BCAS PAR BSTAN PA NI RTAG PA DANG MI RTAG PA ZHES BYA BA'O, ,LDOG PA LA NI RANG NYID KYIS MED PA'I PHYIR THE TSOM ZA BA LA GTAN TSIGS YIN TE, THE TSOM ZA BA LA SGRUB PAR BYED PA MA YIN TE MA NGES PA'I PHYIR RO ZHES BSTAN PA NI, SGRA RTAG MI RTAG THE TSOM NI, ,ZHES BYA BA'O, ,THE TSOM ZA BA YIN NA GTAN TSIGS NI MA NGES PAS GCIG TU NYE BAR SBYOR BAR MI BYED NA THE TSOM LDOG PAR BYED PA MA YIN LA DE'I GTAN TSIGS THAMS CAD SNGAR MTHONG BA LAS MA YIN PAR BSTAN PA NI, MTHONG BA BSGRUB PA'I TSUL GYIS NI, ,ZHES BYA BA STE, RIGS PA'I RNAM PAS RANG GI PHYOGS YONGS SU 'DZIN PA NI KHYAD PAR RO, ,RTAG PA'AM MI RTAG PA YANG MTHONG BA NI GZHAN LA NGES PAR MI BYED KYANG DE LA SHES PA SKYED PA DANG MI 'JUG PA DAG MI RIGS TE, DE LAS GCIG LOG PA NI GZHAN 'JUG PA MED NA MI 'GYUR BA'I PHYIR RO ZHES BSTAN PA NI, GCIG LDOG PAR GAR YANG SHES BYED MIN, ,THE TSOM ZA BAR RTOGS PA YIN SNYAM DU SEMS PA NI, GAL TE MNYAN BYA NYID CES BYA BA'O, ,'GAL BA CAN GNYIS PO'I 'JUG PA DANG MI 'JUG PA DANG MI RIGS TE, DE LAS GCIG LOG PA NI GZHAN 'JUG PA MED NA MI 'GYUR BA'I PHYIR RO ZHES BSTAN PA NI, GCIG LDOG PAR ZHES BYA BA'O, ,THE TSOM YOD NA GTAN TSIGS MA NGES PA LAS ZLOG PAR MI BYED PAS DE'I RGYU BRJOD DO ZHES ZER BA NI, 'ON TE THE TSOM ZA BAR 'GYUR BA NA ZHES BYA BA'O, ,DE 'DI NI GZHAL BYA BA'O, ,DE 'DI NI GZHAL BYA BA YANG MTSUNGS PA YIN PAR BSTAN PA NI, GNYI GA LA MTHONG GZHAL BYA NYID, ,CES BYA BA'O, ,NGES PAR LDOG PA KHO NA CI LAS SHES ZER BA LA; GCIG TU NGES PAR LDOG PAS ZHES BYA BA STE, GNYI GA LAS LDOG PAR MA NGES SO ZHES BYA BA'I DON TO, ,LDOG PA YANG THE TSOM ZA BA'I RJES SU MTHUN PA MA YIN TE, 'ON KYANG SHES PA YIN PAR BSTAN PA NI GNYI GA LAS LDOG PA ZHES BYA BA'O, ,DE SKAD DU YANG ZHES BYA BA NI LDOG PA BSTAN PA'O, SO; ;DE LA ZHES BYA BA NI THA DAD PA LA'O, ,DE'I RTEN NI ZHES BYA BA NI THUN MONG BA DANG LDAN PA RNAMS SO, ,NGES BSDUS PA'I PHYIR DANG GCIG TU STE NGES PAS LDOG NA LDOG PA NGES PA'I PHYIR RO ZHES BYA BA'I DON TO, ,THE TSOM ZA BA LAS JI LTA YIN ZHES BYA BA'I DON YIN ZHES ZER BA LA DE JI LTAR 'DI ZHES BYA BA'O, ,LDOG PA NGES

, ,NA DE DAG NI LDOG PAR BYED PA NYID YIN GYI THE TSOM ZA BAR BYED PA MA YIN PAR BSTAN PA NI 'DI NI BSHAD ZIN TO ZHES BYA BA'O, ,LDOG PAR BYED PA NI THE TSOM ZA BAR BYED PA MA YIN GYI MI SHES PAR BYED PA YANG MA YIN PAR BSTAN PA NI, GNYI GA RNAM PAR GCOD CES BYA BA'O, ,LDOG PA'I SGO NAS GZHAN LA NGES PAR BYED PA YIN LA, LTOS PA MED PA NI THE TSOM GYI SHES PAR BYED PA YIN NO SNYAM DU SEMS PA NI GTAN TSIGS GZHAN ZHES BYA BA'O, ,GZHAN LA LOG PA KHO NA GZHAN LA LTOS PA YANG RJES SU DPAG PA'I BYA BA YIN PAR BSTAN PA NI, RTAG PA LOG PAS ZHES BYA BA'O, ,MA YIN TE DE ZHES BYA BA NI GZHAN NO, ,RJES SU DPAG PA LAS ME MA YIN PA RNAM PAR GCOD PA NI ME MA YIN ZHING MNGON SUM MA YIN NO ZHES ZER BA NI 'BRAS BU'I GTAN TSIGS LA ZHES BYA BA'O, ,DE LA YANG NGES PA CAN MTHONG BA YIN TE, DE'I MTHONG BA LA GRUB PA DANG BDE BA THA MI DAD PA'I PHYIR RO ZHES BSTAN PA NI, RE ZHIG GZHAG GO ZHES BYA BA'O, ,MA YIN TE MNGON SUM GYIS GRUB PA ZHES BYA BA NI RTAG PA RTAG MI RTAG PA DANG BRAL BA'O, ,'GOG PAR BYED PA MA YIN NO ZHES BYA BA NI DNGOS PO TZAM 'DZIN PA'I PHYIR RO, ,GZHAN ZHES BYA BA NI MI RTAG PA NYID DO, ,GZHAN GYIS ZHES BYA BA NI BYAS PA NYID KYIS SO, ,MNYAN PAR BYA BA NYID KHO NA NI GNYI GA RNAM PAR GCOD PAR BYED PA MI RTAG PA NYID DU SGRUB PAR BYED PA LA GNOD PAR BYED PA ZER BA LA MA YIN TE, MNYAN BYA NYID CES BYA BA'O, ,DE LTA MA YIN NA ZHES BYA BA NI MNYAN PAR BYA BA NYID SGRUB BYED MA YIN PAS GZHAN GYIS GNOD PA'I PHYIR RO, ,'DIR RNAM PAR DPYAD PAR BYA STE ZHES BYA BA NI GZHAN DANG MA 'DRES PA'AM ZHES BYA BA'I BSHAD PA'O, ,SNANG BA LAS KHANG PA NANG MAR ZHUGS PA'I DANG PO MTHONG BA THAMS CAD MI 'DZIN PA NI DE LAS GZHAN PAS GNOD PA YIN LA MNGON SUM MA YIN TE, THAMS CAD TSAD MAR 'GYUR BA YIN PA'I BSHAD PA'O ZHES BSTAN PA NI, NYI TSAN LAS NI KHYIM PHUGS SU, ,ZHUGS MA THAG TU ZHES BYA BA'O, ,DANG PO MTHONG BA ZHES BYA BA DANG PO MTHONG BA TSAD MA MA YIN GYI THAMS CAD DU MA YIN PAR BSTAN PA NI DANG PO'I MTHONG BA ZHES BYA BA'O, ,GNYIS PA NI 'BREL PA 'DZIN PA YIN PAS RJES SU DPAG PA YIN NO, ,GZHAN LAS ZHES BYA BA NI MNYAN PA NYID LAS SO, ,DE LTAR MA YIN PAR ZHES BYA BA NI BYAS PA NYID KYI PHYIR NGES PA'O, ,MNYAN BYA NYID KYIS ZHES BYA BAS GNYI GA LAS LDOG PA

YIN TE, RTOGS PA'I DON YIN PA'I PHYIR RO, ,MNYAN PAR BYA BA NYID THE TSOM GYI RGYU NYID NI LDOG PA MA NGES NA YIN TE, DES NA GCIG TU STE NGES PA LDOG PA'I PHYIR RO ZHES BYA BA'I DON BSTAN PA NI DES NA LDOG PA MED PA NYID KYIS ZHES BYA BA LA SOGS PA'O, ,GZHAN NI NGES PA ZHES BYA BA PHUNG PO GZHAN YIN NO ZHES ZER BA'O, ,MDO SDE PA'I NAM MKHA' NI MED KYANG GZHAL BYA YIN TE, YOD PA DANG MED PA'I RNAM PAR DBYE BAS 'JUG PA'I YUL YIN PA'I PHYIR LA, DE'I PHYIR MA YIN TE MI RTAG PAR NGES PA MED PA'I PHYIR RO ZHES BSTAN PA NI, NAM MKHA' MED PA'I PHYOGS LA NI, ,ZHES BYA BA'O, ,DE NI ZHES BYA BA NI NAM MKHA'O, ,YON TAN SGRA GZHAN DU MI 'THAD PA RTOGS PAR BYA BA'I YON TAN CAN GYI NAM MKHA' RDZAS NYID YIN NO SNYAM DU SEMS PA LA, NAM MKHA' YANG ZHES BYA BA STE, REG PA DANG LDAN PA'I RDZAS MED KYANG 'JIG RTEN GYI NAM MKHA'I THA SNYAD YIN TE, GZHAN LA DOGS PA MED PAS KHAS MI LEN PA'I PHYIR RO, ,GLING BU DANG PI WANG LA SOGS PA NYID NI SGRA'I 'DU BA CAN GYI RGYU MTSAN YIN TE, DE'I KHYAD PAR GYIS KHYAD PAR CAN YIN NO ZHES BYA BA'I DON TO, ,NAM MKHA' LUS PA MED PA LA NI DGOS PA GZHAN GYI BSGRUB BYA MA YIN PAR BSTAN PA NI, DE LTA MA YIN NA GOM GANG YANG ZHES BYA BA'O, ,THA SNYAD MI SLU BA SGRUB PAR BYED PA NI 'DI DON BYED PA LA MI SLU BA SGRUB PAR BYED PA YANG YIN LA RKYEN YANG YIN PA DES RNAM PAR GCOD PAR BYA BA YIN, SHES BYA GZHAN RIG PA KHO NA STE DE DANG SHES PA GCIG LA 'DRES PAR YOD PA ZHES BYA BA'I DON TO, ,YOD PA NYID DANG BYAS PA NYID LA SOGS PA NI MED PA'I RTAG PA LA MED PA BZHIN DU MED PA KHO NA YIN NO ZHES BYA BA NI THOB SLA BA'I LDOG PA CAN YIN PAR BSTAN PA NI DE LTA YIN NA ZHES BYA'O, ,MNGON SUM SKYED PA YIN PA'I PHYIR, ,ZHES BYA BA NI LAS YIN ZHE NA, DNGOS PO LAS ZHES BYA BAR SBYAR RO, ,BSTAN PA YIN NO ZHES BYA BA NI SROG LA SOGS PA NI MED PA'I MTHUN PA'I PHYOGS LA MED PA BZHIN DU MED PA NYID DU'O, ,'ON TE 'DI DNGOS PO'I YUL CAN GYI ZHES BYA BA NI GRUB PA'I MTHA' YIN TE, 'ON TE ZHES BYA BA DAG NYE BAR DGOD PA'I DON DU'AM DOGS PAR BYED PA YANG NGO, ,'DI ZHES BYA BA NI, MTHUN PA'I PHYOGS LA YOD DANG MED, ,CES BYA BA LA SOGS PA'O, ,DE LTA YIN NA MI DMIGS PA'I 'BREL PA ZHES BYA BA NI RGOL BA YIN TE, 'BREL PA GNYIS DNGOS PO MA YIN PA LA MI SRID PA'O, ,GNYIS PO 'DI DAG NYID MA DMIGS PA LA YANG BRGYUD PAS

, ,YIN PAR BSTAN PA NI, RGYU DANG KHYAB BYED MED PA'I PHYIR, ,ZHES BYA BA'O, ,RANG RGYUD DU ZHES BYA BA'I DNGOS PO BZHIN DU MNGON SUM NYID KYIS SO, ,LKOG TU GYUR PA NYID KYIS ZHES BYA BA NI DE RUNG BA NYID MA YIN PA'I PHYIR RO, ,DE ZHES BYA BA NI RUNG BA MA YIN PA DANG 'BREL PA CAN MED PA'O, ,DE LTA NA RANG RGYUD PA MA YIN PA NYID KHO NAS 'BREL PA BRJOD PAR BYA BA YIN NO SNYAM DU SEMS PA LA, RGYU DANG NGO BO LDOG NYID KYIS, ,ZHES BYA BA STE RGYU DANG KHYAB PAR BYED PA LDOG PA NYID KYIS SO, ,BRJOD PA LAS ZHES BYA BA NI SLOB DPON GYIS TE, DE LA RIGS MTHUN LA YOD DANG, ,RNAM GNYIS MED LA MED GANG YIN, ,ZHES BYA BA LA SOGS PAS SO, ,THA DAD PAR NI MA BSHAD DO, ,ZHES BYA BA NI RANG DBANG MA YIN PA'I PHYIR RO, ,RGYU DANG RANG BZHIN GYI LDOG PA NI RANG BZHIN MI DMIGS PA YIN YANG 'BRAS BU DANG KHYAB BYA LA LTOS NAS DE LTAR BRJOD PA YIN PAR BSTAN PA NI, RANG BZHIN MI DMIGS PA YANG ZHES BYA BA'O, ,DMIGS PA MED NA YOD PA JI LTAR YIN ZHES ZER BA LA, DE LTAR YANG ZHES BYA BA'O, ,RGYU LA SOGS PA MA DMIGS PA LAS MED PA BZHIN DU 'BRAS BU LA SOGS PA LAS KYANG 'GYUR BA YIN NO SNYAM DU SEMS PA LA MA DMIGS PA TZAM MED PA SGRUB PA MA YIN GYI 'O NA CI ZHE NA, RUNG BA'I ZHES SLOB DPON GYIS NYE BAR MTSON PAS BSTAN PA NI, DE LA'ANG ZHES BYA BA STE, MI DMIGS PA LA SKYES BU MED NA BUM PA LA SOGS PA LAS SROG LA SOGS PA LDOG PA YIN GYI GSON PO'I LUS LA MA YIN PA'I PHYIR SKYES BU MTHONG BA MED PA LAS LDOG PA MA YIN PA DANG, DE MED PA LAS LDOG PA YIN PA LA BRTEN NAS THE TSOM GYI RGYU NYID DU BSGRUB PA'I PHYIR KHYAD PAR DANG BCAS PA'I MI DMIGS PA NI MED PA SGRUB PA YIN GYI GZHAN NI MA YIN NO ZHES BYA BA KHO NA YIN NO, ,MI DMIGS PA BZHIN DU SNANG DU RUNG BA'I ME MA YIN PA DANG SHING MA YIN PA RNAM PAR GCOD PA KHO NA GTAN TSIGS DAG GIS SGRUB PAR BYED PA MA YIN NAM, DE'I PHYIR 'DIR GNYIS NI DNGOS PO SGRUB PA YIN LA ZHES BYA BA LA SOGS PA MI RIGS PA YIN NO SNYAM DU SEMS PA LA, 'DIS NI DNGOS PO LA'ANG DNGOS PO'I CHA ZHES BYA BA'O, ,ME MA YIN PA'AM SHING MA YIN PA ZHES BYA BA'I THE TSOM ZA BA NI 'GAL BA'I 'BRAS BU'AM, 'GAL BAS KHYAB PA 'AM DGAG PAR BYA'I LDOG PA NYID DU THA SNYAD BYED PA YIN GYI, 'BRAS BU DANG RANG BZHIN DAG NI DE DANG BRAL BA LA RGYU DANG KHYAB PAR BYED PA DAG LA YANG NGO ZHES BYA BA NI

KHYAD PAR RO, ,DNGOS LA YANG ZHES BYA BA NI MA YIN PA NYID KYIS RTOGS PA'I PHYIR 'DIS NI ZHES BYA BA NI 'DI NYID KYI PHYIR RO ZHES BYA BA NI 'GREL PAR RO, ,MA YIN PAR DGAG PAR BSHAD PAS KHYAD PAR BRJOD PA'I PHYIR 'DI LA YANG SKYON MED DO, ,SNANG DU RUNG BDAG KHO NA'I 'BRAS BU DANG KHYAB BYA DAG LA RGYU DANG RANG BZHIN MED PA LAS MED PA MA YIN NAM, ,GNYI GA LA YANG YOD PA DMIGS PA NYID BSGRUB BYA YIN PA DE LA RGYU'AM RANG BZHIN ZHES BYA BA LA KHYAD PAR CI ZHIG YOD, DE NI DE'I RGYU 'AM RANG BZHIN YANG MA YIN NO SNYAM DU SEMS PA LA, DE LA DMIGS RUNG RNAMS KYIS NI, ,ZHES BYA BA'O, ,SNANG DU RUNG BA'I NGO BO NI DMIGS PA KHO NA YIN GYI KHYAD PAR BYED PA MI DMIGS PA NYID MA YIN NO, ,DBANG PO DANG SNANG BA LA SOGS PA YOD NA YUL DMIGS PA NI SNANG BA'I GSAL BA LAS GZHAN MA YIN TE, THA MI DAD PA NYID YIN PAR BSTAN PA NI, MED PA NI MI DMIGS PA LAS GZHAN MA YIN PA NYID CES BYA BA'O, ,RJES SU 'GRO BA DANG LOG PA DAG GIS DMIGS PA NI DMIGS BYA LAS THA DAD PA YIN NO ZHES ZER BA NI SHES PA NYID CES BYA BA'O, ,'KHRUL PA'I PHYIR RO ZHES BYA BA NI RJES SU DPAG PA'O, ,DE BZHIN DU LDOG PA MED PA NI RJES SU 'GRO BA MED PA YIN NO ZHES ZER BA NI 'DAS PA DANG MA 'ONGS PA DAG LA YANG ZHES BYA BA'O, ,DMIGS PAR BYA BA NYID KYANG MA DMIGS PA NYID LAS MA YIN NAM, DE YANG RANG BZHIN MI DMIGS PA NI MA YIN NO SNYAM DU SEMS PA LA DBYE BA BSTAN PA NI DMIGS PAR BYA BA MED PA NI ZHES BYA BA'O, ,DMIGS PA BZHIN DU DE'I BDAG NYID KYI MED PA YANG MNGON SUM PA YIN GYI KHYAB PAR BYED PA MI DMIGS PA MA YIN TE, RUNG BA'I YUL CAN YIN PA'I PHYIR RO, ,DMIGS PAR BYA BA YOD PA DMIGS PA NI RJES SU DPAG PA LA SOGS PA'I GNAS SKABS LA DE MA YIN PAR BSTAN PA NI DE DAG GI YOD PA NI ZHES BYA BA STE, RKYEN GZHAN TSANG BA RANG BZHIN GYI KHYAD PAR NI DMIGS PA'I RIG BYAR GYUR PA ZHES BYA BA'I DON TO, ,DES NA ZHES BYA BA NI DMIGS PAS SO, ,DE LAS LDOG PA MED NA ZHES BYA BA NI DMIGS PA NYID MA DMIGS NA'O, ,DES NA MI 'KHRUL PA'I PHYIR ZHES BYA BA NI BYED PA PO LA GNAS PA DMIGS PA NA'O, ,DE'I PHYIR GDON MI ZA BAR DMIGS BZHIN PA NI, DMIGS PA KHO NA YIN PAR BSTAN PA NI, THA DAD PAR NGUS MTSUNGS PA ZHES

, ,BYA BA STE, RJES SU ZHUGS PA MA YIN NA BEMS PO'I BDAG NYID NI RNAM GRANG MA YIN ZHES BYA BA'I DON TO, ,DMIGS PA'I RIG BYAR GYUR PA DMIGS BYA NYID YIN GYI DBANG PO LA SOGS PA NI MA YIN NO ZHES BYA BA NI DE DAG GI DBYE BA YIN, DE DAG MED PA DAG LA YANG DBYE BAR 'GYUR RO SNYAM DU SEMS PA LA, DNGOS PO MED PA RNAMS NI ZHES BYA BA STE DNGOS PO MED PA'I PHYIR RO ZHES BYA BA'I DON TO, ,DGAG PAR BYA BA RNAMS DNGOS PO NYID DU GCIG NYID YIN NA THA DAD PA MA YIN NO ZHES ZER BA NI 'ON TE MED PA DAG CES BYA BA'O, ,DMIGS PA BZHIN DU 'DI'I YANG MED PA MNGON SUM KHO NA YIN NA RANG BZHIN MI DMIGS PAS CI ZHIG BYA ZHES ZER BA LA, DE'I PHYIR MI SHES SHES BYA'I PHYIR, ,ZHES BYA BA'O, ,SNGA MAS DE'I BDAG NYID DANG GZHAN GYIS MI DMIGS PA BZHIN DU MNGON SUM NYID MA RTOGS PA'I DON GYIS MI DMIGS PA DGOS PA YIN NO ZHES BYA BA'I DON NI 'GREL PAR TE GCIG NI RANG BZHIN MI DMIGS PA ZHES BYA BA'O, , KHO BO MI SHES SHES BYA'I PHYIR, ,ZHES BYA BA NI MI SNANG BA MA DMIGS PA YIN NO ZHES SMRAS SO, ,YUL MED PHYIR ZHES BYA BA STE, DE'I 'BRAS BU YUL LA DMIGS PA DANG SHES PA STE, RNAM PAR RTOG PA DANG SGRA DANG THE TSOM YANG DE DAG GI DMIGS PA NA DE BZHIN DU PHAN TSUN DMIGS BYA RNAMS LA SNANG BA MI DMIGS PA YIN TE; DMIGS PA DANG YOD PA THA MI DAD PA'I PHYIR DE'I SGRA DANG SHES PA ZHES BYA BA NI 'BRAS BU'O, ,DE LA DMIGS PA ZHES BYA BA NI DE'I BDAG NYID MNGON SUM NYID KYI RGYU MTSAN BSTAN PA YIN PAR MTHONG NGO, ,SNANG BA MI DMIGS PA NYID SGRUB PA NI, SHES DANG BRJOD PA DAG GI YUL, ,ZHES BYA BA'O, ,DER THE TSOM ZA BA ZHES BYA BA NI YOD PA LA THE TSOM ZA BA'O, ,DE DAG TU ZHES BYA BA NI SHES PA DANG BRJOD PA DAG LA'O, ,YUL ZHES BYA BA NI YOD PA'I'O, ,ME YOD NA ZHES BYA BA NI SREG PAR NGES PA MED PA NA'O, ,PHYOGS GZHAN ZHES BYA BA NI SREG PA YOD PA YIN PA LA'O, ,DE MED NA NI ZHES BYA BA NI SREG PA MED PA NA'O, ,BZLOG PA YOD PA ZHES BYA BA NI SREG PA YOD PA NA'O, ,DE ZHES BYA BA NI SREG PA'I SGRAL SREG PA MED PA DANG, SREG PA MA YIN PA LA YANG PHYOGS GZHAN SREG PA'O, ,DE YOD NA THE TSOM ZA BA STE, NGES PAR GZUNG PA MED PA YIN GYI MED PA LA NI MA YIN TE NGES PA'I PHYIR RO ZHES BSTAN PA NI ME YOD NA ZHES BYA BA'O, ,DE BSTAN PA NI DE BZHIN ZHES BYA BA STE,

SREG BYED MA YIN PAS ME MA YIN PA BZHIN NO, ,DE YANG ZHES BYA BA NI MI DMIGS PA NYID MED PA'O, ,DE NYID CES BYA BA NI MI DMIGS PAS GZHAN MED PA SGRUB PA'O, ,MA GRUB PA YIS ZHES BYA BA NI MED PA LAS SHES PA MED PA'I PHYIR RO, ,BSGRUB PAR BYA BA DANG SGRUB PAR BYED PA DAG CES BYA BA NI DMIGS PA MED PA DANG MED PA DAG THA DAD PAR 'GYUR BAR BYA BA YIN TE, GANG BRJOD PA ZHES BYA BAR SBYAR RO, ,MA GRUB PAS ZHES BYA BA NI BSGRUB PAR BYA BA DANG SGRUB PAR BYED PA'I NGO BOS SO, ,YAL GA LA SOGS PA DANG LDAN PA YOD PA LA BRDAS SHING GI THA SNYAD NI MTHONG BA KHO NA LAS 'GYUR BA MA YIN NAM, MED PA LA NI DE LTA MA YIN TE, MA DMIGS PAR MA RTOGS PA'I PHYIR DANG, MI SNANG BA RNAMS KYANG YOD PA'I PHYIR RO, ,SNANG DU RUNG BA NYID KYIS KHYAD PAR YIN YANG DE KHO NA MI DMIGS PA YIN TE, KHYAD PAR BYA BA NYID DU BRJOD PAR BYA'O SNYAM DU SEMS PA LA, SNANG BA MA MTHONG NA ZHES BYA BA'O, ,MI DMIGS PA YANG SNANG DU RUNG BA ZHES BYA BAS KHYAD PAR DU BYAS PA YIN GYI MA DMIGS PA TZAM DU NI MA YIN NO, ,DE'I PHYIR SNANG BA MI DMIGS PA BZHIN DU SNANG BZHIN PA MA YIN PA ZHES BYA BA NI KHYAD PAR RO, ,GANG YANG DE LTAR MA NGES PA CAN GYIS KHYAB PAR BYED PA MI DMIGS PA YANG YOD PA MA YIN NO ZHES BYA BA GANG YIN PA DE DAG YOD DO ZHES BYA BA NYID YIN TE, DE LTA BUR MI RUNG BA NYID MA YIN PA'I PHYIR RO, ,RUNG BA NYID LA NI DMIGS PA BZHIN DU DE LA LTOS PA MA YIN PA DANG, DMIGS PA LA RNAM PA GNYIS MA YIN PA YANG MA YIN TE, RANG DANG GZHAN GYI RNAM PAR DBYE BAS YOD PA'I PHYIR RO, ,GRUB NA DMIGS PA BZHIN DU'AM, SHING NYID BZHIN DU SNANG DU RUNG BA MA MTHONG BA KHO NAS MA RTOGS PA YIN GYI MI DMIGS PA TZAM GYIS NI MA YIN TE, YUL MA YIN PA'I PHYIR SHING SHA PA NYID LTA BU'O, ,SNANG DU RUNG BA MA RTOGS PA NI RGYU YIN PAS 'BRAS BU LA MA NGES PA MA YIN NAM, 'BRAS BU YANG NGES PA CAN YIN PA'I PHYIR RANG BZHIN GYIS KHYAB PAR BYED PA YIN TE, DE TZAM LAS BYUNG BA'I PHYIR RO, ,DU BA NI ME TZAM LAS BYUNG BA MA YIN LA ME NI DU BA YOD PA TZAM GYIS YOD PA YANG RGYU NYID DE DE LTA BU YIN PA'I PHYIR RANG BZHIN NI MA YIN NO, ,'BRAS BU DE'I DBANG DU GYUR PA JI LTAR YIN ZHE NA, DE TZAM LAS BYUNG BA DE'I DBANG DU GYUR PA MA YIN PA LA DE LTAR MI BRJOD PA'I PHYIR DANG, 'DOD PA LAS BYUNG BA NYID KYIS DNGOS SU BA BZHIN DU MI 'GYUR LA 'BRAS

, ,BU GDON MI ZA BAR 'BYUNG BA NI RGYU'I RANG GI YANG YIN LA, 'BRAS BU YIN PA'I PHYIR NGO BO YANG YIN TE, RGYU NYID KYIS KHYAB PAR BYED PA RNAMS GRUB PAR BYED PA'I PHYIR ZHES BYA BA NI 'GREL PAR RO, ,GZHAN DAG NI 'DIR SHES PA DANG BRJOD PA'I RUNG BA NYID YIN NO ZHES ZER RO, ,DE LA RUNG BA NYID DE DANG LDAN PA NYID DE, DE YOD NA YOD PA KHO NA YIN GYI GZHAN NI MA YIN NO ZHES BYA BAR MTHONG STE, DE'I TSE MED PA MA RTOGS PA'I PHYIR THE TSOM ZA BA MA YIN PAR YOD PA'I KHYAB PAR BYED PA DAG GO ZHES BYA BA'I DON TO, ,GRUB PAS ZHES BYA BA 'DI LA GAL TE THA SNYAD SGRUB PA LA YANG ZHES BYA BA NI PHYOGS SNGA MA'O, ,DE TZAM GYI RGYU MTSAN GYIS ZHES BYA BA NI SNGON GYI SLOB DPON GYI 'DOD PA'O, ,SEMS DANG LDAN PA ZHES BYA BA NI RANG GI 'DOD PA'O, ,DE LTAR MTHONG BA'I PHYIR RO ZHES BSTAN PA NI, DNGOS PO MED PA'I ZHES BYA BA'O, ,DE'I SEMS DANG LDAN PA NI MED PA'I SHES PA DANG LDAN PA'O, ,'DI LA DE'I BDAG NYID LA SOGS PAS NYAMS SU MYONG BA LA SOGS PA'I BAG CHAGS SAD PA NYID KYIS MI DRAN NA YUL LA SOGS PA'I THA SNYAD STON PA YIN NAM CI ZHE NA, MA YIN TE MA DMIGS PA'I PHYIR RO ZHES BYA BAS CUNG ZAD KYANG SGRUB PA MA YIN PAR BSTAN PA NI YUL YOD NA YANG ZHES BYA BA'O, ,RJES SU MI BRJOD NA ZHES BYA BA STE, THA SNYAD MI DRAN NA SNYING STOBS LA RDUL MED DO ZHES BYA BAR GRUB PA NI MA RTOGS PA'I RGYU MTSAN YIN PAR NI 'JI BA'I GONG BU LA YANG MTSUNGS SO ZHES BYA BA BRDA DRAN PAR BYED PA YIN GYI GRUB PAR BYED PA NI MA YIN NO, ,BSDU BA NI GNAS SKABS GTZO BOR BYED PA'I DON TO, ,MI DMIGS PA'I PHYIR MED DO ZHES BYA BA BSGRUB BYA DANG SGRUB BYED KYI NGO BO'I RJES SU 'GRO BA'I PHYIR DANG; YOD PA'I PHYIR MI RTAG CES BYA BA YIN PA DE JI LTAR MED PA DANG, MA DMIGS PA DAG LA DBYE BA MED PA'AM THA SNYAD DU SEMS PA LA, JI LTAR MTHONG DANG ZHES BYA BA'O, ,MTHONG BA DANG MTHONG BA DAG GIS 'BRAS BU DANG RGYU'I NGO BO YIN NO ZHES BYA BA'I BSGRUB BYA DANG SGRUB BYED KYI NGO BO RTOGS NAS DE'I THA SNYAD KYI YUL NYID KYIS YUL YIN PA BZHIN DU DE LA YANG DE'I YUL NYID YIN NO, ,YOD PA'I PHYIR SKAD CIG MA YIN NO ZHES BYA BA NI MED PA SKAD CIG MA MA YIN PA LAS LOG PAS SGRUB PAR BYED PA LA SOGS PA'I NGO BO YIN GYI 'DI LA NI MED PA DANG MI DMIGS PA DAG GI'AM DMIGS PA DANG CIG SHOS KYI 'BRAS BU LA SOGS PA

NYID DAG LA DE BZHIN DU THA DAD PA MA YIN TE, LKOG SHAL LA SOGS PA DANG LDAN PA'I PHYIR 'DI NI BA LANG NGO ZHES BYA BA LTA BU'O ZHES BYA BA'I DON TO, ,MTHONG BA DANG MA MTHONG BA DAG NYID YOD PA DANG MED PA'I NGO BO 'BRAS BU LA SOGS PA THA SNYAD KYI YUL YIN PAR BSTAN PA NI 'BRAS SOGS SGRA ZHES BYA BA'O, ,GZHAN DON MED DO ZHES BYA BA NI 'BRAS BU NYID KYI NGO BO'O, ,DE MED NA MED PA DANG YOD PA MED PA DAG LA RTOGS PA'I DON DANG MI NUS PA DAG GIS 'BREL PAR SBYOR BA NI DA YOD NA 'BYUNG BA LA SOGS PA YIN NO ZHES ZER BA NI GAL TE 'BREL PA YOD NA ZHES BYA BA'O, ,'BREL PA NYID NI DE'I NGO BO'I RANG BZHIN LA SOGS PAS SBYAR BA NI DE MED NA, 'BREL PA CAN GYI NGO BO LA NGES PA MED PAS RANG NYID NGES PA MA YIN NAM ZHES ZER BA LA, GAL TE 'BREL PA DE YOD NA ZHES BYA BA'O, ,DE YOD NA YOD PA ZHES BYA BAS MED PA NYID GCIG TU 'BREL PA CAN YIN PAR BSTAN PA NI, 'BREL PA GNYIS LA GNAS PA'I PHYIR, ,ZHES BYA BA'O, ,'BRAS BU LA RGYU'I RUNG BA NYID NI DE YOD NA YOD PA KHO NA YIN PAR BSTAN PA NI, GAL TE 'BRAS BU ZHES BYA BA'O, ,YOD PA LAS YOD PA MA GTOGS PA DE GNYI GA MA YIN PAR BSTAN PA NI RJES SU 'GRO BA DANG ZHES BYA BA'O, ,'DI NA BUM PA MED DO ZHES BYA BA'I 'BRAS BU CI LAS SHE NA MA MTHONG BA LAS TE MI MKHAS PA LA DU BA DANG ME BZHIN DU 'BRAS BU DANG RGYU'I NGO BO'I SHES PA LA RGYU MTSAN GZHAN MA MTHONG BAR NI RGYU MA DMIGS PA LAS 'BRAS BU MED DO ZHES BSGRUBS PA STE GRUB PA'O, ,RANG BZHIN NANG 'DUS PHYIR ZHES BYA BA NI MNGON SUM DANG MI DMIGS PA'I KHONGS SU GTOGS PA'I PHYIR RO, ,THA DAD PAR NI DPER MA BSTAN, , ZHES BYA BA'O, ,'BREL PA NI GSAL LO, ,DNGOS PO MED PA DAG CES BYA BA NI DNGOS PO DMIGS PA MED PA DAG GO, ,DMIGS PA DANG MI DMIGS PA DAG KHO NA YOD PA DANG MED PA DAG GAM, THA DAD PA'I 'BRAS BU LA SOGS PA'I NGO BO MA YIN NA MI DMIGS PA DANG MED PA'I THA SNYAD DAG LA RTOGS PAS GRUB PA DMIGS PA MED PA NYID DU NYE BAR BRJOD PA MA YIN PA NI 'BREL PA MED PA'I PHYIR RTAGS MED PA MNGON SUM GYIS JI LTAR GRUB CE NA, LAN DU MI DMIGS PA'AM YOD PA DMIGS PA YANG YOD PA YIN NO ZHES BYA BA 'DI LA TSAD MA BSTAN PA NI, GCIG DMIGS PA NYAMS SU MYONG BA LAS, ,ZHES BYA BA'O, ,

, ,DNGOS PO'I NI DMIGS PA NYID YOD PA YIN TE GCIG NYID KYI PHYIR GCIG PO DE NYID KYI PHYIR RJES SU 'BRANGS NAS, DMIGS PA YIN NA MED DO ZHES BYA BA MA YIN TE, RANG BZHIN GYIS MED PA'I SHES PAS RANG NYID KYI YIN GYI GZHAN GYI MA YIN NO ZHES BSTAN TO, ,DMIGS PA GZHAN KHO NA DMIGS PA'I MED PA YIN TE, DE'I THA SNYAD KYI YUL YIN PA'I PHYIR GZHAN NI MA YIN NO, ,'DI MED PA'AM MI DMIGS SO ZHES BYA BAS 'JAL BYED DANG GZHAL BYA MED PA DAG SNANG BA MA YIN NAM DE DAG NI YOD PA NYID MA YIN NO SNYAM DU SEMS PA LA, RTOGS CAN GYI ZHES BYA BA'O, ,DNGOS BZHIN DU DNGOS PO MED PA MTHONG BA MA YIN TE, RTOGS NI DE LA BRTEN PA YIN PA'I PHYIR TSAD MA YIN PA DANG GCIG DMIGS PAR NYAMS SU MYONG BA'I PHYIR 'GYUR NA YOD PA BZHIN DU DE'I YUL MA YIN PAR MI RIGS PA DE NYID KYI PHYIR DMIGS SO ZHES BYA BA NI DPE'O, ,STONG BA'I BDAG NYID NI DNGOS PO MED PA'O, ,TSAD MA ZHES BYA BA NI MNGON SUM MO, ,CUNG ZAD KYANG ZHES BYA BA NI DNGOS PO LA BRTAN PA MED PAS DGOS PA'I PHYIR BONG BU'I RVA LTA BU'O, ,MED PA YOD NA DNGOS PO RNAMS MA 'DRES PAR GRUB PA YIN NO ZHES BYA BA NI DGOS PA YIN NO ZHES ZER BA LA, DNGOS PO MA 'CHOL BAR ZHES BYA BA'O, ,DNGOS PO NYID KYIS LDOG PA DANG LDOG PA MED PA DAG GIS DON MED PA DANG NUS PA DAG GIS MI RIGS PAR BSTAN PA MI, DE LA GAL TE DNGOS PO ZHES BYA BA STE, DNGOS PO'I DBYE BA LAS MA GTOGS PA MED PA RTOGS PA MA YIN PA'O, ,'DI DRAN PA LA MNGON DU 'JUG PA NA MI DMIGS PAS SO ZHES BYA BA STE BLO ZHES BYA BAR SBYAR RO, ,DE 'DI LA MED PA'I PHYIR DE'I NGO BOS 'DI DMIGS PA MA YIN NO ZHES BYA BA'I DON TO, ,DE'I MED PA NI MA YIN NO, ,DE'I PHYIR MED PA DANG 'BREL PA CAN GYI 'JUG PA'I YAN LAG MA YIN NO ZHES BSTAN PA NI, GAL TE DE LA GNOD PAR BYED PA ZHES BYA BA'O, ,DES DBEN PA 'DI LA DE'I MED PA KHONGS SU GTOGS PA YIN PAR BSTAN PA NI, SA PHYOGS DE'I ZHES BYA BA'O, ,MA DMIGS PA NYID CES BYA BA NI DMIGS ZHES BYA BAR SBYAR RO, ,GAL TE MA 'DRES PA GCIG PO DMIGS PA NYAMS SU MYONG BA KHO NA MED PA MED NA JI LTAR ZHES ZER BA LA MYONG BA KHYAD PAR CAN ZHES BYA BA STE KHYAD PAR NI GCIG NYID DO, ,MYONG BA KHYAD PAR CAN NYID LAS, ,ZHES BYA BAS MED PA LAS

MA YIN PA'O, ,DE LTAR ZHES BYA BA NI KHYAD PAR CAN GYI YIN TE, DBEN PA MA YIN PA'I NGO BO BKAG PAS MED PA LAS KYANG THA DAD PAR BYED PA MA YIN TE, DE'I NGO BO LAS MA LOG PA'I PHYIR RO, ,LOG NA YANG MED PAS CI ZHIG BYA BA'I DON TO, ,MED PA'I SA PHYOGS KYI NGO BO NI BUM PA DANG BCAS PA LA YANG 'GYUR RO ZHE NA, DE 'DI LTAR BUM PAS DBEN PA LA MED PA ZHES BRJOD PA NA BUM PA DANG BCAS PA LA YANG 'GYUR RO ZHES BYA BA'I GNAS SKABS GA LA YOD, KHYAD PAR CAN GYI MYONG BA SNGON DU 'GRO BA CAN GYI 'GRAN ZLA BRAL BA LAS MED PA'I TSAD MA DANG DE LAS KYANG DE YIN PA'I PHYIR PHAN TSUN BRTEN PA YIN PAR BSTAN PA NI, DRAN PA MED PAR ZHES BYA BA STE 'GRAN ZLA DAG GI'O, ,'ON TE SNGAR ZHES BYA BA NI 'DZIN PA'I DUS NA'O, ,DE ZHES BYA BA NI 'GRAN ZLA'I STE DES 'DI'I NI MED PA NYID LAS KHYAD PAR CAN NYID DU NYAMS SU MYONG BA YIN NO ZHES BYA BA'I DON TO, ,DE LTAR YIN NA 'DI LA YANG ZHES BYA BA NI MNGON DUM NYID LA KHYAD PAR MED PA'I PHYIR RO, ,KHYAD PAR CAN NYID KYANG DBYE BA YIN LA DE YANG MED PA YIN PAR BSTAN PA NI, THA DAD PA DE NYID NI ZHES BYA BA'O, ,KHYAD PAR CAN GYI NYAMS SU MYONG BA NYAMS SU MYONG BA YIN LA, DE YANG GZHAN GYIS NYAMS SU MYONG BA YIN NA, DE LAS KYANG GZHAN NYAMS SU MYONG BA'I YIN PA'I PHYIR NYAMS SU MYONG BA BRGYUD PA LA LTOS PA'I PHYIR DON NYAMS SU MYONG BA MA YIN PA NYID DU BSTAN PA NI, DE PHYIR BLO DBYE RANG NYID LAS, ,ZHES BYA BA'O, ,DE'I DON DAG CES BYA BA NI SA PHYOGS DANG BUM PA DAG GI'O, ,DMIGS PA MED PA LAS KYANG DON GZHAN TE MENG PAS DON KHYAD PAR CAN DU RTOGS NA DE YANG GZHAN TE DMIGS PA MED PA GZHAN LAS YIN PA'I PHYIR THUG PA MED PAR BSTAN PA NI GAL TE DNGOS PO MED PA'I TSAD MAS ZHES BYA BA'O, ,THA DAD PA ZHES BYA BA NI GCIG LA GCIG MED PA'O, ,SNGON BZHIN ZHES BYA BA NI 'GRAN ZLA 'DZIN PA BZHIN DU'O, ,DER YANG ZHES BYA BA NI 'GRAN ZLA 'DZIN PA NA YANG NGO, ,GZHAN YIN PAR ZHES BYA BA NI DA LTAR 'DZIN BZHIN PA'I YUL GYIS SO, ,'DI LA 'GRAN ZLA DE YIN ZHING DE LA YANG DE YIN NO ZHES BYA BA'O, ,DE'I ZHES BYA BA NI 'GRAN ZLA'I'O, ,'DI LAS ZHES BYA BA NI DE LTAR BZUNG BZHIN PA LAS SO, ,KHYAD PAR CAN MTSAN NYID MI MTHUN PA ZHES BYA BA NI BDEN MOD KYI 'DI LAS 'DI SNANG DU RUNG BA DANG MTHONG BA YANG YIN LA, DE NYID KYI PHYIR DE LAS GZHAN PA

, ,MED PA YIN PA'I PHYIR GNYIS PO NYID YIN NO SNYAM DU SEMS PA LA, RANG BZHIN KHYAD PAR CAN MYONG LAS, ,ZHES BYA BA'O, ,KHYAD PAR CAN 'DI JI LTAR GZHAN LAS LOG PA DE LA MED PA DE BZHIN DU DE YANG 'DI LA YIN NA JI LTAR MED PA DANG DE'I SHES PA YANG SHES PA GZHAN LAS LOG PA YIN PAS DE DANG BRAL BA NI DE LAS SHES BYA GZHAN GYI MED PA'I THA SNYAD KYI RGYU MI DMIGS PA YIN GYI GZHAN MA YIN PAR BSTAN PA NI DE'I PHYIR ZHES BYA BA STE, 'DI SHES PA GZHAN LAS KHYAD PAR CAN YANG YIN LA, DMIGS PA YANG YIN PA DE LTAR GYUR PA NYID YIN PA SHES PA DE'I 'AM SHES BYA'I YANG NGO, ,DER NYAMS SU MYONG BA NA DE YI STE SHES PA GZHAN NAM CIG SHOS KYI YANG RUNG YUL DANG DUS GZHAN PA YANG NGO, ,DE'I MED PA KHYAD PAR CAN DU 'DI DE LAS LOG PA NGES PA YIN PAR BSTAN PA NI, KHYAD PAR CAN GYI NGO BO NYAMS SU MYONG BA ZHES BYA BA'O, ,MED PA MED NA KHYAD PAR CAN GYI NYAMS SU MYONG BA MED PA RTOGS PA'I DON YIN PAR BSTAN PA NI KHYAD PAR CAN MYONG NGO ZHES BYA BA'O, ,DE NYAMS SU MYONG BA MA YIN NA MED PA CAN YIN PAR BSTAN PA NI, DNGOS PO MED PA STONG PHRAG CES BYA BA'O, ,GZHAN RTOGS PA MI DMIGS PA NI MNGON SUM GYIS BDAG NYID RGYU MTSAN NI MED PA LAS THA SNYAD DU SGRUB PAR BYED PA NI YAN LAG CAN LA SHING NYID BZHIN DU YIN GYI MI DMIGS PA LA LTOS PA MA YIN PAR BSTAN PA NI, DES NA DMIGS PA 'DI NI ZHES BYA BA STE, SHES PA DANG SHES BYA GZHAN GYI NGO BO DE MED PA RNAM PAR GZHAG PA'I PHYIR DE LAS GZHAN PA'I SHES PA DANG SHES BYA'I MED PA'I THA SNYAD KYI SHES PA BZHIN DU SHES BYA SNANG DU RUNG BA LA YANG NGES PA CAN GYI MI DMIGS PA NI GZHAN GYI SHES PA YANG SHES BYA GZHAN GO BAR BYED PA NI DE TZAM GYI RGYU MTSAN YIN PAS DE LAS GZHAN PA MED PA'I THA SNYAD 'JUG PAR BYED DE ZHES BYA BA'I THA TSIG GO, ,DE LA DMIGS PA DAG LA NI ZHES BYA BA LA SOGS PAS SHES PA DANG SHES BYA THA DAD PA MED PA LA KHYAD PAR RTOGS PAR 'GYUR ZHES BYA BA LA SOGS PAS THA DAD PA YIN GYI ZHES BYA BA NI DAM PA'I DON TO, ,KHYAB PAR BYED PA MI DMIGS PA LA LTOS PA YIN NA THUG PA MED PAS RTOGS PA MA YIN PAR BSTAN PA NI GZHAN DU DON GYI ZHES BYA BA'O, ,SHES PA YANG RANG DANG GZHAN GYI SHES PAS SNANG DU RUNG BA DANG SNANG DU RUNG BA MA YIN PA YIN LA SHES BYA BA YANG

RANG DANG GZHAN LA GNAS SU RUNG BA NYID DE BZHIN DU YIN GYI GZHAN DU NA THUG PA MED PAR 'GYUR BA'I PHYIR KHYAD PAR SHES PAR BYA BA YIN LA DA LTAR MED DO ZHES BYA BAR GRUB PA'I DON CAN NI MA YIN NO, ,SHES PA MA RTOGS PA TZAM NGES PA CAN YIN TE MED PA DANG YOD PA SNANG BA DANG, CIG SHOS KYI DBYE BA YIN PA'I PHYIR RO ZHES ZER BA NI GAL TE MNGON SUM NI BYA BA STE MED PA ZHES BYA BA NI NYE BAR BRJOD PA MED PA'O, ,'DI NYID GSAL BAR BYED PA NI, GAL TE DNGOS PO NI ZHES BYA BA'O, ,DE LAS GZHAN PA MNGON SUM PA LAS MED PA GRUB PO ZHES BYA BA NI MA RTOGS TZAM GYIS NGES PA'O, ,GZHAN MI DMIGS GZHAN MA RTOGS PAS THA DAD PA GZHAN MED PAR JI LTAR GO BAR BYED PA YIN TE, MI 'DZIN PA'I PHYIR DANG 'BREL PA MED PA'I PHYIR RO ZHES BSTAN PA NI, GZHAN DMIGS PA YIS PHA ROL GO ,ZHES BYA BA'O, ,DON LA YANG DES DBEN PA NYID KYIS MA DMIGS PA NI MA RTOGS PA'I NGO BO YIN LA GZHAN NI MA YIN TE MA RTOGS PA'I PHYIR RO, ,SHES PA YANG DE NYID YIN PA'I PHYIR KHYAD PAR BSTAN PA NI DE CI ZHES BYA BA'O, ,JI SNYED PA ZHES BYA BA NI SHES BYA BZHIN DU SHES PA LA YANG NGO, ,DGAG PA ZHES BYA BA NI MED PAR DGAG PA'O, ,RANG NYID MNGON SUM LA RTOGS PAS, ,ZHES BYA BA NI MA YIN PAR DGAG PA'O, ,DE BSTAN PA NI MA YIN PAR DGAG PA'I RANG BZHIN ZHES BYA BA'O, ,'DI MA DMIGS SO ZHES BYA BA NI GZHAN GYI SHES PA RUNG BA MA YIN PA'I PHYIR RANG GI SHES PA RTOGS PAR BYA BA'I CHED DU SKYES BU MCHOG GO, ,'GREL PAR SHES PA'I GNAS SKABS YIN PAR BSTAN PA NI, GANG YIN PA DE NI ZHES BYA BA'O, ,KHYAB PAR BYED PA MI DMIGS PA NI MI DMIGS PA YIN GYI MA RTOGS PA MA YIN NO ZHES ZER BA NI, GAL TE KHYAB PAR BYED PA MI DMIGS PA LAS ZHES BYA BA'O, ,KHYAB PAR BYED PA MI DMIGS PA LAS BZHIN DU KHYAB PAR BYA BA'I MED PA YANG MNGON SUM GYIS NGES PAR 'GYUR TE, KHYAD PAR MED PA'I PHYIR RO ZHES BYA BA'I BSTAN PA NI DE LTAR YIN NA THAMS CAD DU ZHES BYA BA'O, ,MNGON SUM GYIS NGES PA YAL GA LA SOGS PA DANG LDAN PA LA SHING NYID BZHIN DU RJES SU DPAG PA MA YIN LA, RANG BZHIN MI DMIGS PA NI RMONGS PA YIN ZHING MA RMONGS PA NI KHYAB BYED KYI ZHES BYA BA MA YIN NO ZHES BYA BA'I DON TO, ,'DI LAS KYANG RANG BZHIN MI DMIGS PA DON MED PAR BSTAN PA NI KHYAB PAR BYED PA MI DMIGS PA ZHES

, ,BYA BA'O, ,DE NYID CES BYA BA NI RGYU DANG KHYAB BYED DANG RANG BZHIN GYI MI DMIGS PA'I DBYE BAS KHYAB PAR BYA BA DANG CIG SHOS KYI NGO BO YANG YIN GYI THA DAD NI MA YIN NO, ,DE LA DMIGS PA DAG LA NI DMIGS PA DAG LAS GZHAN YOD PA MA YIN ZHES 'DI NYID DRAN PA NI, 'DIR NI KHYAB BYA KHYAB BYED DAG, CES BYA BA'O, ,SNANG DU RUNG BA YOD PA ZHES BYA BA'I RTZOD PA'I RIGS PA NI THA MI DAD PA KHO NA LA RIGS PA YIN GYI THA MI DAD PA LA NI NYE BAR BTAGS PA'I SKYON YIN NO ZHES ZER BA LA BLTAR RUNG BA'I ZHES BYA BA'O, ,NYE BAR BTAGS PA YANG KHYAB PAR BYED PA MI DMIGS PA LA RANG BZHIN MI DMIGS PAS BYAS PA KHO NA YIN PAR BSTAN PA NI, 'BRAS DE NI ZHES BYA BA NI RGYU DE'I 'BRAS BU'O, ,DE'I RANG BZHIN DANG KHYAD PAR MED PAS NI RGYU'I RANG BZHIN DANG KHYAD PAR MED PA LAS SO, ,RGYU'I KHYAB PA GANG YIN PA DE LAS LDOG PA MED PA'I PHYIR ZHES BYA BA NI THA MI DAD PA'I PHYIR RO, ,YANG NA DE MED PA'I PHYIR ZHES BYA BA GTAN TSIGS SO, , LHAG PA DANG CHAD PHYIR ZHES BYA BA NI 'PHEL BA DANG 'GRIB PA'I PHYIR RO, ,NYE BA DANG RING BA LAS NI ZHES BYA BA LA RING BA LA NI RUNG BA MA YIN PA KHYAB PAR BYED PA'I DANG NYE BA LA NI RANG BZHIN MI DMIGS PA'O, ,SNANG DU RUNG BA LA MA YIN PA YANG KHA CIG SNANG DU RUNG BA NYID MA YIN NAM, JI LTAR KHYAB PAR BYED PA YIN SNYAM DU SEMS PA LA, BCOM LDAN 'DAS CHOS KYI GRAGS PAS GSUNGS PA NI MI SNANG ZHES BYA BA'O, ,SNANG DU RUNG BA NYID KHA CIG LA MI SNANG BA YIN GZHAN GYI SHES PA LA SOGS PA DANG BRJOD PA LA SOGS PA NI RJES SU DPAG PAR BYA BA MA YIN TE, DE'I KHYAD PAR RNAM PAR RTOG PA DANG 'DOD CHAGS LA SOGS PA LA NI TSIG LA SOGS PA 'KHRUL PA'I PHYIR RTAGS MED PAS RJES SU DPAG PAR BYA BA MA YIN NO, ,THE TSOM ZA BA 'DI LA YANG MI DMIGS PAS YOD PA'I THA SNYAD DGAG PA YIN GYI YOD PA SGRUB PA NI MA YIN NO, ,GZHAN DU ZHES BYA BA NI MI SNANG BA MI DMIGS PA LA'O, ,MI 'GRUB CES BYA BA NI RJES SU DPAG PA LA SOGS PAS SO, ,LDOG PA BSGRUB PA NI MED PA BSGRUB PA'O, ,DANG PO ZHES BYA BA NI RANG BZHIN MI DMIGS PA'O, ,GTAN TSIGS LA ZHES BYA BA NI 'BRAS BU DANG KHYAB BYA DANG CIG SHOS KYI NGO BO NGES PAR BYED PA'I PHYIR RO, ,'GREL PAR NI RGYU DANG KHYAB PAR BYED PA MI DMIGS PA LA 'AM GZHAN DU YANG ZHES BYA BA STE, RANG BZHIN MI DMIGS PA'O, ,MI SNANG

BA'I YUL THAG RING BA LA SOGS PA LA 'DI NI ZHES BYA BA NI RANG BZHIN MI DMIGS PA'O, ,DANG PO NI RGYU LA SOGS PA MI DMIGS PA'O, ,RGYU LA SOGS PA MI DMIGS PA NI RGYU NYID YIN TE NGES PAR BYED PA'I PHYIR RO, ,RANG BZHIN MI DMIGS PAS RGYU DANG, KHYAB PAR BYED PA DANG CIG SHOS KYI NGO BO LA SOGS PA NGES PAR BYED PA NYID DU MTHONG NGO, ,THAL BA BSGRUB PA LA NI ZHES BYA BA NI DE YANG DE LA MI SRID PAS NA MI SRID PAS KHYAB PA GANG YIN PA'O ZHES BYA BA'I RIGS PA'O, ,'GAL BA CAN YANG MI DMIGS PA KHO NA'I KHYAD PAR BSTAN PA NI RANG GI SBYOR BA ZHES BYA BA STE, DE'I SBYOR BA'I GNAS SKABS KYI SBYOR BA'I DBANG DU BYAS PA RNAMS LA RANG GI STE, MI DMIGS PA'I BDAG NYID KYIS SO, ,RANG GI NGO BO NI DMIGS PA'I RIG BYAR GYUR PA LAS MA DMIGS PA'I PHYIR RO ZHES BYA BA'I DON TO, ,DON GZHAN LA GNOD PAR BYED PA'I NGO BO 'AM, DE'I RANG GI NGO BO ZHES BYA BAR SBYAR TE 'GAL BA YIN NO ZHES BYA BA'I DON TO, ,CI LAS SHE NA, YOD NA ZHES BYA BA'I NI DE YOD PA NYID LAS SO, ,MED PA LAS KYANG YOD PAS NA MED PA ZHES PAS KHYAD PAR DU BYED PA NI YOD PAS ZHES BYA BA STE, YOD PA NA YOD PA SNGON DU 'GRO BA CAN LAS MED PA'I PHYIR RO, ,YOD NA MED PHYIR ZHES BYA BA YANG GZHAN DU MA YIN TE, YOD PA SNGON DU 'GRO BA CAN YIN NA MED PA'I PHYIR ZHES BYA BAS RGYUN MED PA'I PHYIR RO ZHES BYA BAR RTOGS PA'O, ,DE'I PHYIR RGYUN LA 'GAL BA YIN GYI SKAD CIG LA NI MA YIN NO ZHES BYA BAR RTOGS PA'O, ,GZHAN NI ZHES BYA BA NI BYE BRAG PA'O, ,BRGYUD PAS KYANG ZHES BYA BA NI 'GAL BA'I 'BRAS BU LA SOGS PA LA'O, ,RGYU MTSANG BA MED PA CAN ZHES BYA BAS NI YOD PAS ZHES BYA BA BSHAD PA'O, ,'GAL BA CAN DU BRJOD PA MI DMIGS PA JI LTAR YIN ZHES ZER BA LA, 'GAL BA NI DMIGS PA DANG MI DMIGS PA'I MTSAN NYID CES BYA BA'O, ,DRO BA YANG MA YIN GRANG BA YANG MA YIN ZHES BYA BA NI GRANG BA BDE BA ZHES BYA BAR SBYAR RO, ,DRO BA'I RIG PA'I NGO BOS DPAG PA NI TSOGS PA GCIG LA RAG LAS PA'I PHYIR RO ZHES BYA BA BSTAN PA NI, SNGA MAR ZHES BYA BA'I LHAN CIG MI GNAS PAR BSTAN NAS PHAN TSUN SPANGS PA'I MTSAN NYID BSTAN PA NI, PHAN TSUN THA DAD GRUB PHYIR TE, ,ZHES BYA BA'O, ,BRTAN DNGOS NI RTAG PA'I NGO BO'O, ,LTOS PA DANG BCAS PA NYID NI BRTAN PA'I DNGOS PO LA STE, GDON MI ZA BA'I NGO BO LA DNGOS SU

, ,'GAL BA MA YIN YANG KHYAB PAR BYED PA 'GAL BA YIN NO, ,BRTAN PA'I NGO BO NI LTOS PA DANG BCAS PA NYID LA 'GAL BAS KHYAB PA YIN PAR BSTAN PA NI, TSAD MA GZHAN GYIS ZHES BYA BA'O, ,TSAD MAS GNOD PAS 'GAL BA NI PHAN TSUN SPANGS TE GNAS PA'I NGES PAS YIN GYI DNGOS SU MA YIN PAR BSTAN PA NI NGES 'GYUR ZHES BYA BA'O, ,TSAD MAS GNOD PAS 'GAL BA'I DPE DE LA LTOS PA DANG BCAS PAS NYE BAR GZHAG PA BRTAN PA'I NGO BO MA YIN PA DANG SGRA NI BRTAN PA'I NGO BO YIN PA'I PHYIR PHAN TSUN SPANGS TE GNAS PA'I 'GAL BA NYID KHONGS SU GTOGS PA YIN NO ZHES BYA BA'I DON TO, ,GAL TE DE LTA NA ZHES BYA BAS 'GAL BA GZHAN NYID NGES PAR BYED PA'O, ,'GAL BAS KHYAB PAS ZHES BYA BAS RNAM PA'I DBYE BAS RNAM PA 'GAS THA DAD PA YIN NO ZHES BSTAN TO, ,GZHAN DAG CES BYA BA NI MA MTHONG BA TZAM DU SMRA BA PA'O, ,'GAL BA NI DGAG BYA DANG 'GAL BA YIN ZHING DE'I 'BRAS BU YIN LA DES KHYAB PAR BYA BA YANG 'GAL BA'I 'BRAS BUS KHYAB PAR BYA BA LA 'BREL PA YOD NA MI DMIGS PA YIN TE, DE LTAR NA YANG GTAN TSIGS GZHAN YIN PAR BSTAN PA NI, DE BDAG DE LAS BYUNG BA YIS, ,ZHES BYA BA STE 'GREL PA MED NA MI MTHUN PA'I PHYOGS RNAM PAR GCOD PAR BYED DO ZHES BYA BA'I DON TO, ,GNYIS SAM ZHES BYA BA NI 'GAL BA DMIGS PA YIN NO, ,GSUM ZHES BYA BA NI 'GAL BA'I 'BRAS BU DMIGS PA'O, ,GCIG GIS ZHES BYA BA NI 'GAL BA'I 'BRAS BU'O, ,DE GTAN TSIGS GZHAN NYID DU 'GYUR BA MA YIN NO ZHES BYA BA NI GZHAN MA YIN PA NYID DO, ,GZHAN DU ZHES BYA BA NI DU MA GCIG NYID DU'O, ,TSOGS PA'I SBYOR BA 'BA' ZHIG LAS THA DAD PA YIN PAR BSTAN PA NI, SBYOR BA 'BA' ZHIG CES BYA BA'O, ,GNYIS SAM ZHES BYA BA BSHAD PA NI 'DI NA GRANG BA'I RIG PA ZHES BYA BA STE GTAN TSIGS RNAMS BRGYUD PA YIN NO, ,DES NA ZHES BYA BA NI 'BRAS BU'I GTAN TSIGS DANG 'GAL BA DMIGS PA LA SOGS PA LAS SO, ,RJES SU DPAG PA'I RJES SU DPAG PA ZHES BYA BA NI 'GAL BA DMIGS PA ZHES BYA BA ZHES PA LA SOGS PA'O, ,DON DAM PAR ZHES BYA BA NI BRGYUD PA LAS SO, , RANG RIG PA YI ZHES BYA BA NI REG PA THAMS CAD DE LA BRTEN PA'I PHYIR RO, ,RES 'GA' BA DANG LTOS MED BZHIN, ,ZHES BYA BA 'JIG PA LA THAL BAR 'GYUR BA MA YIN NO, ,GZHAN DAG NI LTOS PA MED PAR 'JIG PA MA YIN PA'O, ,DNGOS PO'I RGYU LAS GZHAN PA LAS 'JIG PAR 'BYUNG YANG GDON MI ZA BAR MTHONG BA YIN PA'I PHYIR RO ZHE NA, RGYU

GZHAN LAS SKYE ZHES BYA BA SMOS SO, ,RGYU GZHAN LA 'BYUNG BAR MTHONG BA NYID YIN NA, DE MED NA MED PA'I PHYIR DNGOS PO'I RGYU LAS BSKYED BYA 'JIG PA NI DNGOS PO 'JIG PAR BYED PA YIN NO ZHE NA, DNGOS PO'I RGYU LAS 'BYUNG YIN NA, ,ZHES BYA BA SMOS SO, ,'JIG PA NI MI RTAG PA NYID DE SKYE BA DANG GNAS PA DAG LA YANG 'DI MTSUNGS PA YIN NO, ,BRGYUD PA MI RIGS PAR BCOM LDAN 'DAS CHOS KYI GRAGS PAS GSUNGS PA NI, DE NI BDAG NYID GRUB GYUR NA, ,ZHES BYA BA'O, ,DNGOS PO DANG LHAN CIG 'BYUNG BA'I 'JIG PA YANG DE 'JIG PAR BYED PA MA YIN TE, DE'I NGO BOR DMIGS PA'I PHYIR RO, ,MI DMIGS NA YANG DNGOS PO KHO NA MED PA JI LTAR LTOS PAR BYED PA YIN ZHES BSTAN PA NI; BDAG LA PHAN 'DOGS BYED MIN NA, ,ZHES BYA BA'O, ,GAL TE LTOS PAR BYED NA PHAN 'DOGS PAR BYED PA ZHIG NA, LTOS PA NI MA YIN PA DE'I PHYIR KHYAB PA CAN MA YIN PAR BSTAN PA NI, CHU SONG ZIN NAS ZHES BYA BA STE, BDAG LA PHAN 'DOGS BYED MIN NA, ,ZHES BYA BA'I DON TO, ,DE BZHIN DU MA YIN ZHES BYA BA NI KHYAB PA DANG CIG SHOS NYID KYIS SO, ,'BYUNG BAR 'GYUR BA ZHES BYA BA NI MA 'ONGS PA'O, ,DNGOS PO LDOG PA NYID 'JIG PA LAS SO ZHES BYA BAR MI RIGS TE, DNGOS PO NYID DE LTAR MA RTOGS PA'I PHYIR DANG, MA SKYES PA'I PHYIR RO ZHES BSTAN PA NI, PHAN TSUN SPANGS PA ZHES BYA BA STE, G-YO MO SPANGS PAS DE YIN PA DANG DE SPANGS NAS KYANG GYO MO YIN NO ZHES BYA BA'I DON TO, ,'JIG RTEN NA NI DUS GZHAN YOD PA KHAS BLANGS NAS 'JIG PA'I RGYU SBYOR BAR BYED PA MA YIN NAM, SKAD CIG MA LA NI MA YI ZHES ZER BA LA, GAL TE RJES SU DPAG PAS ZHES BYA BA'O, ,TSOGS PA TSANG BAR MTHONG NAS 'BYUNG BAR 'GYUR BA RJES SU DPAG PA MA YIN NAM, JI LTAR MED PA YIN NO SNYAM DU SEMS PA NI, MNGON SUM DANG 'DRA BA ZHES BYA BA'O, ,DE MED PA'I PHYIR ZHES BYA BA NI RJES SU DPAG PA'I DUS NA 'BYUNG BAR 'GYUR BA MED PA'I PHYIR YANG NGO, ,DNGOS PO'I RANG GI NGO BO RJES SU DPAG PA MED PA'I PHYIR SRID PA TZAM YIN NO, ,BUM SOGS ZHES BYA BA NI GZHAN DU BA NYID KYI GZHI YIN NA THUG PA MED PA YIN TE 'JIG PA GZHAN YOD NA YOD PA'I PHYIR RO, ,BUM PA LA 'JI BA'I RDZAS THA DAD PA MA YIN PA DE BZHIN DU THA DAD PA YANG YIN PAR BSTAN PA NI, DER YANG ZHES BYA BA'O, ,DE'I TSE ZHES BYA BA NI RANG GI DUS SU'O, ,'BRAS BU MED PA NI RANG NYID GRUB PA LA RGYU LA LTOS PA YIN TE, RANG GI DUS NA NI MA YIN TE, RGYU NYID DU MI RIGS PA'I PHYIR RO ZHES

, ,BSTAN PA NI, RGYU NI SNGON DU BYUNG NYID DE, ,ZHES BYA BA'O, ,DNGOS PO'I 'BYUNG BAR 'GYUR BA'I GNAS SKABS CAN DANG 'BREL PA'I 'JIG PA NI, DNGOS PO'I DUS NA MA YIN NAM, DE YANG RJES SU DPAG PAR BYA BA YIN NO ZHES ZER BA LA MA YIN TE, DNGOS PO NI ZHES BYA BA'O, ,RE ZHIG DE NYID 'BYUNG BAR 'GYUR BA MA YIN LA, DE'I RGYUN YANG RANG GI NGO BOS RJES SU DPAG PA MA YIN TE, MNGON SUM BZHIN DU MED PA DANG 'BREL PA MI RIGS PA'I PHYIR MTHONG BA DANG CHOS MTHUN PA NYID DU SGRO BTAGS PA TZAM LA 'JIG PA NI THA SNYAD YIN NO ZHES BYA BA'I DON TO, ,DAM PA'I DON DU NI YOD PA DANG DGAG PA 'BREL PA MED PAR BSTAN PA NI DRAN PA'I NI ZHES BYA BA'O, ,THA DAD PA MED PA ZHES BYA BA NI DNGOS PO NYID DUS GZHAN LA KHYAB PA CAN MA YIN PAR RANG GI RGYU LAS BYUNG BA YIN NO ZHES BYA BA'I DON TO, ,SNGA MA ZHES BYA BA NI DMIGS PA ZHES BYA BAR SBYAR RO, ,YANG ZHES BYA BA NI SNGA MA'O, ,BUM PA NI 'JIG PA DBYIG PA LA LTOS PA YIN NO ZHE NA, PHYI MA DANG MA 'BYOR BA'I MED PA DBYIG PA MED NA MI 'BYUNG NGO ZHES ZER BYA BA'O, DES NA GZHAN DANG MA 'BYOR PAR ZHES BYA BA'O, ,YOD PA KHYAB PA CAN MA YIN PA LTOS PA DANG BCAS PA NYID LA KHYAB PAR BYED PA 'GAL BA YIN TE, PHAN GDAGS PAR BYA BA NYID DU 'GAL BA'I PHYIR ZHES BYA BA'I DON TO, ,BDAG LA PHAN 'DOGS BYED LA GANG, ,ZHES BYA BA YIN NO DES BSTAN PA NI, GAL TE DNGOS PO MIN NA ZHES BYA BA'O, ,LTOS PA DANG BCAS PA NYID KYANG DE BZHIN DU YOD PA LAS 'GAL BA KHYAB PA YIN TE, PHAN GDAGS PAR BYA BA MA YIN NYID DU 'GAL BA'I PHYIR ZHES BYA BA'I DON TO, ,BDAG LA PHAN 'DOGS BYED MIN NA, ,ZHES BYA BA YIN NO, ,DE BSTAN PA NI, ,'ON TE DNGOS PO RANG KHYAB PA MIN, ,ZHES BYA BA'O, ,DE LTA BU YOD PA YIN NA YANG PHAN 'DOGS PAR BYED PA MA YIN PA'I PHYIR LTOS PA MED PA YIN NO, ,DE LTA BUR GYUR PA KHO NA DNGOS PO YIN TE, NGO BO DE MA BOR BA'I PHYIR RO ZHES BSTAN PA NI LTOS MED DNGOS PO ZHES BYA BA'O, ,'JIG KHA MAR SDONG LA ZHES BYA BA NI 'JIG PAR BYED PAR 'DOD PA'I DBYIG PA 'PHYAR BA'I DUS CAN TE, SNGAR YANG PHYIS MA MTHONG BA DES BSNUN PA'I DUS BZHIN DU GZHAN GYI TSE YANG NGO ZHES BYA BA'I DON TO, ,ME DMIGS PA NI TSAD MA YIN LA, MED PA NI GZHAL BYA YIN NA KHYIM NAS BYUNG BA MI DMIGS PA NYE BAR 'GRO BAR MI 'GYUR BA DANG, LTOS PA MED PA'I MED PA GZHAN YANG SKAD CIG MA LA YANG 'GYUR TE, RGYU MED PA'I DUS

LA SOGS PA LA MA NGES PA'I PHYIR RO ZHES ZER BA LA, SKAD CIG KYANG ZHES BYA BA'O, ,YOD MI 'GYUR ZHES BYA BA NI DNGOS PO'O, ,SKAD CIG GCIG LA LTOS NAS 'BYUNG BA RGYU DANG BCAS PA YIN NO ZHES BYA BA'I DON TO, ,DNGOS PO NYID SKAD CIG MA GZHAN LA KHYAB PA CAN MA YIN PAR SKYES PA DE MI RTAG PA YIN PAR BSTAN PA NI, DE LTAR GYUR TE ZHES BYA BA STE, DNGOS PO SKAD CIG GZHAN LA MA SKYES PA'I NGO BO 'JIG PA NA, RANG GI NGO BOS RGYU GZHAN LA LTOS PA MA YIN TE, RANG GI RGYU NYID LAS DE LTA BUR 'BYUNG BA'I PHYIR MI DMIGS PA YANG SNANG DU RUNG BA MED PA YIN TE, KHYIM LAS BYUNG BA SNANG DU RUNG BA MA YIN ZHES BYA BA'I DON TO, ,'JIG PA MED PAS NA ZHES BYA BA NI SNGA NA MED PA TZAM GYIS ZHIG NAS MED PA LA NI MA YIN ZHING, SNGA NA MED PA YANG DNGOS PO BSDUS PA LAS GZHAN MA YIN TE MI RIGS PA'I PHYIR RO ZHES BSTAN PA NI, 'JIG PA THA DAD PA YOD KYANG, ,ZHES BYA BA'O, ,DNGOS PO'I NGO BO BSDUS PA DE YANG JI LTAR DMIGS PA BZHIN DU YOD PA'I PHYIR, KHYAB PA GRUB PAR BSTAN PA NI, ,GANG DAG DE YOD GZHAN LTOS MED, ,CES BYA BA STE, MI RTAG PA'I DNGOS PO RNAMS SO, ,DE YOD LA NGES MIN ZHES BYA BA NI DE YOD PA GZHAN LA LTOS PA MED PA'I PHYIR RO, ,GEGS BYED PA MED PA CAN BZHIN DU ZHES BYA BA NI GEGS BYED PA MED PA'I NUS PA CAN GYI 'BRAS BUS BYED PA LA'O, ,BDAG LA PHAN 'DOGS BYED MIN NA, ,DE YIS LTOS BYA GANG CI ZHIG ,CES BYA BA DE'I DON BSTAN PA NI, LTOS PA DANG BCAS PA YIN ZHES BYA BA'O, ,'BREL PA MED PA'I PHYIR RO ZHES BYA BA NI LTOS PA DANG BCAS PA NYID KYIS DE'I BDAG NYID MA YIN PA'I PHYIR RO, ,DE LAS SKYES PA'I PHYIR RO ZHE NA, RGYU NYID DU NI RIGS MA YIN, ,ZHES BYA BA SMOS SO, ,BSGRUB BYA MA YIN PA NI ZHIG PA'O, ,PHYIS 'BYUNG PHYIR NA ZHES BYA BA NI MA SKYES PA'I RGYU'I DBANG GIS 'BYUNG BA'I PHYIR RO, ,'JIG PA 'BRAS BU YIN NO ZHE NA, 'BRAS BU NI ZHES BYA BA SMOS TE, DE LAS SKYE BA DANG LDAN PA NYID DO, ,GAL TE RGYU MED PA CAN NI RANG DBANG YIN PA'I PHYIR MA NGES PA NYID DU CIS MI 'GYUR ZHES ZER BA NI, GAL TE RGYUD MED PA NYID CES BYA BA'O, ,RGYU MED PA LAS NGES PAR 'BYUNG BA YIN NA BAR DU 'BREL PA'I BDAG NYID CAN MA YIN PA NYID MI DMIGS PA TZAM NYID DU BRJOD PA YIN PAR BSTAN PA NI, DNGOS PO PHYIS 'BREL ZHES BYA BA'O, ,'CHI BA'I MTHAR THUG PA RTOGS PAR THAL LO ZHES BYA BA NI SKAD CIG RE RE BAR 'CHI BA'I MTHAR THUG PAR RTOGS PA KHO NA YIN NA ZHES BYA BA'I THA TSIG GO, ,PHYIS KYANG ZHES BYA BA NI THO BA

, ,LA SOGS PAS BSNUN PA'I DUS NA'O, ,'JIG PA NYID KYIS ZHES BYA BA NI MI RTAG PA NYID 'JIG PAR BYED DO ZHES BYA BA'O, ,LTOS PA DANG BCAS PA SNGA PHYIR RANG BZHIN DU 'GYUR RO ZHES BYA BA NI GAL TE NYI MA NUB PA DANG 'CHAR BA ZHES BYA BA STE GO RIMS BZHIN NO, ,BZLOG PA NYID CES BYA BA NI THA DAD PA'I NGES PA NYID KHO NA'O, , SHAR BA NI NUB PA LA SGRUB BYED MA YIN TE, 'BREL PA MED PAS THE TSOM ZA BA'I PHYIR RO ZHES BSTAN PA NI, NYI MA NUB PA DANG 'CHAR BA NI, ,ZHES BYA BA'O, ,'DIS NI SMIN DRUG 'CHAR BA LA BZHIN DU 'DU BYED PA YIN LAGS PA BSAL BA NI YIN NO, ,MI 'GYUR BA LAS ZHES BYA BA NI GZHAN DU 'GYUR BA NA GTAN BU YOD PA MA YIN TE MA SHAR BA'AM MI NUB PA YANG NGO, ,'DI NYID BSTAN PA NI NUB PA NI NYI NA'I MA YIN GYI ZHES BYA BA'O, ,GAL TE 'GA' ZHIG CES BYA BA NI SNANG DU RUNG BA'I BUM PA LA SOGS PA RNAMS SO, ,GZHAN DAG NI DE LTA MA YIN ZHES BYA BA NI YUL LA SOGS PAS BAR DU CHOD PA RNAMS SO, ,'JIG PA'I RANG BZHIN BZHIN DU DPE LA YANG SKYED PAR BYED BA'I RANG BZHIN DU NGES PAS THA DAD PA YIN PAR BSTAN PA NI, TSOGS PA THA MA NI ZHES BYA BA'O, ,'GAL BA KHYAB PA DMIGS PA NI RTAG PA DANG 'GAL BA'I MI RTAG PAR KHYAB PA YOD PA NYID LA SOGS PA DMIGS PA'O, ,GNYIS NYID CES BYA BA NI 'BREL PA GNYIS YIN PA'I PHYIR RO, ,GSUM PA'I GSUM GYI DANG BO NI MI RTAG PA'I PHYIR BRTZAL MA THAG TU BYUNG BA MA YIN PA'O, ,GSUM PA'I GSUM PA NI REG BYA YIN PA'I PHYIR RTAG PA'O, ,DANG PO'I GSUM PA NI MI RTAG PA'I PHYIR BRTZAL MA THAG TU BYUNG BA ZHES BYA BA'I BAR DU DBYE BA'I TSIG DGOS PA CAN MA YIN GYI, DE DAG THAMS CAD GNYI GA LA 'JUG PA TZAM YIN PA'I PHYIR THE TSOM GYI RGYU YIN NO, ,MI 'JIG PA'I CHA GANG YIN PA DE LA DE YOD KYANG RGYU MA YIN NO ZHES BYA BA SEL BA'I DGOS PA BSTAN PA NI, LHAG MA RNAM PA GSUM ZHES BYA BA'O, ,KHYAD PAR CAN LA NI ZHES BYA BA NI KHYAB PAR BYED PA NYID YOD PA TZAM LA LTOS PA YIN ZHES BYA BA'I DON TO, LHAN CIG PA NYID NI SBYOR BAR BYED PA MA YIN LA NGES PA NI DE 'DI LA NGES PA CAN YIN PA'I PHYIR; GZHAN GYI MED PA GTZO BO NYID KYI KHONGS SU GTOGS PA YIN PAR BSTAN PA NI GANG GIS DE MED CES BYA'O, ,RTAG PA LAS LOG PA NI GZHAN LA MED PA BZHIN DU MI RTAG PA LA MTHONG BA YIN YANG GZHAN LA MED PAR 'GYUR RO SNYAM DU SEMS PA LA, MTHONG BA NI DE LAS GZHAN DAG TU GDON MI ZA BAR GZHAN DU MI 'GYUR RO

ZHES BYA BA NI MA YIN PA NYID DO ZHES BYA BAR SBYAR RO, ,ME LA MTHONG BA'I DU BA GZHAN LA MTHONG BA KHO NA YIN PAR BSTAN PA NI, GAL TE MTHONG BA'I SGO NAS ZHES BYA BA'O, ,MA YIN TE MTHONG BA NI ZHES BYA BA'I RJES SU 'GRO BA MTHONG BA'O, ,GCIG LA MTHONG BA BZHIN DU GZHAN LA MTHONG BAR YANG 'GYUR RO ZHE NA, MTHONG BAS NI ZHES BYA BA SMOS SO, ,RJES SU 'GRO BA YUL DANG DUS GZHAN LA MTHONG BA MA YIN PAR BSTAN PA NI, GZHAN MTHONG BA NI ZHES BYA BA'O, ,GCIG LA MA MTHONG BA LAS MA MTHONG BAR 'DU BYED PA'I PHYIR MTHONG BA JI LTA BA BZHIN DU 'DU BYED PA YIN LA, 'DU BYED PA BZHIN DU NGES PA YANG YIN PAR BSTAN PA NI, 'DU BYED PA ZHES BYA BA'O, ,GZHAN DU ZHES BYA BA NI YUL DANG DUS GZHAN LA'O, ,LDOG PA GTZOR GYUR PAS ZHES BYA BA NI, 'DI MED CES BYA BA'I LDOG PA'I KHYAB PAS NGES PA YIN NO ZHES BYA BA'O, ,'DIS 'DI YIN NO ZHES BYA BA'I RJES SU 'GRO BA YANG 'DI'I KHONGS SU GTOGS PA YIN NO ZHES ZER BA NI, GAL TE MTHONG BA'I SGO NAS ZHES BYA'O, ,'DI MED NA MED DO ZHES BYA BAS RJES SU 'GRO BA NGES PA CAN YIN GYI GZHAN DU MA YIN PAR BSTAN PA NI, RJES SU 'GRO ZHES BYA BA'O, ,SGRUB PA'I MTHA' CAN YANG GSAL BA RNAMS LA KHYAB PAS MA YIN LA GZHAN SEL BA LA LDOG PA GTZO BO YIN PAR BSTAN PA NI, RJES SU 'GRO BAS ZHES BYA BA'O, ,'JUG PA'I 'BRAS BU NYID LAS RJES SU DPOG PA YIN PAR ZER BA NI, 'BRAS BU MTHONG BA LAS ZHES BYA BA'O, ,RGYU'I SPYI ZHES BYA BA NI YI GE GA LA SOGS PA PA RNAMS KYI GCIG LA BA LANG NYID KYI SHES PA GCIG BZHIN DU SHES PA MTSUNGS PA'O, ,LHAG MA DANG LDAN PA ZHES BYA BA NI SMRA BA BO NYID KYI PHYIR THAMS CAD MKHYEN PA MA YIN NO ZHES BYA BA STE, MI MTHUN PA'I PHYOGS LAS LDOG PA LA THE TSOM THA BA'O, ,'GAL BA MI 'KHRUL PA CAN ZHES BYA BA NI MI RTAG PA DANG 'GAL BA LA MI 'KHRUL PA CAN YIN TE, MNYAN PAR BYA BA NYID KYIS SGRA NYID RTAG PAR KHAS LEN PA'I PHYIR RO, ,GCIG TU BRJOD PA YIN YANG RNAM PA GNYIS BZHIN DU GNYIS NYID MA BSAL BA'I PHYIR GZHAN GYI 'DOD PA THE TSOM GYI RGYU NYID YIN NO, ,DE BSTAN PA NI GZHAN GYIS KHAS BLANGS PAS ZHES BYA BA'O, ,DE NYID KYI PHYIR BCOM LDAN 'DAS CHOS KYI GRAGS PAS DNGOS

, ,PO'I STOBS KYIS 'JUG PA MA YIN PA'I RJES SU DPAG PA LA BRTEN NAS 'GAL BA MI 'KHRUL PA CAN ZHES GSUNGS SO, ,DNGOS PO'I STOBS MA YIN NA MI 'KHRUL PA CAN MA YIN NO ZHES BYA BA LA YANG LAN GYI TSIG KHAS BLANGS NAS BRJOD PA'O, ,PHA BRAM ZE NYID YIN PA'I PHYIR BU BRAM ZE NYID DU BSGRUB PA LA PHYOGS KYI CHOS MA YIN YANG SGRUB BYED DAM DE DANG 'BREL PA CAN GYI PHYOGS KYI CHOS GTAN TSIGS NYID YIN NO SNYAM DU SEMS PA LA GAL TE PHYOGS KYI CHOS ZHES BYA BA'O, ,PHYOGS DANG 'BREL PA CAN YANG PHYOGS NYID YIN PA'I PHYIR DE'I CHOS KYANG PHYOGS KYI CHOS SU BRJOD PA YIN PAR BSTAN PA NI, GANG DU GTAN TSIGS BSGRUB BYA'I ZHES BYA BA'O, ,PHA NYID KYANG BU LA LTOS PA YIN LA BU LA GNAS PA DE'I BRAM ZE NYID 'BRAS BU YIN YANG YOD PA LA SOGS PA RANG GI KHYAD PAR GYIS RGYUR GO BAR BYED PA DES KHYAD PAR DU BYAS PA NYID YIN PA'I PHYIR PHYOGS KYI CHOS YIN NO, ,MI RTAG PA'I 'BREL PA CAN RES 'GA' BA MED NA MI 'BYUNG BA'I BSGRUB BYA DANG SGRUB BYED DU BSGRUB PA LAS BZLOG PA'I 'BREL PA NI RJES SU 'GRO BA'O, ,KHYAB PAR ZHES BYA BA NI LDOG PA'O, ,LDOG PAS ZHES BYA BA NI DE MED NA MED PAR MTHONG BA'I PHYIR RO, ,GAL TE YUL DE DAG TU NI 'GRO ZHING 'GRO ZHING MA DMIGS NA ZHES BYA BA'I RIGS PAS SO SNYAM DU SEMS PA NI LDOG PAS ZHES BYA BA STE 'BREL PA MTHONG BA'O, ,YOD PA DANG MED PA RAB TU BSTAN PA ZHES BYA BA NI YOD PA DANG MED PA RNAM PA GNYIS ZHES BYA BA 'DIS SO, ,TSUL GSUM PA LHAG MA LUS PA ZHES BYA BA NI KHYAB BA LA SOGS PA'O, ,RIGS PA'I MTHAR THUG SBAS PA YI, ,DON LDAN RAB TU BYED PA 'GA', ,BDAG GIS RNAM PHYE'I KHYAD PAR LAS, ,KHYAD PAR SHES PA RNAMS KYIS SHES, ,RIGS PA'I PHUNG PO 'DI DE YAL GA MTHA' YAS PA BSDUS PA MKHAS PA RNAMS KYIS RIG BYA RIG PAR BYA BA YIN PAR BSTAN PA YIN YANG GZU BO NYID DU MI GNAS NA BLO'I RAB RIB SEL BAR MI BYED PAR BSTAN PA NI KVA'I MI RNAMS ZHES BYA'O, ,RTAG TU PHYOGS SU LHUNG BA DANG LDAN PA DAG GANG YIN PA'O, ,DE NYID KYI PHYIR RANG DANG GZHAN GYI PHYOGS DAG LA GANG GIS MUN PAR BYAS BA YIN PA DE'O ZHES BYA BA NI GZU BOR GNAS PA MA YIN PA NYID DANG DE'I 'BRAS BU RIM GYIS BSTAN PA YIN NO, ,DE NYID RTOGS PA BSGRUB BYA MIN, ,ZHES BYA BAS RGYU 'GAL BA DMIGS PA YIN PA'I PHYIR RTOGS PA PHUL DU BYUNG BA LA GZU BOR GNAS PA NYID RGYU YIN PAR BSTAN PA NI, BLO DANG

LDAN PA'I TSUL ZHES BYA BA STE, SHES RAB PHUL DU BYUNG BAS THAMS CAD LAS RGYAL BAR 'DOD PA'I TSUL LO, ,GZU BO NYID DU GNAS NA GOMS PA PHUL DU BYUNG BA CAN NI GO 'PHANG MTHON PO LAS YANG 'GAL BA YIN PAR BSTAN PA NI, GZHUNG LUGS PA RNAMS ZHES BYA BA STE GZU BOR GNAS PA DANG GOMS PA DAG GIS NUS PA NYID NI RANG LA MTHONG ZHES BYA BA'I DON TO, ,RNAM PAR DBYE BA KHYAD PAR CAN GYI RGYU DE GNYIS LA NUS PA YIN PAS PHYOGS SU LHUNG BA YANG SKYON MA YIN PAR BSTAN PA NI 'DI ZHES BYA BA'O, ,RNAM 'GREL LA SOGS PAR GOMS PA TZAM LAS LHA DANG PHYIR RGOL BA DANG BRAL NA PHA ROL PO YANG DE KHO NA NYID KYI DON RDZOGS PAR BYED PA LA NUS PA CAN DU 'GYUR GYI, BDAG 'BA' ZHIG RIGS PA DANG LDAN ZHING SKYON MED PA MA YIN NO, ,CI LAS SHE NA BDAG GI'AM GZHAN BLO RIGS PA DANG MI RIGS PA MA YIN PA MA YIN NA, DON BYAS PA STE BLANG DANG DOR BYA RNAM PAR 'GYUR BA'I PHYIR RO ZHES BYA BA'I DON TO, ,GZU BOR GNAS PA DANG GOMS PA SNGON DU SONG BA PHYOGS SU LHUNG BA NI DPOG PA PHUL DU BYUNG BA LA NUS PA NYID KHYAD PAR CAN DANG LDAN PAR BSTAN PA NI, LEGS ZHES BYA BA'O, ,DE LTA YIN NA CI'I PHYIR MI BRJOD CE NA, RIN CHEN 'BYUNG GNAS LAS ZHES BYA'O, ,LEN BYED MKHAS PA ZHES BYA BA DGOS PA CAN YIN NO ZHES BYA BA'I DON TO, ,RGYAN GYIS LUS MDZES PAR BRGYAN PA NA GRONG BA STE BYIS PA RNAMS 'DOD CHAGS KYI DON DU 'DRID PAR BYED PA DE'I PHYIR 'DI LA YANG DE BYAS TE ZHES BYA BAR SBYAR RO, ,MKHAS PAS 'DI BYAS KYANG BYIS PA RNAMS LA CIR 'GYUR SNYAM DU SEMS PA LA, GZHAN LA NYE BAR DGOS PA BYED PA BYANG CHUB SEMS PA RNAMS KYI TSUL GCIG YIN PAR BSTAN PA NI DE LTAR SEMS TE ZHES BYA BA'O, ,GZHAN GYI DON BSGRUB PA'I BLO GANG DAG YIN PA DE DAG GI'O, ,'GREL PA GZHAN GYI DON DU YIN NA YANG DPYOD PA PA'I GZHUNG LUGS LA SOGS PA CI'I PHYIR MA BYAS ZHES ZER BA LA, DE ZHES BYA BA STE DE'I PHYIR RO, ,CI'I PHYIR 'DI NYID LA SEMS PAR BYED PA YIN ZHES ZER BA LA, 'GRO BA MTHA' DAG CES BYA BA STE, DE BZHIN GSHEGS PA NYID KYI GSUNG SEMS BZHIN PA NI BDE BA MTHA' YAS PA'I PHYIR DU JI LTAR YIN PA DE LTAR DPYAD ZIN PA YIN NO ZHES BYA BA'I DON TO, ,SGYU MED CING DRI MA MED PA'I TSUL NGES PAR BZUNG BAS 'JIG RTEN PA RNAMS KYIS RTOGS PAR

, ,BYED PA LAS BSOD NAMS SHIN TU CHEN PO THOB PA NI SNYING RJE'I BDAG NYID YIN PA'I PHYIR, DE DAG NYID BSGOMS PA LAS BYUNG BA LA SOGS PA'I SHES RAB PHUL DU BYUNG BA RDZOGS PA'I CHED DU YONGS SU BSNGO BA NI, DE LTAR BDAG GIS ZHES BYA BA'O, ,LE LO SNYOM LAS RING DU SPANGS NAS BRTZON PA CHEN POS BRTZAMS PA 'DI, ,MDOR BSDUS DES MTSON LHAG MA RNAMS LAS SBYANGS PA'I BLO CAN RGYAL BA CAN DU 'GYUR, ,DRI MED YON TAN 'BYUNG GNAS GCIG POR 'DI NI DE LAS GZHAN BDAG GI ,RIGS PA RNAMS KYANG RANG BZHIN GYIS RTOGS RGYAS PA MANG POS 'DIR MA BSHAD, ,DE LTA 'DI LA'ANG BLO MCHOG LDAN PA RNAMS KYIS NI, ,BLO YI RJES SU 'BRANGS NA BLO GROS CHER 'PHEL ZHING, ,DRI MED YON TAN DAM PA'I RIN CHEN GYIS BRGYAN PA'I, ,YID KYI DRI MA LAS RGYAL RGYAL BA CAN DU 'GYUR, ,TSAD MA GTAN LA 'BEBS BYED TSIG GI RGYA MTSO LAS NI RIGS PA MANG PO YIS, ,BDAG GIS BTON NAS SKYES BU GZHAN GYI MCHOG TU MTSUNGS MED MIG TZAM LAS THOB PA, ,STON KA'I ZLA BA DRI MA MED PA'I 'OD ZER LTA BU'I BSOD NAMS TSOGS BSAGS PAS, ,SKYE BO RNAMS KYI NANG GI MIG GI MUN CHEN BCOM NAS RGYAL BA CAN GYUR CIG ,TSAD MA RNAM 'GREL GYI RGYAN GYI 'GREL BSHAD MKHAN PO RGYAL BA CAN GYIS RNAM PAR SBYAR BA LAS, GZHAN GYI DON GYI RJES SU DPAG PA'I LE'U STE BZHI PA'O,, ,,TSAD MA RNAM 'GREL GYI RGYAN GYI 'GREL BSHAD SLOB DPON RGYAL BA CAN GYI ZHAL SNGA NAS MDZAD PA RDZOGS SO,, ,,BCOM LDAN 'DAS RIGS GSUM MGON PO'I SPRUL PA BYANG CHUB SEMS PA'I GDUNG RGYUD MI RJE LHAS MDZAD PA BOD KYI LHA BTZAN PO SH'AKYA'I DGE SLONG LHA BLA MA ZHI BA 'OD KYI ZHAL SNGA NAS DANG, BOD KYI LHA BTZAN PO DBANG PHYUG DAM PA'I MNGA' BDAG CHEN PO KHRI BKRA SHIS RTZE LDE BTZAN GYI ZHAL SNGA NAS, RGYAL PO'I YANG RGYAL PO CHEN PO 'PHRUL GYI LHA BTZAN PO KHU DBON GYI BKAS, THUGS DAM SA'I SNYING PO THO LING DPAL DPE MED LHUN GYIS GRUB PA'I GTZUG LAG KHANG DU, RGYA GAR GYI MKHAN PO DPAL BI KRA MA LA SH'ILA'I MKHAS PA CHEN PO PAndI TA SHR'I D'I PAm KAR RAKshI TA DANG, ZHANG ZHUNG GI LO TZ'A BA CHEN PO MANG 'OR BANDE BYANG CHUB SHES RAB KYIS NAN TAN SNYING POR BYAS NAS GTAN LA PHAB PAR BSGYUR BA'O,, ,,BSTAN BCOS 'DI'I GZHUNG GI TSAD NI BAM PO DRUG CU YIN NO,, ,,