TSAD MA RNAM 'GREL GYI RGYAN (Pramāṇa Vārtikālaṃkāra)

[DD] #, ,RGYA GAR SKAD DU, PRA M'A nA BARTI KA A'A LAm K'A RA, BOD SKAD DU, TSAD MA RNAM 'GREL GYI RGYAN, THAMS CAD MKHYEN PA LA PHYAG 'TSAL LO, ,TSAD MA YANG DAG 'GRO LA [DD] PHAN BZHED PA, ,STON PA BDE GSHEGS SKYOB LA PHYAG 'TSAL TE, ,RTOG GE NGAN 'KHRUL 'GRO BA LA BRTZE BAS, ,TSAD MA GRUB PA TSUL BZHIN BSHAD PAR BYA, ,SKABS DON RGYA CHER BYED PA'I RAB TU GSAL BAR SMRA PO DON DAM SDUD PA'I BLOS, ,SNYING PO MA YIN PA YI TSUL BSAL BA DAG PHAL CHER MTHONG BA MED PA NYID, ,DES NA 'DIR NI MNOG MED TSUL DANG BRAL BAS SKAL LDAN BLO MI BRTAN RNAMS KYI; ,BLO NI MTHA' 'DAS DAG PAR BYA PHYIR YANG DAG RIGS PA'I DON DU BLO BSGRUB PO, ,'DI LA BSTAN BCOS KYI DANG POR BCOM LDAN 'DAS RGYU DANG 'BRAS BU PHUN SUM TSOGS PAS TSAD MA YANG DAG PA NYID DU BSTOD PA MNGON PAR BRJOD PA NI, BSTAN BCOS KYI DON YIN PA'I PHYIR TE, 'DIR BCOM LDAN 'DAS NYID TSAD MA YANG DAG PAR SGRUB PA YIN NO, ,DE LA RGYU NI THA SNYAD PA'I TSAD MA LA LTOS NAS, BSAM PA

, ,DANG SBYOR BA PHUN SUM TSOGS PA'O, ,BSAM PA NI 'GRO BA LA PHAN PAR BZHED PA NYID YIN LA, SBYOR BA NI 'GRO BA LA STON PA'I PHYIR STON PA NYID DO, ,'BRAS BU NI RANG DANG GZHAN GYI DON PHUN SUM TSOGS PA'O, ,RANG GI DON PHUN SUM TSOGS PA NI, DON RNAM PA GSUM BZUNG BAS NA BDE BAR GSHEGS PA NYID KYIS TE, LEGS PA NYID NI GZUGS BZANG BA BZHIN NO, ,SLAR MI LDOG PA NYID NI RIMS NAD LEGS PAR BYANG BA BZHIN NO, ,MA LUS PA'I DON NI BUM PA LEGS PAR GANG BA BZHIN NO, ,GZHAN GYI DON PHUN SUM TSOGS PA NI 'GRO BA SGROL BA'I PHYIR SKYOB PA NYID DAM, YONGS SU MYA NGAN LAS MI 'DA' BA'I CHOS NYID KYIS NI RGYUN GYI DON TO, , DE LTA BU'I BCOM LDAN 'DAS LA PHYAG 'TSAL NAS TSAD MAR GRUB PA BSHAD PAR BYA'O, ,GZHAL BYA RTOGS PA NI TSAD MA LA RAG LAS PA YIN LA, TSAD MA YANG BCOM LDAN 'DAS NYID YIN TE, TSAD MA'I MTSAN NYID YOD PA'I PHYIR RO; ,'DIS 'JAL BAR BYED PAS NA TSAD MA YIN NO, ,DE LA TSAD MA'I MTSAN NYID SPYIR STON PA NI, TSAD MA SLU BA MED PA CAN GYI SHES PA, TSAD MA NI MI SLU BA CAN TE, DE YOD NA GZHAL BYA GRUB PA'I PHYIR RAM, SLU BA YIN NA BZLOG

PA'I PHYIR RO, ,DBANG PO DANG DON 'BREL PA LA SOGS PA NI SLU BAS STONG PA'I SHES PAS NYE BAR MTSON PA NYID DE NYID YIN PAR 'GYUR TE, TSAD MA TSOL BA THAMS CAD NI MI SLU BA'I DON DU GNYER BAS RAB TU SBYAR BA YIN NO, ,GAL TE MI SLU BA DANG LDAN PA NYID SGRUB PAR BYED PA'I SHES PA DE'I RANG GI NGO BO NYID MA YIN NAM, DE RANG GI NGO BOS SHES NA DE SHES PA NYID YIN PA'I PHYIR BRTAG PA BYA BA CI YOD, CI STE RANG GI NGO BO RIG PA MA YIN NA, DE'I TSE TSAD MA NYID MED PAR 'GYUR NA, PHYOGS 'DI NI KHYED KYIS BZOD PA MA YIN NO ZHE NA, DE NI MA YIN TE SHES PA'I RANG GI NGO BO NYID TSAD MA'AM MI SLU BA CAN NI MA YIN GYI 'ON KYANG DON BYED NUS PAR GNAS PA YIN, MI SLU, SHES PA'I RANG GI NGO BO TZAM RTOGS PAS NI 'DI TSAD MA YIN NO ZHES BYA BAR MI 'GYUR RO, ,'O NA CI ZHE NA DON NI BTZO BA DANG BSREG PA LA SOGS PA'O, ,BYED PA NI GRUB PA'O, ,DE GNAS PA NI BRTAN PA'AM RNAM PAR GNAS PA NI MI SLU BA YIN NO, ,DON BYED PA DE YANG 'BYUNG BAR 'GYUR BA YIN GYI, ,DE'I DUS SU NI MA YIN NO, ,DES NA DE DANG 'BREL PA YIN GYI RANG GI NGO BO RIG PA TZAM GYIS NGES PA MA YIN NO, ,GAL TE DE DANG 'BREL PA RANG GI NGO BO NYID MA YIN NAM, DE CI LTAR RANG GI NGO BOR RIG PA TZAM GYIS NGES PAR MI 'DZIN ZHE NA, DE NI YOD PA MA YIN TE, GNYIS GNAS 'BREL PAR RIG PA NI, ,GCIG GI NGO BO RIG PAS MIN, ,GNYIS KYI RANG GI NGO BO NI, ,RIG PA YIN NA 'BREL PAR RIG ,'O NA JI LTAR 'JUG PA'I DUS SU DE SHES SHE NA, 'DI NI 'OG NAS BSHAD PAR BYA'O, ,GAL TE DON BYED PA RTOGS PAS SNGA MA TSAD MA YIN NO, ,DON BYED PA RTOGS PA DE YANG TSAD MA'AM TSAD MA MA YIN PAR 'GYUR, TSAD MA MA YIN PAS NI DON BYED PA RTOGS PA MED PA'I PHYIR DE NI TSAD MA YIN NO, ,DES NA DE LAS KYANG NI DON BYED PA RTOGS PA GZHAN BTZAL DGOS PAS THUG PA MED PAR 'GYUR RO ZHE NA, DE NI MA YIN TE, PHYI MA'I DON BYED YOD PA LAS, ,GAL TE SNGA MA TSAD YIN NA, ,DE TSE DON BYED NYID YOD LAS, ,PHYI MA CI LTAR DE MA YIN, ,GANG LA GZHAN GYI DON BYED PA GNAS PA NYE BAR SGRUB PA DE TSUN CHAD TSAD MA YIN NA, GANG LA RANG NYID LAS DE NYID KYI TSE DON BYED PA MYONG BA YOD PA DE NI SHIN TU

, ,CHES TSAD MA NYID DE DON BYED GNAS PA NI MI SLU BA ZHES SPYIR BRJOD PA'I PHYIR RO, ,GAL TE BSREG PA DANG BTZO BA LA SOGS PA'I DON BYED PA DE NI RMI LAM DANG DUNG LA SER POR SHES PA LA SOGS PA LA YANG YOD PA YIN LA, RANG DANG GZHAN LAS DON BYED PA MED PA'I PHYIR SGRA'I YUL CAN GYI SHES PA LA NI, BTZO BA DANG BSREG PA LA SOGS PA'I DON BYED PA MED PA MA YIN NAM, DE'I PHYIR GNOD PA MED PA'I RTOGS PA TZAM TSAD MA YIN NO ZHES RIGS SO ZHE NA, DE YANG MI RIGS TE, 'DI LTAR SGRA LAS BYUNG BA YANG, MNGON PAR 'DOD PA STON PA'I PHYIR MI SLU BA YIN NO,, SGRA'I YUL CAN GYI SHES PA NI SGRA LAS BYUNG BA'O, ,YANG GI SGRAS NI GZHAN LA YANG NGO, ,DON 'DI YIN TE, NGO BO RTOGS PA TZAM GYIS NI, ,SHES PA THAMS CAD TSAD MAR 'GYUR, ,'ON TE GNOD MED RTOGS PHYIR NA, ,RMI SOGS LA DE CIS MA YIN, ,RTOGS PA TZAM DANG 'BREL PA NI, ,RMI LAM DANG GZHAN PA'I SHES PA DAG LA YOD PAS NA THAMS CAD LA MTSUNGS SO, ,DE NI SKYES BU'I DON SGRUB PAR BYED PA MA YIN NO, ,'ON TE GNOD PA MED PA'I RTOGS PA NYID YIN NA DE YANG MTSUNGS PA NYID DO, ,SAD PA'I SHES PAS GNOD PA YIN NO ZHE NA, GNOD PA ZHES BYA BA 'DI CI ZHIG ,GAL TE GZHAN GYI YUL MED PAR, ,SHES PA NYID NI DER 'DOD NA, ,RANG DON LA 'JUG SHES PA NI, ,JI LTAR MED PA SHES PAR BYED, ,RE ZHIG SHES PA GZHAN 'GA' ZHIG GIS RMI LAM GYI SHES PA'AM GZHAN MED PAR BYED PA NI MA YIN TE, DE'I DUS NA DE RANG NYID ZHIG PA'I PHYIR RO, ,MIG BTZUMS PA TZAM GYIS ZHIG PA'I SHES PA LA GNOD PA NYID RTOGS PA YANG MED DO, ,SHES PA GZHAN GYIS DE'I YUL 'PHROG PA MED PAR SHES PA'I MTSAN NYID GNOD PA YIN NA RANG GI YUL LA 'JUG PAS NI GZHAN GYI YUL 'PHROG PAR BYED NUS PA MA YIN NO, ,RANG GI YUL GYI RANG BZHIN SGRUB PA NI SHES PA RNAMS KYI CHOS YIN LA, GZHAN GYI YUL 'PHROG BA NI MI'I BDAG PO RNAMS KYI CHOS YIN NO, ,'O NA JI LTAR GNOD PAR BYA BA DANG GNOD PAR BYED PA'I DNGOS PO YIN ZHE NA, JI LTAR RANG GI YANG MA YIN NO, ,DE NYID KYI PHYIR GNOD PA MED PA NYID TSAD MA MA YIN PA NYID DO, ,DE'I PHYIR

GANG LA DON BYED PA MED PA DE NI TSAD MA MA YIN NO, ,GANG LA RANG NGAM GZHAN GYIS NI, ,DON BYED 'BYUNG BA SHES MIN TE, ,TSAD MIN DE NYID DU NA NI, ,RMI LAM RMI LAM MIN KHYAD MED, ,RMI LAM DANG RMI LAM MA YIN PA DANG, DE BZHIN DU TSAD MA DANG TSAD MA MA YIN PA'I DBYE BA 'DI NI THA SNYAD TZAM YIN NO ZHES 'CHAD PAR 'GYUR RO, ,'DI NI DON BYED PA RNAM PAR GNAS PA MA YIN TE, BRTAN PA NYID MED PA'I PHYIR RO, ,RMI LAM GYI DON BYED PA NI GOMS PA TZAM GYI STOBS KYIS YIN TE, DE LA TSIM PA NI YOD PA MA YIN NO, ,GNOD PA MED PA NYID YIN NA NI THUG PA MED PA NYID DO; DANG PO GNOD PA MED PA NI THAMS CAD LA YOD PA NYID DO, ,DUS PHYIS GNOD PA MED PA YIN NA, DE LA YANG DUS PHYIS GNOD PA MED DO ZHES GA LAS YIN, DANG PO GNOD PA MED PA NI, ,RNAM SHES KUN LA YOD PA YIN, ,PHYI NAS GNOD PA BYED YIN NA, ,DER YANG JI LTAR DOGS MA YIN, , DUNG SER POR SHES PA LA SOGS PA NI TSAD MA MA YIN PA NYID DE, DE BZHIN DU DON BYED PA THOB PA MED PA'I PHYIR RO, ,DBYIBS TZAM GYI DON BYED PA SGRUB PA LA NI RJES SU DPAG PA'I SHES PA GZHAN NYID TSAD MA YIN NO, ,'DI LTAR, 'DI LTA'I SNANG BA GANG YIN PA, ,DE NI DBYIBS DANG 'BRAL MIN TE, , DE LTAR GZHAN DU MTHONG BA'I PHYIR, ,DE LTAR NA DE RJES SU DPAG YIN, ,GANG GIS NAM YANG 'KHRUL PA MA DMIGS PA DE LA NI JI LTAR BSAMS PA LA BSLUS PA'I PHYIR SLU BA NYID DO, ,'KHRUL PA RIG PA GANG YIN PA DE NI RNAM PAR DPYAD NAS 'JUG GO, ,GZHAN LA THE TSOM ZA BA'AM, BZLOG PAR GYUR PA YIN YANG DBYIBS TZAM LA NI RE ZHIG THOB PAR BYED PA YIN NO, ,DES NA DBYIBS LA NI TSAD MA YIN LA, GZHAN LA THE TSOM YIN PA'I PHYIR 'DI NI TSAD MA DANG TSAD MA MA YIN PA'I SHES PA GNYIS YIN NO, ,'DIS NI NOR BU'I 'OD LA NOR BUR SHES PA YANG BSHAD PA YIN TE, DE LTAR YANG 'CHAD PAR 'GYUR RO, ,CI STE 'DI NI GNYIS YIN NO ZHES GANG GIS RTOGS SHE NA, 'DI YANG BSHAD PAR BYA'O, ,SGRA'I YUL CAN GYI SHES PA NI MNGON PAR 'DOD PA STON PAR BYED PA'I PHYIR TSAD MA YIN TE, MNGON PAR BSAMS PA'I DON BYED PA'I RANG BZHIN STON PAR BYED PA NYID MI SLU BA YIN NO, ,GZHAL BYA'I

, ,RANG BZHIN GRUB PA NYID, ,DE NI BYED PA YIN PAR 'DOD, ,RI MO LA YANG MTHONG TZAM GYIS, ,'BRAS BU YONGS SU RDZOGS PA YIN, ,'DIR RANG GI NGO BO RIG PA LAS GZHAN PA'I DON BYED PA GRUB PA NI GANG DU YANG DMIGS PA MED DO, ,GZUGS LA SOGS PA LA YANG RANG GI RANG BZHIN RIG PA 'BA' ZHIG NYID DE, DE'I YUL CAN GYI SHES PA GZHAN LA TSAD MA 'GYUR BA NI MA YIN NO, ,DE'I RANG BZHIN RIG PA TZAM NI SHES PA THAMS CAD LA MTSUNGS PA'I PHYIR, THA SNYAD PA'I TSAD MA LA 'JUG PA MA YIN NO, ,DE'I PHYIR 'BYUNG GYUR DON YUL DANG, ,YUL GZHAN GYIS NI SPYOD YUL CAN, ,TSAD MA LHAG PAR SGRO BTAGS PAS, ,THA SNYAD RJES SU RTOGS PAR BYED, ,'BYUNG BAR 'GYUR BA'I DON DANG YUL GZHAN DON DU GNYER BA NI TSAD MA DANG TSAD MA MA YIN PA'I TSOL BA DANG DU LEN TO, ,JI LTAR DON DAM PAR REG PA LA SOGS PA YUL GZHAN GZUGS LA SOGS PA'I RANG BZHIN 'DZIN PA'I NANG DU MI 'DU BA DE BZHIN DU 'BYUNG BAR 'GYUR BA'I RANG BZHIN YANG YIN NO, ,LHAG PAR SGRO BTAGS PAS NI DE GCIG NYID YIN PA LTAR YUL GZHAN YANG YIN NO, ,DES NA DE'I SGO NAS KYANG MI SLU BA YIN PAR RJOD DE, GANG DU DE NYID DON BYED PA DER NI RTZOD PA MED PA KHO NA'O, ,DE LA 'BYUNG BAR 'GYUR BA'I RANG BZHIN LA NI, DE RGYU YIN PA NYID KYIS GCIG TU SGRO BTAGS PA YIN LA, REG PA LA SOGS PA GZHAN LA NI DE DANG TSOGS PA GCIG LA RAG LAS PA NYID KYIS YIN PA'I PHYIR KHYAD PAR MED DO, ,GANG LA DON BYED PA THA DAD PAR MNGON PAR 'DOD PA, DPER NA SMIG RGYU LA CHUR 'DZIN PA'I SHES PA LAS SMIG RGYU'I DON BYED PA THOB PA DE NI TSAD MA MA YIN PA NYID DO, ,DE NYID KYI PHYIR SGRA LAS BYUNG BA YANG MNGON PAR 'DOD PA STON PA'I PHYIR ZHES BSHAD DO, ,GZHAN RI MO LA SOGS PA LA YANG NGO, ,DE LTAR YIN DANG BUM PA SHES PA NA SNAM BU THOB PA DANG, NYA PHYIS LA DNGUL DU SHES PA BRGYUD MAR 'BYUNG YANG TSAD MA MA YIN NA, MNGON PAR 'DOD PA LA MI SLU BA MED PA'I PHYIR RO, ,MNGON PAR 'DOD LA SLU MED PHYIR, ,THAMS CAD TSAD MA YIN PAR BRJOD, ,RIGS MTHUN PA DANG MI MTHUN PA'I, ,SHES PA SKYE BA TZAM LAS MIN, ,GNOD

PAR BYED PA'I SHES PA YANG, ,DE LTA'I RNAM PAR GNAS PA NYID, ,DE NYID DU NA RIGS MI MTHUN, ,RNAM SHES SKYE BA TZAM DU ZAD, ,GAL TE RIGS MI MTHUN PA YI, ,RIGS SKYE GNOD BYED YIN BRJOD NA, ,BUM PA SHES LA SNAM BU SHES, ,JI LTAR GNOD BYED RIGS MA YIN, ,GAL TE MIN SHES DGAG 'JUG LAS, ,'GA' ZHIG GNOD BYED YIN 'DOD NA, ,MIN NO SNYAM PA'I SHES DE NYID, ,TSAD MA GANG LAS 'ONGS PA YIN, ,DNGOS MED MTSAN NYID TSAD MA STE, ,DE LAS SHE NA DE DPYAD BYA, ,GZHAN GYI RANG BZHIN RIG GAM CI, ,CI DE'I MED PA RIG PA YIN, ,GAL TE GZHAN DNGOS RIG NA NI, ,KHYAD PAR MED PAR THAL BAR 'GYUR, ,DE DNGOS MED PA RIG NA NI, ,DE'I ZHES 'BREL PA MED PAR 'GYUR, ,MED PA NI RANG GI NGO BOS RIG PA YIN NO, ,DNGOS PO MED PA RANG GI NGO BO NI BUM PA LA SOGS PA DANG 'BREL PAR RTOGS PA MA YIN NO, ,BUM PA RTOGS PA NA NI DNGOS PO MED PA DE DANG 'BREL BA NYID MA YIN TE, DE'I TSE DNGOS PO MED PA MA YIN PAR 'GYUR BA'I PHYIR RO, ,LHAS BYIN GSON PO NYID NI SHI BA MA YIN PA BZHIN NO, ,MA RTOGS PA'I BUM PA DANG DNGOS PO MED PA 'BREL BAR 'DZIN MI NUS SO, ,CI STE RGYU DANG 'BRAS BU'I DNGOS PO BZHIN DU RTOGS TE, RGYU YOD NA 'BRAS BU PHYIS 'BYUNG BA LA DE'I DE MA THAG TU DMIGS PA DE RIM GYIS RTOGS PA NA, RGYU DANG 'BRAS BU'I 'BREL PA 'DZIN PA YIN PA DE BZHIN DU DNGOS PO YOD NA DNGOS PO MED PAR 'GYUR LA, DNGOS PO MED PA YIN NA DNGOS PO YIN PAS 'BREL PA RTOGS PA YIN NO ZHE NA, DE YANG MA YIN TE GANG GI PHYIR, GTAN MED PA DANG 'BREL PA NI, ,'GA' YANG 'GRUB PA YOD MA YIN, ,MED DE DNGOS YOD NA MIN ZHING, ,DER NI BZLOG PA'ANG MA YIN NO, ,GZHAN YANG, RGYU 'BRAS DAG GI RANG BZHIN NI, ,DE MED PAR YANG RTOGS PA YIN, ,DE NYID DU NA MED PA YI, ,DNGOS PO MED PAR RTOGS MA YIN, ,STONG PA'I YUL GANG YIN PA DE, ,THAMS CAD DU NI MTSUNGS PA NYID, ,SNGA NA MED SOGS DBYE BA NI, ,DE LA SHIN TU SRID MA YIN, ,CI LTAR DNGOS PO'I DBYE BA NI, ,MNGON SUM GYIS NI RTOGS BYED PA, ,DE BZHIN SNGON MED LA SOGS KYI, ,DBYE BA'ANG MNGON SUM LAS

, ,RTOGS 'GYUR, ,GAL TE DE NI DNGOS MED PA'I, ,TSAD MA LAS NI 'DOD CE NA, ,GANG GI DNGOS MED TSAD MA YI, ,TSAD MA MED LAS RIG NA NI, ,CI LTAR THAMS CAD MED MIN ZHING, ,JI LTAR KUN DU GNYID LOG MIN, ,GAL TE MED PA 'DZIN PA YI, ,RIG PA DNGOS MED YIN 'DOD NA, ,DE NI DNGOS PO RIG MED PAR, ,'GA' ZHIG JI LTAR MTSAN MAR 'GYUR, ,GAL TE DER TSOGS 'DI NYID NA, ,DNGOS PO MED PA NGES MA YIN, ,DNGOS PO LAS NI THA DAD PA, ,DNGOS MED RIG PA YOD MA YIN, ,'DI MED CES BYA'I NGES PA NI, ,DE LA THA DAD RIG YIN NA, ,DE NI GANG LAS SKYES PA YIN, ,DRAN MED DBANG PO LAS MA YIN, ,DBANG PO DRAN PA DANG LDAN LAS, ,DNGOS SHES MED PAR 'BYUNG NA NI, ,DBANG PO YOD PA'I RJES 'BRANG PHYIR, ,DE NI MNGON SUM NYID DU 'GYUR, ,GAL TE GZHAN LA 'JUG PA YI, ,DBANG PO GZHAN SHES RGYU MIN NA, ,MED SHES NYID NI YID YIN TE, ,DE NI JI LTAR TSAD MA YIN, ,TSAD MA SLU BA MED PA LAS, ,DE NI GZHAN PA'I YID NYID YIN, ,DNGOS MED 'BA' ZHIG PA LA NI, ,MI SLU 'GA' YANG YOD MA YIN, ,MI SLU 'BA' ZHIG PA LA YIN, ,DE NI MNGON SUM GYIS 'DZIN TO, ,DNGOS MED BLO NI MED PAR DE, ,RTAG TU 'BA' ZHIG 'DZIN PAR 'DOD, ,GZHAN DANG 'DRE BA MED PAR NI, ,RTOGS PA 'BA' ZHIG 'DZIN PA YIN, ,'BA' ZHIG 'DZIN PA'I MNGON SUM LA, ,MI SLU BA NI SRID PA YIN, ,DE PHYIR DE NI MNGON SUM NYID, ,DE LTAR MIN NA MI DMIGS PA, ,GAL TE DNGOS MIN RIG MED PHYIR, ,'BA' ZHIG GANG LA RTOGS SHE NA, ,DER YANG 'BA' ZHIG RIG PA NI, ,MED NA MED PHYIR MTSUNGS PA'AM, ,CI LTAR DNGOS MED 'BA' ZHIG NI, ,DNGOS MED MED PAR 'JAL BYED PA, ,DE BZHIN DNGOS PO'ANG DE LTA NI, ,MIN NA THUG PA MED PAR THAL, , DNGOS PO MED PAR MA RTOGS PAR, ,'BA' ZHIG MI RTOGS SO ZHE NA, ,'BA' ZHIG PA RTOGS PA MED PAR DNGOS PO MED PA MI RTOGS PA'I PHYIR MTSUNGS PA'AM, DNGOS PO MED PA 'BA' ZHIG PA'ANG DNGOS PO MED PA GZHAN MED PAR CI LTAR RTOGS, DE LA YANG DNGOS PO MED PA RTOGS NA NI THUG PA

MED DO, ,DE NYID DRAN PA'I DON LA LTOS TE MI DMIGS PA YIN NO, ,DNGOS PO MED PA GRUB PA NI, ,MNGON SUM GYI SHES PA YIN LA, ,MED PA'I THA SNYAD NI BAG CHAGS KYI DBANG GIS 'GA' KHO NAR 'GYUR GYI, GZHAN DU MA YIN NO ZHES BYA BA NI RNAM PAR DBYE BA'O, ,DE'I PHYIR 'BA' ZHIG 'DZIN PAS NA, CI LTAR SAD PA'I SHES PA RMI LAM GYI SHES PA'I GNOD BYED YIN PA DE BZHIN DU BZLOG PA YANG YIN NO ZHES BYA BA 'DI NI RIGS PA YIN NO, ,DE'I PHYIR SGRA LAS 'BYUNG BA YANG MNGON PAR 'DOD PAR STON PAR BYED PA'I PHYIR TSAD MA YIN NO, ,DE'I PHYIR, GZHAN PA DAG DANG MA 'BREL PHYIR, ,NYAM PA'I BLO YANG TSAD MI 'GYUR, ,ZHES BYA BA DE BSAL BA YIN NO, ,GAL TE BCOM LDAN 'DAS TSAD MA YANG DAG PA YIN PAS DON CI YOD DE, THA SNYAD PA'I TSAD MA NYID LAS SKYES BU'I DON THAMS CAD 'GRUB PA'I PHYIR RO ZHE NA, DE NI MED DE, RANG DNGOS 'DZIN LA MNGON SUM DANG, ,GZHAN DU RJES DPAG 'JUG PA YIN, ,'DI YANG PHYI NAS 'CHAD 'GYUR TE, ,GZHAN NI TSAD MA MA YIN NYID, ,RE ZHIG MNGON SUM NI 'JIG RTEN PHA ROL LA SOGS PA LA MI 'JUG STE, DE NI RANG GI NGO BO TZAM 'DZIN PA'I PHYIR RO ZHES BSTAN PAR BYA'O, ,RJES SU DPAG PA NI 'BREL PA 'DZIN PA MED PAR MED LA, KHYAB PAR 'BREL PA 'DZIN PA YANG, THAMS CAD RIG PA MA YIN PAS 'DZIN PAR NUS PA MA YIN NO, ,RANG GI NGO BOR RIG PA'I MTHAR THUG PA'I MNGON SUM GYI BDAG NYID KYIS 'BREL PA MI 'DZIN PA'I PHYIR DANG, RJES SU DPAG PA NYID KYIS 'BREL PA 'DZIN NA YANG GCIG LA GCIG BRTEN PA'I NYES PAR 'GYUR RO, ,MNGON SUM DANG RJES SU DPAG PA NI THAMS CAD MKHYEN PA SGRUB PA DANG RJES SU MTHUN PAS THA SNYAD DU TSAD MA YIN GYI, DE LTAR MA YIN NA NI MA YIN NO ZHES BYA BA 'DI NI PHYIR BSTAN PAR BYA'O, ,GAL TE RANG GI NGO BO NYID DE'I YUL YIN PA'I PHYIR DANG, RJES SU DPAG PA YANG 'BREL PA 'DZIN PA LA LTOS PA'I PHYIR, MNGON SUM DANG RJES SU DPAG PA'I MTSAN NYID KYI TSAD MA 'JIG RTEN PHA ROL LA SOGS PA LA MI 'JUG MOD, BSTAN BCOS NI DE LTAR MA YIN PA'I PHYIR, DE NYID LAS MNGON PAR

, ,'DOD PA'I DON 'GRUB PAS BCOM LDAN 'DAS TSAD MA YANG DAG PA YIN PAR BSGRUB PAS CI ZHIG BYA ZHE NA, 'DI LA BRJOD PA, SMRA BA PO YI BYED PA'I YUL, ,DON GANG BLO LA RAB GSAL BA, ,SGRA NI DE LA TSAD MA YIN, ,DON GYI DE NYID RGYU CAN MIN, ,SKYES BUS MA BYAS PA'I SGRA NI MA YIN NO ZHES PHYIS BSTAN PAR BYA'O, ,SKYES BUS BYAS PA NYID NI 'GYUR RO, ,DE LA YANG SMRA BA PO'I BYED PA NI BRJOD PAR 'DOD PA'O, ,SMRA BA PO NI BRJOD PAR 'DOD PA PO STE, BRJOD PAR 'DOD PA'I YUL GYI DON GANG ZHIG NYAN PA PO'I BLO LA GSAL BA DE NYID LA SGRA TSAD MA YIN TE, SGRA'I BYED PA NI DE NYID LA YIN NO, ,GZHAN DU BRJOD PAR 'DOD PA GZHAN DU STON PAR BYED PA NI RTOGS PA SNGON DU GTONG BAR MI 'GYUR RO, ,DE LTA NA YANG TSAD MA MA YIN PAR SHIN TU GSAL LO, ,BRJOD PAR 'DOD PA DE YANG THAMS CAD THAMS CAD RIG PA NI MA YIN TE, DE LTA MA YIN NA PHAN TSUN 'GAL BA'I BSTAN BCOS DAG TU MI 'GYUR RO, ,PHAN TSUN 'GAL BA'I DON NI RJES SU SGRUB PAR NUS PA YANG MA YIN NO, ,RNAM PA JI LTAR YANG RUNG BAR BSGRUB PA TZAM DON GRUB PA YIN NA NI DON MED PAS NA BSTAN BCOS TSAD MA MA YIN NO, ,RANG GAR RJES SU BSGRUB PA LA YANG 'BRAS BU GRUB PA YOD PAR THAL BA'I PHYIR RO, ,DE LTA YIN NA JI LTAR 'DOD PA BZHIN DU NI, ,'JUG PAS RTZOD PA MED 'GYUR TE, ,'GAR YANG 'GA' YI SGRUB PA NI, ,'GA' YANG 'BRAS BU MI 'GYUR PHYIR, ,DE'I PHYIR GAL TE SMRA BA PO THAMS CAD RIG PA MA YIN NA SGRA 'CHAD PA PO'I BYED PA'I YUL NYID LA TSAD MA YIN GYI, DON GYI DE NYID KYI RGYU MTSAN CAN NI MA YIN NO, ,SKYES BUS MA BYAS PA LA YANG, GANG GI TSE RANG NYID DON RTOGS PA DE'I TSE NI DON GANG BLO LA GSAL BA YIN LA, GANG GI TSE 'CHAD PA PO LAS RTOGS PA DE'I TSE SMRA BA PO'I BYED PA'I YUL YIN TE, 'CHAD PA PO NYID SMRA BA PO YIN NO; ,DON GANG BLO LA SNANG BA DE NYID NI DON DAM PA MA YIN TE, DE LTA MA YIN NA MNGON PAR 'DOD PA'I DON MTHA' DAG GRUB PA'I PHYIR 'GA' YANG DON DU GNYER BAR MI 'GYUR RO, ,DON DE BSGRUB PAR BYA BA NYID DU RTOGS PA'I PHYIR DE LTA MA YIN NO ZHE NA, 'O NA DE'I TSE RANG GI NGO BOR MED PAS

DE RTOGS PA MA YIN NO, ,GZHAN RTOGS NA NI 'BREL BA MED PA'I PHYIR THE TSOM ZA BA NYID DO, ,DE'I PHYIR DON GANG RTOGS PA DE NI GRUB PA NYID KYIS DE DON DU GNYER NAS 'JUG PA MA YIN LA, DON DU GNYER BA GANG YIN PA DE NI MA RTOGS PA'I PHYIR DON GYI DE KHO NA NYID KYI RGYU MTSAN CAN GYI TSAD MA MA YIN NO, ,GAL TE BDAG NGES PAR SBYOR RO ZHES RTOGS PA'I PHYIR NGES PAR SBYOR BA DAG GI DON MA YIN NAM, DES NA NGES PAR SBYOR BA NYID KYIS 'DUG PAR MI NUS PA YIN NO ZHE NA, NGES PAR SBYOR BA ZHES BYA BA 'DI CI ZHIG ,NGES PA'I SGRA NI MA LUS PA'I DON YIN LA, SBYOR BA NI 'BREL PA'I DON YIN TE, LUS PA MED PAR SBYOR BA NI NGES PAR SBYOR BA'O, ,LUS PA MED PA NYID NI, MI SBYOR BA CUNG ZAD KYANG MED PA'I PHYIR RO, ,GDON MI ZA BAR BYA BA NYID NI NGES PAR SBYAR BA YIN TE, NGES PAR SBYOR BA'I TSAD MA CAN NI NGES PAR SBYOR BA RTOGS PA TZAM GYIS 'JUG PA YIN NO ZHE NA, DE LA BSHAD PA NI, 'CHAD PA PO'I BYED PA'I YUL ZHES BYA BA LA SOGS PA YIN NO, ,DON 'DI YIN TE, NGO BO NYID KYI DON GRUB NA, ,NGES PAR SBYOR DANG BYED PA DANG, ,KHAMS DON SGRUB PA BRJOD PA DANG, ,'KHRUL 'KHOR LA GNAS SOGS MI 'GYUR, ,DE'I PHYIR SPOBS PA JI LTA BA BZHIN GANG LA GANG SNANG BA DE DAG GI DON YIN TE, DON GYI DE NYID NI DE LTA MA YIN NO, ,SGRA DE NYID NI GANG JI LTAR BRJOD PA DE LTAR MI MTHUN PAR MI 'GYUR LA, DON GYI DE NYID NI DE LTAR GNAS PA MA YIN NO, ,GZHAN YANG GAL TE NGES SBYOR GYIS 'JUG NA, DE DNGOS YIN PHYIR DE LAS NI, ,THAMS CAD THAL 'GYUR NAM MKHA' NI, ,'GA' LA'ANG NAM MKHA' MIN MA YIN , ,RANG BZHIN YIN YANG PHYIN LOG GIS, ,GAL TE GZHAN DU RTOGS NA NI, ,PHYIN CI LOG DANG MA LOG PA'I, ,RNAM PAR GZHAG PA SU YIS BYED, ,GAL TE PHYIN CI LOG PAS NA, ,NGES PAR SBYOR BAR LHUR LEN PA'I NGAG LAS KYANG MI 'JUG NA, DE LTA YIN NA PHYIN CI LOG GI RTOGS PA NI 'JUG PA LA YANG NYAMS PA MED DO, ,JI LTAR 'DI NI SDANG BAS MI 'JUG PA PHYIN CI LOG YIN PA DE BZHIN DU GZHAN YANG DE'I PHYOGS SU LHUNG BAS 'JUG PA'I PHYIR 'DI NI MTSUNGS SO, ,BDAG NGES PAR SBYAR RO SNYAM PA

, ,TZAM GYIS NI 'JUG PA MA YIN TE, 'BRAS BU MED PA'I NGES PAR SBYAR BA LA 'JUG PA MED PA'I PHYIR RO, ,MNGA' BDAG GTUM POS NGES PAR SBYAR NA NI, ,'BRAS BU MED KYANG LOG PAR LTUNG BA'I 'JIGS PAS 'JUG CING LOG PAR LTUNG BA YANG TSAD MA GZHAN LAS RTOGS PA YIN NO, ,'DIR NI TSAD MA GZHAN MED DO, ,DE LTAR NA NI NGES PAR SBYOR BA DON MED DO ZHE NA, MED MOD DE CI SKYON, MTHONG BA NI MI 'THAD PA ZHES BYA BA NI MA YIN NO, ,RTOGS PA BDUN DU GTONG BAR BYED PA CAN 'BRAS BU MED PAR NGES PAR SBYOR NA NI, RTOGS PA DANG LDAN PAR MI 'GYUR RO ZHES BYA BA'I KLAN KAR 'DIR 'GYUR GYI, SKYES BUS MA BYAS PA LA NI KLAN KA CI YOD, SKYES BUS MA BYAS PA LA YANG DON MED PA NYID MI RUNG NGO ZHE NA, 'DI LA NI TSAD MA CI YANG MED DO, ,SKYES BUS MA BYAS PA GZHAN LA DE LTAR MA MTHONG BA'I PHYIR RO, ,GAL TE SKYES BUS MA BYAS PA'I NGES PAR SBYOR BA TZAM LAS 'JUG NA MTHO RIS 'DOD PA ZHES BYA BA'I DON MED DO, ,SBYIN SREG GYIS SHIG CES BYA BA TZAM LAS NGES PAR SBYOR BA RTOGS PA'I PHYIR RO, ,'ON TE 'BRAS BU MNGON PAR 'DOD PA LA 'BRAS BU NYE BAR STON PA YIN NO ZHE NA, 'O NA NI DE'I 'BRAS BUS NYID NYE BAR BSTAN PAR BYA BA YIN TE, NGES PAR SBYOR BA CI BYA; 'BRAS BU MNGON PAR 'DOD PAS RANG NYID 'JUG PAR 'GYUR RO, ,SKYES BUS MA BYAS PA'I PHYIR MA 'BREL YANG MI BRTZAD DO ZHE NA, 'O NA NI 'BRAS BU MED PA BSKUL BA LA YANG BRTZAD PAR MI BYA BA'I PHYIR RIG BYED DON MED PA CAN YIN YANG MI RIGS PA MED PAR 'GYUR RO, ,GZHAN YANG, GAL TE NGES SBYOR NGES SBYAR DANG, ,YUL DANG NGES SBYOR BYAD PO YI, ,CHOS SU 'DOD NA THAMS CAD LA, ,SGRA YI DON NI GNAS PA MED, ,NGES PAR SBYOR BA ZHES BYA BA 'DI GANG GI CHOS YIN ZHES BSAM PAR BYA'O, ,NGES PAR SBYOR BA SNAM BU LA SOGS PA'I DON BZHIN DU GZHAN DBANG MA YIN PAR RTOGS PA NI MA YIN NO, , DE LA 'DI NI GDON MI ZA BAR NGES PAR SBYAR BA LA SOGS PA'I CHOS SU 'GYUR TE, RNAM PA GZHAN RIG PA MED PA'I PHYIR RO, ,DE NI SBYAR BYA'I CHOS YIN NA, ,RJES SU BSGRUB BYA GA LA YIN, ,GAL TE GRUB KYANG BSGRUB BYA NA, ,SGRUB PA RGYUN CHAD MED PAR 'GYUR, ,YONGS SU RDZOGS PA NI RJES SU SGRUB PAR NUS PA

MA YIN NO, ,RJES SU SGRUB PAS DE LA BYA BA'I KHYAD PAR RAM RANG GI NGO BO SKYED GRANG RE ZHIG BYA BA'I KHYAD PAR NI DON MED PA NYID DE YONGS SU GRUB ZIN PA LA BYA BA CI'I CI DON DU BYED, RANG GI NGO BO SGRUB ZIN PA LA 'GAL LO, ,GRUB ZIN PA LA MA GRUB PA GZHAN NI YOD PA MA YIN TE, GRUB PA LA MA GRUB PA'I DNGOS PO MI RUNG BA'I PHYIR RO, ,GANG ZHIG GANG GI RANG BZHIN DU DMIGS PA DE DE'I RANG BZHIN YIN NA, MA GRUB PA NI DMIGS PAR MI NUS SO, ,PHYIS DMIGS PAR 'GYUR RO ZHE NA, DE NI MI RIGS TE, DE YI RANG GI NGO BOR NI, ,PHYIS DMIGS NUS PA MA YIN TE, ,MNGON SUM DA LTA'I RANG BZHIN NI, ,'DZIN PA LA NI 'JUG PHYIR RO, ,DA LTAR BA'I RANG BZHIN 'DZIN PA LA 'JUG PA'I MNGON SUM NI SNGA MA DANG PHYI MA'I RANG BZHIN MTHONG BAR NUS PA MA YIN NO, ,DES NA, DBANG PO LAS SKYES SHES PA NI, ,SNGA PHYI GCIG TU RIGS MIN TE, ,DBANG PO'I RJES SU 'BRANG BA YI, ,PHYIR NA MNGON SUM ZHES BRJOD DO, ,DE'I PHYIR NGES PAR SBYOR BA NGES PAR SBYAR BAR BYA BA SKYES BU'I CHOS YIN NA SGRA'I DON NYID MA YIN NO, ,YUL GYI CHOS NYID YIN NA YANG, ,YUL MA GRUB PA'I PHYIR RANG GI NGO BO NYID MED PAS DE JI LTAR SGRA LAS RTOGS PAR NUS, MED PA RI BONG GI RVA LA SOGS PA NI DE LTAR RJES SU GRUB PA'I YUL NYID DU MTHONG BA MED DO, ,RJES SU SGRUB PA'I YUL NYID KYIS NA RNAG BZHIN 'GAS NI MA YIN NO ZHE NA, DE NI MA YIN TE, GANG GIS DE NI YOD PA YI, ,NGO BO DES DE BSGRUB BYA MIN, ,GANG GIS DE NI YOD MIN PA, ,DES KYANG RTOGS PAR 'GYUR BA MIN, ,DE YI RTOGS BZHIN NYID SGRUB CING, ,BSGRUB BYA NYID NI MIN ZHE NA, ,DE YI RNAG GI NGO BO NI, ,DE NYID NGES SBYOR GZHAN 'GYUR MIN, ,RTOGS BZHIN PA NYID TZAM ZHIG NI, ,DNGOS PO KUN GYI THUN MONG YIN, ,RJES SU BSGRUB BYA NYID KYIS DE, ,NGES SBYOR DE LTA MIN NA MIN, ,GAL TE RJES SU BSGRUB BYA BAR, ,SNANG BA YIN GYI GZHAN MIN NA, ,DE LA RJES SU BSGRUB 'GYUR GYI, ,SPYIR RIG PA LA MA YIN NO, ,SPYIR RIG YIN NA DE LA NI, ,RJES SU BSGRUB DON RIG MIN PAS, ,DER SMRA BA YI NGES SBYOR NI, ,DAG GI DON DU 'GYUR MA YIN, ,GAL TE SPYIN SREG LA SOGS PA'I YUL LA BDAG SBYOR RO ZHES RTOGS PA YIN LA,

, ,SGRA LAS NGES PAR SBYOR BA RTOGS PA'ANG 'DI NYID YIN TE, BDAG NI 'DIS 'DI LA NGES PAR SBYAR RO SNYAM DU RTOGS PA GANG YIN PA'O, ,DE LA NGES PAR SBYOR BAR BYED PA PO NI SGRA YIN TE, SKYES BU NI RIG BYED LA TSAD MA MA YIN PA'I PHYIR RO, ,NGES PAR SBYAR BAR BYA BA NI, SKYES BU YIN LA, SBYIN SREG NI YUL YIN ZHING DE THAMS CAD RTOGS PA YIN NO, ,DE LA DNGOS PO NYID RTOGS PA YIN NA, DE JI LTAR RTOGS PA ZHES BYA BA BRGAL ZHING BRTAG PA 'DI CI ZHIG YIN ZHE NA, DE NI MI BDEN TE, RTOGS BYA YOD PA MIN NA DER, ,GANG GI RANG BZHIN RIG PA YIN, ,GANG ZHIG RANG GI NGO BO YIS, ,RIG DE DE YI RIG PAR 'DOD, ,RNAG GI NGO BO MED PA LA, ,RANG DNGOS RIG PA YOD MA YIN, ,GANG PHYIR DMIGS PA YOD PA DES, ,YOD DANG MED PAR JI LTAR 'GYUR, ,DMIGS PA TZAM GYIS DNGOS PO NI, ,YOD CES BYA BA RTOGS MA YIN, ,YUL RNAMS LA NI PHAN TSUN DU; ,'GAL BA'I DON DER 'GYUR MA YIN, ,RGYU YI DRI MAS MA SBAGS PHYIR, ,RIG BYED NYID LAS RTOGS SHE NA, ,'JIG RTEN RJES 'BRANG MED PAR NI, ,RIG BYED LAS RTOGS MED PHYIR MIN, ,MCHOD SBYIN LA SOGS DMIGS PAS NA, ,SGRA DON 'JIG RTEN NA SRID PHYIR, ,SNGON MTHONG RJES SU 'BRANG BA YIS, ,RTOGS PA DON GRUB BYED MA YIN, ,'DOD DANG MYA NGAN 'JIGS DANG SMYO, ,NYES PAS BSLAD PA'I SEMS RNAMS KYI, ,BLO SNGON RJES SU 'BRANG BAS NI, ,'DOD PA SGRUB BYED MTHONG BA MED, ,DAG DANG TSIG DON 'JIG RTEN NA, ,LA LAR NYE BAR BSLAD PAR MTHONG, ,DE RJES 'BRANG BAR RIG BYED LA, ,NYER BSLAD JI LTAR SRID MA YIN, ,DE LA RMONGS PA LA SOGS PA, ,BSAM PA'I NYES PA 'GA' MED NA, ,DER YANG MA RTOGS PA YI SKYON, ,'GA' ZHIG JI LTAR 'DOD MA YIN, ,'JIG RTEN BSAM PA'I NYES PA YIS, ,DNGOS DANG 'BREL PA NYAMS PA'I PHYIR, , TSAD MIN 'DI NI RIG BYED LAS, ,TSAD MA'I NYAMS PA MA YIN MIN, ,NGAG DANG TSIG DON 'JIG RTEN NA, ,NYE BAR BSLAD PA MTHONG BA'I PHYIR, ,RIG BYED LA'ANG SGRA DE NYID, ,DE DAG JI LTAR BSLAD MI SRID, ,GAL TE RIG BYED RANG NYID LAS DON BDEN PAR MI 'GYUR NA, DE'I TSE 'JIG RTEN MCHOD SBYIN LA

SOGS PA'I DON LA RANG NYID MI 'JUG PA'I PHYIR, JI LTAR MCHOD SBYIN LA SOGS PA'I BYA BA LA 'JUG PA DMIGS, 'DIR RANG NYID NI RTOGS PA NUS PA MA YIN TE, DES NA MI SLU BA LA BRTEN PA'I DON STON PA'I PHYIR RIG BYED TSAD MA YIN NO ZHE NA, 'DI NI LUNG THAMS CAD LA MTSUNGS SO, ,LUNG THAMS CAD LA'ANG SO SOR NGES PA'I LUNG GI DON GYI NANG GI BYE BRAG GI RNAM PAR DBYE BA DMIGS PA NI, SKYES BU TZAM GYIS NGANG GIS BRTAGS NAS RJES SU SGRUB PAR NUS PA MA YIN NO, ,YANG NA SGRA DANG RTAGS MED PAR YANG CI ZHIG LTAR DRAN PAR BYED PA RANG NYID GANG GIS BYA BA DE LTAR RTOGS PA'I BLO DE CI YANG MI 'GYUR RAM, CIG ,MCHOD SBYIN LA SOGS DON BYA BA'I, ,BDAG LA LUNG KUN MTSUNGS PA'I PHYIR, ,DE YI KUN GYIS BYED MIN TE, ,RIG BYED LA YANG MI MTSUNGS SAM, ,DAM PAS RTZI BA MIN ZHE NA, ,PHAN TSUN BRTEN PAR 'GYUR BA YIN, ,DAM PA RIG BYED DON SPYOD LAS, ,DE YI TSAD MA'ANG DE SPYOD LAS, ,GZHAN YANG, BRAM ZE LA SOGS PA DAG KYANG, ,LUNG GZHAN DANG NI 'BREL PAR 'GYUR, ,DE DAG SDIG LA DGA' MIN PAS, ,MI 'GYUR BA NI NYID CE NA, ,SDIG DANG CIG SHOS RNAM GZHAG 'DI, ,TSAD MA GANG LAS 'ONG BA YIN, ,BRAM ZE MIN PAS SDIG BDAG NYID, ,SDIG PHYIR BRAM ZE MIN DAG NYID, ,GZHAN YANG RIGS DANG RUS DANG NI, ,BYA BA SOGS LAS BRAM ZE SOGS, ,RNAM DBYE SHES PAR NUS MIN NI, ,GANG PHYIR BRAM ZE KHYAD CAN 'GYUR, ,BRAM ZE LA SOGS PA'I NGO BO NI JI LTAR YANG TSAD MA'I SPYOD YUL DU GYUR PA MA YIN NO, ,DE NI RIGS DANG LDAN PA'I MTSAN NYID DAM, RUS KYI MTSAN NYID DAM, BYA BA'AM NUS PA'I KHYAD PAR DU 'PHAGS PA DANG LDAN PA ZHIG YIN GRANG NA, RE ZHIG BA LANG NYID LA SOGS PA'I RIGS LTAR DE'I RIGS RNAM PA'I KHYAD PAR NYID LAS 'GA' ZHIG NGES PAR GZUNG BAR NI MI NUS TE, RNAM PA 'CHOL BAR MTHONG BA'I PHYIR RO, ,DMANGS RIGS LA SOGS PAR 'DOD PA RNAMS KYI RNAM PA YANG DE NYID YIN PAR DMIGS SO, ,KHU YU LA SOGS PA'I RNAM PA LTAR, KOOndI N+YA LA SOGS PA LA YANG RIGS MI MTHUN PAR 'DOD PA BSAL BA DANG, MI MTHUN PA'I BSAL BA NI MA DMIGS SO, ,DE NYID KYI PHYIR GSAL BA 'CHOL BAS THE TSOM GYI

, ,YUL YIN PA'I PHYIR, NYE BAR BSTAN PA DANG BCAS PA'I MNGON SUM TSAD MA YIN NO ZHE NA, MNGON SUM DON LA GZHAN GYIS NI, ,NYER BSTAN TSAD MAR RIGS MA YIN, ,NYE BAR BSTAN PA 'JIG RTEN RNAMS, ,GZHAN DU 'JUG PAR BYED PA YIN, ,GAL TE BRAM ZE NYID LA SOGS PA'I RIGS MNGON SUM GYIS MTHONG NA, GZHAN GYIS NYE BAR BSTAN PA DON MED DE, MNGON SUM GYI DON LA GZHAN GYIS NYE BAR BSTAN PA NI CHEN PO MA YIN NO, ,DE LTAR YIN NO ZHE NA NI GZHAN GYIS NYE BAR BSTAN PA LAS THE TSOM DU MI 'GYUR BAR BYA BA DE NYID KYI PHYIR MNGON SUM LHAN CIG PA LA LTOS PA YIN NO ZHE NA, GAL TE MNGON SUM NYER BSTAN LA, ,LTOS MED DON GRUB BYED YIN NA, ,NYER BSTAN DE NI BDEN NYID DU, ,SGRUB NUS DE LTA MIN NA MIN, ,GANG GI TSE MNGON SUM DANG NYE BAR BSTAN PA 'BA' ZHIG NUS PA MED PA DE'I TSE NI SO SO NUS PA MED PA GNYIS LHAN CIG TU GYUR KYANG DE DANG 'DRA BA NYID YIN PA'I PHYIR RIGS 'DZIN PAR NUS PAR MI 'GYUR RO, ,TSOGS PAS NUS SO ZHE NA, DE NI MED DE, THAMS CAD 'BRAS BU MTHONG BA LAS, ,TSOGS PA YIN ZHES RTOGS PAR 'GYUR, ,MYU GU SOGS BZHIN 'DIR YANG NI, ,'BRAS BU CUNG ZAD MTHONG BA MED, ,BUM PA DANG SNAM BU NI 'BRAS KYI MYU GU 'AM, GZHAN DU TSOGS PAR 'GYUR BA MA YIN TE, DE NI RJES SU 'GRO BA DANG LDOG PA DAG LAS CHU LA SOGS PA NYID YIN PAR MA THONG BA'I PHYIR RO, ,'DIR NI DE BZHIN DU RIGS NGES PA'I MTSAN NYID KYI 'BRAS BU DMIGS PA MA YIN NO, ,GANG GI TSE GSER LA SOGS PA'I NYE BAR BSTAN PA MI BDEN PAR DOGS PA DE'I TSE NI DE MNGON SUM DU MTHONG BAS BZLOG GO, ,DE BZHIN DU RIGS KYI NYE BAR BSTAN PA MI BDEN PAR DOGS PA, MNGON SUM GYIS BDEN PA'I RIGS KYI RANG BZHIN 'DZIN PA'I RGYU LAS BZLOG PA NI MA YIN NO, ,GSER LA SOGS PA LA NI RANG BZHIN GYI KHYAD PAR YOD PA'I PHYIR 'DI LTA BUR GYUR PA NYID NI GSER YIN NO ZHES BYA BAS MTHONG BA'I THA SNYAD RDZOGS PA'I PHYIR NYAMS PA 'GA' YANG MED DO, ,DER NI 'DI LTA BUR GYUR PA NYID NI BRAM ZE'O ZHES RKANG PA BRKYANG BTZAM SKYABS MA YIN TE, DON DAM PA'I 'JIG RTEN PHA ROL GYI THA SNYAD 'DOD PA BSLUS PAR 'GYUR BA'I PHYIR

RO; ,GSER NI NGAG MTHUN PA NYID KYIS BDEN PAR 'GYUR GYI BRAM ZE NI MA YIN NO, ,GZHAN YANG DER DOGS NA RIGS KYI NYE BAR BSTAN PA GZHAN LA SOGS PA'I NGES PAR RTOGS PA NYID BYED KYI THABS GZHAN NI MED DO, ,'ON TE 'DON PA LA SOGS PA BYA BA'I KHYAD PAR GYIS SHES KYI NYE BAR BSTAN PA TZAM LAS NI MA YIN NO ZHE NA, DE YANG MA YIN TE, BRAM ZE YIN NA BYA BA BYA'O, ,BYA BA LAS NI BRAM ZE MIN, ,RIGS NGES PA DANG BRAL BA YI, ,LEGS PAR BYED PA'ANG MED PA NYID, ,RIGS DANG BRAL BA'I 'DON PA DANG, ,'DON DU 'JUG PA'I 'DU BYED PA LA SOGS PA NI BRAM ZE NYID LA SOGS PA SGRUB PAR BYED PA MA YIN TE, DE LTA BU THAMS CAD BRAM ZER THAL BA'I PHYIR RO, ,GZHAN YANG, GAL TE MNGON SUM YAN GAR BAS, ,RIGS NI RTOGS PA MA YIN NA, ,TSIG LAS DE MI RTOGS PA LA'ANG, ,'GAL BA YOD PA MA YIN NO, ,RE ZHIG DANG PO 'JUG PA'I MNGON SUM NI BRAM ZE NYID LA SOGS PA'I RNAM PAR DBYE BA SGRUB PAR NUS PA MA YIN TE, DES NA GZHAN GYI NYE BAR BSTAN PA LA LTOS PA YIN NO, ,GAL TE MNGON SUM GYIS MA RTOGS NA NI BRJOD PAS KYANG MI RTOGS PA NYID DE, BRJOD PA DE YANG DMIGS PA NYID STON PAR BYED PA YIN PA'I PHYIR RO, ,MA SHES PAR ZHUGS PA'I SKYES BU'I TSIG NI NGES PA SKYED PAR BYED PA MA YIN NO, ,JI LTAR KHYOD KYIS DE RTOGS ZHES SKYES BU LA BRGAL ZHING BRTAG PA NA RUS DANG 'DU BYED PA LA SOGS PA NYID YONGS SU SHES PA'I YUL DU NYE BAR STON GYI RIGS DMIGS PAR BRJOD PA NI MA YIN NO, ,DE NYID RIGS YIN NO ZHE NA, 'DI LA LAN BTAB ZIN TE, BRAM ZE NYID YIN NA BYA BA YOD PAR 'GYUR GYI, DE NYID NI BRAM ZE NYID MA YIN NO, ,'ON TE, RUS KYI MTSAN NYID RIGS YIN NA, ,DE LTA YIN NA TSANGS PA LAS, ,SKYES PA BRAM ZE YIN ZHES BRJOD, ,TSANGS PA LAS SKYES BRAM ZE NA, ,HA CANG THAL BAR 'GYUR BA YIN, ,TSANGS PA'I LUS LAS MA SKYES PA, ,'GA' YANG GZHAN NA YOD MA YIN, ,BAR DU RIGS THA DAD CE NA, ,RGYU MTSAN MED PAR JI LTAR 'GYUR, ,BAR DU BYA BA THA DAD PHYIR, ,RUS KYI DGOS PA CI YANG MED, ,'ON TE BRAM ZE LA SOGS RUS, ,THA DAD THOG MED YIN 'DOD NA, ,TSAD MA 'JUG PA MED PA'I PHYIR, ,DE

, ,NI JI LTAR SHES PAR 'GYUR, ,DE NI YONGS SU MA SHES PHYIR, ,BYA BA BYA MIN NYID DU THAL, ,DE YI BYA BA MI SHES PHYIR, ,BYA BA MED PAR THAL BAR 'GYUR, ,RUS NI RNAM PAR MA CHAD KYANG, ,SHES PAR NUS PA MA YIN NO, ,RUS KYI DNGOS PO 'GA' YANG NI, ,RNAM CHAD MED PAR NGES MA YIN, ,DE LTA MIN NA SU TA DANG, ,GTING RING GTUM POR JI LTAR 'GYUR, ,GAL TE DE DAG DE SHES PAS, ,SHES NA NGES YO YOD MA YIN, ,'DI NI THOG MED RUS BRGYU DE, ,BUD MED 'KHRUL PA MED DO ZHES, , JI LTAR SHES 'GYUR BUD MED NI, ,RTAG TU 'DOD PAS GZIR BA YIN, , DANG PO BRAM ZE GNAS 'GYUR NA, ,DE YI RUS NI SRID PA NYID, ,DE MI NUS NA JI LTAR RUS, ,'DI NI DMUS LONG BRGYUD PA NYID, ,RGYAL RIGS RJE RIGS DMANGS RIGS RNAMS, ,'ON TE NUS PA'I KHYAD PAR DANG, ,LDAN PA BRAM ZE YIN 'DOD NA, ,DA LTAR NUS PA PHUL BYUNG BA, ,'GA' LA'ANG DMIGS PA YOD MA YIN, ,GAL TE SNGON DUS SU THOS NA, ,KUN LA YIN PHYIR TSIG DON MED, ,LUNG KUN LAS NI RAB GRAGS PA, ,NUS PA PHUL BYUNG CHEN PO CAN, ,RNAL 'BYOR GRUB PA CAN RNAMS SNGON, ,GDON MI ZA BAR RAB TU GRAGS, ,DE PHYIR NUS PA'I KHYAD PAR DANG, ,LDAN PA BRAM ZER RIGS MA YIN, ,GSAL BA BRAM ZE LA SOGS PAR, ,SGRUB BYED RIG BYED TSIG 'GA' YANG, ,YOD MIN SPYI YI TSIG DE NI, ,MA BRJOD PA DANG MTSUNGS PA NYID, ,RIG BYED DU LHAS BYIN LA SOGS PA BRAM ZE NYID DU NYE BAR STON PA NI MED DE, THAMS CAD KYI TSE MED PA'I PHYIR DANG, RIG BYED NI GTAN DU YOD PA'I PHYIR RO, ,DON MED PA'I DUS NI RIG BYED NYE BAR STON PA CI LTAR DON DANG LDAN PA YIN GANG GI TSE 'BYUNG BAR 'GYUR BA DE'I TSE DE LTAR YIN NO ZHE NA, DON MED PA YI RIG BYED PHYIS, ,JI LTAR DON DANG 'BREL PAR 'GYUR, ,BYA BA MED PA'I RANG BZHIN NI, ,CI LTAR DE LA BYED PAR 'GYUR, ,DON YOD PA DANG MED PA NI RIG BYED LA KHYAD PAR DMIGS PA NI MA YIN NO, ,THAMS CAD KYI TSE DE'I RANG BZHIN NYID YIN NA JI LTAR RNAM PAR DBYE BA 'DI RTOGS PAR 'GYUR, DES NA BRAM ZE NYID LA SOGS PA DE NI MNGON SUM DANG NYE BAR BSTAN PA DANG, GNYI GA DANG RIG BYED LAS KYANG RTOGS

PA MA YIN NO, ,DE MI RTOGS NA JI LTAR NYE BAR SBYOR TE, DE'I PHYIR DES BYA BA CI YOD, DES NA BRAM ZE NI THA SNYAD TZAM DU GRUB PA YIN NO, ,DE'I PHYIR RIG BYED LAS BRAM ZE LA YANG DON BYED PA'I TSUL BYED PA MA YIN PA'I PHYIR JI LTAR RIG BYED LAS THA SNYAD MI SLU BA YIN, 'GA' ZHIG GI THA SNYAD NI RIG BYED LAS BZLOG PA LAS KYANG YIN PA'I PHYIR, RIG BYED DANG RIG BYED MA YIN PA DAG KHYAD PAR MED DO, ,DE'I PHYIR YONGS SU MA BRTAGS PA'I RIG BYED KYIS NGES PAR SBYOR BA TZAM GYIS NI 'JUG PAR MI RIGS TE, DES NA 'JUG PAR BYED PA MA YIN PA'I PHYIR TSAD MA MA YIN PA NYID DO, ,'ON TE NGES PAR SBYOR BA NI NGES PAR SBYOR BA PO'I CHOS YIN NO ZHE NA, DE NI MI RIGS TE, NGES SBYOR BYED PO GRUB DNGOS PHYIR, ,NGES PAR SBYOR BA'ANG GRUB PA NYID, ,NGES SBYOR BSGRUB BYAR MI 'GYUR TE, ,GRUB PA JI LTAR BSGRUB BYA YIN, ,GRUB PA GZHAN LA LTOS MED PA, ,CI LTAR YANG BSGRUB PAR RIGS PA MA YIN TE, DE LTAR YIN NO ZHE NA NI GRUB PA 'PHRO 'CHAD PA MED PA'I PHYIR TSAD MA DON MED PAR 'GYUR RO, ,'ON TE NGES PAR SBYOR BA BYED PA PO'I CHOS YIN YANG, NGES PAR SBYAR BA DANG, YUL LA LTOS NAS NGES PAR SBYOR BA DE LTA BU NYID DU 'GYUR BA YIN NO, ,NGES PAR SBYAR BYA DANG BRAL BA'I, ,NGES SBYOR 'GA' YANG RTOGS PA MED, ,DE BZHIN NGES SBYOR YUL MED PAR, ,NGES SBYOR NYID NI YOD MA YIN, ,'DI LTAR, BDAG NI 'DI YI YUL 'DI LA, ,NGES PAR SBYOR RO ZHES RTOGS TE, ,GANG PHYIR NGES SBYOR BSKUL BYED KYI, ,RNAG BZHIN 'GAR YANG YUL MED MIN; ,NGES PAR SBYOR BA'ANG SBYAR BYA YI, ,BDAG TU DE NI 'GYUR MA YIN, ,DE LTA BU'I NGES PAR SBYOR BA DE YANG BSGRUB BYA NYID YIN TE, RANG GI BYA BA SGRUB PA MED PAR NGES PAR SBYOR BA BSGRUBS SO ZHES BYA BAR NI MI 'GYUR RO ZHE NA, DE LTA NA NI KHAMS NYID KYI DON DANG, NGES PAR SBYOR BA DANG, GOMS PA RNAMS KYI PHAN TSUN 'BREL PA DE'I PHYIR DES BYA BA CI YOD, YANG RTOGS PA'I DUS NA MED PAS DE CI LTAR NA NGES PAR SBYOR BA'I DAG GI DON DMIGS PA MED PA NYID DU MI 'GYUR, KHAMS KYI DON LA SOGS PA PHAN TSUN LTOS PA LA THA DAD PA'I NGES PAR SBYOR BA GZHAN NI DMIGS PA YANG MED DO,

, ,RIM GYIS RGYU DANG 'BRAS BU'I DNGOS PO RNAM PAR GNAS PA RNAMS KYI 'BREL PA YANG SNANG BA'I SPYOD YUL DU 'GYUR BA MED DO, ,RANG GI NGO BO SNANG BA NI YOD PA'I YUL CAN YIN PA'I PHYIR DANG GZHAN GYI NGO BO SNANG BA NI DE SNANG BA MA YIN PA'I PHYIR RO, ,GZHAN NI GZHAN GYI NGO BOR SNANG BA MA YIN NO, ,DE LTA YIN DANG MNYAN PA NI DMIGS PA MED PA GZHAN SEL BA'I YUL CAN NYID DO, ,'DI LTAR SBYIN SREG LA SOGS PA GYIS SHIG CES SPYIN SREG BYED PA PO BDAG NYID RTOGS PA'I YUL DU GYUR PAR BSAMS NAS 'JUG GO, ,BYED PA PO NYID KYANG BYA BA'I MTHAR THUG PA YIN NA; RTOGS PA'I DUS NA NI DE YOD PA MA YIN NO, ,SGRAS NI SNGAR MA RTOGS PA RTOGS PAR NUS PA'ANG MA YIN TE GANG GIS SNGAR SBYIN SREG LA SOGS PA'I BYA BA DANG 'BREL PA GZHAN RTOGS PA DE NYID BDAG GAM GZHAN LA DE LTA BU'I DNGOS POR RTOGS KYI GZHAN NI MA YIN NO, ,SNGON GYI RJES SU 'BRANGS NAS RTOGS PA 'DI NI GZHAN SEL BA'I YUL CAN GYI BDAG NYID LAS MI 'DA'O MNGON SUM LAS NI SNGAR BYED PA PO NYID DU RTOGS PA YANG MA YIN TE, SNGON DANG PHYI MA LA MNGON SUM MI 'JUG PA'I PHYIR RO, ,THA SNYAD PA'I MNGON SUM LA LTOS NAS NI RTOGS SO ZHES BRJOD DO, ,THAMS CAD DU SNGON RTOGS PA'I RJES SU 'BRANGS NAS BDAG NYID BYED PA POR RTOGS PA YIN NO, ,CI STE YANG 'DI BYED PA PO NYID DU BSKUL BAR BYA BA NI MA YIN GYI, 'ON KYANG DBANG DU BYA BA NYID DU'O, ,MI BYED PA NI BYED PA POR 'GYUR BA MA YIN GYI RUNG BA NYID KYI DBANG DU BYA BA NYID DU NI 'GYUR ZHE NA, DE YANG MA YIN TE, YUL 'GA' ZHIG LA RUNG BA NYID, ,YUL MED PAR NI DE MA YIN, ,YUL NI DBANG PO LAS 'DAS NA, ,RUNG BA NYID NI JI LTAR RTOGS, ,RUNG BA NYID KYI YUL DANG RANG GI BYA BA MA SHES PAR NI YUL DE'I KHYAD PAR CAN DU RUNG BA NYID KYI RANG BZHIN DU RTOGS PA MA YIN NO, ,DES NI BYED PA PO BZHIN DU 'DIR YANG NYES PAR 'GYUR BA NYID DO, ,DPYOD PA'I YUL LAS 'DAS 'GYUR BA'I, ,NGES SBYOR SLOB DPON MAN NGAG LAS, ,RNAM DPYOD LA NI DPYOD RNAMS KYIS, ,NGAG GI DON DU JI LTAR 'DOD, ,RNAM PAR DPYAD NA NGES PAR SBYOR BA NI 'GA' YANG MED DO, ,JI LTAR BRTAGS PA MI RUNG BA'I PHYIR RO, ,GZHAN

DAG BYA BA DAG PA YI, ,RANG BZHIN NGES SBYOR BRJOD DAM CI, ,YAN GAR BSKUL BA'AM BYA BA DANG, ,'BREL PA'AM 'ON TE BZLOG PA YIN, ,GTZO PHYIR BYA BA'I RANG BZHIN CI, ,NGES SBYOR YIN PAR 'DOD PA'AM, ,DE GTZO YIN PHYIR SKUL BYED LA, ,YIN PAR GZHAN DAG BRJOD DAM CI, ,BYA BA DANG NI BSKUL BA'O, ,'BREL PA NGES PHYIR NYID DAM CI, ,'ON TE NGES SBYOR TSOGS PA'AM, ,DE GNYIS LAS GZHAN GANG YIN PA'AM, ,DE BZHIN 'KHRUL 'KHOR LA GNAS PA'AM, ,CI DE DPYAD BYA'I RANG BZHIN NAM, ,YANG NA NGES SBYOR SKYES BU ZHES, ,PHYOGS NI GZHAN GYIS BYAS PA YIN, , BYA BA DAG PA NGES SBYOR DU, ,SMRA BA RNAMS KYI 'DOD PA NI, ,GANG PHYIR NGES SBYOR RKYEN DON DANG, ,DAG PAR RTOGS DANG BYA BA YI, ,RANG BZHIN YIN PA NGES NA 'DIR, ,DE NI BYA BA DAG PAR 'DOD, ,DE YI KHYAD PAR GZHAN DAG NI, ,CUNG ZAD RTOGS PA GANG YIN TE, ,RKYEN GYI DON DU RIGS MIN TE,, KHAMS DON MTHO RIS 'DOD PA BZHIN, ,'DIR NI DE YI KHYAD PAR DU, ,'DOD PA'I SKUL BYED GANG YIN TE, ,RKYEN GYIS BRJOD BYA MIN PA'I PHYIR, ,BYA BA DAG PA NGES SBYOR NYID, ,BSKUL BA DAG PA NGES SBYOR DU, ,BSKUL BA DAG PA THAMS CAD DU, ,'DIR NI NGES SBYOR YIN PAR RTOGS, ,GANG PHYIR 'GA' YANG MA BSKUL BAR, ,RANG BZHIN NGES SBYOR RTOGS MA YIN, ,BSKUL BA DANG 'BREL PA'I BYA BA NGES SBYOR YIN PA'I PHYOGS NI, 'DIR NI NGA YI BYA BA ZHES, ,GANG TSE DE LTAR SNGAR SHES NA, ,RANG GRUB BYA PHYIR SKUL BYED DO, ,DER 'GYUR GZHAN DU DER MI 'GYUR, ,BYA BA DANG 'BREL BA'I BSKUL BAR SMRA BA DAG BRJOD PA NI, 'DIR NI 'GAR YANG BYA MED PAR, ,SKYES BU BSKUL BAR BYA BA MIN, ,DES NI BYA BA DANG 'BREL BA'I, ,BSKUL BA NGES SBYOR YIN PAR BRJOD, ,NYE BAR BTAGS NAS 'JUG PAR BYED PA'I BYA BA NYID 'JUG BYED DU SMRA BA NA RE, BYA BA SKUL BA'I YUL YIN GYI, ,DE NI RANG NYID SKUL BYED MIN, ,GZHAL BYA LA NI TSAD MA YI, ,BYED PA NYE BAR BTAGS PA YIN, ,GZHAN DAG NA RE NI GNYI GA'I 'BREL PA NYID NGES PAR SBYOR BA YIN NO ZHES 'DZER TE, BSKUL BA MED PAR 'BRAS BU 'AM, ,'BRAS MED BSKUL BA 'GA' YANG NI, ,SKUL BAR BYED PA MIN DES

, ,NA; ,'BRAL BA NGES SBYOR YIN PAR 'DOD, ,TSOGS PAR SMRA BA'I BSAM PA NI, ,GNYIS PO 'DI NYID PHAN TSUN DU, ,MED NA MI 'BYUNG BAR RTOGS TE, ,GANG PHYIR NGES SBYOR BYA BA DANG, ,BSKUL BA DAG GI TSOGS PAR 'DOD, ,GZHAN DAG NI GNYI GA'I RANG BZHIN LAS NGES PAR SBYOR BA NGAG GI DON YIN PAR 'DZER TE, GANG PHYIR GRUB CIG TSANGS PA NI, ,RTAG TU MAN NGAG LA LTOS SO, ,GANG PHYIR DE NI BYA MIN TE, ,DE NI SKUL BYED GA LA YIN, ,'KHRUL 'KHOR LA GNAS PA NGES SBYOR DU SMRA BA RNAMS KYI LTA BA NI, ,GANG 'GA' GANG DU 'DOD LDAN PA, ,DE NI NGES SBYOR YIN NA DER, ,BDAG NYID YUL LA GNAS PAR NI, ,BSAMS NAS RAB TU 'JUG PA YIN, ,LONGS SPYAD PAR BYA BA'I RANG BZHIN NGES PAR SBYOR BA YIN PAR 'DOD PA RNAMS RAB TU SMRA BA NI, 'DI NI NGA YI DPYAD BYA ZHES, ,DE LTAR DPYAD BYA'I RANG BZHIN RTOGS, ,NGA YI ZHES NI RNAM SHES PA; ,ZA PO NYID LA RNAM PAR GNAS, ,BDAG PO NYID DU MNGON RLOM PA, ,SPYOD PA GANG DU YIN PA DE, ,DE NYID SPYAD BYAR SHES BYA STE, ,DE NYID RANG GI YIN PAR BRJOD, ,GANG GIS 'DI NI NGA YI ZHES, ,BSGRUB BYA'I NGO BO RNAM SHES PA, ,DE NI BSGRUB BYA'I RANG BZHIN GYIS, ,RANG GI LONGS SPYOD YIN PAR BRJOD, ,GRUB PA'I LONGS SPYOD GANG YIN TE, ,DE TZAM GYIS NI NGES SBYOR MIN, ,LONGS SPYOD BSGRUB BYA NYID KYIS 'DIR, ,SKUL BYED YIN PHYIR NGES SBYOR NYID, ,SKYES BU NGES PAR SBYOR BAR SMRA BA DAG BRJOD PA NI, ,'DI NI NGA YI BYA BA ZHES, ,DE LTAR SKYES SU RTAG TU SEMS, ,SKYES BU'I BYA BA KHYAD PAR CAN, ,NGES SBYOR BRJOD BYA'ANG DE NYID YIN, ,BYA BA GRUB PAR GYUR PA NA, ,DE TSE SKYES BU DE LDAN PAR, ,BSGRUB BAR 'GYUR PHYIR DE LTAR NA, ,SKYES BU NGAG GI DON DU BRTZON, ,NGAG GI DON THAMS CAD LA DBYE BA RNAM PA BRGYAD DE, NGES PAR SBYOR BA TSAD MA'AM, ,YANG NA GZHAL BYA YIN NAM DE, ,GNYI GA DAG DANG BRAL BA 'AM, ,YANG NA GNYI GA'I NGO BO YIN, ,SGRA YI BYED PA'I RANG BZHIN NAM, ,YANG NA SKYES BU'I BYED PA'AM, ,GNYI GA'I BYED PA'I RANG BZHIN NAM, ,GNYI GA'I BYED PA MIN PA NYID, ,'DIR BRJOD PA NYID THAMS CAD 'BREL PA MA YIN TE, 'DI LTAR, BYA BA

BSKUL BA DANG BRAL BA, ,NGES PAR SBYAR BA MED PA NI, ,NGES SBYOR ZHES NI RAB BRJOD PA, ,'GA' YANG NYE BAR SBYOR MA YIN, ,GANG TSE BYA BA DAG PA LA, ,NGES SBYOR SGRA NI 'JUG 'DOD PA, ,NGES PAR SBYOR BA MING TZAM DU, ,'GYUR BA GANG GIS ZLOG PAR BYED, ,GANG DU SKYES BU BYED PA LA, ,SBYOR BA RTOGS PA YOD MIN PA, ,GRUB DANG 'DAS SOGS RTOGS PA BZHIN, ,NGES SBYOR ZHES BYAR JI LTAR RIGS, ,NGES SBYOR YIN PAR 'JIG RTEN 'DOD, ,NGES PAR SBYOR BAR BYA BA'I CHOS, ,DE NYID BYA BA YIN ZHE NA, ,GRUB PHYIR DE NI BSGRUB BYA MIN, ,GAL TE NGES PAR SBYOR BA 'DI, ,BSGRUB BYA NYID DU NYER BRJOD NA, ,DE YI YUL LA NYER BTAGS PAS, ,DE NYID DU NI RAB TU BRJOD, ,DE NI MA GRUB PA NYID NA, ,JI LTAR SKUL BYED RANG BZHIN YIN, ,GAL TE 'DI YI BSGRUB BYA NI, ,RTOGS PA SKUL BYED YIN 'DOD NA, ,BSGRUB BYA RAB TU MA GRUB DANG, ,RTOGS PA GRUB PA'I BDAG NYID CAN, , PHAN TSUN DU NI 'GAL BA DAG ,GCIG LA JI LTAR 'DOD PA YIN, ,GAL TE BSGRUB BYA'I RANG BZHIN DU, ,SHES PA DE NI SKUL BYED NA, ,NGES SBYOR RTOGS PA NYID YIN 'GYUR, ,DE NYID DU NA NGES SBYOR MED, ,DE BZHIN DU, GAL TE NGES SBYOR DAG DON NA, ,TSAD MA CI ZHIG YIN PAR 'GYUR, , NGES SBYOR TSAD MA'I RANG BZHIN NYID, ,YIN NA GZHAL BYA GANG ZHIG YIN, ,GAL TE NGES SBYOR DE NYID DU, ,SKYES BU'I BYA BAR 'DOD NA NI, ,SKYES BU YI NI BYA BA DE, ,BSGOM NYID RJOD BYED GZHAN YIN NO, ,NGAG GI BYA BA'I PHYOGS LA NI, ,SGRA YI BSGOM PAR 'GYUR BA YIN, ,LING NGA LA SOGS SGRA YI BDAG ,BYA BA GZHAN DU BRJOD PA YIN, ,DE NYID SGRA YI LAS 'GYUR BAS, ,SKYES BU JI LTAR 'JUG PA YIN, ,GAL TE RANG GI BYA BA LA, ,'JUG PA SGRA YIS MA BSKUL NA, ,'DI NI JI LTAR SGRA YIS NI, ,BSKUL BA MED PAR 'JUG PAR 'GYUR, ,SGRA YIS BSKUL NA DE YI BLO, ,DMIGS PA MED PA NYID DU 'GYUR, ,DE BZHIN DU 'KHRUL 'KHOR DU ZHUGS PA LA SOGS PA NGAG GI DON YIN PA LA YANG NYES PA BRJOD PAR BYA'O, ,'DI LTAR, 'KHRUL 'KHOR DMIGS PAS SPYAD BYA DANG, ,SPYOD PA'I 'BREL PA BRJOD PA YIN, ,DE TSE 'BREL MED SKYES BU NI, ,SPYAD BYA'I BDAG LA GNAS

, ,PA'ANG MIN, ,RTOGS PA'I DUS NA THAMS CAD NI, ,BSGRUB BYA NYID KYIS RANG BZHIN MED, ,DE NYID DE YI RANG BZHIN NI, ,MA YIN BSGRUB BYA NYAMS 'GYUR PHYIR, ,DE LTAR NA NGES PAR SBYOR BA BSAL BA YIN NO, ,DA NI BSGOM PA DPYAD PAR BYA'O, , SGOM PA NI RNAM PA GNYI GA STE, SGRA'I BSGOM PA DANG, DON GYI BSGOM PA'O, ,JI SKAD DU, LING NGA SOGS PA SGRA YI GNAS, ,SGOM PA GZHAN DU BRJOD PA YIN, ,KUN 'DOD BSHAD PA THAMS CAD LA, ,YOD PA 'DI NI GZHAN YIN NO, ,ZHES BSHAD PA YIN NO, ,SGRA'I SGOM PA NI SGRA'I BYED PA STE, SGRAS NI SKYES BU'I BYED PA SGOM PA YIN LA, SKYES BU'I BYED PAS NI KHAMS KYI DON, KHAMS KYI DON GYIS NI 'BRAS BU'O ZHE NA, DE YANG MI 'THAD DE, SGRA'I BYED PA NI SGRA'I BRJOD BYA MA YIN NO, ,SGRA NI DE LA LTOS TE BYED PA PO YIN GYI, BRJOD PAR BYA BA NI MA YIN NO, ,CI STE RTOGS PAR BYED PA YIN TE, 'DI LTAR, SGRA BRJOD PA LAS MI RNAMS KYIS, ,BDAG NYID NGES PAR SBYAR BAR RTOGS, ,NGES PAR SBYOR BA'ANG BSGOM PA LAS, ,GZHAN PA CI ZHIG BRTAG PAR BYA, ,SGRA'I BSGOM PA NYID LA NGES PAR SBYOR BA ZHES MING GZHAN GYIS BRJOD PA YIN NO ZHE NA, DE NI MA YIN TE, GAL TE SGRA'I BYED PA YIN NA BRDA MA BZUNG BAS CI LTAR MI RTOGS, RANG GI NGO BO NYID KYIS NGES PAR SBYOR BAR BYED PA NYID YIN NA, BRDA 'DZIN PA NYE BAR KHO BA MA YIN NO, ,DE NYID TSOGS PA YIN NO ZHE NA, GAL TE BSKUL BA'AM BSGOM PA LA BYED PA YIN NA, DE NYID TSOGS PA YIN PA 'DI RIGS PA MA YIN NAM, GANG GI PHYIR, BRDA 'DZIN PA YI TSOGS PA NI, ,DON RIG PA LA BYED YIN NA, ,DON RTOGS PA YI SKYES BU NI, ,RANG NYID KHO NA 'JUG PAR 'GYUR RO, ,'DI GYIS SHIG CES BYA BAS BSKUL BA DANG GSOL BA 'DEBS PA NYID RTOGS PAR 'GYUR TE, DE MA RTOGS NA NGES PAR SBYOR BA NYID RTOGS PA MA YIN NO, ,NGES PAR SBYAR BA ZHES BYA BA NI, 'BRAS BU LA BYED PA 'JUG PA NYID DO, ,NGES PAR SBYOR BA PO NI 'BRAS BU LA BYED PA'I GNAS SKABS RTOGS PAR BYAS NAS, NGES PAR SBYOR BA YIN NO, ,DE YANG DE'I 'BYUNG BAR 'GYUR BA'I GNAS SKABS YIN GYI, RANG GI NGO BOS MNGON

SUM DU BYED PAR NUS PA NI MA YIN NO, ,RANG GI NGO BO MNGON SUM DU BYED NA NI DE NYID KYI TSE THAMS CAD 'GRUB PA'I PHYIR NGES PAR SBYOR BA 'BRAS BU DANG BCAS PAR MI 'GYUR RO, ,JI LTAR RAB TU SBYOR DER, ,GNOD PA'I RTOGS PA CAN YIN PA ,SBYAR BAR BYA BA'ANG DE BZHIN TE, ,SGRA NI BLO DON RJOD BYED YIN, ,JI LTAR RAB TU SBYAR BAR BYA BA RANG GI BYA BAS STONG PAR BDAG NYID RTOGS PAS RAB TU SBYOR BAR BYED PA'I RTOGS PA LA GNOD PAR 'GYUR BA'I PHYIR RAB TU SBYOR BAR BYED PA DMIGS PA MED PA DE BZHIN DU, RAB TU SBYAR BAR BYA BA'I RTOGS PA YANG DE NYID KYIS BDAG NYID RANG GI BYA BA DANG MI LDAN PAR RTOGS PAS GNOD PA YIN NO, ,DE'I RTOGS PA DE NI SGRA LAS YIN NO ZHE NA, DE NI MED DE SGRA DE YANG BLO'I DON NYID GSAL BAR BYED PA YIN TE, BDAG GIS DE LTAR BSTAN TO, ,BDAG GIS DE LTAR RTOGS SO ZHES GNYI GA YANG LHAG PAR ZHEN PA'I PHYIR RO, ,YANG NA 'DI'I BSAM PA YIN NAM MA YIN YANG RUNG STE BDAG GIS NI RE ZHIG DE LTAR RTOGS SO ZHE'AM, DE BZHIN DU DON DE BZHIN YIN NAM MA YIN YANG RUNG STE, BDAG GIS RE ZHIG DE LTAR RTOGS SO ZHE'AM, DE'I PHYIR BSHAD PA, 'CHAD PA PO YI BYED PA'I YUL, ,DON GANG BLO LA RAB GSAL BA, ,SGRA NI DE LA TSAD MA NYID, ,DON GYI DE NYID RGYU CAN MIN, ,'CHAD PA PO YI BYED PA'I YUL, ,ZHES BYA BA NI GANG LA SMRA BA PO YOD PA'O, ,BLO LA RAB GSAL BA ZHES BYA BA NI GANG LA DE MED PA'O, ,YANG NA BRJOD PA DE NYID LAS DE LA SMRA BA PO YOD PAR RTOGS TE, RIGS GANG LAS ZHES BYA BA'I TSUL GYIS SO, ,YANG NA DA DANG KHYAD PAR MED PA'I PHYIR THAMS CAD KYANG SKYES BUS MA BYAS PA NYID DO, ,SKYES BUS BYAS PAS GNOD PA'I PHYIR DE LTA MA YIN NO ZHE NA, SKYES BUS MA BYAS PA DBANG PO LAS 'DAS PA'I PHYIR DER YANG GNOD PAR BYED PA MA YIN NO ZHES BYA BA DE GA LAS, YANG NA TSIG DE NI SKYES BUS MA BYAS PA NYID YOD DO, ,SKYES BU 'DI NGAS BYAS SO SNYAM PA NI 'KHRUL PA YIN TE, 'DI LTAR, SHIN TU NYAMS GZHUNG GANG YIN PA, ,'GA' LA RAB TU GSAL 'GYUR BA, ,DRAN PA NYAMS PHYIR NGA YIS NI, ,BYAS PAS YIN ZHES MNGON RLOM 'GYUR, ,SNYAN DNGAGS KYANG SKYE BA GZHAN DU NYAMS SU MYONG BA'I GZHUNG 'DI NYID SNYAN DNGAGS MKHAN GYIS

, ,RTOGS PA MA YIN NO ZHES BYA BA 'DI GA LAS YIN, DE LTA YIN NA THAMS CAD SKYES BUS MA BYAS PAR 'GYUR RO, ,DE GZHAN DU DON MED PAR YANG 'GYUR NA DE LAS SKYES BUS MA BYAS PA NYID DON MED PAR 'GYUR RO ZHE NA, RIG BYED LA YANG 'DI MTSUNGS TE, ,DE LA'ANG DON MED PA NYID MTHONG, ,DON GZHAN NYID DU RTOGS NA NI, ,GNYI GA LA YANG MTSUNGS PAR 'GYUR, ,DON MED PA DANG SKYES BUS MA BYAS PAR RTOGS PA NI RIG BYED DANG RIG BYED MA YIN PA DAG LA MTSUNGS PA NYID DO, ,DON GZHAN DU RTOGS NA DON MED PA MA YIN NO ZHE NA, BDEN PA'I DON DU RTOGS PA NI; ;SKYES BUS BYAS PAR DE BRTAG BYA, ,MI BDEN DON DU SNANG BA NI, ,DANG POR RIG BYED NYID LAS YIN, ,DE'I PHYIR BSHAD PA NI, 'CHAD PA PO'I BYED PA'I YUL ZHES BYA BA LA SOGS PA YIN NO, ,DANG PO RIG BYED KYI DON YONGS SU SPANGS NAS, BLO'I BYA BA'I YUL GYI DON GANG YIN PA DE LA NI, SKYES BU'I BLO NYID TSAD MA YIN GYI, SGRA NI DON GYI DE NYID KYI RGYU CAN MA YIN NO ZHES TSIG BCOS TE 'BREL LO, ,'DI LTAR DANG PO RIG BYED KYI, ,DON DE MI YIS YONGS SPANGS NAS, ,TSAD MAS YONGS SU DAG PA'I DON, ,RTOGS BYED DE BLO TSAD MA YIN, ,DE YANG RIG BYED DON YIN ZHES, ,KHYED KYIS 'DI LA TSAD MA MED, ,RIG BYED DBANG GIS SKYES PA'I PHYIR, ,ZHE NA DANG PO CI PHYIR MIN, ,GAL TE DE YANG DE DON NA, ,JI LTAR RIG BYED DON MED MIN, ,DE LTA NA YANG SKYES BYAS MIN, ,THE TSOM ZA BAS TSAD MA YIN, ,RIG BYED KYI DON DE KHO NA NYID DANG PO MED PA'I PHYIR TE, PHYUGS 'DOD PAS TZE TRA BA'I MCHOD SBYIN BYA'O ZHES BYA BA DON MED PA'I PHYIR RO, ,DER LAS NYAMS PA'I PHYIR RO ZHE NA MA YIN TE TSAD MA MED PA'I PHYIR RO, ,DON GZHAN RTOGS PA NI SKYES BU'I 'BAD PAS YIN PA'I PHYIR SKYES BUS BYAS PAR 'GYUR RO, ,DE SKAD DU YANG SGRA DANG RTAGS MED PAR DE CI LTAR YANG RANG NYID DRAN PAR MI 'GYUR RAM ZHES BSHAD PA YIN NO, ,RIG BYED LAS BDAG NYID NGES PAR SBYOR RO SNYAM PA THAMS CAD NI SNGON GYI RJES SU 'BRANG BAS YIN NO, ,NGES PAR SBYOR BA NI SGRA'I BYA BA'I RANG BZHIN YIN TE, GAL TE DE DAG GI DON YIN PA DE LTAR NA LHA SBYIN 'TSED PAR BYED DO ZHES BYA

BAS BYED PA PO MA BRJOD PA'I PHYIR, BYED PA PO DANG, BYED PA DAG LA GSUM PA'O ZHES GSUM PAR 'GYUR RO, ,BYED PA PO BRJOD NA NI MA BRJOD PA'I SKABS KYIS TING NGE 'DZIN NYID KYIS BRJOD PA'I PHYIR MI 'GYUR RO, ,GZHAN YANG 'TSED PAR BYED DO ZHES BYA BAS BYED PA PO YANG RTOGS SO, , BYA BA'I SHUGS KYIS BYED PA PO 'PHANGS PA'I PHYIR DE LTAR RTOGS SO ZHE NA, MA YIN TE, DE LTAR YIN NA RIM GYIS NI, ,RTOGS GYUR DANG PO SGOM RTOGS SHING, ,GANG PHYIR DE YI SHUGS KYIS NI, ,BYED PA PO NI RTOGS PA YIN, ,RIM GYIS RTOGS PAR NI DMIGS PA MA YIN NO, ,GNYIS KYI TSIG DANG MANG PO'I TSIG TU YANG MI 'GYUR TE, BYA BA GCIG YIN PA'I PHYIR RO, ,'ON TE BYED PA PO THA DAD PA'I PHYIR BYA BA THA DAD PA YIN NO ZHE NA, LHA SBYIN DANG MCHOD SBYIN DAG RE LDE BYED DO ZHES PA SHIN TU MA 'BREL PA CHEN POR 'GYUR RO, ,BYA BA GCIG YIN PA'I PHYIR RO, ,LAS GCIG BYED NA BYA BA NA; ,GCIG 'GYUR BYED PO THA DAD PAS, ,THA DAD PAR 'GYUR DE LTA NA, ,MKHAS PAS CI LTAR BYA BAR 'GYUR, ,GAL TE LHAS BYIN DANG MCHOD SBYIN DAG GIS 'DUG GO ZHES KHAMS KYI DON THA MI DAD PA'I PHYIR, GCIG GI TSIG TU 'GYUR BA MA YIN NAM, KHAMS KYI DON DE YANG NGES PAR SBYOR BA NI MA YIN TE, NGES PAR SBYOR BA NI RKYEN GYI DON YIN PA'I PHYIR RO, ,DE YANG KHAMS KYI DON LAS GZHAN BYED PA PO'I BSGRUB BYA YIN PAS, DE NI BYED PA PO THA DAD PAS THA DAD PA YIN NO, ,DES NA RE LDE BYED PA DAG CES BYA BAR 'GYUR RO, ,KHAMS KYI DON YAN GAR BA NI BYED PA PO YANG THA DAD PAS THA DAD PA MA YIN NO ZHE NA, DE NI MA YIN TE, GAL TE 'BREL PHYIR THA DAD NA, ,KHAMS KYI DON YANG DE 'GYUR TE, ,DE YANG BSGRUB BYA NYID YIN PHYIR, ,DE THA DAD PAS THA DAD 'GYUR, ,KHA BO CAG GI LTA NAN NA, ,THA DAD THA DAD MIN PA YI, ,RNAM GZHAG BRJOD 'DOD GZHAN DBANG PHYIR, ,BYED PO LA YANG BRJOD PAS NA, ,'DI DAG THAMS CAD 'THAD PA YIN, ,BYA BA NI BYED PA PO DANG LAS THA DAD PAR BRJOD PAR 'DOD PA YIN LA, GANG GI TSE YI GE LAS BRJOD KYI BYED PA PO MA YIN PA DE'I TSE BYED PA PO'I GSUM PAR 'GYUR RO, ,GANG GI TSE BRJOD PA DE'I TSE NI DANG PO'I DON YIN PA'I PHYIR DANG POR 'GYUR RO,,

, ,BDAG NYID CHEN POS BYED DO, ,BDAG NYID CHEN PO BYED DO ZHES BYA BA BZHIN NO, ,GANG TSE SGOM PA'I DON DE NI, ,THA DAD BRJOD PAR 'DOD GYUR CING, ,YI GE LA YIS MNGON BRJOD NA, ,BYED PA PO YI GSUM PAR 'DOD, ,GANG TSE THA DAD MED PA DE, ,BRJOD 'DOD BYED PO LAS BRJOD NA, ,BYED PO'I GSUM PA DE NYID KYIS, ,BRJOD PHYIR MED PAR KHONG DU CHUD, ,GANG GI TSE BYED PA PO'I BYA BA YIN PA DE'I TSE, TING NGAS RTOGS PAR BYA BA YIN LA DE NYID KYANG SGOM PA YIN NO, ,DE SKAD DU YANG LAS KYI SGRA NI DNGOS PO'I DON YIN LA, BSGOM PAS NA DNGOS PO STE, BSKUL BA'I RKYEN TO ZHES BSHAD DO, ,DE LTAR YIN DANG DE NI BSGOM PA NYID YIN LA, BSGOM PA YANG BYED PA PO'I BYA BA YIN NO, ,BYED PA PO BSKUL BA DE NI RANG GI BYA BA LA 'JUG PA YIN NO, ,NGES PAR SBYOR BA NI DE'I LHAG MA YIN PA'I PHYIR DANG DE GTZO BOR GYUR PA MA YIN PA'I PHYIR NGAG GI DON NYID MA YIN NO,, SGOM PA NGES PAR SBYAR BA KHYAD PAR CAN YIN PA'I PHYIR YANG DE LTAR RTOGS PA NI NGES PAR 'JUG PA YIN NO, ,'DIR RANG GI BYA BA RTOGS PA NYID KYIS MI 'JUG PAR YANG JI LTAR 'GYUR TE, DE LTAR MA YIN NA RANG GI BYA BA LA BSKUL BA NYID DU MI 'GYUR RO ZHE NA, DE NI MI 'THAD DE, 'BRAS BU MED PAR NGES PA YI, ,BYA BA NYID CES SEMS SAM CI, ,GAL TE DE LTAR MA YIN NA, ,'BRAS BU RTOGS PA GA LAS YIN, ,GAL TE 'DI NI GDON MI BA BAR NGA'I BYA BA YIN NO ZHES 'DOD NA, DE NI MI RIGS TE, 'BRAS BU DANG BCAS PA MA MTHONG BAR 'DI NGA'I BYA BA YIN NO ZHES RTOGS PA NI 'GA' YANG MED DE, 'BRAS BU DANG BCAS PA NYID KYIS 'JUG PA YIN NA, 'BRAS BU DANG BCAS PA RTOGS PA MA YIN NO ZHES BSTAN ZIN TO, ,GZHAN YANG, SBYIN BYED 'TSED BYED CES BYA 'DIR, ,MCHOD SBYIN DON LAS THA DAD PA'I, ,BSGOM BYA RTOGS PA YOD MIN NA, ,DE NI NGAG DON GA LAS YIN, ,'TSED DANG MCHOD SBYIN BYED PA NI, ,GAL TE THA DAD PAR RTOGS PA, ,DE LTA YIN NA THUG MED DU, ,'GYUR BAS 'CHOL BAR BYED PA YIN, ,MCHOD SBYIN BYED PA NI RANG GI BYA BA SKYED PAR BYED PA YIN LA, MCHOD SBYIN SKYED PAR BYED PA YANG, ,SGRUB PAR BYED PA YIN NO, ,'DI DAG NI

RNAM PA 'GA' ZHIG LTAR THA DAD PAR RTOGS PA SNGON DU BYAS PA'I THA SNYAD YIN TE, DE DAG LAS DON GYI DE NYID GNAS PA NI MA YIN NO, ,MCHI GU'I LUS ZHES BYA BA YI, ,THA DAD PA YI THA DAD SNYAD NI, ,THA DAD MED KYANG MTHONG BA YIN, ,DE BZHIN BRAM ZE'I BYA BA NI, ,MCHOD SBYIN ZHES KYANG BRJOD PA YIN, ,BYED PA ZHES BYA'I BYA BA NI, ,DE LAS GZHAN MTHONG YOD MA YIN, ,MCHOD SBYIN GYI NI BYA BA YANG, ,RDZAS KYI KHYAD PAR LAS GZHAN PA, ,MA YIN LHA SPYIN NYID DANG NI, ,GZHI MTHUN PAR NI RTOGS PHYIR RO, ,GAL TE LHA SPYIN CI BYED CES DRIS NA, ,'TSED DO, ,MCHOD SBYIN BYED DO ZHES LAN MTHONG BA'I PHYIR BYED DO ZHES NGES PA NI MCHOD SBYIN LA SOGS PA LA THE TSOM ZA BA'I PHYIR, GZHAN NYID DU GRUB PA MA YIN NAM, DE SKAD DU YANG LUS NYID NI BLO MA YIN TE, DE GRUB KYANG BLO'I RNAM PAR BRTAGS PA LA THE TSOM ZA BA'I PHYIR RO ZHES BSHAD PA YIN NO ZHE NA, DE NI JI LTAR MI 'THAD DE, ,BYED DON MCHOD SBYIN BYED DON DAG ,GAL TE DE NYID DU THA DAD, ,GZHAN LA THE TSOM GZHAN DU NI, ,BRJOD PA'I TSUL NI 'THAD PAR DKA', ,GAL TE BYED PA'I BYA BA SBYIN PA LA SOGS PA LAS GZHAN YIN NA, ,DE'I TSE GZHAN LA THE TSOM ZA BA NA JI LTAR BYED PA NGES PA LA 'DRI STE, 'DRI BA NI MA NGES PA NYID LA 'THAD PA'I PHYIR RO, ,BYED PA PO'I DON NI SPYI'I RANG BZHIN YIN LA, SBYIN PA LA SOGS PA NI KHYAD PAR GYI RANG BZHIN YIN PA'I PHYIR RO, ,ZHE NA, ,KHYAD PAR MED PAR SPYI YI NI, ,RTOGS PA 'GA' YANG YOD MA YIN, ,SPYI YIS 'PHANGS PAR GYUR PA NA, ,MA RTOGS PA ZHES BYA BA MIN, ,SPYI YI 'BA' ZHIG RTOGS PA NA, ,KHYAD PAR GYI CHA LA THE TSOM ZA'O ZHES BYA BAR MI RIGS SO, ,'ON TE SPYI'I KHYAD PAR 'PHEN PA YIN NO ZHE NA, DE LTA NA DE YANG RTOGS PA NYID YIN PAS JI LTAR THE TSOM ZA, 'ON TE DE NI RTOGS MOD KYI, ,DE LTA NA YANG KHYAD PAR GYI RANG BZHIN DU RTOGS PA MA YIN TE, SPYIR 'PHANGS PA'I PHYIR RO ZHE NA, SPYI DE NYID 'PHEN PAR BYED PA MA YIN NAM, DE NYID 'PHANGS PAR BYA BA YIN NO ZHES BYA BA 'DI JI LTAR YIN, ,SPYIS SPYI GZHAN 'PHEN PA NI MA YIN TE, DE LTA YIN NA DE LAS KYANG GZHAN YIN LA, DE LAS KYANG GZHAN YIN PA'I PHYIR

, ,THUG PA MED DO, ,GAL TE SPYI MNGON SUM YIN PA'I PHYIR DANG, KHYAD PAR MNGON SUM MA YIN PA'I PHYIR DANG, KHYAD PAR DRAN PA'I PHYIR THE TSOM DU RIGS PA NYID MA YIN NAM ZHE NA, SPYIR MI DMIGS PA'I TSAD MAR SMRA BA LA, MI DMIGS PA LAS MED PA NYID DU RIGS PA MA YIN NAM, 'ON TE DMIGS PA'I MTSAN NYID DU GYUR PA MA DMIGS PA LAS MED PA YIN GYI, MA DMIGS PA TZAM LA NI MA YIN NO ZHE NA, DE LTA NA YANG MI DMIGS PA NYID LAS THE TSOM YIN PA'I PHYIR SPYI MNGON SUM YIN PA'I PHYIR RO ZHES BYA BA 'DI NI DON MED DO, ,GAL TE SPYI MNGON SUM YIN NA YANG DMIGS PA'I MTSAN NYID DU GYUR PA MI DMIGS PA NI THE TSOM DU MI 'GYUR RO, ,'ON TE SPYI MNGON SUM YIN NA DMIGS PA'I MTSAN NYID DU 'GYUR BA'I MI DMIGS PA NYID MI SRID DO ZHE NA, DE LTA NA NI 'O NA DMIGS PA'I MTSAN NYID DU GYUR PA MA YIN PA'I MI DMIGS PA DE NYID THE TSOM GYI RGYU YIN NO ZHES BYA BAR 'GYUR RO, ,KHYAD PAR DRAN PA'I PHYIR ZHES BYA BA YANG DON MED DO, ,KHYAD PAR DRAN PA LAS THA DAD PA'I THE TSOM GZHAN NI MED DO, ,DE NI GNYI GA'I CHA LA DMIGS PA DRAN PA'I RANG BZHIN YIN PA'I PHYIR, ,SPYI MNGON SUM DU GYUR PA MED KYANG KA N+YA KUB DZA LA SOGS PA LA DRAN PA LAS DANG PO NYID DU THE TSOM DU GYUR PA MTHONG BA YIN NO, ,DE'I PHYIR BYED DO ZHES BYA BA NI SPYIR MTHONG BAR RJES SU DPAG PA LAS MA NGES PAR RTOGS PA'I SBYIN PA LA SOGS DE NYID SPYI YIN NO, ,'DIR, DE MIN RANG BZHIN LAS LDOG PA'I, ,DNGOS PO TZAM ZHIG RAB SGRUB PHYIR, ,RTAGS NI SPYI YI YUL CAN DU, ,BSHAD DE BYE BRAG MI GNAS PHYIR, ,ZHES BSHAD DO, ,KHYAD PAR NGES PAR MA ZIN PA TZAM NYID SPYI YONGS SU BCAD PA YIN NO, ,LA LAR NI DNGOS PO DANG, DNGOS PO MED PA'I THUN MONG BA YIN PA'I PHYIR DE'I RNAM PAS DBEN PA'I BLO NYID THE TSOM GYI RGYU YIN NO, ,BLO'I RANG BZHIN NAM DMIGS PAR BYA BA'I DON GYI RANG BZHIN, DE LTA BUR GYUR PA MA DMIGS PA NYID THE TSOM GYI RGYU YIN NO, ,GAL TE DBYIBS RENG RENG PO'I SPYI MTHONG BA LAS 'DI MTHO YOR YIN NAM MA YIN ZHES SPYI'I RNAM PA MYONG BA YOD NA THE TSOM MTHONG BA MA YIN NAM ZHE NA, SKYES BU DANG MTHO YOR GYI RANG BZHIN DANG

BRAL BA'I RENG RENG PO'I SPYI GZHAN 'GA' YANG DMIGS PA MED PA MA YIN NAM, GAL TE YOD NA NI, DE'I TSE RNAM PA GNYIS KYI BLO DMIGS PAR 'GYUR RO, ,'DIR NI KHYAD PAR LAS GZHAN PA'I, ,SPYI MED THA DAD BLO MED PHYIR, ,DON GYI THA DAD PA NYID NI, ,BLO RNAMS THA DAD PA LAS YIN, ,GAL TE YUL THAG RING POR SKYES BU DANG MTHO YOR GYI RANG BZHIN DANG 'BRAL BA'I RENG RENG PO TZAM DMIGS PA NYID DO, ,DE LTA MA YIN NA MTHO YOR DANG SKYES BU'I RNAM PAR RTOG PA NYAMS SU MYONG BAS DE LAS THE TSOM SKYE BAR MI 'GYUR RO, ,DES NA DE YONGS SU SPANGS PAR SNANG BA NYID DE DANG THA DAD PA YIN TE, DE DANG THA DAD PA'I MTSAN NYID NI DE TZAM DU ZAD PA'I PHYIR RO ZHE NA, DE NI MI 'THAD DE DE DAG LAS DE GZHAN YIN NA, RING PO MIN PAR CES MI SNANG, ,RING POR SNANG BA NYE BA NA, ,SHIN TU YANG NI SNANG PHYIR RO, ,YUL THAG RING PO NA GNAS PA'I GNAS SKABS NA SNANG BA GANG YIN PA DE NI NYE BAR SGRUB PA DANG 'BREL PA NI SHIN TU YANG CHES SNANG BA NYID DO, ,SPYI'I DON GZHAN PA NYID YIN NA, DE NYID SNANG BA YIN PAS JI LTAR GZHAN LA MI GSAL BAR SNANG BA'I THA SNYAD DU 'GYUR RO, ,SNGON PO'I DON SNANG BA NI DKAR PO MI GSAL BAR SNANG BA'I THA SNYAD DU 'GYUR BA MA YIN NO, ,GAL TE KHYED KYI PHYOGS LA YANG MI GSAL BA ZHES BYA BA 'DI CI ZHIG YIN, MI GSAL BAR SNANG BA 'DI YANG NA, MI SNANG BA'AM GZHAN SNANG BA'AM YANG DE MI GSAL BAR SNANG BA YIN GRANG NA, GAL TE, MI GSAL BAR SNANG BA DE NYID SNANG BA YIN NA NI, RANG GI NGO BO SNANG BA LA, ,MI GSAL ZHES BYAR JI LTAR 'GYUR, ,GAL TE GZHAN PA SNANG BA YANG, ,DE NYID MI GSAL GA LAS YIN, ,SNANG BA MED NA DNGOS PO NI, ,JI LTAR SNANG BAR 'GYUR BA YIN, ,GAL TE DE LTAR 'GYUR BA YI, ,BLO NYID MI GSAL BA YIN NA, ,BLO YI RANG BZHIN GSAL BA NA, ,DON MI GSAL BAR SNANG BA MIN, ,DE NI DE LTAR MA YIN TE; ,GANG TSE DE RNAM CAN MIN PA'I, ,BLO NI DE LAS SKYES 'GYUR BA, ,DE TSE GSAL MIN SNANG BA YI, ,THA SNYAD 'GRO BA NA YANG 'DOD, ,'ON TE DE NYID SPYI YIN NA, ,DE LTAR YIN NA KHA DOG DANG DBYIBS SNANG BAR MI 'GYUR RO, ,SPYI NI KHA DOG DANG DBYIBS DANG LDAN PA MA YIN TE, DE GNYIS NI RDZAS

, ,LA BRTEN PA'I PHYIR RO, ,'ON TE KHA DOG DANG DBYIBS RDZAS LA BRTEN PA YIN NA, DE LTA NA DE LAS GZHAN PA'I SPYI MED DE MI SNANG BA'I PHYIR RO, ,GAL TE SNANG BA NI KHA DOG DANG DBYIBS NYID YIN LA DE GNYIS KYANG THUN MONG YIN PA'I PHYIR, MTHO YOR DANG MI DAG TU THE TSOM ZA'O ZHE NA, DE YANG MA YIN TE, 'DI LTAR, KHA DOG DBYIBS TE DE RANG BZHIN, ,GZHAN PAS GZHAN DU CI LTAR DE, ,RTOGS 'GYUR DE LTA YIN NA NI, ,BLO NI 'KHRUL BAR THAL BAR 'GYUR, ,GAL TE KHA DOG DANG DBYIBS GZHAN DU RTOGS NA, DE 'KHRUL PA NYID YIN PAS CI LTAR SPYI MNGON SUM YIN, 'ON TE DER YAN LAG CAN SNANG BA YIN GYI SPYI MA YIN LA KHA DOG DANG DBYIBS KYANG MA YIN NO ZHE NA, KHA DOG DBYIBS KYI RANG BZHIN LAS, ,THA DAD RDZAS NI SNANG YIN PA, ,DE DAG LA NI GZHAN PA YI, ,SO SOR SNANG BA YOD DAM CI, ,SNGON PO LA SOGS PA KHA DOG GI RANG BZHIN NYID SNANG BA YIN GYI, ,DE LA RDZAS GZHAN SNANG BA NI MED DE, DE LAS THA DAD PA'I RDZAS GZHAN SO SOR SNANG BA MED PA'I PHYIR RO, ,DE NYID RDZAS YIN NO ZHE NA, MA YIN TE KHA DOG DANG DBYIBS NI YON TAN YIN PA'I PHYIR RO, ,'ON TE KHA DOG DBYIBS DANG LDAN PA'I RDZAS YIN NA MA YIN TE, DE LAS THA DAD PA RNAM PA GZHAN DU SNANG BA MED PA'I PHYIR RO, ,GSAL BA DANG MI GSAL BA'I KHA DOG DBYIBS LAS THA DAD PA'I RDZAS GZHAN NI DMIGS PA MED DE, MI GSAL BA'I KHA DOG DANG DBYIBS KYANG DE LAS GZHAN PA'I TSOGS PA LAS BYUNG BA'I SHES PAS GNOD PA'I PHYIR RO, ,GSAL BAR SNANG BA'I SHES PA SKYES NA 'DI NI 'DI LTA BU MA YIN NO ZHES BYA BAR 'GYUR BA YIN NO, ,DE LAS BZLOG PA'I RANG BZHIN DMIGS PA NYID GNOD PAR BYED PA YIN NO, ,'DI MA YIN NO SNYAM PA'I SHES PA MA SKYES PA'I PHYIR DE LTA MA YIN NO ZHE NA, 'DI MA YIN NO SNYAM PA'I SHES PA DE YANG SKYES PA NYID MA YIN NAM, 'DI LTAR DBYIBS 'DI NI KHA DOG DE MA YIN NO ZHES BYA BA DE DANG THA MI DAD PA'I DBYIBS LA GNOD PA'I SHES PA SKYE BA NYID YIN NO, ,GAL TE THA DAD PA LA GNOD PAR BYED PA MA YIN TE, GANG GI PHYIR THA MI DAD PA'I DBYIBS LA, GNOD PAR BYED PA DE NYID KYI PHYIR DBYIBS THA DAD PA YIN NO ZHE NA, DE NI MA YIN TE, GAL TE CI LTAR

SNGON RTOGS PA, ,DE 'DRA BA LA GNOD BYED CING, ,GAL TE GZHAN DU RTOGS MED NA, ,LUS PAR 'GYUR BA GZHAN CI YOD, ,GAL TE DBYIBS SAM, RDZAS KHA DOG DANG THA DAD PA MED PAR RTOGS PA CI 'DRA BA DE 'DRA BA GNOD PA YIN NA GZHAN LUS PA CI YOD, GANG GIS DE NYID LA GCIG LA GNOD PAR BYED LA GZHAN LA NI MA YIN NO ZHES BYA BA'I RNAM PAR GZHAN PA THA DAD PAR BYED PA'I SBYOR BA'I RNAM PAR BYE BA NI YOD PA MA YIN NO, ,'ON TE YANG, KHA DOG DE NI THOB PA MIN, ,DE NI DBYIBS DANG RDZAS DAG YIN, ,DES NA THOB PHYIR RDZAS GZHAN YIN, ,DES NI SNGAR YANG RIGS PA NYID, ,GANG ZHIG SNGA MA DANG PHYI MA'I DNGOS POR RIG PA DANG, DE LTA MA YIN PA GANG YIN PA DE GNYIS NI 'GAL BA'I CHOS GNAS PAS THA MI DAD PAR MI RIGS SO, ,THA DAD PA DAG NI DE LTA BU NYID DU BSGRUB PAR BYA BA YIN TE, THA DAD PA'I SGRUB PAR BYED PA NI GZHAN MED PA'I PHYIR RO ZHES BYA BAR SEMS NA, DE YANG MA YIN TE, DE NYID DU NA GAL TE DE, ,GZHAN NA SNGON NAM PHYI MA YI, ,MNGON SUM LA CI SNANG MIN GNYIS, ,MTHONG BA GANG TSE SRING BAR 'GYUR, ,GAL TE DON DAM PAR KHA DOG DANG DBYIBS DE RDZAS LAS THA DAD PA'AM, DBYIBS KYANG KHA DOG LAS THA DAD PA YIN NA, CI LTAR SNGON DANG PHYI MA'I MNGON SUM LA MI SNANG, SO SOR MI SNANG NA DE LAS THA DAD PA'I TSOGS PA MED PA'I PHYIR DER SNANG NGO ZHES BYA BA NI RMONGS PA CHEN PO'I MTHU YIN NO, ,GNYIS TSOGS PA YANG MED PA'I PHYIR TSOGS PA YIN PAR GA LAS 'GYUR, RJES SU SBYOR BA NI MNGON SUM LAS MA YIN NO, ,DE MED PA'I PHYIR RJES SU DPAG PA YANG MED PAS GANG LAS THA DAD PAR RTOGS, DE'I PHYIR THUN MONG BA ZHES BYA BA NI 'GA' YANG MED DE, THAMS CAD RANG GI BDAG NYID LA RNAM PAR GNAS PA'I PHYIR KHYAD PAR NYID DO, ,DE BAS NA BYED PA ZHES BYA BA'I BYA BA NI MCHOD SBYIN BYED PA LA SOGS PA BYA BA'I KHYAD PAR GYI SPYI MA YIN NO, , DE'I PHYIR SGOM PA NI BYED PA PO'I BYA BA'I RANG BZHIN MA YIN TE, DE LAS THA DAD PAR RTOGS PA MED PA'I PHYIR RO, ,KHAMS KYI DON YANG RDZAS LAS THA DAD PAR YOD PA MA YIN TE, RJES SU 'GRO BA DANG LDOG PAS SNGA MA DANG PHYI MAR GYUR PA'I RDZAS YONG SU RTOGS PA'I THA DAD PA'I RANG GI NGO BO

, ,NYID LAS THA DAD PA MED KYANG THA DAD PA DANG LDAN PAR BRTAGS NAS BYA BA LAS THA DAD PAR DANG, BYA BA YANG DE LAS THA DAD DO ZHES 'DI NI THA SNYAD TZAM DU ZAD KYI 'DI DNGOS PO'I DE KHO NA RNAM PAR GNAS PA NI MA YIN NO, ,RANG GI BYA BA DANG KHAMS KYI DON YANG NGES PAR SBYOR BA'I DUS NA 'BYUNG BAR 'GYUR BAR RTOGS PA DES NA CI LTAR DE LA DMIGS PA'I SHES PA SNGON GYI BAG CHAGS LAS SKYE BA DMIGS PA MED DO ZHES BYA BA MI BRJOD, 'ON TE YANG MNGON SUM NI DA LTAR BA'I YUL CAN YIN PA'I PHYIR BYUNG BA DANG 'BYUNG BA'I YUL CAN YIN NA DMIGS PA MED PA NYID DO, ,SGRA NI DE'I YUL CAN YIN YANG DER 'GYUR BA MA YIN NO, ,DE SKAD DU YANG BSKUL BA NI ZHES BYA BA LA SOGS PA BSHAD PA YIN NO SNYAM NA, DE NI MA YIN TE, MTHONG BA MED PA'I DON DE NI YOD CES NGES PA DE CI LTAR, RJES DPAG LA NI 'BREL BA'I PHYIR, ,DER NI DE LTAR GNAS PA YIN, ,LKOG TU GYUR PA'I YUL RTOGS PA THAMS CAD NI DON DANG 'BREL PA NYID LAS MI SLU BA DANG LDAN PA YIN TE, DPER NA RJES SU DPAG PA'I SHAS PA BZHIN NO, ,GANG ZHIG GANG DANG MA 'BREL PA DE YOD NA DE YOD PAR NI NGES PA MA YIN NO, ,DMIGS PA MED PA NYID NI DE'I RANG BZHIN MED PA NYID LAS TE, MED PA NI RANG GI NGO BOR 'DZIN PA MA YIN NO ZHES BSHAD ZIN TO, ,'BYUNG BAR 'GYUR BA DANG LHAN CIG 'BREL BAR NGES PA YANG MA YIN NO, ,RJES SU DPAG PA LAS NI RGYU LAS 'BRAS BU RTOGS PA YIN TE, DE LTAR GZHAN DU MTHONG BA'I PHYIR RO, ,ME'I SBYIN SREG LA SOGS PA LA NI 'BRAS BU'I RGYU NYID DMIGS PA MA YIN LA, DE MA BYAS NA PHUNG BAR NGES PA YANG MA YIN NO, ,'ON TE BDAG GI NUS PA RTOGS PA MCHOD SBYIN LA SOGS PA'I RGYU NYID DANG, BDAG NYID LA RTOGS PAS 'JUG PA YIN NO ZHE NA, GAL TE DE NI MTHO RIS KYI, ,RGYU YIN PAR NI MA RTOGS NA,, NGES PAR SBYOR BA BSKUL YANG DE, ,DE LA CI PHYIR 'JUG PA YIN, ,DE NYID KYI PHYIR BSGOM PA DANG, NGES PAR SBYOR BA DANG, KHAMS KYI DON RNAMS PHAN TSUN 'BREL PA'AM, 'BRAS BU DANG MNGON PAR 'BREL PA BSGRUB PA YANG NGAG GI DON YIN NO ZHES BYA BAR MI RIGS TE, THAMS CAD 'BYUNG

BAR 'GYUR BA YIN PAS SHES PAS MI 'DZIN PA'I PHYIR BLO DMIGS PA MED PA NYID YIN PA'I PHYIR RO, ,DES NA SNANG BA DANG RNAM PAR BRTAGS PA GCIG TU BYAS NAS 'JUG PA YIN LA, DE NYID KYANG GZHAN SEL BA YIN NO, ,RIG BYED LAS NI RTOG PA SNGON DU BYED PA CAN SU YANG MI 'JUG STE, SHIN TU SPROS PAS CHOG GO, ,DE'I PHYIR, 'CHAD PA PO YI BYED PA'I YUL, ,LHAG PAR SGRO BTAGS PA YI PHYIR, ,DON GANG BLO LA RAB GSAL BA, ,DE LA SGRA NI TSAD MA NYID, ,DON GYI DE NI RGYU CAN MIN, ,SGRO BTAGS PA NI BDEN PA'I DON GYI YUL CAN DU 'GYUR BA MA YIN NO ZHES BYA BA 'DI GNAS SO, ,TSAD MA RNAM 'GREL GYI RGYAN LAS, BSGRUB PA DANG BSGOMS PA LA SOGS PA RNAM PAR 'GREL PA STE DANG PO'O,, ,,GAL TE DON BYED PAR GNAS PA MI SLU BA YIN NA, 'O NA NGO SHES PA LA SOGS PA'I SHES PA LAS KYANG DE NYID 'DI YIN NO ZHES BYA BA LA SOGS PAR SHES NAS 'JUG PA NA, MI SLO BA BSTEN PA'I PHYIR TSAD MAR 'GYUR RO, ,DE LA SNGON MED DON SHES PA, ,NGES PAR GNOD PA DANG BRAL ZHING, ,SKYON MED RGYU LAS BYUNG BA NI, ,'JIG RTEN 'DOD PA'I TSAD MA YIN, ,YAN LAG CAN LA SOGS PA'I YUL CAN YANG MI SLU BAR BYED PA'I PHYIR TSAD MAR 'GYUR RO, ,'ON TE BLTA BA'I SHES PA'I STOBS LAS SKYES PA'I PHYIR RNAM PAR RTOG PA 'DI TSANG MA MA YIN LA, YAN LAG CAN YANG YAN LAG GI SHES PA'I STOBS LAS BYUNG BA'I PHYIR RO ZHE NA, DE LTA NA BLTA BA'I SHES PA DE YANG MIG DANG 'BREL PA LA SOGS PA'I STOBS LAS SKYES PA'I PHYIR TSAD MAR MI 'GYUR RO, ,DE LA GAL TE RGYU GZHAN DANG GZHAN TSOL NA MIG LA SOGS PA RNAMS YIN PAR THAL LO, ,'ON TE DE MA THAG PA YIN NA RNAM PAR RTOG PA NYID NI TSAD MAR THAL LO ZHE NA, 'DIR BRJOD PA, GZUNG BA 'DZIN PHYIR KUN RDZOB NI, ,MI 'DOD BLO NI TSAD MA NYID, ,BLANG DANG DOR BA'I DNGOS PO YI, ,'JUG DE GTZO YIN PHYIR DANG, ,DE NYID 'DI YIN NO SNYAM PA'I SHES PA SKYE BA NI GCIG NYID LA TSAD MA MA YIN TE, ,SNGON MED PA'I GCIG NYID MI 'DZIN PA'I PHYIR TE, DES NI MTHONG BA NYID RTOGS

, ,PA'I PHYIR RO, ,GANG SNGA MA DANG LHAN CIG GCIG TU BZUNG BA'I GCIG NYID NI RTZOD PA'I YUL GYI GCIG NYID BDAG GIR BYED PA YIN NO, ,DA LTA BA TZAM GCIG YIN NA NI GRUB PA LA SGRUB PA NYID DO, ,DE YANG SHES PA SNGA MAS BZUNG BA LA GZHAN MA YIN NO, , SHES PA SNGA MAS NI DE'I 'JIG PA'I GNAS SKABS NYID SNGA NA MED PAR 'DZIN TO, ,DES NA PHYIS RJES SU SBYOR BAR BYED PA NI CI LTAR BZUNG BAR 'GYUR BA DE LTA BU NYID MTSAMS SBYOR BAR BYA BA YIN NO, ,GZUNG BA NYID DU 'DZIN PA NA YANG DE DRAN PA NYID YIN PAS GZUNG BA 'DZIN PA'I PHYIR DRAN PA GZHAN BZHIN DU TSAD MA MA YIN NO, ,MI SLU BA NI DON BYA BA BYED PA'I PHYIR RO, ,DON BYA BA NI GCIG NYID KYIS BSGRUB PAR BYA BA MA YIN TE, DNGOS PO'I NUS PA TZAM LAS SKYE BA'I PHYIR RO, ,DE'I PHYIR DE NYID 'DI YIN NO SNYAM PA 'DI NI SHES PA NYID YIN NO, ,'ON TE SNGA MA DANG LHAN CIG GCIG TU RTOGS SO ZHE NA, DE NI MI RIGS TE, MNGON SUM LAS SNGON RIG MED NA, ,DE DANG GCIG LA TSAD YOD MIN, ,MA RTOGS PA DANG GCIG NYID DU, ,RTOGS ZHES BYA BA BAB COL YIN, ,DES NA SNGA MA SNGA MA YI, ,RTOGS LAS KUN RDZOB PA GCIG NYID, ,KUN RDZOB PA YI RTOGS 'DI LA, ,TSAD MA YOD PA MA YIN NO, ,BUM SOGS YUL CAN SHES PA GANG, ,DE YANG RO SOGS DAG LA YIN, ,SHES DE DAG GI BZUNG DON LAS, ,TSOGS PA RNAM PAR RTOG PHYIR RO, ,TSOGS LAS GZHAN PA'I GCIG PO NI, ,'GAS KYANG RTOGS PA YOD MA YIN, ,THOG MED BAG CHAGS BRTEN PA'I PHYIR, ,GZHAN NI KUN DU 'DZIN PAS NYAMS, ,GAL TE SNGA MA DE PHYI MA LA SOGS PA GCIG TU RTOGS PA MED NA, 'O NA CI LTAR BLO TSAD MA YIN ZHE NA, DE LA BSHAD PA NI, BLANG BA DANG DOR BAR BYA BA'I YUL LA 'JUG PA NI TSAD MA ZHES BRJOD LA, 'JUG PA DE LA YANG BLO NYID GTZO BO YIN NO, ,GAL TE YANG 'BYUNG BAR 'GYUR BA'I DON MA RTOGS SNYAM NA DE LTA NA YANG DE 'JUG PAR BYED PA'I PHYIR TSAD MA YIN TE, DPER NA RJES SU DPAG PA MI 'DZIN PA YANG TSAD MA YIN PA BZHIN NO, ,RJES SU DPAG PAS NI DNGOS PO'I RANG GI NGO BOR BDAG GIR BYED PA MA YIN NO ZHES

'CHAD PAR 'GYUR RO, ,MIG LA SOGS PA LAS NI SHES PA MED PAR MI 'JUG GO, ,RNAM PAR RTOG PA MED KYANG GOMS PA LAS 'JUG PA YIN NO, ,DES NA BLANG BA DANG DOR BAR BYA BA'I YUL LA SNGAR GYI BLO NYID 'JUG PAR BYED PA YIN PA'I PHYIR TSAD MA YIN GYI, RNAM PAR RTOG PA LA SOGS PA MA YIN NO, ,GOMS PA MED PA GANG YIN PA DER NI NGO SHES PA LA SOGS PA'I MTSAN NYID KYI RJES SU DPAG PA NYID YIN PA DES NA HA CANG THAL BA MA YIN NO, ,DE LTAR NA RE ZHIG 'BRAS BU DON DU GNYER BA RNAMS KYI THA SNYAD KYI RGYU NYID KYIS TSAD MAR BSHAD PA YIN NO, ,DA NI RTOGS PA'I 'BRAS BU'I YUL RNAM PAR 'BYED PA'I RGYU YIN PAR STON TO, ,GZHAN YANG BLO NYID TSAD MA YIN GYI GZHAN NI MA YIN TE, 'DI LTAR, YUL GYI RNAM PA THA DAD PAS TSAD MA'I 'BRAS BU, BLO YI RTOGS PA THA DAD PHYIR, ,'JUG PAR BYED PAS NI TSAD MA MA YIN GYI 'ON KYANG RTOGS PAR BYED PA'I PHYIR TE, ,RTOGS PAR 'GYUR NA 'JUG GAM MI 'JUG KYANG RUNG NGO, ,DE LTAR NA YANG DON GYI DE BZHIN NYID KYI NGO BO RNAM PAR 'JOG PA'I PHYIR TSAD MA YIN NO, ,RNAM PA GZHAG PA'I DON LA GAL TE MI 'JUG NA 'DI TSAD MA'I NYES PA NI MA YIN NO, ,TSAD MA NI THOB PAR BYED PA YIN PA'I PHYIR RO ZHE NA MA YIN TE, TSAD MA NI THOB PAR RUNG BA YIN PA'I PHYIR RO, ,DE NYID THOB PA MED NA JI LTAR SHES, ,RANG BZHIN GYI KHYAD PAR MTHONG BA'I PHYIR RO, ,MI 'KHRUL PA'I RANG BZHIN CI LTAR YONGS SU BCAD, 'O NA PHYI ROL GYI THA SNYAD ZAD PAR 'GYUR RO, ,MI 'KHRUL PA NYID MA SHES NA RANG GI NGO BOR RIG PA TZAM NYID GSAL BAR 'GYUR LA, DE LTA NA YANG PHYI'I DON DANG RGYU GZHAN LA SOGS PA RTOGS PA GA LA YOD CE NA, 'DI NI 'OG TU BSHAD PAR BYA'O, ,'DI'I YUL GYI RNAM PA LTA BU'I RNAM PA NI YUL GYI RNAM PA STE SHES PA'O, ,DE THA DAD PA NI YUL GYI RNAM PA THA DAD PA'AM, YUL LTA BU'I RNAM PA THA DAD PA NI YUL GYI RNAM PA THA DAD PA'O, ,MTSUNGS PA NI RNAM PA STE, SNANG BA ZHES BYA BA'I DON TO, ,YUL DANG 'DRA BA'AM YUL MA MNGON DU PHYOGS PA'O, ,SNGON PO'AM DE'I RNAM PAR RIG PA ZHES DE THA DAD PAS BLO'I RTOGS PA THA DAD PA YIN NO, ,TSAD MA'I

, ,'BRAS BU NI DON RTOGS PA'AM, RANG GI NGO BO RTOGS PA YIN NO, ,DE SKAD DU YANG GZHAL BYA RTOGS PA NI TSAD MA LA RAG LAS PA YIN NO ZHES BSHAD DO, ,YUL GYI RNAM PA DE YANG SHES PA'I BDAG NYID DU 'GYUR BA YIN TE, DES NA SHES PA NYID TSAD MA YIN NO, ,GAL TE CI LTAR DE RNAM PAR SHES PA'I BDAG NYID DU 'GYUR BA YIN PA DE BZHIN DU RTOGS PA YANG YIN PA DES NA SHES PA NYID 'BRAS BU'I YIN PAR 'GYUR RO ZHE NA, DE NI BDEN TE, TSAD MA 'BRAS BU GZHAN MIN ZHING, ,TSAD MA 'BRAS BU LAS GZHAN MIN, ,BYA DANG BYED PA'I RNAM GZHAG NI, ,THAMS CAD DE LTAR 'GYUR BA YIN, ,'DI YANG 'OG TU STON PAR 'GYUR RO, ,GAL TE CI LTAR MIG LA SOGS PA TSAD MA MA YIN PA DE BZHIN DU RNAM PA YANG MI 'GYUR RO, ,JI LTAR MYONG BA'I BYED PA PO YIN YANG MIG LA SOGS PA TSAD MA MA YIN PA DE BZHIN DU RNAM PA YANG YIN NO ZHE NA, BSHAD PA, DE YOD NA NI 'DI YOD PHYIR; ,RNAM PA YOD NA RTOGS PA'I 'BRAS BU 'DI YOD PA NYID KYI PHYIR RO, ,MIG LA SOGS PA YOD NA 'BRAS BU 'DI YOD PA NYID NI MA YIN GYI, THA MI DAD PA'I PHYIR RNAM PA YOD NA NI YOD PA NYID YIN PA DE'I PHYIR NA SGRUB PAR BYED PA DAM PA NYID YIN LA, SGRUB PAR BYED PA DAM PA NYID KYANG BYED PA PO YIN NO, ,SGRUB PAR BYED PA DAM PA NYID NI CHOD PA MED NA YIN NO ZHES STON PAR 'GYUR RO, ,'O NA JI LTAR MIG GIS GZUGS MTHONG BA ZHES BYA ZHE NA, RGYU LA 'BRAS BU BTAGS PAS DE SKAD BRJOD PA YIN TE, DPER NA RKUN POS GRONG BSREGS SO ZHES BYA BA BZHIN NO, ,DE'I PHYIR SHES PA NYID TSAD MA YIN NO, ,GAL TE SHES PA 'DI THOB PAR BYED PA YIN NO ZHES JI LTAR SHES PAR BYA, RE ZHIG MNGON SUM LAS NI MA YIN NO, ,RANG RIG PA'I MNGON SUM GYIS NI TSAD MA DANG TSAD MA MA YIN PA'I RNAM PAR DBYE BA STON PAR BYED PA MA YIN TE, SHES PA THAMS CAD LA RANG RIG PA YOD PA'I PHYIR RO, ,DE SKYES PA'I DUS NYID NA MI SLU BA DANG, CIG SHOS KYI SHES PA'I RNAM PAR DBYE BA SHES NAS, 'JUG NA 'GA' YANG BSLUS PAR MI 'GYUR LA, THE TSOM DU YANG MI 'GYUR RO, ,'ON TE GNOD PA MED PA'I MTSAN NYID KYI TSAD MAR RANG NYID LAS RAB TU GRUB PA YIN NA, SHES

PA LKOG TU GYUR PAR SMRA BA RNAMS KYI DON GO BAS BSGRUB PA DE CI LTAR RANG LAS 'GRUB, 'ON TE DON GYI GO BAS NI SHES PA YOD PAR 'GRUB LA, DON GYI GO BAS SHES PA DE'I TSAD MA NI GZHAN GYI SHES PA MA YIN GYI, RANG NYID LAS TSAD MA YIN NO, ,TSAD MA MA YIN PA NI GNOD PAR BYED PA'I SHES PA LAS YIN LA GNOD PAR BYED PA'I SHES PA YANG RANG NYID LAS TSAD MA YIN NO, ,GZHAN YANG RNAM PAR SHES PA NI RGYU LAS SKYE BA YIN LA, DE'I TSAD MA NI RANG NYID LAS YIN NO, ,GNOD PAR BYED PA'I MTSAN NYID DE YANG SEL BAR BYED PA GNOD BYED KYI SHES PAS 'GOG PA YIN NO ZHE NA, 'DI LA BRJOD PA, GAL TE RANG LAS TSAD YIN NA, ,RANG GI RGYU YI DNGOS PO LAS, ,DE LTAR SKYES TE GNOD BYED NI, ,GZHAN GYIS GZHAN DU BYED MA YIN, ,CI STE BDAG CES RANG BZHIN PHYIR, ,RANG LAS TSAD MAR BRJOD NA NI, ,GNOD PAR BYED PA STONG YOD KYANG, ,DE GZHAN 'GYUR BA YOD MA YIN, ,GAL TE SKYON CAN RGYU YOD PAS, ,TSAD MA MIN PAR 'GYUR ZHE NA, ,YON TAN LDAN RGYU DANG 'BREL PHYIR, ,CI PHYIR TSAD MAR 'DOD MA YIN, ,GAL TE NYES PA MED PA'I PHYIR, ,DE NI TSAD MA YIN 'DOD NA, ,YON TAN MED PHYIR TSAD MIN PAR, ,DE NI CI PHYIR RTOGS MA YIS, , GANG GIS DE YI TSAD MA DANG, ,TSAD MIN GZHAN LAS YIN 'GYUR PA, ,TSAD MA DANG NI CIG SHOS LAS, ,GZHAN PA'I BDAG NI RTOGS PA MED, ,GAL TE DE RTOGS BDAG 'DOD NA, ,RTOGS MED GNYID LOG SOGS SKABS SU, ,DE YI RANG RIG DNGOS PO NI, ,NAM YANG MED PAR 'GYUR MA YIN, ,DE TSE CUNG ZAD RIG MED NA, ,BDAG YOD CES NI CI LTAR 'DOD, ,RTOGS DANG CIG SHOS RNAM GZHAG NI, ,RING BA BAS KYANG CHES RING SONG, ,DE PHYIR TSAD MA SHES PA NI, ,SKYE YIN CIG SHOS DE BZHIN NO, ,DE NYID RGYU NYID LAS BYUNG STE, ,DE YI TSAD NYID RANG LAS MIN, ,RNAM PA MTSUNGS PA SRID PA'I PHYIR, ,DE NYID DU NI NGES MA YIN, ,DANG PO THAMS CAD GNOD MED PA, ,DES NA TSAD MA NYID MA YIN, ,PHYIS GNOD MED PAR THE TSOM ZA, ,DE NGES DE NI MNGON SUM MAM, ,RJES DPAG GZHAN PA LAS YIN TE, ,TSAD MA GZHAN NI YOD MA YIN, ,GAL TE MI SLU'I

, ,SHES PA DE, ,YUL GZHAN LA NI 'JUG 'GYUR NA, ,DE YIS CI LTAR SNGAR 'DAS KYI, ,TSAD MA NYID NI RTOGS PAR BYED, ,SGRUB PAR BYED PA'I SHES PA YANG, ,YUL LA THE TSOM ZA BA'I PHYIR, ,CI LTAR DE SGRUB BYED YIN TE, ,TSAD MA RTOGS PA MED PHYIR RO; ,GAL TE RTOGS PA'I BDAG NYID PHYIR, ,TSAD YIN THAMS CAD TSAD MAR THAL, ,GNOD PA MED PA'I DON RTOGS PA'ANG, ,DANG PO RAB TU 'GRUB MA YIN, ,DE DON DON BYED PA NYID NI, ,SHES NAS TSAD MA NYID DU RIG ,TSAD MA SNGAR GRUB MED PA GANG, ,DE NI CI LTAR DE LAS RIG, GAL TE TSAD MA SNGAR GRUB NA, ,DE NI BYED DANG LDAN RIG 'GYUR, ,DON BYED PA LAS SHES DE NI, ,TSAD MA ZHES BYAR 'DZIN PA YIN, ,'ON TE GANG LA DON BYED PA, ,DER DE TSAD MA YIN 'DOD NA, ,DON BYED PA LA SOGS DE NI, ,TSAD MIN PAS RTOGS LAS KYANG MTHONG, ,DE LAS DON BYED DE MIN NA, ,GZHAN LAS KYANG NI CI LTAR 'DOD, ,DE LAS RES 'GA' MI THOB PHYIR, ,DE NI GZHAN DU'ANG MTHONG BA YIN, ,GANG LAS THOB PAR THE TSOM MED, ,GAL TE DE NI TSAD YIN NA, ,'O NA RNAM PA MTSUNGS PA'I PHYIR, ,GANG LAS THE TSOM LDOG PAR 'GYUR, , GOMS LAS RNAM PA MI MTHUN PA, ,DE NI PHYI NAS RTOGS 'GYUR TE, ,DES NA THOB LA 'KHRUL MED NA, ,DE NI PHAN TSUN BRTEN PA YIN, ,DE MTHONG NYID NA MTHONG RNAMS LA, ,MYONG BA'I MTHU LAS BYUNG BA YI, ,DRAN LAS THA SNYAD YIN ZHE NA, ,DE LTAR RJES DPAG LAS YIN NO, ,RJES DPAG DE YANG MNGON SUM LAS, ,MNGON SUM RJES DPAG LAS YIN PAS, ,PHAN TSUN BRTEN PA NYID KYI PHYIR, ,GCIG KYANG GNAS PA YOD MA YIN, ,RANG DNGOS RANG DMIGS RNAM PA NI, ,GCOD PAR BYED PA'I MNGON SUM GYIS, ,RTZA TZAM 'GUGS PAR BYED PA YANG, ,NUS PA NYID NI YOD MA YIN, ,DE NI SNGA MA PHYI MA YI, ,'BREL PA 'DZIN PAR BYED MA YIN, ,YUL DANG DUS GZHAN KHYAD PAR NI, ,'BREL PA LDAN PA YIN PAR BRJOD, ,GANG DU YUL DANG DUS GZHAN DU, ,KHYAB PA MNGON SUM GYIS 'DZIN PAR, ,NUS PA DE LTAR YIN NA NI, ,THAMS

CAD DON KUN MTHONG BAR THAL, ,KHYAB MIN LHAN CIG 'GYUR GANG YIN, ,DE LAS RJES DPOG SKYE MIN TE, ,DE NI RES 'GA' BA YIN PAS, ,YANG NA KUN TU RJES DPAG 'GYUR, ,DE NYID 'DI LTA'I RNAM PA 'DI, ,YOD DO ZHES NI MNGON SUM LAS, ,RIGS 'GYUR DE LAS YUL LA SOGS, ,GZHAN GNAS PA NI 'DZIN MA YIN, ,YUL SOGS GZUNG BA MED PAR NI, ,DE KHYAB 'DZIN PAR JI LTAR 'GYUR, ,DES MA BZUNG BA RJES DPOG NA, ,'DI NI SHIN TU GZU LUMS YIN, ,RJES SU DPAG PA GZHAN 'PHEN PAS, ,THUG PA MED PA 'JUG 'GYUR PHYIR, , RNAL MA RTOGS PA MED 'GYUR TE, ,DE DANG DE LA LTOS PHYIR RO, ,DE PHYIR RANG LAS TSAD MA NYID, ,SPYIR BTANG BAR NI RNAM PAR GNAS, ,GNOD DANG RGYU NYES LDAN PA YI, ,SHES PA DAG GIS DE DMIGS SEL, ,TSAD MA SLU BA MED PA'I PHYIR, ,GAL TE GNOD BYED MED NA NI, ,DE NI TSAD MA NYID DU RIGS, ,GNOD BYED LAS NI DE GZHAN 'GYUR, ,'DI LA BRJOD PA, GNOD BYED MED PA TZAM GYIS NI, ,TSAD MA NYID DU NGES MA YIN, ,THOB PA'I DUS SU'ANG GNOD PA GANG, ,DE MED CES NI SNGON ROL DU, ,TSAD MA GANG LAS SHES PA YIN, ,THOB YIN DON BYED GNAS PA THOB, ,DE YANG RANG DNGOS RIG PA YI, ,SHES LAS PHYI NAS SHES PA YIN, ,SNGAR NI DE LAS 'BYUNG BA YI, ,DNGOS LA RJES DPAG 'JUG PA YIN, ,DES NA THUG MED DE NYID DU, ,'GYUR BAS TSAD MA GANG LAS RTOGS, ,MNGON SUM RJES SU DPAG PA LAS, ,GZHAN PA'I TSAD MA YOD MA YIN, ,'DIR SMRAS PA, RANG LAS RANG GI NGO BO RTOGS, ,THA SNYAD LAS NI TSAD MA NYID, ,RANG LAS NI RANG GI NGO BO NYID RTOGS KYI, GZHAN GYI NGO BO NI MA YIN NO, ,MNGON SUM NI MNGON DU RTOGS PA'O, ,MNGON DU RTOGS PA YANG RANG GI NGO BO LAS YIN GYI, GZHAN GYI NGO BO THOB PA'I DUS KYI KHYAD PAR CAN NI MA YIN NO, ,TSAD MA NYID KYANG THOB PAR BYA BA'I DON LA MI 'KHRUL PA YIN NO, ,THOB PAR BYA BA'I DON MA BZUNG BAR NI DE DANG 'BREL PAR 'DZIN PA MA YIN NO, ,DE LTAR NGES PA MA YIN NA NI, TSAD MA MA YIN PAS NA NGES PA MA YIN NO, ,MDUN NA GNAS PA'I

, ,RANG BZHIN DANG 'BREL PA NI SHES PA THAMS CAD LA KHYAB PAR MED PAS DES NI 'BYUNG BA'I RANG BZHIN DANG 'BREL PA 'DZIN PA MA YIN NO, ,'BYUNG BAR 'GYUR BA'I DON BYED PA, SHES PA SNGA MA'I RANG BZHIN DANG 'BREL PA 'DZIN PA YANG MA YIN NO, ,DES NA RANG GI NGO BO RIG PA'I BDAG NYID YIN PA'I PHYIR, SO SOR 'BREL PA 'DZIN PA MA YIN NO, ,TSOGS PA YANG SRID PA MA YIN TE, BSGRUB PA DANG DON BYED PA'I SHES PA DAG RIM GYIS 'BYUNG BA'I PHYIR RO, ,DE'I 'OG TU 'BYUNG BA'I DRAN PA CI LTAR MYONG BA BZHIN DU 'JUG PA NI 'BREL PA MED PA NYID KYIS GNYIS RTOGS PAR BYED PA YIN NO, ,CI LTAR MYONG BA SPANGS BA'I PHYIR NI DE BSLAD PA NYID YIN PA'I PHYIR, DE LAS 'BREL PA RTOGS PA MA YIN NO, ,DES NA DE DANG 'BREL PA MA BZUNG BA'I PHYIR PHYIS KYANG RJES SU DPAG PAS MTHONG BA DANG, CHOS MTHUN PA LAS JI LTAR RTOGS, DES NA TSAD MA RTOGS PA'I THABS MED PA'I PHYIR RANG LAS RANG GI NGO BO NYID RTOGS KYI, TSAD MA NI MA YIN NO, ,CI STE TSAD MA NI RANG GI NGO BO NYID YIN TE, DNGOS PO'I RKYEN GYIS BRJOD PAR BYA BA NI DE LAS THA MI DAD PA'I PHYIR RO ZHE NA, DE NI MI RIGS TE, THOB BYA'I RANG BZHIN DANG 'BREL BA'I, ,SHES PA'I NGO BO TSAD MA YIN, ,RANG GI NGO BO TZAM ZHIG NI, ,GZUNG BAS DE BZUNG MIN PAR BRJOD, ,SHES PA'I RANG BZHIN NYID NI TSAD MA MA YIN NO, ,DE NYID NI THOB PAR BYA BA'I RANG BZHIN DANG 'BREL BAS RNAM PAR GNAS PA'I PHYIR RO, ,DE YANG BZUNG BA MA YIN NO ZHES BSTAN ZIN PA NYID DO, ,DES NA 'JUG PA DANG LDOG PA MED PA CAN RANG GI RANG BZHIN RIG PA TZAM NYID YIN GYI, THA DAD PAR BRJOD PA'I SKABS NI YOD PA MA YIN NO, ,DE'I PHYIR RTOGS PA DANG LDAN PA DAG GIS 'GA' ZHIG TU 'JUG PAR BYA BA MA YIN LA 'GA' LAS LDOG PAR BYA BA YANG MA YIN NO,, 'O NA CI LTAR TSAD MA DANG TSAD MA MA YIN PA'I DBYE BA RNAM PAR GZHAG CE NA, THA SNYAD LAS NI TSAD MA NYID, ,'DI NI THA SNYAD PA YIN NO, ,ZHES BSTAN TO, ,THA SNYAD KYANG RNAM PAR DPYAD NA 'JIG PA NYID DO, ,DE LAS GAL TE 'DI TZAM GYIS YONGS SU TSIM NA DE'I TSE BYA BA CUNG ZAD KYANG MED PA'I PHYIR 'KHOR BA LAS

THAR PA NYID DA, DE NI RTEN MED PA'I PHYIR RO, ,'ON TE THA SNYAD DU 'KHOR BA GRUB NA, DE LTA YIN NA TSAD MA DANG CIG SHOS KYI RNAM PAR DBYE BA YANG YOD PA'I PHYIR TSAD MA NYID BSGRUB PA'I PHYIR 'BAD PA MI BYA'O, ,GZHAN YANG THA SNYAD PA'I TSAD MA RTOGS PAR BYED PAS DON DAM PAR NI RANG GI RIG PA'I MNGON SUM GCIG NYID DO ZHES BRJOD PAR 'GYUR RO, ,'DI LTAR GAL TE TSAD MA NYID, ,MNGON SUM DANG NI RJES DPAG LAS, ,THE TSOM MED PAR GRUB 'DOD NA, ,THA SNYAD TSIG NI DON MED 'GYUR, ,GAL TE MNGON SUM DANG RJES SU DPAG PA LAS GSAL BAR TSAD MA NYID DU GRUB NA, THA SNYAD LAS NI ZHES CI'I PHYIR BRJOD, ,DE'I PHYIR THA SNYAD TZAM DU RAB TU GRUB PA'I RJES SU DPAG PA LA BRTEN NAS, GRUB PA'I 'BREL PA LA BRTEN NAS DON BYED PA SGRUB PA DE NI 'DI YIN NO ZHES MTHONG BAS, REG PA LA SOGS PA'I SGRUB PA RTOGS PA LAS 'JUG PA YIN LA, PHYIS NI GOMS PA LAS RJES SU DPAG PA MED KYANG SNANG BA TZAM LAS 'JUG PA'I PHYIR MNGON SUM YANG 'JUG PAR BYED PA YIN PAS, TSAD MA NYID DU BRJOD DO, ,DES NA THA SNYAD LAS NI TSAD MA NYID, ,CES BRJOD PA YIN NO, ,GAL TE MTHONG BAS NI GZUGS NYID DMIGS PA YIN GYI, REG PA NI MA YIN NO, ,DE BZHIN DU DA LTAR BA NYID YIN GYI 'BYUNG BAR 'GYUR BA'I THOB PAR BYA BA NI MA YIN NO, ,DE BZHIN DU RANG GIS BLTA BAR BYA BA NYID YIN GYI GZHAN GYIS BLTA BAR BYA BA YIN PA DE NI MA YIN PA MA YIN NAM, DE CI LTAR GZHAN MTHONG BA NA GZHAN THOB PAS TSAD MA NYID YIN ZHE NA, 'DI LA RANG LAS RANG GI NGO BO ZHES BSHAD ZIN TO, ,GZHAN YANG, THA SNYAD DU NI GCIG PA'I PHYIR, ,TSAD MA NYID NI RNAM PAR GNAS, ,YUL SOGS THA DAD MED PA'I PHYIR, ,RDZAS GCIG NYID DU THA SNYAD 'DOGS, ,'DI NI THA SNYAD LAS NI TSAD MA NYID, ,CES BSHAD ZIN PA NYID DO; ,DES NA THA SNYAD GRUB PA'I YAN LAG TZAM GCIG LA BRTEN NAS MTHONG BA GANG YIN PA DE NYID THOB BO SNYAM DU ZHEN PA'I PHYIR, TSAD MA NYID KYI THA SNYAD YIN NO, ,GCIG TU ZHEN PA DE YANG YUL DANG DUS LA SOGS PA THA MI DAD PA'I PHYIR RO, ,DE THA MI DAD PA YANG DER NUS PA'I

, ,SKYED PAR BYA BA'I TSOGS PA LAS SO, ,DE BZHIN DU 'BYUNG BA DANG 'BYUNG BAR 'GYUR BA DE DAG KYANG GCIG GI RGYUD DU RTOGS PA NYID KYI DON BYED PA MTSUNGS PA YIN LA DE LAS KYANG GCIG TU MNGON PAR RLOB PA YIN NO, ,GAL TE DON BYED PA THOB PAR BYED PA NYID KYIS TSAD MA YIN NA, CI TSAD MA DON BYED PA'I SHES PAR BYED PA YIN NAM, 'ON TE BYED PA PO YIN, RE ZHIG BYED PA PO NYID KYIS NI TSAD MA MA YIN TE, DE'I TSE NI RGYU NYID DU 'GYUR BA'I PHYIR RO, ,'ON TE SHES PAR BYED PA NYID KYIS TSAD MA NYID DU 'DOD NA DE YANG MI 'THAD DE, DON BYA BA LA THE TSOM NI, ,YOD PHYIR DE NI SHES BYED MIN, ,DON BYAR RES 'GA' BA YIN PHYIR, ,DE YI SHES BYED GA LAS YIN, ,SGRUB PAR BYED PA'I SHES PA MED KYANG DON BYED PA DMIGS TE, DES NA DE'I JI LTAR DON BYED PA'I RGYU YIN, DE MED KYANG MI 'BYUNG BAS NA DE NI 'BRAS BU'I RGYU MA YIN NO, ,SHES PAR BYED PA YANG MA YIN TE, ,DON MTHONG BA LA YANG RES 'GA' DON BYED PA MED PA'I PHYIR RO, ,SHES PA DE NI TSAD MA MA YIN PA YANG MA YIN TE, DON GYIS MI STONG BA'I PHYIR RO, ,DES NA BYED PA PO NYID DANG SHES PAR BYED PA NYID MED PAS CI LTAR TSAD MA DON GYIS THOB PAR BYED PA YIN ZHE NA, 'DI LA SMRAS PA, 'BRAS LA THE TSOM YOD CES TE, ,DE TZAM GYIS DE TSAD MIN YIN, ,'DI NYID NGES PHYIR DE TZAM GYIS, ,DE NI JI LTAR TSAD MA MIN, ,THABS LAS BYUNG BA LA THE TSOM ZA BA NI SPONG BAR 'DOD PA MA YIN TE, THAMS CAD DU THABS NGES PA TZAM GYIS 'JUG PA'I PHYIR RO, ,DES NA THABS NGES NA ZHING PA LA SOGS PA BZHIN TSAD MA CAN 'JUG PA YIN NO ZHE NA, DE NI MA YIN TE, 'DI LTAR, SKYES BU 'JUG DANG LDOG BYED KUN, ,THABS BYUNG DON DU GNYER BAS YIN, ,GAL TE DE LA THE TSOM NI, ,ZA NA CI LTAR TSAD MA NYID, ,GAL TE GANG GI DON DU TSAD MA 'DOD PA'I THABS LAS BYUNG BA DE LA THE TSOM ZA BA'I PHYIR TSAD MA YIN NO ZHES BYA BA'I TSIG GI TSUL 'DI CI YIN, GAL TE TSAD MAS NI DON SHES PAR BYA BA YIN GYI, DON BYED PAR BYA BA NI MA YIN NO, ,DON BYED PA NI TSOGS PA'I KHYAD PAR 'GA' ZHIG LAS PHYIS 'BYUNG BA'I PHYIR CI

LTAR SHES PAR NUS PA YIN ZHE NA, DE YANG MA YIN TE, GANG GI DON DU 'DI RTZOM PA, ,GAL TE DE MA GRUB CE NA, ,BSGRUB DANG 'BREL PA MA GRUB PAS, ,CI LTAR SGRUB PAR BYED PAR BRJOD, ,TSAD MA 'DI LAS MNGON PAR 'DOD PAS DON SGRUB PAR 'GYUR RO ZHES RTOGS PA DANG LDAN PAS TSAD MA TSOL BAR RTZOM PA YIN GYI, GZHAN DU NI MA YIN NO, ,DE LTA MA YIN NA NI ZHE NA PA NYID DU 'GYUR RO, ,GAL TE GSAL BAR BYAS PA'I DON, ,DON BYED PA MA YIN NA, DE RAB RIB CAN GYIS DMIGS PA'I SKRA SHAD LA SOGS PA DON MED PA LAS KHYAD PAR YOD PA GAL 'GYUR, 'ON TE DE LA RES 'GA' DON BYED PAR 'GYUR LA, SKRA SHAD LA SOGS PA NI MA YIN NA, DE LTA NA 'O NA NI JI LTAR DE DON DU GNYER BA 'JUG PAR 'GYUR, THE TSOM LAS 'JUG PA NI TSAD MA LAS ZHUGS PAR 'GYUR BA MA YIN NO, ,TSAD MA NI NGES PAR BYED PA YIN GYI, THE TSOM BYED PA NI MA YIN NO, , GAL TE DON BYA BA BYED PA NGES SO ZHE NA, DON BYA BA MA NGES NA JI LTAR DER NGES, 'ON TE TSAD MA DES DON SGRUB PA'I DNGOS PO BSTAN PA YIN NO, ,DON BYA BA NI GAL TE MA TSANG BA 'GA' ZHIG LAS MA YIN MOD, 'DI NI TSAD MA'I NYES PA MA YIN NO ZHE NA, DE NI MI 'THAD DE, GAL TE SHES BYED MA YIN PA, ,TSAD MA'I NYES PA MI BRJOD NA, ,DE LA SKYON GZHAN MED PA'I PHYIR, ,THAMS CAD TSAD MA MA YIN PAR 'GYUR, GANG GIS 'JAL BAR BYED CING 'DOD PA'I DON YONGS SU GCOD PA DE TSAD MA YIN NO, ,SHES PAR BYED PA MA YIN PA LA NI YONGS SU GCOD PA'I NUS PA MED PA'I PHYIR TSAD MA MA YIN NO, ,DE'I PHYIR GZHAN DU BSTAN PAR BYA STE, DE BDAG DE LAS 'BYUNG BA YI, ,MTHU YIS NGES PA'I DON BYA BA'I, ,RANG BZHIN RTOGS PAR BYED PA'I PHYIR, ,SHES PA TSAD MA NYID YIN NO, ,DON BYED PA'I SHES PA GANG YIN PA DE NI DON BYED PA'I BDAG NYID YIN PA'I PHYIR DON BYED PA RTOGS PAR BYED DE; DE'I DON BYED PA LA NI DE NYID SGRUB PAR BYED PA'I SHES PA YIN NO, ,SNGAR GYI SGRUB PAR BYED PA'I SHES PA NI GAL TE DON DE BRTAN PA NYID DU RTOGS PA DE'I TSE YIN NO, ,SNGA MA'I RANG BZHIN NI 'BYUNG BAR 'GYUR BA THOB PA'I DUS SU GDON MI ZA BAR SHES PAR BYED PA'I PHYIR DE THOB PA YIN NO, ,DES NA DNGOS

, ,SU NA PHYI MA'I RANG BZHIN NI SNGA MA'I RANG GI NGO BO NYID YIN PA DES NA DER YANG DE'I BDAG NYID KHO NA'O, ,YANG NA GDON MI ZA BAR 'BYUNG BA'I 'BRAS BU DE RGYU NYID YIN TE, DES RGYU LA KHYAB PA'I PHYIR RO, ,THA DAD PA'I KHYAB PAR BYED PA GANG YIN PA DE NI RGYU NYID YIN TE, DE MED PAR DE MI 'BYUNG BA'I PHYIR RO, ,MA SKYES PA CI LTAR RGYU YIN ZHE NA, SKYES PA YANG JI LTAR YIN ZHES NYES PA MTSUNGS SO, ,GAL TE 'DI YOD NA 'DI 'BYUNG NGO, ,'DI SKYES PA'I PHYIR 'DIR SKYE'O, ,'DI NI 'DIR BYED PA YIN NO, ,'DI NI 'DIS BYED DO ZHES 'JIG RTEN PA RGYU DANG 'BRAS BU'I DNGOS PO RTOGS PA MA YIN NAM, 'BYUNG BA NI YOD PA MA YIN, SKYES PA YANG MA YIN BYED PA YANG MA YIN, DES BYED PA YANG MA YIN TE, DE'I TSE MED PA'I PHYIR RO ZHE NA, 'DIR SMRAS PA, YOD DANG SKYES GNYIS DNGOS PO YI, ,RANG GI NGO BO LAS GZHAN MIN, ,'DI YOD NA ZHES BYA 'DI LAS, ,DON GZHAN SRID PA YOD MA YIN, ,SKYES PA DANG YOD PA NI RANG GI NGO BO NYID LAS GZHAN MA YIN NO, ,GAL TE RGYU YI DE MA THAG, ,YOD PA SKYES PA YIN ZHE NA, ,CI DE MA THAG TU BYUNG BA'I YOD PA NYID KHO NA SKYES PA YIN NAM, DE LTA YIN NO ZHE NA, YUN RING DU GNYID LOG PA LAS SAD PA'I RNAM PAR RTOG PA GANG YIN PA DE DAG SNGON GOMS PA LAS SKYES PAR MI 'GYUR TE, DE MA THAG TU BYUNG BA NYID MED PA'I PHYIR RO, ,LUS LA SOGS PA LA YANG RGYU MA YIN NO ZHES BSTAN PAR BYA'O, ,BYED PA NI RANG GI NGO BO LAS GZHAN MA YIN NO, ,DES NA RANG GI NGO BO LAS RANG GI NGO BO NYID DO ZHES BYA BAR 'GYUR RO, ,'BRAS BU'I DUS SU NI SNGAR GYI RGYU'I RANG GI NGO BO NYID YOD PA MA YIN NO, ,MED NA MI 'BYUNG BA TZAM NI 'BRAS BU GDON MI ZA BAR 'GYUR BA'I RGYU'I 'BYUNG BAR 'GYUR BA LA YANG YOD PA YIN NO, ,DES NA 'BYUNG BA YANG RGYU YIN NO, ,'ON TE MTHONG BA GANG YIN PA DE KHYAB PAR BYED PA YIN NA RGYU YIN NO, ,DE LTA NA YANG SNGAR BYUNG BA GANG YIN PA DE NYID RGYU YIN GYI, 'BYUNG BA NI MA YIN NO ZHE NA MA YIN TE, MTHONG BA RANG GI NGO BO YIS, ,KHYAB BYED NYID DU RTOGS MA YIN, ,SGRO BTAGS PA YI RANG BZHIN GYI, ,'BYUNG BA YANG NI DE YIN NO, ,MTHONG BA NI DE TZAM GYIS

KHYAB PAR BYED PA MA YIN TE, DE'I TSE KHYAB PAR BYA BA MA RTOGS PA'I PHYIR RO, ,GANG GI TSE KHYAB BYA RTOGS PA DE'I TSE NI DE BYUNG BA DANG 'BYUNG BA'I RANG BZHIN GYIS KHYAB PAR BYED PA YIN TE, GZHAN DU 'BYUNG BA'I RANG BZHIN MA BZUNG NA KHYAB PA NYID DU MI 'GYUR RO, ,'ON TE RANG BZHIN GANG GIS DE SNGON DU BYUNG BA NYID DU MTHONG BA DE'I RANG BZHIN DE NYID KYIS KHYAB BYED NYID DU RTOGS PAR BYED KYI, 'BYUNG BA'I RANG BZHIN GYIS NI MA YIN NO ZHE NA, DE NI MA YIN TE, 'BYUNG BA'I RANG BZHIN MA RTOGS NA, ,KHYAB BYED NYID DU RTOGS MA YIN, ,NYI TSE BA NI KHYAB MIN TE, ,DE LTA NA DE KHYAB MED 'GYUR, ,BYUNG BA DANG 'BYUNG BAR 'GYUR BA'I DUS KHYAB PA NYID DU RTOGS PA RGYU YIN GYI, GZHAN DU NI MA YIN NO, ,KHYAB PA DE NI SNGAR MTHONG BA DANG, MTHONG BAR 'GYUR BA LA YANG MTSUNGS PA YIN NO, ,MTHONG BAR 'GYUR BA CI LTAR RGYU YIN ZHE NA, DE'I TSE MED PA'I PHYIR MTHONG BA YANG CI LTAR YIN ZHES DRI BA'I SKABS MED DAM, YOD PA'I PHYIR RO ZHE NA, MTHONG BAR 'GYUR BA LA YANG DE NYID DO, ,DE'I TSE MA YIN NO ZHES BYA BA 'DI NI GNYI GAR YANG MTSUNGS SO, ,SNGA MA NYID DO ZHE NA, SNGA MA DANG PHYI MA DAG GI RANG GI NGO BO LA KHYAD PAR CI ZHIG YOD DO, ,DE GNYI GA YANG SGRO BTAGS PA'I RNAM PAR 'DZIN PA YIN GYI, GZHAN GYIS NI MA YIN PAS KHYAD PAR MED DO, ,'ON TE GCIG NI SNGON GYI RANG BZHIN DU MTHONG BAR SGRO BTAGS PA YIN LA GZHAN NI MTHONG BAR 'GYUR BA'I RANG BZHIN DANG PHYI MA'I RANG BZHIN DU YIN NO, ,DES NA GNYI GA LA YANG RGYU NYID YOD PA MA YIN NO ZHE NA, PHAN TSUN MED NA MI 'BYUNG BAR, ,DE DAG GNYI GA MTSUNGS MA YIN, ,NANG GI RNAM PAR DBYE BA NI, ,NGED LA 'GAR YANG DGOS PA MED, ,GANG MED NA GANG MI 'BYUNG BA DE NI THA DAD PA YIN NO, ,DE'I RGYU YIN NO, ,DE LTA YIN DANG, RGYU SNGA MA MED NA 'BRAS BU PHYI MA MI 'BYUNG BA DE BZHIN DU 'BRAS BU GDON MI ZA BAR 'BYUNG BA'I RGYU 'BRAS BU PHYI MA MED NA MI 'BYUNG BA'I PHYIR RGYU DANG 'BRAS BU'I RGYU MTSAN MTSUNGS PAS NA GNYI GA YANG PHAN TSUN RGYU DANG 'BRAS BU'I DNGOS PO YIN NO, ,KHYAB PA DANG NI THA DAD NYID, ,RGYU MTSAN MTSUNGS PHYIR GNYI GA YANG, ,RGYU 'BRAS NYID YIN PHA ROL

, ,GYI, ,'JIG RTEN DPOG PA'ANG 'DI LAS YIN, ,KHYAB PA NYID DANG THA DAD PA MA GTOGS PAR RGYU MTSAN GZHAN NI 'GRO BA 'DIR MA DMIGS SO, ,DES NA GANG RGYU DANG 'BRAS BU GDON MI ZA BAR 'GYUR BA'I RGYU GNYI GA YANG PHAN TSUN RGYU DANG 'BRAS BU'I DNGOS PO YIN NO ZHES RIGS PAR MTHONG NGO, ,DE PHYIR SHES DE DON SKYED PA, ,RGYU'AM YANG NA RANG BZHIN NAM, ,'BRAS BU'ANG RUNG STE THAMS CAD DU, ,DE YIS DON BYED 'BYUNG BAR SHES, ,GAL TE SGRUB PA'I SHES PA DE DON BYED PA'I RGYU'AM, GAL TE RANG BZHIN NAM, GAL TE 'BRAS BU YANG RUNG STE, THAMS CAD DU 'BREL PA SRID PA'I PHYIR DES SHES PA YIN NO, ,KHYAB PA NI DE'I BDAG NYID DANG, RGYU DANG 'BRAS BU'I DNGOS PO 'DI YANG THA SNYAD DU GRUB PA YIN PA'I PHYIR THA SNYAD LAS TSAD MA NYID DU SHES PA YIN NO, ,GAL TE CI SRID 'BREL PA SGRUB PA'I MNGON SUM MED PA DE SRID RJES SU DPAG PA MA YIN TE, MNGON SUM GYIS 'BREL PA BZUNG NA RJES SU DPAG PA'I TSAD MA'I SGRUB PAR BYED PA YIN NO, ,MNGON SUM 'BREL PA 'DZIN PAR NUS PA TSAD MA MA YIN NA YIN PA'I PHYIR PHAN TSUN BRTEN PA'I SKYON MA YIN NAM, 'ON TE RJES SU DPAG PAS NI TSAD MAR BSGRUB PA NI MA YIN GYI, 'ON KYANG DON BYED PA MYONG BA LAS YIN LA, DE YANG RANG RIG PA'I MNGON SUM GYIS GRUB PA YIN NO, ,DE LA DON BYED PA'I SHES PA NI MNGON SUM YIN PAS SNGA MA'I TSAD MA NYID 'DZIN PA MA YIN LA 'BRAS BU'I RTAGS SU 'GYUR BA MA YIN PAS RJES SU DPAG PA YANG MA YIN TE, MNGON SUM GYIS TSAD MA 'DZIN PA MA YIN PA'I PHYIR DANG, GSAL BA DE 'DAS PA'I PHYIR RO, ,GSAL BA MED PAR SPYI TSAD MA NYID DU RTOGS PAR NI MI NUS TE, SPYI MED PA'I PHYIR RO, ,DES NA TSAD MAR THE TSOM ZA BA TZAM YIN NO, ,DE YANG DON BYED PA DANG 'BREL BAR THE TSOM ZA BA YIN PAS DE LA DON BYED PAR SNANG BAS THE TSOM BZLOG PA NYID DO ZHE NA, DE LTA MA YIN TE, 'DI LTAR, THE TSOM TZAM ZHIG BZLOG PAS NI, ,'GA' YANG 'JUG PAR 'GYUR BA MIN, ,DON DU GNYER BA'I 'JUG PA NI, ,NGES PA'AM MNGON SUM LAS MTHONG NGO, ,GAL TE DON BYAR SNANG DE

NYID, ,MNGON SUM YIN ZHES 'DOD NA NI, ,TSAD MA MNGON SUM NYID LAS NI, ,RTOGS PA ZHES BYAR 'DOD PA YIN, ,MNGON SUM MAM NI RJES DPAG LAS, ,THE TSOM ZA BA LDOG PA YIN, ,'GAL BA'I RANG BZHIN DMIGS PA LAS, ,BZLOG PA GZHAN NI YOD MA YIN, ,GAL TE DE NI MNGON SUM GYI, ,DNGOS YIN DE TSE THE TSOM NI, ,LDOG BYED DE MED DE TSE NYID, ,CI LTAR GZHAN GYI TSO NA MIN, ,'DIR NI THE TSOM DE BZLOG PAS, ,DGOS PA YOD PA'ANG MA YIN TE, ,DE NI 'JUG PA'I PHYIR 'DOD NA, ,'JUG PA DE YANG GRUB PA YIN, ,SHES PA KUN GYI DON DANG NI, ,'BREL PA'ANG MNGON SUM BLOS RTOGS MIN, ,RJES SU DPAG PA SPYI YIS NI, ,'BREL PA NGES PAR BYED PA YIN, ,TSAD MA GZHAN YANG MED PA'I PHYIR, ,THE TSOM CHAD PAR GA LA 'GYUR, ,DES NA THA SNYAD LAS NI TSAD MA NYID, ,CES BSHAD DO, ,GAL TE THA SNYAD LAS TSAD MA MA YIN NA, 'O NA TSAD MA'I MTSAN NYID KYI BSTAN BCOS LA DON CI YOD, BSTAN BCOS BSTAN KYANG TSIG TZAM LAS NI DE LTAR MI 'GYUR GYI, 'ON KYANG THA SNYAD KYI MI SLU BA NYID LAS YIN NO, ,DE YOD NA NI BSTAN BCOS DON MED DO ZHE NA, BSHAD PA, BSTAN BCOS RMONGS PA ZLOG BYED YIN, ,GAL TE THA SNYAD LAS TSAD MA'I RANG BZHIN RTOGS PA YIN NA, CI'I PHYIR MTSAN NYID KYI BSTAN BCOS DAG PHAN TSUN 'GAL BAR 'GYUR, DES NA THA SNYAD PA DAG NI THA SNYAD LA YANG LOG PAR RTOGS PA KHO NA'O, ,'DI LTAR, THA SNYAD LAS NI THAMS CAD KYI, ,TSAD MA RTOGS PAR 'GYUR MA YIN,, DES NA TSAD MA'I MTSAN NYID NI, ,PHAN TSUN DU NI 'GAL BAR LDAN, ,MNGON SUM LA SOGS TSAD MA YIS, ,'JIG RTEN PHA ROL RTOGS MA YIN, ,LUNG LAS YIN ZHES GZHAN 'DZER BA, ,DES NA THA SNYAD LAS MA YIN, ,DE'I PHYIR, THA SNYAD NGES PA RTOGS PA'I PHYIR, ,BSTAN BCOS RMONGS PA ZLOG BYED YIN,, SNGA MA PHYI MA MI DRAN PA, ,BSTAN BCOS 'DI YIS ZLOG PAR BYED, ,DE NYID KYIS THAMS CAD MKHYEN PAS GSUNGS PA'I BSTAN BCOS KYI RMONGS PA ZLOG PAR BYED KYI, GZHAN GYIS NI MA YIN NO ZHES, RNAM PA 'DIS THAMS CAD MKHYEN PA'I BKA' NYID TSAD MA YIN PA'I PHYIR, THAMS CAD MKHYEN PA

, ,NYID TSAD MA YIN GYI, GZHAN GYIS NI MA YIN NO ZHES BYA BA NI DON DAM PA'O, ,GZHAN NI TSAD MA MA YIN TE, ,SHES BYA KHYAB PA MED PA'I PHYIR, ,MA KHYAB PAS NI 'BRAS BU SOGS, ,'BREL PAR 'DZIN PA MA YIN NO, ,RGYU DANG 'BRAS BU'I DNGOS PO 'DAS PA DANG MA 'ONGS PA DANG DA LTAR BYUNG BA'I DUS DANG YUL KHYAB PAR LHAN CIG SPYOD PA'I RANG BZHIN NI THAMS CAD MKHYEN PA MA YIN PA'I YUL MA YIN TE, MNGON SUM DA LTAR NYE BA TZAM YIN PA'I PHYIR DANG, RJES SU DPAG PA YANG DER MI 'JUG PA'I PHYIR RO, ,GAL TE BSTAN BCOS DE BYED PA THAMS CAD MKHYEN PA NYID DU CI LTAR SHES SHE NA, 'DI NI 'OG TU BSHAD PAR BYA'O, ,MA SHES DON GYI GSAL BYED KYANG, ,YANG NA 'DI TSAD MA'I MTSAN NYID YIN NO, ,'DI GSAL BAR BYED PAS NA GSAL BYED DE, MA SHES PA'I DON GSAL BAR BYED PA'I SHES PA TSAD MA YIN NO, ,KUN RDZOB PA'I SHES PA NI MA SHES PA'I DON GSAL BAR BYED PA MA YIN NO, ,DES NI MA SHES PA'I DON 'GA' YANG GSAL BA MA YIN TE, SO SOR BZUNG BA'I GZUGS LA SOGS PA NYID RNAM PAR RTOG PA'I PHYIR RO, ,RTOGS PA NGES PAR MA BZUNG BA'I PHYIR NA DE GCIG CES THA SNYAD DU BYED DO, ,GAL TE MI SLU BA MED PAR MA SHES PA GSAL BAR BYED PA TSAD MA YIN NA, ZLA BA GNYIS LA SOGS PA'I RNAM PA YANG TSAD MA NYID DU THAL BAR 'GYUR RO ZHE NA MA YIN TE, DON SMOS PA'I PHYIR RO, ,DE NI DON MA YIN NO, ,GAL TE DON NYID DU MI SLU BA NYID LAS SHES PA MA YIN NAM, DES NA MI SLU BA'I SHES PA ZHES BYA BA DE NYID MTSAN NYID YIN PA'I PHYIR CI LTAR MTSAN NYID GZHAN YIN ZHE NA MA YIN TE, DON GYIS 'PHANGS PA NI MTSAN NYID MA YIN PA'I PHYIR RO, ,BRJOD PA'I SHUGS KYIS RTOGS PA GANG, ,DE NI MTSAN NYID MA YIN TE, ,DE LTA NA NI DNGOS PO SOGS, ,GZHAN YANG MTSAN NYID DON DU 'GYUR, ,MTSAN NYID DE NI DNGOS SU BZUNG BA GANG YIN PA DE YIN NO, ,GANG GIS MTSAN NYID BSGRUB PA DE YANG SRID PA TZAM GYIS MTSAN NYID DU 'GYUR BA NI MA YIN TE, DE LTA MA YIN NA, DNGOS PO NYID LA SOGS PA YANG YIN PAR 'GYUR RO, ,'ON TE

DNGOS PO NYID NI DE LA DNGOS SAM GZHAN DU MKHO BA MA YIN GYI, MI SLU BA NYID NI DON NYID SHES PA LA MKHO BA YIN NO ZHE NA, DE NI BDEN MOD KYI DE LTA NA YANG MA SHES PA'I DON SMOS PA NI GZUNG BA 'DZIN PA'I SHES PA SPONG BAR NUS KYI, MI SLU BA SMOS PAS NI MA YIN TE, DE LA YANG MI SLU BA YOD PA'I PHYIR RO, ,MI SLU BA DON RTOGS PA YANG MA YIN TE, MI SLU BA YIN YANG KUN RDZOB TU YOD PA DON DU MA GRUB PA'I PHYIR RO, ,'O NA CI LTAR DON NYID RTOGS SHE NA, NGES PAR BRTAGS PA LAS SO ZHES RTOGS PAR BYA'O, ,YANG NA 'DIR DON GYI SGRAS NI DON DAM PA BRJOD PA YIN TE, MA SHES DON GYI GSAL BYED CES BYA BA NI DON DAM BAR GSAL BAR BYED CES BYA BA'I DON TO, ,DON DAM PA YANG GNYIS SU MED PA'I RANG BZHIN NYID YIN PAS DE GSAL BAR BYED PA NYID TSAD MA YIN NO, ,DE LTAR YANG RANG LAS RANG GI NGO BO RTOGS ZHES BSTAN PA YIN NO, ,THA SNYAD LAS NI TSAD MA NYID CES BYA BA BSHAD DE, DE LAS 'DI NI DON DAM PA'I TSAD MA'I MTSAN NYID YIN LA, SNGA MA NI THA SNYAD PA'I YIN NO, ,GAL TE MA SHES PA'I DON GSAL BAR BYED PA TSAD MA YIN NA SPYI'I DON YANG DANG PO 'BYUNG BA RANG GI MTSAN NYID KYI SHES PAS MA SHES PA DE'I 'OG TU BYUNG BAS GSAL BA YIN LA, DE BZHIN DU 'BREL PA LA SOGS PA YANG YIN PA'I PHYIR DE YANG TSAD MAR THAL BAR 'GYUR RO, ,'DI GZUNG BA 'DZIN PA'I PHYIR DRAN PA NYID DU 'GYUR BA NI MA YIN TE, MA BZUNG BA LA YANG DRAN PA MED PA'I PHYIR RO, ,RANG GI MTSAN NYID RNAM SHES NI, ,SPYIR 'DZIN PAR NI 'DOD MIN TE, ,MA BZUNG BA NI 'DZIN PA'I PHYIR, ,SPYI RIG TSAD MA YIN PAR 'GYUR, DE NYID BRJOD PA NI, RANG GI NGO BO RTOGS 'OG TU, ,SPYI YI RNAM PAR SHES PA THOB, ,TSAD MA ZHES 'BREL TO, ,RANG RIG PAS SPYI'I SHES PA'I BDAG NYID RTOGS SO ZHES BYA BA 'DI LA NI RTZOD PA MED PA NYID DO, ,DES NA GAL TE SPYI SHES PA LAS GZHAN DU 'GYUR BA'AM, 'ON TE BDAG NYID DU 'GYUR BA YIN YANG RUNG STE, THAMS CAD DU DE'I SHES PA TSAD MAR 'GYUR RO ZHE NA, 'DI LA BSHAD PA NI MA YIN TE, RANG GI MTSAN NYID MA SHES PA, ,SHES PA GANG YIN

, ,ZHES DGONGS PHYIR, ,RANG GI MTSAN NYID DPYAD PHYIR RO, ,SPYI'I SHES PA MA BZUNG BA 'DZIN PA YIN YANG TSAD MA MA YIN NO, ,CI'I PHYIR ZHE NA, RANG GI MTSAN NYID MA SHES PA SHES PA GANG YIN PA DE NYID TSAD MAR 'DOD KYI SPYI NI MA YIN NO, ,SPYI MA SHES PA SHES PA NI TSAD MA MA YIN GYI, 'ON KYANG MA SHES PA'I RANG GI MTSAN NYID SHES PA'O, ,DE CI'I PHYIR ZHE NA, RANG GI MTSAN NYID DPYAD PHYIR RO, ,YOD PA'AM MED PA NYID RNAM PAR GZHAG PA'I PHYIR RTOGS PA DANG LDAN PA TSAD MA LA LTOS PA YIN NO, ,YOD PA 'AM MED PAR DPYOD PA DE YANG RANG GI MTSAN NYID KHO NA LA YIN GYI, ,SPYI LA NI MA YIN TE, DE LA SKYES BU RNAMS GUS PA MED PA'I PHYIR RO, ,GANG RNAM PAR DPYAD PA DE LA DUS PHYIS DE'I RANG BZHIN YIN PA'I PHYIR TSAD MA 'JUG PA'I PHYIR RO, ,SPYI LA NI TSAD MA MI 'JUG PA'I PHYIR DE LA TSAD MA MA YIN NO, ,'ON TE SPYI MA RTOGS NA DE NYID 'DI YIN NO ZHES JI LTAR 'JUG CE NA, MA YIN TE, SPYI MA RTOGS KYANG SHIN TU GOMS PA LAS 'JUG PA'I PHYIR RO, ,'ON TE DER YANG SPYI NYID 'JUG PAR BYED PA YIN NO ZHE NA, DE NI MA YIN TE, MA SHES PA LA 'JUG PAR BYED PA NYID SHES PA MED PA'I PHYIR RO, ,DE SHES KYANG GAL TE RANG GI MTSAN NYID MA SHES NA MI 'JUG LA, RANG GI MTSAN NYID SHES NA NI SPYI MA DPYAD KYANG GOMS PA LAS 'JUG PA YIN NO, ,DES NA DE LA 'JUG PAR BYED PA MA YIN PA'I PHYIR DANG, DE LA MNGON DU PHYOGS PA MED PA'I PHYIR SPYI SHES PA NI TSAD MA YIN NO, ,'JUG PAR BYED PA YIN DU CHUG PA DE LTA NA YANG DE LA PHYOGS PA MED PA'I PHYIR DE TSAD MA MA YIN NO, ,RANG RIG PAS BZUNG NA NI DE RANG GI MTSAN NYID KHO NA YIN PAS RANG GI MTSAN NYID KYI YUL NYID LA TSAD MA YIN NO, ,GANG GI TSE GNYIS SU MED PA DE'I TSE NA SPYI MA YIN LA, RANG GI MTSAN NYID RTOGS PA'I 'OG TU GZHAN ZHES BYA BAR BSTAN PA YANG MA YIN NO, ,RANG GI MTSAN NYID SHES PA LA, ,SHES GANG RIG MED PHYIR BSAMS PAS, ,ZHES BYA BA LA, RIG MED NI 'DI LA RIG PA MED DO, ,GANG LA ZHE NA, SHES PA GANG ZHIG ,RANG GI MTSAN NYID SHES PA LA STE DE'I PHYIR RO, ,GANG GIS 'DI NI RANG GI MTSAN NYID

SHES PA'I 'OG ROL DU YIN NO ZHE'AM, MI 'DRA BA NYID DU RTOGS PAR 'GYUR BA SNGA MA DANG PHYI MA'I NGO BO LA NI TSAD MA YOD PA MA YIN NO, ,'DIR NI SHES PA THAMS CAD RANG GI MTSAN NYID RTOGS PAR BYED KYI, THA DAD PA NI MA YIN NO, ,'O NA CI'I PHYIR BCOM LDAN 'DAS KYIS MNGON SUM DANG RJES SU DPAG PA'I DBYE BA DANG, PHYI ROL DANG RNAM PAR SHES PA'I DBYE BA DANG, KUN NAS NYON MONGS PA DANG, RNAM PAR BYANG BA'I DBYE BA BSTAN ZHE NA, BSHAD PA BSAMS PAS TE, MI SLU BA'I PHYIR RO, ,GDUL BA'I SKYE BO'I BSAMS PAS TE, DE LA LTOS NAS SO, ,RANG RIG PA'I MNGON SUM GCIG NYID TSAD MA YIN GYI, GZHAN NI MA YIN NO, ,SPROS PA NI GDUL BYA'I DBANG GIS TE, CI LTA CI LTAR GDUL BYA RNAMS DE KHO NA'I LAM DU 'JUG PAR 'GYUR BA DE LTA DE LTAR BCOM LDAN 'DAS STON PA YIN PA'I PHYIR MI 'GAL LO, ,DE GA LAS SHE NA, RANG GI MTSAN NYID DPYAD PHYIR RO; ,RNAM PAR DPYAD NA NI THAMS CAD MI GNAS PA NYID DO, ,GNYIS SU MED PA LAS DE KHO NA NYID GZHAN NI MED DO, ,DE NYID BCOM LDAN 'DAS KYIS RIM GYIS RNAM PAR DPYAD PA YIN NO, ,CIG CAR NI DPYAD PAR MI NUS PA'I PHYIR RO, ,'ON TE PHYI ROL DU PHYOGS PA CI LTAR RANG RIG PA NYID YIN ZHE NA, DE NI MED DE, YUL DANG DUS SOGS LA LTOS NAS, ,PHYI DANG NANG ZHES SHES PA YIN, ,YUL DUS RANG GI NGO BO LAS, ,THA DAD PA NI 'THAD MA YIN, ,'DI YANG PHYIS BSTAN PAR BYA'O, ,'O NA CI LTAR BCOM LDAN 'DAS TSAD MA YIN, MNGON SUM DANG RJES SU DPAG PA DAG NI THA SNYAD TZAM DU TSAD MA YIN GYI, BCOM LDAN 'DAS NI MA YIN TE, DE NI TSAD MA DAM PA YIN PA'I PHYIR RO ZHE NA, 'DI LA BSHAD PA NI, DE LDAN BCOM LDAN TSAD MA NYID, ,DE BZHIN GSHEGS PA BCOM LDAN 'DAS NI DE DANG LDAN PAS SO, ,BCOM LDAN 'DAS NI MNGON SUM GYI RANG BZHIN GYIS TSAD MA YIN TE, PHYIS BSTAN PAR BYA'O, ,'DI GA LAS RTOGS SHE NA, DE'I PHYIR BSHAD PA NI, YANG DAG MIN PA BZLOG DON DU, ,'KHRUL PA BZLOG PA'I DON DU BCOM LDAN 'DAS DES YANG DAG NYID GSUNGS, GANG GI PHYIR DE LTA YIN PA DE'I PHYIR DE NYID THAMS CAD MKHYEN PA YIN GYI GZHAN NI MA

, ,YIN NO, ,DE LTA NA YANG TSAD MA YIN NO, ,DE'I PHYIR, SGRUB BYED LA LTOS TSAD YIN RIGS, ,ZHES SMOS TE, BCOM LDAN 'DAS NYID YIN GYI, ,RIG BYED NI MA YIN NO, ,RIG BYED NI 'GA' YANG DON DANG 'BREL PA MED PAS TSAD MA MA YIN NO, ,'DI NI TSAD MA'I YUL LA BDEN PAR GSUNG BA NYID KYIS TSAD MA YIN NO, ,GZHAN LA NI BSHAD PAR BYA'O, ,YANG NA DON DAM PA DE LDAN TE, BCOM LDAN 'DAS KYANG GNYIS SU MED PAR RTOGS PA NYID KYIS TSAD MA YIN GYI, DON THAMS CAD YONGS SU SHES PAS NI MA YIN TE, DON THAMS CAD YONGS SU SHES PA NI 'JIG RTEN GYI THA SNYAD YIN PAS KUN RDZOB PA NYID DO, ,DE SKAD DU YANG, GNYIS MED THEG PA DAM PA YIN, ,ZHES BSHAD DO, ,TSAD MA RNAM 'GREL GYI RGYAN LAS, TSAD MA GRUB PA'I RNAM 'GREL GNYIS PA'O,, ,,GAL TE MNGON SUM DANG RJES SU DPAG PA DAG TSAD MA MA YIN PA'I PHYIR THAMS CAD MKHYEN PA NYID TSAD MA MA YIN NA, DE'I TSE DBANG PHYUG LA SOGS PA SHES PA PO RTAG PA NYID DAM, RIG BYED RTAG PA TSAD MA YIN TE, DES NA GZHAN BTZAL BAS CI BYA ZHE NA, TSAD MA RTAG PA NYID YOD MIN, ,DNGOS YOD RTOG PA TSAD PHYIR DANG, ,SHES BYA MI RTAG PA NYID KYIS, ,DES NI MI BRTEN NYID PHYIR RO, ,RIM BZHIN SKYE BA CAN DAG NI, ,RTAGS LAS SKYE BA MI 'THAD PHYIR, ,LTOS PA MI RUNG PA'I PHYIR, RTAG PA GTAN DU GNAS PA'I TSAD MA NI YOD PA MA YIN TE, TSAD MA MED PA'I PHYIR RO, ,GZHAN YANG DNGOS PO YOD PA'I RTOGS PA TSAD MA YIN GYI, GANG YANG RUNG BA NI MA YIN NO, ,GANG GIS RTOGS PA GTAN DU YOD PAR 'GYUR BA DNGOS PO NI GTAN DU GNAS PA MA YIN NO, ,DES NA SHES BYA MI RTAG PA NYID KYIS DE YANG MI BRTAN PA YIN NO, ,GAL TE SHES BYA MI RTAG PAS NA SHES PA MI RTAG PA NYID DO ZHES BYA BA 'DI DAG GA LAS SHE NA, SHES BYA'I RANG BZHIN LA BYA BA BYED PA'AM, SHES BYA'I RANG BZHIN LAS SKYES PA'AM, DE'I RANG BZHIN NYID TSAD MA YIN GRANG STE, PHYOGS GZHAN NI MI SRID DO, ,DE LA GAL TE BYED BA DANG MI BYED PA KHYAD PAR MED NA CI LTAR BYED PA DANG CIG SHOS RNAM PAR 'BYED,

'ON TE DE NI ME LONG GI GNAS LTA BU YIN TE, DON GANG DANG GANG NYE BA DE DANG DE NYID SNANG BA YIN NO ZHE NA, 'O NA NI RANG GI TSOGS PA LAS DON NYID DE LTAR 'GYUR BA YIN GYI, SHES PA PO'I BYED PA NI MA YIN NO, ,'ON TE MIG MI G-YO BAR PHYE BAS NYE BAR BSTAN PA'I DON RIM GYIS MTHONG YANG BYED PA GZHAN DANG GZHAN MI 'DRA BA GZHAN NI 'GA' YANG RTOGS PA MA YIN PA DE BZHIN DU 'DI YIN NO ZHE NA, 'DI LA BSHAD PA, RJES SU 'GRO DANG LDOG PA LAS, ,DER YANG MIG NI BYED PA NYID, ,DBANG PHYUG RTAG PAR GNAS PA LA, ,RJES 'GRO LDOG PA YOD MA YIN, ,DE'I PHYIR DE LTAR 'GYUR BA DE NI DON DE NYID YIN GYI, 'DI LA 'DZIN PA'I BYED PA NI 'GA' YANG MED PA'I PHYIR CI LTAR TSAD MA YIN, 'ON TE DE TSAD MA'I DON YIN MOD, DE NI DE DANG 'BREL PA'I PHYIR DES SHES PAR BRJOD DO ZHE NA, DE NI MI 'THAD DE 'DI LTAR, 'BREL PA RJES 'GRO SNGON 'GRO BA, ,LDOG PA YIS NI 'GRUB PA YIN, ,RTAG PA LDOG PA MED PA LA, ,'BREL PA SRID PA GA LA YIN, ,RTAG PA LDOG PA MED PA NI 'GAR YANG NYE BAR SBYOR BAR SHES NUS PA MA YIN NO, ,'ON TE DES MTHONG BA'I PHYIR NYE BAR SBYOR PA YIN NO ZHE NA, CI LTAR NA DES MTHONG ZHES DE NYID DE LTAR BRGAL ZHING BRTAG PA MA YIN NAM, DE LTAR DE YOD NA 'BYUNG PHYIR, ,DES ZHES BYA BAR BRJOD NA NI, ,NAM MKHA' SOGS LA DE YOD PHYIR, ,CI LTAR DE NYID LTA PO YIN, ,MKHA' LA DON BYED BSTAN MED PHYIR, ,DE NYID LTA PO NAM MKHA' MIN, ,BSTAN PA TSIG YIN DE YI PHYIR, ,DE NYID GANG LAS 'DOD PA YIN; ,RNAM PA KUN DU LDOG MED LA, ,RGYU NYID DU NI RTOGS MA YIN, ,DON GANG 'DAS DANG MA 'ONGS PA, ,DE NI CI LTAR SNANG BA YIN, ,'DAS PA SHES PA YIN PA'I PHYIR, ,CI LTAR 'DAS PA YIN PAR 'GYUR, ,'DAS PA LA SOGS CI LTAR YANG, ,ME LONG DU NI 'PHO BA YIN, ,DE LTA BU YI SNANG BA NI, ,ME LONG YOD NA 'BYUNG BA YIN, ,SNANG BA BRTAGS PA'I 'BRAS BU NI, ,MA YIN ZHES NI SNGAR BRJOD DO, ,NAM MKHA' LA SOGS PA DAG KYANG, ,DON DE 'DZIN PAR CIS MI 'GYUR, ,GAL TE DON DE'I DE MA THAG ,'BYUNG BA'I NGES PA YOD MIN NA, ,DON RNAMS

, ,THAMS CAD MTHONG BA DE, ,TSIG DON GANG ZHIG YIN PAR BRJOD, ,DON KUN MTHONG BA LAS BYUNG BA'I, ,SGRA NI THAMS CAD RJOD BYED YIN, ,BRJOD 'DOD NGES PA ZHES BYA NI, ,RTAG PA 'THAD PA MA YIN NO, ,BRJOD 'DOD DE DAG THA DAD CING, ,DE BZHIN MTHONG BA THA DAD NA, ,GANG GIS LTA PO GCIG YIN TE, ,KHYOD KYIS TSAD DE CI LTAR YIN, ,GAL TE BRJOD 'DOD BLTA BYA YI, ,'DZIN BYED DE NYID YIN ZHA NA, ,BRJOD PAR 'DOD DANG GZHAN PA'I DE, ,CI LTAR GCIG GIS 'DZIN PA YIN, ,DE LTA YIN NA MNGON SUM DANG, ,RJES DPAG GCIG TU CIS MI BRJOD, ,GAL TE DE YANG YANG DAG TU, ,GCIG PA NYID DU 'DOD NA NI, ,DE DAG LA YANG RIM GYIS SAM, ,CIG CAR THA DAD YOD MIN NAM, ,RANG BZHIN GCIG NYID RIM GYIS NI, ,TSAD MA YIS NI RTOGS MA YIN, ,RTOGS PO DE'AM GZHAN DU NI, ,SHES BYED GCIG GI GZHAL BYA BA, ,DE GCIG CES BYA BDEN NAM CI, ,BDEN PA MIN NA TSIG DON MED, ,CI STE BDAG NYID RANG NYID NI, ,RNAM KUN BYED POS SHES BYED NA, ,DE NI DA LTAR YIN NO ZHES, ,CIS RTOGS DE NI TSIG TZAM YIN, ,RANG RIG NYID LAS GZHAN PA NI, ,MED CES SNGAR NI BRJOD PA YIN, ,DES NA DE NI DON DAM PAR DBANG PHYUG MA YIN LA KUN RDZOB TU YANG MA YIN NO, ,CI STE YANG GAL TE SHES BYA MI RTAG PA NYID KYIS SHES PA MI RTAG PA YIN YANG SHES PAR BYED PA PO GANG YIN PA DE NI RTAG PA YIN NO, ,GZHAN MI RTAG PAS GZHAN YANG MI RTAG GO ZHES NI MI 'THAD DO ZHE NA, BSHAD PA SHES BYA MI RTAG PAS NA SHES PA, RIM BZHIN SKYE BA CAN DAG NI, ,RTAG LAS SKYE BA MI 'THAD PHYIR, ,DE RTAG PA LAS SKYE BA MI RIGS PA'I PHYIR RO, ,NAM MKHA' LTAR RTAG PA KHYAB BA NI, 'GA' YANG RGYU MA YIN NO ZHES BSHAD ZIN TO, ,GAL TE RANG BZHIN DE NYID KYIS SKYED PAR BYED NA NI KHYAD PAR MED PA'I PHYIR THAMS CAD KYI TSE SKYED PAR 'GYUR BA'AM, KHYAD PAR YOD NA YANG MI RTAG PAR 'GYUR RO, ,'ON TE KHYAD PAR MED KYANG LHAN CIG BYED PA YOD PA DANG MED PA DAG LAS 'BRAS BU'I RIM PA CAN YIN NO ZHE NA, MA YIN TE LTOS PA MI RUNG BA'I PHYIR RO, ,GAL TE LHAN CIG BYED PA

DAG NYID KYI RJES SU 'GRO BA DANG LDOG PA YIN NA, ,DE DAG NYID RGYU YIN GYI DE NI MA YIN NO, ,DE LA LTOS NAS DE YANG RGYU YIN NO ZHES MI RIGS SO, ,LTOS PA DE DANG CIG SHOS KYI GNAS SKABS DAG TU KHYAD PAR MED PAR RANG NGAM GZHAN GYI LTOS PA NYID DU MI RTOGS PA'I PHYIR 'DI NI TSIG TZAM GTZO BOR GYUR PA YIN PAR SHES PAR BYA'O, ,DE NYID KYI PHYIR LTOS PA MI RUNG BA'I PHYIR ZHES BSHAD DO, ,RTAG PA THAMS CAD KYI TSE RANG BZHIN GCIG PA NI LTOS PAR BYA BA PHAN GDAGS PAR NUS PA MA YIN NO, ,DE LA PHAN 'DOGS PA MED PAR NI DES LTOS PAR BYA BA MA YIN NO; ,DE LTA NA NI 'O NA MI RTAG PA TSAD MA YIN PAR 'GYUR RO, ,SBYIN PA LA SOGS PA SGRUB PAR BYED PA LA LTOS PA NI MA YIN NO, ,CHAGS PA DANG BRAL BA DANG, DBANG PHYUG DANG LDAN PA NI RIGS MTHUN PA'I RGYU SNGA MA LAS SKYES PA'I PHYIR DE NAM YANG GZHAN DU 'GYUR BA LAS GZHAN DU SKYE BAR 'GYUR BA NI MA YIN NO ZHE NA, 'DI LA BSHAD PA NI, RNAM 'GAS PHAN GDAGS BYA MIN PHYIR, ,MI RTAG NA YANG TSAD MED NYID, ,DBANG PHYUG MI RTAG PA LA YANG TSAD MA YOD PA MA YIN TE, DE TSAD MA MA YIN NO, ,DE CI'I PHYIR ZHE NA, RNAM 'GAS PHAN GDAGS BYA MIN PHYIR, ,GANG ZHIG RNAM PA CI ZHIG LTAR 'GA' ZHIG PHAN GDAGS PA 'AM GNOD PAR BYED PA DE NI, 'DOD CHAGS LA SOGS PA MYONG BA DANG, ,'DOD CHAGS LA SOGS PA'I GNYAN PO RTOGS PA LA SOGS PA SRID PAS DE STON PA YIN NO, ,SEMS CAN LA BYAMS PA DANG SNYING BRTZE BAS STON PA SRID PA'I PHYIR DE NI 'JIG RTEN GYIS TSAD MAR 'GYUR GYI RANG GI NGO BO YOD PA TZAM GYIS NI MA YIN NO, ,DE LAS NI 'DI 'DRA BA'I BYA BA YOD PA MA YIN TE, SDUG GOMS MED PAR MKHAS PAR MI 'GYUR RO, ,'ON TE DE NI THAMS CAD YONGS SU SHES PA NYID NI RANG BZHIN NYID KYIS GRUB PA YIN NO ZHE NA, DE NI MI RIGS TE, 'DOD CHAGS LA SOGS PA NYAMS SU MA MYANG NA 'KHOR BA'I RTZA BA'I SPROS PA NI RANG GI MTSAN NYID RTOGS PAR CI LTAR 'GYUR, NYAMS SU MYONG NA NI, 'DI 'KHOR BA PA NYID YIN PAS DE CI LTAR TSAD MA YIN, 'ON TE 'DOD CHAGS LA SOGS PA

, ,RTOGS PA NYID KYIS 'DOD CHAGS LA SOGS PA'I SPROS PA'I GNYEN PO STON PA YIN TE, 'DOD CHAGS LA SOGS PA DANG LDAN PA NYID THAMS CAD SHES PA DANG MA NYAMS PA DANG, GZHAL DU MED PA'I NUS PA DANG LDAN PAS DE NYID TSAD MA YIN NO ZHE NA, DE YANG MI RIGS TE; GAL TE 'DOD CHAGS LA SOGS DANG, ,LDAN YANG DBANG PHYUG NYAMS MED NA, ,'DOD CHAGS LA SOGS GNYEN PO NI, ,BSTAN PA DON MED KHO NAR 'GYUR, ,'ON TE 'DI NI DNGOS PO'I GNAS LUGS YIN TE, 'DOD CHAGS LA SOGS PA DANG LDAN PA LA, DBANG PHYUG SRID PA NI MA YIN NO, ,DES NA DE'I GNYEN PO STON TO ZHE NA, GAL TE DE LTAR CHAGS BRAL SOGS, ,BSGOMS PA MED PHYIR MI SRID NA, ,DE YI DBANG PHYUG LA SOGS PA, ,GRUB DE GLO BUR GANG LAS 'ONG, ,'DOD CHAGS DANG BRAL BA LA SOGS PA GNYEN PO LA SOGS PA GOMS PA LAS 'BYUNG NGO ZHES SHES PA GANG YIN PA DE NYID LAS GZHAN DU YANG 'BYUNG NGO ZHES PA NI MI RIGS SO, ,GZHAN YANG, GANG GIS DBANG PHYUG SGRUB PA DANG, ,BRAL BA'I DON DU GNYER BA LA, ,MCHOG SBYIN PA YI NUS PA NI, ,DE 'DRA DE LA YOD PA MIN, ,'ON TE DE LA NUS PA DE, ,MED NA GZHAN YANG CI LTAR YOD, ,RJES SU 'DZIN PA'I NUS PA NI, ,DE LA TSAD MA MED PAR 'GYUR, ,DON 'DI YANG YIN TE, MI RTAG NA YANG TSAD MIN NYID, ,'DI LA TSAD MA YOD PA MA YIN PAS TSAD MED DO, ,DE'I NGO BO NI TSAD MED NYID DE, DE LA TSAD MA YOD PA MA YIN NO ZHES BYA BA'I THA TSIG GO, ,'ON TE MNYES PAR BYAS PA LA SOGS PA RIM GYIS CHAGS PA LA SOGS PA NYE BAR ZHI BA'I RNAM PAS CHOS STON PAS 'DI RJES SU 'DZIN PAR BYED PA YIN TE, DE LTA MA YIN NA, RJES SU 'DZIN PAR MI NUS PA'I PHYIR RO ZHE NA, DE NI MA YIN TE, 'DI LTAR, DES BSHAD RJES SU SGRUB PA YIS, ,'JIG RTEN RJES 'DZIN GANG GIS RTOGS, ,DES BSHAD LUNG TZAM LAS SHE NA, ,DE LTA PHAN TSUN RTEN PAR 'GYUR, ,DES BSHAD PHYIR DE LUNG YIN LA, ,LUNG YIN PHYIR YANG DE BSHAD NYID, ,PHAN TSUN BRTEN PA YIN PHYIR DER, ,GCIG KYANG GNAS PAR CI LTAR 'GYUR, ,GZHAN YANG, DE YI

NUS PA 'DI 'DRA STE, ,RGYU GANG LAS NI 'ONGS PA YIN, ,'DI NI DE YI RANG BZHIN ZHES, ,DE NI GANG LAS RTOGS PAR 'GYUR, ,DE THAMS CAD MTHONG BA DANG RJES SU 'DZIN PAR BYED PA'I RANG BZHIN GYI NUS PA DE 'DRA BA DE RGYU GANG LAS BYUNG, GAL TE 'DIR DE LTA BUR BYUNG BA'I DNGOS PO'I RANG BZHIN NYID LAN 'DEBS SO, ,'DI LTAR, 'DI NI 'DI LTA'AM MA YIN ZHES, ,DE NI SU LA 'DRI BAR BYA, ,SREG BYED ME YIS NAM MKHA' MIN, ,'DI LA CI ZHIG BRGAL ZHING BRTAG ,'DI NI SHIN TU MI RIGS TE, ,GAL TE RANG BZHIN MNGON SUM DU, ,GRUB LA RGOL ZHING RTOG BYED NA; ,DE LA LAN 'DI RIGS 'GYUR TE, ,MTHONG BA NYID NI MI 'THAD MIN, ,'DI NI MTHONG BA MA YIN NO, ,'DI LTAR, 'DIR DNGOS PO'I RANG BZHIN NYID LAN 'DEBS SO ZHES BYA BA'I DON 'DI CI YIN, ,'DI NI MNGON SUM LA SOGS PA'I TSAD MAS GRUB PA YIN PAS, 'DI CI LTAR ZHES BRGAL ZHING BRTAG PA'I YUL MA YIN NO, ,CI LTAR MNGON SUM DU ME BSREG BYA SREG PAR DMIGS PA LA CI LTA BAR BYED PA YIN ZHES BRGAL ZHING BRTAG PAR BYED PA BZHIN NO ZHES BYA BA YIN NO, ,GAL TE 'BYUNG BA NYID KYIS YIN NA NAM MKHA' YANG SREG PAR BYED PAR 'GYUR RO, ,'ON TE RANG BZHIN GYIS SO SOR NGES PAS DE LTA YIN NA, DE'I TSE DBANG PHYUG KYANG YON TAN GYI RGYU THAMS CAD DANG BRAL BA YANG YON TAN DANG LDAN PAS MTSUNGS SO ZHE NA, MI MTSUNGS TE ME NI MTHONG BA'I PHYIR DANG, GZHAN NI BZLOG PA'I PHYIR RO, ,DES NA 'DI LAN MA YIN NO, ,DE LTA MA YIN NA, BDAG NYID MNGON 'DOD 'GA' ZHIG BSGRUB BYAS PA, ,DE LA GZHAN GYIS LAN MED BYAS PA NA, ,DNGOS PO'I RANG BZHIN ZHES DE'I LAN BRJOD PAS, ,DE LTAS THAMS CAD RGYAL BAR 'GYUR BA YIN, ,DE'I PHYIR MI RTAG NA YANG STE, ,YANG GI SGRAS RTAG PA YANG TSAD MAR MED PA NYID DO ZHES LEGS PA BRJOD DO, ,GAL TE TSAD MA YOD YIN, ,SDOD 'JUG DBYIBS KYI KHYAD PAR DANG, ,DON BYED PA LA SOGS PA DANG ,'BRAS BU'I BDAG NYID 'BRAS BU LAS, ,JI LTAR RGYU NI GRUB MI 'GYUR, ,DE LTA MIN NA RGYU GZHAN LA'ANG, ,RJES SU DPAG PA'ANG MED PAR 'GYUR, ,'DI LTAR DNGOS

, ,PO 'GA' ZHIG MNGON PAR 'DOD PA SGRUB PA'I PHYIR BSDAD CING BSDAD CING 'JUG PA DE NI BLO DANG LDAN PA'I RGYUS BYIN GYIS BRLABS PA LAS YIN TE, DPER NA, DBYIBS SU BYA BA LA SOGS PA STE STE'U LA SOGS PA BZHIN NO, ,STE'U LA SOGS PA NI RANG NYID 'JUG PA MA YIN NO, ,'JUG PA YIN NA YANG GTAN DU 'JUG PAR 'GYUR NA, BSDAD NAS 'JUG PA YANG YIN NO, ,DES NA RTOGS PA DANG LDAN PA'I 'JUG PA PO 'GA' ZHIG YOD DGOS SO, ,DE BZHIN DU GANG ZHIG ZLUM PO LA SOGS PA LA DBYIBS KYI KHYAD PAR DANG LDAN PA DE NI SEMS PA DANG LDAN PA SKYED PA YIN TE, DPER NA BUM PA LA SOGS PA BZHIN NO, ,DE BZHIN DU GANG ZHIG DON BYA BA BYED PA DE NI SEMS PA DANG LDAN PA'I DNGOS POS BSKUL BA YIN TE, DPER NA BUM PA LA SOGS PA BZHIN NO ZHE NA, 'DI LA BSHAD PA NI, SDOD 'JUG DBYIBS KYI KHYAD PAR DANG, ,DON BYED PA LA SOGS PA DAG ,'DOD SGRUB PA'AM DPE MA GRUB, ,YANG NA THE TSOM ZA BA YIN, ,'BRAS BU NYID DU MNGON PAR 'DOD PA BSDAD NAS 'JUG PA LA SOGS PA GANG YIN PA DE DAG NI YANG DAG PA'I GTAN TSIGS MA YIN TE, GANG GI PHYIR DE DAG YOD KYANG 'DOD PA NYID SGRUB PA YIN TE, GRUB PA SGRUB PA YIN NO, ,GRUB PA NI PHYOGS MA YIN TE, MA GRUB PA PHYOGS YIN PA'I PHYIR RO, ,GANG LA RTZOD PA YOD PA DE SGRUB PA'I PHYIR SGRUB PAR BYED PA NYE BAR DGOD PAR RIGS PA YIN NA, THAMS CAD LAS KYI MTSAN NYID KYI SEMS PAS BYIN GYIS RLOB PAR 'DOD PA YIN TE, 'DI LTAR, LAS LAS 'JIG RTEN SNA TSOGS SKYES, ,DE NI SEMS PA DANG DES BYAS, ,ZHES BYA BA YIN NO, ,GAL TE LAS LAS SKYES PA NYID DO ZHES NI SGRUB PA MA YIN TE, LAS LAS GZHAN PA'I SEMS PA DBANG PHYUG GIS BYIN GYIS BRLAB PAR SGRUB PA'I PHYIR RO, ,DE SKAD DU YANG, DE NI DBANG PHYUG GIS BSKUL BAS MNGON PAR GSAL BA'I LAS LAS YIN NO ZHES BSHAD DO, ,DBANG PHYUG GI SEMS PAS BYIN GYIS BRLABS PA'I LAS SNGON DU 'GRO BA CAN NYID BSGRUB PA NA GRUB PA LA SGRUB PA MA YIN NO ZHE NA, DE NI MED DE, GAL TE SEMS PA'I RANG BZHIN GYIS RANG LAS YOD NA, DE'I TSE

SEMS PA GZHAN SGRUB PA NI DON MED DO, ,SEMS PA MED PA DE NI 'JUG PAR NUS PA MA YIN TE, 'DI NI DE'O ZHES NGES PAR BRTAGS NAS 'JUG PA MTHONG BA'I PHYIR RO, ,DES NA RANG NYID NGES PAR BRTAGS NAS 'JUG PAR BYA BA'AM, NGES PAR RTOGS PAS BSKUL NAS YIN TE, RNAM PA GZHAN MED PA'I PHYIR RO, ,DE LA SEMS PA MED PA RNAMS LA RANG NYID NGES PAR RTOGS PA MED PA'I PHYIR, GAL TE NGES PAR RTOGS PA GZHAN YANG MED NA NI MI 'JUG PA NYID DU THAL BAR 'GYUR BA'I PHYIR RO, ,DES NA SEMS PA DANG LDAN PA'I SKUL BA PO 'GA' ZHIG YOD DGOS SO ZHES BYA BA BSAM PA YIN NO ZHES ZER TE, DE LA, LAS KYI RANG BZHIN SEMS PA NYID, ,GAL TE 'JUG PA'I RGYU YIN NA, ,NGES RTOGS LA YANG DE YI NI, ,NGES RTOGS GZHAN NI 'DOD MA YIN, ,DE LTA NA YANG DPE MA GRUB, ,BUM SOGS SEMS PA DANG LDAN PAS, ,BYAS KYANG DBANG PHYUG GIS BYAS MIN; ,DGOS PA MED PHYIR GZHAN DU NA, ,DE YANG RANG GI DON BYAS LA, ,'JUG PA DBANG PHYUG DANG LDAN PA, ,YIN PHYIR THUG PA MED PAR 'GYUR, ,'ON TE RDZA MKHAN SOGS DE YANG, ,MI SHES PHYIR NA BCUG NAS 'JUG ,DE SHES PA YI DBANG PHYUG DE, ,GZHAN GYIS 'JUG PAR BYA BA MIN; ,DI LTAR, SKYE BA PO NI SHES PA YOD MIN PAS, ,BDAG GI SDUG BSNGAL BDAG LA RANG DBANG MED, ,DBANG PHYUG GIS KYANG YANG NA MTHO RIS SAM, ,G-YANG SA DAG TU 'GRO BA KHO NAR 'GYUR, ,MI SHES SEMS DANG LDAN PA YANG, ,NGES PAR RTOGS NI MI NUS SO, ,NGES PAR RTOGS MI NUS PA'I PHYIR, ,BUM PA LA SOGS PA LTAR GZHAN GYIS BSKUL BA YIN NO, ,DBANG PHYUG NI MA YIN TE, DE NI NGES PAR RTOGS NUS PA'I PHYIR RO, ,DES NA THUG PA MED PA MA YIN NO ZHE NA, DE YANG MA YIN TE, BYED PO GRUB NA KUN SHES NYID, ,'GRUB 'GYUR THUG PA MED PAS NA, ,BYED PO'ANG DE LAS YIN PA'I PHYIR, ,DE NI PHAN TSUN RTEN CHEN 'GYUR, ,GAL TE DBANG PHYUG DAM PA 'DI THAMS CAD KYI BYED PA PO YIN NO ZHES GRUB NA, DE'I TSE 'DI THAMS CAD SHES PA NYID DU 'GYUR GYI GZHAN DU NI MA YIN NO, ,THAMS CAD SHES PA NYID YIN YANG SKUL BAR BYED PA YIN PAR 'GYUR TE, DE

, ,LTAR MA YIN NA DE'I SKUL BAR BYED PA GZHAN YIN PA'I PHYIR THUG PA MED PA NYID DO, ,GZHAN YANG GAL TE DE THAMS CAD SHES PA YIN NA, CI STE SKYES BU MI SHES PA DAM PA MA YIN PA'I THA SNYAD LA 'JUG PAR BYED, DPYOD PA DANG LDAN PA NI DAM PA'I NYE BAR BSTAN PA BYED PAR MTHONG NA, DE'I LOG PAR 'JUG PA'I SKYE BO YANG SKYED PAR BYED PAS DE CI LTAR TSAD MA YIN, 'ON TE DE NI DAM PA NYID KYI NYE BAR BSTAN PA NYID BYED PA DES NA TSAD MA YIN NO, ,CHOS MA YIN PA'I BYED PA NI DAM PA MA YIN PA'I 'BRAS BU MYONG BAR BYED PA YIN TE, DES NA TSAD MA'I 'BRAS BU SBYIN PAR BYED PA NI DPYOD PA DANG LDAN PA NYID DO ZHE NA, DE YANG MA YIN TE, GANG GI PHYIR, 'DI NI CHOS MA YIN PA LA'ANG, ,SKYE BO 'JUG PAR BYED NYID NA, ,MI RIGS PA NI BYAS NAS DE, ,CI LTAR RIGS PA LA 'JUG BYED, ,RE ZHIG DANG PO NI RIGS PA NYID LA 'JUG PAR BYED LA, DE NAS NI DE ZLOG PA'I PHYIR CHOS LA YIN PA'I PHYIR DBANG PHYUG 'DI CI LTAR RTOG PA SNGON DU BYED PA YIN, DE PHYIR BKUS LA DOR RO ZHES BYA BA DE BYUNG BA YIN NO, ,'ON TE 'DI SDIG LA 'JUG PAR BYED PA NI DE'I LAS KYIS BYIN GYIS BRLABS PA NYID DO ZHE NA, DE LTA YIN NA RTOGS PAR BYED PA NYAMS SO, ,LAS DE YANG CI'I PHYIR BYED DU 'JUG CES THAL BA MTSUNGS PAS SO, ,'ON TE 'DI CHOS MA YIN PA BYED DU 'JUG PA NI MA YIN GYI, CHOS MA YIN PA BYED PA DE'I 'BRAS BU MYONG DU 'JUG PA YIN TE, DE LAS GZHAN PA'I DBANG PHYUG BZHIN NO ZHE NA, DE YANG SNYING PO MED DE, DBANG PHYUG GZHAN NI NUS MED PAS, , SDIG PA 'GOG PAR BYED PA MIN, ,DE NI NUS MED PA DAG LAS, ,SHIN TU LDOG PAR 'DOD PA YIN, ,'ON TE 'DI NUS PA MED PA NYID YIN NA, DE LTA YIN NA, SDIG BZHIN THAMS CAD DBANG PHYUG GIS, ,BYAS PA MIN ZHES GZENGS BSTOD LA, ,BRJOD BYA RANG LEGS BYED PA'I PHYIR, ,CHOS SOGS KYANG DE LAS SAM CI, ,GZHAN YANG, 'JIG RTEN DBANG PHYUG MED PAR YANG, ,CHOS MIN 'BRAS BU SPYOD DAM CI, ,MED PAR YANG NI CI LTAR DE, ,BYED PO NYID DU RTOGS PAR BYED, ,'ON TE DE MED PAR NI 'GA', ,CHOS MIN 'BRAS BU MI SPYOD NA, ,RTOGS PA DANG LDAN CI LTA NA, ,DON DANG

MI LDAN 'DI LA ZHUGS, ,RTZED MO DON DU DE ZHUGS NA, ,RTOGS PA SNGON BYED GA LA YIN, ,GCIG CIG SKAD CIG TZAM 'BRANGS PAS, ,GZHAN PA DAG NI SROG DANG BRAL, ,GZHAN YANG, GAL TE BSTAN BCOS GZHAN PA KUN, ,DBANG PHYUG RTOGS PA LAS YIN NA, ,BDEN DANG MI BDEN NYER STON PA, ,BYED PHYIR CI LTAR TSAD MA YIN, ,BSTAN BCOS THAMS CAD KYI MTSAN NYID PHAN TSUN 'GAL BAS GNOD PA BDEN PA DANG, BDEN PA MA YIN PA NYE BAR STON PAR BYED PA'I PHYIR 'DI TSAD MA MA YIN PAS NA SHIN TU YA MTSAN CHE BA DANG, TSAD MA CAN MA YIN PA YANG YIN NO; ,'ON TE BSTAN BCOS MTHA' DAG BYED PA MA YIN NA, DE'I TSE BSTAN BCOS GZHAN BZHIN DU THAMS CAD DBANG PHYUG GIS BYAS PA MA YIN NO, ,'ON TE 'DI CHOS DANG CHOS MA YIN PAS BSKUL BA NYID THAMS CAD BYED PA YIN TE, DE LTA MA YIN NA DON MI SRID DO ZHE NA, DE LTA NA SKYE BO THA MAL PA THAMS CAD BDAG NYID CHOS LA SOGS PAS BSKUL NAS BYED PA'I PHYIR DBANG PHYUG RTOGS PA DON MED DO, ,GAL TE BDAG KUN THAMS CAD KYI, ,BYED PO MIN ZHES BYA BA NI, ,BRTAGS NA DE NI THAMS CAD KYI, ,BYED PO GANG DU DGOS PAR 'GYUR, ,THAMS CAD KYI NI BDAG RNAMS KYI; ,THAMS CAD BYED NA CI ZHIG NYAMS, ,DE BZHIN MANG POS GCIG DANG NI, ,MANG PO RNAMS KYANG GCIG GIS BYED, ,'ON TE GZHAN DU KUN SHES NYID, ,MI 'GYUR PHYIR NA THAMS CAD KYI, ,BYED PA PO NI GCIG 'DOD DE, ,GZHAN NI BYED PO NYID MA YIN, ,BYED PA 'DI NI GTZO BO STE, , DE LAS DON GNYER MCHOG THOB 'GYUR, ,KUN SHES TZAM GYIS NUS MED PA, ,GZHAN GYIS BSTAN PAR BYA BA MIN, ,DE YANG MI BDEN TE, DON NI DON MED BYED NUS PA, ,BU RAM MNGAR BA BYED PA PO, ,KUN MKHYEN YIN YANG DGOS MED PHYIR, ,BSTEN PAR BYA BA MIN PAR 'GYUR, ,KUN SHES NYID DU GRUB PAR NI, ,NUS NA THAMS CAD BYED POR NYID, ,THAMS CAD BYED PO YIN NA YANG, ,DE YI THAMS CAD SHES NYID 'GYUR, ,THAMS CAD SHES MIN BYED PA PO, ,MTHONG BA KUN RIG CI LTAR 'GYUR, ,DE PHYIR DPE YIS 'GRUB 'GYUR TE, ,DE LTA ZHE NA MYUG MA NYAMS, ,RANG

, ,GI BYA LA RDZA MKHAN SOGS, ,SHES NYID DBANG PHYUG DON MED YIN, ,LAS NUS GRUB PAR 'GYUR BA NA, ,MKHO MED CI LTAR BYED PO YIN, ,GAL TE SHES KYANG RDZA MKHAN SOGS, ,BSKUL BYA YIN PAR 'DOD NA NI, ,KHYAD PAR MED PHYIR DBANG PHYUG KYANG, ,DE LAS GZHAN GYIS BSKUL BAR 'GYUR, ,'ON TE BDAG NYID KUN SHES PAR, ,GRUB PA MNGON PAR BRJOD PA 'DI, ,KUN GYI SKUL BYED 'GYUR ZHE NA, ,DE NI DE LTAR GANG GIS SHES, ,GZHAN YANG, BDAG NYID BRTAGS NAS BYED PA GANG, ,DER NI DBANG PHYUG BYED PO MIN, ,KUN GYI BLO NYID DBANG PHYUG LAS; ,ZHES BYA TSAD MA DANG LDAN MIN, ,RGYU NI GDAMS NGAG LA SOGS PAS, ,DE LAS GZHAN PA'I GDAMS NGAG LAS, ,STON BYED YIN PHYIR THOG MED PAS, ,'DOD PA THAMS CAD RDZOGS PA YIN, ,DES NA 'JUG PA THAMS CAD NI, ,DBANG PHYUG GIS BSKUL BA MA YIN, ,DE PHYIR GTZO BO SKYES BU LA, ,SOGS PA'I BYED PO NGES MI 'GYUR, ,DBYIBS KYI KHYAD PAR DANG LDAN PHYIR, ,ZHES BYA BA 'DI GTAN TSIGS MA YIN TE, DBYIBS THAMS CAD SKYES BU SNGON DU 'GRO BA CAN DU MA MTHONG NGO, ,SA BON LA SOGS PA RGYU'I KHYAD PAR TZAM LAS KYANG DE MTHONG BA'I PHYIR SHING LA SOGS PA'I DBYIBS BZHIN NO, ,DE LA CI LTAR, SHING SOGS DBYIBS NI SEMS PA YANG, ,RGYU DANG RJES SU 'BREL PA YIN, ,DE BZHIN GTZO BO ZHES BYA BAS, ,BCUG PA'I BUM SOGS DE LDAN 'GYUR, ,DE LTAR SHING LAS SHING GI NI, ,RGYU YI SA BON SKYES 'GYUR BA, ,DE BZHIN BUM PA'ANG BUM PA YIS; ,BCUG PA'I 'JIM GONG LAS YIN NA, ,RDZA MKHAN DAG LAS SOGS PA NI, ,RTAG TU DE YI DBANG POR 'DOD, ,MDOG DANG LUS DANG ZHE NA, MA YIN TE, 'JIM GONG YANG DE 'DRA BA NYID YIN PA'I MA YIN NO, ,SHING GI SA BON RIGS MI MTHUN PA'I DBYIBS SU SKYED PAR NI LEGS PAR BSLABS PA'I SEMS CAN GYIS KYANG NUS PA MA YIN NO, ,GAL TE 'JIM GONG RDZA MKHAN GYIS DBYIBS SU BYED PAR DMIGS PA MA YIN NAM ZHE NA, MA YIN TE, 'JIM GONG YANG DE 'DRA BA NYID YIN PA'I PHYIR RO, ,'JIM GONG NI MDOG DANG DBYIBS DE 'DRA BA'I RANG BZHIN NYID YIN TE, DPER NA KHVA

TA'I SA BON SHING KHVA TA'I MDOG DANG, DBYIBS DANG LDAN PA BZHIN NO, ,DE YANG CI LTAR ZHE NA, 'DIR BRJOD PA, GAL TE MDOG DBYIBS RANG BZHIN NYID, ,NUS PAR SA BON LA MED NA, ,RGYU YI SA BON MED PA'I PHYIR, ,'BRAS LA DE NI GA LAS 'ONGS, ,DE BYED DBANG PHYUG YIN ZHE NA, ,SA BON LAS CI GZHAN LAS MIN, ,DE LTAR SNGAR NI BSAL ZIN TE, ,DE RGYU DBANG PHYUG CI LTAR YIN, ,SA BON GYI RGYU'I SHING NI SA BON GYI 'BRAS BU'I DUS NA MED PA DES NA DE NI DBYIBS KYI RGYU MA YIN NO, ,DBANG PHYUG KYANG MA YIN TE, RIGS MI MTHUN PA'I SHING GI RGYU'I SA BON LAS MI 'BYUNG BA'I PHYIR RO, ,DBANG PHYUG DE'I RGYU YIN NA NI SHING GI DBYIBS DE RIGS MI MTHUN PA'I SA BON LAS KYANG CI LTAR MI 'BYUNG, DES NA NUS PA'I RANG BZHIN DU SHING GI SA BON LA YOD PA'I SHING GI DBYIBS NYID MNGON PAR GSAL BA YIN NO, ,DPER NA MUN KHUNG NA GNAS PA'I KHYE'U DANG BU MO'I SGRON MA LAS YIN PA DE BZHIN DU RDZA MKHAN GYIS KYANG 'JIM GONG LAS DBYIBS GSAL BA YIN NO, ,RDZA MKHAN YANG BUM PA LA SOGS PA'I SGRUB PA NA, DBYIBS NI NUS PA'I RANG BZHIN DU GNAS PA'I DBYIBS NYID LAS YIN NO, ,DES NA RDA MKHAN LA SOGS PA'I SKYES BU LONGS SPYOD PA PO NI DBANG PO NYID YIN GYI; DE LA BYED PA PO NI 'GA' YANG MED DO, ,DE LONGS SPYOD PAR 'DOD PAS DE LTA DE LTAR NUS PA'I RANG BZHIN GTZO BO 'JUG PA'I PHYIR RO, ,DE SKAD DU YANG, SKYES BU'I NYE BAR SPYOD PA NI, ,GRUB PHYIR GTZO BO RAB 'JUG STE, ,LTAD MO PA DON GRUB PA'I PHYIR, ,GAR GYI LTA MO BYED PA BZHIN, ,DES NA BLO DANG LDAN PA'I RGYU CAN LAS BZLOG PA GRUB BO, ,'ON TE SKYES BU'I SO SO'I BDAG NYID THA DAD PA'I PHYIR GZHAN 'DOD CHAGS LA SOGS PA DANG BRAL BA'I BDAG NYID THAMS CAD KYI DBANG PHYUG GCIG YOD DGOS TE, DE LTA MA YIN NA, GANG LA NYE BAR SPYOD 'DOD PA NA, GTZO BO RO 'JUG PAR 'GYUR BA 'KHOR BA PA'I SKYES BU RNAMS LA DBYIBS DANG MDOG LA SOGS PA SO SOR NGES PA SUS BSTAN ZHE NA, 'DI LA BSHAD ZIN TE, CI LTAR LTAD MO PA RNAMS THOG MA MED PA CAN GYI NYE BAR BSTAN PA MTHONG BA LAS LTA 'DOD PA TSIM PA'I PHYIR GAR BYED PA GAR LA RAB TU SBYOR BA DE BZHIN DU 'KHOR

, ,BA PA'I SKYES BU RNAMS KYANG YIN NO, ,MI SHES PHYIR NA 'O MA NI, ,JI LTAR BE'U SKYED PHYIR 'JUG ,DE BZHIN GTZO BO 'JUG 'DI YANG, ,CI YI PHYIR NA 'DOD MA YIN, ,DE'I PHYIR MTHA' BDE BA LA SOGS PA DANG LDAN PA'I RANG BZHIN MTHONG BAS, BDE BA LA SOGS PA'I RANG BZHIN THAMS CAD KYI RGYUR 'GYUR BA YIN LA, DE TZAM GYIS YONGS SU RDZOGS PA'I PHYIR DBANG PHYUG MI 'GRUB BO, ,'DI NI RIGS PA YANG MA YIN TE, DON RNAMS RTOGS PA SNGON 'GRO CAN, ,MA YIN PAR NI DMIGS PA'I PHYIR, ,DE RGYU SEMS PA CAN MIN ZHES, ,RIGS PA SHES PA'I TSUL YIN NO, ,DON RNAMS RGYU NI RTOGS PA DANG, ,MI LDAN PA NI MI RIGS MED, ,RA SOGS RIL MA LA SOGS KYI, ,ZLUM PO SOGS LA MIN NAM CI, ,DE LTA GTZO BO NYID RGYUR RO, ,ZHES BYA BA NI GRANGS CAN GYI'O, ,DE LA 'DI SKAD BRJOD DO, ,DNGOS PO NYID PHYIR BDE SOGS DANG, ,SEMS PA YIN PHYIR SKYES BU RNAMS, ,GAL TE RJES 'GRO DE YI PHYIR, ,DE NYID RGYUR NI CIS MI 'DOD, ,YANG DAG PAR NA GTZO BO LA, ,DBYIBS DANG MDOG SOGS YOD MIN NA, ,JI LTAR GTZO BO'I KHA DOG LAS, ,SOGS PA'I 'BRAS BU MED PAR 'DOD, ,CI STE NUS PA'I RANG BZHIN GYIS, ,THAMS CAD DER NI 'DUS PA STE, ,NUS KUN RANG BZHIN CAN GYIS NI, ,DNGOS PO GTZO BO YIN BRJOD NA, ,GZHAN BZHIN MTHONG MED DE LA NI, ,DE 'DRA'I RGYU NYID RJES SU DPOG ,'BRAS BU 'BRAS BU GZHAN LAS TE, ,'BRAS BU NYID PHYIR 'BRAS GZHAN BZHIN, ,RGYU MED PA'I RGYUR NI MA DMIGS SO, ,DES NA DMIGS PA'I RANG BZHIN GYIS RJES SU 'BRANG BA NYID KYIS RGYU NYID RTOGS PA YIN NO, ,'ON TE THA DAD PA RNAMS RJES SU 'GRO BA'I PHYIR, RJES SU 'GRO BA CAN GYIS RANG BZHIN GYI RGYU 'GA' ZHIG DANG LDAN PAR 'GYUR GYI, RGYU NI 'GA' DANG YANG RJES SU 'GRO BA MA YIN PA'I PHYIR JI LTAR DE LA RGYU GZHAN YOD PAR 'GYUR, BUM PA DANG, KHAM PHOR LA SOGS PA THA DAD PA LA NI SA'I RANG BZHIN RJES SU 'GRO BA'I PHYIR 'JIM GONG RNAMS LA YANG RGYU GZHAN YOD PAR 'GYUR RO, ,'O NA RGYU GZHAN GZHAN SNGON DU 'GRO BA CAN MA YIN TE, 'JIM GONG NI GCIG YIN PA'I PHYIR RO, ,'JIM GONG DANG

DBYI GU LA SOGS PA RNAMS KYANG, CI SRID GCIG NYID KYI MTHAR THUG PAR GZHAN GCIG SNGON DU 'GRO BA CAN YIN NO ZHE NA, DE YANG MA YIN TE, SNYING STOBS LA SOGS PA DANG, SKYES BU RNAMS LA YANG RGYU GZHAN YOD PAR 'GYUR RO, ,'O NA RGYU GZHAN GCIG NYID 'GA' ZHIG YOD MOD CE NA; DE YANG MA YIN TE, YON TAN GSUM SOGS RANG BZHIN DU, ,GTZO BO DE NI 'GRUB MI 'GYUR, ,DNGOS PO NYID KYIS RJES SU 'GRO PHYIR, ,DNGOS RGYU 'GA' ZHIG 'DOD PAR GYIS, ,DNGOS PO DNGOS PO ZHES RJES SU 'GRO BA'I PHYIR DNGOS PO'I RANG BZHIN NYID 'BRAS BU RNAMS KYI RGYU YIN PAR 'GYUR RO, ,GAL TE 'JIM PA LA SOGS PA'I RANG BZHIN LAS DNGOS PO'I RANG BZHIN NYID GZHAN NI MED DO, ,DES NA 'JIM PA LA SOGS PA'I RANG BZHIN RGYU YIN PAR 'GYUR RO, ,DE LTAR YIN NA GTZO BO THAMS CAD KYI BDAG NYID CAN YIN NO ZHES BYA BAR 'GYUR RO ZHE NA, DE NI MED DE, NGO BO NYID KYIS RNAM KUN DU, ,'BRAS BU RGYU YI RJES 'GRO MIN, ,ME SOGS GZHAN DU GYUR PA LAS, ,DU BA LA SOGS GZHAN DU MTHONG, ,GANG ZHIG GANG GI RJES SU 'GRO BA DANG LDOG PA'I RJES SU BYED PA DE'I RGYU DE YIN GYI DE'I RANG BZHIN NI MA YIN NO, ,DE LTA YIN DANG, ME LAS DU BA DANG, SPRIN LA SOGS PA LAS CHU LA SOGS PA YIN PAS DE LA 'DRA BA MED PA'I PHYIR RGYU DANG 'BRAS BU'I DNGOS POR MI 'GYUR RO, ,'ON TE DER YANG DE LTA BUR GYUR BA'I 'BRAS BU NYID LAS 'DRA BA'I RGYU 'GA' ZHIG YOD PAR RJES SU DPOG GO ZHE NA, GAL TE 'DRA BA DANG RGYU DANG 'BRAS BU'I DNGOS POR 'BREL BA YOD NA RJES SU DPOGS SHIG ,YOD PA NI MA YIN TE, KHYAB PA MED PA'I PHYIR RO, ,GANG GI 'KHRUL PA DE YANG PHYOGS SU BYED DO ZHE NA, DE LTA NA NI 'O NA 'GA' YANG MA NGES PA ZHES BYA BAR MI 'GYUR TE, GANG DANG GANG GIS 'KHRUL PA DE NYID PHYOGS SU BYED PA'I PHYIR RO, ,DES NA THUG PA MED PAR THAL BAR 'GYUR BA'I PHYIR DE NI MA YIN NO, ,CI STE YANG, 'DI NI LAS KYI YONGS GYUR CES, ,BYA BA DE NI GA LAS GRUB, ,RJES SU 'GRO DANG LDOG PA NI, ,LAS LA'ANG MTHONG BA MED PA NYID, ,DGE BA DANG MI DGE BA'I LAS KYANG 'GRO BA SNA TSOGS 'DI'I RGYU YIN NO ZHES SHES PA MED DO

, ,ZHES BRJOD NA, 'DI NI RE ZHIG GZHAG STE, GZHAN BRJOD DO, ,'DOD CHAGS LA SOGS PA DANG LDAN YANG NUS PA MTHA' DAG DANG LDAN PAR 'GYUR RO, ,DES NA RTZAD MO'I DON DU 'GRO BA SNA TSOGS BYED PA YIN NO ZHES GANG BRJOD PA DE LA BSHAD PA NI, MI SHES CHAGS PA DANG LDAN RNAMS, ,RTZE BROD DAG PA'I BDAG NYID MIN, ,CUNG ZAD TZAM ZHIG DAG PAS KYANG, ,'PHAGS PA RTZED MO LA MI 'JUG ,YA RABS GZHAN NI DMYAL LA SOGS KYIS, ,'JIGS PHYIR RTZED MO LA MI 'JUG ,DE LA 'JIGS PA DE MED PAS, ,CI PHYIR DE LAS LDOG PA YIN, ,GAL TE 'DOD CHAGS LA SOGS KYIS, ,DMYAL SOGS SDUG BSNGAL 'JUG BYED NA, ,DE LA DE MED PA 'DI NI, ,KHYOD LA MDZA' BSHES SU YIS BRJOD, ,BSGOM PA'I STOBS LAS YANG DAG 'BYUNG, ,TZANDAN STE'U MNYAM PA LA, ,DMYAL BA LA SOGS SDUG BSNGAL GYIS, ,GNOD PA MA YIN ZHES BYAR GNAS, ,DE NI DE LTA NYID 'GYUR BA, ,YIN ZHES KHYED LA DE MI RIGS, ,'DI DE'I RANG BZHIN NYID YIN NA, ,'GRO BA'I RANG BZHIN NYID DU 'GYUR, ,'DI NI DE GCIG NYID YIN NA, ,'DI NI RGYAL PO SPYOD PAR GSAL, ,GZHAN YANG, DBANG PHYUG DBANG PHYUG LAS 'GYUR ZHING, ,DE YI'ANG GZHAN LAS DE LAS NI, ,GZHAN GYI DE YANG GZHAN LAS DE, ,DBANG PHYUG NGO BO NYID KYIS NI, ,BRGYA BYIN TSANGS PA NYID SRID PAS, ,YON TAN KHYAD 'BYUNG SRID NA NI, ,DBANG PHYUG NYID KYANG THOB BYA STE, ,DBANG PHYUG RTAG TU GNAS PA MED, ,'ON TE DE YANG MED NYID NI, ,DES NA 'KHOR 'GYUR DBANG PHYUG MED, ,GANG ZHIG 'DI LA SKUR 'DEBS PA, ,DES NI GZHAN DU'ANG BZOD DAM CI, ,GANG ZHIG SKYE BO DAM PA NI, ,'DU BA GRONG DU BCOM PA DE, ,SKYOB PA DAG DANG BRAL PA LA, ,DGON PA RU NI GA LA BZOD, ,DE LTAR GONG NAS GONG DU 'GYUR BA'I RANG BZHIN LA DE'I RJES SU 'BRANGS NAS RAB TU 'GYUR BA STON PA GANG YIN PA DE RJES SU 'GRO BA MED PA NYID KYI DNGOS PO MI SPONG NGO ZHES BYA BA DE LA YID CHES PA CI YOD, DE'I PHYIR, DNGOS PO DBYIBS DANG 'BREL BA'I PHYIR, ,BYED POS BYAS PAR GRUB NA YANG, ,RGYU MED YON TAN LDAN PAR GO, ,GANG LAS 'GRUB PAR

'GYUR BA YIN, ,YON TAN KHYAD PAR LA KHYAD PAR DU MTHONG BA'I PHYIR, SNGAR NUS PA MED PA RNAMS KYANG MNGON PAR BRTZON PA'I KHYAD PAR LAS PHYIS NUS PAR 'GYUR RO ZHES BYA BA 'DI NI RIGS KYI, SHIN TU MTSAN NYID MI MTHUN PA NUS PA'I BDAG NYID NGO BO NYID KYIS GRUB PA RJES SU 'GRO BA DANG BRAL BA LA NI SGRUB PAR BYED PA MI SRID PA NYID DO, ,GZHAN YANG, DBYIBS ZHES BYA 'DI DNGOS PO YI, ,GNAS PAR GRUB PA YOD MA YIN, ,'KHRUL PA TZAM DU YOD PA'I PHYIR, ,DE NI RDUL PHRAN NYID YIN NO, ,RDUL PHRA RAB BDAG LAS THA DAD PA'I RDZAS LA BRTEN PA'I DBYIBS NI YOD PA MA YIN TE, RDUL PHRA RAB DGA' ZHIG TU ZAD DO, ,DES NA RDUL PHRA RAB DAG BZHIN NO ZHES CHOS MI MTHUN PAR JI LTAR BRJOD, 'ON TE DE NI 'JIG RTEN GYI GRAGS PA TZAM DU RNAM PAR GNAS PA NYE BAR BKOD PA YIN NO ZHE NA, DE YANG MI 'THAD DE, RTOGS PAS BKOD PA TZAM NI SGRUB PAR BYED PA MA YIN PA'I PHYIR RO, ,'ON TE RDUL PHRA RAB DAG NYID RANG BZHIN DES BRJOD PA YIN NO ZHE NA, DE LTA YIN NA RDUL PHRA RAB DAG KYANG 'BRAS BU NYID DO, ,DES NA 'BRAS BU YIN PA'I PHYIR RO ZHES BYA BA 'DI NYID GTAN TSIGS SU DGOD PAR 'OS SO, ,'ON TE DE LTA BUR 'KHRUL PA SKYED PAR BYED PA'I RDUL PHRA RAB DE LTAR BRJOD PA YIN NO, ,DE LTA NA NI 'O NA, GAL TE RDUL PHRAN DNGOS SU NA, ,NGO BO NYID KYIS SNANG NA NI, ,DBANG PHYUG LA NI NGA YI DBYIBS, ,BYED PA'I BLO NI CI LTAR 'GYUR, ,GAL TE NGES PAR BRTAGS NAS NI, ,BYED PA DE LA YOD MIN NA, ,BRTAGS NAS BYED PA MIN NA NI, ,DE NI CI LTAR KUN SHES YIN; ,'ON TE DBYIBS NI GZHAN DAG GIS, ,KHAS BLANGS PAR NI RTOG GCE NA, ,RANG GI RTOGS PA MA YIN PA, ,GZHAN GYIS KHAS BLANGS GA LA YIN, ,'ON TE YAN LAG CAN YOD PAS, ,DE NI LAN DU RJOD BYED NA, ,'DI NI PHYIS NAS BRTAG BYA STE, ,SHIN TU 'THAD PAR DKA' BA YIN, ,YANG NA DPE LA THE TSOM ZA BA YIN TE DBANG PHYUG NYID KYI THE TSOM ZA BA STE MA NGES PA NYID DO, ,DBYIBS MA GRUB PA'I PHYIR DON BYA BA BYED PA'I RANG BZHIN NYID GTAN TSIGS SU BKOD PA YIN NO, ,DE LTA BU'I RANG BZHIN DE NI DBANG PHYUG KYANG YIN PA'I PHYIR DE NYID KYIS MA NGES SO, ,DBANG PHYUG DE NI BSDAD CING

, ,BSDAD CING 'JUG PA DANG DON BYA BA BYED PA YIN YANG, GZHAN GYIS BSKUL BA NI MA YIN NO, ,'ON TE 'DI NI RANG NYID NUS PA YIN PA DES NA GZHAN GYIS BSKUL BA MA YIN NO, RDZA MKHAN LA SOGS PA YANG GANG DU NUS PA DER GZHAN GYIS BSKUL LO ZHES MI RIGS PA NYID DO, ,DE DAG GI NUS PA MED PA NYID DO ZHE NA, NUS PA NYID DU MTHONG PA JI LTAR MI NUS PA YIN, 'ON TE DE YANG RJES SU DPAG PAS MTHONG NGO, ,RJES SU DPAG PAS GZHAN RJES SU DPOG NA NUS PA YOD PA MA YIN NO, ,RDZA MKHAN 'BA' ZHIG LA NUS PA MED DO ZHE NA, DBANG PHYUG LA YANG DBANG PHYUG GZHAN DPOG PAS THUG PA MED DO, ,GZHAN YANG, RDUL PHRAN DAG LA DBYIBS MED CES, ,BYA BA 'DI NI GA LAS 'DOD, ,DE NYID PHYIR NA DE NYID DU, ,RTOGS PA 'DI NI GA LAS YIN, ,GANG GIS DBYIBS MED PAR 'GYUR BA, ,RDUL PHRAN RNAMS KYI RDUL PHRA RAB NYID RNAM PA DE LTAR RTOGS PA NI MED DO, ,'ON TE 'DI SKAD DU, RAGS PA GANG YIN PA DE NI CHA SHAS BSAGS PA SNGON DU 'GRO BA CAN YIN TE, DPER NA RGYA MTSO'I THIGS PA DU MA BSAGS PA'I RANG BZHIN YOD PA DE LA NI RANG BZHIN NO, ,RDUL GNYIS PO CAN GYI MTHAR THUG PA'I RAGS PA YIN NO,, DES DU MA TSOGS PA'I RANG BZHIN YIN TE, DE'I PHYIR RDUL PHRA RAB GRUB BO ZHES BRJOD NA, DE YANG MA YIN TE, RDUL BRGYAD PA LAS PHA ROL GYI, ,RANG BZHIN YOD CES GANG LAS RTOGS, ,GAL TE RJES DPAG LAS YIN NO, ,DE LAS GZHAN YANG GA LAS RTOGS, ,'DI RDUL BRGYAD PA'I RANG BZHIN NAM, ,GZHAN DU ZHES BYA'I TSAD MA GANG, ,RDUL PHRAN MTHONG PA YIN NA NI, ,DE YI GRANGS NI GRUB PAR NGES, ,'ON TE SHIN TU DE RAGS DES, ,RDUL PHRAN GNYIS CAN YIN ZHE NA, ,GANG TSE RDUL GNYIS CAN SOGS PA, ,MI MTHONG 'DI RAGS GANG LA LTOS, ,RJES SU DPAG PA LA LTOS NA, ,THUG PA MED PAR THAL BAR 'GYUR, ,RJES SU DPAG LA LTOS BCAS PAS, ,THAMS CAD RAGS PA NYID DU 'GYUR, ,'ON TE MTHONG BA'I DNGOS GANG DE, ,THA MAR RDUL PHRAN YIN 'DOD NA, ,ZLUM PO LA SOGS PA YI DBYIBS, ,CI YI PHYIR NA DMIGS MA YIN, ,GAL TE RDUL

PHRAN GRUB MIN NA, ,YAN LAG CAN NI GA LA SRID, ,RDUL PHRAN RNAMS NI GRUB CE NA, ,YAN LAG CAN NI GA LA SRID, ,PHYOGS GCIG GIS NI REG NA DE, ,JI LTAR RDUL PHRAN YIN PAR 'GYUR, ,THAMS CAD PHYOGS NI GCIG NYID KYIS, ,'BYAR BA NYID DU DMIGS PA YIN, ,DES NA 'BYAR BA YOD PA'I PHYIR, ,RAGS PA'I DON BZHIN RDUL PHRAN MIN, ,'ON TE YANG RDUL PHRA RAB GNYIS KYIS NI LDAN PA DON GZHAN SKYED PAR BYED KYI BDAG NYID THAMS CAD DAM PHYOGS GCIG GIS REG PA NI MA YIN NO SNYAM NA DE YANG MA YIN TE, GAL TE MA RIG PAR YANG NI, ,LDAN PAR SKYES NA DE DE NYID, ,JI LTAR SOMS SHIG RNAM PA NI, ,RDUL PHRAN RNAMS LA RIG PAR 'GYUR, ,'ON TE YAN LAG CAN GCIG DER, ,DE LA RNAM GCIG BLO YIN NA, ,RDUL PHRAN RAB DANG BCAS PA RNAMS, ,RTAG PA'I PHYIR NA MTHONG BAR 'GYUR, ,GAL TE KHO BO CAG SOGS KYIS, ,RDUL PHRAN MTHONG BA MA YIN YANG, ,DBANG PHYUG DBANG POS BLTA BYA BA, ,DE DAG LA NI MED MA YIN, ,'ON TE DE DAG GNYI GA NI, ,MTHONG BA PHROD [*'PHROD?] DU JI LTAR YIN, ,DE LTA YIN NA GZHAN DU NI, ,MTHONG BA 'KHRUL PA NYID DU 'GYUR, ,RAGS PA CHA SHAS LDAN PA SNGON DU 'GRO BA CAN YIN NO ZHES BYA BA 'DI GA LAS YIN GAL TE 'JIM GONG LA SOGS PA LA, DMIGS SU CHUG KYANG, MYU GU LA SOGS PA NI MA DMIGS PA NYID DO, ,'DI LTAR, WA tA'I SA BON SHIN TU CHUNG, ,DE YI 'BRAS BU SHIN TU RTZOM, ,DE LA YAN LAG LDAN PA NI, ,SNGON YOD MIN NA JI LTAR 'GYUR, ,YAN LAG YOD PA RNAMS NYID LDAN PA YIN NO ZHES BYA BA NI GZHUNG YIN NO, ,RAGS PA'I RANG BZHIN 'DI LTA BU LA SOGS PA'I YAN LAG RNAMS NI DE'I SNGON ROL DU MA DMIGS PA DES NA JI LTAR LDAN PA YIN ZHING YAN LAG CAN YANG GA LA YIN TE, DE BAS NA THAMS CAD MUN KHUNG GI GAR YIN NO; ;'ON TE NAM MKHA'I PHYOGS KHYAB PA'I RDUL PHRA RAB RNAMS NYID MA MTHONG BA LHAN CIG PAS RTZOM PAR BYED DO ZHE NA, DE NI MI RIGS TE, YOD PA, GNAS PA BSAGS PAR BYED DAM CI, ,RGYU DE LAS NI SNGON MED PA, ,SKYE ZHES DE LA KHO BO CAG ,THE TSOM ZAB THAMS CAD NYID,,

, ,'ON TE MA MTHONG DPE LAS NI, ,YOD DO ZHES NI RTOGS 'GYUR TE, ,SGRON MA DPE YI STOBS KYIS NI, ,GRANGS CAN LTA BA 'ONGS PA YIN, ,DE PHYIR DBANG PHYUG BYED PO ZHES, ,BYA 'DI SHIN TU THAG RING 'GYUR, ,SGRON MA LA SOGS GSAL BYED DAG ,SEMS PA DANG NI LDAN MA YIN, ,SEMS PA MED PAS GSAL BA'I PHYIR, ,JI LTAR DBANG PHYUG SGRUB BYED YIN, ,DE YANG SEMS PA BYIN BRLABS NA, ,'DI LA LAN NI SNGAR BTAB BO, ,DES NA GANG GANG GANG GANG LAS, ,DE DE DE DANG DE LAS YIN, ,LA LA SEMS PA CAN LAS DANG, ,LA LA GZHAN LAS ZHES BYAR NGES, ,DE LTA MIN NA DNGOS NYID PHYIR, ,SER PO DKAR 'GYUR DKAR GZHAN BZHIN, ,MNGON SUM GNOD PA MIN ZHE NA, ,DE 'DIR MED CES GA LAS RTOGS, ,NGA LA MED PHYIR DE MIN NA, ,KHYOD KYIS MA MTHONG TSAD MA MIN, ,KHYOD KYIS MA MTHONG TSAD CE NA, ,DBANG PHYUG MED CES RTOGS PAR GYIS, ,KHYOD KYIS MA MTHONG DE TSAD MA, ,MIN NA DBANG PHYUG MED SHES KYIS, ,GZHAN YANG 'BRAS BU ZHES BYA BA TZAM MAM, DBYIBS ZHES BYA BA TZAM MAM, DNGOS PO ZHES BYA BA TZAM GYIS NI, MNGON PAR 'DOD PA'I RGYU'I RJES SU DPOG PAR BYED PA MA YIN NO, ,SKYES BU'I 'DOD BAS NI GTAN TSIGS BSGRUB BYA SGRUB PA'I PHYIR 'JUG PA MA YIN TE, DE LTA MA YIN NA DBANG PHYUG LA BZLOG PAR YANG 'GYUR TE, DE YANG GRUB PA THAL BA'I PHYIR RO, ,DES NA 'GA'I YANG 'GA' YANG MI 'GRUB PAR 'GYUR RO, ,'ON TE JI 'DRA BA LAS CI LTA BU DMIGS PA DE 'DRA BA NYID RJES SU DPAG PAR BYED DO ZHES BSHAD PA NI, DBYIBS SOGS CI 'DRA BYIN RLOB BO, ,YOD MED RJES 'JUG CAN GRUB PA, ,DE LAS RJES SU DPOG GANG YIN, ,DE NI RIGS PA NYID YIN NO, ,DBYIBS LA SOGS PA CI 'DRA BA ZHIG ,BYIN GYIS RLOB PAR BYED PA PO YOD PA DANG MED PA'I RJES SU 'JUG PAR BYED PAR MTHONG BA'AM, CI 'DRA BA'I BYIN GYIS RLOB PAR BYED PA PO YOD PA DANG MED PA'I RJES SU 'JUG PAR DMIGS PA, GANG YIN PA DE 'DRA BA LAS DE NYID DU RJES SU DPAG PA ZHES BYA BA NI RIGS PA YIN NO, ,DBYIBS SAM DNGOS PO NYID DAM, SDOD NAS 'JUG PA CI 'DRA BA ZHIG ,CI 'DRA

BA LAS DMIGS PA DE 'DRA BA LAS DE 'DRA BA'I BYIN GYIS RLOB PA PO RJES SU DPOG PAR RIGS KYI, GZHAN DU NI MA YIN NO ZHES BSHAD PA NI, THA DAD DNGOS LA RAB GRUB PA, ,SGRA MTSUNGS PAS THA DAD MED PHYIR, ,RJES DPOG RIGS PA MA YIN TE, ,SKYA BO'I RDZAS LA ME BZHIN NO, ,GAL TE DBYIBS KYI KHYAD PAR DANG, ,BYED PA PO'I KHYAD PAR GYI RJES SU 'GRO BA BTANG NAS, ,DBYIBS KYI SGRA TZAM GYIS BRJOD PAR BYA BA'AM, DNGOS PO TZAM GTAN TSIGS SU LEN NA NI DE'I TSE RJES SU DPAG PA MI RIGS PAR 'GYUR TE, SKYA BO'I RDZAS LAS ME BZHIN NO, ,DE LAS SKYA BO'I KHYAD PAR DU BAR RTOGS PA GANG YIN PA NGES PAR BZUNG BA YIN NO, ,'O NA DU BA NYID LA RJES SU DPOG PA MA YIN NAM, SKYA BO NYID KYIS CI BYA ZHE NA 'DIR SMRAS PA, KHYAD PAR CAN GYI SKYA BO NYID, ,DU BA ZHES NI BRJOD PA YIN, ,DU BA THA DAD PA NYID NI, ,SKYA BO NYID KYI KHYAD PAR MIN, ,DU BAR RTOGS PA'I SKYA BO LAS, ,ZHES BYA BA'I DON CI YIN ZHE NA, ME'I RJES SU 'GRO BA LDOG PA'I RJES SU BYED PA'I SKYA BO LAS SO ZHES BYA BA YIN NO, ,GAL TE DE'I RJES SU 'GRO BA DANG LDOG PA'I RJES SU BYED PA NYID JI LTAR RTOGS PAR BYA ZHE NA, 'DI LA YANG DU BA NYID ME MED NA MI 'BYUNG BA YIN NO ZHES RGYU DANG 'BRAS BU'I DNGOS PO MA BZUNG BA NA, RJES SU DPAG PAR MI 'GYUR RO, ,DE LTA YIN DANG SHIN TU CHER, ,DBANG PHYUG MI 'GRUB PAR 'GYUR BA'I PHYIR, SKYED 'DOD PAS DNGOS KYANG NYAMS SO, ,DE'I PHYIR DBYIBS KYI KHYAD PAR CAN BUM PA LA SOGS PA'I DPE THA DAD PA'I DNGOS PO LA MTHONG BA'I KHYAD PAR SKYES BUS BYIN GYIS BRLABS PA'I BYE BRAG GANG YIN PA DE, SGRA MTSUNGS PAS THA DAD PA'I PHYIR RJES SU DPAG PAR NI RIGS PA MA YIN LA, DE BZHIN DU DBANG PHYUG KYANG NGO ZHES BYA BA 'DI NI GCIG TU NGES PA YIN NO, ,'ON TE YANG KHYAD PAR DANG BRAL BA'I SKYA BO NYID LAS RJES SU DPAG PAR 'JUG PA DES NA MNGON SUM GYIS GNOD PAR 'GYUR RO, ,THAMS CAD DU SKYA BO NYID YOD PAR ME DANG LDAN PA NI MA YIN TE, MNGON SUM GYIS BZLOG PAR MTHONG BA'I PHYIR RO, ,DBANG PHYUG RJES SU DPOG PA LA NI GNOD PA MED PA'I PHYIR DE RJES SU DPAG GO ZHE NA, DE

, ,NI MED DE, GNOD PA MED PA TZAM GYIS NI, ,RJES SU DPAG PA 'JUG MA YIN, ,DE NI 'BREL PA MTHONG BA LAS, ,'JUG PA YIN ZHES BRJOD PA YIN, ,DE LTA MIN NA RDZA MKHAN GYIS, ,BUM PA LA SOGS 'JIM PA YIS, ,RNAM 'GYUR 'GA' ZHIG BYED PA'I PHYIR, ,GROG MKHAR YANG DES BYAS GRUB 'GYUR, ,GROG MKHAR RDZA MKHAN GYIS BYAS PA LAS NI GNOD PAR BYED PA YOD PA MA YIN NO, ,GAL TE MA MTHONG BA NYID GNOD PAR BYED PA MA YIN NAM, GA LTE BYED PA PO RDZA MKHAN YIN NA NI DMIGS PA NYID DU 'GYUR RO ZHE NA, CI DBANG PHYUG KYANG DMIGS SAM, GAL TE DE LTAR NA MA MTHONG BA'I LAS KYANG BRTAG PAR MI BYA'O ZHE NA, DE CI DA NI BU GA YIN PA TZAM GYIS PUS MOS BTZANG NGAM, 'ON TE LAS BRTAGS NAS KYANG DBANG PHYUG GZHAN RTOGS NA, DES NA DE LAS KYANG GZHAN YIN PA'I PHYIR THUG PA MED PAR 'GYUR RO, ,GZHAN YANG; 'BRAS BU DE LAS MA MTHONG BA'I, ,RDZA MKHAN YANG NI BRTAGS PAR GYIS, ,BRTAGS PA NYID DU DKA' BA STE, ,DBANG PHYUG LA YANG MED DAM CI, ,'ON TE GROG MKHAR LA DBYUG GU DANG, 'KHOR LO DANG, LAG PA'I BYA BA'I RJES SU 'GRO BA MA DMIGS SO ZHE NA, GAL TE 'O NA NI KHYED KYI 'DI CHER ZHIB TU RTOGS PA YIN TE, DE'I TSE RI LA SOGS PA DBYIBS NGES PA MED PA RNAMS LA YANG RTOGS PA DANG LDAN PA'I 'JUG PA MA DMIGS PAS 'DI YANG BYAS PA MA YIN TE, PHYED RGAS PA 'DZIN TAM CI, 'ON TE RI LA SOGS PA NI SA 'DZIN PA TZAM BYED PA LA NYE BAR MKHO BAS, RI LA SOGS PA DE YANG DBYIBS LEGS PAR BSGRUB PAS CI BYA ZHE NA, DE LTA NA NI 'O NA, SA 'DZIN NYER MKHO MED PAS DBYIBS, ,RNAM PA GZHAN DU BYED DAM CI, ,'ON TE DE LA SKYES BU RGYU, ,MIN PA DES NA MI MDZES NYID, ,CI SKYES BU BYED PA PO YIN YANG NYE BAR MKHO BA MED PAS NA, DBYIBS SHIN TU LEGS PA MI SKYED PA YIN NAM, 'ON TE SKYES BU BYED PA PO MA YIN ZHES THE TSOM ZA BA NYID DO, ,GAL TE SKYON 'DI 'BRAS BU DANG MTSUNGS PA MA YIN NAM, ,'DI LTAR RTZOL BA'I 'BRAS BU DU MA'I PHYIR NA 'BRAS BU MTSUNGS SO, ,BTZAL MA THAG PA YIN PA'I PHYIR NA SGRA NI 'BRAS BU

YIN NO ZHES BYA BA LA BCAL MA THAG TU GSAL BA YANG MTHONG BA'I PHYIR SGRA 'BRAS BU MA YIN NO ZHES BYA BA STE, DE BZHIN DU 'DIR YANG DBYIBS GZHAN GYI 'BRAS BU YANG MA MTHONG NGO ZHES BYA BA YIN NO ZHE NA, BSGRUB BYAS RJES 'GRO PHYIR 'BRAS BU, ,SPYIS KYANG SGRUB PAR BYED PA LA, ,'BREL PA CAN NI THA DAD BYER, ,THA DAD BRJOD SKYON 'BRAS MTSUNGS 'DOD, ,BSGRUB PAR BYA BA 'BRAS BU NYID LA SOGS PA'I SPYIS KYANG SGRUB PAR BYED PA LA STE, SGRUB PAR BYED PA'I YUL LA BRJOD PA'I SKYON GANG YIN PA DE 'BRAS BU MTSUNGS PA 'DOD DO, ,'BRAS BU MTSUNGS KYI LTAG CHOD KYI RANG BZHIN NO ZHE NA, CI 'DRA BA'I SKYON ZHE NA, ,THA DAD BRJOD PA SKYON NO, ,THA DAD PA BRJOD PA NI NYE BAR BKOD PA STE, CI 'BRAS BU NYID MNGON PAR GSAL BAR 'GYUR BA GZUNG NGAM, CI STE SKYE BAR 'GYUR BA GZUNG ZHES 'BREL PA CAN THA DAD PA LAS THA DAD PAR BRJOD PA'I SKYON GANG YIN PA DE NI 'BRAS MTSUNGS SO, ,DE LA YANG GAL TE MA NGES PA RJOD PAR BYED PA RTZOL BAS BSGRIBS PA BSAL BA'I PHYIR ZHES DE LTAR YANG MI 'GAL NA LTAG CHOD MA YIN NO, ,'ON KYANG SPYIS KYANG SGRUB PAR BYED PAR 'GYUR BA YIN TE, GANG GI PHYIR RTAG PA LA NI MNGON PAR GSAL BA YANG 'GAL BA NYID DE DES NA LTAG CHOD YIN NO, ,DE LTA MA YIN NA NI MA NGES PAR BRJOD PA'I BDEN PA NYID DO, ,'ON TE 'DIR LAN NI, 'BRAS BU GZHAN NYID YIN NA RTZOL BA RGYU NYID MA YIN PA NI MI DMIGS PA'I RGYU 'THAD PA LAS YIN NO, ,'BRAS BU GZHAN NYID YIN NA NI, ,SGRA LA BRTZAL BA RGYU MA YIN PAR 'GYUR BA NI BAR CHAD LA SOGS PA MI DMIGS PA'I RGYU 'THAD PA LAS YIN NO, ,SGRA LA NI BAR CHAD LA SOGS PA'I RGYU 'THAD PA MA YIN TE, DES NA DE NI BRTZAL MA THAG TU MNGON PAR GSAL BA MA YIN NO, ,GANG ZHIG BRTZAL MA THAG TU MNGON PAR GSAL BA DE LA MI DMIGS PA'I RGYUR BAR CHAD 'THAD PA YIN LA, BAR CHAD BSAL BA LA DON DMIGS PA NI BRTZAL MA THAG TU 'BYUNG BA YIN TE, DES NA DMIGS PA'I MTSAN NYID MNGON PAR GSAL BAR 'GYUR BA YIN NO ZHE'O, ,'DI LA BRJOD PA NI, GAL TE MNGON PAR GSAL BA DAD, ,'BREL PA RTAG LA'ANG 'THAD LDAN NA, ,SGRA LA'ANG DE NI YOD MIN ZHES, ,'DI NI GANG LAS CI LTAR SHES, ,'ON TE'ANG, SGRA MI DMIGS

, ,LA BUM SOGS BZHIN, ,BAR CHOD LA SOGS PA YE SGRA, ,GSAL BAR RTOGS PA YID MIN PA, ,RTZOL BA LAS SKYES DE MA MTHONG, ,SNYAM NA DE YANG MI BDEN TE, ,SGRA LA BAR CHOD LA SOGS PA, ,YOD DO ZHES NI BRTAG PAR GYIS, ,NGO SHES PA NI YIN PA'I PHYIR; ,SGRA NI 'JIGS PA MA YIN NYID, ,BUM PA LA SOGS PA YANG SNGAR DMIGS PA BAR DU CHOD PA'I GNAS SKABS NA MA ZHIG GO ZHES, BAR CHAD DANG BRAL BA NA NGO SHES PA NYID LAS RTOGS PA YIN NO, ,SGRA YANG NGO SHES PA'I PHYIR DE BZHIN DU RIGS SO, ,'ON TE GZHAN GYIS DMIGS PA'I PHYIR DE LTAR RTOGS PA YIN GYI, NGO SHES PA NI MA YIN NA, GZHAN GYIS DMIGS PA LAS BRGYUD NAS DE LTAR RTOGS KYI RANG NYID NGO SHES PA LAS DNGOS SU NI MA YIN NO ZHES BYA BA NI DE KHO NA MTHONG BA CHEN PO YIN NO, ,GZHAN YANG, GZHAN GYIS KYANG NI NGO SHES LAS, ,GZHAN BA LAS NI SHES MIN NA; ,GZHAN LAS KYANG NI JI LTAR DE, ,RTAG PA NYID DU 'GYUR BA YIN, ,DE'I PHYIR 'DIR, SPYIS KYANG SGRUB PAR BYED PA LA, ,ZHES BYA BA LA SOGS PA SNGAR BRJOD PA NYID LAN YIN NO, ,YANG NA, 'BRAS NYID GZHAN GYI CHA YIS NI, ,BSGRUB BYA GRUB PAR STON PA GANG, ,DE NI 'BRAS MTSUNGS SMRA BA PO'I, ,BSAM PA LAS DE'I RNAM GSUM MO, ,ZHES SLOB DPON GYIS BSTAN PA'I 'BRAS MTSUNGS KYI MTSAN NYID LAS BSTAN NAS DE SKAD BSHAD PA YIN NO, ,RKANG MIG GI MTSAN NYID NI MI 'THAD DO ZHES BSTAN ZIN TO, ,'DI'I DON NI 'DI YIN TE, GAL TE BYAS PA'I PHYIR SGRA MI RTAG STE BUM PA BZHIN NO ZHES BYAS PA NA 'BRAS BU GZHAN GYIS BUM PAS MI RTAG PA YIN PAS, 'DIR SGRA LA CIR 'GYUR ZHES BYA BA NI 'BRAS MTSUNGS YIN NO, ,'DI NI SMRA BA PO'I BSAM PA LAS RNAM PA GSUM STE, GAL TE SMRA BA PO BUM PA'I 'BRAS BU NYID SGRA LA MED DO ZHES RTZOD PAR BYED NA NI MA GRUB PA LTA BU, 'ON TE SGRA'I 'BRAS BU NYID BUM PA LA SOGS PA MI RTAG PA DAG LA MED DO ZHES BYA BA YIN NA NI, DE LAS 'GAL BA LTAR SNANG BA'O, ,'ON TE DE RTAG PA DAG LA YANG MED DO ZHES BYA BA YIN NA NI THUN MONG MA YIN PA'I PHYIR MA NGES PA LTAR SNANG BA'O, ,RNAM PAR RTOG PA DANG MTSUNGS PA NI CHOS

MTHUN NA YANG KHYAD PAR BRJOD PA RTOG PA DANG MTSUNGS PA YIN NO, ,DPER NA SNGA MA BZHIN DU BUM PA DANG CHOS MTHUN PAS MI RTAG PAR BYAS NA, CHOS MTHUN PA DE YOD KYANG CHOS PAR BYA BA NYID DANG, MIG GIS GZUNG BA NYID LA SOGS PAS BUM PA NYID MI RTAG PA YIN GYI, GZHAN NI MA YIN NO ZHES BRJOD PA LTA BU'O, ,GAL TE 'DIR YANG DBYIBS NYID LA SOGS PA'I 'BRAS BU SPYIS SGRUB PAR BYED PA MA YIN NAM, RI DANG BUM PA LA SOGS PA'I DBYIBS YONGS SU BRTAGS PAS, 'BREL PA CAN GYI SGO NAS KHYAD PAR YONGS SU RTOG NA NI 'BRAS MTSUNGS BRJOD PA NYID DO ZHE NA, DE NI MI BDEN TE, DBYIBS LA SOGS PA DAG GI SPYI, ,BLO SNGON BYED PA LAS BYUNG MIN, ,DE NI SHING SOGS GZHAN LA YANG, ,MTHONG BA'I PHYIR ZHES BRJOD ZIN TE, ,'BREL PA YI NI KHYAD PAR DAG ,SPANGS NAS 'GAR NI SGRUB BYED GANG, ,DE NI SHIN TU 'BREL MED DE, ,MI RTAG BYA ROG NAG POS BZHIN; ,'DIR GZHAN DAG SMRA BA NI, GAL TE SLO SNGON DU BYED PA RJES SU 'GRO BAR MA MTHONG BAS DBYIBS LA SOGS PA DE NYID SGRUB BYED DU MI 'GYUR MOD, DBYIBS DBYIBS ZHES BYA BA LA SOGS PA'I SGRAS BRJOD PAR BYA BA NI RJES SU 'GRO BA YIN TE, DES NA DES MTSAN NYID GCIG PA'I PHYIR GCIG GI 'BRAS BUR GRUB PO ZHE NA, DE NI MA YIN TE, 'DI LTAR, RTOG PA TZAM GYIS BKOD PA'I CHOS, ,DON NYE BA DANG BRAL BA LAS, ,DON DE YOD PAR GYUR NA NI, ,GANG DU 'DOD PA DER 'GYUR RO, ,RIGS GZHAN LAS NI RAB GRUB PA, ,SGRA YI SPYI NI MTHONG BA LAS, ,SGRUB BYED MI RIGS DAG LA SOGS, ,GO YIN PHYIR RVA CAN BZHIN, ,DAG LA SOGS PA DANG MTSAN NYID MI MTHUN PA RIGS GZHAN LA RAB TU GRUB PA'I RVA DANG 'BREL PA DE, CI GO ZHES TSIG THA MI DAD PA TZAM GYIS RJES SU DPAG PAR BYA BA'AM, DON GCIG NA YANG SKYA BO LAS, ,RJES SU DPOG PA MIN ZHES BRJOD, , GANG LA DON KYANG YOD MIN NA, ,SGRA TZAM MTSUNGS PAR SMOS CI DGOS, ,RE ZHIG DON NI MNGON PAR 'DOD PA'I BSGRUB BYA DANG 'BREL PA SRID PA NYID DO, ,DE LA YANG RTOGS PA ZHIB MO DANG LDAN PA DAG GIS SGRUB PAR BYED PA MA YIN PAR BRJOD NA GANG LA BSGRUB BYA DANG 'BREL PA 'DI TZAM YANG RING DU

, ,BYAS PAS SGRA MTSUNGS PA LTA CI SMOS, 'DI LTAR, BRJOD PAR 'DOD PA'I GZHAN DBANG PHYIR, ,SGRA RNAMS GANG LA'ANG PHYIR MI RTAG PA THAMS CAD 'GRUB, ,SGRA 'DI DAG NI 'GA' LA YANG TE, BRJOD PAR MA YIN TE, BRJOD PAR 'DOD PA THAMS CAD LA BKAG PA MED PA'I PHYIR RO, ,GAL TE DE LAS DON GRUB NA NI 'GA' YANG DON GRUB PA DANG BRAL BAR MI 'GYUR RO, ,DES NA GZHAN GYIS KHAS BLANGS PA NI MA YIN NO, ,'DIS NI SER SKYA LA SOGS KYIS, ,MI RTAG SOGS PHYIR SEMS MED LA, ,SROG DANG SHUN PA BSHUS NA NI, ,CI PHYIR SEMS LDAN DPYAD PA YIN, ,SER SKYA BA LA SOGS PA'I SEMS PA MED PA CAN NAM GZHAN DAG GANG LAS THUB PA'I KHANG BZANGS KYI RTZER 'DZEG PAR 'GYUR BDE NI DON GYI DE KHO NA NYID DU MED PA'I PHYIR SGRA TZAM MTSUNGS PA NYE BAR BKOD PA YIN NO, ,'DI LTAR, MI RTAG PA NYID GRANGS CAN LA, ,DNGOS POR GRUB PA YOD MA YIN, ,DE NI DON RNAMS MI GSAL BA, ,YIN GYIS RJES 'GRO MED 'JIG MIN, ,MNGON PAR MI GSAL BA'I MI RTAG PA DE NYID NI SANGS RGYAS PA LA MA GRUB BO, ,'O NA GANG YIN ZHE NA, RJES SU 'GRO BA MED PAR 'JIG PA NYID DO, ,GAL TE ZHIG PA DANG MNGON PAR MI GSAL BA DAG BSKAL BAR MTSUNGS PA MA YIN NAM ZHE NA, BSKAL PA ZHES BYA BA 'DI NI CI ZHIG ,MI MNGON PA NYID DO ZHE NA, 'O NA RI BONG GI RVA LA SOGS PA DANG GTZO BO LA SOGS PA YANG MI RTAG PAR 'GYUR RO, ,YOD PA MI MNGON PA'I BDAG NYID YIN NA YANG GTZO BO LA SOGS PA YANG 'GYUR RO, ,SNANG BA MI MNGON PAR 'GYUR BA YIN NO ZHE NA, ,SNANG BA ZHES BYA BA 'DI CI ZHIG GAL TE DON GYI NGO BO NYID YIN NA CI LTAR SNANG BA MI SNANG BAR 'GYUR TE, DE SPANGS NA DNGOS PO'I RANG BZHIN NYID MED PAR 'GYUR RO, ,'ON TE SNANG BA'I BDAG NYID DNGOS PO LAS GZHAN YIN NA, 'O NA DE MED PA NYID JI LTAR RJES SU 'GRO BA MED PAR ZHIG PA MA YIN, GZHAN MED NA GZHAN BSKAL BAR YANG MI 'GYUR RO, ,DE YANG THAMS CAD KYI TSE GTZO BO DANG MTSUNGS PA'I PHYIR MI RTAG PA NYID MA YIN PAR 'GYUR RO, ,DE'I PHYIR SGRAS BRTAGS PA TZAM NYID SGRUB BYED DU KHAS BLANGS PA YIN NO,,

SHUN PA BSHUS NA 'CHI BA'I PHYIR ZHES BYA BA YANG DE BZHIN TE, SHUN PA THAMS CAD BSHUS NA 'CHI BA'I SGRA 'JUG PA TSAD MA NYID DO, ,RNAM SHES LA SOGS 'GAGS PA NI, ,'CHI BAR SANGS RGYAS PAS RTOGS PHYIR, ,GANG LA SHING LA RNAM SHES NI, ,MA GRUB DE YANG 'CHI DE BZHIN, , SANGS RGYAS PA GANG SHING DAG LA RNAM PAR SHES PA YOD PAR THE TSOM ZA BA STE, DE SNGON DU SONG BA 'GAGS PA'I RANG BZHIN 'CHI BA LA THE TSOM MI ZA'O ZHES YID CHES PA CI YOD, RNAM PAR SHES PA 'GAGS PA NI RNAM PAR SHES PA MED PA LAS YOD PA MA YIN NO, ,TSE YANG DE BZHIN TE, TSE NI SROG YIN DROD DANG NI, ,RNAM SHES RTEN GANG YIN PA'O, ,ZHES BSHAD PA'I PHYIR RO, ,'CHI BA KHAS LEN NA JI LTAR SEMS PA CAN DU KHAS MI LEN, DES NA 'DI SHING DAG LA BSKAMS BA 'CHI BAR BRJOD PA YIN NO, ,DE YANG RNAM PAR SHES PA'I SGRUB PAR BYED PA MA NGES PA YIN TE, 'DAM LA SOGS PA LA YANG MTHONG BA'I PHYIR RO, ,'CHI BA'I SGRA 'JUG PA'I PHYIR DE LA YANG GRUB PA YIN NO ZHE NA, 'DI LA BRJOD PAR 'DOD PA'I GZHAN DBANG PHYIR, ,ZHES BSHAD ZIN TO, ,'ON TE DON MTHONG BAS DER BRJOD PAR 'DOD PA YIN PA DES NA SKYON 'DI MED DO ZHE NA, 'CHI BA GRUB NA DE YI SGRA, ,'BREL BA YIN PAR GRUB PAR 'GYUR, ,SGRA NI 'BREL BA YIN PAS NA, ,DE LAS 'CHI BA GRUB PA NYID, ,DE LTA BU'I 'CHI BA MTHONG BA LAS BYUNG BA YIN NA, SGRA LAS RNAM PAR SHES PA LA SOGS PA 'GAGS PA'I MTSAN NYID 'CHI BAR 'GRUB LA DE LTA BU'I 'CHI BA MTHONG BA LAS BYUNG BA YANG 'CHI BA GRUB NA YIN PA'I PHYIR PHAN TSUN RTEN PA'I SKYON YIN NO, ,'ON TE SGRA DON GYI 'BREL PA RTAG PA NYID YIN NA, DE LTA NA DAG LA SOGS PA YANG RVA CAN NYID DO, ,'ON TE NGAG LA SOGS PA LA YOD PA'I GO'I SGRA'I GZHAN NYID YIN PAS DE NI RVA CAN LA 'BREL PAR MI 'GYUR RO ZHE NA; 'O NA 'CHI BA'I SGRA YANG GZHAN MA YIN NO ZHES BYA BA 'DI LA KHYED LA TSAD MA CI YOD, DES NA MI RTAG PA NYID LA SOGS PA'I SGRUB PAR BYED PA NI SGRUB PAR BYED PA NYID MA YIN NO, ,DE BZHIN DU YOD PA NYID DANG DBYIBS LA SOGS PA YANG YIN PAS BSGRUB BYA MI 'GRUB BO, ,GAL TE

, ,KHYAD PAR YONGS SU BRTAGS PAS DBYIBS LA SOGS PA DANG MI RTAG PA LA SOGS PA SGRUB PAR BYED PA NYID MA YIN NA, 'O NA BYAS PA NYID LA SOGS PA GZHAN YANG SGRUB PAR BYED PA MA YIN PA NYID DO, ,RGOL BA GZHAN LA LTOS PAS SAM, ,RNAM PAR BRTAGS PAS NI THAMS CAD MA GRUB PA NYID DO, ,'DI LTAR, NAM MKHA'I YON TAN SGRA YI CHOS, ,GZHAN LA RAB TU SGRUB MA YIN, ,BSGRUB BYA DPE YI CHOS DAG NI, ,PHAN TSUN DU NI MA GRUB NYID, ,CE NA DE NI MA YIN TE, ,LUNG GI NAM MKHA'I CHOS NYID NI, ,'GA' LA YANG NI GNOD PA MED, ,KHYAD PAR RTOGS PAR BYED NA NI, GTAN TSIGS NYID NI NYAMS PAR 'GYUR, ,DE'I PHYIR, DNGOS PO'I NGO BOR MA GRUB LA, ,TSUL 'DI GRUB NA MA GRUB KYANG, ,KHYAD PAR GNOD BYED MA YIN TE, ,SGRA NI NAM MKHA' LA BRTEN BZHIN, ,LUNG LAS GRAGS PA'I NAM MKHA'I YON TAN NYID, SGRA LAS MA GRUB KYANG, SGRA'I RANG GI NGO BO NI CHOS CAN DU 'GRUB PA NYID PAS CHOS CAN MA GRUB PA NYID MA YIN NO, ,DE BZHIN DU KHYAD PAR YONGS SU RTOGS PA LA YANG GTAN TSIGS CHOS CAN DANG 'BREL PA MA GRUB PA'AM, THUN MONG MA YIN PA NYID KYIS MA NGES PA MA YIN NO, ,CHOS CAN NYID NI TSAD MAS GRUB PA YIN PA'I PHYIR RO, ,KHYAD PAR MA GRUB NA MA GRUB PAR 'GYUR BA MA YIN LA KHYAD PAR YONGS SU RTOGS PA YANG 'GAR YANG NYE BAR MKHO BA MA YIN PAS, DE LA GDON MI ZA BAR KHYAD PAR YONGS SU GZUNG BA MA YIN NO, ,'DI LTAR, MI RTAG PA DANG 'BRAS NYID KYI, ,SPYI NI NYE BAR MKHO BA YIN, ,KHYAD PAR RAB TU GRUB PAR NI, ,'GAS KYANG 'DOD PA MA YIN NO, ,RGYU YI DE MA THAG BYUNG DANG, ,DE YI MOD LA 'JIG NYID NI, ,BUM PA DANG NI SGRA DAG LA, ,KHYAD PAR DU NI RJES 'BREL MIN, ,SNGA MA DANG PHYI MA'I RANG BZHIN GYIS, DBEN PA NYID NI 'GAR YANG KHYAD PAR YOD PA MA YIN NO, ,PHYOGS DE NI DE KHYAD PAR DU BYED PA MA YIN TE, DE NI GCIG TU 'DZIN PA'I YUL YIN PA'I PHYIR RO, ,DES NA 'DI LA RNAM PAR RTOG PA MED DO, ,DBYIBS LA SOGS PA LA NI DE DANG 'BREL BA MA GRUB PA NYID DO, ,LHAG MA NI SNGAR BSHAD PA NYID DO, ,DBYIBS KYI SGRA TZAM NI SGRUB PAR BYED PA MA YIN PA NYID DE,

'DI LTAR, SGRA MA GRUB KYANG DNGOS PO NI, ,GRUB NA 'GRUB PAR 'GYUR TE DPER, 'UG PA PA LA SANGS RGYAS PAS, ,LUS SOGS SGRUB BYED BSHAD PA BZHIN, ,RDUL PHRAN DAG NI MI RTAG PA YIN TE LUS CAN YIN PA'I PHYIR RO ZHES BYE BRAG PA LA SANGS RGYAS PAS SGRUB PAR BYED PA BRJOD DO, ,DE LA SGRA NI PHAN TSUN MNGON PAR 'DOD PA'I YUL LA GRUB PA MA YIN TE, RDZAS THAMS CAD DU SONG BA MA YIN PA'I TSAD NI DE'I LUS CAN GYI SGRAS BRJOD PAR BYA BA YIN PA'I PHYIR DANG, BDE BAR GSHEGS PA PA RNAMS LA NI RIG PA DANG LDAN PA LUS CAN YIN PA'I PHYIR RO, ,GAL TE SGRA DE NYID PHAN TSUN DU MNGON PAR 'DOD PA'I YUL LA MA GRUB PA DE LTA NA YANG DES MNGON PAR 'DOD PA'I DON NI GNYI GA LA GRUB PA'I PHYIR SGRA MA GRUB KYANG SANGS RGYAS PA'I MNGON PAR 'DOD PA'I DNGOS PO GNYI GA LA GRUB PAS MNGON PAR 'DOD PA'I BSGRUB PAR BYA BA'I DON 'GRUB PO, ,GAL TE CI LTAR DNGOS PO MI 'KHRUL PA'AM, GRUB BA NYID YIN NA, BSGRUB BYA 'GRUB PA DE BZHIN DU SGRA LA YANG DE LTA BU NYID MA YIN NAM, 'DI GNYIS LA KHYAD PAR CI YOD CE NA, MA YIN TE, DE NYID 'KHRUL LA SOGS YIN NA, ,SGRA NI 'KHRUL PA MED NA YANG, ,SGRUB BYED SKYON LDAN SHES BYA STE, ,DNGOS LAS DNGOS NI 'GRUB PHYIR RO, ,CI LTAR SGRA MA GRUB KYANG DNGOS PO'I DBANG GIS BSGRUB BYA 'GRUB PA DE BZHIN DU DNGOS PO MA GRUB KYANG SGRA'I DBANG GIS BSGRUB BYA 'GRUB PA NI MA YIN GYI, 'ON KYANG SGRA 'KHRUL PA MED KYANG DNGOS PO'I DE NYID 'KHRUL PA DANG MA GRUB PA DANG 'GAL BA YIN NA SGRUB PAR BYED PA SKYON DANG LDAN PA SHES PAR BYA'O, ,SGRA 'KHRUL PA MED NA YANG NGO, ,RE ZHIG DNGOS PO 'KHRUL PA LA SOGS PAR GYUR NA SGRA MA 'KHRUL BA NYID DU MI 'GYUR BA NYID DO, ,KHAS BLANGS NAS KYANG BSHAD PA NI SGRA 'KHRUL PA MED DU CHUG MOD, DE LTA NA YANG SGRUB BYED SKYON DANG LDAN PA YIN NO, ,CI'I PHYIR ZHE NA, DNGOS PO LAS DNGOS PO 'GRUB KYI SGRA LAS NI MA YIN NO, ,GAL TE SGRA MI 'KHRUL BA BSGRUB BYA LA MA YIN NAM, DE LTA YIN NA SGRA LAS BSGRUB BYA 'GRUB PAR 'GYUR RO, ,'ON TE DE LAS BSGRUB BYA MI 'GRUB NA, CI LTA SGRA MI 'KHRUL PA YIN ZHE NA, 'DIS NI 'DI SKAD DU STON PA YIN TE, SGRA

, ,NI DNGOS PO SGRUB PAR BYED PA'I SGO NAS BSGRUB BYA 'GRUB PA'AM, NYE BAR SBYOR BA YIN GYI, DNGOS SU NI MA YIN NO, ,DES NA SGRA MI 'KHRUL BAR 'DOD KYANG DON SPANGS NAS NI BSGRUB BYA BSGRUB PAR NUS PA MA YIN NO, ,DES NA DON LA BRTEN PA'I DPYAD PA NYID NYE BAR MKHO BA YIN NO, ,DNGOS PO 'KHRUL BA DANG CIG SHOS NGES PAR BRTAG PA NI PHYIS BSHAD PAR BYA'O, ,DE'I PHYIR GANG LAS DBANG PHYUG 'GRUB PAR 'GYUR BA DON GYI RANG BZHIN GYI GTAN TSIGS NI YOD PA MA YIN NO, ,DES NA MI RTAG NA YANG TSAD MED NYID, ,CES BYA BAR 'GRUB BO, ,DE BZHIN DU RTAG PA YANG NGO, ,RTAG PA NYID KYIS NI NAM MKHA' LA SOGS PA DANG DBANG PHYUG LA RGYU DANG RGYU MA YIN PA NYID KYI RNAM PAR DBYE BA NI YOD PA MA YIN TE, 'DI LTAR, JI LTAR DNGOS DE RGYU YIN PA, ,DE LTAR NYID DE GANG GI TSE, ,RGYU MIN GANG GIS DE NI RGYU, ,'DOD LA RGYU MA YIN MI 'DOD,, JI LTAR DBANG PHYUG KHYAB PA DANG RTAG PA NYID LA SOGS PA'I CHOS CAN YIN PA DE BZHIN DU NAM MKHA' LA SOGS PA'I YANG YIN PA DES NA MTSUNGS PA NYID YIN YANG DBANG PHYUG NI RGYU YIN LA, NAM MKHA' LA SOGS PA NI RGYU MA YIN NO ZHES BYA BA'I RNAM PAR DBYE BA GA LAS YIN, 'ON TE DE NA BYED PAR 'DOD PA'I MTSAN NYID KYI SHES PA DANG 'BREL PAS TE DE SKAD BRJOD DO ZHE NA, DE YANG MA YIN TE DE YANG MTSUNGS PA'I PHYIR RO, ,GZHAN YANG BYED PAR 'DOD PA TZAM GYIS NI, ,RGYU ZHES BYA BAR RTOGS MA YIN, ,'DI NI BYA ROG TA LA 'AM, ,DE BZHIN 'ON TE RGYU YIN CI, ,GAL TE LA SOGS BSAL NAS NI, ,BYED PA YIN NA RGYU NYID YIN, ,DE LTA MIN NA KUN GYI RGYU, ,THAMS CAD YIN PAR CIS MI 'DOD, ,YANG NA JI LTAR SKYED PA LAS SNGAR DE RGYU MA YIN PA DE BZHIN DU, BSKYED PA'I GNAS SKABS NA YANG KHYAD PAR MED PA'I PHYIR RGYU MA YIN PA NYID DE, 'DOD CHAGS LA SOGS PA THAMS CAD LAS NGES PAR GROL BA NI BYA BA MED PAR 'DUG PA NYID RIGS SO, ,'JIG RTEN GYI LAS BDAG POR GYUR PAS BYA BA MED PAR 'DUG PA'I DBANG MED DO ZHE NA, MA YIN TE, PHA ROL LAS KYI GZHAN DBANG GYUR PAS 'DI, ,JI LTAR DBANG PHYUG DBANG PHYUG MIN PA NYID, ,

'ON TE DE LA BRTZE TSUL KHYAD YIN NAM, ,DMYAL SOGS BSGRUB PHYIR BRTZE BA MED PA CIS, ,'JIG RTEN LAS NYID DE 'DRA PHYIR DE LA, ,DE BYED NUS MED NA 'DI DAM PA MIN, ,DAM PA GAL TE LEGS BYED NUS MED KYANG, ,LEGS MIN BYA LA DE NI 'JUG GAM CI, ,DAM PA MIN PA'I BYA BA NI, , DAM PAS YAL BAR DOR BA'I RIGS, ,RMA LA RGYA TSA 'DEBS PA NI, ,DAM PA DAM PA'I SPYOD PA MIN, ,'O NA TE TSUL 'DI NI 'DI LTA BU NYID YIN LA, 'DI NI DE NYID GSAL BAR BYED PA DANG, DE BYA BA'I PHYIR SPYOD PA YIN NO, ,NGA'I RANG BZHIN 'DI LTA BU YIN TE, NGAS BZLOG PAR NI MI NUS SO, , DE LA 'JIG RTEN GYIS CI RIGS PAR SPANG BAR BYA BA YIN NO ZHE NA, 'DI BDAG NYID LA YANG DBANG MED PA'I PHYIR, 'DI GSAL BAR DBANG PHYUG YIN NO, ,RANG LAS 'TSAM PA'I SPYOD PA LA, ,'JIG RTEN DBANG PHYUG CIS MA YIN, ,GAL TE DE YANG DBANG PHYUG GIS, ,BSKUL NA PHAN TSUN RTEN DE NYID; ,DE LTA YIN NA GCIG KYANG NI, ,SRID PAR 'THAD PA MA YIN NO, ,GAL TE DBANG PHYUG LA NI NUS MED NA, ,LEGS TE 'GRO BA LAS KYIS BSGRUB PAR 'GYUR, ,GAL TE 'JIG RTEN RANG DBANG SKYES NA 'DIR, ,LAS SMRA BA NYID DGE BAR BRJOD PA YIN, ,CI STE YANG GAL TE BDAG CAG LTA BU DE KHO NA NYID MA MTHONG BDAG GIS MA SHES NA YANG DE DBANG PHYUG GIS KYANG BRGYA ZHIG LA RGYU NYID DU 'GYUR RO ZHE NA, DE LTA NA NI 'O NA, DE 'GRUB BYA PHYIR DE NYID MTHONG BA NYID, ,SHES BYA DE YIS SHES PAR BYED PA NI, ,GZHAN YIN THUG PA MED PAR 'GYUR BA'I PHYIR, ,DBANG PHYUG DU MA DAG TU 'GYUR BA YIN, ,BDAG CAG LA SOGS PA NI, MTSON DANG SMAN SOGS DANG 'BREL BAS, ,NAG PA'I RMA DANG 'DRUBS YIN NA, ,'BREL MED SDONG DU MA CI YI PHYIR, ,RGYU NYID DU NI RTOGS MI BYED, 'ON TE 'BREL PA MED PA'I PHYIR DE NI SDOD DUM GYI BYED PA MED PAS RGYU NYID MA YIN NO ZHE NA, SDOD DUM GYI BYED PA YANG BRGYA ZHIG LA YOD PA YIN TE, DE NI DE KHO NA NYID MA MTHONG BA BDAG CAG LTA BU MA DMIGS PA YIN NO, ,'O NA MI DMIGS PA NYID KYIS SDONG DUM GYI BYED PA MED PA YIN NO ZHE NA, DE LTA NA NI 'O NA, RANG BZHIN KHYAD PAR MED PAR NI, ,BYED PA YANG NI MI RUNG NGO, ,RTAG LA LDOG PA MED PA'I PHYIR, ,NUS PA

, ,YANG NI RTOGS PAR DKA', ,RGYUN GYIS SAM RNAM PA GZHAN DU RTAG PA'I DBANG RGYUG RTAG PA LA NI RANG BZHIN GYI KHYAD PAR MED PAR 'BRAS BU'I BYED PA YANG NYE BAR MTSON PAR MI 'THAD DO, ,DBANG PHYUG LA YANG ZHES YANG GI SGRA RIM PA GZHAN DU BYA'O, ,CI LTAR RDZA MKHAN LA SOGS PAS BYAS PA'I KHYAD PAR YOD PA DE BZHIN DU, GAL TE DBANG PHYUG GIS BYAS PA YANG 'GYUR NA NI NUS PAR RTOGS PA YIN NO, ,RTAG LA LDOG PA MED PA'I PHYIR, ,NUS PA YANG NI RTOGS PAR DKA', ,RTAG TU GNAS DANG KHYAB PAS NA, ,LDOG PA NYID NI MED PHYIR RO, ,GANG DAG YOD NA GANG 'GYUR NYID, ,DE DAG LAS GZHAN DE YI RGYUR, ,RTOGS PA YIN NA THAMS CAD LA, ,RGYU RNAMS THUG PA MED PAR 'GYUR, ,MTHONG BA'I RDZA MKHAN LA SOGS PA RNAMS DANG, LAS YOD NA MNGON PAR 'DOD PA 'BYUNG BA NYID DO, ,DE LTA NA YANG GZHAN RTOGS PA YIN NA NI, 'BRAS BU THAMS CAD LA RGYU RNAMS THUG PA MED PAR 'GYUR TE, MTHAR THUG PAR MI 'GYUR RO, ,RJES SU 'JUG PA MED PA'I RTOG PA 'JUG PA'I RJES SU 'GRO NA DE LAS GZHAN LA GEGS YOD PA MA YIN NO, ,YANG NA GSAR PA MA YIN PA GNA' MA DE NYID GNAS PA YIN NO, ,RGYU RNAMS KYI RGYU YANG DE NYID YIN PA'I PHYIR DANG, LAS GZHAN NI DON MED PA NYID DO ZHES BYA BAR 'GYUR RO, ,'O NA JI LTAR RTAG TU GNAS PA'I SA MYU GU LA SOGS PA'I RGYU YIN PA DE BZHIN DU DBANG PHYUG KYANG YIN NO, ,SA LA SOGS PA LA NI THOG MA DMIGS PA MED DO ZHE NA, ,'DI LA LAN DU, MYU GU SKYED LA SA LA SOGS, ,RANG BZHIN YONGS SU 'GYUR NAS NI, ,RGYU YIN DE LEGS BYAS PA NA, ,DE YI KHYAD PAR MTHONG PHYIR RO, ,NAS KYI MYU GU LA SOGS PA NI GSHOL GYI BYED PA LA SOGS PA RNAM PAR 'GYUR BA'I KHYAD PAR GYI RJES SU 'GRO BA DANG 'BREL PA MTHONG BA'I PHYIR RO, ,SA LA SOGS PA RGYU NYID DU RTOGS PA YIN NO, ,YANG RTZOD PA DANG LAN BTAB PA NI, GAL TE JI LTAR YUL DBANG PO, ,TSOGS PA KHYAD MED BLO RGYU YIN, ,DE LTAR 'DI YIN ZHE NA MIN, ,DE LA'ANG KHYAD PAR YOD PHYIR RO, ,RGYUN GYI KHYAD PAR MED PAR NI, ,SO SO SO SOR NUS MED RNAMS, ,TSOGS KYANG

NUS PA MED 'GYUR BA, ,DE PHYIR KHYAD PAR GRUB BA YIN, ,MIG LA SOGS PA RNAMS LA NI, ,'BRAS BU'I RANG BZHIN GYI KHYAD PAR NYID LAS RGYU NYID DU NGES PAR BYED DO, ,'BRAS BU RNAM PAR SHES PA NI GZUGS SO SOR NGES PA DANG, GZUGS KYI RNAM PA CAN DANG, RTOGS PA'I RANG BZHIN CAN YIN NO, ,DE'I PHYIR 'DI DAG PHAN TSUN SPANGS PAS NYE BAR SBYAR BA LAS KHYAD PAR YOD PA'I PHYIR MIG LA SOGS PA 'BRAS BU RNAM PAR SHES PA'I RGYU YIN NO, ,GANG GI PHYIR 'DI DAG NI SO SO SO SOR RNAM PAR SHES PA'I TSIGS LA NUS PA MED PA YIN NO, ,MIG LAS NI RTOGS PA'I RANG BZHIN MA YIN, GZUNGS LAS NI GZUGS 'DZIN PAR SO SOR NGES PA MA YIN, YID LA BYED PA LAS NI GZHAN MA YIN TE, ,RE RE LAS MTHONG BA MED PA'I PHYIR RO, ,'ON TE MIG PHYE BA NA GZUGS GZHAN DANG GZHAN NYA BAR GNAS PAR 'GYUR BA NA GZUGS GZHAN DANG GZHAN MTHONG NA DE'I TSE MIG LA KHYAD PAR YOD PA NI MA YIN NO, ,DE BZHIN DU GZUGS GNAS PA NYID LA MIG GI RNAM PAR SHES PA GZHAN DANG GZHAN 'BYUNG BA YIN NO, ,DE BZHIN DU, DBANG PHYUG KYANG RTAG TU MTSUNGS PA NYID KYIS RNAM PAR GNAS PA NI SRID PA GZHAN DANG GZHAN SKYE BA'I PHYIR RGYU'I DNGOS PO MA YIN BA MA YIN NO ZHE NA, 'DI LA NAM MKHA' LA SOGS PA RNAMS KYANG RGYU'I DNGOS POR THAL BAR 'GYUR RO ZHES BRJOD ZIN TO, ,MIG DANG GZUGS KYI KHYAD PAR LAS, ,RNAM PAR SHES PA KHYAD PAR CAN, ,YOD PAR 'GYUR BA DE YI PHYIR, ,GZUGS LA SOGS PA RGYU NYID YIN, ,YONGS SU GSAL BA DANG MI GSAL BA LA SOGS PA'I MTSAN NYID GZUGS KYI KHYAD PAR LAS, RNAM PAR SHES PA YID BDE BA LA SOGS PA DANG LDAN PA SKYE LA, DE BZHIN DU PHYED BTZUMS PA LA SOGS PA'I MIG GI KHYAD PAR LAS MI GSAL BA NYID LA SOGS PA'I KHYAD PAR DU 'GYUR RO, ,DE NI DE DANG 'BREL PAS RGYU DE'I 'BRAS BUR RTOGS PAR BYED KYI, DE BZHIN DU DBANG PHYUG RGYUR RTOGS PA'I RGYU NI MED DO, ,DES NA, RGYUN GYI KHYAD PAR MED NA NI, ,ZHES BYA BA RGYUN GYI KHYAD PAR YOD PA MA YIN NO, ,SO SO SO SOR NUS MED RNAMS, ,TSOGS KYANG

, ,NUS PA MED 'GYUR BA, ,YIN TE, RGYU LAS BZLOG PA'I RANG BZHIN DE NYID CI LTAR RGYUR 'GYUR ZHES BYA BA 'DI LA LAN CI YOD, GZUGS LA SOGS PA RGYU NYID DU RTOGS PA YIN NA, RGYU BRJOD PA'I PHYIR SKYON MED DO, ,DE'I PHYIR SO SOR GANG NUS MED, ,TSOGS NA YON TAN SRID 'GYUR BA, ,DE DAG RGYU YIN DBANG PHYUG SOGS, ,MA YIN KHYAD PAR MED PHYIR RO, ,DBANG PHYUG DGAG PA'I RNAM 'GREL LO, ,GAL TE DBANG PHYUG YONGS SU SHES PA LA SOGS PA'I RGYU SHES PAR BYED PA'AM, SKYED PAR BYED PA MED NA 'O NA NI DE GZHAN LA YANG MI 'GYUR TE, 'DI LTAR, TSAD MA LKOG GYUR DON SHES YIN, ,DE GRUB BYED KYANG MED PA'I PHYIR, ,NAN TAN BYED PA YOD MA YIN, ,ZHES NI KHA CIG RAB TU BRJOD, ,RE ZHIG THAMS CAD MKHYEN PA MA YIN PA NYID THAMS CAD MKHYEN PAR 'GYUR BA GANG YIN DE'I LKOG TU GYUR PA'I DON SHES PA LA RGYU CI YOD, GANG RJES SU BSGRUBS PAS THAMS CAD RIG PAR 'GYUR BA DE 'DRA BA'I RGYU NI 'GA' YANG RTOGS PA MED DO, ,SNGAGS DANG RGYUD LA SOGS PA NI PHAL CHER GZHUNG THAMS CAD LA YOD PA YIN NO, ,DE NGES PA'I RGYU YANG YOD PA MA YIN NO, ,PHYOGS GCIG MI SLU BA NI TSIG THAMS CAD KYANG YIN PA NYID DO, ,LKOG TU GYUR PA'I DON THAMS CAD MNGON DU BYED PA SRID PA YANG MA YIN TE, DBANG PO'I SHES PA NI NYE BAR GNAS PA'I YUL CAN NYID DU MTHONG BA'I PHYIR RO, ,DON DANG DBANG PO KHYAD MED KYANG, ,GAL TE KUN RIG 'BYUNG 'GYUR NA, ,DBANG DON KHYAD PAR MED PA'I PHYIR, ,THAMS CAD THAMS CAD SHES PAR 'GYUR, ,MI GTZANG LA SOGS RO MYANG DANG, ,'BREL PA BZLOG PAR DKA' BA YIN, ,DBANG PO PHRAD NAS 'DZIN PA NA, ,THAMS CAD RIG PA CI LTAR BRJOD, ,DE YI YID KYI RNAM SHES KYANG, ,DBANG PO'I RJES SU MI 'JUG MIN, ,YID KYI SHES PA RANG DBANG NI,, 'GAS KYANG MTHONG BA YOD MA YIN, ,GOMS PAS GSAL YIN DE YIS NI, ,YUL DU THAMS CAD 'GYUR MA YIN, ,LUNG LA BRTEN PA YIN NA 'DI, ,'KHRUL PA NYID DU THAL BAR 'GYUR, ,DNGOS PO THAMS CAD RJES DPAG GIS, ,GRUB PAR RTOGS PA YOD MA YIN, ,DES NA YUL KUN SGOM

MED PAS, ,JI LTAR THAMS CAD MKHYEN PAR 'GYUR, ,BSTAN BCOS LA SOGS GOMS PA LAS, ,BSTAN BCOS SOGS NYID RTOGS LA RAG ,DE YI THAMS CAD RIG PA GO, ,GA LAS 'BYUNG BAR 'GYUR BA YI, ,DE YI SHES BYA SHES MED PAR, ,KUN SHES ZHES BYA'I RNAM SHES NI, ,GANG LAS DE YI SHES BYA BA, ,SHES NA'ANG DE NYID KUN RIG 'GYUR, ,GANG ZHIG CHAGS SOGS DANG BRAL ZHING, ,DE BZHIN RNAM RTOG DANG BRAL DES, ,BSTAN PAR BYAS ZHES BYA BA DE, ,DE NI G-YAR PO'I RGYAN DANG 'DRA, ,BYUNG GYUR BYUNG DANG 'BYUNG 'GYUR DNGOS, ,THOG MTHA' MED PAR RIM GYIS NI, , SO SO RE RER RTOGS PAR NI, ,BSKAL PA'I BAR DU'ANG NUS MA YIN, ,PHYOGS GCIG YONGS SU SHES PA NI, ,SU LA MED CES BYA BA YIN, ,SKYES BU MANG DU RTOG PA LA, ,BDEN DON CAN CIG MED MA YIN, ,KHYAD PAR DANG LDAN MTHONG BA GANG, ,DE NI DE TZAM NYID GNAS PAS, ,KHYAD PAR CUNG ZAD SHES 'GYUR GYI, ,SHIN TU DBANG 'DAS DON RIG MIN, ,PHYOGS GCIG DE NYID SHES PA NI, ,THAMS CAD MKHYEN PAR 'THAD MIN TE, ,'DI NI PHA ROL 'KHRUL PA'I RGYU, ,BYA ROG TA LA'I TSUL DU 'GYUR, ,CIG CAR THAMS CAD RNAM SHES NA, ,JI LTAR 'KHOR BA THOG MED NYID,, SHES PA GANG DU YONGS RDZOGS PA, ,DE NYID 'DIR NI THOG MAR BRJOD, ,'DI LA BRJOD PA THAMS CAD RIG PA ZHES BYA BA TSAD MA GZHAN NI 'DOD PA MA YIN GYI, ,'ON KYANG SLU BAR BYED PA MA YIN PA MNGON PAR 'DOD PA BSGRUB PA NUS PAR GYUR PA'O, ,CI'I PHYIR ZHE NA, MI SHES STON PAR BYED PA LA; ,'KHRUL PAR DOGS PA CAN RNAMS KYI, ,DE BSHAD NAN TAN BYA BA'I PHYIR, ,SHES LDAN 'GA' ZHIG TSOL BAR BYED, ,GZHAN RJES SU SGRUB PAR 'DOD PAS GZHAN SHES PA'I NYE BAR STON PA PO TSOL BAR MI BYED DO, ,DE NGES KYANG MNGON PAR 'DOD PA LA SLU BA SRID PA'I PHYIR RO, ,'ON TE DER YANG DE'I SHES PA YOD PA NYID DO ZHES NGES PA NYID DO ZHE NA, MA YIN TE, THAMS CAD DU SHES PA LA SHES PA MED PA'I PHYIR RO, ,DE'I PHYIR DE NYID DES SHES PAR BYA BA YIN NO, ,GAL TE DES SHES SO ZHES SHES NA NI DE'I PHYIR, MI SHES PA NYE BAR STON PAR BYED PA LA SLU BAR DOGS PA

, ,CAN GYI MI SHES BDAG GIS, DE'I YUL CAN GYI SHES PA SHES PAS NA 'DI TSAD MA NYID DO, ,GZHAN LA YANG DE'I YE SHES SRID PAR BYA BA YIN NO, ,SKYES BU'I DON GYI GTZO BO SHES PA DANG TSAD MAS YONGS SU DAG PA'I THAMS CAD KYI DE KHO NA SHES PA GANG YIN PA DE NYID TSAD MA YIN PAS 'DI DE TZAM GYIS NYE BAR BSTAN PAR BYA BA YIN NO, ,LHAG MA THAMS CAD NI NYE BAR BSTAN PAR BYA BA THAMS CAD LA MTSUNGS PA NYID DO, ,DE YANG GANG LA SRED CE NA, ,GANG GIS NYE BAR BSTAN PA'O, ,GANG ZHIG TSAD MAS MTHONG BA'I SKYES BU'I DON GYI GTZO BO MI SKYES BU'I DON GYI GTZO BO MI SMRA BA'I GZHAN NYID SMRA BA SMRA BA'I GZHAN NYID SMRA BA GANG YIN PA DE DAG NI TSAD MA MA YIN TE, DE LA YANG MI SHES PA SRID PA'I PHYIR RO, ,JI LTAR NYE BAR STON CE RNA, GCIG NAS GCIG TU BRGYUD PA THOG MA MED PA LAS TE, ,MED PA PA'I NYE BAR BSTAN PA BZHIN NO, ,'O NA THAMS CAD YONGS SU MI SHES NA,, THAMS CAD LA DOGS PA SKYE BA'I PHYIR, ,GZHAN YANG YONGS SU MI SHES SO ZHES DOGS PAR BYA BA YIN NO, ,DES NA THAMS CAD SHES PA MED NA JI LTAR 'DI LA YANG YONGS SU SHES PA YOD PAR 'GYUR, NYE BAR BSTAN PA NI NYE BAR BSTAN PA BRGYUD PA LAS YIN NO ZHE NA, DE NI MA YIN TE; TSAD MA MED PA'I DNGOS PO LA, ,NYE BAR BSTAN PA BRGYUD PAR GSAL, ,NYE BAR BSTAN PA BRGYAD PA DE, ,TSAD MA CAN LA YOD MA YIN, ,TSAD MA MED PA RTAG PA NYID LA SOGS PA LA NYE BAR BSTAN PA BSTAN PA BRGYAD PA LAS RTEN GZHAN YOD PA MA YIN NO, ,TSAD MAS DNGOS PO YONGS SU BCAD PA YIN NA, CI LTAR DE LA MA SHES PA YIN PAR DOGS, ,DOGS SU CHUD PA DE LTA NA YANG DE LA GDON ME ZA BAR 'JUG PAR 'GYUR BA YIN TE, ,TSAD MAS NGES PA'I PHYIR RO, ,'ON TE TSAD MAS MTHONG BA YIN YANG, MNGON DU BYED PAR MA NGES SO ZHE NA, DE NI 'DIR 'GYUR TE; GANG GIS TSAD MTHONG STON PA YANG, ,DOGS 'GYUR ZHI BLTA 'DI 'DRA BA, ,SKYES NA MU STEGS DAG LA NI, ,BRJOD PA NYID KYANG CI ZHIG YOD, ,BCOM LDAN 'DAS DE BZHIN GSHEGS PA NI TSAD MAS MTHONG BA GSUNG BA YIN NO, ,DE LA YANG DOGS PA GANG YIN PA DE GANG DAG LA YONGS

SU SHES PA RJES SU 'JUG PA MED PA'I MU STEGS PA DAG LA RTZIR YANG CI YOD, DE'I PHYIR TSAD MAS MTHONG PA'I DON GSUNG BA'I PHYIR NA, BCOM LDAN 'DAS NI TSAD MA NYID DO, ,MTHO RIS DANG NI BYANG GROL LAM, ,RIG BYED MI YI TSAD MA YIN, ,YONGS SU SHES MED GZHAN LA YANG,, DE YI DE NI SRID PA YIN, ,DE PHYIR DE YI YE SHES NI, ,NAN TAN BYA RTOGS RNAM DPYAD BYA'I, ,DE YI SRIN BU'I GRANGS MKHYEN PA, ,DED LA 'GAR YANG NYER MKHO MED, ,'DI LTAR, 'DI NI CHOS MKHYEN 'GOG PA NYID, ,'BA' ZHIG DGAG PAR BYA BA YIN, ,PHA ROL BOS BKAG GZHAN KUN NI, ,GANG GIS ZLOG PAR BYED PA YIN, ,GAL TE PHYOGS GCIG MKHYEN PA'I PHYIR, ,DE BZHIN GSHEGS PA THAMS CAD RIG PA YIN NO ZHES BRTAG PAR BYA BA YIN NO, ,ME NI KHA BA'I GNYEN PO YIN NO ZHES BYA BA LA SOGS PA MI SLU BA LAS GZHAN YANG 'GYUR BA'I PHYIR THUG PA MED PA NYID DU 'GYUR RO, ,DE LTAR GYUR PA YANG MA YIN TE, ,PHAN TSUN 'GAL BAS RJES SU SGRUB PAR MI SRID PA'I PHYIR RO ZHE NA, DE YANG MI BDEN TE, ,BLANG DANG DOR BYA'I DE NYID NI, ,THABS DANG BCAS PAR RIG MDZAD PA, ,GANG TSE TSAD MA NYID 'DOD KYI, ,THAMS CAD RIG MDZAD MA YIN NO, ,GANG GI PHYIR SKYES BU'I DON NI MTSAN NYID PHYOGS GCIG RIG PAR BYED PA YIN ZHES TE, DE TZAM GYIS NI DE THAMS CAD THAMS CAD RIG PAR 'GYUR BA MA YIN TE, SKYES BU'I DON GYI CHA RIG PA NI 'GA' LA MANG MI SRID PA MA YIN NO, ,DE LA BLANG BYA DANG DOR BYA'I DE NYID SDUG BSNGAL DANG, 'GOG BA'I BDEN PA'O, THAMS KYI DE NYID NI SDUG BSNGAL DANG 'GOG PA'I BDEN PA DE DAG NYID KYI RGYU GUN 'BYUNG DANG LAM GYI BDEN PA'O, ,DES NA 'PHAGS PA'I BDEN PA BZHI'I MTSAN NYID DE KHO NA NYID RIG PAR MDZAD PA DANG, ,TSAD MAS GRUB PA RIG PAR MDZAD PA GANG YIN PA DE NI TSAD MA YIN NO ZHES BYA BA'I DON TO, ,MTHO RIS KYI LA, YANG TSAD MAS GCOD PAR SRID PA YIN NO, ,BUD MED DANG DMANGS RIGS NGO MTSAR SKYED PA GZHAN YANG BDE BAR GSHEGS PA'I GSUNG LA MED PA MA YIN NO, DE'I PHYIR SKYES BU'I DON GYI GTZO BO RIG PAR MDZAD PA NYID TSAD MA YIN TE, ,GZHAN MI 'THAD PA'I PHYIR

, ,RO; ,DE'I PHYIR, RING PO MTHONG NGAM MIN YANG RUNG, ,'DOD PA'I DE NYID MTHONG BA YIN, ,GAL TE RING MTHONG TSAD YIN NA, ,TSUR SHOG BYA RGOD BSTAN PAR GYIS, ,RING POR MTHONG BA YOD DO ZHES BYA BA TZAM GYIS NI THAMS CAD RIG PAR 'GYUR BA MA YIN NO, ,GAL TE DE LTA YIN NA NI BYA RGOD LA SOGS PA YANG DE YIN PAS NA TSUR SHOG BYA RGOD DANG RING POR THOS PA'I PHAG BSTEN PA BDAG GIR GYIS SHIG ,DE LTA NA RIGS PA'I LAM THAMS CAD DOR BA NYID DU 'GYUR RO, ,'ON TE 'DI'I SKYES BU'I DON GYI MKHYEN PA BTZAL BAR BYA BA CI DON MTHA' DAG MKHYEN PA MI SRID PA'AM, GCIG TU DON MED PA NYID YIN NAM ZHE NA, DE NI YOD PA MA YIN TE, THAMS CAD RIG PAR MDZAD PA YI, ,THAMS CAD MKHYEN PA 'GOG PA MIN, ,NGED KYIS SHES PAR MI NUS PAS, ,CHOG SHES PAR NI 'DOD PA YIN, ,THAMS CAD SHES PA MA YIN BAS NI THAMS CAD MKHYEN PA SHES PA MA YIN TE, THABS MED PA'I PHYIR RO, ,'DI LTAR, THAMS CAD SHES SO ZHES BYA 'DI, ,DE YI SHES BYA'I SHES LAS 'DOD, ,DE YI PHYOGS GCIG RNAM SHES PA, ,DE SHES NYID LAS 'GRUB PA YIN, ,BUD MED DANG DMANGS RIGS DANG THUN MONG BA SHING LA SOGS PA SHES PA YANG GZHAN GYIS SHES PA'AM MA YIN ZHES DE SHES PA NYID LAS 'DOD PA YIN TE, RANG NYID KYIS MA SHES NA NI DE 'DIS SHES SO ZHES BYA BA'I THABS YOD PA MA YIN NO, ,GZIGS PA RING DU SONG BA'I CHEN PO GANG YIN PA DE DAG NI, MTHA' DAG MKHYEN PA SRID PA NI PHYOGS GCIG YONGS SU SHES PA SNGON DU 'GRO BA CAN NYID DO, ,DE DAG GI DE NYID SRID PA DE YANG DE LAS GZHAN GYIS YIN NO, ,'ON TE GNYI GA'I MTSAN NYID KYI TSAD MA LA YANG SGRUB PA GANG LAS YIN ZHING RGYU YANG GANG YIN ZHE NA, BSHAD PA, SGRUB BYED THUGS RJE GOMS LAS TE, ,BLO LUS LA NI BRTEN PA'I PHYIR, ,TSAD MA DE'I SGRUB BYED GANG LAS YIN ZHE NA, ,THUGS RJE GOMS PA LAS YIN NA, ,THUGS RJE DE YANG BLO'I LUS LA BRTEN PA'I PHYIR RO, ,THUGS RJE DE NI GOMS PA'I YAN LAG DANG BCAS PAR BLO'I LUS GANG YIN PA DE LA BSTEN PA'I PHYIR RTOGS PAR RAB KYI MTHAR SGRUB PAR BYED PA YIN NO, ,GAL

TE THUGS RJE YOD DU CHUG PA DE LTA NA YANG DE LAS TSAD MA YIN NO ZHES BYA BA 'DI GA LAS SRID PA YIN ZHE NA, SRID PA YOD PA NYID DO, ,GANG GI PHYIR, PHA ROL SDUG BSNGAL DE BZHIN DU, ,SDUG BSNGAL RGYU DANG BRAL 'DOD GANG, ,DE BRTZE DES NA DES LDAN PA, ,DE YI THABS NI SGRUB PAR 'DOD, ,GZHAN YANG SDUG BSNGAL DANG BRAL BAR 'DOD PA NI GDON MI ZA BAR DE'I THABS TSOL BA YIN NO ZHES PHYIS STON PAR 'GYUR RO, ,YANG NA SGRUB BYED THUGS RJE, THUGS RJE DANG LDAN PA NI GZHAN LA PHAN 'DOGS PA DANG BRAL BAR MI 'GYUR RO, ,DES NA GZHAN GYI DON STON PAS TSAD MA YIN TE, THUGS BRTZE BA DANG LDAN PA NI THABS LA 'JUG PA YIN LA, THABS DE YANG RANG NYID TSAD MAR SGRUB PA YIN NO, ,THAMS CA SKYOB PAR 'DOD PA'I MTSAN NYID KYIS THUGS RJE DE NYID GANG LAS 'BYUNG BA YIN ZHE NA, BSHAD PA, GOMS LAS DE, SNYING RJE NI BDAG GI BA RNAMS LA SDUG BSNGAL MTHONG BAS BAG CHAGS SANG PA LAS SKYE LA, GOMS PA LAS NI THA MAL PA DANG DGRA BO'I PHYOGS DAG LA 'JUG PA YIN NO, ,DES NA THAMS CAD SHES PA MA YIN NA THAMS CAD SKYOB PA MI SRID PA'I PHYIR DE'I THABS GOMS PA SGRUB PAR BYED DO, ,GAL TE BLO DANG LDAN PA'I BLO NI LUS LA BRTEN PA YIN NO, ,THUGS RJE YANG BLO NYID YIN TE, DES NA DE YANG LUS LA BRTEN PA NYID DE, ,DE'I PHYIR LUS THAL BAR GYUR PA LA SOGS PA NA GOMS PA MI 'GRUB BO, ,GAL TE SKYE BA GZHAN YOD NA NI DE'I TSE SKYE BA DU MAR GOMS PA BSAGS PA LAS MNGON PAR 'DOD PA 'GRUB PA YIN NO, ,'DI LTAR, BLO NI LUS KYI BDAG NYID DANG, ,LUS 'BRAS LUS KYI YON TAN YIN, ,'DIR NI LUGS GSUM LA BRTEN TE, ,GOMS PA SRID PA YOD MA YIN, ,DE BSHAD PA NI, BLO NI LUS LA BRTEN PA'I PHYIR, ,GOMS PA GRUB PA MED CE NA, ,MA YIN RTEN NI BKAG PHYIR RO,, SNGA MA'I RJES SU 'GRO BA'I BRAL BA'I BLO DANG BRAL BA'I LUS 'BA' ZHIG BLO'I RTEN YIN PA BKAG PA'I PHYIR RO, ,'BRAS BU NYID DAM YON TAN NYID DAM GZHAN DU YIN YANG RUNG STE, LUS 'BA' ZHIG NI RTEN DU 'GYUR BA MA YIN NO, ,GAL TE PHA MA'I LUS LA BRTEN PA MTHONG BA'I PHYIR BLO LUS LA BRTEN PA

, ,DANG LUS KYI 'BRAS BUR DMIGS PA YIN NAM, 'DI LTAR BSKYED PAR BYA BA'I LUS KYI 'BYUNG BA CHEN PO LA BRTEN PA, DE'I RANG BZHIN GYI KUN TU SPYOD PA DANG, SEMS GSAL BA LA SOGS PA PHA MA'I RJES SU 'GRO BA YIN TE, RI MO LA SOGS PA BZHIN NO, RI MO BYED PA'I GZUGS SHES PA LA SOGS PA'I RJES SU 'GRO BA CAN RTZIG PA LA BRTEN PA DANG RI MO NI RI MO BYED PA'I 'BRAS BU'I NGO BO NYID DO, ,DES NA RI MO NI RTZIG PA MED PAR MI GNAS LA, RTZIG PA GZHAN DU YANG MI 'PHO, RTZIG PA GZHAN LAS 'ONGS PA YANG MA YIN NO, ,YANG NA AA MRA'I 'BRAS BU LA SOGS PA SMIN PA LAS BYUNG BA'I GZUGS BZHIN NO, ,'BRAS BU YANG DU BA ME GZHAN LAS MA 'ONGS ME GZHAN DU 'GRO BA YANG MA YIN NO, ,CHANG LA BRTEN PA'I MYOS PA'I NUS PA NI BSKA BA LA SOGS PA'I RO DANG 'BREL PA LAS SNGA NA MED PA 'BYUNG BA YIN LA, 'JIG PA NA YANG CHANG GZHAN LA BRTEN PA MA YIN NO, ,DE BZHIN DU DBANG PO DANG SEMS PA'I KHYAD PAR YANG YIN NO, ,DE SKAD DU BSHAD PA YANG, SA DANG CHU DANG ME DANG RLUNG, ,ZHES BYA BA NI DE NYID YIN NO, ,SA LA SOGS PA NYID DE NYID YIN PA DANG SA LA SOGS PA NI DE NYID YIN PA DANG SA LA SOGS PA NI DE NYID YIN PA NYID DO, ,NAM MKHA' LA SOGS PA NI MA YIN LA, SKAD CIG NYID LA SOGS PA YANG MA YIN NO, ,DE BZHIN DU DE NYID YIN GYI, ,RNAM PAR SHES PA TZAM MA YIN LA, THAMS CAD STONG PA NYID KYANG MA YIN TE, THAMS CAD LA TSAD MA MED PA'I PHYIR RO ZHES SO, ,DE'I TSOGS LA LUS DANG DBANG PO DANG YUL GYI MING DU 'DOGS SO, ,TSAD MED PA YONGS SU 'GYUR BA'I KHYAD PAR 'BYUNG BA CHEN PO NYID KYI TSOGS NI LUS LA SOGS PA'I THA SNYAD KYI YUL YIN NO, ,LUS DANG DBANG PO DANG BLO DE DAG LAS NI SEMS PA YIN TE, DPER NA PHABS LA SOGS PA LAS MYOS PA'I NUS PA BZHIN NO, ,DES NA RNAM PAR SHES PA NI MYOS PA'I NUS PA BZHIN TE, 'JIG RTEN PHA ROL NAS 'ONGS NAS MTSAMS SBYOR BA NI MA YIN NO, ,MYOS PA'I NUS PA BZHIN NO ZHES BYA BA YANG NYE BAR MTSON PA YIN TE, RI MO BZHIN DANG DU BA BZHIN NO ZHES BYA BA YIN TE, DE DAG NI 'PHO BAR MTHONG BA MED DO ZHE NA DE NI MA YIN TE,

GZUGS SOGS LAS NI THA DAD PAR, ,'BYUNG BA DMIGS PAR GA LA YOD, ,DE DAG KYANG LNGA DE YI PHYIR, ,GRANGS NGES GZUNG BA RIGS MA YIN, ,GZUGS DANG RO DANG DRI DANG SGRA DANG REG PA STE, 'BYUNG BA CHEN PO NI LNGA YIN NO, ,SA LA SOGS PA'I MING NI DE'I TSOGS LA YIN TE, SA LA SOGS PA GZHAN DU DMIGS PA MED PA'I PHYIR RO, ,'ON TE RO NI REG PA YIN PA'I PHYIR RO, ,YONGS SU GYUR PA BZHIN YIN NA, DE LTA NA YANG SA LA SOGS PA ZHES MI 'THAD DE, GZUGS LA SOGS PA ZHES BRJOD PAR BYA BAR 'GYUR RO, ,SKAD CIG MA NYID LA SOGS PA'I SGRUB PA NI PHYIS 'BYUNG BAR 'GYUR BAS DE MI DGOD DO, ,GZHAN YANG, THAMS CAD BLTA BYA BA BLTA BYA ZHES, ,GCIG NYID DU NI THAL BAR 'GYUR, ,RNAM PA DAG GIS DBYE BAS NI, ,MTHA' YAS PAR NI THAL BA YIN, ,DE PHYIR RTEN LNGA'I GZUNG BA NI, ,RNAM PA LNGAR NI BSNYAD PAR BYA, ,DE YI NANG GI BYE BRAG NI, , LNGA LA GNOD PA MED PA NYID, ,THAMS CAD STONG LA GANG BRJOD PA, ,TSAD MA YOD NA STONG NYID MIN, ,GAL TE STONG NYID CHAD PA MED, ,DE PHYIR 'DI GNYIS 'GAL BA YIN, ,THAMS CAD STONG NYID CI 'DRA DANG, ,DE LA TSAD MA'I CI 'DRA BA'ANG, ,PHYI NAS BSTAN PAR BYA BA STE, ,MYUR BA NYID NI GANG DU DGOS, ,GAL TE DBANG PO LA SOGS PA NI PHA MA'I LUS KYI RJES SU 'GRO BA DANG LDOG PA'I RJES SU BYED PA YIN LA LUS NI 'BYUNG BA CHEN PO'I RANG BZHIN YIN PA'I PHYIR DE LA BRTEN PA NYID MA YIN NAM, GZHAN DU 'JIG RTEN PHA ROL NAS 'ONGS PA NYID DU DMIGS PA NI MA YIN NA, DE JI LTAR 'JIG RTEN PHA ROL YOD PAR SMRA BA LA SOGS PA YIN ZHE NA, DE NI MI BDEN TE, SKYE BA YONGS SU LEN PA NA, ,'BYUNG RNGUB DBANG PO BLO DAG NI, ,RANG GI RIGS LA LTOS MED CAN, ,LUS MED 'BA' ZHIG LAS SKYES MIN, ,HA CANG THAL PHYIR, 'BYUNG RNGUB LA SOGS PA NI G-YO BA LA SOGS PAS BYAS PA'I RANG BZHIN GYI KHYAD PAR LAS RANG GI RIGS LA LTOS PA MED PAR MI 'THAD DO, ,G-YO BA LA SOGS PA YANG BDAG NYID KYI GOMS PA'I RJES SU 'GRO BA CAN YIN GYI, PHA MA'I GOMS PA'I RJES SU 'GRO BA NI MA YIN TE, DE LTA MA YIN NA DAM PA MA YIN DANG 'BREL PA LA

, ,SOGS PAS PHA MA'I RANG BZHIN MED PAR MI 'GYUR RO, ,DE'I PHYIR RANG GI RIGS LA LTOS PA MED PAR PHA MA'I LUS TZAM LAS 'BYUNG BA MA YIN NO, ,GAL TE 'DOD PA LA SOGS PA PHA MA'I RANG BZHIN SNGAR YOD PA DE'I TSE PHA MA'I LUS LA SOGS PA YANG RGYU YIN NO ZHES MI 'THAD DO,, 'ON TE 'JIG RTEN GZHAN LA LTOS PA MED PA KHO NAR SKYE BA 'DZIN PAR KHAS LEN NA DE'I TSE SKYE BA YONGS SU 'DZIN PAR KHAS LEN PA LA HA CANG THAL BAR 'GYUR TE, RGYU DANG 'BRAS BU'I DNGOS PO THAMS CAD 'JIG PA NYID DU 'GYUR RO, ,DE YANG TSAD MAS YONGS SU BCAD PAS NGES PAR GZUNG BA YIN NO, , GAL TE 'BYUNG RNGUB LA SOGS PA, ,THAMS CAD GOMS PA SNGON 'GRO NA, ,RANG GI GOMS PA DANG BRAL BAR, ,RTEN MED PAR NI CI LTAR 'GYUR, ,'BRAS BU'I CHOS NI 'DI YIN TE, ,RGYU SPANGS NAS GZHAN DU 'BYUNG BA MA YIN PA GANG YIN PA'O, ,DE LTA MA YIN NA, DE DE'I BSKYED BYA MA YIN TE, BSKYED BYA SKYED BYED KYI DNGOS PO RJES SU 'GRO BA DANG LDOG PA DAG LAS YIN PA'I PHYIR RO, ,DE'I PHYIR MIG LA SOGS PA NI RIGS MTHUN PA GOMS PA LAS BYUNG BA'I MIG LA SOGS PA SNGON DU 'GRO BA CAN YIN NO, ,GAL TE DU BA LAS SKYE BA, ,RNAM KUN DU BA NYID LAS MIN, ,AUTPALA LAS BYUNG AUTPALA YANG, ,JI LTAR BA LANG LCI BA LAS, ,DE BZHIN DU, RI MKHAN LAS SKYES RI MO NI, ,BYA LA'ANG DE BZHIN CI LTAR YIN, ,DE BZHIN GOMS LAS KHYAD 'GYUR GANG, ,DE NI GZHAN DU'ANG 'GYUR BA YIN, ,DE NI MA YIN TE, DU BA LAS BYUNG DU CI 'DRA, ,DE GZHAN LAS KYANG SKYE BA MIN, , GOMS LAS KHYAD 'GYUR GANG YIN TE, ,SKYE BA DANG POR GANG YIN GNAS, ,KHYAD PAR GANG ZHIG THOS PA GOMS PA LA SOGS PA DAG LAS SKYE BA CAN DE LTA BUR 'GYUR BA DE NYID SKYE BA 'DI'I GOMS PA MED KYANG MTHONG BA YIN NO, ,DE GOMS PA DANG 'BREL BA LA GNOD PA YANG YOD PA MA YIN TE, GZHAN DU YANG 'DAS PAR GOMS PA DE'I TSE, DMIGS PAR MI NUS PA'I PHYIR GRONG GZHAN NAS 'ONGS PA'I GOMS PA BZHIN NO, ,DE NYID KYI PHYIR 'JIG RTEN GZHAN PA MA YIN PA'I GOMS PA SNGON DU SONG BA CAN DU YANG 'GRUB PAR BYED PA MA YIN NO, ,'BRAS BU NI RGYU DANG LHAN CIG 'BREL PA'I PHYIR RO,

RGYU MA MTHONG YANG DE'I 'BRAS BU YIN PA'I PHYIR TE, YUL GZHAN DU GOMS PA SNGON DU SONG BA CAN GYI BSHES GNYEN BZHIN NO, ,DE'I PHYIR 'DIR GLEN PA'I GTAM 'ONGS PA YIN TE, GLEN PA 'GA' LA GZHAN DAG GIS, ,KHYU MCHOG RVA RING MA LTO NA, ,GNAS PA CI LTAR SRID PA GANG, ,SMROS SHIG CE NI DRIS PA NA, ,DE SMRAS MA HE 'DI DAG NI, ,MA YI LTO LAS SKYES MIN GYI, ,'DI DAG TSONG DUS NAS 'ONGS PA'I, ,RIN GYIS NYOS PA TZAM DU ZAD, ,'JIG RTEN RGYANG 'PHEN PA'I GNOD PA YANG DE LTA BUR 'GYUR RO, ,YANG NA HA CANG THAL PHYIR NA ZHES BYA BA NI, GAL TE SKYE BA GZHAN NAS 'ONGS PA MED BAR 'BYUNG BA CHEN PO DE DAG NYID LAS 'BRAS BU SEMS PA 'BYUNG BA YIN NA MTHA' DAG SROG CHAGS KYI RANG BZHIN DU CI STE MI 'GYUR, YONGS SU 'GYUR BA'I RNAM PA'I BYE BRAG SRID PA'I PHYIR RO ZHE NA, YONGS SU GYUR BA'I BYE BRAG DE NYID CI STE MED CES BRGAL BRTAG MTSUNGS SO, ,'ON TE GANG LAS 'GA' ZHIG SROG CHAGS SU GYUR LA GZHAN MA YIN BA, YONGS SU 'GYUR BA THOG MA MED PA CAN PHAN TSUN KHYAD PAR DU GYUR PA MTSON PAR BYA BA MA YIN PA 'GA' ZHIG YOD PA YIN NO ZHE NA, DE YANG MI RUNG STE, GAL TE YONGS SU GYUR PA'I KHYAD PAR BLTAR RUNG BA MA YIN NA NI, RTOG PA 'DI JI LTAR YIN, BLTAR RUNG BA MA MTHONG BA NI YOD PA'I THA SNYAD KYI YUL MA YIN NO, ,GAL TE YONGS SU 'GYUR BA'I KHYAD PAR DE YOD NA DMIGS PA NYID DU 'GYUR RO, ,'ON TE 'BRAS BU MTHONG BA NYID LA RTOG NA, DE LTA YIN NA MTHONG BA'I GOMS PA NYID BRTAG PAR BYA BA YIN TE, MA MTHONG BA RTOG NA NI DKA' BA'I PHYIR RO, ,DES NA 'BYUNG RNGUB LA SOGS PA NI RIGS MTSUNGS PA GOMS PA SNGON DU 'GRO BA CAN YIN NO ZHES BYA BA LEGS PAR BRJOD PA YIN NO, ,GAL TE 'BRAS BU LAS SKYE BA, ,SNGAR MA BYUNG BA'I RGYU GRUB MOD, ,SKYE BA PHYI MAR 'BYUNG BA RNAMS GO CI LTAR RJES SU DPOG CE NA, DE BSHAD PA NI, MTSAMS SBYOR BAR, NUS LDAN MTHONG BA GANG DE LA, ,CI ZHIG YOD 'GYUR GANG MED PA, ,GANG ZHIG PHYI NAS MTSAMS SBYOR MED, ,SNGA MA NI RJES SU DPAG PAS RJES SU DPAG PA'I RJES DPAG PA LA SOGS PAS MTSAMS SBYOR BAR NGES PA YIN NO, ,GAL TE G-YER

, ,BAG LA SOGS PA NI DE GOMS PAS MI 'GUL BA DANG GZHAN PA LA SOGS PA'I MTSAN NYID G-YER BAG MED PA LAS BYUNG BA YIN PA DE NI 'BYUNG BA CHEN PO TZAM NYID LAS YIN TE, DES NA DE LAS KYANG SKYE BA SNGA MA MI 'GRUB BO, ,DE'I PHYIR THOG MA MED PA'I SKYE BA BRGYUD BA MI 'GRUB BO, ,THOG MA MED PA NYID MA YIN NA NI DU BA LAS DU BA GZHAN 'BYUNG YANG GTAN DU RJES SU RGYUN 'BREL BA NYID MA YIN NO, ,DES NA DU BA BZHIN RGYUN 'CHAD PAR YANG 'GYUR BA'I PHYIR SROG CHAGS THA MA MED PA YANG MA YIN LA SNGA NA MED PA'I SEMS CAN SKYE BA ZHES BYA BA'I NYES PAR 'GYUR RO ZHE NA DE YANG MA YIN TE, SKYE PO RNAMS KYI ZHEN PA YANG, ,ZHAN 'JUG GOMS PAS YIN DE'I PHYIR, ,DE YANG DE SNGON 'GRO CAN PHYIR, ,SRID PA'I 'KHOR LO THOG MA MED, ,ZHAN PA SOGS PA'I RNAM PA NI SROG CHAGS RNAMS KYI RANG BZHIN GYIS MA YIN GYI, 'ON KYANG RIGS MTHUN PA GOMS PA LAS YIN NO, ,JI LTAR G-YER BAG LA SOGS PA DE GOMS PA LAS YIN PA DE BZHIN DU ZHAN PA LA SOGS PA YANG SNYOM LAS LA SOGS PA GOMS PA LAS YIN PA'I PHYIR 'KHOR BA THOG MA MED PA GRUB PA YIN NO, ,MIG GZHAN PA LA SOGS PA NI GNYID LA SOGS PA GOMS PA LAS YIN NO, ,DE BAS NA GNYID SAD PA'I MIG G-YER BAG CAN LA SOGS PA MIG G-YER BAG CAN, GZHAN DANG GZHAN GYIS YIN PAR 'THAD PA YIN NO, ,DES NA SKYE BA DANG POR YANG GNYID LOG PA SAD PA BZHIN DU MNGON DU PHYOGS PA'I BAG CHAGS SAD PA'I MIG LA SOGS PA DANG LDAN PA YIN NO, ,CI LTAR LUS GZHAN LA BRTEN PA'I MIG LUS GZHAN LA MTSAMS SBYOR TE ZHE NA, RDZAS GZHAN LA BRTEN PA'I NUS PA GZHAN LA 'PHO BAR 'GYUR ZHE NA, SNGAGS DANG RGYUD LA SOGS PA'I MTHUS, ,DUG NUS BUR MA SOGS LA 'GYUR, ,DE BZHIN LAS KYI NUS PA YIS, ,DBANG PO'I NUS PA LUS GZHAN LA, ,DPER NA RMI LAM LUS LA NI, ,SKRAG DANG MCHONGS PAS GNOD PAS NA, ,SAD PA'I LUS NI RNAM 'GYUR BA, ,DE BZHIN SKYE BA GZHAN DU YANG, ,'ON TE DE BDEN MIN ZHE NA, ,SHIN TU TE POR LEGS PA NYID, ,GANG ZHIG BDEN MIN GYIS 'GYUR NA, ,BDEN PA LAS NI SMOS CI DGOS, ,BDEN PA BDEN MIN ZHES

BYA BA, ,'DI YANG THA SNYAD TZAM DU ZAD, ,RANG BZHIN MNGON DU BYED PA LA, ,BDEN SOGS ZHES BYA 'THAD PAR DKA', ,DE'I PHYIR SNGA MA DANG PHYI MA MTSAMS SBYOR NUS PA DANG LDAN PA MTHONG BA GANG YIN PA DE LA BLA LHAG PA CI ZHIG YOD PAR 'GYUR NA GANG PHYIS MED CING DE MED PAS PHYIS MTSAMS, SBYOR BA DANG MI LDAN PAR 'GYUR, RGYU MA TSANG NA 'BRAS BU MED PAR 'GYUR GYI RGYU NUS PA DANG LDAN PA TSANG BA LA 'BRAS BU MI SKYE'O ZHES BYA BA 'DI NI 'GAL LO, ,'ON TE 'DI LA 'GAL BA CI YOD CE NA, RGYU DANG 'BRAS BU'I DNGOS PO MED PA GANG YIN PA 'DI NYID 'GAL BA MA YIN NAM, RGYU YI RANG BZHIN THAMS CAD NI, ,MTSUNGS KYANG GAL TE 'BRAS MED NA, ,'O NA 'BRAS BU RANG DBANG NYID, ,DE LTA YIN NA 'BRAS NYID MIN, ,'BRAS BU NI RGYU'I GZHAN GYI DBANG YIN PAS RGYU DE NUS PA YIN NA NAN GYIS SKYED PAR BYED DO, ,DE LTA NA YANG MI 'BYUNG NA NI 'BRAS BUR MI 'GYUR RO, ,'ON TE DE MED NA MED PA'I PHYIR 'BRAS BU YIN NO ZHE NA, DE MED NA MED DO ZHES GA LAS YIN, GAL TE DE YOD NA GDON MI ZA BAR YOD DO ZHES BYA BA DE YANG GA LAS SHE NA, DE LTAR YONGS SU BCAD PA'I PHYIR RO, ,DE MED NA MED DO ZHES BYA BA 'DI YANG YONGS SU BCAD PA NYID LAS SO, ,THAMS CAD KYI TSE'O ZHES GA LAS SHE NA, GNYI GA YANG MTSUNGS SO, ,DE'I PHYIR JI LTAR MTHONG BA DE LTAR KHAS BLANGS PA YIN LA, GNYI GA YANG MTHONG BA YIN NO, ,DE YOD NA GDON MI ZA BAR YOD LA, ,MA TSANG NA MI 'GYUR BA NYID DO ZHES DE GNYI GA YANG KHAS BLANG BAR BYA'O, ,DE LTAR MTHONG BA MED PA'I PHYIR RGYU DANG 'BRAS BU'I DNGOS PO MA YIN NO, ,RJES SU 'GRO DANG LDOG PA DANG, ,KHYAB PAR MTHONG BA YOD MA YIN, ,DE LTAR RGYU DANG 'BRAS BU YI, ,DNGOS PO NYID NI JI LTAR NGES, ,SHE NA, GAL TE KHYAB PAR MA MTHONG BA'I PHYIR RGYU DANG 'BRAS BU'I DNGOS PO MI 'GRUB NA, 'O NA GNYIS SU MED PA LAS MA GTOGS PA 'GA' YANG MTHONG BA MED DO ZHES BYA BA 'DI, RANG LAS RANG GI NGO BOR RTOGS ZHES BYA BAR BSTAN ZIN TO, ,'JIG RTEN GZHAN MA YIN 'JIG RTEN MA YIN, 'JIG RTEN GZHAN GYI SGRUB PAR BYED PA MA YIN, THE TSOM MA YIN, 'BYUNG BA CHEN PO'I

, ,YONGS SU 'GYUR BA MA YIN ZHES BYA BA LA SOGS PA RNAM PAR RIG PA TZAM NYID DO,,'ON TE 'DI THA SNYAD DU YIN NO ZHE NA, 'JIG RTEN PHA ROL YANG DE BZHIN NO, ,GAL TE GNYIS MED KYIS CHOG NA, ,KHYED CAG RNAM KUN GROL BA NYID, ,THA SNYAD 'JUG PA NA, 'JIG RTEN PHA ROL YANG DE BZHIN NO, ,GAL TE GNYIS MED KYIS CHOG NA, ,KHYED CAG RNAM KUN GROL BA NYID, ,THA SNYAD 'JUG PA BYED NA NI, ,'JIG RTEN GZHAN YANG BSAM PAR GYIS, ,'KHRUL PA YIN GYI 'OG TU 'KHRUL PA 'DI NYID BLA STE, RAB TU ZHI BA DANG MTHO RIS LA SOGS PA DANG RJES SU MTHUN PA'I PHYIR RO, ,'DOD CHAGS LA SOGS PA'I NOR PA NI PHAN PA DANG, SKYE BO DAM PA LA SOGS PA NYAMS PAR BYED PA YIN NO, ,'DI LTAR MIG LA SOGS PA DANG 'DOD CHAGS LA SOGS PA'I DBYE BA MTHA' DAG NI THOG MA MED PA'I BAG CHAGS KYI STOBS LA BRTEN PA RNAM PAR RIG PA TZAM LAS THA DAD PA MA YIN NO, ,DES NA MIG LA SOGS PA DANG MI LDAN PA YANG SKYE BA GZHAN DU YANG MIG LA SOGS PA DANG LDAN PAR 'GYUR RO, ,DE BAS NI SKYE BA BRGYUD PA RNAMS SU RNAM PA 'DI NYID YIN PA DANG THOG MA MED PA YANG YIN NO, ,CI SRID NOR PA RAB TU ZHI BAR MA GYUR PA DE SRID DU NI DE THA MA MED PA YANG YIN NO, ,MIG LA SOGS PA BDEN PA NYID DAM, PHYI ROL GYI DON YIN PA DE LTA NA YANG RANG BZHIN 'DI THOG MA MED PA YIN PA'I PHYIR 'KHOR BA THOG MTHA' MED PA NYID DO, ,GAL TE 'BYUNG BA CHEN PO'I KHYAD PAR SRA BA NYID LA SOGS PA NI DMIGS PA NYID DO, ,DES NA DE LA KHYAD PAR YOD PAS 'BYUNG BA CHEN PO LAS BYUNG BA YIN YANG HA CANG THAL BA MA YIN NO, ,DE'I PHYIR SRA BA LA SOGS PA'I KHYAD PAR NYID SA BON GYI BDAG NYID YIN PAS DE NYID LAS SROG CHAGS 'BYUNG BA YIN NO ZHE NA, 'DI LA RGYU DANG 'BRAS BU'I DNGOS PO NYID MED PAR 'GYUR RO ZHES BSHAD ZIN TO, ,GZHAN YANG, GONG DU DROD GSHER LA SOGS PA'I, ,SKYE BO SKYE BAR MI 'GYUR BA'I, ,SA SOGS CHA DE 'GA' YANG MED, ,DE PHYIR THAMS CAD SA BON BDAG ,SRA BA NYID LA SOGS PA'I KHYAD PAR GYI RNAM PAR DBYE BAS NI, SROG CHAGS KYI RNAM PAR DBYE BA SKYED PAR BYED PA MA YIN TE, THAMS CAD DU SROG CHAGS MTHONG BA'I PHYIR RO, ,DROD GSHER LA

SOGS PA LAS SKYES PA'I SROG CHAGS NI, RNAM PAR DBYE BA MED PAR MA MTHONG BA MA YIN NO, ,DES NA RNAM PAR DBYE BA NI SRA BA LA SOGS PAS BYAS PA MA YIN PAS SEMS PA'I MTSAN NYID KYI LAS TZAM 'BA' ZHIG LUS PA YIN NO, ,'ON TE SROG CHAGS KYI RIGS SRA BA LA SOGS PA'I RJES SU 'GRO BA CAN DMIGS SO ZHES BRJOD NA, DE'I RIGS MTSUNGS PA THAMS CAD DE'I RANG BZHIN GYI SROG CHAGS KYI BDAG NYID DU 'GYUR RO, ,BCAGS NAS BZHAG PA'I CHU 'GYUR BA GANG YIN PA DE MTHA' DAG ,DE'I RANG BZHIN SROG CHAGS KYI BDAG NYID DU 'GYUR BAS SROG CHAGS RNAMS KYI MDOG DBYIBS MI 'DRA BA GA LAS YIN, 'DI LTA MGO DMAR BA DANG LUS PO SER BA LA SOGS PA'I CHU'I SROG CHAGS GZHAN MTHONG BA'I RNAM PA DE DAG GANG LAS YIN, NAM YANG PAD SOGS DBYE BA DES MED PAR, ,DE DNGOS SA BON LAS MTHONG 'DOD DAM CI, ,SROG CHAGS DBYE BA KUN DU SA BON LAS, ,DES MED LAS 'DI NGES PAR BYED PA YIN, ,DE'I PHYIR DBANG SOGS RANG RIGS LA, ,LTOS MED PAR NI 'BYUNG YIN NA, ,CI LTAR GCIG NI YONGS GYUR BZHIN, ,KUN 'GYUR KHYAD PAR MED PHYIR RO, ,BSDU BA'O, ,GZHAN YANG YID KYI RNAM PAR SHES PA LA BRTEN PA'I DBANG PO RNAMS, RANG GI 'BRAS BU BYED PA YIN GYI, YID KYI RNAM PAR SHES PA NYID NI DE LA BRTEN PA MA YIN NO, ,DES NA YID KYI RNAM PAR SHES PA NYID LAS, DBANG PO RNAMS 'BYUNG BA YIN GYI, SA DANG CHU LA SOGS PA DAG LAS NI MA YIN NO ZHES BYA BA STON PA NI DBANG RNAMS RE RE LA GNOD NA ZHES BYA BA LA SOGS PA YIN NO, ,YANG NA RE ZHIG YID KYI RNAM PAR SHES PA NI DE CHOGS PA'I RANG BZHIN LUS LA SKYE BA MA YIN NO, ,DBUGS 'BYUNG RNGUB LA SOGS PA NI 'BYUNG BA CHEN PO YONGS SU GYUR PA'I RANG BZHIN NYID YIN TE, PHA MA'I SA BON RTZAM LAS YIN PA'I PHYIR RO, , 'KHOR BA PA YANG YID KYI RNAM PAR SHES PA YIN GYI DBANG PO LA SOGS PA NI MA YIN TE, 'DI LTAR, CHANG DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA RNAMS, ,YID KYI RNAM SHES KHO NAR 'DOD, ,SKYE DANG 'CHI 'PHO BTANG SNYOMS TE, ,ZHES BSHAD DO, ,DES

, ,NA YID 'KHOR BA PA YIN GYI, ,'BYUNG BA LA BRTEN PA NI MA YIN TE, ,GANG GI PHYIR, DBANG RNAMS RE RE LA GNOD NA, ,YID BLO LA GNOD YOD MA YIN, ,'DI 'GYUR NA NI DE DAG KYANG, ,'GYUR BA RTAG TU MTHONG BA YIN, ,'JIGS PA DANG MYA NGAN DANG DGA' BA DANG, KHRO BA LA SOGS PA YID KYI BLOR 'GYUR NA, MIG LA SOGS PA 'GYUR BAR MTHONG BA'I PHYIR MIG LA SOGS PA NI YID KYI RNAM PAR SHES PA LA BRTEN PA YIN NO, ,DES NA DANG PO'I SKYE BAR YANG DE LA BRTEN PA NYID YIN PA'I PHYIR SRID PA GZHAN 'GRUB BO, ,DE BZHIN DU YID KYI RNAM PAR SHES PA NI LUS LA BRTEN PA MA YIN TE, YID KYI RNAM PAR SHES PAS RNAM PAR 'GYUR BA DBANG PO LNGA'I TSOGS KYI 'BRAS BU LA BRTEN PA'I PHYIR RO, ,GAL TE MIG LA SOGS PA YID KYI RNAM PAR SHES PAS RNAM PAR 'GYUR BA YIN MOD KYI DE NYID LAS SKYES SO ZHES BYA BA GA LAS, BUM PA LA SOGS PA'I DNGOS PO ME LAS RNAM PAR 'GYUR BAR GYUR PA DAG ,ME NYID LAS SKYE BA NI MA YIN NO ZHE NA, BUM SOGS GZHAN DU MTHONG YIN PA, ,DES NA DE NYID LAS DE MIN, ,DBANG PO DE YI 'GYUR BA LAS, ,RNAM PA GZHAN DU MTHONG BA MED, ,DBANG PO LA SOGS PA THAMS CAD NI, ,GSAL BA LA SOGS PA'I MTSAN NYID KYIS MTSON PAR DMIGS PA YIN GYI, BUM PA LA SOGS PA NI MES BYAS PA'I RNAM PAR 'GYUR BA CAN NYID MA YIN NO, ,DES NA BUM PA LA SOGS PA NI DPE MA YIN NO, ,'ON TE GAL TE YANG DA LTAR YID KYI RNAM PAR SHES PA LA BRTEN PAR MTHONG DU CHUG PA DE LTA NA YANG GZHAN GYI TSE YANG DE LTA BU NYID DO ZHES GA LAS SHE NA, DE NI MA YIN TE, GAL TE ME LAS DE DU BA, ,MTHONG YANG DE DE NYID LAS NI, ,GZHAN TSE'ANG YIN ZHES BYA 'DI LA, ,MNGON SUM TSAD MA 'GA' LAS MED, ,DE'I PHYIR, DPER NA DE NI NGO SHES PAS, ,DU BA ME SNGON CAN RTOGS PA, ,DE BZHIN DANG PO SKYE BA NI, 'BYUNG BA YID KYI 'GYUR BA RTOGS, ,SKYE BA DANG PO'I MIG LA SOGS PA G-YER BAG LA SOGS PA DANG LDAN PA YIN GYI RANG BZHIN GYIS RNAM PAR 'GYUR BA NYID DU NGO SHES PA DE DAG NI DE LTA BU NYID YIN NO ZHES RTOGS PAR RIGS TE, DPER NA DE'I 'BRAS BU LAN CIG 'GA'

ZHIG TU ME SNGON DU 'GRO BA CAN DU MTHONG BAS, PHYOGS GZHAN DU DE SNGON DU 'GRO BA CAN NYID NGO SHES PA DAG ,GZHAN DU MA YIN NO ZHES RTOGS PA BZHIN NO, ,DE'I PHYIR, DBANG PO YID KYI SHES PA LAS, ,YID KYI SHES PA'ANG DE LAS YIN, ,DE LAS KYANG YANG DER 'GYUR PHYIR; ,SRID PA THOG MTHA' MED PAR GNAS, ,,GAL TE YID KYI BLO YANG DBANG PO RNAM PAR 'GYUR BAS RNAM PAR BSGYUR BAR BYA BA MA YIN NAM, 'DI LTAR, MIG SOGS NYAMS PAR 'GYUR NA YID, ,DMAN PA LA SOGS DAG TU MTHONG, ,DES NA CI PHYIR DER BRTEN PA, ,TSU ROL MDZES MIN CIS MI RTOGS, ,'DI NI MED DE, BU SOGS DBANG PO BRAL BAS KYANG, ,YID 'GYUR BA NI YOD PAS NA, ,YID DE LA BRTEN THOB 'GYUR TE, ,NGES PA GNYI GA LA YANG MED, ,GAL TE THAMS CAD DU BU LA SOGS PA'I MIG LA SOGS PA 'GYUR BAS 'GYUR BA MA YIN PAS, NGES PA MED PA'I PHYIR BU LA SOGS PA'I MIG LA SOGS PA NI RTEN MA YIN, NGES PA MED PA'I DE NI GNYI GAR YANG MTHONG NGO, ,KHA CIG BDAG NYID MIG LA SOGS PA GYUR KYANG YID MI 'GYUR RO, ,DE YANG RTEN MA YIN PA'I PHYIR DBANG PO DAG NI RTEN MA YIN PA NYID DO, ,DE LTA NA 'O NA YID KYI RNAM PAR SHES PA DBANG PO RNAMS KYI RTEN YIN GYI, DBANG PO RNAMS NI YID KYI MA YIN PA'I PHYIR YID RTEN MED PAR THAL LO, ,MIG LA SOGS PA'I RNAM PAR SHES PA DRUG CAR YANG, RTEN 'GA' ZHIG DANG NI LDAN PAR 'GYUR BAR DGONGS SO ZHE NA, DE NI MED DO THAMS CAD LA GDON MI ZA BAR RTEN 'GA' ZHIG YOD DO ZHES BYA BA'I NGES PA NI MED DO, ,'ON TE MNGON PAR ZHEN NA DE YANG BRJOD PA NI, ,DE PHYIR BLO GNAS PA YI RTEN, ,BLO NYID LA NI BRTEN PA 'GA', ,DBANG PO RNAMS KYI RGYU MTSAN YIN, ,DE PHYIR BLO LAS DBANG PO YIN, ,DE'I PHYIR BLO GNAS PA'I RTEN SEMS PA'I MTSAN NYID LAS KYI MING CAN GANG YIN PA DE NYID DBANG PO RNAMS KYI RGYU MTSAN YIN NO, ,'O NA DE NYID MIG LA SOGS PA'I DBANG PO LA BRTEN PA YIN NO ZHE NA, DE'I PHYIR BSHAD PA NI, DE YANG BLO NYID LA NI BRTEN PA YIN GYI, DBANG PO LA NI MA YIN NO, ,DBANG PO DAG NI DE'I

, ,RTEN MA YIN TE, SEMS PA'I LAS DANG BSAM PA'I LAS ZHES GSUNGS PA'I PHYIR RO, ,SEMS PA NI 'DI DANG 'DI'O ZHES BYA BA'I BDAG NYID CAN YIN LA, DE YANG MTSAMS SBYOR BA'I RANG BZHIN, BLO SNGA MA NYID LA BRTEN NAS 'BYUNG BA YIN GYI, LUS LA BRTEN PA NI MA YIN NO, ,DE YANG 'GA' ZHIG NYID DBANG PO RNAMS KYI RTEN YIN GYI, THAMS CAD NI MA YIN TE, GZUGS MED PA'I KHAMS NA DBANG PO MED PA'I PHYIR RO, ,LUS LA SRID PA DANG BCAS PA'I LAS KYIS DBANG PO RNAMS SKYED PA YIN TE, DE LA MNGON PAR DGA' BA DANG LDAN PA'I PHYIR RO, ,MNGON PAR DGA' BA NI SRID PA'I YUL THOB NA SKYE BA YIN NO, ,DES NA BLO LAS DBANG PO YIN GYI DBANG PO RNAMS LAS NI MA YIN NO ZHES BYA BA NI MJUG BSDU BA'O, ,DE'I PHYIR, YID NYID RGYU YIN PAS, SNGA MA SNGA MA'I SKYE BA NI YID KYIS 'PHANGS PA YIN NO, ,GAL TE NGA'O ZHES DE LTAR BDAG TU RTOG PA'I RANG BZHIN YID KYI BLO LAS DA LTAR BA'I SKYE BA YIN NA, DE LTA NA 'O NA SKYE BA PHYI MA YID CHES PA'I RGYU CI YOD, YID NI LUS LA BRTEN PA'O ZHES KYANG CI LTAR BSHAD CE NA, SMRAS PA, DE 'DRA BA ZHIG 'PHAN BYED 'GYUR, ,DE 'DRA PHYIS KYANG 'GYUR BA YIN, ,DE YI SHES PA PHAN 'DOGS PHYIR, ,YID NI LUS LA BRTEN PAR BSHAD, ,YID KYI BLO DE BDAG TU 'DZIN PAS ZIN PA, CI 'DRA BA ZHIG 'KHOR BA'I CHU BOR LTUNG BA RNAMS KYI THOG MA MED PA CAN GYI SKYE BA'I RGYUN GYI 'PHAN BYED DU GYUR PA, DE 'DRA BA NI PHYIS KYANG 'PHAN BYED DU 'GYUR BA YIN GYI, DE BZHIN DU 'GYUR BA NI MI RUNG BA'I PHYIR, DE NYID PHYIS KYANG SKYE BA DANG 'BREL BAR 'GYUR RO, ,GANG ZHIG GANG BYED PA NYID RANG BZHIN DANG, KHYAD PAR MED PA'I RANG BZHIN DE NI, ,DE BYED PA NYID DE DPER NA BUD SHING RLON PA LA SOGS PA DANG 'BREL PA, DU BA SKYED PA'I RANG BZHIN DU KHYAD PAR MED PA'I ME GZHAN BZHIN NO, ,DE LTA MA YIN NA RGYU DANG 'BRAS BU'I DNGOS POR MI 'GYUR ZHING, THA SNYAD MED PAR 'GYUR BA'I PHYIR, 'GRO BA SPYOD PA MED PAR 'GYUR RO, ,'ON TE LUS DANG SEMS NI, PHAN TSUN RJES SU BYED PA YIN NO ZHES GSUNGS PAS NA, BCOM LDAN 'DAS KYIS YID KYANG LUS LA BRTEN PAR BSTAN PA MA YIN NAM ZHE NA,

'DI LA LAN NI LUS KYI RNAM PAR SHES PAS PHAN GDAGS PAR BYA BA YIN PA'I PHYIR, YID LUS LA BRTEN PAR BCOM LDAN 'DAS KYIS BSHAD KYI, MIG LA SOGS PA'I RNAM PAR SHES PA LA, MIG LA SOGS PA LTAR DNGOS SU NA LUS DE'I RTEN MA YIN NO, ,DE'I PHYIR RANG 'DZIN PA'I MTSAN NYID KYI, YID NI MIG LA SOGS PA'I DBANG PO LA BRTEN PA MA YIN, LUS LA BRTEN PA MA YIN TE, 'DI NI RIGS MTSUNGS PA'I YID LA BRTEN PA NYID YIN PAR RIGS TE, GZUGS MED PA'I KHAMS NA'ANG DE YOD PA'I PHYIR DANG, DE SRID PAR YANG STON PA'I PHYIR RO, ,YANG NA DBANG PO MED PAR BLO MI 'BYUNG MOD, ,DE LTA NA YANG 'JIG RTEN PHA ROL MED PA NI MA YIN TE, PHAN TSUN RTEN PA NYID YOD PA'I PHYIR RO, ,DE BSHAD PA NI, GAL TE'ANG DBANG PO MED PA'I BLO, ,MA YIN DE YANG DE MED PHYIR, ,DE LTA'ANG PHAN TSUN RGYU MTSAN NYID, ,DES KYANG PHAN TSUN RGYU CAN YIN, ,CI LTAR KHYOD KYIS DE LTAR MTHONG PA'I PHYIR, ,DBANG PO'I BDAG NYID CAN GYI LUS MED PAR BLO MI 'GYUR RO ZHES KHAS BLANGS PA DE BZHIN DU DBANG DE DAG KYANG, YID KYI BLO MED PAR MA YIN NO ZHES KHAS BLANGS BAR BYA STE, KHAS LEN PA'I RGYU DE LTAR MTHONG BA NYID NI MTSUNGS PA'I PHYIR RO, ,DE LTA YIN DANG PHAN TSUN RGYU NYID YIN PAR THAL BAR 'GYUR TE, GNYIG RGYU MTSAN PHAN TSUN PHAN 'DOGS PA'I PHYIR RO, ,PHAN TSUN GYI RGYU CAN DAG GI TSOGS PA YANG, TSOGS PA GZHAN LAS SKYE BA CAN YIN NO, ,TSOGS PA DES KYANG SNGA MA DANG PHYI MA'I LUS DANG SEMS DAG DBUS KYI GNAS SKABS BZHIN DU, PHAN TSUN GYI RGYU CAN YIN PAR SHES PAR BYA'O, GAL TE LUS NYID YID KYI BLO'I RTEN YIN GYI DE NI LUS KYI MA YIN NA, DE'I PHYIR RIM PA DANG LDAN PA'I LUS LAS BLO 'BYUNG NGAM, 'ON TE RIM PA CAN MA YIN PA LAS 'GYUR TE, RNAM PA GZHAN MED PA'I PHYIR RO, ,DE LA RE ZHIG RIM CAN MA YIN PA LAS NI MA YIN TE, 'DI LTAR, RIM CAN MIN LAS RIM CAN MIN, ,KHYAD PAR CAN MIN LTOS PA'ANG MED, ,LUS LAS RIM GYIS BLO 'BYUNG NA, ,DE YI RIM PA GSAL BAR BYED, ,YID KYI BLO 'DI NI RIM PA DANG LDAN PA YIN TE,

, ,DE LTA MA YIN NA NGA'O ZHES RANG GI RNAM PA 'DZIN PA NA, 'DAS PA DANG MA 'ONGS PA DANG DA LTAR BYUNG BA RANG NYID KYI RANG BZHIN MTHA' DAG 'DZIN PA'I PHYIR SKYE BA RIL 'DZIN PAR THAL LO, ,'ON TE GNAS SKABS MI 'DZIN PAR SNGA PHYI KHYAB PA RTOGS PA MA YIN NO, ,GNAS SKABS GZUNG BA MA YIN NA, ,JI LTAR GNAS SKABS CAN RTOGS 'GYUR, ,KHYAB BYA GZHAN BZUNG MED PAR NI, ,KHYAB BYED RTOGS PA MED PHYIR RO, ,GAL TE BYUNG BA DANG 'BYUNG BAR 'GYUR BA'I PHYIR GNAS SKABS MA RTOGS NA, KHYAB BYA MA RTOGS PA'I PHYIR RO, ,JI LTAR KHYAB PAR BYED PA DE BZHIN DU RTOGS PAR 'GYUR, DE'I RANG BZHIN DU MA RTOGS KYANG DE LTAR 'GYUR BA NI MA YIN TE, DE NYID DAM GZHAN NYID DU RNAM PAR 'JOG PAR BYED PA NI RTOGS PA NYID YIN NO, ,GAL TE 'DI KHYAB BYED NYID DU MA RTOGS NA DE'I TSE, DE RANG BZHIN GZHAN DU RTOGS SO ZHES BYA BAR 'GYUR RO, ,DES NA DA LA DUS GZHAN DU GNAS PA MED PA'I PHYIR, DUS GZHAN DANG LDAN PAR SKYE BAR RTOGS PA GZHAN MED PA YIN NO, ,DES NA RIM PA DANG LDAN PAR RTOGS PA YIN TE, DE'I PHYIR RIM CAN MA YIN PA LAS RIM CAN 'BYUNG BA MA YIN NO, ,GAL TE RGYU RIM PA CAN MA YIN MOD, 'BRAS BU DE LTA BU NYID DU 'GYUR BAR BYA'O ZHES BYA BA GA LAS, RGYU LAS THA MI DAD PA KHO NA NI 'BRAS BU MA YIN TE, MI 'DRA BA YANG MTHONG BA'I PHYIR RO ZHE NA, 'DIR SMRAS PA, GAL TE RIM MIN LAS 'BRAS NA, ,DE YI TSE NYID MTHA' DAG 'GYUR, ,DE'I TSE YONGS SU RDZOGS PA'I PHYIR, ,GZHAN GYI TSE NI DE MED NYID, ,GAL TE 'BRAS BU'I DUS SU BZUNG NA, DE LTA NA DE 'BRAS BU MED PAR 'GYUR RO, ,DE'I TSE MA RTOGS PA NI DE'I RGYU MA YIN NO, ,GAL TE DE RTOGS NA NI, GCIG YIN PA'I PHYIR 'JIG PA'I MTHAR THUG PA RTOGS PA'I PHYIR, DE NYID KYI TSE ZHIG PAR 'GYUR TE, DE LTA NA DE RIM PA CAN MA YIN PAR 'GYUR RO, ,DES NA ZHIG PA'I 'OG TU 'BRAS BU MI 'BYUNG BA NYID DAM BYUNG BA NA YANG 'BRAS BU MA YIN NO, ,'ON TE RIM GYIS RTOGS PAS RGYU RIM PA CAN YIN NO ZHE NA, DA LTA NA RIM PA MED PA MA YIN NO, ,SNGON PO NYID DU RTOGS PA NI SNGON PO MA YIN PA MA

YIN NO, ,YANG NA, RGYU LAS 'BRAS BU DE YI NI, ,RANG BZHIN SKYE BAR MI BRJOD KYI, ,'ON TE RGYU DANG 'BRAS NYID NI, ,RJES 'GRO LDOG PA LAS ZHE'O, ,'BRAS BU RGYU DANG MI 'DRA BA YANG 'BRAS BU KHO NA YIN TE, RGYU DANG 'BRAS BU NYID NI RJES SU 'GRO BA DANG LDOG PA'I RJES SU BYED PA'I MTSAN NYID YIN BA'I PHYIR RO, ,GANG LA RJES SU 'GRO BA DANG LDOG PA MED PA DE NI RGYU MA YIN ZHING 'BRAS BU MA YIN NA, GANG YANG DE LTA BU NYID KYI RGYU YOD PA NA MI 'BYUNG BA, DE NI RGYU'I DUS SU BYED PA MA YIN PA NYID DO, ,GAL TE DE MED NA MI 'BYUNG BA ZHES BYA BA TZAM GYIS 'BRAS BUR 'GYUR BA MA YIN NO, ,DE YANG GDON MI ZA BAR 'GYUR RO ZHES BYA BA 'DI GAR DGOS SHE NA, GAL TE DE YOD KYANG MED NA, ,MED NA MED PA NYID GANG LAS, ,DE MED PA 'DI DE MED PAS BYAS SO ZHES PA DE GANG LAS, GAL TE 'DI RGYU NUS PA NYID YOD PAS NA YANG MI 'GYUR NA NI, DE'I RGYU NYID DU MI 'GYUR RO, ,DE MED PA 'DI DE MED PAS BYAS SO ZHES BYA BA 'DI YANG GA LAS RTOGS, JI LTAR DE'I GNAS SKABS NYID KYI RGYU YOD PA NA RANG NYID MI 'BYUNG BA DE BZHIN DU DE MED NA YANG RANG NYID MI 'BYUNG BA YIN PAR 'GYUR TE, RANG DBANG YIN PA'I PHYIR RO, ,RGYU'I GZHAN DBANG YIN NA NI, NUS PA YOD NA GDON MI ZA BAR 'BYUNG BA'I PHYIR RO; ,DON RNAMS DNGOS PO MED PA NI, ,RANG NYID 'GYUR BA YIN NA YANG, ,DNGOS PO GZHAN GYI DBANG YIN PHYIR, ,CI LTAR RGYU LAS 'BYUNG MA YIN, ,DNGOS PO MED PA NI RGYU MED PA CAN YIN PA'I PHYIR RANG NYID 'GYUR RO ZHES RIGS KYI, DNGOS PO NI RGYU'I GZHAN GYI DBANG YIN PA'I PHYIR, RGYU NUS PA YOD NA MI 'GYUR RO ZHES BYA BA 'DI MI RIGS SO, ,GAL TE 'BRAS BU MED PA RANG DBANG YIN PA'I PHYIR, RGYU YOD PA NYID NA MED PAR RIGS SO ZHE NA, DE LTA NA 'O NA DE MED NA MED DO ZHES DE MED PA RGYU MED PAS BYAS PA MA YIN PA'I PHYIR, ,DE CI LTAR 'DI'I 'BRAS BUR 'GYUR, DES NA RANG NYID MI 'BYUNG BA YIN NO, ,GANG ZHIG GANG GIS ZLOG PAR BYED PA MA YIN PA DE NI, DES NGES PAR BYA BA MA YIN PA DES NA JI LTAR RANG NYID MI 'BYUNG BA DE BZHIN DU 'BYUNG BA YIN TE, DES NA 'BRAS BU MA YIN NO, ,GANG GI TSE RGYU YOD NA 'BYUNG BA NYID YIN PA DE'I TSE NI, RANG GI NGANG GIS 'GAGS PA YIN

, ,YANG; SKAD CIG GZHAN DANG GZHAN SKYED PA'I PHYIR, DE MED PA YIN NA RGYUN CHAD PA YIN PAS, RGYU DANG 'BREL PA NYID DO, ,DE'I PHYIR RIM CAN MA YIN PA LAS RIM CAN 'BYUNG BA MA YIN NO, ,'ON TE RIM PA DANG LDAN PA'I LHAN CIG BYED PA LTOS PA'I RIM CAN MA YIN PA LAS KYANG, 'BRAS BU RIM PA CAN DU 'GYUR RO ZHE NA, DE YANG MED DE, KHYAD PAR CAN MIN LTOS PA'ANG MED, ,KHYAD PAR BSGRUB TU MED PA NI, ,KHYAD PAR THOB PAR BYA BA'I PHYIR, ,'GA' LA'ANG LTOS PA MA YIN NO, ,DE LA NI KHYAD PAR YOD PA MA YIN PA'I PHYIR RO, ,KHYAD PAR YOD NA YANG MI RTAG PA NYID DO, ,KHYAD PAR THA DAD PAR KHAS LEN NA YANG KHYAD PAR DE LA LTOS PA'I, 'BRAS BU DE NYID LAS 'BYUNG BAR 'GYUR GYI, RTAG PA DE LAS NI MA YIN NO, ,KHYAD PAR DE DE'I YIN NO ZHE NA MA YIN TE, KHYAD PAR ZHES BYA BA KHYAD PAR DU BYED PA'AM, KHYAD PAR GYI RTOGS PAR BYED PA YIN, ,KHYAD PAR BYED PA NI MA YIN TE, DE LA KHYAD PAR MED PA'I PHYIR RO, ,KHYAD PAR LAS KHYAD PAR DU 'GYUR BA'I PHYIR DE NYID MI RTAG PA YIN NO, ,THA DAD PA NI THAL BA SNGA MA YIN NO, ,'ON TE KHYAD PAR DU RTOGS PA'I RGYU NYID YIN NO ZHE NA, DE YANG MI 'THAD DE, KHYAD PAR MED LA KHYAD PAR GYI, ,RTOGS PA SKYE BAR 'GYUR MA YIN, ,GAL TE DE LTAR YIN NA NI, ,'KHRUL PHYIR 'BAD PA DON MED DO, ,KHYAD PAR MED PAR RTOGS NA NI, ,RTAG CES DE NI KHONG DU CHUD, ,KHYAD PAR LA 'KHRUL MIN NA YANG, ,RTAG LA TSAD MA GA LA ZHIG ,GAL TE KHYAD MED RTOGS NA NI, , DE LTA NA LTOS CI LTAR 'GYUR, ,GANG PHYIR BYA MED DE LA NI, ,KHYAD PAR YANG NI YOD MA YIN, ,DE LA KHYAD PAR YOD NA NI, ,DE LA LTOS ZHES 'THAD PA YIN, ,'DI YI DON DU LTOS SO ZHES, ,'JIG RTEN PA YI THA SNYAD YOD, ,DE'I PHYIR KHYAD PAR MED PA LA LTOS PA YOD PA MA YIN NO ZHES RIGS SO; ,LUS LAS RIM GYIS BLO 'BYUNG NA, ,LUS KYI RIM PA RTOGS PAR BYED, ,DE LTA MIN NA GANG GIS DE'I, ,RIM PA BYAS PA DE RGYUR GSAL, ,NYAMS MYONG SNGA MA SNGA MA LAS, ,YID KYI BLO DE 'JUG PAR 'GYUR, ,DE LAS GZHAN LAS DE YANG ZHES, ,THOG MA MED PAR GNAS PA

YIN; ,'ON TE BLO SNGA MA LA LTOS PA'I LUS RIM GYIS BLO SKYED PAR BYED NA DE LTA YIN NA, LUS KHYAD PAR DU 'GYUR DGOS SO, ,DES NA BLO DANG LHAN CIG PA'I LUS KYI RGYU NI, DE LTA BUR GYUR PA NYID KYI LUS SNGA MA SNGA MA YIN NO ZHES BYA BAR 'GYUR RO, ,DE LTA YIN DANG, SKAD CIG SNGA MA SNGA MA NI, , SKAD CIG RE RER SNGON MED DE'I, ,RGYU YIN DE YI PHYIR NA RGYU, ,THAMS CAD TSE NA MTHONG BA NYID, ,BLO'I LHAN CIG BYED PA CAN GYI LUS SNGA MA SNGA MA PHYI MA PHYI MA'I RGYU YIN PAR DMIGS PA GANG YIN PA DE NYID DBUS KYI GNAS SKABS BZHIN DU SKYE BA DANG 'CHI BA DAG TU YANG THAMS CAD KYI TSE RGYU YIN NO ZHES BYA BAR 'GRUB PO; ,GZHAN DU NA KHYAB PA MI RTOGS PA'I PHYIR 'GA' YANG GANG GI YANG RGYU NYID DU MI 'GYUR TE, THABS GZHAN MED PA'I PHYIR RO, ,DE'I PHYIR LAN CIG DE LAS NI, ,MTHONG DE GZHAN TSE'ANG DE NYID LAS, ,RGYU DANG 'BRAS BU'I DNGOS PO 'DI, ,DE 'DRA NYID DU RAB TU GRUB, ,THA SNYAD PA DAG GIS RGYU DANG 'BRAS BU KHAS BLANG BAR MI BYA BA YANG MA YIN NO ZHES BYA BA 'DI NI SNGAR BSHAD ZIN PA'I PHYIR BSHOL LO, ,GAL TE JI LTAR DBUS KYI GNAS SKABS KYI LUS RNAM PAR SHES PA DANG BCAS PA'I LUS SNGON DU 'GRO BA CAN NYID DU DMIGS PA'I PHYIR SKYE BA DANG PO'I LUS SNGA MA YANG RNAM PAR SHES PA DANG BCAS PA'I LUS SNGA MA SNGON DU SONG BA CAN YIN PAS, SKYE BA GZHAN GYI RNAM PAR SHES PA NYID LAS 'DI'I RNAM PAR SHES PA YIN LA, 'DI'I RNAM PAR SHES PA LAS KYANG 'BYUNG BAR 'GYUR BA'I SKYE BA'I RNAM PAR SHES PA YIN PA'I PHYIR 'JIG RTEN PHA ROL RAB TU GRUB PA DE BZHIN DU GTAN TSIGS GZHAN LAS BZLOG PA YIN PA'I PHYIR, GZHAN GYI PHYOGS GRUB BO, ,'DI LTAR, GANG GANG 'CHI SEMS DE DANG DE, ,SKYE BA GZHAN DU RJES 'GRO MIN, ,DE SEMS YIN PA'I PHYIR NA DPER, ,NYES BRAL 'CHI BA'I RIG PA BZHIN, ,'CHI BA'I SEMS GANG YIN PA DE NI SEMS GZHAN MTSAMS SBYOR BAR BYED PA MA YIN TE, DPER NA 'DOD CHAGS DANG BRAL BA 'CHI BA'I SEMS BZHIN NO, ,SKYE BA GZHAN DU MTSAMS SBYOR BAR 'DOD PA SO SOR SKYE BA'I SEMS KYANG, 'CHI BA'I SEMS YIN NO, ,DES NA MTSAMS SBYOR BA MED DO, ,'ON TE BZLOG PAS GNOD PA'I PHYIR, ,'ON TE

, ,GTAN TSIGS NYID MA YIN NO ZHE NA, 'O NA NI BZLOG PA YANG GTAN TSIGS MA YIN PA NYID DO, ,'DIS GNOD PA'I PHYIR MTSUNGS SO ZHE NA MTSUNGS PA MA YIN TE, GANG GI PHYIR, GANG ZHIG GANG DANG 'GAL BA DE NI DE MED PA SGRUB PAR BYED PA YIN LA GANG ZHIG GANG DANG 'BREL PA DE NI, DE YOD PA SGRUB PA YIN NO, ,'CHI BA'I SEMS NI MTSAMS SBYOR BA DANG 'GAL BA MA YIN TE, 'DI LTAR, THA MA'I SEMS NI SEMS GZHAN DANG, ,MTSAMS SBYOR BA LA 'GAL CI YOD, ,DGRA BCOM SEMS GANG YIN DE YANG, ,GANG LAS MTSAMS SBYOR MED PAR 'DOD; ,THA MA'I SEMS SEMS GZHAN DANG MTSAMS SBYOR BA MED PA GRUB PAR BYA BA LA DE'AM DE'I YUL DANG LHAN CIG 'GAL BA CI ZHIG YOD NA, GANG GIS DE MED PAR GRUB 'GAL BA CI ZHIG YOD DE, CI YANG MED PA NYID DO, ,LHAN CIG MI GNAS PA'I MTSAN NYID DAM PHAN TSUN SPANGS TE GNAS PA'I MTSAN NYID NI YOD PA MA YIN TE, 'CHI BA'I SEMS NYID 'ONGS PAS MTSAMS SBYOR BA LAS BZLOG PA'I MTHONG BA MED PA'I PHYIR RO, ,DE NYID KYI PHYIR DE YONGS SU SPANGS TE GNAS PAR MTHONG BA MA YIN TE, SKYE BA GZHAN MTSAMS SBYOR BA NI SNANG DU RUNG BA MA YIN PA'I PHYIR RO, ,DE'I PHYIR 'CHI BA'I SEMS NYID NI MTSAMS SBYOR BA DANG 'GAL BA MA YIN TE, 'GAL BA'I RANG BZHIN RNAM PA GNYI GA YANG MA MTHONG BA'I PHYIR RO, ,DE'I PHYIR MTSAMS SBYOR BA MED PA BSGRUB PA MA YIN NO, ,'BRAS BU NYID NI MTSAMS SBYOR BA MED PA DANG 'GAL BA YIN TE, DES NA DE MED PA SGRUB PAR NUS PA'I PHYIR BZLOG PAS MTSAMS SBYOR BA GRUB BO, ,PHAN TSUN 'GAL BA'I DON LA MI 'KHRUL PA DAG NI GCIG LA MI SRID DO ZHES STON PAR 'GYUR RO, ,GAL TE 'DIR PHAN TSUN SPANGS TE GNAS PA'I MTSAN NYID KYI 'GAL BA YOD PA NYID MA YIN NAM, CI LTAR 'GAL BA MED PA YIN, 'DI LTAR, DGRA BCOM 'CHI BA'I SEMS LA NI, ,MTSAMS SBYOR YOD PA MA YIN TE, ,MAR ME ZHI BAR GYUR PA LTAR, ,DE YI SEMS NI RNAM PAR GROL, ,DGRA BCOM PAR 'DOD PA'I SKYES BU 'CHI BA'I SEMS NI MAR ME BZHIN DU ZHI BA YIN NO, ,DES NA 'CHI BA'I SEMS NI DE YONGS SU SPANGS

TE, RNAM PAR GNAS PAR RTOGS PA'I PHYIR, 'GAL BA GRUB PAS 'GAL BA MED PAR MA GRUB BO ZHE NA, DE YANG 'BREL PA YOD PA MA YIN TE, DGRA BCOM PA'I SEMS GANG YIN PA DE YANG TSAD MA GANG LAS MTSAMS SBYOR BA MED PAR KHYED 'DOD DE, DER KHYED LA TSAD MA YOD PA MA YIN TE, KHYED KYIS DE DGAG PA NYID LA BRTZON PA'I PHYIR RO, ,GAL TE DGRA BCOM PA KHAS LEN NA NI DE'I PHYIR DE LA NYON MONGS PA DANG BRAL BAR BYAS PA MTSAMS SBYOR BA MED PAR 'GYUR GYI GZHAN DU NI MA YIN NO, ,NYON MONGS PA DANG BRAL BA DE YANG SO SO'I SKYE BO RNAMS LA MED PA'I PHYIR, 'CHI BA'I SEMS NYID YIN YANG MTSAMS SBYOR BA MED PAR GA LA 'GYUR, 'CHI BA'I SEMS NYID NI MTSAMS SBYOR BA DANG 'GAL BA MA YIN TE, NYON MONGS PA DANG BRAL BA MTSAMS SBYOR BA MED PAR KHAS BLANGS PA'I PHYIR RO, ,DE YANG KHAS LEN PA MA YIN NO, , GAL TE GRUB MTHA' NYID LAS 'GA' BAR RTOGS SO ZHE NA, MA YIN TE, GRUB PA'I MTHA' NI DGRA BCOM PA 'CHI BA'I SEMS NYID 'GAL BAR SGRUB PA'I DON DU 'JUG PA'I PHYIR RO, ,GRUB MTHA' THAMS CAD 'GAL BAR NI, ,SGRUB PAR BYED PA MA YIN TE, ,'CHI BA'I SEMS NI MTSAMS SBYOR BAR, ,LA LAR DES NI STON PA YIN, ,'ON TE MTSAMS SBYOR MED PA NA, ,TSAD MAS RAB TU GRUB YIN PA, ,DES NA DE LA TSOD MIN PHYIR, ,'GAL BA YOD PAR SRID CE NA, ,DE YANG MA YIN TE, GAL TE GRUB PA'I MTHA' TSAD MAS GNOD PA YIN NO, ,DE'I TSE TSAD MA MA YIN PAS DE LAS 'DOD PA GRUB PAR GA LA 'GYUR, DE BSHAD PA NI, TSAD MAS MA GRUB DON CAN GYI, ,GRUB MTHA'I RJES SU 'BRANG NGAM CI, ,GAL TE DE RGYU 'BRAS PHYIR NA, ,DE NYID 'DIR NI CIS MA BRJOD, ,GAL TE GRUB MTHA' TSAD MA MA YIN PA NYID YIN PA DE'I TSE DE LA MTSAMS SBYOR BA DE 'CHI BA'I SEMS 'GAL BAR MI 'GRUB BO, ,RJES SU 'BRANG NGAM CI STE RJES SU 'JUG GAM CIG ,TSAD MA MA YIN PA NI RJES SU 'BRANGS KYANG TSAD MAR 'GYUR BA MA YIN NO, ,GAL TE TSAD MA YIN NA NI, THAMS CAD TSAD MA YIN PA'I PHYIR BZLOG PA GRUB BO, ,LA LAR NI TSAD MA YIN, LA LAR NI

, ,MA YIN NO ZHE NA, MA YIN TE, 'DOD PA NI RGOL BA DANG PHYIR RGOL GNYI GA LA YANG MTSUNGS PA'I PHYIR RO, ,GAL TE RGYU DANG BRAL BA'I PHYIR RO ZHES BYA BA'I GTAN TSIGS 'GAL BA'I SGRUB PAR BYED PA YIN GYI, GRUB PA'I MTHA' NI MA YIN NO ZHE NA, GAL TE RGYU DANG BRAL BA'I PHYAR DE MTSAMS SBYOR BAR BYED PA MA YIN NA, RGYU DANG BRAL BA DE NYID CI'I PHYIR MA BRJOD, GTAN TSIGS NYID DU MA BSHAD DE 'CHI BA'I SEMS YIN PA'I PHYIR ZHES MA NGES PA'I GTAN TSIGS BKOD PAS CI BYA, YANG NA GAL TE DE RGYU BRAL PHYIR NA, GAL TE RGYU LUS LA SOGS PA'I MTSAN NYID 'CHI BA'I GNAS SKABS NA BRAL BA GTAN TSIGS YIN NA 'DIR LHAG PA CI ZHIG BRJOD DE, 'DI YANG GTAN TSIGS LTAR SNANG BA NYID DO, ,SNGA MA NI MA NGES PA YIN LA, 'DI NI MA GRUB PA YIN TE, GANG GI PHYIR RGYU DANG BRAL BA DE NYID 'DI LA YOD PA MA YIN NO, ,YANG DE NYID 'DIR NI NO TI TA MA ZHES BYA BA LA NO ZHES BYA BA NI DGAG PA YIN NO, ,AA DANG MA DANG NO DANG NA RNAMS NI DGAG PA'I SGRA RJOD PAR BYED PA'I PHYIR RO, ,DES NA DON 'DI YIN TE, CI NO TI TAM STE, MA NYAMS SAM, NYAMS PA NYID DO ZHES BYA BA'I DON TE, BRAL BA NYID MA GRUB STE, MA TSANG BA MED PA'I YID SNGA MA RGYU YIN PA'I PHYIR RO, ,DE CI LTAR YIN PA DE LTAR YANG BSTAN ZIN TO, ,'ON TE YANG RGYU DANG BRAL BA'I MTSAN NYID KYI GTAN TSIGS 'DI NI MA GRUB PA MA YIN TE 'DI LTAR DBANG PO DANG BCAS PA'I LUS SAM, DBANG PO MED PA SKRA DANG SEN MO'I RTZE MO LA SOGS PA'I MTSAN NYID YID KYI RNAM PAR SHES PA'I RTEN YIN TE, 'DI LTAR SNYING GI MTSAN NYID KYI LUS NYID RGYU LAS SAM, GZHAN LAS SKYE BA YIN NO ZHE NA, DE NI MI RIGS TE, LUS NI RNAM PA GNYIS PO DBANG PO DANG BCAS PA DANG, DBANG PO MED PA SO SO 'AM GZHAN DU RGYU YIN PAR 'GYUR LA, RE ZHIG DBANG PO DANG BCAS PA NI MA YIN TE, DE BLO BZHIN DU 'DZIN 'GYUR PHYIR, ,DBANG PO BCAS LA YID SHES MIN, ,SHES SKYED NUS PA THA DAD PHYIR, ,KUN LAS KYANG NI MA YIN NO, ,SEMS MED NYID PHYIR GZHAN LAS MIN, ,RGYU GCIG PHYIR NA LHAN CIG GNAS, ,DBANG BZHIN GZUGS DA

RO BZHIN NO, ,DON GYI SGO NAS 'GYUR BA YIN, ,RE ZHIG SO SOR DBANG PO DANG BCAS PA'I LUS RGYU MA YIN NO, ,DBANG PO NUS PA DAG DANG LHAN CIG 'JUG PA'I PHYIR DBANG PO DANG BCAS PA STE, DBANG PO RANG BZHIN NYID DO, ,NUS PA NI NUS PA CAN LAS GZHAN MA YIN PA'I PHYIR RO, ,DES NA SO SO BA'I DBANG PO DAG NYID LAS YID KYI RNAM PAR SHES PA SKYE BA YIN NO ZHES BYA BA'I PHYOGS SU 'GYUR RO, ,DE BSHAD PA NI, DBANG POR BCAS LA YID SHES MIN, ,DBANG PO DAG LAS SO SOR 'BYUNG BA MA YIN TE, DE BLO BZHIN DU DBANG PO'I BLO BZHIN DU YUL SO SOR 'DZIN PAR 'GYUR BA'I PHYIR RO, ,MIG LA SOGS PA DBANG PO'I RJES SU 'BRANG BA YOD NA, NGES PAR DBANG PO'I RJES SU 'BRANG BA'I PHYIR RO, ,YID GZHAN GYI RANG BZHIN DU 'GYUR BA YIN TE, DE LTA MA YIN NA, DE'I RGYU LAS DE'I RANG BZHIN MA YIN BA 'BYUNG NA, DE'I RANG BZHIN DE GANG LAS 'BYUNG BA YIN TE, DE'I PHYIR RGYU MED PAR 'GYUR RO, ,GAL TE RGYU GCIG YIN YANG DE DANG DE MA YIN PA'I RANG BZHIN GYI 'BRAS BU SKYED PAR MTHONG BA MA YIN NAM, DPER NA ME DU BA DANG THAL BA SKYED PA'I RANG BZHIN YIN PA BZHIN NO, ,TSOGS PA THA DAD PA NI YOD PA YIN TE, GZUGS KYI TSOGS PA NYE BAR GNAS PA'I MIG NI MIG GI RNAM PAR SHES PA SKYED LA GZUGS DANG BRAL BA NI YID KYI RNAM SHES SKYED DO, ,DE BZHIN DU RNA BA LA SOGS PA YANG BRJOD DO ZHE NA, DE NI MA YIN TE, DBANG PO'I BYA BA LA BRTEN NAS, ,'BYUNG BA DBANG PO'I LAS SKYE 'DOD, ,BYA DE DE LA MED PA'I PHYIR, ,JI LTAR DBANG PO LAS 'BYUNG 'GYUR, ,DE BLO BZHIN DU 'DZIN 'GYUR PHYIR, ,ZHES BYA BA 'DI'I DON NI 'DI YIN TE, DBANG PO'I BLO NI DE'I BYA BA'I RJES SU 'BRANGS NAS DON 'DZIN PAR BYED PA'I PHYIR DE LTAR BRJOD PA YIN NO, ,GAL TE YID KYI BLO YANG DE YIN NA YANG DE'I BYA BA'I RJES SU 'BRANGS NAS, DE'I BLO BZHIN DU 'DZIN PA NYID DU 'GYUR RO, ,GZHAN DU JI LTA DE LTAR BSNYAD PAR 'GYUR, DE'I BYA BA'I RJES SU 'BRANGS PA YANG DMIGS PA MED LA DE LAS SKYES PA NYID DU YANG RTOGS SO ZHES BYA BA 'DI NI NYAMS SO, ,DBANG PO LAS NI DON NYE BAR MED PAR YANG MDUN NA GNAS PA'I DON NGES PAR

, ,RTOGS PA'I RNAM PA CAN DANG, RAB RIB KYIS NYAMS PA LAS SKRA SHAD KYI TSOGS MTHONG BA'I RNAM PA LTA BU NI, YID KYI RNAM PAR SHES PA NI MIG BTZUMS KYANG SKYE BA NI YIN NA, JI LTAR DE LAS DBANG PA'I BYED PA YOD, GANG RNAM PAR 'GYUR YANG GANG RNAM PAR 'GYUR BA MA YIN PA DE JI LTAR DBANG PO LAS SKYES PA YIN, DE LA, DE BLO BZHIN DU 'DZIN 'GYUR PHYIR, ,ZHES BYA BA NI DE 'GYUR BAS RNAM PAR SHES PA 'GYUR BAR 'GYUR RO ZHES BYA BA'I DON TO, ,'DZIN PA NI RNAM PAR SHES PA NYID DO, ,CI STE DE 'GYUR BAS 'GYUR BA MA YIN NA, DE LTA NA DE LAS SKYES PA MA YIN NO, ,KUN LAS KYANG NI MA YIN NO ZHES BYA BA LA YANG LAN 'DI NYID YIN NO, ,LAN GZHAN BSHAD PA NI, SHES SKYED NUS PA THA DAD PHYIR, ,SHES PA SKYED PA LA NUS PA THA DAD PA NYID DE, SO SOR GZHAN LA MI LTOS PA NYID DU MTHONG GI ,PHAN TSUN LTOS PA NI MA YIN NO, ,DE LTA MA YIN NA GCIG MED KYANG TSOGS PA MED PAR 'GYUR BA'I PHYIR, ,SA LA SOGS PA MA TSANG BAS MYU GU BZHIN DU MI 'GYUR RO, ,MIG LA SOGS PA MA TSANG BA LA YANG YID KYI RNAM PAR SHES PA 'BYUNG BA YANG YIN NO, ,DE'I PHYIR YID KYI TSOGS PA DANG 'BREL PA MA YIN NO, ,KYANG GI SGRAS NI GTAN TSIGS SNGA MA SDUD PA'O, ,SEMS NYID MED PA'I PHYIR GZHAN DBANG PO MED PA LAS KYANG MTHONG BA MA YIN NO, ,GAL TE SEMS NYID MED PHYIR ZHES BYA BA'I DON CI YIN, GAL TE DBANG PO'I SHES PA DANG BRAL BA'I PHYIR RO ZHES BYA BA YIN NO, ,DE NI 'DOD PA NYID YIN NA JI LTAR 'DIR GTAN TSIGS YIN, GAL TE DE LAS DBANG PO'I RNAM PAR SHES PA MI 'BYUNG DU ZAD MOD, YID KYI RNAM PAR SHES PA GO CI'I PHYIR MI 'BYUNG, GAL TE YID KYI RNAM PAR SHES PA MED PA'I PHYIR SEMS MED PA NYID YIN NA, DE NYID DPYOD PA'I PHYIR DAM BCA' BA'I DON GYI PHYOGS GCIG GTAN TSIGS YIN NO ZHE NA, 'DIR SMRAS PA, GANG TSE SKRA DANG SEN MO SOGS, ,TSOR BYED NYID DU MA MTHONG BA, ,DE TSE DE LAS YID KYIS SHES, ,SKYE BO ZHES NI JI LTAR RTOGS, ,JI LTAR REG PA LA SOGS PA DAG ,TSOR BAR BYED CING CI'I RNAM PAR SHES

PA'I SGO NAS DMIGS PAR BYED PA, DE BZHIN DU SKRA DANG SEN MO LA SOGS PA NI YID KYI RNAM PAR SHES PA'I SGO NAS TSOR BAR BYED PA MA YIN NO, ,DE DANG 'BREL PA NYID YIN NA DE MED PAR YID KYI RNAM PAR SHES PA MI 'GYUR ZHING, DE NYAMS PAS NYAMS PAR YANG 'GYUR RO, ,GAL TE LUS RTEN MA YIN PA DE'I TSE JI LTAR LHAN CIG GNAS SHE NA, DE'I PHYIR BSHAD PA, LHAN CIG GNAS PAR NGES PAR BYED PA'I LAS KYI MING CAN GYI RGYU THA MI DAD PA'I PHYIR NUS PA DE LTAR GNAS PA'I PHYIR DBANG PO BZHIN DANG GZUGS DANG RO BZHIN NO, ,DPER NA DBANG PO RNAMS DANG, GZUGS DANG RO DAG PHAN TSUN RTEN MA YIN YANG DUS CUNG ZAD LHAN CIG GNAS PAR NGES PA BZHIN NO, ,RTEN DANG BRTEN PA'I DNGOS PO NYID NI LHAN CIG GNAS PA'I RGYU MA YIN NO, ,GAL TE DE 'GYUR NA 'GYUR BA'I PHYIR, MIG LA SOGS PA MIG GI RNAM PAR SHES PA LA SOGS PA'I RTEN YIN PA DE BZHIN DU, BAD KAN DANG DUG LA SOGS PAS LUS 'GYUR NA YID BLONG BA LA SOGS PA'I MTSAN NYID DU 'GYUR BA'I PHYIR RTEN DANG BRTEN PA'I DNGOS PO YIN NO ZHE NA, DE YANG MA YIN TE, DON DE GZUNG BAR BYA BA'I SGO NAS 'GYUR BA YIN, DE GOMS PAS GDUNG BA MI BZOD PA DE YID LA GNOD PAS NA, RNAM PAR 'GYUR BA DER 'GYUR RO, ,MTSON GYIS BRDEGS PA LA SOGS PA YID KYIS DMIGS PAS YID GDUNG BAR BYED PA YIN GYI, RTEN DU 'GYUR BA NI MA YIN NO, ,DMIGS PAS NI PHYI ROL LAS RNAM PAR 'GYUR BAR BYED PA YIN NA DE RTEN GYI DNGOS PO NI MA YIN TE, DE MED KYANG SGRO BTAGS PA TZAM GYIS GDUNG BA SKYED BA'I PHYIR RO, ,DE PHYIR YID KYI SGRO BTAGS PAS, ,PHYI DANG NANG GI RNAM PA YOD, ,DE YI 'GYUR BA'I YID KYIS NI, ,RNAM PAR 'GYUR BA DER 'GYUR RO, ,RTEN DANG DMIGS PA DAG NI GCIG NYID MA YIN TE, DES NA LUS DE'I RTEN MA YIN NO, ,DES NA NYON MONGS PA CAN GYI YID NI LUS LA BRTEN PA MA YIN NO, ,DE'I RTEN GANG YIN PA DE NI PHYIS STON PAR 'GYUR RO, ,SNGA PHYI SGRO BTAGS PA TZAM DMIGS PAR ZAD KYI, GZHAN NI MED PA'I PHYIR YID NI DMIGS PA MED CING RTEN MED PA YIN NO, ,GZHAN YANG, PHAN 'DOGS BYED PA TZAM GYIS NI, ,DE YI ZLOG BYED RGYU MA YIN, ,

, ,KHYAD PAR CAN GYI RGYU NYID NI, ,'BRAS BU ZLOG PAR BYED PA YIN, ,GANG GI ZLOG PAR BYED PA NYID YIN PA KHYAD PAR CAN GYI RGYU DE GANG YIN ZHE NA, DE BSHAD PA NI, RTAG TU DE YI RJES 'JUG PAS, ,GANG ZHIG YOD PAS PHAN 'DOGS BYED, ,DE RGYU DE PHYIR BDUN PA DANG, , SKYES PHYIR ZHES NI BSHAD PA YIN, ,GANG ZHIG YOD PAS PHAN 'DOGS PAR BYED PA'O, ,RGYU 'DI NI LOG PAS ZLOG PAR BYED PA'I 'BRAS BU ZLOG PAR BYED PA YIN NO, ,JI LTAR PHAN 'DOGS PAR BYED PA ZHIG CE NA, RTAG TU DE'I RJES SU 'JUG PAS TE, DE'I RJES SU 'JUG PA'I SGO NAS SO, ,RJES SU 'JUG PA NI, RJES SU 'BREL PAS TE, GANG ZHIG YOD PAS THAMS CAD KYI TSE RJES SU 'BREL PAS PHAN 'DOGS PAR BYED PA'O, ,GANG ZHIG RES 'GA' PHAN 'DOGS PAR BYED NUS PA DE MED KYANG RES 'GA' KHYAD PAR GYI MTSAN NYID KYI PHAN PA GZHAN LAS KYANG 'BYUNG BA DE NI RTAG TU RJES SU 'JUG PA MA YIN NO ZHES RIGS SO, ,DE NI LDOG KYANG DE LDOG PA MA YIN NO, ,LUS YOD PA NI RTAG TU PHAN 'DOGS PAR BYED PA MA YIN TE, SEMS SNGA MA RNAM PAR 'GYUR NA YANG RES 'GA' RNAM PAR 'GYUR BA'I PHYIR RO, ,DE'I PHYIR SEMS KYI RNAM PAR 'GYUR BAR BYAS PAS RNAM PAR 'GYUR BA'I PHYIR DES NYE BAR BRTAN PA LAS RES 'GA' LUS MED PAR YANG SEMS KYI RGYUN YOD PA YIN NO ZHES BYA BAR SRID PA YIN NO, ,LUS NI GTEN [?] DU PHAN 'DOGS PA NYID KYI RGYU YIN PAR GRUB PA YANG MA YIN TE, 'DI LTAR, RIGS PA RANG NGAM GZHAN NAM NI, ,SKYES PA'AM RNAM PA GZHAN GYIS KYANG, ,'GA' YIS LUS RGYU YIN PAR NI, ,RTOGS ZHES RNAM PAR RTOGS PA YIN, ,DE LA RE ZHIG RIG PA MA SKYES PAS NI BDAG 'DI LAS 'BYUNG NGO ZHE 'AM BYUNG BAR GYUR TO ZHES SHES PA MA YIN NO, ,SKYES PA'I RIG PA YANG NGA'O ZHES RANG GI NGO BO LA DMIGS SAM GZHAN LA YANG RUNG STE, DE RTOGS PA NYID YIN PAS BDAG NI 'DI LAS RTOGS SO ZHES JI LTAR GZHAN RTOGS PA YIN, GZHAN DMIGS PAS GZHAN RTOGS PA NI MA YIN NO, ,'O NA MIG LA SOGS BA'I RNAM PAR SHES PA RNAMS LA YANG RTOGS PA DE NYID YIN PA'I PHYIR MIG LA SOGS PA RGYU NYID DU GA LAS RTOGS SHE NA, MA YIN TE, DE DAG LA RJES

SU 'GRO BA DANG LDOG PA RTOGS PA YOD PA'I PHYIR RO, ,'DI LTAR, SKYES BUS MIG PHYE BA NYID NI RTOGS PAR 'GYUR BA NYID YIN ZHING, DE MA THAG TU GZUGS MTHONG BA, ,NYID DU RTOGS PAR 'GYUR BA YIN, ,SKYES PA DANG POR PHYOGS PA'I LUS, ,RGYU NYID DU NI RTOGS PA MED, ,SHES PA SNGA NA MED PA NI, ,SHES BYED NYID DU 'GAL BA YIN, ,GAL TE GZHAN GYIS RTOGS SHE NA, ,SNGA NA MED PA GA LAS RTOGS, ,BLTA RUNG MA YIN DMIGS MED PA, ,MED PAR SGRUB BYED MA YIN, ,GNYID LOG PA LAS SAD PA YOD, ,SNGAR SHES DMIGS SU MED PA NA, ,DE LA RMI LAM RNAM PAR SHES, ,SNGAR MED RTOGS PA YOD MA YIN, ,'ON TE GAL TE DE LA SNGON, ,BLO YOD RANG RIG NYID 'GYUR TE, ,GANG PHYIR SAD PAS RMI LAM GYI, ,MYONG BA DRAN PAR MTHONG BA YIN, ,DE NI MA YIN TE, RTOGS PA MED PA YIN NAM CI, ,CIG YOD KYANG BRJED PAR 'GYUR, ,SAD PAS BYAS PA RMI LAM DU, , 'GAS KYANG DRAN PA YONG MA YIN, ,RMI LAM GYI RIG PA NI SAD PA'I SHES PA'I DE MA THAG PA YIN NO ZHES 'GAS KYANG RTOGS PA MA YIN NA, DE LTA NA YANG DE NI DE LTA BU NYID DO, ,'ON TE SAD NA DE RTOGS SO ZHE NA, 'DI YANG SAD NA MI RTOGS SO ZHES BYA BA DE GA LAS YIN, DE'I PHYIR LUS NI RTAG TU PHAN 'DOGS PAR BYED PA NYID DU MA RTOGS PA NYID DO, ,DES NA 'DI LOG NA RNAM PAR SHES PA LDOG GO ZHES RTOGS PA MA YIN NO, ,'ON TE LCI BA LAS AUTPALA SKYE BA YIN LA, DE YOD PA RTAG TU RJES SU 'JUG PAS PHAN 'DOGS PA YIN PA DE LTA NA YANG, LCI BA MED NA DANG PO'I AUTPALA NI MED PAR 'GYUR BA NYID DO ZHE NA, DE YANG GYI NA STE, GANG GI PHYIR, DANG PO LCI BA LAS SKYE BA, ,CI 'DRAR 'GYUR BA DE 'DRAR NI, ,DE MED PAR NI MA MTHONG NYID, ,SHES PA DE LAS BZLOG PA YIN, ,CI 'DRA BA'I AUTPALA LCI BA LAS SKYE BAR MTHONG BA CI 'DRA BA NYID GZHAN GYI TSE YANG DMIGS SAM CI, YID KYI RNAM PAR SHES PA DANG PO DANG PHYIS KYANG DE DANG 'DRA BAR GYUR PA NYID YIN PA'I PHYIR DES MA NGES PA NI MA YIN NO, ,GAL TE 'DI YOD NA 'DI 'BYUNG 'DI SKYES PA'I PHYIR 'DI SKYES ZHES BYA BA 'DI NYID BCOM LDAN 'DAS KYIS RGYU'I MTSAN NYID DU GSUNGS PA MA YIN NAM, GZHAN GTAN DU RJES SU 'JUG

, ,PA NI DPYAD PA MA MDZAD DO, ,DON DAM PA RGYU DANG 'BRAS BU'I DNGOS PO LA BCOM LDAN 'DAS NYID DON DAM PA'I TSAD MA YIN TE, KHYAD PAR RJES SU 'GRO BA DANG LDOG PA 'DZIN PA'I PHYIR ZHES BSTAN PA YIN NO, ,YOD CING MKHO BA DANG LDAN PA'I DON NI BCOM LDAN 'DAS MI GSUNG BA MA YIN NA, DE'I PHYIR 'DI JI LTAR YIN ZHE NA, NYES PA 'DI NI MED DE, GTAN DU PHAN 'DOGS PAR BYED PA NYID DU KHO BO CAG GIS BSHAD PA DE NYID KYI PHYIR NA BDUN PA DANG, DE NYID LAS LNGA PA SKYES PHYIR ZHES KYANG GSUNGS PA YIN, 'DI YOD NA 'DI 'BYUNG ZHES BYA BAS NA GTAN DU RJES SU 'JUG PA NYID BSHAD PA YIN TE, YOD NA ZHES BYA BA NI RGYU MTSAN GYIS BDUN PA YIN NO, ,GZHAN DU NI DE MED KYANG 'BYUNG BA YIN NA NI 'DI'I DNGOS PO DE'I RGYU MTSAN DU MI 'GYUR RO, ,LNGA PA YANG 'BYUNG KHUNGS LA YIN TE, 'BYUNG KHUNGS NYID KYANG SKYE BA PO 'BYUNG BA ZHES BYA BAS SO, ,'BYUNG BA NI RGYU MTSAN NYID DO, ,YANG NA BDAG CAG GIS GZHAN DU BSHAD PAR BYA STE, GAL TE RNAM PAR SHES PA SNGON DU 'GRO BA CAN YIN PA DE LTA NA YANG, SKYE BA DANG PO'I RNAM PAR SHES PA LAS SKYE BA SNGA MA'I RNAM PAR SHES PA ZHES SHES PAR 'GYUR TE, DE NI DE'I 'BRAS BU YIN PA'I PHYIR RO, ,'BYUNG BAR 'GYUR BA'I SKYE BA'I RNAM PAR SHES PA GO GANG LAS RJES SU DPAG ,'ON TE RGYU NUS PA MTHONG BA LAS 'BRAS BU RJES SU DPOG NA, DE LTA NA 'O NA DE RGYU'I MTSAN NYID KYI GTAN TSIGS GZHAN DU THAL LO, ,'ON TE 'BRAS BU LA THE TSOM ZA BAS DUNG BA NYID RJES SU DPOG GO ZHE NA, MA YIN TE, 'BYUNG BAR 'GYUR BA'I 'JIG RTEN PHA ROL MA NGES NA RUNG BA NYID RJES SU DPAG PA DON MED PA NYID DO, ,'BYUNG BAR 'GYUR BA'I 'JIG RTEN PHA ROL RJES SU DPOG NA NI, CHOS LA SOGS PA LA 'JUG PA'I 'BRAS BU BCAS PAR 'GYUR RO ZHE NA, 'DI BSHAD PA NI, 'BYUNG BAR 'GYUR BA'I SKYE BA'I RNAM PAR SHES PA NI RGYU NYID YIN LA DE NYID NI 'BRAS BU YANG YIN NO, ,'DI LTAR, RTAG TU DE'I RJES SU 'JUG PAS, ,GANG ZHIG YOD PA PHAN 'DOGS BYED, ,DE RGYU GANG ZHIG YOD PA LAS, ,RTAG TU RJES SU 'JUG PA NA, ,DE KHYAB PAR PHAN 'DOGS PAR BYED

BA'O, ,THA DAD PA YIN NA KHYAB PAR BYED PA NI RGYU YIN NO, ,DON GZHAN GO BAR BYA BA LA NI 'BRAS BU NYID GTAN TSIGS YIN NO, ,GANG ZHIG DON GZHAN GYI GO BAR BYED PA YIN PA DE NI KHYAB PAR BYED PA NYID YIN TE, DE LTA MA YIN NA 'KHRUL PA'I PHYIR GO BAR BYED PA NYID DU MI 'GYUR RO, ,GANG ZHIG GANG MED PAR MI 'GYUR BA DE NI DE'I RGYU YIN NA, RGYU JI LTAR 'BRAS BU YIN ZHE NA, MA YIN TE, DE'I 'BRAS BU YIN PA'I PHYIR RO, ,'DI LTAR, SEMS SOGS RNAM PAR 'GYUR BA NI, ,DGE LEGS LA SOGS SGRUB BYED YIN, ,DE YIS RNAM 'GYUR DE MTHONG STE, ,DE YANG 'BRAS BUD NYID DU BRJOD,, GAL TE DGE LEGS SU MI 'GYUR NA NI RNAM PAR 'GYUR BA 'DIR MI 'GYUR TE, RNAM PAR 'GYUR BA 'DI NI DES BYAS PA YIN NO ZHES BYA BA NI 'JIG RTEN THAMS CAD KYI THA SNYAD YIN NO, ,GZHAN DU YANG 'DI TZAM NYID KYI 'BRAS BU NYID YIN NO, ,'BYUNG BA CI LTAR RGYU YIN ZHE NA, DE LA MI 'KHRUL BA'I PHYIR RO, ,GAL TE GANG PHAN 'DOGS PA DE RGYU YIN NA, 'BYUNG BAR 'GYUR BA YOD PA MA YIN PA JI LTAR PHAN 'DOGS PA YIN ZHE NA, 'O NA 'DAS PA YANG RGYUR MI 'GYUR TE, DE YANG MED PAS PHAN 'DOGS PA MED PA'I PHYIR RO, ,MA YIN TE, DE SKYE BA'I DUS NA NI YOD PA'I PHYIR RO ZHE NA, DE SKYE BA'I DUS DE GANG YIN, GAL TE 'BRAS BU LAS SNGAR RO ZHE NA, JI LTAR MED PA LA PHAN 'DOGS PA DE NYID KYI PHYIR RGYU YIN TE MED PA BYED PA'I PHYIR RO ZHE NA, MED PA BYED DO ZHES BYA BA'I DON CI YIN, DE'I DE MA THAG TU DE YOD PA'O ZHE NA, DE MA THAG PA DE NI GNYI GA LA LTOS NAS KYANG MTSUNGS TE, JI LTAR 'BYUNG BAR GYUR PA LA LTOS NAS YIN PA DE BZHIN DU 'BYUNG BAR 'GYUR BA LA LTOS NAS KYANG YIN NO, ,DE MA THAG PA NYID NI DE NYID KYI RGYU MTSAN YANG MA YIN TE, CHOD PA YANG RGYU YIN PA'I PHYIR RO, ,'DI LTAR, GNYID STUG LOG PA SAD PA NA, ,RNAM SHES SNGON GYI RIM PA LAS, ,DUS KYIS BAR DU CHOD KYANG NI, ,SKYE BO ZHES NI RNAM PAR NGES, ,DE LA LUS NI RGYU MA YIN TE, DE NI SNGON GYI 'DU BYED KYI RJES SU 'JUG PAR MTHONG BA'I PHYIR RO, ,LUS DE 'DRA BA NYID NA SNGON GYI RNAM PAR SHES PA DANG RJES SU MTHUN PAR GZHAN DANG GZHAN DU SKYE PA'I PHYIR RO, ,DE'I PHYIR RGYU DANG 'BRAS BU'I

, ,DNGOS PO NYID KYI RGYU MTSAN NI RJES SU 'GRO BA LDOG PA'I RJES SU BYED PA YIN LA, DE NI 'BYUNG BAR 'GYUR BA LA YANG YOD PA YIN NO, , GANG ZHIG GANG GI RJES SU 'GRO BA DANG LDOG PA'I RJES SU BYED PA DE NYID DE'I RGYU YIN TE, KHYAD PAR GZHAN NI DON MED DO, ,'ON TE YANG 'DI YOD NA 'DI 'BYUNG, 'DI SKYES PA'I PHYIR 'DI SKYE ZHES BYA BA RGYU DANG 'BRAS BU'I DNGOS PO'I MTSAN NYID YIN NO, ,'DIR 'DIS RJES SU 'GRO BA DANG LDOG PA TZAM ZHIG BRJOD PA NI MA YIN TE, 'DI LTAR, BDUN PA DANG NI LNGA PA YIS, ,SNGA MA'I DNGOS POR BSTAN PA YIN, ,PHYI MA'I DNGOS PO DANG PO YIS, ,DE NAS KYANG NI BSTAN PA YIN, ,'DIR DE RJES SU 'GRO LDOG GI RJES SU BYED PA TZAM ZHIG BSTAN PA NI MA YIN TE, SNGA MA DANG PHYI MA'I DNGOS PO NYID DU STON PAR GSAL BA'I PHYIR RO ZHE NA, DE YANG MI BDEN TE, DE PHYIR BDUN PA DANG DE LAS, ,SKYES PHYIR ZHES KYANG BRJOD PA YIN, ,BDUN PA'AM LNGA PAS SNGA MA'I DNGOS PO NYE BAR BSTAN PA NI MA YIN TE, RGYU MTSAN TZAM ZHIG NYE BAR BSTAN PA'I PHYIR TE, 'DI 'DI'I RGYU MTSAN CAN YIN NO ZHES BYA BA'I DON TO, ,GANG ZHIG YOD PAS GANG 'BYUNG BA DE NYID YOD NA, DE'I RGYU MTSAN CAN 'GYUR BA NYID DO, ,GAL TE 'BYUNG BAR 'GYUR BA YIN NA ZHES CI LTAR BSNYAD PAR BYA STE, DE NI MED PA'I PHYIR DE LTAR BSTAN PAR MI 'THAD PA'I PHYIR RO, ,DE BZHIN DU MA SKYES PA LA SKYES PA YANG NGO ZHE NA, 'O NA DE YOD NA ZHES BSTAN PAR BYA BA 'DAS PA YANG JI LTAR YOD PA YIN, ZHIG PA SKYES PA YANG CI LTAR 'GYUR BA YIN NO ZHE NA, 'DI YANG 'BYUNG NGO, ,SNGA NA MED PA DANG ZHIG NAS MED PA DAG LAS KHYAD PAR CI ZHIG YOD, YANG NA 'DI YOD NA 'DI 'BYUNG NGO ZHES BYA BA GANG GIS DNGOS POS DNGOS PO MTSON PA ZHES BYA BA 'DIS BDUN PA YIN NO, ,DES NA YOD PA ZHES BYA BA 'DIS NI RGYU MTSAN GYI DNGOS PO TZAM ZHIG MTSON PA YIN GYI DE'I TSE YOD PA NYID NI MA YIN NO, ,DE YOD PAS YOD PAR MTSON PA NI, 'BYUNG BA YOD PAS KYANG, YOD PA MTSON PA NYID DE, 'CHI LTAS NI 'CHI BAS BYAS SO ZHES 'JIG RTEN PA'I THA SNYAD YIN NO, ,GAL TE 'CHI BAR MI 'GYUR

NA 'DI LTA BU'I 'CHI LTAS SU MI 'GYUR RO ZHES SO, ,SKYES PA'I PHYIR ZHES BYA BA KYANG DUS KYI RNAM PAR DBYE BAR NI MI 'GYUR RO, ,RNAM PAR DBYE BAS NI DUS KYI KHYAD PAR BRJOD PA MA YIN TE, BYED PA PO TZAM ZHIG STON PAR NUS PA'I PHYIR RO, ,BYED PA PO NYID MED PA LA CI LTAR ZHE NA, CI LTAR MYU GU SKYE'O, ,DUM PAR BYA'O ZHES BYED PA DANG LAS KYI DNGOS POR 'GYUR, BLO LA GNAS PAS BYED PA PO NYID DO ZHE NA, 'DIR NI DE BYA ROG GIS MA ZOS SO, ,'ON TE GANG ZHIG GANG DMIGS PA SNGON DU 'GRO BA CAN DU DMIGS PA DE RGYU YIN NO ZHE NA, DE YANG MA YIN TE, GANG GI DANG POR DMIGS 'GYUR BA, ,GAL TE DE DE'I RGYU YIN NA, ,GTING DU CHUD PA'I SA BON NI, ,MYU GU SOGS KYI RGYUR MI 'GYUR, ,'ON TE DE'I RIGS CAN DANG POR MTHONG BA'I PHYIR DE LTAR BRJOD NA, MA DMIGS PA JI LTAR RGYUR 'GYUR BA GZHAN DMIGS PAS GZHAN DMIGS PAR BYA BA NYID DU 'GYUR BA NI MA YIN TE, NYE BAR BRTAGS PA TZAM DU NI 'GYUR RO, ,DES NA DMIGS PA NI YOD PA MTSON PA YIN NO, ,DE LTA NA YANG DON DE NYID DO, ,'DI YOD NA ZHES BYA BA NI RGYU MTSAN GYI DNGOS PO YOD PA NYID LA DE YANG MI 'KHRUL BA'I YUL CAN NYID DO, ,GANG GI SNGAR DMIGS PA ZHES BYA BA YIN NA NI SNGAR YOD PA THAMS CAD RGYU NYID DU THAL BAR 'GYUR RO, ,MI 'KHRUL BA YUL CAN YIN NA, DE NYID RGYU YIN NO, ,'ON TE MI 'KHRUL BA'I YUL CAN DU 'GYUR BA NA SNGAR YOD PA'O ZHE NA, DE YANG GYI NA STE, DE YOD YOD PA NYID TZAM GYIS, ,GAL TE 'BRAS NYID YIN NA, ,CI 'GAL DE TSE SNGA MA DANG, ,PHYI MA'I DNGOS PO DON CI YOD, ,SNGA MA DANG PHYI MA'I DNGOS PO GANG DU NYE BAR MKHO STE, NYE BAR MKHO BA MED PA LA NI LTOS NI, 'BYUNG NGO, ,'ON TE, DANG PO NYID NI 'GYUR 'DOD NA, ,DE DON GNYER RNAMS LEN PA YIN, ,PHYI MA NYID NI RJES DPOG GANG, ,DE NI NUS PA LAS 'GYUR RO, ,RGYU SNGA MA NI 'BRAS BU DON DU GNYER BAS BLANG BAR NUS PA YIN TE, DES RGYU NI SNGA MA'I DNGOS POR 'DOD PA YIN NO, ,DPER NA 'BYUNG BAR 'GYUR BA'I 'JIG RTEN PHA ROL BSGRUB PA'I PHYIR DE'I SNGAR YOD PA DA LTAR 'DIR, RTEN 'DI LEN PA YIN NO ZHE NA, DE YANG MI 'THAD DE, DE LA RGYU NYID KYANG YOD PA YIN TE, SNGAR YOD PA NYID LA RGYU NYID MED PA

, ,NI MA YIN NO, ,'ON KYANG DE 'BYUNG BAR 'GYUR BA MI 'KHRUL PA LA LTOS NAS 'BRAS BU NYID KYANG YIN NO ZHES BRJOD DO, ,RGYU NYID YIN NA LEN PA GANG YIN PA DE NI 'BRAS BU NYID LA YANG 'GYUR BA YIN TE, LEN PA LA KHYAD PAR CI YOD, MI 'KHRUL PA TZAM GYIS BLANG BAR BYA BA YIN PAS, 'DI TZAM GYIS MA CHOG PA CI YOD, GANG YANG RGYU NUS PA NYID LAS RJES SU DPOG STE, DE LA 'BRAS BU NYID KYIS CI ZHIG BYA ZHES BRJOD PA DE YANG MA YIN TE, SU ZHIG LAG TU THOB PA'I RDZAS, ,RKANG GIS BGROD PAR BYED PA'AM, ,SEN MO YIS NI GCAD BYA BA, ,STA RES GCAD PAR SU ZHIG BZOD, ,LAG TU THOB PA RKANG GIS BGROD PAR BYED PA'AM SEN MOS GCOD PA STE RES GCOD PA LA SU ZHIG SDOD, GTZO BO'I 'BRAS BU NYID KYIS NI, ,DRANG PO'I TSUL DU GO BYED NA, ,'BAD PAS BSGRUB BYA RGYU NYID KYIS, ,GO BAR BYED PA DON MED YIN, ,DE'I PHYIR MI 'KHRUL PAS NA MA 'ONGS PA YANG RGYU YIN NO ZHES BYA BA 'DI NI 'THAD PA YIN NO, ,LUS LAS NI DON GYI SGO NAS 'GYUR BA YIN GYI, MIG LA SOGS PA LTAR RTEN GYI SGO NAS NI MA YIN NO ZHES RE ZHIG BSHAD PA YIN NO, ,DA NI KHAS BLANGS NAS BRJOD DE, BUM SOGS LA NI ME SOGS BZHIN, ,GANG ZHIG TSE NA SEMS RGYUN GYI, ,PHAN 'DOGS BYED PA'ANG YIN BLA STE, ,DE TZAM GYIS NI LDOG PA MIN, ,RES 'GA' RTEN NYID KYIS LUS PHAN 'DOGS PAR BYED PA YIN YANG DE TZAM GYIS NI LUS LOG NA SEMS KYI RGYUN LOG PA MA YIN TE, PHAN 'DOGS PAR BYED PA ZHES BYA BA TZAM GYIS NI, PHAN GDAGS PAR BYA BA'I ZLOG PAR BYED PA MA YIN TE, ME LA SOGS PAS PHAN PA'I BUM PA LA SOGS PA NI ME LA SOGS PA LOG NA NGES PAR LOG PA MA YIN PA'AM, GSER LA SOGS PA'I ZHU BA LA SOGS PA'I MTSAN NYID KYI KHYAD PAR ME LAS 'GYUR BA YIN NA YANG DE LOG NA LDOG PA NI MA YIN NO, ,GAL TE ZHU BA LA SOGS PA'I MTSAN NYID KYI KHYAD PAR DE NYID LDOG KYANG GSER NYID DE'I RANG BZHIN NYID DO, ,GANG ZHIG SEMS KYI RGYU YIN PA DE'I LTAR NA LUS DE'I GNAS SKABS SU YOD PA YIN YANG DE MA TSANG BA LAS LDOG PA NI, LUS 'BA' ZHIG RGYU YIN PA LA 'GAL

PAR BRJOD DO, ,GZHAN YANG BRJOD PA NI, LUS NI GNAS PA YIN NA SEMS, ,LDOG PA MED PAR THAL BAR 'GYUR, ,DE YOD YOD DANG DBANG 'GYUR PHYIR, ,DE LAS 'BYUNG RNGUB DE MA YIN, ,THAL BAR 'GYUR BA LA SOGS PA LUS MED PA'I GNAS SKABS SU NI RGYU MED PA'I PHYIR LDOG TU CHUG NA LUS DE LTA BU NYID DU GNAS PA'AM, GZHAN DU 'GYUR BA NI LDOG PA MI 'THAD DE, GNAS SKABS MTHA' DAG GI RJES SU 'GRO BA'I PHYIR RO, ,'ON TE DE NI 'BYUNG BA RNGUB PA DAG GI YANG 'BRAS BU YIN TE, DES NA DE MA TSANG BA'I PHYIR LDOG PA YIN NO ZHE NA, DE YANG MI 'THAD DE, 'BYUNG BA DANG RNGUB PA DAG NI SEMS NYID LAS YIN GYI, DE LAS NI SEMS PA YIN PA'I PHYIR LAN MA YIN NO, ,DE GA LAS SHE NA, DE YOD YOD PHYIR TE, SEMS YOD NA YOD PA'I PHYIR RO, ,SEMS YOD NA DE DAG YOD PA'I PHYIR TE, BZLOG PA NI MA YIN NO,, DBANG DU 'GYUR BA'I YANG PHYIR TE, 'BYUNG RNGUB DAG LAS NI DE MA YIN NO, ,GAL TE 'BYUNG BA DANG RNGUB PA DAG SEMS KYI RGYU YIN NA, DE'I TSE DE DAG DBANG NYID DU MI 'GYUR RO, ,DE DAG NI SEMS KYI DBANG DU 'GYUR BAR DMIGS PA YANG YIN NO, ,GAL TE GZHAN LAS SKYES PA YIN NA DE'I TSE DE DAG DE NYID LAS SKYES PAS SEMS CUNG ZAD KYANG MI BYED PA NYID DU 'GYUR RO, ,GZHAN LA RAG LAS PA NI GZHAN GYIS DBANG BSGYUR BA'I NUS PA MA YIN TE, SEMS NI RANG GI RGYU LA RAG LAS PA DE DAG GI YONGS SU GCOD PAR BYED PA TZAM 'BA' ZHIG TU 'GYUR RO, , 'ON TE DE DAG GI RGYU SEMS LHAN CIG BYED PA CAN DE DAG SKYED PAR BYED PA YIN NO ZHE NA, 'O NA SEMS KYANG DE DAG GI RGYU YIN PA'I PHYIR DE DAG LAS SKYES PA MA YIN NO, ,'ON TE RTZA BA GZHAN LAS SKYES KYANG SEMS KYI NGES PAR BYED PA YIN TE, DPER NA RJE BOS BRAN BZHIN NO ZHE NA, DE NI MA YIN TE, BRAN NI GZHAN LAS SKYE NYID DU, ,MTHONG BA YIN GYI DE DAG MIN, ,SEMS MED PAR NI GZHAN DAG LAS, ,DE DAG SKYE BA YOD MA YIN, ,BRAN BZHIN DU 'BYUNG RNGUB DAG NI SEMS MED PAR MA MTHONG STE, DES NA DE DAG RGYU GZHAN LAS MA YIN PAR SEMS NYID RGYU

, ,YIN NO, ,DE'I PHYIR DE DAG LAS DE MA YIN NO, ,'ON TE GNYID LOG PA LA SOGS PA'I GNAS SKABS SU 'BYUNG BA DANG RNGUB PA YOD PAS DE'I RGYU SEMS MA YIN TE, DE'I RGYU CAN NI DE MED PAR 'BYUNG BA MA YIN NO ZHE NA, DE YANG MA YIN TE, LUS KYI SPYOD PA JI SNYED PA, ,DE KUN SEMS KYI 'DUS BYAS YIN, ,GNYID LOG DBUGS 'BYUNG RING THUNG SOGS, ,DE NI SNGAR GYI SEMS LAS YIN, ,DBUGS RING DU 'BYUNG BA LA SOGS PA'I RNAM PAR 'GYUR BA MTHA' DAG NI SNGON GYI SEMS KYI 'DU BYED RJES SU 'GRO BA CAN YIN NO, ,'DI LTAR DBUGS BYUNG DAL GOMS PAS, ,RMI LAM DU YANG DAL BA NYID, ,DBUGS 'DREN GZHAN DU GYUR PA LAS, ,GZHAN NYID DU NI 'GYUR BA YIN, ,RGYU GZHAN MA YIN PA NYID STON PAR BYED PA NI, RLUNG 'BYIN PA DANG 'DREN PA NI, ,'BAD RTZOL MED PAR GANG LAS YIN, ,DE DAG PHUL BYUNG 'GRIB PA LAS, ,PHUL BYUNG 'GRIB PA THOB PAR 'GYUR, ,GAL TE SEMS 'BYUNG BA DANG RNGUB PA'I 'BRAS BU YIN NA DE'I TSE RLUNG 'BYIN PA DANG 'DREN PA'I RTZOL BA MED PAR YANG 'GYUR RO, ,DE LTA NA YANG MA YIN NO, ,DE DAG NI 'BYIN PA DANG 'DREN PA'I RANG BZHIN YIN PA'I PHYIR RO, ,'ON TE DE DAG GI 'BYIN PA DANG 'DREN PA NYID SEMS LA RAG LAS PA YIN GYI, RANG GI NGO BO NI MA YIN NO, ,RANG GI NGO BO NI RGYU GZHAN LAS YIN NO, ,DE'I PHYIR DE LAS SEMS YIN ZHING DE LAS 'BYIN PA DANG 'DREN PA YIN NO ZHE NA, DE YANG MA YIN TE, GAL TE SHI LA'ANG RLUNG DE NI, ,YOD NA SEMS PA JI LTAR LDOG ,GAL TE DE NI DE YI RGYU, ,MIN NA LUS RGYU YIN PAR 'GYUR, ,GAL TE GNAS PA'I RLUNG SEMS PA'I RGYU MA YIN NA SEMS LDOG PA NYID DU 'GYUR RO, ,'ON TE RGYU YIN NA DE LTA NA YANG SHI BA LA YANG GNAS PA'I RLUNG YOD PA'I PHYIR DANG, 'BYUNG BA DANG RNGUB PA DANG YANG 'BRAS BU'I RANG BZHIN YIN PA'I PHYIR DE MED PAS SEMS LDOG PA MA YIN PA'I PHYIR NA LDOG PA MED PAR THAL LO, ,'BYUNG BA DANG RNGUB PA 'PHEL BA DANG 'GRIB PA DAG GIS SEMS 'PHEL BA DANG 'GRIB PA YANG 'THOB PAR 'GYUR TE, DE DE'I 'BRAS BU YIN PA'I PHYIR RO, ,GDON MI ZA BAR RGYU 'PHEL BA

DANG 'GRIB PA NA 'BRAS BU 'PHEL BA DANG 'GRIB PAR 'GYUR PA YIN TE, GZHAN DU NA DE RGYU ZHES BYA BAR MI 'GYUR RO, ,DE DAG LA YANG THAL BAR MTSUNGS, ,SEMS RGYU YIN NA MTSUNGS MA YIN, ,GNAS PA'I 'PHEN BYED GZHAN DAG KYANG, ,GANG PHYIR RGYU NI YIN PAR 'DOD, ,'BYUNG BA DANG RNGUB PA DAG SEMS KYI RGYU YIN DU CHUG MOD, DE LTA NA YANG LUS NI GNAS PA NYID NA SEMS LDOG PA MED PAR THAL BAR 'GYUR TE, 'BYUNG BA DANG RNGUB PA DE DAG KYANG MI LDOG PA'I PHYIR RO, ,DE DAG KYANG LUS KYI 'BRAS BU YIN PA'I PHYIR MI LDOG PA NYID DO, ,DE MI LDOG NA SEMS KYANG MI LDOG PAR 'GYUR RO, , 'DI SNYAM DU SEMS SEMS KYI RGYU YIN PA LA YANG THAL BA 'DI NYID DO, ,SEMS NI GNAS PA NYID NA SEMS, ,LDOG PA MED PAR THAL BAR 'GYUR, ,DE YI SNGA MA 'DOD NA NI, ,SNGA MA'I SEMS NI LDOG MA YIN, ,'DIR BSHAD PA, SEMS RGYU YIN NA MTSUNGS MA YIN, ,GNAS PA'I 'PHEN BYED GZHAN DAG KYANG, ,GANG PHYIR RGYU NI YIN PAR 'DOD, ,LUS DE LA SRED PA DANG BCAS PA LAS KYI MING CAN GYI RGYU GZHAN DAG KYANG 'DOD PA YIN NO, ,SNGA MA'I SEMS KYI RGYUN YOD PA TZAM LAS, SEMS SKYE BA MA YIN TE, MA RIG PA LA SOGS PA'I RANG BZHIN DU BYED KYI BAG CHAGS KYI MING CAN GZHAN YANG RGYU YIN PA'I PHYIR RO, ,DE SEMS SNGA MAS SAD PAR BYED PA NA DE 'AM GZHAN DU SEMS SKYED PAR BYED DE, BAG CHAGS KYI KHYAD PAR DANG SAD PAR BYED PA NA SNA TSOGS PA YIN PA'I PHYIR RO, ,DPER NA GNYID DANG 'BREL BA TZAM GYIS NI RMI LAM SNA TSOGS MTHONG BA MA YIN PA BZHIN NO, ,GNYID DANG 'BREL BAR MTSUNGS KYANG RES 'GA' NYID RMI LAM 'GA' ZHIG MTHONG BA YIN TE, BAG CHAGS SAD PA'I RKYEN SNA TSOGS PA'I PHYIR RO, ,BAG CHAGS SAD PA SNA TSOGS PA'I PHYIR LDOG PA YIN GYI, LUS TZAM RGYU YIN YANG DE LTA BU NYID DU MTHONG BA'I PHYIR NI MA YIN NO ZHES BYA BA 'DI GA LAS SHE NA, DE LTA MIN NA MI 'THAD PHYIR, ,SEMS KYI BAG CHAGS MTHONG BAS NA, ,THAMS CAD RMI LAM SHES PA BZHIN, ,BAG CHAGS SAD PA'I RGYU CAN YIN, ,GAL TE LUS DANG GNYID TZAM RGYU YIN NA, THAMS CAD THAMS CAD

, ,KYI TSE RMI LAM MTSUNGS PAR MTHONG BAR THAL LO, ,'GA' ZHIG GIS CUNG ZHIG DMIGS PA YANG YIN TE, DE'I PHYIR DE NI BAG CHAGS DANG 'BREL BAR BYAS SO ZHES BYA BAR RIGS TE, DE LA BAG CHAGS RNAMS NI RNAM PA SNA TSOGS PA YIN PA'I PHYIR RO, ,DE'I PHYIR SEMS THAMS CAD DU LUS DE'AM GZHAN DU BAG CHAGS SAD PAR BYAS TE, BYED PA DANG LDAN PAR GNAS PA YIN GYI GZHAN DU NI BSAM PAR BYA BA MA YIN NO, ,GAL TE BAG CHAGS KYI STOBS LAS SKYE BAR 'GYUR BA NI MI BDEN PA NYID YIN TE, RMI LAM BZHIN NO ZHE NA, DE YANG MI BDEN TE, CHAGS SPYOD LA SOGS SPROS PA NI, ,BAG CHAGS STOBS LAS BYUNG GYUR KYANG, ,RANG DON BSGRUB PHYIR MI BDEN YIN, ,YOD NYID DON BYED PAS BYAS YIN, ,BAG CHAGS KYI STOBS LA BRTEN PA, 'DOD PA SPYOD PA LA SOGS PA'I THA SNYAD MNGON PAR 'DOD PA'I DON BYA BA BYED PA NUS PA 'JUG PA DAG CI MI BDEN PA'I BYA BAS BDAG NYID 'DOR RAM, CI STE 'DOD PA SPYOD PA LA SOGS PA THA SNYAD DAG BAG CHAGS KYI RJES SU 'GRO BA CAN YIN YANG DE BDEN PA'I BUD MED LA SOGS PA DANG 'BREL PAS MI BDEN PA NYID MA YIN NO, ,SKYE BA LA SOGS PA'I THA SNYAD KYANG DE LTAR YIN PA'I PHYIR MTSUNGS SO, ,DE DAG KYANG DER BDEN PA'I LUS GZHAN LEN PA DANG, 'DOR BA'I PHYIR MI BDEN PA MA YIN NO, ,DE BZHIN DU KHU KHRAG GIS BSKYED PA'I LUS GZHAN BLANGS NAS SKYE BA 'JUG PA YIN NO, ,BAG CHAGS KYI STOBS LAS BYUNG BA YIN YANG DMIGS PA MED PAR LUS GZHAN DU 'PHO BA CI LTAR YIN ZHE NA, RGAN PO LA SOGS PA'I LUS KYI GNAS SKABS SU 'PHO BA BZHIN NO, ,GAL TE, NYER LEN GCIG GI DNGOS PO YIS, ,DE GCIG TU NI GNAS PA'I PHYIR, ,DE 'DRA BA NI GZHAN NYID DU, ,'PHO BAR 'GYUR BA MA YIN NO, , KHU KHRAG GCIG GI NYE BAR LEN PA CAN DE NI LUS GCIG NYID YIN PA'I PHYIR LUS GZHAN DU 'PHO BA MA YIN NO, ,KHU KHRAG GZHAN GYIS BSKYED PA PHYUGS LA SOGS PA'I LUS NI LUS GZHAN YIN NO, ,DE LTA BUR GYUR PA DAG NI 'PHO BA MA MTHONG NA DE CI LTAR BRTAG PAR BYA ZHE NA, DE LTA

NA YANG LUS GZHAN NYID, ,LDOG PAR 'GYUR BA MA YIN TE, ,MTSAN NYID MI MTHUN PA NYID NI, ,DE NYID ZLOG BYED YIN PAR 'DOD, ,GZHON NU LA SOGS PA'I LUS NI BYIS PA LA SOGS PA DANG MTSAN NYID MI MTHUN PA YIN PAS DE NI GCIG CES BRJOD PAR NUS PA MA YIN NO, ,DER NI 'PHO BA MTHONG BA YIN, ,DE DANG LHAN CIG SPYOD PAR SKYES PA NYID DER 'PHOS PA YIN NO, ,BAG CHAGS KYI STOBS KYIS DE LTAR SKYE BA ZHES BYA BA LA YANG 'GAL BA MED DO, ,'ON TE RIGS MI 'DRA BA'I LUS GZHAN DU 'PHO BA NI MA MTHONG NGO ZHE NA, RMI LAM GYI LUS SU 'PHO BA MTHONG BA'I PHYIR DE YANG MA NGES PA YIN NO, ,DE NI MED PAS DER 'PHO BA NI MED PA NYID DO ZHE NA MA YIN TE, MTHONG BA NI MED PAR MI RIGS PA'I PHYIR RO, ,JI LTAR DE MI BDEN PA BZHIN DU DER 'PHO BA YANG MI BDEN PA YIN NO ZHE NA, MI BDEN PA ZHES BYA BA 'DI CI ZHIG SAD PA'I SHES PAS GNOD PA'O ZHE NA, GANG GI TSE RTOGS PA DE YOD PA'I TSE NI GNOD PA MA YIN NO, ,GZHAN GYI TSE GNOD DO ZHES NI MI 'THAD DO, ,DE NYID KYI TSE SAD PAS MI DMIGS SO ZHE NA, DES KYANG SAD PA'I SHES PAS DMIGS PA MA DMIGS PA'I PHYIR GNOD BYA GNOD BYED KYI DNGOS PO MTSUNGS SO, ,JI STE SAD NA MA DMIGS SO ZHE NA, SAD PA DANG MA SAD PA DAG JI LTAR RNAM PAR DBYE, NGA SAD DO SNYAM DU RTOG PA SKYE BA'I PHYIR RO ZHE NA, NGA SAD DO SNYAM DU RTOG PA NI RMI LAM DU YANG SKYE BAS JI LTAR DE LAS RNAM PAR DBYE, DE'I PHYIR DMIGS PAR MTSUNGS PA LA MED PAR RAM MI BDEN PAR RIGS PA MA YIN NO, ,'ON TE BAG CHAGS STABS TSUD PA'I PHYIR RING DU MI GNAS PA DANG, THUN MONG MA YIN PAR DMIGS PA NYAM CHUNG BA'I MTSAN NYID NI MI BDEN PA YIN NO ZHE NA, 'O NA GANG LA BAG CHAGS BRTAN PAR YOD PA THUN MONG DU DMIGS PA DER BZLOG PA'I PHYIR 'PHO BA BDEN PA NYID DO, ,'DI LTAR BAG CHAGS BRTEN PA LAS, ,BDEN PA'I SKYE BA GZHAN YOD MIN, ,BAG CHAGS BRTEN PA TZAM GYIS NI, ,SAD PA'I RIG PA BDEN PA YIN, ,GANG LA BAG CHAGS BRTAN PA YOD PA DE NI SAD PA'I SHES PA NYID DANG, BDE BA DANG THUN MONG DU DMIGS PA YIN LA, DE NI DE'I RANG GI NGO BOR YOD PA NYID KYANG

, ,YIN TE; DES NA 'PHO BA GRUB BO, ,BRTEN PA MED PA NI MOD LA 'JIG PA NYID DO, ,GANG DU LHAS BSTAN PAS RMI LAM MTHONG BA GNYI GA LA SNANG BA DER CI LTAR MI BDEN PA YIN, 'ON TE DE NI BDEN PA NYID DO ZHE NA, DE LTA YIN NA RMI LAM GYI DON THAMS CAD MI BDEN PA NYID MA YIN NO, ,DE LTA YIN NA, 'PHO BA RAB TU GRUB PAS NI, ,KHYAD PAR YONGS SU RTOG PA'I PHYIR, ,DE LTA 'DI NI RNAM RTOG DANG, ,MTSUNGS PA'I LTAG CHOD YIN PAR GSAL, ,YANG NA SKYE BA DANG POR SEMS KYI 'DU BYED KYI 'BRAS BU GSAL BA DMIGS PA'I PHYIR SHI MA THAG PA'I 'PHOS PA YIN NO ZHES RTOGS SO, ,LUS LA KUN 'DZIN RANG BZHIN SEMS, ,LUS CAN RNAMS KYI DBANG PO YI, ,SKYE BAR GANG TSE 'BYUNG MTHONG NA, ,LUS GZHAN JI LTAR RTOGS MA YIN, ,RE ZHIG DANG PO'I SKYE BA'AM GZHAN GYI TSE, SKYE BO THAMS CAD KYI SEMS KYI RANG GI NGO BO LUS LA KUN DU 'DZIN PA LA SOGS PA'I RANG BZHIN CAN KHYAD PAR CAN GYI RIM PA DANG LDAN PAS SNGON GYI GOMS PA'I KHYAD PAR GYI RIM PA'I 'BRAS BU NYID DU DMIGS PA 'DI NI, LUS LA KUN DU 'DZIN PA GOMS PA SNGA MA'I MNGON PAR 'DUS BYAS PA, MED NA MED PA'I PHYIR, DE'I SHUGS KYIS LUS GZHAN NAS LUS 'DI LA 'PHOS PA YIN NO ZHES RTOGS PA YIN TE, DE LTA MA YIN NA NI RJES SU DPAG PA MI 'JUG GO, ,'ON TE 'PHO BA LA MNGON SUM MED PAS, DE JI LTAR RJES SU DPAG PAS RTOGS SHE NA, SKYON 'DI YANG MED DE, 'DI LTAR, RJES DPAG BYA LA'ANG MNGON SUM NI, ,MED PHYIR 'DI LA SKYON CI YOD, ,RJES DPOG YUL GYI MNGON SUM GYI, ,YUL DU 'GYUR BA YOD MA YIN, ,MNGON SUM DANG RJES SU DPAG PA DAG NI, YUL PHAN TSUN SPANGS NAS 'JUG PAR 'DOD PA NYID PAS DE NYID CI LTAR SKYON YIN, 'ON TE DE'I RIGS LA MNGON SUM DU 'JUG PA MED PAR JI LTAR RJES SU DPOG CE NA, SKYON DE YANG MED DE, RE ZHIG LUS SAM GZHAN DU'ANG RUNG, ,KUN 'DZIN GOMS PA LAS 'JUG PAR, ,MNGON SUM GYIS DMIGS DE NYID LAS, ,CI YI PHYIR NA RJES MI DPOG ,CI SKAD DU JI LTAR DE'I RIGS

LA MNGON SUM MED PAR RJES SU DPOG STE, RJES SU DPAG PA NI MNGON SUM SNGON DU 'GRO BA CAN YIN PA'I PHYIR RO ZHES BRJOD PA DE LA LAN 'DI YIN TE, GAL TE MNGON SUM GYIS 'PHO BA MA MTHONG YANG 'PHO BA DANG RJES SU MTHUN PA'I 'BRAS BU NI DMIGS PA NYID DE, GRONG GZHAN DU 'PHO BA BZHIN NO, ,DPER NA GRONG GZHAN NAM YUL GZHAN NAS 'ONGS PA DAG ,SNGON MNGON PAR DGA' BA'I YUL DANG RIGS MTHUN PA'I NYE BAR SPYOD PA LA SOGS PA LA DGA' BAR DMIGS PA BZHIN NO, ,GAL TE GZHAN DAG GIS DE LTA BUR 'GYUR BA'I YUL NA 'ONGS PA MA DMIGS PA DE LTA NA YANG 'DI DE LTA BU'I YUL NAS 'ONGS PAR RJES SU DPAG PA LAS DMIGS PA NYID DO, ,DE BZHIN DU NYE BAR SPYOD PA LA SOGS PA'I KHYAD PAR LA MNGON PAR DGA' BAS LHA LA SOGS PA'I 'JIG RTEN NAS 'ONGS PA YANG NGES PAR BYA STE, GRONG GZHAN LAS 'ONGS PA LA MNGON SUM 'JUG PA TZAM GYIS RJES SU DPAG PA 'JUG PA'I PHYIR RO, ,DU BA LAS RJES SU DPAG PAR BYA BA'I ME'I KHYAD PAR DANG LDAN PA LA NI MNGON SUM 'JUG PA MA YIN NO, ,ME TZAM LA 'JUG GO ZHE NA, 'DIR YANG YUL LA SOGS PAR 'PHO BA LA 'JUG PA'I PHYIR MTSUNGS SO, ,'ON TE YANG, DPER NA YUL GZHAN LA SOGS PAR 'PHO BA NI LUS MA DOR BAR LUS DE NYID KYI YIN PAR MTHONG BA DANG, YANG CI LTAR RMI LAM GYI LUS KYI 'PHO BA MI BDEN PA DE BZHIN DU, 'DIR YANG SKYE BA DANG POR LUS MA DOR BA DANG, BRDZUN PAR 'GYUR BA'I PHYIR MA 'BREL BA YIN NO, ,'DI LTAR, GAL TE LUS GZHAN 'PHO BA NI, NGOR DANG BDEN PA DANG 'BREL NA, ,DE PHYIR 'JIG RTEN PHA ROL NI, ,BDEN PAR RAB BSGRUB 'GYUR BA YIN, ,JI LTAR RMI LAM DMIGS MED PAR, ,GNYID LOG GTAN DU RNAM 'CHAD PA, , DE BZHIN GAL TE SHI BA YI, ,SNGA PHYIR DER 'GYUR CI ZHIG BYAS, ,JI LTAR YUL GZHAN DU RGYU BA LUS MA BTANG BAR YIN PA DE BZHIN DU GAL TE SKYE BA GZHAN DU RGYU BA YANG YIN NA NI PHYIN CI LOG TU BSGRUB PAR 'GYUR RO, ,DE BZHIN DU RMI LAM GYI RGYU BA MI BDEN PA'I LUS KYI RJES SU

, ,'GRO BA CAN DU MTHONG BA'I PHYIR 'JIG RTEN PHA ROL DU RGYU BA YANG DE LTA BU NYID YIN NA NI SNGA MA DANG PHYI MA'I 'JIG RTEN MI BDEN PA NYID PAS MED PA NYID PAS MED PA RNAMS KYI 'DOD PA NYID YIN NO, ,GZHAN YANG JI LTAR RMI LAM MTHONG BA MED PAR GNYID LOG PA'I GNAS SKABS NA RNAM PAR SHES PA RNAM PAR CHAD PA NYID DAM, RNAM PAR SHES PA MI GSAL BA NYID YIN PA DE BZHIN DU, GAL TE 'JIG RTEN PHA ROL YANG YIN NA, DE 'DRA BA DES CI ZHIG BYA STE, MED PA PA RNAMS KYI LTA BA MA NYAMS SHING, 'JIG RTEN PHA ROL SMRA BAS KYANG CI ZHIG BYAS PAR 'GYUR ZHE NA, 'DIR 'DI SKAD BRJOD DO, ,LUS DE NYID KYIS 'PHO BA LA, ,MNGON SUM GYIS NI GNOD PA YIN, ,GZHAN MTHONG BA NYID SNGON GYI NI, ,LUS PO YONGS SU 'DOR BA YIN, ,RMI LAM RIG PA THAMS CAD NI, ,BDEN PA'I RNAM SHES RNAM 'BREL YIN, ,RMI LAM LAS KYANG BDEN PA YI, ,RNAM SHES YIN PHYIR CI ZHIG 'GAL, ,RNAM PAR CHAD PA THAMS CAD NI, ,SAD PA DAG DANG 'BREL PAR DMIGS, ,SHI NAS RNAM PAR CHAD PA YANG, ,BDEN PA'I SAD PA DANG 'BREL NYID, ,'DIR NI BSHAD ZIN TO, ,RNAM PAR SHES PA NI 'DI LUS 'DI LA, SNGON GYI LUS DANG 'BREL BA'I RNAM PAR SHES PA GOMS PA'I 'BRAS BU NYID DU DMIGS PAS NGES PAR LUS BTANG BA MED PAR MI 'GYUR BA'I PHYIR JI LTAR LUS YONGS SU MA BTANG, LUS MA MTHONG BA NYID 'DOR BA YIN TE, LUS 'DI DMIGS PA NYID SNGON GYI LUS MA DMIGS PA YIN NO, ,SNGON GYI LUS MA GRUB PAR JI LTAR SNGON GYI LUS YONGS SU 'DOR BA GRUB CE NA, MA YIN TE, GANG TSE LUS SOGS MNGON DGA' BA, ,LUS DGA' SNGON 'GRO CAN YIN PAR, ,GRUB PA DE PHYIR KHO BO YI, ,SNGON GYI LUS NI GRUB PA NYID, ,KHYAD PAR CAN SNGON GYI MNGON PAR DGA' BA'I SGRUB PAR BYED PA NYID LAS SNGON GYI LUS GRUB BO, ,LUS DE DA LTAR DMIGS PA NI MA YIN NO, ,'DAS PA MA DMIGS PAS DE'I TSE YANG MED PA NI MA YIN NO, ,DES NA SNGON GYI LUS MA 'DOR RO ZHES BYA BA 'DI NI MNGON SUM GYIS GSAL LO, ,CI SKAD DU, JI LTAR RMI LAM MI BDEN PA LAS, 'DIR 'ONGS PA DE

BZHIN DU 'JIG RTEN PHA ROL MI BDEN PA NYID LAS YIN PA'AM, JI LTAR 'DI LAS RMI LAM GYI LUS MI BDEN PAR 'GRO BA DE BZHIN DU 'JIG RTEN PHA ROL DU YANG YIN PA'I PHYIR 'JIG RTEN PHA ROL MI BDEN PA NYID DO ZHES BRJOD PA DE YANG MI BDEN TE, RMI LAM GYI MI BDEN PA NYID NI BDEN PA'I RJES SU 'GRO BA CAN, BDEN PA SHES PA'I RGYU YIN PAS, DE LTAR GYUR BA DE NI BAR MA DO'I SRID PA YIN NO ZHES 'CHAD PAR 'GYUR RO, ,YANG NA SHES KUN RMI LAM LAS, ,BYE BRAG MED PAR GNAS SO ZHES, ,DE LTAR PHYI NAS BSHAD BYA STE, ,'DI YI SKABS NI 'DI NYID YIN, , RMI LAM GYI SHES PA DANG GZHAN LA BYE BRAG CI YANG MED DO ZHES 'CHAD PAR 'GYUR RO, ,DES NA RMI LAM GYI LUS BZHIN DU 'JIG RTEN PHA ROL GYI LUS SU YANG 'PHO'O ZHES GRUB BO, ,DE'I PHYIR GZHAN NAS 'ONGS PA LA GAL TE BAG CHAGS KYI STOBS KYI BYE BRAG GIS THOGS PA DANG BCAS PA DANG CIG SHOS LA SOGS PA TZAM ZHIG KHYAD PAR YIN YANG RGYUD NYAMS PA MA MTHONG BA NYID DO, ,DES NA SROG CHAGS RNAMS KYI RGYUD CHAD PA MED PA YIN PA'I PHYIR, 'JIG RTEN PHA ROL GRUB BO, ,'CHI BA LA SOGS PA NI GNAS PA'I 'PHEN PAR BYED PA'I BAG CHAGS KYI MTSAN NYID SNA TSOGS PA'I PHYIR RO, , SEMS GNAS PA NI SEMS LDOG PA MED PAR THAL BA NI MA YIN TE, DE 'DRA BA'I SEMS NYID MED PA'I PHYIR RO, ,'O NA TSU ROL MDZES PA LA YANG LAN YOD PA NYID DE DE 'DRA BA'I LUS MED PA'I PHYIR RO ZHE NA, DE'I PHYIR BSHAD PA, GAL TE SDONG BUL BA SOGS BZHIN, ,NYES PAS MI MTHUN LUS RGYU MIN, ,SHI BA NYES PAS MNYAM 'GYUR TSE, ,SLAR YANG 'TSO BA DAG TU 'GYUR, ,RLUNG DANG MKHRIS PA LA SOGS PA'I NYES PAS MI MTHUN PAR 'GYUR BA'I LUS NI JI 'DRA BA ZHIG LAS RNAM PAR SHES PA SKYE BA DE 'DRA BA MA YIN PA NYID DO, ,DES NA DE 'DRA BA'I LUS MED PA'I PHYIR LDOG PA MED PAR THAL BA MA YIN NO ZHE NA, 'DI NI MED DE, GAL TE DE LTAR 'GYUR NA SHI BAR 'GYUR BA NYES PA MNYAM PAR 'GYUR BA DES NA, LUS NAD MED PA THOB PA'I PHYIR, SLAR 'TSO BAR 'GYUR TE, DE DAG MNYAM PA NAD MED DE, ,ZAD DANG 'PHEL BA BZLOG PA YIN, ,ZHES BRJOD

, ,PA'I PHYIR RO, ,'ON TE NYES PA RNAMS MNYAM PAR BYAS PA GA LAS SHES SHE NA, RIMS LA SOGS PA'I RNAM PAR 'GYUR BA MA MTHONG BA'I PHYIR RO, ,RNAM PAR 'GYUR BA MI BYED PA'I NYES PA NI 'CHI BAR BYED PA MA YIN TE, THAMS CAD KYI TSE 'CHI BAR THAL BA'I PHYIR RO, ,DE LTA MA YIN NA NI LUS RGYU YIN PAR MI 'GYUR TE, SEMS DE DE'I RNAM PAR 'GYUR BA YOD PA DANG MED PA'I RJES SU MI 'JUG PA'I PHYIR RO, ,GAL TE SLAR 'TSO BAR 'GYUR BA DE LTA NA NI LUS RGYU NYID DU SHES PAR 'GYUR BA YIN NO, ,SEMS KYI RGYU NI SEMS YIN NA, , LDOG PAR 'GYUR BA MA YIN TE, ,SEMS MI MTHUN PA MED PA NI, ,PHYIR YANG 'ONG BAR MTHONG BA YIN, ,LUS RGYU YIN PAR 'GYUR NA NI, ,MI MTHUN LDOG PAR 'GYUR BA NA, ,DE 'DRA BA YI LUS DE NYID, ,JI LTAR SEMS KYI RGYU MA YIN, ,LUS RGYU YIN NA NI, DE LTA BUR 'GYUR BA'I LUS NYID GZHAN GYI TSE RGYU MA YIN NO ZHES MI 'THAD DO, ,MI MTHUN PA DE 'DRA BA NYID KYIS 'GA' ZHIG NI 'CHI LA GZHAN NI MA YIN NO ZHES BYA BAS RNAM PAR DBYE BA 'DIR CI LTAR 'GYUR, SEMS RGYU YIN NA NI SEMS MI MTHUN PA MED PA DANG YOD PAS 'CHIG BA DANG CIG SHOS KYI RGYU YIN PA'I PHYIR RNAM PAR DBYE BA MI 'THAD PA MED DO, ,NYES PA NYE BAR ZHI GYUR KYANG, ,'CHI DANG 'GA' ZHIG NYES PA YIS, ,NYES CAN YIN YANG 'TSO 'GYUR BA'I, ,RNAM GNAS 'DIR NI MI 'GYUR RO, ,'BRAS BU CI DGA' 'JUG PA NI MA YIN NO, ,DES NA RNAM PAR SHES PA LUS KYI 'BRAS BU MA YIN TE, LUS KYI 'BRAS BU YIN NA, SLAR 'TSO BAR THAL BA'I PHYIR RO, ,GAL TE MI MTHUN PAR BYED PA LOG KYANG DES BYAS PA'I RJES SU MI MTHUN PA GDON MI ZA BAR MI LDOG PA MA YIN NAM, ME LOG KYANG SHING LA MES BYAS PA'I RNAM PAR 'GYUR BA NI GANG DU YANG LDOG PAR MA MTHONG NGO, ,DE'I PHYIR, GAL TE ME NI LOG NA YANG, ,SHING GI 'GYUR BA MI LDOG BZHIN, ,DE NI LDOG PA MED CE NA, ,MA YIN GSO SBYONG YOD PHYIR RO, ,DPER NA ME LOG KYANG SHING GI 'GYUR BA MI LDOG PA DE BZHIN DU NYES PAS BYAS PA'I RNAM PAR 'GYUR BA 'CHI

BA YANG MI LDOG PA DES NA SLAR 'TSO BAR THAL BA MA YIN ZHE NA, DE'I PHYIR SMRAS PA, MA YIN TE GSO BA 'JUG PA'I PHYIR RO, ,GAL TE NYES PA'I 'GYUR BA BZLOG TU MED PA YIN NA GSO BA'I PHYIR SBYOR BAR MI 'GYUR RO, ,NYES PA'I 'GYUR BA BZLOG TU YOD PA YIN NA, DE BZLOG PA'I PHYIR GSO BA 'BRAS BU DANG BCAS PAR 'GYUR RO, ,GAL TE 'CHI BA'I RNAM PAR 'GYUR BA LAS SNGAR NYES PA BYAS PA'I RNAM PAR 'GYUR BA CHUNG DU NI BZLOG PAR BYA BA YIN GYI 'CHI BA NI BZLOG TU MED PAR 'GYUR RO, ,DES NA NYES PA'I 'GYUR BA BZLOG TU YOD PA DANG MED PA YIN PAS NYES PA 'DI MED DO ZHE NA, 'DI NI LEN MA YIN TE, 'DI LTAR, SLAR MI 'GYUR BA 'GA' ZHIG NI, ,LA LAR 'GYUR BA SKYED PAR BYED, ,'GA' ZHIG BZLOG PA YIN PHYIR DPER, ,SHING DANG GSER LA ME BZHIN NO, ,DANG PO CHUNG YANG LDOG PA MIN, ,SLAR LDOG RUNG BAR 'GYUR BYAS GANG, , DE NI SLAR YANG 'BYUNG 'GYUR TE, ,GSER GYI SGRA BA NYID BZHIN NO, ,DE'I DON NI 'DI YIN TE 'GA' ZHIG LA LA MI 'BYUNG BA'I RNAM PAR 'BYUNG BA RTZOM PAR BYED PA NYID DE DPER NA SHING LA ME BZHIN NO, ,'GA' ZHIG BZLOG PAS TE, DPER NA GSER LA DE NYID BZHIN NO, ,GCIG NYID GCIG NYID LA NI, ,DE LTA BU DANG DE LTA BU MA YIN PA'I RNAM PAR 'GYUR BA BYED PA MA YIN NO, ,DE LA RNAM PAR 'GYUR BA BYED PA'AM, RNAM PAR 'GYUR BA BYA BA DANG PO RNAM PAR 'GYUR BA GANG YIN PA DE NI CHUNG YANG LDOG PA MA YIN TE, MES NI SHING LA NAG PO TZAM BYAS PA YANG LDOG PA MA YIN LA, GSER SHIN TU ZHU YANG ME LOG NA'ANG GZHAN DU 'GYUR BA YIN NO, ,DES NA NYES PAR BYAS PAS RNAM PAR 'GYUR BA CHUNG NGU NA LOG PA'I PHYIR 'CHI BA'I MTSAN NYID CHEN PO YANG LDOG PAR 'GYUR BA DES NA SLAR 'TSO BAR THAL LO, ,'DI LTAR GNYID KYIS SEMS PA DANG 'BRAL BA'I MTSAN NYID KYI RNAM PAR 'GYUR BA BYAS KYANG GNYID MED NA LDOG PA YIN NO, ,'ON TE DE LDOG PA MED DO ZHES BRJOD NA, DE LA SMRAS PA, RIG PA MED PA'I RANG BZHIN NO, ,RIG PAR 'DOD PA MA YIN TE, ,'DI LTAR GAL TE DE YOD NA, ,SHI LA'ANG RIG PA YOD PAR 'GYUR, ,SHI DANG GNYID

, ,LOG PA DAG LAM, ,RIG PA MED PAR KHYAD PAR MED, ,DBUGS RNGUB LA SOGS THAMS CAD NI, ,CI LTAR DE YANG BSAM PA YIS, ,SHI BA DANG GNYID LOG PA DAG LA NI RIG PA MED PA NYID LAS KHYAD PAR GZHAN MED DO, ,DES NA GNYID LOG PA SAD PAR 'GYUR BA BZHIN DU, SHI BA YANG BSNUN PA DANG SMAN LA SOGS PA'I SBYOR BAS 'TSO BAR THAL LO, ,'ON TE GNYID LOG PA LA NI RIG PA MED PA NYID LA, SHI BA LA NI DE YOD PAS KHYAD PAR YIN NO ZHE NA, MA YIN TE RIG PA MED PAR NI GNYI GAR YANG MTSUNGS PA'I PHYIR RO, ,'ON TE RIG PA MED KYANG DE NUS PA'I RANG BZHIN DU YOD DO ZHES BRJOD NA, NUS PA ZHES PA SNYAD PA DE CI ZHIG ,GAL TE NUS PA MYONG BA NYID YIN NA NI DE'I TSE RIG PA NYID YOD PAS JI LTAR RIG PA MED PA YIN TE YOD PA YANG YIN MED PA YANG YIN NO ZHES 'GAL LO, ,'ON TE NUS PA RIG PA LAS GZHAN YIN NO,, 'ON TE LUS NYID YIN PA DES NA SEMS SKYED PAR BYED PA'I LUS GNAS PA NA NUS PA YOD PA'I PHYIR DE MI LDOG PA NYID DO, ,'ON TE SKYED PAR BYED PA'I LUS NI ZHIG LA, ,GZHAN SKYED PAR BYED PA MA YIN PA SKYES PA'I PHYIR SEMS PA MED PA YIN NO ZHE NA, SKYED PAR BYED PA MA YIN PA GANG YIN PA DE GANG YIN, RIG PA DANG BRAL BA'O ZHE NA, GNYID LOG PA LA YANG DE YOD PA'I PHYIR GNYID LOG PA LAS KYANG SAD PA'I GNAS SKABS SU RIG PA YOD PA'I PHYIR DE MI 'GYUR RO, ,GAL TE DE LA DBUGS RNGUB PA LA SOGS PA YOD NA, DES NA LUS SKYED PAR BYED PA MA YIN NO ZHE NA, 'O NA GNYID LOG PA'I GNAS SKABS DE NYID KYI TSE SKYE BA'I PHYIR GNYID LOG PA NYID DU MI 'GYUR RO, ,'ON TE GNYID YONGS SU GYUR PA DANG LHAN CIG PA'I DBUGS 'BYUNG BA LA SOGS PA DAG LAS SEMS PA SKYE'O ZHE NA, GNYID CES BYA BA 'DI CI ZHIG, ,RIG PA MED BA'O ZHE NA, SHI BA LA YANG DE YOD PA'I PHYIR TE, YONGS SU 'GYUR BA NA SLAR RIG PAR 'GYUR RO, ,GAL TE DBUGS RNGUB PA MED PAS LHAN CIG BYE PA MA TSANG BA'I PHYIR LUS 'BA' ZHIG LAS MI SKYE'O ZHE NA, BRGYAL BA LA SOGS PA'I RNAM PAR 'GYUR BA LA YANG DBUGS RNGUB PA LA SOGS PA MED PA'I PHYIR, RIG

PA YOD PAR MIN 'GYUR RO, ,DE'I PHYIR DBUGS RNGUB PA LA SOGS PA NI RIG PA'I RGYU MA YIN PA NYID DO, ,DBUGS RNGUB PA LA SOGS PA NI RGYU MA YIN NO ZHES SNGAR BSHAD ZIN TO, ,GZHAN YANG, GNYID DANG BRAL BAR 'GYUR NA BLO, ,SHES PA SNGA MA'I 'DU BYED LAS, ,DE LTA'I RNAM PAR 'BYUNG 'GYUR BA, ,DE YI PHYIR NA LUS RGYU MIN, ,LUNG MTSUNGS PAR YOD PA YIN YANG BLO LA SOGS PA NI SNGON GYI 'DU BYED DANG RJES SU MTHONG PA NYID DU MTHONG NGO, ,DES NA LUS SAM DBUGS RNGUB PA LA SOGS PA NI, RGYU MA YIN NO, ,'ON TE 'DU BYED LHAN CIG PA'I, ,LUS LAS SKYE BA BRJOD CE NA, DE NI MA YIN TE, 'DU BYED DE TSE MED PA NI, ,LHAN CIG BYED 'GYUR PHYIR 'THAD DKA', ,MED PA NI YOD PA'I LHAN CIG BYED PA MA YIN NO, ,SEMS MED PA LAS, SAD PA'I GNAS SKABS NA LUS BZHIN DU SNGON GYI SEMS KYANG YOD PA NI MA YIN PA NYID DO; ,MED PA NI LHAN CIG BYED PA MA YIN TE, LHAN CIG TU BYA BA BYED PA MED PA'I PHYIR RO, ,YOD PA DANG MED PA NI LHAN CIG 'BYUNG BA MA YIN NO, ,DE'I PHYIR DE LA SEMS SNGA MA NYID RGYU YIN GYI LUS NI MA YIN NO, ,'O NA JI LTAR BSNUN PA LA SOGS PA SAD PAR BYED PA YIN ZHE NA, DE NI LAM MA YIN TE, SAD PA GDON MI ZA BAR NI, ,BSNUN SOGS NYID LAS SKYE BA MIN, ,RAB TU BRDEGS PA MED PAR YANG, ,SAD PA DAG NI DMIGS PA YIN, ,BSNUN PA LA SOGS PA NYID KYIS NI, ,SAD PA MA YIN TE, RANG NYID KYANG SAD PA'I PHYIR RO, ,GAL TE SAD MA THAG TU MTHONG BA'I DON DANG 'BREL PA'I RNAM PAR RTOGS PA SKYE BA MA YIN NAM, DES NA MTHONG BA DANG SNGON GYI RNAM PAR SHES PA DAG NI CI LTAR LHAN CIG PA YIN ZHE NA, DE YANG LEGS PA MA YIN TE, 'DI LTAR, NYE BAR GNAS PA SAD GYUR PA, ,'DI LA'ANG NGES PA YOD MIN TE; ,DER GTAD PA YIS GANG 'PHANGS NAS, ,GNYID LOG DE LAS SAD PHYIR RO, ,GANG ZHIG LHUR GTAD PAS 'PHANGS NAS, ,GNYID LOG PA DE DANG MTHUN PA NYID DU 'DI'I BAG CHAGS SAD PAR 'GYUR BA YIN GYI SAD PA NA, GANG ZHIG DMIGS PA DE DANG 'BREL BAR NYE BAR NYID

, ,RTOGS PA NI MA YIN NO, ,GANG CIG LTAR GOMS PA DANG DE DE LTA BUR 'GYUR BA NYID RTOGS PAR MTHONG BA YIN NO, ,SAD PA NI GANG GI REG PA LA SOGS PA'I RANG BZHIN NYID DE, GANG ZHIG CI LTAR GOMS PA DE DANG RJES SU MTHUN PA NYID DU LUS KYI REG BYA RIG PA YIN NO, ,'DI LTAR, 'JIGS DANG BRTAN SOGS 'DU BYED LAS, ,'BRAS DANG MTSON 'DZIN LA SOGS PA, ,BDE SOGS RTOGS PA'I RANG BZHIN NI, ,SROG CHAGS RNAMS LA SKYE BAR 'GYUR, ,'JIGS PA GOMS PA'I KHYIM DU ZHUGS PA RNAMS LA NI SAD PA NI BROS PA BDE BA LA SOGS PA'I RANG BZHIN DU RIG PA NYID DE GZHAN DU SDUG BSNGAL BAR GNAS PAR 'GYUR RO, ,GZHAN LA 'TSE BAR MNGON PAR DGA' BA DRAG PO'I BDAG NYID CAN RNAMS KYI NI GZHAN LA GNOD PA BYED PA'I RGYU MTSON LA SOGS PA 'DZIN PA'I RANG BZHIN BDE BA LA SOGS PAR RIG PA'I RANG BZHIN YIN NO, ,DES NA LUS SAM DBUGS RNGUB PA LA SOGS PAR NI RNAM PAR SHES PA'I RGYU MA YIN TE, RNAM PAR SHES PA SNGA MA NYID RGYU MA YIN NO, ,DE YANG GAL TE LUS LAS SKYES PA YIN NA NI DE'I TSE LDOG PA MED PAR THAL LO ZHES BYA BA'I SKYON DE NYID YIN NO, ,DE BZHIN DU RNAM PAR SHES PA SNGA MA'I RJES SU 'GRO BA CAN DU YANG MI 'GYUR RO, ,'ON TE NYES PAS MI MTHUN PAR BYAS PA'I RGYU MA YIN NA NI MI MTHUN PA MED NA YANG 'BYUNG BAR 'GYUR RO, ,PHYIR MI 'BYUNG BA'I RNAM PAR 'GYUR BA'I CHOS RTZOM PAR BYED PA NYID YIN NA NI NYAM CHUNG BA LA SOGS PA RNAM PAR SHES PA ZHAN PAR 'JUG PA'I MTSAN NYID DAM BRGYAL BA LA SOGS PA RNAM PAR CHAD PA'I MTSAN NYID DES BYAS PA'I RNAM PAR 'GYUR BA CHUNG DU YANG BZLOG TU MED PAR 'GYUR RO, ,PHYIR LOG PA MED PA'I RNAM PAR 'GYUR BA'I RTZOM PAR BYED PA NI CHUNG NGU YANG BZLOG TU MED PA YIN NO, ,PHYIR LDOG PA RUNG BAR BYAS PA'I RNAM PAR 'GYUR BA GANG YIN PA DE NI PHYIR 'BYUNG BAR 'GYUR TE, GSER GYI SGRA BA NYID BZHIN NO, ,GSER GYI SRA BA NYID NI SONG YANG 'GYUR BA'I RGYU DANG BRAL BA NI SLAR LDOG PA YIN NO, ,DE BZHIN DU RNAM PAR SHES LA RNAM PAR CHAD PA'I MTSAN NYID RNAM PAR 'GYUR BA CHEN PO

YANG BZLOG PAR BYA BA YIN PA'I PHYIR, SLAR 'TSO BAR 'GYUR RO, ,GAL TE GSO BA'I SBYOR BA YOD PA'I PHYIR SLAR LDOG PAR RUNG BA NYID YIN LA, BSGRUB TU MED PA'I NAD KYI DNGOS PO YIN PA'I PHYIR NI SLAR LDOG PAR BYAR MED PA'I RNAM PAR 'GYUR BA YIN PA'I PHYIR GNYI GA YANG YOD PAS NA SKYON MED DO ZHE NA, LAN BSHAD PA NI, CUNG ZAD GSO BYA MIN BRJOD PA, ,'CHOS BYED RNYED PAR DKA' PHYIR RAM, ,TSE ZAD PHYIR RO NYES 'BA' ZHIG ,GSO NA GSO MIN MED PA NYID BSGRUB PAR BYA BA MA YIN PA'I NYID NI NYES PAS BYAS PA'I RNAM PAR 'GYUR BA SEL NUS PA DANG SMAN DANG SMAN PA RNYED PAR DKA' BA LAS 'THAD PA LAS YIN LA, SEMS 'BYUNG BA CHEN PO LAS 'GYUR BAR SMRA BA'I GZHUNG LAS BSGRUB PAR BYA BA MA YIN PA 'GA' YANG MED PA'I PHYIR RO, ,'O NA 'CHOS PAR BYED PA RNYED PAR DKA' BA NYID KYI PHYIR SLAR 'TSO BA MA YIN NO ZHE NA, DE NI MED DE GANG GI PHYIR, , RNAM 'GYUR LDOG PA MIN NA NI, ,'CHOS BYED RNYED PAR DKA' BA NYID, ,SLAR 'TSO BA YI RGYU MA YIN, ,LDOG NA DON MED 'GYUR BA YIN, ,DE'I PHYIR RNAM PAR 'GYUR BA LOG NA SLAR 'TSO BAR THAL BAR 'GYUR BA NYID DO, ,GAL TE GZHAN YANG BSGRUB PAR BYA BA NYID MA YIN PA YOD PA KHO NA'O ZHE NA; 'DI LA LAN NGA LA NI BSGRUB PAR BYA BA MA YIN PA NYID 'THAD DO, ,DE BSHAD PA NI, TSE ZAD PA'I PHYIR NA NAD BSGRUB PAR BYA BA MA YIN PA'I PHYIR RO, ,'DI LTAR NA DE LTA BU NYID KYIS 'GA' ZHIG 'TSO BA DANG GZHAN NI MA YIN PAR MTHONG NGO, TSE NI MTSON PA STE, LAS ZAD PA LAS KYANG YIN NO, ,SHA BKRA BA LA SOGS PA LAS SKYES BA'I NAD NI BSGRUB PAR BYA BA MA YIN TE, LAS DE 'DRA BA YOD PA'I PHYIR RO, ,DE'I PHYIR LAS BDAG BOR 'GYUR BA NYID LAN GYI RGYUR SMRA'O, ,NYES PA 'BA' ZHIG RNAM PAR 'GYUR BAR BYED PA YIN NA NI, GSO BAR BYA BA MA YIN PA'I NAD MED PA NYID DO, ,DE'I PHYIR, ,SHI BA'I DUS SOGS LOG PHYIR RAM, ,DE YI SOS ZIN BCAD LAS KYANG, ,'GYUR BA'I RGYU DANG BRAL BA NA, ,DE CIS SLAR YANG 'TSO MI 'GYUR, ,SHI BA LA GANG TSE SNGAGS LA SOGS PAS DUG LA SOGS PAS LDOG PAR 'GYUR BA'AM, DE'I SOS ZIN PA BCAD

, ,PA LAS TE, SOS ZIN PA RANG NYID 'DUS PA BCAD PAS LOG PA DANG, 'GYUR BA'I RGYU RIMS LA SOGS PA DANG, BRAL BA GANG GI TSE 'GYUR BA DE'I TSE SLAR 'TSO BAR 'GYUR RO ZHES BYA BA 'DI GNAS SO, ,GZHAN YANG NYE BAR LEN PA'I RGYU MA YIN PA LDOG PA'I PHYIR MA YIN NO, ,LUS KYANG NYE BAR LEN PA'I RGYU MA YIN TE, GAL TE YIN NA DE RNAM PAR MA GYUR PAR RNAM PAR MI 'GYUR BAR THAL BAR 'GYUR RO, ,GANG GI PHYIR, NYER LEN 'GYUR BA MED PA NI, ,NYER LEN CAN DAG 'GYUR BA NI, ,BYED PAR MI NUS DPER 'JIM PA, ,'GYUR PA MED PAR BUM SOGS BZHIN, ,NYE BAR LEN PA LUS 'GYUR BA MED PAR NYE BAR LEN PA LAS BYUNG BA RNAM PAR SHES PA 'GYUR BAR BYAR MI NUS PAR 'GYUR TE, 'JIM PA 'GYUR BA MED PAR BUM PA LA SOGS PA 'GYUR BA NI MA DMIGS SO, ,NYE BAR LEN PA'I CHOS KYANG 'DI NYID DE, DE 'GYUR BA NYID KYIS RNAM PAR 'GYUR BA GANG YIN PA'O, ,RGYU MANG PO YOD KYANG NI 'GA' ZHIG GI NYE BAR LEN PAR YIN GYI RGYU TZAM NI MA YIN NO, ,LUS NI RGYU NYID YIN YANG DE 'GYUR BA NYID KYIS RNAM PAR 'GYUR BA NI MA YIN NO, ,DE MA 'GYUR YANG 'JIG PA DANG MYA NGAN LA SOGS PAS SNGA MA'I SEMS RNAM PAR 'GYUR BA'I PHYIR DANG, DE 'GYUR NA YANG GDON MI ZA BAR MI 'GYUR BA'I PHYIR RO, ,GAL TE CHU 'GYUR NA MYU GU 'GYUR BA YIN YANG DE DE'I NYE BAR LEN PA NI MA YIN NO ZHE NA, MA YIN TE, RGYUN GYI RGYU NYE BAR LEN PA'I RGYUR YIN PA'I PHYIR RO, ,RGYUN GYI RGYU YANG SA BON YIN GYI CHU NI MA YIN TE, CHU NI GNAS SKABS KYI KHYAD PAR GYI RGYU YIN PA'I PHYIR RO, ,CHU LAS RGYUN NA 'BYUNG BA NI MA YIN TE, CHU NI NAS LA SOGS PA LA THUN MONG BA YIN PA'I PHYIR RO, ,CHU LDOG KYANG S'A LU'I RGYUN LDOG PA YANG MA YIN TE, CHU MED KYANG S'A LU'I RGYUN MI LDOG PA'I PHYIR RO, ,MYU GYU LA SOGS PA'I DE'I GNAS SKABS KYI KHYAD PAR NI CHU YIN PAS DE NI DE LA LOG NA LDOG PA YIN NO, ,DES NA CHU DE NI NYE BAR LEN PA'I RGYU NYID DO, ,CHU LA SOGS PA LAS NI S'A LU'I SA BON RNAM PAR 'GYUR BA'I SGO NYID NAS MYU GU LA SOGS PA GONG NAS GONG DU RNAM PAR 'GYUR

BA YIN NO, ,DE'I PHYIR 'GYUR BA MED PAR YANG RNAM PAR 'GYUR BA'I PHYIR LUS 'DI NI RNAM PAR SHES PA'I NYE BAR LEN PA'I RGYU MA YIN NO, ,DE NYID BSHAD PA NI, DNGOS GANG 'GYUR BA MED PAR NI, ,DNGOS PO GANG ZHIG RNAM 'GYUR BA, ,DE YI NYER LEN MI RIGS TE, BA LANG BA MEN LA SOGS BZHI, ,LUS MA 'GYUR YANG RNAM PAR SHES PA 'GYUR BA'I PHYIR LUS DE NI DE'I NYE BAR LEN PA'I RGYU MA YIN NO, , , ,DE'I PHYIR LUS LDOG NA DE LDOG PA MA YIN TE, ,DE 'GYUR BAS 'GYUR BA MA YIN PA'I PHYIR BA LANG DANG BA MIN LA SOGS PA NYID BZHIN NO, ,BA MIN BA MEN BA LANG GI GNAS SKABS KYI KHYAD PAR RNAM PAR 'GA' ZHIG GI RGYU YIN YANG, DE LDOG PAS GNAS SKABS KYI KHYAD PAR DE NYID MI 'GYUR MOD, RGYUN LDOG PA NI MA YIN NO, ,GAL TE BA LANG DANG BA MEN DAG NYE BAR LEN PA DANG NYE BAR LEN PAR CAN GYI DNGOS PO MA YIN PAS BZLOG PAR BYA BA DANG ZLOG PAR BYED PA MA YIN MOD, LUS DANG SEMS DAG LA GO CI 'ONG BAR 'GYUR TE, GZHAN GYI SKYON NI GZHAN GYI SKYON DU 'GYUR BA MA YIN NO, ,NYER BAR LEN PA NYID MA YIN NA NI, NGES PAR LHAN CIG TU GNAS PA NYID DU YANG MI 'GYUR TE, S'A LU'I LA SOGS PA'I RGYU DANG CHU BZHIN NO ZHE NA 'DI LA BRJOD PA NI, SEMS DANG LUS KYANG DE BZHIN NO, ,DE RGYU LHAN CIG BYED PA LAS, ,SKYE BA'I 'BRAS BU LHAN CIG GNAS, ,ME DANG ZANGS MA'I ZHU NYID BZHIN, ,'DIR GZHAN DU NI GRUB PA MA YIN TE, GANG GI PHYIR SEMS DANG LUS DANG KYANG DE BZHIN DU NYE BAR LEN PA DANG NYE BAR LEN PA CAN GYI DNGOS PO MA YIN NO, ,BA LANG DANG BA MEN DAG NYID BZHIN DU RNAM PAR JI ZHIG LTAR PHAN 'DOGS PAR BYED PA TZAM DU ZAD DE, GDON MI ZA BAR LUS RNAM PAR 'GYUR BA NYID KYIS SEMS 'GYUR BA NI MA YIN NO, ,DE BAS NA LUS NYE BAR LEN PA'I RGYU MA YIN PA'I PHYIR DE LDOG KYANG SEMS LDOG PA NI MA YIN NO, ,GNAS SKABS RGYU YI PA'I NYER LEN NI, ,ME LA SOG RGYU YIN GYI, ,GNAS SKABS BYED PA LOG PA NA, ,GNAS SKABS DE NYID LDOG PAR ZAD, ,RGYUN GYI RGYU GANG YIN PA DE, ,NYE BAR LEN PA'I RGYU YIN PAS, ,DE NI LOG PAR 'GYUR BA 'DI'I,,

, ,RGYUN NI LDOG PAR 'GYUR BA YIN, ,ME LOG PAS NI ZANGS MA YI, ,ZHU BA NYID NI LDOG PAR 'GYUR, ,SEMS NI LUS DANG LDAN CIG TU, ,DE SRID DUS NUS RNAM GNAS PA, ,PHAN TSUN LHAN CIG BYED PHYIR TE, ,ME DANG ZANGS MA'I ZHU NYID BZHIN, ,RGYU DE MIN NA GNYIS 'BRAS NI, ,SEMS NYID GSER BZHIN GNAS PA PA YIN, ,CI LTAR ME LHAN CIG BYED PA'I ZANGS MA ZHU BA NYID KYI NYE BAR LEN PA YIN PA DES NA, ME DANG ZANGS MA'I ZHU BA DAG LHAN CIG GNAS PA DE BZHIN DU, LUS LA GCES PA'I SEMS KYANG LHAN CIG BYED PA CAN GYI SEMS LAS SKYE LA, LUS KYANG SEMS LHAN CIG BYED PA CAN GYI LUS KYI GYU MER MER PO DAG LAS 'BYUNG BA YIN TE, DES NA SKYE BA'I 'BRAS BU LHAN CIG TU GNAS PA YIN NO, ,'DI SKAD DU BRJOD PA YIN TE, PHAN TSUN LHAN CIG BYED PA'I PHYIR, ,TSOGS PA GCIG TU 'GYUR BAS NA, ,'BRAS BU GNYIS NI LHAN CIG TU, ,GNAS PA LA NI MI 'THAD MED, ,LUS KYI RGYU MER MER PO LA SOGS PA'I MING CAN SEMS KYI LHAN CIG BYED PA CAN YIN PA'I PHYIR DANG, SEMS KYANG YUL LHAN CIG BYED PA CAN YIN PAS LUS DANG SEMS KYI MTSAN NYID KYI 'BRAS BU SKYE BA LHAN CIG GNAS PA YIN TE, ME DANG ZANGS MA'I ZHU BA NYID BZHIN NO, ,LUS LOG NA NI LUS GZHAN GYI KHYAD PAR CAN NAM LUS MED PA'I SEMS YIN PA'I PHYIR DE LOG PA MA YIN TE, GSER GYI RGYUN BZHIN NO, ,'ON TE YANG JI LTAR CHU LA SOGS PA LAS 'BRU'I RGYUN GYI KHYAD PAR 'BYUNG BA DE NI CHU LOG NA LOG PA YIN ZHI, ME LA SOGS PAS NYE BAR LEN PA NYAMS PAR BYAS NA NI, RGYU NYID LOG PAR 'GYUR RO, ,DE BZHIN DU SEMS KYI NYE BAR LEN PA 'GA' ZHIG GIS NYAMS PAR BYAS PA YANG RGYUN GYI RGYU MA YIN PA'I PHYIR RGYUN LOG PAR 'GYUR RAM, YANG JI LTAR SHA LU KA'I RIGS MI MTHUN PA BA LANG GI LCI BA LAS 'BYUNG BA DE BZHIN DU, DANG PO LUS NYID LAS SKYE BAR 'GYUR RO ZHE NA, 'DIR BRJOD PA, 'BRUL SOGS PA'I NYER LEN NI, ,ME LA SOGS PAS 'JIG PA YIN, ,RNAM PAR SHES PA'I NYER LEN NI, ,'GAS KYANG GNOD PAR BYED

MA YIN, ,DANG POR RNAM PAR SHES PA NI, ,LUS LAS SKYE BA MTHONG BA MA YIN, ,NYER LEN GNOD PA MED PAR NI, ,YID NI LOG PAR 'GYUR MA YIN, ,'BRU'I RGYUN GYI NYE BAR LEN PA LA ME BZHIN DU, RNAM PAR SHES PA'I NYE BAR LEN PA NI GNOD PA MA YIN NO, ,RNAM PAR SHES PA'I NYE BAR LEN PA NI RNAM PAR SHES PA NYID YIN LA, DE LA NI TSIG PA LA SOGS PA YOD PA MA YIN NO, ,GNYID LOG PA LA SOGS PAS GNOD PAR BYED DO ZHE NA, MA YIN TE, GNYID LA SOGS PA NI DUS DE TZAM DU GNOD PA'I RGYU YIN PA'I PHYIR RO, ,SNGON GYI 'DU BYED LA LTOS CAN,, SHES PA BAR DU CHOD PA YI, ,RNAM SHES LAS KYANG SKYE 'GYUR BAS, ,GNYID KYIS DE NI RNAM CHAD MIN, ,GNYID KYIS NI RNAM PAR SHES PA'I NYE BAR LEN PA GZHIG PAR NUS PA MA YIN TE, RNAM SHES RNAM 'CHAD DAG LAS KYANG, ,SKYE BA NYE BAR DMIGS PHYIR RO, ,SHI DANG GNYID LOG PA DAG LA, ,RNAM CHAD KHYAD PAR MED PAR GNAS, ,'ON TE RES 'GA' RNAM PAR CHAD PA KHO NAR 'GYUR RO ZHE NA, DE NI MA YIN TE, SAD PA MED PA RNAM 'CHAD NI, ,RANG NGAM YANG NA GZHAN GYI KYANG, ,DMIGS PA YOD PA MA YIN NA, ,RTOGS PA 'DI 'DRA GA LAS YIN, ,RE ZHIG RNAM PAR SHES PAS RNAM PAR CHAD PAR RANG NYID KYIS NI DMIGS PA MA YIN NO, ,GZHAN RNAM PAR CHAD PA NI SHES PA DMIGS KYI SHES PA RNAM PAR CHAD PA NI GANG GI SKYANG MA YIN NO, ,SHES PA MED PAS SO ZHE NA, SHES PA MED PAR MA GRUB PA CI LTAR MED PA SGRUB PAR BYED PA YIN, GRUB PO ZHE NA NI DE NYID SHES PA YIN PAS CI LTAR SHES PA RNAM PAR CHAD PA YIN, KUN TSE RNAM PAR CHAD PA NI, ,KUN TSE SHES PA NYID GYUR PA, ,'JIG RTEN PHA ROL MES PA NI, ,DE NYID YIN PHYIR LAN GDAB DKA', ,DE YANG MA YIN TE, SNGON GYI 'DU BYED LA LTOS CAN, ,RAB TU SAD PA DMIGS PA'I PHYIR, ,RNAM SHES DE NI RNAM CHAD PAS, ,'BA' ZHIG DMIGS PA YOD MA YIN, ,DANG PO'I SKYE BA DANG, RAB TU SAD PA DAG TU RNAM PAR SHES PA SNGON GYI 'DU BYED DANG RJES SU 'BREL PA NYID DMIGS PA'I PHYIR SNGON DANG PHYI MA'I MTHA' DAG

, ,RNAM PAR CHAD PA DMIGS PA MA YIN NO, ,GZHAN GYIS NI GZHAN GYI SHES PA RNAM PAR CHAD PA MI DMIGS PA NYID DE, DMIGS PA'I MTSAN NYID DU GYUR PA MED PA'I PHYIR RO, ,'DOD CHAGS DANG BRAL BAS NYAMS DMAS PA SRID PA NA, RNAM PAR CHAD PA YANG MA YIN TE, RANG GI DON LA DGA' MED PA, ,CHAGS BRAL ZHES BYA 'DOD MOD KYANG, ,GZHAN GYI DON LA'ANG DGA' MED PAR, ,NYES MED CES PA 'BREL MA YIN, ,GZHAN GYI DON LA DGA' BA MA YIN PAS NYES PA DANG BRAL BA NYID DU 'GYUR BA MA YIN TE, BRTZE BA MED PA ZHES BYA BA GANG YIN PA DE NYID DE'I NYES PA YIN NO, ,YANG NA 'DOD CHAGS DANG BRAL BA NYID KYIS RNAM PAR CHAD PA NI 'GA' ZHIG 'DOD PA NYID YIN PA'I PHYIR, ,NYES PA MA YIN NO, ,DE'I PHYIR NYE BAR LEN PA NYAMS PA NYID KYIS RNAM PAR SHES PA LDOG PA NI MA YIN TE, LUS NYE BAR LEN PA MA YIN PA'I PHYIR DANG, SEMS NYAMS PAR BYA MI NUS PA'I PHYIR RO, ,'DI SNYAM DU GAL TE NYE BAR LEN PA LDOG PAS RNAM PAR SHES PA LDOG PA MA YIN DU CHUG KYANG, RTEN LDOG PAS LDOG PA NI BZLOG TU MED PA NYID DO, ,LUS KYANG RTEN YIN PAR RTOGS PA YIN TE, DES NA RTZIG PA LA SOGS PA LOG PA LA RI MO LA SOGS PA LDOG PA BZHIN PAS 'JIG RTEN PHA ROL MA GRUB BO ZHE NA, DE YANG BDEN MIN RI MO LA, ,SOGS PAS 'PHO BAR DMIGS MIN PA, ,DES NA RI MO LA SOGS DNGOS, ,RTEN ZHIG NA NI 'JIG PAR 'GYUR, ,RI MO LA SOGS PA NI BUM PA LA SOGS PA LTAR RTEN GZHAN NAS 'ONGS SO ZHES RTOG PA MED DO, ,RNAM PAR SHES PA NI DANG PO'I SKYE BA DANG RAB TU SAD PA'I GNAS SKABS DAG TU SKYE BA GZHAN GYIS LUS DANG LHAN CIG SPYOD PA'I 'DU BYED PA DANG RJES SU 'BREL PA'AM, RMI LAM GYI LUS KYI 'DU BYED DANG RJES SU 'BREL PA YIN PA'I PHYIR, RI MO BZHIN DU RTEN SO SOR NGES PA MA YIN NO, ,RTEN SO SOR NGES PA YIN NA NI RTEN DE ZHIG NA 'JIG PA YIN NO, ,GZHAN YANG RTEN NYID NI LUS SAM GZHAN 'GA' LA YANG YOD PA MA YIN PA NYID PAS JI LTAR DE ZHIG NA 'JIG ,RI MO LA

SOGS PA NI RTZIG PA LA SOGS PA DAG LAS THA DAD PA MA YIN PA NYID DE, DES NA RANG ZHIG PA NYID KYIS ZHIG PA YIN GYI, RTEN ZHIG PA'I PHYIR NI MA YIN NO, ,GAL TE THA DAD PA MED PA'I PHYIR RTEN DANG BRTEN PA'I DNGOS PO MA YIN MOD, LUS DANG SEMS THA DAD PA DAG NI YIN PAR 'GYUR RO ZHE NA; 'DI NI MED DE, YOD MED DAG LA RTEN MED PHYIR, ,MA YIN YOD PA'I GNAS RGYU NI, ,RTEN YIN ZHE NA 'DI RTEN MED, ,GNAS PA PO LAS GZHAN MIN PHYIR, ,'DI NI RTEN YOD MA YIN MOD, ,GZHAN YIN NA YANG DE RGYU NYID, ,DES NI DNGOS PO CI ZHIG BYAS, ,RE ZHIG MED PA LA NI RTEN YOD PA MA YIN TE, RI BONG GI RVA LA NI RTEN 'GA' YANG MED DO, ,MED PA NI RGYU LAS SKYE BAR 'DOD PA 'BA' ZHIG TU ZAD DE DES NA MED PA NI RGYU NYID SRID KYI RTEN NI MA YIN NO, ,YOD PA LA YANG RTEN YOD PA MA YIN TE, YOD PA NI LTOS PA THAMS CAD DANG BRAL BA'I PHYIR RO, , YOD PA YANG GNAS PAR BYED PA'I PHYIR RTEN YOD PA YIN NO ZHES BYA BA YANG 'BREL PA MA YIN TE, GNAS PA NI GNAS PA PO LAS GZHAN MA YIN PA'I PHYIR GNAS PAR BYED NA DE NYID BYAS PAR 'GYUR RO, ,DE NI SKYED PA MA YIN TE, SKYES PA YANG SKYED PAR MI RUNG BA'I PHYIR RO, ,'ON TE SKYES PA LA YANG MA SKYES PA CUNG ZAD YOD PAS NA DE BYED PA'I PHYIR RTEN YIN NO, ,BDAG NYID THAMS CAD SKYED PA NI RGYU YIN PAR BRJOD LA, CHOS 'GA' ZHIG BSKYED PA NI RTEN LA SOGS PA YIN NO, ,GNAS PA NI RANG GI NGO BO LAS THA DAD PA MA YIN TE, LHUNG BA GNAS PA MED PA LA YANG RANG GI NGO BO YOD PA'I PHYIR RO, ,GAL TE GNAS THA DAD PA MED PA YIN NA NI, DE GNAS PA LAS THA DAD PA MED PAR 'GYUR BAS THAMS CAD KYI TSE GNAS PAR 'GYUR RO, ,RANG GI NGO BO YOD PA NA LDOG PA NI 'GAL BA'I CHOS GNAS PA'I PHYIR THA DAD PAR 'GYUR RO ZHES RIGS SO ZHE NA, DE NI MA YIN TE, GZHAN YIN NA NI 'DI DE'I RGYU NYID DE, 'DI GNAS PA'I RGYU NYID YIN GYI RTEN NI MA YIN NO ZHE NA, DNGOS PO'I RTEN YIN NO ZHE NA, MA YIN TE, DNGOS PO LA NI CI YANG MA BYAS PA'I PHYIR RO, ,DNGOS PO'I GNAS PA BYED PA'I PHYIR RTEN YIN NO ZHE NA, CI GNAS PA NI SKYES PA NA GNAS PAR BYA BA

, ,YIN NAM 'ON TE GZHAN DU YIN TE, DE NI SKYES PA'I SNGON DU NI DNGOS PO MA YIN TE MED PA NYID KYI PHYIR RO, ,THA DAD PA GZHAN LAS SKYES PA JI LTAR DNGOS PO'I YIN TE, DE'I BDAG NYID DANG DE LAS BYUNG BA'I 'BREL PA MED PA'I PHYIR RO, ,DE DANG 'DUS PAR SKYES PA'I PHYIR RO ZHE NA; DE DANG 'DUS PA ZHES BYA BA'I DON CI YIN, DER GNAS PA'O ZHE NA, GNAS PA LA YANG GNAS PA GZHAN YOD PAS THUG PA MED DO, ,GZHAN YIN NA THA DAD PA NYID DU CI STE MI RTOGS, 'PHROD PA 'DU BAS 'BREL PA'I PHYIR RO ZHE NA, 'PHROD PA 'DU BA YOD MOD, DE LTA NA YANG GANG GANG GI RANG BZHIN YIN PA DE DE NYID DU JI STE MI RTOGS TE, JI LTAR GZHAN DU RTOGS, 'BYAR BA'I PHYIR RO ZHE NA, 'BYAR BA ZHES BYA BA DE CI YIN, GAL TE BDAG NYID THAMS CAD KYIS 'BYAR NA NI THA DAD PA MED PAR 'GYUR RO, ,'ON TE PHYOGS GCIG GIS 'BYAR BA YIN NA LDAN PA DANG 'PHROD PA 'DU BA DAG LA KHYAD PAR CI YOD, SO SO BA DANG SO SO BA MA YIN PAR GRUB PA'O ZHE NA, SHING LA SOGS PA'I YAN LAG RNAMS KYANG 'PHROD PA 'DU BAR THAL LO, ,'DI LA'O SNYAM PA'I BLO'I RGYU MTSAN DU GYUR PA'O ZHE NA, MA YIN TE, LDAN PA NYID DU THAL BA'I PHYIR TE, MGO LA RVA'O ZHES RTOGS PA'I PHYIR RO; ,'ON TE RANG GI 'DU BA CAN GYI YAN LAG DANG 'DUS PA NYID NI SO SO BA MA YIN PAR 'GRUB PA YIN LA BZLOG PA NI SO SOR GRUB PA YIN NO ZHE NA, DE LTA NA YANG THA DAD PAR RTOG PAS 'PHROD PA 'DU BA MA YIN NO, ,YAN LAG MED PA'I DNGOS PO NI YAN LAG DANG 'BYAR BA MA YIN NO, ,YAN LAG DANG 'BYAR BA NA NI THA DAD PAR RTOGS PAR THAL BA'I PHYIR RO, ,RJES SU ZHUGS PAS THA DAD DO ZHES BYA BA YANG 'THAD PA MA YIN TE, MNGON SUM GYIS RJES SU 'GRO BA MA RTOGS PA'I PHYIR RO, ,MNGON SUM MED PA NI RJES SU DPAG PA MED PA'I PHYIR RJES SU 'GRO BA RTOGS PA MED DO, , DE'I PHYIR LHAN CIG BYED PA'I RGYU KHYAD PAR CAN LAS DON KHYAD PAR CAN NYID SKYE BA CAN YIN GYI, GNAS PA ZHES BYA BA NI MED DO ZHES GNAS SO, ,DE LTA NA YANG RGYU DANG 'BRAS BU'I DNGOS PO'I KHYAD PAR NYID RTEN DANG BRTEN PA'I DNGOS PO YIN NO, ,LUS NI NYE BAR LEN PA'I RGYU YANG MA YIN PAS DE LOG NA LDOG PA MA

YIN NO, ,GAL TE GNAS PAR BYED PA'I PHYIR LUS RTEN YIN NA, DE'I TSE GANG LA GNAS PA'I YOD PA DE MI 'JIG PA'I PHYIR, 'JIG PA MED PAR THAL BAR 'GYUR, ,GAL TE DE 'JIG RGYU LAS 'DOD, ,DE LA THAL BA MTSUNGS PA YIN, ,GNAS PA'I RGYUS KYANG CI ZHIG BYA, ,GNAS PAR BYED PA YOD PA LA 'JIG PA MI SRID DO, ,'ON TE YANG GAL TE 'JIG PA'I RGYU MED NA GNAS PAR BYED PA YOD PA NA 'JIG PA MA YIN PA ZHIG NA, 'JIG PA'I RGYU YOD PA LAS ZHIG PA'I PHYIR 'JIG PA MED PAR THAL BAR MI 'GYUR RO ZHES SMRAS PA NI, GAL TE DE 'JIG PA'I RGYU LAS 'JIG PA YIN NO ZHE NA, MA YIN TE, DE LA'ANG THAL BA MTSUNGS PA YIN, ,'JIG PA DE YANG THAL BAR 'GYUR BA MTSUNGS SO, ,'JIG PA ZHES BYA BA DNGOS PO LAS GZHAN NI 'GA' YANG MED DO, ,GZHAN YIN NA DE'I RGYU YIN TE, DE DNGOS PO CI ZHIG BYAS, 'JIG PA GZHAN BYAS NA DE 'JIG CES BYA BA NI MA YIN NO, ,DES NA 'JIG PA'I RGYU CUNG ZAD KYANG BYED PA YANG MA YIN TE, DE'I PHYIR MI 'JIG PAS BDAG NYID GNAS PA'I PHYIR GNAS PA'I RGYUS CI ZHIG BYA, GNAS PA'I RGYU NI CUNG ZAD KYANG BYED PA MA YIN NO, ,YANG NA GAL TE 'JIG PA'I RGYU LAS 'JIG PA YIN NA, JI SRID 'JIG PA'I RGYU YOD PA MA YIN PA DE SRID RANG NYID GNAS PA'I PHYIR GNAS PA'I RGYUS CI ZHIG BYA, GAL TE 'JIG RGYU PHRAD BAR DU, ,DES GNAS 'JIG PA DNGOS CHOS NYID, ,YOD LA 'DI GNOD MED PA'I PHYIR, ,GNAS PA'I RGYUS NI CI ZHIG BYA, ,GNAS PAR BYED PA MED NA 'JIG BYED MED PAR YANG 'JIG PAR 'GYUR RO, ,GNAS PAR BYED PA YOD NA NI 'JIG PA'I RGYU MED PAR 'JIG PA MA YIN TE, DES NA 'JIG BYED KYI SNGAR GNAS PAR BYED PA'I PHYIR GNAS PAR BYED PA'I YIN PAS DON MED PA MA YIN NO ZHE NA, DE LTA NA 'O NA 'JIG PA'I RGYU MED PAR THAL BAS RANG GI RGYU NYID LAS DE LTA BUR 'GYUR BA YIN PA'I PHYIR 'JIG PA'I DNGOS PO'I CHOS NYID YIN PAS, YOD PA LA STE YOD PA'I DON LA 'DI GNOD PAR BYED PA MA YIN NO, ,DNGOS PO'I RANG BZHIN GANG GIS KYANG GZHAN DU BYA BA MA YIN PA'I PHYIR, GNAS PA'I RGYUS NI CI ZHIG BYA, 'ON TE GNAS PA'I RGYU MED NA 'JIG PAR 'GYUR BA LAS

, ,GNAS PA'I RGYU YOD NA 'JIG PA LA GEGS BYED DO ZHE NA, 'JIG PA'I GEGS DE YANG 'JIG PA LAS GZHAN PA YIN NAM, DES NA 'JIG PA CI YANG MA YIN PA'I PHYIR 'JIG PAR 'GYUR BA NYID PAS JI LTAR GNAS, 'ON TE SKAD CIG SO SOR 'JIG PA'I NGANG CAN GNAS PAR BYED PA LAS GZHAN DU 'GYUR BA YIN NA, DE'I RGYU 'JIG PA YANG RGYU MED PA YIN PA'I PHYIR DE NYID SKAD CIG SO SOR 'JIG PA YIN NO, ,DE'ANG GNAS PAR BYED PA LAS GZHAN DU SKYES PA'I PHYIR 'DI SKYED PAR BYED PA NYID YIN GYI GNAS PAR BYED PA NI MA YIN NO, ,YANG NA GAL TE GNAS PAR BYED PA LAS 'JIG PA PO DANG PHRAD KYI BAR DU MI 'JIG PA GNAS PA YIN NO ZHE NA, DE LTA YIN NA MI 'JIG PAR SKYES PAS 'DI GNOD PA MA YIN PA'I PHYIR GNAS PA'I RGYUS CI ZHIG BYA, 'ON TE GNAS PAR BYED PA YOD PA'I DUS NYID DU MI 'JIG PA YIN NA, DE LTA NA GNAS PAR BYED PA LA SKAD CIG SO SOR MI 'JIG PA GZHAN DANG GZHAN YIN PAR 'GYUR RO, ,GNAS PA PO'I GNAS PA YANG CIS BYAS, RANG GI RGYUS BYAS SO ZHE NA, GNAS PAR BYA BA YANG DE LTAR 'GYUR BA'I PHYIR GNAS PAR BYED PAS CI BYA, 'ON TE 'GA' ZHIG NI GNAS PA POS GNAS LA, 'GA' ZHIG NI RANG NYID DU ZHES BYA BA NI RNAM PAR DBYE BA YIN NO ZHE NA, DE LTA NA 'O NA RNAM PAR SHES PA YANG RANG NYID GNAS PAR CI STE MI 'DOD, CI STE YANG SA PHYOGS CHU LA SOGS PA'I RTEN DU MTHONG BA YIN NO, MTHONG BA NI RNAM PAR RTOG PA RGYUS KYANG GNOD PA MA YIN NO, ,DES NA YOD MED DAG RTEN MED PA'I PHYIR RO ZHES BYA BA'I TSIG GI TSUL NI DON MED PA YIN TE, MTHONG BA DANG 'GAL BA'I PHYIR RO ZHE NA, 'DI LA YANG BSHAD PA NI, GAL TE DPER NA CHU SOGS KYI, ,RTEN BZHIN ZHE NA 'DI LA MTSUNGS, ,DNGOS RNAMS SKAD CIG RE RER NI, ,'JIG NA DNGOS RGYUN DE LTA BUR, ,SKYE RGYUN YIN PHYIR DE RTEN YIN, ,DE LTA MIN NA RIGS MA YIN, ,BO BA YI NI GEGS BYED PHYIR, ,CU SOGS KYI NI RTEN 'GYUR GYI, ,'GRO BA MED CAN YON TAN SPYI, ,LAS RNAMS LA NI RTEN CI DGOS, ,CHU LA SOGS PA LA YANG SA GZHI LA SOGS PA YOD PA DANG MED PA'I PHYOGS DAG GI RTEN DU MI 'THAD PA'I PHYIR DPE MTHONG BA MED DO, ,

GAL TE RTEN GYI DNGOS PO MTHONG BA'I PHYIR CI LTAR MA MTHONG ZHE NA, MA MTHONG BA NYID LA KHYED MTHONG BAR MNGON PAR RLOM PA YIN NO, ,BYED PA PO DANG LAS KYI BYA BA LA GZHIR 'GYUR BA GANG YIN PA NI RTEN YIN NO ZHES BYA BA NI LUGS YIN TE, 'DZIN PA'I PHYIR RTEN YIN NO, ,'DZIN PA YANG LTUNG BA LA YIN NA GANG LTUNG BA DE NI MI 'DZIN LA, GANG 'DZIN PA DE NI LTUNG BA MA DMIGS TE, LTUNG BA DANG MI LTUNG BA DAG PHAN TSUN 'GAL BA'I PHYIR RO, ,SNGAR LTUNG BA PHYIS MI 'BYUNG BA YIN NO ZHE NA, 'O NA GANG LTUNG BA DE GZUNG BA MA YIN TE, MNGON SUM GYIS GCIG TU MA RTOGS PA'I PHYIR RO, ,LTUNG BA DANG CIG SHOS KHYAB PA GNAS PA PO GCIG NI DMIGS PA MA YIN NO, ,KHYAB PA MA YIN NA YANG CI LTAR GNAS PA PO NYID YIN, DA LTAR YANG GNAS SO ZHES GZUNG NA NI GNAS PA PO DE LTAR GZUNG BAR 'GYUR RO, ,RIM GYIS KHYAB PAR 'DZIN TO ZHE NA, RIM GYI DON CI YIN ZHES SOMS SHIG ,DNGOS PO DANG DNGOS PO MED PA RIM DU BRJOD PA YIN LA DE YANG DUS THA DAD PA DAG YIN NO, ,DNGOS PO DANG DNGOS PO MED PA LA GZUNG BA'AM 'DZIN PA'I YIN GRANG NA, GZUNG BA'I DNGOS PO DANG DNGOS PO MED PA DANG 'BREL NA NI GCIG NYID MA YIN NO, ,'DZIN PAR BYED PA RIM DANG LDAN PA YIN NA NI GZUNG BA LA YANG DER 'GYUR BA'I PHYIR GZUNG BA GNAS PA PO GCIG MA YIN NO, ,DE'I PHYIR CUNG ZHIG NI 'DAS PAR GZUNG NGO, ,CUNG ZHIG NI DA LTAR 'DZIN TO, ,CUNG ZHIG NI MA 'ONGS PA NA 'DZIN PAR 'GYUR RO ZHES BYA BA'I RNAM PAR RTOG PA'I SPYOD YUL NYID RIM PA YIN PAS NA, GANG GIS DMIGS PA'I PHYIR RTEN DANG BRTEN PA'I DNGOS PO ZHES BRJOD PA MNGON SUM GYIS RIM PA 'DZIN PA GAL YOD, DE PHYIR YOD MED DAM RTEN MED PA'I PHYIR RO ZHES BYA BA'I DON 'DI NYID YIN NO, ,'DI LTAR RTEN DANG BRTEN PA'I DNGOS PO NYID NI MTHONG BA MED PA NYID DO, , DE'I PHYIR RTEN DANG BRTEN PA ZHES BYA BA 'DI NI RNAM PAR RTOG PA TZAM DU ZAD DO, ,'O NA JI LTAR RTEN DANG BRTEN PA'I DNGOS POR RTOG PA YANG DE MTHONG BA MED PAR JI LTAR 'GYUR ZHE NA, 'O NA NI PHYIN CI LOG GI RNAM PAR RTOG PAR MI 'GYUR RO ZHES BYA BAR 'GYUR RO, ,GZHAN YANG SKAD CIG SO SOR

, ,'JIG PA YUL GZHAN DANG GZHAN DU SKYE BA CAN RNAMS KYI NYE BAR LEN PA'I YUL DU SKYE BA NI RTEN DANG 'BREL PAS BYAS PA YIN TE, DE LAS DE LTAR SKYE BA'I PHYIR SA GZHI LA SOGS PA DE RTEN YIN TE RGYU YIN PA'I PHYIR RO, ,SNGA MA DANG PHYI MA DAG GCIG TU SGRO BTAGS NAS SKABS KHYAD PAR CAN GYI RGYU NYID LA RTEN DU BRJOD PA YIN NO, ,GCIG TU SGRO BTAGS PA YIN NA SKYE BAR MI RTOGS SHING SNGA MA 'DZIN PAR YANG SGRO BTAGS PA'I PHYIR THOG MA MED PA'I BAG CHAGS KYI MTHU LAS PHYIN CI LOG TU RTOGS PA YIN NO, ,DE NYID KYI PHYIR SNGA MA SNGA MA'I BAG CHAGS KYIS 'JUG PA'I PHYIR RGYUN THOG MA MED PA NYID KYI 'JIG RTEN PHA ROL GRUB PA'I PHYIR MI 'DOD PA THOG TU BAB BO, ,'DI LTAR, DMIGS PA MED PA'I NGO BOS NA, ,YID KYI RTOG PA THAMS CAD NI, ,SNGON GYI SHES PA LAS BYUNG STE, ,SMIG RGYU LA NI CHUR RTOGS BZHIN, ,SNGA PHYI GCIG TU RTOGS PA NI; ,DMIGS PA MED PA'I NGO BO YI, ,RJES SU 'GRO BA YIN TE GCIG NYID MED PA'I PHYIR RO, ,DNGOS PO DU MA NYID LAS 'GYUR TE, DE'I 'BRAS BU NYID DU MTHONG BA'I PHYIR RO ZHE NA, DE NI MA YIN TE, SMIG RGYU LA CHUR RTOGS PA NI DE TZAM GYI RGYU MTSAN CAN MA YIN TE, SNGON GYI CHU MTHONG BA'I 'DU BYED PAS SKYE BA'I PHYIR GCIG NYID NI SNGON YANG DMIGS PA MA YIN TE, DES NA SKYE BA GZHAN DU YANG GCIG TU RTOG STE SKYE BA GZHAN GYIS GCIG TU 'DZIN PA SNGON DU 'GRO BA YIN LA DE YANG DE LTA BU YIN PA'I PHYIR THOG MA MED PA'I RTOG PA BRGYUD PA YIN PAS SROG CHAGS RNAMS KYI RGYUN THOG MA MED PAR GRUB BO, ,DE BZHIN DU BDAG LA SOGS PAR 'DZIN PA DANG LDAN PA'I BLO RGYUN THOG MA MED PAR DE LTAR 'GYUR ZHING PHYIS KYANG MI 'CHAD PA YIN PA'I PHYIR 'KHOR BA THOG MA DANG THA MA MED DO, ,GZHAN YANG, BO BA YI NI GEGS BYED PHYIR, ,CHU SOGS KYI NI RTEN 'GYUR GYI, ,'GRO BA SEMS CAN YON TAN SPYI, ,LAS RNAMS LA RTEN CI ZHIG DGOS, ,CHU LA SOGS PA LA NI BO BA'I GEGS BYED PA'I RGYU RTEN YIN NO ZHES RIGS KYI, YON TAN DANG SPYI DANG LAS BYA BA MED PA 'GRO BA DANG MI LDAN PA RNAMS LA RTEN CI DGOS, SEMS PA SPYI DANG YON TAN DANG LAS YIN NAM GZHAN DU

YANG RUNG STE RNAM PA THAMS CAD DU BYA BA MED PA YIN PA'I PHYIR 'DI LA RTEN GYI DGOS PA YOD PA MA YIN NO, ,DES NA BRTEN PA MA YIN PA'I SEMS PA NI RTEN MA YIN PA ZHIG PAS 'JIG PA MA YIN NO, ,DE NI LHAN CIG GNAS PA TZAM DU ZAD DE JI LTAR LHAN CIG GNAS PA DE LTAR NI SNGAR BSTAN ZIN TO, ,GAL TE JI LTAR 'GRO BA CAN NYID MA YIN YANG, YON TAN 'PHROD PAS 'DUS PA YIN PA DE BZHIN DU SEMS PA YANG 'PHROD PAS BSDUS PA YIN NO, ,'PHROD PAS BSDUS PA'I YON TAN NI 'PHROD PAS 'DU BA CAN GYI RGYU MED PAR GNAS PA MA YIN TE, DE 'JIG NA 'JIG PA NYID DO ZHE NA, 'GRO BA LA SOGS PA'I GEGS BYED PA MED PAR NI RTEN DANG BRTEN PA'I DNGOS PO MA YIN LA, RTEN DANG BRTEN PA'I DNGOS PO MED PAR YANG 'PHROD PAR 'DU BA MA YIN TE, GANG GI PHYIR SO SOR MA YIN PAR GRUB PA'I RTEN DANG BRTEN PA RNAMS KYIS 'DI LA'O SNYAM PA'I BLO'I RGYU MTSAN NI 'PHROD PA 'DU BA ZHES BRJOD PA'I PHYIR RO, ,'DI NYID BRJOD PA NI, 'DIS NI 'PHROD PA 'DU BA DANG, ,'PHROD PA 'DU BA CAN RGYU DANG, ,RIGS LA SOGS PA RNAMS GNAS NYID, ,RTEN MED PHYIR NA GSAL BA YIN, ,RIGS LA SOGS PA 'PHROD PAS 'DUS PA YIN YANG RTEN DU 'GYUR BA'I GSAL BA MED NA MED PA NI MA YIN NO, ,GAL TE RIGS RTAG PA'I PHYIR RTEN MED NA MED PA YIN NO ZHE NA, SEMS KYANG RGYU GZHAN DANG 'BREL PA'I PHYIR MTSUNGS SO, ,RTEN DANG BRTEN PA'I DNGOS PO YANG YOD PA MA YIN NO, ,RTEN DANG BRTEN PA'I DNGOS PO GSAL BA 'DI NYID KYIS SPANGS PA'I PHYIR 'PHROD PAS 'DU BA SPANGS PA YIN LA, 'PHROD PA 'DU BA CAN GYI RGYU YANG SPANGS PA YIN TE, GAL TE DE RGYU YIN NA NI RTEN DANG BRTEN PA'I DNGOS PO MA YIN NO DE'I TSE 'DU BA CAN GYI GYU NYID MED DO, ,RIGS LA SOGS PA RGYU MED PAR RNAM PAR GNAS PAR BRJOD PA GANG YIN PA DE YANG SPANGS PA YIN NO, ,YANG NA RNAM PAR GNAS PA NYID 'PHROD PAS 'DU BA YIN YANG DE NYID DU 'DUS PA SPANGS PA YIN NO, ,RIGS NI GSAL BA LA 'PHROD PAS 'DUS PA YIN YANG DE NYID DU RNAM PAR GNAS PA NI MA YIN TE, GSAL BA GZHAN LA YANG RJES SU SONG BA'I PHYIR RO, ,DE BZHIN DU SEMS PA 'PHROD PAS 'DUS

, ,PA YIN YANG LUS MED PAR YANG LUS GZHAN DANG RJES SU 'BREL PAR 'GYUR BA'I PHYIR 'JIG RTEN PHA ROL MA GRUB PA MA YIN NO, ,LUS GCIG MED KYANG RNAM PA DE LTA BU'I BLO SKYE BA NI MI 'GAL TE GSAL BA GZHAN LA YANG RJES SU 'GRO BA'I BLO BZHIN NO, ,DE'I PHYIR RGYU DANG 'BRAS BU'I DNGOS PO MED PAR NI, RTEN DANG BRTEN PA'I DNGOS PO 'GA' YANG YOD PA MA YIN NO, ,GAL TE GZHAN LAS DNGOS 'JIG NA, ,DE YI GNAS RGYUS CI ZHIG BYA, ,DES GZHAN MED PAR 'JIG NA YANG, ,GNAS PA'I RGYU RNAMS NUS MED YIN, ,RTEN BCAS THAMS CAD GNAS LDAN DANG, ,SKYE BA CAN KUN RTEN BCAS YIN, ,DE PHYIR DNGOS PO THAMS CAD NI, ,'GA' ZHIG TSE NA'ANG 'JIG MI 'GYUR, ,GAL TE RANG 'JIG DANG TSUL BDAG ,YIN NA DE GNAS BYED GZHAN GANG, ,GAL TE RANG 'JIG DANG TSUL BDAG ,MIN NA DE GNAS BYED GZHAN GANG, , ZHES BYA BA NI BSDU BA'I TSIGS SU BCAD PA DAG GO, ,GAL TE 'OD DANG SGRON MA DAG GZHI DANG GNAS PA'I RTEN DANG BRTEN PA MA YIN YANG RTEN DANG BRTEN PA'I DNGOS POR MTHONG BA YIN NO, ,'ON TE LTUNG BA'I CHOS CAN MA YIN YANG SGRON MA RTEN GYI DNGOS POR NI YOD PA YIN NO, DE LDOG NA NI 'DI LDOG PAR 'GYUR TE, 'OD DE NI SGRON MA'AM DE MA YIN PA GZHAN DU 'PHO BA NI MA YIN NO, ,DPER NA MAR ME ZHIG NA MAR ME'I 'OD YUL GZHAN NA 'DUG PA'ANG 'JIG PA DE BZHIN DU LUS ZHIG NA LUS LA BRTEN PA'I RNAM PAR SHES PA YUL GZHAN LA GNAS PA YANG 'JIG PAR 'GYUR RO, , DON DAM PAR NI YUL LA GNAS PA YANG MA YIN TE, YID KYI RNAM PAR SHES PA LA NI DE'I RNAM PA TZAM ZHIG MTHONG BA YIN NO ZHE NA, 'DIR SMRAS PA, 'OD DANG SGRON MA DAG NI DER 'GYUR NA 'GYUR BA'I PHYIR RTEN DANG BRTEN PA'I DNGOS PO YIN GYI, LUS DANG SEMS DAG NI DE LTA MA YIN TE, 'ON KYANG SHES RAB LA SOGS PA BLO NYID DO, ,'DI LTAR, LUS KYI PHUL 'BYUNG 'GRIB MED PAR, ,BLO YI BYED PA'I KHYAD PAR GYIS, ,SHES RAB LA SOGS PHUL BYUNG DANG, ,'GRIB PA DAG TU 'GYUR BA YIN, ,'DI NI MAR ME'I 'OD LA SOGS, ,RTEN PA RNAMS LA YOD MA YIN, ,DE LAS

KYANG NI KHYAD 'GYUR TE, ,SEMS LA PHAN 'DOGS MED PA MIN, ,LUS KYI 'DU BYED KHYAD PAR MED KYANG BLO'I 'DU BYED PA'I KHYAD PAR GYI DBANG GIS KHYAD PAR DU 'GYUR BAS NA SHES RAB LA SOGS PA RTOGS PA'I KHYAD PAR 'JUG PA YIN NO, DE'I PHYIR BLO SNGA MA NYID BLO'I RTEN YIN GYI LUS NI MA YIN TE, DES NA MAR ME'I 'OD NI DPE MA YIN NO, ,GAL TE MAR ME'I 'OD KYANG SPRUL LA SOGS PAS MAR ME MA 'GYUR YANG 'GYUR BAR BYED PA MA YIN NAM ZHE NA, MA YIN TE DE NI MAR ME NYID DBAL ZHAN PA'I MTSAN NYID DU RNAM PAR 'GYUR BA YIN TE, DES NA MAR ME'I 'OD YUL GZHAN NA YOD PA RNAM PA GZHAN DU 'GYUR BA YIN NO, ,BLO'I BYED PA THA DAD PA'I DUS NA NI LUS RNAM PAR 'GYUR BA MA YIN NO, ,GAL TE LUS KYI KHYAD PAR LAS KYANG, KHYAD PAR DU 'GYUR BA MTHONG BA NYID MA YIN NAM, DES NA LUS NI RTEN GYI DNGOS PO'AM, NYE BAR LEN PA YIN NO ZHE NA, DE LA SMRAS PA, DER YANG SEMS LA PHAN 'DOGS PA NYID KYI SGO NAS LUS RNAM PAR 'GYUR BAR BYED PA NYID YIN NO, ,GANG DU BCUD KYIS LEN LA SOGS PAS LUS RGYAS PAS SHES RAB KHYAD PAR DU 'GYUR BA DER NI LUS REG BYA BDE BA'I RANG BZHI SKYES PAS YIS PAS YID 'CHOL BA MED PA NA, JI LTAR BA BZHIN DU 'GYUR BA'I 'DU BYED SAD PA'I PHYIR 'GA' ZHIG TU SHES RAB KHYAD PAR DU 'GYUR BA YIN NO, ,DE LTA MA YIN NA THAMS CAD THAMS CAD LA SHES RAB MTSUNGS PAR THAL LO, ,DPER NA BKRES PAS NYEN PAS NA, ,BSHAD PA 'CHOL BAR BYED PA DAG ,DE LOG JI LTAR GOMS PA BZHIN, ,DE YI BSHAD PA 'JUG 'GYUR BZHIN, ,BCUD KYIS LEN DANG DRANGS PA NI, ,MTSUNGS PHYIR GOMS PA JI LTA BAR, ,RJES 'BREL BAR YANG MI 'GYUR TE, ,DE PHYIR THAMS CAD 'CHAD PAR 'GYUR, ,DES NA SKYE BA GZHAN DAG TU, ,GANG GIS BSTAN BCOS GANG GOMS PA, ,DE NI SHES RAB BSTAN BCOS NI, ,DE NYID LA NI SAD PAR NGES, ,GAL LA THAMS CAD GOMS YOD PAR, ,DE YI SHES RAB KHYAD MED 'GYUR, ,DE LTA MIN NA BCUD KYIS LEN, ,BSGRUB PAS THAMS CAD RIG PAR 'GYUR, ,MNGON SUM DRAN PA MA GTOGS PA, ,BLO GZHAN GANG NA'ANG YOD MA YIN, ,SHES RAB YID

, ,GZHUNGS LA SOGS KYI, ,DBYE BA'ANG DRAN PA'I BYE BRAG LAS, ,JI BZHIN DRAN PA SHES RAB STE, ,'CHAL BA'I SHES RAB DE LAS BZLOG, ,YID GZHUNGS PA YANG DRAN DE NYID, ,DER NI DBYE BA RAB TU BSTAN, ,SNGON GYI 'DU BYED TZAM LAS NI, ,GTAN DU BRJOD PA'I DON GANG YIN, ,GANG ZHIG DE BZHIN NYID DPOG PA, ,DE NI SHES RAB CES BRJOD DO, ,GANG GIS DRAN PA'I RJES 'BRANGS PA, ,NYID KYIS DE NI RTOGS BYED PA, ,DE NI YID GZHUNG ZHES BRJOD DE, ,GOMS DANG BRAL PHYIR SHES RAB MIN, ,DE BZHIN DU, SO SO SO SOR GZUNG BA RNAMS, , DE BZHIN DRAN PA YID GZHUNGS YIN, ,DE NYID KHYAD PAR CAN DU NI, ,PHAN TSUN SBYOR BA SHES RAB YIN, ,GOMS PA MED PAR 'GA' YANG NI, ,SBYOR BA NYE BAR MTHONG BA MIN, ,DES NA DON GYI DE GOMS CAN, ,SNGON GYI GOMS PA'I RJES DPOG BYED, ,GAL TE 'DOD CHAGS KYANG BLO'I KHYAD PAR NYID YIN TE, BLO LAS GZHAN NI MA YIN NO, ,GZHAN NYID NA NI SHES RAB LA SOGS PA YANG GZHAN YIN PAR THAL LO, ,'DOD CHAGS LA SOGS PA NI LUS RGYAS PA LA SOGS PA LAS SKYES PA YIN TE, DES NA BLO YANG LUS LAS SKYE BAR 'GYUR RO, ,DE LTA MA YIN PA DE'I RJES SU BYED PAR MI 'GYUR RO ZHE NA, 'DI NI MED DE, 'GA' TSE CHAGS SOGS RGYAS SOGS KYI, ,'PHEL BA BDE SDUG LAS SKYES YIN, ,DE YANG KHAMS MNYAM LA SOGS PA, ,NANG GI DON NI NYE BA LAS, ,RGYAS PA LA SOGS PAS 'DOD CHAGS LA SOGS PA 'PHEL BA DE NI THAMS CAD KYI TSE MA YIN GYI, 'ON KYANG 'GA'I TSE NYID DE, GANG GI TSE GOMS PA LAS SKYES PA TSUL BZHIN MA YIN PA YID LA BYED PA MNGON DU 'GYUR BA NA'O, ,GANG ZHIG MI SDUG PA'I BAG CHAGS DANG 'BREL PA DE LA NI, DE NYID PHYIR LA 'DOD CHAGS SRABS [*SRAB?] PAR BYED PA YIN NO, ,'DOD CHAGS LA SOGS PA 'PHEL BA DE YANG BDE BA DANG SDUG BSNGAL LAS SKYES PA YIN TE, BDE BA MYONG BA NA NI 'DOD CHAGS RJES SU 'BREL BAR 'GYUR LA, SDUG BSNGAL NA NI ZHE SDANG NGO, ,BDE BA NA NI SNGON GYI TSUL BZHIN MA YIN PA YID LA BYED PA DE NYID SAD PAR 'GYUR BA YIN NA, SDUG BSNGAL BA LA GO ZHE SDANG JI LTAR ZHE NA, SDUG BSNGAL BA NI

THAMS CAD DU ME BZOD PA DES DE YONGS SU 'DOR BA'I BDAG NYID NI SDANG PA NYID DO, ,'DIR NGES BA NI YOD PA MA YIN TE, YID SDUG BSNGAL BA NA SO SOR RTOG PA DANG LDAN PA DAG RANG GI SDUG BSNGAL GYI RJES SU DPAG NAS BRTZE BA SKYE BA NYID DAM, DE'I PHYIR GZHIL BA'I RGYU LA CHAGS PAR YANG 'GYUR RO, ,'O NA GAL TE BLO'I RANG BZHIN BDE BA DANG SDUG BSNGAL DE DAG NYID BLO LAS SKYES NA BLO YANG DE BZHIN DU 'GYUR BA'I PHYIR SKABS DANG 'GAL LO ZHE NA, 'DI NI YOD PA MA YIN TE, KHAMS MNYAM PA'I MTSAN NYID NANG GI DON NYE BA LAS, YUL GYI SGO NAS BDE BA SKYE BA YIN GYI RTEN GYI SGO NAS NI MA YIN NO, ,LUS RTEN DU 'GYUR BAS BDE BA DANG SDUG BSNGAL BSKYED PA NI MA YIN TE, 'ON KYANG YUL DU 'GYUR BAS MA YIN NO, ,YUL BDE BA LA SOGS PA'I RGYU YIN NA YANG LUS DE DAG GI RTEN PA MA YIN TE, YUL NI PHYI DANG NANG MTSUNGS PA'I PHYIR RO, ,DES NA PHYI ROL YANG RTEN DU THAL BAR 'GYUR NA 'DOD PA NI MA YIN NO, ,GANG GI TSE SNYING DU SDUG PA MTHONG BA LA SOGS PAS KHAMS MNYAM PA LA SOGS PAS NANG GI DON GYI KHYAD PAR YANG DMIGS PA MA YIN PA DE'I TSE NI BDE BA DANG SDUG BSNGAL DAG DE LA BRTEN PA NYID MA YIN NO, ,YUL NI RTEN MA YIN LA DE LDOG PAS LDOG PA YANG MA YIN NO, ,DPER NA NANG GI YUL LA BDE BA 'BYUNG ZHING DE YONGS SU SPANGS NAS PHYI'I YUL LA RGYU BA DE BZHIN DU 'JIG RTEN PHA ROL LA SOGS PA'I LUS GZHAN LA YANG YIN NO, ,DPE NI 'DUS PA LA SOGS PAS, ,DRAN PA NYAMS SOGS BSHAD PA YIN, ,NANG DON KHYAD PAR LAS SKYES PA'I; ,BLOS NI 'GYUR BAR BYED PHYIR RO, ,DER YANG BCUD KYIS LEN LA SOGS PAS NANG GI DON NYE BA NA BDE BA LA SOGS PA'I BLO SKYE BAR 'GYUR BA YIN LA, DE LAS DRAN PA NYAMS PA LA SOGS PAR 'GYUR BA MA YIN NO, ,LUS KYI RNAM PAR 'GYUR BA 'DUS BYAS PAS BYAS PA GANG YIN PA DE RTEN DU GYUR PA LAS NI MA YIN NO, ,JI LTAR MIG LA SOGS PA DMIGS PAR BYA BA MA YIN PA LAS DE'I SHES PA SKYE BA DANG, DE 'GYUR NA 'GYUR BA DE BZHIN DU BCUD KYIS LEN LA SOGS PAS RNAM PAR 'GYUR BA'I LUS LAS NI MA YIN NO, ,RNAM PAR SHES PA MED PA RGYU YIN NA THAMS CAD RGYU YIN PAR

, ,THAL LO, ,MIG LA SOGS PA NI RJES SU 'GRO BA DANG LDOG PA DAG DANG DE 'GYUR NA 'GYUR BA LAS RTEN GYI DNGOS POR 'GYUR RO, ,LUS NI DE LTA MA YIN TE, DE MED KYANG PHA ROL NYE BAR GNAS PA LAS KYANG BDE BA YOD PA'I PHYIR RO, ,DRAN PA NYAMS PA YANG PHYI ROL GYI SRIN PO LA SOGS PA MTHONG NA YANG 'GYUR RO, ,'DI NYID STON PA NI, DPER RGYUD KHYAD PAR LA LA LA, ,STAG NYID DANG NI KHRAG LA SOGS, ,THOS PA DANG NI MTHONG BA LAS, ,RMONGS PA LA SOGS 'BYUNG 'GYUR BZHIN, ,STAG CES THOS PA LAS KYANG 'GA' ZHIG RMONGS PA'AM GZHAN DU 'GYUR RO ZHES DGONGS PA YIN NO, ,KHRAG MTHONG BA LAS KYANG DE BZHIN NO, ,DE NI BLO NI RTEN NAM, DE LDOG NA LDOG PA NYID MA YIN NO, ,DE BZHIN DU 'DUS PA LA SOGS PA'I GNAS SKABS SU DRAN PA NYAMS PA LA SOGS PAR 'GYUR BA YANG NANG GI DON GYI DMIGS PA NYE BA LAS YIN PA'I PHYIR LUS NI BLO'I RTEN MA YIN NO, ,LUS NI BDE BA LA SOGS PA'I DMIGS PA NYID YIN TE, DES NA DE DAG KYANG DE LDOG PA NA LDOG PA MA YIN TE, DMIGS PA GZHAN LA YOD PA'I PHYIR RO, ,DE PHYIR NGES PAR GANG YID KYI, ,'DU BYED KYI NI RJES 'JUG PA, ,SEMS NI DE MED MI 'BYUNG BA, ,DE PHYIR SEMS LA BRTEN PA YIN, ,SEMS NI SEMS KYI 'DU BYED KYI RJES SU NGES PAR 'JUG GI LUS NI MA YIN TE, LUS NI RTEN NYID DU MA MTHONG BA'I PHYIR RO, ,SEMS GZHAN DANG LDAN PA GZHAN LA SEMS MI SKYE BA'I PHYIR SEMS NI SEMS NYID LA BRTEN PA YIN NO, ,'DI LTAR, 'DU BYED STOBS DANG LDAN PA'I PHYIR, ,RNAM PAR G-YENG BA ZLOG PAR BYED, ,RNAM PAR G-YENG BA'I STOBS LDAN NA, ,'DU BYED GZHAN DU PHYOGS PAR 'GYUR, ,GANG GI TSE 'DU BYED SHIN TU STOBS DANG LDAN PA DE'I TSE BUN LONG DAG TU YANG SEMS G-YENG BAR MI 'GYUR RO, ,GANG GI TSE RNAM PAR G-YENG BA'I DNGOS PO STOBS DANG LDAN PA DE'I TSE 'DU BYED PA YOD KYANG RANG GI 'BRAS BU RJES SU MTHUN PA'I RIGS PA SKYED PA MA YIN NO, ,DE'I PHYIR SEMS NI RNAM PAR SHES PA SNGA NA MED NA MI 'BYUNG BA YIN NO, ,DE'I PHYIR SHES PA NYID LDOG NA SEMS LDOG GO ZHES RIGS SO, ,GAL TE DBANG PO LAS RNAM PAR SHES PA SKYE BA YIN LA,

DE LAS KYANG YID KYI RNAM PAR SHES PA SKYE BA MA YIN NAM, DES NA BRGYUD PAS YID KYI RNAM PAR SHES PA LUS NYID LAS 'BYUNG BA'I PHYIR JI LTAR LUS RTEN MA YIN, BRGYUD PAS RGYU YIN YANG ME DU BA'I RJES LAS SKYES PA'I DU BA ZLOG PAR BYED PA MA YIN PA NI MA YIN LA, ME GZHAN DANG GZHAN LAS DE SNGA NA MED PA MI 'BYUNG BA MA YIN NO, ,DE BZHIN DU RNAM PAR SHES PA YANG LUS LAS SKYE BAS DU BA BZHIN RGYUN 'CHAD PA'I CHOS CAN DU 'GYUR RO ZHE NA, MA YIN TE, YID KYI RNAM PAR SHES PA NI DBANG PO'I SHES PA MED KYANG THOG MA MED PA'I BAG CHAGS LAS 'GYUR RO ZHES BSTAN PA'I PHYIR RO,, DU BA ME LAS CI 'DRA BA, ,RNAM PA CI 'DRA DU LAS MIN, ,YID NI GOMS LAS CI 'DRA BA, ,DE 'DRA NYID NI DANG PO 'BYUNG, ,MES BSKYED PA'I DU BA DANG DU BAS BSKYED PA'I DU BA NI MTSAN NYID GCIG PA NI MA YIN NO, ,BLO'I KHYAD PAR SHES RAB LA SOGS PA THAMS CAD LA KHYAB PAR BDAG TU 'DZIN PA LA SOGS PA RNAMS NI GOMS PA'I DE MA THAG PA DANG SNGON YANG RANG BZHIN MTSUNGS PA NYID YIN PA DE'I PHYIR DU BA DPE MA YIN NO, ,DU BA NI ME'I KHYAD PAR NYID LAS DUS CUNG ZAD RGYUN GNAS PA YIN LA, SHES RAB LA SOGS PA NI SHES RAB LA SOGS PA'I KHYAD PAR SNGA MA NYID LAS YIN GYI DE DAG LUS KYIS GNAS PAR BYAS PA NI MA YIN NO, ,GZHAN YANG, GAL TE RNAM SHES 'GA' ZHIG NI, ,SNGON GYI RNAM PA DANG BRAL BA, ,DBANG PO NYID LAS SKYES NA NI, ,DU BA DPER 'GYUR SRID PA YIN, ,DBANG PO LAS KYANG RNAM PAR SHES PA 'BYUNG BA YIN TE, SNGON GYI RNAM PAR SHES PA LA MA LTOS PA LAS NI MA YIN TE, RNAM PAR SHES PA SNGA MA YENGS NA DBANG PO DANG YUL PHRAD PA YOD KYANG MI SKYED PA'I PHYIR RO, ,DES NA RNAM PAR SHES PA SNGA MA'I LHAN CIG BYED PA CAN GYI DBANG PO LAS SKYE'I 'BA' ZHIG LAS NI MA YIN NO, ,GAL TE DBANG PO'I RNAM PAR SHES PA DE NI SKYES MOD KYI; DE NGES PA MED PA'I PHYIR MA SKYES SO ZHES THA SNYAD DU BYED PA YIN NO ZHE NA, DE NI MA YIN TE, GAL TE RNAM SHES SKYES GYUR KYANG, ,NGES PA MED PHYIR MED DO ZHES, ,RTOGS NA MED PA THAMS CAD NI, ,DE NYID YIN PAR RTOGS PAR GYIS, ,GAL TE NGES PA MED PA'I PHYIR MED PAR

, ,RTOGS PA YIN GYI, RIG PA MED PA'I PHYIR MA YIN NA, 'O NA NI GANG DU YANG RIG PA MED PA ZHES BYA BA MED PAR 'GYUR TE, THAMS CAD DU NGES PA MED PA RGYU YIN PA'I PHYIR RO, ,'ON TE DE LAS RIG PA'I RGYU YOD PA YIN TE, DES NA RGYU NUS PA YOD PA LAS RIG PA YOD PAR RJES SU DPAG GO ZHE NA, 'O NA NGES PA YANG RGYU RIG PA YOD PAS, DE YANG RJES SU DPOGS SHIG ,'ON TE RNAM PAR G-YENG BAS DE NYAMS PAR BYAS SO ZHE NA, RIG PA'I RGYU LA YANG CI STE MI 'DOD, 'ON TE DBANG PO NYAMS PA MED PA DANG, ,YUL CHOD PA MED PAR CI LTAR SHES PA MI SKYED PA NYID YIN ZHE NA, SKYED PAR BYED PA'I RNAM PAR SHES PA SNGA MA MED PA'I PHYIR RO, ,RNAM PAR SHES PA SNGA MA DANG BCAS PA'I DBANG PO NYID SKYED PAR BYED PA YIN PA'I PHYIR RO, ,DE GA LA ZHE NA, 'DI LTAR BDE SOGS DBANG PO YI, ,SHES KUN SNGAR GYI SHES LAS YIN, ,'DI NI SKABS SU BAB PA NA, ,PHYI NAS RAB TU BSTAN PAR BYA, ,BDE BA DANG SDUG BSNGAL DANG DE GNYI GA MA YIN PA'I RNAM PAR SHES PA DBANG PO LAS BYUNG BA NYID SNGON GOMS PA LAS SKYE BA YIN NO, ,PHYI NAS BSHAD PAR BYA'O, ,DES NA SNGON GYI 'DU BYED LA LTOS PA DANG BCAS PA'I DBANG PO NYID KYIS DBANG PO'I RNAM PAR SHES PA SKYED PAR BYED PA YIN NO, ,DES NA DANG PO'I RIG PA YANG DBANG PO LAS SKYE BA MA YIN NO, ,DES NA SEMS MTHA' DAG NI SEMS MED NA MI 'BYUNG BA YIN NO ZHES GNAS SO, ,GZHAN YANG, DBANG PO'I SHES PA THAMS CAD NI, ,GOMS PA'I STOBS LAS BYUNG BA YIN, ,DBANG PO'I SHES PA'I RANG BZHIN PHYIR, , RMI LAM RNAM SHES RANG BZHIN BZHIN, ,GAL TE DBANG PO'I RGYU YIN NA DBANG PO MED PAR MDUN NA GNAS PA GSAL BA'I RNAM PA CAN GYI RNAM PAR SHES PAR MI 'GYUR BA ZHIG NA, 'GYUR BA YANG YIN NO, ,DE'I PHYIR DE NI RGYU MA YIN TE, DE MED KYANG YOD PA'I PHYIR RO, ,'ON TE DE NI 'KHRUL PA YIN TE MA 'KHRUL BA NI DBANG PO NYID LAS SKYES PA YIN NO ZHE NA, DE NI MED DE, SHES PA MTHA' DAG DBANG PO NI, ,MED PA NYID DU SKYE BA YIN, ,DON YOD PA DANG MED PA LAS, ,'KHRUL DANG 'KHRUL PA MED PAR GNAS, ,DE'I RNAM PA CAN GYI SHES PA MTHA' DAG NI DBANG PO LA MI LTOS PAR 'GYUR

BA YIN TE, RMI LAM GYI SHES PA BZHIN NO, ,'ON TE DBANG PO MED PAR 'GYUR BA GANG YIN PA DE NI 'KHRUL PA YIN LA GZHAN NI GZHAN DU YIN NO ZHES BYA BA NI KHYAD PAR YIN NO ZHE NA, DE NI MA YIN TE, RE ZHIG DE'I RNAM PA CAN NYID NI RNAM PAR SHES PA'I RANG BZHIN YIN NO, ,DE YANG DBANG PO MED BA NYID DU DMIGS PA DE'I TSE DE'I RGYU MA YIN NO, ,MI SLU BA NI DON YOD PA LAS 'GYUR BA'I PHYIR DE NI DON GYIS BYAS PA NYID YIN GYI DBANG POS BYAS PA MA YIN TE, GZHAN NI GZHAN GYI 'BRAS BU LA NUS PA MA YIN NO, ,'ON TE RMI LAM NA YANG DBANG PO YOD PA NYID DE, DES NA MDUN NA GNAS PAR GSAL BA'I RNAM PA NI DER YANG DBANG POS BYAS PA NYID DE, DE NA 'KHRUL PA MED DO ZHE NA, DE YANG RIGS PA DANG MI LDAN PA NYID DE, GANG GI PHYIR, SAD DBANG GOMS PA LAS YIN TE, ,GANG PHYIR DE LAS GZHAN BZHIN NO, ,'BRAS DNGOS THA DAD MED NA NI, ,RGYU RNAMS THA DAD MED PA NYID, , 'BRAS BU KHYAD PAR MED PAS RGYU KHYAD PAR MED PA RJES SU DPAG PA YIN NO, ,DBANG PO NI RMI LAM GYI GNAS SKABS DANG GZHAN DU KHYAD PAR YOD PA MA YIN NO, ,DES NA DBANG PO NYID RIGS MTHUN PA GOMS PA MED PAR MI 'BYUNG BAS, DA LTA'I RNAM PAR SHES PA DBANG PO NYID LAS SKYE BA MA YIN PA'I PHYIR; RNAM PAR SHES PA SNGA MA NYID RNAM PAR SHES PA'I RNAM BA'I RTEN YIN NO, ,'ON TE SEMS SEMS NYID KYI RTEN YIN LA RAG MOD, DE LTA NA YANG 'DOD PA MI 'GRUB BO, ,'JIG RTEN PHA ROL PA MA YIN PA'I SEMS RTEN YIN NA NI GRUB PA LA SGRUB PA YIN TE, PHA MA'I SEMS RTEN DU 'DOD PA'I PHYIR RO, ,'JIG RTEN PHA ROL PO'I SEMS RTEN YIN NA NI MA NGES PA YIN TE, PHA MA'I RANG BZHIN GYI YANG RJES SU 'JUG PA'I PHYIR RO ZHE NA, 'DIR BRJOD PA NI, DE PHYIR NGES PA GANG NYID KYI, ,ZHES BYA BA LA SOGS PA YIN NO, ,PHA DANG MA'I RANG BZHIN GYI RJES SU NI NGES PAR 'DZIN PA MA YIN TE, DE RNAM PAR 'GYUR BA MED KYANG 'GYUR BAR MTHONG BA'I PHYIR DANG, DE 'GYUR YANG MI 'GYUR BAR MTHONG BA'I PHYIR RO, ,GAL TE DE'I 'DU BYED LAS 'GYUR BA YIN NA, MKHAS PA LA SOGS PAR 'GYUR TE, DPER NA SHING W'A TA'I SA BON LAS SKYES PA SHING W'A TA'I RANG BZHIN NYID DU

, ,'GYUR BA BZHIN NO, ,'ON TE JI LTAR PHA DANG MA DAG 'DU BYED PA BSGRUB PA'I 'DON PA PO LA SOGS PA'I LHAN CIG BYED PA CAN DE'I NGO BO NYID DU 'GYUR BA DE BZHIN DU BU YANG YIN NO ZHE NA, DE NI MA YIN TE, 'DUS BYAS KYANG RES 'GA' MED PA'I PHYIR DANG, DE LTA MA YIN PAR YANG YOD PA'I PHYIR DANG, RANG GI RGYUD LA YOD PA'I RNAM PAR SHES PA SNGA MA'I 'DU BYED KYI RJES SU 'JUG PAR MTHONG BA'I PHYIR DANG, RGYUD GZHAN GYI RJES SU 'JUG PA MA MTHONG BA'I PHYIR RO, ,MKHAN PO'I 'DU BYED PA'I RJES SU 'JUG PAR DMIGS SO ZHE NA, MA YIN TE, DE MED NA GZHAN DU MA MTHONG BA'I PHYIR RANG GI RGYUD KYI RNAM PAR SHES PA SNGA MA'I 'DOD PA'I KHYAD PAR LAS YIN PAS, DE YANG BRGYUD NAS RANG GI RGYUD NYID LAS SKYES PA YIN NO, ,MNGON PAR 'DOD PA DANG LHAN CIG PA LAS SKYES PA YIN NO ZHE NA, YIN MOD, DE LTA NA YANG RANG GI RIG PA MED PAR GZHAN GYI 'DU BYED PA'I RJES SU 'JUG PA NI MA YIN NO, ,DES NA, 'JIG RTEN PHA ROL MED PAR NI, ,'DU BYED RJES 'JUG 'GYUR MA YIN, ,PHA MA'I RANG BZHIN RJES 'JUG PA, ,'JIG RTEN GZHAN LDAN 'GAL BA MED, ,GAL TE 'DI LTAR NGES PAR RANG GI RGYUD LA YOD PA'I SEMS KYI 'DU BYED PA'I RJES SU 'JUG PA YIN NA 'O NA CI LTAR PHA'I RANG BZHIN GYI RJES SU 'JUG CE NA DE LA LAN NI, PHA MA'I RANG BZHIN THAMS CAD KYI RJES SU 'JUG PAR THAL BA'I PHYIR RO, ,'O NA 'JIG RTEN GZHAN SMRA BA'I LUGS LA YANG THAMS CAD RJES SU MI 'JUG PAR THAL LO ZHE NA, MA YIN TE, DES 'JIG RTEN GZHAN DU DE'I RANG BZHIN GOMS PAR BYA BA'I PHYIR MKHAN PO'I RANG BZHIN GYI RJES SU 'JUG PA BZHIN NO, ,GAL TE JI LTAR SHING GCIG LAS SHING DU MA 'BYUNG BA DE BZHIN DU RNAM PAR SHES PA GCIG LAS RNAM PAR SHES PA DU MA 'BYUNG BA YIN NO, ,DE LTA NA GCIG NYID LAS BRGYUD NAS 'GRO BA MTHA' DAG SKYES SO ZHES BYA BAR 'GYUR RO ZHE NA, 'DI LA BSHAD ZIN TE, MA LA SOGS PA'I RANG BZHIN GYI RJES SU 'JUG PAR THAL BA'I PHYIR RO, ,'O NA 'JIG RTEN PHA ROL SMRA BA LA YANG SNGON GYI RANG BZHIN THAMS CAD KYI RJES SU 'JUG PAR 'GYUR RO ZHE NA, MA YIN TE, RNAM PAR G-YENGS PA'AM, MNGAL GYI GNAS KYI SDUG

BSNGAL GYIS 'GA' ZHIG BRJED PA'I PHYIR RO, ,'DU BYED PA'I RJES SU 'JUG PA 'GA' ZHIG NI YOD PA NYID DE SKYE BA DRAN PA YANG MTHONG BA'I PHYIR RO, ,SNGON MED PA SKYES PA LA SDUG BSNGAL YOD PA MA YIN TE, DE'I GNAS SKABS NI DE NYID YIN GYI GZHAN NI MED PA'I PHYIR RO, ,GAL TE DE NYID NYE BAR LEN PA NYID KYIS SKYED PAR BYED PA YIN NA NI, DE NYID KYI LUS BZHIN DU BU DANG 'BREL BA'I LUS GZHAN LA YANG DRAN PAR THAL BAR 'GYUR RO, ,SDUG BSNGAL BAS DE MA DRAN NO ZHE NA, DE NI MA YIN TE, DE NYID KYI TSE DER SKYES PA LA NI SDUG BSNGAL BA YOD PA MA YIN TE, DUG GI SRIN BU BZHIN NO, ,'JIG RTEN GZHAN NAS 'ONGS PA LA NI DE SDUG BSNGAL BA YIN TE, THOG MA MED PA'I GOMS PA LA BRTEN PA'I PHYIR RO, ,GZHAN YANG PHA MAS SDUG BSNGAL MYONG BAR THAL TE, DPER NA GNYID LOG PA'I LUS KYI NANG DU GTOGS PA'I RMI LAM GYI LUS KYI SDUG BSNGAL MYONG BA BZHIN NO, ,BSKYED PAR BYA BA'I SHING TSIG PAS SKYED PAR BYED PA'I SHING RNYING PA TZAM DU YANG MI 'GYUR BA BZHIN DU MYONG BA YIN ZHE NA, MA YIN TE, SHING PHYI MA'I 'DU BYED PA NI SHING SNGA MA LA MED PA'I PHYIR RO, 'DIR NI RMI LAM GYI LUS KYI 'DU BYED PA LUS SNGA MA LA MTHONG BA'I PHYIR RO, ,DES NA SNGAR BYAS PA DRAN PA NYID DU 'GYUR RO, ,DROD GSHER LAS SKYES PA LA YANG BLO MED PAR 'GYUR TE, MA LA SOGS PA MED PA'I PHYIR RO, ,DE'I PHYIR BDAG TU 'DZIN PA LA SOGS PA'I BLO NI MA LA SOGS PA'I BLO NI MA LA SOGS PA'I BLO MED PAR YANG DROD GSHER LAS SKYES PA'I SKYE BO RNAMS LA MTHONG BA YIN NO, ,DES NA MA LA SOGS PA'I BLO NI RGYU MA YIN TE, DE MED KYANG YOD PA'I PHYIR RO, ,DE BAS NA YID KYI RNAM PAR SHES PA DANG, GZHAN LUS LA SOGS PA'I G-YO BA NI RANG GI RGYUD LA YOD PA'I BLO SNGA MAS BSKYED PA YIN NO, ,GAL TE LUS RJES SU 'GRO BAR DMIGS PA'I PHYIR, MA LA SOGS PA'I LUS NYID RNAG GI RGYU YIN LA, RNAM PAR SHES PA DANG G-YO BA LA SOGS PA YANG DE LAS THA MI DAD PA YIN NO, ,DES NA DE'I RJES SU 'GRO BAR BSGRUB PA NI GRUB PA LA BSGRUB PA NYID DO, ,'ON TE PHA LA SOGS PA DANG 'BREL BA'I LUS THA DAD PA NYID YIN NA, 'JIG RTEN PHA ROL GYI LUS KYANG DE BZHIN DU YIN PAS DE'I RJES SU 'GRO BA CAN DU YANG MI 'GYUR RO, ,BYIS PA LA SOGS PA'I

, ,GNAS SKABS SU NI PHA LA SOS PA'I G-YO BAG LA SOGS PA'I RANG BZHIN DE NYID YIN PAS, DE'I RGYUN NYID DO ZHE NA, DE YANG MI 'THAD DE, LUS DANG SEMS GANG GIS KYANG MA LA SOGS PA'I RANG BZHIN GYI RJES SU MI 'JUG PA MTHONG BA'I PHYIR RO, ,DE NI DE'I PHA MA YIN NO ZHE NA, MA YIN TE MTHONG BA'I PHYIR RO, ,BDAG NYID KYI GOMS PA MED PAR NI KHYAD PAR DE MTHONG BA MED DO, ,DES NA RANG GI GOMS PA NYID RJES SU DPAG GO, ,SEMS 'BYUNG BA CHEN PO'I RNAM PAR 'GYUR BA THA DAD PA MED PA YIN YANG 'JIG RTEN SNGA MA DANG PHYI MA'I 'BYUNG BA CHEN PO RJES SU DPAG PA NYID DO, ,THA MI DAD PA'I NI 'THAD PA YANG MA YIN TE, 'DI LTAR, JI LTAR SEMS LA BYAS PA YIN, ,THOS SOGS 'DU BYED SEMS LA NI, ,DUS GSAL THA DAD MED PA'I PHYIR, ,DE LTAR LUS LA'ANG YON TAN 'GYUR, ,RANG GIS MYONG BA SNGON DU SONG BA CAN GYI THOS PA LA SOGS PA'I 'DU BYED GNYID LOG PA LA SOGS PA'I GNAS SKABS SU MI GSAL BA SAD PA NI GNAS SKABS KYI DUS KYIS GSAL BA DE BZHIN DU LUS LA YANG MNGON PAR GSAL BAR 'GYUR ZHING SEMS CI LTA BA BZHIN DU RTOGS PAR 'GYUR TE, THA DAD PA MED PA'I PHYIR RO, ,JI LTAR LUS KYI YON TAN NAG PO LA SOGS PA GZHAN GYIS DMIGS PA DE BZHIN DU SEMS KYI YON TAN BZO BA LA SOGS PA YANG DMIGS PAR CI STE MI 'GYUR, GANG ZHIG DMIGS PA'I RANG BZHIN GYI NANG DU 'DUS PA DE NI GZHAN DU 'GYUR BA MA YIN NO, ,NANG GI REG BYA'I KHYAD PAR GYI RANG BZHIN YIN PA'I PHYIR GZHAN GYIS DMIGS PA MA YIN NO ZHE NA MA YIN TE, RMA LA SOGS PA PHYI ROL GYI REG PAR BYA BA YANG MA DMIGS PA'I PHYIR RO, ,RMA REG PA RTZUB MO'I RLUNG DMIGS PA NI GZHAN GYIS DMIGS PA MA YIN NO, ,RMA NYID KYI NUS PA YIN NO ZHE NA, DMIGS PAR BYED PA'I KHYAD PAR GYIS DMIGS PAR BYA BA GZHAN DU DMIGS PAR 'GYUR RAM CI, DE LTA YIN NA 'KHRUL PA NYID DU THAL BAR 'GYUR RO, ,REG PA'I KHYAD PAR DE NI RMA NYID KYIS YIN NO ZHE NA, RLUNG DMIGS PAR BYED PA NYID DU THAL LO, ,DE LTA NA RMA CAN GYIS TSOR BAR MI 'GYUR RO, ,'ON TE REG PA DE NI RLUNG GIS BRDABS PA'I RMA NYID DES DMIGS PA YIN NA, RMA

LAS REG PA GZHAN LA YANG 'GYUR RO, ,REG BZHIN PA'I RANG BZHIN NI GZHAN GYIS MI DMIGS SO ZHES MI 'THAD DE, GANG GI PHYIR, REG PA YI NI RANG BZHIN GANG, ,DE NI REG PAS REG MIN NA, ,DES GZHAN RANG BZHIN RIG PA LAS, ,DE RIG CES PAR CI LTAR 'GYUR, ,DE'I RANG BZHIN NI DBANG PO NYAMS PA MED PAS MI RIG PA RIG PA MA YIN NO, ,DE LTA YIN NA NI RANG RIG PA NYID DE RANG RIG PA'I MTSAN NYID NI DE YIN PA'I PHYIR RO, ,BDE BA 'AM SDUG BSNGAL DANG 'DOD CHAGS LA SOGS PA NI RANG RIG PA NYID DU 'GYUR BA'I PHYIR RNAM PAR SHES PA 'BYUNG BA CHEN PO LAS GZHAN YIN NO, ,DE'I PHYIR RNAM PAR SHES PA LUS DANG LHAN CIG RTEN DANG BRTEN PA'I DNGOS POR YANG MI 'THAD DO, ,'O NA JI LTAR NGA'I LAG PAR TSOR RO, ,RKANG PAR TSOR RO ZHES BYA BAR 'GYUR RO ZHE NA, LAG PA RNAM PAR 'GYUR BA'I DUS NA DE 'GYUR BA'I PHYIR DE LTAR 'GYUR GYI GZHAN DU NI MA YIN NO, LAG PA LA SOGS PA'I RNAM PAR 'GYUR BA DANG LHAN CIG RGYU BA'I PHYIR DE LTAR THA SNYAD BYED DO, ,'DI LTAR, RANG RIG RANG BZHIN TZAM NYID LAS, ,RTEN DANG BRTEN PA GNAS PA MED, ,RANG BZHIN TZAM LA GNAS PA LA, ,RTEN DANG BRTEN LA SOGS RTOGS MIN, ,RANG BZHIN TZAM RIG PA LA JI LTAR RTEN DANG BRTEN PA RTOGS PA SRID, GNYIS RTOGS NA NI DE LTAR 'GYUR BA YIN GYI DER YANG DE LTAR 'GYUR BA NI MA YIN NO, ,BAG CHAGS TZAM GYIS BYAS PA NI, ,RNAM PAR RTOG PA TZAM GYI YIN, ,'BYUNG BA CHEN PO NYID NI MA YIN NO, ,DE'I PHYIR BLO NI LUS DANG THA MI DAD PA MA YIN NO, ,DES PHA MA LAS SKYES PA MA YIN GYI RANG GI RGYUD SNGA MA LAS 'BYUNG BA NYID DO, ,'O NA GAL TE 'BYUNG BA CHEN PO TZAM LAS BYUNG BA MA YIN GYI SROG CHAGS RNAMS SKYE BA GZHAN LAS MANG LA LA SOGS PA'I GNAS SU 'ONGS PA YIN NA, DE'I PHYIR MI GTZANG BA'I YUL DU 'ONG BA MI RIGS SO, ,RTOG PA DANG LDAN PA NI DE LTAR 'GYUR BAR RIG PA MA YIN LA, DBANG PHYUG GIS BSKUL BA YANG MI 'DOD DO ZHE NA, DE LA BSHAD PA NI, BDAG LA CHAGS PA DANG LDAN PA, ,SEMS CAN GZHAN GYIS BKRI MIN PAR, ,BDE SDUG NGOR THOB 'DOD PAS NA, ,DMAN PA'I GNAS NI YONGS SU LEN, ,SDUG BSNGAL PHYIN CI LOG BLO DANG,,

, ,SRID PA KUN NAS 'CHING BA NI, ,SKYE DGU GANG LA DE MED PA, ,DE NI SKYE BAR MI 'GYUR RO, ,'DI NI BSHAD ZIN TO, ,GAL TE RTOG PA DANG LDAN PA YIN NA NI, RANG LAS RANG GI NGO BO RTOGS KYI, THOB PAR BYA BA NI MA YIN NO, ,DES NA 'GAS KYANG GRONG LA SOGS PA 'GAR YANG 'JUG PAR BYA BAR MI 'GYUR RO, ,DES NA GDOD MA NAS ZHI BA'I PHYIR 'KHOR BA NYID DU MI 'GYUR RO, ,'ON TE GRONG LA SOGS PAR 'GRO BA RTOGS PA DANG MI LDAN PAS, RNAM PA JI ZHIG LTAR 'GYUR BA YIN NA, DE LTA YIN NA MNGAL LA SOGS PA'I YUL DU MA YIN NO, ,BDAG LA CHAGS PAS BSKUL BA NI DMAN PA YANG PHYIN CI LOG PAS BLANG BYAR 'GYUR BA YIN NO, ,DE 'DRA BA DE NI LAS KYI NUS PA NYID YIN TE, GANG GI RANG DBANG DU 'GYUR BA SEMS CAN GZHAN GYIS BKRIS BAR BYA BA MA YIN PA DE LTAR 'GRO BA YIN NO, ,BDE BA DANG SDUG BSNGAL THOB PA DANG 'DOR BAR 'DOD PAS NI DMAN PA'I GNAS KYANG YONGS SU LEN PA YIN TE, THOS PA PO SMAD 'TSONG MA'I KHANG PAR 'JUG PA BZHIN NO, ,'ON TE 'DI DBANG PHYUG GIS BSKUL BA NYID DE MA YIN ZHE NA, RANG NYID 'KHRUL PAS SRID PA'I PHYIR DBANG PHYUG RTOGS PA NI LEGS PA MA YIN NO, ,DBANG PHYUG GIS BSKUL BA NI DMIGS PA MA YIN NO, ,DBANG PHYUG JI LTAR RTOGS PA MA YIN PA DE LTAR YANG BSTAN ZIN TO, ,BDAG LA CHAGS PA NYID DBANG PHYUG YIN TE, DE NI SKUL BAR BYED PA NYID DU DMIGS PA'I PHYIR RO, ,'ON TE JI LTAR BRAN LA SOGS PA GZHAN GYIS BSKUL BA DE BZHIN DU 'JIG RTEN GZHAN DU YANG YIN NO ZHE NA, MA YIN TE, NGES PA MED PA'I PHYIR RO, ,BDAG LA SRED PA DANG LDAN PA NYID BSKUL BA YIN GYI THAMS CAD NI MA YIN LA, DE YANG SRED PA DANG LDAN PA GZHAN GYIS BSKUL BA YIN GYI 'DOD CHAGS DANG BRAL BA LA SOGS PAS NI MA YIN NO, ,DE LA BSNYEN PA BYAS PAS 'GRO BA THOB PAR BYAS PA'I PHYIR DU SKUL BYED YIN NO ZHE NA; MU STEGS BYED THAMS CAD DBANG PHYUG THAL BAR 'GYUR RO, ,DE'I PHYIR BLO PHYIN CI LOG TU GYUR PA NYID SDUG BSNGAL BA LA YANG BDE BAR 'DU SHES PAS MNGAL GYI GNAS SAM, GZHAN DU 'JUG PA YIN NO, ,DES NA PHYIN CI LOG GI BLO DANG SRED PA DAG LAS SKYE BA YIN PAS GANG LA DE MED

PA DE NI SKYE BAR MI 'GYUR RO, ,DE LA NI DBANG PHYUG GIS SKYE BA SBYIN PAR MI NUS SO, ,DBANG PHYUG SMRA BAS KYANG, DE LTAR KHAS MI LEN TE, GAL TE GANG LA NAD MED PA'I SGRUB PAR BYED PA'I LAS MED PA DE LA NI SMAN PAS CI YANG BYAR MED DO, ,GANG LA NAD MED PA'I SGRUB PA'I LAS NYAMS PA MED PA DE LA YANG DON MED PA NYID PAS MI NUS PA DANG MI DGOS PAS SMAN PA MED DO ZHES BYA BAR 'GYUR RO ZHE NA, NYES PA 'DI NI MED DE, SMAN NI DON MED PA NYID DANG, ,'GAR YANG NUS MED DE BZHIN CI, ,DE NYID DBANG PHYUG LA 'DOD DAM, ,DE LTAR NA DE DBANG PHYUG MIN, ,DBANG PHYUG GIS 'GA' ZHIG NI 'KHOR BAR BSKUL LA, 'GA' ZHIG NI MA YIN NO ZHES DBANG PHYUG SMRA BAS, KHAS BLANGS PA MA YIN NO, ,'ON TE BSNYEN PA YANG 'GRO BA THOB PA NYE BAR MKHO BA YIN NO ZHE NA, DE LTAR YIN NA SBYIN PA PO BSNYEN PAS YANG YIN NO, ,DE NI MU STEGS BYED THAMS CAD YIN PA'I PHYIR DBANG PHYUG DANG DBANG PHYUG MA YIN PA DAG LA RNAM PAR DBYE BA CI ZHIG YOD, DE'I PHYIR MA RIG PA DANG SRED PA NYID SKYE BA LA NUS PA NYID YOD PA YIN GYI DBANG PHYUG NI MA YIN NO, ,GAL TE 'O NA SKYE BA GZHAN LA LTOS NAS 'GRO BA DANG 'ONG BA YIN LA, DE'I PHYIR DE DAG DMIGS PAR 'GYUR RO, ,DE LTAR NI DMIGS PA MA YIN PA'I PHYIR RO, ,DE DAG NI MED PA NYID DO ZHE NA, BSHAD PA, GAL TE 'GRO 'ONG MA MTHONG NA, ,DBANG PO MI GSAL PHYIR MI MTHONG, ,DPER NA MIG MI GSAL BA YIS, ,DU BA CHUNG DU MI MTHONG BZHIN, ,GAL TE 'GRO BA DANG 'ONG BA DAG MA MTHONG BA DE LTA NA YANG DE DAG MED PA NI MA YIN NO, ,DBANG PO RNAMS MI GSAL BA LAS KYANG MI MTHONG STE, MED PA 'BA' ZHIG LAS NI MA YIN NO, ,MED PA NYID MI MTHONG BA NI MA YIN TE, MIG MI GSAL BAS DU BA PHRA BA RTOGS PA'I YUL DU 'GYUR BA MA YIN MOD KYI DE LTA NA YOD PA NYID DO, ,SRID PA BAR MA DO YI LUS, ,SHIN TU DANG PHYIR DMIGS MA YIN, , 'BYUNG BA'AM NI 'JUG PA YANG, ,MA MTHONG BA LAS MED PA'ANG MIN, ,SRID PA BAR MDO'I LUS NI LAS KYI NUS PA LAS SHIN TU DANG BA NYID DU SKYES PAS RNAL 'BYOR TZAM GYIS RTOGS PAR BYA BA YIN NO, ,RMI LAM GYI LUS GZHAN DU DMIGS PA MA YIN TE, DE TZAM GYIS DE MED PA MA YIN NO, ,RMI

, ,LAM GYI LUS NI PHYIN CI LOG YIN NO ZHE NA, MA YIN TE DON BYA BA BYED PA'I PHYIR RO ZHES BSTAN ZIN PA'I PHYIR RO, ,DE NYID KYI PHYIR, LUS CAN YIN YANG PRA BA'I PHYIR, ,'GA' ZHIG LA LAR THOGS MED DE, ,CHU BZHIN GSER LA DNGUL CHU BZHIN, ,MA YIN MA MTHONG PHYIR MED PA, ,LUS CAN MA YIN PA'I PHYIR RMI LAM GYI LUS BZHIN DU THOGS PA MED PA YIN NO, ,LUS CAN NYID YIN YANG 'GA' ZHIG LA LAR THOGS PA MED PA YIN TE, BUM PA LA SOGS PAR CHU BZHIN DANG, SHEL LA SOGS PA LA 'OD BZHIN DANG, GSER DANG DNGUL CHU BZHIN NO, ,YANG NA CHU BZHIN DANG GSER LA DNGUL CHU BZHIN DU YOD PA NYID MA MTHONG BA NI MA YIN TE, 'ON KYANG MTHONG BA'I PHYIR SRID PA BAR MA DO'I LUS NI MED PA NYID KYANG YIN NO, ,'DI LTAR, 'BRU YI RGYUN DANG CHOS MTHUN PHYIR, ,SRID PA RGYUN MI 'CHAD PAR 'BYUNG, ,BAR DU YONGS SU BRTAGS PA NA, ,'DIR NI SKYE DANG 'CHI BA YI, ,BAR DU 'BYUNG BA GANG YIN PA, ,DE LTAR 'DIR NI MA YIN TE, ,YUL DANG DUS DAG GI CHOD PA'I SKYE BA'I PHYIR RO, ,'DI LTAR 'GA' ZHIG NI GRONG DU 'GRO BA LA SOGS PAS RGYUN MA CHAD PAR KA N+YA KUB DZA LA SOGS PAR 'GRO BAR DMIGS PA LA 'GA' ZHIG NI 'DI NA 'DUG PA NYID DUS GCIG GI TSE KHO NAR BDAG NYID YUL GZHAN NA GNAS PAR RMI LAM DU DMIGS PA YIN NO, ,DE BZHIN DU 'GRO BA'I YUL DU YANG YIN PAS KHYAD PAR MED DO, ,RMI LAM MI BDEN ZHES TE BSGRUB PAR BYA BA GZHAN YANG MI BDEN PAR NI MI 'GYUR TE, THAMS CAD KYIS MTSUNGS PA'I DPE NI MA MTHONG NGO,, SKYE BA GZHAN NI BAG CHAGS BRTAN PA'I PHYIR BDEN PAR 'GYUR GYI RMI LAM NI MA YIN TE, DE MED PA'I PHYIR RO, ,GAL TE SNANG BA GZHAN THOB PAS, ,RMI LAM MI BDEN NYID YIN NA, ,DES NA SKYE BA GZHAN PA YANG, ,BDEN MIN ZHES MIN ZHES NI MI 'DOD DAM, ,GAL TE SAD PA'I SHES PA'I MTSAN NYID SNANG BA GZHAN 'BYUNG BA'I PHYIR, RMI LAM GYI RTOGS PA MI BDEN PA NYID YIN NA, SAD PA'I RTOGS PA MI BDEN PA NYID DE, BZLOG PA'I RMI LAM GYI SHES PA SNANG BA GZHAN GYI MTSAN NYID SKYE BA'I PHYIR RO, ,BZLOG PA NYID DU NI KHYAD PAR YOD PA MA YIN NO, ,'ON TE RMI LAM GYI BUM PA LA SOGS PA NI, DE'I

PHYIR RGYU MED PAR GLO BUR NYID DU DMIGS PA YIN PA DES NA KHYAD PAR YOD DO ZHE NA, SAD PA'I BUM PA LA SOGS KYANG, GLO BUR NYID DU DMIGS PA YIN, ,RMI LAM DU YANG SHING RTA SOGS, ,TSOGS PA LAS NI 'BYUNG BAR MTHONG, ,SAD PA'I GNAS SKABS SU YANG RNAL 'BYOR PAS SPRUL PA DANG, RI LA SOGS PA'I RGYU BA DAG NI GLO BUR DU DMIGS PA'I SPYOD YUL DU 'GYUR BA YIN NO, ,DE DAG NI SNGAR YOD PA NYID DMIGS PA YIN LA, DE LA RGYU BA'I KHYAD PAR NI TSOGS PA YIN NO ZHE NA, DE NI MI BDEN TE, RMI LAM LA YANG SNGAR YOD NYID, ,GANG GI ZLOG PAR BYED PA YIN, ,GZHAN GYIS MI DMIGS PHYIR ZHE NA, ,RI LA SOGS LA'ANG DE MTSUNGS SO, ,GAL TE RI LA SOGS PA SNGAR YOD PA NYID SAD PAS 'GA' ZHIG TU DMIGS PA YIN NA, RMI LAM DU GNAS PAS KYANG DE LTAR YIN PAR JI STE KHAS MI LEN SAD PA GZHAN GYIS DE DAG MA DMIGS PA'I PHYIR MED PA YIN NO ZHE NA, SAD PAR DMIGS PA RNAMS KYANG RMI LAM GYI RTOGS PAS MI DMIGS SO, ,JI LTAR RGYU BA'I TSOGS PA LAS DE DAG DMIGS PA DE BZHIN DU RMI LAM GYI GNAS SKABS GZHAN YOD PAS BUM PA LA SOGS PA GLO BUR YIN NO, ,SAD PA'I GNAS SKABS ZHES BYA BA YANG CI LTAR 'DOD, ,SAD PAR RTOGS PA SKYE BA'I PHYIR RO ZHE NA, RMI LAM DU YANG SAD PA'I BLO, ,'GA' LA YOD PA MIN NAM CI, ,MIG 'BYED LA SOGS BYA BA KUN, ,DE YANG YOD PHYIR MTSUNGS PA NYID, ,'DI LTAR BDAG SAD DO ZHE 'AM, NGA NI GNYID MA LOG GO SNYAM PA'I RTOGS PA DANG 'GRO BA LA SOGS PA NI RMI LAM NGAN YANG YOD PA NYID DO, ,DES NA DE YANG JI LTAR GNYID LOG PA YIN, MI BDEN PA'I PHYIR RO ZHE NA, SAD PAR 'DOD PA'I GNAS SKABS SU YANG DE LTAR THAL BAR 'GYUR TE, PHAN TSUN DMIGS PA MA YIN PAR NI GNYI GA LA YANG MTSUNGS PA'I PHYIR RO, ,'ON TE 'DI NI MI BDEN NO ZHES RTOGS PA'I PHYIR RMI LAM MI BDEN PA NYID DO ZHE NA, SAD PA'I RTOGS PA LA YANG DE MTSUNGS PA'I PHYIR MI BDEN PAR 'GYUR RO, ,DE LTAR RTOGS PA NYID KYIS DE NYID BDEN PA NI MA YIN TE DE'I MTSAN NYID KYIS KYANG DE NYID DU 'GYUR BA'I PHYIR RO, ,GZHAN YANG MI BDEN NO SNYAM PA'I RTOGS PA YANG CI LA DMIGS PA YIN, BDEN LAS GZHAN NAM CI STE NA, ,BDEN MED

, ,DE 'DIR DGAG PA YIN, ,DE YI RANG BZHIN DMIGS PA'I PHYIR, ,GNYI GA SHIN TU 'THAD PA DKA', ,DE'I RANG BZHIN DU DMIGS PA NYID NI, DE LAS GZHAN NO ZHES 'THAD PA MA YIN LA, DE MA YIN PA ZHES BYA BAR YANG MI 'THAD DE, DE LAS GZHAN NYID NI, DE LAS GZHAN PA'I RANG BZHIN NYID KYIS YIN TE, DE LTA MA YIN NA DE YANG DE LAS GZHAN DU 'GYUR RO, ,DMIGS BZHIN PA NYID NI MED PA YANG MA YIN TE, THAMS CAD DE LTAR THAL BAR 'GYUR BA'I PHYIR RO, ,'ON TE RTOGS PA 'DI NI SKYES PA YIN NO ZHE NA, SKYES MOD KYI 'DI LA DMIGS PA MED PA'I PHYIR RO DON MED PA NYID DE, 'DI LAS DON RNAM PAR GNAS PA MA YIN NO, ,GAL TE RMI LAM DU DMIGS PA BUM PA LA SOGS PA MED PA NYID DO SNYAM PA'I RTOGS PA 'DI NI BRTEN PA DANG MI SLU BA CAN MA YIN NAM, DE JI LTAR 'DI DOGS PA MED PA YIN, 'DI LTAR, BKRUS MA THAG TU GNYID SAD PA, ,MOD LA 'KHRUS MA BYAS PAR SNANG, ,DES NA DE LTAR NYID DU NI, ,MI SLU BA NA SLU MED 'DOD, ,DE NI MA YIN TE, 'DI LTAR, RMI LAM MTHONG BA CHAGS PA YI, ,GNAS SKABS MOD LA LDOG PA YIN, ,DE LA SLU MED RMI LAM DANG, ,SLAR YANG DE NI MTHONG PHYIR RO, ,RMI LAM CIG SHOS RNAM GZHAG 'DI, ,DER YANG GRUB PA YOD MA YIN, ,BSGRUB BYA YIN PHYIR BSLU BA LAS, ,GRUB NA PHAN TSUN BRTEN PA YIN, ,GZHAN YANG, 'DI NI MED CES SHES PA NI, ,GZHAN GYIS RTOGS PAR 'GYUR MA YIN, ,'DI NI THUN MONG MA YIN PA'I, ,MTSAN NYID RTOGS PA TZAM DU ZAD, RTOGS PA 'DI DAG NI DE LTA BUR GYUR PA THOG MA MED PA'I BAG CHAGS LAS BYUNG BA'I PHYIR THA SNYAD PA RNAMS LA SKYE BA YIN NO, ,KHYAD PAR GANG GIS SHE NA, DE LA SEMS GTAD PAS SAD PA'I BDAG NYID DU MNGON PAR RLOM PA CAN GYI DMIGS PA'I NGO BOR SAD PAR MNGON PAR RLOM PA YANG, BAG CHAGS KYI STOBS NYID LAS NYAL BA'I LUS 'DOR BA LAS SO, ,'DI YANG THA DAD PA 'BA' ZHIG TU ZAD DE, DON DAM PAR NI SAD PA ZHES BYA BA YOD PA MA YIN TE, RMI LAM DU YANG DE LTAR RTOGS PA'I PHYIR RO, ,'ON TE RMI LAM GYI SHES PAS SAD PA DMIGS PA DAG LA MED DO ZHES RTOG PA MA YIN NO ZHE NA, 'DI NI MA

NGES PA NYID DE, RJES SU GRUB PAR DE DAG RNAMS, ,DE YIN MED PAR RTOGS PA YIN, ,DE DAG 'GRO BA LA SOGS KYI, ,GEGS MIN DE LA GRUB PA NYID, ,'GRO BA LA SOGS PA GEGS MED PAR GRUB PA NYID KYIS BYA BA'I SGO NAS, GTZO BO'I MED PA NYID RTOGS PAS RNAM PAR RTOG PAS BSGRUB PAR BYA BA GZHAN GYIS CI ZHIG BYA, RNAM PAR RTOG PA NI BDEN PA LA YANG MI BDEN PA NYID DU RTOGS PAR BYED DO, ,DE LTA MA YIN NA PHAN TSUN 'GAL BA RNAM PAR RTOG PAR MI 'GYUR RO, ,DE'I PHYIR MOD LA 'JIG PA'I PHYIR DANG, SAD PA'I GNAS SKABS NA RJES SU 'GRO BA MED PA'I PHYIR RMI LAM DU MTHONG BA DAG PA LA MI BDEN PAR MNGON PA'I RLOM PA YIN GYI, DE TZAM GYIS DE BDEN PAR 'GYUR BA YANG MA YIN NO, ,DE'I PHYIR RMI LAM GYI YUL LA 'GRO BA DANG 'ONG BA GZHAN GYIS MA MTHONG BA DE LTA NA YANG DE DAG YOD PA NYID PAS DE MA MTHONG BA NI MA NGES PA NYID DO, ,DES NA 'GRO 'ONG MED PAR NGES PAR MI NUS SO, ,YANG NA NI MED PA NYID CES BSTAN PA YIN NO, ,GZHAN YANG GAL TE, RIG PA LUS LAS THA MI DAD PA DANG LUS KYANG RDUL PHRA RAB 'DUS PA TZAM YIN NA DE'I TSE RDUL PHRA RAB BA MTHA' DAG SO SOR RIG PAR THAL BAR 'GYUR RO, ,'ON TE, YAN LAG CAN RAGS PA GCIG NYID DE LTAR DMIGS PA YIN NA, DE LTA NA YANG DE RDUL PHRA RAB DAG LA GNAS PA'I PHYIR, RDUL PHRA RAB LA REG PAS RDUL PHRA RAB DMIGS PAR 'GYUR RO, ,'ON TE DE DAG LAS REG PA SKYE BA YIN GYI DE DAG LA GNAS PA NI MA YIN NA, DE LTA YIN NA DE DAG LAS ZHES GANG LAS RTOGS, RANG RIG PA NI GZHAN RIG PA MA YIN NO, ,'ON TE GZHAN RIG PA NYID YIN GYI, RANG RIG PA NI MA YIN NA, 'O NA JI LTAR BDE BA REG ,GZHAN DU 'GYUR BA NYID DE LTAR RIG PA'I PHYIR RO ZHE NA, DE NI MA YIN TE, GZHAN DU 'GYUR BA RIG NA NI, ,RIG PA GZHAN GANG YIN PAR 'GYUR, ,GANG LA RIG PA ZHES GNAS PA, ,DE NYID RIG PA NYID YIN NO, ,GZHAN DU 'GYUR BA, BDE BA LA SOGS PA DANG, SNGON PO LA SOGS PA NYID RIG PA YIN PA'I PHYIR, GZHAN CI ZHIG YOD NA GANG ZHIG RIG PAR BYED PA YIN, LUS NYID DO ZHE NA, MA YIN TE, BDE DANG SNGO SOGS MA GTOGS PA, ,LUS KYANG GANG ZHIG YIN PAR 'DOD,,

, ,DE NI DMIGS BYA NYID YIN PAS, ,GANG PHYIR DMIGS BYED NYID MA YIN, ,MIG SOGS DE LTA NYID YIN NA, ,BONG RVA CIS NA DE LTA MIN, ,DE NUS DNGOS NA MA RTOGS PAR, ,DE NI CI LTA DE LTAR 'GYUR, ,MIG LA SOGS PA BONG BU'I RVA BZHIN DMIGS PA MED PA NI DMIGS PA YOD PA'I DMIGS PAR BYED PA MA YIN NO, ,MIG LA SOGS PA NI NUS PA'I RANG BZHIN YIN TE, DES NA MED PA'I RVA BZHIN NI MA YIN NO ZHE NA, NUS PA YANG MA DMIGS PAR YOD DO ZHES GANG LAS YIN, 'BRAS BU'I SGO NAS DE DMIGS PA YIN NO ZHE NA, DE DAG GI 'BRAS BU GANG YIN; BDE BA LA SOGS PA DANG GZUGS LA SOGS PA DMIGS PA'O, ,DE YANG NUS PA NYID YIN PA'I PHYIR MA DMIGS PA NYID MA YIN NAM, LHAG MAR 'GYUR BA GZUGS LA SOGS PA DE DAG NYID YIN PAR 'GYUR NA, DE DAG NI RNAM PAR SHES PA'I NUS PA'I 'BRAS BU MA YIN NO, ,MIG LA SOGS PA 'BRAS BU NYID YIN NA NI SNGAR MED PAR THAL BAR 'GYUR RO, ,DMIGS PA'I GNAS SKABS 'BRAS BU YIN NO ZHE NA, RDUL PHRA RAB SO SOR DMIGS PAR THAL LO, ,KHYAD PAR MED PAR NI GNAS SKABS THA DAD PAR YANG MI 'GYUR RO, ,KHYAD PAR YOD NA NI RANG NYID RIG PAR THAL LO, ,NUS PA DANG LHAN CIG SKYES PA NYID KHYAD PAR YIN NO ZHE NA, DE NI MI RIGS TE, 'DI LTAR, LHAN CIG NYID NA NUS DPOG CING, ,RJES DPAG LAS KYANG DER 'DOD PAS, ,PHAN TSUN BRTEN PA'I NYES PA NI, ,CI LTAR SPONG BAR 'GYUR BA YIN, ,DMIGS PA NYID NI GZUGS LA SOGS PA DAG GI KHYAD PAR YIN NO, ,GAL TE DMIGS PA DE NUS PA DANG LHAN CIG PA NYID YIN NA CI LTAR NUS PA MA GRUB PAR LHAN CIG PA NYID GRUB, DE MA GRUB NA CI LTAR NUS PA RJES SU DPAG ,DE'I PHYIR RNAM PAR SHES PA NI GZUGS LA SOGS PA DANG BDE BA LA SOGS PA TZAM RANG RIG PA NYID YIN TE, RNAM PAR SHES PA BDE BA LA SOGS PA ZHES GZHI MTHUN PAR RTOGS PA SKYE BA'I PHYIR RO, ,GZHI MTHUN PA NI GTZO BO DANG, BRTAGS PA'I DBYE BA LAS GZHAN MED, ,SKYES BU DBYUG PA DE BZHIN DU, ,SKYES BU SEMS PA ZHES BYA BZHIN, ,GAL TE GTZO BO MA YIN NA, ,'KHRI'U 'BOD DO, ,SKYES BU DBYIG PA'O ZHES

BYA BA DE LTAR 'GYUR NA, DE NI 'DIR RAB TU MA GRUB PA NYID DE, GZUGS LA SOGS PA'I RANG BZHIN LAS THA DAD PA'I RNAM PAR SHES PA DMIGS PA MED PA'I PHYIR RO, ,DPE 'DI NYID KYIS RJES SU DPOG GO ZHE NA, MA YIN TE RJES SU DPAG PA MED PA'I PHYIR RO, ,GRANGS CAN PA RNAMS SEMS PA SKYES BU ZHES GTZO BO'I GZHI MTHUN PA KHAS LEN PA'I PHYIR RO, ,DE'I PHYIR GANG JI LTAR RIG PA DE DE LTA BU NYID DU KHAS BLANG BAR BYA'O, ,GOMS LAS DE LTA BUR 'GYUR BA'I, ,GZUGS SOGS LA GNAS RIG PA NI, ,GZUGS SOGS GZHAN DANG GZHAN DAG TU, ,'PHO BA NYID DU YOD PAR 'GYUR; ,RNAM PAR SHES PA DMIGS PA MA GTOGS PA GZHAN DANG 'DRE BA NI MA YIN NO, ,DES NA BDE BA DANG 'DRES PAR BYAS PA NI, ,GZUGS LA SOGS PA DANG 'DRES PAR 'GYUR RO, ,GZUGS LA SOGS PA DANG 'DRES PAR 'GYUR BA NI GOMS PA LAS RTAGS KYI RNAM PA THAMS CAD BZUNG BAS DE'I RNAM PA MTHA' DAG RTOGS NA GZHAN GYI BDE BA LA SOGS PA DANG 'DRE BAR 'GYUR BA YIN NO, ,'O NA JI LTAR GZUGS LA SOGS PA DANG GZHAN GYI BDE BA LA SOGS PA DAG LOGS SHIG TU GNAS PA DAG TU DMIGS SHA NA, DE NI MA YIN TE, RANG GI NGO BOR RIG PA LA, ,LOGS GNAS MI GNAS YOD MIN TE, ,'DI NI RTEN LA LTOS PA'I THA SNYAD 'BA' ZHIG YIN PAR ZAD, RANG GI NGO BO RIG PA LAS MA GTOGS PA BDE BA LA SOGS PA DANG GZUGS LA SOGS PA'I RIG PA RNAM PA GZHAN NI YOD PA MA YIN NO, ,DES NA 'DIS NI LOGS SHIG NA GNAS PA 'AM GZHAN YIN NO ZHES BYA BA'I RNAM PAR DBYE BA 'DI GA LA YOD DE, LUS KYI RTEN LA LTOS NAS 'DI NI LOGS SHIG PA'AM GZHAN YIN NO ZHES THA SNYAD PA'I RNAM PAR DBYE BA 'BA' ZHIG TU ZAD DO, ,GAL TE LTOS PA MED PAR NI, ,DE YI RANG BZHIN RIG MIN NO, ,DE YI RANG BZHIN RIG PA LA, ,LTOS PA GZHAN NI YOD MIN NA, ,DE BRTEN DE PHYIR DON DAM DU, ,RNAM PAR DBYE BA YOD MA YIN, ,DBYE NI KUN RDZOB 'BA' ZHIG STE, ,KUN RDZOB DPYAD BZOD NYID MA YIN, ,'DI NYID NI KUN RDZOB CES BRJOD DE, ,RNAM PAR DPYAD NA MI GNAS PA GANG YIN PA'O, ,DE LTA MA , YIN, ,'DI NYID NI KUN RDZOB CES BRJOD DE, ,RNAM PAR DPYAD NA MI GNAS PA GANG YIN PA'O, ,DE LTA MA YIN NA DON DAM PA NYID DU 'GYUR RO, ,DE'I PHYIR JI LTAR GZUGS LA SOGS PA DANG, GZHAN GYI

, ,NUS PA LA SOGS PA RNAM PAR SHES PA DE'I BDAG NYID KYIS 'PHO BA DE BZHIN DU GZHAN GYI KHU KHRAG GIS LUS LA YANG YIN NO, ,DE'I PHYIR, GANG LA RNAM PAR SHES PA'I RTEN BYA BA DANG BCAS PAR 'GYUR BA ZHES BYA BAR NUS PA ZHES BYA BA RNAM PAR SHES PA'I RANG BZHIN GZHAN NI YOD PA MA YIN TE, 'ON KYANG DE LTA BUR GYUR PA DE NYID RANG RIG PA NI, RNAM PAR SHES PA YIN NO, ,'O NA JI LTAR DE'I BDAG NYID KYIS 'PHONGS PA'I RNAM PAR SHES PA'I BDAG NYID YIN NA, KA BA LA SOGS PA MI G-YO, RANG GI LUS BZHIN DU DE YANG G-YO BAR 'GYUR RO ZHE NA, DE YANG MA YIN TE, DE BDAG SKYES PA TZAM GYIS NI, ,G-YO BAR 'GYUR BA MA YIN TE, ,REG PA'I RNAM SHES KHYAD PAR CAN, ,RANG BZHIN SKYES NA DE 'GYUR RO, ,GANG GI TSE REG PA'I RNAM PAR SHES PA RTZOL BA'I RNAM PAR SHES PA'I RANG BZHIN SKYES NA DE'I TSE LUS LA SOGS PA G-YO BAR 'GYUR GYI GZHAN DU NI MA YIN NO, , DE'I PHYIR RNAM PAR SHES PA NI BZHUGS LA SOGS PA'I RANG BZHIN NYID DO, ,DES NA RDUL PHRA RAB SO SOR RIG PAR THAL BAR 'GYUR RO, ,KHYED LA YANG CI'I PHYIR DE LTAR MI 'GYUR ZHE NA, DE'I RNAM PA CAN GYI RNAM PAR SHES PA GZHAN SKYE BA'I PHYIR RO, ,KHO BO CAG GI YAN LAG CAN RNAM PAR SHES PA'I RANG BZHIN YIN GYI, RDUL PHRA RAB DAG NI MA YIN NO ZHE NA, DE YANG MA YIN TE, RDUL PHRA RAB DAG KYANG DE'I RANG BZHIN DU 'GYUR BA'I PHYIR RO, ,RDUL PHRA RAB DAG NI THA DAD PAR 'GYUR BA NYID DO ZHE NA, 'O NA NI MED PA NYID DU 'GYUR RO, ,'DI LTAR, PHRA RAB RDUL RNAMS LUS KYI NI, ,NGO BO NYID DU RNAM PAR GNAS, ,LUS NI PHRA RAB RDUL RNAMS KYI, ,NGO BO NYID DU RNAM PAR GNAS, ,'ON TE LUS KYI RDUL PHRA RAB DAG RNAM PAR SHES PA'I RANG BZHIN MA YIN TE, DE LTA YIN NA, RDUL PHRA RAB DAG NI LUS KYI NGO BO NYID DU MI 'GYUR RO, ,RIG PAR BYA BA NYID MA YIN PAS YUL GYI NGO BO YANG MA YIN PA'I PHYIR, RDUL PHRA RAB DAG NI MED PA NYID DU 'GYUR RO, ,DE'I PHYIR YAN LAG CAN 'BA' ZHIG TU 'GYUR RO, ,DE YANG MA YIN TE, LAG SOGS G-YON THAMS CAD DAG ,G-YO BAR 'GYUR PHYIR 'GA' BA CAN, ,LAS NI GCIG LA MI RUNG PHYIR, ,GZHAN DU THA DAD GRUB PAR 'GYUR, ,

GCIG BSGRIBS NA NI THAMS CAD DAG ,BSGRIBS PAR 'GYUR BA'AM MA BSGRIBS NA, ,MTHONG 'GYUR GCIG TSON GYIS BSGYUR NA, ,BSGYUR BA 'AM MA BSGYUR RTOGS PAR 'GYUR, ,YAN LAG CAN GYI RANG BZHIN GYI RDZAS ZHES BYA BA NI BYA BA CAN YON TAN CAN LDAN PA LA SOGS PA'I RGYU YIN NO, ,DE LA GAL TE BYA BA YOD NA DE'I TSE DE'I DU BA CAN GYI RGYU YIN PA'I PHYIR THAMS CAD G-YO BA CAN NYID DU 'GYUR RO, ,YAN LAG CAN NI G-YO BA DANG, MI G-YO BA SNA TSOGS PA'I RANG BZHIN YIN NO ZHE NA, LHA SBYIN DANG MCHOD SBYIN LA SOGS PA'I GZUGS G-YO BA LA SOGS PA'I RANG BZHIN YAN LAG CAN GCIG YIN PAR 'GYUR RO, ,'ON TE GCIG NYID DANG G-YO BA DANG MI G-YO BA NYID DU MTHONG BA'I PHYIR 'GAL BA CI YOD CE NA, GCIG CES BYA BA 'DI CI YIN, GAL TE SNANG BA THA DAD PA MA YIN NA, DE NI MED DO, ,'ON TE 'PHRAS BU GCIG PA NYID YIN NA, GAL TE 'BRAS BU GCIG NYID YIN MOD, RGYU YANG GCIG YIN NO ZHES BYA BA GA LAS, YAN LAG CAN BSGRIBS NA THAMS CAD BSGRIBS PAR 'GYUR TE, LDAN PA KHYAD PAR MED PA'I PHYIR RO, ,YAN LAG BSGRIBS PA YIN NA YAN LAG CAN BSGRIBS PA MA YIN PAS THAMS CAD MTHONG BAR 'GYUR RO, ,YAN LAG GI SGO NAS BSGRIBS NA, CUNG ZAD MI MTHO 'BA' MA RIL BAR MTHONG BAR 'GYUR RO, ,GCIG YIN YANG RIL BA LTA BAR MI NUS PA'I PHYIR RO ZHE NA, MTHONG BA DANG MA MTHONG BA DAG CI LTAR GCIG NYID YIN, TSON GYIS BSGYUR BA LA YANG THAL BA 'DI NYID YIN NO, ,DE'I PHYIR TSOGS PA GCIG YOD MIN, ,DU MA NYID NA SNGA MA BZHIN, ,KHYAD MED PHYIR DANG PHRA RAB PHYIR, RTOGS MIN ZHE NA KHYAD MED PAR, ,MA GRUB KHYAD PAR CAN RNAMS NI, ,DBANG YUL DE PHYIR PHRA RAB MIN, ,GAL TE LUS DU MA YIN NO ZHE NA, DU MA NYID YIN NA YANG SNGA MA BZHIN DU SKYON YOD DE, RDUL PHRA RAB SO SOR RANG RIG PAR THAL LO, ,KHYAD PAR MED PA'I PHYIR MI RTOGS SO ZHE NA, DE NI MA YIN TE, KHYAD PAR MED PA NYID DU MA GRUB BO, ,RIG PA NI GNAS SKABS NA DMIGS PA YIN PA'I PHYIR RO, ,DES NA KHYAD PAR MED PA MI DMIGS PA NYID MA YIN NO, ,DE NYID KYI PHYIR RANG NYID RIG PA'I

, ,GNAS SKABS NA PHRA RAB NYID KYANG GEGS BYED PA MA YIN PA'I PHYIR YOD KYANG MED PA DANG KHYAD PAR MED PAS RDUL PHRAN MA YIN NO, ,KHYED CAG GI YANG JI LTAR YUL DMIGS SHE NA, RANG RIG PA'I RANG BZHIN GYIS YUL DMIGS PA NI MA YIN GYI 'ON KYANG DE RNAM PA CAN GYI RNAM PAR SHES PA DMIGS PA NYID YUL DMIGS PA NYID YIN NO, ,JI LTAR RDUL PHRA RAB KYI RNAM PA MED CE NA, 'DI NI 'OG NAS BSTAN PAR BYA'O, ,GAL TE RDUL PHRA RAB TZAM YIN NA JI LTAR BSGRIBS PA DANG THOGS PA LA SOGS PA YIN ZHE NA, 'DIS NI SGRIB BYED LA SOGS PA, ,MED PA DAG KYANG BSAL BA YIN, ,DNGUL CHU GSER SOGS DANG 'DRES PA'AM, ,RDO TSAN LA SOGS JI LTAR SNANG, ,DBANG SOGS SO SOR NUS MED KYI, ,RTOGS PA DAG NI JI LTAR YIN, ,LDAN LAS SHE NA 'DIR THAL MTSUNGS, ,GAL TE GSER DANG DNGUL CHU YI, ,LDAN PA SNANG BA YIN ZHE NA, ,RTEN MTHONG MED PAR GA LA RTOGS, ,RO GZUGS LA SOGS LDAN PAR 'GAL, ,GAL TE NYE BAR BRTAGS PA LAS, ,'DOD NA BLO THA DAD PAR 'GYUR, ,JI LTAR PHRENG RING ZHES BYAR 'GYUR, ,DE LDAN RANG GI NGO BO DANG, ,BRJOD PA DAG LAS THA DAD PA, ,GRANGS LDAN LAS LA SOGS PA YI, ,NGO BO'ANG BLO LA MI SNANG NGO, ,RDUL PHRA RAB RNAMS 'BYAR BA MED PA'I PHYIR JI LTAR SGRIB PAR BYED PA YIN ZHES BYA BA NI 'THAD PA MA YIN TE, GANG GIS DE MED PAS RDUL PHRA RAB RNAMS LA DE MI 'GYUR BA YAN LAG CAN DANG 'BREL BA'I SGRIB PA NI GAR YANG DMIGS PA MED DO, ,DE BZHIN DU THOGS PA LA SOGS PA YANG NGO, ,'ON TE 'DI SKAD BRJOD DE, GSER DANG BCAS PHYIR RDUL PHRAN NI, ,TSOGS PA SNAM BU LA SOGS PA'AM, ,CHU DANG NYI MA LA SOGS PA'I, ,SKABS SU DE NI JI LTAR 'GYUR, ,PHAN TSUN NANG DU 'JUG PA LA GEGS MED PA'I RDUL PHRA RAB RNAMS NYID 'BA' ZHIG YAN LAG LDAN PA MED PAR JI LTAR SGRIB PAR BYED PA LA BRTEN ZHE NA, 'DIR BSHAD PA REG PA MED PAR JI LTAR YAN LAG CAN SKYED PAR BYED, REG PA YANG PHYOGS GCIG GI NI MA YIN TE, DE MED PA'I PHYIR RO, ,BDAG NYID THAMS CAD KYIS KYANG MA YIN TE, GONG DU RDUL PHRA RAB TZAM DU 'GYUR BA'I PHYIR RO, ,LDAN PA'I

DON GZHAN SKYED PAS SO ZHE NA, MA YIN TE, LDAN PA DE NYID BAR DANG BCAS PA DAG GIS CI LTAR SKYED PAR BYED CES THAL BA MTSUNGS SO, ,REG NA GONG BU RDUL PHRA RAB TZAM DU THAL BAR 'GYUR BA'I PHYIR RO, ,GAL TE REG PA YIN NA LDAN PA GZHAN NAM DE BZHIN DU YAN LAG CAN GYIS CI ZHIG BYA, 'ON TE BAR DANG BCAS PA NYID LDAN PA DANG, YAN LAG CAN SKYED PAR BYED NA, DE LTA YIN NA SGRIB PA LA SOGS PA'I 'BRAS BU YANG CI STE SKYED PAR MI BYED, GANG LA BRDEGS KYANG SO SOR NI, ,'GYES PAR MI 'GYUR BA DE NI, ,REG PA MED KYANG PHRA RAB KYI, ,RDUL RNAMS TSOGS PA 'BA' ZHIG YIN,, SKRA DANG SBRANG MA SHA LA SOGS PA YUL BAR DANG BCAS PAR GNAS PA YIN YANG LINGS PO GCIG GI RNAM PA CAN GYI SHES PA SKYED PAR BYED PA DE BZHIN DU, 'BRAS BU GZHAN YANG CI STE SKYED PAR MI BYED, DER GNOD PAR BYED PA MTHONG BA'I PHYIR DE LTA MA YIN NO ZHE NA, 'DI YANG GAL TE RNAL 'BYOR PA YOD NA DBANG PO LAS 'DAS PA'I DON MTHONG BA RNAL 'BYOR PA'I SHES PA GNOD PAR BYED PA YOD PAR 'GYUR RO, ,DPER NA BU GA DANG BCAS PA'I SNOD STENG BKAG NA CHU MI 'DZAG PA BZHIN DU RDUL PHRA RAB 'DUS PA YANG YIN NO, ,YANG NA, DNGUL CHU GSER DANG LDAN PA 'AM, ,RDO TSAN LA SOGS PA DAG ,YAN LAG CAN MED PAR SGRIB PA DANG THOGS PA LA SOGS PA 'AM, SO SOR GYES PA LA SOGS PA 'BRAS BU GZHAN BYED PAR JI LTAR NUS, DE NI KHYAD PAR CAN GYI 'DUS PA'I MTSAN NYID KYI RGYU KHYAD PAR CAN LAS SKYES PA YIN TE, RGYU DANG 'BRAS BU'I DNGOS PO NI BSAM GYIS MI KHYAB BO, ,'DI LTAR GZUGS LA SOGS PA SO SOR RNAM PAR SHES PA SKYED PAR MI NUS PA DE LTA NA YANG, TSOGS PA'I GNAS SKABS NA SKYED PAR BYED DO, ,LDAN PA LAS YIN NO ZHE NA, LDAN PA YANG 'BRAS BU NYID MA YIN NAM, DE NYID JI LTAR SKYED PAR BYED, LDAN PA NI SNANG BA YANG MA YIN TE, RTEN MA MTHONG BAR RTOGS PA MED PA'I PHYIR RO, ,RTEN MTHONG BA MED PAR YANG RTOGS NA NI, DBANG PO DANG DON PHRAD PA LAS MNGON SUM DU SKYE'O ZHES BYA BA NI GZHUNG LUGS YIN NO, ,PHRAD PA YANG LDAN PA NYID DO, ,DE'I TSE LDAN PA'I RGYU YIN PA'I PHYIR, LDAN PA DANG RNAM PAR DBYE BA'I RGYU MA YIN PA NI YON TAN YIN NO ZHES BYA BA

, ,YON TAN GYI MTSAN NYID NYAMS PAR 'GYUR RO, ,'ON TE 'BYOR BA DANG 'PHROD PAS 'DUS PA'I PHYIR RTOGS PAR BYA BA YIN NO ZHE NA, DE LTA NA NI 'O NA RDUL PHRA RAB LA LDAN PA YOD PAR RDUL PHRA RAB RTOGS PAR 'GYUR BA'I PHYIR, YAN LAG CAN BRTAGS PA DON MED DO, ,LDAN PA THAMS CAD KYANG MTHONG BAR 'GYUR TE, DES NA RGYANG RING PO NAS MI 'DZIN PAR MI 'GYUR RO, ,DER NI DBANG PO'I LDAN PA NYID MED DO ZHE NA, RAGS PA RNAMS KYANG MI RTOGS PAR 'GYUR RO, ,'ON TE LDAN PA LAS SKYES PA'I LDAN PA YANG 'DOD PA YIN NO, ,LDAN PA DANG RNAM PAR DBYE BA'I RGYU MA YIN PA ZHES BYA BA NI 'DU BA CAN GYI RGYU BKAG PA YIN NO ZHE NA, MA YIN TE, 'DU BA NI 'DI LA'O SNYAM PA'I BLO'I RGYU YIN PA'I PHYIR RO, ,LDAN PA YANG GAL TE BRTAGS NA GOR MA CHAG PAR 'DI LA'O SNYAM PA'I BLO SKYED PAR BYED DO, ,DES NA PHRAD PA 'DU BA CAN GYI RGYU YANG 'THOB BO, ,GZHAN YANG, GAL TE 'BYOR PA DANG 'DU BA, ,'DZIN PA'I RGYU NI YIN 'GYUR NA, ,RDUL PHRAN RNAMS LA LDAN YOD PAS, ,RDZAS NI 'DZIN PAR 'GYUR BA YIN, ,GAL TE 'BYOR PA DANG 'DU BA YANG 'DZIN PA'I RGYU YIN NA, DE'I TSE 'BRAS BU'I RDZAS KYI LDAN PA DON MED DO, ,RDUL PHRA RAB KYI LDAN PA NYID KYIS 'BRAS BU'I RDZAS MTHONG BA'I PHYIR RO ZHE NA, 'ON TE 'BRAS BU'I RDZAS SRID PAS, RDUL PHRA RAB KYI LDAN PA BRTAG PAR BYA BA MA YIN NA, RDUL PHRA RAB KYI LDAN PA NYID LAS BUM PA LA SOGS PA MTHONG BAS YAN LAG CAN RTOG PA DON MED PA'I PHYIR NYES PA DE NYID YIN NO, ,'ON TE YAN LAG CAN YOD NA RDUL PHRA RAB KYI LDAN PA RTOG GI GZHAN DU NI MA YIN NO ZHE NA, 'DI NI BZLOG PA LA YANG MTSUNGS SO, ,YAN LAG CAN LDAN NA RDUL PHRA RAB LDAN PA MA YIN NA NI MA YIN TE, ,YUL DANG DUS MTSUNGS PA NYID KYIS RNAM PAR DBYER MED PA'I PHYIR RO, ,YANG NA RTOGS PA'I YAN LAG CAN LA YANG LDAN PA YIN PAS MTHONG BA'I LDAN PA LA YANG LDAN PA YOD PAR 'GYUR RO, ,GZHAN YANG 'BYOR PA DANG 'PHROD PAS 'DU BA LAS MTHONG BA'I PHYIR, GZUGS DANG RO LA SOGS PA YANG DAG PAR LDAN PAR, BTUNG BA LA SOGS PA MTHONG BAR MI 'GYUR TE, YON TAN LA YON TAN MED PA'I PHYIR RO, ,DE LA GZUGS SAM

RO DE YAN LAG RNAMS NI MA YIN NO, ,NYE BAR BRTAGS PA LAS DE LTAR BSNYAD PA YIN NO ZHE NA, BLO THA DAD PAR THAL LO, ,ZHO LA SOGS PA YAN LAG RNAMS KYI GZUGS SAM RO GANG YIN PA DE NYID DON GCIG LA 'DU BA LAS NYE BAR BRTAGS PA YIN GYI GZUGS DANG RO GZHAN DMIGS PAR MI 'GYUR RO; ,LDAN PA CAN RNAMS KYI GZUGS GANG YIN PA DE NYID LTA BA'I YANG YIN PAR 'GYUR TE, NYE BAR BRTAGS PA LAS DER GZUGS DANG RO GZHAN DU GA LA 'GYUR, 'ON TE GZUGS DANG RO DE DAG NYID, PHRAD PA LAS DE LTAR SNANG BA YIN TE, DE DAG SHIN TU 'DRES PA LA NI GCIG TU RTOGS PA'I RGYU YIN PA'I PHYIR RO, ,RO DANG GZUGS GZHAN DU MNGON PA YIN NO ZHE NA, DE LTA NA NI 'O NA YAN LAG CAN GZHAN GYIS CI YANG BYAR MED DE, RDUL PHRA RAB SNANG BA NYID LA DE LTAR RAGS PA LA SOGS PA'I THA SNYAD DANG LDAN PA YIN NO, ,GZHAN YANG GAL TE RDUL PHRA RAB NYID RAGS PA LA SOGS PA'I RTOGS PA MA YIN NA, DE'I PHRENG RING NGO ZHES BYA BAR MI 'GYUR RO, ,PHRENG ZHES BYA BA NI 'GA' YANG YOD PA MA YIN TE, 'DI LTAR, LDAN PA MED PHYIR LDAN PA MIN, ,DE NYID PHYIR DE RDZAS MA YIN, ,RIGS SOGS LA NI RING NYID MED, ,DE NI RIGS SOGS 'DOD PA 'ANG MIN, ,BKOD PA YIN NI KHYAD PAR GYIS, ,JI LTAR RING SOGS BLOR 'GYUR BA, ,DES NA DE BZHIN BLO DES NI, ,RDUL PHRAN RNAMS LA YIN PAR RIGS, ,DPER NA PHRENG BA LA SOGS PA'I RING PO LA SOGS PA'I BKOD PA NYID YIN PA DE BZHIN DU RTZOD PA'I GNAS YAN LAG CAN GYI YUL DU MNGON PAR 'DOD PA YANG YIN PA'I PHYIR YAN LAG CAN MED DO, , GANG YANG DBANG PO LA SOGS PA NI, LDAN PA LAS YAN LAG CAN NAM GZHAN LA BLO SKYED PAR BYED DO ZHES BYA BA LA SOGS PA BRJOD PA DE LA SMRAS PA NI, LDAN PA LA SOGS PA'I RANG GI NGO BO NI DMIGS PA MED DO, ,GZUGS LA SOGS PA DANG LDAN PA CAN 'BA' ZHIG TU ZAD DO, ,DE LA LDAN PA GZHAN DMIGS PA'I SPYOD YUL DU 'GYUR BA MED DO, ,'BYOR PA YIN NO ZHES BLOS BZUNG BA'I JI LTAR DE BZHIN DU MA YIN NO ZHE NA, 'BYOR PA ZHES BYA BA NI LDAN PA CAN NYID KYI RTOGS PA YIN NO, ,'BYOR PA'I SGRA LA 'DIR DMIGS PA GZHAN NI YOD PA MA YIN NO, ,DER NI NYE BAR SKYES GYUR PA, ,DE LA LDAN PA

, ,CAN DAG 'BA' ZHIG NI, ,'BYOR PA RTOGS PA'I YUL YIN TE, ,DE LAS 'BYOR GZHAN YOD MA YIN, ,JI LTAR DON DE MDUN GNAS PA, ,LDAN PA DE BZHIN GNAS SAM CI, ,RJES 'GRO LDOG PA DAG LAS NI, ,LDAN PA LA SOGS RTOGS PA YIN, ,LDAN PA CAN LAS THA DAD PA'I LDAN PA GZHAN NI SNANG BA MED DE, 'BA' ZHIG PA MA 'BYOR PA DAG LA NI GNAS SKABS DE MA DMIGS LA, DE LA NI DMIGS PA DES NA 'DI NI RJES SU 'GRO BA DANG LDOG PA DAG LAS BRTAGS PA 'BA' ZHIG TU ZAD DO ZHES BYA BAR YID CHES SO, ,MNGON SUM GYIS DE LTA BUR GYUR PA 'DI 'DRA BAR 'GYUR RO ZHES RTOGS PA YIN NO, ,DES NA GNAS SKABS DE NYID LDAN PA ZHES LOGS SHIG TU RNAM PAR 'JOG PA YIN NO, ,DE NYID KYI PHYIR, SGRA SHES DNGOS PO THA DAD PA'I, ,RJES 'BRANG RNAM RTOG BTAGS DON CAN, ,DPER NA YON TAN LA SOGS PA'AM, ,ZHIG DANG MA SKYES DAG LA BZHIN, ,SGRA'I SHES PA MI MTHUN PA TZAM GYIS NI, ,DON THA DAD PA MA YIN TE, 'ON KYANG MNGON SUM GYI MTSAN NYID KYI SHES PA THA DAD PA YIN NO, ,RNAM PAR RTOG PA TZAM GYI BLO NI THOG MA MED PA'I BAG CHAGS KYI STOBS LAS SKYE BA NA, DE LTA DE LTAR BSLAD PAR 'GYUR BA YIN PAS DE LAS DON GYI DE NYID GNAS PAR 'GYUR BA MA YIN NO, ,DE LA LDAN PA LA SOGS PA'I BLO NI RJES SU 'GRO BA DANG LDOG PAS BRTAGS PA'I THA DAD PA LA BRTEN NAS 'GYUR BA YIN TE, ,DES NA BRTAGS PA NYID THA DAD PA YIN GYI DON GYI DE KHO NA NYID NI MA YIN NO, ,RNAM PAR BRTAGS PA'I DON THA DAD PA NI MU STEGS BYED GZHAN GYI LTA BA LAS KYANG SKYE'O, ,DE LAS KYANG DON GYI DE NYID RNAM PAR GNAS NA THUG PA MED DO, ,DE LTAR KHAS LEN NA NI PHAN TSUN RTZOD PAR YANG MI 'GYUR RO, ,DE'I PHYIR SGRA DANG SHES PA THA DAD PA NI BAG CHAGS KYI RJES SU 'GRO BA DANG LDOG PAS RNAM PAR RTOG PAS BRTAGS PA'I DON LA 'JUG PA YIN NO, ,RNAM PAR BRTAGS PA DE CI 'DRA BA ZHIG CE NA, DNGOS PO THA DAD RJES 'BRANG BA CAN TE DNGOS PO RNAMS KYI THA DAD PA NI DE LTA BUM YIN PA DAG LAS LDOG PA'O, ,LDOG PA YANG LDOG PA CAN LAS GZHAN MA YIN TE, DE'I PHYIR DE NYID RGYUN LA LTOS TE NANG GI DBYE BA THA DAD PAR SNANG BA YIN NO, ,CI STE DNGOS

PO THA DAD PA MED PAR RTOGS PA THA DAD PA MA MTHONG NGO ZHE NA, ,'JUG PA KHO NA STE, 'DI NI MTHONG BA YIN NO, ,DPER NA YON TAN DAG LA YON TAN GCIG GO, ,'DU BA GCIG GO YON TAN NYI SHU RTZA BZHI'O ZHES BYA BA LTA BU'O, ,DE LA GRANGS NI MED DE, GRANGS NI RDZAS LA BRTEN PA'I PHYIR RO, ,RTEN NI GRANGS NYE BAR BRTAGS PA LA MA YIN TE, RTEN THA DAD KYANG SPYI LA SOGS PA GCIG NYID YIN NO, ,ZHIG PA DANG MA SKYES PA DAG LA YANG JI LTAR GCIG LA SOGS PA YIN, GAL TE 'DI LTAR BRTAGS 'DOD NA, ,RGYU MTSAN GANG GIS DE 'DOD PA, ,DE NYID DNGOS PO THAMS CAD LA DE DAG GI RGYUR CIS MI 'DOD, GAL TE ZHIG PA DANG MA SKYES PA DAG LA GCIG NYID LA SOGS PA NYE BAR BRTAGS PA LAS DE LTAR BRJOD PA DANG RTOGS PA YIN NO ZHE NA, NYE BAR BRTAGS PA DE NYID THAMS CAD DU 'DI DAG GI RGYU MTSAN DU CI STE MI 'DOD, THOG MA MED PA'I RTOGS PAS SGRO BTAGS PA NYID RGYU MTSAN YIN PAR 'GYUR TE, DNGOS PO BRTAGS PA'I SKABS YOD PA MA YIN NO, ,GAL TE KUN LA NYER BRTAGS MIN, ,THA DAD KHYAD PAR GTZO BO ZHES, ,BYA NYID GA LAS THA DAD PA, ,MED PA THA DAD DON MED NA, ,DON GZHAN RGYU MTSAN TZAM MIN YANG, ,DKAR LA SOGS LA GRANGS SOGS DANG, ,LDAN PA'I SGRA NI RNAM GRANGS MIN, ,GAL TE DER YANG DON GZHAN NA, ,YON TAN RDZAS NI KHYAD MED 'GYUR, ,DON GZHAN MIN YANG LDOG PA YI, ,DBYE BAS THA DAD PA YIN TE, ,LAS RDZAS MIN PA'I SGRA BZHIN NO, ,GAL TE NYE BAR BRTAGS PA ZHES BYA BAR GTZO BO'I RGYU MTSAN CAN MA YIN NAM, DE JI LTAR GTZO BO MED PAR 'GYUR, GTZO BO YANG KHYAD PAR THA DAD PA YIN TE, DBYUG PA CAN LA SOGS PA BZHIN NO, ,KHYAD PAR THA DAD PA MED PA NA NI PHAL PAR GRAGS PA YIN NO, ,KHYED LA NI SNGA MA SNGA MA'I RTOGS PAS BYAS PA'I KHYAD PAR DANG LDAN PAS KHYAD PAR MED PAR MED PA'I PHYIR GANG YANG DNGOS MED PAS NYE BAR BRTAGS PA MI SRID DO ZHE NA, DE NI MA YIN TE, THA DAD PA'I KHYAD PAR GTZO BO YIN NO ZHES BYA BA NYID GA LAS YIN TE, KHYAD PAR THA DAD PA MED KYANG RTOGS PAS BYAS PA'I KHYAD PAR THA DAD PA SHIN TU GOMS PAS BSTAN PAR CHAGS PAR 'GYUR BA NI GTZO BO NYID DO, ,'KHRUL PA MED PA RTOGS PA'I

, ,YUL NI DNGOS YIN LA, DE LAS GZHAN NI PHAL PA YIN PAS MA CHOG PA CI YOD GZHAN YANG, GAL TE KHYAD PAR THA DAD BA NI DNGOS YIN LA, GZHAN DU BRTAGS PAR 'GYUR NA RNAM PA 'DI LTA BU MTHA' DAG DNGOS MA YIN PAR 'GYUR TE, THA DAD PA'I KHYAD PAR MED PA'I PHYIR RO, ,GANG ZHIG PA DANG MA SKYES PA LA NI KHYAD PAR CAN YANG BTAGS PA YIN NO ZHES BYA BA NI KHYAD PAR YIN NO, ,GAL TE KHYAD PAR GZHAN MED NA 'O NA NI THAMS CAD DU KHYAD PAR CAN NYID BRJOD PAR BYA BA YIN PAS DON THA DAD PA MED PA'I PHYIR RNAM GRANGS PA NYID DU 'GYUR RO, ,GZHI MTHUN PA YANG MED PAR 'GYUR TE, DE NI 'JUG PA'I RGYU MTSAN THA DAD PA NYID YIN NA 'GYUR BA YIN NO ZHE NA, DE YANG BRJOD PAR MI BYA BA NYID YIN TE, 'DI LTAR, 'JUG PA'I RGYU MTSAN THA DAD NA, ,DE YI NGO BOR SNANG BAS NA, ,CI LTAR DON DANG SGRA DAG NI, ,GZHI MTHUN PAR NI 'GYUR BA YIN, ,GZHI MTHUN PA 'DI DON DAG GAM SGRA DAG GI YIN GRANG NA, RE ZHIG SGRA DAG GZHI MA YIN TE, SO SOR NGES PA'I DON BRJOD PA'I PHYIR RO, ,MTSON ZIN PAS MTSON PAS GZHI MTHUN PA YIN NO ZHE NA, ,GCIG NYID DANG NI 'BREL BAS NA, ,DE NI THAMS CAD MTSON PA NYID, ,SGRA GNYIS PA YI SBYOR BA NI, ,MED PA'I PHYIR NA DE MED DO, ,DON RNAMS GZHI MTHUN PA NYID KYANG, ,'DI NYID KYIS NI BSAL BA YIN, ,'BREL PA YOD PA YIN NA YANG, ,GANG LAS JI LTAR 'JAL BA YIN, ,GAL TE 'DU BA'I STOBS KYI DON, ,THA MI DAD PAR 'JAL BYED NA, ,GCIG NYID KYIS NI DE RTOGS PHYIR, SGRA GZHAN DAG NI DON MED 'GYUR, ,GAL TE GZHAN GYIS DON DE NYID, ,SHES PA YIN PAR 'DOD NA NI, ,CI LTAR KHYED KYIS 'DOD PAS KYANG, ,RNAM GRANGS PA DE NYID MI 'GYUR, ,'ON TE SNGON SOGS 'BREL PA TZAM, ,SGRA GCIG LAS NI RTOGS SHE NA, ,'DU BA CAN NI RTOGS PA NA, ,MA RTOGS PA NI GZHAN YOD MIN, ,CI LTAR SNGON PO MNGON SUM GYIS, ,RTOGS NA AUTPALA RTOGS 'GYUR BA, ,DE BZHIN SGRAS KYANG RTOGS NA NI, ,DE BZHIN SGRA GZHAN DON MED DO, ,SGRA NI NGES PA NYID KYI DON, ,YIN PHYIR GZHAN DAG RTOGS MIN NA, ,KHYAD PAR CAN DANG BRAL BA'I DON, ,'GA' MED BRJOD PA DON MED DO, ,MTHON MTHING AUTPALA LA SOGS

DAG ,SNGO NYID 'BA' ZHIG NYID MIN TE, ,DE LTAR MNGON SUM GYIS BZUNG MIN, ,SGRA 'JUG GZHAN DU JI LTAR YIN, ,GAL TE SNGO NYID AUTPALA YIN, ,AUTPALA LA TSIG DON MED, ,GAL TE SNGO NYID GZHAN DU NA, ,DE BZHIN AUTPALA TSIG DON MED, ,DE PHYIR RANG GI BAG CHAGS KYI DBANG GIS SKYES PA'I BLO NYID KYIS GZHI MTHUN PA LA SOGS PA'I THA SNYAD THA DAD PA THA DAD PA MA YIN PA NYE BAR 'JOG PA YIN NO, ,RNAM GRANGS LA SOGS PAR THAL BA MA YIN TE, 'DI LTAR DON GZHAN MED KYANG DKAR PO LA SOGS PA DAG LA RNAM GRANGS PA MA YIN NO ZHES BSHAD ZIN TO, ,DER YANG DON GZHAN YIN NO ZHE NA, DE LTA YIN NA YON TAN DANG RDZAS DAG KHYAD PAR MED PAR 'GYUR RO, ,'DI LTAR BYA BA DANG LDAN PA YIN TAN DANG LDAN PA, 'PHRO PA 'DU BA CAN GYI RGYU NI RDZAS YIN NO, ,'PHRO PA 'DU BA CAN GYI RGYU NYID NI YON TAN DANG LDAN 'GYUR RO, ,LCI BA NYID YOD PAS NA LTUNG BA LA SOGS PA 'OG TU LTUNG BA'I PHYIR BYA BA DANG LDAN PA NYID DO, ,DES NA YON TAN LA YANG LDAN PA YOD PAS RDZAS KYI MTSAN NYID DANG LDAN PA NI RDZAS SU 'GYUR BAS, YON TAN DANG RDZAS KHYAD MED PAR 'GYUR RO, ,DE'I PHYIR LDOG PA'I KHYAD PAR GYIS KUN BRTAGS PA BRJOD PAR BYA BA THA DAD PAS THA DAD PA STE, SGRA DANG RTOGS PA THA DAD PA YIN TE, DPER NA LAS RDZAS MA YIN PA DANG, RDZAS LAS MA YIN PA BZHIN NO, ,'DIR DON GZHAN NI DON MA YIN TE, DE LTA NA YANG RDZAS LAS MA YIN PA LA SOGS PA'I SGRA RNAMS RNAM GRANGS PA NI MA YIN NO, ,DER NI LOG PA'I KHYAD PAR NYID RGYU MTSAN YIN GYI 'JUG PA'I RGYU MTSAN THA DAD PA GZHAN NI MED DO, ,'O NA JI LTAR BA LANG DKAR PO LA BA LANG GI DKAR PO NYID CES GZHI MTHUN PA DANG, GZHI THA DAD PA'I DBYE BAR 'GYUR ZHE NA, DNGOS PO BRJOD PA'I SGRA RNAMS KYIS, ,GRANGS SOGS DE DANG LDAN PA LAS, ,THA DAD BZHIN DU BSTAN GANG DE'ANG, ,CHOS BZHIN KHYAD PAR BYED PA YIN, ,DE TZAM SHES PAR 'DOD PA LA, ,GZHAN KUN 'PHANGS PA MED PAR NI, ,LA LAR SOR MO'I LDAN PA ZHES, ,THA DAD CHOS BZHIN SGRA RJOD BYED, ,DON GCIG BRJOD KYANG THAMS CAD NI, ,'PHEN PHYIR SOR MO LDAN 'GYUR ZHES, ,CHOS CAN BRJOD PAR GRAGS YIN TE, ,DE LTAR

, ,BRDAR NI BYAS PA YIN, ,JI LTAR BRTAGS PA'I BRJOD BYA THA DAD PAS RNAM GRANGS PA MA YIN PAR BSTAN PA DE BZHIN DU, BRJOD PAR BYA BA'I DON THA MI DANG KYANG THAD DAD PA'I RNAM PAR DBYE BA NI BRTAGS PA'I THA DAD PA YOD PA'I PHYIR TE, DPER NA MCHI GU'I LUS DANG, SGRA GCAN GYI MGO ZHES BYA BA DE BZHIN DU BA LANG GI DKAR PO ZHES BYA BA YIN NO, ,BA LANG ZHES BYA BAS NI RNAM PA GCIG TU 'DZIN PA CAN GYI DON DE RIL BRJOD PA YIN LA, DKAR PO ZHES BYA BAS NI DE'I PHYOGS GCIG 'DZIN PA GZHAN DANG LDAN PA'I YOD PA YIN NO, ,THA DAD PA NI RJES SU 'GRO BA DANG LDOG PA DAG GIS NGES PAR BYAS PA YIN TE, DES NA DE'I YON TAN DKAR PO DE NI BA LANG GI YON TAN YIN NO ZHES THA DAD PA'I RNAM PAR DBYE BAR 'GYUR RO, ,GANG GI TSE BA LANG GI RNAM PAR GZUNG BA MED PAR 'BREL PA CAN GYI KHYAD PAR DANG BRAL BA'I DKAR PO NYID 'BA' ZHIG DMIGS PA DE'I TSE, DKAR PO NYID 'DI GANG GI YIN ZHES 'DRI BA DE'I TSE NI, BA LANG DAG GI ZHES SNGAR MTHONG BA LAS NGES PA'I BA LANG GI RANG BZHIN NYID STON TE, 'DI DE'I BDAG NYID KYI 'BREL PA NYID BRJOD PAR 'DOD PA YIN NO, ,THA DAD PA NI SNGAR 'BA' ZHIG NGES PA'I PHYIR RO, ,GANG GI TSE GAL TE MTHONG BA DMAN PA RNAMS KHYAD PAR MTSON PA LA MI GSAL BA NYID YIN PA'I DE LTA NA NI YANG 'DI 'BA' ZHIG TU GYUR PA NI MI SRID DE, BA LANG DKAR PO'AM GZHAN DU 'GYUR BA YIN SNYAM PAS DKAR PO 'DI'I GANG YIN BA LANG NGAM 'ON TE GZHAN ZHES 'DRI BA DE'I TSE NI LAN DU GZHI MTHUN PA NYID KYIS BA LANG NGO ZHES SO, ,DE NANG DU BSDUS PA NYID KYIS 'DRI BA YIN PA'I PHYIR RO, ,LAN YANG DE DANG RJES SU MTHUN PA KHO NAR RIGS SO, ,DE KHO NA'I DON 'DI YIN TE, RJES SU 'GRO DANG LDOG PA LAS, ,THA DAD PAR NI RNAM NGES SHING, ,RGYU 'GA' ZHIG LAS KHYAD PAR NYID, ,MTSON PA YANG NI MED PA NI, ,MKHAS PA YON TAN DKAR PO 'DI, ,RTA YI YIN ZHES LAN 'DEBS TE, ,THA DAD LDAN PA 'DRI BA'I PHYIR, ,'DIR NI DE LTA NYID DU NGES, ,GANG TSE TSAD MA'I 'JUG PA LA, ,LTOS TE THA DANG MED PAR NI, ,KHYAD PAR NANG DU BSDUS GYUR TE, ,'DRI PO 'DRI BAR BYED 'GYUR BA, ,DE TSE DE DNGOS RIG PA DE, ,DE 'DRI NYID KYIS LAN 'DEBS TE, ,

GZHUNG LUGS GZHAN GYI GO SKABS NI, ,DE LA SRID PA MA YIN NO, ,MNGON SUM NYID DAM DE GZHI CAN, ,RJES DPAG 'JUG PA LA LTOS NAS, ,THA DAD MA NGES YOD MIN LA, ,DES NA THA DAD SRID MA YIN, ,GANG TSE RJES 'GRO LDOG PA DAG ,THOG MA MED PAR RNAM GNAS PA, ,DE TSE THA DAD SRID PA'I PHYIR, ,THA SNYAD DE NI DE LTA NYID, ,'GRO BA'I RTOGS PA 'DI LTA BU, ,'DI NI THOG MED THA SNYAD YIN, ,DNGOS PO SEMS PA 'JIG RTEN LA, ,MED PHYIR THA DAD GNOD MA YIN, ,DE'I PHYIR YAN LAG NYID LAS YAN LAG CAN NI MED DO ZHE NA, ,GAL TE YAN LAG CAN NI MED KYI 'ON KYANG RO LA SOGS PA NYID YIN NA, 'ON TE DE'I TSE BUM PA'I GZUGS LA SOGS PA ZHES BYA BAR MI 'GYUR TE, GZUGS LA SOGS PA RNAMS KYI GZUGS SO, ,BUM PA'I BUM PA'O ZHES BYA BAR 'GYUR BA NI MA YIN NO ZHES GZHAN GYI RGOL BA'I DOGS PA BSU NAS, BSHAD PA NI, GZUGS SOGS NUS PA'I KHYAD PAR NI, ,SPONG BAS DE 'BRAS MTSUNGS PA YI, ,RGYU MIN PA NI RNAM GCOD LA, ,BUM PA'I SGRA NI 'JUG PAR 'GYUR, ,DES NA BUM PA'I GZUGS SO ZHES, ,GZHI GCIG PA CAN SGRA MA YIN, ,DES NA 'DI NI RIGS DANG NI, ,TSOGS PA BRJOD PA'I KHYAD PAR YIN, ,DE SPYI YAN LAG TU BYAS TE, ,BUM PA YIN NI GZUGS SOGS ZHES, ,DE NUS KHYAD PAR STON PAR BYED, ,PHYOGS 'DIS GZHAN LA'ANG BRJOD PAR BYA'O, ,GZUGS LA SOGS PA RNAMS KYI NUS PA'I KHYAD PAR SO SOR NGES PA MA 'PHAGS PAR, THUN MONG GI CHU 'DZIN PA'I NUS PA 'PHEN PA'I SGO NAS DE DAG LA BUM PA'I SGRA 'JUG PA YIN NO, ,DES NA BUM PA LA SOGS PA'O ZHES GZHI MTHUN PA NYID MA YIN NO, ,DE NYID KYI PHYIR TSOGS PA'I SGRA 'DI NI TSOGS PA BRJOD PAR 'DOD PA NA YIN LA, RIGS KYI SGRA NI SO SOR 'BRAS BU GCIG PA NYID LA YIN TE, DPER NA NAGS ZHES BYA BA BZHIN DANG, DPER NA SHING ZHES BYA BA BZHIN NO, ,'ON JI LTAR BUM BA'I GZUGS LA SOGS PA ZHES THA SNYAD CE NA, SO SOR GZUGS LA SOGS PA'I SHES PA SKYED PAR NUS PA DAG NI CHU 'DZIN PA'I 'BRAS BU THUN MONG BA NYID DO ZHES BYA BA'I DON TO, ,'ON TE JI LTAR SHING RNAMS KYI NAGS SHE 'AM, NAGS RNAMS NI SHING NGO ZHES

, ,BYA BA DE BZHIN DU, GZUGS LA SOGS PA'I BUM PA ZHE'AM, BUM PA LA SOGS PA DAG NI GZUGS SO ZHES CI'I PHYIR MI 'GYUR ZHE NA, GAL TE BSTAN BCOS GZHAN GYI 'DU BYED PA MED NA 'GYUR BA NYID DO, ,'JIG RTEN NI PHAL CHER DE'I 'DU BYED PA'I RJES SU 'BRANGS PA YIN TE, DES NA MI 'GYUR BA YIN NO, ,DNGOS PO YANG DAG PAR RTOGS PA DANG LDAN PA NI YID CHES PAR 'GYUR BA NYID DO, ,GZUGS LA SOGS PA NYID 'GA' ZHIG BUM PA'I 'BRAS BU'I KHYAD PAR NUS PA YIN LA, 'BRAS BU'I KHYAD PAR YANG CHU 'DZIN PA YIN NO, ,YANG NA DBYIBS KYI KHYAD PAR GYIS RNAM PAR GNAS PA STE, DBYIBS KYI KHYAD PAR GANG LAS CHU 'DZIN PA'I KHYAD PAR GYI GZUGS LA GZUGS KYI BUM PA ZHES BRJOD PA YIN NO, ,DES NA YAN LAG DANG YAN LAG CAN GYI KHYAD PAR LA NI GZHI MTHUN PAR MI 'GYUR BA NYID DE, PHAN TSUN KHYAB PA MED PA'I PHYIR RO, ,GAL TE SHING DANG SHA PA DAG LA YANG PHAN TSUN KHYAB PAR BYA BA DANG KHYAB PAR BYED PA'I DNGOS PO MED PA'I PHYIR JI LTAR GZHI MTHUN PA YIN ZHE NA, DE NI MED DE 'DI LTAR, SHING BLO BSAL BA GCIG LA NI, ,SO SOR RJES SU 'JUG PA YIN, ,BUM PA'I BLO NI GZUGS SOGS LA, ,SO SOR RJES SU 'JUG PA YIN,, BUM PA'I BLO NI SHING SHA PA LA SOGS PA LA SHING BLO LTAR GZUGS LA SOGS PA RE RE LA RJES SU 'JUG PA MA YIN NO, ,BUM PA'I SGRAS NUS PA'I KHYAD PAR 'PHEN PA YANG MA YIN TE, SNGON GYI THA SNYAD ZHEN PAS NUS PA NGES PA'I PHYIR RO, ,SHING GI SGRAS NI KHYAD PAR CAN GYI NUS PA DANG LDAN PA YANG 'PHEN PA YIN PA'I PHYIR SKYON MED DO, ,'DIR YANG THA SNYAD ZHEN PA'AM, ,NUS PA'I BYE BRAG RGYU YIN PAS, ,THAMS CAD LEGS PAR GNAS SO, ,GAL TE BA LANG DAG NI NYI SHU'O ZHES BYA BA DANG, NYI SHU DAG GI BA LANG ZHES BYA BA 'DI LA NUS PA'I KHYAD PAR 'GA' YANG YOD PA MA YIN NO, ,'DIR NYI SHU'I SGRA NUS PA GZHAN BRJOD PA NI MA YIN GYI, 'ON KYANG 'DIR BZHO BA DANG DGAL BA LA SOGS PA'I NUS PA NYID RTOGS PA YIN NO ZHE NA, DER NI MANG PO NYID KYIS NI, ,BSTAN PA'I 'DUS PA GSAL BAR YOD, ,DE BRJOD PHYOGS 'DIR GZHAN DAG LA'ANG, ,NYE BAR BSTAN PAR BRJOD

PAR BYA, ,'DIR NI BCU PO GNYIS KYI RANG BZHIN 'DUS PA BRJOD PAR 'DOD PA YIN NO, ,DES NI BZHO BA DANG DGAL BA'I NUS PA 'PHEN PA MA YIN LA DES KYANG 'DUS PA'I KHYAD PAR 'PHEN PA MA YIN PA'I PHYIR THAMS CAD LEGS PAR GNAS SO, ,YANG NA, THOG MA MED PA'I THA SNYAD KYIS, ,'DUS BYAS BAG CHAGS BDAG CAN GYI, ,SGRA LAS BYUNG BA'I RTOGS PA 'DI, ,THOG MA MED PA'I THA SNYAD YIN, ,DES NA GANG LA'ANG MI BRTZAD DE, ,GANG GIS KYANG NI BRTZAD BYA MIN, ,GAL TE SGRA DON DE LTA BU, ,YIN YANG CHAD PA 'GA' MED NA, ,GANG GIS DE LA RTZOD BYED 'DIR, ,DE LTAR MI RIGS JI ZHIG YOD, ,THA MAL SGRA YI 'DUS BYAS LA, ,MA 'CHOL BA NI MTHONG BA MED, ,DER NI RTAGS DANG TSIG GI DON, ,THA DAD PA NI GSAL BAR RTOGS, ,DE LA MI RIGS YOD MA YIN, ,LEGS PAR SBYAR LA DE 'GYUR NA, ,MTSAN NYID DE NI LEGS BSGRUBS PA, ,THA MAL LEGS PAR SBYAR BAR 'DOD, ,LEGS PAR SBYAR DANG LEGS SBYAR MIN, ,TSAD MAS RTOGS PA YOD MA YIN, ,'DIS NI BYIS RTZED DON PHYIR NA, ,RNAM PAR GZHAG PA TZAM DU ZAD, ,JI LTAR DON YOD MA YIN YANG, ,BYIS PA THA SNYAD PA DAG GIS, ,CI ZHIG LTAR 'DI BSTAN BCOS SU, ,BYAS PA DE LTAR BYIS GZHAN NYID, ,RJES 'JUG DES NA DE DAG 'DIR, ,CI ZHIG BRJOD PA MI SHES SO, ,MA MTHONG BA YI DON BRJOD NI, ,GAR GYI BSTAN BCOS DAG LA'ANG MTHONG, ,DE LA YID CHES YOD MIN TE, ,'DIS NI DMUS LONG BRGYUD PA YIN, ,GAL TE LUS KYI 'BYUNG BA CHEN PO LAS SKYES PA YIN NA; DE'I TSE CHA SHAS MTHA' DAG RNAM PAR SHES PA SKYED PA'I RGYU YIN TE, DPER NA MYU GU LA SA SOGS LTA BU'AM, YANG NA SO SOR DE DPER NA ME LA BSREG PAR BYA BA RTZVA LA SOGS PA LTA BU ZHIG YIN GRANG NA, DE LA MA LUS RGYU NYID YIN NA NI, ,YAN LAG GCIG DANG BRAL NA'ANG MIN, ,RE RE NUS BA NYID YIN NA'ANG, ,CIG CAR MANG PO 'BYUNG BAR 'GYUR, ,DU MA NYID DU MTSUNGS PA'I PHYIR, ,'BYUNG RNGUB DAG NI NGES BYED MIN, ,'BRAS BU GANG LA MANG PO DAG PHAN TSUN LHAN CIG BYED PAS, BYA BA BYED PA DER NI GCIG MED KYANG 'BRAS BU SRID PA MA YIN NO, ,DE MED KYANG 'BRAS BU YOD PA

, ,YIN NA NI, DE RGYU NYID DU MI 'GYUR RO, ,'ON TE YAN LAG RNAMS PHAN TSUN LTOS PA MED PA KHO NAR SKYED PAR BYED PA YIN PA DES NA, RNA BA DANG SNA CHAD KYANG DE DAG NYID LA YID KYI RNAM PAR SHES PA 'BYUNG BA YIN NA, DE LTA NA NI 'O NA SO SOR NUS PA ZHES BYA BAR 'GYUR TE, DE'I PHYIR RNAM PAR SHES PA MANG PO 'BYUNG BAR 'GYUR RO, ,SO SOR NUS PA'I SA BON DU MA YOD NA, MYU GU DU MA MI SKYE BA NI MA YIN NO, ,DE SKYED PAR BYED PA NI DBUGS 'BYUNG BA DANG RNGUB PA DAG YIN LA, CHA SHAS GCIG 'BA' ZHIG GANG YIN PA DE NI LHAN CIG BYED PA YIN NO, ,LHAN CIG BYED PA THA DAD PAS NI 'BRAS BU THA DAD PAR MI 'GYUR TE, THAG BZANGS GZHAN DANG GZHAN YOD KYANG SNAM BU THA DAD PA NI MA YIN NO ZHE NA, 'DIR BRJOD PA DBUGS 'BYUNG RNGUB DAG KYANG DU MA YIN PA'I PHYIR THAL BA NYID DU 'GYUR RO, ,YAN LAG GCIG MA TSANG YANG MI 'GYUR BA'AM DU MA 'BYUNG BAR 'GYUR RO, ,LUS BZHIN DU 'BYUNG BA DANG RNGUB PA DAG KYANG GCIG NYID DU MI 'GRUB BO, ,'ON TE GCIG NYID DU 'DOD NA, ,DE LA YANG BRJOD PA NI, GCIG NYID YIN NA'ANG MANG GSAL 'GYUR, ,DE RGYU RTAG TU NYE PHYIR RO, ,GAL TE DU MA RGYU MIN NA, ,RIM GYIS KYANG MIN KHYAD MED PHYIR, ,DBUGS 'BYUNG BA LA SOGS PA RNAMS GCIG NYID YIN YANG, DU MA GSAL BA NYID DE DES NA 'DOD CHAGS LA SOGS PA'I YID DU MAR THAL BAR 'GYUR TE, DE'I RGYU RTAG TU NYE BA NYID YIN PA'I PHYIR RO, ,RGYU NYE BA YANG MI 'BYUNG NA DE DE'I RGYU CAN ZHES BYA BAR MI 'THAD DO, ,'ON TE DU MA'I RGYUR NI MI 'GYUR BA NYID DO, ,RGYU DANG 'BRAS BU NYID NI SO SOR NGES PA'I PHYIR RO, ,RGYU DANG 'BRAS BU'I NGES PA LA NI BRGAL ZHING BRTAGS PAR 'OS PA MA YIN TE, ME NI DU BA GCIG NYID SKYED PAR BYED PA YIN NO ZHE NA, MA YIN TE, KHYAD PAR MED PA'I PHYIR RO, ,ME LAS NI RANG BZHIN DE NYID LAS DU BA GZHAN DANG GZHAN DMIGS PA MA YIN GYI, 'DIR NI DBUGS 'BYUNG BA LA SOGS PA'I RANG BZHIN DE NYID SAD PAR BYED PA'I RKYEN GZHAN DANG, GZHAN GYI RJES SU 'GRO BA LAS, 'DOD CHAGS LA SOGS PA'I SEMS GZHAN DANG GZHAN 'BYUNG BA YIN NO, ,SAD PAR BYED PA'I RKYEN KYANG NGES PA MA YIN TE, SNGON GYI 'DU BYED PA STOBS DANG LDAN

PA DANG, MI LDAN PA NYID RGYU YIN PA'I PHYIR RO, ,DES NA GAL TE DBUGS 'BYUNG BA LA SOGS PA 'DI SEMS KYI RGYU MA YIN NA NI, PHYIS KYANG DE DANG KHYAD PAR MED PAS MI 'BYUNG BA'I PHYIR RIM GYIS KYANG DU MA'I RGYU MA YIN TE, SNGON GYI 'DU BYED PA NYID RGYUR THAL BAR 'GYUR RO, ,DBUGS 'BYUNG BA LA SOGS PA GCIG NYID DU KHAS BLANGS NAS KYANG BRJOD PA YIN TE, 'THAD PA MA YIN NO, ,'DI LTAR, DBUGS GCIG LA YANG DON DU MA, ,'DZIN PHYIR DE LAS NGES MA YIN, ,DU MA BLO GCIG GIS SHES NA, ,DE NI CIG CAR NYID 'GYUR TE, ,'GAL BA MED PHYIR RIM GYIS KYANG, ,MI 'GYUR KHYAD PAR MED PHYIR RO, ,RING DU PHYIR 'BYUNG BA LA SOGS PA DBUGS 'BYUNG BA GCIG LA YANG BLO DU MA 'BYUNG BA'I PHYIR DBUGS LA SOGS PA NI NGES PAR BYED PA MA YIN NO, ,'O NA GA LAS NGES PA YIN ZHE NA, 'DZIN PA DE LAS TE, 'DZIN PA SNGA MA SNGA MA NYID SEMS PHYI MA PHYI MA NGES PA'I RGYU YIN NO, ,'ON TE YID KYI RNAM PAR SHES PA GCIG NYID RIM GYIS DON DU MA 'DZIN PA'I RANG BZHIN YIN PA DES NA BLO DU MA MA YIN NO ZHES BRJOD NA, DE YANG MA YIN TE, GZUGS LA SOGS PA'I RNAM PA LAS THA DAD PA'I YID GZHAN NI YOD PA MA YIN NO, ,GAL TE YID NI ME LONG SHIN TU GSAL BA LTA BU KHYAB PAR BYED PA GCIG NYID YIN NO, ,DE NI DON GYI GZUGS BRNYAN DANG 'BREL PA YIN NA, DE LA BRJOD PA, GAL TE RNAM PAR SHES PA BYA BA MED PA NYID LA THOB PAR BYA BA'I DON GYI GZUGS BRNYAN SKYE BA YIN NA, DON RNAMS LA NYE BA'I RIM PA KHYAD PAR CAN MED PA'I PHYIR DON CIG CAR 'DZIN PAR THAL BAR 'GYUR RO, ,'ON TE GOMS PA'I KHYAD PAR GYI RIM PA LAS DE LTA MA YIN NO ZHE NA, 'O NA DE NYID DON GYI RNAM PA'I RGYU YIN GYI, DBUGS DBYUNG BA LA SOGS PA NI MA YIN NO, ,ME LONG BZHIN DU RNAM PAR GNAS PA'I RNAM PAR SHES PA NI CIG CAR DON 'DZIN PAR 'GYUR TE 'GAL BA MED PA'I PHYIR RO, ,'ON TE DE'I TSE NUS PA MED NA RIM GYIS KYANG DON DE 'DZIN PAR MI 'GYUR TE, KHYAD PAR MED PA'I PHYIR RO, ,'ON TE 'DI SNYAM DU DE LA YANG SKAD CIG GI DBYE BA YOD PA NYID DO, DES NA SKAD CIG GI DBYE BAS RIM GYIS DON DU MA 'DZIN PA YIN NO ZHE NA, 'DI YANG LAN

, ,MA YIN TE, 'DI LTAR, RANG RIGS MIN PA'I DUS CAN GYI, ,DBUGS KYI SKAD CIG MANG PO DAG ,GAL TE DE 'DRA'I SEMS NYID KYI, ,RGYU YIN PAR NI RTOG BYED NA, ,GO RIMS LDAN PA'I RGYU MED PAR, ,DE DAG RIM LDAN CI LTAR 'GYUR, ,RANG RIGS SNGA MA RGYU NYID NA, ,DANG PO 'BYUNG BAR MI 'GYUR TE, ,GANG GI PHYIR, DE RGYU DE 'DRA YOD MA YIN, ,DBUGS 'BYUNG THA DAD YUL CAN PHYIR, ,YOD KYANG DU MA NYID DE DES, ,DE PHYIR BLO NI CIG CAR SKYE, ,DBUGS SKAD CIG MA ZHES NGED LA NI GRUB PA NYID YIN MOD KYI, KHYED LA NI DE GRUB PA MA YIN NO, ,'ON TE TSAD MAS MTHONG BA'I PHYIR, DE NI GRUB PA NYID DO, ,RIM GYIS 'BYUNG BA NA DON GCIG TU RIGS PA MA YIN TE, DES NA RGYU RIM CAN YIN PA'I PHYIR, 'BRAS BU YANG RIM PA DANG LDAN PA YIN PAS RNAM PAR SHES PA RIM PA DANG LDAN PA YIN NO ZHE NA, DBUGS 'BYUNG BA LA SOGS PA DE NYID GO RIMS DANG LDAN PA'I RGYU MED PAR JI LTAR RIM PA DANG LDAN PA YIN, SNGA MA SNGA MA'I DBUGS 'BYUNG BA LA SOGS PA'I RGYU'I GO RIMS LAS SO ZHE NA, MA YIN TE, RANG GI RIGS SNGA MA RGYU NYID YIN NA, DANG PO'I DBUGS 'BYUNG BA LA SOGS PA MI SRID PAR 'GYUR TE, DE 'DRA BA DANG PO MED PA'I PHYIR RO, ,'JIG RTEN PHA ROL KHAS LEN NA NI SKYE BA SNGA MA'I DBUGS RGYU YIN PAR 'GYUR RO, ,PHA MA'I DBUGS RGYU YIN NO ZHE NA, DE LTA BU'I BDAG NYID DU 'GYUR BA THAMS CAD KYI TSE 'BYUNG BAR THAL BA'I PHYIR RO, ,DE LTA YIN NA NI BLO YANG PHA MAS BSKYED PA YIN PA'I PHYIR, THAL BA SNGA MA YIN NO, ,KHAS BLANGS NAS BRJOD DE, DBUGS RNAMS NI DU MA NYID DE YUL THA DAD PA DANG 'BREL PA'I PHYIR RO, ,YUL DU MA DANG 'BREL BA 'GAL BA'I CHOS GNAS PA CAN NI, DU MA'I SGRUB PAR BYED PA MA YIN NO, ,DBUGS DU MA YIN PA'I PHYIR MING RNAM PAR SHES PA DU MA SKYE BAR THAL BAR 'GYUR LA, RIGS MTHUN PA'I YID NI RIM GYIS 'BYUNG BA YIN NO, ,SKAD CIG THA DAD PA NYID KYIS 'BRAS BU THA DAD PAR NI MA ZAD DE, JI LTAR RIGS MTHUN PA'I RGYU DU MA YIN PA DE BZHIN DU, 'BRAS BU YANG YIN NO, ,GAL TE TSOGS PA LAS SKYE BA CAN DU MA LAS GCIG NYID SKYE BA MA YIN NAM ZHE NA, 'DI NI LAN MA YIN TE, GAL TE DU MA'ANG

GCIG DUS CAN, ,SEMS GCIG GI NI RGYU YIN NA, ,DBUGS RGYU ZHEN PA LA SOGS SU, ,GCIG MA TSANG NA'ANG MI 'BYUNG 'GYUR, ,CI STE JI LTAR YOD RGYU YIN, ,SHES PA LA YANG KHYAD YOD 'GYUR, ,GANG PHYIR GANG GI THA DAD LAS, ,THA DAD MIN TE DE 'BRAS MIN, ,DU MAS GCIG SKYED NA RNAM PA GNYIS SU 'GYUR TE, TSOGS PA'I RANG BZHIN GYIS SAM, 'ON TE GZHAN DU YIN, TSOGS PA'I RANG BZHIN GYIS YIN NA DBUGS ZHAN PA DANG DBUGS MI RGYU BA LA SOGS PA LA 'BYUNG BAR MI 'GYUR TE TSOGS PA MED PA'I PHYIR RO, ,TSOGS PA LAS SKYE BA'I 'BRAS BU'I CHOS NI 'DI YIN TE, TSOGS PA NYAMS PA DANG MA TSANG BA DAG TU MI 'GYUR BA GANG YIN PA'O, ,DE MED PAR 'BYUNG NA NI DE'I 'BRAS BU NYID MA YIN NO, ,'ON TE JI LTAR NYE BAR GNAS PA NYID RGYU YIN GYI, TSOGS PA NYID NI MA YIN NO SNYAM NA, DE LTA NA 'O NA NYE BAR GNAS PA NYID RGYU MA YIN TE, NYE BAR GNAS PA MA YIN PA YANG YIN NO ZHES BRJOD PAR BYA'O, ,DE LTAR NI MA YIN TE, RGYU DANG 'BRAS BU NYID NI RJES SU 'GRO BA DANG LDOG PA'I NGO BO CAN YIN PA'I PHYIR RO, ,DE'I PHYIR TSOGS PA LAS NI 'BRAS BU TSOGS PA NYID YIN LA, NYAMS PA LAS NI MED PA GZHAN DU 'GYUR BA LAS NI GZHAN DU GYUR PA NYID DO ZHES NGES PA YIN NO, ,GANG GI KHYAD PAR LAS KHYAD PAR DU MI 'GYUR BA DE NI DE'I 'BRAS BU MA YIN NO, ,DE YOD NA YOD PA NYID RGYU MTSAN YIN NO ZHE NA, MA YIN TE, DE YOD NA YOD PA NYID NI DE 'GYUR NA 'GYUR BA NYID LAS RTOGS PA YIN NO, ,DE YOD NA NI YOD TZAM GYIS, ,GAL TE RGYU 'BRAS NYID YIN NA, , RNAM 'GYUR RGYU MED CAN 'GYUR TE, ,DE LTAR THAMS CAD RGYU MED 'GYUR, ,GAL TE DE YOD NA DE YOD PA TZAM 'BA' ZHIG RGYU DANG 'BRAS BU NYID KYI RGYU MTSAN DU KHAS LEN NA RNAM PAR 'GYUR BA RGYU MED PA CAN NYID DU THAL LO, ,'ON TE RNAM PAR 'GYUR BA DE YANG DE TZAM NYID LAS YIN NA, DANG PO NYID CI'I PHYIR MA SKYES, ,DE 'GYUR BA MED PA NYID NA SKYE BA YIN NA, DANG PO NYID 'GYUR RO, ,GANG KHYAD PAR MED PAR KHYAD PAR DU 'GYUR BA DE DE'I 'BRAS BU MA YIN NO ZHES BSHAD ZIN TE, DES NA CI LTAR RNAM PAR 'GYUR BA'I KHYAD PAR RGYU MED PA DE BZHIN DU, DNGOS PO DE YANG YIN TE, DES NA DE YOD

, ,NA YOD PA NYID KYANG JI LTAR RTOGS PA YIN, 'DIS NI YONGS SU 'GYUR BA YANG BSAL BA YIN NO, ,RIM GYIS 'GYUR BA YONGS SU 'GYUR BA'I PHYIR KHYAD PAR LA LTOS PA'I LUS NYID LAS RNAM PAR SHES PA SKYE BA YIN NO ZHES BRJOD PA DE NI MA YIN TE, YONGS SU 'GYUR BA'I RIM PA DE, ,LUS NYID LAS NI 'BYUNG MIN TE, ,LUS KHYAD MED PHYIR DE YI YANG, ,KHYAD PAR GANG NAS 'BYUNG BA YIN, ,JI LTAR YONGS SU 'GYUR BA KHYAD PAR MED PA LAS RNAM PAR SHES PA KHYAD PAR MED PAR 'GYUR BA DE BZHIN DU, LUS KHYAD PAR MED PA LAS YONGS SU 'GYUR BA YANG MA YIN NO, ,GAL TE 'O MA LA SOGS PA'I YONGS SU 'GYUR BA'I KHYAD PAR DE KHYAD PAR MED PAR YANG DUS KYI MTHAR THUG PA TZAM LAS MTHONG BA MA YIN NAM, DE BZHIN DU LUS KYANG YIN NO ZHE NA, 'DI NI SNYING PO MED DE, 'DI LTAR, 'O MA MTSUNGS PA LAS BYUNG BA; ,ZHO LA SOGS KYI RNAM 'GYUR NI, ,MTSUNGS NYID LUS KYI RNAM 'GYUR NI, ,KHYAD PAR CAN DU 'GYUR BA NYID, ,'O MA MTSUNGS PA NYE BAR GNAS SHING DROD MTSUNGS PA NYID YIN NA NI ZHO LA SOGS PA'I YONGS SU 'GYUR BA MTSUNGS PA NYID DO, ,LUS NI MTSUNGS PA DANG MI MTSUNGS PA DAG LA RJES SU MTHUN PA GOMS PA'I BAG CHAGS RNAM PAR RTOG PA LA SOGS PA'I SHES PA THA DAD PA DANG THA MI DAD PA DAG GI RGYU YIN NO, ,DES NA YID RNAM PAR SHES PA DAG NI RIM PA DANG LDAN PA'I LUS YONGS SU GYUR PA LAS MA YIN NO ZHES RTOGS SO, ,DE'I PHYIR TSOGS PA RGYU NYID YIN NA KHYAD PAR SRID PAR 'GYUR LA, DE LTA MA YIN NA DU MA NYID DO ZHES BYA BA NI 'DI GNAS PA YIN NO, ,DE LTAR NI MTHONG BA MA YIN NO, ,GANG GI RNAM PAR SHES PA NYID LAS RNAM PAR SHES PA YIN PA DE YANG JI LTAR RNAM PAR SHES PA DU MA SKYE BAR MI 'GYUR ZHE NA, 'DIR LAN DU, RNAM SHES NUS PA NGES PA'I PHYIR, ,GCIG NI GCIG GI RGYU YIN TE, ,RNAM SHES DON GZHAN CHAGS PA YIS, ,NUS MED DON GZHAN MI 'DZIN PHYIR, ,MTSUNGS PA DE MA THAG PA'I RKYEN GYI RANG BZHIN GYI RNAM PAR SHES PA GCIG GI RGYU YIN NO, ,NUS PA NGES PA NI RJES SU MTHUN PA'I 'DU BYED KYI BAG CHAGS

SAM, CHAGS PA'I KHYAD PAR TE, BAG CHAGS BRTEN PA'I RNAM PAR SHES PA NI BAR DU CHOD KYANG MTSUNGS BA DE MA THAG PA'I RKYEN GYI NUS PA'I KHYAD PAR BSGRUB PAS RNAM PAR SHES PA 'GA' ZHIG NYID SKYED PAR BYED PA YIN NO, ,'GA' ZHIG GAM, YANG NA MTSUNGS PA DE MA THAG PA'I RKYEN, RJES SU MTHUN PA SAD PAR BYED PA LA STE, 'DI LTAR, BAG CHAGS BRTAN PA LA BRTEN NAS, ,MTSUNGS PA DE MA THAG MED PAR, ,RNAM SHES SNGA MA NYID LAS NI, ,RNAM PAR RTOG PA 'BYUNG BA YIN, ,RNAM PAR RTOG PA 'GA' ZHIG NI, ,MTSUNGS PA DE MA THAG RKYEN LAS, ,NYE BA NYID DU SKYE BA MTHONG, ,GZHAN NI BAR DU GCAD PHYIR MIN, ,RNAM PAR SHES PA'I BAG CHAGS BAR DU CHOD PA'I RNAM PAR RTOG PA RNAMS NI NUS PA'I YUL GYI KHYAD PAR SKABS SU BAR DU ZHUGS PA GZHAN GYIS BSKYED PAR MA MTHONG NGO, ,DE BAS NA RNAM PAR SHES PA LAS RNAM PAR SHES PA GCIG GAM, DU MA YIN NO ZHES RNAM PAR GZHAG PA 'THAD PA YIN NO, ,GAL TE LUS NYID LAS RNAM PAR SHES PA DU MA SKYE BA YIN YANG RNAM PAR SHES PA DE NYID LAS NGES PAR 'GYUR BA YIN TE, DPER NA DBANG PO'I RNAM PAR SHES PA DU MA SKYE BA YIN YANG, RES 'GA' CHAGS PA'I YUL LA CHAGS PA'I KHYAD PAR DE NYID LAS RNAM PAR SHES PA GCIG NYID YIN PA BZHIN NO ZHE NA, DE LA BRJOD PA, GAL TE LUS LAS CIG CAR BLO, ,SKYES SHING PHYIS NI RANG RIGS LAS, ,DES NA LUS KYI NUS PA NI, ,CI YI PHYIR NA LDOG PA YIN, ,GAL TE LUS LAS RNAM PAR SHES PA SKYE NA, DE LAS PHYIS KYANG DE SRID NYID 'GYUR TE, LUS KYI NUS PA DE LTA BU NYID DU YOD PA'I PHYIR RO, ,GAL TE RNAM PAR SHES PA RANG GI NUS PA NGES PA'I PHYIR RNAM PAR SHES PA SKYED PAR BYED PA YIN MOD, LUS NI DE BZHIN NYID DU GNAS PA'I PHYIR RNAM PAR SHES PA GZHAN DANG GZHAN SKYED PAR 'GYUR RO, ,'ON TE, RNAM PAR SHES PA DES LUS KYI RNAM PAR SHES PA GZHAN SKYED PA'I NUS PA BCOM PA'I PHYIR, LUS LAS RNAM PAR SHES PA GZHAN SKYE BA MA YIN NO ZHE NA, DE YANG MA YIN TE, DON 'DI TSAD MA 'GA' YIS KYANG, ,SPYOD YUL DU NI BYAS MA YIN, ,RNAM SHES NYID LAS RNAM SHES NI, ,SKYE

, ,BAR TSAD MAS NGES PHYIR RO, ,RNAM PAR SHES PA DANG BRAL BA'I LUS NYID LAS RNAM PAR SHES PA DU MA SKYE ZHING, PHYIS NI RNAM PAR SHES PA NYID KYIS RNAM PAR SHES PA DU MA SKYED PA'I NUS PA 'JOMS PA NI MA YIN NO, ,DES NA GAL TE, LUS LAS SKYE BA YIN NA, RNAM PAR SHES PAS RNAM PAR SHES PA GCIG DANG GCIG NYID SKYE BAR BYED PA YIN YANG LUS KYI NUS PA MA NYAMS PA'I PHYIR RNAM PAR SHES PA GZHAN DANG GZHAN DU MA SKYED PAR 'GYUR RO, ,GANG GIS DA NI RNAM PAR SHES PA NYID LAS RNAM PAR SHES PA SKYE BA'I PHYIR NGAS RNAM PAR SHES PA GZHAN MI SKYED DO ZHES LUS SKYED PAR BYED PA MA YIN PAR 'GYUR BA, RGYU RNAMS RTOG PA DANG LDAN PA NI 'GA' YANG MED DO, ,'ON TE, BRGYA LA 'DI LTAR YANG 'GYUR BA YIN TE, 'DI LTA STE, 'BRAS BU NYID KYIS RGYU'I RANG GI 'BRAS BU BSKYED PA'I NUS PA 'JOMS PA'O ZHE NA, LUS LAS RNAM SHES DU MA NI, ,'BYUNG ZHING DE YI RJES THOGS LA, ,SHES PAS 'JOMS PA MTHONG NAS NI, ,LA LAR SHES PAS MTHONG NAS NI, ,'JOMS DOGS PAR NI 'GYUR BA YIN, ,LA LAR DOGS PAR 'GYUR BA YIN, ,DON 'DI LA NI DOGS PA'I RGYU CUNG ZAD KYANG MA DMIGS LA, RGYU MTSAN MED PAR DOGS PA YANG MA YIN NO, ,DE YI PHYOGS SU LHUNG BA YI, ,NUS PA GOMS PA LAS 'GYUR TE, ,RNAM PAR SHES PA'I NGES BYED NYID, ,GOMS PA LAS NI SKYES PA YIN, ,DE'I RIGS CAN GYI RNAM PAR SHES PA NI, DE'I RIGS CAN NYID LAS YIN PA'I PHYIR RGYU DANG 'BRAS BU'I DNGOS POR GRUB PA NA RNAM PAR SHES PA NYID LAS RNAM PAR SHES PA YIN PAS 'DI LUS LA SKYE BA MA YIN NO, ,GAL TE DBANG PO'I RNAM PAR SHES PA DU MA 'BYUNG BA LAS RNAM PAR SHES PA GCIG PO DE LAS RNAM PAR SHES PA GCIG YIN NO ZHES BRJOD PA MA YIN NAM ZHE NA, BRJOD PA BDEN TE, BRJOD PA TZAM GYIS NI LAN THEBS PA MA YIN NO, ,'ON KYANG RIGS PAS BRJOD PAS SO, ,DE'I RIGS PA MA YIN NO, ,CHAGS PA'I RANG BZHIN MA YIN PA'I RNAM PAR SHES PA NI DE LAS GZHAN PA'I RNAM PAR SHES PA MI SKYED PA'I PHYIR, BYED PA 'JUG PA MA YIN NO, ,SNGON GOMS PA MED PAR NI CHAGS PAR YANG MI 'GYUR RO, ,DES NA RANG BZHIN GANG LA RNAM PAR SHES PA

SNGON GOMS PA DE 'DRA BA NYID LA PHYIS CHAGS PAR 'GYUR BA YIN TE, DES NA SNGON GOMS PA NYID LAS RNAM PAR SHES PA GZHAN MI SKYE BA YIN NO, ,GANG LA 'JIG RTEN GZHAN MED PA, ,DE LA SNGON GOMS SRID MA YIN, ,SNGON GOMS PA NI YOD MIN NA, ,RNAM SHES GZHAN DAG BZLOG MI 'GYUR, ,DES NA LUS DE YIN PA NA, ,LUS LAS BYUNG BA'I RNAM SHES KYI, ,TSOGS NI YANG DANG YANG 'BYUNG BAR, ,'GYUR BA DE NI MTHONG BA MED, ,'ON TE LUS DE'I SKAD CIG MA, ,DANG PO NYID NI RIGS PA YI, ,SKYED BYED PHYI MAR 'GYUR BA NI, ,MI MTHUN PHYIR NA RGYU NYID MIN, ,NUR NUR PO LA PHYI MAR GYUR PA DE DANG MTSAN NYID MI MTHUN PA NI RNAM PAR SHES PA RNAMS KYI SKYED BYED MA YIN TE, SKYED PAR BYED PA DANG, MI MTHUN PA'I YANG SKYED PAR BYED PA NI MI 'GYUR RO ZHE NA, DE YANG MA YIN TE, GAL TE RIG PA DANG PO NYID, ,LUS KYI MTSAN NYID LAS 'BYUNG NA, ,DE NAS LUS NI RTEN MIN PAS, ,RIG PA 'BA' ZHIG KHO NAR GYUR, ,PHAN GDAGS PAR BYA BA DANG PHAN 'DOGS PAR BYED PA MA YIN PA DAG NI, ,RTEN DANG BRTEN PA'I DNGOS PO MA YIN NO, ,DE LTA YIN NA RNAM PAR SHES PA 'BA' ZHIG PA 'BYUNG BAR 'GYUR RO, ,'ON KYANG LUS LHAN CIG BYED BA CAN GYI RNAM PAR SHES PA SKYED PAR BYED PA DES NA 'BA' ZHIG GNAS PA MA YIN NO ZHE NA, DE LTA NA RNAM PAR SHES PA NYID LAS, RNAM PAR SHES PA YIN LA LUS NI LHAN CIG BYED PA YIN PAS NGED KYI GZHUNG NYID BTZUGS PAR 'GYUR RO, ,'ON TE DANG PO LUS NYE BAR LEN PA'I RGYU YIN TE, DPER NA AUTPALA LA LCI BA'I RDZAS BZHIN TE, PHYI NAS NI AUTPALA NYID LAS AUTPALA SKYE BA BZHIN NO ZHE NA, DE LTA NA NI 'O NA BA LANG GI LCI BA MED KYANG PHYIS KYANG AUTPALA LAS KYANG AUTPALA 'BYUNG BA DE BZHIN DU, RNAM PAR SHES PA NYID LAS RNAM PAR SHES PA YIN PA'I PHYIR 'BA' ZHIG GNAS PAR THAL LO, ,'ON TE LUS KYANG RGYU NYID DU DMIGS SO ZHE NA, BDEN MOD KYI, NYE BAR LEN PA'I RGYU NYID NI MA YIN TE, 'ON KYANG LHAN CIG BYED PA NYID DU'O ZHES BSHAD ZIN TO, ,'ON TE SNGAR NYE BAR LEN PA'I YIN LA PHYIS LHAN CIG BYED PA YIN NO ZHE NA, NYE BAR LEN PA NI PHYIS LHAN CIG BYED PAR 'GYUR BA MA YIN NO, ,GAL TE LUS NI NYE BAR LEN NA, CI LTAR

, ,LHAN CIG BYED PAR 'GYUR, ,DE LTA NYID DU MTHONG PHYIR NA, ,'DIR NI MTHONG BAR RTOGS PA MED, ,BA LANG GI LCI BA DANG AUTPALA LAS KYANG DE LTA BUR 'GYUR BA NYID 'BYUNG BA NI MA YIN TE, DE GNYIS LA NI KHYAD BAR CHEN PO YOD PA'I PHYIR RO ZHES BSTAN ZIN TO, ,GSAL PA LA SOGS SKYES PA YI, ,SHES LAS LA LA MTHONG GANG YIN, ,DE NYID DANG POR MTHONG BAS NA, ,RNAM SHES GZHAN GYI SGRUB BYED YIN, ,DE'I PHYIR LUS LAS RNAM PAR SHES PA MA YIN NO, ,'ON TE KHYOD KYI LTAR NA YANG GAL TE, LUS RNAM PAR SHES PA'I RTEN MA YIN NA DE'I TSE LUS LOG KYANG RNAM PAR SHES PA 'BA' ZHIG GNAS PAR THAL BAR 'GYUR TE, RGYU MTSAN MED PAR LHAN CIG GNAS PA NGES PA NI MA YIN NO ZHES 'DIR GZHAN DAG GI DOGS PA BSU NAS LAN 'DEBS PA NI, GAL TE LUS NI LOG PA NA, ,RTEN MIN PHYIR NA SEMS 'BA' ZHIG, ,GNAS GYUR ZHE NA GAL TE DE'I, ,RGYU 'JUG THOB PHYIR SEMS KYI RGYUN, ,GNAS RGYU YAN LAG MI 'GYUR NA, ,DE'I TSE 'BA' ZHIG GNAS PAR 'GYUR BA YIN NO ZHES BYA BA NI TSIG GI LHAG MA'O, ,GANG GI TSE, TSE 'DI NYID KYI SKYE MCHED SNGA, ,LUS GZHAN BSKYED PA'I RGYU NYID YIN, ,DE'I TSE NI 'GA' ZHIG GNAS PA GAL YIN TE, 'DI LTAR SEMS KYI RGYUN GNAS PA'I RGYUS, DE'I RGYU 'JUG STE, LUS KYI RGYU MER MER PO LA SOGS PA'I MING CAN DE'I 'JUG PA NI LUS BSKYED PA LA MNGON DU PHYOGS PA YIN NO, ,DE THOB PA NI LUS KYI RGYU 'BA' ZHIG LA YOD PA MA YIN TE, 'ON KYANG SEMS KYI RGYUN GNAS PA'I RGYUN SNGAR GYI SEMS LAS KYI MING CAN DE GANG GI TSE YAN LAG LHAN CIG BYED PA'I RGYU NYID YIN NA'O, ,DE'I YAN LAG NYID NI LUS KYI SRED PA DANG BCAS PA MA YIN NO, ,GAL TE DE YAN LAG TU MI 'GYUR NA NI DE'I TSE 'BA' ZHIG GNAS PAR 'DOD PA NYID DO, ,LUS GZHAN SKYE BA LA, TSE 'DI'I SKYE MCHED LNGA YIN TE, GZUGS MED PA'I KHAMS NAS SHI 'PHOS PA RNAMS KYI LUS SKYES PA LA YANG, DE NYID 'DU BYED PA PO NYID KYIS RGYU YIN NO, ,GAL TE SHI BA'I 'OG TU LUS SKYE BAM MTHONG BA'I PHYIR, DE YAN LAG GI DNGOS POR MA DMIGS PA MA YIN NAM, GZUGS MED

PA'I KHAMS SU NI SHIN TU YANG MTHONG BA MA YIN PA'I PHYIR RO ZHE NA, 'DI LA BSHAD PA NI, DE YI YAN LAG DNGOS PO DANG, ,RGYU NYID 'GOG LA MI DMIGS PA, ,NGES BYED MIN PAR RAB TU BSHAD, ,DBANG SOGS KYANG NI LHAG LDAN YIN, ,GAL TE YANG TSE 'DI'I SKYE MCHED LNGA SKYE BA GZHAN GYI LUS SKYED PA LA YAN LAG GI GI DNGOS PO MA DMIGS PA DE LTA NA YANG SEMS KYI RGYUN GYI LAS KYI MING CAN DE LTAR MED DO ZHES MA DMIGS PA TZAM GYIS DE MED PAR NGES PA MA YIN TE, MA DMIGS PA NGES PAR BYED PA MA YIN NO ZHES SNGAR BSTAN ZIN PA'I PHYIR 'DI LOG PAR RTOGS PA CI YOD, 'ON TE YANG, 'DIR MI DMIGS PA TZAM ZHIG BRJOD PA MA YIN TE, 'ON KYANG KHYAB PA SNGON DU 'GRO BA CAN GYI RJES SU DPAG PA'O, ,'DI LTAR STE DBANG PO GANG YIN PA DE NI DBANG PO GZHAN DANG MTSAMS SBYOR BAR BYED PA MA YIN TE, DPER NA LHA SBYIN GYI MIG LA SOGS PA LDAN PA DANG, MCHOD SBYIN GYI MIG LA SOGS PA BZHIN NO, ,SKYE BA 'DI'I LUS DANG 'BREL PA YANG DBANG PO YIN NO ZHES BYA BA NI, 'GAL BAS KHYAB PA DMIGS PA'O ZHE NA, 'DI NI MED DE, 'DI NI LHAG MA DANG LDAN PA'I PHYIR RO, ,'DI NI LHAG MA DANG LDAN PA LAS NI DON CI LTA BA BZHIN RTOGS PA YOD PA MA YIN NO ZHES BSHAD PA YIN NO,, SKYE BA GZHAN GYI DBANG PO DANG MTSAMS MI SBYOR BA NI, MA DMIGS PA TZAM GYIS GO BAR BYA BA YIN NA, MA MTHONG BA TZAM GYIS NI MI MTHUN PA'I PHYOGS LA LDOG PA GRUB PA YANG MA YIN NO, ,'ON TE TSE 'DI PA'I LUS SU 'GYUR PA'I DBANG PO DANG MTSAMS SBYOR BA DMIGS PA'I PHYIR GZHAN DU YANG DE DANG MTSAMS SBYOR BA RJES SU DPOG NA, DE LA YANG GRUB PA YIN TE, DE YANG DE'I TSE NA TSE 'DI PA YIN PA'I PHYIR, TSU ROL DANG PHA ROL BZHIN NO, ,'ON KYANG KHU KHRAG GZHAN GYIS BSKYED PA'I DBANG PO ZHES KHYAD PAR DU BYED PA YIN NA, DE YANG MA YIN TE, DE YANG MI DMIGS PA TZAM MED PAR MI MTHUN PA'I PHYOGS LA MED PAR RTOGS PA MA YIN NO, ,KHU KHRAG GZHAN NYID KYIS KHYAD PAR DU BYAS PA NI YUL GYI KHYAD PAR BZHIN DANG, BUM PA DANG SGRA'I KHYAD PAR BZHIN SKYOB PAR BYED PA MA YIN NO, ,'DI LTAR, DBANG PO SNGA MA RANG RIGS LA, ,NUS PA DAG NI MTHONG

, ,BA YIN, ,'GYUR BA MTHONG PHYIR GZHAN DANG GZHAN, ,SKYE BA DAG KYANG GRUB PA NYID, ,GSAL BA'I KHYAD BAR LA LTOS PA NYID LA 'BREL PA RTOGS PA NI MA YIN NO, ,DE LTA MA YIN NA NI 'GAS KYANG 'GAR YANG THA SNYAD MI BYA BA NYID DE, THA SNYAD NI NUS PA NGES PA SNGON DU 'GRO BA CAN YIN PA'I PHYIR RO, ,THA SNYAN NI SPYI'I YUL CAN YIN TE, DES NA 'BREL PA NI GSAL BA TZAM LA BRTEN PA MA YIN NO, ,DE LTAR NA, G-YO BAG LA SOGS PA'I RJES SU 'GRO BA CAN GYI MIG LA SOGS PA GOMS PA'I KHYAD PAR LAS DE LTAR SKYES PA NA, DE LTA BUR GYUR PA MTHONG BA LAS GZHAN DU DE LTA BUR 'GYUR BA NYID RJES SU DPOG PAR BYED PA YIN NO, ,SKYE BA DANG POR NI DE 'DRA BA'I RGYU DBANG PO MA DMIGS TE, DES NA SKYE BA GZHAN GYI DBANG PO LAS SKYES PA YIN PA'I PHYIR, TSE 'DI BA NYID DAM GZHAN GYI KHYAD PAR NI RIGS PA MA YIN NO, ,'ON TE DBANG PO DE NI GCIG NYID DE, DES NA DBANG PO PHYI MA PHYI MA SNGA MA SNGA MAS BSKYED PAR MA GRUB PO ZHE NA, GAL TE DE LTA YIN DU CHUG PA DE LTA NA YANG, G-YO BA LA SOGS PA LA GOMS PA SNGON DU 'GRO BA CAN NYID MTHONG BA'I PHYIR NA, GOMS PA SNGON 'GRO CAN NYID NI, ,G-YO SOGS RNAMS LA MTHONG BA'I PHYIR, ,DE LTA BUR GYUR PA RJES SU DPOG PA GRUB PA'I PHYIR GZHAN NI DON BYED MED DO, ,DE GCIG GAM MI GCIG CES BYA BA 'DI NI DGOS PA MED DE, THAMS CAD DU DE'I RIGS CAN GYI 'BRAS BU MTHONG BU MTHONG BA LAS RGYU DE LTA BU NYID YIN NO ZHES SU DPOG PA YIN NO, ,GOMS PA LAS SKYES PA'I YON TAN RMI LAM DU LUS GZHAN LA MTHONG BA YIN NO ZHES BSTAN ZIN PA NYID DO, ,GZHAN YANG 'GYUR BA GZHAN DANG GZHAN MTHONG BA'I PHYIR GZHAN DANG GZHAN SKYE BA NYID GRUB PA KHO NA'O, ,DES NA DBUS KYI GNAS SKABS SU DBANG PO GZHAN GYIS DBANG PO GZHAN SKYED PA'I PHYIR, DE LTAR SKYE BA GZHAN GYI DBANG PO MI SKYED, RANG GI NGO BOR 'GYUR BA'I RNAM PAR 'GYUR BA THA DAD NA NI GCIG NYID MA YIN TE, SA LA SOGS PA BZHIN NO, ,'ON TE YANG, 'DIR NI RGYUD GCIG TU RTOGS PA YIN PA'I PHYIR SHIN TU THA DAD PA MA YIN NO ZHE NA, DE NI SKYE BA GZHAN LA YANG MTSUNGS TE SKYE BA GZHAN YANG GNYID LOG PA DANG SAD PA

BZHIN DU RGYUD GCIG GI KHONGS SU GTOGS PA NYID YIN TE, DRAN PA BAR CHOD PAS NA DE THAG RING PO BZHIN DU RTOGS PA YIN NO, ,GAL TE DBANG PO RNAMS DBANG PO NYID LAS SKYE BA NI MA YIN GYI, 'ON KYANG DANG PO NI LUS NYID LAS SKYED LA PHYIS NI DBANG PO NYID LAS YIN TE, NUS PA NGES PA'I PHYIR RO ZHE NA, 'DI LA BSHAD PA, GAL TE LUS LAS DE SKYE NA, ,SNGA MA BZHIN DU THAL BAR 'GYUR, ,SEMS LAS SHE NA LUS GZHAN YANG, ,DE NYID LAS NI SKYE BAR 'GYUR, ,GAL TE DNGOS PO LUS LAS SKYE BA DE'I TSE DBANG PO DANG BCAS PA LAS SAM, DBANG PO MED PA LAS, DBANG PO DANG BCAS PA LAS SKYE NA, DBANG PO NYID LAS SKYE BA'I PHYIR, DANG PO YANG DBANG PO LAS SKYE BAS 'JIG RTEN GZHAN RAB TU 'GRUB PO, ,DBANG PO MED PA LAS SKYE NA SKRA DANG SEN MO'I RTZE MO DANG, SHI BA'I LUS LAS KYANG SKYE BAR 'GYUR RO, ,DU MA NYID YIN NA DBANG PO DU MA 'BYUNG BAR YANG THAL LO, ,DE LTA YIN DANG, TSAD MED PAR 'GYUR RO, ,DE BZHIN DU LUS KYI NUS PA YANG CI'I PHYIR NA LDOG PAR 'GYUR BA YIN, 'ON TE DBANG PO DAG LUS KYI RNAM PAR 'GYUR BA'I KHYAD PAR NYID YIN NA, DE'I TSE YANG 'JIG PA MED PAR THAL BA NYID DU 'GYUR TE, DBANG RNAMS LUS LAS 'BYUNG YIN NA, ,ZHES BYA BA LA SOGS PAR THAL BA YIN NO, ,'ON TE SEMS MED PA'I PHYIR SHI BA'I LUS LA DBANG PO MI 'BYUNG NA, GAL TE 'O NA NI SEMS LAS SKYE BA YIN PAS, SEMS DE NYID LAS LUS GZHAN DANG, SKYE BA GZHAN DU 'BYUNG BA'I SEMS SKYE BAR 'GYUR TE, SNGAR GYI DBANG PO'I RGYU NYID DU RTOG PA'I ZHEN PAS CI BYA, DES NA LUS GZHAN NI RNAM PAR SHES PA'I RGYU MA YIN NO, ,DES NA RGYU MA YIN PA'I LUS MA TSANG BAS SKYE BA GZHAN MED PA MA YIN PA'I PHYIR MTSAMS SBYOR BA MED PA MA YIN NO ZHES BSHAD PA NI, DES NA RGYU DANG BRAL BA'I PHYIR, ,THA MA YI NI SEMS RNAMS KUN, ,MTSAMS SBYOR MED MIN DE YI PHYIR, ,'DI 'DRA SGRUB BYED LHAG LDAN 'DOD, ,CES BYA BA NI MJUG BSDU BA'O, ,SKYE BA GZHAN DANG 'BREL BA'I RGYU NI SRED PA DANG BCAS PA'I LAS KYIS MNGON PAR 'DUS BYAS PA'I SEMS YIN LA, DE NI MA TSANG BA MA YIN NO, ,GAL TE LUS

, ,RGYU YIN NA NI DES NA DE MA TSANG NA RGYU DANG BRAL BAS MTSAMS SBYOR BA MED PAR 'GYUR NA, DE LTAR NI MA YIN NO, ,DES NA BRAL BA MA YIN PA'I PHYIR, GTAN TSIGS MA GRUB BO, ,'CHI BA'I SEMS YIN PA'I PHYIR ZHES BYA BA NYID LUS PA YIN NA, DE YANG LHAG MA DANG LDAN PA YIN TE, MA MTHONG BA TZAM GYIS LDOG PA NYE BAR BSTAN PA'I PHYIR RO, ,GANG YANG TSE 'DI'I SEMS NI SEMS GZHAN DANG MTSAMS SBYOR BA MA YIN TE, LUS THA DAD PA LA GNAS PA'I PHYIR, LHA SBYIN GYI SEMS BZHIN NO ZHES BRJOD PA DE YANG MI RUNG STE, RTEN BKAG PA YIS GNAS PA YI, ,DGAG PA SNGAR NI BSHAD ZIN PHYIR, ,RNAM SHES DMIGS PA NYID YIN PAS, ,SKAD CIG GIS NI GZHAN DMIGS 'GYUR, ,GAL TE DE LA GNAS PA YIN NA GZHAN LA GNAS PA'I RNAM PAR SHES PA SKYED PAR BYED PA MA YIN NO ZHES BYA BA TSAD MA'I DON YIN LA RTEN DANG BRTEN PA'I DNGOS PO DE NI DGAG PA YIN NO, ,RNAM PAR SHES PA NI YUL NA GNAS PA YANG MA YIN NO, ,DMIGS PAR BYA BA'I LUS NI RNAM PAR SHES PA'I RTEN MA YIN TE, NANG GI REG PA'I KHYAD PAR GYIS, BDE BA LA SOGS PA'I RNAM PAR SHES PA'I DMIGS PA'I YIN PA'I PHYIR RO, ,DMIGS PA NI RANG GI LUS LA DMIGS PAS, GZHAN GYI LUS LA DMIGS PA'I RNAM PAR SHES PA BSKYED PA YIN PA'I PHYIR, DES NA MA NGES PA NYID YIN NO, ,LUS GZHAN PA NYID KYANG MA YIN TE, RGYUD GCIG TU RTOGS PA'I PHYIR, RO, ,DON DAM PAR NI BYIS PA LA SOGS PA'I GNAS SKABS KYI KHYAD PAR GYIS, SKYE BA GCIG GI LUS KYANG THA DAD PA NYID DO, ,DE'I PHYIR YID KYI RGYUN LA LUS PHAN 'DOGS PA YIN GYI, SKYE BA NI SEMS NYID MA YIN STE, 'BRAS BU'I RGYU BZHIN NO, ,DES NA SEMS KYI RGYUN THOG MA MED PAR 'GYUR BA YIN PAS, SKYE BA DANG 'CHI BA'I RGYUN RJES SU 'BREL PA GRUB PA'I PHYIR RO, ,GOMS PA GRUB PAS GOMS PA LAS BYUNG BA'I YON TAN MTHA' DAG GI SKABS YOD PAR BYAS PAS THAMS CAD MKHYEN PA NYID DAM, GZHAN BA'I YON TAN SRID PA YIN NO, ,TSAD MA RNAM 'GREL GYI RGYAN LAS 'JIG RTEN PHA ROL BSGRUB PA RNAM PAR 'GREL

PA'O,, ,,GAL TE GOMS PA YOD MOD, DE RAB KYI MTHAR PHYIN PAR GO JI LTAR 'GYUR TE, KHYAD PAR CUNG ZAD TZAM DANG LDAN PA NYID DU MTHONG BA'I PHYIR TE, MCHONGS PA BZHIN DANG CHU BSKOL BA BZHIN NO ZHE NA, 'DIR LAN DU, GOMS PAS KHYAD PAR 'GYUR NA YANG, ,MCHONGS DANG CHU YI DROD BZHIN DU, ,RANG BZHIN LAS 'DA' MIN ZHE NA, ,BYAS TE GAL TE SLAR YANG NI, ,'BAD RTZOL LA NI LTOS 'GYUR RAM, ,RTEN MI BRTEN PA NYID 'GYUR NA, ,KHYAD PAR DAG NI MI 'PHEL ZHING, ,RANG BZHIN DE 'DRA'ANG MA YIN TE, ,CI'I PHYIR ZHE NA, DE LA PHAN 'DOGS NUS PA RNAMS, ,KHYAD PAR PHYIR MA DAG LA NI , ,BSGRUB PA'I NUS PA MED PHYIR DANG, ,RTAG TU RTEN GNAS MA YIN PHYIR, ,KHYAD PAR YIN NO COG NI BOGS 'BYUNG BA RNAM PAR GNAS PA LA BRTEN PAR 'GYUR BA MA YIN NO, ,MCHONGS PA DANG CHU BSKOL BA'I KHYAD PAR NI RANG GI RGYUD 'GYUR BA TZAM GYIS DE LTAR 'GYUR BA MA YIN GYI, 'ON KYANG BYAS ZIN PA'I MCHONGS PA YANG, YANG RTZOL BA LA LTOS PA'I PHYIR RO, ,MCHONGS PA NI SNGAR GYI RTZOL BA DANG, MCHONGS PA DAG LAS GZHAN PA'I RTZOL BA LA LTOS PA MED PA MA YIN NO, ,'ON KYANG SNGAR GYI YUL NYID DU YANG RTZOL BA LA LTOS PA YIN NO, ,CHU BSKOL BA'I RTEN BRTEN PA MA YIN PA DANG, YANG RTZOL BA LA LTOS PA DANG BCAS PA YANG YIN TE, ME DANG 'BREL PA LOG KYANG DE YOD PA NI MA YIN NO, ,DE'I PHYIR 'PHEL PA MTHAR THUG PA MI 'GYUR BA NYID DO, ,GANG GI PHYIR 'PHEL BA MTHAR THUG PA MA YIN PA NYID NI, YANG RTZOL BA LA LTOS BA DANG, RTEN MI BRTEN PA NYID KYI KHYAB PA YIN NO, ,DE MED PA'I PHYIR DANG, BZLOG PA SRID PA'I PHYIR SNYING RJE LA SOGS PA YID KYI YON TAN RNAMS NI BOGS 'BYUNG BA GNAS PA MED PA NYID DO, ,YANG RTZOL BA LA LTOS PA GANG YIN PA DE NI RANG BZHIN DU 'GYUR BA NYID MA YIN PA NYID DO, , GTAN TSIGS 'DI NI KHYAD PAR DANG BCAS PA MA YIN TE, GANG ZHIG RTEN BRTAN PA DANG NGO BO NYID DU 'GYUR BA DE NI BOGS 'BYUNG BA BA LA GNAS PA CAN NYID MA YIN TE, DPER NA BRAM ZE DANG THOD PA CAN GYI YID LOG PA BZHIN NO, ,GANG ZHIG YANG RTZOL BA LA LTOS PA DANG LDAN PA DE NI, KHYAD PAR 'PHEL

, ,YANG RANG BZHIN NYID, ,MIN PHYIR GANG TSE BYAS 'GYUR BA, ,YANG RTZOL LA LTOS MI 'GYUR NA, ,RTZOL GZHAN KHYAD PAR BYED PAR 'GYUR, ,YANG RTZOL BA LA LTOS PA GANG YIN PA DE NI, GAL TE MNGON PAR 'PHEL BA THOB PA DE LTAR NA YANG DE'I NGO BO NYID NI MA YIN NO, ,RGYU NYE BA LA LTOS PA NI NGO BO NYID YIN PAR MI 'THAD DE, RANG GI DANG GIS 'JUG PA LA DE SKAD BRJOD PA'I PHYIR RO, ,DE NA 'DI 'PHEL YANG SHIN TU 'PHEL BAR 'GYUR BA MA YIN TE, MCHONGS PA DANG CHU BSKOL BA BZHIN NO, ,BRTZE BA LA SOGS PA YID KYI YON TAN RNAMS DANG, RANG GI DANG GIS 'JUG PA'I PHYI ROL GYI YON TAN 'GA' ZHIG NI DE LTA MA YIN NO ZHES BSHAD PA NI, SEMS LA BRTZE SEMS GOMS SKYES PA, RANG GI NGANG GIS 'JUG 'GYUR TE, ,ME LA SOGS NAS SHING DAG DANG, ,DNGUL CHU DANG NI GSER SOGS BZHIN, ,SHING LA MES BYAS PA KHYAD PAR BSREGS PA LA SOGS PA'I MTSAN NYID DE NI YANG RTZOL BA LA MI LTOS PA'I PHYIR RANG GI NGANG GIS 'JUG PA MA YIN NO, ,DNGUL CHU LA DUL BA DANG THIM PA LA SOGS PA'I MTSAN NYID DANG, GSER BA RTZOM LA SOGS PAR BYAS PA YANG NGO, ,DE BZHIN DU SEMS LA BRTZE BA LA SOGS PA YIN TE, YANG NAS YANG DU DE GOMS PAS BYAS PA'I KHYAD PAR NI LDOG PA LA BRTEN PA MA YIN NO, ,DE BZHIN DU GANG GI TSE SNYING RJE LA SOGS PA'I KHYAD PAR BYAS ZIN PA YANG RTZOL BA LA LTOS PA MA YIN PA DE'I TSE, SNGA MA LA MI LTOS PA'I NUS PA CAN GYI RTZOL BA GZHAN NI KHYAD PAR PHYI MA DANG, ,PHYI MA NYID BYED PA'I PHYIR 'PHEL BA RAB KYI MTHAR PHYIN PAR 'GYUR BA YIN NO, ,GAL TE MCHONGS PA YANG RTZOL BA LA LTOS PA LA BRTZE PA LA BRTEN BA LA SOGS PA YANG LTOS PA MA YIN NAM, DES NA GCIG NI RANG GI NGANG GIS 'JUG LA, GZHAN NI MA YIN NO ZHES BYA BA GA LAS SHE NA 'DI LA BSHAD ZIN TE MCHONGS PA DANG CHU BSKOL BA LA SOGS PA LA YANG RTZOL BA LA LTOS PAS RANG GI NGANG GIS 'JUG PA MA YIN NO, ,BRTZE BA LA SOGS PA NI SHING LA MES BYAS PA'I KHYAD PAR BZHIN DU RANG GI NGANG GIS 'JUG PA YIN NO, ,DE'I PHYIR DE DAG LAS SKYES TE, ,NGO BO NYID SKYES YON TAN YIN, ,DES NA RTZOL BA

PHYI MA DANG, ,PHYI MA KHYAD PAR BYED PA YIN, ,GANG PHYIR RIGS MTHUN SNGA MA YI, ,SA BON LA NI 'JUG 'GYUR BA, ,BRTZE BA LA SOGS BLO DE DAG ,GOMS PAR 'GYUR NA GA LA GNAS, ,BRTZE BA LA SOGS PA NI BRTZE BA LA SOGS PA'I BLO RIGS MTHUN PA SNGA MA LAS BYUNG BA NYID DE, YUL NYE BA LA SOGS PA LA LTOS PA DANG BCAS PA NI MA YIN NO, ,'DI LTAR, BRTZE BA LA SOGS DRAN PA DANG, ,THOS SOGS KYIS KYANG 'JUG 'GYUR TE, ,BRTZE SOGS LAN DU PHAN 'DOGS LA, ,SOGS PA DAG LA LTOS MA YIN, ,RGYUD DE'I ZHING DU BYAS PA DAG NI BDUN NA GTAN DU GNOD PAR BYED PAR GNAS PA DAG LA YANG BRTZE BA LA SOGS PA CHUNG BAR 'GYUR BA MA YIN NO, ,DES NA DE DAG GOMS PA DANG 'BREL BA'I DGA' STON CHEN PO'I DUS NA RGYAS PAR MI 'GYUR BA'AM, GZHAN PAR LTA GA LA 'GYUR, CI STE MNGON PAR 'PHEL BA MTHAR THUG PA MED PA'I RGYU GOMS PA DE NI MCHONGS PA LA YANG YOD PA NYID DO, ,DES NA DE YANG DE'I CHOS 'THOB PAR 'GYUR NA DE LTA NA YANG MA YIN TE, DES NA BZLOG PA YIN NO ZHES BYA BAR SEMS NA BSHAD PA, DE LTAR MCHONGS NYID LAS MCHONGS MIN, ,DE RGYU STOBS DANG 'BAD RTZOL DAG ,NUS PA NGES PA NYID KYI PHYIR, ,MCHONGS PA NGES PA'I BDAG NYID YIN, ,BRTZE BA LA SOGS PA RIGS MTHUN PA NYID LAS BRTZE BA LA SOGS PA YIN PA BZHIN DU MCHONGS PA NI MCHONGS PA NYID LAS MA YIN TE, 'ON KYANG STOBS DANG RTZOL BA DAG LAS YIN NO, ,RANG GI MCHONGS PA GOMS PAR BYAS PA LA YANG STOBS DANG RTZOL BA DANG BRAL BA NA MCHONGS NUS PA YIN NO, ,STOBS DANG RTZOL BAR RNAM PAR GNAS PA'I BDAG NYID NYID NI, RANG GI RGYU'I NUS PA LAS YIN NO, ,DES NA MCHONGS PA YANG GNAS PA'I BDAG NYID DU 'GYUR GYI, GZHAN DU MA YIN NO, ,CI STE YANG MCHONGS PA LA YUL CAN GYI GOMS PA NYID LAS MCHONGS PA YIN TE, DE LTA MA YIN NA, STOBS NI SNGON YANG YOD PA'I PHYIR, ,MCHONGS PAR THAL LO, ,SNGAR NI STOBS NYID YOD PA NYID YIN TE, DE NI GOMS PA NYID LAS 'PHEL BA'I PHYIR RO SNYAM NA, DE LTA NA MCHONGS PA, RIGS MTHUN PA'I MCHONGS PA LAS SKYES PA YIN YANG MTHAR THUG PA MED PA MA YIN PA'I PHYIR,

, ,BRTZE BA LA SOGS PA YANG DE NYID DU THAL BAR 'GYUR RO ZHE NA, 'DIR BSHAD PA, DE NI DANG PO PHYI BZHIN DU, ,MCHONGS MIN LUS MI MTHUN PA'I PHYIR, ,RTZOL BA RIM GYIS MI MTHUN PA, ,GSAL NA RANG STOBS NYID DU GNAS, ,GOMS PA LAS NI STOBS MA YIN TE, 'ON KYANG STOBS YOD PA NYID BAD KAN LA SOGS PAS MCHONGS PAR MI NUS PA YIN NO, ,DES NA MCHONGS PA GOMS PAS MI MTHUN PA SEL BA YIN TE, DE'I PHYIR ZAS DANG GNAS LA SOGS PAS 'DI'I SNGAR GYI STOBS DE RANG NYID DU GNAS PA YIN NO, ,DES NA PHYIS MTHONGS KYI SNGA NI MA YIN NO, ,CI STE BCUD KYIS LEN DANG 'BREL PA LAS STOBS SKYE NA, DE YANG BCUD KYIS LEN GYI NUS PA NGES PA'I PHYIR GNAS PA YIN NO, ,MI DANG NAM MKHA' LDING GI PHRU GU DAG MCHONGS PA GOMS PA MTSUNGS PA YIN YANG MCHONGS PA NI MTSUNGS PA MA YIN NO, ,'DI LTAR, BYA KHYUD DANG NI SPRE'U DAG , MCHONGS PA GOMS PA DANG 'BREL PAR, ,MTSUNGS PA YIN YANG MCHONGS PA NYID, ,MTSUNGS PA YOD PA MA YIN NO, ,DE'I PHYIR GOMS PA YOD KYANG SKYE GNAS DANG RIGS DANG STOBS LA LTOS PA NYID KYIS MCHONGS PA YIN GYI, MCHONGS PA TZAM LA LTOS PA NI MA YIN NO, ,BRTZE BA LA SOGS BA DAG NI GZHAN LA MI LTOS PA NYID DO, ,GAL TE GOMS LA LAS STOBS YIN LA, STOBS LAS NI MCHONGS PA YIN PA'I PHYIR BRTZE BA LA SOGS PA LTAR GOMS PA SNGON DU SONG BA CAN DE NYID DU 'GYUR RO ZHE NA, MA YIN TE, SHIN TU GOMS PAR BYAS PA LAS STOBS NYAMS PA YANG 'GYUR BA'I PHYIR SKYON MED DO, ,GAL TE BRTZE BA LA SOGS PA RIGS MTHUN PA'I SA BON TZAM LA LTOS PA YIN NA, 'O NA NI DE'I TSE THOG MA MED PA CAN YIN PA'I PHYIR SHIN TU DE'I BDAG NYID DU 'GYUR NA YOD PA YANG MA YIN NO, ,DES NA SA BON LAS BYUNG BA MA YIN NO ZHES RTOGS SO ZHE NA, 'DI LA BSHAD PA; BRTZE DANG SA BON LAS BYUNG BA, ,GAL TE SA BON RANG BYUNG CAN, ,MI MTHUN PHYOGS KYI GNOD MED NA, ,SEMS LA DE BDAG NYID DU 'GYUR, ,GAL TE YANG BRTZE BA RANG GI SA BON LAS BYUNG BA DANG THOG MA MED PA CAN YIN PA DE LTA NA YANG DE'I BDAG NYID DU 'GYUR BA NI MA YIN TE, ZHE

SDANG LA SOGS PA NANG GIS BON LAS BYUNG BA CAN DAG GIS GNOD PA'I PHYIR RO, ,GAL TE RTEN BRTAN PA YANG YIN LA, 'DI DAG BAR MA CHAD PA NYID DU YANG 'GYUR NA DE'I TSE DE'I BDAG NYID DU 'GYUR BA YIN NO, ,DE LA 'BAD PA CHEN POS ZHE SDANG LA SOGS PA MI MTHUN PA'I PHYOGS BSAL NA BRTZE BA'I BDAG NYID DU 'GYUR BA YIN NO, ,'DI GDON MI ZA BAR KHAS BLANGS PA YIN TE, 'DI LTAR GOMS PA SNGA MA DANG, ,SNGA MAS SEMS CHOS BRTZE BA DANG, ,CHAGS BRAL RTOGS SOGS PHYI MA DAG ,GSAL BA YI NI RTZA BA YIN, ,BRTZE BA LA SOGS PA'I GOMS PA SNGA MA SNGA MA NI SEMS KYI CHOS PHYI MA PHYI MA GSAL BA'I RGYU YIN GYI, SKYE BA YIN NA NI MA YIN NO, ,SKYE BA SNGAR GYI RGYU LAS YIN PAS GOMS PAS NI GSAL BA 'GA' ZHIG BSGRUB PAR BYA BA YIN NO, ,SKYE BA NI YOD PA'I PHYIR RO, ,DES NA, RANG GI DON LA BRTZON MED PAR, ,GZHAN DON LA DGA' BDAG NYID CAN, ,GOMS LAS BRTZE BA'I BDAG NYID DE, ,CHAGS BRAL CHAGS DANG YID LOG BZHIN, ,LAS GZHAN MED PAR GOMS PAR BYAS PAS NI BRTZE BA BDAG NYID DU SGRUB PAR BYED PA YIN TE, DPER NA YID LOG PA DANG CHAGS PA DANG CHAGS PA MED PA BZHIN NO, ,JI LTAR MI MTHUN PA'I PHYOGS KYIS GNOD PA MED PA'I YID BYUNG BA NI, GANG YOD PAS 'GA' BLANG BAR BYA BA NYID MA YIN PAR SNANG BAR 'GYUR BA YIN NO, ,DE BZHIN DU CHAGS PA DANG CHAGS PA DANG BRAL PA NYID LA YANG BLTA BAR BYA'O, ,DE LTA NA NI SNYING RJE DANG LDAN PA, GZHAN GYI SDUG BSNGAL BSAL BAR 'DOD PAS RANG DANG GZHAN GYI SDUG BSNGAL GZHOM PA'I PHYIR THAMS LA MNGON PAR SBYOR BA 'GYUR RO ZHES BSHAD PA NI, THUGS RJE PHUL BYUNG GRUB 'GYUR TE, ,GZHAN SDUG MI BZOD PAS BSKUL BA'I, ,BRTZE LDAN SDUG BSNGAL GZHOM PA'I PHYIR, ,THABS RNAMS LA NI MNGON SBYOR MDZAD, ,BRTZE BA DANG LDAN PA NI RANG DANG GZHAN GYI SDUG BSNGAL GZHOM PA'I PHYIR RTZOL BA'I PHYIR SKYED PA YIN TE, RANG GI SDUG BSNGAL MA BSAL BAR GZHAN GYI SDUG BSNGAL BSAL MI NUS PA'I PHYIR RO, ,DES NA RANG NYID SDUG BSNGAL DANG BRAL BA SNGON DU BYA BA DANG, DNGOS PO MTHA'

, ,DAG MNGON DU BYED PA LA MNGON PAR SBYOR BA YIN NO, ,GANG GI PHYIR, THABS 'BYUNG DE RGYU LKOG GYUR PA, ,DE 'CHAD PA NI DKA' BA YIN, ,MTHO RIS DANG BYANG GROL GYI RGYU DANG, 'BRAS BU MNGON DU BYAS PA MED PA GANG YIN PA DES NI GZHAN DAG LA BSTAN PAR DKA' BA YIN TE, DE LA NI DES NUS PA YOD PA MA YIN NO, ,GAL TE BDEN PA RNAMS RJES SU DPAG PAS, YONGS SU BCAD PA NA, 'PHAGS PA'I BDEN PA BZHI STON PAR SRID PA DE LTA NA YANG, THAMS CAD KYI TSE NI MA YIN, RANG GI DON 'DOD PA DANG DMYAL BA LA SOGS PAR SKYES PA'I DUS NA MED PA'I PHYIR RO, ,'JIG RTEN GYI KHAMS 'OD ZER CAN LA SOGS PAR SPYOD PA LAS DANG 'BRAS BU SO SOR NGES PA STON PA YANG MI SRID PA NYID DO, ,DE BAS NA THAMS CAD MNGON DU BYA BA NYID DO, ,DE LA MNGON DU BYED PA NA RGYU RTOGS PA YIN PAS DE NYID BSHAD PA NI, LUNG DANG RIGS PAS RNAM DPYOD PA, ,SDUG BSNGAL NYID KYI KHYAD PAR GYIS, ,SDUG BSNGAL RGYU DANG DE MI RTAG ,LA SOGS RANG BZHIN RTOGS PAR MDZAD, ,RIGS PA NI RJES SU DPAG PA'O, ,RJES SU DPAG PA'I SPYOD YUL MA YIN PA LA NI, DBANG PO LAS 'DAS PA'I DON SHES PA'I RGYU LUNG YIN NO, ,YANG NA DANG PO NI LUNG RTOGS PAR BYED PA YIN LA, DE NAS NI DON NGES PA'I 'BRAS BU CAN RIGS PA LA 'JUG PA YIN NO, ,LUNG TZAM LAS NI DON NGES PA MA YIN TE, BRJOD PAR 'DOD PA TZAM GYIS 'JUG PA'I PHYIR DANG, DON DANG 'BREL PA MED PA'I PHYIR RO, ,'DI THAMS CAD KYANG DPYOD PA LA MNGON DU PHYOGS PA YIN GYI GZHAN DU NI MA YIN NO, ,DES NA JE DANG PO NYID NI DPYOD PA YIN LA, DE'I 'OG TU NI GZHAN GYI DON GYI RJES SU DPAG PA'I RANG BZHIN CAN GYI LUNG DU DON DE LTA STE, BKA' LUNG TZAM LA NI MA YIN NO, ,RTOGS PA DANG LDAN PA MA RMONGS PA NI TSAD MA DANG LDAN PA'I DON LA BKA' LUNG TZAM BSGOMS PA MA YIN NO, ,DES NA DON DE RIGS PAS BRTAN PAR BYAS NAS SGOM PAR BYED PA MNGON DU BYED PAR 'GYUR RO ZHES BYA BA NI RIM PA'O, ,DE LA RE ZHIG SDUG BSNGAL GYI RGYU NYID DANG POR RTOGS TE, RGYU BZLOG PA'I SGO NAS 'BRAS BU BZLOG PAR BYAS PA'I PHYIR RO, ,SDUG BSNGAL GYI RGYU BRTAG PA YANG

DE'I MI RTAG PA NYID LA SOGS PA'I RANG BZHIN RTOGS TE, DE BRTAGS PAS BZLOG PAR RUNG BA NYID DU RTOGS PA'I PHYIR RO, ,BZLOG PAR RUNG BA NYID DU MA RTOGS PAR NI BZLOG PA'I PHYIR BRTZON PA NYID DU MI 'GYUR RO, ,RGYU MED PA NYID DAM RGYU RTAG PA NYID YIN NA NI BZLOG PAR BYA BA NUS PA MA YIN NO, ,'DI, RGYU MED RTAG TU YOD PA NYID, ,RTAG PA'I RGYU CAN GA LA LDOG ,RGYU DANG 'BRAL BA MED PAR NI, ,DNGOS PO LDOG PAR JI LTAR 'GYUR, ,RGYU YIS BYAS PA'I DNGOS GANG YIN, ,DE NI DE MED NA MED 'GYUR, ,GAL TE DE MED KYANG YOD NA, ,'DI NI GANG LAS MED PAR 'GYUR, ,MI RTAG RGYU CAN DNGOS PO NI, ,RGYU MED PAS NI LDOG PAR 'GYUR, ,RTAG RGYU CAN LA RGYU MED PAR, ,MED PAS LDOG PA YOD MA YIN, ,DE'I PHYIR MI RTAG PA LA SOGS PA'I KHYAD PAR NYID KYI SDUG BSNGAL DANG DE'I RGYU MI RTAG PA NYID DU RTAG PAR MDZAD DE, GANG PHYIR DE LTAR RGYU GNAS NA, ,'BRAS LDOG GZIGS PA MED PHYIR RO, ,DE'I RGYU GZHOM PHYIR DE YI NI, ,MI MTHUN PHYOGS LA BRTAG PA MDZAD, ,GAL TE DBANG PHYUG LA SOGS PA RTAG PA 'GA' ZHIG SDUG BSNGAL GYI RGYU YIN NA DE'I PHYIR DE MED PAR MI 'GYUR PAS SDUG BSNGAL BZLOG PAR MI 'GYUR RO SNYAM DU DGONGS PAR 'GYUR TE, DES NA 'BRAS BU LDOG PA'I PHYIR 'JUG PAR MI 'GYUR RO, ,NUS PA MED PA LA NI SU YANG MI 'JUG LA, ZHUGS NA YANG BSLUS PAR MI 'GYUR BA MA YIN NO, ,'BRAS BU'I RGYU GANG YIN PA DE'I MI MTHUN PA'I PHYOGS LA BRTAG PA MDZAD DE RGYU SPANG BA'I PHYIR RO, ,BYUNG BA NI GNYEN PO DANG 'BREL PA MED PAR MI LDOG STE, GNYEN PO MED PAR NI RGYU MED PAR MI 'GYUR RO, ,GAL TE RGYU MED PA NYID LAS LDOG STE, LAS ZAD PA NYID LAS LDOG PA YIN NO ZHES GZHAN DAG 'DOD DO ZHE NA, MA YIN TE, MA RIG PA LAS LAS GZHAN DANG GZHAN 'GYUR BA'I PHYIR ZAD PA MA YIN NO, ,LAS DANG SDUG BSNGAL GYI RGYU NI MA RIG PA YIN PAR STON PAR 'GYUR TE, DES NA SKYON MED DO, ,GAL TE SDUG BSNGAL GYI RGYU'I RANG BZHIN NGES PA MED PA YIN TE, SDUG PA DANG BRAL BA LA SOGS PA DU MA PA'I RANG BZHIN YIN PA'I PHYIR RO, ,DES NA BZLOG PAR MI NUS SO ZHE NA, 'DI LA BRJOD PA NI, BDAG DANG BDAG GIR

, ,'DZIN BYAS PA, ,'DUS BYAS SPYOD YUL CAN CHAGS NI, ,RGYU YIN DE YI GNOD BYED NI, ,BDAG MED MTHONG BA 'GAL BA YIN, ,SDUG BSNGAL GYI RGYU NI BDAG DANG BDAG GIR MNGON PAR ZHEN PAS BYAS PA'I CHAGS PA YIN NO, ,CHAGS PA LDOG NA NI BDAG GI BA NYAMS PA LA YID SDUG BSNGAL BAR MI 'GYUR RO, ,GAL TE CHAGS PA DANG BRAL NA BDAG GI BA NYAMS PA LA YID SDUG BSNGAL BA MA YIN MOD, BDAG NYID LA LUS LAS BYUNG BA'I SDUG BSNGAL BAR JI LTAR MI 'GYUR ZHE NA, 'DI LA BSHAD PA, GZHAN SDUG BSNGAL BAS SDUG BSNGAL GANG, ,DE LA BDAG BDE SOGS YOD MIN, ,BDAG GI BA LA MNGON ZHEN PAS, ,BDAG LA CHAGS PA LDOG PAR 'GYUR, ,BU LA CHAGS PAS BDAG LA CHAGS PA DANG BRAL BA DAG NI, MTSON LA SOGS PA DANG 'BREL PA LAS SKYES PA'I LUS KYI SDUG BSNGAL YANG DMIGS PAR MI 'GYUR RO, ,BDAG DANG BDAG GI BA LA CHAGS PA YANG 'JIG TSOGS SU LTA BA LAS YIN TE, DES NA SDUG BSNGAL GYI RGYU NI 'JIG TSOGS SU LTA BA YIN NO, ,DE'I PHYIR BDAG MED PA MTHONG BA GNOD PAR BYED PA YIN TE 'GAL BA'I PHYIR RO, ,DE DANG RNAM PAR 'GAL BA'I CHOS NI DE'I GNOD PAR BYED PA YIN TE, RLUNG LA DRO BA DANG SNUM PA LA SOGS PA BZHIN NO, ,DES NA BDAG MED PA DE'I BDAG TU 'GYUR NA, DE LAS BZLOG PA'I RNAM PA CAN 'JIG TSOGS PA LTA BA MI RTAG PA YIN PAS NA LDOG PA YIN NO, ,DES NA BDAG GIR 'DZIN PA LDOG PAS LUS DANG YID KYI SDUG BSNGAL MTHA' DAG LDOG GO, ,GAL TE LUS BCAD PA DANG BSREGS PA LA SOGS PAS 'CHI BA LA SOGS PA'I SDUG BSNGAL DU CI LTAR MI 'GYUR ZHE NA, DE NI MED DE, LUS DE DANG NI BRAL BA LAS, ,'CHI BA GZHAN YOD MA YIN LA, ,LUS GZHAN GRUB PA SKYE BA YIN, ,DE LA SDUG BSNGAL CI ZHIG YOD, ,GANG GI TSE LUS GCIG DANG BRAL ZHING, LUS GZHAN DANG LDAN PA DANG, SNGA MA PHYI MA'I GNAS SKABS DAG ,GOMS PA LAS SKYES PA'I DRAN PA GSAL BAS DRAN PA DE'I TSE PHYIS PA DANG RGAN PO'I GNAS SKABS 'DOR ZHING LEN PA LTAR RAM,

GOS LEN PA DANG 'DOR BA LTA BU YIN PAS, DE LA GNOD PA CI ZHIG YOD, MTSAMS SBYOR BA 'DZIN PA MED PAR NI GDUNG BAR 'GYUR BA MA YIN NO, ,GANG LA GOMS PA DE NYID MNGON PAR DGA' BA'I RGYU YIN TE, THA MAL PAR GOMS PAR BYAS PAS NI, BDE BA DANG SDUG BSNGAL BAR MI 'GYUR RO, , SHIN TU BTANG SNYOMS GOMS PA LA NI LUS DANG LONGS SPYOD LA GNOD PA BYAS KYANG GDUNG BAR MI 'GYUR TE, SEMS CAN DU LTA BA LDOG PA YIN NO, ,DE BSHAD PA NI, RNAM PA DU MAR THABS MANG PO, ,YUN RING DUS SU GOMS PA LAS, ,DE LA SKYON DANG YON TAN DAG ,RAB TU GSAL BA NYID DU 'GYUR, ,BDAG MED PA MTHONG BAS 'DOD CHAGS LA SOGS PA YONGS SU 'KHRUG PA'I RGYU MTHA' DAG DANG BRAL ZHING RTOGS PA RGYAS TE, THABS RNAM PA MANG PO GZHAN DANG GZHAN GOMS PA NA SKYON DANG YON TAN RNAMS GSAL BAR 'GYUR TE, BSTAN BCOS GOMS NA BSTAN BCOS KYI SKYON YON RNAM PA DU MA GSAL BA BZHIN NO, ,YON TAN DANG SKYON GSAL BA NI BLO GSAL BA YIN TE, DES NA THUGS KYANG GSAL BA'I PHYIR, ,RGYU YI BAG CHAGS SPANGS PA NI, ,THUB CHEN GZHAN DON 'JUG CAN GYI, ,BSE RU LA SOGS KHYAD 'DI YIN, GANG GI TSE SKYON DANG YON TAN BYE BRAG TU PHYE BAS RTOGS PA BSAL BAR GYUR PA DE'I TSE, NYES PA PHRA MO DANG RAGS PA'I NANG NA GNAS PA'I NYES PA'I RIGS SKAD CIG MA TZAM YANG THAMS CAD SHES PAR 'GYUR RO, ,DES NA NGAG MA BYANG BA LA SOGS PA YANG BZLOG PA'I PHYIR 'BAD PAR 'GYUR RO, ,DE'I PHYIR BAG CHAGS SPONG BA YIN NO, ,'DI NYID NI 'PHAGS PA NYAN THOS DANG RANG SANGS RGYAS DANG MU STEGS PA YANG DAG LAS BCOM LDAN 'DAS BDE BAR GSHEGS PA'I KHYAD PAR YIN NO, ,YANG NA GAL TE SDUG BSNGAL BA SPANGS BA YIN MOD, DE LTA NA YANG THAMS CAD MKHYEN PA NYID NI SRID PA MA YIN TE, DE LTA MA YIN NA 'DOD CHAGS DANG BRAL BA MTHA' DAG THAMS CAD MKHYEN PA NYID DU 'GYUR RO ZHE NA, 'DI BSHAD PA NI, RNAM PA DU MAR THABS MANG PO, ,ZHES BYA BA LA SOGS PA YIN NO, ,THABS KYIS DBYE BA NI, RNAM PA MANG PO YIN TE, DUS YUN RING POR GOMS PAS NI 'KHOR BA'I SKYON YON MTHA' DAG

, ,BSAL LO, ,GANG TSE DRAN PA GSAL 'GYUR BAS, ,SNGON GYI SKYE BA DRAN GYUR PA, ,DE LA DE YI RJES 'BRANGS PAS, ,DE DAG THAMS CAD RTOGS PAR 'GYUR, ,JI LTAR GRONG GZHAN NAS 'ONGS PA, ,DE YI 'DU BYED RJES 'GREL CAN, ,DE RIG PA YIS SHES 'GYUR BA; ,DE BZHIN SKYE GZHAN NAS 'ONGS PA, ,DPER NA GRONG GZHAN NAS 'ONGS PA LA DE DANG BRTEN PAS SKYES PA'I KHYAD PAR MTHONG BA NA, DE RIG PAS DE NAS 'ONGS PAR SHES PA DES NA GRONG GZHAN YANG DE'I KHYAD PAR NYID DU SHES PA DE BZHIN DU, SKYE BA GZHAN YANG NGES PA SKYED PA'I 'DU BYED KYI RGYU YIN PA NYID KYIS RJES SU DPOG PA YIN NO, ,LKOG TU 'GYUR BA'I DON SKYE BA GZHAN YOD PAR SBYIN PA LA SOGS PA'I RNAM PA 'DIS CI STE RJES SU MI DPOG ,DES NA RGYU DANG 'BRAS BU DAG NGES PAR RIG PA YIN TE, 'DI NI SNGON LAS 'DI DANG YUL 'DI DANG 'BREL PAR 'GYUR BA YIN TE, 'DI LTA BU'I NGO BO'I RNAM PA DANG 'BREL PA'I PHYIR RO, ,SO SOR NGES PA'I YUL LA SOGS PA DANG 'BREL PA, DE'I 'BRAS BU DANG RANG BZHIN GYI BYE BRAG GI RANG BZHIN NGES PAR RTOGS PA NI RGYU'I RANG BZHIN DANG DE'I 'BRAS BU'I RANG BZHIN GYI BYE BRAG DANG 'BREL PA MTHA' DAG RIG PA'I PHYIR SO SOR NGES PA'I RANG BZHIN THAMS CAD RIG PAS NA, LAS DANG 'BRAS BU LA SOGS PA'I 'BREL PA THAMS CAD YONGS SU SHES PA YIN NO, ,MTHO RIS DANG NI BYANG GROL LAM, ,JI BZHIN DU NI MKHYEN PA NA, ,SKYES BU'I DON MKHYEN TZAM GYIS NI, ,STON PA YONGS SU RDZOGS PAR 'DOD, ,'GRO BA MTHA' DAG KYANG PHAN TSUN RGYU DANG 'BRAS BU'I DNGOS PO LAS 'DAS PAR 'GYUR BA MA YIN TE, DES NA RGYU 'BRAS KYI DNGOS PO RNAM PA DU MA BSGOMS PA DANG RJES SU 'BREL PAS 'GRO BA MTHA' DAG RIG PAR 'GYUR BA NI KHA NA MA THO BA MED PA YIN PA DES NA THAMS CAD MKHYEN PA NYID YIN NO, ,'ON TE RJES SU DPAG PAS RIG NA 'DI JI LTAR DNGOS SU GZIGS PA CAN YIN, BCOM LDAN 'DAS NI MNGON DU GZIGS PA POR 'DOD PA YIN NO ZHE NA, DE YANG GYI NA NYID DE, RNAM KUN RJES DPOG GANG YIN TE, ,MNGON SUM LAS NI DBYER YOD MIN, ,DBANG PO DANG NI 'BREL PAS KYANG, ,DE LAS KHYAD

PAR LHAG BYED MIN, ,DON GYI RANG BZHIN RNAM PA THAMS CAD DU RIG PA GANG YIN PA DE NYID MNGON SUM YIN TE, MNGON SUM GYI DON NI MNGON DU BYED PA'I DON YIN PA'I PHYIR RO, ,GAL TE DBANG PO LA BRTEN PA'I DON MNGON SUM GYI DON YIN NAM ZHE NA, 'DI NI MNGON SUM GYI MTSAN NYID MA YIN TE, 'ON KYANG YANG DAG PA'I MNGON SUM RIG PA'O, ,DBANG PO NYE BAR MTSON PA TZAM DU ZAD DO, ,GZHAN YANG GANG ZHIG DBANG PO DANG 'BREL PA YIN YANG, MNGON DU MTHONG BA MED PA DE, CI MNGON SUM YIN NAM, DE NI DBANG PO NYID MA YIN TE NYAMS PA'I PHYIR RO ZHE NA, BRJOD PA, MNGON DU BYED RGYU MIN PHYIR TE, ,GAL TE MNGON SUM MIN 'DOD NA, ,MNGON DU BYED PA'I RGYU YIN PHYIR, ,DBANG PO ZHES NI NGES PAR GZUNG, ,DBYIBS LA SOGS PA TZAM GYIS NI, ,DBANG POR 'THAD PA MA YIN TE, ,NYAMS PA YANG DE NYID DU THAL BA'I PHYIR RO, ,MNGON DU BYED PA'I RGYU NYID DBANG PO YIN NA NI, YID KYANG DE LTA NYID DU 'GAL BA MED DO, ,GZHAN YANG, YID NI GSAL BA NYID LAS NI, ,RNAM PA GSAL POR MTHONG BA YIN, ,YID NI RNAM PAR 'KHRUG PA LA, ,DBANG SHES GSAL BA GA LA YOD, ,MNGON DU PHYOGS PA DANG 'BREL PA'I YID LAS DBANG PO'I SHES PA YANG MNGON DU BYED PAR 'GYUR BA YIN NO, ,DES NA DBANG POS BSKYED PA NYID NI RGYU MA YIN PA KHO NA'O, ,DE'I RNAM PA THAMS CAD MNGON DU BYED PAS 'JUG PA'I RJES SU DPAG PA YANG MNGON SUM NYID YIN NO, ,GAL TE 'DAS PA LA SOGS PA LKOG TU GYUR PA'I DON LA 'JUG PA JI LTAR MNGON SUM YIN ZHE NA, DE YANG RIGS PA MA YIN TE, MNGON DU BYED PA YOD PAS NA, ,'DI NI JI LTAR LKOG GYUR NYID, ,MNGON DU BYAS PA LKOG NYID NA, ,LKOG 'GYUR MA YIN MED PAR 'GYUR, ,'ON TE DBANG PO'I BYED PA LAS LKOG TU GYUR BA MA YIN PA NYID DO ZHE NA, DBANG PO'I BYED PA DE NYID MNGON DU BYED PA MED PAR JI LTAR RTOGS PAR 'GYUR BA YIN, MNGON DU BYED PAS RTOGS NA NI, ,RNAM PA THAMS CAD RJES SU DPOG PA LA YANG DBANG PO'I BYED PA YOD PAR 'GYUR RO, ,RJES SU DPAG PA 'JUG PA NI THAMS CAD LA YOD PA'I PHYIR, ,MIG LA SOGS PA'I BYED PA YANG RJES SU DPOG PA

, ,NYID LAS RTOGS PA YIN NO, ,GZHAN YANG, GANG TSE SNGON GYI RNAM PA NI, ,THAMS CAD RJES SU DPOG 'GYUR BA, ,DE TSE BDAG GI MIG SOGS KYI, ,BYED PA YANG NI RTOGS PAR BYED, ,'GAR BYUNG 'GAR NI BYUNG 'GYUR BA, ,DBANG PO'I BYED DE RJES DPAG GIS, , RTOGS 'GYUR DE PHYIR DBANG PO YI, ,BYED DE DE LA CI PHYIR MED, ,GANG GI TSE DE NYID SKYES BA 'AM 'BYUNG BAR 'GYUR BA RJES SU DPOG PAR BYED PA DE'I TSE DE LA 'BYUNG BAR 'GYUR BA'I DBANG PO'I BYED PA RJES SU DPAG PAS RTOGS SO, ,GANG GI TSE 'BYUNG BAR 'GYUR BA DE'I TSE NI 'BYUNG BAR 'GYUR BA NYID DO,, DE NI RNAM PA THAMS CAD DU RJES SU DPOG PAS RTOGS PA LA YOD PA YIN PA'I PHYIR JI LTAR DBANG PO'I BYED PA MED PA YIN, GAL TE BYUNG BA DANG 'BYUNG BAR 'GYUR BA YANG JI LTAR YOD PA YIN NO ZHE NA, DE NI MA YIN TE, MNGON DU BYA NYID DNGOS PO DE'I, ,YOD PA NYID DU BRJOD MA YIN, , THAMS CAD DU NI DNGOS PO YI, ,YOD NYID DON BYED PA LA RTOGS, ,DA LTAR BA MNGON PAR 'DOD PA'I BYA BA LA SOGS PA'I DON GYI BDAG NYID LA YANG MNGON DU BYED PA NYID LAS DE YOD PAR RTOGS PA YIN GYI, GZHAN LAS NI MA YIN NO, ,GAL TE ME LA SOGS PA MNGON DU BYAS PA LA YANG RJES SU DPAG PAS YOD PAR RTOGS PA MA YIN NA MA ZHE NA, MA YIN TE, DE YANG DE LTA BU NYID RJES SU DPOG GO, ,MNGON SUM BYAS PA'AM, BYED PA'AM BYED PAR 'GYUR BA RJES SU DPOG PA YIN TE, GZHAN DU NA RJES SU DPAG PA MI 'JUG PA'I PHYIR RO, ,MTHONG BA'I RJES SU 'BRANG BA NA MTHONG BAR BYA BA NYID RJES SU DPOG PAR BYED DE, DE LTA BU MA YIN NA MI 'THAD PA'I PHYIR RO, ,GAL TE 'GAS KYANG MA MTHONG MI MTHONG MTHONG BAR MI 'GYUR BA NI, DE'I TSE RI BONG GI RVA DANG MTSUNGS PAR MED PA NYID DO, ,NUS PA NYE BAR BRJOD PA THAMS CAD DANG BRAL BA NI NYE BAR BRJOD PA MED PA NYID YIN NO, ,GAL TE DA LTAR BA'I DUS DANG 'BREL PAS YOD PA NYID YIN GYI, MNGON DU BYED PA MA YIN NO, ,DE LTA YIN DANG RNAL 'BYOR PA RNAMS 'DAS PA DANG MA 'ONGS PA MNGON SUM DU BYED PA NYID DU KHYED 'DOD PA YIN TE, DA LTAR BYUNG BA TZAM MTHONG BA YIN NA NI, 'DI 'DAS

PA LA SOGS PA MTHONG BAR MI 'GYUR RO, ,DES NA SKYE BO THAMS CAD DANG MNYAM PA NYID PAS 'DI LTA BU MNGON DU BYED PA NYID DAM RNAL 'BYOR PA NYID YIN ZHES GZHAN DAG 'DZER TO, ,DE LA 'DI SKAD BRJOD DE, DUS NI TSAD MA GANG GIS KYANG, ,RTOGS PA YOD PA MA YIN TE, ,MNGON SUM GYIS NI GZUGS SOGS TZAM, ,RTOGS 'GYUR RJES SU DPAG PA YANG, ,MNGON SUM 'JUG PA LAS 'DAS NAS, ,'JUG PA YANG NI DMIGS MA YIN, ,MNGON SUM GYI NI GZUGS SOGS PA'I, ,RANG BZHIN NYID 'BA' ZHIG DMIGS KYI, DUS LA SOGS PA DANG 'BREL PA NI MA YIN TE, MNGON SUM NI DE'I RNAM PA TZAM DANG 'BREL PA'I PHYIR RO, ,MDUN NA GNAS PA'I RNAM PA 'DZIN PA LAS GZHAN DU NI MNGON SUM RTOGS PA MED DO, ,DE LTA MA YIN NA THAMS CAD MTHONG BAR 'GYUR RO, ,DUS NI KA BA LA SOGS PA LTAR MDUN NA GNAS PA'I RNAM PA NYID DU DMIGS PA MA YIN NO, ,RJES SU DPAG PA YANG MNGON SUM MED PAR MI 'GYUR RO, ,'ON TE 'BYUNG BA DANG YUN RING BA LA SOGS PAR NI GZUNG BAR BYA BA'AM, RJES SU DPAG PAR BYA BA YIN NO ZHE NA, DE YANG YANG DAG PA MA YIN TE, DUS NI YUN RING MNYAM SOGS PA'I, ,BLO YI MDUN NA GNAS PA YIN, ,DE LTA'I RNAM PA DANG BRAL NA, ,BLO NI MNGON SUM YIN MI 'DOD, ,YUN RING POR BYAS SO ZHES BYA BA LA SOGS PA NI BUM PA LA SOGS PA NYID SNANG BA YIN GYI, DES NA DUS GZHAN NI SNANG BA MED DO, ,'ON TE YANG BUM PA LA SOGS PA NYID KYI 'BRAS BU RTEN PA SNANG BA YIN NA, 'O NA YUN RING PO LA SOGS PA'I DON CI YIN ZHE NA, 'DIR SMRAS PA, RGYU RNAMS NYE BAR MI GNAS PHYIR, ,DUS MED NA YANG BUM SOGS KYI, ,CHA SOGS DAL BUS RIM GYIS NI, ,RDZOGS PA YUN RING DON YIN NO, ,BUM PA LA SOGS PA CHA SHAS DAL BUS RIM GYIS YONGS SU RDZOGS PAR GRUB PA GANG YIN PA DE NYID YUN RING PO'I SGRA'I DON TO, ,GAL TE DUS MED NA DAL BUS DANG RIM PA DE NYID MI 'THAD DO ZHE NA, MA YIN TE, SGRUB PAR BYED PA NYE BAR MI GNAS PA TZAM GYIS DE 'THAD PA'I PHYIR RO, ,SGRUB PAR BYED PA NYE BAR MI GNAS PA YANG NYE BAR GNAS PA'I RGYU MED PA'I PHYIR RO,,

, ,NYE BA'I RGYU MED PA YANG DE'I RGYU MED PA'I PHYIR TE, DE LTAR NA RGYU'I RTZOM PA 'DI NI THOG MA MED PA YIN NO, ,DE'I PHYIR DUS ZHES BYA BA 'GA' YANG YOD PA MA YIN NO, ,'ON TE 'BRAS BU'I BUL BA DANG, ,MYUR BA DUS KYI STOBS KYIS NI, ,'JUG NA DE LA RGYU YIS NI, ,CI ZHIG BYAS PAR GYUR PA SOMS, ,'BRAS BU RNAMS KYIS 'JUG PAR BYED PA DUS YIN NA, DE LA RGYU RNAMS KYI BYED PA'I 'BRAS BU GANG YIN, RGYU MED PAR DUS KYIS MI NUS SO ZHE NA, 'O NA NI RGYU YOD PA DANG MED PA NYID LAS 'BRAS BU SKYES PA YIN GYI DUS NI NUS PA MA YIN NO, ,GAL TE DUS MED PAR RGYU RNAMS KYIS MI NUS PA YIN NA DUS RGYU'I DNGOS POR RIGS PA YIN NA, DUS NI MED PA MA YIN TE, KHYAB PA DANG RTAG PA YIN PA'I PHYIR RO, ,'ON TE DUS GZHAN DANG GZHAN NYE BAR GNAS PA LA LTOS PA'I RGYU LAS SKYE BA YIN NA, DUS GZHAN DANG GZHAN NYE BAR GNAS PA DE NYID GA LAS, RGYU GZHAN LAS SO ZHE NA, DE NYID LAS 'BRAS BU'I RIM PA YIN LA RAG MOD, DUS KYIS CI BYA, RIM PA NYID DUS YIN NO ZHE NA, MA YIN TE, RIM PA NI 'DI LHAN CIG PA DANG LHAN CIG PA MA YIN PA'I DNGOS PO YIN PA'I PHYIR LA, DE YANG DNGOS PO'I RANG BZHIN NYID YIN PAS DUS GZHAN MED DO, ,JI STE NYI MA LA SOGS PA'I RGYU BA NYID DUS YIN NA, MA YIN TE, NYI MA LA SOGS PA'I RANG GI NGO BO LAS THA DAD PA'I RGYU BA MED PA'I PHYIR RO, ,DE'I RANG GI NGO BO YANG MNGON SUM GYIS RTOGS PAR BYA BA NYID DO, ,MTHONG 'GYUR 'DAS PA'I DUS NYID DO, ,MTHONG BZHIN PA NI DA LTAR BA, ,MTHONG 'GYUR 'BYUNG BA NYID DO ZHES, ,DE LTAR DUS NI RNAM PA GNAS, ,'O NA CI LTAR DNGOS PO 'DI'I DUS NI 'DI YIN NO ZHES THA DAD PAR RTOGS PA YIN NO ZHE NA, 'DI NI MCHI GU'I LUS YIN ZHES, ,LDOG PAR RTOGS PA CI LTA BA, ,DE BZHIN DUS NI THA DAD DU, ,RTOGS 'CHAD MAS 'THAD PA YIN, ,DE BZHIN DU YANG 'JIG RTEN DAG BRJOD DE, KHYOD KYI SKYES PA'I DUS GANG YIN, ,KHYOD CI BDE SOGS GNAS SAM ZHES, ,DE YI RANG BZHIN KHYAD PAR NYID, ,'DRI NA TSIG 'DI 'THAD PA YIN, ,DES NA DA LTAR MI MTHONG BA NI 'DAS

PA DANG MA 'ONGS PA YIN NO ZHES BYA BA'I DON GYI DE KHO NA'O, ,GAL TE DE LTA NA RNAL 'BYOR BA RNAMS LA 'DAS PA LA SOGS PA MTHONG NGO ZHES BYA BA MI MTHONG BA YIN NO ZHES BYA BAR 'GYUR RO, ,DE LA GAL TE RANG GIS MI MTHONG BA MTHONG BA YIN NO ZHES BRJOD NA NI, DE'I TSE MA YIN LA MO GSHAM YANG YIN NO ZHES BYA BAR 'GYUR RO, ,DE'I PHYIR 'DAS PA LA SOGS PA MTHONG NGO ZHES BYA BA'I DON CI YIN ZHE NA, GZHAN GYIS MTHONG BAR BYA BA MA YIN PA MTHONG BA STE, DES MTHONG BA NYID KYIS NA DE TZAM DU NI DE DA LTAR BA NYID YIN PAS SKYON MED DO, ,GZHAN LA LTOS NAS NI DE 'DAS PA NYID LA SOGS PA YIN NO, ,DE'I PHYIR MNGON DU BYAS PA GANG YIN PA DE NYID YOD PA YIN PA'I PHYIR, 'DAS PA LA SOGS PA LA DBANG PO'I BYED PA MA YIN TE, MNGON DU BYAS PA DE YOD PA NYID YIN PA'I PHYIR RO, ,GZHAN YANG DUS DE DANG 'BREL PAR, ,GANG TSE DE MNGON BYAS 'GYUR BA, ,DE TSE DA LTAR YOD MIN YANG, ,DE YI YOD NYID 'THAD MI DKA', ,GAL TE DA LTAR BA'I DUS DANG 'BREL PA MED KYANG, DE'I TSE DUS DANG 'BREL PA DE LTAR BYUNG BA'I DNGOS PO MNGON DU BYAS PA NI YOD PA NYID DO, ,DES NA DA LTAR BYUNG BA'I DON 'DZIN PA'I PHYIR, 'DAS PA LA SOGS PA'I SHES PA LA RNAM PA THAMS CAD YONGS SU GCOD PA DANG LDAN PA'I MNGON SUM YOD PA NYID DO, ,'O NA DE JI LTAR 'DAS PA NYID YIN ZHE NA, LTA BA PO'I DA LTAR BYUNG BA'I DUS DANG 'BREL PAR MI 'DZIN PA'I PHYIR DANG, GZHAN GYIS NI DE'I DUS DANG 'BREL PA YANG MI 'DZIN PA'I PHYIR DANG, RNAL 'BYOR PAS KYANG MNYAM PAR BZHAG PA LAS LANGS NAS, 'DAS PA NYID DU THA SNYAD BYED PA'I PHYIR RO, ,DE NYID RNAL 'BYOR PAS DA LTAR MTHONG BA JI LTAR 'DAS PA YIN ZHE NA, DE NI MED DE, 'DI LTAR DA LTAR BA'I DUS NYID NI, LTA PO NYID KYIS YIN ZHES RTOGS, ,GZHAN GYI DUS NI JI LTAR GZHAN, ,KHYAD PAR BYED YIN PAR 'GYUR, ,BYED PA PO'I DUS GANG YIN PA DE JI LTAR GZHAL PAR BYA BA'I DON GYI YIN PAR 'GYUR, RTA'I NGANG PA NYID NI BA LANG GI YIN PAR MI RIGS SO, ,'ON TE DE'I TSE RTOGS PA JI LTAR GZHAN DUS YIN ZHE NA GZHAN GYI DUS RTOGS PA'I PHYIR RO, ,'DI LTAR, DE NI DE TSE 'AM

, ,GZHAN GYI TSE, ,GANG ZHIG GANG GI NGO BOR RIG ,DNGOS PO DE YI NGO BO NYID, ,BYED PO'I DUS NI DE YI MIN, ,DUS NI BYED PA PO'I YIN GYI DON GYI NI MA YIN NO, ,DUS GZHAN GYI KHYAD PAR CAN NYID DU RTOGS PA JI LTAR BYED PA PO'I DUS GZHAN GYI RJES SU 'JUG, BYED PA PO NI PHYIS DUS GZHAN NYID RTOGS PAR BYED DE, BDAG NYID RTOGS PA NA DUS GZHAN DANG 'BREL PAR RTOGS PAS DE JI LTAR GZHAN DU RNAM PAR 'JOG ,GZHAN YANG DE'I TSE NI BYED PA PO YANG DE'I DUS NYID DU RTOGS PAR BYED DO, ,GZHAN GYIS SAM PHYIS NI BYED PA PO DE DUS GZHAN NYID DU RTOGS PA YIN NO ZHES BSHAD ZIN TO, ,DE'I PHYIR DE NI DE'I DUS NYID DU RTOGS PA'I PHYIR DE LTAR YOD PA NYID YIN NO, ,DE NGAS DER RTOGS SO ZHES BYA BA NI DRAN PA'I THA SNYAD TZAM DU ZAD KYI, DON DAM PA NI MA YIN TE, DE LA MNGON SUM MI 'JUG PA'I PHYIR RO, ,DES NA RNAM PA THAMS CAD DU RTOGS PA NI MNGON SUM DU 'GYUR BA NYID DO, ,'ON TE YANG GAL TE MNGON SUM YIN NA JI LTAR GZHAN GYIS MI RTOGS, GANG LA DES NYAMS SU MYONG BA NYID DU MTHONG BA'I BU 'BYUNG BA DES MA RTOGS PA JI LTAR 'KHRUL PA MA YIN, RNAL 'BYOR PAS NI DA LTAR RTOGS LA, DE DANG LDAN PAS NI MA YIN NO ZHE NA, DE YANG MA YIN TE, CI LTAR DE NI STON SOGS DUS LDAN PAR, ,MTHONG BA DE LTAR DE LA GNOD PA MED, ,DUS DER LDAN NI DE YANG MTHONG MED PAS, ,DE LTAR MA RTOGS NA YANG SKYON YOD MIN, ,DES NI DE'I BU DE STON LA RTOGS PAR 'BYUNG BAR 'GYUR BA DUS DANG 'BREL PAR MTHONG BAS DE NI DE LTAR MA RTOGS KYANG GNOD PA MED DO, ,GAL TE DE'I TSE YANG MA RTOGS NA NI DES NA GNOD PAR 'GYUR BA YIN NO, ,'ON TE JI LTAR DES DE MTHONG BA BZHIN DU RNAL 'BYOR PA LAS THA DAD PA GZHAN GYIS KYANG DE'I PHYIR MA MTHONG STE, DE'I PHYIR DE MA MTHONG BAS GNOD PA YIN NO ZHE NA, DE LA YANG SNYING PO MED DE, JI LTAR GZHAN GYIS RING MTHONG BA, ,DE BZHIN GZHAN YANG MTHONG NGAM CI, ,PHRA MO LA SOGS YOD NA YANG, ,THAMS CAD KYIS NI MTHONG BA YIN, ,GANG LA GCIG GI NUS YOD PA, ,DE LA KUN GYI DE YOD MIN, ,RNAL 'BYOR MIN PAS MI MTHONG PHYIR, ,MA 'ONGS

PA ZHES BYA BAR NGAS, ,'ON TE YANG, GAL TE GZHAN GYIS MI MTHONG BA DE LTA NA YANG, DE'I TSE DE RANG GI NGO BOS RTOGS PA YIN NA JI LTAR MA 'ONGS PA NYID YIN, ,GANG PHYIR DMIGS PA YOD PA NYID, ,MED NYID MI DMIGS PA LAS MIN, ,DMIGS KYANG YOD PA MA YIN NA, 'GA' YANG YOD PA NYID MI 'GYUR, ,DMIGS BZHIN PA NI MED PA MA YIN TE, HA CANG THAL BAR 'GYUR BA'I PHYIR RO, ,CI STE DE DUS GANG DU DMIGS PA DE NYID KYI TSE NA DE YOD PA YIN NO ZHE NA, DE YANG MI RIGS TE, DNGOS PO LAS NI THA DAD PA'I, ,DUS NI 'GA' YANG MTHONG BA MED, STON LA SOGS PA'I DNGOS PO NI, ,YUL DU 'GYUR BA 'GA' ZHIG NYID, ,YUL GYI KHYAD PAR LAS THA DAD PA'I DUS NI 'GA' YANG DMIGS PA MED DO, ,GRANG BA LA SOGS PA DANG, NYI MA RGYU BA LA SOGS PA'I KHYAD PAR RNAMS NI STON LA SOGS PA'I DUS YIN PA'I PHYIR RO, ,DE DAG NI DMIGS PA NYID YIN NA DA LTAR BYUNG BA NYID YIN PAS JI LTAR 'DAS PA DANG 'BYUNG BA YIN, STON SOGS LA NI 'DAS SOGS KYI, ,RNAM DBYE JI LTAR RTOGS PAR 'GYUR, ,GAL TE GZHAN GYIS DMIGS MED NA, ,GNYIS PO RNAM DBYE MED PAR 'GYUR, ,GAL TE YANG DE'I TSE MA DMIGS PA DE'I TSE YANG DA LTAR 'BYUNG BA MA YIN PAR 'GYUR MOD, DA LTAR BYUNG BA MA YIN PA DE CI 'DAS PA YIN NAM, 'ON TE MA 'ONGS PA YIN ZHES RNAM PAR DBYE BA GO GANG LAS YIN ZHE NA, 'DIR BRJOD PA, JI LTAR RJES SU DPAG PA NI, ,'JUG PA DE BZHIN DU ZHES ZUNG, ,MNGON SUM YANG NI DNGOS PO DE, , DE BZHIN NYID DU RTOGS PAR BYED, ,JI LTAR RJES SU DPAG PAS DE 'DAS PA DANG MA 'ONGS PA LA SOGS PA NYID DU RTOGS PA DE BZHIN RJES SU DPAG PA DES SKYED PA'I RNAL 'BYOR PA'I MNGON SUM YANG YIN NO, ,RJES SU DPAG PA DES BSKYED PA'I MNGON SUM NYID GZHAN DU NI RTOGS PA MA YIN NO, ,DES NA GANG JI LTAR RTOGS PA DE NI DE BZHIN DU YOD DO ZHES RTOGS PAR BYA'O, ,GAL TE MNGON SUM RJES SU DPAG PA LAS BSKYED PA NYID YIN NA RIM GYIS RTOGS PAR 'GYUR RO, ,DE LTA NA YANG THOG MA DANG THA MA MED PA'I DNGOS PO'I TSOGS KYIS RTOGS PA YONGS SU RDZOGS PA MED PA'I PHYIR JI LTAR THAMS CAD MKHYEN PA

, ,YIN NO ZHE NA, DE NI MED DE, DE NI SHIN TU GOMS PA LAS, ,DON DE YUD LA RIG 'GYUR TE, ,GLO BUR BA YI DU BA LAS, ,LUS CAN ME NI RTOGS PA BZHIN, ,RGYUD GOMS PA DANG 'BREL PA RNAMS DU BA LAS ME RTOGS PA NI RIM PA LA LTOS PA DANG LDAN PA MA YIN NO, ,DES NA RIM PA MA YIN PAR RTOGS PAS SKYON MED DO, ,GAL TE THOG MA MED PA'I DNGOS PO'I RTOGS PA YONGS SU RDZOGS PAR JI LTAR 'GYUR, ,YONGS SU RDZOGS NAS YANG JI LTAR THOG MA MED PA YIN ZHE NA, DE NI MED DE, THOG MED GAL TE RIG BYED KYANG, ,YIN NA DE LAS CI LTAR RTOGS, ,THOG MA MED PAR RTOGS PA NI, ,YONGS SU RDZOGS PA YOD MA YIN, ,GAL TE RIG BYED THOG MA DANG THA MA MED PA YIN NA, CI LTAR DE LAS RTOGS PA YI, ,THOG MA DANG THA MA MED PA NYID DU'O ZHE NA, YONGS SU RDZOGS PA MED PA'I PHYIR CI YANG BYAR MED DO, ,GAL TE RIG BYED LAS GZHAN GYIS RTOGS PAR MI 'GYUR RAM, MI 'GYUR NA NI RIG BYED TSAD MA MA YIN NO, ,GAL TE DA LTAR NI RE ZHIG RTOGS PA YOD PA NYID DO, ,BDAG NI RIG BYED 'DIS NGES PAR SBYAR RO SNYAM DU RTOGS PA'I PHYIR RO, ,GZHAN GYI TSE NI YOD DAM MED KYANG BLA STE, DE LTA NA YANG 'DI 'JUG PAR BYED PA'I PHYIR TSAD MA NYID DE, , 'JUG PAR BYED PA BRJOD PA'I PHYIR RO ZHE NA, DE NI MA YIN TE, GAL TE 'DI GZHAN GYI TSE 'DI'I DON MA YIN NA, DA LTA GA LAS YIN, GAL TE GZHAN GYI TSE RIG BYED DON 'DI DANG LDAN PA MCHOG YIN NO ZHES DOGS NA DA LTA NA YANG TSAD MAR MI 'GYUR TE SNGON BZHIN NO, ,GAL TE SNGON YANG DE LTA BU YIN NO, ,DE'I PHA ROL DANG DE'I YANG PHA ROL ZHES YONGS SU RDZOGS PAR MI 'GYUR RO, ,DES NA GCIG LA THE TSOM ZA NA GZHAN LA YANG YID BRTAN DU MED PAS TSAD MA MA YIN PA NYID DO, ,CI STE SNGA MA SPYIR GCIG NYID RTOGS SO ZHE NA, DE LTA YIN NA 'DI RJES SU DPAG PAR 'GYUR TE, DES NA RNAM PA THAMS CAD RJES SU DPOG PA NA MNGON SUM NYID KYIS NYAMS PA MED PA NYID DO, ,DES NA MNGON SUM GYIS KYANG THOG MA DANG THA MA MED PA NYID MI RIG PA MA YIN NA, DE'I PHYIR, RANG RGYUD YONGS SU BCAD PA NA, ,DE DANG 'BREL PA CAN RTOGS 'GYUR, ,DE DANG 'BREL PAR RTOGS NA NI, ,

GZHAN DAG BAS KYANG RTOGS PA NYID, ,DE LTA YIN NA MTHA' MED PA'I, ,DNGOS PO RIG PA 'THAD MI DKA', ,DE'I PHYIR TSAD LAS SHIN TU 'DAS PA'I RGYU 'BRAS KYI DNGOS PO'I BYE BRAG GOMS NA, 'BRAS BU'I BYE BRAG THAMS CAD SNANG BA YIN LA, DE'I MTHU LAS KYANG RGYU'I DBYE BA YANG YIN PA'I PHYIR, THABS GOMS PA 'DI NI, THABS YONGS SU GCOD PA'I THABS YIN NO, ,DE'I PHYIR BRTZE BA DANG LDAN PA'I GDON MI ZA BAR THABS MNGON PAR SBYOR RO, ,RIG BYED NI YONGS SU SHES ZIN KYANG, MTHO RIS DANG BYANG GROL GYI LAM RIG PA'I THABS MA YIN NO ZHES SNGAR BSTAN PA NYID DO, ,GAL TE THABS GOMS PA LAS DE 'DOD PA THAMS CAD RIG PA DANG, 'DOD CHAGS DANG BRAL BAR 'GYUR MOD, DE LTA NA YANG BAG CHAGS KYI GNAS NGAN LEN GYIS MNYAM PAR MA BZHAG PA'I GNAS SKABS SU GZHAN DU YANG NYE BAR STON PAR 'GYUR LA, BKRES PA LA SOGS PA DANG LDAN PAS KYANG GZHAN GYI DON NYAMS PAR BYED PA'I PHYIR RIG BYED LAS 'DI KHYAD PAR MED DO ZHE NA, DE NI MED DE, RIG BYED LA NI GZHI MED PHYIR, ,DON DAM DU NA TSAD MA MIN, ,DON DANG 'BREL PA MED PAS DE'I, ,THA SNYAD KYANG NI GZHI MED NYID, ,RIG BYED THOG MA MED PA NYID YIN NA, DANG PO DON DANG 'BREL PA 'DZIN PA MED DO, ,MCHONG SBYIN BYED PA RNAMS KYI THA SNYAD KYANG GZHI MED PA NYID DO, ,DES NA DMUS LONG BA BRGYUD PA KHO NAR ZAD DO, ,RNAM PAR RTOG PA'I DON BRDA'I STOBS KYIS SNANG BA YIN YANG, DE TZAM GYIS NI DON THOB PA MA YIN TE, GZHAN LA YANG MTHONG BA'I PHYIR RO ZHES BSTAN ZIN TO, ,'DI LA NI GZHI RJES SU DPAG PA NYID YIN TE, DES NA BAG CHAGS YOD KYANG SKYON MED DO, ,GZHAN YANG, DES NA THUGS KYANG GSAL BA'I PHYIR, ,RGYU YI BAG CHAGS SPANGS PA NI, ,THUB CHEN GZHAN DON 'JUG CAN GYI, ,BSE RU LA SOGS KHYAD 'DI YIN, ,RTOGS PA GSAL BA LA NI SKYON YON GYI RIGS PHRA MO MTHA' DAG KYANG SNANG BA YIN LA, SEMS CAN GYI DON LA DGA' BA LA NI NYES PA CUNG ZAD TZAM YANG GNOD PA BYED PA YIN PA DE'I PHYIR DE GOMS PAS SEL PAR BYED DO, ,ZAS LA SOGS PA YANG PHYIN CI LOG GOMS PAR BYED PA NYID LA 'BYUNG GI GZHAN DU NI MA YIN NO, ,'DI LTAR, LAN GSUM ZA BA GOMS PA LAS, ,

, ,GNYIS ZA DE YI BDAG TU 'GYUR, ,GNYIS ZA LAN CIG NYID 'GYUR BA, ,DES NA BKRES PA GTAN MED 'GYUR, ,GAL TE 'DI DNGOS PO LA YOD PA YIN PA NA NI GOMS PAS BSGRUB PAR MI 'GYUR RO, ,DE'I PHYIR, LUS CAN RNAMS KYI SKYON YON NI, ,THAMS CAD GOMS PA'I RTZA BA CAN, ,GOMS TE BDAG LA RAG LAS PAS, ,YON TAN NYID LA BYAS PA MCHOG ,GOMS PA GSAL BA DANG 'BREL PA DE NYID KYI PHYIR BCOM LDAN 'DAS BDE BAR GSHEGS PA NYAN THOS DANG RANG SANGS RGYAS DAG LAS KHYAD PAR DU 'PHAGS PA YIN NO, ,GZHAN YANG GANG TSE SKYE BA DRAN PA YIS, ,SNGON GYI STON PA DANG 'BREL PA, ,DE TSE LHA SOGS NGO BO YI, ,BKRES PA LA SOGS YOD MA YIN, ,GAL TE SLOB DPON GYIS STON PA SDUG BSNGAL RAB TU ZHI BA'I THABS NYID DU BSTAN PA MA YIN NAM, DE SKAD DU YANG SBYOR BA NI 'GRO BA LA STON PA'I PHYIR STON PA NYID DO ZHES GSUNGS SO, ,DE CI LTAR NA THABS GOMS PA YIN PAR 'GYUR ZHE NA, DE NI BDEN TE, 'ON KYANG THABS GOMS PA NYID STON PA YIN GYI, ,GZHAN NI MA YIN NO ZHES BYA BA BSHAD PA NI, DE DON PHYIR NA THABS GOMS PA, ,DE NYID STON PA YIN PAR 'DOD, ,GRUB LAS DANG PO 'BYUNG BA'I PHYIR; ,GNYIS PO 'DI NI RGYU RU BSHAD, ,DER STON PA NYID DNGOS SU 'DOD PA NI MA YIN GYI, 'ON KYANG THABS GOMS PA NYID YIN NO, ,CI LTAR ZHE NA, DE DON PHYIR DE'I DON LA NI DE'I SGRAS 'GYUR BA NYID DE, DBANG PO'I DON GYI MCHOD SDONG LA DBANG PO'I SGRAS BRJOD PA BZHIN NO, ,DE'I DON NYID GA LAS SHE NA, DE LAS 'BYUNG BA'I PHYIR RO, ,THABS GOMS PA DANG, BLO GSAL BA DAG LAS STON PA GRUB PA YIN NO, ,DE CI MNGON ZHE NA, DE BSHAD PA NI, GNYIS PO 'DI YI RGYU RU BSHAD, ,DE LA RGYU NI BSAM PA DANG, ,SBYOR BA PHUN SUM TSOGS PA'O, ,BSAM PA NI 'GRO BA LA PHAN PAR BZHED PA'O, ,SBYOR BA NI 'GRO BA LA STON PA NYID DO ZHES SO, ,'DI RGYUR BSHAD DO ZHES BYA BA YANG GA LAS SHE NA, DANG PO BRJOD PA NYID KYI PHYIR RO, ,DNGOS KYI STON PA NYID NI BDE BAR GSHEGS PA NYID KYI RGYU MA YIN NO, ,DE'I PHYIR THABS GOMS PA NYID STON PA YIN GYI GZHAN NI MA

YIN NO ZHES RTOGS PAR BYA'O, ,DE LTAR NA BCOM LDAN 'DAS NI THABS GOMS PA LAS BDE BAR GSHEGS PA NYID YIN NO, ,BDE BAR GSHEGS PA NYID DE GANG YIN ZHE NA, BSHAD PA, RGYU SPANGS YON TAN GSUM BDE GSHEGS, ,NYID YIN SDUG BSNGAL RTEN MIN PHYIR, ,LEGS YIN DE NI BDAG MED PA, ,MTHONG BA'AM SBYOR BA LAS YIN NO, ,BDAG DANG BDAG GIR 'DZIN PAS BYAS PA 'DUS BYAS KYI SPYOD YUL CAN GYI CHAGS PA NI RGYU YIN LA, RGYU DE SPANGS PA'I YON TAN GSUM STE, LEGS PA'I PHYIR DANG, PHYIR MI LDOG PA'I PHYIR DANG, MA LUS PAR SPANGS PA'I PHYIR RO, ,SPANGS PA'I NI BDAG DANG BDAG GIR 'DZIN PA LA SOGS PA MED PA YIN LA, DE MED PAS NI SDUG BSNGAL GYI RTEN MED PA'I PHYIR LEGS PA NYID DO, ,BDAG DANG BDAG GIR 'DZIN NA NI, MU STEGS PA RNAMS KYI SDUG BSNGAL SPANGS PA RGYU LAS SDUG BSNGAL DANG 'BREL PAR 'GYUR RO, ,BDAG GI BAR 'DZIN PA LA NI, BRAL BA'I SDUG BSNGAL BA YOD DO, ,SPANGS PA DE NYID GA LAS SHE NA, BDAG MED PA MTHONG BA NYID LAS SO, ,MTHONG BAS SPANG BAR BYA BA'I NYON MONGS PA NI MTHONG BA NYID LAS SPONG BA YIN NO, ,SBYOR BA LAS KYANG YIN NO, ,SBYOR BA NI GOMS PA STE, BSGOM PAS SPANG PAR BYA BA'I NYON MONGS PA 'JIG PA'O, ,YANG NA SBYOR BA NI LDAN PA STE, PHAN TSUN 'BREL PA NYID DO, ,GNYIS SU MED PA NYID DAM, GNYIS SU MED PA MTHONG BA'O, ,GANG GI TSE GANG ZAG BDAG MED PA LAS SAM, 'ON TE CHOS BDAG MED PA LAS KYANG RUNG STE, RNAM PA THAMS CAD BDAG MED PA, MTHONG BA LAS SDUG BSNGAL GYI RTEN MA YIN NO, ,DE LTAR RE ZHIG LEGS PA NYID KYI YON TAN GCIG YIN NO, ,YON TAN GNYIS PA NI PHYIR MI LDOG PA GANG ZHE NA, BSHAD PA, SKYE DANG SKYON NI KUN 'BYUNG DAG ,SLAR YANG LDOG CES BSHAD PA YIN, ,BDAG LTA'I SA BON SPANGS PA'I PHYIR, ,SLAR MI GSHEGS PA NYID YIN NO, ,SKYE BA DANG SKYON KUN TU 'BYUNG BA NI, PHYIR LDOG PA YIN NO, ,'DOD CHAGS LA SOGS PA MED PA'I PHYIR SKYON MED PA'I GNAS SKABS DANG, YANG SKYE BA MED PA'I PHYIR SKYE BA MED PA NI THAR PA'I GRONG KHYER DU SON PA YIN NO, ,NYES PA DANG SKYE BA YOD PA NI PHYIR LDOG PA

, ,ZHES BRJOD PA YIN NO, ,DES NA BDAG TU LTA BA MED PA'I PHYIR NA NYES PA SLAR SKYE BA MA YIN TE, BDAG TU LTA BA'I SA BON DRUNGS PHYUNG BA'I PHYIR RO, ,NYON MONGS PA MED PA'I PHYIR NA SKYE BA YANG SRID PA MA YIN TE, DES NA SLAR MI GSHEGS PA NYID YIN NO, ,SKYE BA LAS DANG NYON MONGS PA LAS BYUNG BA YIN NO ZHES NI PHYIS BSTAN PAR BYA'O, ,BDAG TU LTA BA MED PA'I PHYIR NYON MONGS PA YOD PA GA LA 'GYUR ZHES BRJOD DE, BDAG LA PHAN 'DOGS DRAN PA LAS, ,PHAN 'DOGS PA LA CHAGS PA NYID, ,GNOD BYED DRAN NA ZHE SDANG STE, ,BDAG SOGS LTA BA GTI MUG YIN, ,BDAG LA PHAN 'DOGS PA DANG GNOD PA BYED PA LA CHAGS PA DANG SDANG BA YIN NA DE DAG NI BDAG MED PA'I PHYIR MED PA YIN NO, ,BDAG TU LTA BA NI GTI MUG YIN LA, DE NI BDAG MED PA'I NGO BOS GTAN DU BZLOG PA NYID DO, ,GNYES SU MED PA MTHONG NA NI 'DOD CHAGS LA SOGS PA SHIN TU GSAL BA NYID LDOG PA YIN TE, YUL MED PA'I PHYIR RO, ,GAL TE BDAG MED PA MTHONG BA JI LTAR BDAG TU LTA BA'I ZLOG PAR BYED PA YIN, PHYIN CI LOG TU 'GYUR BA YIN PA'I PHYIR ZHE NA, PHYIN CI LOG NYID NI PHAN TSUN DU MTSUNGS PA NYID DO, ,DES NA BDAG MED PA MTHONG BA'I BZLOG PA'I BDAG TU LTA BA ZLOG PAR BYED PAR YANG 'GYUR BAS NA PHYIR MI LDOG PA MA YIN NO, ,DES NA MA LUS PAR LDOG PA YANG MED PA KHO NA'O, ,SLAR LDOG PA LAS LUS PA GZHAN NI YOD PA YANG MA YIN NO ZHE NA, 'DIR 'DI SKAD BRJOD DE, DE BDEN THA DAD BDAG NYID KYIS, , LUS NGAG SEMS KYIS GNAS NGAN LEN, ,NYON MONGS MED DANG NAD MED DANG, ,LAM BSHAD MI GSAL NYID LUS YIN, ,BDAG MED PA MTHONG BA DE NI BDEN PA NYID YIN PA'I PHYIR DANG, PHYIN CI LOG TU 'GYUR BA YIN PA'I PHYIR LA, BDAG TU LTA BA NI DE LAS ZLOG PA YIN PA'I PHYIR RO, , PHYIN CI LOG PAR 'GYUR BA YIN YANG, PHYIN CI LOG TU GYUR PA TZAM GYIS NI MA YIN NO, ,THA DAD PA'I BDAG NYID KYANG YIN NO, ,BDAG TU LTA BA NI THA DAD PA'I BDAG NYID MA YIN TE, DON DAM PAR BDAG MED PA'I PHYIR TE, BDAG NI BDEN PA MA YIN PA'I PHYIR RO, ,'O NA PHYIN CI LOG LAS

GZHAN PA'I LUS PA GANG YIN ZHE NA, 'DIR BSHAD PA, LUS NGAG SEMS KYI GNAS NGAN LEN, ,GAL TE NYON MONGS PA MED PAS NYON MONGS PAS BYAS PA GA LAS SRID CE NA, MA YIN TE, NYON MONGS PA MED PA DANG NAD MED PA YIN YANG, BAG CHAGS TZAM DANG 'BREL PA LAS TE, DMANGS SO ZHES BRJOD PA BZHIN NO, ,LAM GYI RNAM PA DU MA BRJOD PA LA MI GSAL BA YANG YIN NO, ,'O NA LHAG MA DE GANG LAS SPONG BA YIN, BDAG MED PAS MA SPANGS PA NI SPONG BA'I RGYU GZHAN YOD PA MA YIN NO, ,JI SRID SMRA BA DE SRID DU NI NYES PA DANG BRAL BA YANG MA YIN TE, SMRA BA NI RTOG DPYOD SNGON DU 'GRO BA CAN YIN PA'I PHYIR THAMS CAD MKHYEN PA NI 'KHRUL PA NYID YIN PAR 'GYUR RO ZHE NA, BSHAD PA, GOMS PHYIR MA LUS SPANGS PA NYID, ,KHA CIG SMRA SOGS PHYIR NA SKYON, ,ZAD MIN ZHES ZER 'DI LDOG LA, ,THE TSOM ZA BA DE PHYIR 'KHRUL, ,GANG GI PHYIR GOMS PAS BLO GSAL BAR BYAS PA DE'I PHYIR BAG CHAGS SPANGS PA YIN NO ZHES BSHAD ZIN TO, ,SMRA BA TZAM GYIS NI NYES PA DANG LDAN PAR 'GYUR BA YANG MA YIN TE, 'DOD CHAGS LA SOGS PA, BSGRUB PA LA SMRA BA NI MI MTHUN PA'I PHYOGS LA MED PA'I MTSAN NYID LDOG PA LA THE TSOM ZA BA'I PHYIR RO, , DES NA 'DI LDOG PA LA THE TSOM ZA BA YIN PA'I PHYIR GO BAR BYED PA MA YIN PA NYID DO, ,TSIG NI RNAM PAR RTOG PA BSGRUB PA LA YANG 'KHRUL PA CAN YIN TE SHIN TU GOMS PA LAS RNAM PAR RTOG PA MED KYANG TSIG 'JUG PA'I PHYIR, 'PHEN PA'I SHUGS KYIS TSIG 'JUG PA KHO NA'O, ,BSHAD ZIN PA'I RNAM PA THAMS CAD RNAM RTOG NI, ,MNGON SUM LAS DBYER YOD MA YIN, ,GSAL BAR MI SNANG BA NYID LAS, ,SGRA 'JUG PA YANG MA YIN TE, ,MNGON SUM GYIS MTHONG KA SOGS LAS, ,'DI NI KA BA YIN NO ZHES, ,SGRA 'JUG PHYIR RO GZHAN DU NA, ,'DI 'JUG PA NI MED PAR 'GYUR,, 'DIR NI SHES PA MI GSAL BAR, ,SNANG BA RTOGS PA YOD MA YIN, ,DE BZHIN DU NI GZHAN LA YANG, ,SGRA 'JUG PA BZLOG PA MED PA'I DE'I PHYIR SMRA YANG NYES PA YOD PA MA YIN NO ZHES 'GRUB BO, ,GAL TE GZHAN LAS NYES PA RNAMS ZAD PA YOD PA MA YIN PA'I PHYIR JI LTAR NYES PA MED PAR 'GYUR,

, ,NYES PA ZAD PA MED PA'I RGYU MTHONG BA NYID LAS SO, ,NYES PA ZAD PA MED PA'I RGYU MA MTHONG BA TZAM GYIS NI, NYES ZAD PA MED PA NYID MA YIN NO ZHE NA, 'DIR BSHAD PA, MTHONG BAR JI LTAR RTOGS PAR BYED DE, ,RTAG NYID PHYIR RAM THABS MED PHYIR, ,YANG NA THABS NI MI SHES PHYIR, ,SKYON RNAMS MI ZAD PA NYID CES, ,BYA BAR YONGS SU RTOGS GRANG NA, ,JI LTAR YANG RUNG BA RTOGS PAR 'JUG PA ZHES BYA BA NI MA YIN TE, 'ON KYANG RGYU MTHONG BA'I THEM SKAS KYI LAM YOD PA LAS YIN NO, ,GAL TE NYES PA 'DI DAG RTAG PA YIN NA NI, 'BAD KYANG ZAD PAR MI 'GYUR TE, RTAG PA NI 'BAD PA BYAS KYANG ZAD PAR BYA NUS PA MA YIN NO, ,YANG ZAD PA LA THABS MED DAM, ,MI DMIGS PA YIN NA DE LTA NA YANG MI ZAD PAR 'GYUR BA ZHIG NA, 'DI GSUM KA YANG YOD PA MA YIN TE, ,RGYU YOD PHYIR DANG RGYU YIS NI, ,GNYEN PO GOMS PAS ZAD PHYIR DANG, , RGYU YI RANG BZHIN SHES PA YIS, ,DE SHES PA YANG GRUB PA YIN, ,RGYU DANG LDAN PA NI SNGA NA MED PA YIN PA'I PHYIR RTAG PA MA YIN NO, ,GANG GI TSE RGYU'I GNYEN PO GOMS PAR BYES PA DE'I TSE ZAD PAR 'GYUR BAS NA THABS MED PA MA YIN TE, RGYU'I GNYEN PO GOMS PA NI NYES PA ZAD PA'I RGYU YIN PA'I PHYIR RO, ,DE YONGS SU MI SHES PA'ANG MA YIN TE, RGYU'I RANG BZHIN BDAG DANG BDAG GIR LTA BA'I RNAM PA NYID SHES PAS DE LAS BZLOG PA'I GNYEN PO SHES PA'I PHYIR RO, ,GANG ZHIG GANG LAS PHYIN CI LOG TU GYUR PA DE NI DE'I GNYEN PO YIN TE, GRANG BA DANG RTZUB PA'I RANG BZHIN GYI RLUNG LA DRO BA DANG SNUM PA NYID KYIS TIL MAR BZHIN NO, ,MTHU LA SOGS PA'I KHYAD PAR MED PAS PHYI ROL GYI GNYEN PO MA YIN YANG, BDAG MED PA NI BDAG TU LTA BA DANG 'GAL BA YIN ZHES BYA BA LA LOG RTOGS MED PA NYID DO, ,GAL TE YANG BCOM LDAN 'DAS BDE BAR GSHEGS PA NYID YIN PA DE LTA NA YANG 'DI RANG GI DON PHUN SUM TSOGS PA NYID YIN PAS JI LTAR GZHAN DAG LA TSAD MA YIN, TSAD MA NI PHYIN CI MA LOG PA'I DON STON PAS YIN TE, PHYIN CI LOG STON PA'AM, MI STON PA NI MA YIN NO ZHE NA, DE NI MED DE, BCOM LDAN 'DAS THUGS RJE'I DBANG GIS DANG, THABS

GOMS PA LAS SKYOB PA NYID YIN NA, SKYOB PA NYID GANG ZHE NA, BSHAD PA, SKYOB PA NYID GZIGS LAM GSUNG BA, ,'BRAS MED PHYIR NA BRDZUN MI GSUNG, ,THUGS BRTZER LDAN PHYIR RTZOM KUN YANG, ,GZHAN GYI DON DU SBYOR PHYIR RO, ,GANG GIS SKYOB PA NYID SRID PA RIG BYED LA 'GAS KYANG MTHONG BA YOD PA MA YIN TE, RTZA BA MED PA'I RTOGS PA TZAM YIN NO, ,GANG BDE BAR GSHEGS PA NYID YIN PA DE LA NI MNGON PAR 'DOD PA 'GA' YANG YOD PA MA YIN TE, DES NA 'BRAS BU MED PA'I PHYIR BRDZUN MI GSUNG NGO, ,BRTZE BA DANG LDAN PA'I PHYIR GZHAN GYI DON DU THABS GOMS PAR MDZAD PA YIN TE, DE'I PHYIR PHYIN CI LOG TU GSUNG BA'I RGYU MED DO, ,DES NA THUGS RJE MNGA' BA'I PHYIR DANG, DGOS PA MED PA'I PHYIR DE KHO NA NYID MA YIN PA MI GSUNG NGO, ,THUGS RJE DANG LDAN PA'I PHYIR DANG, 'PHEN PA'I SHUGS LAS MI GSUNG BA YANG MA YIN NO, ,DES NA BDE BAR GSHEGS PA YIN PAS TSAD MA NYID YIN TE, NYID KYIS GZIGS PA THAR PA'I LAM STON PA YIN PA'I PHYIR RO, ,GAL TE RANG GIS MTHONG BA STON PA ZHES BYA BA DE TZAM GYIS NI SKYOB PA MA YIN TE, DE LTA YIN NA MU STEGS BYED MTHA' DAG TSAD MAR 'GYUR TE, RANG GIS MTHONG BA'I LAM STON PA'I PHYIR RO, ,'ON TE DE DAG GIS DE NI LAM BRJOD PA NYID MA YIN TE, DE LAM MA YIN PA'I PHYIR RO ZHE NA, 'O NA 'DI LA YANG CI LTAR YID CES ZHE NA, 'DI LA BSHAD ZIN TE, DE NI BDAG MED PA MTHONG BA'AM SBYOR BA LAS YIN NO, ,LAM 'DI NI RIGS PAS MTHONG BA YIN PA'I PHYIR RO, , DE DAG GIS NI BDAG MED PA MTHONG BA MA YIN LA, RIGS PA YANG MA YIN PA'I PHYIR DE DAG NI TSAD MA MA YIN NO, ,DE DAG NI RANG GIS MTHONG BA NYID KYANG MA YIN TE, NYE BAR BSTAN PA PHAN TSUN 'GAL BA'I PHYIR RO, ,BCOM LDAN 'DAS NI, DE PHYIR TSAD YIN YANG NA SKYOB, ,BDEN PA BZHI NI STON PA'O, ,YANG NA BDEN PA BZHI STON PAR MDZAD PA, SKYOB PA YIN GYI GZHAN NI MA YIN NO, ,GAL TE YANG RIG BYED KYI MTHA' DAG LA STONG PA NYID STON PAR BYED PA YOD NA DE LTA NA YANG BDAG YOD PA'I PHYIR DE NI LAM MA YIN PAS, 'PHAGS PA'I BDEN PA BZHI STON PA NYID SKYOB PA

, ,YIN NO, ,DE NA BCOM LDAN 'DAS NYAG GCIG THUN MONG MA YIN PA'I DON GSUNGS PA YIN PA DES NA BDEN PA NYID YIN PAS, 'DI NYID SKYOB PA YIN NO, ,LAM 'DI NI RIGS PA DANG BRAL YANG MA'I 'DU SHES BZHIN DU NYE BAR ZHI BA'I RGYU YIN PA'I PHYIR NA GZHAN GYIS BSTAN PA NI LAM MA YIN NO, ,'PHAGS PA'I BDEN PA DE DAG KYANG GANG ZHE NA, SDUG BSNGAL DANG, KUN 'BYUNG DANG, 'GOG PA DANG, LAM MO, ,'DI DAG NI MING GIS KYANG SKYO BA 'GYUR BA YIN TE DPER NA GCI BA'I LAM ZHES BYA BAS YIN GYI YAN LAG MCHOG CES BYA BA NI MA YIN PA BZHIN NO, ,DE LA, SDUG BSNGAL 'KHOR BA CAN PHUNG PO, ,GOMS LAS 'DOD CHAGS SOGS GSAL BA, ,MTHONG PHYIR 'DOD RGYAL NYID MIN TE, ,RGYU MED SKYE BA 'GAL PHYIR RO, ,GAL TE 'DOD CHAGS MNGON PAR 'DOD PA'I BUD MED MCHOG LA 'KHYUD PA'I YAN LAG NYID KYIS BDE BA'I RGYU YIN PA'I PHYIR BDE BA NYID YIN ZHING, ZHE SDANG YANG DGRA BO SEL BAR BYED PAS BDE BA'I RGYU YIN NO, ,'JIG TSOGS LA LTA BA'I MTSAN NYID DANG 'DZIN PA'I GTI MUG NI, NGA RGYAL DANG RGYAGS PA, DREGS PA'I RGYU YIN PAS BDE BA NYID DO, ,'DOD CHAGS DANG ZHE SDANG LA SOGS PA'I RTEN DU GYUR PA LUS LA SOGS PA YANG DE LTA BU NYID YIN PA'I PHYIR SDUG BSNGAL ZHES BYA BA MED DO, ,BKRES PA LA SOGS PA'I SDUG BSNGAL GANG YIN PA DE YANG 'GRANGS PA NI BDE BA'I RGYU CHEN PO YIN NO, ,DES NA SDUG BSNGAL GYI BDE BA ZHES BYA BA MED PAS BCOM LDAN 'DAS KYIS BSTAN PA 'BRAS BU MED PA SKYOB PA NYID MA YIN NO ZHE NA, 'DI NI YANG DAG PA NYID MA YIN TE, 'DI LTAR 'KHOR BA'I LAM DU ZHUGS 'GYUR TE, YONGS SU NGAL BAS BDE BA NYAMS PA YI, ,PHUNG NYID SDUG BSNGAL CHEN PO STE, ,MA RIG PAS NI GZHAN DU MTHONG, ,'DOD CHAGS LA SOGS PA'I BDE BA RGYU YIN NO ZHES GANG SMRAS PA DE LAS BRJOD PA NI, 'DOD CHAGS GOMS PA'I RGYU CAN TE, ,BDE BA'ANG DE MED MI 'BYUNG MIN, ,GOMS PA YOD MED RJES 'JUG PHYIR, ,NGO BO NYID DU GRUB PA MIN, ,GAL TE 'DOD CHAGS LA SOGS PA DANG, BDE BA LA SOGS PA 'DOD RGYAL DU SKYES PA'AM

RTAG PA YIN NA DE'I TSE 'THAD PA ZHIG NA, GANG GI TSE DE NYID LAS GSAL BA LA SOGS PAR MTHONG BA'I PHYIR, GOMS PA NYID LAS 'GYUR BA YIN PA DE'I PHYIR YANG DAG PA MA YIN PA'I KUN DU RTOG PA TZAM YIN NO, ,DES NA GOMS PA DOR BA NYID DGE STE, BYIS RTZENG GOMS PA BZHIN NO, , DES NA DON DAM PAR BDE BA YOD PA MA YIN NO, ,BDE BA NI SEMS MNGON PAR DAG PA'I MTSAN NYID GOMS PA LAS 'BYUNG BA YIN PAS, 'KHOR BA'I CHOS LDOG PAR BYED PA YIN PAS DE KHO NA GOMS PAR BYAS PA NYID MCHOG YIN NO, ,SDUG BSNGAL YANG GOMS PA LAS 'DOD PA YIN TE, BTANG SNYOMS NYID MCHOG YIN NO, ,DE LTA YIN DANG SDUG BSNGAL GYIS GDUNGS PA'I MTHA' DAG DE LTAR SNANG BA CAN YIN NO, ,DE NAS 'DOD CHAGS LA SOGS PA'I GDUNG BA BSAL BA NYID MCHOG YIN GYI, 'DOD CHAGS LA SOGS PA YOD PAR 'GYUR BA NA, BUD MED LA 'KHYUD PA NI MA YIN NO, ,BLO BZANG 'GA' YANG RMA BTOD DE, ,DE YI GDUNG BA ZHI BA LAS, ,PHYIS NAS BDE BA 'DOD PA MED, ,DE LTA NA NI BLO MED NYID, ,GAL TE DE NI 'GYUR MED NA, ,BLO NI DE NYID LA DGA' GYIS, ,DE LAS NYON MONGS MED PA YI, ,BDE BA RTAG TU 'JUG PAR 'GYUR, ,GAL TE DE NYID MIN DGA' NA, ,LOG NA DE BDE GA LA YOD, ,DE NYID LOG PA MED PAS NA, ,BDE BA YANG NI LOG MI BYED, ,DE'I PHYIR 'KHOR BA'I BDE BA GANG CI SNYED DE, DE MTHA' DAG NI DON DAM PAR SDUG BSNGAL BA NYID DO, ,'DI LTAR, JI LTAR 'DOD CHAGS LA SOGS PA'I, ,SDUG BSNGAL BDE BA'I RGYUR MTHONG BA, ,DE BZHIN BDE BA'ANG SDUG BSNGAL GYI, ,RGYU NYID DU NI RTOGS PAR GYIS, ,DPER NA BKRES PA LA SOGS PA'I SDUG BSNGAL DAG ,'GRANGS PA NI BDE BA'I RGYU YIN PA DE BZHIN DU, BDE BA YANG BRAL BA NA SHIN TU SDUG BSNGAL BA'I RGYU YIN NO, ,DES NA BDE BA NI SDUG BSNGAL GYI RGYU YIN PA'I PHYIR DE NI BDE BA NYID MA YIN NO, ,DE LTA YIN DANG, SDUG BSNGAL 'KHOR BA CAN PHUNG PO ZHES BYA BA DE GRUB PA YIN TE, 'DOD CHAGS LA SOGS PA NI GOMS PA LAS GSAL BA YIN PA'I PHYIR RO, ,GANG GI PHYIR GOMS PA LAS YIN PA DE'I PHYIR, RIGS

, ,MTHUN PA SNGA MA SNGA MA DE LTA BU RGYU'I RGYU CAN YIN PA'I PHYIR 'KHOR BA PA YANG GRUB BO, ,GAL TE 'DOD CHAGS LA SOGS PA GOMS PA LAS NI MA YIN GYI, 'ON KYANG RNAM PA 'GA' ZHIG LTAR, GZHAN LAS SAM RGYU MED PAR 'BYUNG BA YIN NO, ,DES NA BDE BA LA SOGS PA 'DI DAG NI DON DAM PA NYID DO, ,DE'I PHYIR 'KHOR BA PA'I PHUNG PO NI SDUG BSNGAL MA YIN NO, ,YANG NA JI LTAR BDE BA LA SOGS PA GOMS PA LAS YIN PA DE BZHIN DU SDUG BSNGAL BA LA SOGS PA YANG YIN PAS DON DAM PAR MA YIN PA'I PHYIR 'KHOR BA'I PHUNG PO NI BDE BA NYID DO ZHE NA, 'DI YANG LEGS PA MA YIN TE, 'DOD RGYAL NI MA YIN TE, GANG GI PHYIR NAM MKHA' LA SOGS PA BZHIN DU RGYU MED PAR SKYE BA NI MI 'THAD PA'I PHYIR RO, ,BDE BA LA SOGS PA RGYU GZHAN DANG LDAN PA YANG MA YIN TE, GOMS PA LAS GSAL BAR LDAN PA'I PHYIR RO, ,GANG GIS SDUG BSNGAL GOMS PA LAS SKYES PAR 'GYUR BA SDUG BSNGAL NI 'GA' YANG GOMS PAR MI BYED DE, 'ON KYANG BDE SOGS 'PHEL BA'I BDAG NYID CAN, ,GOMS PA LAS 'JUG GANG YIN PA, ,DE MED SDUG BSNGAL NYID 'GYUR GYI, ,GANG NA SDUG BSNGAL GOMS BYED MED, ,NGA LA SDUG BSNGAL YOD PAR GYUR CIG CES SDUG BSNGAL GOMS PAR BYED PA NI SU YANG MED DE, BDE BA DON DU GNYER BA NYID KYIS THAMS CAD THAMS CAD LA 'JUG PA YIN PA'I PHYIR RO, ,DES NA BDE BA NI 'BAD PAS BSGRUB PAR BYA BA YIN LA, SDUG BSNGAL NI DE MED PA LAS RANG BZHIN DU 'GYUR BA YIN GYI, BZLOG PA NI MA YIN NO, ,DES NA SDUG BSNGAL YANG BDE BA GOMS PAR BYAS PA NYID KYIS BYAS PA YIN NO, ,DES NA BDE BA NYID BZLOG PAR BYAS PA YIN NO, ,DON DAM PAR NI SDUG BSNGAL YANG MED PA NYID DE, DE YANG DE LA SKRAG PA GOMS PA NYID LAS SDUG BSNGAL BA YIN NO, ,DES NA DE MED PA'I PHYIR SDUG BSNGAL DE NYID DAM, SDUG BSNGAL YANG MA YIN BDE BA YANG MA YIN PA LA BDE BA'I BLOR 'GYUR BA YIN LA, DE MED PA'I PHYIR YANG BDE BA 'AM BDE BA YANG MA YIN SDUG BSNGAL YANG MA YIN PA LA SDUG BSNGAL GYI BLOR 'GYUR BA YIN GYI DON DAM PAR NI MA YIN NO, ,DE'I PHYIR GOMS PAR BYAS

PA'I BDE BA NI SDUG BSNGAL GYI RGYU NYID DO, GAL TE DE MED NA NI SDUG BSNGAL YANG MED PAR 'GYUR RO, ,BU LA CHAGS PA LA BU SHI NA SDUG BSNGAL 'BYUNG NA, DE NYID BU SKYES NA BDE BAR 'GYUR BA YIN GYI, DON DAM PAR MA YIN NO, ,RTAG TU 'DOD PA DAG DANG NI, ,MI 'BRAL 'GA' YANG YOD MA YIN, ,'KHOR BA PA YIS SKYED PA YI, ,BDE KUN SDUG BSNGAL DON DU 'GYUR, ,SDUG BSNGAL BSKYED CING BSKYED PA LAS, ,BDEN PA'I BLO NI RIGS LDAN MIN, ,'DAM RDZAB 'KHRU BA BYED PA PAS, ,MA REG PAR NI BSRINGS PA MCHOG ,'ON TE BDE BA THAMS CAD NI, ,'DI 'DRA GZHAN NI YOD MIN NA, ,DMYAL LA SOGS PA'I GNAS SKABS KYI, ,SDUG BSNGAL CI LTAR SPONG BAR 'DOD, ,DMYAL BA'I SDUG BSNGAL LAS KYANG CI, ,BDE BA SKYED BAR MI 'GYUR RAM, ,GANG PHYIR SDUG BSNGAL CHEN PO LAS, ,SDUG BSNGAL GZHAN LA'ANG BDE BAR 'GYUR, ,YANG NA SDUG BSNGAL NI 'DIR 'DU BYED KYI SDUG BSNGAL GYI MTSAN NYID YIN LA, BDE BA YANG DE LAS BZLOG PAS BDAG LA SOGS PA'I MTSAN NYID YIN NO, ,DE'I PHYIR DON DAM NI MA YIN GYI, 'ON KYANG GOMS PA LAS YIN TE, ,DE LTA DE LTAR BDAG LA SOGS PA RNAM PAR 'JOG PA'I PHYIR RO, , 'DOD CHAGS LA SOGS PA DE'I RTZA BA CAN YANG GOMS PA DE NYID LAS YIN GYI, GZHAN DU MA YIN NO, ,DON DAM PA'I RGYU MED PA'I PHYIR RO, ,GAL TE GOMS PA YANG RGYU MA YIN NA NI, RGYU MED PA NYID DU 'GYUR RO, ,RGYU MED PAR SKYE BA NI THA DAD PA MA YIN NO, ,'ON TE YANG 'DOD CHAGS LA SOGS PA GOMS PA LAS SKYES PA NI MA YIN TE, 'ON KYANG RLUNG LA SOGS PA LAS SKYES PA YIN NO, ,'DI LTAR RLUNG GI RANG BZHIN LAS NI GTI MUG ,MKHRIS PA'I RANG BZHIN LAS NI ZHE SDANG, BAD KAN GYI RANG BZHIN LAS NI 'DOD CHAGS YIN NO, ,RTZA BA'I NYES PA BZHIN DU PHRAG DOG LA SOGS PA'I NYES PA GZHAN YANG, RLUNG LA SOGS PA LAS SKYES PA YIN NO, ,RLUNG LA SOGS PA YANG DON DAM PA NYID DU YOD PA MA YIN TE, RGYU DE LAS SKYES PA'I PHYIR 'DOD CHAGS LA SOGS PA NI DON DAM PA YIN NO ZHE NA, DE YANG MA YIN TE, 'KHRUL PHYIR RLUNG SOGS CHOS MA YIN, ,GAL TE

, ,RANG BZHIN 'DRES PA'I PHYIR, ,SKYON MED CE NA DE YI CHOS, ,DE LAS GZHAN YANG CIS MI MTHONG, ,GANG ZHIG GANG GI RGYU CAN YIN PA DE NI, DE LA MI 'KHRUL BA YIN TE, ME LA DU BA BZHIN NO, ,GAL TE GTI MUG LA SOGS PA RLUNG LA SOGS PA'I CHOS YIN NA DE'I PHYIR DE LA 'KHRUL PAR MI 'GYUR NA DE LTA YANG MA YIN TE, DES NA BZLOG PA YIN NO, ,'ON TE RLUNG GI RANG BZHIN LA 'DOD CHAGS SKYED PAR BYED PA DANG ZHE SDANG SKYED PAR BYED PA'I RANG BZHIN GZHAN YANG YOD PA YIN TE, DE LAS 'DOD CHAGS DANG ZHE SDANG DAG YIN NO, ,DES NA RANG BZHIN DANG 'DRES PA'I PHYIR 'KHRUL PA MA YIN NO ZHE NA, DE YANG MA YIN TE, RGYU YOD NA NI DE YI CHOS, ,DE LAS GZHAN YANG CI PHYIR MED, ,DE YI 'BRAS BU MED NA NI, ,RGYU YOD PA NI GA LAS RTOGS, ,GAL TE DE NYID DE YI NI, ,'BRAS YIN 'BRAS GZHAN GA LAS YIN, ,GAL TE DE NYID LAS NA 'DIR, ,DE YOD PHYIR DE CI PHYIR MIN, ,GAL TE 'BRAS DE GZHAN LAS NI, ,'KHRUL PAR 'GYUR BA DE NYID YIN, ,DE'I PHYIR GAL TE RLUNG LA SOGS PA'I CHOS YIN NA 'KHRUL PAR MI 'GYUR RO, ,RANG BZHIN DE LA RANG BZHIN GZHAN YANG RTOG NA NI 'BRAS BU YANG BRTAG PAR BYA'O, ,'BRAS BU MA MTHONG BAS BRTAG PA MA YIN NA, RANG BZHIN GZHAN YANG MI BRTAG GO, ,JI LTAR 'BRAS BU LAS RGYU RTOG PA DE BZHIN DU 'BRAS BU YANG RGYU NUS PA THOGS PA MED PA LAS YIN NO, ,'ON TE NUS PA THOGS PA MED PA'I RGYU MED NA, MTHONG BA'I 'BRAS BU YANG RGYU MED PAR MI 'GYUR RO, ,YANG NA DE'I RGYU NYID DU MI 'GYUR RO; ,GZHAN YANG, GAL TE MTHONG BA'I RGYU SPANGS NAS, ,MA MTHONG BA NI RTOG BYED NA, ,BAD KAN 'DOD CHAGS RGYU NYID DU, ,MI 'GYUR GZHAN NI BRTAG PAR GYIS, ,'ON TE YANG GANG DANG GANG MTHONG BA DE DANG DE NYID 'DOD CHAGS LA SOGS PA'I RGYU YIN NA, 'O NA 'DOD CHAGS LA SOGS PA THAMS CAD LAS MTHONG BAS, CI THAMS CAD DE'I RGYU YIN NAM, DE NI DE LTA YIN TE, DE LTA BU NYID DU MTHONG BA'I PHYIR RO ZHE NA, DE NI MA YIN TE, GANG GI PHYIR, THAMS CAD 'DOD CHAGS MTSUNGS PA NI, ,THAL PHYIR KUN GYI CHOS MA YIN, ,GZUGS SOGS BZHIN SKYON MED CE NA, ,GAL TE

DE LA KHYAD PAR CAN, ,LAS RNAMS BDAG PO MA YIN NA, ,DE YANG RTZOD PA MTSUNGS PA YIN, ,'DOD CHAGS LA SOGS PA THAMS CAD KYI CHOS YIN NA NI, SROG CHAGS THAMS CAD 'GA' ZHIG TU 'GYUR BA YIN NO, ,DES NA BAD KAN LA SOGS PA GANG YOD PA DE NYID 'DOD CHAGS LA SOGS PA'I RTEN YIN PA'I PHYIR, 'DOD CHAGS MTSUNGS PA THAL BAR 'GYUR RO, ,'DI LTAR, CHAGS SOGS RANG BZHIN THAMS CAD KYI, ,CHOS YIN PAR NI 'DOD NA GO, ,NUS BYED RANG BZHIN MED PAS NA, ,'BRAS BU MI MTSUNGS GA LAS YIN, ,GANG GI TSE 'DOD CHAGS LA SOGS PA RANG BZHIN THAMS CAD LAS 'BYUNG BAR 'DOD PA DE'I TSE, BAD KAN LA SOGS PA'I RANG BZHIN DANG, DE 'PHEL BA DANG 'GRIB PA YANG, 'DOD CHAGS LA SOGS PA'I RGYU YIN PA'I PHYIR 'DOD CHAGS LA SOGS PA MTSUNGS PA NYID BZLOG PAR MI NUS SO, ,'ON TE RANG BZHIN THAMS CAD YIN YANG KHYAD PAR GZHAN YOD PA'I PHYIR, 'DOD CHAGS MTSUNGS PA NYID MA YIN NO ZHE NA, 'O NA NI DE'I TSE KHYAD PAR DE THAMS CAD KYI RGYU MA YIN PA'I PHYIR, THAMS CAD KYI CHOS MA YIN NO, ,CI STE YANG BAD KAN LA SOGS PA RANG BZHIN THAMS CAD RGYU YIN PA'I PHYIR, 'DOD CHAGS LA SOGS PA THAMS CAD KYI CHOS YIN LA, DE DAG NYID NANG GI YONGS SU GYUR PA'I BYE BRAG LAS NI, 'DOD CHAGS LA SOGS PA MTSUNGS PA NYID MA YIN NO ZHE NA, DE YANG GYI NA STE, RNAM PAR 'GYUR BA'I KHYAD PAR GANG, ,JI LTAR NYE BAR DMIGS GYUR PA, ,DE LA YANG NI 'KHRUL NYID CES, ,YANG DAG PAR NI BSTEN PA YIN, ,RNAM PAR 'GYUR BA'I KHYAD PAR GANG ZHIG RGYU GANG LAS 'DOD CHAGS LA SOGS PA'I RGYUR NYE BAR DMIGS PA DE NYID GANG GI TSE, ZHE SDANG LA SOGS PA'I YANG YIN PAS 'KHRUG PA DE'I TSE THAMS CAD KYI CHOS NYID DU BSGRUB PA NA 'DOD CHAGS LA SOGS PA'I KHYAD PAR THAMS CAD KYI RGYU CAN DU YANG BSGRUB PAR 'GYUR BA'I PHYIR 'DOD CHAGS LA SOGS PA MTSUNGS PA NYID DU GSAL BA YIN NO, ,DES NA YONGS SU GYUR PA'I KHYAD PAR LAS SO ZHES BYA BA 'DI RGYUR MI 'THAD DE, DE YANG 'DOD CHAGS LA SOGS PA KHYAD PAR THAMS CAD KYI RGYU YIN PA'I PHYIR RO, ,'ON TE 'BRAS BU'I

, ,KHYAD PAR GYI DPAG PAR BYA BA LA YONGS SU GYUR PA'I KHYAD PAR MI MTHONG BA NYID 'DOD CHAGS LA SOGS PA MI TSOL BA'I RGYU YIN NO ZHE NA, DE YANG MI 'THAD DE, 'DI LTAR, ME MA MTHONG BA'I DU BA GANG, ,DE NI ME RGYU CAN MI 'GYUR, ,SA PHYOGS NYID KYI KHYAD PAR NI; ,'GA' DE DU BA'I RGYU YIN NO, ,DU BA ME YUL NA ZHE NA, ,GZHAN LA KHYAD PAR DE MED PA, ,DES NA KHYAD PAR DANG BRAL BAS, ,DU BA GZHAN NA MED PA YIN, ,GAL TE THAMS CAD KYI TSE MA MTHONG BA'I KHYAD PAR YANG 'BRAS BU MTHONG BA TZAM LAS BRTAGS PA YIN NA, 'O NA THAMS CAD DU RGYU DANG 'BRAS BU'I SO SOR NGES PAR NYAMS PAR 'GYUR RO, ,'ON TE DER NI KHYAD PAR RTOGS PAR BYED PA MA YIN TE, MTHONG BA'I ME RTOGS PAS GNOD PA'I PHYIR RO ZHE NA, 'O NA DER YANG MTHONG BA'I GOMS PAS BRTAG PAR BYA BA YIN TE, YONGS SU 'GYUR BA'I KHYAD PAR BRTAGS PAR NI MI 'THAD DO, ,GAL TE GZUGS LA SOGS PA 'BYUNG BA'I RGYU CAN 'DOD PA MA YIN NAM, DE LTA NA YANG 'BYUNG BAR KHYAD PAR MED PAR KHYAD PAR DU 'GYUR BA YIN NO ZHE NA, RTZOD PA 'DI YANG KHYED NYID LA YOD PA YIN GYI, BDAG LA NI MA YIN TE, LAS BDAG POR 'GYUR BA KHYAD PAR GYI RGYU YIN PA'I PHYIR RO, ,DE LTA MA YIN NA NI DE DAG KYANG PHYOGS SU BYED PA YIN PAS DES MA NGES PA MA YIN NO, ,SKYON RNAMS KHYAD PAR YOD NA YANG, ,KHYAD PAR MED PHYIR MA GRUB NYID, ,MA YIN THAMS CAD 'GYUR BA YIS, ,'GYUR PHYIR KUN LAS SKYES PA'ANG MIN, ,RGYU NI 'PHEL BAR 'GYUR BA NA, ,'BRAS BU 'GRIB PA MI RUNG STE, ,TSA BA SOGS BZHIN CHAGS SOGS KYI, ,'GYUR BA BDE SOGS LAS SKYES YIN, ,JI SKAD DU RGYU GZHAN YOD NA YANG 'BRAS BU GZHAN MTHONG BA GANG YIN PA DE NI KHYAD PAR YOD PA YIN PA'I PHYIR MTHONG BA'I KHYAD PAR RTOGS PA YIN NO ZHES BYA BAR 'GYUR MOD, GANG GI TSE BAD KAN 'PHEL BA DE'I TSE RGYU 'PHEL BA YIN PA'I PHYIR 'BRAS BU'I 'PHEL BA JI LTAR BZLOG ,DER YANG DE LAS GZHAN BA'I KHYAD PAR MED PA'I PHYIR RO ZHE NA, DE LTA NA NI 'ON TE KHYAD PAR RGYU MA YIN PA'I PHYIR RGYU DANG 'BRAS BU'I DNGOS POR 'DZIN PAR GA LA 'GYUR, MTHONG BA'I KHYAD PAR NI MI MTHONG

BAR RIGS PA YANG MA YIN NO, ,DE'I PHYIR, DE YI KHYAD LAS KHYAD PAR DU, ,'DZIN NA 'BRAS NYID 'DZIN PAR 'GYUR, ,DE LAS KHYAD PAR YOD MIN NA, ,'BRAS SOGS NYID DU GA LA 'DZIN, ,GAL TE KHYAD PAR MED PA'I PHYIR BYA BA'I GTAN TSIGS MA GRUB STE, MKHRIS PA 'PHEL NA DE NI SDUG BSNGAL GYIS GDUNGS PA DE'I ZHE SDANG 'PHEL BA'I PHYIR RO ZHE NA, MA GRUB PA NYID MA YIN TE, BAD KAN LA SOGS PA THAMS CAD KYI 'PHEL PAS GNOD PAS ZHE SDANG SKYE BA'I PHYIR RO, ,RANG BZHIN GYIS ZHE SDANG CHUNG BA LA MI 'BYUNG BA YANG YIN NO ZHE NA, 'DI NI RANG MKHRIS PA 'PHEL PA LA MTSUNGS PA'I PHYIR BRJED PAR BYA BA MA YIN NO, ,'ON TE THAMS CAD LAS SKYE BA YIN NO ZHE NA, DE YANG MI RIGS TE, THAMS CAD LAS SKYES PA NYID KYANG MA YIN NO ZHES BSHAD ZIN PA'I PHYIR RO, ,GZHAN YANG GAL TE KHYAD PAR GZHAN YOD DU CHUG PA DE LTA NA YANG KHYAD PAR DES BYAS PA'I KHYAD PAR MED MOD, 'BRAS BU 'GRIB PA GO GA LAS YIN, GANG GI PHYIR RGYU 'PHEL NA 'BRAS BU 'PHEL BA NYID DU RIGS KYI 'GRIB PAR NI MA YIN NO, ,DE LTA MA YIN NA NI DE DE'I RGYUR MI 'GYUR RO ZHES BSHAD ZIN TO, ,DPER NA TSA BA LA SOGS PA MKHRIS PA 'PHEL NA 'PHEL BA YIN NO, ,GAL TE ZAS BZHUN PO ZOS NA BAD KAN DANG 'BREL PA LAS 'DOD CHAGS 'PHEL BA MTHONG BA MA YIN NAM ZHE NA, 'DI NI MED DE, NAD KYIS GDUNGS PAS ZHE SDANG NYID DU 'GYUR BA'I PHYIR RO, ,'DOD CHAGS LA SOGS PA NI BDE BA LA SOGS PA LAS SKYES PA YIN GYI, BAD KAN LA SOGS PA LAS BYUNG BA NI MA YIN NO, ,BDE BA LA YANG NANG GI BAG CHAGS SAD PA LAS 'GA' LA RNAM PA JI ZHIG LTAR DMIGS PA YIN NO, ,DES NA 'DOD CHAGS LA SOGS PA NYES PA DAG LAS YIN NO ZHES MI RIGS SO, ,GAL TE BAD KAN 'PHEL NA 'DOD CHAGS MA YIN PA DE LTA NA YANG DE RGYU MA YIN PA NI MA YIN TE, CHA MA SNYOMS PA LAS SKYES PA'I SDUG BSNGAL GYI NUS PA GEGS BYAS PA'I PHYIR RO, ,GANG GZHAN GYIS GEGS BYAS NA SKYED PAR MI BYED PA DE RGYU MA YIN PA NI MA YIN TE, THAMS CAD RGYU MA YIN PAR THAL BA'I PHYIR RO ZHE NA, 'DI LA YANG BRJOD PA, CHA MI SNYOMS

, ,SKYES SDUG BSNGAL GYIS, ,GAL TE 'DOD CHAGS MI SKYED NA, ,CIS SKYES SMROS SHIG CHA MNYAM LA, ,KHU 'PHEL DE LAS 'DOD CHAGS YIN, ,CHA MI MNYAM LA CHAGS CAN MTHONG, ,GZHAN NI CHA MNYAM NA YANG MIN, ,GZHAN NI ZAD NAS KHRAG 'DZAG KYANG, ,BUD MED GCIG LA KHU NGES MED, ,DES GCIG LA CHAGS DRAG MI 'GYUR, ,GAL TE GZUGS SOGS KYANG YAN LAG ,MA YIN KUN MA NGES PHYIR RO, ,NGES PA MED PAR 'BYUNG BA'ANG MIN, ,YON TAN MA BZUNG BAR YANG 'GYUR, ,GAL TE YON TAN 'DZIN PA DE'ANG, ,YAN LAG YIN NA THAMS CAD NI, ,YON TAN 'DZIN PA NYID 'GYUR TE, ,RGYU NI KHYAD PAR MED PHYIR RO, ,GNAS SKABS GANG LA CHAGS CAN 'DOD, ,DE 'DRA ZHE SDANG CAN MI 'GYUR, ,DE GNYIS NGO BO MI MTSUNGS PHYIR, ,'DI LA NGES PA MTHONG PA MED, ,GAL TE BAD KAN LA SOGS PA CHA MNYAM PAS 'GAL BA'I NAD MED PA NA KHU BA 'PHEL BA LA, DE LAS 'DOD CHAGS SKYE BA YIN NA, DE LTA YIN NA NYES PA CHA MI MNYAM PA DANG SHIN TU BUD MED BSTEN PA LA GZHOL BA'I KHRAG 'DZAG PA DAG 'DOD CHAGS CAN DU MI 'GYUR TE KHU BA ZAD PA'I PHYIR RO, ,KHU BA YANG BUD MED THAMS CAD LA THUN MONG YIN PA'I PHYIR BUD MED GCIG LA CHAGS PA NGES PAR MI 'GYUR TE, DES NA KHU BA MTSUNGS PA YIN PA'I PHYIR, GCIG LA 'DOD CHAGS LHAG PAR MI 'GYUR RO, ,'ON TE YUL BUD MED DANG RGYU NYID YIN TE, GANG GI PHYIR GZUGS LA SOGS PA'I KHYAD PAR LAS KHYAD DU 'GYUR BA'I PHYIR, ,GZUGS LA SOGS PA YANG RGYU NYID DO, ,'DI LTAR, KHYAD PAR CAN GZUGS ZHAGS PA YIS, ,DBANG MED PAR NI 'GYUR BA'I SEMS, ,RANG GI CHUNG MA BOR NAS NI, ,BUD MED GZHAN DAG 'DOD PA YIN, ,RES 'GA'I TSE NI SPYOD TSUL DAG ,'DOD CHAGS KYI NI RGYUR 'GYUR TE, ,KHU BA 'BA' ZHIG 'DOD CHAGS KYI, ,RGYU MIN DES NA NGES PA YIN, ,DE PHYIR LHAN CIG BYED PA YOD PA'I PHYIR GCIG LA LHAG PAR 'GYUR BA YIN GYI, GZHAN LA NI DE LTAR MA YIN PAS SKYON MED DO ZHE NA, 'DI YANG GSHA' BA MA

YIN TE, 'DI LTAR, THAMS CAD LA NI 'KHRUL PA NYID, ,MTHONG PHYIR GZUGS LA SOGS PA DAG ,RGYU MIN GZUGS DANG 'BRAL BA LA'ANG, ,CHAGS PHYIR GAL TE SPYOD TSUL DAG ,YOD PHYIR ZHE NA 'O NA NI, ,GZUGS NI RGYU MA YIN PAR 'GYUR, ,SPYOD TSUL DANG NI BRAL NA YANG, , GZUGS LA CHAGS PA YOD PA'I PHYIR, ,SPYOD TSUL DE YANG 'DOD CHAGS KYI, ,RGYU YIN PAR NI 'THAD MA YIN, ,LA LA GNYI GA DANG BRAL YANG, ,CHAGS PA DAG NI MTHONG PHYIR RO, ,KUN LA 'DOD CHAGS MTSUNGS PAR NI, ,THAL PHYIR THAMS CAD RGYU MA YIN, ,'ON TE RGYU NGES PA MED PA NYID DU 'DOD DE ZHE NA, DE YANG MI RIGS TE, MA NGES PA NI DE LAS 'BYUNG NGO ZHES BYA BAR YANG MI 'THAD DO, ,'DOD CHAGS GCIG LA NGES PA YIN NA YANG, GZUGS DANG YON TAN 'DOD PAS MA BRTAGS PAR 'ONGS PA'I GZUGS NGAN PA LA 'DOD CHAGS KYI GZIR BA 'JUG PAR MI 'GYUR RO, , GZHAN YANG KHU BA 'DOD CHAGS KYI RGYU YIN NA YON TAN MA BZUNG BA YANG CHAGS PAR 'GYUR RO, ,'ON TE YON TAN 'DZIN PA YANG YAN LAG YIN NA, DE LTA NA THAMS CAD YON TAN 'DZIN PAR 'GYUR TE, YON TAN 'DZIN PA'I RGYU THAMS CAD LA YOD PA'I PHYIR RO, ,'ON TE YON TAN YOD PA TZAM GYIS NI YON TAN 'DZIN PA MA YIN NA, 'O NA GANG LAS YON TAN 'DZIN PA YIN, GAL TE YON TAN 'DZIN PA YUL MED PA NI YIN NA NI, THOG MA MED PA'I BAG CHAGS LAS YIN PAS GOMS PA NYID LAS 'DOD CHAGS LA SOGS PA YIN TE ZHES BYA BAR 'GYUR RO, ,GZHAN YANG GNAS SKABS GANG LA GNAS PA NA 'DOD CHAGS PA'I GNAS SKABS DER ZHE SDANG BAR MI 'GYUR TE, 'DOD CHAGS DANG ZHE SDANG DAG NI MI MTSUNGS PA NYID KYIS RANG BZHIN 'GAL BA CAN YIN PA'I PHYIR RO, ,DE DANG 'GAL BA'I RANG BZHIN LA GNAS PA LA NI, DE 'GYUR BA MA YIN NO, ,MI 'GYUR BA NYID DO ZHE NA, DE YANG ME 'THAD DE, 'DI LA NGES PA'ANG MTHONG BA MED, YANG NA GAL TE DE GNYI GA'I RANG BZHIN NA, DE'I TSE GNYIG YANG DUS MTSUNGS PA NYID DU THAL BAR 'GYUR RO, ,DE BZHIN NYID DO ZHE NA, DE NI MA YIN TE, NGES PA MTHONG BA'I PHYIR RO, ,'DI LA DUS MTSUNGS PA NYID DU NGES PA

, ,MTHONG BA NI MED DO, ,'ON TE MKHRIS PA'I RANG BZHIN LA GNAS PA LA RDUL LA SOGS PA RES 'GA' 'BYUNG GI THAMS CAD KYI TSE MA YIN PA DE BZHIN DU 'DOD CHAGS LA SOGS PA YANG YIN NO ZHE NA, DE NI MA YIN TE, RDUL NI ME DANG 'BREL PA LAS, ,DE MED NA NI DE MI 'BYUNG, ,CHAGS SOGS DANG NI GZUGS SOGS KYI, ,RGYU LAS DE BZHIN YOD MA YIN, ,DE YOD NA NI TSANG BA'I PHYIR, ,CHAGS SOGS YOD MIN MED PA NYID, ,'ON TE NANG GI PHAN 'DOGS PAR BYAS PA'I BAG CHAGS DANG 'BREL PA LAS NGES PA LAS BZLOG PA YIN NA, DE LTA YIN NA BAG CHAGS NYID 'DOD CHAGS LA SOGS PA'I RGYU YIN NO, ,'DOD CHAGS KYI PHAN 'DOGS PA YANG GOMS PA YOD PA LAS YOD PA'I PHYIR RO, ,'ON TE YANG GANG ZHIG 'DOD CHAGS LA SOGS PA'I BAG CHAGS KYI KHYAD PAR LAS SKYE BA DE LA YANG JI LTAR NYES PA 'DIR MI 'GYUR ZHE NA, BSHAD PA; GANG GI 'DOD CHAGS LA SOGS PA, ,RIGS MTHUN BAG CHAGS KHYAD PAR LA, ,RAG LAS NAS NI 'JUG 'GYUR LA, ,DE LA SKYON 'DIR THAL BA MED, ,GANG TSE 'DOD CHAGS LA SOGS PA BAG CHAGS KYI NYES PA NYID LAS 'JUG PA DE'I PHYIR, GANG LA GANG GIS SKYE BA GZHAN DANG 'BREL PA'I BAG CHAGS YOD PA DE NYID LAS 'GA' ZHIG GI TSE RNAM PA 'GA' ZHIG LTAR RGYU 'GA' ZHIG GIS DE SAD PA YIN PA'I PHYIR, 'DOD CHAGS LA SOGS PA RNAMS KYI BAG CHAGS MA NGES PA NA, GZUGS LA SOGS PA LA LTOS PA MED PA'I PHYIR SNGAR GYI NYES PA'I GO SKABS MED DO,, GAL TE CHAGS PA LA SOGS PA NYES PA'I CHOS MA YIN MOD, 'BYUNG BA'I CHOS SU NI 'GYUR RO ZHE NA, BSHAD PA, 'DIS NI 'BYUNG BA'I CHOS NYID BKAG ,RTEN LA BKAG PA NYID PHYIR RO, ,DKAR PO LA SOGS SA SOGS LA, ,BRTEN PA NYID NI MA YIN NO, ,'DI DAG NI SA LA SOGS PA 'BYUNG BA RNAMS KYI CHOS YIN TE, 'DI LTAR SA DANG CHU SHAS CHE NA NI 'DOD CHAGS SO, ,ME DANG RLUNG DAG LA NI ZHE SDANG NGO, ,CHU DANG RLUNG DAG LA NI GTI MUG GO ZHES GANG SMRAS PA DE YANG BKAG PA YIN TE, THAMS CAD DU MA NGES PA'I PHYIR RO, ,DE LTAR YANG, GNAS SKABS GANG LA

CHAGS CAN 'DOD, ,CES BYA BA LA SOGS PA BSHAD PA BZHIN NO, ,YOD MED DAG RTEN MED PHYIR RO, ,ZHES BYA BA LA SOGS PAS RTEN YANG BKAG PA YIN NO, ,GAL TE JI LTAR DKAR PO LA SOGS PA 'BYUNG BA CHEN PO LA BRTEN PA DE BZHIN DU 'DOD CHAGS LA SOGS PA YANG YIN NO ZHE NA DE LA BSHAD PA NI, DKAR PO LA SOGS SA SOGS LA, ,BRTEN PA NYID NI MA YIN NO, ,GAL TE SA LA SOGS PA LA BRTEN PA YIN NA NI DE'I TSE GZUGS LA SOGS PA 'BYUNG BA DAG LAS THA DAD PAR KHAS BLANGS PAS 'BYUNG BA TZAM DU KHAS LEN PA LA GNOD PAR 'GYUR RO, ,'BYUNG BA TZAM DU KHAS LEN NA NI, RTEN DANG BRTEN PA'I DNGOS POR 'GYUR BA MA YIN NO, ,GAL TE SHES PA 'BYUNG BA LA BRTEN PA YIN NA DE'I TSE KHO NA MANG POR THAL BAR 'GYUR RO, ,THA DAD PA MA YIN NA NI 'BYUNG BA RNAMS GCIG NYID DU 'GYUR TE, SHES PA GCIG DANG THA MI DAD PA'I PHYIR RO, ,GAL TE GZUGS LA SOGS PA 'BYUNG BA DAG LA BRTEN NAS ZHES KHAS LEN PA NA RTEN DANG BRTEN PA'I DNGOS PO 'GOG PA 'GAL LO ZHE NA, MA YIN TE, BRTEN PA'I DON NI RTEN GYI DON MA YIN GYI, ,'ON KYANG RGYU'I DON YIN NO, ,DE BSHAD PA NI, DE BRTEN SGRA'AM RGYU DON NAM, ,YANG NA RANG GI RTEN DAG DANG, ,DBYER MED PAR NI GNAS PA'I PHYIR, ,BRTEN YIN GZHAN DU 'THAD MA YIN, ,RTEN PA'I DON NI RTEN GYI DON MA YIN TE, 'ON KYANG RGYU'I DON MA YIN NO, ,'DI LTAR, RGYU NI 'BRAS DANG LHAN CIG TU, ,DUS MTSUNGS PAR NI RTOGS MA YIN, ,DUS MTSUNGS DAG LA 'BRAS BU NYID, ,LA SOGS MED PAR RNAM PAR NGES, ,DES NA RTEN DANG BRTEN PA'I DNGOS PO MA YIN NO, ,DUS MTSUNGS PA DAG DANG BRTEN DANG BRTEN PA'AM RGYU DANG 'BRAS BU'I DNGOS PO YIN DU CHUG PA DE LTA NA YANG RANG GI RTEN DANG DBYER MED PAR 'JUG PA'I PHYIR RO, ,'DI LTAR, GAL TE GZUGS SOGS RTEN DANG NI, ,BRTEN PA'I NGO BOR NGES NA NI, ,DE DAG RNAM DBYER MED PAR NI, ,'JUG CES BYA BAR GZUNG BAR GYIS, ,GAL TE DE DAG RTEN DANG BRTEN PA'I NGO BO YIN NA, DE'I TSE BRTEN PA MED NA DE'I RTEN KYANG 'JIG PAR 'GYUR RO, ,MI 'JIG NA NI PHYIS BZHIN DU SNGAR YANG RTEN NYID

, ,MA YIN NO, ,DES NA 'DOD CHAGS LA SOGS PA YANG DBYER MED PAR GNAS PAR 'GYUR RO, ,GZUGS LA SOGS PA LA THA DAD PA'I 'BYUNG BA CHEN PO'I RANG BZHIN NI YOD PA MA YIN TE, GZHAN GYIS KHAS BLANGS PAS DE SKAD BRJOD PA YIN NO, ,'DOD CHAGS LA SOGS PA NI DBYER MED PAR GNAS PAR YANG MA YIN TE, 'GA' ZHIG RES 'GA' 'BYUNG BA'I PHYIR RO, ,GAL TE MYOS SOGS NUS PA BZHIN, ,DBYER YOD CE NA DNGOS PO LAS, ,NUS PA DON GZHAN NYID MA YIN, ,DNGOS PO 'JIG 'GYUR RTEN TSANG BAR, ,GNAS NA BRTEN PA 'JIG MA YIN, ,GAL TE DE MTSUNGS SHE NA MIN, ,SNANG BA THA DAD RTOGS PAS NA, ,'BYUNG SEMS THA DAD NYID PHYIR RO, ,CHANG DANG BU RAM CHANG LA SOGS PA'I RDZAS LA MYOS PA'I NUS PA BRTEN PA YIN YANG RNAM PA DBYER YOD PAR GNAS PA YIN TE, RDZAS YOD PA LA LDOG PA'I PHYIR DANG, PHYIS 'BYUNG BA'I PHYIR RO, ,'DI LTAR, BSKA DANG MNGAR SOGS RDZAS YOD NA, ,SNGA NA MED PA'I NUS PA NI, ,MNGON PAR 'BYUNG 'GYUR NYID YIN ZHING, ,SLAR YANG MED PAR 'GYUR BA YIN, ,'DI RTEN MIN PA'ANG MA YIN TE, ,DE BZHIN NYID DU RTOGS PHYIR RO, ,DE BZHIN LUS NYID LA BRTEN PA'I, , 'DOD CHAGS SOGS KYANG 'GYUR BA YIN, ,ZHE NA DE YANG MI 'THAD DE, ,NUS PA'I DON GZHAN YANG MA YIN PA'I PHYIR RO, ,NUS PA NI 'BYUNG BA LAS DON GZHAN MA YIN PA'I PHYIR RO, ,RDZAS KYI NUS PA ZHES THA DAD PA'I THA SNYAD NI, NYE BAR BSTAN PA CAN BZHIN DU 'GYUR BA'I PHYIR TE, MCHI GU'I LUS ZHES BYA BA LA SOGS BZHIN NO, ,'DI JI LTAR YIN PA DE LTA BU NI 'CHAD PAR 'GYUR RO, ,GAL TE ME LA SOGS PA RNAMS KYI NUS PA GZHAN MED NA, DE'I TSE SNGAGS DANG RGYUD LA SOGS PAS GANG GIS GEGS BYED, RE ZHIG RANG GI NGO BO NI MA YIN TE, GZHAN LA SREG PA'I PHYIR RO; ,NUS PA BKAG PA NA YANG DE MA BKAG PA'I PHYIR GZHAN SREG PA YIN NO ZHE NA, DE YANG MA YIN TE, NUS PA BKAG PA LA YANG NI, ,RNAM DBYE 'DI NI JI LTAR 'GYUR, ,DE YANG 'GAR NI YOD PA DANG, ,'GAR MED CES BYAR NUS MA YIN, ,NUS PA RNAMS NI MANG BAS NA, ,RNAM DBYE

JI LTAR SRID MA YIN, ,DE SREG BYED PA'I NUS MED DE, ,DE LAS GZHAN NI LDOG MA YIN, ,YANG NA SREG BYA GZHAN NYID DU, ,BYED PA DES NA TSIG MA YIN, ,GZHAN GYIS TSIG 'GYUR GZHAN DU NI, ,NUS PA BKAG PA MED PHYIR RO, ,DE NI MA YIN TE, DNGOS PO DE LA DE SNYED KYIS, , NUS PA GA LAS 'BYUNG BA MIN, ,GANG GIS DE DAG LA LTOS PA, ,DE DAG GIS NI CI BYAR YOD, ,DNGOS PO LTOS PA YOD MIN TE, ,RGYU NYID LAS DE DE LTAR 'BYUNG, ,NUS PA DE DAG MED NA NI, ,'BRAS BU RNAM DBYE 'GYUR MA YIN, ,NUS PA MANG POR MED NA NI, ,'BRAS BU SNA TSOGS SRID MI 'GYUR, ,ME LA TSIG PA LA SOGS PA, ,RNAM PAR DBYE BA MTHONG BA GANG, ,DE NI MED 'GYUR MED SOGS LA, ,RANG BZHIN GCIG PO YOD DAM MED, ,YOD NA THAMS CAD SREG PA NYID, ,MED PA YIN NA 'GA' YANG MIN, ,GCIG NI CIG CAR YOD PA DANG, ,MED PA 'GAR YANG SRID MA YIN, ,DE YANG SPANG BAR BYA STE, 'DI LTAR, JI LTAR NUS PA SNA TSOGS 'DI, ,RGYU GCIG NYID LAS 'BYUNG BA BZHIN, ,SNA TSOGS 'BRAS BU CIS MI 'DOD, ,MA MTHONG BRTAGS PAS CI ZHIG BYA, ,GAL TE 'BRAS BU SNA TSOGS NI, ,MTHONG BAS NUS PA SNA TSOGS PAR,, RTOGS NA 'DIR DE NYID YIN MOD, ,GANG GIS SNGAGS SOGS DANG LDAN PAS, ,'BRAS BU RNAM PHYIR BYED NUS 'DIR, ,RANG BZHIN NGES PAS DE 'DRA DE, ,RANG RGYU LAS SKYES NUS DON MED, ,ME NI SNGAGS DANG MI LDAN NA, ,THAMS CAD SREG PA'I RGYU YIN LA, ,DE NYID SNGAGS DANG LDAN PA'I PHYIR; ,'GA' ZHIG BSREG PAR NUS PA YIN, ,BSREG RDZAS RANG BZHIN DE YIN TE, ,GANG GIS DES NI ME TSIG CIR, ,DE NI GZHAN GYIS TSIG 'GYUR BAR, ,RANG GI RGYU LAS SKYES PHYIR RO, ,DE LTAR NUS PA BKAG PAS NA, ,RTEN DANG BRTEN LA SRID MA YIN, ,DES NA MTHONG BA'I DPE DE NI, , RANG BZHIN SGRUB PAR BYED MA YIN, ,DES NA DER NI DNGOS PO NYID 'JIG PAR 'GYUR BA YIN TE, RTEN MTSANG BA MED PAR GNAS NA BRTEN PA MED PAR 'GYUR BA NI MA YIN NO, ,'ON TE YANG 'DIR YANG 'BYUNG BA DANG SEMS DAG DE BZHIN DU 'GYUR BA NYID DO ZHE NA, 'DIR LAN NI 'BYUNG BA DANG SEMS DAG NI THA

, ,DAD PA'I PHYIR RO, ,SEMS PA DAG NI NUS PA LTAR, ,'BYUNG BA DANG THA MI DAD PA MA YIN NO, ,DE NYID GA LAS SHE NA SNANG BA THA DAD PAR RTOGS PA'I PHYIR RO, ,SNANG BA THA DAD THAMS CAD DU, ,DNGOS PO THA DAD SGRUB BYED YIN, ,THA DAD BSGRUB PA'I THABS GZHAN NI; ,'GA' YANG MTHONG BA YOD MA YIN, ,DBANG PO THA DAD PA DANG RTOGS PA THA DAD PAS GZUNG BAR BYA BA YIN YANG, GAL TE THA DAD PA MED PAR SNANG NA NI, DE'I TSE GCIG NYID DE, ,THA DAD PAR BYED PA NI SNANG BA'I RANG BZHIN RTOGS PA YIN GYI RTOGS PA'I RGYU THA DAD PA NI MA YIN NO, ,'ON TE RTOGS PA'I RGYU THA DAD NA, RTOGS PA YANG THA DAD DO ZHE NA, 'O NA RTOGS PA THA DAD PA DE NYID THA DAD PAR BYED PA YIN TE, GZHAN NI DON MED DO, ,DER YANG SNANG BA NI THA DAD DE, RNAM PAR SHES PA NI BDE BA LA SOGS PA'I RANG BZHIN GYI NANG DU RIG LA DON SRA BA DANG, DRO BA LA SOGS PA'I RANG BZHIN GYIS GZUNG BA NYID DU RIG PA MA YIN NO, ,'ON TE BDE BA LA SOGS PA NI NANG GI RIG BYA'I KHYAD PAR GYI RANG BZHIN NYID YIN TE, DES NA NANG DU RIG PA'I RANG BZHIN YIN NO, ,GANG ZHIG GANG NA GNAS PA'I DNGOS, ,DE NI DE LTAR MYONG 'GYUR TE, ,NYE DANG RING BA'I BYE BRAG GIS, ,JI LTAR SHING SOGS RIG PA BZHIN, ,NANG GI REG BYA'I KHYAD PAR NI RING BA MA YIN TE, DES NA 'DI BDAG DANG YUL GCIG PA NYID KYIS LUS KYI NANG NA GNAS PA'I PHYIR, PHYI ROL GYI SHING BZHIN DU RIG PA MA YIN NO ZHE NA, 'DI NI MI RIGS TE, GAL TE 'DI NI REG BYA NYID, ,YIN NA DE NI GANG GIS RIG ,GZHAN GYIS RIG NA RIG PA NYID, ,THA DAD YIN PAR THAL BAR 'GYUR, ,'ON TE DE NI RANG RIG NA, ,'BYUNG BA CHEN PO'I RANG BZHIN MIN, ,RANG RIG RANG BZHIN DE BZHIN NYID, ,GZHAN GYIS JI PHYIR SHES MA YIN, ,GAL TE KHONG NANG CHUG PHYIR NA, ,NANG DU REG NI RIG PAR 'GYUR, GANG ZHIG NANG GI CHA LA REG PA DES RIG PAR THAL BAR 'GYUR RO, ,PHYI'I KHYUD PA'I REG PA YANG BDE BA'I RANG BZHIN NYID DO, ,GNYIS PA PHAN TSUN REG PA NA, ,GNYI GAS KYANG NI RIG PAR 'GYUR, ,GZHAN GYIS GZHAN GYI RANG BZHIN RIG ,GZHAN DAG RANG BZHIN JI LTAR MIN, ,'ON TE

GZHAN GYIS REG PA NA, ,BDAG GI RANG BZHIN DE NYID BDE BAR 'GYUR BA YIN NA, DE LTA YIN NA GZHAN GYIS DE BZHIN DU RIG PAR THAL LO, ,GZHAN GYIS RNAM PA THAMS CAD MA RTOGS PA'I PHYIR RO ZHE NA, GAL TE DON DE GCIG YIN NA JI LTAR RNAM PA THAMS CAD MA RTOGS, DON RDUL PHRA RAB SO SOR THA DAD PA DU MA YIN NO, ,DE LTA YIN NA BDE BA'I RDUL PHRA RAB THA DAD PAR BDE BA MANG PO LAS BDE BA LA SOGS PA 'GA' ZHIG RTOGS PAR 'GYUR NA, GZHAN GYIS NI BDE BA'I CHA TZAM YANG RTOGS PA MA YIN NO, ,RANG NYID RIG PA ZHES BYA BA GCIG NYID RTOGS PA'I PHYIR BUD MED DANG SKYES PA GNYIS MTSUNGS PAR MYONG BAR 'GYUR RO, ,THAMS CAD RIG PA YIN NA NI, RDUL PHRA RAB TU MA RIG PAR THAL LO, ,'ON TE PHAN TSUN 'BYAR BAS RNAM PAR DBYE BA MED PA YIN NO ZHE NA, MA YIN TE DE LAS THA DAD PA'I 'BYAR BA MED PA'I PHYIR RO, ,YOD KYANG THA DAD PAR RTOGS PA LDOG PAR MI 'GYUR RO, ,'BYAR BAS RNAM PAR DBYE BA MI RTOGS SO ZHE NA, 'O NA NI DE DAG GI RANG GI NGO BO MA RTOGS PA'I PHYIR 'BYUNG BA DAG LAS SEMS THA DAD PAR 'GYUR TE, THA DAD PAR SNANG BA'I PHYIR RO, ,'ON TE YAN LAG CAN CIG KHO NA'O ZHE NA, DE LTA YIN NA GZHAN LA YANG DE LTAR RTOGS PAR 'GYUR RO, , 'ON TE GZHAN BDAG NYID THAMS CAD KYIS RTOGS PAR MI NUS SO ZHE NA, 'O NA NI DE'I RANG BZHIN RTOGS PA MA YIN NO, ,DE NI 'KHRUL PA NYID DE RTOGS PA NI MA YIN NO ZHE NA, 'KHRUL PA YANG NANG GI REG PA'I KHYAD PAR GYI RANG BZHIN NYID DO, ,DES NA GZHAN GYIS DE BZHIN DU RTOGS PAR DBEN PAR 'GYUR RO, ,'DIR NI RIG BYA GCIG PU NYID, ,BDE BA LA SOGS GZHAN DU 'GYUR, ,GAL TE GZHAN GCIG PU NYID, ,BDE BA LA SOGS GZHAN DU 'GYUR, ,GAL TE GZHAN GYIS GCIG RTOGS NA, ,DE LTA YIN NA BDE SOGS GZHAN, ,DE'I PHYIR 'BYUNG BA DANG NI SEMS PA DAG ,SNANG BA THA DAD RTOGS PA'I NYID, ,GAL TE GZHAN GYIS RIG PA NA, ,BDE BA 'BYUNG BA 'DOD NA NI, ,REG PA DE LA YID 'ONG BA, ,NYID KYIS DE NI JI LTAR GNAS, ,YID DU 'ONG PHYIR RGYU YIN NA, ,YID 'ONG 'DI GANG YIN PAR 'DOD, ,RANG SKAL 'PHRO YIS 'GA' ZHIG LA, ,GZHAN 'GA' ZHIG NI YID 'ONG NA, ,LAS NYID SKAL PA'I SGRA YIS

, ,NI; ,THA DAD KYI NI LAM DU GNAS, ,PHAN 'DOGS PA YI KHYAD PAR NI, ,SKYE BA 'DI LA MTHONG BA MED, ,DE LTA YIN NA SEMS PA GZHAN, ,MED KYANG 'JIG RTEN GZHAN GNAS 'DIR, ,MANG DU SMRA BA CI ZHIG BYA, ,GAL TE DE YI YID 'ONG NYID, ,RGYU LAS NYE BAR SKYES YIN NA, ,GZHAN GYIS KYANG NI RTOGS 'GYUR TE, ,MIN NA DE NI RNAM SHES NYID, ,GAL TE DE NI RTOGS PA PO'I, ,LUS NANG CHUD PAR RTOGS NA NI, ,PHYI ROL DU NI RTOGS PA DE, ,JI LTAR LUS KYI NANG DU CHUD, ,GZUGS NI SNANG BAR 'GYUR NA YANG, ,GZHAN GYIS RTOGS PA MA YIN PHYIR, ,RANG GIS RIG PA'I RANG BZHIN NI, ,'BYUNG BA DAG LAS THA DAD 'GYUR, ,RNAM PAR RTOG PA DANG BCAS PA'AM GZHAN LA GZUGS SNANG BA YIN YANG, GZHAN GYIS RTOGS PA MA YIN TE, DES NA DE NI RANG RIG PA'I SHES PA NYID DO, ,'ON TE GZHAN GYI LUS KYI NANG DU CHUD PAS NA MI RIG GO ZHE NA, GZHAN GYI LUS KYANG MI RIG PAR THAL BAR 'GYUR RO, ,LUS KYI NANG DU CHUD NYID NA, ,BSGRIBS PAR GNAS PA 'BA' ZHIG NI, ,JI LTAR RIG 'GYUR YUL GZHAN DAG ,RNAM PAR RTOG PAR BYED PA NA, ,RNAM PAR RTOG PA MED PAR NI, ,LUS RIG DE YANG DE MED PAR; ,DES NA GCIG GI SGRUB BYED PA, ,LHAN CIG DMIGS PA NGES PA MED, ,'ON TE YANG DE THA DAD PAR 'GYUR MOD, DE LTA NA YANG LUS NYID DE'I RGYU YIN TE, BDE BA LA SOGS PA BAG CHAGS DANG 'BREL PA TZAM GYIS SKYE BA NI MA YIN NO, ,DES NA DON DAM PA NYID DO, ,LUS KYANG KHU BA LA SOGS PA LAS YIN TE, DES NA 'JIG RTEN PHA ROL MED DO, ,'JIG RTEN 'DI 'GYUR BA NYID KYI LAS YONGS SU RDZOGS PA'I PHYIR RO, ,DES NA 'KHOR BA YOD PA MA YIN NO ZHE NA, ,BSHAD PA, JI SRID LUS 'DI 'GYUR BAR DU, ,GZUGS SOGS BZHIN DU YID NGO BO, ,MTSUNGS 'GYUR RNAM PAR RTOG PA NI, ,DON GYI GZHAN DBANG CAN NYID GANG, ,GANG GI TSE 'DOD CHAGS LA SOGS PA LUS KYI RGYU CAN NAM, RANG BZHIN YIN PA DE'I TSE, LUS MA GYUR PA'I SNGON ROL DU YID MTSUNGS PA NYID DU 'GYUR TE, RGYU'AM RANG BZHIN GYIS RTEN MTSUNGS PA'I PHYIR RO, ,DE LTA MA

YIN NA NI, DE RTEN DANG BRTEN PA'AM, RGYU DANG 'BRAS BU'I DNGOS PO NYID DU MI 'THAD PA'I PHYIR RO, ,LUS LA BRTEN PA'I GZUGS LA SOGS PA NI LUS MNYAM PA NYID NA MI MNYAM PA MA YIN NO, ,'ON TE YUL GZHAN DANG GZHAN NYE BA LA RAG LAS NAS KHYAD PAR DU 'GYUR BA LA SKYON MED DO ZHE NA, DE YANG MI RIGS TE, YID KYI RNAM PAR SHES PA DANG BDE BA LA SOGS PA LA DON GYI GZHAN DBANG NYID CI ZHIG YOD, BAG CHAGS SAD PA TZAM LAS SKYE BA'I PHYIR RO ZHES BSTAN ZIN TO, ,GANG TSE LUS LA LTOS MED PAR, ,SHES PA 'GA' ZHIG 'GA' ZHIG GI ,BAG CHAGS SAD PA'I RGYUR 'GYUR BA, ,DES NA 'GA' ZHIG LAS 'GA' YIN, ,LUS RGYU YIN NA NI SNGAR GYI SKYON DU THAL LO, ,GANG GI TSE LUS LTOS PA MED PAR, BAG CHAGS SAD PA'I RGYU'I SHES PA 'GA' ZHIG LA LTOS NAS YID KYI RNAM PAR SHES PA 'GA' ZHIG SKYE BAR KHAS LEN PA DE'I TSE NI RGYU DES NA LUS 'GYUR BA MED KYANG RNAM PAR SHES PA 'GAR 'GYUR GYI LUS RGYU NYID YIN NA NI MA YIN NO, ,DE'I PHYIR RNAM PAR SHES PA NYID LAS RNAM PAR SHES PA YIN GYI LUS LAS NI MA YIN TE, DES NA PHUNG PO NI 'KHOR BA YIN NO, ,GTAN TSIGS GZHAN YANG SMRAS PA NI, ,RNAM PAR SHES MIN RNAM SHES KYI, ,NYER LEN MED PA'I PHYIR YANG GRUB, ,GAL TE DNGOS PO THAMS CAD NI, ,RNAM SHES NUS LDAN YIN 'DOD NA, ,RTZVA MCHOG RTZE NA GLANG CHEN BRGYA, ,SNGON TSE MA MTHONG YOD DO ZHES, ,DE SKAD GRANGS CAN PHYUGS LAS GZHAN, ,NGO MTSAR BCAS PA SU BRJOD RTZOL, , RGYU NI LAN BRGYAR RNAM PHYE YANG, ,NGO BO GANG ZHIG SNANG GYUR BA'I, ,NGO BO DE NI SNGAR MI SNANG, ,JI LTAR DE NI YOD PAR 'GYUR, ,RNAM PAR SHES PA MTHUN PA DANG MI MTHUN PA DAG LAS, RNAM PAR SHES PA PHYI MA MTHUN PA DANG MI MTHUN PAR MTHONG BA'I PHYIR, ,NGES PAR DE 'GYUR BA'I RJES SU BYED PAS, RNAM PAR SHES PA'I NYE BAR LEN PA DANG BRAL BA'I LUS LAS RNAM PAR SHES PA MI SKYE BA'I PHYIR 'JIG RTEN PHA ROL GRUB BO, ,'DOD CHAGS LA SOGS PA CIG CAR SKYE BAR THAL BA'I PHYIR RO, ,'ON TE YANG GAL TE SHES PA NYID LAS SHES PA YIN PA DE LTA NA YANG 'JIG RTEN PHA

, ,ROL MI 'GRUB STE, DNGOS PO THAMS CAD RNAM PAR SHES PA'I NUS PA DANG LDAN PA'I PHYIR RO, ,DE LTA BU'I NUS PA'I 'BRAS BU RTZOM PA MED PA NI 'JIG RTEN PHA ROL MA YIN NO ZHE NA, 'DI NI GRANGS CAN PA'I RTOGS PA MA YIN NAM, GANG LAS RTOG GE BA THAMS CAD KYI GTZUG GI NOR BU BDAG NYING RLOM PA KHYED KYI YIN PAR 'GYUR, DE SKAD DU BRJOD PAR RTZOL BA NI, GANG ZHIG LUNG GCIG PO SKYABS SU GYUR PA, NGO TSA MED PA'I GRANGS CAN PHUGS NYID SMRA BAR RTZOL BA YIN GYI, NGO TSA DANG BCAS PA NI DE LTA MA YIN NO, ,RTZVA MCHOG RTZE NA SNGON CHAD NI; ,MA MTHONG GLANG CHEN BRGYA YOD PAR, ,GRANGS CAN LAS NI GZHAN PA YI, ,NGAG GI SPYOD YUL 'GYUR MA YIN, ,'DI LTAR RGYU NI RNAM BRGYAR RNAM PHYE YANG, ,ZHO SPOGS RNAMS KYI RANG BZHIN GANG, ,DE NI SNGAR MTHONG NUS MIN NA, ,DE NI DE LA JI LTAR YOD, ,RANG BZHIN GZHAN GYIS GAL TE DE, ,DE NYID YOD CES BRJOD MI BYA, ,RNAM SHES PA LAS GZHAN RANG BZHIN NI, ,YOD PAS DE YOD JI LTAR 'GYUR, ,GAL TE MA SOGS SHES PA YI, ,NYER LEN LAS NI DE 'DOD NA, ,DE YI 'DU PA'I BDAG NYID NI LDOG PA MA YIN NO ZHE NA, 'DI LA 'GYUR, ,'ON TE GAL TE MES PO LA SOGS PA'I 'DU BYED KYANG 'DOD NA, MA YIN KUN LA DE MA NI, ,THAG PA'I 'DU BYED RJES SU 'JUG ,DE'I PHYIR RANG GI RGYUD LA GNAS PA'I RNAM PAR SHES PA LAS RNAM PAR SHES PA YIN PA'I PHYIR, 'JIG RTEN PHA ROL GRUB BO, ,GZHAN YANG, SNGA NA MED PAR 'BYUNG BA LA; ,CHAGS SOGS NGES MED THAL BAR 'GYUR, ,GAL TE 'JIG RTEN PHA ROL MED PAR 'GYUR NA, DE'I TSE SNGA NA MED PA'I SEMS CAN 'BYUNG BAR 'GYUR RO, ,DE LTA YIN NA 'DOD CHAGS LA SOGS PA NGES PAR 'GYUR TE, 'GA' ZHIG 'DOD CHAGS DANG BRAL BAR YANG 'GYUR RO, , GANG GI TSE SKYE BA GZHAN NAS 'ONGS PA DE'I TSE SRID PA NYID YOD PA'I SROG CHAGS SKYE BA'I RGYU YIN PA DE LTA NA, SKYE BO 'DOD CHAGS DANG BRAL BAR MI 'BYUNG STE, 'DOD CHAGS MED PAR MI SKYE BA'I PHYIR RO, ,'BYUNG BA'I BDAG LAS MA 'DAS PHYIR, ,GAL TE KUN CHAGS SOGS LDAN NA, ,'ON TE YANG

'DOD CHAGS LA SOGS PA'I RGYU NI 'BYUNG BA'I BDAG NYID YIN LA, DE YANG BRAL BA MED PA YIN NO, ,DES NA RGYU MTSANG BA MED PA'I PHYIR, 'DOD CHAGS LA SOGS PA MED PAR MI 'GYUR RO ZHE NA, GAL TE DE LTA YIN NA RGYU DE NYID KYIS, THAMS CAD 'DOD CHAGS MTSUNGS PAR 'GYUR, ,GAL TE 'BYUNG KHYAD LAS MIN NA, ,'DI LTAR GAL TE 'BYUNG BA RNAMS PHAN TSUN KHYAD PAR MED PA YIN NA NI THAMS CAD 'DOD CHAGS MTSUNGS PAR 'GYUR BA ZHIG NA, MED PA YANG MA YIN TE, DES NA THAMS CAD 'DOD CHAGS MTSUNGS PA MA YIN NO ZHE NA, GAL TE DE LTA NA, 'BYUNG RNAMS SROG CHAGS KHYAD MED KYANG, ,KHYAD PAR 'DI RTEN GANG YIN PA, ,DE NI PHUL 'BYUNG 'GRIB PA BZHIN, ,DE 'GYUR BA LAS DE MED 'GYUR, ,CHAGS SOGS NGES MED CES GANG BRJOD PA DE LA GZHAN GYI, SA LA SOGS PA'I 'DUS PA 'DOD CHAGS DANG BRAL BA NI YOD PA NYID DO, ,'ON TE SROG CHAGS 'GA' ZHIG 'DOD CHAGS DANG BRAL BAR 'GYUR RO ZHES BYA BA YIN NA NI, MA YIN TE, CI LTAR SROG CHAGS SROG CHAGS MA YIN PAR MI 'GYUR BA DE BZHIN DU, 'DOD CHAGS DANG BRAL BAR YANG MI 'GYUR RO ZHES BRTZAD PA YIN NO, ,GAL TE DE LTA NA YANG CI LTAR CHAGS NYID KHYAD PAR YOD PA MA YIN PA DE BZHIN DU, 'DOD CHAGS LA SOGS PA YANG YIN PA'I PHYIR, THAMS CAD 'DOD CHAGS MTSUNGS PA NYID DU 'GYUR TE, SROG CHAGS NYID BZHIN NO, ,YANG NA GAL TE 'GA' ZHIG SROG CHAG YIN LA 'GA' ZHIG GZHAN DU YIN PA DE BZHIN DU 'DOD CHAG DANG LDAN PA DANG GZHAN DU'ANG 'GYUR RO, ,'ON TE SROG CHAGS NYID NI THA DAD PA MED PA LA, 'DOD CHAGS LA SOS PA THA DAD PA YIN NA, DE TSE 'BYUNG BA'I KHYAD PAR GYIS RGYU GANG LAS THA DAD PAR 'GYUR BA DE BZHIN DU 'PHEL BA DANG 'GRIB PA SRID PAS GTAN NAS MED PAR YANG 'GYUR BA'I PHYIR, 'DOD CHAGS DANG BRAL BAR 'GYUR RO, ,GAL TE YANG RGYU 'PHEL BA DANG 'GRIB PA RGYU DANG LDAN PA YIN PA DE LTA NA YANG, 'DOD CHAGS LA SOGS PA RGYU MTSUNGS PA'I BSAG NYID NI LDOG PA MA YIN NO ZHE NA, 'DI LA BRJOD PA, GAL TE CHAGS SOGS THA DAD KYANG, ,RGYU MTSUNGS BDAG NYID MI LDOG NA, ,BDAG

, ,NYID 'DRA BA'I RGYU CAN GYI, ,'DOD CHAGS KUN LA 'DRA BAR 'GYUR, ,GAL TE 'DOD CHAGS LA SOGS PA'I RGYU MTSUNGS PA NYID GANG YIN PA DE, MI SPONG BA DES NA MTSUNGS PA NYID 'DOD CHAGS KYI RGYU YIN NO, ,RGYU MTSUNGS PA YIN NA YANG 'BRAS BU 'DOD CHAGS LA SOGS PA MTSUNGS PA NYID DE, RGYU 'DRA BA'I BDAG NYID NI 'BRAS BU YANG 'DRA BA'I BDAG NYID CAN NYID DO ZHES RIGS SO, ,GAL TE RGYU MTSUNGS KYANG 'BRAS BU KHYAD PAR DANG LDAN PA'I PHYIR MTSUNGS PA MA YIN NA NI, DE'I TSE DE'I 'BRAS BU NYID DU MI 'GYUR TE, RJES SU 'GRO BA DANG LDOG PA'I RJES SU BYED PA MED PA'I PHYIR RO, ,DE'I PHYIR GANG LA KHYAD PAR GYI RIM PA YOD PA DE LA GTAN MED PAR 'GYUR BA SRID PA YIN TE, 'GRIB PA'I KHYAD PAR YOD PA'I PHYIR, DKAR PO LA SOGS PA'I YON TAN BZHIN NO, ,YANG NA NI MTSUNGS PA LAS MI NYAMS PAR 'GYUR RO, ,CI'I PHYIR ZHE NA, MTSUNGS BDAG LAS 'BYUNG BA LANG GI ,SHES PA'AM 'DIR YANG SA SOGS LA, ,SROG SOGS DAG KYANG KHYAD PAR GYI, ,RIM PAR LA LAR YOD MA YIN, ,DE MA YIN PA'I RANG BZHIN LAS LDOG PA'AM GZHAN LA YANG RUNG BA MTSUNGS PA'I KHYAD PAR BDAG NYID LAS 'BYUNG BA'I BA LANG GI SHES PA DE NI BA LANG NGO, ,CHES SHIN TU YANG BA LANG NGO ZHES KHYAD PAR GYI RIM PA DANG LDAN PA MA YIN PA'AM, 'JIG RTEN RGYANG PHAN PA'I LTA BA LA LTOS NAS SA LA SOGS PA LA SROG CHAGS DANG CHER SROG CHAGS DANG, CHES SHIN TU SROG CHAGS ZHES KHYAD PAR GYI RIM PA DANG LDAN PA MA YIN NO, ,DE'I PHYIR RGYU MTSUNGS PA LAS NI MTSUNGS PA NYID DU 'GYUR RO, ,'GRIB PA YOD NA NI GTAN CHAD PAR YANG 'GYUR RO, ,DRO RIM KHYAD PAR YOD NA YANG, ,DRO MED ME 'GA' YOD MIN PA, ,DE BZHIN 'DIR YANG ZHE NA MIN, ,DRO LAS ME GZHAN BKAG PHYIR RO, ,ME LA DRO BA'I KHYAD PAR NI YOD PA KHO NA'O, ,DE LTA NA YANG DRO BA BDAG NYID THAMS CAD DU MED PAR 'GYUR BA NI MA YIN NO, ,'DOD CHAGS LA SOGS PA YANG DE BZHIN DU THAMS CAD DU SRID PA MED PAR NI MI 'GYUR RO ZHE NA, MA YIN TE 'DOD CHAGS LA SOGS PA NI LUS LAS THA DAD PA'I PHYIR RO, ,'DIR

MI NI DRO BA LAS THA DAD PA MA YIN TE, DRO BA NYID LA ME BRJOD PA'I PHYIR RO, ,GAL TE DRO BA MED NA NI, ME NYID DU MI 'GYUR RO, ,'DOD CHAGS LA SOGS PA MED NA SA LA SOGS PA NYID DU MI 'GYUR BA NI MA YIN NO, ,GAL TE 'BYUNG BA'I 'DUS PA GZHAN CHOS CAN YIN LA, DRO BA DE'I CHOS SU YONGS SU RTOG NA NI, DE'I TSE THAL BAR 'GYUR BA'I GNAS SKABS NA DRO BA DE LAS RGYUN 'CHAD PA NYID DO, ,'ON TE 'BAR BA CHOS CAN DU BRTAGS PA YIN LA DRO BA CHOS YIN ZHING, DE NI KHYAD PAR GYI RIM PA YOD KYANG DE 'CHAD PA MA YIN NO ZHES BYA BA GZHAN GYI LAN YIN NA, DE YANG MI RIGS TE, SNGAGS RGYUD LA SOGS NUS PA YIS, ,DRO BA MED PAR 'BAR BAR 'GYUR, ,NOR BU 'BAR BA DRO MED PAR, ,MTHONG BA DE NI MI 'THAD MIN, ,DBYER MED PHYIR 'BAR DRO BA LA, ,LTOS TE CHOS CAN NYID KYANG YIN, ,MDOG DANG DBYIBS KYI 'BAR BA NI, ,MED KYANG DRO BA YOD PA'I PHYIR; ,CHOS CAN NYID DU DE MI 'THAD, ,DES NA DE NI DBYE BA YIN, ,'BAR BA NI DRO BA MED PAR MI 'BYUNG LA, DRO BA NI 'BAR BA MED PAR MI 'BYUNG BA MA YIN NO, ,DES NA CHOS CAN NYID DU MI 'THAD DO, ,GTAN MI 'BRAL BA'I 'BRAL BA DANG DE'I DRO BA DAG NI CHOS DANG CHOS CAN GYI DNGOS PO MA YIN NO, ,GTAN TSIGS NI KHYAD PAR DANG BCAS PA YIN TE, GANG ZHIG GZHAN YOD YON TAN NI, ,KHYAD PAR RIM PA DANG LDAN PAR, ,DE DAG DE YI KHYAD PAR NI, ,LA LAR 'CHAD 'GYUR DKAR SOGS BZHIN, ,GANG ZHIG GZHAN DU 'GYUR BA'I YON TAN KHYAD PAR GYI RIM PA NYAMS SU MYONG BA CAN DE DAG NI LA LAR 'CHAD PA MA YIN TE, DPER NA SNAM BU LA SOGS PA LA DKAR PO LA SOGS PA BZHIN NO, ,GANG GIS YOD PA GZHAN DE LA DKAR PO LA SOGS PA 'CHAD PAR 'GYUR BA, DKAR PO LA SOGS PA RANG BZHIN LA THA DAD PA'I SNAM BU LA SOGS PA GZHAN GANG YOD CE NA, DE NI BDEN TE 'ON KYANG SNAM BU LA SOGS PA NI RIG BYA'I RANG BZHIN YIN GYI, KHA DOG GI KHYAD PAR GYI RANG BZHIN NI MA YIN TE, DE MED KYANG SNAM BU YOD PA'I PHYIR RO, ,DES NA GZHAN GYIS ZHES BYA BA'I DON NI 'DI YIN TE, GANG ZHIG RGYUN GYIS 'JUG PA LA, ,'CHAD PA'I CHOS DANG SKYE BA'I CHOS GANG YIN PA DE NI GTAN CHAD PA'I CHOS

, ,SU YANG 'GYUR TE, DPER NA DKAR PO LA SOGS PA BZHIN NO ZHES BYA BA NI NGAG GI DON TO, ,YANG NA ME NYID RJES SU 'JUG PA NA DRO BA KHYAD PAR GYI RIM PA YOD KYANG 'BYUNG BA DANG BRAL BA MA YIN PA DE BZHIN DU, 'DOD CHAGS LA SOGS PA NI MA YIN TE, 'CHAD PA SRID PA'I PHYIR RO, ,NUS PA MI 'CHAD DO ZHE NA, MA YIN TE, NUS PA'I DON GZHAN YIN PA'I PHYIR RO, ,'DOD CHAGS LA SOGS PA NYID NI NUS PA MA YIN NAM, NUS PA YANG LA LAR 'CHAD PA MTHONG BA'I PHYIR RO, ,DE NYID KYI PHYIR BSHAD PA, GZUGS SOGS BZHIN DU NGES MIN DE, ,DE DAG 'BYUNG DANG DBYER MED PHYIR, ,GAL TE DE MTSUNGS SHE NA MIN, ,CHAGS SOGS LHAN CIG SKYE THAL PHYIR, ,'DOD CHAGS LA SOGS PA NI GZUGS DANG RO LA SOGS PA LTAR 'BYUNG BA DAG DBYER MED PA YIN TE, DE MED KYANG 'BYUNG BA RNAMS YOD PA'I PHYIR RO, ,GZUGS DANG RO LA SOGS PA MED PAR MA YIN NO, ,'ON TE DER YANG DE LTA BU NYID DO ZHE NA, DE YANG MI BDEN TE, 'DOD CHAGS LA SOGS PA RNAMS LUS DANG LHAN CIG SKYE BAR THAL BA'I PHYIR RO, ,'DOD CHAGS LA SOGS PA NI LUS DANG THAMS CAD KYI TSE LHAN CIG 'BYUNG BA YANG MA YIN NO, ,'BYUNG BA CHEN PO TZAM DE KHO NAR SMRA BA RNAMS KYI GZUGS LA SOGS PA 'BYUNG BA DAG LAS THA DAD PA YANG MA YIN TE, DE KHO NA MANG POR THAL BA'I PHYIR RO, ,DES NA RNAM PAR DBYER MED PA NI LHAN CIG SKYE BA YIN NO, ,GAL TE YUL GYI RGYU CAN YIN PA'I PHYIR, YUL NYE BAR GNAS PA MED NA RES 'GA' MED PAR YANG 'GYUR RO ZHE NA, DE NI MA YIN TE, RNAM PAR BRTAGS PA'I YUL YIN PHYIR, ,YUL YANG NGES BYED MA YIN NO, ,SKAL MNYAM RGYU DANG BRAL BA'I PHYIR, ,CHAGS SOGS NGES PA MED PA 'AM, ,RGYU NI NYE PHYIR BLO RNAMS KUN, , THAMS CAD TSE NA SKYE BAR 'GYUR, ,'DOD CHAGS LA SOGS PA'I RGYU NI YUL GYI RJES SU 'GRO BA DANG LDOG PA'I RJES SU BYED PA DANG 'BREL PA MA YIN TE, DE MED PAR 'GYUR BA NYAMS SU MYONG BA'I PHYIR RO, ,SKAL BA MNYAM PA'I RGYU YANG MI 'DOD DE, DES NA 'DOD

CHAGS LA SOGS PA NGES PA MED PA'I PHYIR RES 'GA' MI SKYE BAR MI 'GYUR RO, ,DES NA NGES PA MED PAS LUS 'DOD CHAGS LA SOGS PA RE RE DANG LHAN CIG 'BYUNG BAR 'GYUR RO, ,YANG NA 'DOD CHAGS LA SOGS PA THAMS CAD KYI RGYU LUS DANG LHAN CIG 'BYUNG BAR 'GYUR TE, THAMS CAD KYI RGYU LUS NYE BAR GNAS PA'I PHYIR RO, ,'ON TE GANG GI 'DOD CHAGS LA SOGS PA LHAN CIG MI 'BYUNG BA DE 'DRA BA DE NI LUS KYI YONGS SU GYUR BA'I KHYAD PAR NYID YIN NO ZHE NA, GAL TE DE LTA NA, GANG GIS DE DAG DE LTAR 'GYUR BA DE'I YONGS SU 'GYUR BA'I KHYAD PAR DE 'DRA BA DE GA LAS YIN; GANG YANG RUNG BA LAS SHE NA, ,KUN TSE 'BYUNG BAR YANG MI 'GYUR, ,GAL TE DE LTAR MA MTHONG ZHES, ,'GA' YANG RGYU DANG BCAS MI 'GYUR, ,ME MED PAR YANG DU BAR 'GYUR, ,KUN LAS CI YI PHYIR MI 'GYUR, ,DE LA RNAM 'GYUR 'GA' ZHIG CES, ,DE LTAR BRJOD PAR NUS PA YIN, ,DNGOS PO RGYU MED PA LA YANG, ,YUL LA SOGS PA NGES PAR 'GYUR, ,NGES PA MED PA MA MTHONG ZHES, ,DER YANG BRJOD PAR NUS PA YIN, ,GAL TE RNAM PA THAMS CAD DU, ,MTHONG BA TZAM LA RTEN BYED NA, ,MTHONG BA GNYIS MED NYID YIN PAS, ,'DIR NI THA SNYAD 'JIG PAR 'GYUR, ,GAL TE THA SNYAD DOR BAR NI, ,MU NUS PAR NI RTOGS BYED NA, ,'JIG RTEN PHA ROL LA SOGS PA, ,'DI YANG GZHAN DU JI LTAR 'GYUR, ,JI LTAR RJES SU DPAG PA YIS, ,THA SNYAD THAMS CAD BYED 'GYUR BA, ,DE BZHIN 'JIG RTEN PHA ROL LA YANG, ,'DI NI JI LTAR 'DOR BAR BYED, ,THA DAD SHES DANG DON DAG DANG, ,SNGON PO LA SOGS BYAS PA'AM, ,SNGA DANG PHYI MA'I NGO BO NI, ,MNGON SUM GYIS NI RAB GRUB MED, ,DES NA THA SNYAD DBYE BA NI, ,THAMS CAD RJES SU DPAG PAR BYAS, ,DES NA RJES DPAG SPANGS NAS NI, ,'GA' YANG 'TSO BAR NUS MA YIN, ,DE'I PHYIR, GANG DAG MTHONG BA'I DON SPANGS NAS, ,MA MTHONG GZHAN NI RTOGS BYED PA, ,RMONGS PA ZAN GONG SPANGS NAS NI, ,LAG STONG LDAG BYED CI BZHIN NO, ,ZHES BYA BA DE GSAL BA YIN TE, BLANG DANG DOR BYA'I KHYAD PAR NI, ,RNAM DBYE MNGON SUM LAS

, ,MA YIN, ,'DI NI SPANG BYA MIN NO ZHES, ,'DI NI MNGON SUM TZAM GYIS MIN, ,BLANG BYA NYID NI YOD PA YANG, ,DOR BYA NYID NI BKAG LAS YIN, ,BLANG BYA NYID DU BZHAG PA NI, ,DOR BYA LAS NI BZLOG PHYIR RO, ,RTOGS BYED DON DU GNYER RNAMS KYI, , BLANG BYA RTAG TU DON BYA YIN, ,DE NI MNGON SUM GYIS MI MTHONG, ,DE LAS 'JUG PAR 'DOD PA RNAMS, ,DES NA BLANG BYA'I DNGOS PO NI, ,MNGON SUM GYIS NI RIG MA YIN, ,MNGON SUM 'BYUNG 'GYUR DON BYED NI, ,RIG MIN BZLAS PA YANG MA YIN, ,SPANG BYA DBANG PO LAS 'DAS PHYIR, , SPANG BYA DGAG PA'ANG GA LA YOD, ,DNGOS PO 'DI NI MED DO ZHES, ,RTOGS 'DI MNGON SUM LAS MA YIN, ,BLANG DANG DOR BYA RTOGS PA YI, ,MNGON SUM GNYI GA YOD MA YIN, ,'DIR YANG SNGAR GYI RIGS PA NI, ,SLAR LA BZLOG NA 'JUG PA YIN, ,GAL TE SHIN TU GOMS PA YI, , MNGON SUM LAS KUN RTOGS SHE NA, ,MA RTOGS PA LA GOMS PA MED, ,DES NA PHAN TSUN BRTEN PA YIN, ,JI SRID MNGON SUM MED PAR NI, ,GOMS PA LAS NI RTOGS MA YIN, ,JI SRID RTOGS MED MA GOMS LA, ,MNGON SUM SKYE BAR 'GYUR MA YIN, ,GAL TE MNGON SUM 'DIR TSAD YIN NA NI, ,BLANG DANG CIG SHOS RNAM 'BYED MED PAR 'GYUR, ,DES NA RANG GI RANG BZHIN TZAM RIG STE, ,GNYIS MED DE NYID DU NI THAL BAR 'GYUR, ,RJES SU DPAG PA LA BRTEN NAS, ,BLANG BYA LA SOGS PA RNAM 'BYED NYID, ,DES NA THA SNYAD RTOGS PAS NA, ,GZHAN YANG YONGS SU TSOL MI BYED, ,'ON TE GNYIS MED LA BRTEN NAS, ,'JIG RTEN PHA ROL SPONG BYED NA, ,'DI YANG BYOS SHIG DE TZAM GYIS, ,'DI NI RNAM PAR GNAS MA YIN, ,'JIG RTEN 'DI YANG YOD MIN TE, ,DES NA MED PA PA YANG MED, ,DE LTA YIN NA THAMS CAD NI, ,SPANGS PHYIR SEMS NI GROL BA NYID, ,'ON TE 'JIG RTEN 'DI LA GANG, ,GUS PA 'DI NI RMONGS PA STE, ,'DI YANG ZAD 'DOD SU ZHIG NI, ,RMONGS PA GZHAN NI 'DOD PAR BYED, ,RMONGS PA 'DI NYID GA LAS YIN, ,GAL TE THOG MTHA' MED GRUB NA, ,DE NYID 'JIG RTEN PHA ROL TE, ,MANG DU SMRA BA GZHAN DON MED,,

'ON TE 'DI RGYU MED NYID NA, ,THAMS CAD RGYU MED NYID DU 'GYUR, ,DE LTA YIN NA MED PA PA, ,KHYOD KYIS SMRAS PA DON MED 'GYUR, ,GAL TE 'GAR YANG SMRAS PA 'DI, ,NYER MKHO MIN NA CI DON NYID, ,'ON TE 'DI LA DON 'GA' YOD, ,'DI DE NYID KYI RGYUR 'GYUR RO, ,'ON TE GZHAN GYIS GZHAN LA NI, ,'DI LTAR BRGAL ZHING BRTAG BYED NA, ,GAL TE 'GA' YI RGYU MIN NA, ,DES BYAS PAS KYANG DON CI YOD, ,GAL TE 'DI NI MA RIG PAS, ,BYAS NYID SU YIS LEN ZHE NA, ,GAL TE MA RIG CHAD MIN NA, ,GZHAN GYIS BSHAD PA DON MED NYID, ,'ON TE MA RIG CHAD NA YANG, ,GZHAN GYIS BRJOD PA DON MED NYID, ,MA RIG RGYU DANG LDAN NYID NA'ANG, ,THOG MED MA RIG RTOGS PAR 'GYUR, ,DE LTA YIN DANG 'KHOR BA NI, ,RTZOD PA MED PAR GRUB PA NYID, ,MA RIG RNAM RTOG LAS GZHAN MED, ,DE YANG RNAM RTOG SNGA MA LAS, ,DES NI RNAM PAR RTOG PA 'DI; ,THOG MED RGYUN 'BREL GRUB PA NYID, ,DE'I PHYIR BDE BA LA SOGS PA NI THOG MA MED PA'I BAG CHAGS YONGS SU SMIN PAS BYAS PA TZAM YIN GYI, DON DAM PAR NI MA YIN NO, ,DES NA DON DAM PAR NI THAMS CAD SDUG BSNGAL BA NYID DO, ,SDUG BSNGAL DE YANG, DE NI RES 'GA' DMIGS PA'I PHYIR, ,MI RTAG NYES PA'I RTEN PHYIR DANG, ,RGYU DBANG PHYIR YANG SDUG BSNGAL YIN, ,BDAG MIN BYIN GYIS BRLABS PA'ANG MIN, ,RGYU MIN BYIN GYIS BRLABS PA MIN, ,RTAG PA'ANG JI LTAR SKYED BYED YIN, ,DE PHYIR GCIG LAS DU MA NI, ,DUS THA DAD PA SKYE MI 'GYUR, ,MI RTAG PA NYID DANG; SDUG BSNGAL BA NYID DANG, STONG PA NYID DANG, BDAG MED PA NYID CES BYA BA NI SDUG BSNGAL GYI BDEN PA'I RNAM PA BZHI'O, ,DES NA RES 'GA' DMIGS PAR BYA BA NYID KYIS MI RTAG PA YIN NO, ,RTAG PA RTAG TU MI DMIGS PAR BYA BA'I RANG BZHIN NI RES 'GA' DMIGS PAR MI 'THAD DE, DMIGS PAR BYA BA DANG CIG SHOS KYI RANG BZHIN DAG PHAN TSUN SPANGS TE GNAS PA NYID KYIS 'GAL BA'I PHYIR RO, ,DMIGS PAR BYA BA NYID NI YOD PA YIN NO ZHES PA BSTAN PA'I PHYIR RO, ,THAMS CAD KYI TSE THAMS CAD DMIGS PAR NUS PA NI MA YIN TE MI RTAG PA NI RIM GYIS DMIGS PA YIN PA'I

, ,PHYIR RO, ,GCIG LA NI RIM PA SRID PA MA YIN TE, RIM PA DANG LDAN PA CIG SHOS NYID DU MI SNANG BA'I PHYIR RO, ,MNGON SUM MI 'JUG PA'I PHYIR RO, ,DE MED NA RJES SU DPAG PA MED PA'I PHYIR TE, MNGON SUM SNGON DU 'GRO BA CAN YIN PA'I PHYIR RO, ,RJES SU DPAG PA SNGON DU 'GRO BA CAN YIN NA NI, LONG BA BRGYUD PAR THAL BA'I PHYIR RO, ,DE'I PHYIR 'DU BYED KYI PHUNG PO RNAMS NI MI RTAG PA NYID DO, ,SDUG BSNGAL BA NYID NI, 'DOD CHAGS LA SOGS PA NYES PA RNAMS KYI RTEN YIN PA'I PHYIR DANG, RGYU'I STOBS KYI PHYIR TE, RGYU DANG 'BREL PA'I PHYIR YANG SDUG BSNGAL BA YIN TE, GZHAN DBANG THAMS CAD SDUG BSNGAL YIN, ,ZHES BYA BA'I TSUL GYIS SO, ,YANG GI SGRAS NI GOMS PA TZAM LA BRTEN PA'I PHYIR RO ZHES RTOGS PAR BYA'O, ,BDAG GI RANG BZHIN MA YIN LA BDAG GIS BYIN GYIS BRLABS PA YANG MA YIN TE, RGYU MA YIN PA NI BYIN GYIS RLOB PAR BYED PA NYID DU MI 'THAD PA'I PHYIR RO, ,BYIN GYIS RLOB PAR BYED PA NI GDON MI ZA BAR PHAN 'DOGS PA DANG BCAS PAR 'GYUR DGOS SO, ,PHAN 'DOGS PA'I RGYU NYID YIN PA'I PHYIR DANG, GAL TE PHUNG PO RNAMS BDAG GI RANG BZHIN YIN NA, RTAG PA NYID DU 'GYUR RO, ,SKYOD PAR BYED PA MA YIN PA YANG DNGOS PO NYID MA YIN TE, DMIGS PA MI NUS PA'I PHYIR RO, ,SHES PA DUS THA DAD PA DU MA NI, RTAG PA NYID KYIS GCIG LAS SKYE BA MA YIN NO, ,BDAG GIS BYIN GYIS BRLABS PA CAN DU NI DMIGS PA YANG MA YIN NO, ,PHUNG PO RNAMS KYI RANG BZHIN DMIGS PA GANG YIN PA DE NI, MI BRTAN PA NYID DO, ,GAL TE BYIN GYIS MA BRLABS PA'I RGYUD DAG JI LTAR RANG GI 'BRAS BU LA 'JUG STE, DE'I PHYIR BYIN GYIS BRLABS PAR RJES SU DPAG GO ZHE NA, MA YIN TE, MI RTAG PA'I SEMS PA BYIN GYIS BRLABS PA TZAM GYIS RDZOGS PA'I PHYIR RO, , SEMS PA YANG THOG MA MED PA CAN DU BSTAN ZIN TO, ,DES NA, RGYU GZHAN DAG NI TSOGS NA YANG, ,'BRAS BU SKYE BA MED PA'I PHYIR, ,RGYU GZHAN RJES SU DPOG 'GYUR NA, ,DE NI RTAG RNAMS LA YOD MIN, ,GAL TE RGYU GZHAN PA DUS PA YIN YANG 'BRAS BU SKYED PAR BYED PA MA

YIN NA DE'I TSE GANG MA TSANG BAS 'BRAS BU SKYED PAR MI 'GYUR BA'I RGYU GZHAN YANG YOD PA MA YIN NA, DE LTAR NI MA YIN TE, MTSUNGS PA DE MA THAG PA'I RKYEN RUNG BA'I KHYAD PAR TZAM GYIS 'GRUB PA'I PHYIR RO, ,GANG GIS DE MED PAS RNAM PAR RTOG PAR 'GYUR BA RTAG PA DANG KHYAB PA DAG NI NAM YANG 'GAR YANG YOD PA MA YIN NO, ,RJES SU 'GRO BA TZAM GYIS SKYED PAR BYED PA YIN NA NI, NAM MKHA' LA SOGS PA THAMS CAD BYIN GYIS RLOB PAR BYED PAR 'GYUR RO, ,DE DAG YOD PA YIN YANG RGYU RNAMS RANG GI 'BRAS BU LA 'JUG PA'I PHYIR TE, DE DAG KYANG RTAG PA DANG KHYAB PA NYID DU MTSUNGS PA'I PHYIR RO, ,DE DAG NI BYIN GYIS RLOB PAR BYED PA PO NYID MA YIN PA'I PHYIR RO ZHE NA, KHYAB PA DANG RTAG PA NYID KYI PHYIR DE NYID MI 'GRUB PA'O, ,RTAG PAR KHYAB PA MA YIN YANG, ,THAMS CAD DU NI RGYU NYID 'GYUR, ,NYE BA NYID KYI RGYU MIN TE, ,RING BA YIN YANG RGYUR MTHONG NGO, ,SGRA SOGS YUL NI THAG RING YANG, ,RANG 'BRAS SGRUB PAR BYED PA YIN, ,DE'I PHYIR RJES 'GRO TZAM GYIS NI, ,THAMS CAD RGYU NYID YIN PAR 'GYUR, ,RES 'GA' BA NYID YIN PAS NA, ,SDUG BSNGAL 'DI RGYU BCAS NYID 'GRUB, ,RGYU MED GZHAN LA MI LTOS PHYIR, ,RTAG TU YOD PA'AM MED PAR 'GYUR, ,KUN 'BYUNG BA'I BDEN PA LA'ANG RNAM PA BZHI NYID DO, ,RGYU NYID DANG KUN 'BYUNG BA DANG, RAB TU SKYE BA NYID DANG RKYEN NYID DO, ,DE LA RGYU NI RGYU MA YIN PA SPANGS PAS SO, ,KUN 'BYUNG BA NI RGYU GCIG NYID SPANGS PAS SO, ,RAB TU SKYE BA NI MI NUS PA SPANGS PAS TE, 'DI LAS RAB TU 'BYUNG BAS NA RAB TU SKYE BA'O, ,RKYEN NI GTZO BO SPANGS PAS SO, ,DE LA, SDUG BSNGAL GYI NI RGYU YOD CES, ,DANG POR NYID DU BSTAN PA NYID, ,GZHAN NI RES 'GA' BA MIN TE, ,RGYU LDAN LA NI MTHONG BA YIN, ,RGYU MED PA YI DNGOS PO NI, ,YOD PA'AM GANG NA GZHAN NYID 'GYUR, , CI LTA CI LTAR RGYU MED LA, ,DE LTAR RTAG PAR 'GYUR BA YIN, ,RAB RIB CAN SHES SKRA LA SOGS, ,YUL MED PAR YANG SKYE BA'I PHYIR, ,RANG RIG PAS NI RTOGS BYA BA, ,CHOS KYI DBYINGS NI RGYU MED CAN, ,RES 'GA' BA MIN MTSAN NYID CAN, ,RTAG PA NYID DU DMIGS PA YIN, ,MO GSHAM BU

, ,SOGS RGYU YIN , ,BDAG NYID MED PHYIR RTAG TU MED, ,'DIR BRTZAD PA, JI LTAR TSER MA LA SOGS KYI, ,RNO BA'I RGYU SOGS RGYU MED PA, ,DE LTAR 'DI DAG RGYU MED 'GYUR, ,ZHES NI KHA CIG RAB TU BRJOD, ,RGYU MED PAR SMRA BA DAG GO, ,RANG BZHIN NYID KYIS 'BYUNG BA CHEN PO'I NGO BO NYID NI BYED PA MA YIN TE, YUL DANG DUS DANG GNAS SKABS KYI KHYAD PAR DANG LDAN PA NYID KYIS NA KHYAD PAR NYID BYED PA YIN NO, ,DE LA KHYAD PAR DAG KYANG RGYU MED CAN DU DMIGS SO, ,'PHANG MDUNG DANG, KHAB DANG, MDUNG DANG, THUR MA LA SOGS PA RNAMS KYI LCAGS LA SOGS PA'I RANG BZHIN NYID NI, MGAR BA LA SOGS PAS BYED PA MA YIN TE, RNO BA NYID BYED PA'I YUL YIN NO, ,LCAGS LA SOGS PA LA YANG SA LA SOGS PA'I RANG BZHIN NYID NI, GZHAN GYIS BYED PA MA YIN TE, LCAGS LA SOGS PA'I RANG BZHIN DU BYED PA'I PHYIR RO, ,MGAR BA LA SOGS PA MED KYANG, TSER MA LA SOGS PA LA RNO BA MTHONG BAS, DE MED KYANG YOD PA'I PHYIR RO, ,RGYU NGES PA MED PA CAN 'DI NYID RGYU MED PA CAN YIN NO, ,DE BZHIN DU 'GRO BA SNA TSOGS SU BYED PA'I KHYAD PAR GZHAN YANG RGYU MED PA NYID DU 'GYUR TE, 'DI LA 'GAL BA CI YOD CE NA, , DE YANG MA YIN TE, GANG YOD NYID NA'ANG GANG SKYE BA'AM, ,GANG 'GYUR NA YANG RNAM 'GYUR BA, ,DE NI DER RGYUR RAB TU BRJOD, ,DE NI DE RNAMS LA YANG YOD, ,'DI LA BSAM PA NI, GAL TE KHYAD PAR NYID BSKYED PAR BYA BA YIN NA, DE DAG NI RGYU MED PA NYID MA YIN NO, ,RGYA SHUG GI TSER MA'I RNO BA DANG 'KHYOG PA NI RGYA SHUG GI SA BON MED PAR YOD PA MA YIN NO ,DE'I RJES SU 'GRO BA DANG LDOG PA'I RJES SU BYED PA'I PHYIR DE'I 'BRAS BU YIN YANG RGYU MED PA MA YIN NO, ,'ON KYANG MGAR BAS KYANG BYED PA DES NA 'KHRUL PAS DE SKAD BRJOD DO ZHE NA, DE YANG JI LTA BA BZHIN MA YIN TE, BLO SNGON BYED PA DMIGS PA'I PHYIR, ,BLO LDAN RGYU YIN DE LTA NA, ,DBANG PHYUG BYED PA PO DE'I PHYIR, ,RGYA SHUG GI NI TSER MA LA SOGS PA DPE DE NYID LA NI RGYU MED PAR NI 'GYUR BA MA YIN, KHYAD PAR RTOG PHYIR MIN ZHE NA, ,KHYAD PAR YOD MOD RGYU BCAS NYID, ,'GA' ZHIG

RGYA SHUG SA BON LAS, ,GZHAN NI MGAR BA LA SOGS LAS, ,GAL TE KHYAD PAR MTSON MED NA, ,KHYAD PAR MED PA KHO NAR ZAD, ,GANG PHYIR MTHONG BA TZAM GYIS NI, ,KHYAD PAR YONGS SU 'DZIN MA YIN, ,GNYIS MED DE NYID RGYU YIN TE, ,DE NYID RGYU MED YIN PAR 'GYUR, ,DE PHYIR GANG LAS KHYAD PAR YOD, ,DE NYID LAS NI RGYU BCAS YIN, ,'DI LTAR RGYU DANG BRAL BA YI, ,KHYAD PAR NYID NI RAB GRUB MED, ,DE PHYIR GAL TE THA DAD PA'AM GAL TE PHYI'I DON NYID YIN NA RNAM PA THAMS CAD DU RGYU DANG BCAS PA YIN LA, DE LTA MA YIN NA NI BZLOG PA NYID DO, ,GAL TE GANG YOD PA NYID NA GANG SKYE BA DE RGYU YIN NA, REG PA YANG MTHONG BA'I RGYU YIN PAR THAL TE REG PA MED PAR MED PA'I PHYIR RO ZHE NA, DE NI MA YIN TE, TSOGS PA GCIG LA RAG LAS PHYIR, ,GZUGS DANG REG BYA PHAN TSUN DU, ,RNAM PAR DBYE BA MED DES NA, ,REG PA MED PAR MTHONG BA MIN, ,DER NI REG PA MED PAR GZUGS NYID MI 'BYUNG BA YIN NO, ,GAL TE RGYU MTSAN YIN, ,PHAN TSUN MI 'BRAL BA NYID KYIS, ,DUS MTSUNGS 'DI LTA BU'I LDOG PA LAS NI RGYUR 'GYUR BA MA YIN TE, 'ON KYANG GAL TE GZUGS NYE BAR BSTAN NAS REG PA MED NA MTHONG BA MED PAR BSTAN PA YIN NA 'GYUR RO, , YANG NA, REG PA GZUGS RGYU NYID YIN PHYIR, ,MTHONG BA LA NI RGYU MTSAN YIN, ,PHAN TSUN MI 'BRAL BA NYID KYIS, ,DUS MTSUNGS PA DAG KYANG, RGYU NYID YIN PA'I PHYIR RAM, GZUGS KYI RTEN PA'I RANG BZHIN GYI RGYU 'BYUNG BA'I RANG BZHIN GYIS REG PA NYID DE, DES NA BRGYUD NAS REG PA MTHONG BA'I RGYU YIN PA'I PHYIR GTAN TSIGS MI MTHUN PA'I PHYOGS LA 'JUG PA MA YIN PAS 'KHRUL PA MED PA NYID DO, ,DE LTAR NA RE ZHIG RGYU MA YIN PA NYID BKAG PA'I PHYIR RGYU NYID CES BYA BA'I RNAM PA GCIG RNAM PAR GNAS PA YIN NO, ,KUN 'BYUNG BA NYID CES BYA BA'I RNAM PA GNYIS BSHAD PA NI, RTAG RNAMS BKAG PHYIR DBANG PHYUG LA, ,SOGS PA DAG KYANG SRID MIN TE, ,DE'I PHYIR SDUG BSNGAL RGYU DANG BCAS PA YIN YANG, DE LAS RTAG PA GCIG PU'I RGYU BKAG PAS KUN 'BYUNG GI RNAM PA NYID DU GNOD MI ZA BA YIN NO, ,GAL TE RGYU GCIG YIN NA RTAG PA

, ,NYID DU 'GYUR TE, RTAG PA NI LTOS PA MED PAS KHYAD PAR DU BYAR MED PA'I PHYIR RO, ,GTZO BO LA SOGS PA RTAG PA DE RNAMS KYANG SNGAR BKAG ZIN TO, ,DE GA LAS SHE NA, NUS PA MED PA'I PHYIR RO, ,RIM DANG CIG CAR DAG GI DON BYED NUS PA DANG BRAL BA'I PHYIR RNAM PA GSUM PA RAB TU SKYE BA NYID MA YIN NO, ,RNAM PA 'DI NI SRID PA NYID KYIS YIN NO, ,DE NYID BRJOD PA NI, NUS MED PHYIR RO DE YI PHYIR, ,SRID 'DOD RGYU YIN GANG GI PHYIR, ,MI RNAMS YUL GYI KHYAD PAR NI, ,YONGS 'DZIN DE THOB BSAM PAS BYAS, ,RGYU GZHAN NAM LAS NI RAB TU SKYE BA GZHAN NYID MA YIN NO, ,LAS SAM LUS SAM MA RIG PA'AM RAB TU SKYE BA MA YIN TE, NUS PA'I RGYU ZHES BYA BA'I MING GZHAN DANG LDAN PA'I SRED PA MED NA SKYE BA MED PA'I PHYIR RO, ,SRED PA NI RAB TU SKYE BA NYID DU MTHONG BA YIN TE, 'DI LTAR YONGS SU 'DZIN PA DANG KUN TU 'DZIN PA'I MING GI RNAM GRANGS PA CAN NI, DE THOB PA'I SRED PAS BYAS PA YIN LA, YONGS SU 'DZIN PA DE YANG SKYE BA RJES SU 'BREL PA YIN NO, ,DES NA 'DI'I RAB TU SKYE BA NI SRID PA YIN NO, ,SRID 'DOD NI MA 'ONGS PA'I SKYE BA'I DON DU GNYER BA'I RNAM PA'O, ,GAL TE YUL GYI KHYAD PAR DON DU GNYER BA LA SOGS PA NI KUN 'BYUNG BA MA YIN TE, 'DI LTAR BCOM LDAN 'DAS KYIS, DE LA KUN 'BYUNG 'PHAGS PA'I BDEN PA GANG ZHE NA, GANG 'DI SRID PA KUN 'BYUNG BA CAN DGA' BA'I 'DOD CHAGS DANG LDAN PA DE DANG DER MNGON PAR DGA' BA CAN DE, 'DI LTA STE, 'DOD PA'I SRED PA DANG, SRID PA'I SRED PA DANG 'JIG PA'I SRED PA ZHES GSUNGS PA YIN NO ZHE NA, 'DI NI 'GAL BA MED DE, DE NI SRID 'DOD GANG PHYIR YANG, ,SROG CHAGS BDE SDUG THOB PA DANG, ,'DOR 'DOD 'JUG PA DE DAG NI, ,'DOD DANG 'JIG SRED YIN PAR 'DOD, ,GANG 'DI GNAS DANG LONGS SPYOD LA SOGS PA LA SRED PA DE NI SRID PA'I 'DOD PA STE, 'KHOR PA'I SRID PA DGA' BA'I 'DOD CHAGS DANG LDAN PA, DE DANG DER MNGON PAR DGA' BA CAN NO, ,DE THAMS CAD NYID NI 'DOD PA'I SRED PA DANG SRID PA'I SRED PA DANG, 'JIG PA'I SRED PA YIN NO, ,GANG ZHIG GNAS LA SOGS PA LA SRED PA DE NI SRID

PA'I SRED PA STE, SRID PA'I 'DOD PA'O, ,BDE BA'I DON DU GNYER BA'I RNAM PA GANG YIN PA DE NI 'DOD PA'I SRED PA'O, ,SDUG BSNGAL DANG BRAL BAR 'DOD PA DE NI 'JIG PA'I SRED PA YIN NO, ,DES NA 'GAL BA MED PA NYID DO, ,KUN 'BYUNG GI BDEN BA BSTAN PA LUNG DANG 'GAL BA 'GA' MED DO, ,BDAG TU CHAGS PA'I RGYU NYID LAS, ,BDE MIN BDE BAR 'DU SHES PA, ,KUN LA RAB TU 'JUG 'GYUR BA, ,DE PHYIR SRED PA SRID RTEN YIN, ,NGAR 'DZIN PA YI GZHI YIN PHYIR, ,GCIG TU SGRO BTAGS PA'I SEMS NI BDAG GO, ,DE LA CHAGS PA DE NI THAMS CAD LA RAB TU 'JUG PA'I RGYU YIN TE, GNAS DANG LONGS SPYOD LA SOGS PA, ,DON DAM PAR BDE BA DANG BRAL BA NA, BDE BA MA YIN PA LA, PHYIN CI LOG BZHIS NYAMS PA DAG 'JUG PA'I PHYIR RO, ,DE'I PHYIR SRID PA'I RTEN YIN NO, ,SNYING RJE LDAN PA MA GTOGS PA, ,SRED PA MED PA GANG DU YANG, ,'JUG DANG RJES 'BRANG CAN MA YIN, ,DE NI 'KHOR BA'I RGYU MA YIN, ,DE NYID KYI PHYIR SRED PA NI 'JUG PA LHAN CIG BYED PA YIN PA'I PHYIR, RKYEN TZAM YIN GYI, NYE BAR LEN PA NYID NI MA YIN TE, DE LA NYE BAR LEN PA NI SEMS YIN NO, ,DE'I RKYEN NI RES 'GA' SRID PA YIN LA RES 'GA' NI SNYING RJE YIN NO, ,'DIS RKYEN NYID CES BYA BA'I RNAM PA BSHAD PA YIN NO, ,GAL TE RKYEN NYID KYANG, SRED PA NI RKYEN MA YIN TE, 'ON KYANG LUS YIN NO, ,DES NA LUS DANG 'BREL PA NI 'DOD CHAGS DANG BRAL BA MA YIN NO, ,'DI NYID STON PA NI, CHAGS BRAL SKYE BA MA MTHONG PHYIR, ,ZHES NI SLOB DPON RNAMS KYIS GSUNGS, ,LUS MED CHAGS PA MA MTHONG PHYIR, ,LUS LAS KYANG NI 'DOD CHAGS 'GYUR, ,JI LTAR 'DOD CHAGS DANG BRAL BA SKYE BA MA MTHONG BA'I PHYIR, 'DOD CHAGS SKYE BA RGYU YIN PA DE BZHIN DU, RIGS PA 'DI NYID LAS LUS 'DOD CHAGS LA SOGS PA'I RGYUR 'GYUR RO, ,LUS MED PAR CHAGS PA MA MTHONG BA'I PHYIR RO ZHE NA, 'DIR BSHAD PA, 'DOD CHAGS MED KYANG SNYING RJE'I DBANG GIS SKYE BAR 'GYUR BA YIN NO, ,DE'I MNGON PAR DGA' BA'I YUL NYID NI SRED PAS BYAS PA YIN PA'I PHYIR, KHYAD PAR TZAM GYI RGYU YIN PAS NA, SRED PA NI RKYEN TZAM

, ,YIN NO, ,DE BZHIN DU GAL TE LUS KYANG 'DOD CHAGS LA SOGS PA'I RKYEN TZAM YIN LA, TSUL BZHIN MA YIN PA YID LA BYED PA NYID NYE BAR LEN PA'I RGYU YIN NA NI, DE'I TSE 'DOD PA NYID SGRUB PA YIN NO ZHES STON PA NI, RGYU MTSAN KHAS BLANGS PHYIR NA 'DOD,, NYER LEN NYID NI GSAL BA YIN, ,RIGS 'DI RJES SU 'DOD NA NI, ,RANG NYID RANG 'DOD LA GNOD 'GYUR, ,TSUL BZHIN MA YIN PA YID LA BYED PA'I RJES SU 'BREL PA'I LUS KYANG 'DOD CHAGS KYI RGYUR 'DOD PA YIN NO, ,DE NI YUL BZHIN DU RES 'GA' BAG CHAGS SAD PA'I RGYU YIN NO, , RIGS PA 'DIS NI LUS KYANG 'DOD CHAGS KYI RGYU CAN NYID DU SGRUB PAR BYED DO, ,DES NA PHAN TSUN RGYU YIN PA'I PHYIR, DE LTA BU TSOGS PA THOG MA MED PA LAS SKYE BA RAB TU 'BYUNG BAS, SKYE BA GZHAN RAB TU GRUB PA'I PHYIR, TSU ROL MDZES PA PAS DPYAD PA MES TSIG PA YIN NO, ,GAL TE YON TAN DANG BCAS PA RDZAS NYID SKYE BA MA YIN NAM, DES NA 'DI GNYIS NI PHAN TSUN RGYU MA YIN NO, ,GAL TE SKYE BA CHAGS MTHONG PHYIR, ,SKYE DANG LHAN CIG 'BYUNG ZHE NA, ,SKAL MNYAM SKYE LAS SNGAR GRUB YIN, ,SRID LA MI SHES RGYU YIN YANG, ,MA BRJOD SRED PA 'DIR BSHAD PA, , RGYUN NI 'PHEN BYED PA YI PHYIR, ,GAL TE 'DOD CHAGS LA SOGS PA SKYE BA DANG LHAN CIG 'BYUNG BA'I PHYIR 'DOD CHAGS LA SOGS PA LUS KYI RGYU MA YIN NA, DE'I TSE LUS KYANG 'DOD CHAGS LA SOGS PA'I MA YIN NO, ,RGYU MED PA NYID KYANG MA YIN PA DE'I PHYIR 'DOD CHAGS LA SOGS PA RIGS MTHUN PA'I RGYUS BSKYED PA'I PHYIR MNGON PAR 'DOD PA 'GRUB BO, ,GAL TE SRID PA GCIG PU NI RGYU MA YIN PA YIN NAM, MA RIG PA DANG SRED PA DANG LAS GSUM RGYU YIN PA'I PHYIR RO, ,DE DANG DER MNGON PAR DGA' BA CAN GYI SRED PA NYID KUN 'BYUNG BA'I BDEN PAR BSTAN PA CI LTAR ZHE NA, DE NI MED DE RGYU NYID YIN YANG DE MA THAG PA'I RGYU MA YIN NO, ,SRED PA NYID BAR DU MA CHOD PAS RGYU YIN TE, 'KHOR BAR RGYUR SKUL BAR BYED PA YANG YIN PA'I PHYIR RO, ,GTI MUG DANG LAS DAG NI YOD KYANG SRID PA MED PA 'GAR YANG 'JUG PAR BYED PA NI MA YIN TE, PHYIN CI LOG YOD KYANG, SRED PA

MED NA DUNG LA 'JUG PA MA YIN TE, DE NYID KYI PHYIR BSHAD PA, DE MA THAG PA NYID KYANG MIN, ,DE YOD PA NI MED PHYIR RO, ,SRED PA MED NA NI LAS KYIS SBYAR BA'I RGYAL SRID LA SOGS PA YANG 'DOR BAR BYED DO, ,GAL TE BLO LAS KYI RJES SU 'GRO BA'I PHYIR, 'DOR BA MA YIN NAM, GANG GIS THOB PAR 'DOR BAR BYED PA DE'I LAS NYID DE 'DRA BA YIN NO, ,'ON TE THAR PA'I BDAG NYID RNAMS LA SKYE BA MED PA'I PHYIR RO ZHES BRJOD NA, DE DAG KYANG LAS ZAD PA NYID KYIS THAR PA YIN TE, DE LTA MA YIN NA MED PA'I PHYIR RO ZHE NA, 'DIR SMRAS PA, GAL TE LAS 'DI THAD PA STE, ,SRID PA DANG NI RNAM 'BRAL NA, ,SRED PA GTZO BO'I RGYU YI ZHES, ,'DI NYID 'DIR NI RIG PAR LDAN, ,'ON TE 'DI LA SRID YIN NA, ,LAS ZAD PA NI MED PA NYID, ,SRID BCAS DE LAS GZHAN PA DANG, ,GZHAN PA'I LAS NI YANG 'GYUR RO, ,DE LTAR NA RE ZHIG KUN 'BYUNG GI MTSAN NYID, 'PHAGS PA'I BDEN PA RNAM BZHIR BSHAD PA YIN NO, ,DA NI SDUG BSNGAL DE 'GOG PA SRID PA YIN NO ZHES 'GOG PA'I BDEN PA'I RNAM PA BZHI 'CHAD DE, DE NI GTAN DU BA MIN TE, RGYU LA GAGS SOGS SRID PHYIR RO, ,'KHOR PHYIR THAR PA MED CE NA, ,MA YIN 'DOD DANG MA GRUB PHYIR, ,'GOG PA NYID DANG, ZHIB NYID DANG, GYA NOM PA NYID DANG, NGES PAR 'BYUNG BA NYID DE RNAM PA BZHI'O, ,'GOG PA NYID DO ZHES SMRAS PA LA 'GOG PA NYID DO ZHES BRJOD DO, ,GROL BA RNAMS KYANG 'DOD CHAGS LA SOGS PA DANG LDAN PAR PHA ROL POS KHAS BLANGS PA DE BKAG PAS NA ZHI BA NYID DO, ,DE LAS KYANG MCHOG TU GYUR PA'I THAR PA YOD DO ZHES ZHES BYA BA SPANGS PAS NA GYA NOM PA ZHES BYA BA'I RNAM PA YIN NO, ,THAR PA YANG SLAR THAR PA MA YIN PAR 'GYUR RO ZHES BYA BA DE BSAL NA NGES PAR 'BYUNG BA NYID CES BYA BA NYID RNAM PA BZHI PA YIN NO, ,DE LA RNAM PA DANG PO NI, ,DE NI GTAN DU BA MIN TE, ,GTAN DU NI 'GYUR BA MA YIN TE 'GOG PA YANG YIN NO, ,'KHOR BA PA YIN PA'I PHYIR THAR PA MA YIN PA NI NYES PA YANG MA YIN TE 'DOD PA'I PHYIR RO, ,THAR PA NI 'GA' YANG YOD PA MA YIN NO, ,'GA' ZHIG BCINGS PA DE NI THAR PA YOD PA MA YIN TE, DE'I RANG BZHIN YIN PA'I PHYIR, THAR PA LA YANG BCINGS PA YOD PA MA YIN TE, DE NI RTAG TU

, ,THAR PA'I RANG BZHIN YIN PA'I PHYIR RO, ,'ON KYANG SEMS KYI RGYUN MA DAG PAR 'GYUR BA CHOGS PA'I KHYAD PAR LAS DAG PA'I CHA GZHAN SKYED PA 'BA' ZHIG GO, ,DE LA PHYI MA DAG PA'I CHA NI 'KHOR BA NYID DU MA GRUB PO, ,DON DAM PAR NI 'KHOR BA PA 'GA' YANG YOD PA MA YIN TE, SKAD CIG RNAMS 'KHOR BA MA YIN PA'I PHYIR DANG, RGYUN KYANG DON DAM PAR MED PA'I PHYIR RO, ,DES NA 'KHOR BA'I PHYIR ZHES BYA BA'I GTAN TSEGS NI MA GRUB BO, ,GANG LA THAR PA YOD PA'I THAR PA PO YANG MED DO, ,GAL TE BCINGS PA THAR MIN NA, ,GZHAN BCINGS GZHAN NI GOL 'GYUR TE, , GZHAN NI BKRES DANG GZHAN DRANGS DANG, ,GZHAN GYI GSO BA'I SDUG BSNGAL MYONG, ,GZHAN NI NAD LAS THAR BAR 'GYUR, ,GZHAN NI DKA' THUB KYIS GDUNGS LA, ,GZHAN NI MTHO RIS BDE BA MYONG, ,GZHAN NI BSTAN BCOS SBYONG BAS NGAL, ,GZHAN NI BSTAN BCOS RTOGS DE'I TSE,, RTOGS LDAN RGYU SBYOR CI ZHIG DGOS, ,'DI LA LAN DU, 'DI LTAR, JI SRID BDAG CAG MA BCOM ZHING, ,DE YI YONGS SU GDUNG 'GYUR BA, ,DE SRID SDUG BSNGAL SGRO BTAGS NAS, ,RANG BZHIN DU NI GNAS PA MED, ,GROL BA PO NI MED NA YANG, ,LOG PAR SGRO 'DOGS GZHOM PHYIR BRTZON, ,'DOD CHAGS BRAL BA'I GNAS PA NI, ,BRTZE BA'AM YANG NA LAS DAG GIS, ,'DI LA BSAM PA NI, GAL TE RE ZHIG 'DIR KHO NA MTHONG BA LA BRJOD NA NI DE'I TSE GRUB PA NYID DO, ,DE DAG NI 'GA' ZHIG TU 'JUG PA 'AM RTZOL BA BYED PA MA YIN NO, ,CHOS NYID SPANGS BAR BYA BA NA, ,ZHES GSUNGS PA'I PHYIR RO, ,'ON TE NGED LTA BU LA YIN LA, DE'I TSE GCIG PO MNGON PAR BZLOG PA'I PHYIR, BCINGS PA DE NYID GROL BA YIN PAS DE DAG GI GCIG PA DE NYID DO, ,DNGOS PO DON DAM PAR YOD DO ZHES TE, DE TZAM GYIS NI DE LTAR THA SNYAD BYED PA MA YIN TE, THA SNYAD NI RTOGS PA LA LTOS PA YIN PA'I PHYIR RO, ,'DI LTAR DON DAM PA NA SBRUL NI SPANG BAR BYA BA YIN PA'I YUL MA YIN TE, 'ON KYANG SBRUL NYID DU LHAG PAR MOS PA YUL YIN NO, ,'ON TE GAL TE KUN RDZOB TU GCIG NYID YIN PA LTA BU NA YANG KUN RDZOB TU THA SNYAD YOD PAR 'GYUR MOD DON DAM PAR NI GCIG

MED PA'I PHYIR, JI LTAR DON DAM PA'I THA SNYAD DU 'GYUR ZHE NA, DE NI MA YIN TE, CE LTAR GCIG NYID KUN RDZOB PA, ,THA SNYAD KYANG NI KUN RDZOB NYID, ,JI LTAR DE NYID DU GCIG MED, ,THA SNYAD KYI NI DNGOS MED YIN, ,RANG GI NGO BO LAS GZHAN PA, ,'BAD PA'ANG LA LAR YOD MA YIN, ,RGYU DANG 'BRAS BU'I DNGOS PO NI, ,RTZOD PA'I SKABS 'BYED BYED PA MIN, ,CI PHYIR 'DI LAS 'BRAS 'DI ZHES, ,BYA 'DI MKHAS PA'I TSUL MA YIN, ,DE LTAR RTOGS PA DANG LDAN PA, ,'GAR YANG 'JUG DANG RTOG PA MIN, ,SNGON DANG PHYI MAR DMIGS PA NI, ,TSAD MAS RAB TU RIG MED PHYIR, ,SKAD CIG TZAM LA 'GAR YANG NI, ,'JUG PA SRID PA NYID MA YIN, ,DES NA RTZOL BA 'GA' YANG NI, ,YOD MIN DE PHYIR NOR PA NYID, ,KHAS BLANGS NAS KYANG BRJOD PA NI, ,'DOD CHAGS BRAL BA'I GNAS PA NI, ,ZHES BYA BA LA SOGS PA'O, ,DAM PA'I DON RTOGS 'GYUR BA NA,, GAL TE 'JUG PA MED NYID NA, ,CHAGS BRAL SPYOD PAR MI 'GYUR TE, ,SNGA PHYI RNAM DBYE LA BRTEN NAS, ,SPYOD PA SHES PA RTOGS NA YANG, ,SNYING RJE YIS NI 'JUG PA YIN, ,JI LTAR RGYAL PO SKYES BU LA, ,PHAN BYED LA BRGYUD RANG BRTZON BZHIN, ,SMON LAM GTZO BOR BYED PAS NA, ,DE YI 'BRAS BU SMON LAM GYI, ,LAS KYI MTHU LAS SKYES PA YIN, ,'DI LA BRGAL BA CI ZHIG YIN, ,DE PHYIR RNAM PA LTA BU'I LDOG PAR SGRO BTAGS PA SPANG BA'I PHYIR BRTZON PA YIN TE, DE LTA MA YIN NA, RMONGS PA'I SDUG BSNGAL MYONG BAS SPANG BAR MI 'GYUR RO, ,GAL TE LAS KYI GNAS PA YIN NA'O NA SKYE BA GZHAN GYI LAS KYANG YOD PA'I PHYIR SKYE BA GZHAN DANG 'BREL PAR 'GYUR RO, ,'ON TE DGRA BCOM PA LAS LAN NUS PA MED NA, GNAS PAR YANG MI 'GYUR RO ZHE NA, 'DI LA BSHAD PA, 'PHAGS LA LDOG MED 'DOD PHYIR RO, ,SRID PA'I SRID LAS RNAM BRGAL BA'I, ,LAS GZHAN 'PHEN NUS MA YIN TE, ,LHAN CIG BYED PA ZAD PA'I PHYIR, ,'PHAGS PA NI RTZOL BA MED PA BZLOG PAR NUS PA MA YIN NO, ,RTZOL BA YANG 'DOD CHAGS DANG BRAL BAS SPANG BAR 'GYUR TE, BTANG SNYOMS PA NYID KYIS DE NI 'GA' YANG RE BA MI 'CHA' BA'I PHYIR RO, ,RE BA MED PA DE NYID KYI PHYIR,

, ,SKYE BA GZHAN 'GRUB PA MA YIN NO, ,DE'I PHYIR LHAN CIG BYED PA SRED PA'I MTSAN NYID MED PA'I PHYIR SNGON GYI SRED PAS BSKYED PA'I SKYE BA DE GCIG 'BA' ZHIG TU ZAD KYI, GZHAN NI MED DO ZHES GNAS SO, ,GAL TE BRTZE BA NI SDUG BSNGAL LAS BSKYAB PAR BYA PA'I PHYIR, SEMS CAN LA 'GYUR GYI, GZHAN LA MA YIN PA MA YIN NAM, BDAG TU LTA BA SPANGS PA'I PHYIR NI SEMS CAN 'GA' YANG MED LA, SEMS CAN DU LTA BA YANG MED PA YIN NO, ,DES NA BRTZE BA'I PHYIR NA SEMS CAN DU LTA BA MA SPANGS PAR 'GYUR RO ZHE NA, 'DI LA LAN DU, SDUG BSNGAL SHES LA 'GAL MED PHYIR, ,'DU BYED SNGA MA 'JUG PA CAN, ,DNGOS CHOS BRTZE BA SKYE BA DE, ,SEMS CAN RJES 'BRAL CAN MA YIN, ,GANG GI TSE SDUG BSNGAL LA GSUM DANG LDAN PA MTHA' DAG SDUG BSNGAL BA'O ZHES MNGON SUM DU BYAS PA DE'I TSE, KUN 'BYUNG GI MTSAN NYID SRED PA DANG 'BRAL BAR 'GYUR RO, ,KUN 'BYUNG SPANGS PA LA NI 'DOD CHAGS LA SOGS PA MED PA'I PHYIR, SEMS CAN GYI TSOGS MTHA' DAG DANG 'GAL BA MED PA MNYAM PA NYID DO, ,DES NA SDUG BSNGAL MTHONG BA LAS DNGOS PO LA BRTEN PA NYID KYIS BRTZE BA CHEN PO SKYE BA YIN GYI DE'I GNAS SKABS NA SEMS CAN DU 'DZIN PA DANG 'BREL PA NI MED DO, ,DE LTA BUR 'GYUR BA'I SEMS CAN DU 'DZIN PA'I LTA BA SPANGS PA'I BSAM PA GANG YIN PA DE NI BRTZE BA YIN LA, DE YANG BDAG TU LTA BA SPANGS PA KHO NA'I YIN GYI GZHAN GYI NI MA YIN NO, ,BDAG TU LTA BA MA SPANGS PA NI JI LTAR GZHAN DAG DE SPANG BA'I DON DU 'BAD PAR 'GYUR, GAL TE 'DOD CHAGS DANG BRTZE BA LA KHYAD CI ZHIG YOD CE NA, 'DI NI KHYAD PAR MED DE, DE BDAG MIN PA'I CHOS LA NI, ,BDAG GZHAN SGRO 'DOGS PA LA CHAGS, ,SDUG BSNGAL RGYUN RIG TZAM LAS NI, ,BRTZE BSKYED PAR 'GYUR BA YIN, ,'DOD CHAGS DANG BRTZE BA NI KHYAD CHE STE, RGYU THA DAD PA'I PHYIR DANG YUL THA DAD PA'I PHYIR RO, ,'DI LTAR MA 'ONGS PA MED PAR SGRO BTAGS NAS BDAG NYID MA 'ONGS PA'I BDE BA DANG PHRAD PAR SMON PAS DBANG DU BYAS PA'I 'DOD CHAGS NI DE LAS 'JUG PA YIN LA YUL YANG DE'I BDAG NYID MA YIN PA

LA DE'I BDAG NYID DU MTHONG BAR 'GYUR BA YIN TE, PHYIN CI LOG RNAM PA BZHIS BSGOM PA'I YID NI, CHAGS PAR 'GYUR GYI GZHAN NI MA YIN NO, ,BRTZE BA NI SDUG BSNGAL GYI RGYUN TZAM MNGON DU BYAS PA NYID LA, LOG PAR MNGON PAR RLOM PA DANG BRAL BAR BYA BA'I DON DU 'JUG PA YIN NO, ,GAL TE BDAG GIS 'DI'I SDUG BSNGAL BZLOG PAR BYA'O SNYAM PA'I BSAM PA MED PA JI LTAR 'GYUR ZHE NA, 'DI LA LAN DU, GAL TE BDAG DON LA 'JUG NA, ,DE LTA NYID DU THAL BAR 'GYUR, ,GZHAN DON CAM LA 'JUG RNAMS LA, ,RANG 'DZIN CHED KA CHE BA MIN, ,RGYAL PO'I DPE NI BSTAN ZIN TE, ,DE'I PHYIR 'DI LA MI 'THAD MED, ,YANG NA SNGA MA SNGA MA YIS, ,SKYES BU DAM PA'I 'DU BYED LA, ,'JUG 'GYUR RGYUN MTHONG YOD MIN ZHING, ,'JUG PA'ANG 'GA' ZHIG YOD MA YIN, ,GNAS PA MA YIN TSAD MED PHYIR, ,KHYOD CAG 'KHRUL PA NYID DU ZAD, ,DES NA 'DI NI BRTZE BA DANG 'DOD CHAGS KYI KHYAD PAR YIN TE, SHIN TU RGYU SKYED PAS CHOG GO, ,GAL TE DE KHO NA MTHONG BA LA SKYE BA'I PHYIR BRTZE ,GAL TE BDAG LA GNOD PA BYED PA MTHONG NA KHRO BAR 'GYUR BA RANG BZHIN DU NI 'GYUR BA NYID DE, MI GTZANG BA LA SOGS PA MTHONG BA LA RGYAB KYIS PHYOGS PAR 'GYUR BA'I PHYIR RO ZHE NA ,MI SDUG PA BSGOM PAS NI THAR PA MA YIN GYI, 'ON KYANG SDUG BSNGAL LA SOGS PA MTHONG BA LAS YIN NO, ,BDAG YOD NA NI DE RANG DBANG YIN PAS GZHAN SDUG BSNGAL BAR BYED PA'I PHYIR SDANG BAR 'GYUR NA, GANG GI TSE 'DI RGYU LA RAG LAS PA DE'I RANG GI NGO BO TZAM GYIS 'JUG PA DANG GNOD PAR BYED PA'I DUS NA DE NYID MED PA LA GNOD PAR BYA BAR MI NUS PA DE'I TSE NI SNGAR BAR 'DZIN PA'I DON MED DO, ,GTI MUG NYES PA'I RTZA BA DE, ,DE YANG SEMS CAN 'DZIN PA YIN, ,DE MED NYES RGYU LA KHRO MIN, ,DES NA BRTZE BA NYES MED 'DOD, ,GAL TE BDAG LA GNOD PA BYED PA MTHONG NA KHRO BAR 'GYUR BA YIN NA, BDAG NI 'GA' YANG YOD PA MA YIN TE, 'ON KYANG SEMS CAN MED PAR YANG SEMS CAN DU 'DZIN PA TZAM 'BA' ZHIG KHRO BA'I RGYU YIN PAS SEMS CAN DU 'DZIN PA MED PA NA NI, GTI MUG NI SEMS CAN DU LTA BA'I RMONGS PA MED PA'I PHYIR, RANG NYID

, ,MED PA YIN NO, ,DE BAS NA NYES PA THAMS CAD DANG BRAL BA'I RTZA BA NI SKYON YOD PA MA YIN NO, ,GAL TE 'DOD CHAGS DANG BRAL BA LUS DANG BCAS PA YIN NA, DE'I TSE MA GROL BA NYID DU MI 'GYUR RAM ZHE NA, MA YIN TE, NYES PA DANG BRAL BA'I SEMS YOD PA'I PHYIR RO, ,GZHAN YANG, GROL MED MA YIN SNGON DU MED, ,ZAD NA GZHAN MTSAMS MI SBYOR PHYIR, ,'DU BYED NUS PA MA ZAD PA, ,GAL TE GNAS PA NYES MED NYID, ,SKYE BA GZHAN MTSAMS SBYOR BA DANG, ,'GAL BA'I YID LA GNAS PA JI LTAR GROL BA MA YIN, ,SNGON GYI 'DU BYED SKYE BA DE SKYED PAR BYED PA YANG ZAD BA'I PHYIR MTSAMS SBYOR BA MA YIN NO, ,GANG DAG SKYE BA GZHAN DU MTSAN SBYOR BA MED PAR BYA BA'I PHYIR 'DU BYED ZAD 'DOD PA MED PAS, 'DU BYED PA ZAD PA DE NI JI SRID 'DU BYED RJES SU 'JUG GI BAR DU GNAS PA LA NYES PA MED PA NYID DO, SNYING RJE DMAN PA NYID PHYIR YANG, ,GNAS PA'I 'BAD RTZOL CHEN PO MED, ,GANG DAG BRTZE BA CHEN PO PA, ,GZHAN GYI NGOR NI BZHUGS PA YIN, ,'DU BYED ZAD PA'I PHYIR DANG, SNYING RJE DMAN PA NYID KYI PHYIR YANG GNAS PA'I 'BAD RTZOL MED PAS GTAN DU GNAS PA MA YIN NO, ,THUGS RJE CHEN PO DANG LDAN PA DAG NI GNAS PA NYID DO, ,DE BZHED PA YOD PA'I PHYIR RO, ,GAL TE LAM NUS PA YIN NA DE'I TSE DANG PO RGYUN DU ZHUGS PA'I LAM NYID DU SRID PA 'CHAD PAR 'GYUR TE, 'JIG TSOGS SU LTA BA DANG BRAL BA'I PHYIR RO, 'DI LTAR 'JIG TSOGS SU LTA BA DANG, THE TSOM DANG TSUL KHRIMS DANG BRTUL ZHUGS MCHOG TU 'DZIN PA SPANGS PAS RGYUN DU ZHUGS PAR 'GYUR BA YIN NO, ,GTI MUG NYES PA'I RTZA BA STE, DE YANG SEMS CAN 'DZIN PA YIN NO ZHES KYANG BRJOD PA YIN NO, ,DES NA LAM GZHAN DON MED PAR 'GYUR RO ZHE NA, 'DI LA BSHAD PA, GAL TE 'JIG TSOGS LTA BRAL PHYIR, , LAM DANG BOR NI SRID MED 'GYUR, ,LHAN CIG SKYES BA MA SPANGS PHYIR, ,SPANGS NA SRID PA GA LA YOD, ,'JIG TSOGS SU LTA BA MTHA' DAG SPANGS PA NI MA YIN TE, MNGON PAR 'DU BYED PA LAS BYUNG BA NYID SPANGS PA'I PHYIR RO, ,LHAN CIG SKYES PA NI SPANGS PA MA YIN NO, ,LAM DANG PO PA

NI BDEN PA MTHONG BA TZAM YIN LA, MTHONG BAS KYANG MNGON PAR 'DU BYED PA LAS BYUNG BA'I BDAG TU 'DZIN PA SPANGS PA YIN TE, GZHI MED PA'I NYON MONGS PA YIN PA'I PHYIR RO, ,NYE BAR BSTAN PA LAS BYUNG BA'I BDAG LTA BA DE NI, BZLOG PA MTHONG BA TZAM NYID KYIS SPONG BA YIN LA, LHAN CIG SKYES PA'I 'JIG TSOGS LA LTA BA NI THOG MA MED PA NAS GOMS PAS BRTAN PA YIN PA'I PHYIR, GNYEN PO GOMS PA'I LAM NYID KYIS SPONG BA YIN TE, DES NA LHAN CIG SKYES PA SPANGS PA LAS SRID PA ZAD PAR 'GYUR RO, ,GANG GI 'DOD PAS LHAN CIG SKYES PA YANG SPANGS PAR 'DOD PAS NI SPANGS NAS SRID PA GA LA YOD PAR 'GYUR TE, SHES RAB RNON PO'I NI LAM DANG PO NYID NUS PA THAMS CAD DANG LDAN PA'I PHYIR, DE NYID LAM THAMS CAD KYI RANG BZHIN NO, ,GAL TE SEMS CAN DU LTA BA LHAN CIG SKYES PA BDAG GI RNAM PA CAN YIN NA, DE'I TSE BDAG MED PAS MNGON PAR 'DU BYED PA NYID LAS DE LAS BLO 'GYUR BA YIN GYI GZHAN DU NI MA YIN NO, ,SKYED PAR BYED PA'I DNGOS PO MED NA NYE BAR BSTAN PA TZAM ZHIG RGYU YIN PAR 'GYUR RO ZHE NA, 'DI LA BSHAD PA, BDE BAR 'GYUR BA'AM SDUG BSNGAL BAR, ,MA GYUR CIG CES 'DOD PA NA, ,NGA'O SNYAM PA'I BLO GANG DES, ,SEMS CAN LTA LA LHAN CIG SKYES, ,NGA ZHES MTHONG BA MED PAR NI, ,'GA' YANG BDAG LA CHAGS PA MIN, ,BDAG LA SRED PA MED PAR YANG, ,BDE BA 'DOD PAS MNGON RGYUG MIN, ,BDAG BDE BAR GYUR CIG CE'AM, ,RNAM PA GZHAN DU MA GYUR CES BYA BA DE LTA BA'I RNAM PA CAN, ,NGA'O SNYAM PA'I BLO THOG MA MED PA'I BAG CHAGS KYI DBANG GIS SKYES PAR 'GYUR BA DE NI SEMS CAN DU LTA BA LHAN CIG SKYES PA YIN NO, ,DE SPANGS BA'I PHYIR NI SRID PA MED PAR 'GYUR RO, ,BDAG GO ZHES MA MTHONG NA NI, ,BDAG TU ZHEN PAR MI 'GYUR GYI, ,MTHONG BA LA NI MA YIN NO, ,BDAG LA ZHEN PA MED PAR YANG BDE BA 'DOD PAS MGON PAR RGYUG PAR MI BYED PA YIN NO, ,GANG ZHIG SEMS CAN DU LHAN CIG SKYES PAS BCUG PA'I BDAG NYID DU ZHEN PA DANG 'BREL PA DE CI LTAR YANG SRID MED PAR 'GYUR, DES NA SEMS CAN DU LTA BA LHAN CIG SKYES PA YOD PA'I PHYIR, LAM DANG PO NYID DU 'KHOR BA MED PA MA YIN

, ,TE; SEMS CAN DU LTA BA MTHA' DAG SPANGS PA LAS GDON MI ZA BAR 'GYUR BA MA YIN NO ZHES BYA BAR NGES SO, ,'DIS NI ZHI BA NYID CES BYA BA'I RNAM PA BSHAD PA YIN NO, ,GAL TE BDAG YOD NA, BCINGS PA DE NYID GROL BA YIN PA DE'I PHYIR BDAG LA YONGS SU TSIM PA'I KHYAD PAR LAS THAR BA DE GYA NOM PAR 'GYUR BA MA YIN NAM, BDAG MED PA NA GO GANG LAS TSIM PAR 'GYUR, GAL TE 'GYUR NA DE 'KHRUL PA NYID YIN PAS NYES PA DANG BCAS PA NYID YIN TE, 'DI THAR PA NI MA YIN NO ZHE NA, 'DI LA LAN BTAB PA NI, SDUG BSNGAL SKYE BA'I RGYU NYID NI, ,'CHING YIN RTAG LA DE GA LAS, ,SDUG BSNGAL MI SKYED RGYU NYID NI, ,THAR YIN RTAG LA DE GA LAS, ,GAL TE BDAG RTAG PA DANG, DE BZHIN KHYAB PA YIN NO, ,DE'I TSE RJES SU 'GRO BA DANG LDOG PA MED PA'I PHYIR DE RANG NYID BDAG GI SDUG BSNGAL SKYED PAR NUS PA MA YIN TE, NAM MKHA' BZHIN NO, ,GAL TE RANG DBANG DANG NUS PA YIN NA JI LTAR BDAG LA SDUG BSNGAL BSKYED DE, RANG GSAD PAR BYA BA'I PHYIR GSHED BYED SGRUB PA NI RTOG BA DANG LDAN PAR RIGS PA MA YIN NO, ,'ON TE 'DI RMONGS PA YIN NA, DE'I TSE BDAG NYID MI SHES PA JI LTAR BDAG YIN, MI DMIGS PA'I PHYIR 'DI MED PA NYID DU 'GYUR RO, ,'ON TE 'DI DE'I RANG BZHIN NYID YIN NA DE'I TSE NAM YANG GZHAN DU MI 'GYUR BA'I PHYIR DE 'THAD PAR MI 'GYUR RO, ,'ON TE BDAG NYID SHES KYANG CHOS DANG CHOS MA YIN PAS SDUG BSNGAL BSKYED DO ZHE NA, DE LTA NA YANG RTAG PA DANG KHYAB PA NI 'GA' YANG SDUG BSNGAL BSKYED PA'I RGYU MA YIN NO, ,GAL TE 'DI DE'I TSE SDUG BSNGAL GYI RANG BZHIN YIN NA DE'I TSE SDUG BSNGAL SDUG BSNGAL DANG LDAN PA MA YIN NO, ,DE'I NGO BO YIN NA GZHAN DU; MI 'GYUR TE DES NA THAR PA MED DO, ,GZHAN GYI DNGOS POR 'GYUR NA NI RTAG PA MA YIN PA'I PHYIR BDAG MA YIN NO, ,DE LTAR BDE BA DANG SDUG BSNGAL THA DAD PA YIN NA DE'I TSE BDAG BDE BA CAN MA YIN LA SDUG PA CAN YANG MA YIN NO, ,BDE BA GZHAN GYIS GZHAN BDE BA NYID DU NI 'GYUR RO, ,'ON TE DER 'DU BA'I PHYIR RO ZHE NA, 'DU BA YANG GZHAN NYID MA YIN NAM, GZHAN NYID MA YIN PA NYID NA NI SKYON DE NYID DO, ,BDE BA DANG BDE BA MA YIN PA LA SOGS

PA'I RANG BZHIN YIN NA NI, RANG BZHIN GZHAN DANG GZHAN NYID PAS MI RTAG PA NYID DO, ,CI STE 'DI DON DAM PAR RNAM PAR 'GYUR BA MED PA NYID DE, BDE BA LA SOGS PAS RTOGS PA 'KHRUL PA NYID DO ZHE NA, DE YANG MA YIN TE, GAL TE 'KHRUL PA BDAG LAS NI, ,GZHAN NA BDAG MED RIG MED PHYIR; ,DE YI RANG BZHIN RIG CE NA, ,RANG RIG JI LTAR 'KHRUL PA YIN, ,GAL TE THAR KYANG BDE NYID NA, ,THAR PA GYA NOM MI 'GYUR TE, ,DE LA DE NI RMONGS YOD PHYIR, ,DE PHYIR BDAG NI THAR LDAN MIN, ,GANG LA YONGS SU TSIM PA YI, ,SKAD CIG GZHAN DANG GZHAN SRID PA, ,DE YI THAR TE GYA NOM STE; ,NOR DANG MI RIGS MED PA YIN, ,GAL TE BCINGS DANG THAR PA GNYIS, ,GZHI MI GCIG PAR THAL ZHE NA, ,KUN RDZOB TU NI GCIG PA YIN, ,DNGOS PO BZLOG PA MED PA NYID, ,GANG ZHIG THAR DE BCINGS PAS KYANG, ,DE YI TSE NA CI ZHIG BYA, ,GAL TE NGA SNGON GYUR TO ZHES, ,'GYUR NA DE YANG GANG DU MKHO, ,SNGAR NI GCIG TU NGES PA'I PHYIR, ,RTOGS SNGON BYED CAN MI 'GYUR LA, ,DE YANG RIGS PA MIN ZHE NA, ,DE NI 'DOD PA NYID YIN LA, ,YANG NA DE NI GZHAN DON DU, ,RAB TU SBYOR ZHES SNGAR BRJOD DO, ,THAR PA DE NI GYA NOM NYID, ,GZHAN PA DAG NI BZLOG PA YIN, ,'ON TE 'DI SNYAM DU BDAG NI RTAG PA MA YIN TE, SNGAR GYI SKYON DU 'GYUR RO, ,MI RTAG PA YANG MA YIN TE, RTOG PA SNGON DU BYED PA YIN PAR THAL BA'I PHYIR RO, ,DES NA RTAG PA DANG MI RTAG PA NYID DU BRJOD BYA MA YIN NO ZHE NA, DE YANG MI 'THAD DE, MI RTAG NYID DU BRJOD MED GANG, ,DE NI 'GA' YI RGYU MA YIN, ,BRJOD BYA MIN LA'ANG BCINGS DANG THAR, ,CI LTA BU YANG YOD MA YIN, ,MI RTAG PA NYID DU BRJOD DU MED PAR ZHES BYA BA NI, 'DI NI MI RTAG PA NYID MA YIN NO ZHES BYA BA NI MA YIN NA, GANG DE MA YIN PA DE NI RGYU NYID MA YIN NO, ,RGYU LA MI RTAG PA NYID KYIS KHYAB PA YIN NO ZHES GZHAN TU GTAN LA PHAB BO, ,DES NA KHYAD PAR MED PA BYED PAS RGYU NYID KYANG SRID PA MA YIN NO, ,GANG ZHIG RTAG PA YANG MA YIN PA DE NI GTAN MED PA NYID DO, ,'ON TE BCINGS PA DANG THAR PA DAG GZHI GCIG PA'I PHYIR MI RTAG PA NYID MA YIN LA, RGYU YIN PA'I PHYIR RTAG PA NYID MA YIN NO ZHES BYA BA LAN DU

, ,'GYUR RO ZHE NA, DE YANG MI RUNG STE, RTAG DANG MI RTAG LAS GROL BA'I, ,NGO BO NYID NI DMIGS MA YIN, ,THAMS CAD LDOG DANG RJES SU NI, ,'JUG PA NYID DU MTHONG PHYIR RO, ,CI STE GAL TE GZHAN DU MI 'GYUR NA, ,GNYI GA'I RANG BZHIN DU 'GYUR RO ZHE NA, ,DE LA'ANG NYES PA GANG GI PHYIR, ,GANG GI RANG BZHIN 'JIG MED PA, ,DE LA MKHAS RNAMS RTAG CES BRJOD, ,DES NA NGO TSA'I LTA BA 'DI, ,SPANGS TE DE NI RTAG PAR BRJOD, ,'JIG PA YANG YIN PA LA RTAG PA YANG YIN NO ZHES BYA BA 'DI NI 'GAL LO, ,GANG GI PHYIR 'JIG PA MED PA DE NI RTAG PA YIN TE, ZHIG PA DANG MI DMIGS PA DANG MED PA ZHES BYA BA NI DON GCIG YIN LA, MI 'JIG PA DANG RTAG PA DANG, DMIGS PA ZHES BYA BA YANG DON GCIG YIN PAR GRUB PAR 'GYUR RO, ,DES NA RTAG PA DANG MI RTAG PA DAG GCIG NYID YIN ZHES BYA BA NI, DMIGS PA DANG MI DMIGS PA DAG YIN NO ZHES BYA BA'I DON TO, ,DMIGS PA DANG MI DMIGS PA DAG KYANG CI LTAR GCIG TU 'GYUR, GCIG NYID DU NI RTOG PA GANG, ,DE NI GCIG CES BYA BAR GNAS, ,GAL TE MA RTOGS RTOGS YIN NA, ,'DI NI HA CANG BAB COL YIN, ,GAL TE RTAG PA DANG MI RTAG PA NYID GCIG YIN NA DE'I TSE RTOGS PA DANG MA RTOGS PA GCIG YIN NO ZHES BYA BAR THAL BAR 'GYUR LA, DE LTAR NA YANG 'BREL PA YIN NO, ,RTOGS PA 'DI GZHAN DU GCIG PAR RTOGS PA MA YIN TE, MA RTOGS PA NYID NI RTOGS PA MA YIN NO, ,RI BONG GI RVA MA RTOGS PA NI RTOGS PA 'GA' ZHIG DANG LHAN CIG GCIG NYID DU NGES PAR NUS PA MA YIN NO, ,DE LA GCIG RTOGS PA MED PA'I PHYIR RO ZHE NA, 'DIR YANG MA RTOGS PA NI MA RTOGS PA NYID DU GDON MI ZA'O, ,GANG ZHIG GCIG NYID DU RTOGS PA DE NI, RTOGS PA NYID DE ZHIG PA MA YIN ZHING SKYE BA YANG MA YIN NO, ,'ON TE GZHAN RTOGS PA MA RTOGS PA YIN TE, DES NA MA RTOGS PA NI RTOGS PA MA YIN NO, ,DE LAS GZHAN PA'I RANG BZHIN RTOGS PA NYID DE MA RTOGS SO ZHE NA, DE LTA NA 'O NA GZHAN GYI RANG BZHIN GANG YIN PA DE NYID LAS DE MED DO ZHES BYA BA THOB PAR 'GYUR NA, DE YANG MI RUNG NGO, ,'DI LTAR, GZHAN BA NYID DU SHES PA NI, ,JI

LTAR GZHAN MA YIN PAR BRJOD, ,DE NI GZHAN NYID MA YIN NA, ,DE LTAR MI RTAG 'GRUB MI 'GYUR, ,GZHAN NYID NA NI MI DMIGS 'GYUR, ,MA DMIGS NA NI MI RTAG NYID, ,GZHAN MIN NYID NI MI 'GYUR LA, ,DMIGS PA NYID NA RTAG PA NYID, ,DE NI RANG BZHIN 'GA' ZHIG GIS, ,MI DMIGS GZHAN GYI GZHAN YIN NA, ,RANG BZHIN GANG GI RIGS MIN PA, ,DE NI 'DI ZHES JI LTAR 'DOD, ,SNGA MA NYID DU DE NYID NI, ,DE LTA SNGA MA NYID 'GYUR GYI, ,DE LTA DE 'DI'I RANG BZHIN 'DI, ,MIN PHYIR JI LTAR GCIG NYID YIN, ,SNGA PHYI'I RANG BZHIN DAG DANG NI, ,MA BRAL PHYIR NA GCIG YIN NA; ,BRAL BA NYID DU MTHONG BZHIN DU'ANG, ,BRAL BA MIN PAR JI LTAR 'DOD, ,GAL TE RIM GYIS 'BRAL MIN NA, ,DE BZHIN DU NI BRAL BA YANG, ,BRAL DANG MA BRAL DE NYID KYI, ,PHYIR NA GNYI GA'I RANG BZHIN NI, ,JI LTAR CIG CAR 'DI YOD PA, ,DE BZHIN NYID DU DE MTHONG 'GYUR, , RIM MIN PA YI YOD PA NI, ,RIM LDAN DNGOS PO LA MA YIN, ,SNGA PHYI'I RANG BZHIN MA RTOGS NA, ,KHYAB PA NYID DU 'DOD MA YIN, ,RIM GYIS KHYAB PA NYID NA NI, ,DE NYID KHYAB PAR 'GYUR MA YIN, ,GCIG PO DE NI MTHONG BA DANG, ,MA MTHONG BAR NI 'THAD MA YIN, ,DE TSE NYID DE MTHONG BA DANG, , MA MTHONG BAR NI 'THAD PAR DKA', ,DUS KYIS DBYE BA THAMS CAD KYANG, ,MI 'GRIGS PA NI MED PAR MTHONG, ,GCIG PHYIR 'DI NI GCIG TSE NYID, ,DUS THA DAD PAR JI LTAR 'GYUR, ,YANG NAS YANG DU 'DZIN NA NI, ,GZUNG ZIN PA NYID 'DZIN PAR 'GYUR, ,GZUNG NGO ZHES BYAR 'DZIN PA GANG, ,DE NI DRAN PAR 'GYUR BA YIN, ,DRAN PA TSAD MA MA YIN PHYIR, ,RIM 'DZIN PA NI SRID MA YIN, ,GANG GIS MNGON SUM NYID 'GYUR BA, ,MA RTOGS PA NI DE DNGOS MIN, ,GAL TE DE TSE YOD PA NYID, ,SNGAR GYI BLO YIS MA RTOGS PAR, ,THA DAD MED PHYIR CI LTAR DE'I, ,RNAM DBYE 'DI NI TSAD LDAN YIN, , GAL TE DE LA MTHONG ZIN NYID, ,MED PHYIR KUN TSE DA LTAR NI, ,DE YI SNGA MA PHYI MA YI, ,DNGOS PO GANG GIS RTOGS PA YIN, ,SNGA PHYI'I SHES PA LAS SHE NA, ,DE DAG THA DAD GA LAS RTOGS, ,GAL TE RANG RIG DNGOS LAS NA, ,DE LA GNYIS NYID RTOGS MI 'GYUR, ,SNGA MA PHYI MA MED PAR NI, ,DE

, ,YIS RTOGS PAR 'GYUR BA MIN, ,GAL TE SNGA DANG PHYI MA YI, ,MYONG BA DE DAG GCIG YIN NA, ,GCIG NA MNGON DU BYAS PAS NA, ,JI LTAR SNGA DANG PHYI MAR 'GYUR, ,MNGON DU BYAS BZHIN PA NYID NI, ,SNGON DANG PHYI MAR 'GYUR MA YIN, ,GAL TE SNGA MA NYID MIN NA, , JI LTAR SNGA MA NYID DU RTOGS, ,'DI RTOGS MED NYID RTOGS DE NI, ,MNGON DU BYED PA NYID MA YIN, ,'DI DE'I DRAN PA YIN ZHE NA, ,GANG GI TSE DE MED PAR NI, ,DRAN PA NYID NI MTHONG 'GYUR NA, ,DE YI ZHES NI JI LTAR BRJOD, ,RGYU DANG 'BRAS BU'I DNGOS LAS NI, ,DE TZAM GYIS NI 'DZIN PA MIN, ,DON NI MNGON DU BYED PA NYID, ,GZUNG YIN BZLOG PA LAS MA YIN, ,MYONG BAS BAR DU CHOD PA'I PHYIR, ,DON LAS DRAN PA DNGOS SU MIN, ,MYONG BA SNGA MA DE YIS NI, ,SNGA NYID 'DZIN MIN PHYI MAS MIN, ,DES NA DRAN PA NYID LAS NI, ,SNGA MA NYID DU GRUB MA YIN, ,'DAS PA SNGON DU BYAS PA NI, ,SNGA MA ZHES NI BYA BAR BRJOD, ,'BYUNG 'GYUR DNGOS PO MNGON DU NI, ,BYAS NA 'BYUNG 'GYUR SHES BYED GNAS, ,'ON TE SKYE 'JIG BSTAN LDAN PA, ,GANG DE YOD CES 'DOD NA NI, ,DE RNAMS NYID NI YOD MI 'GYUR, ,DE YE DNGOS DANG MI LDAN PHYIR, ,GANG TSE ZHIG PA DE TSE DE, ,YOD PA NYID DU JI LTAR RTOGS, ,DE SNGAR YOD PA RTOGS NA NI, ,DE TSE DE NI JI LTAR ZHIG ,BRTAN LA GAL TE 'DI BLO 'DI, ,MED NA JI LTAR YOD PAR RTOGS, ,THAMS CAD RTOGS PA LAS YIN TE, ,DES NA GZHAN DU JI LTAR YOD, ,DE PHYIR RTAG DANG MI RTAG PA'I, ,DNGOS PO GAR YANG SRID MA YIN, ,DNGOS RTAG PA 'AM DNGOS MI RTAG, ,MTHA' GCIG NYID DU SRID PA YIN, ,DA NI LAM GYI ZHAR LA, 'GOG PA'I RNAM PA BZHI PA NYID BSTAN PA'I PHYIR BSHAD PA, BSHAD ZIN LAM DE GOMS PA LAS, ,GNAS 'GYUR GAL TE BDAG 'GYUR KYANG, ,LAM BZHIN SKYON NI 'BYUNG ZHE NA; ,MA YIN NUS PA MED PHYIR RO, ,SNGAR BSHAD PA NYID KYIS LAM DE GOMS PA LAS GNAS SEMS KYI RGYUN NAM, KUN GZHI YONGS SU DAG PAR 'GYUR TE, BDAG DANG BDAG GIR 'DZIN PA DANG MI MTHUN PA BDAG MED PA DE'I BDAG TU GYUR PA NA NYES PA MTHA' DANG BRAL BAR 'GYUR RO, ,GAL

TE JI LTAR NYES PA DANG LDAN PA LA, YON TAN LDAN PAR 'GYUR BA DE BZHIN DU, YON TAN DANG LDAN PA YANG NYES PA DANG LDAN PAR 'GYUR BA'I PHYIR 'KHOR BA LAS NGES PAR 'BYUNG BA MED DO ZHE NA, MA YIN TE, NYES PA RNAMS YON TAN YOD PAS BCOM PA'I PHYIR RO, ,BZLOG PA JI LTAR MI 'GYUR RO ZHE NA, YON TAN RNAMS NI DNGOS PO'I RANG BZHIN YIN PA'I PHYIR DANG, NYES PA RNAMS NI DE LAS BZLOG PA YIN PA'I PHYIR RO, ,DE CI LTAR ZHE NA BSHAD PA, RNAM SHES YUL 'DZIN PA YI CHOS, ,JI LTAR YOD DE 'DZIN PA DANG, ,YOD PA YI NI BDAG NYID DE, ,'DI YI SKYED PAR BYED PA'ANG YIN, ,RNAM PAR SHES PA NI SKYE BA RNAMS KYI LAM 'JUG PAR BYED PA YIN NO, ,GANG GIS RNAM PAR SHES PAR 'GYUR BA DE'I RANG BZHIN GYI CHOS NI YUL 'DZIN PA YIN NO, ,RNAM PAR SHES PA NI RIG PA MA YIN PAR 'GYUR BA MA YIN TE, RIG PA MA YIN PA RNAMS LA NI DE LTA BU MED PA'I PHYIR RO, ,JI LTAR YOD PA DE LTAR DE, ,GZUNG BAR BYA BA DANG SKYED PAR BYED PA YIN NO, ,RNAM PAR RTOG PAR NUS PA'I RGYU NI RNAM PAR SHES PA'I YUL YIN NO, ,DES RNAM PAR SHES PA'I CHOS NI RANG BZHIN RTOGS PAR BYED PA YIN LA, YUL GYI CHOS NI DE KHO NA LTAR RTOGS PAR BYA BA NYID YIN NO, ,DES NI YUL NI MI RTAG PA NYID DANG BDAG MED PA LA SOGS PA'I RANG BZHIN YIN LA, DE LTA BU 'DZIN PA NYID NI RNAM PAR SHES PA'I RANG BZHIN YIN GYI GZHAN NI DE'I RANG BZHIN MA YIN NO ZHES BSHAD PA NI, RANG BZHIN 'DI YIN 'DI LAS DE, ,RKYEN GZHAN GYIS NI GOL 'GYUR ZHING; ,LDOG PA LA NI RKYEN LA LTOS, ,MI BRTEN SPRUL GYI BLO BZHIN NO, ,GANG GI CHOS BDAG MED PA NYID LA SOGS PA 'DZIN PA'I NGO BO GANG YIN PA DE NI RANG BZHIN YIN NO, ,DE LAS GOL BA NI GLO BUR BA'I RKYEN RTZA BA MED PA'I DBANG GIS YIN ZHING, GOL BA NYID KYANG GOL BA DE LAS BZLOG PA LA RKYEN LA LTOS PA YIN NO, ,DES NA RTZA BA MED PA CAN YIN PA'I PHYIR MI BRTEN TE SBRUL GYI BLO BZHIN NO, ,GAL TE THAG PA LA SBRUL GYI BLOR 'GYUR BA'I RGYU NI 'DRA BA DANG YUL THAG RING BA LA SOGS PA YIN LA, RTAG PA'I BLO LA RGYU CI ZHIG YOD, ,MNGON SUM NI RTAG PA NYID LA 'JUG PA MA

, ,YIN LA, RJES SU DPAG PA YANG MA YIN NO, ,TSAD MA MED PAR NI DOGS PA MA YIN NO, ,MNGON SUM GYIS NI SKAD CIG MA NYID RTOGS SO ZHES KYANG BSGRUB PAR NUS TE, DES NA GANG LAS RTAG PA NYID 'DZIN ZHE NA, 'DI LA BSHAD PA, MI RTAG PA NYID DE NI MTHONG BZHIN DU'ANG, BLO ZHE NA YOD PA DMIGS PAS RTAG TU DE LTAR YOD PAR DOGS PAS BSLUS PA'AM, 'DRA BA GZHAN 'BYUNG BAS BSLUS PAS MI RTOGS TE, SKAD CIG MA THA MA MTHONG BA RNAMS LA NGES PA'I PHYIR RO, ,'DI SKAD BRJOD PAR 'GYUR BA YIN TE, GANG GI TSE JI SRID DU DON GYI BDAG NYID DMIGS PAS PHYIS MA DMIGS PA DE'I TSE MI RTAG PA NYID MTHONG BA NYID DE, DE'I GNAS SKABS MA YIN PA NYID NI MI RTAG PA NYID DU BRJOD DO, ,'ON KYANG MA DMIGS SU ZIN KYANG BLO ZHAN PA DOGS PA DANG MI BRAL TE, DES NA DE LTAR YOD PAR DOGS PA YIN PAS NA DE LTAR YOD PAR DOGS PA STE, CI SNGA MA DE NYID DA LTAR YANG YOD DAM MA YIN ZHES DOGS PA'O, ,DES NA PHYIS MTHONG BA LAS DON BYA BA THOB PA'I PHYIR MA BSLUS PAS NA MI RTOGS SO, ,DE MA THOB PA'I PHYIR BSLUS PA NI RTOGS PAR 'GYUR TE, CHAGS PA'I BUM PA BZHIN NO, ,DON BYED PA'I MTSAN NYID YOD PA DMIGS NA THA SNYAD PAR BZLOG PAR SEMS PA'I SKABS CI YOD, DE KHO NA SEMS PAR BYED PA DAG NI SNANG BA THA DAD PAS NGES PAR BYED PA KHO NA'O, ,THA SNYAD PA DON BYED PA DON DU GNYER BA NI, DE THOB PAS YONGS SU TSIM PA'I PHYIR GZHAN RNAM PAR DPYOD PA MI BYED DO, ,DON BYAS ZIN PA'I PHYIR RO, ,YANG NA 'DRA BA GZHAN 'BYUNG BAS BSLUS PA DE, 'DRA BA LA NI DE NYID 'DI YIN NO SNYAM PA'I BLOR 'GYUR BA YIN TE MTSE MA DANG SGRO PA BZHIN NO, ,SNGA MAR NI GANG LAS RTZVA LA SOGS PA GZHAN DANG GZHAN LAS SKYES PA'I ME GCIG NYID DU LHAG PAR ZHEN PA'I YUL DU 'BYUNG BA DE'I DON BYED PA LA MA BSLUS PA TZAM BRJOD PA YIN NO, ,DE LA NYE BAR LEN PA NI BUD SHING NYID YIN GYI, ME NI MA YIN NO, ,ME LAS MA SKYES PA NI MA YIN TE, DANG PO ME MI SKYE BAR THAL BAR 'GYUR BA'I PHYIR TE, ME RDO DANG BRDABS PA'I SNGON ROL NA MA

, ,MED PA'I PHYIR RO, ,YANG NA MED DE NYID LAS SKYE'O, ,DE BZHIN DU DON THAMS CAD RIGS MTHUN PA SNGA MA LAS SKYE BA 'AM, RIGS MI MTHUN PA LAS SKYE BA NI MA YIN TE, LAS BDAG PO GYUR PA LAS SKYE BA YIN NO, ,DE NYID KYI PHYIR DON 'DI LA LTOS TE 'AM ZHES PHYOGS GZHAN BRTAG PA MDZAD DO; ,DE YANG LAS SMRA BA'I 'DON PAS NI SNGA MA BSHAD PA YIN LA, GZHAN GYI 'DOD PA NI PHYI MA BZHIN NO ZHES GOR MA CHAG GO, ,YANG NA DE LTAR YOD PA LA DOGS PA MED PAS BSLUS ZHES BSHAD PAR BYA STE, DE LTAR YOD PA LA NI DOGS PA 'GA' YANG MED DO, ,RTAG TU YOD PA DMIGS PA'I PHYIR RO, ,MI DMIGS NA NI DE LTAR YOD PA LA DOGS PAR 'GYUR BA YIN NO, ,GANG GI TSE RAB TU MA DMIGS PA DE'I TSE TSUL JI LTAR GNAS SHE NA, DER YANG 'DRA BA GZHAN DANG GZHAN 'BYUNG BA LAS BSLUS PAS TE, BREGS PA LAS YANG SKYES PA'I SKRA DANG SEN MO LA SOGS PA BZHIN NO, ,ZHIG PA NGO SHES PA'I PHYIR GCIG NYID DO ZHE NA, MA YIN TE, NGO SHES PA TSAD MA MA YIN PA'I PHYIR TE, MNGON SUM DANG RJES SU DPAG PA NYID MI 'THAD PA'I PHYIR RO, ,DE LTAR YANG 'CHAD PAR 'GYUR RO, ,DE'I PHYIR NANG GI MA RIG PA'I BSLAD PA LAS DRI MA RNAMS NI GLO BUR BA YIN NO, ,DE NYID KYI PHYIR BSHAD PA, SEMS 'DI'I RANG BZHIN 'OD GSAL TE, RTAG PA NYID DANG BRAL BA NYID DES 'DZIN PA'I PHYIR RO, ,DRI MA RNAMS NI GLO BUR BA, ,YANG DAG PA MA YIN PA SGRO 'DOGS PA NI, RTZA BA MED PA CAN NYID KYIS GLEN PA TZAM DU ZAD PA YIN PA'I PHYIR RO, ,'DON DAM PA NI RTAG PA NYID 'GAR YANG SNANG BA MED DE, DES NA RNAM PA DPYAD PAS STONG PA'I PHYIR DRI MA RNAMS NI GLO BUR BA YIN NO, ,DE YI PHYIR YANG NUS MED NA, ,DE BDAG 'GYUR LA PHYIS NUS MIN, ,SNGAR THOS BSAM GYI DUS NA YANG NUS PA MED PA NYID DO, ,'DI LTAR, NUS PA YOD NA YANG GNOD PA CAN, ,SKYES NUS SNYING PO CAN DNGOS LA, ,YUN DU GNAS NUS YOD MIN TE, ,SA RLON LA NI ME BZHIN NO, ,GAL TE DAD PA LA SOGS PA ZHEN PA'I DGRA BCOM PA YANG, DGRA BCOM PA NYID LAS NYAMS PAR 'GYUR BA NI MA YIN NAM, DES NA JI LTAR SKYON RNAMS MI SKYE

, ,BA YIN ZHE NA, GAL TE SKYON RNAMS SKYE BA YIN PA DE LTA NA YANG, GNOD PAR BYED PA BSKYED PAR NUS PA DE NANG DU CHUD PA LA, SKYED PAR NUS SU ZIN YANG NYES PA GTAN CHAGS PAR BYED NUS PA NI MA YIN TE, DPER NA CHU 'DZAG PA'I SA LAS ME SKYES SU ZIN KYANG YUN DU MI GNAS PA BZHIN NO, ,DE'I BDAG NYID DU GNAS PA LA NI NYES PA SKYE BA YANG MA YIN TE 'DI LTAR, 'TSE BA MED DANG YANG DAG DON, ,RANG BZHIN LA NI PHYIN LOG GIS, ,'BAD DU ZIN KYANG MI BZLOG STE, ,BLO NI DE PHYOGS 'DZIN PHYIR RO, ,RANG BZHIN NI 'BAD PA MED PAR BZLOG NUS PA MA YIN NO, ,'BAD PA YANG YON TAN DAG LA SKYON MTHONG BA'AM, SKYON LA YON TAN MTHONG BA LA 'JUG PA YIN NA, BDAG MED PA DE'I BDAG NYID DU 'GYUR BA MTHONG BA NI YON TAN DAG LA SKYON DU MTHONG BA DANG, SKYON LA YON TAN MTHONG BA LAS MA YIN LA, YON TAN DAG LA YON TAN MA MTHONG BA YANG MA YIN TE, BDAG MED PAR MTHONG BA NI 'TSE BA MED PA YIN PA'I PHYIR RO, ,DE YI RANG BZHIN YANG DAG GI ,BDAG NYID 'TSE BA MED PAR NI, ,SEMS DANG LDAN PAS JI LTAR NA, ,YONGS SU 'DOR BAR NUS MA YIN, ,SEMS NI PHYOGS SU LTUNG BAS NA, ,NYES PA RNAMS LA 'JUG MA YIN, ,DES NA DE NI NYES PA LA,, 'BAD PA 'GA' YANG 'JUG PA MIN, ,DNGOS POS MA LUS PA'I RANG BZHIN RTOGS PAR NUS PA LA NI GAL TE NYES PA 'BYUNG DU ZIN YANG, DE LTA NA YANG 'DI 'GRON PO LAS GROGS BZANG PO DANG BRAL BA BZHIN DU, BAR MA DO'I GNAS SKABS NA GNAS PA 'DI SHUGS DANG LDAN PA'I PHYIR, LAM NYID DANG 'BAD PA RTZOM STE, YON TAN PHYOGS 'DZIN PA'I PHYIR, NYES PA LA DGA' BA NI MA YIN NO, ,GAL TE 'DOD CHAGS DANG ZHE SDANG GI RNAM PA MI MTHUN PA YIN YANG, GCIG NYID GNOD PAR BYED PA NI MA YIN TE, ZHE SDANG GIS GNOD PAR BYAS PA'I 'DOD CHAGS PHYIS KYANG GNOD BYED NYID DU MTHONG BA'I PHYIR RO, ,DE BZHIN DU ZHE SDANG YANG YIN NO, ,BDAG MED PA DANG BDAG TU LTA BA YANG, DE BZHIN DU 'GYUR RO ZHE NA, DA NI MA YIN TE, 'DI LTAR, BDAG 'DZIN RGYU GCIG CAN NYID DANG, ,RGYU DANG 'BRAS BU'I DNGOS PO'I PHYIR, ,'DOD CHAGS KHONG KHRO PHAN TSUN DAG ,THA DAD NA

YANG GNOD MA YIN, ,GNYI GA YANG BDAG TU 'DZIN PA'I RGYU CAN YIN PA'I PHYIR PHAN TSUN MI MTHUN PA YIN YANG BDAG TU 'DZIN PA YOD NA GCIG KYANG GTAN CHAD PA MA YIN TE, CIG CAR MI SKYE BAR NI 'GYUR RO, ,GZHAN YANG RGYU DANG 'BRAS BU'I DNGOS PO YIN PA'I PHYIR RO, ,GANG ZHIG SDUG BSNGAL GYI RGYU GANG LA DBUGS 'BYUNG BAS DE GDUNGS PAR 'GYUR BA DE, DE'ANG GZHAN DAG LA BDE BA'I RGYU 'DOD PA YIN NO, ,DES NA 'DI DAG NI RGYU DANG 'BRAS BU'I DNGOS PO YIN NO, ,DPE PA'I RGYUR PHAN PA NYAMS SU MYONG BA YANG NGES PAR DE LA GNOD PAR BYED PA LA KHONG KHRO BA DANG LDAN PAR 'GYUR TE; DES NA 'DOD CHAGS DANG KHONG KHRO DAG NI THA DAD PA YIN YANG RGYU DANG 'BRAS BU'I DNGOS PO YIN PA'I PHYIR GNOD PA MA YIN NO, ,DE NYID KYI PHYIR, BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ,NYES KUN DE YI RTZA BA CAN, ,DE YANG 'JIG TSOGS LTA BA YIN, ,GAL TE ZHE SDANG GI GNYEN PO BYAMS PA, 'DOD CHAGS KYI GNYEN PO MI SDUG PA, RNAM PAR 'TSE BA'I GNYEN PO SNYING RJE, PHRAG DOG GI GNYEN PO DGA' BA, THAMS CAD KYI GNYEN PO BTANG SNYOMS YIN PA DE LTA NA YANG, SHIN TU NYES PA TSAR GCOD PAR BYED PA NI MA YIN TE, GTI MUG DANG MI 'GAL BA'I PHYIR RO, ,GAL TE GTI MUG YOD KYANG, BDAG TU 'DZIN PA MED PA'I PHYIR NYES PA THAMS CAD SPONG BA NYID MA YIN NAM ZHE NA, DE NI MA YIN TE, GTI MUG DE NYID 'JIG TSOGS SU LTA BA KHO NA YIN TE, NYON MONGS PA CAN GYI GTI MUG NI, 'JIG TSOGS SU LTA BA KHO NA YIN NO, ,DGRA BCOM RNAMS KYI SHES PA GANG, ,DE NI NYON MONGS CAN MIN TE, ,DES NA 'JIG TSOGS LTA BA NI, ,SPANGS PA DE LTAR RGYUD GROL LO, ,RIG PA'I MI MTHUN PHYOGS NYID PHYIR, ,SEMS BYUNG NYID KYI DMIGS PA'I PHYIR, ,GSUNGS PHYIR LOG PAR DMIGS PA NYID,, MA RIG GZHAN NI RIGS MA YIN, ,GAL TE MA RIG PA NI SO SOR RTOG PA MED PA'I RANG BZHIN YIN LA, 'JIG TSOGS SU LTA BA NI RTOGS PA'I RANG BZHIN MA YIN NAM, DE NI JI LTAR MA RIG PA 'JIG TSOGS SU LTA BA NYID YIN ZHE NA, SKYON 'DI MED DE GANG GI PHYIR, ,SO SOR RTOG MED RANG

, ,BZHIN NI, ,MA RIG YIN NA MYA NGAN LAS, ,'DAS PA'ANG DER 'GYUR PHUNG PO RNAMS, ,ZAD NA LUS PA CI ZHIG YOD, ,PHUNG PO LHAG MA MED PA'I MYA NGAN LAS 'DAS PA DANG, 'GOG PA'I SNYOMS PAR 'JUG PA BDAG NYID NI SO SOR RTOG PA MED PA GTZO BOR 'GYUR BA YIN NO, ,'ON TE DE NI NYON MONGS PA'I GZHI NYID MA YIN NO ZHE NA, 'O NA NI DE MA RIG PA'I MTSAN NYID MA YIN NO, ,'JIG TSOGS SU LTA BA NYID DE'I GZHI YIN PA'I PHYIR MA RIG PA YIN GYI, GZHAN PA MA YIN NO, ,GANG GI PHYIR, RIGS DANG 'GAL BA'I CHOS GZHAN NI, ,MA RIG CHOS MIN BRDZUN SOGS BZHIN, ,RIG PA BDAG MED MTHONG BA STE, ,DE DANG 'GAL BA BDAG LTA YIN, ,RE ZHIG RIG PA MED PA NI MA RIG PA MA YIN TE, DE MED PA NI MYA NGAN LAS 'DAS PA LA YANG YOD PA'I PHYIR RO, ,MED PA NI RGYU YANG MA YIN NO, ,DE LAS GZHAN PA YANG MA YIN TE, GZUGS LA SOGS PA RNAMS KYANG THAL BAR 'GYUR BA'I PHYIR RO, ,DE'I PHYIR MA RIG PA NI RIG PA DANG 'GAL BA YIN TE, CHOS MA YIN PA DANG MI BDEN PA BZHIN NO, ,DE YANG 'JIG TSOGS SU LTA BA NYID YIN NO, ,'DI LTAR CHOS NI PHA ROL TU PHYIN PA RJES SU 'DZIN PA'I MTSAN NYID YIN NO; ,CHOS MA YIN NA NI DE MED PA TZAM MA YIN LA DE LAS GZHAN TZAM YANG MA YIN GYI, 'ON KYANG RJES SU 'DZIN PA LAS BZLOG PA GNOD PAR BYED PA'I CHOS MA YIN PA YIN NO, ,DE BZHIN DU YANG DAG PA'I DON STON PA MED PA TZAM NI BRDZUN PA YIN GYI, 'ON KYANG YANG DAG PA MA YIN PA STON PA, MI BDEN PA BRJOD PA MA YIN NO, ,DE LTA YIN NA GANG GI TSE BDEN PA'I DON LA 'KHRUL PAS MED PAR SEMS PA NA YOD DO ZHES, STON PAR BYED PA DE'I TSE MI BDEN PA NYID DU MI 'GYUR LA, MED PA LA YOD PAR SEMS PA'I DE'I YANG BRDZUN YIN PAR 'GYUR RO ZHE NA, DE NI MA YIN TE, SGRA RNAMS RNAM RTOG YUL CAN TE, ,DNGOS GANG JI LTAR RNAM NGES PA, ,DE BZHIN NYID BRJOD BDEN PA STE, ,GZHAN DU BRJOD PA BRDZUN PA YIN, ,SGRA RNAMS NI LHAG PAR NGES PA'I YUL CAN YIN PA'I PHYIR, LHAG PAR ZHEN PA RJES SU MTHUN PAR STON PA NYID BDEN PA YIN LA, GZHAN

DU NI MI BDEN PA YIN NO ZHES RIGS SO, ,BYANG CHUB SEMS DPA' RNAMS LA NI 'KHRUL NAS SEMS CAN DU BSLUS PA YANG MCHOG TU KHA NA MA THO BA YIN TE, DES NA DE DAG RNAM PA THAMS CAD MKHYEN PA NYID LA MNGON PAR BRTZON PA YIN NO, ,DES NA 'JIG TSOGS LA LTA BA NYID MA RIG PA YIN TE, RIG PA'I MI MTHUN PA'I PHYOGS GZHAN MED PA'I PHYIR RO, ,SEMS LAS BYUNG BA NYID YIN PA'I RGYUS NA, DMIGS PA YIN PA'I PHYIR LOG PAR DMIGS PA NYID MA RIG PA YIN NO, ,RTEN DANG DMIGS PA DANG, RNAM PA DANG DUS DANG, RDZAS MTSUNGS PAS MTSUNGS PAR LDAN PA YIN PA'I PHYIR MTSUNGS PAR LDAN PA DAG YIN NO, ,GSUNGS PA'I YANG PHYIR TE SHES RAB KYI RNAM PA LAS BZLOG PA RTOGS PA'I RANG BZHIN NYID MA RIG PA YIN PAR MDO DE DANG DE LAS GSUNGS PA'I PHYIR RO, ,DE LA MA RIG PA DANG BRAL BA GANG ZHE NA, YANG DAG PA JI LTA BA BZHIN GYI CHOS RNAMS LA LHAG PAR SGRO 'DOGS PA DANG BRAL BA GANG YIN PA'O ZHES BYA BA DANG, DE BZHIN DU 'JIG RTEN GYI NYE BAR SPYOD PA SKYE BA DANG GANG JI SNYED PA DE THAMS CAD NI BDAG TU LTA BA MNGON PAR ZHEN PA LAS BYUNG BA YIN TE, BDAG TU MNGON PAR ZHEN PA BRAL NA NI MI 'BYUNG NGO ZHES GSUNGS PA YIN NO, ,GAL TE BDAG TU MNGON PAR ZHEN PA NI LTA BA YIN LA, DE YANG MA RIG PA DANG MTSUNGS PAR LDAN PA YIN NO, ,DES NA MED NA MI 'BYUNG BA YIN PA'I PHYIR LTA BA'I SGO NAS MA RIG PA NYID GSUNGS PAR SHES PAR BYA'I, 'JIG TSOGS SU LTA BA NYID NI, MA RIG PA MA YIN NO ZHE NA, 'DI YANG MI RUNG STE, MA RIG PA'I YAN LAG TU BSTAN NA DE'I RANG BZHIN BSTAN PA NI, BZHAG NAS DE LA GZHAN STON PA, ,SGRA LA BZO BA MA YIN NO, ,DE LTAR MA RIG BSTAN 'DI LA, ,TSAD MA CUNG ZAD YOD MA YIN, ,BZLOG PA LA NI TSAD MA DAG ,JI BZHIN DU NI BSTAN PA YIN, ,LTA BA'I SGO NAS MA RIG PA NYID BSTAN PA ZHES BYA BA 'DI LA TSAD MA NI CUNG ZAD KYANG MED DO, ,'JIG TSOGS SU LTA BA NYID NGES PA THAMS CAD KYI GZHI YIN NO ZHES BYA BA 'DI LA NI TSAD MA BSTAN ZIN TO, ,GAL TE 'JIG TSOGS SU NI SO SOR RTOG PA MED PA'I RANG BZHIN NAM NI SO SOR RTOG PA MED PA'I RANG BZHIN NAM

, ,GZHAN DU YIN YANG RUNG BA STE, NYON MONGS PA THAMS CAD KYI RJES SU SONG BA YIN NO, ,DES NA DE LTAR 'JIG TSOGS LA LTA BAR BRJOD DO, ,KHYAD PAR GYI SGRA NI SPYI'I DON CAN MA YIN PA'I PHYIR RO, ,DE BZHIN DU GAL TE, MA RIG PA LTA BA NYID YIN NA, DE'I TSE LTA BA DANG MTSUNGS PAR LDAN PA'I MA RIG PA ZHES MTSUNGS PAR LDAN PA'I DON YANG MED PAR 'GYUR TE, DE DE NYID DANG MTSUNGS PAR LDAN PA NI MA YIN ZHE NA, 'DI LA BRTZAD PA'I LAN, 'GAL BA GANG YIN 'DIR BSHAD BYA, ,STONG NYID LTA BA DE 'GAL PHYIR, ,DE YI RANG BZHIN NYES KUN DANG, , 'GAL BAR RAB TU GRUB PA YIN, ,SPYI DANG KHYAD PAR GYI DNGOS POS THA DAD PAR BRTAGS PAS NA MTSUNGS PAR LDAN PA'I DON DU 'GYUR TE, DPER NA PA LA SHA DANG LDAN PA'I NAGS ZHES BYA BA BZHIN NO, ,DON DAM PAR NI PA LA SHA'I RANG BZHIN NYID DU BRJOD PA YIN NO, ,DE BZHIN DU KHYAD PAR BRJOD PAS DE'I RANG BZHIN GYI MA RIG PA GZHIR GYUR PAS GTZO BOR BSTAN PA YIN TE, 'DI LTAR MA RIG PA NI BDAG TU LTA BA YIN PA DE'I PHYIR DE'I RTZA BA CAN GYI SKYON THAMS CAD NI, RTZA BA GCOD PAR BYED PA'I BDAG MED PAR LTA BAS RTZA BA GCAD PA'I PHYIR GCAD PAR 'GYUR BA YIN NO, , GANG GI PHYIR NYES PA THAMS CAD 'GOG PAR BYED PA NI BDAG MED PAR LTA BA YIN LA DE YANG RNAL 'BYOR PAS MA BTANG BA YIN PA DE'I PHYIR 'GA' SLAR YANG 'BYUNG BA MA YIN NO, ,DES NA 'GOG PA'I RNAM PAR NGES PA 'BYUNG BA NYID BSHAD PA YIN NO, ,ZAD MIN SROG CHAGS CHOS NYID PHYIR,, GZUGS SOGS BZHIN MIN MA GRUB PHYIR, ,GNYEN PO'I PHYOGS DANG 'BREL PA NA, ,LDOG PA DAG KYANG MTHONG PHYIR RO, ,NYES PA THAMS CAD 'GAGS PAS NI, ,SRA SHING SLAR YANG SKYE MED DE, ,DE BDAG NYID KYIS 'BREL MED DANG, ,THAL BA BZHIN DU MA NGES PHYIR, ,ZHES BYA BA NI BAR SKABS KYI TSIGS SU BCAD PA DAG GO, ,GAL TE BDAG BSGOMS PAS KYANG THAL BAR 'GYUR BA MA YIN NAM, DES NA BDAG MED PAR LTA BAS CI BYA, 'DIR LUNG NI BDAG BSAM PAR BYA ZHES BYA BA LA SOGS PA YIN NO ZHE NA, DE YANG MA YIN TE, 'DI LTAR, GANG ZHIG BDAG MTHONG

DE LA NI, ,NGA ZHES RTAG TU ZHEN PAR 'GYUR, ,ZHEN PAS BDE LA SRED 'GYUR TE, ,SRED PAS SKYON RNAMS SGRIB PAR BYED, ,BDAG TU MTHONG BA NI NGES PAR BDAG LA BDAG TU ZHEN PA DANG 'BREL PAR 'GYUR RO, ,ZHEN PAS KYANG DE'I BDE BA LA SRED PA DANG LDAN PAR 'GYUR RO, ,GANG ZHIG GANG LA ZHEN PA DE NI DE'I BDE BA LA SRED PAR 'GYUR BA YIN TE, DPER NA BU LA SOGS PA'I BDE BA BZHIN NO, ,GAL TE BDAG TU MTHONG BA LA BDAG LA ZHEN PAR 'GYUR RO ZHES BYA BA MI RIGS PA MA YIN NAM, CI SHING MTHONG BA TZAM GYIS SHING LA ZHEN PAR 'GYUR BA'AM, BUD MED MTHONG BA TZAM GYIS, BUD MED LA ZHEN PAR 'GYUR BA'AM DE BZHIN DU, GANG ZHIG BDAG MTHONG DE LA NI, ,NGA ZHES RTAG TU ZHEN PAR 'GYUR, ,ZHES BYA BA MI RIGS PA YIN NO ZHE NA, DE NI MA YIN TE, GANG ZHIG GZHAN LA CHAGS PA DE, ,BDAG LA MI 'GYUR GAL SRID, ,BDAG MTHONG NYID LA ZHEN 'GYUR TE, ,'DI LA RTZOD PA MED PA NYID, ,BDAG CHAGS MED PAR GZHAN LA NI, ,CHAGS ZHES BYA BA 'THAD PAR DKA', ,GAL TE BDAG MTHONG BA TZAM GYIS CHAGS PA MA YIN NA, 'GA' LA YANG CHAGS PAR MI 'GYUR TE, RGYU GZHAN MED PA'I PHYIR RO, ,SHING NI BDAG LA NYE BAR MKHO BA MA MTHONG BA DES NA, ZHEN PA MED PA YIN NO, ,GANG ZHIG BDAG LA NYE BAR MKHO BA LA CHAGS PA MED DE, JI LTAR BDAG LA CHAGS PAR MI 'GYUR, 'ON TE SEMS CAN GYI KHYAD PAR NYID KYI BDAG NYID LA NI ZHEN PA MED LA GZHAN LA NI BDAG NYID CHEN PO NYID KYIS SNYING RJE LAS ZHEN PA DANG LDAN PA YIN NO ZHE NA, DE NI MA YIN TE, GAL TE BDAG NYID CHEN PO ZHES, ,BYA BA GZHAN DON BYED NA NI, ,RTOGS PA SNGON BYED MI 'GYUR TE, ,DE LTA YIN NA GTAN MED NYID, ,BDAG NYID YAL BAR DOR NAS, RANG GI NGO BO DON GZHAN LA PHAN PAR BYED PA NA; BDAG GIS RTOG PA SNGON DU BYED PA MA YIN PA NYID CHEN POR GSAL BAR BYAS PAR 'GYUR RO, ,'ON TE GZHAN GYI DON BYED PA NYID KYIS BDE BA YIN NO ZHE NA, DE LTA YIN NA RANG GI BDE BA LA CHAGS PAS RMONGS PA JI LTAR THAR PA YIN, DE LTA NA YANG, DE 'DRA BA DAG TSOGS CAN MA'I, ,

, ,LUS NYED PAR YANG BYED PAR 'GYUR, ,GAL TE 'DI NI NGAN SPYOD NA, ,NGAN SPYOD 'DI NI MED PA NYID, ,JI LTAR RANG GI DON LA GNAS PA BSAM GTAN GYI BDE BA 'DOD PA DE BZHIN DU TSOGS PA CAN MA YIN PA'I YAN LAG DANG 'BREL PA'I BDE BA YANG YIN NO, , DE'AM GZHAN LA BDE BAR NI, ,KHYAD PAR YOD PA MA YIN NO, ,DE LTA YIN NA TSOGS PAR 'BYUNG BA MA YIN PAR 'GYUR RO ZHE NA, TSOGS PAR NI MI 'BYUNG BA NYID NI MED PA NYID DE DE KHYAD PAR MED PA'I PHYIR RO, ,DMYAL BA LA SOGS PAR 'GRO BA'I PHYIR MI RUNG NGO ZHE NA, MA YIN TE, BDAG NYID CHEN PO'I KHYAD PAR NYID KYIS SO, ,GZHAN GYI DON DU DMYAL BAR 'GRO BAR KHAS BLANGS PA NI, CHER BDAG NYID CHEN PO YIN PA'I PHYIR RO, ,'ON TE TSOGS PAR DBYUNG BA MA YIN PA'I THA SNYAD DANG GZHAN PA DAG NI GOMS PA LAS BDE BA'I RGYUR 'GYUR BA YIN TE, DES NA TSOGS PAR DBYUNG BA'I THA SNYAD KHAS BLANGS PA NYID DU SLA'O ZHE NA, MA YIN TE, KHYAD PAR DU MED PA'I PHYIR RO, ,DE LTA NA YANG BDAG LA SRED PA DANG BCAS PA'I DBANG GIS NYES PA DANG NYES PA MED PA MNYAM POR BYED DO, ,DES NA NYES PAS BSGRIBS PAS NA, ,YON TAN MTHONG BA YONGS SRED PA, ,NGA YI ZHES DE'I SGRUB BYED LEN, ,DES NA BDAG MNGON CHAGS PA NA, ,DE SRID DE NI 'KHOR BAR 'GYUR, ,BDAG DON DAM PAR YOD NA, GANG ZHIG DE LA 'KHOR BA DE YANG DON DAM PA NYID DO, ,DES NA DON DAM PAR NYE BAR MKHO BA GANG YIN PA, DE NYID YON TAN DANG LDAN PA YIN NO ZHES RTOGS PAR 'GYUR ZHING; DE LAS NI YON TAN DU LTA BA NGA'I ZHES DE'I SGRUB BYED LEN NO, ,DES NA BDAG TU MNGON PAR ZHEN PA DE 'KHOR BAR 'GYUR RO, ,BDE BA'I SGRUB BYED GRONG GI PHAG MO'I REG PA YANG, DON DU GNYER BAR 'GYUR BA'I PHYIR RO, ,DE'I PHYIR, BDAG YOD NA NI GZHAN 'DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI 'BREL PA LAS, ,NYES PA THAMS CAD 'BYUNG BAR 'GYUR, ,BDAG DANG GZHAN NI RNAM PAR DBYE BAS NI YONGS SU 'DZIN PA DANG, SDANG BA SKYED PAR 'GYUR ZHING, DE LAS YONGS SU 'DZIN PA SDANG BA DANG 'BREL PA'I SKYON PHRAG DOG DANG SER SNA LA SOGS

PA 'BYUNG BA YIN NO, ,'ON TE BDAG PO KHO NA LA ZHEN GYI, BDAG GI BA LA MA YIN NO, ,DES NA BDAG GI BA LA ZHEN PA MED PA'I PHYIR, TSOGS PAR MI BZOD PA'I THA SNYAD MED DO ZHE NA, 'DIR BRJOD PA, NGES PAR BDAG LA CHAGS PA NI, ,BDAG GI LA CHAGS MI 'BRAL ZHING, ,NYES MED BDAG LA CHAGS PA DANG, ,BRAL BA'I RGYU YANG YOD MA YIN, ,BDAG LA CHAGS PA 'JUG PA NI, ,NYES PA MED PAR MI LDOG GO, ,BDAG LA CHAGS PA LDAN PA YANG BDAG GI BA LA CHAGS PA MED PAR 'GYUR BA MA YIN TE, DES NA BDAG DANG BDAG GI BA YANG CHAGS PA DANG BCAS PAR 'GYUR BAS NYES PA THAMS CAD BSGRIBS PAS THAMS CAD DU 'JUG PA DANG, LDAN PAR 'GYUR BA'I PHYIR, 'DI 'KHOR BA DANG 'BREL PA NYID LOG PA MED PA YIN NO, ,'ON TE BDAG DANG BDAG GI BA LA ZHEN PA GNYIS KA 'KHOR BA'I RGYU YIN PAS BDAG GI BA'I ZHEN PA DANG 'BREL PA NYES PA CAN YIN PA'I PHYIR DE LA MI ZHEN TE, NYES PA GZHAN GYI SKYON CHAGS PA LA YANG ZHEN PAR MI BYED NA GANG LA ZHEN PA NYID NYES PA CAN DU 'GYUR BA DE LA LTA CI SMOS SHE NA, 'DIR BSHAD PA, GAL TE CHAGS PA SKYON BCAS NA, ,DE LAS CI 'GYUR DE SPONG 'GYUR, ,'DI YUL SUN PHYUNG MED PAR NI, ,DE SPANG BAR NI NUS MA YIN, ,YUL NYES PA CAN DU 'GYUR BA'I PHYIR SKYON GZHAN GYIS ZHEN PAR MI 'GYUR BA ZHES BYA BA 'DI NI RIGS KYI YUL SKYON CHAGS PA MED PA LA ZHEN PA MED PAR NI MI RIGS SO, ,BDE BA'I RGYU LA NI SKYON YOD PAR MA YIN TE, YON TAN YIN PA'I PHYIR RO; ,'ON TE ZHEN PA NYID SKYON YOD PAR YIN NO ZHE NA, YIN MOD CIR 'GYUR SKYON CHAGS PA YIN PA'I PHYIR ZHEN PA SPONG BAR BYA BAR 'GYUR RO ZHE NA, ,DE NI MED DE, YUL LA SKYON MED PAR ZHEN PA SPONG BAR MI 'THAD PA'I PHYIR RO, ,DE'I PHYIR, YON TAN SKYON DANG RJES 'BREL PA'I, , 'DOD DANG SDANG SOGS SPONG BA NI, ,DE DAG YUL LA MA MTHONG BAR, ,YIN GYI PHYI TSUL GANG GIS YIN, ,'DOD PA DANG SDANG BA DAG NI YON TAN DANG, SKYON MTHONG BA LAS 'GYUR BA YIN NO ZHES RIGS SO, ,BDAG GI BDE BA BSGRUB PA NI YON TAN YIN LA, DE'I SDUG BSNGAL SGRUB PAR

, ,BYED PA NI SKYON YIN PAS, GAL TE DE DAG YOD NA NI 'DOD PA DANG SDANG BA SPANGS PA MA YIN NO, ,'ON TE PHYI'I DNGOS PO YON TAN CAN YANG 'DOR BA YIN NO ZHE NA, DE YANG MED DE, PHYI ROL GYI DNGOS PO SPONG BA NI PHYI ROL GYI RGYU LA RAG LAS PA YIN GYI, ZHEN PA NI DON MTHONG BA'I STOBS KYIS GZHAN DANG GZHAN SKYE BA YIN PAS JI LTAR 'DOR BAR NUS, YUL NI YON TAN DANG LDAN PA NYID KYIS ZHEN PA'I YUL NYID DANG NYE BAR LEN PA NYID YIN LA DE MED PA'I PHYIR NI DER ZHEN PA 'DOR BA DANG, BLANG BAR BYA BA MA YIN NO, ,ZHEN PA YON TAN DANG LDAN PA'I PHYIR NYE BAR LEN PA NI MA YIN TE, 'ON KYANG YUL GYI YON TAN GYIS YIN NO, ,DES NA YUL YON TAN CAN GYI RGYU YOD PA'I PHYIR ZHEN PA MI SKYE BAR GA LA 'GYUR, CHAGS YON TAN GYI CHAGS MIN GYI, ,DON GYI YON TAN MTHONG BAS YIN, ,MA TSANG MED RGYU DE LA NI, ,'BRAS BU GANG GIS ZLOG PAR BYED, ,CES BYA BA NI BSDU BA'I TSIGS SU BCAD PA'O, ,GZHAN YANG, CHAGS LA SKYON YANG GANG ZHIG MTHONG, ,GAL TE SDUG BSNGAL BRTEN ZHE NA, ,DE LTAR 'DI LA CHAGS BRAL MIN, ,RANG GIR MTHONG PHYIR DPER BDAG BZHIN, ,SDUG BSNGAL GYI RTEN NI DANG PO NYID DU BDAG YIN TE, BDAG YOD NA PHYIS ZHEN PA SDUG BSNGAL GYI RGYUR 'GYUR GYI, BDAG MED NA SU ZHIG SDUG BSNGAL, DE LA GNYI GA SDUG BSNGAL GYI RGYU YIN PA'I PHYIR, GNYI GA LA CHAGS PA DANG BRAL BA 'AM, YANG NA GCIG LA YANG MA YIN NO, ,'ON TE 'DI SNYAM DU BDAG GI SDUG BSNGAL NI RGYU NYID NI GZHAN GYIS BYAS PA YIN TE, DE RANG NYID LA BRTEN PA'I SKYON NI MA YIN TE, BDAG DANG BDAG TU ZHEN PA DANG CHOS DANG CHOS MA YIN PA DANG, 'DU BYED DANG LHAN CIG PA'I BDAG SDUG BSNGAL GYI RGYU YIN PA'I PHYIR RO SNYAM NA, 'DIR BSHAD PA, GAL TE DE MED BDAG SDUG BSNGAL, ,RGYU MIN DE YANG DE DANG 'DRA, ,DE LTAR GNYI GA SKYON MED PA, ,DES NA GNYIS LA CHAGS BRAL MIN, ,SKYON MED PAR NI SU YANG CHAGS PA DANG BRAL BA MA YIN NO, ,BDAG TU ZHEN PA LA SOGS PA NI, BDAG LA BRTEN PA MED PAR SDUG BSNGAL GYI RGYU MA YIN TE,

DES NA DE DAG KYANG BDAG BZHIN SKYON MED PA YIN NA, DES NA CHAGS PA DANG BRAL BA MI SRID DO, ,GAL TE SBRUL BZUNG YAN LAG BZHIN, ,SDUG BSNGAL BSGOMS PAS SPONG 'GYUR NA, ,BDAG GI BA BLO BCOM PAS NI, ,DOR BA YIN GYI BZLOG LA MIN, ,DBANG PO LA SOGS LONGS SPYOD KYI, ,RTEN NYID DU NI BZUNG BA LA, ,RANG BLO GANG GIS BZLOG 'GYUR TE, ,DE LA CHAGS BRAL DE GANG LAS, ,GAL TE BDE BA'I RGYU NYID NI ZHEN PA'I RGYU MTSAN YIN TE, DES NA DE LA BZLOG PA YOD PA LAS CHAGS PA DANG BRAL BA MA YIN NAM, GNOD PA BYED PA LA ZHEN PA MA YIN NO ZHE NA, 'DI LA SMRAS PA, BDAG GI BA'I BLO'I YUL LA NI SDUG BSNGAL GYI RGYU YIN YANG, SRED PA MI 'BRAL BAR MTHONG NGO, ,DES NA BDAG GI BA'I BLO DOR BAS CHAGS PA DANG BRAL BA YIN NO, ,BDAG GI BA'I BLO NYID YONGS SU 'DOR ZHE NA, LONGS SPYOD KYI RTEN NYID DU RTOGS PA LUS LA SOGS PA LA 'GA' YANG BDAG GI BA'I BLO DANG BRAL BA MED DO, ,'DI LTAR LHAR GYUR CIG CE'AM, KLUR GYUR CIG CES BDAG GI LUS LA SOGS PA KHYAD PAR CAN DU GYUR CIG CES DE DAG LA BDAG GI BA'I BLO BYED DO, ,DES NA DE LTA BU'I BLO DANG LDAN PA NYID CI LTAR CHAGS PA DANG BRAL BA YIN, 'DI LTAR, LUS LAS POG PA'I SKRA SOGS LA; ,YID BYUNG BLO NI SKYE 'GYUR ZHING, ,GZHAN LA ZHEN BCAS SKYE 'GYUR BA, ,THAMS CAD KYI NI MNGON SUM YIN, ,GANG GI TSE, SKRA LA SOGS PA NYE BAR SPYOD PA'I YUL NYID YIN PA DE'I TSE, BDAG GI BA'I BLO ZHEN PA DANG BCAS PA NYID SKYED PAR BYED LA, GANG GI TSE BZLOG PA DE'I TSE ZHEN PA DANG BCAS PA DANG BRAL BA'I RANG BZHIN CHAGS PA DANG BRAL BA NYID SKYED PA YIN GYI, GZHAN DU NI MA YIN NO ZHES BYA BA NI RNAM PAR DBYE BA YIN NO, ,GZHAN YANG BYE BRAG PA LA SOGS PA RNAMS KYI, DE LA 'DU SOGS 'BREL PA LAS, ,RANG GI BLO NI SKYE 'GYUR BA'I, ,'BREL DE DE BZHIN NYID GNAS PHYIR, ,MTHONG DU ZIN KYANG SPONG MI 'GYUR, ,BDE BA LA SOGS PA DANG 'DU BA'I 'BREL PA'O, ,LUS DANG NI LDAN PA'O, ,LUS LA BRTEN PA'I GZUGS LA SOGS PA DANG NI LDAN PAR 'GYUR BA LA 'DU BA'O, ,GZUGS NYID LA SOGS PA DANG NI LDAN PAR GYUR PA LA 'DUS PAR 'DU BA'O,,

, ,NYAN PA'I DBANG PO DANG NI LDAN PA'O, ,MIG LA SOGS PA DANG NI LDAN PA CAN LA LDAN PA'I PHYIR, BDAG DANG 'BREL PA DANG MI 'BRAL BA YIN TE, DES NA NYES PA MTHONG BA YANG DE DAG LA NYES PA SPONG BA MA YIN NO, ,'ON TE 'DU BA LA SOGS PA'I 'BREL PA KHAS MI LEN NA, DES YANG LEN GLAN PA NI, 'DU BA LA SOGS MED NA YANG, ,PHAN 'DOGS NYID NI KUN LA'ANG YOD, ,PHAN 'DOGS PA LAS THAMS CAD LA, ,CHAGS PA SKYE BA YIN TE, DES NA CHAGS PA DANG BRAL BA SKYE BAR GA LA 'GYUR, CI STE PHA ROL PHYIR ZLOG PAR BYED DE, ,SDUG BSNGAL BSKYED PHYIR SOR MO BZHIN, ,RANG GI BLO NI MI 'GYUR NA, ,GCIG TU DE NI SDUG BSNGAL MIN, ,PHAL CHER DUG BCAS ZAS BZHIN NO, ,JI LTAR DE SDUG BSNGAL YIN PA DE BZHIN DU BDE BA YANG YIN TE, DUG DANG BCAS PA'I ZAS BZHIN NO, ,DUG DANG BCAS PA'I ZAS NI SDUG BSNGAL NYI TSE MA YIN TE, BDE BA NYID KYANG SRID PA'I PHYIR RO, ,DE BZHIN DU GRONG GI PHAG MO LA SOGS PA SDUG BSNGAL YIN YANG RNAM PA 'GA' ZHIG GIS BDE BA NYID DU 'GYUR BA YIN NO, ,DES NA DBANG PO LA SOGS PA NI DOR BA'I YUL MA YIN NO, ,GAL TE DE 'DRA BA SDUG BSNGAL DANG 'DRES PA NI SDUG BSNGAL NYID DO ZHE NA, DE LTA NA 'O NA BDEN PA DANG 'BREL PAS BDEN PA NYID DO ZHES BYA BAR 'GYUR RO, ,GZHAN YANG, KHYAD PAR CAN DE LA CHAGS PAS, ,DE 'GA' BA LA CHAGS BRAL 'GYUR, ,BSAM MED BDAG LA CHAGS PA YIS, ,JI LTAR RNYED BZHIN CHAGS PA 'JUG ,BUD MED DAG NI MA RNYED PA, ,DUD 'GRO LA 'DOD SPYOD MTHONG BZHIN, ,GAL TE KHYAD PAR CAN GYI BDE BA RNYED PA YIN NA GZHAN DU CHAGS PA DANG BRAL BAR 'GYUR BA YIN NA, RNAM PAR DPYOD PA MED PA LA NI KHYAD PAR CAN GYI BDE BA 'DOD PA YOD PA MA YIN TE, DPYOD PA MED PA NYID KYI PHYIR RO, ,DPYOD PAR 'GYUR RO ZHE NA, 'O NA DPYOD PA NYID SDUG BSNGAL GYI RGYU YIN PA'I PHYIR RO, ,DPYOD PA NYID LA CHAGS PA DANG BRAL BAR 'GYUR RO, ,'ON TE DPYOD PA NI GDON MI ZA BA KHO NAR RGYU'I STOBS LAS BYUNG NGO ZHE NA, DE LTA NA 'O NA BDAG MED PAR RTOGS PA YANG DPYOD PA LAS 'BYUNG BA BZLOG PA MED

PAS BDAG TU LTA BA LAS THAR PA MA YIN NO, ,BDAG BSGOMS PA NI MI SRID PA NYID DO, ,BDAG DE BDE BA LA SOGS KYI, ,RTEN 'GYUR CI 'DRA DE 'DRA NYID, ,BSGOMS LAS 'GYUR PHYIR DE 'DRA NYID, ,DE NI GZHAN DU GA LA 'GYUR, ,BDAG DE NI BLO DANG BDE BA DANG SDUG BSNGAL 'DOD PA LA SOGS PA'I RTEN YIN PAS, BSGOMS KYANG 'DI NI DE 'DRA BA KHO NAR 'GYUR RO, ,'ON TE SKYES BU'I BYED PA LA BRTEN PA'I PHYIR DE NYES PA DANG BRAL BAR BYED DO ZHE NA, DE NI MA YIN TE, SOL BA JI LTAR BDAR YANG NI, ,NAM YANG DKAR POR 'GYUR MA YIN, ,GANG GI RANG BZHIN DANG 'BREL BA, , 'GAS KYANG BZLOG PAR BYAR YOD MIN, ,NYES CAN RANG BZHIN RANG NYID KYI, ,NYES PA BZLOG PAR NUS MA YIN, ,NYES CAN CI LTAR NYES MED 'GYUR, ,DE NI 'GAR YANG GZHAN 'GYUR MIN, ,DE NYID KYI PHYIR BSHAD PA, BDAG NI 'DOD PA GANG YIN DE, ,JI LTAR DE NI 'JIG PAR 'DOD, ,CHAGS SOGS CAN BDAG SKYON CAN TE, ,DE LDAN PAS YIN RANG RKYANG YIN, ,DBYUG LDAN PAS NA DBYUG CAN NYID, ,DBYUG CAN JI LTAR DNGOS PO YIN, ,'DOD CHAGS LA SOGS MA MYONG BAR, ,'DOD CHAGS CAN SOGS 'GYUR MI SRID, ,GAL TE MYONG STE CHAGS CAN NA, ,BUD MED RTOGS PHYIR DE LTAR 'GYUR, ,'BREL PHYIR DE NI CHAGS LDAN TE, ,CHAGS SOGS MYONG BA LAS MA YIN, ,CHAGS SOGS MYONG BAS RNAL 'BYOR PA, ,GZHAN GYI CHAGS PAS CHAGS CAN 'GYUR, ,THA DAD PA LA LDAN PA DANG, ,'DU BA KHYAD PAR CI ZHIG YOD, ,THA DAD RTOGS MED LAS SHE NA, ,'O NA THA DAD GANG LAS 'DOD, ,BDAG NI RANG BZHIN THA DAD NA, ,BDAG RIG MED PAS JI LTAR NA, ,RANG RIG RANG BZHIN RIG NA NI, ,'KHRUL MI SRID CES BSGRUBS ZIN TE, ,'ON TE 'DI NI BUM PA YI, ,RANG BZHIN RIG BZHIN RIG YIN NA, ,GZUNG BYA YIN PHYIR 'DI 'DZIN MIN, , DES 'DI ZA BA POR MI 'GYUR, ,RO LA SOGS SPYOD BYA NYID LAS, ,SPYOD PA NYID NI DMIGS PA NYID, ,SPYOD PO DE LAS GZHAN 'GYUR BA, ,DE LTAR YIN PHYIR THUG MED 'GYUR, ,GAL TE DE DANG LONGS SPYOD PA, ,'BREL PHYIR SPYOD POR DE BRJOD NA, ,SPYOD PA NYAMS MYONG LAS GZHAN MIN, ,DE

, ,YANG SPYAD BYA LA GNAS BLO, ,NGA LA NGA YI 'DI LA ZHES, ,'JIG RTEN RAB SMRA DE 'DRA YIN, ,DES NA RTEN DANG BRTEN PA YI, ,DNGOS PO GNYI GA LA YANG YOD, ,JI STE RJES SU DPAG BYA DE, ,SPYOD PO ZHES NI RJOD BYED NA, ,MNGON SUM MI SRID DE LA NI, ,RJES DPAG YOD PA MIN ZHES GNAS, ,'ON TE DE NI RNAL 'BYOR PA, ,NYID KYIS RTOGS BYA ZHES BRJOD DE, ,SHIN TU PHRA BA'I PHYIR NA DE, ,DED CAG LTA BUS RIG MIN NA, ,DA LTAR RE ZHIG BDAG CAG LA, ,DE RIG PA NI SRID MA YIN, ,DE YI GNAS SKABS THOB PA RNAMS, ,JI LTAR 'GYUR BA CI CHA YOD; ,RNAL 'BYOR PA DNGOS NYER GZHAG NAS, ,GAL TE DNGOS PO NGES BYED NA, ,KHO BO CAG NI RNAL 'BYOR PAS, ,DE MED PAR NI MI BYED MIN, ,DE PHYIR BDAG NI RANG RIG PA'I, ,RANG BZHIN NYID DU KHAS BLANGS DGOS, ,DE LTA MA YIN NA DE MED PAR THAL BA'I PHYIR RO, ,DE YANG BDE PA LA SOGS PA RIG PA'I RANG BZHIN YIN PAS GAL TE GZHAN DU 'GYUR NA NI DE ZHIG PA NYID DU 'GYUR NA, BDAG 'DOD PA GANG YIN PA DE JI LTAR 'JIG PAR 'DOD, GAL TE DES BDAG SDUG BSNGAL BAR, ,'DOD BYA SDUG BSNGAL BDEN MIN NYID, ,SDUG BSNGAL GNAS SKABS ZHIG NA NI, ,RANG NYID ZHIG PAR 'GYUR PA YIN, ,GAL TE DE YI GNAS SKABS NI, ,ZHIG 'DOD GNAS SKABS CAN MIN NA, ,DE YI NGO BO LAS GZHAN PA, ,GNAS SKABS CAN NI DMIGS PA MED, ,JI STE YANG RIG PA'I RANG BZHIN NI, MI 'JIG PA NYID DE ZHIG PA NI BDE BA LA SOGS PA NYID YIN NO ZHE NA, DE YANG SNYING PO MED DE, BDE BA LA SOGS THA DAD PHYIR, ,SPYOD PA'ANG THA DAD THAL 'GYUR TE, ,BDE SOGS LAS NI THA DAD PA'I, ,RIG PA DMIGS SU MED PHYIR RO, ,BDAG TU GYUR PA THA DAD PAS, ,THA DAD MED PA DMIGS MIN TE, ,JI LTAR THA DAD DE NYID LA, ,THA MI DAD PA MI DMIGS BZHIN, ,RIG PA RIG PA ZHES BYA BAS, ,GAL TE THA MI DAD RIG NA, ,DE PHYIR GZHAN GYI BDAG KYANG NI, ,GZHAN GYI BDAG TU RANG 'GYUR RO, ,DE NI RIG PA MA YIN ZHES, ,BYA BA 'DI YANG 'THAD PAR DKA', ,RIG PA'I DNGOS PO MIN NA NI, ,GZHAN PA THAMS CAD BDAG MED 'GYUR, ,DE NI SO SOR RIG CE NA, ,GANG

DU'ANG GCIG PA NYID MI 'GYUR, ,DES NA SNGA MA PHYI MA DANG, ,GCIG NYID MIN PHYIR ZHIG PA YIN, ,DA LTA YIN DANG, BDAG NI 'DOD PA GANG YIN DES, ,RNAM PAR 'JIG PAR JI LTAR 'DOD, ,THER ZUG RTAG PA NYID YIN NA, ,DE NYID LA GNAS 'DOD PAR GYIS, ,GAL TE NGO SHES STOBS KYIS 'DIR; ,HA CANG THAL BAR MED CE NA, ,DE YI RANG BZHIN YOD PA LA, ,NGO SHES DE NYID CIS MI 'DOD, ,YUL MED PAR NI THOGS MED KYI, ,BAG CHAGS LAS NI BYUNG BA CAN, ,NGO SHES PA NI DNGOS PO RNAMS, ,RNAM PAR 'JOG PA'I RGYU MA YIN, ,GAL TE THER ZUG RTAG NYID NA, ,GONG NAS GONG DU RIG MED 'GYUR, ,DE LTA NA YANG DE RTAG NYID, ,KHYOD KYIS 'DOD PA GRUB PA YIN, ,MTSUNGS PA NYID DU DMIGS NA YANG, ,'DI NI GCIG NYID 'DOD 'GYUR NA, ,MI MTSUNGS PAR NI DMIGS PAS NA, ,THA DAD GSAL BAS ZHIG PA YIN, ,GAL TE THER ZUG PA YIN NA, ,GONG NAS GONG DU DMIGS PAR MI 'GYUR, DE LTA NA YANG 'GYUR BA MED PA NYID DANG, DMIGS PA RIG PA MED PAS RTAG PA NYID DO, ,DE'I PHYIR DMIGS PA RIG PA LDAN PA YIN NA DE KHOL BU NYID DU DMIGS PAS, ZHIG PA NYID DU THAL BAR 'GYUR RO, ,DE LTA YIN NA YANG RIM GYIS DMIGS PAR 'DOD NA YANG, ZHIG PA NYID DU 'DOD PAR THAL LO, ,DES NA, BDAG NI 'DOD PA GANG YIN TE, ,DE NI JI LTAR ZHIG PAR 'DOD, ,MI DMIGS PA JI LTAR 'DOD CE NA, SHI BA BAS NI NYAM CHUNG BLA, ,'DI 'DOD 'TSO BA MCHOG YIN GYI, ,SHI MIN MTHONG BAS 'DI YI NI, ,'TSO BA 'GOG PAR BYED PA YIN, ,GAL TE MA MTHONG BA DES CI BYA ZHE NA, DE'I PHYIR SLAR YANG MTHONG BAR 'DOD DGOS SO, ,DE LTA YIN DANG RIM CAN DU, ,'GYUR BAS ZHIG PA DE NYID DU 'GYUR RO ZHE NA, 'DI NI 'DI'I BDAG NYID DU SMRA BA'I ZHES PA GZHAN YIN NO, ,YANG NA MTSUNGS PA'I RANG BZHIN DMIGS PA LAS, SNGA MA DANG PHYI MA GCIG NYID DE RIG PA YIN NA, THA DAD PA DMIGS NA NI THA DAD PA NYID DU GSAL LO, ,DE LTA YIN DANG SNGA MA ZHIG PAR 'GYUR RO, ,DE LTA NA YANG, BDAG NI 'DOD PA GANG YIN TE, ,DE NI JI LTAR ZHIG PAR 'DOD, ,YANG NA RTOGS PA'I RANG BZHIN NYID KYIS, BDAG THAMS CAD NI GCIG PA NYID DO, ,DE NI KHYAD

, ,PAR THA DAD PAS THA DAD PA LA BRTEN PA YIN TE, DPER NA NAM MKHA' GCIG NYID LA, BUM PA'I NAM MKHA' SNAM BU'I NAM MKHA' ZHES NAM MKHA' THA DAD PAR 'GYUR BA BZHIN NO, ,DES NA BDAG RNAMS KYI THA DAD PA NI MA RIG PAS BYAS PA YIN NO ZHE NA, GAL TE DE LTA NA, GAL TE GROL LA 'KHRUL MED PAS, ,GZHAN GYI BDAG TU GNAS NA NI, ,BDAG NYID GCIG PU DE NYID NA, ,DE YI GNAS SKABS NYID DU GNAS, ,GAL TE BUM PA'I NAM MKHA' BUM PA MED PAR 'GYUR BA DE BZHIN DU MA RIG PA MED NA SROG CHAGS MED PAR 'GYUR NA, DE LTA YIN NA, BUM PA'I NAM MKHA' MED NA, GZHAN DANG LHAN CIG NAM MKHA' NYID DU GCIG TU 'GYUR BA'I PHYIR NAM MKHA'I RNAM PAR DBYE BA MED PA DE BZHIN DU BDAG GI RNAM PAR DBYE BA YANG MED PAR 'GYUR BA'I PHYIR RANG DANG GZHAN GYI RNAM PAR DBYE BA MED PAS BDAG ZHIG PA NYID DU 'GYUR TE, NGA'O ZHES GZHAN RNAM PAR GCAD PAS BDAG YIN PA'I PHYIR RO, ,NAM MKHA' NYID DU NYE BAR SON PA NI BYA BA DANG LONGS SPYOD PA LA SOGS PA MED PAS NAM MKHA' LAS KHYAD PAR YOD PA MA YIN NO, ,DE'I PHYIR, BDAG NI 'DOD PA GANG YIN DE, ,DE NI JI LTAR ZHIG PAR 'DOD, ,'DI NI DNGOS PO'I STOBS KYIS 'ONGS PA YIN NO ZHE NA, 'O NA NI BDAG MED PA NYID DU THAL BAR 'GYUR RO, ,RANG GI RANG BZHIN TZAM RIG PA'I, ,KHYAB PA DE NI GANG YIN BRJOD, ,DU MA'I LUS NI GNAS PA LA, ,DNGOS SU KHYAB PA YIN ZHES BRJOD, ,DU MA'I DUS NI KHYAB PA LA, ,RTAG PA ZHES NI BRJOD PA YIN, ,KHYAB MIN RTAG PA MA YIN PA, ,JI LTAR BDAG TU RNAM PAR GNAS, ,'ON TE 'DI BUM PA LA SOGS PA GZHAN GYI RANG BZHIN DU GNAS PA YIN NA, DE LTA YIN NA SHIN TU GSAL BAR 'KHOR BA NYID DE, LHA SBYIN LA SOGS PA'I RANG BZHIN DU RNAM PAR GNAS PA'I PHYIR RO, ,DE'I PHYIR THAR PAR 'GYUR NA DE NAM MKHA' BZHIN DU MED PA NYID DU 'GYUR BA NYID DO, ,DE 'DRA BA'I THAR PAS NI DGOS PA CI YANG MED PA'I PHYIR RO, ,KYE MA, RNAL 'BYOR PA RNAMS NI RTAG PA SNGON DU BYED PA CHEN PO YIN NO, ,'ON TE DON DAM PAR NA BDAG BYA BA DANG LONGS SPYOD PA LA SOGS PA'I RTEN MA YIN TE, 'DI'I DE NYID NI MA

RIG PA'I DBANG NYID KYIS YIN NO, ,DE BZHIN DU ZHEN PA LA SOGS PA YANG NGO ZHE NA, 'DI LA LAN BRJOD PA NI, MYONG BA DANG NI THA SNYAD DANG, ,YON TAN KUN GYI RTEN LOG PA, ,JI LTAR ZHEN PA YIN 'DOD DE, ,ZHEN PA'I RANG BZHIN DE LTAR MIN, ,THA SNYAD THAMS CAD LAS 'DAS PA'I BDAG NI; RDO DANG SHING BAL LA BRTEN PA'I NAM MKHA'I BDAG NYID YIN NO, ,DES NA GANG ZHIG DE LA ZHEN BA DE NI DE DANG 'DRA BAR 'DOD PA MA YIN TE, DE 'DRA BA NI ZHEN PA'I RANG BZHIN NYID DU 'GYUR BA MA YIN NO, ,'GYUR BA NYID DU YIN NA YANG RTOG PA SNGON DU GTONG BA MA YIN PA NYID DU GSAL 'DEBS PA YIN NO, ,DE BAS NI 'KHOR BA DON DU GNYER BA BLA'O, ,'KHOR BA PA'I BDE BA NI YONGS SU TSIM PA SKYED PA MA YIN PA'I PHYIR RO ZHE NA, SMRAS PA, MYA NGAN 'DAS PA'I BDE BAS KYANG, ,YONGS SU TSIM PAR BYED NUS MIN, ,BDE PHYIR DON GNYER BYA NYID PAS, ,BDE BA THAMS CAD SPANG BAR BYA, ,BDE BA DON GNYER BYA MIN ZHES, ,BYA BA 'GA' YANG YOD MA YIN, ,DES NA BDE BA THAMS CAD PHUN SUM TSOGS PA GNAS KYANG DE BAS PHUL DU BYUNG BA'I BDE BA GZHAN 'DOD PA NYID DANG, BDE BA DE NYID KYANG YANG NAS YANG DU DON DU GNYER BA'I PHYIR, 'DI LA DON DU GNYER BA MA YIN PA'I SEMS MED DO, ,DON DU GNYER BA ZHES BYA BA 'DI YANG SRED PA'I MING GI RNAM GRANGS CAN CHER SDUG BSNGAL CHEN PO YIN NO, ,DES NA BDE BA THAMS CAD YONGS SU TSIM PA SKYED PAR BYED PA MA YIN PA NYID DO, ,DE'I PHYIR BDE BA NI 'GA' YANG YONGS SU MYA NGAN LAS 'DAS PA MED DO; ,'DI LTAR DE NI RNAM GRANGS KYI BDE BA THAMS CAD 'DOD PA NYID DU 'GYUR TE, DE'I PHYIR SRED PA DANG LDAN PA BDE BA DE NYE BAR LEN PA LA SOGS PAR BYED PA DES DA 'DI NI 'KHOR BA PA NYID DU GNAS PAR 'GYUR RO, ,GAL TE CHAGS PA DANG BRAL BA YANG MTHONG BA NYID MA YIN NAM ZHE NA, MA MTHONG BA NAM YIN MOD KYI, 'ON KYANG DE NI BDE BA LA RIG PA NYID DO, ,GANG GI PHYIR DE'I DON DU GNYER BA'I 'BAD PAS YONGS SU SKYO BA NYID KYIS SDUG BSNGAL BAR SEMS PA NI, RNAM PA GZHAN MNGON PAR 'DOD PA CAN BDE BA LA MNGON PAR PHYOGS PA NYID KYIS 'DOD CHAGS DANG BRAL BA MNGON DU BYED PAR 'GYUR GYI

, ,BDAG LA ZHEN PA MED PA NI MA YIN NO, ,DE NYID KYI PHYIR GSUNGS PA NI, RNAM PA KUN DU BDAG 'DZIN NI, ,BDAG LA CHAGS PA BRTAN PAR BYED, ,DE NI BDAG GI ZHEN PA YI, ,SA BON GNAS SKABS DE NYID GNAS, ,'DIR DON DAM PA NI 'DI YIN TE, JI SRID BAG CHAGS DE SRID DU, ,BDAG TU ZHEN PA LAS MI GROL, ,DES NA PHAN 'DOGS LA BRTEN NAS, ,BDAG GI BA LA'ANG ZHEN PAR 'GYUR, ,GAL TE DE BDAG TU 'DZIN PA NYID SPANGS NAS NYES PA SPANG BA'I PHYIR 'JUG PAR 'GYUR BA MA YIN NAM, DES NA JI LTAR BDAG GI BA LA CHAGS PA LA SOGS PAR 'GYUR ZHE NA, SMRAS PA, GAL TE 'DI LA BDAG 'DZIN NYID, ,MED NA CI YI DON DU SKYON, ,ZLOG BYED DON GNYER NYID MIN NA, ,'GA' ZHIG BYA PHYIR 'JUG MI 'GYUR, ,GZHAN DU SDUG BSNGAL RTEN 'GYUR NA, ,DE DE'I SDUG BSNGAL MI 'DOD DANG, ,DER 'DZIN PA YANG MED DO ZHES, ,BYA 'DI PHAN TSUN GNOD PA YIN, ,GAL TE GZHAN DON BYED PA NA, ,DE BDE BAR NI 'DOD CE NA, ,GZHAN GYI BYED PA NYID YIN MOD, ,BDAG TU 'DZIN PAS CI ZHIG BYA, ,BDAG NI SKAD CIG YIN NA YANG, ,SKAD CIG KHYAD PAR CAN RIG PHYIR, ,GZHAN DON SRID PA NYID YIN PA, ,DES NA BDAG 'DZIN DON MED DO, ,NUS PA CHEN PO DANG LDAN PHYIR, ,GAL TE DE NYID KYIS BYED NA, ,LOG PAR MNGON RLOM CAN DE LA, ,NUS PA CHEN PO JI ZHIG YOD, ,DE PHYIR GANG ZHIG BDAG NYID NI, ,SDUG BSNGAL BAR NI MI 'DOD DE, ,DNGOS SU DE YI BDAG 'DZIN DE, ,DE BZHIN BDAG GIR 'DZIN PA SKYE, ,DE STE GAL TE YUN RING DU, ,BDE 'DOD BDAG GIR 'DZIN LDAN MIN, ,YUN RING BDE BA MA MTHONG NA, ,DE LA CI LTAR 'DOD PAR 'GYUR, ,GAL TE BRGYA LA 'GYUR ZHE NA, ,MED PAR YANG NI 'JUG 'GYUR TE, ,BRGYA LA MED PAR 'GYUR BA YIN, ,SPRE'U ZLA BO STOR BA BZHIN,, RNAL 'BYOR GNAS SKABS 'GYUR NA 'DI, ,JI LTAR 'GYUR BA CI CHA YOD, ,DE LTAR PHAN TSUN BRTEN PA NA, ,DE LA JI LTAR 'JUG PAR 'GYUR, ,DE'I PHYIR, BRTZON YANG YON TAN CHA BRTEN NAS, ,'JUG LDAN BDAG GI BA LA NI, ,CHAGS BRAL GAGS BYED PA NYID DANG, ,DE YI SKYON YANG

SGRIB PA YIN, ,BDAG TU 'DZIN PA GANG ZHES BYA BA GANG YIN PA DE NI, BDAG LA NYE BAR MKHO BA'I YON TAN GYI CHA 'GA' ZHIG LA BRTEN NAS, DE LA MNGON DU PHYOGS PAR 'GYUR BAS BDAG GI BA LA CHAGS PA DANG BRAL BA'I GAGS BYED PA NYID DO, ,SKYON MTHONG BA DE LTA MA YIN NO ZHE NA, MA YIN TE; YON TAN GYI CHA MTHONG BA DES SKYON MTHONG BA NYID KYIS GEGS BYED PA'I PHYIR RO, ,DE'I PHYIR BDAG LA CHAGS PA DANG MA BRAL BA'I BDAG GI BA LA CHAGS PA DANG MI 'BRAL PA NYID DO, ,GAL TE BDAG LA'ANG CHAGS BRAL NA, ,DA NI CHAGS BRAL GANG YIN MED, ,DE NI JI LTAR BDAG 'DOR BA; ,SDUG BSNGAL BSGOMS PA DON MED 'GYUR, ,'DI SNYAM DU BDAG NI 'DOR BAR NUS PA MA YIN TE, DE NYID NI DE NYID KYIS DOR BA MA YIN NO, ,'DI LTAR, JI LTAR YOD PA DE LTAR NI, ,MI 'DOR MED DE LTAR YANG MIN, ,DES NA BDAG NI 'DOR MIN TE, ,CHAGS PA 'BA' ZHIG 'DOR BA YIN, ,DES NA 'DOD CHAGS DANG LDAN PA NYID YONGS SU 'DOR BA'I PHYIR, RTAG TU BDE BA NYID DO SNYAM NA 'DI LA SMRAS PA, BDE BAR GNAS PA 'DOD PA NYID, ,KUN 'DZIN MTSAN NYID 'DOD CHAGS YIN, ,DE YANG YOD PHYIR CHAGS LDAN NYID, ,YIN ZHES SNGAR NI BRJOD ZIN TO, ,GAL TE BDAG LA CHAGS PA DANG BRAL NA CHAGS PA DANG BRAL BA DE SU YIN TE, DA NI CHAGS PA DANG BRAL BA DE NYID MED DO, ,GZHAN NI GZHAN LA CHAGS PA DANG BRAL BAR 'GYUR BA MA YIN NO, ,DE NYID CHAGS PA DANG BRAL BA'I RANG BZHIN DU 'GYUR BA LAS CHAGS PA DANG BRAL BAR 'GYUR BA YIN NO ZHE NA, 'DIR SMRAS PA, BDAG LA BDAG CHAGS BRAL MIN CIS, ,CI LTAR DE YOD DE LTAR NI, ,CHAGS BRAL MA YIN JI LTAR DE, ,MED DE CHAGS BRAL LTAR YANG MIN, ,DE NI GZHAN DU 'GYUR MIN LA, ,GZHAN YANG DE LTAR GNAS MIN TE, ,BDAG NYID KUN NAM PHYOGS GCIG GIS, ,RNAM PA KUN TU 'THAD DKA' PHYIR, ,GCIG LA PHYOGS GCIG YOD MA YIN, ,PHYOGS GCIG LA THA DAD MIN MED, ,GANG ZHIG PHYOGS GCIG DE GZHAN 'GYUR, ,DE LTA YIN NA THUG MED 'GYUR, ,RNAM 'GAS GZHAN MIN 'GYUR ZHE NA, ,DE LTA NA YANG THUG MED 'GYUR, ,DER YANG GZHAN DANG GZHAN

, ,RTOG PAS, ,YONGS SU RDZOGS PA MED PHYIR RO, ,DE'I PHYIR DES NI BDAG NYID 'DOR BAR BYA BA YIN PAS, DE NI JI LTAR BDAG 'DOR BA, ,DE LTAR SDUG BSNGAL SGOM DON MED, ,RNAM PA GANG GIS DON MIN PA, ,DE LTA'ANG SDUG BSNGAL BSGOM DON MED, , SDUG BSNGAL BSGOM PAS CHAGS PA DANG, ,BRAL BAR BYED MI NUS PA'I PHYIR, ,YANG NA GAL TE BDAG LA CHAGS BRAL NA, ,DA NI GANG ZHIG GANG LA CHAGS BRAL TE, ,BDAG BZHIN DU NI DE NI DOR MIN BAS, ,SDUG BSNGAL BSGOM PA DON MED 'GYUR, ,SDUG BSNGAL BSGOM PAS 'DOR BAR NUS PA MA YIN NO, ,JI LTAR BDAG LA CHAGS PA DANG BRAL BA 'DOR BA'I RGYU MA YIN PA DE BZHIN DU BDAG GI BA YANG MED DO, ,DES NA DE DANG BRAL BA'I CHAGS PA DANG BRAL BAS NI GROL BAR MI 'GYUR RO, ,DE'I PHYIR YANG SDUG BSNGAL BSGOMS PA DON MED DE, 'DI LTAR, DE DAG SDUG BSNGAL BSGOM PAS KYANG, ,SDUG BSNGAL NYID NI RNAM SHES BYED, ,DE NI SNGAR YANG MNGON SUM NYID, ,DE LTA NA YANG CHAGS BRAL MED, ,GAL TE SDUG BSNGAL BSGOM PAS CHAGS PA DANG BRAL BAR 'GYUR BA YIN NO, ,'DOD PA GANG YIN PA 'DI RIGS PAR 'GYUR NA, 'DIS NI 'DOD CHAGS DANG BRAL BAR 'GYUR BA MA YIN NO, ,SDUG BSNGAL BSGOM PA NI SDUG BSNGAL SNGON DU BYED PA'I RGYU NYID YIN TE, DE LTA MA YIN NA NI 'DIS 'DOD CHAGS DANG BRAL BAR MI 'GYUR TE, BSGOM PAS SDUG BSNGAL GYI RGYU RNAM PAR SHES PAS CI NAS KYANG 'DOD CHAGS DANG BRAL BAR 'GYUR BAR BYA BA'I PHYIR YIN NA, DE LTAR NI MA YIN TE, GANG GI PHYIR SDUG BSNGAL DE NI SNGAR YANG MNGON SUM NYID YIN TE, MNGON SUM SNGON DU SONG BA CAN GYI NGES PA YOD PA'I PHYIR RO, ,DE LTA MA YIN NA NI 'KHOR BA YONGS SU 'DOR BA DON DU GNYER BAR MI 'GYUR RO, ,MNGON DU MA BYAS PA'I SDUG BSNGAL NI GDUNG BAR BYED PA NI MA YIN NO; ,DE LTA NA YANG CHAGS PA DANG BRAL BA NI MED DE DES NA SDUG BSNGAL BSGOM PA DON MED DO, ,'DOD PA DANG BRAL BA LA SOGS PA'I SDUG BSNGAL NI 'JIG RTEN MTHA' DAG GI MNGON SUM YIN PAS, GAL TE DE'I TSE 'DOD CHAGS DANG BRAL BAR MA GYUR NA, JI LTAR SDUG BSNGAL BSGOM PAS CHAGS PA DANG

BRAL BAR 'GYUR BA YIN, GAL TE SDUG BSNGAL SGOM PAS SDUG BSNGAL MTHA' DAG DRAN PAS BSDOMS PA NA, SDUG BSNGAL GYI TSOGS CHEN PO SHES PAR BYED PA DE'I PHYIR NA 'DOD CHAGS DANG BRAL BA NYID DU 'GYUR BA YIN TE, DE LAS SKYO BA SKYES PAS CHAGS PA DANG BRAL BAR 'GYUR RO ZHE NA, 'DI NI MED DE, 'DI LTAR, CI LTAR DRAN PAR 'GYUR BA DE, ,SDUG BSNGAL TSOGS NI RNAM SHES NA, ,DE BZHIN BDE BA'I TSOGS YIN PA, ,DES NI 'DI NI CHAGS LDAN 'GYUR, ,JI LTAR SDUG BSNGAL GYI TSOGS SHES PAS CHAGS PA DANG BRAL PA DE BZHIN DU, BZLOG PA LAS CHAGS PA CAN DU YANG 'GYUR BA'I PHYIR JI LTAR GROL, GAL TE RAB TU ZHI BA'I BDE BA'I RO LA NI, SKYO BA MED PA'I PHYIR 'KHOR BA'I BDE BA LA SRED PAR MI 'GYUR RO ZHE NA, DE YANG MA YIN TE, 'DI LTAR, 'DIR NI ZHI BA BDAG LTA LA, ,MNGON ZHEN CAN GYI SKYO BA'I RGYU, ,MA YIN DU KHROD KYI NI GNAS, ,BYA ROG SKYO RGYU YIN NAM CI, ,BYA ROG MI GTZANG GNAS LA NI, ,MNGON ZHEN DANG NI RJES 'BREL BA'I, ,DGA' BA CI 'DRA DE 'DRA BA, ,PADMA'I GNAS SU 'DOD MI 'GYUR, ,GAL TE DGA' BA'I RGYU LA NYES PA MTHONG BAS CHAGS PA DANG BRAL BA, MTHONG BA MA YIN NAM, DE JI LTAR SDUG BSNGAL BSGOM PAS NYES PA MTHONG YANG CHAGS PA DANG BRAL BAR MI 'GYUR ZHE NA, DE NI MA YIN TE, 'DI LTAR, GAL TE DE LA NYES PA YIS, ,SKAD CIG DE LA BLO LDOG KYANG, ,DE LA'ANG CHAGS BRAL MI 'GYUR TE, ,'DOD LDAN BUD MED GZHAN LA BZHIN, ,GAL TE NYES PA BYED PA'I SKYE BO 'GA' ZHIG LA SKAD CIG TZAM CHAGS PA DANG BRAL BA DE LTA YANG DE DAG GTAN DU CHAGS PA DANG BRAL BA MA YIN TE, 'DOD LDAN DAG 'DOD LDAN MA 'GA' LA CHAGS PA DANG BRAL BA DE LTA NA YANG BUD MED GZHAN LA CHAGS PA DANG MI 'BRAL BA NYID DO, ,DE LA YANG RNAM GRANGS KYIS CHAGS PAR 'GYUR RO, ,'DI LTAR DE NI CHAGS PA DANG 'GAL BA'I GNAS SKABS NYID LAS CHAGS PA DANG BRAL LA, DE DANG 'GAL BA MA YIN PA'I GNAS SKABS LA BRTEN PA NI SLAR CHAGS PAR 'GYUR BA NYID DO, ,DE'I PHYIR 'DI'I 'DOD CHAGS DANG BRAL BA NI CHAGS PA'I NUS PA DANG 'BREL PA NYID YIN GYI GTAN DU NI MA YIN TE, PHYIS

, ,DE NYID LA CHAGS PAR MTHONG BA'I PHYIR RO, ,DE NYID KYI PHYIR DGE SLONG DAG 'PHAGS PA'I SHES RAB KYIS SPANGS PA GANG YIN PA DE NI LEGS PAR SPANGS PA YIN NO ZHES GSUNGS SO, ,DE'I PHYIR GANG LA, BLANGS DANG DOR BYA'I KHYAD YOD NA, ,GCIG LA 'BYUNG CAN CHAGS GANG YIN, ,DE NYID RNAM GRANGS KYIS 'BYUNG TSE, ,CHAGS PA KUN GYI SA BON YIN, ,GANG LA BLANG BYA DANG SPANG BYA'I KHYAD YOD PA DE LA 'DOD PA DANG LDAN PA 'BYUNG NGO, ,THAMS CAD THAMS CAD KYI TSE BLANG BAR BYA BA MA YIN NA, SPANG PAR BYA BA YANG MA YIN TE, RNAM GRANGS KYIS 'DOD PA DANG LDAN PA DAG PHAN TSUN SA BON YIN PAS, 'DI LA RNAM GRANGS KYIS 'BYUNG BA NYID YIN PA'I PHYIR JI LTAR BDAG TU SMRA BA LA THAR PA YOD, BDAG MED PAR LTA BA LA NI, THAMS CAD DU BTANG SNYOMS NYID DE, BLANG BAR BYA BA MED CING DOR BAR BYA BA YANG MED DE, DES NA CHAGS PA'I DRI MA MTHA' DAG DANG BRAL BA LA RNAM PAR GNAS PA LA 'DOD CHAGS LA SOGS PA GAL SRID, GZHAN YANG 'DOD CHAGS DANG BRAL BA NYID NI MI 'PHROD PA'I DNGOS PO LA 'GYUR GYI, GZHAN LA NI MA YIN NO, ,BDAG TU LTA BA LA NI MI 'PHROD PA NYID GANG YANG MED PA NYID DE, RE ZHIG BDAG NI SKYON DANG BCAS PA MA YIN NO, ,DE CHAGS PA YANG SKYON MED KYI YUL CAN YIN PA'I PHYIR SKYON MED DO, ,DMIGS PA'I SGRUB PAR BYED PA YANG SKYON MED PA NYID LA, 'GRO BA YANG DE TZAM NYID DU ZAB PAS DA NI GANG LA DE CHAGS PA DANG BRAL BAR 'GYUR, SKYON MED YUL CAN CHAGS PA DANG, ,SGRUB BYED KYANG NI SKYON MED YIN; ,'GRO BA'AM DE TZAM NYID YIN NA, ,DA NI GANG LA CHAGS BRAL 'GYUR, ,ZHES BYA BA NI BSDU BA'O, ,'ON TE, DER DE SKYON BCAS KYANG YIN NA, ,DE NI BDAG LA MTSUNGS PA YIN, ,DER DE'I SKYON LA CHAGS BRA MED, ,DA NI GANG LA DE CHAGS BRAL, ,GAL TE YUL DANG DBANG PO LA SOGS PA LA NI, SKYON CAN NYID KYANG MTHONG NGO ZHE NA, BDE BA'I RGYU DE DAG GI SKYON DANG BCAS PA NI GANG YIN, SDUG BSNGAL GYI RGYU NYID DO, ,RNAM GRANGS KYI RGYU THAMS CAD BDE BA'I RGYU NYID NA MA YIN NAM, RES 'GA' SDUG BSNGAL GYI RGYU NYID DO ZHE NA, DE NI BDAG LA YANG MTSUNGS PA NYID DO, ,GAL

TE BDAG DE LA DE'I SKYON GYI CHAGS PA DANG MA BRAL BA NA, GANG LA CHAGS PA DANG BRAL BA CAN DU 'GYUR, BDAG NI 'DOR BAR MI NUS SO ZHE NA, BDAG GI BA LA YANG CHAGS PA DANG BRAL BA MA YIN NO, ,NUS PA'I PHYIR BDAG GI BA NYID 'DOR RO ZHES BYA BA YANG LOG PA YIN TE, GANG DANG GANG GI TSE NYES PA DE DANG DE GANG YOD PA DE DANG DE'I TSE DE 'DOR GYI GTAN DU NI MA YIN NO, ,CI LTAR NYES PA RNAMS MI RTAG PA NYID KYIS 'DOR BA DE BZHIN DU 'DOR BA MI RTAG PA YANG YIN NO, ,GAL TE BDE BA'I RGYU MA 'DOR NA, PHYIS MED PA'I TSE SDUG BSNGAL CHEN PO 'GYUR BA'I PHYIR, DE NI RTZA BA NAS 'DOR BA RIGS SO ZHE NA, DE LTA NA 'O NA SDUG BSNGAL YOD NA YANG DE'I RJES LA BDE BA CHEN PO 'BYUNG BA'I PHYIR, SDUG BSNGAL YANG BLANG BAR BYA'O, ,DES NA BDAG TU LTA BA NI GANG LA YANG CHAGS PA DANG BRAL BA MA YIN NO, ,GZHAN YANG, YON TAN MTHONG BA LAS BYUNG BA'I, ,ZHEN PA NYES PA MTHONG BAS 'JIG ,DE LTAR DBANG SOGS LA DE MIN, ,BYIS SOGS LA YANG MTHONG PHYIR DANG, ,SKYON LDAN LA YANG YOD PHYIR DANG, ,YON TAN LDAN PA GZHAN DAG LA, ,MED PHYIR 'DAS PA LA SOGS PA, ,BDAG GI BA LA MED PHYIR RO, ,BDAG GI NYES PA MTHONG BA LA LDOG PAR 'GYUR BA, DBANG PO LA SOGS PA LA YON TAN MTHONG BA LAS CHAGS PA NI MA YIN NO, ,'ON KYANG BDAG GI BAR MTHONG BA LAS YIN NO, ,'DI LTAR DBANG PO LA SOGS PA BDAG GI BA NYID DU BZUNG BA LA NI SKYON YOD KYANG ZHEN PA 'BYUNG BA'I PHYIR DANG, GZHAN LA YON TAN YOD KYANG, MI 'BYUNG BA'I PHYIR DANG, SKYON YON MI RTOGS PA'I PHYUGS DANG BYIS PA LA SOGS PA LA YANG YOD PA'I PHYIR DANG, BDAG NYID KYI 'DAS PA DANG MA 'ONGS PA DAG LA YANG MED PA'I PHYIR RO, ,DE'I PHYIR NYES PA MTHONG BAS NI SPONG BA MA YIN NO, ,DE LTA NA 'O NA NYES PA MTHONG BA LAS BDAG GI BA'I BLO NYID MED PAR 'GYUR LA, DE MED PA'I PHYIR NI ZHEN PA MED PAR 'GYUR TE, YON TAN MTHONG BA LAS BYUNG BA'I NYES PA MTHONG BAS GSAL BA'I PHYIR RO ZHE NA, 'DI NI CUNG ZAD KYANG MA YIN TE, 'DI LTAR, DE NYID PHYIR NA BDAG GI BA'I, ,BLO RGYU'ANG YON TAN MTHONG BA MIN, ,DE'I PHYIR YON TAN MIN MTHONG BAS, ,DE YANG SPONG BA

, ,MA YIN NO, ,NYES PA DANG LDAN PA 'GA' ZHIG LA YANG BDAG GI BA'I BLO YANG YOD PA'I PHYIR DANG, YON TAN DANG LDAN PA LA YANG MED PA'I PHYIR DANG, 'DAS PA LA SOGS PA LA YOD PA'I PHYIR RO, ,GZHAN YANG YOD MIN YON TAN NI, ,SGRO 'DOGS CHAGS PAS DER YANG MTHONG, ,DE NI DE RGYU GNOD MED CAN, ,BSGRUBS PAS DE LTA JI LTAR GNOD, ,GAL TE DE SNYED NA NYES PA MTHONG BAS ZHEN PA ZHES BYA BA DE SPONG BA ZHIG NA, GANG GI PHYIR NYES PA MTHONG BA DE NYID NI YOD PA MA YIN PAR SGRO 'DOGS PAR BYED PA'I ZHEN PAS SEL BAR BYED PA YIN NO, , GAL TE SEMS DBU MAR GNAS PA NA NYES PA MTHONG ZHING YON TAN YANG SGRO MI 'DOGS SO ZHE NA, MA YIN TE, ZHEN PAS DBU MAR GNAS PA DE NYID MI 'THOB BO, ,DE NI YUL GZHAN GYI CHAGS PA GZHAN GYIS BZLOG PA TZAM DU ZAD KYI, GZHAN DU NI MA YIN NO, ,DE LTA NA YANG, DE LTA YIN NA 'DI YI NI, ,GNOD BYED DE NYID SPOBS PA YIN, ,MA YIS ZOS PA CI 'DRA BA, ,MKHA' 'GRO MAS KYANG DE 'DRA NYID, ,DE'I PHYIR BDAG TU LTA BA SDUG BSNGAL BSGOMS PAS ZHEN PA SPANGS PA LAS, THAR PAR 'GYUR BA MA YIN NO, ,'DIR GRANGS CAN DAG GIS SMRAS PA NI, BDAG TU LTA BA RNAMS LA SDUG BSNGAL BSGOM PA NI SRID PA MA YIN TE, 'ON KYANG RANG BZHIN DANG SKYES BU'I BYE BRAG YONGS SU SHES PA LAS GROL BA YIN NO, ,'DI LTAR, SKYES BU 'DI NI DON DAM DU, ,RTOGS PA DAG PA'I RANG BZHIN TE, ,RANG BZHIN GZHAN DU MA SHES TE, ,RMONGS PAS 'KHOR BA BRTEN PA YIN, ,BDE BA LA SOGS PA'I RANG BZHIN THA DAD PAR MA BZUB [?] NGA LAS BDAG MA GROL BA YIN NO, ,DES NA 'BA' ZHIG PA'I SHES PA SKYES PA NYID NI, BDAG GROL BA YIN NO ZHES SO, ,DE YANG MA YIN TE, 'DI LTAR, MCHOG GZHAN DON DU GNYER PHYIR DANG, ,SKYE 'JIG BLO CAN NYID KYI PHYIR, ,SKYE BO 'DI YIS DBANG SOGS LAS, ,BDAG NI THA DAD 'GYUR BAR SHES, ,DE PHYIR GCIG NYID MTHONG BAS KYANG, ,CHAGS MIN BDAG LA CHAGS PA DE, ,DMIGS PA'I NANG GI YAN LAG LA, ,NGO BO NYID KYIS RJES CHAGS 'GYUR, ,NYAMS PA DANG SKYE BA MTHONG BA NYID THA DAD PAR

MTHONG BA YIN NO, ,RJES SU 'GRO BA DANG LDOG BA'I NGO BO NYID KYIS NI THA DAD PA YIN TE, BDAG NI RJES SU 'GRO BA YIN LA BDE BA LA SOGS PA NI LDOG PA YIN NO, ,DES NA 'GAL BA'I CHOS GNAS PA'I PHYIR THA DAD PA YIN NO, ,'ON TE 'KHOR BA PA DE NYID RTOG PAR MI BYED DO ZHE NA, DE LTA YIN NA; THA DAD PA MED PA NYID DO, ,THA DAD PA RTOGS PA MI SRID PA'I PHYIR RO, ,BDE BA DON DU GNYER BA DE SPANG BA'I PHYIR GUS PA NI MED DO, ,BDE BA LA SOGS PA DANG BRAL BAR NI RTOG PA DANG LDAN PA 'GA' YANG DON DU GNYER BA MED DO, ,BDAG NI 'JIG CHAGS PA'I SNGON ROL DU 'BA' ZHIG PA NYID YIN PAS MKHO BA MA YIN PAR 'GYUR RO, ,GTZO BO DANG LHAN CIG GCIG TU BDAG NYID MTHONG BA'I PHYIR RO ZHE NA, DE NI MA YIN TE, RANG NYID SEMS BA'I RANG BZHIN DE, ,GCIG TU 'KHRUL PAR JI LTAR 'GYUR, ,GANG GIS 'KHOR BA DANG 'BREL PA, ,YUL GYI 'DOD PA GANG LAS YIN, ,GTZO BO'I NANG DU ZHUGS PA NI, ,DER MED GCIG PA GA LAS YIN, ,BDAG NYID LA NI 'KHRUL MIN PA, ,DE NI SNGON DU BSTAN PA NYID, ,GAL TE YUL NYID DU 'DZIN NA, ,THA MI DAD PAR 'DZIN MI 'GYUR, ,BLO MED PAR YANG 'DZIN PA NI, ,GRANGS CAN LTA LA RIGS MA YIN, , SKYES BU RNAMS KYI 'DOD PA YANG, ,MTHONG BA'I DON LA 'JUG PA YIN, ,SPRO BA 'JUG PA'I SNGON ROL DU, ,DRAN PA'I DNGOS PO GA LA YOD, ,DRAN PA DANG NI 'DOD PA DAG ,RANG BZHIN NYID KYIS 'JUG LAS YIN, ,DE 'JUG PA YANG 'DOD PA LAS, ,YIN PHYIR PHAN TSUN RTEN PAR 'GYUR, , GAL TE THOG MED BAG CHAGS LAS, ,'DI BDE NYID SOGS DE BZHIN 'GYUR, ,GTZO BOR GYUR PA'I SNGON ROL DU, ,BAG CHAGS KYANG NI GANG LAS YIN, ,DE'I PHYIR RANG RTOGS NGO BO YI, ,GAL TE DE NI RANG BZHIN 'DOD, ,GZHAN DU DE BYAR MI NUS PHYIR, ,DE NI GZHAN DU 'KHOR BAR 'GYUR, ,GAL TE SDUG BSNGAL MYONG BA LAS SKYO BAR MTHONG BA NYID MA YIN NAM, DE CI LTAR GZHAN DU BYED CE NA, 'DIR SMRAS PA, GANG ZHIG DA LTAR SDUG BSNGAL BAS, ,YID 'BYUNG DE 'DRA SDANG YIN GYI, ,CHAGS BRAL MA YIN DE TSE YANG, ,CHAGS YOD SKABS GZHAN TSOL PHYIR RO, ,

, ,GANG GI PHYIR, ZHE SDANG SDUG BSNGAL RGYU CAN PHYIR, ,DE YI 'DI SRID TZAM DU GNAS, ,DE LOG NA NI RANG NYID KYIS, ,RANG BZHIN 'DI LA SLAR BRTEN 'GYUR, ,SDUG BSNGAL MYONG BAS YID BYUNG YANG, ,'DOD CHAGS DANG BRAL BA NI MA YIN NO, ,DE NI BDAG DANG BDAG GI BA LA SOGS PA NYID KYIS NA DE'I TSE MI MTHUN PA'I MTHONG BA LAS SDANG BA DANG LDAN PA YIN NO, ,CHAGS PA DANG BRAL BA DE NI DON DAM PA MA YIN TE, MI SDUG PA LA SOGS PA'I DNGOS PO RTOGS PA TZAM ZHIG YIN NO, ,BDAG TU LTA BA NI ZHEN PA YOD PAS MA GROL BA NYID DE, GNAS SKABS GZHAN DON DU GNYER BA'I PHYIR RO, ,ZHE SDANG GTAN DU 'BYUNG BA NYID CHAGS PA DANG BRAL BA NYID YIN NO ZHE NA, DE NI MA YIN TE, CI SRID DE NI SDUG BSNGAL BA, ,DE SRID ZHE SDANG 'JUG PAR 'GYUR, ,SDUG BSNGAL RGYU NI LOG PA NA, ,SDANG BA NYID DU GAL 'GYUR, ,GAL TE SDUG BSNGAL RJES 'JUG NA, ,THAR PA 'DI NI ZHI BYED YIN, ,SDUG DANG SDANG BAS ZIL NON PA, ,RTAG TU GNAS PA PHUL BA YIN, ,GAL TE SKYO BA GNAS PA JI LTAR THAR, ,'KHOR BA LAS YID MI 'BYUNG BA'I, ,SEMS NI THAR PA DON GNYER MIN, ,SDUG BSNGAL GYIS GDUNGS MED PAR YANG,, SKYE BO SKYO BA SKYE MA YIN, ,DE NI MA YIN TE, BLANG DANG DOR BYA SPANGS PA'I PHYIR, ,THAMS CAD LA NI MNYAM SNYOMS CAN, ,TZAN DAN STE'U MTSUNGS PA LA, ,CHAGS BRAL ZHES NI BRJOD PA YIN, ,KHO BO CAG GI PHYOGS LA NI, ,CHOS NYID TZAM MTHONG BAS SEMS MNYAM PA NYID THOB STE, RJES SU CHAGS PA DANG, KHONG KHRO DANG BREL BAS NA, RNAL 'BYOR PA RNAMS CHAGS PA DANG BRAL BA YIN GYI, GZHAN DU NI MA YIN NO, ,'O NA JI LTAR BCOM LDAN 'DAS KYIS SDUG BSNGAL BSGOM PA GSUNGS ZHES 'DI LA LAN, 'DU BYED SDUG BSNGAL LA DGONGS NAS, ,SDUG BSNGAL BSGOM PA GSUNGS PA YIN, ,NGED KYI DE YANG RKYEN LAS SKYES, ,DE NI BDAG MED LTA RTEN YIN, ,STONG NYID LTA BAS GROL BAR 'GYUR, ,SGOM PA LHAG MA DE DON YIN, ,DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ,SDUG BSNGAL GYI SDUG BSNGAL TZAM LA DGONGS

NAS SDUG BSNGAL SGOM PA GSUNGS PA NI MA YIN TE, 'DOD CHAGS CAN RNAMS DE TZAM GYIS 'DOD CHAGS KYI BDE BA NYAMS PAR 'GYUR BA NA PHYOGS SU LHUNG BA DANG BRAL BA'I SGO NAS CI NAS KYANG 'DU BYED KYI SDUG BSNGAL DE YANG DON DAM PAR STONG PA NYID DO, ,DE'I PHYIR STONG PA NYID DU LTA BA NYID KYIS GROL BA YIN NO, ,BSGOM PA LHAG MA NI DE'I DON NYID DO, ,DE NYID KYI PHYIR BCOM LDAN 'DAS KYIS BSTAN PA NI STONG PA NYID LA GZHOL BA YIN NO, ,JI SKAD DU DGE SLONG DAG GZUGS RTAG PA YIN NAM, MI RTAG PA YIN, BTZUN PA MI RTAG PA LAGS SO, ,GANG MI RTAG PA DE SDUG BSNGAL BA YIN NAM, BDE BA YIN, BTZUN PA MI RTAG PA LAGS TE, GANG MI RTAG PA DE NI SDUG BSNGAL BA, RTAG PA RNAM PAR 'GYUR BA'I CHOS CAN LAGS SO, ,DE NYID LTA BA'I DON DU 'DI NI NGA'I'O 'DI NI NGA'O BDAG GO ZHES BYA BAR 'GYUR RAM, BTZUN PA MA LAGS SO ZHES GSUNGS PA YIN NO, ,DE LTAR RGYU DANG 'BRAS BU'I DNGOS POR BDAG MED PA MTHONG BA NYID THAR PA'I RGYUR BSHAD PA YIN NO, ,BDAG TU LTA BA GANG YIN PA DE NI CHAGS PA DANG BRAL BA MA YIN PA NYID DE, CHAGS BRAL MIN DANG SRED LDAN DANG, ,RTZOM PA KUN LA BRTEN PA DE, ,NYON MONGS LAS LAS GROL BA YIN, ,DE 'DRA 'KHOR BA PA ZHES BYA, ,BDAG TU LTA BA RNAM PAR GNAS NA 'KHOR BA'I RGYU BDAG GI BAR BLTA BAR NYAMS PA MED DO, ,DES NA BDAG DANG BDAG GI BA LA CHAGS PA NI GOR MA CHAG PAR SRED PA DANG LDAN PA YIN TE, DES NA LAS THAMS CAD RTZOM PA LA BSTEN TE; LAS DANG NYON MONGS PA DAG LAS MA GROL BA DE NI 'KHOR BA PA NYID YIN PA'I PHYIR, DE LA THAR PA'I DRI YOD DE SKAN, JI STE YANG BDAG GI BA NYID DON DAM PAR MED PA DES NA CHAGS PA GAL SRID, CHAGS PA NI YUL 'BYUNG GI, ,YUL MED PAR NI MA YIN NO ZHE NA, DE YANG MA YIN TE, BDAG GI NYID NI MI 'DOD GANG, ,DE YI ZA BA PO YANG MED, ,BYA DANG LONGS SPYOD MTSAN NYID CAN, ,DE TSE DE YI BDAG KYANG MED, ,BDAG GI BA MTHONG BZHIN DU JI LTAR MED CES BSGRUB PAR NUS, THAMS CAD MA RIG PA'I RGYU MTSAN LAS YIN NO ZHE NA, MA YIN TE, BDAG

, ,LAS THA DAD PA'I MA RIG PA MED PA'I PHYIR RO, ,MA RIG PA NI SKYES BU LAS GZHAN MA YIN TE, 'DI THAMS CAD NI SKYES BU NYID DO ZHES BRJOD PA'I PHYIR RO, ,DES NA MA RIG PA RANG GI NGO BO YIN PA'I PHYIR 'DI'I 'KHRUL PA NYID NAM YANG LDOG PAR MI 'GYUR RO, ,DE'I BDAG NYID DU 'GYUR BA'I 'KHRUL PA NI DE LAS BRAL BA MA YIN TE DE NYID MED PAR THAL BA'I PHYIR RO, ,GNYI GAR SMRA BA YANG SUN BTON ZIN TO, ,GZHAN YANG BDAG GI BA MED NA BYA BA DANG LONGS SPYOD PA MED PAR 'GYUR TE, BDAG NI BYA BA DANG LONGS SPYOD PA'I BDAG NYID CAN YIN PA'I PHYIR RO; ,'ON TE 'DI DON DAM PAR NA 'DI YANG MI 'DOD PA NYID DO ZHE NA, BDAG KYANG DON DAM PAR RTOGS PA SU YOD, DE NI RIGS PAS BCAD PA'I PHYIR RO ZHE NA, THAMS CAD RIGS BAR THAL LO, ,RMI LAM LA SOGS PA LTAR, GOMS PA LAS YIN PAS MED PA NYID DO ZHES NI MI RIGS TE; BDAG KYANG DON DAM PA PA MA YIN PAR 'GYUR RO, ,DE STE GNYIS MED PA MA YIN NA DE'I TSE SNA TSOGS GNYIS MED YIN PA'I PHYIR, BDAG CES BYA BA YOD PAR MI 'GYUR TE, DA LTAR GYI RANG BZHIN TZAM 'DZIN PA'I MNGON SUM GYIS RTAG PA NYID MI 'DZIN PA'I PHYIR RO, ,SNGA MA DANG PHYI MA'I MNGON SUM DAG CIG CAR MED PA'I PHYIR RO, ,RE RES NI RTAG PA NYID RTOGS PA MA YIN NO, ,TSOGS PA YANG MA YIN TE, DRAN PA TSAD MA MA YIN PA'I PHYIR RO, ,MNGON SUM MED NA RJES SU DPAG PA YANG MED PA'I PHYIR RO, ,DES NA BDAG NYID DU LTA BAS NI MNGON PAR 'DOD PA'I DON GRUB PA MA YIN NO, ,DE'I PHYIR GROL 'DOD THOG MED PA'I, ,RGYU CAN RIGS MTHUN SA BON LAS, ,BYUNG BA'I SEMS CAN LTA BA DAG ,RTZA BA NYID LAS DBYUNG BAR GYIS, ,BDAG MED PAR LTA BA NYID LAS RNAM PA GZHAN NI TSAD MA DANG LDAN PA MED DO ZHES MJUG BSDU'O, ,GAL TE BDAG MED PA NYID DANG, DE'I THAR PA YANG LUNG LAS GRUB PA YIN NO, ,THAR PA DE YANG GCIG TU BDE BA'I RANG BZHIN YIN TE, DE NI NAM YANG MED PAR 'GYUR BA MA YIN NO, ,'KHOR BA'I BDE BA NI RNAM PAR CHAD PA DANG LDAN PA YIN PAS DE LAS YONGS SU TSIM PA MI SKYE'O, ,DE YANG

DBANG BSKUR BA LA SOGS PA'I CHO GA LAS GRUB PA YIN PA'I PHYIR SNGAR GYI RTZOD PA THAMS CAD MED DO, ,DE SKAD DU YANG, DBANG PO LAS 'DAS RIG BYA MIN, ,DNGOS PO MIG GIS MTHONG BA YI, ,DRANG SRONG DE DAG TSIG LA NI, ,RJES SU DPAG PAS GNOD MA YIN, ,SKYES BUS MA BYAS PA'I TSIG LA YANG NGO ZHES SMRAS PA YIN NO, ,DE YANG MI RIGS SO, ,LUNG NI DE LTA'I DNGOS YIN PA'I, ,RGYU MA MTHONG BA RNAMS LA NI, ,LUNG TZAM GYIS NI GROL BA YANG, ,SMRA BA YONGS SU MGU BYED MIN, ,DBANG PO LAS 'DAS PA MTHONG BA RNAMS KYI TSIG LA RJES SU DPAG PAS MI GNOD DO ZHES BYA BA 'DI NI BDEN MOD KYI, 'ON KYANG DES SBYAR BA'I TSIG DE NYID MI RTOGS TE, DE NI LUNG THAMS CAD LA THUN MONG YIN PA'I PHYIR RO, ,LUNG THAMS CAD NI TSAD MA MA YIN LA, DE'I RJES SU BSGRUB PA YANG SRID PA MA YIN NO, ,SKYES BUS MA BYAS PA NI MI RIGS SO ZHES PA BSHAD ZIN TO, ,GAL TE SA BON LA SOGS PA DBANG BSKUR BA LA SOGS PA'I CHO GA DANG 'BREL PA LAS MI SKYE BA'I CHOS CAN DU MTHONG BA MA YIN NAM ZHE NA DE YANG RIGS PA MA YIN TE, SA BON SOGS GRUB CHO GA NI, ,SKYES BU MI BSKYED PAR NUS MIN, ,TIL MAR BSKUS DANG MES BSREGS SOGS, ,LAS KYANG GROL BAR THAL PHYIR RO, ,JI STE TIL MAR BSKU BA LA SOGS PA NI, DE TZAM NYID LAS NUS PA MA YIN NO ZHE NA, DE LTA YIN NA, DBANG BSKUR BA LA SOGS PA LA YANG MTSUNGS SO, ,DE BZHIN DU, SNGAR LCI BDAG PHYIS YANG PHYIR, ,SDIG PA BCOM PAR BYAS PA MIN, ,'DI YI LCI NYID MED 'GYUR GYI, LUS CAN MIN PHYIR SDIG LCI MIN, ,GAL TE DBANG BSKUR BA NA SNGAR LCI BA DAG PHYIS YANG BAR ZAD MOD, DE CAM GYIS SDIG PA BCOM PA NI MA YIN NO, ,LCI BA DANG 'GAL BA'I YANG BA DMIGS PAS NI LCI BA NYID MED PAR RTOGS PAR BYED KYI; SDIG PA MED PAR NI MA YIN TE, SDIG PA MED PA NI LCI BA NYID MED PA'I PHYIR RO, ,DE NI SDIG PA NYID KYIS LCI BA YIN NO ZHE NA, DE GA LAS LUNG LAS SO ZHE NA, 'DI LA BSHAD ZIN TO, ,GZHAN YANG, DE SRID TZAM GYIS SDIG PA NI, ,ZHIG PAS THAR PA YOD MA YIN, ,MTHU YOD

, ,PHYIR NA GZHAN DU YANG, ,SKYE ZHES BYA BAR RTOGS PA YIN, ,LHA LA SOGS PA MTHONG BA NI, ,DGA' BA YANG NI MED PA YIN, ,THAMS CAD LAS NI GROL ZHE NA, ,DE LTA YIN NA KHYAD CI YOD, ,GAL TE KHYED KYI PHYOGS DE YANG BDAG MED PA BSGOMS PAS SRID PA CHAD PAR 'GYUR MOD, ,DE LTA NA YANG THAR PA JI LTAR 'GYUR ZHES BSAM DGOS PA NYID DO ZHE NA, DE YANG JI LTA BA BZHIN MA YIN TE, 'DI LTAR, LOG SHES DANG NI DE LAS 'BYUNG, ,SRED PA SEMS PA'I DBANG DAG GIS, ,DMAN GNAS 'GRO BAR SKYE BA YIN, ,DE PHYIR DE BCAD 'GRO MI 'GYUR, ,'DI LTAR, DE TZAM LAS NI 'BYUNG BA'I PHYIR, ,SKYE LA DE DAG NYID NUS YIN, ,SEMS PA DE DAG RANG NYID LAS, ,YIN PHYIR SKYE RGYU NYAMS PA MED, ,YUL LA SOGS PAR PHYIN PA NI SRED PA'I DBANG NYID KYIS YIN PAR DMIGS PA YIN NO, ,GAL TE LAS KYANG SKYE BA'I RGYU MA YIN NAM, DE CI LTAR DE TZAM LAS 'BYUNG BA YIN ZHE NA, DE YANG MA YIN TE, SEMS PA DE GNYIS NYID LAS YIN NO, ,SNGAR GYI SEMS PA'I MTSAN NYID SBYIN PA LA SOGS PA GANG YIN PA DE DAG NI, 'DU BYED PA'I SGO NAS SKYE BA GZHAN 'BYUNG BA'I SEMS PA'I LOG PA'I SHES PA DANG, DE LAS BYUNG BA'I SRED PA'I SEMS PA GNYIS 'GRUB PAR BYED PA YIN NO, ,LAS NI DNGOS SU 'DI GNYIS NYID YIN TE, DE'I DE MA THAG PAR SKYE BA 'BYUNG BA'I PHYIR RO, ,SNGA MA DAG NI DE'I RGYU YIN PAS NA NYE BAR BTAGS NAS LAS YIN GYI DNGOS SU NI MA YIN NO, , DES NA DBANG BSKUR BA LA YANG SKYE BA'I RGYU YONGS SU RDZOGS PA YOD PA'I PHYIR THAR PA MA YIN NO, ,JI STE YANG, 'GRO DANG RTOGS RTEN BYED PA YIN, ,DE NI MA MTHONG BA LAS 'GYUR, ,MA MTHONG ZHIG PHYIR 'GRO BA MED, ,DES NA 'DU BYED SEMS PA MIN, ,DGE BA'I LAS RNAM PA BCU YIN LA, MI DGE BA YANG RNAM PA BCU NYID DE, SEMS PA'I MTSAN NYID NI MA YIN NO, ,DE YANG DBANG BSKUR BA LA SOGS PA'I BSGRUB PAS 'JIG PA YIN NO ZHE NA, DE YANG MA YIN TE, DON 'DI MA GRUB PA'I PHYIR RO, ,GZHAN YANG, YOD DANG MED PA'I RJES 'JUG PHYIR, ,BYED

PA BSKYED LA BLO YI NI, ,NUS MTHONG GZHAN GYIS MA YIN NA, ,DE YOD DE DAG CIS MI 'GRO, ,MIG LA SOGS PA'I BYED PA DAG NI BLO'I RJES SU 'GRO BA DANG LDOG PA'I RJES SU BYED PA YIN PAS, DE DAG BLOS GRUB PA NA GZHAN DAG SKYE BA YIN TE, DES NA CI'I PHYIR MI SKYE 'ON TE DBANG BSKUR GYIS BCOM PAR BSKYED PA LA NUS PA MED DO ZHE NA, DE LTAR YIN NA, GAL TE DE DAG NUS MED NA, ,DE LA DBANG SOGS BYAS MA DAG ,SEMS PA'I DBANG GIS 'DZIN DANG 'JUG ,G-YENG DANG 'GOG PA MED PAR 'GYUR, ,GAL TE DBANG BSKUR BAS BLO LA SOGS PA BDAG GI YON TAN RNAMS SKYE NAS NUS PA MED PA LA BRTEN NA, DE'I TSE DBANG BSKUR MA THAG NYID DU BLO NYAMS PAS NA, 'DZIN PA YUL DAG LA RANG DGAR 'JUG PA BZLOG PA DANG, MNGON PAR 'DOD PA LA 'JUG PA DANG G-YENG BA MI MNYAM PAR 'JUG PA DANG, 'GOG PA 'JIG PA STE DE DAG MED PAR 'GYUR RO, ,'ON TE SHI MA THAG TU NUS PA MED PAR 'GYUR BA YIN TE, RGYU RNAMS NI YONGS SU 'BYUNG BA'I KHYAD PAR LA LTOS PA'I PHYIR RO ZHE NA, DE YANG MI RIGS TE, GAL TE DBANG BSKUR LA SOGS DAG ,DE LTAR MI SKYE LA NUS MED, SHI BA'I 'OG TU 'GYUR RO ZHES, ,DE 'DRA BA YI TSAD YOD MIN, ,GAL TE DE NYID NUS PA YI, ,CHA DAG RTOGS PA YOD NA NI, ,DE LAS PHUL BYUNG THOB PAS NA, ,GZHAN DU'ANG YOD CES BYA BAR 'GYUR, ,GANG GI TSE GONG NAS GONG DU 'GYUR BA'I RJES SU MTHUN PA NYID MA DMIGS PA DE'I TSE THAR PAR RTOG PA RGYU MTSAN MED PA CAN NYID DO, ,'ON TE DA LTA NI BLO YOD PA'I PHYIR, 'DOD CHAGS LA SOGS PA 'KHOR BA'I RANG BZHIN 'BYUNG BA YIN NO, ,SHI MA THAG TU NI BLO MED PA NYID KYIS 'KHOR BA'I CHOS MED PAR 'GYUR RO ZHE NA, DE YANG MA YIN TE SKYE BA GZHAN DU BLO MED PA NYID CI'I PHYIR SHI BA'I PHYIR ZHE NA, DBANG BSKUR BA'I CHO GDON MED DE, THAMS CAD SHI BA'I BLO MED PAR GYUR PA NA 'GROL BAR 'GYUR BA'I PHYIR RO, ,CI STE DE TSE BLO MED PHYIR, ,MI 'GYUR DRI MA RNAMS KYI BLO, ,MTSAMS SBYOR DE RNAMS NUS MED NA, ,GSON PA NYID NA'ANG NUS MED 'GYUR, ,

, ,MTSAMS SBYOR BA'I RGYU'I 'DOD CHAGS LA SOGS PA'I DRI MA DAG YOD PAS NA BLO MED PAR MI 'GYUR RO, ,'ON TE GTI MUG LA SOGS PA DBANG BSKUR GYIS NYAMS PA DAG NUS PA MED DO ZHE NA, DE'I TSE GSON PA NYID NA BLO MTSAMS SBYOR BA'I RGYUR MI 'GYUR RO, ,DES NA DBANG BSKUR MA THAG TU THAR PAR 'GYUR RO, ,YIN PA NYID DO ZHE NA, DE NI MA YIN TE, GNYEN PO DANG NI RANG GI PHYOGS, ,'PHEL NA 'GRIB DANG 'PHEL BA'I PHYIR, ,NYES RGYUN RANG GI SA BON CAN, ,DBANG BSKUR BAL LDOG PA MED, ,NYES PA NI RANG GI SA BON LAS SKYE BA YIN NO, , DE CI'I PHYIR ZHE NA, GNYEN PO'I PHYOGS BDAG MED PA DANG, RANG GI PHYOGS TSUL BZHIN MA YIN PA YID LA BYED PA 'PHEL NA GO RIMS BZHIN DU 'GRIB PA DANG 'PHEL BA'I PHYIR RO, ,DE LTA BU'I DBANG BSKUR BA LA YANG SKYE BA 'DI DANG GZHAN DU LDOG PA MED PA YIN NA, DE CI LTAR 'DI THAR PA YIN, ,GAL TE BDAG MED PA MTHONG BA, ,THAR PA DE SU'I YIN, BDAG TU SMRA BA NI, GANG GI TSE 'DOD CHAGS LA SOGS PAS NYAMS PA 'GA' ZHIG LAS DAG PAR 'GYUR BA, DE'I TSE THAR PA YIN NO, ,THAR PA NI BCINGS PA GROL BA YIN NA, BDAG MED PA'I LTA BA LA NI; GANG BCINGS PA DE NI BCINGS PA NYID DE, DE NYID THAR PA NI MA YIN NO, ,MI RTAG PA NYID KYIS BDAG TU LTA BA MED PA'I PHYIR RO ZHE NA, DE YANG MA YIN TE, DAG PA GANG YIN DE GZHAN MIN, ME SHI BA NI ME MIN PA, ,DE LTAR NA YANG ME SHI ZHES, ,BYA BA'I THA SNYAD 'DI GNAS SO, ,DE LA NGED KYI PHYOGS LA NI TSIG GI TSUL TZAM ZHIG MI 'BYOR PA YIN NA, DE YANG DPES LAN BTAB BO, ,BDAG TU SMRA BA LA NI DON NYID MI 'GRIGS PAS, TSIG GI TSUL TZAM NI 'GRIGS KYANG CI YANG BYAR MED DO, ,GTZO BO DNGOS PO MI 'GRIGS PA'I PHYIR RO, ,'DI LA NI DPE YANG YOD PA MA YIN NO, ,'DI LTAR, RTAG PA LTOS PA MED PA'I PHYIR, ,RIM GYIS SKYED PAR BYED PA DANG, ,BYED DANG MI BYED PA DAG NI, ,'DRA BA'I BDAG NYID BYED PA 'GAL, ,BDAG GI THAR PA NI, GNAS SKABS KYI KHYAD PAR YIN TE MA DAG PA'I GNAS SKABS SU GYUR PA LAS DAG PA'I

GNAS SU GYUR PA YIN NO, ,RIM GYIS 'BYUNG BA'I GNAS SKABS DAG NI BDAG GI 'BRAS BU YANG MA YIN TE, LTOS PA MED PA NI CIG CAR NYID GNAS SKABS DANG BCAS PAR 'GYUR RO ZHES PHYOGS GZHAN DU GTAN LA PHAB ZIN PA'I PHYIR RO, ,GZHAN YANG BYED PA DANG 'GAL TE, BYED PA DANG MI BYED PA'I GNAS SKABS DAG TU 'DRA BA'I PHYIR RO, ,RGYU DANG 'BRAS BU GCIG PAR 'GYUR, ,DE DAG DE LAS THA DAD NA, ,BYED PO ZA PO NYAMS PAR 'GYUR, ,NUS PA YANG NI 'GRUB MA YIN, ,DE'I BDAG NYID YIN NA NI, ,RGYU DANG 'BRAS BU DAG GCIG PAR 'GYUR TE, BDAG GCIG GI KHONGS SU GTOGS PA'I PHYIR DE'I BDAG NYID BZHIN NO, ,RGYU DANG 'BRAS BU DE DAG THA DAD PA YIN NA NI, ,DE BYED PA PO DANG ZA BA POR MI 'GYUR TE, BYED PA DANG LONGS SPYOD DANG 'BREL PA MED PA'I PHYIR, ,GZHAN GYI BDAG BZHIN NO, ,NYAMS SU MYONG BA LAS KYANG 'BREL PA MA YIN TE; GZHAN GYI BDAG NYID BZHIN NO, ,RNAL 'BYOR PA GZHAN GYI BYED PA DANG LONGS SPYOD PA MNGON DU BYED PA LAS KYANG BYED PA PO DANG SPYOD PA POR 'GYUR RO, ,'ON TE 'DU BA'I 'BREL PA NYID LAS SO ZHE NA MA YIN TE, 'DU BA MED PA NYID KYI PHYIR RO, ,'DU BA NI RNAL 'BYOR PA LA YANG BLO GCIG TU 'GYUR BA'I RGYU MA YIN NA NI MA YIN NO, ,'ON TE RGYU DANG 'BRAS BU DAG DANG RGYU DANG 'BRAS BU'I DNGOS PO YIN PA'I PHYIR RO, ,'DI BYED PA PO DANG SPYOD PA PO YIN NO ZHE NA, DE YANG MI RIGS TE, NUS PA YANG NI 'GRUB MA YIN, ,RTAG PA LA NI NUS PA MED DO ZHES BSTAN ZIN TO, ,'O NA NI BDAG MED PA LA YANG DRAN PA DANG LONGS SPYOD PA LA SOGS PA MI 'GRUB BO ZHE NA, DE NI MA YIN TE, GZHAN GYIS DRAN DANG LONGS SPYOD SOGS, ,THAL BA GNOD BYED MA YIN TE, ,'GA' YANG DRAN PA MED PA'I PHYIR, ,DES NA MYONG LAS DRAN PA 'BYUNG, , DRAN PAR BYED PA PO 'GA'I YANG DRAN PA YOD PA MA YIN TE, DE MED PA NYID KYI PHYIR RO, ,LONGS SPYOD PA YANG MA YIN TE, LONGS SPYOD PA PO MED PA'I PHYIR RO, ,'ON KYANG DRAN PA 'BA' ZHIG STE, DE NYID DRAN PA PO DANG, DRAN PA DANG DRAN PA'I YUL YIN NO, ,DES GZHAN DU LONGS

, ,SPYOD PA YANG BRJOD PAR BYA'O, ,BDE BA NYID LONGS SPYOD BYA DANG LONGS SPYOD PA DANG, LONGS SPYOD PA PO YIN NO, ,DRAN PA DE YANG MYONG BA'I RGYU LAS SKYE'O, ,GAL TE GZHAN GYIS MNGON PAR 'DOD PA MYONG BA LAS KYANG CI'I PHYIR MI SKYE, GZHAN GYIS BYED PAS KYANG LONGS SPYOD PAR 'GYUR RO ZHE NA, RGYU DANG 'BRAS BU'I DNGOS PO NGES PA'I PHYIR RO, ,BDAG TU SMRA BA LA YANG NYES PA 'DIR CI'I PHYIR MI 'GYUR, BDAG THA DAD PA'I PHYIR RO, ,THA DAD PA DE NYID GA LAS, JI LTAR BDAG LA KHYAD MED KYANG, ,GZHAN LAS DRAN PA MI 'BYUNG BA, ,DE BZHIN YID LA KHYAD MED KYANG, ,GZHAN LAS DRAN PA SKYE MA YIN, ,YID LA THA DAD RGYU YOD PAS, ,THA DAD 'DIR NI 'GYUR NA YANG, ,BDAG NI THA DAD RGYU MED PA'I, ,RNAM DBYE 'DI NI GA LAS YIN, ,GAL TE BDAG GCIG MED NA NI, ,BDAG GIS MTHONG BA DRAN NO ZHES, ,GCIG NYID 'BREL PA GA LAS YIN, ,SKYON 'DI BDAG LA YANG MTSUNGS TE, ,'DI LA TSAD MA SKYE BA YOD PA NI MA YIN NO, ,BDAG YOD KYANG TSAD MA GANG GIS DRAN PA DANG MTHONG BA GZHI GCIG NYID DU RIGS, MNGON SUM GYIS SO ZHE NA, SNGA PHYI NYID LA MNGON SUM GYI, ,RTOGS PA MED CES BSGRUBS ZIN TO, ,MNGON SUM MED PHYIR RJES DPAG NI, ,TSAD MA DE LA 'JUG MA YIN, ,GAL TE BDAG NI SNGA MA YI, ,NGO BOR DE NYID DU BDAG RIG ,SNGA MA YI NI MYONG BA NYID, ,DA LTA'I TSE NA YOD PAR 'GYUR, ,DES NA DE LA SNGA MA NI, ,NYID DU RIG PAR GA LA SRID, ,NYAMS SU MYONG BZHIN PA NYID NI, ,SNGA MA'I NGO BOR RTOGS MA YIN, ,DRAN LAS SNGA NYID MA YIN TE, ,DRAN PA NYID NI TSAD MA MIN, ,GAL TE DRAN LAS MA GRUB NA, ,GZHAN DU CI'I PHYIR DE MI 'DOD, ,DE PHYIR BDAG TU SMRA BA LA, ,DE NYID DU NI GCIG GNAS MED, ,DE DAG GCIG CAR 'BYUNG BA'I PHYIR, ,GCIG NYID DU NI MNGON PAR RLOM, ,GCIG NYID DU MA MNGON 'DOD LA, ,THA SNYAD RNAM DBYE MED PA'I PHYIR, ,GCIG PA NYID KYI THA SNYAD NI, ,'BRAS BU GCIG NYID LAS MTHONG NGO, ,'DI NI THOG MED MA RIG PA, ,GOMS PA'I NUS PA RGYUR 'GYUR YIN, ,BDAG NYID MYONG BA

GCIG NYID NI, ,DE LTAR BDAG TU 'DZIN PA'I RGYU, ,'O NA JI LTAR BDAG MED PA'I 'KHOR BAR 'JUG STE, BDAG MED NA 'JIG TSOGS LA LTA BA NYID MI SRID PA'I PHYIR RO, ,DRAN PA YANG SNGA MA DANG PHYI MA'I RANG BZHIN DANG BRAL BA'I PHYIR, GCIG PA NYID DANG RTAG PA NYID 'DZIN PA'I NUS PA MA YIN TE, DES NA 'KHOR BA NYID MED PA NYID DO ZHE NA, 'DI LA BSHAD ZIN TO, ,DON DAM PAR NA 'KHOR BA ZHES BYA BA YOD PA MA YIN TE, RANG LAS RANG GI NGO BO RTOGS ZHES BSHAD PA'I PHYIR RO, ,DE LTA MOD KYI 'DI NI THA SNYAD LAS DE LTAR 'GYUR BA YIN NO, ,'DI LTAR, BDEN PA BZHI LA BRTEN PA DANG, ,BDE DANG NGA DANG NGA ZHES SOGS, ,YANG DAG MIN PA RNAM BCU DRUG ,SGRO 'DOGS NAS NI YONGS SU SRED, ,DE NYID LA NI DE 'GAL DON, ,DE NYID RNAM PAR RJES RTOGS CAN, ,LEGS BSGOMS YANG DAG LTA BA YIS, ,SRED PA RJES 'BRANGS BCAS 'JOMS BYED; ,YANG DAG PA MA YIN PA SGRO 'DOGS PA NYID 'KHOR BA YIN GYI, DON DAM PAR NI 'KHOR BA MED DO, ,YANG DAG PA MA YIN PA NI RNAM PA BCU DRUG PO STE, DE SGRO 'DOGS PA'I PHYIR NA, YONGS SU SRED PA CAN LAS KYIS 'KHOR BAR MNGON PAR RLOM PA YIN GYI, GZHAN DU NI 'KHOR BA SRED PA MA YIN NO, ,MNGON PAR RLOM PA YANG GZHAN DANG GZHAN MYONG BA LAS THA DAD PA 'GA' YANG YOD PA MA YIN TE, DES NA GCIG NYID DANG BDAG NI MYONG BA MED KYANG RIG PAR MNGON PAR RLOM PA YIN NO, ,DPYOD PA DANG LDAN PA DAG DE NYID YANG DAG PAR TSUL BZHIN DU YID LA BYED PAS NI 'DI LA CUNG ZAD KYANG YOD PAS NI MA YIN NO ZHES, BDAG MED PA GOMS PA LAS BRTAN PAR GYUR PA NA, RNAM PA DAG PA NYID DU 'GYUR BAS, MA RIG PA MTHA' DAG LOG PA'I MTSAN NYID, MYA NGAN LAS 'DAS PA'I YUL MNGON DU BYED PAR 'GYUR RO, ,DE'I PHYIR DE KHO NA MTHONG BAS SRED PA LOG PA NI THAR PA YIN NO, ,GAL TE LAS DANG LUS YOD NA JI LTAR THAR PA YIN ZHE NA, DE NI MA YIN TE, 'DI LTAR, LAS DANG LUS DAG GNAS NA YANG, ,GCIG MED PHYIR NA RGYU GSUM CAN, ,SKYE BA SRID PA MA YIN TE, ,SA BON MED PAR MYU GU BZHIN, ,DE LTA NA NI LAS DANG LUS

, ,DAG LAS GANG YANG RUNG BA ZHIG MED PA NYID NA THAR PAR 'GYUR TE, JI SKAD DU, LAS ZAD PAS THAR PAR 'GYUR RO ZHES BSHAD PA YIN NO ZHE NA, DE NI MA YIN TE, 'DI LTAR, LAS DANG LUS DAG SPONG MIN TE, ,GNYEN PO DAG NI MED PHYIR DANG, ,NUS MED PHYIR NA SRED PA NI, ,YOD NA SLAR YANG 'BYUNG PHYIR RO, ,SRED PA BZLOG PA MA GTOGS PAR LAS DANG LUS DAG GI GNYEN PO GZHAN NI YOD PA MA YIN NO, ,DBANG BSKUR BA LA SOGS PA'I CHO GA NI BSHAD ZIN TO, ,LUNG YANG TSAD MA MA YIN NO, ,SRED PA DANG 'BREL PA NI LAM MI BYED PA MA YIN NO CHAGS SDANG LA SOGS PA NI DE LAS NGANG GIS 'BYUNG BAR 'GYUR RO, ,GNYIS ZAD DON DU 'BAD NA YANG, ,LAS ZAD DUB PA DON MED YIN, ,GNYI GA ZAD PAR BYED NA NI, ,DE SRED PA NYID BZLOG PA ZLA'O, ,LAS KYANG BZLOG PAR BYA BA NYID MA YIN NAM GANG YIN ZHE NA MA YIN TE, GNYEN PO MI SRED PA'I PHYIR ZHES BSHAD ZIN TO, ,'DI LTAR, 'BRAS BU SNA TSOGS PA YI PHYIR, ,LAS DANG NUS PA THA DAD DU, ,RJES DPOG DES NA DKA' THUB NYID, ,NYON MONGS DNGOS GCIG GIS MI ZAD, ,'BRAS BU DU MA BSGRUBS PA'I NUS PA MNGON DU PHYOGS PAR BYED PA'I BDAG NYID CAN GYI LAS DAG ,JI LTAR YANG, RNAM PA GCIG GI 'BRAS BU SPYAD PA TZAM GYIS ZAD PAR 'GYUR, DKA' THUB KYIS NYON MONGS PA'I MTSAN NYID KYANG 'BRAS BU RNAM PA GCIG YIN PAS, DE LAS ZAD PAR NI MI RIGS SO, ,GANG GI PHYIR, RNAM 'GAS DES SKYED 'BRAS BU NI, ,CHUNG 'GYUR RIGS MI MTHUN RKYEN GYI; ,'BRAS BU NYAMS SU MYONG BAS NI, ,LAS GANG GIS DE'I RIGS CAN NYID KYI 'BRAS BU NYE BAR BSKYED PAR BYA'O, ,'BRAS BU DE'I CHA NYAMS SU MYONG BA'I PHYIR LAS DES BSKYED PA'I 'BRAS BU NYID NYAMS PAR 'GYUR GYI, DE DANG MI MTHUN PA'I 'BRAS BU NI 'GRIB PA MA YIN NO, ,JI STE DKA' THUB NUS PA YIS, ,NUS PA 'DRES PA ZAD PAS NA, ,NYON MONGS 'GAS SPONG CHA'AM NI, ,NYON MONGS MED PAR KUN SPONGS 'GYUR, ,GAL TE DKA' THUB LA NUS PA YOD NA DE'I TSE MA LUS PAR NYON MONGS PA MED PA'AM, SPU GCIG BTOGS PA TZAM GYI CHA LAS ZAD PAR 'GYUR RO, ,

DE LA YANG BRJOD PA, GAL TE DKA' THUB NYON MONGS LA, ,GZHAN DON NYON MONGS NYID CE NA, ,DE NI LAS 'BRAS YIN PHYIR 'DIS, ,NUS PA 'DRE SOGS 'GYUR MA YIN, ,GAL TE DKA' THUB DE NYON MONGS LAS GZHAN YIN NA DE'I TSE DE NYID LAS ZAD PAS GDUNG BA LNGA LA SOGS PA'I NYON MONGS PAS CI ZHIG BYA, LAS MA LUS PAR DE NYID KYIS ZAD PAR 'GYUR RO, ,GZHAN BYAS PAS NI GZHAN GYI NUS PA RTOGS PA MA YIN NO, ,NYON MONGS PA NYID NI DKA' THUB MA YIN TE, DE NI LAS KYI 'BRAS BU YIN PA'I PHYIR RO, ,LAS KYI 'BRAS BU NYID DKA' THUB TU 'GYUR BA YANG MA YIN TE, TSA GRANG SPYOD PA'I PHYUGS LA SOGS PA DAG KYANG DKA' THUB PA NYID DU THAL BAR 'GYUR BA'I PHYIR RO, ,'ON TE DE NI LAS KYI 'BRAS BU MA YIN TE 'DOD PAS ZHUGS PA YIN PA'I PHYIR RO, ,LAS KYI 'BRAS BU NI DE 'DOD PA MED KYANG 'GYUR BA YIN NO ZHE NA, DE YANG MI 'THAD DE, RGYAL SRID LA SOGS 'DOD PA YIS, ,'THOB PA'I LAS 'BRAS MIN NAM CI, ,BLO NI LAS KYI RTEN 'GRO BA, ,DE 'DRA LAS KYANG YOD PA YIN, ,GAL TE DE LAS KYI 'BRAS BU MA YIN NA, 'O NA JI LTAR 'BRAS BU SPYAD PA LAS ZAD CES KHYED RJOD PAR BYED, DE'I PHYIR DE NI LAS KYI 'BRAS BU NYID DO, ,DES NA SDIG PA NYID ZAD PAR 'GYUR GYI, RGYAL SRID LA SOGS PA'I LAS NI MA YIN TE, DES NA RGYAL SRID LA SOGS PA YANG MYONG BAR BYA BA NYID DO, ,'ON TE RGYAL SRID LA SOGS PA NI 'DOD PA LA SOGS PA NYID LA 'DOD PAR 'GYUR GYI, DMYAL BA'I SDUG BSNGAL LA SOGS PA NI DBANG MED DU 'ONGS PAS DE MYONG BAR BYA BA NYID DE DES NA GDUNG BA NYID 'DOD DO ZHE NA, DE LTAR NA 'O NA DMYAL BA'I SDUG BSNGAL YANG MYONG BAR BYA DGOS SO, ,'ON TE DE GNYIS NI SDUG BSNGAL NYID YIN PA'I PHYIR, ,SDUG BSNGAL TZAM GYIS ZAD PAR 'GYUR TE, DMYAL BA LA SOGS PA SKRA 'BAL BAS ZAD PAR 'GYUR RO ZHE NA DE YANG MA YIN TE, GANG GI PHYIR TSAD MA 'DI YANG YOD PA MA YIN TE, SDUG BSNGAL YIN PHYIR LAS ZAD PA'I, ,RGYU MIN PHYUGS KYI SDUG BSNGAL BZHIN, ,GAL TE 'DI NI MA NGES NA, ,DE KHYOD SMRAS LA MED DAM CI, ,GZHAN YANG, JI LTAR RGYAL SRID BDE BA'I DNGOS, ,

, ,'DOD MED LA NI MI GNOD PA, ,DE BZHIN GOMS LAS DMYAL BA YI, ,SDUG BSNGAL DE LA GNOD BYED MIN, ,GOMS PA'I STOBS LAS 'JIG RTEN NA, ,BDE DANG SDUG BSNGAL LA SOGS 'GYUR, ,DES NA GROL GNAS 'DI LA NI, ,BDE SDUG LA SOGS YOD MA YIN, ,'ON TE LAS YOD DE LAS ZAD PA'I PHYIR 'BAD DO ZHES BYA BA DE NYID KHYED KYIS KHAS BLANGS PA YIN PA'I PHYIR KHAS BLANGS PAS GNOD DO ZHE NA, ,DE NI MA YIN TE, 'DI LTAR, SKYE 'DOD NYES PA BCOM PA'I PHYIR, ,GANG YANG SKYON RNAMS 'GOG BYED PA, ,NGES BSKYED LAS LA NUS 'GYUR GYI, ,CI LTAR BYAS PA NYAMS PAR 'GYUR, ,BYAS ZIN PA'I LAS 'JIG PA NI MED DE, BYAS PA'I LAS LA NI NYAMS PA YOD PA MA YIN NO, ,'O NA JI LTAR LAS ZAD PAR BSHAD CE NA, 'DIR SMRAS PA, GANG GIS TSOGS PA GZHAN YOD NA, ,'BRAS BU STER BYED LAS DANG NI, , 'GAL BA YOD NA MA YIN PA, ,LAS DE DE 'DRA BA NYID YIN, ,GANG ZHIG GDON MI ZA BAR 'BRAS BU 'BYIN PAR NUS PA GANG YIN PA DE NI GDON MI ZA BA KHO NAR 'BRAS BU 'BYIN PA YIN TE, DE'I DON DU YANG DAG THUB CAN DAG MNGON PAR SBYOR BA MA YIN TE, DE NI STOBS KYIS 'OD BA'I PHYIR RO, ,'DOD CHAGS LA SOGS PA ZAD PAS NI MA 'ONGS PA'I 'DOD CHAGS KYI 'BRAS BU NI ZAD PA'I 'GYUR BA NYID DO, ,BYAS ZIN PA'I DNGOS PO GDON MI ZA BAR MYONG BAR BYA BA'I LAS NI MA YIN NO, ,GAL TE LAS NI CI LTAR SRED PA JI LTA BA BZHIN DU GNAS NA LAS YANG 'BYUNG BA DE BZHIN LAS YOD NA SRED PA SLAR 'BYUNG BAR MI 'GYUR RO ZHE NA, DE NI MA YIN TE, 'DI LTAR, LAS LAS NYES PA MA YIN TE, ,SKYON LDAN MED 'GYUR BZLOG PAS MIN, ,LOG PA'I RNAM RTOG MED PAR NI, ,BDE BA LAS KYANG 'DOD MI 'GYUR, ,SRED PA YOD NA 'BRAS BU DON DU GNYER BA LAS BYED KYI, DE LTAR MA YIN TE, SRED PA MED NA NI CI YANG MI BYED DO, ,'ON TE DGE BA'I LAS 'BYIN PAR NUS PA'I PHYIR GDON MI ZA BAR BDE BA 'DOD PAR 'GYUR RO ZHE NA, DE NI MA YIN TE, DON DAM PAR NA 'KHOR BAR BDE BA NYID 'GA' YANG YOD PA MA YIN NO, ,'ON KYANG LOG PA'I RNAM

PAR RTOG PA 'GA' ZHIG TU ZAD DO, ,LOG PA'I RTOG PA DE DE MED NA NI GANG LAS MNGON PAR 'DOD PAR 'GYUR ZHING, BDE BA DE YANG GANG ZHIG GIS YIN, DE'I PHYIR 'JIG TSOGS LA LTA BA'I MTSAN NYID MA RIG PA ZAD PA NYID KYIS THAR PAR 'GYUR GYI, GZHAN DU NI MA YIN NO, ,DE'I PHYIR 'PHAGS PA'I BDEN PA BZHI STON PAR MDZAD PA NYID KYI SKYOB PA YIN NO, ,DES NA BDEN PA BZHI STON PA'I MTSAN NYID 'BRAS BUR 'GYUR BA'I, SKYOB LAS DE NYID BRTAN PA DANG, ,MA LUS KHYAD PAR MKHYEN PAR 'GRUB, ,GSHEGS PA RTOGS PA'I DON PHYIR TE, ,DE PHYIR PHYI ROL PA DANG SLOB, ,MI SLOB LAS LHAG GANG GI PHYIR, ,SKYOB PA NYID LAS BCOM LDAN 'DAS, ,BDE BAR GSHEGS PA YIN NO ZHES SHES PA YIN NO, ,BDE BAR GSHEGS PA NYID DE YANG, DE KHO NA NYID DANG, BRTAN PA DANG KHYAD PAR MA LUS PA MKHYEN PA'O, ,DE KHO NA NYID MKHYEN PA NI LEGS PAR MKHYEN PA'O, ,BRTAN PA MKHYEN PA NI SLAR MI LOG PAR MKHYEN PA STE, BRTAN PA NI SLAR MI LDOG PA'I PHYIR RO, ,KHYAD PAR MA LUS PA MKHYEN PA NI RNAM PA THAMS CAD MKHYEN PA NYID KYI YE SHES TE, MTHA' DAG MKHYEN PA'O, ,BDE BAR GSHEGS PA NI RTOGS PA'I DON YIN PA'I PHYIR RO, , BCOM LDAN 'DAS LA DI MNGA' BA NYID NI SKYOB PA NYID LAS SHES PA YIN NO ZHE NA, RJES SU DPAG PA LAS NI SKYOB PA NYID DU 'GYUR BA MA YIN NO, ,GZHAN LA NI 'DI LTA BUR 'GYUR BA'I SKYOB PA SRID PA MA YIN LA, RJES SU DPAG PAS 'JUG PA YIN NA NI, GZHAN DAG 'GYUR RO, ,DE 'ON TE DE NI RJES SU DPAG PA BRGYUD PA LAS 'BYUNG BA YIN NO ZHES BYA BA LAN DU 'GYUR RO SNYAM NA, DE LTA YIN NA, GZHAN DAG KYANG 'GYUR TE, RJES SU DPAG PA 'GA' ZHIG LA NI 'GYUR BA GZHAN LA MA YIN NO ZHES BYA BA'I RNAM PAR DBYE BA NI YOD PA MA YIN NO, ,GCIG LA YANG BCOM LDAN 'DAS KYIS NYE BAR BSTAN PA MED PAR 'GYUR BA NI MA YIN NO, ,DES NA DON THAMS CAD KYI RNAM PA THAMS CAD BCOM LDAN 'DAS KYIS MKHYEN PA YIN NO ZHES SHES SO, ,DON THAMS CAD KYI RNAM PA THAMS CAD MA GZIGS PAR NI DON THAMS CAD SKAD CIG MA LA 'JIG PA YIN NO ZHES BYA BA LA

, ,SOGS PA 'DI SRID PA MA YIN TE, GANG ZHIG MA MTHONG BA DE NYID KYIS MA NGES PAR 'GYUR BA'I PHYIR RO, ,'ON TE BDAG CAG CI LTA BU DE LTAR DE YANG 'GYUR RO ZHE NA, BDAG CAG NI DE'I NYE BAR BSTAN PA MED PA MA YIN NA, ,DE'I PHYIR GANG MNGON DU GZIGS PA'AM, GZHAN GYIS NYE BAR BSTAN PA LA NGES PA 'DI YOD KYI GZHAN LA NI MA YIN NO, ,NGES PA MED PA NYE BAR STON PA NI MI SRID DO, ,'ON TE 'KHRUL PA LAS KYANG SRID DO ZHE NA, DE NI MA YIN TE, 'DI LTAR, 'DRA BA GZHAN DAG 'BYUNG BA'I PHYIR, ,RTAG PA NYID DU 'KHRUL 'GYUR GYI, ,GANG GIS DE 'GYUR SKAD CIG MA, ,NYID DU 'KHRUL RGYU CI ZHIG YOD, ,THE TSOM YANG MED PA NYID DE, GNYI GA'I CHA LA DMIGS PA'I PHYIR RO, ,DE'I PHYIR 'DI NI NGES PA NYID LAS NYE BAR STON PAR MDZAD PA YIN LA, NGES PA DE YANG MNGON DU MDZAD PA MA YIN NO, ,BDAG CAG GI RJES SU DPAG PA NI NYE BAR BSTAN PA MED PA MA YIN PA'I PHYIR RO, ,THE TSOM GYIS BCOM LDAN 'DAS KYIS DE SKAD GSUNGS PA YANG MA YIN TE, GNYI GAR STON PAR THAL BA'I PHYIR RO, ,DE'I PHYIR BCOM LDAN 'DAS NI DE NYID DANG, BRTAN PA DANG MA LUS PA'I KHYAD PAR MKHYEN PA MNGA' BA'I PHYIR BDE BAR GSHEGS PA YIN TE, DES NA BCOM LDAN 'DAS PHYI ROL PA DANG, SLOB PA DANG MI SLOB PA LAS BDE BAR GSHEGS PA NYID KYIS KHYAD PAR DU 'PHAGS PA YIN NO, ,DE'I PHYIR, GZHAN DON MKHYEN SBYOR DE STON PA, ,DE LAS BRTZE YIN GZHAN DON NGOR, ,DON 'GRUB MDZAD PA MI 'DOR PHYIR; ,BCOM LDAN 'DAS LA BDE BAR GSHEGS PA NYID MNGA' BA NI, BDEN NA DE RGYU GANG LAS YIN ZHE NA, LAN DU GZHAN GYI DON MKHYEN PA LA SBYOR BA STON PA NYID CES BYA BA'I RGYU RJES SU DPAG STE, DE LTA MA YIN NA BDE BAR GSHEGS PA NYID GANG LAS SRID, DE LAS KYANG BRTZE BA YIN TE, GZHAN DU NA GZHAN GYI DON MKHYEN PA LA SBYOR BAR MI 'GYUR RO, ,GAL TE DE BSGRUBS PAS CI BYA, BDE BAR GSHEGS PA TZAM NYID KYIS, ,TSAD MAR 'GYUR RO ZHE NA, DE NI MA YIN TE, 'DI LTAR, DE NI MKHYEN PA TZAM NYID LAS, ,TSAD MIN DE YI TSAD MA NYID, ,KUN TSE NYE

BAR BSTAN PA LAS, ,YIN 'GYUR DE LTAR MA YIN NA, ,DE NI NGED LA TSAD MA MIN, ,DE BSHAD PA NI GZHAN DON NGOR, ,DON 'GRUB MDZAD PA MI 'DOR PHYIR, ,BRTZE BAS GZHAN GYI DON MKHYEN PAR SBYOR BA NI, RTAG TU GZHAN GYI DON NYID DU MDZAD PA'I PHYIR RO, ,BRTZE BAS YONGS SU MYA NGAN LAS MI 'DA' STE, ,CI LTAR SNGAR BSHAD PA BZHIN NO, ,GZHAN YANG, BRTZE BA LEGS DANG YE SHES LAS, ,BDE BA GSUNG MDZAD SGRUB BYED BCAS, ,DE GSUNG BAR YANG MNGON SBYOR LDAN, ,GANG PHYIR DES NA TSAD MA NYID, ,BRTZE BA DANG LDAN PAS NI LEGS PAR GSUNG BAR 'GYUR LA, MKHYEN PAS NI YANG DAG PAR PHYIN CI MA LOG PA GSUNG BAR MDZAD DO, ,MKHYEN PA DE YANG SGRUB BAR BYED PA DANG BCAS PA DE YANG GSUNG BA'I DON DU MNGON PAR SBYOR BA DANG LDAN PA YIN TE, ,GANG GI PHYIR RGYU BZHI PO DES NA DE TSAD MA NYID DO, ,'DIS NI 'DI SKAD BRJOD PA YIN TE, DONG PO YI NI THA MA YIN LA, DANG 'OG GI NI THA LTAG YIN NO ZHES BYA BA 'DI NI RGYU DANG 'BRAS BU'I DNGOS PO YIN NO, ,DE'I PHYIR BCOM LDAN 'DAS TSAD MA YIN NO ZHES NGES PAR BRJOD PA YIN NO, ,DE NYID KYI PHYIR BCOM LDAN 'DAS TSAD MA'I MTSAN NYID KYI YON TAN 'DI NYID KYIS BSTOD PA YIN NO, ,DES BSHAD PA NI, DE LTA'I DNGOS PO BSTOD PA NI, ,DE YI BSTAN PA NYID LAS NI, ,TSAD MA'I DE NYID GRUB DON TE, ,RJES SU DPAG PA MA BZLOG PHYIR, ,CUNG ZAD SKYE BA'I BDAG NYID CAN, ,GANG DE THAMS CAD 'GOG CHOS CAN, ,ZHES SOGS RNAM PA DU MAR NI, ,'DI YI SBYOR BA MTHONG PHYIR RO, CI'I PHYIR TSAD MA'I MTSAN NYID DE LTA BU'I DNGOS PO NYE BAR STON CE NA, DE'I NYE BAR STON PA NYID LAS TSAD MA'I DE KHO NA NYID JI LTAR 'GRUB PAR 'GYUR BAR BYA BA'I DON DU'O, ,DE LAS MNGON SUM NI BCOM LDAN 'DAS KYIS NYE BAR BSTAN PA YIN TE; SNGON PO SHES PA DANG LDAN PA'I SKYES BUS NI SNGON PO SHES KYI, SNGON PO NYID DO ZHES NI MA YIN NO ZHES SO, ,RJES SU DPAG PA YANG MA BZLOG STE, DE'I PHYIR BZHED PA NYID DO, ,SGRA LAS BYUNG BA LA SOGS PA DAG NI BZLOG STE, PHA ROL RAB TU SMRA BA THAMS CAD NI GSOG STE, NGA

, ,GCIG PU DE NYID GSUNGS PA YIN NO ZHES SO, ,YANG NA GZHAN GYI DON GYI RJES SU DPAG PA'I MTSAN NYID SBYOR BA BSTAN PA YOD PA YIN TE, JI SKAD DU GANG CUNG ZAD SKYE BA'I BDAG NYID CAN DE THAMS CAD NI 'GOG PA'I CHOS CAN YIN NO ZHES GSUNGS PA'I PHYIR RO, ,DE NYID SMRAS PA NI, MED NA MI 'BYUNG MTSAN NYID CAN, ,RTAGS NI RJES DPAG RTEN YIN NO, ,BSGRUB BYAS GTAN TSIGS KHYAB PA NI, ,BSTAN PHYIR DE YANG GSAL BAR BSHAD, ,BSGRUB BYAS KHYAB PA'I GTAN TSIGS NI GO BAR BYED PA YIN LA, GTAN TSIGS KYI KHYAB PA DE YANG GANG CUNG ZAD KYANG CUNG ZAD SKYE BA'I BDAG NYID CAN DE THAMS CAD NI 'GOG PA'I CHOS CAN YIN NO ZHES BCOM LDAN 'DAS KYIS RNAM PA DU MAR BSTAN PAR MDZAD DE, DES NA RJES SU DPAG PA YANG GSUNG BA NYID KYIS TSAD MA'I DE KHO NA NYID NI BCOM LDAN 'DAS KYIS DANG PO BSTAN PA YIN LA, DE YANG TSAD MA YIN PA'I PHYIR TE, DES NA DANG POR SMOS PA'I TSAD MA NYID NI BCOM LDAN 'DAS KYIS YON TAN DAM PA YIN NO, ,GANG PHYIR GNYIS LDAN TSAD MA'I DE NYID NI, ,BCOM LDAN DE BZHIN BSHEGS PAS BSTAN MDZAD PA, ,DE PHYIR DE LAS TSAD MA GZHAN YOD MIN, ,DE BZHIN GSHEGS PA 'DI LAS THAMS CAD GRUB, , TSAD MA RNAM 'GREL GYI RGYAN LAS, TSAD MA GRUB PA ZHES BYA BA'I LE'U STE DANG PO'O,, ,,DE LTAR SPYI'I MTSAN NYID BRJOD NAS KHYAD PAR GYI MTSAN NYID BSHAD PA, MNGON SUM DANG NI RJES DPAG TSAD MA YIN NO, ,TSAD MA DE YANG MI SLU BA'I PHYIR RO, ,MI SLU BA YANG DON LAS SKYES PAS DON LA MI 'KHRUL PA'I PHYIR RO, ,GAL TE DON LA MI 'KHRUL PA DE NYID JI LTAR RTOGS PAR BYA ZHE NA, MNGON SUM DANG RJES SU DPAG PA NYID KYIS TE, MNGON SUM YIN PA'I PHYIR DANG, RJES SU DPAG PA YIN PA'I PHYIR TSAD MA MA YIN TE, GZHAN SGRA LAS BYUNG BA LA SOGS PA YIN PA'I PHYIR NI MA YIN NO ZHES BYA BA'I DON TO, ,GAL TE SGRA LAS BYUNG BA LA SOGS PA DON DANG 'BREL PA MED PA NYID DO ZHES BYA BA GANG LAS SHE NA, 'DI LTAR MTSAN NYID GNYIS NI GZHAL BYA YIN LA, TSAD MA NI GZHAL BYA LA 'KHRUL PA MED PA'I PHYIR RO, ,GZHAL BYA MED NA NI GZHAL BYA LA MI 'KHRUL BAR MI 'GYUR RO, ,

GZHAL BYA YANG MNGON SUM DANG RJES SU DPAG PAS RTOGS PAR BYA BA LAS GZHAN YOD PA MA YIN TE, RANG DANG SPYI'I MTSAN NYID DAG LAS GZHAN PA'I GZHAL BYA NI MED DO ZHES GANG BSHAD PA YIN NO, ,RANG GI MTSAN NYID NI MNGON SUM GYI YUL YIN LA, SPYI'I MTSAN NYID NI RJES SU DPAG PA'I YUL YIN NO ZHES STON PAR 'GYUR RO, ,'DI NYID STON PAR BYED PA NI, GZHAL BYA GNYIS PHYIR TSAD MA GNYIS, ,DON BYED NUS DANG MI NUS PHYIR, ,SKRA SHAD LA SOGS DON MIN TE, ,DON DU MOS PA MED PHYIR RO, ,MNGON SUM DANG RJES SU DPAG PA'I DBYE BAS TSAD MA NI RNAM PA GNYIS KHO NAR RTOGS PAR BYA STE, DE LTA MA YIN NA GZHAL BYA RTOGS PAR MI 'THAD PA'I PHYIR RO ZHES STON PAR 'GYUR RO, ,MNGON SUM RJES SU DPAG BYA YIN, ,RNAM PA LAS GZHAN RTOGS MED PA, ,DE PHYIR DE LAS GZHAN PA YI, ,TSAD MA YOD PAR 'DOD MA YIN, ,MNGON SUM DANG RJES SU DPAG PAR BYA BA DAG KHO NA DAG PHYIN CI MA LOG PAR RTOGS PA'I GZHAL BYA YIN GYI GZHAN NI MA YIN TE, SPYI DANG KHYAD PAR GYI NGO BO YIN PAS RTOGS PA'I RNAM PA GZHAN MED PA'I PHYIR RO, ,YUL GCIG NYID KYANG RNAM PA GNYIS SU 'GYUR TE, RTOGS PA'I RNAM PA GNYIS YOD PA'I PHYIR RO, ,RTOGS PA'I DBYE BA YANG TSAD MA'I DBYE BA YIN TE, DE NYID NI YUL GYI DBYE BA YIN NO, ,GAL TE RTOGS PA'I BYE BRAG YUL GYI DBYE BAR JI LTAR 'GYUR TE GZHAN THA DAD PAS GZHAN THA DAD PAR 'GYUR BA NI MA YIN NO ZHE NA, DE NI BDEN TE, RTA YI DBYE BAS BA SOGS KYI, ,NGO BO THA DAD 'GYUR MIN TE, ,'BREL MED PHYIR RO SHES PA DANG, ,SHES BYA DAG NI DE LTAR MIN, ,DON RNAMS YOD MED NGES PA YI, ,RNAM GZHAG SHES LA RAG LAS YIN, ,SHES GZHAN LAS NI DON DE NYID, ,DON GZHAN NYID DU SHES PAR BYED, ,GANG GI TSE SHES PA SKYED PA LA DNGOS SU NUS PA NYID DU RTOGS PA DE'I TSE NI, 'DIR RANG GI NGO BOS MTSAN PA'I PHYIR RANG GI MTSAN NYID YIN LA, GANG GI TSE DE NYID BRGYUD PAS NUS PA NYID DU RTOGS PA DE'I TSE NI, SPYI'I NGO BOR MTSON PA'I PHYIR, SPYI'I MTSAN NYID YIN NO, ,MA YIN PAR 'JUG PAS BRGYUD PAS NUS PA NYID NUS PA MED PA YIN GYI,

, ,GTAN NUS PA MED PA NI MA YIN NO, ,RAB RIB CAN GYIS DMIGS PA'I SKRA SHAD LA SOGS PA DANG, SKRA LA SOGS PA LAS DMIGS PA NI DON MED PA NYID DE, DNGOS SAM BRGYUD PAS NUS PAR MA RTOGS PA'I PHYIR RO, ,DON DU NUS PA MED PA'I PHYIR TE, MOS PA MED PA YANG GNOD PAR BYED PA'I TSAD MA 'JUG PA'I PHYIR RO, ,'DI LAS KYANG GZHAL BYA GNYIS YIN TE, 'DRA DANG MI 'DRA NYID PHYIR DANG, ,SGRA YI YUL DANG YUL MIN PHYIR, ,RGYU MTSAN GZHAN NI YOD PA NA, ,BLO NI YOD DANG MED PHYIR RO, ,GANG ZHIG RNAM PA CI ZHIG LTAR 'DRA BA'I NGO BOR RTOGS PA DE NI SPYI'I MTSAN NYID YIN LA, GZHAN DU RTOGS PA NI RANG GI MTSAN NYID DO, ,GAL TE MDUN NA GNAS PA'I BA LANG LA SOGS PA'I 'DRA BA'I NGO BO NYID DU RTOGS PA DANG, DE BZHIN DU BA MEN DE NI 'DI YIN NO ZHES NYE BAR 'JAL BAS RTOGS PA DE CI GA SPYI'I MTSAN NYID YIN NAM ZHE NA, DE NI MA YIN TE, 'DRA BA'I NGO BO NYID DU NI, ,GANG LA SHES PA SKYE 'GYUR BA, ,DE NI SPYI YI MTSAN NYID YIN, ,'DIR NI RANG GI NGO BOS RIG ,GANG ZHIG 'DRA BA'I NGO BO KHO NAR RTOGS PA DE SPYI YIN NA, 'DIR NI KHYAD PAR RTOGS PA YIN NO, ,GAL TE 'DRA BA'I NGO BO NYID DU YANG RTOGS PA'I PHYIR RO ZHE NA MA YIN TE, THA DAD PAR DE'I NGO BOR RTOGS PA MED PA'I PHYIR RO, ,'O NA JI LTAR 'DI NI 'DRA BA YIN NO SNYAM DU LHAG PAR ZHEN CE NA, LHAG PAR ZHEN KYANG LOGS SHIG TU, ,'DRA BAR RTOGS PA YOD MA YIN, ,SO SOR RTOGS PA YOD MIN PA, ,DE NYID GNYIS MED SHES PA YIN, ,'DI 'DRA'O SNYAM DU RTOGS PAS NI 'DRA BA GZHAN DNGOS PO LAS THA DAD PAR SHES PA NUS PA MA YIN TE, MDUN NA GNAS PA'I DON GYI RNAM PA DANG BRAL BA'I DON GZHAN RTOGS PA NI MED DO, ,DE'I PHYIR 'DI LA DON GZHAN RTOGS PA MED PA'I PHYIR, SPYI'I PHYIR SHES PA NI DMIGS PA MED PA KHO NA'O, ,RJES SU DPAG PA'I RTOGS PA LA NI DPE LA MTHONG BA'I NGO BO SGRO 'DOGS PA'I 'DRA BA'I YOD PA NYID DO, ,GAL TE DE LTA NA NI SGRA LAS BYUNG BA LA SOGS PA'I YUL YANG SPYIR 'GYUR ZHE NA 'DI LA LAN, DON MIN TE, DON DU MOS PA MED

PHYIR RO, ,ZHES BRJOD ZIN TO, ,DE BZHIN DU GZHAN DU YANG BLTA BAR BYA'O, ,SGRA'I YUL NI SPYI'I MTSAN NYID YIN LA, YUL MA YIN PA NI RANG GI MTSAN NYID YIN NO, ,GAL TE SGRA'I YUL SPYI'I MTSAN NYID YIN NA 'O NA SGRA YANG TSAD MAR 'GYUR TE, SPYI'I YUL CAN YIN PA'I PHYIR RO ZHE NA, DE NI MA YIN TE, GZHAN DON RJES DPAG GANG YIN PA, ,SPYI NI DE YI SPYOD YUL YIN, ,SGRA YI SPYOD YUL SPYI NYID CES, ,DE SKAD DU NI MI BRJOD DE, ,SGRA YI SPYOD YUL MA YIN PA, ,SPYI MA YIN ZHES RNAM DPYOD BYED, ,SPYI YI MTSAN NYID GANG YIN TE, ,SGRA YI YUL YIN GZHAN MA YIN, ,SPYI NI SGRA'I YUL NYID YIN GYI, SGRA'I YUL GANG YIN PA DE SPYI NYID NI MA YIN NO, ,YUL MA YIN PA RANG GI MTSAN NYID KHO NA NI MA YIN TE, 'ON KYANG YUL MA YIN PA KHO NA RANG GI MTSAN NYID YIN NO ZHES BYA BA'I DON BRJOD PAR 'DOD PA YIN PA DES NA 'DI LA SKYON MED DO, ,DES NA SGRA'I YUL YANG 'GA' ZHIG NI SPYI YIN LA, 'GA' ZHIG NI DON MED PA MA YIN NO, ,DE BZHIN DU YUL MA YIN YANG KHA CIG NI RANG GI MTSAN NYID YIN LA, KHA CIG NI DON MED PA YIN NO, ,RGYU MTSAN GZHAN BRDA DANG RTZOL BA LA SOGS PA YUL LAS GZHAN DU GYUR PA DAG YOD NA GANG LA BLO YOD PAR 'GYUR BA DE NI SPYI YIN LA, MIG LA SOGS PA RGYU MTSAN GZHAN YOD KYANG GANG LA BLO MED PAR 'GYUR BA DE NI RANG GI MTSAN NYID DO, ,'DI LA YANG SNGA MA BZHIN DU BRJOD PAR BYA'O, ,YANG NA RGYU MTSAN GZHAN YOD NA GANG LA BLO YOD PA DE NI RANG GI MTSAN NYID YIN LA; RGYU MTSAN GZHAN YOD KYANG BLO MED PA DE NI SPYI'I MTSAN NYID YIN NO, ,RANG GI NGO BOS RTOGS PAR MI NUS PA'I PHYIR RO, ,MI DMIGS PA DE NI LKOG TU GYUR PA DANG SPYI YIN NO, ,DE LA RANG GI NGO BOS MTSON PA NI RANG GI MTSAN NYID YIN LA, RNAM PA GZHAN NI SPYI'I MTSAN NYID LKOG TU GYUR PA YIN NO, ,GAL TE MNGON SUM DU GYUR PA DANG, LKOG TU GYUR PA'I MTSAN NYID KYI YUL GYI DBYE BA TSAD MA GANG GIS RTOGS, CI MNGON SUM GYIS YIN NAM, 'ON TE RJES SU DPAG PAS YIN NAM, DE STE TSAD MA GZHAN GYIS YIN, GAL TE GZHAL BYA GNYIS NYID NI, ,TSAD MA GZHAN GYIS

, ,RTOGS 'GYUR NA, ,GTAN TSIGS 'GAL BA NYID 'GYUR TE, ,GSUM PA DAG KYANG YOD PHYIR RO, ,'ON TE TSAD MA GNYIS NYID KYIS, ,YIN NA PHAN TSUN BRTEN PAR 'GYUR, ,TSAD MA GSUM LA SOGS PA YIS, ,GZHAL BYA GZHAN NI GRUB PA NA, ,TSAD MA GSUM SOGS 'GRUB 'GYUR GYI, ,MNGON PAR 'DOD PAR 'GRUB MI 'GYUR, ,TSAD MA'I DBYE BAS GZHAL BYA YI, ,DBYE BA SGRUB PAR BYED PA YIN, ,LKOG GYUR NYID KYANG RJES DPAG GIS, ,JI LTAR 'GRUB PAR 'GYUR BA YIN, ,LKOG LA MNGON SUM 'JUG MIN TE, ,'JUG NA RJES DPAG DON MED YIN, ,GAL TE MNGON SUM 'JUG NA NI, ,LKOG GYUR NYID DU'ANG JI LTAR 'GYUR, ,MNGON SUM LOG PAR 'GYUR BA YI, ,DNGOS PO NYID NI LKOG GYUR YIN, ,DE LA MNGON SUM 'JUG PA MIN, ,DBANG PO MTHONG BA MED PAR NI, ,DES DE RTOGS PA ZHES BYA BA'I,, TSIG GI TSUL 'DI SNGON MED YIN, ,DE PHYIR MNGON SUM YUL NYID NI, ,MNGON SUM LAS NI RTOGS PAR 'GYUR, ,LKOG GYUR LA NI TSAD MED PHYIR, ,JI LTAR GZHAL BYA GNYIS SU NGES, ,DE'I PHYIR GZHAL BYA GNYIS MA GRUB PA'AM, 'GAL BA YIN NA JI LTAR SGRUB PAR BYED PA YIN, GAL TE GZHAL BYA GNYIS YIN DU CHUG PA DE LTA NA TSAD MA DE TZAM KHO NAR 'GYUR DGOS SO ZHES BYA BA GA LAS YIN, 'BREL PA GRUB PA MED PAR NI, ,GTAN TSIGS KUN LAS NGES MI 'GYUR, ,'BREL PA RAB TU GRUB PA YANG, ,MNGON SUM TSAD MA DANG LDAN MIN, ,TSAD MA NYID NI THUN MONG BA'I, ,SGRUB BYED MNGON SUM JI LTAR YIN, ,DE MA GRUB NA MNGON SUM GYIS, ,DE DANG 'BREL PA JI LTAR NGES, ,DE LTAR GZHAL BYA GNYIS MA GRUB PA'AM, GZHAN GYIS GRUB NA 'GAL BAR 'GYUR BA DANG, YANG NA DE DANG 'BREL PA MA GRUB PAS, GTAN TSIGS MA NGES PA YIN NO ZHE NA, 'DIR BSHAD PA YUL RNAM PA GNYIS NI MNGON SUM KHO NAS RAB TU GRUB STE, 'DRA BA DANG MI 'DRA BAR RTOGS PA NYID NI SHES PA NYID KYI CHOS YIN LA, DE YANG RANG RIG PA'I MNGON SUM GYIS GRUB PA YIN NO, ,SHES PA'I RANG GI NGO BO LA 'KHRUL PA YOD PA YANG MA YIN TE, DE

LA 'KHRUL PAR DOGS NA THA SNYAD MED PAR 'GYUR BAS GTAN TSIGS BRJOD PA DANG, PHYIR RGOL BA DANG, 'DRI BA'I TSIG GI SKABS MED PAR 'GYUR RO, ,MYONG BA MED PA GANG GI TSIG ,GANG ZHIG TU NI 'JUG PAR 'GYUR, ,'BREL MED RTEN LA TSIG DAG NI, ,'JUG PAR GANG NA'ANG YOD MA YIN, ,DNGOS GZHAN DAG GI THA DAD KYANG, ,SHES PA THA DAD LAS YIN NA, ,DE YI NGO BOR GYUR PA YI, ,TSAD MA'I DBYE BA CIS MI 'GRUB, ,RTOGS PA NYID NI THA DAD 'GYUR, ,TSAD MA'I DBYE BA JI LTAR YIN, ,SNGON DU SPYI YI MTSAN NYID DU, ,TSAD MA 'DI NI GRUB GYUR BA, ,DE YI THA DAD THA SNYAD 'DI, ,DE LTAR BSGRUB BYAR RTOGS MIN NAM, ,'DI ME ZHES BYA MNGON SUM NYID, ,RNAM RTOG BCAS PAR GANG SMRAS LA, ,NGO BO MNGON SUM LAS GRUB CING, ,SNGON DANG 'DRA DON GTAN TSIGS LAS, ,DE LTAR DON BZUNG MED PAR NI, ,DON GNYER DON SGRUB LA 'JUG MED; ,'JUG PA DANG LDOG PA'I MTSAN NYID KYI THA SNYAD LAS TSAD MA'I SPYI'I MTSAN NYID NI DANG PO NYID DU GRUB PA YIN LA, DA LTA NI THA DAD PA'I THA SNYAD TZAM ZHIG BSGRUB BYAR 'GYUR BA YIN NO, ,DE LA 'DI NI RNAM PAR RTOG PA DANG BCAS PA'I MNGON SUM GCIG NYID DE, 'DI LTA STE 'DI NI ME YIN TE, 'DI LAS MNGON PAR 'DOD PA'I DON BYA BA BYED PA YIN NO ZHES BYA BA LTA BU'O ZHES GANG SMRAS PA DE LA, 'DI NI GNYIS YIN TE, RTOGS PA'I RNAM PA THA DAD PA'I PHYIR RO, ,RTOGS PA RNAM PA THA DAD PAS NI PHYI ROL GYI DNGOS PO YANG THA DAD PAR RTOGS PA YIN NA, DE'I NGO BOR GYUR BA'I TSAD MA LTA CI SMOS, DE LA 'BAR BA'I RNAM PA CAN GYI RANG GI NGO BO MNGON SUM GYIS GRUB PA YIN TE, MNGON DU BYAS PA'I PHYIR DANG, MNGON SUM DE NI LKOG TU MA GYUR PA'I YUL CAN YIN PA'I PHYIR RO, ,SPYI'I RNAM PAR RTOG PA SNGAR GYI DON BYA BA BYED PA DANG, CHOS MTHUN PA NI LKOG TU GYUR PA YIN PA'I PHYIR, TSAD MA GZHAN GYI YUL YIN NO, ,'ON TE DE LA 'JUG PAR BYED PA NI MNGON SUM KHO NA YIN GYI GZHAN GYI NI MA YIN NO, ,RTOGS PA GZHAN NI DE NA YOD KYANG TSAD MA MA YIN TE, GANG GI PHYIR JI SNYED DE DANG LHAN CIG YOD DO COG ,THAMS CAD NI TSAD MAR 'GYUR BA

, ,MA YIN TE, LUS DANG SA GZHI LA SOGS PA YANG TSAD MAR THAL BA'I PHYIR RO ZHE NA, 'DIR SMRAS PA, RJES 'GRO LDOG PA DAG GIS NA, ,NYER MKHO CIG SHOS DAG TU GNAS, ,DE MED PAR NI MNGON SUM NYID, ,'BA' ZHIG 'JUG PAR BYED MA YIN, , CI STE SHIN TU GOMS PA LAS MNGON SUM 'BA' ZHIG 'JUG PAR BYED PA MTHONG BA YIN PAS NA, 'DRA BA 'DZIN PA'I RNAM PA CAN GYI RJES SU DPAG PA NI MA YIN NO ZHE NA, DE YANG MI BDEN TE, MNGON SUM GYIS RTOGS PA 'BA' ZHIG DANG PO'I TSE 'JUG PAR BYED PA MA MTHONG BA'I PHYIR RO, ,DANG PO MA YIN KYANG PHYIS 'GYUR RO ZHE NA, 'DI NI GLEN PA'I GTAM YIN TE, ,GANG DE GANG ZHIG YUL DER NI, ,DANG PO ZHUGS PA NA BYED NA, ,DANG PO 'JUG PAR MI BYA STE, ,DE YI 'OG TU 'JUG PAR 'GYUR, ,ZHE'O, ,'DI LTAR DANG PO 'JUG PA MED NA, PHYIS KYI GOMS PA CAN GYI 'JUG PA DE NYID GA LAS YIN, DE'I 'OG ROL PA RNAMS KYI DE'I 'OG ROL GYI NGO BO NI 'DI KHO NA YIN TE, SNGA MA MED NA MED PA NYID GANG YIN PA'O, ,DE'I PHYIR MNGON SUM DANG CIG SHOS KYI RTOGS PA 'JUG GI DE LTA MA YIN NA 'JUG PA MI SRID PA'I PHYIR RO, ,GZHAN YANG, GANG ZHIG DU SOGS RTAGS LAS NI, ,ME SOGS 'GA' LA 'JUG BYED PA, ,DE NI MNGON SUM MED NA'ANG MTHONG, ,DES NA DE YANG DON MED 'GYUR, ,JI LTAR SHIN TU GOMS PA LAS LKOG TU GYUR PA'I RTOGS PA MED KYANG MNGON SUM NYID DU 'JUG PA DE BZHIN DU, MNGON SUM GYI RTOGS PA MED KYANG DU BA LA SOGS PA LAS ME LA SOGS PA LA 'JUG PA'I PHYIR, MNGON SUM DE YANG 'JUG PAR BYED PAR MI 'GYUR RO, ,CI STE YANG, MNGON SUM MED PAR RJES DPAG GIS, ,RANG DON SGRUB PAR BYED MA YIN, ,DE MED PAR YANG MNGON SUM NI, ,GOMS LAS 'JUG PAR BYED PA YIN, ,DE PHYIR DE LA MNGON SUM NYID, ,TSAD YIN GANG DU'ANG RJES DPAG MIN, ,DE MED PAR YANG DE 'GRUB PHYIR, ,MNGON SUM NYID NI TSAD MA YIN, ,ZHES BYA BAR SEMS NA, 'DIR SMRAS PA, GOMS MED MNGON SUM TSAD MA NYID, ,MIN ZHES 'DI LA BSHAD ZIN TO, ,DE PHYIR 'DI LA RJES DPAG NYID, ,

SGRUB PAR BYED PA YIN ZHES RTOGS, ,GZHAN TSE MKHO BA MED CES TE, ,GZHAN TSE'ANG MKHO BA MED MA YIN, ,GOMS PA MED NA SKYE BO RNAMS, ,RJES DPAG MIN PA GANG LAS 'JUG ,MKHO BA MED NA 'GA' ZHIG KYANG, ,DON DU GNYER BAR JI LTAR 'GYUR, ,DNGOS PO DON DU GNYER BA'I YUL, ,MKHO BA MED PAR RIGS MA YIN, ,CI STE MNGON SUM 'JUG DON DU, ,RJES SU DPAG PA DON GNYER NA, ,RTAGS LA MNGON SUM DAG KYANG NI, ,TSUL 'DI NYID LAS 'DA' MI 'GYUR, ,DE'I PHYIR MNGON SUM DANG RJES SU DPAG PA GNYI GA YANG RANG GI YUL LA TSAD MA MA YIN NO ZHES GNAS TE, DE NYID DE LTAR 'JIG RTEN LA GRAGS PA'I PHYIR RO, ,CI STE DE TSAD MA MA YIN PA NYID DO ZHE NA, MA YIN TE KHYAD PAR MED PA'I PHYIR RO, ,'DI LTAR, 'JUG LA MTSUNGS PA NYID YIN YANG, ,GAL TE 'GA' ZHIG 'JUG BYED NA, ,DA NI 'JUG BYED CIG SHOS KYI, ,RNAM DBYE MTSON PA MED PAR 'GYUR, ,'JUG PAR BYED PA LAS TSAD MA NYID GZHAN NI MED DE, DES NA MNGON SUM DANG CIG SHOS GNYIS KA MTSUNGS PAR TSAD MA YIN PA'AM, YANG NA 'GA' YANG MA YIN NO, ,'ON TE YANG DE LA 'JUG PAR BYED PA NI MNGON SUM YIN LA 'BRAS BU'I RTAGS LA SOGS PA'I YUL CAN MNGON SUM MA YIN PA NI, YOD PA TZAM DU NYE BAR GNAS PA YIN GYI, DE LA 'JUG PAR BYED PA'I BYA BA NI MED DO SNYAM NA DE YANG MI BDEN TE, DE LTAR RTOGS PA MED PA'I PHYIR RO, ,DE LA 'JUG PAR BYED PA MNGON SUM NYID YIN NO ZHES BYA BA'I NGES PA NI 'GA' YANG YOD PA MA YIN NO, ,MNGON SUM LA YANG YOD PA TZAM LAS GZHAN 'JUG PAR BYED PA NYID NI MED DE, THAMS CAD RJES SU 'GRO BA DANG LDOG PA TZAM GYIS 'BRAS BU LA NYE BAR SBYOR BA'I PHYIR RO, ,'DI NI RTEN CING 'BREL PAR 'BYUNG BA TZAM YIN NO ZHES BYA BA'I GRUB PA'I MTHA' YIN PA'I PHYIR DON DAM PAR 'GA' YANG GANG LA YANG BYA BA DANG BCAS PA MA YIN NO, ,BYA BA DANG BCAS PA ZHES BYA BA'I DON NI KUN RDZOB PA KHO NA YIN TE, 'DI YANG PHYIS BSHAD PAR BYA'O, ,GZHAN YANG, 'DIR YANG RTAGS KYI SGRUB BYED KYI, ,MNGON SUM NYID KYIS 'JIG RTEN GZHAN, ,GRUB PHYIR RTAGS CAN LA GNOD KYANG, ,NGED LA CHAD PA CI ZHIG YOD, ,GAL

, ,TE ME LA SOGS PA'I YUL CAN, RTAGS CAN GYI SHES PA TSAD MA MA YIN YANG MNGON SUM GYI NGO BO LAS, MA 'DAS PAR 'JUG PA'I RTAGS KYI SHES PA NYID KYIS 'JIG RTEN PHA ROL LA SOGS PA RTAGS DANG RTAGS CAN YUL DU BYAS PA'I PHYIR, NGED LA CHAD PA CI ZHIG YOD, ,RJES DPAG TSAD MA NYID MIN PA, ,'JIG RTEN GZHAN SOGS MI 'GRUB PHYIR, ,MED LTAR MA GYUR CIG CES DE, ,TSAD MA NYID MIN 'GOG PAR BYED, ,GAL TE RJES SU DPAG PA TSAD MA MA YIN NA DE'I YUL 'JIG RTEN PHA ROL LA SOGS PA MI 'GRUB PA'I PHYIR RO, ,MED PAR 'GYUR DU DOGS NAS KHO BO CAG GI RJES SU DPAG PA SPONG BAR ZLOG PAR ZAD KYI, BSAM PA GZHAN GYIS NI MA YIN NO, ,GAL TE RJES SU DPAG PA'I YUL 'JIG RTEN PHA ROL LA SOGS PA'I MNGON SUM DU MA GYUR PA YANG MNGON SUM GYI YUL DU BYED NA, RJES SU DPAG PA TSAD MAR BSGRUBS PAS DED LA CI ZHIG BYA, 'DI LTAR 'BAD PA CHEN PO YIS, ,GRUB PAR 'DOD PA GANG YIN PA'O, ,DON DE GAL TE 'BAD MED PAR, ,GRUB NA GNAG GZHAN DON DU GNYER, ,RNAM PA GCIG GIS 'BAD PA MED PAR GRUB PA'I DON LA, RTOGS PA DANG LDAN PA'I SKYE BO SU ZHIG 'BAD PA'I NGAL BA'I SNOD RNAMS GZHAN STON PAR BYED, GAL TE RJES SU DPAG PAS BSGRUB PAR BYA BA'I DON, MNGON SUM TZAM GYIS GRUB NA, DE LA RJES SU DPAG PA NYE BAR LEN PA NI CI DGOS, GZHAN YANG, GAL TE LKOG KYANG MNGON SUM LAS, ,'GRUB CES DON 'DI 'DOD NA NI; ,THAMS CAD 'GRUB PAR 'GYUR BAS NA, ,THAMS CAD DON KUN RIG PAR 'GYUR, ,'BREL PA MED PHYIR MIN ZHE NA, ,'O NA DE NI RJES DPAG NYID, ,RJES SU DPAG PA SMRA BA PA RNAMS KYANG 'BREL PA LAS RTOGS PA MA GTOGS PA GZHAN NI RJES SU DPAG PAR 'DOD PA MA YIN NO,, DE'I PHYIR GANG ZHIG ,'DRA BA'I NGO BOR RTOGS PA DE NI SPYI'I MTSAN NYID KHO NA YIN LA, DE NI RANG RIG PA'I MNGON SUM GYIS GRUB PA YIN NO, ,'DIS NI 'BRAS BU'I RTAGS KYI YUL BSTAN TO, ,SGRA'I YUL NYID KYANG SGRA LAS BYUNG BA'I SHES PAS RTOGS PAR BYA BA YIN NO, ,SGRA'I SHES PA

DE NYID KYANG RANG LA SNANG BA'I YUL NYID RTOGS PAR BYED PA YIN NO, ,'DIS NI RANG BZHIN GYI GTAN TSIGS KYI YUL BSTAN TO, ,'DI LTAR, NYE BAR 'JAL BAS BA LANG GI ,DNGOS PO 'DRA BA'I NGES PA YIN, ,'DRA BA DE NI SGRA LAS SNGAR, ,DES NI RAB TU RTOGS PA NYID, ,DE YI NGO BO MNGON SUM GYI, ,SHES PA NYID KYIS KHONG DU CHUD, ,DE YI 'DRA BA 'BA' ZHIG NI, ,SGRA YI SHES PA'I SPYOD YUL YIN, ,'DI LTAR 'DI DE DANG 'DRA'O ZHES BYA BA DANG, 'DI DANG 'DRA'O ZHES BYA BA NI DON GCIG PA YIN LA, DE'I RJES SU BYED PA'I BYA BA YANG GNYI GA LAS DMIGS PA YIN NO, ,MNGON SUM GYIS NI GNYI GA RTOGS PAR MI NUS TE, DES NA 'DRA BA NI SGRA'I SPYOD YUL DU GYUR PA RANG BZHIN GYI GTAN TSIGS KYIS RTOGS PAR BYA BA YIN NO, ,DE NI 'DI DANG 'DRA BA YIN TE, 'DI'I RNAM PA DE LA YANG MTHONG BA'I PHYIR DANG, 'DRA BA'I THA SNYAD TZAM DE LA YANG SGRUB PA'I PHYIR DANG, DE LTA BU SHES PA'I RGYU MTSAN DU GYUR PA'I RNAM PA GNYIS NI SNGA MA DANG PHYI MA'I MNGON SUM DAG KHO NAS DMIGS PA'I PHYIR RO, ,DE'I PHYIR SGRA'I YUL NI RANG GI MTSAN NYID NI MA YIN NO, ,SGRA SMOS PAS NI RNAM PAR RTOG PA NYID MTSON PA YIN TE, RNAM PAR RTOG PA YUL YIN NO ZHES BYA BA'I THA TSIG GO, ,GANG LA RGYU MTSAN GZHAN YOD PA NA BLO MED PAR ZHES BYA BA 'DIS NI MI DMIGS PA 'PHEN PA YIN TE, GANG LA BLO MED PA DE NI MED PA YIN NO, ,DE LA BLO 'GA' ZHIG LA SHES PA 'JUG PA NA, DA NI GZHAN LA MA ZHUGS SO ZHES RTOGS PA YIN TE, NGES PA'I RNAM PA CAN YIN PA'I PHYIR RO, ,DES NA THAMS CAD DU BDAG NYID 'JUG PA NI DMIGS PA MA YIN NO, ,DES NA MNGON SUM NYID KYIS THA DAD PAR SMRA BA'I DNGOS PO RNAM PA GNYIS RTOGS PA YIN TE, RTOGS PA'I RNAM PA GZHAN MED PA'I PHYIR RO, ,'DRA BA DANG MI 'DRA BA LA SOGS PA 'DI THAMS CAD NI LKOG TU GYUR PA DANG, CIG SHOS KYI RTOGS PA'I SPYOD YUL YIN LA, DE YANG DON BYED PA NUS PA DANG MI NUS PA LA SHES PA YIN NO, ,'DI YANG PHYIS STON PAR 'GYUR RO, ,DE LAS LKOG DU GYUR PA LAS MNGON SUM YOD PA MA YIN NO ZHES GANG SMRAS PA DE NI MI RIGS TE, GANG LA NGA NI MED PA

, ,DE; ,NGAS GSAL MNGON SUM LAS GZHAN YIN, ,'DI TZAM NYID KYI DON RNAMS KYIS, ,LKOG GYUR NYID NI NGES PA NYID, ,NYAMS SU MYONG BA'I BDAG NYID KYI, ,MNGON SUM BDAG NYID RIG PA NYID, ,NGES PA NYID DU RTOGS NYID NI, ,GZHAN PA LKOG GYUR RTOGS PA YIN, ,LKOG GYUR NYID NI MNGON SUM GYIS, ,RTOGS KYANG DON GYI NGO BO NI, ,LKOG GYUR NYID DE DE DON LA, ,MNGON SUM 'JUG PA YOD MA YIN, ,MNGON SUM DON SHES MED PAR NI, ,LKOG NYID JI LTAR RIG PAR BYED, ,DE RIG NA NI DE YI CHOS, , NGO BO NYID 'GYUR RTOGS PAR 'GYUR, ,GAL TE LKOG TU GYUR PA'I DON MNGON SUM GYIS SHES PA YIN NA DE'I CHOS RTOGS PAR 'GYUR TE, CHOS NI DE'I NGO BO YIN PA'I PHYIR RO, ,DE'I NGO BO MA YIN PA NI DE'I CHOS SU MI 'THAD PA'I PHYIR RO, ,DE DANG 'BREL PA'I PHYIR DE'I CHOS YIN NO ZHE NA, 'O NA NI MNGON SUM GYIS YONGS SU SHES PA NYID YIN TE, DNGOS PO DE DANG 'BREL PA'I CHOS MNGON SUM DU RIG NA, LKOG TU GYUR PA'I DNGOS PO NYID KYANG MNGON SUM GYIS RIG PAR 'GYUR DGOS SO, ,DES NA LKOG TU GYUR PA NYID DU 'DOD PA'I DNGOS PO NI LKOG TU GYUR PA NYID DU MI 'GYUR BA DES NA RJES SU DPAG PA MI 'JUG STE, MNGON SUM GYIS GZUNG BA NYING RJES SU DPAG PA'I YUL DU GYUR PA NI MA YIN NO ZHE NA, 'DIR SMRAS PA, RANG RIG PA YI MNGON SUM NI, ,LKOG GYUR NYID LA 'JUG PA YIN, ,DBANG PO SHES PA GZHAN DAG NI, ,DE YI CHOS CAN LA 'JUG GO, ,GNYIS RTOGS NA 'BREL PA RTOGS PAR 'GYUR LA, GNYIS KYANG TSAD MA GCIG NYID KYIS NI RTOGS PAR 'GYUR BA MA YIN NO, ,DE LA RANG RIG PAS NI DON GYI CHOS LKOG TU GYUR PA NYID RTOGS PAR 'GYUR LA, LKOG TU GYUR PA'I CHOS CAN GYI DNGOS PO NI MNGON SUM GZHAN DBANG PO'I SHES PAS RTOGS PAR 'GYUR LA, DE LAS NI 'BREL PA RTOGS PA YIN NO, ,DES NA LKOG TU GYUR PA NYID MNGON SUM GYIS RTOGS KYANG DNGOS PO RJES SU DPAG PAS RTOGS PA'I PHYIR, RJES SU DPAG PA MI 'JUG PA MA YIN NO, ,GZHAN YANG, THA DAD MED PAR GNAS PA YI, ,

BSGRUB PA'I NGO BO NYID KYI CHOS, ,DNGOS PO GZUNG BA MED PAR NI, ,RIG PAR 'THAD MIN BZLOG PA MIN, ,DNGOS PO DANG THA MI DAD PA SGRUB PA'I NGO BO NYID KYI CHOS DE NI, CHOS CAN DANG LHAN CIG TSAD MA GCIG GIS GZUNG BAR BYA BA YIN GYI, LKOG TU GYUR PA NYID NI MNGON SUM GYI RTOGS PA STONG BA TZAM YIN PAS DE NI CHOS CAN 'DZIN PA LA MI LTOS SO, ,CI STE LKOG TU GYUR PA LA MNGON SUM MI 'JUG NA RJES SU DPAG PA JI LTAR 'JUG CE NA, 'DI NI CUNG ZAD KYANG MA YIN TE, 'DI LTAR, RJES SU DPAG PAS DNGOS PO DE'I, ,LKOG GYUR NYID NI SGRUB MI BYED; ,MNGON SUM NYID DU 'GYUR NA YANG, ,MTHONG BA'I NGO BO SGRUB PA YIN, ,GANG GIS DE LA MNGON SUM 'JUG PAR 'DOD PA RJES SU DPAG PAS DNGOS PO'I LKOG TU GYUR PA NYID NI MI SGRUB KYI, 'ON KYANG 'DI'I LKOG TU GYUR PA NYID NI RANG RIG PA'I MNGON SUM GYIS GRUB PA YIN NO ZHES 'DI NI BRJOD ZIN TO, ,LKOG TU GYUR PA NYID MNGON SUM GYIS GRUB PA YIN YANG DON GYIS ME LA SOGS PA'I MTSAN NYID DON BYED PAR NUS PA 'DI RJES SU DPAG PAS BSGRUB PAR BYA BA YIN LA, DE LA NI SNGAR MNGON SUM ZHUGS PA NYID DO, ,DES NA RJES SU DPAG PA 'JUG PA MI 'GAL LO,, GZHAN YANG, RJES SU DPAG PA DE NYID KYI, ,NGO BO RTOGS PAR MI NUS PHYIR, ,DE YI LKOG TU GYUR PA NYID, ,DE YI SHUGS KYIS GNAS PA YIN, ,DE'I NGO BO LA RJES SU DPAG PA 'JUG PA MI NUS PA 'DI NYID LKOG TU GYUR PA NYID YIN LA, 'DI'I DE YANG DE NYID KYI TSE 'GYUR BA YIN TE, DES NA DE LA SNGAR TSAD MA 'JUG PA LA MI LTOS SO, ,GANG GIS DE LA MNGON SUM 'JUG PA LA LTOS PAR 'GYUR BA LKOG TU GYUR PA NYID KYI SGO NAS NI DON DU GNYER BA SU YANG MED KYI, DE NI MI 'DOD KYANG 'GYUR BA YIN NO, ,'DIS NI TSAD MAR RAB TU GRUB PA YANG GTAN LA PHAB PA YIN TE, LKOG GYUR DNGOS PO GRUB NA NI, ,'DI YI TSAD MA NYID 'GRUB STE, ,LKOG GYUR DNGOS POR GRUB NYID KYIS, ,DE DANG 'BREL PAR GRUB PHYIR RO, ,DNGOS DANG 'BREL PA TZAM GYIS NI, ,SHES PA TSAD MAR BRJOD PA YIN, ,DNGOS PO DANG NI 'BREL PA YI, ,TSAD MA RTAGS LAS YOD

, ,PA RIGS, ,LHAG PA DAG NI SNGAR NYID DU, ,BSTAN PHYIR BRJOD PAR BYA BA MIN, ,GAL TE GZHAL BYA GNYIS NI GZHAL BYA NYID RNAM PA GNYIS YIN NO, ,GZHAL BYA GNYIS NI RGYU YIN LA TSAD MA GNYIS NI 'BRAS BU YIN TE, DES NA RGYU LAS 'BRAS BU JI LTAR 'GRUB BA CE NA, 'DIR SMRAS PA, GANG PHYIR TSOGS PA YOD GYUR NA, ,RGYU LAS 'BRAS BU SKYE 'GYUR PA, ,DE PHYIR 'BRAS BU RGYU LAS NI, ,MI RIGS PAS NI JI LTAR 'GYUR, ,GAL TE YANG GDON MI ZA BAR RGYU NI 'BRAS BU DANG LDAN PAR 'GYUR BA MA YIN NO ZHES BYA BAR RIGS MOD KYI, 'ON KYANG 'DIR RGYU LAS 'BRAS BU 'GRUB PAR 'GYUR BA NYID DO, ,GZHAL BYA GNYIS LAS TSAD MA GNYIS THAMS CAD KYI TSE SGRUB PA NI MA YIN GYI 'ON KYANG TSOGS PA YOD PA'I PHYIR RO ZHES KHO BO CAG SMRA'O, ,TSOGS PA SRID PA NYID KYANG PHYIR BSTAN PAR BYA'O, ,GZHAL BYA GNYIS GRUB PAS NI GDON MI ZA BAR TSAD MA GNYIS 'GRUB PA YIN TE, GANG LAS 'DI'I NGES PA'I MTSAN NYID RAB TU 'GRUB PA DE NYID TSAD MA YIN NO, ,GCIG GIS NI GNYIS MI 'GRUB BO ZHES BSTAN ZIN TO, ,GANG GI TSE 'DI TSAD MA GSUM LA SOGS PA BSAL BA'I DON YIN PA DE'I TSE NI, YUL GZHAN MED PAS KHYAD PAR BYED PA MED PA'I PHYIR TSAD MA GZHAN LOG PAR BSGRUB PA YIN NO, ,GZHAL BYA DANG BRAL BA'I TSAD MA NI MED DE, RANG GI NGO BO'AM GZHAN GYI NGO BOR GYUR PA'I GZHAL BYA MED NA SHES PA 'DI MED PAR 'GYUR BA'I PHYIR GANG ZHIG TSAD MA YIN, BDAG NYID YOD DO ZHES NA, RANG DANG GZHAN GYI NGO BOR GZHAL BYA MED NA DE NYID MED PAR THAL BA'I PHYIR TSAD MA ZHES BYA BAR MI 'GYUR RO, ,DE'I PHYIR RANG GI NGO BOS RTOGS PA'I YUL NI GCIG YIN LA, DE LAS GZHAN PA NI GZHAN YIN NO ZHES BYA BAR GNAS SO, ,DON DAM DON BYED NUS PA GANG, ,DE 'DIR DON DAM YOD PA YIN, ,GZHAN NI KUN RDZOB YOD PA YIN, ,DE DAG RANG SPYI'I MTSAN NYID BSHAD, ,CES BYA BA NI BAR SKABS KYI TSIGS SU BCAD PA YIN NO, ,GAL TE DE DON BYED NUS PA GANG YANG MED PA MA YIN NAM, JI LTAR DON BYED NUS PA DON DAM PAR YOD PA'I MTSAN NYID DU 'GYUR, 'DI LTAR, DON BYED NUS PA NYID DU NI, ,GANG

GIS GANG ZHIG RTOGS PA YIN, ,SHES PA DANG NI SHES BYA DAG, ,DE LTAR RTOGS PA YOD MA YIN, ,RTAG PA DANG MI RTAG PA DANG SHES PA DANG SHES BYA LA YANG RUNG STE, DON BYA BA BYED PA NYID DAM DON BYED PA NYID DU YANG MNGON SUM MA MA RJES SU DPAG PAS RTOGS PA MED DO, ,'DI LTAR, LDOG PA GRUB PA MED PA'I PHYIR, ,RTAG LA NUS PA YOD MA YIN, ,RJES 'GRO GRUB PA MED PA'I PHYIR, ,MI RTAG PA LA NUS PA MED, ,RJES 'GRO LDOG PA DAG GIS NI, ,KHYAB PA NUS PA YIN PAR RTOGS, ,GNYI GA LTAR YANG DE DAG NI, ,MA GRUB NUS PA JI LTAR BRJOD, ,RTAG PA YUL THAMS CAD DU KHYAB PA DANG 'BRAS BU 'GA' LA YANG BYED PA MED PA NI NUS PA ZHES BYA BA MA YIN NO, ,GAL TE KHYAB PA DANG DUS THAMS CAD DU GNAS PA NUS PA MA YIN YANG, MA KHYAB PA DANG DUS GZHAN DU GNAS PA NI YIN PA NYID DO SNYAM NA, DE NI MI BDEN TE, DE YUL KHYAB MIN GANG LAS YIN, ,RTOGS MED LAS YIN GA LA RTAG, ,JI LTAR KHYAB BYED DE MA YIN , ,DE LTAR DE LA RTAG PA MED, ,SKAD CIG YIN PHYIR MI RTAG PA'I, ,DNGOS PO 'BRAS BU GA LA YOD, ,SKAD CIG MA YI DNGOS RNAMS NI, ,DNGOS PO TZAM DU RNAM PAR GNAS, ,GAL TE DE YI DE MA THAG ,GZHAN YOD PHYIR NA NUS PAR BRJOD, ,GZHAN GYI'ANG DE MA THAG YIN PHYIR, ,'DI NI DE YANG 'BRAS BUR 'GYUR, ,DNGOS PO SKAD CIG MA KUN GYI, ,SNGA MA THAMS CAD LTOS PA YIN, ,DE MED PAR YANG DE YOD PHYIR, ,ZHE NA SKAD CIG LA JI LTAR 'BRAS BU SKAD CIG MA NYID NI DE MED KYANG YANG 'BYUNG BAR RIGS PA MA YIN TE, DE NI DE NYID KYI TSE YOD PA'I PHYIR DANG, GZHAN GYI TSE NI NAM YANG MED PA'I PHYIR RO, ,CI STE RGYU DANG 'BRAS BU NI RGYUN YIN PAR BRJOD NA, SKYON 'DI MED DO SNYAM NA MA YIN TE, RGYUN NI DE LAS THA DAD PA'I PHYIR RO, ,YOD NA NI DE LA RGYU DANG 'BRAS BU'I YOD PA YIN PAS SKAD CIG MA LA NUS PA MED PA'I PHYIR MED PAR THAL BAR 'GYUR RO, ,'BREL PAS RGYU DANG 'BRAS BU YOD PA YIN NO ZHE NA, MA YIN TE, THA DAD PA LA NI RGYU DANG 'BRAS BU'I DNGOS PO LAS GZHAN PA'I 'BREL PA MED PA'I PHYIR RO, ,RGYUN DE NI SKAD CIG MA THAMS CAD KYI DE MA THAG PA YIN PAS THAMS CAD

, ,KYI RGYUN DU 'GYUR RO, ,DE LA YANG SNGAR BRJOD PA, RTAG PA DANG SKYON DE NYID YIN NO, ,YANG BSHAD PA, RGYUN NYID DE LAS GZHAN PA DANG, ,NUS PA'ANG DE NYID YIN 'GYUR NA, NUS PA MED PHYIR SKAD RNAMS, ,MED 'GYUR BRTAGS PA DON MED YIN, ,DE DANG 'BREL PAS NUS PA'I PHYIR, ,GAL TE NUS PAR RTOGS BYED NA, ,DNGOS KYI NUS PAS STONG PA'I PHYIR, ,DE NI BRNYAN PO'I RGYAN DU 'GYUR, ,GAL TE RGYUN DANG CIG SHOS DANG, ,RGYU DANG 'BRAS BU 'BREL BA GYUR PA, ,DE LTA YIN NA KHAMS GSUM GYI, ,SKAD CIG RNAMS KYI RGYUN DU 'GYUR, ,RGYUN YANG 'BRAS BU BYED PA YIS, ,NUS LAS YOD MIN DE YI PHYIR, ,RTAGS DANG CIG SHOS PHYOGS DAG GI, ,SKYON DE NYID DU KHYED LA 'GYUR, ,GAL TE RGYUN GZHAN DAG TU NI, ,'GRON THUG PA MED PAR 'GYUR, ,RGYUN NI 'BRAS BU NYID DU'ANG, ,SKAD CIG LA NI 'BRAS BU NYID MED, ,GANG PHYIR 'DIR YANG RGYUN GZHAN GYI, ,'BRAS BU BYED PAR 'GYUR DE'I PHYIR, ,'BRAS BU NYID KYI BLO DE NI, ,THUG PA MED PA'I STAG GIS ZOS, ,GZHAN YANG, SHES LAS GZHAN PA'I 'BRAS BU YIS, ,GAL TE RGYU NI YOD 'GYUR NA, ,'BRAS BU GZHAN SKYE MED PAR NI, ,'BRAS BU'ANG YOD PAR 'GYUR MA YIN, ,DES NA THUG PA MED PA'I PHYIR, ,RTZA BA'I YOD PA NYID MED 'GYUR, ,SHES PA'I 'BRAS BUS THAMS CAD KYI, ,YOD KYI DE LAS GNOD PA MED, ,'DI LA'ANG SHES BYA SHES PA YIS, ,'BRAS DANG LDAN PAR GANG LAS RIG, ,SHES BYA GNYIS NI SHES PA YIS, ,RGYU 'BRAS NYID DU RTOGS 'GYUR TE, ,MDUN NA GNAS PA NYID DU NI, ,GNYI GA SNANG BA YIN PHYIR RO, ,SHES PA 'BRAS BU NYID DU NI, ,DE'AM GZHAN GYIS RTOGS MA YIN, ,MNGON SUM DE NYID LAS MIN TE, , DE LTAR 'JUG PA MIN PHYIR RO, ,'JUG NA DE 'BRAS NYID MI 'GYUR, ,DE YANG SNGA MA LAS 'JUG NA, ,DE LTAR MTHAR THUG NYID MED PAS, ,'BRAS BU RTOGS PAR GA LA 'GYUR, ,GAL TE DUS MNYAM NYID DAG NI, ,RGYU DANG 'BRAS BUR 'GYUR SNYAM NA, ,KHYAD PAR MED PHYIR SNANG BA YIS, ,DUS MNYAM KA BA BUM PA DAG, ,DER 'GYUR DE LTA MA YIN NA, ,RNAL MA NYID KYANG 'GRUB MI 'GYUR, ,GAL TE BUM PA

'BA' ZHIG KYANG, ,MTHONG PHYIR 'BRAS BU MA YIN NA, ,SHES PA'ANG DE YOD MA YIN PAR, ,'JUG PA MTHONG BA MIN NAM CI, ,GAL TE SHES TE GZHAN MIN NA, ,DES NA 'KHRUL PA MED SNYAM NA, ,KA BA'ANG CI PHYIR GZHAN MA YIN, ,NGO SHES SKYE BAR MTSUNGS PA YIN, ,DE LTA NA NI RTAG 'GYUR NA, ,NGO SHES TSAD MA NYID MA YIN, ,SNGA MA PHYIR MA'I NGO BO DAG ,GCIG TU RTOGS PA YOD MIN TE, ,SNGA NGA PHYI MA'I RTOGS PA YIS, ,SO SOR GZUNG BA MED PA'I PHYIR, ,GNYIS LA 'GRAN PA 'JUG BZHIN GYI, ,'DI NI TSAD MA YIN MA YIN, ,RTOGS PA SNGA MA PHYI MA DANG, ,PHAN TSUN 'DRES PA MED PA NA, ,DE LAS DRAN PA 'BYUNG 'GYUR GYI, ,GCIG NYID SHES PAR BYED PA MIN, ,GAL TE BDAG CIG YOD KYANG DES, ,JI LTAR RIG 'GYUR DE YANG NI, ,MNGON SUM LA SOGS TSAD MA YIS, ,DON RNAMS RTOGS PAR BYED PA YIN, ,BDAG LA BRTEN PA TZAM GYIS NI, ,SHES PA TSAD MAR MI 'GYUR TE, ,BDAG LA BRTEN PA MA YIN YANG, ,MI SLU BA LAS TSAD MA NYID, ,MTHONG BA PHYI NAS THOB NA NI, ,TSAD MA TSAD MA NYID DU 'GYUR, ,GAL TE BDAG MED RTAG NYID DU, ,DNGOS PO 'DI RTOGS MIN ZHE NA, ,BDAG YOD NA YANG GANG RUNG GI ,TSAD MA NYID DU 'GYUR MA YIN, ,MNGON SUM DANG NI RJES DPAG DAG ,KHO NA DER YANG TSAD MA YIN, ,SNGA MA PHYIR MA'I NGO BOR NI, ,BDAG GAM YANG NA GZHAN GYIS KYANG, ,BDAG GZHAN RTOGS PA YID MIN PA, ,DE LAS RTAG PA YOD MI SRID, ,DES NA SHES PA DON GYI NI, ,'BRAS BU NYID DU RTOGS MA YIN, ,SHES PA MYONG BA'I BDAG NYID NI, ,BDAG DANG DE YI RIG BYA RIG ,SNGA PHYI BDAG NYID GYU 'BRAS LA, ,MNGON SUM 'JUG PAR 'GYUR MA YIN, ,'O NA RJES SU DPAG PA LAS, ,'BRAS BU'I SNGON DU RGYU RIG PAS, ,DE LAS SHES PA 'DI SKYES ZHES, ,'BRAS BU NYID DU SHES 'GYUR NA, ,RJES DPAG DE YANG MNGON SUM GYIS, ,RAB TU RTOGS PA MED PA YI, ,DNGOS LA 'JUG PA YOD MIN ZHES, ,SNGAR NYID RAB TU BSTAN ZIN TO, ,SNGON ROL MNGON SUM TSAD MED NA, ,RJES DPAG TSAD MAR 'GYUR MA YIN, ,DE

, ,LA SNGON ROL RJES DPAG NYID, ,YOD DO ZHE NA THUG THUG MED 'GYUR, ,'BRAS SOGS GZHAL BYA RE ZHIG ZHOG, ,GANG LA DE YOD DE RTOGS MED, ,GZHI MED SKYED 'GRUB MED PA BZHIN, ,CHOS GRUB CHOS CAN MED MI 'THAD, ,SHES PA DMIGS DANG BCAS GYUR NA, ,DNGOS PO RAB TU 'GRUB PAR 'GYUR, ,GANG TSE DNGOS PO GRUB MED PA, ,DE TSE GANG ZHIG RGYU 'BRAS YIN, ,DMIGS PA DANG BCAS PA NYID DU JI LTAR MA GRUB CE NA, BRJOD PA, 'GRO 'DIR RGYU NYID DMIGS PAR NI, ,'GYUR GYI SNANG BA TZAM GYIS MIN, ,SNANG BA TZAM GYIS YIN NA NI, ,RAB RIB CAN BLO'ANG DER 'GYUR RO, ,GANG ZHIG GANG GI RGYU YIN PA, ,DE MED PAR NI DE MED PAS, ,MIG SOGS BLO YANG DMIGS PA NI, ,MED NA GNAS PAR MI 'GYUR 'THOB, ,ZLA GNYIS RNAM CAN MIG SOGS SHES, ,DMIGS PA MED KYANG SKYE BAR MTHONG, ,DE'I PHYIR DMIGS PA'I RGYU MED KYANG SKYE BAR MTHONG BAS 'KHRUL PA'I PHYIR NA DMIGS PA NI RGYU YIN PA DANG RNAM PAR SHES PA NI 'BRAS BU YIN PAR MI 'GYUR BAR RIGS SO, ,'DI NI RGYU DANG 'BRAS BU'I DNGOS PO YIN TE, PHAN TSUN THA DAD PAR GYUR PA NA KHYAB PAR BYA BA DANG KHYAB PAR BYED PA'I GANG YIN PA'O, ,RGYUR 'DOD PA MED PAR 'BRAS BU 'DOD PA YOD NA NI DE DE'I RGYU MA YIN LA 'BRAS BU YANG MA YIN NO, ,DES NA DMIGS PA MED PA'I PHYIR DNGOS PO MTHA' DAG MA GRUB PAS RGYUD DANG 'BRAS BU'I DNGOS PO GA LA YOD, CI STE RGYU NYID KYIS NI DMIGS PA MA YIN GYI 'ON KYANG GZUNG BAR BYA BA NYID KYIS YIN NO SNYAM NA, DE LTAR YANG MI 'THAD DE, 'DI LTAR, SNGON PO LA SOGS PA MA RTOGS PA'I, ,GZUNG BA GZHAN NI GANG NA'ANG MED, ,SNGO SOGS DAG NI GANG NA'ANG MED, ,SNGO SOGS DAG NI 'KHRUL PA YI, ,RNAM SHES LA YANG SNANG BA YIN, ,GSAL BAR MDUN DU SNANG BA NYID, ,'KHRUL PA'ANG MTHONG BA MIN NAM CI, ,DE PHYIR GANG ZHIG 'KHRUL PA LAS, ,MA GTOGS GZUNG BA YOD MA YIN, ,CI STE YANG, MYONG BA THAMS CAD 'KHRUL PA YIN NO ZHES BYA BA DE NI MED DE, ,'DI LTAR, 'KHRUL PA'I SEMS LA DON BYED PA, ,'GA' YANG SNANG BA YOD MA YIN, ,DE PHYIR 'DIR NI YUL MED PA, ,'KHRUL YIN BZLOG PO GZHAN DU YOD, ,'DE LA YANG BRJOD PA, DON BYED MYONG BA DE LAS GZHAN, ,DON GYI BDAG NYID YIN NAM CI, ,'ON

TE DE MYONG YIN YANG RUNG, ,DE DAG KUN KYANG YOD MA YIN, ,'DI LTAR, ,DE YI BYA BA DON GZHAN NA, ,DE MED PAS NA DE MED MIN, ,'BRAS BU MED PAR 'GYUR BAS NA, ,DE YANG MED PAR 'GYUR BA MIN, ,GAL TE DON BYA BA MNGON PAR 'DOD PA'I 'BRAS BU MED PAS NI DE NYID DE, MED PAR 'GYUR GYI RGYU YANG MED PAR 'GYUR RO ZHES BYA BA GA LAS YIN, GZHAN MED NA GZHAN MED PAR 'GYUR BA NI MA YIN TE, HA CANG THAL BAR 'GYUR BA'I PHYIR RO, ,GAL TE 'BRAS BU MED NA 'BRAS BU MED PA'I NUS PA NYID MED DU CHUG KYANG RANG GI NGO BO MED PAR 'GYUR BA NI MA YIN NO, ,CI STE SHES PA DON BYA BA YIN NO ZHE NA, DE LA YANG RNAM PA GNYIS TE, DE NYID DAM SHES PA GZHAN GYI, GAL TE YANG SKYE BA'I SHES PA DE NYID DON BYA BA YIN NO ZHE NA, 'KHRUL PA LA YANG 'KHRUL PA'I SHES PA YANG NAS YANG DU SKYE STE, 'KHRUL PA'I SHES PA SKAD CIG GCIG KHO NA SKYE BAR 'GYUR DGOS PA NI MA YIN NO, ,CI STE RIG PA LA SOGS PA'I SHES PA YIN NO ZHE NA, DE YANG MI BDEN TE, GAL TE GZHAN SKYES TE DE LTA NA YANG, DE YI YUL NYID YOD 'GYUR GYI, ,GZHAN DAG MYONG NA GZHAN DAG NI, ,DNGOS PO YOD PAR CI LTAR 'GYUR, ,MYONG BA GZHAN LA RANG MYONG LA, ,YID MI CHOS PA GANG GIS ZLOG, ,DE NI MYONG YANG MI BDEN PAR, ,DOGS PAR CI LTAR 'GYUR MA YIN, ,LUS KYI MYONG BA MIG GIS NI, ,MYONG BA LAS KHYAD CI ZHIG YOD, ,GAL TE DON DER TSIM ZHE NA, ,YONGS SU TSIM PAR GA LAS RTOG ,JI LTAR MIG GI RNAM PAR SHES PA DMIGS PA MED PA DE BZHIN DU REG PA'I RNAM PAR SHES PA YANG YIN TE, GNYI GA YANG DA BANG PO 'I RNAM PAR SHES PA NYID DU KHYAD PAR MED PA'I PHYIR RO, ,RAB RIB LA SOGS PAS NYAMS PA SRID PA NI GNYI GA LA YANG MTSUNGS TE, GNYI GA LA YANG MTHONG BA'I PHYIR RO, ,MKHRIS PA'I RIMS SKYIS NYAMS PA LAS DRO BAR MYONG BA'I PHYIR RO, ,YONGS SU TSIM PA'I PHYIR RO ZHE NA, GRANG BA'I DUS SU MKHRIS PA'I RIGS KYIS NYAMS PAS CHA BAR MYONG BA LA YANG CI STE YONGS SU TSIM PA MED, GZHAN YANG, MYONG BA TSAD MA YIN NA NI, ,YONGS SU TSIM PA DON CI YOD, ,MYONG BA TSAD MA YIN NA YANG, ,YONGS SU TSIM PA DON CI YOD, ,GAL TE MYONG BA TSAD MA YIN NA DE NYID KYI DON GRUB PAS YONGS SU TSIM PA GZHAN GYIS CI ZHIG BYA, MYONG BAS MA GRUB GANG YIN

, ,PA; ,YONGS SU TSIM PA BRGYA YIS KYANG, ,CI LTAR 'GRUB 'GYUR GZHAN PA YI, ,YONGS SU TSIM PA SGRUB BYED MIN, ,MYONG BSAL GZHAN PA'I YONGS SU TSIM PA CI DGOS, DON SGRUB PAR BYED DO ZHE NA, CI LTAR GZHAN GYIS GZHAN 'GRUB, 'GREL PA'I PHYIR RO ZHE NA, 'BREL PA GANG GIS 'GRUB, YONGS SU TSIM PA LAS SO ZHE NA, DER YANG 'BREL PA GRUB PA LA LTOS PAR BYA BA YIN PA'I PHYIR, THUG PA MED PAR 'GYUR RO, ,GAL TE NYAMS SU MYONG BA LAS SO ZHE NA, DE NYID LAS DON GRUB PA'I PHYIR, ,YONGS SU TSIM PA DON MED DO, ,DE LA YANG SKYON DE NYID YIN NO, ,GAL TE NYAMS SU MYONG BA LAS DON GRUB NA SNGAR NYAMS SU MYONG BA LAS CI'I PHYIR MA YIN, 'DIS NI DON DU MOS PA YANG GSAL BA YIN TE, 'DI LTAR, MYONG BA LAS GZHAN DON DU NI, ,MOS PA DON GYI SGRUB BYED MIN, ,MOS PA NYAMS MYONG NYID YIN YANG, ,MYONG NYID DON KUN SGRUB BYED YIN, ,'DIS NI MNGON PAR 'DOD PA DANG DRAN PA DANG SDANG BA DANG 'DOD PA LA SOGS PA YANG BSHAD PA YIN NO, ,GZHAN YANG NYAMS SU MYONG BA LAS MNGON PAR 'DOD PA LA SOGS PA YIN GYI DE DAG LAS NI NYAMS SU MYONG BA MA YIN PA'I PHYIR 'DI NI GYI NA'O ,CI STE YANG NYAMS SU MYONG BA THAMS CAD DMIGS PA DANG BCAS PA NYID DU 'GYUR MOD KHO BO CAG LA CHAD PA CUNG ZAD KYANG MED DO, ,TSAD MA DANG TSAD MA MA YIN PA'I RNAM PAR DBYE BA CI LTAR ZHE NA, 'JIG RTEN 'JIG RTEN MIN DON DU, ,TSAD MA CIG SHOS RNAM PAR GNAS, ,RNAM BYED DE NI CI LTAR SHES, ,GNOD BYED CIG SHOS DANG 'BREL PHYIR, ,GANG GIS GNOD BYED CIG SHOS DAG, ,'JIG RTEN CIG SHOS NYID DU GNAS, ,GNOD DANG CIG SHOS SRID PHYIR NA, ,THUG PA MED PAR THAL PAR 'GYUR, ,GAL TE THUN MONG BA NI 'JIG RTEN PA YIN LA GZHAN DU NI CIG SHOS YIN NO ZHE NA, DE NI GYI NA STE 'DI LTAR, GANG PHYIR MNGON SUM RJES DPAG GIS, ,DE DAG RIG PA YOD MA YIN, ,MNGON SUM GYIS RIG RANG NYID KYI, ,RIG BYA GZHAN LA DE YOD MIN, ,DE LA SNANG BA 'DI NI GZHAN LA YANG YIN NO ZHES BYA BA 'DI LA MNGON SUM NI MI 'JUG GO, ,RJES SU DPAG PAS RIG PA YIN NO ZHE NA, 'BREL PA GZUNG BA MED PAR NI, ,RJES DPAG SKYE BAR GA LA 'GYUR, ,SPU LDANG SOGS 'BRAS MTHONG PHYIR NA, ,RANG NYID MTHONG LA

RJES DPAG MED, ,'BRAS BU DU BA MTHONG BA LAS, ,ME DE NYID CES RAB SGRUB MIN, ,GANG PHYIR SPYI YI YUL CAN GYI, ,RJES DPAG KHYAD PAR RIG PA MIN, ,DER DU THA DAD PHYIR ZHE NA, ,SPU LDANG BA'ANG GCIG NYID CI, ,GCIG TU MNGON PAR ZHEN PA NI, ,SHES PA LAS GZHAN RIG PA MED, ,GAL TE GANG LA NGAS MIG GIS BLTAS PA DE NYID LA, 'DIS KYANG YIN NA ZHES BYA BA'I THA SNYAD LAS GCIG PA NYID YIN NO ZHE NA, 'DI NI RAB RIB KYIS DMIGS PA'I SKRA SHAD LA SOGS PA YANG MTSUNGS PA YIN TE, DE LA YANG RAB RIB CAN GNYIS DON GCIG TU MNGON PAR ZHEN PAS MTSUNGS SO, ,GZHAN YANG JI LTAR RAB RIB CAN DMIGS PA 'GA' ZHIG GIS RIG PA DE LTAR GZHAN DU YANG YIN NO, ,GAL TE BUM PA LA SOGS PA NI THAMS CAD KYI RIG PA YIN NO ZHE NA, 'DI LA TSAD MA MED DO, ,RAB RIB CAN GYIS BUM PA LA SOGS PA RIG PA YANG MA YIN NO, ,GAL TE DBANG PO NYAMS PA YIN PA'I PHYIR RIG PA YIN YANG SKYON MED DO ZHE NA, DBANG PO NYAMS PA NYID GANG LAS SHES, MI BDEN PA'I DON RIG PA LAS SO ZHE NA, 'DI NI PHAN TSUN RTEN PA'I SKYON DU 'GYUR TE, NYAMS PA YIN NA MI BDEN PAR 'GYUR ZHING, MI BDEN PA YIN YANG NYAMS PA NYID DU 'GRUB PA'I PHYIR RO, ,DES NA GZHAN GYIS CUNG ZAD KYANG DMIGS PA MA YIN NO, ,GAL TE MI DMIGS PA NYID DO ZHES BYA BAR YANG MI 'GRUB BO ZHE NA, GZHAN GYIS DMIGS PAR BYA BAS DBEN PA DMIGS PA'I BDAG NYID KYI MNGON SUM NYID KYIS GZHAN GYIS DMIGS PAR BYA BA NYID 'GOG PA YIN NO, ,GAL TE GZHAN GYI MNGON SUM NI DE'I YUL MA YIN PA'I PHYIR DGAG PAR MI NUS SO ZHE NA, 'O NA DES DMIGS PAR BYA BA GZHAN GYIS DMIGS PAR BYA BA'O NGO BOR CI LTAR 'GYUR, GAL TE DE'I NGO BO DMIGS KYI GZHAN GYIS DMIGS PA NYID DU NI DMIGS PA MA YIN NO ZHE NA, DE'I NGO BO LAS GZHAN GZHAN GYIS DMIGS PA NI GANG ZHIG YIN, CI STE DE'I NGO BO NYID DO ZHE NA, DE'I NGO BO NYID DU CI LTAR MA DMIGS, GZHAN GYI NGO BO NYID YIN NA NI DE GZHAN GYIS DMIGS PAR CI LTAR 'GYUR, DMIGS PAR BYA BA NYID GZHAN GYIS DMIGS PAR CI LTAR 'GYUR, DMIGS PAR BYA BA NYID GZHAN GYIS DMIGS PA YIN GYI DON DE NYID MA YIN PA'I PHYIR CI LTAR 'DI GZHAN GYIS

, ,DMIGS PA YIN, GANG ZHIG DMIGS PAR BYA BA NYID DU DMIGS PA YIN LA DE LTA NA YANG DON NI GANG GIS KYANG DMIGS PAR MI 'GYUR RO, ,RANG RANG GAS DMIGS PAR BYA BA PHAN TSUN LDOG PA, 'DI DAG KHO NA RANG DANG GZHAN DAG GIS DMIGS PA YIN PA'I PHYIR THUN MONG DU DMIGS PA ZHES BYA BA NI 'GA' YANG MED DE, DMIGS PA LAS THA DAD PA'I DON YANG MED PA'I PHYIR RANG RIG PA NYID YIN PAS 'DZIN PA'I RNAM PAR LTAR GZUNG BA'I RNAM PAR YANG RANG RIG PA TZAM NYID DO, ,GANG ZHIG NUS PA'I MTSAN NYID KYIS YOD PA NYID YIN PA BSAM PA PHYIR ROL GYI DON ZHES BYA BA NI MED DO, ,CI STE MYONG BA NYID PHAN TSUN RGYU 'BRAS KYI DNGOS PO YIN PA'I PHYIR NUS PA'I MTSAN NYID DON DAM PAR YOD PA GRUB PA YIN NO ZHE NA, DE YANG MI BDEN TE, RANG RIG TZAM GYIS MNGON SUM LA, ,RJES SU DPAG PA GA LA YOD, ,LKOG MIN RNAM SHES MNGON SUM LA, ,GANG PHYIR RJES SU DPAG 'GYUR MIN, ,SHES GNYIS GYUR 'BRAS DNGOS POR YANG, ,JI LTAR 'DZIN PAR 'GYUR BA YIN, ,RANG TZAM RIG PHYIR DE NYID KYI, ,MYONG BA GNYIS SU RIG MA YIN, ,GANG TSE RGYU NI RNAM PAR SHES, ,DE TSE 'BRAS RIG MED PA'I PHYIR, ,'BRAS BU RIG PA MED PAR NI, ,DE RGYU NYID DU CI LTAR 'DZIN, ,'BRAS BU'I DUS SU'ANG DE MED PAS; ,'BRAS BU NYID DU CI LTAR 'DZIN, ,GAL TE RGYU NI RJES DPAG GIS, ,YONGS SU SHES PAR 'DOD NA NI, ,DE TSE RJES DPAG GIS MA SHES, ,DA LTAR SHES PAR CI LTAR 'GYUR, ,SNGAR NI MNGON SUM GYIS SHES SHING, ,DA LTAR RJES DPAG LAS YIN NA, SHES DE DA LTAR YOD MIN NA, ,JI LTAR RJES DPAG LAS RIG 'GYUR, ,SNGA MA NYID DU RJES DPAG NA, ,MNGON SUM GYIS RIG MED PHYIR RO, ,DE LA RJES SU DPAG PA YIS, ,RIG 'GYUR SNGA NYID BLA LHAG MED, ,SNGA MA NYID NI YOD MIN TE, ,MNGON SUM GYIS NI GNOD PHYIR RO, ,DE PHYIR SNGA DANG PHYIR MAR NI, ,JI LTAR BU YANG MYONG BA MED, , DRAN BA TZAM ZHIG DER YOD DE, ,RANG RIG PHYIR NA DE TSAD MED, ,RANG TZAM RAB TU RIG PA YANG, ,DE RANG RIG LAS MNGON SUM YIN, ,DE PHYIR GZHAN GYI 'BRAS BUR NI, ,DES DE RIG PA YOD PA MA YIN, ,DE PHYIR SHES DANG SHES BYA DAG, ,NUS PA NYID DU 'GRUB PA MED, ,GZHAN YANG, ,RGYU DANG 'BRAS BU'I

DNGOS PO 'DI, ,YOD MED NYID DU RTOGS PA MED, ,MED PA RTA YI RVA NYID LAS, ,RGYU NYID CUNG ZAD YOD MA YIN, ,GAL TE GZHAN NAS MED PA'I PHYIR, ,DE LA RGYU MI 'DOD CE NA, ,SNGA NA MED PA'ANG 'BRAS MI 'GYUR, ,DE YANG MED NYID LAN GDAB DKA', ,YOD NA SNGON MED CI LTAR YIN, ,DE NI MED NA'ANG CI LTAR 'DOD, ,MED PAR RI BONG RVA LA NI, ,SNGA MA MED PA YOD MA YIN, ,MTHONG BA SNGON MED YIN ZHE NA, ,PHAN TSUN RTEN PAR 'GYUR BA YIN, ,JI SRID SNGON MED NYID MIN PA, ,DE SRID DNGOS POR 'DI MI 'GRUB, ,JI SRID 'DI DANG SNGA NA MED PA DANG 'BREL PA MA YIN PA DE SRID DU NI SKYE BA MA YIN LA, JI SRID SKYE BA MA YIN PA DE SRID DU YANG SNGA NA MED PA NYID DE MA YIN NO, ,GAL TE 'BRAS BUS STONG BA'I RGYU NYID SNGA NA MED PA YIN NO ZHE NA, DE YANG MI BDEN TE, STONG NYID DE NI RGYU MA YIN, ,GZHAN PA DAG LA'ANG MED DAM CI, ,DES NA DE DANG YANG 'BRAL PAS, ,'DI NI DE'I YANG 'BRAS BUR 'GYUR, ,'BRAS BU NYID NI SNGA NA MED PA DANG 'BREL PAS YIN LA, SNGA NA MED PA DE YANG 'BRAS BUS STONG PA'I DON GZHAN YIN NO, ,DES NA RGYUR MNGON PAR 'DOD PA LAS GZHAN DAG KYANG, SNGA NA MED PA'I RANG BZHIN DU 'GYUR RO, ,DE DANG YANG 'BREL PAS 'BRAS BUR GYUR PA'I DNGOS PO NI DE'I YANG 'BRAS BUR 'GYUR RO, ,DE'I RJES SU 'GRO LDOG GI RJES SU BYED PA MED PA'I PHYIR RO ZHE NA, 'DI LA LAN BRAB ZIN TO, ,SNGA NA MED PA ZHES BYA BA MNGON SUM LA SOGS PA'I TSAD MAS GZUNG BAR BYA BA NI MED DE, RGYU DANG 'BRAS BU DAG GI RANG GI NGO BO TZAM ZHIG GZUNG BA YIN NO, ,GAL TE SNGA NA MED PA NI RGYU'I RANG BZHIN NYID YIN NO ZHE NA, 'BRAS BU'I RANG BZHIN YANG DE LTAR 'GYUR RO, ,'BRAS BU GZHAN LA LTOS NA DE YANG 'GYUR BA NYID DO ZHE NA, RGYUR MNGON PAR 'DOD PA LA LTOS NAS KYANG CI STE MI 'GYUR, DE LTAR RTOGS PA MED PA'I PHYIR RO ZHE NA, DNGOS PO LA MI LTOS PA'I RTOGS PA TZAM LA SU YID CHES, DE PHYIR TSAD YOD DNGOS PO YI, ,RANG BZHIN SNGO SOGS 'DZIN 'GYUR GYI, ,DE LA 'BRAS BU NYID LA SOGS PA, ,GZHAN NI 'DZIN PA YOD MA YIN, ,SNGON PO LA SOGS PA DANG 'BRAS BU NYID DU NI PO GANG GIS GZUNG BA MED DE, SNGON PO LA SOGS PA LAS THA DAD PA'I 'BRAS BU NYID NI RTOGS PA MED PA'I

, ,PHYIR RO, ,SNGA MA DANG PHYI MA'I DNGOS PO LA MNGON SUM MI 'JUG PA'I PHYIR SNGA NA MED PA LA SOGS PA 'DZIN PAR GA LA 'GYUR, CI STE YANG YOD PA NYID 'BRAS BU YIN TE, RGYU RNAMS KYI BYED PA NI 'BRAS BU YOD PA LA SRID PA'I PHYIR RO, ,MED NA NI YUL MED PA'I PHYIR CI LTAR BYED PA YIN ZHE NA; 'DI LA BSHAD PA, BLTAS MNYAN DE STE SHES BYAS NAS, ,RGYU YIS 'BRAS BU BYED DAM CI, ,BLUN PHYIR RANG BZHIN DE 'DRA BA, ,RGYU LA RAG LAS YIN PAR 'DOD, ,GAL TE DBANG PHYUG RGYU YIN YANG, ,DE NI RGYU YIN SBYOR BYED YIN, ,GANG PHYIR DBANG PO LAS 'DAS BLO, ,MED PA SHES PAR MI 'DOD MIN; ,'DIR 'BRAS SNGAR YOD SMRA BA'AM CI, ,CIG DBANG PHYUG RGYU YIN 'GYUR, ,CI THAMS CAD THAMS CAD LA YOD PA ZHES BYA BA GRANGS CAN GYI 'DOD PA LA BRTEN NAS YOD PA NYID MTHONG BAR ZAD KYI RGYU DANG 'BRAS BU ZHES BYA BA'I DNGOS PO MA YIN PA MA YIN NAM, CI GA MED PA NYID LA BRTEN NAS 'GRO BA'I RGYU DBANG PHYUG GIS RGYU RNAMS SO SOR NGES PA LA SBYAR, ,'BRAS BU SNGA NA YOD NA CI THAMS CAD KYI DMIGS PAR 'GYUR BA'I PHYIR 'GRO BA 'CHOL BAR GNAS PAR 'GYUR RO, ,DMIGS PAR BYED PA SO SOR NGES PA'I PHYIR DE LTAR MI 'GYUR RO ZHES BYA BA YANG GYI NA STE, DMIGS PAR BYED PA YANG THAMS CAD THAMS CAD KYI TSE YOD PA'I PHYIR SO SOR NGES PA CI YOD, ,GZHAN YANG, MED PA'I RGYU LAS 'BRAS SKYE'AM, 'ON TE YOD PA LAS 'BYUNG 'GYUR, ,MED PA'I RGYU LAS 'BRAS SKYE ZHES, ,BYA BA LEGS PAR GNAS PA YIN, ,ZHIG NAS MED PA DANG GTAN NAS MED PA LA KHYAD PAR CI ZHIG YOD, ,GAL TE SNGON YOD PA MYONG BA'I DUS NA RGYU YIN NO ZHE NA, GANG GI TSE YOD PAR GYUR PA DE'I TSE RGYU MA YIN LA, GZHAN GYI TSE NI RGYU YIN NO ZHES BYA BA 'DI NI LEGS PAR SMRAS PA YIN NO, ,CI STE 'DI LTAR YANG 'GYUR TE, ,MED PA RGYU NYID YIN 'GYUR GYI, ,GANG ZHIG YOD DE RGYU MA YIN, ,DE DANG 'DI DAG RNAMS LA YANG; ,BYED PAR SRID PA MTHONG BA MED, ,GAL TE BYED PAS RGYU YIN NA, ,BYED PA DE NYID GANG LAS 'GYUR, ,BYED CAN DON LAS YIN ZHE NA, ,DER CI BYED PA GZHAN YOD DAM, ,GAL TE DE LA'ANG BYED YOD DAM, ,GAL TE DE LA'ANG BYED YOD NA, ,DON TE CHOD PAR 'GYUR BA YIN, ,BYED PA NYID LAS 'BRAS 'BYUNG NA, ,SHI YANG 'BRAS BU SKYE BAR

'GYUR, ,DE LTAR DE BZHIN YUN RING DU, ,LON YANG 'BRAS BU CIS MI SKYE, ,BYED 'PHRENG 'DI NI SHIN TU RING, ,DE SRID BAR DU SU ZHIG 'TSO, ,DE STE RANG BZHIN BYED PA YIN, ,DE TSE 'BRAS BUR 'BYUNG BAR 'GYUR, ,BYED PA'I DUS SU 'BRAS YIN NA, ,DUS MTSUNGS PAR NI THAL BAR 'GYUR, ,GAL TE RGYU YOD DUS SU NI, ,'BRAS BU YOD PA MIN ZHE NA, ,GANG ZHIG ZHIG MA THAG PA DAG, ,DE LTA YIN NA KHYAD MED 'GYUR, ,DE YI DE MA THAG BYUNG BA, ,SKYE BA'I DUS SU YOD CE NA, ,SKYE BA 'BRAS BU LAS GZHAN MIN, ,DES 'DI DUS MNYAM DU 'GYUR, ,CI YANG YIN SMRA SUN PHYUNG BAS, ,PHYOGS GNYIS LA YANG BZLOG PA YIN, ,BRJOD PAR BYA BA MANG 'GYUR RAM, ,DE PHYIR DA NI 'PHRO BCAD DO, ,CI STE YANG SHES PA'I RGYU NI DON YIN NO ZHES RJES SU DPAG PAS SNGAR MA RIG PA YIN NO ZHE NA, DE YANG MI BDEN TE, MNGON SUM LA NI SNANG GYUR PA, ,RJES SU DPAG PAS SNGAR RIG PA'I, ,PHAN TSUN 'DRE BA MED PA NA, , DE YI 'BRAS BU JI LTAR RTOGS, ,GAL TE RJES SU DPAG PAS RTOGS PA SNGAR BYUNG BAR RTOGS SU BCUG KYANG, ,DE MNGON SUM GYI SHES PA'I RGYU YIN NO ZHES GANG GIS RTOGS PAR BYED, ,RJES SU DPAG PA NI MNGON SUM GYIS MTHONG BA'I DNGOS PO NI MNGON SUM GYI RGYU YIN NO ZHES RTOGS PAR BYED PA MA YIN NO, ,NYAMS SU MYONG BA NYID LA NI RJES SU DPAG PAS 'JUG PA YANG MA YIN TE, DE'I YUL NI LKOG TU GYUR PA YIN PA'I PHYIR RO, ,RJES SU DPAG PAR BYA BA LA MNGON SUM 'JUG PA YANG MA YIN TE, DE'I YUL NI LKOG TU MA GYUR PA NYID YIN PA'I PHYIR RO, ,RTOGS PAS GYUR PA NYID NI LKOG TU GYUR PA YANG MA YIN NO, , LKOG TU GYUR PA NYID DU RTOGS PA NI LKOG TU GYUR PA YIN NO ZHE NA, DE NI MED DE, 'DI LTAR, RANG GI NGO BO RTOGS NA NI, ,'DI LA LKOG GYUR GZHAN CI YOD, ,RNAM PA MI GSAL SNANG YIN NA, ,MNGON SUM DE LTAR SNANG MI 'DOD, ,RANG BZHIN GNYIS NI RIG PA'I TSE, ,MNGON SUM GNYIS SU 'DOD PA YIN; ,DPER NA KA SOGS TSU ROL DANG, ,PHA ROL NGO BOR RIG TSUL GYIS, ,GANG GI TSE DON DE GSAL BA DANG MI GSAL BA'I RANG BZHIN DU GYUR PA, ,DE'I TSE DE MNGON SUM DANG RJES SU DPAG PA DANG GIS RIG PA YIN NA, KA BA LA SOGS PA'I TSU ROL DANG PHA ROL LA SOGS PA GZUNG BA

, ,BZHIN DU MNGON SUM GYI RANG BZHIN NYID DU 'GYUR LA RAG GO, ,'ON TE GSAL BA DANG MI GSAL BA NI KHYAD PAR GZHAN GYI DBANG GIS YIN GYI DON GYI RANG BZHIN NI SNGON PO NYID YIN NO ZHE NA, GAL TE KHYAD PAR THA DAD PAS, ,RANG BZHIN GZHAN DU RIG 'GYUR NA, ,RANG GI RANG BZHIN RIG MED PHYIR, ,KUN TSE MNGON SUM NYID MI 'GYUR, ,CI STE SNGO SOGS RIG PA'I PHYIR, ,MNGON SUM NYID DU BRJOD NA NI, ,RANG GI RANG BZHIN RIG PA'I PHYIR, ,RJES DPAG NYID KYANG MNGON SUM 'GYUR, ,DBANG PO DANG NI BRAL BAS NA, ,RJES DPAG MNGON SUM MIN ZHE NA, ,DBANG PO DANG NI LDAN PAS YANG, ,RJES SU DPAG PAS CES MI DPOG ,DBANG PO DANG BRAL BA NYID KYIS MI 'GRUB STE, DE'I RJES SU DPAG PA RANG GI NGO BOR RTOGS PA'I PHYIR RO, ,'ON TE DNGOS PO MED PA YIN PA'I PHYIR DBANG PO DANG 'DU BA MED DO ZHE NA, DNGOS PO'I RANG BZHIN 'DZIN PA'I RJES SU DPAG PAS RTOGS PA MED PAR JI LTAR 'GYUR, MED DO ZHE NA YANG RJES SU DPAG PAS DNGOS PO'I RANG BZHIN JI LTAR 'DZIN, CI STE DBANG PO DANG 'BREL PAR RJES SU DPAG PA MA YIN PA NYID DO ZHE NA, 'DIS NI 'JUG PAR MI BYED PAS, ,RJES SU DPOG PA DO MA MED YIN, , BLTA MIN REG PAR BYA MIN PA, ,DE LA 'JUG PA DON MED NYID, ,MKHO BA DON DU GNYER BA RJES SU DPAG PA'I DON LA 'JUG PA YIN ZHE NA, 'JUG PAR BYED PA YANG TSAD MA NYID DE, DES NA 'JUG PAR BYED PA MA YIN PA NI, TSAD MA MA YIN PA NYID DU 'GYUR RO, ,CI STE PHYIS DBANG PO DANG 'BREL PAR 'GYUR BA RJES SU DPOG PA YIN NO, ,DES NI DE'I TSE DBANG PO DANG 'BREL PA MED PAS MNGON SUM NYID MA YIN NO ZHE NA, DE YANG MI BDEN TE, 'BREL PAR 'GYUR BA DPOG NA NI, ,SNGA MA'I RANG BZHIN MA RTOGS PAS, ,RGYU NYID DU NI MI RTOGS PA'I, ,RJES SU DPAG PA DON MED YIN, ,DE NYID TSE NA GZHAL BYA DANG, ,'JAL BYED NGO BOR YOD MA YIN, ,DE TSE NYID KYI GZHAL BYA DANG, ,'JAL BYED DA LTAR BYUNG BAR BRJOD, ,DE'I TSE RANG GI NGO BOR SNANG BA LAS GZHAN DA LTAR BYUNG BA NYID NI MA YIN GYI, RANG GI NGO BOR SNANG BA NYID DA LTAR BYUNG BA YIN NO, ,GAL TE 'DAS PA LA SOGS PA'I NGO BOR SNANG BAS DA LTAR BYUNG BA NYID MA YIN NO ZHE NA,

RJES SU DPAG PAS 'DAS PA'I RANG BZHIN NYID DU JI LTAR RTOGS, 'DI LTAR MNGON SUM GYIS SUM GYIS MA RTOGS PA LA NI RJES SU DPAG PA 'JUG PA MA YIN NO, ,MNGON SUM YANG 'DAS PA'I RANG BZHIN LA 'JUG PA MA YIN TE, GANG GI TSE DE MNGON SUM GYIS MTHONG BA DE'I TSE NI 'DAS PA'I RANG BZHIN DU RTOGS PA MED DO, ,GAL TE DA LTAR 'DAS PA'I RANG BZHIN YIN NO ZHE NA, 'O NA NI DE GZHAN NYID SKYES PA YIN LA, DE LA YANG MNGON SUM MED PA'I PHYIR JI LTAR RJES SU DPOG GANG YANG PHYIS MNGON SUM DU 'GYUR BA DE NI 'BYUNG BA'I RANG BZHIN NYID DU MNGON SUM MA YIN PA'I PHYIR DE LA RJES SU DPAG PA'I SKABS MED PAR MTSUNGS SO, ,GAL TE 'DI CI KHYED LA YANG MTSUNGS PA MA YIN NAM, ,GZHAN LA YANG MNGON SUM LAS DE LTAR RTOGS PA MA YIN PA'I PHYIR JI LTAR DE'I RNAM PAR SNANG ZHE NA, MA YIN TE, DE NI BAG CHAGS KYI STOBS KYIS DE LTAR SNANG BA YIN NO, ,DES NA, DON LA BRTEN NAS 'BYUNG BA'I PHYIR, ,DE YI NGO BO RJES BYED PHYIR, ,DE NI CHA 'GA' ZHIG GIS NI, ,GZHAN LAS KYANG NI THA DAD 'GYUR, ,ZHES 'CHAD PAR 'GYUR RO, ,DES NA SHES PA DE NI RGYUD NAS DON LAS SKYES PA YIN LA, ,BAG CHAGS DANG 'BREL PAS NI RNAM PA GZHAN DU YANG SNANG BA YIN TE, DPER NA RAB RIB LA SOGS PAS ZLA BA GNYIS LA SOGS PA SNANG BA BZHIN NO, ,DES NA 'DAS PA'I DUS NYID KYI RANG BZHIN LAS 'ONGS PA'I PHYIR 'DAS PA NYID DU ZHEN PA YIN LA, DES NA 'DAS PA'I DUS NYID DU 'DZIN PA'I PHYIR 'DAS PA NYID YIN ZHING DE YANG MED PA YIN NO, ,DE NI DA LTAR BA NYID LA NI TSAD MA MA YIN NO; ,'ON NA DE JI LTAR 'THOB, ,YOD PA NYID KYI PHYIR RO, ,JI LTAR YOD PA NYID YIN, ,MTHONG BA'I RTAGS DES RNAM PAR 'JOG PA'I PHYIR RO, ,DE'I SGO NAS SHES PA YANG DER 'JUG PAR BYED PA YIN PAS THA SNYAD RDZOGS PA YIN NO, ,GAL TE SHES PAS DON MA RTOGS NA JI LTAR 'JUG PAR BYED PA YIN ZHE NA; MA 'KHRUL BA NYID LAS SO, ,GAL TE DU BA 'BA' ZHIG KYANG RNAM PAR 'JOG PAR BYED PAR 'GYUR RO ZHEN, ,JI LTAR RNAM PAR 'JOG PAR BYED PA YIN PAR MTHONG BA DE LTAR RNAM PAR 'JOG PAR BYED PA YIN GYI GZHAN DU NI MA YIN PAS KLAN KA MED DO, ,GZHAN YANG, ,SHES PA DE NI RANG BZHIN DANG, ,'BREL

, ,PHYIR 'JUG BYED GZHAN MA YIN, ,DE LA DON DU ZHEN PA NI, ,NGES PAR BAG CHAGS STOBS KYIS YIN, ,DE'I PHYIR SNGA MA NYID DU RTOGS PA DE NI DA LTA YOD PA YIN NO ZHES BYA BAR NI SHES PA DES MI RTOGS SO, ,RANG BZHIN GANG ZHIG DA LTAR YOD PA DE MI MTHONG BA NYID DO, , DES NA MI MTHONG BA NYID NI LKOG TU 'GYUR BA YIN LA DE NI LKOG TU GYUR TO ZHES, ,RTOGS PA MED PA NYID NI LKOG TU GYUR PA NYID DU RTOGS PA YIN NO, ,LKOG GYUR DON GYI RANG BZHIN NYID, ,YIN NA DE NI MNGON SUM NYID, ,DE LA RJES DPAG 'JUG MIN ZHING, ,THE TSOM 'BREL PA'ANG YOD MA YIN, ,ZHIG NA RNAM PA DE LTA BU'I; ,SHES PA DE LA 'BYUNG MI 'GYUR, ,SHES DON DAG KYANG GCIG NYID MIN, ,DE PHYIR DON DE YOD MA YIN, ,DE'I PHYIR GAL TE RJES SU DPAG PA DON 'DZIN PA'I RANG BZHIN YIN NA MIG LA SOGS PA DANG 'BREL PA YANG RJES SU DPAG PAR BYA BA YIN PAR 'GYUR BAS MNGON SUM GYI DON NYID RJES SU DPAG PAR BYA BAR 'GYUR LA, ,DE LTAR YANG MA YIN NO, ,DES NA LKOG TU GYUR PA'I DON GYI YUL CAN GYI SHES PA NI DON 'DZIN PA'I RANG BZHIN MA YIN NO, ,DE'I PHYIR RJES SU DPAG PAS RTOGS PA NI RGYU'I DNGOS PA MA YIN NO, ,DE'I PHYIR NA RGYU DANG 'BRAS BU'I DNGOS PO NI MED DO, ,DE NYID KYI PHYIR, GAL TE THAMS CAD NUS MED NA, ,ZHES SMOS SO, ,'DI LA BSHAD PA NI, ,SA BON SOGS NI MYUG SOGS LA, ,NUS MTHONG ZHES BYA BA YIN NO, ,'DI LTAR SA BON LAS NI MYU GU SKYE BA MTHONG ZHES RNAM PAR DBYE BA MED PAR 'JIG RTEN PA'I RTOGS PA YIN, ,DE NYID PHYIR NA MTHONG BA YIN, ,GANG LA 'DI NI BDAG GIS MTHONG BA'O SNYAM DU RTOGS PA DE NYID RTOGS PA YIN NO, ,RGYU DANG 'BRAS BU'I DNGOS PO 'DI BDAG GIS MTHONG NGO ZHES LHAG PAR MOS PA YANG YOD PA YIN TE, DES NA GNOD PA MED PA'I LHAG PAR MOS PA SRID PA'I PHYIR GZHAN DU 'GYUR BAR DGOS PAR BYAS PA MA YIN NO, ,'DI LTAR, DNGOS ;DI BDAG GIS DRAN SNYAM LAS, ,MOS PA'I RNAM PA GZHAN YOD MIN, ,DRAN PA DNGOS DANG 'BREL PAR NI, ,RTOGS PA YOD PA MA YIN NO, ,RE ZHIG MNGON SUM GYIS RTOGS PA NI MA YIN TE, DRAN PA MNGON SUM MA YIN PA'I PHYIR RO, ,RANG RIG PAS NI DRAN PA'I RANG GI NGO BO NYID TZAM MNGON

DU BYED PA YIN GYI, ,DNGOS PO DANG 'BREL PAR NI MA YIN NO, ,SNGAR GYI MNGON SUM YANG DRAN PA LA 'JUG PA MA YIN TE, DES NA GANG LAS 'BREL PAR 'GYUR, ,'DI BDAG GIS DRAN NO SNYAM PA'I SHES PA GZHAN DU 'GYUR BA MED PA YANG YOD PA YIN TE, DE'I PHYIR LHAG PAR MOS PA NYID THAMS CAD DU RNAM PAR GZHAG PA THAMS CAD KYI SGRUB BYED YIN NO, ,'DI LA BRJOD PA, GAL TE DE KUN RDZOB 'DOD NA, BSAM PA NI, ,DNGOS PO'I DE KHO NA RNAM PAR 'JOG PA'I TSAD MA MED NA, THOG MA MED PA'I THA SNYAD GOMS PA LAS BYUNG BA'I LHAG PAR MOS PA TZAM GANG YIN PA DE NI KUN RDZOB KHO NA'O, ,KUN RDZOB KYI DON NI MA BRTAGS NA NYAMS DGA' BA'I YIN NO, ,DPER NA LHA SBYIN LA SOGS PA 'GA' ZHIG MA MTHONG YANG MTHONG BAR RLOM PA DE NI RNAM PAR DPYAD PAS LDOG PA DE BZHIN DU, ,DE LTA YIN NA, 'DI DON DAM PA MA YIN PAR 'GYUR RO, ,'JIG RTEN GYI THA SNYAD THAMS CAD KYANG DE LTA BU NYID YIN PA'I PHYIR, , THAMS CAD KUN RDZOB TZAM YIN NO, ,TSAD MA MED PAR RTOGS PAR RLOB PA TZAN NI KUN RDZOB YIN PA'I PHYIR RO, ,'DI LTAR, ,RGYU DANG 'BRAS BU'I RTOGS PA NI, ,RJES 'GRO LDOG PA DAG LAS YIN, ,MNGON SUM DE BZHIN RJES DPAG GIS, ,TSAD MA DE LA YOD MA YIN, ,MNGON SUM MI DMIGS PA DAG LAS, ,RJES 'GRO LDOG PA RTOGS PA GANG, ,GAL TE RJES DPAG LAS YIN NA, ,PHAN TSUN RTEN PAR 'GYUR BA YIN, ,RJES SU 'GRO BA DANG LDOG PA DAG MNGON DUM 'BA' ZHIG GIS MI 'DZIN PA'I PHYIR RGYU DANG 'BRAS BU'I DNGOS PO SGRUB PAR BYED PA NI MNGON SUM DANG MI DMIGS PA YIN PAR BRJOD DO ZHE NA, DE NI MA 'BREL BA STE, PHAN TSUN RTEN PA'I NYES PAR THAL BA'I PHYIR RO, ,RJES SU 'GRO BA MNGON SUM GYIS 'DZIN PA NI MA YIN NO, 'DI YOD NA 'DI 'BYUNG NGO ZHES BYA BA DE LTA BU RNAM PA NI MNGON SUM GYI BYA BA MA YIN TE, GNYIS 'DZIN PA TZAM GYI BYA BA CAN YIN PA'I PHYIR RO, ,'DI'I DE MA THAG TU MTHONG BA 'DI NI 'DI LAS BYUNG BA YIN NO, ,ZHES BYA BA 'DI NI MNGON SUM YOD PA MA YIN NO, ,'DI LTAR 'DI NYID LAS 'BYUNG BA'AM 'DI LAS 'BYUNG BA NYID DAM, ,'DI LAS KYANG 'BYUNG BA ZHES 'DI TZAM ZHIG 'DIR RNAM PAR BRTAG PAR BYA BA YIN TE, DON

, ,GZHAN MI SRID PA'I PHYIR RO, ,GAL TE 'DI NYID LAS 'BYUNG BA ZHES BYA BA YIN NA NI, ,SHUGS KYIS GZHAN LAS MI 'BYUNG BA YIN NO ZHES BYA BA'I DON 'DIR 'GYUR BA YIN NO, ,DE LA YANG RNAM PAR RTOGS PA GNYIS TE, ,DE'I TSE'AM 'ON TE GZHAN GYI TSE YIN, ,GAL TE DE'I TSE 'DI NYID LAS YIN NO ZHES 'DOD NA, 'ON NI GZHAN GYI TSE NI GZHAN LAS YIN NO ZHES BYA BAR 'GYUR RO, ,DA LTAR YANG YUL GZHAN DU GZHAN LAS MI 'BYUNG NGO ZHES GANG LAS YIN, ,DE LTA BU NI RGYU DANG 'BRAS BU'I DNGOS PO MA YIN TE, NGES PA MED PA'I PHYIR RO, ,'DI LAS 'BYUNG BA NYID DO ZHES NGES PAR 'BYUNG BA YANG MA YIN TE, DUS GZHAN DU RES 'GA' MI 'BYUNG BA'I PHYIR RO, ,DES NA MNGON SUM GYIS NI RGYU DANG 'BRAS BU RTOGS PA MA YIN NO, ,'DI LAS KYANG 'BYUNG LA GZHAN LAS KYANG 'BYUNG BA YIN NO ZHES BYA BA PHYOGS 'DI LA NI RANG NYID KHO NAS 'KHRUL PAS KHAS BLANGS PA'I PHYIR RGYU DANG 'BRAS BU'I DNGOS POR MI 'GYUR RO ZHES BSTAN PAR 'GYUR TE, DES NA PHYOGS 'DI YANG MA YIN NO, , CI STE DE MED NA MED PA'I PHYIR RO ZHES MI DMIGS PA LA RTOGS SO ZHE NA, DE LTAR GYUR NA YANG GCIG LA GCIG BRTEN PA'I NYES PA YOD DO, ,'DI LTAR, GCIG MI DMIGS PA MNGON SUM LAS, ,GZHAN NAM DE BZHIN GZHAN MA YIN, ,MNGON SUM LAS NI GZHAN MIN NA, ,MING TZAM SGRUB BYED YIN PAR 'GYUR, ,RJES SU DPAG PA NYID DU NI, ,RTOGS PA 'JUG PA MED 'GYUR TE, ,GANG PHYIR RJES 'GRO LDOG PA YIS, ,'BREL LA RJES SU DPOG PHYIR RO, ,GAL TE MI DMIGS PA MNGON SUM NYID YIN NA NI MNGON SUM LA BRJOD PA'I SKYON DE NYID DO, ,DE STE RJES SU DPAG PA YIN NO, ,DE'I 'BREL PA NI RJES SU 'GRO BA DANG LDOG PA DAG LAS 'JUG PA YIN TE, DE'I PHYIR RJES SU DPAG PA MED NA RJES SU 'GRO BA DANG LDOG PA 'DZIN BA DANG LDOG BA 'DZIN PA MED LA, DE MED NA YANG RJES SU DPAG PA 'JUG PA MA YIN NO, ,RJES SU DPAG PA THUG PA MED PAR YANG 'GYUR RO, ,'ON TE DNGOS PO MED PA'I TSAD MAS DE MED NA MED PAR 'DZIN PA YIN NO ZHE NA, DE YANG MI 'THAD DE, DE LAS KYANG, ,YUL DANG DUS NYE BA CAN DAG GIS DNGOS PO MED PAR RTOGS PAR 'GYUR BA'I PHYIR RO, ,GZHAN DAG NI RGYU DANG 'BRAS BU'I NGO BO NI DPYOD PA'I TSAD MAS RTOGS

PAR BYA BA YIN NO ZHES SMRA STE, 'BREL PA MTHONG BA MED PAR LKOG TU GYUR PA RTOGS PA NI DPYOD PA'O ZHES BYA BA NI MTSAN NYID YIN NO, ,'DI LTAR ME DANG DU BA DAG GIS NGES PA'I MTSAN NYID KYIS RGYU DANG 'BRAS BU'I NGO BO NI DE YOD NA YOD PAR DMIGS PA LAS YIN NA, DE YOD NA YOD PA DE DANG RGYU DANG BRAS BU 'BREL PAR NI DMIGS PA MED DO, ,GANG GI PHYIR DE LAS 'BYUNG BA YIN PA DE'I PHYIR 'DI NI DE'I 'BRAS BU YIN NO ZHES 'JIG RTEN PAS RTOGS PA YIN NO, ,DES NA DE'I 'BRAS BUR RTOGS PA NI DPYOD PAS YIN NO, ,YANG NA DON GYIS GO BAS DE'I 'BRAS BU NYID DU RTOGS PA YIN NO, ,GAL TE 'DI DE'I 'BRAS BU MA YIN NA NI DE LAS 'BYUNG BA NYID DU MI 'THAD DO ZHES MA MTHONG BA'I DON RTOGS PA NI DON GYIS GO BA YIN NO ZHE NA, DE NI MI 'THAD DE, GAL TE RGYU DANG 'BRAS BU YIN, ,RTOGS PA'ANG MTHONG BA YOD NA NI, ,DPYOD PA'ANG DON GYIS GO BA LAS, ,RTOGS SO ZHES NI MTHONG BAR 'GYUR, , DE LAS 'BYUNG BA MA RTOGS PA'I, ,RGYU 'BRAS NYID NI MTHONG BA MED, ,DE LA'ANG SKYON NI SNGAR BRJOD DO, ,NGES PAR 'DZIN PA MED PHYIR RO, ,GAL TE RGYU DANG 'BRAS BU'I DNGOS POR RTOGS PA'I YUL SRID NI, ,DPYOD PA'AM GZHAN LAS DE RTOGS PAR 'GYUR BA YIN NA, DE NI DE LAS YOD PA LAS RANG BZHIN GZHAN BRTZON PA DANG LDAN PAS KYANG RTOGS PA MED DO, ,NGES PAR DE LAS 'BYUNG BA YIN NO ZHES BYA BAR NI GANG LAS KYANG RTOGS PA MED DE, ,DUS DE SRID TZAM ZHIG DE LAS 'BYUNG BAR RTOGS PA'I PHYIR RO, ,DE NI RGYU DANG 'BRAS BU'I DNGOS PO YANG MA YIN NO, ,GAL TE NGES PA NI DPYOD PA'AM, ,DON GYIS GO BA LAS RTOGS PA YIN TE, GANG GI PHYIR DE LTAR DE'I DE MA THAG PAR DMIGS PA DE'I PHYIR GZHAN GYI TSE YANG 'DI NI DE NYID LAS YIN TE, DE LTA MA YIN NA DE NYID KYI TSE YANG MI 'GYUR RO ZHE NA, DE YANG MI 'THAD DE, GAL TE LTAR DE LAS DMIGS SU CHUG KYANG GZHAN GYI TSE YANG YIN NO ZHES BYA BAR GA LAS YIN TE, DE LTA BU KHO NAR RTOGS PA'I PHYIR RO ZHE NA, 'O NA BUM PA YANG SNAM BU'I DE MA THAG TU DMIGS PA DE'I PHYIR DE LA YANG DE LTAR 'GYUR RO, ,DE LA NI 'KHRUL BA MTHONG BA'I PHYIR RO ZHE NA, 'O NA NI 'DI NYID KYIS DE LA YANG YID BRTAN DU MED PAR 'GYUR RO, ,

, ,YID MI CHES PA'I RTOGS PA MED PA'I PHYIR RO ZHE NA, RING PO MTHONG BA MA YIN PA RNAMS KYI DE NI YANG NAS YANG DU MTHONG BA LAS YIN NO, ,'JIG RTEN GYI THA SNYAD NI DE LTA BU NYID YIN NO ZHE NA, NUS PA KUN RDZOB TU RTOGS ZHES, ,BYA BA DE NYID 'ONGS PA YIN, ,DE NYID DON NI MA BRTAGS PAS, ,RTOGS PA KUN RDZOB YIN PAR 'DOD, ,CI STE DUS GZHAN DU DE'I 'BRAS BU DE NI 'DI NYID YIN NO ZHES NGO SHES PA LAS SNGA MA NYID 'BRAS BUR RTOGS PA YIN TE, DE LTA MA YIN NA NGO SHES PA NYID DU MI 'GYUR RO ZHE NA, DE NI MI RIGS TE, NGO SHES SNGAR GYI MTHONG BA DANG, ,'BREL PA 'DI NI GANG DU MTHONG, ,DPYOD PA'AM DON GYIS GO BA LAS, ,ZHE NA SNGAR 'DI SUN PHYUNG ZIN, ,CI STE DRAN PA LAS YIN TE, ,'DI LTAR, KHO BO SA MTHONG BA DE NYID NI, ,DRAN ZHES DE LTAR RTOGS PHYIR RO ,DRAN PA'AM NYAMS SU MYONG BA DANG, ,'BREL PA 'DOD PA MA YIN NO, ,DRAN PA NI CHAD MA MA YIN PAS DE GRUB PA NI KUN RDZOB TU GRUB PA YIN ZHES, DE LTAR DOGS PA BSU NAS, GAL TE DE KUN RDZOB, 'DOD NA CI LTA DE LTAR 'GYUR, ,ZHES GSUNGS SO, ,'JIG RTEN GYI THA SNYAD 'KHRUGS PA MED PA NI DE KHO NA LTAR YIN NO, ,DON DAM PA NI 'JIG RTEN GYI THA SNYAD LA NYE BAR SBYAR BA MA YIN TE, 'JIG RTEN GYI THA SNYAD LA SKUR BAR 'GYUR BA'I PHYIR RO, ,MOS PA'I RNAM PAR DBYE BA TZAM GYIS NGES PA GRUB PA YIN TE, RMI LAM GYI THA SNYAD NGES PA BZHIN NO, ,'JIG RTEN GYI THA SNYAD KYI RGYU NI THOG MA MED PA NGES PA'I BAG CHAGS 'BA' ZHIG LUS PA YIN TE, DE LTA MA YIN NA DMIGS PA DANG BCAS PA DANG DMIGS PA MED PA'I SHES PA LA SOGS PA'I RNAM PAR BYED PA THAMS CAD MI 'GRUB PA KHO NA'O, ,YANG GANG DAG KUN RDZOB CES BYA BA 'DI CI ZHIG YIN ZHING, KUN RDZOB KYI BDEN PA YANG GANG YIN, BDEN NA KUN RDZOB DE JI LTAR, ,LOG PA YIN NA BDEN GANG LAGS, ,BRDZUN DON DAM PA'I DON DAG LA, ,BDEN NYID THUN MONG YOD MA YIN, ,KUN RDZOB KYANG YIN LA BDEN PA YANG YIN NO ZHES BYA BA 'DI NI 'GAL LO ZHES ZER RO, ,DE LA BRJOD PA, ,KUN RDZOB CES BYA BA NI THOG MA MED PA'I BAG CHAGS LAS BYUNG BA'I RNAM PAR RTOG PA'I SHES PAS MOS PA TZAM YIN NO, ,DES NA DON NI THOG MA MED PA'I BAG CHAGS

KYI STOBS LAS BYUNG BA 'BA' ZHIG SNANG BA YIN NO ZHES BYA BA 'DI YIN NO, ,SNGON PO LA SOGS PA NI RMI LAM SNANG BA BZHIN DU BDEN PA MA YIN LA, RNAM PAR SHES PA YANG DE LAS THA DAD PA MA YIN TE, DES NA DE KHO NA NYID MA YIN NO, ,'JIG RTEN GYI THA SNYAD CHAD PA YANG MA YIN TE, DES NA NYE BAR MKHO BAS NA BDEN BA YIN NO, ,DE LTAR NA KUN RDZOB KYI BDEN PA ZHES BYA BAR MI 'GAL LO, ,DES NA DON DAM PAR NA BDAG NYID THAMS CAD DBEN PA YIN NO, ,PHYIR ROL GYI DON DANG NI SHES PA LHAN CIG RJES SU 'GRO BA DANG LDOG PA RTOGS PA MED KYI, ,'ON KYANG BAG CHAGS NYID KYI RGYU YIN PAR RMI LAM GYI SNANG BA RTOGS PA YIN PAS, ,GZHAN YANG DE BZHIN DU 'GYUR TE, DE'I RIGS CAN YIN PA'I PHYIR RO, ,YANG NA SKYE BA LA SOGS PA'I RANG BZHIN NYID KUN RDZOB YIN TE, TSAD MAS YONGS SU BCAD PA MA YIN PA'I PHYIR RO, ,DE'I TSE KUN RDZOB TU SKYE BA ZHES BYA BA NI SKYE BA LA SOGS PA NI TSAD MAS YONGS SU MA BCAD PA YIN NO ZHES BYA BA'I DON TO, ,CI STE KUN RDZOB CES BYA BA NI BDAG NYID THAMS CAD DEN PA YIN PA'I PHYIR NUS PA MED PA YIN LA, ,SKYE BA ZHES BYA BA NI NUS PA YIN PAS 'DI NI 'GAL BA YIN NO ZHES BYA BA DE YANG MI BDEN TE, KUN RDZOB CES BYA BA NI DON DAM PAR NUS PA MED PA YIN NA, DE LTAR NI SKYE BA YOD PA MA YIN NO, ,SKYE BA ZHES BYA BA NI TSAD MA DANG BRAL BA'I PHYIR GRAGS PA TZAM DU NUS PA YIN TE, DE LTAR NI SKYE BA YIN PA KHO NA'O, SKYE BA SKYE'O ZHES BYA BA'I SKYON DU YANG MI 'GYUR TE, RANG BZHIN GANG GI SKYES PA DE KHO NAS NUS PA YIN NO, ,GANG GI RANG BZHIN DU SKYES SHE NA, KUN RDZOB TU YIN GYI DON DAM PAR NI MA YIN NO ZHES BYA BA'I DON TO, ,DE BZHIN DU KUN RDZOB MING TZAM BYED PA YANG MA YIN TE, TSAD MAS RTOGS PA LA DE SKAD DU BRJOD PA'I PHYIR RO, ,GANG YANG RGYU DANG 'BRAS BU DAG MTSUNGS PA YIN ZHES BYA BA DE LA, ,RGYU LAS NI 'BRAS BU SKAD CIG GNYIS PA LAS SKYE BA YIN NO ZHES BYA BA 'BYIN PA DE YANG MI BDEN TE, 'DAS PA NYID DU NI 'DAS NAS YUN TING DU LON PA DANG, KHYAD PAR MED PA'I PHYIR RO, ,'DAS NAS YUN RING DU LON PA NI SKYE BA'I DUS NA MED PA'I PHYIR LA, ,'DAS MA THAG PA NI BZLOG PA YIN PA'I PHYIR RO

, ,ZHE NA; SKYE BA'I DUS TE GANG YIN, GAL TE 'BYUNG BA'I DUS YIN NA NI DE'I TSE 'BYUNG BA 'BYUNG BA PO LAS THA MI DAD PAS RGYU DANG 'BRAS BU DUS MTSUNGS PA DE NYID YIN NO, ,'ON TE 'BYIN PA'I DUS NA YOD PA YIN NA, 'BYIN PA DE NI 'BYIN PAR BYED PA PO'I BYED PA YIN TE, DES NA 'BYIN PAR BYED PA'I DUS ZHES BYAS PA DE'I TSE RGYU'I DUS NA YOD PA ZHES BYA BAR 'GYUR RO, ,DE'I PHYIR CHOD PA YANG RGYUR 'GYUR TE, DE YANG RANG GI DUS NA YOD PA'I PHYIR RO, ,SKAD CIG GIS DNGOS PO THAMS CAD KYANG DE'I TSE YOD PAS RGYUR THAL BAS NA HA CANG THAL BAR 'GYUR RO, ,RGYUD THA DAD PA'I PHYIR MI 'GYUR RO ZHE NA, 'DI NI PHAN TSUN RTEN PA'I NYES PAR 'GYUR TE, RGYU MA YIN PA NYID YIN NA RGYUD THA DAD PA YIN YANG, RGYUD THA DAD PA NYID YIN NA YANG RGYU MA YIN PA YIN NO, ,RGYU YANG YIN LA RGYUD THA DAD PA YANG YIN NO ZHES BYA BA NI 'GAL LO, ,MA BRTAGS PA'I DON NI KUN RDZOB KYI DON YIN NO ZHES GANG BSHAD PA YANG, BRTAGS PA NI TSAD MA LA BRJOD KYI RNAM PAR RTOG PA'I SHES PA NI MA YIN NO, ,DES NA TSAD MA GRAGS PA'I DON YIN ZHES BYA BA'I THA TSIG GO, ,SGYU MA'I DON YANG 'DI NYID YIN NO, ,'JIG RTEN LA GRAGS PA'I DON ZHES BYA BA LA, 'JIG RTEN GYI GRAGS PA NI MA BRTAGS NA NYAMS DGA' BA YIN TE DES NA SKYON MED DO, ,BSTAN BCOS BYED PA'I GRAGS PA NI THA SNYAD DU BYED PA MA YIN PAS DE NI 'DIR MI GZUNG NGO, ,'DI SKAD DU YANG KUN RDZOB KYI BDEN PA GANG ZHE NA, 'JIG RTEN GYI THA SNYAD JI SNYED PA STE ZHES GSUNGS PA YIN NO, ,TSAD MA DANG TSAD MA MA YIN PA'I RNAM PAR DBYE BA YANG KUN RDZOB KHO NA STE, 'DI LTAR TSAD MA NI SLU BA MED PA CAN YIN LA, MI SLU BA YANG NYE BAR BSTAN PA'I DON THOB PA YIN NO, ,THOB PA YANG NYAMS SU MYONG BA NYID DO, ,GAL TE DON NYAMS SU MYONG BA YIN NA, PHYIS KYANG DE NYID YIN PAS CI'I PHYIR THOB PA DON DU GNYER BAR 'GYUR RO, , DES NA BLO THAMS CAD TSAD MA MA YIN PAR 'GYUR RO, ,'ON TE PHYIS RTOGS PA DE NI GZHAN YIN TE, DES BSTAN PA NI MA YIN PAS NA, DE THOB PA NI TSAD MAR 'GYUR RO ZHE NA, DE LTAR NA THAMS CAD TSAD MAR 'GYUR RO, ,CI STE NYE BAR BSTAN PA LA CUNG ZAD NYE BAR MA BSTAN PA YOD DE DES NA DE THOB PAS TSAD

MA NYID DO ZHE NA DE YANG MI BDEN TE, MA BSTAN PA LA TSAD MA MA YIN PA'I PHYIR RO, ,DES NA 'DI NI GYI NA'O, ,DE'I PHYIR DON DAM PAR CUNG ZAD KYANG YOD PA MA YIN PAS KUN RDZOB TU JI LTA BA DE LTAR YIN DU ZAD DO, ,'DI TZAM GYIS KYANG TSAD MA DANG CHAD MA MA YIN PA'I RNAM PAR GZHAG PA YIN PAS KHO BO CAG LA CHAD PA CUNG ZAD KYANG MED DO, ,KHYOD KYI PHYOGS NA KHO BO CAG GI 'DOD PA NYID DE, DES NA DNGOS PO'I DE KHO NA NYID LAS 'DA' BAR MI NUS SO, ,GAL TE DON BYED NUS PA KUN RDZOB TU YIN NA, SPYI LA YANG YOD PA MA YIN NAM, DES NA MTSAN NYID HA CANG KHYAB CHES PA'I SKYON YIN NO ZHE NA; BSHAD PA, GAL TE KUN LA DE YOD NA, ,SPYI YI MTSAN NYID RJES 'GRO LDOG ,BLO LA MA MTHONG PHYIR MIN TE, ,MIG DANG GZUGS SOGS BLO BZHIN NO, ,DPER NA MIG DANG GZUGS LA SOGS PA'I BLO RNAMS DMIGS PA DANG, BDAG PO'I RKYEN GYI YUL LA RJES SU 'GRO BA DANG LDOG PA'I RJES SU BYED PA DE BZHIN DU, SPYI'I BLO DAG NI MA YIN TE, SPYI'I BLO NI SNGON MTHONG BA'I 'BAD RTZOL TZAM LAS 'BYUNG BA'I PHYIR RO, ,DE LTAR GZUGS LA SOGS PA'I BLO NI MIG LA SOGS PA MED PAR NANG GI BYED PA TZAM LAS 'BYUNG BA MA YIN NO, ,'DI LTAR, GAL TE DNGOS PO DE NYID DU, , SNGAR YOD MTHONG BA MA YIN YANG, ,'ON KYANG LDOG PA MTHONG BA LAS, ,YOD DO ZHES NI NGES PAR 'GYUR, ,GAL TE BDEN PA'I KA BA'I TSOGS SU SNANG BA YUL LA MI LTOS PAR MIG TZAM LAS 'BYUNG BA YIN NA NI, GANG DANG GANG DU MIG BLTAS PA DE DANG DER 'BYUNG BAR 'GYUR TE RAB RIB CAN GYIS SKRA SHAD LA SOGS PA SNANG BA BZHIN NO, ,DE DANG BRAL BA'I PHYOGS SU 'BYUNG BA YANG MA YIN TE, DES NA KA BA LA SOGS PA SNGAR YOD PA YIN NO, ,DES NA RJES SU 'GRO BA DANG LDOG PA DANG 'BREL PA'I PHYIR NA DE LA SNAM BU LA SOGS PA'I BLO SKYE BA NA SNAM BU LA SOGS PA'I NUS PA KHONG DU CHUD PAR BYED PA YIN NO, ,SPYI'I BLO NI DE LTA MA YIN TE NANG GI BYED PA TZAM LAS 'GYUR BA'I PHYIR RO, ,'BRAS BU GANG ZHIG GANG TSOGS PA TZAM LAS 'BYUNG BA DE NI DE LAS THA DAD PA'I DNGOS PO'I BDAG NYID KYI NUS PA RTOGS PAR BYED PA MA YIN TE, MIG LA SOGS PA TZAM GYI TSOGS PA LAS BYUNG BA'I MIG GI SEMS

, ,KYI RNA BA BZHIN NO, ,BA LANG NYID KYI BLO RTA LA MI SKYE BA MA YIN NAM, DES NA LDOG PA CI LTAR MED CE NA, DE NI MI BDEN TE, RTA LA BA LANG NYID MED PHYIR, ,BA LANG BLO MI SKYE BA MIN, ,BAG CHAGS SAD BYED DE MIN PHYIR, ,DE LA BA LANG BLOR MI 'GYUR, ,RTA DE NI BA LANG NYID KYI BAG CHAGS SAD PAR BYED PA MA YIN PA'I PHYIR, DE LA BA LANG GI BLO MED PA YIN TE, BA LANG ZHES BYA BA'I BRDA NI DE NYID LA GRUB PA'I PHYIR RO, ,BA LANG NYID MED PA LAS NI MA YIN GYI 'ON KYANG DE 'DRA BA'I 'DUS BYAS PA MED PA'I PHYIR RO, ,GANG GIS DE YOD DAM 'ON TE MA YIN ZHES RNAM PAR GZHAG PAR BYA BA SPYI'I RNAM PA GSAL BA LAS THA DAD PA NI DE LA RTOGS PA MED DO, ,DE'I PHYIR SPYI NI MA BRTAGS NA NYAMS DGA' BAR GRAGS PA TZAM YIN GYI DON DAM PA NI MA YIN NO, ,GAL TE DON DAM PA MA YIN NA BA LANG NYID DANG, RTA NYID PHAN TSUN LDOG PAR JI LTAR 'GYUR ZHE NA, PHAN TSUN LDOG PA NI RTOGS PA NYID DAM GSAL BA NYID YIN NO, ,GAL TE GSAL BA MED KYANG BRDAR RTZOL BA TZAM LAS THAMS CAD LA SPYI'I BLO 'BYUNG BA MA YIN NA NI DE'I TSE LDOG PA LAS SPYI NUS PA MED PAR MI 'GYUR BA YIN NO, ,SPYI NI KHYAB PA YIN TE DES NA THAMS CAD DU SPYI'I BLO SKYE BA YIN NO ZHE NA, RAB RIB CAN GYIS NYE BAR DMIGS PA'I SKRA SHAD LA SOGS PA YANG DE LTA BU KHO NAR THAL BAR 'GYUR RO, ,GZHAN GYIS MA MTHONG BA'I PHYIR MA YIN NO ZHE NA, SPYI YANG DE'I RTZOL BA LA SOGS PA DANG BRAL BAS MI RTOGS PA, DE LA YANG SKYON DU 'GYUR RO, ,DE YOD NA DMIGS PA'I PHYIR RO ZHES BYA BA YANG RIGS PA MA YIN TE; SKRA SHAD LA SOGS PA YANG RAB RIB YOD NA GZHAN GYIS CI LTAR MI DMIGS, RAB RIB KYIS NYAMS PA'I PHYIR DE KHO NA MA YIN PA DMIGS PAR BYED PA YIN NO ZHE NA, DE KHO NA MA YIN PA ZHES BYA BA NI CI ZHIG ,DBANG PO NYAMS PAS DMIGS PAR BYA BA NYID DO ZHE NA, CI LTAR NYAMS PA YIN; DE KHO NA NYID MA YIN PA LA DMIGS PAR BYED PA NYID DO ZHE NA, 'DI NI PHAN TSUN BSTEN PA'I NYES PAR 'GYUR RO, ,GZHAN YANG SPYI YANG PHYIN CI LOG GI BAG CHAGS SAD PAS NYAMS PAR BYAS PA'I NANG GI BYED BAS DMIGS PA YIN PA'I PHYIR 'DI NI MTSUNGS SO, ,GAL TE KHYAB BYED YIN PA'I

PHYIR; ,SPYI MI LDOG PA NYID CE NA, ,RAB RIB CAN GYI RNAM SHES KYI, ,RTOGS BYA'AM KHYAB BYED NYID DU 'GYUR, ,GAL TE DBANG PO NYAMS PA YIS, ,'DZIN PHYIR SBRANG BU MI BDEN NA, ,MI BDEN PA NYID MA GRUB PAR, ,NYAMS PA RAB TU 'GRUB MI 'GYUR, ,NYAMS PA BDEN PA MA YIN PAS, DON BYED GRUB PA MIN ZHE NA, ,DE YI 'DZIN BYED NYAMS PA 'DI, ,SPYI LA'ANG MTSUNGS PAR 'GYUR BA YIN, ,DES NA SPYI NI DON BYED NUS PA MA YIN TE, SHES PA TZAM LA'ANG NUS PA MED PA'I PHYIR RO, ,DE BRDA RTZOL BA LA SOGS PA, ,NANG GI YAN LAG RJES 'JUG PHYIR, ,BUM PA LA 'DEGS SPYI DANG NI, ,GRANGS SOGS BLOS NI BSHAD PA YIN, ,GZUGS DANG RO DANG DRI DANG REG PA'I RTEN BUM PA'I YAN LAG CAN GYI RDZAS SO, ,'DEGS PA NI BYA BA'O, ,GRANGS NI YON TAN NO, ,'DI LA'O SNYAM PA'I BLO NI 'DU BA'I YUL CAN YIN TE, DE'I GZUNG BA NI 'DU BA'O, ,DE DAG GI BLO GANG YIN PA DE YANG BRDA RTZOL BA LA SOGS PA NANG GI RGYU TZAM LA RAG LAS PA YIN GYI, YUL NI RJES SU 'GRO BA DANG LDOG PA'I RJES SU BYED PA NI MA YIN NO, ,'DI LTAR, GZUGS SOGS LAS NI THA DAD PAR, ,RDZAS ZHES BYA BA YOD MIN TE, ,BUM PA'I BDAG LA BUM PA'I BLO, ,RJES 'GRO LDOG PA YOD MA YIN, ,MIG LA SOGS PA'I BLOS NI GZUGS LA SOGS PA 'BA' ZHIG DMIGS TE, DES NA DE MA DMIGS PAS SAD PAR BYAS PA THOG MA MED PA'I BAG CHAGS KYI MTSAN NYID RANG GI RGYU KHO NA LAS 'DI BUM PA'O SNYAM DU GCIG NYID DU MNGON PAR ZHEN PA'I BLO SKYE BAR SKYE BOS NYAMS SU MYONG BA YIN GYI, BUM PA LA SOGS PA RDZAS KYI NGO BO NYID GZHAN NI YONGS SU BRTAGS NA RNAM PA THAMS CAD DU YOD PA MA YIN NO, ,GAL TE RDZAS NI MTHONG BA'AM REG PAS YONGS SU GCOD PA MA YIN NAM, RDZAS NI RNAM PA GNYIS TE BLTA BAR BYA BA DANG REG PA BYA BA'O ZHE NA, DE YANG MI RIGS TE; 'DI LTAR, RDZAS DE GZUGS LAS GZHAN MIN PA'AM, ,'ON TE BZLOG PAR 'DZIN PA YIN, ,GZHAN MA YIN PAS 'DZIN NA NI, ,GZUGS NYID GZUGS LDAN YOD MA YIN, ,GZHAN DU RIG PA YIN NA BLO, ,RNAM PA GNYIS SU MYONG 'GYUR NA, ,RNAM PA GNYIS SU SNANG BAR NI, ,MIG

, ,SHES TZAM LAS 'GYUR BA MIN, ,CI STE BUM PA'O SNYAM PA'I BLO NI, GZUGS SO SNYAM PA MA YIN NA, DES NA RIG PA THA DAD PA CI LTAR MED, 'DI LTAR, BUM PA'AM SNAM BU DMAR SNYAM PA'I, ,BLO NI 'KHRUL PA MED PA YIN, ,DON 'JIG BYED PA'I RGYU MTSAN YANG, ,RIG PA LAS GZHAN YOD MA YIN, ,GAL TE GZUGS TZAM RIG PA YIN NA NI, DMAR PO'I SNYAM PA KHO NAR 'GYUR GYI BUM PA'O SNYAM PA NI MA YIN NO ZHE NA, DE YANG MI BDEN TE, DMAR PO DANG NI MI DMAR BA'I, ,DON LA BUM PAR THA SNYAD BYED, ,BUM PA DANG NI BUM MIN PA'I, ,DON YANG DMAR PO'I SGRA YIS BRJOD, ,DES NA RJES 'GRO LDOG PA LAS, ,THA DAD YONGS SU BRTAGS NAS NI, ,THA DAD DON DU STON BYED KYI, ,DNGOS PO DE BZHIN GNAS MA YIN, ,ZHES BYA BA 'DI NI GZHAN DU DPYAD ZIN TO, ,CI STE GAL TE YAN LAG CAN MED PAR GZUGS LA SOGS PA 'BA' ZHIG YIN LA, GANG LA GZUGS YOD PA DE NYID LA REG PA YOD DO ZHES BYA BA'I BLOR JI LTAR 'GYUR ZHE NA, DE YANG GYI NA STE, TSOGS PA GCIG LA RAG LAS DANG, ,'BRAS BU GCIG LA MKHO BA'I PHYIR, ,TSOGS PA GCIG TU RAB BRTAGS PAS, ,GANG LA DE LA ZHES BYAR RTOGS, ,DMAG GANG LA GLANG PO CHE LA SOGS PA YOD PA DE LA SKYES BU YOD PA YIN NO ZHES BYA BA DANG, DE BZHIN DU GANG NA PA LA SHA LA SOGS PA YOD PA'I NAGS DE NYID LA SENG SENG LA SOGS PA YIN NO ZHES BYA BA'I THA SNYAD MED DAM CI, SKYES BU LA SOGS PA LAS THA DAD PA'I DMAG GAM, ,PA LA SHA LA SOGS PA LAS THA DAD PA'I NAGS NI YOD PA MA YIN NO, ,DE'I PHYIR TSOGS PA GCIG LA RAG LAS PA NYID DAM 'BRAS BU GCIG PA NYID KYI PAN TSUN MA BRAL BA LA BRTEN PA NA SKYE BOS DE LTAR THA SNYAD BYED PA YIN NO, ,GAL TE DE LTA NA NI PHAN TSUN THA DAD PA MED PA'I LUS SU GYUR PA'I GZUGS LA SOGS PA NYID YAN LAG CAN YIN TE, GZUGS LA SOGS PA'I BUM PA DANG KA BA LA SOGS PA BZHIN DU PHAN TSUN THA DAD PA MA YIN NO, ,YAN LAG CAN NI NAGS TSAL LA SOGS PA LTAR THA SNYAD TZAM NI MA YIN NO, ,DE'I YAN LAG NI RJES SU 'GRO BA DANG LDOG PA DAG LAS BRTAGS PAS DE LTAR

BZHAG PA YIN NO, ,'DI LTAR MTHONG BA GANG YIN PA DE NYID LA REG GO ZHES BYA BA LA SOGS PA DANG, YUL THA MI DAD PAR YANG RTOGS PA YIN NO, ,GZUGS KYI YUL SPANGS NAS REG PA'AM MYANGS PAR RTOGS PA'I BLO NI MED DO ZHE NA, DE YANG MI BDEN TE, GAL TE GZUGS SOGS PHAN TSUN DU, ,RANG BZHIN THA DAD MED GYUR NA, ,GZUGS SOGS DBYE BA GANG LAS YIN, ,DE NYID GZHAN DU CI LTAR 'GYUR, ,DE NYID NI GZHAN MA YIN TE, SNANG BA THA MI DAD PAR THAL BA'I PHYIR RO, ,'ON TE GCIG PO DE NYID DBANG PO THA DAD PAS GZUNG BA'I PHYIR THA DAD PA LTA BUR RTOGS PA YIN TE MIG GI DBANG POS RTOGS NA NI GZUGS NYID YIN LA, LUS KYIS RTOGS NA NI REG BYA NYID DANG LCES RTOGS PA NA NI RO NYID YIN NO ZHE NA, ,DE NI MI BDEN TE, 'DZIN PA'I DBYE BAS GCIG PA YI, ,DNGOS NYID GZHAN DU RTOGS SAM CI, ,'ON TE THA DAD RTOGS PA'I LAM DU GNAS PA THA DAD NYID, RE ZHIG GCIG NYID DO ZHES BYA BA LA NI TSAD MA MED DO, ,GCIG NYID NI 'DZIN PA'I BYE BRAG GIS THA DAD PAR RTOGS PA MA YIN TE 'KHRUL PA NYID DU THAL BAR 'GYUR BA'I PHYIR RO, ,CI STE GZHAN DU 'DZIN PA MED PAS RTEN MED PA DE NYID MA 'KHRUL BAR BRJOD DO ZHE NA, DE NI DE LTAR DON DAM NYID, ,YIN PAR CI YI PHYIR MI RTOG, ,THA MI DAD PAR RTOGS PA NI, ,MED PA'I PHYIR NA RTOGS MA YIN, ,CI STE YANG THA DAD PA YUL GCIG PA DANG, MI 'BREL BA JI LTAR 'GYUR SNYAM NA, DE NI RTOGS PAR SLA STE 'DI LTAR, DE LAS GZHAN DU SNANG MED PHYIR, ,YUL NI YUL CAN LAS GZHAN MIN; ,YUL CAN SNANG BAR THA DAD PHYIR, ,GANG LAS THA DAD MED PA YIN, ,YUL ZHES BYA BA NI GZUGS LA SOGS PA DAG LAS GZHAN MA YIN NO, ,DE DE DAG LA THA DAD PA YANG, THA DAD PAR SNANG BA NYID LAS YIN GYI, YUL THA DAD PAS NI MA YIN TE THUG PA MED PAR THAL BAR 'GYUR BA'I PHYIR MI RTOGS PA NYID DU 'GYUR RO, ,RANG GI NGO BOS THA DAD NA NI GZUGS LA SOGS PA YANG THA DAD PA NYID DO, ,SNANG BA'I RANG BZHIN LAS RANG BZHIN GZHAN NI YOD PA MA YIN NO, ,SNANG BA YANG THA DAD PA KHO NA'O, ,GZUGS SNANG BA NYID NI DE SNANG BA MA YIN TE, DBANG PO GZHAN DON MED PAR

, ,THAL BAR 'GYUR BA DANG SNANG BA THA MI DAD PAR THAL BAR 'GYUR BA'I PHYIR RO, ,DBANG PO THA DAD PA'I PHYIR THA DAD DO ZHE NA, DE NI MI BDEN TE, DBANG PO THA DAD KYANG THA MI DAD PA THA DAD PAR SNANG BA NI MA YIN TE, DE LTAR YIN NA NI THA DAD PA LKOG TU GYUR PA KHO NAR 'GYUR BA'I PHYIR; YAN LAG CAN NI GZUGS LA SOGS PA TZAM DU THAL BAR 'GYUR RO, ,GAL TE DBANG PO'I MTHU LAS GZHAN DU GYUR PA'I DON YANG RNAM PA GZHAN DU RTOGS PA YIN NA NI MIG SER CAN LA DUNG SER POR SNANG BA BZHIN DU 'KHRUL PA NYID DU 'GYUR RO, ,CI STE MI SLU BA'I PHYIR MA 'KHRUL BA NYID DO SNYAM NA, DE YANG RIGS PA MA YIN TE, MI SLU BA YANG SNANG BA NYID YIN PAS DE YANG DBANG PO'I KHYAD PAR NYID LAS SNANG BA'I RNAM PA DE LTAR 'GYUR BA DE'I PHYIR NA DE YANG 'KHRUL PA KHO NA YIN PAS JI LTAR MA GRUB PA 'GRUB PAR 'GYUR, MI SLU BA'AM GZHAN GYI SNANG BA NI DBANG POS BYAS PA YIN PA NA DON GYI RJES SU 'GRO BA DANG LDOG PA'I RJES SU BYED PA RTOGS PA MED PA'I PHYIR DON ZHES BYA BA MED PAS YAN LAG CAN GYI SGRUB PAR BYED PA NI LEGS PA KHO NA ZHIG GO, ,DON MED PAR SGRUB PAR BYED PA NI YAN LAG CAN GYI SGRUB BYED MA YIN TE, DE NI DON GYI KHYAD PAR NYID DU 'DOD PA'I PHYIR RO, , DE'I PHYIR DBANG PO'I BYED PA LAS NI GCIG DU MAR SNANG BA MA YIN TE, 'ON KYANG GZUGS LA SOGS PA NI DU MA NYID DO, ,DE'I PHYIR GCIG TU RTOGS PA NI NANG GI BYED PA LA RAG LAS PA NYID DO, ,'DEGS PA'I RTOGS PA YANG LAG PA LA SOGS PA'I SKAD CIG YUL GZHAN DANG GZHAN DU SKYE BA YIN NO, ,'DEGS SO SNYAM PA NI NANG GI BYED PA NYID LAS DE'I TSOGS PA 'BA' ZHIG LA RTOGS PAS SGRO 'DOGS PA YIN GYI, YUL GYI STOBS KYIS 'BYUNG BA NI MA YIN NO, ,DE LTA NA NI 'O NA NI SNGA MA DANG PHYI MA'I SKAD CIG RNAMS KYIS GSAL BAR BYA BA'I LAS NYID 'DEGS PA'I SHES PA'I YUL YIN NO ZHE NA, MA YIN TE, SPYI NI GSAL BAS GSAL BAR BYA BA YIN PA'I PHYIR RO, ,LAS NYID KYI SPYI NI LAS KYI GSAL BA RNAMS KYIS GSAL BAR BYA BA YIN GYI DON GYI SKAD CIG RNAMS KYIS NI MA YIN NO, ,LAG PA LA SOGS PA'I SKAD CIG MA'I GSAL BA LA BRTEN PA'I LAS KYI GSAL

BA GZHAN NI YOD PA'AM DMIGS PA MA YIN LA, GSAL BA GZHAN GYIS KYANG SPYI GSAL BAR BYA BA MA YIN NO, ,'ON TE LAS NYID KYI RIGS LAG PA LA SOGS PA'I SKAD CIG GIS GSAL BAR BYA BA YIN NO ZHE NA, DE YANG MI BDEN TE, SKAD CIG RE RES GSAL BAR BYA BA MA YIN PA'I PHYIR RO; ,'DEGS PA NYID LA SOGS PA'I SKAD CIG GCIG GIS GSAL BAR BYA BA MA YIN TE, SKAD CIG DANG PO KHO NAR RTOGS PAR THAL BA'I PHYIR RO, ,'ON TE LAS NYID KYI RIGS NI DUS CIG CAR DU GSAL BAR BYA BA MA YIN NO, ,BRDA SPROD PA BAS NI GDON MI ZA BAR GZHAN GYI GRUB PA'I MTHA'I RJES SU 'JUG PAR BYA BA NI MA YIN TE, KHO BO CAG GI LTA BA RNAM PAR GNAS PA NI 'DI KHO NA'O SNYAM NA DE NI MI BDEN TE, GAL TE RIGS RE RES GSAL BA MA YIN NA 'O NA NI SPYIS GSAL BAR BYA BAR 'GYUR TE, RNAM PA GZHAN MED PA'I PHYIR RO, ,GOMS PA LAS GCIG GIS GSAL BAR 'GYUR RO ZHE NA; 'O NA NI GOMS PA NYID NANG GI RGYU YIN PA'I PHYIR SHES PA DE YUL GYI STOBS KYIS BYUNG BA MA YIN NO, ,DE BZHIN DU LDAN PA'I RNAM PAR DBYE BA'I SHES PA LA YANG BRJOD PAR BYA'O, ,DE SKAD DU YANG, GRANGS LDAN PA LA SOGS PA DANG, ,DE LDAN RANG GI NGO BO DANG, ,BRJOD PA LAS NI THA DAD PA'I, , NGO BO BLO LA SNANG BA MED, ,CES BSHAD PA YIN NO, ,GAL TE DON BYED PAR MI NUS PA ZHES BYA BA SPYI'I MTSAN NYID MA YIN NAM DES NA SKRA SHAD LA SOGS PA YANG DON BYED MI NUS PA'I PHYIR SPYIR THAL LO ZHE NA, DE YANG MI BDEN TE, 'DI LTAR, SKRA SHAD SOGS NI SPYI MIN TE, ,DON DU ZHEN PA MED PHYIR RO; ,SHES BYAR 'DZIN PHYIR MED PA LA, ,NYES PA DAG TU THAL MI 'GYUR, ,RANG GI MTSAN NYID KYIS BDAG NYID KYI DON NYID SPYI'I RANG BZHIN DU RTOGS PA NA SPYI YIN NO, ,GAL TE 'DI RANG GI MTSAN NYID YIN NA DON BYA BA BYED PA'I PHYIR JI LTAR SPYI YIN TE, SPYI NI DON BYA BA BYED PA MED PA YIN PA'I PHYIR RO, , DON BYED PA MED PA NI DON DU YANG JI LTAR 'GYUR TE, DON BYED PA NYID KYIS DON YIN PA'I PHYIR RO, ,DON BYED PA BYED PA DANG, CIG SHOS GNYI GA NI GCIG LA YOD PAR MI 'GYUR RO ZHE NA, 'DI NI 'THAD PAR DKA' BA MA YIN PA'I PHYIR TE, DNGOS SU DON BYED MI NUS DANG, ,BRGYUD PA YIS NI NUS

, ,PA'I PHYIR, ,DE NI SPYI DANG DON NYID DANG, ,NUS PA DANG NI NUS MED NYID, ,SPYI NI DON DU ZHEN PA'I PHYIR, ,DON YIN TE, DON DAM PAR NI DON MED PA NYID DO, ,'DI'I DON NYID NI NYE BAR BTAGS PA YIN TE, BRGYU NAS DON GYI 'BRAS BU YIN PA'I PHYIR RO, ,'O NA JI LTAR SGRA'I YUL SPYI YIN TE, CHU KLUNG GI 'GRAM NA KHA RA'I PHUNG PO YOD DO ZHES BYA BA NI BRGYUD NAS KYANG DON BYED PA MA YIN NO ZHE NA, DE NI MED DE, DE SPYI MIN MOD NGED PA NI, ,CHAD PA CI YOD SGRA RNAMS NI, ,TSAD MA MIN PAR SGRUB PA'I PHYIR, ,MCHOG TU LEGS PAR 'GYUR BA NYID, ,'DI LTAR SPYI NI KHO BO CAG TSAD MA'I YUL DU 'DOD PA YIN NO, ,GAL TE DE YANG TSAD MA'I YUL YIN NA NI, SGRA TSAD MAR 'GYUR RO, ,'O NA JI LTAR SGRA'I YUL SPYI YIN PAR BRJOD CE NA, SPYI KHO NA SGRA'I YUL YIN NO ZHES PA NI MA YIN NO, ,'O NA CI ZHE NA SPYI NI SGRA'I YUL KHO NA YIN GYI, YUL MA YIN PA NI MED DO ZHES BYA BA YIN NO, ,SGRA'I YUL NYID KYIS NI RJES SU 'GRO BA'I RNAM PA NYID MTSON PA YIN NO, ,DE BZHIN DU YUL MA YIN PA RANG GI MTSAN NYID ZHES TE, SKRA SHAD LA SOGS PA RANG GI MTSAN NYID DU 'GYUR BA NI MA YIN TE, SGRA 'GA'I'ANG YUL MA YIN PA NI RANG GI MTSAN NYID YIN PA'I PHYIR RO, ,'DIR YANG RANG GI MTSAN NYID KHO NA YUL MA YIN PA NI MA YIN GYI 'ON KYANG RANG GI MTSAN NYID NI YUL MA YIN PA KHO NA'O, ,SGRA'I YUL MA YIN PA, SGRA LA SOGS PA'I YUL CAN GYI SHES PA NI TSAD MA MA YIN PA NYID DO, ,'DI LTAR, TSAD MA SLU BA MED CAN GYI, ,SHES PA SPYI YI MTSAN NYID NI, , BYA STE YUL GYI DBYE BA YIS, ,DE LA THA DAD SGRUB PA YIN, ,DE YI YUL NYID THA DAD PA, ,BSGRUB BYA NYID DU 'DOD PA YIN, ,DES NA TSAD MA'I YUL MIN PA, ,YUL NYID DU NI JI LTAR 'GYUR, ,GAL TE DON NYID SPYI YIN NA DNGOS PO MED PA NI SPYI NYID DU MI 'GYUR TE DON GYIS STONG PA'I PHYIR RO, , DE NI YUL MA YIN PA YANG MA YIN TE, MI DMIGS PA'I YUL YIN PA'I PHYIR RO, ,SPYI'I NGO BO YANG YIN TE, SNGA NA MED PA DANG ZHIG NAS MED PA ZHES BYA BA LA SOGS PA'I BYE BRAG KHYAB PAR BYED PA YIN PA'I PHYIR TE, DE NI DANG PO MED PA DANG, DE LTAR MED PA ZHES GSAL BAS KHYAB PAR BYED PA

YIN PA'I PHYIR RO ZHE NA, DE LA YANG LAN DU, SHES BYAR 'DZIN PHYIR ZHES BYA BA YIN TE, DNGOS PO MED PA YANG RNAM PA 'GA' ZHIG GIS SHES BYA NYID YIN NO, ,GZHAN GYI DNGOS PO NYID DNGOS PO MED PA YIN NO ZHES BYA BA NI GRUB PA'I MTHA' YIN LA DE YANG DON BYA BA BYED PA KHO NA'O, ,YANG NA DE YANG TSAD MAS YONGS SU GCAD PAR BYA BA NYID DO, ,DGOS PA YOD PA'I PHYIR NUS PA YANG YIN NO, ,DNGOS PO MED PAS KYANG DGOS PAR 'GYUR BA NYID DE DOGS PA MED PAR 'GRO BA'I DON YIN PA'I PHYIR RO, ,DES NA DE LA DON DU MOS PA YOD PA'I PHYIR DNGOS PO MED PA NI RANG GI NGO BOS DON KHO NA'O, ,SKRA SHAD LA SOGS PA NI MA YIN TE, 'KHRUL PA'I SHES BYA NYID DU YONGS SU DPYOD PA'I PHYIR RO, ,GAL TE SKRA LA SOGS PA YANG GANG GI TSE 'DI LTA BUR GYUR PA'I SKRA LA SOGS PA 'DI NI MI BDEN NO ZHE'AM, BDEN PA'I SKRA DANG 'DRA BA'O ZHES SHES PA DE'I TSE DE LA YANG RANG DANG RJES SU MTHUN PA'I DGOS PA MI BDEN PA'I RGYU MTSAN CAN GEGS MED PAR 'GRO BA LA SOGS PA YOD PA KHO NA MA YIN NAM, DE'I PHYIR DE DAG KYANG TSAD MA'I YUL NYID DU 'GYUR RO, ,CI STE DE LTAR YONGS SU BCAD PA NI SPYI'I RANG BZHIN KHO NA SNYAM NA, DE LTA NA NI GSAL BAR SNANG BA NYID DU MI 'GYUR RO, ,GSAL PAR SNANG BA NYID KYIS DON YIN NA NI RANG GI MTSAN NYID YIN PAS, DE'I SHES PA DON MED PA CAN DU MA'I 'GYUR BA'I PHYIR MA 'KHRUL BAR 'GYUR RO ZHE NA, BSHAD PA, DE DAG GI YANG DE LTA'I DNGOS, ,BKAG MED GSAL BAR SNANG NYID, ,SHES PA'I NGO BO'I DON NYID PHYIR, ,SKRA SOGS ZHES BYA'I BLO DAG NI, ,SPYI YI SPYOD YUL CAN YIN LA, ,SKRA SNANG DON MED CAN YIN NO, ,GAL TE RAB RIB CAN GYIS DMIGS PA'I SKRA LA SOGS PA YANG MI BDEN PAR YONGS SU GCOD PA DE'I TSE, MI BDEN PA ZHES BYA BA'I DON CI YIN ZHE NA, DON BYED PA'I SHES PA'AM SKYES BU GZHAN GYIS MA DMIGS PA'I PHYIR, DES DMIGS PAR RUNG BA NYID MED PAR YONGS SU BCAD PAS NA DNGOS PO MED PAR GZHAL BYA NYID YIN NO, ,DES NA DNGOS PO MED PA NYID DU GZHAL BAR BYA BA NI SPYI'I MTSAN NYID DU BKAG PA MED PA KHO NA'O, ,YANG GANG GI TSE 'DI NI SKRA LA SOGS PA GZHAN DANG 'DRA BA YIN NO SNYAM PA DE'I TSE SHES PA'I RANG BZHI LA 'DRA BAR THA SNYAD

, ,BYED PA'I PHYIR RO, ,RANG BZHIN GYI GTAN TSIGS KYI YUL NYID YIN PAS SKRA LA SOGS PA GZHAL BYA NYID YIN NO, ,'O NA JI LTAR SPYI GSAL BAR SNANG BA YIN ZHE NA, SHES PA'I RANG BZHIN GYIS DON YIN PA'I PHYIR NA NI RANG GI MTSAN NYID KHO NA'O, ,DE LTAR NA MNGON SUM DU 'GYUR RO ZHE NA, 'GYUR BA KHO NA STE RANG RIG PA'I MNGON SUM GYI YUL YIN PA'I PHYIR RO, ,CI LTAR SPYI'I RANG NYID YIN NO ZHE NA, RNAM PAR RTOG PA'I SHES PA GZHAN GYIS SNGAR GYI SGRA LA SOGS PA DANG 'DRA BAR YUL DU BYAS PA'I PHYIR RO, ,'DI LTAR, RAB RIB CAN SHES RTOGS BYA BA, ,SKRA SOGS BDEN MIN SNGON CHAD NI, ,DE BZHIN NYID DU DMIGS PA'I PHYIR, ,YANG NA TSUL MTHUN PHYIR 'DRA YIN, ,BDEN PA LAS BZLOG PA'AM, 'DRA BA NYID NI SNGON RANG BZHIN GYIS RJES SU 'BRANG BA MED NA MI 'GYUR BA YIN TE, DES NA 'DRA BA DANG MI BDEN PA DAG NI RNAM PAR RTOGS PAS GCAD PAR BYA BA YIN NO, ,SNGA MA DANG PHYI MA'I RANG BZHIN LA 'JUG PA NI RNAM PAR RTOG PA MED PA MA YIN NO ZHES STON PAR 'GYUR RO, ,DES NA LDOG TU GYUR PA NYID KYIS SPYI YIN NO, ,'O NA DON MED PA'I SHES PA GANG YIN ZHE NA, SKRAR SNANG BA'I DBANG PO'I RNAM PAR SHES PA NI DON MED PA YIN NO, ,BSAM PA NI RANG RIG PA LA NI MNGON SUM YIN LA, SKRA LA SOGS PA'I RANG BZHIN LA RNAM PAR RTOG PA'I RNAM PAR SHES PA NI RJES SU DPAG PA DANG, DBANG PO'I SHES PA NI DON MED PA'O ZHES RNAM PAR DBYE BA YIN NO, ,DE NYID DBANG PO'I SHES PA YIN LA DE NYID RANG RIG PA MA YIN NAM, RANG RIG PA'I RNAM PAR SHES PA LAS GZHAN DBANG PO'I SHES PA NI MED DO, ,RANG RIG PA DE NYID DBANG PO LA BRTAN NAS SKYES PA YIN PA'I PHYIR RO ZHE NA, DON LA DE NI DBANG SHES YIN, DON MED NA NI 'KHRUL PAR 'DOD, ,RANG RIG DBANG PO LAS MIN TE, ,DE MED PAR YANG 'JUG PHYIR RO, ,GANG ZHIG MED KYANG GANG 'BYUNG BA DE NI DE'I RGYU NI DE MA YIN NO, ,DBANG PO MED NA RANG RIG PA YONGS SU GSAL BAR MI 'GYUR BA MA YIN NAM ZHE NA, DE YANG MI BDEN TE, RANG RIG PA THAMS CAD NI RANG GI NGO BOS GSAL BA YIN NO, ,GANG ZHIG GANG LA RANG GI NGO BO DNGOS SU BYED PA'I RNAM PAR SNANG BA DE GSAL BA

YIN NO, RNAM PAR SHES PA THAMS CAD KYI RANG GI RANG BZHIN YANG DNGOS SU SNANG BA YIN NO, ,RANG GI NGO BO NYID NI LKOG TU GYUR PA MA YIN TE RANG GI NGO BO MED PAR THAL BA'I PHYIR RO, ,DE'I PHYIR MI GSAL BA THAMS CAD NI LKOG TU GYUR PA YIN NO, ,RMI LAM GYI SHES PA DBANG PO MED KYANG GSAL BA'I RANG BZHIN YIN NO, ,DES NA DBANG PO NI DON NYID LA 'JUG PAR BYED PA YIN LA, DE MED NA NI DON MED PA CAN NYID DO, ,DES NA SKRA'I SHES PA NI DON MED PA CAN YIN TE, DE LA SKRA THOB PA NI MED DO, ,DE'I PHYIR DON LA LTOS NAS DON MED PA CAN YIN NO ZHES BYA BAR GDENG BA YIN NO, ,GAL TE SHES PA'I RANG BZHIN GYI DON YIN NA SPYI YANG RANG GI MTSAN NYID DANG, GSAL BAR SNANG BAR THAL BA'I PHYIR 'GAL LO ZHE NA, MI 'GAL TE, 'DI LTAR, GAL TE SPYI NI SHES NGO BOS, ,DON NYID YIN NA THAL BAR 'GYUR, ,DE LTAR 'DOD PHYIS SKYON YOD MIN, ,DON GYI NGO BO NYID KYIS SPYI, ,SHES PA'I RANG BZHIN NYID KYIS NA RANG GI MTSAN NYID DANG GSAL BAR SNANG BA NI SPYI LA YOD PA NYID DO, ,DE'I GSAL BAR SNANG BA NYID NI DE LTA BUR GYUR PA KHO NA YIN NO, ,DON NI MI GSAL BA NYID DU 'GYUR BA YIN TE, GZHAN LA LTOS NAS GZHAN MI GSAL BAR SNANG BA NYID DU SNANG BA'I PHYIR RO, ,SHES PA'I RNAM PA NI DE NYID YIN TE, GANG LA LTOS NAS DE MI GSAL BA NYID DU BRJOD PAR 'BYUNG, DE'I PHYIR RANG GI NGO BO GSAL BAR SNANG BA'I PHYIR MI GSAL BA NYID DU GA LA 'GYUR, RNAM PA THAMS CAD SNANG BA GANG YIN PA 'DI NYID GSAL BA NYID YIN NO, ,DON GYI RANG BZHIN NI GZHAN YIN PA'I PHYIR, DE MI SNANG NA MI GSAL BA NYID DU SNANG BA YIN NO, ,'O NA DE JI LTAR DE SPYI NYID DANG, MI GSAL BAR SNANG BA YIN ZHE NA, BSHAD PA PHYI ROL GYI DON GYI NGO BO NYID KYIS SPYI NYID DO, ,DPYAD PAS NA NGO BO STE NGES PAR BRTAGS PA ZHES BYA BA'O, ,DON DU NGES PAR BRTAGS PAS SPYI NYID DANG, DON MI GSAL BAR SNANG BA NYID DO, ,DE MI GSAL BA NYID DANG SPYI'I RNAM PA NI LKOG TU GYUR PA NYID KYIS YIN NO, ,'DI LTAR, KUN LA NGO BO MTSUNGS PHYIR DANG, ,DE LDOG PA LA BRTEN PHYIR RO, ,RNO BA DANG ZHAN PA DANG DRAG PA DANG, TZAM DAN GYI LA SOGS

, ,PA THAMS CAD LA NGO BO MTSUNGS PA NYID DE, SNANG BA DANG BRTAGS PA'I DON GCIG TU BYAS PA'I PHYIR GCIG NYID DU LHAG PAR ZHEN PAS DE THUN MONG NYID DU RTOGS PA'I PHYIR RO, ,'DI LTAR MTSUNGS PA RNAMS KYI NGO BO YIN PAS NI DE SPYI NYID DU NYE BAR RTOGS PA YIN NO, , SHES PA'I RNAM PA YANG GSAL BA DE'I RANG BZHIN DU ZHEN PA YIN NO, ,KHRA BO LA SOGS PA GSAL BA MTHA' DAG LA GNAS PA NYID KYIS SPYI'I RNAM PAR GYUR PA'I SHES PA'I RNAM PA KHYAD PAR DU GYUR PA NI KUN RDZOB TU SPYI'I NGO BO NYID YIN TE, DE LTAR LHAG PAR ZHEN PA'I PHYIR RO, ,DE LA DE LAS SKYES PA'I LHAG PAR ZHEN PA'I RGYU NI BAG CHAGS KYI KHYAD PAR YANG YIN NO ZHES BYA BA NI KHA NA MA THO BA MED PA YIN NO, ,DE NI LDOG PA'I KHYAD PAR DE LA BRTAN NAS BYUNG BA'I PHYIR RO, ,DE NI BRGYUD NAS LDOG PA'I DON LA BRTEN NAS SKYES PA'I PHYIR DANG, LDOG PA'I DON RNAMS LA 'JUG PAR BYED PA YIN PA'I PHYIR RO, ,LDOG PA DE NYID NI SPYI YIN TE, LDOG PA NYID NI THAMS CAD LA KHYAD PAR MED PA'I PHYIR DANG, LDOG PA DANG 'BREL PAS DON GYI RNAM PA YANG LDOG PA'I RANG BZHIN YIN PA'I PHYIR RO, ,CI LTAR RNAM PA SPYI YIN, GZUGS LA SOGS PA NYID KHYAD PAR MED PAS RJES SU DPAG PA'I SPYOD YUL GYI SPYI MA YIN NAM, GSAL BA GZHAN MA SPANGS PA'I GSAL BA NYID SPYIR BRJOD PA YIN TE, GSAL BA MTHA' DAG SPANGS NAS NI RJES SU DPAG PA TSAD MA MA YIN PAR THAL BAR 'GYUR RO, ,DE'I PHYIR RJES SU DPAG PA TSAD MAR KHAS LEN PAS NI GDON MI ZA BAR MTSON ZIN PAS MTSON PA NYID KYIS GSAL BA YUL NYID DU KHAS BLANG BAR BYA DGOS KYI, RNAM PA TZAM GYI MTHAR THUG PA NI MA YIN TE, 'JUG PAR BYED PA NYID MA YIN PAR THAL BAR 'GYUR BA'I PHYIR RO, ,SPYI 'BA' ZHIG 'DZIN PA LA YANG SKYON 'DI NYID YIN NO, ,DE'I PHYIR SHES PA'I RANG BZHIN GYI DON SPYIR SMRA BA RNAMS KYI, SHES PA'I RNAM PA DE LAS GSAL BA RJES SU DPAG PA'I PHYIR SPYI'I RJES SU DPAG PAS GSAL BA'I YUL CAN DU 'GYUR RO, ,DE LA SPYIS KYANG GSAL BA DPOG PA NI MA YIN TE, DE LA YANG SPYI SNANG BAR 'GYUR BA'I PHYIR 'JUG PAR BYED PA MA YIN PA'I PHYIR RJES SU DPAG PA'I DON MED

PA NYID DO, ,SPYI BRGYUD PA DE TZAM DU ZAD PA NI MA YIN TE, SPYI LAS SPYI RJES SU DPOG CING DE LAS KYANG SPYI GZHAN DPOG PA'I PHYIR THUG PA MED PAR 'GYUR RO, ,DE'I PHYIR MTHAR YANG GSAL BA RTOGS PAR BYA BA YIN PA'I PHYIR GSAL BA NYID SPYI YIN NO ZHE NA, DE YANG MI BDEN TE, 'DI LTAR, BRJOD PA NYID PHYIR TE DNGOS MIN, ,DBANG SOGS 'BRAS BCAS NYID PHYIR RO, ,MING SOGS BRJOD NA 'CHAD PA PO, ,NYAN PO BRJOD BYA RJES 'BREL PHYIR, ,MING SOGS 'BREL PA MED PA CAN, ,DON LA 'JUG PAR MI 'GYUR RO, ,SPYI'I GZUGS LA SOGS PA NYID NI SPYI'I SHES PAS RTOGS PA'I SPYI MA YIN NO, ,GZUGS LA SOGS PA RE RE'AM MTHA' DAG SPYI'I SHES PAS RTOGS GRANG, GAL TE MTHA' DAG RTOGS NA NI DE'I TSE DBANG PO'I TSOGS 'BRAS BU MED PAR 'GYUR TE, SGRA LAS SKYES PA'I SPYI'I SHES PA GANG YIN PA DES GSAL BA'I RANG BZHIN THAMS CAD RTOGS PA'I PHYIR RO; ,MIG LA SOGS PA DBANG PO'I RTOGS NI GSAL BA RTOGS PA'I DON DU 'DOD PA YIN NA, GSAL BA DE NI MIG LA SOGS PA DANG BRAL YANG RTOGS PA'I PHYIR DBANG POS CI ZHIG BYA, DBANG PO NI BDE BA'I DON DU 'DOD PA YIN TE, 'DI LTAR DBANG PO LA BRTEN NAS 'GYUR BA'I BDE BA DE NI GZHAN DU MA YIN NO ZHE NA, DE YANG MI BDEN TE, DE YANG SGRA NYID LAS RTOGS PA'I PHYIR RO, ,DBANG PO MED PAR SGRA LAS NI, ,BDE SKYE MA YIN BDE SKYE BAR, ,RTOGS TZAM YIN NA SGRA LAS KYANG, ,BDE BA DE NYID SKYE BA YIN, ,GAL TE DE YANG RTOGS SAM LAS, ,BDE BA SKYE BA MED CE NA, , BDE BA SKYE BA'I NGO BOR NI, ,RTOGS PA CI LTAR DE MA YIN, ,GAL TE BDE BA SKYE BA'I RANG BZHIN DU RTOGS KYANG DE LTAR MA YIN NA, DE LTAR GYUR NA NI RTOGS PA GZHAN LA YANG CI ZHIG YID BRTEN DU YOD, RTOGS PAR GYUR PA KHO NA YOD PA YIN NO, ,'ON TE DBANG PO'I TSOGS DON MED PA YIN YANG LAS KYI DBANG GIS SKYES PA YIN NO ZHE NA, SKYES SU CHUG MOD MIG ZHAR YANG BZHUGS MTHONG BAS DE 'BRAS BU MED PA NYID DU RTOGS PAR 'GYUR DGOS NA, DE LTA NA NI MA YIN NO, ,DE'I PHYIR GSAL BA NYID SGRA LAS RTOGS PA NI MA YIN NO, ,DES NA GZUGS LA SOGS PA'I RANG BZHIN NI SPYI MA

, ,YIN NO, ,DE LTA NA NI 'O NA MING LA SOGS PA'I RANG BZHIN DU 'GYUR BA YIN PAS DBANG PO'I TSOGS 'BRAS BU MED PA MA YIN NO ZHE NA, DE YANG MI 'THAD DE, MI LDAN 'DU BYED 'CHAD PO DANG, ,NYAN PO'AM DON DANG 'BREL PA'AM, ,'BREL MED 'CHAD PO LA SOGS DANG; ,'BREL NA DON LA 'JUG MI 'GYUR, ,'CHAD PA PO DANG NYAN PA PO DANG 'BREL PA'I MING DANG MTSAN MA RTOGS NA DON RTOGS PA NI MA YIN NA, MA RTOGS PA'I DON LA JI LTAR 'JUG PAR 'GYUR, MA RTOGS PA LA YANG 'JUG NA NI THAMS CAD LA 'JUG PAR THAL BA'I PHYIR DANG RTOGS PA DON MED PAR THAL PA'I PHYIR DE NI RIGS PA MA YIN NO, ,'ON TE 'DI SNYAM DU MTSAN MA GANG YIN PA DON GANG YIN PA DE GNYIS NI TSUL 'DRA BA'I PHYIR GCIG RTOGS PAS KYANG GZHAN LA 'JUG PA YIN, DPER NA TZITRA AA GA DA DANG, SNA TSOGS BRTZON 'GRUS ZHES BYA BA'I MTSE MA GNYIS LAS GCIG BRJOD PAS DER GZHAN LA 'JUG PAR MI 'GYUR BA NI MA YIN PA BZHIN NO ZHE NA, DE YANG MI 'THAD DE, DER 'KHRUL 'DIR NI MA 'KHRUL YIN, ,'KHRUL NA DNGOS PO RIG MI 'GYUR, ,'KHRUL KYANG DNGOS PO RIG CES PA, ,'DI NI PHAN TSUN 'GAL BA YIN, ,GAL TE MING DANG MTSAN MA SNANG BA YIN NA BLO DE JI LTAR 'KHRUL PA YIN, 'KHRUL PA YIN NO ZHE NA NI, DMIGS PA MED PA NYID DE, DE LTAR GYUR NA NI MING DANG, MTSAN MA RTOGS PAR MI 'GYUR TE, MING DANG MTSAN MA'I RANG BZHIN SNANG BA MED PA'I PHYIR RO, ,DE LA YANG MING DANG MTSAN MA GZHAN RTOGS NA NI THUG PA MED PAR 'GYUR RO, ,DE'I PHYIR MTSE MA DAG LAS 'KHRUL PAR SHES PA LA YANG MING DANG MTSAN MA SNANG BA NYID YIN PAS DPE MA GRUB BO, ,DER YANG DE RTOGS PA NYID KYIS 'JUG PA'I PHYIR JI LTAR DON LA 'JUG PAR 'GYUR ZHES BYA BA'I RTZOD PA NI DE LA YANG YOD PA'I PHYIR DPE NI BSGRUB BYA'I PHYOGS SU BZHAG PA NYID DO, ,KHAS BLANGS NAS KYANG BRJOD PA NI, ,GAL TE DON LA TSUL 'DRA LAS, ,'KHRUL 'JUG 'GYUR NA DUS KUN DANG, ,YUL LA 'KHRUL MIN SHES PA LA, ,MTSUNGS MIN RNAM PA DE 'DRA'I BLO, ,SKYE PHYIR GZHAN LA DE MED DE, ,BLO NI KHAS LEN MED PHYIR RO, ,PHYI ROL DON DU SNANG BA CAN, ,KHAS LEN NA YANG RNAM SHES

LAS, ,THA DAD PA NI TSAD CAN MIN, ,LDOG PA GRUB PA MED PHYIR RO, ,GAL TE GZHAN RTOGS KYANG PHYI ROL LA 'JUG PA 'DI TSUL 'DRA BAS BSKYED PA'I 'KHRUL PA'I RGYU CAN YIN NA DE'I TSE DUS THAMS CAD DU MI 'GYUR RO, ,MTSE MA DAG GCIG RTOGS PA NA DUS THAMS CAD DU GZHAN KHO NA LA 'JUG PA NI MA YIN TE, DE LA YANG 'JUG PA MTHONG BA'I PHYIR RO, ,LUS CAN DANG LUS CAN MA YIN PA'I TSUL 'DRA BA YANG MED DE MTHUN PA MED PA'I PHYIR RO, ,DE YOD NA YANG MI LDAN PA'I 'DU BYED DU MI 'GYUR TE, GZUGS LA SOGS PA'I RANG BZHIN YIN PA NYID KYIS GZUGS KYI PHUNG PO'I NANG DU 'DUS PA'I PHYIR RO, ,GZHAN YANG YUL 'DI NYID DU RTOGS SO ZHES YUL LA 'KHRUL PAR YANG MI 'GYUR RO, ,DE DANG GZHAN GYI YUL DAG GI TSUL 'DRA BA MA YIN NO, ,'ON TE YUL YANG RANG GI NGO BOS RTOGS PA NI MA YIN NO, ,'O NA CI ZHE NA, DE YANG DE MING DANG MTSAN MA 'KHRUL PAS RTOGS PA YIN NO ZHE NA, DE LTA NA NI 'O NA YUL ZHES BYA BA RTOGS PA MED PA'I PHYIR YUL GYI KHYAD PAR LA 'JUG PAR MI 'GYUR RO, ,YUL MED PA'I SEMS DANG SEMS LAS BYUNG BA RTOGS PAS NI YUL GYI KHYAD PAR DANG 'BREL PA'I GZUGS LA SOGS PA 'GA' ZHIG LA 'JUG PA NI MA YIN NO, , GCIG TU ZHEN PA'I PHYIR 'JUG PA YIN NO ZHE NA, GCIG TU ZHEN PA ZHES BYA BA 'DI CI ZHIG ,MING DANG MTSAN MA LA 'JUG PA'I YUL GYI DON DU YIN PAR RTOGS PA'O ZHE NA, JI LTAR GZHAN LA GZHAN DU RTOGS TE, BUM PA NI SNAM BU'I RANG BZHIN DU RTOGS PA MED DO, ,DE'I RANG BZHIN DER LHAG PAR ZHEN PAR BYAS PA'I PHYIR RO ZHE NA, 'O NA NI LHAG PAR ZHEN PAR BYAS PA GANG YIN PA DE NYID RTOGS PAR 'GYUR GYI MING DANG MTSAN MA NI DRI TZAM YANG MA YIN NO, ,GANG LHAG PAR ZHEN PAR BYAS PA DE NYID LA 'JUG PAR 'GYUR GYI PHYI ROL GYI DON LA NI MA YIN NO, ,CI STE DE LA MING DANG MTSAN MAR LHAG PAR ZHE NA PA YIN NO ZHE NA, DE LTAR YIN NA MING DANG MTSAN MA NYID RTOGS PA YIN PAS CI LTAR PHYI ROL LA 'JUG ,NYA PHYIS LA DNGUL DU ZHEN PA NI JI LTAR NYA PHYIS LA 'JUG CE NA, NYA PHYIS KYANG DE NA YOD PA'I PHYIR DANG, YUL DE YANG MNGON SUM GYIS GZUNG BA'I PHYIR RO, ,MING DANG MTSAN MA'I

, ,YUL NI YONGS SU 'DZIN PA MA YIN TE, YUL YONGS SU 'DZIN PA NI YUL NA GZHAN PAR 'GYUR RO, ,DE NI GZHI'I DON GYI YUL YIN NO ZHE NA MA YIN TE, RNAM PAR DBYE BA MED PA'I PHYIR RO, ,NYA PHYIS KYI YUL YIN GYI DNGUL GYI MA YIN PA DE BZHIN DU 'DIR YANG YIN NO ZHE NA, MA YIN TE DNGUL NI MED PA'I PHYIR YUL MED PA YIN GYI, MING DANG MTSAN MA NI YUL MED PA MA YIN NO, ,DNGUL NI MTHONG BAS SGRO 'DOGS PA YIN NO, ,MING DANG MTSAN MA NI MTHONG BA MED DE, DE NI SGRO 'DOGS PA'I DUS NYID KYI TSE MTHONG BA YIN PA'I PHYIR RO, ,DE'I PHYIR 'DI NI SGRO BTAGS PAS 'JUG PA MA YIN NO, ,BRAM ZE'I KHYE'U LA MER RTOGS PA BZHIN DU BLO 'KHRUL PAS GZUNG BA NYID KYANG MA YIN NO, ,SHIN TU GOMS PA'I PHYIR MA YIN NO ZHE NA, SHIN TU GOMS SO ZHES BYA BA 'DI GA LA RTOGS TE TSAD MA MED PA'I PHYIR RO, ,TSAD MAS RTOGS NA DE LTAR THA SNYAD BYA BA YIN GYI GZHAN DU NA MA YIN NO, ,GZHAN DU NI THA SNYAD 'THAD PA MA YIN NO, ,DE NYID KYIS BRTAG PAR BYA BA YIN PA DE NI TSAD MA MED PA MA YIN NO ZHE NA, MA YIN TE, DE LTA MA YIN YANG THA SNYAD 'DOGS PA'I PHYIR RO ZHES 'CHAD PAR 'GYUR RO, ,GANG GI SGRA LAS DON LA REG PA MED PA CAN RANG GI RNAM PAR NYID KYIS SHES PA SKYE BA DE'I LTAR NA DON LA 'JUG CE NA, SHES STE SHES PA'I RNAM PAR BRJOD PAR BYA BA YIN PA LA NI MTSUNGS PA MA YIN TE, 'KHRUL PA'I BLO SKYE BA'I PHYIR RO, ,BAG CHAGS KYI STOBS KYIS DE LTAR SKYE BA NA RANG GI NGO BO NYID LA KHYAD PAR CAN GYI YUL NA GNAS PA'I DON DU RLOM PAS THA SNYAD 'DOGS PA PO 'JUG PAR BYED PA'I PHYIR 'DI LA 'GAL BA CUNG ZAD KYANG MED DO, ,'DI LTAR CI SRID RANG GI NGO BO LA DON DU SGRO BTAGS PAS 'JUG PA BYED PA DE TZAM GYIS 'DI YI THA SNYAD YONGS SU RDZOGS PA'I PHYIR GZHAN GYIS CI BYA, MING DANG MTSAN MA DON DU RLOM PA LA RNAM PAR RTOG PA GNYIS TE, RTOGS NAS DON GYI RNAM PA NYID DU LHAG PAR ZHEN PAR BYED DAM, 'ON TE MA RTOGS PAR GAL TE SGRA'I RNAM PAR SHES PAS MING DANG MTSAN MA RANG GI NGO BOR RTOGS PA YIN NA, JI LTAR DE DON DU RTOGS PAR 'GYUR, RANG GI NGO BO LA RTOGS PA NI GZHAN GYI RNAM PAR LHAG PAR ZHEN

PAR BRJOD PA MA YIN NO, ,RNAM PA GZHAN NI DE MA YIN TE, RNAM PA THA DAD PA KHO NA THA DAD PA YIN PA'I PHYIR RO, ,DE'I PHYIR MING DANG MTSAN MA NI DON GYI RNAM PAR RTOG PA MA YIN NO, ,RNAM PA 'DI NI DON GYI MA YIN TE, DE LA DON MED PA'I PHYIR RO, ,MING DANG MTSAN MA YANG MA YIN TE; DE MI 'THAD PA'I PHYIR RO, ,RNAM PA DE NI SHES PA NYID KYI YIN PA DE MCHOG YIN NO, ,SHES PA'I RNAM PA DE NYID DON NYID DU RTOGS PA YIN GYI BAR GYI SHA LHAG PA'I MING DANG MTSAN MAS CI ZHIG BYA, SHES PA NI BRGYUD NAS DE LAS SKYES PA'I PHYIR DON GYI RNAM PA DANG LDAN PA ZHES BYA BAR RIGS NA; MING DANG MTSAN MA'I DON GYI RNAM PA CAN YIN NO ZHES BYA BA 'DI GA LAS YIN DON GYI RNAM PA DANG LDAN PA NYID LA NI TSAD MA CUNG ZAD KYANG YOD PA MA YIN NO, CI STE DON GYI RNAM PA NI MING DANG MTSAN MA YIN NO ZHE NA, 'O NA NI DE NYID DON YIN PAS DBANG PO'I TSOGS PA DON MED PA MA YIN PAR MI 'GYUR RO, ,CI STE YANG DE NI DON BYA BA BYED PA MA YIN PAS NA, DBANG PO'I TSOGS NI DON BYA BA BYED PA 'DZIN PA'AM 'BRAS BU DANG BCAS PA YIN NO ZHE NA, DE YANG MI RIGS TE, DON BYA BA BYED PA MA BZUNG BA'I PHYIR 'JUG PAR BYED PA MA YIN PA NYID DU 'GYUR RO, ,LHAG PAR SGRO BTAGS PA LAS 'JUG PA YIN NO ZHE NA, LHAG PAR SGRO BTAGS PA DE NI SHES PA'I RNAM PA NYID DO ZHES BSHAD ZIN TO, ,DE LTA MA YIN NA NI DER YANG MING DANG MTSAN MA GZHAN YIN LA, DE LA YANG GZHAN YIN PA'I PHYIR THUG PA MED PAR 'GYUR BAS LAN DU MI RUNG NGO, ,DE LA YANG 'KHRUL PA NYID DU 'DOD NA NI MING DANG MTSAN MA LA TSAD MA MED PAR 'GYUR BA'I PHYIR RO, ,'KHRUL PA'I SHES PAS NI DON RNAM PAR 'JOG PA MA YIN NO, ,RNAM PA YANG DE NYID DON RNAM PAR 'JOG PAR BYED PA YIN NO ZHE NA, MA YIN TE LDOG PA MED PA'I PHYIR RO, ,MDO SDE PA BZHIN DU MING DANG MTSAN MAR SGRUB PA LA NI LDOG PAR GRUB PA MED DE, MING DANG MTSAN MA'I YUL CAN DU 'DOD PA'I BLO NI YID LA BYED PA LA SOGS PA TZAM LAS 'BYUNG BA'I PHYIR RO, ,SHES PA DON GYI RNAM PA CAN DU KHAS LEN NA NI DE DON GYI RNAM PA NYID NA PAR RIGS SO, ,CI'I PHYIR RNAM PA MI GSAL ZHE NA, MA YIN

, ,TE; TSOGS PA'I BYE BRAG GI RNAM PA CHA 'GA' ZHIG SKYED PA'I PHYIR RO, ,GANG LAS RNAM PA GANG 'GYUR BA DE BDAG NYID THAMS CAD KYIS 'GYUR BA NI MA YIN TE, CHA 'GA' ZHIG GIS 'DRA BA'I BU BZHIN NO, ,GAL TE SHES PA THAMS CAD DON GYI RNAM NYID MA YIN TE, DE LA SNGON PO LA SOGS PA'I RNAM PA SNANG BA GANG YIN PA DE NI DON NYID YIN NO, ,DE LA SNGON PO LA SOGS PA'I RNAM PA THAMS CAD NI DON YIN GYI SHES PA NI MA YIN TE, DES NA SHES PA THAMS CAD DON DANG LDAN PA YIN GYI RANG GI RNAM PA NI 'GA' YANG MED PA'I PHYIR GANG LAS 'KHRUL PA YIN, RNAM PA 'DI NI SHES PA MA YIN TE PHYI ROL GYI NGO BOR SNANG BA'I PHYIR RO ZHE NA, DE NI MA YIN TE, SHES KUN DON LDAN PHYIR ZHE NA, ,'THAD MIN RMI SOGS RNAM GZHAN DU, ,MTHONG PHYIR 'DU BYED LAS KYANG MIN, ,SNGO LA SOGS PA SNANG PHYIR RO, ,THOG MED PHYIR NA SNGO SOGS MIN, ,RUNG YUL GNAS PAS MI SHES PA, ,RANG NYID SHES PHYIR DE SHES YIN, ,DES NI MING SOGS BRJOD PA YIN, ,SHES PA THAMS CAD DON DANG LDAN PA YIN NO ZHES BYA BA'I KHYAB PA GA LAS YIN, MDUN NA GNAS PA'I RNAM PAR NYAMS SU MYONG BA TZAM GYIS NI DON DANG LDAN PA MA YIN NO, ,DE LTA YIN NO ZHE NA NI 'KHRUL PA DANG MA 'KHRUL PA'I RNAM PAR DBYE BAR MI 'GYUR TE, MTHA' DAG DMIGS PA DANG BCAS BAS PA'I PHYIR RO, ,DMIGS PA DANG BCAS PA YIN YANG DON BYA BA MI 'THOB PA'I PHYIR 'KHRUL PA NYID DU THA SNYAD BYE DO ZHE NA, DE LTAN 'O NA DMIGS PA MED PA NYID YIN YANG DON BYA BA THOB PAS THAD MAR THA SNYAD BYA BAR CI STE MI 'DOD, 'DI LA DE KHO NA NYID CI YIN ZHE NA, DMIGS PA MED PA MED PA NYID DO, ,'DI LTAR RMI LAM LA SOGS PA DAG NA DMIGS PA MED PA NYID YIN YANG MDUN NA GNAS PA 'DZIN PA MTHONG BA'I PHYIR NA GZHAN DU YANG DE MTHONG BA LAS DMIGS PA DANG BCAS PAR NI MI 'THAD DO, ,BZLOG PAR CI LTAR MI 'GYUR ZHES BYA BA YANG LAN MA YIN TE, DMIGS PA DANG BCAS PA NYID NI GRUB PA MED PA'I PHYIR RO, ,DMIGS PA DANG BCAS PA NYID NI 'GAR YANG GRUB PA MA YIN NO, ,SAD PA'I GNAS SKABS YIN NO ZHE NA, 'O NA NI GNAS SKABS DE BZHIN DU MED

PA'I PHYIR DER SHES PA DMIGS PA MED PAR 'GYUR RO, ,DE'I PHYIR MA NGES PA YIN TE, RMI LAM LA SOGS PA NA RNAM PA GZHAN DU MYONG BA'I PHYIR RO, ,CI STE RMI LAM GYI SHES PA YANG MING DANG MTSAN MA LA DMIGS PA YIN TE, DES NA RMI LAM GYI SHES PA DMIGS PA MED PA ZHES BYA BAR MA GRUB BO ZHE NA, 'DI LA SMRAS PA, RMI LAM GYI SHES PA NI MING DANG MTSAN MA LA DMIGS PA MA YIN TE, SNGON PO'I RNAM PAR DMIGS PA'I PHYIR DANG, MING DANG MTSAN MA NI RNAM PA DE MED PA'I PHYIR RO, ,DER SNGON PO LA SOGS PA NYID DMIGS PA YIN NO ZHES BYA BAR MI 'THAD DE, RNAM PA DE NI SNGON PO LA SOGS PA DANG MI MTHUN PA'I PHYIR RO, ,BDEN PA'I SNGON PO LA GOS PA DE LA NI THOGS PA MED PA NYID YOD PA MA YIN LA, RMI LAM GYI SNGON PO NI DE LAS BZLOG PA YIN PA'I PHYIR RO, ,DE LTAR YANGS PHYOGS SHIN TU DOG PAR YANG GLANG PO CHE'I KHYU MCHOG MTHONG BA'I PHYIR DANG, GANG GI NANG NA GNAS PAS MTHONG BA DER NI GLANG PO CHE'I KHYU'I GO SKABS MED PA'I PHYIR DANG, BCAD PA'I NANG NAS PHYIR 'GRO BA'I YANG NUS PA ME PA'I PHYIR DANG LANG PO CHE'I KHYU'I 'BRAS BU KHA BAD BSHIG PA LA SOGS PA MA MTHONG BA'I PHYIR RO, ,ME'I 'BRAS BU TSIG PA LA SOG PA YANG MA MTHONG BA'I PHYIR RO, , GAL TE GZUGS LA SOGS PA THOGS PA MED PAR DE LTA BUR GYUR PA KHO NA SKYES PA YIN NO ZHE NA, DE LTA YIN NA NI DER SAD PA THAMS CAD KYIS CI'I PHYIR MA MTHONG BA DE LA DE 'DRA BA'I TSOGS PA MED PA'I PHYIR TE, RMI LAM GYI GZHUG SLA SOGS PA MTHONG BAR RGYU NI GNYID TSOGS PA CAN YIN NO ZHE NA, GAL TE GNYID TSOGS PA DANG LDAN PA YIN NA THAMS CAD KYIS MTHONG BAR 'GYUR NA, DE LTA NI MA YIN TE, YUL DE NYID DU GNYID LOG PA RNAMS KYIS RMI LAM GZHAN MTHONG BA'I PHYIR RO, ,RNAM PA GZHAN DU MTHONG BA NI 'DU BYED KYI KHYAD PAR GYIS YIN TE, 'DI LTAR SAD PA'I GNAS SKABS NA GANG GIS 'DU BYED PA YOD PA DE LTA BU NYID MTHONG BAR 'GYUR BA'I PHYIR THAMS CAD KYIS THAMS CAD MTHONG BA MA YIN NO ZHE NA, 'DU BYED NI 'DUS BYAS PA'I RNAM PAR SHES PA'I RGYUN LAS THA DAD PA GZHAN MED PA MA YIN NAM, DES NA DE LAS SKYES PA'I RNAM PAR SHES PAS YUL NYE BAR

, ,'DZIN PA'I PHYIR NYE BA THAMS CAD 'DZIN PAR THAL BAR 'GYUR TE, MIG LA SOGS PA'I RNAM PAR SHES PA SKYES PA NA NYE BA RNAMS LAS KYANG 'GA' ZHIG 'DZIN PAR NI 'THAD PA MA YIN NO, ,DE'I PHYIR RMI LAM DU NI 'GA' YANG SKYES PA MED DE RNAM PA THA DAD PAR 'DZIN PA'I PHYIR RO, ,SNGON GYI RANG BZHIN MA MTHONG BA LA NI RNAM PA THA DAD PAR 'THAD PA YIN TE, SNGON MTHONG BA GANG GIS 'DU BYED YOD PA DE NYID DES MTHONG BA YIN GYI GZHAN GYIS NI SNGON MED PA'I PHYIR, MTHONG BA MA YIN NO, ,'O NA NI PHYIN CI LOG TU SNANG BA YIN TE, SNGON GYI DUS DE NYID DE'I DUS SU MTHONG BA YIN NO ZHE NA MA YIN TE, DE'I DUS NYID MED PA'I PHYIR RO, ,DE NYID KYI PHYIR PHYIN CI LOG TU SNANG BA YIN NO ZHE NA 'DI LA BRJOD PA, CI GA SNANG BA LOG PA'AM, ,YANG NA LOG PA SNANG BA 'DOD, ,GAL TE PHYIN CI LOG SNANG NA, ,DE LA PHYIN CI LOG YOD MIN, ,GAL TE PHYIN CI LOG SNANG BA YIN NA DE LA NI PHYIN CI LOG NYID YOD PA MA YIN NO, ,PHYIN CI LOG YIN NO ZHE NA, THAMS CAD KYIS DE LTAR 'DZIN PAR THAL, DE DAG KYANG PHYIN CI LOG SNANG BA YIN NO ZHE NA, 'DI NI MTSAR PO MA YIN TE, GAL TE THAMS CAD LOG PA NI, ,SNANG NA LOG PA GANG LA LTOS, ,'KHRUL PA NYID DU LTOS NAS NI, ,'KHRUL PA NYID DU 'GYUR BA MIN, ,'KHRUL PA NYID LA LTOS NAS NI, ,DE LTA BUR GYUR PA DE LAS GZHAN PA DAG KYANG 'KHRUL PA NYID DU BRJOD PA NI MA YIN NO, ,GZHAN YANG, GZHAN LA MNGON PAR 'DOD PA YI, ,LOG SNANG DE NI GZHAN LA 'ONGS, ,'DAM DU LTUNG BAR MI BYA'O, ,MNYAM PA DE NI 'DAM DU LTUNG, ,RMI LAM GYI MTHONG BA PHYIN CI LOG SNANG BA YIN PAR BSGRUB PAR BYA'O SNYAM PAS SAD PA PHYIN CI LOG PA SNANG BAS BSGRUBS SO, ,CI STE SNANG BA PHYIN CI LOG YIN NO ZHE NA, 'O NA NI YANG PHYIN CI LOG NYID 'DI NI SNANG BA KHO NA YIN GYI, DON NI MA YIN PAS DON DE NYID KYI NGO BOR SNANG BA'I PHYIR PHYIN CI LOG PAR SNANG BA CI YOD, ,PHYIN CI LOG CES BYA BA GANG YIN PA DE'I RANG BZHIN NI SNANG BA YIN NO, ,GANG GIS GZHAN YANG DE LTAR RTOGS PAR 'GYUR BA SNANG BA'I RANG BZHIN GZHAN NI GZHAN GYIS MA YIN TE, SHES PA RNAMS NI THA DAD PA'I PHYIR RO ZHE NA, DE LTA NA NI 'O NA SHES PA NYID DE LTAR RTOGS PA

YIN PA'I PHYIR RMI LAM GYI MTHONG BA DMIGS PA DANG BCAS PA NYID MA YIN NO, ,'DI LTAR, DUS DER DON DE YOD MIN PAR, ,'DU BYED LAS NI DE LTAR SKYES, ,YOD MIN MTHONG BA MA YIN TE, ,SHES PA KHO NAS RANG NYID RIG ,YUL GZHAN NA GNAS PA YUL GZHAN DU MTHONG BA ZHES BYA BA NYID RIGS PA YIN YANG, DE'I TSE YOD PA MA YIN PA DUS GZHAN DANG 'BREL PA GO CI LTAR MTHONG BAR 'GYUR BA YIN, DE'I PHYIR SNGON MTHONG BA LAS DE LTAR SKYES PA'I SHES PA KHO NA RIG PA YIN GYI DON NI MA YIN TE, DE NI MED PA'I PHYIR RO, ,GAL TE DUS GZHAN YANG DUS DE YIN PAR MTHONG NA NI, ,SAD PA'I GNAS SKABS KYI KA BA LA SOGS PA MTHONG BA THAMS CAD DU PHYIN CI LOG TU SNANG BA YIN PAR 'GYUR RO, ,MA YIN TE DE LA GNOD PAR BYED PA MED PA'I PHYIR RO ZHE NA, GNOD PAR BYED PA MED PA NYID KYANG PHYIN CI LOG TU SNANG BA KHO NA MA YIN NAM, DON THOB PA'I PHYIR PHYIN CI LOG TU SNANG BA MA YIN NO ZHE NA, DON THOB PA YANG PHYIN CI LOG TU SNANG BA KHO NA MA YIN NAM, DON YOD PA LA PHYIN CI LOG TU SNANG BAR CI LTAR 'GYUR ZHE NA, DON MTHONG BA NYID LA JI LTAR THOB PAR BYED, DE'I TSE MED PA'I PHYIR RO ZHE NA, MED NA CI LTAR RIG ,GZHAN GYI TSE NA YOD PA'I PHYIR RO ZHE NA, 'O NA JI LTAR MA THOB, GZHAN GYI TSE NYID YOD PA'I PHYIR TE DE LTAR NI MED PA'I PHYIR RO ZHE NA, 'O NA JI LTAR MTHONG, DE'I DUS KYI RANG BZHIN GYIS THOB PA YANG DE'I DUS SU CI STE MED, MI NUS PA'I PHYIR RO ZHE NA, MTHONG BAR CI LTAR NUS, MTHONG BA NYID KYI PHYIR RO ZHE NA, CI ZHIG MTHONG BA DE NYID MI SHES PA MA YIN NAM, NGO SHES PA'I PHYIR MTHONG BA 'DI NI SNGON GYI YIN NO ZHES NGES SO ZHE NA, MA YIN TE, RMI LAM DANG SKYE BA GZHAN MTHONG BA LA NGO SHES PA MED PA'I PHYIR RO, ,NGO SHES PAR GYUR PA GZHAN DANG CHOS MTHUN PA LAS DER YANG RJES SU DPAG PA YIN NO ZHE NA, DRI ZA'I GRONG KHYER LA SOGS PA LA MED PA'I PHYIR RO, ,DE LA NI NGO SHES PA YOD PA MA YIN NO, ,DE LTA YIN NA NI, THAMS CAD SNGON MA MTHONG BA NYID NGO SHES PAR BYA BA YIN PAR 'GYUR GYI, DA LTAR BA MTHONG BA NI MA YIN PAR 'GYUR 'DIS NI DRAN PA NYAMS PA YANG BSHAD PA YIN NO, ,'JIG RTEN PA MA YIN PA YANG

, ,'DI NYID KYIS BSHAD PA YIN TE, 'DI LTAR 'JIG RTEN PA MA YIN PA GANG YIN, THUN MONG MA YIN PA GZHAN GYIS BLTA BAR BYA BA MA YIN PA'O ZHE NA, 'DIR BRJOD PA, DE NI SHES PA NYID YIN TE, RUNG BA'I YUL NA 'DUG PA GZHAN GYIS MI SHES PA'I PHYIR 'DZIN PA'I RNAM PA BZHIN NO, ,GZUNG BAR BYA BA NYID DU 'DZIN PA'I PHYIR DON NYID YIN GYI SHES PA NI MA YIN NO ZHE NA, DE LA GZUNG BAR BYA BA NYID DU 'DZIN PA NI MED DE, RANG GI NGO BOR 'DZIN PA'I PHYIR RO, ,DON DE NI RANG GI NGO BOR YIN GYI GZUNG BAR BYA BA NYID DU NI MA YIN NO, ,GZUNG BAR BYA BA NYID YIN NA NI, GZUNG BAR BYA BA'I DON DU SNANG BA LAS GZHAN MED PA, YOD PA NI DE NYID YIN PA'I PHYIR DON ZHES BYA BA MED DO, ,GZUNG BA'I RNAM PA NI DON NYE BAR MTSON PA YIN GYI DE NYID NI MA YIN NA, CI LTAR GZHAN GYIS GZHAN MTSON DE'I PHYIR 'DI NI GYI NA'O, ,DON SNYAM PA'I SHES PA SKYE BA'I PHYIR RO ZHE NA, MA YIN TE, 'DI NI SKRA SHAD LA SOGS DON MIN TE, ,DON DU MOS PA MED PHYIR RO, ,ZHES BSHAD ZIN TO, ,'DIS NI MING LA SOGS PA BSHAD PA YIN NO, ,GZHAN YANG SHES PA THAMS CAD MDUN NA GNAS PAR SNANG BA YIN PAS, 'DI LA NI PHYIN CI LOG PAR SNANG BA YIN LA 'DI LA NI MA YIN NO, , 'DI LA NI 'JIG RTEN PA MA YIN PA SNANG LA DE LA NI MA YIN NO ZHES GANG LAS 'GYUR BA YIN NO ZHES BSHAD PA NI, MIG LA SOGS PA'I BLO 'DOD PA, ,DE NYID DON LDAN GANG GIS 'DOD, ,GAL TE DON NUS MTHONG PHYIR NA, ,GZHAN PA DON MED CAN THOB 'GYUR, ,GZHAN YANG MIG LA SOGS PA'I BLO PHYIN CI MA LOG PAR SNANG BA GANG YIN PA DE NYID DON DANG LDAN PA DON NYE BAS BSKYED PAR GANG GIS 'DOD DE 'DI LA RGYU CI ZHIG YOD, SNANG BA NYID DU NI KHYAD PAR MED PA YIN NO, ,RJES SU 'GRO BA DANG LDOG PA DAG LAS DON GYI NUS PA MTHONG BA'I PHYIR RO, ,'DI LTAR DON DE SNGAR GZHAN GYIS MTHONG BA'AM RANG NYID KYI RJES SU DPAG PAS SHES PA YIN LA, PHYIS KYANG THOB PA YIN TE, DES NA DON GYI NUS PA MTHONG BA YIN NO ZHE NA, GAL TE DE LTA NA NI, GZHAN GANG LA DE LTA BU'I TSOGS PA MED PA'I SHES PA DE NI DON MED PA CAN 'THOB PAR 'GYUR RO, ,'DI LTAR 'DI LA NI DON MED PA 'DI LA NI YOD DO ZHES BYA

BA'I BLO NI THA SNYAD PA YIN NO, ,BLO 'DI NI MI SLU BA YANG YIN TE, 'DI LTAR BDAG LA NI SHES PA TZAM ZHIG SKYES KYI 'DI LA DON YOD PA NI MA YIN TE, 'DIR BDAG LA 'DI LTAR SNANG BA NI SNGON GOMS PA'I MTHU LAS YIN NO SNYAM GYI, DE BDAG GIS MTHONG BA'AM BDAG GIS DRAN NO ZHE'AM DON 'DI NI 'JIG RTEN PA MA YIN NO ZHES BYA BAR NI MA YIN NO, ,GNOD PAR BYED PA GANG GIS 'JIG RTEN PA MA YIN PAR RTOGS PA DE NYID KYIS DON MED PA CAN NYID DU 'GYUR RO, ,'JIG RTEN PA NYID DU RTOGS PA NI 'JIG RTEN PA MA YIN PAR MI 'GYUR TE, DE LA PHYIN CI LOG TU SNANG BAR THAL BA'I PHYIR RO, ,DE YANG 'JIG RTEN PA MA YIN PA NYID DO ZHE NA, MA YIN TE, THUG PA MED PAR THAL BA'I PHYIR RO, ,CI STE THUN MONG MA YIN PA NYID DU RTOG PA YIN TE, 'DI GZHAN GYIS RTOGS SO SNYAM PA'I RTOG PA NI MED DO, ,DON GYI YUL CAN MI SHES PA LA NI RJES SU DPAG PA'I RTOG PA YIN PA NYID DU RTOGS PA YIN NO ZHE NA, DE LTA NA NI 'O NA 'DIR DON GZHAN MED PA DE NYID LA RTOGS PA 'DI 'GYUR BA YIN TE, 'DI NI RTOGS PA TZAM YIN NO SNYAM GYI DON YIN NO SNYAM DU RTOG PA NI MA YIN NO, ,DE'I PHYIR 'CHAD PA PO DANG NYAM PA PO DAG DANG 'BREL PAR 'GYUR BA'I MING LA SOGS PA SNANG BAS DMIGS PA DANG BCAS PAR NI RIGS PA MA YIN NO, ,'BREL MED NA YANG 'JUG MI 'GYUR, ,GAL TE DON DANG 'BREL LDAN YIN, ,'DAS DANG MA 'ONGS BRJOD BYA MIN, ,DON DANG DE NI ZAD PHYIR RO, ,GAL TE MING DANG MTSAN MA DON DANG 'BREL PAR KHAS LEN NA, DE'I TSE MI 'JUG PA KHO NA STE, GANG GI PHYIR DE NI DON DANG LHAN CIG TU ZAD PA'I PHYIR RO, ,'BREL PA MED PA LA NI SHIN TU YANG 'JUG PA MED PA YIN NO, ,GANG LA DON DANG 'BREL KYANG 'BA' ZHIG RTOGS PA'I PHYIR MI 'JUG PAR THAL BA DE LA 'BREL PA MED NA NI SHIN TU YANG MI 'JUG PA KHO NA'O, ,'DAS PA DANG MA 'ONGS PA'I DON KYANG MED PA'I PHYIR RO, ,GAL TE MING DANG MTSAN MA YOD PA DE LTA NA YANG, DON LA NI MI 'JUG PA NYID DE, DON GYI RNAM PA MED PA'I PHYIR RO, ,GZHAN RTOGS PAS GZHAN DU 'JUG PA NI MA YIN NO, ,LHAG PA NI BSHAD PA YIN NO, ,SGRA YI SPYI NI BRJOD PA'I PHYIR, ,GAL TE THAL BAR MI 'DOD NA, ,DE MIN SPYI

, ,NI YAN 'GAR BA, ,BRJOD MED PHYIR RO BRJOD NA YANG, ,DE MTSUNGS MIN DANG GSAL BA MIN, ,DES NA RTAG TU DMIGS 'GYUR TE, ,RTAG NYID PHYIR RO GAL TE YANG, ,GSAL LAS MNGON SUM LA GSAL YIN, ,BDAG LA SHES PA BSKYED PA LA, ,NUS PA GANG DE NUS NYID YIN, ,GAL TE 'GA' TSE NUS MED NA, ,DE NI KUN TSE NUS MED 'GYUR, ,GAL TE SPYI SGRA'I SHES PA'I SPYOD YUL YIN NA, SPYI DE'I YAN 'GAR BA'AM GZHAN DU 'DZIN PAR 'GYUR, GAL TE 'BA' ZHIG 'DZIN NA NI GSAL BA MED PAR YANG SHES PAR NI 'GYUR NA, 'ON KYANG 'DAS PA LA SOGS PA NI RTOGS PAR MI 'GYUR RO, ,SPYI NI 'DAS PA LA SOGS PA'I RANG BZHIN YIN NO, ,GAL TE SPYI 'DAS PA LA SOGS PA'I GSAL BA DANG LDAN PA YIN PA'I PHYIR 'DAS PA LA SOGS PAR THA DAD DU BYED CING LHAG PAR ZHEN PAR BYED PA YANG YIN NO ZHE NA, DE LTA YIN NA GSAL BA'I RANG BZHIN DANG LHAN CIG PA NYID DU 'DZIN PAR 'GYUR NA, GSAL BA 'DAS PA LA SOGS PA LA NI RANG BZHIN YOD PA MA YIN PAS JI LTAR 'DAS PA LA SOGS PA'I GSAL BA'I RANG BZHIN GYI SGO NAS 'DAS PA LA SOGS PA'I RANG BZHIN DU RTOG PAR 'GYUR, ,DE'I RANG ZHIN YUL DU MA BYAS PAR NI GZHAN DE'I RANG BZHIN DU 'DZIN NUS PA MA YIN NO, ,CI STE SPYI 'BA' ZHIG GZUNG BA LA YANG THA SNYAD DU 'GYUR BA YIN PA DE'I TSE YANG SKYON GZHAN YIN TE DE DE'I SPYIR MI 'GYUR BA DANG, DES GSAL BAR BYA BAR MI 'GYUR RO, ,DE MED PAR RANG DBANG DU GZUNG BA DE NI 'DI YIN NO ZHE NA, BSNYAD PA'AM DES GSAL BAR BYA BA YIN PAR 'ONGS PA MA YIN NO, ,SGRON MA LA SOGS PA'I SNANG BA NI RANG SHES PA'I SGO NAS RTOGS PA'I RGYU YIN PAS GSAL BAR BYED PA MA YIN NO, ,GAL TE GSAL BA RTOGS PA MED PAR SPYI YAN 'GAR BA RTOG PA MED NA NI GSAL BAS GSAL BAR BYA BAR MI 'GYUR RO, ,DES NA 'DI RTAG TU DMIGS PAR 'GYUR TE, GSAL BAS STONG PA'I SA PHYOGS SU YANG SPYI DMIGS PAR 'GYUR TE, DPER NA SGRA LAS GSAL BA DE MED PA'I YUL DER YANG DMIGS PA BZHIN NO, ,'ON TE GSAL BAR BYED PA'I GSAL BA MED NA DBANG POS 'DZIN PA MA YIN NO, ,SPYI DBANG POS GZUNG BA NI GSAL

BAS GSAL BAR BYA BA YIN TE, DPER NA SGRA LAS BUM PA LA SOGS PA RTOGS PA NI SGRON MA LA SOGS PA LA MI LTOS LA, DBANG POS RTOGS PAR BYA BA NI LTOS PA YIN PA'I PHYIR SKYON MED DO ZHE NA, DE NI MI RIGS TE SGRA LAS NI BUM PA LA SOGS PA'I SPYI NYID RTOGS PA YIN PA DES NA JI LTAR DE NYID DPE YIN PAR 'GYUR TE SPYI NI PHYOGS SU BYAS PA YIN PA'I PHYIR RO, ,PHYOGS NYID NI DPE'I SKYON MED PAR THAL BA'I PHYIR RO, ,DES NA GAL TE SGRA LAS SPYI RANG GI NGO BOS RTOGS NA DE LA MNGON SUM GYI RTOG PAS CI BYA, GAL TE MNGON SUM GYI GZUNG BA MED NA JI LTAR SGRA LAS RTOGS TE 'BREL PA 'DZIN PA MED PA'I PHYIR RO ZHE NA CI SGRA LAS SPYI'I RNAM PA GANG YIN PA DE NYID SPYI YIN NAM, DE STE RANG BZHIN GZHAN YIN, GAL TE DE NYID KYI RANG BZHIN YIN NO ZHE NA, 'O NA NI GSAL BAS GSAL BAR BYAS PA DE NYID MNGON SUM GYIS RTOGS PA YIN TE, RANG BZHIN DE NYID KYIS SHES PA SKYED PAR 'GYUR RO, , 'ON TE GANG ZHIG MNGON SUM GYIS RTOGS PA DE SPYI'I RANG BZHIN YIN NO ZHE NA, DE LTAR YIN NA DE LA BRDAR BTAGS PAS, CI LTAR GZHAN DU RTOGS PA YIN, SGRA'I SHES PA LA YANG MNGON SUM GYIS RTOGS PA'I RANG BZHIN KHO NAR SNANG BAR 'GYUR TE, DE'I RANG BZHIN NI SHES PA GZHAN LA YANG GZHAN GYI RANG BZHIN DU SNANG BAR MI 'GYUR RO, ,SPYI NI RTAG TU DE'I RANG BZHIN NYID YIN PAS THAMS CAD KYI TSE SNANG BAR 'GYUR TE, 'DI LTAR, DE'I NUS PA'AM NUS MED PA, ,NGO BO NYID KYIS GANG GNAS PA, ,RTAG PHYIR BCOS SU YOD MIN NA, ,DE ZAD BYA PHYIR NUS PA GANG, ,SPYI YI RNAM PAR SHES DE LA'ANG, ,RJES 'BREL SNGON PO LA SOGS PA'I, ,RNAM PA'I CHA NI RNAM NGES GANG, ,DE NI DE LA GNAG GIS SPRUL, ,GAL TE SGRA LAS SPYI 'BA' ZHIG RTOGS NA SPYI'I RNAM PA 'BA' ZHIG TU SNANG BAR 'GYUR GYI, SNGON PO LA SOGS PA'I RNAM PA'I CHA'I SKABS YOD PAR GA LA 'GYUR, GSAL BA LAS SO ZHE NA, GSAL BA MI SNANG NA GA LAS GSAL BAS BSKYED PA'I PHYIR ZHES NI MI 'THAD DE, SPYI MED PAR THAL BA'I PHYIR TE, DE LAS THA DAD PAR MI SNANG BA'I PHYIR RO, ,RJES SU SONG BA'I RNAM PA NYID KYANG SNGON PO LA SOGS PA'I RNAM PA LAS GZHAN MA YIN NO ZHES BSHAD ZIN TO, ,DE SPYI'I RNAM PA

, ,YIN YANG DON RNAMS KYI SPYI ZHES BYA BAR NI MI 'GYUR RO, ,GNYI GA YANG SNANG NGO ZHE NA, MA YIN TE DBANG POS GZUNG BA NYID DU 'GYUR RO, ,DBANG POS RTOGS PAR 'GYUR BA'I GSAL BA DBANG PO'I GZUNG BA YIN PA'I PHYIR MI RIGS SO, ,DBANG POS GZUNG BAR BYA BA NYID DU MI 'GYUR RO, ,DBANG POS RTOGS PAR 'GYUR BA'I GSAL BA DBANG PO'I GZUNG BA YIN NO ZHES NI MI RIGS PAR 'GYUR RO, ,SGRA LAS RTOGS PA SPYIR MI 'GYUR TE, DE LTA BUR GYUR BA'I SPYI YOD DO ZHES RTOGS PA NI MED DO, ,YID CHES PA MED PA'I PHYIR DANG SNANG BA THA DAD PA'I PHYIR RO, ,DE'I PHYIR GSAL BA LAS THA DAD PA SGRAS RTOGS PAR BYA BA NI MED DO, ,DES NA GSAL BA NYID SGRAS RTOGS NA DBANG PO'I TSOGS 'BRAS BU DANG BCAS PAR MI 'GYUR TE, DON MED PAR 'GYUR RO, ,GAL TE MNGON SUM SHES DON NYID, ,PHYIR NA DBANG PO DON MED MIN, ,DE DNGOS GCIG PHYIR SGRA SOGS LAS, ,THA DAD SNANG BLO GA LAS YIN, ,MNGON SUM NYID NI DON GYI RANG GI NGO BO RTOGS PA KHO NA YIN TE, DE YOD NA DBANG PO RNAMS DON MED PA NYID DO, ,MNGON NA GNAS PA NYID DU RTOGS PA MNGON SUM YIN GYI, MNGON DU BYED PA NI MA YIN NO ZHE NA, MA YIN TE, SGRA NI RNAM PA GZHAN DU YANG RTOGS PA'I PHYIR RO, ,SGRA NI MDUN NA GNAS PAR RTOGS PA MA YIN PA DES NI MNGON SUM GNYID DU MI 'GYUR RO, ,BDAG NYID THAMS CAD RTOGS PA YIN NO ZHE NA, SGRA LAS KYANG DE NYID RTOGS PA YIN TE, DE NYID LA BRDA GZUNG BA'I PHYIR RO, ,YONGS SU TSIM PA'I DON GYI PHYIR RO ZHE NA, MA YIN TE, KHYOD KYIS YONGS SU TSIM PA NI 'DI 'DRA BA YIN NO ZHES BYA BA'I SGRA THOS PA LAS YONGS SU TSIM PA YANG YOD PA'I PHYIR RO, ,BYUNG BAR GYUR TO ZHES RAB TU SBYAR BA'I PHYIR MA YIN NO ZHE NA, MA YIN TE, 'DAS PA LAS BYUNG NAS GNAS PA ZHES BYA BA'I SBYOR BA SRID PA'I PHYIR RO, ,DE LTA NA YANG 'DAS PA DANG MA 'ONGS PA DAG DANG, DA LTAR BA CHOD PA KHO NA LA SGRA SBYOR BAR 'GYUR GYI, MA CHOD PAR SNANG BA NYID LA NI MA YIN TE, DE LA SBYOR BA 'BRAS BU MED PA'I PHYIR RO, ,GZUGS LA SOGS PA 'DAS PA DANG, CHOD PA LTAR MI RUNG BA NI YONGS SU TSIM PA'I RGYU MA YIN PA DES NA DBANG PO RNAMS 'BRAS BU DANG BCAS PA YIN NO ZHE NA, DE NI MI BDEN

TE; RANG GI NGO BOS MTHONG BA GANG, ,DE NI 'DAS SOGS CI LTAR YIN, ,SNANG BA MED LAS 'DAS SOGS KYIS, ,NGO BO GZHAN NI RTOGS PA MED, ,MIG LA SOGS PAS MTHONG BA YANG, ,RANG GI NGO BOS MTHONG BA KHO NAS MA CHOD PA DANG YONGS SU TSIM PA'I RGYU YIN NO, ,RANG GI NGO BOS GZUNG BA'I GLU SGRA NI CHOD KYANG YONGS SU TSIM PA SGRUB PAR MI BYED PA NI MA YIN NO, ,CHU RLABS KYI TSUL DU 'ONGS PA'I PHYI RMA CHOD PA YIN NO ZHE NA, DE LA YANG SNYING PO YOD PA MA YIN TE, NYE BAR LEN PA RTOG YANG RING ZHING, ,DE NI RGANG RING YUL NYID DU, ,RTOGS PHYIR 'ONGS PA GA LA YIN, ,HA CANG THAL BA 'JUG PAR 'GYUR, ,GAL TE YUL RGYANG RING POR RTOGS KYANG, LUS LA GNAS PA DANG PHRAD PA YIN NA GZUGS LA SOGS PA YANG DE BZHIN DU 'GYUR RO, ,DES NA SGRA DANG RJES SU DPAG PA LAS SAM, RNAM PAR RTOG PA GZHAN GYI DON RTOGS PA LA YANG RUNG STE, RIGS NGAN LA REG PA DANG, ,BGROD PAR MI BYA BA LA BGROD PA LA SOGS PAR 'GYUR RO, ,DES NA GAL TE SGRA LAS DON RANG GI NGO BO NYID KYIS RTOGS NA, 'DAS PA LA SOGS PAR MI 'GYUR RO, ,SNANG BZHIN PA YANG RANG GI NGO BOS RTOGS PA KHO NA LAS 'DAS PA LA SOGS PA MA YIN PA YIN NO, ,MI SLU BA YANG MI SLU BA LA SOGS PA'I SGRA LAS YOD PA NYID DO, ,CI STE DBANG POS RTOGS PA NYID YOD PA YIN GYI, RTOG PA TZAM NI MA YIN TE, SGRA'I RNAM PAR RTOG PA LA SOGS PA NI YOD PA NYID MA YIN PA LA 'JUG PA MTHONG BA'I PHYIR ZHE NA, GAL TE DBANG POS RTOGS PA NI, ,YOD NYID CE NA SBRANG BU SOGS, ,CI PHYIR YOD MIN NYAMS PHYIR NA, ,JI LTA BUR NA NYAMS PAR 'DOD, ,GAL TE DE LTA MA YIN PAR, ,RTOGS PHYIR SBRANG SOGS MED CE NA, ,DE LTAR 'O NA NGO BO YIS, ,RTOGS PHYIR YOD PAR 'DOD PA YIN, ,DE'I PHYIR RANG GI NGO BOS RTOGS PA KHO NA YOD PA NYID DANG MNGON SUM NYID DANG MA CHOD PA NYID YIN PA'I PHYIR, SGRA DANG DBANG PO'I RTOGS PA GNYIS KHYAD MED PAS DBANG PO RNAMS MNGON SUM DU RTOGS PA NYID KYI DGOS PA DANG LDAN PA MA YIN TE DES NA 'BRAS BU MED PA NYID DO, ,'DI'I PHYIR YANG SPYI DNGOS PO MA YIN TE, 'DI LTAR, RIGS LDAN RIGS

, ,MIN GANG GI PHYIR, ,GSAL BA'I NGO BO GZHAN RTEN MED, ,GAL TE THA DAD GRUB CE NA, ,LTOS PHYIR 'BRAS BU NYID DU BRJOD, ,RANG GI RGYU LAS GRUB PA'I PHYIR, ,'BRAS BU RAG LAS MED PA YANG, ,RTOG PA YIS NI 'BREL PAR BYED, ,'BRAS MIN CI LTAR YANG CI ZHIG ,GZHAN NYID YIN NA DE 'BREL MED, ,DE PHYIR RANG BZHIN MED PAR GRUB, ,RIGS DANG LDAN PA'I DNGOS PO NYID, ,RIGS SU BRJOD DAM, GZHAN YIN, DE LA RE ZHIG GSAL BA'I RANG BZHIN NYID NI SPYI'I DNGOS PO'I MA YIN TE, GANG GI PHYIR GSAL BA RNAMS GZHAN LA BRTEN PA MED PA STE MA 'DRES PAR MNGON SUM DU RTOGS PA YIN NO, ,MA 'KHRUL PA'I SHES PAS GZHAN DU RTOGS PA NI GZHAN DU 'GYUR BA MA YIN NO, ,DE BZHIN DU KHRA BO LA SOGS PA NI GZHAN LA LTOS PA MED PAR SO SOR RTOG PA YIN NO, ,'ON TE GSAL BA GNYIS PA LA SOGS PA NI PHYIS SNGA MA SNGA MA LA LTOS NAS; 'DI NI DE DANG MTSUNGS SO ZHE'AM, DE NI 'DI NYID DO ZHES RTOG PA YIN NO ZHE NA, DE YANG MI BDEN TE, MYU GU LA SOGS PA'I 'BRAS BU JI SNYED PA YANG RTOGS PAS RANG GI RGYU DANG 'BREL PA YIN TE, GRUB ZIN PAS GZHAN LA RAG LAS PA MED PA'I PHYIR RO, ,DE LTAR CI SRID MA GRUB PA DE SRID DU NI 'DIR RTOGS PA 'BA' ZHIG YIN NO, ,GRUB PA'I DUS NA YANG DE DANG LHAN CIG TU YOD PAS GZHAN LA RAG MI LAS PA'AM, RGYU ZHIG PA'I PHYIR 'BRAS BU RNAMS KYANG RTOG PA KHO NAS RGYU DANG 'BREL PAR BYED PA YIN NA, SHES LDAN CI BZLOG PA LA MA YIN NAM, DE'I PHYIR GSAL BA LAS GSAL BA GZHAN NAM, SPYI THA DAD PA YIN NA DE 'BREL PA MED PA NYID YIN TE, DE'I PHYIR SPYI NI NGO BO NYID MED PA YIN NO, ,'BREL PA MED PAR RTOGS PA LA NI SPYI YOD PA MA YIN NO, ,'O NA NI 'BREL PA MED PAR RTOGS PA'I DNGOS PO MED PA YANG SPYI THAL BAR 'GYUR TE, NGO BO NYID MED PAR MTSUNGS PA'I PHYIR RO ZHE NA, MED PA RIGS SU THAL MI 'GYUR, ,DE LA LTOS PA MED PA'I PHYIR, ,RI BONG GI GI RVA RI BONG GI RVA ZHES BYA BA NI RANG GI GSAL BA LA LTOS NAS SPYIR 'GYUR BA KHO NA'O, ,GZHAN GYI GSAL BA MA YIN PA, ,CI'I PHYIR ZHE NA, SPYI DNGOS POR SMRA BA LA YANG BA LANG NYID

RTA DANG BA LANG LA SOGS PA'I MA YIN PA, CI'I PHYIR LTOS PA MED PA'I PHYIR TE, DE NI RTA DANG BA LANG LA SOGS PA'I GSAL BAS GSAL BAR BYA BA MA YIN NO ZHE NA, DE LTA NA NI 'O NA BONG BU'I RVA LA SOGS PA LA YANG KHRA BO LA SOGS PA LA MI LTOS PA'I PHYIR DE'I SPYI'I NGO BO NYID MA YIN NO, ,BA LANG NYID NI DE LA BRTEN NAS 'GYUR BA YIN PA'I PHYIR DANG, DE LA 'JUG PAR BYED PA YIN PA'I PHYIR LTOS PA'I MTSAN NYID KYI 'BREL PAR 'GYUR BA YIN NO ZHES BYA BA NI SKYON MED DO, ,DE'I RANG BZHIN NI DE RNAMS LA YOD PA MA YIN LA DE'I BDAG NYID KYI 'BREL PA YANG MED MOD KYI, 'ON KYANG THOG MA MED PA'I BAG CHAGS KYI MTHU LAS DE LTAR 'GYUR BA YIN NO, ,DE'I PHYIR NGO BO LA BRTEN NAS, ,NGO BO MED PA'I RIGS BRTAGS PA, ,KHYAD PAR DE LA 'JUG DON CAN, ,SGRA RNAMS KYIS NI RAB TU BSTAN, ,RIGS NI RANG BZHIN YOD PA MA YIN GYI, 'ON KYANG BRGYAD NAS SKYE BA'I MTSAN NYID KYI RANG BZHIN RNAMS LA BRTEN PA TZAM ZHIG YIN PA'I PHYIR RANG BZHIN DANG LDAN PAR RTOG PA YIN NO, ,DE LAS SKYES PA DE NYID KYI PHYIR DANG, DER LHAG PAR ZHE NA PA YIN PA'I PHYIR NA RIGS DE RTOG PA NA KHYAD PAR LA 'JUG PA YIN NO, ,DES NA KHYAD PAR DE LA 'JUG PAR BYA BA'I DON CAN GYI SGRA RNAMS KYIS DE NYID BSTAN PAR BYA BA YIN GYI, GZHAN DANG THA DAD MED PA NI MA YIN NO ZHES MJUG BSDU BA'O, ,RIGS RANG GI NGO BO'I RNAM PA DANG LDAN PA YIN DU ZIN KYANG GSAL BA DANG, GCIG TU LHAG PAR ZHE NA PA GA LAS YIN, NGO BO NYID NI MTHONG BA YIN GYI MA MTHONG BAR GCIG TU LHAG PAR ZHEN PA, CI LTAR YIN ZHE NA, 'DI LA BRJOD PA, DE LA NGO BOR SNANG BA'AM, ,DON LA DE NYID DU 'DZIN PA, ,GANG DE 'KHRUL PA THOG MED PA'I, ,DUS CAN MTHONG GOMS KYIS SPRUL YIN, ,DE KHO NA MTHONG BA NYID KYIS DE'I NGO BOR SGRO 'DOGS PAR NI MA ZAD KYI, 'KHRUL PA GCIG NAS GCIG TU BRGYUD PA YANG YOD PA YIN TE, DBANG PHYUG LA SOGS PAR RTOGS PA BZHIN NO, ,MI GSAL BAR SNANG BA YANG GSAL BAR SNANG BA LAS CI LTAR ZHES BYA BA 'DI LA YANG 'KHRUL PA BRGYUD PA NYID SKYABS YIN NO, ,DE'I PHYIR 'KHRUL PA NI 'KHRUL PA'I MTHONG BA GZHAN LA RAG LAS PA YIN LA, DE YANG

, ,GZHAN LAS YIN PA'I PHYIR, 'KHRUL PA THOG MA MED PA NYID LEGS PA YIN NO, ,DE'I PHYIR DE'I RANG BZHIN NI MTHONG BA NI DGOS PA MED DO, ,YANG NA, DON RNAMS KYI NI SPYI GANG YIN, ,GZHAN LAS LDOG PA'I MTSAN NYID CAN, ,SGRA 'DI DAG GIS GANG BRJOD PA; ,DE LA NGO BO CUNG ZAD MED, ,GZHAN LAS LDOG PA'I MTSAN NYID KYI SPYI LAS NI RANG BZHIN YOD PA MA YIN NO, ,SGRAS NI MNGON PAR 'DOD PA MA YIN PA'I RIGS MI MTHUN PA DE LAS LDOG PA TZAM NYID MED PA NYID BYED PA YIN LA LDOG PA YANG SGRA DE LAS 'JUG PA MED PA KHO NA'O, ,GAL TE 'JUG PAR YANG BYED PA KHO NA MA YIN NAM, LDOG PA TZAM GYIS NI SU YANG DON DU GNYER BA MED DO, ,BUM PA KHYER SHOG CES BYA BA SNAM BU LA SOGS PA KHYER NAS MI 'ONGS BA NYID DON DU GNYER BA NI MA YIN NO ZHE NA DE NI MED DO, ,KHYER SHOG BYA BA 'DI KHYER NAS MI 'ONG BA 'GOG PA YIN LA DE LAS NI RANG NYID KHYER NAS 'ONG PAR 'GYUR RO, ,DE YANG BUM PA MA YIN PA LA YANG THAL BAR 'GYUR BAS DE 'GOG PA YIN TE, DGAG PA LA NGO BO NYID NI YOD PA MA YIN NO, ,GAL TE SGRA DANG PO'I SGRA'I DON SGRUB PA YIN PAR 'GYUR BA MA YIN NAM, DE LA NI DGAG BA SRID PA MA YIN TE, THAL BA MED PA'I PHYIR RO ZHE NA, DE YANG MA YIN TE, BTANG SNYOMS LAS NI GZHAN MIN PA'I, ,LEN PA MI BYED PA NYID 'DIR, ,THAL YIN 'DI NI 'GOG BYED DE, ,DE LA THAL BA GZHAN CI YOD, ,'DIR NI SBYOR BA MED PA NYID, ,MI LEN PA YIN PAS THAL BA DE NYID SGRO 'DOGS PA 'GOG PA YIN NO, ,GAL TE DE DGAG PA NI GZHAN SGRUB PA KHO NA MA YIN NAM, DE CI LTAR NA DE LA NGO BO NYID MED PA YIN ZHE NA, 'DIR 'DI SKAD BRJOD DE, DE YI NGO BO BKAG PA NA, ,GZHAN NI RANG NYID RTOGS PA YIN, ,SGRA YI BYED PA DE LA MED, ,DON GNYER YIN PHYIR RANG GIS RTOGS, ,GZHAN YOD PA NYID GZHAN MED PA, ,YIN PAR CI LTAR 'GYUR ZHE NA, ,GZHAN RTOGS NA DER RTOGS PA SKYE BA'I PHYIR TE, DE SKAD BSHAD PA NI RTOGS PA'I RANG BZHIN GYIS GZHAN SEL BA'I PHYOGS YIN PA'I PHYIR SKYON MED DO, ,RANG GI BLO NYID DES DBEN PAR NYAMS SU MYONG BA DAG MED DO ZHES RTOGS PA'I PHYIR

RO; ,GAL TE RE ZHIG SPYI'I BLO NI YOD PA YIN NO, ,DE LA DON GYI RNAM PA YOD PA GANG YIN PA DE NI SPYI YOD PA NYID YIN NO, ,GAL TE RNAM PA GZHAN DU SNANG BA'I PHYIR DE LA DON GYI NGO BO NYID MED DU CHUG MOD, DE SPYI THA DAD PA MA YIN NO ZHES BYA BAR NI MI 'THAD DO ZHE NA, 'DI LA BRJOD PA NI, NGO PO MED CAN SPYI BLO LA, ,SPYI NYID DU NI MTHONG PHYIR DANG, ,DON LA 'KHRUL PA'ANG MED NA NI, ,SPYIR 'DOD DE YANG SLAR PHYIR DANG, ,DE NYID DU NA DON DNGOS SU, ,MED PHYIR NGO BO CAN MA YIN, ,SPYI'I BLO LA SNANG BA NI SPYIR 'DOD PA YIN NO, ,GAL TE NGO BO MED PA CAN TE, RNAM PA MED PA NYID DU GRUB NA DE TSE NGES PAR DE BLO LAS GZHAN DU 'GYUR DGOS PA'I PHYIR SPYIR 'GYUR BA YIN TE, DE SPYI'I NGO BO MTHONG BA'I PHYIR RO, ,'ON KYANG DE NI DON LA 'KHRUL PA YANG YIN TE, DE NI CI LTAR SPYIR MTHONG BA DE BZHIN DU 'KHRUL PA YIN NO ZHES KYANG RTOGS PA KHO NA'O, ,DE YANG RANG GI RNAM PA NI SPYI MA YIN TE, RANG GI RNAM PA'I MTHAR THUG PA NYID KYI RANG GI MTSAN NYID YIN PA'I PHYIR RO, ,'ON KYANG DE THA DAD PA'I PHYIR TE, DON LA BSLAD PA YIN PA'I PHYIR RO, ,DE KHO NA NYID DU DON GYI RANG BZHIN DU MED DO ZHES KYANG RTOGS PA'I PHYIR RO, ,SPYI 'DI NI CI LTAR DE'I MTHAR THUG PAR RTOGS PA ZHES ZER, DE LA BRTEN PAR RTOGS PA BZHIN DU DON LA YOD PA MA YIN NO, ,DES NA RANG BZHIN DES DMIGS PA DANG BCAS PA NYID KYIS NI NGO BO DANG LDAN PA MA YIN TE, RANG BZHIN DANG BCAS PA MA YIN TE, DE LTAR BRTAG MI BZOD PA'I PHYIR RO, ,DE LTA MA YIN NA SER PO LA SOGS PA YANG, DUNG DKAR PO LA SOGS PA LA YOD PAR 'GYUR BA KHO NA'O, ,DE'I PHYIR SPYI NI DNGOS PO MA YIN NO, ,BRJOD PAR BYA BA MA YIN PA'I PHYIR YANG SPYI NI DNGOS PO MA YIN NO, SPYI DE DANG GZHAN DAG TU BRJOD PAR BYA BA NYID MA YIN, YANG DNGOS PAR 'GYUR BA NI MA YIN NO, ,CI'I PHYIR ZHE NA, NGO BO MED PAS BRJOD BYA MIN, ,GAL TE BRJOD PA 'GA' ZHIG LAS, ,DNGOS 'DOD DNGOS RNAMS CI LTAR 'DOD, ,BRJOD BYA MIN PA NYID MA YIN, ,GANG ZHIG DE NYID DANG GZHAN DAG TU BRJOD PAR BYA BA MA YIN PA DE NI RANG GI NGO BO MED PA YIN TE, DNGOS PO NYID DU GYUR PA NI GDON MI ZA BAR DE NYID DAM GZHAN DU BRJOD PAR BYA BA YIN PAR 'GYUR RO, ,CI

, ,STE SPYI GZHAN LAS GZHAN DU BRJOD PAR BYA BA YIN PA'I PHYIR THA DAD PA NYID DU NGES PAR GYUR PA NI SPYI DNGOS POR 'GYUR BA YIN NO ZHE NA, GAL TE DNGOS PO YIN NO GSAL BA LAS KYANG DE NYID DANG GZHAN DAG TU BRJOD PAR BYA BAR 'GYUR RO, ,DE NYID LAS BRJOD DU MED PA'I PHYIR DNGOS PO MA YIN NO, ,DE DANG 'BREL PA NYID KYI PHYIR DE LAS BRJOD PAR BYA BA MA YIN NO ZHE NA, RGYU DANG 'BRAS BU'I DNGOS PO NI THA DAD PA NYID KYI 'BREL PA YIN TE, DES NA 'BRAS BU THAMS CAD RGYU LA LTOS NAS RJOD PAR BYED PA MA YIN PA NYID DU 'GYUR RO, ,DU BA NI ME LAS DE NYID DANG GZHAN NYID DU BRJOD PAR MI BYA BA YANG MA YIN NO, ,YUL THA MI DAD PA'I PHYIR SPYI GSAL BA LAS BRJOD PAR BYA BA MA YIN NO ZHE NA, YUL ZHES BYA BA NI DON DAM PAR DNGOS PO LAS GZHAN YOD PA MA YIN NO, ,THA MI DAD PAR SNANG NA JI LTAR THA DAD PA MED PA MA YIN PAR 'GYUR RO, ,THA DAD SNANG NA GANG GIS NA THA MI DAD PA YIN, DES NA DE NYID DANG GZHAN DAG LAS GZHAN GYI DNGOS PO NI MED DO, ,GANG LAS KYANG BRJOD DU MED PA'I PHYIR DNGOS PO MED PA YIN NO, ,DE NI SPYI GZHAN LAS KYANG GZHAN DU BRJOD PAR BYA BA MA YIN TE, SPYI GZHAN YANG DNGOS POR MA GRUB PA'I PHYIR RO, ,CI STE KUN BRTAGS PA LAS THA DAD PAR BRJOD PAR BYA BAS DNGOS PO YIN NO ZHE NA, RI BONG GI RVA LA SOGS PA YANG PHAN TSUN THA DAD PA'I PHYIR DNGOS PO NYID DU THAL BAR 'GYUR RO, ,GAL TE DE DAG GIS NYE BAR LEN PA THA DAD PA LAS THA DAD PA YIN GYI, DON DAM PAR NI MA YIN NO, ,RI BONG GI MGO LA SOGS PA THA DAD PA'I NYE BAR LEN PA CAN GYI BLO NYID DE LTAR THA DAD PA YIN GYI RI BONG GI RVA LA SOGS PA NYID NI MA YIN NO ZHE NA, 'DI LA YANG DE LTAR BRJOD NA CI 'GAL, 'DIR YANG NYE BAR LEN PA GSAL BA THA DAD PAS BLO THA DAD PA NYID DU ZAD KYI DNGOS POR NI THA DAD PA YOD PA MA YIN NA NI, DE BSHAD PA NI, NYER LEN THA DAD PHYIR GZHAN DU, ,BRJOD PAR BYA MIN NYER BTAGS PHYIR, ,GAL TE SPYI'AM GSAL BA SGRA RNAMS KYI BRJOD PAR BYA BA YIN NA, 'DAS PA DANG MA 'ONGS PA BRJOD PAR BYA BAR MI 'GYUR NA, DE LTA YANG MA YIN NO, ,GANG GI PHYIR, 'DAS PA DANG NI MA 'ONGS PA'I, ,DON LA'ANG SPYI YI RGYU CAN GYI, ,MNYAN PA

DAG NI 'JUG 'GYUR NA, ,YOD PA MED CHOS CI LTAR 'GYUR, ,GAL TE DNGOS PO 'DAS PA'AM MA 'ONGS PA BRJOD PA LA YANG SPYI RTOGS PA YIN NO ZHE NA, 'O NA NI SPYI YOD PA DE, 'DAS PA DANG MA 'ONGS PA'I DNGOS PO MED PA'I CHOS SU CI LTAR 'GYUR, YOD PA NI MED PA'I CHOS SU 'GYUR BA MA YIN NO; ,GSAL BA GZHAN YOD PA NYID KYI CHOS YIN NO ZHE NA, DE YI CHOS SU MA RTOGS NA, ,'DAS PA NYID DU JI LTAR 'GYUR, ,SPYI NI GSAL BA 'DAS PA'I DBANG GIS 'DAS PA NYID DU 'GYUR BA YIN GYI RANG GI NGO BOS NI MA YIN NO, ,DES NA SPYI NI 'DAS PA DANG 'BREL PA NYID KYIS 'DAS PA YIN PA'I PHYIR, YANG GDON MI ZA BAR SPYI MED PA'I CHOS SU 'GYUR DGOS SO, ,MED PA'I CHOS GANG YIN PA DE NI YOD PAR MI 'GYUR TE, DPER NA RI BONG GI RVA NYID DAM, DNGOS PO MED PA NYID BZHIN NO, ,YOD PA YIN NA YANG MED PA'I CHOS SU 'GYUR BA MA YIN TE, DPER NA MYU GU LA SOGS PA'I 'BRAS BU SKYED PA'I NUS PA BZHIN NO, ,CI 'GAL ZHE NA 'BREL PA MED PA NYID DO, ,MED PA DANG NI 'BREL PAR NUS PA MA YIN TE, DE LTAR YIN NO ZHE NA, SPYI YANG MED PA NYID DU RTOGS PAR 'GYUR TE, KHYAD PAR MED PA'I PHYIR, DPER NA GSAL BA BZHIN NO, ,'O NA GSAL BA YANG YOD PA NYID DU RTOGS TE 'DAS PA DANG MA 'ONGS PA YOD PA'I PHYIR RO ZHE NA, GAL TE YOD NA 'DAS PAR JI LTAR 'GYUR, SHES PA 'DAS PA'I PHYIR RO ZHE NA, SHES PA DE YANG RTOGS PA NYID DO, ,MNGON SUM NYID DU MA DMIGS PA'I PHYIR RO ZHE NA, RANG GI NGO BOS RTOGS PA LA MNGON SUM MA YIN PA NYID MED PA'I PHYIR ZHES BSHAD ZIN TO, ,DE'I PHYIR SPYI DE NI 'DAS PA LA SOGS PA'I MED PA'I CHOS MA YIN NO, ,GAL TE NYER BTAGS LAS 'DI 'DOD, ,GANG ZHIG SNAM SOGS LA MED PA, ,DA LTAR BA YI BUM PA YI, ,DNGOS PO MED DANG NI NYE BA GANG, ,MED PA'I CHOS ZHES BYA BA'I GTAN TSIGS NI MA GRUB STE, MED PA'I CHOS NYID NI NYE BAR BTAGS PA LAS 'DOD PA YIN GYI DON DAM PAR NI MA YIN PA'I PHYIR NA MED PA'I CHOS KYI GTAN TSIGS NI MA GRUB BO, ,GANG ZHIG NYE BAR BTAGS PA DE NI, DE LA DON DAM PAR NI MED PA'I PHYIR 'DAS PA DANG MA 'ONGS PA DE LA SPYI DON DAM PAR

, ,YOD PA NYID MA YIN PAS GTAN TSIGS YOD PA NYID MA GRUB PA YIN NO SNYAM DU BSAM PA YIN NO, ,'DIR LEN NI 'DAS PA LA SOGS PA DE LA SPYI NYE BAR BTAGS SAM, SGRA'AM 'ON TE GSAL BA ZHES BYA BA'I PHYOGS GSUM MO, ,GAL TE SPYI'I CHOS NYE BAR 'DOGS SO ZHE NA, DE NI MI 'THAD DE, DA LTAR BA'I BUM PA LA, YOD PA'I SPYI DE, 'DAS PA LA 'DRA BA'AM, 'BREL PAS NYE BAR 'DOGS GRANGS, DE LTA MA YIN NA NYE BA MED PAR 'DOD PAS NA HA CANG THAL BAR 'GYUR RO, ,MED PA DANG NI 'DRA BA'AM 'BREL PAR 'GYUR BA MA YIN TE, YOD PAR THAL BA'I PHYIR RO, ,'DAS PA LA SOGS PA YANG DNGOS PO YIN NO, ,BLO ZHES BYA BA NI BKAG ZIN TO, ,'ON TE SGRA NYE BAR 'DOGS NA, DE YANG MI 'THAD DE, DON MED PAR SGRA MI 'JUG PA'I PHYIR RO, ,'JUG NA NI MED PA LA YANG 'JUG GO ZHES BYA BAR 'GYUR LA, DE YANG SPYI YIN PA DES NA DNGOS PO MED PAR 'GYUR RO, ,'ON TE GSAL BA NYE BAR 'DOGS SO ZHE NA, DE LA YANG NYE BAR YOD DGOS TE, NYE BAR MED PAR 'DOGS PA MI 'THAD PA'I PHYIR RO, ,SGRA NYE BAR 'DOGS PA LA YANG 'DI NYID BRJOD PAR BYA'O, ,'ON TE 'DAS PA DANG MA 'ONGS PA DANG DA LTAR DU GCIG YIN PA'I PHYIR RANG BZHIN 'DRA BAS NYE BAR 'DOGS PA YIN NO, ,'DAS PA NI DE NYID YIN TE 'ON KYANG DON BYED PA MED PAR ZAD DO, ,DES NA DON BYED PAR NYE BAR 'DOGS PAS DE LA SPYI LTA BUR RTOGS PA YIN TE, GZHAN DU NI MA YIN NO ZHE NA, 'O NA NI DE THAMS CAD YOD PA YIN PAS, JI LTAR 'DAS PA NYID DU 'GYUR, DES DON BYED PA MED PA'I PHYIR RO ZHE NA, GAL TE DE MED NA DE NYID 'DAS PAR 'GYUR MOD, JI LTAR DNGOS PO YIN TE, DE DANG LDAN PA'I DNGOS PO YANG 'DAS PA NYID DO ZHE NA, DE DANG LDAN PAR CIS SHES SHE NA NI DNGOS PO MED LA YANG SHES PAR 'GYUR RO, ,GZHAN YANG, THAMS CAD YOD CES LTA BA LA, ,DE YI DON BYED PA YANG YOD, ,DE YOD PA NA DNGOS PO YI, ,MED PA CI LTAR BDEN PAR MAR 'GYUR, ,'ON TE 'DAS PA LA SOGS PA NI KUN RDZOB YIN TE, DON DAM PAR NI THAMS CAD YOD PA NYID DO ZHE NA, KUN RDZOB 'DI CI GAL TE DON DMIGS PA NYID NI YIN ZHE NA,

DON DAM PA NYID 'GYUR MTHA' DAG NI, ,KUN RDZOB BDEN PAR CI LTAR 'GYUR, ,MED PA'I RANG BZHIN GYI DON DMIGS PA NI KUN RDZOB YIN TE, DE KHO NA SGRIB PAR BYED PA'I PHYIR RO, ,DE KHO NA SNANG BA NI KUN RDZOB CES BYA BA MA YIN NO, ,GAL TE 'DAS PA LA SOGS PA YANG KUN RDZOB YIN NA NI DON DAM PA MED PAR 'GYUR TE, 'DAS PA LA SOGS PA'I RANG BZHIN LAS GZHAN PA'I DNGOS PO MED PA'I PHYIR DE KHO NA 'GA' YANG MED PAR 'GYUR RO, ,'DAS PA LA SOGS PA NI KUN RDZOB YIN GYI DON DAM PAR MA YIN LA, DA LTAR BAR NI DON DAM PAR YIN NO ZHE NA, SPYI DNGOS PO MED PAR GRUB BO, ,DA LTAR TZAM GYI DNGOS PO LA SPYI MED PAS THAMS CAD LEGS PAR GNAS PA YIN NO, ,DE'I PHYIR DNGOS PO BRJOD PAR BYA BA YIN NA NYE BAR BTAGS PA ZHES BYA BA MED DO, ,'ON TE MED PA BTAGS PA GANG YIN PA 'DI NYID NYE BAR BTAGS PA YIN LA 'DAS PA'I DNGOS PO BRJOD PA'I SGRA RNAMS KYI DON DU GYUR BA'I SPYI RANG GSAL BA YANG MED PA YIN NO, ,'DI LTAR GANG ZHIG MTHONG BA DE NI GDAGS PAR BYA BA YIN NO ZHE NA, DE YANG MI BDEN TE, NGO BO GANG DU DE MTHONG BA, ,DE NYID KYIS NI SGRO GDAGS MIN, ,GANG GI DE DNGOS MTHONG MIN PA, ,DES KYANG SGRO GDAGS BYA BA MIN, ,'ON TE SHES PA 'DAS PA LA SOGS PA 'JUG PA NA, DE'I YUL DANG DUS LA SOGS PA DANG 'BREL PAR RTOGS TE, DES NA DA LTAR 'DAS KYANG SNGON GYI RANG BZHIN DE NYID SGRO 'DOGS PA YIN TE, DPER NA KHUR BU BA LA SNGON MTHONG BA'I BA LANG SGRO 'DOGS PA BZHIN NO ZHE NA, DE LTA NA NI 'O NA, DE 'DAS KYANG SNGON GYI RANG BZHIN DU SGRO BTAGS PA YIN TE, DE LTA MA YIN NA NI RJES SU DPAG PAS KYANG RTOGS PAR MI NUS SO, ,DE'I PHYIR THAMS CAD DU NYE BAR BTAGS PA KHO NAR 'GYUR GYI, DON DAM PAR NI SPYI MED PAR 'GYUR TE, THAMS CAD DU BTAGS PA'I MTSAN NYID YIN PA'I PHYIR RO, ,'ON TE MNGON SUM GYI SPYI YOD PA NYID 'DZIN PA YIN TE DES NA DON DAM PAR 'GYUR RO ZHE NA, 'O NA NI DE RJES SU DPAG PA LA SOGS PAS RTOGS PA MA YIN PA'I PHYIR SPYI DE DNGOS PO MED PAR 'GYUR RO, ,'ON TE MNGON SUM GYIS KYANG SNGA MA DANG THUN MONG PA MI

, ,GSAL BAR SNANG BA'I RANG BZHIN GANG YIN PA RTOGS LA DE NI SGRA'AM RJES SU DPAG PAS KYANG DE KHO NA LTAR RTOGS PA YIN NO, ,GSAL BA NYID DE NI MNGON SUM KHO NAS RTOGS PA YIN TE, DES NA GAL TE KHYAD PAR GYI CHAL 'JUG PA MA YIN DU ZIN KYANG, SPYI'I CHA LA NI SGRA'AM RJES SU DPAG PA 'JUG PA KHO NA'O ZHE NA, DE YANG MI BDEN TE, SPYI DE LA NI MNGON SUM NYID, ,YOD MIN DBANG PO MED PHYIR DANG, ,MNGON DU BYAS PA MED PA'I PHYIR, ,'DI NI PHYI NAS BRJOD PAR BYA, ,SNGA MA DANG THUN MONG BA NYID LA NI MNGON SUM YOD PA MA YIN NO ZHES STON PAR 'GYUR RO, ,KHYAD PAR SNGAR ZHIG KYANG DE DANG THUN MONG DU RTOGS PA NI JI LTAR DNGOS PO YIN TE, YOD PA MED CHOS JI LTAR 'GYUR, ,ZHES BSHAD ZIN TO, ,'ON TE GNYI GA'I THUN MONG YIN NA JI LTAR DNGOS PO MED PA NYID YIN TE, DNGOS POR YANG 'GYUR RO ZHE NA, DE YANG MI 'THAD DE, DA LTAR BAR SNANG BA NI 'DAS PAR SNANG BA DANG LHAN CIG GCIG TU RTOGS PA MA YIN NO, ,DU MA NYID DU SNANG NA YANG THUN MONG BA ZHES BYA BA GZHAN CI YOD, ,DE'I PHYIR 'DAS PA LA SOGS PA'I DNGOS PO SNANG BA'I PHYIR SGRA'I YUL NI MED PA KHO NA YIN NO, ,'DIR NYE BAR BTAGS PA YANG MA YIN TE, MA 'KHRUL PA'I SHES PA'I YUL YIN PA'I PHYIR RO, ,'DI LTAR, BLO NI 'KHRUL PA MED 'JUG PA, ,RTAG TU DNGOS DANG SGRO 'DOGS LA, ,SENG GE BRAM ZE'I KHYE'U LA, ,DE LTAR BRJOD PA'ANG 'JIG RTEN YOD, ,BLO 'KHRUL PA MED PAR 'JUG PA DANG, CIG SHOS NI DNGOS DANG BTAGS PA'I RGYU MTSAN YIN NO; ,BRAM ZE'I KHYE'U LA SHES PA 'KHRUL PA YIN TE, DES NA SENG GE NYID NYE BAR BTAGS PA YIN NO, ,GZHAN DU NI SENG GE NYID LA DE LTAR 'GYUR BA'I PHYIR DNGOS PO YIN NO, ,'DIR NI GNYI GA YANG BLO 'KHRUL PA MED PA'I YUL YIN TE, DES NA NYE BAR BTAGS PA MA YIN NO, ,MED PA'I DON NYE BAR BTAGS PA YIN NO ZHE NA, GAL TE MED PA'I DON CAN GYI SHES PA'I YUL YIN PA DE LTAR NA SPYI DE KHO NA NYID DU MED PAR 'GRUB PA YIN NO, ,GZHAN YANG, DON MED NA YANG 'GRO BA YIS, ,GANG LA GRAGS PAS SGRA BKOD PA, ,DE LA DE DNGOS DE MTSUNGS PHYIR, ,'KHRUL RTOGS GZHAN

LA PHAL PA YIN, ,MED PA'I SGRA NI MED PA LA DNGOS YIN TE 'KHRUL PAR RTOG PA MED PA'I PHYIR LA, DGOS PA MED PA'I PHYIR GZHAN DU LA SOGS PA'I DNGOS PO NYID LA NI MED PA'I SGRA PHAL PA YIN NO ZHES 'JIG RTEN PA LA RAB TU GRAGS PA YIN NO, ,DES NA DNGOS DANG DNGOS PO MED PA LA MTSUNGS PA'O PHYIR 'DAS PA LA SOGS PA LA NI SPYI DNGOS POR YOD PA MA YIN TE, DNGOS PO MED PA 'DZIN PA'I SHES PA DANG RNAM PA MTSUNGS PA CAN GYIS 'DZIN PA'I PHYIR RO, ,CI STE DNGOS PO MED PA LA 'JUG PA GANG YIN PA 'DI NYID NYE BAR BTAGS PA YIN NO ZHE NA, SPYI'I RNAM PA LA MED PA LA 'JUG PA ZHES BYA BA 'DI GANG LAS YIN, RTOG PA NYID LAS DE LTAR 'GYUR BA'I PHYIR RO ZHE NA, ZHIG PAR MA SHES PA LA RTOG PA THA DAD PA YANG MED PA NYID YIN LA, GANG LA 'DI ZHIG GO ZHES BYA BAR RTOGS PA DE YANG MA ZHIG PAR 'GYUR BA MA YIN NAM, THE TSOM ZA BAR 'GYUR RO ZHE NA, GAL TE DNGOS PO SNANG BA YIN NA THE TSOM DU YANG MI 'GYUR BA NYID DO, ,SNANG YANG 'DRA BA LAS THE TSOM DU 'GYUR RO ZHE NA, GAL TE THA DAD PAR RTOGS PA DAG NI 'DRA'O ZHES BRJOD PAR NUS KYI, THA DAD PAR MA RTOGS PA NI DE NYID DU 'GYUR GYI 'DRA BA NI MA YIN NO, ,CI STE DUS THA DAD PA'I PHYIR THA DAD DO ZHE NA, DE YANG BZANG PO MA YIN TE, 'DI LTAR, DUS THA DAD PAS THA DAD GANG, ,DE DANG DE LAS GZHAN GA LAS, ,YOD DON NYID LA'ANG DUS THA DAD, ,SHES PA YOD PA MIN NAM CI, ,DI LTAR KHYOD KYIS YOD PA'I DON NYID LA YANG, SNGA MA DANG NI PHYI MA'I SHES PA DUS THA DAD PA DAG YIN PA DE BZHIN DU MED PA'I DON LA YANG YIN PA'I PHYIR DUS THA DAD PA'I PHYIR DON YOD PA DANG CIG SHOS KYI RNAM PAR DBYE BAR GA LA 'GYUR, ,'ON TE RJES SU DPAG PA LA DON YOD PA NYID YIN NO ZHE NA MA YIN TE, RJES SU DPAG PA YANG 'DAS PA DANG MA 'ONGS PA DAG LA YOD PA NYID DO, RTAGS KYI KHYAD PAR GYIS 'DAS PA LA SOGS PA'I RNAM PAR DBYE BAR 'GYUR BA STE, 'DI LTAR RTAGS 'GA' ZHIG NI 'DAS PA NYID KYIS YIN LA, KHA CIG NI DA LTAR BA NYID KYIS YIN ZHING, GZHAN NI MA 'ONGS PA NYID KYIS YIN PA'I PHYIR BLO MTSUNGS PA NYID MED DO ZHE NA, DE YANG MA YIN TE, GAL TE RTAGS LAS SKYES NA YANG, ,DE NI DNGOS LA 'JUG

, ,'GYUR NA, ,RNAM GZHAN THE TSOM MED 'GYUR TE, ,RNAM PA THAMS CAD GZUNG PHYIR RO, ,DE'I PHYIR DE LA YANG RNAM PA DE DNGOS PO MED PAR YIN PAR RIGS TE THE TSOM GYI YUL YIN PA'I PHYIR SGRA'I RNAM PA BZHIN NO, ,RTOGS PA NYID LA NI THE TSOM ZA BA MA YIN NO, ,RNAM PA GZHAN LA THE TSOM ZA'O ZHE NA, 'DI LA BRJOD PA, DE LA RNAM PA GZHAN DE NI RTOGS SAM 'ON TE DE LTA MIN, GAL TE RTOGS NA THE TSOM MED, ,GZHAN DU'ANG THE TSOM GA LAS YIN, ,GAL TE DE RTOGS PA NYID THE TSOM MED DO, ,MA RTOGS NA YANG MI SNANG BA NYID YIN PAS DE LA THE TSOM CI YOD, GAL TE MA RTOGS PA NYID LA THE TSOM ZA NA MI SNANG BA THAMS CAD LA THE TSOM ZA BAR 'GYUR RO, ,GAL TE RTOGS PA NYID LA THE TSOM ZA BA YIN TE, G-YO BA DANG MI G-YO BA'I RNAM PAR RTOG PA GZHAN 'BYUNG BA'I PHYIR RO ZHE NA, GAL TE RTOGS NA RNAM PAR RTOG PA G-YO BA CI LTAR 'GYUR, GZHAN YANG CI RANG GI NGO BO NYID G-YO BA YIN NAM, 'ON TE RTOGS PA'I GZHAL BYA G-YO BA YIN, RNAM PAR RTOG PA'I RANG GI NGO BO G-YO BAS NI GZHAL BYA LA THE TSOM ZA BAR MI 'GYUR RO, ,'ON TE GZHAL BYA G-YO BA YIN NO ZHE NA, MA YIN TE RTOGS PA LA NI G-YO BA MED PA'I PHYIR RO, ,'ON TE 'DI LA THE TSOM ZA BA YIN TE; CI 'DI MTHONG BAR 'GYUR RAM MA YIN ZHES MTHONG BAR 'GYUR BA NYID DU THE TSOM ZA BA YIN NO ZHE NA, DE YANG SNANG BA MA 'ON TE MA YIN PAR 'GYUR NA, GAL TE MTHONG BAR 'GYUR BA NYID DU MTHONG NA THE TSOM CI YOD, MA MTHONG NGO ZHE NA, YANG THE TSOM CI YOD CES, PHYOGS GNYIS PA DE NYID MA GOD PAR 'JUG PAR 'GYUR RO, ,'ON TE SPYI MNGON SUM YIN PA'I PHYIR DANG, KHYAD PAR MNGON SUM MA YIN PA'I PHYIR DANG, KHYAD PAR DRAN PA LAS THE TSOM DU 'GYUR RO ZHE NA, DE YANG MA YIN TE, 'DI LTAR, KHYAD PAR MNGON SUM MIN GANG DE'I, ,MNGON SUM MIN PA NYID GANG YIN, ,MED DANG MA YIN PA DAG LAS, ,DGAG PA GZHAN NI YOD MA YIN, ,GAL TE MA YIN PA YIN NA, MNGON SUM LAS GZHAN RIG PA MNGON SUM MA YIN PAR 'GYUR BA'I PHYIR RO, ,DE'I TSE RIG PA GZHAN YANG DMIGS PA DANG BCAS PA YIN PA'I PHYIR JI LTAR THE TSOM DU 'GYUR, 'ON TE CI DMIGS PA DANG BCAS PA

YIN NAM, 'ON TE MA YIN ZHES MI SHES PA DE'I PHYIR NA THE TSOM DU 'GYUR RO ZHE NA, DE LA YANG DMIGS PA DANG BCAS PA NYID SNANG NGAM MA YIN ZHES DE NYID DU 'JUG PAR 'GYUR RO, ,CI STE DE NI DMIGS PA MED PA YANG SRID LA BZLOG PA YANG YIN PA'I PHYIR THE TSOM ZA'O ZHE NA, 'O NA NI SNANG BA TZAM KHO NAR ZAD KYI DON SNANG BA NI MA YIN PA'I PHYIR RJES SU DPAG PA DNGOS PO'I YUL CAN DU 'GYUR SPYI MNGON SUM YIN PA'I PHYIR RO ZHES BYA BA'I KHYAD PAR YANG DON MED DE, RJES SU DPAG PAS RTOGS PA LA YANG THE TSOM ZA BA'I PHYIR RO, ,KHYAD PAR GANG LA MNGON SUM MED PA DE CI DE NYID YIN NAM GZHAN YIN ZHES RNAM PAR RTOG PA GNYIS SO, ,DE NYID KYI RANG BZHIN YIN NO ZHE NA, CI LTAR MNGON SUM NYID MA YIN, GZHAN YIN NO ZHE NA, DE MTHONG BAS DE LA THE TSOM DU 'GYUR, DE DE LA YANG MTHONG BA'I PHYIR RO ZHE NA, GAL TE MTHONG DU CHUG PA DE LTA NA YANG MTHONG NGO SNYAM DU DRAN PAR 'GYUR MOD CI LTAR THE TSOM DU 'GYUR, RIS 'GA' MA MTHONG BA'I YANG PHYIR RO ZHE NA, GZHAN GYI TSE MA MTHONG NGO, ,DE LTAR YANG DRAN PAR 'GYUR GYI THE TSOM CI YOD, GNYI GAR NI MI 'THAD PA'I PHYIR THE TSOM NYID DO ZHE NA, JI LTAR GNYI GA LTAR MTHONG, DUS THA DAD PAR RO ZHE NA, DRAN PA YANG DE KHO NA LTAR 'GYUR GYI CI LTAR THE TSOM YIN, 'DIR DA LTAR MA MTHONG BA'I PHYIR THE TSOM ZA BA NYID DO ZHE NA, 'O NA MA MTHONG BAS THE TSOM ZA BA'I PHYIR SPYI MTHONG BA'I PHYIR ZHES BYA BA LA SOGS PA NI MI 'THAD DO, ,DE'I PHYIR DMIGS PA MED PA'I SHES PA SRID PA'I PHYIR THE TSOM SPYI YIN NO, ,CI STE THE TSOM ZHES BYA BA'I DON DE LTA BUR GYUR PA ZHIG SNANG BA YIN NO ZHE NA, MA YIN TE DON DU MOS PA MED PA'I PHYIR TE, DE LA 'DI NI RTOGS PA TZAM YIN NO ZHES MOS PA YIN NO, ,'JIG RTEN PA MA YIN PA DANG RANG RIG PA NI KHYAD PAR YOD PA MA YIN NO ZHES BSHAD ZIN TO, ,DE'I PHYIR SNANG BA MED PAS THE TSOM ZA BA YIN GYI GZHAN DU MA YIN NO, ,DES NA GAL TE RJES SU DPAG PA'I YUL DNGOS POR YOD NA THE TSOM ZA BAR MI 'GYUR RO, ,YOD PA YANG YIN TE, DES NA DNGOS PO MA YIN NO, 'ON TE RE ZHIG DE LA DNGOS PO NI YOD PA NYID DO, ,DE YANG RJES SU DPAG PAS NGES PAR BYAS PA YIN TE, DE'I PHYIR RJES SU DPAG PA'I YUL DNGOS PO MA YIN PAR JI LTAR

, ,'GYUR ZHE NA, 'DI LA BRJOD PA, GAL TE DER NI DNGOS PO DANG, ,REG NA G-YO BAR CI LTAR 'GYUR, ,RTAG LTAR SNANG BAR RTOGS PA NI, ,RTOGS PA DE NI G-YO BA NYID, ,BDEN PA'I DU BA LAS ME RTOGS NA YANG GANG GI TSE SBRANG MA'I TSOGS YIN NO SNYAM DU 'KHRUL PA SKYES PA DE'I TSE ME RTOGS PA G-YO BAR 'GYUR ZHING GZHAN SKYE BA YIN NO, ,MNGON SUM GYI RTOGS PAS NI DE LTAR G-YO BA MA YIN NO, ,RAB RIB KYIS NYAMS PAR DOGS PA NI DE LA YANG MTSUNGS SO ZHE NA, MA YIN TE RANG GI NGO BO SNANG BA LA DE MED PA'I PHYIR RO, ,MIG BTZUMS NAS G-YO BA YIN NO ZHE NA MA YIN TE, RGYU MED PA'I PHYIR MA SKYES PAR ZAD DO, ,RJES SU DPAG PAS YANG RGYU RTAGS MED PA'I PHYIR MA SKYES PAR ZAD DO ZHE NA MA YIN TE, DE NA DU BA YOD KYANG GZHAN DU DOGS PAS RNAM PAR G-YO BAR MTHONG BA'I PHYIR RO, ,'ON TE GZHAN DU DOGS PA MED PA NYID RGYU YIN PA'I PHYIR RGYU YOD PAR GA LA 'GYUR ZHE NA, DE NI MI 'THAD DE DE MTHONG NA GZHAN DU DOGS PA NYID MED PAR 'GYUR RO, ,DES NA RJES SU DPAG PA NI G-YO BA YIN PAS DNGOS PO 'DZIN PA MA YIN NO, ,DE'I PHYIR, MTHONG BA NYID NI BSTAN PA YIS, ,G-YO ZHES BYA BA BAB COL YIN, ,MNGON SUM LA NI G-YO BA MED, ,G-YO BA YIN NA MTHONG BA MIN, ,MTHONG BA'I DON GANG YIN PA DE NI G-YO BA MA YIN NO, ,GZHAN DU RNAM PAR BRTAGS PAS NI DNGOS PO GZHAN DU 'GYUR BA MA YIN PA'I PHYIR RO, ,CI STE MTHONG BA LA 'DI NI ME MA YIN NO ZHES BYA BAS G-YO BA NYID DO ZHE NA MA YIN TE, ME NI MNGON SUM YUL MA YIN, ,MIG GI RIG BYA RIG MA YIN, ,'BYUNG 'GYUR RANG BZHIN DBANG PO YIS, ,RIG PA GANG NA'ANG YOD MA YIN, ,CI 'DI ME MA YIN NO ZHES BYA BA 'DI NYID KYIS RANG BZHIN MA YIN NO ZHES BYA BA'AM, 'ON TE 'DI DRO BA'I REG PA DANG LHAN CIG SPYOD PA MA YIN PA'AM, 'BYUNG BAR 'GYUR BA DANG LHAN CIG RIG PA'I YUL MA YIN PA ZHES RNAM PAR RTOG PA GSUM MO, ,GAL TE 'DI NYID MA YIN NO ZHE NA, DE LTAR NI MI NUS TE MTHONG BA'I PHYIR RO, ,MTHONG YANG MA YIN NA NI THAMS CAD MA YIN PAR 'GYUR RO, ,'ON TE GZUGS DANG REG PA 'DUS PA ME YIN PA DES NA, GZUGS

'DI NI REG PA DANG LHAN CIG SPYOD PA MA YIN NO ZHES RNAM PAR BRTAGS PA YIN NA, 'O NA NI DE MIG GIS 'DZIN PA MA YIN TE, DES NA MA MTHONG BA KHO NA'O, ,DE'I PHYIR MA MTHONG BA KHO NA G-YO BA YIN NO, ,'DIS NI 'BYUNG BAR 'GYUR BA'I RANG BZHIN G-YO BA YANG BSHAD PA YIN NO, ,DE'I PHYIR MTHONG BA NI DNGOS PO LA REG PA MA YIN PA'I PHYIR NA RNAM PAR RTOG PAR RIGS PA MA YIN NO, ,DES NA RJES SU DPAG PA'I SHES PA NI DNGOS PO LA REG PA MA YIN NO, ,GAL TE MTHONG YANG RNAM GZHAN GYIS, ,THE TSOM LA LAR YOD CE NA, ,THE TSOM DE NI DPAG BYA LA, ,'BYUNG 'GYUR MTHONG NYID DPAG BYA MIN ,,SNANG BA LA NI SLU MED DANG, ,MNGON SUM NYID DU MNGON SUM DANG, ,CIG SHOS DAG MTSUNGS PHYI ROL GYI,, DNGOS LA LTOS NAS THA DAD NYID, ,DES NA SNANG BA 'GA' ZHIG GAM, ,RJES SU DPAG PA NYID KYIS NI, ,MNGON SUM LTAR SNANG NYID CES PA'I, ,DBYE BA'ANG PHYI ROL DNGOS LA YIN, ,YANG NA GAL TE 'BYUNG BAR 'GYUR BA'I DNGOS PO RJES SU DPAG PA LA YANG MI SNANG NA, DE BDEN PA NYID DU JI LTAR 'GYUR, 'GYUR TE, DE NI SKYES BU GZHAN GYIS RTOGS PA'I PHYIR RO ZHE NA, GAL TE DES KYANG 'BYUNG BAR 'GYUR BA'I RANG BZHIN DU RTOGS NA JI LTAR DE BDEN PAR 'GYUR TE, RAB RIB CAN GYI SNANG BA BZHIN DU MI BDEN PA KHO NAR 'GYUR RO, ,SKYES BU GZHAN GYIS RTOGS PA LA YANG RJES SU DPAG PA NYID YIN PAS JI LTAR DE NYID KYIS DE BDEN PAR RTOGS TE, MA GRUB PAS NI MA GRUB PAR BSGRUB PA MA YIN NO, ,'BYUNG BAR 'GYUR BA'I RANG BZHIN SRID NA YANG RJES SU DPAG PA NI YUL DE LA LHAG PAR ZHEN PA NYID YIN TE, DE NI DE'I TSE YOD PA MA YIN PA'I PHYIR JI LTAR RJES SU DPAG PA DNGOS PO'I YUL CAN DU 'GYUR, MNGON SUM YANG DE NYID LA TSAD MA YIN TE, 'DI LTAR DE LA YANG 'BYUNG BAR 'GYUR BA'I RANG BZHIN RTOGS PA NYID BDEN PA YIN GYI DE LTAR MA YIN NA NI MI BDEN PA NYID DO ZHE NA, DE NI DE KHO NA LTAR YIN TE, DE LTAR YANG BSTAN PAR BYA'O, ,DES NI RJES SU DPOG PA'I BLO NI MED PA LA YANG MTSUNGS PA YIN LA, MNGON SUM GYI BLO NI DNGOS PO MED PAR MI 'GYUR BA'I PHYIR TE, DES NA RJES SU DPAG PA NI DNGOS PO'I YUL CAN MA YIN NO, ,'ON TE

, ,DNGOS PO NI MED PA'I YUL CAN NYID KYIS DNGOS PO MA YIN PA NYID DO ZHE NA, DE YANG BZANG PO MA YIN TE, RJES SU DPAG PA THAMS CAD DNGOS PO MED PA'I YUL CAN NYID DO ZHES 'GRUB PA'I PHYIR RO, ,'DI NI DNGOS PO MA YIN PA'I MTSAN NYID MA YIN TE, PHYIN CI LOG TU MTHONG BA'I PHYIR RO, ,'DI LTAR, JI LTAR DNGOS PO NUS MED LA, ,MED CE'AM RTOGS PA CI BZHIN DU, ,NUS LA'ANG GTZO BO LA SOGS PA'I, ,MNYAN PO SKYE BOS BYAS PA YIN, ,DNGOS PO LA YANG RUNG BA NYID DAM RUNG BA MA YIN PA NYID KYIS 'JIG RTEN GTZO BO LA SOGS PA'I SGRA 'JUG PAR BYED PA DE NI PHAL PA YIN NO, ,KHYOD KYI 'DOD PA NI DNGOS PO'I YUL CAN YIN PA'I PHYIR DNGOS SU 'GYUR RO, ,GTZO BO DANG SKYES BU LA SOGS PA NI KHYOD KYI 'DOD PAS GRANGS CAN GYI SKYES BU LA SOGS PA'I SGRA GANG YIN PA DE DAG GI THA SNYAD DANG RNAM PAR RTOG PA DAG DNGOS PO'I YUL CAN YIN PA'I PHYIR, DNGOS PO MA YIN PAR 'GYUR NA DE LTAR MA YIN NO, ,CI STE GZHAN SGRO BTAGS PA'I PHYIR BU LA SOGS PA LA GTZO BO LA SOGS PA'I SGRA DNGOS MA YIN NO ZHE NA, 'O NA DNGOS PO DANG CIG SHOS KYI YUL CAN NYID SGRA DNGOS PO DANG CIG SHOS KYI MTSAN NYID DU MI 'GYUR RO, ,DE LA SGRO BTAGS PAS NA DE NYID KYI RANG BZHIN DU MED PA NYID DE DES NA MTSAN NYID DE NYID YIN NO ZHE NA, 'O NA NI RJES SU DPAG PA YANG DPE LA MTHONG BA'I RANG BZHIN NYID SGRO 'DOGS PA YIN PA'I PHYIR RJES SU DPAG PA DNGOS PO'I YUL CAN MA YIN PA NYID DU GRUB BO, ,DE'I PHYIR, ZHIG PA SGRA LAS BLO CI 'DRA; ,SNANG BA DE 'DRA BA ZHIG LA'ANG, ,RNA BA LA SOGS RNAM PAR SHES, ,DON YOD CAN LA DE DAG MED, ,SPYI TZAM 'DZIN PAR BYED PA'I PHYIR, ,SEMS GNYIS DAG NI MTSUNGS PA YIN, ,DE 'BA' ZHIG NI 'DZIN BYED PA, ,SNGAR NI RNAM PAR BZLOG ZIN TO, ,SPYI TZAM ZHIG 'DZIN NA 'DAS PA LA SOGS PA'I RNAM PAR DBYE BAR MI 'GYUR RO, ,'BA' ZHIG GZUNG BAR BYA BA NI MA YIN NO ZHES BSTAN ZIN PA YANG YIN NO, ,'ON TE GSAL BA DE DAG NYID KHYAD PAR MED PAR GZUNG BA NI SPYI YIN TE, DES NA RJES SU DPAG PA DNGOS PO'I YUL CAN DU 'GYUR RO ZHE NA, 'DI

LA BRJOD PA, KHYAD PAR MED PAR 'DZIN PA DE GAL TE SHES PA'I RANG BZHIN NYID YIN NA NI RJES SU DPAG PA DNGOS PO'I YUL CAN DU MI 'GYUR RO, ,'ON TE RANG BZHIN DE DNGOS PO NYID YIN NO ZHE NA, DE YANG MA YIN TE, 'DI LTAR, PHAN TSUN KHYAD PAR CAN RNAMS NI, ,KHYAD MED NGO BO CI LTAR 'GYUR; ,NGO BO NYID GNYIS YOD NA YANG, ,DE DNGOS GCIG TU JI LTAR 'GYUR, ,KHYAD PAR CAN GYI NGO BO RNAMS NGO BO KHYAD PAR MED PAR 'GYUR BA NI MA YIN TE, PHAN TSUN 'GAL BA DAG NI GCIG NYID DU MI 'THAD PA'I PHYIR RO, ,BA LANG BA LANG ZHES GCIG NYID LDOG PA DANG RJES SU SONG BAR MNGON SUM DU DMIGS PA YIN NO ZHE NA, RJES SU SONG BA ZHES BYA BA 'DI CI ZHIG ,BA LANG BA LANG ZHES RJES SU ZHUGS PA NYID DU RTOGS PA GANG YIN PA'O ZHE NA, CI RJES SU SONG BA LA YANG RJES SU SONG BA YOD DAM, DE LTA'O ZHE NA THUG PA MED PAR 'GYUR RO, ,DE NI DE'I RANG GI NGO BO NYID DO ZHE NA, CI STE 'DIR RANG GI NGO BO NYID KYIS DMIGS SAM GAL TE DMIGS NA NI RNAM PA GNYIS RTOGS PAR 'GYUR RO, ,DE'I RANG BZHIN NI DON GYI NGO BO NYID YIN NO ZHE NA, RANG BZHIN RJES SU SONG BA NI RANG BZHIN GCIG NYID YIN PA DES NA GSAL BA THA DAD PA MED PAR 'GYUR TE, DE LTAR NA YANG SPYI MED DO, , 'ON TE DE DAG RANG BZHIN GCIG MA YIN PA DE LTA NA'ANG SPYI MED DO, ,'ON TE GSAL BA LA BA LANG BA LANG ZHES RJES SU SONG BA'I RNAM PA CAN GYI SHES PA NI DMIGS PA KHO NA YIN NO, ,GZHAN DU NA 'DI JI LTAR RUNG BAR 'GYUR RO ZHE NA, 'DIR 'DI SKAD BRJOD DE, RJES SU SONG BA'I RNAM PA CI, , SHES PA'AM DON CIS BRJOD PAR BYA, ,SHES PA'O ZHE NA DE YI DON, ,'GA' YANG RJES SONG MTHONG MA YIN, ,GAL TE RJES SU SONG BA'I RNAM PA SHES PA YIN NA DON DANG CIR 'ONG, DON RJES SU SONG BA NYID KYIS DE RJES SU SONG BA YIN NO ZHE NA, DE NYID DE LTAR BSNYAD BAR BYA'I, ,GZHAN LA BSNYAD PAS CI ZHIG BYA, ,SNGON PO LA SOGS PA DAG SHES PA LA THA SNYAD BYAS PA'I SGO NAS DE LTAR THA SNYAD DU NGES PA NI MA YIN NO, ,SNGON PO LA SOGS PA LA YANG DE LTAR THA SNYAD BYED PA YIN TE, 'DI LTAR SNGON PO'I RNAM PA NYAMS SU MYONG BAS NA SNGON PO YIN GYI GZHAN DU NI MA YIN NO ZHE NA, DE NI MA YIN TE, ,

, ,'JIG RTEN NA DE LTAR THA SNYAD BYED PA NI MA YIN TE, 'ON KYANG SNGON PO MTHONG NGO ZHES SNGON PO DANG SER PO DAG THA DAD PA KHO NAR RTOGS PA YIN NO, ,BDE BA DANG SDUG BSNGAL DAG KYANG STE, 'DIR GANG THA DAD PAR RIG PA NA 'DI NI 'DIR RJES SU SONG BA YIN LA, 'DI NI GZHAN DU YIN NO ZHES THA SNYAD DU BYA BA YIN NO, ,DE NI THA SNYAD DU BYA BA MA YIN PA NYID DO ZHE NA, 'O NA DA JI LTAR YOD PA'I RANG BZHIN BSTAN PAR BYA BA MA YIN, BSTAN PAR MI NUS PA'I PHYIR TE, ,GANG PHYIR DE LA RTOGS PA 'DI, ,SPYIR ZHES BYA BAR RJES SU 'GYUR BA, ,GANG ZHIG RANG GI NGO BO YIS, , BSTAN PAR NUS PA YOD MA YIN, ,GAL TE BSTAN PAR MI NUS NA JI LTAR GZHAN LA BSGRUB PAR BYA BA YIN, MA GRUB NA YANG JI LTAR GZHAN KHAS LEN PAR BYED PAR 'GYUR, ,BDE BA LA SOGS PA YANG JI LTAR BSTAN PA YIN, ,DE DAG KYANG RANG GI NGO BOS NI BSTAN PAR 'OS PA MA YIN TE, RANG RIG PA'I MNGON SUM YIN PA'I PHYIR RO ZHE NA, MA BSTAN KYANG SKYON MED DE, KHYOD LA BDE BA YOD DO ZHES BSTAN PA 'DIS CI ZHIG BYA, KHYOD MTHONG BAS NGA BDE'O ZHES BSTAN PAS NI DGOS PA YIN NO ZHE NA, MA YIN TE 'DI NI THA SNYAD TZAM DU ZAD DE, TSOGS CAN MA LA SOGS PA DAG LA MTHONG BA'I PHYIR RO, ,'ON TE BA SPU LDANG BA LA SOGS PA MTHONG BA LA RTOGS NA, DE LTA NA YANG GZHAN GYIS BSTAN PAS CI BYA STE DES NA 'DI NI GYI NA'O, ,GANG GI PHYIR 'DI SPU LDANG BA LA SOGS PA RNAM PA DU MAR 'GYUR BA DE NI BDE BA LA SOGS PA YIN NO ZHES RTOGS PA TZAM GYIS CHOG PA'I PHYIR RO, , 'DIR YANG GANG LAS SNAM BU ZHES BYA BA'I RNAM PAR 'GYUR BA NI SPYI YIN NO ZHE NA, DE LTAR THA DAD PA'AM CIG SHOS RJES SU SONG BA'I RNAM PA CAN GYI SPYI GRUB PA NI MA YIN TE, 'O KYANG 'DI NI THOG MA MED PA'I THA SNYAD KYI BAG CHAGS KYI RGYU MTSAN CAN YIN TE GTZO BO LA SOGS PA'I THA SNYAD BZHIN NO, ,THA DAD PA DANG THA MI DAD PA YANG NYAMS SU MYONG BA MED DE, SPYI GZHAN NYID NI YOD MA YIN, ,GZHAN DU RTOGS PA MED PHYIR RO, ,GZHAN DANG GZHAN MIN PHYOGS DAG KYANG, ,RNAM GZHAN MED PAR JI LTAR 'GYUR, ,'DI LTAR RNAM 'GAS DE NYID DANG, ,GZHAN GYIS

BZLOG PAR 'GYUR BA YIN, ,DE NYID GANG DE BZLOG PA DANG, ,GZHAN DU RAB TU TSOR BA MED, ,LAG GDUB NYID LA THA DAD KYANG, ,RNA RGYAN CI LTAR GSER MA YIN, ,LAG GDUB SOGS LAS MA GTOGS PAR, ,GSER GZHAN DAG NI GA LAS YIN, ,GAL TE RJES ZHUGS GSER YIN NA, ,RJES ZHUGS GZHAN YOD GA LAS YIN, ,RJES 'GRO'I RTOGS PA LAS SHE NA, ,'DIR NI SNGAR BSTAN ZIN PA NYID, ,'DI NI RE ZHIG BZHAG GO, ,CI STE SPYI DANG THA DAD PA YIN NA DE LTA NA YANG DE'I 'BREL PA YOD PA MA YIN TE, GAL TE DE DAG MTSUNGS PA YI, ,DNGOS DE DE DAG LAS GZHAN NYID, ,DE DAG GIS ZHES 'BREL MED 'GYUR, ,LDOG PA LA NI SUN DBYUNG MED, ,GAL TE DE DE DAG LAS GZHAN 'BREL PA NYID YIN NA DE'I TSE SPYIR MI 'GYUR TE, DON GZHAN YIN PA'I PHYIR RO, ,BUM PA NI SNAM BU'I SPYI MA YIN NO, ,SPYI'I BDAG NYID MA YIN PA'I PHYIR SPYIR MA 'GYUR RO ZHE NA, DE NI MA YIN TE, SPYI YI BDAG NYID YIN PAS DE, ,SPYI NYID DU NI 'GYUR LA RAG ,DE'I ZHES BYA BA'I 'BREL PA NI GANG ZHIG LAS NI 'GYUR BA YIN, DE DANG 'BREL PA RANG BZHIN YIN PA'I PHYIR RO ZHE NA, DE NI 'DI 'BYUNG BA YIN TE, CI'I PHYIR SGRA NI MI RTAG YIN, ,MI RTAG PHYIR NA MI RTAG 'GYUR, ,DE LTAR DNGOS PO 'GA' YANG NI, ,'GRUB PAR MI 'GYUR YOD MA YIN, ,'DI LA 'BREL PA NYID MA GRUB PA'I PHYIR DE NYID GTAN TSIGS SU GA LA 'GYUR BA MA YIN NAM, DE LTA MA YIN NA THAMS CAD LA THAMS CAD 'GRUB PAR 'GYUR RO, ,SPYIR MNGON PAR 'DOD PA LA YANG SPYI'I RANG BZHIN ZHES BYA BA NI GRUB PA MED DO, ,'ON TE 'BREL PA GRUB BO ZHE NA, DE LTA NA YANG GSAL BA MTHA' DAG 'DZIN PAR 'GYUR TE, MTHA' DAG DANG 'BREL PA'I NGO BO YIN PA'I PHYIR RO, ,'BREL PA'I NGO BO NYID MA RTOGS PAR SPYI GZHAN YOD PA NI MA YIN NO, ,RNAM PA MTSUNGS PA NYID DO ZHE NA, RNAM PA MTSUNGS NYID CES 'BREL PA NYID LA DE LTAR THA SNYAD BYAS PA YIN NO, ,RNAM PA MTSUNGS PA NYID NI GSAL BA LA LTOS NAS YIN GYI, RANG GI NGO BO LA LTOS PA NI MA YIN TE, RANG GI NGO BO NI THAMS CAD DU RANG GI BDAG NYID LA RNAM PAR GNAS PA'I PHYIR RO, ,GSAL

, ,BA LA LTOS NAS MTSUNGS PA NYID YIN NA NI, GSAL BA MA BZUNG BAR MI 'DZIN PA'I PHYIR RO, ,GZHAN LAS LDOG PA'I SPYI LA YANG NYES PA 'DI NYID DO ZHE NA, MA YIN TE LDOG PA LA SKYON DU 'GYUR BA MED PA'I PHYIR RO, ,PHAN TSUN KHYAD PAR CAN DU GYUR PA DAG KYANG GZHAN DU MNGON PAR 'DOD PA LA LDOG PA MI 'GAL LO, ,DE DON BYA BA GCIG BYED PA'I PHYIR SPYI'I THA SNYAD KYANG MI 'GAL BA NYID DO, ,DU MA NYID MA 'PHROGS PA'I RNAM PA MTSUNGS PA NYID GANG GIS ZLOG ,MI MTSUNGS PA DAG LA JI LTAR BLO'I BLOR 'GYUR ZHE NA MA YIN TE, DE NYID KYIS MTSUNGS PA'I PHYIR RO, ,MTSUNGS PA'I RNAM PA CAN GYI BLO'I YUL NYID MA RTOGS PA MTSUNGS PA NYID GZHAN NI 'GA' YANG YOD PA MA YIN NO, ,DE LA MI MTSUNGS PA DAG LA JI LTAR SPYI'I BLOR 'GYUR ZHES BRGAL ZHING BRTAGS PA'I DON NI 'DI YIN TE, MTSUNGS PA'I BLO'I YUL MA YIN PA DAG LA JI LTAR MTSUNGS PA'I BLOR 'GYUR ZHES BYA BA YIN NA BLO'I YUL MA YIN PA NYID NI MA GRUB BO, ,DE LA MTSUNGS PA'I BLO LA YUL DU BYED PAR NI SPYI SMRA BA LA YANG MA GRUB PA MA YIN NO, ,DE PHYIR MTSUNGS NYID SPYI 'DI LA, ,DNGOS PO MED PA'I MTSAN NYID YIN, ,DE 'BRAS SHE NA DU MA DANG, ,'JIG 'GYUR DE YANG 'DOD MA YIN, ,'JIG PA DNGOS PO TZAM DANG NI, ,RJES 'BREL PHYIR NA RTAG NYID MIN, ,RIGS RNAMS 'BRAS BU MIN PHYIR NA, ,MA 'BREL PA DANG DNGOS MED 'GYUR, ,RTOGS PA 'KHRUL PA'I RNAM PA LAS MA RTOGS PA MTSUNGS PA'I RNAM PA NYID GZHAN NI BSGRUB PAR NUS PA MA YIN NO, , 'ON TE MTSUNGS PA'I RNAM PA NYID NI JI LTAR SRID PA YIN TE, GANG NA GNYIS YOD PA DER NI GNYIS KYI RNAM PA YIN LA GANG NA LHAG PA YOD PA DER NI DE LTAR YIN NO ZHE NA, DE LTA NA NI 'O NA GSAL BA GZHAN DANG GZHAN SKYES PA NI SPYI'I RNAM PA 'PHEL BAR 'GYUR BAS GSAL BA'I RJES SU 'GRO LDOG GI RJES SU BYED PA'I PHYIR GSAL BA RNAMS KYI 'BRAS BU NYID DO, ,DE LTAR GYUR DANG GSAL BA BZHIN DU DU MA NYID DU THAL BAR 'GYUR RO, ,NGO SHES PA YIN PA'I PHYIR GCIG NYID DO ZHE NA, SPYI LA YANG RNAM PAR MTSUNGS PA NYID YOD PAS THUG PA MED PAR 'GYUR RO, ,'ON TE SPYI LA NI SPYI MA RTOGS PA MED

PA NYID DO ZHE NA, GSAL BA LA YANG MA YIN PA'I PHYIR BRGAL ZHING BRTAGS PA MTSUNGS SO, ,NGO SHES PA NI SPYI MA NGES TE SPYI DAG LA YANG NGO SHES PA MTHONG BA'I PHYIR RO, ,SPYI ZHIG PAS MI 'DOD PA THOB PAR YANG 'GYUR TE, GSAL BA ZHIG NA 'JIG PA'I PHYIR RO, ,DNGOS PO NYID YIN PA'I PHYIR YANG 'JIG PAR 'GYUR TE, 'JIG PA NI DNGOS PO TZAM DANG RJES SU 'BREL PA YIN NO ZHES 'GRUB PAR 'GYUR RO, ,SPYI BSKYED PAR BYA BA MA YIN NA YANG MA 'BREL PA DANG, NGO BO MED PA NYID DU 'GYUR RO, ,DNGOS PO NYID NI SO SOR NGES PA'I RNAM PA 'DZIN PA NYID YIN LA, SPYI KHYAB PA LA NI DE YOD PA MA YIN NO, ,DUS KYI CHA'I TSOGS THAMS CAD NA GNAS PA'I SPYI NI RTOGS PAR NUS PA MA YIN NO, ,DMIGS PA NYID YOD PA YIN TE DE MED NA YOD PAR GA LA 'GYUR, YOD PA NYID DANG 'BREL PAS YOD PA YIN NO ZHE NA, YOD PA NYID KYANG YOD PA DANG 'BREL DGOS PAS THUG PA MED DO, , SPYI NI YOD PA NYID GZHAN DANG 'BREL PAS YOD PA NI MA YIN TE, RANG GI NGO BOR YOD PA'I PHYIR RO, ,DE NI DMIGS PA MED PAR DMIGS PAR BYA BA MA YIN TE, DES NI SPYI NI YOD PA MA YIN NO, ,BONG BU'I RVA YANG RANG GI NGO BO YOD PAR CI'I PHYIR MA GYUR, ,KHYED LA YANG CI'I PHYIR MA GYUR ZHE NA, RGYU MED PA'I PHYIR RO, ,DE BZHIN NO ZHE NA SPYI YANG MED PAR 'GYUR TE, DE LA YANG RGYU MED PA'I PHYIR RO, ,SPYI NI RTOGS PA YIN NO ZHE NA, RI BONG GI RVA LA SOGS PA YANG RANG GI BLOS RTOGS SO ZHES, ,'DI LA BSHAD ZIN TO, ,DES NA DE DAG KYANG YOD PAR 'GYUR RO, ,NGES PAR BRTAGS NA MA YIN NO ZHE NA, THAMS CAD MTSUNGS SO, ,GZHAN YANG SPYI 'DI NI BRDA'I STOBS KYIS SGRA'I BLO LA SNANG BA YIN PA DE LTAR NA YANG DNGOS POR NI MI 'GYUR TE, 'DI LTAR, DNGOS PO'I STOBS KYIS SKYES PA YI, ,SHES PA GANG DE BRDA DAG LA, ,LTOS PA MA YIN SPYI YIN, ,BLO LA DE LTAR SNANG BA MED, BRDA BYED PA NI NYE BA TZAM LA DMIGS NAS BYED PA MA YIN TE, DE LA LTOS PA'I SHES PA YANG SGRO 'DOGS PA NYID DO, ,'DI LTAR, SNGA MA SPYI MAR SGRO 'DOGS NI, ,MED PAR GAL TE BRDA BYED NA, ,KHYAB PA MED LA THA SNYAD NI, ,RJES SU 'JUG PAR 'GYUR MA YIN, ,SGRA'I MTHU NYID KYIS THA SNYAD KYI DUS SU RTOGS SO ZHE NA, GAL TE SNGA MA DANG PHYI MA'I SGRO 'DOGS PA MED NA

, ,RTOGS PAR MI 'GYUR RO, ,BRDA MED PAR NI SGRA LAS SPYI'I BLO MA MTHONG NGO, ,SGRA MED PAR YANG GSAL BA GZHAN MTHONG BA LAS NI 'GYUR BA NYID DO ZHE NA, DER YANG DE'I NGO BOR THA SNYAD KYI DNGOS PO LA DE NYID RTAGS YIN NO, ,BRDA SMOS PA NI NYE BAR MTSON PA STE, ,RTAGS LA YANG LTOS PA MA YIN NO, ,RTAGS KYANG SNGON MTHONG BA NYID SBYOR BAR BYED KYI LHAG PA NI MA YIN NO, ,DE BZHIN DU DBYANGS LA SOGS PA'I RIGS DANG, BRAM ZE LA SOGS PA'I RIGS KYANG BRDA TZAM LA BRTEN PA YIN GYI DNGOS PO LA LTOS PA NI MA YIN NO, ,BRAM ZE LA SOGS PA'I RIGS LA BRDA DANG LHAN CIG PA'I MNGON SUM TSAD MA YIN NO ZHE NA, MA YIN TE DNGOS PO'I STOBS LAS GANG SKYES PA DE NI BRDA LA LTOS PA MA YIN TE, BRDA TZAM LA LTOS PA NI DMUS LONG BRGYUD PA NYID DU 'GYUR RO, ,LHAN CIG BYED PA'I MNGON SUM YANG YOD DO ZHE NA, 'DI LA BSHAD PA, MNGON SUM GYIS NI BZUNG ZHE NA, ,NYE BAR BSTAN PA DON MED YIN, ,MNGON SUM GYIS NI MA BZUNG NA'ANG, ,NYE BAR BSTAN PA DON MED YIN, ,GAL TE MNGON SUM GYIS BZUNG NA, ,BSTAN PAS CI BYA STE, DE NYID KYIS BZUNG BA'I PHYIR RO, ,'ON TE MNGON SUM GYIS 'DZIN PAR MI NUS PA DE LTA NA YANG DE BSTAN PA STONG PHRAG GIS KYANG GZUNG BAR NUS PAR CI LTAR 'GYUR, MTHONG BA BDAG GIS 'DI MTHONG NGO ZHES SKYES SU BYE BAR BSTAN PAR BYED PAR 'GYUR GYI, DBANG PO LAS 'DAS PA BRAM ZE NYID LA SOGS PA LA NYE BAR BSTAN NUS PA MA YIN NO, ,DE SKAD DU YANG SKYES BU'I BLO BSKYED PA DE TZAM NI TSAD MA CAN MA YIN NO ZHES BSHAD DO, ,DNGOS GNYIS MTHONG LA BLO 'GA' ZHIG , BRDA MED NA YANG THA DAD MED, ,RJES SU 'JUG PA GANG YIN TE, ,DON NYE BA DANG 'BREL BA YIN, ,CI STE YANG DNGOS PO GNYIS MTHONG BA NA, BRDA MED PAR RJES SU 'GRO BA'I RNAM PA CAN GYI BLOR 'GYUR BA YIN TE, DPER NA BA LANG GI BLO KHRA BO LA SOGS PA MTHONG BA TZAM LAS 'GYUR GYI DER BRDA LA LTOS PA NI MED PA BZHIN NO ZHE NA, DE LTA NA 'O NA NI, DE NI DE LTAR MA RTOGS PHYIR, ,BRAM ZE NYID NI RIGS MIN 'GYUR, ,BA LANG NYID BZHIN BRAM ZE NI, ,GSAL BAS GSAL BYED MTHONG BA YIN, ,BA LANG NYID LA NGAG GZHAN GYI, ,'DIR 'GA' THE TSOM 'GYUR RAM CI, ,BRAM ZE 'DI MIN ZHES BRJOD PA'AM, ,BRAM

ZI NYID LA THE TSOM 'GYUR, ,GZHAN GYIS SKYED PAR THOS PA'I PHYIR, ,BYA LAS DER NI NGES PA MED, ,BSTAN PA MED PAR GSAL BYED LA, ,SOGS PA'I RIGS NI GSAL MA YIN, ,GAL TE DE LA DE MED PA, ,BA LANG SOGS LA CI STE 'DOD, ,CI LTAR DBYANGS LA SOGS PA LA, ,SGRA GCIG BRJOD BYA RIGS SU RTOGS, ,DE BZHIN NGANG PA LA SOGS LA, ,SGRA GCIG BRJOD BYA CIS MI 'DOD, ,BA LANG NYID MED MTHA' YAS PA'I, ,GSAL BA DER NI CI LTAR BRJOD, ,DER YANG GSAL BA'I DBYE BA YIS, ,MTHA' YAS PA NYID CI STE MED, ,GONG DU SPOR SOGS DBYE BA NI, ,MTHA' YAS SGRUB PAR BYED MIN MIN; ,NGO SHES PA LAS GCIG NYID NI, ,GNYI GA LA YANG YOD PA YIN, ,GONG DU SPOR BA DANG NGA RO RTZUB PA LA SOGS PA DE MTHA' YAS PA'I RGYU MTSAN NI YI GE HA LA SOGS PA LA YANG YOD PA NYID DO, ,NGA RO RTZUB PA LA SOGS PAS THA DAD KYANG NGO SHES PA LAS GCIG NYID DO ZHES BYA BA NI NGANG PA LA SOGS PA LA YANG MTSUNGS PA NYID DO, ,DE'I PHYIR BA LANG NYID LA SOGS PA YANG BA LANG GI SGRAS BRJOD PAR BYA BA NYID LAS GZHAN PA'I BA LANG MED PAS NA SGRA GCIG GIS BRJOD BYA NYID DAM GCIG TU 'DZIN PA SKYED PAS DON NYE BA NYID YIN GYI, 'GAR YANG RIGS ZHES BYA BA NI YOD PA MA YIN NO, ,CI STE YANG SPYI MED NA SGRA GCIG NI BRJOD PAR BYA BA DANG, 'DZIN PA GCIG SKYED PA DE NYID DU MI 'GYUR RO ZHE NA, DE NI MA YIN TE, JI LTAR RIGS MED SHES PA YI, ,'BRAS CAN MIG SOGS DE 'DOD BZHIN, ,GANG GIS RNAM PAR PHYE BA YI, ,RIGS KYANG RJES SU 'GRO BA YIN, ,MIG DANG SNANG BA DANG YID LA BYED PA RNAMS LA RIGS MED PAR 'BRAS BU GCIG BYED PA'I MTSAN NYID KYI NYE BA MI SRID PA NI MA YIN NO, ,LHAN CIG BYED PA RNAMS LA SRID PA NYID DO ZHE NA DNGOS PO GNYIS MTHONG BA LA YANG LHAN CIG BYED PA NYID KYIS BLO GCIG TU 'GYUR RO, ,MTSUNGS PA'I RNAM PA NYID MED DO ZHE NA, MA YIN TE GZHAL BYA MTSUNGS PA'I RNAM PA NYID NI DNGOS PO GNYIS LAS THA DAD PAR MA MTHONG BA'I PHYIR RO ZHES BSTAN PA'I PHYIR BLO BSKYED PA NYID NUS PA YIN NO, ,DE NI MIG LA SOGS PA LA YANG MTSUNGS SO, ,DE DAG LA YANG RTOGS PA DE GCIG SKYED PA NYID KHO NA'O ZHE NA, KHRA BO LA SOGS PA LA YANG 'DZIN PA GCIG BSKYED PA LAS GZHAN MED PA'I PHYIR

, ,MTSUNGS PAR THAL LO, ,GAL TE DE NYID DNGOS POR GYUR PA YIN TE, DE LTA MA YIN NA DE DAG NYID RTOGS PA DE SKYED KYI GZHAN NI MA YIN NO ZHES BYA BA'I RNAM PAR DBYE BA 'DI GA LAS YIN ZHE NA, 'O NA RIGS KYANG KHRA BO LA SOGS PA LAS YIN GYI GZHAN LAS MA YIN ZHES BYA BA'I RNAM PAR DBYE BA 'DI GA LAS YIN, DE LA RNAM PAR 'BYED PA'I SPYI GZHAN DGOS LA DE LA YANG RNAM PAR PHYE NAS 'JUG PA'I RGYU MTSAN GZHAN YOD DGOS PAS NA THUG PAR MED PAR 'GYUR RO, ,'ON TE KHRA BO LA SOGS PA DE DAG NYID BA LANG NYID KYI GSAL BYED DAM DE'I RTEN DU 'GYUR RO ZHES BYA BAR 'DOD PA DE DAG GI RGYU NYID DE 'DRA BAR 'GYUR PA YIN NO ZHE NA, DE LTAR NA 'O NA RIGS MED PAR RANG GI RGYU'I NGO BO NYID LAS DER 'DZIN PA BSKYED PA YIN PAS RIGS MED NA KHAR CHAD PA CI YOD DE, DES NA RIGS SU 'DZIN PA 'OR CIG ,MIG LA SOGS PA LA YANG SPYI YOD PA NI MA YIN TE, RNAM PA 'GAS KYANG RNAM SHES LA, ,DE DNGOS SNANG BA MED PHYIR RO, ,GZUGS CAN YIN PHYIR DBANG RNAMS LA, ,GAL TE LTA BA PO YOD NA, ,DE LUS SNANG 'GYUR RIGS RNAMS NI, ,MA YIN YAN 'GAR MTHONG MIN PHYIR, ,GSAL 'DZIN TSE YANG DE SGRA DANG, ,NGO BO LAS GZHAN SNANG BA MED, ,MIG LA SOGS PA LA NI SPYI CI LTAR YANG SNANG BA MED DE 'BRAS BU'I SGO NAS RTOGS PAR BYED PA YIN NO, ,'BRAS BU'I SGO NAS RTOGS PAR BYED PA NA YANG 'BRAS BU DE GCIG BYED PA NYID RTOGS PAR 'GYUR RO, ,DE LTA YIN NA DE DAG 'BRAS BU GCIG GIS 'BREL TE ZHES BYA BAR 'GYUR GYI SPYI NI MA YIN NO, ,'BREL PA YANG THAMS CAD DU SPYI GCIG PA NYID YIN NO ZHE NA MA YIN TE, 'BREL PA YANG JI LTA BUR YANG MI SNANG BA'I PHYIR DE'I DE MA THAG TU 'BRAS BU DMIGS PA NYID DE DANG 'BREL PA YIN GYI GZHAN NI DMIGS PA MED DE, 'BRAS BU RAG LAS MED PA YANG, ,RTOGS PA YIS NI 'BREL PAR BYED, ,CES BSHAD ZIN TO, ,'ON TE THAMS CAD LA NUS PA GCIG NYID DO ZHE NA NI MA YIN TE, NUS PA NI NUS PA CAN LAS GZHAN MA YIN PA'I PHYIR RO ZHES BSTAN ZIN TO, ,NUS PA YANG SNANG BA MED DO, ,MI SNANG YANG NUS PA DBANG PO LA SOGS PA LTAR CI STE MI RTAG CE NA DE MI RUNG STE, ,DE LA NI DBANG PO LAS 'DAS PAR KHAS BLANGS PA'I PHYIR BDAG CAG LTA BUS MI DMIGS TE, ZI RA'I ME TOG LTA BU'O ZHES BYA BA LA

SOGS PA BSHAD PA'I PHYIR RO, ,SPYI NI LUNG GCIG PUS RTOGS PAR BYA BA MA YIN NO, ,'BRAS BU LDOG PAS NI GZUGS LA SOGS PA SNANG BA'I RGYU CI ZHIG CIG YOD DO ZHES BYA BAR 'GYUR GYI, DE CI MIG 'BRAS KYI RANG BZHIN LAS THA DAD PA'AM, 'ON TE DE LTA MA YIN ZHES 'DIR RNAM PAR 'BYED PA NI MA YIN NO; ,'DI LTAR, LDOG LAS KHYAD PAR CAN 'GA' YOD, ,MIG 'BRAS DE BZHIN YANG NA NI, ,BAG CHAGS KHYAD PAR LUGS KYI NI, ,DBYE BAS RNAM PA SO SOR 'GYUR, ,GANG ZHIG 'BRAS BU LDOG PAS PHYI'I DON MI 'GRUB PAR DE'I LTAR NA 'BRAS BU LDOG PA LAS MIG LA SOGS PA RNAMS LA LDOG PA'I RJES SU DPAG PA BZOD PAR 'GYUR RAM CI, DE'I PHYIR 'DI NI RNAM PA CI ZHIG LTAR GNAS PA MED PAR RJES SU DPOG PA'I GZHAL BYA YIN PA DES NA DE'I SGO NAS NI GLAGS THOD PA MA YIN NO, ,GZUGS DANG LDAN PA NYID NI LUNG YIN TE, DE LTAR YIN NA, GAL TE DE DAG LTA BA PO, ,YOD NA MIG SOGS MTHONG BAR 'GYUR, ,DBANG PO LAS 'DAS KHAS BLANGS LA, ,DE LAS GZHAN PA'I RTEN YOD MIN, ,GZUGS LDAN NYID DU KHAS BLANGS PAS, ,'DI NYID DBANG PO 'DAS PA'I RTEN, ,SPYI NI DE LTA MA YIN TE, ,'BA' ZHIG PA MI MTHONG BAR KHAS BLANGS PA'I PHYIR RO, ,GAL TE RNAL 'BYOR PAS SPYI YAN 'GAR MTHONG NA NI SPYIR MI 'GYUR RO, ,'ON TE SPYI'I RNAM PA CAN GYI BLO SKYE BA DE'I RGYU MTSAN NI 'DI YIN NO ZHES BYA BAR RNAL 'BYOR BAS MTHONG NA DE LTAR NA SPYI TSAD MAS GRUB PA MA YIN NO, ,BDAG CAG GIS NI SPYI THA DAD PAR MA MTHONG BA KHO NA'O, ,GAL TE SPYI NI GSAL BAS GSAL BAR BYA BA YIN PA'I PHYIR 'BA' ZHIG 'DZIN PA MA YIN TE, SNANG BA MA BZUNG BAR GZUGS MI 'DZIN PA BZHIN NO ZHE NA, DE YANG MI RUNG STE, GZUGS NI REG PA DANG 'KHRUL PA MED PA YIN PA'I PHYIR, SNANG BA MED KYANG RJES SU DPAG PAS 'DZIN TO, ,GAL TE MI 'DZIN PA NI SNANG BA LAS THA DAD PA NYID DU MI 'GYUR BA KHO NA'O, ,LDOG PAR RAB TU MA GRUB PA NI LDOG PA DANG LDAN PA YIN NO ZHES BYA BAR MI 'OS SO, ,SPYI NI 'BA' ZHIG NAS YANG DMIGS PA'I YUL DU MI 'GYUR RO, ,GSAL BA'I RANG BZHIN LA RJES SU ZHUGS NA NI MED PA NYID DE, BA LANG BA LANG ZHES BYA BA'I MING TZAM ZHIG TU ZAD PAR 'GYUR RO, ,'ON TE YUL MTSUNGS PA'I PHYIR THA DAD PAR MI DMIGS NA, GZUGS DANG RO

, ,LA SOGS PA JI LTAR DE RNAMS NI DBANG PO THA DAD PA'I GZUNG BA YIN PA'I PHYIR THA DAD PAR RTOGS NA, 'DIR NI SHIN TU 'DRES PAS NA RNAM PAR DBYE BA MED PAR RTOGS SO ZHE NA, SHIN TU 'DRES PA 'DI CI ZHIG ,CI GA RANG BZHIN 'DRES GYUR TAM, ,DE YI RANG BZHIN GANG YIN PA, , 'DI NYID YIN PAS DBYER MED 'GYUR, ,RANG BZHIN GZHAN PHYIR YUL GCIG KYANG, ,THA DAD PAR NI CIS MI 'DZIN, ,RANG BZHIN LAS NI GZHAN 'GYUR BAR, ,YUL ZHES BYA BA RTOGS PA MED, ,DNGOS PO LAS THA DAD PA'I YUL GZHAN NA YOD DE, GAL TE DNGOS PO THA DAD PA YIN NA YUL YANG THA DAD PA YIN PAS JI LTAR YUL THA MI DAD, GAL TE YUL DBYES THA DAD NA, ,DE YI DBYE BA GA LAS YIN, ,YUL GZHAN NYID LAS DE YIN PA, ,DE LTAR YIN NA THUG PA MED, ,GANG GI PHYIR BONG BU'I RVA LA SOGS PA BZHIN DU RANG GI NGO BOR SNANG BA MED PA, DE PHYIR DE NI SHES TZAM GYIS, ,DON BYED PAR YANG MI RUNG NGO, ,DE MI RUNG PHYIR RANG BZHIN MED, ,DE NI DNGOS MED MTSAN NYID YIN, ,GANG DANG GANG RANG GI NGO BO NYID KYIS MI SNANG BA'I GZUNGS BAR MNGON PAR 'DOD PA DE NI RANG GI RNAM PA GTOD PAR NUS PA'I PHYIR DMIGS PA'I RKYEN DU 'GYUR BA MA YIN TE, MIG LA SOGS PA BZHIN NO, ,BDAG PO'I RKYEN YIN NO ZHE NA, MA YIN TE, DE LA YANG RJES SU 'GRO BA DANG LDOG PA MED PA'I PHYIR RO, ,CI SKAD BSHAD LAS BZLOG GANG YIN, ,DE NI RANG GI MTSAN NYID 'DOD, ,GANG ZHIG RANG GI RNAM PAR SNANG BA DANG, RJES SU 'GRO BA DANG BZLOG PA DAG GIS NUS PA NGES PA DE NI DON DAM PAR YOD PA RANG GI MTSAN NYID YIN TE, RANG GI RANG BZHIN DU MTSON PAR BYA BA'I PHYIR RAM, 'DIR RANG BZHIN MTSAN NYID YIN PA'I PHYIR RO, ,GAL TE RANG GI RANG BZHIN LA JI LTAR MTSON BYA MTSON BYED KYI DNGOS POR 'GYUR ZHE NA, MA YIN TE, MTSON BYA MTSON BYED KYI DNGOS PO NI BRTAGS PA YIN PA'I PHYIR TE, BYA DANG BYED PA'I RNAM GZHAG NI, ,THAMS CAD DE LTA'I RNAM PA CAN, ,ZHES 'CHAD PAR 'GYUR RO, ,RANG GI NGO BO NYID MTSAN NYID DU RIGS KYI GZHAN NI MA YIN TE, GZHAN NI GZHAN GYIS DON DAM PAR MTSON PAR MI NUS PA'I PHYIR RO, ,GZHAN GYI NGO BOS MTSON PA NI GZHAN GYI RANG BZHIN NYID SGRO BTAGS PA YIN TE, DE RANG GI NGO BO MTSON PA NI MA YIN NO, ,'O NA JI LTAR SPYI'I MTSAN NYID YIN TE,

GZHAN GSAL BA MA KHYAB PA'I PHYIR RO ZHE NA, BDEN TE SPYI ZHES BYA BA DON DAM PAR YOD PA MA YIN NO, ,RANG GI NGO BO DE YANG SHES PA'I THA SNYAD DU DE LTAR BRJOD PA NYID DE, GSAL BA DU MA'I RANG BZHIN LA SGRO BTAGS PAS 'JUG PA'I PHYIR DANG, DE LAS SKYES PA YANG YIN PAS SO, ,DNGOS PO MED PA NYID YIN NA MI DMIGS PA RANG BZHIN DANG 'BRAS BU'I GTAN TSIGS THA DAD PAR JI LTAR 'GYUR, MNGON SUM DANG RJES SU DPAG PA DAG NI YUL GYI DBYE BA LAS THA DAD PAR 'GYUR GYI, MI DMIGS PA LA SOGS PA LA NI YUL GYI DBYE BA YOD PA MA YIN NO, ,RTAGS KYI DBYE BA LAS THA DAD DO ZHE NA, BRGAL BA GANG YIN PA DE NYID LAN YIN PA'I PHYIR 'DI JI LTAR YIN, 'DI LTAR RTAGS KYI DBYE BA NYID MI 'THAD PA MA YIN NAM, DE STE MTHONG NGO ZHE NA, 'O NA RNAM PA DRUG TU 'GYUR RO, ,'ON TE GNYIS NI DNGOS PO SGRUB PAR BYED PA YIN LA GCIG NI DGAG PA'I GTAN TSIGS SO ZHES BRJOD NA, SPYI DNGOS PO MA YIN NA JI LTAR DNGOS PO DANG DNGOS PO MED PA'I RNAM PAR DBYE BAR 'GYUR ZHE NA, 'DI LA LAN BSHAD PA, DNGOS DANG DNGOS MED GNYI GA LA, ,RTEN PHYIR SPYI STE RNAM PA GSUM, ,DON DAM PAR NI DBYE BA YOD PA MA YIN TE, THAMS CAD DNGOS PO MED PA'I PHYIR RO, ,DNGOS PO DANG DNGOS PO MED PA DANG GNYI GA LA BRTEN PA'I SGRO NAS 'BRAS BU SHES PA THA DAD PA'I PHYIR RANG BZHIN DANG MI DMIGS PA DANG 'BRAS BU'I GTAN TSIGS NI DBYE BA NYID KYIS THA DAD PA YIN NO, ,'DI LTAR RANG BZHIN GYI GTAN TSIGS LAS NI DNGOS PO NYE BAR LEN PA CAN GYI RNAM PAR RTOGS PA SKYE BA'O, ,MI DMIGS PA LAS NI DNGOS PO MED PA'I NYE BAR LEN PA CAN, 'BRAS BU'I RTAGS LAS NI GNYI GA'I NYE BAR LEN PA CAN YIN NO, ,'BRAS BU'I GTAN TSIGS NI THA DAD PA SGRUB PAR BYED PA YIN LA, THA DAD PA NI DNGOS PO DANG DNGOS PO MED BA DAG LAS 'GYUR BA YIN NO, ,BSGRUB PAR BYA BA THA DAD PA YANG RGYU YIN NO, ,YANG NA DNGOS PO MED KYANG DNGOS PO DANG DNGOS PO MED PA CAN NYID KYIS NA NYE BAR LEN PA CAN THA DAD PA LAS NYE BAR LEN PA THA DAD PA LA BRTEN NAS YUL THA DAD PA YIN NO, ,DNGOS PO NYID NI RNAM PA GNYIS TE THA DAD PA DANG THA MI DAD PA'O, ,DES NA YUL GYI DBYE BAS GTAN TSIGS KYI DBYE BA RNAM PA GSUM YIN NO, ,DES NA GNYIS KA'I NYE BAR LEN PA'I KHYAD PAR NI MI SNANG BA MI DMIGS PA'I YUL YIN NO, ,GAL TE DNGOS RTEN DNGOS 'BREL PHYIR,,

, ,DNGOS PO SHES 'GYUR ZHE NA MIN, ,LAN BTAB PHYIR DANG 'DAS SOGS LA, ,RNAM PA GZHAN DU MTHONG PHYIR RO, ,SHES PA DNGOS PO LA BRTEN PA, ,ZHES BYA BA TZAM GYIS NI DNGOS PO LA 'GYUR BA MA YIN TE DNGOS PO'I YUL CAN NYID NI DNGOS PO'I YUL CAN RANG BZHIN 'DZIN PA LAS YIN NO, , SPYI'I YUL CAN GYI RNAM PAR RTOG PA NI RANG BZHIN 'DZIN PA MA YIN TE, DBANG PO'I TSOGS 'BRAS BU MED PAR 'GYUR BA'I PHYIR RO ZHES BSHAD ZIN TO, ,'ON TE DNGOS PO YOD PA ZHES BYA BAR BRJOD NA, DE NI MA GRUB STE 'DAS PA LA SOGS PA DNGOS PO MED KYANG MTHONG BA'I PHYIR RO, ,GAL TE SHES PA DE SPYI LA YIN NAM KHYAD PAR LA YIN YANG BLA STE, 'DAS PA LA SOGS PA NI YUL NYID MA YIN TE, RANG NI NGO BO NYID GZUNG BZHIN PA'I DNGOS PO NI 'DAS PA NYID DU MI 'THAD PA'I PHYIR RO, ,'DI LA 'JIG RTEN DNGOS PO'I YUL NYID DU RTOGS PA MA YIN TE, DNGOS PO MED PA DANG SHES PA RANG GI NGO BOR MNGON PAR ZHEN PA MA YIN PA'I PHYIR 'KHRUL PA TZAM DU ZAD DO, ,LAN GDAB PHYIR DANG ZHES BYA BAS NI BZLOG PA LA TSAD MA 'JUG PAR BSTAN PA YIN LA, 'DAS SOGS PA RNAMS LA RNAM PA GZHAN DU MTHONG PHYIR RO ZHES BYA BAS NI GZHAN GYIS MNGON PAR 'DOD PA'I GTAN TSIGS MA NGES PA NYID DU BRJOD PA YIN NO, ,GAL TE RNAM PAR RTOG PA DNGOS PO LA YANG MTHONG LA DNGOS PO MED PAR YANG MTHONG NA DE LTAR NI 'O NA NI DE'I TSE DNGOS PO'I CHOS NYAMS PAR 'GYUR TE, DE LTA NA GNYIS KA'I CHOS NYID YIN PAR 'GYUR RO ZHE NA, DE'I PHYIR BSHAD PA NI, GAL TE DNGOS CHOS NYID NYAMS NA, ,DNGOS POR 'DZIN PA SNGON 'GRO CAN, ,DE SHES YIN PHYIR NYES 'DI MED, ,DE NI SHES PA YIN TE; DE LA DMIGS PA NI 'GA' YANG YOD PA MA YIN TE, SPYI LKOG TU GYUR PA NI GZHAL BYA MA YIN PA'I PHYIR RO, ,'DI LTAR SPYI NI LKOG TU GYUR PA YIN NO, ,DE YANG RANG GI NGO BOS RTOGS PA MA YIN PAS JI LTAR GZHAL BYA YIN, RANG GI MTSAN NYID GCIG GZHAL BYA, ,SPYI ZHES BYA BA'I GZHAL BYA NI YOD PA MA YIN TE, JI LTAR BRTAGS PA BZHIN DU MI RUNG BA'I PHYIR RO, ,DON DAM PAR RANG GI MTSAN NYID KHO NA GZHAL BYA YIN TE, DE NYID YOD PA DANG MED PAR RTOGS PA DGOS PA DANG BCAS PA YIN PA'I PHYIR RO, ,DE GANG LAS SHE NA, YOD MED NYID DU DPYOD RNAMS KYIS, ,DON BYA DE LA GRUB PHYIR RO, ,DON BYA BA BYED PA'I DNGOS PO

NI YOD PA DANG MED PA DAG GIS RTOG PA DANG LDAN PA RNAMS DON DU GNYER RO, ,TSAD MAS RNGES SU TSOL BA YANG DE RTOGS PA'I DON DU YIN TE, DE LTA MA YIN NA TSAD MA RTOGS PA MNGON DU BYED PA MA YIN PAR 'GYUR RO, ,DE'I PHYIR DON BYA BA BYED PA'I DNGOS PO YOD PA DANG MED PA'I YUL DU BYED NUS PA'I TSAD MA NI DON DANG LDAN PA YIN NO, ,DES NA MNGON SUM DANG RJES SU DPAG PA GNYIS KAS KYANG RANG GI MTSAN NYID KHO NA YUL DU BYA BA YIN TE, DE LTA MA YIN NA TSAD MA NYID DU MI RUNG BA'I PHYIR RO, ,GAL TE GNYIS KAS KYANG RANG GI MTSAN NYID KHO NA YUL DU BYED NA YUL GCIG NYID YIN PA'I PHYIR TSAD MA GCIG NYID DU THAL BAR 'GYUR RO, ,'ON TE YUL GCIG YIN YANG TSOGS PA'I DBYE BAS TSAD MA THA DAD PA YIN NO, ,DE LTA YIN NA GZHAL BYA GNYIS PHYIR ZHES BYA BA DANG 'GAL LO, ,SLOB DPON GYIS KYANG GANG GI PHYIR MTSAN NYID GNYIS NI GZHAL BYA YIN NO ZHES GSUNGS SO, ,TSOGS PA'I DBYE BAS TSAD MA THA DAD PA YIN NA NI, MIG LA SOGS PA'I RNAM PAR SHES PA RNAMS KYANG TSOGS PA LAS THA DAD PA'I PHYIR DE SNYED KYI TSAD MAR 'GYUR RO, ,GZHAL BYA'I DBYE BAS THA DAD PA LA YANG SNGON PO LA SOGS PA GZHAL BYA DU MA YIN PA'I PHYIR TSAD MA MTHA' YAS PAR THAL BAR MI 'GYUR RAM ZHE NA, MA YIN TE THAMS CAD KYANG RANG GI MTSAN NYID YIN PA'I PHYIR RO, ,DE'I YUL CAN GYI TSAD MA NI GCIG NYID YIN PAR 'GYUR TE, YUL GCIG YIN PA'I PHYIR RO, ,TSOGS PA THA DAD PA YIN YANG DBANG POS SKYED PA NYID YIN PA'I PHYIR THAMS CAD TSAD MA CI STE MA YIN ZHE NA, MA YIN TE DBANG POS SKYED PA NYID MTSAN NYID MA YIN PA'I PHYIR RO, ,DE LTAR YANG STON PAR 'GYUR RO, ,DE'I PHYIR GZHAL BYA RNAM PA GNYIS YIN PA NYID LAS RNAM PA GNYIS YIN TE, DE LTA MA YIN NA TSAD MA MTHA' YAS PA NYID DU 'GYUR RO, ,JI LTAR GZHAL BYA MTHA' YAS PA MA YIN ZHE NA, MA YIN TE, SNGON PO NYID LA SOGS PA MTHA' YAS PA YIN YANG GZHAL BYA GNYIS NYID KHO NA YIN TE, 'DI LTAR, DE NI RANG GZHAN NGO BO YIS, ,RTOGS PHYIR GZHAL BYA GNYIS SU 'DOD, ,SNGON PO LA SOGS PA'I DBYE BAS MTHA' YAS PA YIN YANG RANG GI NGO BOR SNANG BA NYID KYIS RANG GI MTSAN NYID KHO NA YIN TE, RANG GI NGO BOS MTSON PA'I PHYIR RO, ,GAL TE RTOGS PA'I DBYE BA THA

, ,DAD PA YIN NA RANG GI MTSAN NYID DON DAM PA PAR MI 'GYUR BA YIN NAM RTOGS PA DE MED CING RTOGS PA GZHAN MNGON DU 'GYUR NA, RANG GI MTSAN NYID MA YIN PA'I PHYIR RO, ,DE BZHIN DU GCIG PO DE NYID GCIG LA NI RANG GI MTSAN NYID YIN LA, GZHAN LA NI DE LTA MA YIN PAR 'GYUR NA; RTOGS PA PO SO SO LA GZHAL BYA THA DAD PAR 'GYUR BA NI MA YIN NO, ,LTOS PAS BYAS PA'I THA DAD PA NI RTOGS PAS SKYED PA YIN PA'I PHYIR DON DAM PA MA YIN NO, ,GCIG NYID RANG GI MTSAN NYID DANG GZHANG NYID YIN NA NI DE GNYI GA'I RANG GZHAL BYA GZHAN YIN PA'I PHYIR DE LA TSAD MA GZHAN 'BYUNG BAR 'GYUR RO, ,DE'I PHYIR 'DI NI MI RUNG NGO, ,DON DAM GZHAL BYA NYID YIN NA, ,GZHAL BYA NYID NI MTHA' YAS 'GYUR, DON DAM NYID YIN NO, , 'GYUR, ,'DI LA BSHAD PA, DMIGS PA YIS NI MTSON PA GANG, ,DE NI DON DAM NYID YIN NO,, DMIGS PA YIS NI DNGOS RNAMS KYI, ,DAM PA'I DON NI YOD PA YIN, ,DNGOS PO RNAMS RANG GI NGO BOS DMIGS PA LA MA BRTEN PAR NI YOD PAR BDAG GIR BYED PA MA YIN NO, ,GAL TE DMIGS PA YOD PAS SHES PA YIN GYI, DE NYID NI YOD PA MA YIN NO ZHE NA, RI BONG GI RVA LA SOGS PA MA DMIGS PA NI MED PA YIN PA'I PHYIR BZLOG PA LAS DMIGS PA NI YOD PA YIN NO ZHES RNAM PAR GNAS SO, ,GAL TE DE LA YANG MED PAS MA DMIGS PA NYID NI MED PA MA YIN NA, MA DMIGS PA LAS MED PA NYID GZHAN NI MED DO, ,MI DMIGS PAS RTOGS PA GANG YIN PA DE MED PA YIN NO ZHE NA, MI DMIGS PA 'DI CI ZHIG DMIGS PA MED PA YIN NAM, 'ON TE GZHAN DMIGS PA YIN NAM CI STE MA DMIGS SO SNYAM PA'I RNAM PAR RTOG PA YIN, GAL TE DMIGS PA MED PA MA DMIGS PA YIN NA DE LAS CI LTAR RTOGS, DNGOS PO MED PA NI RTOGS PA MA YIN NO, ,DMIGS PA MED PA DE YANG DMIGS PA MED PA GZHAN GYIS RTOGS PAR BYA DGOS PAS THUG PA MED DO, ,GAL TE SHES PA LKOG TU GYUR PA YIN PA'I PHYIR DMIGS PA LA DMIGS PA GZHAN MED PAS NA, GANG GIS THUG PA MED PAR 'GYUR BA, DE NI DMIGS PA MED PAS RTOGS PAR BYA BA YIN NO ZHE NA, GAL TE SHES PA LKOG TU GYUR PA YIN NA JI LTAR DE YOD PAR RTOGS, JI LTAR DON LA MA

DMIGS PA LAS MED PAR RTOGS PA DE BZHIN DU SHES PA LA YANG 'GYUR BA SHIN TU NYAMS PAR 'GYUR RO, ,'ON TE DON LKOG TU GYUR PA MA YIN PA'I PHYIR TE, DE LA DON GYI GO BA YOD PA YIN TE, DES NA TSAD MA LNGA YANG MED PA MA YIN NO ZHE NA, DON GYI GO BA YANG BLO NYID MA YIN NAM, DES BLO GZHAN GYIS BLO RTOGS PAR BYED PA YIN NO, ,DE'I PHYIR DE LAS DON YID GO BA GZHAN MED PA'I PHYIR TSAD MA LNGA MED PAS DON GYIS GO BA'I BLA MED DO ZHES BYA BAR 'GYUR RO, ,'ON TE DE LA GZHAL BYA RTOGS PA YOD PAS DON GYIS GO BA YIN NA NI THUG PA MED PA'I PHYIR MI RTOGS PAR 'GYUR RO, ,GAL TE RTOGS PA MTHONG BA NYID MA YIN NAM ZHE NA; GAL TE MTHONG BA TZAM LA BRTEN NA NI DON GYIS GO BAS CI BYA, JI LTAR MTHONG BA DE LTA YIN DU ZAD MOD DON GYIS GO BAS BLO BRTAGS PAS CI ZHIG BYA, DON GYIS GO BA SKYE BA YIN NO ZHE NA, GAL TE DE LTA NA THUG PA MED PA'I PHYIR RTOGS PA MED PAR NGES PA YANG 'GYUR BA NYID PAS JI LTAR DE JI LTAR MI 'DOD, GANG GI PHYIR BLO DMIGS PAR BYA BA NYID DAM, LKOG TU GYUR PA YIN PA DE'I TSE NI DE MED PAR RTOGS PA THUG PA MED PAR 'GYUR RO, ,'ON TE DON MI DMIGS PA NYID DMIGS PA MI DMIGS PA YIN NA DE LTAR YIN DMIGS PA DMIGS PAR BYA BA MA YIN PA YANG YOD DO ZHES BYA BAR 'GYUR RO, ,DE NYID MED PA YIN NO ZHE NA, GANG TE MI DMIGS PA MED PA YIN NA, DMIGS PA YANG YOD PA YIN ZHES BYA BAR 'GYUR RO, ,'ON TE GZHAN DMIGS PA NYID MI DMIGS PA YIN NO ZHE NA, DE YANG RIGS PA MA YIN TE, GAL TE GZHAN DMIGS PA LA MING BTAGS PA YIN DU ZAD MOD GZHAN MED PAR JI LTAR 'GYUR, DE DMIGS PA MED PA'I PHYIR RO ZHE NA, 'DI LA LAN BTAB ZIN TO, ,GZHAN DMIGS PA DE NYID GZHAN LA MI 'JUG PA'I PHYIR TE, DE LAS GAN MI DMIGS PA YIN NO ZHE NA, GAL TE GZHAN LA MI 'JUG MOD, ,DE LTA NA YANG DE MED DO, ,ZHES BYA BA GA LAS, 'ON TE DMIGS PA'I MTSAN NYID DU GYUR PA MA DMIGS PA NI MED PA KHO NA STE, DE LTA MA YIN NA, DE LA YANG 'JUG PA NYID DE DE YANG DE BZHIN DU DMIGS PAR GYUR PA NYID YIN PA'I PHYIR RO, ,DMIGS PA YANG MA YIN NO ZHE NA, MED PA'I MTSAN NYID CAN TE MI DMIGS PA GANG GIS RTOGS ZHES THUG PA MED PA DE NYID DO, ,SO

, ,SOR NGES PA'I RNAM PA DMIGS PA'I PHYIR RO ZHE NA, CI 'DI DON GYIS GO BA YIN NAM, DE LTA'O ZHE NA, THUG PA MED PAR BRJOD ZIN TO, ,SO SOR NGES PA'I RNAM PA DMIGS PA NYID GZHAN DMIGS PA MA YIN NO ZHE NA, DE LTA NA NI 'O NA GZHAN YOD PA LAS MA RTOGS PA DNGOS PO MED PA'O ZHES BYA BA 'GA' YANG MED PAR 'GYUR RO, ,DES NA GZHAN GYI DNGOS PO NYID GZHAN LA LTOS NAS DNGOS PO MED PA YIN LA RANG LA LTOS NAS DNGOS PO YIN NO, ,SO SOR NGES PA'I RANG BZHIN DE YANG DMIGS PA NYID LAS YIN PA DES NA DMIGS PA YOD PAR BRJOD DO, ,GAL TE SO SOR NGES PA NYID YIN NA DMIGS PA SO SOR NGES PAR 'GYUR GYI DE NYID NI SO SOR NGES PA MA YIN NO ZHE NA, GAL TE MI DMIGS NA DA LTAR SO SOR NGES PA ZHES BYA BA'I BLOR 'GYUR TE, DMIGS PA'I RIG BYA NYID LAS 'GYUR BA MA YIN NAM, DES NA DMIGS PA NYID YOD PA YIN NO, ,'ON TE MA DMIGS SO SNYAM PA'I RNAM PAR RTOG PA NYID MI DMIGS PA YIN NA, DE YANG MA YIN TE MA DMIGS SO SNYAM PA'I RNAM PAR RTOG PA NI MI DMIGS PA NYID KYI RJES SU 'BRANG BA YIN NA, BZHIN NO, ,LKOG TU GYUR PA NYID KYIS NA JI LTAR DE NYID KYI LKOG TU NYID DON DAM PAR YOD NYID YIN NA 'O NA 'GA' LA YANG RNAM PA GZHAN DU MI 'GYUR RO ZHE NA, DE NI GZHAN DU MI 'GYUR BA KHO NA STE, SKYES BU GZHAN LA LTOS NAS KYANG DE NI DE LTA BU KHO NA YIN TE, SNGON PO NYID LA SOGS PA BZHIN NO, ,LKOG TU GYUR PA NYID KYIS NA JI LTAR DE NYID KYI TSE DE RTOGS PA YIN ZHE NA, DE NYID KYIS RANG BZHIN GYIS DE LKOG TU GYUR PAR RTOGS SO, ,GAL TE 'GAS KYANG DE LTAR MA RTOGS PA'AM RTOGS PAR MI 'GYUR BA YIN NA DE RJES SU DPOG PA DON MED DO, ,DE'I TSE MA RTOGS PA DE JI LTAR DE LTAR YIN ZHE NA, DE'I TSE DE LTA MA YIN NO ZHES BYA BA YANG GA LAS MA DMIGS PA'I PHYIR DE LTA MA YIN NO ZHE NA, 'O NA DMIGS PA MED PA'I PHYIR MED PA KHO NA'O, ,YOD KYANG MI DMIGS PAR 'GYUR GYI MED PAR JI LTAR 'GYUR ZHE NA, YOD PA LA TSAD MA YOD PA MA YIN NA DE SKAD BRJOD PAR BYA BA MA YIN NAM, RJES SU DPAG PA'I TSAD MA YOD DO ZHE NA, DE YANG MTHONG BA'I RANG BZHIN NYID KYIS RJES SU 'BRANG NGO, ,PHYIS MTHONG BA'I PHYIR, SNGAR

BLTA BAR BYA BA NYID JI LTAR YIN ZHE NA, GAL TE BLTA BAR BYA BA NYID MED NA, YOD PA NYID JI LTAR YIN, PHYIS DMIGS PA'I PHYIR RO ZHE NA, PHYIS NYID YOD PAR 'GYUR MOD SNGAR JI LTAR, GAL TE SNGAR MED NA PHYIS JI LTAR DMIGS PAR 'GYUR ZHE NA, DMIGS PAR BYA BA NYID DU RTOGS PA'I PHYIR RO, ,DMIGS PAR BYA BA NYID DU RTOGS PA NI DMIGS PA YIN LA DE LTA MA YIN NA NI GZHAN DU YIN NO ZHE NA, GZHAN GYI TSE YANG DE'I RANG BZHIN NYID DU NGES PA'I PHYIR GZHAN DU YOD PA MA YIN TE, GZHAN DU RTOGS PAR MI NUS PA'I PHYIR RO, ,RJES SU DPAG PA NI 'BYUNG BAR 'GYUR BA LA TSAD MA YIN NO ZHES KYANG STON PAR 'GYUR RO, ,'O NA JI LTAR GZHAL BYA GZHAN YIN ZHE NA, DE NYID GZHAN GYI NGO BOS RTOGS PA'I PHYIR RO, ,DPE DANG THUN MONG BA'I RANG BZHIN GYIS DE LTAR RTOGS PA NYID GZHAL BYA GZHAN YIN NO, ,DE NYID RTOGS PA'I DBYE BAS DE'I NGO BOR SGRO BTAGS PA'I PHYIR GZHAL BYA GZHAN YIN GYI, DON DAM PAR NI MA YIN NO, ,DE LTA NA NI 'O NA LTOS PAS BYAS PA'I PHYIR DON DAM PA YANG MA YIN NO ZHE NA BDEN TE, SPYI NI DNGOS PO MED PA YIN NO ZHES BSTAN PA NYID DE, 'DI SNGA NA MED PA BRJOD PA NI MA YIN NO, ,DNGOS PO LA MI SLU BA'I SGO NAS THA DAD PA NYID DU MA RTOGS PA'I THA SNYAD PA DAG GIS, DNGOS PO ZHES THA SNYAD DU BYE PA DE SNA DE LA LTOS NAS GZHAL BYA RNAM PA GNYIS ZHES DE SKAD BRJOD PA YIN NO, ,'ON TE GNYIS KA'I RANG BZHIN YIN PA'I PHYIR GCIG 'DZIN PA TSAD MA GZHAN NYID DU 'GYUR RO ZHES BYA BAR 'DOD NA, DE NI MI RIGS TE, TSAD MA GCIG GIS GNYI GA'I RANG BZHIN DU RTOGS PAR MI NUS PA'I PHYIR RO, ,RTOGS NA YANG DE TSAD MA GNYIS YIN TE; RTOGS PA'I DBYE BA NYID KYIS THA DAD PA'I PHYIR RO, ,YANG NA RTOGS PA'I DBYE BA YIN PA'I PHYIR DON DAM PA'I MTSAN NYID MA YIN PAS NA GNYI GA'I RANG BZHIN DU THAL BA MED DO, ,SNGON PO NYID LA SOGS PA NI DON DAM PA'I RANG BZHIN LA DE NI LTOS PA'I DBYE BAS THA DAD PA MA YIN NO, ,'O NA JI LTAR DON DAM PA'I GZHAL BYA MED PA'I PHYIR TSAD MA NYID DU 'GYUR ZHE NA, 'DI LA BRJOD PA, THA DAD BTAGS PA'I RANG BZHIN PHYIR, ,DE NYID DON DAM MA YIN GYI, ,DNGOS PO'I RANG BZHIN THOB BYA GANG, ,DE NI DON DAM LAS GZHAN MIN, ,'O NA DON DAM PA YUL DU BYED PA'I PHYIR THA DAD PAR CI LTAR 'GYUR TE, RANG GI

, ,NGO BO DNGOS SU BYED NA NI MNGON SUM NYID DU 'GYUR RO, ,DE LA MA REG NA JI LTAR DE YUL DU YIN ZHE NA, 'DIR BRJOD PA, JI BZHIN MNGON ZHEN MIN PA'I PHYIR, ,GNYIS PA 'KHRUL PA YIN PAR 'DOD, ,JI LTAR DON DE DE LTAR DE NA RGYU'I DBYE BAS THA DAD PA DE LTAR DE MNGON PAR ZHEN PA MA YIN PA'I PHYIR JI BZHIN MA YIN PAR MNGON PAR ZHEN PAS NA 'KHRUL PA NYID YIN TE, SNGAR MTHONG BA'I DON GYIS SKYED PA'I BAG CHAGS SAD PA'I STOBS LAS 'BYUNG BA YIN PAS NA, DNGOS PO MA REG KYANG DER LHAG PAR ZHEN PA'I PHYIR RO, ,GAL TE DNGOS PO LA REG PA MED NA 'O NA TSAD MA NYID DU MI 'GYUR RO, ,MI SLU BA'I PHYIR TSAD MA NYID DO ZHE NA, GZHAN RTOGS PA NA GZHAN THOB PA'I PHYIR MI SLU BAR 'GYUR RO ZHE NA, DE NYID SMRAS PA NI, GAL TE GZHAN GYI NGO BOS NI, ,RTOGS NA 'KHRUL PA TSAD MA YIN, ,GAL TE GZHAN GYI NGO BOS RTOGS NA JI LTAR DE RTOGS PA YIN, DE NI GZHAN GYI NGO BO NYID RTOGS PA YIN NO, , DE LA GZHAN THOB PA NI 'KHRUL PA NYID YIN LA 'KHRUL PA YANG TSAD MA NYID MA YIN NO ZHE NA, LAN DU, BSAM PA LA NI SLU MED PHYIR, ,'KHRUL PA YIN YANG TSAD MA NYID, ,RNAM GZHAN GYIS KYANG RTOGS PA MTHONG, ,PHYOGS 'DI LA NI LAN BTAB ZIN, ,GZHAN DU YANG DON JI LTA BA BZHIN DU MNGON PAR ZHEN PAR JI LTAR RTOGS PAR BYA ZHE NA BSAM PA LA SLU BA MED PA NYID KYI PHYIR RO, ,DE NI 'DI LA YANG YOD PA'I PHYIR DON JI LTA BA BZHIN MA YIN PAR ZHEN PA MA YIN NO, ,'DI NI BAG CHAGS KYI STOBS LAS BYUNG BA YIN NO ZHES BYA BA DANG, SNANG BA THA DAD PA'I PHYIR THA DAD DO ZHES BYA BA 'DI THA SNYAD PAS RIG PA MA YIN GYI, 'DI NI 'CHAD PAR BYED PA RNAMS KYIS DON RTOGS PA YIN NO, ,GZHAN MTHONG BA'I PHYIR BSAM PA DE NYID DU JI LTAR 'GYUR ZHE NA, MA YIN TE, RNAM PAR RTOG PA RNAMS NI DNGOS PO SO SOR NGES PA MA YIN PA'I PHYIR RO, ,'DI NI THOG MA MED PA'I BAG CHAGS KYI MTHU YIN NO, ,DES NA JI LTAR DE KHO NA NYID DU YONGS SU MA BCAD PAR DE LA 'JUG CES BYA BA 'DI BRTZAD PAR BYA BA MA YIN PA KHO NA'O, ,MTHONG BA LA NI MI 'THAD PA MED DO, ,MNGON SUM LA YANG 'JUG PAR BYED PA NYID JI LTAR 'GYUR TE, DE LA YANG THOB PAR BYA BA'I RANG BZHIN YONGS SU GCOD PA NI MED PA KHO NA STE, NYE BAR GNAS PA TZAM YONGS SU GCOD PA YIN PA'I PHYIR RO, ,GNYIS

NA MNGON SUM NYID 'JUG PAR BYED PA MA YIN TE, NYE BAR GNAS PA TZAM NI MI 'THOB PA'I PHYIR RO, ,DER YANG DE DAG GCIG TU LHAG PAR ZHEN PA NYID KYIS 'BYUNG BAR 'GYUR BA LA 'JUG PA YIN TE, DES NA RJES SU DPAG PA'I 'JUG PA YANG DE LTA BU NYID YIN PAS CI LTAR MTSUNGS PA NYID DU MA MTHONG, 'ON TE MNGON SUM NI GCIG TU LHAG PAR ZHEN PA'I RANG BZHIN NI MA YIN TE, NYE BAR GNAS PA YONGS SU GCOD PA TZAM NYID DO, ,GCIG TU LHAG PAR ZHEN PA NI DE'I DUS PHYIS 'BYUNG BA CAN GYI RNAM PAR RTOG PAS YIN NO ZHE NA, DE NI MI RUNG STE, RJES SU DPAG PAS SHIN TU NI, ,RANG GI NGO BO GZUNG BA'I PHYIR, , NYE BAR GNAS PAS GZUNG BA LA, ,RNAM RTOG GZHAN NI GNAS PAR 'GYUR, ,JI LTAR NYE BAR GNAS PA'I GZUGS LA SOGS PA TZAM 'DZIN PA'I MNGON SUM RNAM PAR RTOG PA GZHAN GYIS GCIG TU LHAG PAR ZHEN PAR GYUR NA 'JUG PAR BYED PA YIN PA DE BZHIN DU RJES SU DPAG BA RANG GI NGO BO NYE BAR GNAS PA NYID DU LHAG PAR GSAL BA 'DZIN PA YIN PA'I PHYIR, DER YANG LHAG PAR ZHEN PA LAS 'JUG PAR BYED PA'I RNAM PAR RTOG PA GZHAN YOD PAR 'GYUR RO, ,'ON TE RJES SU DPAG PA NI RANG GI NGO BO NYID KYIS LHAG PAR ZHEN PA'I RANG BZHIN YIN PA'I PHYIR, 'JUG PAR BYED PA NYID DANG DNGOS PO LA REG PA MED PA NYID YIN PAS NA TSAD MA MA YIN NO, ,MNGON SUM NI DNGOS PO LA REG PA NYID KYIS TSAD MA YIN NO ZHE NA, DE YANG RUNG BA MA YIN TE, DNGOS LA REG PA TZAM GYIS NI, ,MNGON SUM 'JUG PAR BYED PA MIN, ,'BYUNG BAR 'GYUR BA GCIG NYID DU, ,ZHEN PA MNGON SUM YOD MIN NA, ,RANG BZHIN GANG GI DNGOS PO LA REG PA'I RANG BZHIN DES NI TSAD MA MA YIN TE, 'JUG PAR BYED PA NYID MED PA'I PHYIR RO, ,'ON TE RANG BZHIN DE NYID RNAM PAR RTOG PA SKYED PAR BYED PA LA 'JUG PAR BYED PA YIN NO ZHE NA, GANG GIS DE'I SGO NAS MNGON SUM 'JUG PAR BYED PA NYID YOD DAM, DE RANG NYID 'JUG PAR BYED PA NYID YIN NA, 'O NA NI 'JUG PAR BYED PA YIN NO ZHES BYA BA'I TSIG GI TSUL 'DI CI YIN, GAL TE RNAM RTOG 'JUG BYED NA, ,DNGOS 'DZIN MIN PAR JI LTAR 'GYUR, ,DE LTA YIN YANG 'JUG BYED NA, ,RJES DPAG LA 'DI CIS MI 'DOD, ,GAL TE RNAM PAR RTOG PA SKYED PA'I SGO NAS MNGON SUM 'JUG PAR BYED PA NYID YIN NA, 'O NA NI 'JUG PAR

, ,BYED PA'I PHYIR RNAM PAR RTOG PA TSAD MA NYID YIN PAR 'GYUR RO, ,DE LTA YIN NA RJES SU DPAG PA TSAD MA YIN PA LA BZLOG PA MED PA KHO NA'O, ,RJES SU DPAG PA LA NI DNGOS PO 'DZIN PA MA YIN PA'I PHYIR TSAD MA MA YIN TE, 'JUG PAR BYED PA MA YIN PA'I PHYIR RO ZHE NA, 'O NA MNGON SUM GYI DUS PHYIS 'BYUNG BA'I RNAM PAR RTOG PA CI LTAR YIN, DER YANG MNGON SUM GYIS DNGOS PO GZUNG BA'I PHYIR RO ZHE NA, MA YIN TE, RNAM PAR BRTAGS PA 'BYUNG BAR 'GYUR BA LA DE MI 'JUG PA'I PHYIR RO, ,DE'I RGYUN LA ZHUGS PA'I PHYIR ZHUGS PA KHO NA'O ZHE NA, JI LTAR DANG PO'I SKAD CIG RGYUN YIN, GZHAN LA ZHUGS PAS NI GZHAN LA ZHUGS PAR MI 'GYUR RO, ,DE LTAR YIN NO ZHE NA RJES SU DPAG PA YANG RANG GI NGO BO LA ZHUGS PAS DON LA YANG ZHUGS PAR 'GYUR RO, ,DE NI NYE BAR BTAGS PA TZAM DU ZAD KYI, DON DAM PAR NI MA YIN NO ZHES BYA BAR YANG LAN MA YIN TE MNGON SUM GZHAN LA ZHUGS PA YANG NYE BAR BTAGS PA LAS GZHAN PA NI MA YIN NO, ,MNGON SUM NI DE'I RIGS PA LA ZHUGS LA, RJES SU DPAG PA NI DE LA YANG MA YIN NO ZHES BYA BA NI 'GAL TE, MNGON SUM GYI DUS PHYIS 'BYUNG BA'I RNAM PAR RTOG PA DE'I RIGS LA ZHUGS PA MED PA'I PHYIR RO, ,DE LA MNGON SUM ZHUGS SO ZHES BYA BA LAN YIN NA, DE NI RJES SU DPAG PA LA YANG YIN PAS 'DIR MTSUNGS TE, RJES SU DPAG PA'I YUL DE'I RIGS CAN LA MNGON SUM ZHUGS PA'I PHYIR RO, ,TSANG BANG GI RGYU ME LA NI MNGON SUM ZHUGS PA KHO NA'O, ,RJES SU DPAG PA'I YUL LA DE MED DO ZHE NA THAMS CAD MTSUNGS SO, ,'DI LTAR, JI LTAR RJES SU DPAG PA YI, ,YUL LA MNGON SUM 'JUG MED NA, ,DE BZHIN MNGON SUM PHYIS 'BYUNG BA'I, ,RNAM RTOG YUL LA MIN NAM CI, ,GAL TE RJES DPAG SKYED PA YI, ,MNGON SUM GSAL GZHAN LA ZHUGS NA, ,RNAM RTOG DE BSKYED MNGON SUM CI, ,RANG BZHIN GZHAN LA ZHUGS MIN NAM, ,GCIG TU LHAG PAR ZHEN PA NI, ,GNYI GA LA YANG MTSUNGS PA NYID, ,SPYI NI GNYI GAR YANG 'DZIN CING, ,DER NI ME SOGS THOB BYA YI, ,DNGOS PO RNAM PAR BRTAG BYA BA, ,DBANG PO YI NI SPYOD YUL YIN, ,GZHAN GZUNG BA NA GZHAN GZUNG BA, ,MIN ZHES DPYAD ZIN MA YIN NAM, ,DE DANG 'BREL PA GZUNG BA NA, ,GAL TE DE BZUNG BAR 'DOD NA, ,RJES DPAG LA YANG

THAMS CAD DU, ,'BREL PA 'DZIN PA MTSUNGS PA YIN, ,RNAM RTOG LA NI RGYU MTHONG ZHING, ,RJES SU DPAG PA'ANG 'BRAS BU MTHONG, ,JI LTAR MNGON SUM GYI PHYIS 'BYUNG BA'I YUL LA MNGON SUM MA ZHUGS KYANG DE'I RGYU LA ZHUGS PAS RNAM PAR RTOG PA 'JUG PAR BYED PA'I TSAD MAR GRUB PA DE BZHIN DU RJES SU DPAG PA'I YUL LA MA ZHUGS KYANG DE'I 'BRAS BU LA ZHUGS PAS RJES SU DPAG PA LA YANG TSAD MAR 'GRUB STE, 'BREL PA KHYAD PAR MED PA'I PHYIR RO, ,RGYU DANG 'BRAS BU'I 'BREL PA GNYIS KA LA MTSUNGS SO, ,RGYU LAS 'BRAS BU RTOGS PAR MA NGES PA'I PHYIR, NYAMS NA MNGON SUM NYID TSAD MA MA YIN PAR 'GYUR GYI, RJES SU DPAG PA NI MA YIN NO, ,'ON TE MNGON SUM YIN PA'I PHYIR MA NGES PA BRJOD PAR MI 'THAD DO ZHE NA, MNGON SUM NYID NI NYE BAR GNAS PA TZAM LA YIN PAS DE LAS MA NGES PA BRJOD PAR MA YIN GYI, 'BYUNG BAR 'GYUR BA LA NI DE MNGON SUM NYID 'DI MA YIN NO, ,DE'I RIGS LA MNGON SUM YIN PAS DE LA YANG MNGON SUM YIN NO ZHES BYA BAR YANG RTZOD PAR MI BYA'O, ,RJES SU DPAG PA'I YUL LA YANG DE'I RIGS NYID MNGON SUM GYI YUL YIN NO, ,DER CIR MNGON SUM ZHUGS LA 'DI LA NI 'JUG PA YIN NO ZHES BYA BA NI KHYAD PAR YIN NO, ,DER NI GSAL BA GZHAN LA ZHUGS LA 'DIR NI DE NYID LA YIN PAS MNGON SUM SPYI'I YUL CAN NYID MA YIN NO ZHE NA, MA YIN TE 'BYUNG BA DANG, 'BYUNG BAR 'GYUR BA LA GCIG NYID MED PA'I PHYIR DANG MNGON SUM MA YIN PA'I PHYIR SPYI'I YUL CAN NYID DU MTSUNGS PA KHO NA'O, ,'BYUNG BAR 'GYUR BA DANG MTHONG BA RIGS GCIG PAR YANG JI LTAR RTOGS, GZHAN DU DE LTAR MTHONG BA'I PHYIR RO ZHE NA, 'O NA NI THAMS CAD DU GSAL BA GZHAN DANG THUN MONG BA NYID KYI RTOGS PA YIN PAS MNGON SUM DANG RJES SU DPAG PA GNYIS KHYAD PAR MED DO, ,'ON TE 'BYUNG BAR 'GYUR BA GDON MI ZA BAR 'GYUR BA YIN PAS DES NA MA NGES PA NYID MA YIN NO ZHE NA, GANG NA RGYU YOD PA DER GDON MI ZA BAR 'GYUR BA YIN NA, GANG 'BRAS BU YOD PA DER GDON MI ZA BAR 'GYUR BA SHIN TU YANG GSAL LO, ,GDON MI ZA BAR 'BYUNG BAR 'GYUR BA'I 'BRAS BU NI RGYU NYID DO ZHES BSTAN ZIN TO, ,DES NA 'BYUNG BAR 'GYUR BA'I 'JUG PAR BYA BA LA MNGON SUM DANG RJES SU DPAG PA DAG KHYAD PAR MED DO, ,'ON TE MNGON SUM NI RE ZHIG DNGOS PO LA REG PA YIN PA DES NA TSAD MA

, ,YIN GYI RJES SU DPAG PA NI MA YIN NO ZHE NA, DE YANG RUNG BA MA YIN TE, THOB PAR BYA BA'I YUL MED NA, 'KHRUL PA DANG MA 'KHRUL PA KHYAD PAR MED DO, ,DON YOD PA DANG MED PA DAG GI KHYAD PAR YOD DO ZHE NA, MA YIN TE MI SLU BA MED PAR DON YOD PA DANG GZHAN DE NYID RTOGS PAR MI NUS PA'I PHYIR RO, ,'ON TE MNGON SUM LA MI GZHAN GYIS MI SLU BA NYID YOD PAS MI SLU BA NYID MED KYANG DNGOS PO'I YUL CAN YIN NO ZHE NA, DE YANG RJES SU DPAG PAS RTOGS PAR BYA BA NYID YIN PAS NA KHYAD PAR MED DO, ,DE'I PHYIR BSAM PA LA MI SLU BA'I PHYIR TSAD MA YIN GYI DNGOS PO 'DZIN PA NI NYE BAR MKHO BA YOD PA MA YIN NO, ,DE LTA MA YIN NA MNGON SUM TSAD MA NYID DU MI 'GYUR RO, ,DE LA 'DI LTAR BSHAD PAR BYA STE, RNAM PA GZHAN DU RTOGS PA MTHONG STE, 'KHRUL PAS KYANG RTOGS PA MTHONG NGO ZHES BYA BA YIN NO, ,YANG NA GAL TE 'JUG PA'I DON TE, DE LAS RNAM PA GZHAN DU GZHAN GYI NGO BOS SHES PA LA YANG MTHONG BA YIN NO, ,JI LTAR THOB CE NA DON YOD PA'I PHYIR RO, ,YOD PA GANG YIN PA DE NI THOB PAR BYA BA YIN NO, ,'DI LTAR MUN PAR LAG PAS BTZAL BA LAS KYANG THOB PA MTHONG BA YIN NO, ,NGES PA JI LTAR ZHE NA 'BREL PA'I STOBS NYID LAS SO, ,YOD PA NYID KYANG 'BREL PA CAN YOD PA NYID LAS SO, ,JI LTAR 'BREL PA CAN NYID RTOGS SHE NA, MNGON SUM LA YANG 'BYUNG BAR 'GYUR BA DANG 'BREL PA JI LTAR RTOGS, DE LTA BU NYID DU MTHONG BA'I PHYIR RO ZHE NA, GNYI GAR YANG MTSUNGS PA'I PHYIR RTZOD PA MED DO, ,'ON TE DER NI MNGON SUM DE NYID TSAD MA YIN TE, RNAM PAR RTOG PA DE BSKYED PA'I PHYIR RO ZHE NA, RJES SU DPAG PA SKYED PA'I PHYIR YANG SNGAR GYI MNGON SUM DE NYID TSAD MAR CI STE MI 'DOD DE 'DAS PA'I PHYIR RO ZHE NA, RTOGS PA SKYE BA'I DUS NA YANG MNGON SUM 'DAS PA KHO NA'O, ,RGYU DANG 'BRAS BU DAG NI DUS MNYAM PA MA YIN NO ZHES STON PAR 'GYUR RO, ,'ON TE RNAM PAR RTOG PA'I DUS NA YANG MNGON SUM RGYUN CHAGS PAR YOD PA YIN PA'I PHYIR KHYAD PAR YOD DO ZHE NA, MA YIN TE, PHYI MA'I MNGON SUM GYI SKAD CIG MA RNAMS MA YIN PA'I PHYIR RO, ,'ON TE PHYI MA RNAMS KYANG TSAD MA NYID DE, DE LTA MA YIN NA RGYUN CHAGS PAR 'BYUNG BA MI NGES PA'I PHYIR ZHE NA, 'O NA THAMS CAD TSAD MA MA YIN PAR 'GYUR TE, THOB PAR BYA BA'I YUL MED PA'I PHYIR RO, ,SNGA MA DAG NYID KYI NGES PA SKYED NA NI PHYI

MA RNAMS TSAD MA MA YIN PA'I PHYIR RO, ,THE TSOM ZA NA NI NGES PA MA YIN LA DES NA YANG THE TSOM ZA BA MA YIN TE, NGES PA DANG GZHAN PA DAG YUL GCIG LA MI 'DOD PA'I PHYIR RO, ,'ON TE SNGA MA RNAMS TSAD MA MA YIN PA KHO NA'O ZHE NA, DE LTA YIN NA 'JUG PA NYID MED PA'I PHYIR, 'GA' YANG TSAD MA MA YIN NO, ,RE ZHIG MTHONG STE, CI 'DI LA THOB PA YOD DAM 'ON TE MA YIN ZHES BYA BAS 'JUG NA DE NI RJES SU DPAG PA LA YANG MTSUNGS SO, ,MNGON SUM DU MNGON PAR 'DOD PA'I RTOGS PA YANG RNAM PA GZHAN DU GZHAN GYI RANG BZHIN DU MTHONG BA YIN TE, 'JUG PA'I YUL RANG GI NGO BOS RTOGS PA NI 'GA' YANG MED DO, ,GZHAN DNGOS PO'I NGO BO 'AM RANG GI NGO BOR RTOGS PA NI GNYI GA LA YANG YOD PAS NA 'BYUNG BA'I DNGOS PO LA KHYAD CI YOD, 'O NA MNGON SUM DANG RJES SU DPAG PA DAG YUL THA DAD PAR JI LTAR 'GYUR ZHE NA, GSAL BA LA MI GSAL BAR SGRO BTAGS PA DANG, MI GSAL BA LA GSAL BAR SGRO BTAGS PA'O, ,YANG NA RNAM PA GZHAN DU YIN TE, GANG DU 'BYUNG 'GYUR RTOGS PA DER, ,RJES SU DPAG PA TSAD MAR 'DOD, ,DE LTAR GTZO BOR GYUR PAS NI, ,'JUG LA MNGON SUM TSAD MA NYID, ,GANG LA SHIN TU GOMS PA LAS RNAM PAR MI RTOG BZHIN DU 'JUG PA DER NI MNGON SUM TSAD MA YIN TE, DE LTA MA YIN TE GANG LA RNAM PAR RTOG PA YOD PA DE NYID LA MNGON SUM 'JUG PAR BYED PA DANG TSAD MA YIN NA RNAM PAR RTOG PA TSAD MA GZHAN YIN PAR 'GYUR RO, ,'ON TE DER MNGON SUM NYID TSAD MA YIN GYI RNAM PAR RTOG PA NI MA YIN TE, BZUNG ZIN PA 'DZIN PA YIN PA'I PHYIR RO ZHE NA, JI LTAR BZUNG ZIN PA 'DZIN PA MA YIN TE DE LTAR DPYAD ZIN TO, ,YANG BRJOD PAR BYA STE, 'DI LTAR, GAL TE RNAM RTOG 'JUG PA LA, ,NYER MKHO MED NA DES CI BYA, ,'JUG LA NYE BAR MKHO ZHE NA, ,RNAM RTOG JI LTAR TSAD MA MIN, ,GAL TE RNAM PAR RTOG PA NYE BAR MKHO BA MED PA NYID YIN NA, JI LTAR 'DI MNGON SUM GYIS LHAN CIG NYID DU 'DOD, NYE BAR MKHO BA MED PA NI RNAL 'BYOR PA DANG NI LDAN DU ZIN KYANG LHAN CIG PA NYID DU SU YANG DON DU MI GNYER RO, ,'ON TE DE MED PAR MI 'JUG NA MNGON SUM TSAD MA MA YIN PAR 'GYUR RO, ,DE NI MED NA YANG MI 'JUG GO ZHE NA, 'O NA GNYI GA TSAD MAR THAL LO, ,'ON TE RNAM PAR RTOG PA NI TSAD MA MA YIN TE DNGOS PO'I RANG BZHIN LA MA REG PA'I PHYIR RO ZHE NA, 'O NA

, ,MNGON SUM YANG TSAD MA MA YIN TE, THOB PAR BYA BA'I RANG BZHIN LA, ,MA REG PA'I PHYIR RO ZHES DA LTA KHO NA BSHAD PA YIN NO, ,DE'I PHYIR, RJES 'GRO LDOG PA DAG LAS NI, ,GAL TE RNAM RTOG 'JUG PA LA, ,RGYU NYID MIN NA DE YI TSE, ,TSAD MA YIN PA NYID DU 'GYUR, ,MNGON SUM 'OG ROL 'JUG PA YI, ,RNAM RTOG GAL TE 'JUG PA LA, ,NUS YOD CE NA MCHOD PAS NA, ,MNGON SUM TSAD MA NYID MIN 'GYUR, ,CI STE TSAD KYANG TSAD MA NYID YIN NA, DE LTA NA MIG LA SOGS PA RNAMS KYANG 'JUG PAR BYED PA NYID KYIS TSAD MAR 'GYUR RO, ,SHES PA MA YIN PA'I PHYIR MA YIN NO ZHE NA, MTSUNGS PA DE MA THAG PA'I RKYEN YANG 'GYUR RO, ,DE NI YUL GZHAN DANG LDAN PA'I PHYIR MA YIN NO ZHE NA, YUL MTSUNGS PA NYID NA 'GYUR RO, ,'GYUR BA KHO NA'O ZHE NA, MA YIN TE DE LA 'JUG PAR BYA BA SHES PA MED PA'I PHYIR RO, ,SKAD CIG SNGA MA 'DZIN PA'I MNGON SUM LA NI 'JUG PA'I YUL CAN NYID MED DO, ,DE'I PHYIR RNAM PAR RTOG PA NYID DE MA THAG PA YIN PA'I PHYIR TSAD MAR 'GYUR RO, ,'ON TE YANG MNGON SUM SNANG BA TZAM GYIS 'JUG PA'I YUL LA ZHUGS PA YIN NO, ,DE LTA YANG RNAM PAR RTOG PA NI TSAD MA YIN NO, ,BZUNG ZIN PA 'DZIN PAS JI LTAR TSAD MA YIN ZHE NA, 'JUG PAR BYED PA'I PHYIR DPER NA RANG BZHIN GYI RTAGS KYI RJES SU DPAG PA BZHIN NO, ,SNANG BA TZAM GYIS NI MNGON SUM TSAD MA MA YIN TE, SKAD CIG MA NYID KYANG MNGON SUM GYIS GZUNG BAR 'GYUR RO, ,'GYUR BA KHO NA'O ZHE NA, SKAD CIG MA 'DZIN PA'I PHYIR RJES SU DPAG PA TSAD MA MA YIN PAR 'GYUR TE BZUNG ZIN PA 'DZIN PA'I PHYIR RO, ,'ON TE THA SNYAD BSGRUB PA'I PHYIR TSAD MA YIN NO ZHE NA, RNAM PAR RTOG PA YANG DE LTAR YIN PA'I PHYIR TSAD MAR 'GYUR RO, ,DE'I PHYIR LKOG TU GYUR PA'I YUL LA 'JUG PAR BYED PA YIN YANG GSAL BA DANG MA GSAL BA'I DBYE BAS TSAD MA GNYIS KHO NA'O, ,DES NA GZHAN GYI NGO BOS RTOGS KYANG MI SLU BA'I PHYIR TSAD MA KHO NA'O, ,JI LTAR MI SLU BA YIN YANG DNGOS PO'I RANG BZHIN 'DZIN PA MA YIN PA DE LTAR NA BSTAN ZIN PA KHO NA'O, ,MI SLU BA'I PHYIR TSAD MA YIN YANG 'KHRUL PA NYID YIN PAR STON PA NI, NOR BU SGRON MA'I 'OD DAG LA, ,NOR BU'I BLO YIS MNGON RGYUG PA, ,LOG PA'I SHES PAR KHYAD MED KYANG, ,JI LTAR DON BYED LA KHYAD YOD, ,DE LTAR JI BZHIN DON MIN NA, ,RJES

DPAG DANG NI DE SNANG DAG ,DON BYED DANG NI RJES 'BREL PA, ,TSAD MA NYID DU RNAM PAR GZHAG ,SGO GSEB KYI BU GA NA GNAS PA'I NOR BU'I DBYIBS KYI KHYAD PAR CAN NOR BU'I KHYAD PAR LA BRTEN PA MA YIN PA'I NOR BU'I 'OD DANG, SGRON MA'I 'OD DAG LA PADMA R'A GA RU 'KHRUL PA DAG PHAN TSUN KHYAD PAR MED MOD KYI DE LTA NA YANG NOR BU THOB PAS BYAS PA'I KHYAD PAR 'GA' ZHIG NI YOD PA KHO NA'O, ,DE BZHIN DU RJES SU DPAG PA DANG RJES SU DPAG PA LTAR SNANG BA'I YANG YIN PA DES NA TSAD MA DANG CIG SHOS DAG YIN NO, ,NOR BU MA MTHONG YANG SGRON MA'I 'OD LA NOR BUR LHAG PAR ZHEN PAS 'JUG PA NI MTHONG BA NYID DO, ,'KHRUL LO COG NI MTSUNGS PA MA YIN TE, TSOGS PA'I KHYAD PAR YOD PA'I PHYIR RO, ,SHES PA YIN PA'I PHYIR THAMS CAD 'KHRUL PA'AM GZHAN DU 'GYUR BA NI MA YIN NO, ,DE'I PHYIR 'KHRUL PA YIN YANG TSOGS PA KHYAD PAR DANG LDAN PA NI MI SLU BA'I PHYIR TSAD MA YIN NO, ,'BREL PA'I DON LAS SKYES PA NI 'KHRUL PA YIN YANG TSAD MA SKYES PA'I RGYU MTSAN, MNGON PAR 'DOD PA THOB PA'I RGYU RU 'GYUR BA YIN TE MNGON SUM SKYE BA'I RGYU MTSAN RJES SU DPAG PA'I SHES PA BZHIN NO, ,RJES SU DPAG PA NI MNGON SUM SKYE BA MED NA TSAD MA MA YIN PA LA MNGON SUM YANG RJES SU DPAG PA SKYE BA MED PAR MA YIN NO ZHES BSTAN ZIN TO, ,'DI LTAR, RJES DPAG MED PAR MNGON SUM NI, ,DANG PO 'JUG PAR BYED PA MED, ,DE BZHIN RJES DPAG MNGON SUM NI, ,MED PAR MIN ZHES BSTAN ZIN TO, ,LA LAR DANG POR LA LAR PHYIS, ,'DI NYID 'DIR NI KHYAD PAR YIN, ,RJES DPAG LAS 'OG MNGON SUM MIN, ,MNGON SUM LAS DPOG SNGAR MTHONG MED, ,CI STE MNGON SUM MED PAR NI RJES SU DPAG PA 'JUG PAR BYED PA MA YIN LA, MNGON SUM NI RJES SU DPAG PA MED PAR YANG YIN PAS KHYAD PAR YOD PA'I PHYIR NA RJES SU DPAG PA MNGON SUM DANG MTSUNGS PA MA YIN NO ZHE NA, DE YANG MI RUNG STE, RJES DPAG MED PAR MNGON SUM NI, ,RANG RIG PA LA TSAD MA YIN, ,DE LTAR THA SNYAD YOD MIN PAS; ,TSAD YIN NA YANG CI ZHIG BYA, ,MNGON SUM RANG RIG TZAM NYID NI, ,DON DANG THA DAD MI 'GRUB PHYIR, ,CI YANG 'GYUR BA MA YIN TE, ,GNYIS SU MED PAR LUS PAR 'GYUR, ,DES NA RJES DPAG MED PAR NI, ,MNGON SUM DON DANG THA DAD KYI, ,SGRUB BYED MI 'GYUR DE YI PHYIR, ,RJES DPAG MED PAR DE

, ,TSAD MIN, ,MNGON SUM NI RJES SU DPAG PA LA LTOS PA NYID THA DAD PA DANG, DON LA 'JUG PA YIN LA, RJES SU DPAG PA NI MNGON SUM MED PAR YANG YIN NO, ,'DI LTAR DUS PHYIS 'BYUNG BA'I MNGON SUM LA MA LTOS PA KHO NA DU BA LAS ME RJES SU DPOG PA YIN TE, DE NYID LAS DON DE THOB PA'I PHYIR RO ZHE NA, DE NI MA YIN TE, MNGON SUM MED NA KHYAD PAR GYIS, ,YUL CAN NYID NI RTOGS MA YIN, ,RJES SU DPAG PAS YUL GYI NI, ,KHYAD PAR MED PAR MI RIG 'GYUR, ,RTZIG PA LA SOGS PAS CHOD PA'I ME NI RJES SU DPAG PAS SO SOR NGES PA'I YUL CAN DU RTOGS PAR NUS PA MA YIN NO, , RTZIG PA'I PHA ROL GYI YUL 'GA' ZHIG NA, ME YOD DO ZHES SPYI RJES SU DPOG PA NA, MNGON SUM GYIS SO SOR NGES PA'I YUL 'DZIN PA YIN NO, ,YUL SO SOR NGES PA MED PAR MI SKYE BAR NI MI 'GYUR RO, ,NOR BU'I 'OD LA NOR BUR SHES PA LA YANG SO SOR NGES PA'I YUL MA BZUNG BA NYID SKYON DU 'GYUR BA YIN NA, THE TSOM ZA BA DANG PHYIN CI LOG DAG NI SO SOR NGES PA'I DNGOS PO THOB PAR BYED PA MA YIN PA KHYAD PAR YOD PA MA YIN NO, ,'ON TE YANG PHYIN CI LOG GI SHES PA NI GZHAN DU 'JUG PAR BYED PA YIN PA'I PHYIR TSAD MA MA YIN NO, ,THE TSOM NI RES 'GA' DER YANG MI RUNG STE, GNYI GA'I CHA LA BRTEN PAS NA, ,THE TSOM 'JUG PAR BYED PA MIN, ,PHYIN CI LOG NI BZLOG PA'I PHYIR, ,LUS CAN RNAMS NI 'JUG PAR BYED, ,THE TSOM NI PHYIN CI LOG PAS THU BA YIN TE, GNYI GA'I CHA LA BRTEN PAS SEMS CHA PHYED PA MED PA CAN JI LTAR 'JUG PAR BYED PA YIN, DES NA CHA PHYED PA MED PA DE MNGON SUM GYIS SEL BA YIN NO, ,NOR BU'I 'OD LA NOR BUR SHES PA'I MTSAN NYID KYI PHYIN CI LOG KYANG PHYIS 'BYUNG BA'I RJES SU DPAG PA LAS YIN PA'I PHYIR NOR BU'I 'OD LA NOR BUR SHES PA NI RJES SU DPAG PA GZHAN LAS TSAD MA NYID DU KHYAD PAR MED DO, ,DE TSAD MA GANG YIN ZHE NA, DE NI MNGON SUM GYI TSAD MA NYID DO, ,JI LTAR 'KHRUL TE DE 'DRA NYID, ,MI SLU BAS NA TSAD MA NYID; ,'KHRUL DANG MA 'KHRUL GANG DU DGOS, ,TSAD MA NI MI SLU BA CAN GYI SHES PA'O ZHES SPYIR MTSAN NYID YIN GYI DE 'KHRUL PAR GYUR PA'AM, DE LTA MA YIN ZHES BYA BA GANG DU DGOS PA DANG LDAN PA YIN, GAL TE MI SLU BA YANG MA 'KHRUL PA YIN NA 'GYUR GYI, GZHAN DU NI MA YIN NO ZHE NA, DE YANG BDEN PA MA YIN TE,

YUL DANG DUS DANG MI GZHAN LA, ,MI SLU BA LA 'KHRUL MED YIN, ,MA 'KHRUL BA LAS MI SLU BA, ,MA YIN MA 'KHRUL MA GRUB PHYIR, ,MI SLU BA MED PA 'DI NI 'KHRUL PA'O, ,'DI NI DE LTA MA YIN PA'O ZHES BYA BAR MI 'GYUR RO, ,GNOD PA MED PA'I PHYIR MA 'KHRUL BA YIN NO ZHE NA, MA YIN TE, MI SLU BA NYID LA DE SKAD BRJOD PA'I PHYIR RO, ,MI SLU BA MA YIN NA NI GNOD PA MED PA YIN YANG THAMS CAD 'KHRUL PA NYID DO, ,DE NYID GNOD PA YIN NO ZHE NA, 'O NA NI GNOD PA MED PA NYID DE MI SLU BA NYID YIN PA'I PHYIR MI SLU BA NYID 'KHRUL PA MED PA YIN NO ZHES BYA BAR GRUB BO, ,RJES SU DPAG PA MI SLU BA YIN YANG 'KHRUL PA NYID DO ZHES BYA BA YANG DPYOD PA'I GZHUNG MA YIN LA, 'JIG RTEN RGYANG PAN PA'I 'DOD PA YANG MA YIN TE, 'KHRUL PA MTHA' DAG TSAD MA MA YIN PAR KHAS BLANGS PA'I PHYIR RO, ,GAL TE 'KHRUL KYANG MNGON SUM TSAD MA NYID YIN NA, MNGON SUM DANG RJES SU DPAG PA DAG KHYAD PAR YOD CE NA SNANG BA THA DAD PA'I PHYIR RO ZHES 'CHAD PAR 'GYUR RO, 'KHRUL PA NYID KYANG SO SOR SNANG BA THA DAD PA YIN TE, RJES SU DPAG PA'I SNANG BA DANG RAB RIB CAN GYI SHES PA BZHIN NO, ,SHES PA MTHA' DAG MA 'KHRUL NYID, ,TSAD MA 'KHRUL PA MA YIN NO, ,'KHRUL PA DANG NI MA 'KHRUL BA, ,KHYAD PAR 'DI NI GANG GIS SHES, ,'KHRUL PA NI RANG GI NGO BO LAM REG PA 'DI YIN PA LA DE NI TSAD MA THAMS CAD LA MTSUNGS PA NYID DO, ,JI LTAR RJES SU DPAG PA THOB PAR BYA BA'I RANG BZHIN LA REG PA MA YIN PA DE BZHIN DU, ,MNGON SUM YANG YIN PAS KHYAD PAR MED DO, ,DE'I PHYIR NOR BU'I 'OD LA NOR BUR SHES PA YANG MNGON SUM NYID DO, ,'BYUNG BAR 'GYUR BA'I RJES SU DPAG PA TSAD MA YIN NO ZHE NA, 'DI NI MNGON SUM GZHAN LA YANG MTSUNGS SO, ,DER NI TSAD MA GZHAN NYID DU MNGON PAR RLOM PA MED LA NOR BUR SHES PA LA NI YOD PA KHO NA'O ZHE NA MA YIN TE, SHIN TU GOMS PA LAS NOR BUR SHES PA LA YANG, TSAD MA GZHAN DU MNGON PAR RLOM PA MED PA'I PHYIR MTSUNGS SO, ,GAL TE 'OD LA NOR BUR SHES PA LA NI 'KHRUL PAR MNGON PAR RLOM PA YOD KYI KA BA LA SOGS PA SHES PA LA NI MA YIN NO ZHE NA, 'DI LA BRJOD PA, DON DAM DU NI MTSUNGS PAS NA, ,MNGON RLOM TSAD MA MIN PA LAS, ,KHYAD PAR BDEN PA MA YIN TE, ,DE NI GNYI GA TSAD MA NYID, ,THAMS CAD DU MNGON SUM DANG RJES SU DPAG PA DAG LA TSAD

, ,MA GZHAN NI YOD PA MNGON PAR RLOM PA NI MED PA NA DE TZAM GYI DNGOS PO THA DAD PAR 'GYUR BA MA YIN NO, ,TSAD MA MA YIN PA'I MNGON PAR RLOM PA NI JI LTAR 'BYUNG BAR RUNG BAR 'GYUR BA YIN PA'I PHYIR DE YOD PA DANG MED BA DAG LA NI KHYAD PAR YOD PA MA YIN NO, ,DE'I PHYIR NOR BU'I 'OD LA NI; ,NOR BUR SHES PA'I SHES PA DE, ,DE NYID DU NA MNGON SUM MAM, ,YANG NA RJES DPAG NYID CES NGES, ,'ON TE NOR BU'I RANG BZHIN MA BZUNG BAR JI LTAR MNGON SUM NYID YIN, KA BA LA SOGS PA LA NI GAL TE 'BYUNG BAR 'GYUR BA'I RANG BZHIN NI MA BZUNG BA DE LTAR NA YANG DE'I DUS SU BYUNG BA DE'I RANG BZHIN 'DZIN PA NI YOD PA NYID DO ZHE NA, DE NI MA YIN TE, 'DI LTAR, 'BYUNG 'GYUR RANG BZHIN MA BZUNG NA, ,SHES DANG SHES BYA GZHAN 'DZIN TE, ,MTSUNGS NYID GNYI GA LTA NA YANG, ,THOB PA 'BREL PA LAS YIN NO, ,GAL TE THOB PAR BYA BA'I RANG BZHIN GZUNG BA MED NA DE LAS GZHAN RANG GI NGO BO GZUNG NGAM GZHAN GYI NGO BO GZUNG YANG SLA STE KHYAD PAR MED DO, ,NOR BUR SNANG BA'I NOR BU NYID DANG NOR BU'I 'OD LAS MTSUNGS PA NYID DO, ,DE LA LA LAR NI YUL 'KHRUL PA, LA LAR NI RANG GI NGO BO LA 'KHRUL PA, LA LAR NI GNYIS KA LA 'KHRUL PA, LA LAR NI GNYI GA LTAR YANG MA YIN TE, NOR BU'I 'OD LA NOR BUR SHES PA NI YUL LA 'KHRUL PA'O, ,NOR BU NYID LA NOR BUR SHES PA NI THOB PAR BYA BA'I RANG BZHIN LA 'KHRUL PA'O, ,SPYI RJES SU DPAG PA NI GNYIS KA LA'O, ,RANG RIG PA NI GNYIS KA LTAR YANG MA YIN NO ZHES BYA BA NI RNAM PAR DBYE BA'O, ,DES NA JI SKAD DU GANG ZHIG RTOGS PA DE NI RANG GI NGO BO KHO NAS TE DPER NA MNGON SUM GYI RTOGS PA BZHIN NO, ,GANG ZHIG TSAD MA YIN PA DE NI 'KHRUL PA MA YIN TE, DPER NA MNGON SUM BZHIN NO ZHES SMRAS PA DE NI RIGS PA MA YIN TE, MNGON SUM YANG RANG GI NGO BOS RTOGS PA MA YIN LA MA 'KHRUL PA YANG MNGON SUM LA YOD PA YANG MA YIN NO, ,RANG GI NGO BO LA NI JI LTAR MNGON SUM 'KHRUL PA DE BZHIN DU RJES SU DPAG PA YANG YIN LA 'KHRUL PAR 'DOD PA'I SHES PA GZHAN YANG YIN PAS NA DE LTAR MA 'KHRUL BAR BSGRUBS PA YIN PAS 'GA' YANG NYE BAR MKHO BA MED DO, ,DE LTA NA 'O NA MNGON SUM DANG RJES SU DPAG PA DAG JI LTAR MTSAN NYID THA DAD CE NA, 'DI LA GSAL BA DANG CIG SHOS SNANG BA THA DAD PA'I PHYIR RO ZHES BSHAD

ZIN TO, ,DE LTAR SNANG BA THA DAD PA DE NYID GA LAS 'GYUR ZHE NA, GANG ZHIG RANG DBANG DU GZUNG BA, ,DER NI GSAL BAR SNANG 'GYUR LA, ,GANG ZHIG DE LTA MIN DE NI, ,MI GSAL BAR SNANG DBANG PO 'DAS, ,LKOG TU GYUR PA ZHES BYA BA'I THA TSIG GO, ,GANG GIS DE SKAD BRJOD PA DE NYID JI LTAR 'GYUR BA YIN ZHI NA; BSHAD PA, GANG LA DON GYI NUS PA LAS, ,RJES 'GRO LDOG PA CAN GYI BLO, ,DE LA 'DZIN PA RANG DBANG CAN, ,DE LAS GZHAN DNGOS DBANG PO 'DAS, ,GANG ZHIG DNGOS SU SNANG BA'I DON DE NYID DBANG PO LAS 'DAS PA MA YIN PA RANG GI MTSAN NYID YIN NO, ,DNGOS SU SNANG BA YANG RJES SU 'GRO LDOG GI RJES SU BYED PA'I BLO DE'I RNAM PA CAN DU SKYED PA'I PHYIR RO, ,GANG LA SNGON MTHONG BAS SKYED PA'I BAG CHAGS SAD PA LAS SNANG BA'I YUL SNGON MTHONG BA'I RANG BZHIN GYI RNAM PAR NGES PA DE NI DE LAS GZHAN DBANG PO LAS 'DAS PA YIN NO, ,DE LA NI DBANG PO'I BYED PA'AM, DE LAS BYUNG BA DNGOS SU BYED PA'I RNAM PA YOD PA MA YIN NO, ,GAL TE RNAM PA 'DI DNGOS NYID DU RTOGS PA MA YIN NAM, DE'I RNAM PA LAS THA DAD PA GZHAN NI DE LAS RTOGS PA MED DO, ,DES NA RTOGS PA GANG YIN PA DE NI DNGOS KHO NAR YIN LA, GANG ZHIG DNGOS SU MA YIN PA DE NI RTOGS PA MED PA KHO NA'O, ,'ON TE DBANG PO DANG 'BREL PA MED PAS LKOG TU 'GYUR BA YIN NA, 'O NA DBANG PO BYED PA MED PA'I PHYIR RANG GI NGO BOS RTOGS PA NYID LKOG TU GYUR PA YIN PAR 'GYUR RO, ,DE NI DE LTAR 'DOD PA MA YIN NO, ,GANG ZHIG LKOG GYUR YUL CAN GYI, ,RTOGS PA GAL TE DNGOS MTHONG MIN, ,RTOGS PA LKOG GYUR MA YIN PHYIR, ,JI LTAR LKOG GYUR YUL CAN YIN, ,GAL TE RTOGS NA LKOG TU GYUR PA MA YIN PA NYID DO, ,DNGOS PO LA REG PA MA YIN PA NYID DNGOS PO'I YUL CAN YANG MA YIN NO, ,'O NA SPYI'I YUL CAN YIN NA JI LTAR LKOG TU GYUR PA'I YUL CAN NYID YIN, DE LA SPYI NI MNGON DU BYAS PA NYID DO, ,DNGOS PO LA YANG REG PA MED PA'I PHYIR JI LTAR SPYI'I SHES PA'I LKOG TU GYUR PA'I YUL CAN YIN PAR 'GYUR; MTSON PAR BYAS PAS MTSON PA RTOGS PA'I PHYIR RO ZHE NA, KHYAD PAR RANG BZHIN GANG GIS RTOGS, ,GAL TE KHYAD PAR GYIS YIN NA, ,SGRA NYID LAS DE RTOGS LA RAG MOD BAR MA DO'I LHAG PA'I SPYIS CI ZHIG BYA, SPYI'I RANG BZHIN DU MTSON NA NI THUG PA MED PAR 'GYUR RO ZHES BSHAD PA YIN NO, ,KHYAB

, ,PAR GYI RANG BZHIN GYIS MTSON NA DBANG PO'I TSOGS DON MED PAR YANG 'GYUR RO, ,'ON TE CI 'BA' ZHIG SNANG LA KHYAD PAR NI LKOG TU GYUR PA YIN TE, MI SNANG BA'I PHYIR RO, ,'DIR YANG BAG CHAGS KYI STOBS LAS BYUNG BA RANG GI RNAM PA NYID DNGOS SU SNANG BA YIN LA DON NI LKOG TU GYUR PA YIN NO, ,JI LTAR DE NI YUL NYID YIN, ,DE LA 'JUG PA YIN PHYIR RO, ,MA RTOGS PA LA JI LTAR 'JUG ,THAMS CAD DU MA RTOGS PA NYID LA 'JUG PA YIN NO ZHES BSTAN ZIN TO, ,LHA SBYIN GYIS RANG BZHIN MA RTOGS PAR YANG MCHOD SBYIN MTSUNGS PA MTHONG BA LAS 'JUG PA MTHONG BA'I PHYIR RO, ,DE LA NI SLU BA YOD PA'I PHYIR RO ZHE NA, MA YIN TE 'BREL PA LAS MI SLU BA YIN NO ZHES MI SLU BA'I RGYU 'CHAD PA'I PHYIR RO, ,GAL TE BAG CHAGS KYI STOBS LAS 'KHRUL PA YIN NA, 'O NA BAG CHAGS NYID LA 'BREL PA YIN PA'I PHYIR DON NGES PA'AM, THOB PAR JI LTAR 'GYUR BA YIN TE BAG CHAGS SAD PAR BYED PA YANG RGYU YIN PA'I PHYIR RO, , DON DE DANG 'BREL PAS YIN PA'I PHYIR SKYON MED DO, ,'DI NYID BSHAD PA NI, MA MTHONG BDAG NYID NGO BO DE, ,RTOGS PA'I RTEN NI DON GZHAN YIN, ,GAL TE DE RTEN DANG 'BREL CAN, ,YIN NA DE TSE GO BYED NYID, ,RANG GI NGO BO MA MTHONG BA'I DON NI 'BREL PA GZHAN LAS RTOGS TE, GZHAN TZAM LAS RTOGS NA NI HA CANG THAL BAR 'GYUR LA, RANG NYID RTOGS NA YANG THAMS CAD KYIS THAMS CAD MTHONG BAR 'GYUR TE, KHYAD PAR MED PA'I PHYIR RO, ,GAL TE RTEN DE DANG GZHAN DE 'BREL PA YOD PA YIN NA, DE'I TSE GO BAR BYED PA YIN NO, ,'DI JI LTAR, DE LTA BU NYID DU MTHONG BA'I PHYIR RO, ,'BREL BA LAS DRAN PA NYID 'BYUNG BA MA YIN NAM, DE NI 'DRA BA LAS KYANG YIN PAS HA CANG THAL BA DE NYID DO ZHE NA, MA YIN TE, 'BAD RTZOL LA SOGS PA LAS SKYES PA'I DRAN PA NI GZHAN DU 'GYUR BA YIN PA'I PHYIR RO, ,RTZOL SOGS PA LAS NI DRAN PA DE, ,YUL LA SOGS PA RNAMS GNAS MIN, ,DE RTEN DANG NI 'BREL PA LAS, ,YUL DUS LA SOGS KHYAD PAR CAN, ,CHOS CAN DANG BSGRUB BYA DANG 'BREL PA'I DNGOS PO MTHONG BA LAS NI YUL DANG, DUS NGES PA THOB PAR NUS PA'I DNGOS PO RTOGS KYIS 'BAD RTZOL LA SOGS LAS NI MA YIN NO, ,'DI LTAR 'BAD RTZOL NI BDAG GIS CI MTHONG ZHES RTZOL BA LHUR LEN PA'I YID KYI BYED PA YIN NO, ,DE YOD PAS NI DE LTA BUR GYUR PA'I YUL

DANG DUS KYI DNGOS PO NYID DRAN GYI BYED PA BLA LHAG PA NI MED DO, ,DES NA DE NI TSAD MA MA YIN NO, ,'DRA BA GZUNG BA LAS 'DI NI DE DANG 'DRA'O ZHES DE TZAM ZHIG RTOGS LA 'DRA BA NYID NI YUL DANG DUS KYI KHYAD PAR CAN MA YIN TE, NAM YANG 'DRA BA'I PHYIR RO, ,DU MA NI 'DRA BA'AM GZHAN NO ZHES SO SOR NGES PAR RTOGS PA YIN PA'I PHYIR NA DE TSAD MA MA YIN NO, ,DE DANG 'DRA BA DES BYAS PA GANG YIN PA DE NI BYAS PA YIN PA'I PHYIR DE LA MNGON SUM TSAD MA NYID DO, ,DE LTA MA YIN NA MNGON SUM LAS MI 'JUG PA'I PHYIR TSAD MA MA YIN NO ZHES BSTAN ZIN PA NYID LAS KYANG MI BRJOD DO, ,'BREL PA LAS KYANG DE LTA BU NYID DU RTOGS PA NI RJES SU DPAG PA'I BDAG NYID KYI TSAD MA YIN NO, ,'DI LTAR, 'BRAS SOGS RTAGS NI DE YI NI, ,TSAD MA NYID KYIS GO BYED 'DOD, ,DE YI MTSAN NYID LAS GZHAN PA, ,RTAGS KYI MTSAN NYID YOD MA YIN, ,SHING GI DON BYA BA BYED PA'I SHA PA'AM ME LA SOGS PA LAS SKYE BA'I DU BA LA SOGS PA DE NI 'DI YIN NO ZHES DER YANG RGYU NYID DAM 'BRAS BU NYID DU MTSUNGS PA NYID DU RTOGS PA YIN NO, ,SNGA MA DANG PHYI MA DANG BRAL BA NYID KYIS MI RTAG PA'I RANG BZHIN GYIS YOD PA NYID DE NI 'DI YIN TE, GZHAN GYIS MI RTAG PA'I RANG BZHIN YANG GZHAN NI MA YIN NO ZHES RJES SU DPAG PA'I RTOGS PA MTHA' DAG NI 'DI LTA BUR GYUR PA NYID DO, ,KHYAD PAR 'GA' ZHIG GIS NYE BAR MTSON PA'I DU BA'I RANG BZHIN NI RGYU NYE BAR GNAS PA CAN YIN LA, THAL BA LA SOGS PA'I NI RGYU NYE BAR GNAS PA CAN MA YIN PA'I PHYIR GNYIS KA YANG JI LTAR RIGS PAR GO BAR BYED PA YIN NO, ,'DI LTAR, DNGOS GANG LHAN CIG JI LTAR MTHONG, ,DE NI GZHAN TSE DE LTA BUR, ,DRAN PA SAD RGYU DE LTAR NA, ,CI RIGS PAR NI 'JUG BYED NYID, ,GZHAN DU GANG TSE SNGON GYI NI, ,MTHONG LAS G-YOS TE DRAN GYUR PA, ,DE LA 'JUG PA YIN NA YANG, ,MI SLU BA DANG 'BREL MA YIN, ,MNGON SUM SLU BA MED PA CAN, ,DRAN PA DE LA BRTEN PAS YIN, ,GAL TE BDAG GIS DRAN NO ZHES, ,JI BZHIN DRAN NA DE TSAD MIN, ,GAL TE MTHONG BA 'KHRUL PAS NA, ,DE BZHIN YIN YANG TSAD MIN NA, ,MTHONG BA 'KHRUL PA DE YANG NI, ,RNAM PA GZHAN DU DRAN LAS YIN, ,'DI LTAR MTHONG BA DMIGS MED LA, ,DE NI DMIGS DANG BCAS NYID DU, ,RNAM PA GZHAN DU DRAN YIN LA, ,DE LTA NA DE TSAD MIN GYUR, ,DRAN PAS GZHAN

, ,DU RTOGS PAS MTHONG BA TSAD MA MA YIN PA'I PHYIR MTHONG BA RANG GIS NYES PA NI MA YIN GYI 'ON KYANG DRAN PA'I NYES PA YIN NO, ,DRAN PA DE YANG 'DRA BA LAS RNAM PA GZHAN DU SKYE BA NI DRAN PA GSAL BA MA YIN PA NYID KYI PHYIR RO, ,DE PHYIR DE NYID DU DMIGS PA'I, ,'BRAS BU RANG BZHIN DAG LAS NI, ,DON BCAS DRAN PA SKYE 'GYUR GYI, ,GZHAN DU DRAN PA 'KHRUL PAR 'GYUR, ,DES NA THAMS CAD DU SLU BA NI DRAN PA 'KHRUL PAS BYAS PA NYID DO, ,DE'I PHYIR 'BREL PA LAS MTHONG BA JI LTA BA BZHIN LKOG TU GYUR PA'I YUL DRAN PA NYID TSAD MA YIN LA, DE YANG RJES SU DPAG PA KHO NA YIN GYI GZHAN NI MA YIN NO, ,DE NYID KYI PHYIR BSHAD PA, DE'I TSE GO BYED RJES 'GRO BA, ,SPYI YIS NGO BO NYID DU RTOGS, ,DES NA LKOG GYUR DON THAMS CAD, ,KHYAD PAR DU NI RTOGS MI 'GYUR, ,GO BAR BYA BA RTOGS PA NI, ,GO BAR BYED PA'I GZHAN GYI DBANG DU GYUR PA YIN NO, ,GO BAR BYED PA DE YANG SPYI'I NGO BOS YIN GYI KHYAD PAR GYIS NI MA YIN TE, DE RTOGS PAR MI NUS PA'I PHYIR RO, ,MA RTOGS PA'I NGO BOS KYANG GO BAR BYED PA NYID YIN NA NI RNAM PA THAMS CAD DANG RGYU GZHAN DANG GZHAN THAMS CAD RTOGS PAR THAL BAR 'GYUR RO, ,DU BA LA SOGS PA'I SPYI DE YANG ME LA SOGS PA THAMS CAD LA MTHONG BA DE'I PHYIR MA NGES PA NYID KYIS NA DE LAS KHYAD PAR SPYI MI RTOGS SO, ,KHYAD PAR NYE BAR MTSON PA YIN NA RTOGS SO ZHE NA, MA YIN TE NANG TSAN GYI KHYAD PAR MI NUS PA'I PHYIR RO, ,'GA' ZHIG KHYAD PAR MTSON PAR 'GYUR BA NYID DO ZHE NA MA YIN TE, SHIN TU KHYAD PAR DU GYUR PA MI NUS PA'I PHYIR RO, ,KHYAD PAR NYE BAR MTSON PA NI DER LTOS PAS BYAS PA YIN TE, GANG CI SRID PA TZAM ZHIG YIN PA'I PHYIR RO, ,RNAM PA THAMS CAD RTOGS PA GANG YIN PA DE NI MNGON DU BYED PA YIN PA'I PHYIR, DE MNGON SUM KHO NA'O ZHES BSTAN ZIN TO, ,KHYAD PAR MTHONG BA LAS KHYAD PAR RTOGS SO ZHE NA, MA YIN TE DER YANG SPYI RTOGS PA YIN NO ZHES BSTAN PAR 'GYUR RO, ,'DI NYID BSHAD PA NI, 'BREL PA CAN GYIS CHOS LAS NI, ,CHOS CAN LA RTOGS SKYE BA DAG ,DE NI RJES DPAG LKOG GYUR GYI, ,SGRUB BYED GCIG TU NGES PA YIN, ,MTSAN NYID GZHAN MED PA'I PHYIR DANG, RJES SU DPAG PA'I MTSAN NYID YOD PA'I PHYIR LKOG TU GYUR PA'I YUL GYI TSAD MA NI RJES SU DPAG PA LAS GZHAN MA YIN

NO; ,GAL TE GZHAL BYA GZHAN GYI YUL CAN TSAD MA GZHAN YIN PA'I PHYIR TSAD MA GNYIS KHO NAR ZAD PA MA YIN NO ZHE NA, 'DI LA LAN DU, MNGON SUM LKOG TU GYUR PA LAS, ,GZHAL BYA GZHAN NI YOD MA YIN, ,DE PHYIR GZHAL BYA GNYIS NYID KYIS, ,TSAD MA GNYIS SU 'DOD PA DANG, ,GAL TE TSAD MA GNYIS NYID KYIS GZHAL BYA GNYIS NYID DO ZHES RIGS PA YIN TE, YOD PAR SGRUB PAR BYED PA NI TSAD MA YIN PA'I PHYIR RO ZHE NA, DE LTAR NI MA YIN TE TSAD MAS NI GZHAL BYA SGRUB LA, TSAD MA'I RANG GI NGO BO NI RANG RIG PA'I RNAM PA GRUB PA LAS SO, ,RANG RIG PA NI SHES PA'I RNAM PA NYID DE, RANG DANG SPYI NYID DU DMIGS PA LA MNGON SUM DANG RJES SU DPAG PA'I YUL YIN NO ZHES BSHAD ZIN TO, ,GZHAL BYA GNYIS PHYIR ZHES BYA BA NI RNAM PA GNYIS YOD PA'I PHYIR RO ZHES BYA BA'I DON TO, ,RANG GI RNAM PA GNYIS MYONG BA NA GCIG GO ZHES BYA BAR NI MI RIGS LA, GSUM LA SOGS PAR YANG MA YIN NO, ,GZHAL BYA GNYIS NI MTHONG BA'I PHYIR, ,GSUM GCIG NGAS NI GSAL BA YIN, ,GZHAL BYA GNYIS LAS GZHAN PA'I GZHAL BYA MED PA'I PHYIR TSAD MA GZHAN MED DO ZHES BSTAN PA YIN LA, DA LTAR NI GZHAL BYA GNYIS PA YOD PA'I PHYIR, TSAD MA GCIG MA YIN LA GSUM LA SOGS PA YANG MA YIN NO ZHES STON TO, , GZHAL BYA GNYIS YOD NA TSAD MA GCIG TU 'GYUR BA MA YIN NO, ,GZHAL BYA GNYIS PA'I YUL CAN GYI TSAD MA YANG YOD PA'I PHYIR RO, ,TSAD MA GCIG GIS NI GNYIS PA YANG 'GYUR BA MA YIN NO, ,'ON TE SPYI DANG KHYAD PAR GYI YUL CAN GZHAL BYA GCIG NYID YIN PA LA, GZHAN NI YOD PA MA YIN PA'I PHYIR, GZHAL BYA GNYIS MA GRUB BO ZHE NA, BSHAD PA, MED PAS GZHAL BYA MA YIN PHYIR, ,GCIG NYID CE NA KHO BO'ANG 'DOD, ,'DI NI 'DOD PA NYID YIN TE, ,RANG GI MTSAN NYID LAS GZHAN PA'I GZHAL BYA NI MED PA YIN LA, DE YANG GZHAL BYA MA YIN GYI RANG GI MTSAN NYID GCIG NYID GZHAL BYA YIN NO, ,DE NYID RANG DANG GZHAN GYI NGO BO DAG GIS RTOGS PA'I PHYIR SPYI DANG RANG GI MTSAN NYID YIN NO ZHES SNGAR BSHAD ZIN TO, ,GZHAN YANG, MED PA NGES PHYIR GZHAL BYA NI, ,MIN LA MA NGES PA NYID DAM, ,SNGA NA MED PA LA SOGS PA'I MTSAN NYID MED PA YANG GZHAL BYA YIN PA'I PHYIR MED PAR GZHAL BYA MA YIN NO ZHES BYA BA JI

, ,LTAR KHYAB PA YIN, KHYAB PA MED PA YANG JI LTAR GTAN TSIGS YIN TE, MA NGES PA NYID DO, ,'DI LTAR, SNGA NA MED SOGS RIGS MED NA, ,THAMS CAD RTAG PA NYID 'GYUR TE, ,'BRAS MED RGYU YANG MED PA NYID, ,DE LTAR YANG NI STON PAR 'GYUR, ,GCIG LA GCIG MED PA MED NA NI, RDZAS RNAMS 'DRE BAR 'GYUR BA'I PHYIR NA MTHA' DAG GNYIS MED PA NYID DU 'GYUR RO, ,DE NGES TSAD MA GNYIS PA NYID, ,'DI LTAR, MED LA DBANG SKYES BLO MIN TE, ,DON GYI STOBS LAS SKYES PA'I PHYIR, ,DON GYI DUS LA LTOS MED NA, ,BAR CHOD LA SOGS YOD NA YANG, ,DBANG SKYES BLO NI SKYE BAR 'GYUR, ,MED PA NI DBANG PO'I SPYOD YUL YANG MA YIN TE, DE LA NI SGRA LA SOGS PA'I RANG GI NGO BO NYID SNANG BA'I PHYIR RO, ,DE 'DI NA MED DO ZHES BYA BAR DE'I RANG BZHIN MED PAR NI DBANG PO'I SPYOD YUL DU 'GYUR BA MA YIN NO, ,BAR CHOD KYANG DE MED PA NYID DU RNAM PAR 'JOG PA'I PHYIR RO, ,'O NA TE PHYOGS DBEN PA DMIGS PA NYID LAS DE LTAR NGES PA YIN NO ZHE NA, DBEN PA ZHES BYA BA NI 'DI CI ZHIG GIS, GAL TE SA PHYOGS PA'I RANG BZHIN YIN NA, DE DMIGS PAS GZHAN MED DO ZHES BYA BA GA LAS, DE NI DE MED PA'I NGO BO YIN PA'I PHYIR RO ZHE NA, JI LTAR GZHAN MED PA YIN, DE DANG LHAN CIG 'BREL PA'I PHYIR RO ZHE NA; MA 'BREL BA GA LAS LHAN CIG RIG PA MED PA'I PHYIR RO ZHE NA, 'O NA RIG PA MED PA LAS MED PAR RIG PAR GZHAG GO, ,DE LAS GZHAN RIG PA NYID DE RIG PA MED PA YIN NO ZHE NA, DE MA RIG NA DE LAS GZHAN NYID DU JI LTAR 'DZIN, ,DE SNGAR RIGS PA'I PHYIR RO ZHE NA, DE NYID KYI TSE YIN MOD, RIG PA MED DO ZHES MED PAR JI LTAR RTOGS, DE'I PHYIR MED PAR NGES PA'I DI NI DBANG PO LAS SKYES PA MA YIN NO, ,DES NA 'DI NI MNGON SUM MA YIN NO, ,CI STE YANG MNGON SUM NYID LDOG PA NA DNGOS PO MED PAR NGES PA'I RGYU YIN NO ZHE NA MI RUNG STE, GAL TE MNGON SUM NYID LDOG LAS, ,MED PAR NGES PA YIN ZHE NA, ,'GAL BA'AM DE NYID LDOG PA DANG, ,RJES 'GRO CAN GYI RTAGS YIN NO, ,MNGON SUM NYID LDOG PA LAS DNGOS PO MED PA NGES PAR BYED DO ZHE NA, MED MED BAR YANG YIN LA DE LA DES RTOGS PA YANG YIN NO ZHES BYA BA 'DI NI 'GAL LO, ,MNGON SUM NI MYONG BA'I BDAG NYID KYIS NA GANG DU ZHUGS PA DE NGES PAR BYED PA YIN TE, NYAMS SU

MYONG BA LA NGES PA'I PHYIR RO, ,NYAMS SU MA MYONG NA GO JI LTAR NGES, 'DI LTAR SMRA BA PO DAG CI GZHAN YOD DAM 'ON TE MED CES MI SHES TE, DER BDAG LA MYONG BA MED DO ZHES BRJOD PA MA YIN NO, ,NGES PA MED PA'I RGYU RIG PA MED PA LAS JI LTAR NGES, 'ON TE DMIGS PAR RUNG BA MA DMIGS PA NI DON MED PA YIN TE; DES NA DNGOS PO MED PAR NGES SO ZHE NA, 'O NA NI 'JIG RTEN PHA ROL LA SOGS PA DBANG PO LAS 'DAS PA DNGOS PO MED PAR NGES PA MED DO, ,GAL TE MI DMIGS PA DNGOS PO YOD PA LAS LDOG PA YIN PA DE'I TSE DE LAS LDOG PAS KHYAB PA YIN NA GO BAR BYED PAR 'GYUR BAS NA, RJES SU 'GRO BA DANG LDOG PA DANG LDAN PA'I PHYIR RTAGS YIN PAS RJES SU DPAG PA'I TSAD MA GZHAN GRUB STE, RTAGS LAS SKYES PA'I PHYIR RO, ,'DIS NI RANG BZHIN GYI GTAN TSIGS DANG DE'I KHONGS SU 'DUS PA MI DMIGS PA'I GTAN TSIGS BRJOD PA YIN NO, ,'BRAS BU'I GTAN TSIGS BSHAD PA NI, GZHAN SEMS DAG NI RTOGS PHYIR YANG, , TSAD MA GNYIS NI GRUB PA YIN, ,SMRA SOGS LA NI 'JUG PA'I PHYIR, ,DE YI NGO BO'ANG NGES PAR 'GRUB, ,GZHAN GYI SEMS PA NI BDAG NYID KYI BZHIN DU MNGON SUM GYIS GRUB PA MA YIN NO, ,DE'I RNAM PAR SNANG BA NYID LAS NI GZHAN SEMS PA YOD PAS YIN NAM 'ON TE MED PA YIN ZHES SHES PA MED PA MA YIN TE, DE LTAR RTOGS PA MED PA'I PHYIR RO, ,SDANG BA LA SOGS PA'I KHYAD PAR NI 'BRAS BU'I KHYAD PAR GYIS NGES PA YIN NO, ,GAL TE RNAM PA CI ZHIG LTAR NGES PA 'DIR 'GYUR MOD DE TSAD MA NI MA YIN NO ZHE NA, NYES PA 'DI NI MED DE, RJOD PA LA SOGS PA'I MTSAN NYID DE DANG RJES SU MTHUN PA'I THA SNYAD MTHONG BA'I PHYIR RO, ,JI LTAR RUNG BAR TSAD MA MED PA CAN NYID 'JUG PA YIN NO ZHE NA, MA YIN TE DPYAD NAS 'DOR BAR THAL BA'I PHYIR RO, ,THABS GZHAN MED PA'I PHYIR RTEN MED PAS MI 'DOR RO ZHE NA, THABS GZHAN MED DO ZHES NGES BA 'DI YANG TSAD MA NYID YIN LA DE LA'ANG RJES SU DPAG PA YIN NO ZHES BRJOD PA YIN NO, ,GZHAN GYIS KHAS BLANGS PAS DE SKAD BRJOD PA DES NA SKYON MED DO ZHE NA, MA YIN TE GZHAN GYIS KHAS BLANGS PA NI GZHAN GYI DON GYI RJES SU DPAG PA NYID LA 'JUG PA'I PHYIR RO, ,BDAG NYID GZHAN GYIS KHAS BLANGS PAS RTOGS PAR BYED PA NI SU YANG MED DO, ,RE ZHIG RTEN GZHAN MA RTOGS PAS DES NA BDAG 'JUG PA YIN NO ZHE NA, 'O

, ,NA 'JIG RTEN PHA ROL YANG RTOGS PAR 'GYUR RO, ,'JIG RTEN PHA ROL MED KYANG DER YANG 'TSO BAR NUS PA DES NA DER YANG SGRUB PAR BYED PA NI MA YIN NO ZHE NA, DE LTAR 'TSO BAR NUS SO ZHES BYA BA 'DI GA LAS, 'TSO BA DON DU GNYER BA YANG CI 'DAS PA'I 'TSO BA DON DU GNYER RAM, 'ON TE DA LTAR BA DANG MA 'ONGS PA'I 'TSO BA DON DU GNYER, DE LA 'DAS PA NI DON DU GNYER BA MA YIN TE, 'DAS PA NYID KYI PHYIR RO, ,DA LTAR BYUNG BA'I DON DU GNYER BA YANG MA YIN TE, DE NI THOB ZIN PA'I PHYIR RO, ,MA 'ONGS PA'I DON DU GNYER RO ZHE NA, 'O NA NI MA 'ONGS PA'I 'TSO BA NI THABS 'DIS 'GYUR GYI GZHAN GYIS NI MA YIN NO ZHES RJES SU 'GRO BA DANG LDOG PA DAG LAS RTOGS PA NI RJES SU DPAG PA NYID DO, ,GZHAN YANG THA SNYAD 'DI NI CI LTAR RUNG BAR YIN NO ZHES BYA BA CI KHYED NYID KYI'AM 'ON TE GZHAN GYI, GAL TE KHYED NYID KYI YIN NA GNYI GA LA GRUB PA MED PA'I PHYIR JI LTAR GZHAN RTOGS, 'ON TE GZHAN LA YANG THABS MED PA KHO NA'O ZHE NA, DE LTA YIN NA GDON MI ZA BAR GZHAN GYIS SEMS PA RTOGS PAS JI LTAR 'DI RNAM PA RUNG BAR RTOGS PA YIN NO, ,'ON TE 'DI RNAMS YANG JI LTAR RUNG BAR YIN NO ZHE NA, DE LTA NA NI 'O NA KHYOD NYID YID CHES PA MED PAR GZHAN JI LTAR RTOGS PAR BYED, BDAG RE ZHIG DE LTAR YIN TE GZHAN NI JI LTAR ZHES MI SHES SO ZHE NA, 'O NA NI MI SMRA BA NYID THOB BO, ,GZHAN YANG DE LTA BU NYID DU 'GYUR BA YIN NO ZHE NA, MA YIN TE TSAD MA MED PA'I PHYIR RO, ,DES NA 'DI NI GYI NA'O, ,DES NA GZHAN RTOGS PA YOD PA DES NA GZHAN GYIS KYANG RJES SU DPAG PA KHAS BLANG BAR BYA BA YIN NO, ,SLU MED PHYIR DE TSAD MA NYID, ,GAL TE LA LA DAG TU NI, ,'KHRUL PHYIR YID BRTAN MED CE NA, ,RTAGS LOG MTHONG PHYIR DE DE 'DRA, ,TSAD MA'I MTSAN NYID NI MI SLU BA YIN LA, DE NI RJES SU DPAG PA LA YAD PAS NI TSAD MA NYID DO, ,'ON TE LA LAR SLU BA YANG MTHONG BA'I PHYIR BZLOG PAR 'GYUR TE, 'DI LTAR NA DE'I BU YIN PA'I PHYIR SNGO BAS NGAS SO ZHES BYA BAS 'KHRUL PA DANG 'BREL PA YIN YANG RJES SU DPAG PA YIN NO ZHE NA, DE NI MI RIGS TE, DE NI RJES SU DPAG PA NYID MA YIN TE 'BREL PA MED PAS RTAGS LTAR SNANG BA LAS SKYES PA'I PHYIR RO, ,DE'I BU NYID NI SNGO BAS NGAS DANG 'BREL PA MA YIN NO, ,TSOGS PA GCIG LA RAG LAS PA NYID KYIS

NA MTSUNGS PA NYID YIN NO ZHE NA, MA YIN TE, TSOGS PA GCIG LA RAG LAS PA NYID MED PA'I PHYIR RO, ,LAS DANG ZAS DANG DUS KYI KHYAD PAR SRID PA'I PHYIR RO, ,TSOGS PA GCIG LA RAG LAS PA YIN NA NI CIG CAR SKYE BAR THAL LO, ,DES NA RTAGS KYI DE KHO NA'I RANG BZHIN MA MTSON PA'I PHYIR GTAN TSIGS MA YIN PA LA YANG GTAN TSIGS SU LHAG PAR SGROS BTAGS PA NA 'KHRUL PAR BSAMS PA YIN NO, ,CI STE RJES SU DPAG PA THAMS CAD NI 'DI LTA BU'I TSUL CAN YIN TE, KHYAD PAR GZHAN NI RTOGS PA MED PAS NA GANG ZHIG MI 'KHRUL PA YIN SNYAM NA DE YANG MI RUNG STE, 'DI LTAR, GANG LAS 'GA' TSE DNGOS DGA' LA, ,DE RTOGS PA NI GRUB GYUR PA, ,DE NI DE LAS SKYES PA'AM, ,DE YI NGO BOR GDON MI ZA, ,DE'I BDAG NYID DANG DE LAS BYUNG BA'I MTSAN NYID KYI 'BREL PA DANG LDAN PA'I RTAGS NI GO BAR BYED PA YIN TE, GZHAN NI DE LTAR SNANG BA YIN PA'I PHYIR RO, ,GANG LAS 'KHRUL PA MED PA BSGRUB PAR BYA BA RTOGS PA DE NI NGES PA KHO NAR DE LAS SKYES PA'AM, DE'I RANG BZHIN DU NGES PA YIN NO, ,DE LTA MA YIN NA NI 'KHRUL PA MED PAR RTOGS PA MI SRID DE, HA CANG THAL BAR 'GYUR BA'I PHYIR RO, ,THAMS CAD LAS NI THAMS CAD LA RTOGS PA SKYE BA MA YIN TE, RES 'GA' BA NYID DU DMIGS PA'I PHYIR RO, ,DE'I PHYIR RTOGS PA 'DI NI GDON MI ZA BAR 'BREL PA DANG LDAN PA'I DON GYIS BSKYED PA YIN LA 'BREL PA YANG RNAM PA GNYIS KHO NA'O, ,TSOGS PA GCIG LA RAG LAS PA LA YANG BRGYUD PA DE LAS BYUNG BA'I MTSAN NYID KHO NAS 'BREL PA YIN PAS DE NYID LAS MA 'KHRUL PA YIN NO, ,'DI LTAR, RANG GI RGYU'AM NGO BO DAG ,MED PAR DON NI SRID MIN PA, ,DE DAG RANG BZHIN MTHONG GANG YIN, ,DE NYID GZHAN DU MTSAN NYID YIN, ,'BRAS BU DANG RANG BZHIN GYI GTAN TSIGS GANG YIN PA'I MTSAN NYID MTHONG BA GANG YIN PA DE NYID GZHAN DU YANG MTSAN NYID YIN NO, ,DE'I BU LA SOGS PA NYID LA NI DE YOD PA MA YIN TE, DES NA THAMS CAD LA YID BRTAN DU MED PA MA YIN NO, ,MTSAN NYID DANG LDAN PA LA GNOD PA SRID NA NI, DE'I MTSAN NYID SUN PHYUNG BA NYID DU 'GYUR BAS THAMS CAD LA YID BRTAN DU MED PAR 'GYUR GYI, GZHAN DU NI MA YIN NO ZHES BYA BAR RIGS SO, ,RGYU'AM RANG GI NGO BO MED PA NI 'GA' YANG SRID PA MA YIN TE, DE LTAR RTOGS PA YIN NA THAMS CAD DU THA SNYAD CHAD PA NYID DU 'GYUR RO, ,'DI NI THA

, ,SNYAD PA'I TSAD MA'I SKABS YIN GYI GZHAN NI MA YIN NO, ,DES NA THA SNYAD PA DAG GIS NI GDON MI ZA BAR RJES SU DPAG PA DON DU GNYER BAR BYA BA YIN NO, ,THABS MED PAR JI LTAR 'JUG CE NA, MA YIN TE, THABS RAB TU GRUB PA'I PHYIR RO, ,RNAM PAR DPYAD NA 'JIG PAR 'GYUR RO ZHE NA MA YIN TE, RNAM PAR DPYOD PA YANG RJES SU DPAG PA'I BDAG NYID YIN PA'I PHYIR RO, ,DE NI LAM DU 'GRO BZHIN PA NYID NA LAM DE NYID BRJOD PAR 'GYUR BA YIN NO, ,'O NA MI DMIGS PA LA 'BREL PA CI YOD CE NA, DE'I BDAG NYID DE LAS BYUNG BA'I MTSAN NYID KYI 'BREL PA NYID DO ZHES STON PAR BYED DO, ,'DI LTAR, BLTAR RUNG RANG GI NGO BO'AM, ,RANG RGYU MTHONG BA'I RGYU GZHAN DAG ,YOD PAR SNANG BA MED NA NI, ,DE DANG LDAN PA'ANG JI LTAR YOD, ,GANG PHYIR 'DI DER 'BREL PA DE NYID KYI PHYIR DE MED PAS MED PAR 'GYUR BA YIN TE, DE LTA MA YIN NA, GZHAN MED PAS JI LTAR MED PAR 'GYUR, DE LTA NA NI HA CANG THAL BAR 'GYUR RO; ,GAL TE DE MED NA MED PA DE LTA NA DE 'BREL PA YIN TE, DE LTA MA YIN NA 'BREL PA MED PAR 'GYUR BA'I PHYIR RO, ,DE'I PHYIR GANG DU DMIGS PA'I MTSAN NYID DU GYUR PA'I RGYU'AM KHYAB PAR BYED PA MA DMIGS PA DER NI DE DAG MED PA YIN LA, DE DAG MED PA GANG YIN PA DE NA 'BRAS BU DANG KHYAB PAR BYA BA DAG KYANG MI SRID PAS NA MI DMIGS PA YANG 'KHRUL PA MED DO, ,DE LTAR NA 'BRAS BU DANG RANG BZHIN DANG MI DMIGS PA RNAM PA GSUM CHAR GYI RJES SU DPAG PA YANG YOD DO ZHES BSGRUBS PA YIN NO, ,GANG GI PHYIR, SPYI YI BLO NI TSAD MIN NA, ,MED PA THOB 'GYUR PHA ROL GYI, ,DNGOS GZHAN GAL TE DBANG RNAMS KYIS, ,DUS GZHAN DU NI RTOGS SHE NA, ,DE MIN DBANG DANG NUS SOGS LA, ,DBANG PO'I BLO NI MI SRID PHYIR, ,MED PAR RTOGS PA YIN NA NI, ,BLO DANG SKYE BA RGYU MED 'GYUR, ,GAL TE SPYI'I BLO TSAD MA MA YIN PA NYID NA DE'I TSE LKOG TU GYUR PA ZHES BYA BA'I GZHAL BYA MED DO ZHES BYA BAR 'GYUR TE, 'JIG RTEN PHA ROL NYID BZHIN NO, ,'ON TE LKOG TU GYUR PA'I DON THAMS CAD NI MED PA MA YIN TE, DBANG PO RNAMS KYIS RIM GYIS RTOGS PA'I PHYIR RO, ,'JIG RTEN PHA ROL LA NI DUS GZHAN DU YANG DBANG PO 'JUG PA MA YIN TE, DES NA RNAM PA DE LTA BU NYID MED PA YIN NO ZHE NA, 'O NA GANG GI TSE RTOGS PA DE NYID KYI TSE YOD MOD SNGAR YOD PA GANG GI LAS SNGAR YANG GZHAN

GYIS RTOGS PA DES NA YOD PA YIN NO ZHE NA, 'JIG RTEN PHA ROL YANG SNGAR GZHAN NAM RANG GIS MA RTOGS SO ZHES BYA BA GA LAS YIN ZHING 'JIG RTEN PHA ROL LAS GZHAN YANG GZHAN GYIS RTOGS SO ZHES BYA BA GA LAS YIN, DE LTAR THA SNYAD BYED PA LAS SO ZHE NA RJES SU DPAG PA TSAD MAR 'GYUR RO, ,DBANG PO'AM RUNG BA NYID LA NI RNAM GRANGS KYIS DBANG PO 'JUG PA MA YIN TE, 'BRAS BU DANG RANG BZHIN GYI GTAN TSIGS LAS BYUNG BA'I RJES SU DPAG PA NYID KYI RTOGS PA YIN PA'I PHYIR RO, ,DE MED NA NI DON RNAMS KYI SKYE BA DANG BLO RGYU MTSAN MED PA KHO NAR 'GYUR, DE'I PHYIR 'BRAS BU MTHONG BA DANG, 'BRAS BU LDOG PAS RUNG BA NYID DANG, MIG LA SOGS PA RJES SU DPAG PAS NA YOD PA NYID YIN GYI, DE LA DBANG PO'I BYED PA NI RNAM GRANGS KYIS 'JUG PA MA YIN NO, ,DES NA 'JIG RTEN PHA ROL LA SOGS PA YANG DE LTA BU NYID DO, ,DES NA RJES SU DPAG PA MED PAR NI SPYI MI RTOGS SO, ,'DI LTAR, RNAM RTOG MED PA NYID KYIS NA, ,RANG GI MTSAN NYID LA MNGON SUM, ,RNAM RTOG MED PAR SPYI 'DZIN MIN, ,DE PHYIR DE LA RJES DPAG NYID, ,SPYI NGES PAR 'DZIN PA'I RANG BZHIN GYI RTOGS PA YANG THA SNYAD KYI RGYU YIN NA, SPYI RNAM PAR RTOG PA MED PAS NI 'DZIN PA MA YIN NO, ,MNGON SUM NI RNAM PAR RTOG PA DANG BCAS PA MA YIN TE, RNAM PAR DPYOD PA MED PA'I PHYIR RO, ,DE'I PHYIR SPYI'I YUL CAN NI RJES SU DPAG PA YIN GYI, MNGON SUM NI MA YIN NO, ,'O NA KHA DOG LA SOGS PA DE MI RTAG PA LA SOGS PA'I RNAM PAS 'DZIN PA DE JI LTAR, 'DI NI RANG DANG SPYI'I RANG BZHIN 'DZIN PAR BYED PA MA YIN NO, ,KHYED NI GZHAL BYA NGES PAR 'DOD PA YIN NO, ,GZHAL BYA NGES NA KHA DOG NI, ,MI RTAG NYID DU RTOGS MI 'GYUR, ,DE BLO TSAD MA GZHAN 'GYUR TE, ,RTAGS MED PAR NI YOD PHYIR RO, ,GZHAL BYA NGES PA ZHES BYA BA NI RANG GI MTSAN NYID DANG SPYI'I MTSAN NYID SO SOR NGES PA'I TSAD MAS BZUNG BA NYID YIN NA, KHA DOG LA SOGS PA MI RTAG PA NYID DO ZHES BYA BA 'DI NI 'DREN MAR RTOGS PA YIN TE, RANG DANG SPYI'I MTSAN NYID DAG PHAN TSUN 'DRES PAR RTOGS PA'I PHYIR RO, ,'DRES NA GNYI GA'I RANG BZHIN RTOGS PA TSAD MA GZHAN DU THAL BAR 'GYUR RO, ,RTAGS MED PAR YANG YOD PA'I PHYIR NA 'DI RJES SU DPAG PA MA YIN LA SPYI 'DZIN PA'I PHYIR MNGON SUM YANG MA YIN NO, ,RANG GI MTSAN NYID LA NI RJES SU DPAG PA YANG MA YIN PAS NA 'DI NI TSAD MA

, ,GZHAN NYID DE, RTAGS MED PAR 'JUG PA'I PHYIR DANG, SPYI YANG SNANG BA'I PHYIR RO, ,KHYAD PAR MTHONG BA'I RJES SU DPAG PA LA YANG SPYI RTOGS PA MED DE, SPYI DANG RTAGS 'BREL PA MA GRUB PA'I PHYIR RO, ,DE SMRAS PA NI, KHYAD PAR MTHONG LA RTAGS DANG NI, ,'BREL PAR RTOGS PA MED BA'I PHYIR, ,DE NI TSAD MA GZHAN YIN NO, ,GZHAL BYA MANG PHYIR TSAD MA RNAMS, ,MANG PO NYID DAM GCIG LA YANG, ,DU MA NYID NI 'JUG PHYIR TE, ,GCIG GSUM GRANGS KYANG SEL MI 'GYUR, ,DPER NA KHYAD PAR MTHONG BA BZHIN, ,YUL NGES PA NI MED PHYIR DANG, ,GZHAL BYA GZHAN NI YOD PHYIR RO, ,KHA DOG LA SOGS PA NI MI RTAG GO ZHES BYA BA 'DI LA NI RTAGS 'GA' YANG YOD PA MA YIN NO, ,DE NI MNGON SUM YANG MA YIN TE, SPYI MI RTAGS PA NYID KYANG RTOGS PA'I PHYIR RO, ,KHYAD PAR MTHONG BA LA YANG KHYAD PAR NYID RTOGS PA YIN TE, RTAGS DE DANG SPYI 'BREL PA MED PA RTOGS PA'I PHYIR RO, ,DES NA DE NI KHYOD KYI 'DOD PA DANG SBYAR NA TSAD MA GZHAN YIN PAR 'GYUR RO, ,DNGOS SU RTOGS PA MED PA'I PHYIR NA, MNGON SUM MA YIN, SPYI'I YUL CAN MA YIN PA'I PHYIR RJES SU DPAG PA MA YIN NO, ,GZHAN YANG SPYI DANG KHYAD PAR DANG GNYI GA'I DBYE BAS GZHAL BYA MANG PO YOD PA'I PHYIR TSAD MA RNAMS MANG PO GNYIS PAS GSUM GYI GRANGS SEL BA MA YIN LA, TSAD MA DU MA GCIG LA 'JUG PAS GRANGS GCIG LA SEL BA MA YIN TE, DPER NA KHYAD PAR MTHONG BA DANG LHAN CIG MNGON SUM RANG GI MTSAN NYID GCIG LA 'JUG PA BZHIN NO, ,DE BZHIN DU SPYI LA YANG MNGON SUM 'JUG PAR 'GYUR RO, ,DES NA GZHAL BYA GNYIS MTHONG BA'I PHYIR, GRANGS GCIG GSAL BA YIN NO ZHES GANG BRJOD PA DER MI 'GYUR TE, MNGON SUM NYID SPYI LA 'JUG PA SRID PA'I PHYIR RO, ,YUL NGES PA YIN NA GZHAL BYA GZHAN MED PAS GSUM DANG GCIG GRANGS GSAL BAR 'GYUR BA YIN NA, BSHAD PA'I TSUL GYIS NA GNYI GA YANG YOD PAS MNGON PAR 'DOD PA'I DGOS PA MI 'GRUB STE, TSAD MA MA NGES PAR 'JUG PA'I PHYIR DANG, GZHAL BYA MANG BA'I PHYIR TSAD MA MANG BAS SO, ,GAL TE DON BYED NUS DANG MI NUS PHYIR, ,ZHES BYA BA LA SOGS PAS GZHAL BYA MANG PO NYID GSAL BA MA YIN NAM, DE JI LTAR NA 'DI NYE BAR 'GOD CE NA, BDEN MOD KYI 'DI YANG MTHONG NGO ZHES NYE BAR BSTAN PAR 'GYUR RO, ,YANG NA PHA ROL PO 'GAL

BA MI 'KHRUL BA CAN NYE BAR STON PAR BYED PAS NA SKYON MED DO, ,TSAD MA MA NGES PAR 'JUG PA NYE BAR BSTAN PA NI 'THAD PA KHO NA YIN NO, ,DE'I PHYIR LKOG GYUR DON THAMS CAD, ,KHYAD PAR DU NI RTOGS MI 'GYUR, ,ZHES BYA BA 'DI YANG MA GRUB PA BRJOD PA YIN TE, DES NA GSUM DANG GCIG GI GRANGS GSAL BA MA YIN NO ZHE NA, 'DI LA BSHAD PA; SKYON 'DIR THAL BAR MI 'GYUR TE, ,KHA DOG SPYI LA SBYOR PHYIR RO, ,KHA DOG LA SOGS PA MI RTAG PA'O ZHES KHA DOG GI SPYI MI RTAG PA NYID DANG 'BYOR PAR BYED DO, ,DES NA SPYI'I NGO BO GCIG PU NYID GZHAL BYA YIN GYI, GNYI GA'I RANG BZHIN NI MA YIN PAS NYES PA 'DI MED DO, ,SPYI DANG KHYAD PAR GYI NGO BO YIN NA NI YUL NGES PA MED PA'I PHYIR DANG GZHAL BYA GZHAN YANG YOD PA'I PHYIR RO ZHES BYA BA'I SKYON 'DIR 'GYUR GYI, SPYI GCIG PU YIN PA LA NI MA YIN NO, ,GAL TE MI RTAG PA NYID KHA DOG GI SPYI NYID DANG SBYOR BAR BYED NA DE DNGOS PO'I CHOS MA YIN PAR 'GYUR TE, CHOS GANG ZHIG GANG LA LDAN PAR RTOGS PA DE NI DE NYID KYANG CHOS YIN NO, ,SPYI YANG SPYI DANG LDAN PA YIN NA DE'I RANG BZHIN YIN GYI, DNGOS PO'I NI MA YIN NO, ,SPYI NI DNGOS PO'I MA YIN PA'I PHYIR DE'I CHOS NI DNGOS PO MED PA'I CHOS NYID DU 'GYUR RO ZHE NA, DE NI MA YIN TE, 'DI LTAR, DNGOS MED NGO BO MIN DE NYID, ,DE LTAR GRUB PAS SGRUB PHYIR RO, ,GZHAN LA GZHAN GRUB MIN ZHE NA, ,MA YIN DE NYID GRUB PHYIR RO, , GAL TE SPYI BRTAGS PAS DNGOS PO MA YIN PA'I PHYIR DNGOS PO'I CHOS MA YIN NA, MI RTAG PA LA SOGS PA DE YANG DNGOS PO NYID MA YIN PAR 'GYUR RO, ,GNYI GA YANG DNGOS PO'I NGO BO MA YIN NO ZHE NA, MA YIN TE DNGOS PO NYID DE LTAR GRUB PAS SO, ,RNAM PAR RTOG PA LA SNANG BA'I KHA DOG LA SOGS PA MI RTAG PA NYID LA SOGS PA GANG YIN PA DE NI RANG GI MTSAN NYID LA YANG YOD PA KHO NA YIN TE, RANG GI MTSAN NYID NYAMS SU MYONG BA NYID LAS 'DI'I NGO BO'I RNAM PAR RTOG PA SKYE BA'I PHYIR RO, ,GAL TE RNAM PAR RTOG PA RANG GI MTSAN NYID LA 'BREL PA MA YIN NA DE LA RANG GI MTSAN NYID MI SNANG BA'I PHYIR JI LTAR DE NYID DE LTAR GRUB PA YIN ZHE NA MA YIN TE, BRGYUD NAS 'BREL PA'I PHYIR RO, ,DNGOS SU MA 'BREL PAR YANG BRGYUD NAS 'BREL PA'I PHYIR RNAM PAR RTOG PA DE NYID NI MI SLU BA DANG LDAN PA NYID DO, ,GAL TE BAG CHAGS DANG 'BREL PA YIN NA JI LTAR DNGOS PO DANG 'BREL PA NYID YIN NO ZHE NA, BAG CHAGS DE DNGOS PO DANG 'BREL PA'I PHYIR RO, ,JI LTAR ZHE NA, DNGOS GANG JI LTA BUR GYUR PA, ,DE 'DRA DE

, ,NI RTAGS SEMS KYI, ,RGYU YIN DE LAS DE LTA YI, ,DNGOS LA DE SKYED RTAGS CAN BLO, ,BSGRUB PAR BYA BA'I CHOS GANG YIN PA DE NI SGRUB PAR BYED PA'I RGYU'AM, KHYAB PAR BYED PA YIN NO ZHES BSTAN ZIN TO, ,RGYU DANG KHYAB PAR BYED PA YANG 'BRAS BU DANG KHYAB BYA'I SEMS KYI RGYU YIN LA, SEMS DE LAS KYANG RTAGS CAN GYI BLO SKYE BA GANG YIN PA DE NI BRGYUD NAS DNGOS PO LA 'BREL PA YIN NO, ,DES NA, DE LTAR RTAGS DANG RTAGS CAN BLO, ,BRGYUD PA YIS NI DNGOS PO LA, ,'BREL PHYIR DER SNANG BA YIS NA, ,STONG YANG SLU BYED NYID MA YIN, ,SNANG BA NYID LAS DNGOS PO 'THOB PA NI MA YIN TE, LHAG PAR ZHEN PA LAS KYANG DNGOS PO 'THOB PA YOD PA'I PHYIR RO, ,'JUG PAS THOB PA YIN GYI SNANG BA TZAM GYIS NI MA YIN NO, ,'JUG PA NI LHAG PAR ZHEN PA LAS KYANG MTHONG STE, DE LTA MA YIN NA SNANG BA LAS KYANG 'JUG PAR MI 'GYUR RO, ,DANG PO LHAG PAR ZHEN PAS 'JUG NA PHYIS GOMS PA LAS SNANG BAR 'JUG PAR NUS PA YIN NO, ,DES NA ZHUGS SHING YOD PA NYID NA THOB PA YIN NO, ,JI LTAR SNANG BA YOD PA NYID YIN PA DE BZHIN DU SNANG BA'I RGYU DANG KHYAB PAR BYED PA YANG YIN PAS GNYI GA LA YANG THOB PA YOD PAR 'GYUR RO, ,SNANG BA 'DI 'GA' YANG THOB PA MA YIN NO ZHES BYA BA 'DI NI SNGAR DPYAD PA NYID DO, ,JI LTAR SNANG BA LAS YOD PAR SHES PA DE BZHIN DU 'BREL PA SNANG BA LAS KYANG YIN NO, ,GAL TE THOB PA'I YUL MED PA 'DI NA NI 'GRO BA SNANG BA TZAM DU 'GYUR TE, 'KHRUL PA DANG MA 'KHRUL PA'I DBYE BA NGES PAR MI ZIN PA'I PHYIR RO, ,SNANG BA TZAM LA NI 'KHRUL PA DANG CIG SHOS KYI DBYE BA YOD PA MA YIN NO, ,DE'I PHYIR LKOG TU GYUR PA RTOGS PA NA 'KHRUL PA DANG MA 'KHRUL BA RNAM PAR GNAS PAR 'GYUR GYI GZHAN DU NI MA YIN NO ZHES NGES SO, ,DE LTAR RTAGS DANG RTAGS CAN BLO, ,BRGYUD PA YIS NI DNGOS PO LA, ,'BREL PHYIR DER SNANG BA YIS NI, ,STONG YANG SLU BYED NYID MA YIN, ,DE YI NGO BOS STONG DE LA, ,DE YI NGO BOR ZHEN PA'I PHYIR, ,DE DNGOS SLU BYED NYID MIN YANG, ,'KHRUL PAR RNAM GZHAG BYAS PA YIN, ,'DI LA KHA CIG NA RE, DU BA LA SOGS PA RTAGS CAN DANG 'BREL PAR RTOGS PA'I BLO NI RTAGS KYI BLO YIN NO, ,RTAGS NI DBANG PO BZHIN DU YOD PA TZAM GYIS GO BAR BYED PA MA YIN LA, RANG LA DMIGS PA'I RNAM PAR SHES PA LA SNANG BA TZAM GYIS KYANG MA YIN TE, DE'I RANG BZHIN DANG 'BREL PA MA MTHONG BAS

KYANG RTOGS PAR THAL BA'I PHYIR RO, ,DE'I PHYIR 'BREL PA NYID DU 'DZIN PA NI RTAGS 'DZIN PA YIN NO, ,'BREL PA DE YANG GNYI GA'I RANG BZHIN LA MA REG PAR NI GZUNG BAR MI NUS TE GZHAN DU 'DZIN PA MA MTHONG BA'I PHYIR RO, ,DE LA JI LTAR RTAGS CAN 'DZIN PA RTAGS CAN GYI YUL CAN YIN PA DE BZHIN DU RTAGS 'DZIN PA YANG YIN NO, ,'ON KYANG GTZO BO DANG CIG SHOS NYID DE RTAGS CAN 'DZIN PA NA NI RTAGS CAN GTZO BO NYID DU RTOGS LA RTAGS 'DZIN PA NA NI RTAGS GTZO BO NYID DU YIN NO, ,DES NA JI SKAD 'DIR RJES SU DPAG PA NI RTAGS CAN GYI SHES PA YIN PA DE YANG MI SLU BA DANG 'KHRUL PAR BSTAN PA'I SKABS SU RTAGS RTOGS PA'I SKABS DE CI ZHIG YOD NA GANG GIS DE YANG DPYOD PAR BYED, CI STE DE YANG RJES SU DPAG PA'I BDAG NYID YIN NO ZHE NA, DE LTA NA NI RTAGS CAN RTOGS PA NYID YIN PAS SO SOR MI BSTAN TO, ,GAL TE RTAGS RTOGS PA MNGON SUM GYI RANG BZHIN YIN NA YANG DE RTAGS SNANG BAS STONG PA MA YIN NO, ,RTAGS CAN SNANG BAS STONG PA NYID YIN NA YANG 'KHRUL PA MA YIN TE, DE NI YUL MA YIN PA'I PHYIR RO, ,BUM PA'I RNAM PAS STONG BAS NI KA BA'I SHES PA 'KHRUL PAR MI 'GYUR RO ZHES BRJOD PA DE GSAL BA YIN TE, RTAGS DANG RTAGS CAN GYI BLO DAG GI YUL NI GCIG PA'I PHYIR DANG, MNGON SUM MA YIN PA'I PHYIR RO ZHES ZER RO, ,'DIR BRJOD PA, GAL TE RTAGS 'BREL DE NYID DU, ,'DZIN PA RTAGS KYI BLO YIN ZHING, ,'BRAS BU'I CHOS KYI 'BREL PA NI, ,RJES SU DPAG PA LAS YIN NA, ,DE LTA YIN NA ZUG MED 'GYUR, ,DE LA'ANG RJES SU DPAG PA NI, ,GZHAN ZHIG KHO NAS 'BREL SHES SHING, ,DER YANG DE LAS GZHAN GYIS YIN, ,'ON TE RTAGS NI MNGON SUM GYIS, ,RTAGS NYID DU NI RTOGS BYED NA, ,DE LTA YIN NA DER SNANG BAS, ,STONG PA NYID DU JI LTAR 'GYUR, ,CI STE DU BA LA SOGS PA MNGON SUM GYIS GZUNG YANG DE'I TSE RTAGS NYID DU DRAN PA YIN NO ZHE NA, DE LTAR NA DRAN PA TSAD MA MA YIN PAS DE MI SLU BA NYID DU BSTAN PA LA CI BYA, DE NI DE LA TSAD MA MA YIN TE, TSAD MA NYID KYI MNGON SUM DANG RJES SU DPAG PA DAG KHO NA MI SLU BA DANG 'BREL PA YIN NO, ,'ON TE BRGYUD PAS 'BREL PA'I PHYIR DRAN PA YANG TSAD MA NYID DO ZHE NA, 'O NA NI DE NYID RTAGS CAN GYI SHES PA DANG RJES SU DPAG PA YIN PAS RTAGS DANG RTAGS CAN GYI BLO THA DAD DU BSTAN PAS CI BYA STE GZUNG BA 'DZIN PA'I PHYIR DE TSAD MA MA YIN PAR BRJOD

, ,DO ZHE NA, DE LTAR GYUR NA SNGAR ZHUGS PA'I MNGON SUM NYID DE LA TSAD MA MA YIN LA, DE YANG DER SNANG BAS STONG PA MA YIN PA'I PHYIR 'GAL LO, ,DE'I PHYIR GZHAN DU BSHAD PAR BYA STE, RANG BZHIN GYI GTAN TSIGS LAS SKYES PA'I RTAGS CAN GYI BLO NI RTAGS KYI BLO NYID DE LA DON DAM PAR RTAGS DANG RTAGS CAN DAG THA MI DAD PA'I PHYIR RO, ,'BRAS BU'I RTAGS KYI RTAGS CAN GYI BLO'I YUL NI RGYU YIN PAS DER THA DAD PA'I PHYIR DE'I YUL DE RTAGS KYI BLO MA YIN NO, ,SHIN TU GOMS PA LAS DU BA GLO BUR LAS RANG GI MTSAN NYID 'DZIN PA'I DU BA'I BLO LAS ME'I BLO MI SKYED PA YANG MA YIN NO, ,DU BA DE NYID DU GZUNG BA KHO NA 'BREL PA YIN LA, DE NYID KYANG NGO SHES PA LAS NGO SHES PA YANG DE'I RANG BZHIN MTHONG BA LAS RJES SU DPAG PA KHO NA YIN NO, ,SHIN TU GOMS PA LAS DE'I RANG BZHIN MTHONG BA NI MNGON SUM THA SNYAD KYI RGYU YIN PA'I PHYIR THUG PA MED PA MA YIN NO, ,DE'I PHYIR RANG GI MTSAN NYID 'DZIN PA KHO NA RTAGS RTOGS PA YIN NO, , DE'I ME DANG 'BREL PA NYID GANG YIN PA DE NI SPYI 'DZIN PA YIN NO, ,DE'I RANG BZHIN MTHONG BA LAS SKYES PA NI RTAGS CAN GYI SHES PA'I RANG BZHIN RJES SU DPAG PA NYID YIN PAS GZHAN DU THA SNYAD MI BYA'O, ,DE'I PHYIR DNGOS PO RTOGS BYA LA, ,KHYAB BYED DE YI NGO BO'AM, ,RGYU DAG KHYAB PAR BYA SEMS KYI, ,RGYU MTSAN DE YANG DE BLO YIN, ,BSGRUB PAR BYA BA NI RNAM PA GNYIS TE DNGOS PO DANG DE DGAG PA'O, ,DNGOS PO BSGRUB PAR BYA BA LA NI KHYAB PAR BYED PA BSGRUB BYA YIN LA, DE YANG KHYAB PAR BYA BA RTAGS KYI NGO BO'AM RGYU YIN NO, ,GANG GI PHYIR KHYAB PAR BYED PA DE KHYAB PAR BYA BA'I SEMS KYI RGYU MTSAN YIN LA, KHYAB PAR BYED PA DE YANG KHYAB PAR BYA BA RTAGS KYI NGO BO'AM RGYU YIN NO, ,DE YANG KHYAB PAR BYED PA'I SEMS KYI RGYU MTSAN YIN PAS BRGYUD PAS 'BREL PA YOD PA'I PHYIR TSAD MA YIN NO, ,MI DMIGS PA JI LTAR TSAD MA YIN PA STON PA NI, DGAG PA NYID NI THAMS CAD DU, ,MI DMIGS PA LAS 'GRUB PA YIN, ,TSAD MAS GRUB PAR SMRA RNAMS KYI, ,DON GYIS BZLOG PA NYID LAS YIN, ,GANG DU DGAG PA SGRUB PAR BYED PA ZHES BYA BA DE THAMS CAD NI MI DMIGS PA KHO NA YIN NO, ,GANG DU DNGOS PO SGRUB PA'I PHYIR TSAD MA 'JUG PA DER NI DNGOS PO NYID GRUB KYANG DE DGAG PA NI MA YIN NO, ,DES NA BZLOG PA NYID KYIS DGAG PA BSGRUB BO, ,'DI LTAR DMIGS PAR RIGS PA MA DMIGS PA NA MED DO

ZHES BRJOD PA YIN NO, ,DE TZAM DANG RJES SU 'BREL PA YIN PA'I PHYIR MI DMIGS PA NYID DGAG PA YIN PAS DE'I BDAG NYID KHO NAS 'BREL PA YIN NO, ,'GAL BA YANG DNGOS SAM BRGYUD PAS 'BREL PAS DE LAS KYANG DNGOS PO DGAG PA GRUB PA MTHONG BA MA YIN NAM, DPER NA 'DI NA GRANG BA'I REG PA MED DE ME YOD PA'I PHYIR RO, ,'DI LA SPU LANGS ZHES BYED PA LA SOGS PA'I BYE BRAG DAG MED DE GDUNG BAR BYED PA'I PHYIR BYE BRAG NYE BA'I PHYIR RO ZHES BYA BA LTA BU YIN TE, DE JI LTAR MI DMIGS PAS SGRUB BO ZHE NA, 'DI LA LAN, DE NI MA YIN NA, 'ON KYANG, 'GAGS LA DE'ANG DE RGYU DANG, ,'GAL BA BRJOD PA MTHONG GANG YIN, ,DE YANG DE YI TSAD MA NYID, ,MED PA STON PAR BYED PA YIN, ,'GAL BA'I DON NI DE MED PA GO BAR BYED PA YIN NA YANG, 'GAL BA'I 'BREL PA NYID LAS NI MA YIN TE, 'GAL BA NI 'JAL BAR 'DOD PA MA YIN NO, ,MED PA'I TSUL DU 'JAL BAR 'DOD PA YOD PA YIN NO ZHE NA, DE LTA NA NI 'O NA NI MED PA NYID DANG 'BREL PA NGES PAR BYA BA YIN NA NI DE DANG LHAN CIG 'GAL BA MED DO, ,GANG NA DE YOD PA DER MED PAR 'GYUR BA YIN NO ZHE NA, DE GA LAS DE LTA BU NYID DU MTHONG BA'I PHYIR RO ZHE NA, CI MED PA DE 'GAL BA 'DZIN PA'I DUS SU DNGOS POR DMIGS SAM, DE LTA MA YIN NA, GAL TE DMIGS NA JI LTAR MED PA YIN TE MA DMIGS NA NI MI DMIGS PA KHO NA LAS DGAG PA 'GRUB BO ZHES BYA BAR GRUB BO, ,GZHAN DU DNGOS GCIG YOD BRJOD PAS, ,GZHAN MED DE NI GANG LAS RTOGS, ,'GAL PHYIR ZHE NA DE NYID KYANG, ,CIS GRUB LHAN CIG MI GNAS PHYIR, ,ZHE NA DE NI GA LAS 'DOD, ,SNANG BA MTHONG MED PHYIR ZHE NA, ,DE NI TSAD MA NYID MA YIN, ,GAL TE GCIG YOD PAS GZHAN MED NA THAMS CAD YOD NA GZHAN 'GOG PAR 'GYUR RO, ,LHAN CIG MI GNAS PA'I MTSAN NYID KYI 'GAL BA YANG MI DMIGS PA MED PAR MI RTOGS SO, ,GAL TE DE LTA NA MI DMIGS PAS 'GAL BAR RTOGS PA YIN LA, 'GAL BA'I RTAGS DE LAS MED PA RTOGS PA YIN GYI MI DMIGS PAS NI MA YIN NO, , CI STE 'GAL BA SGRUB PA'I MI DMIGS PA SNGON BYUNG BA DE'I RJES SU 'BRANGS PA NYID KYIS 'GAL BA'I RTAGS LAS KYANG DNGOS PO MED PA RTOGS PA YIN PA'I PHYIR, DE NYID DON DAM PAR MED PA'I SGRUB PAR BYED PA YIN NO ZHE NA, GAL TE DE LTA NA NI, 'BREL PA GRUB PHYIR, GRANG BA MED PA NI DRO BA LA GANG YIN DES, ,GAL TE BSGRUB

, ,BYA BSGRUB 'GYUR NA, ,RJES DPAG TSAD MA JI LTAR 'GYUR, ,RJES SU DPAG PA'I 'BREL PA NI, ,'DZIN PA MNGON SUM LA BRTEN YIN, BSGRUB BYA GRUB PA'ANG DE NYID LAS, ,YIN PHYIR RJES DPAG TSAD MA MIN, ,RJES SU DPAG PA'I 'BREL PA 'DZIN PA'I MNGON SUM DE NYID KYI BSGRUB PAR BYA BA MED GRUB PA'I PHYIR RJES SU DPAG PA TSAD MA GZHAN DU JI LTAR 'GYUR, CI STE LKOG TU GYUR PA'I ME LA MNGON SUM MI 'JUG PA'I PHYIR DER RJES SU DPAG PA YIN NO ZHE NA, LKOG TU GYUR PA MED PA LA YANG MI DMIGS PA JI LTAR 'JUG ,'JUG PA GANG YIN PA DE NI DMIGS PA'I MTSAN NYID DU GYUR PA'I MI DMIGS PA MA YIN NO, ,CI STE DMIGS PA'I MTSAN NYID DU GYUR PA'I MI DMIGS PA DRAN PA YIN NO ZHE NA, DE'I 'DI YANG GZHUNG LUGS NGAN PA YIN TE, GANG PHYIR RJES SU DPAG PA LA'ANG, ,MNGON SUM DRAN PA MED MIN PAS, ,DER YANG MNGON SUM 'BA' ZHIG NI, ,TSAD 'GYUR RJES DPAG DON MED DO, ,DE'I PHYIR 'DI LA DE KHO NA NYID CAN GYI DON NI 'DI YIN TE, ME LA GRANG BA MED PAR NI, ,SNGAR NI DMIGS PA LA BRTEN PA, ,DES NI DE YI 'BREL GRUB PAS, ,DE MED PAR NI SGRUB PA YIN, ,MED PA DE YANG MI DMIGS PA NYID YIN TE, DES NA RJES SU DPAG PAS GRUB PA'I MI DMIGS PA NYID MED PA'I THA SNYAD SGRUB PAR BYED PA YIN NO, ,DPER NA MNGON SUM GYIS GRUB PA BZHIN TE, DES NA MI DMIGS PA 'DI NI MNGON SUM RANG NYID LAS GRUB PA YIN ZHES GANG 'CHAD PAR 'GYUR BA LTAR 'DIR YANG RJES SU DPAG PAS RTOGS SO ZHES KHONG DU CHUD PAR BYA'O, ,GANG GI TSE, SPU LANGS PA MED PA SGRUB PA DE'I TSE MES GRANG BA MI DMIGS PA YIN LA, DE MI DMIGS PA DE NI SPU LANGS PA MED PA YIN NO; ,TSOGS PA GCIG LA RAG LAS BA ME'I GZUGS KYIS NI DRO BA'I BDAG NYID KYI RIG PA DPOG PA YIN NO, ,DE YANG GRANG BA MED PA'I RANG BZHIN YIN TE, RJES SU DPAG PAS DE NI DMIGS PA NYID NI GRANG BA MI DMIGS PA YIN NO, ,DES NA 'BRAS BU'I GTAN TSIGS DANG, RGYU MI DMIGS PA GNYIS GCIG LA 'JUG PA'I PHYIR 'GAL BA NI RTAGS GZHAN MA YIN NO, ,DES NA RJES SU DPAG PAS GRUB PA'I MI DMIGS PA NYID MED PA GO BAR BYED PA YIN TE, DE'I PHYIR DE NI RJES SU DPAG PA'I RJES SU DPAG PA NYID DO, ,GAL TE DE LTA NA NI RJES SU DPAG PAS MNGON SUM SGRUB CING, DES DNGOS PO YOD PA YIN PA'I PHYIR, RJES SU DPAG PA DNGOS

PO'I YUL CAN GYI TSAD MAR MI 'GYUR RO ZHE NA, DE YANG GYI NA STE, 'DI LTAR DMIGS PA'I RANG BZHIN GYI MNGON SUM NYID DMIGS PA'I YOD PA YIN PA'I PHYIR TE DES NA RJES SU DPAG PA DNGOS PO'I YUL CAN YIN NO, ,MI DMIGS PA NYID MED PA YIN NO ZHE NA, YIN MOD CI SKYON, MES MED PAR GRUB KYI MI DMIGS PAS MA YIN PA'I PHYIR SKYON CHE'O ZHE NA, ME NYID GRANG BA MED PA YIN NO, ,DE'I PHYIR DE NYID DE NYID KYIS SGRUB PAR CI LTAR 'GYUR, DRO BAS YUL CI TZAM KHYAB PA DE TZAM DU GRANG BA MED PA'I PHYIR, GRANG BA MED PA NI DRO BA LAS GZHAN MA YIN NO, ,'DI NI RANG BZHIN GYI GTAN TSIGS YIN NO ZHE NA, MI DMIGS PA NI RANG BZHIN GYI GTAN TSIGS NYID DU 'DOD PA YIN NO, , DES NA 'DI NI GRANG BA'I REG PA MED DE ME YOD PA'I PHYIR ZHES BYA BA NI 'BRAS BU DANG RANG BZHIN GYI GTAN TSIGS SU BSTAN TO, ,DE PHYIR RANG SGRAS BRJOD NA YANG, ,DE NYID MED PA'I SGRUB BYED YIN, ,GANG LA DE NI TSAD MIN DES, ,DGAG PA RNAM KUN BRJOD BYA MIN, ,ME LA SOGS PA 'GAL BA GANG ZHIG RANG GI RGYUS BRJOD PA BSTAN KYANG, GZHAN YOD PA'I MTSAN NYID KYI MI DMIGS PA DE NYID MED PA SGRUB PAR BYED PA YIN NO, ,GANG LA DES TSAD MA MA YIN PA DES NI 'GAL BA YOD PA LA DGAG PAR MI BYA'O, ,DGAG PA LA NI RNAM PA GZHAN YANG SRID PA MA YIN NO, ,DES NI DE DANG 'GAL DON GYI, ,'BRAS BU BRJOD PA BSHAD PA YIN, ,THAMS CAD DU NI SBYOR NYID DU, ,THA DAD DON LA THA DAD MED, ,DGAG PAR BYA BA GANG BA LA SOGS PA DANG 'GAL BA ME LA SOGS PA'I DON GYI 'BRAS BU GANG YIN PA DE LA YANG RJES SU DPAG PA'I RJES SU DPAG PAS GRUB PA'I MI DMIGS PAS THA SNYAD LAS DNGOS PO MED PAR SGRUB PAR BYED PA YIN NO, ,'DI LTAR, 'BRAS GYUR DU BAS ME GRUB CING, GRANG MED SNGAR BSHAD TSUL GYIS BSGRUB, ,GZHAN DU GRANG MED ME 'GRUB PAS, ,DER YANG BRGYUD NAS MED PAR 'GYUR, ,DU BA LAS NI ME YIN LA, GRANG BA'I REG PA MED PA'I RANG BZHIN DMIGS PA LAS BZLOG PA'I ME LAS NI GRANG BA MED PA'I THA SNYAD YIN PA'I PHYIR TE, DES NA SBYOR BA DGOD PA'I TSUL 'BA' ZHIG THA DAD DO, ,'GAL DANG DE NI THABS BCAS PA, ,BSGRUBS DANG BKAG PA MED PAR NI, ,DGAG LA TSAD SMRA GANG YIN DE, ,RIGS PA'I RJES 'BRANG CAN MIN TE, ,SMRA LA SOGS PAS KUN MKHYEN DANG, ,'JIG RTEN GZHAN SOGS MED BSGRUB BZHIN, ,DBANG PO LAS 'DAS DON RNAMS DANG,,

, ,'GAL BA GRUB PA MED PHYIR RO, ,SMRA BA NI THAMS CAD SHES PA DANG 'GAL BA MA YIN TE, DBANG PO LAS 'DAS PA DANG NI LHAN CIG 'GAL BA MI 'GRUB BO, ,TSIG NI SHES PA NYID LAS 'JUG PA YIN NA DE MED PAR SGRUB PAR CI LTAR BYED, THAMS CAD SHES PA NYID DANG NI 'GAL LO ZHE NA, GANG GIS 'GAL BAR 'DZIN, GAL TE SHES PA KHYAD PAR DANG 'PHEL BA'I RJES SU 'GRO BA SMRA BA NYID 'GRIB PAR MTHONG NA THAMS CAD LEGS PAR 'GYUR TE THAMS CAD SHES PA LA SMRA BA NYID THAMS CAD MED PA KHO NAR 'GYUR NA DE LTAR NI MA YIN NO, ,GAL TE SMRA BA PO NI THAMS CAD MKHYEN PA MA YIN PAR DMIGS SO ZHE NA, SMRA BA PO RMONGS PAR MTHONG BA'I PHYIR, THAMS CAD RMONGS PAR CI STE MI 'GYUR, SMRA BA PO MKHAS PAS MTHONG BA'I PHYIR RO ZHE NA, DE YANG DMIGS PAR MI 'GYUR RO ZHES BYA BA GA LAS, 'DI LTAR, GAL TE SMRA PO RIGS YIN NA, ,GNOD BYA GNOD BYED NGO BO GANG, ,DE 'DRA MI DMIGS PHYIR ZHE NA, ,DE NYID SGRUB BYED YIN PAR 'DOD,, DPER NA RMONGS PA SMRA BA NI, ,MKHAS PA'I DUS SU DE MED KYANG, KHYAD PAR DANG BCAS TE SMRA BA DE BZHIN DU, GAL TE THAMS CAD MKHYEN PA'I GNAS SKABS SU YANG 'GYUR NA CI 'GAL, TSIG NI SHES PA PHUL DU BYUNG BA DANG 'GAL BA MA YIN NO, ,SHIN TU PHUL DU BYUNG BAR 'DOGS PA DANG 'GAL LO ZHE NA, MA YIN TE, 'GAL BA 'DZIN PA MED PA'I PHYIR RO, ,DE LTA BU'I SMRA BA PO LA DMIGS PA KHO NA'O ZHES BYA BA NI LAN DU MI RUNG STE, MI DMIGS PA NI SNANG BA'I YUL TZAM NYID KYIS GO BAR BYED PA YIN NO, ,MI DMIGS PA NI DE LTA BU, ,NGES 'BYED MIN PAR RAB TU BRJOD, ,DE PHYIR SHIN TU LKOG TU GYUR LA, ,YOD MED NGES PA YOD MA YIN, , THAMS CAD MKHYEN PA DANG 'JIG RTEN PHA ROL MED PA LA SOGS PA LKOG TU GYUR PA NI MI DMIGS PA TZAM GYIS MED PAR NGES PA'I PHYIR RO, ,'ON TE YANG THAMS CAD MKHYEN PA 'KHRUL PA DANG BRAL BA TSIG GA LAS 'BYUNG STE, SNGA MA DANG PHYI MA STE BRJOD PAR 'DOD PA'I 'KHRUL PA SKYES NA NI TSIG LA 'JUG PAR BYED PA YIN NO SNYAM NA, DE YANG YANG DAG PA MA YIN TE, DON KUN GSAL BA NYID DU NI, ,SHES KYANG BRJOD 'DOD 'JUG 'GYUR TE, ,GOMS PHYIR DE LA BRJOD PA NI, ,GANG LAS MED PAR 'GYUR BA YIN, ,BSGOMS PA LA BRTEN NAS DON DPAG TU MED PAR SHIN TU GSAL BAR MTHONG BA DANG DUS MNYAM PAR GOMS PA LAS BRJOD PAR 'DOD PA MI 'BYUNG

BA NI MA YIN NO, ,BRJOD PAR 'DOD PA MED KYANG SNGON GYI 'PHEN PA LAS TSIG 'BYUNG NGO, ,NYE BAR GNAS PA'I BRJOD PAR 'DOD PA NYID NI TSIG GI RGYU MA YIN TE YID GZHAN DU YENGS KYANG SNGON GYI 'PHEN PA LAS TSIGS DANG NGAG MA 'DRES PAR 'DON PAR MTHONG BA'I PHYIR DANG, SNGAR GOMS PAR BYA BA DU MA RTZOM PA YANG MTHONG BA'I PHYIR RO, ,'DIS NI SNGA MA DANG PHYI MAR 'DZIN PA MED KYANG RTOGS PA PO NYE BAR GNAS PA LA JI LTAR BRJOD PAR 'GYUR RO ZHES BYA BA DE YANG GSAL BA YIN TE, DGRA NI NYE BA RTZOM NYID LAS, ,RTOGS PA MED PAR DANG PO NYID, ,KHRO BA YIS NI KUN BSLANG BA, ,DE BZLOG PA LA 'JUG PAR RTZOM, ,DPER NA SNGAR GOMS PA LAS, GNYID SAD MA THAG TU MTSON 'BYIN PA LA SOGS PA DAG LA BRDEG PA LA SOGS PA DANG RJES SU MTHUN PA NYID RTZOM PA, DE BZHIN DU THAMS CAD MKHYEN PA YANG THAMS CAD MDZAD PAS MI 'GAL LO, ,DE'I PHYIR 'GAL BA NYID LAS 'GAL BA MED PAR NGES PA YIN NO, ,'GAL TE CHOS NI THA DAD DAM, ,THA DAD MED LA RAB SBYOR TE, , KHA BA MED PAR BSGRUB PA LA, ,ME DANG SKYE LA YOD GNOD BZHIN, ,GRANG BA DANG DRO BA DAG NI PHAN TSUN THA DAD PA'I PHYIR LHAN CIG MI GNAS PA'I MTSAN NYID KYI 'GAL BA YIN NO, ,YOD PA DANG SKYE BA DAG NI PHAN TSUN SPANGS PA'I MTSAN NYID KYIS THA DAD PA MED PA YIN NO, ,SKYE BA NI YOD PA LAS THA DAD PA MA YIN PA LA YANG YIN NO, ,YOD PA NYID NI SKYE BA MA YIN TE, CHA MED PAR THAMS CAD YOD PA NI SKYE BA DON MED DO, ,THA DAD PA MED PA DAG PHAN TSUN 'GAL BAR JI LTAR 'GYUR ZHE NA, GZHAN GYIS THA MI DAD PAR KHAS BLANGS PA'I PHYIR DE SKAD BRJOD PA YIN NO, ,GAL TE 'GAL BA ZHES BYA BA 'DI CI YIN ZHE NA ZLOG PAR BYED PA DANG BZLOG PAR BYA BA'I NGO BO'O, ,'DI LTAR, MA TSANG MED RGYU CAN GCIG DE LAS GZHAN, ,YOD NA GANG TSE 'BYUNG BA MED 'GYUR BA, ,DE GNYIS 'GAL BA NYID NI YIN PA DE, ,ME DANG GRANG BA'I BDAG NYID MA MTHONG NGO, ,GAL TE GZHAN GYIS GZHAN MED PAR BYED PA DE MI 'THAD PA MA YIN NAM, MED PA LA NI 'BRAS BU NYID MED PA'I PHYIR RO, ,DE STE MI BYED NA NI DE'I TSE RANG NYID 'JIG PAS GZHAN DANG 'GAL BA CI YOD, SKAD CIG NI GZHAN GYIS 'JIG PAR BYED PA MA YIN TE, SKYES PA DANG MA SKYES PA'I GNAS SKABS DAG LAS MI 'THAD PA'I PHYIR RO, ,MA SKYES PA NI MED PAS GANG ZHIG 'GAL BA'AM 'JIG PA YIN, SKYES PA YANG RANG GI DUS SU 'JIG PAR MI NUS TE, SKAD CIG LA 'GYUR BA

, ,MED PA'I PHYIR RO, ,GZHAN GYI DUS SU NI DE NYID MED PAS GANG ZHIG 'JIG PA YIN, RGYUN 'JIG GO ZHE NA, MA YIN TE, DE LAS THA DAD PA'I RGYUN MED PA'I PHYIR RO, ,GAL TE PHYI MA'I SKAD CIG MA BRGYUD MAR 'BYUNG BA GEGS BYAS PA GANG YIN PA DE NYID RGYUN 'JIG PA YIN NO ZHE NA, DE YANG MI BDEN TE, GAL TE RGYU YOD GYUR NA NI, ,GZHAN GYIS JI LTAR GEGS BYED 'GYUR, ,DE STE RGYU NI MED NA YANG, ,GZHAN GYIS JI LTAR GEGS BYED 'GYUR, ,GAL TE PHYI MA'I SKAD CIG PHYI MA SKYE BA LA RGYU YOD NA JI LTAR GEGS BYED, DE STE RGYU MED NA RANG NYID 'GYUR BAS BYA CI DGOS, CI STE 'GAL BAS RGYU MA TSANG BA NYID BYED DO ZHE NA, DE YANG MI BDEN TE, GANG GI PHYIR, GAL TE MED PA MA TSANG BAR, ,BYED NA DON MED 'GYUR BA YIN, ,RANG GI NGO BOS YONG PA YANG, ,MA TSANG BAR NI JI LTAR BYED, ,GAL TE DE LA MA TSANG MED, ,RGYU YOD CI STE DE MED 'GYUR, ,'ON TE MA TSANG MED BYED MED, ,DE NI RANG NYID MA TSANG 'GYUR, ,MA TSANG MED RGYU YOD NA NI, ,RGYU YANG MA TSANG BAR BYED MI NUS LA, DE'I RGYU MED NA NI RANG NYID MA TSANG BAR 'GYUR BAS DE LA 'GAL BAS CI ZHIG BYED PAR 'GYUR ZHE NA, 'DI LA LAN NI, MES NI LHAN CIG BYED MED PA'I, ,GRANG BAS GRANG BA GZHAN SKYED 'GYUR, ,LHAN CIG BYED DANG PHRAD NA NI, ,DE NI GRANG BA'I RGYU MA YIN, ,DE NI GRANG BA'I REG PA SNGA MA NI ME'I LHAN CIG BYED PA NYE BA'I PHYIR GZHAN PA DANG CHES GZHAN PA LA SOGS PA'I GRANG BA'I REG PA SKYED PAR BYED PA NAS JI SRID DU GRANG BA'I REG PA GRANG BA GZHAN SKYED PAR BYED PA MA YIN PA'I BAR DU 'GYUR BA MA YIN NO, ,DE RANG NYID LDOG PA'I PHYIR DANG, LHAN CIG BYED PA NYID KYIS GRANG BA'I RGYU NUS PA MED PA SKYED NAS RGYU MED PAS GZHAN YANG MI SKYE BA'I PHYIR NA MA NI GRANG BA BZLOG PAR BYED PAR YIN NO ZHES THA SNYAD BYED PA YIN NO, ,DE BYAS PA DE'I RGYU MA TSANG BA SKYE BA'I PHYIR DE'I SNGA NA MED PA'I MTSAN NYID DE LAS SKYE BA MED PA NYID NI LDOG PA YIN NO ZHES THA SNYAD DU BYED DO, ,RGYU'I BYED PA NI SKYE BA LA 'JUG PA YIN GYI LDOG PA LA NI MA YIN NO, ,YANG NA GRANG BA'I RANG BZHIN 'DI NI RANG GI RGYU LAS NGES PA YIN GYI, GANG GIS ME NYE NA RANG GI 'BRAS BU GRANG BA'I SKAD CIG GZHAN MI SKYE BA STE, DNGOS PO RNAMS KYIS NUS PA NI SO SONG NGES PA'I PHYIR RO, 'GAL BAS GNYIS GZHI GCIG LA JI LTAR 'TSOG CE NA, DE LTAR YIN PA NYID

KYIS 'GAL BA YIN TE, GZHAN DU MI 'THAD PA'I PHYIR RO, ,SKAD CIG GNYIS NI 'GAL BA YANG MA YIN GYI 'ON KYANG RGYUN GNYIS SO, ,ME NYAMS SU MYONG YANG DA RUNG GRANG BA DANG MA BRAL LO ZHES RIGS PA 'DI NI MTHONG BA YIN NO, ,MUN PA SHIN TU DANGS PA MA YIN NO ZHES BYA BA YANG DE BZHIN NO, ,SHIN TU GSAL BA'I SNANG BA YOD NA SKAD CIG DE NYID LA MED PAR 'GYUR RO ZHEN MA YIN TE, DE LA YANG DE DANG LHAN CIG PA'I RGYU MUN PA SKYED PA'I NUS PA MED PA'I PHYIR SNANG BA NYID SKYE BA YIN GYI MUN PA NI MA YIN NO, ,DE NYID KYIS ZHIG PA YIN NO ZHE NA, MA YIN TE, DE'I RANG BZHIN GYI NGO BOS SKYES PA'I PHYIR TE, RANG BZHIN GANG GIS SKYES PAR GYUR, ,DE NYID KYIS 'JIG MA YIN NO, ,RANG BZHIN GANG DU DE MA SKYES, ,DE LTAR YANG NI 'JIG MA YIN, ,DE'I PHYIR DE NYID NI BSHIG PA MA YIN NO, ,GAL TE MA MTHONG BA NYID ZHIG PA YIN LA, DE NYID KYANG PHYIS MA MTHONG BA DES NA DE NYID BSHIG PA YIN NO ZHE NA, ZHIG PA'I GNAS SKABS SU MA RTOGS PA'I PHYIR JI LTAR DE NYID CES RTOGS, GANG GI TSE RTOGS PA DE'I TSE NI MA ZHIG LA GANG GI TSE ZHIG PA DE'I TSE YANG ZHIG PA MA YIN NO, ,GANG GI PHYIR MA RTOGS PA DE NYID KYIS NA DE ZHIG PA YIN TE, DE LTA MA YIN TE RTOGS NA ZHIG PA'I DON GANG ZHIG YIN ZHE NA, GAL TE MA DMIGS PA ZHIG PA YIN NAS PHYOGS NA BUM PA MI DMIGS PA'I PHYIR DE YANG ZHIG PAR 'GYUR RO, ,GANG ZHIG SNGAR MTHONG BA MI DMIGS PA DE ZHIG PA YIN NO ZHE NA, DE YANG SNGAR MTHONG BA KHO NA'O, ,GANG DU MTHONG BA DER DE NYID KYI TSE MA DMIGS PA NI ZHIG PA YIN NO ZHE NA, DE NYID KYI TSE DMIGS LA DE NYID KYI TSE MA DMIGS ZHES BYA BA 'DI 'GAL LO, ,DE MA THAG PA'I DUS GZHAN DU MA DMIGS PA YIN NO ZHE NA; BAR DU MCHOD PA'I YUL GZHAN DU MA DMIGS PA JI LTAR ZHIG PA MA YIN, DUS GZHAN MA MTHONG BA ZHIG YIN NA, DNGOS PO NYID DU DRAN PAR BYED PA YIN NO, ,DE'I PHYIR RJES SU DPAG PA NI THA SNYAD TZAM KHO NA SGRUB PAR BYED PA YIN GYI, GZHAN NI MA YIN NO, ,GAL TE 'BRAS BU'I GTAN TSIGS LAS ME LA SOGS PA DNGOS PO MA GRUB PA NYID SGRUB PAR BYED PA YIN GYI THA SNYAD TZAM NI MA YIN PA MA YIN NAM ZHE NA, DE YANG MI 'THAD DE, GAL TE DE YANG RJES DPAG GIS, ,DNGOS POR RAB TU SGRUB BYED NA, ,RNAM KUN GRUB 'GYUR DE NYID LA, ,TSAD MAS GZHAN DAG 'JUG MI 'GYUR, ,GAL TE RJES SU DPAG PAS ME LA SOGS PA'I DNGOS PO NYID GRUB NA, DE'I

, ,TSE DE LA ME 'DI CI 'DRA BA ZHIG YIN ZHES NANG TSAN GYI KHYAD PAR SHES PAR 'DOD PA NA, MNGON SUM LA SOGS PA'I TSAD MA GZHAN MI 'JUG PAR 'GYUR TE, RJES SU DPAG PA NYID KYIS DE'I RNAM PA THAMS CAD SNGAR GRUB ZIN PA'I PHYIR RO, ,GAL TE SRID PA DANG, MI SRID PA DANG, TSAD MA DANG 'GAL BA STE RNAM PA GSUM YOD PA MA YIN NAM, RUNG BA'I RGYU LAS 'BRAS BU SKYE BA ZHES BYA BA NI SRID PA'O, ,RGYU MED NA 'BRAS BU MI SKYE'O ZHES BYA BA NI MI SRID PA'O, ,TSAD MA DANG 'GAL BA YANG ME GRANG PO ZHES BYA BA LTA BU'O, ,DE LA MNGON SUM GYIS RNAM PA THAMS CAD 'DZIN PA ZHES BYA BA NI SRID PA YIN LA, RJES SU DPAG PAS 'DZIN PA NI MI SRID PA DANG, TSAD MA DANG 'GAL BA YIN PA'I PHYIR TSAD MA GZHAN 'JUG GO ZHE NA, 'DI NI RMONGS PA'I SPYOD PA'I TSUL TE, 'DI LTAR, MI SRID PA DANG 'GAL BA NI, ,DNGOS PO 'DZIN PA GANG LAS YIN, ,DNGOS PO 'DZIN PA YIN NA NI, ,'DI GNYIS RIGS PA MA YIN NO, ,GAL TE RNAM PA THAMS CAD 'DZIN PA MI SRID PA'I PHYIR DANG, TSAD MA GZHAN 'JUG PA DANG 'GAL BA'I PHYIR DE DANG THA MI DAD PA'I RNAM PA 'DOR NA NI, DE'I TSE DNGOS PO 'DZIN PA NYID KYANG MA YIN PAR 'GYUR TE, DE NYID KYI TSE DE NYID BZUNG BA DANG MA BZUNG BAR NI MI RIGS SO, ,DE BZHIN DU SHES PA GANG DE 'DZIN PA RANG YIN LA MI 'DZIN PA'ANG YIN NO ZHES BYA BA 'DI YANG MI SRID PA KHO NA'O, ,CI STE 'DI SNYAM DU, 'KHRUL PHYIR RTAGS NI RNAM PA KUN, ,'DZIN PAR BYED PA'I RGYU MA YIN, ,SPYI LA 'KHRUL PA MED PA'I PHYIR, ,KHYAD PAR RAB TU 'GRUB MI 'GYUR, ,GSAL BA THAMS CAD THUN MONG DU BZUNG BA'I RTAGS NI SO SOR NGES PA'I GSAL BA LA MA NGES PA YIN NO SNYAM NA, GAL TE DE LTA NA, GTAN TSIGS NYID NI MA NGES PHYIR, ,RTAGS KYI STOBS LAS KHYAD PAR NI, ,'DZIN PAR SRID PA MA YIN NA, ,JI LTAR DNGOS PO 'DZIN PA YIN, ,'DI NA ME GANG YOD NI MI SHES KYI SNGAR ME DU MA MTHONG BA'I RJES SU 'BRANGS NAS, 'DI NA ME 'GA' ZHIG YOD DO ZHE NA, ME TZAM 'BA' ZHIG SHES PA 'DI NI RTOGS PA KHO NA STE, 'ON KYANG DNGOS PO DNGOS PO LA REG PA NI MA YIN NO, ,MNGON SUM DU DNGOS PO LA REG NA KHYAD PAR LA THE TSOM ZA BAR JI LTAR 'GYUR, THE TSOM ZA NA THOB PAR JI LTAR 'GYUR ZHE NA, THOB PA YANG THE TSOM DANG RJES SU MTHUN PA NYID DE, RES 'GA' ME 'GA' ZHIG THOB PA'I PHYIR RO, ,DES NA 'BRAS BU'I GTAN TSIGS LA YANG, THA SNYAD 'BA' ZHIG SGRUB

PAR ZAD KYI, DNGOS PO NI MA YIN NO, ,RANG BZHIN GYI GTAN TSIGS LA NI DNGOS PO MTHONG BA'I PHYIR THOB PAR 'GYUR BA YIN NA, 'BRAS BU'I GTAN TSIGS LA DNGOS PO MA MTHONG BAR JI LTAR THOB PAR 'GYUR ZHE NA, DON NI MTHONG BA 'BA' ZHIG NYID, ,THOB MIN KUN TSE YOD PA LAS, ,DNGOS PO DE THOB 'KHRUL PAS KYANG, ,DE DON GNYER RNAMS 'JUG PAR BYED, ,SKRA SHAD LA SOGS PA DAG LA MTHONG BA YOD PA, YUL GZHAN MA MTHONG CIS MA YIN, ,DUS GZHAN KHYAB PA MED CE NA, ,YUL GZHAN LA NI JI LTAR YOD, ,GAL TE YUL GZHAN DU KHYAB PA 'GA' YANG MI SRID PA DES NA DES NYID MI 'JIG PA YIN NO ZHE NA, DUS GZHAN LA KHYAB PA YANG MI SRID PAS DE YANG JI LTAR ZHIG PA YIN, YUL GZHAN DU MA DMIGS KYANG YUL GZHAN DU DMIGS PA MA YIN NAM, JI LTAR ZHIG PA YIN ZHE NA, 'O NA NI YUL GZHAN DUS GZHAN DU YANG DMIGS PAS JI LTAR ZHIG PA YIN, ,DUS GZHAN DU MTHONG ZIN PA'I PHYIR RO ZHE NA, 'DI NI GNYI GA LA MTSUNGS SO, , DE'I PHYIR, DNGOS GANG JI LTAR MTHONG BA DE, ,DE LTA NYID YIN GZHAN DU MIN, ,SNGON PO NYID DU MTHONG BA YI, ,SNGON PO DKAR POR YOD MA YIN, ,DES NA DE NYID BSHIG PA NI MA YIN GYI 'ON KYANG RGYU MED PAR GZHAN MI SKYE BA YIN NO, ,DE MA MTHONG BA NA DE ZHIG GO ZHES BYA BA NI MNGON PA'I NGA RGYAL TZAM DU ZAD DO, ,DES NA LHAN CIG MI GNAS PA'I MTSAN NYID KYIS 'GAL BA NI YUL DE LTA BU LA RNAM PAR 'JOG PA YIN NO, ,DON DAM PAR NA 'GAL BA'I YUL NI RGYU DANG 'BRAS BU NYID YIN NO, ,PHAN TSUN SPANGS TE GNAS PA'I MTSAN NYID KYIS 'GAL BA YANG DE KHO NA LTAR YIN NO, ,SKAD CIG SKYED PAR BYED PA DE NI RTAG PA SKYED PAR MI NUS TE DES NA RTAG PA MI SKYE BA NYID DO, ,JI LTAR MI RTAG PA NYID RTAG PA DANG MA 'DRES PA DE BZHIN DU, SNGON PO NYID LA SOGS PA YANG PHAN TSUN DE BZHIN NO, ,'GAL BA 'DI GNYIS LA DON DAM PA NI KHYAD PAR YOD PA MA YIN NO, ,DES NA 'GAL BA NI PHAN TSUN MI MTHUN PA NYID YIN NO, ,DE YANG DON GYI RANG BZHIN NYID YIN TE, DE LTA MA YIN NA NI RANG BZHIN MED PAR 'GYUR BA'I PHYIR RO, ,DE DAG GI PHAN TSUN MI MTHUN PA'I RANG BZHIN DMIGS PA DE YANG GZHAN LA LTOS NAS MI DMIGS PA NYID YIN PA'I PHYIR RO, ,MED PA'I THA SNYAD THAMS CAD NI MI DMIGS PA LAS YIN NO, ,DES NA THAMS CAD DU SBYOR BA 'BA' ZHIG THA DAD PAR ZAD KYI DON LA THA DAD PA MED DO ZHES BYA BA NI RIGS PAR BRJOD

, ,PA YIN NO, ,DBANG PO LAS 'DAS PA RNAMS LA NI 'GAL BA DE MED PA'I PHYIR MED PA SGRUB PA'I 'GAL BA DMIGS PA MED PA YIN NO, ,MI DMIGS PA TZAM GYIS KYANG MA YIN NO, ,MA DMIGS SO ZHES BYA BA DE TZAM GYIS NI MED DO ZHES BYA BAR MI 'GYUR RO, ,GANG GIS MTHONG BA YOD PA LA KHYAB PA DES DE SKAD DU SMRA NA NI MDZES PAR 'GYUR RO, ,DE'I TSE YANG THAMS CAD MKHYEN PA NI SPANGS PA MA YIN TE DE NYID THAMS CAD MKHYEN PA YIN PA'I PHYIR RO, ,'JIG RTEN PHA ROL LA SOGS PA THAMS CAD MKHYEN PAS DMIGS PAR BYA BA MA YIN NO ZHES BYA BA YANG MA YIN TE DE LA TSAD MA MED PA'I PHYIR RO, ,BZLOG PA LA NI TSAD MA BSHAD ZIN TO, ,DE'I PHYIR, JI LTAR DNGOS RNAMS SGRUB PA NA, ,DNGOS PO RNAMS KYI SGRUB BYED 'DOD, ,DE BZHIN DNGOS NYID RANG LDOG NA, ,DNGOS RNAMS LDOG PAR BYED PA YIN, ,JI LTAR 'BREL PA'I PHYIR DNGOS PO NYID DNGOS PO SGRUB PAR BYED PA YIN GYI 'BREL PA MED PA NI JI LTAR YANG DNGOS PO'I SGRUB PAR BYED PA MA YIN PA DE BZHIN DU, DNGOS PO NYID RANG LOG NA DNGOS PO'I LDOG PAR BYED PA YIN NO, ,'BREL PA MED PAR NI DNGOS PO LOG NA DNGOS PO GZHAN LDOG PA MA YIN NO, ,DPER NA, 'BRAS BU RGYU SGRUB PAR BYED PA'AM, KHYAB PAR BYA BA KHYAB PAR BYED PA BSGRUB PA DE BZHIN DU, RGYU MED PA 'BRAS BU MED PA DANG, KHYAB BYED MED PA KHYAB BYA MED PA YIN TE, DE LTA MA YIN NA NI 'BREL PA DE NYID MED PAR 'GYUR RO, ,'BREL PA'I NGO BO NI 'DI NYID YIN TE, RJES SU 'GRO BA DANG LDOG PA GANG YIN PA STE, GZHAN NI 'BREL PA YIN NO, ,'DIS NI RTOGS PAS SBYAR BA'I CHOS, ,PHYOGS DANG MTHUN PA'I PHYOGS DAG LAS, ,GANG RUNG NYID SOGS GSAL YIN TE, CI YANG RUNG BA SRID PHYIR RO, ,PHYOGS DANG MTHUN PA'I PHYOGS LAS GANG YANG RUNG BA NYID NI, RTAG PA DANG MI RTAG PA DAG LA GCIG DANG YANG 'BREL PA MA YIN NO, ,PHYOGS NI 'DOD PAS BYAS PA YIN LA DE'I RJES SU 'BRANG BAS MTHUN PA'I PHYOGS GANG YIN PAR STE, DE YANG DE LTA BU NYID DO, ,DES NA 'DOD PA TZAM DANG RJES SU 'BREL PA'I PHYIR DNGOS PO GO BAR BYED PA MA YIN NO, ,GZHAN DU 'BREL PA NI GZHAN GO BAR BYED PA MA YIN TE HA CANG THAL BAR 'GYUR BA'I PHYIR RO, ,GANG GIS DE MED PAR RTOGS PA 'GA' ZHIG LAS LDOG PAR BYED PA YANG MA YIN NO, ,'DOD PAS BYAS PA'I PHYOGS NYID NI 'BREL PA NYID YOD PA YIN TE, DES NA PHYOGS DANG MTHUN PA'I

PHYOGS GANG RUNG ZHIG YIN PA'I PHYIR ZHES BYA BA NI GO BAR BYED PA MA YIN NO, ,DE BZHIN DU MI MTHUN PA'I PHYOGS MA YIN PA'I PHYIR ZHES BYA BA LA SOGS PA YANG YIN NO, ,DE'I PHYIR SGRUB PA DANG 'GOG PA NI 'BREL PA NYID LA 'GRUB PA YIN NO, ,DE LA'ANG KHYAB PAR BYED PA'I CHOS, ,KHYAB BYA LDOG PA'I GO BYED 'DOD, ,GAL TE NGANG GI LDOG PA NI, ,RNAM 'GAR YONGS SU BCAD NA'O, ,ZHES BYA BA NI BSDU BA'I TSIGS SU BCAD PA'O, ,RANG BZHIN MI DMIGS PA YANG GO BAR BYED PA NYID MA YIN NAM ZHE NA, DE NI MA YIN TE, DE LA DON DAM PAR NA GO BYA GO BYED MED DO, ,DMIGS PA'I MTSAN NYID DU GYUR PA MA DMIGS PA GANG YIN PA DE NYID MED PA YIN NO; ,DES NA GRUB PA DES KHYAB PAR BYA BA MED PAR SGRUB PAR BYED PA YIN NO, ,MED PA LA NI DE NYID KYI, ,TSAD MED RTAGS SU BRJOD GANG YIN, ,DE NI SHIN TU RMONGS DON TE, ,GNAG RDZI MO BAR GRAGS PHYIR RO, ,RANG BZHIN MI DMIGS PA ZHES BYA BA 'DI NYID DNGOS PO MED PA YIN PA 'DI NI GNAG RDZI DANG BUD MED KYI BAR LA GRUB PA YIN NO, ,'ON KYANG GRANGS CAN BSTAN BCOS KYI LTA BAS RMONGS PA RTOGS PAR BYED PA YIN TE, MED PA'I THA SNYAD 'DI NI GZHAN DU YANG 'DI TZAM GYIS RGYU MTSAN CAN YIN TE, DE LTA MA YIN NA, BDE BA LA SOGS PA DANG SKYES BU THA DAD PAR MI 'GRUB BO, ,BSTAN BCOS NYID LA THA DAD PAR GRUB BO ZHE NA, MA YIN TE, THA DAD PA NI TSAD MA LA LTOS PA'I PHYIR RO, ,PHAN TSUN THA PAR DMIGS PA MED PAR NI, BSTAN BCOS NYID KYANG PHAN TSUN THA DAD PAR MI 'GRUB LA, THA DAD DU BYA BAR DMIGS PA DE NYID NI GZHAN MI DMIGS PA YIN NO, ,GSAL BA DANG MI GSAL BA DAG KYANG MI DMIGS PA MED NA THA DAD PAR MI 'GRUB BO, ,MI DMIGS PA NI 'DI TZAM ZHIG ,MED LA NGES PA'I 'BRAS CAN YIN, ,DE YANG SNANG BAR 'DOD PA YI, ,RGYU'AM RANG BZHIN SNANG MED NYID, ,MI DMIGS PA NI RNAM PA GSUM KHO NA STE, RGYU DANG BYA BAR BYED PA YANG RANG BZHIN MI DMIGS PA'O, ,DE YANG RGYU LA SOGS PA DMIGS PA'I MTSAN NYID DU GYUR PA MI DMIGS PA KHO NA GO BAR BYED PA YIN TE, GZHAN DANG RNAM PA GZHAN DU NI MA YIN TE, DE'I PHYIR 'BRAS BU DANG RANG BZHIN DANG MI DMIGS PAS SKYED PA'I RTAGS CAN GYI SHES PA BSGRUB PAR BYA BA RTOGS PAR BYED PA NI SLU BA MED PA CAN YIN TE, DES NA DES DNGOS PO NYID DE LTAR GRUB PA'I PHYIR, DNGOS PO'I CHOS MA YIN PA MA YIN NO, ,GAL TE KHA DOG 'DI MI RTAG

, ,PO'O ZHES RANG GI MTSAN NYID LA MI RTAG PA NYID SBYOR BA MA YIN NAM, DES NA KHA DOG SPYI LA SBYOR PHYIR RO ZHES BYA BA LA SOGS PA JI LTAR ZHE NA, DE NI MA YIN TE, RJES SU DPAG PAS MI RTAGS SOGS, ,'DZIN PA LA NI TSUL 'DIR 'DOD, ,GZHAN DU GZUNG BA 'DZIN PA'I PHYIR, ,TSAD MA NYID DU 'DOD MA YIN, , RANG DANG SPYI'I MTSAN NYID BRJOD PAR BYA BA MA YIN PA DANG KHA DOG NYID DAM, MI RTAG PA LA SOGS PA BZUNG NAS KHA DOG LA SOGS PA NI MI RTAG PA'O ZHES MI RTAG PA NYID DANG YID KYIS SBYOR BAR SLOB DPON GYIS BSHAD PA GANG YIN PA LA, KHA DOG SPYI LA SBYOR RO ZHES BYA BA LA SOGS PAS TSUL 'DI BSHAD PA YIN NO, ,KHA DOG GI SPYI LA MI RTAG PA NYID RJES SU DPAG PAS RTOGS NA TSAD MA GZHAN YOD PAR 'GYUR RO, ,CHOS CAN SPYI DE GANG GIS RTOGS, ,RJES SU DPAG PAS RTOGS NA NI DE LA YANG CHOS CAN GZHAN DGOS PAS THUG PA MED PAR 'GYUR RO, ,GANG GI TSE MNGON SUM GYI DUS PHYIS 'BYUNG BA RTAGS CAN GYI SHES PA MA YIN PA DE'I TSE NI TSAD MA GZHAN NYID DU 'GYUR TE, RANG GI MTSAN NYID DANG SBYOR BA'I PHYIR RO ZHE NA, GNYI GA LA YANG LA NA, DE LA NI TSAD MA NYID YOD PA MA YIN TE, GNYI GAR MNGON SUM NYID KYIS GRUB PA'I PHYIR DANG, SPYI 'DZIN PA'I RJES SU DPAG PA NI GZUNG BA 'DZIN PAS TSAD MA MA YIN PA'I PHYIR RO, ,MI RTAG PA NYID MNGON SUM GYIS JI LTAR GRUB CE NA, 'DI LTAR, DNGOS LAS MI RTAG GZHAN DU MED, ,DE YANG DBANG PO LAS SNGAR GRUB, ,DU MA'I DNGOS DE BRJOD BYA MIN, ,RTOGS LAS SKYED CHOS BRJOD BYA YIN, ,MI RTAG PA NYID DAM KHA DOG NYID LA SOGS PA DNGOS PO'I RANG BZHIN LAS GZHAN NI MED KYI 'ON KYANG DE 'DRA BA DE NI DNGOS PO'I RANG BZHIN KHO NA'O, ,RNAM PAR RTOG PAS DE'I NGO BO 'DZIN PAR MI NUS PA'I PHYIR DE NYID SPYI'I NGO BOS 'GYUR BA YIN NO, ,SPYI NI 'DZIN PA'I BYED PA YIN GYI GZHAN NI MED DO, ,'DI SNGON PO ZHES MNGON SUM LA SNANG BA'I RANG BZHIN LAS GZHAN PA NI RJES SU DPAG PA LA 'DI NI SNGON PO'I ZHES SNANG BA MED KYI DE NYID DE LTAR THA SNYAD BYED PA YIN NO, ,'ON TE, 'DI NI SNGAR GYI SNGON PO JI LTA BA DE LTA BUR GYUR PA NYID DO ZHES SNGA MA DANG PHYI MA'I SHES PAS MA BZUNG BA'I SPYI NYID 'DZIN PA NYID 'DZIN PA YIN NO ZHE NA, DE NI MI RIGS TE, SNGA MA PYI MA'I RANG BZHIN LAS THA DAD PA'I SPYI NI MA DMIGS KYI DE NYID DES THA SNYAD BYED PA NI SPYI YIN LA, THA SNYAD KYI RTEN KYANG RANG GI MTSAN NYID DE KHO NA YIN NO, ,GAL TE MI RTAG PA LA SOGS PA'I SPYI RNAMS PHAN TSUN DANG, DE DANG LDAN PA LAS THA DAD

PAS DU MA NYID YIN NAM ZHE NA, 'DI LA BRJOD PA, RANG GI MTSAN NYID KYI BDAG NYID, DU MA'I DNGOS PO DE NI BRJOD PAR BYA BA MA YIN TE, THA DAD PA NI THOG MA MED PA'I BAG CHAGS KYI MTHU LAS BYUNG BA'I RNAM PAR RTOG PA TZAM GYIS SBYAR BA YIN NO, ,RNAM PAR RTOG PA NI LDOG PA THA DAD PA'I PHYIR RJES SU 'GRO BA DANG LDOG PA YONGS SU BRTAGS PAS THA DAD PAR LHAG PAR ZHEN NAS 'JUG PA'I PHYIR RO, ,SPYI YI RTEN NI GRUB PA NA, ,SPYI DE NYID NI GRUB PA YIN, ,DE MA GRUB NA DE LTAR DE, ,RAB TU GRUB PHYIR RJES DPOG YIN, ,SPYI NI THA SNYAD TZAM YIN LA, THA SNYAD KYANG THA SNYAD KYI YUL RAB TU GRUB PA NA, DES PA'AM, GZHI MTHUN PA NYID DU RAB TU 'GRUB PAR 'GYUR RO; ,THA SNYAD MA GRUB NA NI, RGYU MTSAN BSTAN PAS THA SNYAD BYED PA YIN TE, THA SNYAD KYI RGYU MTSAN BRJED PA RGYU MTSAN DRAN PA'I SGO NAS YUL GYI MA YIN PA DE LTA NA YANG DE DON DU GNYER BA NYID KYIS 'JUG PAR 'GYUR BAS, GANG DU YOD PA DER NI THOB PA YIN LA GZHAN DU NI MA YIN NO ZHES BYA BAR GOR MA CHAG GO, ,MNGON SUM DU GYUR PA'I RANG BZHIN GYI GTAN TSIGS DANG 'BRAS BU'I GTAN TSIGS LA DNGOS PO 'DZIN PA NI YOD PA MA YIN TE, THAMS CAD DU MA BZUNG BA NYID THOB PA'I PHYIR RO, ,THOB PAR BYA BA NI 'BYUNG BAR 'GYUR BA YIN GYI, DE'I RANG GI NGO BO NI MA YIN NA, DE JI LTAR 'DZIN, 'BYUNG BAR 'GYUR BA'I RANG BZHIN NYID DU 'DZIN TO ZHE NA, MA YIN TE; DE LTAR MA RTOGS PA'I PHYIR RO, ,CI STE 'BYUNG BAR 'GYUR BA'I RANG BZHIN DU RTOGS PA DE LTA NA YANG GZHAN DU RTOGS PA DE GZHAN DU SKYE BAR MI 'GYUR RO, ,GAL TE SPYI RTOG PA YIN NO ZHE NA, SPYI RTOGS PA NA KHYAD PAR THOB PAR JI LTAR 'GYUR, YOD PA'I PHYIR TE, 'DI LTAR SPYI NI DNGOS PO MED PAR MI 'GYUR BA'I PHYIR RO ZHE NA, 'O NA NI DU BA LA SOGS PA'I RTAGS NYID DNGOS PO MED NA NI MI 'BYUNG BA YIN PA'I PHYIR, DE NYID LAS YOD PA NYID THOB PA'I PHYIR SPYIS CI BYA, SPYI RTOGS PA MED NA JI LTAR 'JUG CE NA, RTAGS RTOGS PA NYID KYIS 'JUG PAR 'GYUR RO, ,GZHAN RTOGS PAS GZHAN LA 'JUG PAR MI LTAR 'GYUR ZHE NA, SPYI YANG GZHAN YIN PA'I PHYIR NYES PA MTSUNGS SO, ,GAL TE SPYI NI GZHAN KHO NAR GCIG TU NGES PA MA YIN NO ZHE NA, GAL TE DE LTA NA NI, DON GYI SPYI NI BZUNG BA NA, ,DON DE NYID NI GZUNG BAR 'GYUR, ,DE LTA YIN DANG THE TSOM NI, ,MED 'GYUR BZUNG LA DE JI LTAR, ,SPYI'I TSUL GYIS BZUNG BA YIN GYI BYE BRAG GI TSUL GYIS NI MA YIN NO ZHE NA, KHYAD PAR GYI RANG

, ,BZHIN LA JI LTAR 'JUG PAR 'GYUR, DE YANG BZUNG BA KHO NA'O ZHE NA, CI'I DON DU 'JUG PAR BYED, THOB PA'I DON DU'O ZHE NA, THOB PA DE YANG RANG GI NGO BO RTOGS PA KHO NA YIN NA, GAL TE DE YANG SKYES PAR 'GYUR NA 'JUG PA LA DON CI ZHIG YOD, TSUL 'GA' ZHIG GIS NI RTOGS LA TSUL 'GA' ZHIG GIS NI MA RTOGS SHE NA, TSUL GANG GIS RTOGS PA'I TSUL DE NAS NI 'JUG PA MA YIN TE, DON MED PA'I PHYIR RO, ,GANG GIS MA RTOGS PA DE NAS KYANG MA YIN TE, MI NUS PA'I PHYIR RO, ,SHES PA LA NI THE TSOM MI ZA LA, MA SHES PA LA YANG MA YIN TE, THE TSOM NI GNYI GA'I RANG BZHIN LA REG PA YIN PA'I PHYIR RO, , GAL TE SPYI DANG KHYAD PAR DAG NGO BO GCIG PA'I PHYIR KHYAD PAR LA MA RTOGS KYANG 'JUG GO ZHE NA, MA YIN TE, YUL DU MA BYAS PAR MI 'THAD PA'I PHYIR RO, ,RTOGS PA DANG MA RTOGS PA NI GCIG PA NYID MA YIN NO ZHES KYANG BSTAN ZIN TO, ,SHES PA GCIG TU RTOGS PAR 'GYUR GYI MA SHES PA NI MA YIN NO, ,'ON TE YANG DUS GZHAN DU SHES PAR 'GYUR RO ZHE NA, DUS GZHAN LA NI MNGON SUM DANG RJES SU DPAG PA MED DO ZHES BYA BA 'DI NI BSTAN ZIN TO, ,GAL TE MI RTAG PA LA SOGS PA DNGOS PO'I BDAG NYID THAMS CAD BZUNG BA MA YIN NAM, RJES SU DPAG PAR BYA BA JI LTAR 'GYUR, THA SNYAD DU BYA BA NYID DU'O SNYAM NA, THA SNYAD KYI BDAG NYID NGES PA DE NYID CI STE MED CE NA, 'DI NI LAN MA YIN TE, 'DI LTAR, 'DRA BA GZHAN NI YOD PA'I PHYIR, ,LA LAR YONGS SU MI SHES TE, ,'KHRUL PHYIR SGONG GI THA DAD BZHIN, ,THA DAD MTHONG BA MED PHYIR RO, ,SGONG LA THA DAD PAR MA RTOGS PA NI MA YIN MOD KYI, 'ON KYANG 'DRA BA'I PHYIR, DE NYID 'DI YIN NO ZHES DE LAS GZHAN DU RTOGS PA'I PHYIR THA DAD PA'I THA SNYAD MED PA YIN NA, ,GAL TE DE NYID 'DI'O SNYAM DU RTOGS PA 'KHRUL PA YIN DU ZIN KYANG, MTHONG BA MA 'KHRUL PA NYID MA YIN NAM, JI LTAR THA DAD PA MA RTOGS, CI STE BSGRIBS PA'I PHYIR RTOGS SU ZIN KYANG 'BRAS BU LAS MA RTOGS PA NYID YIN NO ZHE NA, BSGRIBS PA ZHES BYA BA NI YOD PA MA YIN TE, RANG GI NGO BO RIG PA DANG, MA RIG PA DAG PHAN TSUN SPANGS TE GNAS PA YIN PA'I PHYIR RO, ,YANG NA GNYIG PHAN TSUN DU BSGRIBS PAR 'GYUR RO, ,PHAN TSUN SPANGS TE GNAS PA'I PHYIR, ,GAL TE BSGRIBS PA NYID YIN NA, ,PHAN TSUN SPANGS TE GNAS PAR NI, ,MTSUNGS PHYIR GNYI GA BSGRIBS PAR

'GYUR, ,JI LTAR RNAM PAR RTOG PA RANG GI NGO BO RIG PA'I NYAMS SU MYONG BA LAS THA DAD PA'I PHYIR NYAMS SU MYONG BA SGRIB PAR BYED PA YIN PA DE BZHIN DU NYAMS SU MYONG BA YANG RNAM PAR RTOG PA SGRIB PAR BYED PAR 'GYUR RO, ,'ON TE SEMS GCIG LA CHAGS PA LA BLO THA DAD PA NYID MI SKYE BA YIN NA, DE LTA NA NYAMS SU MYONG BA NYID MED PA'I PHYIR DE LA GAGS BYAS PA'I DON CI YIN ZHE NA, 'DIR SMRAS PA, SNGAR GYI THA DAD DNGOS PO DE, ,ZHIG PHYIR MTHONG BA MED PA DANG, ,RTAG PAR LHAG PAR ZHEN PA'I PHYIR, ,RTAG PA NYID DU SEMS PA YIN, ,SNGAR GYI DNGOS PO DANG MTHONG BA YANG 'DAS PA YIN TE, DE NI DA LTAR THA SNYAD DU BYA BA 'BA' ZHIG TU ZAD DO, ,THA SNYAD KYANG RTAG PA NYID DU BYED DO, ,DES NA MTHONG BA 'DAS PA DES 'DI JI LTAR SGRIB PAR BYED, PHYIN CI LOG TU NGES PA'I NI DE'I TSE YOD PA YIN TE, DES NA 'JIG RTEN DE NYID KYI THA SNYAD DU BYED PA YIN NO, ,DES NA DE DANG RJES SU MTHUN PA'I THA SNYAD MED PA GANG YIN PA 'DI NYID DE BSGRIBS PA YIN NO, ,THA DAD PA GZHAN NYE BAR MI MTSON PA'I PHYIR RO, ,DE'I PHYIR SGONG BZHIN DU SKAD CIG MA GNYIS PA LA SOGS PA THA DAD PA NYE BAR MI MTSON PAS DE NYID 'DI YIN NO ZHES THA SNYAD DU BYED DO, ,'DI LTAR RTAGS MED BYIS PAR GYIS, ,SKYE BOS PHYIS 'BYUNG BA DANG NI, ,'BREL MED MAR ME LA SOGS KYIS, ,'JIG PA MTHONG BAS YONGS GCOD NYID, , GAL TE SGONG LA SOGS PA'I THA DAD PAR NI ZHIB MO DAG GIS RTOGS PA'I PHYIR GZUNG BA KHO NA YIN GYI SKAD CIG MA NYID NI DE LTA MA YIN NO ZHE NA, DE YANG MI BDEN TE, 'DI LTAR, DE'I GNAS SKABS MA YIN PA DANG 'JIG PA DANG MI RTAG PA ZHES THA SNYAD BYED PA YIN NO, ,SGRON MA LA SOGS PA NI DE'I SKABS MA YIN GYI, 'ON KYANG TIL MAR GZHAN DANG GZHAN GYIS BSKYED PA NA, SGRON MA GZHAN DANG GZHAN 'BAR BA YIN NO, ,DE LTA MOD KYI 'DRA BA 'AM TSOGS MTSUNGS PA LAS DE NYID 'DI YIN NO ZHES THA SNYAD NI BYED PA MA YIN NO, ,GAL TE MAR ME 'BAR BA'I BKOD PA 'DI NI GCIG NYID KYI TSE TIL MAR GYIS BSKYED PA GCIG KHO NA YIN NO ZHE NA, DE YANG YANG DAG PA MA YIN TE, 'DI LTAR, GAL TE DE NI DANG PO YI, ,TSOGS PA TZAM DU DUS GZHAN DU, ,GNAS PAR SKYES NA DE LAS GZHAN, ,TIL SOGS 'BRAS BU MED PAR 'GYUR, ,TIL LA SOGS PA'I TSEGS PA DANG PO TZAM LAS DUS KYI TSOGS MTHA' DAG LA KHYAB PA SGRON MA LA SOGS PA SKYE NA DE LA GZHAN SGONG BU DANG,

, ,RAS BAL DANG, TIL MAR DANG, ME DANG SBYOR BA'I TSOGS PA RNAMS DON CUNG ZAD RGYAS PAR BYED PA MA YIN TE, GRUB ZIN PAS NA GZHAN LA RAG LAS PA MED PA'I RANG BZHIN YIN PA'I PHYIR RO, ,CI STE SKYES ZIN KYANG DUS GZHAN DU KHYAB PA NYID NI TIL LA SOGS PA RJES SU 'JUG PA KHO NA YIN GYI, GZHAN DU NI MA YIN NO ZHE NA MA YIN TE, DUS GZHAN DU GNAS PA NYID DU SKYES ZIN PA'I PHYIR RO, ,DUS GZHAN DU MI GNAS PA YIN NA NI TIL MAR LA SOGS PA'I TSOGS PAS PHYIS CUNG ZAD KYANG BYA BAR MI NUS PA'I PHYIR DON MED PAR 'GYUR RO, ,GZHAN SKYED NA NI DE NYID MI RTAG PA YIN NO, ,DE BZHIN DU GAL TE SKYES PA DE BDAG NYID THAMS CAD GZUNG BAR BYA BA YIN NA NI, MIG LA SOGS PAS DE'I BDAG NYID THAMS CAD BZUNG BA'I PHYIR MIG LA SOGS PA'I RJES SU 'JUG PA DON MED PA KHO NA'O, ,'ON TE MTHONG BA GZHAN DANG GZHAN DAG GAM, DUS GZHAN DU GNAS PA'I 'DZIN PAS DUS GZHAN DU GNAS PA NYID DU 'DZIN PA YIN NO ZHE NA, DE LTAR GYUR NA MTHONG BA GZHAN DANG GZHAN DAG RNAM PAR CHAD PA'I PHYIR GCIG GIS KYANG DUS GZHAN DU GNAS PA NYID 'DZIN PAR MI 'GYUR RO, ,'DZIN PA DUS GZHAN DU GNAS PA CAN NYID YIN NA NI CIG CAR KHO NA DE LTAR BZUNG BA'I PHYIR MIG LA SOGS PA RJES SU 'JUG PA DON MED PA ZHES BYA BA DE NYID DU 'GYUR RO, ,DE'I PHYIR MTHONG BAS NI SNGA MA DANG PHYI MA'I NGO BO CUNG ZAD KYANG MA BZUNG BA'I PHYIR SKAD CIG TZAM KHO NA SNANG BA YIN NO, ,CI STE YANG SNGA PHYI DANG BRAL BA'I DNGOS PO'I RANG BZHIN DE NYID YUN RING POR 'GYUR BA YIN NO ZHE NA, DE NI MI BDEN TE, CIG CAR MTHONG YUN RING GI DUS, ,YUN RING DUS NI CIG CAR NYID, ,MTHONG NA THAMS CAD DE BZHIN 'GYUR, ,MTHONG BA RJES 'JUG KHO NA YIS, ,DUS RING RTOGS PAR BYED PA YIN, ,JI LTA JI LTAR MTHONG BA GZHAN DANG GZHAN RGYUN DU SKYE BA DE LTA DE LTAR RING POR RTOGS PA YIN GYI GZHAN DU NI MA YIN NO, ,DUS GCIG NYID DU RTOGS PA NI DUS RING PO NYID KYIS RING PO MA YIN TE, DUS RING POR CIG CAR DU NI RIGS PA RTOGS PA MA YIN TE, MTHONG BA NI SKAD CIG NYID RTOGS PAR BYED PA YIN NO, ,GAL TE MNGON SUM GYIS RANG GI NGO BOR GYUR PA SKAD CIG MA NYID DU YONGS SU BCAD NA, YONGS SU BCAD PA LA YANG RMONGS PAR JI LTAR 'GYUR ZHE NA, 'DI LA 'DI SKAD BRJOD DE, NUS PA DNGOS PO'I RANG BZHIN DU, ,GYUR KYANG DE MA THAG MED PAS, ,'BRAS BU MTHONG

PA MED PA'I PHYIR, ,RMONGS 'GYUR NGES GSAL MED PHYIR RO, ,DPER NA 'BRAS BU DE MA THAG TU MA MTHONG BA DAG GIS NUS PA YONGS SU BCAD KYANG NGES PAR MI BYED PA BZHIN NO, ,DE NYID BZLOG PA'I CHED DU NI, ,RJES SU DPAG PA BRJOD PA YIN, ,BLO GROS CHEN POS MTHONG NYID PAS, ,RNAM PA THAMS CAD NGES PAR BYED, , GOMS PA DANG BRAL BA RNAMS DNGOS PO'I RNAM PA THAMS CAD MTHONG NA YANG RMONGS PA DES NA NGES PA MED DO, ,DE'I PHYIR RMONGS PA BZLOG PA'I CHED DU RJES SU DPAG PA 'JUG GO, ,GANG DAG LA GOMS PA GSAL BA LA SOGS PA NGES PA'I RGYU YOD PA, BLO CHEN PO CAN GYI RGYUD DE DAG NI MTHONG BA NYID LAS NGES PA DANG LDAN PAR 'GYUR BA KHO NA YIN NO, ,DES NA GANG LA RMONGS PA MED PA DER NI SPYI'I RTEN GRUB NA SPYI'I GRUB PA KHO NA YIN LA, GANG LA RMONGS PA YOD PA DER NI RJES SU DPAG PA YIN PA NA'O, ,'O NA NI DNGOS PO GCIG YIN PA'I PHYIR DE'I RJES SU 'BRANG BA'I RNAM PAR RTOG PAS KYANG CHOS DU MA NYID DU RNAM PAR 'JOG PAR CI LTAR 'GYUR TE SNGON PO NYAMS SU MYONG BA'I RJES SU 'BRANG BA NI RNAM PAR RTOG PA'I SER PO'I RANG BZHIN DU NGES PA MA YIN NO ZHE NA, 'DI LA LAN DU, THAMS CAD LA NI LDOG PA YIS, ,THA DAD MED DON DE LA NI, ,LDOG PA'I RGYU MTSAN CAN BLO DANG, ,JI LTAR BRDAR BTAGS PA YI SGRA, ,THA DAD RTEN CAN BZHIN 'JUG 'GYUR, ,'KHRUL RGYU MED NA DE YIS NI, ,NGO BO NYID KYIS RANG DANG NI, ,RJES SU MTHUN PA'I BLO SKYED BYED, ,SKYE BA CAN GYI 'GRO BA THAMS CAD NI RIGS MTHUN PA DANG, MI MTHUN PA LAS LDOG PA LA BRTEN PA YIN NO, ,DE DAG NI GANG DANG GANG LAS LDOG PA DE DANG DE LAS THA DAD PA LDOG PA'I MTSAMS THA DAD PAR NYE BAR BTAGS PA, DE DANG DE LA BRTEN NAS CHOS THA DAD PAR RTOGS PAR BYED DO, ,GAL TE DNGOS PO THAMS CAD LAS LDOG PA CAN YIN NA, JI LTAR DUS GCIG NYID DU LDOG PA THAMS CAD MI NGES SHE NA, 'KHRUL PA'I RGYU MTSAN YOD PA'I PHYIR RO ZHES SMRA'O, ,SNGAR MTHONG BA BRJED PA'I PHYIR TE SNGAR MTHONG BA JI LTA BA BZHIN YUL DU BYED NA NI LDOG PA NGES PAR MI 'GYUR BA MA YIN PA'I PHYIR RO, ,'DI LTAR, NYAMS MYONG JI LTA BA BZHIN DU, ,DRAN SOGS NGES YIN GZHAN DU NI, ,GCIG TU NGES PA'I PHYIN CI LOG ,GNYIS KAR NGES MED THE TSOM YIN, ,NYAMS SU MYONG BA JI LTA BA BZHIN DU DRAN NA NI NGES PA MED PAR MI 'GYUR TE, JI LTA BA BZHIN DU DRAN PA GANG YIN PA DE NYID NGES PA YIN NO, ,JI LTA BA

, ,BZHIN DU DRAN PA YANG GOMS PA LAS YIN TE, DES NA GOMS PA DANG LDAN PA RNAMS NI MTHONG BA'I DE MA THAG KHO NAR NGES PAR BYED LA, DE LTA MA YIN NA NI MI DRAN PA BZLOG PA'I PHYIR RJES SU DPOG PA YIN NO ZHES BYA BA 'DI GNAS PA YIN NO, ,GZHAN DAG SMRA BA NI, YANG NA 'DIR YANG MI DMIGS PA'I; ,RTAGS LAS 'JIG PA 'GRUB PA YIN, ,DNGOS PO THAMS CAD NI SKYE BA DANG 'JIG PA DANG RJES SU 'BREL BA YIN NO, ,SKYE BA NI MNGON SUM DANG YOD PA BSGRUB PA'I RJES SU DPAG PAS BSGRUB PAR BYA BA YIN NO, ,'JIG PA NI DNGOS PO MED PA YIN PAS, DE NI MI DMIGS PAS BSGRUB PAR BYA BA YIN TE, DGAG PA GANG JI SNYED PA DE THAMS CAD NI MI DMIGS PAS BSGRUB PAR BYA BA YIN PAS DGAG PA SGRUB PAR BYED PA'I THABS GZHAN NI YOD PA MA YIN NO, ,GAL TE MI RTAG PA NI DNGOS PO'I RANG BZHIN DU GYUR PA NYID YIN PAS YOD PA SGRUB PAR BYED PA'I TSAD MA NYID KYIS RTOGS PAR BYED PA MA YIN NAM ZHE NA, DE NI MA YIN TE, RANG GI NGO BO TZAM NYID KYIS NI MI RTAG PA MA YIN NO, ,'O NA CI ZHE NA, SNGAR BYUNG DNGOS PO MED GYUR PA, ,MI RTAG CES NI BRJOD PA YIN, ,BYUNG BA MED PA GANG YIN PA DE MI RTAG PA YIN GYI BYUNG BA TZAM GYIS NI MA YIN NO, ,DNGOS PO MED PA DE NI 'DIR YANG MI DMIGS PAS SGRUB PA YIN NO, ,GAL TE RGOL BA GZHAN GYI LTAR NA MTHA' GNYIS CHOD PA DANG LDAN PA'I YOD PA NYID MI RTAG PA YIN GYI DNGOS PO MED PA'I MTSAN NYID NI MA YIN NO, ,SNGA MA DANG PHYI MA'I MTHA' GNYIS KYI MTHA' NYID DANG, YOD PA NYID NI MI DMIGS PAS BSGRUB PAR BYA BA MA YIN NA, DES NA 'DI JI LTAR ZHE NA, 'DI LA BSHAD PA, GANG GIS MTHA' GNYIS CHOD YOD PA'AM, ,'BREL PA BRJOD PA'I NGANG TSUL CAN, ,MI RTAG NYID KYI SGRA YIN PA, ,DES MTHA' DE DAG GANG LA BRJOD, ,RE ZHIG YOD PA TZAM NI MI RTAG PA MA YIN TE, BDAG LA SOGS PA YANG MI RTAG PAR THAL BA'I PHYIR RO, ,GZUGS DANG TSOR BA LA SOGS PA LA YANG KHYAD PAR MED PAR RO, ,GZUGS DANG TSOR BA LA SOGS PA RNAMS KYI YOD PA MTHAR GYUR PA GNYIS KYI DBUS SU GNAS PA NI KHYAD PAR MED PAR MI RTAG PAR BRJOD PAR BYA BA YIN NO, ,DNGOS PO MED PA MA RTOGS NI MED NA NI MTHA' GNYIS NYID 'GA' YANG YOD PA MA YIN NO, ,DNGOS PO MED PA DANG 'BREL PA YIN NA NI DNGOS PO MED PA DE MI DMIGS PAS GZUNG BA YIN GYI GZHAN NI MA YIN NO, ,GAL TE SNGA

PHYIR MED YIN NA, ,DE NYID MI RTAG CIS MA YIN, ,GAL TE SNGA NA MED PA DANG, ,ZHIG NAS MED PA'I MTHA' GNYIS KYIS BCAD PA'I YOD PA NYID MI RTAG PA YIN NO ZHE NA, DNGOS PO MED PA DE NYID MI RTAG PAR YIN PAR CI STE MI 'DOD, DRUG PA SOGS SBYOR MI RUNG PHYIR, ,ZHE NA MTHA' LA DE JI LTAR, ,GAL TE BSAM PA 'DI YIN TE, ,GAL TE MI RTAG PA NYID DNGOS PO MED PA YIN NA, DNGOS PO MED PA DANG 'BREL PA MED PA'I PHYIR, DNGOS PO'I MI RTAG PA NYID CES DRUG PA LA SOGS PA'I SBYOR BA MED PAR 'GYUR RO, ,DNGOS PO DANG DNGOS PO MED PA LA NI SBYOR BA DANG, 'DU BA'I MTSAN NYID KYI 'BREL PA MI 'THAD PA'I PHYIR RO ZHE NA, 'DIR SMRAS PA, KHYAD PAR KHYAD PAR CAN NYID KYIS, ,'BREL PA GANG GIS ZLOG BYED PA, ,GAL TE DE YANG MED NA NI, ,'O NA MTHA' LA DE CI LTAR, ,GAL TE 'DU BA LA SOGS PA'I 'BREL PA MED PAS KHYAD PAR DANG KHYAD PAR CAN GYI DNGOS PO YANG MI 'DOD NA, 'O NA NI MTHA' GNYIS KYI YOD PA NYID DAM DNGOS PO DANG KHYAD PAR DANG KHYAD PAR CAN GYI NGO BO'I DRUG PA LA SOGS PA'I SBYOR BA DE JI LTAR 'THAD PA YIN, YOD PA NYID NI MTHA'I MTSAMS CAN DANG DE'I KHYAD PAR CAN YIN NO ZHES THA DAD PAR BRJOD PA YIN NO, ,YOD NYID DANG 'BREL RTAG PA'I PHYIR, ,MTHA' YIS KHYAD PAR GYUR PA MIN, ,MTHA' GNYIS KYIS BCAD PA'I YOD PA'AM, DE'I 'DU BA'I MTSAN NYID KYIS 'BREL PA MI RTAG PA NYID YIN NO ZHES SMRA BA NI, GDON MI ZA BAR YOD PA DANG 'BREL PA DAG ,MTHA' GNYIS KYI KHYAD PAR DU GYUR PAR KHAS BLANGS PA YIN NA, DE LTAR NI MI RIGS TE, GNYI GA RTAG PAR KHAS BLANGS PA'I PHYIR RO, ,JI LTAR YOD PA MTHA'I KHYAD PAR DANG LDAN PAR 'GYUR ZHE NA, GAL TE SKYE 'JIG DANG LDAN NA'O ZHE NA, CI STE DNGOS PO GANG LA YOD PA NYID DAM 'BREL PA DE DAG YOD PA DE MTHA' DAG GI KHYAD PAR DU 'GYUR RO ZHE NA, DE LTA NA NI 'O NA DE'I KHYAD PAR CAN GYI DNGOS PO DE NYID MI RTAG PA YIN PAS YOD PAS CI BYA, THA DAD PA MED PAS DRUG PA MI RUNG BA'I PHYIR RO ZHE NA, YOD PA NYID KYI GNAS TSUL ZHES BYA BA CI LTAR YIN, GZHAN YANG DNGOS PO'I MI RTAG PA NYID CES BYA BA NI DNGOS PO'I SNGA NA MED PA DANG ZHIG NAS MED PA GANG YIN PA DE DAG NYID MI RTAG PA YIN TE, DES NA THA DAD PA'I PHYIR THA DAD PA'I RNAM PAR DBYE BAR 'GYUR RO, ,CI STE MTHA' GNYIS NI RGYU DANG 'BRAS BU DAG YIN TE, RGYU ZHES BYA BA NI MTHA' GCIG YIN LA, 'BRAS BU ZHES BYA BA NI MTHA' GNYIS PA

, ,YIN NO, ,RGYU DANG 'BRAS BU DE DAG GI YOD PA NYID DAM 'BREL PA KHYAD PAR DU BYAS PA LA NI MI RIGS PA MED DO, ,RGYU DANG 'BRAS BU DAG NI DNGOS PO'I 'BREL PA NI RGYU DANG 'BRAS BU'I MTSAN NYID YIN LA, YOD PA NYID DANG DNGOS PO'I 'BREL PA NI 'DU BA'I MTSAN NYID YIN NO ZHE NA, 'DI LA LAN DU, GAL TE RGYU 'BRAS MTHA' YIN NA, ,KHYAD PAR MED PA NYID 'GYUR TE, ,'BREL MED PHYIR RO DE YIS NI, ,DNGOS PO SNGAR MED 'DOD MIN PAS, ,DE LA DE YI KHYAD PAR CAN, ,BRJOD PA DE YANG MI 'GYUR PHYIR, ,GANG ZHIG SNGA NA MED PA DE NI RANG GI RGYU DANG 'BREL PAR 'GYUR BA YIN NO, ,DNGOS PO NI SNGA NA MED PA DANG 'BREL PAR KHAS MA BLANGS SO; ,DE KHAS LEN YANG SNGA NA MED PA DANG ZHIG NAS MED PA NYID MI RTAG PA YIN PAS RANG GI GZHUNG NYAMS PA DANG, PHYOGS GZHAN LA BRTEN PAR YANG 'GYUR RO, ,DES NA DNGOS PO NI SNGA NA MED PA DANG 'BREL PA MED PA KHO NA'O, ,BRJOD PA'I KHYAD PAR DE NI SNGA NA MED PA'I KHYAD PAR CAN YIN NO, ,DE MED NA 'DI NI 'BRAS BU YIN NO ZHES BYA BA DER MI 'GYUR LA, 'BRAS BU MED PA'I RGYU YANG YOD PAR MI 'GYUR RO, ,YANG NA RNAM PA GZHAN GYI SGO NAS RGYU DANG 'BRAS BU MED PAR 'GYUR TE, 'DI LTAR, YOD PA NYID DANG RANG RGYU DANG, ,'BREL BYED PHYIR NA RGYU ZHES GRAG ,YOD NYID DE DANG 'BREL DE YANG, ,RTAG NA 'O NA 'DIR 'BRAS GANG, ,YOD PA NYID DANG 'BREL PAR BYED PA DANG, RANG GI RGYU DANG 'BREL PAR BYED PA NI RGYU YIN NO, ,RANG GI RGYU NI 'DU BA CAN GYI RGYU STE, SKYE BA CAN GYI DNGOS PO DAG NI PHAL CHER 'DU BA CAN GYI RGYU DANG 'DU BA YIN NO, ,YOD PA NYID DANG 'BREL PA NA 'BRAS BU MA YIN NO, ,DNGOS PO YANG YOD PA DANG 'BREL PA NYID KYIS 'BRAS BU YIN GYI GZHAN DU NI 'BRAS BU MA YIN NO; ,RANG GI NGO BO KHO NAS 'BRAS BU YIN NO ZHE NA, GANG ZHIG MED PA DE BYED NA, ,DNGOS PO SNGAR MED LDAN MIN TE, ,'BREL PA KHAS LEN MED PHYIR RO, ,DE PHYIR RIL 'DI RTAG PAR 'GYUR, ,SNGA NA MED PA DANG 'BREL PA'I DNGOS PO NI 'GA' YANG MED DO, ,GAL TE DNGOS PO MED PA'I PHYIR 'BREL PA MA YIN PA DE LTA YANG 'DIR SNGAR MED PA KHO NA YIN TE DES NA 'BRAS BU NYID DU 'GYUR BA YIN NO ZHE NA, GANG ZHIG MED PA DANG 'BREL PA DE MED PAR 'GYUR BA MA YIN NAM, DE LTA MA YIN NA THAMS CAD MED PA NYID DU 'GYUR RO, ,DES NA SNGA NA MED PA DANG 'BREL PA YOD PA YIN NO ZHES BYA BAR 'GYUR BA YIN NA KHAS KYANG MA BLANGS TE, DE'I PHYIR 'GRO BA RIL RTAG PAR THAL

LO; ,'ON TE CI LTAR DNGOS PO MED PA DANG 'BREL PA YIN ZHE NA, DE PHYIR MED DON SGRO 'DOGS PA, ,BRJOD BYA THA DAD CAN BLO NI, ,THA DAD MED DON MNGON 'DOD CAN, ,SGRA LA'ANG LDOG PA'I RTEN YIN NO, ,DON THA DAD DAM THA MI DAD KYANG BLA STE, 'BREL PA NI THAMS CAD DU DE LA BLOS BTAGS PA 'BA' ZHIG TU ZAD DO, ,GAL TE DNGOS PO LA DNGOS PO THA DAD PA YIN NA CI ZHIG 'BREL PA THA DAD PA NYID 'BREL PA YIN NO ZHE NA, GAL TE THA DAD DU CHUG MOD DE LA 'BREL PA CI ZHIG YOD, THA DAD PA NI THAMS CAD LA THUN MONG YIN PA'I PHYIR MA 'BREL PA MED PAR 'GYUR RO, ,DE'I BDAG DANG DE LAS BYUNG BA'I MTSAN NYID DO ZHE NA, THA DAD YIN NA CI ZHIG 'BREL, ,THA DAD MED NA RGYU 'BRAS GANG, ,GZHAN ZHIG YOD PAS MA 'DRES GNYIS, ,CI LTAR 'DRE BAR 'GYUR BA YIN, ,THA MI DAD PA LA NI 'BREL PA YOD PA MA YIN TE, DE NI GNYIS LA GNAS PA YIN PA'I PHYIR RO, ,GAL TE RGYU DANG 'BRAS BU'I MTSAN NYID MED MOD, DE'I BDAG NYID DU CI LTAR MI 'GYUR ZHE NA, MA YIN TE, DE LA NI 'BREL BA'I YUL NYID BTAGS PA YIN PA'I PHYIR RO, ,DE LA NI 'BREL PA CAN BTAGS PA YIN TE, THA DAD PA NYID YIN NA NI, DE'I BDAG NYID KYI MTSAN NYID KYI 'BREL PA MED DO ZHES BYA BA 'DI GRUB PA YIN NO, ,GAL TE RGYU DANG 'BRAS BU YIN NO ZHE NA, RGYU DANG 'BRAS BU ZHES BYA BA LA 'DI CI YIN, RJES SU 'GRO BA DANG LDOG PA NYID DO ZHE NA, MA YIN TE, DE NI BTAGS PA YIN PA'I PHYIR TE, MNGON SUM GYIS MI 'DZIN PA'I PHYIR RO, ,DE'I PHYIR 'DI THAMS CAD NI RNAM PAR RTOG PAS SPRUL PA TZAM YIN GYI DON DAM PAR NI MA YIN NO, ,DE'I PHYIR RNAM PA GZHAN MI SRID PAS NA JI LTAR RNAM PA 'GA' ZHIG LTAR BTAGS PA'I 'BREL PA LA BRTEN NAS THA DAD PA'I RNAM PAR DBYE BA 'DI 'JUG PA BZHIN DU, SNGA NA MED PA LA SOGS PA DANG DNGOS PO YANG KUN RDZOB TU 'BREL PA YIN TE, DON DAM PAR NI 'GA' YANG GANG DANG YANG 'BREL PA MED DO ZHES BYA BA 'DI NI NGES PA YIN NO, ,DES NA KHA DOG GI SPYI LA SBYOR BA'I GZHAL BYA GZHAN YOD PA MA YIN PAS TSAD MA GZHAN YOD PA MA YIN NO, ,YANG NAS YANG DU NGO SHES PAR BYED PA LA NI NUS PA GNAS PA YANG YOD PA MA YIN TE DRAN PA LA SOGS PA BZHIN NO, ,YANG NGO SHES PA BYED PA NI DRAN PA NYID YIN NO, ,DBANG PO'I BYED PA LA BRTEN PA'I PHYIR DANG, MI SLU BA'I PHYIR TSAD MA NYID MA YIN NAM, NGO SHES PA TSAD MA MA YIN PAR NI JI LTAR 'GYUR ZHE NA MA YIN TE, DBANG PO'I BYA BA NI NYE BA TZAM GYI YUL

, ,CAN YIN PA'I PHYIR RO, ,GAL TE NYE BA TZAM GYI YUL CAN YIN NA CI LTAR DE NYID 'DI YIN NO ZHES BYA BAS 'JUG CAN, DE LTA NI MA YIN TE, 'DI LTAR, DE 'DI'O ZHES BYA TZAM GYIS NI, ,GANG DU'ANG RTOGS LDAN 'JUG PA MIN, ,DE NI PHAN 'BRAS THOB PA YI, ,RGYU YIN SNYAM PA NYID KYIS 'JUG , GAL TE DE NYID 'DI YIN PA DE LTA NA YANG 'JUG PA'I YUL DU 'GYUR BA NI MA YIN TE, RTOGS PA DANG LDAN PA RNAMS KYI 'JUG PA'I YUL NI DON BYA BSGRUB PAR BYED PA YIN PA'I PHYIR RO, ,DE NYID KYIS DE DON BYA BA SGRUB PAR BYED PA YANG MA YIN TE, RANG GI RGYU LA RAG LAS PA'I NUS PA CAN GYI DNGOS PO RNAMS NI DON BYA BA DE'ANG GZHAN BYED PA YIN GYI GCIG NYID LA BRTEN PAS NI MA YIN NO, ,DON BYED PA'I 'BREL PA NI MNGON SUM GYI YUL NI MA YIN TE, SNGON MTHONG BA NYID DRAN PA'I PHYIR RO, ,DE'I DON BYA BA BYED PA NYID KYIS KYANG DE NYID 'DIR YIN NO ZHES SHES PA'I YUL DU 'GYUR BA YIN GYI, RANG GI NGO BOS NI MA YIN NO, ,SNGON MTHONG BA NYID DU 'DZIN PA NI DRAN PA YIN LA, 'DI LA SBYOR BA NI RJES SU DPAG PA YIN NO, ,DE'I DON BYED PAR RUNG BA NI 'DI LA YANG YOD PA YIN TE, DES NA THA DAD PAR NYE BAR BTAGS PAS GCIG NYID KYI THA SNYAD BYED DO, ,MI SLU BA YANG GCIG GI YUL CAN NI MA YIN TE, DU MA NYID YIN YANG DON BYA BA THOB PA'I PHYIR RO, ,BGROD PAR BYA BA MA YIN PA BGROD PA LA SOGS PA NI DE LAS RAB TU SKYES PA'I PHYIR RGYUN LA LTOS PA YIN NO, ,DES NA MNGON SUM NI SPYI'I YUL CAN MA YIN LA, RJES SU DPAG PA YANG KHYAD PAR GYI YUL CAN MA YIN NO, ,GAL TE KHYAD PAR MTHONG BA'I RJES SU DPAG PA KHYAD PAR KHO NA NGO SHES PAR BYED PA MA YIN NAM ZHE NA, DE YANG MI RIGS TE, SKAD CIG SOR THA DAD PHYIR, ,KHYAD PAR NGO SHES MA YIN NO, ,MTHONG DANG MTSUNGS PAR DE 'DZIN PHYIR, ,KHYAD PAR YUL CAN NYID KYANG MIN, ,GANG GI TSE ME MTHONG NAS SONG STE CHOD PA'I TSE YANG DU BA LAS NGES PAR BYED PA DE'I TSE, KHYAD PAR DE NYID DUS GZHAN DU NGO SHES PAR BYED PA NI MA YIN TE, THA DAD PA GZHAN DANG GZHAN YIN PA'I PHYIR, ,THA DAD PAR GYUR PA LA GCIG TU LHAG PAR ZHEN PAS RTOGS PA NI SPYI YUL DU BYED PA YIN NO, ,'O NA GANG LA 'GYUR BA MED PA'I PHYIR THA DAD PA MI SRID PA, DON GYI BDAG NYID BRTEN PA YIN PA DE LA NI KHYAD PAR DE NYID NGO SHES PA YIN NO ZHE NA, 'DI CI LTAR RTOGS PAR BYA STE, MI SNANG BA NI 'GYUR BA MED PA YIN NO ZHES NGES PA NI YOD PA MA YIN NO, ,CI STE GZHAN DU YANG DE

LTA BU NYID DU MTHONG NGO ZHE NA, DE LTA NA NI MTHONG BA'I GSAL BA GZHAN DANG CHOS MTHUN PAR RTOGS PA'I PHYIR KHYAD PAR GYI YUL CAN MA YIN NO, ,GAL TE DE NYID DPE YIN PA, ,PHYIR NA SPYI 'DZIN MIN ZHE NA, ,DPE NYID YIN PHYIR GRUB DE LA, ,TSAD MA GZHAN GYIS CI ZHIG BYA, ,GAL TE SNGAR MNGON SUM GYIS GRUB PA'I PHYIR DE NYID DANG DPE YIN NO ZHE NA, DE LTA YIN NA NI SNGAR GYI MNGON SUM NYID KYIS BZUNG BA'I PHYIR 'DI RJES SU DPAG PA'I TSAD MA GZHAN CI DGOS, GAL TE KHYAD PAR LTA BAR BYED PA'I MNGON SUM SNGA MA DE NYID KYIS RJES SU DPAG PA'I DUS SU 'GYUR BA'I YOD PA BZUNG BA YIN NO, ,DE NYID KYIS BSGRUB PAR BYA BA'I PHYIR RJES SU DPAG PAS CI ZHIG BYA, RJES SU DPAG PA NI MNGON SUM GYI YUL MA YIN PA LA 'JUG PAR 'DOD KYI DE NYID LA NI MA YIN NO, ,GAL TE DE NYID KYI PHYIR KHYAD PAR MTHONG BA YIN NO ZHE NA, KHYAD PAR MTHONG BA YIN NA NI TSAD MAR MI 'GYUR RO, ,CI STE MTHONG BAS NI DUS MNYAM DU BYUNG BA'I DON 'DZIN GYI GZHAN NI MA YIN NO, ,DES NA 'BYUNG BAR 'GYUR BA LA 'JUG PA'I RJES SU DPAG PA'I TSAD MA YIN NO ZHE NA, GAL TE DE LTAR YIN NA NI GANG GIS RANG BZHIN SNGAR SHES PA DPE YANG GZHAN YIN LA, DUS PHYIS RJES SU DPAG PAS RTOGS PA'I DON GANG YIN PA YANG GZHAN KHO NAR 'GYUR RO, ,'ON TE DE NI BZUNG BA KHO NA YIN MOD KYI 'ON KYANG BRJED PA DE'I PHYIR 'DI LA SKYON MED DO ZHE NA, BSHAD PA, GAL TE BRJED PHYIR SKYON MED NA, ,DE NYID PHYIR NA DPE MA YIN, ,GAL TE BRJED PA DE PHYIS YANG GTAN TSIGS KYI SGO NAS CI LTA BA BZHIN DU DRAN PAR BYED PA YIN PA'I PHYIR RJES SU DPAG PA DON MED PA MA YIN NO ZHE NA, 'O NA NI BRJED PA JI LTAR DPE NYID YIN, DPE'I SGO NAS NI SGRUB PAR BYED PA 'JUG PA YIN NA, GAL TE DE BRJED NA DPER JI LTAR 'GYUR, GAL TE RTAGS KYI SNGON ROL DU MA TSANG BA MED PAR DPE NYID DU DRAN PA YIN NA, DE'I TSE DE LA RTAGS GZHAN GYIS CI BYA, DE NYID YANG NAS YANG DU DRAN PAR BYED DO ZHE NA, THUG PA MED PAR 'GYUR RO, 'ON TE DE'I TSE BRJED NA NI DPE NYID MA YIN NO, ,CI STE DU BA GLO BUR BA LAS ME RTOGS BZHIN DU DPE MED PA KHO NAR BRJED PA DE RTAGS LAS RTOGS PAR BYED PA YIN PA DE'I TSE NI, DUS KYI CHA MA TSAR BA MED PA LA KHYAB PA DE SNGAR GYI MNGON SUM NYID KYIS BZUNG BA'I PHYIR KHYAD PAR RTOGS PA MED PAS JI LTAR TSAD MA NYID YIN, DRAN PA YOD NA DE LA THA SNYAD BYED PA'I PHYIR TE, 'DI LTAR RANG BZHIN GYI GTAN TSIGS KYI BDAG NYID THAMS CAD BZUNG ZIN PA NYID JI LTA BA

, ,BZHIN DU THA SNYAD DU BYED PA NA TSAD MA NYID YIN PA BZHIN NO ZHE NA, MA YIN TE, DE LA NI MTHONG BA GZHAN DANG CHOS MTSUNGS PA NYID KYIS THA SNYAD DU BYAR RUNG BA BSGRUB PA'I PHYIR RO, ,'DIR NI DE LTA MA YIN TE SNGON DE 'DRA BA MED PA'I PHYIR TE, GOMS PAS BSKYED PA MA YIN PA'I PHYIR RO, ,'DI NI MTHONG BA YIN NO ZHES BYA BA YANG MA 'BREL PA STE, RNAM PA GZHAN DU 'GYUR BA SRID PA'I PHYIR RO, ,'DI NI BZUNG BA NI NYID DRAN PA YIN NO ZHES MA GRUB STE, MA BZUNG BA NYID YIN PA'I PHYIR RO, ,MNGON SUM GYI TSAD MAS NI RANG GI DUS NA GNAS PA'I RANG BZHIN 'DZIN PA YIN TE, DE LTA MA YIN NA 'CHI BA'I MTHA' DANG BCAS PAR BZUNG BA'I PHYIR NI DE NYID KYI TSA 'CHI BAR 'GYUR RO, ,RJES SU 'JUG PA NYID KYIS 'CHI BA'I MTHAR THUG PA DANG LDAN PAR 'DZIN TE, MNGON SUM RING POS RING PO 'DZIN, ,RING MIN PAS NI CIG SHOS 'DZIN, ,DE NYID TSE NA 'CHI BA YI, ,MTHA' DANG LDAN PAR DE MI 'DZIN, ,GAL TE RJES SU MI 'JUG PA YIN NA DE LTA NA NI DES DUS GZHAN KHYAB PA 'DZIN PAR MI 'GYUR RO, ,DES NA KHYAD PAR MTHONG BA'I RJES SU DPAG PA BZUNG BA NYID LA 'JUG PAR JI LTAR 'GYUR ZHING, JI LTAR NA DE NYID DPE YIN PA'I PHYIR SPYI 'DZIN PA MA YIN, CI STE DUS GZHAN DANG 'BREL PAR MTHONG BA YIN NA, DUS GZHAN DAG TU GZHAN SKYES PA GANG YIN PA DE LA DE'I DNGOS PO GRUB PA'I PHYIR 'DIS KHYAD PAR MTHONG BA'I PHYIR MTHONG BA KHO NA YIN NO ZHE NA, 'DI LA BRJOD PA, GAL TE MTHONG NA DE DNGOS NI, ,TSAD MAS GRUB NA DNGOS GZHAN LA, ,DE NYID SGRO 'DOGS PHYIN CI LOG ,DES GRUB TSAD CAN NYID MA YIN, ,GAL TE MTHONG BA GZHAN YIN YANG, ,PHYIS DUS GZHAN GYI TSE DE NYID 'DI YIN NO ZHES BSGRUB PAR BYA BA YIN ZHES LEN TO ZHE NA, 'O NA NI DE MA YIN PA LA DER SGRO 'DOGS PA DE NGES PAR PHYIN CI LOG YIN TE GZHAN NYID DU MTHONG BA NI DE KHO NAR DE NYID DU 'GYUR BA MA YIN NO, ,MA MTHONG BA LA NI MTHONG BA'I RANG BZHIN SGRO 'DOGS PA TZAM ZHIG NUS KYI DE NYID DU GZUNG BAR NI MA YIN TE, SNGAR MTHONG BA DE NI SNGAR GYI SHES PAS GZHAN GYI RANG BZHIN DANG MA 'DRES PAR GZUNG BA'I PHYIR RO, ,GAL TE MA BZUNG BA DE LTA NA YANG RJES SU DPAG PAS DE NYID DU 'DZIN GYI, GZHAN NYID DU NI MA YIN NO ZHE NA, MA YIN TE, RJES SU DPAG PA NI SNGAR MTHONG BA RJES SU 'BRANG BA'I PHYIR RO, ,RJES SU DPAG PA NI DRAN PA TZAM LAS GZHAN MA YIN NO, ,CI STE RJES SU DPAG PA DNGOS PO 'DZIN PA'I RANG BZHIN YIN NA NI, DE'I TSE, MNGON SUM CIG

SHOS GCIG YIN PHYIR, ,GCIG GRUB PA NA GNYI GA'ANG 'GRUB, ,GAL TE MNGON SUM DANG CIG SHOS RANG BZHIN GCIG NYID YIN NA, DE'I TSE MNGON SUM MAM GZHAN YANG RUNG BA'I TSAD MA GCIG NYID KYI GRUB PA'I PHYIR GZHAN TSAD MA MA YIN PAR 'GYUR TE, GZHAN GYI KHYAD PAR CUNG ZAD KYANG BYAS PA MED PA'I PHYIR RO, , DE'I PHYIR GNYI GA GSAL BA'I RNAM PA CAN NAM CIG SHOS SU 'GYUR RO, ,CI STE MIG LA SOGS PA'I BYED PA MED PAS MI GSAL BA NYID YIN TE, DE NI GSAL BA NYID DU RAB TU GRUB PA'I PHYIR RO ZHE NA, DE NI MA YIN TE, GAL TE GSAL BAR SNANG BA 'DI, ,MIG SOGS RGYU MTSAN CAN YIN NA, ,GZUGS 'DZIN PA LA SNANG BA NI; ,SBYOR BYED MIN PA NYID DU 'GYUR, ,'ON TE GSAL BA NYID SNANG BAS BYAS PA YIN NA NI DE'I TSE SNANG BA YOD PA NA RJES SU DPAG PA MI GSAL BAR JI LTAR 'GYUR, SNANG BA NI RES 'GA' BA YIN PA'I PHYIR RO ZHE NA, 'O NA SNANG BA DE DON DAM PAR YOD PA YIN YANG NGES PAR MI BYED PA DE DNGOS PO 'DZIN PAR JI LTAR 'GYUR, SNANG BA DANG BRAL BA'I DNGOS PO TZAM 'DZIN PAS NYES PA MED DO ZHE NA, SNANG BA DANG LDAN PA LA DE DANG BRAL BAR 'DZIN TO ZHES BYA BA NI BAB COL YIN NO, ,DE LTAR GYUR NA NI DE NYID SPYI 'DZIN PA YIN PA'I PHYIR DE NI KHYAD PAR MTHONG BA MA YIN NO, ,GZHAN DANG MTSAMS NI SBYOR BA YIS, ,ZHEN PA DRAN PA YIN PAR SHES, ,GAL TE DE RTAGS LA LTOS PHYIR, ,DRAN MIN MA YIN 'KHRUL PHYIR RO, ,GZHAN YANG, 'DI NI SNGON MTHONG BA MTSAMS SBYOR BA TZAM YIN GYI GSAL BA'I RANG BZHIN DU 'DZIN PA NI MA YIN PA DE'I TSE DRAN PA NYID YIN NO, ,MNGON SUM DANG RJES SU DPAG PAR BYA BA DAG RANG BZHIN GCIG NYID YIN PA DE'I TSE GZHAL BYA BLA LHAG CUNG ZAD KYANG MED PA'I PHYIR; 'DI DRAN PA KHO NA YIN GYI DNGOS PO 'DZIN PA NI MA YIN NO, ,GAL TE RTAGS LAS SKYES PA DE CI LTAR DRAN PA YIN ZHE NA, DE NI MA YIN TE, KHYOD KYI 'DOD PAS RTAGS NYID MED PA'I PHYIR TE, DPE DANG DON DAG GCIG PAS TSUL GSUM MED PA'I PHYIR RO, ,NGED KYI PHYOGS LA NI DE SPYI'I YUL CAN GYI RJES SU DPAG PA YIN NO ZHES BSTAN PA YIN NO, ,GANG ZHIG SNGON GYI RANG BZHIN DU RTOGS PA DE NI DRAN PAR BYA BA YIN GYI GZUNG BA NI MA YIN TE, GZUNG BAR BYA BA NYID DU MA RTOGS PA'I PHYIR RO, ,RJES SU DPAG PA DRAN PA LAS GZHAN NI MA YIN TE, RTAGS LAS SKYES PA'I DRAN PA KHO NA RJES SU DPAG PA YIN NO, ,DE'I PHYIR GANG GIS DE NYID LAN

, ,CIG MA YIN PAR MTHONG BA DE NI DRAN PA KHO NA'O, ,'ON DE LTAR YOD DO ZHES JI LTAR RTOGS SHE NA, DA LTAR YOD PA NYID KYI PHYOGS KYI CHOS KYI STOBS KYIS RTOGS PA YIN TE, PHYOGS DE NA GNAS PA'I DU BA NI PHYOGS DE NYID NA YOD PA'I MES BSKYED PA YIN NO ZHE NA, DE LTAR SNGAR 'BREL PA BZUNG BAS THOG MA MED PA'I BAG CHAGS SAD PA'I PHYIR RO, ,DE LTAR YIN DANG, RJES SU DPAG PA THAMS CAD NI DRAN PA YIN NO, ,DE'I PHYIR GZHAL BYA GNYIS YIN PA'I PHYIR MNGON SUM DANG RJES SU DPAG PA'I DBYE BAS TSAD MA RNAM PA GNYIS YIN TE, DNGOS DANG CIG SHOS KYI RTOGS PA'I KHYAD PAR LAS MA RTOGS PA'I RNAM PA GZHAN MED PA'I PHYIR RO ZHES BYA BA 'DI GNAS SO, ,DE LA MNGON SUM NI RTOG PA DANG BRAL ZHING MA 'KHRUL PA'O, ,KHYAD PAR LA SOGS PA DANG 'BREL PA'I DON SNANG BA'I SHES PA NI RTOG PA'O, ,GZHAN DU SNANG BA NI 'KHRUL PA NYID DO, ,DE GNYI GA DANG BRAL BA NI MNGON SUM YIN NO, ,GAL TE 'KHRUL PA NYID NI PHYIS MNGON SUM GYIS GZHAN DU MTHONG BA LAS RTOGS PA YIN NO, RTOG PA DANG BRAL BA NYID GANG LAS YIN, MNGON SUM SNGON DU 'GRO BA CAN GYI RJES SU DPAG PA NI DE MED NA 'JUG PAR 'GYUR BA MA YIN NO, ,MNGON SUM MTHA' DAG KYANG SGRA'I RJES SU 'JUG PA CAN DU SKYE BA YIN TE, DES NA MNGON SUM RTOG PA DANG BCAS PA YIN PAS BDAG NYID RTOGS PA MED PAR RTOGS PAR YANG CI LTAR 'GYUR, GANG GI DANG PO LTA BA'I SHES PA RNAM PAR RTOG PA DANG BRAL BA SKYE BA DE'I YANG RNAM PAR RTOG PA'I SHES PA NI DRAN PA LA SOGS PA'I TSOGS PA NYE BA LAS SKYE BA YIN LA, DE YANG DBANG PO'I BYED PA LAS 'GYUR BAS MNGON SUM KHO NA YIN PAS, DE LA YANG RTOG PA MED PAR JI LTAR 'GRUB PAR 'GYUR ZHE NA, 'DI LA LAN DU, MNGON SUM RTOG DANG BRAL BAR NI, ,MNGON SUM NYID KYIS 'GRUB PAR 'GYUR, ,KUN GYI RNAM RTOG MING RTEN CAN, ,SO SOR RANG GIS RIG BYA YIN, ,MNGON SUM RNAM PAR RTOG PA DANG BRAL BAR NI RANG RIG PA KHO NAS RTOGS PA YIN NO, ,RNAM PAR RTOG PA NI MING SKYED PAR BYED PA YIN LA, MING GIS KYANG RNAM BAR RTOG PA YIN NO, ,MING GI RTEN CAN GYI RNAM PAR RTOG PA DE NI SO SO RANG RIG PAS NYAMS SU MYONG BA YIN TE, RNAM PAR BRTAG PAR BYA BA NI RANG RIG PAS NYAMS SU MYONG BA DANG, SNANG BA MIG LA SOGS PAS NYAMS SU MYONG BAR BYA BA YIN PA'I PHYIR RO, ,DES NA

'GAL BA'I CHOS GNAS PAS NA RNAM PAR RTOG PA CAN DANG, CIG SHOS KYI SHES PA DAG NI THA DAD PA KHO NA'O, ,CI STE YANG DE NI THAMS CAD KYI TSE YOD PAS SHES PA GCIG KHO NAR ZAD DO ZHE NA, DE LTAR YANG MA YIN TE, THAMS CAD LAS NI SEMS BSDUS NAS, ,NANG GI BDAG NYID G-YO MED PAS, ,GNAS NA'ANG MIG GIS GZUGS DAG NI, ,MTHONG BA'I BLO DE DBANG SKYES YIN, ,GAL TE RNAM PAR RTOG PA'I TSOGS PA MED PAR, DBANG PO MI 'JUG PA NYID YIN NA, DE MED PAR RNAM PAR RTOG PA BSDUS PA'I GNAS SKABS SAM, RNAM PAR RTOG PA GZHAN MNGON DU GYUR PA NA, DON 'DZIN PA'I DBANG PO'I BYED PA MED PAR 'GYUR RO; ,DES NA DE'I GNAS SKABS NA RNAM PAR RTAG PA'I SNANG BA DANG, MA 'BREL PA'I SHES PA NI MNGON SUM KHO NAS RTOGS PA YIN NO, ,GAL TE 'DI LA RNAM PAR RTOG PA 'BREL PA MA YIN NO ZHES BYA BA DE'I TSE NYID RTOG PA MA YIN NAM, CI LTAR GNAS SKABS DE RNAM PAR RTOG PAS DBEN PA YIN, CI STE DE'I TSE RNAM PAR RTOG PAR MI BYED PA NYID YIN NA DE'I TSE 'DI NI RNAM PAR RTOG PA MED PA YIN NO ZHES JI LTAR RTOGS PAR 'GYUR, RNAM PAR RTOG PA MED PAR NI THA SNYAD YOD PA MA YIN LA, GZHAN LA THA SNYAD DU MA YAS PAR YANG GZHAN RTOGS PAR 'GYUR BA MA YIN NO, ,DE LTA MA YIN NA SKAD CIG MA NYID LA YANG THA SNYAD BYED PAR RANG BZHIN GYI GTAN TSIGS KYIS CI DGOS SHE NA, 'DI LA BSHAD PA, SLAR YANG CUNG ZAD RNAM RTOG NA, ,KHO BO'I RNAM RTOG 'DI 'DRAR 'GYUR, ,CIS RIG SNGAR BSHAD GNAS SKABS KYI, ,DBANG PO'I RTOGS PA LA MED DO, ,DE NYID KYI TSE 'DI RNAM PAR RTOG PA MED PA'O SNYAM PA'I RNAM PAR RTOG PA NI SKYE BA DE MA YIN TE, DE LTA MA YIN NA MNGON SUM RNAM PAR RTOG PA DANG BCAS PA'I SHES PAR SMRA BA LA YANG, CI SRID DU 'DI NI RNAM PAR RTOG PA DANG BCAS PA'O SNYAM PA'I NGES PA MA SKYES PA DE SRID DU DE RNAM PAR RTOG PA DANG BCAS PA NYID KYI THA SNYAD GA LAS YIN, DES NA RNAM PAR RTOG PA DANG BCAS PA'I THA SNYAD LA YANG, RNAM PAR RTOG PA DANG BCAS PA'I GZHAN 'DOD PAR BYA DGOS SHING DE LA YANG GZHAN YIN PAS THUG PA MED PAR 'GYUR BA'I PHYIR RTOGS PA MED PAR 'GYUR RO, ,CI STE DE RANG NYID KHO NAR RNAM PAR RTOG PA DANG BCAS PA'O ZHES BYA BAR 'GYUR BAS DE LA GZHAN GYIS CI BYA ZHE NA, RNAM PAR RTOG PA MED PA YANG RTOGS PA'I RANG BZHIN YIN PAS, RNAM PAR RTOG PAS CI

, ,BYA STE; DES NA GNYIS KA LA YANG MTSUNGS SO, ,'ON TE RNAM PAR RTOG PA DANG BCAS PA LA NI, 'DI NI RNAM PAR RTOG PA DANG BCAS PA ZHES PHYIS THA SNYAD BYED PA YIN NO ZHE NA, 'DI LA YANG NGES PAR RTOG PAR BYED PAS RNAM PAR RTOG PA BRGYUD PA 'DI LTA BU BYUNG BAR GYUR TO ZHES THA SNYAD BYED PA YIN LA, RNAM PAR RTOG PA BSDUS PA'I GNAS SKABS SU NI MA YIN TE, DE LA RNAM PAR RTOG PA MED PAR GYUR TO ZHES THA SNYAD BYED PA'I PHYIR RO, ,GAL TE DE'I TSE MED PA LA RNAM PAR RTOG PAS THA SNYAD JI LTAR BYED CE NA, SHI BA LA SHI'O ZHES JI LTAR THA SNYAD BYED, DE LTA MA YIN NA RNAM PAR RTOG PA DANG BCAS PA LA YANG RTOG PA DANG BCAS PA NYID DU JI LTAR THA SNYAD BYED, YANG DE'I RIGS CAN MTHONG BA LAS SO ZHE NA, 'DI LA YANG RNAM PAR RTOG PA BSDUS PA'I GNAS SKABS NA YANG NAS YANG DU MTHONG BA BKAG PA MED PA KHO NA'O, ,DES NA MTSAN NYID THA DAD PA DANG, PHAN TSUN MED PA YANG 'BYUNG BA YIN PA'I PHYIR RNAM PAR RTOG PA DANG BCAS PA DANG CIG SHOS DAG NI GCIG PA NYID MA YIN NO, ,CI STE TSOGS PA YOD PA'I PHYIR RNAM PAR RTOG PA DANG BCAS PA GZHAN NYID SKYE BA YIN LA, DE MED PAS NI RNAM PAR RTOG PA MED PAR 'GYUR BA YIN NO ZHE NA, DE NI MA 'BREL BA STE, GAL TE TSOGS PA LAS RTOG NI, ,SNGO SER THA DAD MED 'GYUR TE, ,BSDOMS PA GZHAN DU GYUR PA NI; ,SKYES SO ZHES NI RTOG PHYIR RO, ,DE NI DER SNGON PO DANG SER PO LA SOGS PA BSDOMS PA GZHAN ZHIG SKYES PA YIN TE, TSOGS PA'I KHYAD PAR SRID PA'I PHYIR RO, ,CI STE NGO SHES PA'I PHYIR TE, 'DI NI SNGON PO DE NYID YIN GYI BSDOMS PA GZHAN NI MA YIN NO ZHES RTOGS PA'I PHYIR DE DAG THA DAD PA YIN NO ZHE NA, THA DAD PAR RTOG PA NI RNAM PAR RTOG PA DANG BCAS PA DAG CIG SHOS LA YANG MTSUNGS SO, ,DE'I PHYIR MNGON SUM NI RNAM PAR RTOG PA MED PA NYID DO, ,DRAN PA LA SOGS PA 'DI NI DBANG PO'I RNAM PAR SHES PA RNAM PAR RTOG PA DANG BCAS PA NYID KYI RGYU MA YIN TE, DBANG PO'I DON 'DZIN PA LA 'JUG PA'I PHYIR RO, ,DBANG POS GZUNG BA'I DON LA NI SGRA DANG SBYOR BA MA YIN TE, DE BRJOD PA NYID KYI SGRA MED PA'I PHYIR TE, RANG GI MTSAN NYID LA BRDA MI 'JUG PA'I PHYIR DANG SPYI DBANG PO'I GZUNG BA MA YIN PA'I PHYIR RO, ,CI'I PHYIR DE LTAR YIN ZHE NA BSHAD PA, GCIG TU MTHONG BA'I KHYAB PAR NI, ,GZHAN 'GAL ZHIG TU MTHONG MI 'GYUR, ,DE LAS SPYI GZHAN THA DAD PA, ,

YOD MIN THA DAD BLO MED PHYIR, ,GANG GI PHYIR KHYAD PAR NI YUL DANG DUS KYI RJES SU 'GRO BA MA YIN TE GANG GI PHYIR GZHAN DU MNGON SUM DE NYID DAM GZHAN GYIS MTHONG BA MA YIN TE, DE NI DUS GZHAN NA GNAS PA LA MED PA'I PHYIR RO, ,MNGON SUM GYIS NI RANG GI DUS SU CHAD PA'I DNGOS PO RTOGS PA YIN TE, DES NA SNGA MA PHYI MA LA MNGON SUM MA YIN LA, PHYI MA LA YANG SNGA MA LA MA YIN NO, ,GAL TE NGO SHES PAS DE NYID 'DI NYID YIN NO ZHES SNGA MA DANG PHYI MA 'DZIN TO ZHE NA, MA YIN TE, NGO SHES PAS NI MNGON SUM MA YIN PA'I PHYIR TE, DE LA DBANG PO'I BYED PA MED PA'I PHYIR RO, ,'DI LTAR, DBANG PO RUNG BA'I YUL GNAS PA, ,'BYUNG 'GYUR 'DAS DANG 'BYUNG LA MIN, ,DE LA BRTEN PA'I RNAM SHES KYANG, ,DUS GZHAN DAG TU 'BYUNG LA MIN, ,DBANG PO'I SHES PAS YUL DANG DUS KHYAB PAR 'DZIN PA NI MA YIN TE, DE LTAR YIN NA NI THAMS CAD RNAM PA THAMS CAD MTHONG BA DANG LDAN PAR 'GYUR RO, ,GAL TE DBANG PO 'DAS PA'I DNGOS PO LA MI 'JUG KYANG, DE LA BRTEN PA'I RNAM PAR SHES PA LA 'GAL BA CI YOD CE NA, GAL TE DE LA BRTEN PA'I RNAM PAR SHES PA 'DAS PA LA 'JUG NA NI MIG KYANG 'JUG PAR 'GYUR TE, MIG GZHAN DU 'JUG PA NI MA YIN NO, ,SNGA MA DANG PHYI MA 'DZIN PA LA NI MIG GI BYED PA RTOG PA MED DE, SNGA MA DANG PHYI MA DAG LA NI, DRAN PA DANG, SRID PAR RJES SU DPAG PA 'JUG PA'I PHYIR RO, ,GAL TE DE NYID DBANG PO 'JUG PA YIN NO ZHE NA, RJES SU DPAG PA YANG MNGON SUM DU THAL BAR 'GYUR RO ZHES STON PAR 'GYUR RO, ,DE'I PHYIR KHYAD PAR RNAMS NI RJES SU 'GRO BA CAN MA YIN NO, ,SPYI DBANG POS GZUNG BA RJES SU 'GRO BA YIN NO ZHE NA, DE NI MI BDEN TE, GANG GI PHYIR, DE LAS SPYI GZHAN THA DAD PA, ,YOD MIN THA DAD BLO MED PHYIR, ,KHYAD PAR RNAMS RJES SU 'GRO BA MA YIN LA, SPYI YANG MA YIN TE, DE NI MED PA NYID KYI PHYIR RO, ,KHYAD PAR RNAMS NI YOD PA YIN NA DE DAG RJES SU 'GRO BA MA YIN NO, ,SPYI RJES SU 'GRO BA MA YIN YANG DE NI MED PA'I PHYIR MA MTHONG BAS DBANG POS GZUNG BA'I RJES SU 'GRO BA NI MI SRID DO, ,'DIR SPYI NI SNANG BA MA YIN TE, RNAM PA GZHAN SNANG BA MED PA'I PHYIR RO, ,THA MI DAD PA YIN NA NI GSAL BA NYID YIN LA DE YANG RJES SU 'GRO BA CAN MA YIN NO, ,DE NYID KYI PHYIR THA DAD PA DANG THA MI DAD PAR BRJOD DU MED PA'I PHYIR YANG YOD PA MA YIN NO, ,DE'I PHYIR DBANG PO LAS SKYES

, ,BLO, ,THAMS CAD KHYAD PAR YUL CAN YIN, ,KHYAD PAR RNAMS LA SGRA DAG NI, ,'JUG PA SRID PA YOD MIN TE, ,KHYAD PAR RJES 'GOR MED PAS NA, ,BRDA 'JUG PA NI MED PHYIR RO, ,RJES SU 'GRO BA MED PAR SNANG BA LA NI SPYI'I RANG BZHIN YOD PA MA YIN NO, ,KHYAD PAR RNAMS LA SGRA 'JUG PA YANG MA YIN TE, RJES SU 'GRO BA MED PAS BRDA MI 'JUG PA'I PHYIR RO, ,BRDA NI THA SNYAD PA DAG GI YUL DANG DUS GZHAN DU THA SNYAD 'JUG PAR BYA BA'I PHYIR 'DOD PA YIN TE, DE LTA MA YIN NA NI ZHEN PA NYID DU 'GYUR RO, ,CHOS KYI DON DU YIN NO ZHE NA, DE LTAR SU ZHIG YID CHES DES NA YUL DANG DUS SO SOR NGES PA LA NI BRDA 'JUG PA MED DO, ,DE'I PHYIR KHYAD PAR NI SGRA'I YUL MA YIN NO, ,SGRA RNAMS YUL YANG GANG DE NYID, ,DE RNAMS LA NI YANG DAG SBYOR, ,DES YANG DAG PAR SBYOR BA NI KHYAD PAR MA YIN NO, ,DE'I PHYIR KHYAD PAR 'DZIN PA'I SHES PA NI RTOG PA DANG BCAS PA MA YIN TE, GANG RTOG PA DANG BCAS PA YANG KHYAD PAR 'DZIN PA MED DE, SGRA YI SPYI LA SBYOR BA'I PHYIR RO, ,CI'I PHYIR 'DI BRJOD, SGRA RNAMS YUL NI GANG YIN PA, ,DE NYID DE RNAMS KYIS SBYOR BYED, ,DES NA KHYAD PAR NI SBYOR NAS 'DZIN PA MA YIN TE, DE'I PHYIR KHYAD PAR 'DZIN PA'I SHES PA RTOG PA DANG BCAS PA MA YIN NO, ,RNAM PAR RTOG PA DANG BCAS PA GANG YIN PA DE YANG KHYAD PAR 'DZIN PA NI YIN TE, SPYI SGRA DANG SBYOR BA'I PHYIR RO, ,CI'I PHYIR ZHE NA, BSHAD PA DE, 'DI YI ZHES NI 'BREL PA LA, ,DON SNANG BA NI GANG YIN PA, ,DE DAG NYID NI 'BREL YIN NA, ,DE YI DBANG PO'I SPYOD YUL MIN, ,DON MTHONG YANG DE NI 'DI'I RJOD PAR BYED PA YIN LA 'DI NI 'DI'I BRJOD PAR BYA BA YIN NO ZHES 'BREL PAR BYED PA'I SHES PA LA SNANG BA DE DAG NYID BRJOD PAR BYA BA DANG RJOD PAR BYED PA'I MTSAN NYID KYI 'BREL PA YIN NO, ,DE'I DBANG PO'I YUL MA YIN NO, ,CI'I PHYIR ZHE NA, 'DI 'DI'I BRJOD PAR BYA BA YIN NO ZHES BYA BA'I DON CI YIN ZHE NA, 'DI LAS 'DI RTOGS PAR BYA BA YIN NO, ,GES PA GANG GIS RTOGS PAR BYA BA YIN TE, CI LKOG TU GYUR PA'I DON CAN RNAM PAR RTOG PA DANG BCAS PAS SAM, 'ON TE MNGON SUM DU BYED PA'I MNGON SUM GYIS YIN, GAL TE MNGON DU BYED PA'I MNGON SUM GYIS DE RTOGS PAR BYA BA YIN NA NI DBANG PO'I TSOGS DON MED PAR 'GYUR RO, ,'ON TE LKOG TU GYUR PA'I DON CAN GYIS YIN NA NI, DE'I TSE DBANG PO'I YUL GYI DON 'BREL PA MA YIN TE, DE'I

TSE DBANG PO'I YUL GYI DON MED PA'I PHYIR RO, ,YANG NA DON DANG SGRA MED KYANG 'DI'I RJOD PAR BYED PA 'DI'I YIN NO ZHES 'BREL PAR BYED PA'I PHYIR RO, ,'DI LTAR, DE TSE GSAL BAR SNANG BA YIN, ,DON SNANG BA NI MED PHYIR RO, ,SHES SNANG THA DAD PA YIS NI, ,DON RNAMS KHYAD PAR BYED PA YIN, ,DBANG PO'I YUL GYI DON NI GSAL BAR SNANG BA YIN LA, LKOG TU GYUR PA'I DON LA NI MI GSAL BAR SNANG BA YIN NO, ,SNANG BA THA DAD PA YIN YANG GCIG PA NYID NI MA YIN NO, ,GAL TE NYE BA DANG RING BAR NGAS PAS SHES PA'I SNANG BA GSAL BA DANG MI GSAL BAR THA DAD KYANG YUL GCIG PA NYID YIN PA'I PHYIR SNANG BA THA DAD PA THA DAD PAR JI LTAR 'GYUR TE, THA DAD PA'I DON BYED PA THA DAD PA LAS YIN PA'I PHYIR RO ZHE NA, ,DON BYED PA THA DAD PA YANG SNANG BA THA DAD PA KHO NA MA YIN NAM, GZHAN DU GYUR PA'I 'BRAS BU THA DAD PAS NI THA DAD PA'I MTSAN NYID MA YIN NO, ,SNANG BA THA DAD PA MED PAR 'BRAS BU THA DAD PAS NI RGYU THA DAD PAR 'GYUR BA MA YIN NO, ,SNANG BA THA DAD PA YANG YOD PA KHO NA'O ZHE NA, 'O NA NI DE NYID LAS THA DAD PAR 'GYUR BAS 'BRAS BU THA DAD PAS CI BYA, GAL TE 'BRAS BU THA DAD PAS RGYU THA DAD PA YIN NA 'BRAS BU THA DAD PA GANG LAS YIN, 'BRAS BU GZHAN THA DAD PA LAS SO ZHE NA THUG PA MED PAR 'GYUR RO, ,SNANG BA THA DAD PA LAS YIN NO ZHE NA NI RGYU YANG DE NYID LAS THA DAD PAR 'GYUR BAS 'BRAS BU THA DAD PA CI ZHIG BYA, DON BYED PAS THA DAD PAS THA DAD PA LA YANG SNANG BA THA DAD PA DE NYID THA DAD PAR BYED PA YIN TE, GSAL BAR SNANG BA NYID DON BYED PA YIN PA'I PHYIR RO, ,DE'I PHYIR YUL THAG RING PO NA GNAS PA'I MI GSAL BAR SNANG BA NI DNGOS PO'I YUL CAN MA YIN NO, ,MI SLU BA'I PHYIR YUL GCIG NYID YIN NO ZHE NA, DE NI RJES SU DPAG PA LA YANG YOD PA YIN PAS DER YANG SNANG BA THA DAD PA 'BA' ZHIG GIS THA DAD PAR 'GYUR RO, ,'O NA NI GANG GI TSE MIG MNGON DU PHYE BAS DE LTA BU LAS BRDA BYED PA DE'I TSE SGRA DNGOS PO YUL CAN DU 'GYUR BA YIN NO ZHE NA, 'DIR GTAN LA DBAB PA NI, MIG LA DON SNANG BA NA YANG, ,'DI ZHES GZHAN GYIS BSTAN PA GANG, ,DE NYID SGRA YIS SBYOR BYED KYI, ,DBANG PO'I SPYOD YUL MA YIN NO, ,GAL TE MIG DANG RNA BA DAG LA SGRA DANG BUM BA LA SOGS PA SNANG BA DE LTAR YANG RANG GI NGO BOR SNANG BA TZAM GYIS NI 'BREL PA MA YIN GYI 'DI'I RJOD PAR BYED PA NI 'DI YIN NO ZHES THA DAD PA'I RNAM PAR DBYE BAS BSTAN PA GANG YIN PA DE NYID SBYOR

, ,BA YIN NA MNGON SUM LA NI RNAM PAR DBYE BA'I DON SNANG BA MA YIN TE, DON RKYANG PA TZAM ZHIG SNANG BA'I PHYIR RO, ,RNAM PAR DBYE BA'I DON NI RNAM PAR RTOG PA'I SNANG BA'I YUL NYID DE, 'DI LTAR, 'DI'I ZHES 'BREL PA NI PHAN GDAGS BYA 'DOGS BYED MED PAR MI 'GYUR RO, ,DES NA RES 'GA' NI BLO'I YUL GYI DON LAS SGRA 'BYUNG LA, RES 'GA' NI SGAR LAS BLO LA GNAS PA'I DON YIN PA'I PHYIR, BLO'I RANG BZHIN DANG RNAM PAR RIG BYED RGYU DANG 'BRAS BU'I MTSAN NYID KYIS 'BREL PA LA BRTEN NAS RNAM PAR DBYE BA 'BYUNG BA YIN NO, ,MNGON SUM LA SNANG PA'I RGYU MTSAN ,MA YIN TE, DE MED PAR YOD PA'I PHYIR RO, ,GAL TE MIG LA SOGS PAS BSKYED PA LA SNANG BA'I RANG GI MTSAN NYID LA BRDA BYED PA YIN NA NI DE'I TSE DE NYID KYIS SNANG BAR 'GYUR BA ZHIG NA DE LTAR NI MA YIN TE, DBANG PO'I BYA BA MED PA LA, ,GZHAN DAG TZAM GYIS SNANG MED PHYIR, ,CI STE YANG GAL TE RANG GI MTSAN NYID LA BRDA MED MOD, DE LTA NA YANG DE NYID BRJOD BYA YIN PA'I PHYIR 'GAL BA CI YOD CE NA, 'BREL PA MA BYAS CAN MIN TE, ,RANG NYID SHES PAR THAL PHYIR RO, ,YANG NA GAL TE RANG GI MTSAN NYID LA BRDA BYED NA CI LTAR SPYI RTOGS PAR 'GYUR, DE LTA BU NYID DO ZHE NA, DE LA BSHAD PA NI, 'BREL PAR MA BYAS CAN ZHES BYA BA LA SOGS PA YIN NO, ,DE'I PHYIR DBANG PO'I SHES PA NI 'BREL PA MED PAR BRJOD BYA MA YIN PA KHO NA SHES PA YIN PA'I PHYIR RNAM PAR MI RTOG PA YIN NO, ,'O NA JI LTAR 'DI BA LANG ZHES BYA BA DANG, SPU LA SBRUL SNYAM PA'I RNAM PAR RTOG PA'I SHES PA GSAL BAR SNANG BAR RTOGS 'DIR RNAM PAR RTOG PA'I GZHAN NYID DO ZHES BYA BAR NI NUS PA MA YIN TE, 'DZIN PAR BYED PA GZHAN RTOGS PA MED PA'I PHYIR RO, ,'DI LA RNAM PAR RTOG PA'I GZUNG BA LKOG TU GYUR PA YANG MED DE GSAL BA DANG CIG SHOS KYI SNANG BA GNYIS RTOGS PAR THAL BA'I PHYIR RO, ,'ON TE SNGAR RNAM PAR MI RTOG PA YANG DE SNANG BA YIN NO, ,RNAM PAR RTOG PA'I DUS SU GZUNG BAR BYA BA KHYAD PAR DU YANG GYUR PA YANG YOD PA MA YIN ZHING, ,GZUNG BA KHYAD PAR DU GYUR PA MA YIN NA NI 'DZIN PAR YANG JI LTAR 'GYUR SNYAM NA, DE YANG MI BDEN TE, NGES PA DANG NI MA NGES PA, ,NYID KYIS KHYAD PAR DMIGS PA'I PHYIR, ,JI LTAR 'DIR KHYAD MED 'GYUR TE, ,MTHONG BA NYID NI MI 'THAD MIN, ,SHES PAR 'GYUR BA NYID NI DGAG PA'I

YUL MA YIN NO, ,RNAM PAR RTOG PAS SHES PAR 'GYUR BA NI MI BDEN PA'I PHYIR RO ZHE NA, DE NI MI BDEN TE, BDEN MIN NYID NI GA LAS GRUB, ,RNAM RTOG PHYIR NA 'DIR TSAD GANG, ,RNAM RTOG MED PA'I BLO LA YANG, ,MI BDEN NYID NI BRJOD PAR BYA, ,RNAM PAR RTOG PA DANG BCAS PA ZHES BYA BA DE TZAM NYID KYIS NI MI BDEN PA MA YIN TE, RNAM PAR RTOG PA MED PA YANG MI BDEN PAR THAL BA'I PHYIR RO, ,RNAM PAR RTOG PA MED PA NYID YIN PA'I PHYIR DE LTAR MA YIN NO ZHE NA, DE NI RNAM PAR RTOG PA DANG BCAS PA LA YANG MTSUNGS PA'I PHYIR KHYAD PAR MED DO, ,GZHAN YANG, MNGON SUM DU BYED PA JI LTAR MI BDEN PA YIN, RNAM PAR RTOG PA MED PA NI NGES PA MED PA YIN PAS MI BDEN PA NYID DU SRID KYANG, ,NGES PA'I RANG BZHIN MNGON DU BYED PA GO MI BDEN PA NYID DU JI LTAR DOGS, 'ON TE NGES PA 'DI NI RJES SU DPAG PA YIN NO ZHE NA, DE YANG MI BDEN TE, YUL NI LKOG TU MA GYUR PAS, ,RJES DPAG SRID PA MIN PHYIR RO, ,YUL GYI DBYE BA NYID LAS NI, ,TSAD MA'I DBYE BA SGRUB PHYIR TE, ,TSAD MA NGES PA MED PA NYID, ,MIN PAR SGRUB PAR BYED PHYIR RO, ,ZHE NA, DE THAMS CAD NI BDEN PA MA YIN TE, 'DI LTAR, RTOG BCAS RTOG PA MED PA'I YID, ,CIG CAR BU NI 'JUG PHYIR RAM, ,'JUG PA MYUR PHYIR BLUN PO DAG ,DE DAG LA NI GCIG TU ZHE NA, ,'DI'I DON NI 'DI YIN TE, GAL TE BA LANG SNYAM PA'I RNAM PAR RTOG PA BA LA SOGS PA'I YI GER NGES PA CAN RANG GI MTSAN NYID 'DZIN PAR NUS PA YIN NA NI MNGON SUM GYIS SHES PA 'DI NI GCIG TU RNAM PAR RTOG PA DANG BCAS PA NYID DO ZHES BYA BAR RIG PAR 'GYUR BA ZHIG NA, GANG GI PHYIR YI GE'I RNAM PAR 'DZIN PA THAMS CAD NI SNGON MTHONG BA'I STOBS LAS BYUNG BA'I BAG CHAGS KYI SA BON SAD PA LAS YI GE MI GSAL BAR SNANG BAR RTOGS PA YIN TE, DE'I PHYIR GZHAN KHO NA YIN LA MDUN NA 'DUG PA'I KA BA GSAL BAR SNANG BA'I SHES PA NI MNGON SUM YIN NO, ,DE LA NI RNAM PAR RTOG PA YOD PA'I PHYIR 'DI NYID MNGON SUM GYI SHES PA YIN NO, ,'O NA GCIG TU ZHEN PAR JI LTAR 'GYUR ZHE NA, MED PA KHO NA'O, ,RE ZHIG 'DI NI BA LANG NGO SNYAM PA'I SHES PA NI KHRA BO DANG BA LANG LA SOGS PA'I YI GE RNAM PA GCIG TU ZHEN PA MA YIN TE, SNANG BA THA DAD PA NYID DU RTOGS PA'I PHYIR RO, ,YI GE BA LA SOGS PA'I RNAM PAR RTOG PA RIM GYIS SKYE BAR 'GYUR BA RNAMS KYANG GCIG GI NGO BO NYID MA YIN NO,

, ,YI GE SNANG BA'I SHES PA NYID NI KHRA BO LA DMIGS PA MA YIN TE DE MED KYANG KHRA BOR SNANG BA'I PHYIR DANG, YI GER SNANG BA DE YANG MIG BTZUMS PA LA YANG SNANG BA'I PHYIR RO, ,DE MED KYANG SNANG BA NI MA NGES PA'I BDAG NYID YIN LA NGES PA NI DE LAS KHYAD PAR DU GYUR PA YIN NO ZHE NA, NGES PA ZHES BYA BA 'DI CI YIN; RANG BZHIN GSAL BAR SNANG BA'O ZHE NA, MA YIN TE SNGON NYID SNANG BA'I PHYIR RO, ,SNGON GYI RANG BZHIN NYID DU SNANG BA NA RNAM PA GZHAN DE NYID MI GSAL BA YIN NO, ,DE'I PHYIR JI LTAR RNAM PA GZHAN SNANG BA NA GZHAN NGES PA ZHES BYA, DE DANG GCIG TU NGES PAR BYAS PA'I PHYIR NGES PA YIN NO ZHE NA, THA DAD PAR SNANG BDAG LA GCIG TU NGES PA BDEN PAR JI LTAR 'GYUR, 'O NA GCIG NYID KYI THA SNYAD JI LTAR ZHE NA, 'BRAS BU 'JUG PA GCIG YIN PA'I PHYIR TE 'BRAS BU GCIG PA NYID KYIS NI DE GCIG TU ZHEN PA YIN NO, ,'O NA RIM GYIS 'DZIN PAR JI LTAR MI 'GYUR ZHE NA, YUL CIG CAR NYE BAR GNAS PA NYID KYI PHYIR RO, ,YI GER RNAM PAR RTOG PA'I DUS SU MNGON SUM GYI SHES PA'I DON NYE BAR MI GNAS PA NI MA YIN NO, ,YANG NA KHYED KYI YUL NYE BA NA MYUR DU 'JUG PA'I PHYIR RIM GYIS 'DZIN PAR NGES PA MA YIN PA DE BZHIN DU KHO BO CAG GIS 'DZIN PA YANG YIN PAS KHYAD PAR MED DO, ,GAL TE RNAM PAR RTOG PA GZHAN NYID YIN NA JI LTAR DE'I YUL BRJOD PAR BYA BA'I RANG BZHIN MI GSAL BA NYID DU SNANG BAR MA GYUR, DE LA YUL GZHAN MED PA'I PHYIR RO ZHE NA, 'O NA NI DER YUL MED PA ZHUGS PAS DE BAR DU BCAD PA NA, MTHONG BA RGYUN CHAD PAR 'GYUR RO ZHE NA, MA YIN TE, BAR DU BCAD PA MED PA'I PHYIR TE, DUS MNYAM PAS NI BAR DU GCOD PA MI SRID DO, ,GZHAN YANG, GAL TE RNAM RTOG GIS BCAD PAS, ,MTHONG BA RGYUN CHAD 'GYUR ZHE NA, ,GZHAN GYI'ANG RIGS NI THA DAD PA'I, ,RNAM PAR RTOG TSE JI LTAR MIN, ,MNGON SUM GCIG TU RNAM PAR RTOG PA DANG BCAS PA GANG YIN PA DE LA NI RGYUN CHAD PA MED DE, DE NYID KYI BAR DU GCOD PA NI MA YIN NO, ,RNAM PAR RTOG PAR MED PAR SMRA BA LA NI RNAM PAR RTOG PA GZHAN KHO NA YIN TE, DES NA BAR DU GCOD DO ZHE NA, RIGS MI GCIG PA'I RNAM PAR RTOG PA BYUNG BA'I TSE DON GZHAN MTHONG BA'I RGYUN MI 'CHAD PAR JI LTAR 'GYUR, RIGS MI GCIG PA'I RTOGS PA NI GZHAN GYI MNGON SUM GYI SHES PA'I RANG BZHIN NYID MA YIN TE, GZHAN LA SNANG BA'I RANG BZHIN DU RNAM PAR

RTOG PA MED PA'I PHYIR RO, ,CI STE DE LA RGYUN CHAD PA NI YOD PA KHO NA'O, ,'ON KYANG MTHONG BA'I DNGOS PO STOBS DANG LDAN PAS RAB TU ZHUGS PA'I MTHONG BA MA YIN PAS BSGRIBS PA NI RANG GI THA SNYAD MI MTHONG BA YIN TE, DES NA RGYUN CHAD PA MED PAR ZHEN PA YIN NO ZHE NA, DE MI RIGS TE, 'DI LTAR, GAL TE MGAL ME MTHONG BA BZHIN, ,DNGOS PHYOGS STOBS DANG LDAN 'DOD NA, ,DE NI GZHAN LA'ANG MTSUNGS PA YIN, ,YI GE'ANG CIG CAR THOS PAR 'GYUR, ,GAL TE RNAM PAR RTOG PA RIGS MTSUNGS KYANG DNGOS PO'I PHYOGS STOBS DANG LDAN PA YIN NA, RNAM PAR RTOG PA MED PAR SMRA BA LA YANG MTSUNGS PA'I PHYIR BAR DU CHOD PA MA YIN PAS SKYON MED DO, , 'DI NI KHAS BLANGS NAS BRJOD PAR ZAD DO, ,BAR DU GCOD PA NI MI SRID DO, ,MYUR BA'I PHYIR NA BAR DU CHOD PA LA YANG BAR MCHOD PAR SHES PA NI MA YIN TE, GANG GI PHYIR MYUR BA'I PHYIR NA MYUR BAR BRJOD PA'I YI GE DAG KYANG DUS GCIG TU THOS PAR THAL BAR 'GYUR NA DE LTAR YANG MA YIN TE, DE'I PHYIR MYUR BA NI 'DIR RIM PA DANG LDAN PA LA YANG BAR DU MCHOD PAR SNANG BA'I RGYU MA YIN NO, ,CI STE DE LA NI MYUR BA NYID MED PA YIN TE, DES NA DUS GCIG TU THOS PA MA YIN NO ZHE NA, 'DIR MYUR BA MED PA YIN NO ZHES BYA BA GA LAS YID DAG TU GCIG TU 'JUG PA MED PA'I PHYIR RO ZHE NA, 'DI NI 'OG NAS BSHAD PAR BYA'O, ,DE LTA MA YIN NA CIG CAR DU RTOGS PA NYID MED PAR 'GYUR RO ZHE NA, MA YIN TE, CIG CAR BA YIN PA'I PHYIR RO, ,'O NA AUTPALA'I 'DAB MA BRGYA PHIGS PA YANG CIG CAR NYID DU 'GYUR BAS RIM PAR BRTAGS PA CI BYA ZHE NA, MA YIN TE, DE LA NI RIM GYIS YUL DU PHYIN PA'I PHYIR RJES SU DPAG PAS RTOGS PA YIN NO, ,'DI NI DE LTAR RJES SU DPAG PA MED PA'I PHYIR RIM PAR RTOGS PAR JI LTAR 'GYUR, RIM YANG MED PAR RTOG PA LA RGYU CI YOD CE NA, MNGON SUM GYI BDAG NYID KYI SNANG BA NYID DO, ,MNGON SUM DU SNANG BA LAS GZHAN PA'I SGRUB PAR BYED PA YANG RTOGS PA NI MA YIN NO, ,SNGAR BRJOD PA'I YI GE CIG CAR THOS PA'I RGYU MGYOGS PA GANG YIN PA DE NYID MED PA DE LA BRJOD PA, 'DIR DON KUN DANG CIG CAR DU, , 'DUS CAN DBANG RNAMS YOD PA NA, ,LNGA PO RNAMS KYIS CHOD NA YANG, ,CHOD MED BZHIN DU SNANG BA'I BLO, ,GANG DE MING GI MTHAR THUG PA'I, ,SHES PA'I SKAD CIG DANG 'DRES PHYIR, ,CHOD PAR SNANG BA DE NGO MTSAR, ,DE PHYIR BLO NI CIG CAR 'GYUR, ,GANG ZHIG BLO CIG CAR SKYE BA NI MED DO, ,GANG DU CIG CAR 'BYUNG BAR

, ,ZHEN PA DER NI MYUR DU 'JUG PA LAS RGYU GZHAN MED DE, DE LTAR LHAG PAR ZHEN PA NI MGYOGS PAR 'JUG PA LAS YIN NO ZHES 'DOD PA DE LA 'DI SKAD BRJOD DO, ,YI GE SKYEN PAR BRJOD PA LA YANG JI LTAR MI 'GYUR, GAL TE DE LTA BU'I MGYOGS PA NYID MED PA'I PHYIR GZHAN MA YIN NAM ZHE NA, 'O NA 'DIR YANG DE BAS KYANG MGYOGS PA CHES SHAS CHUNG BA YIN TE, GANG DU YUL LNGA NYE BAR GNAS PA DANG, RNAM PAR RTOG PA NUS PA DANG LDAN PAR GYUR PA, DPER NA DRI ZHIM ZHING BLTA NA SDUG PA'I NA CHUNG GI KHA'I RO MYONG BA GLU SNYAN PA LA RNA GTOD PA LTA BU'O, ,DER NI SEMS RE RE YANG LNGAS BAR DU CHOD PA YIN NO, ,'DIR CHES MGYOGS PA SHAS CHUNG BA DE 'DRA BA YIN MOD KYI DE LTA NA YANG CIG CAR 'DZIN PAR SNANG BA DE BZHIN DU YI GE RNAMS LA YANG 'GYUR RO, ,GANG DU LNGAS BAR DU CHOD KYANG CIG CAR DU ZHEN PA SGRUB PAR NUS PA'I MGYOGS PAS, YI GE'I YUL CAN SKAD CIG SHES PAS BAR MCHOD PA DER JI LTAR NUS PAR MI 'GYUR, DE'I PHYIR BLO NI CIG CAR KHO NA SKYE BAR RIGS PA YIN NO, ,DE LTA MA YIN NA 'GAL BA BSGRUB PAR MI NUS PA KHO NA'O, ,DES NA, RTOG BCAS RTOG PA MED PA'I YID, ,CIG CAR DU NI 'JUG PHYIR RO, ,ZHES BYA BA 'DI NI 'THAD PA YIN NO, ,GZHAN YANG, SNANG BA LA YANG KHYAD MED NA, ,BAR BCAS BAR MED CI LTAR YIN, ,YID KYI RTOG PA 'BA' ZHIG LA, ,RIM DU 'DZIN PAR MI 'GYUR RO, ,LA LAR NI BAR DANG BCAS PA YIN TE, GANG DU RIGS MI MTHUN PAS BAR DU BCAS PA'O, ,LA LAR NI BAR CHAD MED PA YIN TE, RIGS MI MTHUN BA'I RNAM PAR RTOG PAS BAR DU MA BCAS PAS SO ZHES BYA BA'O, ,BAR CHAD DANG BCAS PA DANG BAR CHAD MED PA DE DAG GAL TE SNANG BA KHYAD PAR MED NA JI LTAR 'GYUR, YID KYI RNAM PAR RTOG PA 'BA' ZHIG RGYUN DU 'BYUNG BA GANG YIN PA DE'I YANG RIM PA DANG LDAN PAR SNANG BAR MI 'GYUR TE, MGYOGS PAR 'BYUNG BA'I PHYIR RO, ,GAL TE RNAM PAR SHES PA CIG CAR 'BYUNG NA RES 'GA' DON TSOGS KYANG 'DZIN PA MED PAR JI LTAR 'GYUR ZHE NA, 'DI LA LAN DU, LA LAR KUN TU CHAGS SEMS CAN, ,DON NYE BA LA'ANG 'DZIN MED GANG, ,CHAGS PAS GZHAN SKYED NUS NYAMS PHYIR, ,GNYI GA LA YANG RTZOD 'DI YOD, ,GZHAN LA CHAGS PAS NUS PA NYAMS PAR 'GYUR BA YIN NA NI SHES PA DE NYE BAR GNAS PA THAMS CAD KYI RNAM PAR SHES PA SKYED PA'I DE MA THAG RKYEN DU MI

'GYUR RO, ,GNYI GA LA BRGAL ZHING BRTAG PA MTSUNGS PA YANG YIN NO, ,MTSUNGS PA MA YIN TE, GCIG KHO NA LA YID KYI NUS PA YOD PA'I PHYIR ZHE NA, DE LTA NA YANG CIG CAR 'DZIN PAR SNANG BAR 'GYUR RO, ,GANG LA CHER CHAGS PA MED PA DE LA 'GYUR BA KHO NA'O ZHE NA, KHO BO CAG KYANG DE SKAD SMRA STE, GANG DU CHAGS PA DER RIM GYIS 'DZIN LA, GZHAN DU NI CIG CAR RO, ,THAMS CAD DU RIM GYIS 'DZIN PA YIN NO ZHES BYA BA 'DI LA NI TSAD MA MED DO, ,RNAM PAR SHES PA SNGA MA LAS MA GTOGS PA YID GZHAN NI TSAD MA'I YUL DU 'GYUR BA MED DO, ,GAL TE MGAL ME RIM GYIS 'DZIN PA YIN YANG CIG CAR DU SNANG BA MA YIN NAM ZHE NA, DE YANG MI BDEN TE, DER RIM GYIS SNANG BA MTSAMS SBYAR BAS BLO DER 'GYUR BA NI MA YIN GYI 'ON KYANG DER NI CIG CAR KHO NA SNANG BA YIN NO, ,'DI LTAR, MGAL ME LA SOGS MYUR 'JUG PA'I, ,RJES SU 'GRO BAS GNOD PA CAN, ,MIG LAS 'KHOR LOR 'KHRUL SKYE'O, ,DE MTHONG MTSAMS SBYOR BAS MA YIN, ,MYUR DU BSKOR BA'I MGAL ME'I SKAD CIG RNAMS KYI RJES SU 'GRO BAS NYAMS PAR BYAS PA'I MIG NYID KYIS 'KHOR LOR SNANG BA BLO SKYED PAR BYED KYI, DNGOS PO'I PHYOGS STOBS DANG LDAN PA NI YID KYI SHES PA DE LTAR GYUR PA NI MA YIN NO, ,CI STE NA YANG YUL LNGA NYE BAR GNAS PA NI CIG CAR SNANG BA NI 'KHRUL PA KHO NA YIN NO ZHE NA, 'O NA NI THAMS CAD DU NI CIG CAR SNANG BA 'KHRUL PA KHO NAR 'GYUR RO, ,'DOD PA KHO NA'O ZHE NA, MA YIN TE, 'KHRUL PA NYID LA TSAD MA MED PA'I PHYIR RO, ,CIG CAR SNANG BA NYID NI 'KHRUL PA MED PA'I MNGON SUM GYI RTOGS PA YIN NO, ,GNOD PAR BYED PA MED KYANG DE LTAR SNANG BA DE 'KHRUL PA YIN NA NI SHES PA THAMS CAD DE LTAR THAL BAR 'GYUR RO, ,DES NA GNOD PAR BYED PA MED PA'I PHYIR CIG CAR DMIGS PA'I SHES PA LNGA PO CIG CAR NYID YIN NO ZHES 'GRUB PA YIN NO, ,DES NA MNGON SUM NI RNAM PAR RTOG PA MED PA KHO NA'O, ,DA NI GZHAN GYI 'DOD PA NYE BAR BKOD DE 'GOG PAR BYED DO, ,LA LA DBANG SKYES LA SOGS PHYIR, ,BYIS PA'I BLO BZHIN RTOG MED DANG; ,BYIS PA'I RTOG MED NYID KYI RGYU, ,BRDA NYAMS PA NYID YIN SMRA PA, ,GZHAN DAG MNGON SUM NI RTOG PA MED PA YIN TE, DBANG PO LAS SKYES PA YIN PA'I PHYIR DANG, NYAMS SU MYONG BA'I RNAM PAS 'JUG PA'I PHYIR DANG, YID MA YIN PA'I PHYIR BYIS PA'I RNAM PAR SHES PA BZHIN NO, ,BYIS PA'I DBANG PO'I RNAM

, ,PAR SHES PA RTOG PA MED PA NYID NI BRDA 'DZIN PAR MI NUS PA'I PHYIR RO ZHES SMRA BA, DE DAG GI NI RTOG MED PHYIR, ,BYIS PA'I MNGON SUM NYID DU 'GYUR, ,BRDA YI RGYU DANG BRAL BA'I PHYIR, ,DE NI PHYIS KYANG MI 'GYUR RO, ,DE SKAD SMRAS PA DE DAG GI LTAR NA BYIS PA DAG NI MNGON SUM KHO NA 'GYUR MOD, BYIS PA LA NI THAMS CAD RTOG PA MED PAR 'DOD PA KHO NA'O ZHE NA, MA YIN TE, BYIS PA LA YANG RANG GI DON BYA BA LA SNGA MA DANG PHYI MAR RTOGS PA KHO NA'O, ,CI STE DE'I TSE MED NA NI PHYIS KYANG RNAM PAR RTOG PAR MI 'GYUR TE, BRDA 'DZIN PA'I THABS MED PA'I PHYIR RO, ,BRDA 'DZIN PA'I THABS NI RNAM PAR RTOG PA YIN PA DE NI BYIS PA LA MED DO, ,'ON TE GAL TE BRDA LA MA BYANG BA'I, ,YID YOD DES NA DE 'DOD NA, ,DE BZHIN DBANG SKYES LA YANG 'GYUR, ,'DI 'DRA 'DI YANG LHAG LDAN YIN, ,GAL TE BYIS PA RNAMS KYI YID KYI THA SNYAD BYED PA DE'I PHYIR BYIS PA RNAMS LA RNAM PAR DPYOD PA YOD PA YIN NO, ,DES NA BRDA 'DZIN PA'I PHYIR PHYIS YID RNAM PAR RTOG PA DANG BCAS PAR 'GYUR BA YIN NO ZHE NA, GAL TE DE LTAR NA NI DBANG PO LAS SKYES PA LA YANG 'GYUR RO, ,DBANG PO LAS SKYES PA YANG PHYIS RNAM PAR RTOG PA DANG BCAS PAR 'GYUR BA CIS ZLOG PAR BYED, ,BYIS PA'I DBANG PO'I RNAM PAR SHES PA DE YANG BRDA 'DZIN PAR NUS PA MED PA GA LAS YIN, DBANG PO LAS SKYES PA NYID KYI PHYIR RO ZHE NA MA YIN TE, 'BREL PA MED PA'I PHYIR RO, ,GZHAN YANG GAL TE BYIS PA'I DBANG PO LAS SKYES PA RNAM PAR RTOG PA MED PA YIN DU CHUG KYANG, THAMS CAD DU DE LTAR 'GYUR DGOS SO ZHES BYA BA 'DI GA LAS YIN, GNOD PAR BYED PA'I TSAD MAS 'BREL BA GRUB PA MED PAR DPE TZAM GYIS NI GTAN TSIGS GO BAR BYED PA MA YIN NO, ,CI STE GANG ZHIG DBANG PO LAS SKYES PA DE NI NYE BA TZAM 'DZIN PAR BYED PA YIN PAS SNGA PHYI 'DZIN PAS STONG PA'I PHYIR RNAM PAR RTOG PA MED PA YIN NO ZHE NA, 'DI SNGA PHYI 'DZIN PAS STONG PA NYID DU JI LTAR 'GRUB, MNGON SUM DU BYED PA NI SNGA MA DANG PHYI MA DE DAG LA MED PA'I PHYIR DANG, MNGON SUM DU BYED PA MA YIN PA NI, MNGON SUM NYID MA YIN PA'I PHYIR RO ZHE NA, DE LTA NA NI 'O NA DBANG PO'I SHES PA YIN PA'I PHYIR, BYIS PA'I RNAM PAR SHES BZHIN NO, ,ZHES BYA BA DON MED PA YIN NO, ,RTOG PA MED PA NYID NI MNGON SUM GYIS GRUB PAR 'GYUR TE MNGON SUM DU BYED PAR SO SOR NGES PA NYID NI, MNGON SUM GYIS NYAMS SU MYONG BA'I PHYIR RO, ,DE LTA MA YIN NA GAL TE

GANG DU YANG MNGON SUM RTOG PA MED PA NYID KYI SGRUB PAR BYED PA MA YIN NA JI LTAR DE'I RJES SU 'BRANGS NAS RJES SU DPAG PA 'JUG ,CI STE BYIS PA'I RNAM PAR SHES PA MNGON SUM DU BYED PA'I RNAM PA CAN YIN PA DE'I PHYIR DBANG PO'I SHES PA GZHAN YANG DA LTA BU NYID DO ZHE NA, DE LTA NA NI 'O NA, BYIS PA LA SGRUB GANG YIN PA, ,DE NYID 'DIR YANG BRJOD BYA STE, ,DBANG PO'I BLO NI MTSUNGS PHYIR RO, ,'DIS NI MYONG SOGS BSHAD PA YIN, ,BSKAL BA LA MNGON DU BYED PA MA MTHONG BA'I PHYIR DANG, GZHAN LA MTHONG BA'I PHYIR LKOG TU MA GYUR PA'I YUL CAN YIN PA'I PHYIR MNGON SUM RTOG PA MED PA YIN NO ZHES SPYIR BSGRUB PAR BYA BA YIN GYI, DBANG PO LAS SKYES PA'I PHYIR ZHES BYA BA'I GTAN TSIGS KYIS CI ZHIG BYA, MNGON SUM DU BYED PA NI DE NI RNAM PAR RTOG PA MED PA NYID DU BRJOD DO, ,RNAM PAR RTOG PA NYID NI RTOG PA DANG BCAS PA 'GAL BA'I PHYIR MNGON SUM DU BYED PA YIN PA DE NI RNAM PAR RTOG PA MED PA NYID KYIS KHYAB PA YIN PA DE'I PHYIR 'DI NI 'GAL BAS KHYAB PA'I DMIGS PA YIN NO, ,YANG NA RNAM PAR RTOG PA MED PA NYID KYIS NI RTOG PA DANG BCAS PA 'GAL BA'I PHYIR MNGON SUM DU BYED PA SGRUB CING DE LAS KYANG MNGON SUM NYID DO, ,GAL TE RNAM PAR RTOG PA MED PA NYID KYIS NI MNGON SUM DU BYED PA SGRUB PA YIN LA, DES MNGON SUM NYID YIN NA ZLA BA GNYIS LA SOGS PA RIG PA RNAMS KYANG 'GYUR RO ZHE NA, MA 'KHRUL PA NYID YIN NA ZHES RJOD PAR BYED PA YIN NA, ,GAL TE MA 'KHRUL PA NYID KYIS CHOG MOD RNAM PAR RTOG PA MED PAS CI BYA ZHE NA, KHYAD PAR NI GZHAN LA LTOS PA YIN PA'I PHYIR RO, ,DE SKAD DU YANG MTSAN NYID LA GZHAN GYI LUGS LA LTOS NAS KHYAD PAR DU BYAS SO ZHES BSHAD DO; ,THAMS CAD DU YANG RTOG PA NI MED PA NYID DO, ,'KHRUL PA MED PA'I SHES PA THAMS CAD NI RTOG PA MED PA KHO NA'O, ,'KHRUL PA MED PA NYID KYANG SLOB DPON GYI DMIGS KYIS BSAL BA'I SGO NAS BSTAN PA YIN NO, ,YANG NA DBANG PO LAS BRTEN PAS NI MNGON SUM STE, DES NI MNGON SUM DU BYED PA NYID MTSON PA YIN TE, DE'I PHYIR MNGON SUM DU BYED PA'I RNAM PAS 'JUG PA'I SHES PA THAMS CAD NI RNAM PAR RTOG PA MED PA NYID DO, ,YANG NA 'JUG PAR BYED CING KHYAD PAR BYED PAR PHYIR MNGON SUM YIN LA YUL GYI RANG BZHIN LA KHYAD PAR BYED PA YANG MNGON DU BYED PA KHO NA YIN NO, ,DES DBANG PO LAS SKYES PA THAMS CAD NI RTOG PA MED PA KHO NA'O,,

, ,YANG NA SLOB DPON GYIS MA 'KHRUL PA SMOS PA MED PA KHO NA STE, RTOG PA DANG BRAL BA'I ZHES BYA BA KHO NA MTSAN NYID YIN NO, ,'O NA JI LTAR 'KHRUL PA'I SHES PA RNAM PAR BCAD CE NA, MNGON SUM DU BYED PA THAMS CAD NI MNGON SUM YIN PA'I PHYIR RO, ,ZLA BA GNYIS KYI SHES PA LA SOGS PA YANG GNYIS NYID DU SNANG BA LA MNGON SUM KHO NA'O, ,DES NA GANG ZHIG GANG LA MNGON SUM DU BYED PA DE NI DE LA MNGON SUM YIN NO, ,DE NI PHYI ROL LA 'KHRUL PA YIN NA DE LA NI MNGON SUM DU BYED PA NYID MA YIN NO, ,SNANG BA'I RANG BZHIN LAS THA DAD PA GZHAN YOD DO ZHES BYA BA 'DI NI RTOG PA TZAM YIN NO, ,DE SKAD DU YANG 'KHRUL PAR 'GYUR BA NI YID KYIS 'KHRUL PA'I YUL YIN PA'I PHYIR RO ZHES BSHAD DO, ,PHYI ROL LA MA 'KHRUL PA YANG RTOG PA'I SHES PA NYID DU 'GYUR RO ZHE NA, DE NI BDEN TE, 'DI LTAR, CI LTA CI LTAR DON BSAMS PA, ,DE LTA DE LTAR RNAM PAR BRAL, ,MKHAS PA RNAMS KYIS GANG GSUNGS PA, ,DE NI DNGOS STOBS 'ONGS PA YIN, , ZHES 'CHAD PAR 'GYUR RO, ,GZHAN YANG, KHYAD PAR DANG NI KHYAD PAR GZHI, ,'BREL DANG 'JIG RTEN GZHUNG LUGS NI, ,BZUNG NAS DE DAG BSDAMS BYAS TE, DE LTAR RTOGS KYI GZHAN DU MIN, ,DPER DBYUG CAN BZHIN RIGS SOGS KYI, ,BYE BRAG RTOGS PA MED PA'I PHYIR, ,DE LDAN SBYOR BA YOD MIN PA, ,DES NA 'DI LA RTOGS PA MED, ,RTOGS PA NI SBYOR BA 'DZIN PA YIN NO, ,SBYOR BAR BYED PA YANG KHYAD PAR LA SOGS PA SO SOR 'DZIN PA MED PA MA YIN TE, DPER NA DBYIG PA CAN DU RTOGS PA BZHIN NO, ,RIGS LA SOGS PA NI SO SOR NGES PAR BZUNG BA MED PA'I PHYIR DE DANG LDAN PA DANG SBYOR BA MED PA'I PHYIR JI LTAR DBANG PO'I RNAM PAR SHES PA RTOG PA DANG BCAS PA YIN, 'DI LTAR, THA DAD MED PAR SNANG BA NI, ,GANG ZHIG GANG DANG SBYOR BAR BYED, ,THA DAD PAR NI SNANG BA DAG ,SBYOR BA DANG NI RTOGS PA MED, ,THA MI DAD PAR SNANG BA DE NI GCIG KHO NA YIN TE, DE LA SBYOR BA'I DON SPYI ZHIG YIN TE, SBYOR BA NI GNYIS LA LTOS PA YIN PA'I PHYIR RO, ,CI STE THA DAD PAR SNANG NA NI, DE'I TSE GNYIS PHAN TSUN DBEN PAR SNANG BA'I PHYIR SBYOR BA SHIN TU YANG MED PAS NA SBYOR BA NI SRID PA MA YIN NO, ,DE'I PHYIR DON DAM PAR NA SBYOR BA MED DO, ,GAL TE KHYAD PAR LA SOGS PA SO SOR SNANG BA DAG LA 'GYUR DU CHUG KYANG RIGS DANG LDAN PA LA SOGS PA LA NI 'DI SRID PA MA YIN NO, ,RIGS PA

DANG YON TAN DANG BYA BA DAG NI DE DANG LDAN PA LAS THA DAD PAR SNANG BA MED DO, ,DE NYID KYI PHYIR 'DRES PAR SNANG BA NI SBYOR BA YIN NO ZHE NA, MA YIN TE, THA DAD PA DAG NI 'DRES PAR SNANG BA MI 'THAD PA'I PHYIR RO, ,DE LTAR SNANG BA YUL DANG DUS MTSUNGS PA'I PHYIR DE LTAR 'GYUR RO ZHE NA, MA YIN TE, YUL DANG DUS MTSUNGS PA DAG KYANG RANG BZHIN THA DAD PA YIN PA'I PHYIR RO, ,YUL DANG DUS THA DAD PA DAG KYANG RANG BZHIN THA DAD PA KHO NA'I PHYIR DE LTAR SNANG BA YIN GYI YUL DANG DUS THA DAD PAS NI MA YIN NO, ,GAL TE DE LA RANG BZHIN THA DAD PA MED NA NI YUL LA SOGS PA THA DAD PAR SNANG BAR MI 'GYUR RO, ,YUL THA MI DAD KYANG GZHAN DAG NI KHA DOG DANG DBYIBS DAG DANG, RLUNG DANG NYI MA DAG THA DAD PAR SNANG BA NYID DO, ,YUL LA SOGS PA THA MI DAD PAS NI SNANG BA THA DAD PAR NYAMS PAR MI 'GYUR RO, ,CI STE 'PHROD PA 'DU BA'I 'BREL PA'I STOBS KYIS GCIG TU 'DRES PA'I NGO BOR SNANG BA YIN NO ZHE NA, DE LTAR YIN NA NI THAMS CAD DU DE LTAR RTOGS PAR THAL BAR 'GYUR BAS, THA DAD PA MED PAR SNANG BA THAMS CAD THA DAD PA MED PA'I SGRUB BYED DU MI 'GYUR RO, ,GAL TE BA LANG ZHES KHYAD PAR CAN GYI SHES PA NYID LAS BLO 'DI SBYOR BA'I RANG BZHIN DU 'GYUR BA MA YIN NAM, KHYAD PAR CAN GYI SHES PA NI GANG DU YANG KHYAD PAR MED PAR DMIGS PA MA YIN TE DBYUG PA CAN ZHES RTOGS PA YIN NO, ,DE NI 'DI YIN NO ZHES BSTAN PAR BYA BA NI MA YIN TE SO SOR SNANG BA MED PA'I PHYIR RO, ,DBYIG PA CAN NO ZHES BYA BAR SHES PA LA YANG DBYUG PA THA DAD PAR SNANG BA NI YOD PA YIN TE, DER NI SKYES BU TZAM ZHIG SNANG BA'I PHYIR RO, ,DBYUG PA DANG 'BREL PA'I SNGA ROL NYID DU CI'I PHYIR MI 'GYUR ZHE NA, MA YIN TE, TSOGS PA MED PAS KHYAD PAR CAN NYID GZHAN MED PA'I PHYIR RO, ,SKYES BU LA KHYAD PAR CAN NYID GZHAN YOD PA NI MA YIN TE, DE RTOGS PA MED PA'I PHYIR RO, ,KHYAD PAR CAN NI DBYUG PA CAN NYID YIN TE, DPER NA CHU LA SOGS PA'I NUS PA NI SA BON GYI LHAN CIG BYED PA NYID YIN PA BZHIN NO, ,GAL TE DBYIG PA YANG SNANG BA YIN NA NI DBYUG PA DANG SKYES BU DAG GO ZHES RTOGS PAR THAL LO ZHE NA, DE THAMS CAD NI MI 'THAD DE, GAL TE 'BA' ZHIG SNANG NA NI, ,MI RTOGS KHYAD PAR NYID MI 'GYUR, ,DE STE SNANG BA YIN NA NI, ,DBYUG DANG SKYES BU DAG CES 'GYUR, ,DPER NA SKYES BU'I ZHES BYA BAR SNANG BA 'BA' ZHIG LA KHYAD PAR CAN NYID YOD PA MA YIN PA DE

, ,BZHIN DU DBYIG PA CAN ZHES BYA BA LA YANG 'GYUR RO, ,GAL TE KHYAD PAR CAN NYID DO ZHE NA, 'DI LA YANG BRJOD PA, RANG LA BRTEN PA'I KHYAD PAR GYIS, ,KHYAD PAR CAN GYI SHES YIN NAM, ,GZHAL BYA'I KHYAD PAR LAS KYANG RUNG, ,GNYI GA'ANG BDEN PA NYID MA YIN, ,GAL TE RE ZHIG RANG LA BRTEN PA'I KHYAD PAR GYI RTOGS PA YIN NA NI DE'I TSE DON SBYOR BA'I RANG BZHIN RTOGS PA YIN PAR MI 'GYUR RO, ,BDE BA LA SOGS PA RANG LA BRTEN PA'I KHYAD PAR GYIS NI DBANG PO'I RTOG PA DANG BCAS PAR 'GYUR BA MA YIN NO, ,YUL MED PAR SHES PA 'I KHYAD PAR GYI DE NYID MI 'GYUR RO ZHE NA, MA YIN TE, DE MA THAG PA'I RKYEN LAS KYANG KHYAD PAR BSGRUB PA YIN NO ZHES BSHAD PAR BYA'O, ,KHYAD PAR YUL LA BRTEN PA YIN NA NI DBYUG PA DANG SKYES BU GNYI GA RTOGS PA'I PHYIR DBYIG PA CAN GYI SHES PA BSKYED PA TZAM GYIS YUL CAN DU JI LTAR 'GYUR GNYI GA RTOGS SO ZHES BYA BA 'DI NI THA SNYAD TZAM DU BRJOD PAR ZAD KYI DON DAM PAR NI MA YIN TE RNAM PAR RTOG PA NI YUL MED PA CAN YIN NA JI LTAR GNYIS KYI TSIG TU MI 'GYUR ZHE NA, 'DI NI THA SNYAD TZAM DU ZAD DE, BAG CHAGS KYI KHYAD PAR SNGA MA SNGA MA LAS 'BYUNG BA YIN PA'I PHYIR SKYON MED DO, ,GTZO BO MA YIN PA'I PHYIR KHYAD PAR NI RTOGS KYANG DE BRJOD PAR MI 'DOD PAS SKYES BU TZAM ZHIG BRTZIS NAS GCIG TU 'GYUR BA YIN NO ZHE NA, GAL TE TSUL 'DIS SKYES BU TZAM YUL YIN PAR BRJOD NA BRJOD LA RAG MOD, SNANG BA MED PAR NI MI 'GYUR RO, ,CI STE YUL DANG DUS LA SOGS PA'I KHYAD PAR CAN RNAMS 'BA' ZHIG SNANG BA YIN YANG DE LA KHYAD PAR CAN NYID SHES PA LA SNANG BA MED PA NI MA YIN NO ZHE NA, 'DI LA YANG LAN DU, DO GZHAN DANG NI 'BREL PA'AM,, RANG BZHIN MI MTHUN PA NYID NI, ,KHYAD PAR CAN NYID DE YI TSE, ,GZHAN PHYOGS THAMS CAD NYAMS PAR 'GYUR, ,GAL TE RE ZHIG DON GZHAN DANG BCAS PA NYID KHYAD PAR CAN YIN TE, DPER NA RGYAN GYI KHYAD PAR CAN BZHIN NO ZHE NA, SNGA MA DANG PHYI MA LA SOGS PA DE NI SHES PA LA SNANG BA YOD PA MA YIN NO, ,DE LA PHYOGS GZHAN SNANG BA NI MED DO, ,CI STE MI 'DRA BA NYID YIN PA DE'I TSE NI SNGA MA DANG PHYI MA'I BUM PA DAG MI 'DRA BA NYID DU SNANG BA YOD PA MA YIN NO, ,MI 'DRA BA NI DON GYI RANG BZHIN NYID YIN TE, DE SNANG NA NI RTOG PA MED PA NYID DU 'GYUR RO, ,KHYAD PAR CAN GYI SHES PA'I YUL NYID KYANG SPANGS ZIN TO, ,DE'I PHYIR GAL TE GNYIS SU SNANG

BA YIN NA NI SBYOR BA YIN ZHING DE LAS NI RTOG PAR 'GYUR BA YIN NO ZHES BYA BA 'DI NI RIGS YIN NO, ,DE LA GNYIS SU SNANG BA TZAM NI RTOG PA MA YIN GYI 'ON KYANG SNGAR SO SOR MTHONG BA SNGON DU 'GRO BA CAN GYI SBYOR BAR BYED PA YIN NO, ,GAL TE RJES SU 'GRO BA CAN GYI SHES PA DMIGS PA'I PHYIR RIGS LA SOGS PA SNANG BA NYID MA YIN NAM ZHE NA, DE LA BSHAD PA, RJES 'GRO CAN GYI RNAM SHES GANG, ,DE YANG SGRA DANG GSAL BAR SNANG, ,KHA DOG DBYIBS YIG RNAM PA YIS, ,STONG PA BA LANG NYID DU BRJOD, ,DE NYID MTSUNGS PA NYID YIN YANG, ,MIG GI YUL LA MTHONG MED DE, ,SNANG BA GNYIS NI MED PHYIR RO, ,BLO THA DAD PA'ANG RNYED PAR DKA', ,RJES SU 'GRO BA CAN GYI RNAM PAR SHES PA GANG YIN PA DE LA NI SPYI GZHAN SNANG BA MED DO, ,RJES SU 'GRO BA'I RANG BZHIN SNANG NGO ZHE NA, MA YIN TE, SGRA DANG GSAL BA LAS MA GTOGS PA GZHAN MI SNANG BA'I PHYIR RO, ,SGRA LAS SPYI'I RNAM PAR SHES PA SNANG BAR 'GYUR BA YIN NO ZHE NA, MA YIN TE, MTHONG BA'I MDOG DANG DBYIBS CI LTA BA BZHIN DU DRAN PA'I PHYIR RO, ,'DIR RJES SU 'GRO BA GZHAN SNANG BA NI YOD PA MA YIN TE, KHA DOG DANG DBYIBS TZAM ZHIG SNANG BA'I PHYIR RO, ,RJE SUS 'GRO BA CAN THAMS CAD NI MING TZAM DANG 'BREL PA YIN NO, ,'DI YANG BA LANG 'DI YANG BA LANG ZHES MING DANG, DON BYED PA MTSUNGS PA YIN NO, ,YANG NA RTOGS PAR BYED PA'I SHES PA NYID KYI MTSUNGS PA YIN GYI, DON NI 'GA' ZHIG GI YANG MA YIN NO, ,'ON TE SGRA LAS SKYE BA NA DE NYID MI GSAL BA'I RNAM PAR GYUR PA NI SPYI YIN TE, THAMS CAD LA MTSUNGS PA'I PHYIR RO ZHE NA MA YIN TE BA LANG ZHES BRJOD PA NA RES 'GA' NI, KHRA BO DANG RES 'GA' NI SER SKYA ZHES BYA BA LA SOGS PAR RTOGS PA'I PHYIR DE YANG SO SOR NGES PA'I RNAM PAR RTOG PA'I RANG BZHIN YIN PAS SPYI'I RNAM PAR RTOG PA NI MA YIN TE, NYAMS SU MYONG BA JI LTAR BA BZHIN DRAN PA'I PHYIR RO, ,SGRA 'DI NI SNGAR THAMS CAD DANG 'BREL PAR MTHONG BA YIN TE, GO SGRA DON DGU LA 'JUG PA BZHIN NO, ,GAL TE BA LANG LA SOGS PA DON DUG PO DAG NI SO SOR NGES PA YIN PA'I PHYIR DE NYE BAR STON PAR BYED PA DANG STON PA'I YUL CAN GYI BRDA SRID PA YIN GYI, ,SO SOR NGES PA MED PA'I GSAL BA RNAMS LA JI LTAR BRDA BYED PA'AM 'DZIN PAR NUS SHE NA, 'DI NI 'OG NAS BSHAD PAR BYA'O, ,DE NYID MTSUNGS PA NYID YIN DU ZIN KYANG,

, ,MIG GI YUL GYI DON LA NI MTHONG BA MED DO, ,GSAL BAR SNANG BA'I MIG GI RNAM PAR SHES PA LA NI MIG GSAL BAR SNANG BA YOD PA MA YIN NO, ,DE NYID 'DI'O SNYAM PA'I RTOG PA 'BYUNG BA KHO NA'O ZHE NA, MA YIN TE, GSAL BA DANG MI GSAL BAR SNANG BA DAG NI GCIG NYID DU MI RIGS PA'I PHYIR RO; ,RGYU THA DAD PA'I YANG PHYIR TE, MIG LA SOGS PA DANG, BAG CHAGS RGYU YIN PA'I PHYIR RO, ,DE'I PHYIR NA MIG LA SOGS PAS BSKYED PA'I BLO LA NI SNANG BA GNYIS YOD PA MA YIN NO, ,CI STE GAL TE RNAM PA'I RGYU THA DAD PA YIN DU CHUG KYANG GSAL BA DANG MI GSAL BAR SNANG BA'I PHYIR BLO DE NI GCIG NYID DO ZHE NA, DE LA MI BRJOD DE, GAL TE SNANG BA'I RGYU THA DAD KYANG BLO RNAMS THA MI DAD PA YIN NA GZHAN DU YANG THA DAD PA RNYED PAR DKA' BAR 'GYUR TE THAMS CAD DU DUS MNYAM PAR 'BYUNG BA'I MNGON SUM DANG RJES SU DPAG PA DAG GI BLO GCIG KHO NAR 'GYUR RO, ,GAL TE 'PHROD PA 'DU BA'I 'BREL PA JI LTAR MI 'DZIN TE, RIGS LA SOGS PA THA DAD PAR NGES PA MED PA NI 'PHROD PA'I 'DU BA YOD PA NYID LAS YIN NO ZHE NA, 'DI NI BZANG PO MA YIN TE, 'DI LTAR, DBANG POS 'PHROD 'DU 'DZIN MED PHYIR, ,'BREL PA MTHONG BA MED PAR GNAS, ,'PHROD PA 'DU BA DBANG PO LAS 'DAS PA YIN PA'I PHYIR MIG LA SOGS PAS RIG PAR SRID PA MA YIN NO ZHES BYA BA 'DI NI KHYED NYID KYI RNAM PAR GZHAG PA YIN NO, ,CI STE SNAL MA 'DI DAG LA SNAM BU'O ZHES BYA BA'I THA SNYAD LAS 'PHROD PA 'DU BA 'GRUB PA YIN NO ZHE NA, DE NI MA YIN TE, 'DI LTAR, SNAL MA 'DI LA SNAM BU ZHES, ,SGRA 'DI DAG KYANG RANG GIS BYAS, ,SNAL MA RNAMS LA SNAM BU, RVA LA SOGS PA RNAMS LA BA LANG ZHES BYA BA'I BLO NI 'GAR YANG YOD PA MA YIN LA, DE MED PAS 'PHROD PA'I 'DU BA JI LTAR RTOGS PA YIN, GANG GI PHYIR, BA LANG RVA ZHES 'JIG RTEN NA, ,RVA LA BA LANG 'JIG RTEN MIN, ,BA LANG RVA YOD DO ZHES BYA BA'I BLO NI 'JUG PA YIN NA, LKOG SHAL LA SOGS PA DE DAG NI DE LA 'PHROD PAS 'DUS PA MA YIN NO, ,GANG ZHIG DE DAG LA 'DU BAR 'DOD PA DE NI BRTEN PA NYID DU RTOGS PA MA YIN NO, ,DES NA BLO 'DI NI 'PHROD PA 'DU BA LAS NI MA YIN GYI, 'ON KYANG, BA LANG ZHES BYA YAN LAG NI, ,LHAG MA RNAMS CHAD DMIGS MED PHYIR, ,'DI LAS SNYAM PA'I BLO NI 'DU BA MED PA LA DMIGS PA NYID DE, DPER NA NYI MA NUB KA'I DUS NA SHING 'DI LA NYI MA'O

ZHES BYA BAR 'GYUR BA YIN NO, ,YAN LAG LHAG MA DAG LA BA LANG NGO ZHES RTOGS NA RVA'I RTEN NYID DU BRTAGS PA'I PHYIR BA LANG LA RVA'O SNYAM DU SHES PA YIN NO, ,'DI LTAR GANG ZHIG RTEN DANG BRTEN PAR 'GYUR BA LA RVA LA SOGS PA'I TSOGS LAS THA DAD PA'I BA LANG NI MED DE 'DI NI RTOG PA TZAM DU ZAD DO, ,CI STE YANG SNAL MA 'DI DAG LA SNAM BU'O SNYAM PA'I SHES PA NI 'BYUNG BA KHO NA ZHE NA, DE NI MA YIN TE, SNAL MA 'DI RNAMS KYIS SNAM BU, ,'DI ZHES SNAL MA 'DUS BYAS LAS, ,PHYIS BYUNG 'BRAS BUR BRJOD YIN GYI, ,JI LTA BUR YANG DUS GCIG MIN, ,SNAL MA'I SGRA NI SNGAR SNAM BU MED PA'I GNAS SKABS KYI KHYAD PAR LA 'JUG PAR 'GYUR LA DE'I PHYIS 'BYUNG BA'I GNAS SKABS KYI KHYAD PAR NI SNAM BU YIN NO, ,DE'I SNAL MA DE DAG GI SNAM BU 'DI BYAS SO ZHES DE'I PHYIS 'BYUNG BA LA 'BRAS BUR BSNYAD PA YIN GYI SNAL MA DANG DUS MTSUNGS PA NI MA YIN NO, DES NA GANG LAS RTEN DANG BRTEN PA'I DNGOS PO YIN, DUS THA DAD PA DAG NI RTEN DANG BRTEN PA'I DNGOS PO MA YIN GYI; RGYU DANG 'BRAS BU NYID DAM 'BREL PA MED PAR 'GYUR BA 'BA' ZHIG TU ZAD DO, ,DE'I PHYIR RTEN DANG BRTEN PA'I DNGOS PO YANG TSOGS PA GCIG LA RAG LAS PA NYID KYIS NA RGYU DANG 'BRAS BU'I DNGOS PO'I KHYAD PAR NYID, TSOGS PA GCIG LA RAG LAS PA'I KHAR GZHONG DANG DE LA BRTEN PAR 'DOD PA DAG KHO NA LA DE LTAR THA SNYAD BYED PA'I PHYIR RO, ,GNAS PA NI DE'I RANG BZHIN KHYAD PAR LAS GZHAN MA YIN NO, ,SNAL MA DANG SNAM BU DAG LA RTOGS PA 'DI YANG YOD PA MA YIN NO, ,DES NA RNAM PA CI ZHIG LTAR RNAM PAR BRTAGS PA 'BA' ZHIG TU ZAD KYI RTEN DANG BRTEN PA'I DNGOS PO NI MA YIN TE THA DAD PA MED PA'I PHYIR RO, ,SNAM BU'I GNAS SKABS NA NI SNAL MA YOD PA MA YIN NO, ,GAL TE THA DAD PA MED NA SNAM BU'I GNAS SKABS SNAL MA MED PA'I PHYIR SNAL MA DE DAG NI 'DI YIN NO ZHES SHES PA 'AM SNAM BU 'DI ZHES BYA BAR JI LTAR 'GYUR ZHEN, DE NI MA YIN TE, DON NI MA YIN TE, DON DAM PAR NI DE LA GNYIS YOD PA MA YIN NO, ,'DI LTAR, 'GA' YIS RGYU SGRO BTAGS PA 'AM, ,SGRA YI RTEN NI STON PA NA, ,SNAL MA GCIG NI BKAR BYAS PAS, ,'BRAS LA SNAL MA ZHES 'JUG 'GYUR, ,SNAM BU NI SNAL MA DAG GI 'BRAS BU YIN PAS DE'I TSE SNAL MA YOD PA MA YIN NO, ,SNAL MAR SHES PA NI RGYU'I RANG BZHIN SGRO BTAGS PA LAS YIN GYI DON DAM PAR NI MA YIN NO, ,'DI

, ,LTAR 'DI SNAL MA YIN NO SNYAM PA'I SHES PA NI SNGA MA DRAN PA YOD NA 'GYUR RO, ,YANG NA GCIG BKAR BA LAS YIN TE, SNAL MA RE RER BKAR NA SNAM BU ZHES BYA BA YOD PA MA YIN TE, DMAG DANG NAGS LA SOGS PA LTAR DE DAG NI TSOGS PA NYID SNAM BU'I THA SNYAD RTEN YIN NO, ,SNAM BU NI KUN RDZOB TU YOD PA NYID DO, DES NA RTEN DANG BRTEN PA'I DNGOS PO NI BRTAGS PA YIN NO, ,GAL TE SNAM BU ZHES BYA BA MED PA YIN NA JI LTAR SNAM BU'I SGRA 'JUG PA STE RGYU MTSAN MED PAR SGRA 'JUG PA NI MED DO ZHE NA, 'DI LA LAN DU, PHAN GDAGS PHAN 'DOGS BYED NYID DAM, ,RNAM PAR CHAD MED SNANG BA NYID, ,SNAM BU'I THA SNYAD KYI RGYU MTSAN YIN NO ZHES KHA BSKANG NGO, ,DE LA PHAN GDAGS BYA DANG 'DOGS BYED NYID DE, SNAL MA DE DAG NYID PHAN TSUN PHAN PAR BYA BA DANG PHAN PAR BYED PA'I DNGOS PO RNAM PAR GNAS PA'AM, LDAN PA'I KHYAD PAR LAS, BGO BA LA SOGS PA 'DOD PA'I DON BYA BA NYE BAR BSKYED PA NI SNAM BU LA SOGS PA'I THA SNYAD BRTEN PA YIN PA'I PHYIR RO, ,DE DAG GI PHAN PAR BYA BA DANG PHAN PAR BYED PA'I DNGOS PO DE NI SNAM BU ZHES BSTAN PAR BYA BA YIN NO, ,JI LTAR THAG BZANGS DANG SNAS LA SOGS PAS PHAN BTAGS PA DANG 'BRAL BA RNAM PAR CHAD PA'I SNAL MA DAG BRTZAL BA MED PAR PHAN TSUN GYIS PA DE BZHIN DU SNAM BU'I GNAS SKABS NA NI MA YIN TE, DE'I PHYIR RNAM PAR CHAD PA MA MTHONG BA NI 'DI'I RGYU MTSAN YIN PA'I PHYIR THA SNYAD NYID LAS DON GZHAN BRTAG PAR BYA BA MA YIN NO, ,DON RTOGS PA'I RGYU MTSAN NI TSAD MA YIN TE, THA SNYAD NI PHAL CHER GZHAN DU YANG 'JUG PA YIN NO, ,GAL TE THA SNYAD KYI RGYU MTSAN GZHAN MED NA DE LTAR GYUR NA NI 'O NA SNAM BU'I THA SNYAD DNGOS MA YIN PAR 'GYUR TE, KHUR BU BA LA BA LANG DU BSNYAD BA BZHIN NO, ,KHUR BU BA LA GTZANG SBRA CHUNG BA LA SOGS PA RGYU MTSAN YOD KYANG DE LAS THA SNYAD PA'I BA LANG NYID KYI SPYI MED PA'I PHYIR BA LANG NYID KYI THA SNYAD KYI DNGOS PO MA YIN PA DE BZHIN DU, PHAN GDAGS BYA 'DOGS BYED LA SOGS PA'I RGYU MTSAN CAN GYI SNAM BU'I THA SNYAD 'GYUR RO ZHE NA, 'DI LA LAN GLON PA NI, 'KHRUL MED CAN SHES DANG PO YI, ,BRDA YI SPYOD YUL GANG YIN DNGOS, ,DANG PO'I BRDA'I YUL GANG YI PA DE NI DNGOS PO YIN TE, DANG PO'I BRDA'I YUL YIN PA NYID KYIS 'KHRUL PA MED PAR SHES PA'I PHYIR RO, ,GANG ZHIG BRDA'I YUL GYI DNGOS PO DANG CHOS

MTSUNGS PA NA DE NYID DU LHAG PAR ZHEN NAS ZHUGS PA DE NI DE'I DNGOS PO MA YIN TE 'KHRUL PA'I BLO'I YUL YIN PA'I PHYIR RO, ,SNAL MA'I TSUL MED NA 'DRA BA LAS GZHAN PA'I CHOS KYI RJES SU 'BRANGS BAS SHES PA LA 'KHRUL PA YIN PA DE, DE'I RJES SU MA 'BRANGS PAR NI DE DANG 'DRA BAR 'GYUR BA MA YIN NO, ,DE'I PHYIR DNGOS DANG BTAGS PA'I DBYE BA LAS NI SNAM BU LA SOGS PA'I SGRA RNAMS KYI RGYU MTSAN GZHAN YIN PAR MI 'GRUB PO, ,CI STE RIGS LA SOGS PA'I RJES SU DPAG PAS SGRUB PA YIN TE, 'DI LTAR, DE YI NGO BOR GZHAN SHES PA, ,DE MTSUNGS RGYU MTSAN LAS YIN TE, ,DPER NA DBYIG CAN SNYAM SHES PA, ,MTSUNGS PA'I DBYIG PA LAS YIN BZHIN, ,MTSAN NYID MI MTHUN SKYES BU LA SOGS PA LA YANG DBYIG PA CAN NO SNYAM PA'I MTSUNGS PAR RTOGS PA NI MTSUNGS PA'I RGYU MTSAN CAN YIN NO, ,KHRA BO LA SOGS PA MTSAN NYID MI MTHUN PA DAG LA BA LANG NGO SNYAM PA'I BLO DE LA YANG BA LANG NYID RGYU MTSAN YIN TE, DBYIG PA BZHIN NO ZHE NA 'DI NI LAN DU MI RUNG STE, 'DI LTAR, DNGOS PO LAS NI THA DAD CAN, RIGS SOGS LA NI RJES DPAG MED, ,DBYIG PA CAN SOGS THAMS CAD LA, ,KUN RDZOB PA LAS THA SNYAD 'DOGS, ,GAL TE KUN RDZOB PA'I MTSUNGS PA'I RGYU MTSAN LA BRTEN NAS KHRA BO LA SOGS PA LA BA LANG LA SOGS PA'I SHES 'JUG PA YIN NA NI DE'I TSE GRUB PA NYID DO, ,'DI LTAR DBYIG PA CAN NO ZHES BYA BA'I SHES PA LA YANG DBYIG PA NI RGYU MTSAN MA YIN TE, DE LTA MA YIN NA THAMS CAD DBYUG PA CAN DU THAL BA'I PHYIR RO, ,'ON TE 'BREL PA LAS 'GYUR BA YIN NO ZHE NA, 'BREL PA YANG 'BREL PA CAN NO SNYAM DU SHES PA LAS RTOGS PA YIN NO, ,DE LA YANG 'BREL PA GZHAN RTOGS NA NI THUG PA MED PAR 'GYUR RO, ,CI STE 'BREL PA GZHAN MED PAR 'BREL PA CAN NO ZHES NA DE LTA YIN NA NI 'BREL PA YANG BRTAGS PA NYID DO, ,DES NA DBYIG PA CAN NO SNYAM PA'I SHES PA NI KUN RDZOB PA'I RGYU MTSAN KHO NA LAS YIN NO, ,DE NYID 'BREL PA YIN PA'I PHYIR THAMS CAD MTSUNGS SO, , CI STE DBYIG PA DANG 'BYOR PA NYID NI BDEN PA KHO NA YIN GYI KUN RDZOB PA NI MA YIN NO ZHE NA, DE YANG MI BDEN TE, DE LAS THA DAD PA'I 'BYOR BA MED PA'I PHYIR RO, ,GNYIS PO TZAM NYID 'BYOR BA YIN NA NI, JI LTAR SKYES BU DBYIG PA CAN ZHES BYA BA DE BZHIN DU DBYIG PA SKYES BU CAN ZHES BYA BAR YANG 'GYUR RO, ,YANG NA GNYIS PO TZAM

, ,ZHIG SNANG BA YIN NA, 'DI DAG PHAN TSUN 'BYOR PA YIN NO ZHES BYA BA'I RTOGS PAR 'GYUR GYI, DE DAG KHYAD PAR DANG KHYAD PAR CAN GYI DNGOS POR NI MI 'GYUR RO, ,CI STE DBYIG PA NI PHAN 'DOGS PAR BYED PA YIN PAS GTZO BO MA YIN NO ZHE NA, DE LTA YIN NA KUN RDZOB PA'I PHAN 'DOGS PAR BYED PA DE NYID DE LA RGYU MTSAN YIN NO, ,DE YANG MNGON SUM LA SNANG BA NI MA YIN TE, DE'I PHYIR DE'I KHYAD PAR CAN GYI RTOGS PA NI DBANG PO LAS BYUNG BA MA YIN NO, ,CI STE YANG KHYAD PAR GYI NGO BO NI KUN RDZOB PA YIN GYI, KHYAD PAR DBYIG PA NYID NI DON DAM PA KHO NA YIN PA DE BZHIN DU BA LANG NYID LA SOGS PA YANG YIN NO ZHE NA MA YIN TE; THA DAD PAR MNGON SUM GYI GZUNG BA'I PHYIR DBYIG PA NI DON DAM PAR 'GYUR GYI, RIGS LA SOGS PA NI DON DAM PAR 'GYUR BA MA YIN NO, ,'PHROD PA 'DU BAS THA DAD PAR 'DZIN PAR MI 'GYUR RO ZHE NA, 'PHROD PA 'DU BA NYID CI'I PHYIR THA DAD PAR MI SNANG, 'PHROD PA 'DU BA GZHAN DAG LAS SO ZHE NA, THUG PA MED PAR 'GYUR RO, ,GZHAN YANG, DER YANG DON DAM PA YI NI, ,DON GYI 'BREL PA YOD PA NYID, ,BZHO DAG LA LA SOGS 'BRAS BU NI, ,DON DAM NYID KYIS DER 'GYUR RO, ,JI LTAR DON DAM PA'I DBYIG PA NYID DBYIG PA CAN NI SNYAM DU MTSUNGS PAR RTOGS PA'I RGYU MTSAN YIN PA, DE KHO NA LTAR DGAL BA LA SOGS PA'AM RVA LA SOGS PA NI BA LANG NYID LA SOGS PA'I RGYU MTSAN YIN NO, ,RVA LA SOGS PA NI THA DAD PA YIN NO ZHE NA, DBYIG PA LA SOGS PA YANG THA DAD PAR MTSUNGS PA'I PHYIR, MTSUNGS PA YANG THA DAD PA YIN PA'I PHYIR JI LTAR DBYIG PA CAN ZHES BYA BA DPER 'GYUR, DE'I PHYIR THA DAD PA NYID LA THA MI DAD PAR RTOGS PA YIN NO, , DAG LA SOGS 'BREL PA LAS GZHAN PA'I, ,RIGS NI 'GAR YANG MTHONG BA MED, ,DE DAG RNAMS LA BA LANG NYID, ,CI ZHES PA 'DI RVA SOGS STON, ,JI LTAR BRAM ZE LA SOGS PA'I RIGS 'DRI NA, RUS DANG 'DON PA LA SOGS PA STON GYI RIGS NI MA YIN PA DE BZHIN DU BA LANG NYID LA YANG BZHO BA DANG DGAL BA LA SOGS PA STON GYI TSAD MA'I YUL DU GYUR PA'I RIGS GZHAN YOD PA NI MA YIN NO, ,DES NA DNGOS SU THA SNYAD KYI YUL DU GYUR PA DON DAM PA'I RGYU MTSAN NI GANG DU YANG YOD PA MA YIN PA'I PHYIR RIGS DON DAM PA MA YIN NO, ,RIGS NI THA SNYAD KYI YUL NYID DU 'DOD PA YIN NO, ,DE NI KUN RDZOB PA KHO NAS 'GRUB PA'I PHYIR RIGS NI

DON MED DO, ,GZHAN YANG GAL TE THAMS CAD DU THA SNYAD DON DAM PA'I RGYU MTSAN LA BRTEN NAS 'JUG PA YIN NA, DE'I TSE DE LA LTOS PA MED PA'I SGRA MED PAR 'GYUR NA, MTHONG BA YANG YIN TE, GANG GI PHYIR, DNGOS PO KHANG BZANGS PHRENG SOGS KYI, ,SGRA YANG GZHAN LA LTOS PA MIN, ,TSIG GI DON DRUG PO DAG LA DNGOS POR THA SNYAD 'DOGS PA YIN PA DANG, KHANG BZANGS RNAMS LA KHANG BZANGS KYI PHRENG BA LA SOGS PA'I THA SNYAD GANG YIN PA DE NI RGYU MTSAN GZHAN LA LTOS PA MA YIN NO, ,RDZAS LA SOGS PA'I TSIG GI DON RNAMS LA NI DNGOS PO NYID CES BYA BA GZHAN YOD PA MA YIN NO, ,RE ZHIG DNGOS PO NYID RDZAS NI MA YIN TE RDZAS NI YON TAN LA SOGS PA RNAMS LA 'DU BA'AM LDAN PAR 'GYUR BA MA YIN NO, ,KHANG BZANGS KYANG RDZAS NYID NI MA YIN TE, RIGS MI MTHUN PAS MI RTZOM PA'I PHYIR RO, ,LDAN PA NYID DU 'GYUR GRANG NA, DE LA BSHAD PA NI, GAL TE KHANG PA LDAN PA YIN DU CHUG NA 'DIR PHRENG BA CI ZHIG YIN, DE SMRAS PA NI, GAL TE KHANG PA LDAN YIN YANG, ,DE PHRENG DE NI CI ZHIG YIN, ,RDZAS MA YIN LA YON TAN DANG LAS KYANG MA YIN TE, RDZAS NI YON TAN LA MED PA'I PHYIR RO, ,DE NYID KYI PHYIR YON TAN YANG MA YIN NO, ,LAS KYANG MA YIN TE LAS NI RDZAS LA BRTEN PA YIN PA'I PHYIR RO, ,'DU BA DANG KHYAD PAR YANG MA YIN TE, DE'I 'BRAS BU MED PA'I PHYIR RO, ,GAL TE RIGS NI YON TAN LA YANG YOD PA'I PHYIR RIGS YIN PAR 'GYUR RO ZHE NA, DE'I PHYIR BSHAD PA, RIGS NI RIGS LA MTSUNGS PA YI, ,THA SNYAD DON DU BRTAGS PA NYID, ,DER YANG 'DI YI THA SNYAD KYI, ,RGYU MTSAN RIGS GZHAN YIN PAR 'GYUR, ,DE YANG RIGS GZHAN DAG NYID LAS; ,RIGS SU BSNYAD PA'I YUL DU 'GYUR, ,DE PHYIR RTOGS PA MTHA' MED PAS, ,RTOGS PA 'THAD PA MA YIN NO, ,DE'I PHYIR PHRENG BA LA SOGS PA'I SGRA 'JUG PA NI DE'I RGYU MTSAN CAN MA YIN NO, ,GZHAN YANG, GAL TE RIGS YIN KHA CIG KYANG, ,SHING BZHIN PHRENG ZHES BRJOD PAR 'GYUR, ,JI LTAR DAL BA LA SOGS PA GCIG KYANG SHING GI RIGS DANG LDAN PAS SHING DU BRJOD PA DE BZHIN KHYIM GCIG LA YANG PHRENG BAR BRJOD PAR 'GYUR TE, RIGS NI RE RE LA YANG THA SNYAD BYED PA'I RGYU MTSAN YIN PA'I PHYIR RO, ,CI STE PHRENG BA NI DBYIBS KYI KHYAD PAR YIN TE, PHYOGS GCIG TU MNGON DU PHYIN PAR GNAS PA'I DNGOS PO NI PHRENG BA'I

, ,THA SNYAD BRTEN PA YIN NO ZHE NA, DBYIBS DE YANG RDZAS LA SOGS PA LAS THA DAD PA NI MA YIN TE, DE LTAR KHAS LEN NA TSIG GI DON BDUN PA GZHAN DU THAL BAR 'GYUR BA'I PHYIR RO, ,DE'I NANG DU 'DUS PA LA NI NYES PA BRJOD ZIN TO, ,GAL TE PHRENG BA RIGS YIN NO ZHE NA, DE'I TSE PHRENG BA MANG PO LA, 'DI DAG NI, PHRENG BA'O ZHES DE YI SGRA, ,JI LTAR RIGS LA RIGS MED PHYIR, ,RIGS LA NI RIGS KHAS LEN PA MA YIN NO, ,KHAS LEN NA YANG DE LA YANG RIGS SO ZHES NYE BAR BSNYAD PA'I RGYU MTSAN DU 'GYUR DGOS SO, ,RIGS RGYU MTSAN YIN NA NI, DE LA YANG RIGS GZHAN YOD PAR 'GYUR BAR MI 'THAD DO; ,'DI LTAR PHRENG BA LA SOGS PA LA PHRENG BA CHEN PO ZHES BYA BA LA SOGS PA CHEN PO NYID KYI THA SNYAD GANG YIN PA DE JI LTAR 'GYUR BA YIN, YON TAN CHEN PO NYID NI RDZAS LA 'DU BA'I PHYIR RO, ,PHRENG BA LA SOGS PA NI RDZAS MA YIN NO, ,NYE BAR BTAGS PA'I PHYIR RO ZHE NA, DE NI MI BDEN TE, 'DI LTAR, PHRENG SOGS LA NI CHEN PO SOGS, ,NYER BTAGS LAS 'DOD GANG YIN PA, ,DNGOS DANG KHYAD MED RNAMS SHES KYI, ,GZUNG BYA YIN PHYIR NYER BTAGS MIN, ,PHRENG BA LA SOGS PA DAG LA CHEN PO NYID NYE BAR BTAGS PA YIN NO ZHES BYA BA 'DI GA LAS YIN, 'DI NYE BAR BTAGS PA NYID DU RTOGS PA NI MED DO, ,DE LTAR RTOGS PA MA YIN PA LA NI DE LTAR KHAS BLANG BAR NUS PA MA YIN TE, KHAS LEN PA NI RTOGS PA'I RGYU MTSAN CAN YIN PA'I PHYIR RO, ,CHEN PO NYID DON GZHAN DU GYUR PA MED PA'I PHYIR RO ZHE NA, DE MED PA NYID GA LAS MED PAR GRUB NA DE'I PHYIR NYE BAR BTAGS PA YIN LA NYE BAR BTAGS PA YIN PA NA YANG MED PA YIN PA'I PHYIR, 'DI NI PHAN TSUN RTEN PA'I SKYON YIN NO, ,RDZAS MA YIN PA'I PHYIR CHEN PO NYID RDZAS KYI CHOS NI PHRENG BA'I MA YIN NO ZHE NA MA YIN TE, RDZAS MA YIN PA NYID DU MA GRUB PA'I PHYIR RO, ,BYA BA DANG YON TAN CAN 'DU BA CAN GYI RGYU NI RDZAS YIN PA'I PHYIR RDZAS KYI MTSAN NYID YOD PA YIN NO, ,BYA BA CAN NYID MA YIN PA'I PHYIR RO ZHEN MA YIN TE, BSDUS PA NI MTSAN NYID MA YIN PA'I PHYIR RO, ,NAM MKHA' LA SOGS PA NI BYA BA DANG LDAN PA NYID MA YIN NO, ,LA LAR NI BYA BA CAN LA SOGS PA BSDUS PA MTSAN NYID YIN LA, LA LAR NI 'GA' ZHIG YIN PA'I PHYIR RO, ,GAL TE RNAM PAR DPYAD NA CHEN PO NYID DON DAM PAR MED PA'I PHYIR RDZAS MA YIN NO ZHE NA, RTOGS PA YOD PA'I PHYIR MED DO

ZHES BYA BA 'DI GA LAS YIN, RTOGS PA NI GTZO BOR 'GYUR BA LAS MED PAR GRUB NA DE'I PHYIR NYE BAR BTAGS PA YIN LA NYE PHYIR RO, ,GAL TE GTZO BO DANG KHYAD PAR MED PA CAN YANG GTZO BO MA YIN PA NYID YIN NA NI GTZO BO MA YIN PA'I RNAM PAR DBYE BA MED PAR 'GYUR RO, ,DES NA KHYAD PAR MED PA'I PHYIR THAMS CAD NI GTZO BO YIN PA'AM, YANG NA 'GA' YANG MA YIN PAR 'GYUR RO ZHES BYA BA 'DI NI RIGS PA YIN NO, ,DE'I PHYIR PHRENG BA LA SOGS GZHAN GYI RDZAS LA SOGS PA RNAM PAR GZHAG PA BYAS BA 'DI NI LEGS PA MA YIN NO, ,PHRENG BA ZHES PA SHING LA SOGS PA LAS THA DAD BA NI CUNG ZAD KYANG DMIGS PA MED DE, 'DI NI GNAS PA'I KHYAD PAR LAS RTOGS PA TZAM YIN NO, ,DE'I PHYIR PHRENG BA LA SOGS PA LA CHEN PO LA SOGS PA'I SGRA NI NYE BAR BTAGS PA MA YIN ZHING GTZO BO NYID KYANG MA YIN NO, ,RE ZHIG GTZO BO NYID NI MA YIN TE, RGYU MTSAN DON GZHAN MED PA'I PHYIR RO, ,NYE BAR BTAGS PA YANG MA YIN TE, NYE BAR BTAGS PA'I RGYU MTSAN MED PA'I PHYIR RO, ,DPER NA ME TOG RGYAS PA'I NAGS ZHES DON GCIG LA 'DU BA LAS NAGS LA ME TOG RGYAS PAR NYE BAR BTAGS PA YIN TE, NAGS DANG ME TOG RGYAS PA DAG NI SHING RNAMS LA 'DUS PA YIN PA'I PHYIR RO, ,DNGOS SU MNGON PAR 'DOD PA LA'ANG, ,RGYU GZHAN MIN PA NYID DE MTSUNGS, , DRUG RNAMS LA NI TSIG DON SGRA, ,RGYU GZHAN GANG LA LTOS PAR MTHONG, ,RGYU GZHAN DANG LDAN PA NI GTZO BO YIN LA RGYU GZHAN MED PA NI PHAL BA YIN NO ZHES GANG BSHAD PA DE NI SRID PA MA YIN TE, GANG GI PHYIR DBYIG PA CAN ZHES BYA BA DE LTA BU LA SOGS PA GTZO BOR MNGON PAR 'DOD PA GANG YIN PA DE DAG LA YANG RGYU GZHAN YOD PA MA YIN TE, DBYIG PA CAN LA SOGS PA YANG KUN RDZOB PA NYID DO ZHES DA LTAR KHO NA BSHAD PA YIN NO, ,DRUG PO RNAMS LA TSIG GI DON GYI SGRA 'JUG PA YANG RGYU GZHAN GANG ZHIG LA LTOS PA YIN, RDZAS LA SOGS PA 'JUG PA NA RANG GI NGO BO NYID 'JUG PA'I MTSAN NYID NI RGYU MTSAN GZHAN MED PA NYID DBANG MED DU 'ONGS PA YIN NO, ,CI STE RGYU MTSAN MED PAR 'JUG PA'I TSIG GI DON GYI SGRA DE NI DE GTZO BOR ZHES BYA BAR RIGS PA YIN GYI, ,CHEN PO LA SOGS PA'I SGRA GANG YIN PA DE NI YON TAN RGYU MTSAN CAN YIN PAS, GANG LA RGYU MTSAN MED PAR 'JUG PA DE LA GDON MI ZA BAR PHAL PA YIN NO, ,DE'I PHYIR DON YOD PA NI GTZO BO YIN LA, GZHAN NI

, ,PHAL PA YIN NO ZHE NA, DE YANG MI BDEN TE, 'DI LTAR, JI LTAR GRAGS LAS GRUB GANG YIN, ,DNGOS DANG DE DANG MTSUNGS PA'I PHYIR, ,GANG LA DE SKAD BRJOD PHAL PA, ,DNGOS LA'ANG DNGOS MED BTAGS PHYIR RO, RGYU MTSAN YOD DAM GZHAN DU RUNG STE GRAGS PA LAS GZHAN DU'ANG 'JUG PA NI GTZO BO NYID YIN LA, DE DANG MTSUNGS PA LA LTOS NAS GANG DU DE LTAR 'JUG PA DE LA NI GTZO BO MA YIN PA YIN TE, BU LA SOGS PA'I DNGOS PO LA YANG MED PA NYE BAR BTAGS PA MTHONG BA'I PHYIR RO, ,DON YOD PA NYID DAM, GZHAN DU YANG RUNG STE, GTZO BO NYID KYI RGYU NI GRAGS PA KHO NA YI NA NI, ,DE LTA MA YIN NA PHYIN CI LOG TU MTHONG NGO, ,RGYU MTSAN MED PA NI GZHAN DU 'GYUR BA NA NYE BAR BTAGS PA'I RGYU MTSAN YIN NO, ,TSIG GI DON GYI SGRA RGYU MTSAN MED PA NYID DE NI DE KHO NA LTAR GTZO BOR GYUR PA YIN PA DE LTA NA NI, 'O NA RGYU MTSAN DANG LDAN PA NYID DNGOS KYI RGYUR MI 'GYUR TE, DE MED KYANG YOD PA'I PHYIR RO, ,GANG ZHIG GANG MED KYANG 'BYUNG BA DE NI DE'I RGYU MTSAN CAN MA YIN TE, RGYU DANG 'BRAS BUS NI RJES SU 'GRO LDOG GI MTSAN NYID CAN YIN PA'I PHYIR RO, ,RGYU MTSAN NI RGYU YIN LA RGYU MTSAN CAN NI 'BRAS BU YIN NO, ,GAL TE GRAGS PA DE NYID SGRA 'JUG PA'I RGYU MTSAN MED PAR JI LTA ZHE NA, DE YANG MI BDEN TE, 'DI LTAR, GRAGS PA BRDA YI RJES 'GRO CAN, ,DE YANG BRJOD 'DOD RJES 'GRO CAN, ,THA SNYAD DON DU BYAS PA'ANG STE, ,SDEB SBYOR MING DANG SGRA CHA BZHIN, ,GANG LA BRDA ZHUGS PA DE NI GRAGS PA'I DON YIN LA, BRDA YANG SMRA BA PO'I 'DOD PA DANG 'BREL PA YIN NO, ,SGRA 'JUG PA'I RGYU MTSAN YOD DO ZHE NA, SMRA BA'I 'DOD PA MED PAR SGRA 'JUG PA NI MA YIN NO, , 'JUG PA'I RGYU MTSAN MED KYANG 'DOD PAS 'JUG PA NI MTHONG BA KHO NA STE, DPER NA SKYES BU LA SENG GE LA SOGS PA MING 'JUG PA BZHIN NO, ,DES NA 'DOD PA LA RANG DBANG DU GYUR BA'I PHYIR, DE NYID 'JUG PA'I RGYU MTSAN NO ZHES BYA BAR RIGS SO, ,DE NYID RGYU MTSAN MED PAR CI'I PHYIR BRDA'I SGO NAS SGRA 'JUG PAR BYED CE NA, RGYU MTSAN LA YANG CI'I PHYIR 'JUG ,THA SNYAD KYI DON DU'O ZHE NA THA SNYAD DE NI 'JUG PA'I RGYU MTSAN MED KYANG MTSUNGS PA YIN NO, ,THA SNYAD KYANG DON BYED PA'I YUL CAN YIN LA, RGYU MTSAN MED PA DON BYED PA MED PAR GYUR PA NI MA YIN NO, ,RGYU MTSAN MED NA MI 'GYUR TE, BRAM ZE LA SOGS PA'I RIGS MED PAR DON BYED PAR

NUS PA NI MA YIN NO ZHE NA MA YIN TE, DE LA TSAD MA MED PA'I PHYIR RO, ,RIGS 'GA' ZHIG YOD DO ZHES BYA BA'I TSAD MA NI MED DO, ,RJES SU 'GRO BA DANG LDOG PA DAG LAS RANG BZHIN JI SNYED CIG NUS PAR MTHONG BA DE TZAM KHO NA CIG NYE BAR SBYOR BA DANG LDAN PA ZHES BYA BAR RIGS TE, DE LTA MA YIN NA HA CANG THAL BA'I PHYIR RO, ,DE'I PHYIR RGYU MTSAN MED KYANG THA SNYAD KYI DON DU BRDA BYED PA YIN TE, DPER NA SDEB SBYOR DANG SGRA LA PHRENG BA 'DZIN PA LA SOGS PA'I MING DANG RANG BZHIN LA SOGS PAR BRDA RA BTAGS PA BZHIN NO, ,DE LA NI RGYU MTSAN 'GA' ZHIG YOD PA MA YIN TE, PHRENG BA 'DZIN PA DANG RANG BZHIN LA SOGS PA DAG NI JI LTAR 'DOD PAR RTOGS PA'I PHYIR RO, ,YI GE'I RIM PA LA NI RGYU MTSAN CUNG ZAD KYANG YOD PA MA YIN TE, DE LTA MA YIN NA BRDA MA BZUNG BAS KYANG RTOGS PAR THAL BA'I PHYIR RO, ,GANG ZHIG RTOGS PA YOD PA DE LA BRDA CI ZHIG BYA, BRDA GSAL BAR BYED DO ZHEN MA YIN TE, RTOGS PA MED NA DE NYID MED PA'I PHYIR RO, ,MA RTOGS PA LA NI BRDA YOD PA MA YIN NO, ,BRDA NYID KYIS RTOGS PAR BYED DO ZHE NA, PHAN TSUN BRTEN PA'I NYES BAR THAL BA'I PHYIR RO, ,JI SRID DNGOS PO MTHONG MED PAR, ,DE LA BRDA 'JUG YOD MA YIN, ,BRDA ZHUGS PA NI MED NA YANG, ,MTHONG BAS SRID PAR GA LA 'GYUR, ,RANG BZHIN LA SOGS PA DAG NI RNAM PAR GNAS PA'I RANG BZHIN MA YIN NO, ,'DI LTAR KHA CIG NI YOD PA LAS ZHES BYA BA 'DI KHAMS SU BYAS TE, DE'I 'OG TU AA tA GLO BUR DU 'ONGS PAR BYED LA GZHAN DAG NI YOD PA LA AA SA KHAMS SU BYAS NAS DANG PO'I AA PHYIS TE, SANTI ZHES BYA BAR BYED PA YIN NO, ,DE'I PHYIR RNAM PA 'DI LTA BU'I YUL LA THA SNYAD TZAM GYI DGOS PAS BRDAR BTAGS PA YIN GYI RGYU MTSAN GZHAN YOD PAS NI MA YIN NO, ,'DOD PA DANG RJES SU 'BREL PA CAN GYI BRDA NI RGYU MTSAN CAN YOD PA KHO NA LA 'GYUR BA YANG MA YIN TE, 'KHRUL PA MTHONG BAS 'KHRUL PA'I PHYIR RO, ,DE'I PHYIR DNGOS PO DANG KHANG BZANGS LA SOGS PA'I SGRA NI DNGOS POR GYUR PA THA DAD PA'I DON GYI RGYU MTSAN CAN MA YIN TE, DES NA THA SNYAD MTSUNGS PA MTHONG BA LAS SPYI BRTAG PAR BYA BA NI MA YIN NO, ,'O NA JI LTAR BLO DANG SGRA DAG RJES SU 'GRO BA YIN ZHE NA, SMRAS PA, DNGOS PO LA SOGS RJES SU 'GRO BA YOD PA LAS SHES PA RJES SU 'GRO BA NI MA YIN GYI, 'ON KYANG BAG CHAGS KYI SA BON RAB TU SAD PA RJES SU 'GRO BA YIN TE, DPER NA MI SDUG PA'I DNGOS PO

, ,LA YANG GOMS PA LAS SDUG PA NYID RJES SU 'GRO BA BZHIN NO, ,'DI LTAR, THA SNYAD KYANG GANG DNGOS CHOS KYI, ,DE 'DRA'I RNAM SHES RGYU YI NI, ,DON DE DAG LA SHES PA DES, ,DE LTAR RTOGS PAR 'GYUR BA YIN, ,THA DAD THA DAD MIN BAR NI, ,RTOG LA SHES PA'ANG DE BZHIN NO, ,DE PHYIR DE 'BRAS MED BRAL BA, ,RJES 'GRO DNGOS GCIG YOD MA YIN, ,GANG GIS BAG CHAGS SAD PA'I RIM PAS, THAMS CAD LA RNAM PA GCIG TU RTOGS PA'I SHES PA SKYED PAR BYED PA'I DNGOS PO RNAMS NYID KYIS RNAM PA DE LTA BU'I SHES PA SKYED PAR BYED PA YIN TE, BDE BA LA SOGS PA'I TSOR BA BZHIN NO, ,BDE BA LA SOGS PA'I RNAM PAR SHES PA LA NI, DON LA BRTEN PA'I RGYU MTSAN BDE BA ZHES BYA BA YOD PA MA YIN TE, DE LTA BU'I NYID YIN NA SDUG BSNGAL MI SKYE BAR THAL BA'I PHYIR RO, ,DE LTA BU NYID MA YIN PA'I YANG YOD DO ZHE NA, DE LTA NA RANG BZHIN GNYI GA RTOGS PAR THAL TE, KHA DOG DANG DBYIBS RTOGS PA BZHIN NO, ,CI STE MA MTHONG BAS GEGS BYAS PAS DE LTA MA YIN NO ZHE NA, DE LTAR GYUR NA NI MA MTHONG BA KHO NAS DE LTA BUR GYUR PA' RTOGS PA NYID SKYED PAR CI STE MI 'DOD, MA MTHONG BA NI NGES PAR BYED PA YIN GYI SGRUB PAR BYED PA NI MA YIN NO ZHE NA, MA YIN TE, TSAD MA MED PA'I PHYIR RO, ,SGRUB PA DANG NGES PAR BYED PA DAG SRID NA, SGRUB PA NYID MCHOG YIN TE, NGES PAR BYED PA NI RTOG PA DU MA'I RTEN DU 'GYUR BA'I PHYIR RO, ,'DI LTAR, BDE BA LA SOGS PA DANG LDAN PA NYID DON YIN PAR BRTAG GAM, 'ON TE GZHAN DU YIN MTHONG BA BA YIN PAR RTOGS PA LA NI MTHONG BA'I RTOGS PA 'BA' ZHIG TU ZAD, DE'I PHYIR THA DAD PAR GYUR PA NYID 'GA' ZHIG LA THA DAD PAR 'DZIN PA YIN NO, ,DE RJES SU 'GRO BA NYID LAS SPYI'I DON GRUB PA'I PHYIR, BAR GYI SHA LHAG PA'I SPYIS CI ZHIG BYA, NANG GI RGYU SHES PA RNAMS KYI RGYU MTSAN YIN PAR NI GDON MI ZA BAR KHAS BLANG DGOS TE, DE LTA MA YIN NA, SPYI DANG DE'I RGYU RNAM PA GNYIS SU RTOGS PAR THAL BA'I PHYIR RO, ,'PHROD PA 'DU BAS GCIG TU 'DRES PAR GYUR PA YIN NO ZHE NA, MA YIN TE, 'PHROD PA 'DU BA YANG RNAM PA GSUM PAR RTOGS PAR THAL BA'I PHYIR RO, ,DE'I PHYIR NA DER RTOGS PAR 'GYUR BA'I NUS PA MED PA NYID NANG GI RGYU LA RAG LAS PAR KHAS BLANG BAR BYA BA YIN NO, ,DE BZHIN DU SHES PA YANG DE LA GCIG TU RTOGS PA'I SKYED PAR BYED PA YIN PA'I PHYIR,

RJES SU 'GRO BA DANG, RIGS ZHES BYA BA YIN GYI, RIGS GZHAN LAS KHAS BLANG BAR NI RIGS PA MA YIN NO, ,LHAG MA NI SKABS NYID DU BSHAD ZIN TO, ,DE'I PHYIR THA MI DAD PAR ZHEN PA 'BRAS BU CAN NYID KYIS SPYI'I THA SNYAD YIN NO, ,DE'I 'BRAS BU CAN DE NYID SPYI'I YIN NO ZHE NA, MA YIN TE, RANG GI NGO BO LAS THA DAD PA'I DE'I 'BRAS BU CAN MED PA'I PHYIR RO, ,CI STE YANG, DE LTA NA NI CHU DANG SA LA SOGS PA RNAMS LA YANG 'BRAS BU MYU GU YOD PA'I PHYIR GCIG TU RTOGS PAR 'GYUR TE, DE'I 'BRAS BU CAN DU RTOGS PA NYID NI SPYI'I SHES PA YIN PA'I PHYIR RO ZHE NA, MA YIN TE, BA LANG NYID DU RTOGS PA KHO NA DE LTAR 'GYUR RO, ,DE'I PHYIR THA DAD PA MA 'PHRIGS PA LAS SPYIR RTOGS PA YIN GYI, GZHAN DU NI MA YIN NO ZHES BYA BA 'DI GNAS PA YIN NO, ,CI STE DER SPYI NYID RTOGS SO ZHES CI STE MI 'DOD, 'DI LA SPYI YOD PA MA YIN NO ZHES BYA BA'I GNOD PAR BYED PA'I SHES PA SKYES PA NI MED DO, ,RTZOD PA'I DUB PA LA NI DGOS PA MED DO, ,JI LTAR DU MAR RTOGS PAS DUB PA DE BZHIN DU RTZOD PAS DUB PA YANG YIN PAS MTSUNGS PAR THAL LO ZHE NA, DE YANG MI BDEN TE, 'DI LTAR, RTZOD PA TZAM ZHIG 'DREN PA'I PHYIR, ,GAL TE SPYI NI RTOG BYED NA, ,MA BRTAGS GCIG PUS SPYOD YUL NI, ,KUN RDZOB YOD PA YIN PAR 'GYUR, ,SPYI NI RNAM PAR DPYAD NA YOD PA MA YIN NO, ,RNAM PAR DPYAD PA MED PAR KHAS LEN NA NI GCIG TU MA BRTAGS NA NYAMS DGA' BA YIN NO ZHES BYA BAR 'GYUR RO, ,'BRAS BU GCIG PA NYID DE NI, ,DNGOS RNAMS LA YOD DE YI PHYIR, ,DNGOS LA MNYAN PA DE MTHA' NYAN, ,DE'I 'BRAS BU MA YIN PA RNAMS LAS LOG PA 'BRAS BU GCIG PA'I MTSAN NYID CAN DE NYID NI KHRO BO LA SOGS PA RNAMS LA YOD PA YIN TE, DE'I PHYIR DNGOS PO LA 'JUG PA'I MNYAN PA NI 'JUG PA'I RGYU MTSAN DE DANG LDAN PA NYID DO, ,'O NA JI LTAR SPYI'I BLO RNAM PA DANG LDAN PAR 'GYUR TE, MA 'DRES PA LA NI RNAM PA MED PA'I PHYIR RO ZHE NA, 'DIR LAN DU, DE LAS GZHAN DANG MA 'DRES PA NI NGES PAR RNAMS PA DANG LDAN PA'I BLO DANG 'BREL PA YIN LA; DE YANG BAG CHAGS DANG 'BREL BA LAS RNAM PA DANG LDAN PA YIN NO, ,'DI LTAR BLO DE NI DE LTA BUR GYUR PA'I SHES PA SNGA MA SNGA MA LAS 'ONGS PA YIN NO, ,'DI BA LANG NGO SNYAM PA'I SHES PA LA KHRA BO LA SOGS PA LAS THA DAD PA'I GZHAL BYA GZHAN NI YOD PA MA YIN NO, ,GZHAL BYA'I RNAM PAR SNANG BA'I SHES PAS GZHAL

, ,BYA'I RNAM PA 'JOG PA YIN GYI, GZHAL BYA'I RNAM PAS STONG PA'I SHES PA TZAM GYIS NI MA YIN NO, ,GAL TE SHES PA DE THOG MA MED PA'I BAG CHAGS KYI MTHU LAS BYUNG BA YIN NA, 'O NA NI DE DANG 'BREL PA YIN PA'I PHYIR DE NYID LA MI SLU BAR 'GYUR BA YIN GYI DNGOS PO LA MI SLU BAR GO JI LTAR 'GYUR, DE'I PHYIR DE'I 'BRAS BU MED PA LAS LDOG PA YONGS SU BCAD PAR 'GYUR DGOS SO, ,DE'I 'BRAS BU CAN NYID DE LAS DE'I PHYI ROL GYI NUS PA NYID DAM, PHYI ROL GYI RANG BZHIN GYI LDOG PA NYID DO, ,DE'I RJES SU 'GRO BA NA DE NYID RIGS YIN PAS RIGS SPANGS PA MA YIN LA, DE YONGS SU BCAD PA LA YANG PHYI ROL NYID YONGS SU BCAD PAR 'GYUR RO ZHE NA, MA YIN TE, PHYI ROL GYI RANG BZHIN GYI RNAM PAR BCAD PA MED PA'I PHYIR RO, ,PHYI ROL NUS PA RNAM GCOD LA, ,REG PA MED KYANG SGRA DE NI, ,RNAM PAR RTOG PA'I GZUGS BRNYAN NI, ,DE YI MTHAR THUG RNAMS DANG 'BREL, ,DES NA GZHAN SEL MTHAR THUG PHYIR, ,MNYAN PA GZHAN SEL BYED PAR BRJOD, ,GAL TE YANG SGRA LAS SKYE BA CAN GYI RNAM PAR RTOG PA PHYI ROL GYI RANG BZHIN LA REG PA MED PA DE LTA NA YANG, RNAM PAR RTOG PA DE'I GZUGS BRNYAN NI PHYI ROL GYI MTHAR THUG PA'I NYID DE, PHYI ROL GYI SGO NAS SKYE BA'I PHYIR RO, ,BRGYUD PAS SKYE BA'I PHYIR DON LA MA REG KYANG PHYI ROL GYI MTHAR THUG PA NI MA YIN NO, ,GZHAN LAS LDOG PA'I DON GYIS BSKYED PA GZUGS BRNYAN DE YANG GZHAN LAS LDOG PA NYID DU SNANG NGO, ,SGRA LAS KYANG DE NYID THA MI THA DAD PA'I LDOG PA RTOGS PAR 'GYUR GYI, PHYI ROL DANG THA MI DAD PA NI MA YIN NO, ,DES NA GZHAN LAS LDOG PA'I RNAM PA CAN GYI RNAM PAR RTOG PA SKYED PA'I PHYIR MNYAN PA GZHAN SEL BA BYED PAR BRJOD DO, ,GZHAN LAS LDOG PA DAG LA 'JUG PAR BYED PA'I YANG PHYIR TE, PHYI ROL LA REG PA MED KYANG RNAM PAR RTOG PA DE LAS THA SNYAD BYED PA RNAMS GZHAN LAS LDOG PA DAG LA 'JUG PA'I PHYIR, GZHAN LAS LDOG PA'I YUL CAN DU BRJOD DO, ,RNAM PAR RTOG PA'I BZUNG BA BLO LAS THA DAD PAR SNANG BA MA YIN NAM, DE JI LTAR NA BLO'I RANG BZHIN NYID YIN, DE NYID LAS THA DAD PAR SNANG BA NI DE NYID DU 'GYUR BA MA YIN NO, ,LAS THA DAD PAR SNANG BA NI DE NYID DU 'GYUR BA MA YIN NO, ,THA DAD PAR SNANG BA NI THA DAD PA'I MTSAN NYID YIN TE, DE LAS GZHAN THA DAD PA'I RGYU MTSAN MED PA'I PHYIR RO ZHE NA, MA YIN TE, THA

DAD PAR SNANG BA TZAM NI MTSAN NYID MA YIN PA'I PHYIR RO, ,'KHRUL PA MED PA'I THA DAD PAR SNANG BA NI THA DAD PA'I MTSAN NYID YIN GYI GANG 'GA' ZHIG NI MA YIN NO, ,LDOG PA BZHIN DU SGRA DAG LAS, ,SHES LA DON GYI GZUGS BRNYAN SNANG, ,GANG DE'ANG DON GYI BDAG NYID MIN, ,DE 'KHRUL BAG CHAGS LAS BYUNG YIN; ,GAL TE YANG DE KHA DOG DANG DBYIBS SU SNANG BA DE LTA NA YANG DE DNGOS PO NI MA YIN GYI, 'ON KYANG DE'I GZUGS BRNYAN YIN NO, ,'GAL BA CI YOD CE NA GANG GI PHYIR DE NI BAG CHAGS KYI MTSAN NYID KYI RGYU LAS BYUNG BA YIN PA'I PHYIR RO, ,DE LTA YIN MOD, JI LTAR DNGOS POR MI 'GYUR ZHE NA, RANG GI RGYU LA RAG LAS PA'I PHYIR, RAB RIB CAN GYIS DMIGS PA'I SKRA SHAD LA SOGS PA BZHIN NO, ,CI STE BAG CHAGS KYI STOBS LAS SKYES PA YIN YANG DNGOS PO NYID DO SNYAM NA, DNGOS PO NI DE LTAR 'GYUR BA MA YIN NO ZHES BSHAD PAR BYA'O, ,'O NA BLO'I MTSAN NYID KYI DNGOS PO DE NYID SGRAS BRJOD PA YIN TE, DE NYID DNGOS POR GYUR BA'I GZHAN SEL BA YIN NO ZHES KHA CIG ZER RO, ,DE NI MI BDEN TE, 'DI LTAR, DE NI MNYAN PAS BRJOD PA NA, ,DON GYI CHA GANG RTOGS PAR 'GYUR, ,DE MA RTOGS NA DE DON CAN, ,BRDA BYED BA NI DON MED 'GYUR, ,CI NAS KYANG SGRA LAS DNGOS PO'I CHA RTOGS PAR 'GYUR BAR BYA BA'I PHYIR BRDA BYED PA YIN GYI, BLO'I GZUGS BRNYAN TZAM ZHIG RTOGS PAR BYA BA'I PHYIR NI MA YIN NO, ,DES NA BRDA BYED PA NI DON MED PAR 'GYUR TE, DE NI DNGOS PO RTOGS PAR BYA BA'I DON DU YIN PA'I PHYIR RO, ,'O NA NI GZHAN SEL BA YANG SGRA'I DON MA YIN PAR 'GYUR TE, DES NA DE LA YANG BRDA BYED PAR MI 'GYUR RO ZHE NA, MA YIN TE, GZHAN SEL BA NI DON GYI CHA NYID YIN PA'I PHYIR RO, ,'DI LTAR, SGRAS DON CHA NI CI BRJOD CES, ,DE LA GZHAN SEL BRJOD PAR BYA, ,RNAM PA DE YANG DON LA MED, ,DE BRJOD JI LTAR DON RTEN YIN, ,GAL TE GZHAN SEL BA NYID DE YIN NA DE'I TSE DE RTOGS PA NA GZHAN SEL BA DON GYI CHA NYID DU MI 'GYUR RO ZHE NA, GZHAN SEL BA NI DON GYI CHA NYID DE, SGRAS DON GYI CHA CI ZHIG BRJOD CES 'DRA BA NA, GZHAN SEL BA'O ZHES LEN 'DEBS PA YIN NO, ,RNAM PA DE YANG DON LA DE YOD PA MA YIN TE, BLO'I RNAM PA YIN PA'I PHYIR RO, ,GANG ZHIG DON LA YOD PA MA YIN PA DE RTOGS PAS NI DON RTOGS PAR MI 'GYUR TE, RAB RIB CAN GYIS RTOGS PA'I SKRA

, ,SHAD LA SOGS PA BZHIN NO, ,GZHAN YANG GZHAN SEL BA NI SPYI YIN NO ZHES 'DOD PA YIN NO, ,'DI LTAR, RJES 'GRO CAN SGRA RJES 'GRO CAN, ,DON GYI 'BRAS YIN MTHONG GOMS PAS, ,SPRUL DE'ANG RJES 'GRO MED BA CAN, ,BLO LAS THA DAD MED PHYIR RO, ,SGRA NI KHRA BO LA SOGS PA DAG LA RJES SU 'GRO BAR MTHONG NGO, ,RJES SU 'GRO BA DE YANG SBYOR BAR BYED PA RJES SU 'GRO BA'I DON NYID KYIS 'GYUR BA YIN NA, RNAM PA DE NI RJES SU 'GRO BA CAN MA YIN TE, BLO LAS THA MI DAD PA'I PHYIR RO, ,MTHONG BAS GOMS PAS BSKYED PA YIN PA'I PHYIR TE BLO NYID BZHIN NO, ,RJES SU 'GRO BA CAN MA YIN PA'I 'BRAS BU NI RJES SU 'GRO BA DANG LDAN PA RIGS PA MA YIN TE RGYU THA DAD PAS THA DAD PAR 'GYUR PA'I PHYIR RO, ,DE'I PHYIR GZUGS BRNYAN NI GZHAN SEL BA MA YIN TE, RJES SU 'GRO BA CAN MA YIN PA'I PHYIR RO, ,DE'I PHYIR DNGOS PO NI GZHAN SEL BA MA YIN LA, BLO'I RNAM PA YANG MA YIN NO, ,'O NA JI LTAR SGRA LAS DON RTOGS PA NA SPYI RTOGS PAR 'GYUR, DE DNGOS PO LA BRTEN PA'I LDOG PA RTOGS NA NI DNGOS PO NYID RTOGS PAS NA DE NI SPYI MA YIN NO, ,DE STE DNGOS PO RTOGS PA MA YIN NA, JI LTAR GZHAN SEL BA DNGOS PO'I CHAR RTOGS PAR 'GYUR ZHE NA, 'DI LA BSHAD PA, DE DNGOS SGRO BTAGS RTOG PA YIS, ,GZHAN LAS BZLOG PA RTOGS PHYIR YANG, SGRA DON GANG YIN DE NYID CES, ,BRJOD PA LA NI 'GAL BA MED, ,BLO'I RANG BZHIN NYID LAS DNGOS PO'I RANG BZHIN DU SGRO BTAGS PAS DE DANG GCIG TU LHAG PAR ZHEN NAS RTOGS PA YIN GYI, DON DAM PAR NI MA YIN NO, ,DE YANG GZHAN LAS LDOG BA YIN PA'I PHYIR, SGRA'I DON GZHAN SEL BA YIN NO, ,BLO'I RANG BZHIN NYID LAS DNGOS PO'I RANG BZHIN DE YANG THAMS CAD LA SGRO 'DOGS TE DE'I PHYIR GZHAN SEL BA NI SPYI DANG, DNGOS PO'I CHA YIN PAR RTOGS PA YIN NO, ,SHES PA SGRA YIS NGES SPRUL PA, ,DE DAG LOG PAR SNANG BA NYID, ,DON GYI CHA LA 'DI RJES SU 'GRO, ,DE LTAR MNYAN PA GZHAN SEL BYED, ,LOG PAR SNANG BA'I PHYIR DNGOS PO'I YUL CAN NYID NI MA YIN NO, ,GZHAN SEL BA NI BDEN PA'I PHYIR RO, ,JI LTAR DNGOS PO'I RNAM PA LTAR DE LA NI GNOD PAR BYED PA YOD PA MA YIN NO, ,'DI NI GZHAN SEL BA MA YIN NO ZHES BYA BA'I DON GNOD PAR BYED PA NI DE LA YOD PA MA YIN NO, ,DE'I PHYIR THA SNYAD DU GNOD PAR BYED PA YOD PA DANG MED PA DAG LAS RTOGS PA DANG, CIG

SHOS SU RNAM PAR GZHAG GI DON DAM PAR NI MA YIN NO, ,DE'I PHYIR GZHAN SEL BAR RTOGS PA NI GNOD PA MED PA YIN PA'I PHYIR DANG, CIG SHOS NI GNOD PA YIN PA'I PHYIR GZHAN SEL BA SGRA'I DON YIN NO ZHES KHONG DU CHUD DO, ,DES NA GZHAN SEL BA DE NI SGRA'I DON DU 'GRO BA YIN NO, ,SGRA NI 'DOD PA SPANGS NAS 'JUG PAR BYED PA YIN PA'I PHYIR, MNYAN PA DE NI GZHAN SEL BA BYED PA YIN NO, ,YANG NA RNAM PAR RTOG PA'I GZUGS BRNYAN GYIS GZHAN SEL BA NYID PHYI ROL DU LHAG PAR ZHEN PAR 'GYUR BA YIN GYI RANG GI NGO BOS NI MA YIN PAS SKYON MED DO, ,DE'I PHYIR SGRA LA RANG GI NGO BOS BRJOD PAR BYA BA NI CUNG ZAD KYANG MED PAS SGRUB PA NI SGRA'I DON MA YIN NO, ,GAL TE RANG GI NGO BO NYID SHES PA LA SNANG NA JI LTAR PHYI ROL LA 'JUG CE NA, PHYI ROL DU LHAG PAR ZHEN PA'I PHYIR RO, ,LHAG PAR ZHEN BA ZHES BYA BA 'DI CI YIN ZHE NA, DE'I THA SNYAD KYI YUL NYID DU RNAM PAR 'JUG PA'O, ,DE LTAR GZHAN GZHAN GYI THA SNYAD KYI YUL YIN ZHE NA, 'DRA BAS DE LA RJES SU CHAGS PA'I 'KHRUL PA'I PHYIR TE, RIGS 'KHRUL PA BZHIN NO, ,DE LA RANG BZHIN GZHAN LHAG PAR SGRO BTAGS PA LHAG PAR ZHEN PA MA YIN NAM ZHE NA, MA YIN TE, LHAG PAR SGRO BTAGS PA YANG SHES PA GZHAN YIN PA'I PHYIR RO, ,GAL TE DES DE'I RANG BZHIN RTOGS PA YIN NA LHAG PAR SGRO BTAGS PA CI YOD, GZHAN DU RTOGS PA YIN NO ZHE NA, CI STE GZHAN DE LA YOD DAM DE LTA'O ZHE NA, LHAG PAR SGRO BTAGS PA MA YIN TE, BDEN PA YIN PA'I PHYIR RO, 'ON TE MED DO ZHE NA, 'O NA NI DE SHES PA TZAM ZHIG YIN PA'I PHYIR JI LTAR GZHAN SGRO BTAGS PA YIN, GANG LA DE SGRO BTAGS PAR BYA BA DE YANG DON GYI RANG BZHIN NAM, SHES PA'I RANG BZHIN YIN YANG RUNG STE, DE'I TSE DE LA SGRO BTAGS SO ZHES BYA BA'I DON CI ZHIG YIN, DE LA RTOGS PA STE, DE DANG LHAN CIG RTOGS PA YIN PA DE'I TSE YANG LHAG PAR SGRO BTAGS PA MA YIN NO, ,'ON TE MED PA NYID LAS YOD PAR RTOGS PA YIN NO ZHE NA, MED PA NYID DU JI LTAR RTOGS, ,DE'I RANG BZHIN MA DMIGS PA'I PHYIR GZHAN GYIS RTOGS PA YIN NO ZHE NA, ,DE NI MA YIN TE, DE YUL MA YIN PA'I PHYIR MED PAR JI LTAR RTOGS, MI DMIGS PA NI SPYOD YUL DU GYUR PA'I DNGOS PO LA GO BAR BYED PA YIN PA'I PHYIR RO, ,DBANG PO NYAMS PA LAS DE LTAR RTOGS PA MA YIN NO ZHE NA, DE NI SNGA MA MED PA NYID RTOGS PA YIN GYI, MED PAR RTOGS PA NI MA

, ,YIN TE, DE NI DE'I TSE NYID YOD PA'I PHYIR RO, ,'ON TE THOB PAR BYA BA'I THA SNYAD BYED PA'I PHYIR THOB PAR BYA BA MA YIN PA'I THA SNYAD MI BYED PA YIN NO ZHE NA, DE LTAR NA NI 'O NA DE LAS GZHAN DU LHAG PAR SGRO 'DOGS PA YIN PA'I PHYIR, LHAG PAR SGRO 'DOGS PA NI GZHAN GYI THA SNYAD KYI YUL DU BYED PA ZHES BYA BA DE NYID GRUB PA YIN NO, ,DE'I PHYIR SGRA'I DON NI GZHAN SEL BA YIN NO, ,DE NYID KYI BSHAD PA, DE'I PHYIR BRDA YI DUS NA YANG, ,RANG NYID RTOGS PA'I 'BRAS BU CAN, ,BSTAN PA'I DON DANG 'BREL PA YI, ,GZHAN SEL SGRA DANG 'BREL PAR 'GYUR, ,BRDAR BYED PA NA YANG BRDA BYED PA PO SGRUB PA'I SGO NAS NI BRDA BYED PA MA YIN TE; 'ON KYANG GZHAN SEL BA'I SGO NAS YIN NO, ,GANG GI PHYIR BRDA'I DUS NA YANG, GZHAN SEL BA NYID MNYAN PA DANG 'BREL PA YIN GYI DNGOS PO NI MA YIN NO, ,'DI NI LHA SBYIN NO ZHES BRDA 'DOGS PA NA, RANG GI MTSAN NYID KHO NA 'BREL PAR MTHONG BA MA YIN NAM ZHE NA, DE NI LEGS PA MA YIN TE, DE NA BSTAN KYANG GZUGS BRNYAN KHO NA RTOGS PA YIN NO, ,'DI LTAR, BRDA NI DON RTOGS DON YIN PAR, ,GNYI GA YIS KYANG 'DOD PA YIN, ,GZUGS BRNYAN RTOGS 'GYUR MNGON SUM GYI, ,DNGOS PO NYID NI MA YIN NO, ,'DI'I MING NI 'DI YIN TE, 'DI LAS NI DUS GZHAN DU YANG 'DI RTOGS PAR BYA BA YIN NO ZHES BRDA NI DE LAS GZHAN PA'I DUS KYI RTOGS PA'I GNAS SKABS KHYAB PA NYID DU RANG DANG GZHAN GNYI GA YANG GDON MI ZA BAR 'DOD PA YIN NO, ,DES NA MNYAN PA DANG GZHAN SEL BA NYID 'BREL PA YIN GYI RANG GI MTSAN NYID NI MA YIN NO, ,CI STE 'DI'I MING NI 'DI YIN NO ZHES GZUGS BRNYAN KHYAD PAR YIN PAR NI RTOGS PA MED KYI 'ON KYANG 'DI'I MING NI 'DI YIN NO ZHES RANG GI MTSAN NYID KHO NA BRDA'I YUL NYID DU RTOGS SO SNYAM NA MA YIN TE, SHIN TU GOMS PA'AM RTOG PA SNGON DU GTONG BA CAN MA YIN PA'I PHYIR DE LTAR RTOGS PA YIN GYI, BZLOG PAS NI NGES PA KHO NAR GZUGS BRNYAN DU RTOGS PA YIN NO, ,YANG GANG ZHIG THA SNYAD LAS BRDAR RTOGS PA DANG LDAN PA DE NI NGES PAR BRDA'I DUS KYI RANG BZHIN GYI GZUGS BRNYAN GYI NGO BO NYID LHAG PAR ZHEN PAR BYED PA YIN NO, ,'DI LTAR, 'DI MING 'DI YI BRDA 'DI LAS, ,'DI NI RTOGS PAR 'GYUR BA YIN, ,'DI NI RTOG LDAN NYID YIN TE, ,GZHAN DU RTOG LDAN JI LTAR YIN, ,DE BZHIN DU 'DI 'ON CIG CES BRJOD PA LAS, DE LOG PAR NI

MTHONG BA NA, ,'DI MING 'DI YIN BDAG GIS KYANG, ,SGRA 'DI LAS NI 'DI RTOGS BYA, ,YANG NA BSTAN PA NI SNGAR BSHAD ZIN PA'I GZUGS BRNYAN GANG YIN PA YIN LA, DE LDOG PA'I RANG BZHIN GYI GZHAN SEL BA NI DE DANG 'BREL PA YIN NO, ,GZUGS BRNYAN DE'I 'BRAS BU YANG GZHAN SEL BA RTOGS PA NYID YIN GYI RANG GI NGO BO RTOGS PA NI MA YIN TE, RANG GI NGO BO NI DON LA MED PA'I PHYIR DANG, LDOG PA NI YOD PA'I PHYIR RO, ,LDOG PA DE NI GZHAN YIN NO ZHE NA, MA YIN TE, RTOGS PAS BKAR NAS DE DANG GCIG PAR THA SNYAD BYED PA'I PHYIR RO, GZHAN YANG, GZHAN DU MA MA MTHONG LA LTOS DANG, ,LA LAR DE MTHONG LA LTOS PHYIR, ,GZHAN SEL SGRA DANG 'BREL 'GYUR GYI, ,DE NI DNGOS LA MI RUNG NGO, ,SGRA NI DE DANG RIGS MI MTHUN PA GZHAN LA MA MTHONG BA'I PHYIR DANG, DE'I RIGS CAN 'GA' ZHIG LA MTHONG BA'I PHYIR GZHAN SEL BA NYID LA BRDAR 'DOGS PA YIN NO ZHES SHES SO, ,SPYI'AM GSAL BA LA BRDA 'DOGS PAR JI LTAR MI 'GYUR ZHE NA, MA YIN TE, DE LTAR GYUR NA SGRUB PA'I TSUL KHO NAS BRDAR BTAGS PA'I PHYIR THAMS CAD LA MTHONG BAR THAL LO, ,SPYI LA YIN NA YANG, MTHONG BA TZAM LA LTOS PAR 'GYUR GYIS GZHAN DU MA MTHONG BA LA LTOS PAR NI MI 'GYUR RO, ,SPYI LDOG PA DANG BCAS PAR RTOGS PAR BYA BA'I PHYIR RO ZHE NA, 'O NA NI DE LAS GZHAN LAS LDOG PA DE NYID YIN PAR 'GYUR GYI, SPYI BTAGS PAS CI ZHIG BYA, GSAL BA NYID DE LAS GZHAN LAS LDOG PA DANG LDAN PAR RTOGS PAR 'GYUR GYI SPYIS CI BYA, GSAL BA NYID NI MI RTOGS SO ZHE NA, MA YIN TE, GSAL BA MED PAR SPYI RTOGS PAS KYANG CI ZHIG BYA, MTSON ZIN PAS MTSON PA'I PHYIR GSAL BA YANG RTOGS SO ZHE NA, CI 'DIR GNYIS RIM GYIS RTOGS SAM, RTOGS PA NYID DO, ,DANG PO NI BA LANG NYID TZAM RTOGS PAS YUL DU BYED LA, DE'I 'OG TU NI KHRA BO LA SOGS PA'I KHYAD PAR RO ZHE NA, DE NI MA YIN TE, KHRA BO LA SOGS PA RNAMS KYI NANG GI KHYAD PAR RTOGS PA NI MI SRID DO, ,DES NA DE YANG SPYI NYID DO, ,DE'I PHYIR GSAL PA RNAMS NI SPYIS MTSON PA MA YIN TE, SPYI NYID MTSON PA'I PHYIR RO, ,GDON MI ZA BAR 'DIR KHYAD PAR 'GA' ZHIG YOD DGOS SO ZHES MTSON PA NYID DO ZHE NA, MA YIN TE, DE LA SGRA'I BYED PA MED PA'I PHYIR RO, ,'DI LA RTOGS PA YIN NAM, 'ON TE MA YIN ZHES BYA BA 'DI LA TSAD MA MED DO, ,SPYI YANG MTSAN NYID DU

, ,GYUR PA NI RTOGS PA MED DO, ,DES NA DNGOS PO DANG BRAL PA'I PHYIR DE NI BLO NYID DO, , PHYIR DE NI BLO NYID DO, ,'O NA JI LTAR GZHAN SEL BA SGRA'I DON YIN ZHE NA, DE NYID KYI PHYIR TE, GZHAN LAS LDOG PA KHO NA LA 'JUG PA'I PHYIR RO, ,GAL TE SPYI'AM GSAL BA RTOGS PA YIN NA NI SLU BAR MI 'GYUR TE, RTOGS PA LA NI SLU BA YOD PA MA YIN NO, ,SLU BAR GYUR NA GZHAN LAS LDOG PA YANG SGRA'I DON DU JI LTAR 'GYUR, GZHAN MTHONG YANG DE LAS GZHAN LEN PA'I PHYIR RO, ,RE ZHIG DE NI BLANGS PA MA YIN NO, ,GZHAN BLANG DGOS SO ZHES BYA BA'I NGES PA NI MED DO, ,DE NYID KYI PHYIR SGRA'I RTOGS PA DANG RNAM PA MTSUNGS PA'I PHYIR NA, RJES SU DPAG PA YANG RNAM PAR GCOD PA TZAM ZHIG GI SGRUB PAR BYED PA YIN NO, ,YANG NA, GZHAN DU MA MTHONG LA LTOS DANG, ,ZHES BYA BA NI THA SNYAD KYI BRDA 'DZIN PA NA, GZHAN DU MA MTHONG BA LA LTOS PA DANG, RIGS MTHUN PA 'GA' ZHIG LA MTHONG BA LA LTOS NAS BRDA 'DZIN PAR BYED PA YIN NO, ,DES NA GANG LA DE MA MTHONG BA DE THAMS CAD NI RNAM PAR BCAD PA SHES PA YIN LA, GANG LA THA SNYAD MTHONG BA DE NI YOD DAM, 'ON TE MED CES BYE BRAG TU MI RTOGS SO, ,'DI LTAR BRDA 'DZIN PA NI DE KHO NA LTAR YIN NO, ,GANG GI PHYIR, DNGOS PO 'DI 'ON CIG CES BYA BA'I NGAG GI BYED PA NI LEN PA LA YIN GYI, DNGOS PO YOD PA NYID LA NI MA YIN NO,, MED PA NI BLANG BAR MI NUS SO ZHE NA, GAL TE 'DI RGYAL PO'I BKA' YIN NA NI DE'I TSE GOR MA CHAG PAR KHYER 'ONGS DGOS SO, ,DE NI YONGS SU BRTAG PA NA TSAD MA GZHAN NAM, DON GYIS GO BA LAS YOD PA NYID DU RTOGS PAS YUL DU BYED PA YIN NO, ,DON GYIS GO BA DANG LHAN CIG PA'I SGRA NI YOD PA NYID LA TSAD MA YIN NO ZHE NA, DON GYIS GO BA MED PA'I PHYIR NA, MA YIN TE, 'DI NI BYIS PA MNGON PAR 'DOD PA SLONG BA DANG 'DRA BAR 'GYUR RO, ,DES NA YOD PA SRID NA LEN PA YIN GYI GZHAN DU NI MA YIN NO, ,GZHAN NI MI LEN PA NYID DO, ,YANG GZHAN DAG NI RIGS MI MTHUN PA THAMS CAD LDOG PA DANG, 'GA' ZHIG TU BSGRUB PAR 'JUG PA LA LTOS PA'I PHYIR RO, ,LDOG PA LHU CHE BA YIN GYI RJES SU 'GRO BA NI GTZO BO MA YIN PAS LDOG PA NYID GTZOR RTOGS SO ZHE'O, ,DE NI MI BDEN TE, GAL TE RJES SU 'GRO BA DANG LDOG PA DAG LAS GCIG GTZOR GYUR PA YIN DU CHUG KYANG, DE LTA NA YANG SGRA'I DON SGRUB PA YIN PA LAS NI 'DAS PA MA YIN NO ZHES BYA BAS THA MA RJES

SU 'GRO BA NI GTZO BO MA YIN PAR RTOGS PAR YANG MI NUS SO, ,GSAL BA GCIG MTHONG BAS KYANG SPYI'I BDAG NYID THAMS CAD RTOGS PA'I PHYIR, RJES SU 'GRO BA GTZO BO MA YIN NO ZHES BYA BAR NI MI RIGS SO, ,YANG NA, LA LAR DE MTHONG LA LTOS PHYIR, ,ZHES BYA BA NI 'DI'I MING YIN NO ZHES BYA BAS, THAMS CAD KYI TSE SGRA SBYOR BA LA DON YOD PAR 'GYUR BA NI MA YIN GYI, 'DI'I MING 'DI YIN NO ZHES BYA BA NI 'DI LAS 'DI LA THA SNYAD DU BYAS PA YIN NO ZHES DE TZAM ZHIG LA YIN TE, GZHAN DU THA SNYAD MED PA'I PHYIR SGRA RNAMS NI GZHAN SEL BA'I YUL CAN YIN NO, ,CI STE GANG DU RJES SU DPAG PAS DNGOS PO THOB PAR 'GYUR BA NA, SHES PA DE CI LTAR GZHAN SEL BA'I YUL CAN YIN PAR 'GYUR TE, DE LA YANG GZHAN SEL BA'I YUL CAN NYID DU 'DOD PA YIN NO ZHE NA, MA YIN TE, DER YANG KHYAD PAR LA THE TSOM ZA BA'I PHYIR RO, ,DER NI 'DI LTAR RTOGS PA YIN TE, RE ZHIG 'DI ME YIN PAR NI 'GYUR NA, ME CI LTA BU YIN PA MI SHES SO, ,GAL TE SPYI YONGS SU MA BCAD NA JI LTAR ME'I KHYAD PAR LA THE TSOM ZA BAR 'GYUR ZHE NA, RTOGS PA TZAM GYIS THE TSOM ZA BA'I PHYIR RO, ,RE ZHIG RTOGS PA DE NI YOD PA YIN NA, CI ME YOD DAM 'ON TE MED CE'AM, DE LA ME JI LTA BU ZHIG YOD CES KHYAD PAR MI SHES PA YIN NO, ,GANG DU YANG 'BRAS BU'I GTAN TSIGS YOD PA DER ME NGES PAR YOD PA MA YIN NAM ZHE NA, MA YIN TE, ME NI REG PA'I KHYAD PAR YIN PA'I PHYIR RO, ,DE LA NI NGES PA YOD PA MA YIN NO, ,JI LTAR ME RTOGS, DRO BA TZAM ZHIG RTOGS PA'I PHYIR RO, ,SPYI RTOGS PA YIN NO ZHE NA, MA YIN TE, KHYAD PAR GYI RIM PA NYID YIN PA'I PHYIR RO, ,KHYAD PAR GYI RIM PA LAS SOGS PA'I BYE BRAG LAS THA DAD PA'I DRO BA'I SPYI ZHES BYA BA NI, YOD PA NA YIN NO, ,DE YANG RTOGS PA MED DO, ,RTOGS PA YANG KHYAD PAR GYI RIM PA NYID DMIGS PA YIN NO ZHE NA, DMIGS LA NI RAG NA BLO GCIG NYID NI MED DE, RES 'GA' NI 'DI LTA BU RES 'GA' NI 'DI LTA BU ZHES BLO GZHAN SKYE BA'I PHYIR RO, ,GCIG NYID DUS GCIG GI TSE RANG BZHIN DU MAR DMIGS PA YIN NO ZHE NA, MA YIN TE, GDON MI ZA BAR GCIG NI MI BDEN PAR 'GYUR RO, ,DE'I PHYIR DER YANG RTOGS PA TZAM ZHIG BDEN PA YIN GYI GZHAN MA YIN PAS, GZHAN SEL BA TZAM GZHIG SGRA DANG RJES SU DPAG PA'I YUL YIN GYI, DNGOS PO LA NI DE 'THAD PA MA YIN NO, ,GZHAN SEL BA

, ,NI RTAGS LA'ANG 'BREL PA YIN NO ZHES BLTA BAR BYA'O, ,DE'I PHYIR RIGS SOGS DE LDAN NI, ,YOD MIN DON DANG DE DAG LA, ,MNYAN PA 'BREL MIN GZHAN LAS NI, ,LDOG PA NYID LA SGRA SBYOR PHYIR, ,DES NA TSAD MA MED PA'I PHYIR, ,RIGS LA SOGS PA'I 'BREL PA RTOGS PA NI MED DO, ,RDZAS 'BREL PA YANG RANG GI NGO BOS SNANG BA NYID LA CI ZHIG YOD, LDAN PAR SNANG BA'I PHYIR RO ZHE NA, MA YIN TE, GZHAN RTOGS PAS RNAM PAR RTOG PAR MI BYED KYANG DE'I NGO BOR SNANG BA'I PHYIR RO, ,DE TZAM 'BA' ZHIG GIS RTOGS PAR SRID PA MA YIN NO, ,DE NYID LA RTOGS PA YIN NO ZHE NA, 'DOD PA'I PHYIR GNOD PA CI YOD GNYI GA LAS SKYES PA DANG, GANG YANG RUNG BA'I LAS SKYES PA DANG LDAN PA LAS SKYES PA ZHES NI RTOGS PA MED DO, ,RANG GI NGO BO TZAM DU RTOGS SO ZHE NA, MA YIN TE, LDAN PA'I RANG GI NGO BO SNANG BA MED PA'I PHYIR RO, ,DNGOS PO GNYIS KHO NAR DE LTAR SKYES PA'I SNANG BA YIN GYI LDAN PA'I NI MA YIN NO, ,DNGOS PO GNYIS PO DE NYID LDAN PA YIN NO ZHES RTOGS PA YANG MA YIN NO, ,DES NA LDAN PA GZHAN NI MED DE SNGA MA DANG LHAN CIG GCIG TU RTOGS PA MED PA'I PHYIR RO, ,MNGON SUM NI SNGA MA DANG PHYI MA'I DNGOS PO LA BYED PA YOD PA MA YIN NO, ,SNGA MA RTOGS PAR MA GYUR MOD, ,DE LTA NA YANG LDAN PA RTOGS PA NI YOD PA YIN NO ZHE NA, MA YIN TE, MI LDAN PA LAS LDAN 'GYUR TE, ,DE NI SLAR YANG 'BREL PAR 'GYUR, ,GCIG DGOS BYED MKHAN NGA YIN ZHES, ,DE NI RTOGS PAR 'DOD PA YIN, ,GAL TE DE LTAR MA RTOGS NA, ,LDAN PAR RTOG PA DON MED 'GYUR, ,'DI NI GCIG 'GYUR DE YI PHYIR, ,LDAN PA DON LDAN 'GYUR BA YIN, ,SGRA SBYOR BAR BYED PA YANG MED DE, SGRA DE LA MED PA'I PHYIR RO, ,BRDA'I DUS NA SGRA YOD PAR GYUR PA YIN NO ZHE NA, DE DANG SBYOR BAR BYED PA YANG YOD PA MA YIN TE, 'DI LTAR, BRDA DRAN PA YI RGYU CAN GYI, ,MTHONG BA SRE BYED BDAG NYID CAN, ,SNGA PHYI STONG BAS 'DZIN PA YI, ,MIG SHES LA NI DE JI LTAR, ,'DI BA LANG NGO ZHES BYA BA 'DI BA LANG GI SGRA NYID NI MA YIN GYI, 'DI BA LANG GI SGRAS BRJOD PAR BYA BA YIN NO ZHES BYA BA'I DON TO, ,GZHI MTHUN PA NI DE DANG 'BREL PA LAS TE, DPER NA DBYIG PA ZHUGS SO ZHES BYA BA BZHIN NO, ,YANG NA GANG LA BA LANG GI SGRA YOD PA DE BA LANG GI SGRA YIN NO, ,DE LA GANG GI TSE SBYOR BAS PHYOGS GCIG LA 'DI NI BA LANG NGO ZHES BYA BA DE LA NI, 'DI BA LANG GI SGRAS BRJOD

PAR BYA BA YIN PA'I PHYIR, BA LANG GI SGRA LAS 'DI RTOGS PAR 'GYUR RO, ,BA LANG DE NI 'DI'O ZHES BYA BAR NI 'DI LA BA LANG GI BRDAR BTAGS PA YIN NO, ,DE LTA BU'I DNGOS PO DE NI SNGA MA DANG PHYI MA 'DZIN PAS STONG PA'I BDAG NYID KYI MNGON SUM GYIS JI LTAR 'DZIN PAR 'GYUR, 'DI LTAR, DBANG RNAMS RUNG BA'I YUL GNAS LA, , 'BYUNG 'GYUR 'DAS DANG 'BYUNG LA MIN, ,DBANG PO LA BRTEN RNAM SHES KYI, ,SPYOD YUL DBANG PO'I BYED CAN YIN, ,ZHES DE NI BSHAD ZIN TO, ,GAL TE MIG LA SOGS PA'I DBANG PO SNGA MA DANG PHYI MA DAG LA YANG 'JUG BA YIN NA NI 'DAS PA DANG MA 'ONGS PA THAMS CAD RTOGS PAR 'GYUR TE, THAMS CAD 'GA' ZHIG DANG RNAM PA 'GA' ZHIG LTAR 'BREL PA'I PHYIR RO, ,SNGAR GZUNG BA RTOGS PA YIN NO ZHE NA, MA YIN TE, THAMS CAD KYI TSE RTOGS PA MED PA'I PHYIR RO, ,DRAN PA YOD NA 'GYUR RO ZHE NA, DRAN PA NYID DE YIN PAR 'GYUR RO, ,DRAN PAR BYA BA DANG LHAN CIG MNGON SUM GYIS GCIG TU RTOGS PA NYID DO ZHE NA, MA YIN TE, DRAN PA TSAD MA MA YIN PA'I PHYIR, DRAN PAR BYA BA MI BDEN PA NYID DE DANG LHAN CIG TU RTOGS PA BDEN PAR JI LTAR 'GYUR, CI STE YANG DE'I DON BYA BA BYED PA'I PHYIR DE NYID 'DI YIN NO ZHE NA, DON BYA BA ZHES PA DANG, DE'I SGRAS BRJOD PAR BYA BA NYID YIN NAM, DE NYID KYIS DON BYA DGOS SO ZHES BYA BA LAS, DE'I PHYIR 'DI NI THA SNYAD TZAM DU ZAD KYI; GCIG NYID DU 'DZIN PA LA TSAD MA NI MED DO, ,THA SNYAD MI SLU BA NYID LAS TSAD MAR 'GYUR BA YIN NO ZHE NA, GCIG NYID LA NI MI SLU BA YOD BA MA YIN GYI, 'ON KYANG DON BYA BA LA YIN TE, DE NI YOD PA KHO NA'O, ,DE'I DON NYID NI DON BYA BA BYED PA LAS YIN GYI SNGA MA DANG GCIG NYID NI MA YIN NO, ,CI STE DE NYID 'DI YIN NO SNYAM PA'I MTSAMS SBYOR BA 'DI NI YOD PA YIN NO, ,GAL TE SNGA MA DANG PHYI MA DAG GCIG PA NYID MED NA MTSAMS SBYOR BAR BYED PA PO NYID DU SU ZHIG 'GYUR, MTSAMS SBYOR BA PO GCIG NYID YIN NA SNGA MA DANG PHYI MA 'DZIN PA'I MNGON SUM MTSAMS SBYOR BA PO LA BRTEN PA YIN NO ZHE NA, MA YIN TE, DRAN BA DANG MTHONG BA'I RNAM PA LAS THA DAD PA'I MTSAMS SBYOR BA GZHAN MED PA'I PHYIR RO, ,GAL TE MNGON SUM PA DAG LA BRTEN PA YIN YANG, DE TZAM GYIS NI DE TSAD MAR 'GYUR BA MA YIN NO, ,DBANG PO LA BRTEN PAS NA TSAD MA YIN LA BDAG LA BRTEN PAS NI GCIG NYID DU 'DZIN PA YIN NO ZHE NA, MA YIN TE, DE NI DBANG PO'I RJES SU 'BRANGS NAS

, ,'JUG PA'I PHYIR DANG, DBANG PO YANG SNGA MA DANG PHYI MA LA MI 'JUG PA'I PHYIR RO, ,DE'I RJES SU 'BRANG BA'I SHES PA NI 'JUG GO ZHE NA, MA YIN TE, DE'I RJES SU 'BRANG BA NYID MI 'THAD PA'I PHYIR RO, ,STEN GYI SHES PA'I RJES SU 'BRANGS PA MED PAR NI SNGA MA LA SHES PA 'JUG PA MA YIN NO, ,DE LAS GZHAN PA'I RJES SU 'BRANGS PA YIN NO ZHES BYA BA NI BAB CHOL YIN NO, ,GCIG NYID DU RTOGS PA NI DBANG PO MED PAR MI 'BYUNG BA MA YIN TE, DES NI GCIG NYID DU RTOGS PA DBANG PO LAS SKYES PA NI MA YIN NO, ,MNGON SUM LAS 'GYUR BA GANG YIN PA DE NI YIN NO ZHE NA, MA YIN TE, GCIG NYID LAS KHYAD PAR MED PA'I PHYIR RO, ,GSAL BA NYID KYIS KHYAD PAR YOD PA YIN NO ZHE NA, GSAL BA NYID GCIG YIN LA RAG MOD, MI GSAL BA DANG GCIG NYID DU GO MNGON SUM GYIS JI LTAR KHONG DU CHUD, DE NI 'DI DANG GCIG PAR MNGON SUM GYIS KHONG DU CHUD PA MA YIN GYI, 'DI GO DE DANG JI LTAR MA YIN ZHE NA, MA YIN TE, MTSUNGS PA'I PHYIR RO, ,GNYI GA MNGON SUM GYIS GZUNG BA MED PAR DE GCIG PAR MNGON SUM GYIS JI LTAR YUL DU BYED, GCIG NYID MNGON SUM GYIS 'DZIN PA YIN GYI DON NI MA YIN NO ZHE NA, 'O NA GCIG NYID DE DON LA BRTEN PA MA YIN PAR 'GYUR RO, ,GCIG NYID DANG BRGYUD PA MED PA'I PHYIR DE DANG LDAN PA 'PHEN PA YIN NO ZHE NA, 'PHEN PA ZHES BYA BA NI RJES SU DPAG PA YIN NO, ,DES NA MNGON SUM GYIS RANG DBANG DU BZUNG BA LA RJES SU DPAG PAS GZHAN DU 'DZIN PA ZHES BYA BA NI 'THAD PA MA YIN TE, RJES SU DPAG PA NI MNGON SUM SNGON DU 'GRO BA CAN YIN PA'I PHYIR RO, ,DES NA MNGON SUM GYIS NI 'DI BA LANG NGO ZHES RTOGS PA MA YIN TE, SNGA MA DANG PHYI MA 'DZIN PA MED PA'I PHYIR RO, ,GZHAN YANG SHI BA LA YANG SNGA MA DANG PHYI MAR 'DZIN PA YOD PA'I PHYIR, DE JI LTAR 'DI TSAD MA MA YIN PAR 'GYUR, DE'I PHYIR NYE BAR GNAS PA 'DZIN PA TZAM KHO NA TSAD MA YIN LA, DE LA YANG SBYOR BAR BYED PA MED PA'I PHYIR, DBANG PO'I SHES PA NI RTOG PA MED PA YIN NO, ,GZHAN YANG, GZHAN LA 'JUG SEMS CAN GYI YANG, ,MIG GIS GZUGS DAG MTHONG GYUR PA, ,DER NI GSAL BAR DE YI BRDA, ,DES NA DE BSKYED RTOG PA'ANG MED, ,GANG GIS DRAN PA DBANG PO'I LHAN CIG BYED PAR 'GYUR BA, GZUGS LA SOGS PA RNAM PAR RTOG PA BZHIN PA NYID NA, MTHONG BA NI MA YIN NO, ,GANG ZHIG GANG GI LHAN CIG

BYED PA YIN PA DE MED PAR RANG GI 'BRAS BU LA NUS PA MA YIN TE, SA LA SOGS PA MED PAR MYU GU BYED PA LA SA BON BZHIN NO, ,'ON TE 'BRAS BU BYED DO COG LA NI DRAN PA LHAN CIG BYED PA MA YIN GYI, 'ON KYANG RNAM PAR RTOG PA DANG BCAS PA SKYED PA LA YIN NO ZHE NA, DE YANG MI BDEN TE, GAL TE RNAM RTOG GZHAN GYIS DE, RNAM RTOG BCAS PA NYID YIN NA, ,GRUB PA LA SGRUB GZHAN DU NA, ,'GAL BAR GNAS PA 'GYUR BA YIN, ,GAL TE RNAM PAR RTOG PA GZHAN DANG LHAN CIG 'JUG PA'I PHYIR, RNAM PAR RTOG PA DANG BCAS PA NYID YIN NA NI, DE LTA BUR GYUR PA LA DRAN PA LHAN CIG BYED PA YIN PAR GRUB PA LA SGRUB PO, ,DE STE BDAG NYID DU GYUR PA'I RNAM PAR RTOG PAS YIN NA NI, DE'I TSE MI RIGS TE, DE YOD NA YANG MED 'GYUR LA, ,DE MED NA YANG YOD PA GANG, ,'GAL BA'I CHOS DANG LDAN PAS NA, ,DE DANG DE GCIG JI LTAR YIN, ,CI STE RNAM PAR RTOG PA CAN DE NI GZHAN YIN LA, SNGAR GYI RNAM PAR RTOG PA MED PA YANG GZHAN YIN NO ZHE NA, DE LTA YIN NA NI KHYED KYI NGO SHES PA NYAMS PA YIN NO, ,HA CANG THAL BAR 'GYUR RO ZHES KYANG BSHAD ZIN TO, ,DE'I PHYIR LHAN CIG GI TSE, SEMS GZHAN DU SONG BA'I GNAS SKABS SU RNAM PAR RTOG PA MED PA GANG YIN PA DE NI GZHAN GYI TSE YANG DE LTA BU KHO NA YIN PAR RIGS SO, ,'ON TE RNAM PAR RTOG PA GZHAN GYIS RTOG PA DANG BCAS PA NYID DO ZHE NA, DE LTA YIN NA NI RNA BA'I RNAM PAR SHES PA LAS KYANG RTOG PA DANG BCAS PA YIN PAR 'GYUR TE, RNA BA YANG LHAN CIG BYED PA YIN PA'I PHYIR RO, ,'ON TE SHES PA DE GNYIS NI THA DAD PA KHO NA'O ZHE NA, GZHAN DU YANG MTSUNGS PA'I PHYIR KHYAD PAR MED DO, ,'ON TE GNAS SKABS DE NA RNAM PAR RTOG PA GZHAN YANG YOD DO ZHE NA, DE NI MI BDEN TE, MA DMIGS PA'I PHYIR RO, ,CI STE MI DMIGS KYANG THA SNYAD LAS SGRUB PA YIN TE, RNAM PAR RTOG PA MED PAR NI THA SNYAD MA MTHONG BA'I PHYIR RO, ,THA SNYAD DANG NI RNAM RTOG DAG ,RGYU DANG 'BRAS BUR GRUB PAS NA, ,'DIR DE 'BRAS LAS RJES DPOG PHYIR, ,BRDA 'DZIN MED PAR JI LTAR 'GYUR, ,RJES SU DPAG PAS NI SGRA SBYOR BAR BYED PA RTOGS PAR NI 'GYUR BA MA YIN TE, DE YANG TSAD MA MA YIN PA'I PHYIR RO, ,'ON TE 'DI NYID KYIS 'KHRUL PA YIN NO SNYAM NA MA YIN TE, PHYOGS NYID KYIS NI 'KHRUL PAR 'GYUR BA MA YIN PA'I PHYIR RO, ,DE LA MA YIN NA NI DU BA LAS ME RJES SU DPOG PA LA YANG PHYOGS

, ,NYID KYIS 'KHRUL PAR 'GYUR RO, ,MA YIN TE, DE NI RJES SU DPAG PAS DMIGS PA'I PHYIR TE, REG PA DANG, THA SNYAD LAS KYANG RTOGS PA'I PHYIR RO, ,GRANG BA ZLOG PA'I THA SNYAD DAM, ,REG PA'I RNAM PAR SHES PA LAS, ,LKOG GYUR ME YI BDAG NYID NI, ,RTOG NA DE YANG 'THAD PAR DKA', ,GAL TE ME MED KYANG DA LTA NYID DU BA NI YOD PA MA YIN NO ZHES RES 'GA' RJES SU DPAG PAR BYA BA MA MTHONG BA'I ME THE TSOM GYI YUL DU GYUR PA DER NI, DU BA'I RANG BZHIN RTOGS PA LAS REG PA'I RNAM PAR SHES PA'AM, GRANG BA ZLOG PA'I THA SNYAD KYIS 'KHRUL PA SPONG BA YIN NO ZHE NA, DE YANG MI BDEN TE, REG SHES THA SNYAD DAG LAS NI, ,RJES SU DPAG PAS DE RTOGS NA, ,RJES DPAG DE YI 'KHRUL MED PA'ANG, ,RJES DPAG GZHAN LAS 'GYUR BA YIN, ,RJES DPAG NYID DU MTSUNGS PHYIR RO, ,DE LTA YIN NA THUG MED 'GYUR, ,GAL TE RJES SU DPAG PA LAS 'KHRUL PAR DOGS PA NA, RJES SU DPAG PA NYID 'KHRUL PA MED PA'I SGRUB BYED YIN PA DE LTA NA NI, RJES SU DPAG PA NYID DU MTSUNGS PA'I PHYIR, DE'I MTSAN NYID CAN THAMS CAD LA DOGS PAR 'GYUR BA DE NI MA GRUB PAS MA GRUB PA BSGRUB PA YIN NO, ,REG PAS NI GZUGS GRUB PA YANG MA YIN TE, DUNG SER POR SHES PA'I YUL LA YANG REG PA YOD PA'I PHYIR RO, ,GANG DU DU BAR 'KHRUL BAR DOGS PA DER BLO SNGON DU BTANG NAS BYAS PA'I GRANG BA MED PA LA SOGS PA'I THA SNYAD NI CHES SHIN TU 'KHRUL PAR 'GYUR RO, ,DE'I PHYIR RJES SU DPAG PAS RNAM PAR RTOG PA SGRUB PA LA GAL TE PHYOGS NYID KYIS 'KHRUL PA YIN NA RJES SU DPAG PA MTHA' DAG LA 'GYUR BA'I PHYIR, RTOG PA 'DI NI LEGS PA MA YIN NO ZHE NA, DE YANG MI BDEN TE, JI LTAR DU BAS DNGOS STOBS LAS, ,RJES SU DPAG PAR BA 'JUG CING, ,DE YANG SLU BA MED MTHONG BA, ,DE LTAR RTOGS PA'I SGRUB BYED MIN, ,YUL LKOG TU GYUR PA LA ME'I RJES SU DPAG PA 'JUG PA LA NI MNGON SUM GYIS GNOD PA MED DE DE NI MNGON SUM GYI YUL MA YIN PA'I PHYIR RO, ,RNAM PAR RTOG PA'I SGRUB PA LA NI RGYANG RING BA LA SAGS [*SOGS?] PA YOD PA MA YIN TE, RNAM PAR RTOG PA NI RANG RIG PA'I MNGON SUM GYI YUL YIN PA'I PHYIR RO, ,PHRA MO NYID KYANG GZHAN GYIS DMIGS PA DANG GZHAN GYIS MA DMIGS PA LA LTOS PA YIN NA RANG GI RANG BZHIN LA NI JI LTAR DMIGS PAR BYA BA PHRA BA DE BZHIN DU DMIGS BYED PA YANG YIN PAS KHYI 'TSOD PA KHYI 'TSOD PAS MI

'JIGS SO, ,RANG RIG PAR BYA BA'I MED PA NI DI KHO NA'O STE, NYAMS SU MYONG BA MED PA ZHES BYA BA GANG YIN PA'O, ,ME LA SOGS PA LTAR RNAM PAR RTOG PA LA RJES SU DPAG PA LA 'JUG PA YANG MA YIN TE, DE LTAR RTOG PA MED PA'I PHYIR RO, ,GAL TE RNAM PAR RTOG PA MED PAR THA SNYAD MI 'THAD PA'I PHYIR 'BREL PA BZUNG BA NA, JI LTAR RJES SU MI DPOG CE NA, MA YIN TE, 'BREL PA 'DZIN PA NYID RNAM PA GZHAN DU 'GYUR BA'I PHYIR RO, ,'DI LTAR, DPYOD SOGS MED NA MED PA'I PHYIR, ,GOMS PA MED PA'I THA SNYAD NI, ,'GYUR MIN DE NYID DU 'GYUR NA, ,THA SNYAD DE MED PAR YANG 'GYUR, ,GOMS PA MED PA'I THA SNYAD NI DPYOD PA LA SOGS PA MED PAR MI 'GYUR BA'I PHYIR, 'BREL PA 'DZIN PAR 'GYUR GYI, GOMS PAR 'GYUR BA LA NI RNAM PA GZHAN DU YANG 'GYUR BA YIN TE, GZHAN DU NI MA YIN NO, ,DE'I PHYIR MED KYANG GOMS PA LAS, ,SROG CHAGS RNAMS KYI THA SNYAD 'DI, ,'JUG 'GYUR MTHONG LA DE NYID LA, ,THA SNYAD KYIS NI RJES DPOG MED, ,RJES SU DPAG PA 'JUG PA NI 'BREL PA 'DZIN PA DANG, RJES SU MTHUN PA KHO NAR YIN TE, DE LTAR MA YIN NA 'BREL PA 'DZIN BA RJES SU DPAG PA LA NYE BAR MKHO BA MED PAR 'GYUR RO, ,'BREL PA DE YANG MA GOMS PA'I GNAS SKABS NYID NA 'DZIN PA YIN GYI, GZHAN DU NI MA YIN NO, ,DE'I PHYIR DPYOD SOGS THA SNYAD LAS, ,RJES SU DPAG PA NYID MA YIN; ,GANG PHYIR THA SNYAD CES BYA 'DI, ,RNAM PA GZHAN DU'ANG DMIGS PA YIN, ,DE LTA MA YIN NA, 'PHYOR MO GZUGS DANG LDAN PA LA, ,'DOD LDAN 'JUG PA MTHONG BA'I PHYIR, ,DE LAS GZUGS DANG MI LDAN PA'ANG, ,GZUGS DANG LDAN PAR DPOG PAR 'GYUR, ,DE'I PHYIR GZHAN RNAM RTOG PA NA BRDA'I DUS NA DMIGS PA'I SGRA 'DZIN PA MED PAR GSAL BA'I PHYIR, DE LAS SKYES PA'I RTOG PA YANG MED PA NYID DO, ,GAL TE MNGON SUM NYID SGRA DANG 'BREL PA MI 'DZIN NA, JI LTAR DE'I BRJOD PAR BYA BA DE NI 'DI YIN NO ZHES BYA BA DE LTAR THA SNYAD BYED CE NA, MA YIN TE, 'KHRUL PA LAS KYANG THA SNYAD DU 'GYUR BA'I PHYIR RO, ,'KHRUL PA YIN YANG DNGOS PO DANG 'BREL PAS NA TSAD MA NYID YIN TE, DPER NA SHING DAG LA GONG BUR 'DZIN PA'I SHES PA BZHIN NO, ,DE LA YANG GONG BU ZHES BYA BA NI MED MOD KYI 'ON KYANG SHING GI THA SNYAD NI MI SLU BA DANG LDAN PA YIN NO, ,DE BZHIN DU SBYOR BA ZHES BYA BA NI MED MOD KYI 'ON KYANG SBYOR BA CAN GYI THA SNYAD NI PHYIN CI MA LOG PA YIN NO, ,'DI

, ,LTAR 'DI BA LANG NGO ZHES DE'I GZHI MTHUN PA NYID DU RTOGS PA NA BA LANG GI SGRA NI 'DI RJOD PAR BYED PA YIN NO ZHES BYA BA'I DON TO, ,DES NA RTOGS PA 'DI NI MI SLU BA DANG LDAN PA YIN TE, DE NI DE LTA BUR GYUR PA NYID KYI YUL LA SBYOR BAR MTHONG BA'I PHYIR RO, ,DPER NA SHING GI YUL LA GONG BUR RTOGS PA 'BYUNG GI GZHAN LA MA YIN PA DE'I PHYIR, 'BREL PA LAS MI SLU BA YIN PA BZHIN NO, ,GAL TE BA LANG GI SGRA LAS RANG GI MTSAN NYID RTOGS PAR MI 'GYUR NA, 'O NA JI LTAR DE MTHONG BA NI DE NI 'DI YIN NO ZHES RTOGS PAR 'GYUR TE, BDAG GIS SNGON RTOGS PA DE NI 'DI YIN NO ZHES BYA BA'I SHES PA NI 'JIG RTEN YOD PA YIN NO ZHE NA, MA YIN TE, MTHONG BA LA NGO SHES PAR BYED PA MA YIN PA'I PHYIR RO, ,DE 'DI YIN NO SNYAM PA NI NGO SHES PA YIN GYI, 'DI'O SNYAM PA NI MA YIN NO, ,DE'O SNYAM PA NI LKOG TU GYUR PA'I RNAM PA YIN GYI MTHONG BA'I RNAM PA NI MA YIN NO, ,DES NA RTOGS PA GNYIS PHAN TSUN MTSAN NYID MI MTHUN PA'I PHYIR YUL GCIG PA NYID MA YIN GYI, SNANG BA THA DAD PA NI THA DAD PAR BYED PA YIN PA'I PHYIR TE, DE THA DAD PAR BYED PA NYID MA YIN NA NI THA SNYAD PA MED PAR 'GYUR RO, ,CI STE DON BYA BA THA DAD PA YIN GYI SNANG BA THA DAD PAS NI MA YIN NO ZHE NA, MA YIN TE, SNANG BA THA DAD PAS THA DAD PA'I DON BYA BA BYED PA'I PHYIR RO, ,DON BYA BA'I KHYAD PAR CAN GYI SNANG BA THA DAD PA LAS YIN NO ZHE NA, GAL TE DON BYED PA DANG BRAL BA LA SNANG BA YOD NA 'O NA NI DMIGS PA MED PA'I RNAM PAR SHES PA DE DBANG PO LAS SKYES PA'I PHYIR SHES PA LAS GZHAN YIN PAR 'GYUR RO, ,DE'O SNYAM PA'I BAG CHAGS TZAM LAS BYUNG BA YIN GYI, DON BYED PA'I DNGOS PO 'DZIN PA'I SHES PA NI MA YIN NO, ,DES NA DNGOS PO LA MA REG PA'I PHYIR, DE'O SNYAM PA DANG 'DI'O SNYAM PA'I SHES PA DAG GI GZHI MTHUN PA MA YIN NO, ,'DI'O ZHES BYA BAR SNANG BA YANG 'DI NI DE'O ZHES MDUN NA GNAS PA THAMS CAD LA THUN MONG DU LHAG PAR ZHEN PA CAN YIN TE, THUN MONG BA NYID DANG BREL NA NI RNAM PAR RTOG PA MED PA NYID DU 'GYUR RO, ,GAL TE DBANG PO'I RNAM PAR SHES PA RNAM PAR RTOG PA'I RANG BZHIN YIN NA, DE'I TSE SKYON GZHAN 'DIR YANG 'GYUR TE, GANG LA SGRA NI DES 'GOD PA, ,DE LA RNAM RTOG SKYE BAR 'GYUR, ,DES NA DBANG SKYES 'DOD PA YIS, ,'JUG 'GYUR PHYI ROL MTHONG MI 'GYUR, ,SGRA NI LKOG TU GYUR PA'I DON LA 'JUG CING RNAM PAR RTOG PA RNAMS KYANG DE LA 'JUG PA YIN TE, DE'I PHYIR DBANG PO'I RNAM

PAR SHES PA SGRA BZHIN DU DMIGS PA KHO NAR 'GYUR GYI PHYI ROL MTHONG BA NI MI 'GYUR RO, ,LKOG TU GYUR PA'I DON LA 'JUG PA NI DMIGS PA DANG BCAS PA MA YIN TE, RANG GI NGO BO LA REG PA MED PA'I PHYIR RO, ,RANG GI NGO BO LA REG NA NI DA LTAR BA GSAL BAR 'DZIN BA'I PHYIR 'DI'O ZHES BYA BA NYID DU 'GYUR GYI DE ZHES BYA BAR NI MA YIN NO, , YANG NA DRAN PA THAMS CAD DBANG PO'I SHES PA NYID DU 'GYUR TE, KHYAD PAR MED PA'I PHYIR RO, ,SGRA'I SHES PA'I PHYI ROL GYI RANG BZHIN LA REG PA CAN MA YIN NO, ,CI STE PHYI ROL GYI DON LA SGRA 'GOD PA DE LTA YIN YANG SGRA'I SHES PA JI LTAR 'DOD PA BZHIN 'JUG PA, DE BZHIN DU DBANG PO LAS SKYES PA YANG 'GYUR RO, ,DES NA PHYI ROL GYI DON MED PA DAG KYANG 'JUG PAS DMIGS PA MED PAR GYUR TE, KHYAD PAR MED PA'I PHYIR RO, ,'ON TE GANG LA 'DOD PA'I RJES SU BYED PA MED PA DER DON GYI RJES SU BYED PA'I PHYIR, PHYI ROL GYI DON LA DMIGS PAR 'GYUR RO ZHE NA, GAL TE DON GYI RJES SU BYED PA MNGON SUM GYI MTSAN NYID YIN PA DE LTA NA NI DE'I TSE DBANG PO'I RNAM PAR SHES PA RNAM PAR RTOG PA MED BA NYID DU 'GYUR TE, SGRA'I RNAM PA NYID NI 'DOD PA LA RAG LAS PA YIN PA'I PHYIR RO, ,DE NI PHYI ROL GYI DON GYI RJES SU 'GRO BA MA YIN TE, BAG CHAGS KYI RJES SU 'GRO BA CAN YIN PA'I PHYIR RO, ,CI STE GAL TE SGRA'I RNAM BA BAG CHAGS KYI RJES SU 'GRO BA YIN PA DE LTA NA YANG BAG CHAGS DANG, DBANG PO'I TSOGS PA LAS GCIG PO NYID YIN PA'I PHYIR, MNGON SUM RTOG PA DANG BCAS PA YIN NO, ,THA SNYAD NI DE LTA BU NYID YIN TE, DE LTA MA YIN NA ZHES PAS YUL DU MA BYAS BA LA THA SNYAD DU MI 'GYUR RO, ,'DI NI BDE BA LA SOGS PA'I SGRUB PAR BYED PA YIN PAR NGES SO ZHES 'JIG RTEN GYI THA SNYAD MTHONG BA YIN NO ZHE NA, DE YANG MI BDEN PA NYID DE, 'DI LTAR, JI LTAR TSOGS LAS SHES PA NI, ,SKYE BAR 'GYUR 'DOD DE BZHIN DU, ,THA SNYAD NYID 'GYUR 'DI NYID LA, ,TSAD MA MED PA NYID PHYIR RO, ,THA DAD PA NI RGYU THA DAD PA LAS YIN NO, ,SGRA DANG DBANG POS BSKYED PA'I SHES PA'I DON GYI RNAM PA DAG NI BAG CHAGS LA SOGS PA RGYU THA DAD PA KHO NA'O, , THA SNYAD NI GCIG NYID MA YIN GYI, ,MA YIN TE, TSOGS PA TZAM GYIS TE, SHES PA GNYIS KYI THA SNYAD SKYE BA'I PHYIR RO, ,GZHAN RNAM PAR RTOG PA NA YANG THA SNYAD SRID PA'I PHYIR RO, ,RNAM PAR RTOG PA GZHAN MNGON DU GYUR PA NA DE ZHEN PAS YUL DU , DE NYAM SU MYONG BA MED PA YANG MA YIN TE, DE LTA DANG PHYIS MYONG BAR 'GYUR BA YIN NO, ,DE NI DBANG PO'I SHES THA SNYAD 'GYUR BA NI MA YIN NO, ,

, ,DON BYA BA SBYOR BAR BYED PAS THA SNYAD DU 'GYUR BA YIN PA'I PHYIR RO, ,DON BYA BA YANG SNGAR NYAMS SU MYONG BA DANG PHYIS MYONG BAR 'GYUR BA YIN NO, ,DE NI DBANG PO'I SHES PA'I YUL MA YIN TE, RJES SU DPAG PA MED PAR THAL BA'I PHYIR RO, ,PHYI ROL MTHONG MI 'GYUR ZHES BYA BA'I DON CI YIN ZHE NA, PHYI ROL MTHONG BA MA YIN PA DE DAG KYANG DBANG PO LAS SKYES PAR 'GYUR RO ZHES BYA BA YIN NO, ,DE BZHIN DU, CHOD PA LA SOGS YOD NA YANG, ,DBANG PO'I BLO NI SKYE BAR 'GYUR, ,ZHES BYA BA YANG BAR CHOD LA SOGS PA YOD PA LA YANG SKYE BA'I BLO GANG YIN PA DPER NA DE ZHES BYA BA DANG, CHA SHAS SO SNYAM PA'I DE YANG DBANG PO LAS SKYES PAR 'GYUR RO ZHES BYA BA YIN TE, 'DI NI SNGAR BSHAD ZIN TO, ,'O NA JI LTAR DNGOS PO 'DI SNYAM DU NGES PA MDUN NA GNAS PA'I DNGOS PO NGES PAR BYED PA YIN 'DI LA NGES PA'I YUL LKOG TU GYUR PA NI YOD PA MA YIN TE, 'DI ZHES BYA BA NI MNGON SUM DU NYE BA'I DON YIN PA'I PHYIR RO ZHE NA, DE NI MI BDEN TE, 'DI NI YID KYI MNGON SUM YIN NO ZHES BSHAD PAR BYA'O, ,GAL TE NGES PA MED PAR THA SNYAD MED PA YIN NA, DE'I TSE, NGES PAR MA BYAS PA GZUNG BA MED PAR 'GYUR TE, GZUGS LA GZUGS ZHES MTHONG BA NA, DE YI BLO ZHEN JI LTAR MTHONG, ,DE YI NYAMS SU MYONG BA'ANG YOD, ,DE NI RTOG MED JI LTAR YIN, SHES PA THAMS CAD RNAM PAR RTOG PA DANG BCAS PAR SMRA BA'I LTAR NA, GZUGS LA GZUGS SO SNYAM DU MTHONG BA YIN YANG, DE'I BLO JI LTAR MTHONG BAR 'GYUR TE, DE LA DE'I BLO'O SNYAM PA'I RNAM PAR RTOG PA NI YOD PA MA YIN NO, ,CI STE SNYAM SU MYONG BA NYID MED PA DE LTA NA YANG THA SNYAD YOD PA YIN NA, DE NYAMS SU MYONG BA MED KYANG SHES PA LA KHYED KYI 'DOD PAS DON GYIS GO BA LA SOGS PAS THA SNYAD JI SNYED PA SRID PA YIN NA RNAM PAR RTOG PA NI YOD PA YIN, MED PAS GSAL BAR NYAMS SU MYONG BA LA LTI CI SMOS, DE NYAMS SU MYONG BA MED PA YANG MA YIN TE, DE LTA MA YIN NA NI 'DI NI GZUGS MTHONG BAR BYED PA YIN NO SNYAM PA'I RNAM PAR RTOG PA SRID PAR GA LA 'GYUR, DE'I TSE BDE BA LA SOGS PA NI NYAMS SU MYONG BA KHO NA YIN NA, DE LA BDE BA LA SOGS PA'O SNYAM PA'I RNAM PAR RTOG PA'I NYAMS SU MYONG BA MED DO, ,DES NA BLO NYAMS SU MYONG BA NI RNAM PAR RTOG PA MED PA KHO NA'O, ,RNAM PAR RTOG PA MED PAS NYAMS SU MYONG BA LA YANG

THA SNYAD YOD PA YIN NA NI BLO BZHIN DU GZUGS LA SOGS PA LA YANG THA SNYAD DU 'GYUR MOD, CI STE 'DI NI GZUGS MTHONG BA YIN NO SNYAM PA DE YANG RNAM PAR RTOG PA YIN TE, RTOG PA DANG BCAS PA'I MNGON SUM NYID YIN NO ZHE NA, 'DI LA BRJOD PA RNAM PAR RTOG PA DANG BCAS PA'I MNGON SUM DE, GZUGS MTHONG BA NYID YIN NAM; GZUGS MTHONG BA LAS GZHAN YIN ZHES PA RNAM PA GNYIS SU 'GYUR RO, ,DE LA, DE NYID KYIS MYONG YIN NA NI, ,RTOG GNYIS CIG CAR MTHONG BA MED, ,GAL TE GZUGS KYI SHES PA DE NYID KYIS BRTAG PAR BYA BA BDAG NYID RTOG PA YIN NA DE'I TSE, GCIG LA RIM PA MI 'THAD PA'I PHYIR, CIG CAR RNAM PAR RTOG PA GNYIS SU THAL BAR 'GYUR NA MTHONG BA YANG MA YIN NO, ,DE NYID RIM GYIS GZUGS LA SOGS PA DANG RANG GI NGO BO NYAMS SU MYONG BA'I BDAG NYID YIN NO ZHE NA, GAL TE BLO GCIG RIM PA BDAG GIR BYED NA, RIM PA YANG RIM PA MA YIN PAR 'GYUR RO, ,DE YANG RIM GYIS BDAG GIR BYED DO ZHE NA THUG PA MED PAR 'GYUR RO, , GZUGS LA MNGON BAR ZHEN PA'I GNAS SKABS NA RANG LA MNGON PAR ZHEN PA MED PA'I PHYIR JI LTAR GCIG NYID YIN, MNGON PAR ZHEN BA MA YIN PA'I BLO GZHAN NI MED DO, ,DE THA SNYAD NI BLO NYID THA DAD PAR YIN PA'I PHYIR JI LTAR GCIG NYID KYI RIM PA YIN, MNGON PAR ZHEN PA THA MI DAD DO ZHE NA, RANG GI NGO BO MNGON PAR ZHEN PA DE LA YANG GZHAN GYIS MNGON PAR ZHEN PAR 'GYUR DGOS PAS THUG PA MED PA DE NYID YIN NO, ,DE'I PHYIR, DE NYID KYIS NYAMS SU MYONG BA YIN NA NI, CIG CAR RNAM PAR RTOG PA GNYIS 'BYUNG BAR THAL LO, ,DES NI DUS MTSUNGS RNAM PAR SHES, ,GZHAN GYIS MYONG BA BSTAN PA'I PHYIR, ,DUS MTSUNGS PA'I RNAM PAR SHES PA NYAMS SU MYONG BA LA YANG, CIG CAR RNAM PAR RTOG PA GNYIS SU THAL BAR 'GYUR RO, ,DES NA DE LA YANG RNAM PAR RTOG PA GZHAN GYIS 'GYUR BA YIN PA'I PHYIR, RNAM PAR RTOG PA MTHAR THUG PA MED PAR THAL BA YIN NO, ,CI STE YANG MNGON SUM MAM DON GYIS GO BA'I BLO PHYIS 'BYUNG BA'I NYAMS SU MYONG BA YIN NO ZHE NA, DE NI MA YIN TE, 'DI LTAR, 'DAS PA NI DRAN PAR 'GYUR, ,MYONG BA MED LA DE JI LTAR, ,RANG GI BLO DANG GZHAN GYI BLO, ,YONGS GCOD NGO BOR GCIG PAR 'GYUR, ,GAL TE 'DAS PA'I RIG PA YIN NA DE LA MNGON SUM DU MI 'GYUR TE, YOD PA'I YUL CAN YIN PA'I PHYIR RO, ,DE'I TSE YOD PA DE

, ,NYID SNANG BA YIN NO ZHE NA, 'O NA NI GZUGS 'DZIN PA'I RANG BZHIN MA YIN PAR 'GYUR LA, BLO GZHAN YANG YOD PA MA YIN NO, ,CI STE BLO'I RANG BZHIN NI RTOGS PA YIN PAS, DE LA NI GANG DANG GANG NYE BA'I DON DE DANG DE NYID SNANG BA YIN TE, SHEL DANG ME LONG LA SOGS PA BZHIN NO ZHE NA, DE NI MA YIN TE, 'O NA NI DE'I TSE GZUGS 'DZIN PA 'DAS PA YIN NO, ,RTOGS PA'I RANG BZHIN NI DE'I TSE YOD KYANG GANG DU NYE BAR MKHO BA YIN, DES NA NGA'I GZUGS 'DZIN PA 'DI YIN NO ZHES BYA BAR MI 'GYUR GYI, BYUNG BAR GYUR TO ZHES BYA BAR 'GYUR NA, DE LTAR NI MNGON SUM 'JUG PA MED DO, ,'ON TE GZUGS 'DZIN PA LA NI 'DAS PA YANG YOD LA DA LTAR BA YANG YOD DO ZHE NA, DE LTA YIN NA SNGAR YANG 'DAS PA NYID YOD PA'I PHYIR 'THAD PAR DKA'O, ,'DI LTAR, KUN TSE 'DAS PA'I DNGOS YIN PAS, ,DE NI KUN TSE DA LTAR MIN, ,DE LTAR YIN GZUGS 'DZIN NA NI, ,KUN TSE YOD CES BYA MIN BDEN, ,RTAG TU 'DAS PA NYID YIN NA, ,DE LAS KYANG SNGAR YOD PA YIN LA, DE LAS KYANG SNGAR YOD PA YIN PA'I PHYIR, GZUGS 'DZIN PA DUS THAMS CAD DU YOD PAR MI 'GYUR RO, ,'ON TE SNGAR DA LTAR BYUNG BA'I YIN LA PHYIS 'DAS PA NYID YIN NO ZHE NA, DE LTA YIN NA DE SHES PA GCIG CES BYA BAR MI 'GYUR RO, ,CI STE GCIG NYID YIN NO ZHE NA, DE LTA YIN NA GNYI GCIG CAR 'DZIN PAR 'GYUR RO, ,RIM GYIS 'DZIN NA NI GCIG NYID DU MI 'GYUR RO, ,GCIG KYANG YIN LA RIM DANG BCAS PA YANG YIN NO ZHES BYA BAR NI 'GAL LO, ,GCIG SPANGS NAS GZHAN NYE BAR LEN PA NI RIM PA'I DON YIN TE, 'DI NI SNGAR BSHAD ZIN PAS YANG MI BRJOD DO, ,DES NA 'DAS PA 'DZIN PA NI MED PA KHO NA'O, ,DRAN PA YANG 'DZIN PA MED NA MED PA YIN PA'I PHYIR, GZUGS 'DZIN PA'I RTOGS PA NI MED PA KHO NAR 'GYUR RO, ,GAL TE MYONG BA 'DAS PA YIN GYI MYONG BA 'DI'O SNYAM DU RTOG PA MED PA YIN PA DE LTA NA, 'DI SU'I MYONG BA YIN, MI SHES PA'I PHYIR GZHAN GYI BLO RTOGS PA DANG 'DRA BAR 'GYUR TE, 'DAS PA DRAN PAR KHYAD MED PA'I PHYIR RO, ,GZHAN BLO YONGS GCOD CES BYA BA 'DI JI LTAR SHES PAR BYA BA YIN CI BLO GZHAN YONGS SU GCOD PA YIN NAM, 'ON TE GZHAN GYI BLO YONGS SU GCOD PA YIN, GAL TE RE ZHIG BLO GZHAN YONGS SU GCOD PA YIN PA DE'I TSE, RANG RIG PA MED PAR SMRA BA DE NI

'DOD PA NYID DO, ,'ON TE GZHAN GYI BLO YONGS SU GCOD PA YIN NO ZHE NA DE NI MA YIN TE, GZHAN GYI BLO YONGS SU GCOD PA MED PA'I PHYIR RO, ,GZHAN GYI BLO NI RJES SU DPAG PAS YONGS SU GCOD PA YIN NA, RJES SU DPAG PA RANG GI BLO YONGS SU GCOD PAR BYED PA NI MA YIN PA DE'I PHYIR, JI LTAR MTSUNGS PAR YONGS SU GCOD PAR BYED PA YIN NO ZHE NA, 'DI LA BSHAD PA, 'DAS PA LKOG GYUR YIN PAR NI, BRTZAMS NAS 'DI SKAD BRJOD PA YIN, MNGON SUM GRUB LA 'DAS PA DANG, ,LKOG TU GYUR PA SRID MA YIN, ,GAL TE DE YONGS SU RTOGS PA YIN NA, DE'I TSE 'DI GZUGS LA SOGS PA BZHIN DU LKOG TU GYUR PA NYID DANG 'DAS PA NYID MA YIN MNGON SUM DU BYAS PA NI DA LTAR BA YIN PA'I PHYIR RO, ,DE LTA MA YIN NA NI DA LTAR BA NYID MED PAR 'GYUR RO, ,DES NA LKOG TU GYUR PA THAMS CAD NI RJES SU DPAG PAS RTOGS PAR BYA BA YIN LA DE YANG DRAN PA'I RANG BZHIN YIN PA'I PHYIR BLO MYONG BA MTSUNGS PA NYID DU 'GYUR RO, ,CI STE RANG GI BLO DE NI LKOG TU GYUR BA YIN, YANG RJES SU DPAG PA LAS GZHAN PA'I TSAD MAS GZHAL BAR BYA BA YIN NO ZHE NA, DE LTA MA YIN NA DE NYID MTSUNGS PA YIN PAR 'GYUR RO, ,'ON TE GZHAN GYI BLO NI GZHAN DANG 'BREL PAR RTOGS PA YIN GYI BDAG GI BLO NI MA YIN TE, DE NI RANG DANG 'BREL BA NYID DU RTOGS PA YIN NO, ,GZHAN NI RNAM PA GZHAN DU RTOGS PAR 'THAD PA MA YIN NO ZHE NA, DE NI MI BDEN TE, MNGON DU BYED PA'I RANG BZHIN DU, ,'DZIN NA DE LTAR SRID PA YIN, ,RJES SU DPAG PAS DRAN PA NA, ,'DZIN PA SNGA MA RJES 'JUG PHYIR, ,DE NYID STON PAR BYED PA 'DI, ,DON RIG 'DAS PA DPE DAG DANG, ,BRAL ZHING RTAGS NI YOD MIN TE, ,CIS GRUB GANG PHYIR DE LA NI, ,MNGON SUM MA YIN RTAGS CAN MIN, ,SHES PA 'DAS PA LA DPE NI MED DE, MNGON SUM MED PA'I PHYIR RO, ,DES NA RIG PA BDAG DANG GZHAN DANG 'BREL PAR RTOGS SO SNYAM DU SHES PA NI RTAGS CAN MA YIN NO, ,DE BZHIN DU MNGON SUM MED PA'I PHYIR DANG, YOD NA 'DAS PA NYID DU MI 'GYUR RO ZHES BSHAD ZIN TO, ,DE'I PHYIR RTAGS DANG 'BREL PA BZUNG BA MED PAR RJES SU DPOG PA YIN PA'I PHYIR BLO TZAM ZHIG YONGS SU GCOD PAR THAL BAR 'GYUR RO, ,RANG RIG PA NYID YIN NA NI DE DANG GZHAN GYIS BYAS PA'I RNAM PAR BYED PAR 'GYUR RO, ,CI STE JI LTAR 'BREL PA MED PAR RJES SU DPOG PA YIN PA DE

, ,BZHIN DU RNAM PAR DBYE BA YANG RJES SU DPOG PA YIN NO ZHE NA, DE YANG MI 'THAD DE, GANG GIS BLO DE MTHONG 'GYUR BA, ,GZUGS 'DZIN TZAM ZHIG 'BYUNG 'GYUR TE, ,DPER NA TSIG PA MTHONG BA LAS, ,PHYOGS DER ME SNGON BYUNG BA BZHIN, ,DE LA ME BDAG GAM GZHAN GYIS BYAS PA ZHES RNAM PAR DBYE BA 'GYUR BA NI MA YIN NO, ,CI STE GANG ZHIG GZHAN GYI LUS DANG 'BREL PAR RJES SU DPAG PAR BYA BA DE NI GZHAN GYI BLO YIN LA DE LTA MA YIN NO ZHES RNAM PAR DBYE BA YOD PA YIN NO ZHE NA, BDAG GI BLO MNGON SUM GYIS BZUNG BA YIN NA, 'DIR NI RIGS PA YIN TE, 'DI LTAR GZUGS 'DZIN PA GANG ZHIG RANG RIG PAR 'GYUR BA DE NI BDAG GI YIN LA GZHAN NI GZHAN DU YIN PA'I PHYIR RNAM PAR DBYE BA 'THAD PA YIN NO, ,'ON TE DPER NA MDO SDE PA'I GZUGS LA SOGS PA DE'I DE MA THAG TU BYUNG BA DE'I NGO BOR SNANG BA'I RNAM PAR SHES PAS GZUNG BAR BYA BA DE BZHIN DU GZUGS 'DZIN PA 'DAS PA NYID DU YOD PA YANG YIN NO ZHE NA, DE NI MI BDEN TE, 'DI LTAR, GAL TE DE YI NGO BOR NI, ,SNANG CAN DE MA THAG PA'I BLOS, ,GZUGS SOGS BZHIN DU 'DZIN 'GYUR NA, ,SNGA BLO DE NI 'DZIN MI 'GYUR, ,GZUGS LA SOGS PA NI SNGA MA'I NGO BOR SNANG BA MA YIN TE, DA LTAR GYI BLO LA GNAS PA'I RNAM PA NI DA LTAR BA KHO NAR SNANG BA'I PHYIR RO; ,DE'I RANG BZHIN GYI BLO GZUNG BA NYID GZUGS 'DZIN PA YIN NO, ,BLO'I BLO NI DE LTA MA YIN TE, BLO'I BLO LA BLO 'DZIN PA MED PA'I PHYIR RO, ,CI STE BLO'I BLO YANG DE'I TSE 'DZIN NO ZHE NA, DE LTA YIN NA DE LAS GZHAN PA'I YANG GZUNG DGOS PAS THUG PA MED PAR 'GYUR RO, ,DE LTAR GYUR NA NI THAMS CAD MA BZUNG BA NYID DU 'GYUR RO, ,CI STE DE'I TSE BLO'I BLO MA BZUNG BA NYID YIN NO ZHE NA, DE LTA YIN NA DE LA ZHUGS PA'I GZUNG BA YANG BZUNG BAR THAL LO, ,BLO'I BLOS DE MA THAG TU SNANG BA CAN GANG YIN PA DE NYID 'DZIN PAR 'GYUR GYI, DE LAS SNGA MA DAG NI MA YIN NO, ,CI STE BLO DANG PO'I DE MA THAG PAR YANG BLO SKYE BA DANG LDAN PAR 'DOD NA, DE LTA YIN NA GZUGS KYI BLO LA SOGS PA BAR CHOD PA MED PAR 'DZIN PA MED PAR 'GYUR RO ZHES 'CHAD PAR 'GYUR RO, ,'O NA NI BLO NI RGYUN GCIG TU SKYE BA YIN LA, DE'I DE MA THAG TU SNGAR GYI BLO THAMS CAD 'DZIN PAR BYED PA'I BLO GCIG SKYE BA YIN NO ZHE NA, DE LTA NA YANG BLO THAMS CAD RIM PA DANG LDAN PAR RTOGS PAR MI 'GYUR TE,

BLO RIM PA MA YIN PAR SNANG BA'I PHYIR RO, ,'ON TE RIM PA KHO NAR SNANG BA YIN NO ZHE NA, MNGON SUM GCIG NYID KYIS RTOGS PAR MI 'GYUR TE, RNAM PAR CHAD PA 'DZIN PA'I PHYIR RO, ,DRAN PA NYID CES BYA BA LA NI SNGAR NYES PA BRJOD ZIN TO, ,GAL TE RANG GI NGO BO RANG GIS 'DZIN PA NI RTOG PA MED PAR 'DZIN PA YIN DU CHUG KYANG; GZUNG BAR BYA BA THA DAD PA RNAM PAR RTOG PAS 'DZIN PA LA 'GAL BA CI YOD CE NA, CUNG ZAD KYANG MED MOD KYI 'ON KYANG, JI LTAR RANG GI YUL CAN GYI, ,RNAM SHES NYAMS MYONG DE RTOGS MED, ,DE BZHIN BRDAR BYA MI NUS PA, ,GZHAN YANG RTOG PA MED PAR 'GYUR, ,RE ZHIG RANG GI NGO BOS 'DZIN PA DE CI'I PHYIR, , RNAM PAR RTOG PA MED PAR 'DZIN PA YIN PAR BZUNG, ,ZHES BYA BA 'DI LA YANG, LAN 'DI NYID YIN TE, SGRA'AM CHOS GZHAN YANG RUNG STE, RANG GI NGO BO NYID KYIS NI RANG GI NGO BO NYID SBYOR BAR BYED PA MA YIN NO ZHES BYA BA YIN NO, ,DE BZHIN DU GZUGS LA SOGS PA YANG GZHAN GYIS GZHAN DANG SBYOR BAR NUS PA MA YIN NO, , RANG GI NGO BOS SNANG BA LA NI SBYOR BA SRID PA MA YIN PA'I PHYIR RO, ,RANG GI NGO BOS SNANG BA NI GZHAN DU SNANG BA DANG BA LANG GI SGRA'I RANG BZHIN YIN NO SNYAM DU SHES PA NI MA YIN SBYOR BAR BYED PA MA YIN TE, RANG GI NGO BOR SNANG BA LAS THA SNANG BA MA YIN PA SBYOR BA YIN NO ZHES BYA BA YANG DON DAM PA MA YIN NO, ,CI STE 'DI NI BA LANG NGO ZHES BYA BAR SHES PA LA SNANG BA NYID SBYOR BA YIN NO ZHE NA, 'DI LA BSTAN ZIN TO, ,'DI BA LANG NGO ZHES BYA BA YANG 'DI BA LANG GI SGRA'I RANG BZHIN YIN NO SNYAM DU SHES PA NI MA YIN GYI, 'ON KYANG 'DI NI BA LANG GI SGRA'I BRJOD PAR BYA BA YIN NO SNYAM PA'I YIN TE, DE KHO NA LTAR NGES PA NYAMS SU MYONG BA'I PHYIR RO, ,GZHAN YANG SPYOD PA GANG ZHIG GI, ,SPYI BRJOD DANG TSUL CAN SGRA DANG, ,RTOG PA'ANG DE DANG DON GCIG NA, ,DE YI RTOG PA MED NA NI, ,KHYAD PAR GANG GIS RTOGS PAR 'GYUR, ,'ON TE RNAM PAR RTOG PA DE DANG DON GCIG PA MA YIN NO ZHE NA, DE LTA YIN NA NI, KHYAD PAR SGRA DANG MI SBYOR BA'I PHYIR BA LANG NGO SNYAM PA'I RNAM PAR RTOG PA DANG BCAS PA'I SHES PA'I KHYAD PAR 'DZIN BA MA YIN PAR 'GYUR RO, ,SBYOR BA'I SHES PA YANG GZHAN YIN LA, KHYAD PAR 'DZIN PA YANG GZHAN YIN NO ZHES BYA BAR 'GYUR TE, GSAL BA DANG, CIG SHOS KYI RANG GI NGO BO THA DAD PA'I PHYIR DANG, RGYU THA DAD PA'I PHYIR RO, ,'DI LTAR, SGRA DANG SPYI YI RNAM PA YI, ,RGYU NI RANG GI BAG

, ,CHAGS YIN, ,GZUGS SOGS GSAL BAR SNANG BA NI, ,MIG SOGS DAG LAS BYUNG BA YIN, ,SGRA'I RNAM PA NYID NI BRDA'I DUS SU NYAMS SU MYONG BA'I SGRA GOMS PA'I STOBS LAS SKYE BA YIN GYI, MIG LA SOGS PA LAS NI MA YIN NO, ,SPYI'I RNAM PA GNYIS KYANG DE BZHIN NO, ,'DI LTAR MIG LA SOGS PA NYID KYANG SNGON NYAMS SU MYONG BA'I BAG CHAGS KYIS SEMS KYI RGYUD MNGON PAR 'DUS BYAS PA LA 'BYUNG BA YIN LA MIG LA SOGS PA YOD KYANG, DE DANG RJES SU MTHUN PA'I BAG CHAGS DANG BRAL BA'I SEMS LA DE MED PA'I PHYIR, MIG LA SOGS PA'I RGYU CAN NYID NI MA YIN NO, ,CI STE MIG LA SOGS PA MED PAR NI, MIG LA SOGS PA'I RGYU DANG RJES SU 'BREL PA LA SNANG BA'I DON DANG GZHI MTHUN PA NYID DU MI 'GYUR RO ZHES BYA BAR 'DOD NA, DE YANG GYI NA STE, ME DE 'DI'O SNYAM PA YI, ,SHES PA GZHI MTHUN CAN YIN PHYIR, ,RJES SU DPAG PAS RTOGS PA YI, ,RANG BZHIN DANG YANG MTHONG BA YIN, ,DE DANG GZHI MTHUN PA CAN TZAM GYIS NI DE 'DZIN PA'I SHES PA DANG, RGYU GCIG LA RAG LAS PA'I SHES PAS GZUNG BAR BYA BA YIN PAR MI 'GYUR TE, RJES SU DPAG PA LA SOGS PA'I SHES PA GZHAN GYIS GZUNG BA DANG YANG GZHI MTHUN PA CAN NYID SRID PA'I PHYIR RO, ,RNAM PA GNYIS NYAMS SU MYONG BA'I DE LAS MA GTOGS PA'I GZHI MTHUN PA NYID KYANG YOD PA MA YIN NO, ,'O NA GZHI MTHUN DANG CIG SHOS KHYAD PAR GANG YIN TE, RANG BZHIN GNYIS NYAMS SU MYONG BA NI GZHI THA DAD PA'I DON DAG LA YANG MED PA MA YIN NO ZHE NA, DE YANG RTOGS PAR SLA STE, 'DI LTAR, DON GCIG BYED PAS GCIG NYID KYI, ,THA SNYAD RAB TU SKYE BA'I PHYIR, ,GZHI MTHUN PA DANG LDAN PA YI, ,THA SNYAD KYANG NI 'THAD PAR BLA, ,THA SNYAD NI RNAM PAR CI ZHIG LTAR RGYU TZAM LAS SKYE BA YIN NO, ,GZHI MTHUN PA LA SOGS PA'I THA SNYAD NI THOG MA MED PA'I THA SNYAD BRGYUD PA LAS 'ONGS PA YIN NO, ,YONGS SU BRTAGS NA NI MI BZOD PA NYID DE GANG GI PHYIR BRTAGS NA NI NYAMS PAR 'GYUR BA KHO NA'O, ,'DI LTAR; ME DE 'DI ZHES SHES PA DER, ,GNYIS PO 'BA' ZHIG KHO NA STE, ,DE YI NGO BOR SNANG BA LAS, ,GZHI MTHUN PA NI GZHAN YOD MIN, ,ZHES BYA BA NI BSDU BA'I TSIGS SU BCAD PA'O, ,GNYIS SU SNANG BA GZHAN LA, GZHI MTHUN PA'I THA SNYAD DU JI LTAR MI 'GYUR ZHE NA, BAG CHAGS NGES PAS THA SNYAD NGES PA'I PHYIR

RO; ,DON BYA BA GCIG PAS BYAS PA'I BAG CHAGS SAD PA YANG NGES PA KHO NA YIN NO, ,SHES PA GNYIS SNANG BA YIN NA THA DAD PA'I THA SNYAD NYID DU CI'I PHYIR MI 'GYUR ZHE NA, BAG CHAGS NGES PA'I PHYIR RO ZHES BSHAD ZIN TO, ,DE'I PHYIR GZHI MTHUN PA CAN LAS NI RNAM PAR RTOG PA DANG BCAS PA'I SHES PA GCIG PU YIN PAR MI 'GYUR RO, ,CI STE SPYI DANG KHYAD PAR SHIN TU THA DAD PA MA YIN PA DE'I PHYIR DON GCIG PA YIN YANG RNAM PAR RTOG PAS KHYAD PAR RTOGS PA YIN NO ZHE NA, DE NI MI BDEN TE, GAL TE BDAG NYID THAMS CAD DAM, ,RNAM 'GAS THA DAD MED PA'I PHYIR, ,SPYI LAS KHYAD PAR SHES NA NI, ,SHES KUN GCIG TU 'GRO BAR 'GYUR, ,GAL TE RTOG PA LA SPYI SNANG BA NA, DE DANG THA MI DAD PA'I PHYIR KHYAD PAR YANG SNANG BA YIN NA, SGRA'I SHES PA LA YANG SNANG BAR 'GYUR TE, RIGS PA MTSUNGS PA'I PHYIR RO, ,RIGS PA MTSUNGS PAS NI RIGS PA'I YUL MI MTSUNGS PA NI MA YIN TE, PA MTSUNGS PAS NI RIGS PA'I YUL MI MTSUNGS PA NI MA YIN TE, 'ON TE MIG LA SOGS PA'I RGYU MED PA'I PHYIR, KHYAD PAR DE MI SNANG BA YIN NO ZHE NA, 'O NA DE THA MI DAD PAR JI LTAR 'GYUR, DE DANG LHAN CIG RJES SU ZHUGS PA MA YIN PA NI GCIG PAR SHES NUS PA MA YIN NO, ,PHYIS RJES SU 'JUG PA'I PHYIR RO ZHE NA, DE NYID DE'I TSE MED PA YIN GYI DE RJES SU 'JUG PA NI MA YIN NO, ,DE NI DE'I RANG BZHIN NYID KYIS DE KHO NA YIN NO, ,GAL TE DE NI DER SNANG NA, ,JI LTAR RJES SU 'JUG PAR RTOGS, ,GAL TE DE NI DER SNANG BA YIN NA'ANG, ,JI LTAR RJES SU 'JUG PAR RTOGS, ,GAL TE DE SNGAR RANG BZHIN GANG GIS MTHONG BA'I RANG BZHIN DE NYID KYIS SNANG BA YIN NO, ,JI LTAR RJES SU ZHUGS PAR RTOGS TE, SNGA MA NYID BZHIN NO, ,GAL TE DE'I RANG BZHIN DU MI SNANG BA NYID NA YANG DE NYID GZHAN LA MED PA'I PHYIR DE RJES SU ZHUGS SO ZHES JI LTAR RTOGS, DE'I PHYIR MI SNANG BA DANG NI GCIG MA YIN LA DU MA YANG MA YIN NO, ,DE'I PHYIR SNGAR THA DAD PAR SNANG BA'I PHYIS RJES SU CHUD PA YIN NO ZHES BYA BA 'DI NI GYI NA'O, ,DES NA RGYU MED PAS GCIG TU SNANG BA MED PA YANG, DU MA NYID YIN NO, ,DE'I PHYIR, RTOG PA MED PA MED NA NI, ,KHYAD PAR GANG GIS RTOGS PAR 'GYUR, ,GAL TE RTOGS MED 'GA' ZHIG KYANG, ,YOD NA DE DANG MTSUNGS RGYU CAN, ,THAMS CAD DE BZHIN 'BRAS BDAG NYID, ,THA DAD RGYU THA DAD LAS YIN, ,'ON TE RTOG PA'I RANG

, ,BZHIN SPANGS NAS KHYAD PAR KHONG DU CHUD PA YIN TE, MIG LA SOGS PA'I RGYUS BSKYED PA NI KHYAD PAR RIG PA YIN PA'I PHYIR RO ZHE NA, DE LTAR YIN NA DE'I RGYU LA RAG LAS PA THAMS CAD RTOGS PA MED PA KHO NAR 'GYUR RO, ,RGYU THA DAD PA LA MA BRTEN PAR NI DNGOS PO THA DAD PA TSAD MA DANG LDAN PAR MI 'THAD DO, ,DE'I PHYIR DE'I RIGS CAN GYI RGYU DANG 'BREL PA NI DE'I RIGS CAN NYID DO, ,RNAM PAR RTOG PA DANG BCAS PA'I SHES PA DANG CIG SHOS NI RGYU MTSUNGS PA NYID MA YIN NO, ,'DI LTAR, ,PHYI ROL DON LA LTOS MED PAR, ,BRDA DRAN PA LAS SBYOR BA YIN, ,DE BZHIN BRDA LA LTOS MED PAR, ,DNGOS NUS NYID LA MIG BLOR 'GYUR, ,DBANG PO'I RNAM PAR SHES PA DANG SBYOR BA'I RTOGS PA NI PHAN TSUN SPANGS TE, GNAS PA'I NGO BO NYID KYIS TSOGS PA DAG GI STOBS KYIS BSKYED PA YIN NO, ,JI LTAR RANG GI NGO BO'I TSOGS PA LAS BYUNG BA LAS BRTEN PA CAN GYI RANG BZHIN DANG 'BREL PA CAN DU 'GYUR BA YIN, SBYOR BA NI PHYI ROL LA MI LTOS PAR BRDA DRAN PA'I STOBS LAS BYUNG BA YIN LA, DBANG PO'I SHES PA NI BRDA LA MI LTOS PAR PHYI ROL LA LTOS PAS YIN NO, ,DE LA NI RTOG PA YOD PA MA YIN TE, RTOG PA'I RGYU MED PA'I PHYIR RO, ,RGYU MED PAR 'BRAS BU 'BYUNG BA NI MED DO, ,'ON TE SGRA DANG SPYI LA SOGS PA DANG 'BREL PA'I PHYI ROL GYI MTHUS BSKYED PAS NA DBANG PO'I RNAM PAR SHES PA RTOG PA DANG BCAS PAR 'GYUR BA YIN NO ZHE NA, DE YANG MI BDEN TE, GANG GI PHYIR, GANG ZHIG GANG DANG MNGON 'BREL TE, ,NGES PAR DE DANG LHAN CIG TU, ,SNANG NGO ZHES NI BYA BA 'DI, ,TSAD MA'I YUL DU GYUR PA YIN, ,DE LTA YIN NA NI MA LA SOGS PA MTHONG BA NA, 'BREL PA THAMS CAD SNANG BAR THAL LO, ,'ON TE GANG ZHIG GANG LA GNAS PA SPYI LA SOGS PA DE NI DE SNANG BA NA KHO NA'O SNYAM NA, DE YANG MI BDEN TE, SGRA MI 'DZIN PAR THAL BA'I PHYIR RO, ,SNAM BU LA SOGS PA LA SGRA NI YOD PA MA YIN NO, ,DE LTA MA YIN NA NI BRDA MA BZUNG BA LA YANG SNAM BU SNYAM PA'I SHES PA 'BYUNG BAR GYUR NA, YOD PA YANG MA YIN NO, ,BRJOD PAR BYA BA NYID LA THE TSOM ZA BAR MTHONG BA'I PHYIR TE, DON DE GRUB KYANG RJOD PAR BYED PA'I BYE BRAG MA NGES PA'I PHYIR RO, ,SPYI'I RNAM PA NYID DU NI NGES PA KHO NA'O ZHE NA, MA YIN TE, DANG PO MTHONG BA LA MED PA'I PHYIR DANG, DE LAS THA DAD PA MA YIN NO ZHES BYA BA LA SOGS PAR RTOGS PA'I PHYIR RO, ,

CI STE YANG 'DI BA LANG NGO SNYAM PA LA SOGS PA'I SHES PA RNAM PAR RTOG PA DANG BCAS PA'I DBANG PO'I LHAN CIG BYED PA CAN GYI GZUGS LA SOGS PA NYID KYIS BRDA DRAN PA LA LTOS NAS SKYED PAR BYED PA YIN NO, ,MA LTOS PAR NI MA YIN TE, 'BRAS BU'I TSOGS PA LAS 'GRUB PA YIN PA'I PHYIR RO, ,GANG GI TSE SGRA DANG SPYI'AM KHYAD PAR GZHAN YANG RUNG STE, SNGAR BZUNG BA DRAN PA DE'I TSE DRAN PA DANG LHAN CIG PA'I MIG LA SOGS PAS SKYED PAR BYED PA YIN NO, ,DES NA BRDA MA BZUNG BA DANG, SNGON MTHONG BA DANG BRAL BA DAG LA NI MI 'GYUR RO ZHE NA, DE NI LEGS PAR MA BRTAGS PA YIN TE, 'DI LTAR, GAL TE GZUGS NI BRDA DRAN LA, , LTOS NAS DBANG PO'I BLO DAG LA, ,NUS 'GYUR LTOS MED MA YIN NA, ,RTAGS BZHIN DRAN PA NYID LA 'GYUR, ,SNGON NYAMS SU MYONG BA MED PAR NI DE DANG SBYOR BA YOD PA MA YIN NO, ,SO SOR NGES PA'I DRAN PA MED PAR YANG SO SOR NGES PA'I SGRA LA SOGS PA MED MED PAR NI DE DANG SBYOR BA YOD PA MA YIN NO, ,SO SOR NGES SA BON SAD PA MED PAR MA YIN NO, ,SO SOR NGES PA'I DRAN PA'I SA BON SAD PAR BYED PA YANG MTHONG BA MED PA MA YIN TE, DES NA DE MTHONG BA NI DE'I RJOD PAR BYED PA DRAN LA, DRAN NA NI SBYOR BA YIN NO, ,DE LTAR NA MTHONG BA LA DE DRAN NA RAB TU SAD PAR BYED PA'I GZUGS LA SOGS PA NI RTAGS NYID DU 'GYUR RO, ,DES NA SBYOR BA'I SHES PA THAMS CAD NA RTAGS CAN KHO NAR 'GYUR RO, ,'ON TE SPYI MTHONG BA MED PA KHO NA YIN NA, JI LTAR RTAGS LAS RTOGS PAR 'GYUR ZHE NA, CHA SHAS MTSUNGS PA NYID NI SPYI ZHES BRJOD PA YIN LA, DE YANG SNGAR DMIGS PA KHO NA'O, ,DES NA DRAN PAR BYA BA YIN TE, CHA SHAS DE 'DRA BA DANG LDAN PA NI, DE DANG MTSUNGS PA'I THA SNYAD KYI YUL YIN PA'I PHYIR RO, ,CHA SHAS RNAMS KYI MTSUNGS PA YANG DE 'DRA BA'I CHA SHAS MTSUNGS PA YIN PA'I PHYIR RO ZHES BYA BA NAS JI SRID DU DE LTA BUR GYUR PA'I BLO MTSUNGS PA'I PHYIR RO, ,BLO YANG DE LTA BUR GYUR PA'I ZHEN PA LAS YIN NO ZHES BYA BA'I BAR DU YIN LA ZHEN PA YANG THOG MA MED PA'I BAG CHAGS LAS YIN PA'I PHYIR SKYON MED DO, ,DES NA SGRA'AM SPYI LA SOGS PA DANG SBYOR BA NI RTAGS NYID LAS YIN PAR 'GYUR RO, ,'DI DRAN PA'I RJES SU DPAG PA KHO NA'O, ,CI STE DBANG PO'I BYED PAS SBYOR BA MNGON SUM NYID DU BRJOD DO ZHE NA, DE LTA YIN NA RJES SU DPAG PA MTHA' DAG DBANG PO LAS

, ,SKYES PA NYID YIN PA'I PHYIR MNGON SUM DU THAL BAR 'GYUR RO, ,'DI LTAR, PHYOGS 'DI NA NI ME'O ZHES, ,DBANG PO'I BYED DANG MA BRAL BAR, ,PHYOGS DANG ME NI SBYOR BYED PA, ,JI LTAR MNGON SUM NYID MI 'GYUR, ,'ON TE ME TZAM LA NI RJES SU DPAG PA YIN LA, SBYOR BA NI MNGON SUM KHO NA'O SNYAM NA, DE YANG MA SHES PA YIN NO, ,GANG GI PHYIR 'DI SKAD KYANG BRJOD PAR NUS TE, PHYOGS TZAM LA NI MNGON SUM DE, ,SBYOR BA RJES SU DPAG PA LAS, ,ME LA DBANG PO'I SHES PA MED, ,MA BZUNG BA NI SBYOR MA YIN, ,SBYOR BA NI RJES SU DPAG PA KHO NA LAS YIN PAR RIGS TE, ME LA DBANG PO'I BYED PA MED PA'I PHYIR RO, ,MNGON SUM GYIS MA BZUNG BA NI DES SBYOR BAR MI NUS TE, MA RTOGS PA DE DANG LDAN PAR RTOGS SO ZHES BYA BA NI 'GAL LO, ,RJES SU DPAG PAS KYANG SBYOR BAR MI 'GYUR BA MA YIN NAM, 'DI LTAR, PHYOGS LA RJES DPAG 'JUG MA YIN, ,MA BZUNG BA NI SBYOR BA MED, ,MNGON SUM NYID NI RJES DPAG GIS, ,BZUNG NGO ZHES BYA BAB CHOL YIN, ,JI LTAR LKOG TU GYUR PA'I ME LA MNGON SUM MI SKYE BA DE BZHIN DU MNGON SUM DU GYUR PA'I PHYOGS LA YANG RJES SU DPAG PA MA YIN PA'I PHYIR RIGS PA MTSUNGS SO, ,RJES SU DPAG PAR BYA BA NYID YIN NA NI MNGON SUM MA YIN TE, TSAD MA'I RNAM PAR GZHAG PA NYAMS PAR NI MI 'DOD DO ZHE NA, DON DAM DU NI SBYOR BA NYID, ,'GA' YANG YOD PA MA YIN TE, ,RNAM PA DE LTA'I RNAM RTOG NI, ,GNYI GA'I DE MA THAG TU SKYE, ,'DI NA 'DI'O ZHES SBYOR BA'I SHES PA NI MNGON SUM DANG RJES SU DPAG PA'I RJES LA BYUNG BA'I RNAM PAR RTOG PA YIN NO, ,DE YANG THOG MA MED PA NAS DE LTA BU'I THA SNYAD LAS SKYES PA'I RJES SU DPAG PA NYID YIN TE, DES NA RJES SU DPAG PAS SBYOR BA THA SNYAD BYED PA YIN NO, ,DES NA MNGON SUM GYIS DE LTAR MA BZUNG BA'I PHYIR, RJES SU DPAG PA YANG JI LTAR SBYOR BAR BYED PA'I RANG BZHIN DU SKYE ZHES BYA BA NI SKYON YOD PA MA YIN NO, ,DE'I PHYIR MNGON SUM GYI SBYOR BA'I RANG BZHIN MA YIN PA ZHES BYA BAR GNAS SO, ,'DI NI SNGAR BSHAD ZIN TO, ,JI LTAR DRAN PAR BYA BA LKOG TU GYUR PA LA YANG MNGON SUM 'JUG PA NYID DE, DES NA MNGON SUM NYID SBYOR BAR BYED PA YIN NO ZHE NA, DE YANG MI BDEN TE, 'DI LTAR, DER NI DER 'BREL SKYE BA'I PHYIR, ,DRAN LAS DBANG BLO 'GYUR BA'ANG YIN, ,DE LAS DUS GZHAN DU YANG

'GYUR, ,LA LAR RNAM G-YENG SRID PHYIR RO, ,GAL TE DBANG PO'I BLO DE DRAN PA DANG, 'BREL PAS DRAN PAR BYA BA LA SKYE BAR 'DOD NA DE'I TSE DBANG PO'I BLO DRAN PA NYID LAS 'GYUR TE DON NYE BA LA LTOS PAR NI MI 'GYUR RO, ,'ON TE DON NYE BA LA LTOS NA NI DE'I TSE 'DI DRAN PA LAS 'GYUR BA MA YIN TE MNGON DU BYED PA NI DRAN PA LAS GZHAN PA YIN PA'I PHYIR RO, ,YANG NA DUS GZHAN DU YANG 'GYUR TE 'GA' ZHIG LA RNAM PAR G-YENG BA RNAM PAR RTOG PA GZHAN GYI MTSAN NYID DE'I TSE SRID PA'I PHYIR RO, ,DE'I PHYIR DBANG PO'I SHES PA DE YANG DUS GZHAN DU DRAN PAR 'GYUR BA YIN NO, ,GZHAN YANG GAL TE DON DE DANG DBANG PO NI RNAM PAR RTOG PA MED PA'I SHES PA'I RGYU YIN NA THAMS CAD KYI TSE DE KHO NA LTAR 'GYUR TE, DES NA MNGON SUM RNAM PAR RTOG PA MED PA KHO NA'O, ,GAL TE RIM GYIS GNYIS RGYU YIN, ,THA DAD MED PHYIR SNGAR NYID 'GYUR, ,GAL TE 'DI GNYIS KA'I RGYU YIN NA SNGAR NYID GNYIS KA SKYED PA DANG 'BREL PAR 'GYUR RO, ,CI STE DRAN PA DANG LHAN CIG PA'I DBANG POS RNAM PAR RTOG PA DANG BCAS PAR BSKYED KYI GZHAN DU NI MA YIN NO ZHE NA, DE NI MI BDEN TE, DRAN PA MIG DANG LHAN CIG PA NYID DU DMIGS PA MED DO, ,LHAN CIG PA ZHES BYA BA TZAM GYIS NI THAMS CAD THAMS CAD KYI LHAN CIG PA MA YIN GYI, 'ON KYANG GANG ZHIG DE LTAR MTHONG BA DE NYID YIN NO, ,DRAN PAS NI MIG GI RNAM PAR SHES PA LA SOGS PAR BYED PA MA YIN NO; ,'ON TE NGES PA'I RANG BZHIN NYID DU BYED PA YIN NO ZHE NA, DE YANG SNYING PO YOD PA MA YIN TE, 'DI LTAR, GAL TE RANG BZHIN DE NGES NA, ,THA DAD MED PHYIR SNGAR NYID 'GYUR, ,DE DNGOS MIN NA DBANG SKYES LAS, ,DE NI SHES RAB NYID DU 'GYUR, ,GAL TE SNGAR SNANG BA'I RANG BZHIN NYID LHAG CHAD MED PAR NGES PA YIN NA, SNGAR GYI RANG BZHIN DANG MTSUNGS PA YIN PA'I PHYIR, NGES PA LA MA NGES PA LAS BLA LHAG MED PAR 'GYUR RO, ,'ON TE DE LA RANG BZHIN LHAG PA SNANG BA YIN NA, 'O NA NI RANG BZHIN GZHAN DANG 'BREL PA DE SHES PA GZHAN NYID DU 'GYUR RO, ,RANG BZHIN DE LA YOD PA'I KHYAD PAR LA SOGS PA LA NI DBANG PO'I BYED PA MED PA'I PHYIR RO, ,'ON TE 'DI'O ZHES BYA BAR SNANG BA NI DE NYID LA 'JUG PA YIN TE, DE'I PHYIR MNGON DU BYED PAS 'JUG PA'I PHYIR 'DI NI MNGON SUM NYID DO ZHE NA, DE YANG MI BDEN TE, 'DI LTAR, 'DI'O ZHES BYA BA'I RNAM RTOG NI, ,RNAM RTOG MED PA NYID 'GYUR TE, ,DON BYA SOGS DANG 'BREL PA NI, ,SNGA DANG PHYI MAR

, ,MI RTOG PHYIR, ,GZUGS LA SOGS PA NYE BA TZAM MNGON DU BYED PAS DON BYED PA LA SOGS PA DANG 'BREL PAR SNGA MA DANG PHYI MAR 'DZIN PA DANG BRAL BA'I PHYIR RTOG PA MED PA GZHAN LAS KHYAD PAR YOD PA MA YIN NO, ,RNAM PAR RTOG PAR MI BYED PA NYID NI RTOG PA DANG BCAS PA ZHES BYA BAR 'GYUR BA MA YIN NO, , DE'I PHYIR 'DI'O ZHES BYA BA GSAL BA'I RNAM PA CAN NI DRAN PAR BYA BA'I KHYAD PAR LA SOGS PA GSAL BA'I RNAM PA CAN MA YIN PA LAS GZHAN KHO NA YIN NO, ,DE LTAR MA YIN DANG, DBANG PO'I BLO RGYU GZHAN YIN NA, ,DE LA'ANG DRAN PA YOD MED 'GYUR, ,'ON TE RNAM PA GSAL BA CAN DBANG PO'I SHES PA'I YUL NI DRAN PAR BYA BA'I RNAM PA LAS GZHAN YIN PA NYID DO SNYAM NA, GAL TE DE LTA NA DE LA YANG DRAN PA DON MED PAR 'GYUR RO, ,DER 'DZIN PA LA NI DRAN PA MKHO BA YOD PA MA YIN TE DRAN PA MED KYANG DE NI DE LTAR RTOGS PA'I PHYIR RO, ,BRDA DRAN JI LTAR BRDAR BTAGS PA, ,GRUB BA'I DON DU 'DOD BA DANG, ,KHYAD PAR BRDAR BTAGS MED 'DZIN, , DE LA DRAN PA DON CI YOD, ,GAL TE DRAN PA DANG LHAN CIG PA'I MIG LA SOGS PAS DE'I RANG BZHIN DU SNANG BA YIN NO ZHE NA, DE MED NA DE'I RANG BZHIN DU SHES PA MED PAR 'GYUR RO, ,'DI ZHES BYA BAR SNANG BA MI 'GYUR BA KHO NA'O ZHE NA, MA YIN TE, 'DI ZHES BYA BAR SNANG BA MED KYANG DE'I RANG BZHIN SNANG BA'I PHYIR RO, ,YOD KYANG DES NI KHYAD PAR GZHAN YOD PA MA YIN PA'I PHYIR DE LA DGOS PA CI YOD, 'JUG PA LA DGOS SO ZHE NA, DE MED KYANG 'JUG PAR 'GYUR RO ZHES BSTAN PAR BYA'O, ,DE NI YID KYI MNGON SUM YIN NO ZHES KYANG STON PAR 'GYUR RO, ,'ON TE DRAN PA MED PAR DANG PO PA GOMS PA DAG MI LDAN PA MI 'JUG PA'I PHYIR DE'I DON DU DRAN PA 'DOD PA YIN NO ZHE NA, 'DI LA BRJOD PA, GAL TE KHYAD PAR BRDAR BTAGS PA MED PA 'BREL PAR MA BYAS PA 'DZIN NA, DE DRAN PAS GZHAN CI ZHIG BYED PAR 'GYUR TE GANG GI PHYIR DRAN PA NI 'BREL PAR BYAS PA GRUB PA'I DON DU 'DOD PA YIN NO, ,GAL TE DE LTAR MA GRUB NA NI DE RTOGS PA LA DRAN PA MKHO BA MED PAR 'GYUR RO, , DANG PO PA'I 'JUG PA NI, TSAD MA GZHAN RJES SU DPAG PA LAS 'GYUR BA NYID DO, ,DE'I PHYIR RNAM PAR RTOG PA NI RANG GI NGO BO NYID 'DZIN PA LA BYED PA YOD PA MA YIN LA, 'JUG PAR BYED PA YANG MA YIN NO, ,'DI NI DGOS PA MED PA YIN YANG GOMS PA LAS 'JUG PA NYID DO, ,DNGOS PO RNAMS DGOS PA YOD PA NYID KYI

PHYIR 'BYUNG BA NI MA YIN TE, DNGOS PO NI RGYU TZAM LA RAG LAS PA YIN PA'I PHYIR RO, ,'ON TE SNGA MA LAS GZHAN PA'I RANG BZHIN 'DZIN PA YIN NA, DE LTA NA NI 'DI YID KYI MNGON SUM GYI RANG BZHIN GYI SHES PA GZHAN NYID DO, ,DE LTAR YANG STON PAR 'GYUR RO, ,'ON TE SPYI NYID DE LTAR 'DZIN PA YIN GYI, SNGAR MA MTHONG BA'I KHYAD PAR NI MA YIN NO ZHE NA, DE LTA NA NI 'O NA SPYI TZAM 'DZIN PA YIN NA NI, KHYAD PAR LA LTOS MI RUNG NGO, ,GAL TE MIG LA SOGS PA DAG GIS SPYI 'DZIN PA NYID YIN NA, DE'I TSE KHYAD PAR 'DZIN PA GZHAN MED PA'I PHYIR SPYI 'DZIN PA NA KHYAD PAR 'DZIN PA LA LTOS PAR MI 'GYUR NA 'GYUR BA YANG YIN NO, ,'DI LTAR BA LANG NGO ZHES SPYI BZUNG BA NA, BA LANG JI LTA BU ZHIG CES RTOGS PA NI 'JIG RTEN NA MTHONG BA YIN NO, ,DE'I PHYIR MIG DANG GZUGS DAG LA, ,BRTEN NAS MIG BLO SKYE BAR 'GYUR, ,DE LA DRAN PA MKHO BA MED PA'I PHYIR, MIG GI BLO NI MIG DANG GZUGS TZAM KHO NA LAS SKYE BA YIN NO, ,'DI LTAR, MIG NI MDUN NA GNAS PA YI, ,GZUGS TZAM LA NI 'JUG PAR RTOGS, ,GZHAN DU RTOGS PAR 'GYUR BA YI, ,BYED PA GZHAN DU JI LTAR 'GYUR, ,GZHAN DU RTOGS PA NI GZHAN DU RTOGS PAR MI NUS SO, ,MDUN NA GNAS PA'I GZUGS TZAM LA 'JUG PAR MTHONG BA'I MIG NI, SGRA DANG SPYI LA SOGS PA 'JUG PA YIN NO ZHES BRJOD PAR MI NUS TE, TSAD MA MED PA'I PHYIR RO, ,DE LTAR RTOGS PA YIN NA NI HA CANG THAL BAR 'GYUR RO, ,DE'I PHYIR, DRAN PA'I 'OG ROL DUS SU'AM, ,DRAN PA LAS NI SNGAR YANG RUNG, ,MNGON SUM RNAM RTOG MA YIN TE, ,YUL THA DAD PA NYID PHYIR RO, ,DRAN PA LAS DUS PHYIS 'DI NI DRI ZHIM PA'O, , 'DI NI DRI MI ZHIM PA'O SNYAM PA LA SOGS PA'I SHES PA NI MNGON SUM MA YIN TE, MIG GI SHES PA'I BYED PA NI GZUGS TZAM MA YIN PA'I PHYIR RO, ,DE'I PHYIR MIG LA SOGS PA LA BRTEN NAS DON RNAMS LA SKYE BA CAN GANG YIN PA DE KHO NA MNGON SUM YIN GYI GZHAN NI MA YIN NO, ,DES NA SGRA DANG SPYI LA SOGS PA'I RNAM PA CAN NI MNGON SUM NYID MA YIN NO, ,GANG ZHIG GSAL BAR SNANG BA'I RGYU MTSAN GZHAN LA BRTEN PA DE YANG GZUNG BAR BYA BA MA YIN NO, ,DES NA YID LA SOGS PA DE YANG MNGON SUM YIN NO, ,YANG NA DON GYI RANG BZHIN LA 'JUG CING KHYAB PAR BYED PAS NA DE YANG DBANG PO NYID YIN NO, ,GAL TE CI'I PHYIR GNYI

, ,GA LA RAG LAS NAS SKYES PA LA DBANG PO LA BRTEN PAR BRJOD KYI YUL LA BRTEN PAR MA YIN GZUGS LA SOGS PA'I YUL GYI SGO NAS THA SNYAD DU BYA BA'I RIGS KYI, DBANG PO'I SGO NAS NI MA YIN NO, ,DBANG PO LAS SKYES PA TZAM NYID KYIS NI MNGON SUM DU 'GYUR BA MA YIN GYI, YUL GYI RANG GI NGO BO 'DZIN PAS 'JUG PA NI THAMS CAD MNGON SUM KHO NA'O, ,DBANG PO LA BRTEN PA NI 'GA' ZHIG MNGON SUM YIN LA GZHAN NI GZHAN DU 'GYUR RO, ,'KHRUL PA MED PA'I RGYU MTSAN DES NI DE LA THA SNYAD BYED PAR 'THAD PA YIN NO, ,YUL GYIS BSKYED PA YIN YANG ZLA BA GNYIS LA SOGS PA'I RANG BZHIN CAN 'KHRUL PA NYID MA YIN NAM; DES NA YUL LAS SKYES PA YANG THAMS CAD LA MA 'KHRUL PA NI MA YIN NO ZHE NA, DE NI YUL NYID MA YIN TE, DE NI RNAM PAR GTOD PAR NUS PA'I RGYU YIN PA'I PHYIR RO, ,'O NA NI DE LTA NA, DE NI DBANG PO NYID MA YIN TE DES NA YUL LAS NYAMS PA'I PHYIR RO, ,DBANG PO NI NYAMS PA'I PHYIR RO, ,DBANG PO NI NYAMS PA YIN LA DE NI DBANG PO LTAR SNANG BA YIN NO ZHE NA, DE LTA NA NI 'O NA, GAL TE DNGOS SU SHES SKYED LA, ,DBANG PO BZHIN DU YUL NUS YIN, ,'O NA CI PHYIR GNYIS RAG LAS, ,SKYE BA DE NI DES MI BRJOD, ,YUL DANG DBANG PO DAG RGYU NYID DU MTSUNGS PA YIN NA, CI'I PHYIR YUL GYI SGO NAS THA SNYAD DU MI BYED, RTOG PA SNGON DU GTONG BA DAG NI CI RUNG BAR THA SNYAD BYED PA'AM SPONG BA MA YIN NO ZHE NA, 'DI LA BSHAD PA, GO BAR BYED PA NYID MTHONG NAS, ,THA SNYAD NGES PAR SBYAR BA YIN, ,DBANG PO'I THA SNYAD LA DE YOD, ,SBYAR BAR BYA BA'ANG DE CHOS YIN, ,GO BAR BYED PA DANG, GO BAR BYED PA MA YIN PA NYID KYIS LEN PA DANG 'DOR BA YIN NO, ,GO BAR BYED PA NYID KYANG DBANG PO'I THA SNYAD LA YOD DE, GANG DBANG PO LA BRTEN PA DE NI MNGON SUM YIN NO, ,NYAMS PAS 'KHRUL PA YANG SNGAR SPANG ZIN TO, ,'O NA NI YUL DANG YANG 'KHRUL PA MED DE, DE NI YUL MA YIN PA'I PHYIR RO ZHE NA, DE NI MA YIN TE, GAL TE DE NI YUL YIN NA, ,GZHAN GYI MNGON SUM JI LTAR 'GYUR, ,DBANG PO NYID NI GCIG NYID LA, ,YOD DANG MED PA'I KHYAD PAR MIN, ,DE NYID KYI PHYIR THUN MONG MA YIN PA'I SGO NAS THA SNYAD DU BYED PA NI MTHONG STE, RNGA BO CHE'I SGRA DANG NAS KYI MYU GU ZHES BYA BA LTA BU'O ZHES BSHAD DO, ,NAS KYI MYU GU ZHES BRJOD NA, NAS MA YIN PA'I MYU GU RTOGS PAR MI 'GYUR, SA'I MYU GU ZHES BYA BA NI DE YANG 'GYUR RO, ,'DIR

YANG DE BZHIN NO, ,'ON TE YUL LA BRTEN PA'I ZHES BYA BA NI YUL GYI RANG BZHIN 'DZIN PA YIN NO ZHE NA, DE LTA YIN NA RANG RIG PA KHO NA MNGON SUM DU 'GYUR TE, GZHAN DU GO BAR BYED PA MA YIN NO, ,CI STE 'JIG RTEN NA RAB TU GRAGS PA'I YUL GYI RANG BZHIN RTOGS PA BRJOD PA YIN NO ZHE NA, DE LTA NA DBANG PO LA BRTEN PA ZHES 'JIG RTEN NA GRAGS PAS 'DI NYID DU 'GYUR MOD, THA SNYAD GZHAN YONGS SU BRTAGS PAS CI ZHIG BYE BRAG TU SMRA BA LA SOGS PA'I GZHUNG LTAR NA YID KYI RNAM PAR SHES PA YANG MNGON SUM DU 'GYUR TE, YUL 'DZIN PA'I PHYIR RO, ,DE'I DBANG PO'I THA SNYAD NYID 'THAD DO, ,DE SKAD DU YANG YUL NI YID KYI RNAM PAR SHES PA DANG RGYUD GZHAN DAG GI RNAM PAR SHES PA'I RGYU YIN PA'I PHYIR THUN MONG YIN NO ZHES BSHAD DO, ,DE'I PHYIR DBANG PO'I THA SNYAD KYIS MNGON SUM GYI RANG BZHIN RTOG PA DANG BRAL BA MTSON PAR NUS KYI YUL GYI THA SNYAD KYIS NI MA YIN NO, ,YUL GYIS KYANG MTSON PAR NUS PA MA YIN NAM, 'DI LTAR DON GYI MTHU LAS NI, ,YANG DAG SKYE BA YIN PHYIR RO, ,DE NI DON GYI MTHU LAS SKYE BA NA DE'I RANG BZHIN KHO NA'I RJES SU BYED DO ZHES BSHAD PA YIN NO ZHE NA, MA YIN TE, MA NGES PA'I PHYIR TE ZLA BA GNYIS KYI RNAM PA CAN NYID KYIS 'KHRUL PA'I PHYIR RO, ,'ON TE DON GYI MTHU LAS 'KHRUL PA MI SKYED DO ZHE NA, DE LTA YIN NA DE RIGS PA 'DIS RTOG PA MED PA NYID DU MA GRUB PAR 'GYUR RO, ,DE'I PHYIR 'DIR NI DBANG PO'I NYID LA DON DU THA SNYAD BYAS PA YIN TE, DON DU MNGON PAR ZHEN PA'I PHYIR RO, ,DE LTA BU NYID KYI DBANG PO NI GO BAR BYED PA SHIN TU YIN PA'I PHYIR DE NYID KYIS THA SNYAD DU BYAS PA YIN NO, ,DE'I PHYIR THA SNYAD 'DI LA NI, ,SBYAR BYA RANG BZHIN RTAG YIN TE, ,KHYAB PAR BYED PA'I RANG BZHIN NI, ,LOG PA'I PHYIR NA LDOG PAR 'GYUR, ,RTOG PA'I SNGON DU GTONG BA'I SBYAR BA NYID GO BAR BYED PA YIN NO ZHES BRJOD DE, DE'I PHYIR DE NYID GO BAR BYED PA'I RTAGS YIN NO, ,GAL TE RTOG PA SNGON DU GTONG BAS BYAS PAR CIS SHES SHE NA, DE NI BDEN TE, SKYES BU TSAD MA YIN PAS TSIG TSAD MAR RTOGS PA MA YIN TE, 'JIG RTEN GYI THA SNYAD DU DE SKAD BRJOD PA YIN NO, ,DON DAM PAR NI GANG GIS KHYAB PAR BYED PA'I RANG BZHIN LOG PAS LDOG PAR BRJOD PA RTAGS NYID LA KHYAB BA BRJOD PA NI MA YIN NO, ,GAL TE YUL LA BRTEN PA ZHES BYA BA'I THA SNYAD NI 'JIG RTEN NA GRAGS PA RNAM PAR RTOG PA DANG BCAS PA'I GO BAR

, ,BYED PA MA YIN NAM, RNAM PAR RTOG PA DANG BCAS PA'I MNGON SUM GYI YUL NI SNGA MA DANG PHYI MAR GYUR PA GCIG NYID YIN NO, ,'DI NI 'JIG RTEN NA MNGON SUM ZHES RAB TU GRAGS PA YIN TE, 'DI LTAR, GANG ZHIG BDAG GIS MTHONG BA DE, ,MNGON SUM GYIS NI RTOGS 'DI NYID, ,SGRA DON THAMS CAD 'JIG RTEN GYI, ,GRAGS PAS RTOGS PAR BYAS PA YIN, ,GNOD PA MED PA'I RTOGS PA LA, ,TSAD MA'I THA SNYAD BRTEN PA YIN, ,TSAD MA YIS NI GRUB 'GYUR PA, ,GZHAN DU BYA BAR JI LTAR NUS, ,DA NI MI BDEN TE, 'DIR NI MNGON DU BYED PA NYID, ,MNGON SUM DON RTOGS CAN YIN LA, MNGON DU BYED PA LAS GZHAN LA, ,RJES DPAG MA GTOGS TSAD GZHAN MED, ,MNGON SUM DU BYED PA'I RNAM PA CAN MA YIN PA LA NI RJES SU DPAG PA NYID GCIG PU ZHIG TSAD MA YIN NO, ,DES NA GAL TE NGO SHES PA'I TSAD MA MNGON DU BYED PA'I RNAM PAS MI 'JUG NA NI, DE'I PHYIR RJES SU DPAG PA KHO NA'O, ,MNGON DU BYED NA MDUN NA GNAS PA'I DNGOS PO TZAM LA 'JUG PA'I PHYIR NGO SHES PA MA YIN NO, ,DES NA MNGON DU BYED PA NI DBANG PO'I THA SNYAD KHO NAS RTOGS PAR 'GYUR GYI, GZHAN GYIS NI MA YIN NO, ,YUL GYI THA SNYAD KYIS NI YUL DANG BCAS PA ZHES BYA BAR 'GYUR GYI, MNGON DU BYED PA NYID DU NI BRJOD PAR MI 'GYUR RO, , DE LTAR THA SNYAD BYA BA LA NI 'JIG RTEN NA MNGON SUM DU MA GRAGS SO, ,MNGON SUM NI TSAD MA NYID KYANG YIN NO, ,MNGON DU BYED PA LAS MA GTOGS PAR MNGON SUM NYID KYANG RIGS PA MED PA'I PHYIR NA MNGON SUM RTOG PA MED PAR 'GRUB BO, ,'O NA JI LTAR 'DI SKAD CES, ,DER DON MANG POS BSKYED PA'I PHYIR, ,RANG GI DON LA SPYI YUL CAN, ,ZHES GSUNGS, SPYI'I YUL CAN NI RNAM PAR RTOG PA MED PA MA YIN TE, SPYIR RNAM PAR RTOG PA NYID KYIS DE DANG 'GAL BA'I PHYIR RO, ,DE NYID SMRAS PA NI, BSAGS PA DAG NI TSOGS PA YIN, ,DE SPYI DE LA DBANG PO'I BLO, ,SPYI BLO GDON MI ZA BAR YANG, ,RNAM PAR RTOG DANG RJES SU 'BREL,, MANG PO RANG BZHIN PHAN TSUN SPANGS TE GNAS PA RNAMS DE KHO NA LTAR GZUNG NA SPYI'I BLOR 'GYUR BA MA YIN NO, ,TSOGS PA DON DAM PA PA'AM BTAGS PA YIN NA, DE LA RE ZHIG DOM DAM PA PA NI MA YIN TE, DE LAS THA DAD PAR RTOGS PA SNANG BA MED PA'I PHYIR RO, ,SNANG NA YANG GZHAN DU SNANG BA DE DAG LAS GZHAN DU

DE TSOGS PA NI MA YIN NO, ,DE LTA YIN PA NYID NA YANG, DE DAG NYID PHAN TSUN LTOS NAS TSOGS PA'I THA SNYAD BRTEN PAR 'GYUR GYI, GZHAN GYIS CI BYA, 'ON TE DE DAG GI RANG BZHIN MI SNANG BAR GYUR NAS, GZHAN GYI RANG BZHIN SNANG NGO ZHE NA, DE YANG DNGOS PO LA DE LTA BU MED PA'I LHAG PAR SGRO BTAGS PA TZAM YIN PAS JI LTAR RTOGS PA MED PA'I YUL YIN, BTAGS PA'I YUL CAN NYID NI RTOG PA DANG BCAS PA BZLOG PAR DKA'O ZHE NA, 'DI LA LAN, ,DON GZHAN DANG NI MNGON 'BREL PHYIR, ,RDUL PHRAN GZHAN GANG SKYE 'GYUR BA, ,DE DAG BAS GAS BSHAD DE DAG NI, ,SHES PA SKYE BA'I RGYU MTSAN YIN, ,RDUL PHRAN GZHAN DAG MED PAR NI, ,RDUL PHRAN KHYAD PAR DE YANG MED, ,SHES TE GCIG LAS NGES MIN PHYIR, ,SPYI YI SPYOD YUL CAN DU BSHAD, ,GZHAN LAS SHES PA'I RGYU'I NUS PA MA SKYES PA'I RDUL PHRA RAB DE DAG NI PHRA BA MA YIN PA MTHONG BA RNAMS KYI SHES PA SKYED PAR NUS PA MA YIN NO, ,DES NA THAMS CAD KYI SHES PA BSKYED PAR BYA BA YIN NO, ,SHES PA DE NI GCIG LA NGES PA MA YIN PA'I PHYIR, SPYI'I YUL CAN DU BSHAD DO, ,PHAN TSUN THA DAD PA NYID DU CI'I PHYIR MI SNANG ZHE NA, SKRA LA SOGS PA MA 'DRES PA RNAMS KYANG THAG RING PO NAS MA 'DRES PA NYID DU SNANG BA'I SPYOD YUL DU 'GYUR RAM, DES NA GAL TE RANG GI RGYUD LAS RANG GI RNAM PAR GTOD PA'I NUS PA MED PA NYID DU NGES PA'I PHYIR MI SNANG BA YIN NA, 'DI LA KLAN KA CI YOD, 'O NA MNGON SUM LA DNGOS PO'I DE KHO NA MI SNANG BA'I PHYIR 'KHRUL PA NYID DU 'GYUR RO, LHAG PAR SGRO BTAGS PA'I RANG BZHIN SNANG BA NI RNAM PAR RTOG PA DANG BCAS PAR 'GYUR TE, SPYI'I RNAM PAR RTOG PA GZHAN BZHIN NO, , 'ON TE DER BLO'I RANG BZHIN NYID RAGS PA, LING LING PO GCIG GI RNAM PAR MNGON DU BYAS PAR SNANG BA DES NA RTOG PA MED PA NYID DO ZHE NA, DA NI RTOG PA DANG BCAS PA NYID CHAD PAR 'GYUR TE, RTOG PA'I SHES PA THAMS CAD LA BLO'I RANG BZHIN NYID SNANG BA'I PHYIR RO ZHE NA, 'DI LA BRJOD PA, DA LTA'I SKYE BO LA LTOS NAS, , GNOD BYED SHES PA MED PA'I PHYIR, ,MA 'KHRUL PAR BSHAD DON DAM DU, ,DMIGS PA THAMS CAD 'KHRUL PA NYID, ,DA LTAR GYI SKYE BO RTOGS PA'I SNANG BA MA SHES PA RNAMS LA 'DI MA 'KHRUL PA NYID DU SNANG BAS, DE LA LTOS NAS MA 'KHRUL PA YIN NO ZHES DE SKAD BSHAD PAR GYI, DON DAM PAR NI DMIGS

, ,PA THAMS CAD LA 'KHRUL PA KHO NA'O, ,GANG GI PHYIR MNGON DU BYED PA'I RANG BZHIN GYIS, 'DZIN PA LA NI MNGON PHYOGS PA'I, ,MNGON SUM LA NI DE SKAD DU, ,RNAM RTOG BCAS PA DE MI BRJOD, ,MNGON DU BYED PA NI RTOG PA DANG BCAS PA MA YIN TE, RTOGS PAS NI SNGA MA DANG PHYI MAR MTHONG BA'I DON LHAG PAR ZHEN PA'I PHYIR RO, ,MNGON SUM DU BYED PA NYID NI LHAG PAR ZHEN PA ZHES BRJOD PA MA YIN TE, DE NYID NI DE LAS BZLOG PA LA GRAGS PA'I PHYIR RO, ,'O NA DE LTA NA NI SPYI'I SPYOD YUL MED PAR 'GYUR TE, DE NI 'JIG RTEN GYI GRAGS PAS RANG GI MTSAN NYID YIN PA'I PHYIR RO, ,'DI DAG NI SKYE MCHED KYI RANG GI MTSAN NYID LA LTOS NAS RANG GI MTSAN NYID KYI YUL CAN YIN GYI, RDZAS KYI RANG GI MTSAN NYID NI MA YIN NO ZHES BSHAD DO ZHE NA, DE YANG MI BDEN TE, RNAM DBYE 'DI NI DON DAM LA, ,DGONGS NAS SNGON GYI SLOB DPON GYIS, ,BTAGS YIN DE YI PHYIR NA SPYI, ,SPYOD YUL YIN BAR 'GAL BA MED, , DE LTAR GZUNG BA'I RDUL PHRA RAB NYID SPYI YIN NO, ,GANG YANG THAMS CAD RTOG PA MED PA NYID DU 'GYUR RO ZHES BRJOD PA DE LA YANG BRJOD PAR BYA STE, TSAD MAS RTOGS PA YIN PA'I PHYIR, ,'DI NI 'DOD PA NYID 'ONGS SO, ,GZHAN LA GRAGS PA LA BRTEN NAS, ,BSTAN BCOS MDZAD PAS RNAM DBYE GSUNGS, ,SPYOD PA LA SOGS PA GZHAN LA RAB TU GRAGS PA LA BRTEN NAS RJES SU DRAN PA'I RNAM PAR RTOG PA NYID DU BSTAN GYI, MNGON DU BYED PA LA NI DE MED PA'I PHYIR NA RNAM PAR RTOG PA CAN DANG, CIG SHOS KYI RNAM PAR DBYE BA NI BSTAN BCOS MDZAD PA DAG GIS MDZAD PA YIN NO, ,GAL TE SKYE MCHED GCIG YIN YANG, ,CIG CAR DU MAR 'DZIN PA YIN, ,DE YI PHYIR NA SNGAR BZUNG DON, ,SGRO 'DOGS PHYIR NA RTOG BCAS YIN, ,RDUL PHRA RAB DU MA CIG CAR 'DZIN NA NI SNGAR BZUNG BA SGRO 'DOGS PA MA YIN PA'I PHYIR, RJES SU DRAN PA'I RNAM PAR RTOG PAS RNAM PAR RTOG PA DANG BCAS PAR MI 'GYUR BA YIN NA, RIM GYIS 'DZIN PA LA NI BZLOG PAR DKA'O, , SHES PA GCIG GIS NI DUS GCIG TU DU MA 'DZIN PAR NUS PA MA YIN TE, GCIG LA YID 'BREL PAR GYUR PA NA GZHAN LA DE NYID KYI TSE BYED PAR MI RIGS PA'I PHYIR RO, ,YANG NA NI DUS GCIG TU BZUNG BA'I PHYIR YAN LAG CAN GYI RDZAS GCIG KHAS BLANG BAR BYA'O ZHE NA, DU MA GCIG GIS MI 'DZIN PA'AM, DE GCIG PA

YANG GANG LAS YIN, ,TIL SOGS THA DAD LA JI LTAR, ,CIG CAR 'DZIN PAR SNANG BA YIN, ,GAL TE RDUL PHRA RAB DAG CIG CAR 'DZIN PA MA YIN NA, DE LTA NA NI SNGA MA SGRO 'DOGS PA'I PHYIR KHO BO CAG RNAM PAR RTOG PA DANG BCAS PAR 'DOD PA NYID DO, ,'ON TE MTHONG BA YIN NA DE LTA NA NI MNGON DU BYED PA YIN PA'I PHYIR RNAM PAR RTOG PA MED PA NYID GRUB PO, ,GZHAN YANG RUNG BA'I YUL NA GNAS PA DU MA GCIG GIS DUS GCIG TU MI 'DZIN PA 'DI CIS GRUB, YID GCIG YIN PA'I PHYIR RO ZHE NA, YID NI RNAM PAR SHES PA'I CIG CAR SKYED PA 'GAL BAR MA GRUB PA'I PHYIR TE, YID NYID NI YID LA BYED PA TZAM YIN PAR GRAGS PA'I PHYIR RO, ,GZHAN YANG PHAN TSUN MA 'DRES PA'I TIL DANG, 'BRAS DANG, DBYIG PA DANG, RIL BA DANG, SNOD DANG, RNA RGYAN LA SOGS PA DAG LA CIG CAR 'DZIN PA'I SHES PA NYID NI RTOGS PA NYID DO, ,MYUR BA'I PHYIR 'DZIN PA CIG CAR BAR MNGON PA YIN NO ZHE NA, MI BDEN TE, 'DI LTAR 'DI LA MGYOGS PA BSHAD ZIN TO, ,RIM BZHIN 'BYUNG BA DE NYID LA, ,JI LTAR RIM MIN 'DZIN MI 'GYUR, ,BLO RNAMS DAG NI THAMS CAD KYANG, ,DUS MTSUNGS JI LTAR DE DAG LA, ,'GA' ZHIG RIM BZHIN SNANG BA DANG, ,GZHAN NI RIM LDAN SNANG BAR 'GYUR, ,DE'I PHYIR DON KUN 'DZIN PA LA, ,'DI NI RIM MIN THAL BAR 'GYUR, ,MGYOGS PA'I PHYIR NI CIG CAR 'DZIN PAR MI 'THAD DE, BSHAD ZIN PA'I PHYIR NA MGYOGS PA MED PA'I PHYIR RO, ,MGYOGS PA'I PHYIR CIG CAR MA BZUNG YANG CIG CAR GZUNG BAR MNGON PAR RLOM PA YIN NO ZHES BYA BA 'DI GA LAS YIN, AUTPALA'I 'DAB MA BRGYA PHIGS PA YIN NO ZHE NA, MA YIN TE, DPE TZAM GYIS DON MI 'GRUB PA'I PHYIR RO, ,GCIG LA GRUB BAS GZHAN DU YANG DE LTAR 'GYUR BA NI MA YIN NO, ,BLO 'OG GI RIM PA DANG BCAS PA'I 'DAB MA BRGYA PO DAG PHIGS PA NI DUS GCIG TU PHIGS PAR MI SRID PA'I PHYIR, RJES SU DPAG PAS RIM PA GRUB PA YIN NO, ,DE LTAR RTOG NA NI HA CANG THAL BAR 'GYUR BA BZLOG PAR NUS PA YANG MA YIN NO, ,DE'I PHYIR GNOD PAR BYED PA MED PAS 'KHRUL PAR MI 'GRUB BO, ,GAL TE MGYOGS PA'I PHYIR CIG CAR 'DZIN PAR RLOM PA YIN NA, RIM GYIS 'BAB PA DE DAG NYID LA DE LTAR CI STE MI 'GYUR, MGYOGS PA MED PA'I PHYIR RO ZHES NA, 'DI LA YANG DE YOD DO ZHES BYA BA 'DI GA LAS CIG CAR 'DZIN PAR RLOM PA'I PHYIR RO

, ,ZHE NA, DE NYID KYANG GA LAS YIN TE, PHAN TSUN BRTEN PAR 'GYUR BA'I PHYIR RO, ,JI SRID DU CIG CAR 'DZIN PA 'KHRUL PAR MA GRUB PA DE SRID DU NI MGYOGS PAR MI 'GRUB LA, JI SRID DU DE MA GRUB PA DE SRID DU YANG 'KHRUL PA NYID DU MI 'GRUB PO, ,GZHAN YANG, SKAD CIG NYID KYIS BLO RNAMS NI, , THAMS CAD DUS MTSUNGS PA NYID YIN, ,DES NA BLO RNAMS THAMS CAD NI, ,RIM MA YIN PAR SNANG BAR 'GYUR, ,GZHAL BYA SNANG BA NI BLO YONGS SU 'GYUR BA'I DUS YIN PA DES NA GZHAL BYA THAMS CAD KYANG RIM MA YIN PAR SNANG BAR 'GYUR RO, ,DE'I PHYIR CIG CAR SNANG BA MYUR BAS BYAS PA NI MA YIN GYI, 'ON KYANG DE KHO NA LTAR YIN PA'I PHYIR RO, ,DE LA RGYU MA TSANG BAS CIG CAR SNANG BA MED PA DER NI ZLOG PA YIN NO ZHES RNAM PAR GNAS SO, ,RIM GYIS 'DZIN NA RTOG MED KYI, ,SNANG BA NYID NI MED PAR 'GYUR, ,RTOG MED NYID NI MED 'GYUR NA, ,GSAL BAR SNANG BA SRID MI 'GYUR, ,SNGON GYI MTHONG BA SGRO BTAGS PA, ,GSAL BAR SNANG BAR JI LTAR 'GYUR, ,SHIN TU GOMS PAR 'GYUR BA LAS, ,DE NI RTOG PA MED PA NYID, ,'DI LTAR RNAL 'BYOR PA RNAMS KYI, ,SHES PA RTOGS MED DE BZHIN NYID, ,DE LTA YIN DANG, SNGON GYI RANG BZHIN 'DZIN PA MED PA'I PHYIR, ,CI CAR SNANG BA KHO NA'O, ,PHYI MA LEB KHRA LA SOGS GZUGS, ,DU MA'ANG JI LTAR SNANG BAR 'GYUR, ,GAL TE SNA TSOGS DE GCIG NA, ,DE BAS CHES 'DI NGO MTSAR CHE, ,GAL TE YID GCIG LA 'JUG PA'I PHYIR, CIG CAR DU MA MI 'DZIN NA, ,DE'I PHYIR PHYI MA LEB KHRA BO'I GZUGS MI 'DZIN PA'I PHYIR YAN LAG CAN GCIG KHO NA'O ZHES KHAS BLANG NGO, ,DE KHAS BLANG NA NI PHYI MA LEB KHRA BO LA SOGS PA'I BKRA BA'I MTSAR BA DE BAS KYANG CHES MTSAR RO, ,'DI LTAR, SNA TSOGS GCIG PA'I RANG BZHIN MIN, ,DPER NA NOR BU'I GZUGS DE BZHIN, ,SNA TSOGS PA ZHES BYA BA NI DNGOS PO'I BDAG NYID PHAN TSUN MA 'DRES PA LA THA SNYAD DU BYED PA YIN TE, DE LTA MA YIN NA SNA TSOGS PA'I DON CI ZHIG YOD, DES NA GZUGS SNA TSOGS PA'I RIN PO CHE'I TSOGS BZHIN DU PHYE MA LEB KHRA BO GCIG GI BDAG NYID DU GA LA 'GYUR, CI STE RNAM PAR DBYE BA DANG LDAN PA'I PHYIR NOR BU RNAMS NI THA DAD PA YIN GYI, PHYI MA LEB LA NI MA YIN NO ZHE NA, MA YIN TE, DE LA YANG RNAM PAR DBYE BA YOD PA'I PHYIR RO, ,PHAN TSUN THA DAD PAR SNANG BA NYID RNAM PAR DBYE BA YIN NO, ,CI STE RNAM

PAR DBYE BA YOD KYANG GCIG YIN NA DE LTA NA NI RIN PO CHE'I PHUNG PO YANG 'GYUR RO, ,DE LA NI MA 'BYAR BA ZHES BYA BA'I RNAM PAR DBYE BA GZHAN YOD PA YIN NO, ,DES NA SNA TSOGS KYANG MA 'BYAR BA MED PA NI GCIG NYID DO ZHE NA, DE NI MA YIN TE, MA 'BYAR BA NI THAMS CAD LA YOD PA'I PHYIR RO, ,'DI LTAR BCAD DANG PHUG SOGS KYI, , 'DRES MED PA NI KUN LA YOD, ,DE YI TSE NA RDZAS ZHIG CES, ,BYA BA 'DI YANG KUN LA SRID, ,GAL TE NOR BU'I TSOGS LA MA 'DRES PA ZHE BYA BA'I RNAM PAR DBYE BA SRID PAS DER YAN LAG CAN GCIG YOD PA MA YIN NA, PHYI MA LEB KHRA BO LA SOGS PA CI STE LTA NA MA YIN, DE LA NI BCAD PA LA SOGS PA'I SGO NAS 'BAR BAS PHYI NA RNAM PAR DBYE BA SKYES PAS YAN LAG CAN ZHIG PA DE'I PHYIR MA 'DRES PAR 'GYUR BAS NYES PA MED DO ZHE NA, NOR BU'I TSOGS LA YANG DE LTAR BRTAG PA'I PHYIR MTSUNGS PAR THAL LO, ,GAL TE SNGON PO LA SOGS PA PHAN TSUN SPANG PAR DMIGS KYANG DE'I REG PA RANG BZHIN GCIG PA'I PHYIR DANG, PHAN TSUN YONGS SU CHAD PA MA YIN PA'I PHYIR YAN LAG RNAMS LA YAN LAG CAN NYID YOD DO ZHE NA, DE YANG MI 'THAD DE, 'DI LTAR, SNGO SOGS RNAM PAR DBYE BA NI, ,RAS BKRA LA SOGS DAG LA'ANG MTSUNGS, ,SNGON PO LA SOGS PA'I RNAM PAR DBYE BA'I RIGS MI 'DRA BA RNAM PAR DBYE BA MED PA'I REG PA LA SOGS PA DANG LHAN CIG TU RGYU BA NI SKUD PA 'DUS PA'I RANG BZHIN GYI SNAM BU KHRA BO DANG, BCOS MA'I PHYI MA LEB KHRA BO LA SOGS PA LA YANG MTSUNGS PA NYID DO, ,DE'I PHYIR GCIG LA NI YAN LAG CAN YIN LA GZHAN LA MA YIN NO ZHES BYA BA'I RNAM PAR DBYE BA 'DI GA LAS YIN, ,GAL TE DE LA YAN LAG GZUGS, ,'BA' ZHIG DE LTAR MTHONG ZHE NA; ,GAL TE SNGO SOGS SPANGS PA YI, ,KHRA BO GZHAN MTHONG NGO MTSAR CHE, ,GAL TE RNAM BU KHRA BO LA SOGS PA BCOS BU DAG LA YAN LAG NI GZUGS NYID GCIG TU MNGON SUM PAR ZHEN PAR DE LTAR DMIGS PA YIN NA, DE'I TSE SNGON PO LA SOGS PA RNAM PAR DBYE BA'I RANG BZHIN DU GNAS PA LAS MA GTOGS PA'I KHRA BO GZHAN NI BCOS MA MA YIN PA DAG LA YANG MED PA KHO NA'O, ,DE LA NI GCIG TU MNGON PAR ZHEN PA NYID SKABS SU GYUR PA NYID YIN NA, DE NI YAN LAG CAN MED KYANG BCOS MA DAG LA YOD PA YIN NO, ,DES NA RE BA DE YANG MED PA NYID PAS KHRA BO YAN LAG CAN GYI GZUGS NYID DU NI RIGS PA MA YIN TE, MNGON SUM DANG RJES

, ,SU DPAG PAS MA GRUB PA'I PHYIR RO, ,GCIG DRANGS NA GZHAN 'ONG BA NI KHAB LONG DANG, LCAGS LA SOGS PA DAG LA YANG MTHONG BA NYID YIN PAS, DU MA CIG CAR DMIGS SO ZHES NI DER YANG GRUB PA YIN NO, ,'ON TE BCOS MA LA NI SNGON PO LA SOGS PA'I DMIGS PA RIM GYIS 'GYUR BA YIN LA, DE LAS GZHAN LA NI CIG CAR RO ZHES BYA BA'I BYE BRAG YIN NO ZHE NA, DE YANG MA YIN TE, DUS DANG DON GYI RNAM PA NI, ,MTSUNGS PAR RTOGS PA'I BLO DAG LAS, ,GCIG NI RIM LDAN DON MANG DANG, ,GCIG NI RIM MIN DON GCIG CES, ,DUS DANG DON GYI RNAM PA MTSUNGS PA YIN YANG, BCOS MA DANG BCOS MA MA YIN PAR MNGON PAR 'DOD PA'I KHRA BO DAG GI BLO LAS BLO GCIG NI RIM PA DANG BCAS PA DANG, DON DU MA SNANG BA CAN YIN LA, GZHAN NI RIM PA CAN MI LDAN PA DANG, YAN LAG CAN GCIG NYID RANG GI SPYOD YUL DU KUN DU SPYOD PAR BYED PA ZHES BYA BA 'DI LA GO RGYU CI ZHIG YOD, THAMS CAD MTSUNGS PA NYID DU RTOGS PA NI MI MTHUN PAR KHAS BLANG BA'I YUL MA YIN NO, ,GAL TE BCOS MA DANG BCOS MA MA YIN PAR MNGON PAR 'DOD PA DAG DE LTAR KHAS LEN NA NI DE'I TSAD MA MED PA'I KHAS BLANGS PA TZAM DE LA SKYOB PA YOD PA MA YIN NO, ,GAL TE DE RGYU TSAD MA 'GA' ZHIG GI DBANG GIS GCIG DANG DU MA'I RNAM PAR DBYE BA 'DI NYID YIN NA DE'I TSE 'DI LA SKYON CI YOD CE NA, DE NI MI BDEN TE, 'DI LTAR, BLO RNAMS SNA TSOGS NGO BO'I PHYIR, ,DON RNAMS SNA TSOGS NGO BO NYID, ,GAL TE DE RGYU MIN ZHE NA, ,THA DAD GZHAG 'DI GANG GIS 'GRUB, ,GCIG DANG DU MA'I NGO BOR SNANG BA CAN GYI BLO NYID DE'I NGO BO RNAM PAR 'JOG PA LA TSAD MA YIN TE, TSAD MA GZHAN GYI RTZOM PA NI YOD PA MA YIN NO, ,GAL TE RTZOM PA GEGS MED PAR DE LTAR RNAM PAR 'JOG PA'I BLO DE DAG KYANG CHOS MTHUN PA TZAM GYI RGYU MTSAN GYIS NYE BAR BTAGS PA'I TSAD MA BLO GZHAN GYIS SEL BAR BYED NA CHOS MTHUN PA 'DI GANG DU RNYED PAR MI 'GYUR TE, DES NA DNGOS PO RNAM PAR GZHAG PA MED PA'I PHYIR THAMS CAD 'CHOL BAR 'GYUR RO, ,DE'I PHYIR SNANG BA GZHAN LAS NI, ,'BREL PAR GRUB PA'I BLO DAG LA, ,SNANG BA DON MED CES BYA BAR, ,BRJOD PA 'THAD PA DANG LDAN YIN, ,GAL TE CHOS MTSUNGS TZAM NYID LAS, ,DNGOS PO RAB TU 'GRUB 'GYUR BA, ,GANG LA DE MED DE YI PHYIR, ,THAMS CAD GRUB PA'AM 'GAR YANG MIN, ,MNGON

SUM GYIS 'BREL PA BZUNG BA CAN GYI RJES SU DPAG PA NI, 'GAL ZLA DANG LDAN PAR 'DZIN PAR DE LTAR SKYES PA'I RJES SU DPAG PA GZHAN NAM MNGON SUM GZHAN GYIS SPONG BAR NUS PA MA YIN NO, ,TSAD MA NI TSAD MAS SEL BAR BYED PA MA YIN TE, STOBS MTSUNGS PA NYID YIN NA, JI LTAR SEL BAR BYED, SEL BAR BYED PA LA YANG STOBS MI MTSUNGS NA YANG JI LTAR TSAD MA YIN 'ON TE RJES SU DPAG PAS GNOD PA GANG YIN PA DE NI TSAD MA NYID MA YIN NO ZHE NA, GANG ZHIG MNGON SUM DANG 'GAL BA DE NI RJES SU DPAG PA NYID MA YIN NO ZHES MTSUNGS PAR THAL BAR 'GYUR RO, ,'ON TE SNANG BA NI CI ZHIG LTAR RGYU LAS NYES PA DANG BCAS PAR 'GYUR GYI RJES SU DPAG PA NI MA YIN TE, DES NA DE NYID GNOD PAR BYED PA YIN NO ZHE NA, DE YANG LEGS PA MA YIN TE, ,RGYU YI NYES PAS GZHAL BYA'I BLO, ,GZHAN DU'ANG SRID CES RIGS PAR LDAN, ,NGO BO NYID LA RGYU YI SKYON, ,BRGYA PHRAG GIS KYANG JI LTAR 'THAD, ,RIM PA DANG LDAN PAR SNANG BA'I RANG GI NGO BO NI RGYU'I NYES PAS RIM PA MED PAR 'GYUR RO ZHES BYA BAR MI RIGS SO, ,RANG BZHIN GCIG LA NI DU MA YOD PA MA YIN TE, DE LTAR RTOGS PAR THAL BA'I PHYIR RO, ,GCIG MI SNANG BA YIN NO ZHE NA, MA YIN TE, RANG GI NGO BO NYID MED PAR THAL BA'I PHYIR RO, ,MI SNANG BA SNANG BA YOD DO ZHES BYA BA NI MA YIN NO, ,MI SNANG BA SNANG BA'I RANG BZHIN YIN NO ZHES BYA BA NI 'THAD PAR DKA'O, ,'ON TE DE LA RIM PA NYID SNANG BA YIN GYI CIG SHOS NI MA YIN TE, CIG SHOS NA 'KHRUL PA ZAD DO ZHE NA 'KHRUL PA ZHES BYA BA CI ZHIG CI MI SNANG BA YIN NAM, RNAM PA GZHAN DU SNANG BA YIN, ,GAL TE MI SNANG 'KHRUL YIN NA, ,THAMS CAD LA 'GYUR LDOG PA MED, , DE LTAR DE NYID SNANG NA NI, ,JI LTAR 'KHRUL PA YIN PAR BRJOD, ,GAL TE THAMS CAD MI SNANG BA 'KHRUL PA YIN NA, GNYID STUG PO LOG PA DANG RDOL SOGS PA YANG 'KHRUL PA NYID DU THAL BAR 'GYUR RO, ,GAL TE RIM MA YIN PA MI SNANG BA YIN NA, DE LTA NA NI 'O NA NI RIM PA NYID NYAMS PA MED PAR SNANG BA YIN TO, DES NA 'KHRUL PAR JI LTAR 'GYUR, KA BA LA SOGS PA SNANG BA NYID NI 'KHRUL PAR 'GYUR BA MA YIN NO, ,GAL TE GZHAN SNANG 'KHRUL YIN NA, ,RANG DNGOS SNANG BAR JI LTAR 'GYUR, ,RANG GI NGO BO MI SNANG YANG, ,DE MED PAS NA JI LTAR 'KHRUL, ,GAL TE BRJOD PAR 'DOD PA LAS GZHAN SNANG BA NYID 'KHRUL BA YIN

, ,NA DE'I TSE DE'I RANG GI NGO BOR SNANG BA NYID MED PAS JI LTAR BLO DE YOD PA YIN, GAL TE MI SNANG YANG BLO YOD NA NI THAMS CAD KYI TSE THAMS CAD LA BLO THAMS CAD YOD PA DANG, 'KHRUL PAR YANG BRJOD PAR BYA'O, ,'ON TE BLO DE NI MED PA NYID DO ZHE NA, 'O NA DE LTA NA NI RIM PA DANG LDAN PA'I BLO NI MED PA KHO NA YIN PA DANG, RIM PA MA YIN PA GZHAN SKYES PA YIN PA'I PHYIR JI LTAR 'KHRUL PA YIN, 'ON TE DE'I GZHAL BYA MED PA'I PHYIR DE 'KHRUL PA YIN NO ZHE NA, RIM MA YIN PA TIL LA SOGS PA LA RIM MA YIN PA NYID KYI BLO'I GZHAL BYA YOD PA YIN TE, GZHAN DU SNANG BA'I PHYIR NA SLAR LA RIM PA DANG LDAN PA'I GZHAL BYA NYID MED PA MA YIN NAM, 'ON TE RIM MA YIN PA NI GZHAL BYA NYID MA YIN PA DES NA DE LTAR 'GYUR PA YIN NO ZHE NA, 'O NA NI RANG GI NGO BO LA YANG RIM MA YIN PAR SNANG BA MED PA DES NA 'KHRUL PA DANG MI LDAN PAR 'GYUR RO, ,'ON TE, GAL TE BLO YI NGO BO LA, ,BLO GZHAN 'DZIN PAR BYED YIN NA, ,RIM GYIS 'DZIN PA'I NGO BO NI, ,JI LTAR RIM MI SNANG BAR 'GYUR, ,GAL TE RIM PA DANG LDAN PA'I BLO BLO GZHAN GYIS 'DZIN NA NOR BU DANG MU TIG LA SOGS PA'I GZHAL BYA RIM MA YIN PAR SNANG BAR MI 'GYUR TE, DE 'DZIN PA'I BLO RIM GYIS 'JUG PA'I PHYIR DANG, BLO 'DZIN PAR BYED PA YANG GZHAL BYA LA MI 'JUG PA'I PHYIR RO, ,RIM MA YIN PAR SNANG BA NI MED DO, ,GAL TE 'KHRUL PAS DE SNANG NA, ,DE NYID 'KHRUL MED YIN PAR THAL, ,DE YI GZHAL BYA 'DZIN PA NI, ,DE LTAR YIN PA GANG GIS BZLOG ,GAL TE RIM PAR SNANG BA CAN GYI BLO SKYE BA YIN NA, BLO'I BLO YANG DE LTAR 'GYUR DGOS SO, ,'KHRUL PAS DUS GCIG TU 'DZIN PA YIN NO ZHE NA, GCIG GIS CIG CAR DU MA BZUNG BAR THAL LO, ,SNGA MA DANG PHYI MA'I 'DZIN PA DAG GIS NI GCIG NYID MA YIN TE, RTOG PA MED PA'I PHYIR RO, ,BLO PHYI MAS GCIG GIS RTOGS PA YIN NO ZHE NA, RIM PA DANG LDAN PA DE YANG GCIG TU RTOGS PAR CI LTAR 'GYUR TE, 'DZIN PA'I DUS NI 'DZIN PAR BYED PA'I DUS LAS 'DAS PA MA YIN NO, ,'ON TE 'DI NI RIM MED PA NYID DO ZHE NA, DE LTA YIN NA GCIG GIS DU MA 'DZIN PAR 'GYUR RO, ,DE NYID KYI PHYIR 'DI 'KHRUL PA YIN NO ZHE NA, DE LTA NA YANG DU MA'I NGO BOR SNANG BA YANG MI LDOG PA NYID DO, ,SNA TSOGS PA NI BLO GCIG NYID YIN NO ZHE NA, NOR BU DANG MU TIG LA SOGS PA CI

STE MA YIN, GAL TE SNGON PO LA SOGS PA'I GZHAL BYA'I NGO BOR SNANG YANG BLO'I NGO BO NYID YIN NA, GZHAL BYA THAMS CAD DE LTA BU NYID DU THAL BAR 'GYUR RO, ,DES NA 'KHRUL PA LA YANG DU MA CIG CAR SNANG BAR NI MI RIGS SO, ,DES NA CIG CAR RAM GZHAN DU YANG RUNG STE, GANG ZHIG JI LTAR NYAMS SU MYONG BA DE NI DE KHO NA LTAR KHAS BLANGS PAR BYAS TE, DE KHO NA LTAR DPYAD ZIN PA'I PHYIR RO, ,DE LTA MA YIN NA GZHAL BYA GZHAG PA MED PAR 'GYUR RO, ,GAL TE RI MO LA SOGS PA DAG LA SNA TSOGS BLO RTOGS PA YIN NA JI LTAR GCIG TU MI RIGS, NOR BU DANG MU TIG LA SOGS PA DAG LA NI SNA TSOGS PA GCIG GI BLO MED DE, RNAM PAR DBYE BA 'DI NI BLO'I RNAM PAR DBYE BA NYID LAS YIN NO ZHE NA, MA YIN TE, RANG GI GZHUNG DANG 'GAL BA'I PHYIR RO, ,'DI LTAR, RIGS MI MTHUN RNAMS RTZOM MED PHYIR, ,RIS SOGS SNA TSOGS BLO YOD MIN, ,GZUGS MED PHYIR LDAN SNA TSOGS MIN, ,NYE BAR BTAGS LA BRTEN PA'ANG MIN, ,GAL TE BLO'I RJES SU 'BRANG NA RIGS MI MTHUN PA RNAMS RTZOM PA MED PA'I PHYIR RO ZHES BYA BA'I GZHUNG DOR DGOS SO, ,SNAM BU LA SOGS PA'I NGO BO NI RIGS MI MTHUN PA'I SNAL MA'I LDAN PA LAS SKYES PA YIN GYI YAN LAG CAN SNA TSOGS PA NYID NI MA YIN NO, ,CI STE DE NI BLO 'KHRUL YIN, ,DE TSE'ANG CIG CAR 'DZIN PA YOD, ,BDEN MIN RANG BZHIN 'DZIN NA NI, ,CI STE BDEN DNGOS 'DZIN MA YIN, ,BLO 'KHRUL PA 'JUG PA YIN YANG DU MA CIG CAR 'DZIN PAR 'JUG PA NYID DO, ,MDUN NA GNAS PAR SNANG BA LA BDEN PA DANG MI BDEN PA'I RNAM PAR DBYE BA CI YOD 'ON TE RANG BZHIN DE NI BLO NYID DO ZHE NA, DE NI MA YIN TE, BDEN MIN RANG BZHIN DE JI LTAR, ,BDEN PA BLO YI BDAG NYID YIN, ,GCIG NYID YIN NA RNAM DBYE 'DI, ,MI BDEN YANG NA GCIG MA YIN, ,DE LTA NA NI, BLO YI BDAG NYID DE YI NGO BOR BDEN 'GYUR BA, ,PHYI ROL RANG BZHIN SER SOGS DAG NI BDEN MIN NA, ,DE LA GAL TE MNOG MED DE YI RANG BZHIN MED, ,DE LA DE MED RTOGS 'DI RIGS PAS 'THAD MA YIN, , CI STE BDAG NYID KYI NGO BO NI DU MA LA YANG BLO GCIG 'JUG PA YIN TE, DE LA 'BAD PA MED PA'I PHYIR RO, ,GZHAN GYI NGO BO LA NI 'GRO BA LA SOGS PA'I MTSAN NYID KYI BLO 'BAD PA CHEN PO DANG LDAN PA YIN TE, DES NA YUL LA SOGS PA 'GAL BA DAG TU CIG CAR 'GRO BA MI SRID PA'I PHYIR RNAM PA GCIG TU 'DZIN PA MI SRID DO

, ,ZHE NA, GAL TE YIN SONG NAS 'DZIN PA MED PA YIN NA 'O NA NI LJON PA'I RTZE MO DANG, ZLA BA DUS GCIG TU 'DZIN PA MI SRID PAR 'GYUR RO, ,MGYOGS PAR 'JUG PA'I PHYIR CIG CAR 'DZIN PAR MNGON PA YIN NO ZHE NA MA YIN TE, SHIN TU THAG RING BA LA MGYOGS PA NYID MI SRID PA'I PHYIR RO, ,GZHAN YANG MIG LA SOGS PA DAG PHRAD NAS 'DZIN PAR BYED DO ZHES BYA BA 'DI LA TSAD MA CI YOD CE NA, PHA ROL PO DAG NA RE, DMIGS PA DANG MI DMIGS DAG NI MA BSGRIBS PA DANG CIG SHOS LA LTOS PA'I PHYIR DANG, RING BA DANG CIG SHOS LA LTOS PA'I PHYIR RO, ,GAL TE MIG DANG RNA BA DANG, YID DAG NI MA PHRAD PA'I YUL CAN NO ZHES JI SKAD BRJOD PA BZHIN DU MIG LA SOGS PA PHRAD PAR 'DZIN PAR BYED PA YIN NA, DE'I TSE SGRIB PA YOD PAS MI DMIGS PA DANG GZHAN DU NI DMIGS PA ZHES BYA BAR MI 'GYUR TE, SGRIB PA DE LA NYAMS PAR BYED PA'I MTHU NI YOD PA MA YIN NO, ,PHRAD NAS 'DZIN PA LA NI LUS CAN GYI RDZAS THOGS PA YIN PA'I PHYIR, NYAMS PAR 'THAD PA YIN LA, SHIN TU THAG RING POR YANG 'GRO BA MED PA'I PHYIR RO ZHES 'DZER TO, ,DE NI MA YIN TE, MA PHRAD PAR 'DZIN BA YIN YANG YUL DU RUNG BA LA LTOS PA'I PHYIR TO, KHAB LONG BZHIN NO, ,KHAB LONG NI MA PHRAD PAR 'DREN PA LA 'JUG KYANG LCAGS THAMS CAD LEN PAR NUS PA NI MA YIN NO, ,'ON TE DE LA YANG LCAGS DANG REG PA YOD PA NYID PHRA BA'I PHYIR MA 'PHRIGS PA YIN TE, DPER NA MIG GI 'ONG ZER GYI REG PA BZHIN NO ZHE NA, 'DI NYID GZHAN GYIS BSGRUB PAR BYA BA MA YIN NAM, JI LTAR DE NYID SGRUB BYED DU 'GYUR, DE'I PHYIR, 'CHAL PA RNAMS KYI SHIN TU YANG, ,TSOGS CHEN POS NI BRTAGS BYAS 'DI, ,MKHAS PA RNAMS KYIS BZHAD GANG NYID, ,'JUG 'GYUR YANG DAG RIG PA MIN, ,'ON TE PHRAD PA LA 'DREN PAR MTHONG BA'I PHYIR, KHAB LONG GI 'DREN PA LA YANG DE YOD PA YIN NO ZHE NA MA YIN TE, SNGAGS KYIS KYANG 'DREN PAR MTHONG BAS DES 'GUGS PA YANG REG PAR THAL BAS THAL CHES PAR 'GYUR RO, ,DER YANG 'GYUR BA KHO NA'O ZHE NA MA YIN TE, SGRA NI NAM MKHA'I YON TAN YIN PA'I PHYIR RO, ,GAL TE MA NGES PAR BSTAN PA'I PHYIR YUL LA YANG CHOS DE NYID SBYOR NA GANG YANG MA NGES PAR MI 'GYUR RO, ,DE NI SNGO

BSANGS YIN TE DE'I BU YIN PA'I PHYIR ZHES BYA BA BU DKAR SHAM GYI 'PHRUL PAR BSTAN PA NA, DE LA YANG SNGO BSANGS YOD PA NYID DO ZHES BYA BAR THAL BAR 'GYUR RO, ,CI STE MI MTHONG ZHE NA, MI MTHONG BA'I RGYU RJES SU DPAG PAR BYA BA YIN NO, ,GZHAN YANG GAL TE MIG GI 'OD ZER 'PHROS NAS PHRAD PAR BYED PA YIN NA, CI'I PHYIR SHIN TU THAG RING POR MI MTHONG MAR ME'I 'OD BZHIN DU MCHOD PA LA YIN PAS NYES PA MED DO ZHE NA, DE LTA NA NI 'OD SHIN TU NYE BA LA THAL BAR 'GYUR RO, ,MAR ME'I 'OD NI SHIN TU NYE BA LA MI 'JUG PA MA YIN TE, DES NA MIG LA SOGS PA LA NI MAR ME LAS CHOS GZHAN DANG LDAN PAR KHAS BLANG BAR BYA BA DE NYID 'DZIN PA'I RGYU YIN GYI, 'OD DANG PHRAD PA NI MA YIN NO, ,GAL TE MIG LA SOGS PA LA 'OD ZER YOD NA MUN BAR YANG 'DZIN PAR THAL LO, ,'ON TE GANG LAS MGYOGS PAR 'GYUR BA DE NI YID KYI NUS PA YIN NO ZHE NA, 'O NA CIG CAR 'DZIN PA NYID SKYED LA RAG MOD, 'BAD PAS BRTAGS PA 'DIS CI ZHIG BYA, DE LTA BU'I YID NI TSAD MAS GRUB PA YANG MA YIN NO, ,RNAM PAR SHES PA SNGA MA'I NGO BO YID LA BYED PA NYID KYIS DE'I DON BYED PA YIN TE, DE YUL GZHAN LA RTZE GTANG PAS NUS PA NYAMS PA NA GZHAN LA SHES PA MI SKYE BA'I PHYIR, CIG CAR RNAM PAR SHES PA MI SKYE BA YIN NO, ,DE'I PHYIR RTAGS DE LAS YID RTOGS PA MA YIN TE, RNAM PA GZHAN DU YANG 'GRUB PA'I PHYIR RO, ,DES NA DE RNAMS BLO CAN LA, ,'DZIN BYED YIN ZHES RJOD BYED KYI, ,SKAM PA BZHIN DU SHES PA YIS, ,DON 'DZIN PAR NI MTHONG BA MED, ,DE PHYIR RI MO LA RNAM PA, ,DU MA CIG CAR 'DZIN PA NI, ,'KHRUL PA MED PA KHO NA'O, ,CI STE DE LA SNA TSOGS PA NI LDAN PA YIN GYI YAN LAG CAN GYI GZUGS NI MA YIN NO ZHE NA, DE NI MA YIN TE, LDAN PA NI YON TAN YIN PA'I PHYIR, DE LA GZUGS KYI YON TAN 'DU BA MA YIN NO, ,DE LTAR GYUR NA NI YON TAN DANG LDAN PAS RDZAS NYID DU 'GYUR RO; ,DE LTA NA YANG RIGS MI MTHUN PAS MI RTZOM PA'I PHYIR RO ZHES BYA BA'I GZHUNG DANG 'GAL LO, ,'ON TE NYE BAR BTAGS PA'I SGO NAS LDAN PA SNA TSOGS NYID DO ZHE NA, DE YANG LEGS PA MA YIN TE, DPER NA ME TOG RGYAS PA'I NAGS ZHES BYA BA'I BLO DON GCIG LA 'DU BA LAS 'GYUR BA DE BZHIN DU

, ,'DI YANG 'GYUR NA, 'DI GNYIS NI MI MTSUNGS SO, ,MANG PO'I GRANGS NYID KYI NAGS GANG YIN PA NI GAL TE ME TOG RGYAS PA NYID YOD PA'I SHING DAG LA 'DU BA DES NA DON GCIG LA 'PHROD PA 'DU BA ZHES BYA BAR RIGS NA SNA TSOGS PA NI 'DIR GANG NA LDAN PA YOD PA'I YAN LAG CAN NYID LA 'DU BA MA YIN NO ZHES GANG 'CHAD PA, RE RE SNA TSOGS MIN PHYIR RO, ,ZHES BYA BA YIN NO, ,GANG DANG 'DU BAS LDAN PA YANG DE LTAR 'GYUR BA SKUD PA LA SOGS PA RE RE NI SNA TSOGS PA NYID MA YIN NO, ,'ON TE JI LTAR ME LA MER BZUNG BA, CHOS MTHUN PA RNO BA NYID BZUNG BAS ME'I BAG CHAGS SAD PAR GYUR PA NI, DE DRAN PAS BRAM ZE'I KHYE'U LA YANG MER SGRO 'DOGS PA BYED PA DE BZHIN DU, SNGON PO LA SOGS PA RIM GYIS BZUNG BA DAG LAS GCIG BZUNG BA'I DUS SU BZUNG BA LA SGRO 'DOGS PAR BYED PA'I PHYIR, SNA TSOGS PAR RTOGS PA YIN NO ZHE NA DE NI MI 'THAD DE 'DI LTAR, RIM BZHIN DU NI BZUNG BA LA, ,SNA TSOGS BLO YIS BSRES MIN TE, GCIG GIS DU MA MI 'DZIN PHYIR, ,DE LA NI RNO BA NYID DU 'DRA BA'I SGRO 'DOGS PA'I RGYU MTSAN YIN NA MTHONG BA'I SNGON PO LA SOGS PA LA 'DIR SGRO JI LTAR 'DOGS, 'ON TE NYE BAS SO ZHE NA NYE BAR 'DZIN PA NI CIG CAR 'DZIN PA NYID LA RIG PA DANG LDAN GYI RIM GYIS 'DZIN NA NI MA YIN NO, ,YUL DE BZUNG BA'I PHYIR RO ZHE NA, YUL DER BZUNG BA YANG SNGA MA DANG PHYI MA DAG LA SNA TSOGS PAR BZUNG BA NI MED DO, ,SGRO BTAGS PAS 'GYUR BA YIN NO ZHES BYA BAR NI MI RIGS TE, DE NYID BSAM PAR BYA BA YIN PA'I PHYIR RO, ,'ON TE THA DAD PA MA BZUNG BA'I PHYIR DRAN PA LA GZUNG BAR BYA BA NYID DU SNANG BA YIN NO ZHE NA, JI LTAR GZHAN LA GZHAN DU 'DZIN, ,DE NI DRAN PAR BYA BA'I RANG BZHIN YONGS SU SPANGS NAS SNANG BA NYID 'DZIN PA YIN TE NGES NA BSRE BA MA YIN NO, ,'ON TE BSRE BA NI 'DZIN PA'I NGO BO NYID DO ZHE NA, DE LTA YIN NA DU MA GCIG GIS 'DZIN PAR THAL NA 'DOD PA NI MA YIN NO, ,MIG GI BYED PAS THAMS CAD SHES PAR RTOGS PA'I PHYIR TE, DES NA MA 'BREL PAR RTOGS PA'I DRI MAS MTSON PA BLUN PO'I SKYE BOS BRTAGS PA 'DIS NI CHOG GO ZHES BSHAD PA NI, DE PHYIR GCIG DON DU MA CAN, ,GANG PHYIR DON GCIG RTOG PA NA'ANG, ,

GZHAN DAG MTHONG BA DE PHYIR YANG, ,RTOG PA MED PA GRUB PA YIN, ,SNGON PO LA SOGS PA'I RANG GI NGO BO DU MA CAN SNA TSOGS PAR SNANG BA NA 'DI SNGON PO ZHES RNAM PAR RTOG PAR BYED KYANG MTHA' NA 'DUG PA'I SER PO LA SOGS PA MTHONG BA NYID DO, ,RNAM PAR RTOG PA DU MA CIG CAR 'BYUNG BA MA YIN NO, , SNA TSOGS PA ZHES RNAM PAR BRTAG PAR RUNG BA KHO NA'O ZHE NA MA YIN TE NGES PA MED PA'I PHYIR RO, ,GDON MI ZA BAR SNA TSOGS PA, ,ZHES BYA BA NYID DU BRTAGS PAR BYA BA NI MA YIN TE, GCIG LA YANG RTOGS PA MTHONG BA'I PHYIR RO, ,DE LTA NA YANG CIG CAR BA'I SNGON PO LA SOGS PA'I RNAM PA THAMS CAD NI, RNAM PA SNA TSOGS PA CAN GYI BLO GCIG GO, ,DE LA YANG RTZOD PA, SNA TSOGS SNANG CAN DON RNAMS LA, ,GAL TE GCIG NYID MI RIGS NA, ,RE ZHIG GCIG PU'I BLO DE NYID, ,SNA TSOGS SU NI JI LTAR SNANG, ,'DI SKAD STON PA YIN TE, JI LTAR BLO NYID SNA TSOGS KYI, ,RNAM DBYER KHYED KYIS KHAS BLANGS PA, ,PHYI YANG GAL TE DE LTA NYID, ,DE LA GANG GIS RNAM DBYE BYED, ,GANG LA BLO NI SNA TSOGS PHYIR, ,DON RNAMS SNA TSOGS NGO BO NI, ,DE LA GNAS PA'I NGO BO CAN, ,BLO NI JI LTAR 'GYUR MA YIN, ,DES NA SNA TSOGS PA YIN PA'I PHYIR, GCIG MA YIN NO ZHES BYA BA 'DI NI BLO'I NGO BO NYID KYIS MA NGES PA YIN NO ZHE NA, 'DI SKAD BRJOD DE, JI LTA JI LTAR DON BSAMS PA, ,DE LTA DE LTAR RNAM BRAL ZHES, ,MKHAS PA RNAMS KYIS GANG GSUNGS PA, ,DE NI DNGOS STOBS 'ONGS PA YIN, ,GCIG LA SNA TSOGS DE CIR 'GYUR, ,DE NI BLO LA'ANG MI 'GRUB BO, ,GAL TE DON BDAG 'DIR 'DOD NA, ,DE LA BDAG GIS CI ZHIG BYA, ,DON NI 'DI YIN TE, GCIG YIN NA BLO YANG SNA TSOGS MA YIN NO, ,DE LA YANG RNAM PA DU MA YIN PA'I PHYIR DU MA NYID DU 'GYUR TE, DNGOS PO'I MTSAN NYID RNAM PA YIN PA'I PHYIR RO, ,RNAM PA DU MA 'DZIN NA DNGOS PA YANG GDON MI ZA BAR DU MAR 'GYUR RO, ,DE'I PHYIR GAL TE BLO DE SNYED YIN NA PHYOGS PHYI MA SMRA BA LA CHAD PA YOD, CI STE BLO DU MA NYID YIN NA, RDUL PHRA RAB SO SO LA BLO YANG DE SNYED DU 'GYUR BAS RDUL PHRA RAB 'DZIN PAR THAL LA, PHAN TSUN MI RTOGS PA'I PHYIR DANG, RTOGS PA PO GZHAN YANG MED PA'I PHYIR DU MA

, ,MI RTOGS PAR YANG 'GYUR RO, ,RANG RIG PA RNAMS NI DU MA NYID RTOGS PA MA YIN TE RGYUD GZHAN DAG KYANG SNANG BAR THAL BA'I PHYIR RO ZHE NA, DE NI YOD PA MA YIN TE, MTHONG BA NYID KYI PHYIR RO, ,MTHONG BA YANG MI 'THAD DO ZHES BYA BA NI MED DO, ,'O NA NI RANG RIG PA MA YIN TE, PHAN TSUN YANG RIG PA'I PHYIR RO, ,MA YIN TE RANG RIG MED PAR RIG PA MI SRID PA'I PHYIR RO, ,DE YANG STON PAR 'GYUR RO, ,RANG RIG PA YIN NA NI GZHAN RIG PA LA DOGS PA YOD PA MA YIN NO, ,'ON TE MANG PO NYID DU RTOGS PA GANG ZHIG YIN ZHE NA, 'GA' YANG MA YIN TE DE LAS THA DAD PA'I RTOGS PAR BYED PA MED PA'I PHYIR RO, ,DE'I PHYIR, BLO RNAMS GCIG PA MA YIN ZHING, ,DU MA NYID DU'ANG 'THAD MA YIN, ,GCIG NA SNA TSOGS MED 'GYUR TE, ,DU MA NYID LA 'DI CHES GSAL, ,DE'I PHYIR DNGOS PO RNAMS JI LTAR RNAM PAR BSAMS PA, DE LTA DE LTAR RNAM PAR GZHIGS PAR 'GYUR BA'I PHYIR 'DI LA CI ZHIG BYAR YOD, DE'I PHYIR RNAM PAR SHES PA NI RNAM PAR SHES PAS STONG NGO ZHES GSUNGS PAS NA CHOS THAMS CAD NI STONG PA NYID DO ZHES BYA BAR RIGS SO, ,CI STE GCIG DANG DU MA'I RNAM PAR RTOG PAS SNANG BA NYID MED PAR JI LTAR 'GYUR TE, DE NI RNAM PAR BRTAGS KYANG SNANG BA KHO NA'O ZHEN, SGYU MA DANG SMIG RGYU LA SOGS PA LTAR MED KYANG SKYON MED DO, ,DE DAG KYANG MED PA YIN NA JI LTAR SNANG, SNANG NGO ZHE NA NI JI LTAR MED PA NYID YIN ZHE NA, DON BYA BA BYED PA MED PA NYID KYI PHYIR TE, YOD PA'I MTSAN NYID NI DON BYED PA YIN PA'I PHYIR RO, ,SNANG BA TZAM GYIS YOD PA'I THA SNYAD DU 'GYUR BA NI MA YIN TE, SKRA SHAD LA SOGS PA SNANG BA YIN YANG MED PAR NGES PHYIR RO, ,DON BYED PA ZHES BYA BA 'DI CI ZHIG YIN, CI SNANG BA'I RANG BZHIN LAS GZHAN YIN NAM, 'ON TE DE NYID YIN, GZHAN YIN NO ZHE NA NI, DE LA YANG SNANG BA'I RANG BZHIN LAS DON BYED PA GZHAN KHAS LEN PA NA THUG PA MED PAS MI RTOGS PAR 'GYUR RO, ,DE NYID NA NI SNANG BA THAMS CAD YOD PAR THAL BA'I PHYIR, ,SGYU MA LA SOGS PA MED PAR MI 'GYUR RO, ,'DI LA BRJOD PA 'GA' ZHIG GI NI THA SNYAD DE, ,'GA' ZHIG GI NI BZLOG PAS YIN, ,RNAM PAR DBYE BAS GNAS PA 'DI, ,DNGOS

PO RNAMS KYI RANG BZHIN YIN, ,SNANG BA TZAM NYID KYIS NI THAMS CAD DON BYED PA MA YIN TE, GANG ZHIG DON BYED PA NYID DU SNANG BA DE KHO NA DON BYED PA'I RANG BZHIN NI MED PAR 'GYUR BA MA YIN TE, THA DAD PA DANG THA MI DAD PAS YONG PA NYID RNAM PAR GNAS PA'I PHYIR RO, ,DE LTA YIN NA NI SNANG BA THAMS CAD MED PAR MI 'GYUR TE, 'GA' ZHIG DON BYED PA DANG 'BREL PA'I PHYIR RO ZHE NA MA YIN TE, GZHAN GYIS KHAS BLANGS PA'I SGO NAS THAL BAR 'GYUR BA BYED PA'I PHYIR RO, ,YOD PAR SMRA BA NI DON BYED PAS YOD PAR KHAS LEN PAR BYED DO, ,DES NA DON BYED PA SNANG BA LAS THA DAD PA YIN NO, ,SNGON PO LA SOGS PA'I RANG BZHIN LAS DON BYED PA GZHAN NA SNANG BA MED DO, ,GANG ZHIG GANG GIS 'DOD PA DE NYID DON BYED PA YIN NO ZHE NA, DE NYID NI GNAS PA MED PA KHO NA STE, 'GA' ZHIG KHO NA CUNG ZAD CIG GDOD PA YIN NO, ,GDUNG BA BZLOG PA'I TSIM PA'I DON BYE PA YIN NO ZHE NA, MA YIN TE, GDUNG BA DANG TSIM PA DAG GNAS PA MED PA'I PHYIR TE, GOMS PA'I STOBS KYIS THAMS CAD LA SKYES PA'I PHYIR RO, ,GOMS PA MED PA'I NI MED PA'I PHYIR, DON DAM PA NYID DO ZHES RNAM PAR GNAS SO, ,GAL TE DE LTAR NA GOMS PA'I STOBS KYIS SHES PA NYID DE LTAR GYUR PA YIN GYI, MED PA NI MA YIN NO ZHE NA MA RIG PA'I STOBS KYIS SKYED PA NYID MED PA YIN TE, DE LTA BU GNAS PA'I RANG BZHIN MED PA'I PHYIR RO, ,SNANG BA TZAM MA BRTAGS NA NYAMS DGA' BAR YOD PA'I PHYIR NI KUN RDZOB KYI BDEN PA NYID YIN NO, ,DE'I PHYIR DON DANG SHES PA LA, ,RAGS SNANG YOD MIN DE DAG NYID, ,GCIG LA BKAG PA NYID PHYIR DANG, ,MANG PO LA YANG YOD MA YIN, ,RDUL PHRA RAB BAM YAN LAG CAN GYI DON LA NI RIGS PAR SNANG BA YOD PA MA YIN TE GANG GI PHYIR RAGS PA NYID NI PHYOGS KYI CHA THA DAD PA YIN LA, PHYOGS KYI CHA RNAMS KYANG PHAN TSUN YONGS SU SPANGS PAS GNAS PA'I PHYIR GCIG MA YIN NO, ,CI STE DAGS PAR SNANG BA NI MANG PO LA YOD PA YIN TE, 'DI LTAR RIGS MTHUN PA MANG PO GZHAN GYIS MCHOD PAR SNANG BA NA RAGS PA NYID DU THA SNYAD BYED PA YIN NO ZHE NA DE YANG MI 'THAD DE, DE DAG NI MANG PO KHO NA YIN TE, RAGS PA NYID SO SO LA MED PA'I PHYIR RO, ,TSOGS PA YIN PAR 'GYUR RO

, ,ZHE NA, DE DAG LAS GZHAN PA'I TSOGS PA GANG YIN PAR RAGS PA'I THA SNYAD NI LINGS PO GCIG TU SNANG BA LA BRTEN PA YIN NA, PHAN TSUN THA DAD PAR SNANG BA NI LINGS PO GCIG TU SNANG BA YOD PA MA YIN TE, BAR YANG SNANG BA'I PHYIR RO, ,'ON TE MI SNANG NA, 'O NA NI DE DAG SNANG BAR MI 'GYUR RO, ,CI STE RDUL PHRA RAB DENGS PA NA DE DAG LDAN PA LAS YAN LAG CAN GZHAN NYID SKYE BA YIN TE, DE LA RDUL PHRA RAB BAM YAN LAG NI 'GA' YANG YOD PA MA YIN NO SNYAM NA GAL TE YAN LAG CAN GZHAN NYID SKYES PA YIN NA DE LTA NA NI, SA BON LAS MYU GU BZHIN RDUL PHRA RAB ZHIG CING, YAN LAG CAN GZHAN SKYES BAR 'GYUR RO, ,DES NA LDAN PA DANG LHAN CIG PA'I RDUL PHRA RAB LA SOGS PAS RANG DANG PHRAD PAS 'DUS PA'I YAN LAG CAN RTZOM PAR BYED PA'I PHYIR SNAL MA LA SOGS PA 'DU BA CAN GYI RGYU YIN NO ZHES BYA BAR MI 'GYUR TE, 'BREL BA NYID NI GNYIS LA GNAS BA'I PHYIR RO, , 'DI LA'O SNYAM PA'I BLO YANG DMIGS PA MED PAR 'GYUR TE DMIGS PA'I DON MED PA'I PHYIR RO, ,CHA MED PA DE BZUNG BA NA PHA ROL LA SOGS PA'I CHA YANG BZUNG BAR 'GYUR RO, ,TSU ROL GYI CHA BZUNG NA PHA ROL YANG MTHONG BAR 'GYUR TE DE YANG PHA ROL GYI CHA'I YAN LAG CAN YIN PA'I PHYIR RO, , DES NA THAMS CAD THAMS CAD MTHONG BAR 'GYUR RO, ,'ON TE PHA ROL GYI CHA NI MTHONG BA MA YIN TE, PHA ROL GYI CHA NYID MED PA'I PHYIR RO ZHE NA, GZHAN GYIS JI LTAR MTHONG BA YIN PA DE NI GZHAN NYID DO ZHE NA, 'O NA NI 'DI YAN LAG CAN NAM RAGS PAR NI MI 'GYUR RO, ,DE NI RNAM GRANGS KYIS MTHONG BA YIN NO ZHE NA MA YIN TE, GCIG LA RNAM GRANGS MI SRID PA'I PHYIR RO, ,DE NYID NI 'DI YIN NO ZHES RTOGS PAR MI NUS SO, ,MTHONG BA DANG REG PAS KYANG RTOGS PA'I PHYIR YAN LAG CAN YIN NO ZHE NA MA YIN TE, TSAD MA MED PA'I PHYIR RO, ,PHAN TSUN SPANGS PAR RTOGS PA DAG JI LTAR GCIG NYID YIN, PHAN TSUN GYI RNAM PAR DBYE BA 'DI NI 'DZIN PAS BYAS PA YIN GYI, GZUNG BA NI GCIG KHO NA'O ZHE NA, 'O NA NI THA DAD PA MTHA' DAG ZHIG PA NYID KYIS GNYIS MED PA KHO NAR 'GYUR RO, ,DE YANG DE LAS THA DAD PAR SNANG BA MED PAS CHOS THAMS CAD STONG PA YIN NO, ,MTHONG BA GANG YIN PA DE NYID REG PA YIN

NO ZHES BYA BA LA NI TSAD MA YIN TE, DE'I PHYIR NA SNANG BA'I SPYOD YUL DU GYUR PA'I YAN LAG CAN NAM, YAN LAG NI YOD PA MA YIN PAS SNANG BA TZAM ZHES BYA BA NYID DU 'GYUR RO, ,GAL TE 'DI SNANG BA KHO NAR ZAD PA YIN NA 'O NA NI RNAM PAR SHES PA SMRA BA DE NYID THAL BAR 'GYUR BAS, JI LTAR CHOS THAMS CAD STONG PA NYID YIN ZHE NA, 'DI LA BRJOD PA NI, YONGS GCOD NANG YIN PHYI ROL LTAR, ,GNAS PA 'DI NI CHA GZHAN YIN, ,THA DAD MED CAN SHES PA YI, ,THA DAD SNANG BA BSLAD PA NYID, ,GAL TE 'DI RANG RIG YIN NA SHES PA YIN YANG THA DAD PAR SNANG BA MI RIGS TE, RANG GI NGO BO'I MTHAR THUG BA'I PHYIR RO, ,RANG RIG PA YIN NA NI, GZHAN RIG PA MA YIN PA DES NA THA DAD PAR SNANG BAR MI 'GYUR RO, ,CI STE PHAN TSUN RIG PA NYID YIN TE, NGES NA THA DAD PA YIN NO ZHE NA, DE LA'ANG SO SOR RIG PAS NA, ,TSAD MA RGYUD GZHAN NYID DU 'GYUR, ,DE BZHIN BDAG GIS YANG BCAD CES, ,BYA BA RANG RIG MIN LA MED, ,GAL TE DE DAG RIG PA NI, ,RANG DANG GZHAN YANG RIG PA YIN, ,RANG DANG GZHAN RIG NA NI RANG NYID KYIS RANG RIG PAR 'GYUR RO, ,RANG GI NGO BO RIG PA NA, GZHAN RIG PA LA 'JUG PA MA YIN NO, ,'ON TE RANG RIG PA NI MED PA NYID DE PHAN TSUN DU GZHAN NYID RIG PA YIN NO ZHEN, DE LTA YIN NA LTAS BYIN DANG MCHOD SBYIN GYIS YONGS SU BCAD PA LTAR GNYIS RIG PA ZHES BYA BAR MI 'GYUR RO, ,'DI BDAG GIS RIG GO ZHES BYA BAR YANG MI 'GYUR TE, BYED PA PO RANG RIG PA MA YIN PA NYID KYIS MI SNANG BA'I PHYIR RO, ,DE'I PHYIR NA DE DAG NYID RANG RIG PAR 'GYUR RO, ,DE LTA YIN NA, RGYUD GZHAN GYIS RTOGS PA BZHIN DU GNYIS SU RTOGS PAR MI 'GYUR RO, ,GZHAN NA RE DE NYID KYI PHYIR BDAG GIS GNYI GA RTOGS PAR 'DOD DE, DE LTA MA YIN NA THAL BA 'DIR 'GYUR BA'I PHYIR RO ZHES ZER RO, ,'DI LA BSHAD PA, RANG RIG DANG NI CIG SHOS LA, ,SNGA MA'I TSUL LAS MA 'DAS PHYIR, ,DE YANG BRGAL ZHING BRTAG PA NI, ,'DI NYID LAS NI MTHAR MA YIN, ,GAL TE BDAG RANG RIG PA'I NGO BO YIN NA NI, DE LA GZHAN RIG PA MA YIN TE, RANG GI BDAG NYID LA GNAS PA'I PHYIR RO, ,GZHAN YANG RIG PA LA 'GAL BA CI YOD CE NA, RANG BZHIN DE NYID DAM GZHAN NYID KYIS GZHAN RIG PA YIN

, ,ZHES BYA BA'I RNAM PAR RTOG PA GNYIS LAS GCIG LA GNAS PAR BYA'O, ,RANG GI RANG BZHIN GYIS RIG PA ZHES BYA BAR NI MI 'THAD DE, RANG GI RANG BZHIN NI RANG BDAG NYID LA RNAM PAR GNAS PA'I PHYIR RO, ,RANG BZHIN GANG ZHIG RANG GI NGO BO NYID LA GNAS PA RANG LA MNGON DU PHYOGS PA RJES JI LTAR GZHAN REG PAR 'GYUR, GZHAN GYI SGO NAS SO ZHE NA, 'O NA NI DER RANG GI BDAG NYID RTOGS PA MA YIN PA DES NA RGYUD GZHAN GYIS RTOGS PA BZHIN DU GNYIS RTOGS PAR MI 'GYUR RO, ,DE LA MNGON DU PHYOGS PA GNYIS PO DE NI GCIG NYID YIN NO ZHE NA 'DI NI GNYIS SO ZHES RTOG PA DANG LDAN PA DE SU YIN, DE NYID DO ZHE NA, YANG MNGON DU PHYOGS PA GNYIS SU 'GYUR DGOS PA'I PHYIR THUG PA MED PAR 'GYUR RO, ,DES RANG REG PA'I RANG BZHIN GSUM DU 'GYUR RO, ,DE'I PHYIR DE RIG PA LA BDAG GZHAN KHAS BLANGS DGOS LA, DE LA YANG GZHAN YIN PA'I PHYIR DON MED PAR BRGYUD PA CHEN POR 'GYUR RO, ,DES NA MYONG BA LAS RIG PA GCIG NYID YIN TE, DES NA THA DAD PA MED PA'I SHES PA LA THA DAD PAR SNANG BA NI BSLAD PA YIN PAS NA, SHES PA YANG RANG GI NGO BOR RTOGS PA MED PAS MED PA KHO NA YIN PA'I PHYIR STONG PA NYID 'BA' ZHIG LUS PAR 'GYUR RO, ,'DI LTAR, DE LA GCIG NI MED PAS KYANG, ,GNYI GA'ANG NYAMS PAR 'GYUR BA YIN, ,DE'I PHYIR GNYIS STONG GANG YIN PA, ,DE NI DE YI'ANG DE NYID YIN, ,'DI SNYAM DU GCIG SPANGS NA SHES PA TZAM DU 'GYUR RO ZHE NA, SNANG BA SPONG BAR BYED NA NI GNYI GA DE LTAR 'GYUR BA'AM, YANG NA NI 'GA' YANG MA YIN NO ZHES BYA BA 'DI NI MTHA' GCIG TU NGES PA'O, ,GNYI GA YANG 'GYUR LA RAG GO ZHE NA MA YIN TE, LAN BTAB ZIN PA'I PHYIR TE, RANG RIG PA MED PA DANG GZHAN RIG PA MA YIN NO ZHES BSTAN PA'I PHYIR RO, ,DE'I PHYIR STONG PA NYID KHO NA LEGS PA YIN NO ZHES BYA BAR RIGS SO, ,DA NI DBU MA PA DANG RNAL 'BYOR SPYOD PA PA DANG, PHYI ROL GYI DON YOD PAR SMRA BA'I LUGS KYIS STONG PA NYID KYI DON STON PAR BYED DO, ,GZUGS DANG, CHOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA LA SOGS PA NI DNGOS PO RNAMS KYI RNAM PAR GZHAG PA YIN LA, DNGOS RNAMS THA

DAD GNAS PA 'DI, ,DE THA DAD LA BRTEN PA YIN, ,DE NI BSLAD PA NYID YIN NA, ,DE DAG THA DAD KYANG BSLAD 'GYUR, ,RNAM PAR SHES PAR BYED PAS NA RNAM PAR SHES PA YIN NO, ,GZUNG DANG 'DZIN PA'I RNAM PA LAS, ,MTSAN NYID GZHAN NI YOD MA YIN, ,DES NA MTSAN NYID STONG PA'I PHYIR, ,RANG BZHIN MED PAR RAB TU BSHAD, ,PHUNG PO LA SOGS BYE BRAG GI ,MTSAN NYID THAMS CAD BYED PA YI, ,KHYAD PAR CAN DE'ANG DE NYID MIN, ,DES NA DE DAG MTSAN NYID BRAL, ,BAR SKABS KYI TSIGS SU BCAD PA DAG GO, ,BCOM LDAN 'DAS KYIS GZUGS LA SOGS PA PHYI ROL GYI DON DANG, DE LAS GZHAN DAG KYANG BSTAN PA JI LTAR BSHAD PAR BYA BA YIN ZHE NA, BSHAD PA, MA RIG GIS BSLAD BDAG NYID LA, ,JI LTA'I RANG RKYEN LA LTOS NAS, ,RNAM RIG DE BZHIN MIN RNAM PA, ,SKYE 'GYUR RAB RI BA LA SOGS BZHIN, ,PHA ROL MTHONG MIN THAMS CAD KYIS, ,DE NYID DE NI RIG MA YIN, ,GZUNG DANG 'DZIN PA'I BSLAD PA DAG ,MED NA DE NI MED PHYIR RO, ,DES DE NYID DON BTANG SNYOMS CAN, ,GLANG CHEN GZIGS STANGS NYID MDZAD NAS, ,'JIG RTEN THUGS NI 'BA' ZHIG GIS, ,PHYI ROL DPYOD LA 'JUG PAR MDZAD, ,GAL TE DON DAM PAR NI THAMS CAD STONG PA YIN LA BCOM LDAN 'DAS KYANG DE KHO NA GZIGS PA YIN NA, ,DE JI LTAR BCOM LDAN 'DAS KYIS PHYI ROL GYI DON BSTAN PAR MDZAD DE DE KHO NA GZIGS PA NI DE KHO NA NYID MA YIN PA STON PAR MI 'GYUR RO, ,STON NA YANG JI LTAR DE KHO NA GZIGS PA YIN NO ZHES KHOD DU CHUD CE NA, 'DI LA SMRAS PA PHYI ROL SGRUB PA'I PHYIR BCOM LDAN 'DAS KYIS PHYI ROL BSTAN PA NI MA YIN NO, ,'O NA CI ZHE NA, RJES SU DE BRJOD PA'I PHYIR TE, DE RJES SU BRJOD PAS BDAG BKAG PAR BRJOD PAR 'DOD PA'I PHYIR RO, ,STONG PA NYID MTHONG BA RJES SU BRJOD PAR YANG JI LTAR 'GYUR TE, DE SNANG BA MED PA'I PHYIR RO ZHE NA MA YIN TE, 'JIG RTEN GYI THUGS NYID KYIS RJES SU BRJOD PA SRID PA'I PHYIR RO, ,'JIG RTEN GYI BLO DE LTA BU YANG THOG MA MED PA NAS MA RIG PA GOMS PA LAS YIN NO, ,GAL TE BCOM LDAN 'DAS LA 'JIG RTEN GYI BLO MNGA' NA JI LTAR DE KHO NA MTHONG BA YIN ZHE NA MA YIN TE, SNGON GYI SHUGS KYIS STON PA SRID PA'I PHYIR TE,

, ,'KHOR LO BSKOR BA BZHIN NO, ,DES NA 'JIG RTEN GZHUG PA'I DON DU DU MAR BSTAN PA 'GAL BA MED DO, ,DE LTAR RE ZHIG STONG PA NYID DU KHAS BLANGS NAS MA NGES PA SPANGS NAS, DA NI SNA TSOGS PAR KHAS BLANGS TE SPONG BAR BYED DO, ,SNA TSOGS SU SNANG BA YANG BLO NI GCIG NYID DU 'GYUR TE; PHYI ROL GYI SNA TSOGS DANG MTSAN NYID MI 'DRA BA'I PHYIR RO, ,RNAM PAR DBYE BAR NUS PA'I SNA TSOGS NI DU MAR 'GYUR BA YIN NA, BLO'I SNGON PO LA SOGS PA NI RNAM PAR DBYE BAR NUS PA MA YIN NO, ,'DI LTAR, SHES LA SNGO SOGS SNA TSOGS PA, ,SHES PA'I KHYAD PAR GZHAN STEN MED, , MTHONG NUS MA YIN DE YI TSE, ,RNAM DBYE DON LA 'JUG PAR 'GYUR, ,RNAM PAR SHES PA'I BDAG NYID DU GYUR PA'I SNA TSOGS PA'I SNGON PO LA SOGS PA'I GANG YIN PA NI YAN GAR DU MTHONG BAR NUS PA MA YIN TE, DES NI RNAM BAR DBYE BAR MI NUS PA'I PHYIR NA BLO NI SNA TSOGS PA NYID YIN YANG GCIG NYID DO, , GAL TE SNA TSOGS KYANG GCIG YIN NA 'O NA NI SGRA LA SOGS PAR SNANG BA YANG GCIG TU 'GYUR RO ZHE NA, GAL TE RNAM PAR DBYE BAR MI NUS PA YIN NA 'GYUR RO, ,'ON TE RNA BA BKAG KYANG GZUGS LA SOGS PA DMIGS PA DES NA YANG YAN 'GAR DU 'DZIN PA'I PHYIR DU MA NYID DO ZHE NA, ,DE YANG MA YIN TE, DE'I TSE SHES PA RNAM PAR 'BYED PA NI MA YIN TE, MI SNANG BA'I PHYIR DE'I TSE SNGAR GYI SNANG BA MED PA'I PHYIR RO, ,MI SNANG YANG SGRA YOD PA DES NA THA DAD MA YIN NO ZHE NA, DE NI DE'I TSE SHES PA MA YIN TE, LKOG TU GYUR BA YIN PA'I PHYIR RO, ,DE LTAR RNAM PAR DBYE BA NI DON LA 'BAB PAR 'GYUR BA NYID DO, , DON NI RIG PA MA YIN PA'I PHYIR RO, ,CI STE LHAN CIG TU SNANG BA'I SNGAR GYI SHES PA'I RNAM PA LAS DA LTAR YAN 'GAR BAR SNANG BA NI GZHAN YIN NO ZHES RNAM PAR 'BYED PA YIN NO ZHE NA, DE YANG MA YIN TE, SNGA MA NYID LA NI, MNGON SUM GYI SHES PA 'JUG PA MA YIN TE, 'ON KYANG, SHES GANG CI LTAR SNANG BA DE, ,DE LTA NYID DU MYONG BA YIN, ,DE LTAR 'GYUR RO MYONG BAR GYUR TO, ,ZHES BYA BA NI DE MED DO, ,RANG RIG PA'I MNGON SUM NI LKOG TU GYUR PA LAS 'JUG PA MA YIN TE, LKOG TU GYUR PA NI RANG RIG PA MA YIN PA'I PHYIR RO, ,'ON TE DRAN PAS SHES PAR BYED DO ZHE NA, DE

NI MI 'THAD DE, DRAN PA TSAD MA MA YIN PA'I PHYIR RO, ,CI STE NYAMS SU MYONG BA LAS SKYES PA'I DRAN PA NI, TSAD MA NYID DO ZHE NA, NYAMS SU MYONG BA LAS DRAN PA SKYES PA YIN NO ZHES BYA BA 'DI LA NI TSAD MA CUNG ZAD KYANG YOD PA MA YIN TE, NYAMS SU MYONG BA'I DUS NA DRAN PA MED PA'I PHYIR RO, , DRAN PA 'DIS NI BDAG NYAMS SU MYONG BA LAS SKYES SO ZHES BYA BAR SHES PA YANG MED DE, MYONG BA NI DE LA MA MTHONG BA'I PHYIR RO, ,NYAMS SU MYONG BA YIN NA YANG DRAN PAR MI 'GYUR TE, DE'I TSE NYAMS SU MYONG BA KHO NAR 'GYUR RO, ,DE'I PHYIR RNAM PAR DBYE BAR MI NUS PA'I SNA TSOGS PA NI GCIG YIN PAS SKYON MED DO, ,'O NA NI PHYI ROL YANG RNAM PAR DBYE BAR MI NUS PA'I PHYIR NA GCIG NYID DO ZHE NA MA YIN TE, DE NYID KYI TSE GZHAN GYIS GCIG MTHONG BA'I PHYIR RO, ,'ON TE PHA ROL GYIS MTHONG BA GANG YIN PA DE NI GZHAN KHO NA'O ZHE NA, 'O NA NI SHIN TU YANG RNAM PAR PHYE BA YIN NO, ,RANG GIS MTHONG BA NYID GCIG YIN NO ZHE NA MA YIN TE, RANG RIG PA LA SNANG BA'I PHYIR DE NI SHES PA KHO NA'O, ,DE LTAR SEMS KYI RNAM PA NI, ,SNA TSOGS GCIG GI NGO BOR 'GYUR, ,SHES PA MA RTOGS PA NI RNAM PAR DBYER MED PAR YOD PA MA YIN NO, ,DE'I PHYIR NA GZUNG BA DANG 'DZIN PA SNGON PO LA SOGS PA'I RNAM PA SNA TSOGS PA NI BLO GCIG NYID YIN PA'I PHYIR RO, ,SNA TSOGS NI GNYIS MED PA YIN PA'AM, MA YIN NA YANG SNA TSOGS PA DE SNA TSOGS MA YIN PA LAS THA DAD PAR GNAS PA MED PA'I PHYIR RO, ,DES NA GZHAN MED PA'I PHYIR MYONG BA GNYIS MED PA NYID 'BA' ZHIG YIN NO ZHES BYA BAR GNAS SO, ,DE LTA NA NI 'O NA DNGOS PO DANG DNGOS PO MED PA DAG GIS THA DAD PA SRID PA'I PHYIR, JI LTAR GNYIS MED PA YIN TE, 'DI LTAR, THA DAD MED NA MED DE LAS, ,THA MI DAD THA DAD GNAS 'GYUR, ,THA DAD DNGOS PO MED RTOGS NA, ,THA MI DAD NYID GA LAS YIN, ,GAL TE THA DAD PA YOD NA THA DAD PA LAS GZHAN THA MI DAD PA NYID YOD DO ZHES RTOGS PAR 'GYUR LA, DE LTA NA YANG DNGOS PO MED PA DANG DNGOS PO YANG RTOGS PAS NA, DNGOS PO DANG DNGOS PO MED PA GNYIS SU RTOGS PAR 'GYUR NA, DE CI LTAR GNYIS MED PAR 'GYUR, 'DI LTAR, BUM PA 'DI LA KA BA NI, ,

, ,MED CES SMIN PAR DGAG PA NI, ,YOD MIN MED NA MED PA CAN, ,THA DAD RIG PA NYID 'ONGS SO, ,DGAG PA THAMS CAD NI THA DAD MED NA MI 'BYUNG BA CAN YIN PAS DE LA DGAG PA RTOGS NA JI LTAR THA MI DAD PAR RTOGS PAR 'GYUR, DGAG PA MA RTOGS NA NI JI LTA BA BZHIN DU GNANG BA'I PHYIR CUNG ZAD KYANG RTOGS PAR MA BYAS PAR 'GYUR RO, ,GZHAN RTOGS PAR BYED PA LAS GZHAN KHAS BLANG BAR BYA BA YIN PA'I PHYIR NA CI LTAR GNYIS MED PA YIN, BDAG NYID KHO NA RTOGS PAR BYED PA NI 'GA' YANG MED DO, ,'ON TE GZHAN 'GA' YANG RTOGS PAR MI BYED NA, DE LTA NA NI BDAG NYID RMONGS PA YIN PAS JI LTAR GNYIS MED PAR RTOGS PAR BYED PAR 'GYUR, RMONGS PA BSAL BAN GZHAN NYID SKYES PA'I PHYIR GNYIS MED PA NYID MA YIN NO, ,SNGA MA DANG PHYI MA YANG JI LTAR RTOGS PAR 'GYUR TE, DES NA 'DI NI GYI NA'O ZHE NA, 'DIR SMRAS PA, GANG GIS DE LTAR BSGRUBS BAS NI, ,THA DAD CES BYA 'DI MTHONG MED, ,DE LA DNGOS DANG DNGOS MED SOGS, ,RTOGS PA 'DI NI 'BREL MED 'GYUR, ,RE ZHIG SNGA MA DANG PHYI MA THA DAD PA 'DI NI SNANG BA MA YIN TE, SNGA MA DANG PHYI MA LA YANG MNGON SUM MI 'JUG PA'I PHYIR RO, ,GANG LA SNGA MA MNGON SUM YIN NA DE NYID KYI TSE NA SNGA MA DA LTAR BA NYID DU 'GYUR TE, GNYIS PA BZHIN NO, ,DE'I DA LTAR BA NYID NI 'DI KHO NA YIN TE, GANG ZHIG MNGON SUM DU BYED PA'I RANG BZHIN GYIS MNGON SUM LA SNANG BA'O, ,CI STE RNAL 'BYOR PA RNAMS LA MNGON SUM DU BYED PAS SNANG BA YANG JI LTAR 'DAS PA LA SOGS PA YIN, 'ON TE MI SNANG NGO ZHES BRJOD NA, CI LTAR 'DAS PA LA SOGS PA RIG PA MA YIN NO ZHE NA, RE ZHIG SKYE BA 'DI LA NI, ,'GA' YANG DMIGS PA YOD MA YIN, ,DE YI GNAS SKABS THOB RNAMS LA, ,JI LTAR 'GYUR BA MI SHES SO, ,GANG DU MTHONG BAR 'DOD PA RNAMS KYANG BKAG BA DER MA 'ONGS PA LA GUS PAR JI LTAR 'GYUR, RMI LAM BDEN PA MTHONG BAS 'DI NYID DU YANG 'DAS PA LA SOGS PA RIG PA NYID DO ZHE NA MA YIN TE, MI DMIGS PA'I GNAS SKABS NA SAD PA RNAMS, DE LTAR THA SNYAD DU BYED PA'I PHYIR RO, ,DE'I PHYIR 'DAS PA MNGON SUM GYIS MI MTHONG ZHING MA 'ONGS PA YANG MA YIN NO, ,DES NA JI LTAR DE

LAS THA DAD PAR RTOGS PAR 'GYUR, 'DAS PA LA NI DRAN PA NYID YIN NA DE YANG TSAD MA MA YIN NO, ,'O NA TE BSTAN PA LA SOGS PA'AM, RGYU RTOGS PA'I PHYIR RJES SU DPAG PAS YIN TE, DES NA THA DAD PAR RTOGS PAR 'GYUR RO ZHE NA YANG MA YIN TE, GANG GI PHYIR, DE DANG 'BREL PA RIG PA LAS; ,'BYUNG BAR 'GYUR DON RJES SU DPOG ,RGYU DANG BRTAN PA NYID DAG LA, ,MNGON SUM GYIS NI RIG PA MED, ,GAL TE 'BYUNG BAR 'GYUR BA'I DON DANG BRTAN PA'AM RGYU DAG 'BREL PAR BZUNG NA NI DE'I TSE, RJES SU DPAG PAR RIG PA YIN NO, ,'BREL PA LAS LKOG TU GYUR PA'I DON RTOGS PA NI RJES SU DPOG PA YIN NO ZHES BYA BA NI RJES SU DPAG PAR SMRA BA'I YIN NO, ,'ON TE MTHONG BA'I PHYIR 'BREL PA GZUNG BA MED PA KHO NAR RJES SU DPAG PA YIN NO ZHE NA, 'O NA NI HA CANG THAL BA NYID DU THAL LO, ,MA MTHONG BA NYID KYI PHYIR MI 'GYUR RO, ,MTHONG BA NYID DANG CIG SHOS NI GCIG TU BYA BAR MI NUS SO ZHE NA, GAL TE MTHONG BA'I PHYIR ZHES LAN 'DEBS NA MTHONG BA DE NYID MNGON SUM MAM, RJES SU DPAG PAS YIN ZHES BSAM PAR BYA'O, ,GAL TE RJES SU DPAG PAS SO ZHE NA, RJES SU DPAG PAR DE NYID BSAM PAR BYA BA YIN PAS JI LTAR DES YIN, 'ON TE MNGON SUM GYIS YIN NO ZHE NA, DE NI MA YIN TE, MNGON SUM GYIS NI RJES SU DPAG PA MTHONG BAR MI NUS SO, ,DE NI LKOG TU GYUR PA'I YUL CAN YIN PA'I PHYIR DANG, LKOG TU GYUR PA LA YANG MNGON SUM MI 'JUG PA'I PHYIR, JI LTAR LKOG TU GYUR PA'I YUL CAN NYID KYIS RJES SU DPAG PA BDAG GIR BYED, LKOG TU GYUR PA'I YUL DU MI BYED PAS NI YUL DE'I KHYAD PAR CAN GYI RJES SU DPOG PA RTOGS PAR NUS PA MA YIN NO, ,'ON TE DE'I YUL CAN NYID DU MI 'DZIN NO ZHE NA, DE LTAR YIN NA NI RJES SU DPAG PA MA MTHONG BA KHO NA YIN PAS JI LTAR MTHONG BA'I PHYIR ZHES BYA BA GTAN TSIGS YIN, RANG GI NGO BO RIG PA TZAM ZHIG RJES SU DPAG PA YIN PAR 'GYUR TE, RANG RIG PA'I MNGON SUM GYIS DE LTAR MTHONG BA'I PHYIR RO, ,'ON TE DE KHO NA LTAR THA SNYAD BYED PA YIN NO ZHE NA, DE LTAR YIN NA THA SNYAD TZAM DU 'GYUR BAS THA DAD PA LA MNGON PAR ZHEN PAS CI BYA, THA DAD PAR MNGON PAR ZHEN PA YANG MTHONG BA NYID KYI PHYIR RO ZHE NA MTHONG BA SPANG BAR MI

, ,NUS SAM CI, DE LTAR RO ZHE NA, MTHONG BA NYID KYIS RMONGS PA THAMS CAD SPANG BAR MI NUS PA'I PHYIR, KHYED KYI NYE BAR BSTAN PA LA BRTZON PA NI DON MED PAR 'GYUR RO, ,KHYED KYI YANG DON MED DO ZHE NA MA YIN TE, MA MTHONG BA LA MTHONG BAR RLOM PA SRID PAS DE LTA BU BRJOD PA'I DON DU YIN PA'I PHYIR RO, ,DE LTA YIN DANG, KHYED THA DAD PAR MNGON PAR MTHONG BA MED PAR THA DAD PAR MNGON PAR ZHEN PAR RLOM PA'I PHYIR DE NI DO RAB KHO NAR RIGS SO, ,'DI LTAR, CHA MED DA LTAR SNANG BA YI, ,THA DAD PA LA BRTEN MA YIN, ,SNGA MA PHYI MA'I RTOGS PA YANG, ,SO SOR THA DAD 'DZIN PA MIN, ,BU RAM DONG GRA'I 'BRAS BU BZHIN, ,'DUS LAS DE LTAR 'GYUR ZHE NA, ,DER NI 'BRAS BU GCIG PA YI, ,PHYIR NA 'DUS NAS MED PA NYID, ,'DIR NI SNGA MA PHYI MA NYID, ,SEMS LA 'BRAS BU CUNG ZAD MED, ,DE LAS GZHAN PA'I RNAM RIG NI, ,DRAN YIN DE NI MYONG LAS BYUNG, ,THA DAD PA NI NYAMS MYONG MED, ,NYAMS MYONG MED PAR DRAN PA MED, ,DE DANG DUS MTSUNGS PA NYID NI, ,RIG NA GNYIS MED THOB PAR 'GYUR, ,BU RAM DANG LI DONG GRA DAG GIS NI DES BZLOG BAR BYA BA'I NAD LOG PA DANG, BDE BAR GNAS PA'I 'BRAS BU BYED PA DES NA CHOGS PAR THA SNYAD BYED PA YIN NO, ,'DIR NI RANG GI DON TZAM RTOGS PA'I RANG BZHIN SNGA MA DANG PHYI MA'I SEMS DAG LA 'BRAS BU GZHAN CUNG ZAD KYANG MED DO, ,RTOGS PA NI DE DAG GI BDAG NYID DU GYUR PA YIN PAS DE YANG THA DAD PA NA GANG LA LTOS NAS TSOGS PAR 'GYUR BA'I THA DAD PA MED PA GZHAN CI ZHIG YOD, SNGA MA DANG PHYI MA 'DZIN PA'I RANG BZHIN GYI DRAN BA NI DE DAG GI 'BRAS BU GCIG YIN NO ZHE NA, MA YIN TE, DE LTA BU'I RANG BZHIN GYI RJES SU BYED PA'I DRAN PA NI NYAMS SU MYONG BA LAS 'BYUNG BA YIN NA GNYIS 'DZIN PA'I NYAMS SU MYONG BA NI YOD PA NI MA YIN TE, DES NA DRAN PA YANG MED DO, ,'O NA CI LTAR DRAN PA'I RNAM PAR RTOG PA 'DI NI GZUGS DANG REG PA'I RJES SU BYED PA'I YIN NO ZHES BSHAD CE NA, THA DAD PA 'DZIN PA 'DOD PA BYAS NAS DE SKAD DU BSHAD PA YIN TE, 'DIR NI DE LTA BU'I SKABS MA YIN NO, ,GANG GIS RANG DBANG DU 'DZIN PAR 'GYUR BA DRAN PA NI DON 'DZIN PA LA 'JUG PA YANG MA YIN NO, ,DUS MTSUNGS PA

GNYIS DRAN PAS 'DZIN TO ZHE NA NI DE THA DAD PAR RNAM PAR DBYE BAR MI NUS PAS NA GCIG NYID DO ZHES BSTAN ZIN TO, ,GZHAN YANG, THA DAD 'DZIN PAR BYED PA NI, ,DRAN PA NYID CES 'DOD YIN GYI, ,NYAMS MYONG MIN PHYIR THA DAD DU, ,RIG PA 'DI NI KUN RDZOB NYID, ,'DI LTAR, BSGYUR DANG MA BSGYUR SNANG BA LA, ,SNA TSOGS RTOGS PA GCIG TU 'GYUR, ,BDAG GIS THA DAD MTHONG 'GYUR DANG, ,MTHONG BAR 'GYUR ZHES DE BZHIN DU'ANG, ,DE 'BRAS THA DAD NGES 'GYUR TE, ,GZHAN DU 'JUG PA MED PAR 'GYUR, ,DE PHYIR DE NYID DU NA 'GAR, ,THA DAD 'DZIN PA GRUB PA MED, ,SNANG BA TZAM GYIS SNA TSOGS DANG, ,SNA TSOGS MIN NYID RNAM 'BYED MIN, ,DES NA RNAM 'BYED 'DI DAG KUN, ,SNGA MA'I RJES SU 'BRANGS PA YIN, ,'O NA NI DRAN PA GOMS PA LAS GSAL BAR 'GYUR BA'I MNGON SUM GYIS THA DAD PA 'DZIN PA YIN NO ZHE NA, GANG ZHIG MNGON SUM GYIS MA GRUB, , DE NI GOMS LAS JI LTAR YIN, ,GOMS PA LAS KYANG MTHONG BA DE, ,CIG CAR DU NI SNANG BA YIN, ,DER YANG RNAM PAR DBYE BA DE, ,DRAN PA NYID KYIS BYAS PAR 'DOD, ,DE LTAR NYAMS MYONG LA SNANG BA, ,GANG DU'ANG THA DAD GRUB PA MED, ,GAL TE DRAN LA DRAN PA DANG, ,NYAMS MYONG YAN 'GAR BA MYONG NA, ,DU MA'I RANG BZHIN DE YANG NI, ,PHAN TSUN RNAM DBYE YOD MA YIN, ,RANG NGAM GZHAN GYIS DE NYID DU, ,RNAM DBYE NUS PA MIN PHYIR RO, ,LOGS SU GCOD PAR MI NUS SHING, ,GZHAN DU LTA BAR MI NUS GANG, ,BLANG DANG DOR NYID BYAS NYID PHYIR, ,THA DAD NA YANG DES CI BYA, ,GAL TE MNGON SUM GYIS RTOGS PA DANG, DUS MNYAM DU RTOGS PA'I DRAN PA YANG DE DANG LHAN CIG GCIG NYID DU BDAG GIR BYED NA, MNGON SUM RTOGS PA DANG BCAS PA NYID DU THAL BAR 'GYUR BA MA YIN NAM, DES NA MNGON SUM RTOGS PA MED PA YIN NO ZHES BYA BA SKABS KYI DON NYAMS PA NA, SKABS LA BABS PAR BYA'O SNYAM PA DE 'DAM RDZAB TU LTUNG NGO ZHE NA, DE NI MA YIN TE, THA DAD SMRA BA BRTZAMS NAS NI, ,DRAN PA GZHAN DU BRJOD PA YIN, ,THAMS CAD RGYU DANG NGO BO YIN, ,DBYE BAS THA DAD PA NYID YIN, ,THA DAD PAR SMRA BA'I LTAR NA NI RGYU THA DAD PAS RANG GI

, ,NGO BO THA DAD PA'I PHYIR NA, THAMS CAD THA DAD PA KHO NA'O, ,DE LA DRAN PA NI BAG CHAGS TZAM LAS SKYES PA YIN LA, DBANG PO'I SHES PA NI DE LTA MA YIN NO, ,DRAN PA NI LKOG TU GYUR BA'I YUL CAN YIN GYI DBANG PO LAS SKYES PA'I RIG PA NI MA YIN TE, DES NA 'DI DAG NI KA BA LA SOGS PA'I LTAR THA DAD PA'I PHYIR NA, PHYI'I DON DU SMRA BA RANG GI KHAS LEN PAS RTOGS PAR BYED PA YIN NO, ,THA DAD PA MED PAR SMRA BA LA NI RNAM PAR DBYE BA 'DI GA LA YOD DE RGYU DANG LDAN PA NYID NI RIG PAR MED DE, MNGON SUM GYIS DE MI 'DZIN PHYIR, ,RJES SU DPAG PA'ANG MNGON SUM NI, ,MED NA 'JUG PAR 'GYUR BA MIN, ,MNGON SUM GYIS NI SNGA MA DANG, ,PHYI MA'I DNGOS PO GNYIS 'DZIN PA MA YIN NO, ,'BRAS BUR 'DOD PA 'DZIN PA'I DUS SU NI, RGYUR MNGON PAR 'DOD PA DRAN PA TZAM DU ZAD LA, GANG GI TSE NI RANG GI NGO BO KHO NAR 'DZIN GYI 'BRAS BUR NI MA YIN NO, ,'BRAS BU 'DZIN PA'I DUS NA YANG 'DAS PAS DRAN PA TZAM GYI SPYOD YUL YIN NO, ,NYAMS SU MA MYONG BA DRAN PA MA YIN LA, RGYU NYID NYAMS SU MYONG BA YANG MED PAS JI LTAR DRAN PAR 'GYUR, 'ON TE 'BRAS BU'I DUS SU YANG DE NYAMS SU MYONG BA MI SRID PA'I PHYIR DUS MTSUNGS PA YIN PAS RNAM PAR DBYE BAR MI NUS PA'I PHYIR THA MI DAD PA NYID YIN NA, RGYU DANG 'BRAS BU'I DNGOS POR GA LA 'GYUR, 'ON TE 'DI NI SNGAR YANG YAN 'GAR DU NYAMS SU MYONG BAR 'GYUR TE ZHES DRAN PAS RNAM PAR 'JOG GO, ,DES NA RNAM PAR DBYER YOD PAS THA DAD PA NYID DO ZHE NA CI STE DRAN PA DE CI ZHIG RJES SU DPAG PA YIN NAM, 'ON TE DRAN PA TZAM YIN, RE ZHIG GAL TE RJES SU DPAG PA YIN NO ZHE NA, CI LTAR MNGON SUM MED PAR 'GYUR, MNGON SUM GYIS NI SNGAR SNGA MA NYID DU GZUNG BA MED DO, ,MNGON SUM THAMS CAD NI DA LTAR BA 'DZIN PA YIN NO, ,'O NA MNGON SUM GYIS DUS NGES PA NYID GZHAN DANG MA 'DRES PAR BZUNG BA GANG YIN PA DE NYID BZUNG BA PHYI MA LA LTOS NAS SNGA MA ZHES THA SNYAD BYED PA YIN NO ZHE NA, DE YANG MA YIN TE, GZHAN LA LTOS NAS SNGA MA YI, ,MNGON SUM 'JUG PAR 'GYUR BA YIN, ,DE PHYIR NGES NI SNGA MA NYID, ,MI 'DZIN RANG BDAG LA GNAS PHYIR, ,RANG GI DUS KYI RANG GI NGO BO 'DZIN PA'I MNGON SUM SNGA MA GZHAN LA LTOS PA'I BDAG

NYID JI LTAR 'DZIN PAR 'GYUR, MNGON SUM PHYI MA YANG DE BZHIN NO, ,DES NA SNGA MA DANG PHYI MA LA LTOS PA 'DI NI SNGA MA DANG PHYI MA'I MNGON SUM GYIS GZUNG BA MA YIN TE, DES NA DE LA DRAN PA YANG JI LTAR 'JUG PAR 'GYUR, ,DES NA LTOS PA NI MNGON SUM DANG, DRAN PAS KYANG RTOGS PA MA YIN NO, ,DE'I PHYIR RIGS PA MA YIN PA LA GANG LAS RJES SU DPAG PA 'JUG ,'ON TE DRAN PA TZAM YIN NA, DE NI TSAD MA MA YIN PAS GANG GIS SNGA MA PHYI MA LA LTOS PA'I 'BRAS BU RIG PAR 'GYUR BA DE LAS RTOGS PAR JI LTAR 'GYUR, 'ON TE TSOGS PA'I STOBS LAS DE NYID 'DI YIN NO SNYAM DU SHES PAS GCIG NYID DU GZUNG BA YIN TE, DES NA RNAM PAR 'BYED PA YIN NO ZHE NA, DE NYID 'DI YIN NO ZHES BYA BA YANG DRAN PA DANG NYAMS SU MYONG BA'I RANG BZHIN GYI SHES PA GNYIS YIN NO, ,DES NA, GANG GIS GCIG NYID 'DZIN PAR 'GYUR, 'DZIN PA MTHONG NGO ZHE NA, 'DZIN PA MTHONG BA NI MA YIN GYI, 'DZIN BA DRAN PA YIN NO, ,'O NA DRAN PAR BYA BA DANG, MTHONG BAR BYA BA DANG, SNAM BU DANG, SHING RTA BZHIN DU JI LTAR MA RTOGS SHE NA, GAL TE RNAM PAR BRTAGS NA NI, DE LTA BU KHO NAR RTOGS SO, ,DRAN PA DANG MNGON SUM GYI RNAM PA DAG NI GCIG TU RTOGS PA MA YIN TE, DE LTAR YIN NA NI, DE DAG NYID DU MI 'GYUR RO, ,DE LTAR YIN DANG, SNGA MA DANG PHYI MA DAG NI GCIG TU RTOGS PA MA YIN NO, ,DRAN PA'I RNAM PAS NI RTOGS PA'I DON SNGA MA YIN NO ZHES BYA BAR MI NUS LA, MNGON SUM DU BYAS NA NI DA LTAR BA NYID DU 'GYUR GYI SNGA MA LA NI MA YIN NO ZHES BYA BAR RIGS SO, ,'ON TE THA SNYAD 'DOGS PA'I PHYIR GCIG NYID DO ZHE NA, 'DIS NI MUN KHUNG DU GAR BYED PA YIN NO, ,DON GZHAN NAM CIG SHOS NI, RTOGS PAR SGRUB PAR BYED PA YIN, ,RTOGS PAS SGRUB PA MA YIN PA, ,THA SNYAD LAS NI CI LTAR GRUB, ,CIG THA SNYAD TSAD MA YIN NAM, 'ON TE TSANG MA MA YIN NA MNGON SUM DANG RJES SU DPAG PA'I NANG DU 'DUS PA'I PHYIR NA, SGRUB PAR BYED PA MA YIN NO ZHES BSTAN ZIN TO, ,DE STE TSAD MA MA YIN NA DE LAS JI LTAR THA DAD PA GRUB CES SMOS SHIG ,THA DAD PA MED NA 'O NA JI LTAR THA SNYAD DU 'GYUR ZHE NA, 'DI NI THA DAD PA LA YANG MTSUNGS SO, ,SHES

, ,PA LAS THA DAD PA'I THOB PAR BYA BA YOD PAS DE DON DU GNYER BA 'JUG PA YIN NO, ,THA DAD PA MED PA LA NI 'BREL PA MED PA NYID DO ZHE NA, 'DIR SMRAS PA, THA DAD YIN YANG GAL TE DE, ,SHES NA CI'I PHYIR 'JUG PAR BYED, ,'ON TE MA SHES MO GSHAM GYI, ,BU LA JI LTAR 'JUG MI 'GYUR, ,DE YOD 'DI NI MED PHYIR NA, ,DE NYID GA LAS 'DOD PA YIN, ,REG PA LA SOGS SNGAR MTHONG PHYIR, ,SNGA MA KHO NAR ZHUGS PA YIN, ,DA LTAR RIG PA MED PA LA, ,JI LTA BUR NA 'JUG PA YIN, ,RJES SU DPAG PAS RIG CE NA, ,'O NA CI PHYIR 'JUG PAR BYED, ,DE YI SPYI NI RIG CE NA, ,JI LTAR KHYAD PAR LA 'JUG 'GYUR, ,GAL TE SPYI THA DAD MED NA, ,'JUG PA 'BRAS BU MED PAR 'GYUR, ,THA DAD THA MI DAD CI LTAR, ,THA DAD DE LA JI LTAR 'JUG, ,JI LTAR THA MI DAD PA DE, ,THOB PHYIR CI PHYIR DER 'JUG BYED, ,'JUG PA MTHONG NYID CE NA CI, ,MNGON SUM LAS SAM 'ON TE GZHAN, ,RANG DON RIG PHYIR MNGON SUM GYIS, ,'JUG PA MTHONG BAR 'GYUR MA YIN, ,'JUG PA SNGA PHYIR RANG BZHIN YIN, ,DE LA MNGON SUM RIG PA MED, ,MNGON SUM MED PAR RJES DPAG NYID, ,DES KYANG 'JUG PA RIG MA YIN, ,GNYIS MED PA LA 'JUG PA NI, ,JI LTAR ZHES BYA'I RTZOD PA'ANG BSAL, , GNOD SBYIN JI BZHIN GTOR MA YANG, ,YIN PHYIR GANG ZHIG GANG DANG 'BREL, ,'DIS NI GNYIS MED PA LA JI LTAR GZHAN RTOGS PAR BYA BA'I PHYIR 'JUG PA YIN ZHES BYA BA DE YANG GSAL BA YIN TE, 'DI LA DON DAM PAR RNAM PAR DBYE BA YOD PA NI MA YIN NO, ,'DRI BAR BYED PA BDAG DANG 'CHAD PAR BYED PA GZHAN 'DI GNYI GA YANG RANG GI RNAM PAS NYE BAR BSGYUR BA'I SHES PA YANG DAG PAR RIG PA NYID YIN TE, DES NA RNAM PAR DBYE BA MED DE, RMI LAM GYI RTOGS PA BZHIN DANG, SMYON PA'I RTOGS PA BZHIN NO, ,'O NA NI SMRA BA BO SMYON PAR 'GYUR, DE LAS GNYIS MED PA YANG JI LTAR RTOGS PAR 'GYUR ZHE NA, 'DIR RTOGS PA THAMS CAD SPANG BA LA ZHUGS PA MA YIN NAM, 'DI LA RTOGS PA SKYE BA NI YOD PA MA YIN NO, ,'ON RGOL BA'AM GZHAN GYIS BYA BA CI ZHIG YOD CE NA, CI BYED PA 'GA' ZHIG MTHONG NGAM, CI LTAR MTHONG BA MED PA DE LTAR YANG BSTAN ZIN PA NYID DO, ,'O NA

JI LTAR DNGOS PO RGYU MED PAR YOD CE NA, KHYED KYIS DNGOS PO GANG ZHIG 'DIR, ,RGYU LAS YOD PAR RTOGS PA YIN, ,RGYU DANG 'BRAS BU'I DNGOS PO NI, ,RTOGS PA MED CES BSGRUBS ZIN TO, ,'O NA YOD PA GLO BUR BA YIN PAS 'DI RE 'GA' YANG 'GA' ZHIG TU LDOG PAR MI 'GYUR TE, DE SKAD DU, RGYU MED GZHAN LA MI LTOS PHYIR, ,RTAG TU YOD PA'AM MED PAR 'GYUR, ,ZHES BSHAD DO ZHE NA, SKYON 'DI YANG MED DE, 'DI LTAR, YOD PA LDOG PAR 'GYUR BA DE, ,KHYOD KYIS GANG YANG RTOGS SAM CI, ,CI STE RES 'GA' BAS SHE NA, ,'DI NI GLEN PA'I SMRA BA YIN, ,DE NI THA DAD PAR SMRA BA LA LAN BSTAN PA YIN GYI, DON DAM PAR NI RNAM PAR DBYER MED KYANG BLO'I BDAG NYID YIN NO ZHES BYA BA 'DI NYID DU 'GYUR RO, ,DE'I PHYIR SNA TSOGS SU SNANG BA NI BLO GCIG NYID DO ZHES BYA BAR GNAS SO, ,CI STE BLO BZHIN DU SNAM BU LA SOGS PA'I RANG BZHIN DU SNA TSOGS PA YANG GCIG KHO NA YIN PAR CI 'GAL ZHE NA MA YIN TE, RAS SOGS GZUGS NI GCIG YIN NA, ,DE BZHIN RNAM 'BYED MED PAR 'GYUR, ,GAL TE RAS LA SOGS PA'I RANG BZHIN RNAM PAR DBYER MED PA YIN NA, DE LTA NA NI NGE BLO'I RANG BZHIN NYID YIN TE, BLO DANG CHOS MTSUNGS PA YIN PA'I PHYIR RO, ,'DI LTAR BLO NI GZHAN GYIS MTHONG BA MA YIN, DUS PHYIS MA YIN, BKAG PAS DUM BUR 'GYUR BA YANG MA YIN NO, ,GAL TE PHYI ROL GYI DON YANG DE LTA BU YIN NA, DE LTA BU NI DE BLO NYID YIN TE, PHYI ROL ZHES BYA BA DE LTA BU NI MING TZAM DU 'GYUR RO, ,CI STE BKAG PA NA GZHAN KHO NA ZHIG DE LTAR SKYES PA YIN PAS DE DANG LDAN PA GANG YIN PA DE PHYED LA SOGS PAR MTHONG BA YIN NO, ,DES NA DNGOS PO GANG JI LTAR SKYES PA DE DE BZHIN NYID DU DMIGS PA YIN, DE LTAR, SEMS MIN SNA TSOGS RNAM PA YANG, ,JI LTAR GCIG TU 'GYUR MA YIN, ,ZHE NA 'DI LA LAN, CI LTA CI LTAR MTHONG BA DE, ,GAL TE DE LTAR SKYES NA NI, ,DE NI LKOG DANG GZHAN GYIS NI, ,MTHONG BA'I DNGOS POR MA SKYES 'GYUR, ,RGYU GZHAN GYIS NI BSKYED BYA BA, ,DE BZHIN MIN ZHES RTOGS PA YIN, ,RNAM PAR SHES PA'I RGYU DAG LAS, ,SKYES PA RNAM PAR SHES PA NYID DNGOS PO NI LKOG TU GYUR PA NYID DU MA MTHONG LA, GZHAN GYIS MTHONG BAR YANG MTHONG BA MA

, ,YIN NO; ,RGYU GZHAN LAS BYUNG BA YANG MA YIN TE, DE NI 'DZIN PA'I RNAM PA DANG 'DRA BA MIG LA SOGS PA'I RGYU MA KHO NA LAS 'JUG PA YIN PA'I PHYIR, JI LTAR RNAM PAR SHES PA MA YIN PA NYID YIN, 'ON TE DMIGS PA GANG JI SNYED PA DE THAMS CAD NI DON KHO NA YIN NO, ,BDE BA LA SOGS PA LA YANG RIGS PA'I RANG BZHIN NI MA YIN GYI 'ON KYANG DE NI RANG GI DNGOS PO NYID CES GZHAN DAG ZER BA, DE YANG MA YIN TE, 'DI LTAR, GAL TE DMIGS PA THAMS CAD NI, ,DNGOS PO YIN PAR RTOG NA GO, ,DMIGS MA YIN PA'I SHES PA NI, ,YOD PA TSAD CAN MIN PAR 'GYUR, ,GANG GIS GZUNG BA DMIGS PA DE, ,SHES YIN ZHE NA DE YANG MIN, ,DE LTA YIN NA RANG NYID KYIS, ,DMIGS PA RIG PA NYID DU 'GYUR, ,GAL TE 'DZIN PA MA DMIGS NA DE YOD DO ZHES BYA BA GA LAS, DMIGS PAR BYA BA NYID DU DMIGS PA'I PHYIR DMIGS PA PO'AM, DMIGS PAR BYED PA RJES SU DPOG GO, ,DE LTA MA YIN NA 'DI GANG GIS DMIGS ZHES RGOL ZHING BRTAGS PAR 'JUG PAR 'GYUR RO, ,GAL TE DON GYIS GO BAR MED NA NI, LAN GNYIS MED PAR 'GYUR TE, DE'I PHYIR DON GYIS GO BAS RNAM PAR SHES PA YOD PAR RTOGS PA YIN NO ZHE NA, DE YANG MA YIN TE, RANG DAM 'ON TE GZHAN GYIS ZHES, ,DMIGS PA NYID DU DPYAD BYA'I PHYIR, ,'ON TE GZHAN GYIS DMIGS BYA BA, ,GTAN TSIGS GANG GIS DMIGS PAR BYED, ,GAL TE DE YANG GZHAN GYIS NA, ,DE LTA NA NI THUG MED 'GYUR, ,RANG NYID KYIS NI DMIGS YIN NA, ,GZUNG BA LA YANG THAL BAR 'GYUR, , BDAG BZHIN BZUNG BA'I DNGOS PO KUN, ,RANG NYID RTOGS PA'I NGO BOR 'GYUR, ,'ON TE BDAG NYID RANG NYID RTOGS PA'I RANG BZHIN DU DMIGS LA, GZUGS LA SOGS PA NI GZHAN LA LTOS PAR DMIGS PA YIN TE, 'DI NI NGAS DMIGS PA'AM GZHAN GYIS ZHES BYA BA'I THA SNYAD NGES PA'I PHYIR RO, ZHE NA; GAL TE GZHAN LA LTOS SHE NA, ,CI LTAR GZHAN NI RIG MI 'GYUR, ,GZHAN LTOS DE NI GZHAN MED PAR, ,GZHAN LTOS NYID DU MI 'GYUR RO, ,THE TSOM ZA NA GZHAN LTOS PA, ,THE TSOM NYID 'GYUR NGES MA YIN, ,GTAN TSIGS NGES BA MA YIN PAS, ,NGES PAR BYED PA YOD MA YIN, ,

'ON TE BYA BA BDAG LA LTOS, ,'ON TE BDAG LA RIG BYA BA, ,RANG RIG PAS NI RIG BYAR GRUB, ,DE TZAM GYIS NI RDZOGS PA'I PHYIR, ,DE LAS GZHAN PA'I BLO YONG MIN, ,BDAG BZHIN MTHA' DAG RANG RIG PAR, ,'GYUR TE GZHAN RIG YOD MA YIN, ,'ON TE CI LTAR NGA NI BDAG DANG, BYED PA PO DANG SHES PA PO YIN NO ZHES GZHI MTHUN PAR BYED PA DE BZHIN DU, NGA NI RTZIG PA DANG, BUM PA DANG, SNAM BU DANG, SHING RTA YIN NO ZHES BYA BAR 'GYUR LA, DE BZHIN DU NGA'I RIG PA ZHES BYA BA DE BZHIN DU, NGA'I GZUGS DANG REG PA DANG DRI YIN NO ZHES BYA BAR YANG 'GYUR RO SNYAM NA, DE YANG GYI NA STE, GAL TE GZHI MTHUN DBANG GIS NA, ,GCIG PA NYID DU 'GYUR NA GO, ,BDAG NI DKAR SHAM ZHES DE LTAR, ,GZHI MTHUN NYID 'GYUR YIN NAM CI, ,GAL TE GANG LA GZHI MTHUN PA YOD PA DER, GDON MI ZA BAR GCIG TU 'GYUR LA DE MED PAS DU MAR 'GYUR NA DE'I TSE DES DU MA NYID 'GRUB PAR 'GYUR GYI BZLOG PAR MI 'GYUR NA, DE BZHIN DU SGRA GCAN GYI MGO ZHES GZHI MTHUN PA LA YANG MED PAS THA DAD PAR GRUB PAR 'GYUR RO, ,GAL TE THA DAD MED MTHONG BAS, ,SGRA GCAN GYI MGO ZHES 'DI GNOD, ,'DIR YANG THA DANG SGRO BTAGS LA, ,GNOD PAR BYED PA RANG RIG YOD, , CI LTAR SGRA GCAN GYI MGO ZHES THA DAD PAR SGRO BTAGS PA DE LAS BZLOG PAR DMIGS PAS GNOD PA DE BZHIN DU, NGA YI RIG PA NGA YI GZUGS, MTHONG BA ZHES BYA BA LAS RANG RIG PA TZAM GYIS GNOD PA YIN NO, ,THA DAD PA LTAR SNGON PO DANG LUS DANG BDE BA LA SOGS PA NI RIG PA MA YIN TE, RANG GI NGO BO RIG PAR BSGRUBS BA'I PHYIR RO, ,GANG GIS RIG BYA RIG PA DAG, ,THA DAD PAR NI RTOGS 'GYUR BA, ,RIG PA'I DON DANG SHES PA DAG ,GZHI MTHUN MTHONG BA MED DAM CI, ,GAL TE DON DAM PAR THA DAD PA MTHONG BA MED NA, 'O NA THA DAD PAR SGRO 'DOGS PAR YANG CI LTAR 'GYUR TE, RGYU MTSAN MED PAR SKYE BA NI 'GA' YANG MED DO ZHE NA, 'DI YI THA DAD RJES 'GRO DANG, ,LDOG PA DAG LAS RAB TU BRTAGS, ,RJES 'GRO LDOG PA RIG PA NI, ,THOG MED BAG CHAGS 'BREL LAS YIN, ,GZUGS LA SOGS PA NI MED KYANG GZHAN GYIS NGES PAR BTAGS PA YIN ZHING, MA BTAGS PA'AM, GZHAN

, ,NA YANG YOD PA YIN NO, ,DES NA YUL DANG DUS RANG, RANG BZHIN DANG 'BREL PA LAS THA DAD PAR RTOGS PA LA 'JUG PA YIN NO, ,RJES SU 'GRO BA DANG LDOG PA DAG NI DON DAM PAR RIG PA MA YIN NO ZHES BSTAN ZIN TO, ,'DI LTAR, MNGON SUM GYIS NI RJES 'GRO DANG, ,RANG BZHIN NYID NI RIG PA YIN, ,YOD DANG MED PA'I RNAM DBYE NI, ,RIG MED RIG PAR MNGON PAR RLOM, ,'GA' ZHIG RIG PAR MED KYANG RIG PAR MNGON PAR RLOM PA YIN TE, DPER NA, 'DI NI NGAS BYAS PA YIN NO, ,'DI NI NGAS MTHONG BA YIN NO ZHES BYA BA BZHIN TE, DE LA RIG PA NI 'DAS PA'I PHYIR RO, , MNGON PAR RLOM PA NI BRJOD NA 'GYUR BA YIN ZHE NA, BRJOD PA ZHES BYA BA 'DI CI ZHIG PHYIN CI LOG TU SGRO 'DOGS PA'O ZHE NA, 'DI LA YANG MTSUNGS SO, ,'DU BYED THA DAD PA'O ZHE NA MA YIN TE, 'DU BYED MED PA'I PHYIR, ,'DU BYED PA NI SNGA NA MED PAR ZAD PA MA YIN NO, ,BDEN PA NI ZAD PAR BYA MI NUS SO ZHES BSTAN ZIN TO, ,GAL TE 'DU BYED PA ZAD PA PHYIN CI LOG TU SGRO 'DOGS PA'I RGYU YIN NA, THA DAD PAR SGRO 'DOGS PA DANG, RJES SU 'GRO BA DANG, LDEG PAR SGRO 'DOGS PA LA YANG DE LTAR 'GYUR BA'I PHYIR, 'DI LA 'GAL BA CI YOD, MNGON PAR RLOM PA LAS MA GTOGS PA DON DAM PAR NI RJES SU 'GRO BA DANG, LDOG PA RTOGS PA MED DO, ,MTHA' DAG NI MNGON PAR RLOM PA TZAM DU THA DAD PA YIN NO, ,DE'I PHYIR SNGA MA DANG PHYI MA DAG RNAM PAR DBEN PAR GZUNG YANG GCIG TU KHAS BLANG BAR BYA BA YIN TE, DE LTA MA YIN NA SHES PA TZAM DU 'GYUR RO, ,DE KHAS BLANG BAR NUS PA YANG MA YIN TE, GANG GI PHYIR, THA DAD CAN NI RNAM GSAL BA, ,THA DAD MED PA GZHAN MTHONG MED, ,MA MTHONG BA NI YOD DO ZHES KHAS BLANG BAR NUS PA MA YIN NO, ,DE MED PAR NI THA DAD PA'I YAN LAG RNAMS THA DAD PA MED PA'I YAN LAG CAN GYI YIN NO ZHES BSTAN PAR NUS PA MA YIN NA, DE'I PHYIR PHYI ROL GYI DON KHAS LEN PAS CIG CAR NYID DU 'DZIN PA NYID KHAS BLANG BAR BYA'O, ,GAL TE DU MA GCIG GIS JI LTAR 'DZIN TE, GCIG PA ZHUGS PA'I MTHONG BA GANG YIN PA NYID NI DE NYID KYI TSE GZHAN LA 'JUG PAR NUS PA MA YIN NO ZHE NA, DU MA MTHONG BA NYID YIN GYI GZHAN DU NI MA YIN NO ZHES GANG

BSTAN ZIN PA NYID DO, ,DON DAM PAR NI RANG RIG PA GCIG NYID DE, GZHAN GYIS GZHAN 'DZIN PA NI MI SRID DO, ,GZHAN YANG 'DZIN PA ZHES BYA BA NI 'GA' YANG MED KYI 'ON KYANG BLO DE'I RNAM PAR BSKYED PA NYID DO, ,DU MA GCIG GI SKYED PAR BYED PA MA YIN PA YANG MA YIN TE, 'DI LTAR, GAL TE DBANG PO LA SOGS BZHIN, ,KHYAD PAR SKYES 'GYUR MANG PO DAG ,CIG CAR BLO YI RGYUR 'GYUR YANG, ,'GAL BA DAG NI CI ZHIG YOD, ,CI LTAR DBANG PO DANG DON DANG YID LA BYED PA'AM, BDAG DANG DBANG PO DANG, YID PHRAD PA LAS CIG CAR DBANG PO'I RNAM PAR SHES PA DE BZHIN DU GAL TE; RDUL PHRA RAB DAG KYANG YIN NA MI 'GAL TE RDUL PHRA RAB DAG MI RTAG PA NYID YIN YANG KHYAD PAR CI ZHIG YOD, LHAN CIG BYED PA NYER ZIN KYANG RDUL PHRA RAB DAG NI CHEN POR 'GYUR BA MA YIN NO, ,PHRA MO NYID MI 'DOR RO ZHE NA NI LTAR BZUNG BA YIN ZHE NA, DE YANG MA YIN TE, 'DIR NI CHEN PO KHYAD PAR MIN, ,KHYAD PAR DE NI NUS PA YIN, ,NUS PA MED PHYIR RGYUR MI 'GYUR, ,CHEN PO MIN PHYIR 'DOD MA YIN, ,GAL TE RANG GI NGO BO'I RJES SU BYED PA'I BLO SKYED PA'I RDUL PHRA RAB DAG BLTAR RUNG BA NYID YIN NA, DE NI MED PA'I PHYIR GRUB PA LA SGRUB PA NYID DO, ,'ON TE RNAM PAR SHES PA TZAM SKYED PA YIN NA DE NI YOD PA KHO NA STE, SKRA SHAD LA SOGS PA DAG LA MTHONG BA'I PHYIR 'GAL BA MED DO, ,DPER NA YUL THAG RING POR MA 'DRES PA'I SKRA YANG SBOM PO GCIG TU SNANG BA BZHIN DU RDUL PHRA RAB DAG KYANG YIN PA'I PHYIR 'GAL BA MED DO, ,YAN 'GAR BA BZHIN DU PHRA MOS DE YANG CI LTAR SKYED PAR BYED CE NA, YAN 'GAR BA RNAMS NI MI NUS PA'I PHYIR RO, ,NUS PA MED PA NYID RGYU'I DNGOS PO 'GAL GYI, PHRA MO NYID NI MA YIN TE, SKRA SHAD NYID BZHIN NO, ,TSOGS PA'I GNAS SKABS NA DBANG PO LA SOGS PA RNAMS LA RAGS PA NYID KYI KHYAD PAR SKYE BA MED PA DE LTA NA YANG NUS PA'I KHYAD PAR NYID LAS SKYED PAR BYED PA NYID YIN NO, ,'O NA NYE BA NA GNAS PA GZHAN GYI NUS PA DE CI LTAR MI MTHONG NA CI LTAR YOD PA YIN, MTSUNGS PA NYID YIN NA DE 'BRAS BU GCIG SKYED PAR BYED KYI GZHAN MA YIN NO ZHES BYA BA'I RNAM PAR DBYE BAR YANG CI LTAR 'GYUR ZHE NA, YUL THAG RING BA LA SOGS PA LHAN CIG

, ,BYED PA'I RNAM PAR DBYE BA LAS SO, ,GAL TE YUL THAG RING PO NYID KYIS KYANG SKRA DE NYID RNAM PAR DBYE BAR GAL 'GYUR ZHE NA TSOGS PA GZHAN RJES SU ZHUGS PA'I PHYIR RO ZHES 'DI NI DPYAD ZIN TO, ,GAL TE RGYU YIN PA'I PHYIR 'DZIN NA MIG LA SOGS PA YANG GZUNG BA NYID DU THAL TE, RGYU YIN PA'I PHYIR RO ZHE NA, DE'I PHYIR BSHAD PA, RGYU YI DNGOS PO MA GTOGS PA'I, ,BZUNG BA ZHES BYA GZHAN CI'ANG MED, ,DE LA BLO NI GANG DU SNANG, ,DE NI DE YI BZUNG BAR BRJOD, ,GZUGS KYI SKYE MCHED DU MTSUNGS PAS NA DE'I RNAM PA YIN GYI, DON DAM PAR NI MA YIN NO, , 'DI LTAR SNGON PO'I RDUL PHRA RAB KYI TSOGS LAS RNAM PAR SHES PA SNGON PO'I RNAM PA NYID DU 'GYUR BA YIN TE, RDUL PHRA RAB KYI RNAM PA NYID DU NI 'GYUR BA MA YIN NO, ,GAL TE RDUL PHRA RAB KYI RNAM PA MI SNANG NA SNGON PO'I RNAM PA 'DI RDUL PHRA RAB RNAMS KYI YIN NO ZHES BYA BA GA LAS YIN ZHE NA, GZHAN DU MI 'THAD PA'I PHYIR DE LTAR SKYON MED DO, ,GAL TE CI CAR DU MA MI 'DZIN NA DE'I TSE SKYON GZHAN 'DI YOD DO ZHES GANG BSHAD PA NI, JI LTAR RANG GI YAN LAG BCAS, ,CIG CAR YAN LAG CAN GZUNG YIN, ,MI 'DZIN PA NYID DO ZHE NA, MA YIN TE, LKOG SHAL SOGS MTHONG MED PAR NI, ,BA LANG SHES PAR MTHONG BA MED, ,GAL TE YON TAN GTZO BO DAG ,CIG CAR RTOGS PAR 'DOD NA YANG, ,CIG CAR YAN LAG RDZOGS 'DZIN MIN, ,YON TAN LA SOGS LDAN PA'ANG MIN, ,GANG ZHIG KHYAD PAR NYID DU 'DOD PA'I CHA DE NYID DU GZUNG BA'I PHYIR YAN LAG RDZOGS PAR MI 'DZIN PAR 'GYUR RO, ,DE DAG THAMS CAD KHYAD PAR 'DOD DO ZHE NA, MA YIN TE; KHYAD PAR DANG NI KHYAD PAR CAN, ,BRJOD PAR 'DOD PA'I GZHAN DBANG PHYIR, ,YAN LAG NYID DU 'GYUR BA GANG, ,DE NI DE NYID KYIS 'DZIN 'GYUR, ,KHYAD PAR DANG KHYAD PAR CAN GYI DNGOS PO DON DAM PA NI MA YIN TE, GZHAN DAG GAM DE NYID KYI GZHAN GYI TSE, KHYAD PAR NYID KHYAD PAR NYID KHYAD PAR CAN DU RTOGS PA'I PHYIR RO, ,'DI LTAR RVA CAN BA LANG DANG, BA LANG RVA CAN DANG, BA LANG DKAR PO, BA LANG ZLUM PO'AM, GRU BZHI MA YIN NO ZHES RTOGS PA SNA TSOGS PAR MTHONG GI DUS GCIG TU KHYAD PAR THAMS CAD 'DZIN PA NI MA YIN TE, CI CAR DU MA KHYAD PAR NYID DU BZUNG BAR MI NUS PA'I

PHYIR RO, ,RNAM PAR RTOG PA MED PAS NI KHYAD PAR DANG KHYAD PAR CAN GYI DNGOS PO 'DZIN PA MA YIN NO, ,GZHAN YANG, RANG GI DNGOS PO GZHAN DAG LAS, ,THA DAD MED PHYIR YON TAN RDZOGS, ,THA DAD BYED PA'ANG MA BZUNG PHYIR, ,GZHAN GZHAN MTHONG YANG BLO GCIG 'GYUR, ,BA LANG RANG NYID KYIS NI BA LANG MA YIN LA, BA LANG MA YIN PA YANG MA YIN TE, BA LANG NYID DANG LDAN PA'I PHYIR BA LANG YIN NO, ,DE BZHIN DU DKAR PO NYID KYIS NI DKAR PO'AM DKAR PO MA YIN PA MA YIN TE, DKAR PO NYID DANG LDAN PA'I PHYIR DKAR PO YIN NO ZHES BYA BA LA SOGS PA'O, ,DES NA YON TAN LA SOGS PA THA DAD PAR BYED PA CIG CAR MA BZUNG BA'I PHYIR GZHAN DANG GZHAN MTHONG YANG GCIG NYID KYI BLOR 'GYUR ZHING PHYIS NI YON TAN 'BA' ZHIG MTHONG BA ZHES BYA BAR 'GYUR RO, ,CI STE YON TAN BZUNG BA'I PHYIR NA PHYIS THA DAD PA'I BLOR 'GYUR RO ZHE NA, 'DI LA BRJOD PA, ,YON TAN LA SOGS KHYAD PAR NI, ,GZUNG PHYIR DU MAR RTOGS 'GYUR NA, ,'GYUR MOD DE LTAR YIN NA YANG, ,'DI DAG GI 'BREL 'CHOL BAR 'GYUR, ,SNGAR RDZAS GCIG TU BZUNG NAS PHYIS KHYAD PAR BZUNG YANG THA DAD PAR SBYOR BA MED PA'I PHYIR 'CHOL BAR THAL LO, ,'DI LTAR GCIG NYID DU BZUNG NA PHYIS GCIG NYID LA KHYAD PAR DU MA SBYAR BAR BYA BA YIN PA'I PHYIR NA, KHYAD PAR DU MA YANG GCIG GI YIN NO ZHES BYA BAR 'GYUR RO, ,YUL DAD PAS THA DAD PAR SBYAR BA NI GCIG TU MI 'GYUR RO ZHE NA, MA YIN TE, YUL THA DAD PA LA YANG KHYAD PAR YIN PA'I PHYIR YUL THA DAD PA DE YANG GCIG GI YIN NO ZHES BYA BAR YANG 'GYUR RO, ,DE'I PHYIR DU MA DUS GCIG TU 'DZIN PA MA YIN LA PHYIS GZUNG BA'I KHYAD PAR NI GANG GI YIN PA MI SHES PAR 'GYUR RO, ,KHYAD PAR THA DAD PA DANG THA DAD PA MED PA'I PHYOGS LA NI THA DAD PA 'GA' YANG MED PA'I PHYIR 'BREL PA 'CHOL BAR SHIN TU GSAL LO, ,GRANGS CAN GYI LTA BA LA NI, SGRA STZOGS DU MA NYID YIN PHYIR, ,CIG CAR DU MA 'DZIN PAR 'GRUB, ,BKOD PA CAN NI MA BZUNG BAR, ,BKOD PA 'DZIN PA MI RUNG PHYIR, ,BUM PA LA SOGS PA'I DNGOS PO THAMS CAD NI DE TZAM LNGA'I GNAS PA'I KHYAD PAR RAM, YON TAN GSUM GYI BDAG NYID YIN NO, ,DES

, ,NA SGRA LA SOGS PAR GZUNG BA NA YON TAN GSUM GZUNG BA DANG, DE TZAM GZUNG BAR 'GYUR RO, ,DE MA BZUNG BAR NI DE'I GNAS PA 'DZIN PAR MI SRID DE, SOR MO MA BZUNG BAR KHU CHUR MI 'DZIN PA BZHIN NO, ,'BRAS BU GZHAN GCIG NYID SKYED PA YANG MA YIN TE, 'BRAS BU THAMS CAD RGYU LAS THA MI DAD PAR 'DOD PA'I PHYIR, YONGS SU GYUR PA'I PHYOGS DE DAG GIS 'DOD PA YIN GYI 'BRAS BU'I PHYOGS NI MA YIN NO, ,YONGS SU GYUR BA NI DE NYID LAS MA NYAMS PA'I CHOS GZHAN YONGS SU GTONG BA DANG GZHAN SKYE BA YIN NO, ,DE LA SGRA'I YONGS SU GYUR PA NI NAM MKHA'O, ,SGRA DANG RIG PA YONGS SU GYUR PA NI RLUNG NGO, ,SGRA DANG REG PA DANG GZUGS YONGS SU GYUR PA NI ME'O, ,SGRA DANG REG PA DANG GZUGS DANG RO YONGS SU GYUR PA NI CHU'O, ,SGRA DANG REG PA DANG RO DANG, DRI YONGS SU GYUR PA NI SA YIN TE, DE LTAR NA BUM PA LA SOGS PA DAG NI DU MA YIN TE, DE BZUNG NA DU MA BZUNG BA ZHES BYA BAR GRUB BO, ,LAN LHAG PA NI SNGA MA BZHIN NO, ,DE'I PHYIR CIG CAR DU MA BZUNG BA YANG RNAM PAR RTOG PA DANG BCAS PA MA YIN GYI, MNGON SUM RNAM PAR RTOG PA MED PA NYID DO ZHES BYA BAR GNAS SO, ,GAL TE MNGON SUM RTOG PA MED PA YIN NA, 'O NA CI LTAR CHOS DANG CHOS CAN LA SOGS PA MNGON SUM GYIS 'DZIN, CHOS CAN MNGON SUM GYIS MA BZUNG NA YANG RJES SU DPAG PA 'JUG PA MED PAR 'GYUR RO, ,CHOS CAN YANG RJES SU DPAG PAS 'DZIN NA NI DE LA YANG CHOS CAN GZHAN DGOS PAS THUG PA MED PAR 'GYUR RO, ,CHOS CAN BZUNG NA NI CHOS DU MA DANG LDAN PA'I BDAG NYID DE 'DZIN PA'I PHYIR, CI LTAR RNAM PAR RTOG PA MED PA YIN ZHE NA, 'DI LA SMRAS PA, CHOS CAN DU MA'I NGO BO NI, ,RNAM KUN DBANG PO LAS RTOGS MIN, ,RANG BZHIN RIG BYA BSTAN MIN PA'I, ,NGO BO DBANG PO'I SPYOD YUL YIN, ,GZUGS LA SOGS PA'I CHOS DU MA DANG LDAN PA'I CHOS CAN NI 'GA' YANG DBANG PO'I SHES PAS 'DZIN PA MA YIN GYI, 'ON KYANG RANG NYID KYIS RIG PAR BYA BA'I RANG BZHIN DANG BYED PA POS YIN NO, ,RANG BZHIN DE NYID NI DBANG PO'I YUL YIN NO, ,'DI LTAR, GZUGS SOGS PHAN TSUN DBEN PAR NI, ,MIG LA SOGS PA DAG GIS NI, ,'DZIN

'GYUR DE DAG GZHI GCIG PA, ,NYID DO RTOG PA MED PHYIR RO, ,GZUGS LA SOGS PA'I CHOS CAN NI, ,DBANG PO'I SHES PAS DMIGS PA MA YIN NO, ,PHAN TSUN THA DAD PA'I GZUGS LA SOGS PA NYID DU BZUNG BA LAS GZHAN PA'I GZHI 'AM DE LA BRTEN PA NI 'DZIN PA'I SPYOD YUL DU GYUR PA MED DO ZHES BYA BA 'DI NI BSHAD ZIN TO, ,GAL TE BDAG GIS MTHONG BA GANG YIN PA DE NYID REG PA YIN NO ZHES BYA BA LA SOGS PA RTOGS PA LAS GZHI GCIG PA NYID DAM RTOGS PA YIN NO ZHE NA MA YIN TE, NGO SHES PA NI MNGON SUM MA YIN NO ZHES BSTAN ZIN PA'I PHYIR RO, ,GZUGS DANG REG PA'I SHES PAS SAD PAR BYAS PA'I THOG MA MED PA'I BAG CHAGS LAS DE LTA BU'I SHES PA SKYE BA'I PHYIR RO, ,'DI LTAR, MIG NI GZUGS TZAM NYID DANG NI, ,GZHAN NI REG PA TZAM NYID DAG, ,RIG PHYIR RIG PA 'JUG PA NYID, ,CES BYA BA NI MTHONG BA YIN, ,DE DAG PHAN TSUN 'DUS PA GZHAN GYIS NI DMIGS PA MA YIN NO, ,REG PA NYID MTHONG BA YIN NO ZHE NA MA YIN TE, REG PA NI GZUGS LA 'JUG PA MED PA'I PHYIR RO, ,GAL TE DON GCIG LA 'JUG PAR RTOGS NA DE LTA NA NI GCIG TU GRUB PAR 'GYUR RO, ,GAL TE MTHONG BA'I DKAR PO NYID REG PAS DRI MA CAN DU BYED PA DANG, LAG PAS BZUNG BAR DMIGS PA MA YIN NAM, DE CI LTAR DON GCIG LA 'JUG PA MA YIN ZHE NA, 'DI NI NAM MKHA'I GO SKABS SU KA SHA DBYANGS PA YIN NO, ,GANG TSE DNGOS DE REG PA DANG, ,GANG GI REG PA YUL GYUR PA, ,DE TSE DES RTOGS MED CE NA, ,RJES SU DPAG PA SGRUB BYED MIN, ,PHAN TSUN 'DZIN PAR BYED PA'I MNGON SUM DAG 'JUG PA MED NA MNGON SUM GYI THA DAD PAR YONGS SU BCAD PAS RJES SU DPAG PA STONG PHRAG KYANG NUS PA'I LAM DU 'JUG PA MA YIN NO, ,'ON TE DE NYID LA REG GO ZHES BYA BA 'DI NI YID KYI MNGON SUM YIN NO, ,DBANG PO LAS SKYES PA NYID TSAD MA YIN PA'I PHYIR TSAD MA 'JUG PA NI MA YIN NO, ,DBANG PO LAS SKYES PA YANG DON LA MI 'KHRUL PA LAS TSAD MA YIN GYI, DBANG PO LAS SKYES PA'I PHYIR NI MA YIN TE, YID LAS SKYES PA'I PHYIR ZHES BYA BA YANG SRID PA'I PHYIR RO ZHE NA, DE NI MED DE 'DI LTAR, GANG NYID MTHONG ZHES RTOGS PA YI, ,RJES DPAG MED NA TSU ROL

, ,NI; ,MTHONG BA 'GA' YANG RTOGS MA YIN, ,DE LA 'GA' ZHIG SNGAR MTHONG BA NYID REG PA YIN NO ZHES KHYED KYIS CI LTAR RTOGS ZHES, GAL TE BRGAL ZHING BRTAG PA BYED NA DE'I TSE JI SKAD BYA, DE LTA BU NYID DU RTOGS PA'I PHYIR ZHES BYA BA'AM CI MTHONG BA GANG YIN PA NI REG PA'I DUS NA MA MTHONG NA DE CI LTAR NA DE NYID LA REG GO ZHES BYA BAR RTOGS, GANG GIS DE DRI MA CAN DU BYAS PA DE'I PHYIR DE YIN PAR SHES SO ZHES BYA BA'I RNGES SU DPAG PA BSTAN PA DE NYID KYANG 'DIR LAN MA YIN NO, ,'O NA CI LTAR MA REG PAR NYAMS PAR BYED CE NA, REG PA NYID NA 'O NA 'DI DKAR PO'I ZHES CI'I PHYIR MI RTOGS, REG PA LA DKAR PO DANG CIG SHOS DAG MTSUNGS PA DANG MI MTSUNGS PA'I RANG BZHIN RANG YIN PA'I PHYIR RO ZHE NA, LAN NI 'DI NI BZANG PO MA YIN TE, MTSUNGS PA DANG MI MTSUNGS PA'I DNGOS PO GCIG CES BYA BA NI BAB CHOL YIN NO, ,GANG GI PHYIR LEN PA MTSUNGS PA DANG, GZUGS MTSUNGS PA MA YIN PA DES NA DE DAG GCIG PA NYID DU MI RIGS TE, 'GAL BA'I CHOS GNAS PA'I PHYIR RO, ,CI STE RTOGS SO ZHE NA DE LA RNAM PAR DPYAD PAR BYA STE, CI RNAM PA GCIG TU RTOGS SAM, 'ON TE RNAM PA DU MAR RTOGS, RNAM PA DU MAR RTOGS NA CI LTAR GCIG YIN, 'ON TE RNAM PA GCIG TU'O ZHE NA, DE NI MI BDEN TE REG PA RTOGS PA NA MA RTOGS PA'I GZUGS RNAM PA GCIG GO ZHES CI LTAR 'DZIN, RTOGS PA DANG MA RTOGS PA NI BZUNG BA MA YIN TE, MA RTOGS PA NYID DU MI 'THAD PA'I PHYIR RO, ,DE'I PHYIR GZUGS LA SOGS PA THA DAD PA NA YAN LAG CAN ZHES BYA BA 'GA' ZHIG NI YOD PA MA YIN NO, ,DE'I PHYIR GZUGS LA SOGS PA NI RANG GI NGO BOS RIG PAR BYA BA YIN GYI, PHAN TSUN GYI NGO BOS NI MA YIN NO, ,DE BZHIN DU GZUGS NI RANG GIS RIG PAR BYA BA YIN GYI, GZHAN GYIS RIG PAR BYA BA NI MA YIN NO, ,DE NYID KYI PHYIR GZHAN LA SGRAS BSTAN PAR MI NUS PA'I PHYIR DBANG PO'I SHES PA'I SPYOD YUL NI BRJOD DU MED PA YIN NO, ,GAL TE DBANG PO'I SPYOD YUL SGRAS BSTAN PAR MI NUS NA, 'ON JI LTAR BDAG GIS GANG THOS PA DE NYID MTHONG NGO ZHES RTOGS, BSTAN PAR BYA BA MA YIN PA NI DE LTAR RTOGS PAR JI LTAR 'GYUR TE, DE'I PHYIR NA BSTAN PAR BYA BA YIN NO ZHES RTOGS SO ZHE NA,

DE NI MA YIN TE, NGO SHES PA NI CHAD MA NYID, ,MA YIN ZHES NI BSGRUBS ZIN TO, ,DES NA SHES PA DE YIS NI, ,DON 'DI RTOGS PAR CI LTAR 'DOD, ,RE ZHIG SGRA LAS RTOGS PA'I DUS SU NI DON DE SNANG BA MA YIN TE, SGRA LAS NA DON LA THE TSOM ZA BA NYID DO, ,DE LTA MA YIN NA NI MNGON SUM GYIS RTOGS PA BZHIN DU THE TSOM DANG 'BREL PAR MI 'GYUR RO, ,CI STE SGRA LAS DON GYI DNGOS PO DANG DNGOS PO MED PA THUN MONG DU SNANG BA YIN TE, DES NA THE TSOM ZA BA YIN NO ZHE NA, MNGON SUM LA YANG CI'I PHYIR DE LTAR MI 'GYUR, ,DE LA RNAM PA'I KHYAD PAR NYE BAR MTSON PA NYID KYIS MI 'GYUR RO ZHE NA, 'DIR YANG SNANG BA'I KHYAD PAR 'DZIN PA GANG GIS BZLOG STE KHYAD PAR MED PA'I PHYIR RO, ,DE LTA NA NI SGRA'I SHES PA DNGOS PO'I RANG BZHIN 'DZIN PAR MI 'GYUR TE, MNGON SUM DANG MI MTHUN PA'I PHYIR RO, ,GAL TE RANG GI NGO BOR RTOGS PA YIN NA NI DE MTHONG BA TSAD MA NYID MA YIN PAR 'GYUR TE, BZUNG ZIN PA 'DZIN PA'I PHYIR RO, ,LONG BA MED BAR YANG 'GYUR TE, GZUGS KYI RANG BZHIN NI SGRA NYID LAS RTOGS PA'I PHYIR RO, ,CI STE SPYI'I RNAM PAR RTOGS SO ZHE NA, DE LTA NA NI, MIG SER GYIS NYAMS PA'I MIG GIS KYANG, DKAR PO SER PO'I RNAM PAR RTOGS PA DE YANG THOB PAR BYED PA YIN PA'I PHYIR TSAD MAR THAL LO, ,DE YANG TSAD MAR 'GYUR LA RAG GO ZHE NA MA YIN TE GNOD PA'I PHYIR RO, ,BA LANG KHYER LA SHOG CES BYA BA'I SHES PA NI GNOD PA MED PA'I PHYIR TSAD MA NYID DO ZHE NA MA YIN TE, DE LA YANG GNOD PA YOD PA'I PHYIR RO, ,BA LANG KHYER LA SHOG CES BYA BA GAL TE YOD PA NYID 'PHEN PA YIN NA NI RES 'GA' MED PAR YANG 'GYUR RO, ,'ON TE MI 'PHEN NA NI, DES NA KHYER TE 'ONG BA MI SRID PA'I PHYIR NA TSAD MA MA YIN PAR SHIN TU GSAL LO, ,'ON TE GAL TE YOD NA KHYER LA SHOG CIG CES BYA BA SMRA BA PO'I BSAM PA YIN NA DE'I PHYIR, THE TSOM DU KHYER TE 'ONG BAR BRJOD PA'I PHYIR TSAD MA MA YIN PA NYID DO, ,THE TSOM NYID DU BSKUL PA YIN NO ZHE NA, THE TSOM NYID DU BZUNG BA'I PHYIR THE TSOM GYI SHES PA THAMS CAD TSAD MAR 'GYUR RO, ,TSAD MA MA YIN PAS NI DNGOS PO 'DZIN PA MA YIN NO, ,'O NA JI LTAR KHYER NAS 'ONGS PA LA SOGS PA LA MI 'KHRUL PA YOD PA NI MA YIN TE, 'GA' YANG MA BYAS PA'I PHYIR RO, ,BSKUL

, ,BAS NI GDON MI ZA BAR BYED PA MA YIN NO, ,GZHAN YANG BYA BA LA SGRA NI BYED PA PO'AM, 'ON TE SHES BYED YIN PAR 'DOD, ,BYED PO YIN NA MI SLU BA, ,MED PHYIR TSAD MA NYID MA YIN, ,BYED PA PO MI SLU BA YIN NO ZHES BYA BA'I THA SNYAD NI MED DO, ,THOB PA NI BYAS PA NA TSAD MA GZHAN GYIS YIN NO, ,SHES PAR BYED PA NYID NI 'BYUNG BAR 'GYUR BA'I BYA BA NI RANG GI NGO BO YOD PA MA YIN PAS NI MI SRID DO, ,MED PA'I BYA BA NI RANG GI NGO BOS 'DZIN PA MA YIN LA, RANG GI NGO BOR YOD NA NI 'BYUNG BAR 'GYUR BA NYID MA YIN NO, ,SPYI'I 'DZIN PA'I PHYIR ZHE NA, DE LTA NA NI SPYI DE BYA BA MED KYANG YOD PA'I PHYIR NI SPYI RTOGS PA NA BYA BA LA 'JUG PAR MI 'GYUR RO, ,DE'I PHYIR SGRA NI DBANG PO'I DON GYI SHES PAR BYED PA YIN NO, ,DES NA DBANG PO'I SPYOD YUL NI BSTAN DU MED PA KHO NA'O, ,'O NA CHOS CAN GYI CHOS DU MA NYID DU RTOGS SHE NA, CHOS CAN THAMS CAD LAS LDOG BA, ,GANG DANG GANG LAS LOG DE LAS, ,THA DAD BTAGS PA'I THA DAD CAN, ,DE NI DU MA'I NGO BO NYID, ,CHOS LA SOGS PA'I THA SNYAD NI LDOG PA'I KHYAD PAR BTAGS PA YIN NO, ,'DI LTAR DANG PO NYID DU GSER GYI BUM PA SNANG BA NA KHA DOG DANG DBYIBS LA SOGS PA LAS THA DAD PAR SNANG BA'AM DE DAG LAS THA DAD PAR SNANG NGAM GCIG ,'ON KYANG KHA DOG LA SOGS PA'I BDAG NYID GCIG NYID DNGOS SU SNANG BA'I SPYOD YUL YIN NO, ,DE LA DA LTAR NI RNAM PA DU MA CAN GYI DON THA DAD PA GZHAN DANG, GZHAN LAS LOG PA MA BRTEN NAS, THA SNYAD KYI LAM LA GNAS PA 'KHOR BA'I RGYA MTSOR LHUNG BA DAG DMIGS KYIS BSAL TE, BRTAGS PAS THA DAD BAR 'JOG PAR BYED DO, ,GAL TE KHA DOG DANG DBYIBS KYI KHYAD PAR DAG THA MI DAD PA YIN NA BUM PA SNGON PO MA YIN PA LAS BUM PA SNGON PO THA DAD PA NYID DU CI LTAR 'GYUR, GAL TE KHA DOG DANG DBYIBS LA SOGS PA THA MI DAD PA NYID YIN NA DE'I TSE BUM PA SNGON PO MA YIN PA LAS SNGON PO LDOG PAR MI 'GYUR TE; DE'I DBYIBS KYI BDAG NYID CAN SNGON PO MA YIN PA LA SNGON POR 'GYUR DGOS TE, DBYIBS NI KHA DOG SNGON PO LAS THA MI DAD PA'I PHYIR RO, ,DBYIBS LA SOGS PA SNGON PO MA YIN PA YANG YOD PA YIN TE, DE'I PHYIR DE DAG THA DAD DO ZHES 'JIG RTEN NA RTOG PA THA DAD PAR SNANG BA YIN NO, ,DE LTAR NI

NI THA DAD PA DON DAM PAR 'GYUR RO ZHE NA, RTOG PA TZAM GYIS NYE BAR BKOD PA NI DON DAM PAR RIGS PA MA YIN NO, ,GAL TE DKAR PO NYID LA SOGS PA DE NYID DBYIBS KYI BDAG NYID MA YIN PAR SNANG BA YIN NA NI DON DAM PAR THA DAD PAR 'GYUR RO, ,DON GCIG LA 'DU BA NI THA DAD PA MA YIN PAR SNANG BA'I RGYU YIN PA'I PHYIR, THA DAD KYANG THA MI DAD PAR SNANG NGO ZHE NA, GZUGS DANG RO DAG DON GCIG LA 'DU BA YIN PAR YANG THA DAD PAR SNANG BA YOD PA MA YIN NAM, DE LA NI DBANG PO THA DAD PAR GZUNG BAR BYA BA YIN NO ZHE NA, GAL TE 'DU BAS THA DAD PA MED PAR SNANG BAR BYED NUS PA YIN NA DBANG PO THA DAD PAS GZUNG BA NYID 'THAD PAR DKA'O, ,YUL GCIG PA'I PHYIR THA DAD PA MED PAR SNANG NGO ZHES BYA BA NI GZUGS DANG RO LA SOGS PAS MA NGES SO, ,DE BZHIN DU BA LANG NYID LA SOGS PA LAS KHRA BO LA SOGS PA DANG, KHRA BO NYID LA SOGS PA LAS SER SKYA DANG, KHU YUL SOGS PA THA DAD PA NI RTOGS PAS THA DAD PAR RNAM PAR GZHAG PA YIN NO ZHES BYA BAR GNAS SO, ,DE LA KHA CIG TU NI CHOS CAN GZUGS LA SOGS PA LAS THA DAD PAR RTOG STE, DPER NA BUM BA BZHIN NO, ,GAL TE BUM PA YAN LAG CAN GCIG MED NA NI RIM GYIS GZUGS DANG, RO GZUNG BA NA BUM PAR RTOGS PAR MI 'GYUR RO ZHES SO, ,KHA CIG TU NI CHOS THA DAD PAR RTOGS TE, GAL TE THA MI DAD PA DANG THA MI DAD PA'I BA LANG NYID MED NA NI, KHRA BO LA SOGS PA DE DANG THA MI DAD PA RNAMS LA THA DAD PAR MI 'GYUR RO, ,DE BZHIN DU GZHAN LA YANG SBYAR RO, ,DE'I PHYIR LDOG PA'I KHYAD PAR LA BRTEN NAS THA DAD PAR BTAGS PA YIN NO, ,RJES SU DPAG PA DANG LDAN PA'I THA DAD PA YANG THA DAD PA NYID MA YIN NAM ZHE NA, GAL TE RJES SU DPAG PA DE MNGON SUM SNGON DU 'GRO BA CAN YIN NA NI BDEN TE, DPER NA MNGON SUM LA SNANG BA'I ME RJES SU DPAG PAR RTOGS PA NI DE LTA BU NYID DU 'GYUR BA BZHIN NO, ,CHOS DANG CHOS CAN THA DAD PA NI NAM YANG DE LTAR MA YIN NO, ,GAL TA SNANG NA RJES SU DPAG PAS CI BYA ZHE NA, 'DI NI ME LA YANG MTSUNGS SO, ,DUS GZHAN LA SOGS PAR RJES SU DPOG GO ZHE NA, 'DIR YANG DE LTAR 'GYUR RO, ,'ON TE 'DIR RTAG TU RJES SU DPOG PAR BYA BA NYID DO ZHE NA, DE YANG MA YIN TE, RTAG TU

, ,RJES SU DPAG BYA LA, ,DPE DE NYID DU GANG GIS GRUB, ,RJES DPAG GZHAN GYIS GRUB NA NI, ,DE NI LONG BA BRGYUD PA YIN, ,'ON TE BUM PA LA SOGS PA SNAM BU LA SOGS PA LAS THA DAD PA NI DPE YIN NO, ,'DI LTAR GANG DANG RJES SU 'GRO BA DANG LDOG PA DE DAG NI THA DAD PA YIN TE, DPER NA, SNAM BU DANG SHING RTA BZHIN NO, ,KHA DOG DANG DBYIBS DAG KYANG DE BZHIN NO ZHE NA MA YIN TE, RJES SU 'GRO BA NI DER YANG MNGON SUM GYIS 'DZIN PA'I PHYIR RO, ,DER NI RJES SU 'GRO BA DANG LDOG PA DAG LAS THA DAD PA YANG MA YIN NO, ,'O NA JI LTAR ZHE NA CIG CAR THA DAD PAR SNANG BA NYID KYIS SO, ,'ON TE RJES SU 'GRO BA DANG LDOG PA MED PAR NI SNA TSOGS SNANG BA NYID DU 'GYUR GYI, THA DAD PAR NI MA YIN NO ZHE NA, DE LTA NA NI 'O NA GANG LAS KYANG THA DAD PAR SNANG BA NYID KYIS SO, ,'ON TE RJES SU 'GRO BA DANG LDOG PA MED PA'I PHYIR GNYIS MED PAR THAL BAS THA DAD PA'I GRUB PAR BYED PA MI 'THAD PA SHIN TU GSAL LO, ,YANG NA, MA 'DRES PAR NI SNANG BAS NA, ,BUM SOGS THA DAD GNAS PA YIN, ,DBYIBS SOGS LA NI DE MED NYID, ,SNAM BU SOGS DANG MTSUNGS MA YIN, ,BA LANG NYID LA SOGS PA'I RJES SU 'GRO BA NI MNGON SUM GYIS RTOGS PA MA YIN PA'I PHYIR DE THA DAD PA NI MA YIN TE, RJES SU 'GRO BA MED PA'I PHYIR RO, ,GCIG TU RTOGS PA DANG LDAN PAS NI DE DAG NYID RJES SU 'GRO BAR THA SNYAD BYAS PA YIN NO, ,DE LTA NA NI 'O NA GCIG TU RTOGS PA'I YUL THA DAD PA DAG LAS GZHAN PA'I SPYI YIN NO ZHE NA MA YIN TE, GCIG TU RTOGS PA'I YUL THA DAD PAR SNANG BA MED PA'I PHYIR RO, ,THA DAD PA DAG LA GCIG TU RTOGS PA NYID DU CI LTAR 'GYUR ZHE NA, 'DIR SMRAS PA, MTHONG BA MI 'THAD PA NYID MIN, ,MA MTHONG BA NI 'THAD PA MIN, ,MTHONG DANG MA MTHONG BA DAG GIS, ,YOD DANG MED PAR RNAM PAR GNAS, ,GCIG TU 'DZIN PA NI MTHONG BA'I PHYIR NA 'THAD PA NYID DO; ,DE BZHIN DU MA MTHONG BA THA DAD PA MED PA YANG 'THAD PAR 'GYUR DGOS SO ZHES BYA BA 'DI NI GNAS PA MA YIN NO, ,DE NI THA DAD PA DAG LA GCIG TU 'DZIN PA MA YIN TE, RANG GI NGO BO TZAM DU GNAS PA'I PHYIR RO, ,GCIG TU 'DZIN PA'I 'DI NI GANG DU YANG GCIG LA MTHONG BA MED DO, ,DMIGS

PA LA 'GYUR BA YIN NA DE YANG RIM PA DANG LDAN PA YIN NO, ,SKAD CIG RE RE NI 'DZIN PAR NUS PA MA YIN TE, SO SO SO SOR RIG PA MED PA'I PHYIR RO, ,DE'I PHYIR THAMS CAD GCIG TU 'DZIN PA NI DNGOS PO DU MA NYID MA YIN NO, ,DES NA CHOS DANG CHOS CAN MTHA' DAG NI RTOGS PAS BYAS PA NYID DO, , DE NYID MNGON SUM GYIS GZUNG BA YIN NO ZHE NA, DE NI MED DE, GANG GI PHYIR, BRTAGS PA'I RANG BZHIN THA DAD PA, ,SNA TSOGS SNANG BA DE DAG NI, ,RTOG PA MED SEMS SNA TSOGS MIN, ,RES 'GA' BA YI SPYOD YUL MIN, ,MNGON SUM NI MNGON DU BYED PA'I RNAM PAS 'JUG PA YIN TE, BTAGS PA'I YUL GYI RNAM PA NI DE'I YIN PAR RIGS PA MA YIN NO, ,MNGON SUM GYI SNANG BA NYID NI DON GYI DNGOS PO LA LTOS PAS RES 'GA' BA YIN LA, RNAM PAR RTOG PA'I RANG BZHIN GYIS SNANG BA NI RES 'GA' BA MA YIN PA YIN NO, ,MNGON SUM GYI RNAM PA NI GCIG YIN LA RNAM PAR RTOG PA'I RNAM PA NI DU MA YIN NO, ,DES NA RNAM PAR RTOG PA DANG MNGON SUM DAG NI RNAM PA THA DAD PA DANG RGYU THA DAD PAS KYANG THA DAD PA YIN NO ZHES BYA BA NI DON DAM PA'O, ,DKAR PO LA SOGS PA'I CHOS KYI KHYAD PAR DAG RNAM PAR MI RTOG PA NYID NA YANG YOD PA MA YIN NAM DE DAG NI DBANG PO'I SPYOD YUL DU 'GYUR BA YIN NO ZHE NA, 'DI YANG RTZOD PA MA YIN TE, 'DI LTAR, GAL TE DKAR SOGS YOD GYUR KYANG, ,DBANG PO'I SPYOD YUL CI 'DRA BA, ,DE NI SGRA YIS SPYOD MIN TE, ,SHES PA'I RANG BZHIN THA DAD PHYIR, ,DKAR PO NI DBANG PO LAS CHOS SAM CHOS CAN NYID DU 'GA' YANG 'DZIN PA MED LA, DBYIBS LA THA DAD PAR YANG MA YIN NO, ,SGRAS NI CHOS CAN LA SOGS PA DANG, MI GSAL BA LA SOGS PA THA DAD DU 'DZIN PA'I PHYIR DBANG PO'I BLOS NI BSTAN DU MED PA'I RANG BZHIN NYID RTOGS PA YIN NO, ,DES NA SHES PA'I RNAM PA THA DAD PA'I PHYIR SGRA'I BLO NI DBANG PO'I GZUNG BA LA 'JUG PA MA YIN NO, ,DE'I PHYIR DON GCIG NYID YIN NA RANG BZHIN THA DAD PAR 'THAD PA MA YIN NO, ,'ON TE RTEN THA DAD PAS RNAM PA THA DAD PAR 'GYUR TE, 'DI LTAR MIG SER GYI STOBS KYIS MIG GI NUS PA DANG BRAL BA DAG RTEN GYI BYE BRAG GIS DKAR PO LA YANG SER POR MTHONG LA, RAB RIB CAN DAG GSAL BA LAS GZHAN DU MTHONG BA

, ,DE BZHIN DU 'DIR YANG YIN PA'I PHYIR RO, ,DON GCIG YIN YANG RNAM PA THA DAD PAS KHAS LEN PA LA NYES PA MED DO ZHE NA DE NI MED DE, BLO RNAMS DON GCIG NYID YIN YANG, ,RTEN SNA TSOGS PAS DE 'GYUR NA, ,DE NI RNA BA LA SOGS SEMS, ,THA DAD DON CAN DE GANG LAS; ,GAL TE RTEN THA DAD PAS RNAM PA THA DAD PAR 'GYUR SRID NA, 'O NA NI THA DAD PA'I RNAM PAR GNAS PA 'JIG PAR 'GYUR TE, RNAM PA THA DAD PA NI DON GCIG NA SRID PA'I PHYIR RO, ,SGRA LA SOGS PA YANG, RNA BA LA SOGS PA RTEN THA DAD PA NYID KYIS RNAM PA THA DAD PA YIN PAR 'GYUR RO, , SER PO LA SOGS PAR SNANG BA YANG 'KHRUL PA NYID PAS SGRA LA SOGS PA RNAMS KYIS KYANG DE THOB PAR 'GYUR RO, ,NUS PA'I KHYAD PAR YANG 'DI NYID KYI GSAL BA YIN NO, ,GANG GIS THA DAD PAR RAM GZHAN DU DON RNAM PA GZHAN DU RTOGS PAR 'GYUR BA 'DI NI SGRA NYID KYI NUS PA YIN, RNAM PA GZHAN DU RTOGS PA NA 'KHRUL PAR NI DPYAD PAR MI BYA STE, DE LA SGRAS RNAM PA GZHAN DU RTOGS KYANG DON BYA BA BYED PA SNANG BA YIN PAS NA 'DI 'KHRUL PAR CI LTAR RIGS, 'DI LTAR KHA CHU LA SOGS PA'I SGRAS DON DE NYID BSTAN PA NI DON BYA BA DE NYID BYED DO ZHES GANG BRJOD PA, DON BYA BA 'DI NI DON DANG 'BRAL PA MA YIN TE, 'ON KYANG GOMS PA DANG 'BREL PA YIN TE, DPER NA DU GZHI BA LA SOGS PA NAM MKHA' LDING BSGOM PA DANG 'BREL PA BZHIN NO, ,DE'I PHYIR DON GCIG NYID DANG RTEN THA DAD KYANG RNAM PA THA DAD PA MA YIN NO, ,GZHAN YANG, SEMS KYI RTEN NI GZHAN DANG GZHAN, ,SKYES BU PHYUG KYANG GCIG NYID KYI, ,DNGOS DE RANG BZHIN SNA TSOGS SU, ,SNANG BA DE NI GANG LAS YIN, ,RTEN THA DAD PAS NI SHES PA THA DAD PA SKYED PAR BYED KYI DON NI MA YIN NO, ,DON SNGON PO LA SOGS PA GCIG NYID YIN PAS DE NI SHES PA DE LA RANG BZHIN GCIG NYID DU SNANG BAR 'GYUR RO, ,MED PA NI SNANG BA MA YIN NO, ,SNANG NGO ZHE NA, 'O NA NI DE SNANG BA MA YIN NO, ,GZHAN SNANG BA NA GZHAN SNANG NGO ZHES BYA BA NI 'BREL PA MA YIN NO, ,CI STE DE'I RGYU YIN PA'I PHYIR DE SNANG BA YIN NO ZHE NA DE LTA NA NI RGYU NYID KYI YUL YIN PA'I PHYIR MIG LA SOGS PA YUL NYID DU THAL BAR 'GYUR RO, ,'GYUR MOD NYES PA CI YOD CE NA, GCIG NYID 'GAL BAR

'GYUR TE MIG KYANG YUL YIN PA'I PHYIR RO, ,YUL NYID YIN NA NI, BLO RNAMS DON GCIG YIN YANG ZHES BYA BA'I DKYUS MA NYID NYAMS PAR 'GYUR RO, ,YUL NYID YIN NA NI RTEN GYI DNGOS PO NYID MA YIN NO, ,DES NA NGAG GI DON 'DIR 'GYUR TE, BLO RNAMS DON GCIG NYID YIN YANG, ,RTEN SNA TSOGS PAS DER 'GYUR NA ZHES PHAN TSUN 'GAL BAR 'GYUR RO, ,DE'I PHYIR RANG GI NGO BOS SNANG BA NYID YUL YIN TE, RNAM PA GZHAN NI MED DO, ,'ON TE SGRA RTEN PA YIN PA'I PHYIR RO ZHES BYA BA LAN YIN TE, RTOGS PA'I SGRA LAS RANG GI NGO BOS DON RTOGS SO, ,'DI NI DON RTOGS PA'I YUL YANG MA YIN TE, RTOGS ZIN PA'I PHYIR RO ZHE NA, DE LTA NA NI DON KYANG YUL DU MI 'GYUR TE, RANG GI NGO BOS MA RTOGS PA'I PHYIR RO, ,'ON TE DE LAS KYANG THOB PA'I PHYIR YUL YIN NO ZHE NA, DE NI MI RIGS TE, DE DE LAS THOB PO ZHES BYA BA 'BREL PA CI ZHIG YOD, DE NI RANG GI NGO BOS THOB PAR BYA BA YIN PA'I PHYIR CI LTAR GZHAN LAS THOB PAR BRJOD, DE LA 'JUG PA'I PHYIR RO ZHE NA MA RTOGS PA LA 'JUG PA NYID CI LTAR ZHES BSAM PAR BYA BA YIN NO, ,RNAM PA DE LAS DE THOB PAR MTHONG NGO ZHE NA, RNAM PA DE NYID LAS DE RTOGS PA DES NA DER 'JUG PA'I PHYIR RJES SU DPAG PA DANG LDAN PA'I THOB PAR 'GYUR GYI SGRA DANG LDAN PA NI MA YIN NO ZHES BYA BAR 'GYUR RO, ,DES NA DE NI RJES SU DPAG PA NYID KYI YUL YIN GYI SGRA'I NI MA YIN NO ZHES BYA BA THOB PAR 'GYUR RO, ,DES NA DBANG PO'I BLO YUL NI BSTAN DU MED PA'I RANG BZHIN NYID DO, ,'O NA RJES SU DPAG PA'I YUL DU 'GYUR RO ZHE NA, MA YIN TE, RJES SU DPAG PA LA YANG DE'I RANG BZHIN MI SNANG BA'I PHYIR RO, ,'O NA MI SNANG BA LA JI LTAR 'DUG CE NA THAMS CAD DU MI SNANG BA NYID LA 'JUG PA YIN NO ZHES BSTAN ZIN TO, ,DE NGAS RTOGS PA YIN NO ZHES 'JUG PA NI YIN NAM ZHE NA, BDEN NA DE LTA NA YANG 'DI'I DON DAM PA NI MA YIN NO, ,MA RTOGS KYANG RTOGS PAR RLOM NAS THAMS CAD 'JUG PA YIN NO ZHES BYA BA 'DI NYID DON DAM PA YIN NO, ,GANG DU MNGON PAR RLOM PA DE NYID YUL YIN NO ZHE NA, DBANG PO'I SHES PA'I DON SGRA'I YUL DON DAM PA NYID ZLOG PAR BYED KYANG KUN RDZOB NI MA YIN PA'I PHYIR SKYON MED DO, ,GAL TE GZHAN GYI DE NYID KHAS LEN NA NI DED KYI 'DOD PA GRUB PO, ,GAL TE RANG GI NGO BOS DE NYID RTOGS NA NI DON DAM PA'I YUL NYID DU RTOGS PAR

, ,'GYUR RO; ,DE'I PHYIR RTEN SNA TSOGS PA NYID YIN YANG RANG GI NGO BOS MA RTOGS PA NI YUL MA YIN NO, ,DE'I RANG BZHIN 'GA' ZHIG DE LA RJES SU ZHUGS PA'I PHYIR YUL NYID DO ZHE NA, GAL TE DON DAM PAR DE'I RANG BZHIN SGRA'I SHES PA'I RJES SU ZHUGS NA 'O NA NI GSAL BA'I RANG BZHIN DU 'DZIN PA GZHAN GYIS KYANG RTOGS PAR 'GYUR RO, ,RJES SU ZHUGS PA NI RNAM PA GZHAN DU RTOGS PAS NUS PA MA YIN NO, ,RNAM PA THA DAD KYANG NGO ZHES PA LAS GCIG NYID DU MI 'GAL LO ZHE NA DE YANG MI BDEN TE 'DI LTAR, MTHONG BA RTOGS PA MED PAR NI, ,BRJOD DANG RNAM RTOG 'JUG PA'I PHYIR, , MTHONG LAS BA LANG LA SOGS PA'I, ,NGO SHES PA NI BZLOG PA YIN, ,BRJOD PA DANG RTOG PA DAG GIS MTHONG BA'I DNGOS PO LA MI RIG GO ZHES DA LTA NYID BSGRUBS PA YIN NO, ,GZUNG BA NGO SHES PA YIN NA, SGRA DANG RTOGS PA DAG GIS NI 'DZIN PA MA YIN TE, DES NA NGO SHES PAR GA LAS 'GYUR, 'O NA CI LTAR GANG ZHIG BDAG GI 'DI LAS RTOGS PA DE NI 'DI YIN NO ZHES RTOGS SO ZHE NA, MA RTOGS KYANG RTOGS PA MNGON BAR RLOM PAR 'GYUR BA MA YIN NAM, 'O NA CI LTAR MIG GNOD CE NA, BRTAGS NA GNOD PA NYID DO, ,RTOGS PA THA DAD PA NI GNOD PAR BYED PA YIN LA, DE YANG SGRA DANG RTOGS PA DAG LA YOD PA NYID DE; DRAN PAR BYA BA'I YUL CAN YIN PA'I PHYIR RO, ,DRAN PA DE NI SNGAR BZUNG BA YIN ZHING MTHONG BA NI DA LTAR BA LA YIN NO, ,GAL TE SGRA DANG RTOGS PA DAG GIS MNGON PAR RTOGS PA YIN NA MTHONG BAS CI BYA ZHES BSTAN ZIN TO, ,DE'I PHYIR RO SHES PA YANG MNGON PA'I DA RGYAL TZAM DU ZAD KYI DON DAM PAR RTOGS PA NI MA YIN NO; ,MTHONG BA LAS NI SNGON GYI RJES SU 'BRANGS NAS GCIG NYID KYI THA SNYAD SGRUB PAR BYED PA'I RNAM PAR RTOG PA NYID 'BA' ZHIG YIN GYI, DON DAM PA 'DZIN PA NI MA YIN NO, ,BA LANG LA SOGS MTHONG BA LA, ,RIGS SOGS BRJOD DANG RNAM RTOG DAG ,RJES SU 'GRO LAS RJES DPOG DAG ,DE YANG 'DI YIS SUN PHYUNG NGO, ,RJOD PA DANG RTOGS PA DAG GIS NI DNGOS PO LA REG PA MA YIN NA, ,RJES SU 'GRO BA NI DON DAM PAR 'GA' YANG 'DZIN PA MA YIN TE, 'DI NI MNGON PA'I NGA RGYAL TZAM MO ZHES BSTAN PA'I PHYIR, MTHONG BA'I CI LTA BA BZHIN DRAN PA'I PHYIR TE, MTHONG BA LAS MA REG NA YANG MTHONG BA DANG 'BREL PA'I

RJES SU 'GRO BA'I RANG BZHIN MI 'DZIN TO, ,DES NA MTHONG BA LA SPYI YOD DO ZHES RTOGS PA NI MA YIN NO, ,'O NA BA LANG DE NYID 'DI YIN NO ZHES GCIG TU RTOGS SHEN, 'DI LA BSHAD PA NI, MTHONG BA THA DAD NYID YIN YANG, ,NGO SHES PA ZHES BYA BA YIS, ,RNAM RTOG GCIG NI RANG BZHIN GYIS, ,BYED PA YIN ZHES BRJOD ZIN TO, ,PHAN TSUN THA DAD PA'I DON GZHAN DANG GZHAN 'DZIN PA LA BRTEN PA'I MTHONG BA SKYES PA NI THA DAD PA DANG THA MI DAD PA'I RNAM PA GCIG 'DZIN PAR NUS PA'I LAM NA GNAS PA NI MA YIN NO, ,'ON KYANG RNAM PA GZHAN MI SRID PA'I PHYIR NA RANG NYID GOMS PA DANG, RJES SU MTHUN PA'I 'DU BYED KYI SA BON SAD PAS NUS PA GSAL BAR BRTAS PA ZHUGS PA NI NGO SHES PA'I RTOGS PA SKYED PAR BYED LA, RIGS LA SOGS PA'I RTOGS PA DON MED PA'I LAM DU ZHUGS PA NI DE'I DBANG GIS YIN NO, ,DE'I PHYIR MNGON SUM NI BSTAN DU MED PA'I YUL CAN YIN NO ZHES GNAS SO, ,YID KYANG DON DANG CHAGS LA SOGS, ,RANG RIG RNAM PAR MI RTOG PA'O, ,DON DANG 'DOD CHAGS LA SOGS PA'I, ,RANG GI NGO BO RIG PA'I YID KYANG RNAM PAR RTOG PA MED PA'I PHYIR MNGON SUM YIN TE, NYAMS SU MYONG BA'I RNAM PAR 'JUG PA'I PHYIR RO, ,MIG LA SOGS PA'I RNAM PAR SHES PA NYID NYAMS SU MYONG BA'I RNAM PAS 'JUG PAR DMIGS PA YIN LA, MIG LA SOGS PAS BSKYED PA YANG DBANG PO'I SHES PA NYID MA YIN NAM, 'ON TE DE LAS SKYES PA YID YIN NA DE'I TSE 'DIS SNGAR MYONG BA 'DZIN PAR 'GYUR RO, ,DE'I PHYIR, ,SNGAR MYONG BA NI 'DZIN PA NA, ,YID NI TSAD MA NYID MA YIN, ,SNGAR MYONG BA DRAN PAR BYA BA'I RANG BZHIN MA YIN PA NI RTOGS PAR NUS PA MA YIN NO, ,DRAN PAR BYA BA MA YIN PAR MNGON SUM BYED PA NI SNGAR NYAMS SU MYONG NGO ZHES BYA BAR CI LTAR 'GYUR DNGOS PO LA SNGAR MYONG BA YIN NO ZHE NA, CI LTAR RTOGS PAR BYA STE, NGO SHES PA NI BSAL BA YIN NO, ,'ON TE MA MTHONG BA 'DZIN NA, DE LTA NA NI, MA MTHONG 'DZIN NA LONG BA LA, ,SOGS PA YIS KYANG DON MTHONG 'GYUR, ,LONG BA LA YANG YID YOD PA DES NA DE DANG GZHAN GYIS DON THAMS CAD 'DZIN PAR THAL LO, ,DE'I PHYIR 'ON PA DANG LONG BA LA SOGS PA MED PAR 'GYUR RO, ,SKAD CIG NYID PHYIR 'DAS PA YI, ,DON MTHONG YOD PA MA YIN ZHING, ,

, ,SKAD CIG MIN NA MTSAN NYID NI, ,KHYAD PAR BCAS PA BRJOD BYAR 'GYUR, ,DNGOS PO THAMS CAD NI SKAD CIG GIS 'JIG PA YIN TE, DES NA GANG GIS GZUNG BA NYID 'DZIN PAR BYED PA CI LTAR 'DAS PA 'DZIN PA YIN, CI STE SKAD CIG MA YIN PA NYID DU KHAS LEN NA DE'I TSE SNGAR MTHONG BA GZUNG BA'I PHYIR, DRAN PA BZHIN DU BZUNG ZIN PA 'DZIN PA NI TSAD MA MA YIN NO, ,YID NI BZUNG ZIN PA NYID YIN YANG TSAD MA YIN NA NI, MTSAN NYID KHYAD PAR BCAS PA BRJOD PAR BYA BA YIN NO, ,GZHAN YANG, BYA BA SGRUB CAN LAS LA NI, ,KHYAD PAR CUNG ZAD MI BYED PA, ,DBANG PO CAN NAM GZHAN DAG NI, ,SGRUB PAR BYED PAR CI LTAR 'DOD, ,GANG ZHIG DBANG PO'I SHES BAS RANG BZHIN YONGS SU BCAD PA DE LA GZHAN GYIS BYA BA CI YOD, RANG BZHIN DE NYID YONGS SU GCOD DO ZHE NA, YONGS SU BCAD PA LA YONGS SU GCOD PA'I DON CI YIN, RANG GI NGO BO SNANG BA NYID DE GZHAN LA YANG SKYON CI YOD CE NA, DE LTA NA RTAG PA LA YONGS SU BCAD PA NYID RTAG TU YOD PA MA YIN NAM, DE LA GZHAN GYIS BYA BA CI ZHIG BYED PAR 'GYUR, DA LTAR GZHAN GYIS BCAD DO ZHE NA MA YIN TE, RTAG PA'I PHYIR DA LTAR YANG DE NYID YIN PAS GZHAN LA YANG NUS PA YOD PA MA YIN NO, ,DE'I YONGS SU GCOD PAR BYED PA MED PA'I PHYIR RO ZHES BYA BA NI MA 'BREL BA STE, YONGS SU GCOD PAR BYED PA MED NA RTAG PA NYID DU MI 'DZIN BA'I PHYIR RO, ,GZHAN GYIS 'DZIN PAR 'GYUR RO ZHE NA, MA YIN TE, YID CHES PA MED PA'I PHYIR RO, ,CI LTAR GZHAN RANG GI DUS NYID RTOGS PAR BYED PAS RTAG PA NYID RTOGS; DE'I PHYIR YONGS SU GCOD PAR BYED PA NYID KYIS GNAS PAR BYA BA'I PHYIR 'DZIN PAR BYED PA GZHAN DON MED DO, ,DE'I RANG BZHIN DU RTOGS PA'I PHYIR RO, ,DNGOS PO DE LAS SKYES PA'I BLO'ANG, ,THAMS CAD CIG CAR 'BYUNG BAR 'GYUR, ,GZHAN GYIS KHYAD PAR BYA MIN NA, ,DE LAS LTOS PA 'GAL PHYIR RO, ,DE'I RNAM PA 'DZIN PA RTAG PA LA 'JUG PA'I SHES PA THAMS CAD DUS GCIG TU 'GYUR RO, ,DUS THA DAD PA NA NI RTAG PA GCIG NYID KYI YUL CAN DU 'GAL TE, RNAM PA THA DAD PA'I PHYIR RO, ,'ON TE DUS PHYIS RGYU GZHAN LAS SKYES PA DE'I TSE YANG DE'I DUS 'DZIN PAR 'GYUR DGOS

SO; ,DE LTA MA YIN NA 'DZIN PAR MI RUNG BA'I PHYIR RO, ,RMI LAM BDEN PA MTHONG BA STE, RMI LAM BDEN PA MTHONG BA NI DE'I DUS SU RTOGS PA NYID 'DZIN PAR MTHONG NGO, ,DBANG PO'I SHES PA LAS YID NYAMS SU MYONG BA'I RNAM PA GZHAN DU NI DMIGS PA MED DO, ,MA DMIGS PA LA NI DMIGS SO ZHES 'THAD PA MA YIN TE, TSAD MA MED PA'I PHYIR RO, ,GZHAN DAG NI GAL TE YID KYIS MI DMIGS NA YID KYIS DRAN PAR YANG MI 'GYUR, 'DIR DE LAS GZHAN GANG GIS KYANG, ,RANG GIS RIG DRAN NAM YANG MED, ,GAL TE THA DAD PA'I PHYIR DBANG PO'I SHES PAS BZUNG BA YID KYIS DRAN PA MA YIN NA NI RNAM PAR RTOG PA DANG BCAS PAS KYANG BZUNG BA DRAN PAR MI 'GYUR TE, DE DAG KYANG THA DAD PA'I PHYIR RO, ,YID YIN PA'I PHYIR RO ZHE NA, SHES PA YIN PA'I PHYIR ZHES BYA BAR YANG 'GYUR RO, ,DE'I PHYIR DBANG PO'I RNAM PAR SHES, ,DE MA THAG RKYEN LAS BYUNG CAN, ,YID NI YUL GZHAN NYID 'DZIN BYED, ,DE PHYIR LONG BAS MTHONG BA MIN, ,RANG GI YUL GYI DE MA THAG PA'I YUL LHAN CIG BYED PA CAN DBANG PO'I SHES PAS BSKYED PA'I YID KYANG MNGON SUM MO, ,GAL TE DE DBANG PO'I RNAM PAR SHES PA DANG DUS MNYAM PAR 'BYUNG BA YIN NA NI, DE DBANG PO'I SHES PA NYID KYIS GZUNG BA'I PHYIR NA YID DON MED DO, ,DBANG PO'I SHES PA RGYUN 'CHAD NA GZHAN DMIGS PA MED PA'I PHYIR 'DI GANG GI MTSAN NYID YIN ZHE NA, 'DIR SMRAS PA, GOMS LAS MDUN NA GNAS PA LA, ,'DI'O ZHES SOGS SHES PA GANG, ,MNGON DU BYED PHYIR DE LA NI, ,YID KYI MNGON SUM YIN PAR 'DOD, ,'DI ZHES MDUN NA GNAS PA LA MNGON DU BYED PA'I RNAM PAS 'JUG PA NI YID KYI MNGON SUM MO, ,'ON TE MIG GI BYED PA NYID LAS SKYE BA NI MIG GI SHES PA NYID DO ZHE NA MA YIN TE, MIG GI SHES PA NI GZUGS SNANG BA TZAM LA NYE BAR MKHO BA YIN LA SNGAR GOMS PA NI NGES PA LA YIN NO, ,'DI LA MIG GI BYED PA MED PAS YID SNGAR GOMS PA'I MTSAN NYID LAS SKYES PA YIN PA'I PHYIR, 'DI NI YID KYI MNGON SUM YIN NO, ,CI STE RNAM PA DE NI MIG LA SOGS PA'I RNAM PAR SHES PA NYID KYIS GZUNG BA'I PHYIR YID DON MED DO SNYAM NA MOS PA LHAG PA SRID PA'I PHYIR RO, ,'DI ZHES BYA BAS 'JUG PAR 'GYUR BA YIN TE,

, ,DES NA 'JUG PAR BYED PA YIN PA'I PHYIR TSAD MA NYID DO, ,'O NA DBANG PO'I RNAM PAR SHES PA 'JUG PAR BYED PAR MI 'GYUR RO ZHE NA MA YIN TE, SHIN TU GOMS PA LAS GZHAN RNAM PAR RTOG PA NA YANG 'JUG PA'I PHYIR RO, ,DES NA 'DI LTA BU'I YID NI, SNGAR GZUNG BA RTOGS PA MA YIN TE; 'ON KYANG DE'I DUS PHYIS BYUNG BA YIN NO, ,GZUNG BA LA 'DZIN PA YANG MA YIN NO, ,GZUNG BA LA 'DZIN PA MA YIN TE, NYE BAR GNAS PA LA SNGAR GYI 'DZIN PA MI 'JUG PA'I PHYIR RO, ,'O NA DUS GCIG TU RNAM PA GNYIS THOB PAR 'GYUR RO ZHE NA, 'DI RNAM PA GNYIS NYID MA YIN NAM, 'O NA GCIG TU ZHEN PAR CI LTAR 'GYUR ZHE NA, RAB RIB CAN GNYIS KYIS ZLA BA GNYIS MTHONG BA'I TSUL DU SKYON MED DO, ,'ON GOMS PA LAS SKYES PA MDUN NA GNAS PA'I RNAM PAR 'DZIN PA'I BDE BA LA SOGS PA YANG YID KYI MNGON SUM GYI RANG BZHIN DU 'GYUR RO, ,DES NA DBANG PO LAS BYUNG BA'I BDE BA ZHES BYA BA DE NYAMS PAR 'GYUR RO ZHE NA, BDEN TE, DE NI NYAMS PA NYID DO, ,'DI MA NYAMS PAS NI CUNG ZAD KYANG BYAR MED DO, ,DBANG PO LAS BYUNG BA'I BDE BA DANG BDE BA MA YIN PA SKYE BA'I PHYIR RO ZHES BYA BA DE 'GAL LO ZHE NA, 'DIR YANG RTZA BA'I SLOB DPON GYI TSIG DANG 'GAL BAR 'GYUR TE, CHAGS PA DANG, SDANG BA DANG, GTI MUG DANG, BDE BA DANG, SDUG BSNGAL LA SOGS PA RANG RIG PA NI DBANG PO LA MI LTOS PA'I PHYIR, YID KYI MNGON SUM YIN NO ZHES SO, ,'O NA NI CHOS KYI GRAGS PA'I DBANG PO LAS BYUNG BA NYID KYI BDE BA DANG BDE BA MA YIN BA ZHES BYA BA 'DI GRAGS PA MA YIN PAR 'GYUR RO ZHE NA, BDE BA LA SOGS PA'I SGRAS NI BDE BA'I RGYU RO LA SOGS PA BRJOD PA YIN TE, RNAM PAR MI RTOG KYANG DBANG PO'I SHES PA TSA BA DANG ZHIM PA LA SOGS PAR SNANG NGO ZHES BYA BA'I THA TSIG GO, ,YANG NA RTOG PA MED PAR CHOS MTHUN PA'I PHYIR YID NYID LA DE SKAD BRJOD PA'I PHYIR MI 'GAL LO, ,GAL TE YID RNAM PA GZHAN DU 'DZIN CING DBANG PO'I SHES PA YANG GZHAN DU 'DZIN NA, 'O NA RNAM PA DU MAR 'GYUR RO ZHE NA MA YIN TE, DBANG PO'I SHES PA LA YANG THAL BA NYID DU 'GYUR RO, ,DBANG PO'I SHES PA YANG GOMS PA CI LTA BA BZHIN DU RNAM PA DU MAR 'JUG PA MI ZLOGS [*BZLOGS] SO, ,DE LTA BU 'O NA 'DI ZHES BYA BA'I SHES PA YANG GOMS PA LAS DBANG POS BSKYED

BA NYID YIN GYI YID NYID NI MA YIN NO ZHE NA, BYED PA GZHAN YANG RTOGS PA'I PHYIR RO, ,'DI NI ZHES BYA BA 'DI NI YID KYIS BYED PA YIN TE, DE BZHIN NYID DU RTOGS PA'I PHYIR RO, ,'O NA YID KYI SHES PA 'DI DE ZHES BYA BAR, LKOG TU GYUR BA LA YANG CI LTAR MI 'JUG CE NA, 'DI NI BZANG PO MA YIN TE, LKOG TU GYUR LA 'JUG PA NI, ,MNGON DU BYED PAS 'JUG MIN PA, ,DE PHYIR DE NI MNGON SUM NYID, ,YIN ZHES JI LTAR NGES PA YIN, ,MNGON SUM GYI DON NI MNGON DU BYED PA NYID DO, ,YID DE NYID 'GA' ZHIG LA NI MNGON DU BYED PA'I RNAM PA YIN LA, 'GA' ZHIG LA MA YIN NO, ,BYA BA GA LAS SHE NA, 'O NA DBANG PO'I SHES PA YANG 'GA' ZHIG LA 'KHRUL PA YIN LA, 'GA' ZHIG LA MA YIN NO ZHES BYA BA GA LAS RAB RIB KYI TSOGS PA GZHAN YOD PA'I PHYIR RO ZHE NA, 'DI LA YANG TSOGS PA GZHAN YOD PA NYID DO, ,'DI LTAR, RANG DON RJES 'GRO'I DON LTOS CAN, ,DBANG SKYES BLO NI RGYU YIN NO, ,DE PHYIR 'DI GZHAN 'DZIN NA YANG; ,NGES PA 'DZIN PAR 'DOD PA YIN, ,DBANG PO'I RNAM PAR SHES PA'I RANG GI DON SKAD CIG DANG PO'AM, RGYUN DE'I RJES SU 'GRO BA'I DON GYI SKAD CIG GANG YIN PA DE LA LTOS PA'I DBANG PO'I SHES PA NI YID SKYED BAR BYED PA YIN NO, ,GANG ZHIG TSOGS PA 'DIS MA BSKYED PA DE NI MNGON SUM MA YIN NO, ,DE NYID KYI PHYIR NA YUL NGES PA NYID KYIS YUL GZHAN RTOGS PA MA YIN TE, GANG GI PHYIR YUL GZHAN GYIS BSKYED PA NI MA YIN NO, ,DE NYID KYIS BSKYED PA YIN GYI GZHAN GYIS NI MA YIN NO ZHES BYA BA 'DI GA LAS SHE NA, MIG GI RNAM PAR SHES PA YANG CI'I PHYIR SGRAS BSKYED PA MA YIN ZHES 'DI NI DBANG PO'I SHES PA LA YANG MTSUNGS SO, ,RGYU DANG 'BRAS BU'I DNGOS PO NGES PA'I PHYIR RO ZHE NA, 'DI LA YANG TSANGS PAS DMOD PA MA 'DOR BA'I PHYIR GZHAN DU YANG MTSUNGS SO, ,SKAD CIG GNYIS PA YANG DBANG PO'I SHES PA NYID KYIS 'DZIN PA YIN TE, DE LTAR YANG MTHONG BA YIN NO ZHE NA, MA YIN TE, DE LA YID KYI RNAM PA YANG YOD PA'I PHYIR RO, ,DE NI RNAM PAR RTOG PA DANG BCAS PA YANG MA YIN TE, MDUN NA GNAS PA'I RNAM PA'ANG GSAL BA TZAM YIN PA'I PHYIR RO, ,GAL TE YID KYI SHES PA'I MNGON SUM DBANG PO'I SHES PA DANG DUS MNYAM DU 'BYUNG BA YIN NA, 'O NA CI LTAR DBANG PO'I SHES PA 'DI MTSUNGS PA DE MA THAG PA'I

, ,RKYEN YIN, RANG GI SHES PA'I DUS NA YID KYI RNAM PAR SHES PA'I DON NI SNGAR GYI SHES PA'I LHAN CIG BYED PA MA YIN TE, DUS THA DAD PA DAG LHAN CIG BYED PA MI RUNG BA'I PHYIR RO ZHEN 'DI LA BSHAD PA, DE DANG BYED DUS MTSUNGS MED CAN, ,RANG SHES DUS CAN DON DAG NI, ,CI LTAR DBANG PO'I SHES PA YI; ,LHAN CIG BYED PA YIN ZHE NA, ,MI RIGS TE, 'DI LTAR, MED PA SNGAR NUS MED PHYIR DANG, ,PHYIS KYANG NYE BAR MI SBYOR PHYIR, ,RGYU RNAMS THAMS CAD SNGAR YOD YIN, ,DE PHYIR RANG BLO BCAS DON MIN, ,YID KYI RNAM PAR SHES PA'I DON NI DBANG PO'I RNAM PAR SHES PA DANG DUS MI MTSUNGS PA MA YIN TE, DE YANG YID KYI RNAM PAR SHES PA LAS DUS SNGA MA YIN PA'I PHYIR RO, ,YUL NI RGYU YIN LA, RGYU YANG 'BRAS BU DANG DUS GCIG PA NYID MA YIN NO, ,'BRAS BU DANG DUS GCIG NA NI SNGAR MED PA YIN LA, MED PA YANG SNGAR NUS PA MED DO, ,PHYIS 'BRAS BU'I DUS NA 'BRAS BU NYID YOD PA'I PHYIR NUS PA DON MED DO, ,DE LTAR NA GAL TE 'BRAS BU'I DUS SU YIN NA DE'I TSE 'BRAS BU YOD PA NYID DO, ,DE'I PHYIR RGYU THAMS CAD NI SNGAR YOD PA YIN NO, ,DES NA RGYU'I DON NI 'BRAS BU RU 'GYUR BA DANG 'DZIN PA'I RNAM PAR SHES PA DANG DUS MNYAM DU 'BYUNG BA MA YIN NO, ,DUS THA DAD PA JI LTAR 'DZIN, ,CE NA RIG PA SHES PA YIS, ,SHES PA'I RNAM PA 'JOG NUS PA'I, ,RGYU NYID LA NI GZUNG BA SHES, ,RANG GI NGO BOS SNANG BA NYID GZUNG BA YIN GYI DE'I RNAM PAR SHES PA SKYE BA NI MA YIN PA MA YIN NAM, SNANG BA YANG SHES PA DANG DUS MNYAM PA'I PHYIR JI LTAR RGYU NYID GZUNG BA YIN ZHE NA, SNANG BA ZHES BYA 'DI CI ZHIG, ,CI DON GYI NGO BO'AM, 'ON TE GZHAN NYID, GAL TE DON GYI NGO BO YIN NA NI SNGON PO LA SOGS PA LTAR NAM YANG NGO BO DE LAS NYAMS PAR MI 'GYUR BA'I PHYIR THAMS CAD KYI TSE SNANG BAR THAL LO, ,SHES PA MED PA'I PHYIR SNANG BA MA YIN NO ZHE NA, SHES PAS KYANG DE NYID BYA BA MA YIN NAM, DE NI SNGAR YANG YOD PA'I PHYIR JI LTAR YANG SNANG BAR MI 'GYUR, SHES PA DON MED DO ZHE NA, DE BZHIN DU 'DI NI SKYON GZHAN YIN TE, DE'I NGO BO NYID NI SNGAR MI SNANG BA MA YIN NO, ,DE NYID YOD LA DE NYID MED DO ZHES BYA BA NI 'GAL LO, ,'ON TE SHES PA YOD NA MTHONG GI GZHAN DU NI MA YIN NO ZHE NA, CI DA NI SHES PA SNANG BA LA BYED PA PO YIN NAM BYED PA PO NYID KYANG MA YIN TE, DUS MNYAM PA'I PHYIR TE, MED PA SNGAR NUS

MED PHYIR DANG, ,ZHES BYA BA LA SOGS PA BSTAN ZIN PA'I PHYIR RO, ,DUS MNYAM PA NYID DU MTHONG YANG SHES PA MED PAR MA YIN PA'I PHYIR 'DI LA CI ZHIG BYA ZHE NA, DE LTA NA 'O NA NI DE NYID KYI TSE MIG LAS SKYES PA YIN TE, DES NA DON GYI NGO BO MA YIN NO, ,DON SNGAR YOD NA DA LTAR SKYE BA'I PHYIR RO, ,GANG YOD NA NI GANG SKYE ZHING, ,GNAS PA NYID NA 'JIG 'GYUR BA, ,DE LAS DE BZHIN NYID 'GYUR TE, ,THA DAD MTSAN NYID YOD PHYIR RO, ,GANG PHYIS BZHIN GYI GZUGS BRNYAN NI, ,BZHIN YOD NA NI PHYIS 'BYUNG BA'I, ,PHYIR NA BZHIN LAS THA DAD PA, ,DE BZHIN KHO BO'I SNANG BA'ANG 'GYUR, ,GAL TE YUL THA DAD PA'I PHYIR, ,GZUGS BRNYAN THA DAD NYID 'GYUR TE, ,GDONG DANG GZUGS BRNYAN THA DAD DE, ,CHAD MAS RTOGS PA NYID KYANG YIN, ,DON LAS SNANG BA THA DAD PA'I, ,SGRUB PAR BYED PA MTHONG BA MED, ,DES NA SNANG DANG SNGO SOGS DAG ,DON GCIG PAR NI GRUB CE NA, DE LTA NA NI 'ON, JI LTAR MIG LA SOGS PA LAS, ,SNANG BA DE LTAR 'BYUNG 'GYUR BA, ,DE BZHIN SNGO SOGS KYANG 'GYUR TE, ,GRUB DANG BDE BA MTSUNGS PHYIR RO, ,JI LTAR MIG LA SOGS PA YI, ,SNGA ROL NYID DU DON YOD PA, ,DE BZHIN DU NI SNANG BAR 'GYUR, ,DE LTAR DE NI MTHONG BA MED, ,DE PHYIR SNGO SOGS SNANG BA LAS, ,THA DAD PAR NI 'DOD PA GANG, ,DE NI SNGO SOGS SNANG BA LAS; ,SNGON YOD PAR NI 'DOD PA YIN, ,DE YI DE MA THAG SKYES PA, ,SNGON PO LA SOGS SNANG BA YIS, ,RNAM SHES DE NI 'DZIN BYED DE, ,PHA GZUGS 'DZIN PA CI BZHIN NO, ,RGYU DU MA NYID YOD NA YANG, ,'BRAS BU RJES BDE SKYE BA GANG, ,DE NI DE YIS NGO BO DE, ,GZHAN DANG GZUNG ZHES BRJOD PA YIN, ,DPER NA BU PA'I GZUGS 'DZIN NO ZHES BRJOD PA BZHIN NO, ,BDE BA LA SOGS PA RANG RIG PA'I YID KYANG MNGON SUM MO, ,DE LTA NA RNAM PAR RTOG PA RANG GI NGO BO LA MNGON SUM DU MI 'GYUR BA MA YIN NAM, DE LTA YIN DANG RNAM PAR SHES PA LKOG TU GYUR PA'I GZHUNG DU THAL LO ZHE NA MA YIN TE, SEMS DANG SEMS LAS BYUNG BA THAMS CAD KYI RANG RIG PA LA MNGON SUM YIN PA'I PHYIR RO, ,BDE BA LA SOGS PA SMOS PA NI NYAMS SU MYONG BA GSAL BA BSTAN PA'I PHYIR RO, ,GAL TE RNAM PAR RTOG PA LA RNAM PAR MI RTOG PA NYID MED PA'I PHYIR, JI LTAR MNGON SUM YIN TE, RNAM PAR RTOG PA'I RANG BZHIN NI RTOG PA MED PA NYID MA YIN NO, ,

, ,DON LA RTOG PA MED PA YIN NO ZHE NA DE NI MA YIN TE, 'DI LTAR, GAL TE DON LA RTOG NA NI, ,NGO BO NYID LA RTOG PAR 'GYUR, ,NGO BO NYID LA DE YI NI, ,RANG BZHIN GZHAN PAR RIG MA YIN, ,'DIR BRJOD PA, BDE SOGS BDAG NYID GZHAN MI RTEN, ,BRDA BYED PAR NI NUS MA YIN, ,DE PHYIR DE DAG RANG RIG NI, ,BRJOD DANG RJES 'BREL CAN MA YIN, ,SKYE BA THOB PA NYID NA BDE BA LA SOGS PA BDAG NYID RIG PA'I YUL GYI DNGOS PO 'DZIN PA YIN TE, DE LAS MA GTOGS PA DE RIG PA MA YIN PA'I PHYIR RO, ,DE'I TSE YANG SNGA MA DANG PHYI MA'I DNGOS PO MNGON PAR BRJOD PA'I SGO NAS SBYOR BA'I SKABS CI ZHIG YOD, PHYIS SBYOR RO ZHE NA MA YIN TE, DE MED PA'I PHYIR RO, ,GZHAN GYIS SNGA MA'I RANG BZHIN DU RIG NA NI DE'I TSE RIG PA NYID DU MI 'GYUR RO, ,SNGA MA LA SOGS PA'I RANG BZHIN RNAM PA GZHAN DU RIG PA NI BDE BA LA SOGS PA RIG PAR MI 'GYUR TE, GZHAN GYI BDE BA RIG PA BZHIN NO, ,DE'I PHYIR BDE BA LA SOGS PA DA LTAR BA'AM GSAL BA NYID DU 'DZIN NA RNAM PAR RTOG PA MED PAR 'DZIN PA MA YIN NO, ,'ON TE YID KYI BDE BA NI RNAM PAR RTOG PA DANG BCAS PA'I 'DZIN PAS GZUNG BA YIN NO ZHES 'DOD NA, DE YANG MA YIN TE, GANG GI PHYIR, GANG ZHIG DRAN PAS RIG PAS NA, ,GAL TE YID DU BRJOD NA NI, ,SNGA MA'I RANG BZHIN RTOGS PA'I PHYIR, ,DE NI BDE BAR RIG MA YIN, ,DE'I TSE NYID NA SKYES PA DE, ,MNGON SUM RIG PAS RTOG PA MIN, ,GAL TE BRJOD DANG 'BREL PA'I PHYIR, ,ZHE NA BRJOD PA NYID YOD YIN, ,BDE BA DE LAS THA DAD NA, ,JI LTAR 'BREL PA SRID PAR 'GYUR, ,DUS GCIG RIG PA TZAM GYIS NI, ,'BREL PA NYID DU BRJOD MA YIN; ,YID KYANG GZUGS SOGS RNAM PA YI, ,RANG BDAG NYID LA GNAS MA YIN, ,SKYE BA DE TSE NYID YOD PHYIR, ,JI LTAR RNAM RTOG YUL DU 'GYUR, ,GAL TE 'DI NI DON LA YANG, ,JI LTAR RTOG PAR 'THAD 'GYUR TE, ,DE YIS DON BZUNG MED PAS NA, ,NGO BO NYID LA'ANG MI RTOG PHYIR, ,KHYED KYIS DE SKAD BRJOD PA DE NI BDEN TE, GAL TE DON NI 'DZIN 'GYUR NA, ,DE 'DIR JI LTAR RNAM RTOG 'GYUR, ,'ON TE DON MIN 'DZIN NA YANG, ,DE 'DIR JI LTAR RNAM RTOG YIN, ,'ON TE DON DU SGRO 'DOGS PAS, ,DE LA RTOG PAR BRJOD NA NI, ,'DZIN DANG MI 'DZIN LAS GROL BA'I, ,DON GZHAN DER YANG YOD MA YIN, ,'DZIN

DANG SGRO 'DOGS YOD PA'I PHYIR, ,GAL TE RTOG PAR 'DOD CE NA, ,'DZIN DANG SGRO 'DOGS GCIG NA NI, ,GNYIS YOD CES BYA BDEN MA YIN, ,DE LA PHYOGS GCIG LA GNAS PA'I, ,SKYON NI SNGA NYID BRJOD ZIN TO, ,'ON TE DE DAG DBYE BA NI, ,YOD NA GNYIS SU THAL 'GYUR TE, ,RNAM RTOG BCAS PA'I RIG PA DANG; ,DE NYID TSE NA RTOG MED PA'O, ,DE'I PHYIR, 'DZIN PA MED KYANG GANG ZHIG LA, ,'DZIN PA'I NGA RGYAL YOD DE NYID, ,BRTAGS PAS NGED KYI PHYOGS 'DI LA, ,RNAM PAR RTOG PA YIN PAR BRJOD, ,DE LAS 'DZIN DANG MI 'DZIN LAS, ,GZHAN PA'I NGA RGYAL YANG GANG ZHIG ,CE NA 'DZIN PA MED PAR NI, , 'JUG LA BYED PA GANG YIN PA'O, ,GAL TE MA BZUNG LA 'JUG BYED, ,THAMS CAD LA DE JI LTAR MIN, ,GAL TE BZUNG LA 'JUG BYED NYID, ,CI YI PHYIR NA 'JUG PAR BYED, ,'O NA DA NI SHES PA KUN, ,RNAM PAR RTOG DANG BCAS 'GYUR TE, ,GANG PHYIR SHES PA THAMS CAD KYI, ,MA BZUNG BA LA 'JUG PHYIR RO; ,'DIR SMRAS PA, MNGON DU BYED PA MA YIN PAR, ,GANG LA RNAM RTOG GZHAN DAG GIS, ,THA SNYAD BYED PA DE NYID 'DIR, ,RNAM RTOG 'JIG RTEN 'DOD PA YIN, ,GANG LA MTHONG BAR MNGON 'DOD PA, ,SHES TE RTOG PA MED PA YIN, ,MNGON DU BYED PAR MOS PHYIR YANG, ,MNGON SUM ZHES NI BRJOD PA YIN, ,DON DAM DU NI RNAM SHES NI, ,THAMS CAD RTOG PA MED PA NYID, ,THAMS CAD MA BZUNG YUL LA NI, ,RTOG PA MED PAR 'JUG PHYIR RO, ,GZHAN YANG, BAG CHAGS STOBS LAS SNGA MA YI, ,MYONG BA'I KHYAD PAR RJES 'BRANGS TE, ,GANG LA SHES PA GANG SKYES KYANG, ,DE NI RNAM RTOG BCAS PAR BRJOD, ,GANG ZHIG GZHAN GYI DBANG NYID DU, ,BYED PAS 'JUG PAR 'GYUR BA YI, ,SHES PA DE NI THA SNYAD DU, ,RNAM RTOG MED CES BRJOD PA YIN, ,BDE SOGS RNAMS KYI RANG BZHIN LA, ,RANG RIG PAS NI RTOG MED PHYIR, ,DE LA RTOG PA MED PAR NI, ,THAMS CAD PA 'DOD NYID YIN NO, ,DE PHYIR DE DAG RANG NYID NI, ,BRJOD DANG RJES 'BREL CAN MA YIN, ,DE LA LAS DANG BYED PA YIS, ,MNGON PAR BRJOD PA 'BREL MA YIN, ,RGYUN SNANG BA'I BDE BA LA SOGS PA LA GANG GI TSE 'DI NI BDE BA LA SOGS PA'O ZHES MOS PA'I RANG BZHIN GYI SHES PA SKYE BA DE'I TSE CI'I PHYIR RNAM PAR RTOG PA DANG BCAS PA NYID MA YIN ZHE NA, DON BZHIN DU 'DI LA

, ,YID KYI MNGON SUM YIN NO ZHES BRJOD ZIN TO, ,'DI LTAR, DON DANG BDE SOGS RANG BZHIN LA, ,'DI ZHES BYA BAS 'JUG PA GANG, ,RANG BZHIN DNGOS SU 'DZIN PA NA, ,DE KUN YID DU 'DOD PA YIN, ,DE LA YANG RTOG PA'I GO SKABS NI JI LTAR YANG YOD PA MA YIN TE, DES NA RTOG PA MED PA'I PHYIR DE NI MNGON SUM NYID DO, ,GANG GI TSE RANG RIG PA DANG YID KYI MNGON SUM GNYI GA YANG RIG PA 'GYUR BA DE'I TSE, PHAN TSUN MA REG PA'I PHYIR JI LTAR RNAM PA GNYIS SU MA RTOGS SHE NA, 'GYUR BA NYID DE, RAB RIB CAN GNYIS KYIS ZLA BA GNYIS DMIGS PA'I TSUL DU RNAM PA GCIG YIN PAR ZHEN PAS NA, DE LTAR THA SNYAD MI BYED PA YIN NO, ,RANG GIS RIG PA NYID YIN NA JI LTAR DE LA YANG DE LTAR THA SNYAD MED PAR 'GYUR CE NA, DE LTAR RJES SU DPAG PA 'JUG PA'I PHYIR RO, ,DE LA NI GZUGS DANG 'BRAS BU PHYIR MTHONG BAS DE GCIG NYID DU RJES SU DPOG GO, ,GNYIS PA MTHONG BAS NI MA YIN PA'I PHYIR DE GCIG NYID DU THA SNYAD BYED DO, ,'O NA 'DIR GNYI GA YANG MTHONG BA'I PHYIR GCIG NYID THA SNYAD DU JI LTAR 'GYUR, 'DI LA RJES SU DPAG PA YANG MED DE, RANG RIG PA NYID LA YANG RJES SU DPAG PAS CI ZHIG BYA, GAL TE PHAN TSUN RIG PA MED PA'I PHYIR JI LTAR GNYIS RIG ,SKYES BU GCIG YOD PA DES DE GNYIS RIG GO ZHE NA MA YIN TE, RANG RIG PA LAS THA DAD PA'I SKYES BU MED PA'I PHYIR RO, ,DE DAG GIS KYANG GNYIS RIG PA MA YIN NO, ,'ON TE GZUGS DANG RO RIG PA BZHIN DU GNYIS RIG GO ZHE NA, RANG RIG PA NYID NA DER YANG JI LTAR ZHES BSTAN PA YIN TE, GZHAN GYI MYONG BA LA YANG THAL BA'I PHYIR RO, ,DE'I PHYIR SNA TSOGS KYI RNAM PA'I RANG RIG PA GCIG NYID DO ZHES 'DI NI BSTAN ZIN TO, ,'DI NI PHYI ROL GYI DON LA BRTEN TE, GZUNG BA DANG 'DZIN PA YANG KHAS BLANGS NAS BRJOD PA YIN TE, DON DAM PAR NI THAMS CAD RIG PA TZAM YIN GYI, DBANG PO LA SOGS PA'I SHES PA'I KHYAD PAR NI YOD PA MA YIN NO, ,DBANG PO'I BYED PA YANG DUS MTSUNGS PA NYID DU RIG PA'I PHYIR GZUGS LA SOGS PA BZHIN NO, ,'ON TE MIG LA SOGS PA THA DAD DU RGYU MA YIN NAM ZHE NA, DE BZHIN DU YID DANG RANG RIG PA DANG, YID DANG DBANG PO'I SHES PA DAG THA DAD DO, ,'DI LA THA SNYAD MED PA YIN NAM, THA DAD PA'I THA SNYAD MED KYANG, RJES SU DPAG PA YANG THA SNYAD NYID YIN PAS SKYON MED DO, ,

'O NA BDAG LA SOGS PA LA YANG RJES SU DPAG PA'I THA SNYAD YOD PA NYID PAS SKYON MED DE, DE LTAR NA BDAG LA SOGS PA LA YANG RJES SU DPAG PA'I THA SNYAD YOD PAS BDAG LA SOGS PA YANG YOD PAR THAL BA'I PHYIR RO ZHE NA MA YIN TE, DE LA GNOD PAR BYED PA'I THA SNYAD YOD PA'I PHYIR RO, ,DE'I PHYIR BDE BA LA SOGS PA'I BDAG NYID KHYAD PAR GYI RANG BZHIN LA NI BRDA NUS PA MA YIN NO ZHES BYA BA 'DI GNAS SO, ,GZHAN YANG RIG BYED MIN DE DAG ,RANG GI NGO BO CI LTAR RIG ,DON GZHAN LA BRTEN RNAM SHES KYIS, ,RIG BYA YIN ZHES 'GA' ZHIG ZER, ,RE ZHIG RNAM PAR SHES PA GZHAN RIG PAR BYED PA GANG YIN PA DE LA YANG RANG RIG PA YOD PA MA YIN NO, ,CI SHES LDAN RIG PA MA YIN PA'I BDE BA LA SOGS PA LA YOD DAM, GAL TE RIG PAR BYA BA YIN PA'I PHYIR, ,BDE BA LA SOGS PA RANG RIG PAR 'GYUR TE, DE LTA MA YIN NA RIG PA NYID MED PAR 'GYUR RO ZHE NA, MA YIN TE, RANG RIG PA MA GRUB PA'I PHYIR RO, ,GZHAN GYIS RIG PA YIN NA, BUM PA LA SOGS PA LTAR RANG RIG PA MA YIN NO, ,DE LTA NA 'O NA THUN MONG DU RTOGS PAR 'GYUR RO ZHE NA MA YIN TE, DON GCIG LA 'DU BA'I SHES PAS RIG PA'I PHYIR RO, ,BUM PA LA SOGS PA NI DON GCIG LA 'DU BA'I SHES PAS MA YIN NO, ,NGES NA DE DAG GZUNG BA'I RANG BZHIN YIN PAS BTANG SNYOMS PA NYID DU RIG PA YIN NO, ,BDE BA LA SOGS PA SHES PA LAS THA MI DAD PA NYID DU RTOGS PA NI RNAM PAR SHES PA'I RANG BZHIN LTA BUR 'DZIN PA'I RNAM PA NYID MA GTOGS PAR DE LA ZHUGS PAS RIG PA'I PHYIR BUM PA LA SOGS PA BZHIN DU THAL BAR MI 'GYUR RO ZHES KHA CIG ZER BA DE DAG GI LTAR NA, DE DANG DE MIN RANG BZHIN DNGOS, ,DE DANG DE MIN DNGOS RGYUS BSKYED, ,RNAM SHES RGYU LAS GZHAN MIN SKYES, ,BDE SOGS DE CI SHES MA YIN, ,RE ZHIG KHYED KYI 'DI MNGON SUM GYIS NI RTOGS PA MA YIN NO, ,RJES SU DPAG PAS RTOGS PA NI RTAGS MED PAR MI 'DOD DO, ,BDE BA LA SOGS PA NI SHES PA LAS THA DAD PAR RTOGS PA MA YIN TE, DON GCIG LA 'DU BA'I 'GAL BA YOD PA'I PHYIR RO, ,RJES SU DPAG PA YANG RTAG MED PAR 'JUG PA MA YIN NO, ,GAL TE RGYU THA DAD PAR BSTAN PAR NUS NA NI 'DI LA RTAGS SU 'GYUR BA YIN NO, ,MNGON SUM MA YIN PA'I RJES SU DPAG PA

, ,MED PAR RTOGS PAR NUS PA MA YIN NO, ,RGYU THA DAD PAS NI THA DAD PAR MTHONG BA'I PHYIR RO, ,'BRAS BU'I THA DAD PA NI GNOD MI ZA BA'I PHYIR TSOGS PA THA DAD LAS YIN NO, ,'BRAS BU THA DAD PA NI THA DAD PA SGRUB PAR BYED PA MA YIN TE, THAL BA DANG DU BA BZHIN DU RGYU GCIG LAS KYANG 'BRAS BU THA DAD PA MTHONG BA'I PHYIR RO, ,BDE BA LA SOGS PA'I DANG SHES PA THA DAD PA'I SGRUB PAR BYED PA'I 'BRAS BU THA DAD PA YANG DE DMIGS PA MA YIN TE, DE'I PHYIR RGYU THA DAD PA NYID BSTAN PAR BYA BA YIN NA DE YANG MED DO, ,THA MI DAD PA'I RGYU CAN DANG THA MI DAD PA'I RANG BZHIN DMIGS PA NA, CI'I PHYIR THA DAD CES THA SNYAD BYED DE, 'DI LA TSAD MA CI ZHIG YOD CES BYA BA'I TSIG GO, ,YANG NA GAL TE BDE BA LA SOGS PA DAG LAS SHES PA GZHAN YIN NA BDE BA LA SOGS PA DANG RNAM PAR SHES PA'I RGYU CI YIN, MIG DANG GZUGS DANG YID LA BYED PA DAG GO, ,DES NA RNAM PAR SHES PA'I RGYU MIG LA SOGS PA LAS BDE BA LA SOGS PA SKYE BA YIN NO, ,DE LTAR YIN DANG DE CI'I PHYIR SHES PA MA YIN TE, CI'I PHYIR RNAM PAR SHES PAS RIG PA MA YIN, MED PA NYID DO ZHE NA MA YIN TE, RNAM PAR SHES PA'I RGYU NYID LAS SKYE BA'I PHYIR RO, ,'DI LTAR RIG PAR MI 'GYUR BA NYID YIN, KHYED KYI PHYOGS LA YANG CI'I PHYIR, DE LTA MA YIN ZHE NA MA YIN TE, BAG CHAGS SAD PA'I KHYAD PAR RGYU YIN PA'I PHYIR RO, ,BAG CHAGS SAD PA'I RNAM PAR DBYE BA'I STOBS KYIS RNAM PAR SHES PA RES 'GA' BDE BA'I RANG BZHIN DANG SDUG BSNGAL DANG RNAM PA GZHAN DU MA YIN PA'I PHYIR MI 'THAD PA MED DO, ,RGYU MTSUNGS PA NYID STON PA NI, DON BCAS DBANG PO RUNG BA DANG, ,BDAG NYID CI LTAR SEMS YOD NA, ,BDE BA LA SOGS SKYE BAR MTHONG, ,YID KYANG DE DANG MTSUNGS PA YIN, ,MIG MED PAR NI GZUGS MTHONG BA'I BDE BA YOD PA MA YIN LA YID 'PHROG PA'I GZUGS MED DAM, MYA NGAN LA SOGS PA'I YID NYAMS NA YANG MA YIN NO, , RNAM PAR SHES PA SKYE BA'I TSOGS PA YANG 'DI NYID YIN TE, DE'I PHYIR THA DAD PA RTOGS PAR BYED PA'I RGYU THA DAD PA NI YOD PA MA YIN NO, ,BDAG DANG YID PHRAD PA RGYU YIN LA, GZUGS LA SOGS PA'I TSOGS PA LAS SKYE BA'I BDE BA NI MI SHES PAR MI RIGS SO, ,'ON TE DE'I TSE BDE BA LA SOGS PA MA

SKYES PA DES NA, GDON MI ZA BAR MED PA SHES PA MA YIN TE, MED PA NI GZUNG BAR MI NUS PA'I PHYIR RO ZHE NA, 'DIR SMRAS PA, DE DAG YOD DANG MED PA NA, ,'GA' LA BDE LA SOGS DANG BLO, ,SKYE DANG MI SKYE MTHONG DE'I PHYIR, ,DE LAS DE SKYE GZHAN LAS MIN, ,GANG GIS BDE BA LA SOGS PA RNAM PAR SHES PA LAS RGYU GZHAN YIN PAR RTOGS PA, MIG DANG, GZUGS DANG, SNANG BA DANG, YID LA BYED PA MED PAR BDE BA LA SOGS PA SKYE BA LA BRTEN PA NI MA YIN NO, ,DES NA RNAM PAR SHES PA'I RGYU NYID BDE BA LA SOGS PA'I RGYU YIN NO, ,'ON TE CHOS LA SOGS PA DANG DE MA YIN PA'AM, CHOS LA SOGS PA DE NYID BDE BA LA SOGS PA'I RGYU YIN NO ZHEN DE YANG MA YIN TE, 'DI LTAR GANG GI 'BRAS BU LDOG PA LAS RGYU GZHAN RTOG PA'I GO SKABS SU 'GYUR BA, MIG LA SOGS PA YOD PA NA MI SKYE BAR MA MTHONG NGO, ,'ON TE LDOG PA MED KYANG CHOS LA SOGS PA RGYU NYID DO, ,BDE BA NI 'DOD PA YIN LA, SDUG BSNGAL NI MI 'DOD PA YIN TE, DE LA CHOS DANG CHOS MA YIN PA DAG NI GDON MI ZA BAR RGYU YIN NO, 'DI NI TSU ROL MDZES PA MA GTOGS PA'I RAB TU SMRA BA THAMS CAD LA RAB TU GRUB PA NYID DO ZHE NA DE YANG MI BDEN TE, LDOG PA MED PHYIR CHOS SOGS KYI, ,NUS PA GRUB PA MED PA NYID, ,BDE BA TZAM LA CHOS SOGS NI, ,NUS DANG 'DOD PA GRUB MA YIN, ,CHOS LA SOGS PA NI BDE BA LA SOGS PA'I SGRUB PAR BYED PA'I TSOGS PAR BYED PA YIN GYI, BDE BA LA SOGS PA NYID KYIS NI MA YIN NO, ,DE LTA MA YIN NA NI DE'I SGRUB PAR BYED PA MED KYANG BDE BA LA SOGS PAR THAL BAR 'GYUR RO, , CI STE YANG BDE BA SGRUB PAR BYED PA'I GZUGS LA SOGS PA YOD KYANG, MYA NGAN LA SOGS PAS NANG GI BYAD PA'I NUS PA NYAMS NA BDE BA MI SKYE STE, DES NA CHOS NYID RGYU YIN GYI, GZUGS LA SOGS PA NI MA YIN PAR RTOGS SO ZHE NA, DE NI RIGS PA DANG LDAN PA MA YIN TE 'DI LTAR, CHOS MIN NYID KYIS MYA NGAN LA SOGS PA'I TSOGS PA BSGRUB PA NA, DE LAS SDUG BSNGAL SKYE 'GYUR GYI, ,CHOS MIN LAS NI SDUG BSNGAL MIN, ,CHOS MA YIN PAS NI MYA NGAN LA SOGS PA'I TSOGS PA NYID SGRUB PAR BYED KYI SDUG BSNGAL NI MA YIN TE, DE YOD NA SDUG BSNGAL RANG NYID SKYE BAR 'GYUR RO, ,YANG

, ,NA CHOS NI CHOS LAS BDE BA NYID DANG GZHAN LAS SDUG BSNGAL YIN DU CHUG MOD, DE LTA NA YANG DES RIG PA LAS THA DAD DU BSKYED PAR BYA BA YIN NO ZHES BYA BA GA LAS YIN, CHOS KYI RIG PA LAS THA MI DAD PA'I BDE BA SKYED KYANG KHYED LA NI CUNG ZAD KYANG GNOD PA BYAS PAR MI 'GYUR RO, ,BDE BA LA SOGS PAS KHYED LA DGOS PA YIN NO, ,DE NI SHES PA LAS THA DAD PA MA YIN YANG KHYED LA TSA BAR YANG MI 'GYUR RO, ,'ON TE RGYU THA DAD PA'I PHYIR THA DAD DO ZHE NA, DE YANG 'DOD PA YIN TE, GANG GI PHYIR, RNAM SHES RKYANG PA NYID LAS NI, ,BDE BA'I RNAM SHES THA DAD NYID, ,GCIG TU NGES PAR THA DAD GANG, ,DE NI RE ZHIG GRUB MA YIN, ,CHOS DANG LHAN CIG PA'I TSOGS PA NI DE NYID KYI KHYAD PAR CAN GYI 'BRAS BU SKYED PAR BYED KYI, SHIN TU THA DAD PA NYID NI MA YIN TE, PHAN 'DOGS PA LHAG PAS NI DE NYID KHYAD PAR DU BYED PA'I PHYIR RO, ,BUD SHING RLAN DANG BCAS PA NYID NA DU BA THAL BA LAS SHIN TU THA DAD PA NI MA YIN NO; ,DU BA NI THAL BA LAS SHIN TU THA DAD PA MA YIN TE, SNGON PO LA SOGS PA'I DRI MA CAN DU BYED PA NI, DE LA YANG YOD PA'I PHYIR RO, ,DE'I PHYIR CHOS LA SOGS PA LA SHIN TU THA DAD PAR SKYED PA'I NUS PA NI YOD PA MA YIN PA'I NGES PAR GZUNG NGO, ,DE NYID KYI PHYIR BSHAD PA, DE DAG NYID KYI KHYAD PAR LAS, , BDE SDUG LA SOGS THA DAD YIN, ,DPER NA BLO DE NYID KYI NI, ,GSAL DANG MI GSAL THE TSOM BZHIN, ,GAL TE SHAS PA DANG BDE BA LA SOGS PA RGYU MTSUNGS PA NYID YIN NA, RNAM PAR SHES PA RNAM PAR SHES PA ZHES BYA BA DE TZAM NYID DU 'GYUR GYI, BDE BA LA SOGS PA THA DAD PAR GO CI LTAR 'GYUR ZHE NA, TSOGS PA DE NYID KYI KHYAD PAR LAS TE, 'O MA LA SOGS PAS BCUS PA'I SKYU RU RA'I 'BRAS BU'I SA BON LA SOGS PA'I TSOGS PA BZHIN NO, ,'O MAS BCU BA LA SOGS PA LHAG PA YOD KYANG SKYU RU RA'I SA BON SKYU RU RA DANG MI MTHUN PA'I 'BRAS BU SKYED PAR NI MI BYED KYI 'ON KYANG RANG BZHIN DE LAS MA 'DAS PA'I KHYAD PAR GZHAN GNAS PAR BYED PA YIN NO, ,'ON TE THA DAD PA YANG CI'I PHYIR MI SKYED CE NA, THA DAD PA NYID SKYED PAR BYED DO ZHES DE SKAD NI BRJOD PAR BYA BA MA YIN NO, ,GAL TE 'BRAS BU SKYED PAR BYED PA'I TSOGS PA THA DAD PA ZHES BYA BAR GRUB NA, DE LTA NA RGYU THA DAD PAR BSTAN PAR 'GYUR RO, ,GZHAN YANG

SHES RAB LA SOGS PA YANG CHOS LA SOGS PA LAS SKYES PA YIN TE, DES NA DE DAG KYANG BLO LAS THA DAD PAR THAL LO, ,'ON TE SHES RAB LA SOGS PA NI GOMS PA LA SOGS PA LAS YIN GYI, CHOS LA SOGS PA LAS NI MA YIN NO ZHE NA, DE LTA YIN NA BDE BA LA SOGS PA YANG 'DOD PA DANG MI 'DOD PA LA SOGS PA GOMS PA LAS YIN PA'I PHYIR CHOS LA SOGS PA DE DAG GI RGYU NYID DU MI 'GYUR RO, ,'DOD PA LA SOGS PA NYE BA NYID CHOS LAS YIN NO ZHE NA, DE LTA NA NI BDE BA LA SOGS PA CHOS LAS SKYED PAR MI 'GYUR TE, 'ON KYANG NUS PA DANG LDAN PA'I YID LA BYED PA LA SOGS PA NYID LAS YIN NO, ,NUS PA MA NYAMS PA'I YID LA BYED PA DE NI SHES PA LA YANG RGYU YIN PA'I PHYIR BDE BA LA SOGS PA TSOGS PA THA DAD PAS BSKYED PAR BYA BA MA YIN NO, ,CI STE YANG SHES RAB LA SOGS PA BDE BA LA SOGS PA'I RGYU CHOS LA SOGS PA'I RGYU CAN NI MA YIN TE, SHES RAB YOD PAR GYUR BA LAS BDE BA GANG YIN PA DE NYID CHOS LA SOGS PA'I RGYU CAN YIN NO, ,DES NA BDE BA LA SOGS PA RGYU MTSUNGS PA CAN DU MA GRUB BO ZHE NA, DE YANG LEGS PAR BRJOD PA MA YIN TE, 'DI LTAR, SHES RAB LA SOGS CHOS SOGS LAS, ,MA YIN BDE SOGS DE DAG CES, ,TSAD MA GANG LAS KHYED CAG GI ,DE NI 'GRUB PAR 'GYUR BA YIN; ,TSAD MAS MA GRUB PA'I RANG GI LUGS KYI SPROS PA BSTAN PA TZAM NI PHA ROL PO DAG DGA' BAR BYED PA MA YIN NO, ,SHES RAB LA SOGS PA NI CHOS LAS GZHAN LAS MI 'GYUR RO, ,CHOS MED KYANG GOMS PA LAS MTHONG NGO ZHE NA MA YIN TE CHOS MED NA GOMS PA DE NYID 'BRAS BU DANG BCAS PAR MI 'THAD PA'I PHYIR RO, ,BLUN PA'I PHYIR 'BRAS BU MED DO ZHE NA, 'O NA NI BDE BA LA SOGS PA YANG RGYUN GYI KHYAD PAR NYID LAS SKYES PA YIN NO, ,'DI LTAR, NGO BO NYID KYIS MA YIN LA, ,PHONGS RGYU THAMS CAD YOD NA YANG, ,SNGON GOMS LAS ZHUGS RGYUD KYI NI, ,KHYAD PAR NYID LAS BDE BA YIN, , BDE BA NI NGO BO NYID KYI KHYAD PAR GYIS GOMS PA LAS YIN TE, DAM PA MA YIN PA NYES PAR SPYOD PA RNAMS LA YANG MTHONG BA'I PHYIR DANG CHOS YOD KYANG MNYAM PA NYID MTHONG BA LA MED PA'I PHYIR RO, ,MNYAM PA NYID GOMS PA LAS PHYIN CI LOG DANG LHAN CIG PA'I CHOS NYID LAS YIN NO ZHE NA, DE LTA NA NI

, ,'O NA CHOS NUS PA MED DO, ,GOMS PA SNGON DU 'GRO BA CAN YIN PA'I PHYIR DANG SHES RAB LA SOGS PA BZHIN DU BDE BA LA SOGS PA BLO'I RANG BZHIN NYID YIN NO, ,GAL TE BDE BA LA SOGS PA NI YID LA SOGS PA LAS SKYE BA YIN LA, RNAM PAR SHES PA NI RNAM PAR SHES PA'I RGYU CAN GOMS PA ZHES BYA BA'I 'DU BYED LAS SKYES PA MA YIN NAM, DES RGYU THA DAD DO 'DI LTAR, ,BDAG GIS MTHONG BA GANG YIN TE, ,'DI ZHES RANG BZHIN RNAM SHES NI, ,SNGON GYI 'DU BYED LAS BYUNG PHYIR, ,BDE SOGS LA 'DI YOD DAM CI, ,DE NI MA YIN TE, BDE BA LA SOGS PA LA YANG 'DI RGYU YIN PA'I PHYIR RO, ,'DI LTAR BDE BA LA SOGS PA LA YANG GOMS PA'I STOBS NYID LAS SKYES PA YIN NO ZHES BYA BA 'DI NI BSTAN ZIN TO, ,CI STE YANG YID KYI BDE BA LA SOGS PA NYID 'DU BYED LAS 'BYUNG GI DBANG PO LAS SKYES PA NI MA YIN NO SNYAM NA, DE LTA NA NI 'O NA YID KYI RNAM PAR SHES PA NYID 'DU BYED LAS YIN PA'I PHYIR 'DI MTSUNGS SO, ,'ON TE DBANG PO LAS SKYES PA'I RNAM PAR SHES PA LA YANG GSAL BA LA SOGS PA'I KHYAD PAR GOMS PA LAS YIN NO ZHE NA, 'O NA NI BDE BA LA SOGS PA DBANG PO LAS SKYES PA RNAMS KYI GSAL BA LA SOGS PA YANG DE NYID LAS YIN PA'I PHYIR MTSUNGS SO, ,GZHAN YANG BDE BA LA SOGS PA NI THAMS CAD YID NYID YIN NO ZHES BSTAN ZIN TO, ,GAL TE DNGOS PO 'GA' ZHIG GZUNG BA LA YANG DE NYID LA SHES PA YANG NAS YANG DU SKYE BA'I MTSAN NYID GOMS PA'I STOBS LAS RNAM PAR SHES PA GSAL BAR RIG PA YIN NO, ,GAL TE BDE BA LA SOGS PA RNAMS KYANG SHES PA GZHAN GYIS 'DZIN NA DE'I TSE, DE 'DZIN PA GSAL BAR 'GYUR BA RIG PA YIN NA, RANG RIG PA'I PHYOGS LA'O, ,GOMS PAR BYED PA CI 'DRA BA ZHIG YIN, 'DI LTAR, GAL TE RIG PA SKYE NA NI, ,DE LA BSGOM PA CI 'DRA ZHIG ,RIG PA MA SKYES SHE NA YANG, ,DE LA BSGOM PA CI 'DRA ZHIG ,GZHAN DANG GZHAN PA'I BDE BA RIG PA SKYE BA'I PHYIR GOMS PAR RIG PA MA YIN NO, ,GAL TE YANG DANG YANG DU DE NYID DMIGS PA DE'I TSE, GOMS PAR THA SNYAD BYED PA YIN NO, ,DON GCIG NYID YIN PAS DE LA RNAM PAR SHES PA GZHAN DANG GZHAN GYIS MYONG BA NA GOMS PAR RIG PA

YIN NO ZHE NA GAL TE BDE BA YANG CI'I PHYIR GCIG MA YIN LA, YANG NAS YANG GI DON CI YIN, ,DON NI GCIG YIN YANG, YANG NAS YANG GI DON NYAMS SU MYONG BA 'JUG PAS BYAS PA YIN NO ZHE NA, DE NI MA YIN TE, GAL TE SHES PA THA DAD NA, ,YUL GCIG YIN PA GA LA RTOG ,GAL TE NGO SHES LAS SHEN, ,BDE SOGS LA 'DI MED DAM CI, ,GAL TE BDE BA GCIG MA YIN PAS DE LTAR NGO SHES PAR 'GYUR, YUL LA NI SHES PA THA DAD KYANG DE GCIG PA'I PHYIR RIG PA YIN NO ZHE NA, NGO SHES PA NI YUL LAS BYUNG BA CAN MA YIN TE, 'ON KYANG DMIGS PA LAS BYUNG BA CAN YIN NO, ,SHES PA THA DAD PA LA NI GCIG PA'I DMIGS PA MA YIN NO, ,SHES PA LA YANG NGO SHES PAR CI LTAR 'GYUR, ,DE LA DON DAM PAR NI NGO SHES PA MED DO, ,DON GCIG PAS NA DE GCIG TU SGRO BTAGS NAS SHES PA GCIG PA ZHES THA SNYAD DU BYED DO ZHE NA, 'DIR DPYAD PAR BYA STE, CI 'DI SHES PA RANG RIG PA ZHES BYA BA'I PHYOGS BRJOD DAM, 'ON TE SHES PA GZHAN GYIS RIG PAR BYA BA'AM, 'ON TE DON GYIS GO BAS RIG PAR BYA BA YIN, DE LAS CIR 'GYUR, GAL TE RANG RIG LA BRTEN NAS, ,CI LTAR NGO SHES 'GYUR BA YIN, ,THA DAD MTHONG LA DE NYID KYI TSE NA GCIG TU 'KHRUL PA MA YIN, RANG RIG PA'I PHYOGS YONGS SU GSAL BAR THA DAD PAR RIG PA LA, CI LTAR YUL THA DAD PA DAG KYANG DE NYID KYI TSE, DES BYAS PA'I RNAM PA 'KHRUL PAR 'GYUR, SHES PA GZHAN GYIS RIG PA LA YANG 'DI MTSUNGS SO, ,DON GYIS GO BAS RIG PA LA NI DON DANG RJES SU MTHUN PAR SHES PA RTOG PA YIN TE, DES NA SHES PA YANG THA DAD PA MED PA NYID DU BRTAG PAR BYA BA YIN NO, ,DE LTA MA YIN NA MI 'THAD PA'I PHYIR DON GYIS GO BA YIN NO, ,DON GYI RIG PA TZAM NYID NI, ,RIG PA TZAM DU 'JOG PA YIN, ,DON GCIG NYID NI DU MA YIS, ,GZUNG BA MIN PHYIR GCIG TU BRTAG ,DUS GZHAN DANG GZHAN DU 'BYUNG BA'I RNAM PAR SHES PA DU MA RANG GI DUS KYI DON YONGS SU GDOD PAS NI SNGA MA DANG PHYI MAR 'BYUNG BA'I DON GCIG YIN NO ZHES RTOGS PAR NUS PA MA YIN TE, GCIG GIS BYED PA MED PA'I PHYIR DANG, TSOGS PA YANG MED PA'I PHYIR RO, ,BDAG GCIG DE NI MTSAMS SBYOR CAN, ,DE LA DRAN PA YOD PHYIR TE, 'DI YI NUS PA DRAN PA DANG, ,

, ,MTSAMS SBYOR BA LA'ANG YOD PA YIN, ,DE NI DE LTA MA YIN TE, BDAG NI RTOG PA'I RANG BZHIN LA, 'DI NI RIGS LDAN MIN PAR MTHONG, ,GCIG BU YI NI RANG BZHIN 'DI, ,ZLOG PA TSAD LDAN CI LTAR YIN, ,BDAG THA DAD PA DANG THA MI DAD PA'I PHYOGS LA SKYON 'DI MED DO ZHE NA, RANG BZHIN GANG GIS THA MI DAD PA'I RANG BZHIN DES NI NGO SHES PA MA YIN NO, ,SNA TSOGS KYI DBYE BAS THA DAD PA'I PHYIR SHES PA THA DAD PA NI DE DANG THA MI DAD PA'I THA DAD PA NYID DO, ,RANG BZHIN GANG GIS SHES PA LAS THA DAD PA'I RANG BZHIN DES NI GCIG NYID YIN TE, DES NA ZLOS PA YOD PA MA YIN NO, ,'ON TE BDAG RTOGS PA MA YIN PA'I RANG BZHIN YIN NA, DE'I TSE DE SHES PAS RTOGS PAR BYED PA YIN LA, DE'ANG THA DAD PA'I PHYIR CI LTAR DES THA MI DAD PA 'DZIN PA YIN NA, DE'I PHYIR SHES PA THA DAD NA GCIG NYID 'DZIN PAR MI 'THAD PA'I PHYIR, DON GYIS GO BAS SHES PA GCIG NYID DU BRTAG PAR BYA'O, , 'O NA DON GYIS GO BAS SHES PA THA DAD PA 'DZIN PA DE LTA NA YANG SHES PA GCIG TU MI RTOGS PA DES NA CI LTAR NGO SHES PA YIN, 'ON TE DU MA 'PHRIGS PA NGO SHES PA YIN, 'ON TE DU MA 'PHRIGS PA NGO SHES PA YIN NA, DE LTA YIN NA BDE BA LA SOGS PA YANG YIN PAS DE'I PHYIR GCIG NYID KUN RDZOB TU YOD PA'I PHYIR, ,DE NYID LA YANG NAS YANG DU GOMS PAR BYED PAS BDE BA LA SOGS PA'I GSAL BA LA SOGS PA'I KHYAD PAR NI GOMS PA LAS 'GYUR BA YIN NO, ,GOMS PA LAS SKYES PA'I BDE BA LA SOGS PA YANG RTOGS PA'I RANG BZHIN BDAG NYID DO, ,GOMS PA LAS 'GRO BA LA SOGS PA YANG BSGYINGS PA LA SOGS PA'I RANG BZHIN DU 'GYUR BA MA YIN NAM, DE DAG NI BLO'I RANG BZHIN YANG MA YIN NO ZHE NA, 'DI SMRAS PA, RTOGS MIN RANG BZHIN GOMS PA LAS, ,RTOGS PA MA YIN NYID 'BYUNG 'GYUR, ,DE BZHIN RTOGS PA'I RANG BZHIN NI, ,GOMS PAS CI'I PHYIR RTOGS DNGOS MIN, ,SHES RAB LA SOGS PA YIN NO, ,CI STE YANG RTOGS PA'I RANG BZHIN GOMS PA ZHES BYA BA CI RANG RIG GOMS PA YIN NAM, 'ON TE RTOGS PA'I RANG BZHIN GYIS BZUNG BA'I DON GOMS PA YIN, GAL TE RANG RIG GOMS PA YIN NA RANG RIG DE NI MA GRUB BO, ,'ON TE PHYOGS GNYIS PA YIN NA, DE MA NGES PA NYID SRID PAS MI 'THAD PA NYID DE, RTOGS

PA'I RANG BZHIN GYIS BZUNG BA'I 'GRO BA LA SOGS PA GOMS KYANG 'GRO BA LA SOGS PA RTOGS PA'I RANG BZHI NYID DU DMIGS PA MED PA'I PHYIR RO ZHEN, 'DIR SMRAS PA, GANG ZHIG CI 'DRA GOMS 'GYUR BA, ,DE NI DE BZHIN NYID 'GYUR TE, ,BDE SOGS NANG GI MYONG BA NI, ,GOMS PA'I 'BRAS BU DE BZHIN NYID; ,BDE BA LA SOGS PA NI NANG GI MYONG BA'I RANG BZHIN DU DMIGS SO, ,BEMS PO'I RANG BZHIN YIN YANG DON GCIG LA 'DU BAS DE LTAR DMIGS SO ZHES BYA BA 'DI YANG RIGS PA LA BRTEN PA'I DGA' BA THOB PA MA YIN NO, ,DES NA RANG RIG PA NYID GOMS PAR BYAD PA DE'I PHYIR, GOMS PA RAB TU GYUR BA NI DE LTA BUR GYUR PA NYID SKYE'O, ,'O NA DANG PO NI RANG RIG PA MED PAR 'GYUR RO ZHE NA, RIGS GANG GA LAS ZHES BYA BAS DE YANG DE LTA BU YIN PA'I PHYIR RO, ,DE'I BSGOMS PA'I STOBS LAS SKYES PA NI SHES RAB LA SOGS PA BZHIN DU MYONG BA'I NGO BO NYID DO ZHES GNAS SO, ,'DIS NI, DE DANG DE MIN RANG BZHIN DNGOS, ,DE DANG DE MIN DNGOS RGYUS BSKYED, ,RNAM SHES RGYU LAS GZHAN MIN SKYES, ,GZUGS SOGS DE CIS SHES MA YIN, ,ZHES BYA BA DE YANG SPANGS PA YIN NO, ,'DI'I DON NI 'DI YIN TE, ,MIG DANG YID LA BYED PA DANG, ,MDUN NA GNAS PA'I SHING RTA LA SOGS PA'I TSOGS PA MTSUNGS PA CAN DAG PHAN TSUN LHAN CIG BYED PA NYID KYIS SKYED PA NA THAMS CAD RTOGS PA'I RANG BZHIN NAM RTOG PA MA YIN PA'I RANG BZHIN DU 'GYUR RO, ,DE LA GTZO BO DANG CIG SHOS KYI RNAM PAR DBYE BA NI 'GA' YANG MED DO ZHES BYA BA YIN NO, ,RTOGS PA DANG RTOGS PA MA YIN PA'I RANG BZHIN GYI 'BRAS BU LA NUS PA MTHONG BA CAN GYI GZUGS LA SOGS PA'I TSOGS PA DE NI GZHAN DU BSGRUB PAR NUS PA MA YIN NO, ,DE NYID KYI PHYIR DE NYID KYIS MA NGES SO ZHES NA MA YIN TE, GTAN TSIGS KYI DON GZHAN DU BRJOD PAR 'DOD PA'I PHYIR RO, ,CI LTAR BSGOM PA 'PHEL BA LAS, ,SKYES PA'I SHES RAB LA SOGS BZHIN, ,BDE BA LA SOGS RGYU DE LAS, ,DE LTAR RANG RIG CIS MA YIN, ,GANG CI LTAR GOMS PA DE LTA BU NYID DU 'GYUR RO ZHES BYA BA TSAD MA'I DON TO, ,GZUGS LA SOGS PA DAG NI RANG GI RANG BZHIN DU GOMS PAR MI SRID DO, ,RE ZHIG SHES RAB LA SOGS PA'I KHYAD PAR DON GYIS GO

, ,BAS RTOGS PAR BYA BA YIN PA DES DE BDAG DANG 'DU BA YIN NO ZHES CI LTAR RTOGS PAR BYA, DON GYIS GO BAS NI GANG MED PAR GANG MI 'THAD PA DE RTOGS PA 'BA' ZHIG TU ZAD DO, ,BDAG DANG 'DU BA CAN DANG, RTOGS PA'I RANG BZHIN MED PA'I PHYIR MI 'THAD PA CUNG ZAD KYANG MED DO, ,'ON KYANG GANG GI PHYIR DON LKOG TU GYUR PA MA YIN PAR 'GYUR BA GZHAN 'GA' ZHIG KYANG YOD DGOS SO ZHES BYA BA TZAM DU 'GYUR RO, ,DES NA CI LTAR BDAG DANG 'DU BA CAN LA SOGS PAR RTOGS, DE'I PHYIR GANG GIS NANG NYID DU RTOGS PAR 'GYUR BA BDAG GIS 'DI LTAR RTOGS SO ZHES SKYE BOS RTOGS PA NANG NYID DU GOMS PAR BYAS PA YIN NO ZHES BYA BA LAN YIN NO, ,GANG DAG BLO BLO GZHAN GYI MNGON SUM YIN PAR SMRA BA DE DAG GI LTAR NA YANG, DE BDAG DANG 'DU BA CAN DANG RTOGS PA'I RANG BZHIN DU SNANG NGO ZHES GDON MI ZA BAR KHAS BLANGS TE, DE LTA MA YIN NA DON GZHAN TZAM KHO NAR 'GYUR GYI 'DZIN PAR BYED PA NYID DU NI MI 'GRUB PA KHO NA'O, ,DE'I PHYIR 'DI MNGON SUM GZHAN LA DE LA GNAS PA 'DZIN PA'I RANG BZHIN DU SNANG BA'I YIN NO, ,DE LTA YIN DANG DE LA YANG DON DE SNANG BAR 'GYUR NA, ZHIG PA CI SNANG BAR 'GYUR, BLO 'BA' ZHIG SNANG NA 'DZIN PAR BYED PA POR CI LTAR SNANG, BDAG LA SOGS PA YANG DE BZHIN NO ZHES BSHAD BA NA, BDAG DANG 'DU BA NYID DAM, DE'I BDAG NYID SGRO 'DOGS PA THOG MA MED PA'I DUS CAN SKYE BA'I PHYIR RO ZHES BYA BA LAN DU 'GYUR RO, ,DE LTA YIN DANG DUS DE LTA BU NYID DU GO MAS PA'I STOBS LAS SKYES PA'I SHES RAB LA SOGS PA'AM BDE BA LA SOGS PA'I YANG RTOGS PA'I RANG BZHIN KHO NA'O, ,GAL TE DE LTA NA'ANG GZHAN DAG BLO LA SOGS PA MYONG BA'I RANG BZHIN DU KHAS MI LEN PA MA YIN NAM ZHE NA, GAL TE MYONG BA MA YIN NA MNGON SUM NYID DANG NANG NYID DU MI 'GYUR RO ZHES BSTAN ZIN TO, ,RANG RIG PA YIN NA NI DE LTA BUR GYUR PA'I BDAG NYID DANG, DON YANG GSAL BAR BYED PA'I GSAL BA DE YONG PA YIN PAS 'DI NYID RIGS PA YIN NO, ,CI STE BDE BA LA SOGS PA GOMS PA'I STOBS LAS SKYE BA CAN YIN YANG BDAG DANG 'DU BA CAN KHO NA YIN PAS DON GCIG LA 'DU BA CAN GYI RNAM PAR SHES PAS GZUNG BA YIN NO, ,DES NA

RTOGS PA DANG 'DRES PA NYID KYIS RTOGS PA'I RANG BZHIN DU SNANG GI RTOGS PA'I NGO BO NYID YIN PAS NI MA YIN NO ZHES DE LTAR CI STE MI RTAG CE NA, 'DI LA BRJOD PA, THOG MED GOMS PA'I NGO BO LAS, ,'DI NI DE LTAR YIN ZHES GNAS, ,DE LAS TSUL GZHAN RNAM RTOG NI, ,'JIG RTEN GYIS NI NGES PA MED, , BSGOMS PA'I STOBS LAS DE LTAR SKYES SO ZHES RTOGS PA'I GANG YIN PA DE LA 'DI NI 'DI DANG 'DI LTA BU YIN NO ZHES LUGS GZHAN 'JIG RTEN LA SKYE BA 'DI MI THOB BO, ,'ON KYANG 'DI CI LTAR BSGOMS PA'I STOBS LAS MTHONG BA DE NI DE KHO NA LTAR YIN NO ZHES THA SNYAD DU BYED DO, ,DON GCIG LA 'DU BAR BRTAGS PA LA DGOS PA YANG CI ZHIG YOD, GAL TE BDAG LA 'DU BAR MI 'DOD NA, 'O NA BDE BA DE SU'I YIN ZHE NA, DE LTA NA 'O NA GAL TE DE GZHAN DU 'DU BAR MI 'DOD NA BDAG DE SU'I YIN, BDAG NI RANG DBANG RTAG PA'I PHYIR, ,GZHAN LA CI LTAR DER RAG LAS, ,BDE SOGS RNAMS NI MI RTAG PAS, ,GZHAN LA RAG LAS YIN PAR RTOG ,BDAG NI RTAG PAS NA RANG DBANG YIN PA'I PHYIR, MI BRTEN PAR 'THAD PAS DE LTAR 'THAD KYI BDE BA LA SOGS PA NI YON TAN DANG MI RTAG PA YIN TE, DE'I PHYIR DE DAG NI, GDON MI ZA BAR BRTEN PA NYID DU 'GYUR DGOS SO ZHE NA DE NI MI BZANG STE, 'DI LTAR, RTEN YOD NA NI YON TAN YIN, ,YON TAN YOD NA'ANG RTEN GNAS TE, ,DE LTAR PHAN TSUN BRTEN PA'I PHYIR, ,GCIG KYANG RNAM BAR GNAS MI 'GYUR, ,GAL TE DANG PO YON TAN NYID, ,GRUB NA DE'I TSE YON TAN BRTEN PA YIN PAR 'GYUR BA YIN NO ZHES BYA BA'I RTOG PA 'JUG PA ZHIG NA, DE NI MA GRUB STE, GRUB PA NI GZHAN LA BRTEN PA YIN PA'I PHYIR RO, ,RTEN DANG BRTEN PA'I DNGOS PO NI 'GA' YANG MED DO ZHES 'DI NI BSTAN ZIN TO, ,GZHAN YANG BDAG NI RANG DBANG YIN TE, RTAG PA'I PHYIR RO, ,BDE BA LA SOGS PA NI MA YIN TE, BZLOG PA'I PHYIR RO ZHES BRJOD PA, MI RTAG NA YANG RGYU LAS NI, ,SKYES PA'I PHYIR NA LTOS PA MED, ,DE LA BYA RGYU MED PA'I PHYIR, ,GZHAN LA JI LTAR RAG LAS 'GYUR, ,GAL TE MA SKYES PA NYID YIN NA DE CI LTAR GZHAN LA RAG LAS, 'ON TE RGYU 'GA' ZHIG LAS SKYES NA DE LTA NA YANG DE GZHAN LA RAG LAS PA CI YOD, RANG GI 'BRAS BU SKYED PA LA GZHAN LA RAG LAS SO ZHE NA DE'I RANG GI

, ,'BRAS BU BSKYED PA NI RANG GI RGYU NYID LAS YIN PA'I PHYIR GZHAN LA RAG LAS PA NYID DU MI 'THAD DE, SPROS PAS CHOG GO, ,DE'I PHYIR BDE BA LA SOGS PA NYID RANG DBANG YIN LA RAG MOD, RTEN BDAG BRTAGS PAS CI ZHIG BYA, BDE BA LA SOGS PA RANG RIG PA MA YIN NA, PHAN 'DOGS PAR BYED PA NYID DU YANG CI LTAR 'GYUR, DON GCIG LA 'DU BA CAN GYI RNAM PAR SHES PAS MYONG BAR 'GYUR RO ZHE NA 'DIR SMRAS PA, CI DON GCIG LA 'DU BA CAN GYI DBANG PO LAS SKYES PA'I RNAM PAR SHES PA RIG GAM, 'ON TE GZHAN GYIS, RE ZHIG DBANG PO'I RNAM PAR SHES PAS NI MA YIN TE; 'DI LTAR, DON GANG NYE BAS BLO DANG NI, ,BDE SOGS DE DAG SKYES GYUR PA, ,DE BOR NAS NI BDE SOGS NYID, ,DES NI JI LTAR RTOGS PAR 'GYUR, ,MIG LA SOGS PAS GZUGS LA SOGS PA LA SBYAR BA, GZUGS LA SOGS PA LA MNGON PAR PHYOGS PA DBANG PO'I BLO GANG YIN PA DE NYID CI LTAR BDE BA LA SOGS PA KHO NAR RTOGS PA YIN, BDAG GI MIG BDE BA LA ZHUGS SO SNYAM PA'I BLO NI MED DO, ,'ON TE BDE BA 'DZIN PA'I RNAM PAR SHES PA GZUGS NYID LA ZHUGS PAS 'JUG PAR 'GYUR NA, DE LTA YIN NA HA CANG THAL BAR 'GYUR RO ZHES BSTAN PA YIN TE, RJES SU DPAG PA YANG MIG LA BRTEN PA LA SOGS PAR THAL BAR 'GYUR RO, ,'ON TE DBANG PO'I RNAM PAR SHES PA LAS 'DZIN PAR BYED PA'I RNAM PA GZHAN MA DMIGS PA DES NA DE NYID KYIS YIN PAR BRJOD DO ZHE NA, 'O NA RNAM PAR BRTAG PAR BYA BA YANG DUS MTSUNGS PA'I DBANG PO'I SHES PAS GZUNG BA YIN PAR 'GYUR RO, , RJES SU DPAG PAR BYA BA LA YANG THAL BAR 'GYUR RO ZHES KYANG BRJOD PA YIN TE, DER 'DZIN PA'I RNAM PA GZHAN DMIGS PA NI MED DO, ,'ON TE GZUNG BA'I RNAM PA LAS DE LTA BU'I 'DZIN PA RTOG PA YIN NA RNAM PAR BRTAG PAR BYA BA'I SGRA LA YANG 'DI MTSUNGS SO, ,BDE BA LA SOGS PA LA YANG 'DZIN PA'I RNAM PA CI STE MI RTAG CE NA, GZUNG BAR BYA BA NYID DU MYONG BA MED PA'I PHYIR RO, ,DON GCIG LA 'DU BA CAN YIN YANG 'DZIN PAR BYED PA GZHAN GYIS GZUNG BA'I PHYIR GZUNG BA NYID MED PA YIN NO ZHES BRJOD PAR NI MI NUS SO, ,GCIG TU 'DRES PA NYID DU RTOGS PA'I PHYIR RO ZHE NA, 'O NA NI DE BDAG GAM,

BDE BA'AM, BLO 'GA' YANG MA YIN TE, GCIG GI YANG RANG GI NGO BO MA BZUNG BA'I PHYIR RO, ,BDE BA'I RNAM PA NYID 'BA' ZHIG MYONG BA YIN NO, ,MYONG BA MA YIN PA'I BDE BA GZHAN YANG YOD DO ZHE NA MA YIN TE, NYE BAR 'JOG PA GZHAN MA DMIGS PA'I PHYIR TE, SHING LA GONG BU'I RNAM PAR RTOG PA BZHIN NO, ,'ON TE NYE BAR 'JOG PA GZHAN RJES SU DPAG PAS BSGRUB PA YIN TE, GANG ZHIG RTOGS PA DE NI GZHAN GYIS NYE BAR GZHAG PA YIN TE, GONG BU BZHIN NO ZHE NA MA YIN TE, PHYI ROL GYI DON MED PAR THAL PA'I PHYIR TE, NYE BAR 'JOG PA BAG CHAGS SRID BA'I PHYIR RO, ,DE'I PHYIR GANG ZHIG CI LTAR RTOGS PA DE NI DE KHO NA LTAR KHONG DU CHUD PAR BYA BA YIN GYI DE RJES SU DPAG PAS GZHAN DU GZHAG PAR BYA BA NI MA YIN NO, ,DES NA PHYI ROL GYI DON RANG GI NGO BOS GZUNG BAR BYA BA NYID DU RTOGS PA NI DE BZHIN DU RNAM PAR GZHAG PA YIN TE, RNAM PAR 'JOG PA NI RTOGS PA TZAM LA RAG LAS PA YIN PA'I PHYIR RO; ,BDE BA LA SOGS PA NI GZUNG BAR BYA BA NYID DU MA DMIGS TE, DES NA RANG RIG PA YIN NO, ,'ON TE BDAG DANG YID 'BREL PA TZAM LAS SKYES PA'I SHES PA BDE BA LA SOGS PA'I 'DZIN PAR BYED PA YIN GYI, DBANG PO LAS SKYES PA NI MA YIN NO ZHE NA, DE LTA YIN NA SHES PA DUS GCIG TU MI SKYE BA'I PHYIR RIM GYIS 'DZIN PAR 'GYUR RO, ,DE'I PHYIR, RIM GYIS 'DZIN NA DE MYONG BA, ,RNAM CHAD MED PAR SNANG MI 'GYUR, ,RIM GYIS 'DZIN PAR KHAS LEN NA BDE BA LA SOGS PA'I BLO RNAM PAR CHAD PA MED PAR SNANG BAR MI 'GYUR RO, ,RIM PA NI 'DI NYID DE LHAN CIG 'BYUNG BA MA YIN NO ZHES BYA BA GANG YIN PA'O, ,BDE BA LA SOGS PA 'DZIN PA NI GZUGS LA SOGS PA 'DZIN PA DANG LHAN CIG TU DMIGS SO, ,DE LA LHAN CIG TU 'DZIN PA DANG, LHAN CIG TU MI 'DZIN PA ZHES BYA BA NI 'GAL LO, ,'GAL BA DAG NI GCIG LA SRID PA YANG MA YIN NO, ,MGYOGS PHYIR ZHE NA DE MTSUNGS PHYIR, ,MYONG BA MED PA CIS MA YIN, ,GAL TE BDE BA 'DZIN PA MGYOGS PAR 'JUG PA'I PHYIR RNAM PAR MA CHAD PAR RTOGS PA YIN NO, ,RTOGS PA KHO NA STE BAR MA GTOGS PA YIN NO ZHE NA MYUR BA DE NI BDE BA LA SOGS PA MI 'DZIN PA LA YANG MTSUNGS PA'I PHYIR BDE BA LA SOGS PA DANG GZUGS MI 'DZIN PA NYID RNAM PAR

, ,MA CHAD PAR THAL LO, ,'ON TE MI 'DZIN PA YANG RNAM PAR MA CHAD PAR SNANG BA NYID DE, 'DI LTAR BDE BA MI 'DZIN PA NYID NI, GZUGS 'DZIN PA LAS GZHAN MA YIN, GZUGS MI 'DZIN PA'ANG BDE BA 'DZIN PA LAS GZHAN YOD PA MA YIN NA, DES NA BDE BA MI 'DZIN PA RNAM PAR CHAD PA MED PAR 'GYUR RO ZHES BYA BA'I DON 'DIR 'GYUR TE, GZUGS LA SOGS PA 'DZIN PA RNAM PAR MA CHAD BAR 'GYUR RO ZHES BYA BA YIN NA DE NI YIN PA NYID DO, ,DE BZHIN DU BZLOG PA LA YANG BRJOD DO, ,DE'I PHYIR 'DZIN PA MED PA RNAM PAR MA CHAD PAR 'GYUR RO ZHES BYA BA 'DI NI GRUB PA LA SGRUB PA YIN NO ZHE NA, 'DIR BRJOD PA, GCIG GI DNGOS PO GANG YIN BA, ,GZHAN DAG MED PA YIN PAR BRJOD, ,DE NI DE YIS DBEN PAS NA, ,DE MED PAR NI RIG PHYIR RO, ,'DI RANG GI NGO BOS NI GANG YANG MED PA MA YIN GYI, 'ON KYANG DES DBEN PAS YIN NO, ,DES NA GZUGS 'DZIN PA BDE BA 'DZIN PAS DBEN PAR DMIGS PA YIN NO ZHES KHAS LEN PA NA DES DBEN PAR 'DZIN PA DE MYUR BA YIN PA'I PHYIR DE RNAM PAR MA CHAD PAR YOD PAS JI LTAR BDE BA RIG PA YIN, BDE BA 'DZIN PA LA YANG TSUL 'DI NYID YIN PA'I PHYIR GNYI GA MI 'DZIN PAS NA, 'DZIN PA MED PA NYID DU CI STE MA YIN ZHES BYA BA LEGS PAR BRJOD PA YIN NO, ,GZHAN DU GZHAN DMIGS NA YANG DE SA DBEN PA 'DZIN PA MA YIN NO, ,DE'I RANG BZHIN DER ZHUGS PA'I PHYIR RO ZHE NA MA YIN TE, PHAN TSUN RANG BZHIN RJES SU ZHUGS PA 'DZIN NA, RIM GYIS 'DZIN PA MA YIN TE, DUS GZHAN MNYAM PAR 'DZIN PA LA YANG YOD PA'I PHYIR TE, YAN LAG DANG YAN LAG CAN DAG DUS MTSUNGS PAR 'DZIN PAR KHAS BLANGS PA'I PHYIR RO, ,GAL TE THAG RING PO NAS BAR DANG BCAS PA'I SGRA DU MA 'DZIN PA NA BAR 'DZIN PA MED KYANG SGRA'I RANG BZHIN GZUNG BA NYID DO, ,DE LA CI LTAR SGRA'I RANG BZHIN BAR MED PAR 'DZIN PAS DE'I PHYIR MI 'DZIN PA LA GNOD KYI, DE BZHIN DU BAR 'DZIN PA MED PAS NI SGRA 'DZIN PA LA MI GNOD PA DE BZHIN DU 'DIR YANG BAR MI 'DZIN PA'I GNOD PAR BYED PA MA YIN NO ZHE NA 'DIR BRJOD PA, DE LA BAR CHAD 'DZIN PA NI, ,YOD MIN CI LTAR GNOD BYED YIN, ,MED PAR GNOD PAR BYA MIN LA, ,'DOD

MIN 'JIG RTEN 'DOD PAR ZAD, ,CI'I PHYIR BAR CHAD 'DZIN PA MED CE NA, 'DI NI DNGOS PO RNAMS KYI NUS PA YIN TE, CI ZHIG BRGAL ZHING BRTAG ,DES NA BAR CHAD 'DZIN PA MA SKYES PA NI GNOD PAR BYED PA MA YIN ZHING, GNOD PAR BYA BA YANG MA YIN GYI 'ON KYANG 'DI NI RNAM PA CI ZHIG LTAR 'JIG RTEN GYI GRAGS PA LAS 'ONGS PA'I THA SNYAD TZAM DU ZAD DO, ,DER NI BDE BA DANG GZUGS LA SOGS PA 'DZIN PA'I MA SKYES BA MA YIN PA'I PHYIR MI 'THAD PA CUNG ZAD KYANG MED DO, ,DE LTA YIN NA RIM GYIS 'DZIN PA MI SRID PAR 'GYUR RO, ,'DZIN PA NI YOD PA KHO NA STE, DE LA 'DZIN PA GZHAN MA SKYES PA YIN NO ZHE NA DE NI MED DE, 'DZIN LA 'DZIN BYED GZHAN YOD MIN, ,'DZIN PA PO LA 'DZIN PO GZHAN, ,DE LTAR GZHAN GYIS KYANG 'DOD BYA, ,DE LTA MIN NA CAL COL NYID, ,'DZIN PAR BYED PA NI RANG GSAL BA'I BDAG NYID DU 'GYUR DGOS LA, 'DZIN PAR BYED PA PO BYED PA'I BDAG NYID DAM, BYED PA PO LA NI 'DZIN PAR BYED PA GZHAN 'DOD PA YIN NO, ,'DZIN PAR BYED PA GSAL BA MA YIN PA NI DON THAMS CAD MI GSAL BAR 'GYUR RO, ,GAL TE DBANG PO'AM GZHAN LAS 'DZIN PAR BYED PA RANG GSAL BA YIN NA, DA NI 'DZIN PA PO GZHAN GYIS CI BYA ZHE NA, SKYON GZHAN 'DI NI YOD PA NYID NA RANG NYID GSAL BA MED PAR 'DZIN PA ZHES BYA BA NI MED DO, ,DE GZHAN GYIS GSAL BAR YIN NO ZHE NA, GSAL BAR BYED PA GZHAN YANG LKOG TU GYUR PA NYID PAS DE GZHAN GYIS YIN PA'I PHYIR, 'GRO BA MTHA' DAG LONG BA NYID DU 'GYUR RO ZHES STON PAR 'GYUR RO, ,PHAN TSUN DUS THA DAD PAR SKYES PA SNANG BAR 'GYUR BA DE DAG CI LTAR PHAN TSUN GNOD PAR BYED PA MA YIN TE DE'I PHYIR 'DI NI GYI NA'O, ,'ON TE BDE BA 'DZIN PA LA NI GNOD PAR 'GYUR BA NYID DE, RES 'GA' GZUGS LA SOGS PA 'BA' ZHIG 'DZIN PA'I PHYIR RO, ,'DI LTAR RES 'GA' YID 'PHROG PA'I GZUGS MTHONG YANG BDE BA MYONG BA MED PA YIN NO, ,DES NA SKRA'I 'DZIN PA LTAR BDE BA 'DZIN PA YANG MA SKYES PA'I PHYIR GNOD PAR RNAM PAR GZHAG GO ZHE NA 'DI YANG BZANG PO MA YIN TE, 'DI LTAR, CI LTAR SKRA'I BAR 'DZIN PA LTAR, ,KUN TSE CI PHYIR GNOD MA GYUR, ,DE TSE BDE BA LA SOGS PA, ,BAR DU SKYE BAR 'JIG RTEN

, ,'DOD; ,CI LTAR SKRA 'DZIN PAS BAR 'DZIN PAR THAMS CAD KYI TSE, GNOD PA DE BZHIN DU GZUGS LA SOGS PA 'DZIN PAS KYANG BDE BA LA SOGS PA 'DZIN PA LA 'GYUR RO, ,DON DAM PAR NA NI DE SKRA 'DZIN PA YANG MA YIN TE, SKRA'I RANG BZHIN RTOGS PA MA YIN PA'I PHYIR RO, , GANG GI TSE BDE BA MA RTOGS PAR GZUGS LA SOGS PA 'BA' ZHIG 'DZIN PA DE'I TSE NI BDE BA MA SKYES PA NYID YIN GYI, SKYES PA MA BZUNG BAS 'BA' ZHIG BA ZHES RNAM PAR 'JOG PA NI MA YIN NO, ,MA DMIGS PA'I PHYIR MA SKYES PAR THA SNYAD BYED PA YIN NO ZHE NA, DA NI SKYES BA LAM SKYES BAR THA SNYAD DU 'GYUR TE, DES NA MA DMIGS PA YANG MA YIN NO, ,DES NA GANG GI TSE BDE BA LA SOGS PA 'DZIN PA'I SKYES PA DE NYID KYI TSE BDE BA LA SOGS PA SKYES PA YIN PAS DE'I TSE NI GZUGS LA SOGS PA 'DZIN PAS ZIL GYIS NON PA MA YIN NO, ,KHYED KYI GZHUNG LTAR NA NI SKRA'I BAR 'DZIN PA LTAR 'GYUR RO; ,'ON TE DBANG PO'I BLO GCIG NYID DON DANG BDE BA LA SOGS PA 'DZIN PA LA 'JUG PA YIN TE, DES NA RIM GYIS 'DZIN PA'I NYES PA NI MI 'GYUR RO ZHE NA, DE NI MI RUNG NGO ZHES 'CHAD PA NI, GCIG GIS GNYIS SHES MA YIN TE, ,DBANG PO'I SEMS NI DES PHYIR DANG, ,BDE SOGS MED KYANG DON DAG LAS, ,SKYES PHYIR DE NUS GRUB MIN PHYIR, ,GAL TE DBANG PO'I BLO GCIG NYID KYIS DON DANG BDE BA LA SOGS PA 'DZIN NA RIGS PA ZHIG NA, DE LTAR YANG MA YIN NO ZHES BSTAN PA YIN NO, BDE BA LA SOGS PA NI BDAG DANG YID 'BREL PA TZAM LAS SKYES PA DBANG PO LAS SKYES PA MA YIN PA'I SHES BAS 'DZIN PAR KHAS BLANGS PA'I PHYIR RO, ,'ON TE 'GA' ZHIG DE LTAR KHAS MI LEN NO ZHE NA DE YANG NUS PA MA YIN TE, DBANG PO'I BLO NI BDE BA LA SOGS PA MED KYANG DON 'BA' ZHIG NYID LAS SKYE BA'I PHYIR, BDE BA LA SOGS PA'I RGYUR NGES PAR MI 'DZIN PA'I PHYIR RO, ,GANG ZHIG NUS PA GZHAN YOD KYANG GANG ZHE NA, MI 'BYUNG BA DE NI DE'I RGYU NYID DU NGES PAR 'DZIN PA YIN NO, ,DBANG PO'I SEMS NI GZUGS LA SOGS PA'I TSOGS PA YOD KYANG BDE BA LA SOGS PA MED NA MI SKYE BA NYID MA YIN NO, ,CI STE GANG GI TSE SNGON PO SER PO DANG LHAN CIG DBANG PO'I RIG PA LAS SNANG BA'I

TSE; DE'I TSE DE LA NUS PA MED PAR 'GYUR TE, SNGON PO MED KYANG DE SKYE BA'I PHYIR RO, ,DE LTA MOD KYI DE NI DE LA NUS PA YIN NO, ,'ON TE SNGON PO DANG SER POR SNANG BA'I DBANG PO'I SHES PA SER PO 'BA' ZHIG LAS MI SKYE'O ZHE NA, DE LTA NA NI 'O NA BDE BA DANG GZUGS SU SNANG BA YANG GZUGS 'BA' ZHIG LAS MA YIN PAS RIGS PA MTSUNGS SO ZHE NA, 'DI LA NI SNYING PO MED DE, SNGON PO DBANG PO'I RNAM SHES LA, ,NUS PA SO SOR MTHONG BA'I PHYIR, ,TSOGS LA'ANG NUS GRUB DE LA NI, ,DE LTAR RTOGS PA YOD MA YIN, ,KHAS BLANGS NA YANG, GNYIS KYI SO SO SO SOR YANG, ,NUS PA YIN NA SNGO SOGS BZHIN, ,BDE SOGS 'BA' ZHIG 'DZIN PAR 'GYUR, ,DE RGYU'I DON NI MA BZUNG BAR,, DE MYONG BAR NI MI RIGS SO, ,BDE BA LA SOGS PA DANG BRAL BA'I GZUGS LA SOGS PA 'BA' ZHIG LAS DBANG PO'I RNAM PAR SHES PA DE SKYE BA MTHONG BA DANG, 'GA' ZHIG 'DOD PA YANG YIN NO, ,RNAM PAR SHES PA'I SNGON ROL DU NI GZUGS LA SOGS PA LTAR BDE BA LA SOGS PA YOD PA MA YIN TE, DE NI RNAM PAR SHES PA DANG LHAN CIG NYID DU GZUGS LA SOGS PA DE NYID LAS SKYE BA'I PHYIR RO, ,'ON TE DUS MTSUNGS PAR 'BYUNG BA YIN YANG LHAN CIG 'BYUNG BA'I RGYU YIN PA NYID DU 'DOD DO ZHE NA, DE NI MI RUNG STE LHAN CIG 'BYUNG BA'I 'BRAS BU NI PHAN TSUN 'BREL BAR 'GYUR GYI, RIG BYA RIG BYED KYI DNGOS POR NI MA YIN NO, ,RIG PA'I RANG BZHIN MIN PA NI, ,PHAN TSUN 'DZIN PAR BYED PA MIN, ,RANG RIG PA YI RANG BZHIN YANG, ,PHAN TSUN 'DZIN PAR BYED PA MIN, ,RANG GI RGYU LAS MNGON PHYOGS PAS, ,DUS MTSUNGS PA NYID YIN NA YANG, ,GZHAN SHIG PA YI BDAG NYID KYIS, ,GAL TE 'DZIN PA YIN 'DOD NA, ,BDE BA LA NI MNGON PHYOGS DE, ,CI LTAR DBANG PO LAS SKYES 'DOD, ,DE LA DBANG PO'I BYED PA NI, ,RIG BYED DE NI SNGAR BSHAD ZIN, ,GZHAN YANG SO SOR NUS PA YIN NA, BDE BA LA SOGS PA 'BA' ZHIG 'DZIN PAR 'GYUR TE, SNGON PO NYID BZHIN NO, ,'DZIN PA YANG KHO NA'O ZHE NA DE NI MA YIN TE, GZUGS LA SOGS PA BDE BA'I RGYU MA BZUNG BAR NI BDE BA 'DZIN PAR MI RIGS SO, ,RIG PAR BYA BA NYID KYANG 'THAD PA MA YIN PA KHO NA'O, ,NA CHUNG SGEG MO RTOGS PA MED PA'I BDE BA NI 'GA' YANG DON DU GNYER BA MA YIN TE,

, ,'DOD PA CAN GYI SKYE BO MTHA' DAG NI DE NYID KYIS BDE BA 'DOD PA YIN NO, ,DE LTAR YANG MA DMIGS SO, ,'ON TE LHAN CIG PA NYID NUS PA YIN NO ZHE NA, DE LTAR NA 'ON KYANG ZLA BA GNYIS PAR YANG 'GYUR RO, ,DE NYID KYI PHYIR BSHAD PA NI, DON DANG LHAN CIG NYID 'DZIN NA, , BDE SOGS KYI NI NUS PA CI, ,GANG PHYIR DE PHYIR BLO MI 'DOD, ,RJES SU 'GRO BA DANG LDOG PA MED PAR NI NUS PA MI 'GRUB BO, ,'DOD PA YANG MA YIN TE, MIG LA SOGS PA'I BLO NI DE LAS SKYES PA PHA ROL PO DAG MI 'DOD DO, ,GZHAN YANG, DON MED PAR NI BDE LA SOGS, ,MIG SOGS RNAMS KYIS MYONG NA NI, ,GZUGS SOGS BUD MED SOGS KHYAD PAR, ,NAM YANG MIG GIS 'DZIN MI 'GYUR, ,'BA' ZHIG GIS NI GZUGS LA SOGS PA BDE BA DANG SDUG BSNGAL LA SOGS PA'I RGYU NYID DANG BUD MED LA SOGS PA'I MTHUN PA DANG MI MTHUN PA NYID DU 'DZIN PAR MI 'GYUR GYI, RGYU 'GA' ZHIG YOD DO ZHES RTOGS PAR 'GYUR RO, ,LHAN CIG BZUNG NA RGYU NYID DU RTOGS SO ZHE NA, 'O NA NI SNGON PO LA SOGS PA YANG PHAN TSUN RGYU NYID DU RTOGS PAR 'GYUR RO, ,'GYUR BA YANG MA YIN TE, DE'I PHYIR 'DI NI 'THAD PA MA YIN NO, ,GAL TE BDE BA 'BA' ZHIG MIG LA SOGS PAS 'DZIN PAR NUS PA YIN NA NI, DE'I TSE GZUGS LA SOGS PA MTHONG BA MI SKYE BA NYID DU 'GYUR RO, ,'DI LTAR, NANG GI YAN LAG NUS PA'I DON, ,YOD NA PHYI ROL MTHONG MI 'GYUR, ,GAL TE PHYI ROL DU BUD MED LA SOGS PA MA MTHONG BAR BDE BA MYONG BA NYID 'GYUR BA YIN NA NI DE'I TSE PHYI ROL MI MTHONG BAR 'GYUR TE, BDE BA MYONG BA BAR DU GCOD PA YIN PA'I PHYIR RO, ,DON 'DZIN PA YANG 'DOD PA NYID DO ZHES KHAS LEN NA DE'I TSE NYES PA GZHAN, DON 'DZIN NA DE DE LAS SKYES, ,BDE BA LA SOGS MYONG MI 'GYUR, ,'DI LTAR DON 'DZIN PA'I DUS NA GAL TE BDE BA SKYE BA YIN PA DE LTA NA YANG DE 'DZIN BA'I TSOGS PA MED DE, DBANG PO DANG DON DANG YID PHRAD PA LAS BYUNG BA'I YID KYIS NI GZUGS LA SOGS PA'I DON 'DZIN LA YID GZHAN YANG YOD PA MA YIN TE, SHES PA DUS GCIG TU SKYE BAR KHAS MI LEN PA'I PHYIR RO, ,DES NA DE LAS SKYES PA'I BDE BA LA SOGS PA MI 'DZIN PAR 'GYUR RO, ,'ON TE RNAM PAR SHES PA CIG

CAR SKYE BAR 'DOD NA DE'I TSE YANG NYES PA GZHAN YOD DO ZHES BSHAD PA NI, YUL DE DANG NI DE YOD LAS, ,BLO NI CIG CAR SKYE PA NI, ,CIG CAR DON NI YOD PA NA, ,BDE SDUG DAG NI RIG PAR 'GYUR, ,'DOD PA DANG MI 'DOD PA'I DON YOD NA, BDE BA DANG SDUG BSNGAL RIG PA DAG CIG CAR 'GYUR BA BZLOG PAR MI NUS SO, ,'DI NI MTHONG BA NYID MA YIN NAM 'DI LTAR GRANG BA'I DUS NA GRANG BA DANG, DRO BA'I REG PA MYONG BA LAS SKYES PA'I BDE BA DANG SDUG BSNGAL RIG PA NYID DO ZHE NA, DE YANG MI BDEN TE, 'DI LTAR RTAG TU 'GYUR RO SNYAM DU BSAMS PA YIN NO, ,YUL GYI ROS YID 'PHROGS PA RJE BO'I GLA'I YO BYANG BYIN PA'I GZHAN GYI DBANG DU GYUR PA, BDAG NYID 'BRAS BU DANG BCAS PAR 'DOD PA NI MTSON GYIS REG PA'I SDUG BSNGAL REG PA MA YIN NO, ,SDUG BSNGAL GYI RGYU NYE BA NA DE GDON MI ZA BAR SKYE BA YANG YIN TE, DES NA BDE BA DANG SDUG BSNGAL LHAN CIG RIG PAR THAL LO; ,'ON TE GZHAN GYIS ZIL GYIS GNON PA'I PHYIR GZHAN RIG PA MA YIN NA, DE NI MI 'THAD DE ZIL GYIS NON PA MI SRID PA'I PHYIR RO, ,CHEN PO NYID LA SOGS PA ZIL GYIS GNON ZHES BYA BA NI YANG DAG PA MA YIN TE, GLANG PO DANG SBRANG BU DAG GCIG RTOGS PA MED PAR THAL BA'I PHYIR RO; ,'DOD PA NYID KYIS ZHES BYA BA LA YANG DAG PA MA YIN TE, GNYI GA YANG LHAN CIG MTHONG BA'I PHYIR TE, BDE BA DANG SDUG BSNGAL DAG CIG CAR MYONG BAR BSGRUB PA'I PHYIR RO, ,'DU BYED PA GSAL BA LAS LA LAR YANG 'GYUR RO ZHE NA MA YIN TE, GOMS PA LAS MA GTOGS PA'I 'DU BYED PA GZHAN MA MTHONG BA'I PHYIR RO, ,BSGOMS PA'I STOBS LAS BDE BA LA SOGS PA SKYE BA YIN NA NI, DE'I TSE RTOGS PA'I RANG BZHIN NYID DO ZHES BSTAN ZIN TO, ,'ON TE YANG SHES PA NI BDE BA LA SOGS PA LA GOMS PA'I STOBS KYIS 'JUG PA YIN LA BDE BA LA SOGS PA NI GZUGS LA SOGS PA'I RGYU NYID LAS 'BYUNG BA YIN NO ZHE NA 'DI YANG RUNG BA MA YIN TE, 'DI LTAR, DNGOS PO'I STOBS LAS SKYE BA YI, ,SHES PA GANG YIN DE LA NI, ,MKHAS RNAMS GOMS PA KHAS LEN MIN, ,DE LTA ZHE NA MA 'BREL 'GYUR, ,GAL TE BDE BA LA SOGS PA DAG NYE BAR GNAS PA NYID YIN NA NI DE GOMS PA

, ,MED PAR YANG MTHONG BA KHO NA'O, ,SNGAR MA BSAMS PA'AM, MA MYONG BA GCIG NYID KYI TSE, DMIGS PA'I YUL DU MI 'GYUR BA MA YIN NO, ,DE LA YANG BAR DU GCOD PA'I GOMS PA YOD PA NYID DO ZHE NA, 'DI LA TSAD MA CI YOD, GZHAN YANG DON GYI RNAM PA GOMS PA MED PAR NI SHES PA GOMS PAR 'GYUR BA MA YIN TE, 'BA' ZHIG GOMS PAR BYA BA MI NUS PA'I PHYIR RO, ,GAL TE SHES PA GOMS PA'I STOBS KYIS SKYE BA YIN NA DON LA SOGS PA LA LTOS PA NI YOD, 'ON TE DON DANG LHAN CIG PA'I GOMS PA LAS YIN NO, ,DE LTA YIN NA DON GYI RNAM PA YANG GOMS PA'I STOBS NYID LAS SKYES PAR 'GYUR RO, ,DE LTAR GYUR NA RMI LAM LA SOGS PA BZHIN DU SHES PA DON DANG BRAL BA NYID DU 'GYUR BAS BDE BA LA SOGS PA RNAM PAR SHES PA LAS PHYI ROL PAR BSGRUB TU CHAS PA DON YANG PHYI ROL GYI RANG BZHIN MA YIN PAR BSGRUB PA'I PHYIR, GZHAN DAG GZHAN SUN 'BYIN PA LA CHER GZO'O, , BDE BA DANG SDUG BSNGAL CIG CAR 'BYUNG BA MA YIN PAR 'DOD DE, 'DI LTAR, NANG GI NYER LEN SHES PA YANG, ,YOD NA SDUG BSNGAL LA SOGS 'BYUNG, ,GCIG PO DE NI 'GAL BA YI, ,NYER LEN MIN PAR 'DOD CE NA, ,GANG GIS RNAM PAR SHES PA NI, ,MI SHES PA YI NYER LAN RGYU, ,BDAG PO NYID DU 'GYUR YIN NA, ,DE NI 'GAL BDAG LA'ANG MTHONG, ,DPER NA SNA GCIG MTSAN RGYU DANG, ,DE LAS GZHAN PA'I DBANG PO DAG ,GZUGS MTHONG BA DANG MI MTHUN DANG, ,MTHUN PA CIG CAR BYED PA BZHIN, ,GAL TE BDE BA LA SOGS PA SHES PA SNGA MA'I NYE BAR LEN PA LA LTOS NAS BYUNG BA YIN NA DE'I TSE, 'GAL BA GNYIS KYI NYE BAR LEN PA GCIG YIN PAR MI RIGS PA ZHIG NA, ,'ON KYANG DE NYID RIGS PA YIN TE, BDE BA LA SOGS PA 'GAL BA LA YANG SHES PA MTHONG NGO, ,'ON TE 'GAL BA'I NYE BAR LEN PA MA YIN NO ZHE NA, DE LTAR YIN NA RNAM PAR SHES PA RNAM PAR SHES PA MA YIN PA'I NYE BAR LEN PAR CI LTAR 'GYUR, NYE BAR LEN PA'I DNGOS PO ZHES BYA BA MA YIN GYI, RGYU RNAMS LA 'BRAS BU'I BDAG BO NYID YIN PA 'BA' ZHIG TU ZAD LA DE NI 'GAL BA LA YANG YOD PA NYID DO, ,DPER NA SNANG BAG CHAGS GCIG LAS 'UG PA DANG GZHAN DAG GI MIG LA GNOD PA DANG, CIG SHOS SU 'GYUR BA BZHIN NO, ,DE'I PHYIR BDE

SOGS RANG NYID LA, ,'PHOS PA'I DON NI SNANG BA DANG, ,RANG BDAG RIG BYED 'DI DAG GI ,DON LAS SKYES PA TZAM DU ZAD, ,GAL TE BDE BA LA SOGS PA'I RTOGS PA'I BDAG NYID MA YIN NA, GZUGS LA SOGS PA LAS RNAM PAR SHES PA DANG DUS MTSUNGS PAR SKYE BA YIN NA, DE'I TSE RTAG TU 'DOD PA DANG MI 'DOD PA'I YUL MNGON DU GYUR PAS BDE BA DANG SDUG BSNGAL CIG CAR RIG PAR 'GYUR RO, ,KHYED KYI LTAR NA YANG CI STE DE LTAR MI 'GYUR ZHE NA, MA YIN TE, BAG CHAGS SAD PA DE DANG 'DRA BA MED PA'I PHYIR RO, ,GZUGS LA SOGS PA'I RNAM PAR RTOG PA BZHIN TE, 'GA' ZHIG GI TSE NYID 'GA' ZHIG BAG CHAGS SAD PA'I RGYU YIN NO, ,NGED LA YANG DE LTAR YIN NO ZHE NA MA YIN TE 'DI LTAR, BAG CHAGS STOBS LAS BYUNG NA NI, ,RTOG PA NYID DU THAL BAR 'GYUR, ,BAG CHAGS DRAN DANG NGO SHES PA, ,NYID KYI RGYU NI YIN PAR MTHONG, ,GAL TE DRAN PA LA SOGS PA YANG RANG GI NGO BOS RIG PA MED PA NYID MA YIN NAM; DE LA YANG DON NYID SNANG BA'I PHYIR RO, ,DE LA NI KHA DOG DANG DBYIBS KYI BDAG NYID DON GYI RANG BZHIN NYID SNANG GI ,DER YANG SHES PA'I RANG BZHIN GZHAN NI RIG PA'I YUL DU 'GYUR BA MA YIN NO, ,DE'I PHYIR BLO MTHA' DAG NI LKOG TU GYUR PA 'BA' ZHIG GO ZHE NA, GAL TE DER NI YOD PA YI, , DON NYID SNANG BA'I SPYOD YUL NA, ,DON DE MNGON SUM BZHIN DU NI, ,'DZIN PA DANG NI 'BREL PAR 'GYUR, ,RANG GI NGO BOS SNANG BA'I DON NI MNGON SUM MA YIN PAR 'OS PA MA YIN TE, RANG GI NGO BOS SNANG BA NYID MNGON SUM YIN PA'I PHYIR RO, ,MNGON SUM GYI MTSAN NYID GZHAN MED PA'I PHYIR RO, ,DE LTAR GYUR NA MNGON SUM DANG DRAN PA DAG KHYAD PAR MED PAR 'GYUR RO, ,'ON TE SNGA MA NYID DANG LKOG TU GYUR PA NYID DU SNANG BA DES NA NYEN PA 'DI MED DO ZHE NA, LKOG TU GYUR PA ZHES BYA BA 'DI CI ZHIG ,DE MNGON SUM GYIS NI DMIGS PA MA YIN NO, ,MNGON SUM GYIS NI DMIGS 'GYUR BA, ,DRAN PA NYID LA 'JUG PA YIN, GZHAN PA SNGAR MED RANG BZHIN NI, ,'DZIN NA JI LTAR DRAN PA YIN, ,DRAN PA NI MNGON SUM GYIS DMIGS PA LA 'JUG PA YIN TE, DE LTA MA YIN TE, SNGA NA MED PA GZUNG BA YIN NA CI LTAR DRAN PA YIN, SNGON MED PA'I YUL CAN NI DRAN PA MA YIN NO, ,'ON TE GZUNG BA'I DON NYID LA LKOG TU GYUR PAR 'DZIN

, ,BA'I PHYIR DE DRAN PA YIN PAR 'DOD NA DE YANG MI RUNG STE, LKOG NYID DON GYI NGO BO'AM CI, ,CI GA SHES PA'I NGO BO YIN, ,DON GYI RANG BZHIN NYID CE NA, ,MNGON SUM LA NI DE SNANG 'GYUR, ,DON GYI RANG BZHIN GANG YIN PA DE NI MNGON SUM LA SNANG BAR 'GYUR TE, DPER NA SNGON PO NYID LA SOGS PA BZHIN NO, ,GAL TE NUS PA NGES PA'I PHYIR DRAN PA NYID LA SNANG BA YIN TE, DPER NA DNGOS PO YOD PA DANG MED PA'I BDAG NYID LA YOD PA'I RANG BZHIN NI MNGON SUM 'DZIN CING DNGOS PO MED PA'I RANG BZHIN NI RANG BZHIN GZHAN GYI DNGOS PO MED PA'I TSAD MA'I SPYOD YUL DU 'GYUR PA BZHIN NO ZHE NA, DE YANG RANG GI PHYOGS SU LTUNG BA YIN TE 'DI, DNGOS MED DNGOS PO YIN NA NI, ,CI LTAR MNGON SUM GYIS MI 'DZIN, ,DE LAS DE NI THA DAD NA, ,DNGOS PO GNYI GAR CI LTAR 'GYUR, ,DNGOS PO THA DAD PA'I MTSAN NYID NI RNAM PA THA DAD PA YIN PA'I PHYIR RO, ,RNAM PA THA DAD KYANG THA DAD PA MED PA YIN NA NI, RIL RANG BZHIN GCIG TU 'GYUR RO, ,'ON TE DNGOS PO DAG GI RNAM PA THA DAD PAS DU MAR 'GYUR GYI DNGOS PO DANG DNGOS PO MED PA DAG NI MA YIN NO, ,DNGOS PO DAG NI DNGOS PO MED PA LAS THA DAD PA'I PHYIR TE, DNGOS PO DANG DNGOS PO MED PA DAG LA NI DNGOS PO MED PA GZHAN MED DO, , DE LTA MA YIN NA NI THUG PA MED PAR 'GYUR RO ZHE NA, GAL TE DNGOS MED DNGOS PO LAS, ,GZHAN MIN GZHAN 'DZIN CI LTAR YIN, ,TSAD MA THA DAD PHYIR ZHE NA, ,THA DAD MED PAR GA LAS 'DZIN, ,GAL TE DNGOS PO'I CHA NI MNGON SUM GYIS 'DZIN LA, DNGOS PO MED PA'I CHA NI TSAD MA GZHAN GYIS YIN NA, DE LTA YIN NA PHAN TSUN MA 'DRES PAR RTOGS PA'I PHYIR CI LTAR DNGOS PO DANG DNGOS PO MED PA'I BDAG NYID GCIG YIN ZHES BYA BAR RTOGS, GAL TE MIG GI RNAM SHES KYIS GZUGS RTOGS LA, GZHAN GYIS SGRA LA SOGS PA YIN NA BDAG NYID KYIS GNYI GA RTOGS SO ZHES BYED PA PO GCIG NYID DU CI LTAR RTOGS SHE NA, 'DI THOG MA MED PA'I BAG CHAGS LAS RTOGS PA YIN GYI DE KHO NA NYID MA YIN PA'I PHYIR, 'DI LA KLAN KA CI YOD, 'DIR YANG DE BZHIN NO ZHE NA, GAL TE DE LTAR THOG MA MED PA'I BAG CHAGS KYI STOBS NYID LAS DNGOS PO MED PA'I THA DAD PAR RTOGS PA YANG YIN PAR 'GYUR NA, DON GZHAN

BRTAGS PAS CI BYA, DNGOS PO MED PA ZHES BYA BA NI TSAD MA DE YANG BAG CHAGS KYI STOBS LAS BYUNG BA YIN GYI DON DAM PA NI MA YIN NO, ,DES NA MI 'DRA BA NYID KYIS DE LAS LDOG PAS NA, DNGOS PO MED PAS CI BYA MI 'DRA BA YANG MNGON SUM NYID LA SNANG BA YIN NO, ,DES NA 'DI NA MED DO ZHES BYA BA'I DUS SU PHYIS 'BYUNG BA CAN DE'I STOBS LAS BYUNG BA NI, GZUNG BA 'DZIN PA'I PHYIR TSAD MA MA YIN NO, ,DNGOS PO MED PA ZHES BYA BA'I TSAD MA GZHAN NI MED DO, ,DNGOS PO MED PA'I TSAD MAS BDAG GIS DNGOS PO MED PAR RTOGS SO ZHES BYA BA 'DI NI SO SO RANG GI THA SNYAD YIN GYI, 'JIG RTEN NI GANG GI PHYIR BLTAR RUNG BA BDAG GIS MA DMIGS PA DES NA 'DI NI MED DO ZHE 'AM, DE 'DIR DNGOS PO YOD PA MA YIN NO ZHES MTSUNGS PAR DON GYI THA SNYAD BYED DO, ,MA DMIGS PA DE YANG MNGON SUM KHO NA YIN NO ZHES BSHAD PAR 'GYUR RO, ,DON DAM PAR NI DNGOS PO MED PA ZHES BYA BA TSAD MA MA YIN LA, GZHAL BYA YANG MA YIN PA'I PHYIR, DE'I BDAG NYID CAN YIN YANG NUS PA NGES PA'I DPE MA GRUB BO, ,GZHAN YANG, CI STE DNGOS PO MED PA TSAD MA GZHAN YIN NO DE BZHIN DU DRAN PA YANG 'GYUR RO, ,LKOG TU GYUR PA NYID LA DRAN PA TSAD MA KHO NA'O ZHE NA MA YIN TE, TSAD MA'I MTSAN NYID DANG LDAN PA'I PHYIR RO, ,LKOG GYUR NYID NI BZUNG NA YANG, ,DON NI CI ZHIG 'GRUB PAR 'GYUR, ,RJES DPAG CHOS CAN 'BREL PA DAG ,GZUNG BA LAS NI 'JUG PA NYID, ,'DI SNYAM DU LKOG TU GYUR PA NYID SHES PAR GYUR NA 'DI LA DA LTAR MNGON SUM DU MI 'JUG GO ZHES RTOG PA DANG LDAN PA RJES SU DPAG PA 'JUG PAR BYED DO, ,DES NA 'DI LKOG TU GYUR PA NYID DU RIG PA'I DGOS PA YIN PAS NA, DRAN PA TSAD MA YIN NO ZHE NA, DE LTAR NI MA YIN NO, ,'DI LTAR 'BREL PA BZUNG BA DANG PHYOGS KYI CHOS LA BRTEN PA 'DI LAS RJES SU DPAG PA 'JUG PA'I PHYIR RO, ,DU BA LA SOGS PA'I 'BRAS BU MTHONG BA'I DE MA THAG TU SKYE BA'I RJES SU DPAG PAS ME 'DZIN PA NA DE'I SNGAR LKOG TU GYUR PA DAG NYID NGES PAR 'DZIN PAR BYED PA NI SU YANG MED DO, ,NGES PAR 'DZIN PA NA YANG DGOS PA MED DO, ,'O NA RES 'GA' ZHIG NGES PAR 'DZIN PAR BYED PA NYID DO ZHE NA, DE LA YANG 'OL MED DO, ,'DI LTAR, SBYOR BAR BYED PA'I CHA 'GA' ZHIG ,RES 'GA' BAR NI

, ,MTHONG NGAM CI, ,CIG SBYOR BAR BYED PA'I DON, ,RGYU NYID LAS NI LDOG 'GYUR RAM, ,SBYOR BAR BYED PA NI RGYU KHO NA'O, ,RJES SU 'GRO BA DANG LDOG PA LAS 'DAS PA NI RGYU NYID NI MA YIN TE, RGYU NYID KYI MTSAN NYID NI DE TZAM DU ZAD PA'I PHYIR RO, ,GZHAN YANG, DRAN PAS LKOG GYUR NYID DU NI, ,DNGOS PO GANG ZHIG SHES PAR 'GYUR, ,RJES SU DPAG PAS RTOG PA GANG, ,DE NI DRAN PA'I SPYOD YUL MIN, ,RJES SU DPAG PA'I YUL DU GYUR PA'I DON GANG YIN PA DE NI DRAN PA'I YUL MA YIN TE, DE LTA YIN NA SHUGS KYIS RJES SU DPAG PA DON MED PAR 'GYUR TE, LKOG TU GYUR PA NYID NI DRAN PA NYID KYIS BZUNG BA'I PHYIR RO, ,DRAN PAS NI DE LKOG TU GYUR PA NYID DU RTOGS KYI DE'I TSE YOD PA NYID DU NI MA YIN NO ZHE NA, 'O NA LKOG TU GYUR PA NYID DU RTOGS PA DE GANG ZHIG YIN, SNGON MTHONG BA'O ZHEN 'O NA DUS DE'I MTHAR THUG PA'I DNGOS PO NYID DRAN PAS LKOG TU GYUR PA NYID DU RIG PA YIN GYI, GZHAN NI MA YIN PAS NA DRAN PA DON MED PA NYID DO, ,DRAN NAS LKOG TU GYUR PA LA 'JUG PA DES NA DRAN PA TSAD MA YIN GYI RJES SU DPAG PA 'JUG PAR BYED PA'I PHYIR NI MA YIN NO ZHE NA, DRAN NAS 'JUG GO ZHES BYA BA 'DIS NI RNAM PAR DPYAD PAR BYA BA YIN NO, ,CI DE'I DUS LA 'JUG PAR BYED DAM, 'ON TE DE LTA MA YIN, GAL TE DE YI DUS LA NI, ,'JUG NA DE'I THOB MI NUS SO, ,RTOG LDAN THOB BYA'I DON LA NI, ,'JUG PAR 'GYUR GYI GZHAN DU MIN, ,DA LTAR BA'I DUS LA NI DRAN PAR RTOGS PA MA YIN TE, DES NA CI LTAR TSAD MA YIN, ,SNGAR NI DUS KYI DON LA LKOG TU GYUR PA NYID DU RTOGS PA YIN NA DE NI THOB PAR MI NUS SO, ,YANG NA LKOG TU GYUR PA NYID NI MNGON SUM NYID KYIS 'DZIN PA YIN TE, MNGON SUM GYIS DE'I DUS KYI MTHAR THUG PAR GZUNG BA GANG YIN PA DE NYID DUS PHYIS LA LTOS TE, LKOG TU GYUR PA NYID DO, DE'I RNAM PA NYID NI BAG CHAGS KYI STOBS LAS DRAN PA 'DI'I BDAG NYID DU GYUR PA KHO NA'O, ,DE NI DE LTA BUR GYUR PA'I, ,DON NYID CE NA DON MOS MED, ,MOS PA YI NI DBANG NYID LAS, ,DE NYID DE NYID MIN PAR GNAS, ,RANG RIG PAS RTOGS PA'I RANG GI NGO BO NYID NI DON CE 'AM, DON MA YIN NO ZHES RNAM PAR GNAS PAR 'GYUR BA MA YIN GYI, DE'I 'OG TU BYUNG BA'I MOS PAS RNAM PAR 'JOG

PA YIN NO, ,DRAN PA'I RNAM PA LA NI DE YOD PA MA YIN TE, 'DI LTAR RTOGS PA DANG LDAN PA DAG DON GANG YIN PA DE NI SNGON MTHONG BA YIN LA RNAM PA 'DI NI DE LTAR GOMS PA'I STOBS LAS SKYE BA CAN YIN NO ZHES RTOGS PAR BYED DO, ,DE'I PHYIR BDE SOG RANG NYID LA, ,'PHOS PA'I DON NI SNANG BA DANG, , RANG BDAG RIG BYED 'DI DAG NI, ,DON LAS SKYE BA TZAM DU ZAD, ,CI LTAR MYONG BA'I 'DU BYED LAS SKYES PA'I DRAN PA RANG LA 'PHOS PA'I DON GYI RNAM PA RIG PAR BYED PA YIN PA DE BZHIN DU BDE BA LA SOGS PA YANG YIN TE, 'DI LTAR DE DAG KYANG GOMS PA'I 'DU BYED LAS BYUNG BA NANG GI RIG PA'I KHYAD PAR BDAG NYID DU GYUR PA KHO NA'I RIG PAR BYED PA YIN NO, ,'O NA JI LTAR GZUGS LA SOGS PA'I DON LA LTOS SHE NA, DE'I SGO NAS DE DANG RJES SU MTHUN PA'I BAG CHAGS SANG PA'I PHYIR RO, ,REG PA 'BREL PA LAS BYUNG BA'I, ,BDE BA'I RNAM PAR MYONG BA LAS, ,SKYE BAR GYUR PA'I 'DU BYED DE, , DE MTHONG BA LAS SAD PAR 'GYUR, ,'KHYUD PA'I BDE BA MYONG BA LAS SHIN TU BRTEN PAR SKYES PA'I BAG CHAGS NI PHYIS DE 'DRA BA'I GZUGS MTHONG BAS SAD PAR GYUR PA NA DE LTA BUR GYUR PA NYID KYIS NANG GI RIG PA'I BDE BA SKYED PAR BYED DO, ,'DI NYID STON PAR BYED PA NI, ,DON GYI BDAG NYID DE DAG GI, ,RANG GI BDAG GYUR DES MYONG YIN, ,DES NA DON SNANG BA BSHAD DE, ,DMIGS PA NYID NI DER SNANG BA'O, ,NANG GI RIG PA'I KHYAD PAR RUNG GI BDAG NYID DU GYUR PA NYID BDE BA LA SOGS PAS MYONG BA YIN NO, ,DE NYID KYI PHYIR DON MYONG BAR BRJOD PA YIN TE, DE LTA MA YIN TE GZHAN DU GYUR PA MYONG BA YIN NA NGES ZHES 'BREL PAR MI 'GYUR RO, ,'DI LTAR, GANG PHYIR NGO BO'I RGYU LAS NI, ,RANG GI NGO BO MYONG BAR RIGS, ,GZHAN GYI NGO BO MYONG BA NI, ,CI LTAR DE YI THA DAD PHYIR, ,GZHAN NI GZHAN GYI NGO BO MIN, ,CI LTAR DE LAS GZHAN GSAL BAR 'GYUR, ,SGRON MA LAS NI BUM PA LA, ,DE 'DRA'I GSAL BA SKYE BA YIN, ,GSAL BA'I RNAM PAR SHES PA LAS, ,DON GSAL BA NI SKYE MIN GYI, ,'BRAS NYID YIN NA SHES PA DES, ,DE NI CI LTAR RTOG PAR 'GYUR, ,GANG ZHIG GI 'BRAS BU GANG YIN PA'I RGYU DES NI RTOGS PA MA YIN NO ZHES 'THAD DO, ,DE LTA MA YIN NA BLO LAS SKYES PA'I LUS KYI BYA BA DES RIG

, ,PAR 'GYUR RO, ,DE'I PHYIR RANG GI NGO BO NYID RIG PAR 'THAD PA YIN NO, ,'ON TE MNGON DU PHYOGS PAR 'GYUR BAS RIG PA YIN GYI RANG RIG PAS NI MA YIN NO ZHE NA DE NI MI RIGS TE, RANG BZHIN MNGON DU PHYOGS GYUR PAS, ,GAL TE RANG RGYU LAS SKYE NA, ,GANG GIS DE NI RIG 'GYUR BA, ,'DIR NI DON LA CI ZHIG YOD, ,'ON TE DE NI DON LAS KYANG, ,MNGON PHYOGS YIN PAS DE SKAD BRJOD, ,MIG LAS KYANG NI MNGON PHYOGS 'GYUR, ,DE NI CI LTAR DE RIG MIN, ,DBANG PO DON LA PHYOGS SHE NA, ,DON LA ZHES BYAR CI LTAR 'DOD, ,GAL TE DON NI RIG NA 'DI, ,DON LA PHYOGS PAR RIG PAR 'GYUR, ,DON RANG GI NGO BOS MA RTOGS PAR NI DE LA MNGON DU PHYOGS PA NYID RTOGS PA MA YIN NO, ,GAL TE DON RANG NYID RIG GO ZHE NA, DA NI RIG PA MNGON SUM DU PHYOGS PAS CI ZHIG BYA, GRUB PAR NYE BAR GNAS PA LA NI DE NYE PAR MKHO BA MA YIN NO, ,DE MED PAR DON SNANG BAR MI RTOGS SO ZHE NA 'O NA DE DANG LHAN CIG PA NYID DU RIG PAR 'GYUR BA 'BA' ZHIG TU ZAD DE DE LAS GZHAN NI MA YIN NO, ,DES NA DE 'DZIN TO ZHES BYA BA 'DI NI G-YAR PO'I RGYAN NO, ,GZHAN YANG, 'GA' ZHIG BDE SOGS PHYI ROL NA, ,GNAS NYID DANG NI SEMS MED DANG, ,GZUNG BAR SMRA STE DE YI YANG, , CIG CAR GNYIS 'DZIN MI RIGS SO, ,NGES PAR 'DZIN ZHES BYA BA NI TSIG GI LHAG MA'O, ,SNGON PO LA SOGS PA BZHIN DU RANG DBANG DU DMIGS PA YIN NA NGES PAR SNGON PO LA SOGS PA GZHAN DANG LHAN CIG 'DZIN TE ZHES BYA BA'I RGYU NI MED DO, ,'ON TE BDE BA DANG SDUG BSNGAL LA SOGS PA 'DI DAG NI BDE BA DANG SDUG BSNGAL LA SOGS PA'I RANG BZHIN CAN GTZO BO'I YONGS SU GYUR PA YIN TE 'DI LTAR, GZHUNG LUGS NI GTZO BO LAS NI CHEN PO, CHEN PO LAS NGA RGYAL, NGA RGYAL LAS DE TZAM LNGA DANG, BLO'I DBANG PO LNGA DANG, LAS KYI DBANG PO LNGA DANG, YID DO, ,DE TZAM LNGA LAS NI 'BYUNG BA CHEN PO LNGA STE, DE LTAR RNAM PAR 'GYUR BA'I RIGS MTHA' DAG NI 'DI TZAM DU ZAD DO, ,RNAM PAR 'GYUR BA YANG RANG BZHIN GYI RJES SU 'GRO BA CAN YIN TE, DPER NA 'JIM PA'I RNAM PAR 'GYUR BA BUM PA LA SOGS PA BZHIN NO ZHES BYA BA YIN NO, ,'DIR BRJOD PA, SNGO SOGS RANG BZHIN BDE SOGS DANG, ,GCIG PHYIR

CIG CAR 'DZIN CE NA, ,THA DAD SNANG CAN SEMS KYIS NI, ,GZUNG DE JI LTAR THA MI DAD, ,BDE BA LA SOGS PA NI BDE BA LA SOGS PA'I RANG BZHIN CAN GTZO BO'I YONGS SU GYUR PA YIN NO ZHES BYA BA 'DI GA LAS YIN, DE'I RANG BZHIN RJES SU 'GRO BAR MTHONG BA'I PHYIR RO, ,'DI LTAR 'DZIN PA'I RNAM PAR 'GYUR BA NI DE'I RJES SU 'GRO BA CAN DU MTHONG NGO ZHE NA, 'DI LTAR MA NGES BA NYID MA YIN NAM, SGRA RNGA BO CHE DANG DBYIG PA'I SBYOR BA LAS SKYES PA YIN YANG RNGA BO CHE DANG DBYIG PA'I RJES SU 'GRO BA CAN NI MA YIN NO, ,GAL TE YANG RLUNG NGAM SGRA'I RDUL PHRA RAB SGRA NYID DU GYUR PAR 'DOD PA, DE LTA NA YANG DE GRUB PA MA YIN NO, ,'ON TE 'JIM PA'I 'GYUR BA BZHIN DU 'DIR YANG RIGS MTSUNGS PA'I RGYU BRTAG PA YIN NA, DE LTA NA NI 'O NA DE'I RANG BZHIN CAN GYI 'BRAS BU GANG CI SNYED PA DE THAMS CAD RIGS MI MTHUN PA LAS YIN TE, DPER NA SGRA LA SOGS PA BZHIN NO, ,BUM PA LA SOGS PA YANG 'BRAS BU YIN PAS, DE YANG RIGS MI MTHUN PA NYID LAS YIN NO, ,RDZA MKHAN LA SOGS PA NI RIGS MI MTHUN PA YIN TE, DES NA THAMS CAD MTHUN PA LAS SKYE BA YIN NO ZHES BYA BA'I KHYAB PA MED PA'AM, RIGS MI MTHUN PA LAS SKYE BA YIN PA'I PHYIR BZLOG PA GRUB BO, LHAN CIG PA MA YIN PA'I RIGS MTHUN PA'I RGYU NI 'GAR YANG MTHONG BA MED DO, ,'ON TE THAMS CAD BDE BA LA SOGS PA RJES SU 'GRO BA CAN DU MTHONG BA NGES NA BDE BA LA SOGS PA'I RANG BZHIN NYID RGYU YIN PAR 'GYUR TE, 'JI BA'I RNAM PAR 'GYUR BA RNAMS KYI SA 'JIM GONG BZHIN NO ZHEN 'DI LA BSHAD ZIN TO, ,LHAN CIG PA GZHAN YANG RGYU YIN PA'I PHYIR RO, DES NA RIGS MTHUN PA DANG MI MTHUN PA RGYU YIN PAR THAL BAS GTZO BO MI 'GRUB BO, ,GZHAN YANG BDE BA LA SOGS PA YANG GZUNG BA NYID LA SOGS PA RJES SU 'GRO BAS BZUNG BA'I GTZO BO GZHAN 'GRUB BO, ,DES NA MTHAR BZUNG BA NYID DANG DNGOS PO NYID LA SOGS PA RGYU YIN PAR 'GYUR RO, ,'ON TE DE YANG BDE BA LA SOGS PA'I BDAG NYID CAN YIN TE, DNGOS PO NYID LA SOGS PA'I RJES SU 'GRO BA CAN NI BDE BA LA SOGS PA'I BDAG NYID CAN YIN PA'I PHYIR RO ZHE NA, DE LTA NA NI 'O NA BDE BA LAS SOGS PA BUM PA LA SOGS PA'I BDAG NYID CAN YIN PA'I PHYIR NA, GTZO BO BUM PA LA SOGS PA'I BDAG NYID CAN

, ,DU THAL BAR 'GYUR RO, ,'ON TE DE NI THAMS CAD KYI BDAG NYID CAN DU 'DOD PA NYID DO ZHE NA, GAL TE RNAM PAR 'GYUR BA'I TSOGS MTHA' DAG GTZO BO'I BDAG NYID LA RANG BZHIN DE NYID KYIS PHAN TSUN LDOG PAR YOD PA YIN NA, 'DI LA RANG BZHIN DANG RNAM PAR 'GYUR BA'I DNGOS BO CI ZHIG YOD, MNGON PAR GSAL BA DANG MI GSAL BA TZAM STE, MNGON PAR GSAL BA'I RNAM PAR 'GYUR BA YIN LA MI GSAL BA'I NI RANG BZHIN NO ZHE NA, MNGON PAR GSAL BA ZHES BYA BA 'DI CI ZHIG YIN LA MI GSAL BA YANG CI ZHIG YIN, GSAL BA NI MNGON PAR GSAL BA YIN LA, DE MED PA NI MI GSAL BA YIN NO ZHE NA, GSAL BA 'DI CI ZHIG MTHONG BA'I BDAG NYID DO, ,DE MED PA'I MI DMIGS PA NI MI GSAL BA'O, ,TSAD MAS RANG GI NGO BO GRUB PA NA, DE DMIGS ZHES BYA BAR NUS PA YIN GYI GRUB NA NI MED PA NYID MA YIN NAM, DES NA SNGA NA MED PA YIN PA'I PHYIR GTZO BO MI 'GRUB BO,, GAL TE BUM PA LA SOGS PA SNGAR DE LTAR YOD PA NYID MA DMIGS PA YIN NA YANG NA GTZO BO RGYUR BRTAG PAS CI BYA, DE DAG GI BDE BA LA SOGS PA'I RANG BZHIN NYID GTZO BO YIN NO ZHE NA MA YIN TE, ,BDE SOG PA'I RANG BZHIN LAS THA DAD PAR GZUNG BA'I PHYIR RO, ,THA DAD PAR SNANG BA CAN GYI GZUNG BA THA DAD PA MA YIN PAR YANG CI LTAR 'GYUR, GZHAN YANG, PHYI DE KHYAD PAR YOD NA NI YANG, ,GOMS PA YI NI KHYAD PAR LAS, ,BLO LA DGA' YANG YONGS SU GDUNG, ,KHYAD PAR DU NI MI 'GYUR RO, ,GAL TE BDE BA LA SOGS PA SNGON PO LA SOGS PA PHYI ROL GYI RANG BZHIN NYID YIN NA, 'O NA NI SNGON PO LA SOGS PA NYID BZHIN DU BSGOMS PA'I KHYAD PAR LAS DGA' BA DANG GDUNG BA LA SOGS PA KHYAD PAR DU MI 'GYUR RO, ,SNGON PO LA SOGS PA'I RANG BZHIN DU SNANG BA NI, BSGOMS PA'I KHYAD PAR GYIS KHYAD PAR DU 'GYUR BAR MA DMIGS SO, ,DE LTA YIN NO ZHE NA NI NANG DANG PHYI ROL MTHA' DAG GOMS PA'I RJES SU 'GRO BA CAN YIN PA DE'I PHYIR 'GRO BA MTHA' DAG NI GOMS PA'I STOBS LAS SKYES PAS DE KHO NA MA YIN PAR 'GYUR RO, ,GAL TE BDE BA LA SOGS PA PHYI ROL YIN NA NI, PHYI ROL GYI RANG BZHIN DU SNANG BAR 'GYUR RO, ,DE NI 'KHRUL PA YIN NO ZHE NA MA YIN TE, 'KHRUL PA'I RGYU MA MTHONG BA'I PHYIR DANG, GNOD PA MED

PA'I PHYIR RO, ,GAL TE BLO YANG BDE SOGS KYI, ,BDAG NYID YIN PAS MI 'GAL NA, ,DE NI PHYI DE BDE SOGS KYI, ,BDAG NYID YIN ZHES CI LTAR RTOGS, ,BSAM PA 'DI YIN PAR 'GYUR TE CI LTAR SGRA LA SOGS PA GTZO BO YONGS SU GYUR PA'I RANG BZHIN YIN PA DE BZHIN DU BLO YANG YIN NO, ,DES NA BDAG GI BLO'I RANG BZHIN GYI BDE BA LA SOGS PA RIG PA NGES PA KHO NAR PHYI ROL MA YIN PA'I RANG BZHIN DU RIG PA YIN LA, BSGOMS PA'I KHYAD PAR GYIS BLO KHYAD PAR DU GYUR PA NA, DE'I BDAG NYID CAN GYI BDE BA LA SOGS PA YANG KHYAD PAR DU 'GYUR RO, ,BSGOMS PA ZHES BYA BA NI NGA RGYAL DANG YID KYI 'JUG PA YIN NO, , NGA RGYAL DE YANG BLO LA NGA'O SNYAM PA YIN ZHING YID KYANG KUN DU RTOG PA'I BDAG NYID CAN YIN PA'I PHYIR RO, ,YID KYI KUN DU RTOG PA YANG NAS YANG DU GYUR PA NYID BSGOMS PA YIN TE, DES NA SNYING STOBS LAS BYUNG BA'I BDAG NYID NGA RGYAL LA RAG LAS PA'I BLO BDE BA'I BDAG NYID RTOGS PA NI DE LTAR GSAL BAR 'GYUR RO ZHE NA, GAL TE DE LTA NA BDE BA LA SOGS PA'I PHYI ROL GYI NGO BO YIN NO ZHES JI LTAR RTOGS PA'I PHYI ROL SGRA LA SOGS PA YANG GTZO BO YONGS SU GYUR PA'I BDAG NYID YIN PA'I PHYIR RO ZHES BYA BA YANG LAN DU 'BREL PA MA YIN TE, SGRA SOGS GTZO BA'I YONGS GYUR LAS, , BYUNG BA DE NYID GA LAS SHES, ,'DI DAG DE YI RANG BZHIN GYI, ,RJES SU 'GRO BAR RTOGS MA YIN, ,GAL TE BLO BZHIN DU DGRA LA SOGS PA LA YANG BDE BA LA SOGS PA'I RJES SU 'GRO BAR TSAD MAS NGES PA YIN NA DE'I TSE 'BRAS BU RGYU'I RJES SU 'GRO BA CAN YIN PAS NA 'GRO BA LA GNAS PA'I SKYE BOS DE LTA BU'I RGYUS BSKYED PA YIN PAR SHES PAR 'GYUR RO, ,BDE BA LA SOGS PA'I RANG BZHIN CAN GYI GTZO BO'I YONGS SU GYUR PA YIN PA NYID KYIS DE LTAR NGES SO ZHE NA, 'DI NI PHAN TSUN BRTEN PA NYID DE, 'DI LTAR, 'DI NI GTZO BO'I YONGS GYUR NYID, ,YIN PAR SHES NA BDE SOGS NYID, ,BDE SOGS NYID DU SHES PAS KYANG, ,SGRA SOGS DE NYID YIN PAR NGES, ,SGRA LA SOGS PA GTZO BO'I YONGS SU GYUR PA YIN NA BDE BA LA SOGS PA RJES SU 'GRO BA YIN LA, BDE BA LA SOGS PA RJES SU 'GRO BAR NGES PA YANG GTZO BO YONGS SU GYUR PA'I RANG BZHIN NYID DU 'GYUR BAS, GCIG MA GRUB NA GNYI GA

, ,YANG MI 'GRUB BO, GZHAN YANG, GAL TE DU BA ME YONGS SU GYUR PA'I RANG BZHIN YIN PA DE LTA MOD KYI, DE 'BAR BA NYID YIN PAR 'GRUB BAM, ,CIG MNGON SUM GYIS GNOD PA'I PHYIR DE LTA MA YIN NO ZHE NA, SGRA LA SOGS PA LA YANG MTSUNGS SO, ,'DI SNYAM DU GAL TE SGRA LA SOGS PA BDE BA'I RANG BZHIN MA YIN NA, BLO DE DAG GIS 'DZIN PAR BYED PA MA YIN PAR 'GYUR TE, RIGS THA DAD PA GZUNG BA DANG, 'DZIN PA NYID DU MI RUNG BA'I PHYIR RO ZHE NA, 'DI LA BSHAD PA, GAL TE RIGS NI THA DAD NGAG ,GZUNG 'DZIN MIN NA SKYES BU NI, ,KUN GYI 'DZIN BYED MI 'GYUR TE, , DES NA ZA BA PO NYID NYAMS, ,SKYES BU NI SGRA LA SOGS PA DANG RIGS MTHUN PA MA YIN TE, DE GTZO BO'I BDAG NYID MA YIN PA'I PHYIR DANG, BDE BA LA SOGS PA NI BZLOG PA'I PHYIR RO, ,DE 'DZIN PAR BYED PA MA YIN DU ZAD MOD CE NA MA YIN TE, ZA BA PO NYID MA YIN PAR THAL BA'I PHYIR RO, ,SKYES BU NI ZA BA POR 'DOD PA YIN NO, ,NYAMS SU MYONG BAR BYED PA LAS GZHAN PA'I ZA BA PO NYID NI MED DO, ,'DIS NI RGYU DANG 'BRAS BU BSAL, ,CI'I PHYIR ZHE NA, BLO DANG SGRA LA SOGS PA'I BDE BA DAG NI RGYU DANG 'BRAS BU GZUNG BA DANG 'DZIN PA NYID KYI DNGOS PO KHO NA LAS YIN NO, ,GANG GI PHYIR SNGON PO LA SOGS PA RANG GI RNAM PAR GTOD PAS BLO SKYE BAR BYED PA NYID KYIS GZUNG BA YIN GYI GZHAN DU NI MA YIN NO, ,GZUNG BA NYID NI RGYU DANG 'BRAS BU'I DNGOS PO NYID LAS YIN TE, DES NA GZUNG PA NYID KYIS RGYU DANG 'BRAS BU NYID DU 'GRUB BO, ,GZUNG BA NYID DE YANG RNAM PAR 'JOG PAR BYED PA YIN NO, ,SKYES BU YANG SGRA LA SOGS PA 'DZIN PAR BYED PA YIN PAS DE YANG DE DAG GI 'BRAS BU NYID DU 'GYUR NA, DE LTA NA YANG MA YIN PA DE'I PHYIR MA NGES SO, ,YANG NA, 'DIS NI RGYU DANG 'BRAS BU BSAL, ,MA GRUB PA NYID KYI PHYIR RO, ,ZHES BSHAD PA NI, BLO DANG BDE BA RGYU DANG 'BRAS BU GZUNG BA DANG 'DZIN PA NYID KYI DNGOS PO LAS MIN, ,GANG LA GZUNG BA DANG 'DZIN PA'I DNGOS PO YOD BA DER RGYU DANG 'BRAS BU'I NGO BOR 'GYUR BA NI MA YIN TE, SKYES BU DANG SGRA LA SOGS PA'I BDE BA BZHIN NO, 'ON TE BLO DANG SKYES BU LA SOGS PA GZUNG BA DANG 'DZIN PA'I DNGOS PO NYID LAS RGYU DANG 'BRAS BU NGO BOR 'GYUR NA, 'O NA NI DE NYID

LAS DE RGYU DANG 'BRAS BU NYID BZHIN NO, ,DE LTA YIN DANG, SKYES BU YANG 'BRAS BU NYID DU THAL BAR MI 'DOD PAR 'GYUR BA'AM, DE NYID KYIS MA NGES PAR 'GYUR RO, YANG NA BLO DANG BDE BA RGYU DANG 'BRAS BU MA YIN TE, GZUNG DANG 'DZIN PA NYID MED PHYIR, ,YOD NA'ANG DE NI GZHAN LA'ANG 'GYUR, , DE PHYIR DE NI NANG NYID DANG, ,MYONG BYA NYID PHYIR SEMS YIN NO, ,CI'I PHYIR ZHE NA, RANG RIG RANG BZHIN MYONG BA YIN, ,DE NI DE YI MYONG BA YIN, ,PHYI ROL NYID LA TSAD MA MED PA'I PHYIR DANG, NANG NYID DU MYONG BA'I PHYIR RO, ,DNGOS GANG CI LTAR RIG GYUR PA, ,DE NI DE BZHIN NYID YIN RTOGS, ,MYONG BA MED PAR DNGOS PO RNAMS, ,YOD PAR GTAN LA PHEBS MA YIN, ,GANG GI PHYIR RIG PAR BYED PA MA YIN PA DE NI DE'I RIG PAR BYED PA MA YIN NO, ,BDE BA LA SOGS PA YANG PHYI ROL GYI RANG BZHIN DANG RJES SU MTHUN PAR RIG PA MA YIN NO, ,MYONG BA YANG GZHAN LA DNGOS PO YANG GZHAN NO ZHES BYA BAR NI MI 'THAD DO, ,SNGON PO RIG PAR BYED PA NI SER PO YIN NO ZHES BYA BAR MI RUNG NGO, ,DE LTAR RIG PA RANG RIG PA'I RANG BZHIN DU 'JUG PA NI RANG RIG PA'I RANG BZHIN NYID GSAL BAR BYED KYI, BDE BA LA SOGS PA GZHAN GYIS RTOGS PAR BYA PAR RIG PA NI MA YIN NO, ,GZUGS LA SOGS PA NI MIG LA SOGS PAS 'JUG PA RIG PA YIN PA'I PHYIR RANG RIG PA'I RANG BZHIN MA YIN NO, ,YANG NA BDE BA LA SOGS PA RNAM PA MED PAS 'DZIN PA MA YIN TE, DES NA BDE BA'I RNAM PA NYID KYIS RIG PAR BYA BA YIN PA'I PHYIR NA, RNAM PAR SHES PA YANG BDE BA'I RNAM PA NYID DU GRUB PAS DE'I NANG DU CHUD PA'I BDE BA RTOGS PA'I RANG BZHIN NYID DO ZHES BYA BAR GRUB BO, ,'O NA BUM PA LA SOGS PA BZHIN DU BDE BA LA SOGS PA YANG PHYI ROL DU 'GYUR RO ZHE NA, DE NI MI RIGS TE, BUM PA LA SOGS PA'I RNAM PA NI RNAM PAR SHES PA'I BDAG NYID DU 'GYUR BA YIN YANG GZHAN NYE BAR GNAS PAS SKYE BA YIN PA'I PHYIR TE, DE LA SOGS PA'I BYED PA RTOGS PA MED PA'I PHYIR RO, ,BDE BA LA SOGS PA'I RNAM PA NI GOMS PA'I STOBS KYIS KHYAD PAR DU 'GYUR BA YIN PA'I PHYIR, GZHAN NYE BAR GNAS PA LA RAG LAS PA NYID DU MA YIN NO, ,GAL TE GOMS PA LA RAG LAS PA NYID YIN YANG BDE BA LA

, ,SOGS PA MYONG BA'I RANG BZHIN MA YIN TE, DE'I PHYIR RANG BZHIN DU GYUR PA MA YIN PA'I MYONG BAS RIG PA'I PHYIR RO, ,BDE BA LA SOGS PA NI GOMS PA LA 'PHEL BAR 'GYUR BA YIN YANG MYONG BA'I RANG BZHIN NI MA YIN NO ZHE NA, 'DI LA BSHAD PA, GAL TE DE RANG BZHIN MIN BA, , MYONG BAS BLO GNAS DE RIG NA, ,BDE BA LA SOGS PA RANG RIG PA YIN NA RTOGS PA'I RANG BZHIN DU 'GYUR GYI, DE'I RNAM PA CAN MA YIN PA BDAG GZHAN DU GYUR PA RIG PAS NI MA YIN NO, ,DES NA SKYES BU 'BRAS BU NYID DU 'GYUR BA YANG MA YIN TE, DE'I RNAM PAR SKYE BA NYID KYIS NA DE 'BRAS BUR GYUR PA YIN NA DE NI YOD PA MA YIN TE, DE DE'I RNAM PA CAN MA YIN PA'I PHYIR RO, ,DE'I RANG BZHIN DU GYUR PA MA YIN PA NYID KYI MYONG BAS BLO'I NANG DU ZHUGS PA'I BDE BA LA SOGS PA RIG PAR BYED PA'AM, DE DANG 'DU BA YIN NO, ,DES NA 'DU BAS 'BREL PA'I PHYIR MYONG BA DANG BLO GCIG TU MNGON PAR RLOM PA YIN NO ZHE NA, MNGON SUM DRAN PA'I RNAM PA CAN, ,MYONG BA MA GTOGS 'DI BLO GANG, ,BLO ZHES BYA BA 'DI CI ZHIG LHAG PAR ZHEN PA'O, ,RIG PA DE GANG YIN NA GNYIS SU MYONG BA'O, ,THA DAD PA LA TSAD MA YOD NA DE SKAD BRJOD PAR BYA BA MA YIN NAM, LHAG PAR ZHEN PA DANG NYAMS SU MYONG BA ZHES BYA BA NI RNAM GRANGS TZAM DU ZAD DO, ,YUL GYI RNAM PA MYONG BA MA YIN PA'I BDAG NYID NI BLO YIN LA, RNAM PA MED PA'I MYONG BA NI RTOGS PA'I RANG BZHIN YIN NO ZHE NA, RNAM PA MED PA'I MYONG BA ZHES BYA BA 'DI LA TSAD MA MED DO, ,MNGON SUM GYIS RIG PA MA YIN PA DES NA TSAD MA MED DO ZHE NA MA YIN TE, KHAS LEN PA'I RGYU MED PA'I PHYIR RO, ,MNGON SUM MED PA LA NI RJES SU DPAG PA YANG MA YIN TE, DES NA KHAS BLANG BA NYID DU MI RIGS SO, ,'ON TE MYONG BA GZHAN MED NA BDE BA LA SOGS PA MYONG BA MED PAR THAL BAR 'GYUR RO ZHE NA, RANG RIG PA NYID KYIS MYONG NA CI 'GAL THA SNYAD NI DE TZAM GYIS YONGS SU RDZOGS PA'I PHYIR NA GZHAN NI DON MED DO, ,CI STE YANG, GAL TE MYONG GZHAN MI 'DOD NA, ,DE'I TSE THAR PA'I GNAS SKABS NA, ,BDE DANG SDUG BSNGAL DES GROL BA, ,MED PA CI LTAR THAR BAR 'GYUR, ,RANG BZHIN YONGS SU 'DOR NA NI, ,CHOS CAN MED PAR THAL BAR

'GYUR; ,RANG GI BDAG NYID NI SPANG PAR NUS PA MA YIN NO, ,BDE BA LA SOGS PA THA DAD PAR NI, GAL TE DA LTA'I GNAS SKABS NA THA DAD PA MED PA RTOGS PA DE LTA NA YANG THA DAD PAR LHAG PAR NGES PA'I SPYOD YUL DU BYAS PAS SPANG BAR NUS PA NYID DO ZHE NA, GAL TE 'DI 'DOD PA DE LTA NA YANG TSAD MAS MA GRUB PA NI MI 'GRUB PO, BDAG GI 'DOD PA MI 'GRUB PA'I DON YOD DO ZHES BYA BAS NI TSAD MA MED PA'I DON GRUB PA'I YUL DU 'GYUR BA MA YIN NO, ,RGYU RNAMS NI RGYU MED PA'I NI 'DOD PA RJES SU 'JUG PA MA YIN LA, DON LA RGYU YOD DO ZHES BYA BA 'DI LA TSAD MA YANG CUNG ZAD MED DE SGOM PA DA LTAR NYID BSGOM PA LA GNAS PA NA CHA YOD PAR MTHONG BA'I PHYIR RO, ,RDZOGS PA DE NYID KYI TSE NYON MONGS PA SPONG BAR MTHONG BA'I PHYIR RO, ,DA LTAR NI DE LTA BUR GYUR PA'I MYONG BA GZHAN NYID SKYE BA YIN GYI, BDE BA LA SOGS PA MYONG BA LAS THA DAD PAR RTOGS PA NI MED DO, ,THAR PA'I GNAS SKABS SU YANG DE BZHIN DU YIN PA'I PHYIR 'GAL BA MED DO, ,DE'I PHYIR, DE DANG DE DON LA BRTEN NAS, ,BDE DANG SDUG BSNGAL SOGS MYONG BA, ,GCIG NYID 'BYUNG BAR 'GYUR MTHONG GI ,BAR DU GZHAN NI MA MTHONG NGO, ,GAL TE BLO DANG BDE BA LA SOGS PA ZHES THA DAD PAS THA DAD PA MA YIN NAM, DE LTA MA YIN NA DON THA DAD PA MED PAR BRJOD PA THA DAD PAR CI LTAR 'GYUR ZHEN, MA YIN TE, 'DI NI DGA' BA DANG ZHUM BA LA SOGS PA'I RNAM PA DU MA CAN GCIG NYID 'BYUNG BAR MTHONG STE, DE LA MING CI LTAR 'DOD PAR GDAGS LA RAG GO, ,BRJOD PA THA DAD PAR NI GNAS SKABS KYI KHYAD PAR BSTAN PA'I DON DU YIN TE, DPER NA SA BON DANG MYU GU DANG, 'DOD PA MA DANG CHU'I BRJOD PA BZHIN NO, ,LCAGS GONG DANG NI ME BZHIN DU, ,'DRES PA RNAM DBYER MED CE NA, ,DE LTA YIN NA DNGOS KUN LA, ,THA DAD THA DAD MIN BZHAG NYAMS, ,GAL TE DPE YOD PA TZAM GYIS TSAD MA MED PAR 'DI NI GNYIS 'DRES PA YIN NO ZHES BRTAGS PA YIN NA, DE LTA YIN NA NI KA BA LA SOGS PA RNAM PA GCIG TU RTOGS PA THAMS CAD LA GCIG BA NYID DU MI 'GRUB PO, ,GCIG MA GRUB NA NI DE 'DUS PA'I RANG BZHIN DU YANG MI 'GRUB PAS NA DNGOS PO'I RNAM PAR GZHAG PA MTHA' DAG 'JIG PAR 'GYUR TE, GCIG

, ,DANG DU MA LAS MA GTOGS PA'I DNGOS PO MI SRID PA'I PHYIR RO, ,'DI LTAR, THA DAD MED MYONG GCIG YIN NA, ,DE LTAR GANG YIN DE THA DAD, ,CAN 'GRUB 'DI SGRUB BYED YIN NA, ,THA DAD GRUB BYED 'GRUB MA YIN, ,DE'I PHYIR GCIG MA GRUB NA GNYI GA YANG MI GRUB BO, ,DE BAS NA THA DAD PA MED PAR RIG PA NI GCIG YIN LA DE LAS BZLOG PAS NI DU MA YIN NO ZHES RIGS SO, ,GRANGS CAN GYI LTAR NA NI, ,SDUG BSNGAL DKAR SOGS THA DAD SNANG, ,THA DAD SNANG YIN BLO MYONG NI, ,THA DAD MED SNANG THA DAD NA, ,THA DAD THA DAD MED RTEN CI, ,ZHES BYA BA NI BAR SKABS KYI TSIGS SU BCAD BA'O, , 'ON TE YANG CI LTAR TSOR BA DANG, SEMS PA LA SOGS PA SEMS LAS BYUNG BAS CHEN PO LA SOGS PA RNAMS PHAN TSUN THA DAD PAR MI RTOG LA, MI RTOG PA DE LTA NA YANG THA DAD PAR 'DOD PA DE BZHIN DU BLO DANG MYONG BA YANG CI STE MI 'DOD THA DAD PA MED PAR RIG PA GCIG NYID DO ZHES BYA BA NI SEMS KYI 'KHOR DU GYUR PA SEMS LAS BYUNG BA DAG GIS MA NGES SO ZHE NA 'DIR 'DI SKAD BRJOD DO, ,GCIG TSE BSAL BAS BSGRIBS NA YANG, SEMS KYI KHYAD PAR RGYUN DGAL, THA DAD PAR NI MTHONG BA'I PHYIR, THA DAD RNAM GZHAN GRUB PA YIN, SEMS DANG SEMS LAS BYUNG BA DAG THA DAD PA MA YIN NO ZHES BSHAD PA'I PHYIR DE LTAR KHAS LEN PA NI MA YIN MOD KYI KHAS BLANGS NAS KYANG LAN 'DEBS PA NI GAL TE TSOR BA LA SOGS PA SHIN TU GSAL BAR 'JUG PA GCIG GIS SEMS PA LA SOGS PA BSGRIBS PAS SHIN TU GSAL BA'I YUL DU GYUR PA MA YIN PA DE LTA NA YANG GZHAN GYI TSE DMIGS PA'I YUL DU 'GYUR BAS NA TSOR BA DANG SEMS PA LA SOGS PA NI THA DAD PA KHO NA'O, ,DUS GZHAN DU RANG GI NGO BOS DMIGS PA'I PHYIR TE, NYI MA'I 'OD ZER GYI TSOGS KYIS RANG NYID GSAL BA'I NUS PA BZLOG PA'I SKAR MA'I TSOGS DE'I TSE MED PA'I MA YIN PA BZHIN NO, ,BLO DANG MYONG BA DAG NI DE LTA MA YIN TE, NAM GYI TSE YANG THA DAD PAR GSAL BAR MI 'DZIN PA'I PHYIR RO, ,SEMS LAS BYUNG BA DAG NI RES 'GA' ZHIG GSAL BAR GYUR PA 'DZIN PA'I PHYIR RO, ,GAL TE MTSAN MAR 'DZIN PA LA SOGS PA RNAM PAR RTOG PA NYID YIN PAR RTOGS PA MA YIN NAM RNAM PAR MI RTOG PA NI MA YIN NO ZHE NA, MA

YIN TE, DE LA YANG SEMS LAS BYUNG BA YOD PA YIN NO, ,'DI LTAR RES 'GA' NI NYAMS SU MYONG BA'I DE MA THAG TU MTSAN MA'I RNAM PAR RTOGS PA'I YID LA RES 'GA' NI 'DI BYA'I SNYAM PA LA SOGS PA'I RNAM PAR RTOG PA YIN TE, DES NA NYAMS SU MYONG BA DAG RJES SU 'BRANG BA'I RNAM PAR RTOG PA LAS RNAM PAR RTOG PA MED PA LA YANG SEMS LAS BYUNG BA YOD DO ZHES NGES PA YIN NO, ,DES NA DE DAG GI THA DAD PA LA NI RIG PA'I CHA YANG YOD PA YIN GYI, BLO DANG MYONG BA DAG NI 'DI YANG YOD PA MA YIN NO ZHES BYA BA NI DON DAM PA'O, ,RNAL 'BYOR SHES PA SNGAR BSHAD PA, ,DE DAG GAL TE BSGOMS BYUNG YIN, ,RTOG PA'I DRA BA RNAM BSAL NAS, ,GSAL BA NYID DU SNANG BA YIN, ,'PHAGS PA'I BDEN PA BZHI'I YUL CAN RNAL 'BYOR BA RNAMS KYI SHES PA NI BSHAD ZIN TO, ,DE RGYU GANG LAS 'BYUNG ZHE NA, BSHAD PA, BSGOMS BYUNG YIN TE BSGOMS PA'I RGYU CAN NO, ,BSGOMS PA'I STOBS KYIS KYANG GSAL BAR SNANG BA YIN LA, GSAL BAR SNANG BA NYID KYIS RTOG PA MED PA YIN TE, DES NA MNGON SUM YIN NO, ,GAL TE DON GYI MTHU LAS BYUNG BA'I PHYIR DA LTAR GYI DON GYI YUL CAN GYI SHES PA NI RTOG PA MED PAR 'THAD PA YIN NA, 'DAS PA DANG MA 'ONGS PA DANG, MED PA'I YUL CAN GO CI LTAR GOMS PA TZAM LAS RTOG PA MED PA NYID YIN ZHE NA, MED PA'I YUL CAN YIN YANG BSGOMS PA YANG DE LTA BU'I 'BRAS BU LA NUS PA NYID DO ZHES STON TE, 'DI LTAR, 'DOD 'JIGS MYA NGAN GYIS BRLABS DANG, ,RKUN PO'I RMI SOGS KYIS BSLAD PAS, ,MDUN NA GNAS PA BZHIN DU NI, ,YANG DAG MIN BA'ANG MTHONG BAR 'GYUR, ,YANG DAG PA MA YIN PA'I YUL CAN GYI SHES PA NI DON GYI NUS PA LAS SKYES PA MA YIN LA, DE NI RTOG PA DANG BCAS PA YANG MA YIN TE, MDUN NA GNAS PA NYID DU MTHONG BA'I PHYIR RO, ,DE LTA YIN DANG MDUN NA GNAS PA'I RNAM PA CAN NYID KYIS RTOG PA MED PA MNGON SUM YIN NO, ,'ON KYANG RTOG PA DANG BCAS PA YIN YANG GSAL BAR SNANG BA YIN TE, RTOG PA MED PA'I PHYIR NI MA YIN NO ZHE NA, MA YIN TE, RNAM PAR RTOG DANG RJES 'BREL NI, ,DON GSAL SNANG BA CAN MA YIN, ,RMI LAM NA YANG DRAN PA

, ,DRAN; ,DE 'DRA'I DON LDAN MIN PAR DRAN, ,RNAM PAR RTOG PA'I RANG BZHIN NI LKOG TU GYUR PA'I YUL CAN KHO NA'O ZHES BSTAN ZIN TO, ,GAL TE DE LTAR MA GRUB NA NI, RTOG PA DANG BCAS PA NYID DU MI 'GYUR RO, ,RNAM PAR RTOG PAR NI RMI LAM NA YANG LKOG TU GYUR PA'I YUL CAN DU MYONG STE, DE DAG GSAL BAR SNANG BA NI MA YIN NO, ,BSLAD PA'I STOBS KYIS GSAL BA YIN NA NI, 'GAL BA YANG RMI LAM LA SOGS PAR MI GSAL BAR MI 'GYUR RO, ,NYAMS SU MYONG BA DRAN PA'I RNAM PA NI RMI LAM DU YANG MTHONG STE, DE'I PHYIR BSLAD PA LAS RTOG PA YANG GSAL BA NYID NI MA YIN NO, ,DES NA GSAL BA'I RNAM PA CAN GYI SHES PA NI RTOG PA MED PA KHO NA'O, ,'DI LA BYE BRAG TU SMRA BDAG NA RE, TSAD MAS GRUB PA'I DNGOS PO LA BSGOMS PA'I STOBS KYIS GSAL BAR SNANG BA NYID DO ZHES BYA BAR RIG STE, BSGOMS PAS MA RIG PA'I DRI MA DANG BRAL BA NA DON RANG GI NGO BOR SNANG BA'I PHYIR RO, ,MED PA LA NI RANG GI NGO BO MED PAS CI ZHIG SNANG ,RNAL 'BYOR PA'I SHES PA NI 'DAS PA DANG MA 'ONGS PA'I YUL CAN YIN TE, 'DAS PA DANG MA 'ONGS PA NI YOD PA'I PHYIR RO ZHES ZER RO, ,'DI LA BSHAD PA NI, MI GTZANG ZAD PAR SA LA SOGS,, YANG DAG MIN PA'ANG BSGOMS PA YI, ,STOBS KYIS SPRUL PA RTOG MED DANG, ,GSAL BAR SNANG BA CAN DU MTHONG, ,MI GTZANG BA LA SOGS PA NI DE KHO NA NYID MA YIN PA YID LA BYED PA YIN TE, NAM MKHA' SAL SOGS PA NI MED DO, ,'ON TE SA LA SOGS PA YANG YOD PA YIN TE, RNAL 'BYOR PA'I MNGON SUM GYIS MTHONG BA'I PHYIR RO ZHE NA BSGOMS PA TZAM GYIS NI, RNAL 'BYOR PAR 'GYUR BA MA YIN TE, 'ON KYANG THOS PA LAS BYUNG BA'I SHES PAS DON BZUNG NAS, RIG PA SEMS PA LAS BYUNG BAS RNAM PAR GZHAG STE, SGOM PA RNAMS KYI DON YONGS SU RDZOGS PA NA PHYIN CI MA LOG PA'I YUL CAN GANG YIN PA DE NYID TSAD MA YIN LA DE DANG LDAN PA NI RNAL 'BYOR PA YIN NO, DE LTAR YIN NA YANG ZHI GNAS DANG LHAG MTHONG ZUNG DU 'JUG PA'I LAM NI RNAL 'BYOR YIN NO ZHES BSHAD DO, ,DE LA GSAL TE 'DI DAG RNAL 'BYOR PA LA SNANG BA YIN BA DE LTA NA YANG 'DI NI 'BRAS

BU'I DON DU DE KHO NA NYID MA YIN PA SNANG BA YIN NO, ,DES NA DE DAG GI DE NI DE KHO NA MA YIN PAR SNANG BA YIN NA, ,DES NA GAL TE RNAL 'BYOR PA LA DE KHO NA NYID MA YIN PA'I RANG BZHIN DU SNANG BA DE TZAM GYI YOD PAR CI LTAR GYUR, DE'I PHYIR RNAL 'BYOR PA'I SHES PA LA YANG DE DAG NI DE KHO NA NYID KYI RNAG BZHIN MA YIN PA NYID DO, ,SNANG BA TZAM GYIS NI DE KHO NAR 'GYUR BA MA YIN TE, 'ON KYANG BRTAGS PA LAS YIN NO, ,RTOGS PA TZAM LAS SKYE BA BSGOMS PA NI DE KHO NA RTOGS PA'I RGYU MA YIN GYI, TSAD MA'I STOBS KYIS 'ONGS NA NI DE LTAR YIN NO ZHES BYA BA 'DI NI GCIG TU NGES PA YIN NO, ,'DI LTAR, BSGOMS PA TZAM LAS BYUNG BA'I PHYIR, ,DE NYID MIN PAR BRJOD PA YIN, ,DNGOS PO'I SGO NAS RTOGS PA NI, ,DNGOS PO NGES PAR 'DOD PA YIN, ,BSGOMS PA TZAM LAS NI, DE PHYIR YANG DAG YANG DAG MIN, ,GANG GANG SHIN TU BSGOMS GYUR PA, ,BSGOMS PA YONGS SU RDZOGS BA NA, ,DE GSAL MI RTOG BLO 'BRAS CAN, ,YOD PA 'BA' ZHIG BSGOMS PA NI MA YIN TE, GZHAN YANG BSGOMS PA'I YUL CAN YIN PA'I PHYIR RO, ,DES NA GANG DANG GANG BSGOMS PA BSGOM PA YONGS SU RDZOGS PA NA, DE GSAL BA MI RTOG PA'I BLO NI SHIN TU BSGOMS PA'I 'BRAS BU YIN NO, ,BSGOMS PA NI GZHAN DU 'GYUR BAR MA MTHONG NGO, ,DE LA SNGAR DPYAD DNGOS PO BZHIN, ,SLU BA MED CAN GANG YIN DE, ,BSGOMS BYUNG MNGON SUM TSANG MAR 'DOD, ,LHAG MA NYE BAR BSLAD MA YIN, ,ZHES BYA BA NI BAR SKABS KYI TSIGS SU BCAD PA'O, ,BSGOMS PA'I STO BAS LAS BYUNG YANG SNGAR DPYAD PA'I DNGOS PO 'JIG RTEN PHA ROL DU 'PHAGS PA'I BDEN PA BZHI LA SOGS PA MI SLU BA CAN MI SRID PA GANG YIN PA DE'I YUL CAN KHO NA MNGON SUM YIN GYI 'DOD PA LA SOGS PA'I YUL CAN NI MA YIN NO, , DE NI GSAL BAR SNANG BAS RTOG PA MED PA YIN YANG BSLAD PA NYID YIN NO, ,DES NA RMI LAM GYI SHES PA LA SOGS PA MI SLU BA NI MNGON SUM MA YIN PA NYID DO, ,GAL TE BSGOMS PA'I STOBS LAS SHES PA MNGON SUM MA YIN NA, MU STEGS PA DANG 'BREL PA'I SHES PA

, ,THAMS CAD MNGON SUM DU THAL BAR 'GYUR TE, DE DAG LA YANG BSGOM PA MED DO ZHES BYA BA DE LTAR NI MI NUS SO, ,'DI LTAR, DO NA GAN 'JIG RTEN THUN MONG BA, ,DE 'GA' ZHIG LA YOD DO ZHES, ,NGES PAR RIG PA LAS 'DAS PAR, ,GNAS PA MIN PAR CI LTAR 'GYUR, ,DES NA MU STEGS BYED GZHAN DE DAG GIS BSGOMS PA LAS BYUNG BA'I MNGON SUM GYIS GRUB PA'I RANG GI LUGS KYI TSOGS KYI KHONGS SU GTOGS PA'I DON GYI TSOGS MED DO ZHES BYA BA DE LTAR GA LA 'GYUR, DES NA DE DAG GIS NYE BAR BSTAN PA LAS KYANG 'JUG PAR BYA BAR 'GYUR RO, ,RJES SU DPAG PA LA SOGS PAS GNOD PA'I PHYIR DE LTA MA YIN NO ZHE NA, MA YIN TE, DBANG PO LAS 'DAS RIG BYA MIN, ,DRANG SRONG MIG GIS MTHONG GYUR PA'I, ,DNGOS LA DE DAG RNAMS KYI TSIG ,RJES SU DPAG PAS GNOD MI 'GYUR, ,CI STE DE DAG GI MTHONG BA YIN NO ZHES BYA BA DE NYID MI SHES SO, ,GAL TE MTHONG NA NI DE'I TSIG LA GNOD PAR MI 'GYUR BA NYID DO ZHE NA, GAL TE DE LTA NA NI DE BZHIN GSHEGS PAS KYANG BDEN PA LA SOGS PA MKHYEN TO ZHES BYA BA 'DI GA LAS YIN ZHE NA, DE NI MA YIN TE, DE BZHIN GSHEGS PA'I GSUNG LA YANG, ,SLU BA MED CAN TSAD MTHONG LA, ,GZHAN GYI TSAD MAS GNOD 'GYUR BA, ,DES NA DE BZHIN GSHEGS PAS GZIGS, ,GAL TE SKYES BU 'I TSAD MAS DBANG PO LAS 'DAS PA'I DON LA TSAD MA MA YIN PA NYID MA YIN NAM, DE CI LTAR DBANG PO LAS 'DAS PA'I DON GYI GNOD PAR BYED PA 'AM, SGRUB PAR BYED PAR 'GYUR, GANG PHYIR GNOD BYA GNOD BYED NI, ,YUL MTSUNGS PA LA RNAM PAR GNAS, ,DBANG PO 'DAS LA 'KHOR BA PA'I, ,TSAD MA RAB TU 'JUG PA MED, ,RNAL 'BYOR PA'I SHES PAS KYANG DE DAG GI DE LA GNOD PA NYID DO, ,'DI LTAR, DE BZHIN GSHEGS GSUNGS DE DAG GANG, ,'GAL BAR RNAM PAR GNAS PA'I PHYIR, ,DE YI TSIG RGYU SHES PA NI, ,GNOD PAR RAB TU STON PA YI, ,

'DI NI BZLOG PA LA YANG MTSUNGS SO ZHE NA, DE NI MA YIN TE, 'DI LTAR, GAL TE DBANG PO LAS 'DAS PA'I, ,DON BRJOD 'BA' ZHIG RIG BYED NA, ,DE YI TSIG LAS MKHAS PA NI, ,'GA' YANG 'JUG PAR 'GYUR BA MIN, ,DBANG PO LAS 'DAS PA'I TSIG NI THAMS CAD LA YOD LA, DES NA GZHAN LA STON PAR BYED PAS, CIG SHOS KYI GCAD PAR NUS PA NYID BSTAN PAR BYA BA YIN NO, ,MI SRID PA'I PHYIR DE LTAR MA YIN NO ZHE NA, RNAL 'BYOR PA'I SHES PA YANG DE GANG LAS SRID PA YIN ZHES BYA BA 'DI BSAM PAR BYA'O, ,RANG BZHIN GYIS GRUB RNAL 'BYOR PA'AM, ,RIG BYED DE STON BYED YIN NA, ,GTAN LA PHEBS PA YOD MIN NA, ,DNGOS 'DIR TSAD MA GA LAS ZHIG ,'ON TE DE DON GNYER RNAMS KYIS, ,BLANG BYA GCAD NUS MIN ZHE NA, ,MI RIGS SDUG BSNGAL CHAD PA NI, ,GTZO PO MIN PA NYID MA YIN, ,SDUG BSNGAL MTHA' DAG NYE BAR ZHI BA NI BLANG BAR BYA BA MA YIN TE, 'DI LTAR, BDAG DANG BDAG GIR 'DZIN LDAN PAS, ,SKYE BO SDUG BSNGAL DANG 'BREL CING, ,DE BZHIN DE NI SDUG BSNGAL RNAMS, ,THAMS CAD ZAD PAR 'GYUR BA YIN, ,BDE BA'ANG DE LTAR 'GYUR ZHE NA, , SDUG BSNGAL MED PA BDE BA'I MCHOG, ,GAL TE RTAG TU SDUG BSNGAL LAS, ,BZLOG PA RIG PAR YOD GYUR NA, ,DE LAS MCHOG GYUR BLANG BYA GZHAN, ,RIG PA DANG 'BREL GANG ZHIG YIN, ,MAR MI ZHI BAR GYUR PA BZHIN, ,ZHE NA 'DI NI TSAD CAN MIN,,'DI LTAR, BSREG DANG BCAD LA SOGS PA YIS, ,SHES PA RGYUN CHAD NUS MA YIN, ,DES NA RGYUN CHAD MED PA'I PHYIR, ,,MA 'KHRUGS PA NI GNAS PA NYID, ,DE YI GNAS SKABS RTOGS PA DE, ,RNAM 'BYED PA LAS RGYAB PHYOGS 'GYUR, ,GAL TE SKYO BAS LA RGYAB PHYOGS, ,'DI LA 'GAL BA CI ZHIG YOD, ,MNYAM PA NYID NI MTHONG BA DE'I RGYAB KYIS PHYOGS PA'ANG GANG GIS BYAS, ,TING 'DZIN STOBS NI THOB PAR 'GYUR, ,DE LA GNOD BYED 'GA' YOD MIN, ,TING DE 'DZIN GYIS BKRES SOGS KYI, ,SDUG

, ,BSNGAL MTHA' DAG ZAD 'GYUR ZHING, ,DE LAS MTSON SOGS GNOD PA YANG, ,DE LA MED PAR 'GYUR BA YIN, ,BSGOMS PA'I STOBS LAS THAMS CAD LA, ,DPA' DANG BRTAN PA LA SOGS 'BYUNG, ,BRTAN PA MED PA 'GA' LA YANG, ,KHA ZAS RGYAS PAR BYED MA YIN, ,BRTAN DANG LDAN PAS GYI NA YI, ,KHA ZAS YONGS SU RGYAS PAR BYED, ,DE LTA'I KHA ZAS MED PAR YANG, ,DE YI DON NI YOD PA SRID, ,SKYE BA GZHAN SOGS RIG PA NI, ,GOMS PA NYID LAS SKYE BAR 'GYUR, ,DES NA LAS DANG 'BRAS SHES SHING; ,RGYU DANG 'BRAS BU'I DNGOS PO NI, ,BYE BRAG TU NI NGES PA NA, ,DE LAS THAMS CAD RIG PAR 'GYUR, ,DE YI 'DAS DANG MA 'ONGS PA'I, ,SHES PA GSAL BAR 'GYUR BA YIN, ,BSGOMS PA'I STOBS LAS SHES PA NI, ,PHYI ROL RNAMS LA'ANG 'GYUR ZHE NA; ,DE NI DED CAG 'DOD PA STE, ,RNAM PA KUN NI SKYOB PA YIN, ,DNGOS PO'I BDAG MED RTOGS PA NA, ,BRTAN ZHING 'KHRUGS PA MED PA YIN, ,CHAGS LA SOGS PAS DKRUGS PA'I PHYIR, ,MU STEGS SHES PA DE LTA MIN, ,DE LTAR GYUR PA'I TSIG LAS NI, , DE BYED MKHYEN PAR LDAN PAR SHES, ,SHES PA YONGS SU MA DAG PAR, ,BRJOD PA YONGS SU DAG PA MED, ,GAL TE RANG RTOGS RJES 'BRANGS PAS, ,DAG GI 'PHROS PA 'DI YIN NA, ,YOD PA'I DON LA BSGOM PA NI, ,SHES PA'ANG YOD YIN MA GUS MIN; ,DES NA 'DI NI CHAGS BRAL NA, ,DON KUN SHES PA SRID PA YIN, ,MNYAM PAR GZHAG LA MTHA' DAG NI, ,GSAL BA YONG PAR RNAM PAR NGES, ,CHAGS DANG BRAL BA THAMS CAD LA, ,DE NI CI PHYIR YOD MA GYUR, ,DE DAG 'BAD PA CHAGS SOGS DANG; ,BRAL BA TZAM LA ZHUGS PA'I PHYIR, ,DE LAS DE LOG GYUR PA NA, ,BDAG DON BYAS PAR RLOM DE DAG ,GANG DU 'BAD PA MED PAR NI, ,BDE THOB 'DOD PAS RE ZHIG GNAS, ,KUN MKHYEN YON TAN LA CHAGS PA, ,DE DAG SLAR YANG DUS GZHAN

DU; ,'BAD PA CHUNG DUS KUN MKHYEN NYID, ,'GRUB PA BKAG PA YOD MA YIN, ,MAR ME ZHI BAR 'GYUR BA BZHIN, ,ZHE NA DE NI SRID MA YIN, ,DE NI NYON MONGS MED PA YI, ,BDAG LA CHAGS BRAL GAL SRID, ,GAL TE RTOG PA SNGON BYAS TE, ,DE LAS LHAG PAR 'DOD CE NA, ,'DI NI DE LA'ANG GUS MED PAR, ,BRAL BAR 'DOD PA CI PHYIR YIN, ,'DOD CHAGS BRAL LA BUD MED DANG, ,SOGS LAS SKYES 'BYUNG BDE BA MED, ,SDANG DANG BRAL BA DBANG PO'I STE, ,BCOM SKYES BDE BA GA LAS YOD, ,RMONGS DANG BRAL LA BDAG DANG NI, ,BDAG GIR ZHEN SKYES BDE BA MED, ,DES NA DE 'DRA'I THAR PA DES, ,SKYE BO RNAMS LA CI ZHIG BYA, ,DE NI DE LTAR MI BDEN TE, ,CHANG 'THUNG SOGS LA'ANG BSAM PAR BYA, ,CHAD 'THUNG LAS KYANG BRAM ZE LA, ,RTAG TU BDE BA YOD MA YIN, ,BSHAD BA ZA BA'I BDE BA NI, ,GRONG GI PHAG PA MIN LA MED, ,MI SHA RLON PAS SRIN PO NI, ,MA YIN PA DAG BDE MA YIN, ,RJE BO'I DRIN SOGS BDE BA NI, ,DRAN MA YIN LA YOD DAM CI, ,MGOR BRDEGS PA YI BDE BA NI, ,KHOL PO MA YIN RGYAL LDAN MIN, ,DE LTAR THAR PA MED PA LA, ,'DI KUN DON DU GNYER BYAR 'GYUR, ,SOG PO PAR SIG MIN PA YIS, ,MA SOGS 'DOM DANG 'BREL PA YANG, ,MNAR MED PAR NI MA PHYIN LA, ,DE BRAL BDE BA GANG NA 'ANG MED, ,DES NA SKYE BO DMYAL BAR NI, ,LHUNG LA SOGS PA 'DOD PAR 'GYUR, ,'ON TE BDE BA KHYAD PAR CAN 'DOD PA YIN NO ZHE NA, DE LTA YIN NA KHO BO CAG GI 'DOD PA DE NYID 'ONGS PA YIN NO, ,'ON TE CI LTAR THAMS CAD RIG PA YIN, DE SHES PA YANG CI LTA BU YIN, ,THAMS CAD RIG NA 'DOD CHAGS LA SOGS BA GZHAN GYI SEMS MTHA' DAG MNGON DU BYAS PA NA 'DOD CHAGS DANG BCAS PA LA SOGS PA'I SKYON DU YANG JI LTAR MI 'GYUR ZHE NA, BSHAD PA, THABS NI RNAM PA DU MA DAG ,YUN RING DUS SU GOMS PA LAS, ,DE YIS THAMS CAD MKHYEN PA NYID, ,THOB BA ZHES BYAR RIG PA YIN, ,BSKAL PA GRANGS

, ,MED PA GSUM DU GOMS PAS MI THOB PA GANG YIN PA DE YOD DAM TSIG ,THAMS CAD RIG PA SHES PA NI KHO BO CAG MED PAR 'DOD PA YIN TE, CI SKAD DU, KUN MKHYEN MIN PAS KUN MKHYEN NI, ,GANG LA CI LTAR SHES PAR 'GYUR, ,BDAG RIGS BDAG NYID CHEN PO NI, ,RGYA CHEN KHYOD LA PHYAG 'TSAL LO, ,ZHES BSHAD PA BZHIN TE, THAMS CAD MKHYEN PA MA YIN PAS NI THAMS CAD MKHYEN PA SHES PA MA YIN NO, ,DE BZHIN DU DGE SLONG DAG GANG ZAG GIS GANG ZAG GI TSOD MA 'DZIN CING, GANG ZAG GI TSOD NI NGA'AM NGA DANG 'DRA BA DAG GIS BZUNG ZHES SO, ,THAMS CAD MKHYEN PA NYID YIN NA BDAG NYID THAMS CAD 'DOD CHAGS LA SOGS PA GZHAN GYI RGYUD RIG PA NA, 'DOD CHAGS LA SOGS PA DANG LDAN PAR 'GYUR RO ZHES BYA BA NI MED DE, 'DI LTAR, GZHAN GYI RGYUD NI RIG PA NA, ,'DOD CHAGS BRAL BA'I RIG PA LA, ,DE YIS CHAGS CAN NYID YOD CES, ,BYA BA SHIN TU 'THAD PAR DKA', ,GAL TE 'DI GZHAN GYI CHAGS PA DANG BCAS PAR 'GYUR NA, DE BZHIN DU GZHAN CHAGS PA DANG BRAL BA LA SOGS PA RIG PA NA CHAGS PA DANG BRAL BAR 'GYUR RO, ,GNYI GA YANG DE NYID YIN NO ZHE NA, GCIG KYANG MYONG BA MED PAR NI, ,'DOD CHAGS CAN DU CI LTAR 'DOD, ,BTANG SNYOMS PAR NI RIG PA NI, ,CHAGS CAN LA SOGS SRID PA MIN, ,'DI LTAR BUM PA RIG PA NA, ,BUM PA DANG BCAS PAR MI 'GYUR BA DE BZHIN DU 'DOD CHAGS LA SOGS PA YANG GZHAN GYI RGYUD DU RTOGS PA'I BTANG SNYOMS PAR RTOGS PAR GYUR PA NI 'DOD CHAGS DANG LDAN PAR BSGRUB PA MA YIN NO, ,'ON TE BDAG NYID THAMS CAD RIG NA DE CI LTAR BDAG NYID RIG PA DE BZHIN DU RNAL 'BYOR PA YANG YIN PAS 'DOD CHAGS DANG BCAS PA NYID MI NYAMS SO ZHE NA, DE NI MI RIGS TE, DE YI NGO BOR RIG BYA NA, ,DE NYID DU NI RIG 'GYUR TE, ,DE NI GZHAN GYI 'DOD CHAGS SOGS, ,RIG PA YIN PAR CI LTAR GZHAG ,DE'I BDAG NYID DU RJES SU ZHUGS NA NI, GZHAN GYI CHAGS PA RIG PA MA YIN TE, DE NYID BDAG NYID KYI CHAGS PA YIN PA'I PHYIR RO, ,'DI NI NYES PA GZHAN YIN TE, ,DE YI NGO BO RIG BYA NA, ,DE NYID DU NI RIG MI 'GYUR, ,DE YI BDAG TU RIG

NA NI, ,CHAGS DANG BCAS PAR THAL BAR 'GYUR ZHE NA, DE NI MA YIN TE, 'DI LTAR, GZHAN LA GNAS PA'I CHAGS SOGS KYIS, ,DE YI LUS NGAG RNAM 'GYUR BAR, ,MI 'GYUR DE LA CHAGS SOGS KYI, ,SA BON RGYUD RINGS GNAS PA NYID, ,BAG CHAGS MTHU LAS BYUNG BA YIS, ,'DOD CHAGS KYIS 'DOD CHAGS DANG LDAN PAR BYED KYI GZHAN GYI BAG CHAGS LAS BYUNG BA GRUB PA NYE BAR GNAS PAR MYONG BAS NI MA YIN NO, ,GAL TE RANG GI NGO BO NYAMS SU MYONG NA DE'I BA SPU LDANG BA LA SOGS PA LUS RNAM PAR 'GYUR BA DANG, DAG RNAM PAR 'GYUR BAR CI STE MI 'GYUR ZHE NA, DE NI MA YIN TE, LUS DANG DAG GI 'GYUR BA DE, ,BAG CHAGS STOBS LAS 'GYUR BA YIN, ,BAG CHAGS MED PA DE LA NI, ,GNYI GA YANG NI SRID MA YIN, ,GAL TE GZHAN GYI SEMS BSGOMS PA'I STOBS NYID KYIS RIG PA MA YIN NAM, GOMS PA'I 'DU BYED KYANG BAG CHAGS YIN TE, DE LA GOMS PA'I 'DU BYED YOD NA; BAG CHAGS MED PAR CI LTAR 'GYUR, ,GOMS PA DANG BAG CHAGS DAG NI KHYAD PAR CUNG ZAD YOD PA YIN NO ZHE NA, ,DE NI MI RIGS TE 'DI LTAR, GO BAR BYED PA'I KHYAD PAR NI, ,SHIN TU MTHAR PHYIN RTOGS GYUR NA, ,GZHAN GYI SEMS NI RIG PA LA, ,KHYAD PAR SNANG BAR 'GYUR BA YIN, ,DE LA NI RTAGS KYI KHYAD PAR NYE BAR MTSON PA LA BSGOMS PA'I KHYAD PAR YOD KYI DE LA GO BAR BYED PA'I DON BSGOMS PA DE NI MED DO, ,YOD KYANG BDAG NYID DANG 'BREL PA NI MA YIN TE, DES NA DE LA BAG CHAGS MED PA'I PHYIR SNANG YANG CHAGS PA DANG BCAS PA MA YIN NO, ,'DIS NI MI GTZANG BA'I RO LA SOGS PA MYONG BA'I SKYON YANG SPANGS PA YIN TE, 'DI NI LAS LAS SKYES PA YI, ,DBANG POS RIG NA MI GTZANG SOGS, ,BCAS 'GYUR GOMS PA'I STOBS LA NI, ,'BYUNG BA GZHAN DAG GIS MA YIN, ,GAL TE BSGOMS PA'I STOBS KYIS LCE BSKYED DE MYONG NA NI DE'I TSE SKYON MED PA NYID DE, RMI LAM DU NI BGROD PAR MI BYA BA LA BGROD PA'I NYES PA YOD PA MA YIN NO, ,DE NI MI BDEN PA DES NA SKYON MED PA YIN NO ZHE NA, MI SLU BA YIN NA CI LTAR MI BDEN, GANG GI TSE YANG RMI LAM RMI BA DE'I TSE 'GYUR NA, DE'I TSE KHYOD LA BGROD PAR BYA BA MA YIN PA, BGROD PA'I NYES PA CI LTAR YIN, ,

, ,DE'I PHYIR GZHAN GYI LUGS NI MA YIN NO, ,RIM GYIS RIG NA THOG MED PA'I, ,DNGOS PO CI LTAR RIG CE NA, ,MA YIN DON RNAMS THAMS CAD NI, ,RIM MA YIN PAR RIG PHYIR RO, ,DPER NA SHIN TU GOMS PA YIS, ,BSTAN BCOS KYI NI DON RNAMS SU NA, ,YID LA SKAD CIG GCIG LA SNANG; ,DE BZHIN MTHA' MED RIG PA NYID, ,DPER NA SHIN TU GOMS PA YI, ,BSTAN BCOS KYI DON SKAD CIG GCIG NYID LA SNANG BA DE BZHIN DU THOG MA DANG THA MA MED PA RIG PA YANG YIN NO, ,BSTAN BCOS NI TSAD MA MA YIN PA'I PHYIR RO ZHE NA, TSAD DANG LDAN PA PHYIR SNANG BA NI MA YIN NO, ,'ON KYANG GOMS PA LAS YIN NO, ,BSTAN BCOS KYI BRJOD BYA DE NI THAMS CAD SNANG BA DES NA, DES DRAN PA LA SNANG BA YIN NO ZHE NA MA YIN TE, SNGA NA MED PA'I BSTAN BCOS KYI DON NI PHAN TSUN 'BREL BA YIN PAS DE LA NYE BA RGYU 'GA' ZHIG GIS GZHAN LA SNANG BA MA YIN NAM, GAL TE DE LA PHAN TSUN 'BREL PA'I BSTAN BCOS KYI DON 'GA' ZHIG SNANG BA'I RGYUS GZHAN YANG MA YIN NAM, THOG MA DANG THA MA MED BA SNANG BA NI DE LTA MA YIN NO ZHE NA, CI LTAR SNGA NA MED PA SNANG BA YIN ZHES THAMS CAD MTSUNGS SO, ,'DI LTAR, RGYU DANG 'BRAS BU'I 'BREL PA LAS, ,MA GTOGS PAR NI DON RNAMS LA, ,NYE BA YOD MIN THA SNYAD LA'ANG, ,DE NI CI LTAR YOD MA YIN, ,BSTAN BCOS SU DON RNAMS KYI NYE BA NI RGYU DANG 'BRAS BU'I DNGOS PO YIN TE, DES NA THAMS CAD SNANG BA YIN NO, ,'DI NI THA SNYAD LA YANG MTSUNGS TE, 'DI LTAR 'DI'I RNAM PAR 'GYUR BA NI 'DI YIN TE, 'DI'I RGYU NI 'DI LTA BU ZHIG YIN DGOS SO, ,RGYU DE YANG BRGYUD NAS 'BRAS BU 'DI SNYED KYI SKYED PAR BYED PA YIN NO, ,GANG GIS 'DI LA LHAN CIG BYED PA YOD PA 'AM, MED PAR 'GYUR BA 'DI'I BSOD NAMS NI 'DI 'DRA BA ZHIG YIN NO ZHES DE LTAR GZHAN GYIS SEMS RTOGS SO, ,SKYE BA SNGON MA LA SOGS PA RIG PA NA YANG BRGYUD NAS PHAN TSUN BRAL BA THAMS CAD DU RIGS TE, DES NA BSKAL BA GZHAN YANG NA RIG GO, ,BSKAL PAS BSKAL CAN SKYE BA LA, ,RGYU 'BRAS NYID NI RIG PA YIS, ,'GRO BA KUN GYI DE NYID DANG, ,DE YIS NANG BYAD RNAM GNAS RIG ,DE LTAR DON KUN RIG PA NI, ,LUGS KUN SPANGS NAS 'DIR BSTAN TO, ,GZHAN GANG DE YANG GZHAN DAG GIS, ,GZHUNG RJES 'BRANGS NAS GSAL BAR BSTAN,, ,,

, ,GAL TE BSGOMS PA'I STOBS LAS RNAM PA GSAL BA TSAD MA YIN NA 'O NA RNAM PAR RTOG PA'I SHES PA TSAD MAR MI 'GYUR TE, RNAM PA GSAL BA MED PA'I PHYIR RO, ,GZHAN DU [DD] NA TSAD MA YIN PAS DON LA RNAM PA MI GSAL BAR 'DOD NA, 'O NA RANG GI NGO BO LA YANG 'DOD PAR BYA'O ZHE NA, MA YIN TE GSAL BA'I RNAM PA DE NYID NI RANG GI NGO BO YIN TE, DON LA NI DE LTA MA YIN NO, ,DES NA DE RANG GI NGO BO LA RNAM PAR MI RTOG PA YIN LA, DON LA RTOG PA DANG BCAS PA YIN PAS DON LA NI DRAN PA YIN LA, RANG GI NGO BO LA NI DRAN PA MA YIN PAR MNGON SUM NYID DO, ,DE RANG GI NGO BO LA NI MA 'KHRUL PA YIN LA, DON LA NI 'KHRUL PA YIN NO ZHES BYA BA 'DI GA LAS SHE NA, RANG GI NGO BO NI GZHAN GYIS RIG PAR BYA BA MA YIN PA'I PHYIR RAM, THA DAD PHYIR RAM, GZHAN GYI NGO BO NI MYONG BA GZHAN GYIS RIG PA YIN TE, DE'I PHYIR DES DE RNAM PA GZHAN DU RIG PA'I PHYIR GNOD LA, DE'I PHYIR 'KHRUL PA YIN NO, ,RANG GI NGO BO LA NI DRAN PA MI SRID DE, DE NI DE NYID KYI TSE SKYES PA DANG RIG PA'I PHYIR RO, ,GAL TE RANG GI NGO BO YANG SNGAR YOD PA YIN NA,

, ,DA LTAR MED PA'I PHYIR, CI LTAR DRAN PAR MI 'GYUR RO, ,CI STE DE NYID KYIS DA LTAR DRAN NA 'DI NI KHYIM BYA SHI ZIN PAS SKAD 'BYIN PAR 'GYUR RO, ,DE NYID KYI PHYIR, RTOG PA'ANG RANG RIG LA MI 'DOD, ,DON LA RNAM PAR RTOG PA'I PHYIR, ,LKOG GYUR RAB TU MA GRUB PAS, ,RANG GI NGO BOR MI RTOG PHYIR, ,ZHES BSHAD DO, ,DE NYID KYIS DE BZUNG BA NA MNGON DU BYED PA YOD PA'I PHYIR RO, ,DE NYID KYI PHYIR RANG RIG PA'I MNGON SUM DU BRJOD DO, ,'DI LTAR, SHES GANG GANG LA SGRA DON 'DZIN, ,DE NI DE LA RTOG PA YIN, ,RANG GI NGO BO'ANG SGRA DON MIN, ,DE PHYIR DE LA KUN MNGON SUM, ,RNAM PAR RTOG PA DANG BCAS PA'AM, GZHAN GYI'ANG RUNG STE, RANG GI NGO BO NI SGRA'I DON MA YIN ZHING SPYI MA YIN LA, MNGON PAR ZHEN PA'I YUL MA YIN NO, ,DE LTA YIN DANG, SGRA SBYOR BA MED PA'I PHYIR RAM SPYI DANG 'DRE BA MED PA'I PHYIR RTOG PA MED PA YIN LA, RTOG PA NI SGRA'I DON 'DZIN PA'I SHES PA YIN TE, DE'I PHYIR MNGON SUM YIN NO, ,CI'I PHYIR RNAM PA GSAL BA NYID MA YIN NAM ZHE NA, DE NI GSAL BA NYID YIN TE, MA YIN NO ZHES CI LTAR BRJOD, 'DI LTAR, DE YI RANG BZHIN BTANG BA'I PHYIR, MI GSAL ZHES NI BRJOD PA YIN, ,RANG GI RANG BZHIN BTANG NGO ZHES, ,BYA BAR CI LTAR KHONG DU CHUD, ,RANG GI NGO BO NI DOR BAR NUS PA MA YIN TE,

DE DOR NA RIG PA MED PAR 'GYUR RO, ,ZHES BSHAD ZIN TO, ,DE LTA NA NI RANG RIG PA MED CING GZHAN RIG PA MED PA'I PHYIR THAMS CAD MED PA KHO NAR 'GYUR RO, ,'ON TE DON GYIS GO BAS RIG PA YIN PA'I PHYIR RANG RIG PA MA YIN NO ZHE NA MA YIN TE, DON GYIS GO BA RANG GI NGO BO NYID RIG PA KHO NAS RTOGS PAR BYA BA YIN NO, ,CI STE DE LA YANG DON GYIS GO BA YOD NA DE YANG DE LTAR YIN PAS THUG PA MED DO, ,GAL TE DON GYIS GO BA DON MYONG BA GRUB PA YIN NA, DON MYONG BA LA DON GO BAS CI ZHIG BYA, DON GRUB PA NA YIN GYI DON MYONG BA GRUB PA NI MA YIN NO ZHE NA, DON GRUB PA DE GANG YIN, GAL TE SKYE BA YIN NO ZHE NA, DON THAMS CAD RIG PAR THAL LO, ,'ON TE DON SHES PA YIN NA, DE'I DON 'DI LTAR 'GYUR TE, DON SHES PA LAS DON SHES PA RIG PA YIN NO ZHES BYA BAR 'GYUR BAS TSIG GI TSUL LEGS SO, ,'ON TE SHES PAR GYUR PA'I DON LAS DON RIG PA YIN NA, DON GYI SHES PAR GYUR PA ZHES BYA BA CI YIN, SHES PA LA SNANG BA'O ZHE NA, SHES PA MA SHES NA SHES PA LA SNANG BA JI LTAR SHES, SNANG BZHIN PA'I DON MNGON SUM NYID DO ZHE NA, MNGON SUM GYIS GRUB NA NI DE KHO NA LTAR YIN LA RAG MOD, DON GZHAN RTOGS PAS CI BYA, MNGON SUM NI DE NYID YIN TE, DE LTA MA YIN NA MI 'THAD DO, , DE LTA MA YIN TE, GAL TE SHES PA MNGON SUM MA YIN NA MNGON SUM NYID DANG 'DI NYID MI 'THAD DO, ,GAL TE SHES PA MNGON SUM MA YIN NA, MIG GI BYED PA YOD NA 'DI 'GYUR LA, GZHAN DU MA YIN PA'I PHYIR SHES PAS CI ZHIG BYA, RNA BA LA SOGS PA'I 'JUG PA MNGON SUM YIN NO ZHE NA, RNA BA LA SOGS PA'I 'JUG PA GANG YIN, SHES PA'O ZHE NA, SHES PA LKOG TU GYUR PA DE CI LTAR SHES, RNA BA LA SOGS PA'I 'JUG PA NYID LAS SHES SO ZHE NA, RNA BA LA SOGS PA 'JUG PA'I MNGON SUM NI DES SHES NA, SHES PA GO GA LAS YIN, DE LTA MA YIN NA RNA BA LA SOGS PA'I 'JUG PAS CI ZHIG BYA ZHE NA CI KHYED CI DGOS PA LA LTOS NAS DNGOS PO RNAMS 'BYUNG BAR 'GYUR RAM, DNGOS PO RNAMS NI RGYU NYID LAS, ,'BYUNG BAR 'GYUR TE DGOS PA MIN, ,GZHAN DU KHYED KYI DGOS PA NI, ,MED PAR DNGOS PO 'BYUNG MI 'GYUR, ,GAL TE RNA BA MNGON DU PHYOGS PAR 'GYUR MOD, SHES PA LA CI ZHIG 'ONGS,

, ,GAL TE SHES PA MA SKYES NA DON LKOG TU GYUR PA KHO NAR 'GYUR RO ZHE NA, GAL TE SHES PA SKYES KYANG DON LA CI ZHIG 'BYUNG, DE LTA NA YANG LKOG TU GYUR PA NYID DU 'GYUR TE, SHES PA SKYES PA NI DON GYI MNGON SUM DU GYUR PA NYID MA YIN TE, DE LKOG TU GYUR PA'I PHYIR LKOG TU GYUR PAR THAL BAR 'GYUR BA'I PHYIR RO, ,MTHONG BA NYID DO ZHE NA, 'O NA NI CI LTAR MTHONG BA DE LTAR 'GYUR RO, ,KHYED KYI YANG CI LTAR ZHE NA, DON SHES PA ZHES BYA BA NI SHES PA DE'I RNAM PA NYID DO, ,DE YANG RANG RIG PAS RTOGS PAR BYA BA YIN TE, GANG GIS THUG PA MED PAR 'GYUR BA DE'I RNAM PA CAN GYI SHES PA GZHAN GYIS RTOGS PAR BYA BA NI MA YIN NO, ,DES NA SHES PA'I RANG BZHIN GYI SGRUB PAR BYED PA NI RANG RIG PA KHO NA YIN PAR RIGS SO, ,GAL TE BSGOMS PA'I STOBS LAS BYUNG BA GSAL BAR SNANG BA MNGON SUM YIN NA, 'O NA NI RMI LAM GYI SHES PA YANG MNGON SUM DU 'GYUR RO, ,MI SLU BA YANG DE LA YOD PA YIN TE, DER YANG 'GRO BA DANG THOB PA YOD PA YIN NO, ,'DI NI MED DE, 'KHRUL DANG KUN RDZOB SHES PA DANG, ,RJES DPAG RJES SU DPAG LAS BYUNG, ,DRAN DANG 'DOD PA LAS BYUNG BA'O, ,MNGON SUM LTAR SNANG RAB RIB BCAS, ,MNGON SUM LTAR SNANG BA NI RNAM PA GNYIS TE, RTOG BCAS DANG RTOG MED DO, ,YANG RNAM PA BZHI STE, DE BSHAD PA NI, MNGON SUM LTAR SNANG RNAM PA BZHI, ,RTOG PA'I SHES PA RNAM GSUM DANG, ,RTEN BSLAD PA LAS BYUNG BA CAN, ,RTOG PA MED PAS GCIG YIN NO, ,GNYIS PO DE NYID RNAM PAR RTOG PA RNAM PA GSUM DU PHYE BA LAS RNAM PA BZHIR 'GYUR RO, ,MNGON SUM NI RTOG PA DANG BRAL BA YIN TE, DES NA RTOG PA RNAM PA GSUM YANG MNGON SUM LTAR SNANG BA'O, ,DE LA 'KHRUL PA'I SHES PA NI SMIG RGYU LA SOGS PA LA CHUR RTOG PAS 'JUG PA'I PHYIR MNGON SUM LTAR SNANG BA'O, ,KUN RDZOB TU YOD PA LA DON GZHAN SGRO 'DOGS PA'I PHYIR DANG, DE'I NGO BOR RTOG PA LA 'JUG PA'I PHYIR RO, ,RJES SU DPAG PA DANG DE'I 'BRAS BU LA SOGS PA'I SHES PA NI SNGAR NYAMS SU MYONG BA RTOG PAS 'JUG PA'I PHYIR MNGON SUM MA YIN NO, ,'OD ZER G-YO BA'I SMIG RGYU'I TSOGS SNANG BA NI MNGON SUM

NYID YIN LA, CHU LA SOGS PAR RTOG PA NI MNGON SUM LTAR SNANG BA YIN TE, CHU MNGON SUM DU MA BYAS PA'I RNAM PA CAN YIN PA'I PHYIR RO, ,KUN RDZOB TU YOD PA DAG LA YANG GZUGS LA SOGS PA TZAM 'DZIN PA KHO NA MNGON SUM YIN LA, DE'I 'DU BA CAN GYI RGYUR 'DOD PA'I YAN LAG CAN NI MNGON SUM DU BYAS PA MA YIN TE, REG PA LA SOGS PA SNGAR MTHONG BA'I DON GZHAN SGRO 'DOGS PA'I PHYIR DANG, SHES PA SNGA MA SNGA MAS BRTAGS PA'I RDZAS KYANG BRTAGS PA'I PHYIR RO, ,YAN LAG CAN NI GZUGS LA SOGS PA LAS THA DAD PAR 'GAR YANG MNGON SUM LA SNANG BA MED DO; ;RJES SU DPAG PA'I SHES PA NI RTAGS KYI SHES PA DANG, DE'I 'BRAS BU RTAGS CAN GYI SHES PA NI SNGAR MYONG BA MED PA MA YIN NO, ,RJES SU DPAG PA'I SHES PA 'DI YANG KHA CIG TU NI MNGON SUM YIN LA, KHA CIG TU NI MNGON SUM MA YIN TE, DU BA GLO BUR BA LAS ME RTOGS PAR RO, ,DE NA NI SNGAR MYONG BA RTOG PA YOD PA MA YIN NO, ,RTOG PA MED PAR JI LTAR RTAGS LAS RTOGS SHE NA, DE KHO NA LTAR MTHONG BA'I PHYIR RO, ,MTHONG BA NI GZHAN DU 'GYUR BAR MI 'THAD DO, ,CI'I PHYIR RTOG PA'I DBYE BA BSTAN, DPER BRJOD PA DU MA'I DON DU'O ZHE NA, MA YIN TE, MTSAN NYID THA MI DAD PA'I PHYIR RO, ,DU MA TZAM BSTAN PA NA HA CANG THAL BAR 'GYUR RO ZHE NA, DO NI MED DE, DGOS PA GZHAN YOD PA'I PHYIR RO, ,'DI LTAR, DBANG SKYES MIN PA GRUB DON DU, ,GNYIS BSHAD 'KHRUL BA MTHONG PHYIR RO, ,RJES DPAG SOGS GRUB BRJOD PA NI, ,SNGA MA GNYIS NYID SGRUB PHYIR RO, ,SMIG RGYU LA CHUR SHES PA LA PHA ROL DAG 'DI NI DBANG PO LAS SKYES PA NYID DO ZHES 'KHRUL TE, 'DI LTAR DBANG PO DANG DON PHRAD PA LAS BYUNG BA'I SHES PA 'KHRUL PA MED PA NGES PA'I BDAG NYID NI MNGON SUM MO ZHES BYA BA'I MTSAN NYID 'DI LA, 'KHRUL PA MED PA SMOS PA BYA BA NI SMIG RGYU LA CHUR SHES PA GCAD PA'I PHYIR RO, , GAL TE 'DI DBANG PO LAS SKYES PA MA YIN NA NI TSIG DANG PO KHO NAS BZLOG PA'I PHYIR DON 'DI LA 'KHRUL PA MED PA SMOS PAS CI ZHIG BYA, DON MED PAR SKYES PA ZLA BA GNYIS KYI SHES PA BZLOG PA'I PHYIR RO ZHE NA, MA YIN TE, DE NI DON PHRAD PA SMOS PA NYID KYIS BZLOG PA'I PHYIR RO, ,DBANG PO SMOS PAS NI DBANG

, ,PO LAS MA SKYES PA BZLOG PA YIN NO, ,KUN RDZOB TU YOD PA'I YUL CAN LA GZHAN DAG DBANG PO LAS SKYES PAR RLOM PA LA NI RTZOD PA MED PA KHO NA'O, ,'O NA RJES SU DPAG PA LA SOGS PA BRJOD PA NI DON MED DO, ,DES NA DBANG PO LAS SKYES PA MA YIN PAR SGRUB PA MA YIN TE; RJES SU DPAG PA LA SOGS PA DBANG PO LAS MA SKYES PA NI GRUB ZIN PA'I PHYIR RO ZHE NA, 'DI LA SMRAS PA, RJES DPAG LA SOGS GRUB ZIN KYANG, ,SGRUB BYED YIN PHYIR SMOS PA NYID, ,THAMS CAD DU NI GRUB PA NYID, ,DPE NYID DU NI RAB TU SBYOR, ,MA GRUB PAS NI MA GRUB PA SGRUB PA MA YIN NO, , GANG GIS SNGA MA GNYIS BSGRUB PAR 'GYUR BA 'DIR 'KHRUL PA RGYU CI ZHIG YIN ZHE NA, BSHAD PA, BRDA RTEN PA DANG DON GZHAN CAN, ,SGRO 'DOGS RNAM PAR RTOG PA DAG ,MNGON SUM NYER 'JUG CAN NYID PHYIR, ,'GA' TSE 'KHRUL PA'I RGYU YIN NO, ,BRDA LA BRTEN PA NI YAN LAG CAN TE, DE RNAM PAR GNAS PA'I RGYU NI BRDA TZAM YIN PA'I PHYIR RO, ,DON GZHAN NI CHU'O, ,SGRO 'DOGS PA NI BLA LHAG TU SGRO 'DOGS PA'O, ,RNAM RTOG NI DRAN PA'O, ,CHU NI SNGAR MTHONG BA YIN PA'I PHYIR DRAN PAR BYAS PA YIN GYI, DE SGRO 'DOGS PA NYID NI MA YIN TE, 'BA' ZHIG LA MTHONG BA NI BDEN PAR SNANG BA'I PHYIR RO, , YANG NA BZLOG STE, SGRO 'DOGS PA NI CHU YIN LA RNAM PAR RTOG PA NI YAN LAG CAN YIN PA 'AM, GNYI GAR GNYI GA YIN NO, ,THA DAD PA DANG SGRO 'DOGS PA'I RNAM RTOG DAG RES 'GA' DBANG PO LAS SKYES PA'I MNGON SUM DANG NYE BAR 'JUG PA YIN PA'I PHYIR RO, ,NYE BAR 'JUG PA DE NYID NI 'DIR 'KHRUL PA'I RGYU YIN NO, ,DE NYID DAM DES 'KHRUL PA'I RGYU BYED PA'I PHYIR RO, ,DE 'KHRUL PA'I RGYU YIN PA, DE DE'I DPE'I SGO NAS RJES SU DPAG PA YIN NO, ,CI LTAR LKOG TU GYUR DON CAN, ,DRAN PA LA SOGS RTOG PA 'DI, ,BRDA LA LTOS PA'I NGANG TSUL CAN, ,MNGON SUM DON LA 'DZIN MI BYED, DE LTAR NYAMS MYONG DRAN MED PAR, ,BUM PA LA SOGS PA DAG LA, ,SHES YONG YIN PAS DE YANG NI, ,MNGON SUM LAS NI YONGS NYAMS 'GYUR, ,RJES SU DPAG PA'I RTOG PA NI 'BREL PA 'DZIN PA LA LTOS PA YIN LA, 'BREL PA 'DZIN PA NYID KYANG BRDA YIN NO, ,DES NA 'BREL PA LAS LKOG TU

GYUR PA'I DON RTOGS PA YIN PA'I PHYIR MNGON SUM MA YIN NO, ,MNGON DU BYED PAS NI DER 'GYUR BA YIN NO, ,DE BZHIN DU BUM PA LA SOGS PA DAG LA YANG DBANG PO GANG YANG RUNG BA CIG GIS GZUGS LA SOGS PA RTOGS PA GANG YIN PA DE LAS LHAG PAR GYUR PA'I RO LA SOGS PA DAG SNGON GYI RJES SU 'BRANGS NAS DRAN PA YIN NO, ,RO LA SOGS PA NYID DRAN PA YIN GYI, YAN LAG CAN NI MA YIN NO ZHE NA, MA YIN TE, RO LA SOGS PA LAS THA DAD PAR DER MTSON PA MED PA'I PHYIR RO, ,DKAR PO GANG YIN PA DE NYID RTZUB MO YIN NO ZHES BYA BA LA SOGS PA GCIG TU RTOGS PA'I YUL NI YAN LAG CAN YIN NO, ,'DI LTAR RE ZHIG KHA DOG DANG REG PA NI GCIG NYID MA YIN TE, DES NA GAL TE YAN LAG CAN MED NA GCIG TU RTOGS PA NYID DU MI 'GYUR RO ZHE NA, GAL TE YAN LAG CAN YOD PA DE LTA NA YANG KHA DOG DANG REG PA LA SOGS PA GZHI MTHUN PAR JI LTAR 'GYUR, DE DAG GCIG PA NYID NI MA YIN NO, ,GZHI GCIG PA'I PHYIR GCIG NYID YIN NO ZHE NA, NYE BAR BTAGS PA NYID DU 'GYUR NA, 'DI LA NYE BAR BTAGS PA'I RTOGS PA NI MED DO, ,RTOGS PA YOD KYANG NYE BAR BTAGS PAS NI YAN LAG CAN MI 'GRUB STE, DE LTA MA YIN NA YANG NYE BAR BTAGS NAS GZHI MTHUN PA SRID PA'I PHYIR RO, ,YUL GCIG PA NYID YIN PHYIR DANG, ,DON GCIG LA NI SBYOR BA DANG, ,DE 'GYUR NA NI 'GYUR BA'I PHYIR, ,GCIG TU THA SNYAD BYED PAR 'DOD, ,REG BYA'I YUL GANG YIN PA DE NYID GZUGS KYI YIN PAR RTOGS TE, DES NA GCIG NYID DU LHAG PAR ZHEN PA YIN NO, ,CHU LA SOGS PA 'DZIN PAR REG BYA'I 'BRAS BU GANG YIN PA DE NYID LA GZUGS KYI BYED PA YANG 'JUG PAR RTOGS SHING REG PA MNYES PAR GYUR PA NA GZUGS KYANG SDUD PA LA SOGS PAR 'GYUR BA DE'I PHYIR, 'DI GCIG YIN NO ZHES BYA BA'I THA SNYAD DU LHAG PAR ZHEN TE, ,GAL TE GZUGS LA SOGS PA LAS DE DAG GZHI THA DAD PAR THA DAD YIN NA DE DE LAS THA DAD PAR RTOGS PAR 'GYUR RO, ,MA RTOGS NA NI DMIGS PA'I MTSAN NYID CAN MED PA YIN NO, ,CI STE YAN LAG CAN MED NA PHAN TSUN CI STE MA 'GYES SHE NA, YAN LAG CAN NI YOD NA YANG, ,DE GSUM CI STE GYES MA 'GYUR, ,'PHRO 'DU'I 'BREL STOBS LAS SHE NA, ,DE YANG

, ,BYE BAR 'GYUR BA YIN, ,'DI NYID RANG BZHIN YIN ZHE NA, ,'DI NYID DANG POR BRJOD PAR BYA, ,RANG GI RGYU LAS GZUGS SOGS KYI, ,RANG BZHIN 'DI YIN 'THAD PAR LDAN, ,'PHROD PAR 'DU BA RTAG PA LA, ,DE LTAR BSAM PA GA LA YOD, ,GAL TE YAN LAG CAN GZHAN YOD NA DE LTA NA YANG GSUM PAR GYUR PA YIN ZHE NA GSUM PO YANG PHAN TSUN CI STE MI GYES, CI STE MI GYES PA'I RGYU 'PHROD PA 'DU BA YIN NA, DE YANG CI STE MI GYES, DE'I RANG BZHIN NI DE NYID YIN NO ZHES BYA BA YANG LAN MA YIN TE, DE NI GZUGS LA SOGS PA NYID KYI RANG BZHIN YIN PAR 'GYUR MOD, DON GZHAN BRTAGS PAS CI ZHIG BYA, ,GZUGS LA SOGS PA'I RANG BZHIN DE NI RANG GI RGYU LAS YIN PA'I PHYIR, DE NI RIG PA DANG LDAN GYI 'PHROD PA 'DU BA'I RGYU MED PA LA RANG BZHIN DE YOD PAR GA LA 'GYUR, GANG GIS DE LTAR 'PHROD PA 'DU BA RANG BZHIN DE NI 'PHROD PA 'DU BA'I RTEN GYI RANG GI RGYU LAS BYUNG BA YIN NO,, ZHE NA; DE LTAR BRGYUD PA 'DIS CI ZHIG BYA STE, GANG GIS 'PHROD PA 'DU BAS DE DAG MI 'GYES PAR BYED PA'ANG GI RGYU LAS DE DAG NYID DE 'GYUR BA YIN LA, DE'I RGYU NYID MI 'GYES PAR BYED PA'I RGYU YIN PA'I PHYIR, 'DI'I MCHOG PA CI ZHIG YOD NA GANG GI DON DU BRGYUD PA 'DOD, DE LTA BU NYID DU MTHONG NGO ZHE NA; MTHONG BA GZHAN DU BYA BAR MI NUS PA'I PHYIR GAL TE MTHONG NA NI 'GYUR BA YIN ZHE NA, MTHONG BA NI PHAN TSUN 'BREL PA'I GZUGS LA SOGS PA NYID YIN GYI DE LAS LHAG PA NI MED PA'I PHYIR RO, ,'DI NI DE DAG NYID KYI RANG BZHIN DU BRTAG GO, ,DE'I PHYIR YAN LAG CAN DU LHAG PAR SGRO BTAGS PA NI MNGON SUM MA YIN NO, ,DE'I PHYIR 'DI'I RIGS PA RGYAS PAR BSTAN PA'I DON DU DPE DANG DON NYE BAR BKOD PA YIN NO, ,RAB RIB BCAS SMOS PA CI'I DON DU ZHE NA, RAB RIB LAS BYUNG BA YANG RTOG PA DANG BCAS PA YIN NO ZHES KHA CIG ZER BAS DE BZLOG PA'I PHYIR DE SMOS SO, ,DE LTA MA YIN NA DRAN PA LA SOGS PA SMOS PAS 'DI YANG ZIN PA'I PHYIR LOGS SHIG TU BKOD PA DON MED PAR 'GYUR RO, ,GAL TE RTOG PA MED PA YIN NA, RTOG PA DANG BRAL BA'I PHYIR MNGON SUM DU 'GYUR RO ZHE NA, RTOG PA DANG BRAL LO COG NI MNGON SUM MA YIN GYI, 'ON KYANG MA 'KHRUL PAR GYUR PA'O, ,RTOG PA DANG

BRAL BA MA 'KHRUL BA MNGON SUM YIN GYI, THAMS CAD NI MA YIN TE 'DI LTAR, DMIGS KYIS BSAL BA'I YUL BRTAGS TE, ,DE DANG BRAL BA LA SPYIR BTANG BA 'JUG GO, ,DMIGS KYIS BSAL BA GANG YIN ZHE NA, 'DIR NI BZHI PA DMIGS BSAL TE, ,DES NI NYER GNOD LAS SKYES BRJOD, ,DE LTA RAB RIB 'BA' ZHIG NI, ,NYER GNOD MTSON PAR BYED PA YIN, ,RTOG PA GSUM LAS BZHI PA RAB RIB LAS BYUNG BA SMOS PA NI DMIGS KYIS BSAL BA YIN NO, ,RTOG PA DANG BRAL BA ZHES BYA BA SPYIS MNGON SUM DU 'GYUR BA, RAB RIB BCAS ZHES BYA BA'I KHYAD PAR GYIS MNGON SUM LTAR SNANG BAR BRJOD PA YIN NO, ,KHYAD PAR BRJOD PA NI SPYI BRJOD PA'I GNOD PAR BYED PA YIN NO, ,'DI LA TSAD MA GANG YOD CE NA, SPYIR RTOGS PA NI KHYAD PAR RTOGS PAS GNOD PA YIN TE, 'DI LTAR, MI MTHUN PHYOGS LA SNGAR MA MTHONG, ,TZAM GYIS RTOG PA DANG BRAL LAS, ,GANG TSE LHAG MA DANG LDAN PA'I, ,RJES SU DPAG PA 'JUG BYED PA, ,HA CANG THAL BAR 'GYUR DE LA, ,GSAL BAR KHYAD PAR GNOD BYED YIN, ,DES NA DE LAS GZHAN NYID LA, ,SNGA MA DE NI 'JUG BYED NYID, ,MI MTHUN PA'I PHYOGS LA SNGAR MA MTHONG BA TZAM GYIS SPYIR MTHONG BA'I RJES SU DPAG PA NI MNGON SUM MAM, RJES SU DPAG PA GZHAN GYIS GNOD PAR MI 'GYUR BA MA YIN NO, ,DES NI SPYI DANG KHYAD PAR DAG LA GNOD PAR BYA BA DANG, GNOD PAR BYED PA'I DNGOS PO YIN PA NI MNGON SUM GYIS GRUB PA YIN LA, DON DE STON PA'I TSIG DAG GI GNOD PAR BYA BA DANG GNOD PAR BYED PA'I DNGOS PO YANG DE NYID YIN NO, ,'O NA SLOB DPON CI'I PHYIR SPYIR MTHONG BA'I RJES SU DPAG PA LAS MTSAN NYID 'CHAD CE NA, MA YIN TE, SLOB DPON GYIS NI KHYAD PAR DU MTHONG BA'I RJES SU DPAG PA NYID BZHED PA YIN NO, ,DE'I DON GANG YIN PA DE NI TSIG GCIG GIS BSTAN PAR MI NUS PA'I PHYIR, DMIGS KYIS BSAL BA DANG BAS TE BRJOD DO, ,'O NA SPYI'I PHYIR RTOG PA DANG BRAL BA SMOS PA DANG, LHAN CIG TU MA 'KHRUL PA SMOS PA MA BYAS, GLANG PO CHE'I 'KHRUL KHAS BLANGS PAS CI BYA ZHE NA, MA YIN TE, DMIGS KYIS BSAL BA RAB RIB BCAS PA SMOS PAS MA 'KHRUL PA SMOS PA'I DON THOB BAM, GZHAN DU YANG RUNG STE, KHYAD PAR CI YOD, RTOG PA DANG

, ,BRAL BA SMOS PA'I DE MA THAG PA NYID KYIS THOB PO ZHE NA, MA YIN TE, KHYAD PAR MED PA'I PHYIR RO, ,DON DU MTSUNGS PA MA YIN PA DAG LA DE MA THAG PA RGYU MA YIN NO, ,TSAD MA'I YUL GYI GNOD BYA GNOD BYED KYI NGO BO YANG CI NAS BSTAN PAR 'GYUR BAR BYA BA'I PHYIR DE LTAR BYAS SO, ,GNOD PAR BYED PA NI GDON MI ZA BAR DE MA THAG TU 'GYUR BA MA YIN NO, ,DE CI'I PHYIR MA 'KHRUL PA NYID SMOS PAR MI BYED CE NA, DE NI BDEN TE, MNGON SUM NI MNGON DU BYED PA YIN LA, DE YANG MA 'KHRUL PA SMOS PAS BSTAN PAR NUS PA YIN NO, ,MNGON DU BYED PA'I RNAM PA MA YIN PA NI MA 'KHRUL PAR MI 'GYUR TE, RTOG PA DANG BCAS PA NI 'KHRUL PA YIN PA'I PHYIR RO, ,PHA ROL DAG NI RTOG PA DANG BCAS PAS KYANG MNGON DU BYED PA'I RNAM PA MA 'KHRUL PA 'DOD PAS DE'I DBANG DU BYAS NAS 'DI GNYIS BRJOD DO, ,DE SKAD DU YANG GZHAN GYI LUGS LA LTOS NAS MTSAN NYID KHYAD PAR DU BYAS SO ZHES BSHAD DO, ,THAMS CAD KYANG RNAM PAR RTOG PA MAD PA KHO NA'O ZHES BYA BA YIN NO, ,YANG NA, GNOD BYA DANG NI GNOD BYED KYI, ,TSUL KUN RTOG PA PO LA LTOS, ,GNOD BYED MTHONG BA MED PAS SNGAR, ,SPYI NYID DU NI RTOGS PA YIN, ,'DIR KHYAD PAR BZHED PA YIN NO ZHES SLOB DPON GYI DGONGS PA MA SHES PA, GNOD BYED BYED PA MTHONG BA LAS PHYIS KHYAD PAR DE YANG RTOGS PAR 'GYUR RO, ,SKYES BUS MA BYAS PA'I TSIG LA NI TSAD MA'I RTZA BA NYID MED PA'I PHYIR GNOD BYA GNOD BYED YOD PA MA YIN NO, ,SKYES BUS BYAS PA LA NI SNGAR GYI BLO 'KHRUL PA TSAD MA'I RTZA BA CAN GYI BLO PHYI MAS SHES PAR 'GYUR RO, ,RIG BYED LAS NI BLO 'KHRUL PA YANG MI SKYE'O, ,DE LTA NA NI TSAD MA MA YIN PA NYID DE, THAMS CAD DE LTA BU YIN PAR THAL BAR 'GYUR BA'I PHYIR RO, ,GNOD PA MED NA TSAD MA NYID DO ZHE NA, MA YIN TE, BRTAGS NA DON GZHAN NYID DO ZHES PHYIS YANG GNOD PAR BYED PA SRID PA'I PHYIR RO, ,DE LTA BU NI TSAD MA LA YANG 'GYUR RO ZHE NA, MA YIN TE, TSAD MA NI BRTAN PA'I PHYIR RO, ,DE LTA YIN DANG RIG BYED SMRA BA DAG GIS TSAD MA DANG 'GAL BA'I LUNG SPANGS PA YIN TE, DE LTA MA YIN NA DON BRJOD PA BSHAD PA RGYU MTSAN MED PAR 'GYUR RO, ,DES NA GNOD BYA GNOD BYED NI

SKYES BUS BYAS PA'I TSIG KHO NA LA YIN NO, ,RAB RIB BCAS ZHES BYA BA NYID GNOD PAR BYED PA YIN GYI MIG SER LA SOGS PA NI MA YIN NO ZHE NA, BSHAD PA DES NI NYE BAR GNOD PA LAS SKYES PA THAMS CAD BRJOD PA YIN NO, ,RAB RIB NI NYE BAR GNOD PA MTSON PA YIN GYI, NYE BAR GNOD PA GZHAN BZLOG PA NI MA YIN NO, ,'DI LTAR, RAB RIB DON GYIS STONG NYID KYIS, ,MNGON DU BYED NYID MA YIN PHYIR, ,MNGON SUM LTAR SNANG BAR BSAMS TE, ,MNGON SUM NYID NI BSAL BAR BYAS, ,DON GYIS STONG PA DE NI MIG SER GYI STOBS BDO BAS MIG GI STOBS 'GRIBS PA DAG GI SHES PA LA YANG CHA TZAM YANG MA GOD PAR YOD DO, ,DES NA RIG PA SMRA BA DAG GIS RAB RIB BCAS ZHES SMOS PA NI MTSON PA YIN PAR KHONG DU CHUD PAR BYA'O, ,RAB RIB NI NYE BAR GNOD PA MA LUS PA MTSON PAR BYED PA'O, ,GZHAN DAG NA RE, 'DI NI RTOG PA DANG BRAL BA MOS PA'I BZLOG PA'I DPE YIN GYI, DMIGS KYIS BSAL BA NI MA YIN NO ZHES ZER RO, ,DE LA BSHAD PA NI, DE YANG YID KYI ZHES KHA CIG, ,SDO DANG ZLA GNYIS LA SOGS BLO'I, ,DBANG PO'ANG RGYU YIN ZHES BYA BA'I, ,GZHUNG 'DI DANG NI DE DAG 'GAL, ,ZLA BA GNYIS LA SOGS PA'I SHES PA 'DI NI SMIG RGYU LA CHUR SHES PA LTAR YID NYID YIN NO, ,'DI LTAR SMIG RGYU DAG LA DANG POR NI DBANG PO'I SHES PA MA 'KHRUL PA NYID SKYE LA, PHYIS CHU NYAMS SU MYONG BA'I BAG CHAGS SAD PA LAS RNAM PAR RTOG PA DANG BCAS PAS CHUR SHES PA YIN NO, ,SAD PA DE YANG SMIG RGYU MTHONG BA NYID LAS YIN TE, 'DRA BA LA BRTEN PA'I SMIG RGYU NI DE LTA BU'I CHOS CAN YIN PA'I PHYIR RO, ,DE BZHIN DU 'DIR YANG DANG PO NI ZLA BA'I YUL CAN MA 'KHRUL PA'I SHES PA YIN LA, PHYIS NI ZLA BA GNYIS KYI RNAM PA CAN RTOG PA DANG BCAS PA YIN NO, ,DE LA KHA CIG NA RE, G-YO BA MED PA'I MIG GNYIS KYI DBUS NA GNAS PA'I ZLA BA DE NYID ZUR GNYIS SU RIM GYIS DMIGS PA NA DUS PHRA BA'I PHYIR CIG CAR BZHIN DU MTSON PA YIN LA, ZUR GNYIS SU GNYIS NI SGRO BTAGS PA YIN NO ZHES ZER RO, ,DE DAG NI, DBANG PO RNAM PAR REG PA'I RGYU, ,PHRA RAB RDUL DAG YIN MOD KYI, ,DER MI SNANG PHYIR DE YUL NI, ,RDUL PHRAN MA YIN DBANG PO BZHIN, ,DE LTA BU 'AM RNAM PA GZHAN DU GYUR PA'I MIG LA SOGS PA'I RDUL PHRA RAB DE DAG NYID ZLA BA GNYIS

, ,DANG; SNGON PO LA SOGS PAR SNANG BA'I RGYU YIN NO ZHES BYA BA'I GZHUNG DANG 'GAL LO, ,ZLA BA GNYIS SU SNANG BA YID YIN NO, ,DBANG PO'I RGYU YIN PAR BRJOD MI NUS SO, ,CI STE YID YIN YANG BRGYUD PAS DBANG PO RGYU YIN PAR MI 'GAL LO, ,DNGOS SU DBANG PO RGYU YIN NA NI, ZLA BA GNYIS KYI SHES PA YID YIN PAR 'GAL LO ZHE NA, 'DI LA BSHAD PA, GAL TE BRGYUD PAS RGYU YIN NA, ,DBANG PO'I SHES PA'I SPYOD YUL DAG ,DPYAD PA 'DI LA YID KYI NI, ,SKABS SU JI LTAR 'GYUR BA YIN, ,DBANG PO'I SHES PA'I YUL GANG YIN ZHES BRGAL ZHING BRTAGS PA NA, DE'I RNAM PA CAN NAM GZHAN DU DNGOS SU GANG LAS DBANG PO'I SHES PA SKYE'O ZHES PHA ROL GYIS BRJOD PAR BYA'O, ,RE ZHIG DE'I RNAM PA CAN NYID KYIS NI YUL NYID MA YIN TE, MI SRID PA'I PHYIR RO, ,RDUL PHRA RAB DAG LA RIL PO GCIG GI RNAM PA RAGS PA NYID MED PA'I PHYIR RO, ,CI STE, DE'I RNAM PA CAN MA YIN YANG RGYU GANG YIN PA DE YUL YIN NA, DE YANG MI 'THAD DE, RNAM PA GZHAN GYI SHES PA'I RGYU YIN NA DBANG PO BZHIN DU YUL MA YIN PA NYID DO, ,DE LA GAL TE SLOB DPON BRGYUD PAS RGYU YIN PAR DGONGS NA, DE'I TSE DE LTA BU'AM, RNAM PA GZHAN DU ZHES BYA BA LA SOGS PA'I TSIG GIS GZHAN LA DBANG PO YUL NYID DU THAL BAR 'GYUR BA MI MDZAD DE, RDUL PHRA RAB DAG DNGOS SU RGYU YIN NA YUL YIN PAR GZHAN GYIS BRJOD PA'I PHYIR RO, ,'O NA NI THAL BA NYID MI RIGS SO ZHES BRJOD PAR BYA'O, ,'DI LA YID KYI NI, SKABS SU JI LTAR 'GYUR BA YIN, ,ZHES BRJOD PAS CI BYA ZHE NA, BSAM PA NI, RDUL PHRAN PHAN TSUN DBEN PA DAG ,DANG PO SO SOR SNANG BA YIN, ,RNAM PAR RTAG PA'I SHES PA LAS, ,RIL PO'I RNAM PAR SNANG BAR 'GYUR, ,GZHAN DAG NA RE, RIL PO GCIG TU SNANG BA NI RNAM PAR RTOG PA DANG BCAS PA'I SHES PA YIN LA, RDUL PHRA RAB DE DAG NI BRGYUD PAS DE'I YANG RGYU YIN PA'I PHYIR YUL YIN TE, DPER NA DRAN PA'I YUL DON YIN PA BZHIN NO ZHES ZER BA LA, SLOB DPON GYIS, DER MI SNANG PHYIR DE YUL NI, ,RDUL PHRAN MA YIN DBANG PO BZHIN, ,ZHES GSUNGS TE, DPER NA DBANG PO BRGYUD PAR RGYU NYID YIN YANG YUL MA YIN PA DE BZHIN DU, RDUL PHRA RAB DAG KYANG YIN NO, ,GZHAN DU GYUR PA'I DBANG PO NI, ,

ZLA BA GNYIS KYI SHES PA'I BRGYUD PA'I RGYU YIN NO, ,'DI LA BRJOD PA, DBANG PO'I SHES PA'I SPYOD YUL DAG ,DPYAD PAR 'DI LA YID KYIS NI, ,SKABS SU JI LTAR 'GYUR BA YIN, ,ZHES BYA BA YIN NO, ,YID NYID YIN NA NI YUL DPYAD PA LEGS PA MA YIN TE, YUL MED PA'I PHYIR RO, ,DE LTAR YANG 'DI LA TSAD MA CUNG ZAD KYANG MED PA'I PHYIR SLOB DPON GYI LA RIGS PAR BRJOD PA YIN GYI, THAL BAR 'GYUR BAS BRTZAD PA NI MA YIN NO, ,DE NYID BRJOD PA YID KYI NI, ,SKABS SU JI LTAR 'GYUR BA YIN, ,ZHES BYA BA YIN NO, ,GZHAN BRJOD PA NI, GAL TE ZLA BA GNYIS KYIS SHES PA LA SOGS PA YID LA DBANG PO'I RGYUR BRJOD NA NI, DE'I TSE YID NYID KYI YUL DPYOD PAR 'GYUR RO, ,DES NA SKABS SU JI LTAR 'GYUR BA YIN ZHES BYA BA LAN YIN NO ZHE NA, DE NI MI 'THAD DO ZHES BSTAN ZIN TO, ,DBANG RTEN GANG YIN GAL TE GANG, ,DBANG PO YOD MED RJES 'JUG CAN, ,DE MTSUNGS GAL TE LDAN 'GYUR NA, ,DE 'DI NYID NA CI PHYIR 'GOG ,RE ZHIG GAL TE ZLA BA GNYIS LA SOGS PA'I SHES PA 'DI YID YIN NA NI, DBANG PO YOD PA DANG MED PA'I RJES SU 'JUG PAR MI 'GYUR RO, ,GAL TE DBANG PO YOD PA DANG MED PA'I RJES SU 'JUG KYANG DE YID YIN NA, DE LTA NA KA BA LA SOGS PA'I SHES PA YANG YID DU THAL LO, , DANG PO NI RANG GI RNAM PA NYID SHES LA, PHYI'I DON GYI RNAM PA YID LA SNANG BA YIN NO, ,CI STE 'DI LA TSAD MA MED DO ZHE NA, DE LTA NA NI ZLA BA GNYIS SU SNANG BA YANG YIN PA'I PHYIR MTSUNGS SO, ,CI STE GANG ZHIG DBANG PO 'GYUR BAS 'GYUR BA DE DBANG PO LA BRTEN PA YIN NA, DE'I TSE YID NYID DBANG PO LA BRTEN PAR THAL LO, ,DBANG PO LA BRTEN PA YANG 'GYUR BA NYID DO ZHE NA, 'O NA GNYI GA YANG DBANG PO LAS BYUNG BAR THAL LO, ,DNGOS SU'O ZHE NA, MA YIN TE, GZHAN LA 'GYUR BA MTHONG BA MED PA'I PHYIR RO, ,'DI'I RJES SU 'BRANGS NAS DE YANG RNAM PAR 'GYUR BA SHES PAR BYA'O ZHE NA, DE YANG YID NYID DE; RNAM PAR 'GYUR BA'I PHYIR 'DI BZHIN NO ZHES THUG PA MED PAR 'GYUR RO, ,DE'I PHYIR 'DI NYID DBANG PO LAS SKYES PA YIN NO, ,'DI YANG SPRUL SOGS 'KHRUL PA BZHIN, ,DBANG PO'I 'GYUR BA YOD NA YANG, ,LDOG 'GYUR DBANG PO'I BSLAD PA NI, ,LOG KYANG LDOG PAR MI 'GYUR ZHING, ,DE BZHIN GZHAN

, ,GYI RGYU LA NI, ,BRJOD PA DAG GIS 'GA' TSE 'JOG, MTHONG BA DRAN PA LTOS 'GYUR ZHING, ,YONGS SU GSAL BAR SNANG MI 'GYUR, ,GAL TE ZLA BA GNYIS LA SOGS PA'I BLO YID YIN NA, DBANG PO'I 'GYUR BA YOD KYANG LOG PAR 'GYUR RO, ,SBRUL DU 'KHRUL PA NI DBANG PO'I 'GYUR BA YOD KYANG RNAM PAR DPYAD NA LDOG PAR 'GYUR GYI, ZLA BA GNYIS LA SOGS PA'I 'KHRUL PA NI MA YIN NO, ,CI STE NAG PO LA SOGS PA'I MTSAN NYID CAN SBRUL DU 'KHRUL PA YANG MI LDOG PA NYID DO, ,SBRUL DU 'KHRUL PA NI MUN PA DANG BCAS PA'I PHYIR SU YIN NO, ,DE LA THAG PA LA SOGS PA NAG PO LA SOGS PA'I RANG BZHIN CAN NI RAB RIB MED KYANG YOD PA YIN NO, ,MIG RAB RIB DANG BRAL TE GZHAN DU GYUR KYANG NAG PO LA SOGS PA'I RANG BZHIN NI YOD PA MA YIN TE, DE MIG RNAM PAR 'GYUR BA YOD NA YANG LDOG PAR JI LTAR 'GYUR, DES NA LDOG PA MA GRUB BYED DU JI LTAR 'GYUR, DBANG PO'I BSLAD PA NI, LOG KYANG LDOG PAR MI 'GYUR RO, ,ZHES GANG BRJOD BA DE YANG MI RIGS TE, YID KYIS CHUR 'KHRUL PA YANG DBANG PO'I BSLAD PA LA SOGS PA LA NI MA MTHONG STE, SAD PA'I RKYEN TSAD PAS GDUNGS PA MED NA MED PA'I PHYIR RO, ,CHUR 'KHRUL PA NI GZHAN GYI RGYUD LA 'JUG PAR MA MTHONG STE, TSAD PAS GDUNGS PA GZHAN GYI TSIG LAS DE LTAR 'GYUR BA NI MA YIN NO, ,SPRUL DU 'KHRUL PA YANG MTHONG BA DRAN PA LA LTOS PAR NI MA MTHONG STE NAG PO LA SOGS PA NI DANG PO NYID 'GYUR BA'I PHYIR RO, ,YONGS SU GSAL BAR SNANG BA YANG RMI LAM LA SOGS PA NA YID KYI 'KHRUL PA LA YANG YOD PA NYID DO, DES NA YONGS SU GSAL BAR SNANG MI 'GYUR ZHES BYA BA LA SOGS PA 'DI THAMS CAD MI 'THAD DO, ,DE YOD NA YOD PA DANG, DE 'GYUR NA 'GYUR BA'I BRGYUD PA'I 'BRAS BU LA YANG 'GYUR BA NYID DO ZHE NA, 'DI LA BSHAD PA, DE LA NAG PO LA SOGS PAR, ,SNANG BA GANG DE DBANG SKYES NYID, ,LDOG MED LA SOGS CHOS DAG NI, ,DE YI YIN PHYIR LAN BZANG MIN, ,DBANG PO LAS BYUNG BA'I NAG POR SNANG BA LA SOGS PA NI GDON ME ZA BAR DE LOG NA MI LDOG PA MA YIN NA, ,YONGS SU GSAL BAR SNANG BA YANG DBANG POS BSKYED PA NYID YIN GYI YID NI MA YIN NO, ,NYI MAS GDUNGS

PA LA SOGS PA'I STOBS LAS YID KYANG 'GYUR RO ZHE NA, MA YIN TE, YONGS SU GSAL NA DE RTOG PA MED PA NYID YIN PA'I PHYIR DBANG PO LAS BYUNG BA DANG KHYAD PAR MED DO, ,DE LTA YIN DANG RAB RIB BCAS SMOS PA NI DMIGS KYIS BSAL BA LAS NYAMS PA MA YIN NO, ,GZHAN DAG NI YID YIN PA'I PHYIR RTOG PA DANG BCAS PAR SEMS PA YIN GYI, YID TZAM NI MA YIN NO, ,'DI LTAR RTOG PA MED PA GCIG YIN NO ZHES BYA BA 'DI TZAM ZHIG BSGRUB PAR BYA BA YIN NO, ,MNGON SUM LTAR SNANG BA NI GNYIS TE, RNAM PAR RTOG PA DANG BCAS PA DANG, RTOG PA MED PA'O, ,DE YANG 'KHRUL PA THAMS CAD RTOG BA DANG BCAS PA NYID YIN NA BSAL BA DE'I TSE 'GYUR GYI, GZHAN DU NI MA YIN NO, ,'O NA NI GSAL BAR SNANG YANG ZLA BA GNYIS LA SOGS PA'I BLO YID YIN PAR 'GYUR RO ZHE NA, YID MA YIN TE, BSGOMS PA MED PAR YANG 'GYUR PA'I PHYIR RO, ,YID NI BSGOMS PA'I STOBS KYIS GSAL BA GSAL BA LA BRTEN PA YIN NO; ;DE MED PA'I PHYIR DBANG PO LAS SKYES PA NYID BZLOG PAR MI NUS SO, ,RNAM PA GSAL BA'I RGYU NI RNAM PA GNYIS NYID DE, DBANG PO DANG BSGOMS PA'O, ,DE LA YANG BAR CHOD PA'I BSGOMS PA YOD PA NYID DO ZHE NA, 'O NA NI PHYI ROL GYI DON GYI BRJOD PA DANG BRAL BA YIN GYI, SPROS PAS CHOG GO, ,'O NA GANG ZHIG DPER 'GYUR BA SBRUL DU 'KHRUL PA'I YID DANG, CHU LA SOGS PAR 'KHRUL PA'I YID GANG YIN ZHE NA, PHAN 'DOGS PA DANG GNOD PA BYED PAR SNANG BA'O, PHAN 'DOGS PA DANG GNOD PA BYED PAR SNANG BA NI DBANG PO'I 'GYUR BA YOD KYANG LDOG LA, DBANG PO'I BSLAD PA LOG KYANG MI LDOG GO, ,DE BZHIN DU GZHAN DAG LA YANG SBYAR RO, ,DE LTA YIN DANG, GNYID LOG PA 'AM SAD PA NA, ,GSAL BAR SNANG BA CAN BLO GANG, ,DE NI RTOG MED GNYI GAR YANG, ,DE LTA MIN NA RTOG PA YIN, ,YID DAM GZHAN GNYI GAR YANG RTOG PA MED PA NYID DE, GSAL BA NYID YIN NA RTOG PA MED PA YIN NO ZHES BYA BA 'DI NI BSTAN ZIN TO; ;DE PHYIR DE RTOG MED NA YANG, ,TSAD MA NYID NI BKAG PA STE, ,SLU BA'I PHYIR RO DE'I DON DU'ANG, ,MNGON SUM LTAR SNANG GNYIS SU BSHAD, ,SLOB DPON GYIS RNAM PAR RTOG PA DANG, 'KHRUL PA DAG GIS MNGON SUM LTAR SNANG BA RNAM PA GNYIS NYID BSTAN TE, RAB RIB LAS BYUNG BAS NYE BAR MTSEN [*MTSON?] PA'I

, ,BSLAD PA DAG GO ZHES BYA BAS RNAM PAR RTOG PA'I SDE TSAN LAS LOGS SHIG TU BSTAN PA'I PHYIR RO, ,DE LTA MA YIN NA LOGS SHIG TU STON PA'I DGOS PA MED PAS NA MI MKHAS PA NYID BRJOD PA'I RGYUR 'GYUR RO, ,'O NA 'KHRUL PA NI YID KYI 'KHRUL PA'I YUL YIN PA'I PHYIR RO ZHE NA BSHAD PA DE CI LTAR ZHE NA, DE NI GZHAN GYI 'DOD PAS BSHAD PA'I PHYIR RO, ,GANG GI DBANG PO DANG DON PHRAD PA LAS BYUNG BA NI MNGON SUM YIN NO ZHES MTSAN NYID YIN PA DE'I LTAR NA, 'KHRUL PA NI YID KYI 'KHRUL PA'I YUL YIN NO ZHES BYA BAR RNAM PAR GNAS SO, ,DBANG PO DANG DON PHRAD PA LAS BYUNG BA NYID NI 'KHRUL PA NYID DU MI SRID DE, LHAG PAR GYUR PAS YID KYI LHAG PAR RNAM PAR RTOGS PA GANG YIN PA DE LA 'KHRUL PA YIN NO, ,DON MED PAR DBANG PO TZAM LAS SKYES PA GANG YIN PA DE YANG 'KHRUL PA MA YIN NAM, ,DE CI LTAR KYI 'KHRUL PA'I YUL YIN PA'I PHYIR RO ZHES BRJOD CE NA, MA YIN TE DE NI DON SMOS PAS GSAL BA'I PHYIR RO, ,DE NI YOD KYANG MED PA DANG 'DRA BA NYID DO, ,DE SKAD DU YANG, DBANG PO DON LAS SKYES PA LA, ,BRJOD PA LA SOGS SRID MA YIN, ,ZHES BRJOD PA YIN NO, ,BRJOD PA LA SOGS PA DAG NI YID NYID YIN PAR SHES PAR BYA'O, ,GAL TE BRJOD DU MED PA LA SOGS PA SEL BAR BYED PA'I TSIG NI MA YIN NO, ,'ON TE CI ZHE NA, RANG GI NGO BO BRJOD PA LHUR BYED PA YIN NO, ,DBANG PO DANG DON PHRAD PA LAS BYUNG BA'I SHES PA GANG YIN PA DE 'DI LTAR 'GYUR BA YIN GYI GZHAN DU NI MA YIN NO ZHES BYA BA YIN NO ZHE NA, MA YIN TE, ZHEN PA'I BDAG NYID CES BYA BA BSTAN PAR BYA BA MA YIN PAR 'GYUR RO, ,DBANG PO DANG DON PHRAD PA LAS BYUNG PA NYID ZHEN PA'I BDAG NYID NI MA YIN TE, RJES SU DPAG PA YANG ZHEN PA'I BDAG NYID YIN PA'I PHYIR RO, ,DE'I PHYIR ZHEN PA'I BDAG NYID GANG YIN PA DE NI MNGON SUM YIN GYI GZHAN NI MA YIN NO ZHES SEL BAR BYED PA NYID DU 'THAD DO, ,CI STE CUNG ZAD SEL BAR BYED PA YIN LA CUNG ZAD NI NGO BO BRJOD PA YIN NO, ,DES NA DBANG PO DON PHRAD PA LAS BYUNG BA DANG ZHEN PA'I BDAG NYID GANG YIN PA DE NI 'KHRUL PA DANG, BRJOD PA MED PAR 'GYUR BA YIN NO ZHES BYA'O ZHE NA, DE NI MI RIGS TE 'KHRUL PA MED PA NYID NI BRJOD PAR RIGS TE, DA LTAR NA TSAD MA NYID YIN

NO; ;BRJOD DU MED PA'I YUL CAN GYIS CI BYA, DE LTAR TSAD MAR 'GYUR BA NI MA YIN TE GZHAN DU YANG TSAD MA MA YIN PA'I PHYIR RO, ,DES NA 'DI NI GYI NA'O, ,RANG GI NGO BO BRJOD NA YANG HA CANG THAL BAR 'GYUR TE, BDAG LA SOGS PA DANG PHRAD PA YANG BRJOD PAR THAL BA'I PHYIR RO, ,CI STE MNGON SUM NYID LA THUN MONG MA YIN PA GANG YIN PA DE NYID BRJOD PA YIN GYI BDAG LA SOGS PA THUN MONG NI MA YIN NO ZHE NA, DE LTA BU NI 'O NA SEL BAR BYED PA'I KHYAD PAR YIN GYI RANG GI NGO BO BRJOD PA LHUR BYED PA NI MA YIN NO, ,'DIS NI YOD PA DANG PHRAD PA LA SOGS PA YANG GSAL BA YIN NO, ,'DI LTAR 'DI MTSAN NYID YIN PAR 'GYUR RAM, RNAM PA GZHAN DU BSGRUB PA'I PHYIR RANG GI NGO BO BRJOD PA YIN, DE LA GAL TE YOD PA DANG PHRAD PA NA ZHES BYA BA MTSAN NYID YIN NA NI YOD PA'I DON CAN MNGON SUM YIN PA 'AM, DBANG PO LAS SKYES PA GNOD PA MED PA MNGON SUM YIN NO ZHES DE SKAD BRJOD PAR BYA BA YIN NO; ,CI STE CHOS LA RGYU MTSAN MA YIN PAR BSTAN PA'I PHYIR RANG GI NGO BO RJES SU BRJOD PA YIN NO ZHE NA, DE LTA NA YANG DBANG PO LAS SKYES PA ZHES BYA BA DE TZAM ZHIG BRJOD PAR BYA'O, ,DON MED PAR GZHAN GYIS BRJOD PA CI BYA, GZHAN YANG RJES SU BRJOD PA TZAM NI MI 'THAD DO, ,'DI LTAR, RIG BYED SMRA BA'I DPYOD PA LAS, ,PHYI ROL DON NI BSGRUB PA LA, ,'BAD BYA DES NA MTSAN NYID KYIS, ,GZHAN RNAMS SEL BAR 'GYUR BA YIN, ,SANGS RGYAS LA SOGS PA DAG NI RANG GI GZHUNG GI RJES SU 'BRANGS NAS MNGON SUM GYI MTSAN NYID DU 'DOD DO, ,DES NA DE RNAM PAR BCAD PA'I PHYIR NGES PAR MTSAN NYID GZHAN DU BRJOD PAR BYA'O, ,BDE BAR GSHEGS PA RNAMS KYI MTSAN NYID NI RNAM PAR SHES PAR SMRA BA DANG, STONG PA NYID SMRA BA DANG RJES SU MTHUN PA YIN PA'I PHYIR GDON MI ZA BAR DE GSAL BA'I PHYIR MTSAN NYID GZHAN NYID BYED NA MDZES SO, ,RDEG 'CHOS PAS NI RDA MO 'DZIN PAR NUS PA MA YIN NO, ,MTSAN NYID BYAS NA SKYON CI YOD, ,TSAD MAS MA GRUB STE, 'DI LTAR, DE LA NGES PA'I MTSAN NYID NI, ,TSAD MAS GRUB PA BRJOD PA YIN, ,'DIR NI PHAN TSUN RGYU YIN PHYIR, ,GCIG KYANG RAB TU 'GRUB MI 'GYUR, ,PHAN TSUN BRTEN PA'I PHYIR GCIG KYANG MI 'GRUB PAS NA MTSAN NYID BYED PA NI MA YIN NO ZHE NA, GAL TE

, ,DE LTA NA NI TSAD MAS RAB TU MA GRUB PA RJES SU BRJOD PAR YANG MI RIGS SO, ,'JIG RTEN GYI GRAGS PAS GRUB PO ZHE NA, GAL TE DE LTA NA NI CHOS KYANG 'JIG RTEN GYI GRAGS PA NYID DU 'GYUR BA'I PHYIR DPYOD PAR MI BYA'O, ,CHOS 'KHRUL PA MTHONG BA'I PHYIR DON DAM PAR MI 'GRUB PA NYID DO ZHE NA, GAL TE DE LTA NA, DPYOD PA 'DIS KYANG CHOS 'KHRUL PA, ,DBYIG PA YIS NI ZLOG GAM CI, ,GZHAN DU DE SRID DUS SU LUGS, ,GZHAN LA MIS YANG MED PAR 'GYUR, ,DE'I PHYIR RJES SU BRJOD PA YANG TSAD MAS GRUB PA NYID BYA BA YIN LA DE BZHIN DU MTSAN NYID KYANG KHA NA MA THO BA MED PA YIN NO, ,BDE BAR GSHEGS PAS KYANG MTSAN NYID BYED PA NI MA YIN TE, RAB TU GRAGS PA'I DON RJES SU BRJOD PA'I PHYIR RO, ,CI LTAR CHOS LA RGYU MTSAN MA YIN PA NYID BSTAN PA'I PHYIR, RJES SU BRJOD PA DE BZHIN DU RGYU MTSAN NYID DU BSTAN PA'I PHYIR YIN PAS GNYI GAR YANG MTSUNGS SO,, 'DI YANG CI LTA BA DE LTAR SNGAR BSTAN ZIN TO, ,DES NA DON GYIS SHES PA NI MNGON SUM MO ZHES BYA BA 'DI NI MTSAN NYID KHO NA'O, ,GNYUG MA'I DON MED PA'I PHYIR DE LAS ZHES BYA BA 'DI NI DON GANG ZHIG MNGON SUM GYIS MTHONG BA DE NYID LAS ZHES RTOGS SO, ,DES NA ZLA BA GNYIS LA SOGS PA'I SHES PA YANG SPANGS PA YIN NO, ,DE NI DE NYID LAS BYUNG BA MA YIN TE 'ON KYANG GZHAN LAS YIN NO, ,'O NA CI LTAR SLOB DPON GYIS, ,GANG ZHIG DE SNANG DE LAS MIN, ,LNGA PO BSAGS LA DMIGS PA YIN, ,MIG LA SOGS PA'I SHES PA RDUL PHRA RAB DAG LAS SKYE BA NA DE'I RNAM PA CAN MA YIN NO, ,RGYU YIN PA'I PHYIR GZHAN GYI RNAM PA CAN GYI RNAM PAR SHES PA'I YANG DMIGS PA NYID YIN NA NI MIG LA SOGS PA'I RDUL PHRA RAB KYANG DMIGS PAR THAL BAR 'GYUR TE, DE LTA BU 'AM GZHAN DU GYUR PA DE DAG KYANG ZLA BA GNYIS DANG SNGON PO LA SOGS PAR SNANG BA'I SHES PA'I RGYU YIN PA'I PHYIR RO ZHES BSHAD CE NA, 'DI NI DON DAM PA'I DBANG DU MDZAD NAS GSUNGS PA YIN NO, ,RTZOD PA'I SGRUB PA'I TSIG NI 'JIG RTEN GYI GRAGS PA YIN NO, ,'JIG RTEN NA RDUL PHRA RAB LA SOGS PA MI RTOG STE, 'JIG RTEN NA RAB TU GRAGS PA'I MNGON SUM NI 'DI TZAM ZHIG YIN LA RNAM PAR DPYAD NA NI MI 'THAD DO, ,DON DE

LAS ZHES MA GRUB DANG, ,MA NGES NYID DU GSAL BA YIN, ,RDUL PHRAN DAG LA 'DOD NA 'DI, ,MA NGES PA NI NYID DU 'GYUR, ,RDUL PHRA RAB NYID SKYED PAR BYED PA YIN PAS DE DAG DMIGS PA NYID YID NA NI MIG LA SOGS PAS MA NGES SO, ,CI STE DE LAS ZHES BYA BA SNANG BA LA BRJOD NA DE'I TSE MA GRUB PO; ;DUS MTSUNGS PA DE NI SKYED PAR BYED PA MA YIN PA'I PHYIR RO, ,ZLA BA GNYIS LA SOGS PAS MA NGES PA YANG YIN NO, ,CI STE DUS MTSUNGS KYANG SKYED PAR BYED PA YIN NA, DE YANG MI RIGS TE TSOGS PA NI DNGOS PO MA YIN PA'I PHYIR RO, ,'KHRUL PA'I SHES PAS MA NGES PA YANG YIN NO, ,CI STE SNGAR YOD PA SKYED PAR BYED PA YIN NA DE YANG MA GRUB PO, ,SHES PA LAS SNGAR DNGOS PO NI, ,SHES PA DE YIS 'DZIN MA YIN, ,GZHAN GYIS 'DZIN NA DE LA YANG, BRGAL ZHING RTAG PA 'DI NYID DO, ,RJES SU DPAG PAS SHES NA NI, ,DE YANG MNGON SUM MA YIN TE, ,PHAN TSUN RGYUR NI GYUR PA NA, DANG POR 'BYUNG BAR GYUR PA GANG, ,MNGON SUM DANG NI RJES DPAG DAG ,GAR YANG DUS MTSUNGS YOD MA YIN, ,DE YI PHYIR NA DON DAM DU, ,MTSAN NYID 'DI NI MA GRUB PO, ,'JIG RTEN GYI GRAGS PA LA LTOS NA NI 'GAL BA MED DO, ,RNA BA LA SOGS PA'I 'JUG PA MNGON SUM MO ZHES GANG BRJOD PA DE YANG MI 'THAD DE, RNA BA LA SOGS 'JUG PA NI, ,'KHRUL PA LA YANG YOD MIN NAM, ,RNA BA LA SOGS 'JUG PA NI, ,SHES PA MED PAR MTSON PA MIN, ,'JUG PAR 'DOD PA'I MNGON SUM LA SOGS PA'I TSAD MA TSOL BA YIN NA, RNA BA LA SOGS PA'I 'JUG PA MA SHES PA CI LTAR MTSAN NYID YIN, MA RTOGS PA DE JI LTAR 'DI 'JUG PAR BYED PA YIN, CI STE MNGON SUM NYID KYIS RNA BA LA SOGS PA 'JUG PA RTOGS NA 'O NA NI DE MNGON SUM DE'I MTSAN NYID BRJOD PAR BYA STE, DES NA MNGON SUM NI MNGON SUM DU BYED PA YIN LA, DE YANG RANG NYID RTOGS PA YIN NO ZHES BYA BA NYID LAN YIN NO, ,DE LTA YIN DANG MNGON DU BYED PA DE NYID MA 'KHRUL PA'I MTSAN NYID YIN NO, ,'KHRUL PA'I SHES PA LA YANG RNA BA LA SOGS PA'I 'JUG PA YOD PAS CI LTAR MTSAN NYID DU 'GYUR, 'ON TA DON LA 'JUG PA YIN PA'I PHYIR SKYON MED NA, DON LA 'JUG PA NI DON LA MNGON SUM DU PHYOGS PA YIN LA DE 'KHRUL PA LA YOD PA NYID DO, ,

, ,CI STE DE NI NGO BO RIG PA NYID YIN NA DE LTA NA NI 'O NA RANG GI NGO BO RIG PA ZHES DE NYID MTSAN NYID YIN NO, ,DE YANG RTOGS PA MED PA ZHES BYA BA'I MING GZHAN DANG LDAN PA MNGON DU BYED PA KHO NA YIN NO, ,DE'I PHYIR GZHAN NI MTSAN NYID MA YIN PA NYID DO, ,YANG TSAD MA 'DI'I 'BRAS BU GANG YIN ZHE NA, GZHAL BYA RTOGS PA STE, GZHAL BYA RTOGS PA NI TSAD MA LA RAG LAS SO ZHES BSHAD PA YIN NO, ,DE NI SHES PA NYID MA YIN NAM, DE YANG 'BRAS BU YIN PA'I PHYIR TSAD MA GANG YIN ZHE NA, KHA CIG NA RE DBANG PO DANG DON PHRAD PA DANG, LTA BA DANG KHYAD PAR GYI SHES PA YIN NO ZHE'O, ,DE NI MI 'THAD DE; GANG LAS 'GYUR BA DE NYID RTOGS PA'I SGRUB BYED DU RIGS SO, ,RE ZHIG SHES PA SKYE BA NI DBANG PO NYID LAS YIN PAR MTHONG BA MA YIN NAM, DES NA RTOGS PA'I SGRUB BYED KYANG DE NYID YIN TE, GZHAN BRTAGS PAS CI ZHIG BYA, MTHONG BA SPANGS NAS GZHAN DU NI, ,RTOG PA RIGS PAR MI LDAN TE, , DE LTAR MIN NA GZHAL BYA LA, ,THUG MED BZLOG PA MED PAR 'GYUR, ,DE NI MED DE BYA BA SGRUB PAR BYED, ,CES TE, LAS KUN GYI NI SGRUB BYED DAG ,THAMS CAD MA YIN GANG LAS 'BRAS, ,GANG YIN DE NI DE SGRUB BYED, ,GAL TE GCIG LA NUS PA MTHONG, ,ZHES TE GCIG PO DE GZHAN DAG TU YANG SGRUB PAR BYED PAR RTOG NA GANG 'GA' ZHIG GI SGRUB PAR BYED PA BLANGS PAS 'DOD PA THAMS CAD SGRUB PA'I PHYIR 'GRO BA THAMS CAD TSEGS CHUNG DUS BDE BAR GNAS PAR 'GYUR RO, ,DE LTAR YANG MA YIN TE DE'I PHYIR BYA BA GANG GANG LAS 'GRUB PAR MTHONG BA DE NYID DE LA SGRUB PAR BYED PA YIN GYI GZHAN NI MA YIN NO, , DE LA NYAMS MYONG TZAM DU NI, ,'DRA BA'I BDAG CAN SHES PA NI, ,GANG GIS LAS NI SO SO LA, ,RNAM 'BYED DE BDAG 'GYUR BA YIN, ,GRANGS CAN PA'I NYAMS SU MYONG BA NI SNGON PO DANG SER PO LA SOGS PA THAMS CAD LA YOD PA TZAM DU MTSUNGS TE, DES NA RNAM PAR GZHAG PAR 'DOD PA'I DON BZHIN DU THAMS CAD RNAM PAR 'JOG PA 'AM, MA YIN NA NI RNAM PAR MA BZHAG PA BZHIN DU RNAM PAR BZHAG PAR 'OS PA YANG MI 'GYUR TE DE LA KHYAD PAR MED PA'I PHYIR RO, ,'DI LTAR, CI LTAR DE NI RTOGS BYED DNGOS, ,DE LTAR DE NI RTOGS BYED MIN, ,GANG TSE RTOGS BYED DE 'DOD TSE, ,RTOGS BYED MIN PAR CIS MI 'DOD,,

BYED PA MED PA'I GNAS SKABS LAS KHYAD PAR CAN BDAG GIR BYED NA 'DI LA BYED DO ZHES RTOGS PAR 'GYUR RO, ,GAL TE KHYOD KYIS MA RTOGS SU CHUG MOD DE LTAR YANG CI 'DIR RANG GI NGO BO LAS NYAMS PAR 'GYUR RAM, GAL TE DE'I BDAG NYID DU 'GYUR BA YIN YANG MI SHES NA DE'I TSE DON DE NGAS MA SHES PA KHO NAR 'GYUR TE, DES NA 'JAL BYED MA YIN NO, ,SKYES BU'I BDAG NYID 'JIG RTEN 'DI, ,SPYAD BYA'I DNGOS PO RTOGS PAR BYED, ,DE YANG BDAG NYID MI SHES PAS, ,LONGS SPYOD LEGS PAR RNAM PAR GNAS, ,BDE BA DANG SNGON PO LA SOGS PA'I ZHEN PA'I RANG BZHIN GYI BLOS BDAG DE LTAR RNAM PAR 'JOG GO ZHE NA, 'O NA DE NYID LONGS SPYOD PA PO YIN PAS RIGS PA GZHAN GYIS CI BYA, BDE BA LA SOGS PA ZHEN PA'I RANG BZHIN NI BDE BA LA SOGS PA'I RNAM PA NYID YIN PA'I PHYIR RNAM PA NYID TSAD MA YIN NO, ,BLOS ZHEN PA'I DON SKYES BUS SEMS PA YIN NO ZHE NA, BLO DE GANG YIN ZHING ZHEN PA GANG YIN LA SKYES BU YANG GANG ZHIG YOD PA BRJOD PAR BYA'O, ,BLO NI BYED PA, ZHEN PA NI LAS, SKYES BU NI BYED PA PO YIN NO ZHE NA, SKYES BUS DON RTOGS PA DES NA ZHEN PA'I BYED PA PO YIN PA'I PHYIR BLOS CI BYA, ZHEN PA'I SGRUB BYED NI BLO YIN LA SKYES BU NI RTOGS PA YIN NO ZHE NA, RTOGS PA DANG ZHEN PA LA KHYAD MA MTHONG NGO; ;DE'I RNAM PA MNGON DU BYED PA YIN LA ZHEN PA RTOGS PA YANG DE NYID YIN NO, ,DE'I RNAM PA NYID ZHEN PA YIN GYI MNGON DU BYED PA NI MA YIN NO ZHE NA, GAL TE DE RNAMS BLO YIN NA, MI NI CI LTAR RTOGS BYED YIN, ,DE DNGOS MNGON DU BYED PHYIR NA, ,DE LTAR DON NYID CIS MA YIN, ,GAL TE DE'I RNAM PA CAN GYI BLO MNGON DU BYED NA DON NYID DE LTAR 'GYUR PA'I PHYIR DON GYI RNAM PA'I BLO NI DON MED DO, ,BLOS DON GYI RNAM PA RTOGS PA DES NA YUL RING PO MA YIN PAR RTOGS SO ZHE NA, BDAG KHYAB PA YIN PA'I PHYIR THAMS CAD YUL THAG RING PO CAN MA YIN PA NYID DO, ,YUL THAG RING PO ZHES BYA BAR MI RTOGS SHING DE'I RNAM PA CAN GYI BLO LAS MA RTOGS PA'I DON ZHES KYANG MI RTOGS PAR 'GYUR RO, ,DON MED NA DE'I RNAM PA CAN GYI BLO GA LAS SHE NA, MA YIN TE DON RNAMS KYI DE'I RNAM PA NYID NI BLO KHO NA LAS 'DOD PA YIN NA DE CI LTAR 'DI PHYIN CI LOG TU 'GYUR, RANG GI BZHIN LTAR MA 'PHOS PA NI RTOGS PAR MI NUS SO ZHE NA,

, ,MA YIN TE RANG GI BZHIN NI YUL RUNG BA MA YIN PA'I PHYIR ME LONG LA SOGS PAR 'PHO BAR 'DOD KYI, GZHAN NI DE LTA MA YIN NO, ,ME LONG YANG MA 'PHOS PAR CI LTAR RTOGS, DE YANG BLO'I ME LONG DU 'PHOS PA'I PHYIR RO ZHE NA, 'O NA NI BLO YANG BLO'I ME LONG GZHAN NAM GZHAN DU 'PHOS PAR 'DOD DGOS SO, ,BLO NI RIG PA MA YIN PA NYID YIN NO ZHE NA, BDAG LKOG TU GYUR CING BLO YANG LKOG TU GYUR PA'I PHYIR 'GRO BA LDONGS PAR 'GYUR RO, ,BDAG LKOG TU GYUR PA MA YIN NA DES DON NYID RIG LA RAG MOD 'DIR BLOS CI BYA, BYED PA MED PAR CI LTAR MTHONG ZHE NA, MIG LA SOGS PA BYED PA YIN NO; ;NANG GI BYED PA DGOS SO ZHE NA, NANG GI NANG GI BYED PA YANG DGOS PA'I PHYIR THUG PA MED DO, ,DGOS PA MED PA NI BYED PA YANG MA YIN NO, ,DE DAG GIS SKYES BU GSAL BAR BYED DO ZHE NA, MA YIN TE BYED PA MED PA NYID NI MNGON PAR GSAL BA LAS 'DZIN PAR BYED PA MA YIN NO, ,DE'I PHYIR BDAG NI DON GYI RNAM PA CAN DU 'GYUR BA YIN NO, ,ME LONG BZHIN DU DER YANG RNAM PA RNAM PAR 'GYUR BA BYED PA CAN MA YIN NO ZHE NA, MA YIN TE ME LONG LA BRTEN NAS DE'I RNAM PA CAN GYI BLO SKYE BA DES NA RNAM PAR 'GYUR BA YIN NO, ,DE LTA MA YIN TE GAL TE RNAM PAR MA GYUR NA 'PHOS PA'I DON CI YIN, ME LONG DU NI BZHIN GYI RNAM PA CAN 'KHRUL PA'I BLO SKYE LA, 'DIR YANG YUL GYI RNAM PA'I BLO 'KHRUL PA NYID DE, DON DAM PAR YUL GYI RAB TU DBYE BA NI MED DE 'GRO BA NI GTZO BO DANG SKYES BU TZAM GYI BDAG NYID YIN PA'I PHYIR RO ZHE NA, 'O NA 'GRO BA GTZO BO'I BDAG NYID KYANG 'KHRUL PA NYID DU 'GYUR RO, ,DE BZHIN DU SKYES BU'I BDAG NYID KYANG NGO, ,'DI YANG PHYIS RNAM PA GZHAN DU BSTAN PAR BYA STE, GRANGS CAN GYI 'JUG PAS NI MA YIN NO, ,DE'I PHYIR NYAMS SU MYONG BA 'BA' ZHIG PO 'DI GANG GIS 'DI NI SNGON PO 'DI NI SER PO ZHES BYA BA LA SOGS PA LAS DANG LAS LA RNAM PAR 'BYED PA DE'I BDAG NYID DU 'GYUR DGOS SO, , GAL TE RNA BA LA SOGS PA'I 'JUG PA MNGON SUM GYI TSAD MA YIN NO ZHES BRJOD PA MA YIN NAM, DE SKAD NI BRJOD NA RIGS PA NI MA YIN NO, ,'DI LTAR, BDAG NYID 'GYUR MIN RGYUD DAG LA, ,THA DAD YOD KYANG THA DAD KYI, ,LAS LA THA DAD MED PA 'DI, ,THA DAD PAR NGES BYED MA YIN, ,DBANG PO LA

SOGS PA'I THA DAD PA NI SNGON PO LA SOGS PA'I LAS THAMS CAD LA THA DAD PA MED PA'I SKYES BU 'DI THA DAD PAR NGES PAR BYED PA MA YIN NO, ,DE NI DE'I BYED PA PO 'AM SHES PAR BYED PA NYID KYIS NGES PAR BYED PA YIN, BYED PA PO NYID KYIS NGES PAR BYED PA NI MI 'THAD DE, DE RTAG PA'I PHYIR DANG RNAM PA DANG BCAS PAR THAL BA'I PHYIR RO, ,RNAM PA MED NA SKYON DE NYID DU 'GYUR TE, RANG GI BDAG NYID KHO NA RIG PAR THAL BA'I PHYIR RO, ,'ON TE SHES PAR BYED PA YIN PA'I PHYIR NGES PAR BYED PA YIN NA DON MA SHES NA CI LTAR SHES PAR BYED PA YIN SHES PAR BYED PA LAS SHES PA NGES LA SHES PA DES NA SHES PAR BYED PA YIN PA'I PHYIR PHAN TSUN RTEN PA'I SKYON DU 'GYUR RO, ,SNANG BA BZHIN DU SHES PAR BYED PA YIN NO ZHE NA, MA YIN TE DE SHES PAR BYA BA LA YANG SHES PAR BYED PA GZHAN DGOS PA'I PHYIR THUG PA MED DO, ,THAMS CAD DU SNANG BA SHES PAR BYED PA YANG MA YIN NO, ,SNANG BAS SHES PAR BYAS NA YANG MIG LA SOGS PAS CI BYA, DE DAG NYID SGRA LA SOGS PA'I SNANG BAR 'GYUR BA YIN NO ZHE NA, DE LTAN YANG RANG GI NGO BO LA RNAM PAR GNAS PA'I PHYIR RANG RTOGS PA'I RANG BZHIN 'DI CI LTAR RIG PA PO YIN ZHES BSHAD PAR BYA'O, ,DE PHYIR 'DI BDAG THA DAD PA, ,GANG LAS 'DI 'DI RTOGS PA ZHES; ;BYED PA YI NI LAS NGES DE, ,DE YI SGRUB BYED CAN DU GRUB, ,RIG PA 'DI'I RANG GI NGO BOR GYUR PA THA DAD PA GANG LAS 'DI NI SNGON PO 'AM SER PO 'DI'I RTOGS PA YIN NO ZHE NA NGES PA'I RTOGS PA DE NI DE'I SGRUB PAR BYED PA CAN DU GRUB BO, ,'DI'I NGES PA NI DE TZAM LAS GYUR PA YIN PA'I PHYIR RO, ,DE SKAD DU YANG, DE YOD NA 'DI YOD PA'I PHYIR ZHES BSHAD ZIN TO, ,RIG PA 'DI'I DON DANG 'BREL PA DE YANG 'DRA BA LAS GZHAN GYIS NI MA YIN TE, 'DI LTAR, RNAM 'GAS SHES PA'I RANG BZHIN NI, ,THA DAD PAR NI BYED NA YANG, ,'DI NI DON DANG 'BREL BYED PA, ,DON GYI RANG BZHIN MIN GZHAN GYUR, ,DE PHYIR GZHAL BYA RTAGS PA YI, ,SGRUB BYED GZHAL BYA'I RANG BZHIN NYID, ,SGRUB PAR BYED PA GZHAN YIN NA, ,DE LAS DANG 'BREL MI 'GRUB PO, ,DE'I RNAM PA CAN GYI RIG PA NI 'DI NI SNGON PO 'AM SER PO YIN NO ZHES DON RNAM PAR 'JOG PAR BYED DO, ,JI LTAR SHES PA RNAM PA DANG LDAN PA DE LTAR YANG 'OG

, ,NAS BSTAN PAR BYA'O, ,SGRUB PAR BYED PA GZHAN YIN NA NA RIG PA LAS DE DANG 'BREL PAR MI 'GRUB PO, ,GAL TE RNAM PA SPANGS PA YIN NA JI LTAR DE'I RIG PA ZHES NGES PA YIN, MNGON DU BYED PA NYID LAS NGES PAR 'GYUR RO ZHE NA, MNGON DU BYED PA ZHES BYA BA 'DI CI ZHIG ,DON GYI NGO BO 'AM, 'ON TE SHES PA YIN NAM, CI STE GZHAN 'GA' ZHIG YIN, GAL TE MNGON DU BYED PA YI, ,RANG BZHIN DON LA YOD 'DOD NA, ,MNGON DU BYED CAN SHES PA YIN, ,DE NI JI LTAR DON CIR 'GYUR, ,'ON TE MNGON DU BYED PA YI, ,RANG BZHIN SHES PA NYID YIN NA, ,DON DE JI LTAR MNGON DU BYAS, , GZHAN GYI NGO BO GZHAN MA YIN, ,GZHAN LA 'ANG SKYON 'DIR 'GYUR BA NI, ,BZLOG TU MED PA KHO NA YIN, ,'DI LTAR, GAL TE MNGON DU BYED PA DON GYI NGO BO YIN NA, SNGON PO LA SOGS PA LTAR THUN MONG YIN PA'I PHYIR DON DE THAMS CAD KYIS RIG PAR 'GYUR RO, ,MNGON DU BYED PA DON YIN PAR 'THAD PA YANG MA YIN TE, SHES PA'I CHOS YIN PA'I PHYIR RO, ,'ON TE SHES PA'I CHOS 'DI DON GYI YUL CAN YIN PA DES NA DON RIG PAR BRJOD DO ZHE NA, DON GYI YUL CAN ZHES BYA BA YUL GYI DON GYI YIN, DON MYONG BA'I RANG BZHIN YIN PA'I PHYIR RO ZHE NA, DON MYONG BA ZHES BYA BA CI ZHIG, SHES PA'I DON GYI RANG BZHIN YIN PA'I PHYIR RO ZHE NA, DE NYID RIG PA'I DON GYI RNAM PA NYID YIN NO, ,'ON TE DON LAS SKYES PA'I PHYIR DON MYONG BA YIN NO ZHE NA, DE LTA YIN NA MIG LAS KYANG SKYES PA'I PHYIR MIG MYONG NGO ZHES BYA BAR 'GYUR RO, ,DON MTHONG GI MIG NI MA YIN NO ZHE NA, DON MTHONG BA ZHES BYA BA'I DON CI, DON MTHONG ZHING BLTAS PA DES NA MTHONG NGO ZHES BRJOD DO, ,CI MTHONG ZHE NA, RANG GI NGO BOS SO, ,'O NA NI JI LTAR RANG GI NGO BO MYONG BA'I RANG BZHIN GYIS MTHONG BA DE BZHIN DU DON DON GYI RANG BZHIN GYIS MTHONG BA'I PHYIR, DON GYI RANG BZHIN NI DON GYI SGRUB BYED YIN LA MYONG BA'I RANG BZHIN NI MYONG BA'I SGRUB BYED YIN PAS DE'I RNAM PA NYID THAMS CAD KYI SGRUB BYED YIN PAR 'GYUR RO, ,GZHAN NI SHES PA'I RANG GI NGO BO THA DAD PAR BYED PA YIN YANG DON DANG 'BREL PAR BYED PA MA YIN NO, ,DE YANG DE YI BDAG NYID YIN, ,DES NA 'BRAS BU DON GZHAN MIN, ,'BRAS BU DON GZHAN YIN PAR SMRA BA RNAMS LA THAMS CAD 'THAD

PAR DKA' BA'I PHYIR, SHES PA'I BDAG NYID DU GYUR PA'I DON GYI RNAM PA NYID TSAD MA YIN ZHING, DE'I BDAG NYID DU GYUR PA'I RIG PA NI TSAD MA'I 'BRAS BU YIN NO, ,DON GYI RNAM PA NYAMS SU MYONG BA MA RTOGS PAR NI DON RTOGS PA YOD PA MA YIN NO, ,BDE BA LA SOGS PA'I RNAM PA NI DON RIG LA MA YIN TE, DE'I KHYAD PAR LAS DON KHYAD PAR DU NYAMS SU MYONG BAR THAL BA'I PHYIR RO, ,DON BDE BA'I RGYUR NYAMS SU MYONG NGO ZHE NA, GAL TE DON GYI RNAM PA MED NA BDE BA NYID 'BA' ZHIG MYONG BAR 'GYUR RO, ,DON LA MYONG NGO ZHE NA, SNGON PO LA SER POR CI'I PHYIR MA MYANG, PHAN TSUN MI MTHUN PA'I PHYIR RO ZHES BYA BA YANG BDE BA DANG SNGON PO DAG LA YANG MTSUNGS PAS RANG GI PHYOGS NYAMS PA YIN NO, ,BTAGS ZIN PAS BTAGS PAS CHOG GO, ,DE NI DE'I RANG GI NGO BO NYID YIN GYI RIG PA'I BYA PA NI MED DO ZHE NA, 'DI LTAR BRJOD PA, DE YI BDAG NYID 'DZIN PA DE, ,DON RTOGS PA YI BDAG NYID KYI, ,BYED PAS RANG GI LAS LA NI, ,BYED DANG BCAS PA LTA BUR SNANG, ,BDAG NYID BYED PO MIN NA YANG, ,DE YI DBANG GIS DER GZHAG PHYIR, ,DON DAM PAR NI GANG LA YANG GANG GI BYED PA MED DO, ,DON RNAMS KYI RANG GI NGO BO NYID DE LTA DE LTAR GYUR PA DAG LA, DE KHO NA MA YIN PA DAG GIS SGRO BTAGS PAS BYED PAR BRJOD KYI DON DAM PAR NI MA YIN NO, ,SKYES BU'I RANG GI DON NI SHES PA YIN TE, BDE BA'I SHES PA BZHIN NO, ,DPER NA BDE BA'I SHES PA SKYES PA NI RANG GI DON CAN YIN GYI, BDE BA'I SHES PAS CUNG ZAD BYAS PA NI MED PA DE BZHIN DU GZUGS LA SOGS PA'I SHES PA YANG RANG GI NGO BO NYID RANG GI DON YIN GYI DES SHES PAR BYED PA NI MA YIN NO, ,DE DON LAS SKYES PA'I PHYIR NA DE TZAM GYI THA SNYAD RDZOGS PAS DON LA BYED PAS CI ZHIG BYA, 'O NA DON RIG PA 'BRAS BUR MI 'GYUR RO ZHE NA, 'BRAS BU DON GYI RNAM PAR RIG PA YANG DON RIG PA YIN PA'I PHYIR 'GAL BA CI YOD, 'ON CI LTAR DON RIG GO DES THA DAD PA'I THA SNYAD DU 'GYUR ZHE NA, DON GYI RNAM PA 'DZIN PA DE NYID LA RIG PAR BYED PA ZHES THA SNYAD 'DOGS SO, ,'DI LTAR GANG GI TSE MIG GI RNAM PAR SHES PA SER PO SPANGS NAS SNGON PO LA SOGS PA LA 'JUG PA DE'I TSE 'DOR BA DANG LEN PA'I MTSAN NYID KYIS BYED PA DANG

, ,LDAN PA LTA BUR MNGON PA DANG, GANG GI TSE SNGON PO MYONG BA NI SNGON PO'I RANG BZHIN NYID YIN NA, GZHAN GYI NGO BO GZHAN MA YIN PA'I PHYIR SER PO LA MI 'PHO BA DES NA, DE THA DAD PA DANG, BYED PA DANG BCAS PAR RIG PAS RNAM PAR GZHAG PA YIN ZHING DE YANG DON GYIS RTOGS PA NYID YIN LA; DON DAM PAR NI DE DANG DE MA YIN PA'I RNAM PA CAN GYI SHES PA GZHAN DANG GZHAN NYID DE, DE LA THA DAD PA DANG BYED PA DAG YOD PA MA YIN NO, ,THA DAD BYED PA'I RTOG PA NI, ,RJES 'GRO LDOG PA DAG LAS DE, ,THOGS MED BAG CHAGS DANG 'BREL LAS, ,MNGON SUM SNGON 'GRO CAN MA YIN, , RIGS MTHUN SNGA MA'I RNAM PAR SHES, ,NYAMS MYONG GIS BSKYED BAG CHAGS NI, ,LDOG PAR RNAM RTOGS BON TE, ,LONG BA BRGYUD PA KHO NAR ZAD, ,BAR SKABS KYI TSIGS SU BCAD PA DAG GO, ,GAL TE DE'I RNAM PA CAN GYI SHES PA DES BSKYED NA DON DE NYID DE LA BYED PAR 'GYUR GYI DON LA NI SHES PAS MA YIN NA, DE JI LTAR SHES PAS DON 'DZIN ZHES BYA BAR NGES SHE NA, 'DI LA LAN NI, DPER NA 'BRAS BU RGYU RNAMS KYI, ,BDAG NYID 'DRA BAR 'BYUNG BA'I PHYIR, ,BYA BA LDAN NYID MA YIN YANG, ,'JIG RTEN RGYU GZUGS 'DZIN ZHES BRJOD, ,DPER NA PHA DANG 'DRA BA'I BU, ,SKYES PA 'DZIN PA'I BYED PA DANG LDAN PA MA YIN YANG 'JIG RTEN NA PA'I GZUGS 'DZIN TO ZHES BRJOD PA DE BZHIN DU SHES PA LA YANG THA SNYAD BYED PA'I PHYIR 'GAL BA CI YOD, DE LA NI DE'I RNAM PA MTHONG NA DE LTAR JI LTAR ZHE NA, 'DI LA YANG MYA NGAN LA SOGS PAR MTHONG BA NYID DO, ,DE'I RNAM PA DE NI DE'I RNAM PA CAN GYI SHES PA NYID LAS YIN GYI, DON LAS NI MA YIN NO ZHES MI BRTZAD DO, ,RE ZHIG DE'I RNAM PA NYID LAS DE'I RNAM PA YIN PAR NI DMIGS PA YIN NO, ,GAL TE MTHONG BA LA RGYU BAG CHAGS KYI NUS PA YOD NA NI NYAMS SU MYONG BA LAS DE'I RNAM PA NYID YIN NO, ,'ON TE SNGON MA MTHONG MA THOS PA LA 'JUG NA NI; DE'I TSE BAG CHAGS KYI NUS PA MED PA'I PHYIR, RGYU GZHAN LAS YIN PA'I PHYIR, DE'I RGYU PHYI ROL GYI DON YIN NO, ,'DI LTAR, BAG CHAGS LAS BYUNG GANG YIN PA, ,DE NI GCIG NYID LA YOD YIN, ,DON NI GNAS PAR 'GYUR NA 'DIR, ,THAMS CAD THUN MONG BAR SKYE 'GYUR, ,DE'I PHYIR DON GYI

RNAM PA NYID SGRUB PAR BYED PA YIN NO, ,DE'I PHYIR MTHONG DANG DBANG 'BREL DANG, ,KHYAD PAR GYI NI BLO DE DAG ,BYA BA LA NI CHOD PA'I PHYIR, ,TSAD MA NYID DU MI 'DOD DO, ,KHA CIG NA RE LTA BA'I SHES PA TSAD MA YIN LA, DE LAS GZHAN RIG LA SOGS PA'I KHYAD PAR CAN GYI DNGOS POR NGES PA'I BDAG NYID CAN NI 'BRAS BU YIN NO, ,DE LAS KYANG 'JUG PA, DE LAS THOB PA, DE LAS NI BDE BA STE, SNGA MA SNGA MA NI TSAD MA YIN LA, PHYI MA PHYI MA NI 'BRAS BU YIN NO ZHES BYA BA NI RIM PA YIN NO ZHES ZER RO, ,DON SO SOR NGES PAR RNAM PAR GZHAG PA NI RNAM PA'I STOBS NYID KYIS YIN GYI GZHAN LAS NI MA YIN NO, ,GAL TE LTA BA'I RNAM PAR SHES PA SO SOR NGES PA'I RNAM PA LA MI BRTEN NA CI LTAR 'DI 'DI'I LTA BA YIN ZHES BYA BAR 'GYUR, DE BZHIN DU NGES PA LA SOGS PA'I SHES PA GZHAN YANG 'DI LTA BU KHO NAR DE NYID KYI THA SNYAD THOB PA YIN NO, ,RGYU SNGA MA SNGA MA NI PHYI MA PHYI MA NYID LAS RGYUR 'GYUR GYI, SO SOR NGES PA'I DON RNAM PAR 'JOG PA NI MA YIN NO, ,DE LA NI DE'I RNAM PA NYID SGRUB BYED YIN NO, ,'DI LTAR, BYA BA LA NI BYED PA RNAMS, ,THAMS CAD NYE BAR SBYOR NA YANG, ,THA MA'I THA DAD BYED GANG DE, ,DE YI SGRUB BYED DAM PAR 'DOD, ,RGYU THAMS CAD BYA BA LA NYE BAR SBYOR YANG DE JI LTAR KHYAD PAR DU 'PHAGS, BYA BA SGRUB PAR BYED PA TZAM NI MA YIN TE, DE YOD KYANG GANG ZHIG BYA BA LA MCHOD PA MED PA DE NYID SGRUB PAR BYED PA DAM PA YIN NO, ,'DI LTAR DBANG PO LA SOGS PA DAG YOD KYANG, YUL THAG RING BA LA SOGS PAS GAL TE SO SOR NGES PA'I RNAM PA MA THOB NA, DE'I TSE DE'I RNAM PA CAN GYI DON YONGS SU GCOD PA RNAM PAR MI GNAS SO, ,DE DANG BAR MA CHOD PAR GYUR PA DE BYA BA YIN PA'I PHYIR DE NYID SGRUB PAR BYED PA YIN NO, ,YUL THAG RING BA MA YIN PA NYID SGRUB PAR BYED PA YIN NO ZHE NA, MA YIN TE, YUL THAG RING BA MA YIN YANG DBANG PO NYAMS NA NGES PA RNAM PAR GNAS PA MED PA'I PHYIR RO, ,'O NA MA NYAMS PA SGRUB BYED YIN NO ZHE NA, DE YANG MA YIN TE, 'DI LTAR, DBANG PO NYAMS PA MED PA NI, ,MYONG BA'I DE YI RNAM PA YI, ,KHYAD PAR LAS NI YUL YIN NO, ,DE PHYIR DE NI CHOD PA YIN, ,RNAM PA DE NYID CHOD PAR 'GYUR BA MA YIN NAM, RNAM PA DES NGES PAR

, ,BYAS PA'I DBANG PO MA NYAMS PA NI DON SO SOR NGES PAR RNAM PAR GNAS PA'I RGYU YIN NO ZHE NA, DE NI LEGS PA MA YIN TE, 'DI LTAR, GAL TE RNAM PAR NGES PA NI, ,GRUB NA DE YIS DON GNAS TE, ,GRUB LA RGYU MIN GZHAN PA DAG ,CI ZHIG RGYAS PAR BYED PA YIN, , RNAM PAR NGES PA MA GRUB PAR NI DBANG PO MA NYAMS PA SGRUB PAR BYED PA MA YIN NO, ,GAL TE DE GRUB NA DE NYID KYIS DON RNAM PAR GNAS PA'I PHYIR DBANG PO MA NYAMS PA DON MED DO, ,DON GRUB PA LAS NI 'GAL YANG SGRUB PAR BYED PA MA YIN TE, GRUB ZIN PA LA SGRUB PAR BYED PA MI SRID PA'I PHYIR RO, , DES NA GRUB PA NYE BAR 'JOG PAR BYED PA GANG LA LTOS PAR BYA BA YIN, DE'I RNAM PA YANG DES RNAM PAR GNAS PA NA NGES PAR BYED PA GZHAN LA LTOS PAR BYA BA YIN NO ZHE NA, MA YIN TE MNGON SUM GYI TSAD MA'I SKABS YIN PA'I PHYIR RO, ,GOMS PA YOD NA NI MNGON SUM TSAD MA YIN TE, NGES PA MED KYANG DE'I TSE DE'I RNAM PA TZAM LAS 'JUG PA YIN NO, ,GANG GI TSE NGES PA LA LTOS PA DE'I TSE NI RJES SU DPAG PA'I TSAD MA YIN NO, ,DE YANG RNAM PA TZAM KHO NA LAS 'JUG PA'I PHYIR GZHAN LA MI LTOS SO, ,DE'I PHYIR RNAM PA LAS GZHAN NI BYED PA MA YIN NO, ,DE BZHIN DU THUN MONG YIN PA'I PHYIR TE; KUN GYI MTSUNGS RGYU YIN PA'I PHYIR, ,'DI 'DRA DBANG PO LA YOD MIN, ,DE THA DAD KYANG THA DAD MED, ,'DI YI 'DI ZHES DE GANG LAS, ,DBANG PO'I THA DAD PAR BYED PA MA YIN TE, THUN MONG DU SNGON PO DANG SER PO LA SOGS PA'I YUL THAMS CAD LA RGYU YIN PA'I PHYIR RO, ,GAL TE SNGON PO DANG SER PO DANG, DE GNYI GA MA YIN PA'I YUL LA DBANG PO GZHAN DANG GZHAN 'BYUNG BA MA YIN NAM DE LA MNGON PAR PHYOGS PA NI DER GZHAN NYID YIN TE, DES NA CHOS THA DAD PAS DBANG PO THA DAD DO, ,DE'I PHYIR DE THA DAD PA NYID LAS THA DAD PAR RTOGS PA YIN PA'I PHYIR, DE JI LTAR NA, KUN GYI MTSUNGS RGYU YIN PHYIR RO; ;ZHES BRJOD CE NA, DE NI MA YIN TE, MNGON DU PHYOGS PA'I KHYAD PAR NI RNAM PA THA DAD PA MED PAR RTOGS PAR MI NUS PA'I PHYIR RO, ,DES NA DE THA DAD PA YIN YANG RNAM PA DANG BRAL BA 'DI'I SNGON PO DANG SER PO LA SOGS PA'I YUL LA PHYOGS ZHES BYA BA GA LAS YIN, SNGON PO LA SOGS PA KHYAD PAR MA

RTOGS PAR NI MNGON DU PHYOGS PA'I KHYAD PAR MI RTOGS SO, ,GAL TE DE YOD NA DE NI MNGON DU PHYOGS PA BRJOD PAS CI BYA, YANG NA DE THAMS CAD KYANG THA DAD PA MED CES BYA BA NI SNGON PO DANG SER PO LA SOGS PA RIG PA THA DAD KYANG, THA DAD PA MED PA'I DBANG PO LA, 'DI'I BYED PA NI 'DI YIN NO ZHES BYA BA GA LAS YIN, MNGON DU PHYOGS PA'I KHYAD PAR LAS KHYAD PAR YOD DO ZHE NA MA YIN TE, MNGON DU PHYOGS PA NI RNAM PA'I KHYAD PAR MED PA NI KHYAD PAR DU RTOGS PAR MI NUS PA'I PHYIR RO ZHES BRJOD ZIN TO, ,DES NA RNAM PA'I KHYAD PAR NYID DON DU GNYER BAR BYA'O, ,DE YOD DO ZHE NA GZHAN GYIS CI BYA; GAL TE DON GYI RNAM PA NI DON NYID YIN GYI SHES PA NI MA YIN TE, DE NI DON NYID DU RTOGS PA'I PHYIR RO, ,RNAM PA DE NI KHA DOG DANG DBYIBS KYI BDAG NYID BEMS PO'I NGO BO NYID DU RTOGS PA YIN LA, SHES PA NI DE LAS BZLOG PA RTOGS PA'I RANG BZHIN DU RTOGS SO ZHE NA, MA YIN TE, RNAM PA MA RTOGS PAR RTOGS PA'I NGO BO NYID RTOGS PAR MI NUS PA'I PHYIR RO, ,SNGON PO LA SOGS PA DANG, BDE BA LA SOGS PA MA RTOGS PAR SHES PA'I RNAM PA GZHAN MTSON PA MED PA'I PHYIR RO, ,'O NA NI SHES PA LKOG TU GYUR BA YIN PA'AM, YANG NA MED PA NYID DU 'GYUR RO ZHE NA, DE NI MI BZANG STE, 'DI LTAR, GAL TE SHES DE LKOG GYUR NA, ,SHES PA ZHES BYA DE GANG LAS, ,LKOG TU GYUR PA DE YI NI, ,RANG BZHIN SU YIS SHES PAR NUS, ,GANG LAS DON NI LKOG GYUR MIN, ,DE MA SHES PAR 'DOD CE NA, ,DON NI LKOG TU MA GYUR NYID, ,SHES YIN 'DIR NI GZHAN CI DGOS, ,DON GNAS NA NI 'DI YOD CING; ;MI GNAS NA NI MED PA NYID, ,DES NA DON YOD CES BYA BA, ,'DI NI 'BAD PA MED PAR 'GRUB, ,'DIS NI MED PA YANG SPANGS PA YIN NO, ,NYAMS SU MYONG BA'I DUS NA LKOG TU GYUR PA LAS THA DAD PAR SNGON PO LA SOGS PA MYONG BA MED DO, ,DES NA DE NI SNGON PO LA SOGS PA'I RNAM PA YIN NO; ,DE'I KHYAD PAR GYI RANG BZHIN DU GYUR PA'I SNGON PO NI GZHAN NYID DE, ME LONG GI BZHIN GYI GZUGS BRNYAN LAS BZHIN NYID BZHIN NO, ,DE'I PHYIR DE NI RNAM PA NYID YIN GYI, DON RANG NYID NI MA YIN NO, ,GAL TE ME LONG GI GZUGS BRNYAN DANG, GZUGS GNYIS KA YANG RTOGS PA MA YIN NAM,

, ,'DIR NI RNAM PA LAS MA GTOGS PA'I DON RTOGS PA MED DO ZHE NA, 'DI NI 'OG NAS BSTAN PAR BYA'O, ,'DI NI RE ZHIG GZHAG GO, ,RANG NYID GSAL BA BEMS PO'I RANG BZHIN DU BSGRUB PAR YANG CI LTAR NUS, GAL TE GANG LAS 'DI 'GYUR BA, ,DON LKOG TU MA GYUR PA LAS GZHAN 'GA' ZHIG YOD DO ZHES BSGRUB PA DE'I TSE BAG CHAGS YIN PAR 'GYUR RO, ,RNAM PAR SHES PA'I DON GYI RNAM PA 'DI BAG CHAGS KYI STOBS LAS BYUNG BA YIN GYI, DON NI BAG CHAGS KYI STOBS LAS BYUNG BA MA YIN TE, DE MED PAR THAL BA'I PHYIR RO, ,BAG CHAGS KYI STOBS LAS BYUNG BA NI DON GYIS STONG PAR 'GYUR TE, RMI LAM GYI RNAM PA BZHIN NO ZHE NA, GANG GIS SAD TSE MTHONG BA YI, ,RNAM PA DON STONG MI 'GYUR PA, ,BAG CHAGS KYI NI KHYAD PAR DAG ,'GA' ZHIG DE LA YOD PA YIN, ,RE ZHIG RMI LAM LA SOGS PAR BAG CHAGS RNAM PA'I SKYED PAR BYED PA NYID DU NI DMIGS PA YIN NO, ,DES NA SAD PA NA DMIGS PA'I YUL 'DI YANG DE NYID LAS YIN PAR RTOGS TE, DE'I RIGS CAN YIN PA'I PHYIN RO, ,RNAM PA DE NYID DE YIN PAR MA GRUB STE, DE NI DON NYID ZHES RTOGS PA'I PHYIR RO ZHE NA MA YIN TE, 'KHRUL PA'I PHYIR RMI LAM GYI SHES PA'I RNAM PA YANG DON YIN NO ZHES RTOGS PA NYID DO ,BRTAGS NA GZHAN DU RTOGS PA'I PHYIR RO ZHE NA, 'DIR YANG BRTAGS PA, BYA ROG GIS ZOS PA NI MA YIN TE, BAG CHAGS KYI KHYAD PAR YANG LAS SAD PA'I GNAS SKABS KYI RNAM PA NYID DON DANG LDAN PA YIN NO ZHES BYA BA BRTAGS PA NI MCHOG GO, ,RMI LAM LA SOGS PA'I SHES PA YANG RNAM PA DANG BCAS PA MA YIN TE, DE LA YANG DON YOD PA'I PHYIR ZHE NA, 'DI NI 'OG NAS BSTAN PAR BYA'O, ,'ON TE DON GYI RNAM PA NI LKOG TU GYUR PA'I MA YIN TE, SNGON PO LA SOGS PA DON GYI RNAM PA NI DON NYID YIN NO, ,DE NI DNGOS BO NYE BAS DE LTAR MNGON PA YIN TE, ME LONG LA GZUGS BRNYAN BZHIN NO, ,ME LONG LA RNAM PA MED PA YIN YANG BZHIN NYE PAS RNAM PA DANG BCAS PAR MTSON PA YIN NO, ,YANG NA SGRON MA LA SOGS PA'I MTHU LAS YIN NO, ,SGRON MA'I 'OD NI RNAM PA MED PA'I BUM PA LA SOGS PA KHYAB

PAS BUM PA LA SOGS PA'I RNAM PAR MNGON PA YIN NO ZHE NA, DE NI MI BZANG STE, BZHIN LA SOGS PA MED PAR YANG, ,ME LONG LA SOGS MTHONG BA YIN, ,RNAM PA LAS NI THA DAD DU, ,LKOG TU MA GYUR MTHONG BA MED, ,LKOG TU MA GYUR PA NYID NI THAMS CAD KYI TSE SNGON PO'I RNAM PA'I BDAG NYID DU GYUR PAR RTOGS KYI GZHAN DU NI MA YIN NO, ,DES NA DON NYE BAR CI ZHIG BYA, 'DI LTAR SNANG NGO, ,'DI LTA PUR GYUR PA ZHIG GI ZHES BYA BA 'DI LA TSAD MA CI YOD, KHYED LA YANG TSAD MA CI YOD CE NA, THA MI DANG BAR DMIGS PA NYID DO, ,DE NI 'KHRUL PA NYID DO ZHE NA MA YIN TE, GNOD PAR BYED PA MED PA'I PHYIR RO, ,DON 'THOB PA'I PHYIR PA'I PHYIR RO ZHE NA, MA YIN TE, THOB PA NI DE'I RNAM PA'I MTSAN NYID YIN PA'I PHYIR RO, ,DE'I RNAM PA LAS MA GTOGS PA'I THOB PA NI MED DO ZHES BSTAN PAR BYA'O, ,GAL TE DE LTA BUR GYUR PA'I RNAM PAR MA GYUR NA, DON SO SOR NGES PA'I RNAM PAR GZHAG PA 'GA' YANG MED PAR 'GYUR RO, ,'DIS NI LHAG MA BSHAD PA YIN, ,DE DNGOS MED NA KHYAD PAR GYI, ,BLO YANG THA DAD MED 'GYUR TE, ,BLO GZHAN DAG KYANG DE BZHIN NO, ,LHAG MA NI LTA BA DANG, DON DANG PHRAD PAS SOGS PA'O, ,DE NA DANG PHRAD PA YANG RNAM PA LAS 'DAS TE SHES PA NI MED DO, ,DES NA DE DAG KYANG BYA BA LA SGRUB PAR BYED PA DAM PA MA YIN TE, CHOD PA'I PHYIR RO, ,KHYAD PAR GYI BLO YANG DE'I RNAM PA MED NA KHYAD PAR GYI BLO NYID DU MI 'GRUB PO, ,KHYAD PAR CAN GYI BLO LA SOGS PA YANG DE BZHIN TE, DES NA DE DAG KYANG BYED PA NYID MA YIN NO, ,GAL TE RE ZHIG KHYAD PAR GYI BLO DUS SNGAR YIN NA, ,'DI NI KHYAD PAR YIN NO ZHES JI LTAR SHES PAR BYA, KHYAD PAR CAN LA BRTEN PA MED PAR NI, KHYAD PAR ZHES BYA BAR 'GYUR BA MA YIN LA, DE'I RANG BZHIN LA BRTEN PAR 'DZIN PA MED PAR KHYAD PAR NYID DU 'DZIN PA YANG MA YIN NO, ,DE'I RNAM PA 'DZIN PA KHYAD PAR CAN YANG BZUNG BA'I PHYIR JI LTAR KHYAD PAR CAN GYI BLO DE LAS GZHAN DU GYUR PA BSGRUB BYA YIN PAR 'GYUR, DE NYID KYI TSE NA BZUNG BA NI, DE 'DZIN PAR BYED PA'I BLOS BSKYED PA'I 'DZIN PAR BYED PA'I BZUNG BA MA YIN NO, ,DE'I DUS SU YANG KHYAD PAR SNANG NGO ZHE NA, SNGAR DE 'DZIN PA DON MED DO, ,SNGAR YANG

, ,KHYAD PAR CAN SNANG NGO, ,ZHES PA NI MI 'THAD DO, ,SGRUB PAR BYED PA NYID MED PAR THAL BA'I PHYIR RO, ,GZHAN YANG KHYAD PAR GYI BLO NI KHYAD PAR LA YIN LA, KHYAD PAR CAN LA NI DE'I BLO YIN PA'I PHYIR BYA BA DANG SGRUB PAR BYED PA DAG YUL THA DAD PAR 'GYUR RO, ,GYUR MOD CI SKYON ZHE NA; BYA BA DANG NI SGRUB BYED GNYIS, ,YUL THA DAD PA'ANG MI 'DOD DO, ,DON GCIG YIN NA GNYIS DON MED, ,RIM BZHIN 'BYUNG BA'ANG MED PAR 'GYUR, ,PA LA SHA LA STA RE LA SOGS PA'I BYED PA ZHUGS NA NYA GRO DHA CHAD PA SGRUB PA NI MA YIN NO, ,DON GCIG YIN NA NI SNGA MA BZHIN DU THAL LO, , GNYIS DON MED PA DANG, DON DE'I RGYU CAN GYI BLO THAMS CAD RIM GYIS 'BYUNG BA 'GAL BAR YANG 'GYUR TE, GCIG LA RIM PA MI RUNG BA'I PHYIR RO, ,BZLAS PA'I BYE BRAG GIS RIM PAR 'GYUR RO ZHE NA MA YIN TE, BZLAS PA'I BYE BRAG NI MNGON SUM GYIS RTOGS PAR MI NUS PA'I PHYIR RO, ,GAL TE SHES PA DE NYID BSKYAR BA YIN NO ZHES RTOGS PA DE LTAR NA BZLAS PAR YID CHES PAR 'GYUR RO, ,RIM GYIS BYUNG YANG THA MI DAD PA'I RANG BZHIN 'DZIN PA'I BLO DAG PHAN TSUN BYA BA DANG SGRUB PAR BYED PA MA YIN NO, ,SNGA MAS PHYI MA BSKYED PA'I BYA BA NYID BYED KYI RTOGS PA NI MA YIN TE, SNGA MA DANG KHYAD PAR MED PA'I PHYIR RO, ,BSKYED PA'I BYA BA YANG DE'I RANG BZHIN LAS GZHAN MA YIN NO ZHES GZHAN DU BSTAN ZIN TO, ,BLO NI CIG CAR 'BYUNG 'GYUR NA, ,BSGRUB BYA SGRUB BYED MED PAR 'GYUR, ,DE RNAMS GZHAG LA BRTEN NAS NI, ,CHA DAG BSGRUB BYA SGRUB BYED GZHAG ,CES BYA BA NI BAR SKABS KYI TSIGS SU BCAD PA'O, ,PHRAD PA YANG TSAD MA MA YIN TE, 'DI LTAR, BDAG NYID KUN GYIS 'BREL NA YANG, ,CHOS 'GA' ZHIG GIS RTOGS 'GYUR BA'I, ,NGES PA DE NI MI 'GYUR TE, ,'BREL PA BYE BRAG MED PHYIR RO, ,GAL TE DBANG PO DANG DON PHRAD PA TSAD MA YIN LA, DE'I 'BRAS BU DON RTOGS PA YIN NA; PHRAD PA DE NI SBYOR BA DANG, 'BYOR PA'I 'DU BA DANG 'BYOR BA'I 'DUS PA'I 'DU BA DANG, 'DU BA DANG 'DUS PA'I 'DU BA DANG, 'BYOR PA DANG KHYAD PAR CAN GYI DNGOS PO'O, ,DBANG PO BUM PA LA SOGS PA DANG NI SBYOR BA YIN NO, ,BUM PA LA 'DUS PA'I YON TAN DANG NI 'BYOR PA'I

'DU BA'O, ,DKAR PO NYID LA SOGS PA DANG, YON TAN NYID DANG NI 'BYOR PA'I 'DUS PA'I 'DU BA'O, ,RNA BA NAM MKHA'I BDAG NYID KYI SGRA DANG 'DU BA'O, ,SGRA NYID DANG NI 'DUS PA'I 'DU BA'O, ,DBANG PO PHYOGS NA BUM PA MED PA DANG NI 'BYOR PA'I KHYAD PAR GYI KHYAD PAR CAN GYI DNGOS PO YIN NO; ,DE LA GAL TE SBYOR BAS 'BREL PA YIN NA, DE 'DZIN PA ZHES BYA BA GA LAS, DE LTAR MA YIN NA DU BA DANG 'BREL PA'I SEMS PA'I ME LA SOGS PA YANG RTOGS PAR 'GYUR 'ON TE 'DU BA'I 'BREL PA LA SOGS PA YIN NA, DE LTA NA NI 'O NA DON GCIG LA 'DU BA CAN GYI REG PA LA SOGS PA YANG MIG GIS RTOGS PAR 'GYUR RO, ,'DIS NI YUL MTSUNGS PA NYID KYANG BSAL BA YIN NO, ,JI LTAR DON GCIG LA 'DU BA CAN GYI DBYIBS RTOGS PA DE BZHIN DU REG PA LA SOGS PA YANG 'GYUR RO, ,MIG GIS GZUNG BA MA YIN PA'I PHYIR MI RTOGS SO ZHE NA, DON GCIG LA 'DU BA CAN YIN PA'I PHYIR CI LTAR MIG GIS GZUNG BA MA YIN ZHES DE NYID DPYOD PA MA YIN NAM, DE'I PHYIR BDAG NYID THAMS CAD KYIS 'BREL YANG CHOS 'GA' ZHIG KHO NAS RTOGS PAR NGES PA MI 'THAD DO, ,GAL TE MIG LA SOGS PA'I RNGUL PHRA RAB PHYI ROL DU SONG STE, DON GYI YUL DU PHYIN NAS DE DANG SBYOR BA NI DON 'DZIN PA'I RGYU YIN NA, DON LTAR YIN NA BDAG NYID THAMS CAD KYIS 'BREL PA'I PHYIR RANG BZHIN MA LUS PA RTOGS PAR 'GYUR BA'I PHYIR 'KHYOG PO DANG, GSENG PO LA SOGS PA'I CHOS KYANG GSAL BAR SNANG BAR SNANG BAR 'GYUR RO, ,KHA DOG KYANG STE DBYIBS TZAM NI MA YIN NO, ,DE BZHIN DU RIGS LA SOGS PA MA LUS PA MNGON PAR GSAL BAR 'GYUR RO, ,THAG RING PO LA SOGS PAR BYED PA'I NUS PA MED DO ZHE NA, GAL TE NUS PA MED NA THAMS CAD KYI TSE MI 'DZIN PA NYID DU 'GYUR RO, ,GANG GIS DE LTAR GYUR PA RTOGS PAR 'GYUR BA'I TSOGS PA NI DE LTA BU NYID DO ZHE NA MA YIN TE, DBYIBS NI KHA DOG LAS THA MI DAD PA NYID DO, ,DBYIBS NI KHA DOG LAS THA DAD PA'I NGES PA MED DO, , KHA DOG MED KYANG MUN PA NGES PAR GZUNG BA NYID DO ZHE NA, DER YANG KHA DOG NAG PO DMIGS PA'I PHYIR RO, ,MUN PA DNGOS PO MA YIN PA'I PHYIR KHA DOG MI DMIGS SO ZHE NA, DE YANG MI 'THAD DE DMIGS PA

, ,NI DNGOS PO MED PA NYID DU MI RIGS PA'I PHYIR RO, ,SNANG BA LA YANG MIG BTZAMS PAS RTOGS PA'I PHYIR RO ZHE NA MA YIN TE, DE NI 'KHRUL PA YIN PA'I PHYIR RO, ,GCIG 'KHRUL BA'I PHYIR THAMS CAD DU 'KHRUL PA NYID NI MA YIN TE, HA CANG THAL BA'I PHYIR RO, ,DES NA 'DI SKAD CES SHES PA 'GA' ZHIG NI 'KHRUL PA YIN LA, 'GA' ZHIG NI MA 'KHRUL PA YIN NO ZHES BYA BA NYID BRJOD PAR BYA'O, ,DES NA SNANG BA NYID LA BDEN PA'I DBYIBS 'DZIN PA YIN GYI, MUN PAR NI MA YIN LA, NYE BA NYID DU YIN GYI RGYANG RING POR NI MA YIN NO, ,DES NA BDAG NYID THAMS CAD KYI 'DZIN PA 'AM MI 'DZIN PAR RIGS SO, ,DE THA DAD MED KYANG GANG LAS, ,THA DAD DE 'DI'I TSAD MA NYID, ,DON THA DAD PA MED KYANG SHES PA THA DAD PA NI RANG LA GNAS PA SNGON PO LA SOGS PA'I RNAM PA NYID LAS YIN GYI PHYI ROL GYI RNAM PA LAS NI MA YIN NO, ,DE'I PHYIR RNAM PA NYID TSAD MA YIN NO, ,'ON TE SHES PA RNAM PA MED PA YIN YANG 'DUS BYAS PA LAS DON SO SOR NGES PAR RNAM PAR GZHAG PA BYED DO ZHE NA, 'DI BSHAD PA, 'DUS BYAS LAS MIN DE YI DNGOS, ,MED NA DE YANG GZHAG MED PHYIR, ,DON SO SOR NGES PAR GNAS PA SNGON DU 'GRO BA CAN GYI 'DUS BYAS PA NI, RANG NYID SO SOR NGES PAS RNAM PAR SHES PA DON SO SOR NGES PA'I YUL CAN DU BYED PA YIN NO, ,DES NI DON GANG JI LTAR MYONG BA DE LTA BUR GYUR PA DRAN PAR 'GYUR BA YIN NA RNAM PA MED PAR NI DON NGES PAR MYONG BA MA YIN NO, ,DES NA GANG GI PHYIR DE LAS DON NGES PAR RNAM PAR 'JOG PA DE LAS 'DU BYAS PA SO SOR NGES PAR JI LTAR 'GYUR TE, PHAN TSUN RTEN PA'I SKYON DU THAL BAR 'GYUR BA'I PHYIR RO, ,NYAMS SU MYONG BA SO SOR NGES PA YIN NA, 'DUS BYAS PA SO SOR NGES PAR 'GYUR LA, ,'DUS MA BYAS PA SO SOR NGES PAR 'GYUR LA, 'DUS MA BYAS PA SO SOR NGES NA YANG NYAMS SU MYONG BA NGES PA'I PHYIR GCIG KYANG MI 'GYUR RO, ,GAL TE RNAM PA DANG BCAS PA'I SHES PA TSAD MA YIN NA, DE NYID 'BRAS BU YIN PA'I PHYIR BYA BA DANG, SGRUB BYED DAG GCIG TU THAL TE, RNAM PA NI RTOGS PA LAS THA DAD PA MED PA'I PHYIR RO ZHES NA, 'DIR YANG BSHAD PA NI, GAL TE BYA BYED GCIG YIN PAR, ,'GAL LO ZHE NA MI BDEN TE, ,CHOS THA DAD PAR KHAS LEN PHYIR, ,DNGOS

SU THA DAD MED PAR 'DOD, ,BYA BA BYED PA'I RNAM PA DAG ,THAMS CAD DE LTAR RNAM PAR GNAS, ,THA DAD 'DOD PA'I DNGOS RNAMS LA'ANG, ,SGRO 'DOGS PAS NI 'JUG PHYIR RO, ,GAL TE DON DAM PAR BYA BA DANG, SGRUB BYED DAG GCIG PAR MI 'THAD DO ZHES BRJOD NA, DE NI MI RIGS TE, BYED PA PA'I BDAG NYID CAN GYI BYA BA NI BYED PA PO'I BDAG NYID DU 'GAL BA MA YIN NO, ,BYED PA NI DNGOS PO LAS THA DAD PA MA YIN NO, ,'PHAR BA DANG 'BAB PA DAG NI STA RE LAS THA DAD PA MA YIN TE, DE NYID YUL GZHAN DANG GZHAN DAG DANG 'BREL PAR SKYED PA LA DE LTAR THA SNYAD BYED PA YIN GYI, DE DAG RANG GI NGO BO LAS GZHAN NI MA YIN LA, RANG GI NGO BO DANG GCIG PAR 'GAL BA YANG MA YIN NO, ,'ON TE THA SNYAD DU BYA BA DANG BYED PA PO GCIG PAR 'GAL LO ZHE NA, DE NI 'DOD PA NYID DE, CHOS THA DAD PAR KHAS LEN PA'I PHYIR RO, ,RNAM PAR RTOG PA LA GNAS PA'I CHOS THA DAD PA NI KHAS LEN PA NYID DO, ,BYA BA DANG BYED PA POR RNAM PAR GZHAG PA THAMS CAD NI DE LTA BU'I RNAM PA CAN YIN TE, BRTAGS PA'I THA DAD PA CAN YIN NO, ,'DI LTAR, RJES 'GRO LDOG PA DAG LAS NI, ,GCIG DANG DU MAR BRTAS PAS NI, , BYA BA DANG NI BYED PO DAG ,THA DAD THA SNYAD RNAM PAR GNAS RE ZHIG NGO SHES PA'I STOBS KYIS LHA SBYIN NI GCIG NYID RNAM PAR GZHAG PA YIN LA DE'I 'DUG PA DANG 'GRO BA DAG NI CHAR RNAM PAR GNAS PA YIN NO, ,DES NA DE LA BYA BA DAG THA DAD DU RTOG PA YIN NO, ,GANG ZHIG DE THA MI DAD KYANG THA DAD PA DE NI DE LAS LDOG PA YIN NO, ,DON DAM PAR NI LHA SBYIN NYID KYI GNAS SKABS KYI BYE BRAG LAS THA MI DAD PA CAN THA DAD PA YIN NO, ,DES NA 'JIG RTEN NA THA DAD PAR 'DOD PA'I DNGOS PO RNAMS LA YANG GCIG TU SGRO BTAGS NAS 'JUG PA'I PHYIR, DE'I DON BYA BA BYED PA PO THA DAD PA RNAM PAR GZHAG GO, ,DON DAM PAR NI MA YIN NO, ,DE BZHIN DU RNAM PA YANG RTOGS PA THAMS CAD KYI KHYAB BYED MA YIN LA, RTOGS PA NI RNAM PA MTHA' DAG KHYAB PAR BYED PA YIN NO, ,DES TSAD MA DANG 'BRAS BU DAG THA DAD PAR RNAM PAR GZHAG GO, ,DON DAM PAR NI SNANG BA'I RNAM PA NYID 'BRAS BU YIN NO, ,DE'I PHYIR RNAM PA NI TSAD MA YIN LA, DON RIG

, ,PA NI 'BRAS BU YIN TE, 'BRAS BU TSAD MA LAS THA MI DAD PA NYID DANG DE LAS KYANG TSAD MA THA MI DAD PA YIN NO, ,DE SKAD DU YANG, BYED DANG BCAS PAR RTOGS PA'I PHYIR, ,'BRAS BU NYID NI TSAD MAR 'GYUR, ,ZHES BSHAD DO, ,YANG NA 'DIR YANG RIG PA 'BRAS BU YIN, TE RANG RIG PA NYID GNYIS SU SNANG BA'I RNAM PAR SHES PA'I 'BRAS BU YIN NO, ,'JIG RTEN DON DU GNYER BA'I 'BRAS BU DON RIG PA MA YIN NAM ZHE NA, 'DIR BSHAD PA, GANG TSE DON RIG YOD MIN TSE, ,'JIG RTEN DON DON GNYER MI 'THAD, ,NAM YANG MA MTHONG DON LA NI, ,'JIG RTEN DON GNYER SRID MA YIN, ,THOS PA YANG BRGYUD NAS MTHONG BA NYID LA YIN NO, ,SNGON PO LA SOGS PA'I DON RIG PA NYID MA YIN NAM, JI LTAR DON MI RIG CE NA, 'DI LA BRGAL ZHING BRTAG PA NI, ,DON RIG GANG YIN SO SOR RIG ,MNGON SUM GANG YIN 'DI NYID DO, ,DE NI GANG GIS DON RIG YIN, , DE 'DRA LAS YIN 'KHRUL PAR 'GYUR, ,GAL TE SO SOR NGES PA 'AM SO SOR RIG PAR 'GYUR PA'I YIN NA, DE'I TSE RNAM PA DANG BCAS PA'I SHES PA NYID DON RIG PA YIN PA'I PHYIR THA SNYAD TZAM KHO NA 'BA' ZHIG TU 'GYUR GYI, DON RIG PA NYID NI MI 'GRUB BO, ,'ON TE DE'I RANG BZHIN NYID LAS DON RIG PA YIN TE, DE LTA BU MED NA DE'I RANG BZHIN MI SRID PA'I PHYIR RO ZHE NA, MA YIN TE, SKRA DANG SBRANG BU LA SOGS PAS 'KHRUL PA'I PHYIR RO, ,'ON TE DON RIG PA DE GANG YIN ZHE NA, DE NYID DPYAD PAR BYA BA YIN, ,GAL TE DON RIG PA MED NA DE'I TSE NYAMS SU MYONG BA 'DI GANG LA YIN TE, NYAMS SU MYONG BA NI MYONG BAR BYA BA'I MTHAR THUG PA YIN PA'I PHYIR RO ZHE NA, RAB RIB CAN LA SKRA LA SOGS PA MYONG BA YOD PAR JI LTAR 'GYUR, GAL TE KHA CIG DON LA BRTEN PA NYID DU MTHONG NGO ZHE NA, DE NYID DPYAD PAR BYA BA YIN TE, MTHONG BA NI YIN NA DON GYI ZHES NI MTHONG BA MED DE, DON NI MTHONG BA MED PA'I PHYIR RO, ,GAL TE SKYES PA TZAM GYIS DON RIG PA YIN NA MIG KYANG DES RIG PAR 'GYUR TE, DE LAS SKYES PA'I PHYIR RO, ,JI LTAR 'BRAS BU MTHONG BA LAS RJES SU DPAG PAS DON RJES SU DPAG PAR BYA BA DE BZHIN DU MIG KYANG YIN PAS DE YANG DES RIG PA DANG, DE NYID DE'I RNAM PAR BRTAG

PAR 'GYUR RO, ,PHYI ROL GYI YUL GYI RNAM PAS PHYI ROL NYID DU BRTAG PA YIN NO ZHE NA, CI ME LONG GI RNAM PAS BZHIN DE'I YUL DU RTOG GAM, DES NA BZHIN LTAR MTHA' DAD LA GNAS PA YIN TE, BZHIN LTAR GZUGS BRNYAN GYIS SNANG BA YIN NO ZHES BRTAG PAR BYA'O, ,RDUL PHRAN DE DAG GANG GIS NA, ,RAGS PAS SNANG BA DE 'DRAR BYED, ,GAL TE RNGUL PHRA RAB YUL YIN NA DE LA RAGS PAS SNANG BA'I RNAM PAR SHES PA YIN PA'I PHYIR 'DRA BA MED PAS JI LTAR RNAM PAR SHES PA'I YUL YIN TE, SHING LA SOGS PA LA GONG BUR 'DZIN PA LTAR 'KHRUL PA KHO NAR 'GYUR RO, ,KHA DOG RNAM PAR 'DRA BAR BYED PA YIN NO ZHE NA MA YIN TE, DBYIBS NI KHA DOG LAS THA DAD PA MED PA'I PHYIR RO, ,DBYIBS KHA DOG GI BDAG NYID YIN NA NI RAGS PA NYID YIN PAR 'GYUR RO, ,CI STE RAGS PA NYID NI 'DZIN PA'I CHOS YIN LA, KHA DOG NI GZUNG BA'I CHOS YIN TE, MANG PO GZUNG BA NA RAGS PA ZHES BYA BA'I THA SNYAD DU 'GRUB PA YIN GYI RNGUL PHRAR RAB SO SO BDAG LA NI MA YIN NO, ,SNGON PO NYID LA SOGS PA NI DER SO SOR YIN TE DES DE NI GZUNG BA'I PHYIR YIN NO ZHE NA, GAL TE DE LTA YIN PA DE LTA NA YANG BAR DANG BCAS PA DAG LA BAR MED PAR GZUNG BA'I PHYIR 'KHRUL PA NYID DO, , MA YIN TE BAR YUL MA YIN PA NYID KYIS MI SNANG BA'I PHYIR RO ZHE NA, GAL TE DE LTAR NA NYE BAR BRJOD PA THAMS CAD DANG BRAL PA'I MTSAN NYID NI DNGOS PO MED PA YIN PAS BAR MED PA KHO NAR 'GYUR TE, DE'I PHYIR DNGOS PO BAR MED PA NYID DU BRTAG PAR BYA BA YIN NO, ,BAR MED PA MI 'THAD PA'I PHYIR RO; ;DNGOS PO CHA SHAS DANG BCAS PA NI MI RIGS TE, RNAM PAR SHES PA BZHIN DU DNGOS PO CHA MED PA NYID DU YIN PAS RDUL PHRA RAB TU GRUB PO ZHE NA MA YIN TE, 'BREL PA MED PA'I PHYIR RO, ,DAM BCAS PA MNGON SUM GYIS BSAL BA'I PHYIR YANG DE MI RIGS SO, ,MNGON SU MA MED PAR RJES SU DPAG PA YANG MI 'BYUNG BA'I PHYIR RO, ,RAGS PA NI PHRA MO TSOGS PA'I RANG BZHIN NYID DO ZHE NA, 'DI LA SNGAR LAN BTAB ZIN PA'I PHYIR YANG MI BRJOD DO, ,DE'I PHYIR DE NI DON DNGOS MIN, ,YIN YANG 'KHRUL PA CAN YIN PAS, DE MYONG BA YI NGO BO NYID, ,SGRUB PAR BYED PA NUS MA YIN, ,DON GYI RANG

, ,BZHIN YANG 'KHRUL PA YIN PA DE'I PHYIR DE TZAM GYIS DON RIG GO ZHES BYA BAR MI 'GRUB PO, ,'KHRUL PA NYID NI SGRUB PAR BYED PA MA YIN TE, SGRUB PAR BYED PA'I DON NI MI 'KHRUL PA YIN PA'I PHYIR RO, ,'KHRUL PA YIN YANG SGRUB BYED YIN NA NI THAMS CAD KYI SGRUB PAR BYED PA YIN PAR 'GYUR RO, ,SGRUB PAR BYED PA NI YOD PA NYID 'JOG PAR BYED PA YIN NA, 'KHRUL PA DE NI RES 'GA' MED PAR YANG 'GYUR BA YIN PA'I PHYIR YOD PA NYID KYI PHYOGS 'PHEN PA MA YIN NO, ,DE'I PHYIR YOD PA NYID DANG CIG SHES GCIG GI TSE GCIG LA 'GAL LO, ,DE'I PHYIR RNAM PAR SHES PA'I SNGON PO LA SOGS PA'I RANG BZHIN TZAM GYIS DON SGRUB PAR BYED PA MA YIN PA'I PHYIR MA NGES PA YIN NO, ,GZHAN YANG, DON GCIG PO'I MYONG BA RNAMS KYANG 'DRA BA YIN NA, DE DAG PHAN TSUN RIG PAR BYED PA'I DNGOS PO NI MA YIN NO, ,RGYU GZHAN GYI MYONG BA 'DRA BA YIN YANG MYONG BAR BYA BA 'AM MYONG BAR BYED PA NI MA YIN NO, ,DE 'DRA BA DANG DE LAS BYUNG, ,GAL TE MYONG BA'I MTSAN NYID YIN, ,DON MTSUNGS CAN GYI RNAM PAR SHES, ,MTSUNGS PA DE MA THAG MYONG 'GYUR, ,GAL TE GNAG LAS SKYES PA DANG 'DRA BA DE DES RIG PA YIN NO ZHE NA, 'O NA NI DE'I TSE YUL MTSUNGS PA'I SHES PA DE MA THAG PA YUL YIN PAR 'GYUR RO, ,GANG GI TSE SNGA MA LA YANG SNGON PO'I RNAM PA CAN YIN LA DE'I DE MA THAG PA LAS SKYES PA, PHYI MA YANG SNGON PO'I RNAM PA CAN YIN PA DE'I TSE RGYU YIN PA'I PHYIR DANG, 'DRA BAR BYED PA YIN PA'I PHYIR SNGA MA YUL YIN PAR 'GYUR RO, ,'ON TE GANG LAS SNGON PO LA SOGS PA'I RNAM PAR SKYE BA RNAM PA DE DANG LDAN PA'I YUL YIN NO, ,YUL MTSUNGS PA'I SHES PA LA YOD PA'I RNAM PA GANG YIN PA DE NI DE MA THAG PA LAS BYUNG BA MA YIN TE, DE LTAR MA YIN NA SNGON PO'I RNAM PA CAN GYI DE MA THAG PA LAS SER POR SHES PAR MI 'GYUR RO, ,DES NA SNGON PO LA SOGS PA'I RNAM PA DE MA THAG PAS BYAS PA'I MA YIN NO ZHES RTOGS PAS DE YUL NYID MA YIN NO, ,GZHAN DAG SMRA BA NI GANG GI TSE SNGON PO'I RNAM PA CAN GYI DE MA THAG PA LAS RNAM PAR RTOG PA DANG BCAS PA SNGON PO'I RNAM PA CAN SKYE BA DE'I SNGA MA YUL YIN PAR 'GYUR TE, DE NI RNAM PA BYED PA PO YIN PA'I PHYIR RO ZHES SO,,

DE YANG MA YIN TE, MYONG BA NI DRAN PA'I YUL YIN PAR 'DOD PA NYID DO, ,DE LTA BU NYID DU YANG SHES PA YIN TE, 'DI LTAR, 'JIG RTEN THAMS CAD DRAN PA LAS, ,RJES SU 'BRANG BAS DON MYONG BA, ,RTOGS 'GYUR DNGOS SU DON DAG NI, ,RTOGS PAR 'GYUR BA MA YIN NO, ,GANG GI TSE DRAN PA BRJED PA MED PA DE'I TSE DRAN PA THAMS CAD DON MYONG BA LA 'JUG PAR RTOGS SO, ,DES NA 'DI NI MYONG BA'I YUL CAN DU 'DOD PA NYID DO, ,KHAS BLANGS PA NYID SKYON DU 'GYUR BA NI MA YIN NO, ,GZHAN YANG DRAN PA 'DI NI YUL MED PA YIN PAS 'DI'I YUL BSAMS PAS CI ZHIG BYA, 'DIR BRJOD PA; SNGAR GYI SNGON PO NYAMS SU MYONG BA LAS BSGOMS PA'I STOBS KYIS GSAL BAR SNANG BA SKYED PA GANG YIN PA DE'I YUL SNGA MA YIN PAR 'GYUR RO, , JI LTAR DE DE MA THAG PA YIN ZHE NA, DE 'DRA BA RIGS MTHUN PA'I RNAM PAR SHES PA GZHAN BAR DU BYUNG BA MED PA'I PHYIR RO, ,JI LTAR DE SKYED PAR BYED PA YIN ZHE NA, 'DI LA LAN BTAB ZIN TO, ,BAR DU CHOD KYANG SKYED BAR BYED PA YIN NO ZHES 'DI NI BSTAN ZIN TE, ,YANG NA RNAM PAR RTOG PA'I RNAM PA NYID GOMS PA LAS GSAL BAR SNANG BA'I SKYED PAR BYED PA YIN PAS YUL DU 'GYUR RO, ,DES NA RNAM PA DE LAS NI DON GNAS PA MA YIN NO, ,RIGS GANG GANG LAS BYUNG BA DES, ,ZHES BYA BA'I RIGS PAS DON GYI RNAM BA 'DI NI BSGOMS PA'I STOBS KYI RIGS MTHUN PA LAS YIN PAR GNAS PA'I DON DU RTOGS PA DE NI MI RIGS SOL ,DES NA DE MA THAG PA'I SHES PA NYID YUL YIN PAR 'GYUR RO, ,DE LTA NA NI 'O NA, 'DI MTHONG 'DI THOS ZHES BYA BAR, ,GANG LA BLO NA NGES PA DE, ,DE MYONG YIN NA GANG GIS DE, ,DE YI SGRUB BYED YIN 'DOD PA, ,SNANG DANG MTHONG BA DE DAG GI, ,NYE BA DE NI DPYAD BYA YIN, ,DE DAG 'BREL PA LA BRTEN NAS, ,LTA BA PO YI NGES DE YIN, ,GAL TE DONG NAS PA NI NGES PA LAS YIN NO,, DES [*NGES?] PAR NI DON LAS GZHAN DU MI 'GYUR RO ZHES ZER RO, ,'DI DE MA THAG PA'I RKYEN LAS BYUNG DO ZHES DES PA NI MED DE, 'ON KYANG NGA'I MYONG BA 'DI'I YUL NI DON YIN GYI DE MA THAG PA'I RKYEN NI MA YIN NO ZHES SO, ,DON NYAMS SU MYONG BA MED PAR NI DON NO ZHES NGES PAR RAG PA MA YIN TE, NGES PA

, ,NI MYONG BA'I RJES SU 'BRANG BA'I PHYIR RO, ,'DI LA BRJOD PA, NYAMS SU MYONG BAS DON RNAM PAR GNAS PA NI MA YIN GYI, DE'I RJES SU 'BRANG BA'I NGES PA LAS YIN NO ZHES BYA BA 'DI NI LONG BA GCIG GIS NI LAM MI RTOGS KYI, DES KHRID PA'I GNYIS PAS YIN NO ZHES BYA BA DE LTAR 'GYUR BA'I PHYIR SHIN TU NGO MTSAR CHE'O, ,'DI LTAR, DNGOS SU DON LAS SKYES PA YI, ,SHES PAS GANG ZHIG MI MTHONG BA'I, ,DON DE DE LAS GZHAN PA YI, ,ZHEN PAS YIN ZHES GZU LUMS YIN, ,NGES PA NI MYONG BA'I RJES SU 'BRANG BA YIN NO, ,DES 'DI NI DON NYAMS SU MYONG BA YIN GYI RANG GI NGO BO TZAM NI MA YIN NO ZHES NGES PA NYID LAS RTOGS PA YIN TE, DE LTA MA YIN NA NGES PA DE LTA BU NYID DU MI 'GYUR RO ZHE NA, DE NI DE LTAR MA YIN TE, NYAMS SU MYONG BA NYID GANG GI ZHES MI SHES PA MA YIN NAM, JI LTAR NYAMS SU MYONG BA'I RJES SU 'BRANG BA NYID DU 'GRUB, 'O NA NGES PA GA LAS SHE NA, GOMS PA NYID LAS YIN NO ZHES BSTAN ZIN TO, ,GOMS PA DE YANG MYONG BA NYID LAS YIN PA'I PHYIR GA LAS PHYIN KYI LOG TU NGES SHE NA, 'DI YANG LAN MA YIN TE, GANG GI PHYIR DE LTA YIN NA NI 'GA' YANG PHYIN CI LOG TU NGES PAR MI 'GYUR BA ZHIG NA MTHONG BA YANG YIN NO, ,DES NA 'DI NI MI 'THAD DO, ,GAL TE LTA BA TZAM NI RNAM PAR 'BYED PAR BYED PA MA YIN TE, DES NA NGES PA KHO NAS DON DANG DON MA YIN PA RNAM PAR 'BYED DO ZHE NA, GAL TE DE LTA NA NI NGES PA YANG RNAM PAR 'BYED PAR BYED PAR MI 'GYUR TE, ZLA BA GNYIS SU SHES PA NI ZLA BA GCIG TU NGES PAR BYED PA MA YIN NO; ;CI STE GOMS PA LAS NGES PA NI BYE BRAG TU SGRUB PAR BYED PA YIN NO ZHE NA, MA YIN TE, GOMS PA NI RGYU MA YIN PA'I PHYIR RO, ,SO SOR NGES PAR NYAMS SU MYONG NA NGES PA DE GOMS PA LA 'GYUR PA YIN NO, ,DON ZHES NGES PA YANG DON BYA BA BYED PA 'DOD PA YIN NA, DON BYED PA DE NI SNANG BA GZHAN NYID DO, ,SNANG BA LAS SNANG BA GZHAN MI SKYE BA YANG MA YIN NO, ,DES NA NGES PA LAS DON GNAS PA MA YIN NO, ,CI STE NYAMS SU MYONG BA DE GANG LA YIN ZHES GANG BRJOD PA DE LA YANG BRJOD PA NI, DE YI MYONG DE BDAG NYID DE, ,DE GZHAN 'GA' ZHIG GI MA YIN, ,MNGON SUM SO SOR

RIG BYA YANG, ,DE YI DE NI BDAG NYID YIN, ,DON RNAMS KYI RANG BZHIN NI RGYU MED PAR MI SKYE BA'I PHYIR 'DI GA LAS ZHES RGYU 'DRI BA NI RIGS KYI, 'DI GAD LA YIN ZHES 'DRI BA'I DON DE GO GANG ZHIG ,'DI LTAR, MYONG 'DI GANG LA ZHES BRJOD LA, ,GANG TSE DON LA SLAR BZLOG PA, ,DE TSE DON 'DI GANG LA ZHES, ,'DRI BA THUG PA MED PAR 'GYUR, ,RNAM PA 'DI LTA BU'I DRI BA NI RTZED MO YIN NO, ,CI'I PHYIR ZHE NA, MTHAR THUG PA MA MTHONG PA'I PHYIR RO, ,'DI LTAR DON DE GANG LAS YIN ,DE GANG LA DE LTA BU NYID DU MTHONG BA'I PHYIR, YANG BRGAL ZHING BRTAG PA MED DO ZHE NA, GAL TE DE LTA NA NI DON MTHONG BA MED PA'I PHYIR, MYONG BA YANG RANG GI NGO BO NYID LA GNAS PA YIN TE, DE LTA BU NYID DU MTHONG BA'I PHYIR, GZHI BRTAGS PAS CI ZHIG BYA, 'DIS NI DRUG PA'I DON LA BRGAL ZHING BRTAGS PA YANG SPANGS PA YIN TE, DE BRJOD PA NI, DE GZHAN 'GA' ZHIG GI MA YIN TE ZHES BYA BA YIN NO, , 'O NA JI LTAR MNGON SUM DU SO SOR RIG PAR BYA BA'I DON DGAG PAR NUS, 'DI LTAR DE DANG LDAN PA MNGON SUM GYIS SNGON PO MTHONG BA YIN NO ZHE NA MA YIN TE, DON MTHONG BA MED PA'I PHYIR RO ZHES BSHAD ZIN TO, ,MNGON SUM RIG BYA DE YI NI, ,RNAM PA NYID YIN DON GZHAN MIN, ,RNAM PA DE LA SNGON PO ZHES, ,THA SNYAD 'DOGS KYI GZHAN MA YIN, ,DE'I PHYIR SNGON PO'I BDAG NYID CAN GYI MYONG BA NI SNGON PO MYONG BA STE, DPER NA MCHI GU'I LUS ZHES BYA BA BZHIN NO, ,DRUG PA'I DON ZHES BYA BA TZAM GYIS NI THA DAD PA MA YIN NO, ,'DI NI RNAM PA JI LTAR YANG 'GYUR BA'I PHYIR RO, ,YANG NA GAL TE DE LA MYONG BA GZHAN MED NA DE MNGON SUM DU NYAMS SU MYONG BAR JI LTAR 'GYUR ZHE NA, MA YIN TE, RANG GI NGO BOR GYUR PA'I MYONG BA NYID KYIS GSAL BAR MNGON SUM DU 'GYUR TE, GZHAN GYI RANG BZHIN GYI MNGON SUM DU MI 'THAD PA'I PHYIR RO, ,DE'I NGO BO NI GZHAN GYIR MI 'GYUR TE, DE LTA YIN NA GZHAN NYID DU MI 'GYUR RO, ,YANG NA RNAM PAR SHES PA LKOG TU GYUR PAS NA GANG ZHIG MYONG BA DE NI DON YIN PAR 'GYUR RO ZHE NA, GAL TE DE LTA NA DE'I MYONG BA DE BDAG NYID YIN PAR 'GYUR TE, GZHAN LA RIG PAR BYA BA MED PA'I PHYIR RO, ,GYUR MOD CI SKYON ZHE NA, DE GZHAN 'GA' ZHIG GI MA YIN, ,

, ,GAL TE DON GYI BDAG NYID YIN NA GZHAN LA YANG DE LTAR 'GYUR BA'I PHYIR THAMS CAD DE MTHONG BAR 'GYUR NA, GZHAN LA NI DE LTA MA YIN NO, ,GAL TE MNGON SUM GYIS RIG PAR BYA BA YIN GYI, BDAG NYID KYIS NI MA YIN NO ZHE NA, MA YIN TE, GAL TE DE'I RANG BZHIN NYID RTOGS PAS THA DAD PAR RNAM PAR BZHAG NAS DE LTAR THA SNYAD BYED PA YIN NO, ,DE'I PHYIR SNGON PO LA SOGS PA GZHAN GYIS RIG PAR BYA BA NI MA YIN TE, BDAG NYID DE KHO NA MYONG PA YIN NO, ,YANG NA GAL TE DON MYONG BA MED NA PHYI ROL GYI YUL PHYOGS DANG 'BRANG PAR SPYOD YUL DU 'GYUR BA 'DI JI LTAR BYA ZHE NA; BDAG NYID MYONG BA YIN TE, SEMS NYID MYONG BA YIN NO, ,JI LTAR PHYI ROL GYI YUL YIN, ,DE YANG GZHAN GYI MA YIN TE, ,DE'I PHYIR 'DI JI LTAR PHYI ROL DU GYUR PA YIN, YANG NA DE BDAG NYID YIN TE, 'DI THAMS CAD NI BDAG KHO NA YIN NO ZHES KHYED KYIS KYANG KHAS BLANGS PA'I PHYIR RO, ,DE YANG MYONG BA YIN NO, ,DE YANG GZHAN GYI NI MA YIN GYI 'ON KYANG BDAG KHO NA'I YIN TE, DE LAS THA DAD PA MED PA'I PHYIR RO, ,DE NI BRJOD PA YIN NO ZHE NA MA YIN TE, MNGON SUM DU SO SOR RIG PAR BYA BA YIN PA'I PHYIR RO, ,GANG GI PHYIR DE MNGON SUM DU RIG PAR BYA BA NYID NI BDAG NYID KHO NAS YIN GYI GZHAN DU NI MA YIN NO, ,GAL TE BDAG TU SMRA BAR THAL LO ZHE NA MA YIN TE, RNAM PA SNA TSOGS PA MYONG BA'I PHYIR RO, ,MA RIG PA'I DBANG GIS BSKYED PA'I PHYIR DE NI MYONG BA KHO NA'O, ,BDAG TU SMRA BA NI NYE BAR MKHO BA MA YIN TE, 'DOD CHAGS LA SOGS PA RAB TU ZHI BA DANG, RJES SU MTHUN PA NI BDAG MED PA NYID YIN PA'I PHYIR SKYON MED DO, ,'DI NYID 'OG NAS STON PA NI, ,DES NA NYAMS MYONG BYA GZHAN MED, ,DE LA 'ANG MYONG BA GZHAN YOD MIN, ,DER YANG BRTZAD PA MTSUNGS PHYIR TE, ,DE NI RANG NYID GSAL BA YIN, ,BLOS NYAMS SU MYONG BA GANG YIN PA DE NI GZHAN MA YIN TE, JI LTAR MYONG BAR BYA BA MED PAR DE LTAR BRJOD ZIN TO, ,'O NA DE MYONG BAR BYED PA GZHAN MYONG BA'I BLOR 'GYUR RO ZHE NA, MA YIN TE, DE YANG GZUNG BA DANG 'DZIN PA'I MTSAN NYID MED PA'I PHYIR RO, ,MYONG BA GZHAN NI RANG GI NGO BO NYID LA GNAS PA'I PHYIR, JI LTAR GZHAN GYI MYONG BA YIN, MNGON DU BYED PA LA SOGS PA SPANGS PA

YIN NO; ;DE MYONG BAR RJES SU ZHUGS NA YANG DE DAG GCIG NYID DU 'GYUR LA, DE LTA YIN DANG RANG NYID KHO NA GSAL BA YIN GYI DE LAS GZHAN NI MED DO ZHES GNAS SO, ,'O NA RNAL 'BYOR PA RNAMS KYIS GZHAN GYI SEMS RTOGS PA JI LTAR ZHE NA, 'DI NI 'OG NAS 'CHAD PAR 'GYUR RO, ,DE'I PHYIR RANG NYID RANG GI NGO BO GSAL BAR BYED PA'I PHYIR DE LTAR 'GYUR PA YIN NO, ,DE LTA NA 'O NA RANG GI NGO BO MYONG BA ZHES BYA BAR 'GYUR GYI, JI LTAR SNGON PO MYONG BA ZHES BRJOD CE NA, 'DIR BSHAD PA, DE YI DNGOS TE SNGO SOGS KYI, ,RANG BZHIN NYAMS SU MYONG BA'ANG DE, ,RANG GI NGO BO MYONG GYUR KYANG, ,SNGO SOGS MYONG BAR SNANG BA YIN, ,SNGON PO'I RANG BZHIN YIN PA'I PHYIR SNGON PO'I MYONG BA YIN GYI, SNGON PO GZHAN MYONG BA NI MA YIN TE, 'BA' ZHIG MYONG BA MED PA'I PHYIR RO, ,GANG ZHIG GANG LAS THA DAD PA DE NI DE'I RANG BZHIN GYIS THA SNYAD KYI YUL DU 'GYUR BA YIN NO, ,'DI LTAR GAL TE 'BA' ZHIG NI, ,DE LTA BUR NI NGES PAR 'GYUR, ,LDOG PA RANG GI NGO BO LA'ANG, ,MTHONG BA DE PHYIR DE LTA MIN, ,JI LTAR SNGON PO MYONG BA ZHES BRJOD PA DE KHO NA LTAR 'DI MYONG BA SNGON PO'I RANG BZHIN YIN NO ZHES RIGS SO, ,THA DAD PAR BSNYAD PA TZAM GYIS NI THA DAD PA MA YIN TE, THA DAD PA'I THA SNYAD NI RNAM PA 'GA' ZHIG LTAR BAG CHAGS KYI STOBS LAS KYANG DMIGS PA YIN NO ZHES SNGAR BSTAN ZIN TO, ,JI LTAR SNGON PO'I RANG GI NGO BO GSAL BAR BYED, SGRON MA LA SOGS PAS GSAL BAR BYA BA BUM PA LA SOGS PA DAG NI RANG NYID GSAL BAR BYED PA MA YIN NO, ,BDAG NYID LA NI BYED PAR 'GAL BA YANG YIN TE; RAL GRI'I SO DE NYID KYIS GCOD PA NI MED DO ZHE NA, 'DI LA LAN, JI LTAR DE YI BDAG NYID PHYIR, ,GSAL BYED RAB TU GSAL BA NA, ,RANG GI NGO BO GSAL BYED 'DOD, ,DE LTAR BLO BDAG RIG CAN YIN, ,BDAG NYID LA BYED PA 'GAL BA ZHES TSAD MA GANG LAS NGES, DPE TZAM GYIS NI 'DOD PA'I DON MI 'GRUB STE, BZLOG PA LAS YANG SGRON MA DPER YOD PA'I PHYIR RO, ,GAL TE BUM PA PHYI ROL GYI BDAG NYID DU GYUR PA'I SGRON MAS GSAL BAR BYA BA YIN NA, SGRON MA YANG DE LTA BU GZHAN GYIS GSAL BAR BYA BA YIN NO ZHES BRGAL ZHING BRTAG PA NI MA YIN NO, ,BUM PA YANG SGRON MAS GSAL BAR

, ,NI BYAS PA MA YIN TE, 'ON KYANG DE LAS DE LTAR SKYES PA YIN NO, ,CI STE SGRON MA YANG MIG LA SOGS PA GZHAN GYIS GSAL BA YIN NO ZHE NA, MA YIN TE, MIG LA SOGS PA NI BUM PA LA SOGS PA THAMS CAD LA THUN MONG BA YIN PA'I PHYIR RO, ,'DI LTAR MIG YOD KYANG BUM PA GSAL BAR BYED PA SGRON PA LA LTOS PA DE BZHIN DU SGRON MA YANG 'GYUR RO, ,'ON TE BUM PA DE LTAR SKYE BA NYID DE, DE'I GSAL BAR BYED PA NI MIG LA SOGS PA YIN NO ZHE NA, DE LTA NA NI 'O NA, JI LTAR SGRON MAS PHYI ROL DON, ,GSAL BAR BYAS PA YIN MIN YANG, ,GSAL BYED THA SNYAD YUL YIN LTAR, ,MIG LA SOGS PA 'ANG 'DOD PAR BYA, ,DPER NA DE LAS DE LTA BU'I NGO BOR SKYES PA YIN YANG, SGRON MA LA SOGS PAS BUM PA GSAL BAR BYAS SO ZHES THA SNYAD DU BYED PA DE BZHIN DU MIG LA SOGS PA LAS KYANG DE LTAR SKYES PAS THA SNYAD DU BYED PA YIN NO, ,CI STE BUM PA LA SOGS PA LA NI GNYI GA GSAL BYED YIN LA, SGRON MA LA SOGS PA LA NI GCIG NYID DO ZHE NA, DE LTA NA 'O NA, JI LTAR SRID PA 'GA' ZHIG LA, ,GSAL BYED GCIG YIN GZHAN DAG LA, ,GNYIS NI GZHAN PA DAG LA NI, ,GCIG KYANG MED NA CI ZHIG CHAD, ,SHIN TU NUS PA MED PA LA NI GNYIS YIN LA GZHAN LA GCIG YIN ZHING, GZHAN DAG LA NI GCIG KYANG MED DO ZHES BYA BA 'DI DNGOS PO RNAMS KYI RANG BZHIN YIN PA'I PHYIR 'DI LA CHAD PA CI YOD CI STE RANG GI BDAG NYID LA BYED PA 'GAL BA'I PHYIR RO ZHES BRJOD NA, GANG TSE DE YI RANG BZHIN NI, ,DE YIN DE TSE CI ZHIG 'GAL, ,RANG GI NGO BO 'GAL NA NI, ,'DI KUN THAMS CAD NYAMS PAR 'GYUR, RANG GI NGO BO DANG 'GAL BA NI 'GA' YANG MED DO, ,DE LTA YIN NA NI 'GA' YANG RANG GI NGO BOR MI 'GYUR BAS THAMS CAD 'JIG PAR 'GYUR RO, ,CHAD PA NI KHYAD PAR CAN DU SKYED PA YIN PAS DE NYID KYIS DE NYID SKYED PA MA YIN TE, DON NYID DON RANG GI BDAG NYID LA BYED PA 'GAL PA'I PHYIR RO, ,RANG GSAL BAR BYED PA'I RANG BZHIN NI, DE'I RANG GI NGO BO YIN PAS DE NYID DANG 'GAL BA MA YIN NO, ,DE DAG LAS ZHES BRJOD PAR BYA BA MA YIN NA, DE LTA BUR GYUR PA'I RANG GI RGYU LAS YIN NO, ,GAL TE RGYU MED PA DE'I TSE MI 'THAD PAR 'GYUR GYI GZHAN

DU NI MA YIN NO ZHES BYA BAR RIGS SO, ,DES NA GZHAN GYIS 'DI SKAD CES RANG GSAL BAR BYED PA NYID NI MA MTHONG NGO ZHES BRJOD PAR BYA BA YIN LA, DE LA NI THAMS CAD DU RANG GI NGO BOS GSAL BA YIN PA'I PHYIR RO ZHES LAN BTAB ZIN PA NYID DO, ,YANG BRJOD PA, DE YI RIG BYA DAN GZHAN NA, ,TSOR BYA TSOR BYED 'THAD BAR DKA', ,DON GZHAN DU GYUR PA'I BLO RANG NYID GSAL BA'AM, DE LTA MA YIN PAR 'GYUR, GAL TE RANG NYID GSAL BA YIN NA RANG GI NGO BOS GSAL BA YIN NO, ,DES NA DE MA GSAL BAR DES NA DON GZHAN GSAL LO ZHES BYA BA'I THA SNYAD DE LTAR MI 'GYUR RO, ,GAL TE GSAL NA NI DE YANG DE LTA BU NYID DU DE'I TSE GSAL BA YIN PA'I PHYIR JI LTAR DE GZHAN GYI GSAL PA YIN, DE'I TSE NI GSAL BYA DANG GSAL BYED DAG KHYAD PAR YOD PA MA YIN NO, ,GAL TE DE'I BYED PA LA RIM GYIS RTOGS PA'I KHYAD PAR YOD PA YIN TE, 'DI LTAR, SGRON MA LA SOGS NYE BA NA, ,DE YI KHYAD PAR RTOGS PA YIN, ,DES NA DE GNYIS DE NYID YIN, ,DE LTAR SKYES PAR CIS MI 'DOD, ,KHYAD PAR GSAL BA ZHES BYA BA NI DE RANG GI NGO BO NYID KYIS GSAL BA YIN NO, ,DES NA RANG GI NGO BO NYID DE LTAR GSAL BA YIN PA DE'I PHYIR MTHAR YANG RANG NYID GSAL BA KHO NA YIN NO, ,'ON TE RANG NYID GSAL BA ZHES GRAGS PA MED DO ZHE NA, THA SNYAD DE LTA BUR GYUR PA MA YIN NO, ,DES NA 'DI SKAD BRJOD PA YIN NO ZHE NA, NYAMS SU MYONG BA DANG MTHUN PA'I THA SNYAD CHAD MAR BYA BA YIN GYI THAMS CAD NI MA YIN NAM CI STE THA SNYAD THAMS CAD TSAD MA YIN NA, DE LTAR GYUR NA PHYI ROL PA KHONG DU CHUD PAR BYA BA'I PHYIR 'GA' YANG BRJOD PAR MI BYA BAR 'GYUR RO, ,DE'I PHYIR JI LTAR RTOGS PA DE LTAR KHAS BLANG NGO, ,GAL TE RIG PAR BYED PA ZHES BYA BA NI LKOG TU GYUR PA MA YIN PAR 'THAD KYI RIG PAR BYA BA NI DE LTAR THAMS CAD KYI TSE 'GYUR BA MA YIN NO ZHES BYA BAR RIGS SO, ,RIG PAR BYA BA NI LKOG TU GYUR PA LA YANG YOD PAR 'THAD DO, ,GAL TE RIG PA KHO NA YIN NA NI SHES PA DANG SHES BYA KHYAD PAR MED PAR 'GYUR RO ZHE NA, DE NI MI 'THAD DO, ,RIG BYA LAS NI MA GTOGS PA, ,SNGON PO LA SOGS RTOGS PA MED, ,RIG BYA MIN PA RTOGS SHE NA, ,DE MED PAR NI JI LTAR 'GYUR, ,RIG PAR BYA BA MA YIN PA NYID RTOGS SO ZHES BYA BAR NI 'GAL LO, ,DE LTA NA YANG DON 'DIR 'GYUR TE,

, ,MA RTOGS PA RTOGS SO ZHES SO, ,'ON TE MNGON SUM GYIS MA RTOGS PA RJES SU DPAG PAS RTOGS PA YIN NA DE YANG MI RUNG STE, RTOGS PA LAS THA DAD PA'I DON GZHAN MED DO ZHES BYA BA'I PHYOGS YIN GYI, MNGON SUM GYIS RTOGS PA NYID YIN NO ZHES BYA BA NI MA YIN NO, ,RJES SU DPAG PAS RTOGS PA YANG GZUNG BA'I RANG BZHIN MNGON SUM NYID DU RTOGS PA YIN NO, ,GAL TE DE LA GZHAN GYIS MTHONG BA 'AM DE LTA MA YIN PA DE LAS GZHAN PA'I DON YANG YOD PA MA YIN NAM ZHE NA MA YIN TE, RTOGS PA MED PA'I PHYIR RO, ,MA RTOGS PA YOD DO ZHES BYA BA 'DI GA LAS YIN, RJES SU DPAG PA NYID KYIS RTOGS SO ZHE NA, 'O NA RJES SU DPAG PA NYID DU MI 'GYUR TE, DON MNGON DU BYED PA'I PHYIR RO, ,MNGON DU BYED PAS NI MA YIN NO ZHE NA, DE YOD PA YANG YIN LA DE MED PA YANG YIN NO ZHES BYA BA 'DI RIGS SAM CI, MNGON DU BYED PA MED PAR RTOGS SO ZHES BYA BA'I DON CI YIN, RANG GI NGO BO RTOGS SO ZHEN NI, DE NYID MNGON DU BYED PA YIN LA, MA YIN NO ZHE NA NI MA RTOGS PA NYID DO ZHES BYA BAR RIGS SO, ,RANG GI NGO BOS RTOGS NA NI, ,DE NYID MNGON DU BYAS PA YIN, ,RANG GI NGO BOS MA RTOGS SAM, ,DE NI RNAM KUN MA RTOGS NYID, ,RANG GI NGO BOS RTOGS KYANG DE, ,GAL TE MNGON DU BYAS MIN NA,, 'O NA MYONG LAS SNGON PO YI, ,RANG BZHIN JI LTAR THA DAD 'GYUR, ,RTOGS PA'I DBYE BAS THA DAD PA, ,SNGO SOGS RANG BZHIN GCIG PA NYID, ,GZHAN THA DAD PAS DE LAS GZHAN, ,THA DAD JI LTAR TSAD CAN YIN, ,DE DANG 'BREL PAS DE NYID NA, ,DON GZHAN YOD PAR GAL 'GYUR, ,DE DANG GCIG TU GYUR BA NI; ;DE LAS GZHAN PAR GA LAS 'DOD, ,RJES 'GRO LDOG PA DAG LAS NI, ,THA DAD RTOGS PA MA YIN TE, ,RJES SU 'GRO DANG LDOG PA DAG ,MNGON SUM GYIS NI RIG MA YIN, ,RJES SU DPAG PAS RTOGS NA MIN, ,RJES DPAG MNGON SUM SNGON 'GRO CAN, ,DE MED RJES DPAG MED PAS NA, ,LONG PA BRGYUD PAR 'GYUR BA YIN, ,GAL TE KHYAB BYED MED PAR NI, ,KHYAB BYA YOD PAR JI LTAR 'GYUR, ,MA RTOGS PAR NI JI LTAR NA, ,DE YI KHYAB PAR BYED PAR BRJOD, ,GAL TE DE'I TSE RTOGS NA RTOGS PA'I NANG DU CHUD PA NYID LAS JI LTAR DON YIN, 'ON TE MA RTOGS NA JI LTAR KHYAB PAR BYED PA NYID DU RTOGS,

KHYAB PAR BYED PA NYID DU SNGAR RTOGS PA'I PHYIR RO ZHE NA, RJES SU DPAG PAS CI ZHIG BYA, ,'DI'I DUS SU MA RTOGS PA DE'I PHYIR RJES SU DPAG PA DON MED PA MA YI NO ZHE NA, 'O NA SNGAR KHYAB PAR BYED PA NYID DU JI LTAR RTOGS, SNGON DANG DA LTAR SHES PA NYID, ,THA DAD KHYAB BYED JI LTAR RTOGS, ,DE NI RTOGS PA TZAM ZHE NA, ,KHYAB PA DE NI JI LTAR BRJOD, ,GAL TE DU BA'I RNAM PAR NI, ,RTOGS PA ME MED MI 'BYUNG NA, ,ME YI RNAM PA 'DI YANG NI, ,ME MED PAR NI 'DOD MA YIN, ,ME'I 'BRAS BU DU BA JI LTAR RTOGS PA TZAM YIN ZHE NA, 'DI NI MA YIN TE, 'DI LTAR ME'I 'BRAS BU NYID YIN NA, DUD SOGS PHYI ROL NGO BO NYID, ,DE NI ME YI 'BRAS BUR YANG, ,PHYIR NYID DU BA GRUB NA GYUR, ,DE'I PHYIR PHAN TSUN RTEN PA DNGOS POR RNAM PAR GNAS PA CAN MA YIN PA 'DI NI NYE BAR DGOD PAR MI BYA BA NYID DO, ,'DIS NI NGO SHES PA YANG KHYAD DU BSAD PA YIN TE, JI SKAD DU NGO SHES PA'I STOBS NYID KYIS RNAM PAR SHES PA TZAM BZLOG PA YIN NO ZHES 'DZER TE, 'DI LTAR, GAL TE MYONG BA'I NANG GNAS NA, ,NGO SHES PA YI DON CI YIN, ,GAL TE MYONG MIN DON BDAG NA, ,RNAM RIG TZAM DU JI LTAR 'GYUR, ,BAR NA YOD PA'I DON NGO SHES PAS RTOGS PAR 'GYUR BA NI MYONG BA'I NANG DU 'DUS PA MA YIN TE, LKOG TU GYUR PA NYID DU RTOGS PA'I PHYIR RO ZHES SO, ,'DI LTAR, LKOG TU GYUR PAR RTOGS PA NI, ,RTOGS PAR 'DUS PA DNGOS NYID NI, ,RTOGS PAR MA CHUD RTOGS MIN ZHES, ,BYA BA 'DI YANG BSTAN ZIN TO, ,MA RTOGS PA BAR NA YOD PA MED NA, JI LTAR NGO SHES PAR 'GYUR ZHE NA, SNGA MA DANG PHYI MA RIGS MTHUN PA NYID RTOGS PA TZAM KHO NA LAS YIN PAR MTHONG BAS, DE KHO NA LTAR 'GYUR MOD, GZHAN GYIS CI SHIG BYA STE, BREGS PA'I PHYIR SOGS PA'I SGRA DANG SEN MO NGO SHES PA BZHIN NO, ,'ON TE DER NGO SHES PA'I SHES PA NI SPYI LA SOGS PA'I YUL CAN YIN NO ZHE NA, SPYI NYID GCIG YIN NO ZHES, NGO SHES PA DES NA GSAL BA GCIG NYID DU MI 'GRUB PO, ,SPYI YANG BAR NA YOD PA MA YIN TE, TSAD MA MED PA'I PHYIR RO, ,NGO SHES PA NYID TSAD MA YIN NO ZHE NA MA YIN TE, SNGA MA DANG PHYI MA'I RANG BZHIN TZAM ZHIG NGO SHES PA'I RGYU MTSAN YIN PA'I PHYIR DE NYID NGO SHES PA'I DMIGS PA YIN NO, ,NGO SHES PA'I DE NYID

, ,NI BAR GYI RANG BZHIN LA DMIGS PA MA YIN TE, BAR GYI RANG BZHIN RIG PA MED PA'I PHYIR RO, ,LKOG TU GYUR PA MA MTHONG BA NI DMIGS PA MA YIN LA, MTHONG BA NA NI LKOG TU GYUR PA MA YIN PA'I PHYIR DE SHES PA NYID YIN NO, ,GAL TE LKOG TU GYUR NA JI LTAR SHES PA YIN, GNAS SKABS GANG LA YOD PA DE'I TSE, LKOG TU MA GYUR PA NYID DO, ,DA LTAR 'DAS PAS LKOG TU GYUR KYANG SHES PA NYID NI MI NYAMS SO, ,GAL TE NYAMS NA DON GYI DON NYID KYANG NYAMS PAR 'GYUR RO, ,GAL TE DON KYANG 'DAS NA DON NYID LAS NYAMS PAR 'GYUR BA YIN NO ZHE NA, 'O NA BAR NA YOD PA DE DON NYID MA YIN TE; DE NI 'DAS PA'I PHYIR RO, ,'DAS PA LKOG TU GYUR PA YIN YANG DON NYID GTONG BA NI MA YIN TE, 'GAL BA MED PA'I PHYIR RO, ,MYONG BA MED PA NI MYONG BA YIN PAR JI LTAR 'GYUR ZHE NA, 'O NA DON BYED PA MED PA YANG DON NYID DU JI LTAR 'GYUR, MYONG BA MED PA NI DON BYA BA BYED NUS PA MA YIN NO, , DE RJES SU DPAG PAS RIG PA NI SPANG ZIN TO, ,GZHAN GYIS BAR RIG NA DE NYID KYI SHES PA YIN NO, ,GZHAN GYIS RIG PA NYID NI NGO SHES PA YANG MA YIN TE, DES DE DANG LHAN CIG GCIG PA NYID MED PAS NGO SHES PA RGYU NYID DU MI 'GRUB PO, ,RJES SU DPAG PA'I RNAM PA NI SHES PA GCIG GI BDAG NYID DU BAG CHAGS KYI STOBS LAS SKYES PA YIN NO, ,DE'I PHYIR GSAL BAR SNANG BA'I RNAM PA MTHA' DAG KYANG BAG CHAGS KYANG STOBS NYID LA YIN NO, ,GAL TE BAG CHAGS NGO BO GCIG YIN PA'I PHYIR RNAM PAR SHES PA RNAMS KYI RNAM PAR THA DAD PAR JI LTAR 'GYUR, BAG CHAGS THA DAD PA'I PHYIR THA DAD DO ZHE NA, GAL TE SNGON PO DANG SER PO LA SOGS PA DBYE BA MTHA' YAS PA'I RNAM PAR SHES PA DE'I RNAM PA CAN DU SKYED PAR BYED PA'I BAG CHAGS YIN NA DE'I TSE DE DANG PHYI ROL GYI DON THA DAD PA CI YOD DE BAG CHAGS ZHES MING TZAM DU ZAD DO ZHE NA DE NI MA YIN TE, RNAM SHES SNGA MAS BYAS PA YI, ,NUS PA BAG CHAGS YIN PAR BRJOD, ,DE NI LUS MED YIN PA'I PHYIR, ,JI LTAR DON DANG MTSUNGS PA YIN, ,BAG CHAGS ZHES BYA BA NI RNAM PAR SHES PA SNGA MAS BSKYED PA'I NUS PA YIN PAR BAG CHAGS KYI RANG BZHIN RIG PA DAG GIS RTOGS SO, ,DON NI LUS CAN GYI RANG BZHIN RTAG TU NYE BAR 'TSE BA BYED PA YIN NO, ,GAL

TE DON RIG PA NYID KYI GNAS SKABS NA NYE BAR 'TSE BA'I RGYU YIN GYI RTAG TU NI MA YIN NO, ,DES NA BAG CHAGS KYIS STOBS LAS BYUNG BA'I SNANG BA'AM, DON NYE BAR 'TSE BA'I RGYU YIN YANG RUNG STE, 'DI GNYIS LA KHYAD PAR CI YOD CE NA, DE NI MA YIN TE, PHYIR ROL KHYAD PAR YOD MIN YANG, ,BSGOMS PA YIN NI KHYAD PAR GYI; ,GSAL BA LA SOGS KHYAD 'GYUR PHYIR, ,SNANG BA DON GYI NGO BO MIN, ,BSGOMS PA'I STOBS LAS BYUNG BA PHYIN CI LOG GI BAG CHAGS 'BYOR PAR GYUR NA, MI 'DOD PA LDOG CING 'DOD PA 'OS PA'I PHYIR 'DI NI KHYAD CHE'O, ,DES NA THA DAD PAR SNANG BA MTHA' DAG NI BLO'I NGO BO BAG CHAGS KYIS BYAS PA NYID DO, ,GAL TE BAG CHAGS RNAM PAR SHES PA GCIG GI BDAG NYID DU GYUR PA YIN PA'I PHYIR SAD PAR BYED PA YOD NA BAG CHAGS THAMS CAD SAD PAR 'GYUR BA'I PHYIR MTHA' YAS PAR SNANG BA CAN GYI RNAM PAR SHES PA SKYE BAR 'GYUR BAS 'CHOL BA CHEN POR 'GYUR RO, ,PHYI ROL GYI DON LAS LEN NA NI SKYON MED DE, NYE BA'I DON GANG YIN PA DE NYID MTHONG BA YIN NO ZHE NA MA YIN TE, NYE BA MA YIN PA YANG MTHONG BAR KHAS BLANGS PA'I PHYIR RO, 'DI LTAR, DRAN PA BRJED PAR 'DOD PA DANG, ,'GAS NI LOG PAR RIG PA STE, ,GZHAN DAG MED SNANG GZHAN DAG NI, ,THAMS CAD THAMS CAD LA YOD 'DOD, ,RE ZHIG THAMS CAD THAMS CAD LA YOD PA DE DAG LA NI SKYON MTSUNGS PA NYID DO, ,MED PA SNANG BA LA YANG MED PA THAMS CAD SNANG BAR THAL LO, ,DRAN PA BRJED PA GANG YIN PA DE LA YANG SNGAR DU MA MTHONG BAS CI'I PHYIR DU MA MA MTHONG, RNAM PAR SHES PAR SMRA BA LA YANG DE MTSUNGS PA'I PHYIR NYE BAR YOD PA MA YIN NO, ,SNGAR ZHUGS PA'I RNAM PAR SHES PA DRAN NAM, DON YANG RUNG STE, KHYAD PAR CI YOD, PHYIN CI LOG TU SNANG BA YANG SNGAR MTHONG BA LA 'JUG GAM GZHAN DU YANG RUNG STE, CI STE THAMS CAD LA MA YIN ZHE BRGAL ZHING BRTAG PA MTSUNGS SO, ,SLAR YANG DER BAG CHAGS DE NYID NGES PAR BRJOD DGOS PAR MTSUNGS SO, ,DE MA THAG PA'I SHES PA'I BDAG NYID DU GYUR PA NYID NI BAG CHAGS YIN TE, SNGA MA'I BDAG NYID SNANG BA NI, ,GSAL ZHING DOD PA BAG CHAGS YIN, ,SKYED BYED MYONG BA DE LTA'I BDAG ,YIN PHYIR MED PAR GAL 'GYUR, ,SAD BYED YOD PAR GYUR NA BLO, ,SNGON PO

, ,DANG NI SER PO LA, ,SOGS PA'I SNANG BA DANG 'BREL PA, ,JI LTA JI LTAR SKYE BAR MTHONG, ,RNAM PAR SHES PA SNGA MA MNGON PAR 'DOD PA DANG GZHAN DU SNANG BA LA, SER BA LA SOGS PA'I SHES PA SNGA MA GNAS PA DANG 'BREL TE LAS DE'I MOD DAM DUS GZHAN DU DE LTAR SNANG BA'I RNAM PAR SHES PA SKYE STE, SAD PA'I MTHONG BAS RMI LAM GYI SNANG BA BSKYED PA BZHIN NO, ,CHOD PA LAS JI LTAR SKYE ZHE NA, DRAN PA DANG RMI LAM GYI SHES PA LA SOGS PA CHOS PA LAS KYANG MTHONG STE, MTHONG BA MI 'DOD NGO ZHES BYA BA NI MA YIN NO, ,GAL TE DE SKYED PAR BYED PA NI MA YIN TE, 'ON KYANG SMON PA LA SOGS PAS DE NYID SNANG BA YIN NO ZHE NA MA YIN TE, 'DAS PA LA SNANG BA MED PA'I PHYIR RO, ,'DAS PA YANG SNANG BAR MTHONG NGO ZHE NA, MED PA SNANG NGO ZHES BYA BA PA'I DON CI YIN, DE'I RNAM PAR RTOG PA ZHES BYA BA 'DI NYID YIN NO, ,DE'I PHYIR NYAMS SU MYONG BA LAS DE LA DRAN PA SKYED PAR BYED LA DE NI DE NYID KYI NUS PA'I KHYAD PAR 'JOG PA YIN LA NUS PA'I KHYAD PAR DE NI BAG CHAGS ZHES THA SNYAD DU BYED PA YIN NO, ,RGYU DANG 'BRAS BU'I DNGOS PO 'DI NI 'DI KHO NA LTAR DMIGS PA NYID DO, ,DE'I PHYIR BAG CHAGS YOD PA NYID DANG, RNAM SHES SNGA MA'I BYE BRAG LA TSAD MA MED PA MA YIN TE, THOG MA MED PA'I BAG CHAGS KYI DNGOS PO NI DON THOG MA MED PA'I RGYUN CAN BZHIN DU GRUB PA'I PHYIR RO, ,JI LTAR PHYI ROL RGYU 'BRAS RGYUN, ,SKYE BA THOG MA MED PA LTAR, ,DE BZHIN RNAM PAR SHES PA'I RGYUN, ,THOG MA MED PAR CIS MI 'DONG, ,BAG CHAGS KYI DBYE BA LA RGYU CI YOD CE NA, DE NI MA YIN TE, DE YI RGYU MTSAN YOD PA'I PHYIR, ,BAG CHAGS DBYE PA YOD PA NYID, ,RGYU MTSAN SHES PA'I BYE BRAG STE, ,DE YI DBYE BA'ANG DE LAS YIN, ,SNGAR ZHUGS PA'I SHES PA'I BYE BRAG NYID BAG CHAGS SAD PA'I RGYU YIN LA, SHES PA'I DBYE BA YANG BAG CHAGS KYI KHYAD PAR DE NYID LAS YIN PA'I PHYIR SKYON CI YOD, DE LTA NA PHAN TSUN RTEN PA'I SKYON DU 'GYUR RO ZHE NA, DE NI MA YIN TE, 'DI LTAR, GANG GI PHAN TSUN RTEN PA YIN, ,NYES PA 'DIR NI THAL 'GYUR BA, ,NGES BSKYED BAG CHAGS DE NYID NI, ,SHES TE NYID KYI RGYU MA YIN, ,'ON KYANG RNAM PAR SHES PA'I BYE BRAG GZHAN GYI RGYU BAG CHAGS GZHAN YIN LA, SNGAR GYI BAG CHAGS KYI DBYE BAS BSKYED PA'I RNAM PAR SHES PA GZHAN NI BAG

CHAGS GZHAN GYI RGYU YIN NO, ,DES NA PHAN TSUN RTEN PA'I SKYON MED DO, ,DE LTA MA YIN NA, DON MTHONG BA LA YANG 'DI MTSUNGS SO, ,'DI LTAR DON GYI BYE BRAG RGYU YIN NA, ,DE YI DBYE BA 'ANG JI LTAR YIN, ,SHES PA'I DBYE BAS DBYE ZHE NA, ,PHAN TSUN RTEN PAR 'GYUR BA YIN, ,DON GYI DBYE BA YANG RGYU MTSAN MED PA KHO NAR SHES PA THA DAD PA'I RGYU MA YIN TE, DE MI 'THAD PA'I PHYIR RO, ,SHES PA'I DBYE BA LAS YIN NA PHAN TSUN RTEN PA'I SKYON YOD DO, ,DON NYID KYI DBYE BA'I RGYU MTSAN YIN NO ZHES BYA BA'I SHIN TU GSAL PAR MA 'BREL PA NYID DO, ,'ON TE DON GYI DBYE BA GZHAN GYI RGYU MTSAN NI DON GYI DBYE BA GZHAN YIN LA, DE'I YANG GZHAN YIN LA 'DI NI BAG CHAGS LA YANG MTSUNGS SO, ,GAL TE DON GYI BYE BRAG NI SNANG BA YIN PAS RNAM PAR SHES PA THA DAD PAR BYED DO ZHES BYA BA 'DI RIGS KYI, BAG CHAGS GO JI LTAR YIN NA CI ZHIG LAN DU 'GYUR, GAL TE DON BZHIN DU BAG CHAGS KYANG SNANG BA YIN NA, DE NI DON NYID YIN BAS MING TZAM ZHIG THA DAD PAR ZAD DO, ,DE LA BAG CHAGS 'DZIN PA LA BYED PA YOD PA NI 'DZIN PA THA DAD PA NYID SKYED PAR 'GYUR GYI GZUNG BA NI MA YIN NO, ,DE LTA BU'I GZUNG BA MYONG BA LAS BYUNG BA'I BAG CHAGS NI DRAN PA TZAM SKYED PAR MTHONG PA YIN NO ZHE NA, 'DI LA LAN, 'DIR NI RNAM SHES SNGA MA NYID, , BAG CHAGS YIN ZHES SNGAR BRJOD ZIN, ,DE YI RNAM CAN SHES SKYED DE, ,JI LTAR THA DAD BYED MA YIN, ,DPER NA LCAGS SGROG GIS BCINGS PAS, ,'KHYOR PO YI NI 'GROS BYED PA, ,BDAG NYID MED KYANG DE LTA BU'I, ,TSUL DU 'GRO BA'I RGYU YIN BZHIN, ,'DOD 'JIGS MYA NGAN LA SOGS LA, ,DON DE DAG NI YOD MIN YANG, ,BAG CHAGS DBYE BAS GZUNG BA YI, ,RNAM PA YANG NI THA DAD MTHONG, ,CI STE DER YANG YUL DANG DUS GZHAN GYI BDAG NYID CAN PHYI ROL NYID DMIGS PA YIN TE, RNAM PAR SHES PA THAMS CAD DMIGS PA DANG BCAS PA YIN PA'I PHYIR RO, ,GAL TE DE'I TSE DER THOB PA MED PAS DE'I TSE NYID DE NYID DU MED MOD, GZHAN GYI TSE GZHAN NA MED DO ZHES BYA BA 'DI LA GO TSAD MA CI YOD, 'DI LTAR BUM PA GANG NA GANG GI TSE MA DMIGS BDE'I TSE, DE NA MED KYI THAMS CAD DU NI MA YIN NO ZHE NA, 'DIR SMRAS PA, 'DIR DMIGS YUL LA SOGS PA YIS, ,GZHAN NYID YIN PAR JI LTAR 'GYUR, ,SNGO

, ,STZOGS NYID DU MTHONG BA LA, ,RNAM GZHAN YOD LA YOD DAM CI, ,GAL TE YUL GZHAN PA DAG KYANG, ,YUL GZHAN PAR NI DMIGS YIN NA, ,SNGON PO YI NI RNAM PA YANG, ,DE LTAR YIN PHYIR 'DI MTSUNGS SO, ,RNAM PA GZHAN LA TSAD MA MED PA'I PHYIR GZHAN DU MA YIN NO ZHES LAN 'DEBS NA, YUL GZHAN DU MA YIN NO ZHES LAN MTSUNGS SO, ,RNAM PA LA NI GNOD PAR BYED PA MED LA, YUL LA GNOD PA YOD PA DES NA YUL DANG 'BREL PA DE NYID MED KYI RNAM PA NI MA YIN NO ZHE NA, 'O NA DE LA DMIGS PA MED PA DES NA SHES PA THAMS CAD DMIGS PA DANG BCAS PA MA GRUB PO, ,GAL TE DE LA YANG DMIGS PA DANG BCAS PA NYID DE, 'DI LTAR, YUL DANG BRTEN PA MA GTOGS PAR, ,'BREL PA 'GA' YANG MTHONG BA MED, ,DE GNYIS DMIGS NA SHES PA NI, ,DMIGS PA MED PAR JI LTAR 'GYUR, ,DER NI YUL DANG DE LA BRTEN PA NYID SNANG LA DE GNYIS KYANG BDEN PA'I PHYIR DMIGS PA MED PA'I RANG BZHIN DU JI LTAR 'GYUR, 'BREL BA NI DE DAG LAS GZHAN MA YIN NO, ,DES NA RNAM PAR SHES PA THAMS CAD DMIGS PA DANG BCAS PA NYID DO ZHE NA, GAL TE, 'BREL PA LA YANG DMIGS BCAS NA, ,DE LTA NYID NI CIS MA THOB, ,THOB PA MED KYANG DMIGS BCAS ZHES, ,BYA BA 'DI NI CAL COL YIN, ,GAL TE THOB PA MED PA DE LTA NA YANG DMIGS PA DANG BCAS PA YIN NA 'O NA LOG PAR SNANG BA YANG MED PA'I PHYIR KHAS BLANG DANG 'GAL LO, ,GZHAN YANG JI LTAR LOG PAR SNANG BA DE BZHIN DU THAMS CAD 'GYUR BA'I PHYIR GZHAN DU BRTAGS PAS CI BYA ZHES BYA BA 'DI NI BSTAN ZIN PA'I PHYIR YANG MI BRJOD DO, ,GNOD PAR BYED PA'I SHAS PA MED PA'I PHYIR DE LTA MA YIN NO ZHE NA, GNOD PAR BYED PA'I SHES PA MED KYANG LOG PAR SNANG BA YIN PA'I PHYIR GNOD PA BYED PA BDEN PA NYID MA YIN NO, ,GANG DU DUS GZHAN DU GYUR PA DER NI BAG CHAGS NYID KYI BYED PA RTOGS KYI DON GYIS NI MA YIN NO, ,DE'I RNAM PA NI NYAMS SU MYONG BA SNGA MA NYID LAS YIN GYI YOD PA MA YIN PA'I DON GYI RNAM PA SNANG BA NI MA YIN NO, ,CI STE SHES PA SKAD CIG MA BYED PA'I DNGOS PO YIN NO, ,DE LA MA SKYES PA NI BSGO BAR BYA BA MA YIN LA 'DAS PA'I DON NI SGO BAR BYED PA MA YIN NO, ,PHAN TSUN 'BREL PA MED

BA LHAN CIG PA DAG KYANG BSGO BAR BYA BA DANG, SGO BAR BYED PA'I DNGOS PO MA YIN NO ZHE NA, DE NI MA YIN TE, BSGO BAR BYA BA DANG, SGO BAR BYED PA'I DNGOS PO NI RGYU 'BRAS KYI KHYAD PAR NYID YIN NO ZHES BSTAN ZIN TO, ,DE NI SKAD CIG MA DAG KHO NA LA YOD KYI RTAG PA LA NI MA YIN PA'I PHYIR SKAD CIG MA YIN PA'I PHYIR ZHES BYA BA'I GTAN TSIGS 'DI NI BZLOG PA SGRUB PAR BYED PA YIN NO, ,DES NA DRAN LA 'DZIN DBYE YOD, ,GZUNG BA'I RNAM PA SPANGS GZHAN MIN, ,DE NI DON NI YOD MIN PAS, ,DE LAM MDUN DU NYE BA NYID, ,RJES 'GRO MED PAR 'JIG NA YANG, ,SKAD CIG MA YI SEMS DAG LA, ,BAG CHAGS BSGO BYA SGO BYED KYI, ,DON 'THAD RTAG PA LA MA YIN, ,KHYAD PAR CAN GYI SKAD CIG NA, ,SKAD CIG SNGA MA LAS SKYE NYID, ,DES NA DE LAS DUS GZHAN DU, ,'BRAS BU GZHAN DAG RAB TU SKYE, ,BSGO BYA SGO BYED DNGOS PO 'DI, ,RGYU DANG 'BRAS BU LAS GZHAN MIN, ,'JIG PA SNGA MAS PHYI MA NI, , SKYED PAR BYED TSE BSGOS 'GYUR GYI, ,BRTAN PA'I DNGOS LA BRTAN DNGOS KYIS, ,BAG CHAGS SGO BAR BYED PA MED, ,RTAG PA 'GYUR BA MED PA'I PHYIR, ,RGYU DANG 'BRAS BU GA LA YOD, ,BRTAN PAR GNAS PA SNGA MA LA, ,BAG CHAGS DANG 'BREL 'THAD MA YIN, ,SNGA BZHIN DE LA BAG CHAGS NI, ,MI 'GYUR KHYAD PAR MED PHYIR RO, ,SNGA MA DANG 'DRA THA DAD PHYIR, ,'JIG PA LA NI BAG CHAGS YOD, ,SKAD CIG YIN YANG SEMS LA NI, ,DE DANG RJES MTHUN YOD PA NYID, ,RNAM SHES SNGA MAS DE BSKYED PHYIR, ,PHYI MA'I BLO LTAR SKYE MA YIN, ,SKYES PA'I SKAD CIG DE NYID NI, ,'BRAS BU GZHAN DAG SKYED PAR BYED, , DES NA SKYES NAS ZHIG NA YANG, ,SKAD CIG GNAS PHYIR 'BRAS BU RTZOM, ,RJES 'GRO MED PA ZHIG GYUR KYANG, ,RJES SU MTHUN LA CI ZHIG GNOD, ,PHYI MA'I BLO LA DE TSE BA'I, ,CHOS 'GA' YOD PA MIN ZHE NA, ,MA YIN MTSUNGS PAR 'DZIN PA YI, ,SHES LAS RANG BZHIN GCIG PA NYID, ,GAL TE BA LANG BLO YI NI, ,BAG CHAGS RJES MTHUN DE YI TSE, ,MI MTHUN PHYIR NA GLANG PO YI, ,BLO 'DIR BAG CHAGS MA YIN 'GYUR, ,GZHAN GYIS BAR DU CHOD NA YANG, ,BAG CHAGS SNGA MAS BRTAN PA'I PHYIR, ,BRTAN PA SGRUB BYED SHES PA NI, ,BAR DU CHOD KYANG 'BRAS BU BYED, ,GLANG PO'I SHES PAS SNGA MA

, ,YI; ;BAG CHAGS LAS NI RNAM SHES 'JUG ,BAR DU MI MTHUN SHES PA NI, ,BAG CHAGS GZHAN LAS RAB TU SKYE, ,SHES PA GCIG NI ZHIG PA YIS, ,BAG CHAGS THAMS CAD 'JIG PA MIN, ,ME TOG ZHIG PAR GYUR NA YANG, ,DMAR PO SKYE BA GA LAS YIN, , SA BON MYUG SOGS CHUB SOGS, ,DE DANG MI MTHUN LAS JI LTAR, ,DE LAS SKYES PA DE DAG KYANG, ,RIM GYIS 'BRAS BU'I BYED PO NYID, ,'DI NI MA HE LA SOGS KYI, ,BLO LA CI PHYIR YOD MA YIN, ,DE PHYIR 'DI DAG THAMS CAD LAS, ,RNAM PA KUN LDAN SKYE BA YI, ,SHES PA SKAD CIG GCIG NYID KYIS, ,'JIG PAR 'GYUR BA 'THAD PA YIN, ,DE RTEN ZHIG PAR GYUR NA YANG, ,GZHAN DAG NUS PA'I RTEN DU 'GYUR, ,NUS PA THA DAD MA YIN PHYIR, ,SKAD CIG NYID NI NYAMS MI 'GYUR, ,BAG CHAGS LDAN RNAMS BAG CHAGS KYI, ,RGYUN NI RNAM PAR SHES PA YI, ,RGYUN BZHIN 'DOD PA MA YIN TE, ,BAG CHAGS NUS PA'I RANG BZHIN YIN, ,BAG CHAGS LAS DE'I SHES SKYE ZHING, ,DE DAG KYANG NI BAG CHAGS YIN, ,DE DAG PHAN TSUN MNYAM PAR NI, ,MTSUNGS PA NYID NI BYE MA YIN, ,NUS PA'I BDAG NYID CAN GYI RGYU, ,GANG YIN MI MTHUN PA YANG YOD, , DE PHYIR MI MTHUN RGYU LAS NI, ,MI MTHUN 'BRAS BU GZHAN 'BYUNG 'GYUR, ,DE PHYIR LDOG PAR BRTAGS PA 'DI, ,KUN RDZOB YOD YIN DNGOS POR NI, ,MA YIN DE YI 'BRAS BU NI, ,GZHAN PA CI PHYIR SRID MA YIN, ,GANG DAG SHES PHYIR BRTAN PA DANG, ,SHES PA GOMS 'DOD PA DE YI, ,BAG CHAGS 'DZIN PAR BYED MIN ZHING, ,BAG CHAGS SU YANG DE 'DOD MIN, ,ME TOG MA DU LUNG GA STZOGS, ,RGYA SKYEGS STZOGS KYIS BSGYUR GANG YANG, ,DE YI RANG BZHIN DE 'BRAS LA, ,'PHO BA'I PHYIR NA BAG CHAGS NYID, ,RIGS PAS 'THAD PA'I BAG CHAGS GANG YIN 'DI, ,RAB TU BRTAGS TE PHYI ROL DON BZLOG PA, ,DE LTA NA YANG PHYI ROL MNGON ZHEN PA'I, ,GDON GYIS 'GRO BA 'DI DAG THAMS CAD ZIN, ,DE PHYIR RNAM PA'I RNAM DBYE BA, ,MTHA' DAG BAG CHAGS STOBS LAS YIN, ,PHYI ROL DON MED DE YI PHYIR, ,BLO NI DMIGS PA MED PA NYID, ,DE PHYIR SHES PA THAMS CAD NI

DMIGS PA MED PA YIN TE, SHES PA YIN PA'I PHYIR RMI LAM GYI SHES PA BZHIN NO ZHES BYA BA NI YONGS SU DAG PA'I TSAD MA YIN NO, ,'DI LTAR DMIGS PA MED NYID NI 'DI KHO NA STE, BDAG GI RNAM PA RIG PA GANG YIN PA'O, ,GAL TE SHES PA THAMS CAD PHYOGS SU BYED NA DPE MED PA'I PHYIR JI LTAR RJES SU DPOG CE NA, MA YIN TE, DON MA SHES PA'I PHYIR RO, ,TSAD MAS PHYOGS NI SGRUB PA NA, ,DPE NI RANG NYID GRUB PA'I PHYIR, ,THAMS CAD CES BYA LA SOGS PA'I, ,TSAD 'BRAS 'DI NI RIGS PAR LDAN, ,RTZOD PA'I GZHIR GYUR PA SAD PA'I SHES PA NYID PHYOGS SU BYAS PA YIN NO; ,RMI LAM GYI SHES PA NI BSGOMS PA'I RJES SU 'GRO BA DANG, LDOG PA'I RJES SU BYED PA'I PHYIR DMIGS PA MED PA NYID DU GRUB PAS NA DPER BYED DO, ,JI LTAR KHYAB PA GRUB CE NA, ,RIGS GANG GANG LAS GRUB PA ZHES BYA BA'I RIGS PAS SO, ,DE LTA MA YIN NA RGYU DANG 'BRAS BU'I DNGOS PO MTHA' DAG MED PAR 'GYUR TE, TSAD MA MED PA'I PHYIR RO, ,RGYU DANG 'BRAS BU'I DE NYID NI RJES SU 'GRO BA DANG LDOG PA'I RJES SU BYED PA NYID YIN PAR DE RIG PA DAG 'DZER TO, ,GUS PAR BSGOM PA DANG 'BREL PA, ,SAD TSE MTHONG BA RMI LAM DU, ,MTHONG 'GYUR DES NA SHES GZHAN YANG, ,DE LTA NYID CES RTOGS PA YIN, ,GAL TE RMI LAM GYI SHES PA NI SHES PA NYID YIN PA'I PHYIR DMIGS PA MED PA NI MA YIN GYI, 'ON KYANG GNOD PAR BYED PA YOD PA'I PHYIR RO, ,'DI LTAR, DE TSE DE 'AM GZHAN GYI TSE, ,GZHAN GYIS RMI LAM MTHONG BA'I NI, ,SAD PA'I LTA BAS MTHONG MED PA, ,DE PHYIR DE NI DMIGS MED NYID, ,GNOD BYED SHES PAS DE YI YUL, ,DMIGS PAS BZLOG PAR BYAS PAS NA, ,SHES TE DMIGS PA MED PAR NI, ,BYED DO ZHES 'DIR RNAM PAR NGES, ,RMI LAM GYI SHES PA BZHIN DU SAD PA'I SHES PA LA NI DE LTAR GNOD PAR BYED PA MED PA'I PHYIR, ,DE JI LTAR DPE YIN ZHE NA, DE NI MA YIN TE, GNOD BYED SHES PAS DE YI YUL, ,DBROG PAR NUS PAR JI LTAR 'GYUR, ,LCAGS KYU STZOGS BZHIN SHES PA LA, ,'DREN PA'I BYED PA YOD MA YIN, ,'O NA JI LTAR ZHE NA, SHES PAR BYED PA'I BYA BA NYID DO, ,'DI LA DE LTA BU'I YUL GYI DON MED DO ZHES GZHAN GYIS SHES PAR BYA BA YIN

, ,NO; ;DNGOS PO MED PA GO BAR BYED PA YANG MI DMIGS PA KHO NA YIN TE, GCIG NI DGAG PA'I GTAN TSIGS SO ZHES BSHAD PA'I PHYIR RO, ,'GAL BA YANG MI DMIGS PA NYID KYIS SGRUB PA'I PHYIR RO, ,DES NA GNOD PAR BYED PAS NI DE GZHAL BYAS STONG BA NYID DU RTOGS PAR BYA BA YIN NO, ,DE MED PA YANG GZHAN YOD PA NYID YIN PA'I PHYIR GNOD PA'I BYED PA NI DE LAS GZHAN DMIGS PA NYID DO, ,DE NI SAD PA'I SHES PA LA THAMS CAD YOD PA YIN NO, ,GAL TE SAD BA'I SHES PA LA, ,DE NI DE LTAR MA YIN NO, ,ZHES BYA BA DE LTAR MI 'GYUR BA MA YIN NAM DE JI LTAR GNOD CE NA, 'DI NI DE LTA YIN NO, ,'DI NI DE LTA MA YIN NO ZHES BYA BA RIG PA DANG, CIG SHOS KYI 'BRAS BU MA YIN NAM, DES NA JI LTAR 'BRAS BUS RNAM PAR 'JOG GI RIG PAS MA YIN, 'BRAS BUS RNAM PAR GNAS PA NI KUN RDZOB TU YOD PA NYID YIN TE, TSAD MA MED PA'I PHYIR RO, ,RIG PA MED PAR 'BRAS BUR JI LTAR 'GYUR ZHE NA, RANG RIG PAS RIG PA'I PHYIR RO, ,DES NA 'BRAS BU BZHIN DU DON RIG PA YANG RANG RIG PA TZAM NYID DO, ,DES NA DON RIG PA YANG DE NYID LA YIN NO ZHES RNAM PAR GNAS SO, ,'DI LTAR, DON RIG BYED PA SHES NA NI, ,DE YI DE MA THAG BYUNG BA'I, ,'BRAS BU DE NI DE LTA BUR, ,GO BYED GZHAN DU DE MA YIN, ,DE'I PHYIR DE'I GNOD PAR BYED PA NI 'DI NYID DE, RANG BZHIN GZHAN 'DZIN PA GANG YIN PA'O, ,DE YANG SHES PA GZHAN LA LTOS NAS SHES PA THAMS CAD YIN NO, ,GAL TE SAD PA'I SHES PA'I DON, ,MI SLU BA CAN MA YIN NAM, ,DE JI LTAR NA GZHAN GYIS DE MI 'DZIN ZHE NA, RMI LAM DU RTOGS PA YANG DE LAS GZHAN PA'I RMI LAM GYI SHES PAS 'DZIN PA'I PHYIR MI SLU BA NYID YIN PAS DE JI LTAR GNOD PA YIN, SAD PA'I SHES PAS GNOD PA'I PHYIR RO ZHE NA, SAD PA'I SHES PA LA YANG DES GNOD PA'I PHYIR DE NI MTSUNGS SO, ,YID GNYID KYIS NYAMS PA LA DE YOD PA'I PHYIR GNOD PAR BYED PA MA YIN TE, DPER NA MIG NYAMS PAS SKRA SHAD LA SOGS PAR MTHONG BA DE LAS BZLOG PA LA GNOD PAR BYED PA MA YIN PA BZHIN NO ZHE NA, DE NI MA YIN TE, GNYID KYIS NYAMS PAR BYED PA'I SEMS GANG GIS DE LTAR RTOGS PA YIN,

RE ZHIG DE YI GNAS SKABS SU, ,DE NI DE LTAR RTOGS PA YIN, ,GNYID LOG PA'AM LANGS PA NA RTOGS PA YIN NO ZHE NA, 'DI THAMS CAD RMI LAM NA YANG YOD PA MA YIN NAM, 'DI LTAR, ,RMI LAM NA YANG BDAG NYID NI, ,GNYID KYIS LOG PA SLAR SANG CES, ,KHYED KYIS RNAM DBYER BRJOD PA YI; ;RTOGS PA 'DI NI GANG GIS BYAS, ,SAD PA LA SOGS PA'I THA SNYAD NI RMI LAM DU YANG MTHONG STE NGES NA SAD PA LA SOGS PA'I THA SNYAD DE YANG MTSAN NYID MA YIN PAR MTHONG BAS YID CHES PAR BYED PA JI LTAR 'GYUR, CI STE YID CHES PAS RIG PA'I PHYIR DE LTAR YIN NO ZHE NA, RMI LAM DU YANG DE LTAR 'GYUR BA'I PHYIR 'DI NI MTSUNGS SO, ,CI STE RMI LAM DU YANG 'DI NI RMI LAM MO ZHES RES 'GA' YID CHES PA YOD PA DE'I PHYIR LTA MA YIN NO ZHE NA, CI 'DI BDEN PA YIN NO ZHES BYA BAR RTOGS PA MED DAM, DES NA BDEN PA NYID DU 'GYUR RO, ,DE NYID KYI PHYIR RMI LAM NI RNAM PAR MI GNAS PA YIN NO ZHE NA, 'DI YANG RNAM PAR MI GNAS PA NYID DE, PHYUG PO LA SOGS PA RNAM PAR MI GNAS PA'I PHYIR RO, ,DER RNAM PAR MI GNAS PA NI RGYU DANG BCAS PA YIN LA RMI LAM GYI NI RGYU MED PA YIN TE, 'DI LTAR, ,RMI LAM DU MTHONG BA NI MOD LA 'JIG PA YIN NO ZHE NA, 'DI NI BAG CHAGS BRTAN PA YIN GYI, DE LTAR DON SGRUB PAR NUS PA NI MA YIN NO, ,'DI LTAR, DER YANG YID 'ONG STZOGS MTHONG BA, ,MOD LA 'JIG PAR 'GYUR BA YIN, ,RMI LAM DU YANG NYIN LA NI, ,RGYUN MI 'CHAD PAR DE MTHONG NYID, ,GAL TE RMI LAM DANG RMI LAM MA YIN PA'I SHES PA GNYIS THA DAD PAR SGRUB PAR BYED PA'I TSAD MA'AM, TSAD MA MA YIN ZHES RNAM PAR RTOG PA GNYIS SO, ,GAL TE TSAD MA YIN NA DE'I TSE DE DMIGS PA DANG BCAS PA YIN PA'I PHYIR DE NYID KYIS MA NGES SO, ,CI STE TSAD MA MA YIN NA, DE'I TSE PHYOGS DANG DPE MA GRUB PA'I PHYIR JI LTAR RJES SU DPAG PA 'JUG CING DMIGS PA MED PA NYID JI LTAR 'GRUB CE NA DE NI MA YIN TE TSAD MA NYID YIN PAS SKYON MED DO, ,TSAD MA THAMS CAD DMIGS PA DANG BCAS PA NI MA YIN TE, RJES SU DPAG PA LA DMIGS PA MED PA'I PHYIR RO, ,DMIGS PA MED KYANG THA SNYAD KYI MI SLU BA LA LTOS NAS 'DIR TSAD

, ,MA YIN PA'I PHYIR RO, ,GAL TE RMI LAM DANG GZHAN PA'I SHES PA DE GNYIS THA DAD PAR GRUB PA DE LTA NA YANG DE SGRUB PAR BYED PA'I SHES PA DMIGS PA DANG BCAS PA'I PHYIR THAMS CAD DMIGS PA DANG BCAS PA NYID DU THAL BA MA YIN NO, ,DE NYID THA DAD SGRUB BYED NI, , 'JIG RTEN PA YI RTOGS PA NYID, ,BSGRUB BYA DPE YI DPYAD PA 'DI, ,SNANG BA LA NI RTEN PHYIR RO, ,RE ZHIG 'DI NI RMI LAM GYI SHES PA YIN LA 'DI NI SAD PA'I SHES PA YIN NO ZHES BYA BA 'DI NI 'JIG RTEN NA RTOGS PA YIN NO, ,DE'I PHYIR DE LA BRTEN NAS BSGRUB PAR BYA BA DANG SGRUB PAR BYED PA'I THA SNYAD YIN NO, ,DE NAS PHYIS GAL TE RNAM PAR DPYOD NA 'DI LA RNAM PAR DBYE BA'I RGYU CUNG ZAD KYANG RTOGS PA MED PA'I PHYIR THA MI DAD PAR SGRUB PAR BYED DO, ,DE LTA YIN NA GZHAN LA NYIS PA CI YOD GAL TE NYES PA YOD NA, DE LTA YIN NA RIG BYED TSAD MAR SGRUB PA LA YANG NYES PAR 'GYUR RO, ,'DI LTAR RIG BYED NI CHOS CHAN YIN NO, ,DE JI LTAR 'JIG RTEN PA'I TSIG LAS THA DAD CES BRGAL ZHING BRTAGS NA JI SKAD BRJOD PAR BYA, ,GAL TE TSAD MA MED NA 'JIG RTEN PA'I TSIG DANG 'DRA BA'I PHYIR JI LTAR DE 'JIG RTEN PA'I TSIG LAS THA DAD PA'I CHOS CAN YIN, 'ON TE THA DAD PA NYID TSAD MAS GRUB PAR BRJOD NA, DE LTA NA SGRUB PAR BYED PA DGOD PA LA 'BRAS BU CI ZHIG YOD, ,DE'I PHYIR RTZOD PA 'DI JI LTAR SPANG BAR BYA, GAL TE DBYANGS DANG YI GE'I GO RIMS KHYAD PAR GZHAN NYID LAS RIG BYED KYI TSOGS THA DAD PAR GRUB BO ZHE NA MA YIN TE, GZHAN DAG KYANG DE BZHIN DU PHAN TSUN THA DAD PAR GRUB PA'I PHYIR RO, ,'ON TE RGYU 'DI YOD PA YIN NA, CI 'DI RIG BYED YIN NAM, 'ON TE MA YIN ZHES DPYAD PA NA, GAL TE TSAD MA YIN NA NI RIG BYED NYID DO, ,DE STE DE LTA MA YIN NA, 'DIS DGOS PA MED PA'I PHYIR SPANG BAR BYA BA YIN NO ZHE NA, DE LTA NA NI 'O NA 'DIR, ,RO YANG DE LTAR SHES PA NI, , RE ZHIG MTSUNGS PAR MTHONG BA YIN, ,RMI LAM GRUB PA 'DI LAS CI, ,GZHAN NA MIN ZHES RTOG PA NA, DAM PAR JI LTAR 'GYUR YIN PA, ,DE LTAR BLTA'O ZHES BYA YANG, ,GAL TE PHYIS RNAM PAR DPYAD NA RMI LAM GYI SHES PA 'AM GZHAN DAG DON DAM PAR PHAN TSUN THA DAD PA 'AM THA MI DAD PAR 'GYUR

BA DE LTAR GZUNG BAR BYA'O, ,DE LA GAL TE BRTAGS NA THA DAD PA LA TSAD MA 'GA' YANG MED PA'I PHYIR THA MI DAD PAR RTOGS SO, ,DES NA 'DI LA 'GAL BA CI YOD, ,SNGAR GYI THA DAD PAR 'DZIN PA TSAD MAR MI 'GYUR RO ZHE NA, MA GYUR MOD SKYON CI YOD, PHYOGS LA SOGS PA'I RNAM PAR DBYE BA MED PAR 'GYUR RO ZHE NA, MA GYUR MOD DA LTA NGED LA CHAD PA CI YOD, THA DAD PA MED PA'I SGRUB BYED TSAD MA MA YIN PA GANG YIN PA 'DI NYID DO ZHE NA, DE LTA NA 'O NA, CHOS CAN THUN MONG BA NYID DU RTOGS PA GANG YIN TSAD MA MIN, ,DE LTAR YIN DANG DE LTA BU'I, ,SGO CAN PHYI ROL GZHAN YANG MIN, ,RIG BYED KYI MTSAN NYID TSAD MA DANG TSAD MA MA YIN PA THUN MONG DU CHOS CAN RTOGS PAR BYED PA TSAD MA MA YIN DU 'GYUR TE, PHYIS TSAD MA MA YIN PAR BSGRUBS PAS BZLOG PA'I PHYIR RO, ,DES NA CHOS CAN SGRUB BYED TSAD MA MA YIN PA'I PHYIR DE'I SGO NAS TSAD MAR SGRUB PA TSAD MA MA YIN PAS RIG BYED TSAD MAR MI 'GRUB PO, ,DES NA BSGRUB BYA DANG SGRUB BYED KYI THA SNYAD MTHA' DAD ZHIG PAR 'GYUR RO, ,'ON TE CHOS CAN THUN MONG DU 'DZIN KYANG DE 'DZIN PA TSAD MA MA YIN PAR MI 'GYUR TE, DE NYID LA TSAD MA LHAG PA SGRUB PA'I PHYIR RO, ,GAL TE DE'I GZHAL BYA GZHAN GYIS BSAL BA YIN NA TSAD MAR MI 'GYUR RO ZHE NA, DE YANG MA YIN TE 'DI LTAR, ,GAN TSE CHOS CAN DE NYID KYIS, ,RANG BZHIN TSAD MA NYID YIN NA, ,DE LA DE DANG BRAL BA NI, 'DZIN KYANG JI LTAR TSAD MA YIN, ,RIG BYED KYI TSIG NI TSAD MI'I RANG BZHIN YIN LA DE DE LAS BZLOG PAR 'DZIN PA NA DE LAS BZLOG PA'I GZHAL BYA GZHAN GYIS BSAL BA NA JI LTAR TSAD MA YIN TE, MA YIN PA NYID DO, ,RANG GI NGO BOS NI LHAG PA 'GA' YANG MED DO, ,MA BZUNG BAS NA DE LA LHAG PAR THA SNYAD BYED DO ZHE NA, MA BZUNG BA JI LTAR TSAD MA YIN, RANG BZHIN 'GA' ZHIG 'DZIN PA'I PHYIR RO ZHE NA MA YIN TE, THA DAD PA MED PA'I PHYIR RO; ;CHOS THA DAD PAR KHAS LEN PA'I PHYIR DE LTA MA YIN NO ZHE NA, MA YIN TE, THUG PA MED PAR THAL BA'I PHYIR RO, ,GANG TSE CHOS NI THA DAD NA, ,DE DANG SBYOR BA GZHAN DU 'GYUR, ,DE DANG SBYOR BA'ANG DES YIN PHYIR, ,CHOS KYIS BSLAD PA MTHA' MED 'GYUR, ,GAL TE DE DANG LDAN PA NYID,,

, ,DE GNYIS NYID KYI RANG BZHIN NA, ,TSAD MA NYID KYANG DE LTA BUR, ,'GYUR PHYIR NGED LA CI ZHIG GNOD, ,SGRO 'DOGS KYIS NI NGO BO LAS, ,THA DAD PAR NI BZUNG BA YANG, ,DPYAD PAS THA DAD MED RTOGS PA, ,CI YI PHYIR NA TSAD MA YIN, ,KHYED THA MI DAD PAR RTOGS PAS THA DAD DU CHOS CAN BYED PA LA SOGS PA'I RNAM PAR DBYE BAS SGRUB PAR BYED PA JI LTAR 'JUG CE NA, DE NI MA YIN TE, 'DI NI GZHAN GYIS BRTAGS PA LA LTOS TE, RJES SU BRJOD PA TZAM DU ZAD DO, ,SNGON GOMS PAS RANG NYID KYANG SGRUB BYED SBYOR BA'I PHYIR, KHA NA MA THO BA CUNG ZAD KYANG MED DO, ,NGA LA YANG 'DI LTAR GYUR TO ZHES GZHAN RTOGS PAR BYED DO, ,GAL TE RMI SOGS GNOD BYED KYI, ,BLO BZHIN SHES KUN SHES NYID PHYIR, ,DMIGS DANG BCAS PAR GZHAN DAG KYANG, ,CI STE SGRUB MI BYED CE NA, ,JI LTAR SHES PA THAMS CAD DMIGS PA MED DE SHES PA NYID YIN PA'I PHYIR; RMI LAM GYI SHES PA BZHIN NO ZHES BYA BA DE BZHIN DU SHES PA THAMS CAD NI DMIGS PA DANG BCAS TE, SHES PA NYID YIN PA'I PHYIR RMI LAM LA GNOD PAR BYED PA'I SHES PA BZHIN NO ZHE NA, 'DIR SMRAS PA, SHES PA NYID DU KHYAD MED PAS, ,RMI LAM SHES LAS PHA ROL GYI, ,SHES GZHAN DMIGS PA MED PA'I PHYIR, ,JI LTAR LAN GYI SGRUB BYED YIN, ,JI LTAR RMI LAM GYI SHES PA DANG KHYAD MED PA'I PHYIR GNOD PAR BYED PA'I TSAD MAS NGES PA DMIGS PA MED PA NYID DANG 'BREL PA'I PHYIR DMIGS PA MED PA NYID SGRUB PA DE BZHIN DU, GAL TE DMIGS PA DANG BCAS PA NYID KYANG YIN NA; DE'I PHYIR 'GAL BA MI 'KHRUL PA CAN YIN PA'I PHYIR GCIG KYANG MI 'GRUB PAS DE NYID DMIGS PAS MED PA NYID YIN NO, ,DMIGS PA DANG BCAS PA NYID SGRUB PA LA NI 'BREL PA YOD PA MA YIN NO, ,GNYI GA YANG MI DMIGS PA LAS DMIGS PA MED PA NYID YIN NO, ,'DI LTAR, JI LTAR RMI SOGS SHES PA LA, ,RANG GI NGO BO RIG TZAM LAS, ,GZHAN PA RIG PA GANG YIN PA, ,SAD PA'I SHES PA'ANG DE BZHIN MTHONG, ,SAD PA SNANG BA RIG PA YANG, ,GZHAN GYIS RIG PA MA YIN TE, SHES PA GZHAN NYID DE LTAR RIG PA'I PHYIR RO ZHES 'DI NI BRJOD ZIN TO, ,DE LA YANG DMIGS

PA YOD PA NYID DO ZHE NA, CI'I PHYIR DON BYED PA MA YIN, GAL TE DON BYED PA MED DU CHUG KYANG RTOGS PA NI YOD PA NYID DO, ,GCIG MED PAS GZHAN MED PAR 'GYUR BA NI MA YIN NO, ,DU BA MED PAS ME MED PA NI MA YIN TE, THAMS CAD KYI TSE YOD PA'I PHYIR RO, ,KING SHU KA'I PHUNG PO BZHIN DU MA YIN PA NYID DO ZHE NA DE LTA NA 'O NA DE'I DON BYED PA MA YIN GYI, KING SHU KA'I PHUNG PO BZHIN DU RANG GI NGO BOS NI YOD DO ZHE NA, KING SHU KA'I PHUNG PO RANG GI NGO BOS DON BYED PA CAN NI YOD PAR 'GYUR GYI RMI LAM DU DMIGS PA NI MA YIN TE, RMI LAM DU ZOS PA NI RGYAS PAR BYED PA MED DO, , 'ON TE RNAM PA DE LTA BU DE NI GZUGS NYID YIN TE, DES NA MA YIN NO ZHE NA MA YIN TE, NGO BO RANG RIG PA'I PHYIR DE NI RNAM PAR SHES PA NYID DO ZHES RIGS SO, ,DON GYI RANG BZHIN YIN NA CI 'GAL ZHE NA, BAG CHAGS KYI STOBS LAS GYUR PA NYID DANG, RANG GIS RTOGS PA NYID DO, ,DON NYID DE LTAR 'GYUR RO ZHE NA, 'DI NI MING TZAM DU ZAD DO, ,KHYED KYIS YANG JI LTAR MA YIN ZHE NA, MA YIN TE, NANG GI BYED PA LA RAG LAS PAR RTOGS PA'I PHYIR RO, ,DES NA DE NI SHES PA NYID DO, ,DE LTAR YANG BLO TZAM DU SGRUB PA 'CHAD PAR 'GYUR RO, ,DE LTA YIN DANG, DE YI RIG BYA DON GZHAN LA, , RIG BYA RIG BYED 'THAD PAR DKA', ,RANG BZHIN DE NI DON GZHAN DU MI 'GYUR RO, ,DES NA MA ZHUGS NA RIG PA MA YIN NO, ,ZHUGS NA YANG DON GZHAN MA YIN NO, ,GAL TE DE BLO'I RANG BZHIN NYID YIN NA DE'I TSE, SNGON PO LA SOGS PA RANG GIS RIG PAR 'GYUR BAS JI LTAR GZHAN GYIS KYANG RIG CE NA MA YIN TE, 'DI NI 'KHRUL PA YIN TE, RAB RIB CAN GYIS ZLA BA GNYIS MTHONG BA BZHIN NO, ,DER YANG DON NYID YIN NO, ,'DI LTAR, JI LTAR MA 'KHRUL SHES PA NI, ,THUN MONG DON GYI RIG BYED 'DOD, ,DE BZHIN DU NI 'KHRUL PA YANG, ,DON NYID RIG PAR BYED PA YIN, ,DPER NA THUN MONG DU RTOGS PAS MA 'KHRUL PAR 'DOD PAS RTOGS PA DON YIN PA DE BZHIN DU GZHAN YANG YIN NO ZHE NA, DE NI MI RIGS TE, THUN MONG PA YI DON NYID NI, ,MNGON SUM GYIS NI MTHONG BA MED, ,MNGON SUM MED PHYIR DE LA NI, ,RJES SU DPAG PAS RIG PA MIN, ,RE ZHIG MNGON SUM GYIS NI THUN

, ,MONG DU GZHAN GYIS RIG PA MI RTOGS TE, ,DE LTA MA YIN NA RTAGS MED PA NYID DU GZHAN GYI RTOGS PA THAMS CAD RIG PAR THAL LO, ,'ON TE PHA ROL DAG GIS KYANG, ,RTOGS PA DE NI DE 'DRA NYID, ,DE PHYIR DE YI DE NYID NI, ,THUN MONG PA NYID YIN ZHE NA, JI LTAR NGAS 'DI RTOGS PA DE BZHIN DU RUNG BA'I YUL NA 'DUG PA GZHAN GYIS KYANG RTOGS SO ZHES 'JIG RTEN NA GRAGS PA YIN NO ZHE NA, MA YIN TE, RAB RIB CAN GYIS MTHONG BA'I SKRA SHAD DANG, RMI LAM LAM DU MTHONG BA DAG LA YANG DE LTAR RTOGS PA YOD PA MA YIN PA'I PHYIR RO, ,DER YANG YOD PA NYID DO, ,RMI LAM GYI GNAS SKABS NA YANG RANG BZHIN DE NYID DO, ,DES NA DE DANG MTSUNGS PA'I PHYIR DE YANG PHYI ROL KHO NA'O ZHE NA, MA YIN TE GOMS PA'I STOBS KYIS BDAG NYID DE 'DRA BAR SNANG BA YIN GYI DE NA GZHAN MED DO ZHES 'JIG RTEN GYI GRAGS PA YIN NO, ,DE BZHIN DU SAD PA'I GNAS SKABS KYANG YIN PAS MTSUNGS SO, ,DON DAM PAR NI GNYI GAR YANG RANG GI NGO BOR SNANG BA TZAM DU ZAD BAS DMIGS PA DANG BCAS PA NYID MED DO, ,GAL TE RMI LAM NA NI THAMS CAD 'CHOL BA DANG 'BAD PA MED PAR 'GRUB PA MA YIN NAM, DE JI LTAR SHES PA MTSUNGS PA NYID YIN ZHE NA; DE NI MA YIN TE, SNGON PO LA SOGS SNANG BA LAS, ,'CHOL PA GZHAN GANG YIN PAR RTOGS, ,DE YANG GOMS PA'I STOBS LAS BYUNG, ,DES NI JI LTAR 'DI GNAS 'GYUR, ,SNGON PO DANG SER PO LA SOGS PAR SNANG BA 'BA' ZHIG STE, DE 'CHOL BA DANG 'BAD PA MED PAR 'GYUR BA GZHAN GA LA YOD, SHING LA SOGS PA'I GNAS SU MOD LA MTSE'U LA SOGS PAR 'GYUR BA'I PHYIR 'BAD PA MED PAR 'GYUR BA YIN NO ZHE NA, 'BAD PA MED PAR 'GYUR BA ZHES BYA BA GANG YIN PAR BZUNG 'BRAS BUR GYUR PA'I SHES PAS NI 'BRAS BU NYID LA RGYUR GYUR PAS NI RGYU NYID YIN PAS, 'DI 'DI LAS 'GYUR RO ZHES GA LAS 'GYUR ZHING 'DI MED PAR 'DI 'BYUNG NGO ZHES BYA BA DE LTAR NGES PAR YANG GA LA 'GYUR, 'DI LA MNGON SUM MED CING RJES SU DPAG PA YANG MED DO, ,'DI 'CHOL LO ZHES BYA BAR YANG 'GAS RIG PA MA YIN NO, ,GOMS PA'I BYE BRAG GIS NA RMI LAM DU 'ANG,

'CHOL BA MED PA LA SOGS PA SNANG BA DANG, DE BZHIN SAD PA'I GNAS SKABS DAG TU YANG, 'CHI LTAS STZOGS KYIS 'CHOL BAR MTHONG BA NYID DO, ,DE NI 'CHI LTAS KYI NYES PA NYID KYIS YIN NO ZHE NA, MA YIN TE, 'CHI LTAS DANG 'CHI LTAS MA YIN PA DAG KHYAD PAR MED PA'I PHYIR RO, ,DE LA YANG RNAM PAR 'BYED PA GZHAN DGOS LA, DE LA YANG GZHAN YIN PA'I PHYIR GANG LAS THA DAD PAR 'GYUR BA DE LTA BU NI YOD PA MA YIN NO, ,RANG NYID KHO NAS THA DAD PAR 'GYUR RO ZHE NA, MA YIN TE, 'DI NI RANG GI RANG BZHIN TZAM GYI MTHAR THUG PA YIN PA'I PHYIR RO, ,RANG GI NGO BO'I MTHAR THUG PA NI GZHAN RIG PA MA YIN NO, ,RANG GI NGO BO TZAM RIG PAR NI 'CHOL PA DANG MA 'CHOL PA MTSUNGS SO, ,GAL TE RING DU RJES SU 'BREL PA DANG, 'KHRUL PA DANG BREL BA NI MA 'CHOL BA YIN NO ZHE NA MA YIN TE, MNGON SUM GYIS RING DU RJES SU 'BREL BA MI MDZAD PA'I PHYIR RO, ,DES NA GZHAN RNAM PAR RTOG PA LHAG MAR GYUR PA NYID YIN NA DES KYANG DON RTOGS PA MA YIN PAS DE LAS KYANG RNAM PAR MI GNAS SO, ,DE YANG RANG GI NGO BO LA MNGON SUM YIN PA'I PHYIR RO, ,DNGOS PO NYAMS SU MYONG BAS SKYED PA'I RNAM PAR RTOG PA NI MI SLU BA DANG LDAN PA YIN NO ZHE NA MA YIN TE, 'BREL PA MA BZUNG BA'I PHYIR RO, ,GANG GI TSE DNGOS PO MYONG BA DE'I TSE, RNAM PAR RTOG PA MED LA, GANG GI TSE DE YOD PA'I TSE NYAMS SU MYONG BA MED PA'I PHYIR 'DIR 'BREL PA 'DZIN PA GA LA ZHIG ,RNAM PAR RTOG PAS SO ZHE NA, DE YANG TSAD MA MA YIN NO, ,DE YANG 'BREL PA LA LTOS PA'I PHYIR RNAM PAR RTOG PA GZHAN DGOS PAS THUG PA MED DO, ,DE LTA NA 'O NA BAG CHAGS DANG YANG 'BREL PA JI LTAR 'DZIN ZHE NA, DON DAM PAR DE DANG YANG MA YIN PA'I PHYIR 'DI YANG PHYOGS NYID DO ZHES BSTAN ZIN TO, ,PHYI ROL DON SMRA NGAG GIS NI, ,PHYI DANG RGYU 'BRAS ZHES BYA BA'I, ,BAG CHAGS KHAS BLANGS RNAM SHES SU, , SMRA BA RNAMS KYIS MA YIN NO, ,BAG CHAGS KYIS BSKYED PA MED KYANG 'DI RNAM PAR SHES PA TZAM YIN PA'I PHYIR SKYON MED DO, ,GAL TE SAD PA'I SHES PA BAG CHAGS LAS BYUNG BAR RTOGS PA MED DO ZHE NA, RMI LAM GYI GNAS SKABS SU YANG RMI LAM DU SNANG BA MA YIN PA'I PHYIR 'DI MTSUNGS SO, ,

, ,LANGS PA LA 'GYUR RO, ,SAD PA'I GNAS SKABS LA NI DE LTA MA YIN NO ZHE NA, 'DI YANG GYI NA STE, 'DI LTAR, 'DI NI BSHAD ZIN RMI LAM DU 'ANG, ,SAD PAR RTOGS PAR 'GYUR BA YIN, ,DES NA SAD PA'I GNAS SKABS NI, ,RMI LAM LAS GZHAN MTSAN NYID MIN, ,BDAG SAD DO SNYAM PA NI RMI LAM NA YANG YOD PA NYID DO, ,DES NA JI LTAR SAD PAR SNANG BAS RNAM PAR GZHAG SAD PA GZHAN GYIS DE YANG RMI LAM DU BYED KYI 'DI NI GANG GIS KYANG MA YIN PA'I PHYIR 'DI NYID DON RNAM PAR GZHAG GO ZHE NA, GAL TE DE LTA MA YIN DU CHUG PA DE LTA NA YANG DE DANG MTSUNGS PA'I PHYIR YID CHES PA'I GNAS MA YIN NO, ,RJES SU DPAG PA'I DUS NA YOD PA'I DU BA ME SNGON DU 'GRO BA CAN DU GRUB PA'I PHYIR RJES SU DPOG PAR BYED PA NYID NI MA YIN GYI, ,'ON KYANG DE'I MTSAN NYID YIN PA NYID KYIS SO, ,DE BZHIN DU SAD PA'I GNAS SKABS 'DI YANG DE'I MTSAN NYID YIN PA'I PHYIR DE'I RANG BZHIN NYID DO, ,GAL TE SAD PA'I GNAS SKABS DER SGOM PA'I BYED PA MA MTHONG BA YIN NAM, JI LTAR NA RMI LAM DANG MTSUNGS SHE NA, DE LA BRJOD PA, BSGOM PA CHOD PAR GYUR NA YANG, ,RAB TU SNANG BA NYID YIN TE, ,DPER NA RGAS PA'I GNAS SKABS SU, ,BYIS PAS MTHONG BA DMIGS PA BZHIN, , SKYE BA GZHAN SOGS MTHONG BA YANG, ,'CHI BA'I GNYID KYIS LOG GYUR PA, ,SKYE GZHAN SKYES PA'I RMI LAM DU, ,DE LTAR CI PHYIR RTOGS MI BYED, ,JI LTAR MTSAN MO GNYID LOG PA, ,DE BZHIN DU 'CHI BA'I GNYID KYIS LOG PA LA YANG YIN NO, ,GNYID LOG SAD LAS NYID DANG NYIN LA 'DIR, ,SNA TSOGS MTHONG BA DE LTAR 'DI CIS MIN, ,SNANG BA MA MTHONG GYUR PA GANG YIN TE, DON MTHONG PA YI RGYU YIN PAS NA MTSUNGS, JI LTAR SNGAR GYI NYIN MO MTHONG BA MTSAN MI RMI LAM MTHONG BA'I RGYU YIN PA DE BZHIN DU, NYI MA SNGA MA LA MTHONG BA PHYIS KYI MTSAN MO DANG, CHOD PA'I NYIN MO RMI LAM MTHONG BA'I RGYU YIN PAS 'DI NI RMI LAM BRGYUD PA CHEN PO YIN NO, ,SNGA NA MED PA YANG MTHONG NGO ZHE NA, RMI LAM DU MNGON PAR 'DOD PA LA YANG DE LTA YIN PA'I PHYIR THAMS CAD MTSUNGS SO, ,JI LTAR 'GRO 'ONG RMI LAM DU, ,DMIGS PA GZHAN DANG GZHAN BYED LTAR, ,SAD PA'I GNYID LA'ANG 'GRO BA DANG, ,'ONG BA CI YIN

PHYIR MI 'DOD, ,THA SNYAD MED PA'I PHYIR RO ZHE NA, MKHAS PA RNAMS RJES SU DPAG PA 'DI NYID KYIS THA SNYAD BYED PA'I PHYIR CI STE MCHOG ,JI LTAR RGYU DANG 'BRAS BU'I THA SNYAD RJES SU DPAG PA LAS YIN PA DE BZHIN DU 'DI YANG YIN PAS MTSUNGS SO, ,SKAD CIG MA NYID LA YANG THA SNYAD MED PAS DE MED PAR 'GYUR RAM CI, DE YANG MED PA NYID DO ZHE NA, 'DI NI BSTAN PAR BYA'O, ,GAL TE GNYID KYIS NYAMS PA'I PHYIR RMI LAM DU MTHONG BA'I DON NI BDEN PA MA YIN PAR 'THAD DO ZHE NA DE GSAL BA NYID MA YIN NAM, JI LTAR GNYID LOG PA YIN, DANG PO GNYID LOG PA NI NYE BAR SBYOR BA MA YIN NO, ,DE NYID SNANG BA DE'I RGYU YIN NO ZHE NA MA YIN TE, BSGOMS PA'I KHYAD PAR LAS SNANG BA'I KHYAD PAR YIN PAR MTHONG BA'I PHYIR RO, ,DANG PO GNYID LOG PAR MTSUNGS KYANG 'GA' ZHIG GIS RNAM PA 'GA' ZHIG LTAR RMI LAM MTHONG BAR 'GYUR RO, ,DE MED NA MED PA'I PHYIR ZHE NA, RGYU MTSAN TZAM YIN LA RAG MOD; DE LTAR NA YANG DE SNANG BA'I KHYAD PAR GYI RGYU NI MA YIN NO, 'DI YANG GNYID LOG PA'I DE MA THAG PA NYID DU SNANG BA DES NA RMI LAM DANG MTSUNGS PA NYID DO, ,SAD NA YIN NO ZHE NA, MA YIN TE, SNANG BA LAS SAD PA MA GTOGS PA MED PA'I PHYIR RO, ,SAD DO ZHES RTOGS PA LAS SAD PA YIN NO ZHE NA MA YIN TE, RMI LAM DU YANG DE LTAR RTOGS SO ZHES BSHAD ZIN TO, ,DE'I PHYIR RMI LAM DANG GZHAN DAG LA KHYAD PAR MED DO, ,DES NA KHYAD PAR MTHONG BA LAS DMIGS PA DANG BCAS PA DANG DMIGS PA MED PA THA DAD PAR SMRA BA GANG YIN PA DE DE'I KHYAD PAR MA GRUB PAS SUN PHYUNG BA YIN NO, ,DE NI SAD PA'I SHES PA DANG KHYAD PAR MED PA'I PHYIR PHYIN CI LOG TU GRUB PAS DMIGS PA DANG BCAS PA NYID DU MI 'GYUR RAM ZHE NA, MA YIN TE, LOG PAR SNANG BA MED PAR THAL BAR 'GYUR TE, SAD PA'I SHES PA NYID BZHIN NO, ,DE LTA NA YANG KHAS BLANGS PA LA GNOD DO, , GZHAN YANG, SHES NYID LA SOGS GTAN TSIGS KYIS, ,GNOD BYED MNGON SUM SHES PA NI, ,GZHAN DU BYA BAR MI NUS TE, ,RJES DPAG MNGON SUM GNOD BYED MIN, ,BZLOG PA DMIGS PA'I RANG BZHIN MNGON SUM GYI NGO BO MI DMIGS PA'I MTSAN NYID KYI GNOD PAR BYED PA'I SHES PA NI, ,

, ,SHES PA NYID LA SOGS PA'I RJES SU DPAG PAS GNOD PAR NUS PA MA YIN NO, ,GAL TE DU BA LAS ME RJES SU DPAG PA NA PHYIS BZLOG PA LA MNGON SUM ZHUGS NA GCIG RJES SU DPAG PA TSAD MA YIN NAM ZHE NA, GAL TE MNGON SUM ZHUGS KYANG ZLA BA GNYIS KYI YUL DU RJES SU DPAG PAS GNOD NA, CI STE MNGON SUM YIN NAM ZHES RIG PA MTSUNGS SO ZHE NA, MA YIN TE, DER YANG MNGON SUM NYID GNOD PAR BYED PA YIN TE, SNGAR GCIG TU MTHONG BA'I PHYIR RO, ,DE LTA MA YIN NA RJES SU DPAG PA NYID DU YANG MI 'GYUR RO, ,MNGON SUM NI RJES SU DPAG PA SNGON DU 'GRO BA CAN MA YIN NO, ,GAL TE YIN NA NI RJES SU DPAG PA NYID DER YANG GNOD PAR BYED PA YIN PA'I PHYIR RJES SU DPAG PAS GNOD NA MNGON SUM TSANG MA MA YIN PAR 'GYUR LA, DE LTA NA YANG PHAN TSUN GNOD PA 'GAR YANG MI 'GYUR RO, ,DES NA RJES SU DPAG PA'I RTZA BA NI MNGON SUM YIN GYI, MNGON SUM GYI RTZA BA NI RJES SU DPAG PA MA YIN NO, ,MNGON SUM YANG RJES SU DPAG PA'I RTZA BA CAN DU RNAM PAR GNAS PA MA YIN NAM, 'DI LTAR, GOMS PA MED PAR DANG PO NI, ,MNGON SUM 'JUG PAR BYED MIN TE, ,'BREL PA RJES SU DPAG PA YIN, , BZUNG NA DE LAS 'JUG PHYIR RO, ,RJES SU DPAG PAS DON BYED PA DANG, 'BREL PA BZUNG NA MNGON SUM 'JUG PAR BYED PA YIN TE, DES NA RJES SU DPAG PA LAS MNGON SUM TSAD MA YIN NO SNYAM NA, MNGON SUM LAS RJES SU DPAG PA YIN PA'I PHYIR PHAN TSUN GNOD PAR BYED PAR MTSUNGS SO, , GAL TE DE LTA NA PHAN TSUN RTEN PA'I NYES PA NYID DU 'GYUR BAS, GCIG KYANG TSAD MA RMI 'GYUR RO ZHE NA, 'DI NI BSHAD ZIN TO, ,RANG LA RANG GI NGO BO RTOGS, ,THA SNYAD LA NI TSAD MA NYID THA DAD PA'I 'JUG PA'I YUL DON GYI BDAG NYID LA YIN NO ZHES SO, ,DE YANG THOG MA MED PA'I THA SNYAD LONG BA BRGYUD BA LAS SO, ,DE YANG MI SLU BA LAS TSAD MA YIN LA, MI SLU BA YANG 'BYUNG BAR 'GYUR BA'I MYONG BA NYID YIN NO, ,DES NA DON GYI YUL CAN TSAD MA YIN PAR JI LTAR 'GYUR, RJES SU DPAG PA YANG RANG GI NGO BO'I YUL LA MNGON SUM MED PA NYID DU 'GYUR RO ZHE NA, MA YIN TE, DE LA NI DE MNGON SUM NYID

YIN PA'I PHYIR RO, ,DES NA RJES SU DPAG PAS THA DAD PA'I DON LA MNGON SU 'GOG PAR BYED DO, ,DE'I RJES SU DPAG PA'I YUL YIN PA'I PHYIR TE, DE LKOG TU GYUR PA YIN PA'I PHYIR RO, ,JI LTAR LKOG TU GYUR PA LA MNGON SUM GYI TSAD MA YIN ZHE NA, 'JUG PAR BYED PA NYID KYIS YIN GYI 'DZIN PAR BYED PA NI MA YIN NO, ,'DZIN PAR BYED PA YIN NA NI 'JUG PAR BYED PA NYID MA YIN PAR 'GYUR RO, ,'DI LTAR, GAL TE SNGAR GYI MNGON SUM LA, ,DE NYID SNANG BA YIN NA NI, ,DE NI RANG GI NGO BO YIS, ,THOB PHYIR 'JUG LA DON CI YOD, ,DON BYED DON GNYER 'JUG BYED NA, ,'O NA DE NI MI GSAL NYID, GAL TE GSAL BA YIN NA NI, ,PHYIR YANG 'JUG PA MED PAR 'GYUR, ,GAL TE DON BYED GSAL NA YANG, ,THOB PA'I DON DU 'JUG CE NA, ,THOB PA SNANG BA MED PA'I PHYIR, ,MI SNANG BA LA 'JUG PA NYID, ,GAL TE DE LA RJES SU DPAG PAS GNOD NA NI SHIN TU GSAL BAR KHO BO CAG GI 'DOD PA GRUB BO, ,'DI LTAR, THA DAD PA'I DON LA RJES SU DPAG PAS MNGON SUM 'JUG PA YIN LA, DE YANG LKOG TU GYUR PA'I PHYIR RJES SU DPAG PA'I YUL YIN PA'I PHYIR DE NYID LA MNGON SUM LA RJES SU DPAG PAS GSAL BA YIN NO, ,DE YANG RJES SU DPAG PAS GNOD NA RJES SU DPAG PA NYID RJES SU DPAG PAS BKAG PAR 'GYUR RO, ,DE NI LONG BA BRGYUD PA LAS BYUNG BA'I RJES SU DPAG PA YIN LA DE LA RJES SU DPAG PA 'AM MNGON SUM GYIS GNOD NA CHAD PA CI YANG MED DO, ,MNGON SUM DANG NGES BSLANG BA'I RJES SU DPAG PA DAG LA NI MNGON SUM MA MA RJES SU DPAG PAS GNOD PA MA YIN NO ZHES BYA BA 'DI NI RIGS PA YIN NO, ,GAL TE MNGON SUM YANG ZLA BA GNYIS KYI YUL CAN, DE'I DUS PHYIS 'BYUNG BA ZLA BA GCIG TU SNANG BA GZHAN GYIS GNOD PA MA YIN NAM, DE MNGON SUM MA YIN PA'I PHYIR RO, ,CI'I PHYIR, GNOD PA'I PHYIR RO, ,PHAN TSUN SPANGS PAS RNAM PAR GNAS PA DAG JI LTAR GNOD BYA GNOD BYED KYI NGO BO YIN, DE LTA BU NYID DO ZHE NA, GNYI GA YANG GNOD PAR BYA BA 'AM GNOD PAR BYED PAR 'GYUR RAM, MA YIN TE, THOB PAR BYED PA'I PHYIR GCIG NI GNOD PAR BYED PA NYID YIN NO, ,'DI LTAR MNGON PAR 'DOD PA THOB PAR BYED PA NYID NI GCIG LA

, ,YONG [*YOD?] KYI GZHAN LA NI MED DO ZHE NA, DE LTAR 'O NA BRGYUD PAS RJES SU DPAG PA LA GNOD PAR 'GYUR RO, ,DES NA SHES PA THAMS CAD NI DMIGS PA MED PA NYID DE, RMI LAM GYI SHES PA BZHIN NO ZHES BYA BA'I DON CI YIN NA ZHE NA, RANG GI NGO BO LA DMIGS PA YIN LA, DE LA YANG MNGON SUM YIN ZHING, DES BSLANG BA'I RJES SU DPAG PA NI MI DMIGS PA'I RANG BZHIN YIN PAS DE NI RJES SU DPAG PA 'AM GZHAN GYIS BSAL BAR MI NUS SO, ,DMIGS PA THA DAD PA SGRUB PA NI MUN PA BRGYUD PA YIN PA'I PHYIR MNGON SUM MA YIN ZHING DES BLANG BA'I RJES SU DPAG PA YANG MA YIN PAS DE LA GNOD PAR BYED PA'I MNGON SUM MA MA RJES SU DPAG PA NYID DO ZHES BYA BA 'DI NI GCIG TU NGES PA'O, ,DE'I PHYIR THAMS CAD DMIGS PA DANG BCAS TE SAD PA'I SHES PA BZHIN NO ZHES BYA BA'I LAN GYI TSAD MA MA YIN TE, RTZA BA MED PA'I PHYIR RO, ,RMI LAM LA SOGS PA DMIGS PA DANG BCAS PA SEL BA GNOD PAR BYED PA'I BLO NI DMIGS PA MED PA YIN NO, ,DE LTA YIN NA DPE DES THAMS CAD DMIGS PA DANG BCAS PAR JI LTAR 'GRUB, GAL TE DMIGS PA MED PA NYID SHES PA GZHAN DU GYUR PA DE BLO 'DIS SGRUB PA MA YIN NAM, DE NI THA DAD PA YIN TE, DES NA SHES PA GZHAN YANG SHES PA NYID KYI PHYIR BSGRUB BYA THA DAD PA'I YUL CAN NYID YIN PAS JI LTAR LAN GYI TSAD MA YIN ZHE NA, GAL TE MNGON SUM DU 'GRO BA CAN YIN PA'I PHYIR 'DI DMIGS PA THA DAD PA CAN YIN DU CHUG KYANG, GANG GIS DE YANG DE LTAR 'DOD PA DE LAS BZLOG PA'I BLO BZLOG PAS GSAL BA LA GO CI ZHIG 'ONGS, 'DI THA DAD PA SGRUB PAR BYED PA NI MA YIN TE, THA SNYAD TZAM SGRUB PA'I PHYIR RO, ,THA DAD PA GZHAN LAS CIG SHOS LA DMIGS PAR MI 'KHRUL PA SGRUB PAR BYED LA, MI 'KHRUL PA DE YANG DE NYAMS SU MYONG BZHIN PA'I DE'I DUS PA NYID DO, ,DES NA DA LTAR DE 'DIR SNANG BAR BYED PA NI MA YIN NO, , 'DI NI RANG GI RNAM PA'I MTHAR THUG PA YIN PA'I PHYIR DE'I BDAG NYID KYI DMIGS PA NYID RTOGS PAR BYED PA YIN NO, ,DE'I PHYIR 'DI DMIGS PA DANG BCAS PAS GZHAN YANG DMIGS PA DANG BCAS PAR SGRUB PA MA YIN NO, ,GAL TE DE'I RANG BZHIN YUL DU MI 'BYED NA, JI LTAR 'DIS DE SGRUB CE NA DE

LA MI SLU BA'I PHYIR RO ZHES BSHAD ZIN TO, ,MI SLU BA LAS YUL DU BYAS PAR RTOGS PA YIN NO, ,DE NYID KYI PHYIR BSHAD PA, RIG BYA RIG BYED RNAM PA MED, ,SKRA SOGS SHES PA'I THA DAD BZHIN, ,GANG TSE GZUNG 'DZIN RNAM PHYE BA'I, ,MTSAN NYID RNAM PAR BSLAD PA CAN, ,JI LTAR 'KHRUL PAS MTHONG GYUR PA; ;DE LTAR 'DI RNAMS GZHAG BYAS PA, ,DE TSE GZUNG DANG 'DZIN PA YI, ,MTSAN NYID LA NI BRTZAD BYA MIN, ,SKRA SHAD LA SOGS PA THOB PAR BYA BA RIG BYA'I DNGOS PO MED PA KHO NAR RIG PAR BYED PA'I RNAM PA YIN NO, ,SKRA SHAD LA SOGS PA THOB PAR BYA BA DE LA NI BLO 'DZIN PAR BYED PA MA YIN TE, DE MED PA'I PHYIR RO, ,THOB PAR BYA BA'I RIG GO ZHES BYA BA NI DE 'KHRUL PAS RTOGS PA YIN NO, ,DES NA RTOGS PA GANG YIN PA 'JUG GO, ,DE LAS DE LTAR 'JUG PA RNAMS KYI THOB PA MED PA GANG YIN PA DE LA NI DMIGS PA MED PA NYID DU GSAL BA KHO NA'O, ,DES NI GZHAN DMIGS PA MED PA NYID DU SGRUB PAR BYED DO, ,MI MTHUN PA RTOGS PA MED PAS RANG BZHIN MTSUNGS PAR RTOGS PA'I PHYIR RO, ,DMIGS PA DANG BCAS PA NYID NI GAR YANG RTOGS PA MED PA DE'I PHYIR JI LTAR DE DANG MTSUNGS PA'I PHYIR THAMS CAD DMIGS PA DANG BCAS PAR 'GRUB, THOB PAR BYA BA'I RANG BZHIN DU SNANG BA DE LTAR RTOGS PA NI MA YIN TE, 'JUG PA NYID KYI PHYIR RO, ,DE LTA MA YIN NA DE SNANG BA'I PHYIR 'JUG PAR MI 'GYUR RO ZHES BSHAD ZIN TO, ,SNANG BA LA YANG YANG SNANG BAR BYA BA'I PHYIR 'JUG GO ZHE NA, 'O NA YANG SNANG BA NYID MI SNANG BA YIN TE, DE YANG SNANG BA YIN NA NI 'JUG PAR MI 'GYUR BA'I PHYIR THUG PA MED DO, ,YANG SNANG BA YANG CI'I DON DU YIN, BDE BA'I DON DAM 'DZIN PA'I DON DU'O ZHE NA, 'O NA 'JUG PA DE'I DON DU YIN LA DE'I YANG MI SNANG BA KHO NA'O, ,DE'I PHYIR MI SNANG BA NYID THAMS CAD DU YUL PA'I PHYIR MYONG BA MTHA' DAG DMIGS PA MED PA YIN PAS JI LTAR DE LAS BZLOG PAR 'GRUB, 'O NA JI LTAR YUL DU MA BYAS PA LA 'JUG CE NA, DE NI MA YIN TE, YUL DU BYAS PA NYID LA YANG, ,JI LTAR 'JUG CES BRJOD PA YIN, ,RGYU DANG 'BRAS BU'I DNGOS PO 'DI, ,DE LTA NYID RNAM PAR GNAS, ,RANG RIG PA YI RTOGS PA LAS, ,RANG GI RGYU YI MTHU LAS SAM, ,RGYU MED PAR RTOGS PAS GZHAN 'BYUNG BA YIN

, ,TE; JI LTAR MTHONG BA DE LTAR KHAS LEN TE, ,DE NYID KYI PHYIR CHOS THAMS CAD NI BYED PA MED PA YIN NO ZHES GSUNGS SO, ,YANG NA SNGA THOB PAR BYA BA THA DAD PA RTOGS PA MED PA'I PHYIR PHYIS THA DAD PA YIN PA'I TSAD MA MED PA'I PHYIR JI LTAR THA DAD PAR RTOGS, 'DIS NI DON BYED PA DANG LHAN CIG RGYU DANG 'BRAS BU'I DNGOS PO YIN PA YANG BSAL TO, ,SNGA MA DANG PHYI MA DAG THA DAD PAR RTOGS PA MED PA'I PHYIR DANG, DUS MNYAM PA DANG BSKYED PAR BYA BA MA YIN PA'I PHYIR RANG GI NGO BO NYID DON BYED PA YIN LA, DE NI RMI LAM LA YANG YOD PAS MTSUNGS SO, ,DES NA BLO NI RIG BYA DANG RIG BYED KYI RNAM PA MED PA NYID DO, ,DE'I PHYIR GZUNG BA DANG 'DZIN PA RNAM PAR PHYE BA'I MTSAN NYID NI BSLAD PA KHO NA YIN TE, DES NA RANG GI NGO BO TZAM RIG PA LAS RNAM PAR RTOG PA GZHAN SKYE PA DES SNGAR GYI RJES SU 'BRANG NAS DE LTA DE LTAR RNAM PAR GZHAG PA 'BA' ZHIG TU ZAD KYI DON DAM PAR NI DE LA DE LTA BU NYID YOD PA MA YIN NO, ,'DI LTAR SKRA SHAD KYI SHES PA YOD NA SNGA MA RJES SU DRAN PAS 'DI LTA BU'I SNANG BA'I DE MA THAG TU THOB PAR GYUR TO ZHES BYA BA YIN NO, ,DES NA GZUNG BA DANG 'DZIN PA'I RNAM PAR SNANG BAR SKYE BA NI RNAM PAR RTOG PA YIN NO, ,DE YANG RANG GI RANG BZHIN LA GZUNG BA DANG 'DZIN PA'I RANG BZHIN DANG BRAL BA NYID DE, GZHAN GYIS DE LTAR 'JOG PA YIN NO, ,DE YANG RANG GIS RNAM PAR GNAS PA NI MA YIN NO, ,DE LAS PHYI ROL LA DON NYID NI, ,NYAMS SU MYONG BAR GRUB PA MIN, ,NYAMS SU MYONG PAS PHYI ROL GYI, ,DNGOS YOD DE NYID GRUB PA MED, ,GAL TE SNGON PO MYONG BA DE, ,JI LTAR PHYI ROL YIN PAR BRJOD, ,GAL TE SNGON PO MYONG MIN NA, ,DE NI JI LTAR PHYI ZHES BYA, ,GZHAN GYIS MYONG BA MIN NA DES, ,JI LTAR DE NI PHYI ZHES BRJOD, ,GZHAN GYIS MYONG NA DE DANG DES, ,'DI NI THUG PA MED PAR 'GYUR, ,'DI NI GZHAN GYIS MYONG YIN PAR, ,BDAG GIS GA LAS NGES PA YIN, , DE 'BRAS MTHONG PHYIR DE MIN TE, ,'BRAS BU RAB TU MA GRUB PHYIR, ,RGYU 'BRAS DNGOS PO MA GRUB CES, ,BYA BA 'DI NI BRJOD ZIN TO, ,RJES SU DPAG PA SPYI YI NI, ,YUL CAN NYID DU BRJOD PA'I PHYIR, ,GZHAN GYIS MTHONG BA DE NYID NI, ,'DI ZHES RAB TU GRUB MI 'GYUR, ,JI LTAR SPU LDANG LA SOGS

PA'I; ,'BRAS MTHONG LAS NA DE GCIG NYID, ,DE BZHIN BDE SOGS GCIG NYID DU, ,DE NYID LAS NI 'GRUB PAR 'GYUR, ,DE YI BDE BA GZHAN YIN NA, ,GZUG BA DE LAS GZHAN DU 'GYUR, ,GAL TE YUL NI THA DAD LAS, ,BDE SOGS GZHAN DU 'DOD CE NA, ,DE NYID DU NA GCIG NYID LA, ,YUL THA DAD PA JI LTAR 'GRUB, ,GZHAN DAG BDE BA DE NYID LAS, ,SPU LDANG SOGS PAR CIS MA YIN, ,SPU LDANG LA SOGS GZHAN YIN PHYIR, ,GAL TE BDE BA THA DAD NA, ,GZHAN LA GZUNG BAR BYA BA YANG, ,GZHAN DU CI'I PHYIR 'DZIN MI BYED, ,GAL TE SPU LDANG LA SOGS KYANG, ,DED KYI MYONG BAR 'DUS SHE NA, ,SNANG RTEN GSAL BA BDE LA SOGS, ,DE LAS JI LTAR THA DAD YIN, ,GAL TE KHO BO'I BDE BA NI, ,MED KYANG SPU LDANG STZOGS DE NA, ,KHO BO'I GZUNG BA MED KYANG DE, ,SPU LDANG STZOGS PA CIS MA YIN, ,GAL TE DER YANG DUS KYI NI, ,DBYE BAS THA DAD 'DOD NA NI, ,NGO BO NYID KYIS DBYER MED LA, ,DUS KYI DBYE BAS CI BYAR YOD, ,DER YANG THA DAD MED PA'ANG YIN, ,DE NI LKOG GYUR NYID MI 'GYUR, ,GCIG PO DE NI JI LTAR NA, ,RIG PA SPANGS NAS GNAS PAR 'GYUR, ,GAL TE DE GCIG YIN PA LTAR YANG RJES SU 'JUG PAS DE JI LTAR LKOG TU GYUR PA YIN, PHAN TSUN RIG PA DANG SPANGS TE GNAS PA JI LTAR GCIG YIN ZHES 'DI NI BSAM PAR BYA BA NYID DO, ,GAL TE THUN MONG BA NYID DU SNANG NA KHYOD KYIS MTHONG NGAM MA MTHONG ZHES 'DRI BA JI LTAR 'GYUR, TSAD MA GZHAN GYIS YID CHES PAR BYA BA'I PHYIR RO ZHE NA, GAL TE MNGON SUM LA YID MI CHES NA TSIG GIS KYANG YID CHES PAR MI 'GYUR RO, ,DE YANG RANG GI SNANG BA NYID STON PA YIN NO, ,DES KYANG KHYOD LA SNANG BA NI NGA LA YANG SNANG NGO ZHES DE LTAR MTHONG BA SHES PAR BYA BA YIN PA DE'I PHYIR PHAN TSUN BRTEN PA'I SKYON DU 'GYUR RO, ,MNGON SUM GYIS MA RTOGS PA'I GANG YIN PA YANG JI LTAR TSIG LAS YID TSIM PAR BYA BA MNGON SUM GYI DON LA NYE BAR STON PA NI CHEN PO MA YIN NO, ,GZHAN YANG, MNGON SUM MA TSAD MA NYID YIN NA, ,TSIG NI TSAD MA YIN PAR 'GYUR, ,TSIG TSAD YIN NA 'ANG MNGON SUM NI, ,TSAD MA YIN PHYIR 'DI BZANG NGO, ,RAB RIB CAN GNYIS PHAN TSUN DU, ,LHAN CIG PAR NI GYUR PA DAG ,SO SOR NUS

, ,PA MED NA NI, ,GANG PHYIR 'DUS KYANG DE NYID YIN, ,DE'I PHYIR MIG LA SOGS PA'I BYED PA DANG 'BREL PA NI RANG RIG PA YIN PA'I PHYIR SNGON PO LA SOGS PA SHES PA NYID YIN PAS GZUGS LA SOGS PA'I BLO NI RIG BYA RIG BYED KYI RNAM PA MED PA NYID DO, ,BLOS DE LTAR RIG PA'I PHYIR RNAM PAR GZHAG PA 'DI NI DE KHO NA LTAR BYAS PA YIN NO ZHES BYA BA NI DON DAM PA'O, ,DES NA RANG RIG PA NYID 'BRAS BU YIN NO, ,DON TO ZHES NGES PA YANG DE NYID LA YIN GYI DON MYONG BA ZHES BYA BA NI YOD PA MA YIN NO, ,DES NA GZUNG BA'I RANG GI NGO BO NYID 'DZIN PAR BYED PA LA DPE 'GA' YANG MED DO ZHES BSHAD DO, ,DE LA BZLOG PA MED PAR MI DMIGS PAS SGRUB PA LA DPE MED PAR JI LTAR 'GYUR TE, RI BONG GI RVA LA SOGS PA MA DMIGS PA DPE YIN NO, ,YANG NA DPES CI BYA STE MNGON SUM GYIS GRUB PA YIN NO, ,DE'I PHYIR RANG GI CHA BZUNG BA YIN PA GSAL BAR BZLOG NUS PAR 'GYUR BA DE'I TSE KHYAD PAR DANG BRAL BA'I DAG PA NYID PHYI ROL GYI GZUNG BA BZLOG PA'I PHYOGS YIN PAR 'GYUR NA PHYOGS DE NI MNGON SUM GYIS GNOD PA YIN TE, GANG GI PHYIR MNGON SUM LA SOGS PA'I SHES PA'I TSOGS KYI DMIGS PA NI PHYI ROL NYID LUS PA YIN TE, RANG GI CHA GZUNG BA YIN PA BKAG PA'I PHYIR RO ZHES GZHAN GYIS BRJOD PA GANG YIN PA DE NI MA 'BREL PA YIN TE, PHYI'I YUL MNGON SUM PA MED PAR BSTAN PA'I PHYIR RO, ,GNOD PAR BYED PA DANG BRAL BA NI SHIN TU RNAM PAR NGES PA'I PHYIR SAD PA'I SHES PA 'DI DAG NI STOBS DANG LDAN PA YIN NO ZHE NA, MA YIN TE, 'DI DAG SHIN TU RNAM NGES TE, ,SNANG BA NYID NI RANG GI CHA LA GTOGS KYI, ,PHYI'I DON MI SNANG PA LA NI NGES PA DE MA YIN NO, ,SNANG BA DANG DRAN PA LAS MA GTOGS PAR NGES PA ZHES BYA BA NI MED DO, ,RE ZHIG DON SNANG BA NI MED DO, ,SNANG BA MED NA YANG DRAN PA YANG YOD PA MA YIN NO, ,DE LAS GZHAN PA'I NGES PA YANG MED PA'I PHYIR PHYI ROL GYI DON NGES PA ZHES BYA BA 'DI NI TSIG TZAM DU ZAD PAS DON MED DO,, SKYON CAN SHES PAS GZUNG BA YI, ,DON NI DGAG PAR RUNG YIN NA, ,GZUNG MED 'DZIN PAR 'DZIN PA DAG, ,'GOG LA MI 'THAD CI ZHIG YOD, ,GZUNG BA TZAM LA GNOD NA NI, ,RANG PHYOGS GRUB PA MED 'GYUR MOD, ,GZUNG BA DE NI YOD NYID DU, ,KHYED CAG JI LTAR RJOD PAR BYED, ,KHYAD PAR KHYAD PAR CAN DAG NI,,

THA DAD PAR NI MA BZUNG PHYIR, ,GNYI GA 'AM GANG YANG RUNG BA NYID, ,MA GRUB PAR NI BRJOD PA YIN, ,SNGAR NI THA DAD 'DZIN PA LAS, ,PHYI NAS NGES PAR DPYAD PA NA, ,DON DAM THA DAD MED 'GYUR BA, ,DE YI PHYIR YANG CI ZHIG 'GAL, ,LDOG PA YONGS SU BRTAGS PA YI, ,KHYAD PAR KHYAD PAR CAN NYID NI,, SANGS RGYAS GZHUNG LA 'BRAS BYED PAR, ,RNA LAM DU NI MA GYUR TAM, ,'CHAD PO NYAN PO'I KHYAD PAR DAG ,KHYAD PAR CAN GYI SHES GANG YIN, ,DE NI DMIGS PA MED PA NA, ,RANG TSIG GNOD PA 'GA' YANG MED, ,KHYAD PAR DANG NI KHYAD PAR CAN, ,RAB TU DBYE BA YOD MIN PA, ,DES NA DAM BCA' BA YI DON; ;BRTAGS NA MI MDZES CI ZHIG YOD, ,GZHAN YANG, DMIGS PA MED PA ZHES BYA BA'I, ,DNGOS PO CUNG ZAD RTOGS PA MED, ,DES 'DI THA DAD LA SOGS PAR, ,'DRI BA 'THAD PA MA YIN NO, ,GAL TE DNGOS MED JI LTAR KHYOD, ,DED CAG RTOGS PAR 'DOD PA'AM, ,RANG GI BLO YIS RTOGS PAR BYED, ,CI STE BRTAGS NAS BSGRUB BYA NA, ,MED LA RTOGS PA CI 'DRA ZHIG ,RTOGS NA DNGOS POR THAL BAR 'GYUR, ,DNGOS MED JI LTAR 'DOD CE NA, ,DE YANG DNGOS POR BRJOD PAR BYA, ,'DI NI BSHAD ZIN TO, ,KHYAD PAR DANG KHYAD PAR CAN GYI DNGOS PO NI LDOG PA'I DBYE BA BRTAGS PA'I RANG BZHIN GYIS YIN NO, ,DMIGS PA MED PA NYID PHYI ROL GYI DMIGS PAR BRTAGS PA LAS THA DAD PAR SO SO BA LTA BUR DE LTA BU'I RANG GI NGO BO SHES PAR BYA BA'I PHYIR RNAM PAR GZHAG PA YIN GYI, DON DAM NI THA DAD PA RTOGS PA YOD PA MA YIN TE, THA DAD PA MED PAR RTOGS PA DNGOS PO YIN PA'I PHYIR RO, , DNGOS PO MED PA LA RTOGS PAR JI LTAR 'GYUR ZHE NA, DE NYID KYI PHYIR TE, DE LTA MA YIN NA, DNGOS PO RTOGS PA CI 'DRA ZHIG ,DE LTAR DNGOS PO THAL MIN TE, ,MED LA RTOGS PA 'JUG 'GYUR TE, ,DE NI DNGOS LA YOD MA YIN, ,CI STE SHES PA ZHES BYA 'DI, ,LAS SAM DNGOS LA SOGS PAR BRJOD, , DNGOS SOGS SU NI 'GAL 'GYUR ZHING, ,LAS YIN NA NI GRUB PA BSGRUB, ,SHES PA ZHES BYA BA 'DI LAS SU BRJOD NA NI RTOGS PAR BYA BAS NA SHES PA ZHES CHOS CAN GYI RANG BZHIN GYI DON LAS SU BSHAD PAR 'GYUR BA'AM, YANG NA RTOGS PAS NA SHES PA ZHE'AM, RTOGS PAR BYED PAS

, ,NA SHES PA ZHE'AM, 'DIS RTOGS PAR BYA BAS NA SHES PA ZHES DNGOS PO DANG BYED PA PO DANG BYED PA'I RANG BZHIN DU 'GYUR GRANG NA, 'DI THAMS CAD MI 'THAD DO, ,GAL TE RTOGS PAS NA SHES PA YIN NA NI DE RTOGS PAR BYA BA MED PAR MI 'GYUR RO, ,DE BZHIN DU BYED PA PO LA SOGS PA YANG NGO, ,DES NA SHES PA ZHES BYA BA NI PHYI ROL GYI DON LA LTOS PA YIN LA DMIGS PA MED PA ZHES BYA BA NI DE MED PA YIN PA'I PHYIR PHAN TSUN 'GAL LO ZHE NA, DE NI MA YIN TE, GAL TE RTOGS PAS NA SHES PA YIN NA RANG GI BDAG NYID LA GNAS PAS GZHAN MED PAR MI 'GYUR RO ZHES BYA BA 'DI GA LAS TE, DE LAS GZHAN MTHONG BA MED PA'I PHYIR RO, ,DE LA RTOGS PAR BYA BA YANG RANG GI NGO BO NYID YIN TE, GZHAN GYIS CI BYA, DE LTAR YANG BSTAN PA NYID DE RTOGS PAR BYED DO, ,BDAG NYID 'DIS RTOGS PAR BYA BA YIN NO ZHES BYA BA 'DI LA 'GAL BA RTOGS PA CI YOD, LAS YIN NO ZHES BYA BA RTOGS PA MED DO ,SNGON PO LA SOGS PA NI RANG GI NGO BOS SNANG BA YIN GYI DE LAS ZHES BYA BA GZHAN NI YOD PA MA YIN NO, ,GAL TE 'DI BYED PA PO GZHAN GYI RANG GI BYED PA DANG 'BREL PAR DMIGS NA DE NYID GZHAN GYI DMIGS PA YIN NO, ,GAL TE DE BZLOG NA JI LTAR GRUB BA LA SGRUB PA YIN, 'DI'I 'BREL PA NYID RAB TU MA GRUB PA DE'I PHYIR LAS NYID KYIS DE DMIGS PA YIN PAR JI LTAR 'GYUR, DE RANG GI NGO BOS DMIGS PAR BYA BA YIN NO ZHE NA, DA NI 'DI GRUB PA LA SGRUB PA YIN NO, ,GAL TE NGAS SNGON POR RTOGS SO ZHES DMIGS PAR BYA BA NYID DU RTOGS PA MA YIN NAM ZHE NA; DE NI MA YIN TE, NGA'O SNYAM PA'I SHES GANG YIN, ,DE NI LUS DBANG BDAG NYID RIG ,NGAR 'DZIN PAS NI DKAR BA DE DANG, ,GZHI MTHUN PAR NI RIG PHYIR RO, ,DBANG PO LA SOGS PA DAG LAS GZHAN NGA'O SNYAM PA'I SHES PA'I DMIGS PA BDAG NI MA DMIGS SO, ,GANG GIS 'DI DAG SKUL BYED PA'I; ,LUS DE BDAG YIN DE BZHIN DU, ,RIG MED 'DI DAG RANG BZHIN NO, ,SKYE LAS BSKUL GZHAN GANG LA'ANG MED, ,GAL TE GANG LAS SKYE BAR NI, ,MTHONG BA DE NYID SKU LA BYED NA, ,DE DAG PHAN TSUN RKYEN YIN PAS, ,GCIG LA GCIG NI SKUL BYED YIN, ,DE LAS GZHAN PA'I TSEGS PA NI, ,TSOGS

PA LAS NI SKYE BA LA, ,RGYA DANG 'BRAS BU'I DNGOS POR NI, ,THA SNYAD RAB TU 'JUG PA YIN, ,BLO YI NGO BO MA RTOGS PAR, ,SGRUB BYED GZHAN NI RTOGS PA MED, ,SNGA MA SNGA MAR DE LTA BU, ,GOMS PA'ANG LA LAR SKUL BYED YIN, ,BDE DBANG BLO YI RNAM PA LAS, ,SNGO SOGS RNAM PA DANG LDAN PA'I, , GAL TE BLO GZHAN SKYE 'GYUR NA, ,LAS DANG BYED PO DE GANG LAS, ,DUS MNYAM PAR NI RIG PA LAS, ,PHAN TSUN BYED PA'ANG YOD MA YIN, ,DES NA LAS LA SOGS PA YI, ,NGO BO DNGOS POR 'THAD MA YIN, ,GZUGS LA SOGS PA RTOGS PA NI, ,DMIGS PA MED PAR 'DOD PA NYID, RNAM SHES BDAG NYID MIN PAS NA, ,'DI LA DMIGS PA 'GA' YANG MED, ,CES GANG BRJOD PA DE NI YI NAS MA YIN TE, 'DI LTAR, GZUGS LA SOGS PA RTOGS PA NI, ,DMIGS PA MED PAR 'DOD MA YIN, ,RTOGS MED RANG BZHIN LAS LDOG PAS, ,'DI NI RANG GI CHA LA DMIGS, ,THA DAD PA'I DMIGS PAS DMIGS PA MED PA NYID NI RNAM PAR SHES PA'I BDAG NYID KYIS YIN PAR SHIN TU GSAL LO ZHES BSTAN ZIN TO, ,GAL TE BYED PO BYED PA DAG, ,YIN NA PHYOGS KYI SGRA DAG KYANG, ,DE DAG DMIGS PA MED PAS NA, ,PHYOGS MED PAR NI THAL BAR 'GYUR, ,ZHES GANG BRJOD PA DE YANG SHIN TU LEGS PAS BRJOD PA YIN NO, ,'DI LTAR SHES PA DANG DMIGS PA MED PA'I SGRA DE DAG GIS KYANG RTOGS PAR BYA BA YIN TE, ,DES NA DE DAG KYANG RTOGS PA NYID MA YIN NO, ,DE DMIGS PA MED PA YIN NA PHYOGS 'GA' YANG MED PAS SGRA BLA LHAG TZAM 'BA' ZHIG TU ZAD DO ZHES ZER RO, ,DON DMIGS MA YIN DE LA NI, ,LDOG PA SGRA YI SPYOD YUL YIN, ,DE LA MI SLU TZAM GYIS NI, ,PHYOGS NYID YIN PA'ANG 'GAL BA MED, ,SGRA'I SPYOD YUL NYID NI PHYOGS MA YIN TE, DE NI SGRUB PAR BYED YUL YIN PA'I PHYIR RO, ,SGRUB PAR BYED PA MNGON SUM GYI MTSAN NYID KYI MI DMIGS PA DES RANG GI RNAM PA DMIGS PAR SGRUB PA DE PHYOGS YIN PAS NA PHYOGS MED PAR JI LTAR 'GYUR, RTOGS PA ZHES BYA BA NI 'DIR SHES PA NYID SKABS KYI STOBS KYIS GO BAS DE JI LTAR SGRA'I SGO NAS SUN 'BYIN PA'I SKABS SU 'GYUR, JI SNYED BSHAD PAS YUL DU BYAS PA DE SGRA'I RTOGS PAR BYA BA NI MA YIN TE, 'ON KYANG SKABS KYIS 'ONGS PA

, ,NYID DE, DE LTA MA YIN NA, SGRA LAS DON RTOGS PAR MI 'GYUR RO, ,SPYI'I SGRA YANG SKABS KYI KHYAD PAR LA 'JUG PA DMIGS TE, DPER NA SEN DA BA 'ON CIG CES BYA BA ZAS KYI SKABS SU TSA NYID RTOGS PAR BYED PA BZHIN NO, ,PHYI ROL RTOGS BYA MED PAR NI, ,BYED PO LA SOGS MI SRID CES, ,RTOGS PA DE RGYU CAN YIN NA, ,DE NI RANG GI TSIG GIS GNOD, ,GAL TE CUNG ZAD RTOGS PAR BYED PA MA YIN PA 'AM, DES RTOGS PAR BYA BA MA YIN TE 'DI CI LTAR DE LTAR 'GYUR, RTOGS PA'I YUL MED NA YANG YUL CI ZHIG RTOGS ZHES GANG SMRAS PA DE YANG DBUGS GCIG GIS SONG BA YIN TE, 'DI LTAR, RTOGS BYA THA DAD MED PAR NI, ,BYED PO LA SOGS SRID PA DANG, ,RTOGS PA DE RGYU CAN MIN NA, ,RANG GI TSIG GIS JI LTAR GNOD, ,LAS DANG BYED PA PO LA SOGS, ,BRTAGS YIN DAM PA'I DON DU MED, ,BDAG LA BDAG GIS BDAG NYID NI, ,'TSOG PAR BYED CES BRJOD PA BZHIN, ,RTOGS PA'I SGRA'I DON GYI PHYI ROL GYI RGYU MTSAN CAN MA YIN PAS RANG GI TSIG GIS GNOD PA MED DO, ,'ON TE RTOGS PA NI GRAGS PA'I RANG BZHIN DU 'GYUR LA, DE LTA NA YANG BDAG CAG GI DNGOS PO GZHAN GYIS 'DZIN PAR BYED PA'I DNGOS PO RTOGS PA YIN PAR GRUB STE, GRAGS PA'I RANG BZHIN GYIS KYANG RTOGS PA'I SGRA RTOGS PA LA MA LTOS PAR DNGOS PO THA DAD PA NYID RTOGS PA YIN PAR GRUB PO, ,DES NI 'JIG RTEN GYI GRAGS PA NYID KYIS PHYI'I DNGOS PO YUL YIN PAR GRUB PA NYID DO, ,'JI RTEN GYI GRAGS PA NI GZHAN DU BYA BAR NUS PA MA YIN NO ZHE NA, DE NI MA YIN TE, 'JIG RTEN GRAGS PA TZAM GYIS NI, ,DNGOS PO RNAM PAR GNAS MA YIN, ,RNAM PAR DPYOD PA'I 'JIG RTEN NI, ,DNGOS PO GRUB PA'I RGYU MTSAN NYID, ,DON SGRUB PA LA RIG PA LAS, ,MA GTOGS 'JIG RTEN YANG GANG ZHIG ,RIG PA 'JIG RTEN YIN NA NI, ,DE DMIGS MED PAR BYAS PA YIN, ,GAL TE RIG PA MED PAR NI, ,'JIG RTEN DE NYID RNAM 'BYED NA, ,BEMS PA'I BDAG NYID RDO LA SOGS, ,'DI KUN RNAM PAR 'BYED PAR 'GYUR, ,GANG YANG, DE KHAS BLANGS NAS PHYOGS NYID NA, ,KHAS BLANGS PA LA GNOD PAR 'GYUR, ,KHYAD CAN KHYAD LA MA GRUB CING, ,DE LTA YIN PA NGED CAG LA, ,DNGOS

PO GZHAN RTOGS PAR BYED PA KHYAD PAR CAN GYI RTOGS PA DE 'DRA BA NI KHYED LA MA GRUB CING GZHAN DU GYUR PA NI NGED CAG LA MA GRUB PO, ,DE BZHIN DU, BDAG GI CHOS DANG RANG RGYUD DU, ,RTOGS PA NA YANG DE LTAR 'GYUR, ,RTOGS PA TZAM NI CUNG ZAD KYANG, ,YOD MIN RTOGS PA MED PHYIR RO, , 'DI LTAR, ,GAL TE THA DAD PA SGRUB PAR BYED PA NYID KHAS BLANGS NAS RTOGS PA PHYOGS SU BYED NA NI DE LTA BU'I CHOS CAN KHYED LA MA GRUB PO, ,DE LTAR NI SANGS RGYAS PAS KHAS MA BLANGS SO, ,'ON TE BZLOG PA THA DAD PA MED PA SGRUB PA NYID DU KHAS LEN NA, DE LTAR YIN NA PHYIR RGOL BDAG CAG LAM GRUB PO, ,THA DAD PA MED PA SGRUB PA'I RTOGS PA NI BDAG CAG GIS KHAS BLANGS PA MA YIN NO, ,DE BZHIN DU BDAG GI CHOS NYID NI SANGS RGYAS PA DAG LAS MA GRUB LA, RANG RGYUD PA NI DPYOD PA PA DAG LAS MA GRUB PO, ,GANG ZHIG CHOS CAN NYID DU 'GYUR BA'I RTOGS PA TZAM YANG YOD PA MA YIN TE; PHYOGS GNYIS LAS MA GTOGS PA BRTAGS PAR MI NUS PA'I PHYIR RO ZHES SMRAS PA, DE NI RNAM PA CI ZHIG LTAR YOD DO ZHES BDE BLAG TU BRJOD DO, ,GANG GI PHYIR 'DI NI BRJOD ZIN TE, GDON MI ZA BAR RTZOD PA YI, ,GZHI NI MA GRUB PA NYID YIN, ,GAL TE DE NI GRUB GYUR NA, SGRUB PAR BYED PAS CI ZHIG SGRUB, ,KHYED DE MA GRUB PA'I SGO NAS KHYAD PAR CAN MA GRUB PAR BRJOD PA'I PHYIR, THA DAD PA MED PA'I SGRUB PA'I MTSAN NYID KYI CHOS CAN RTOGS PA'I KHYAD PAR DU MA GRUB PO ZHES BYA BA GANG YIN PA DE NYID NI RTZOD PA'I GZHIR GYUR PA BSGRUB PAR BYA BA YIN PAS, KHYAD PAR DES NI SGRUB PAR BYED PA'I DUS SU CHOS CAN MA GRUB PAR 'DOD PA NYID DO, ,GAL TE DE NYID GRUB ZIN PA NYE BAR 'JOG PA'I SGRUB PAR BYED PAS CI BYA, GAL TE KHYAD PAR MA GRUB PAS PHYOGS SKYON DU 'GYUR TE, DPER NA GRANGS CAN LA SGRA 'JIG PA ZHES BYA BA LTA BU'O ZHE NA, MA YIN TE, 'DI LTAR, GRANGS CAN LA YANG PHYOGS SKYON DU, ,'GYUR BA NYID NI BZLOG PA YIN, ,DPE LA DON NI GRUB NA PHYOGS, ,KHYAD PAR MA GRUB NYID MA YIN, ,'ON TE DPE LA 'JIG PA NI, ,MA GRUB GTAN TSIGS SKYON 'GYUR TE, GTAN TSIGS MA NGES PA NYID DAM, ,YANG NA 'GAL BAR 'GYUR BA YIN, ,GAL TE 'JIG PA PHYOGS LA MA GRUB PA'I PHYIR

, ,SKYON YIN NO, ,DE NI MA YIN TE, DE NYID KYI PHYIR BSGRUB BYA YIN NO, ,DES NA KHYAD PAR GRUB PA NYID PHYOGS KYI SKYON YIN NA, ,JI LTAR 'DI SKYON YIN TE, CI RANG GI NGO BO NYID NI SKYON DU 'GYUR BA MA YIN NO, ,'ON TE DPE LA MA GRUB NA, ,DE'I TSE DPE'I SKYON NAM GTAN TSIGS KYI SKYON YIN PA'I PHYIR PHYOGS KYI SKYON MA YIN NO, ,BDAG GI CHOS MA GRUB NA, CHOS CAN MI RTOGS PA YANG MA YIN TE NAM MKHA'I YON TAN MA GRUB NA CHOS CAN SGRA MA GRUB PAR 'GYUR BA NI MA YIN NO, ,DE NI NYAN PAS GZUNG BA TZAM NYID KYIS CHOS CAN YIN TE, DE LTA MA YIN NA CHOS CAN 'GA' YANG MED PAR 'GYUR RO; ;PHYIR RGOL BAS NYE BAR GZHAG PA'I CHOS 'DI THAMS CAD DU MA GRUB PA'I PHYIR RO, ,DE'I PHYIR 'DI YANG SKYON MA YIN PAS 'DI NI GYI NA'O, ,DE NYID KYI PHYIR PHA ROL PAS BRJOD PA GZHAN YANG MI 'THAD DO, ,SGRA DON TZAM GYI NGO BO YIS, ,JI LTAR GZHAN DAG RTOGS BYED PA, ,DE LTA 'ANG KHYED LA MI 'GYUR TE,, BRJOD BYA'I DBYE BAS MI 'DOD PHYIR, ,ZHES TE, RJOD BYED DANG BRJOD BYA GZHAN DAG LAS THA DAD PAR KHAS MA BLANGS PA'I PHYIR RO, ,RGOL BA GANG ZHIG SPYI KHAS MA BLANGS PAS SGRA'I DON GYI RANG BZHIN TZAM DU YANG BRTAG PAR MI NUS PA DES NI PHAS KYI RGOL BA CHOS CAN LA SOGS PA'I RTOG PA MED PAS PHYIR BZLOG PAR NUS PA MA YIN NO ZHES BYA BA DE NI MA YIN TE, RTOGS PA ZHES KHYAD PAR MED PA'I SGRA'I DON TZAM, RNAM PAR SHES PA'I ZHES BYA BA'I DON GANG YIN PA, SNANG BA ZHES BYA BA'I RNAM GRANGS GANG LA YOD PA DE GRUB PA'I PHYIR NA DE NI MA YIN NO, ,RTOGS PA NYID CES BYA BA GANG YIN PAS RNAM PA GCIG TU 'DZIN PA'I YUL GANG YIN PA DE NI ZLA BA GNYIS LA SOGS PA RTOGS PA DANG GZHAN DAG LA GRUB PA NYID YIN LA, DE'I DE KHO NA NYID GANG YIN ZHES DPYAD PAR BYA BA YIN PAS DE BSGRUB BYA'I NANG DU GZHAG PA GZHAN MTHA' DAG MA GRUB PA YIN PA'I PHYIR MI RIGS PA CI YOD, DE LA MA GRUB PA NYID NI PHYIS BKOD NAS BZLOG PAR BYA'O, ,RE ZHIG GZHAN DAG BRJOD PA NI, GAL TE 'DI LA THAMS CAD DU, ,DMIGS MED NYID DU SGRUB BYED NA, ,KHYAD PAR MA GRUB PAR 'GYUR TE, ,DPE YANG YOD PA MA YIN NO, ,RTOGS PA THAMS CAD DMIGS PA MED PAR SGRUB NA 'DI LA DPE GANG YOD, 'ON TE MA SAD PA'I SHES PA YIN NA, DE

LTAR NA YANG DPE MA GRUB PA NYID DE, RMI LAM KYI RTOGS PA YANG RNAM PA 'GA' ZHIG DMIGS PA DANG BCAS PA YIN PA'I PHYIR TE, DUS DE 'AM DUS GZHAN GYI GNAS SKABS DMIGS PA YIN PA'I PHYIR RO, ,CI STE DUS DE'I DMIGS PA GZHAN MED PA NYID YIN NA NI DE'I TSE RNAM PA 'GA' ZHIG GIS DMIGS PA MED PAR BRJOD PAS GRUB PA LA SGRUB PA YIN TE, GZUGS KYI SHES PA ROL SOGS PAS STONG PA'I PHYIR RO, ,DE'I DUS SAM GZHAN GYI DUS LA SOGS PA YANG RUNG STE, GANG ZHIG GANG GI TSE, JI LTAR DMIGS PA DE LTAR DE DMIGS PA DANG BCAS PAR KHAS BLANG BAR BYA'O, ,DE LTA YIN YANG DMIGS PA MED PA NYID YIN NA NI RO'I SHES PA YANG GZUGS KYI DMIGS PA MED PA YIN NO ZHES BYA BAR 'GYUR NA, DE NI 'DOD PA NYID YIN PAS GRUB PA LA SGRUB PA YIN NO, ,'ON TE BLO LA GANG ZHIG GI ,RNAM YOD DE DMIGS ZLOG BYED NA, ,RANG GI RNAM PA KHAS BLANGS PHYIR, ,DE MED PA NI 'GAL BA YIN, ,RNAM PAR SHES PA'I 'DZIN PA'I CHA LA DON GYI RNAM PA NYID NI YOD PA MA YIN NO, ,'O NA CI ZHE NA, SHES PA'I RNAM PA NYID DO ZHES KHYED KYIS KHAS BLANGS PA YIN PAS, DE LA NGA NI SHES PA'I GZUNG BA MED PAR THAL BAR 'GYUR NA 'DOD PA LA YANG MA YIN NO, ,DE LA GZUNG BA'I BDAG NYID DMIGS PAR 'GYUR BA YIN NO, ,CI STE PHYI ROL GYI DMIGS PA MED PA YIN TE, DE NI MA YIN TE, PHYI ROL DMIGS PA MED PA LA'ANG, ,GAL TE PHYI ZHES 'DZIN MED NA, ,KA LA SOGS PA BLO DE MED, ,DE LTAR NA NI GRUB PA SGRUB, ,GANG LA BLOS PHYI ROL GYI BUM PA SNYAM PA DER YANG BUM PA NYID DMIGS PA NI MA YIN TE, 'ON KYANG PHYI ROL YUL NYID YIN NO, ,DE DANG GZHI MTHUN PA'I PHYIR NI BUM PA DE LTAR RTOGS PA YIN NO, ,'ON TE KA BA LA SOGS PA'I, ,NGO BOS DMIGS PA MED BRJOD NA, ,NYAMS SU MYONG BA MTHONG BA'I PHYIR, ,DE DANG 'GAL BAR THAL BAR 'GYUR, ,ZLA GNYIS STZOGS LA MTSUNGS SHE NA; ,DBANG PO PHRAD PA MED PHYIR DER, ,DMIGS PA MED PAR BDAG CAG BRJOD, ,DON RIG MED PA'I PHYIR MA YIN, ,MIG LA SOGS PA'I DBANG PO DANG MA PHRAD PA BLOS BZUNG BA'I PHYIR, ZLA BA GNYIS LA SOGS PA'I BLO DMIGS PA MED PAR BRJOD KYI, DE DMIGS PA MED PA NYID NI MA YIN NO,,

, ,'DI NI STON [*SNGON?] ZLA BA GCIG TU RTOGS SO ZHES DBANG PO DE DANG GNYIS LDAN PA MED PA'I PHYIR DMIGS PA MED PA YIN GYI, THAMS CAD DU DON MED PA NYID NI MA YIN NO, ,ZLA BA GCIG MTHONG BA DE LAS BZLOG PA DMIGS PA MED PA YIN NO ZHES DMIGS PA MED PAR RTOGS PA'I RGYU YIN NO, ,'DI NYID STON PA NI, DBANG PO DON DANG 'BREL PA DANG, ,MA 'BREL PAS NA THAMS CAD DU, ,BDAG CAG MYONG BA YOD PA LA, ,MED PA 'DZIN PAR 'JOG PA YIN, ,KHYED LA DBANG PO LA SOGS PA, ,MED PHYIR 'DZIN DANG BRAL BAS NA, ,DMIGS PA NYID NI RGYU MED 'GYUR, ,DGAG PA NYID NI 'THAD MA YIN, ,RTOGS PA DANG DMIGS PA MED DO ZHES SO, ,'DI NI MI BDEN PA'I RTOGS PA'I DRI MAS SBAGS PA'I SEMS NGA RGYAL DANG BCAS PAR PHA ROL STON PA YIN PA'I PHYIR SHIN TU CHER RMONGS PA YIN NO, ,'DI LTAR, DMIGS MED SGRA YI BRJED BYA BA, ,RANG GI CHA LA DMIGS PA NYID, , GAL TE TSAD MAS GRUB GYUR NA, ,SUN 'BYIN JI LTAR SUN 'BYIN YIN, ,SGRA 'DI NI GZHAN GYIS BRTAGS PA BZUNG BA LA DMIGS PA BKAG NAS RANG GI CHA LA DMIGS PA NYID LA SBYOR BA YIN NO ZHES SKABS LA SOGS PA LA RTOGS TE, DE LTA MA YIN NA SGRA LAS DON RTOGS PAR MI 'GYUR BA'I PHYIR RO, , DE LA SGRA LAS DON 'DI LA 'JIG RTEN NA RTOGS PA'I PHYIR JI LTAR 'DI BRTAG PAR MI NUS, GAL TE DE LA YANG RJOD PAR BYED PA DANG BRJOD PAR BYA BA GZHAN LAS THA DAD PA MED PA'I PHYIR JI LTAR SGRA'I DON TZAM CHOS CAN DU 'GYUR ZHES BRJOD ZIN MA YIN NAM ZHE NA, BRJOD PA NI BDEN NA RIGS PA MA YIN PA'I PHYIR DES CI BYA, GANG LAS THA DAD PAR MI 'GYUR BA 'DI DA LTAR KHO NA GNYIS MED PA'I 'GYUR BA NI MA YIN NO, ,'ON KYANG RTOGS PA NI RTOGS PA GZHAN DAG DANG PHAN TSUN YANG THA DAD PA NYID DO, ,DE LA BUM PA'I SGRA LAS NI RTOGS PA GZHAN YIN LA SNAM BU'I SGRA LAS KYANG GZHAN YIN NO ZHES BYA BA LA SOGS PA'O, ,SGRAS NI SNGAR BZUNG BA'I DON NYID DRAN PA'I YUL DU 'GYUR BAR BYED DO, ,DE LA SHES PA GANG DAG SNGON PO LA SOGS PA DMIGS PA YIN PAR KHYED KYI RTOGS PA'I SPYOD YUL DU GYUR PA DE DAG DMIGS PA MED PA YIN NO ZHES GZHAN RTOGS PAR BYED PA LA MI RIGS PA CI YOD, GAL TE 'GA'

ZHIG GIS DU BA ME LAS BYUNG BA MA YIN PAR RTOGS PA DE LA KHYED KYI DU BA ME LAS BYUNG BA MA YIN PAR RTOGS PA DE NI DE LTA MA YIN NO ZHES DE SKAD BRJOD PAR BYA BA YIN NAM CI, SMRA BA PO LAS SKYON CI ZHIG BYUNG, 'ON TE ME LAS BYUNG BAR SNGON MTHONG BAS NA DE NI RTOGS PAR BYA NUS KYI 'DI LA GO JI LTAR ZHE NA, 'DIR YANG RAB RIB CAN GYI SHES PA DMIGS PA MED PAR GRUB PA NYID DE, PHYI ROL MED PA'I PHYIR RO, ,DE LA YANG NAM MKHA' DMIGS PA YIN NO ZHE NA, 'O NA JI LTAR SKRA SHAD DMIGS PA LA NAM MKHA' DMIGS PA YIN PA DE BZHIN DU NAM MKHA' DMIGS PA LA YANG GZHAN NYID YIN PAR 'GYUR TE; SNANG BZHIN PA DMIGS PA MA YIN PA'I PHYIR RO, ,NAM MKHA'I RTOGS PA LA SNANG BZHIN PA NYID DMIGS PA YIN NO ZHE NA, 'DIR SKRA'I SHES PA LA YANG 'GYUR RO, ,THAMS CAD LA PHYIN CI LOG TU SNANG BA DANG, DRAN PA BRJOD PA DANG, 'JIG RTEN LAS 'DAS PA LA SOGS PAR BRTAG PA'AM, 'GA' LA YANG MA YIN NO ZHES BYA BA 'DI NI NGES BA YIN NO, ,CI STE DMIGS PA DANG BCAS PA ZLA BA GCIG GI SHES PA DMIGS PA DANG BCAS PA LDAN PAS ZLA BA GNYIS KYI SHES PA DMIGS PA MED DO ZHES BYA BAR RIGS KYI, ZLA BA GCIG GI SHES PA LA JI LTAR ZHE NA, DE YANG DE'I RANG BZHIN CAN YIN PA'I PHYIR RO ZHES BRJOD ZIN TO, ,GNOD PAR BYAS PA'I PHYIR RO ZHE NA, DE LA YANG GNOD PAR BYAS SO ZHES BSTAN ZIN TO, ,MI SNANG BA YANG DMIGS PA MA YIN NO ZHES BSHAD PAR BYA'O, ,SNGON PO LA SOGS PA SHES PA NYID YIN PAR YANG STON PAR 'GYUR RO, ,JI LTAR SKRA SHAD LA SOGS PA'I SHES PA NAM MKHA' LA SOGS PAS DMIGS PA DANG BCAS PA DE BZHIN DU SNGON PO'I RANG BZHIN SHES PA YANG SER PO DANG DMAR PO LA SOGS PAS DMIGS PA DANG BCAS PA YIN PAR 'GYUR BA'I PHYIR, JI LTAR GZUGS KYI SHES PA RO LA SOGS PAS DMIGS PA MED PA GRUB PA CI, CI STE 'OD ZER GYIS GDUNGS PA'I DGON DUNG MED PAR CHU'I SHES PA MI 'GYUR RO ZHE NA, RO LA SOGS PA MED PAR GZUGS KYI SHES PA 'BYUNG NGAM CI, BDEN PA'I CHU LA 'OD ZER GYIS GDUNGS PA'I DGON DUNG MED KYANG CHU'I SHES PA 'BYUNG BA YIN NO, ,DE LA KHYAD PAR YOD DO ZHE NA, PHAN TSUN KHYAD PAR CAN YIN PA'I PHYIR

, ,GNYI GA DMIGS PA MED PA 'AM DE LA MA YIN PAR 'GYUR RO, ,GNYI GA DMIGS PA DANG BCAS PA YIN MOD CE NA, GAL TE SNANG BZHIN PAS YIN NA NI DGON DUNG 'OD ZER GYIS GDUNGS PA ZHES BYA BA LA SOGS PA BRJOD PAR MI BYA'O, ,RGYU NYID KYIS MI SNANG BA DMIGS PA YIN NO ZHE NA, BAG CHAGS YIN PAR 'GYUR BA'I PHYIR NGED KYI 'DOD PA GRUB PO, ,'O NA SNANG BA NYID YIN PAR 'GYUR TE, GZHAN GYIS CI BYA ZHE NA, MNGON SUM DANG RJES SU DPAG PA GNYIS KHYAD PAR MED PAR THAL BAR 'GYUR BA'I PHYIR RO, ,SNANG BA LA NI THAMS CAD MNGON SUM NYID DO, ,'JIG RTEN GRAGS RTEN 'KHRUL PA DANG, ,MA 'KHRUL RNAM DBYE MED PAR 'GYUR, ,THAMS CAD RANG GI NGO BO LA, ,MA 'KHRUL GZHAN LA BZLOG PA YIN, ,MTHONG LAS DMIGS DANG BCAS SHES NA, ,THOB PA MED CES SGRUB PA YIN, ,SMIG RGYU LA NI CHUR 'KHRUL PAS, ,THOB PAR 'GYUR LA'ANG DER 'GYUR RO; ;KUN TSE MIN NA THAMS CAD LA, ,KUN TSE MIN PAR MTHONG BA NYID, ,MA ZHIG NA NI 'GYUR NYID NA, ,DE NI JI LTAR 'JIG MI 'GYUR, ,NGO SHES PA NI GSAL BA YIN, ,DES NA THAMS CAD 'CHOL BA YIN, ,DE'I PHYIR MNGON SUM DANG RJES SU DPAG PA DAG LAS RTOGS PA THAMS CAD DMIGS PA MED PA NYID DO, ,LHAG MA NI BSHAD ZIN TO, ,DE LTAR GZHAN GYI KUN BRTAGS PA'I KHYAD PAR RJES SU BRJOD NAS, GAL TE 'GOG PAR BYED NA, 'DI LA MI 'THAD PA CI YOD, 'DIS NI JI SKAD DU, PHYI ROL DNGOS PO MED PA'I PHYIR, ,DE YIS DMIGS PA MED 'DOD PA, ,JI LTAR BSGRUB BYA DE YI TSE; ;PHYOGS 'DI SHES PAR 'GYUR MA YIN, ,ZHES GANG BRJOD PA DE YANG BSAL BA YIN NO, ,'DI LTAR, DPER NA GZHAN RTOGS NUS MED PAS, ,KHYAD PAR RAB TU MA GRUB NA, ,PHYOGS MI 'GRUB PA DE BZHIN DU, ,KHYAD PAR KHYAD PAR YANG 'GYUR RO, ,TSIG DON GRUB PA MED PAR NI, ,NGAG DON RTOGS MED DE NI DE, ,SNGON 'GRO CAN PHYIR PHYOGS KYANG NI, ,NGAG GI DON DU RNAM GZHAG BYA, ,LDAN PA'I DON BSGRUB PAR BYA BA YIN NO ZHES GZHAG PAR BYA'O ZHE'O, ,DE NI MA YIN TE, GANG GI PHYIR DON DAM PAR PHYI ROL GYI DMIGS PA MA GRUB KYI GZHAN GYIS KHAS BLANGS PA TZAM 'BA' ZHIG TU ZAD BA

DE NYID KYI PHYIR DGAG PAR BYA BA YIN TE, 'KHRUL PA BZLOG PA'I PHYIR SGRUB PAR BYED PA 'JUG PA YIN NO ZHES PHYIS STON PAR 'GYUR RO, ,TSAD MAS RAB TU GRUB PA YIN NA JI LTAR MED PAR SGRUB PAR 'GYUR, TSAD MA LA GNOD PA'I SGO NAS SO ZHE NA, MA YIN TE, TSAD MA LA TSAD MAS GNOD NA YID BRTEN DU MED PAS TSAD MA CHAD PAR THAL BA'I PHYIR RO, ,'GAL BA 'KHRUL PA MED PA CAN, ,ZHES BYA BA NI YOD PA MA YIN NO ZHES BSTAN PAR BYA'O, ,GAL TE MTHONG BA YUL DANG DUS LA SOGS PA GZHAN DU 'GOG GO ZHE NA MA YIN TE, 'KHRUL PA MED PA'I PHYIR RO, ,YUL LA SOGS PA GZHAN DU MTHONG BA NI GZHAN DU BRTAGS PA MA YIN TE, 'KHRUL PA MED PAS DER DE MED PAR SGRUB PA'I DON MED DO, ,'ON TE BSTAN BCOS 'GA' ZHIG GAM TSAD MA LTAR SNANG BA GZHAN LAS GZHAN DU YANG RTOGS PA YIN TE, 'KHRUL PA MA MTHONG BA NI MA YIN NO ZHE NA, DE LTA NA NI 'O NA NI, ,TSAD MAS MTHONG NA 'KHRUL GANG YIN, ,DE NI YUL SOGS 'GA' ZHIG TU, ,TSAD MAS BZLOG PAR BYA BA YIN, ,'KHRUL PA NYID NI JI LTAR BZOD, ,RES 'GA' 'KHRUL PA GANG YIN PA DE BZLOG PAR BYA BA YIN NA, GTAN 'KHRUL PA DE BZLOG PAR BYA BA MA YIN NAM CI, DE BZLOG NA SKYES BU'I BYA BA CHEN POR 'GYUR RO, ,GAL TE DE NI GZHAN DU GNOD PA'I TSAD MA NYE BAR BSTAN PA'I BZLOG PAR BYA BA YIN NA, RTAG TU 'KHRUL PA NYID GANG YIN PA DE GO JI LTAR BZLOG PAR BYA, GNOD PAR BYED PA MED PA'I PHYIR DE 'KHRUL PAR YANG JI LTAR BRJOD CE NA, DE YANG MA YIN TE, GANG GI PHYIR GNOD PAR BYED PA ZHES BYA BA NI MED PA NYID DO, ,'DI LTAR, GNOD PAR BYED PA DE GCOD PA'AM, 'ON TE GZUNG BA 'JIG BYED DAM, ,GZUNG BA MED PAR SHES BYED YIN, ,PHYOGS GSUM LAS GZHAN GA LA YOD, ,GAL TE GNOD PAR BYED PA GNOD PAR BYA BA'I SHES PA'AM, DE'I DMIGS PA MED PAR BYED PA DE'I TSE DE SKYES PA'AM MA SKYES LA, MA SKYES PA DE JI LTAR NA, DE YI DNGOS PO MED PAR SKYED, ,MA SKYES RI BONG RVA LA NI, ,'GAS KYANG 'JIG PAR BYED PA MED, ,DE BZHIN SKYES PA'I DNGOS PO YANG, ,MED PA BYED PA YOD MA YIN, ,RGYU LAS DE YOD GNOD BYED LAS, ,DE MED CES BYA BYUNG

, ,RGYAL CHES, ,GAL TE DE MI SKYES NA DNGOS PO MED PA YIN PAS GANG GIS DE MED PAR BYED DE, RANG BZHIN GYIS DMAR BA'I KING SHU KA 'DI YANG KHA BSGYUR DGOS PA NI MA YIN NO, ,'ON TE RGYU LAS SKYES NA, DE LTA YIN NA JI LTAR SKYES PA DE LTAR YOD PAS JI LTAR DE LA 'JIG PA 'JUG , DE LTAR GYUR NA DE NYID NI ZHIG PA YANG YIN LA DE NYID YOD PA YANG YIN NO ZHES BYA BA NI 'CHAL BA CHEN PO YIN NO, ,'ON TE JI LTAR MA SKYES PA DE LTAR 'JIG NA, DE LTA YIN NA, GZHAN GYI NGO BOS SKYES PA DAG ,GAL TE GZHAN GYIS 'JIG NA NI, ,SNGON SOGS SER PO LA SOGS PA, ,GZHAN GYI NGO BOS 'JIG PAR 'GYUR, ,DE NI DE'I RANG BZHIN MA YIN PA'I PHYIR, DE NYID NI RANG BZHIN GYIS DMAR BA YIN NO, ,DE'I NGO BOS KYANG DE PHYIS 'JIG GAM, 'ON TE THAMS CAD KYI TSE GAL TE PHYI NAS 'JIG NA NI, SNGAR DE'I RANG BZHIN CAN DU 'GYUR, DE YI NGO BOR SKYES PA NI, ,JI LTAR PHYI NAS 'JIG PA YIN, , DE YI NGO BO DE TSE NYID, ,SKYES PA PHYI NAS 'JIG PAR 'GYUR, ,PHYI NAS NGO BO DE MED NA, ,RANG BZHIN GYIS DMAR KING SHU KA ,'DI NI SNGAR NYID 'JIG CE NA, ,DE RGYU NYID LAS DE LTAR 'GYUR, ,DE LA 'JIG POS BYA BA GZHAN, ,CI YOD CES NI NGES PAR RTOGS, ,'DI NI DMIGS PA 'JIG PA LA YANG MTSUNGS SO, ,'DI LTAR, 'DI YI JI LTAR SKYES PA YI, ,RANG BZHIN DES NI DE MI 'JIG ,JI LTAR SKYES PA MA YIN PA'I, ,RANG BZHIN DES KYANG 'JIG MA YIN, ,MI NUS PHYIR DANG MI DGOS PHYIR, ,TSAD MAS GRUB PA MED PA'I PHYIR, ,SEMS DANG LDAN PA DON 'DI NI, ,RTOG PA TZAM DU'ANG JI LTAR 'GYUR; ,'ON TE GNOD PAR BYED PA DMIGS PA MED PAR SHES PAR BYED PA YIN NA DE YANG MI RUNG STE, GANG TSE DNGOS DE MTHONG GYUR PA, ,DE TSE MED PAR RTOGS PA YIN, ,GANG TSE DNGOS PO MTHONG MIN PA, ,DE TSE MA MTHONG DE'I GNOD BYED, ,DE TSE DNGOS PO MA GRUB NA, ,MED PA KHYAD PAR BCAS MI 'GYUR, ,KHYAD PAR RAB TU MA GRUB NA, ,KHYED LA MED RTOGS JI LTAR MIN, ,'ON TE GZHAN DU GRUB PA YI, ,KHYAD PAR RJES SU RJOD BYED NA, ,DE DNGOS RANG BZHIN YIN PHYIR DER, ,MED PA YI NI KHYAD PAR MIN, ,DE NYID GZHAN NA MED DO ZHES, ,GAL TE DE LTAR SGRUB BYED NA, DE LTA NYID DU RTOGS

PA DE'I; ,'GAL BA LA NI DON CI YANG, ,DE LTAR MIN NA RTOGS YIN PA, ,DE LTA NA YANG 'GAG MED 'GYUR, ,'DIR NI SNGAR BSHAD ZIN PA'I PHYIR, ,YANG NAS YANG DU MI BRJOD DO, ,GANG TSE DNGOS PO MTHONG MED PA, ,DE TSE 'GAG PAR 'GYUR MA YIN, ,GAL TE DER NI DRAN PA YIS, ,BZUNG NAS DE NI 'GOG CE NA, ,DRAN PAS RANG BZHIN BZUNG NA NI, ,JI LTA BUR YANG 'GAG PA MED, ,DRAN PAS RANG BZHIN MIN BZUNG NA, ,DNGOS PO MED PA'I KHYAD PAR MIN, ,'ON TE DRAN DANG RNAM RTOG LA, ,GANG ZHIG SNANG BAR GYUR PA DE, ,DE TZAM NYID DU YOD PA DE, ,PHYI YI NGO BO YOD MIN NA, DE LTA NA NI 'DI 'O NA, ,'JIG RTEN RTOGS DANG GZHAN DAG LA, ,PHYI ROL ZHES BYAR SNANG BA GANG, ,DE NI DE TZAM NYID YOD KYI, ,DE NYID DU NI RTOGS PA MED, ,RTOGS PA TZAM NYID DMIGS PA DE, ,PHYI ROL DU NI RTOGS PA MIN, ,RMI LAM LA SOGS RTOGS PA LA, ,'DI NI KHYAD PAR BZUNG BA MED; ,BAG CHAGS STOBS KYIS SBRUL PA'I PHYIR, ,'DI NI RTOGS PA TZAM NYID LAS, ,KHYAD PAR YONGS SU BCAD MIN PA, ,DE PHYIR DMIGS PA MED PAR 'DOD, ,'O NA JI LTAR GNOD BYA DANG GNOD BYED KYI NGO BO GRAGS SHE NA, RTOGS BZHIN PAR NI 'BYUNG 'GYUR DANG, ,GCIG PA NYID DU SGRO BTAGS NAS, ,DE LA GNOD BYED SHES PA NI, ,DE YI BAR DU BYUNG GYUR NA, ,GNOD PAR BYED PAS RNAM PAR GZHAG ,GAL TE GNOD BYED 'DI MED NA, ,RNAM PAR CHAD PA MED PA 'DI, ,DE BZHIN KHO NAR 'GYUR BA YIN, ,DE'I PHYIR CHAD RGYU GNOD BYED 'DOD, ,'DI LTAR GANG GI TSE DUS GZHAN DU GNAS PAR BRTAGS PA'I DNGOS PO'I DE'I TSE DUS KYI BAR NYID DU GZHAN GYI RANG BZHIN NGES PAR BRTAGS PA LHUR LEN PA'I SHES PA BYUNG BA DE'I TSE SNGAR GYI RTOGS PA'I YUL DES RNAM PAR BCAD PA NI GNOD PAR ZHEN PA'I YUL YIN NO, ,DES NA DE GNOD PAR BYED PAR RNAM PAR GZHAG GO, , 'DI LTAR GAL TE 'DI MA BYUNG NA DE'I TSE DUS GZHAN DU RNAM PAR SHES PA SNGA MA'I YUL RNAM PAR MA CHAD PAR 'GYUR BA YIN NO, ,DE'I PHYIR RJES SU 'GRO BA DANG LDOG PA DAG LAS GNOD PAR BYED PAS RNAM PAR BCAD DO ZHES RTOGS SO, ,GZHIG BYA 'JIG BYED DANG DMIGS PA'I DNGOS PO YANG DE

, ,BZHIN NO, ,'DI LTAR, LKOG GYUR BUM PA LA SOGS LA, ,RNAM NGES 'BYUNG 'GYUR DNGOS PO LA, ,DE YI RNAM CAN SHES SKYES NA, ,DE TSE DMIGS PA NYID DU 'JOG ,SHES PA SHEL LTAR RAB GSAL BA, ,DE BZHIN GANG GANG NYER GNAS PA, ,DE DE'I RNAM PA LA BRTEN NAS; ; DE LTA DE LTAR RAB GSAL BA, ,RE ZHIG LKOG TU GYUR PA YONG NGO ZHES LUNG 'GA' ZHIG GAM RJES SU DPAG PA LAS NGES PA YIN NO, ,RAB TU GSAL BA'I RNAM PAR SHES PAR GAL TE 'DI MED PAR MA GYUR NA NI, CI 'DIR YOD DAM, 'ON TE MED CES DON DE YONGS SU 'KHYAM PA 'BA' ZHIG TU 'GYUR RO, ,DON GYI BDAG NYID MTHONG BA YIN NA 'KHYAM PA 'GRAM DU PHYIN PA LTAR BRTEN PAR 'GYUR RO, ,DES NA DMIGS PA YIN NO ZHES RNAM PAR GNAS SO, ,'DI LTAR, ,SEMS NI YONGS SU PHYO BA YIS, ,SEMS PA'I BYED PA DANG LDAN SEMS, ,'DI NI DE TSE MTHONG NGO ZHES; ,SNGON MTHONG NA NI BRTAN PAR 'GYUR, ,MTHONG BA DANG THOS PA BRJOD DE RNAM PAR RTOG PA DAG CI DER MTHONG BA'AM, GTAM GYI SPROS PA THOB PA CI ZHIG CES TSOL BA LA PHYOGS PA NA GANG GI TSE JI LTAR THOS PA LA SOGS PA MNGON DU BYED PA DE'I TSE BRTAN PA NYID DU MNGON DU GYUR PA DE LA 'KHYAM PA YONGS SU GTONG BA'I RGYU MTSAN GYI DMIGS PA MED PA NYID DU RNAM PAR 'JOG PAR BYED DO ZHES BYA BA NI 'JIG RTEN GYI THA SNYAD YIN NO, ,GAL TE DNGOS 'DI'I DE NYID NI, ,DE LTAR CI STE MIN ZHE NA, ,MA YIN MNGON SUM RJES DPAG GIS, ,MA RTOGS PAS NA DNGOS NYID MIN, ,RE ZHIG MNGON SUM GYIS NI LKOG TU GYUR PA YOD PAR RTOGS PA MA YIN NO, ,DE MED PA'I PHYIR RJES SU DPAG PAS KYANG MA YIN NO, ,CI'I PHYIR ZHE NA, LKOG TU GYUR PA'I DNGOS PO YOD PAR GRUB PA YIN NA MNGON SUM DE LA DMIGS PAR GRUB LA, MNGON SUM DMIGS PA DANG BCAS PA YIN NA YANG DNGOS PO'I 'BRAL PA GRUB CING DE LAS NI DE DANG 'BREL PA'I RTOGS KYI DNGOS PO LAS SKYES PA'I RJES SU DPAG PAS DNGOS PO GO BAR BYED PA YIN NO, ,DE'I PHYIR RJES SU DPAG PAS RAB TU GRUB PA'I DNGOS PO YUL YIN PA'I PHYIR MNGON SUM DMIGS PA DANG BCAS PA YIN LA, DE LA RJES SU DPAG PA'I DNGOS PO DANG

'BREL PA YIN ZHING DE LAS DNGOS PO RTOGS PA'I PHYIR 'KHOR LO LTA BU GNAS PA MED PAR RNAM PAR GNAS PAR 'GYUR BA'I PHYIR DNGOS POR RTOGS PA SRID PA MA YIN NO, ,DE LTAR DNGOS PO RTOGS BYED PA, ,MED PAR KHAS BLANGS 'BA' ZHIG YIN, ,TSAD MA'I RANG BZHIN SHES PA LAS, ,SNGAR RIG YOD PA YIN PA'I PHYIR, ,RTOGS PA DE YI RJES 'BRANGS TE, ,KHYAD PAR KHYAD PAR CAN NYID YIN, ,DE YI RANG BZHIN MA BRTAGS PAR, ,NGA'AM KHYOD KYIS SNGAR RTOGS PA, ,DE NI PHYI NAS RNAM BRTAGS NA, ,JI LTA BUR NA DE RIG CES, ,GAL TE DE LTAR RNAM DPYOD NA, ,DE NYID DU NA DE LTAR DE,, MED NA MED NYID GANG GIS NA, ,BRGAL ZHING BRTAGS 'GYUR 'DIR SKYON CI, ,GAL TE SNGA PHYI SHES PA YI, ,GNOD BYA GNOD BYED NGO BO NI, ,RANG NYID RTOGS NA GANG GIS NA, ,BRGAL ZHING BRTAG 'GYUR SKYON CI YOD, ,'GA' ZHIG BDAG NYID KHO NA LA, ,BRGAL ZHING RTOG PA RIG GAM CI,, DE YI 'KHRUL NYID GA LAS ZHES, ,BDAG LA BRGAL BRTAG RTEN MA YIN, ,'KHRUL NYID NGES PA YIN NA DER, ,RGYU BTZAL BAS NI CI ZHIG BYA, ,GANG TSE GZHAN YANG DE LTA BUR, ,SHIN TU GSAL BAR RTOGS BYED PA, ,DE TSE DE YANG NGA 'DI LTAR, ,'KHRUL PA GA LAS ZHES MI SMRA, ,GANG GI TSE 'KHRUL PA SRID PA NA RANG NYID RNAM PAR RTOG PA DANG LDAN PAS 'DI NI DNGUL MA YIN ZHES DE SLAR LOG PA DE'I TSE, GANG GIS NGA'I PHYOGS SKYON MED PAR 'GYUR BA JI LTAR NA DNGUL MA RTOGS PAR DE'I KHYAD PAR CAN DNGOS PO MED PA RTOGS PAR 'GYUR BA'I KHYAD PAR RAB TU MA GRUB NA YANG DE'I KHYAD PAR CAN LKOG TU GYUR PA JI LTAR SHES PA YIN, SHES PA BDAG NYID GROL ZHING RTOG PAR BYED PA 'GA' YANG YOD DAM CI, GZHAN LA SGRUB PA NA YANG DE BZHIN NO, ,GAL TE DER NI BDEN PA'I DNGUL MTHONG BAS 'KHRUL PA SRID NA, 'DI NA 'GA' YANG MTHONG BA MED PA'I PHYIR GANG LAS 'KHRUL PAR 'GYUR ZHE NA, 'DI NI 'OG NAS BSTAN PAR BYA'O, ,GZHAN YANG GAL TE DON DAM PAR 'KHRUL PA RNAM PA CI ZHIG LTAR RTOGS NA NGA 'KHRUL PA'I RGYU TSOL BA'I NGAL BAS CI ZHIG BYA, GAL TE RGYU MED NA 'KHRUL PA NYID DU MED 'GYUR RO ZHE NA, DE NI MED DE, RGYU YOD PAS NA 'KHRUL PA MIN, ,DON DAM

, ,PA LA 'ANG RGYU YOD NYID, ,GAL TE RGYUR BCAS PHYIR 'KHRUL NA, ,KHYED KYI 'DOD PA'ANG NYAMS PAR 'GYUR, ,RGYU YOD DO ZHES BYA BA DE TZAM GYIS NI 'KHRUL PA MA YIN TE, DE LTA MA YIN NA KHYED CAG GI THAMS CAD 'KHRUL PAR 'GYUR RO, ,MA 'KHRUL PA 'DI GA LAS ZHES MA 'KHRUL PA LA YANG BRGAL ZHING BRTAG PAR BYA BA NYID YIN NA, ,DE LTAR RTOGS PA'I PHYIR RO ZHE NA, 'DI NI 'KHRUL PA LA YANG MTSUNGS SO, ,'KHRUL PA NI MA 'KHRUL PA SNGON DU 'GRO BA CAN YIN NO ZHE NA, GAL TE RGYU MED PA'I PHYIR RNAM PA CI ZHIG LTAR MA 'KHRUL PA ZHES BYA BA MED PA NYID LAS CI'I 'KHRUL PA MED PAR 'GYUR RAM, YOD MOD JI LTAR RTOGS BYA STE, 'KHRUL PA NI MA 'KHRUL PA LAS BZLOG PAS RNAM PAR GZHAG PAR BYA BA MA YIN NO ZHE NA, GZHAN LA YANG MTSUNGS TE, MA 'KHRUL PA YANG 'KHRUL PA LAS BZLOG PA YIN PA'I PHYIR RO, ,GAL TE MA 'KHRUL PA NI SGRUB PA'I TSUL NYID KYIS YIN TE, 'KHRUL PA LAS BZLOG PA NI MA YIN TE, 'KHRUL PA NI GNOD PAR BYED PA YOD NA YIN NO, ,DES 'KHRUL PA NI MA 'KHRUL PA LAS BZLOG PA KHO NAS YIN NO ZHE NA, DE YANG MI RUNG STE, SGRUB PA'I TSUL DU MTHONG BA GANG, ,DE NYID DE LTAR RTOGS PA YIN, ,PHYI LA SGRUB PA YOD MIN PA, ,DE PHYIR DE LA 'KHRUL PAR NGES, ,'ON TE GANG LA RGYU YOD PA DE 'KHRUL PA YIN NO ZHES NI MI SMRA STE, 'KHRUL PA GANG YIN PA DE'I NI RGYU MED PAR MI GYUR RO ZHES BRJOD DO ZHE NA, DE LTA NA NI 'O NA KHYAD PAR DANG BCAS PA RGYU YIN PAR 'GYUR RO, ,'KHRUL PA'I RGYU NI YOD PA LAS, ,'KHRUL 'GYUR DE LTA MIN PAR MIN, ,'KHRUL PA'I RANG BZHIN SHES NA YANG, ,DE RGYU RNAM PAR NGES PA YIN, ,DE RGYU KHYAD PAR DANG BCAS PA YIN NA, DANG PO'I 'KHRUL PA SHES PAR BYA BA YIN NO, ,YANG DE YANG 'KHRUL PA'I RGYU LAS YIN PA'I PHYIR GNAS PA MED DO, ,DE'I PHYIR RGYU YOD DAM MED KYANG RUNG STE, RANG BZHIN GANG GIS DE 'KHRUL PA YIN PA'I RANG BZHIN DE SHES PA NYID KYIS RNAM PAR GZHAG PA YIN NO, ,RANG GI NGO BOS DNGOS POR 'GYUR BA YIN GYI, RGYU'I RANG BZHIN GYIS NI MA YIN NO, ,RANG GI NGO BO DE GA LAS ZHE NA, 'DIS CI ZHIG BYA, 'KHRUL PA'I RANG GI NGO BO RTOGS PA DE YANG 'KHRUL PA

NA YIN PAR GA LAS YIN ZHE NA, GAL TE 'DI RTOGS PA DE LTAR DE YANG YIN NA YIN MOD CI ZHIG SKYON, SNGA MA 'KHRUL PAR 'GYUR RO ZHE NA, DE YANG MA YIN TE, DNGUL DU RTOGS PAR 'GYUR BA NI, ,NYA PHYIS RTOGS NA LDOG PA YIN, ,GAL TE LDOG RGYU GZHAN YOD NA, NYA PHYIS RTOGS PA'ANG LDOG PA NYID, ,DES NA DNGUL DU 'DZIN PA YI, ,SHES DE JI LTAR SLAR YANG NI, ,BDEN 'GYUR GNYI GA RTOGS KYANG NI, ,MED CES MTHONG BA MED DAM CI, ,GAL TE LA LA DAG TU YANG, ,DE YI SHES PA BDEN GYUR NA, DE LA BRTAN PAR YOD 'GYUR PHYIR, ,GZHAN LA BZLOG PAR 'GYUR PA YIN, , GNOD BYED RTOGS PA YOD NA NI, ,GZHAN LA LOG PAR 'GYUR BA YIN, GAL TE DE LAS BZLOG PA NI, ,BDEN BYED GNOD BYED SHES MED NA, DE TSE BZLOG PA MED PA YI, ,NGO BO GANG GIS RTOGS PAR BYED, ,'DI LA SMRAS PA, GAL TE BZLOG RIG DE STE LTA MIN, ,DNGOS PO MED PA NGES PAR JI LTAR 'GYUR, ,'ON TE NGES PA MI DMIGS PAS BYAS NA, NGES PAR BYED RGYU GZHAN GYIS CI ZHIG BYA, ,GAL TE BZLOG PAR DMIGS PA'I PHYIR, ,DE MA GRUB PAR BRJOD NA NI, ,PHYI ROL RIG PA MED PA'I PHYIR, ,RANG RIG TZAM DU 'GYUR BA YIN, ,DE'I PHYIR MI DMIGS PA NYID GNOD PAR BYED PA'I TSAD MA YIN GYI GZHAN NI MA YIN NO ZHES RIGS SO, ,DE NI 'DI LA YANG YOD PA'I PHYIR JI LTAR RNAM PAR SHES PA DMIGS PA DANG BCAS PAR 'GYUR, DE'I PHYIR BLO NI RIG PAR BYA BA MED PA'I RIG PA'I BDAG NYID YIN NO, ,LDAN PA'I DON SGRUB BYA YIN NO ZHES BRJOD PA GANG YIN PA DE YANG SHIN TU MI 'THAD DE, 'DIR NI LDAN PA'I DON MED NYID, ,DON DAM PA NI BSGRUB BYA YIN, ,DE LTA MIN NA DE YI TSE, ,DMIGS MED BSGRUB BYAR 'GYUR BA YIN, RNAM PAR SHES PA DMIGS PA MED PA YIN NO ZHES GANG GIS DMIGS PA MED PA NYID BSGRUB BAR BYA BAR ZHUGS PA DE LA JI LTAR DE NYID BSGRUB PAR BYA BA YIN NO ZHES NYE BAR DGOD PAR BYA BA YIN, 'DOD PA YUL DU BYAS PA'I PHYOGS DE JI LTAR GZHAN DU BYED, GANG ZHIG GIS GANG BSGRUB BAR 'DOD PA DE NYID PHYOGS YIN NO, ,DE STE DE LTA BU DE SGRUB PAR MI NUS PA YIN NA, DE LTA YIN NA 'DI GTAN TSIGS KYI SKYON NYID DU 'GYUR KYI PHYOGS KYI

, ,NI MA YIN NO, ,DNGOS PO MED PA DANG LDAN PAR SGRUB PA YANG LDAN PA'I DON NYID DO, ,DON DAM PAR LDAN PA'I DON BSGRUB PAR BYA BA NYID LA NI, TSAD MA YOD PA MA YIN TE, CHOS DANG CHOS CAN GYI RTEN BRTAGS PA YIN PA'I PHYIR RO, ,RANG BZHIN DU GYUR PA'I CHOS NYID LDOG PA'I SGO NAS THA DAD PAR RNAM PAR GZHAG NAS DON DANG LDAN PA RTOG PA YIN NO, ,DE LA GAL TE THA SNYAD 'DI KUN RDZOB TU YIN PA DE LTA NA YANG DE TZAM GYI CHAD PA NI MED DO, ,GLANG PO CHE'I LTA STANGS KYIS RE ZHIG THA SNYAD 'DI 'JUG PA YIN LA, PHYIS NGES PAR BRTAGS NA NI 'DI YANG 'JIG PA KHO NA'O, ,KUN RDZOB CES BYA BA 'DI CI ZHIG ,GAL TE DNGOS PO YIN NA DE NYID BRJOD PAR BYA BA YIN TE, DE LA MING GZHAN GYIS CI BYA, 'ON TE CI YANG MED PA YIN NA DE'I TSE KUN RDZOB CES BYA BA'I MING GZHAN GYIS CI BYA ZHE NA, BDEN PAR MCHOG TU GOMS DE LA, ,DON DAM DU NA DE NYID MED, ,RNAM PAR DPYAD NA STONG PAS NA; ,DE NI KUN RDZOB CES BRJOD DO, ,DE KHO NA LA SGRIB PA'I PHYIR KUN RDZOB PO, ,RE ZHIG SNANG BA'I RANG BZHIN MED DO ZHES BYA BAR NI MI RIGS SO, ,RNAM PAR DPYAD NA NI MED PA'I PHYIR DNGOS PO MED PAR NGES PA YIN NO, ,DES NA DON DAM PA LA LTOS NAS KUN RDZOB CES BRJOD DO, ,KUN RDZOB TU YOD DO ZHES BYA BA NI 'KHRUL PA'I SHES PA LA LTOS NAS YOD DO ZHES BYA BA YIN NO, ,'KHRUL PA LA GNOD PAR BYED PA MA SKYES PAS BDEN PA NYID DU MNGON PAR RLOM PA'I PHYIR 'DI KUN RDZOB KYI BDEN PA ZHES BRJOD DO, ,DES NA 'DI YANG BRJOD PAR BYA BA KHO NA STE, MED NA JI LTAR 'DI 'KHRUL YIN,, YOD DO ZHE NA JI LTAR 'KHRUL, ,GAL TE DE NYID MI SNANG 'KHRUL, ,KUN RDZOB DE NYID MIN CES MIN, ,DE NYID MIN BDEN MI RUNG NA, ,BDEN PA SNANG BAR CIS MI 'GYUR, ,DES NA BDEN LTAR SNANG BA YANG, ,KUN RDZOB BDEN PA ZHES BYA BA, ,SLU BA'I TSIG TU JI LTAR 'GYUR, ,KHA CHU 'THUNG ZHES BRJOD PA BZHIN, ,GANG ZHIG BDEN PA MA YIN PA YANG, BDEN LTAR SNANG BA MI 'BYOR BA, ,DE YI BDEN PA SNANG BA NYID, ,RJOD PAS 'DRID PA CI ZHIG YOD, ,DE PHYIR GZHAN BSAM MA SHES PAR, ,BDAG BSTOD BRJOD PAR 'DOD PA YIS, ,SMRA BA 'BA' ZHIG DE LAS NI, ,'DRID PA GZHAN NI YOD

MA YIN, ,NGES NA RE ZHIG 'DI GZHAG STE, ,'DI NYID LA PHA ROL POS BRJOD PA GZHAN BRJOD DO, ,GAL TE DNGOS PO THA DAD PA, ,MA YIN PAR NI 'GOG NA YANG, ,'GRO BA GZHAL BYA NYID DU NI, ,THA DAD MED PAS GRUB PA SGRUB, ,GZHAL BYA NYID KYIS 'GRO BA THAMS CAD RIG PA LAS THA DAD PA MED PA NYID DO, ,GAL TE SHIN TU THA DAD PAS, ,DNGOS STZOGS RNAM PA THA DAD PAS, ,BLO DMIGS MED PAR 'DOD PA NYID, ,'DZIN LAS THA DAD MED CE NA, ,NUS PA'I DBYE BA 'GAL BAR 'GYUR, ,GAL TE DMIGS PA MED PA'I BLO YANG SKYE BAR SGRUB NA, PHYI ROL GZUNG BA DANG BRAL BA, , MTHONG PHYIR DE NI NGED KYANG 'DOD, ,KHYED NI RNAM PA NI LTAR YANG, ,YANG DAG NYID DU 'DI MI 'DOD, ,'DI NI SMIG RGYU'I BLO BZHIN DU, ,RANG GI CHA LA GNAS PA NYID, ,SGRUB PAR BYED PA LAS SKYES BLOS, ,NAG PO LA SOGS SHES PA YIS, ,CHOS GYUR DMIGS PA MED PA NYID, ,GAL TE 'DZIN PA MIN NA NI, ,DES NA YUL THA DAD PAS NA, ,'GAL ZLA BZLOG PA MED PA YI, ,RANG BZHIN YIN PHYIR DMIGS DANG BCAS, ,'GYUR BA GANG GIS ZLOG PAR BYED, ,GAL TE RTOGS BYED SGRA YANG NI, ,RTOGS PA YIS NI BZUNG GYUR CING, ,RIG PA YIS NI DMIGS PA NYID, ,'GOG NA GRUB BA BSGRUB PA YIN, ,GAL TE BLO SKYED NUS PA NI, ,'GOG NA BSGRUB BYA 'GRUB MI 'GYUR, ,KHYOD KYIS SGRUB BYED SPYOR BA NI, ,RTOGS PAR BYED PA MED PAR MIN, ,BRJOD PA 'BREL PA MED PAR MIN, ,DE YANG THA DAD MED MI 'GYUR, ,DE YANG DE RTEN THA DAD PA, ,RTOGS PAR BYED BLO MED PAR MIN; ,CHA SHAS BCAS PA'I DAG DANG NI, ,PHYOGS DANG GTAN TSIGS DPER BCAS DANG, ,RGOL DANG PHYI RGOL RTOGS PA'O, ,RNAMS KYIS SO SOR MA BZUNG BAR, ,SGRUB PAR BYED PA SBYAR MI 'GYUR, ,GAL TE DE LDAN 'DOD NA NI, ,DE TSE KHYED KYI DAM BCA' BA, ,KHAS BLANGS SNGA MAS GNOD PAR 'GYUR, ,ZHES BYA BA 'DI THAMS CAD NI GYI NA'O, ,SHES LAS GZHAN PA MED PA NI, ,DMIGS PA MED PA YIN PAR BRJOD, ,DE CHOS YOD KYANG BLO DE LAS, ,SDO STZOGS THA DAD MED MI 'GYUR, ,GAL TE DE'I CHOS SHES BYA NYID LA SOGS PAS CHOS DE DANG LDAN PA NYID DU THA MI DAD PA DE LTA NA YANG SHES

, ,PA NYID MED PA'I PHYIR DE NI THA DAD PA NYID DO, ,MI NYID DANG LDAN NA YANG RIGS NGAN BRAM ZE LAS THA MI DAD PAR 'GYUR BA NI MA YIN NO, ,DES NA RNAM PAR SHES PA YANG BDAG LAS THA DAD PA'I DMIGS PA SHES PA NYID DANG BRAL BAS DMIGS PA MED DO ZHES SKABS LAS RTOGS SO, ,GZHAL BYA NYID KYANG GAL TE GZHAL BYA LAS THA MI DAD NA DE'I PHYIR SHES PA LAS DE THA DAD PAS GRUB PA LA SGRUB PAR GA LA 'GYUR, RIG DANG DE LAS GZHAL BA DAG ,GZHAL BYA NYID PHYAR DBYER MED NA, ,MYONG LAS GZHAN DE MED NYID DE, ,DE NI RNAM SHES NYID YIN NO, ,SHIN TU THA DAD LA LTOS TE, DMIGS PA MED PAR SGRUB BYED NA, ,CI PHYIR GRUB PA SGRUB 'GYUR TE, ,RTOGS MED SHIN TU THA DAD YIN, ,GAL TE RNAM PA 'GAL ZHIG GIS THA DAD NA YANG GTAN THA DAD PA NYID DE, THA DAD PA DANG THA MI DAD PAR NI LTA BAR MI NUS PA'I PHYIR RO, ,DES NA THA DAD PA NI SHIN TU THA DAD PA KHO NA'O, ,DES DMIGS PA MED NA RANG GI CHA LA DMIGS PA LA 'BA' ZHIG TU ZAD PA DES NA JI LTAR GRUB PA SGRUB PA NYID YIN, SHES PA'I RNAM PA NYID KYIS GZUNG BA THA DAD PA MED NA NANG GI BYE BRAG TU 'GYUR MOD, DE LTA NA YANG DE DMIGS PA THA DAD PA MED PA NYID DO, ,GNYI GA RTOGS PA'I NGO BOR NI,, GYUR NA JI LTAR DMIGS BCAS YIN, ,BDE BA DANG NI SDUG BSNGAL DAG ,GNYI GA RTOGS LA DE MED DO, ,RTOGS LAS MI GZHAN GZUNG 'DZIN GYI, ,DBYE DANG DKAR SNGO LA SOGS KYI, ,DBYE BAR YANG NI JI LTAR 'GYUR, ,DES NA MED NYID MIN ZHE NA, ,DPER NA RTOGS PA'I BDAG NYID KYANG, , BDE SDUG STZOGS DBYE 'DI YOD BZHIN, ,DKAR DANG BDE STZOGS DBYE BA YANG, ,GZUNG DANG CIG SHOS BDAG RIG MIN, ,DPER NA BDE BA DANG SDUG BSNGAL DAG RTOGS PA LAS THA DAD PA MED KYANG DE KHO NA NYID THA DAD PA DE BZHIN DU DKAR PO DANG BDE BA'I DBYE BA YANG YIN NA CI 'GAL, GZUNG BA DANG 'DZIN PA'I RNAM PA NI SNANG BA MED PA NYID DO, ,DKAR PO DANG BDE BA LA SOGS PA MA GTOGS PAR 'DZIN PA LA SOGS PA NYID SNANG BA NI MTSON PA MED DO, ,DE'I PHYIR 'DZIN PA LA SOGS PA'I THA SNYAD NI MA RUNGS PA'I BDAG NYID RANG 'DOD KYIS BSLUS PA DAG GIS NYE BAR BKOD PA YIN NO,,

GAL TE DMIGS PA MED PA YI, ,BLO YANG SKYE BAR RAB BSGRUB NA, ,PHYOGS 'DI SNGAR GYI PHYOGS LAS NI, ,THA DAD PAR NI JI LTAR BSTAN, ,BLO KUN DMIGS PA MED PA DANG, ,DE BZHIN THAMS CAD SKYE BA NI, ,'DI GNYIS SGRUB BYED KHYAD MED DE, ,CHOS NI JI LTAR BSGRUB BYA MIN, ,SGRUB BYED LAS SKYES BLO YIS NI, ,BSGRUB BYA DE NI CHOS GYUR NYID, ,BLO NI DMIGS DANG BCAS PA NYID, ,DMIGS PA MED PAS GCOD PAR 'GYUR, ,GANG GI TSE BLO SKYE BA THAMS CAD DMIGS PA MED DO ZHES BSGRUB PAR BYA BA DE'I TSE CHOS SU GYUR PA DON GYI DMIGS PA MED PA NYID BSGRUB PAR BYA BAR 'GYUR RO, ,DE LTAR YIN NA 'KHRUL PA'I DBANG GIS KHAS BLANGS PAS DMIGS PA DANG BCAS PA NYID SEL BA KHO NA YIN PAS JI LTAR SGRUB PAR BYED PA LA BKOD PA DON MED PA YIN, RTOGS PA'I SGRA RTOGS PAR BYED PA'I SGRA LA NI SKABS KYIS MI 'JUG PA NYID DO ZHES BSTAN ZIN TO; ,DE'I PHYIR SGRA RIG PA'I BDAG NYID MA YIN PA'I PHYIR, JI LTAR GRUB PA LA SGRUB PAR 'GYUR, GANG GIS SGRUB PAR BYED PA DON MED PAR 'GYUR PA, BLO SKYED PA'I NUS PA NI 'GOG PAR 'DOD PA MA YIN NO, ,BLO NYID SKYE BA MED DO ZHES BYA BA 'DI NI DMIGS PA MED PAR BRJOD PA'I DON MA YIN NO; ,GAL TE DMIGS PA MED PA'I BLO SKYE YANG DE SKYES KYANG CI BYA, 'ON TE DMIGS PA DANG BCAS PA YIN NA DE'I TSE DE NYID KYIS MA NGES PA NYID DA ZHE NA, DE YANG MA YIN TE, GZHAN SEL BSGRUB BYA YIN PA'I PHYIR, ,SGRUB BAR BYED PAS PHA ROL GYI, ,'KHRUG PA ZLOG PAR BYED PAS NA, ,JI LTAR SGRUB BYED DON MED YIN, ,BLO MTHA' DAG DMIGS PA MED DO ZHES BYA BA'I DON 'DI NI TSAD MA 'GA' ZHIG GIS RTOGS PAR BYA BA YIN TE, DE LTA MA YIN NA SGRUB PAR BYED PA 'GOG PAR JI LTAR 'GYUR, DES NA SGRUB PAR BYED PAS NANG DMIGS PA MED PA'I BLO YANG DMIGS PA MED PA NYID DU BSGRUB PAR BYA BA YIN NO, ,DE DMIGS PA MED PA NYID MA YIN NA JI LTAR DMIGS PA MED PA NYID DU 'GRUB, RJES SU DPAG PA NI MI SLU BAS TSAD MA YIN GYI, DMIGS PA DANG BCAS PA NYID KYIS NI MA YIN NO, ,DMIGS PA DANG BCAS PA NYID MED DO ZHES BYA BA JI LTAR MI SLU BA YIN ZHE NA,

, ,DMIGS PA MI DMIGS PA'I PHYIR RO, ,MED PA'I BLO JI LTAR MI SLU BA YIN, GAL TE SNANG BA MI DMIGS PA STE, PHYI NAS DON DE MA DMIGS PA YIN NO ZHE NA, DE LTA NA NI DMIGS PA MED PA'I BLO YANG DE KHO NA NYID NGES PA'I RGYU MTSAN YIN NO, ,DES NA SGRUB PAR BYED BA SBYAR BA NI GZHAN SEL BA RTOGS PAR BYED PA YIN GYI, RTOGS PA MED PA NI MA YIN NA, SGRA'I DON GZHAN SEL BA YANG DON RNAMS KYIS 'BREL PA YOD PA NYID DO, ,BRTAGS PA'I THA DAD PA DANG CHA SHAS DANG BCAS PA'I PHYOGS THA DAD PAR 'DZIN PA'I YUL YANG KUN RDZOB TU YONG PA NYID DO; ;RGOL BA DANG PHYIR RGOL THA DAD PAR 'DZIN PA YANG DANG PO NYID 'JIG PAR 'GYUR RAB CI, DE YANG RMI LAM BZHIN DU PHYI NAS DMIGS PA MED PAR 'GYUR RO, ,DE'I TSE 'BRAS BU GRUB ZIN NA DA MA GRUB PA LA SOGS PA'I RTZOD PAS CI ZHIG BYA, GZHAN YANG 'DI SNGAR BKOD ZIN PA'I PHYIR RTZOD PA 'DIS CI ZHIG BYA, NYES LDAN DE NYID MI SHES NYON MONG GIS, ,'THAB BRAL BUD MED DMANGS RIGS MTSAR SKYED PA, ,BRJOD PA DE NYID RTOGS PA'I MDUN DU NI, ,PHYIR YANG RAB TU 'JIG PAR MI 'GYUR MIN, ,DE'I PHYIR PHYOGS LA SOGS PA'I SPROS PA THA DAD PA DAG GLANG PO'I LTA STANGS KYIS KHAS BLANGS KYANG PHYIS DON DAM PA LA 'JUG PA NA DE MED PAR SGRUB PA LA SKYON MED DO, ,NGAS RANG GI SNANG BA NYID 'BA' ZHIG RTOGS SO SNYAM PA'I RTOGS PA LA GZHAN GYI RTOGS PAS GNOD PA MA YIN NAM ZHE NA, RTOGS PAR BYED PA RNAMS LA YANG RANG GI CHA TZAM LAS GZHAN MED DO SNYAM PA'I RTOGS PA DMIGS PA MED PAR BRJOD PA'I TSIG LAS RTOGS PA YOD PA YIN NO, ,DE'I PHYIR KHYED KYI THA DAD PAR 'DZIN PA MED PAR RTOGS PA PO RNAMS SGRUB PAR BYED PA LA MI 'JUG GO ZHES BYA BA'I RTOGS PA 'DI TSAD MA GANG LAS YIN, 'ON TE RTOGS PA THA DAD PA DANG LDAN PA MA YIN PA GANG YIN PA DE DAG NI RTOGS PA PO MA YIN NO ZHE NA, DE NI MA YIN TE, DE NYID RTOGS BYED GANG YIN PA, ,DE 'DIR RTOGS BYED MA YIN RNAMS, ,DE NYID RTOGS BYED MA YIN NA, ,RTOGS PA PO YI SKABS MED DO, ,'ON TE PHYOGS GCIG TU LHUNG BAS, RTOGS BYED NYID NI

MED CE NA, ,PHYOGS SU LHUNG BA NYID LAS NI, ,GANG LAS GROL BAR 'GYUR BA YIN, ,PHAN TSUN 'GAL BA GNYIS PO DAG ,RTOGS PAR BYA BA 'THAD MA YIN, ,GCIG LA RE RE RTOGS PA'I PHYIR, ,PHYOGS SU LHUNG BAR 'GYUR BA YIN, ,DES NA PHAN TSUN 'GAL BA'I PHYIR, ,RTOGS BYED GNYIS NI RTZOD PAS NI, ,RTOGS BYED GZHAN DAG YIN PAR NI, ,'GYUR PHYIR THUG PA MED PA YIN, ,RGOL DAG RTOGS BYED YIN ZHE NA, ,PHAN TSUN RTEN PAR 'GYUR BA YIN, ,GANG GI PHYIR NI DE GNYIS KYANG, ,NGES PAR RANG PHYOGS PHYOGS SU LHUNG, ,DE PHYIR TSAD MA'I 'ONGS PA YI, DE NYID NGES PAR KHAS BLANG BYA; ;DE DANG 'GAL BA SNGAR GYI NI, ,KHAS BLANG GANG YIN DE SEL TO, ,GANG GI TSE RTOGS PAR BYED PA RNAMS PHYOGS DANG RGOL BA DANG PHYIR RGOL BA DANG BLO THA DAD PA YIN PA DE LTA NA YANG GAL TE TSAD MA'I STOBS KYIS 'ONGS PA RGOL BA'I TSIG LAS PHYIN CI LOG BSAL BA DE LA DE DAG GIS 'GAL BA MA YIN NO, ,RANG GI BLOS NGES PAR RTOGS PAR BYED PA DE DAG GI DE YONGS SU DAG PAR 'GYUR BAS DER GTAN TSIGS KHAS MA BLANGS PA JI LTAR YIN, DES NA RNAM PA CI ZHIG LTAR SNGAR GYI KHAS BLANGS PAS 'DI LA GNOD PA YIN GYI, TSAD MA'I STOBS LAS 'ONGS PA 'DIS NI SNGA MA LA MA YIN PA'I PHYIR, JI LTAR 'DI MA 'BREL PA YIN NO ZHES GSANG STE BRJOD DO, ,GANG LA BDEN PAR RLOM YOD PA, ,DE NI DMIGS PA MED PAR 'DOD, ,DE PHYIR DE BDEN MI 'DOD PA'I, ,PHYOGS LA GNOD PA CI ZHIG YOD, ,'ON TE YANG 'DI SNYAM DU, ,CHOS DANG CHOS MIN RTOGS PA DANG, ,SLOB MA BDAG NYID DON DAM DU, , GRUB PA MED PAR CHOS LA SOGS, ,NYE BAR STON PA 'THAD MA YIN, ,DE SGRUB PHYIR NA SANGS RGYAS RNAMS, ,THA DAD BZHED YIN GSAL BAR DES, ,MDO SDE DAG KYANG KHAS BLANGS PHYIR, ,LUNG DANG 'GAL BAR 'GYUR BA YIN, ,'JIG RTEN GYI NI GRAGS PAS KYANG, ,PHYOGS LA GNOD PAR 'GYUR BA YIN; ;GAL TE MA LUS SGRUB BA BYED BLO, ,LOG PAR 'DOD NA DE YI TSE, ,JI LTAR 'DOD KUN MED PA 'AM, ,MA TSANG LA SOGS BRJOD PA YIN, ,DE DAG DMIGS DANG BCAS PA NI, ,DE DAG NYID KYIS MA NGES 'GYUR, ,DE LAS GZHAN DU KHAS LEN NA, ,DE LAS GZHAN PA'I RTOGS PA BRDZUN, ,PHYOGS

,,STZOGS NANG DU MA 'DUS PHYIR, ,DE NI PHYOGS LA SOGS PA MIN, ,DE NI LOG PAR GRUB NA YANG, ,SNGA MA THAMS CAD 'GRUB MI 'GYUR, ,DE TSE BSGRUB BYA SGRUB BYED KYI, ,SHES PA THA DAD MED PAR 'GYUR, ,JI SRID JI SRID DAM 'CHA' BA, ,DE LTAR DE LAS GZHAN BRJOD PA, ,DE SRID DE SRID PHYI MA RNAMS, ,LOG PHYIR SNGA MA GNOD PAR 'GYUR, ,RJES SU DPAG PAS GNOD PA NA, ,'GAL BA MI 'KHRUL CAN DU 'ANG 'GYUR, ,DE LTAR PHYOGS NI THAMS CAD LA, ,BZLOG PA'I SGRUB BYED BRJOD PAR BYA, ,PHYI ROL DON YOD SNYAM PA YI, ,BLO 'DI YANG DAG PA NYID YIN, ,GNOD DANG BRAL BA'I BLO YIN PHYIR, ,DPER NA RMI STZOGS GNOD BLO BZHIN, ,DE YANG LOG CES SMRA ZHE NA, ,RMI SOGS DAG LA GNOD MED PAS, ,DA NI KHYED KYI SGRUB BYED LA, ,CHOS MTHUN CAN DPE MED PAR 'GYUR, ,RNAM SHES YOD DANG THA DAD DANG, ,DE BZHIN SKAD CIG NYID SOGS BLO; ;GAL TE BDEN PAR KHAS LEN NA, ,DE NYID KYIS NI MA NGES 'GYUR, ,DE DAG LOG PAR RTOGS NA YANG, ,PHYOGS LA GNOD PAR THAL BA YIN, ,DE LTA YIN DANG BCINGS PA DANG, ,GROL SOGS RNAM GZHAG RUNG MA YIN, ,DE PHYIR THAR PA'I 'BAD PA YANG, ,'BRAS BU MED PAR THAL BAR 'GYUR, ,DE NI MA YIN TE, 'DI LTAR, GAL TE DA LTA LA BSAMS TE, ,'KHOR BA'I RTOGS PA LA GNAS NA, ,CHOS DANG CHOS MIN STZOGS DPYOD 'DI, ,DE LTAR MI 'BYOR PA MA YIN, ,'DOD SOGS DE NYID MA YIN YANG, ,BYIS PA'I RTZED MO BZHIN DU 'DOD, ,DES NA 'DOD PA GRUB DON DU, ,CHOS STON MED PAR 'GYUR MA YIN, ,'DOD PA SGRUB PA NYID NI CHOS YIN LA, ,DE LAS GZHAN NI CHOS MA YIN PA'O, ,ZHES BYA BA'I DBYE BA 'DI NI 'KHOR BAR NGES PAR RTOGS PA YIN TE, DE NI THA DAD PA'I BAG CHAGS DANG MA BRAL BA'I PHYIR RO, ,GANG GI TSE GROL BA DE'I TSE NI DE LA 'GAS KYANG DOGS PA MED DO,,PHYIS [*BYIS?] RTZED KYANG YUL LA 'DOD PA GRUB PA'I DON DU DON DAM PAR RIG PA DAG MI 'JUG PA NI MA YIN NO, ,'DI LTAR, 'GRO KUN GANG LA GANG GIS NI, ,DE NYID BLO YOD PA LA 'JUG, ,CHAGS PHYIR SDUG PA'I BLO YIS NI, ,GZUGS NGAN MA LA MI 'JUG GAM, ,DE PHYIR DE NYID MIN PA LA'ANG, ,MI RNAMS DE NYID BLO

YIS 'JUG ,GLANG CHEN LTA BA BYAS NAS NI, ,DE DANG DE STON MIN NAM CI, ,'DIS DER NAN TAN MDZAD PA NI, ,'GAL BA MED PAR BSTAN PA YIN, DE YID BSAM PAS GSUNGS PA YI, ,MDO SDE DAG GIS CI ZHIG GNOD, ,DE NYID RIG MED GRAGS PA YIS, ,GNOD PA GRUB PA SGRUB PA YIS; ;THAMS CAD DMIGS PA MED PA NI, ,DE LA NYE BAR STON PA YIN, ,DE LA SGRUB PAR BYED PA'I BLO, ,ZAD PAR DMIGS PA MED PA MIN, ,GANG TSE DE NYID RTOGS GYUR NA, THAMS CAD MED KYANG SKYON YOD MIN, ,DE TSE DNGOS PO THAMS CAD NI, ,DMIGS MED BDAG NYID YIN PAR 'DOD, ,GAL TE DE YI SGRUB BYED NI, ,DMIGS MED DE LAS MI 'GRUB NA, ,SLU BA MED PA NYID DE YIS, ,BSGRUB YIN DMIGS PA YOD MA YIN, ,DE NI CHOS MTHU CAN DPE'I PHYIR, ,DE YIS MA NGES GAL 'GYUR, ,DE LAS GZHAN PA KHAS LEN PA, ,YIN NA DE LTAR RTOGS PAR 'GYUR,, DE LAS GZHAN PA'I RTOGS PA YANG, ,LOG PA YIN PAR MI 'DOD MIN, ,DES NA LOG PA SNGON 'GRO CAN, ,SKYON GYIS MI 'DOD JI LTAR SGRUB, ,DE LAS GZHAN PA KHAS LEN NA, ,THUG PA MED PA YOD MA YIN, ,GANG LA BDEN PAR MNGON RLOM PA, ,DE NI DMIGS PA MED PAR 'DOD, ,SLU BA MED PA GZHAN LA YANG, ,DMIGS PA MED NI NGES PA RTOGS, ,DE LTA YIN DANG BZLOG PA YIN, ,SGRUB BYED BSTAN PAR JI LTAR 'GYUR, ,GNOD DANG BRAL BA'I BLO NYID NI, ,MA GRUB PO ZHES BSGRUB ZIN TO, ,RMI SOGS GNOD BLO BDEN PA NI, ,MI DMIGS PA NI BSGRUB PA YIN, ,DES SKYED RJES SU DPAG PA NI, ,GNOD BYED YIN PHYIR DMIGS BCAS SU, ,SGRUB LA GTAN TSIGS GNOD PA DANG, ,BAL BA'I BLO NI MA GRUB PO, ,SKAD CIG NYID STZOGS BLO YIS NI, ,MA NGES PAR NI BRTZAD PA GANG, ,DE NI MI RIGS GANG GI PHYIR, ,PHYI BRAL SHES PA SKAD CIG YIN, ,RNAM SHES NGO BO SKAD CIG NYID GRUB PAS, ,SKAD CIG BLO DE DMIGS DANG BCAS PA YIN, ,DES NA DMIGS BCAS PHYIR ROL CAN GRUB PA, ,MIN ZHES DE LTAR GZHAN GYI PHYOGS YIN NO, ,PHYI ROL GYI DMIGS PA'I RKYEN MED DE, RMI LAM GYI BLO BZHIN NO ZHES KHYAD PAR DANG BCAS PA PHYOGS SU BYED DO, SKAD

, ,CIG NYID LA SOGS PA'I BLOS MA NGES SO ZHE NA, MA YIN TE, RNAL 'BYOR SPYOD PA'I LTA BA LA SKAD CIG MA NYID RNAM PAR SHES PA'I BDAG NYID DU BSGRUB PAR BYA BA YIN TE, DES NA RNAM PAR SHES PA'I BDAG NYID KYI DMIGS PA DANG BCAS PA'I DPES DE LTA BUS DMIGS PA DANG BCAS PA NYID DU 'GYUR RO, ,CE STE RE ZHIG DMIGS PA THA DAD PAR GRUB PO ZHE NA, SKAD CIG NYID KYI BLO NI THA DAD PA'I DMIGS PA CAN MA YIN TE, 'DI LTAR, SKAD CIG NYID SOGS MNGON SUM MAM, ,RJES SU DPAG PAS RIG PA YIN, ,RJES DPAG DE LAS GZHAN PA YIS, , DMIGS NGANG BCAS PAR GNAS MA YIN, ,SLU BA MED PA TZAM LAS TE, SHES PA DMIGS DANG BCAS MA YIN, ,RJES SU DPAG PA'I MI SLU BA GANG YIN PA DE NI SHES PA RKYEN GZHAN GIS BAR CHOD BA YIN NO, ,DES NA DE LTA BUR GYUR PA'I SHES PA GZHAN SKYED PAR BYED PAS RJES SU DPAG PA TSAD MA YIN GYI, RANG GI RNAM PAR 'DZIN PAS NI MA YIN NO, ,SHES PA GZHAN YANG MNGON SUM NYID DO, ,DNGOS SU BYAS NAS DNGOS PO 'DZIN PAR RLOM PA YIN, DNGOS SU BYAS PA SHES PA'I RANG BZHIN SKAD CIG MA NYID DE YANG RANG RIG PA NYID KYIS MA YIN TE, DE'I BDAG TU GYUR PA DE NI RIG PA GZUNG BAR MI NUS SO, ,CI STE BZLOG PA'I TSAD MA YOD PAS RANG RIG PA'I PHYOGS 'DI NYID MI 'GRUB PO ZHE NA, DE YI RANG BZHIN RIG PA NA, ,GANG TSE GZHAN RIG YOD MIN PA, ,DE TSE RANG GI NGO BO NYID, ,MYONG BA GANG GIS BZLOG PAR RUNG, ,RIG PA MED PAS RIG CE NA, ,THAMS CAD KYIS NI CIS MI RIG, ,DE LTAR MTHONG BA MED CE NA, ,RNAM PA GZHAN DU 'ANG MTHONG NGAM CI, ,DON MGON DE LTAR BZLOG PA'I PHYIR, ,JI LTAR MTHONG DE LTAR 'DOD BYA, ,MYONG NYID BDAG NI LTA BO NA, ,DE YI MTHONG BYED GA LAS 'DOD, ,GAL TE RANG RIG BYED PAS NA, ,DE LTAR SDO SOGS LA KHYAD MED,, BDAG GI RDZAS NYID GZHAN NYID NI, ,GAL TE DE RIG PAS 'JAL NA, ,SNGON PO SOGS KYI 'ANG SNGON PO NYID, ,RIG PA RIG LAS CIS MA YIN, ,JI LTAR BDAG GI RDZAS KYI NGO BO NYID GZHAN RIG PAS RIG PA DE BZHIN DU SNGON PO LA SOGS PA LA YANG CI STE KHAS MI LEN, SNGON

PO YANG RANG RTOGS PA'I RANG BZHIN NYID NI GZHAN YIN LA, RDZAS KYI RANG BZHIN YANG ZHAN YIN PAR 'GYUR RO, ,BDAG BZHIN DU SNGON PO LA SOGS PA YANG RTOGS PA'I RANG BZHIN YIN NO, ,'ON TE GNYI GA'I RANG BZHIN SANGS RGYAS PA LA MA GRUB PO ZHE NA, MA GRUB PA DE NI SPYOD PA LA YANG MTSUNGS SO; ;MING TZAM GYIS NI GCIG GNYI GA'I RANG BZHIN DU BYA BAR MI NUS SO, ,GCIG NI GCIG GI RANG BZHIN NYID, ,YIN ZHES YID NI 'JUG PA YIN, ,DU MA'I RANG BZHIN GCIG CE NA, ,THAMS CAD GCIG TU THAL BAR 'GYUR, ,RIG BYA RIG BYED GCIG CE NA, ,SNGON STZOGS LAS NI CIS MI 'DOD, ,RIG BYA RIG BYED GCIG YIN NO, ,DE TSE SNGON PO BDAG YIN 'GYUR, ,YUL THA DAD PAS MIN ZHE NA, ,RANG BZHIN THA DAD LAS CIS MIN, ,THA DAD RANG BZHIN THA DAD LAS, ,YIN PAR 'JIG RTEN KUN LA GRAGS, ,JI LTAR RANG BZHIN THA DAD LA, ,YUL THA DAD PAS THA DAD 'GYUR; ;DE LTAR YUL SOGS THA DAD PA, ,KHYAD BYED THA DAD BYED PAR 'GYUR, ,DE'I PHYIR RANG RIG PA MED PAR RIG PA MTHA' DAG DMIGS PA MED PA NYID DO, ,BCINGS GROL LA SOGS DBYE BA'ANG, ,DAM PA'I DON DU YOD MA YIN, ,KUN LA MNYAM PAR MTHONG BA LA, ,THA DAD PA NI MED PA NYID, , DON DAM GNAS PA 'JIG RTEN GANG DU YANG, ,THAR PA LA SOGS 'BAD PA BYED PA MED, ,GAL TE DER DON MED SEMS RIG PAR LNGA NA, ,RI BONG RVA LA'ANG SGRUB PA CI YANG MED, ,JI LTAR 'BANG PA DE DON DAM PAR MED PA DE BZHIN DU BCINGS PA DANG, GROL BA LA SOGS PA'I DBYE BA YIN PAS 'DI MTSUNGS SO, ,GZHAN YANG, RNAM PAR RTOG PA SKYE BAS NA, ,PHYI ROL YOD STZOGS BRDZUN BLO YIN, ,PHYI SOGS RNAM PAR 'BYED PA YIN, ,SGRUB BYED RTOG PA MED PA MIN, ,RNAM PAR RTOG PA MED PA MIN, ,RNAM PAR RTOG PAR BYED PA NYID PHYI DANG NANG THUN MONG BA DANG, BAG CHAGS KYI RGYU CAN ZHES BYA BA LA SOGS PAR RNAM PAR 'JOG PAR BYED KYI, MNGON DU BYED PA'I RANG BZHIN RTOG PA MED PAS NI RANG GI NGO BO NYID RTOGS KYI, GZHAN GYI NGO BO NI MA YIN NO ZHES 'DI LTAR BSTAN ZIN TO, ,DES NA 'DI BSAM PA YIN TE, ,RNAM PAR RTOG PA SKYE BA NA, ,SHES PA YOD NYID LA SOGS

, ,BLO; ;GAL TE BRDZUN 'DOD LTA BYED 'DIR, ,TSAD MA GZHAN GYIS RTOGS MA YIN, ,TSAD MA MED PHYIR SHES PA 'DI, ,YOD NYID LA SOGS DES RNYED DKA', ,RNAM PAR RTOG PA MED PA NI PHYI ROL GYI TSUL NYID DO ZHES GRAG GO, ,RTOGS PA NI DON GYIS GO BAS RTOGS PAR BYA BA YIN NA, DON GYIS GO BDE NI RNAM PAR RTOG PA'I RANG BZHIN YIN LA, RNAM PAR RTOG PA YANG SANGS RGYAS PA LA TSAD MA MA YIN PA'I PHYIR SHES PA YOD PA NYID LA SOGS PA'I TSAD MA MED PAS 'JIG PAR 'GYUR RO ZHE NA, DE NI MA YIN TE, GAL TE GZHAN MED RNAM PAR RTOG ,TSAD MA YIN PAR RIG PA YIN, , GANG TSE RNAM PAR RTOG PA DANG, ,GZHAN YANG TSAD MA NYID MIN LA, ,DE TSE THAMS CAD ZHIG GYUR KYANG, ,GZHAN GYIS LEN PA CI ZHIG YOD, ,DE LTA THA SNYAD MED CE NA, ,KUN RDZOB TU NI SU YIS BZLOG ,RNAM PAR RTOG NYID KUN YIN NAM, ,GAL TE THA SNYAD KYI RGYU MTSAN YIN NA, DE'I PHYIR DE NYID DON DAM PAR 'GYUR TE, THA SNYAD LA MI SLU BA'I PHYIR RO ZHE NA DE YANG MI 'THAD DE, BAG CHAGS DANG NI 'BREL 'GYUR BA, ,MI MNGON PA YI RANG BZHIN CAN, ,SNANG BA BYUNG BAR GYUR PA NA, ,SLU BA MED PA CAN LTAR SNANG, ,GAL TE MIG SER CAN GNYIS DAG ,GSER DU MNGON PAR RLOM PA YIS, ,PHAN TSUN DU NI MI SLU BA, ,DE LA DON DAM GANG ZHIG YIN, ,'DI YANG BSHAD PAR BYA'O, ,NGED KYI SHES PA THAMS CAD NI, ,RNAM PAR RTOG PHYIR PHYIN CI LOG ,NYE DANG BSKAL DANG SEMS CAN LA, ,STZOGS PA'ANG RNYED PAR DKA' BA MED, ,'DI NI BCOM LDAN NYE BA DANG, ,DE LAS CHOS 'DI BSTAN PA DANG, , DE DAG LAS NI BZLOG PA DANG, ,'DI YOD PA DANG 'DI MED PA, ,ZHES BYA RNYED DKA' DE DAG NI, ,SGRUB BYED RNAM PAR RTOG PA YI, ,BDAG NYID MI BDEN PHYIR ZHES ZER, ,'DI NI BAG CHAGS STOBS KYIS NGES PA'I PHYIR, ,DAM PA'I DON DU MED KYANG YOD PA NYID, ,SANGS RGYAS LTA BA GCIG NYID LA, , PHYOGS SU LHUNG BA RIG PA YIN, ,BLO RNAMS BRDZUN PA NYID LA NI, ,GNOD PAR BYED PA'ANG DMIGS PA MED, ,DE LTAR BAG CHAGS LAS 'GYUR PHYIR, ,DE NYID GNOD BYED RGYU YIN NO, ,ZHES BYED PA DAG MED PAR NI, ,'KHRUL PAR JI LTAR SHES SHE NA, ,'DI NI GONG TU BSTAN ZIN TE, ,YANG NAS YANG

DU MI BRJOD DO, ,GAL TE BAG CHAGS KYI STOBS NYID LAS GZHAN GYI DBANG DU GYUR PA'I SROG CHAGS KYI BDEN PA DANG MI BDEN PAR SNANG BA 'BYUNG BA YIN LA, DE DAG KYANG GNOD PAR MI NUS PA YIN NA, DA NI RTZOD PA DANG PHAS KYI RGOL BA RTOGS PAS CI ZHIG BYA, GAL TE DE LAS BAG CHAGS SAD PA MNGON DU GYUR NA RANG NYID KHO NA RTOGS PAR 'GYUR RO, ,CI STE MA YIN NA TSIG BRGYAS KYANG MA YIN NO ZHE NA, DE NI MI BDEN TE, JI LTAR NGA YI BAG CHAGS DE, ,'DI YIS SAD 'GYUR DE BZHIN DU, ,'DI LA YANG ZHES RNAM SHES TE, ,GZHAN LA TSIG 'JUG BYED PO YIN, ,DES NA JI SKAD DU; GAL TE BLO NI MI BDEN NA, ,GNOD PA CI PHYIR DMIGS MA YIN, ,GNOD PA MED KYANG DE YIN NA, ,KHYED KYI RNAM GZHAG RUNG MI 'GYUR, ,GNYEN PO SAD PA'I SHES PA NI, ,DMIGS PAS RMI LAM LA SOGS BLO, ,NGED LAS BRDZUN PAR 'GYUR BA YIN, ,KHYED LA DBYE PA'ANG GANG GIS BYAS, ,DE YI CHOS DANG MI MTHUN PHYIR, ,CI LTAR GNOD BYED SHES PA LA, ,RMI STZOGS GNYEN PO NYID DU NI, ,'JIG RTEN KUN LA RAB GRAGS BZHIN, ,GANG ZHIG MTHONG BAS KA STZOGS KYI, ,SHES PA PHYIN CI LOG 'GYUR BA, ,BSAD PA'I SHES PA GNYEN PO NI, ,GZHAN YOD MDZES PA MA YIN NO, ,RTOGS PA 'AM RMONGS PA THAMS CAD BAG CHAGS SAD PA LAS 'GYUR BA DE LTAR YANG GZHAN RTOGS PA'I PHYIR TSIG LA 'JUG PAR BYA BA NYID DO, ,'DI LTAR RNAM PA 'DI NYID KYIS BAG CHAGS DE NYID NGA LA SAD PAR GYUR PA GZHAN LA YANG DE KHO NA LTAR 'GYUR RO ZHES NGES PAR RTOGS NAS SO SOR NGES PA'I BAG CHAGS SAD PAR BYA BA'I PHYIR, DE LTA BUR GYUR PA'I BAG CHAGS SAD PA DON DU GNYER BAS NGES PAR BZUNG STE, TSIG 'JUG PA DE'I PHYIR DON MED PA MA YIN NO, ,DES NA GAL TE BLO BRDZUN PA NYID NA CI'I PHYIR GNOD PA MA DMIGS SHE NA, DE LTA BU'I BAG CHAGS SAD PA MED PA'I PHYIR RO, ,'O NA BRDZUN PA NYID DU JI LTAR SHES SHE NA, BAG CHAGS DANG 'BREL PA NYID LAS SO, ,BRDZUN PA NI RNAM PA GNYIS TE, MI BDEN PA'I DON DANG SLU BA'O, ,PHYIN CI LOG GI BAG CHAGS SAD PA LAS NI SLU BA YIN LA, PHYIN CI LOG PA'I BAG CHAGS SAD PA LAS NI MI SLU BA YIN NO, ,

, ,GAL TE MI SLU BA YIN NA JI LTAR DON MED CE NA MI SLU BA'I RNAM PA YANG BAG CHAGS DANG 'BREL PA YIN PA'I PHYIR RO, ,MI SLU BAR SNANG BA YANG DON GYI RJES SU 'GRO BA DANG LDOG PA'I RJES SU BYED PA NI MA YIN NO, ,MED PA'I DON KYANG 'DI TZAM DU ZAD DO, ,DES NA RMI LAM LA SOGS PA'I RTOGS PA DANG MTSUNGS PA'I PHYIR MI BDEN PA'I DON NYID DO, ,GANG GIS DE MED PAS SAD PA'I SHES PA BDEN PAR 'GYUR BA, RMI LAM LA SOGS PA'I SHES PA DAG GNOD PAR BYED PA'I SHES PA LAS DON MED PA NI MA YIN NO, ,GAL TE BAG CHAGS DANG 'BREL NA, ,'DI NI MI SLU GZHAN MIN CES, ,RNAM DBYE 'DIR NI JI LTAR 'GYUR, ,GCIG LA 'GOL BA YOD MA YIN, ,DE NI MA YIN TE, BAG CHAGS DANG NI 'BREL YIN YANG, ,JI LTAR SNGO STZOGS DBYE BA DANG, ,MYUR DU 'JIG SOGS DANG LDAN PA, ,DE BZHIN MI SLU STZOGS CIS MIN, ,RNAM 'GAS MTSUNGS PA GANG YIN TE, ,RNAM PA KUN GYIS MTSUNGS SAM CI; ;MI NYID DU NI MTSUNGS NA YANG, ,BRAM ZE DANG GZHAN JI LTAR YIN, ,JI LTAR DON DANG 'BREL NA YANG, ,SHES KUN MI SLU CAN YIN PA, ,DE BZHIN 'DI NI BZLOG PA LA'ANG, ,CI PHYIR JI LTAR SRID MA YIN, ,DON RIG PHYIR NA BAG CHAGS DANG, ,'BREL PA RNAM KUN YOD MA YIN, ,GANG PHYIR THAMS CAD NGON LA NI, ,'JUG PA NYID DU MTHONG BA YIN, ,DE NI MI BDEN TE, DON GYI BDAG DE JI LTA BUR, ,MTHONG BZHIN GAL TE YOD NA NI, ,GTAN TSE DON KUN 'THOB 'GYUR TE, ,JI LTAR GNOD BYED SHES PAR 'GYUR, ,'JIG RTEN PA MIN GNYI GAR BDAG LDAN PHYIR, ,DRAN PA NYAMS PHYIR PHYIN CI LOG 'JUG PHYIR, ,GNOD PA DANG BCAS DE LTA'I DON YOD MIN, ,DES NA MI SLU BA DANG LDAN MA YIN, ,DON DE NI 'JIG RTEN PA MA YIN TE, MI SLU BA'I SHES PA LA SOGS PA'I SPYOD YUL MA YIN PA'I PHYIR RO, ,YANG NA DE YOD PA YANG YIN LA MED PA YANG YIN TE, DES NA SNANG BA YANG YIN LA GNOD PA YANG YIN NO, ,YANG NA DON DE YUL GZHAN NA GNAS PA MNGON SUM DU SNANG BA DRAN PA YIN GYI, DEN GNAS PA NYID NI MA YIN NO, ,DES NA DE MA THOB PA YIN NO, ,DE BZHIN DU PHYIN CI LOG TU SNANG BA LA YANG SBYAR BAR BYA'O ZHE NA, 'DI NI TSAD LA 'JUG PA MED PA YIN TE, SNGON SPRUL

MTHONG BA MED PAR NI, ,THAG LA SPRUL BLO 'GAR YOD MIN, ,SNGON GYI MNGON PA'I RJES 'BRANGS PHYIR, ,JI LTAR BAG CHAGS RGYU MA YIN, ,SNGON MTHONG BA MED PAR THAG PA LA SPRUL GYI BLOR MI 'GYUR RO, ,RIG PA 'DI NI SNGON MTHONG BA LAS YIN TE, 'DI LA DON NI MED DO ZHES 'JIG RTEN THAMS CAD KYIS NGES PA YIN NO, ,DE LTA MA YIN NA NI RGYU DANG 'BRAS BU'I DNGOS PO MTHA' DAG CHAD PA NYID DU 'GYUR TE, SNANG BA TZAM NI RANG RIG PA TZAM 'BA' ZHIG RGYU DANG 'BRAL BA YIN NO ZHES BSTAN ZIN TO, ,DE'I PHYIR RGYU DANG 'BRAS BU'I DNGOS PO NI NGES PA NYID MA YIN NO, ,'DI LA PHYIN CI LOG LA SOGS PAR SNANG BA DANG LDAN PAR RTOGS PA NI MED DO, ,'ON TE 'DI YANG PHYIN CI LOG LA SOGS PAR SNANG BA NYID KYIS DON MED PA YIN NO SNYAM NA, GAL TE PHYIN CI LOG SOGS RIG ,SNGON RIG RGYU LAS BYUNG YIN NA, ,DES NA RTOGS PA GZHAN DAG KYANG, ,DE LTA NYID CES RTOGS PAR 'GYUR, ,GZHAN LA DON THOB YOD DES NA, ,'JIG RTEN PA MIN STZOGS MIN NA, ,KUN DON THOB YOD MIN ZHES LA, ,SNGA MA NYID DU BSGRUBS ZIN TO, ,GAL TE DON CES NGES PA'I PHYIR, ,DE LTA MIN NA DE MI 'THAD, ,'JIG RTEN MIN LAS PHYI ROL GYI, ,DON CES NGES PA GANG DE YANG, ,DON MIN ZHES BYAR NGES PA NI, ,MI 'JUG PHYIR DON CIS MA YIN, ,'DI NI DON MED NGES YIN PA, ,DES NA MA NGES NYID MA YIN, ,BAG CHAGS GZHI CAN SHES PA NI, ,DON SNANG BA YI GNOD BYED YIN, ,DES NA GNYEN PO MI SRID PA'I, ,SAD PA'I BLO NI YOD MA YIN, SHES PA'I SNGON MTHONG BA LAS TE, ,DE YANG DE LAS GZHAN LAS YIN, ,RIG PA THAMS CAD THOG MED KYI, ,BAG CHAGS DANG 'BREL LAS SKYES YIN, ,DE NYID PHYIR NA DMIGS MED DU, ,SMRA BA 'DI NI RNAM PAR MDZES, ,DES NA 'DI YANG BSAL BA YIN TE, SAD PA'I KA SOGS BLO RNAMS KYI; ,GNYEN PO GNOD PAR BYED PA'I BLO, ,RNAL 'BYOR PA LA SKYE 'GYUR BA, ,DES NA RMI SOGS DANG MTSUNGS NYID, ,DE YI GNAS SKABS THOB RNAMS KYI, ,SROG DANG LDAN PA THAMS CAD LA'ANG, ,GNOD PA 'DI NI SKYE 'GYUR BA, ,DES NA GNYEN PO BCAS PAR GRUB, ,TSAD MAS YONGS SU

, ,DAG PA'I DON LA GOMS PA'I STOBS KYIS GDON MI ZA BAR RNAL 'BYOR PA RNAMS KYI MNGON SUM GYI TSAD MAR GYUR PA BZLOG PA LA GNOD PAR BYED PA SKYE BA YIN NO, ,DES NA RE ZHIG SKYE BA 'DI LA NI, ,'GA' LA YANG NI DMIGS MA YIN, ,DE YI GNAS SKABS RTOGS RNAMS LA, ,JI LTAR 'GYUR BA CI CHA YOD, ,CES BYA BA BSAL BA YIN NO, ,BSGOM PA'I MTHU NI RIG PA NYID DO, ,DES NA GDON MI ZA BA'I SHES PA DER 'GYUR RO ZHES CI'I PHYIR MI RIG ,DES NA JI SKAD DU, NGED KYI RNAL 'BYOR PA RNAMS LA, ,KHYED KYIS BSHAD PA'I GNYEN PO NI, , KHYED BSHAD PHYIN CI LOG SNANG BA'I, ,GNOD PA'I BLO NI 'BYUNG BAR 'GYUR, ,BRJOD PA DE NI SHIN TU MA 'BREL PA NYID DO, ,'DI LTAR, TSAD MA'I DBANG GIS MA 'ONGS PA, ,BSGOMS PA'I STOBS LAS BYUNG BA CAN, ,RNAL 'BYOR PA GANG DE DAG GI ,DE 'DRA'I RNAL 'BYOR CAN BLO LA, ,MYA NGAN LA SOGS BSLAD PA'I BLO, ,DPER CIS MED CES BSGRUBS ZIN TO, ,KHYED KYI LA NI DPE 'GA' YANG, ,YOD PA NYID NI MA YIN TE, ,DES NA KA BA LA SOGS BLO, ,GNYEN PO DANG NI BCAS PAR 'GYUR, ,BLO YIN PHYIR NA GNOD BYA YANG, ,SMIG RGYU LA SOGS BLO BZHIN NO, ,SMIG RGYU LA SOGS BLO RNAMS KYIS, ,GNYEN PO DANG BCAS 'DOD PA NYID, ,GZUNG BA GZHAN NYID YIN PAS KYANG, ,DE YI BDAG TU GNOD CE NA, ,'DI NI LTAG CHOD SMRAS PA STE, ,DE LTAR GNOD BYED GNAS MA YIN, ,JI LTAR RNAM PA 'GA' ZHIG LTAR, ,RTZA BA GCOD PAR BYED PA NI, ,GNOD BYED YIN PAR BRJOD 'DOD DE, ,DES 'DI BLUN PO'I SPYOD PA YIN, ,GNYEN PO TZAM NI BRJOD PAR 'DOD PA MA YIN TE, 'ON KYANG GNOD PAR BYED PA'I GNYEN PO NYID DO, ,DES NA GNYEN PO TZAM SGRUB PA NI MA 'BREL PA YIN NO, ,GNOD BYED KYIS KYANG MA NGES DANG, ,DE LAS GZHAN PA 'ANG SNGA MA BZHIN, ,SAD SOGS SHES PA GZHAN NYID DU, ,SGRUB BYED SHES PA BRDZUN PA NYID, ,'DIR YANG LEN NI NGED CAG GIS, ,SNGA MA NYID DU BSTAN ZIN TO, ,SAD SOGS SHES PA THAMS CAD NI, ,RANG GI CHA TZAM DMIGS PA YIN, ,JI LTAR THA SNYAD RAB GRUB PA, ,DE NI BRJOD PAR 'GYUR BA YIN, ,DE DAG RMI LAM LA

SOGS BZHIN, ,LOG BLO GNYEN PO DANG BCAS 'GYUR, ,SNGA MA NYID DU LEN BRJOD DE, ,YANG NAS YANG DU MI BRJOD DO, ,'DI LTAR BLO KUN LOG PA NYID YIN YANG, ,BSGOMS PA YI NI KHYAD RIM LAS, ,BAG CHAGS CHE CHUNG YOD PA'I PHYIR, ,GNOD BYA GNOD BYED DNGOS 'DI YIN, ,JI LTAR PHYI DANG RJES 'BREL PHYIR, ,LOG PA NYID NI MA YIN YANG, ,KHYED KYI GNOD BYA GNOD BYED KYI, ,DNGOS 'DI YIN LTAR BYE BRAG MED, ,DE LA PHYIN CI LOG LA SOGS PA'I SNANG BA'I PHYIR DE YIN PA DE BZHIN DU 'DIR YANG BAG CHAGS BRTAN PA DANG, MI BRTAN PA DAG LAS GNOD BYA GNOD BYED KYI DNGOS PO YIN PAS SKYON MED DO, ,GAL TE SANGS RGYAS BCOM LDAN 'DAS KYI THUGS RNAL 'BYOR PA NYID DANG, 'DOD CHAGS LA SOGS PA ZAD PA DANG, MTSAN MA MKHYEN PA NYID DANG LDAN PA YIN NO, ,KHYAD PAR DE YANG GNOD PAR BYAS PA'I PHYIR 'GAL BA MA YIN NAM, 'DI LTAR, CHAGS SOGS ZAD DANG RNAL 'BYOR PA; ;DE BZHEN MTSAN MA MKHYEN LA SOGS, ,KHYAD PAR JI SNYED 'DOD PA DAG ,THAMS CAD BZLOG PHYIR 'GAL BA NYID, ,KA BA LA SOGS PA'I SHES PA LA GNOD PAR BYED PA SANGS RGYAS LA SOGS PA'I SHES PA LA 'DOD CHAGS LA SOGS PA ZAD PA DANG, MTSAN MA LA SOGS PA'I KHYAD PAR JI SNYED PA DE DAG GNOD PAR BYAS PA'I PHYIR GTAN TSIGS 'GAL BAR YANG 'GYUR RO, ,'DI LTAR, GANG GI TSE RMI LAM LA SOGS PA LTAR GNYEN PO DANG BCAS PA'I LOG PA'I BLO YIN PAS KA BA LA SOGS PA'I SHES PA GNOD PAR BYAS PA DE'I TSE DE BZHIN GSHEGS PA'I YE SHES KYANG GNYEN PO DANG BCAS PA'I PHYIR LOG PAR THAL TE, RMI LAM LA GNOD PAR BYED PA KA BA LA SOGS PA'I SHES PA BZHIN NO ZHE NA, 'DIR SMRAS PA, GAL TE KHYAD PAR 'GAL BAS GNOD NA 'DIR, ,SKYON MED GTAN TSIGS MED PAR MI 'GYUR RAM, ,GTAN TSIGS THAMS CAD NUS PA LDOG 'GYUR TE, ,KUN DANG MI 'GAL BA NI YOD MA YIN, ,DPER NA RMI LAM GYI BLO KA BA LA SOGS PA'I BLOS GNYEN PO DANG BCAS PA'I PHYIR LOG PAR SGRUB PA DE BZHIN DU BLO NYID KYI PHYIR RNAL 'BYOR PA'I MA YIN PA'I SHES PA GNYEN PO DANG BCAS PA YANG YIN TE, RMI LAM GYI BLO NYID BZHIN NO, ,DE LTAR NA, JI LTAR DU

, ,BA ME SGRUB PA DE BZHIN DU 'DI NA DA LTA ME MED PA YANG SGRUB PA'I PHYIR BSGRUB BYA SGRUB PA'I GTAN TSIGS NYID 'GA' YANG MED PAR 'GYUR RO, ,GZHAN YANG BLO NYID KYI PHYIR GNYEN PO DANG BCAS PA TZAM ZHIG SGRUB KYI, KHYAD PAR GYI GNYEN PO DANG BCAS PA NYID NI MA YIN NO, , DE LTAR NA, JI LTAR BYAS PA SGRA MI RTAG PA NYID DU SGRUB PAR BYED PA DE BZHIN DU NAM MKHA'I YON TAN NYID LAS BZLOG PA YANG SGRUB PAR BYED PA'I PHYIR 'GYUR RO, ,BSTAN BCOS KHAS BLANGS PA'I PHYIR NAM MKHA'I YON TAN NYID KYANG BSGRUB BYA YIN PAR NI MI 'GYUR TE, 'DOD PA BSGRUB PAR BYA BA YIN NO ZHES 'CHAD PAR 'GYUR RO, ,DE'I PHYIR KHYAD PAR 'GAL BAS GTAN TSIGS SUN PHYUNG BAR MI 'GYUR RO, ,GAL TE, DA LTA'I GNOD BYED BLO BZHIN DU, ,SKYE BO MANG POS MA GNOD PHYIR, ,RJES SU DPAG PAS GNOD PA 'AM, ,YANG NA BZLOG PA'I SGRUB BYED BRJOD, ,KA BA LA SOGS PA'I BLO NI BDEN PA YIN TE, SKYE PO MANG PO'I GNOD PA MED PA'I PHYIR DA LTAR BA'I GNOD PA'I BLO BZHIN NO, ,RTZOD PA'I GZHIR GYUR PA KA BA LA SOGS BLO NI GNOD PAR BYA BA MA YIN TE, SKYE BO MANG PO'I BLO GNOD PAR BYED PA DE'I YUL CAN NYID DU MA SKYES PA'I PHYIR, RMI LAM LA SOGS PA LA GNOD PAR BYED PA'I BLO BZHIN NO ZHE NA, DE NI MI MTHUN PA YIN TE, 'DI LTAR, GAL TE 'BREL PA MED PAR NI, ,MA MTHONG BA TZAM 'DOD PA YIN, ,BSGRUB BYA SGRUB PAR BYED NA NI, ,LAN 'DI RIGS PAR LDAN PA NYID, ,DON DAM PAR NI RMI LAM LA GNOD PA'I BLO GNOD PAR BYA BA MA YIN PA MA YIN TE, MNGON SUM NYID GNOD PAR BYED PA MTHONG BA'I PHYIR RO, ,KUN RDZOB TU NI KA BA LA SOGS PA'I BLO GNOD PAR BYA BA MA YIN YANG NGED LA CHAD PA CI YANG MED DO, ,'O NA RMI LAM LA SOGS BZHIN, ,MI BDEN BLO YIS JI LTAR GNOD, ,CHE CHUNG KHYAD PAR YOD PHYIR ZHES, ,DANG PO NYID DU BSTAN ZIN TO, ,GZHAN YANG, SAD PA'I BLO NI BDEN PA'I PHYIR, ,RMI LAM MTHONG BA'I GNOD BYED MIN, ,DE YI GZHAN BYA DA MIGS MED PHYIR, ,MI BDEN YANG DE MED DAM CI, ,GNOD PAR BYED PA ZHES BYA BA RANG GI DMIGS PA BDEN PA NYID KYIS NI GNOD PAR BYED PA MA YIN GYI, 'ON KYANG

DE MI DMIGS PA'I PHYIR RO ZHES 'DI NI BSHAD ZIN TO, ,MI DMIGS PA'I RANG BZHIN DE YANG PHYIN CI LOG DMIGS PA'I RANG BZHIN NYID DO, ,DE NI RANG GI CHA RIG PA LA YANG NYAMS PA MED PA NYID DO, ,'DI LTAR, NGO BO 'AM GZHAL BYA GZHAL YANG RUNG, ,DE KUN THAMS CAD DE LAS BZLOG, DE NAS RANG GI CHAR GNAS KYANG, ,SAD BLOS GZHAN LA GNOD PAR 'GYUR, ,GAL TE 'DI YANG 'KHRUL PA YIN NA DE'I TSE CI LA BRTEN NAS RMI LAM LA SOGS PA'I BLO 'DIR GNOD PAR BYA BA YIN ZHE NA, DE YANG MI BDEN TE, SGRUB BYED DON NI GRUB PA NA, ,RMI STZOGS BLO DANG MTSUNGS PAR 'GYUR, , DE'I TSE NGED LA GNOD BYA DANG, ,GNOD BYED DNGOS POS CI ZHIG DGOS, ,GAL TE GZHAN BRJOD PAR BYA STE, ,SNGAR GYI SGRUB BYED SKYON YANG 'DIR, ,DE LTAR DRAN BYA BSGRUB BYA DANG, ,THA DAD MED PAS BRJOD MIN PHYIR, ,GTAN TSIGS GNYI GA LA MA GRUB, ,RTOGS PAR BYED PA'I PHYIR BLO 'AM, , 'DIS RTOGS PAR BYA BA'I PHYIR BLO ZHES RNAM PAR RTOG PA'O, ,DE LA YANG NYES PA SNGA MA BZHIN TE, BSGRUB PAR BYA BA DANG THA MI DAD PAS DAM PA'I DON GYI PHYOGS GCIG YIN PAS BRJOD PAR BYA BA MA YIN PA'I PHYIR GTAN TSIGS RTOGS PA NYID NI GNYI GA LA MA GRUB PO, ,GAL TE RTOGS PA'I KHYAD PAR NI CHOS CAN YIN LA SPYI SGRUB BYED YIN PA'I PHYIR DAM BCAS PA'I DON GYI PHYOGS GCIG MA YIN NO ZHE NA, DE LA BRJOD PA, THA DAD THA MI DAD PA YI, ,RTOGS PA'I SPYI NI KHYED CAG LA, ,YOD MIN SHIN TU THA DAD KYANG, ,'DRA BA DANG NI LDOG PA YANG, ,NGED KYI PHYOGS LA 'GA' YOD MIN, ,DES 'DI GO BYED NYID MI 'GYUR, ,DE NI GNYI GA LA SGRUB PA'I, ,GTAN TSIGS SPYI NI YOD MA YIN, ,'DI NI MI RIGS TE, 'DI LTAR, THA DAD THA DAD MED PA YI, ,RTOGS PA'I SPYI NYID MI 'DOD MIN, ,LDOG PAR MTSUNGS NYID DNGOS POR NI, ,RJES 'GRO MED CES BSHAD PAR 'GYUR, ,DE'I PHYIR GCIG TU 'DZIN PA DANG LDAN PA'I PHYIR, RTOGS PA RTOGS PA ZHES BYA BA'I DON NI GTAN TSIGS NYID DE, BRGYUD PAS DNGOS PO DANG 'BREL PA'I PHYIR RO, ,RTOGS PA ZHES BYA BA'I DON NI CI ZHE NA, NYAMS SU MYONG BA'I STE, BDAG GI RANG BZHIN MYONG BA TZAM MO, ,DES NA, PHYOGS DANG DE 'DRA LA GNAS PA'I,,

, ,KHYAD PAR DAG NI GTAN TSIGS MIN, ,RJES SU 'GRO BA NYAMS PHYIR RAM, ,DE YI CHOS SU MA GRUB PHYIR, ,ZHES BYA BA 'DI MA GRUB PO, ,DE BZHIN DU, DON MED PAR NI DE YI BLO, ,GTAN TSIGS NYID DU 'GYUR MA YIN, ,GZHI YANG MA GRUB PAR BRJOD DE, ,KHYAD PAR CAN NI MA GRUB PHYIR; ,DE BZHIN GTAN TSIGS MA GRUB DANG, ,DPE NI BSGRUB BYAS STONG PA NYID, ,KHYAD PAR RAB TU MA GRUB PA, ,DON GYI RNAM RTOG NYID KYIS RTOGS, ,'DI THAMS CAD NI SNGAR SPANGS ZIN TO, ,DES NA 'DI NI MA YIN NO, ,DES NA RTOGS PA THAMS CAD NI DMIGS PA MED PA YIN TE, RTOG PA YIN PA'I PHYIR RMI LAM GYI RTOGS PA BZHIN NO ZHES BYA BA 'DI KHA NA MA THO BA MED PA YIN NO, ,RTOGS PA THAMS CAD DMIGS PA MED PA DES NA, DES NA GZHAN RIG MED PA'I PHYIR, ,RANG RIG 'BRAS BU YIN PAR 'DOD, ,RANG RIG PA NYID 'BRAS BU YIN NO, ,RNAM PAR SHES PA RANG NYID SKYE BA NI, ,RANG RIG GSAL BAR BYED PA YIN GYI DON NI MA YIN TE, DON RTOGS PAR BYED PA LA DE NUS PA MED PA'I PHYIR DANG, DON RTOGS PA MTHONG BA MED PA'I PHYIR RO, ,'DIR BRJOD PA, GAL TE PHYI ROL MYONG GYUR NA, ,NYES PA CI YOD CI YANG MED, ,PHYI ROL DON DE MYONG GYUR PA, ,'DI NYID KYIS NI CIR BRJOD 'GYUR; ;RNAM PAR DPYAD PA ZHIB MO 'DIS CI BYA STE, PHYI ROL GYI NYAMS SU MYONG BA NYID DO, ,'BAD PA 'DI LA 'BRAS BU CI ZHIG YOD, 'JIG RTEN GYI THA SNYAD JI LTA BA DE LTA YIN LA RAG MOD, DMIGS PA MED PA NYID DU RTOGS NA NI GZHAN DU THA SNYAD BYED PA MA YIN NO, ,THA SNYAD LAS GZHAN PA'I 'BRAS BU YANG YOD PA MA YIN NO ZHE NA, DE YANG MA YIN PA NYID DE, GAL TE THA SNYAD BSGRUB BYA NA, ,THA SNYAD JI LTA DE LTAR DE, ,RIG BYED SKYES BUS MA BYAS LA, ,KHYED KYI 'BAD PA 'BRAS CI YOD, ,GANG ZHIG GANG MED PAR MED PA GZHAN GYI MCHOD SBYIN LA SOGS PA'I THA SNYAD NI SKYES BUS BYED PA LAS GZHAN GYIS LDOG PA MA YIN NO, ,CI STE DE NYID LA RNAM PAR DPYAD PAR BYAS PAS DON DAM PAR 'GYUR RO ZHE NA, DE LTA YIN NA GZHAN DU YANG DPYAD PAR BYA'O, ,'ON TE SKYES BUS BYAS PA NYID LA TSAD MA NYID YOD PAR MI 'GYUR RO ZHE NA, 'DI NI GZHAN LA YANG MTSUNGS TE, SKYES BUS MA BYAS PA NYID LA

YANG TSAD MA MED PA'I PHYIR RO, ,GZHAN YANG GANG TSE PHYI ROL 'DZIN MED PA, ,DE TSE CHAGS SOGS SPONG BAR 'GYUR, ,GOMS PA'I DBANG GIS 'JUG PAS NA, ,DE MED NA NI BZLOG PHYIR RO, ,DE KHO NA DPYAD NA 'DOD CHAGS LA SOGS PA ZAD PAR 'GYUR LA, DE YANG SKYES BU'I DON GYI MCHOG YIN NO ZHES BSTAN ZIN TO, ,DES NA DE KHO NA NYID NGES PAR BRTAG PAR BYA'O, ,PHYI ROL GYI DON NI NYAMS SU MYONG BA MED DE, 'DI LTAR PHYI ROL DON NYAMS SU MYONG BA ZHES BYA BA'I DON CI YIN, CI NYAMS SU MYONG BA LA ZHUGS PA'I PHYIR NYAMS SU MYONG BA ZHES THA SNYAD BYED DAM, 'ON TE MA ZHUGS PA NYID DU YIN; DES NA 'DI SKAD BRJOD DE, GAL TE BLO NI DE RNAM CAN, ,RNAM PA RJES ZHUGS CAN DE YOD, ,DE NI PHYI'AM GZHAN LAS ZHES, ,'DI NI DPYAD PAR RIGS PA YIN, ,DE YI RNAM PA CAN GYI BLO, ,ZHES BYA BA'I DON CI YIN, SNGON PO LA SOGS PA'I RNAM PA CAN NO, ,DE'I RNAM PA CAN ZHES BYA BA GA LAS YIN ZHES 'DI NYID DA LTAR DPYAD PAR BYA BA MA YIN NAM, DES NA BLO DE'I RNAM PA CAN YIN NO ZHES SHES PAR BYA BA'I PHYIR YANG DE NYID BLTA BAR BYA BAR 'GYUR RO, ,MTHONG BA DE LA YANG DE'I RNAM PA NYID YIN PA'I PHYIR THUG PA MED DO, ,'ON TE RNAM PA MED PAS MTHONG NA, DE'I TSE DE NYID MTHONG BA YIN PAS RNAM PA BRTAGS PAS CI ZHIG BYA, 'ON TE DE'I RNAM PA ZHES BYA BA NI DE LA NGES PAR RTOGS PA'I RNAM PA 'AM, MTHONG BA'I RNAM PA YIN NO ZHE NA, DE'I TSE NGES PAR RTOGS PA DANG MTHONG BA ZHES BYA BA'I DON CI YIN ZHES BYA BA 'DI NYID BRTZAD PAR BYA'O, ,CI STE GNYI GA YANG MTHONG NGO, , ZHE NA; DE LTA NA GNYI GA RANG GI NGO BOS MTHONG BA YIN TE, DES NA PHAN TSUN 'DZIN PAR BYED PA 'AM, 'GA' YANG MA YIN PA'I PHYIR GNYI GA YANG RANG RIG PA NYID DO ZHES BSTAN ZIN TO, ,CI STE PHYI ROL MED NA 'DI NYID MED PAR 'GYUR RO ZHE NA, DE LTA NA 'O NA BLO MED PAR LKOG TU MA GYUR PA NYID MI 'GYUR RO ZHES BYA BAR 'GYUR RO, ,'ON TE LKOG TU MA GYUR PA NYID NI MTHONG BA NYID DO, ,DE LTA YIN NA GZHAN BRTAG PAR BYA BA MA YIN NO ZHE NA, DE'I RNAM PA CAN GYI BLO YANG MTHONG BA NYID PAS GZHAN BRTAGS PAS CI BYA, 'DI LTAR, MTHONG BA'I KHYAD PAR DANG BRAL BA, ,MI 'DZIN DE 'DZIN

, ,NA 'DZIN PHYIR, ,SNGON POR SNANG BA MTHONG BA YIN, ,PHYI ROL YAN GAR DON YOD MIN, ,MTHONG BA GANG YIN PA DE NYID KHAS BLANG BAR BYA'O, ,'DI LTAR SNANG BA'I NANG DU CHUD PA'I SNGON PO NYID SNANG GI GZHAN NI MA YIN NO, ,DES NA SNANG BA LAS THA DAD PAR NI TSAD MA MED DO; DES NA KHAS BLANG BAR MI BYA'O, ,'ON TE DE NI SNANG BA'I NANG DU CHUD PAR MI SNANG DE, SNANG BA NI NANG YIN PA'I PHYIR DANG, SNGON PO LA SOGS PA NI PHYI ROL DU SNANG BA'I PHYIR RO ZHE NA, THA DAD PA YIN NA, DE SNANG BAR MI 'GYUR TE, DE NI RANG GI NGO BOS LKOG TU MA GYUR PAS SNANG BA'I PHYIR RO; ,'DI LTAR, GAL TE THA DAD YIN NA NI, ,SNGON PO LKOG GYUR MIN MI 'GYUR, ,NGO BOS LKOG GYUR MIN PA LAS, ,DE LAS LKOG GYUR MIN GZHAN MED, ,DPER NA 'DZIN PA'I RNAM PA RANG GI RANG BZHIN GYIS LKOG TU MA GYUR PA YIN GYI, 'DZIN PAR BYED PA GZHAN YOD PA LAS NI MA YIN PA DE BZHIN DU, DE DANG DUS MTSUNGS PA CAN SNGON PO LA SOGS PA YANG YIN NO, ,YANG JI LTAR 'DZIN PAR BYED PA'I RNAM PA MIG LA SOGS PA LAS YIN PA DE BZHIN DU, DE DANG DUS MTSUNGS PA GZUNG BA'I RNAM PA YANG YIN TE, RGYU DANG 'BRAS BU'I DNGOS PO NI DE YOD PA DANG MED PA'I RJES SU BYED PA'I MTSAN NYID YIN PA'I PHYIR RO, ,DON GYI SNGON DANG PHYIS YOD PA NI TSAD MAS NGES PA MA YIN TE, SNGA MA DANG PHYI MA LA MNGON SUM MI 'JUG PA'I PHYIR RO, ,'ON TE SNGON NAM PHYIS 'DI MED DO ZHES BYA BA YANG JI LTAR RTOGS SHE NA, BLO DANG BDE BA LA SOGS PA 'DZIN PA'I RNAM PA YANG CI'I PHYIR SNGON YOD PAR MI BRTAG ,'ON TE BDAG RTAG PA'I PHYIR DE BZHIN NYID DO ZHE NA, 'O NA LKOG TU MA GYUR PA YANG SNGA NYID YOD DO ZHES CI STE MI BRTAG ,'GAL BA'I PHYIR RO, ,MA RTOGS PA NI LKOG TU MA GYUR PAR MI 'THAD DO, ,THA DAD PA'I DON NI RTOGS PA MED KYANG 'THAD DO ZHE NA, THA DAD DO ZHES GANG GIS RTOGS, DE NYID PHYIR BRGYA LA 'GYUR RO ZHES THE TSOM ZA BAR RTZOD PA YIN NO, ,LKOG TU MA GYUR PA NYID KYANG CI'I PHYIR DE LTA MA YIN ZHE NA, LKOG TU MA GYUR PAR MI 'GYUR BAR THAL BA'I PHYIR MA YIN TE, GZHAN GYI LKOG TU MA GYUR PA YIN PA'I PHYIR RO, ,NGA'I LKOG TU GYUR PA

YIN ZHES RTOG PAR MI 'GYUR TE, DKAR PO LA SOGS PA BZHIN NO, ,GAL TE DKAR PO NYID BUM PA LA SOGS PA GCIG GI MA YIN YANG RDZAS GZHAN GYI YIN PA NYID DO, ,DES NA LKOG TU GYUR PA MA YIN PA NYID LAS THA DAD PA'I SNGON PO LA SOGS PA NI MED DO, ,GAL TE GANG GI TSE DON GYI DKAR PO NYID BRAL BA DE'I TSE GZHAN LA 'GRO 'AM CIG DES NA LKOG TU MA GYUR PA NYID KYANG BRAL NAS GZHAN DU 'GRO BA NI MA YIN NO ZHE NA, DE LTA NA NI 'O NA, DE DANG THA MI DAD PA'I PHYIR DON YANG DE MED PAS MED PAR 'GYUR RO, ,THA MI DAD PA NYID DU MA NGES SO ZHE NA, 'O NA NI ME YANG ME'I RANG BZHIN MED KYANG MED PAR MI 'GRUB PO, ,DE LAS THA DAD PA'I ME MED PA'I PHYIR RO ZHE NA MA YIN TE, THA MI DAD PAR MA GRUB PA'I PHYIR RO, ,DE LAS THA DAD PAR MA MTHONG BA'I PHYIR RO ZHES BYA BA NI THAMS CAD DU MTSUNGS SO, ,DE'I PHYIR LKOG TU MA GYUR PA LAS THA DAD PA NI MED PA NYID DO, ,RJES SU DPAG PA YANG LKOG TU MA GYUR PA LAS THA DAD PA SGRUB PAR BYED PA MA YIN NO, ,JI LTAR SGRUB PAR BYED PA MA YIN NA, GANG GI TSE LKOG TU GYUR PA'I GNAS SKABS KYANG SGRUB PAR BYED PA DE'I PHYIR, PHYIS RTOGS PAR 'GYUR BA'I SNGON PO NI YOD PA NYID DO ZHE NA MA YIN TE, DE LA SNGON GYI RANG BZHIN RJES SU 'BRANGS NAS RTOGS PA'I PHYIR RO, ,DE NI NYAMS SU MYONG BA'I RJES SU 'BRANG BA CAN GYI DRAN PA NYID YIN LA, NYAMS SU MYONG BA DE YANG LKOG TU GYUR PA MA YIN PA'I RANG BZHIN NYID DO, ,LKOG TU GYUR PA'I RANG BZHIN LAS SNGON PO LA SOGS PA LOGS SHIG TU NI DRAN PA'I YUL DU 'GYUR BA MA YIN NO, ,'DI NA YIN PAR JI LTAR RTOGS SHE NA MA YIN TE, 'DIR YANG DE LTA BU'I RANG BZHIN NYID SGRO 'DOGS PA YIN NO, ,GAL TE SNGAR GYI LKOG TU MA GYUR PA'I RANG BZHIN NYID SPANGS NA NI DE DANG THA MI DAD PA'I PHYIR SNGON PO'I RANG BZHIN NYID KYANG BTANG BAR 'GYUR RO, , RNAM PAR PHYE NAS NI DRAN PA MA YIN NO, ,RJES SU DPAG PA DRAN PA YIN LA LHAG PAR RTOGS PA MED PAR 'GYUR RO ZHE NA MA YIN TE, LHAG PAR RTOGS PA'I RGYU MED PA'I PHYIR RO, ,JI LTAR DE LHAG PAR RTOGS PA YIN ZHE NA, MA YIN TE, MED PA'I PHYIR RO, ,JI LTAR TSAD MA YIN ZHE NA, DANG PO NYID DU KHYAB

, ,PA GRUB PA'I PHYIR RO, ,DPER NA DU BA ME LAS 'BYUNG BAR MTHONG BA DE'I TSE, YUL GZHAN DANG GZHAN ME DANG 'BREL PA 'DI LTAR RTOGS TE, GANG DANG GANG NA ME 'DI YOD PA DE DANG DER DU BA SKYED PAR BYED DE, YUL GCIG PO NI YUL GZHAN DANG 'BREL PA MA YIN NO,, DES NA GAL TE GZHAN NA YANG ME YOD NA DER YANG SKYED PAR BYED PA NYID DO, ,DES NA DU BA'I YUL DU ME RTOGS PA NYID DO, ,DU BA'ANG ME 'BYUNG BA DE YANG DE'I RANG BZHIN NYID DU SGRO 'DOGS PA YIN GYI, GZHAN NI MA YIN TE, MI NUS PA'I PHYIR RO, ,DES NA LHAG PA'I DU BA MTHONG BA LAS LHAG PA'I ME RTOGS SO, ,'O NA GAL TE SNGA MA BAR 'GYUR BA'I YUL GYI ME LA SGRO 'DOGS PA MED PA KHO NAR DU BA MTHONG BA'I MDO KHO NA LA RTOGS PA DE JI LTAR ZHE NA, DE YANG SPYIR 'BREL PA MED PAR MI RTOGS PA'I PHYIR RO, ,'DI LTAR, GAL TE MOD LA RTOGS PA DE LTA NA YANG GANG GI TSE 'DI NA DU BA YOD MOD, ME YOD PA CI STE ZHES RGOL ZHING RTOG PA NA, DE LTA BU NYID DU SNGON MTHONG BA'I PHYIR RO ZHES BRJOD DGOS SO, ,MTHONG BA DER YANG DON DAM PAR NI MA YIN GYI, 'O NA YANG MTHONG BA DANG LHAG PAR BRTAGS PA DAG GCIG TU ZHEN PA'I PHYIR RO, ,MTHONG BA LAS THA DAD PAR NI BRTAG PAR MI NUS SO, ,GAL TE MTHONG BA LAS THA DAD PAR RTOGS NA MTHONG BA DON DU GNYER BA 'JUG PAR MI 'GYUR RO, ,MTHONG BA DON DU GNYER BAR STON PAR MI 'GYUR RO, ,MTHONG BA NYID DU RTOGS PA MED PA NI MTHONG BA DON DU GNYER BAR MI 'GYUR RO, ,YOD PA GANG YIN PA'I RTOGS SO ZHE NA, GAL TE DE MTHONG BA DANG 'BREL PAR MA BZUNG NA, JI LTAR YOD PA TZAM RTOGS PA PO 'JUG PAR BYED PA YIN, DE BAS NA SNANG BA NYID DU RTOGS PAS DE DON DU GNYER BA YIN GYI GZHAN DU NI MA YIN NO, ,SNGON PO LA SOGS PA MA RTOGS PA NI DE DON DU GNYER BAR MA MTHONG NGO, ,DES NA RJES SU DPAG PA'AM GZHAN YANG RUNG STE, RNAM PAR RTOG PA CAN GYIS SNGON PO LA SOGS PA MTHONG BA LAS THA DAD PAR RTOGS PA NI MA YIN NO, ,'O NA JI LTAR RJES SU DPAG PA LKOG TU GYUR PA'I YUL CAN YIN ZHE NA, LKOG TU GYUR PA MA YIN PA SNGA MA SGRO 'DOGS

PA'I PHYIR RO, ,JI LTAR DES DE NA ME YOD PAR RTOGS SHE NA SGRO 'DOGS PA DE LTA BU NYID YIN PA'I PHYIR TE, SMIG RGYU LA SNGON MTHONG BA'I CHUR SGRO 'DOGS PA BZHIN NO, ,GANG LA SGRO 'DOGS PA DE LKOG TU GYUR PA YIN NO ZHE NA, MA YIN TE, DE RANG GI NGO BOS MA RTOGS PA'I PHYIR RO, ,DE'I RANG BZHIN NI DE NYID YIN NO ZHE NA, DE LKOG TU MA GYUR PA NYID MA YIN PA'I PHYIR, JI LTAR LKOG TU GYUR PA NYID YIN, GZHAN GYIS RTOGS PA'I PHYIR RANG GI NGO BO RTOGS PA NYID LKOG TU GYUR PA YIN NO ZHE NA, DE NYID LKOG TU MA GYUR PA YIN PAR LAN MA YIN NO, ,GZHAN GYIS RTOGS PA ZHES BYA BA YANG 'BREL PA'I STOBS KYIS SGRO BTAGS PA NYID YIN TE, DES NA PHYI ROL LKOG TU GYUR PA RTOGS PAR 'THAD KYANG GZHAN GYIS RTOGS PA ZHES BYA BA NI LOG PA NYID DO, ,DE PHYIS RANG NYID MTHONG BA LAS GCIG TU SGRO BTAGS PA'I PHYIR 'DI NI LKOG TU GYUR PAR GYUR TO ZHES PHYI ROL LKOG TU GYUR PA RTOGS PAR RIGS KYANG, GZHAN GYIS RTOGS PA LA NI SNGAR LKOG TU GYUR PA DE NI GZHAN GYIS RTOGS PA 'DI YIN NO ZHES BYA BA LA 'DI YANG MED DO, ,DES NA LKOG TU GYUR PA ZHES BYA BA NI MED DO, ,DE'I PHYIR DON GZHAN YOD NA MTHONG BA'I KHYAD PAR DANG BRAL BA MI 'DZIN PA NYID DU JI LTAR 'GYUR, GAL TE MYONG BA LAS MA GTOGS PA'I DON MED NA SNGON PO DANG SER PO LA SOGS PA SNANG BA THA DAD PA GA LAS YIN ZHE NA, MIG LA SOGS PA NYID LAS TE, SKRA LA SOGS PAR SNANG BA BZHIN NO, ,GAL TE SKRA LA SOGS PAR SNANG BA NYAMS PA'I DBANG GIS MA YIN NAM ZHE NA, NYAMS SO ZHES BYA BA GA LAS SKRA LA SOGS PAR SNANG BA LAS SO ZHE NA, SNGON PO LA SOGS PAR SNANG BA LAS ZHES MTSUNGS SO, ,SKRA LA SOGS PA LTAR YUL THA DAD KYANG RANG BZHIN GCIG TU 'GYUR GYI, SNGON PO LA SOGS SNA TSOGS PA NYID DU MI 'GYUR BA MA YIN NAM, JI LTAR MIG BSGYUR NA 'GYUR BA DE BZHIN DU SNGON PO LA SOGS PA 'GYUR RAM CI, GAL TE MIG RNAM PAR SHES PA'I RGYUR 'DOD NA PHYI ROL YIN PA DES NA SNGON PO LA SOGS PA CI STE MA YIN, JI LTAR GZUGS 'DZIN PA LA MIG RGYU BA YIN PA DE BZHIN DU SNGON PO LA SOGS PA NANG GI KHYAD PAR 'DZIN PA DE LAS GZHAN YIN NO, ,DES NA MYONG BA NGES PA'I PHYIR

, ,PHYI'I DON GRUB PO ZHE NA, 'DIR BRJOD PA, 'DIR 'GA' ZHIG NI 'GA' ZHIG GIS, ,BAG CHAGS RAB TU SAD BYED PA, ,DE PHYIR BLO NI RNAM NGES KYI, ,PHYI ROL DON LTOS MA YIN NO, ,'DI NI BSHAD ZIN TE, MNGON SUM LAS NI PHYI'I DON MI 'GRUB STE, 'BRAS BU LDOG PA LAS BRTAGS PA YIN NO, ,'BRAS BU LDOG PA LAS KYANG MIG NYID BRTAG PAR BLA'I, DON GZHAN RTOGS PAS NI MTHONG BA'I MIG LA SOGS PA NYID KYIS DE KHYAD PAR CAN DU GYUR PA YIN NO ZHES RTOGS PA BLA'O, ,DE YANG GZHAN GYI NGOR BRJOD PA YIN TE, DE MA THAG PA'I RKYEN NYID KHYAD PAR DU RTOGS PA BLA'O, ,LUS KYANG RGYU YIN NO ZHE NA MA YIN TE, LUS SU SNANG BA LAS MA GTOGS PAR DE MED PA'I PHYIR RO, ,DER SNANG BA YOD NA YIN NO ZHE NA, DE LTA NA YANG RNAM PAR SHES PA NYID LAS RNAM PAR SHES PA YIN NO, ,LUS SU SNANG BA DANG RTZIG PA LA SOGS PAR SNANG BA DUS MTSUNGS PA'I PHYIR RGYU NYID MA YIN NO, ,'DI LTAR, SAD BYED NGES PA YIN PA'I PHYIR, ,SAD BYED DE NI YOD MIN YANG, ,JI LTAR CHAGS SOGS RTOG PA LA, ,DUS SOGS NGES PA GSAL BA LTAR, ,DE BZHIN DU SNGON PO LA SOGS PA SNANG BA NGES PA DANG LDAN PA YIN NO, ,'DOD CHAGS LA SOGS PA YUL DANG DUS DANG GNAS SKABS NGES PAR 'GYUR BA NI SAD PAR BYED PA'I RKYEN GYI DBANG GIS YIN GYI, DE DAG DMIGS PA NGES PA LA MI 'KHRUL BA LAS NI MA YIN NO, ,KA N+YA KUN DZA BA LA SOGS PA SEMS PA SNANG BA RNAMS LA SAD PAR BYED PA YOD NA GZHAN DU YANG 'GYUR RO, ,PHYI ROL NYID NI SAD PAR BYED PA MA YIN TE, RANG GI NUS PA LAS SEMS PA LAS SNANG BAS KYANG SEMS PA GZHAN GYI BAG CHAGS SAD PAR BYED PA'I PHYIR DPER NA MNGON DU GTOD PA LAS 'GYUR BA BZHIN NO, ,MNGON DU GTOD PA NI GAR YANG PHYOGS SU LHUNG BA MA YIN NO, ,MNGON DU PHYOGS PA MTSUNGS KYANG RANG BZHIN 'GA' ZHIG GSAL BAR SNANG BA'I PHYIR GOMS PA LA SOGS PA LAS KYANG 'GYUR RO, ,RMI LAM LA SOGS PA'I SHES PA LA YANG SO SOR NGES PA'I RGYU CI ZHIG YOD, SKYE BA GZHAN DU MTHONG BA'I PHYI ROL NYID, DE'I TSE NGES PA'I RGYU YIN NO ZHE NA, MA YIN TE, THAMS CAD MTHONG BA'I PHYI ROL

DE'I TSE MED PA NYID, DE'I TSE NGES PA'I RGYU GANG YIN GAL TE YUL SOGS NGES PA'I PHYI ROL SNANG BA NGES BYED YIN, DE'I YUL CAN PHYI ROL GYI NGES PA MED PA DE GA LAS, GAL TE DER RAM DE'I TSE NYID PHYI ROL NA MED NA YUL DANG DUS DES NGES PAR SNANG BA GA LAS YIN, 'ON TE DE'I DUS LA SOGS BA CAN MED KYANG DE LTAR NGES PA NI SNGAR GYI DON MTHONG BA LAS YIN NO ZHE NA, DON GYIS CI BYA STE, SNGON GYI SNANG BA NYID LAS NGES PA SRID PA'I PHYIR RO, ,'DI LTAR, SNANG BA DON GYIS STONG PAR NI, ,MI 'GYUR PHYIR NA DON BRTAGS YIN, ,SNGON GYI DON NYID LAS NGES NA, SNANG BA YIN NI CI ZHIG BYAS; ;DA NI DON MED PAR MI SNANG BAR MI RIGS SO, ,SNANG BA NI SNGAR 'GAGS PA'I PHYIR DE SNANG BA MA YIN NO, ,DE LTAR MED PA SNANG BA'I PHYIR PHYI ROL GYI DON NYID DU BRTAG PA NI MA YIN NO, ,GAL TE DON MED KYANG SNGON GYI YUL DANG DUS SU MTHONG BA 'DI LA SNANG BA YIN NA SNGON GYI DUS LA SOGS PA'I SNANG BA NYID SNANG BA RAG MOD, DON BRTAGS PAS CI ZHIG BYA STE, PHYI'I DON SMRA BA RNAMS KYIS KYANG SNANG BA KHAS BLANGS PA'I PHYIR RO, ,CI STE DER PHYI'I DON NYID SNANG BA YIN LA, 'DIR NI MI LDAN PA'I PHYIR MI SNANG NGO ZHE NA, DER LDAN NO ZHES BYA BA GANG LAS MI SLU BA'I PHYIR RO ZHE NA, MI SLU BA YANG MI SLU BA GZHAN LAS MI 'THAD PA CI YOD, DES NA MI SLU BA GZHAN YIN PA'I PHYIR MI SLU BAR SNANG BA BRGYUD PA NYID RIGS SO, ,GAL TE GANG ZHIG SKYES NAS 'JIG PA DE NI LOG PA'I SHES PA YIN TE, DPER NA DA NI RDUL MED DO ZHES BYA BA LTA BU'O, ,KA BA LA SOGS PA 'DI NI SHIN TU NGES PA YIN PAS JI LTAR PHYIN CI LOG YIN ZHE NA, DE NI MA YIN TE, BAG CHAGS BRTAN PA NYID KYIS NA, ,MOD LA 'JIG PAR 'GYUR MIN TE, ,DPER NA BAG CHAGS LAS BYUNG BA, ,'DOD CHAGS LA SOGS RTOGS PA BZHIN, ,'DOD CHAGS LA SOGS PA'I RNAM PAR RTOG PA NI BAG CHAGS KYI STOBS LA BRTEN PA DANG, DE BZHIN DU PHYI'I DON DANG BRAL BA YIN MOD KYI DE LTA NA YANG 'DI RNAM PAR BRTAGS SU ZIN KYANG, DE MA THAG NYID DU MI LDOG GO, ,DE BZHIN DU BAG CHAGS BRTAN PAS NA RMI LAM DU BSHAD PA'I RGYUN JI LTAR YANG MI LDOG GO ,'DI LTAR BRTAN PA DE NYID YANG LANGS

, ,YANG GNYID LOG CING 'CHAD PA BYED DO, ,DE'I PHYIR PHYI'I DON LA LTOS PAS NGES PA NI MA YIN NO, ,'DI LTAR, RMI LAM CUNG ZAD GANG MTHONG BA, ,SAD PAR RJES SU 'JUG PA MED, ,DE YI GNAS SKABS DA 'DRA STE, ,BYIS PA'I GCI BA NYID BZHIN NO, ,BYIS PA'I GCI BA'I GNAS SKABS RMI LAM DU MTHONG BA NI SAD PA'I GNAS SKABS SU YANG RJES SU 'JUG GI ,GZHON NU LA SOGS PA'I GNAS SU NI MA YIN NO, ,DON BYED PA LA MI 'KHRUL PA YANG SNGAR BSTAN ZIN PA'I PHYIR YANG MI SPRO'O, ,DE PHYIR GCIG LA TSUL GNYIS YOD, ,GANG PHYIR DE LTAR MYONG BA DANG, ,DRAN PAS 'DI NI RNAM PA GNYIS, ,MYONG BA NYID NI 'BRAS BU YIN, ,TSUL GNYIS ZHES BYA BA NI RTOGS PA'I RNAM PA DANG SNGON PO'I RNAM PA'O, ,THA DAD PAR RIG PA MED PA'I PHYIR NI GCIG YIN LA, LDOG PA NYE BAR BRTAGS PAS NI TSUL GNYIS YIN NO, ,DE GA LAS SHE NA, GANG GI PHYIR DE LTAR NYAMS SU MYONG BA DANG DRAN PAS SO, ,DES NA RNAM PA GNYIS LAS GZHAN RIG PA MED PA'I PHYIR DON RIG PA NI 'BRAS BU MA YIN TE, RNAM PA GNYIS MYONG BA 'BRAS BU YIN NO ZHES MJUG BSDU BA'O, ,DON RIG PAR RTOGS PA MA YIN NAM, JI LTAR RANG RIG PA YIN ZHE NA, 'DI LA BSHAD PA, GANG TSE RNAM RIG RGYU YIN LA; ;GZHAN 'DOD PA 'AM MI 'DOD PA'ANG, ,DE YI DNGOS POR MA GRUB PA, ,DE NI DE LTAR MYONG BA YIN, ,DE'I TSE DE'I DNGOS POS GRUB PA'I RGYU MED PA'I PHYIR NYAMS SU MYONG BA NYID RIG PA YIN TE, SNGON PO'I BDAG NYID YIN PA'I PHYIR RO, ,GANG GI PHYIR DE LTAR SNGON PO LA SOGS PA NYID DU MYONG BA YIN TE DE'I PHYIR DE NI DON DAM PAR RANG RIG PA NYID YIN GYI DON DU NYID NYAMS SU MYONG BA YANG DON RIG PA NI MA YIN TE, RMI LAM DU RIG PA BZHIN NO, ,YANG NA DON RIG PA NYID 'BRAS BU YIN TE, 'DI LTAR, GANG CHE SHES BYA DON DU NI, ,GNAS PHYIR SHES PA YUL BCAS YIN, ,DE TSE BDAG NYID NYAMS MYONG GANG, ,DE NYID DON DU RNAM PAR NGES, ,YANG GANG GI TSE DON GZHAN RTOGS PAR BYED PA MED PAR SHES PA'I CHA NYID LA DES DON DU NGES PAR BYED PA'I DE'I TSE SHES PA RNAM PA'I BDAG NYID NYAMS SU MYONG BA GANG YIN PA DE NYID LA BAG CHAGS LAS NGES PA'I PHYIR DON CES PA YIN NO, ,DE'I TSE

NGES BA'I STOBS KYIS DON RIG PA 'BRAS BU YIN NO ZHES RNAM PAR GZHAG GO, ,DE'I TSE NI RNAM PAR SHES PAR SMRA BA LA YANG DON RIG PA 'BRAS BU YIN NO, ,DE'I TSE GZUNG BA'I RNAM PA NI GZHAL BYA 'DZIN PA'I RNAM PA NI TSAD MA DE'I RIG PA NI 'BRAS BU YIN NO, ,YANG NA DE NYID DON CES RTOGS LA, DE YANG RIG PA YIN PA'I PHYIR RIG PA NYID 'BRAS BU YIN NO, ,GZHAN YANG PHYI'I DON KHAS BLANGS KYANG RANG RIG PA NYID 'BRAS BU YIN NO, ,'DI LTAR, GAL TE 'DI BDAG 'DOD RNAMS DANG, ,RNAM PA GZHAN DU MYONG GYUR NA, 'DOD PA'ANG MI 'DOD PA DES KYANG, ,DON RIG PAR NI 'GYUR BA YIN; ,RIG PA GZHAN NYID YIN LA DON GZHAN YIN NO ZHES NI MI NUS SO, ,DE BAS NA RIG PA'I RJES SU 'BRANG BA NYID KYIS DON RNAM PAR 'JOG PAS DE DANG GRUB PA DANG BDE BA THA DAD PA'I PHYIR PHYI ROL RIG PA NI RANG RIG PA NYID DO, ,DES NA NYE BAR BTAGS NAS PHYI ROL RIG PAR BRJOD DO, , GANG GI PHYIR GAL TE SHES PA 'DI BDAG NYID 'DOD PA RNAM PA YIN PA DANG, DON YANG RNAM PA GZHAN DU MYONG BAR 'GYUR NA, 'DOD PA'AM MI 'DOD PA STE, 'DOD PA MI 'DOD PA'I RNAM PA YIN NA, DE'I TSE DES DNGOS KYI 'JUG PAS DON RIG PAR 'GYUR BA YIN NO, ,DE LTA MA YIN NA NI NYE BAR BTAGS PA NYID DO, ,DES NA PHYI'I DON LA YANG RANG RIG PA NYID 'BRAS BU YIN NO ZHES STON TO, ,GAL TE DON YOD PA LA NI DON RIG PA NYID 'THAD PA MA YIN NAM, DE YOD PA'I PHYIR RTEN MED PAS RANG RIG PAR RIGS SO ZHE NA, DE YANG MI 'THAD DE, PHYI ROL DON NI YOD NA YANG, ,JI LTAR NYAMS SU MYONG NYID DE, ,NGES PA'I BDAG NYID RANG NGO BOS, ,MA YIN DU MA'I BDAG SKYON PHYIR, ,RNAM PAR SHES PA'I SMRA BA LA YANG RANG RIG PA NYID RNAM PA GZHAN MED PA'I PHYIR, RANG RIG PA KHAS LEN PA NI MA YIN GYI, 'ON KYANG DE NYID DU RIG PA'I PHYIR RO, ,RTEN MED PAS KHAS LEN NA NI PHYI'I DON NYID CI STE KHAS MI LEN, 'DI LTAR, GAL TE PHYI ROL DON MED PAS, ,GANG RIG GAL TE RTEN MED PAS, ,RANG GI NGO BO NYID RIG NA, ,PHYI NYID RIG PAR CIS MI 'DOD, ,RTEN MED PA NI MTSUNGS SO, ,DES NA RANG GI NGO BOS RIG PA NYID DU MTHONG BA'I PHYIR ZHES BRJOD PAR BYA'O, ,RTEN GZHAN MED PA'I PHYIR

, ,NI MA YIN NO, ,DE LA GAL TE PHYI'I DON LA YANG RANG RIG PA NYID MTHONG BAS DE NYID YIN MOD, DON RIG PA NI MI RIGS PA'I PHYIR GTANG BAR BYA BA YIN NO, ,RIG PA RNAMS RANG GI NGO BOS THA DAD PA'I PHYIR SKYES BU SO SO LA RNAM PA DU MAR RIG PA 'THAD KYI, DON NI RANG GI NGO BOS RNAM PA DU MAR RIG PA MA YIN TE, BDAG NYID DU MAR THAL BA'I PHYIR RO, ,RTOGS PAR BYED PAS RNAM PA DU MAR RIG KYANG DON NI GCIG NYID DO ZHES PHYI ROL GYI LTA BA 'DOD PA YIN NO, ,DES NA GCIG LA RANG BZHIN DU MAR RIG PA MI 'THAD DO, ,DON DU MA'I RANG BZHIN NYID DO ZHE NA MA YIN TE, KHAS BLANGS NA YANG GNYIS PO DAG ,THA DAD PAR NI MYONG MI 'GYUR, ,DON GCIG NYID LA GNYIS NYAMS SU MYONG NGO ZHES MI 'GYUR TE, RANG GI RNAM PA YONGS SU RDZOGS PA'I PHYIR RO, ,GAL TE RNAM PA GZHAN YANG DE NYID DU, RJES SU ZHUGS PAR SNANG NA DE'I TSE GCIG TU RTOGS PAR 'GYUR RO; ;YANG NA GNYIS PO DAG THA DAD PAR MYONG BAR MI 'GYUR RO ZHES BYA BA DNGOS PO'I DON TO, ,YANG NA GCIG GI MTHAR THUG PAS THA DAD PAR MYONG BAR MI 'GYUR TE, THAMS CAD LA RNAM PA DU MAR THAL BA'I PHYIR RO, ,MA MTHONG BSGRIBS PHYIR 'GYUR ZHE NA, ,DON GYI DBANG GIS RTOGS MI 'GYUR, ,GAL TE MA MTHONG BAS BSGRIBS PA'I PHYIR GNYIS MTHONG BA MA YIN NO ZHE NA, 'O NA MA MTHONG BAS GCIG TU RTOGS PA LA BSGRIBS PA'I PHYIR GCIG TU RTOGS PA LA TSAD MA GA LA YOD, MA MTHONG BA NI RAB RIB LTA BUR 'GYUR RO, ,ZLA BA NI GNYIS NYID DE GCIG NI MTHONG BA YIN LA; GNYIS PA NI MA MTHONG BAS BSGRIBS PA'I PHYIR MA MTHONG BA YIN NO ZHES BYA BA'I RNAM PAR RTOG PA 'DIR YANG 'GYUR RO, ,DE BAS NA MA MTHONG BA'I RAB RIB DANG 'DRA BA'I PHYIR DON GYI DBANG GIS RTOGS PA MA YIN NO, ,MA MTHONG BA NYID KYIS PHYI'I DON GYIS STONG PA'I RNAM PAR SHES PA SKYED DO ZHES CI STE KHAS MI LEN, 'ON TE MA MTHONG BA TZAM GYIS MI NUS NA, RUNG BA'I YUL NA GNAS PA'I DON RTOGS PA'I SGRIB PAR JI LTAR NUS PA BRJOD DGOS SO, ,DU MA'I BDAG NYID DNGOS DE LA, ,GCIG GI BDAG NYID MTHONG BYED PA, ,MA MTHONG BA DE JI LTAR NA, ,DON MTHONG BYED PAR

'GYUR BA YIN, ,ZHES BYA BA NI BSDU BA'O, ,GZHAN YANG, 'DOD PA'I MI 'DOD DON RIGS NI, ,GOMS PA'I DBANG GIS 'BYUNG BAR MTHONG, ,'DI LA MA MTHONG BA YI NI, ,BSGRUB BYA NYID DU JI LTAR RTOGS, ,DE NYID MA MTHONG YIN ZHE NA, ,MTHONG BAR 'DOD PA GRUB PA NYID, ,THAMS CAD BAG CHAGS STOBS LAS NI, ,'BYUNG BA YIN PAR GRUB PHYIR RO, ,GAL TE DON NI 'DOD PA 'AM, MI 'DOD PAR SNANG BA MA YIN TE, DON GYI RNAM PA NYID YIN NO, ,DE LTAR GYUR PA NI RTOGS PA NYID DO ZHE NA, 'DI LA BRJOD PA, GAL TE 'DOD DANG MI 'DOD PAR, ,SNANG BA RTOG YIN DON BLO MIN, , DE LA'ANG 'CHI LTAS LA SOGS PAR, ,MTSAMS SBYOR MED SEMS MTHONG BA YIN, ,'CHI LTAS KYIS ZIN PA RNAMS LA DON BLO YANG RNAM PA GZHAN DU MTHONG BA YIN NO, DE'I PHYIR DE NI MA YIN TE, DE'I PHYIR PHYI ROL GZHAL BYA LA'ANG, ,RANG NYID NYAMS MYONG 'BRAS YIN RIG ,GANG PHYIR JI LTAR 'DI RANG BZHIN, ,DE LTAR DON NI RNAM NGES DES, ,DE'I PHYIR PHYI'I DON LA YANG RANG RIG PA NYID 'BRAS BU YIN GYI DON RIG PA NI MA YIN TE, DE RIG PA 'AM RJES SU MA ZHUGS PA'I PHYIR RO, ,'BRAS BU 'DI LA YANG TSAD MA NI DON GYI RNAM PA NYID YIN TE, JI SKAD DU SLOB DPON GYIS GANG GI TSE PHYI ROL NYID GZHAL BYA YIN PA DE'I TSE NI YUL DU SNANG BA NYID 'DI'I TSAD MA YIN NO ZHES GSUNGS SO, ,'DI LTAR SHES PA RANG RIG PAR BYA BA YIN YANG RANG GI NGO BO LA MA LTOS PAR DON DU SNANG BA NYID 'DI'I TSAD MA YIN NO, ,GANG GI PHYIR DON DE NI DES GZHAL BAR BYA BA YIN NO, ,JI LTAR DON GYI RNAM PA SDUG GU LA SOGS PAR SNANG BA LA GNAS PA DE'I RANG BZHIN DU YUL DE RTOGS PAR BYED DO, ,TSAD MA'I RNAM PA THA DAD PA JI SNYED PA GZHAL BYA LA NYE BAR 'DOGS PA YIN NO, ,GAL TE THA DAD PA MED PA'I PHYIR 'DZIN PA'I RNAM PA YANG CI'I PHYIR TSAD MA MA YIN ZHE NA, 'DIR SMRAS PA, DE TSE DON SNANG 'DI NYID NI, ,TSAD YIN YOD DU ZIN KYANG NI, ,DON GZHAN MIN PHYIR PHYI ROL LA, ,'DZIN BDAG LTOS PAR BYA BA MIN, ,CI'I PHYIR DON DE DANG RJES SU MTHUN PAR 'JOG PA NI MA YIN TE, DON GZHAN MA YIN PA'I PHYIR RO, ,RNAM PA MED PAR RANG RIG PA NI DON GZHAN DU RNAM PAR 'JOG PA MA YIN TE, KUN LA MTSUNGS PA'I PHYIR RO, ,

, ,GANG PHYIR JI LTAR DON BDAG STE, ,SHES LA GNAS PA DE LTA BUR, ,'DI NI DE LTAR GNAS SO ZHES, ,NGES 'BYED, RNAM PA'I DBANG GIS DON LA DE LTAR SNGON PO LA SOGS PA RANG GI RNAM PAR GNAS PA YIN NO ZHES RTOGS SO, ,DES NA DON DU RTOGS PA'I RGYU NI RNAM PA NYID YIN NO, , DES NA DE NYID TSAD MA YIN NO, ,DE LTA NA NI 'O NA DON RIG PA NYID 'BRAS BU YIN PAS DA RANG RIG PAS CI BYA ZHE NA, DE NI MA YIN TE, 'DI LTAR DON DU RTOG PA DE NI BDAG RIG PA DANG RJES SU MTHUN PA NYID DO, ,DE NYID BSHAD PA NI, BDAG NYID RIG PA YIN, DE'I PHYIR DE NYID DON RIG 'DOD, ,'DI LTAR DON BDAG SNANG MA YIN, ,GANG GI PHYIR MI SNANG BA NI MNGON SUM GYIS GZHAL BYA MA YIN NO, ,JI LTAR LKOG TU GYUR PA'I DON LA MNGON SUM 'JUG ,MNGON SUM GYI 'BRAS BU RNAM PAR GZHAG PA'I SKABS YIN NO, ,DE'I PHYIR RANG GI NGO BO MNGON SUM YIN PA'I PHYIR DANG, GZHAN RIG PA MED PA'I PHYIR RANG RIG PA 'BRAS BU YIN NO, ,DE YI SGRUB BYED BLO LA NI, ,GNAS DON DE YI BYA BA DE, ,GANG PHYIR JI LTAR DON DE NI, ,GNAS PA DE LTAR DE RAB GSAL, ,DON 'JOG DE YI BDAG NYID PHYIR, ,RANG RIG YIN YANG DON RIG 'DOD, ,DE'I SGRUB PAR BYED PA NI BLO LA GNAS PA'I DON NYID YIN NO, ,DE'I BYA BA NI DE YIN TE, DES DE BYED PA YIN NO, ,DES NA DE DE'I 'BRAS BU YIN TE, DE DE'I RANG BZHIN DU GSAL BA'I PHYIR RO, ,DE LTA NA 'O NA RNAM PA TSAD MA NI PHYI'I DON YIN LA, 'BRAS BU RANG RIG PA NI RANG GI NGO BO LA 'JUG PA'I PHYIR YUL THA DAD DO ZHE NA, DE NI MA YIN TE, 'DI LTAR, DON 'JOG DE YI BDAG NYID PHYIR; ,RANG RIG YIN YANG DON RIG 'DOD, ,'DI DON DAM PAR NI RANG RIG PA NYID YIN LA, THA SNYAD DU NI DON RIG PA YIN NO, ,DES NI THA SNYAD DU LTOS TE, DON NYID LA 'BRAS BU YIN LA TSAD MA YANG DON NYID LA YIN PA'I PHYIR YUL THA DAD PAR GA LAS 'GYUR, DON DAM PA LA LTOS NA YANG GNYI GA YANG RANG GI NGO BO LA YANG YIN TE, DE LTA NA YANG GA LAS YIN, DE NYID BSHAD PA NI, DE'I PHYIR YUL THA DAD PA 'ANG MIN, ,'O NA PHYI ROL GYI DON GZHAL BAR BYA BA LA CI'I PHYIR RANG RIG PA 'BRAS BUR BSHAD CE NA, BSHAD PA, RANG GI NGO BOS DPYOD PA NA, ,RANG RIG 'BRAS BU YIN PAR BSHAD, ,DON RIG DE'I BDAG

NYID PHYIR RO, ,DON DAM PA LA LTOS NAS 'DI'I DON RIG PA YIN YANG RANG RIG PA NYID DO, ,RIG PA'I RANG GI NGO BO MA DPYAD PA NA DE DON RIG PA YIN YANG NGES PAR DPYAD PA NI RANG RIG PA NYID YIN NO, ,GAL TE DON RANG GI NGO BOS MI SNANG GI SHES PA NYID RANG GI RANG BZHIN DU SNANG BA YIN NA, JI LTAR DON GZHAL BYA YIN, DON DE DANG 'DRA BA'I PHYIR RO ZHE NA, DE 'DRA'O ZHES JI LTAR SHES, RNAM PAR RIG PA RNAM PA DU MA CAN YIN NO ZHES KYANG BSHAD PA YIN NO ZHE NA, 'DIR BRJOD PA, DE DANG 'DRA BA 'AM GZHAN 'DRA 'ANG RUNG, ,SHES PA DE LTAR SNANG BA YI, ,RGYU YI DON YANG SNANG BAS NA, ,DON NI GZHAL BYA NYID DU 'DOD, ,GAL TE YANG CHU MED PA NYID DU CHUR SNANG BA'I RNAM PAR SHES PA SKYE BA DE LTA NA YANG SMIG RGYU LA BRTEN NAS SKYE BA YIN PA DE'I PHYIR CI ZHIG LTAR DON NI RGYU LA BRTEN NAS SKYE BAS DON LA DMIGS PAR BRJOD DO, ,GAL TE RGYU NYID LAS DMIGS PA YIN NA, BAG CHAGS KYI RGYU CAN NYID DU 'THAD PA MA YIN NAM, DE NI RGYU MA YIN PA MA YIN TE, BAG CHAGS NI RNAM PA DE SKYED PA LA NUS PA MTHONG BA'I NGES PA YIN NO, ,DE LTAR YANG KHYED KYIS SGRUB PA YIN NO, ,GAL TE DE LTA BU'I DON MED PAR RNAM PA DE MI 'BYUNG BA YIN NA, DON RIG PAR 'THAD PA YIN NO, ,DE LTA MA YIN NA, JI LTAR RNAM PA 'GA' ZHIG LTAR, ,DON DNGOS MED PA SNANG CAN TE, ,JI LTAR DON 'DZIN CE NA BDEN, ,DE 'DRA NGAS KYANG MI SHES SO, ,GANG GI TSE DON NYE BAR GNAS PA MED PA'I YANG DE'I RNAM PA YIN PA DE'I TSE NA RE ZHIG DE DON 'DZIN PA MA YIN NO, ,YUL GZHAN DU MTHONG BA 'DZIN PA YIN NO ZHE NA, GAL TE DE'I TSE YUL GZHAN YANG MED NA JI LTAR SNANG, GANG NA YOD PA DER SNANG NGO ZHE NA, GAL TE GANG NA YANG MED NA THABS CI YOD, GDON MI ZA BAR 'GA' ZHIG NA YOD PAR NI SNANG BA NYID LAS SHES TE, DON MED NA SNANG BA MA MTHONG BA'I PHYIR 'BREL PA LAS DE LTAR RTOGS SO ZHE NA, DE LTA NA 'O NA MA MTHONG BA DE JI LTAR SNANG, DE YANG SKYE BA GZHAN LA SOGS PAR MTHONG NGO ZHE NA, MA YIN TE, NGES PA MED PA'I PHYIR RO, ,MA MTHONG BA'I YANG SNANG BAR 'GYUR RO ZHE NA, DE LTA NA 'O NA, YUL LA SOGS PA GZHAN DU NI, ,MA MTHONG BAR YANG DON DU NI, ,SNANG NA THAMS CAD DE YI TSE, ,THAMS CAD THAMS CAD RIG PAR THAL, ,

, ,MA MTHONG YANG YUL LA SOGS PA GZHAN NA GNAS PA SNANG NA THAMS CAD RIG PAR THAL LO, ,GNAS SKABS KYI KHYAD PAR MED PAR SNANG BA MA YIN TE, RAB RIB LA SOGS PAS SNANG BA YIN NO ZHE NA MA YIN TE, RAB RIB THAMS CAD LA THUN MONG BA YIN PA'I PHYIR THAMS CAD SNANG BAR THAL LO, ,GZHAN YANG, RAB RIB MTHONG BA NYAMS PAR BYED PA DE NYID MTHONG BA'I RGYU YIN LA MTHONG BA'I RGYU YIN PAS THAMS CAD MTHONG BAR THAL LO, ,GANG SNANG BA DE NYID KYIS MTHONG BA SKYED DO ZHE NA, 'O NA MA MTHONG BA NYID SNANG BAS MED PA DE NYID KYIS MTHONG BAR SKYED PAR 'GYUR RO; ,DON MED PA'I MTHONG BA NI SNANG BA MED DO ZHE NA, RUNG BA'I YUL GYI GNAS SKABS MED PAR YANG SNANG BA MED DO, ,DE NYID KYIS MA NGES SO ZHE NA, GNYI GA LA YANG MTSUNGS SO, ,DE NYID DON YIN NO ZHE NA, MA YIN TE, DON NYID MED PA'I PHYIR RO, ,DE LTA BUR GYUR PA NYID DON YIN NO ZHE NA, THAMS CAD DE LTAR 'GYUR RO, ,'JIG RTEN PA MA YIN PA NYID NA THAMS CAD 'JIG RTEN PA MA YIN PA NYID DO, ,MTHONG BA LAS MA GTOGS PA'I KHYAD PAR GZHAN NI MED DO ZHES BSTAN ZIN TO, ,THOB PA'O ZHE NA, DE YANG MTHONG BA NYID DO, ,GZHAN GYIS MTHONG BA LA SOGS PA YANG BSHAD ZIN TO, ,JI LTAR DANG PO'I SHES PA DE, ,THOB PA LA NI LTOS PA BZHIN, ,DE THOB PA YANG THOB PA LA, ,LTOS PHYIR THUG PA MED PAR 'GYUR, ,GAL TE 'GA' ZHIG RANG NYID LAS, ,THOB PA'I NGO BOR 'DOD NA NI, ,DANG PO'ANG DE LTA'I DNGOS YIN PHYIR, ,THAMS CAD MTSUNGS PA NYID DU 'GYUR, ,'ON TE THOB PA SNGON GYI NI; ,THOB PA'I NGO BOS BDEN NA NI, ,PHAN TSUN BRTEN PHYIR GCIG BDEN PA, ,MIN PAS GNYI GA DER 'GYUR RO, ,'ON TE RGYU NI DAG PA'I PHYIR, ,SHES TE BDEN PA YIN ZHE NA, ,DE YI SHES PA'ANG BDEN PA NYID, ,DE RGYU DAG PA LAS YIN TE, ,DE LTAR GCIG LA GCIG BRTEN PHYIR, ,THUG PA MED PAR THAL BAR 'GYUR, ,SMIG RGYU'I CHU LA BAG CHAGS LAS, ,DES NA DE KUN DE LTAR ZHES, ,RTOG PA LA NI 'KHRUL PA MIN, ,THOG MED 'BREL PA'I BAG CHAGS DANG, ,'BREL PAS SNGO SOGS LA SOGS PA, ,'JUG PA GANG YIN DE LA NI, ,DE LA NYES PA MTHONG BA MED, ,GAL TE SHES PA'I BDAG

NYID RANG RIG PA YIN NA BAG CHAGS DANG 'BREL PAR YANG JI LTAR 'GYUR, GAL TE 'BREL PA RANG BZHIN LAS, ,THA DAD YIN NA GANG GIS 'DZIN, ,GAL TE DE NI RANG BZHIN NYID, ,YIN NA MING TZAM BYAS PAR 'GYUR, ,GAL TE 'BREL PA DANG YUL RANG GI NGO BO LAS THA DAD PA'I BDAG NYID YIN NA, DE'I TSE THA DAD PAR GYUR PAR BZUNG BAS RANG RIG PA MA YIN NO, ,THA DAD PAR 'GYUR PA MA YIN NO ZHE NA NI, 'O NA NI 'BREL PA CAN GNYIS NYID DU ZAD KYI 'BREL PA NI MED PA'I PHYIR 'BREL PA 'DZIN PA MI SRID DO ZHE NA, DE YANG MA YIN TE, GANG GI PHYIR, 'DI NI BAG CHAGS DANG 'BREL PAR, ,BDE BLAG TU NI RTOGS PA YIN, ,DRAN PA RNAM SHES SNGA MA DANG, ,'BREL PA NYID DU RTOGS PAR BYED, ,DRAN PA NI NYE BAR SKYE BA NYID NA BDAG NYID NYAMS SU MYONG BA DANG 'BREL PAR RTOGS PAR BYED DO, ,DE'I ZHEN PA'I DBANG GIS DE SKAD BRJOD DO, ,'O NA DRAN PA MED PA LA JI LTAR BAG CHAGS DANG 'BREL PAR RTOGS, 'DI LTAR, MYONG BA YOD NA BDAG GIS DE, ,MTHONG ZHES DE LTAR DRAN PAR 'GYUR, ,DRAN PA MED PAR BDAG NYID NI, ,SHES PA 'GA' YANG YOD MA YIN, ,DRAN PA NYID 'DI MTHONG NGO ZHES NGES PAR RTOG GI DE LTA MA YIN NA MTHONG BA NGES PAR BRTAG PAR MI NUS PA'I PHYIR RO, ,DRAN PA MED PA'I RIG PA NI MTHONG BA'I RJES SU 'BRANG BAR RTOGS PA MED DE, DES NA DE BAG CHAGS DANG 'BREL PAR JI LTAR RTOGS SHE NA, DE LA YANG MTHONG NGO ZHES RTOGS PA'I PHYIR RO, ,DE NI DRAN PA DANG LHAN CIG GCIG TU BYAS NAS RTOGS PA'I PHYIR DE DE LTA MA YIN NA, THA SNYAD MI RUNG BA'I PHYIR RO, ,DRAN PAR BYA BA DANG BLTA BAR BYA BA DAG GCIG TU RTOGS PA YIN TE, DES NA THAMS CAD BAG CHAGS DANG 'BREL PA NYID DO, ,'ON TE MTHONG BA DANG DRAN PA GCIG TU RTOGS PA NI 'KHRUL PA YIN NO ZHE NA, MA YIN TE, GNOD PAR BYED PA MED PA'I PHYIR RO, ,SNGON MTHONG BA DE NYID 'DIR DRAN NO ZHES BYA BA YIN NO, ,'DI LA NI GNOD PAR BYED PA MED DO, ,DE BAS NA DRAN PA LHAN CIG GCIG YIN NO, ,'ON TE SNGON GYI RANG BZHIN NI DRAN PA'I RNAM PAS 'DZIN PA MA YIN NA, DE LTA YIN NA SNGA MA DANG PHYI MA GNYIS THA DAD PAR JI LTAR RTOGS, DES NA THA DAD PA MED PA NYID DO, ,DE LTAR GYUR NA RIG PA'I BDAG

, ,NYID DU SHIN TU GSAL LO, ,GZHAN YANG, PHYI'I DNGOS PO LA RGYU 'BRAS KYI DNGOS PO NGES PAR BYA MI NUS PA'I PHYIR RO, ,'DI LTAR, PHYI ROL SNGON MTHONG MED PA'I PHYIR, ,JI LTAR RNAM SHES 'BRAS BU YIN, ,RNAM SHES BLTAR RUNG YIN PA'I PHYIR, ,RNAM SHES 'BRAS BU YIN PAR RIG ,DE BZHIN DU, YUL DANG DUS SOGS GNAS SKABS LAS, ,DE 'BRAS GZHAN DU SKYE BA'I PHYIR, ,RGYU DANG 'BRAS BU'I NGES PA NI, ,'THAD PAR 'GYUR BA MA YIN NO, ,RIG PA'I PHYOGS LA NI, RIG PA SNGON GYI RIG PA NYID LAS SKYE'O, ,GAL TE DU BA ME MED PAR 'BYUNG BA, DE LTA NA YANG DU BA'I BAG CHAGS LAS 'BYUNG BA'I PHYIR RGYU MED PA CAN MA YIN NO, ,CHUR SNANG BA YANG STE, SBRANG BU'I TSOGS DANG, SMIG RGYU LA DU BA DANG CHU BZHIN NO, ,PHYI ROL NYID BAG CHAGS LAS 'GYUR RO ZHE NA, PHYI ROL 'DI NI 'DOD PA YIN TE, BAG CHAGS KYI STOBS LAS BYUNG BA'I PHYIR MING TZAM BYAS PAR 'GYUR RO, ,DE YANG 'JIG RTEN NYID KYIS YIN PAS KHYED KYIS SKYES BU BYED PA CI YOD, GAL TE BAG CHAGS KYI 'BRAS BU NYID DU SNANG BA MED PA YIN NAM, JI LTAR BAG CHAGS KYI 'BRAS BU YIN ZHE NA, CI DU BA GLO BUR BA LAS ME RTOGS PA LA ME'I 'BRAS BUR SNANG BA YOD DAM, BRTAGS PA LAS 'GYUR RO ZHE NA, BAG CHAGS KYI 'BRAS BU NYID LA YANG MTSUNGS SO, ,SKYE BA GZHAN LA SOGS PA'I BAG CHAGS SAD PA YANG SRID PA'I PHYIR TE, RGAN PO LA BYIS PA'I RTZED MO RMI BA SRID PA BZHIN NO, ,DE'I PHYIR, SKYE BA GZHAN LA SOGS PAR NI, ,MTHONG BA SNANG BA YIN ZHES BRJOD, ,BAG CHAGS STOBS LAS BYUNG BA NYID, ,SNANG NGO ZHES NI RNAM PAR NGES, ,DES NA SNGA MA SNGA MA YI, ,RNAM PAR SHES PA SNANG BA YIN, ,RNAM SHES LAS NI PHYI ROL PA, ,KUN DU PHYI ROL NYID DU BSTAN, ,RMI LAM MTHONG RNAMS GCIG LA NI, ,SNA TSOGS SU NI SNANG BA 'DI, ,THOG MED BAG CHAGS DANG 'BREL BAS,, DBANG DU BYAS PA'I SEMS YIN NO, ,'BRAS BU YIN PHYIR 'BRAS BU KUN, ,BAG CHAGS DANG NI 'BREL PA YIN, ,RDZA MKHAN LA SOGS 'BRAS BU YANG, ,RMI LAM MTHONG BA'I 'BRAS BU BZHIN, ,GTZO BO DBANG PHYUG LAS DANG NI, ,GZHAN YANG BRTAGS PA GANG YIN PA, ,DE NI BAG CHAGS 'BREL

PA LA, ,RMONGS PA'I SEMS KYIS G-YO BA YIN, ,DE NI GTZO BO RNAMS KYI GTZO, ,DE BZHIN DBANG PHYUG RNAMS KYI NI, ,DBANG PHYUG 'GRO KUN BYED PO DE, ,LHA YI MCHOG NI BAG CHAGS YIN, ,DE LTA MIN NA 'GRO BA YI, ,BYED PO RTOGS PA DANG LDAN PA, ,CI RUNG BAR NI GNAS PA DANG, ,SKYO CHEN 'JUG PA JI LTAR BYED, ,RANG DBANG DU GNAS NUS PA DANG, ,YONGS SU SHES PA THOD THOD DU, ,GAL TE 'JUG PAR BYED NA GO ,GANG LA GANG GIS BSLAB PAR BYA, ,'DI NI RANG DON SKYE BA LA, ,LUNG 'BOGS BYED PA NYID YIN NA, ,BYED PO RANG TSUL MI SDUG PA, ,DE LA RIGS PA SMRA BA SU, ,CI RUNG BA NI BSGRUB BYAS TE, ,GAL TE LEGS PA SGRUB BYED NA, ,MI GTZANG 'KHRUL BAR BYED PA BAS, ,MA RIG PAR NI BSRINGS PA MCHOG ,GZHAN DU BYED PAR MI NUS NA, ,'DI LA NUS PA JI LTAR 'DOD, ,BAG CHAGS STOBS LAS DE YANG NI, ,DE LAS DE LTAR 'JUG PA YIN, ,DE LTAR GTZO BO DBANG PHYUG DANG, , BYED PO SMRA BA'I CHU KLUNG NI, ,MYUR 'BAB 'JUG RNAMS CHAD MED PA, ,BAG CHAGS RGYA MCHER ZHUGS ZAD 'GYUR, ,RMONGS PA LEGS PA'I THABS RNAMS KYI, ,BAG CHAGS NYID NI BRTEN PA MCHOG ,DE NYID LAS NI 'DOD PA KUN, ,RAB TU 'GRUB PAR 'GYUR BA YIN, ,DE BAS NA JI LTAR DON 'DZIN CES NGA LA 'DRI BAR MI BYA STE DE'I BSAM PA MTHAR THUG PA BSTAN PA'I DON NI 'DI YIN NO, ,NGAS NI KHYED LA 'DI 'DRA BA RNAM PA THAMS CAD DU SGRUB PAR MI NUS SO, ,SHIN TU NYES PAR BYAS PA LA, ,SGRUB PAR NUS PA SU ZHIG YOD, ,SA BON SHIN TU RUL PA LA, ,CHUN PA YIS NI CI ZHIG BYA, ,GAL TE GZUNG BA DANG, 'DZIN PA'I RNAM PA NYID MED PA YIN NA, DE LTA BU'I THA SNYAD DU JI LTAR 'GYUR ZHE NA, 'DI YANG KHYED KYI KUN DU RMONGS PA TZAM DU ZAD DO, ,GZUNG BA LA SOGS PA'I THA SNYAD KYANG RIG PA NI MA YIN NO, ,MYONG BA'I RANG BZHIN DU CHUD PA'I PHYIR RO, ,THA SNYAD NI DE'I BDAG NYID DO ZHES BYA BA'I DON TO, ,'DI LTAR, BLO BDAG RNAM PAR DBYER MED KYANG, ,MTHONG BA PHYIN CI LOG RNAMS KYIS, ,GZUNG DANG 'DZIN PA MYONG BA DAG ,THA DAD LDAN BZHIN RTOGS PAR 'GYUR, ,DPER NA DBANG PO SNGAGS SOGS KYIS, ,BSLAD PA RNAMS LA 'JIM DU MA SOGS, ,DE YI GZUGS DANG BRAL BA YANG, ,RNAM PA GZHAN DU SNANG BA

, ,BZHIN; ,BLO BDAG RNAM PAR DBYER MED KYANG, ,ZHES BYA BA 'DI NI RANG RIG PA'I MNGON SUM GYIS GRUB PA NYID DO, ,DE LTAR YANG BSTAN ZIN TO, ,MTHONG BA PHYIN CI LOG PA RNAMS KYIS KYANG GZUNG BA LA SOGS PA'I RANG BZHIN GZUNG BA NI MA YIN GYI, 'ON KYANG RTOGS PA NYID DO, ,NGA MED KYANG GZHAN GYIS MTHONG BA YIN NO ZHES LOG PAR SGRO BTAGS NAS DE LTAR THA SNYAD BYED DO, 'DI LTAR MTHONG BA NI NGA YIN TE, PHYI ROL NI GZHAN GYIS MTHONG BAR 'GYUR BA NYID DO ZHES SO, ,'DI LTAR NI DPYOD PAR MI BYED DE, GZHAN GYIS MTHONG BA GANG YIN PA DE BDAG GIS JI LTAR MTHONG BAR 'GYUR, GZHAN GYIS KYANG 'DI LTAR SHES PA NI MA YIN TE, DE'I DE YANG BDAG GI MYONG BA BZHIN DU THUN MONG MA YIN PA NYID DO ZHES BYA BAR RO, ,'ON TE DE YANG BDAG GIS MTHONG NGO ZHES RJES SU DPAG PA NYID LAS SHES PA YIN NO ZHE NA, DE LTA YIN NA PHAN TSUN RTEN PA'I NYES BAR 'GYUR RO,, 'BRAS BU MTHONG BA LAS 'GYUR BA'I PHYIR RO ZHE NA MA YIN TE, GCIG NYID DU MI RTOGS PAR THAL BA'I PHYIR RO, ,DU BA LAS ME SHES PA NA TSANG BA NA YOD PA NYID NI SHES PA MA YIN NO, ,DU BA GZHAN YIN PA'I PHYIR RO ZHE NA, SPU LDANG BA LA SOGS PA'I 'BRAS BU YANG GZHAN YIN PA'I PHYIR GZUNG BA'I RNAM PA GZHAN DANG GZHAN YIN NO, ,GZHAN YANG SPU LDANG BA LA SOGS PA NI MYONG BA LAS YIN GYI, DON LAS NI MA YIN NO, ,MTHONG BA GNYIS KYANG MTHONG BAS 'DRES PAR 'GYUR BA NI MI RTOGS TE, DE LTA MA YIN NA, RJES SU DPAG PA LA LTOS PAR MI 'GYUR RO, ,MNGON SUM LA NI RJES SU DPAG PA 'JUG PA MED DO, ,GAL TE NGO BO NYID MNGON SUM YIN GYI, GZHAN GYIS MTHONG BA NYID NI DE LA MNGON SUM MA YIN TE, DES NA RJES SU DPOG PA YIN NO ZHE NA, GZHAN GYIS MTHONG BA NYID DE LA YOD DO ZHES BYA BA 'DI LA YANG TSAD MA MED PA NYID MA YIN NAM, DE NYID KYI PHYIR THE TSOM ZA'O ZHE NA, DE LTA NA NI 'O NA SNGON PO'I RANG BZHIN DU MTHONG BA LA YANG SER PO'I RANG BZHIN NYID DU THE TSOM ZA BA'I YUL DU CI STE MI 'GYUR, PHYIS DMIGS PAR 'GYUR BA'I ME LA ME'I RANG BZHIN NYID YOD DO ZHES BYA BA LAS PHYIS DMIGS PA NYID LAS SO, ,'DIR NI GZHAN GYIS MTHONG BA NYID LA PHYIS KYANG DMIGS PA 'JUG PA MA

YIN NO; ;GAL TE GZHAN GYIS MTHONG BA NYID DU MA RTOGS NA THA SNYAD NYID MED PAR 'GYUR BA MA YIN NAM, MA YIN TE, 'DRA BA TZAM GYIS THA SNYAD RAB TU GRUB PA'I PHYIR RO, ,GCIG NYID MED PAR THA SNYAD MI 'GYUR RO, ,ZHES BYA BA 'DI GA LAS YIN, GAL TE LKOG TU GYUR PA RJES SU DPAG PA 'JUG NA NI GCIG NYID LA YANG 'JUG GO, ,MA YIN NO ZHE NA NI, 'DRA BA LA YANG JI LTAR ZHE NA, 'DI NI BDEN TE 'DRA BAR YANG GA LAS RJES SU DPOG ,'DI NI MTHONG BA DANG RNAM PAR BRTAG PAR BYA BA'I DON GCIG TU BYAS PA TZAM GYIS THA SNYAD TZAM 'BA' ZHIG TU ZAD DO, ,DON DAM PAR NI RJES SU DPAG PA RANG GI NGO BO TZAM LA DMIGS PA YIN NO, ,JI LTAR YUL LKOG TU GYUR PA NYID YIN ZHE NA, MA YIN TE, SHES YUL LKOG TU GYUR PAR JI LTAR RIG, ,GAL TE DER SNANG 'DIR NI LKOG GYUR CI, ,CI STE SNANG BA SPANGS BAS LKOG DON NA, ,DES RTOGS ZHES 'DI DAG TSUL RKYANG PA NYID, ,DE LAS MI SLU BA YI PHYIR NA DE, ,GAL TE RTOGS ZHES 'DOD NA NI, ,THOB PA YOD PA'I PHYIR DE DER, ,THOB PA'I DUS SU YOD PAR BRJOD, ,SNGAR GO DE NI DNGOS YOD PAR, ,TSAD MAR GANG GIS RTOGS PAR 'GYUR, ,DE TSE RTOGS PA DE NYID NI, ,DNGOS YOD MIN PAR 'GYUR BA YIN, ,RJES SU DPAG MED NA 'BYUNG BA YIS, ,DNGOS PO YOD PAR JI LTAR RTOGS, ,THAMS CAD DU NI 'BYUNG BA YI, ,RANG BZHIN RTOGS ZHES NGAS PA MIN, ,GAL TE DE LTAR 'BYUNG 'GYUR BA, ,GNYI GA'ANG RTOGS PA YIN ZHE NA, RANG BZHIN GCIG NYID DU RTOGS PA, ,JI LTAR BYUNG DANG 'BYUNG 'GYUR YIN, ,DES NA RJES SU DPAG PA LAS; ;DON DAM DU NI RTOGS PA MED, ,LKOG GYUR BUM PA MED CE NA, ,JI LTAR PHYI NAS RTOGS PAR 'GYUR, ,GAL TE DE TSE NYID SKYES NA, ,RGYU MED PAR NI JI LTAR 'GYUR, ,DE LTA NYID DU MTHONG BA'I PHYIR, ,'DI LA DRI BA CI ZHIG YOD, ,MTHONG PHYIR DE NI SNGAR YOD PA'I, ,DNGOS POR CI YI PHYIR MI BRTAG ,DE LTAR MTHONG BA MIN DES NA, ,DE LTAR BRTAG PAR BYA BA MIN, ,CI STE GZHAN GYIS MTHONG BAR NI, ,RJES DPOG MED NA DE BZHIN TE, ,YOD CES GZHAN GYIS JI LTAR SHES, ,ZHES BYA BA'ANG LAN DU RUNG MA YIN, ,GANG GI PHYIR, GZHAN YANG GZHAN GYIS SHES SO ZHES, ,DE LTAR RTOGS

, ,PAR 'GYUR BA MIN, ,DE YANG RJES SU DPAG PA YIS, ,SHES NA PHAN TSUN RTEN PAR 'GYUR, ,GZHAN DANG THUN MONG PAR SHES NA, ,DE'I NI YOD CES BRJOD PA YIN, ,DE YOD NYID NA 'BREL PA'I PHYIR, ,RJES SU DPAG PA TSAD MA NYID, ,DES NA YOD NYID MNGON SUM GYIS, ,SHES NA DE LA RJES DPOG 'GYUR, ,RJES SU DPAG PAS YOD PA NYID, ,SHES NA 'ANG MNGON SUM GYIS DE 'DZIN, ,DE LTAR PHAN TSUN BRTEN PA'I PHYIR, ,GCIG KYANG SRID PAR MI 'GYUR RO, ,GZHAN DU 'ANG PHAN TSUN RTEN PA NI, ,'GA' YANG YOD PAR MA MTHONG NGO, ,DE'I PHYIR THOG MA MED PA CAN GYI DE LTA BU'I RJES SU DPAG PA BRGYUD PA 'JUG PA'I RJES SU DPAG PA BRTEN NAS PHYI'I DON RTOGS PA NA GZUNG BA DANG 'DZIN PA DANG MYONG BA'I RNAM PAR RTOG PA 'JUG PA'I PHYIR GZUNG BA LA SOGS PAR RTOGS PA YIN GYI, DON DAM PAR NI RNAM PAR DBYE BA MED PA'I MYONG BA NYID DO ZHES GNAS SO, ,KHYED KYI RTOGS PA 'DI GA LAS SHE NA, SNGAGS DANG RGYUD LA SOGS PAS NYE BAR BSGRUBS PA'I MIG CAN RNAMS LA, 'DZIN DU MA LA SOGS PA DE'I RANG BZHIN DANG BRAL BA RNAMS KYANG SBRUL LA SOGS PA'I RANG BZHIN DU SNANG BA'I PHYIR RO, ,DE DAG NI JI SRID DU DE DAG MA RTOGS KYI BAR DU GZHAN GYIS MA MTHONG BA YANG MTHONG BA NYID DU THA SNYAD BYED DO, ,GAL TE RANG GI RANG BZHIN GANG YIN PA DE DE KHO NA BZHIN MNGON SUM DU RIG NA NI BSTAN PA LA LTOS PAR MI 'GYUR RO, ,MNGON SUM YANG BSTAN PA LA LTOS NAS DE LTAR 'GYUR RO ZHE NA MA YIN TE, RJES SU DPAG PA'I NUS PA MTHONG BA'I PHYIR RO, ,MNGON SUM NYID NUS PA YIN NO ZHE NA, MA YIN TE, RJES SU DPAG PA TSAD MAR THAL BAS MA YIN PA'I PHYIR RO, ,DE MNGON SUM NYID YIN LA RAG MOD CE NA, 'O NA NI MNGON SUM YIN YANG DE NYID BAG CHAGS KYI STOBS LAS BYUNG BA YIN PA'I PHYIR DON DAM PA NYID MA YIN NO, ,GZHAN YANG BZLOG PA LA YANG RJES SU DPAG PA YOD PA NYID PAS DE JI LTAR GNYI GA RJES SU DPAG PA YIN, PHYOGS GNYI GAR 'GYUR MOD CE NA, MA YIN TE, SKYES BU SO SOR DNGOS POR RNAM PAR GNAS PAR THAL BA'I PHYIR RO, ,'GYUR MOD CI SKYON ZHE NA, DE NYID RANG RIG PA YIN PAR 'GYUR TE, PHAN TSUN MA 'DRES PAS NA THUN MONG MA YIN PA'I PHYIR RO,,

DE'I PHYIR GZHAN GYIS DE LTAR MA RTOGS PA DE LTA NA YANG THUN MONG BA NYID DU RTOGS PA YIN NO, ,'ON TE GZHAN GYIS MA RTOGS SO ZHES BYA BA 'DI NYID GA LAS, RJES SU DPAG PAS SO ZHE NA, 'O NA NI BZLOG PA LA YANG RJES SU DPAG PA 'JUG PAR 'GYUR RO, ,BZLOG PA LA YANG RJES SU DPAG PA MED DO ZHE NA, JI LTAR, GCIG NYID DANG 'BREL PA MA RTOGS PA'I PHYIR RO, ,'DRA BA RJES SU DPOG PAS KYANG DON BYAS PA NYID DO, ,'DIR NI MA MTHONG BA DANG RJES SU MTHUN PA'I BYA BA MTHONG BAS NA, NGES PAR MA MTHONG BAS RJES SU DPOG PAR BYED PA NYID DO, ,'DI YANG PHA ROL PO NYID KYIS KHAS BLANGS PA YIN TE, DE DAG MA BSLAD MIG CAN GYIS, ,DE LTAR MTHONG BA MED PHYIR RO, ,DPER NA THAG RING MYA NGAM NA, ,CHUNG NGU 'ANG CHEN POR SNANG BA BZHIN, ,DE BZHIN DU 'DI NI CHEN PO NYID DO ZHES RTOGS PAS DE DON DU GNYER BA NYID KYIS NYE BAR 'GRO BA THUN MONG BA NYID DO ZHES BYA BAS, GAL TE DON DE GZHAN GYIS KYANG MTHONG NGO ZHES BYA BA YIN NA DE LTA NA GZHAN GYIS KHAS BLANGS PA YIN NO, ,DE'I PHYIR GZHAN DU RJES SU DPOG PAS MTHONG BA DE DOR BAR BYA BA NYID YIN TE, DE LTAR RJES SU DPOG PA NI SKYE BO MTHA' DAG LA GRAGS PA YIN NO, ,DE KHO NA MTHONG BA RNAMS NI GZHAN GYIS KHAS BLANGS PAS SO, ,YANG NA GANG ZHIG JI LTAR RTOGS PA DE 'DRA BA NYID LAS GZHAN RTOGS PA LA SKABS CI ZHIG YOD, RJES SU DPOG PA YANG RANG GI RNAM PA TZAM GYIS MTHAR THUG PA YIN PAS NA MNGON SUM NYID DO, ,GAL TE 'DIR MTHONG NGAM MTHONG YANG BLA STE PHYI ROL YANG YOD PA NYID DO ZHES THA SNYAD PA RNAMS KYIS RTOGS PA MA YIN NAM ZHE NA, DE YANG RANG GI BDAG NYID LA ZHUGS PA YIN TE, JI SRID MNGON SUM DU MNGON PAR 'DOD PA'I BAR DU RANG GI BDAG NYID LA ZHUGS PA YIN PA'I PHYIR, ,PHYI ROL DU GYUR PA'I DNGOS PO GZHAN NI RTOGS PA MED DO ZHES BYA BAR NGES SO, ,GZHAN YANG THUN MONG DU RTOGS PA YANG GOMS PA'I STOBS NYID LAS YIN TE, DPER NA RMI LAM BZHIN NO, ,'O NA JI LTAR GZHAL BYA DANG TSAD MA DANG 'BRAS BU RNAM BAR GNAS PA YIN ZHE NA, 'DIR BRJOD PA, GZUNG BA 'DZIN PA RIG PA DAG ,YOD PA YIN YANG GZHAL BYA DANG, ,'JAL BYED 'BRAS BU GNAS

, ,PA 'DI; ,JI LTAR RJES SU SNANG BZHIN BYAS, ,RTOGS PA'I DNGOS PO DE NYID DE LA YOD PA YIN NO ZHES RTOGS PAS NA GZUNG BA DANG RANG GI RANG BZHIN GZHAN LA MI LTOS PA'I PHYIR 'DZIN PA STE, RANG NYID DE LTAR GYUR PA'I PHYIR RO, ,RTOGS PA'I RANG BZHIN NI RIG PA YIN NO ZHES NYAMS SU MYONG BA LAS SKYES PA'I RNAM PAR RTOG PAS THA SNYAD DU RNAM PAR 'JOG PA YIN NO, ,RJES SU SNANG BA NI MTHONG BA DANG MTHUN PA'I RNAM PAR RTOG PA'O, ,YOD PA YIN YANG ZHES BYA BA NI, GZUNG BA 'DZIN PA DANG, RIG PA RNAMS YOD PA NYID DANG LDAN PA'I YUL LA YOD PA MA YIN PA'O, ,YANG NA GZUNG BA LA SOGS PA THUN MONG BA LA SOGS PA'I 'DZIN PA LA YOD PA MA YIN PA'O, ,LHAG MA NI GZHAN DAG GIS BSHAD PA NYID DO, ,DE'I PHYIR DON DAM PAR MYONG BA 'BA' ZHIG YIN GYI, GSUM NI MA YIN NO, ,GAL TE MTHA' DAG BDAG GI RNAM PAR 'GYUR BA NYID YIN PA'I PHYIR CI STE YOD PA MA YIN, GAL TE DE NYID LAS MA NYAMS NA YANG RNAM PAR 'GYUR BA DE DAG THA DAD PA YIN NO ZHE NA, DE DAG BSHAD PAR NI, DE LTA MIN NA SNA TSOGS KYI, ,NGO BOR SNANG CAN DNGOS GCIG LA, ,RNAM PA JI LTAR BDEN 'GYUR TE, ,GCIG PA NYID DO NYAMS PHYIR RO, ,GAL TE GCIG YIN NA JI LTAR SNA TSOGS SU SNANG, GAL TE SNA TSOGS SU SNANG NA NI GCIG PA NYID NYAMS PAR 'GYUR RO, ,'DI LTAR, GZHAN LA GZHAN NYID NYAMS PHYIR DANG, ,RANG BZHIN MTHONG MED PHYIR GCIG MIN, ,BLO DNGOS THA DAD MED MTHONG PHYIR, ,THA DAD MED PAR NGES PAR 'GYUR, , GZHAN GYI DE NYID KYANG 'DI KHO NA YIN TE, THA DAD PAR SNANG BA GANG YIN PA'O, ,GZHAN DU NI GZHAN LA YANG DE NYID MED PAR 'GYUR RO, ,MI 'DOD PA NYID DO ZHE NA, DE LTA NA NI 'O NA RANG BZHIN THA DAD PAR SNANG BA NA JI LTAR THA MI DAD PAR KHAS LEN, GAL TE KHYED THA DAD PA MI 'DOD DU ZAD MOD, DE MI SNANG YANG KHAS BLANGS PAR JI LTAR 'GYUR, RANG BZHIN THA MI DAD PA MTHONG NA NI KHAS LEN PA LEGS PA NYID DO, ,GAL TE THA DAD PA DE DAG THAMS CAD RANG GSAL PA'I RANG BZHIN YIN NA THAMS CAD BDEN PA NYID DO, ,'ON TE MI GSAL BA'I RANG BZHIN YIN NA, JI LTAR MI GSAL BA GSAL BA DANG THA

MI DAD PA YIN, BDAG BZHIN DU GSAL BA NYID YIN NA NI BDEN PA NYID DU 'GYUR TE, BDAG NYID BZHIN NO, ,GSAL BA'I RANG BZHIN NYID NI BDAG GI RANG BZHIN YIN PAS DES NA MTHA' DAG NYID DU 'GYUR RO, ,DE'I PHYIR YONGS SU GYUR PA NYAMS SO, ,'ON TE MANG PO NYID 'KHRUL PA YIN NO ZHE NA, DE LTA YIN NA CUNG ZAD KYANG MA YIN PAR GYUR PAS MTHA' DAG STONG PA NYID DU 'GYUR RO, ,'KHRUL PA ZHES BYA BA YANG BDAG LAS THA DAD PA YOD PA MA YIN NO, ,'KHRUL PA ZHES MING DU BTAGS PAS KYANG CI DGOS, 'KHRUL PA MED NA NI 'DI MTHA' DAG MED PAR 'GYUR BA'I PHYIR THA DAD PA NI DE NYID MA YIN NO, ,DES NA DE KHO NA MA YIN PA SNANG BA'I RGYU MTSAN 'KHRUL PAR RNAM PAR GZHAG PA YIN NO, ,'DI NI 'KHRUL PA NYID MIN NA, ,BZLOG BYA NYID DU 'GRUB MA YIN, ,BZLOG BYA NYID DU SHES PAS KYANG, ,'KHRUL PA NYID CES RTOGS PA YIN, ,'KHRUL PA NGES PA LA BRTEN NAS, , BZLOG PA LA NI 'JUG PAR 'GYUR, ,DE LAS BZLOG PHYIR 'KHOR LOR NI, ,'GYUR BA 'DI NI GANG GIS 'JIL, ,DE'I PHYIR, GANG GIS DNGOS PO RNAM DPYAD NA, ,DE NYID DU NA DE DNGOS MED, ,GANG GI PHYIR NA DE DAG LA, ,GCIG DANG DU MA'I RANG BZHIN MED, ,GCIG NI YOD PA MA YIN TE, ,DU MA NYID DU SNANG PHYIR RO, ,MYONG BA MA YIN PA NI SNANG BA MA YIN PA'I PHYIR DE NI MYONG BA'I BDAG NYID DU 'GYUR BA YIN NO, ,RANG RIG PA NYID LA YANG DU MA MI RTOGS PA'I PHYIR RO, ,'ON TE RTOGS PA DE'I NANG DU CHUD PA'I PHYIR NA, DE'I NANG DU CHUD PA NYID MI RTOGS PA YIN NO ZHE NA, DE YANG BRJOD PAR NUS PA MA YIN NO, ,YANG NA SNA TSOGS KYI RNAM PA GCIG GAM DU MA NI MED PA NYID DO, ,'O NA THA DAD PAR JI LTAR SNANG ZHE NA, THA DAD PA NI SNANG BA MA YIN NO ZHES BSTAN ZIN CING STON PAR YANG 'GYUR RO, ,YANG NA THA DAD PA'I RANG BZHIN NAM, DE LTA MA YIN PA MTHA' DAG NI GOMS PA'I STOBS NYID LAS SNANG BA YIN PA'I PHYIR NA MI BDEN PA NYID DO, ,SGOM PAR BYED PAS PHYIN CI LOG TU BSGOMS PAS BZLOG PAR NUS PA'I PHYIR NA, BZLOG PAR NUS PA NYID YIN PAR NGES PAS NA MI BDEN PA YIN NO, ,GAL TE, CHOS MTHUN PA NYID MTHONG BA LAS, ,DE BDAG MIN LA DE BDAG TU, ,ZHES

, ,PAS 'JIG RTEN PA DAG GI ,'KHRUL SKYED DE LA DE MED DE, ,'GRO BA 'DI LA DE BDAG NYID, ,GCIG KYANG MTHONG BA MED PHYIR RO, ,'DI LA BRJOD PA, CHOS MTHUN PA MTHONG BA NYID LAS NI 'KHRUL PA MA YIN TE, NANG GI BSLAD PA LAS BYUNG GANG, ,DE NI NYES PA LAS BYUNG BAS, ,RANG BZHIN GYIS NI PHYIN LOG TU, ,SNANG BA CAN 'DI 'ANG YOD PA YIN, ,CHOS MTHUN MTHONG STZOGS CAN NYID LA, ,LTOS MED RAB RIB LA SOGS BZHIN, ,RAB RIB KYIS MIG BSGRIBS PA RNAMS LA SBRANG BU DANG SHA SBRANG LA SOGS PA MTHONG BA GZHAN GYI STOBS LAS SKYE BA NI MA YIN TE, 'ON KYANG NANG GI RAB RIB KYI RGYU NYID LAS YIN NO, ,GAL TE RAB RIB LA SOGS PA LAS SKYE BA YANG DNGOS PO'I STOBS NYID LAS YIN GYI, GOMS PA'I STOBS LAS NI MA YIN NO ZHE NA, NANG GI RGYU TZAM ZHIG BRJOD PAR 'DOD PA YIN NO, ,THAMS CAD LA KHYAB PA'I NANG GI RGYU NI BAG CHAGS NYID YIN TE, RMI LAM LA SOGS PA'I RTOGS PA BZHIN NO, ,BAG CHAGS DE NI RNAM PA CI ZHIG LTAR SAD PA NA RANG DANG RJES SU MTHUN PA'I RTOGS PA SKYE BA'I RGYU YIN NO, ,DE LA CHOS MTHUN PA MTHONG BA'I NI MTHONG BA SNGA MA SNGA MA NYID YIN NO, ,GANG GIS 'DI 'KHRUL PAR 'GYUR BA DANG PO CI ZHIG MTHONG, MTHONG NA DE JI LTAR MTHONG ZHES BRJOD PAR BYA, DES NA DE DANG MTSUNGS PA'I PHYIR THAMS CAD MA 'KHRUL PA NYID DO, ,'ON TE DE LTA MA YIN PAR MTHONG NA JI LTAR 'KHRUL PA THAMS CAD CHOS MTHUN PAS MTHONG BA LAS YIN ZHES BYA BA MA YIN TE, 'DI NI 'KHRUL PA BRGYUD PA NYID DE, 'DI LA DANG PO NI YOD PA MA YIN NO ZHES BSTAN PA YIN NO, ,DE'I PHYIR 'KHOR BA 'DI NI THOG MA MED PA'I YANG DAG PA MA YIN PA'I BAG CHAGS KYIS BTAGS PA YIN NO, ,JI LTAR RANG GI BDAG NYID LA TSAD MA LA SOGS PA RNAM PAR GZHAG CE NA, DE LA BLO NI YONGS GCOD PA,, 'DZIN PA'I RNAM PAR 'DOD PA DE, ,DE YI BDAG NYID PHYIR BDAG RIG ,DE PHYIR DE DE'I SGRUB BYED YIN, ,DE NYID BSGRUB BYA DE NYID SGRUB BYED DE NYID GRUB PA YIN NO, ,DE LA 'DOD CHAGS SOGS RIG BZHIN, ,RANG BDAG YUL CAN TSAD MA LA, ,GZHAL BYA 'JAL BYED 'BRAS GNAS PA, ,'DI NI KUN

LA SBYAR BAR BYA, ,BDE BA LA SOGS PA GOMS PA'I STOBS LAS SKYES PA NI RANG RIG PA'I RANG BZHIN NO ZHES BSTAN ZIN TO, ,BDE BA LA SOGS PA MYONG BA NI MNGON SUM TSAD MA YIN LA, DE LA TSAD MA DANG GZHAL BYA RANG RTOGS PA NI THA DAD PA MED PA NYID DU RNAM PAR GNAS SO, ,DE KHO NA NYID 'DI NI RNAM PA BZHIR YONGS SU RDZOGS PA YIN TE, 'JAL BAR BYED PA PO DANG, GZHAL BYA DANG TSAD MA DANG RTOGS PA'O ZHES GANG BRJOD PA DE NI BDEN PA MA YIN TE, GCIG NYID DU THAMS CAD YONGS SU RDZOGS PA'I PHYIR RO, ,GAL TE BDEN PA LA SOGS PA THA DAD PA MA YIN DU CHUG MOD, SER PO LA SOGS PA NI THA DAD PA KHO NA'O ZHE NA, MA YIN TE GZHAL BYA DANG TSAD MA DANG, 'BRAS BU GNAS PA 'DI NYID THAMS CAD LA SBYAR BAR BYA BA YIN NO, ,BDE BA LA SOGS PA MYONG BA JI LTA BA DE BZHIN DU, SNGON PO LA SOGS PA MYONG BA YANG YIN NO, ,SNGON PO'I RNAM PA ZHE 'AM BDE BA'I RNAM PA ZHES BYA BAR 'GYUR MOD, 'DI LA KHYAD PAR CI YOD GNYI GA YANG RANG GI NGO BOS RIG PA'I PHYIR RO, ,DES NA SNGON PO DANG, BDE BA DANG, LUS KYI RIG PA MTHA' DAG NI RANG GI NGO BOS YIN GYI, GZHAN GYI NGO BOS NI MA YIN NO, ,GAL TE THAMS CAD RANG GI NGO BOS YIN NA NI, RANG RIG PA KHO NA'O, ,GAL TE SNGON PO LA SOGS PA RIG PA LA BDE BA LA SOGS PA LTAR 'DZIN PA'I RNAM PA BDAG NYID DU GYUR PA MA YIN NAM, DE JI LTAR DPE YIN ZHE NA, BDE BA LA SOGS PA LA JI LTAR, RANG NYID GSAL BA'I BDAG NYID YIN PA'I PHYIR BDAG BZHIN NO ZHE NA, GSAL BA'I BDAG NYID CES BYA BA 'DI CI ZHIG LKOG TU MA GYUR PA'I RANG BZHIN NYID DO, ,GAL TE DE LTA NA, DE LA'ANG NYAMS MYONG BDAG NYID PHYIR, ,DE DAG RANG BDAG MYONG BAR 'GYUR, ,DE LTA RUNG NYID DE TSAD BDAG ,GZHAL BYA RANG RIG 'BRAS BU YIN, ,SNGON PO LA SOGS PA DE DAG KYANG LKOG TU MA GYUR PA'I RANG BZHIN YIN PA'I PHYIR NYAMS SU MYONG BA'I BDAG NYID YIN NO; ;DES NA BDE BA LA SOGS PA BZHIN DU RANG RIG PAR RUNG BA YIN NO, ,SNGON PO LA SOGS PA DE DAG KYANG GZHAN GYI RANG BZHIN GYIS NI LKOG TU MA GYUR PA MA YIN NO, ,GAL TE MIG LA SOGS PA'I DBANG GIS SNGON PO LA SOGS PA LKOG TU MA GYUR PA NYID MA YIN NAM ZHE NA, MA YIN TE, RANG GI NGO BO KHO

, ,NAS LKOG TU MA GYUR PA YIN PA'I PHYIR RO, ,GANG GI PHYIR MIG 'JUG PA DE'I PHYIR SNGON PO LKOG TU MA GYUR PA NI MA YIN TE, MIG 'JUG KYANG RES 'GA' LKOG TU MA GYUR PAR MI 'GYUR ZHING, MA ZHUGS KYANG LKOG TU MA GYUR PA NYID SRID PA'I PHYIR RO, ,'DI LTAR, CHAGS SOGS GYUR NA MI 'JUG KYANG, ,RANG GI RANG BZHIN MI SNANG PHYIR, ,GZUGS LA SOGS PA RNAM PA NI, ,GZHAN NYID DU NI SNANG BA YIN, ,GAL TE MIG LA SOGS PA LAS BYUNG BA MNGON DU PHYOGS PAR BYED KYANG YUL RANG GI NGO BOS MI SNANG NA 'DI JI LTAR LKOG TU MA GYUR PA YIN TE, RANG GI NGO BOS SNANG BA NYID LKOG TU MA GYUR PA YIN NO, ,'ON TE MIG GI NYES PA 'DI NI GOMS PA'I DBANG GIS YIN NO ZHE NA, GAL TE MIG SOGS LAS BYUNG BA, ,GOMS LAS GZHAN DU RTOGS NA NI, ,SNGON PO LA SOGS SNANG BA KUN, ,GOMS PA YI NI STOBS LAS YIN, ,BAG CHAGS KYI MYONG BA RNAM GRANGS CAN GOMS PA NYID MIG LA SOGS PA LAS BYUNG BA'I RGYU YIN NO, ,DE'I TSE SNGON PO LA SOGS PAR SNANG BA MTHA' DAG BAG CHAGS KYI STOBS LAS BYUNG BA NYID DO, ,GAL TE RNAM PA GZHAN DU SNANG BA'I BAG CHAGS YIN GYI, RANG GI NGO BOR SNANG BA NI BAG CHAGS YIN PAR 'BYUNG BA'I PHYIR MIG LA SOGS PA DANG 'BREL PA YIN NO ZHE NA, MA YIN TE, PHAN TSUN LTOS NAS THAMS CAD RNAM PA GZHAN NYID YIN PA'I PHYIR RO, ,DES NA DU MA SNANG BA NA GANG GI RANG BZHIN YIN PA MI SHES SO, ,SNANG BA TSAD MA YIN TE, GAL TE DE 'KHRUL NA YID BRTAN PA GA LAS YIN DES NA, SNANG BA DAG NI MTHA' DAG KYANG, ,BAG CHAGS DNGOS POS SPRUL PA YIN, ,RANG BZHIN DU NI MNGON 'DOD LAS, ,GZHAN SNANG BA YI RANG BZHIN BZHIN, ,GNOD BYA GNOD BYED KYI DNGOS PO NI SNGAR BSTAN ZIN TO, ,DE'I PHYIR PHYI ROL GYI DON LA YANG RANG RIG PA NYID 'BRAS BU YIN LA DE'I RNAM PA NI TSAD MA YIN NO; ,GAL TE SHES PA RNAM PA DANG BCAS PA ZHES BYA BA NI 'THAD PA MA YIN TE, 'DI LTAR, GAL TE ME LONG LTAR GSAL BA, ,NYE BAR GZHAG PAS BSGYUR PHYIR NA, ,DE TSE MIG SOGS SNANG 'GYUR NA, ,DE LTAR YANG NI MTHONG BA MED, ,ME LONG LA NI JI SRID PA, ,NYE BAR DE KUN SNANG 'GYUR

BA; ,DE PHYIR GZUGS SOGS THAMS CAD NI, ,SNANG BA NYID DU THAL BAR 'GYUR, ,'ON TE MIG NI ME LONG BZHIN, ,SNANG BA YI NI RGYU YIN NA, ,ME LONG SOGS BZHIN DER SHAR BA, ,CHEN PO MIN PAR MTHONG BAR 'GYUR, ,DES NA RANG BZHIN CI 'DRA DANG, ,TSAD CI YIN PA SHES MI 'GYUR, , LING TOG LA SOGS MIG NAD KYIS, ,MDOG KYANG GZHAN DU SNANG BA NYID, ,'ON TE MIG 'BRAS NA THON TE, ,GZUGS SOGS LA NI ZHUGS PA YIS, ,CHE SOGS RANG GI RANG BZHIN LA, ,'DZIN PAR BYED PA SKYE 'GYUR NA, ,GAL TE MAR ME SNANG BA DANG, ,'BREL LAS NGO BO KHYAD PAR CAN, , SKYES PAS RANG BZHIN RIG 'GYUR NA, ,MAR ME SNANG BA DANG 'BREL BZHIN, ,'GYUR MIN DE NA GZHAN GYI NI, ,BYED YOD PAS NA THUG MED 'GYUR, ,'ON TE RANG RIG DE YI TSE, ,DE DAG JI LTAR 'OD ZER YIN, ,DES NA SHES PA DON GNAS PAS, ,DE YI RNAM PAR 'JUG PA YIN, ,DE LAS SKYES TZAM LAS SHES NA, ,KUN GYIS RNAM PAR THAL BAR 'GYUR, ,GAL TE GANG LAS DE SKYES PA, ,DE NYID RNAM PA CAN 'GYUR NA, ,MIG RNAM YANG 'GYUR DE LAS KYANG, ,GANG PHYIR RIG PA SKYES PHYIR RO, ,'DI LA BSHAD PA, YUL RNAMS LAS NI BYUNG BA YIS, ,RNAM PAR SHES PA THAMS CAD DAG ,DE LAS GZHAN RGYU YIN NA YANG, ,RNAM 'GAS YUL GYI RNAM PAR 'GYUR, ,GANG LAS SKYE BA DE NYID KYI RNAM PAR 'GYUR BA NI MA YIN TE, 'DI LTAR, DPER NA ZAS DANG DUS LA SOGS, ,BU SKYE BA YI RGYU YIN YANG, ,DE NI PHA MA GCIG GI GZUGS, ,'DZIN 'GYUR GZHAN 'GA'I MA YIN BZHIN, ,DE LAS BYUNG BA'I BU NI PHA MA GNYI GA DANG YANG MTSUNGS PA'I RNAM PA NI 'DZIN PA MA YIN GYI, 'ON KYANG 'GA' ZHIG NYID KYI'O, ,DE'I PHYIR DON NYID LAS DON GYI RNAM PA YIN NO, ,'DI LTAR, THAG RING YUL RNAMS SHING LAS NI, ,RNAM SHES DE YI RNAM PAR NI, ,SKYES 'GYUR DBANG PO'I RNAM PAR NI, ,MIN ZHES BYA BA KUN TSE MTHONG, ,DE LAS GZHAN DANG YUL DAG NI, ,DE RGYU NYID DU MTSUNGS NA YANG, ,DE CHAS YUL NI YIN 'DOD DES, ,DE MED PAR NI DER MI 'GYUR, ,RGYU NYID KYIS NI YUL MA YIN GYI, ,'ON KYANG RNAM PAR SHES PA DE'I RNAM PAR 'GYUR BA'I RGYU

, ,NYID KYIS SO, ,RGYU NYID KYI YUL YIN PA NI MIG LA SOGS PA YANG YUL NYID DU 'GYUR RO, ,DE'I RNAM PA NYID KYIS YIN NA NI SMIG RGYU LA SOGS PA LA CHUR SHES PA'I YUL DU YUL GZHAN NA GNAS PA'I CHUR YANG 'GYUR RO, ,DES NA GNYI GA LA BRTEN TO, ,DE MED NA NI YUL DU MI 'GYUR RO, ,RNAM PA MED PAR MI RTOGS PA'I RANG BZHIN GYI RNAM PAR SHES PA MYONG BA NYID DANG, DE LTA MA YIN YANG BLA STE, DE'I RNAM PA'I YUL RNAM PAR 'JOG PAR NUS PA MA YIN TE, RTOGS PA DANG GZHAN PA'I GNAS SKABS DAG MI RUNG BA'I PHYIR RO ZHES BSTAN ZIN TO, ,GAL TE DE RTOGS NA GZHAN GYIS CI BYA STE DON MED PA'I PHYIR RO, ,'ON TE MA RTOGS NA DE'I TSE YANG MI NUS PA'I PHYIR RO, ,MA RTOGS PA NI RTOGS PA'I YUL MA YIN NO, ,GAL TE RTOGS SO ZHEN NI, DE NYID DE'I RANG BZHIN NYID RTOGS PA YIN NO, ,BYA BA GZHAN DANG LDAN PA YANG MA YIN NO ZHES LAN BRGYAR BSTAN TO, , GAL TE RNAM PA GRUB NA RNAM PA TSAD MA YIN LA RANG RIG PA NI 'BRAS BU YIN NA ZHES 'GRUB PA MA YIN NAM, DE NYID JI LTAR 'GRUB CE NA, 'DI LA BSHAD ZIN TO, ,GZHAN YANG, YUL SHES DE YI SHES PA YI, ,BYE BRAG LAS NI TSUL GNYIS NYID, ,GZUGS LA SOGS PA'I YUL GYI SHES PA GANG YIN PA NI DON DANG RANG SNANG BA YIN LA, YUL SHES PA'I SHES PA GANG YIN PA DE NI DON DANG 'DRA BA'I SHES PA SNANG BA DANG, RANG SNANG BA YIN NO, ,DE LTA MA YIN NO, ,GAL TE YUL GYI SHES PA DON GYI RNAM PA 'BA' ZHIG GAM, RANG GI RNAM PA 'BA' ZHIG YIN NA YUL SHES PA'I SHES PA YANG DE DANG KHYAD PAR MED PAR 'GYUR RO, ,YUL GYI SHES PA GANG YIN PA DE NI DON DANG RANG SNANG BA'I YIN LA ZHES BYA BA NI BSGRUB PAR BYA'O, ,DE'I 'OG MA DAG NI GTAN TSIGS SO, ,DE LTA MA YIN TE ZHES BYA BA LA SOGS PA NI GNOD PAR BYED PA'I TSAD MA YIN NO, ,BDAG LA SHES PA CI 'DRA BA ZHIG BYUNG BAR GYUR ZHES GANG GI TSE YONGS SU RTOGS PAR BYED PA DE'I TSE DON SNANG BA NYID DRAN PAS THA SNYAD BYED PA YIN GYI GZHAN DU NI MA YIN NO, ,GANG ZHIG MOS PAS YUL DU BYAS PAS DE NI DE LTA BU NYID YIN TE, DPER NA BA LANG ZHES MOS PAS YUL DU BYAS PA'I KHRA BO LA SOGS PA BZHIN NO, ,'DI LTAR, 'DI NI DE LTA

BU SNANG NA, ,DON NI JI 'DRA MI SHES ZHES, ,DE NI DON NYID YONGS DOR TE, ,SHES PA RNAM PAR NGES PA NYID, ,GAL TE 'GA' ZHIG 'DI DON YIN NO ZHES KHYED KYIS JI LTAR SHES ZHES 'DRI BA DE'I TSE DON DU SNANG BA 'DI 'DRA BAR GYUR NA, DON NI DE NA YOD DAM MED DAM, DE 'DRA BA YIN NAM, 'ON TE GZHAN DU GYUR PA YIN ZHES MI SHES ZHES LAN LDON PAR BYED DO, ,DES NA DON YONGS SU SPANGS PAS SHES PA NYID SNANG BA YIN NO, ,DON DANG GCIG PA NYID YIN NA NI, DE NYID LA NGES PA DANG DE NYID MA NGES PAR JI LTAR 'GYUR TE, NGES PA DANG MA NGES PA DAG 'GAL BA'I PHYIR RO, ,'ON TE RAGS PA'I SNANG BA TZAM NGES PA YIN LA, NANG GI KHYAD PAR NI MA YIN NO, ,DES NA 'DI LA 'DRA BAR SNANG NGO ZHES BYA BA NI, 'DI TZAM ZHIG SNANG GI GZHAN NI MA YIN NO ZHES DON NYID NGES PA DANG MA NGES PA YIN TE, CHA GNYIS DANG LDAN PA'I PHYIR RO ZHE NA, 'DI NI PHYIS BSHAD PAR BYA'O, ,GZHAN YANG; DON DANG LDAN PA'I SEMS LA NI, ,DON RNAMS MED PAR DOGS NA YANG, ,'DAS PA'I DON NI 'DZIN PA LA, ,TSUL GNYIS RANG RIG GRUB PA NYID, ,GANG DAG SHES PA NI SNANG BA MA YIN TE, RANG RIG PA MED PA'I PHYIR RO, ,DRAN PA YANG MA YIN TE, THAMS CAD DU DON NYID DRAN PA'I PHYIR RO,, DE LA JI LTAR DON SHES PA'I DON GYIS GO BAS NA SHES PA YONG SU BRTAGS PA DE BZHIN DU DRAN PA MI 'THAD PAS KYANG YIN NO, ,SHES NI MYONG BA MA YIN LA, ,DE DON GYI RNAM PA YANG MA YIN NO, ,DES NA SHES PA TSUL GNYIS YIN NO ZHES BYA BAR DAM 'CHA' BA NI MNGON SUM GYIS GNOD PA YIN NO; ,GTAN TSIGS THE TSOM LA BRJOD PHYIR, ,BSAM PA GTAN TSIGS RTEN MA YIN, ,GTAN TSIGS 'JUG PA'ANG DPE LA NI, ,'BREL PA BZUNG BA LAS YIN NO, ,DE YANG YOD PA MA YIN TE, THAMS CAD LA DON GYI RNAM PA RTZOD PA'I GZHIR GYUR PA'I PHYIR RO ZHE NA, GANG LA DON YOD PA DE LA 'DI NI SHES PA'I RNAM PA MA YIN NO ZHE NA DOGS PAR 'GYUR YANG SKRA SHAD LA SOGS PA DANG, SER PO LA SOGS PA SNANG BA DON DANG LDAN PA MA YIN PA'I SEMS PA NI RNAM PA GNYIS DANG MYONG BA NYID GRUB PA KHO NA'O, ,DE LA RNAM PAR SHES PA NI LKOG TU GYUR PA YIN NO ZHES BYA BA 'DI NYID MNGON SUM

, ,GYIS GNOD PA YIN NO, ,DES NA DPE MTHONG BAS NA 'BREL PA 'DZIN TO, ,DES NA DE LTA BUR SNANG NGO ZHES DE'I SGO NAS BYUNG BA'I NGES PA JI LTAR DON GYI YIN PAR 'GYUR, THAMS CAD DU RNAM PAR SHES PA NYID DE LTAR NGES PA YIN PA'I PHYIR RNAM PA DANG BCAS PA NYID GRUB PO, ,YUL SHES PA LA SNANG BA TZAM DU NGES PA'I RANG BZHIN DE NYID DE'I SHES PA'I RANG BZHIN NO, ,'ON TE BRGYA LA DER YANG DON NYID YOD PA YIN TE, GAL TE GSAL BA MED KYANG RIGS NYID YIN PAR 'GYUR RO ZHE NA, 'DI LA BRJOD PA, SNGO SOGS THA DAD CAN SNANG PHYIR,, DE LDAN MIN RIG DON MA YIN, ,RIGS DE 'ANG MI RTAG MI 'GYUR ZHING, ,RTAG NA 'ANG JI LTAR SKYED BYED YIN, ,RIGS NI SNGON PO LA SOGS PA'I RANG BZHIN MA YIN TE, KHA DOG LA SOGS PA'I RNAM PAS STONG PA'I PHYIR RO, ,RGYU NYID KYI PHYIR DANG MI RTAG PA NYID KYI PHYIR YANG RIGS MA YIN NO, ,'ON TE RTAG PA YIN NA SKYED PAR BYED PAR MI 'GYUR TE, RTAG PA NI SKYED PAR BYED PA NYID MA YIN PA'I PHYIR RO ZHES BSTAN ZIN TO, ,MING SOGS SNGAR NI BKAG ZIN TO, ,TSUL 'DI DON LDAN MA YIN TE, ,'DOD PA TZAM DANG RJES 'BREL PHYIR, ,DON GYI NUS PA GRUB MA YIN, , 'DI THAMS CAD NI SNGAR BSTAN ZIN PAS YANG MI SPRO'O, ,RNAM PA 'DI 'DRA'I SHES PA NI, ,DRAN YIN DE YANG MYONG LAS 'BYUNG, ,DE YANG DON RNAMS STONG NA DE, ,DE NA JI LTAR DE LTAR 'GYUR, ,NYAMS SU MYONG BA LAS SKYE BA'I DRAN PA DON MED PAR 'GYUR BA JI LTAR SNGON PO LA SOGS PA'I RNAM PA DANG LHAN CIG PAR 'GYUR, DE'I RNAM PA CAN GYI DRAN PA NI DON NYID LAS 'BYUNG NGO ZHE NA, DE LA BSHAD PA, DE TSE MED PHYIR DON LAS MIN, ,DE LTAR MYONG LA'ANG DER 'GYUR RO, ,GAL TE DON LAS DNGOS SU DRAN PA 'BYUNG NA DE'I TSE, DON DE DE NYID KYI TSE YOD PAR 'GYUR NA, DE'I TSE YOD PA YANG MA YIN NO, ,'ON TE DON CHOD PA LAS KYANG DE'I RNAM PA CAN GYI DRAN PA 'BYUNG NA NYAMS SU MYONG YANG DE LTA BU NYID DU 'GYUR RO, ,DE LTAR JI LTAR 'GYUR BA YANG BSTAN ZIN PA NYID LA, 'DIR YANG STON PA YIN NO, ,RNAM PA DE NI DON GYI MIN, ,GSAL BA'I RNAM PAS DBEN PHYIR RO, ,DON

DE NI GSAL BA'I RNAM PAR NYAMS SU MYONG BAS BZUNG BA YIN NO, ,GAL TE DE YANG DON GYI RNAM PA YIN NA NI DE DE LTA BU NYID DU 'GYUR RO, ,'ON TE DRAN PAS RTOGS PA YIN PA'I PHYIR DA LTAR SNANG NGO ZHE NA, DE LTA NA 'O NA NYAMS SU MYONG BAS RTOGS PA'I PHYIR GSAL BA YIN PAS RNAM PA DE DON GYI YIN PA NA NAM YANG MI 'GYUR RO, ,RNAM PA DE NI THA DAD NA, ,GZHAN GYIS DE BZHIN RTOGS PAR 'GYUR, ,GAL TE 'DI DON YIN NA GZHAN GYIS KYANG SHES PAR 'GYUR RO, ,'ON TE DE NI BDAG LA 'BREL PA NYID LAS GZHAN LA MI SNANG NGO ZHE NA, BDAG LA 'BREL PA ZHES BYA BA'I DON CI YIN, CI BDAG GI 'BRAS BU 'AM 'ON TE DE'I BDAG NYID, GAL TE 'BRAS BU YIN NA DE'I TSE GZHAN LA SNANG BA NYID DO, ,'BRAS BU NYID KYIS NI THUN MONG BA NYID DANG 'BRAL BA MA YIN NO, ,'ON TE DE'I BDAG NYID YIN NA, DE LTA YIN NA NI MYONG BA'I BDAG NYID KHO NA'O, ,BDAG LA RTAG TU 'BREL YIN NA; ;BRJOD KYANG RTOGS PAR MI 'GYUR RO, ,DE'I BDAG NYID YIN NA NI RTAG TU BDAG LA 'BREL PA YIN GYI GZHAN DU NI MA YIN NO, ,DE LTA YIN DANG BRJOD KYANG RTOGS PAR MI 'GYUR RO, ,'ON TE RTOGS NA NI DE'I TSE DE LTA MA YIN PAR YANG RTOGS PAR 'GYUR RO, ,'DI LTAR PHYI ROL GYI GZUGS LA SOGS PA NI GZHAN GYIS BRJOD KYANG RTOGS LA MA BRJOD KYANG RTOGS PA YIN NO, ,'ON TE BRJOD PAS RTOGS PA GANG YIN PA DE NI GZHAN NYID DO ZHE NA, DE LTA NA 'O NA, RE RE DAG DANG 'BREL NA NI MTSAMS SBYOR BA RJES SU SBYOR BAR BYED PA NI MI RUNG NGO, ,MTSAMS SBYOR BA CI 'DRA BA ZHIG CE NA, BSHAD PA; DON GCIG MNGON ZHE NA BDAG NYID CAN, ,'DI NI GCIG GO ZHES RTOGS PAR MI 'GYUR TE, DE SO SO NYID YIN PA'I PHYIR RO, ,GANG DAG GI MTSAMS SBYOR BA ZHE NA, CHAD PO NYAN PO SEMS DAG GI ,SEMS DE GNYIS NI DON THA DAD PAR 'GYUR BA 'DZIN PA LA 'JUG PA'I PHYIR RO, ,GAL TE 'DRA BAS DE GCIG PAR, ,THA SNYAD YIN NA DER SNANG MIN, ,THA DAD BDAG NYID JI LTAR BZUNG, ,DE TSE BLO DON MED CAN 'GYUR, ,'DRA BAS GCIG TU THA SNYAD BYED PA GANG YIN PA DE NI MTHONG BA DAG NYID LAS YIN GYI GZHAN DU NI MA YIN NO, ,GZHAN GYIS MTHONG BA NI NAM YANG MA MTHONG BAR, DE

, ,JI LTAR GCIG THA SNYAD BYED, 'DIR PHAN TSUN DBEN PA'I DON SNANG BA NYID YIN NO, ,'ON TE 'BRAS BU DNGOS POR 'GYUR BA YIN PA DES NA, DE'I RJES SU 'BRANGS PA NYID KYIS 'DI NI GCIG GO ZHES BYA BA RTOGS SO ZHE NA, DE LTA NA 'O NA MA BRJOD PAR YANG RANG GIS RTOGS PA'I RJES SU 'BRANGS TE, GZHAN LA GNAS PA YANG RTOGS PAR 'GYUR RO, ,GAL TE BDAG GIS KYANG 'DI LTAR RTOGS SO ZHES MI BRJOD PAR YANG NGO, ,GANG GI TSE MI BDEN BRJOD PA DE'I TSE DON MED PAR JI LTAR RTOGS, DE LTA BU NYID DU MTHONG BA'I PHYIR RO ZHE NA, 'O NA NI DE'I TSE BLO DON MED PA CAN DU 'GYUR RO, ,JI LTAR GZHAN LA SNANG BA MED PAR GZHAN LA SNANG BAR NGES PA'I BLOR 'GYUR BA DE BZHIN DU DON SNANG BA MED PAR DON GYI RNAM PAR 'GYUR BA'I PHYIR SHES PA RNAM PA DANG LDAN PAR GRUB PO, ,GAL TE YONGS SU BRTAGS PAS SAM, GNOD PAR BYED PA'I TSAD MA'I STOBS KYIS DRAN PA LA SOGS PA'I SHES PA 'GA' ZHIG RNAM PA DANG BCAS PA YIN YANG THAMS CAD YIN NO ZHES BYA BAR JI LTAR 'GYUR ZHE NA, BSHAD PA, NYAMS MYONG RNAM SHES DE YANG NI, ,CHA GNYIS LA NI BRTEN GYUR PA, ,RNAM PA GCIG GIS KHYAD PAR CAN, ,DE SHES PA YI DMIGS PAR 'GYUR, ,DRAN PA'I RANG BZHIN MA YIN PA SNGON PO LA SOGS PA'I YUL CAN GYI NYAMS SU MYONG BA'I RNAM PAR SHES PA NI, DE'I YUL CAN GYI SHES PA GNYIS PA DRAN PA'I RANG BZHIN GYIS DMIGS PAR 'GYUR TE, RJES SU 'BRANG BAR BYED CING NGES PAR 'DZIN PAR BYED DO; ,JI LTA BUR GYUR PA ZHIG GIS SHE NA, CHA GNYIS PA BRTEN PAR 'GYUR PAS DE SNGON POR SNANG BA'I SHES PA BYUNG BAR GYUR TO ZHES BYA'O, ,DE LTA BUR GYUR PA DE GZHAN DAG GIS DON GYIS GO BA'I SGO NAS NGES PA NI MA YIN GYI, 'ON KYANG DE LTA BUR GYUR PA 'GA' ZHIG RJES SU 'BRANGS PA YIN NO, ,DON GYIS GO BAR NI 'JIG RTEN PA 'GA' LA YANG SKYE BA NYID KYANG MA YIN NO, ,'JIG RTEN NA GANG GIS NA DON MTHONG BA DES NA NGA LA BLO GZHAN YOD DO ZHES 'DI LTAR RTOGS PA NI MED DO, ,DON GYIS GO BA DE NI BLO'O, ,RANG BZHIN RTOGS PAR BYED MIN TE, ,DE YI RANG BZHIN MA RTOGS

PAR; ,RTOGS PAR BYED PAR NUS MA YIN, ,GZUGS LA SOGS PAR SNANG BA LAS MA GTOGS PA'I BLO'I RNAM PA GZHAN NI 'GA' YANG DON GYIS GO 'AM, GZHAN GYIS NGES PAR NUS PA MA YIN NO, ,RTOGS PA'I RANG BZHIN DU NGES SO ZHE NA, RTOGS PA'I RANG BZHIN DE NYID MI SHES PA MA YIN NAM, RKYEN THA DAD PAS NI KHAMS KYI DON THA DAD PAR 'GYUR BA MA YIN NO, ,RKYEN GYI DON YANG THA DAD PA MA YIN TE, KTE NA DANG GHA NYA'I DON THA DAD PA KHAS MI LEN PA'I PHYIR RO, ,DON THA DAD PA CI LTAR NGES DE 'CHAD PA LA 'JUG ,DE'I PHYIR SNGON PO LA SOGS PA MA GTOGS PA DANG BLO ZHES BYA BA RTOGS PA MED DO, ,SNGON PO LA SOGS PA DE NYID RANG BZHIN DU GYUR PA'I CHOS KYI BYE BRAG GIS DE SKAD BRJOD PA YIN TE, SNGON PO'I BLO 'AM SNGON PO'I YUL CAN GYI BLO ZHE'O, ,DES NA SNGON PO'I YUL CAN GYI BLO NGA LA 'BYUNG NGO ZHES RTOGS PA YANG DE'I RNAM PA NYID RJES SU RTOGS PA YIN NO, ,'DI LTAR, SNGON PO LAS NI THA DAD DU, ,SNGON PO'I YUL CAN SHES PA NI, ,PHYI MA'I SHES PA'I MTHONG MED DE, ,THA DAD RTOGS PA'I BLOS SPRUL YIN, ,GAL TE SNGON PO LA SOGS PA'I RANG BZHIN NYID BLO ZHES THA DAD PAR BSNYAD PA YIN NA, 'O NA NI SNGON PO LA SOGS PA NYID 'BA' ZHIG TU ZAD DO, ,BLO ZHES BYA BA NI MED PAR 'GYUR TE, DPER NA SNAM BU LAS THA DAD PA'I DKAR PO NYID LA SOGS PA BZHIN NO, ,DES NA BLO NYID DON DAM PA MA YIN NO ZHES BYA BAR 'GYUR RO, ,'DOD PA NI PHYI ROL GYI DON DAM PA MA YIN NO ZHES BYA BA YIN NO ZHE NA, DE NI DE LTAR MI RUNG STE, 'DE LTAR, LA LAR 'GA' ZHIG LA BRTEN NAS, ,'GA' ZHIG NYID NI 'GOG PAR BYED, ,TSAD MAS GRUB 'GYUR GANG YIN PA, ,DE LA BRTEN NAS GZHAN 'GOG 'GYUR, ,GAL TE DON TSAD MAS GRUB NI DE'I TSE DE LAS MA GTOGS PA'I BLO GZHAN MED DO ZHES BLO YONGS SU DOR BAR BYA'O, ,DE STE BLO TSAD MAS GRUB PA YIN NA, DE'I TSE NI DOR BAR BYA BA MA YIN NO, ,DE LA RE ZHIG DON NI BLOS RNAM PAR 'JOG PA'I PHYIR NA, DON DANG LDAN PAS NI BLO DOR BAR MI NUS SO, ,BLO DANG LDAN PAS NI DON GYI THABS KYIS BLO BSGRUB PAR BYA BA MA YIN TE, RANG RIG PAS GRUB PA'I

, ,PHYIR RO; ,DES NA DON MED KYANG KHAS BLANGS PAR NUS PA NYID DO, ,DE'I PHYIR BLO KHAS BLANGS NAS DE LAS GZHAN PA'I DON YONGS SU DOR BA NYID DO, ,'ON TE DON YANG RANG RIG PAS BSGRUB PA YIN NA, DE LTA NA DE MYONG BA NYID YIN GYI DON THA DAD PA NI MA YIN NO, ,DON NI MA MTHONG YANG YOD PA YIN PA'I PHYIR MA DMIGS PAS DE DON DOR BAR BYA BA YIN GYI, BLO NI DE LTA MA YIN PAS DOR BAR BYA BA MA YIN NO, ,GZHAN YANG DKAR PO LAS NI THA DAD PA'I, ,RDZAS NI MED PAR RAB BRJOD PA'I, ,DE BZHIN BLO LAS MA GTOGS PA'I, ,DON MED PAR NI RAB TU BRJOD, 'DI LTAR, SKAD CIG NYID SOGS JI LTAR YANG, ,SNGO SOGS LAS NI GZHAN YOD MIN, ,DE LTAR NA YANG SKAD CIG NYID, ,DNGOS MED PAR NI GSAL MA YIN, ,DE'I PHYIR SNGON PO LA SOGS PA'I RNAM PA NYID BLO YIN TE, BLO GZHAN GYIS DE LTAR NGES PA'I PHYIR RO, ,DES NA CHA GNYIS KA SPANGS NAS NI BLO DMIGS PA MED PA NYID PAS NA, DE JI LTAR RNAM PA GNYIS MA YIN, ,YANG NA BLO NI RNAM PA GCIG GIS KHYAD PAR CAN SHES PA GNYIS PAS DMIGS PAR 'GYUR TE, RNAM PA GCIG GIS DMIGS SO ZHES BYA BA'I THA TSIG GO, ,JI LTA BUR GYUR PA'I RNAM PA GCIG GANG GIS SHE NA, DE SMRAS PA NI CHA GNYIS PO LA NI RTEN GYUR PA STE CHA GNYI GA KHYAB PAS SO, ,DE NYID KYI PHYIR CHA GNYIS SU RTOGS PA YIN NO, ,DON DAM PAR NI RNAM PA GNYIS PO DE DANG, RNAM PA GCIG PO DE RJES SU ZHUGS PA'I PHYIR NA DES KHYAB PA YIN NO, ,RNAM PA GNYIS PO DE DAG KYANG RTOGS PA'I BDAG NYID DANG SNGON PO'I RNAM PA'O, ,BSHAD PA SNGA MA NI RNAM PA GCIG GIS KHYAD PAR CAN RNAM PA GCIG GIS LHAG PA ZHES BYA BAR SHES PAR BYA'O, ,GAL TE RNAM PA GNYIS SU RNAM PAR GZHAG PA DE LTA BU YANG RNAM PA GNYIS NYID JI LTAR YIN ZHE NA, 'DI LA BRJOD PA NI, GZHAN DU DE RNAMS CAN MIN NA, ,JI LTAR SHES LA GNAS PAR 'GYUR, ,GAL TE BDAG NYID DE'I RNAM PAR RANG RIG PAS MA MYONG NA NI DE'I TSE SHES PA LA DE'I RNAM PA CAN DU DRAN PAS GNAS PAR BYED, GNAS PAR BYED PA NI DE'I RNAM PA NYID DU SHES PAR BYED PA'O, ,DER RNAM PAR BYED DO ZHES BYA BA GA LAS SHE NA, DE BZHIN

NYID DU RTOGS PA'I PHYIR RO, ,'DI LTAR PHYI MA PHYI MA YI, ,SHES PA RNAM GCIG LHAG PA NYID, ,GDON MI ZA BAR 'DI LTAR RTOGS PAR BYA STE, 'DI LTAR PHYI MA PHYI MA DAG RNAM PA RE RES LHAG PA LHAG PAR 'GYUR BA YIN GYI GZHAN DU NI MA YIN NO, ,'DI LTAR, SNGA MAS NI SNGON PO 'DZIN NO, ,DE'I PHYI MAS NI SNGON PO SHES PA'O, ,DE'I PHYI MAS NI SNGON PO SHES PA SHES PA YIN LA, DE'I PHYI MAS KYANG DE LA LHAG PA'O ZHES NGES PA YIN TE, DES NA 'DIS GZHAN DU NI 'GYUR BA MA YIN NO, ,'DI NYID DPES STON PAR BYED PA NI, ,DON GYI NGO BOS RNAM GNYIS DANG, ,BDAG GI RNAM PA 'GA' ZHIG TU, ,GNYIS PA DE NI GSUM PA YI, ,SHES PA YIS NI RTOGS PAR 'GYUR, ,SHES PA GNYIS PA NI RNAM PAR SHES PA SNGA MA'I RNAM PA GNYIS DANG, RANG GI RNAM PA GSUM PAS RTOGS PAR 'GYUR LA, BZHI BAS NI GSUM PO DE NYID RNAM PA GCIG GIS LHAG PA STE, JI LTAR BRTZI BA DANG, DRAN PAR NUS KYI BAR DU'O, ,'ON TE GNYIS PAS SHES PA 'BA' ZHIG SHES PA YIN NO, ,DE LA SHES PA NI DON LA BYED PA YIN PA'I PHYIR DE DANG 'BREL PA YIN NO, ,DES NA DE DRAN PA NA MED NA MI 'BYUNG BA YIN PA'I PHYIR DON DE YANG DRAN PA YIN TE, DES NA GZHAN DU SHES PA DRAN PAR MI NUS PAS NA DE LTAR DRAN PA YIN NO, ,DES NA DE LA BYED PA NYID KYIS NA 'KHRUL PAS DE'I RNAM PA'O ZHES BSDOMS PAS, DE'I RNAM PAR RTOG PA YIN NO ZHE NA 'DI LA BSHAD PA, DON 'BRAS NYID KYIS SHES DRAN NA, ,DON BRAL PHYIR NA 'KHRUL PA YIS, ,GAL TE SRE NA SNANG BA DANG, ,YID BYED LA YANG DE 'GYUR RO; ;'KHRUL PA ZHES BYA BAR 'BREL TO, ,GAL TE SHES PA DON GYI 'BRAS BU NYID DAM, YANG NA DON LA BYA BA BYED PA GANG YIN PA STE, DE'I PHYIR SHES PA DRAN PA NA GDON MI ZA BAR DON DRAN PAR 'GYUR RO, ,DES NA DES BLO RMONGS PA'I RGYUD CAN DAG DE LTAR RTOGS PAR 'GYUR BA YIN NO ZHE NA, DE LTA NA NI 'O NA SNANG BA DANG YID LA BYED PA DAG LA YANG DE LTAR RTOGS PAR 'GYUR RO, ,JI LTAR RNAM PAR SHES PA LA YUL GYI 'BRAS BU YIN PA DE BZHIN DU SNANG BA DANG YID LA BYED PA'I 'BRAS BU YANG YIN NO, ,DES NA GNYIS LA YANG BSDOMS NAS RTOGS PAR 'GYUR TE, 'BRAS BU NYID DU NI KHYAD

, ,PAR 'GA' YANG MED DO, ,'ON TE YUL LA BYED PA YIN PA'I PHYIR DE SDOM PA YIN GYI YID LA BYED PA NI MA YIN TE, DE LA BYED PA MA YIN PA'I PHYIR RO ZHE NA, 'O NA DE'I TSE SNANG BA LA YANG BYED PAR MTSUNGS PA YIN TE SNANG BA MED PAR NI GZUGS LA BYED PA MA YIN PA'I PHYIR RO, , DES NA DE NI MI RUNG NGO, ,DES NA JI LTAR SNANG BA SNANG NGO ZHES BYA BAR MI 'GYUR BA DE BZHIN DU GZUGS SNANG NGO ZHES BYA BAR MI 'GYUR RO, ,'ON TE SNANG BA NI YUL GYI KHONGS SU 'DU BA'I PHYIR GZUGS SNANG BAR NGES PA NYID KYIS RTOGS PA YIN NO ZHE NA, MA YIN TE, SNANG BA NI GSAL BYED YIN PA NYID KYIS NA YUL MA YIN PA'I PHYIR JI LTAR DE LA BYED PA YIN, 'ON TE SNANG BA GSAL BYED YIN YANG GZUGS LA NGES PA'I PHYIR GZUGS NYID DU GYUR PA DES NA YUL YIN NO ZHE NA, DE LTA YIN NA GSAL BAR BYED PA'I SHES PA YANG GZUGS LA 'JUG PA'I PHYIR GZUGS NYID YIN PAS SNANG BA RNAM PA DANG BCAS PA BZHIN DU RNAM PAR SHES PA YANG RNAM PA DANG BCAS PAR 'GYUR RO, ,JI LTAR GZUGS MED PAR SNANG BA GZUNG BAR MI NUS PA DE BZHIN DU RNAM PAR SHES PA YANG YIN NO, ,GZUGS LA SOGS PA'I GSAL BYA MED PAR NI 'GAS KYANG RNAM PAR SHES PA'I ZHES BYA BA YOD PAR RTOGS PA MA YIN NO, ,DE'I PHYIR GZUGS LA SOGS PA'I RNAM PA NYID RNAM PAR SHES PA YIN NO, ,'BRAS BU NYID KYIS DE LTAR RTOGS NA YANG, ,DE BZHIN 'BRAS BU THAMS CAD KYANG, ,RGYU DANG LHAN CIG 'DZIN PAR 'GYUR, ,DE'I PHYIR RDZA MKHAN LA SOGS PA, ,MED PAR BUM PA DRAN MI 'GYUR, ,RANG GI RGYUS DBEN PAR DRAN PAR MI 'GYUR RO, ,'ON TE GANG GIS SHES PA DRAN PA NA DON DRAN PAR 'GYUR BA 'AM, SHES PA 'DZIN PA NA DON 'DZIN PAR 'GYUR BA SHES PA DON GYIS BYAS PA'I KHYAD PAR 'GA' ZHIG YOD PA YIN PAS NA SHES PA 'GA' ZHIG DRAN PA 'AM 'DZIN PA MA YIN NO, ,BUM PA LA SOGS PA DANG, RDZA MKHAN LA SOGS PA NI 'BA' ZHIG PAR YANG 'DZIN PA YIN NO ZHE NA DE YANG RANG GI PHYOGS LA GNOD PAR 'GYUR RO, ,'DI LTAR, KHYAD PAR GANG LAS SHES PA NI, ,DON DANG 'DRE BA BRTEN PA STE, ,'DRA BA LAS GZHAN CIR 'GYUR TE, ,

MTSE MA LA SOGS MTHONG PHYIR RO, ,GAL TE RNAM PAR SHES PA DE DON GYI RNAM PA CAN NYID MA YIN PA DE'I TSE RNAM PAR SHES PA DON 'DZIN PA DANG, LHAN CIG TU 'DZIN PA DANG, DRAN PA ZHES BYA BA'I NGES PA 'DI CI ZHIG YOD, DON DE NANG DU CHUD PA YIN NA NI NGES PAR DA 'DZIN PA NYID KYIS 'DZIN PA, YIN PA'I PHYIR NGES PAR 'GYUR RO, ,DE'I PHYIR DON DANG 'DRA BA'I RNAM PAR SHES PA NYID DON 'DZIN PA MED PAR MI 'DZIN PA DANG, DE DRAN PA MED PAR MI DRAN PA YIN NO, ,MTSE MA DAG LAS GCIG BZUNG NA, ,DE LAS GZHAN SNANG BA DANG, DE NYID 'DI'O ZHES DRAN PAR MTHONG BA YIN LA, SNGON PO'I SHING GI RNAM PA NYID KYIS SHING BZUNG BAR MNGON PAR RLOM PA YIN NO, ,GAL TE RNAM PAR SHES PA DANG PO GNYI GA'I RANG BZHIN MA YIN TE, 'DZIN PA'I RNAM PA 'BA' ZHIG DU ZAD NA DE GNYIS PA YANG DE BZHIN DU 'GYUR RO, ,DE'I TSE, DANG PO RANG BZHIN GNYIS YIN NA, ,GNYIS PA RANG BZHIN GCIG LA NI, ,RNAM GNAS NGES PAR 'DZIN PA YI, ,SEMS KYIS 'BYED PAR 'GYUR MA YIN, ,NGES PAR 'DZIN PA'I SEMS KYIS TE, ,GNYIS PA NGES PAR 'DZIN PA'I SEMS KYIS GNYIS PA DANG PO LAS THA DAD PAR RNAM PAR 'JOG PAR MI 'GYUR RO, ,GANG GI PHYIR DE YANG DE'I TSE NYAMS SU MYONG BA DANG PO'I RANG BZHIN DU 'GYUR BA NA, RANG BZHIN GCIG NYID LAS RNAM PAR GNAS PAR 'GYUR TE, 'DZIN PA'I RNAM PA 'BA' ZHIG GO ZHES BYA BA'I DON TE DES NA GANG LAS THA DAD PAR NGES DES NA RNAM PAR SHES PA NI YUL GYI RNAM PA NYID DO, ,DE NYID KYI PHYIR NA, DE PHYIR SNGO SOGS NGO BO RU, ,MDUN NA GNAS PAR GYUR BA'I BLO, ,DON SRE BA DANG 'BREL PA CAN, ,BLO GNYIS PAS NI DMIGS PAR 'GYUR, ,DON GYI RNAM PA CAN YIN PA DE'I PHYIR BLO SNGA MA BLO GNYIS PAS MDUN DU DMIGS PAR 'GYUR RO, ,DON SRE BA DANG 'BREL PAS NA DON SRE BA DANG 'BREL PA CAN TE; 'BREL PAS NA 'BREL PA 'AM, 'DI DON SRE BAS 'BREL PAR 'GYUR BA'I PHYIR 'BREL BA'O, ,BLO DE BLO GNYIS PAS DMIGS SO ZHES BYA BA'I THA TSIG GO, ,GAL TE DE'I RNAM PAR GYUR NA NI 'BA' ZHIG KYANG DMIGS PAR 'GYUR RO, ,GAL TE 'BA' ZHIG KYANG DMIGS PA MA YIN NAM,

, ,'DI LTAR, DE'I TSE BDAG GIS CI ZHIG MTHONG BA MI SHES SO ZHES 'DZIN PAR BYED PA NYID DRAN NO ZHE NA, DE YANG MA YIN TE, GZUNG LA THE TSOM ZA PHYIR DER, ,'DZIN PA LA YANG THE TSOM ZA, ,'DZIN PA DER NI SPYIR NGES NA, ,TSUL 'DI GZUNG BA LA YANG MTSUNGS, , 'DZIN PA SPYIR DRAN NA TSUL 'DI NI GZUNG BA LA YANG MTSUNGS SO, ,'DI LTAR, BDAG GIS CI ZHIG MTHONG NGO ZHES MTHONG BA SPYI'I RNAM PAR DRAN PA YIN NO, ,GAL TE GZUNG BA'I BYA BA DANG BRAL PA 'DZIN PAR BYED PA'I RANG GI NGO BO NYID DRAN PA YIN NA NI DE'I TSE DE'I RANG BZHIN NI DE NYID YIN PAS NA, GZUNG BA NYE BAR MI GNAS NA GZHAN NYID DU GYUR PA YIN NO, ,DES NA DE 'DZIN PAR BYED PA MA YIN PA'I RANG BZHIN GZHAN GYIS PHYIS DRAN PA DE LTA BU NYID 'DZIN PAR BYED PA JI LTAR YIN, CI STE DE KHO NA LTAR DRAN NA GZUNG BA DANG LDAN PA NYID RANG BZHIN YIN PAS DE'I TSE JI LTAR 'BA' ZHIG DRAN, DE'I PHYIR DE SNANG BA NYID 'DI NI RANG BZHIN YIN PAS RNAM PAR DBYE BAS MI NUS PA'I PHYIR GZUGS LA SOGS PA'I BDAG NYID GCIG NYID DO, ,GAL TE RNAM PAR SHES PA RANG BZHIN GNYIS PA MA YIN NA DE'I TSE DANG PO NYID SNGON PO'I RNAM PAR 'GYUR GYI PHYI MA PHYI MA NI MA YIN NO, ,DE SKAD DU YANG SLOB DPON GYI SHES PA PHYI MA PHYI MA LA YANG SNGA MA SNGA MA'I YUL SNANG BAR YANG MI 'GYUR TE, DE NI DE'I YUL MA YIN PA'I PHYIR RO ZHES GSUNGS SO, ,GANG GI PHYIR, GZHAN DU DANG PO GCIG PU NYID, ,DON LAS BYUNG PHYIR 'BREL 'GYUR GYI, ,SNGA MA'I DON DANG 'BREL MTHONG MED, , SHES PA PHYI MA PHYI MA MIN, ,PHYI MA PHYI MA'I BDAG NYID KYI SHES PA NI, SHES PA SNGA MA YUL GYI YUL CAN NYID MA YIN NO, ,YUL MA YIN PA YANG JI LTAR DMIGS PAR 'GYUR, GAL TE DANG PO'I DON GYI RNAM PAR GYUR PA NYID YIN PAS DE'I TSE NI DE LAS GYUR PA GNYIS PA YANG DE'I DON GYI RNAM PA MYONG BA'I RNAM PA NYID YIN NO, ,'DI LTAR, DE'I TSE RNAM CAN SHES PA LAS, ,SHES PA'I SHES PA SKYES PA NA, ,DE YI RNAM PAR LDAN GYUR TE, ,THAG RING SHING LAS 'BYUNG JI LTAR, ,'ON TE SHES PA 'BA' ZHIG DRAN PAR MI NUS PAS DON DANG LHAN CIG PA NYID DRAN PA YIN TE, DE LA BYED PA'I

MTSAN NYID DE GNAS PA NYID DE'I RANG BZHIN YIN PA'I PHYIR RO, ,DES NA DON DANG BCAS PA DRAN PA YIN NO, ,BUM PA LA SOGS PA 'BA' ZHIG PA YANG RANG BZHIN NYID YIN TE, RDZA MKHAN LA SOGS PA DANG LHAN CIG PA NYID NI MA YIN TE, YUL NI RNAM PAR SHES PA DANG LHAN CIG NYID DU DMIGS PA YIN TE; DES NA DE LTA BUR GYUR PA NYID DU DRAN PA YIN GYI, BUM PA LA SOGS PA NI MA YIN NO ZHE NA, DE YANG RUNG BA MA YIN TE, 'DI LTAR, GNYIS DAG LHAN CIG BZUNG NA NI, ,LHAN CIG CES BYAR RIGS 'GYUR NA, ,SNGON PO'I RNAM PA LAS GZHAN PA'I, ,SHES PA NGES PAR RTOGS PA MED, ,BDE BA LA SOGS NGO BOR NA, ,'DI NYID KHYED LA 'GRUB BA MA YIN, ,BDE BA LA SOGS PA'I RANG BZHIN RNAM PAR SHES PA YIN NO ZHES BYA BAR NI KHYED LA GRUB PA MA YIN TE, BDE BA LA SOGS PA DAG NI YUL YIN PA'I PHYIR RO, ,JI LTAR BDE BA LA SOGS PA LAS THA DAD PAR RNAM PAR SHES PA GZHAN MED PA DE BZHIN DU, SNGON PO LA SOGS PA LAS THA DAD PAR YANG NGO, ,SNGON PO LA SOGS PA NI PHYI ROL GYI YUL NA GNAS PA'I GZHAL BYA NYID DO ZHE NA MA YIN TE, BDE BA LA SOGS PA PHYI ROL MA YIN YANG GZHAL BYA NYID DU KHAS BLANGS PA'I PHYIR RO, ,GNYI GA MYONG BA LAS PHYI DANG NANG ZHES BYA BAR NI DON DAM BAR MI 'THAD DO, ,BDE BA LA SOGS PA NI SNGON PO LA SOGS PA'I 'DZIN PAR BYED PA MA YIN TE, DE MED KYANG DE BZHIN NYID DU SNANG BA'I PHYIR RO, ,GANG ZHIG GANG MED PAR YANG 'GYUR PA DE NI DES BYAS BA MA YIN NO, ,SNGON PO LA SOGS PA NI BDE BA LA SOGS PA MED KYANG 'DZIN PAR 'GYUR PA YIN NO; ;DES NA SNGON PO LA SOGS PA 'DZIN PA NI RANG GI NGO BO'I KHYAD PAR GYIS BYAS PA NYID DE, DE MED PAR YOD PA'I PHYIR RO ZHES BSTAN ZIN TO, ,DE'I PHYIR SNGON PO LA SOGS PA LKOG TU MA GYUR PA MED PAR NI SNGON PO LA SOGS PA 'DZIN PAR BYED PA MA GTOGS PA'I PHYIR NA, NYAMS SU MYONG BA DANG SNGON PO LA SOGS PA'I RNAM PAS RNAM PA GNYIS PA NYID DU GRUB PA YIN NO, ,GZHAN YANG 'DZIN PA'I RNAM PA GZHAN DU GYUR PA DE LTA NA YANG, NGES PAR BLO DANG LHAN CIG TE, ,CIG CAR DU NI MYONG GYUR PHYIR, ,YUL NI DE LAS GZHAN NYID DU, ,RNAM GANG GIS NA GRUB PAR 'GYUR, ,SNGON PO LA

, ,SOGS PA'I YUL NI BLO DANG LHAN CIG DUS GCIG NYID DU MYONG BA YIN TE, BLO DANG LHAN CIG YIN GYI SO SOR NI MA YIN NO, ,DES NA RIG PA LAS BLO GZHAN YIN NO ZHES BYA BAR JI LTAR DE LTA BUR GYUR PA NYID MYONG BA YIN NO ZHES BYA BAR 'GYUR TE, RNAM PAR DBYE BAR MI NUS PA'I PHYIR RO ZHES BSTAN ZIN TO, ,THA DAD PAR SNANG BA YIN NO ZHE NA, RNAM SHES 'KHRUL PAS ZLA BA GNYIS, ,MED PAR THA DAD MTHONG BA BZHIN, ,DPER NA ZLA BA GNYIS MTHONG BAS ZLA BA GCIG NYID LAS THA DAD PAR MTHONG BA DE BZHIN DU RNAM PAR SHES PA'I BDAG NYID LA YANG GAL TE YUL GCIG LA YANG THA DAD PAR MTHONG BAR RIGS TE, RNAM PAR SHES PA'I RNAM PA THA DAD PA'I PHYIR RO, ,DE BDAG NYID LA GO JI LTAR, ,DE NYID NI GZHAN DU 'GYUR BA MA YIN NO, ,JI LTAR RANG GI NGO BO DE NYID KYIS GZHAN GYI NGO BO RTOGS TE, DE MA RTOGS PAR THAL BA'I PHYIR RO ZHE NA, DE NI MA YIN TE, 'DI LTAR GAL TE RANG GI NGO BO NI, ,GZHAN DU RTOGS PAR NUS MIN NA, ,DE LTA NA NI GZHAN GYI NI, ,NGO BO SHIN TU NUS MA YIN, ,GAL TE RANG GI NGO BO GZHAN DU RTOGS PAR MI NUS NA, GZHAN GYI NGO BO NI RANG GI NGO BO NYID DU YANG RTOGS PAR MI NUS PA'I PHYIR, RANG GI NGO BO BZHIN DU GZHAN GYI NGO BO YANG MI NUS PA NYID DO ZHES BYA BAR 'GYUR RO, ,DES NA DON 'DI YIN TE, SHES PA RANG RIG YIN NA RANG GI NGO BOR THA DAD PAR RTOGS PAR NUS PA MA YIN NO, ,GAL TE RNAM PAR SHES PA GCIG NYID RNAM PAR SNA TSOGS PA YIN PAR 'GYUR NA NI, RANG RIG PAS RTOGS PAR NUS PA YIN TE, GZHAN DU MI 'THAD BA'I PHYIR RO, ,DES NA ZLA BA GNYIS SU MTHONG BA YANG GAL TE GCIG NYID MA YIN NA, DE RTOGS PAR NUS PA MA YIN TE, RANG DANG GZHAN DAG GIS RTOGS PAR MI NUS PA'I PHYIR RO ZHES BSHAD ZIN TO, ,DE'I PHYIR DE'I DUS PHYIS BYUNG BA'I RNAM PAR RTOG PA'I RJES SU 'GRO BA DANG LDOG PA DAG LAS ZLA BA GNYIS THA DAD PAR BTAGS PA YIN GYI, MNGON SUM GYIS RTOGS PA NI MA YIN NO, ,DE NA 'DI NYID NI, RNAM SHES 'KHRUL PAS ZLA BA GNYIS, ,MED PAR THA DAD MTHONG BA BZHIN, ,ZHES BYA BAS BA STAN PA YIN NO, ,ZLA BA GNYIS SU MNGON PAR 'DOD PA NYID GNYIS MED PA YIN TE, RNAM PAR SHES PA GCIG

GI KHONGS SU 'DUS PA'I PHYIR RO, ,DE LTA NA 'O NA LHAN CIG MTHONG BA'I SNGON PO DANG SER PO DAG KYANG SNA TSOGS KYI RNAM PA GCIG TU KHAS BLANG BAR BYA BAR 'GYUR RO ZHE NA, DE NI DE BZHIN TE, MYONG BA'I RANG BZHIN RNAM PA SNA TSOGS PA CAN NI DER YANG GCIG YIN PA'I PHYIR RO, ,GAL TE THA DAD PAR 'DOD NA NI, DE'I TSE 'DI LTAR KHAS BLANG BAR BYA STE, SNGO SER THA DAD DAG LA NI, ,MYONG BA NGES PA YOD MA YIN, ,THA DAD PA'I RGYU NI 'DI KHO NA STE, 'DI LTA STE, GRUB PA DANG BDE BA THA DAD PA NYID DO, ,ZLA BA GNYIS SNANG BA LA NI GRUB PA DANG BDE BA THA DAD PA NYID MED PA'I PHYIR NA GCIG KHO NA'O, GAL TE 'GAL BA'I CHOS GNAS PA'I PHYIR JI LTAR GCIG NYID YIN, THA DAD PA NI 'DI NYID NA 'GAL BA'I CHOS GNAS PA ZHES BYA BA GANG YIN PA'O, ,'DI LA 'GAL BA YANG PHAN TSUN SPANGS TE, GNAS PA'I MTSAN NYID YIN NO ZHE NA, DE NI MA YIN TE, RNAM PA DE LTA'I 'GAL BA NI, ,RTAG PA DANG NI CIG SHOS NYID, ,RTOGS PAS RJES SU ZHUGS PAS NA, ,GNYIS PA 'GAL BA YOD MA YIN, ,DE DAG NI RTOGS PA RJES SU ZHUGS PA NYID KYI 'GAL BA MA YIN NO, ,DE'I RANG BZHIN NI 'DI KHO NA STE, RNAM PA DBYE BA MED PA ZHES BYA BA GANG YIN PA'O, ,DE NYID DE DANG 'GAL BA NI MA YIN NO; ;DES NA GCIG PO DE NYID RNAM PA GNYIS SO ZHES RTOGS PAS RJES SU 'GRO BA DANG, LDOG PA DANG BRJOD PA YIN NO, ,RJES SU 'GRO LDOG GI DNGOS PO DE NYID DON DAM PAR YOD PA MA YIN ZHES STON PA NI, MYONG BA MED PAR DON 'GA' 'AM, ,DON MED PA YI MYONG BA 'AM, ,MYONG BAR 'GYUR BA MA MTHONG BA, ,DES NA DE DAG THA DAD MIN, ,RJES SU 'GRO LDOG MED PA'I PHYIR SNGON PO DANG MYONG BA GCIG NYID YIN TE, PHAN TSUN LDOG PA MA MTHONG BA'I PHYIR RO, ,'DI LTAR, DON MED PA YI MYONG BA DANG, ,MYONG BA MED PA'I DON MTHONG MED, ,DES NA RTAG TU MI 'BRAL PHYIR, ,DON MYONG DE NI GCIG PA NYID, , THA DAD PAR NI NYER SBYOR PHYIR, ,THA DAD RIG PA THA DAD 'DOD, ,GAL TE DE MED DE YI PHYIR, ,THA DAD MI DAD DBYER CI YOD, ,DES NA 'DIR PHA ROL POS THA DAD PA ZHES BYA BA'I MING TZAM ZHIG GDAGS PAR BYA BA YIN PAS GZHAN LA CHAD PA CUNG ZAD KYANG MED DO, ,GAL TE LA LA BLANG BYA DANG DOR BYA'I

, ,RNAM PAR DBYE BA MED NA 'DI 'DRA BA'I THA DAD PAS CI BYA, 'O NA JI LTAR SNGON PO 'ON CIG CES BYA BAS SER PO KHYER TE 'ONG BAR MI BYED CE NA, DE'I TSE SER PO DE MI SNANG BA NYID DE DES NA KHYER TE 'ONG BA MA YIN NO, ,'BRAS BA MED PA'I SNGON PO GANG YIN PA DE NI MA BRJOD PA KHO NA'O, MI 'BRAL BA NYID NI SHES PA LAS GNAS PA YIN PAS DE NI GZHAN DU KHYER TE 'OD BAR NUS PA MA YIN NO, ,THA DAD PA'I THA SNYAD NI RJES SU 'GRO BA DANG LDOG PA DAG LAS YIN PAS NA DE KHO NA NYID LAS GYUR BA MA YIN NO ZHES BSTAN ZIN TO, ,DE'I PHYIR SHES DUS SNANG BA YIN, ,DON NI SHES LAS GZHAN MIN PA; ,BZLOG PAR RAB TU DKA' BA NYID, ,GRUB PA DANG BDE BA THA MI DAD PA'I PHYIR DON SHES PA DANG GCIG NYID NI BZLOG PAR DKA' BA YIN NO, ,BZLOG PAR MI NUS PA'I PHYIR NA SHES PA RNAM PA DANG BCAD PA ZHES BYA BAR THUB PO, ,DE LTAN NA NI SHES PA 'BA' ZHIG SNANG BA YIN GYI DON MA YIN NO; ,DE MTHONG NA YANG SNGON PO LA SOGS PA'I RNAM PA GNYIS MYONG BA YIN LA, DE YANG SHES PA'I DUS SU SNANG PAS YANG DON MTHONG BA MA YIN PA'I PHYIR RO, ,RNAM PA GZHAN 'JOG PAR 'GYUR BAS THUG PA MED PAR 'GYUR BA'I PHYIR NA 'TSOL BAR 'GYUR RO ZHE NA, 'DI LA LAN DU THA DAD RGYU NI RJES DPAG 'GYUR, ,SNGON PO'I RNAM PA MTHONG BA DANG LDAN PA DAG 'DI LA RGYU 'GA' YOD PAR 'GYUR RO ZHES DE DANG MTHUN PA'I RJES SU DPAG PA YIN GYI DNGOS SU 'DI RTOGS PA'I YUL DU GYUR PA NI MA YIN TE, SNGAR BRJOD PA'I SKYON YOD PA'I PHYIR RO, ,GTAN MTHONG BA MED PA NI JI LTAR RJES SU DPOG CE NA; DE LA BSHAD PA, RGYU GZHAN DAG NI YOD NA YANG, ,DBANG PO'I BLO RNAMS MED PA'I PHYIR, ,PHYIR MTHONG BA YI RJES DPAG NI, ,LDOG PA TZAM LAS 'JUG PA YIN, ,'DI LTAR MIG DANG RNA BA DANG YID LA BYED PA LA SOGS PA YOD KYANG KA BAS STONG BAR 'DOD PA'I PHYOGS SU KA BAR SNANG BA'I MIG GI RNAM PAR SHES PA MI 'BYUNG LA, GZHAN DU NI MOD NYID LA 'BYUNG BAR 'GYUR RO, ,DES NA 'DIR GANG ZHIG MA TSANG BAS GZHAN DUG DANG MI 'BYUNG BA'I DNGOS PO 'GA' ZHIG YOD PAR 'GYUR BA YIN NO ZHES BYA BAR SHES PA YIN NO, ,PHYI ROL GYI GZHAL BYA DE LTA BUR GYUR BA'I DON DE NI MTHONG BA'I KHYAD

PAR DANG BRAL BA'I DON NYID DU SHES PA YIN NO, ,'O NA DE JI LTAR MNGON SUM GYI YUL YIN ZHE NA, DE'I RNAM PA MNGON SUM GYI YUL YIN PA'I PHYIR RO, ,RTEN GZHAN MI SLU BA'I PHYIR NYE BAR BRTAGS NAS YUL DU GYUR PA YIN NO, ,DE LTA NA'O NA NI PHYI'I DON NYID DANG GZHAL BYA YIN GYI RIG PA TZAM NI MA YIN NO ZHE NA, 'DIR GNAS PA'I PHYOGS NI MA YIN NO ZHES STON PA NI, GAL TE MTSUNGS PA DE MA THAG ,RKYEN LAS NGES PAR MI SGRA NA'O, ,CI RNAM PA'I KHYAD PAR SKYED PAR BYED PA'I DON GZHAN BRTAG PAR BYA BA YIN NAM, 'ON TE MTSUNGS PA DE MA THAG PA'I RKYEN NYID KYI KHYAD PAR 'GA' ZHIG YIN, DE LA GTAN MTHONG BA MED PA'I DON RTOGS PA NI LEGS PA MA YIN TE, RTEN GZHAN MED PAR DE LTAR RTOGS PA YIN NO, ,GANG GI TSE SNGON DU SNANG BA SNGON GYIS MTHONG BA'I MTHU NYID LAS RNAM PA 'DI SKYES PA DE'I TSE NI GZHAN DU RTOGS PA DON MED DO, ,RTOGS PA YANG MTHONG BA'I RJES SU 'BRANGS NAS; 'GYUR BA YIN GYI GZHAN DU NI MA YIN TE MA MTHONG BA NI BRTAG PAR NUS PA MA YIN NO, ,RTOGS PA NI MTHONG BA'I RJES SU 'BRANG BAR SNANG BAS GZHAN DU BRTAG PAR MI NUS SO, ,GAL TE PHYI'I DON YANG SKYED PAR BYED PA NYID DU MTHONG BA MA YIN NA, DPER NA GONG BU'I RNAM PA SHING GI RNAM PA NYID SHING MED PAR MI 'BYUNG BA BZHIN NO ZHE NA, MA YIN TE, DE YANG SHING SKYED PAR BYED PA YIN NO ZHES SUS MTHONG, ,DE NYID KYIS NI MA YIN TE, DE NI SHES PA'I RNAM PA YIN PA'I PHYIR RO, ,MI GZHAN GYIS MTHONG ZHE NA, 'DI LA DPYAD ZIN TO, ,DE NYID KYIS NA PHYIR MTHONG NGO ZHE NA, GAL TE DES PHYIS MTHONG DU CHUG KYANG, SNGAR YOD DO ZHES BYA BA LAS, PHYIS MTHONG BA NYID LAS SO ZHE NA, GAL TE PHYIS DMIGS SU CHUG KYANG, PHYIR NYID 'GYUR MOD, DMIGS PA DE SNGA MA LA MED PA NI MA YIN NO, ,DMIGS PA DE 'ANG SHES PA'I RNAM PA YIN GYI, DON GYI RNAM PA NI MA YIN NO, ,DES NA DE YANG DON YOD DO ZHES BYA BA PHYIS DMIGS PAR NGES PA YIN LA DE YANG PHYIS YIN PA'I PHYIR MTHAR THUG PA MED PAS NA MI RTOGS PA NYID DO, ,DE'I PHYIR DON MTHONG BA MED PA'I PHYIR DANG, BAG CHAGS DANG 'BREL BA NYID KYANG SNGAR NYID BSGRUBS PA'I PHYIR DPYAD PA ZHI BA MOS BZOD PAS MTSUNGS PA DE MA THAG PA'I RKYEN GYIS NUS PA NYID NGES PA

, ,RGYUR BRTAG PAR BYA BA YIN NO, ,GAL TE 'GA' ZHIG RTOGS PA MA YIN NA DE LA RGYU THA DAD PA RJES SU DPAG PA LAS PHYI ROL GZHAL BYA YIN NO, ,GAL TE PHYI ROL DON MED NA JI LTAR RGYU DANG 'BRAS BU'I DNGOS PO DANG SHES BYA SHES BYED KYI DNGOS POR 'GYUR, 'DI LTAR, PHYI ROL MED NA RGYU DANG NI, ,'BRAS NYID SHES PA YIN PAR 'GYUR, ,DE DAG LAS YANG NGES MED PHYIR, ,'BRAS BU MED CING RGYU YANG MED, ,'DI LTAR, SNGON POR SNANG LAS SER POR SNANG, ,DE LA SNGON PO SNANG LDAN PA, ,DE LTAR PHAN TSUN RGYU YIN PAS, ,JI LTAR RGYU 'BRAS DAG TU 'GYUR, ,GANG GI TSE SNGON POR SNANG BA'I RNAM PAR SHES PA'I DE MA THAG PA NYID DU SER POR SNANG BA'I SHES PA 'BYUNG BA DE'I TSE SER POR SNANG BA LAS MA GTOGS PA'I SER PO BAS SER POR SNANG BA NYID DE'I RGYU YIN PAR 'GYUR GYI, SER PO NI MA YIN NO, ,DE LA YANG SER POR YOD PA MA YIN TE, SER POR SNANG PA DE LAS KYANG SNGON POR SNANG BA YIN PA'I PHYIR PHAN TSUN RGYU NYID DU 'GYUR BAS RIGS PA DANG 'GAL PAR 'GYUR RO, ,JI LTAR RGYU DANG 'BRAS BU DAG PHAN TSUN RGYU YIN, PHYI'I DON YOD NA NI SNGON PO NYID DER RGYU YIN LA, SER POR SNANG BA NI MTSUNGS PA DE MA THAG PA'I RKYEN NYID DO,,MTSUNGS PA DE MA THAG PA'I RKYEN YANG LHAN CIG BYED PA DON THA DAD PAS THA DAD PA NA GANG GIS NGES PA MED PAR 'GYUR BA GCIG NYID DU 'GYUR BA MA YIN NO, ,YANG NA RTOGS PA'I RANG BZHIN LA NI MTSUNGS PA DE MA THAG PA'I RKYEN BYED PA YIN LA, RNAM PA LA NI SNGON PO LA SOGS PA NYID YIN PAS DE LA NGES PA'I PHYIR SKYON MED DO, ,GAL TE RTOGS PA'I RAD BZHIN LAS RTOGS PA'I RANG BZHIN NYID DANG SNGON PO LAS GZHAN LAS KYANG DE'I RNAM PA YIN NO, ,NGES PA MED PAR 'GYUR BA YIN NO, ,GAL TE DUNG DKAR PO LAS KYANG SER PO'I RNAM PA NYID DMIGS LA, CHUNG NGU LAS KYANG CHEN PO'I RNAM PA NYID DMIGS PA MA YIN NAM, DES NA 'DI LA YANG NGES PA MED PA KHO NA'O ZHE NA, DE NI MED DE, 'DI LTAR, RGYU NI 'KHRUL PAR 'GYUR BA'O PHYIR, ,DER NI 'CHOL BA 'DIR 'GYUR RO, ,'KHRUL PA MED PA'I SNANG BA LA, ,NGES PAR RTOGS PA GZHAN YOD MIN, ,'KHRUL PA LA 'CHOL PAR MTHONG BA GANG YIN PA DE NI TSAD MA CAN NYID

MA YIN PA'I PHYIR NA DES 'KHRUL PAR 'GYUR BA MA YIN NO, ,DE BZHIN DU SA BON LAS MYU GU SKYE BAR 'DOD KYI BZLOG PA NI MA YIN NO, ,RNAM PAR SHES PA SMRA BA LA NI MAS BON LA SOGS PA SNANG BA LAS MA GTOGS PA'I SA BON LA SOGS PA MED DO, ,DES NA SA BON DU SNANG BA LAS MYU GUR SNANG BA DE LAS KYANG SA BON DU SNANG BA YIN PA'I PHYIR NA NGES PA MED DO, ,DE LTAR NA YANG THA SNYAD CHAD PAR 'GYUR RO, ,SHES BYA SHES BYED KYI DNGOS PO YANG RING DU SPANGS PA NYID DO, ,DU BA LAS ME YOD DO ZHES BYA BA BSGRUB PAR BYA BA YIN NO, ,RJES SU DPAG PAR BYA BA LA LKOG TU GYUR PA YIN NA PHYI ROL GYI ME NI YOD PA MA YIN NO, ,SNANG BA YANG SHES PA'I BDAG NYID YIN PA'I PHYIR NA LKOG TU GYUR PA NYID DO, ,GZHAN GYI SNANG BA YANG BSGRUB PAR BYA BA YIN TE, DE LA 'KHRUL PA'I PHYIR RO, ,'BYUNG BAR 'GYUR BA'I RANG GI SNANG BA NYID BSGRUB PAR BYA BA YIN NO ZHE NA, MA YIN TE, NGES PA MED PA'I PHYIR RO, ,DE'I PHYIR PHYI ROL GYI DON NYID BSGRUB PAR BYA BA YIN NO ZHE NA, 'DI LA BSHAD PAR, SA BON LAS NI MYUG BSKYED DANG, ,DU BA LAS ME GRUB PA ZHES, ,DE 'DRA PHYI ROL DON BRTEN CAN, ,BYED PO SHES BYED GNAS PA GANG, ,DE YANG GAL TE DE NGO BOR, ,SNANG BA DE LTAR NGES 'BREL PA'I, ,BLO LA BRTEN PAS RTOGS BYED NA, , 'GAL BA DAG NI CI ZHIG YOD, ,'DIR SNANG BA NYID DGOS PA YIN GYI, DON NI MA YIN TE, MI SNANG BA NI YOD KYANG MED PA DANG KHYAD PAR MED PA'I PHYIR RO, ,'DI LTAR DMIGS PA NYID YOD PAR BRJOD PA YIN NO, ,PHYI YI DON NI MED NA YANG, ,SNANG BA LA NI NGES YOD MIN, ,SNANG BA MED NA PHYI ROL NI, , GTI MUG PHA ROL NYID DU 'GYUR, ,SNANG BA NI PHYIR ROL MED KYANG 'GYUR RO ZHES BSTAN ZIN TO, ,SNANG BA MED NA NI PHYI ROL MED PA NYID DU 'GYUR TE, MA DMIGS PA'I PHYIR RO, ,DES NA SA BON DU SNANG BA LAS MYU GUR SNANG BA YIN PAS RGYU DANG 'BRAS BU YIN PA LAS 'GAL BA CI YOD, 'O NA MYU GU 'BA' ZHIG SNANG BAR MI NUS TE, 'BA' ZHIG SNANG NA SA BON DU SNANG BA MED PA YOD PAS RGYU MED PA NYID DU 'GYUR RO, ,PHYI'I DON YOD PAR SMRA BA RNAMS KYI LTAR NA NI RGYU MED PA NYID MA YIN TE, MI SNANG BAR SA BON YOD PA'I PHYIR RO, ,'DI LTAR PHYI ROL MI SNANG BA YIN YANG, PHYI ROL NYID LAS NYAMS PA MED, ,GANG

, ,TSE SNANG BA MED 'GYUR NA, ,RNAM SHES NYID NI YOD MA YIN, ,'ON TE DE NI GZHAN GYI SNANG BA YOD PA DES NA RGYU MED PA NYID MA YIN NO ZHE NA, MA YIN TE, NGES PA MED PA'I PHYIR RO, ,GZHAN GYI SNANG BA LAS NI RANG GI SNANG BA SKYE BA YANG MA YIN NO ZHE NA, DE YANG MTSUNGS PA MA YIN TE; 'DI LTAR, GAL TE DON DE SU LA YANG, ,SNANG BA MED PAR 'GYUR BA NA, ,GANG GIS MYU GU DE RGYU CAN, ,'GYUR BA DE YOD TSAD MA GANG, ,NUS BA NYE BAR BRJOD PAS BRJOD PA THAMS CAD BRAL BA NI NYE BAR BRJOD PA MED PA'I MTSAN NYID YIN NO, ,PHYIS MTHONG BA'I PHYIR RO ZHE NA, LAN BTAB ZIN TO, , 'BRAS BU LAS YOD DO ZHES SHES SO ZHE NA, RGYU DANG 'BRAS BU'I DNGOS POR NI, ,GRUB NA DE YI YONG PAR RTOGS, ,DE DNGOS NYID DU RTOGS NA YANG, ,RGYU DANG 'BRAS BU'I DNGOS POR 'GYUR, ,DES NA PHAN TSUN RTEN PA'I NYES PAS MI 'GRUB PA KHO NA'O, ,GAL TE GCIG NYID DU SGRO BTAGS PA 'DI YANG MTHONG BA NYID YIN NO ZHE NA, 'O NA RNAM PAR SHES PA LA YANG SGRO BTAGS PAS SUS BZLOG ,RNAM PAR SHES PA MED PA'I PHYIR JI LTAR SGRO 'DOGS SHE NA, 'DI NI PHYIR ROL LA YANG MTSUNGS SO, ,PHYIR ROL LA YANG SGRO BTAGS PA NYID LAS YOD DO ZHES THA SNYAD BYED PA YIN NO, ,DE LTA YIN YANG SNANG BA YANG KUN RDZOB TU YOD PA NYID DO, ,RJES SU DPAG PA'I DUS SU NI PHYI ROL SGRO BTAGS BA LAS GZHAN PA'I YOD PA NYID NI MED DO, ,SGRO 'DOGS PA DE NI GAL TE 'DI LTA BU 'BA' ZHIG 'DIR 'GYUR NA, MTHONG BA LA YANG 'GYUR RO, ,GAL TE 'DI LTA BU 'BA' ZHIG 'DIR 'GYUR NA SNANG BAR 'GYUR ZHES SO, , SNANG BA DE GZHAN YIN NO ZHE NA, DON YANG GZHAN YIN PAS NA 'DI NI MTSUNGS SO, ,DER YANG DON DAM PAR NI GCIG NYID RTOGS PA MA YIN NO, ,RNAM PAR SHES PA SMRA BA LA YANG RAB RIB CAN GNYIS KYIS ZLA BA GNYIS MTHONG BA BZHIN DU GZHAN LA YANG THA SNYAD BYED DO, ,DES NA RNAM PAR SHES PA SMRA BA LA YANG GAL TE DE'I NGO BOR NGES PAR SNANG BA DANG 'BREL BA'I CHA LA BRTEN NAS RGYU DANG 'BRAS BU'I DNGOS PO YIN LA 'GAL BA CI YOD, PHYI ROL GYI DON DU SMRA BA LA NI 'GAL BA YOD DO ZHES BSTAN ZIN TO, ,TSAD MA MED PA'I PHYIR RO, ,GZHAN YANG, GAL TE PHYI ROL RTOGS 'GYUR NA, ,PHYI NAS NYID NI

RTOGS PAR 'GYUR, ,SNGAR RTOGS PA NA NI THAMS CAD KYI, ,RNAM PA THAMS CAD RTOGS PA NI, ,GAL TE PHYI ROL GYI ME LA SOGS PA RTAG PA NYID YIN NA, DE'I RNAM PA GCIG NYID DU SNGAR NYID RTOGS ZIN PAS NA RJES SU DPAG PA LAS CI'I DON DU 'JUG, ,'ON TE RJES SU DPAG PAS RANG GI NGO BO MA RTOGS PA NYID NA DE LTA YIN NA JI LTAR 'DI YOD PAR RTOGS, GZHAN GYI NGO BOR RTOGS NA NI RNAM PAR SHES PA'I RANG BZHIN LA YANG MTSUNGS PA NYID DO, ,'ON TE RTOGS PAS SNANG BA DANG RNAM PAR BRTAG PAR BYA BA GCIG TU BYAS NAS 'JUG PA DAG DER SGRO 'DOGS PAR BYED DO ZHE NA, SGRO BRTAGS PA DES CI ZHIG BYA STE, DE LTA MA YIN TE, DE MED NA PHYIS KYIS DON RNAM PAR CHAD PA SKYED PAR 'GYUR RO ZHE NA, DE MIN PA'ANG RNAM PAR CHAD PA JI LTAR 'GYUR, GAL TE RNAM PAR MCHAD PAR RTOGS PAS DNGOS PO YIN NA BAG CHAGS BAR DU 'GYUR BA MA YIN TE, DE LTA NA YANG MI 'CHAD PA NYID DO, ,GOMS PA LA DE'I RANG BZHIN NYID MED PA'I PHYIR RO ZHE NA, DE LTAR KHAS LEN PA NA DON LA YANG DE'I RANG BZHIN NYID MED DO, ,MTHONG BA NI MA MTHONG BA DANG MTSUNGS PAR RTOGS NUS PA MA YIN NO, ,'ON KYANG SGRO BTAGS PA TZAM 'BA' ZHIG TU ZAD LA, DE NI RNAM PAR SHES PA SMRA BA LA YANG MTSUNGS PA NYID DO, , GAL TE RIGS MI MTHUN PA'I RNAM PAR SHES PA'I RGYU DAG NYID BAG CHAGS PAR DU ZHUGS PA DAG JI LTAR DAS DE RNAM PAR MA CHANG BAR 'GYUR ZHE NA, DPER NA RGYA SKYES KYIS BSKUS PA, ,BAR DU RIGS MI MTHUN SKYE LA, ,'JIG RTEN RGYA SKYEGS 'BRAS BU YIN, ,RNAM CHAD MED PAR DE 'DOD BZHIN,, BAR DU RIGS MI MTHUN PA YI, ,RNAM SHES TSOGS NI 'BYUNG 'GYUR PA, , DE YI BA GA CHAGS RJES 'BREL PA, ,NYID LAS RNAM CHAD MED PAR 'GYUR, ,DPER NA RGYA SKYEGS KYI KHU BAS BYUGS PA, MAR DU 'BYUNG BA'I SA BON DANG MYU GU DANG, 'DAB MA DANG, SNGON BU LA SOGS PA DAG LA 'BRAS BU LAS RJES SU DPAG PA'I NUS PA'I KHYAD PAR 'JOG PAS NA, 'JIG RTEN DAG RNAM PAR MA CHAD PAR SKYED DO ZHES PA SKYED PA DE BZHIN DU, SNGAR GYI MER SNANG BA'I YANG PHYIS MI SNANG BAR DU 'BYUNG BA RIGS MI MTHUN PA'I SNANG BA DAG LA DER GNAS PA BZHIN DU RANG GI NUS PA 'DZIN PAR BYED PAS NA, 'BRAS BU RNAM PAR

, ,MA CHAD PA KHO NAR SKYED PAR BYED DO ZHES BRJOD PA 'AM NGES PA YIN NO, ,DES NA SNGAR GYI SNANG BA DE NYID MER SNANG BA DE SKYED PAR BYED PA YIN GYI DU BAR SNANG BA NI MA YIN NO, ,DE LA JI LTAR PHYI'I DON SMRA BA DAG GI LTAR PHYIS KYI MER SNANG BA LAS SNGAR ME BYUNG BAR GYUR TO ZHES RTOGS PAR BYED PA DE BZHIN DU RNAM PAR SHES PA SMRA BA'I LTAR NA YANG BAG CHAGS YONG PAR 'GYUR RO ZHES RTOGS PAS 'DI GNYIS LA KHYAD PAR MED DO, ,DU BAR SNANG BA LAS KYANG DU BA'I BAG CHAGS RTOGS PA YIN NO, ,BAG CHAGS RGYU YIN PA NYID DU NI BSGRUBS ZIN TO, ,PHYI ROL GYI RGYU'I DNGOS PO NYID DU 'THAD PA MA YIN TE, 'DI NI BSTAN ZIN TO, ,DU BA ME SKYED 'GYUR MA YIN, ,DE PHYIR 'BRAS BU RGYU RTOGS MIN, ,DE RGYU DAG NI YIN NA YANG, ,GANG LAS NGES PAR RTOGS PAR 'GYUR, ,GAL TE DU BA'I BAG CHAGS NYID DU BA YIN LA DE NYID RGYU DANG 'BRAS BU'I DNGOS PO YIN GYI, ME LAS DU BA MA YIN TE, DE'I TSE MED PA'I PHYIR DANG, RANG GI BAG CHAGS DANG 'BREL PA'I PHYIR, GAL TE MER SNANG BA YANG DE'I BAG CHAGS SAD PA DE DANG RJES SU MTHUN PA NYID KYIS DU BAR SNANG BA'I RGYU YIN PAS RGYU NYID YIN NA, DE LTAR YIN NA DU BA YANG ME'I RGYU YIN NO, ,RGYU NYID YIN NA YANG NGES PAR RTOGS PAR GA LAS YOD DE, 'KHRUL PA'I PHYIR RO ZHE NA, 'DI LA BSHAD PA, DE LA'ANG DU BAR SNANG BA'I BLOS, ,BAG CHAGS GSAL BAR SAD BA CAN, ,MER SNANG BA YIN BLO NYID NI, ,RTOGS 'GYUR ME NYID MA YIN NO, ,'DI LTAR DU BAR SNANG BA'I BLO NI BAG CHAD DANG 'BREL PA YIN TE, DE LAS NI BAG CHAGS DE RJES SU DPOG GO, ,BAG CHAGS DE YANG SAD PA LA MNGON DU PHYOGS PA YIN PA'I PHYIR NA, MER SNANG BA BSKYED PAS NA MER SNANG BA THOB PAS TSANG MA YIN NO, ,DPER NA PHYI'I DON SMRA BA RNAMS KYI LTAR NA, ME RJES SU DPAG PA LAS MER SNANG BA'AM ME GZHAN YIN PA DES NA, TSOGS PA GCIG LA RAG LAS PAS ME MTHONG BA DE BZHIN DU DU BA DANG 'BYUNG BAR 'GYUR BA'I ME SNANG BA GNYIS BAG CHAGS DANG 'BREL PA YIN TE, GAL TE LKOG TU GYUR PA DANG MA GYUR PA'I ME GCIG NYID YIN NO ZHE NA, MA YIN TE TSAD MA MED PA'I PHYIR RO, ,BAG CHAGS KYI DBANG GIS GCIG NYID YIN PA'I PHYIR NA BAG CHAGS RANG

NYID DON DAM PAR GCIG YIN GYI, DNGOS PO NI MA YIN NO ZHES 'DI YANG BSTAN ZIN TO, ,PHYI'I DON LA YANG ME NYID RJE SU DPOG PA NI MA YIN GYI, 'ON KYANG 'BYUNG BA'I SNANG BA NYID YIN TE, SROG CHAGS RNAMS DE DON DU GNYER BA'I PHYIR RO, ,ME MI SNANG BA'I MES NI SU LA YANG DGOS PA MED DO,, SNANG BA DON DU GNYER BA NI 'BYUNG BAR 'GYUR BA'I SNANG BA RJES SU DPAG PAR BYA BAR 'GYUR MOD, ME RJES SU DPOG PAS CI BYA, JI LTAR 'BYUNG BAR 'GYUR BA RJES SU DPOG CE NA, DE LTA BU NYID DU MTHONG BA'I PHYIR RO, ,MTHONG PHYIR DE LTA NYID DO ZHE NA, 'DI LA MI RIGS MTHONG BA MED, ,PHYI DON LA NI MI SLU DANG, ,MTHONG BA'ANG SRID BA MA YIN NO, ,'BYUNG BA'I SNANG BA NYID KYIS RJES SU DPOG PA LA THAMS CAD MI 'THAD PA MED DO, ,PHYI ROL GYI RMI LAM NA YANG SRID PA MA YIN NO, ,'DI LTAR, DE BZHIN 'BYUNG 'GYUR MYONG BA NI, ,RJES SU DPAG PAS SHIN TU NGES, ,DA LTAR 'BYUNG DON RIG NA NI, ,YOD PA MIN ZHES BSTAN ZIN TO, ,DE LTA MA YIN NA 'GA' YANG 'BYUNG BA'I DON LA LTOS PAS 'JUG PAR MI 'GYUR RO, ,'ON TE DA LTAR DANG 'BYUNG BAR 'GYUR BDAG LA GCIG TU ZHES PAS 'JUG GO ZHE NA, DE LTAR YIN NA NI 'DI 'BYUNG BAR 'GYUR BA'I DON RIG PA NYID YIN GYI DA LTAR BA RIG PA NI MA YIN NO, ,RIG PA NI THOB PAS RJES SU DPOG PA BZHIN NO, ,DES NA DA LTAR BA'I RANG BZHIN MI 'THOB PA'I PHYIR DANG, 'BYUNG BA NI BZLOG PA YIN PA'I PHYIR TSAD MA NI 'BYUNG BA'I YUL CAN NYID DO, ,DA LTAR BA'I RNAM PA NI YOD KYANG BDEN BA MA YIN NO, ,MNGON SUM YANG 'BYUNG BAR 'GYUR BA NYID LA TSAD MA YIN NO, ,DE LTAR YANG BSTAN ZIN TO, ,DES NA JI SKAD DU, DON 'DI NI 'BYUNG BAR 'GYUR BA YIN TE SHES PA DUS NA YOD PA MA YIN NO ZHES SMRAS PA DE BSAL BA YIN TE, 'BYUNG BAR 'GYUR BA MED PAR MI 'GYUR BA'I PHYIR NA, PHRAD PA LAS KYES PA'I MNGON SUM DE TSAD MA YIN NO, ,DES NA YOD PA DMIGS PA YIN PA'I PHYIR RGYU MTSAN MA YIN NO ZHES BYA BA DE YANG SPANGS PA YIN NO, ,DES NA MNGON SUM DANG RJES SU DPAG PA DAG 'BYUNG BAR 'GYUR BA'I YUL CAN YIN PA'I PHYIR NA DE'I RJES SU 'GRO BA DANG LDOG PA'I RJES SU BYED PA'I DNGOS PO LA TSAD MA YIN NO, ,

, ,DON DAM PAR NI THAMS CAD RANG GI NGO BO'I YUL CAN NYID LA THA SNYAD DU NI 'BYUNG BA'I DON GYI YUL CAN YIN NO, ,'BYUNG BA'I DON DE YANG THOB PA'I YUL YIN PA DE'I PHYIR NA DON BYA BA BYED PA NYID YIN NO, ,GAL TE THA SNYAD KHAS LEN PAR BYED NA DON GYI YUL CAN NYID YIN PAR 'GYUR LA, DON DE YANG DAD LTAR BA NYID YIN PAS 'BYUNG BA'I YUL TZAM NYID DU BSGRUBS PAS CI BYA ZHE NA, 'DI LA BSHAD PA, MA RTOGS CUNG ZAD RTOGS STZOGS KYI, ,DBYE BAS THA SNYAD DE RNAM GSUM, ,DE LA BRTEN NAS 'DU DAG NI, ,THAMS CAD 'THAD PA NYID DU RTOGS, ,MA RTOGS PA RNAM SKYI THA SNYAD NI MNGON SUM DANG LTA BA'I DON GYI YUL CAN YIN NO, ,CUNG ZAD RTOGS PA RNAM SKYI NI 'BYUNG BAR 'GYUR BA'I YUL CAN, SHIN TU RTOGS PA RNAMS KYI NI SNANG BA TZAM GYI YUL CAN NYID DO, ,DE NA GAL TE MA RTOGS PA'I SHES PA LA LTOS TE, DON GYI YUL CAN YIN LA; DON YANG DA LTA BA'I YIN NA GRUB PA GRUB LA SGRUB PA DE NI DE LTA BU KHO NAR KHO BO CAG 'DOD DO, ,NGES NA DU BAR SNANG BA'I SHES PAS NI ME'I BAG CHAGS NYID RTOGS PAR BYED LA, BAG CHAGS DE YANG 'BYUNG BA'I SNANG BDAG GCIG TU RTOGS PAS DE'I NGO BOR SNANG BA LA 'JUG PAR BYED PA YIN PAS NA 'BYUNG BAR 'GYUR BA'I SNANG BA DE NYID RTOGS PAR BYA BA YIN TE, PHYI'I DON 'DOD PA LAS 'BYUNG BAR 'GYUR BA'I MED BZHIN NO, ,DES NA DON DAM PAR SNANG BAR 'GYUR BA'I YUL YIN NO, ,GAL TE PHYIR KYI 'KHRUL PA SNANG BAR 'GYUR BA YIN NA, ,DER DON DU GNYER BAR MI 'GYUR PA YIN NAM, ,'JIG RTEN DON NYID DON DU NI, ,GNYER GYI SNANG BA DON GNYER MIN, ,'JIG RTEN LA 'GA' RMI LAM GYI, ,BDE BA DON GNYER MTHONG BA MED, ,DE NI MA YIN TE 'DI LTAR, GAL TE BAG CHAGS BRTAN BRTEN NAS, ,SNANG BA MTSAMS SBYOR LDAN NA DER, ,RMI LAM BDEN MIN YIN YANG DER, ,KHYED LA CHAD PA CI ZHIG YOD, ,GANG LA BAG CHAGS KYI KHYAD PAR NYID LAS 'CHUGS PA MED PA DE NI RMI LAM GYI BDEN PA NYID MA YIN NO, ,RNAM PAR SHES PA SMRA BA RNAMS LA YANG BAG CHAGS KYI KHYAD PAR LA RMI LAM DANG CI SHOS PA'I DBYE BA NI YOD PA NYID DO, ,

DPER NA RMI LAM NYID NA RMI LAM DANG CIG SHOS KHYAD PAR YOD PA BZHIN NO, ,YANG NA RMI LAM GYI KHYAD PAR NYID YIN LA RAG MOD, DE LA YANG MI MKHAS PA RNAM 'JUG PAR 'GYUR BAS 'DI KHYED LA CHAD PA CI ZHOG YOD, DON DAM PA LA MKHAS PA MI GTZUG GI RIN PO CHE'I RGYAN DAM PAR 'GYUR BA THAR PA 'DOD PA RNAMS NI BDE BA THAMS DA BYIS PA'I RTZED MO DANG 'DRA BAR MNGON PAR 'DOD PA MA YIN PAS 'JUG PA MED PAR THAL BA GRUB PA LA SGRUB PA NYID DO, ,'DI LTAR, THAR 'DOD BZOD PA DANG LDAN DAG, ,'KHOR BA'I BDE BA DON GNYER MIN, ,DES NA DE DAG CHOS LA NI, ,'JUG PA DE BZLOG GRUB PHYIR YIN, ,'KHOR BA'I BDE BA'I DON DU CHOS SGRUB MTHA' DAG BYIS PA'I RTZED MO DANG 'DRA BAR MTHONG BA'I RTOGS PA DANG LDAN PA THAR PA 'PHEN PA RNAMS NI 'KHOR BA'I THA SNYAD 'DRI BA'I CHOS LA BZLOG PA 'JUG PA YIN NO, ,DES NA THA SNYAD PA'I TSAD MA'I YUL NI SNANG BA NYID DO, ,GAL TE ME LA SOGS PAR SNANG BA NI BAG CHAGS DANG 'BREL PA NYID YIN LA DE 'ANG RIGS MTHUN PA'I BAG CHAGS DANG 'BREL PA YIN NA, 'O NA NI DU BAR SNANG BA DE'I BAG CHAGS NYID RTOGS PAR 'GYUR GYI, JI LTAR ME'I BAG CHAGS RTOGS PAR BYED, ,'DI LTAR, GANG GI NGO BOR SNANG BA YIS, ,RAB TU SBYAR PA'I BAG CHAGS NI, ,DE YIN NGO BO SNANG BA YI, ,RGYU YIN SNANG BA GZHAN GYI MIN, ,ME'I BAG CHAGS KYIS NI DU BAR SNANG BA SKYED PAR BYED PA MA YIN TE, DE'I DU BA'I BAG CHAGS NYID KYIS BSKYED PAR BYA BA YIN PA'I PHYIR RO, ,DE LAS GZHAN GYIS BSKYED PAR BYA BAS NI SKYED PAR BYED PA MA YIN PA GZHAN GO PAR BYED PA MA YIN NO ZHE NA, 'DI LA BRJOD PA, SEMS RGYUD DE RUNG BAG CHAGS KYI, ,SNYING PO CAN NI DU BAS NI, ,SNANG BA'I BLO DAG GSAL BYED PA, ,DES NA ME LAS DU BA YIN, ,'KHOR BA'I SPROS PA MTHA' DAG NI SEMS NYID LAS BYUNG BA YIN NO, ,DES NA MER SNANG RUNG BA'I BAG CHAGS KYI RTOGS PA CAN GYI SEMS KYI RGYUD LAS MER SNANG BA YIN, ,RGYUD DE YANG DU BA'I BAG CHAGS SAD PAR BYED PA'I SEMS GZHAN GYIS NYE BAR BSGRUB BA LAS DU BAR SNANG BA SKYED PAR BYE PA YIN NO, ,DE BAS NA ME'I BAG CHAGS LHAN CIG BYED PA TZAM GYI DU BA'I BAG CHAGS DU PAR

, ,SNANG BA'I NYE BAR LEN PA'I RGYU YIN LA 'BYUNG BAR 'GYUR BA'I MER SNANG BA'I NYE BAR LEN PA'I BAG CHAGS KYANG SAD PAR BYED PA YIN PA'I PHYIR NA, DU BAR SNANG BA 'AM, DU BA'I BAG CHAGS KYI LHAN CIG BYED PA CAN YIN NO, ,DES ME DANG ME'I 'BRAS BU DU BA DAG TSOGS PA GCIG LA RAG LAS PA'I PHYIR GO BYA GO BYED KYI DNGOS PO YIN PAS NA 'THAD PA YIN NO, ,GAL TE TSOGS PA GCIG LA RAG LAS PA NYID KYIS GO BAR BYED PA YIN NA, GO BYA GO BYED KYI DNGOS PO GANG DUS MTSUNGS PA YIN GYI, MA 'ONGS PA NI RTOGS PA MA YIN TE, 'KHRUL PA'O ZHE NA, 'DI NI RUNG BA MA YIN TE; 'DI LTAR, THAMS CAD DU NI MA 'ONGS PA, ,GO BYA NYID CES SGRUB PA YIN, ,DU BA LAS KYANG THOB BYA'I ME, ,SKAD CIG DER GO MIN NAM CI, ,TSAD MA'I YUL NI MA 'ONGS BA NYID DO, ,GAL TE DU BA LAS ME'I DE NYID KYI TSE YOD DO ZHES RTOGS KYI, PHYI NAS 'BYUNG BAR 'GYUR BA NI MA YIN NA, DE'I TSE 'GA' YANG TSAD MAR MI 'GYUR RO, ,DE'I DUS SU 'BYUNG BA'I MES NI DE LA DGOS PA MED DO, ,GAL TE 'BYUNG BAR 'GYUR BA LA THE TSOM ZA BAR NI JI LTAR TSAD MA NYID YIN, DES THOB PA STON PA'I PHYIR TSAD MA YIN TE, TSAD MAS GNYA' BO'I TSUL GYIS DUS GZHAN GYI DON BSTAN PAR BYA BA NI MA YIN NO ZHE NA, BSTAN PA DES NANG DON BYA BA MI BYED PA'I PHYIR NA, DE DON MED PA KHO NA MA YIN NAM, 'BYUNG BAR 'BYUNG BAS DON BYA BA 'BYUNG BA'I PHYIR NA, 'DI YANG NYE BAR BTAGS NAS DON BYA BA BYED PA YIN TE, RGYU LA 'BRAS BU BTAGS PA'I PHYIR RO ZHE NA, GAL TE DE LTA NA RNAM PAR SHES PA SMRA BA RNAMS KYI LTAR NA YANG DE'I DUS SU GO BAR BYA BA BAG CHAGS YOD PA NYID DO, ,DON BYA BA BYED BA NYID MED PA'I PHYIR DES CI BYA ZHE NA, 'DI NI DON LA YANG MTSUNGS SO, ,'BYUNG BAR 'GYUR BA'I DON GYI SGO NAS DON BYA BA BYED PA'I PHYIR DE YANG DON BYA BA BYED PA YIN NO ZHE NA, 'DI'I BAG CHAGS LA YANG MTSUNGS SO, ,DON LA YANG DE'I DUS SU BAG CHAGS TZAM GO BAR BYA BA YIN NO, ,GZHAN GYIS GO BA YIN NO ZHE NA, BAG CHAGS KYANG GZHAN GYIS GO BA NYID DO, BAG CHAGS KYANG THA SNYAD LAS GZHAN GYIS MI RTOGS PA MA YIN NO, ,DES NA PHYI'I DON DANG RNAM PAR RIG PA TZAM DU SMRA BA DAG GI

RJES SU DPAG PA 'DRA BA NYID DO, ,DES NA RNAM PAR RIG PA TZAM NYID RIGS SO, ,'O NA JI LTAR SLOB DPON GYIS PHYI'I DON LA YANG RNAM PAR SHES PA RANG BZHIN GNYIS PAR BSHAD DE, RNAM PAR SHES PA SMRA BA NYID DU RIGS PA YIN NO ZHE NA, 'DI LA BSHAD PA, MKHAS PA RNAMS LA RTZOD 'DI YOD, , PHYI ROL LA NI BRTEN NAS SU, ,TSUL GNYIS RJOD YIN DE YANG NI, ,LHAN CIG MYONG BA NGES PAS 'GRUB, ,GZHAN LA LTOS TE PHYI'I DON KHAS BLANGS NAS TSUL GNYIS BSHAD PA YIN GYI, MKHAS PA RNAMS LA RNAM PAR SHES PA SMRA BA NYID DO, ,THA DAD PA DAG NI MYONG BA NGES PA MI RUNG NGO ZHES BSTAN ZIN TO, ,GAL TE RNAM PAR SHES PA RNAM PA MED PA NYID YIN NA DE'I TSE, RNAM PA GZHAN NYID PAS DE LA RES 'GA' 'DZIN PA'I RNAM PA THA DAD PA NYID DU 'DZIN PAR 'GYUR RO, ,'DZIN PA NYID DE SER PO LA SOGS PAR MED PAR 'DZIN PA'I RNAM PA NYID YIN LA SNGON PO DE NYID BDE BA'I RNAM PA YIN ZHING, DE NYID SDUG BSNGAL GYI RNAM PAS 'DZIN PA YIN NO ZHE NA, ,SER SOGS LA YANG 'DZIN PA YI, ,RNAM DE NYID DANG SNGON GANG MTHONG, ,DE NYID YIN PAR SHES 'DI CI, ,MNGON SUM 'ON TE RJES DPAG YIN, ,RE ZHIG MNGON SUM NI MA YIN TE, SNGON DANG PHYI MA'I DNGOS PO LA MNGON SUM GYIS 'JUG PA'I PHYIR RO, ,DE MED NA RJES SU DPAG PA LA YANG MA YIN PAS NA SNGA MA DANG PHYI MA NI TSAD MA'I YUL MA YIN NO, ,'O NA MNGON SUM RJES SU 'GRO LDOG 'DZIN PAR NUS PA MA YIN PA'I PHYIR, ME LA SOGS PA GZHAN DU YANG RJES SU DPOG PA JI LTAR 'GYUR ZHE NA MA YIN TE, RJES SU DPAG PA NI SPYI'I YUL CAN YIN PA'I PHYIR GCIG TU 'DZIN PA'I YUL GCIG TU BSAMS NAS RJES SU DPOG PA YIN NO, ,DPER NA TSANG BANG DANG GZHAN GNAS PA DAG GCIG NYID DU SGRO BTAGS NAS ME'I DE NYID 'DI'O ZHES GSAL BA GZHAN DANG LHAN CIG BSGRUB PAR BYA BA YIN GYI, DON DAM PAR NI GCIG PA NYID MA YIN PA DE BZHIN DU, 'DIR YANG 'DZIN PA'I RNAM PA DE NYID LA SNGON PO NYID DA RUNG DU DE LAS THA DAD PAR YOD PA NYID DO ZHES RGYU THA DAD PA MED PA KHAS BLANGS NAS GZUNG BA DANG 'DZIN PA DAG GAM, RTOGS PA RANG BZHIN DANG SNGON PO'I RNAM PA THA DAD PAR BSGRUBS PA YIN NO, ,DES NI DNGOS PO LA THA DAD PA

, ,YOD PA MA YIN GYI, 'ON KYANG SPYIR GYI RGYUD BTAGS PA LA YOD PA YIN NO, ,DER DON DAM PAR YOD PA NI RANG GI MTSAN NYID LA LTOS TE, LHAN CIG DMIGS PA NGES PA NYID YIN NO, ,DES NA DON DAM PAR THA DAD PA MED PA KHO NA'O, ,GANG GI TSE SHES PA RNAM PAR MED PA YIN PA DE'I TSE NI DUS THAMS CAD DU DAG PA DE NYID YIN PAR 'GYUR GYI GSAL BA DANG MI GSAL BA DANG RNYOG PA'I RANG BZHIN NI MA YIN PAR 'GYUR NA, RNAM PA GZHAN YANG MTHONG BA YIN NO, ,'DI LTAR, DBANG PO'I KHYAD PAR GYIS GSAL DANG, ,MI GSAL 'DREN MA LA SOGS PA, ,SNANG BA THA DAD 'DZIN PA YI, ,SHES PA DON GCIG LA DMIGS SO, ,JI LTAR DON GCIG NYID LA SNANG BA SNA TSOGS PAR 'GYUR RO, ,'DI LTAR, DE DON LAS DER SNANG MIN NA, ,DON GYI RANG BZHIN GCIG PA'I PHYIR, ,DE YI DON CAN NYID KUN NI, ,RANG BZHIN GCIG PA NYID DU 'GYUR, ,GAL TE RNAM PA SHES PA RNAM PA MED PA NYID YIN NA, DE'I TSE GZUNG BA'I DON NYID SNANG BAR 'GYUR RO, ,DE YANG RNAM PA GCIG NYID YIN TE, DES NA SNANG BA THA DAD PAR MI 'GYUR RO, ,DON GYI RNAM PA DU MA MA YIN NO ZHES BSTAN ZIN TO, ,GAL TE DON GYI RNAM PA NYID YIN NA YANG RNAM PA DU MA NYID DU JI LTAR 'GYUR, SHES PA'I RNAM PA DE YANG RNAM PA GCIG NYID DU 'GYUR BAR BYA BA YIN TE, DES NA RNAM PA DU MA'I NYES PA DE NI SO NA 'DUG PA NYID DO ZHE NA, NYES PA MED DE 'DI LTAR, DON LA BRTEN NAS 'BYUNG 'GYUR ZHING, ,DE YI NGO BO RJES BYED PA, ,DE NI GZHAN 'GA' ZHIG LAS KYANG, ,CHA 'GA' YIS NI THA DAD 'GYUR, ,DE'I RNAM PA NYID DU SKYE BAR 'GYUR BA NI DON LAS GZHAN LAS KYANG DE'I RNAM PAR 'GYUR BA YIN TE, DPER NA ZLA BA RNAM PA GCIG NYID LA RAB RIB LA SOGS PA'I STOBS KYI RNAM PAR 'GYUR BA BZHIN NO, ,'DI LTAR PHA LA BRTEN NAS SU, ,PHA DE YI NI GZUGS YIN YANG, ,'GA' ZHIG LAS NI CHA 'GA' YIS, ,THA DAD PA NYID DMIGS PA YIN, ,PHA LAS 'DRA BAS SKYE BA'I BU NI GZHAN MA'I RNAM PA MI 'DZIN PA NI MA YIN NO, ,DBANG PO KHYAD PAR GYI THA DAD PA NYID STON PA NI, MAR ME LA SOGS DKYIL 'KHOR NI, ,RMA BYA'I MDONGS KYI RNAM PA CAN, ,SNGO DANG DMAR DANG MDANGS

GSAL BA, ,MIG MI GSAL BAS MTHONG BAR 'GYUR, ,RAB RIB KYIS MIG GI NUS PA NYAMS PAR BYED PA RNAMS KYIS MAR ME LA, SNGON PO LA SOGS PA'I RNAM PA'I DBYE BA THA DAD PA CAN ZLUM PA MDANGS GSAL BAR MTHONG BAR 'GYUR RO, ,'ON TE DE LTA BUR GYUR PA NYID MAR ME'I RANG BZHIN BDEN PA NYID DU 'GYUR BA YIN NA DE'I TSE, DE YI PHYI ROL DNGOS YIN NA, ,DBANG PO GSAL BA CIS NUS MED, ,MI GSAL BAS KYANG MTHONG BAR 'GYUR RO, ,YANG DE YANG MI GSAL BA NYID YIN TE, DBANG PO NYAMS PA NI MA YIN TE, 'DI LTAR, YANG DAG MTHONG NA DE MTHONG BA, ,DBANG PO NYAMS PA'ANG JI LTAR YIN, ,MI BDEN PA MTHONG BA'I PHYIR MTHONG BA NYAMS PA BRJOD PA YIN NO, ,BDEN PA MTHONG BZHIN DU YANG NYAMS PAR RTOGS NA NI, KA BA LA SOGS PA'I MTHONG BA MTHA' DAG KYANG MI NYAMS PAR RTAG PAR 'GYUR RO, ,'DI LTAR RE ZHIG MTHONG BA'I NUS PA NYAMS PA RANG GI NGO BOS NI MNGON SUM DU RTOGS PAR NUS PA MA YIN TE, DES NA RJES SU DPAG PAS BRTAG BAR BYA BA NYID DO, ,NUS PA NI, JI LTAR 'BRAS BU MTHONG BA LAS YOD PAR BRTAG PAR BYA BA DE BZHIN DU 'BRAS BU NYAMS PA LAS NYAMS PAR BRTAG PAR BYA BA YIN NO, ,DE'I 'BRAS BU YANG MTHONG BA YIN LA, DE'ANG BDEN PA'AM MI BDEN PA'I, BDEN PAR MTHONG YANG RTOGS PA YIN NA NI MA NYAMS PA ZHES BYA BA MED PAR 'GYUR RO, ,'ON TE YOD PA NYID YIN YANG GZHAN GYIS BLTAR MED PA MTHONG BAS NA, DBANG PO NYAMS PA YIN NO ZHE NA, DE LTA YIN NA, RAB RIB KYIS SBYANGS GSAL BA'I MIG ,DBANG PO LAS 'DAS MTHONG DE LA, ,GZHAN GYIS MTHONG BA'I DON DE YANG, ,JI LTA BUR NA GSAL MA YIN, ,GANG ZHIG GZHAN GYIS MI MTHONG BA YANG MTHONG BA DE JI LTAR GZHAN GYIS MTHONG BA GSAL BAR MI MTHONG, DE LTAR NI MTHONG BA MED DO, ,GANG ZHIG GZHAN GYIS BLTAR MED PA PHRA MO MTHONG BA DE NI GZHAN GYIS BLTAR YOD PA YONGS SU GSAL BAR MTHONG BA NYID DU MTHONG BA YIN NO, ,DE LTAR YANG MA YIN TE, DES NA YANG DAG PA MTHONG BA NYID DU MI RIGS SO, ,GAL TE YANG DAG PA YIN PA DANG, MTHONG BAR YANG 'GYUR BA YIN NO ZHES BYA BA 'GAL BA MA YIN NAM, GAL TE MTHONG BA YANG DAG

, ,MIN; ;JI LTAR YANG DAG YANG DAG NYID, ,MTHONG BA LAS NI MA GTOGS PA, ,YANG DAG RGYU MTSAN GZHAN YOD MIN, ,MTHONG BA YANG DAG PA MA YIN PA ZHES BYA BAR RNAM PAR 'JOG NA YANG DAG PA ZHES BYA BAR MAD PA NYID DO ZHES BYA BAR 'GYUR TE, KHYAD PAR MED PA'I PHYIR RO, ,MTHONG BA MI 'THAD PA ZHES BYA BA NI YOD PA MA YIN NO ZHE NA, DE NI LEGS PA MA YIN TE, GANG GIS GANG GI NGO BOR MTHONG, ,DE NI DA LTAR NYID RTOGS BYA, ,GZHAN DU MTHONG BA GZHAN DU NI, ,JI LTA BUR NA KHAS LEN BYED, ,DBANG PO RNAM PAR 'GYUR BA RAB RIB LA SOGS PA'I RJES SU 'GRO BA DANG LDOG PA'I RJES SU BYED PA NYID DU DMIGS PA NI DE LAS GZHAN PA'I RGYUS SKYE BA SKYED PA CAN DANG MYONG BA'I RANG BZHIN DANG RJES SU 'BREL PA MA YIN NO ZHES BYA BAR RIGS PA MA YIN NO, ,RAB RIB LA SOGS PA'I RNAM PAR 'GYUR BA DAG GI RJES SU BYED PA NYID BSGRUB PAR BYA BA YIN NO, ,DE LTA NA YANG PHYI ROL NYID DU KHAS LEN NA NI TSIG TZAM DU ZAD DO, ,'DI LTAR, SNANG DBANG YID LA BYED PA LAS, ,GZHAN NI GCIG GIS NUS RTOGS PA, ,DES NA GZHAN NI RGYU MA YIN, ,SNANG BA LA SOGS PA LAS GZHAN NI MAR ME NYID KYI NUS PA DMIGS KYI DKYIL 'KHOR GYI NI MA YIN NO, ,DES NA RGYU GZHAN MED PA'I PHYIR YUL MA YIN TE, RGYU MA YIN PA NI YUL MA YIN NO ZHES BSTAN ZIN TO, ,SNANG BA'I PHYIR YUL YIN NO ZHES BYA BA MI 'THAD DE SNANG BA NI 'KHRUL PA LA YANG YOD PA'I PHYIR RO, ,RANG GI NGO BOS JI LTAR 'KHRUL PA YIN ZHE NA, RANG GI NGO BOS SNANG BA NI RANG RIG PA YIN GYI YUL NI MA YIN NO, ,GZHAN DU SNANG BAS NA RANG BZHIN MA YIN NO ZHE NA, RANG GI NGO BOS SNANG BA JI LTAR GZHAN DU SNANG BA ZHES BYA BAR RUNG, GANG DU SNANG BA DE YANG GZHAN DU SNANG BA DE YIN NA, THUG PA MED PA SNANG BA YIN NA NI, ,DE BZHIN DU GZHAN YANG RANG GI NGO BO NYID SNANG BA YIN PA'I PHYIR NA RANG RIG PA NYID DO, ,GAL TE PHAN TSUN DU SNANG BA YIN NA SNGON PO LA SOGS PA YANG PHAN TSUN DU SNANG BA YIN PA'I PHYIR MYONG BA NYID DU 'GYUR TE SNGON PO LA SOGS PA MYONG BA LA GNAS PAR GYUR PA RNAMS KYANG MYONG BA'I NGO BO KHO NA YIN PA'I PHYIR RO, ,RJES SU 'GRO BA DANG LDOG PA DAG

LAS NUS PA NGES PA'I RANG BZHIN GYI RGYU YUL YIN NO, ,RMA BYA'I MDONGS NI RJES SU 'GRO BA DANG LDOG PA DAG LAS NUS PA NGES PA MA YIN TE, DES NA 'DI NI YUL MA YIN NO, ,MYONG BA LAS GNAS PA'I RANG BZHIN LAS GZHAN PA'I RNAM PA 'JOG PA MED PA'I PHYIR RO, ,KA BA LA SOGS PA SAD PAS, DMIGS PA DAG NI SHES PA GZHAN GYIS MTHONG BZHIN PHYIR THA DAD PAR RNAM PAR GZHAG PA YIN NO, ,DE'I 'BRAS BU SA GZHI TSIG PA YANG MTHONG BA'I PHYIR RO, ,'DIR YANG RAB RIB KYIS BSLAD PA RNAMS KYIS MTSUNGS PAR MTHONG BA'I PHYIR RO ZHE NA, MA YIN TE, DE DAG LA YANG MTSUNGS PA'I PHYIR RO, , 'KHRUL PAS DMIGS PA'I ME LA NI SA GZHI TSIG PA'I 'BRAS BU MA DMIGS SO, ,DES NA GNYI GA YANG 'KHRUL PA YIN NO, ,'ON TE ME DE NI SREG PAR BYED PA MA YIN PA NYID DO ZHE NA, MA YIN TE DE LTAR RTOGS PA MED PA'I PHYIR RO, ,DE LTA BU MA YIN PA LA DE LTA BUR RTOGS PA NI 'KHRUL PA NYID DO, , 'JIG RTEN GYI THA SNYAD LA LTOS NAS 'KHRUL PA YIN NO ZHE NA, DON NYID KYANG 'JIG RTEN GYI THA SNYAD LA LTOS PA KHO NA'O, ,RANG GI NGO BOR SNANG BA'I PHYIR THAMS CAD DE LTA BU NYID YIN PAS THA DAD PAR RIGS PA MA YIN NO, ,DES NA DON BYA BA MED PA CAN DON YIN GYI GZHAN NI MA YIN NO ZHE NA RIGS SO, ,THAMS CAD DON NYID CI STE MA YIN ZHE NA, THAMS CAD MYONG BA'O ZHES CI STE MI 'DOD, MYONG BA'I NGO BO YIN NA YANG, THAMS CAD RANG RIG PA NYID YIN PAS JI LTAR DON NYID YIN, MYONG BA NI LKOG TU GYUR PA NYID YIN NO ZHE NA MA YIN TE TSAD MA MED PA'I PHYIR RO, ,RANG RIG PA JI LTAR ZHE NA, MTHONG BA'I PHYIR RO, ,GZHAN GYIS KYANG MYONG BA MTHONG NGO ZHE NA, 'DI LA TSAD MA CI YOD, KHYED LA YANG CI YOD CE NA, GZHAN RIG PA MA YIN PA NYID DO, ,GAL TE GSAL BAR BYED PA MED NA JI LTAR GSAL BA MA YIN PA BUM PA BZHIN DU GSAL BYED YIN ZHE NA, MA YIN TE, GSAL BA MA YIN PAR GRUB PA MED PA'I PHYIR TE, MAR ME BZHIN NO, ,BUM PA JI LTAR ZHE NA, MUN KHUNG NA GNAS PA'I PHYIR RO, ,DE LA RANG BZHIN YOD DO ZHES BYA BA GA LAS SHE NA, TSEGS PA GCIG LA RAG LAS BA'I REG PA LA SOGS PA MTHONG BA'I PHYIR DANG, MTSAN MO RGYU BA LA SOGS PA GZHAN GYIS MTHONG BA'I PHYIR RO, ,DON DAM PAR NI DE LTAR MA YIN NO

, ,ZHES BYA BA 'DI NI BDAG CAG GI 'DOD PA NYID YIN NO, ,DE'I PHYIR RAB RIB CAN GYIS MTHONG BA'I RNAM PA NI MAR ME BZHIN DU RANG RIG PA NYID DO, ,GZHAN YANG GAL TE MDONGS DE NUS PA YOD PA YIN NA SNAM BU KHRA BO BZHIN DU MAR ME MED PAR YANG PHYOGS GCIG MTHONG BAR THAL LO; ;'DI LTAR, GAL TE DE NYID BLO RGYU YIN, ,JI LTAR MAR ME LA LTOS 'GYUR KHYON DANG LDAN PA'I RANG BZHIN NI DE'I PHYOGS GCIG MED KYANG PHYOGS GCIG PO GZHAN DU 'DZIN PA YIN NO, ,DE LTA BU NYID RGYU YIN NO ZHE NA, MA YIN TE SNGON PO LA SOGS PA RANG BZHIN GZHAN LA LTOS PA NYID 'DZIN PA YIN NO; ,DE LTA NA GNYI GA RGYU NYID DU BRTAG PAR BYA'O ZHE NA, MAR ME TZAM GYIS YOD PA'I PHYIR, ,GNYI GA DAG KYANG RGYU MA YIN, ,YUL DE BKAB KYANG MAR ME TZAM LAS YOD PA YIN PA'I PHYIR MTHONG BA DE NI GNYI GA'I RGYU CAN MA YIN NO, ,'ON TE RNAM PA GZHAN DANG GZHAN SKYE BA'I PHYIR DE DGAG PA NYID DU MI NUS SO ZHE NA, 'ON TE DE NYID KYI TSE SKYE BA YIN PAS GSAL BA MA YIN PA'I RANG BZHIN MA YIN NO, ,DE LA MIG GI BYED PA 'JUG PA DES NA RIG PA MA YIN NO ZHES BYA BA NI 'BREL PA MA YIN TE, DUS MTSUNGS PA NYID KYIS DE LA MIG GI BYED PA MED PA'I PHYIR RO, ,RJES SU 'GRO BA DANG LDOG PA DAG DE'I RANG BZHIN LA BYED PA 'JUG PA YIN NA NI, 'OD BZHIN DU DE NYID KYI TSE MAR MES BSKYED PA YIN NO ZHES BYA BAR 'GYUR RO, ,JI LTAR MAR ME RANG GI RGYUD LAS 'OD DANG BCAS PA YIN PA DE BZHIN DU MIG KYANG MDUN NA YONGS SU GSAL BA'I RANG BZHIN DANG LDAN PA YIN PAS NA SKYON MED DO, ,MAR ME LAS 'OD THA DAD PA YIN NO ZHE NA, THA DAD LA RAG MOD, 'ON KYANG MAR ME NYID BZHIN DU 'OD MAR MES GSAL BAR BYAS PA MA YIN NO ZHES BYA BAR 'GYUR RO, ,DE'I PHYIR MIG DANG GZUGS LAS MA GTOGS PA RNAM PAR SHES PA GZHAN NI TSAD MA MED PAS YOD PA MA YIN GYI, 'ON KYANG RANG GI NGO BO MYONG BAS BYIN GYIS BRLABS PA'I RANG BZHIN GNYIS PO DE NYID MYONG BA YIN NO, ,DE LTA BU'I MYONG BA'I RGYU GZHAN NI BRTAGS PAR BYA BA YIN PA'I PHYIR, BLO TSUL GNYIS PAR GRUB PO, ,GAL TE MDUN NA GNAS PA'I RNAM PA CAN DON NYID YIN LA, DE NYID RNAM PAR SHES PA'I GZUNG BA YIN NA DE'I TSE DON RANG

GI NGO BOS BZUNG BA'I PHYIR NA, NYE RING LA SOGS KHYAD PAR GYIS, ,GSAL DANG MI GSAL MI RUNG NGO, ,GAL TE SNANG KHYAD LAS DER 'GYUR, ,DE NI CHOD DANG MA CHOD DAG ,MTHONG DANG MI MTHONG MTSUNGS PAR 'GYUR, ,MTHONG BA'I YUL GYI MTSAMS LAS MA 'DAS PA GNAS PA'I DON NI RANG GI RGYU BRGYUD PA LAS GZHAN GYI RANG BZHIN DANG BRAL BAR SKYE BA RANG BZHIN NGES PA DANG 'BREL PA YIN PA'I PHYIR RANG GI NGO BO NYID SNANG BA YIN PAS GANG GIS GSAL BA DANG GZHAN PA'I RANG BZHIN DANG 'BREL PA YUL NYE BA DANG RING BA LA SOGS PA NYID YIN YANG 'DI THA DAD PAR SNANG BAR JI LTAR 'GYUR, 'DI NI MTHONG BA YANG YIN TE, DES NA RNAM PA DANG LDAN PA'I PHYI ROL NYID GZUNG BAS RANG GI SNANG BA NI MA YIN NO, ,NGES PA DANG LDAN PA'I RANG BZHIN MA TSANG BA MED PAR BZUNG BA NI THA DAD PAR SNANG BA MA YIN TE, DE'I RANG BZHIN THA DAD PAR THAL BA'I PHYIR RO, ,MDUN NA GNAS PA'I RANG BZHIN DU SNANG BA NI DON NYID YIN TE, DON GYI MTSAN NYID NI DE YIN PA'I PHYIR RO, ,DES NA DE THA DAD NA DON NYID THA DAD PA MA TSANG BA MED PA YIN NO, ,DON THA DAD PA YIN NA YANG GSAL BA LA SOGS PA BRJOD PA MA YIN TE, DON GZHAN SNANG BAS GZHAN MI GSAL BA ZHES BYA BA NI MA YIN NO, ,DE'I RANG BZHIN NI DE NYID YIN LA, DE YANG GSAL BA NYID DO, ,DE'I RANG BZHIN NYID NA, JI LTAR RANG BZHIN GZHAN DE LTAR, ,DE YI NGO BOR RTOGS NA DE, ,RANG BZHIN THA DAD JI LTAR YIN, ,THA DAD MED PAR RTOGS NA NI, ,RTOGS PA THA DAD MED PAR 'GYUR, ,GZUNG BA'I RANG BZHIN THA DAD MIN, ,THA DAD PAR YANG JI LTAR 'DOD, ,'O NA NYE BA DANG RING BA LA SOGS PA'I DBYE BA DE NYID DAM, SNANG BA DANG MTHONG BA'I BYE BRAG LAS GSAL BA DANG MI GSAL BA THA DAD PA YIN NO ZHES BYA BA NI 'BREL PA MA YIN TE, RANG GI NGO BOR SNANG BA DAG CIG SHOS KYI RNAM PAR RTOG PA LAS MI 'DA' BA'I PHYIR RO, ,SNANG BA THA DAD KYANG GAL TE RANG GI NGO BOS SNANG BA YIN NA JI LTAR MI GSAL, MI SNANG NGO ZHE NA, DE LTA NA YANG JI LTA JI LTAR MI GSAL TE, DES NA 'DI NI GYI NA'O, ,SNANG BA THA DAD NA DER DE GZHAN GZUNG BAR ZAD MOD DON MI GSAL BA LA SOGS PA'I RANG BZHIN DU GO BA LTAR 'GYUR, 'ON TE YUL THAG RING BAS BAR DU CHOD PA'I PHYIR RO, ,

, ,MTHONG BA GZHAN YIN NO ZHE NA, GAL TE YUL THAG RING NA DE'I TSE BCAD PA'I PHYIR MI MTHONG BA NYID DO, ,'ON TE MA BCAD NA DE'I PHYIR YONGS SU GSAL BA KHO NAR MTHONG BAR 'GYUR BAS NA GANG LAS THA DAD PA NYID YIN, GAL TE SNANG BA MI GSAL BAS, ,DE LA THUN MONG 'GA' ZHIG NI, ,MA MTHONG DE PHYIR THA DAD NA, ,YUL THAG RING BA NYID KYIS NI PHRA MO NYE SGRIB PAR BYED KYI RAGS PA'I SNANG BAS NI MA YIN NO, ,PHRA MO NI YUL THAG RING POS BSAL NA MI MTHONG BA NYID DO ZHE NA, YAN LAG CAN GCIG NYID KHYAB PAR GNAS PA MA YIN NAM, DES NA THAMS CAD MTHONG BA JI LTAR MIG GSAL BAR MTHONG, 'ON TE GCIG MA YIN NA DE'I TSE THAMS CAD PHRA MO NYID YIN PAS RTOGS PA NYID DU MI 'GYUR BA 'AM, 'GYUR NA YANG RDUL PHRA RAB KYI RANG BZHIN YONGS SU GSAL BAR SNANG BAR 'GYUR RO, ,DE NYID STON PA NI, PHYI ROL DON GCIG MTHONG BA DANG, ,MI MTHONG THA DAD GSAL BA YIN, ,PHRA RDUL DU MA THA DAD MTHONG, ,MI MTHONG THA DAD GA LAS YIN, ,GAL TE YAN LAG CAN GCIG YIN YANG PHRA MO DANG LDAN PA'I PHYIR DE DANG BRAL BAR MTHONG BA NI MI GSAL BA'I RNAM PA NYID YIN NA, GZHAN DU NI GZHAN DU 'GYUR RO ZHE NA, DE NI MA YIN TE, 'DI LTAR, SNGON PO SER PO MED PAR NI, ,GZUNG DANG DE MI GSAL ZHE 'AM CI, ,GZHAN LA GZUNG YANG DE YI NI, ,RANG BZHIN GSAL BAR 'DZIN PA NYID, ,GAL TE DU MA NYID YIN NA, ,DE MA BZUNG NA DE LAS GZHAN MI 'DZIN PA'I PHYIR MI GSAL BA NI MA YIN NO ZHE NA, DE YANG 'THAD PA MA YIN TE, DE LA YANG MTSUNGS PA'I PHYIR RO; ,GZHAN BZUNG BAS MI GSAL BA GANG YIN PA DE CI DON GYI RANG BZHIN YIN NAM, 'ON TE MYONG BA YIN, GAL TE DON GYI YIN NA DES GZHAN MA BZUNG YANG DE NYID YIN PAS JI LTA JI LTAR MI GSAL, 'ON TE LAS DE SKYE BA YIN NA 'O NA NI DE'I TSE DE DON MA YIN PAS JI LTAR DON 'DZIN PA YIN, DE LTA NA YANG DE LTA BUR GYUR PA DE NI DNGOS PO NYID KYI RANG BZHIN YIN NO ZHE NA, DNGOS PO RANG BZHIN YIN NA GZHAN GYIS KYANG DE BZHIN NYID DU MTHONG BAR 'GYUR RO, ,GZHAN GYIS MA MTHONG NA NI THUN MONG MA YIN PA'I PHYIR RTOGS PA NYID YIN NO ZHES BSTAN ZAN TO, ,'DI LTAR SKYE BO DAG BDAG GI RTOGS PA NYID MI GSAL

BAR SKYES SO ZHES RTOGS PA YIN NO, ,'ON TE NYE BAR BTAGS PA LAS DE LTAR RTOGS PA YIN NO, ,MI GSAL BA'I DON MTHONG BA LA RTOGS PA YANG DE LTA BU THA SNYAD BYED PA YIN TE, DPER NA DBYUG PA DANG 'BREL PA LAS SKYES BU LA DBYUG PAR THA SNYAD BYED PA BZHIN NO ZHE NA, DE YANG MI RUNG STE, 'DI LTAR, DE LDAN MTHONG BA DANG 'BREL BAS, ,NGA YI MIG NI GSAL ZHES, ,DE YI 'BRAS BU MTHONG BA LAS, ,THA SNYAD DE 'DRA DE 'GYUR NA, ,'BRAS BU'ANG MTHONG YIN DON GZHAN NI, ,DE YI 'BRAS BUR GNAS MA YIN, ,GAL TE DE BZHIN 'BREL LAS NI, ,SNGON PO LA YANG BRJOD 'GYUR RO, , NGA YI MTHONG 'DI RTZIG PA ZHES, ,KHYED NI NAM YANG 'DOD MA YIN, ,DE PHYIR 'JIG RTEN THAMS CAD KYIS, ,RTOGS PHYIR MTHONG BA MI GSAL NYID, ,RGYU MED PAR NI NGES PA KUN, ,'KHRUL PA NYID DU BRJOD PA MIN, ,THA SNYAD MA GOL BAR BSGRUB PA'I NYES PA NI GZHAN DU 'GYUR BA MA YIN NO, , DES NA DON RANG NYID SNANG BA BLO THA DAD PAR RIGS PA MA YIN NO, ,GAL TE SNANG BA GSAL MI GSAL, ,KHYAD PAR GYI BLO THA DAD NA, ,GZHAN THA DAD PAS THA DAD MED, ,GANG LAS THA DAD PAR SNANG 'GYUR, ,GZHAN DAG BRJOD PA NI, PHYI ROL GYI SNANG BA GSAL BA DANG MI GSAL BA THA DAD PA NYID LAS DON GCIG LA YANG BLO THA DAD PA YIN GYI, BLO'I RANG BZHIN THA DAD NI MA YIN TE, DES NA RNAM PA 'DI SEMS KYI MA YIN NO ZHES SO, ,DE NI THA MI DAD DE, 'DI LTAR, GAL TE SNANG BA DANG LDAN PA'I, ,DON NI SNANG BA NYID MA YIN, ,GZHAN DU LHAN CIG SNANG BAS NI, ,MI GSAL BAS NI SNANG MI 'GYUR, , PHAN TSUN LDOG PA'I SNANG BA DANG, ,GZUGS SNANG NI DE DAG NYID DE LTAR SNANG BA'I PHYIR GZUGS GSAL BAR SNANG BA MA YIN NO, ,GZHAN RANG GI NGO BOS SNANG BA NI DE LAS GZHAN DE LTAR 'GYUR BA MA YIN NO, ,'GYUR BA KHO NA STE, LE BRGAN GYIS BSGYUR BA'I RAS KYIS BAR DU CHOD PA'I DNGOS PO SNANG BA BZHIN NO ZHE NA, MA YIN TE DER YANG MTSUNGS PA'I PHYIR RO, ,RANG GI NGO BOS SNANG NA NI DMAR PO NYID SNANG BA MA YIN NO, ,DE NYID DE'I RANG BZHIN YIN PAS DE LTAR SNANG BAR KHAS LEN NA, DE YANG SNANG BA MI GSAL BAS RANG BZHIN DE RU 'GYUR BA'I PHYIR THAMS CAD LA DE LTAR SNANG BA'I

, ,PHYIR; GANG LAS BLO THA DAD, DE'I PHYIR SNANG BAR THA DAD KYANG THA DAD PAR SNANG BA MA YIN NO, ,GZHAN YANG, SNANG BA DE YANG CIS MI GSAL, ,BSGRIBS PHYIR DE 'DIR CIS MA YIN, ,SRAB PHYIR SNANG BA DE LTA NYID, ,GZHAN DU SRAB MIN YOD PA NYID, ,GAL TE YUL THAG RING POR SNANG BA RDUL GYIS BSGRIBS PAS MI GSAL BA YIN NA, DE'I TSE YUL SHIN TU NYE BAR YANG MI GSAL BA NYID DO, ,DER YANG RDUL GYIS BSGRIBS PA YOD PA'I PHYIR RO, ,NAM MKHA' KHYAB PAR 'THUL BA NI 'DI LA YANG MED PA YIN NO, ,GAL TE YOD KYANG SRAB PA'I PHYIR, ,RDUL GYIS BSGRIBS PA MA YIN NO, ,YUL THAG RGYANG RING POR NI DE'I BAR THAG RING BAS NA, RDUL MANG BA NYID DO ZHE NA, 'DI NI GHO DHA DANG RI BONG GI TSUL YIN TE, DER NI SNANG BA YANG MANG BA NYID DE LA NYE BAR NI JI LTAR RDUL SRAB PA DE BZHIN DU SNANG BA YANG YIN, 'DI SKAD SMRAS PAS CI BYA, SHIN TU NYE LA SNANG BA NI; ,CHER GSAL DE YANG GSAL BAR 'GYUR, ,GAL TE RDUL SRAB PA NYID KYI SNANG BA GSAL BAR SNANG BA YIN NA DE'I TSE SHIN TU NYE BAR RDUL SRAB PA'I PHYIR, SHIN TU GSAL BAR 'GYUR RO, ,DE LA DBANG PO'I NUS PA MED PA'I PHYIR RO ZHE NA, GTAN MI MTHONG BAR 'GYUR RO ZHES BSHAD ZIN TO,, GAL TE DER YANG MTHONG MED LA, ,BRTEN NAS GZUGS GZHAN 'BYUNG 'GYUR NA, ,DE DAG RNAMS NI PHAN TSUN DU, ,SGRUB 'GYUR DE'I PHYIR SNANG BA NI, ,SGRIB 'GYUR DE'I PHYIR SNANG BA NI, ,SGRIB BYED BYED MTHONG BA'I MING CAN SEMS MED PA'I DNGOS PO LA BRTEN NAS GZUGS GZHAN NYID DER SKYE BA YIN TE, DES SNANG BA DE BSGRIBS SHING BCAD PA DE'I PHYIR DE LAS GZHAN MI MTHONG NGO ZHE NA, DE LTA YIN NA THAMS CAD KYIS DE LA GCIG NYID MTHONG BAR 'GYUR GYI GZHAN NI MA YIN TE, SNANG BA BSGRIBS PA'I PHYIR RO, ,NYE BAR NI SGRIB PA DE MED DO, ,DE RGYAB TU GNAS PA'I PHYIR RO ZHE NA MA YIN TE YUL GCIG TU MTHONG BA'I PHYIR RO, ,YUL THAG RING PO NA GNAS PAS YUL NYE BA NA GNAS PA'I RGYAB TU MI GSAL BAR 'DOD PA'I RANG BZHIN DE DMIGS PA DE NI MA YIN NO, ,DE NI 'KHRUL PA YIN NO ZHE NA, DON GYI DE KHO NA NYID MTHONG BA LA 'KHRUL PA GA NA SRID, YUL LA 'KHRUL PA YOD PA NYID DE, NYI MA SHING GI RTZE MO DANG 'BYAR BAR MTHONG BA BZHIN

NO ZHE NA, GAL TE DE NA MED PA YI, ,DNGOS POR 'ANG YUL DER MTHONG NA NI, ,DUS DER NGES PAR DER MTHONG DANG, ,'BREL PA CI STE 'GYUR MA YIN, ,GAL TE DE YI DUS SU NI, ,MED PA MTHONG NA THAMS CAD NI, ,DON RNAMS THAMS CAD MTHONG ZHES PAR, ,'GYUR NA DE YANG MTHONG BA MIN,, GAL TE MA MTHONG DANG 'BREL PAS, ,'DI DAG THAMS CAD GZHUNG 'DZUGS NA, ,GZHAN YANG DE PHYIR MA MTHONG LAS, ,MTHONG BA THAMS CAD SKYE BAR 'GYUR, ,GANG GI TSE KHYED GZHAN GYI LTA BA SUN PHYUNG BA'I PHYIR KHYAD CUNG ZAD CIG BRJOD PA DE'I TSE GZHAN YANG KHYED LA SKYON SNANG GI , GZHUNG BSGRUB PA NI MA YIN PA 'DI THAMS CAD NI DE LTA BUR GYUR PA'I MA MTHONG BA'I MTHUS YIN PAS 'DI NI KHYED KYI NYES PA YIN NO ZHES BRJOD PAR NUS PA NYID DO, ,JI LTAR YOD PA'I MTHONG BA'I MTHONG BA BZLOG PA DE BZHIN DU MED PA NYE BAR STON PA YANG YIN NO, ,DES NA KHYED MED PA NYID KYI SKYON LAS SPOBS SHING YOD PA YIN YANG GZHUNG MI TSUGS PA YIN NO, ,DE BZHIN DU RTOGS PA'I TSIG KYANG YIN PAS 'GA' YANG YANG DAG PA MA YIN PAR 'GYUR RO, ,DNGOS GANG JI LTAR MTHONG 'GYUR BA, ,DE NI DE LTA NYID RTOGS BYA, ,MI GSAL SGRIB PA DE YI NI, ,RGYAB TU ME ZHES RTOGS PAR BYA, ,SGRIB PA DE 'GA'I YANG RGYAB TU MA YIN PAS NA, MDUN NA GSAL BA'I PHYIR THAMS CAD KYI MI GSAL BA'I RANG BZHIN GYIS SGRIB PA GCIG PU MTHONG BAR 'GYUR RO, ,DE MA BSGRIBS PA YIN NA NI YUL THAG RING PO NA GNAS PAS KYANG GCIG PAR GSAL BA DANG MI GSAL BA'I MTSAN NYID GANG YANG GCIG PAR MTHONG BAR 'GYUR RO ZHES BSHAD ZIN PA NI, DE LA GCIG TU SNANG BAR 'GYUR, ,DE MA BSGRIBS NAS GCIG PAR NI, ,GSAL DANG MI GSAL RANG BZHIN DAG ,MTHONG 'GYUR CI STE YANG GCIG SNANG BA YIN TE, GZHAN GYI MTHONG BA NI MA MTHONG PAS BSGRIBS PA'I PHYIR RO ZHES BRJOD DO ZHE NA, 'DI LA BSHAD PA, GAL TE DE LAS MTHONG MED KYIS GCIG BSGRIBS, ,MA MTHONG BA ZHES BYA BA NI TSIG GI LHAG MA'O, ,DE NI MI 'THAD DE, CI'I PHYIR ZHE NA, GANG GIS DON DANG DON MIN BYED, ,DE LA MA MTHONG BA CI BYED, ,MA MTHONG ZHES BYA BA 'DI

, ,CHOS DANG CHOS MA YIN PA'I MTSAN NYID YIN PAS, GLO BUR DU DON DANG DON MA YIN PA'I NYE BAR GYUR PAS RTOGS PAR BYA BA YIN GYI, MNGON SUM GYIS NI MA YIN NO, ,DES NA THAG RING PO NAS MA MTHONG BA DANG MI GSAL BAR MTHONG BA DAG LA DON DANG DON MA YIN PAR MED PA YANG TSIG JI LTAR MA MTHONG BAS BYAS PA NYID YIN, 'DI YANG BYED DO ZHE NA, 'DI LA LEGS PAR BRJOD PA YANG MA MTHONG BA'I DBANG GIS MA RTOGS PA'I PHYIR SUN 'BYIN PA DANG GZHUNG 'DZUGS PA 'DI THAMS CAD DE KHO NA NYID DU MI 'GYUR RO ZHES LAN BSTAN ZIN TO, ,DE PHYIR DON STON SKYE 'GYUR BA'I, ,MYONG BA JI LTA'I RGYU BZHIN DU, ,RNAM PA THA DAD 'DZIN BYED DE, ,LHAG MA BLO NANG LUGS MA YIN, ,GZHAN YANG, SHES PA SGRA DANG MAR ME RNAMS, ,MNGON SUM DANG NI CIG SHOS KYIS, ,SKYED BYED NYID KYIS SNGA MA YI, ,SKAD CIG RNAMS NI ZHIG PA'I PHYIR, ,GANG GI SHES LAS MI GSAL 'GYUR, ,MED PA NI RANG GI NGO BOS MTHONG BA MA YIN NO, ,RGYU YIN PA NYID KYIS SHES PA LAS SNGAR 'GYUR BA NYID LA, SNGA MA NYID YIN NA YANG SKAD CIG MA NYID KYIS SHES PA'I DUS NA MED PA NYID DO, ,'ON TE GANG GI TSE YOD PA DE'I TSE 'DZIN PA YIN TE, RGYU'I DNGOS PO NYID MA YIN PAS DUS MNYAM PA NYID DU RGYU YIN PAS SO ZHE NA, DE NI MA YIN TE, SHES PA LA PHAN 'DOGS PA MA YIN PA, PHAN 'DOGS BYED PA MA YIN GZHAN, ,GANG YIN PA DE GSAL NA DON KUN MED PAR 'GYUR, ,DUS MNYAM PA NI RGYU MA YIN TE, DE LTAR RTOGS PA MED PA'I PHYIR RO, ,'BREL PA MED PAR 'DZIN NA NI, ,THAMS CAD 'DZIN PA NYID DU 'GYUR RO, ,GAL TE RGYU LAS NGES NA THAMS CAD 'DZIN PAR MI 'GYUR TE, GZUNG BA DANG 'DZIN PA DAG RGYU LAS NGES PA YIN PA'I PHYIR RO, ,GANG GIS SO SOR NGES PA NYID 'DZIN PAR BYED PA'I 'DZIN PA 'DI 'DRA BA'AM, GANG GIS DE NYID KYIS GZUNG BAR 'GYUR BA'I GZUNG BA'AM, YANG NA GNYI GA YANG MIG LAS NGES PAR 'GYUR BA YIN NO ZHES PHA ROL PO DAG BRJOD DO, ,DE NI MI RUNG STE, 'DI LTAR, SHES LA RTOGS PA 'DI YANG MED, ,SO SOR NGES PAR 'DZIN NA RTOGS PA 'DIS 'GRUB PA MA YIN NO, ,DES NA RANG

GI NGO BO NYID DU THAL BAS NA DE RANG GI RGYU LA RAG LAS PA YIN PA'I PHYIR, PHAN TSUN GZUNG BA DANG 'DZIN PA'I DNGOS PO NI MA YIN TE, DUS MTSUNGS PAR SKYES PA'I PHYIR RO, ,GANG LA RAG LAS NAS GZUNG BA DANG 'DZIN PAR 'GYUR BA GZUNG BA DANG 'DZIN PA NI DE NYID KYI YIN NO ZHES RIGS SO, , MYONG BAR 'GYUR BA'I RANG BZHIN LAS GZUNG BA DANG 'DZIN PA NYID GZHAN NI MED DO, ,'O NA JI LTAR BDAG NI 'DZIN PAR BYED PA'O, ,'DI NI NGA'I GZUNG BA'O ZHES RTOGS SHE NA, MA YIN TE DES GZHAN PA'I 'BREL PA MI SNANG BA'I PHYIR RO, ,'DI NI THOG MA MED PA'I BAG CHAGS LA RAG LAS PA CAN GYI RTOG PA TZAM 'GA' ZHIG TU ZAD DO, ,DE SKAD DU YANG, BYED DANG BCAS PA LTA BUR SNANG, ,ZHES BSHAD PA YIN NO, ,DES NA RANG GI NGO BO RANG GI RGYU LAS NGES PA'I PHYIR NI GZUNG BA DANG 'DZIN PA'I DNGOS PO MA YIN NO, ,'ON TE RGYU DANG 'BRAS BU RANG GI RGYU LAS NGES PA YIN NA, DE'I TSE YANG GAL TE DE DAG LAS SO SOR NGES PA'I BDAG NYID KYI 'BRAS BU BSKYED PAS GZUNG BA DANG 'DZIN PA'I DNGOS PO JI LTAR 'GYUR TE, LHAN CIG BYED PA'I DNGOS PO TZAM NYID DU 'GYUR RO, ,DE TZAM GYIS NI GZUNG BA DANG 'DZIN PA'I DNGOS PO MA YIN NO, ,YANG NA, SHES PA RTOGS PA 'DI YANG MED, ,CES BYA BA NI GANG GI TSE SHES PA GZHAN NAM, MNGON SUM GYIS GZUNG BA MA YIN DE'I TSE CI SHES PA GNYIS SU MNYAM PA YIN NAM, GZUNG BA DANG 'DZIN PA NI RGYU LAS BYUNG BA YIN NA, GNYIS DUS MNYAM PAR MI 'DOD DO, ,DUS MNYAM PA NYID MA YIN NA YANG DE LAS GZHAN DANG GZHAN YANG DUS MNYAM PAR 'GYUR ZHING, DE LAS GZHAN DANG YANG 'GYUR BAS SHES PA RNAMS MTHA' YAS PA KHO NAR 'GYUR NA DON YANG DE'I TSE 'DZIN PAR 'GYUR NA 'DOD PA YANG MA YIN NO, ,DANG PO GZUNG BA MA YIN NA NI PHYIS KYANG 'GYUR BA MA YIN TE, DE'I RNAG BZHIN MA RTOGS PAR THAL BA'I PHYIR RO, ,SNGAR YANG GZUNG BA'I RNAG BZHIN NYID DO ZHE NA, SNGAR YANG GZUNG BAR THAL LO, ,YIN MOD CI SKYON ZHE NA, MA YIN TE, SNGAR YANG 'DZIN PAR BYED PA YOD PAR THAL BA'I PHYIR RO, ,GAL TE MIG LA SOGS PA'I TSOGS PA NYID KYI DBANG GIS BSKYED PA YIN NA NI, GZUNG BA'I RNAM PA DE SHES PA

, ,NYID DU 'GYUR GYI DON NYID NI MA YIN TE, DE LTA BU YANG DON YIN NA NI 'DZIN PA'I RNAM PA LA YANG 'GYUR RO, ,'ON TE DE DON NI SNGAR YOD PA'I PHYIR DANG 'DZIN PA'I RNAM PA NI GZHAN DU 'GYUR BA YIN PA'I PHYIR DE LTA BU MA YIN NO ZHE NA, SNGAR YOD PA NI 'DZIN PAR MI 'GYUR RO ZHES BSHAD ZIN TO; ,RTOGS PA YIN NA THAMS CAD RTOGS PAR THAL LO ZHES BSHAD ZIN TO, ,'O NA JI LTAR DON DU RTOG CE NA, GZHAN GYI LTA BA LA LTOS SO ZHES BSHAD ZIN TO, ,DE NYID KYI PHYIR BSHAD PA, DES BYAS SHES PA DE MED KYANG, ,DON DU SNANG BA NYID KYI PHYIR, ,DE GSAL BA ZHES BRJOD PA YIN NO,, DON MED KYANG DE'I RNAM PAR SNANG BA'I PHYIR NA SNANG NGO ZHES BYA BA'I THA SNYAD DU 'GYUR RO, ,RANG NGAM GZHAN GYIS MTHONG BA NI RJES SU DPAG PA LAS RTOGS PA'I PHYIR DON YOD DO ZHES RNAM PAR GNAS NA, DE LAS DE'I RNAM PA CAN GYI SHES PA SKYE BAS NA GZUNG BA ZHES RIGS KYI, DE MED PAR SKYE BA'I SHES PA NI 'KHRUL PA NYID DO ZHES BYA BAR GNAS SO, ,DON DAM PAR NI RJES DPAG PA YOD PA MA YIN NO, ,RJES DPAG 'JUG PA THAMS CAD NI, ,MNGON SUM SNGON DU 'GRO BA CAN, ,GAL TE MNGON SUM RJES DPAG LA, ,LTOS NAS PHAN TSUN RTEN PA YIN, ,JI SRID RJES SU DPAG PA TSAD MA MA YIN PA DE SRID DU PHYI'I DON LA MNGON SUM TSAD MAR MI 'JUG GO, ,MNGON SUM TSAD MA MA YIN PAR YANG RJES DPAG 'JUG PA MA YIN TE, DE MNGON SUM DU 'GRO BA CAN YIN PA'I PHYIR RO, ,DE LTA MA YIN NA NI LONG BA BRGYUD PA NYID DU 'GYUR RO, ,DE'I PHYIR DON DAM PAR NI RANG RIG PA'I RANG BZHIN NYID MYONG BA YIN GYI DON NI MA YIN NO, ,KHAS BLANGS NAS DE LTAR BSHAD PA YIN TE, THAMS CAD DE KHO NA NYID RNAM PAR GZHAG PA NI MA YIN NO, ,DES NA DON SNGAR YOD PAS RNAM PA GANG SKYED PAR BYED PA DE GZUNG BA YIN NO, ,LHAN CIG BYED PA'I DON GZHAN NI, ,PHAN 'DOGS MIN PHYIR RNAM MI BYED, ,LHAN CIG BYED PA'I DON GYI BDAG NYID DE NI SHES PA'I GZUNG BA MA YIN TE, RANG GI RGYU LAS DE LTAR SKYES PA DES PHAN 'DOGS PA MED PA'I PHYIR NA, DE'I RNAM PA CAN GYI SHES PA MI BSKYED PA'I PHYIR RO, ,DES NA, SHES LA RANG GI NGO BO YIS, ,RNAM 'BYED MI GSAL JI LTAR 'GYUR, ,DON GYI BDAG NYID

LKOG TU GYUR PA NI, DE'I RNAM PA CAN GYI SHES PA SKYED PAR BYED PA NYID DU GNAS PA DANG RANG GI NGO BOS RIG PA MA YIN PA YIN PA'I PHYIR DE'I RNAM PA CAN GYI SHES PA RIG PA NYID KYIS RIG PA YIN TE, DES NA GSAL BA NYID YIN NO, ,RANG GI RGYU'I NUS PA LAS GSAL BA NYID YIN NA NI, DE LA DUS MTSUNGS PAR BYUNG BA GZHAN GYIS CI YANG BYAS PA MED PA'I PHYIR TE DE LTAR RIG NA DE'I DBANG TZAM GYIS 'GYUR BA YIN NO, ,SHES PA LA SOS PA'I DUS SU MED PA RNAM PA RANG GI NGO BOS RIG PA MA YIN PA DANG, DES NA ZHUGS KYI DE LA SHES PA DE'I RNAM PA CAN DU YANG RTOGS PAR 'GYUR MOD RDO RJE DANG RDO LA SOGS PA BRTEN PA'I DON GANG YIN PA DE KHO NA RANG GI NGO BOS JI LTAR 'THAD CE NA, DE YANG GYI NA STE, 'DI LTAR, BRTAN GANG RDO RJE RNGO SOGS KYI, ,DON YANG GZHAN LA LTOS MED PHYIR, ,'GRO BA KUN GYI SHES PA NI, ,GCIG PAR RANG NYID SKYE BAR 'GYUR, ,DUS KYI CHA'I KHYON KHYAB PA NI RTAG PA DANG BRTAN PA ZHES BRJOD PA YIN NO, ,GAL TE DE'I RANG BZHIN DE NYID YIN NA NI DE'I TSE DE'I RNAM PA MTHA' DAG RANG GIS BDAG GIR BYED PA'I MYONG BAS DE MTHAR THUG PA DANG BCAS PA 'DZIN PA'I PHYIR NA, SHES PA GCIG DUS NYID DU YONGS SU RDZOGS PA'I PHYIR RTAG PA NYID DU MI 'GYUR RO, , DE NYID KYI TSE YONGS SU RDZOGS PA NI RTAG PA ZHES BYA BAR 'GYUR BA MA YIN NO, ,DUS KYI CHA MTHA' DAG MTHONG BA NI DUS RING BAR MI 'GYUR LA, DPYID LA SOGS PA'I DUS GCIG PA NYID DU YANG 'GYUR RO, ,SHES PA GCIG NYID LA YANG NYES PA 'DI YOD DO, ,RIM GYIS 'BYUNG BA'I DUS KYI CHA RNAMS CIG CAR JI LTAR 'DZIN ZHE NA, MI 'DZIN NA 'O NA 'DI DUS KHYAB PA MA YIN PA'I PHYIR NA JI LTAR RTAGS NYID YIN, DE'I PHYIR GAL TE 'DI GCIG YIN NA, DE LTA BU NYID DU GCIG PAR 'DZIN PAR 'GYUR RO, ,'ON TE RGYU GZHAN LA LTOS NAS RIG PA GZHAN DANG GZHAN SKYE BAS NA RIM GYIS 'GYUR RO ZHE NA, DE YANG MI RIGS TE, LTOS PA MED PA'I PHYIR RO, ,RANG GI RGYU LAS SKYES PA'I RANG BZHIN GCIG PO NI DE'I NGO BOR 'GYUR BA GZHAN LA LTOS PA YIN NO, ,'ON TE PHYIS NYID YUL DU 'GYUR BA GANG YIN PA GZHAN GYIS MTHONG BAR 'GYUR BA NYID NI PHYIS 'BYUNG BA YIN NO ZHE NA,

, ,'ON TE DE'I TSE MI RTAG PA NYID DO ZHES BSHAD PA NI, LHAN CIG BYED PAS PHAN 'DOGS PHYIR, ,'DI YI DE DAG RIM 'BYUNG NA, ,SKAD CIG SO SOR GZHAN YIN BRJOD, ,'DIR YANG SKYON TE SNGAR BZHIN NO, ,GAL TE MIG LA SOGS PA'I LHAN CIG BYED PA'I RIM GYIS RNAM PAR SHES PA DE DAG RIM GYIS 'BYUNG BA YIN NO ZHE NA, DE LTA YIN NA SHES PA RNAMS RIM GYIS 'BYUNG NA, DES BLTA BAR BYA BA NYID KYANG RIM GYIS 'BYUNG STE, SHES PA MED PAR NI DNGOS PO BLTA BAR BYA BA NYID MA YIN NO, ,BLTA BAR BYA BA NYID SHES PA DANG DUS MNYAM PA NYID YIN NA YANG SNGA MA DANG PHYI MA'I RANG BZHIN MA YIN TE, SHES PA DE LTA BU MA YIN PA'I PHYIR RO, ,DES NA SHES PA BZHIN DU SKAD CIG SO SO THA DAD PAS NA RANG GI RGYUN SNGA MA LAS 'BYUNG BA'I RGYU LA RAG LAS PA'AM GZHAN DU 'GYUR BA YIN NO, ,DES NA 'DIR YANG SKYON SNGA MA BZHIN DU 'GYUR RO, ,'ON TE MIG LA SOGS PA'I RGYUS NYE BAR BSGRUB PA RNAM PAR MA CHAD PA GCIG NYID YIN NO, ,DES NA DE RNAM PAR MA CHAD PAS MA CHAD PAR 'GYUR BA'I GZUNG BA NYID GCIG NYID DE, DE'I PHYIR NA RDO RJE DANG RDO BA LA SOGS PA NI RTAG PA YIN NO ZHE NA, DE NI MED DE, RNAM CHAD MED PAR RDO RJE DANG RDO LA SOGS PA LA YANG TSAD SKYE MIN, RNAM PA KUN DU MA YIN ZHE NA, RNAM CHAD MED 'DI GANG GIS RTOGS, ,GANG GI TSE RNAM PAR CHAD PA MED PA DE'I TSE YANG MTHAR THUG PA'I MTSAMS TSUN CHAD RTOGS PAR THAL LO ZHES BSHAD ZIN TO, ,DES NA RDO RJE DANG RDO BA LA SOGS PA LA YANG MTSUNGS PA NYID DO, ,DE'I PHYIR YOD PA MA YIN PA'I SGRA LA SOGS PA RNAMS RTOGS PA DANG 'BREL PA'I PHYIR NA, RNAM PAR SHES PA YUL GYI RNAM PA CAN YIN NO ZHES BYA BAR GRUB PO, ,SLOB DPON GYIS KYANG, DUS PHYIS DRAN PA LAS KYANG STE, ,DE NI SHES PA MED PA MIN, ,ZHES BSGRUBS PA YIN NO, ,DE BSHAD PA NI DRAN PA LAS KYANG TSUL GNYIS GRUB, CI STE RIG PAR BYA BA DANG RIG PAR BYED PA'I RANG BZHIN GYIS TSUL GNYIS YIN GYI, YUL GYI RNAM PA NYID KYIS NI MA YIN NO ZHES BYA BA GZHUNG GI DON YIN NO SNYAM NA DE NI MI RIGS TE, YUL SHES DE DE SHES PA YI, ,BYE BRAG LAS NI TSUL GNYIS NYID, ,CES BYA BA'I

SKABS YIN NA, DE YANG YUL GYI RNAM PA BSGRUB PA'I SKABS YIN NO, ,RNAM PAR SHES PA TSUL GNYIS PA ZHES JI LTAR SHES SHE GANG GI PHYIR, DE BDAG NYID KYIS MYONG BA LA, ,RTZOD PA 'GA' YIN TE, RANG SNANG BA DANG YUL SNANG BA'O, ,DE LA YUL SNANG BA NYID LA 'DOD PA CHEN PO YOD PA YIN TE GANG GI PHYIR, DE BDAG NYID KYIS MYONG BA LA, ,RTZOD PA 'GA' YANG YOD MA YIN, ,DE DON RNAG BZHIN NYID MA GRUB, ,DE LA YANG DAG DRAN PA GRUB, ,MYONG BA LA YANG RTZOD PA YOD PA MA YIN NAM ZHE NA, DE NI MA YIN TE, MING TZAM LA BSAMS NAS 'DI SKAD BSHAD PA YIN NO, ,RANG RIG PA NI BSGRUB PAR BYA BA 'DI RIGS PA YIN NO, ,DE LTAR YANG RANG GIS MYONG BAR BYA BA NYID DAM ZHES PHYIS BSGRUBS PAR 'GYUR RO, ,DES NA RANG RIG PA MA GTOGS PA'I MYONG BA TZAM NYID LA RTZOD PA MED DO ZHES BYA BA 'DI YIN NO, ,DE'I DON GYI RNAM PA LA NI RTZOD PA YOD PA YIN TE, DE NI MA GRUB PA'I PHYIR RO, , DE'I RNAM PA DE YANG YANG DAG PAR DRAN ZHES BYA BA RNAM PAR PHYE NAS DRAN PA LAS GRUB PA YIN NO, ,RNAM PA MED PA LA YANG RNAM PAR PHYE NAS DRAN PA 'THAD PA NYID MA YIN NAM, DE JI LTAR NA MA NGES PA LAS DON GRUB CE NA, DE NI MED DE, 'DI LTAR, 'DI NI PHAN TSUN KHYAD PAR DU, ,DRAN PA BRJOD PAR 'DOD PA YIN, ,GSAL BA THA DAD MED PA 'DI, ,MED PAR GTAN TSIGS NYID DU BRJOD, ,'DI LTAR, RANG SPYOD YUL GYIS PHYE MED CING, ,THA DAD PAR MYONG MED DE LA, ,'DI NI 'DI LTA 'DI LTAR NI, ,MIN ZHES THA DAD 'DI MED 'GYUR, ,NYAMS SU MYONG BA TZAM GYIS NI, ,THA DAD 'GA' ZHIG RNAM 'BYED MIN; ,THA DAD GSAL BA MED PA LA, ,RNAM 'BYED BLO MED 'TSE STZOGS BZHIN, ,GAL TE MYONG BA DE SNGON PO LA SOGS PA'I RNAM PA SO SOR NGES PA YONGS SU GSAL BA LAS NYES PAR BSGYUR BA'I DBANG GIS RNAM PAR PHYE BA MI SKYE NA, DE'I TSE RNAM PAR PHYE NAS DRAN PAR MI 'GYUR RO, ,'ON TE TSOGS PA'I KHYAD PAR LAS GDON MI ZA BAR 'GA' ZHIG TU 'GYUR BA YIN PAS NA DE NYID LAS THA DAD PAR DRAN PA YIN NO ZHE NA, DE NI MI RUNG STE, GANG GI PHYIR, NYAMS SU MYONG BA TZAM LAS NI, ,TSOGS PA'I KHYAD PAR LAS BYUNG BAR, ,RJES SU DPAG PAR BYA'I BDAG NYID DRAN PA'I RGYU MTSAN DU 'GYUR BA MA YIN

, ,TE; THA DAD PA GSAL BA MED PA'I PHYIR RO, ,MI GSAL BA'I THA DAD PA NYID LAS KYANG MCHE BA LA SOGS PA DAG LA RNAM PAR 'BYED PA PAR 'BYED PA DANG LDAN PA'I DRAN PA 'GYUR BA MA YIN NO, ,'ON TE DE LA 'KHRUL PA MED PA'I PHYIR YUL LA YANG NYAMS SU MYONG NGO ZHES DE DRAN PA YIN NO; ,DES NA RANG NYID THA DAD PA MED KYANG DE THA DAD NYID LAS THA DAD PAR DRAN PA'I YUL DU 'GYUR RO, ,MTSE MA DAG LA YANG GANG GI TSE MI 'DRA BA'I DBYIG PA LA SOGS PA DAG DANG LEN PA DE'I TSE KHYAD PAR DU NYE BAR MTSON PAR 'GYUR BA NYID DO, ,DPER NA YUL GYI DBANG GIS MYONG BA RTAG PA DE BZHIN DU DRAN PAR 'GYUR BA LAS KYANG YIN NO, ,DES NA RNAM PAR SHES PA DRAN NO ZHES THA SNYAD DU BYED DO ZHE NA, DE NI MI LEGS TE, YUL GYI RNAM PA NYID MED PAR JI LTAR YUL NI DRAN PAR 'GYUR, RNAM PA DE NI 'DAS PA YI, ,DON GYIS MIN PAR RTOGS MA YIN, ,DE NI DA LTA BA YIN NA DE'I DRAN PAR JI LTAR BRJOD, GAL TE RNAM PA DE DRAN PA YIN NO ZHE NA, NYAMS SU MYONG BA YANG CI STE MA YIN, RNAM PA DANG BCAS PA'I MYONG BA LAS DE'I RNAM PA CAN GYI DRAN PA SKYED PA ZHES BYA BA NI 'THAD PA YIN NO, ,'DI LTAR, GAL TE DON LAS DRAN 'BYUNG NA, ,KHYAD PAR MED PHYIR KUN LA 'ANG 'GYUR, ,DNGOS RNAMS RGYANG RING STZOGS NYID NA'ANG, ,DRAN PAR SKYE BA MTHONG BA YIN, ,'ON TE MYONG LAS BRTEN NAS NI, ,DENG KYI DE NYID RGYU 'GYUR MOD, ,DON MED PAR YANG NYAMS MYONGS LAS, ,DRAN PA SKYE BAS SRID PHYIR RO, ,GAL TE RNAM PAR SHES PA RNAM PA DANG BCAS PAR MA YIN NA CI LTAR DE'I RNAM PA CAN DU DRA, 'DI LTAR RNAM PAR SHE SPA LA DRAN PA'I RTOGS PAS DMIGS PA RNAM PA LAS MA GTOGS PAR NI SHIN TU MNGON PAR BRTZON PAS KYANG DMIGS PA MA YIN NO, ,GANG ZHIG MOS PAS JI LTAR YUL DU BYAS PA DE NI DE LTA BU NYID DU ZHES SHES PAR BYA BA YIN NO, , DE'I PHYIR DRAN PA LAS GNYI GA'I RANG BZHIN DU GRUB PA DANG, RANG RIG PA YANG RIGS PA YIN NO, ,DE LTAR SLOB DPON GYIS RANG RIG PAR BYA BA NYID KYANG ZHES SO, ,YANG BSHAD PA, TSUL GNYIS SGRUB PAR BYED PAS KYANG, ,RANG RIG PHAL CHER GRUB PA YIN, ,RANG GI NGO BOR GYUR SNANG BA, ,DE TSE

MYONG BAR RTOGS PHYIR RO, ,GAL TE TSUL GNYIS SGRUB PAR BYED PAS RANG RIG PA RAB TU GRUB PA MA YIN NAM, PHAL CHER JI LTAR BRJOD CE NA, ,DE NI MA YIN TE, TSUL GNYIS SGRUB PAR BYED PAS GTZOR NI TSUL GNYIS NYID GRUB PA YIN LA, ZHAR LA RANG RIG PA YANG YIN NO, ,GANG GI PHYIR RANG GI NGO BOR GYUR PA'I SNANG BA DE'I TSE RTOGS PA YIN NO, ,RANG RIG PA LAS GZHAN GYIS NI RTOGS PA MA YIN NO, ,GAL TE RANG RIG PA ZHES BYA BA BDAG NYID 'DZIN PAR BYED PA MA YIN NAM, DES NA DE NYID GZUNG BA DANG 'DZIN PA YANG YIN NO, ,GANG GIS DE LAS GRUB PAR 'GYUR BA DE LTAR BDAG NYID LAS 'GYUR BA NI DPE 'GA' YANG YOD PA MA YIN NO, ,MAR ME LA SOGS PA BZHIN DU GSAL BAR BYA BA DANG GSAL BAR BYED PA'I DNGOS PO YIN NO ZHE NA, MA YIN TE, MAR ME LA SOGS PA NI GSAL BAR BYED PA NYID YOD PA MA YIN TE, GSAL BAR BYED PA GZHAN LA LTOS PA MED PA'I PHYIR RO, ,JI LTAR GSAL BAR BYA BA DANG GSAL BAR BYED PA NYID KYIS GO NAS DPER 'GYUR, GANG TSE DE DAG GZUNG YIN PA, ,DE TSE DBANG PO 'DZIN BYED 'GYUR, ,BLO DBANG GNYIS NI RNAG BDAG NYID, ,RIG PAR NGES PA MA YIN TE, ,DE'I PHYIR RANG RIG PA ZHES BYA BA MED PA NYID DO, ,GAL TE BDAG 'DZIN PAR BYED PA'I RANG BZHIN DANG GZUNG BAR BYA BA NYID DU YANG KHYED KYIS 'DOD PA MA YIN NAM ZHE NA, MA YIN TE, 'DI LTAR, DER YANG CHOS KYI DBYE BA LAS, ,GZUNG DANG 'DZIN PA'I TSUL NYID DO, ,RDZAS KYI TSUL GYIS GZUNG BA STE, ,DE LAS GZHAN PAR 'DZIN PA MED, ,RDZAS GZHAN THUN MONG MA YIN PA BDAG NYID TSUL LAS NI 'DZIN PAR BYED PA YIN LA, THUN MONG BA RDZAS NYID KYIS GZUNG BA'I PHYIR RIGS PA YIN NO, ,KHYED LA NI 'DI THAMS CAD CI YANG MI RUNG NGO, ,GZHAN LA KHO RAB TU GRAGS PA TZAM GYIS NI DPE MA YIN TE, RANG GIS RTOGS PA'I THABS MA YIN PA'I PHYIR RO ZHE NA; DE NI 'DI LTAR MA YIN TE, GZUNG DANG 'DZIN PA'I DNGOS PO NI, ,DON DAM DU NA YOD MA YIN, ,GZHAN GYIS RTOGS MIN RANG BZHIN NI, ,DE LTA DE MIN LAS LDOG PHYIR, ,GANG LA GSAL BAR BYED PA GZHAN RTOGS PA MED PA DE NYID LA BDAG NYID GSAL BYED DO ZHES BRJOD PA YIN NO, ,GZHAN GYIS

, ,GSAL BA LAS LDOG PA'I PHYIR RO, ,'DI LTAR GZUNGS LA SOGS PA SNANG BA LA GSAL BAR BYED PA GZHAN MED PA DE LTAR YANG BSTAN ZIN TO, ,DE NYID KYI PHYIR SGRON MA DPE NYID DO, ,MIG GI BYED PA NYID KYANG MUN KHUNG DU DON MI RTOGS LA SGRO NA MA NYE BA LAS DE RTOGS PA'I PHYIR RO; ,GSAL BAR BYA BA YIN NO, ,MAR ME LA SOGS PA DE LTA MA YIN NO, ,DE LA DBANG PO 'DZIN PAR BYED PA YANG MA YIN TE, RANG GI NGO BOS GSAL BA'I PHYIR RO, ,BDE BA LA SOGS PA DE DAG LA YANG RIG PAR BYED PA GZHAN SKYE BA MA YIN NO, ,BDAG GI BDE BA LA SOGS PA GZUNG BA YIN NA NI, PHYI ROL YIN PAR 'GYUR RO, ,'PHROD PA 'DU BAS BSDUS PA LAS YIN NA NI, DE NYID RANG RIG PAR 'GYUR RO, ,'PHROD PA 'DU BA LA TSAD MA MED DO, ,'DI YANG BSTAN ZIN TO, ,GAL TE GZUNG BAR BYA BAR MNGON PAR 'DOD PA'I GZUGS LA SOGS PA RNAMS RANG RIG PAR KHAS LEN NA; GZUGS LA SOGS PA'O SNYAM DU RTOGS PAR 'GYUR TE, BDAG BZHIN NO, ,DE BZHIN DU BDE BA DAG CES BYA BAR 'GYUR RO ZHE NA DE NI MA YIN TE, 'DI LTAR, DA NI DKAR SHAM SNGO BSANGS ZHES, ,DE LTAR RTOGS MNGON MED DAM CI, ,DE LTA NA YANG LUS LDAN PA'I, ,GZUGS STZOGS GZUNG BA YIN PA NYID, ,LUS LA DU BA'I GZUGS LA SOGS PA DAG NI NGA'O SNYAM PA'I RTOGS PAS 'DZIN PA NYID DO, ,DE LA KHYED KYI 'DOD PAS RANG RIG PA YANG MA YIN NO, ,GAL TE NGA GZUGS SO SNYAM PA MA MTHONG BA DES NA GZUNG BAR BYA BA NYID YIN GYI, RANG RIG PAR BYA BA NI MA YIN NO ZHE NA, DE YANG MA YIN TE, DE YOD NA YANG MA MTHONG BA, ,DE YI RANG BZHIN RGYU MTSAN MIN, ,SNGO BSANGS LA SOGS GZUGS NYID LAS, ,MA RTOGS PA NI GNAS PA MED, ,GAL TE GZUGS BA LA NGA'O SNYAM PA'I RTOGS PA 'DIR MI 'GYUR NA, GZUGS DKAR SHAM LA SOGS PA LA MI 'GYUR RO, ,GZUGS LA NI NGA'O SNYAM DU MI 'GYUR RO, ,DES NA NGA'O SNYAM PA'I RTOGS PA NI GZUNG BA NYID KYI RGYU MTSAN MA YIN LA, GZUNG BA NYID DANG 'GAL BA YANG MA YIN NO, ,'ON TE BDAG 'BREL PA'I BDAG NYE BAR BTAGS NAS BDAG DKAR SHAM MO ZHES RTOGS PA YIN TE NGA'I GZUGS ZHES THA DAD PAR MTHONG BA'I

PHYIR RO ZHE NA, 'O NA THA DAD PA MED PA'I PHYIR NA NGA'I DKAR SHAM ZHES BYA BAR MI 'GYUR LA, NGA'I GZUGS SO ZHES BYA BAR 'GYUR BA 'DI LA RGYU MTSAN CI ZHIG YOD, DES NA RTOGS PA 'DI NI RGYU MTSAN MED PA NYID DO, ,DE'I PHYIR NGA'I SNYAM PA'I RTOGS PA YIN TE NGA'I GZUGS LA SOGS RANG RIG PA MA YIN PAR MI 'GRUB PO, ,NGA DKAR SHAM MO SNYAM PA NI NYE BAR BTAGS PA LAS 'JUG PA MA YIN TE, DNGOS GZHAN MED PA'I PHYIR RO, ,NGA'I BDE BA ZHES BYA BA LA NGA'O SNYAM DU RTOGS PA'I YUL GYI DMIGS PA THA DAD PA'I RANG BZHIN NI 'GA' YANG DMIGS PA'I SPYOD YUL DU 'GYUR BA MED DO; ,DPER NA MCHI GU'I LUS ZHES BYA BA BZHIN NO, ,'DI LTAR, MCHI GU'I SGRA YI BRJOD BYA NI, ,RDO BA NYID NI YIN PAR MTHONG, ,LUS KYI SGRA YI BRJOD BYA YANG, ,DE NYID KHO NA RTOGS PA YIN, ,DE BZHIN NGA YI ZHES BYA'I SGRA'I, ,BRJOD PAR BYA BA LUS SU RTOGS, ,GZUGS LA SOGS PA'I SGRA LA YANG, ,GZHAN YANG RTOGS PA YONG MA YIN, ,TE POR BTAGS KYANG NGA'O SNYAM PA'I DMIGS PA NI LUS LA BRTEN PA'I GZUGS LA SOGS PA LAS GZHAN NYE BAR MTSON PA NI MED DO, ,DES NA NGA'I BDE BA'O SNYAM PA'I LUS DANG 'BREL PA NYID DAM, THOG MA MED PA'I BAG CHAGS KYI KUN DU RTOGS PA'I KHYAD PAR LAS RTOGS PA YIN NO, ,'O NA JI LTAR RANG RIG PA YIN PA'I PHYIR LUS KYI GZUGS LA SOGS PA LA NGA'O SNYAM PA'I RTOGS PAR 'GYUR BA DE BZHIN DU RTZIG PA LA SOGS PA YANG RTZIG PA'O SNYAM PAR 'GYUR RO, ,JI LTAR LUS LA LTOS NAS RTZIG PA MDUN NA 'DUG BA DE BZHIN DU LUS KYANG RTZIG PA LA LTOS NAS YIN PAR 'GYUR NA, 'GYUR BA YANG MA YIN TE, DES NA RTZIG PA LA SOGS PA'I RANG RIG PA NYID MA YIN NO ZHE NA, 'DI LA BRJOD PA, JI LTAR RANG RIG MIN NYID KYANG, ,RTZIG SOGS NGAR 'DZIN BYED MIN PA, ,DE BZHIN RANG RIG NYID YIN YANG, , RTZIG SOGS NGAR 'DZIN BYED MIN PA, ,JI LTAR BAG CHAGS DANG 'BREL LAS, ,RTZIG PA LA SOGS LUS MIN PA, ,DE BZHIN BYED NGES DE NYID LAS, ,NGAR 'DZIN PA DANG BRAL BA YIN, ,DPER NA RTZIG PA DANG LUS GNYIS BAG CHAGS NGES PA'I MTHU PHAN TSUN THA DAD PA DE BZHIN DU NGAR

, ,'DZIN PA'I YUL DANG CIG SHOS KYI YUL YANG MA YIN NO, ,DE'I PHYIR 'DZIN PAR BYED PA GZHAN GYI BYED PA'I YUL DU MI 'THAD PA NYID KYIS RANG RIG PA NYID DE, 'DI LA NI DPE YOD PA MA YIN NO, ,GANG ZHIG BYIN GYIS RLOBS PA'O, ,GZHAN MED PAR RTOGS PA DE NI RANG DBANG NYID DU RTOGS PA YIN LA, RTZIG PA LA SOGS PA RIG PA DAG LAS YANG BYIN GYIS RLOB PA PO 'GA' YANG MED PA YIN TE, DES NA RANG RGYUD DU RIG PA MA YIN PAS RANG RIG PA'I NGO BOR GRUB PO, ,MIG NI 'DZIN PAR BYED PA MA YIN TE, GZUGS LA SOGS PA'I RANG BZHIN DU GZUNG BA YIN PA'I PHYIR RO, ,GSAL BAR BYED PA NI RGYU LAS KHYAD PAR 'GA' YANG MED DO ZHES BSTAN ZIN CING STON PAR 'GYUR RO, ,DES NA THA DAD PA LA LTOS NAS GSAL BAR BYED PA'I NGO BO NI RGYU'I DNGOS BO NYID DO, ,GSAL BAR BYA BA NI RANG RIG PA LAS SO ZHES BYA BAR RIGS SO, ,DE LTA BU NYID KYANG MTHONG BA'I PHYIR DE LTA BU NYID DRAN PA'I PHYIR RO ZHES BYA BA 'DI RIGS PA YIN NO, ,GZHAN YANG, 'BREL MI RTAG PHYIR RTZIG PA LA, ,DAR 'DZIN PA NI 'BYUNG MI 'GYUR, ,RTAG TU RJES SU 'BREL PA YIS, ,DE NI LUS LA 'BREL PA YIN, ,DE'I PHYIR RTAG TU RJES SU 'BREL PA NGAR 'DZIN PA'I RGYUN YIN PA'I PHYIR NA RTZIG PA LA SOGS PA LA 'DZIN PAR 'GYUR BA MA YIN NO ZHES BYA BA NI RNAM PAR DBYE BA YIN NO, ,NGAR 'DZIN PA'I PHYIR NI RANG RIG PA MA YIN TE, GZHAN LA LTOS PA MED PAR RIG PA DE LTAR GNAS PA MA YIN PA'I PHYIR RO, ,'ON TE DE NI 'DZIN PAR BYED PA'I RNAM PAR RIG PA YIN NO ZHE NA, DE YANG MA YIN TE, 'DI LTAR, MIG STZOGS LAS NI MA GTOGS PA, ,DE YI RNAM PAR RIG BYED PHYIR, ,DE KUN GZUNG BA'I RANG BZHIN DU'ANG, ,PHYI ROL SMRA BA RNAMS KYIS 'DOD, ,DE LAS MA GTOGS PAR NI BDE BA LA SOGS PA DMIGS PA MA YIN NO, ,DES NA THAMS CAD LTOS PA MED PAR RIG PA'I PHYIR RANG RIG PA NYID DO, ,LUS DANG CIG SHOS SU MYONG BA'I GZUGS LA SOGS PA DAG PAS NI THA DAD PAR 'DZIN PAR BYED PAR 'GYUR BA GANG YIN PA GZHAN DMIGS PA MED DO, ,BDE BA LA SOGS PA YANG LUS LA SOGS LAS MA GTOGS PA MED DO, ,DE DAG

NI RTOGS KYANG 'DZIN PAR BYED PA MA YIN TE, RANG GI NGO BO TZAM GYI MTHAR THUG PA'I PHYIR RO, ,BDE BA LA SOGS PA THA DAD NA GZUNG BAR BYA BA NYID THA DAD PAR YANG 'GYUR RO, ,'GYUR BA NYID DE 'DOD PA LA SOGS PA THA DAD PA SA MI SDUG PA LA SOGS PAR SNANG BA'I PHYIR RO ZHE NA, MA YIN TE, MI SDUG PA LA SOGS PA'I BYE BRAG TU SNANG NA DON GYI RANG BZHIN MA YIN PA'I PHYIR RO, ,PHAN TSUN 'GAL BA'I RANG BZHIN GCIG TU RIGS PA MA YIN NO, ,'DZIN PAR BYED PA LA LTOS PAS MI 'GAL LO ZHES KYANG BRJOD PAR BYA BA MA YIN TE, LTOS PA MI RUNG BA'I PHYIR RO, ,'DZIN PAR BYED PA GZHAN LA LTOS NAS NI DE BZHIN DU 'GYUR BA MA YIN TE, 'DZIN PAR BYED PA RGYU YIN PAR THAL PA'I PHYIR RO, ,MI SDUG PA LA SOGS PA'I RANG BZHIN YOD PA NYID LAS GSAL BAR BYED PA YIN NO ZHE NA, GAL TE DE YOD PA NYID GSAL BAR BYED PA YIN NA, 'O NA JI LTAR PHYIS BRTAGS PAS GNOD PAR 'GYUR, DES NA 'DI NI GYI NA'O, ,'ON TE NYE BAR BKOD PA 'DI THAMS CAD NI GZUNG BA NYID DO, ,'DZIN PAR BYED PA'I BLO GZHAN DE NYID KYI TSE DON GYIS GO BAS RTOGS PAR BYA BA YIN NA, DE LA LTOS NAS RANG RIG PA MA YIN NO, ,DES NA DRAN PA DUS PHYIS 'DI LTA BU NYID DU RTOGS PA YIN ZHE NA, DE YANG MI 'THAD DE, 'JIG RTEN RIG PA DON GO BAR, ,GZUNG LAS RANG BZHIN THA DAD DU, ,SHES MIN DE YI RNAM PA NI, ,GSAL BAR NGO BO MA RTOGS PHYIR, ,GZUGS DANG BDE BA LA SOGS PA LAS THA DAD PAR RNAM PA DANG LDAN PA'I BLO NI DON GYIS GO BAS THA SNYAD DANG LDAN PA'I 'JIG RTEN GYIS RTOGS PA MED DO, ,NGA LA BLO YOD DO SNYAM NAS NI GZUNG BA'I RNAM PA LAS THA DAD PAR SO SOR NGES PA'I RANG BZHIN RTOGS PA MED PA'I RNAM PAR RTOG PA'I SPROS PA NYID YIN PAS 'JIG RTEN KUN DU 'KHRUL PA 'BA' ZHIG TU ZAD DO, ,CI STE YUL LA SOGS PA NGES PAR RNAM PAR GNAS PA'I DON GYI BDAG NYID LUS CAN DANG KHO NA SO SO RANG BZHIN NGES PAR RTOGS KYI, BLO NI DE LTA BU'I RANG BZHIN MA YIN, DE'I RANG BZHIN NI GZHAL BYA GSAL BAR BYED PA 'BA' ZHIG YIN PAS DES NA GZUGS LA SOGS PA BZHIN DU RANG BZHIN SO SOR NGES PA 'PHRIGS PA MA YIN NO ZHE NA, DE YANG MI RUNG STE, RANG BZHIN MA RTOGS PA RNAMS KYANG, ,

, ,GAL TE 'DZIN PA NYID YIN NA, ,RI BONG SOGS KYI RVA DAG KYANG, ,'DZIN PAR BYED PA CI STE MIN, ,GAL TE DE DAG DE LTAR NI, ,RTOGS MED BLO LA RTOGS PA MED, ,NGA YI BLO YOD DO SNYAM PA YANG GZUGS LA SOGS PA LAS GZHAN PA'I BDAG NYID RIG PA MA YIN TE GSAL BAR BYED PA'I NANG DU CHUD PA GZUGS LA SOGS PA'I KHYAD PAR NYID RANG BZHIN DU GYUR PA'I CHOS KYI KHYAD PAR LA BRTEN NAS DE LTAR BSTAN PA YIN NO, ,GZUGS LA SOGS PA'I LKOG TU GYUR PA DANG, MA GRUB PA THUN MONG MA YIN PA LA GSAL BZHIN PA'I GZUGS NYID NI GZUGS KYI KHYAD PAR YIN PA NYID KYIS NI, RIGS MTHUN PA'I GZUGS LAS KYANG LDOG PA YIN NO, ,DES NI LDOG PA'I KHYAD PAR GYI CHOS THA DAD PA DES NA GZUGS LA SOGS PA'I BLO ZHES BRJOD PA GANG ZHEN PAS 'JUG PA YIN NO, ,DE'I PHYIR MTHONG BA'I DUS DANG DRAN PA'I DUS NA BLO GZHAN MED PA'I PHYIR GZUGS LA SOGS PA'I RNAM PA NYID KYIS NI, RANG RIG PA GRUB CES BYA BA NI GRUB PA'I MTHA' YIN NO, ,DES NA, GZUNG 'DZIN DAG NI GCIG YIN NA, ,DE GCIG RTOGS PAR NGES PA NI, ,GZHAN YANG RTOGS PA 'AM GZHAN YANG RTOGS PAR 'GYUR NA, GZHAN MA RTOGS NA GZHAN YANG MI RTOGS SO ZHES BYA BAR 'GYUR RO ZHES BYA BA 'DI YANG GSAL BA YIN NO, ,GZUGS LA SOGS PA'I RANG BZHIN DANG, ,GSAL BAR BYED PA'I RANG BZHIN YANG RTOGS PA NYID DE, 'DI LA THE TSOM CI ZHIG YOD, ,GANG YANG 'JIG PAR BYED PA NYID DRAN PA NYID YIN TE, BDAG CIG ZHIG MTHONG BAR GYUR TO ZHES DRAN PA'I PHYIR TE ZHES SMRAS PA DE LA KHYAD PAR NI 'DZIN PAR BYED PA LA THE TSOM ZA BA YIN LA, SPYI LA NI GZUNG BA LA'ANG THE TSOM MI ZA BA YIN NO, ,NGA'I ZHES BYA NI 'JIG RTEN LUS DANG 'BREL PA STON PA YIN LA, LUS DE YANG GSAL BYA NYID YIN GYI GSAL BAR BYED PA GZHAN NI MED PA'I PHYIR RO, ,'DI YANG BSHAD ZIN PA NYID DO, ,'ON TE GZHAN GYI BSAM PA, GZUGS LA SOGS PA RTOGS BLO GZHAN YANG, YOD PA MA YIN TE, DE BDEN PA, DE LTA NA YANG RANG RIG MIN, ,DE NI GZHAN GYIS 'DZIN PHYIR RO, ,ZHES BYA BA YIN NA, DE NI MI RUNG STE, DE DNGOS CAN MIN BLO YIS NI, ,SHES

'GA' JI LTAR MYONG BA YIN, ,DES RANG NGO BO MYONG MED PHYIR, ,NYAMS SU MYONG LUS LDOG PAR 'GYUR, ,GAL TE DE'I DUS PHYIS 'BYUNG BA DON GO BA LA SOGS PA'I RANG BZHIN DE'I RNAM PA CAN MA YIN PA'I BLO GZHAN GYIS SHES PAR 'DOD NA, DE'I TSE RIG PA 'GAG PA YIN TE, DE NI SKAD CIG MA YIN TE, BLO GZHAN GYI DUS SU NI SDOD PA MA YIN NO ZHES KHAS BLANGS PA'I PHYIR RO, ,DES NA MYONG BA PHYI MA'I DUS SU MYONG BA SNGA MA 'GAGS PAS JI LTAR MYONG BA YIN, RANG GI NGO BO YANG RIG PA MA YIN PA'I PHYIR DANG, GZUNG BAR BYA BA'I RANG BZHIN YANG MED PAS MYONG BA MA LUS PA 'JIG PAR 'GYUR RO, ,RANG GI NGO BO MED PA NI MYONG BAR NUS PA NI MA YIN TE, MYONG BA NI THAMS CAD DU RANG GI NGO BO MYONG BA YIN PA'I PHYIR RO, ,SNGON GYI MYONG BA NYE BAR GNAS PA MA YIN PA NI, RANG GI NGO BO NI MED PA YIN PA'I PHYIR MYONG BA SNGA MA MYONG BA PHYI MAS MYONG BA MA YIN NO, ,RANG GI RANG BZHIN YANG MYONG BAR MI 'DOD DO, ,MTHONG BA YANG MA YIN TE, DE NI LUS KYI RNAM PA DANG 'BREL PA'I PHYIR RO, ,LUS KYI RNAM PA YIN YANG RANG RIG PAR KHAS MI LEN PA'I PHYIR, THUG PA MED PAR THAL BAR 'GYUR RO ZHES BSTAN CING STON PAR 'GYUR RO, ,GZHAN YANG BLO GZHAN GYIS NYAMS SU MYONG BA YIN NO ZHES BYA BA 'DI YANG MI RUNG STE, 'DI LTAR, DON DU SNANG BA DANG LDAN ZHES, ,DE NI PHYI ROL MNGON PHYOGS SNANG, ,BLO LA 'DZIN PAR BYED PA'I BLO, ,RTAG TU BDAG LA NANG MNGON PHYOGS, ,GZHAN GZHAN GYIS 'DZIN PA NI, PHYI ROL MA YIN PAR RTOGS PAR NUS PA MA YIN NO, ,BLO LAS RTAG TU NANG NYID DU SNANG BA YIN NO, ,'ON TE BDAG NYID KYI BLO NANG GI NGO BOR SNANG ZHE NA, DRAN PAS 'DZIN PAS NA YANG BLO, ,NANG NYID DU NI GSAL BAR 'GYUR RO, ,GANG GI TSE BDAG GI PA'I BLO DRAN PAS DMIGS PA DE'I TSE YANG PHYI ROL DU SNANG BAR MI 'GYUR RO, ,'ON TE DE NI DUS THA DAD PAS DE LTAR SNANG NGO ZHE NA, 'DIR RANG GI NGO BO THA DAD PA'I PHYIR DE LTAR YIN NO ZHES CI STE MI 'DOD, THAD DAD PA'I RNAM PA MI SNANG BA NI 'DZIN PAR BYED PA LAS GZHAN YIN NO ZHES NGES PAR NUS PA MA YIN NO, ,DES NA NANG NYID DU NYAMS SU MYONG BA'I BLO NI RANG RIG PA'I RANG BZHIN NYID DO ZHES RIGS SO, ,YUL MTSUNGS

, ,PA NYID KYIS DE LTAR MYONG PA YIN NO ZHE NA, MA YIN TE, YUL MTSUNGS KYANG RANG GI NGO BO THA DAD PA NYID DU 'DZIN PA YIN NO, ,'DRES PAS RNAM PAR DBYER MED PA NI GSAL BA NYID DO, ,DE'I PHYIR GYI BLO GZHAN GYIS 'DZIN PA DE'I LTAR NA DE PHYI ROL NYID DU SNANG BAR 'GYUR RO ZHES RIGS SO, ,GZHAN YANG, YUL GANG GIS NI SNANG BA GANG, ,DES DE MYONG MIN ZHES PA'ANG 'THOB, ,YUL GANG GANG GI SNANG BA GANG ZHIG SHES PA LA GNAS PA'I DON DE YUL DU SNANG BA'I SHES PAS RIG PA YIN PAR MI 'GYUR TE, RANG GI NGO BOR 'GYUR BA'I DON DU SNANG BA MYONG BA MED PA'I PHYIR RO, ,RANG RIG PAS YUL GYI SNANG BA NYAMS SU MYONG NA NI, DON GYIS NA DON DE YANG MI 'GYUR RO, ,DON MYONG BA NI 'DI NYID YIN, ,SHING LA SOGS PA ME LONG GI RNAM PAS 'DZIN PA BZHIN NO, ,RANG RIG PA MA YIN NA NI, THAMS CAD CIR YANG MI RUNG BAR 'GYUR RO, ,GAL TE DE DANG 'DRA BA LAS, ,MYONG GZHAN CI YOD CIS 'DOD NA, ,GAL TE BLO NI DE'I NGO BOR, ,SKYES NA DE NYID DON MYONG YIN, ,DE YI RANG BZHIN RIG MED NA, ,DON RIG PAR NI 'GYUR MA YIN, ,RANG RIG PA GZHAN MED MOD, DE MED PAS NA DE MED PAR 'GYUR BA NI MA YIN NO, ,RANG RIG PA MED PAS SNGON PO SNGON PO MA YIN PAR 'GYUR BA NI MA YIN PA DE BZHIN DU BLO BLO MA YIN PAR MI 'GYUR RO, ,GZHAN RIG PAS BLO YIN GYI, RANG RIG PAS NI MA YIN NO, ,DON GYI RANG BZHIN NYID MYONG BA'I MTSAN NYID YIN GYI, RANG RIG PA NI MA YIN TE, BDAG KYANG BLO NYID YIN PA'I PHYIR RO, ,DES NA BDAG LA GNAS PA DE'I RNAM PA NI RANG RIG PA MA YIN YANG BLO NYID DO ZHE NA, GAL TE DE LTAR NA RANG RIG PA MED KYANG SNGAR GYI DON GYI RNAM PA TZAM LAS SAM, GZHAN GYIS YIN PAR 'GYUR NA DE'I TSE, 'DRA BA THAMS CAD PHAN TSUN DU, ,MYONG BA NYID NI THOB PAR 'GYUR, ,RANG RIG PA MA YIN NA DE'I TSE RNAM PA TZAM ZHIG LUS PA YIN NO, ,DE'I TSE YANG BLO DANG KHYAD PAR MED PA NYID DO, ,DE'I RNAM PA TZAM GYIS BLO NYID YIN NA NI DER YANG 'GYUR RO, ,DES NA DON GZHAN DANG 'DRA BA'I DON YANG BLO NYID DE BLO'I MTSAN NYID DANG LDAN PA'I PHYIR RO, ,DON GYI PHYIR NA MA YIN NI ZHE NA, DON ZHES BYA BA NI 'DI CI YIN MA YIN PA'O ZHE

NA; BLO MA YIN PA NYID DON YIN PAR 'GYUR PAS NA GCIG KYANG RAB TU MI 'GRUB PO, ,DES NA BLO NI RANG RIG PA TZAM NYID DU ZAD DO ZHES BYA BAR RIGS SO, ,'ON TE 'DU BA'I 'BREL PA 'AM GZHAN GYIS BDAG LA GNAS PA NYID DO ZHE NA, DE YANG MI RUNG STE, BDAG LA GNAS PA'I BLO NYID NA'ANG, , 'BAD RTZOL LA SOGS PHAN TSUN DU, ,'DU PA'I PHYIR NA BLOR 'GYUR RO, ,BDAG LA GNAS PA'ANG JI LTAR RIG ,'BAD RTZOL LA SOGS PHAN TSUN DRAN PA DAG KYANG MYONG BAR THAL BAR 'GYUR RO, ,BDAG LA GNAS PAR GANG GIS NGES, BLO GZHAN GYIS SO, ,BLO NYID NGES PA MA YIN NAM, ,DE JI LTAR BLO GZHAN GYIS ZHES BRJOD, ,BLO GNYI GA BDAG LA GNAS PA YIN NA JI LTAR PHAN TSUN DU 'DZIN TE, YUL GCIG PA NYID KYIS THA DAD PA MED PA'I PHYIR RO, ,DE LTAR THA DAD PAR RTOGS MA MO DE'I TSE BDAG KYANG THA DAD PAR RTOGS PAR 'GYUR BAS NA 'DI PHAN TSUN RNAM PAR 'BYED PA NYID DU 'GYUR RO; ,BDAG MA RTOGS PAR NI DER GNAS PA NYID DU RTOGS PA MA YIN TE, MA RTOGS PA'I BDAG JI LTAR BLO'I RTEN DU BLOS 'DZIN, ,GZUGS LA SOGS PA BLOS RTOGS, RTOGS KYANG BDAG LA GNAS PA'I BLO'I YUL DU 'GYUR BA MA YIN NO, ,DE DAG NI BDAG LA GNAS PA MA YIN PA'I PHYIR RO ZHE NA, BDAG KHYAB PAR MA YIN NAM, JI LTAR DE LA MI GNAS PA NYID YIN, DER 'DU BA MA YIN PA'I PHYIR RO ZHE NA, JI LTAR 'DU BA MA YIN, DER RTOGS PA MED PA'I PHYIR RO, ,'O NA BLO YANG BDAG LA RTOGS PA MED PA KHO NA STE, DE LAS THA DAD PAR BDAG RTOGS PA MED PA'I PHYIR RO, ,GAL TE RE ZHIG BYA BA'I RANG BZHIN GYI RTOGS PA 'DI NI YOD PA MA YIN PAS, DE LA GDON MI ZA BAR BYED PA PO YOD PAR 'GYUR TE, BYED PA PO MED PA'I BYA BA NI MI SRID DO ZHE NA, MIG LA SOGS PA GANG LAS 'DI SKYES BU DE NYID BYED PA MA YIN NAM, DE DAG NI BYED PA YIN PA'I PHYIR RO ZHE NA, BYED PA PO GZHAN BRTAGS PAS CI BYA, DE DAG NYID BYED PA PO YIN MOD, DE DAG NI BYED PA PO GZHAN MED NA BYED PAR MI 'GYUR BA MA YIN NO, ,YANG NA LUS NYID BYED PA PO YIN PAS GZHAN GYIS CI BYA, 'O NA BLO LUS KYI NANG DU TSUD PAS NANG DU PHYOGS PAR SNANG BAR RTOGS PA YIN NO, ,DE NYID KYI PHYIR GZHAN GYI BLO

, ,GZHAN DU RTOGS SO ZHE NA, 'O NA LUS KYI PHYOGS SU 'GYUR BA 'GA' ZHIG KYANG BLO NYID DU 'GYUR RO, ,DES NA RANG RIG PA MA YIN NA, GZUGS LA SOGS PA DAG MTSUNGS PA NYID DO, ,DES NA 'DRA BA THAMS CAD PHAN TSUN RIGS PAR 'GYUR RO, ,DE'I PHYIR RANG RIG BA NYID KYIS RANG BZHIN GZHAN LAS LDOG PA YIN NO, ,GAL TE BLO 'DRA DE MYONG NA, ,'DRA BA THAMS CAD DON RIG PA NI MA YIN GYI, 'ON KYANG BLOR GYUR BA'I 'DRA BA'O, ,BLO LA BRTEN PA'I 'DRA BA DON RIG PA YIN GYI, ,RIG PA TZAM MAM, 'DRA BA TZAM NI MA YIN NO, ,RIG PA TZAM YIN NA NI, RIG PA TZAM KHO NAR 'GYUR GYI, DON RIG PAR NI MI 'GYUR RO, ,'DRA BA TZAM YIN PA NI DON RNAMS KYANG PHAN TSUN RIG PAR THAL BA'I PHYIR RO ZHE NA, DE LTAR YANG MI RUNG STE, 'DI LTAR, DE NI 'DRA LAS MYONG MA YIN, ,GAL TE 'DRA BA MYONG BA'I MTSAN NYID YIN NA DE'I TSE 'DRA BA'I DON YANG MYONG BAR 'GYUR RO ZHES BYA BA 'DI LA BLOR 'GYUR BA ZHES LAN BTAB PA YIN NA DE LA NI PHAN TSUN RIGS PA YIN NA DE DAG KYANG BLOR THAL BAR 'GYUR BA BRJOD PA NYID DO, ,MYONG BAR THAL LO ZHES BRJOD PA DAG GANG YIN PA DE DAG BLO NYID DO ZHES BRJOD PA 'DI LA YANG DE NYID LAN DU JI LTAR 'GYUR, GANG GI PHYIR BLO DANG MYONG BA ZHES BYA BA 'DI GNYIS BRJOD PAR BYA BA THA DAD NYID NI MA YIN NO, ,DES NA KHYAD PAR GZHAN NYID BRJOD PAR BYA BA YIN LA DE YANG 'DRA BA LAS GZHAN YIN NO, ,GAL TE 'DRA BA'I DON RNAMS PHAN TSUN 'DZIN PAR BYED PA MA YIN PAR MTHONG LA BLOS NI 'DZIN PAR BYED PA'I RANG BZHIN YIN NO ZHE NA GAL TE DE LTA NA 'DZIN PAR BYED PA'I RANG BZHIN GYI 'DRA BA BLO YIN PAR 'GYUR RO, ,'DRA BA TZAM GYIS 'DZIN PAR BYED PA'I RANG BZHIN YIN NA YANG GZUGS LA SOGS PA RNAMS KYANG 'DZIN PAR BYED PA YIN PA'I PHYIR BLO NYID DU THAL BAR 'GYUR RO, ,'DZIN PAR BYED PA MA YIN PA'I PHYIR RO ZHE NA, GAL TE 'DZIN PAR BYED PA NYID RNAM PAR GNAS PA YOD NA, 'GA' ZHIG NI 'DZIN PAR BYED PA YIN LA, GZHAN NI BZLOG PAR RNAM PAR GZHAG PAR BYA BA YIN NA DE NYID NI GNAS PA MED DO, ,'ON TE GZUGS LA SOGS PA LAS GZHAN PAR BYED PA YIN NA, GZUGS LA SOGS PA DANG 'DRA BA RANG RIG PA MA YIN PA'I RANG

BZHIN MA YIN NAM, GZUGS LA SOGS PA LAS GZHAN YIN, DER RTOGS PA LA NI TSAD MA YANG YOD PA MA YIN NO, ,DON GYI GZUNG BA NYID DE LTA MA YIN NA MED PAR 'GYUR RO ZHE NA, JI LTAR MTHONG BA DE LTAR YIN DU ZAD MOD, GZHAN GYIS CI BYA DE'I PHYIR RANG RIG PA NYID KHYAD PAR YIN NO, ,DE LTA YIN DANG; KHYAD PAR GANG LAS GZUGS LA SOGS PA'I DON LAS LDOG PA DE NYID BLO YIN PAS 'DRA BA LAS NI BLO MA YIN NO, ,RANG RIG PA'I MTSAN NYID KYI BLO NYID DU 'GYUR BA'I 'DRA BA GANG YIN PA DE RIGS PA YIN PAS MTSAN NYID BLO YIN GYI, 'DRA BA'I MTSAN NYID NI MA YIN NO, ,'O NA 'DRA BA'I DON DU 'DOD CE NA, DES BYAS PA'I MYONG BA NGES PA'I RGYU MTSAN MA YIN PA'I PHYIR DE 'DOD PA YIN NO, ,DES NA BLO YIS NA 'DRA BA ZHES BYA BAR 'GYUR BAS NA RANG RIG PA'I MTSAN NYID BLO'I KHYAD PAR NYID YIN GYI, 'DRA BA NI DE LAS GZHAN NI MA YIN NO, ,'O NA BLO NYID KYANG 'DRA BA'I KHYAD PAR YIN GYI, DE LAS GZHAN PA NI MA YIN NO ZHES BYA BAR 'GYUR RO ZHE NA, 'DI NI BDEN MOD KYI DE LTA NA YANG PHYI ROL GYI DON DU SMRA BA LA, 'DRA BA RANG RIG PA TZAM DANG RJES SU 'BREL PA YIN GYI, RANG RIG PA NI 'DRA BA TZAM LAS 'GYUR BA MA YIN NO, ,GZHAN YANG, DE YI MYONG BA DE RANG NYID, ,DE NI 'DRA BA'I RGYU MTSAN MIN, ,'DRA PA NI RANG RIG RGYU MTSAN YIN NO, ,GAL TE RTOGS PA GZHAN MED PAR RANG GI NGO BO MNGON DU BYED NA, DE LA 'DRA BAS CI BYA, GAL TE 'DI GZHAN GYIS 'DRA BA YIN NA, DE'I TSE DE LTAR RIGS PA YIN GYI, GZHAN GYI TSE NI MA YIN NO ZHES, DE LTAR NI DE BRTAG PAR MI BYA STE, CHUS KHYER BA LA RAGS GZUGS PAS CI BYA ZHES BYA BA'I TSUL DU 'GYUR RO, ,DA NI 'DRA BAS CI BYA ZHES BRJOD PAR YANG MI BYA STE, 'DI LTAR, BYA BA LAS KYI RNAM GZHAG NI, ,'DI NI 'JIG RTEN NA RGYUR 'GYUR, ,THA DAD PA'I YUL RANG RIG PA'I RANG BZHIN NYID NI 'DIS RNAM PAR 'JOG PA YIN TE, 'DRA BA LAS GZHAN GYIS NI MA YIN NO ZHES SO, , SNGON PO LA SOGS PA'I LAS DANG SER PO LA SOGS PAR RIG GO ZHES BYA BA DANG, LAS SO SOR NGES PA DON DU 'DOD PA YIN NO, ,RE ZHIG PHYI ROL GYI DON DU SMRA BA'I LTAR NA, PHYI ROL SNGON PO LA SOGS PAS RANG RIG PA NI MA YIN NO, ,DES NA 'DRA BA'I DNGOS PO RNAM PAR GZHAG PAR BYA BA YIN NO, ,

, ,DE LTA MA YIN NA 'JIG RTEN NA SNGON PO LA SOGS PA PHYI'I DON RNAM PAR GZHAG PA MED PAR 'GYUR TE, 'DI LTAR, RANG GI NGO BO'I RANG BZHIN DE'I, ,MYONG BA SGRO 'DOGS 'KHRUL PA LAS, ,STZOGS PA MYONG BAR GRAGS YIN GYI, ,GZHAN GYI BDAG NYID MYONG LAS MIN, ,RIG PA'I RANG GI NGO BOR 'GYUR BA'I RANG BZHIN SNGON PO LA SOGS PA GANG YIN PA DE'I MYONG BA THOG MA MED PA'I BAG CHAGS KYI RGYUN 'JUG PA CAN GYI 'KHRUL PAS PHYI ROL SNGON PO LA SOGS PA LA SGRO 'DOGS PAS SNGON PO LA SOGS PA NYAMS SU MYONG BA YIN GYI, DE LAS GZHAN PA'I SNGON PO LA SOGS PA'I BDAG NYID NI 'GA' YANG MYONG BA'I SPYOD YUL DU 'GYUR BA MA YIN NO, ,RIG PA NYAMS SU MYONG BA NYID NYE BAR BTAGS NAS MYONG BA YIN NO, ,'DI LTAR, GZHAN RIG NA YANG DON BZHIN DU, ,GAL TE DE YI NGO BO RTOGS, ,'DI NI BDAG GIS SHES ZHES BA'I, ,THA SNYAD RAB TU 'JUG PA YIN, ,DE'I TSE MTSAN NYID GZHAN RIG PA NA, 'DI NI BDAG CAG GIS RIG PA NYID DO ZHES 'JIG RTEN THA SNYAD BYED DO, ,DE NYID KYI PHYIR 'JIG RTEN NA SMOS SO, ,DON DAM PAR NI RANG RIG PA 'BA' ZHIG TU ZAD DO, ,BLO YI DNGOS SOGS DNGOS MIN NA, ,DE NI JI LTAR DE MYONG YIN, ,GAL TE RIG PA NYID BDAG NYID SNGON PO'I RNAM PAR GSAL BA YIN NA, TSAD MA GANG LA BRTEN NAS PHYI'I DON RIG PAR 'GYUR, DE LA MNGON SUM NI YOD PA MA YIN TE, DE NI RANG RIG PA TZAM GYIS MTHAR THUG PA'I PHYIR RO, ,DE LAS GZHAN PA'I SNGON PO SNANG BA YANG MED DO, ,SNGON PO RNAM PA NYID RIG PA MED PA'I PHYIR RO, ,'ON TE DON DE NYID KYI BDAG NYID YIN NA, DE MYONG BA GZHAN GYIS RANG BZHIN GYIS RIG PA 'AM RIG PA MA YIN PAR 'GYUR, GAL TE MA RIG PA DE JI LTAR DE'I MYONG BA YIN RANG GI NGO BOS SHES PA MA YIN PA, 'DI'I RIG PA ZHES 'BREL BA CI ZHIG YOD, RIG GO ZHE NA DE LTAR YANG DUS MTSUNGS PA 'AM GZHAN DU RIG KYANG RUNG STE; JI LTAR GZHAN GYIS RIG PAR BYED PA YIN 'DI GNYIS KYIS RANG GI RANG BZHIN DE NYID RIG PA'I JI LTAR RIG BYA RIG BYED KYI DNGOS PO YIN SNGON PO LA SOGS PA LKOG TU GYUR PA YIN NA NI DE'I RANG BZHIN RIG PA LAS DER BRTAG PA'I PHYIR 'DIS 'DI SHES SO ZHES BYA BA'I THA SNYAD DU 'GYUR BA YIN NO, ,

DNGOS SU RIG NA NI GNYIS PHAN TSUN 'BREL PAR RIG LA ZHES BYA BA'I TSAD MA 'GA' YANG YOD PA MA YIN NO, ,DE'I PHYIR RANG RIG PAR 'GYUR BA YIN PA'I RIG PAR 'GYUR BA GZHAN GYIS SHES PA ZHES BYA BA 'DI NYID BLANG BA YIN NO, ,RANG RIG PA TZAM NI RIG PA'I BDAG NYID MA YIN GYI, 'ON KYANG 'DRA BAR 'GYUR BA ZHES BYA BA MA RIG PA MA YIN NAM ZHE NA, MA YIN TE 'DRA BA TZAM LAS RIG PA MI 'GRUB PA'I PHYIR RO, ,RANG RIG PAR 'GYUR BA'O ZHE NA, GAL TE DE LTA NA YANG RIG PA'I BDAG NYID KHO NAR 'GYUR MOD 'DRA BAS CI BYA GAL TE 'DRA BA MA YIN NA RANG RIG PAR MI 'GYUR RAM, CI 'GYUR BA NYID DO ZHE NA; GAL TE 'DRA BA MED KYANG 'GYUR BA YIN NA 'DRA BA DES CI BYA, 'GYUR BA KHO NA'O, ,DE YANG YOD PA MA YIN PA'I PHYIR NA 'DRA BA LAS RIG PA YIN NO ZHES BRJOD DO ZHE NA, DE NI YOD PA MA YIN TE, 'DI LTAR, GANG TSE MYONG BA'I BDAG NYID NI, ,'DRA BA'I RGYU MTSAN MA YIN NA, ,'DI RANG NYID DU GRUB PAS NA, ,DON GYIS CI ZHIG NYE BAR SGRUB, ,GANG GI RIG PA'I BDAG NYID DU GYUR PA DE NI DE'I RANG GI NGO BO YIN LA, DE'I RANG BZHIN YANG RANG NYID GRUB PA DES NA 'DRA BA LAS RIG PA YIN ZHES BYA BA'I 'BREL PA CI ZHIG YOD, GAL TE RANG BZHIN DE MED NA RANG RIG PA'I BDAG NYID DU SKYES PAR GYUR KYANG LDOG PAR 'GYUR RAM CI, DE'I PHYIR RANG BZHIN DE RANG NYID LAS GRUB PAS NA, GZHAN GYIS CI ZHIG BYA, DES DON RIG PAR 'GYUR RO ZHE NA, DE YANG RIGS PA MA YIN TE, GAL TE BDAG NYID KYI RANG BZHIN GZHAN DANG 'DRA BAR RIG PA DE LTA NA YANG RIG MOD DES DON RIG PAR JI LTAR 'GYUR TE, DES NA JI LTAR DON DANG 'BREL PAR 'GYUR BA YIN, DON GYI RIG PA ZHES RAB TU BRJOD PA YIN TE, GANG GIS RIG PAR 'GYUR BA DON NI RANG RIG PA RJES SU ZHUGS PA MA YIN PA DES NA DON RIG PA ZHES BYA BA NI MED DO, ,GAL TE GZHAN YANG 'DRA BA'I RGYU MTSAN GYIS RIG PA YIN NA DE'I TSE DON MA YIN PA CHEN POR 'GYUR RO, ,'DI LTAR, BDAG NYID KUN GYI 'DRA NA NI, ,SHES PA SHES PA NYID MI 'GYUR, ,CHA 'GA' ZHIG GIS MTSUNGS NA NI, ,THAMS CAD THAMS CAD KYIS MYONG 'GYUR, ,BDAG NYID THAMS CAD KYI 'DRA BA YIN NA NI BYE BRAG MTHA' DAG DANG BRAL BAR 'GYUR RO, ,DE'I TSE NA 'DI DON GYI KHYAD PAR

, ,GZHAN BZHIN DU DON NYID YIN PAS, JI LTAR DE SHES PA YIN, SHES PA NYID KYIS KHYAD PAR DU 'GYUR BA YIN NA NI BDAG NYID THAMS CAD KYIS MTSUNGS PAR MI 'GYUR RO, ,CHA 'GA' ZHIG GI 'DRA BA YANG YIN NA DE'I TSE THAMS CAD KYIS THAMS CAD RIG PAR 'GYUR TE, THAMS CAD KYANG CHA 'GA' ZHIG GIS MTSUNGS PA DANG BRAL BA MA YIN PA'I PHYIR RO, ,RTOGS PA'I RNAM PA MA RTOGS PA RNAM PA GZHAN THAMS CAD KYIS MTSUNGS PA NYID KYIS NA RIG PA NYID DO ZHE NA, SNGON PO MTHA' DAG RIG PAR THAL LO, ,GANG LAS SKYES PA DE NYID RIG PA YIN NO ZHE NA, GAL TE DE LAS SKYES SU CHUG PA DE LTA NA YANG RIG PA ZHES BYA BA'I DAG LAS YIN, DE'I RANG BZHIN RIG PA LAS RIG PA YIN GYI DE LAS SKYES PA NI MA YIN NO, ,GANG MTSE MA DAG PHAN TSUN BSKYED BYA SKYED BYED KYI DNGOS PO MA YIN PA DE LTA NA YANG GCIG RIG NA GZHAN YANG RIG PAR THA SNYAD BYED PA YIN NO, ,GAL TE GANG LAS SKYES PA DANG 'DRA BA DE RIG PA YIN NO DE'I TSE, JI LTAR SNGO STZOGS NGO BO'I PHYIR, ,SNGON SOGS NYAMS SU MYONG BAR 'DOD, ,DE BZHIN NYAMS MYONG NGO BO'I PHYIR, ,DE YANG NYAMS SU MYONG BAR 'GYUR, ,RTOGS PA'I RANG BZHIN GYIS NI RIG PA DANG MTSUNGS PA NYID YIN LA, SNGON PO LA SOGS PA'I RANG BZHIN GYIS KYANG SNGON PO LA SOGS PA DANG YIN NO, ,DES NA SNGON PO LA SOGS PA RIG PA BZHIN DU NYAMS SU MYONG BA RIG PAR YANG 'GYUR RO, ,'ON TE SNGON PO LA SOGS PA LA YANG NYE BAR 'JOG PAR BYED PA YIN PA'I PHYIR SNGON PO LA SOGS PA MYONG BA YANG NYE BAR 'JOG PA CAN DU 'GYUR RO ZHES KYANG BRTAG PAR BYA'O ZHE NA, DE YANG MA YIN TE, 'DI SKAD SKRA SHAD LA SOGS PA SNANG LA, NYE BAR GZHAG PA RTOGS PA MIN, ,NYE BAR GZHAG PA THA DAD PA RTOGS PA'ANG RIGS PA YIN NO, ,RAB RIB CAN GYIS NYE BAR DMIGS PA'I SKRA SHAD DU SNANG BA LA NI SKRA SHAD NYE BAR GZHAG PAR RTOGS PA NUS PA MA YIN NO, ,DE LA YANG SNGAR MTHONG BA'I SKRA LAS YIN NO ZHES THAMS CAD DU RNAM PA 'DI NYID BRTAG PAR BYA BA YIN NO, ,JI LTAR SNGON PO'I RNAM PA MTHONG BA LAS DE'I RIGS CAN GYI SNGON PO RTOGS PA DE BZHIN DU NYE BAR GZHAG PA YANG MED PAR 'GYUR RO, ,'GAL BA MI 'KHRUL PA YANG MA YIN TE, DON RTOGS PA LA 'BREL PA

BZUNG BA MED PA'I PHYIR RO, ,DON NI RJES SU DPAG PAR BYA BA YIN PA'I PHYIR RO, ,MTHONG BA SNGA MA NI SKYED PAR BYED PA NYID DU MTHONG BA'I PHYIR RO, ,DON NI 'GAR YANG MTHONG BA MA YIN TE, THAMS CAD DU RTZOD PA YOD PA'I PHYIR RO, ,MTSUNGS PA DE MA THAG PA RNAM PA GZHAN YIN LA, NYE BAR 'JOG PAR BYED PA GANG YIN ZHE NA, MA YIN TE, RGYA SKYEGS KYI KHU BA LA SOGS PA CHOD PA YANG NYE BAR GZHAG PA MTHONG BA'I PHYIR RO ZHES 'DI NI LAN CIG MA YIN PAR BSTAN ZIN TO, ,'ON TE YANG, NYAMS MYONG NYAMS SU MYONG NGO ZHES, ,DON BZHIN DU NI NGES MIN PA, ,DE'I PHYIR NYES PA MED CE NA, ,DE NI DE LA YANG RTAG TU MED, ,GAL TE 'JIG RTEN JI LTAR DON MYONG NGO ZHES PA LTA BUR NYAMS SU MYONG BA NYAMS SU MYONG NGO SNYAM DU NGES PA YIN PA DE'I PHYIR MTHONG BA'I RGYU NGES PA YIN PAR MTHONG BAS NA, 'DI DON MYONG BA YIN GYI, MYONG BA MYONG BA NI MA YIN NO ZHES RTOGS SO, , GAL TE NYAMS SU MYONG BA YANG MYONG BA YIN NA NI DE LTAR NGES PAR 'GYUR BA NYID DO ZHE NA, 'DI LA BRJOD PA, RGYU ZHES BYA BA TZAM GYIS NI, ,KUN TSE 'BRAS BU SKYED PA MIN, ,RGYU NI LHAN CIG BYED PA LA, ,BRTEN NAS BYED PAR 'GYUR BA YIN, ,DE NYID STON PA NI, DON LA'ANG DE NI RTAG TU MED,, DON LA'ANG RTAG TU NGES PA MA YIN TE, LA LAR 'KHRUL PA MTHONG BA'I PHYIR RO, ,YANG NA RTAG TU DON LA NGES PA KHO NA'O, ,NYAMS SU MYONG BA'I BDAG NYID DU 'GYUR BA'I RNAM PA NYID NGES PA YIN PA'I PHYIR RO, ,NYE BAR BTAGS PAS DE LTAR 'GYUR RO ZHE NA, MA YIN TE, NYE BAR 'DOGS PAS RTOGS PAR MI RUNG BA'I PHYIR RO, ,GANG DU'ANG GTZO BOR 'JUG PA'I SA, ,DON DAG 'GAS KYANG MTHONG BA MED, ,DE MED PAS NA NYER 'DOGS PA'I, ,RTOGS PA SKYE BAR GAL 'GYUR, ,DES NA 'DI DON TO SNYAM PA'I NGES PA NI THOG MA MED PA'I BAG CHAGS KYI STOBS LA BRTAN PA CAN YIN GYI MYONG BA TZAM LAS SKYES PA NI MA YIN NO, ,RMI LAM DU YANG DON MTHONG BA NI YOD PA MA YIN NA, DE LTAR NA YANG, DON TO SNYAM PA'I NGES PAR NI 'GYUR BA NYID DO, ,DE'I PHYIR DON MYONG BA YANG NGES PA MED PA DANG, DE MED PA DANG, DE MED KYANG YOD PA YIN PA'I PHYIR NGES PA NI NGES PA NYID

, ,MA YIN PAS JI LTAR DE LAS DE KHO NA RNAM PAR GNAS, YOD PA NYID KYIS RGYU YOD NA, ,MYONG BA MED PA'ANG CI YI PHYIR, ,NYAMS SU MYONG BA'I MYONG BA RGYU THAMS CAD YOD PA YIN TE, DE LTA NA YANG NGES PA MED DO ZHES BYA BA NI JI LTAR CI ZHIG LTAR LHAN CIG BYED PA MA TSANG BAS NA, MI 'GYUR RO ZHE NA, 'ON NI NGES PA LAS MYONG BA GNAS PA MA YIN TE, NYAMS SU MYONG BA LA YANG MED PA'I PHYIR RO, ,DES NA 'DI NI GYI NA'O, ,DE'I RNAM PA NYID KYIS NYAMS SU MYONG BA RNAM PAR 'JOG NA NI, NYAMS SU MYONG BA NYAMS SU MYONG BA DGAG PA MED DO, ,RGYU GZHAN GYI MED PA'I RGYU MTSAN GYIS NGES PAS NI MYONG BA MED PAR NGES PAR 'JIG PAR MI NUS SO, ,RGYU GZHAN MED DO ZHES BYA BAR RTOGS KYI MYONG BA MED PAR NI MA YIN NO, ,GZHAN YANG DKAR SOGS MTHONG BA NA, ,DKAR SOGS MIN PAR GSAL BAR SMRA, ,RANG BZHIN RIG PA GSAL BA NI, ,SKYES PA'I SNANG BA 'DI GANG YIN, ,DE NI DKAR SOGS MNGON GSAL LAS, ,GZHAN DNGOS 'ON TE BDAG LTAR YIN, ,DON YOD PA TZAM NI DON YOD PA MTHONG BA MA YIN TE, DON MTHONG BA LA NI GDON MI ZA BAR DON YOD PA TZAM LAS BLA LHAG PAR 'GYUR BA YIN NO, ,GAL TE BLA LHAG PAR GYUR PA DE SNANG BA LAS PHYI ROL DU 'GYUR BA YIN NA NI, DE YANG DON GYI RANG BZHIN NYID YIN PAS JI LTAR DON MTHONG BA YIN, DE'I PHYIR DE NI SNANG BAR 'GYUR BA YIN NO, ,DKAR PO LA SOGS PA MTHONG BA NA, DES YONGS SU GSAL BA'I RIG PA'I SNANG BA GANG YIN PA, DE YANG DKAR PO LA SOGS PA MNGON PAR GSAL BA LAS GZHAN YIN NAM, 'ON TE GZHAN MA YIN ZHES RTOGS PA GNYIS SO, ,KHYED KYIS 'DOD PA'I DKAR PO LA SOGS PA MNGON PAR GSAL BA GANG YIN PA, GZHAN DNGOS YIN NA GSAL BA NI, ,GSAL BA MIN JI LTAR DKAR GSAL 'GYUR, ,MYONG BA GSAL BA MA YIN PAS NI; 'GA' YANG MNGON PAR GSAL BAR MI 'GYUR RO, ,DE MNGON PAR GSAL BA'I RANG BZHIN RIG PAS BYAS PA GANG YIN PA DE NYID MNGON PAR GSAL BA YIN NO, ,GZHAN LKOG TU GYUR PA NI MIG LA SOGS PA DANG 'DRA BAR 'GYUR GYI GSAL BAR 'GYUR BA NI MA YIN NO, ,DE NI MIG LA SOGS PA

LAS THA DAD PAS TSAD MAS RTOGS PA YANG MA YIN TE, MIG LA SOGS PA TZAM NYID LAS MNGON PAR 'DOD PA 'GRUB PA'I PHYIR RO, ,MNGON SUM MA YIN PA DE NYID MNGON PAR GSAL BAR SMRA BA GZHAN NI MA YIN NO ZHE NA, GAL TE MNGON SUM YIN PA'I GSAL BA SKYED PA DE LTA NA YANG DE NYID DE SKYES PAR ZAD MOD DON GSAL BAR JI LTAR 'GYUR, GZHAN SKYES PA NI GZHAN LA CI YANG MI 'GYUR RO, ,DE DON LA YIN NO ZHE NA, DON LA ZHES BYA BA'I 'BREL PA CI YOD, DON MTHONG BA'I PHYIR RO ZHE NA, DON MTHONG BA MA RTOGS PA MA YIN NAM, JI LTAR MTHONG NGO ZHES BYA BAR 'GYUR DON LAS NYID DO ZHE NA; LAS ZHES BYA BA 'DI CI ZHIG ,GAL TE DON TZAM LAS LHAG PAR 'GYUR BA YIN TE RTOGS PAR 'GYUR TE, DE LA YANG RTOGS PA GZHAN YOD PAR 'GYUR RO, ,DES NA LAS NYID YIN PAS DE YANG GZHAN GYIS RTOGS PAR 'GYUR LA, DES NA YANG LAS YIN PA'I PHYIR THUG PA MED PA LAS MI GROL LO, ,DE'I PHYIR, SHES PA GZHAN YIN DE GSAL MIN, ,'GRO BA MA LUS GSAL MA YIN, ,SGRON MA LAS BZHIN DU DON LA MDANGS GSAL BA'I RANG BZHIN BSKYED PA TZAM NI MA YIN GYI, 'ON KYANG SHES PA'I RANG BZHIN GSAL BA YIN NO, ,GAL TE DE MNGON SUM MA YIN NA NI, DE JI LTAR DON GSAL BA YIN, RANG GI NGO BOS GSAL LO ZHE NA, THAMS CAD GSAL BAR THAL LO, ,RANG GI KHYAD PAR LAS SO ZHE NA, SHES PA DON MED DO, ,DE LTA BU NYID GSAL BA YIN NO ZHE NA, 'DI GANG GIS RTOGS, GSAL BA GZHAN GYIS SO ZHE NA, MA YIN TE 'DI LTAR, GSAL BA GSAL GZHAN GYIS GSAL NA'ANG, ,THUG PA MED PAR THAL 'GYUR GYI, ,GANG GIS GSAL BA GZHAN DE'ANG MI RTOGS PA'I PHYIR NA, GSAL BA SNGA MAS RANG GI NGO BO NYID GSAL BA YIN NO, ,RTOGS PA MED PA'I PHYIR YANG GZHAN GYIS GSAL, GSAL BA GZHAN GYI RJES SU 'BRANGS PAS THUG PA MED DO, ,DE'I PHYIR GYI NGO BO NYID RTOGS NA MNGON PAR GSAL BA RTOGS PAR RIG PA NYID DO, ,DE LTA MA YIN NA NI, 'DI MNGON PAR GSAL LO ZHES RTOGS PAR MI 'GYUR RO, ,'DI LTAR, MNGON PAR 'BREL PAR SHES MED PAR, ,JI LTAR DE YI KHYAD PAR 'GYUR, ,DON MTHONG

, ,DO ZHES BYA BA NI MTHONG BA KHYAD PAR NYID DU RTOGS PA YIN NO, ,KHYAD PAR MA BZUNG BAR YANG KHYAD PAR DU BYAS PA'I KHYAD PAR CAN 'DZIN PA YIN NO, ,BA LANG NGO ZHES KHYAD PAR DU BZUNG BA NYID LAS BA LANG NYID CI ZHIG MTHONG BA YOD CE NA, MA YIN TE, BA LANG NYID NI BA LANG MA YIN PA NYID LAS LDOG PA'I RANG BZHIN YIN PA'I PHYIR RO, ,RTOGS PA NI MA RTOGS PA LAS BZLOG PA'I RANG BZHIN DU KHYED 'DOD PA YIN TE, DE LTA YIN NA DON RANG RIG PA NYID DU THAL BAR 'GYUR RO, ,KHYED NI RTOGS PA THA DAD PAR YANG 'DOD PA YIN NO, ,DE YANG MA RTOGS NA JI LTAR RTOGS PA PO ZHES BYA BA'I THA SNYAD KYI RGYU MTSAN YIN, 'O NA JI LTAR KHYED LA YANG RTOGS PA THA DAD PAR MA RTOGS PA RTOGS PA ZHES BYA BA'I THA SNYAD DU 'GYUR KHYED KYI LTAR NA YANG, RTOGS PA DE DANG DE LAS THA DAD PA'I DON YANG RTOGS SO ZHES NI KHAS MA BLANGS SO ZHE NA, JI LTAR DE NYE BAR BTAGS PA LAS YIN PA DE LTAR NI, BSTAN ZIN PAS SKYON MED DO, ,DE'I PHYIR GNYI GA MA MTHONG BA'I PHYIR NA KHYAD PAR RTOGS PA MA YIN NO, ,'DI NI, GANG PHYIR GNYIS LA GCIG RTOGS TSE, ,GNYIS PA MTHONG BA YOD MA YIN, ,DON RTOGS PA'I DUS SU NA MTHON BA RTOGS PA MED LA, RTOGS PA'I DUS SU NI DON MI RTOGS PA'I PHYIR, JI LTAR KHYAD PAR CAN DU MI RTOGS, DES NA 'DI JI LTAR ZHES BYA BA 'DI NI RIG PA NYID DO, ,GNYIS DAG 'BREL BAS MTHONG BA NA, ,MTHONG ZHES BYA BAR NGES PAR 'GYUR, ,MTHONG BA ZHES NGES PA YANG 'BREL PA NGES PA NYID DO; ,DES NA KHYED KYIS 'DOD PAS 'DI LTA BU NYAMS SU MYONG BA NYID LAS 'GYUR BA YIN PAS KHYED LA TSUL NI MED DO, ,NGED KYI LTAR NA NI STOBS DANG LDAN PA'I BAG CHAGS KYI RLUNG GI SHUGS KYIS BSKYOD PA'I BDAG NYID CAN DON GYI LJON SHING GI RTOGS PA'I GRIB MA GZHAN DU BAB CING NGES PA'I LO MA SKYE'I GZHAN DU LHAGS PA YIN PA'I PHYIR NGES PA TZAM NYID LAS DE KHO NA RNAM PAR GNAS PA MA YIN NO, ,DES NA DON RTOGS PA YANG MED LA, 'DI DON MA YIN NO ZHES BYA BA'I NGES PA SKYES PA YANG MA YIN NO, ,DE BAS NA KHYED KYI 'DOD PA NI ZAB MO MA YIN NO ZHES RIGS SO, ,CI STE, GANG GIS

MTHONG BA 'DRA BA NI, ,SEMS GZHAN GYIS NI MTHONG 'GYUR BA, ,DE LA MTHONG ZHES BRJOD CE NA, ,'DI 'DRA LAS NI RANG RIG GRUB, ,'DI SNYAM DU 'DRA BA'I BDAG NYID RIG PA'I PHYIR NI DON MTHONG NGO ZHES NGES PA MA YIN GYI, 'O NA 'DI'I DE LTA BUR GYUR BA NYID RIG PA GZHAN GYIS RIG PA LAS TE; DPER NA DBYUG PA DANG LDAN PA'I SKYES BU DBYUG PA CAN ZHES DE LAS GZHAN GYI DE LTA BUR GYUR PA MYONG BAS YONGS SU BZUNG BA NA NGES PA YIN NO, ,RANG RIG PAS NI KHYAD PAR DANG KHYAD PAR CAN DU GYUR PA'I DON 'DZIN PAR GANG DU YANG MI DMIGS SO SNYAM DU BSAMS PA'O, ,KHYED KYI 'DIR RANG RIG GI PHYOGS NYID LA GNOD DE, 'DI LTAR, KHYAD PAR DANG NI KHYAD PAR CAN, ,GNYI GA DAM PA'I DON DU MIN, ,GANG TSE 'GA' ZHIG GI, ,KHYAD PAR CAN SOGS NYID DU 'DOD, ,KHYAD PAR DANG KHYAD PAR CAN GYI DNGOS PO DAG DON DAM PAR NI MA YIN TE, RES 'GA' KHYAD PAR CAN YANG KHYAD PAR NYID DU RTOGS PA'I PHYIR RO, ,DES NA DE LTA BUR GYUR PA RTOGS PA DE NI BLO KHO NA YIN LA, DE YANG RANG RIG PA'I RANG BZHIN YIN PAS RANG RIG PA GRUB BO, ,'DI LTAR, 'DI 'DRA BAB NA RANG RIG GRUB, ,DON DE LTA BUR GYUR PA NI MED PA NYID DO, ,GAL TE BLO YANG RANG RIG PA MA YIN NA NI KHYAD PAR DANG KHYAD PAR CAN MA YIN PA'I DON NYID RTOGS PA YIN NO ZHES BYA BAR 'GYUR RO, ,CI STE RANG GI DNGOS MIN NA, ,JI LTAR GZHAN GYI NGO BOR RIG ,GANG GIS BDAG NYID RANG BZHIN MI RIG PA DE'I LTAR NA, 'O NA NI GZHAN GYIS RANG BZHIN RIG PAR 'GYUR RO, ,DE YANG KHYAD PAR DANG KHYAD PAR CAN GYI DNGOS PA MA YIN PA'I PHYIR RO, ,JI LTAR DE'I KHYAD PAR CAN DU RTOGS, ,'ON TE DE'I RANG BZHIN MTHONG BA SKYES PA YIN GYI, RANG GI NGO BO RIG PA NI MA YIN NO, ,PHYIS GZHAN GYIS DE'I RANG BZHIN MTHONG BAR 'GYUR NA, MTHONG BAR SNANG BA YIN NO ZHE NA, 'O NA DANG PO KHYAD PAR MTHONG BA MED PAR GZUNG BA PHYIS GZHAN GYIS DE'I KHYAD PAR NYID DU JI LTAR RTOGS, 'ON TE PHYIS RTOGS PA DES NA NYES PA MED DO ZHE NA, DE YANG YANG DAG PA NYID DU MI RUNG STE, 'DI LTAR, ,DE YI NGO BOR RIG PA DE, ,SEMS GZHAN GYIS NI PHYIS NAS DE, ,

, ,RANG BZHIN DE NYID DU RIG GO, ,KHYAD PAR CAN GYI MA YIN, MTHONG BA'I YUL NI RANG RTOGS PA'I DUS SU KHYAD PAR CAN MA YIN PA NYID DU RIG PA YIN NO, ,DE'I DUS PHYIS KYANG DE'I RANG BZHIN RIG PA YIN NA, RANG BZHIN DE NYID DU 'GYUR TE, DES DE RANG GI KHYAD PAR CAN DU RIG PA NI MA YIN NO, ,DE LTAR MIN NA SNGON RIG PA, ,GZHAN TSE GZHAN DU GAL TE RIG, ,'DI NI BDE BA GANG YIN ZHES, ,BYA BA 'DI NI RTOGS MA YIN, ,CI STE YANG GAL TE, SNGAR KHYAD PAR MA MTHONG BA DE LTA NA YANG PHYIS MTHONG BA LAS 'GAL BA CI YOD SNYAM NA DE YANG MI RUNG STE; 'DI LTAR, GAL TE KHYAD PAR KHYAD PAR CAN, ,DAG NA MA 'DRES PAR MTHONG BAS, ,DE YI CHO NA KHYAD PAR DANG, ,KHYAD PAR CAN DU RTOGS MI 'GYUR, ,RTAG TU 'BA' ZHIG PA DANG 'BA' ZHIG PA NYID DU 'GYUR BA DAG NI MTHONG BA TZAM GYIS KHYAD PAR DANG KHYAD PAR CAN NYID DU RTOGS PAR NUS PA MA YIN NO, ,GZHAN YANG; 'DRA BA LAS NI MYONG ZHES PA'ANG, ,SNGAR NYID RNAM PAR BSAL BA YIN, ,'DI NI 'DRA BA'O ZHES GZHAN GYI RIG PA MED PAR 'DRA BA TZAM SKYES PAS NA DE RIG PA MA YIN NO, ,MTHONG BA BDAG NYID 'DRAR 'DZIN NA, ,DON NI SNGAR MTHONG YOD MIN PAS, ,JI LTAR DE NI MTHONG BA DANG, ,'DRA BA YIN PAR DES NGES 'GYUR, ,'DRA BA NYID KYANG MI 'DOD PA, ,GANG YIN DE LA GNYIS MTHONG MED, ,DE TSE DON DANG SHES PA'AM, ,DE DAG SMOS SU GA LA YOD, ,'BA' ZHIG MTHONG BA LA NI 'DRA BA RTOGS PA MA YIN TE, 'DI DANG 'DI 'DRA BA YIN NO ZHES RTOGS PA'I PHYIR RO, ,DON DANG MTHONG BA DANG 'DAS PA DANG MA 'ONGS PA DAG LA NI LHAN CIG RTOGS PA MED PA'I PHYIR NA, DE LTAR RTOGS PA MA YIN NO, ,DE SGRO 'DOGS NA NI RNAM PAR SHES PA NYID YIN GYI DON RTOGS PA NI MA YIN TE, PHYIS KYI DE LA YANG RANG RIG PA MED NA NI THUG PA MED PA'I NYES PA BSHAD ZIN TO, ,GANG ZHIG 'DRA BA YANG MI 'DOD PA DE LA NI DON RTOGS PA YANG YOD PA MA YIN TE, DER SGRO 'DOGS PA YOD PA SRID PA MA YIN PA'I PHYIR RO, ,MTHONG BA PHYI MA DON DANG MI 'DRA BA'I RANG BZHIN DU RTOGS PA NA, DE'I RANG BZHIN MED PA NYID KYIS NA DE YANG SGRO 'DOGS PA MA YIN TE, DE'I RANG BZHIN KHAS MI LEN PA'I PHYIR RO, ,

RANG NGO BOS RTOGS PA NA YANG DON GZHAN NYID DU ZAD DO, ,DE'I PHYIR GANG ZHIG DON YIN ZHING, GANG ZHIG NI RNAM PAR SHES PA YIN YANG CI ZHIG GANG GIS SHES TE, DES NA BRJOD PA LDOG PAS KHA ROG 'DUG PAR BYA'O, ,MTHONG BA MA YIN NAM, KA BA LA SOGS PA NI DON NYID DU DMIGS PA YIN TE, MTHONG BA MI 'THAD DO ZHES BYA BA NI MA YIN NO ZHE NA, 'DI LA LAN BTAB ZIN TO, ,GAL TE MTHONG NA RANG GI NGO BOS MTHONG BA YIN NO ZHES SO, ,DE NAS DKAR PO LA SOGS PA MTHONG BA NA DE'I RNAM PA GANG YIN PA DE GAL TE RANG BZHIN GZHAN YIN NA DE'I TSE, DKAR PO LA SOGS PA GSAL BAR MI 'GYUR RO, ,CI STE RANG DNGOS 'O NA DE, ,RANG NYID RAB TU GSAL BAR 'GYUR, ,GAL TE MTHONG BA GSAL BAR SHES PA'I RANG BZHIN NYID YIN NA NI, DE'I TSE RANG NYID GSAL BA YIN TE, GSAL BA GZHAN MED PA'I PHYIR RO, ,'O NA TE RANG GI NGO BOS GSAL BA MA YIN NA DE'I TSE; DE'I RANG BZHIN MI GSAL NA, DON MI GSAL BAR 'GYUR TE, GANG GI PHYIR SNANG BA'I RANG BZHIN MI GSAL NA, DON GSAL BA ZHES BYA BA MA YIN NO, ,GZHAN LA BRJOD PA'I DON NI 'DI YIN TE, GZUNG BA GSAL BA'I RNAM PAR SNANG BA GANG YIN PA 'DI NI, NANG DU ZHUGS PA BLO DE LKOG TU GYUR PA YIN NA, SNANG BA YANG LKOG TU 'GYUR RO, ,DES NA SNANG BA YONGS SU GSAL BA'I RANG BZHIN NI MI GSAL BA NYID DU 'GYUR RO, ,DE LTA YIN DANG RJES SU DPAG PA'I SHES PA BZHIN DU DON LKOG TU GYUR PA'I RANG BZHIN NYID DU 'GYUR RO, ,RJES SU DPAG PA LA YANG GSAL BAR SNANG BA LKOG TU GYUR PA YIN NO, ,GAL TE RJES SU DPAG PA'I SHES PA DE YANG MI GSAL BA'I RNAM PA SNANG BA MA YIN NA NI DER YANG DON RTOGS PAR 'GYUR RO, ,DE'I PHYIR BDAG RIG PA MA YIN NA DON THAMS CAD MI MTHONG BA KHO NAR 'GYUR BAS SHES PA'I RANG RIG PA YIN NO ZHES BYA BA 'DI GNAS PA YIN NO, , BDAG RIG MIN PA'I PHYOGS DAG LA, ,DON KUN MTHONG MED 'DI YIN NI, ,BLO NI MNGON SUM MI SMRA BA, ,GANG YIN DE LA'ANG LAN BTAB PO, ,ZHES BYA BA 'DI NI 'DIR YANG RIG PA SNGA MA NYID DO, ,GAL TE RANG GI CHA RIG PA MA YIN NA NI BLO DON DANG BDAG NYID RIG PAR BYED PA MA YIN PAR 'GYUR RO,

, ,DON RIG PAR BYED PA NI MA YIN TE, SNANG BA LKOG TU GYUR PA'I PHYIR RO, ,BDAG NYID NI MA YIN TE, KHAS MI LEN PA'I PHYIR RO, ,GZHAN YANG BDE BA DANG SDUG BSNGAL BA DANG, CHAGS PA DANG SDANG BA LA SOGS PA DAG NI RANG RIG PA NYID DU 'GYUR BA YIN LA, DE DAG KYANG BLO'I RANG BZHIN YIN PA DE'I PHYIR, BLO MNGON SUM MA YIN PA NYID NI MNGON SUM GNOD PAS JI LTAR KHAS LEN PA'I SPYOD YUL YIN, 'ON TE BLO'I RANG BZHIN NO ZHE NA, DE NI MI RUNG STE, RTEN DMIGS GOMS PA'I KHYAD PAR LAS, ,THA DAD PAR NI 'JUG PA CAN, ,BDE SDUG BSNGAL 'DOD PA LA SOGS PA'I, , KHYAD PAR MNGON SUM DE DAG NI, ,BLO NYID RTEN GYI KHYAD PAR NI, ,RE ZHIG MIG LA SOGS PAR BSKYOD PA'I BDE BA PHAN TSUN THA DAD PA DANG, GZUGS LA SOGS PA'I YUL CAN YANG YIN NO, ,DE BZHIN DU GOMS PA LAS MIG LA SOGS PA'I YUL NYID LA SHIN TU GSAL BA NYID LA SOGS PA'I DMIGS PA LA SOGS PA SKYE BA YANG RNAM PAR SHES PA NYID YIN GYI YUL GYI YUL LA SOGS PA NI MA YIN NO, ,GAL TE RNAM PAR SHES PA'I TSOGS PA NYID LAS YUL SKYE BAR 'GYUR BA NI, DE LAS SNYIM CHUS GTOR BA NYID DO, ,DES NA 'DI DAG LKOG TU GYUR PAR KHAS BLANGS NAS MNGON SUM GYIS GNOD PA BYAS PA MA YIN NO, ,'DI LTAR DE LAS THA DAD GZHAN, ,DE SHES GANG YIN CUNG ZAD KYANG, ,RTOGS MED 'DZIN PAR BYED PA NA, ,RTOGS PA MED NA RANG RIG PA'I MNGON SUM NYID DU BRJOD DO ZHES LAN CIG MA YIN PAR 'DI BSHAD ZIN TO, ,'ON TE 'DI DAG RNAM PAR SHES PA GZHAN GYIS RIG PAR KHAS LEN NA, DE LTA NA NI, GAL TE GZHAN GYIS RIG YIN NA, ,GZHAN GYIS KYANG NI DE SPYOD 'GYUR, ,RGYU GZHAN YOD PA'I BDE BA LA SOGS PA YANG SHES PA GZHAN GYIS RIG PA YIN NA, DES NA GZHAN GYI BDE BA LA SOGS PA RIG PA MA YIN YANG BDE BA NYID LA SOGS PAR 'GYUR RO, , GZUNG BAR BYA BA NYID KYIS RIG PA YIN NA, RANG DANG GZHAN GYI BDE BA RIG PA DAG LA KHYAD PAR 'GA' YANG YOD PA MA YIN NO, ,BDAG NYID KYI BDE BA RIG PAS BDE BA NYID DU 'GYUR RO ZHE NA, MA YIN TE, GZHAN GYI YANG SIM PAR BYED PA'I BDAG NYID YIN PA'I PHYIR RO, ,GZHAN GYI ME SREG PAR MI

BYED PA'AM, GZHAN GYI TZAN DAN GYIS SIM PAR BYED PA NI MA YIN NO, ,'ON TE YID DGE JI LTAR YIN, ,RANG GI TZAN DAN GYIS SIM BYED, ,GZHAN GYI LA CI DE 'GYUR RAM, ,DE NI GDUNG BYED BDAG NYID DAM, ,YID DGE MIN LA TSUL JI LTAR, ,DE LA RANG GI BDE SKYES YIN, ,GZHAN GYI BDE BA RIG PA LA, 'DI LTA NYID DU RAB BRTEN BYA, ,GANG GI RANG GI MA SKYES PA, ,DE TSE CI STE 'DI BDEN MIN, ,RANG GI BDE BAS BDE ZHE NA, ,MA YIN RANG BZHIN DBYER MED PHYIR, ,RING PHYIR DE YI RANG BZHIN NYID, ,RIG NA RING BA CI ZHIG YOD, ,GAL TE MA RIG PHYIR DE LTA, ,MIN NA RIG NA RANG RIG NYID, , BDAG NYID KUN GYIS REG PA NI, ,RANG RIG GI NI MTSAN NYID YIN, ,PHYOGS GCIG GIS NI REG YIN NA, ,DE LAS GZHAN PA RIG MA YIN, ,GAL TE BDE BA LA SOGS PA BDAG NYID THAMS CAD KYIS BDAG GAM LUS LA SOGS PA YIN NA, BDAG GAM LUS RANG RIG PAR 'GYUR RO, ,DNGOS SAM GZHAN DU RANG RIG PAR 'GYUR PA, RANG RIG PAR BYED PA BDAG NYID THAMS CAD KYI RJES SU ZHUGS NA RANG RIG PA NYID DU 'GYUR TE, RANG RIG PA NYID KYI MTSAN NYID YIN PA'I PHYIR RO, ,GAL TE GZHAN GYI BDE BAR YANG RJES SU ZHUGS NA NI RANG RIG PA NYID DU YANG 'GYUR TE, DE LTA MA YIN PAR MI RUNG BA'I PHYIR RO, ,'ON TE RJES SU ZHUGS KYANG BDE BA RIG PAR RNAM PAR 'GYUR BA NI MA YIN TE, DBYE BA YOD PA'I PHYIR RO, ,BDE BA CI YOD DE LAS SKYES PA DANG, DER SNANG BAS BDE BA'I BLO YIN GYI, JI LTAR YANG RUNG BA NI MA YIN NO, ,GZHAN GYI BDE BA RIG PA LA NI, GZHAN GYI BDE BA DANG DE LAS DNGOS SU SKYES PA MA YIN NO, ,DE NI RTAGS LAS SKYES PA YIN TE, YUL LAS NI MA YIN NO, ,RJES SU DPAG PA'I SGO NAS GZHAN GYI BDE BA RIG PA'I PHYIR RO, ,BDAG NYID RIG PA DE'I RANG BZHIN DU SNANG BA DANG, MNGON SUM DU YIN NA ZHES BYA BA NI RNAM PAR DBYE BA YIN NO ZHE NA 'DI LA BRJOD PA, DES SKYED PA DANG DER SNANG BA'O, ,GAL TE BLO RIG GZHAN MIN NA, ,DMIGS PA BYED PA GZHAN LA YANG, ,GNYIS DE GDON MI ZA BAR YOD, ,GZHAN PHA ROL GYI BDE BA LA DMIGS PAS KYANG DE'I RANG BZHIN NYID 'DZIN PAR BYED PA YIN TE, DES NA DER SNANG BA NYID NI KHAS BLANGS

, ,PA NYID LAS GRUB PA NYID DO, ,DES NA RTAGS LAS MTHONG BA NI MA YIN GYI, MIG LA SOGS BA DANG MTSUNGS PA YIN PA'I PHYIR DON GYI DE LAS SKYES PA NYID DU 'GYUR BA'I GNYI GAR 'GYUR BAS KHYAD PAR MED DO, ,CI STE DE LAS SKYES MIN ZHING, ,DER SNANG CAN YANG MA YIN NO; ,BLO DE'I YUL MED CAN DU 'GYUR, ,DE MA BZUNG NA SPYI DAG KYANG, ,MI 'DZIN DE NI CUNG ZAD KYANG, ,DNGOS MIN ZHES KYANG SNGAR BSHAD DO, ,KHAS BLANGS PA NI TSAD MA'I STOBS LA BRTEN PAR 'GYUR BA MA YIN NO, ,DES NA DON DAM PA NI 'DI NYID DE, BLO RTAGS LAS SKYES PAR MI RIGS PA DANG, DER SNANG BA YANG MA YIN PA NYID NA NI DE LTA NA NI, 'O NA YUL GYI MTSAN NYID PA'I PHYIR GZHAN BDE BA LA SOGS PA YUL MA YIN PA'I PHYIR GZHAN GYI RIG PA LA SNANG BA 'DI YUL GYI RNAM PA CAN MA YIN PAR 'GYUR RO, ,GAL TE SPYI SNANG BA YIN TE, DE LA RJES SU DPAG PA NI SPYI'I YUL CAN YIN PA'I PHYIR RO ZHE NA MA YIN TE, SPYI NI GSAL BA MA BZUNG BAR MI 'DZIN PA'I PHYIR RO ZHES BYA BA DANG, SPYI NI GSAL BA DANG YI GE DANG RNAM PAS STONGS PA'I PHYIR RO ZHES KYANG BSHAD ZIN TO, ,'O NA NI BLO YANG DE'I RNAM PAS STONG PA NYID DE, DES NI 'DI'I BLO'I RNAM PAR YANG MI 'GYUR RO ZHE NA, DE NI MA YIN TE, BLO NI NYE BAR GZHAG PA YIS, ,NYER BSGYUR SRID MIN 'DOD PA MIN, ,GOMS PA YIS NI STOBS LAS BLO, ,DE RNAMS CAN DE 'JIG RTEN RIG ,DE NYID KYI PHYIR BSHAD PA, DE PHYIR DON SNANG BA DE NI, BLO DE LAS GZHAN MIN DES NA, ,MNGON SUM DANG NI BDAG RIG GRUB, ,RNAM PA DE BLO'I BDAG YIN NA NI, ,MNGON SUM DANG BDAG RIG PAR GRUB PO, ,GAL TE GZHAN GYI BDE BA'I RANG BZHIN LA RJES SU DPAG PA YIN PA DE LTA NA YANG, DE LAS GZHAN GYI RNAM PA LA NI RANG RIG PA NYID DO, ,DE YANG GZHAN GYI BDE BA'I RANG BZHIN YIN NO ZHE NA, MA YIN TE, GZHAN GYIS MA RIG PA'I PHYIR RO, , GZHAN GYIS RTOGS PAS GNOD PA DE'I RANG BZHIN DU JI LTAR 'GYUR, DE LA BAR CHAD LA SOGS PA NI SRID PA MA YIN NO, ,BAR DU CHOD NA JI LTAR BDAG GI BDE BA YIN, DE DANG DE 'BREL PAR RIG PA'I PHYIR RO ZHE NA, MA YIN TE, GZHAN LA 'BREL PA RTOGS PA MED PA'I PHYIR RO, ,GZHAN GYI RIG MIN RANG

BZHIN NI, ,KHYOD KYI YIN ZHES BRJOD PA DE, ,RGYAL PO'I BKA' BYUNG THE MA SKAS KYI, ,RIM PAS STENG DU GNAS PA YIN, ,DPYOD PA BYED PA GZHAN DAG KYANG KHYOD LA RIG PA 'DI LTA BU YOD DO ZHES NGES PAR BYED PA NI MA YIN TE, 'DI NYID KYIS RTOGS PA MA YIN TE, 'DI 'DI'I MA YIN NO ZHES RTOGS PA'I PHYIR RO; ,'ON TE GZHAN GYIS KYANG RANG BZHIN DE NYID RTOGS PA YIN NO, ,DE LTA NA 'ANG BDE BA LA SPYOD PA NI MA YIN NO, ,BDE BA SPYOD PA'I MNGON SUM GYIS YIN GYI, RJES SU DPAG PAS NI MA YIN NO ZHE NA, 'DI LA BRJOD PA, GAL TE DE LA 'DZIN BYED KYANG, ,MNGON SUM NYID NI MIN ZHE NA, ,DON MTSUNGS THA DAD DE GANG LAS, ,RANG GI NGO BO MNGON DU BYED PA NYID NI MNGON SUM YIN NO ZHES BSTAN ZIN TE, DES NA RNAM PA MTSUNGS BDAG LA DBYE BA MI 'THAD DO, ,RGYU'I DBYE BA THA DAD DO ZHE NA, 'O NA NI RANG GI NGO BO THA DAD PAR 'GYUR RO, ,GAL TE RGYU THA DAD PA MED PA MI 'THAD PA'I PHYIR RGYU THA DAD PAR KHAS LEN PA DE LTA NA YANG THA DAD PA NI RANG GI NGO BO KHO NAR RIGS SO, ,GNYI GA'I RANG BZHIN YANG MNGON DU BYED PA NYID YIN PA'I PHYIR RGYU THA DAD PAR YANG MI RIGS SO, ,MTHONG NGO ZHE NA, RANG GI NGO BO THA DAD PAR YANG KHAS BLANG DGOS SO, ,DES RNAM PA MTSUNGS PA NYID MI RUNG NGO, ,'ON TE RGYU'I BYE BRAG LAS RTOGS PA'I RANG BZHIN NYID KHYAD PAR YOD PA YIN NO ZHE NA, MA YIN TE, RTOGS PA KHYAD PAR YOD KYANG GSAL BA'I RNAM PA NYID NI MNGON SUM YIN PA'I PHYIR RO, ,MA MTHONG DON GCIG LDAN SOGS KYIS, ,GAL TE MYONG BAS NGES YIN NA, ,GZHAN NI RNAM KUN MI 'DZIN 'GYUR, , MYONG BA'I DBYE BA BSAL ZIN TO, ,CI STE YANG RNAM PA THA DAD PA MED KYANG MA MTHONG BA'I DBANG GIS MNGON SUM DANG CIG SHES SU NGES PA YIN NO, ,DE BZHIN DU DBANG PO LDAN PA LA SOGS PA, DON GCIG LA 'DU BA LA SOGS PA LAS KYANG YIN NO, ,'DI LTAR BDAG GI BDAG DANG 'DU BA'I BDE BA NI BDAG GI YIN LA, GZHAN GYI NI DE LTA BU MA YIN NO DES NA GZHAN GYI BDE BA RIG PA NA BDE BA NYID DU 'GYUR BA MA YIN NO ZHE NA, GAL TE MNGON SUM DU BYED PA NYID YOD PA'I PHYIR RNAM PA THA DAD PA MED KYANG MNGON SUM DANG, MNGON SUM MA YIN PA'I MTSAN NYID DU NGES PA YIN NA DE'I TSE,

, ,MNGON SUM NYID LA YANG MNGON SUM DANG MNGON SUM MA YIN PAR NGES PA ZHES BYA BAR 'GYUR RO, ,DE LTA YIN NA YANG DON THA DAD PAR BRTAGS PAS CI ZHIG BYA STE, MA MTHONG BA DANG LDAN PAS DNGOS PO GCIG NYID DE LTA BU MA YIN BAR 'GYUR TE, BDE BA NYID SDUGS SNGAL LA SOGS PA YIN NO ZHES SO, ,DES NA THA DAD PAR YANG MI RIGS SO, ,'DI YANG MA MTHONG BA'I BYE BRAG NYID LAS YIN NO ZHE NA, 'GYUR MOD RANG RIG PA'I RNAM PA THA DAD PA YANG DE BZHIN DU 'GYUR RO, ,DE NYID KYI PHYIR GZHAN RNAM PA THAMS CAD DU 'DZIN PAR MI 'GYUR RO, ,DON MTSUNGS PA LA MYONG BA THA DAD PA YANG BSAL ZIN PA NYID DO, ,MIG LA SOGS PA YANG GSAL BA THA DAD PA NYID LAS BRTAG PA YIN TE, 'DI LTAR, DANG PO GSAL BA MTHONG GYUR PA, ,DE LA MNGON SUM NYID DU GNAS, ,MI GSAL BAR NI RTOGS PA DE, ,MNGON SUM BDAG NYID DU MTHONG MIN, ,GSAL BA NYID DANG DKAR PO RTOGS PAS YUL DU BYAS PAS NA 'JIG RTEN MNGON SUM NYID DU BYAS PA YIN NO, ,GANG GI PHYIR, MIG LA SOGS PA'I RGYU YOD KYANG, GANG GI TSE GSAL BAR SNANG BAR MA RTOGS PA NI BDAG GI 'GA' ZHIG MI GSAL BA NYID DU MTHONG BA YIN NA, DE MNGON SUM DU RTOGS PA NI MA YIN NO ZHES BYA BA 'DI NI 'JIG RTEN DAG GCIG PA KHO NA'O, ,'ON TE GSAL BA NYID DU 'GYUR BA'I DBANG PO LAS SKYES PA NI MNGON SUM YIN NO, ,'DI LTAR, GSAL LAS YANG DAG 'DZIN PA NYID, ,DBANG PO LAS NI NYE BAR RIG ,GNYIS MED PHYIR NA GNYIS PO NI, ,JI LTA BU YIN YIN MI 'GYUR, , NYE BAR GNAS PA NYID DANG GSAL BA NYID DU RTOGS PA'I YUL GANG YIN PA DE NYID 'JIG RTEN MNGON SUM DU 'DOD PA YIN NO, ,DBANG PO MED PAR NI NYE BAR GNAS PA RTOGS PA YIN PAS, DE'I YAN LAG MA TSANG BA'I PHYIR MNGON SUM MA YIN PAR 'GYUR RO ZHE NA, DE NI MI RUNG STE 'DI LTAR, NYE BA DANG NI GZHAN PA DAG ,MNGON SUM CIG SHOS RGYU MA YIN, ,GZHAN DU BYA RGOD LA SOGS PA'I, ,RING MTHONG MNGON SUM NYID MIN 'GYUR, ,'DI LTAR SKYES BU 'GA' ZHIG NI RING POR MTHONG BA 'GA' ZHIG NA DE LTA MA YIN NO, DES NA DE DAG GI RIG PA MNGON SUM MA YIN PAR 'GYUR RAM CI, 'ON TE

DE YANG, DE YI GSAL BA DE NYID NI, ,THAG RING MIN ZHES RJOD BYED DE, ,DANG PO'I NUS PA LA LTOS NAS, ,RING DANG MI RING RNAM PAR GNAS, ,GANG ZHIG GSAL BA NYID DU BLTA BAR NUS PA DE NYID RING BA MA YIN NO ZHE NA, GAL TE DE LTA NA YANG, GSAL BAR MTHONG BA THAMS CAD NI, ,GAL TE THAG RING MI 'DOD NA, ,DE MIN NA 'DI THAG RING BAS, ,DBANG PO 'DI YI RGYU MA YIN, ,DE'I PHYIR GSAL BAR SNANG BAR MTSUNGS PA NYID DANG DBANG PO'I RNAM PAR SHES PA DAG ,MNGON SUM DANG MNGON SUM MA YIN PAR RNAM PAR GNAS PA YIN NO ZHES BYA BA NI RIGS PA DANG LDAN PA YIN NO, ,THAMS CAD DU GZHAN GYI BDE BA RIG PA NA BDE BA NYID DU 'GYUR TE, MNGON SUM DU BYAS PAS SO, ,MNGON SUM DU MA BYAS NA NI RNAM PA DANG BCAS PA NYID KYIS RANG RIG PA NYID DO, ,GANG DAG RNAL 'BYOR MNGON SUM GYIS, ,GZHAN GYI BDE BA LA SOGS PA, ,MYONG LA NYAMS MYONG MTSUNGS PA NA, ,DE YANG DE BZHIN GDUNG BAR 'GYUR, ,'JIG RTEN RGYANG PHAN PA DANG DPYOD PA MA YIN PA GZEGS ZAN PA LA SOGS PA RNAL 'BYOR PA YOD PA GANG YIN PA DAG LA, DE NI NGES PA MNGON SUM GYIS GZHAN GYI BDE BA LA SOGS PA RIG PA NA RNAL 'BYOR PA DE DAG KYANG, 'DOD CHAGS LA SOGS PA DANG LDAN PAR 'GYUR RO, ,LHAG MA NI SPROS ZIN PAS YANG MI SPRO'O, ,'ON TE, GSAL TE YUL DBANG DUS MED PAS, ,DE LAS 'BYUNG BA'I SDUG BSNGAL NI, ,DE DAG LA NI SKYE MIN NA, ,'ON TE GANG LA DBANG PO DANG YUL PHRAD PAS BDE BA LA SOGS PAS SKYE BA DE NYID LA SOGS PA THA SNYAD BYA BAR 'OS PA YIN NO, ,RNAL 'BYOR PA LA NI BUD MED LA SOGS PA'I YUL DANG PHRAD PA LAS BDE BA LA SOGS PA SKYE BA MA YIN TE, DES NA DE LTAR 'GYUR BA MA YIN NO, ,GAL TE DBANG PO DANG YUL LAS SKYES PA MA YIN NA NI, BDE BA LA SOGS PA DE DE'I YIN NO ZHE NA, DE YANG MI RUNG STE, 'DI LTAR, SDUG BSNGAL SKYE BA 'GYUR NYID NI, ,SDUG BSNGAL MYONG MIN 'ON KYANG NI, ,SDUG BSNGAL SHES PA SKYES PA YIN, ,GANG GI PHYIR, SDUG BSNGAL LA SOGS MYONG MIN PAR, ,GDUNG DANG PHAN 'DOGS RGYU MA YIN, ,'DI LTAR, PHAN TSUN LUS KYI DBANG PO PHRAD PA LAS BYUNG BA, SKYES PA DANG BUD MED KYI BDE BA

, ,LA SPU LDANG BA LA SOGS PA SKYED PAR BYED PA'I CHA THUN MONG MA YIN NAM, DE LTA'O ZHE NA THUN MONG DU DGA' BA NYID DU 'GYUR RO, ,DE'I PHYIR RANG RIG PA YIN NA BDE BA NYID DU 'GYUR GYI, GZHAN DU NI MA YIN NO, ,RANG RIG PA TZAM NI SKYE BA TZAM DANG, MIG LA SOGS PA DANG LDAN PA YANG MED PA MA YIN PAS NA BDE BA NYID GNYI GA LA YANG MTSUNGS PAR 'GYUR RO, ,DE LA DER GOMS PA MED PA'I PHYIR RO ZHE NA MA YIN TE, GOMS PAS NI BDE BA TZAM BYED PA YIN NA, DE NI SKYES PA'I PHYIR MYONG BA MTSUNGS PAR 'GYUR RO, ,KHYED LA RNAM PAR DBYE BA 'DI JI LTAR ZHE NA, BSHAD PA, GANG TSE RANG NYID SDUG BSNGAL GYI, ,RANG GI NGO BOR SNANG BA NI, ,GDUNG YIN DE MI SHES MIN PA, ,DE TSE DE LTAR THAL MI 'GYUR, ,GANG ZHIG BDE BA RANG RIG PA DE NI, BDE BA NYID LA RNAL 'BYOR BA GANG GZHAN GYI BDE BA LA SOGS PA DMIGS PA TZAM GYI RNAL 'BYOR BA DE NI CHAGS PA LA SOGS PA DANG LDAN PA NYID MA YIN NO, ,DES NA RNAL 'BYOR PA DE DAG DE'I SDUG BSNGAL LA SOGS PAS GDUNG BAR MI 'GYUR RO, ,ME LA SOGS PA MYONG BA'I JI LTAR GDUNG ZHE NA, MA YIN TE, RNAL 'BYOR PA LA DE MED PA'I PHYIR RO, ,GZHAN LA JI LTAR 'GYUR CE NA, ME LA SOGS PA NI DE LTA BU NYID RIGS PA MA YIN PA'I PHYIR RO, ,RANG RIG PAS BYED PA'I BDE BA LA SOGS PA GANG YIN PA DE DAG NI DE LAS GZHAN DU MA YIN PA'I PHYIR RO, ,RIG PA THAMS CAD MYONG BAR MTSUNGS PAR 'GYUR BA MA YIN NO, ,DES NA SHES PA THAMS CAD KYIS, ,DMIGS MYONG DAG NI THA DAD YIN, ,DON DANG 'DU BA DMIGS BA DE, , RANG RIG GSAL BA DAG MYONG YIN, ,DE'I RNAM PAR 'JOG PAR NUS PA NI MYONG BA'I DMIGS PA YIN LA, BDAG GI NGO BO RANG NYID GSAL BA NI RIG PA YIN NO, ,DES NA BDE BA DANG RIG PA GDUNG BAR BYED KYI DE'I RNAM PA NYE BAR 'JOG PA TZAM GYIS NI MA YIN NO, ,DE NYID LA KHYAD PAR CI YOD CE NA, DON DAM PAR NI CI YANG MED DE, BDE BA DANG DE'I RNAM PA NI KHYAD PAR 'GA' YANG MED DO, ,'ON KYANG BDAG NYID DES ZIN PAR SEMS PA NANG GI SDUG BSNGAL LO ZHES NGES PAR ZAD DO, ,RNAL 'BYOR PA RNAMS NI DE LTA MA YIN PAS NA DE BZHIN NYID DU BDE BA NYID MA YIN NO, ,DE'I PHYIR RNAM PAR SHES

PA NI RANG RIG PA NYID DE, DE LTA MA YIN NA BDE BA LA SOGS PA'I RNAM PAR DBYE BA SRID PA MA YIN NO, ,SHES RAB LA SOGS PA GOMS PA'I KHYAD PAR NYID LAS MA YIN NAM, DE DAG NA SNANG BZHIN PA'I DON DANG MI MTHUN PA MA YIN NA, ,DON DE YANG SHES RAB LA SOGS PA'I RANG BZHIN NI MA YIN TE, DE LA GOMS PAS MI 'JUG PA'I PHYIR RO, ,DE LA GOMS PAS DON MNGON PAR 'DU BYED PA NI MA YIN NO, ,DE'I PHYIR DON LAS THA DAD PA'I SHES RAB DE NI RNAM PA DANG BCAS PA YIN NO, ,SHES RAB LA SOGS PA RNAM PAR SHES PA'I RANG BZHIN MA YIN PA MA YIN NAM, DES DE RNAM PA MED PA YIN YANG RNAM PAR SHES PA RNAM PA MED PAR MI 'GYUR RO ZHE NA, DE NI MA YIN TE, SHES RAB DE NI RNAM BYED DE, ,CI LTAR DE 'DZIN YID KYANG YIN, ,DE DON 'DZIN YANG DON RNAMS NI, ,MED NA DE PHYIR RNAM SHES KYANG, ,GAL TE SHES RAB DON GYI KHYAD PAR 'DZIN PA YIN YANG RNAM PAR SHES PA YIN NA NI, RNAM PAR SHES PA YANG RNAM PA MED PAR DON CI STE MI 'DZIN, DE YANG RNAM PA MED DU ZAD MOD CE NA, DE NI MI RUNG STE 'DI LTAR, SHES RAB CES KYANG SKAD CIG LA, ,DAG PA'I DON NI SNANG BA YIN, ,DE YANG RJES DPAG GZHAN DAG NI, ,SHES RAB NYID DU MI 'THAD PHYIR; ,DE YANG RNAM PA DANG BCAS PA YIN NO ZHES BSTAN CING STON PAR 'GYUR BA NYID DO, ,GAL TE RNAM PAR SHES PA RANG RIG PAR MI 'DOD NA, DE'I TSE DON 'GA' YANG RTOGS PA MED PA'I PHYIR THA SNYAD MED PA NYID DU 'GYUR RO, ,DE LA BSHAD PA NI, GZHAN YANG MNGON SUM MED PA NA, ,BLO NI RTAGS LA LTOS PAR 'GYUR, ,DE YANG DBANG PO DON NAM BLO, ,YANG NA YID BYED SNGA MAR 'GYUR, ,RGYU 'BRAS TSOGS PA 'DI DAG LAS, ,'BREL PA CAN GZHAN YOD MIN TE, ,NUS PA MTHONG BA MED PHYIR RO, ,DE LA 'KHRUL PHYIR DBANG PO MIN, ,MNGON SUM NYID MA YIN PA NA LKOG TU GYUR PA'I YUL CAN RJES SU DPAG PA DANG 'JUG PA YIN, DE YANG RTAGS LAS YIN LA, RTAGS DE YANG DBANG PO LA SOGS PA'I YID LA BYED PA'I MTHAR THUG PA YIN TE, 'BREL PA DANG LDAN PA GZHAN MED PA'I PHYIR RO, ,DON GYIS GO BA YANG 'BREL PA MTHONG BA NYID LAS YIN NO, ,DE NI MTHONG BA GZHAN DU MI 'JUG PA'I

, ,PHYIR RO ZHES BYA BAS 'JUG PA'I PHYIR RO, ,DE LA RE ZHIG DBANG PO NI MA YIN TE, 'KHRUL PA'I PHYIR RO, ,RTAGS NI 'KHRUL PA MED PA YIN NA, DBANG PO NI, DE LTA MA YIN PAR MI 'THAD PA MA YIN TE, RGYU NYID DU KHAS BLANG BAR BYA'O, ,NUS PA YANG 'BRAS BU MA MTHONG BAR MI NGES SO; ,DON YANG DE BZHIN, YANG DBANG PO BZHIN DU 'KHRUL PA'I PHYIR RO, ,BLO YID BYED, SHES YIN DE YANG MA GRUB NYID, ,BLO NI RTAGS MA YIN TE, DE NI BSGRUB NYID YIN PAS MA GRUB PA'I PHYIR RO, ,YID LA BYED PA YANG SNGAR GYI BLO DE NYID YIN LA, DAR YANG SKYES PA'I DUS SU MA GRUB NA, ,GZHAN GYI TSE JI LTAR GRUB, 'DI LTAR, MA GRUB PA NI RTAGS NYID MIN, ,RTAGS NI GRUB PAR 'GYUR BA YIN NO, ,DE LTA MA YIN PAR RTAGS NYID YIN NA NI, THAMS CAD RTAGS NYID DU 'GYUR BAS THAMS CAD KYI THAMS CAD GRUB PAR 'GYUR RO, ,CI STE YANG RE ZHIG GSAL BAR 'GYUR BA'I DON NI MNGON SUM DU GRUB PHA NYID DO, ,DE LTA MA YIN NA DON ZHES BYA BAR YOD PAR MI 'GYUR BAS THA SNYAD MED PAR 'GYUR BA'I PHYIR 'GRO BA LONG ZHING LKUGS PAR 'GYUR RO, ,DON YOD PA TZAM LAS KYANG DON GSAL BAR 'GYUR BA MA YIN TE, DE LTA MA YIN NA THAMS CAD GSAL BAR THAL BAS THAMS CAD MTHONG BAR THAL BAR 'GYUR RO, ,DES NA GANG LA DON GSAL BA NYID DU GYUR PA DE NI BLO YIN NO, ,DE NYID KYI PHYIR TE, MA SHES PAR NI BLO GSAL YANG DMIGS PA MED DE, SHES PA NI RJES SU DPAG PA LAS RTOGS SO ZHES BSHAD PA YIN NO ZHE NA, 'DI LA LA NA, GAL TE DON GSAL RTOGS YIN PAR, ,'DOD NA DE NYID SHES MIN NAM, ,'DIS NI GSAL 'GYUR DON GSAL TE, ,GSAL BA NYAMS SU MYONG MIN NA, ,DE YIS GSAL 'GYUR MI NGES PHYIR, ,GAL TE GSAL BA RTAGS YIN NA, ,'ON TE GSAL BAR 'GYUR PA'I DON RTAGS YIN YANG BLA STE RNAM PA THAMS CAD DU GSAL BA NYAMS SU MYONG DGOS TE; GSAL BAR GYUR PA MYONG BA NI GSAL BAR MYONG BA SNGON DU 'GRO BA CAN YIN PA'I PHYIR RO, ,DUS GCIG GI TSE NYAMS SU MYONG BA'I GSAL BA NI GZHAN GYI TSE KHYAD PAR GYUR PA YIN PA, RNAM PA THAMS CAD DU MNGON SUM GYIS MYONG BAR 'GYUR BA YIN NO, ,RJES SU DPAG PAS MYONG BA YIN NA NI

THUG PA MED DO, ,DON GYIS GSAL BA DE MNGON SUM YIN NA NI, BLO YANG MNGON SUM NYID DO, ,DES NA GSAL BA LKOG TU GYUR PA NYID KYIS DON LKOG TU GYUR TE, DES NA RTAGS MA YIN NO, ,'ON TE LAS NYID DU SNANG BA'I DON GZUNG BAR BYA BA'I MING GI RNAM GRANGS CAN GYI RTAGS YIN NO, ,LAS NYID NI BYA BA MED BAR 'GYUR BA MA YIN NO, ,BYA BA YANG BLO YIN NO, ,DE SMRAS PA NI, DE NI PHYI ROL YUL DAG DANG, ,'BREL BAS MNGON SUM NYID DU DMIGS, ,'DI LA BRJOD PA NI, LAS NYID 'GAR YANG GZHAN DU MIN, ,BYA BAS BYAS PA'I KHYAD PAR NI, ,BYA BA TZAM NYID RJES DPOG 'GYUR, ,GAL TE LAS NYID CES BYA BA, ,BYA BA BYAS PA'I KHYAD PAR YIN NA BYAS PA TZAM NYID DU RJES SU DPAG PAR 'GYUR MOD, BLO'I BYA BA NI RJES SU DPAG PA MA YIN NO, ,DNGOS PO'I RANG BZHIN LAS GZHAN PA'I BYA BA NI YANG MED DO, ,'DI LTAR, BYED PO'AM LAS LA GNAS PA NI, ,BYA BAR BRJOD KYI GZHAN MA YIN, ,BYED PO LA GNAS BYED PO LAS, ,GZHAN MIN LAS GNAS LAS LAS MED, ,DE'I PHYIR MTHONG BA SNANG BA DANG, ,GZHAN LA LAS NI GZHAN MA YIN, ,'ON TE DON NI GZUNG BA NYID DU RIG PA YIN LA, BLO NI 'DZIN PA NYID DU YIN TE, 'DI LTAR NGAS BLO DON DU BZUNG NGO ZHES RTOGS PA YIN NO ZHE NA, DE YANG MI RUNG STE, DE TSE BLO NI BYED PA STE, ,'DZIN PA NYID NI DE LAS GZHAN, ,DE NYID YIN 'GYUR BLO GZHAN NI, ,CI YI PHYIR NA RTOGS PAR BYED, ,GAL TE DON LAS MTHONG GZHAN NA, ,RANG BZHIN SU YIS MTHONG BAR 'GYUR, ,BYA BA BYAS PA'I, 'ON TE GSAL TE DON NYID KYI, ,KHYAD PAR 'GA' ZHIG YIN 'DOD NA, ,DE'I TSE, SKYE BA DANG NI 'JIG MED PA'I, ,DON LA KHYAD PAR 'GA' YANG MED, ,BLO 'DZIN PA DE NI DE'I TSE DON SKYE BA NI KHAS MI LEN TO, ,'DZIN PAR BYED PA'I RTOGS PA NI GRUB PA NYE BAR 'JOG PA YIN TE, BLOS NI JI LTAR GNAS PA BZHIN 'DZIN PA TZAM BYED PA YIN NO, ,GZUNG BA TZAM NYID KYIS NI KHYAD PAR DU 'GYUR BA MA YIN NO, ,RANG BZHIN GZHAN DU 'DZIN NA YANG 'KHRUL PA NYID DU 'GYUR RO, ,DE'I RANG BZHIN DU 'DZIN NA YANG SNGA MA PHYI MA'I RANG BZHIN NYID 'DZIN PAR THAL BA'I PHYIR RO, ,JI LTAR SGRON SOGS RANG DUS DANG, 'BREL PA BUM SOGS GSAL BYED PA, ,DE BZHIN SHES PA'ANG YIN ZHE NA, DE LA'ANG

, ,BRTZAD PA MTSUNGS PA NYID, ,GAL TE DON RNAMS JI LTA BU YIN PA DE LTA BU NYID SGRON MAS MNGON BAR GSAL BAR BYED NA, DES KYANG DUS KYI MTHA' DAG KHYAB PAR GSAL BAR BYED PAR 'GYUR RO, ,GZHAN DU NA 'KHRUL PA TZAM NYID DO, ,'ON TE 'DZIN PA'I DUS SU DON GZHAN SKYES PA YIN NO ZHE NA, DE'I TSE, DE 'DOD NA YANG SHES SO, ,SKAD CIG 'JIG PAR THAL BAR 'GYUR, ,GAL TE 'DI RTOGS PA'I RANG BZHIN MA YIN PA LAS LDOG PA'I RANG BZHIN DU SKYE BA YIN NA, SHES PA DANG DUS MTSUNGS PA NYID KYIS SKAD CIG MA RANG RIG PA NYID YIN PA'I PHYIR DON GZHAN BRTAGS PAS CI BYA, GAL TE BLO NI 'DZIN BAR BYED PA NYID DU RTOGS LA, DON NI GZUNG BA NYID DU RTOGS SO ZHES BSTAN PA MA YIN NAM ZHE NA, GAL TE DON G-YO BA MED PA'I RANG BZHIN YIN NO, ,GANG GI TSE DE LTA BU'I RANG BZHIN SKYE BA DE'I TSE NI DE LTA BUR GYUR PAR SKYE'O ZHES BRJOD PA NA, DE LTAR DON GZUNG BA NYID DU JI LTAR BRJOD PAR 'GYUR, NGAS BLO GZUNG NGO ZHES BYA BA'I THA SNYAD RTOGS PA SKYES PA TZAM LAS GZHAN DU CUNG ZAD KYANG RTOGS PAR BYED PA MA YIN NO, ,DE SKAD DU BSHAD PA NI, DNGOS PO'I 'BREL PA MTHA' DAG NI SKYED PAR BYED PA NYID KYIS NYE BAR SBYOR BA'I KHYAD PAR GYI RGYU DANG 'BRAS BU'I CHA'I KHYAD PAR LAS GNAS SKABS KYI KHYAD BAR BSTAN PA'I PHYIR GZHAN DU RNAM PAR GZHAG PAR BYA BA YIN NO, ,THA SNYAD LA NI DNGOS PO GRUB PA MA YIN TE, DE NI GZHAN DU YANG 'THAD PA'I PHYIR RO, ,'DI LTAR, RANG GI RGYU YI DNGOS PO LAS, ,DON 'DI SNGAR YANG YOD PA YIN, ,DE LTA DE LTAR DNGOS 'DI LA, ,DE YI MTHONG BA 'DI SKYES SO, ,MNGON SUM RJES DPAG DAG GIS NI, ,DON 'DI RTOGS PA NYID MA YIN, ,DES NA 'JIG RTEN THA SNYAD 'DI, ,LONG BA BRGYUD PA 'BA' ZHIG GO, ,GZHAN YANG GAL TE DON GYI KHYAD PAR 'GA' ZHIG NYID GZUNG BA YIN NA DE'I TSE, DE YANG SHES PA SHES MA GYUR, ,GAL TE SHES PA RTAGS YIN NA, ,SHES SU YONGS SU BCAD MED PAR, ,DE SHES SHES BYA DE GANG LAS, ,GAL TE SHES 'GYUR NYID DU NI, ,YONGS BCAD DE DE'I RANG BZHIN NYID, ,BLO GZHAN DON MED KHYAD PAR NI, ,DE NYID DE LTAR RAB TU BRJOD, ,SHES 'GYUR NYID DU BCAD

MED KYANG, ,DE NI JI LTAR GO BYED YIN, ,DON SHES ZHES BYA BAR SHES PA NI, SHES PA ZHES BYAR RTOGS PA YIN, ,DON SHES TZAM DU SHES PA NI, DE'I DON NYID DU RIG PA YIN, ,DE YI NGO BOR RIG PAS NA, ,DON RNAMS DE YI NGO BOR GNAS, ,DKAR PO NYID DU RIG PA'I DON, ,DE LAS DKAR PO GZHAN NAM CI, ,DE LTAR 'DI NI BSHAD ZIN PA YIN NO, ,'ON TE MTHONG BA GZHAN NYID YIN NA DE'I TSE MTHONG BAR GYUR PA ZHES YONGS SU MI GCOD PAR 'GYUR RO, ,DE BSHAD PA NI, MA THONG BA MTHONG 'GYUR MIN GZHAN GYIS, ,MTHONG 'GYUR 'GA' YANG MTHONG 'GYUR MED, ,GAL TE MTHONG BA MTHONG BAR 'GYUR BA LAS GZHAN MA MTHONG BA YIN NA JI LTAR MTHONG BAR GYUR PA'I RANG BZHIN YONGS SU GCOD, DE LTA MA YIN NA GZHAN GYIS MTHONG BAR GYUR PA LA YANG, 'DI NI GZHAN GYIS MTHONG BAR GYUR PA'O ZHES MTHONG BAR GYUR BA'I THA SNYAD DU 'GYUR RO, ,JI LTAR MTHONG BA TZAM LAS NGAS MTHONG BA'O ZHES DE'I MTHONG BAS DON GYI KHYAD PAR MTHONG BA LAS YIN PA DE BZHIN DU KHYAD BAR DE GZHAN GYI MTHONG BA LA YANG GDON MI ZA BAR 'DOD PA'I PHYIR 'DI NI GZHAN GYIS MTHONG BAR 'GYUR BA'O ZHES BYA BAR 'GYUR RO, ,'ON TE KHYAD PAR DE NI GCIG NYID MA YIN TE, DES NA GZHAN GYIS MTHONG BAR GYUR PA MA MTHONG BA'I PHYIR DANG, RANG GIS MTHONG BAR GYUR PA MA MTHONG BA'I PHYIR RANG GIS MTHONG BA ZHES BYA BA DE NYID RTOGS PA MA YIN NO ZHE NA, DE YANG MI RUNG STE, 'DI LTAR, KHYAD PAR DE GZHAN MTHONG BA LAS, ,YOD PHYIR RANG BLO RTOGS PAR 'GYUR, ,GAL TE KHYAD PAR MANG PO YIN PA DE LTA NA YANG, DE DAG RANG GIS RIG PAR BYA BA DE DAG NYID MA YIN PAS DE DAG GIS KYANG MTHONG BAR 'GYUR BA NYID YIN TE, DES NA RANG DANG GZHAN GYI BLO RTOGS PAR 'GYUR RO, ,DES NA MTHONG BAR GYUR PA NI RANG NYID RIG PAR BYA BAR 'GYUR DGOS SO, ,'ON TE DE YANG RIG PA GZHAN GYIS MTHONG BAR 'GYUR RO ZHE NA, DE LTA YIN NA DE LA YANG RTOGS PAR 'GYUR BA NYID YOD PAR GYUR PAS THUG PA MED PAR 'GYUR RO, ,'ON TE MTHONG BAR GYUR PA NYID GCIG KHO NA YIN NA, DE LTA NA NI GZHAN GYIS MTHONG BA LA YANG KHYAD PAR DE NYID YIN PAS RANG GI BLO RTOGS PA NYID DU 'GYUR RO, ,GANG GI TSE JI SRID DU GZHAN GYIS

, ,MTHONG BAR GYUR BA NYID GZHAN GYIS RTOGS PA DE'I TSE, BDAG GIS MTHONG BAR GYUR BA NYID MED KYANG, GZHAN GYIS MTHONG BAR GYUR PA MTHONG BAS RANG GI BLO RTOGS PAR 'GYUR RO, ,MTHONG BAR GYUR PA DE NI RANG DANG GZHAN LA LTOS TE, KHYAD PAR YOD PA MA YIN TE, 'ON TE RANG NYID KYIS MTHONG BAR GYUR PA NYID KYANG YOD PA YIN TE, DE LAS RANG GI BLO RTOGS PA YIN NO ZHE NA MA YIN TE, RANG GIS MTHONG BAR GYUR PA DANG, GZHAN GYIS MTHONG BAR GYUR BA DAG LA KHYAD PAR MED PA'I PHYIR RO, ,RANG GIS MTHONG BAR GYUR PA NYID NI RANG GIS MTHONG BA DANG 'BREL PA RTOGS NA SHES PA YIN NO; ,DE MA RTOGS NA NI RANG GIS MTHONG BAR GYUR PA NYID CES BYA BA 'DI NYID GA LAS YIN, DE'I PHYIR RANG NYID KYIS MTHONG BAR GYUR PA MA YIN YANG, GZHAN GYIS MTHONG BAR GYUR PA NYID RTOGS PAS RANG GI BLO RTOGS PAR 'GYUR RO, ,'ON TE MTHONG BAR GYUR PA NYID GANG YIN PA DE RANG GI BLO RTOGS PA YIN YANG, SKYON MED DE 'DI LA CUNG ZAD KYANG CHAD PA MED DO ZHE NA, CHAD PA MED DO, ,DE LTA MOD KYI DNGOS PO'I DE KHO NA NYID DU MI 'GYUR BAS CHAD PA KHO NA'O, ,'DI LTAR, MTHONG BAR GYUR PA NYID RTOGS NAS, ,NGA 'AM 'DI ZHES GA LAS YIN, ,DE LA GZHAN LTOS GANG GIS KYANG, ,BZLOG PA NYID NI YOD MA YIN, , RANG RIG NGO BOR GYUR NA NI, ,DE BZLOG PAS NI 'GYUR MA YIN, ,RANG RIG GZHAN GYIS MYONG ZHES PA, ,HA CANG BAB CHOL CHES PA NYID, ,RANG RIG PA NI 'DI KHO NA STE, GZHAN GYI SPYOD YUL MA YIN PAR GYUR PA GSAL BA ZHES BYA BA GANG YIN PA'O, ,DE PHYIR RANG CHOS LTOS MED CAN, ,DON CHOS YAN GAR BA LAS NI, ,BLO NI RJES SU DPOG MA YIN, ,BLO RTOGS MNGON SUM GANG YIN PA, ,RANG CHOS RANG BLO LAS GZHAN CI, ,BLO LA BRTEN PA 'GA' ZHIG GIS BLO RJES SU DPOG PAR 'GYUR RO, ,YUL LA SOGS PA'I CHOS THUN MONG PA NI RJES SU DPAG PAR BYA BA THUN MONG BA NYID RTOGS PA KHO NA'O, ,DES NA BDAG GI BLO RJES SU DPOG PAR BYED PA NI BDAG GI CHOS SU GYUR DGOS SO, ,RANG GI CHOS KYANG BLO LAS GZHAN NI MED DO, ,RANG GI CHOS NYID BLO NYID YIN PAR ZAD PAS DE LKOG TU GYUR NA, RJES SU DPOG PAR BYED PA JI LTAR 'GYUR, 'ON TE BDE BA LA SOGS PA BLO DANG TSOGS PA MTSUNGS PA LAS SKYES PA

DE DAG NI BDAG GI CHOS YIN PAS NA DE DAG LAS RJES SU DPOG PAR BYED DO ZHE NA, 'DI LA BSHAD PA, RGYU MTSUNGS PA LAS SKYE BA DE, ,BLO LAS THA DAD GANG LAS YIN, ,GZHAN SKYES DE YANG 'KHRUL PA CAN, ,GAL TE BDE BA YUL DANG DBANG PO LA SOGS PAS SKYED PA YIN NO, ,THAMS CAD RIG PA'I RANG BZHIN NYID DO ZHES BSTAN ZIN TO, ,'ON TE MTHONG BAR GYUR PA'I YUL LA BDE BA SKYES PA DE LAS RANG GI BLO RJES SU DPOG GO ZHE NA, BDE BA DE YANG GZHAN GYIS MA YIN NO ZHES BYA BA GA LAS, GZHAN GYI BDE BA LA GZHAN GYIS RTOGS PAR JI LTAR NUS SHE NA, RANG RIG PA MA YIN NA RNAM PAR DBYE BA 'DI JI LTAR 'GYUR, 'JIGS PA LA SOGS PA LAS KYANG SPU LDANG BA NYE BAR SKYE BA NYID DO, ,GAL TE BDE BA LA SOGS PA RANG RIG PA NYID DU RNAM PAR GNAS PA YIN NA DE'I TSE GZHAN DANG 'BREL PA MI RTOGS SO ZHES BYA BAR RIGS PA YIN NO, ,DE LTA MA YIN NA NI GZHAN DANG 'BREL PA NYID GANG GIS BZLOG ,BDAG GIS SPU LDANG BA NGES NA BDAG GI YIN PAR RJES SU DPOG GO ZHE NA, 'DI YANG GA LAS YIN TE, GZHAN GYI CHUNG MAS BDE BA MI SKYED PA NI MA YIN NO, ,BDE BA LA SOGS PA MYONG BAR GYUR PA'I BDAG NYID SPU LDANG BA LA SOGS PA SKYED PAR BYED PAS NA RANG DANG 'BREL PA 'AM; DE LTA MA YIN PA ZHES BYA BA 'DI GANG DU DGOS, RANG GI BDE BAS SPU LDANG BA LA SOGS PA SKYED PAR SGRUB NA, RANG DANG 'BREL PA NYID RTOGS LA, ,RANG DANG 'BREL PA NYID RTOGS NA YANG DES BSKYED PAR RTOGS PAS PHAN TSUN RTEN PA'I NYES PA YIN NO, ,GZHAN YANG BLO'I RJES SU 'GRO BA DANG LDOG PA'I RJES SU BYED PA 'AM DE'I RJES SU BYED PA BLO RJES SU BYED PA YIN GRANG NA, DE LA, GZUGS SOGS YUL NI LNGA PO DANG, ,DBANG PO DANG NI DMIGS PA DAG ,MA GTOGS DE YI 'BRAS BU GZHAN, ,NYE BAR MTSON PA MA YIN NO, ,DE LA GNYIS NI DBANG PO 'DAS, ,DON LNGA DAG LAS, GZUGS MTHONG LAS, ,SKYES PA GZHAN DU SRID BRAL BA, ,GANG YIN GCIG KYANG RTOGS PA MED, ,GNYIS NI DBANG PO 'DAS ZHES BYA BA NI, ,DBANG PO DANG DMIGS PA'O, ,GZUGS LA SOGS PA DON LNGA PO DAG LA NI GCIG KYANG GZUGS MTHONG BA LAS SKYES PA DE LTA BUR GYUR PAR RTOGS PA

, ,MED DO, ,GZUGS LA SOGS PA NI GZUGS MTHONG BA LAS SKYES PA MA YIN TE, RGYU GZHAN LAS SKYES PA'I PHYIR, GZUGS MTHONG BA LAS SKYES PA NYID YIN NA NI DE DAG NYID DU 'GYUR RO, ,'DI LTAR, GZUGS MTHONG DON RNAMS THAMS CAD LA, ,YOD PHYIR SROG CHAGS THAMS CAD LA, ,THA DAD DE BZHIN DE LAS NI, ,SKYE BA'I PHYIR YANG DE BZHIN TE, ,SKYES PA'I PHYIR YANG DON YANG 'GYUR, ,JI LTAR GZUGS MTHONG SROG CHAGS SO SO LA THA DAD PA DE BZHIN DU GZUGS LA SOGS PAR YANG 'GYUR RO, ,DES NA GAL TE, THAMS CAD KYIS NI DMIGS NYID NA, ,DE YI KHYAD PAR NGES PA NA, ,DE SHES SROG CHAGS SO SO LAS, ,SNA TSOGS SU NI SNANG BAR THAL, ,SO SO RANG NYID DMIGS NA NI, ,RANG RIG LAS NA SHES PA NYID, ,GAL TE GZUGS LA SOGS PA SROG CHAGS SO SO LA, THA DAD PA'I RANG BZHIN NA, THAMS CAD KYIS DMIGS PAR 'GYUR BAS GCIG PAR GZUGS LA SOGS PA TZAM DMIGS PAR 'GYUR NA, DE LTAR YANG MA YIN PA DES NA RE ZHIG PHYOGS 'DI NI MA YIN NO, ,'ON TE RANG GI MTHONG BAS BSKYED PA'I GZUGS LA SOGS PA NYID DU DMIGS SO ZHE NA, DE LTA YIN NA GZHAN DAG GIS RIG PA MA YIN PA'I PHYIR RANG RIG PA KHAS BLANGS PAS NA DON NYID NYAMS PAR 'GYUR RO, ,DE STE GZHAN GYIS DMIGS PA YIN NA DE LTA NA, DE SKYES PA NYID KYIS NA DE LA YANG KHYAD PAR GNAS YOD PAR GYUR LA, DE YANG GZHAN GYIS DMIGS PAR BYA BAS NA THUG PA MED PAR 'GYUR RO, ,RANG GI RIG PA DAG GZHAN GYI RIG PAS, DE LTAR SHES MED GANG YIN TE, ,RTAGS ZHES BYA BA BAB COL TE, ,MA RTOGS PA NYID NI RTAGS MA YIN NO, ,DES NA RTAGS KYI MTSAN NYID MED PA'I PHYIR BLO ZHES RJES SU DPAG PAS RTOGS PA YIN NA NI ZHES BYA BA 'DI NI MI RUNG NGO, ,YANG NA DON GZHAN RTOGS SU CHUG PA DE LTA NA YANG, RTAGS YOD NA YANG DE DANG NI, ,LHAN CIG 'BREL PA MTHONG MED PAR, ,JI LTAR RTOGS 'GYUR RTAGS DANG NI, ,MA MTHONG BA YI GSAL BYED MIN, ,ME LA SOGS PA MTHONG BA NYID RANG LAS SKYES PA'I DU BA LA SOGS PA SKYES PAS RJES SU DPOG GI ,GZHAN DU NI MA YIN NO, ,SNGAR

MA MTHONG BA'I ME MA MTHONG BA'I DU BAS RJES SU DPOG PAR BYED NA NI MTHONG BA NI MED DO, ,RTAGS DE NYID LAS SNGAR DE NI, ,GRUB PA NYID DU BRJOD NA NI, ,DE LAS YANG NI DPE GZHAN NI, ,SGRUB BYED YIN PHYIR THUG MED 'GYUR, ,RJES SU DPAG PAR NI DPE SPONG BAR BYED PA NI MA YIN NO, , DE LTA YIN NA RJES SU DPAG PA NYID DU MI 'GYUR TE, MNGON SUM BZHIN NO, ,MNGON SUM LA TSAD MA GZHAN YOD PA'I PHYIR RJES SU DPAG PA NYID MA YIN NA 'DI LA YANG MTSUNGS SO, ,DES NA DPE SGRUB PAR BYED PA'I RJES SU DPAG PA DE YANG DPE GZHAN LAS YIN PA'I PHYIR THUG PA MED PAS NA RTOGS PAR MI 'GYUR RO, ,'ON TE DON GYIS GO BAS SGRUB PAR BYED NA, DE LTAR RTOGS PA NI 'GA' YANG MED DO, ,GAL TE RTOGS PA MED NA DON NYID MI 'THAD DO ZHES RTOGS PA NI 'GA' YANG MED DO, GAL TE RTOGS PA MED NA RTOGS PA'I DON MED DO ZHE NA, RTOGS PA ZHES BYA BA 'DI CI ZHIG , RTOGS PAS YUL DU BYAS PA'O ZHE NA, RTOGS PA MA RTOGS NA RTOGS PA YUL DU BYAS PA DE NYID GSAL BAR BYA BA YIN NAM, MDUN NA GNAS PA NYID DO ZHE NA, MDUN NA GNAS PA YANG MA RTOGS PAR JI LTAR RTOGS PA SGRUB PAR BYED PA YIN, RTOGS SO ZHE NA, DE LA YANG MDUN NA GNAS PA YOD PAS NA 'DI LA THUG PA MED PA BSHAD ZIN TO, ,DES NA MDUN NA GNAS PA NYID DAM, DON GYI RNAM PA GZHAN YANG RUNG STE, RTOGS PA MA GRUB NA NI RTOGS PA NYID MA YIN NO, ,DE'I PHYIR BLO LAS DON SGRUB KYI, DON LAS JI LTAR YANG DE MIN, ,DE MA GRUB PAR DON RANG NYID, ,RAB TU GRUB PA MED PHYIR RO; ,BLO LAS DON GRUB PO, ,BLO MED PAR DON GRUB NA NI, THAMS CAD THAMS CAD MTHONG BAR 'GYUR RO, ,GANG GI TSE RANG NYID BLO DON LA BYED PA 'JUG PAR MTHONG BA DE'I TSE DON RTOGS SO ZHES BYA BAR 'GYUR GYI, GZHAN DU NI 'GA' YANG RTOGS SO ZHES BYA BAR MI 'GYUR BA 'AM, THAMS CAD RANG NYID RTOGS PAR 'GYUR RO, ,DE'I PHYIR DON LAS BLO GRUB PA NI MA YIN TE, SNGAR BSHAD PA'I SKYON DU THAL BA'I PHYIR RO, ,MNGON SUM BLO DANG DE LAS NI, ,BRJOD DANG G-YO 'GUL SOGS MTHONG NAS, ,GZHAN SEL RJES DPAG MI 'GYUR TE, ,BDAG LA 'BREL PA MTHONG MED

, ,PHYIR; ,GAL TE MNGON SUM GYI BDAG NYID LA BLO DANG, DE DANG 'BREL PA CAN DAG RNAM PA CI ZHIG LTAR MTHONG NA DE'I TSE, DE DANG 'BREL PA'I RTAGS MTHONG BA LAS GZHAN LA YANG BLO RJES SU DPOG PAR 'GYUR GYI GZHAN DU NI 'THAD PA MA YIN NO, ,GZHAN GYIS MTHONG BA'I DON TO ZHES RJES SU DPOG GO ZHE NA, RANG NYID KYIS MTHONG BA GA LAS RTOGS, RJES SU DPOG PA LAS SO ZHE NA, DE LA YANG GZHAN DGOS PAS THUG PA MED DO, ,MNGON SUM NYID KYIS RTOGS SO ZHE NA, MNGON SUM DON SNGON PO LA SOGS PA RTOGS PA MA YIN NAM, JI LTAR DPE YIN; RANG DANG 'BREL PA YANG RTOGS SO ZHE NA, 'O NA RANG DANG 'BREL PA NI MTHONG BAR 'GYUR BA NYID YIN NO, ,GAL TE DE RTOGS NA NI BDAG NYID KYANG DES RANG RIG PAS RTOGS PAR 'GYUR RO, ,DE GZHAN GYIS RTOGS NA NI THUG PA MED DO, ,DE LA YANG MTHONG BAR 'GYUR BA NYID DE, GZHAN KHO NAR RTOGS PA'I YUL DU GYUR BA YIN PA'I PHYIR RO, ,DES NA DON MTHONG BAR GYUR PA RTOGS PA DANG, MTHONG BAR GYUR PA'I RTOGS PA ZHES BYA BA LA SOGS PAS SO, ,GANG GI TSE RTOGS PA RTOGS PA DE'I TSE NI MTHONG BAR GYUR PA MA YIN TE, DE'I TSE RTOGS PA NYID DMIGS PAR 'GYUR RO, ,DES NA YUL TZAM NYID RTOGS KYI MTHONG BAR 'GYUR BA NYID CES BYA BA NI MA YIN PAS NA DON GYIS GO BA SKYE BAR MI 'GYUR RO, ,GZHAN YANG, YID KYI BLO LA RTAGS KYI DON 'GA' YANG YOD PA MA YIN TE, DE GANG GIS DER RTAGS SU 'GYUR BA'I DON MNGON SUM DU 'GYUR BA NI MED DO, ,DRAN PA NYID KYANG MNGON SUM MA YIN TE, DES NA YID KYI BLO LA DON GYI RTAGS, ,RAB TU GRUB PA YOD MIN PHYIR, ,JI LTAR RJES SU DPAG PA ZHES BYA BA NI LHAG MA'O, ,'ON TE DE YANG RANG RIG PA LA SOGS PA DON GYI SNANG BA SNANG BA YIN PAS NA, DE LAS RJES SU DPOG PA YIN NO ZHE NA, 'DI LA LAN BTAB ZIN TO, , DE TSAD MA MA YIN PA'I PHYIR DON SNANG BA JI LTAR 'GYUR, SNANG BA NI MTHONG BA YIN TE, BDEN PA'AM BDEN PA MA YIN ZHES BYA BAR THE TSOM ZA BA TZAM DU ZAD DO ZHE NA, BDEN PA MA YIN PA ZHES BYA BA 'DI CI ZHIG ,SLU BA GANG YIN PA NYID DO ZHE NA MA YIN TE, DE'I RANG BZHIN LA SLU BA MED PA'I PHYIR RO, ,RANG

BZHIN DER NI GDON MI ZA BAR BDEN PAR 'GYUR BA NYID YIN NO, ,BDEN PA MA YIN PA'I THA SNYAD BYED PAS BDEN PA MA YIN NO ZHE NA, THA SNYAD 'DI CI ZHIG ,TSAD MA'O ZHEN, TSAD MAS RTOGS PA JI LTAR MI BDEN, MI BDEN PA NYID DU RTOGS PA'I PHYIR RO ZHE NA, MA YIN TE, MI BDEN PA NYID DE'I RANG BZHIN LAS MA RTOGS PAR RTOGS PA MED PA'I PHYIR RO, ,RANG GI NGO BO TZAM RTOGS KYI DON BYA BA GZHAN NI MA YIN PAS SO ZHES BYA BA YANG 'BREL PA MA YIN TE, DE LTA YIN NA RANG RIG PAR THAL BAR 'GYUR BA'I PHYIR RO, ,GZHAN GYIS RIG PA YIN NO ZHE NA, MA YIN TE, DRAN PAS MTHONG BAR 'GYUR BA NYID DU MNGON BAR ZHEN PA'I PHYIR RO, ,'DI LA SNGA MA'I RANG BZHIN NYID NI YOD PA MA YIN PA'I PHYIR 'DI RTOGS PA MA YIN NO, ,CI STE 'DI YUL DU BYED PA'O NA NI DRAN PA MA YIN NO, ,RANG RIG PA NYID NI MNGON SUM TZAM MO ZHES RIGS PA YIN NO, ,RANG RIG PA NYID NI DE LTAR RTOGS SO ZHES THA SNYAD DU BYED PA YIN NO, ,GZHAL BYA DANG BRAL BA'I RTOGS PA NYID MI BDEN PA YIN GYI 'JIG RTEN LAS 'DAS PA NYID LA SOGS PA NI MA YIN TE, DE LTAR THA SNYAD MED PA'I PHYIR RO, ,GZHAN YANG DON GYIS GO BA 'AM, GZHAN YANG RUNG STE, BLO GZHAN GYIS, KHYOD KYI BLO NI BLO GZHAN GYIS, ,JI LTAR RAB TU GSAL BAR 'GYUR, ,BLO DAG PHAN TSUN RAB TU GSAL BAR BYED PAR JI LTAR 'GYUR, GANG GI PHYIR, GSAL MIN RAB TU MTSUNGS PA'I PHYIR, ,GSAL BYA GSAL BYED GANG LAS YIN, ,RAB TU GNAS PA'I BDAG NYID MA YIN PA DAG NI PHAN TSUN NAM, GZHAN DU GSAL BYA GSAL BYED KYI DNGOS POR MI 'THAD DO, ,SGRON MA'I 'OD GSAL BA'I BDAG NYID KYIS BUM PA LA SOGS PA GSAL BA MA YIN PA GSAL BAR BYED KYI GZHAN GYIS NI MA YIN NO, ,YUL NI JI LTAR GSAL BA YIN, ,GSAL LA NGO BO 'PHO PHYIR RO, ,RANG NYID GSAL BA LA DE LAS GZHAN DAG 'PHOS PA'I PHYIR GSAL BA YIN TE; DPER NA MAR ME'I 'OD LA SOGS PA GSAL BA BZHIN NO, ,GSAL DE'ANG DE YI NGO BO NYID, ,RANG NYID RAB TU GSAL BA YIN, ,'O NA JI LTAR BUM PA'I RANG BZHIN GZHAN YIN LA 'OD KYANG GZHAN YIN PA DE BZHIN DU RNAM PAR SHES PA'I RANG BZHIN GZHAN LA, GZUGS LA SOGS PA 'ANG

, ,GZHAN YIN PAR 'GYUR RO ZHE NA, DE NI DE LTAR MA YIN TE, DE LTA YIN MOD 'ON KYANG 'DI, ,MYONG LAS PHYI ROL SGRON SOGS BZHIN, ,MYONG BA MED PAR GSAL BYA DANG, ,GSAL BAR BYED PAR RTOGS MA YIN, ,GAL TE RNAM PAR SHES PA DANG YUL DAG GZHAN NYID YIN MOD, DE LTA MOD KYIS RNAM PAR SHES PA'I BDAG NYID NI, ,SGRON MA BZHIN DU RANG GSAL BAR 'GYUR DGOS TE, DE NYID RNAM PAR SHES PA GZHAN GYIS GZUNG BA YIN NO ZHE NA, DE NI MI RUNG STE, DE DANG CHOS MTSUNGS NYID KYIS NI, ,GAL TE RANG LAS THA DAD PA'I, ,RNAM SHES KYIS NI 'DI 'DZIN NA, ,RIGS 'DI PHYI ROL NYID DU 'ANG 'GYUR, ,'ON TE PHYI ROL 'DI MIN NA, ,RANG RIG NYID DU CI MI 'GYUR, ,DE YANG SNANG BA GZHAN GYIS NI, ,RAB TU GSAL BAR 'GYUR MA YIN, ,DE NYID KYI PHYIR BSHAD PA, DE LTAR BLO LA BLO 'DOD NA, ,BLO NI RANG NYID RIG PA GRUB, ,DE LTAR MIN NA YUL YANG NI, ,BLO DANG LHAN CIG CHOS MTSUNGS NYID, ,GAL TE RANG NYID RAB TU GSAL BA'I BLO LA BLO 'PHOS PA'I PHYIR, BLOS BLO GSAL BA YIN NA, 'O NA NI BLO NYID RIG PAR BYED PA YIN NO, ,DE LTA MA YIN TE, BLO RANG NYID GSAL BA MA YIN NA, DE YANG DE'I RANG BZHIN CAN NYID KYIS CHOS MTSUNGS PA YIN PA'I PHYIR BLO'I GSAL BAR BYED PAR 'GYUR RO, ,DE'I PHYIR DED KYI BLO RANG NYID, ,GSAL BA'I NGO BOR RAB GSAL ZHING, ,GZHAN DER NGO BO 'PHOS PA YIS, ,GSAL BA LA NI RAB GSAL NYID, ,GZUGS DANG BLO'I GSAL BAR BYA BA DANG, GSAL BAR BYED PA'I DNGOS BO DE LTA BU NYID YIN TE, 'DI LTA STE, GCIG NI RANG NYID RAB TU GSAL BA YIN LA, GZHAN NI DE'I RANG BZHIN DU BSKYED PA'O, ,GAL TE BLO GCIG RAB NYID RAB TU GSAL BA YIN MOD, ,GZHAN NI GSAL BYA DANG 'DRA BA YOD PA LAS YIN TE, DPER NA PHA'I GZUGS 'DZIN TO ZHES BYA BA BZHIN NO ZHE NA, 'DRA BA YIN YANG DE YIS NI, ,BLO GZHAN RAB TU GSAL MI 'DOD, ,RANG NYID RAB TU GSAL PHYIR DON, ,DE YI NGO BOS RAB GSAL YIN, ,GSAL BA MA YIN PA NI GZHAN GYIS GSAL GYI, ,GSAL BA NYID NI BLOS MTSUNGS PA TZAM GYIS GSAL BA MA YIN NO, ,DON DAM PA NI

GSAL BA MA YIN PA YANG GSAL BA MA YIN NO, ,JI LTAR DON RAB TU GSAL ZHE NA, DON DE'I NGO BOR TE, GSAL BA'I RANG BZHIN GYIS GSAL BA YIN GYI GZHAN GYIS GSAL BA NI MA YIN NO, ,BLO DAG NI RANG NYID YANG, RANG NYID RAB TU GSAL BAR MTSUNGS PA'I PHYIR NA GSAL BAR BYA BA GZHAN PAR BYED PA'I DNGOS PO MA YIN TE, DPER SGRON GNYIS BZHIN MAR ME DANG, ,BUM PA DAG KYANG DE RTEN NAS, ,GSAL BYA GSAL BYED NGO BO YIS, ,THA SNYAD RAB TU RGYAS PAR BYED, ,SGRON MA GNYIS LA 'DRA BA DANG, ,SKYE BA YOD KYANG, PHAN TSUN GSAL BA GSAL BYED KYI DNGOS PO NYID MA YIN NO, , 'O NA MAR ME DANG BUM PA GNYIS JI LTA ZHE NA, MAR ME'I TSOGS PA LA BUM PA DE'I NGO BOR SKYE BA'I PHYIR RO, ,DES NA DE YANG RANG NYID RAB TU GSAL BA NYID KYIS GSAL BA YIN GYI, GZHAN DU NI MA YIN NO, ,DE BZHIN DU RJES SU 'GRO BA DANG LDOG PA DAG LAS KUN BRTAGS PA'I DMIGS KYIS BKAR PA LAS DE LTAR THA SNYAD MED PA YIN GYI, ,DON DAM PAR NI SPROS PAS CHOG GO, ,YUL DANG DBANG PO TZAM GYIS NI, ,MTHONG ZHES BYA BAR NGES MA YIN, ,DES NA GANG LAS 'DI 'GYUR BA, ,GZHAN DE'ANG MTHONG BAR GDON MI ZA, ,GAL TE YUL DANG DBANG PO TZAM LAS MTHONG NGO, ,SNYAM DU NGES PA YIN NA NI; ,THAMS CAD MTHONG NGO ZHES BYA BAR NGES PAR 'GYUR RO, ,MTHONG BAR 'GYUR BA NYID MTHONG NGO ZHES BYA BAR NGES SO ZHE NA, MTHONG BAR GYUR PA ZHES BYA BA 'DI CI ZHIG GANG LA MTHONG BA SKYES PA'O, ,MTHONG BA ZHES BYA BA 'DI CI ZHIG CES DE NYID 'DRI BA MA YIN NAM, GANG LA MIG LA SOGS PA MNGON DU PHYOGS PA'O, ,MIG MNGON DU PHYOGS SO ZHES BYA BA JI LTAR RTOGS, DE LA YANG JI LTAR ZHES MTHONG BA NYID KYIS THA SNYAD DU BYED PAS THUG PA MED DO, ,'ON TE MTHONG BA SKYES PA TZAM LAS NGES SO ZHE NA, MTHONG BAR GYUR PA ZHES BYA BA 'DI CI ZHIG GANG LAS MTHONG BA SKYES, NYAMS SU MYONG BA NYID LAS NGES PA'I PHYIR RO, ,NYAMS SU MYANG BA'I MYONG BA TZAM LAS NI NYAMS SU MYANG NGO ZHES BYA BAR NGES PA MA YIN TE, DKAR PO NYID NYAMS SU MA MYONG BAR DKAR PO NYID DO ZHES MI NGES PA BZHIN NO, ,DE'I PHYIR GANG ZHIG NYAMS SU MYONG BA'I RJES SU 'BRANG BA'I NGES PA DE LTA BUR GYUR PA MYONG BA NYID LAS 'GYUR BA YIN TE,

, ,DE LTAR NGES PA NI RIGS PA YIN NO, ,DRAN PA LAS KYANG BDAG RIG GRUB, ,SHES PA GZHAN GYIS RIG NA NI, ,RING SOGS PA 'DZIN PA MI 'GYUR TE, ,YI PHYI MANG PO GNAS MED PHYIR, ,YUL SHES PA DE SHES PA'I KHYAD PAR NYID LAS RANG RIG PA GRUB PA NI MA ZAD KYI, DRAN PA LAS KYANG DE GRUB PA YIN NO, ,GAL TE DRAN PA LAS NI MYONG BA TZAM GRUB PA MA YIN NAM, RANG RIG PA NI MA YIN TE, GZHAN GYIS MYONG BA LAS YANG DRAN PA 'THAD PA KHO NA'O ZHE NA, DE NI LAN DU MI RUNG STE, SHES PA GZHAN GYIS RIG PA YIN NA NI, RING PO LA SOGS PA 'DZIN PAR MI 'GYUR TE, PHYI MO MANG PO MI GNAS PA'I PHYIR, DPER NA THUNG DU GNYIS PA MED PAR SBYOR BA NA DE MI GNAS PA BZHIN NO, ,MI GNAS PA NI GNAS PA DANG LHAN CIG TU RTOGS PA MA YIN NO ZHES SNGAR BSTAN ZIN TO, ,RING PO DANG CHER BSRINGS PA LA SOGS PA MI 'DZIN PA NYID DO, ,PHYI MO RE RES 'DZIN NA NI RING PO LA SOGS PA 'DZIN PA MA YIN NO, ,CHOD PA YANG RTOGS PA MA YIN NO, ,SNGA PHYI GCIG TU BSDOMS NAS RTOGS SO ZHE NA, MA YIN TE, DE YANG RTOGS PA'I YUL YIN PA'I PHYIR RO, ,RING PO LA SOGS PA'I MTSAN NYID KYI DON RTOGS PA NYID MA YIN NAM ZHE NAM, RTOGS MOD KYI 'ON KYANG RING PO LA SOGS PA'I MTSAN NYID KYIS DON RTOGS PA NI MA YIN NO, ,DES NA THUNG DU GNYIS BZHIN DU 'DI NI PHYI MO GNYIS ZHES RTOGS PA 'GYUR GYI, RING PO GZHAN NI MA YIN NO, ,GAL TE RANG GI BLO RANG RIG PA YIN PA DE'I LTAR NA, JI LTAR RING PO LA SOGS PA 'DZIN, DE'I RNAM PA CAN GYI BLO GCIG RIG PA NA RING PO RIG PAR SNANG BAR GZHAG GO, ,'O NA NI RANG RIG PA MA YIN PAR SMRA BA'I LTAR NA YANG DE'I RNAM PA CAN GYI BLO GCIG RIG PA YOD PA DE NYID DE, 'ON KYANG BLO GZHAN GYIS YIN PA 'GA' ZHIG TU ZAD DO, ,GNAS SKABS 'DI GNYIS LA KHYAD PAR NI YOD PA MA YIN NO, ,'DI LTAR, RIG BYA NYID PHYIR RIG BYA NI, , GZHAN GYIS RIG YIN PHYI ROL BZHIN, ,DES NI BLO YANG RIG BYA'I PHYIR, ,RIG PAR BYED PA GZHAN YOD 'GYUR, ,DE NI MI RUNG STE, GANG GI PHYIR 'DI LTAR YANG 'GYUR RO, ,GSAL BYA NYID PHYIR GSAL BYA NI, ,GZHAN GYIS GSAL YIN BUM PA BZHIN, ,DES NAD NI MAR ME YANG, ,GZHAN GYIS GSAL

BA NYID DU 'GYUR, ,'DI LA NI CUNG ZHIG BSHAD ZIN TO, ,GAL TE BLO SNGA MA BLO GZHAN GYIS RIG PA YIN NA, DE'I TSE NI DE'I RNAM PA CAN GYI BLO RIG PA MED PA'I PHYIR DANG, YUL YANG DE'I TSE MED PA'I PHYIR RIG PA MED PA NYID LAS NYAMS SU MYONG BA MA LUS PA 'JIG PAR 'GYUR TO ZHES BSTAN PA YIN NO; ,'ON TE YANG PHYI MO RNAMS MI GNAS PA NYID YIN PA DE'I PHYIR NA, RING PO LA SOGS PA MI 'DZIN PA MA YIN NO ZHE NA, DE YANG MI RUNG STE 'DI LTAR, GNAS NA GO RIMS MED PAS NI, ,BLO LA CIG CAR SNANG BA'I PHYIR, ,YI GE RIM MED RING MI 'GYUR, ,GNAS PA GO RIMS MED PAR RTOGS PA NI RING PO LA SOGS PAR 'GYUR BA MA YIN TE, DUS RIG GYIS RTOGS PA LAS RING PO ZHES RNAM PAR 'JOG PA'I PHYIR RO, ,PHYI MO RNAMS RIM PA YANG YOD PA NYID DO ZHE NA, MA YIN TE, MTHA'I GNAS SKABS SU 'DI RING NGO ZHES BYA BA LA SOGS PAR RTOGS PA'I PHYIR RO, ,DE'I TSE NI RIG PA RTOGS PA YOD PA MA YIN TE, BLO DE NI SNGA MA LAS GZHAN NYID DO, ,'ON TE 'DI NI SNOD DANG PHYI MA 'DZIN PA CIG NYID DO ZHE NA, DE YANG MI RUNG STE 'DI LTAR, PHAN TSUN 'DRES PA MED PA YIS, ,YIG CHA RIM LDAN JI LTAR NA, ,RIM MED PA LA PHAN 'DOGS BYED, ,PHAN TSUN GNAS PA MED PA NYID KYIS MA 'BREL PAR YI GE'I CHA SNGA MA DANG PHYI MA DAG JI LTAR BLO GCIG GRUB PAR BYED PA YIN, BLO NI YUL 'DZIN PAR BYED PA YIN PAS YUL THA DAD NA BLO YANG THA DAD PA YIN PAS JI LTAR RIM PA DANG LDAN PAR RTOGS, DE SKAD DU YANG DON 'GA' YANG MA SHES NA NI BLO DMIGS PA MA YIN TE; DON SHES NA NI RJES SU DPAG PAS RTOGS SO ZHES SMRAS PA YIN NO, ,JI LTAR DE DON SHES PA LAS DON GYI RJES SU 'BRANG NAS RTOGS PA DE BZHIN DU, DE THA DAD PA LAS THA DAD PA CAN DU YANG YIN NO, ,'DI LTAR DE LTAR KHO BO'I BLO SKYES SO ZHES 'JIG RTEN DAG THA SNYAD DU BYED PA YIN NO; ,'ON TE 'DI NI DON GYI BDAG NYID GCIG NYID RING PO LA SOGS PAR RTOGS PA YIN TE, 'DI LTAR, DANG PO NYID RING PO LA SOGS PA GCIG SKYE BA YIN NO, ,DE'I PHYIR RING PO GCIG NYID RTOGS PAS RING PO'I BLO YANG GCIG NYID YIN NO, ,ZHE NA DE YANG MI BDEN TE, 'DI LTAR, SNGA MA MTHA'

, ,YI BAR GNAS NA, ,'OG TU SGRA NI 'PHEL BAR 'GYUR, ,RIM MIN 'DZIN PHYIR THA MAR NI, ,RIM LDAN BLO YANG MED PAR 'GYUR, ,GAL TE 'DI'I YI GE'I BDAG NYID YIN NA DE'I BLO DANG PO NYID KYIS RTOGS PA'I PHYIR DUS LA SDOD PAR MI 'GYUR ZHING, SNGA MA'I CHA LA MTHONG BAR YANG BLO THAMS RING PO LA SOGS PA RTOGS PAR 'GYUR RO, ,DE STE GZHAN RTOGS PAR RING PO LA SOGS PA YIN NA NI DE'I TSE, RING PO GCIG NYID DO ZHES BYA BAR MI 'GYUR RO, ,'ON TE SNGA MA YANG PHYI MA'I RJES SU 'JUG LA, PHYI MA GNANG YANG RTOGS PA YIN NO ZHE NA, DE LTA YIN NA SGRA 'PHEL PAR 'GYUR TE, SNGA MA RJES SU 'BRANG BA'I PHYIR DANG, PHYIR MA YANG SKYE BA'I PHYIR RO, ,'DI RING PO YIN NO ZHES BYA BA LA SOGS PAR RTOGS PA YANG THA MA'I GNAS SKABS SU YIN NA DE'I TSE NI RIM PA MED PAR BZUNG PAS NA RIM PA DANG LDAN PA'O ZHES BYA BA'I BLOR MI 'GYUR RO, , SNGA MA LA LTOS TE RIM PAR 'GYUR BA YIN NO ZHE NA MA YIN TE, BLO SNGA PHYI DAG THA DAD PA'I PHYIR RO, ,'ON TE DANG PO'I SKYES BA'I BLO GCIG PO NYID GNAS PA YIN NO ZHE NA, DE YANG MI 'THAD DE, DE 'OG YUL NI GNAS MED PHYIR, ,BLO NI RANG NYID GNAS MA YIN, ,MA 'PHEL PA'I SGRA NI 'PHEL PA'I DUS NA YOD PA MA YIN NO, ,DE LTA NA NI 'PHEL BA GZHAN YIN PA'I PHYIR NA MI GNAS PA NYID DO, ,'ON TE MI GNAS KYANG RANG NYID GNAS SO ZHE NAM DE'I TSE YANG, RANG NYID GNAS NA PHYI NAS NI, ,MI 'DZIN KHYAD PAR MED PA'I PHYIR RO, ,GAL TE YUL MED KYANG DE 'DZIN PA'I RANG BZHIN GYI BLO GNAS PA YIN NA, NAM YANG 'JIG PAR MI 'GYUR BAS SHIN TU RING BAR MI 'GYUR RO, ,'ON TE YUL MED PA'I YUL 'DZIN PA YOD PA MA YIN NA, DE'I TSE RING POR 'DZIN PAR MI 'GYUR TE, CHA TZAM 'DZIN PA'I PHYIR RO, 'ON TE YI GE'I BDAG NYID GCIG KHO NA RIM MA YIN PAR SKYES PA DUS GZHAN DUS GZHAN DU SDOD PA YIN NO ZHE NA, DE NI MI RIGS TE, YI GE RIM MED CIG CAN NI, ,SKYES PA LA YANG SKYON 'DI YIN, ,GAL TE CIG CAR SKYES PAS DUS CUNG ZAD TZAM YANG SDOD PA YIN NA, GTAN DU GNAS PAR 'GYUR TE, PHYIS KYANG KHYAD PAR ME DPA'I PHYIR RO, ,GZHAN YANG, LAN CIG BTZAL PHYIR RTZOL BA, ,PHYI MA PHYI MA

SDOD MI 'GYUR, ,RTZOL BA GANG GIS DANG PO'I RANG BZHIN BSGRUBS PA DE NYID KYIS PHYI MA'I CHA YANG YIN TE, DE LAS THA MI DAD PA'I PHYIR RO, ,DE'I CHO GZHAN DON MED PA NYID DU 'GYUR RO, ,YI GE RNAMS NI GSAL BA YANG, ,SKYON 'DI RJES SU GNAS PA NYID, ,LAN CIG BRTZAL BAS THAMS CAD GSAL BA'I PHYIR RTZOL BA GZHAN MED DE, DE'I PHYIR BLO GCIG GI CHA SHAS RNAMS RING POR 'DZIN PA MA YIN PAS KHAS BLANGS PAR BYA BA YIN NO, ,DE'I TSE YANG, DU MA YIS NI DE 'DZIN NA, ,THA MA'I BLO GANG DE MYONG LA, ,DE YANG RING POR 'DZIN MIN NA, ,DES NA RING BLO DRAN MI 'GYUR, ,GANG GI TSE BLO DU MAS CHA SHAS RNAMS RING POR 'DZIN NA NA DE'I TSE, THA MA'I BLO BLO GZHAN GZHAN GYIS NYAMS SU MYONG BA YIN LA, DE YANG RING POR 'DZIN PA MA YIN PA DES NA JI LTAR RING PO'I BLO DRAN PAR 'GYUR, NYAMS SU MA MYONG BA'I DRAN PA YIN NO, ,NYAMS SU MYONG YANG BLO THA MA BLO GZHAN GYIS MYONG BA YIN GYI, BLO SNGA MA DAG NI TSOD PA'I PHYIR NYAMS SU MYONG BA MA YIN NO, ,THA MA YANG RING POR 'DZIN PAR BYED PA MA YIN TE, DE'I PHYIR RING PO LA SOGS PA'I BLO DRAN PAR YANG MI 'GYUR RO, ,'ON TE BLO RNAMS BLO GZHAN GYIS SO SOR 'DZIN PA DE'I PHYIR THAMS CAD DRAN PAS RING BA'I BLO DRAN PA YIN NO ZHE NA, DE YANG RIGS PA MA YIN TE, 'DI LTAR, BLO RNAMS SO SO THA DAD DU, ,MYONG NA DE SGRA THOS PA NI, ,CHOD PA MED PAR SNANG MI 'GYUR, ,SBYOR BA BYED PA'ANG GSAL BA YIN, ,BLO 'DZIN PA'I BLO RNAMS KYIS SGRA'I CHA'I BLO RNAM PAR BCAD PA'I PHYIR RNAM PAR MA BCAD PAS MI SNANG BAR MI 'GYUR RO, , RNAM PAR BCAD PA NI RNAM PAR MA CAD PAR RTOGS PAR NUS PA MA YIN NO, ,MTSAMS SBYAR BAS RTOGS PA YIN NO ZHE NA, DE LA BSHAD PA NI, SBYOR BAR BYED PA'ANG GSAL BA NI, ,DE NI GZHAN LA'ANG MTSUNGS PA YIN, ,YI GE 'ANG CIG CAR THOS PAR 'GYUR, ,ZHES BYA BA LA SOGS PAS SO,, GZHAN YANG, GAL TE CHAD PA MTHONG YANG NI, ,RNAM CHAD MED PAR 'KHRUL 'GYUR NA, THUNG DU GNYIS NA BRJOD PAR YANG, ,RNAM CHAD MED PAR 'KHRUL PAR 'GYUR, ,THUNG DU GNYIS NI BAR MED PAR BRJOD PA MA YIN PAS RNAM PAR CHAD PA MA YIN PAS NA RNAM PAR CHAD PA'I PHYIR GCIG PA'I BLO MED PA YIN NO,,

, ,GAL TE PHYI MA LA YANG RNAM PAR CHAD PA DE YOD PA NYID YIN LA DE LTA NA YANG RNAM PAR CHAD PA ME DPAS RLOM PA YIN NO, ,'O NA NI THUNG DU GNYIS BRJOD PA LA YANG RIGS PA, MTSUNGS PA'I PHYIR NA CI STE MA MTHONG, 'DI NI RNAM PAR CHAD PA RTOGS PA MA YIN GYI 'ON KYANG RNAM PAR MA CHAD PA NYID YIN TE, 'KHRUL PA NI MA YIN NO ZHES BYA BA'I PHYOGS 'DI NYID BZOD PA YIN NO, ,GZHAN YANG, DBANG PO RNAM CHAD MTHONG BA YANG, ,DBANG PO LAS CHAD MI SGRO 'DOGS, ,MI RUNG DBANG PO'I BLO THAMS CAD, ,PHYIN CI LOG TU THAL PHYIR RO, ,GAL TE RNAM PAR CHAD PA MED PAR RTOGS PA'I 'KHRUL PA NYID YIN NA, DE'I TSE DBANG PO LA 'AM YID LAS BYUNG BA YIN , GAL TE YID LAS BYUNG BA MA YIN NA NI DBANG PO'I BLO THAMS CAD PHYIN CI LOG TU 'GYUR RO, ,'DI LTAR YI GE'I BDAG NYID KUN MTHA' YANG, ,MI 'DZUMS TSAD DU GNAS PA YIN, ,DE YANG RIM GYIS RDUL PHRAN NI, ,DU MA DAG DANG 'BREL PAR RDZOGS, ,RTUL GCIG MNGA' DUS CHUNG BA YI, ,MTHAR THUG DUS KYANG SKAD CIG 'DOD, ,BLO YANG SKAD CIG DE NYID 'DOD, ,YI GE RIM GYIS RTOGS PAR 'GYUR, ,DE PHYIR YE HE GZUGS SOGS LA, ,BLO GZHAN GYIS NI CHOD NA YANG, ,CHOD PA MED PAR SNANG BA CAN, ,THAMS CAD LOG PA'I DON CAN 'GYUR, ,YI GE THAMS CAD NI RIM GYIS RTOGS PA YIN TE, SKAD CIG MA GZHAN DANG GZHAN RGYUN DANG LDAN PA'I RANG BZHIN GYIS YI GE 'DZIN PA'I PHYIR RO, ,GZUGS LA SOGS PA DAG LA YANG RIM GYIS SKYE BA LA BRTEN PA YIN NO, ,DES NA DE YANG DBANG POS MGAL ME'I 'KHOR LO BZHIN DU RTOG PA 'KHRUL PA SKYED PAR BYED PA YIN NA, 'GAR YANG 'KHRUL PA MA YIN NO, ,'ON TE YID LAS BYUNG BA'I 'KHRUL PA YIN NO ZHE NA, DE'I TSE NYES PA GZHAN DU 'GYUR TE, 'DI LTAR, DBANG PO'I 'KHRUL PA LAS GZHAN DU,, DNGOS PO RNAM NI SBYOR BYED PA, ,THA DAD MTSON BYED 'KHRUL PA GANG, ,DRAN YIN DE NI RNAM RTOG CAN, ,BRJOD DANG 'BREL PA DE LAS NI , ,GSAL BAR SNANG NYID GA LA ZHIG ,YID KYIS BSLAD PA NI GSAL BA NYID LAS 'DAS SAM, 'JUG PA NYID GSAL BA YIN NO ZHES BYA BA 'DI NI MI RUNG STE,

YI GE LA SOGS PA'I RNAM PA CAN GYI RNAM PAR SHES PA NI GSAL BA'I RNAM PAR 'DOD PAS DE JI LTA NA YID LAS BYUNG BA'I 'KHRUL PA YIN ZHES BYA BAR RIGS SO, ,BRJOD PA DANG 'BREL PA NYID LA NI GSAL BAR SNANG BA SRID PA MA YIN TE, RNAM RTOG RJES SU 'GREL PA NI, ,DON GSAL SNANG BA NYID MA YIN, ,ZHES BSHAD DO, ,DE BZHIN DU, DBANG POS GZUGS GSAL SGRA SBYOR BA, ,YOD PA MIN ZHES BSHAD ZIN TO, ,'ON TE, DBANG POS CHOD PA MTHONG BA YANG, ,GAL TE RTOGS PAS SBYOR BYED NA, ,RGYU MIN CHAD PAR SNANG BA DAG ,RIGS DAM GNOD PA CAN MED PA, ,CHOD PA ZHES BYA DE GANG LAS, ,RNAM PAR CHAD PA MED PAR SNANG BA NI RNAM PAR CHAD PAR BYA BA YIN NO ZHES BRTAG PAR BYA BA MA YIN NO, ,MNGON SUM NI GZHAN DU BRTAG PAR BYA BA MA YIN TE, MNGON SUM GYIS GNOD PA'I PHYIR RTOGS PA NYID MED PA YIN PAR BRTAGS PA YIN NO, ,DE'I PHYIR 'DI NI MI RUNG NGO, , 'ON TE RANG RIG PA MED PA'I PHYIR BLO GZHAN GYIS RIG PAR KHAS LEN PA YIN NA, BLO GCIG PAR 'BYUNG BA YANG MA YIN STE, DES NA BLO GZHAN GYIS CHOD PA'I PHYIR RNAM PAR CHAD PAR MTHONG BA YIN NO ZHE NA, 'DI LA BSHAD PA, GAL TE BLO NUS NGES PA'I PHYIR, ,ZHE NA DE NI GA LAS 'DOD, ,GCIG PAR BLO NI MTHONG MED PHYIR, ,DE NYID 'DI LTAR DPYAD BYA YIN, ,BLO RNAMS NUS PA NGES PAS NA, ,GCIG PAR MI 'GYUR PA YIN NA, ,NUS PA NGES PA NYID GANG LAS NGES PAR BYA, 'ON TE GCIG PAR MA MTHONG BA'I PHYIR NUS PA NGES PA YIN NA 'O NA NI RNAM PAR CHAD PA MTHONG BA MED DE, MA MTHONG NA NI DE LA YANG YOD PA'I PHYIR RO, ,'ON TE DER MA MTHONG BA TSAD MA YIN NA, 'O NA CIG CAR MA YIN PAR MTHONG BA'I PHYIR RNAM PAR CHAD PA MTHONG BA RTOG CE NA, 'DI RNAM PAR DPYAD DGOS SO, ,GAL TE BLO GCIG PAR MTHONG BA MED PA MA YIN NAM, DON RTOGS PA YIN YANG, BYUNG BA DANG BYUNG BA'I RANG BZHIN MTHONG BAR GCIG PAR DMIGS PA NI MED DE, RIM PA KHO NAS SNANG BA'I PHYIR RO, ,KHYED LA LUNG YANG YOD PA MA YIN TE, 'DI LTAR, 'DI NI GNAS PA MA YIN ZHI, GO SKABS MED DE, SEMS GNYIS SNGA SKYED PA LA LTOS NAS PA NGES YIN GYI SPYI NI MA YIN NO, ,'DI NA, DE YANG MI RUNG STE, DE RNAMS

, ,RIGS MTHUN PA YIN LA, ,NUS PA DES PAR 'GYUR PA YIN, ,'DI LTAR RNAM PAR RTOG PA RNAMS, ,RIM GYIS 'BYUNG BAR YANG DAG RTOGS, ,BLO RNAMS NI RIGS MTHUN PA'I RNAM PAR SHES PA SKYED PA LA LTOS NAS PA NGES YIN GYI SPYI NI MA YIN NO, ,'DI LTAR RNAM PAR RTOG PA RNAMS RIM GYIS 'BYUNG BAR YANG DAG PAR RTOGS PA YIN NO, ,MIG LA SOGS PA'I RNAM PAR SHES PA DAG NI RIGS MTHUN PA'I MIG LA SOGS PA'I RNAM PAR SHES PA NYID SKYED PAR MI BYED KYI THAMS CAD NI MA YIN NO, ,DE LA GAL TE RIGS MI MTHUN PA GZUNG BA DANG 'DZIN PA'I RANG BZHIN GNYIS SKYED PA LAS 'GAL BA CI YOD, NGE SHES PA ZHES BYA'I RTOG PA RNAM PAR RTOG PA YIN YANG GSAL BAR SNANG BA PHA ROL PO DAG 'DOD PA MA YIN NAM ZHE NA, 'DOD PA NI MA YIN NA DE LTA NA NI MA YIN NO, ,'DI LTAR, 'DI NI GANG ZHIG MTHONG DON LA, ,NGO SHES BYED PA'I RTOGS PA DAG ,GSAL BAR SNANG BAS MNGON SUM DU, ,RTOGS PA DE YANG BSAL BA YIN, ,DBANG PO'I RNAM PA LA SNGA PHYI 'DZIN PA'I NUS PA MED PA'I PHYIR, GSAL BAR SNANG PA'I RNAM PAR RTOG PA NYID MNGON SUM YIN NO ZHES MNGON SUM NYID DU SEMS PA GANG YIN PA DE YANG BSAL BA YIN NO; ,'DI LTAR, RTOGS PA GSAL BAR SNANG MIN PAS, ,DE NI JI LTAR MNGON SUM NYID, ,GSAL BAR SNANG BA NYID YIN YANG, ,'KHRUL PHYIR TSAD MA NYID MA YIN, ,'DI LTAR, SKRA DANG SGONG DANG MAR ME SOGS, ,THA DAD RTOGS PA DAG LA YANG, ,GSAL SNANG YOD MIN DE 'DRA'I BLO,, JI LTAR MNGON SUM YIN PAR 'GYUR, ,'ON TE DER NI GNOD PA YOD PA'I PHYIR, ,MNGON SUM NYID MA YIN NA GANG GIS GNOD, ,BAR DU CHOD PAS SO, ,'DI LA YANG SNGA PHYI'I RANG BZHIN SNANG BA'I MTSAN NYID RNAM PAR CHAD PA YOD PA NYID DO, ,DE'I PHYIR DO SHES PA LAS NI, YIG SOGS GCIG TU NGES PA MED, ,TSAD MAS MA YIN PA'I PHYIR, YIG RNAMS PHYI MO THA DAD KYANG, ,NGO SHES PA YIS GCIG NYID DU, ,RTOGS PA DE NI RING PO SOGS, ,CI NAS 'DZIN PAR 'GYUR MA YIN, ,SHES GANG SMAS PA DE YANG TSIG TZAM DU ZAD DE, NGO SHES PA DE NI TSAD MA YIN NO ZHES BSTAN

PA'I PHYIR RO, ,GZHAN YANG NGO SHES PA NI DBANG PO LAS SKYES PA DANG MNGON SUM DU MA YIN TE, 'DI LTAR, SNGON MYONG DRAN LAS DE YI CHOS, ,SGRO 'DOGS MED PAR DE NYID NI, ,'DI ZHES BYA BAR SHES PA MED, ,DE YANG LTAR DBANG SKYES YIN, ,SNGON MYONG BA MED PAR NI MI DRAN LA, DRAN PA MED NA DE NYID 'DI YIN NO ZHES BYA BA DE LTA BU'I RANG BZHIN NI SHES PAR MI 'GYUR RO, ,NGO SHES PA NI DA LTAR MYONG BA LA NGON MYONG BAR GYUR PA DANG GCIG TU 'DZIN PA'I RANG BZHIN YIN LA, DRAN PA MED PA YANG SNGON GYI RANG BZHIN DU 'DZIN PA MA YIN NO, ,DRAN PA'I YUL GYI DON NI MNGON SUM GYI YUL MA YIN TE, GZHAN DU NA SNGON MYONG BA THAMS CAD MNGON SUM NYID DU 'GYUR BAS NA NGA LTAR GYI DBANG PO BYED PAS CI BYA, 'ON TE RGYAN ZHIG LA SNGON MTHONG BA MI DRAN PAR YANG 'GYUR BA DES NA DA LTAR GYI DBANG PO'I BYED PA LA LTOS PA YIN NO ZHE NA, GAL TE LTA NA DBANG PO'I BYED PA DE NYID DU 'GYUR MOD, YUL DU SONG BAS CI ZHIG BYA, ,YUL RUNG BA NYID MED PAS DBANG POS MI NUS SO ZHE NA, GAL TE DE LHA NA YUL GZHAN DU MTHONG BA LAS NGO SHES PA MED DO, ,YUL GZHAN DANG 'BREL PA DANG LDAN PA'I RANG BZHIN NI RUNG BA'I YUL NA GNAS PA MA YIN NO, ,YUL GNYI GA DANG 'BREL PA CAN NYID RUNG BA'I YUL NA GNAS PA YIN TE, DE'I PHYIR NYES PA 'DI MED DO ZHE NA, DRAN PA MED PA NYID DU CI STE MI RTOGS, 'O NA DRAN PA YANG DE NYID 'DI YIN NO ZHES BYA BAR JI LTAR 'GYUR, 'BREL PA YANG DRAN PA'I PHYIR SNGA MA DAG NYES PA MED DO ZHE NA, DO SHES PA TSAD MA MA YIN NO, ,'BREL PA MED PA YIN GYI 'BREL PA CAN NI MA YIN NO ZHE NA, 'O NA NI DE LA SNGON GYI YUL DANG DUS DANG 'BREL PA MED PAS DA LTAR BA KHO NA'I RANG BZHIN YIN PA'I PHYIR SNGA MA PHYI MA DAG THA DAD PA NYID DO, ,'ON TE DE NYID 'DI YIN NO ZHES RTOGS PA'I PHYIR THA DAD PA MA YIN NA NI DE NYID GANG GIS RTOGS ZHES DE NYID DPYOD PA MA YIN NAM, RTOGS PA TZAM TSAD MA MA YIN TE, DE LTA MA YIN NA MNGON SUM NYID SGRUB PAR BYED PA'I GAL GYI CI ZHIG BYA, GAL TE SNGON GYI DUS LA SOGS PA DANG MTSUNGS PAR RTOGS PA YANG, RTAG PA NYID YIN PAR BRJOD NA DON THAMS CAD RTAG PA NYID DU 'GYUR TE, DE'I TSE SKYES PA YANG NGO, ,DA LTA

, ,BA'I RANG BZHIN DU RTOGS PA NA YANG RTAG PA NYID DO, ,GAL TE SKAD CIG DE LA SKYES NA JI LTAR MI RTAG PA NYID YIN, GAL TE YANG SNGAR MA SKYES PA DE LTA NA YANG YOD PA NYID DO, ,MA SKYES PA JI LTAR YOD ZHIG PA YANG JI LTAR YOD CES RTZOD PA MTSUNGS SO, ,SNGA NA MED PA DANG ZHIG NAS MED PA DAG LA NI KHYAD PAR MED DO, ,KHYAD PAR NI 'DI YOD DE ZHIG PA NI DRAN PA YIN NO, ,SNGA MA BYUNG BA YANG SRID PA'I RJES SU DPAG PAS RTOGS SO, ,'BYUNG BA NYID DU RTOGS KYI SNGA MA NYID DU NI MA YIN NO, ,'BYUNG BAR 'GYUR BA NYID DU RTOGS PA ZHES BYA BAR 'GYUR BA'I MNGON NA SUM DU 'GYUR BA ZHES BYA BA MA YIN NAM, DES NA DE'I TSE MED PA PHYIS 'BYUNG NGO ZHES BYA BAR 'DOD NA, 'DI YANG MNGON SUM DU GYUR TO SHES SNGON DU BYUNG BA NYID DU RTOGS KYI, DA LTAR YOD DO ZHES BYA BA NI MA YIN NO, ,'GYUR MOD JI LTAR DA LTAR YANG YOD PA YIN NO ZHE NA, DA LTAR YANG YOD PA'I PHYIR DA LTAR YANG YOD PA YIN NO ZHE NA, 'O NA DBUS SU JI LTAR YOD CES BYA, ,DA LTA MNGON PAR NYID LAS TE, ,SNGAR MED PA NI DA LTAR DMIGS PA MA YIN NA, 'O NA 'DI MNGON SUM YIN NO, ,RJES SU DPAG PA YANG MA YIN TE, DE SNGON YOD PA NYID DANG 'BREL PA MA BZUNG BA'I PHYIR RO, ,BAR CHAD MED PAR MTHONG BA LA 'BREL PA 'DZIN TO ZHE NA MA YIN TE, BAR CHAD MED PAR MTHONG BA LA TSAD MA MED PA'I PHYIR RO, ,BAR CHAD ME DPAR NGAS MTHONG NGO ZHES BYA BA YANG DRAN PA LAS GZHAN PA'I TSAD MA NI MA YIN NO, ,DE NYID NGO SHE SPA YIN NO ZHE NA MA YIN TE, TSAD MA NYID GSAL BAR BYA BA YIN PA'I PHYIR RO, ,MI SLU BA'I PHYIR TSAD MA YIN NO ZHE NA, DE'I PHYIR MI SLU BA 'DI DON MED PA TZAM LA YIN TE, DON BYA BA MED PA YIN GYI DE NYID KYIS NI MA YIN TE, TSAD MA MED PA'I PHYIR RO, ,DE LTA MA YIN DE NYID DON, ,BYA BA DANG 'BREL PA'I PHYIR, ,DE NYID KYI TSE DON BYA BA NYAMS SU MYONG BAR 'GYUR RO, ,DON BYA BA MED PA'I PHYIR RO ZHE NA, DE NI JI LTAR BYA BA DANG 'BREL PA GZHAN DAG THA MI DANG PHYIS DE NYID LA DON BYA BA MYONG BA YIN NO ZHES BYA BA YANG MI 'THAD DE GANG GI PHYIR DE LA YANG DON BYA BA GZHAN MI SLU BA KHAS BLANG BAR BYA BA YIN LA, DE LA YANG GZHAN YIN LAS MTHAR THUG PA MED PAR MI 'GYUR RO, ,DE'I PHYIR NGO SHES PA TSAD MA YIN NO ZHES

BYA BA 'DI NI GNAS PA NYID DO, ,DE'I PHYIR PHYI MO 'DZIN PAR 'BAD PA'I PHYIR BAR MCHOD PA MED PAR RING PO LA SOGS PAR 'DZIN PAR 'DZIN PA MA YIN NO, ,'ON TE RNAM PAR SHES PA GCIG PAR SKYE BAR 'DOD NA DE YANG MI 'THAD DO 'DI LTAR, DON DANG SHES PA MYONG BA DAG ,GCIG PAR 'BYUNG BAR 'DOD MIN ZHING, ,DON DANG SHES PA'I BDAG NYID DAG ,SO SOR RTOGS PA'ANG YOD MA YIN, ,SHES PA CIG CAR MI SKYE BA NI YID KYI RTAGS YIN PA'I PHYIR ZHES SMRAS PA'I PHYIR RO, ,DON SNANG BA'I SHES PA DANG DON YANG GAR BA RTOGS PA YANG MA YIN TE, RANG GI RIG PA'I RANG BZHIN NYID DU PHYI ROL GYI SNGON PO LA SOGS PA NYID SNANG BAR RTOGS KYI, DE LA GZHAN YANG RTOGS PA NI MA YIN NO, ,'ON TE DE GNYIS KA RNAM PA GCIG NYID KYIS MA 'PHRIGS PA YIN TE, DPER NA BDE BA DANG DE RIG PA DAG BZHIN NO ZHE NA, DE YANG MI RUNG STE 'DI LTAR, DON DU SNANG BA'I RNAM SHES DANG, ,PHYIR ROL GYI DON 'BA' ZHIG NI, ,RNAM PA GCIG PHYIR GZUNG MIN TE, ,THA DAD MED PAR THAL PHYIR RO, ,GAL TE BDE BA LA SOGS PA DAG DANG DE'I BLO YANG RNAM PA GCIG NYID YIN NA DE'I TSE DE LA THA DAD PA MED PA NYID DO, ,THA DAD PAR SNANG BA MED PAR THA DAD PA MA YIN TE, BDE BA MYONG BA LA 'BA' ZHIG GO ZHES RIGS SO, ,DE BZHIN DU SNGON PO LA SOGS PA YANG NGO, ,DE'I PHYIR 'GRO BA 'DI NA BDE BA LA SOGS PA DANG SNGON PO LA SOGS PA LAS GZHAN RIG PA MED PA'I PHYIR NA BDE BA LA SOGS PA BZHIN DU SNGON PO LA SOGS PA YANG RANG RIG PA YIN NO ZHES RIGS PA 'DI NI GDON MI ZA'O, , 'ON TE 'DIR RIG PA GZHAN THA DAD PAR GSAL BA NYID DU RTOGS PA MED PA DE LTA NA YANG DE YOD PA NYID DE, DPER NA GZUGS LA SOGS PA NGES PA'I SNANG BA BZHIN NO ZHE NA, DE YANG MI RUNG STE, 'DI LTAR, LEGS PAR RTOGS PA'I KHYAD PAR GYIS, ,MYONG BA LEGS PAR RTOGS MED PA'I, ,DON DANG DON SHES DANG DE DAG ,PHYI NAS JI LTAR SO SOR DRAN, ,SNANG BA YANG GAL TE, DE LA THA DAD PAR 'DZIN PA'I TSAD MA 'GA' YANG MED NA THA DAD PA MED PA KHO NA'O, ,RIG PA DANG THA DAD PA MTSON PA YON NA THA DAD PAR BRTAGS PA YIN TE DE LTAR YANG MA YIN NO, ,DE'I PHYIR RIG PA NI THA DAD PA MA YIN

, ,NO; ,SNANG BA NI SNGON PO LAS THA DAD PAS RES 'GA' 'BAB ZHIG DMIGS PA YIN LA, 'GA' ZHIG NA GZUGS KYANG DMIGS PA YIN NO, ,DES NA DI LTAR GZUGS 'BA' ZHIG GAM SNANG BA 'BA' ZHIG GAM, SNANG BA DANG BCAS PA'I GZUGS YIN PA DE BZHIN DU; RNAM PAR SHES PA 'BA' ZHIG DANG, RIG PA DANG BCAS PA'I DON YIN PA'I PHYIR SNANG BA GNYIS SU 'GYUR RO, ,DON DANG DON GYI YID DAG NI, ,MYONG BAR RIM GYIS SKYE BA LA'ANG, ,SNANG BA SNA TSOGS PA NYID KYI, ,BRTZAD PA'I SKYON 'DI GDON PAR DKA', ,JI LTAR CIG CAR MYONG BA KHAS LEN PA LA DON DANG DON SNANG BA'I SNANG BA GNYIS SU THAL BAR 'GYUR RO ZHES BYA BA'I SKYON GDON PAR DKA' STE DE BZHIN DU RIM PA LA YANG NGO, ,'DI LTAR RE ZHIG DON RIG CING, ,DES NA DON SNANG RIG PA YIN, ,DON RIG PA NA DAG PA YI, ,RIM PA TZAM DU 'GYUR MA YIN, ,DON RIG PA RIG PA GZHAN GYIS RIG PA NA, ,DON RIG PA'I RANG BZHIN DU RIG PA YIN TE, DES NA DON GNYIS SU SNANG BAR THAL BA YIN NO, ,DE LTA MA YIN NA DE'I RIG PA GZHAN GYIS DON GYI RIG PA YIN NO ZHES JI LTAR RIGS, DE'I PHYIR DUS PHYIS KYANG DON SNANG BAR MI 'GYUR NA, DE LTA YANG MA YIN NO, ,'DI LTAR SNGON PO LA SOGS PA'I, , RNAM PA GCIG NYID NYAMS MYONG GCIG ,RTOGS KYI SNGON POR SNANG BA NI, ,MYONG LA MYONG BA GZHAN MA YIN, ,'DI LTAR RNAM PAR DPYAD PAR BYA STE, CI NYES PA 'DI SHES PA CIG CAR BA'I PHYOGS SAM RIM GYIS PA'I PHYOGS LA YIN, GAL TE CIG CAR BA YIN NA, DE NI MI RUNG STE, CIG CAR NI SNGON PO'I RNAM PA DANG RIM PA GNYIS MYONG BA MED DO, ,'ON TE RIM GYIS MA YIN NA DE'I TSE YANG RIM PA TZAM PHYIS DRAN PAS RTOGS PA MA YIN TE, SNGON PO DANG BCAS PA NYID DU RTOGS PA'I PHYIR RO, ,DES NA SKYON 'DI NI MA YIN NO ZHE NA, MA YIN PA YANG YIN TE, 'DI'I DON 'DI YIN NO, ,SNGON PO LA SOGS PA'I RNAM PA MYONG BA DANG GCIG PA NYID DAM, SNGON PO SNGON PO LA SOGS PA'I RNAM PA DANG GCIG YIN GYI, SNGON PO LA SOGS PA SNANG BA'I MYONG BA LA DON LAS MA RTOGS PA'I MYONG BA GZHAN NI RTOGS PA MA YIN NO ZHES BYA BA YIN NO, ,YANG NA SNGON PO LA SOGS PA'I RNAM PA GCIG DANG BDE

BA MYONG BA'I RANG BZHIN GCIG RIG GI BDE BA LA SOGS PA RIG PA LA 'DZIN PAR BYED PA GZHAN NI MA YIN TE, DE LA YANG GZHAN DGOS PAS THUG PA MED PAS RIG PA MYONG BA MTHA' MED PAR 'GYUR RO, ,DE NI SKABS NYID LA 'JUG PAR BYA'O, ,SHES PA GZHAN GYIS RJES MYONG BA, ,'GYUR BA DE LA'ANG DRAN PA MTHONG, ,DE NI GANG GIS MYONG BA YIN, ,GAL TE DE YANG GZHAN GYIS NA, ,SHES RIG 'BREL PA RJES 'BREL CAN, ,'DI SKYED DE NI GANG ZHIG YIN, ,GAL TE SHES PA SHES PA GZHAN GYIS MYONG BA YIN NO, DE JI LTAR RTOGS PAR BYA, DER YANG DRAN PA MYONG BA'I PHYIR RO, ,'ON TE SHES PA GZHAN GYIS RIG PA YIN TE, DE YANG DRAN PA NYID TSAD MA YIN NO, ,DE'I TSE SHES PA DANG DE RIG PA RNAMS KYIS 'BREL PA RJES SU 'BREL PA DANG LDAN PA 'DI SKYED PAR BYED PA'I RGYU GANG YIN, GAL TE SNGA BLO DE NYID NA, ,YUL GZHAN LA NI 'PHO MI 'GYUR, ,PHYI MA PHYI MAS SNGA MA NYID 'DZIN GYI, SNGON PO LA SOGS PA'I YUL NI MA YIN PAS DE 'DZIN PA NYID DU MI 'GYUR BA KHO NA'O, ,'DI LTAR, GZUNG BA'I MTSAN NYID KYIR GYUR PA, ,NYES PA SKYED BYED BLO DE DAG ,MI 'DZIN PAR NI SHES PHYI MA, ,JI LTAR GZHAN NI 'DZIN PAR 'GYUR, ,BDAG LA SHES SKYED RANG BZHIN DU, ,NGES PA'I NANG GI YAN LAG NI; ,DE DAG NI GZHAN PHYI MA YI, ,YAN LAG GANG GI GEGS BYED 'GYUR, ,GAL TE BLO RANG NYID RIG PA'I RANG BZHIN DU GYUR PAS DON 'DZIN NA NI DE'I PHYIR JI LTAR NYES PA'I DON 'DZIN PA'I PHYIR YUL GZHAN LA 'PHO BAR 'GYUR RO, ,GANG GI TSE BLO BLO GZHAN GYIS 'DZIN PA DE'I TSE NI SHES PA SNGA MA BLO PHYI MAS GZUNG BA'I MTSAN NYID DU GYUR CING, NYE BAR GNAS PA DE MI 'DZIN PAR SNGON PO LA SOGS PAR 'DZIN PAR JI LTAR 'GYUR, BDAG DANG 'BREL PA NYID KYIS NYE BAR GYUR PA'I GZUNG BAR BYA BA BOR NAS GNAS GZHAN 'DZIN PAR NUS PA NI 'THAD PA MA YIN NO, ,'ON TE PHYI ROL NYE BAR GNAS PA DE GEGS BYED PA YIN PA'I PHYIR YUL GZHAN 'PHO BA YIN NO ZHE NA, DE NI MI RUNG STE, 'DI LTAR, PHYI ROL DON NI NYE BAS KYANG, ,DE LA GSAL BYED NUS MA YIN, ,GZHAN DU YUL DU NYE BA NA, ,'GA' YANG BLO MYONG MI 'GYUR RO, ,DE LTA YIN DANG DRAN PA MED PAR 'GYUR RO, ,'ON TE GEGS

, ,BYED PA MED PA CAN MYONG BA CAN YIN NO ZHE NA, DE NI MI BDEN TE, 'DI LTAR, DON DE MIN PA'I GNAS SKABS 'GA', ,YOD MIN DAS NA RTZA BA NI, ,MED NA BLO YI DRAN PA YANG, ,MED PHYIR 'DOD PA AA RE MTSAR, ,DON CES BYA BA DRAN PA TZAM DU 'GYUR GYI NYAMS SU MYONG NGO ZHES BYA BA NI MA YIN TE, 'ON TE DON GYIS GO BAS NA NYAMS SU MYONG BA'I DON GYIS RANG GI MYONG BA RTOGS PA YIN NO ZHE NA, DE YANG MI RUNG STE, GANG GI TSE DON MYONG BA NYID MED PAR GYUR PA DE'I TSE, DON GYIS GO BA YANG NGO, ,GANG GI TSE DON GYIS GO BA YANG DON GYIS GO BA GZHAN YIN PA'I PHYIR THUG PA MED PA NYID DO; ,DE'I PHYIR MYONG BA NYAMS SU MYONG BAR GYUR PA DRAN PA YIN GYI GZHAN NI MA YIN NO, ,DE'I PHYIR DON GYIS GEGS BYED PA'I PHYIR NYAMS SU MYONG BA MED CING DRAN PA YANG MED PAR 'GYUR RO, ,YOD TZAM LAS KYANG DON MYONG BA MA YIN NO, ,DBANG PO DANG 'BREL PAS SO ZHE NA, DE YANG GANG LAS RTOGS PAR BYA, ,DBANG PO DANG 'BREL PA GZHAN LAS SO ZHE NA THUG PA MED DO, ,'DAS SOGS RNAM RTOG GANG DAG LA, ,DON NYE BA NI YOD MIN LA, ,'PHO BA'I RGYU NI MED PA'I PHYIR, ,DON LA DPYOD PAR MI SRID 'GYUR, ,'DAS PA LA SOGS PA'I RNAM PAR RTOG PA RNAMS NI DBANG PO DANG 'BREL PA MA YIN TE, DES NA JI LTAR NYAMS SU MYONG BA NYID DU NGES, ,DE'I PHYIR DON LA SEMS PAR MI 'GYUR GYI, ,SEMS PA LA SOGS PA SEMS PAS THUG PA MED PAR 'GYUR RO, ,'ON TE DER YANG YUL DANG DUS GZHAN GYI BDAG NYID CAN GYI DON YOD PA YIN NO ZHE NA, 'O NA NI DE'I TSE THAMS CAD DU GEGS BYED PAR 'GYUR BA YIN LA DE LTA YIN DANG 'PHO BAR MI 'PHO BAR 'GYUR BA KHO NA STE, DE NYID KYIS BZLOG PA'I PHYIR RO, ,DBANG PO'I RNAM PAR SHES PA LA NI DON NYE BAR GNAS PA NYID GEGS BYED PA YIN TE, DES NA BLO DANG DES RIG PA DAG RGYUN RNAM PAR 'CHAD PAR 'GYUR LA RES 'GA' BA NI DE LTA MA YIN PAR 'GYUR GYI, DPYOD PA'I RGYUN LA NI DON CHAD PA YANG YUL YIN PA'I PHYIR GTAN DU GEGS BYED PA YOD PAS NA, DER DON NYID RIG PAR 'GYUR GYI RIG PA MA YIN PA'I PHYIR RIG PA DRAN PAR MI 'GYUR RO, ,'ON TE GEGS BYED PA MA YIN NA, DE LTA YIN NA SEMS PA SEMS PA LA SOGS

PA'I RGYUN RIG PA NYID DU 'GYUR BAS DON LA SEMS PA MI SRID PAR 'GYUR RO, ,'ON TE YANG GANG GIS BDAG LA SHES PA SKYED PAR BYED PA NUS PA 'GA' ZHIG YOD PA YIN LA DE RIM GYIS ZAD PAR GYUR PAS NA, YUL GZHAN LA 'PHO BAR 'GYUR BA YIN NO ZHE NA, DE YANG MI RIGS TE 'DI LTAR, GAL TE BDAG LA SHES SKYED PA'I, ,NUS PA RIM GYIS ZAD PA NA, ,YUL GZHAN LA NI 'PHO 'GYUR NA, ,DON BLO DE NYID GANG LAS YIN, ,GAL TE BLO SNGA MA BLO 'DZIN PA LA NUS PA MED PA YIN NA NUS PA DANG BRAL BAS NA YUL GZHAN LA 'PHO BAR 'DOD PA'I DON GYI BLO DE NYID MED PAR 'GYUR RO, ,NUS PA SKYED PAR BYED PA YIN GYI MI NUS PA NI MA YIN NO, ,DE'I PHYIR, SNGAR GYI BLO NI NUS ZAD NA, ,DON LA 'PHO BAR MI 'GYUR TE, ,'DI LTAR, BLO SNGON MED PAR BLO MA YIN, ,CI'I PHYIR ZHE NA, DON GZHAN CHAGS ZHES NUS NYAMS NA, ,SHES PA SKYO BA MA RTOGS PHYIR, ,GAL TE BLO SNGA MA RGYU NYID MA YIN NO DON GZHAN LA CHAGS PAS NUS PA NYAMS KYANG BLO GNAS SKYES PAR 'GYUR TE, RGYU MA YIN NA MI MTHUN PA'AM MI MTHUN PA MA YIN YANG RUNG STE, GZHAN THOB PA'AM CIG SHOS KYANG MED PA MA YIN NO, ,DES NA BLO SNGA MA RGYU NYID YIN PAS DE NUS PA MED PA'I PHYIR DON GYI BLOR MI 'GYUR BAS NA YUL GZHAN LA 'PHO BA SHIN TU YANG MED PAR GSAL LO, ,'O NA NI GANG ZHIG RNAM PAR SHES PA 'JUG PA'I RNAM PAR SHES PA THAMS CAD SKYED PAR BYED PA YIN NA DE'I LTAR NA RNAM PA SHES PA SNGA MA RGYU MA YIN PA NYID DE KUN GZHI'I RNAM PAR SHES PA DE NYID LAS CIG CAR 'JUG PA'I RNAM PAR SHES PA SKYE BA'I PHYIR RO, ,DES NA NGED LA YANG RGYU MA YIN NO, ,'JUG PA'I RNAM PAR SHES PA SNGA MA'I RGYU YIN NA NI 'BRAS BU DE YOD PA DANG MED PA'I RJES SU 'GRO BA DANG LDOG PA'I RJES SU BYED PA'I PHYIR KUN GZHI RNAM PAR SHES PA RGYU MA YIN PAR 'GYUR RO ZHE NA, 'DI LA BSHAD PA, CIG CAR RIGS MI MTHUN SKYE YANG, ,SHIN TU GSAL BA'I SEMS GCIG GIS, ,NUS PA NYAMS PAR BYAS PA'I PHYIR, ,KUN GZHI LAS GZHAN 'BYUNG BA YIN, ,GANG ZHIG KUN GZHI RNAM PAR SHES PA RGYU MA YIN PA DE'I LTAR NA, GANG LAS RES 'GA' CIG CAR RIGS MI MTHUN PA'I RNAM PAR SHES PA SKYE YANG 'JUG PA'I RNAM PAR SHES PA DON GZHAN

, ,LA CHAGS PAS MI MTHUN PAR GYUR PA SHIN TU GSAL BA GCIG GIS MI MTHUN PAR BYA BA'I PHYIR YANG KUN GZHI LAS GZHAN 'BYUNG BA MA YIN NO, ,DES NA DER YANG NYID MTSUNGS PA DE MA THAG PA'I RKYEN YIN NO, ,'O NA DE NYID LAS MTHUN PA DANG MI MTHUN PA'I RNAM PAR SHES PA MI SKYE BA YIN PA'I PHYIR KUN GZHI'I RNAM PAR SHES PAS CI ZHIG BYA ZHE NA, KUN GZHI RNAM PAR SHES PA BSAM PA 'DI ZHOG CIG ,YANG NA DE'I BAG CHAGS KYI GZHI KUN BRTAGS PA YIN PA'I PHYIR NYES PA MED DO, ,GAL TE RNAM PAR SHES PA SNGA MA RGYUR MI 'DOD NA NI DE'I TSE, DE LTA MIN NA YID 'JUG NI, ,MTSUNGS LA YID GZHAN LTOS MI 'GYUR, ,GAL TE RGYU YIN NA SNGA MA'I YID 'JUG PAR MTSUNGS PA LA NI YID PHYI MA LTOS PAR 'GYUR TE, RGYU MA YIN PA NI LTOS PAR BYA BA NYID DU 'THAD PA'I PHYIR RO, ,DES NA LTOS PA'I PHYIR 'DI NI RGYU NYID DO ZHES BYA BA NI RIGS PA DANG LDAN PA'I NGES PA YIN NO, ,GZHAN YANG, YID SHES RIM BZHIN SKYE BAS KYANG, ,LTOS PA RAB TU GRUB PA YIN, ,YID KYI RNAM PA SHES PA'I RGYU NI MTSUNGS PA DE MA THAG PA'I RKYEN TZAM NYID RGYU YIN NO, ,DE YANG RGYU MA YIN NA NI RGYU MED PA CAN YIN PA'I PHYIR CIG CAR SKYE BAR 'GYUR RO, , DE'I PHYIR SHES PA PHYI MA NI SHES PA SNGA MA'I RGYU CAN NYID YIN PAS NA, RNAM PAR SHES PA SNGA MA'I NUS PA MED NA 'GA' YANG MED PAR 'GYUR, ,YID GCIG YIN PHYIR GZHAN LA NI, ,CHAGS PA GZHAN LAS MI 'GRO PHYIR, ,SHES GZHAN MI SKYE ZHE NA MIN, ,LA LAR CIG CAR 'BYUNG PHYIR RO, ,GAL TE YID NI GCIG NYID DO, ,DE LA YANG GZHAN DU SONG BAS GZHAN DU MI 'GRO BA'I PHYIR RNAMS PAR SHES PA SNGA MA NI RGYU MA YIN PA NYID DO ZHE NA, DE YANG MI RIGS TE, 'DI LTAR YID DE YANG RNAM PAR SHES PA SNGA MA NYID YIN TE, DE LAS GZHAN TSAD MA GRUB PA NI MA YIN NO, ,DE'I RNAM PAR SHES PA CIG CAR MI SKYE BAS BSGRUB PAR BYA BA YIN LA, DE YANG RNAM PAR SHES PA SNGA MAS GZHAN LA CHAGS PAS MI MTHUN PAR 'GYUR BA NYID LAS YIN NO, ,LHAN CIG SKYES PA YANG RES 'GA' DMIGS SO, ,'JUG PA MTSUNGS LA'ANG MTSUNGS PA'I PHYIR, ,THAMS CAD TSE GZHAN RTOGS MI 'GYUR, ,GANG

ZHIG YID GCIG PAS BYAS PAS, ,RNAM PAR SHES PA GZHAN MI SKYE BA DE'I LTAR NA MTSUNGS PAR 'JUG PA DANG GZHAN DU RUNG STE, THAMS CAD KYI TSE MI SKYE BAR 'GYUR RO, ,NGED KYI LTAR NA NI MNYAM PAR 'JUG PA LA NI SKYEL, GZHAN DU NI MI SKYE BA'I PHYIR CUNG ZAD KYANG 'GAL BA MED DO, ,YID MED PAR RIM PAR JI LTAR 'GYUR ZHE NA RNAM PAR SHES PA MI MTHUN PAR GYUR PA'I PHYIR RO ZHES BSHAD ZIN TO, ,BDAG YID LDAN PA TZAM LAS NI, ,SKYE BA GCIG KYANG SKYE BAR 'GYUR, ,GANG LA RIM GYIS 'GYUR BA DE LA NI YUL GZHAN RTOGS PA YOD PA MA YIN NO, ,BDE BA LA SOGS PA'I 'KHOR LO NI BDAG DANG YID 'BREL PA TZAM LAS SKYES PA YIN PA'I PHYIR RO ZHES BSTAN PA YIN NO, ,'ON TE YID GCIG NYID YIN PA'I PHYIR NA BLO'I BYA BA GCIG BYED PAR 'GYUR NA, DE NI MI RUNG STE, 'DI LTAR, GCIG LAS BYA BA GCIG YIN NA'ANG, ,JI LTAR MAR ME DU MAS MTHONG, ,JI LTAR MAR ME GCIG GIS KYANG MTHONG BA DU MA SKYED PA DE BZHIN DU YID KYANG 'GYUR RO, ,'ON TE LTA BA PO DU MA'I DBANG GIS SO ZHE NA, 'DI LA YANG BZUNG BA DU MA'I DBANG GIS YIN PAR MTSUNGS SO, ,YID NI RGYU YANG MA YIN TE, BAG CHAGS LAS NGES PA'I PHYIR RNAM PAR SHES PA DE LTA BUR GYUR PA YIN NO, ,YID NI RTAG PA'I PHYIR; RIM GYIS KYANG NUS MED 'GYUR TE, ,PHYIS KYANG BYE BRAG MED PHYIR RO, ,RTAG PA NI 'GAGS KYANG KHYAD PAR DU 'GYUR BA MA YIN TE, KHYAD PAR DE NYID DANG GZHAN MI RUNG BA'I PHYIR RO, ,GANG GI PHYIR, DE BDAG KHYAD PAR 'GYUR BA YIN, ,GAL TE GZHAN NA DE CI YIN, ,DE DANG 'BREL NA'ANG 'DI DE YIN; ,MI 'GYUR RANG BZHIN GCIG PA NYID, ,'DI LUS SKYES BU BSHAD PA YIN, ,GANG DAG LUS DANG SKYES BU DAG GCIG YIN PA'I PHYIR BYA BA GCIG KHO NA'O SNYAM DU SEMS PA DE YANG, CI'I PHYIR MAR ME DU MA YOD, ,RIM GYIS KYANG NI MED 'GYUR TE, ,PHYIS KYANG BYE BRAG MED PHYIR RO, ,ZHES BYA BA 'DIS RTOGS PA NYID DO, ,'ON TE DE KHYAD PAR YOD PA YIN NA, ,DE'I TSE NUS PA KHYAD PAR CAN DANG LDAN PA'I RNAM PAR SHES PA DE NYID DE'I RIM PA'I PHYIR LUS DANG SKYES BU DAG RGYU DAG NYID DU KHAS LEN PA NI MED DO, ,GAL TE 'DU BYED LAS NGES NA, ,DE PHYIS GANG LAS BLO NYID LAS, ,ZHE NA YIN

, ,MOD 'DOD PA NYID, ,'DU BYED KYANG GNAS PA NYID PAS DE LAS NGES PA MA YIN NO, ,'ON TE PHYIS SKYE NA DE LAS SHES PA LAS SKYES PA'I RGYU 'DU BYED YIN PA'I PHYIR BLO NYID LAS 'DU BYED YIN NO, ,GAL TE DE LTAR NA 'DI BDAG CAG GI 'DOD PA NYID YIN NO, ,BLOS SKYES PA'I 'DU BYED NI BAG CHAGS ZHES BYA BA'I MING GI RNAM GRANGS CAN YIN TE, DES NA NGES PA'I BLO SNGA MA NYID LAS TE, GZHAN YANG TSAD MA MED PA'I PHYIR RO, ,BLO LAS MA GTOGS PA'I BAG CHAGS ZHES BYA BA'I BAG CHAGS ZHES BYA BA NI YIN NO, ,'ON TE YANG SHES PA GZHAN NI SKYED BYED TZAM DU ZAD KYI GZUNG BA NI MA YIN NO, ,DES NA BLO SNGA MA SKYED PAR BYED PA YIN YANG GZUNG BA MA YIN TE, DE'I PHYIR YUL GZHAN LA 'PHO BA YIN NO ZHE NA, DE NI MI BDEN TE, 'DI LTAR, GZUNG LA GZUNG NYID SKYED BYED PAS, ,GZHAN MIN SKYED BYED NYID MTSAN NYID, ,GZUNG BAR BYA BA'I DNGOS PO LA NI SHES PA SKYED PAR BYED PA NYID GZUNG BA'I MTSAN NYID YIN NO, ,'DI LTAR, SNANG BA GZUNG YIN MA YIN MIN, ,CHA MED PA LA'ANG PHRA SOGS MED, ,SNANG BA NI NAM YANG GZUNG BA MA YIN PAR RNAM PAR SHES PA SKYED PAR BYED PA MI SRID DO, ,THAMS CAD KYANG GZUNG BAR BYA BA NYID DE, DE LTA BU NYID DU MTHONG BA YIN NO; ,'ON TE SNANG BA NI CHA SHAS DANG BCAS PA YIN PA'I PHYIR, PHA ROL GYI CHA LA SOGS PA SKYED BYED YIN YANG GZUNG BA MA YIN GYI, CHA MED PA'I RNAM PAR SHES PA NI MA YIN TE, CHA MED PA NYID KYI PHYIR RO, ,SNANG BA NI CHA DANG BCAS PA'I PHYIR RO DE LTAR 'THAD DO, ,GZUNG BA'I NUS PA NYAMS 'GYUR GYI; ,SKYED BYED BDAG NYID GZHAN MIN NA, ,DE NI MI RIGS TE 'DI LTAR, GZUNG BA'I MTSAN NYID CAN LA NI, ,GZUNG LAS SKYED BYED GZHAN MED DE, ,GZUNGS SOGS DE LTAR MIN PAR NI, ,BLO LA DNGOS SU PHAN 'DOGS MED, ,GZUNG BA NI BRGYUD PAS NI GZUNG BA MA YIN PAR BLO LA 'DOGS PAR 'GYUR GYI, DNGOS SU NI MA YIN PAR PHAN 'DOGS PA MI SRID PAS SKYED PAR BYED PA'I BLO NI GZUNG BA NYID DO, ,GZUNG BA'I MTSAN NYID LAS 'DI YIS, ,DE DNGOS NGES PA GZHAN CI YOD, ,BLO LA'ANG DE YOD DE YI PHYIR, ,DE YANG DE NYID DU RNAM GNAS, ,ZHES BYA BA NI BAR SKABS KYI TSIGS SU

BCAD PA'O, ,DE'I PHYIR BLO NI GZUNG BA MA YIN PA MA YIN NO, ,GANG GI PHYIR, 'DZIN PA YI NI NYER LEN DANG, ,MYONG BA SEMS KYI GZUNG MTSAN NYID, ,SEMS KYI GZUNG BA NYID NI 'DZIN PA'I RNAM PAR SHES PA'I NYE BAR LEN PA'I DNGOS PO DANG, MYONG BA NYID YIN NA NI 'DIR GZHAN PHRA BA NYID LA SOGS PAS GZUNG BA MA YIN PA NI MA YIN NO, ,GAL TE NYE BAR LEN PA'I DNGOS PO NYID GZUNG BA YIN NA, NYE BAR LEN PA'I DNGOS PO DE YANG RANG GI BLO NYID YIN NO, ,DE LTA MA YIN NA GZHAN GYI BLO YANG RIG PAR THAL BAR 'GYUR RO, ,GZHAN GYI SEMS MI 'DZIN PA NI NYE BAR LEN PA'I DNGOS PO MA YIN PA'I PHYIR RO, , GZUGS LA SOGS PA NI RGYANG RING BA DANG PHRA BA LA SOGS PA'I NGO BOS MI 'DZIN PA LA DBANG PO'I RNAM PAR SHES PA'I NYE BAR LEN PA MA YIN PA'I PHYIR RO ZHES BYA BA'I YUL RNAM PAR DBYE BA'O, ,GAL TE BLO YANG GZUNG BA MA YIN NA DE YANG MIG LA SOGS PA BZHIN DU GZUNG BA NYID DU MI 'GYUR BA KHO NA'O, , 'ON TE BLO NI DON GO BAS RTOGS PA DES NA DRAN PA YIN NO ZHE NA, DE NI MI 'THAD DE, THAMS CAD DU DON GYIS GO BA MED PA'I PHYIR RO, ,GANG TSE KA BA BUM PA LA SOGS PA, ,BRTAD DANG BCAS PAS 'GRANG BYED PA, ,DE TSE SPROS NI RAB MANG BAS, ,DON GYIS BO BA SKYE MI 'GYUR, ,RING BA DANG BCAS PAS 'BRANG BA DE LA NI DON GYIS GO BA SKYE BA MA YIN NO, ,'ON TE DER YANG DON GYIS GO BAR 'JUG PA YIN NO, ,ZHE NA MA YIN TE, 'JUG PA RTOGS PA MED PA'I PHYIR RO, ,DON GO YOD PA'I DNGOS PO NI, ,THA DAD PA YI RTOGS PAR 'GYUR, ,'DI NI DON DAM DON RIG GAM, ,'ON TE GNYI GA LAS SKYES 'GRANG, ,RE ZHIG DON LAS MIN DON LAS, ,BLO RNAMS THAMS CAD RTOGS PAR 'GYUR, ,DON RTOGS LAS KYANG NGA YI ZHES, ,DE LTAR DON BLO RTOGS MI 'GYUR, ,DE NYID GNYI GA NI, LAS KYANG RTOGS PA 'GRUB MA YIN, ,DE YI PHYIR NA RANG RIG PA, ,NYID PHYIR BDAG NYID RIG PAR GNAS; ,GAL TE DON NYID LAS RANG RIG PA RTOGS PA YIN NA RIG TZAM RTOGS PAR 'GYUR GYI, BDAG GI RIG PA NI MA YIN NO, ,'ON TE DON RIG PA LAS YIN NO ZHE NA, DON RIG PA DE NYID DON GYIS GO BAS RTOGS PA MA YIN NAM, DE NYID LAS DON GYIS GO BAR JI LTAR 'GYUR TE, PHAN TSUN RTEN PA'I

, ,NYES PAR THAL BA'I PHYIR RO, ,GANG GI PHYIR MA MTHONG BA'I DON RTOGS PA NI DON GYIS GO BA YIN NA, DON MYONG BA YANG MTHONG BA BA MA YIN PA DES NA GANG LAS DON GYIS GO BAR 'GYUR, DE NYID KYI PHYIR GNYI GA MTHONG BA MED DE, GCIG MTHONG NA NI GNYI GA MTHONG BA MA YIN NO, ,DE'I RIG PA NI RANG RIG PA KHO NA STE, DE LTA MA YIN NA MI GRUB PA'I PHYIR RO, ,DES NA GZHAN GYI MNGON SUM GYI BDAG NYID KYI BLO GZHAN GYI RIG PA YIN NA ZHES KHAS BLANGS PA DE LA SNGAR GYIS BLO THAMS CAD 'DZIN PAS YUL GZHAN LA PHO BAR MI 'GYUR RO, GAL TE NYE BAR LEN PA NYID KYIS BLO RIG PA YIN LA, PHRA BA LA SOGS PA MA YIN PAS GZUGS LA SOGS PA YIN NA DE'I TSE RNAL 'BYOR PA RNAMS KYI GZHAN GYI BLO DANG GZUGS LA SOGS PA RIG PA JI LTAR YIN ZHE NA, 'DI NI SKYON MED DE 'DI LTAR, GZUNGS SOGS DANG NI SEMS DE LTAR, , GZUNG BA'I MTSAN NYID DPYOD PA 'DI, ,MA DAG BLO CAN MA YIN GYI, ,RNAL 'BYOR RTOGS PA BSAM MI KHYAB, ,RNAL 'BYOR PA RNAMS RING PO DANG THUNG DU DANG PHRA MO DANG, GZHAN GYI SEMS RIG PA JI LTAR ZHES BYA BA 'DI NI DE LTAR BSAM PAR BYA BA MA YIN TE, GZUNG BA'I MTSAN NYID NI BDAG CAG GIS TSU ROL MTHONG BA RNAMS LA BLTAS TE BSHAD PA YIN NO, ,BLO'I RGYUD YONGS SU DAG PA'I RNAL 'BYOR BA RNAMS LA JI LTAR ZHES BYA BA'I BSAM PA 'DIS CI ZHIG BYA, DE'I PHYIR 'DI NI GZHAG PAR BYA BA YIN NO, ,'DI JI LTAR YIN PA DE LTAR YANG CHA TZAM ZHIG BSHAD ZIN TO, ,GAL TE BDAG GI BLO 'DZIN NA RTAG TU BAR 'GYUR RO ZHES BYA BA 'DI GA LAS YIN, 'DZIN PA MA YIN NO ZHES BYA BAR NI YUL GZHAN LA 'PHO BA NYID LAS RTOGS PA YIN NO ZHE NA, DE YANG MI RIGS TE, 'DI LTAR, DE LA PHRA SOGS NGO BO YIS, ,GZUNG BA GZUNG MIN NYID 'GYUR NA, ,GZUGS SOGS BLO LA SNGAR MED GANG, ,PHYIS SKYES PA NI CI ZHIG YOD, ,DE LA GANG SNGON MED PA PHRA MO LA SOGS PA'I NGO BO NYID NI YOD PA MA YIN NO, ,GAL TE YUL NI KHYAD MED KYANG, ,'DZIN PA BYE BRAG YOD 'GYUR NA, ,'ON TE DE RGYU CAN MIN PA, ,DE NA RNAM DBYER LDAN MI 'GYUR, ,DE PHYIR RANG BLO 'DZIN 'GYUR NA, ,

DE MA THAG PA'I RGYU YIS NI, ,GANG YIN DE NYID 'DZIN 'GYUR BA, ,DES NA DON GZHAN RTOGS MI 'GYUR, ,ZHES BYA BA NI BAR SKABS KYI TSIGS SU BCAD PA'O, ,GAL TE RGYU NYID GZUNG BA YIN NO ZHES BYA BA 'DI MI RIGS PA MA YIN NAM, DNGOS PO RNAMS NI NUS PA DU MA CAN YIN PA'I PHYIR RO, , DES NA GANG ZHIG YUL GZHAN LA 'PHO BA'I DUS MED PA'I GZUNG BA'I NUS PA YANG GZHAN YIN LA, GANG GI MTHUS DON GYI RNAM PAR SHES PA PHYI MA SKYE BA SKYED PAR BYED PA TZAM GYIS NUS PA YANG GZHAN YIN NO, ,DNGOS PO RNAMS NUS PA DU MA DANG LDAN PA NYID KYANG 'BRAS BU DU MA SKYE BA NYID LAS NGES PA YIN TE, GZHAN DU MA 'BRAS BU SNA TSOGS SKYE BAR MI 'GYUR RO ZHE NA, DE YANG GYI NA STE, 'DI LTAR, NUS PA DU MA GCIG BYED KYANG, ,DNGOS RNAMS NGO BO NYID KYI 'BRAS, ,GCIG DANG DU MA BYED CES BRJOD, 'DI NI RANG GI RGYU LA RAG LAS PA SKYE BA'I DNGOS PO RNAMS KYI RANG BZHIN YIN TE, 'DI JI LTAR ZHES BRGAL ZHING BRTAG PAR 'OS PA NI MA YIN NO, ,RANG GI RGYU LA SO SOR NGES PA SKYE BAR 'GYUR PA DE SUS DGAG TU YOD, DE LTA MA YIN NA NUS PA NI 'DRA BA YANG GA LAS SHES DE YANG BRGAL ZHING BRTAG PA LA MI GROL LO, ,RANG GI RGYU LAS SHE NA, DA NI 'DIS CI ZHIG BYA, RANG BZHIN NYID KYIS CHOG MOD DNGOS PO GZHAN BRTAG PAS CI ZHIG BYA, GAL TE NUS PA NGES PA RANG GI RGYU DANG 'BREL PA YIN NI ZHES 'JIG RTEN NA GRAGS PA MA YIN NAM GRAGS PA 'DI NI YOD NA NUS PA GZHAN DU GRAGS PA NI MED DO, ,RANG GI NGO BOR GYUR PA'I CHOS THA DAD BAR SGRO BTAGS PA TZAM GYIS DE LTAR RTOGS PA'I PHYIR RO, ,'DI JI LTAR ZHE NA, NUS PA LA YANG NUS PA'I BLO GZHAN MTHONG BA'I PHYIR RO, ,'DI LTAR GAL TE DNGOS PO NUS PA DANG LDAN PHYIR 'BRAS BU RGYU YIN NA, NUS PA'I NUS PA'ANG GA LAS SHES, ,CI'I PHYIR NA RTOGS MI 'DOD, ,DE'I PHYIR NUS PA NI RTOGS PA TZAM DU ZAD DE, GZHAN GSAL BAS RNAM PAR GZHAG PA YIN PA'I PHYIR RO, ,GAL TE NUS PA MED NA GCIG LAS DU MAR 'GYUR BA'I DNGOS PO JI LTAR 'BYUNG, NUS PA THA DAD PA YOD PAS NI 'BYUNG BA ZHES BYA BAR RIGS PA YIN NO, ,'DIR BSHAD PA, GAL TE GCIG LAS DU MA YIN, ,MA YIN 'GA' ZHIG GCIG LAS GCIG ,'BRAS

, ,BU TSOGS PA DAG LAS 'BYUNG, ,GCIG KYANG TSOGS PA GNYIS 'GYUR PHYIR, ,DE NI DU MA BYED CES BRJOD, ,'BRAS BU 'BYUNG BA PHAL CHER TSOGS PA LAS BYUNG BA YIN NO, ,'GA' ZHIG NI GCIG LAS GCIG SKYE'O, ,DE LTAR DU MA LAS DU MA DANG, GCIG LAS KYANG DU MA YIN TE, GANG GI TSOGS PA CI 'DRA BA DE NYID LAS GCIG GAM DU MA DER 'GYUR BA YIN TE, PHAL CHER NI TSUL DE LTA BU NYID YIN NO, ,'DI LTAR GANG GIS 'BRAS BU GCIG GAM DU MA SKYES PAR BYED GCIG GAM DU MA DE LTA BUR GYUR PA DE NI RGYU NYID LAS GYUR PA YIN NO, ,'GA' ZHIG TU NUS PA'I DBYE BA YANG DOGS PA MA YIN NAM ZHE NA, NUS PA YANG DE LA PHAN PA'I RTEN PAS NA DE DAG DE'I ZHES BRJOD PA YIN NO, ,GZHAN DU NI MA YIN TE, DE'I TSE DE DAG DON GZHAN NYID DU 'GYUR RO, ,DON GZHAN NYID YIN YANG DE LTAR MTHONG BAR THAL BA YIN NO, ,YANG NA LAS GCIG BYUNG BA GANG YIN PA NI 'GA' YANG MED DO, ,TSOGS PA NYID LAS 'BRAS BU DU MA SKYES PA YIN NO, ,'O NA JI LTAR GCIG GIS DU MA BYUNG ZHES BRJOD CE NA, GCIG TSOGS PA GNYIS KYI NANG DU CHUD PAS 'BRAS BU DU MA SKYED PAR BYED PA'I PHYIR NA DE SKAD BRJOD DE, DPER NA MAR ME GCIG NYID SKYES BU DU MA LA MTSUNGS PA DE MA THAG PA'I TSOGS PA DU MA DANG 'BREL PA'I PHYIR MTHONG BA DU MA BSKYED PA BZHIN NO, ,JI LTAR YANG GCIG NYID NUS PA DU MA DANG LDAN PA DE BZHIN DU 'BRAS BU DU MA DANG LDAN PAR YANG 'GYUR RO, ,DE'I PHYIR NUS PA DU MA MED KYANG 'BRAS BU DU MAR 'GYUR RO, ,DE LTAR NA 'O NA JI LTAR GCIG 'BRAS BU DU MA DANG LDAN PA DE BZHIN DU, BLO GCIG KYANG RANG GI YUL GYI BLO GZHAN DANG DON GYI YUL CAN YANG SKYED PAR BYED PAR 'GYUR RO, ,DE LA RES 'GA' NI BLO'I YUL CAN GYI BLO YIN LA, RES 'GA' NI DON GYI YUL CAN YIN PA'I PHYIR YUL GZHAN LA 'PHO BAR 'GYUR RO ZHE NA MA YIN TE, KHYAD PAR MED PA'I PHYIR THAMS CAD KYI TSE GNYI GA SKYED PAR 'GYUR RO, ,SKYE BA KHO NA'O ZHE NA, DE NI MA YIN TE, 'DI LTAR, GAL TE BLO GZHAN DON DANG NI, ,RNAM SHES SNGA MA 'DZIN 'GYUR NA, ,DE'I TSE DPYOD SOGS DON GCIG LA, ,RTAG TU RIM GYIS MTHONG BA YI, ,BRJOD GNYIS RIM MIN NYID 'GYUR ZHING, ,BDAG DANG DE RIG

SNANG BA'I PHYIR, ,GCIG KYANG GNYIS NYID SNANG BAR 'GYUR, ,GAL TE SNGAR GYI BLO DANG GZUGS LA SOGS PA'I DON 'DZIN PA'I BLO GNYIS SKYE BA YIN NA DE'I TSE BLO SNGA MA'I DON DANG PHYI MA'I DON SNANG BA'I PHYIR RIM GYIS DMIGS PA'I GNYIS GANG YIN PA DE RIM PA MA YIN PAR SNANG BAR 'GYUR RO, ,DON 'DZIN PA'I RANG BZHIN MED PA BLO SNANG BA NI MA YIN TE, DE NI DE'I RANG BZHIN YIN PA'I PHYIR RO, ,DON 'DZIN PAR SNANG NA YANG DON DE DE NYID SNANG BA YIN PA'I PHYIR SNGA MA DANG PHYI MA'I BRJOD PA GNYIS SNANG BAR 'GYUR RO, ,DE BZHIN DU GCIG NYID GNYIS SU SNANG BAR 'GYUR TE, DON BDAG NYID DANG DE'I BLO SNANG BA'I PHYIR RO, ,SNGAR NI RE ZHIG RANG NYID SNANG BA YIN LA PHYIS NI DE'I BLO SNANG BA YIN TE, DES NA GNYIS SNANG BAR 'GYUR RO, ,'ON TE DON SNANG BA'I DE MA THAG PA'I BLO 'DZIN PA NI MA YIN TE, BLO NI MNGON SUM DU RANG GI NGO BOS 'DZIN PA MA YIN NO ZHE NA, 'O NA GAL TE DON GYIS GO BAS RTOGS KYANG DE'I TSE BDAG DANG DE'I BLO SNANG BA'I PHYIR THAL BA MED DO, ,DUS GZHAN DU DON GYIS GO BA YIN TE, RGYUN MI 'CHAD PAR DON DU RIM GYIS 'DZIN PA'I DBUS NI DON GYIS GO BA 'GA' YANG MED DO, ,ZHE NA DE NI MA YIN TE, GAL TE DON GYIS RTOGS NA NI, ,GTAN 'GYUR GZHAN GYI TSE NA MIN, ,DES NA DON KYIS GO BAR NI, ,ME LA LAN BRGYA SNANG BAR 'GYUR, ,'ON TE RANG GI BLO SDOM PAR BYED PA'I DUS GZHAN DU NA DE'I TSE GZHAN KYIS SKYE BA YIN NA, DE'I TSE YANG GANG LAS DON GOR 'GYUR, ,MTHONG 'GA' DE TSE YOD MIN TE, ,DE YI TSE NA DON GYIS NI, ,GO BAR BYED PA 'DAS PHYIR RO, ,DON MTHONG BAS 'DAS PA NI JI LTAR DE LAS DON GYIS GO BA 'BYUNG, DRAN PAR GYUR PA LAS DON GZHAN DU YANG DON GYIS GO BA YIN NO ZHE NA, DRAN BA NYID DON GYIS GO BAS RTOGS PAR 'GYUR GYI, MYONG BA NI MA YIN NO, ,DER YANG BRJOD PA GNYIS DANG GNYIS SU SNANG BA'I PHYIR RO, , 'ON TE MA MYONG BA NI MI DRAN TE, DES NA MYONG BA DRAN NO ZHE NA, DE NI MA YIN TE, BDAG GIS NYAMS SU MYONG 'GYUR ZHES, ,'DI LTAR DRAN PA 'JUG PA NI, ,NGA YI BLO NI YOD 'GYUR CES, ,DE LTAR DON GYIS GO MI SRID, ,GANG GI TSE SNGON MYONG BA DRAN NO ZHES DRAN PA NYID DANG PO BLO LA 'JUG PA DE'I TSE,

, ,SNGAR DON GYIS GO BA MED LA, PHYIS KYANG MA YIN PAS DRAN PA GAL SRID, GANG GI TSE DON DRAN PA DE'I TSE YANG DRAN PA DANG MYONG BA LA YANG RJES SU DPOG PA'I PHYIR, DRAN PA DANG MYONG BAR YANG DON GYI RNAM PAR CIG CAR SNANG BAR THAL BAR 'GYUR RO, ,DE LTA YIN DANG DRAN PA'I DUS SU YANG DON GSAL BA'I RNAM PAR RIG PAR THAL LO, ,'ON TE GSAL BA'I RNAM PA GNYIS RIG GO ZHE NA, DE YANG MTHONG BA NYID YIN PA LAN DU MI RUNG NGO, ,'ON TE GANG ZHIG 'DOD PA DE'I TSE DE DON GYIS GO BA YIN TE, GANG GI PHYIR DRAN PA DE'I PHYIR NYAMS SU MYONG BAR 'GYUR PA YIN NO ZHE NA; GANG GI PHYIR DRAN PAS NA NYAMS SU MYONG BA YIN NO ZHES SO ZHE NA, DE LTA NA NI GANG GI PHYIR MYONG BA DE'I PHYIR MYONG BA YIN NO ZHES BYA BA DANG, DE BZHIN DU GANG GI PHYIR DRAN PA DES NA DRAN PA YIN NO ZHES BYA BA'I TSIG GI TSUL DU 'GYUR BAS TSAD MA LA CHER MKHAS SO, ,'DOD PA YANG MYONG BAR 'GYUR BA'I DON LA SKYE BA YIN NA MYONG BA NI NAM YANG MYONG BAR 'GYUR BA MA YIN PAS NA JI LTAR 'DOD PAS DON GYIS GO BAR SKYED, DE'I PHYIR BLO GZHAN GYIS BLO RIG PA MI RUNG BA KHO NA'O, ,CI STE GAL TE YUL GZHAN LA 'PHO BA NA, ,THA MA NYAMS SU MYONG MIN NA, ,GZHAN GYIS NYAMS SU MYONG BA BZHIN, , THAMS CAD MYONG MED THAL BAR 'GYUR, ,GAL TE YUL GZHAN LA 'PHO BA'I DUS NA RNAM PAR SHES PA'I RGYUN GYI THA MA, YUL GZHAN LA 'PHO PA'I DUS KYI SNGON ROL GYI SHES PA DE NYAMS SU MYONG BAR MA GYUR NA, DE'I TSE GZHAN GYIS MYONG BA MA YIN PAR 'GYUR RO, ,NYAMS SU MYONG BAR GYUR PA'I MYONG BA NYAMS SU MYONG BAR 'GYUR BA MED PA'I PHYIR GZHAN GYIS NYAMS SU MYONG BAR GYUR PA BZHIN NO, ,DES NA THA MA NYAMS SU MYONG BA'I PHYIR JI SRID DNGOS PO MYONG BAR GYUR PA'I BAR GYI DE'I SNGAR MYONG BAR GYUR PA DAG KYANG MA MYONG BAR 'GYUR RO, ,DPER NA GZHAN GYIS NYAMS SU MYONG BA YANG DE NYAMS SU MYONG BA MED PA'I PHYIR, GZHAN GYIS MYONG BA DE BZHIN DU RANG GIS NYAMS SU MYONG BAR GYUR PA YANG 'GYUR RO, ,DON GYI RANG BZHIN DE NI GZHAN LA LTOS NAS KYANG DE LTA BU NYID YIN PA'I PHYIR JI LTAR MYONG BA YIN, GAL TE JI LTAR GZHAN NYAMS SU MYONG BA NA RANG NYID NYAMS SU MYONG PA MED PA'I PHYIR GZHAN GYI MYONG BA YIN PAR RNAM PAR GZHAG

PA DE BZHIN DU GZHAN GYIS NYAMS SU MYONG BA MA YIN PAS RANG GIS MYONG BA YIN NO ZHES RNAM PAR GZHAG GO ZHE NA, DA NI MI RUNG STE, GAL TE TSAD MA YOD NA RNAM PAR ZHOG SHIG ,JI LTAR GZHAN GYIS MYONG BAR BYAS PA BDAG GI MNGON SUM MA YIN LA, GZHAN GYIS YIN NO ZHES KYANG RNAM PAR GZHAG PAR NUS PA MA YIN PA DE BZHIN DU, BDAG GI MNGON SUM DU 'DOD PA YANG DAG GAM GZHAN GYIS ZHES RNAM PAR GZHAG PAR 'OS PA MA YIN NO, ,GANG DE DON RANG GI NGO BOS SNANG BA MA YIN NAM, DE JI LTAR MNGON SUM NYID MA YIN, ,GZHAN MA RTOGS PAS GZHAN MA RTOGS PAR 'GYUR RO ZHES BYA BA NI MA YIN NO ZHE NA, DE YANG RANG NYID RTOGS PA YIN TE, DES NA RANG RIG PA NYID DO, ,'ON TE BDAG NI BYED PA PO NYID DU RTOGS SO ZHE NA, MA YIN TE, LUS LAS MA GTOGS PA NI BDAG MED PA NYE BA'I PHYIR RO, ,LUS NYID BYED PA PO YIN NO ZHE NA, MA YIN TE, LUS KYANG LAS YIN PA'I PHYIR RO; ,GANG GI PHYIR LUS LA SOGS PA NI RANG RIG PA MED PA YIN NO, ,RANG RIG PA NYID YIN NA YANG RTZOD PA MED DO, ,BLO MYONG BA MED PA YIN NO ZHE NA, BDAG RANG RIG PA YIN PA DES DON MYONG NA DE TZAM GYIS MCHOG PA MED PA'I PHYIR BLO DON MED DO, ,DE NYID KYI PHYIR BSHAD PA, GAL TE BDAG MYONG MNGON SUM YIN, ,GZHAN GYIS MYONG 'GYUR MA YIN NA, ,GANG GIS DE SKAD BRJOD 'GYUR BA, ,BDAG GI MYONG DE GA LAS GRUB, ,BDAG GIS MYONG BAR GYUR PA MA YIN NO ZHES BYA BA GA LAS, GZHAN GYIS MYONG BAR GYUR PA YIN NA 'DI GZHAN GYI BDAG MA YIN ZHES BYA BA YANG GA LAS YIN, RANG RIG PAS MYONG BA YIN NA NI RANG RIG PA GRUB PA YIN PA NYID YIN PA'I PHYIR RTZOD PA MED PA KHO NA'O, ,DE'I PHYIR RANG RIG PA MA YIN NA THAMS CAD NYAMS SU MYONG BAR GYUR PA MA YIN PAR THAL BA YIN NO, ,GAL TE MIG LA SOGS PA MYONG BA MED KYANG MIG LA SOGS PA MED PAR GYUR TO ZHES BYA BA'I THA SNYAD DU 'GYUR BA DE BZHIN DU, BDAG NYID RIG PA NYAMS SU MYONG BA CI STE MI 'DOD CE NA, 'DI LA BSHAD PA, GSAL RGYU MA GRUB PAR 'GYUR GYI, ,GSAL BAR 'DOD PA'I GSAL BA MIN, ,GAL TE GSAL BA MA GRUB KYANG, ,GSAL NA 'GRO 'DI GSAL BAR 'GYUR, ,GSAL BA'I RGYU MIG LA

, ,SOGS PA'I RANG BZHIN MA GRUB KYANG, DON GSAL BAR 'GYUR TE, GSAL BA GSAL BA'I PHYIR RO, ,NGA'I MIG GIS GSAL BA ZHES BYA BA JI LTAR ZHE NA, NGA'I RANG RIG PA SKYED PAR BYED PA'I PHYIR NGA'I MIG GI GSAL BA ZHES BRJOD PA YIN NO, ,RIG PA YANG RIG PA NYID LAS NGA'I YIN NO, ,RIG PA DE YANG RANG RIG PA MA YIN NA NI, 'GA' YANG BDAG DANG 'BREL PAR RTOGS PAR MI 'GYUR BAS NA, RANG GI NGO BO TZAM GYIS GSAL BAR 'GRO BA MTHA' DAG GSAL BA'I PHYIR, HA CANG THAL BAR 'GYUR RO, ,GAL TE GANG LAS GSAL BA BSKYED PA DE GSAL BA YIN PA'I PHYIR JI LTAR, HA CANG THAL BAR 'GYUR ZHE NA, ,GAL TE GSAL BA SKYES TZAM GYIS, ,GSAL NA DE TSE MTHA' DAG 'GYUR, ,GANG GIS GSAL BA ZHES BYA BA, ,'DI NI 'BREL PA MED PA MIN, ,DE LA RANG GI NGO BO NYID, ,TZAM GYIS THAMS CAD GSAL BAR 'GYUR, ,CI STO DON DE'I RANG BZHIN NYID, ,YIN NA RANG NYID RIG PAR BRJOD, ,TSAD MA RNAM 'GREL GYI 'GREL PA LAS, MTHONG DON RAB GSAL BYED, ,RANG GIS MTHONG BA NI RGOL BA DANG DPAG PA'I DE MA THAG TU GZHAN GYI DON RJES SU DPAG PA BRJOD DE, GZHAN GYI DON GYI RJES SU DPAG PA NI RANG GI DON GYI RJES SU DPAG PA SNGON DU 'GRO BA CAN YIN PA'I PHYIR RO, ,DE LA, GZHAN DON RJES SU DPAG PA NI, ,RANG GIS MTHONG DON RAB GSAL BYED, ,RANG GIS MTHONG BA NI RGOL BA DANG PHYIR RGOL BA RANG GIS MTHONG PA STE, BSTAN PAR BYA BA DANG STON PAR BYED PA DAG RANG GIS MTHONG BA ZHES BYA BA'I THA TSIG GO, ,GAL TE NYAN PAR BYED PA YOD NA NI DE DAG RNAMS KYANG YIN TE DE DAG KYANG DBANG DU BYA BA YIN PA'I PHYIR RO, ,LOG PAR RTOGS PA GSAL BA NI SHUGS NYID LAS 'GRUB CING, RANG GIS RTOGS PA'I DON 'DIS GZHAN LA GSAL BAR BYED PA YIN LA, DE YANG LUS DANG NGAG GI RNAM PAR RIG BYED KYI RANG BZHIN YIN NO, ,DE LA RANG GIS MTHONG BA'I DON NI TSUL GSUM PA'I RTAGS SO, ,GAL TE RANG GIS MTHONG BA SMOS PA NI RANG GIS MTHONG BA'I DON TZAM STON PA YIN PA'I PHYIR, TSUL GSUM PA'I RTAGS ZHES BYA BA GANG LAS YIN, DES NA LKOG TU GYUR PA'I RANG BZHIN RJES SU DPAG PAR BYA BA MTHA' DAG GI GZHAN LA GSAL BAR BYED PA GZHAN GYI DON

RJES SU DPAG PAR BYA BAR 'GYUR RO ZHE NA, 'DI LA BRJOD PA, TSUL GSUM RTAGS LAS MA GTOGS PA, ,GSAL BYED GZHAN NI YOD MA YIN, ,DE NI GZHAN GYIS RTOGS BYA BAR, ,MI NUS PHYIR NA GSAL MA YIN, GANG LA GZHAN YID CHES PA DE NI GSAL PAR BRJOD DO, ,DE NYID KYI PHYIR KHYAD PAR DU 'PHAGS PA'I BRJOD PA RAB KYI TSIG SMOS SO, ,GZHAN YID CHES PA YANG TSAD MAS RTOGS PA MA YIN TE, GAL TE RJES SU DPAG PAR BYA BA YANG TSAD MAS RTOGS NA NI DE'I TSE RTZOD PA MED PA NYID DO, ,TSUL GSUM PA'I RTAGS GSAL BAR BYED PA'I SGO NAS YIN NA NI, ,RTZOD PA'I GZHIR GYUR PA'I RJES SU DPAG PAR BYA BA RTOGS PA'I PHYIR TSIG DON MED PA MA YIN NO, ,DI LAS RJES SU DPAG PA SKYE BA'I PHYIR DE YANG NYE BAR BRTAGS NAS RJES SU DPAG PA YIN NO, ,GAL TE RJES SU DPAG PA SKYED PAR BYED PA'I PHYIR TSIG RJES SU DPAG PA YIN NA, MNGON SUM SKYED PA'I PHYIR GZHAN GYI DON GYI MNGON DU YANG 'GYUR RO ZHE NA, DE NI LEGS PA MA YIN TE, JI LTAR TSIG LAS MTHONG BA YI, ,'BREL PA DRAN PAR GYUR PA NA, ,RJES DPAG SKYE BA DE BZHIN DU, ,'GAR YANG MNGON SUM SKYE MA YIN, ,TSUL GSUM RTAGS NI DRAN PA NA, ,NGES PAR RJES DPAG SKYE BAR 'GYUR, ,RANG RIG RTOGS PA'I DON TZAM NI, ,BRJOD PAS MNGON SUM RIG MA YIN, ,TSIG TZAM LAS NI GZHAN LA MNGON SUM SKYE BA MED DO, ,GAL TE RI DVAGS RGYUG PA LA LTOS ZHES BYA BA LAS MTHONG BA SKYE BAR MTHONG BA MA YIN NA MA ZHE NA, MA YIN TE, DER YANG RJES SU DPAG PA DE MA THAG PA YIN PA'I PHYIR RO, ,'DI LTAR, DE LTAR LTOS ZHES BYA BAS DE, ,DON DE MNGON PHYOGS LA SBYOR ZHING, ,NGA YI DE LTAR RTOGS PA YANG, ,DON GYIS BSTAN PAR 'GYUR BA YIN, ,'DI NI RI DVAGS LTA BA LA MNGON DU PHYOGS PAR GYIS SHIG CES NGES PAR SBYOR BA YIN TE, MNGON DU PHYOGS PA NI DA JI LTA BAR KHYOD KYANG DE BZHIN NO ZHES SO, ,DES NA DE LTAR MNGON DU PHYOGS PAR 'GYUR NA, DBANG PO RNAMS KYI BYED PA 'JUG GO ZHES DRAN PA'I PHYIR RJES SU DPAG PA NYID DO, ,DES NA RJES SU DPAG PAS MNGON SUM SRID PAR BLTAS TE, 'JUG PA YIN NO, ,DE LTA NA 'O NA MNGON SUM MA YIN PA'I YUL LA SRID PA'I RJES SU DPAG PA 'JUG NA RANG BZHIN GYI

, ,GTAN TSIGS YIN TE, TSIG GI 'BRAS BU'I GTAN TSIGS GSAL BA NI MA YIN NO, ,'DI LTAR, DU BA LA 'DIR ME YOD CHES, ,TSIG GIS 'BREL PA TZAM ZHIG NI, ,BSTAN PAR 'GYUR GYI DU BA NI, ,MNGON SUM NYID KYIS BSTAN PA YIN, ,DES NA GZHAN GYI DON GYI RJES SU DPAG PA NI TSUL GSUM PA'I RTAGS STON PA'O ZHES BYA BA TSAD MA KUN LAS BTUS PA'I 'GREL PA DANG 'GAL LO ZHE NA DE NI MI 'THAD DE, GANG GI PHYIR, TSIG KUN DRAN PA'I DON YIN TE, ,DES NA DE LA TSAD BRJOD KYI, ,MNGON SUM GYI NI RTOGS PA LA, ,RTAG TU TSIG NI DON MED DO, ,MKHAS PA RNAMS LA NI, GTAN TSIGS 'BA' ZHIG BRJOD PAR ZAD, ,CES 'DI NI BSHAD PA NYID DO, ,DE BZHIN DU 'BREL PA 'BA' ZHIG KYANG NGO ZHES BLTA BAR BYA'O, ,YANG NA DER YANG 'KHRUL PA BSAL PA'I PHYIR 'DI NI DU BA'O ZHES BYA BA'I TSIG LA LTOS PAR BYA BA NYID DO, ,'DI LTAR, 'DI DES PHYIR NA DE LA NI, , 'DI LA DU BAR RTOGS PA BYUNG, ,'DIR YANG CI'I PHYIR KHYOD 'KHRUL CES, ,DE LTAR GZHAN GYIS RTOGS PAR BYED, ,TSIG GI DON NI 'DI YIN TE, ,DE LA MNGON SUM GYIS MTHONG BA'I DON NI GZHAN LA TSIG GIS STON PA MA YIN TE, 'ON KYANG DE'I RGYU YIN PA'I PHYIR DE NI GZHAN GYI DON GYI RJES SU DPAG PA NYID DO, ,'DI NI DU BA NYID DE GZHAN DU NI BLTA BAR MI BYA'O, ,'DI NI SNGAR DMIGS PA GANG YIN DE LAS RNAM PA GZHAN DU GYUR PA MA YIN TE, DE NI MTSAN NYID CAN YIN PA'I PHYIR RO ZHES BYA BA 'DI DON GYIS BRJOD PAR 'GYUR BA YIN NO, ,DES NA RJES SU DPAG PA'I TSUL NYID SGRAS STON PAR BYED KYI; MNGON SUM LA NI NAM YANG SGRAS BYED PA MA YIN NO, ,SHIN TU GOMS PA LAS NI RJES SU DPAG PA SPROS PA MA YIN PA'I PHYIR 'JIG RTEN LAS GZHAN DU MNGON NO, ,DE'I PHYIR TSIG NI RJES SU DPAG PA'I RGYU NYID BDAG GIR BYED PAS 'JOG PA YIN NO, ,TSIG NI DE'I RGYU YIN PA'I PHYIR RANG BZHIN RJES SU DPOG PA NYID YIN GYI 'DI NA DU BA YOD DO ZHES BYA BA RGYU RJES SU DPAG PA NI MA YIN TE, TSIG GI RANG BZHIN GYI RJES SU DPAG PA YIN PA'I PHYIR RO ZHE NA, DE NI MA YIN TE, RANG DON RJES DPAG DU BA LA'ANG, ,BAR DU RANG BZHIN GTAN TSIGS 'JUG ,DER YANG DPYOD PO RANG BZHIN

RTAGS; ,MED PAR 'KHRUL PA DANG MI 'BRAL, ,'DIR SMRAS PA, 'DI LA 'BRAS BU'I GTAN TSIGS NI, ,MI NYAMS 'GAL BA CI ZHIG YOD, ,DE NI BAR DU CHOD NA YANG, ,'BRAS BU'I GTAN TSIGS SPONG MA YIN, ,RANG GI DON GYI RJES SU DPAG PAR NI, ,'BRAS BU'I GTAN TSIGS YOD PA NYID DO ZHES DE TZAM ZHIG BRJOD PAR 'DOD PA LA BAR CHOD BSTAN PA GANG DU NYE BAR MKHO, ,GZHAN GYI DON GYI RJES SU DPAG PAR NI 'BRAS BU'I GTAN TSIGS 'DRA DI PA NYID DO, ,DU BA YOD PA'I PHYIR RO ZHES BYA BA'I TSIG NI RANG BZHIN GYI GTAN TSIGS LA DNGOS SU YOD PA YIN PA'I PHYIR RO, ,DES NA ME RJES SU DPAG PA LAS GZHAN GYI DON GYI RJES SU DPAG PA MED DO ZHE NA, DE NI MA YIN TE, JI LTAR SRID PA LA BRTEN NAS, ,BSTAN BCOS MDZAD PAS GZHAN DON GYI, ,RJES SU DPAG NYED BSHAD LA DE, ,MED MOD CHAD PA CI ZHIG YOD, ,YANG NA GANG DU 'KHRUL PA MED PA'I RANG GI DON GYI RJES SU DPAG PA DER 'BRAS BU'I GTAN TSIGS CHOD PA MED PA NYID DO, ,GZHAN GYI DON GYI RJES SU DPAG PAR YANG TSUL DE NYID YIN PAS SGRA LAS DNGOS KHO NAR RJES SU DPAG PA SKYES PA YIN NO, ,'KHRUL PA MED NA BRJOD PAS CI ZHIG BYA ZHE NA, 'BREL PA BSTAN PA'I PHYIR YIN PAS SKYON MED DO, ,TSUL GSUM PA'I RTAGS YOD PA STON PA NI CI LTAR SRID PA BZHIN NO ZHES DA LTAR KHO NA BRJOD PA YIN NO, ,GZHAN YANG, RJES SU DPAG PA MED PAR NI, ,TSIG LA TSAD MA NYID MED PA, ,DE TZAM NYID GCIG MNGON 'DOD KYI, ,TSIG RNAMS THAMS CAD DE LTA MIN, ,JI SKAD DU JI LTAR MNGON SUM DANG RJES SU DPAG PA GNYIS TSAD MA YIN TE, TSIG KYANG THA SNYAD KYI RGYU YIN PA'I PHYIR RO, ,TSIG MED PAR 'JIG RTEN GYI THA SNYAD YONGS SU RDZOGS PA MA YIN NO ZHES BRJOD PA DE LA BSHAD PA, MNGON SUM DANG NI RJES DPAG DANG, ,TSIG MED PAR NI 'JIG RTEN GYI, ,THA SNYAD MED PAR 'GYUR RAM CI, ,CI GA DE YANG TSAD NYID DAM, , MNGON SUM LA SOGS PA MED PA SNGON MTHONG BA'I DON DRAN NAS KYANG 'JUG PA MED DAM CI, CI GA DA NI DRAN PA YANG TSAD MA YIN NAM, 'ON TE TSAD MA YIN PA NYID NA, DE LTA BU'I DON CAN GYI TSIG KYANG TSAD MA MA YIN PAR MTSUNGS SO, ,GANG DU TSAD MA YIN PA DER NI RJES SU DPAG PA'I RGYU NYID KYIS YIN GYI

, ,GZHAN DU NI MA YIN NO, ,'DIR NI 'DI TZAM ZHIG BRJOD PAR 'DOD PA YIN GYI, TSIG THAMS CAD RJES SU DPAG PA THAMS CAD KYI RGYU YIN PA NI MA YIN NO, ,TSIG NI RJES SU DPAG PA NYID DE RANG RGYUD NYID NI TSAD MA NYID MA YIN NO, ,THAMS CAD RJES SU DPAG PAR BSTAN PA NI NYE BAR MKHO BA MED DO, ,DE'I PHYIR TSUL GSUM PA STON PA'I TSIG NYID DO, ,'O NA NI RIG BYED KYI TSIG JI LTAR TSAD MA NYID YIN ZHE NA, DER YANG ZLA BA BCU GNYIS NI LO YIN NO ZHES BYA BA LA SOGS PA MNGON SUM DANG RJES SU DPAG PA'I DON STON PA NYID KYIS TSAD MA YIN TE, GZHAN DU NI TSAD MA MA YIN PA STE; DPER NA SKYES BU'I TSIG BZHIN NO, ,SKYES BUS MA BYAS PA NYID KYIS TSAD MA YIN NO ZHE NA MA YIN TE, YID CHES PA MED PA'I PHYIR RO, ,TSIG TZAM GYIS NI SU YANG YID MI CHES SO, ,GAL TE MNGON SUM LTAR RIG BYED YIN NA, CI STE THAMS CAD KYIS MI RTOGS LA, SKAD CIG MA NYID LA SOGS PA'I BZHIN DU, RJES SU DPAG PA LAS KYANG THAMS CAD RTOGS PA MA YIN NO, ,'KHRUL PA YIN NA 'DIR YANG 'KHRUL PA YIN NO ZHE NA, RJES SU DPAG PA LA YID CHES PA'I GNAS DE'I RIGS CAN GYI RJES SU DPAG PAS BZLOG LA, RIG BYED LA NI DE'I RIGS CAN GYI TSIG GIS MA YIN PAS 'DI NI MI MTSUNGS SO, ,RJES SU 'GRO DANG NI 'BREL PAS NA, ,RJES SU DPAG PA TSAD MA YIN, ,RIG BYED LA NI RJES 'GRO DAG, ,MTHONG BAS MED CES SNGAR DPYAD DO, ,YANG NA DON 'DI YIN TE TSUL GSUM PA STON PA'I TSIG NYID GZHAN GYI RJES SU DPAG PA YIN GYI RIG BYED KYI TSIG NI MA YIN TE, DE LA TSUL GSUM PA MED PA'I PHYIR RO, ,DE LA NI BDEN PA NYID RJES SU 'GRO BA MTHONG BA MED PA DANG PHYOGS KYI CHOS KYANG MTHONG BA MED PA NYID DO, ,'DI LTAR SKYES BUS MA BYAS PA NYID KYANG MI BDEN PA NYID KYIS LDOG PA YIN GYI, BDEN PA NYID DANG NI RJES SU 'GRO BA MED DO, ,CI STE ZLA BA BCU GNYIS LO YIN NO ZHES BYA BAS RJES SU 'GRO BA YIN NO ZHE NA, 'DI LA BRJOD PA, ME LA SBYIN SREG LA SOGS DAG ,RIG BYED NYID DU NGES PA MED, ,'GA' ZHIG GIS NI BYAS PAS 'DI, ,SKYES BUS BYAS PA NYID DU RTOGS, ,'DI NI BRGYA LA SKYES BUS MA BYAS PA'I NANG DU 'GA' ZHIG GIS BCUG PA YIN TE, 'GA'

ZHIG TU YAN LAG GZHAN BYAS PAR THOS PA YIN NO, ,DE LTA BU'I THA SNYAD DE NI DRAN NA YIN NO ZHE NA, MA YIN TE, YID CHES PA MED PA'I PHYIR RO, ,GZHAN DAG LA YANG THAL BAR 'GYUR BA'I PHYIR RO, ,'DI THAMS CAD NI SNGAR BSTAN ZIN PAS 'DIR MI SPRO STE, GZHAG GO, ,GAL TE TSUL GSUM PA'I RTAGS NYID RANG GIS MTHONG BA'I SGRAS BRJOD NA, TSUL GSUM PA'I RTAGS STON PA GZHAN GYI DON RJES SU DPAG PAR BYA'O ZHES BRJOD PAR BYA'I, ,RANG GIS MTHONG BA SMOS PAS CI BYA ZHE NA, MA YIN TE, DON GZHAN YOD PA'I PHYIR RO, ,'DI LTAR, GZHAN LA BSTAN PAR BYA NYID PHYIR, ,BDAG MTHONG MIN YANG GZHAN DAG GI, ,MTHONG BA SGRUB BYED CES KHA CIG ,DE SPONGS PHYIR BDAG MTHONG BA'I TSIG ,GZHAN GYI DON GYI RJES SU DPAG PAR NI RANG GIS RTOGS PA'I DBANG DU BYA BA MA YIN TE, GZHAN NYID RTOGS PAR BYA BA YIN PA'I PHYIR RO, ,GAL TE RTAGS TE GZHAN GYIS RTOGS NA GZHAN GYIS RTOGS PAR 'GYUR BA NYID DO, ,RGOL BAS MA RTOGS PA JI LTAR GZHAN RTOGS ZHES NI BRJOD PAR MI BYA STE, RGOL BAS RTOGS KYANG GZHAN DAG NI, ,RANG RTOGS MED PAR RTOGS MA YIN, ,GAL TE DE YOD DE NYID 'DIR, ,'GYUR BYED GZHAN GYIS CI ZHIG BYA, ,DE TZAM GYIS NI 'DI RGOL BAS RTOGS SO ZHES YID CHES PA MA YIN GYI, 'ON KYANG 'DIS SHES NAS BSTAN NAM, DE LTA MA YIN YANG BLA STE, NGAS NI JI LTAR RTOGS SO ZHES RANG NYID RTOGS PA'I PHYIR, SPROS PA BLA LHAG GI RNAM PAR DPYAD PA 'DIR CI ZHIG BYA ZHES, BSAM PA 'DIS RANG GIS MA RTOGS KYANG GZHAN GYIS RTOGS PA RTAGS SU 'DOD PAS, BSAM PA DE DGAG PA'I PHYIR RANG GIS MTHONG BA SMOS SO, ,GAL TE DE LTA NA RANG KHO NAS MTHONG BA YIN PAR 'GYUR BAS GZHAN GYIS MTHONG BA RNAM PAR DPYAD PA'I PHYIR, DON MED PA GZHAN THOG TU BAB PO ZHE NA, MA YIN TE GNYI GAS MTHONG BA BSTAN PA'I DON DU YIN PA'I PHYIR 'DI NI MTSAN NYID JI LTAR GNAS PA NYID DO, ,DES NI LOG PAR RTOGS PA YANG BSAL BA YIN NO, ,CI STE DE'I DON NYID DO ZHES BYA BAR 'GYUR BA NA, MA YIN TE, GANG GI DON DU 'DI TZAM PA DE NI YANG GI SGRAS BSDU BA YIN NO ZHES MI RIGS SO, ,RANG GIS MA RTOGS PAR NI GZHAN GYIS RTOGS SO ZHES BRJOD

, ,PAR MI NUS SO, ,GAL TE DE GZHAN GYIS RTOGS PAR 'GYUR MOD, GZHAN GYIS RTOGS SO ZHES YONGS SU SHES PA NI MKHO BA MED DE, RANG RTOGS PA TZAM GYIS GZHAN LA CHOG PA'I PHYIR RO ZHE NA, 'O NA JI LTAR RANG GIS MA SHES PA GZHAN LA NYE BAR 'GOD, GZHAN LA GRUB PAS SO ZHE NA, 'O NA GZHAN LA GRUB PO ZHES BYA BA DE NYID DU 'GYUR RO, ,DES NA RANG NYID MA RTOGS PAR DER JI LTAR 'GYUR, TSU ROL MTHONG BAS GZHAN GYIS RTOGS PAS MNGON SUM DU NI MI BYED DO, ,RJES SU DPAG PA YANG RANG GIS RTOGS PA LA LTOS PA YIN NO, ,DES NA GZHAN GYIS RTOGS SO ZHES NGES PA NI RANG GIS KYANG RTOGS PA YIN NO, ,'ON TE GZHAN GYI LUNG LAS RTOGS LA RANG GIS KYANG DE RTOGS PA YIN MOD KYI 'ON KYANG, RGOL BAS LUNG DE KHAS MA BLANGS PAS MA RTOGS SO ZHES THA SNYAD BYED DO, ,DES NA LUNG LAS GZHAN GYIS RTOGS KYI RANG NYID KYIS MA YIN PA GANG YIN PA DE YANG; SGRUB PAR BYED PA NYID DO ZHE NA 'DIR BRJOD PA, YONGS RTAGS YONGS SU LEN PA'I PHYIR, ,RJES SU DPAG PA'I YUL LA TSIG ,TSAD MA NYID DU 'DOD MA YIN, ,DER NI RJES DPAG 'JUG MI 'GYUR, ,LUNG TSAD MA'ANG TSAD MA MA YIN, ,GAL TE TSAD MA YIN NA NI GNYI GA LA GRUB PA NYID DE TSAD MAS MTHONG BA GZHAN BZHIN NO, ,TSAD MA MA YIN PA NYID NA 'GA' LA YANG MA YIN NO, ,KHAS BLANGS PA'I PHYIR PHA ROL PO NYID LA GRUB PO ZHE NA, RJES SU DPAG PA'I YUL LA KHAS BLANGS PAS LUNG TSAD MA NYID MA YIN TE, YONGS SU BRTAGS PA KHAS LEN PA'I PHYIR RO, ,DE NI MNGON SUM DANG, RJES SU DPAG PA'I YUL MA YIN PA LA TSAD MA YIN GYI DE'I YUL NI MA YIN NO, ,THAMS CAD DU YANG MA YIN NA RJES SU DPAG PAS CI BYA STE, TSIG TZAM GYIS DON GRUB PA'I PHYIR RO, ,'DI LTAR GRANGS CAN GYIS, BDE BA LA SOGS PA SEMS MED PA YIN TE, SKYE BA CAN NAM MI RTAG PA'I PHYIR, GZUGS LA SOGS PA BZHIN NO ZHES BYA BA NI, GZHAN LA RAB TU GRUB PAR 'DOD PA YIN GYI, GRANGS CAN RANG NYID LA NI SKYE BA CAN NAM MI RTAG PA NYID MA GRUB PO, ,DER GAL TE TSIG TSANG MA YIN PA'I PHYIR RAB TU GRUB NA, GRANGS CAN KYI TSIG KYANG TSAD MA NYID YIN PAS BLO DANG BDE BA LA SOGS PA DE NYID KYIS SEMS

PA MED PAR GRUB PAS RJES SU DPAG PAS CI BYA, 'ON TE MI RTAG PA NYID LA SOGS PA'I SANGS RGYAS PA'I TSIG GIS GRUB PA DE'I TSE BLO LA SOGS PA SEMS PA CAN DU GRUB PA'I PHYIR RJES SU DPAG PAS PHYIN CI LOG TU MI 'GRUB PA'I PHYIR RJES SU DPAG PA DON MED PA NYID DO, ,'ON TE RJES SU DPAG PA YANG TSAD MA YIN PAS DE LAS BZLOG PA YANG 'GRUB PO ZHE NA, DE LTAR YIN NA NI TSAD MA MA YIN PA NYID DO ZHES BSHAD PA NI, LUNG LA GNOD PHYIR GZHAN LA NI, ,SGRUB BYED BRJOD PHYIR DE YI TSE, ,DE NI TSAD MIN DE BAS NA, ,DES GRUB MA LUS GRUB MA YIN, ,GANG GI TSE RJES SU DPAG PAS PHYIN CI LOG TU BSGRUB PAR RTZOM PA DE NYID KYI TSE BRTAG MI BZOD PA'I PHYIR TSIG DE TSAD MA YIN PA NYID DE, KHAS BLANGS PA 'DOD PA'I PHYIR RO, ,LUNG NI KHAS BLANGS PAS TSAD MA'I DNGOS POR BYAS PA YIN PAS, DE DOR NA DE'I TSAD MA NYID KYANG DE BZHIN DU 'GYUR RO, ,DES NA DER RAB TU GRUB BA'I GTAN TSIGS GRUB PA NYAMS PA'I PHYIR BSGRUB BYA GRUB PA YANG NYAMS PAR 'GYUR RO, ,DE LAS RAG LAS PA'I BDAG NYID THAMS CAD NI DE'I RJES SU MI 'JUG PA MA YIN TE, DE LA RAG LAS PA NYID MA YIN PAR THAL BA'I PHYIR RO, ,GTAN TSIGS GRUB PA LA TSAD MA NYID YIN GYI, SEMS PA NYID LA NI MA YIN NO ZHE NA MA YIN TE, 'GA' ZHIG LA 'KHRUL PA MTHONG BAS THAMS CAD LA YID BRTAN DU MED PAR THAL BA'I PHYIR RO, ,'ON TE MI SLU BA CAN GYI TSIG DE NI TSAD MA YIN TE, PHYOGS GCIG MA YIN NO ZHE NA, 'O NA NI DE'I TSE GTAN TSIGS DE RGOL BA DANG PHYIR RGOL BA GNYIS KA LA GRUB PAR 'GYUR RO, , 'ON TE TSAD MAS 'GRUB KYANG GRANGS CAN PA'I GTZUG LAG MI SHES PA'I PHYIR PHA ROL LA RAB TU GRUB PA NYID DO ZHE NA, DE YANG MI 'THAD DO DE LTAR NA NI GRANGS CAN RANG GIS MTSANG GSAL BAR BYED PA YIN NO, ,DE LTA MOD KYI SKYON CI YOD, ,RANG LA GRUB PA'I RTAGS KYIS NI, ,DES 'DIS RTOGS PAR BYAS PA YIN; ,GZHAN DU MA SHES PA TZAM GYIS, ,KUN DU MI SHES PAR MI 'OS, ,GTAN TSIGS SGRUB PAR NUS PA MA YIN ZHES TE, DE BSGRUB BYA BSGRUB PAR YANG MI NUS PA NI MA YIN NO, ,DE NI RE ZHIG GTAN TSIG SDE LAS BSGRUB BYA RTOGS PA NYID DE, RANG LAS GRUB PA'I GTAN TSIGS YIN PA'I PHYIR RO,,

, ,CI STE 'DI NGO BZLOG PAR NUS PA'I PHYIR RGOL BA BRTAN PA MA YIN NO ZHE NA, DE YANG MI RUNG STE, BSGRUB BYA BSGRUB PA'I GTAN TSIGS GRUB PAS GZHAN GYIS CI BYA 'DI LTAR RE ZHIG KHYOD LA DE GRUB STE, DE GRUB YON TAN CI ZHIG YOD, ,THAMS CAD NGA YIS CI DGOS ZHES, ,BYA BA'I TSUL 'DI CI ZHIG YIN, ,BSGRUB BYA BZHIN DU GTAN TSIGS KYANG NGAS SGRUB DGOS SO ZHES BYA BA 'DI RGYAL PO'I BKA' 'AM CI, THAMS CAD MI SHES PA NI RTOGS PAR NUS PA MA YIN NO, ,'ON TE RANG NYID NGES PA BZHIN DU GZHAN DAG KYANG NGES PAR 'DOD PAS SGRUB BYED BRJOD PA YIN NO ZHES BYA BA'I TSUL GYIS NA DE NI MI RIGS SO ZHE NA, DE YANG YANG DAG PA MA YIN TE, 'DI LTAR, 'DIR NI GZHAN DAG NGES PA NI, ,SKYE BA TZAM GYIS DGOS PA YIN, ,RANG GIS NGES PA BZHIN DU ZHES, ,BYA BA'I KHYAD PAR DON MED DO, ,GZHAN DAG GI NGES PA TZAM ZHIG DON GYI GNYER GYI, 'DIR NYE BAR MKHO BA MED PA'I KHYAD PAR GZHAN NI MA YIN NO, ,MKHO BA MED PA'I KHYAD PAR NI RTOGS PA DANG LDAN PA KHAS LEN PA MA YIN NO ZHE NA, 'DIR BRJOD PA, GANG ZHIG GZHAN GYIS RTOGS PA NI, ,BYE BRAG TU NI SHES MED PA, ,DE LA 'DIS RTOGS ZHES BYA BA'I, ,BLOR NI JI LTAR 'GYUR BA YIN, ,'DI NI NGAS MA BSLUS TE, YANG DAG PAR RTOGS PA NYID DO ZHES RANG GIS MA RTOGS PAS JI LTAR RTOGS, CI STE 'DIS CI BYA STE RTOGS PA TZAM NI GZHAN LA 'GYUR BA YIN LA DE TZAM ZHIG GIS RGOL BA'I TSIG GIS DON BYAS PA YIN PAS 'DI LA NYES PA CI YOD, DE LTAR NA 'O NA 'DI YANG LAN YIN PAR 'GYUR TE, NGA YIS KHYOD NI BSLUS NAS KYANG, ,'GA' ZHIG RTOGS PAR BYAS PA YIN, ,NGAS RTOGS PA YIS KHYOD LA 'DIR, ,DGOS PA GZHAN NI CI ZHIG YOD, ,GANG GI TSE SGRUB PA BYED PAR SNANG BA 'GA' ZHIG JI LTAR RUNG BAR BRJOD NAS, NGAS KHYOD RTOGS PAR BYAS SO ZHES SMRA BA DE'I TSIG DE LA LAN JI SKAD GDAB, DE LA SUN 'BYIN BA BRJOD PAR BYA'O ZHE NA MA YIN TE, SUN 'BYIN PAS NI RGOL BAS MA RTOGS PA BRJOD PAR BYA BA YIN NA, RGOL BA DES NI NGAS RTOGS PAS KHYED LA CI DGOS ZHES LAN 'DI BTAB PA YIN NO, ,NGAS KYANG DE LTAR NA MA RTOGS SO ZHES BRJOD DO ZHE NA, 'O NA GZHAN LA SUN 'BYIN PA BRJOD PAR BYA BA MA YIN TE, 'DIR

NGAS RTOGS PA MED PAS DE TZAM ZHIG BRJOD PAR BYA'O, ,MA RTOGS PA 'THAD PA DANG BCAS PA NYID DO ZHES BSTAN PA'I PHYIR SUN 'BYIN PA YANG BRJOD PAR BYA'O ZHE NA, DE LTA NA NI 'O NA, GAL TE GZHAN GYIS 'THAD PA DANG, BCAS PA'I SUN 'BYIN BRJOD BYA NA, ,RGOL BAS KYANG NI 'THAD PA DANG, ,BCAS PA'I SGRUB BYED BRJOD PAR BYA, ,JI LTAR NGAS 'DIR 'DI LTAR MA RTOGS ZHES PHYIR RGOL BAS 'THAD PA DANG BCAS PAR BRJOD PAR BYA BA DE BZHIN DU RGOL BAS KYANG SGRUB PAR BYED PA 'THAD PA DANG BCAS PAR BRJOD PAR BYA STE DE LTA MA YIN NA 'DIR JI LTAR NGAS MA RTOGS PA DE BZHIN DU GZHAN GYIS KYANG BRGYAL MI RTOGS PA SRID DO SNYAM PA'I DOGS PA DANG 'BRAL BAR MI 'GYUR RO, ,GZHAN GYI DON GRUB PAR NGES PA MED PAR TSIM PA LA BRTEN PA MA YIN NO, ,RGYAL BAR 'DOD PA TZAM GYIS NI MKHAS PA 'JUG PA'AM, DE'I DON DU BSTAN BCOS BYED BA MA YIN TE, DE KHO NA 'JUG PA'I DON YIN PA'I PHYIR RO, ,DE'I PHYIR RANG GIS RTOGS NA 'DIS NI 'DI RTOGS TE, 'DI MA RTOGS PAR BRJOD PA NI BRDZUN YIN NO ZHES BYA BAR 'GYUR RO, ,RANG GIS RTOGS PA MED PA NI, ,GAL TE GZHAN KHAS MI LEN NA RGOL BAR STON PAR BYED PA MA YIN PAR 'GYUR NA BDAG NYID NYAMS PAR 'DOD PA SU YOD, 'DI NYID TSAD MAS RTOGS NA NI, ,KHAS MI LEN YANG GZHAN MI BDEN PAR SMRA BA RTOGS PAR 'GYUR RO, ,'ON TE RANG GIS RTOGS KYANG GZHAN GYIS RTOGS SO ZHES JI LTAR SHES SHE NA, GAL TE PHYIR RGOL BAS MI RTOGS SU CHUG KYANG NYAN PAR BYED PA DAG NI RTOGS PA NYID DO, ,NYAN PAR BYED PA DAG GIS RTOGS PAS GAL TE DES MA RTOGS NA DE'I TSE DE LA TSOGS PA MED PA YIN TE, RGOL BA'I NYES PA NI MA YIN NO, ,'O MA DMUS LONG LA BSTAN PA, ,MED KYANG STON BYED NYAMS PA MIN, ,RGOL BA 'GAS KYANG PHYIR RGOL LA, ,MIG BYIN PAS NI YOD MA YIN, ,'O MA DKAR PO'I ZHES BRJOD PA NA, MIG MA TSANG BUS GAL TE MA RTOGS NA YANG PHYIR RGOL BA DMUS LONG NYID KYIS NYES PA YIN TE, JI LTAR DER RGOL BA'I NYES PA YIN PAR 'GYUR, DBANG PO DAG GIS RTOGS PA DE TZAM GYIS RGOL BA'I TSIG DON BYAS PAR 'GYUR BA MA YIN NO, ,CI STE YANG, GZHAN DON BYED PA SNYING RJE YIS, ,YID DRANGS RNAMS

, ,KYI NYAN PA POS, ,RTOGS PA TZAM GYIS TSIM PA DANG, ,'BREL 'DI JI LTAR 'THAD PA YIN, ,RANG YONGS SU TSIM PA TZAM NI GZHAN GYI DON BYED PA'I DOD PA MA YIN TE, DE DAG NI GZHAN GYI RMONGS PA BSAL BA'I DON DU 'DOD PA YIN NO, ,DE LA PHYIR RGOL BA RTOGS PAR BYA BA'I DON DU ZHUGS PA DAG NYAN PA PO TZAM RTOGS PAS YONGS SU TSIM MO ZHES BYA BA 'DI GO GANG LA 'PHANGS PA GANG LA 'PHOS PA YIN, PHYIR RGOL BA RTOGS PAR BYA BA'I PHYIR RTZOM PA NI GANG LA YIN LA, NYAN PA PO TZAM RTOGS PAS CHOG PA NI GANG NA YIN, GZHAN YANG, DE PHYOGS 'DZIN PAS NYAMS PA YIS, ,NYAN PO GANG TSE RTZOD BYED PA, ,DER YANG RGOL PAS NYAN PA PO, ,GZHAN YANG BTZAL BAR BYA BA YIN, ,NYAN PO PHYIR RGOL GYUR PA NA, ,NYAN PO GZHAN DU SPO PAS NA, ,THUG MED DES NA RGOL BA NI, ,SU YI STON PA BYED PAR 'GYUR, ,'ON TE NYAN PO'I 'JIG RTEN NI, ,RGOL BA'I PHYOGS SU GYUR NA YANG, ,DE LTA NA YANG PHYOGS LTUNG PHYIR, ,NYAN PO MIN PAR GSAL BA NYID, ,'DI LA BRJOD PA, 'DI GZHAN DON BYED CES BYA STE, ,SKAL MED LA YANG DE LTA 'AM CI, ,NUS LAS 'DAS NAS MA BYAS PAS, ,SNYING RJE'I BDAG NYID MA YIN MIN, ,SNYING RJE LDAN YANG SKAL LDAN GYIS, ,DON BYED PAR NI NUS PA YIN, ,SKAL LDAN MIN LA NUS PA NI, ,NYAMS KYIS SNYING RJE NYAMS MA YIN, ,DE NI SNYING RJE CAN MA YIN NO ZHES RTOGS PA MA YIN NO, ,NYAN PA PO RNAMS PHYOGS SU LHUNG NA NI, ,MI RTOGS PA NYID PAS GDON MI ZA BAR NYAN PA PO GZHAN BTZAL BA YIN NO, ,THAMS CAD RTZOD PA NI MA YIN TE, DGOS PA MED PA'I PHYIR DANG, PHAN TSUN LTOS PA'I PHYIR RO, ,CI STE DE DAG KYANG PHAN TSUN RGOL BA DANG, PHYIR RGOL BA NYID YIN PA DE LTA NA NI THA SNYAD MTHA' DAG CHAD PAR 'GYUR LA MTHONG BA YANG MED DE, DE'I PHYIR NYAN PA PO'I RTOGS PA TZAM NYID KYIS SMRA BA YONGS SU RDZOGS PA YIN NO, ,GANG ZHIG GZUNG BAR MI 'OS PA LA SOGS PA BRJOD PAS GZHAN PHAM PAR BYED PA DE NI BRTZE BA MED PA NYID DO, ,DE'I PHYIR RANG GIS RTOGS PA NYAN PA PO LA SOGS PA LA BSTAN PAS BDAG NYID STON PA'I NUS PA LA BRTEN PA YIN NO, ,DES NA GZHAN LA GRUB

PA NI LUNG LAS 'GRUB PA NYID DO, ,GAL TE LUNG DE GZHAN GYIS KHAS BLANGS PA DE'I TSE, DE LAS RAB TU GRUB PA'I PHYOGS KYI CHOS LAS DE DAG NYID RTOGS PA MA YIN NAM ZHE NA, MA YIN TE, PHYOGS GCIG GNOD PAR 'GYUR BA CAN NI DE LTAR KHAS LEN PAR MI RUNG BA'I PHYIR RO, ,DE NYID KYI PHYIR BSHAD PA; GAL TE LUNG DE LDAN LA GRUB, ,CE NA GANG GI LUNG GANG YIN, ,TSAD MAS GNOD PAR GRUB PA YIN, ,LUNG DE JI LTAR GRUB PA YIN, ,GAL TE TSAD MA MA YIN ZHING GZHAN GYIS KHAS BLANGS PA YANG MA YIN NA GANG GI LUNG GANG YIN, GAL TE KHAS MA BLANGS KYANG LUNG DE DANG LDAN PA YIN NA GRANGS CAN GANG YIN PAS MA YIN PA GNYIS KA LA GRUB PA NYID DO, ,CI STE KHAS MA BLANGS PA'I PHYIR DE LTA MA YIN NA, 'GA' YANG LUNG DE DANG LDAN PA MA YIN PAS 'GA' LA YANG MA GRUB PO, ,DE NI LUNG YANG YIN PAR MI 'GYUR TE, TSAD MAS GNOD PA'I PHYIR DE NI LUNG LTAR SNANG BA YIN NO, ,TSAD MA LTAR SNANG BA LAS RTOGS NA NI DE RMONGS PA NYID YIN PAS DE GZHAN GYI RMONGS PA MA BZLOG PA'I PHYIR RGOL BA NYID MA YIN NO, ,TSAD LTAR SNANG BA MI SHES NA GZHAN JI LTAR RMONGS PA MA YIN, MI SHES PA YANG MA YIN TE, 'DI LTAR, DE DANG 'GAL BA KHAS LEN PA, ,DE NYID KYIS NI JI LTAR 'GYUR, ,DE DANG 'GAL BA KHAS LEN NA, ,DE DOR YAN LAG TSAD MA MIN, ,GANG GI TSE 'DI DE DANG 'GAL BA KHAS LEN PA DE NYID KYI TSE LUNG DE MI BDEN PAR YANG RTOGS PA YIN TE, DE DANG 'GAL BA KHAS LEN PA NI, ,DE MED PAR MI 'GYUR BA YIN PA'I PHYIR RO, ,RMONGS PA'I PHYIR SKYON MED DO ZHE NA, RMONGS NA NI STON PAR BYED PA NYID MA YIN NO ZHES BSHAD ZIN TO, ,RMONGS PA BSKYED NAS DE BZLOG PA'I PHYIR NA, RGOL BA'I 'BRAS BU GRUB PO ZHE NA, MA YIN TE, DUG KYANG SBYIN BAR THAL BA'I PHYIR RO, ,SMRA BA LA BZO BA NYID KYIS RMONGS PAR BYED PA NI, RGOL BA NYID DO ZHE NA MA YIN TE, YONGS SU DAG PA'I DNGOS PO GSAL PAR STON PA NI SMRA BA LA BZO BA YIN PA'I PHYIR RO, ,'DI LTAR, MDOR BSDUS PA DANG RGYAS PA YIS, ,TSAD MA DANG LDAN DNGOS PO NI, ,STON BYED SMRA LA BZO BAR NI, ,DE NYID RIG PA RNAMS KYIS BZHED, ,RNAM PA JI LTAR YANG RUNG STE, ,RGYAL BAR 'DOD PAS GZHAN ZLOG PAR BYED PA YIN NO ZHE NA, MA

, ,YIN TE; RNAM PA JI LTAR YANG RUNG BAS BZLOG PAS, GZHAN DAG ,GZHAN DAG GIS GNAS SU 'GYUR BA'I PHYIR RO, ,'O NA GANG GI TSE YONGS SU DAG PA'I DNGOS PO BRJOD PAS KYANG GZHAN RMONGS PA DE'I TSE JI LTAR RGOL BA NYID YIN ZHE NA, NYAN PA PO RTOGS PAS CHOG PA'I PHYIR TE, DMUS LONG GIS MA MTHONG BAS NI NYI MAS GSAL BAR BYED PA MA YIN PAR MI 'GYUR RO, ,'DI LTAR, SKAL LDAN YANG NI RTOGS MIN NA, ,STON PAR BYED PA'I SKYON YIN GYI, ,GAL TE MI SHES TSIG DE LAS, ,DON RTOGS MED PAS DE MI 'GYUR, ,GAL TE GSAL BA BRJOD PAS MI RTOGS NA, ,PHYIR RGOL BA LA DAD PAS CI ZHIG BYA, ,DE NI YI GE PHYI MO 'DON PA'I MKHAN PO'I KHANG PAR ZHUGS PAR RIGS SO, ,'ON TE MKHAS PA DAG LA NI DE LTA BU'I, SGRUB BYED NYE BAR DGOD PAR BYA BA MA YIN TE, MI MKHAS PA LA BSTAN PA'I DON DU DGOD PA'I PHYIR RO, ,GANG GI PHYIR DE YANG SKYON 'BREL PAR MED PA NYID 'GREL PA'I PHYIR RO, ,'DI LTAR RIN DANG RIN LA DE LTA BU NYID KYI PHUR MA 'CHING BA NYID DO ZHE NA, 'DI NI GLEN PA'I GTAM 'DIS NGA'I SLONG PHOR DU CHANG 'THUNGS TE, NGAS 'DI'I SLONG PHOR DU GCIN 'THUNG NGO ZHES BYA BA DE BYUNG BA YIN NO, ,GZHAN YANG, GRANGS CAN RANG NYID MI RTAG PA, ,NYID LAS SEMS MED RTOGS MA YIN, ,DES NA GRANGS CAN RANG NYID NI, ,RIG LA TSAD MA GZHAN YOD 'GYUR, ,GZHAN LA RAB TU GRUB PA'I SGRUB BYED KYIS RANG NYID KYIS BSGRUB BYA NI RTOGS PAS RIGS PA MA YIN NO, ,DES NA 'DI'I DON DE SGRUB BAR BYED PA RANG LA RAB TU SGRUB PAR BYED PA YOD PAR 'GYUR RO, ,DE YOD PA NYID DO ZHE NA, DE LTA NA 'O NA, RANG RTOGS GANG LAS BYUNG GYUR PA'I, ,SGRUB BYED DE NI CIS MI BRJOD, ,RANG NYID LA RAB TU GRUB PA'I RGYU MTSAN GYIS SGRUB PAR BYED PA DE NYID CI STE NYE BAR MI DGOD DE, NAM MKHA' BLDAD PA'I RAL PA GZHAN GYIS CI BYA, GTAN TSIGS GSAL BA'I NGO BO YOD BZHIN DU DKA' BA BYED PA'I DO BO NI LEGS PA MA YIN NO, ,GRANGS CAN LA DE LUNG LAS GRUB PA'I PHYIR RANG LA GRUB PA'I SGRUB BYED NYE BAR MA BKOD DO ZHE NA, LUNG DE NYID GZHAN LA YANG SGRUB PAR BYED PA NYID MA YIN NAM, MA YIN TE GZHAN LA TSAD MA MA YIN PA'I PHYIR RO ZHE NA, TSAD MA MA YIN PA LAS RANG NYID KYANG JI

LTAR RTOGS, DE LA TSAD MA YIN PA'I PHYIR RO ZHE NA, GAL TE TSAD MA YIN NA THAMS CAD LA CI STE MA YIN, KHAS BLANGS PA MED PA'I PHYIR RO ZHE NA, GRANGS CAN YANG CI STE 'DI LAS KHAS LEN NGES BRTAGS PA'I PHYIR RO ZHE NA, GAL TE DE LTA NA GZHAN LA YANG 'GYUR TE, 'DI LTAR, RIGS PA GANG GIS LUNG 'DZIN PA, ,DE NI 'DIS KYANG CIS MI 'DZIN, ,RIGS PA GANG GIS YONGS SU BRTAGS PA'I LUNG GRANGS CAN GYIS TSAD MAR 'DOD PA'I RIGS PA DE SANGS RGYAS PA LA YANG CI STE MA YIN DES KHAS MA BLANGS PA'I PHYIR RO ZHE NA DE LTA 'O NA MI RTAG PA'I PHYIR SEMS PA MED PA YIN NO ZHES BYA BA'I RIGS PA YANG JI LTAR KHAS LEN, RIGS PAS THOB PA NI GDON MI ZA BAR KHAS BLANG BAR BYA'O ZHE NA, BSTAN BCOS KHAS LEN LA YANG MTSUNGS SO, ,DE LTA YIN DANG GNYIS KA LA GRUB PA'I SGRUB PAR BYED PA SRID PA NA, SGRUB PAR BYED PA GZHAN NYE BAR 'GOD PAS BDAG NYID NGAL BAR BYED PAS CI BYA, GAL TE DON 'DI NI RNAL 'BYOR PAS RTOGS PAR BYA BA YIN TE, DES NA GZHAN LA NI SGRUB PAR BYED PA, RNAM PA JI LTA BU YANG RUNG PAS RTOGS PAR BYA BA YIN NO ZHE NA, 'DI NI RNAL 'BYOR PAS RTOGS PAR BYA BA YIN NO ZHES GZHAN GYIS KYANG RANG GIS BSGRUB BYA LA BRJOD NUS PA MA YIN NAM, DE'I RNAL 'BYOR PA LA TSAD MA MED DO ZHES KYANG; BRJOD PAR MI NUS TE, 'DI LTAR, SNGAR NI SGRUB BYED GANG DAG GI, ,THA MAL PAR 'GYUR RTOGS PA DANG, ,DBANG PO 'BYUNG BA'I SGRUB DE DAG ,DE'I DON NUS SHES LA NUS YIN, ,RANG BZHIN GRUB PA'I RNAL 'BYOR PA NI 'GA' YANG MED DE TSAD MA MED PA'I PHYIR RO, ,DE LTAR YANG MI RTAG NA YANG TSAD MED NYID CES SNGAR BSHAD ZIN TO, ,DE'I PHYIR THA MAL PAR GYUR PA LAS PHYIS THABS RJES SU BSGRUB PAS, RNAL 'BYOR PA NYID DU 'GYUR BA YIN GYI, BKRA SHIS KYIS SGRUB PAS NI MA YIN NO, ,DE LTAR YIN DANG, SGRUB PAR BYED PA GANG DAG GIS, ,DE SGRUB PAR BYED PA'I THABS RTOGS PA DANG, THABS DE RJES SU SGRUB PA LAS DBANG PO 'BYUNG BA STE, DON DE RTOGS PA'I RANG BZHIN GYI MNGON SUM GYI DBANG PHO 'AM, YANG NA DE 'DRA BA'I RTOGS PA'I SGRUB PAR BYED PA'I DBANG PO NYID LA BRJOD DO, ,DE'I SGRUB PAR BYED PA DE DAG NI THABS SU GYUR PA'I DON GYI DBANG PO DE SGRUB PAR BYED PA NUS PA STE MTHU SHES PA LA NUS PA NYID DO, ,DE'I RNAL 'BYOR

, ,PAS RTOGS PA'I DON KHAS LEN NA'O, ,DES NA MED PA'I DON SGRUB PAR BYED PAR NYE BAR DGOD PAS CI ZHIG BYA, JI LTAR BDE BAR GSHEGS PAS RNAL 'BYOR BA'I SGRUB PAR BYED PA BRJOD PA DE BZHIN DU GZHAN GYIS KYANG BRJOD PAR RIGS SO, ,'ON TE RNAL 'BYOR PA SRID PA'I SGO NAS KYANG DE'I SGRUB PAR BYED PA NYE BAR BLANG BAR NUS PA MA YIN NA, DE'I TSE 'DIR MI SMRA BA NYID 'THOB PO, ,GANG GI PHYIR, GANG YANG RJES 'GRO RNAM CHAD CAN, ,SPYIS KYANG SPYOD YUL MA YIN PA'I, ,DON DE DAG LA BSGRUB BYA DANG, ,SGRUB BYED DPYOD PA CUNG ZAD MED, ,DON GANG ZHIG SPYI NYID DAM, SPYI'I KHYAD PAR GYIS SGRUB PAR BYED PAS RJES SU RTOGS PAR NUS PA DE LA BSGRUB BYA DANG, SGRUB BYED LA SEMS PAR BYED PA YIN NO, ,DE LA SPYI SEMS PA NI, RE ZHIG NGED KYI RNAL 'BYOR PA SRID PA DANG, DES DON 'DI MTHONG BA YIN NO ZHES BYA BA 'DI YANG SRID DO ZHES BYA BA'O, ,YANG NA DON 'DI NYID YIN NO ZHES KHYAD PAR DU'O, ,GANG ZHIG RNAM PA THAMS CAD DU RJES SU 'GRO BA MED PAS SPYIS KYANG YUL DU BYA BAR MI NUS DE LTA BU'I DNGOS PO DAG LA NI BSGRUB BYA DANG SGRUB BYED KYI DBANG DU BYAS PA'I DPYOD PA 'GA' YANG MED DO, ,TSAD MA'I DPYAD PA LTA RE ZHIG ZHOG STE, 'DI NA 'DI LUNG GCIG PUS RTOGS PAR BYA BA YANG MA YIN NO, ,DES NA DE LA TSAD MA 'JUG BAR BYED PA NI BDAG NYID TSAD MA'I YUL MNGON PAR MI SHES PA, MA RUNGS PA'I BDAG NYID STON PA YIN NO, ,'ON TE 'DI JI SRID MA RTOGS PA DE SRID DU NI SGRUB PAR BYED PA LTAR SNANG BA MI SHES TE, DES NA DE'I BSAM PAS SGRUB PAR BYED PA NYID DO, ,GANG GI TSE 'DI SGRUB PAR BYED PA MA YIN NO ZHES SHES PA DE'I TSE NI SGRUB PAR BYED PA MA YIN PAR 'GYUR BAS 'DI LA SKYON CI YOD CE NA, DE YANG MI BDEN TE, 'DI LTAR, SKYES BU'I BSAM PA'I DBANG GIS NA, ,DE NYID DE NYID MI 'JOG NA, ,GTAN TSIGS DER SNANG MED 'GYUR TE, ,DE NI DNGOS RTEN MIN PHYIR RO; ,SKYES BU'I 'DOD PA TZAM NI GTAN TSIGS KYANG GTAN TSIGS MA YIN PA DANG, GTAN TSIGS MA YIN PA YANG GTAN TSIGS NYID DU BYED PA'I PHYIR, GTAN TSIGS DANG DER SNANG BA RNAM PAR GZHAG PA MED PAR 'GYUR BA 'AM YOD NA NI SKYES BU'I 'DOD PA SEL BAR BYED DO, ,DE'I PHYIR GZHAN GYIS

KHAS BLANGS PA NI SGRUB PAR BYED PA MA YIN NO, ,GZHAN YANG MA BRTAGS PA'I LUNG LAS NI SHES PA TZAM ZHIG SKYE BAR 'GYUR GYI, DNGOS PO NGES PA MA YIN NO, ,SHES PA TZAM GYIS NI DNGOS PO 'GRUB PA MA YIN TE, 'DI LTAR, DON YOD SHES LA LTOS BCAS YIN, ,MED PA SHES PAS SGRUB BYED MIN, , YOD KYANG DNGOS DANG 'BREL MED PA'I, ,RTOGS PA RTOGS PA MED DANG MTSUNGS, ,DON YOD PA NYID GZHAN SGRUB PAR BYED PA YIN GYI MED PA MA YIN NO, ,MED PA LA GRUB PA ZHES BYA BA'I RGYU MED PA CAN NO, ,MED PA SHES PA YOD PA DE LAS GRUB PA YIN NO ZHE NA, DE MED NA DE DE'I SHES PA YIN NO ZHES GANG LAS SHES PA NYID DNGOS SU SGRUB PAR BYED PA YIN NO ZHE NA, MA YIN TE, MNGON SUM NYID DU THAL PA'I PHYIR RO, ,DE'I PHYIR MED NA SHES PA LAS 'GRUB PA MA YIN NO, ,GAL TE SHES PA TZAM LAS KYANG RTOGS PA YOD PA YIN TE, RNAM PA JI LTAR YANG RUNG BAR SGRO BTAGS PA'I DON CAN LAS SO ZHEN MA YIN TE, DNGOS PO DANG BCAS PA'I SGRO 'DOGS PA NI DNGOS PO'I SGO NYID NAS RTOGS PA YIN NO, ,GAL TE DNGOS POR GYUR PA'I RTAGS MED PAR NI RTOGS KYANG DE'I TSE DE RTOGS PA LTAR SNANG BA NYID DE, GTAN TSIGS LTAR SNANG BA LAS 'BYUNG BA'I PHYIR RO, ,DU BA MIN LAS DUR RIG LAS, , ME RTOGS PA NI BDEN MA YIN, ,PHYIN CI LOG TU SGRO 'DOGS PA, ,BSGRUB BYA SGRUB PAR BYED MA YIN, ,GZHAN YANG 'DI NI RANG GI DON GYI RJES SU DPAG PAR GTAN LA PHAB ZIN TE, RTAGS GSUM NYID KYI DON GRUB PAR BYED PA YIN GYI GZHAN NI MA YIN NO, ,DES NA, RANG BZHIN DANG NI 'BRAS BU 'AM; ,SNANG BA MTHONG BA MED NYID RTAGS, ,'BREL DE DNGOS LAS GRUB YIN NA, ,RANG LA CI YI PHYIR MA GRUB, ,GAL TE BSGRUB BYA'I RANG BZHIN DU GYUR PAR TSAD MAS SGRUB PA'I PHYIR DNGOS PO LA GRUB PA YIN NA DE'I TSE CI STE GRANGS CAN RANG NYID LA MA GRUB, TSAD MAS GRUB PA NI GNYIS KA LA GRUB PA YIN TE, TSAD MTHUN MONG BA YIN PA'I PHYIR RO, ,'ON TE TSAD MA MED NA NI DE'I TSE GZHAN GYIS KYANG GZHAN RTOGS PAR NI MI RIGS, CI LTAR GRANGS CAN MI RTAG PA NYID LA SOGS PA'I GTAN TSIGS KHYED LA GRUB PA DE LAS RTOGS PAR GYIS SHIG CES, SGRUB PAR BYED PA DE BZHIN DU, GZHAN YANG 'DI NI

, ,KHYOD LA GRUB PA YIN TE, JI LTAR TSAD MAS GRUB PA'I GTAN TSIGS LAS NGA LA RTOGS PA DE BZHIN DU RTOGS PA DANG LDAN PA GZHAN YANG YIN NO, ,DE LTA MA YIN NA GRANGS CAN RTOGS PA SNGON DU GTONG BA NYID DU MI 'GYUR RO, ,BDAG GCIG PU MKHAS PA YIN GYI, GZHAN NI DE LTA MA YIN NO ZHES NI SEMS PA DANG LDAN PA RTOGS PA MA YIN NO, ,DE'I PHYIR GZHAN GYIS KHAS BLANGS PA TZAM GYIS NI MKHAS PA RNAMS LA SGRUB PAR BYED PA SBYOR BAR MI RIGS SO, ,'O NA NI JI LTAR KHYOD DANG SNGON GYI SLOB DPON RNAMS KYIS KYANG GZHAN LA GRUB PA'I SGRUB PAR BYED PAS, BSGRUB BYA GRUB PAR 'DOD CE NA, DE NI MA YIN TE, GANG PHYIR GZHAN GYIS BRTAGS PA YIS, ,THAL BA SGRUB PA GNYIS 'BREL PHYIR, ,GCIG MED NA GZHAN DGAG PHYIR YIN, ,DE NI THAL BAR BSGRUB PA YIN GYI, DE LAS BSGRUB BYA NGES PA NI MA YIN TE, GZHAN GYIS KHAS BLANGS PA TZAM LAS NI BSGRUB BYA NGES PA MED DO, ,'O NA CI'I PHYIR ZHE NA, 'BREL PA DE GCIG MED NA GZHAN MED PAR BSTAN PA'I DON DU'O, ,BSGRUB BYA MED PAR NI SGRUB BYED SRID PA MA YIN NO, ,THAL BAR BSGRUB PA DE NI 'DI YIN TE, DU MA LA SOGS PA'I GCIG PO NI YUL LA SOGS PA'I KHYAD PAR GZHAN DANG LDAN PA MA YIN TE, YUL DANG DUS DANG GNAS SKABS KYI KHYAD PAR NGES PA GCIG DANG 'DRES PAS RNAM PAR MA BCAD PA'I RANG BZHIN GZHAN GYIS STONG PA'I PHYIR ZHES BYA BA DANG DE BZHIN DU CHA SHAS BSGYUR BAS KYANG THAMS CAD BSGRUB PAR 'GYUR TE, THA DAD PA MED PA'I PHYIR RO ZHES BYA BA LA SOGS PA'O, ,GANG GI PHYIR DE LTA BU'I DNGOS PO NI YUL LA SOGS PA THA DAD PA DANG 'BREL PA 'GAL BA'I PHYIR RO, ,GAL TE GCIG YIN YANG KHYAB PA'I PHYIR YUL LA SOGS PA DU MA DANG 'BREL BA CI 'GAL ZHE NA, MA YIN TE DUS DU MA DANG 'BREL PA NI MTHONG BA MI NUS PA'I PHYIR DANG NGO, ,SNGON DANG PHYI MA'I DUS SU KHYAB PA NYID NI MNGON SUM GYIS DMIGS PA MA YIN TE, SNGON DANG PHYIR MA'I DNGOS PO NI RTOG BA'I YUL YIN PA'I PHYIR RO, ,GANG ZHIG 'DAS PAR MTHONG BA DE NI SNGON GYI DUS YIN LA, DUS GANG ZHIG MA 'ONGS PAR MTHONG BA NI PHYI MA'I DUS YIN TE, DE'I DUS SU MTHONG BA'I DNGOS PO LAS THA DAD PA'I DUS GZHAN NI MED DO, ,GAL TE

DUS MED PA'I PHYIR JI LTAR SNGA MA LA SOGS PA'I THA SNYAD DU 'GYUR, DE BZHIN DU YUL YANG MED PA'I PHYIR RO ZHE NA, DUS YOD KYANG JI LTAR SNGA MA DANG PHYI MA'I THA SNYAD DU 'GYUR, DUS DANG 'BREL PA TZAM GYIS NI SNGA MA LA SOGS PA'I THA SNYAD KYI YUL DU 'GYUR BA MA YIN TE, DA LTAR BYUNG BA YANG THAL BA'I PHYIR RO, , DUS THA DAD PA'I PHYIR TE, 'DI LTAR, GANG ZHIG SNGON GYI DUS SOGS DANG, ,LDAN DE SNGON SOGS THA SNYAD STON, ,DE'I YANG SNGON DANG PHYI MA NI, ,NGO BO NYID LAS GZHAN MIN PHYIR, ,SNGON GYI DUS KYI DNGOS PO DANG LDAN PA NI, SNGON YIN LA, PHYI MA'I DUS KYI DNGOS PO DANG LDAN PA NI DE BZHIN DU PHYI MA YIN NO ZHES BYA BA LA SOGS PA'O, ,DUS NYID JI LTAR SNGON YIN ZHE NA, DUS KYI SNGON NYID LA SOGS PA NI RANG GI NGO BO NYID KHO NAS YIN NO, ,DE BZHIN DU YUL YANG YIN NO ZHE NA, 'DI NI DE LTA MA YIN TE, GANG GI PHYIR, DE DAG RTAGS DANG KHYAB NYID NA, ,SNGON NYID LA SOGS JI LTAR GRUB, ,LHAN CIG SPYOD PA DE BZHIN PHYIR, , ZHE NA PHAN TSUN RTEN PAR 'GYUR, ,YUL DANG DUS KHYAB PA DANG, RTAG PA YIN YANG, RA MA nA LA SOGS PA LHAN CIG SPYOD PA SNGON LA SOGS PA YIN PA'I PHYIR, DE LTAR 'GYUR BAS CI 'GAL, LHAN CIG SPYOD PAS 'GA' ZHIG LA YANG THA SNYAD MI BYED PA NI MA YIN TE, DPER NA KHRI'U 'BOD DO ZHES BYA BA BZHIN NO; ,DE BZHIN DU 'DIR YANG DUS DE NI 'DAS SO ZHES THA SNYAD DO ZHE NA DES NA PHAN TSUN DU RTEN PA'I NYES PAR 'GYUR BAR KHYOD DANG 'BREL PAR 'GYUR RO, ,LHAN CIG SPYOD PA'I SNGA MA NYID, ,SNGAR NI DUS DANG 'BREL PA LAS, ,DUS KYI SNGON NYID LA SOGS KYANG, ,LHAN CIG SPYOD DANG 'BREL PHYIR YIN, , GCIG NI SNGON DU MA GRUB NA, ,GCIG KYANG GNAS PAR CI LTAR 'GYUR, ,GNYIS PO LHAN CIG 'BYUNG NA NI, ,SNGON NYID PHAN TSUN BYAS MI 'GYUR, ,CI SRID DUS SNGA MA NYID LA SOGS PA MA YIN PA DE SRID DU LHAN CIG SPYOD PA RNAMS MI 'GYUR BA'I PHYIR MNGON PAR 'DOD PA MI 'GRUB PO, ,'ON TE GNYI GA'I SNGA MA'I NYID LA SOGS PA DUS MTSUNGS PA DANG PHAN TSUN BYED PA MI RTOGS PA'I PHYIR PHAN TSUN BYAS PA NYID MED PAS RANG BZHIN DE RANG GI RGYUS SKYED PA YIN PA'I PHYIR, SNGA MA LA SOGS PA'I NGO BO DE NI DNGOS PO NYID YIN TE, DE'I PHYIR DUS YONGS SU RTOGS PA NI DON MED DO, ,'DI LTAR 'DAS PA'I DNGOS PO

, ,GANG YIN PA DE NI SNGA MA YIN PAR BRJOD LA, GANG RTOGS PA MA YIN PA DE NI PHYI MA GANG YOD PA DE NI DA LTAR BAR BRJOD DO, ,GAL TE DUS MED PA'I PHYIR, 'DI NYID CI LTAR ZHE NA DUS YOD KYANG JI LTAR ZHES BSTAN ZIN TO, ,DES NA 'DI NI LAN MA YIN NO, ,GZHAN YANG, RGYU YOD PA DANG MED PA LAS, ,'BRAS BU YOD DANG MED DE'I PHYIR, ,SNGA MA PHYI MA RNAMS GNAS PAS, ,MA MTHONG BRTAGS PAS CI ZHIG BYA, ,SNGON DANG PHYI YI THA SNYAD NI, ,YOD PA DANG MED PA RNAM PAR GNAS PAS YIN NO, ,DE YANG RGYU YOD PA DANG MED PA DAG LAS RGYU DE YANG RANG GI RGYU NYID YOD PA DANG MED PA LAS YIN PA'I PHYIR MA MTHONG BA RTOGS PA NI RIGS PA DANG LDAN PA MA YIN NO, ,'ON TE YUN RING BA DANG MYUR BA LA SOGS PA'I RANG BZHIN YONGS SU GCOD PA'I RGYU THOG MA DANG THA MA MED PA'I DUS 'DOD PA YIN NO ZHE NA, DE YANG CUNG ZAD KYANG MA YIN TE, 'DI LTAR, GAL TE YUN RING MYUR SOGS BLO'I,, BZUNG BA DUS SU 'DOD NA NI, ,THOG MA THA MA MED DUS LAS, ,CI LTAR MYUR SOGS BLO 'GYUR YIN, ,GAL TE BLO DE DAG DUS KYI RANG BZHIN 'DZIN PA YIN NA NI DE'I TSE THOG MA DAD THA MA MED PA NYID DANG, KHYAB PA NYID KYIS DE NYID 'DZIN PAR 'GYUR TE, YUN RING PO LA SOGS PA GZHAN GYIS DE LTA BUR 'DZIN PA MI SRID PA'I PHYIR RO, ,GZUNG BA'I RANG BZHIN GANG YIN PA, ,DE NYID DON DU RIGS PAR RTOGS, ,DNGOS PO RNAM PA GZHAN DU NI, ,GNAS PAR 'DOD PA MA YIN NO, ,YUN RING MYUR SOGS DBYE BA RNAMS, ,PHAN TSUN DU NI THA DAD PHYIR, ,DE NI DUS LA THAL 'GYUR BAS, ,KHYAB DANG GCIG NYID CI LTAR YIN; ,'ON TE, DON 'DI DUS NI YUN RING ZHES, ,GNAS LUGS RNAM PAR DBYE BA LAS, ,YUN RING MI RING SOGS DBYE RNAMS, ,DUS KYI RANG BZHIN RJES 'GRO NYID, ,YUN RING BA DANG MYUR BA LA SOGS PA NI DUS KYI RANG BZHIN GYI RJES SU 'GRO BAR GTOGS KYI DNGOS PO'I RANG BZHIN GYI NANG DU GTOGS PA NI MA YIN PAS NA KHYAB PA'I DUS RNAM PAR GNAS SO, ,'DI LTAR GANG ZHIG GANG DANG RJES SU 'BREL PAR RTOGS PA DE NI DE DANG LDAN PA YIN TE, DPER NA KHRA BO BA LANG GI RANG BZHIN DANG RJES SU 'BREL PAR RTOGS PA DE DANG LDAN PA YIN PA BZHIN PAS DUS KYANG DE BZHIN DU RNAM PAR GZHAG GO ZHE NA, DE LTA NA NI 'O NA, YUN

RING MYUR SOGS DBYE BA NI, ,DUS KYI RANG BZHIN RJES 'GROL, ,DUS ZHES BYA BA SPYI YIN PA, ,DE'I PHYIR DUS NI 'GRUB MI 'GYUR, ,DUS KYI RDZAS KYI TSIG DON GYI NANG DU 'DOD PA YIN GYI, SPYI NI MA YIN TE, DE NI TSIG GIS DON GZHAN YIN PA'I PHYIR RO, ,YUN RING BA LA SOGS PA LAS THA DAD PA'I DUS SU NI YOD PA MA YIN NO, ,DUS ZHES BYA BA NI DE DAG LA MING TZAM ZHIG 'GA' ZHIG GIS ZOR YANG BAR BYA BA'I DON DU BKOD PA YIN NO, ,YUN RING LA SOGS DE DAG KYANG, ,BYED PA LAS NI GZHAN MA YIN, ,YUN RING BYA ZHES DE LTA BUR, ,BYA BA'I RANG BZHIN LA 'JUG PHYIR, ,YUN RING PO NAS BYAS SO ZHES BYED PA DANG GZHI MTHUN PAR RTOGS PAS YUN RING PO LA SOGS PA'I DE NYID NI, BYA BA'I RANG BZHIN GYI NANG DU CHUD PA NYID DO, ,BYA BA YANG LAS DANG BYED PA PO'I DNGOS PO LAS THA DAD PA MA YIN TE, 'DI LTAR, LHA SBYIN BYED CES BYED PA NI, ,BYED PA PO LAS THA DAD DU, ,RTOGS MIN DE NI TSAD MA YIS, ,GCIG NYID DU NI RTOGS PHYIR RO, ,LAS BYED BUM PA BYED DO ZHES BYA BA LA BUM PA DANG LAS BYED KYI KHYAD PAR LAS THA DAD PA'I BYA BA NI MNGON SUM GYIS DMIGS PA MA YIN NO, ,DE MED PA'I PHYIR RJES SU DPAG PAS KYANG MA YIN PAS BYA BA NI MED PA NYID DO, ,'DI LTAR, CHAD GYUR LAS GZHAN BCAD PA MED, ,'GRO BO LAS GZHAN 'GRO BA MED, ,THOG MED BAG CHAGS KHYAD PAR LAS, ,RTOGS PA 'BA' ZHIG THA DAD YIN, ,THOG MA MED PA'I BAG CHAGS DANG RGYUD 'BREL PAR BYAS PA DANG, DON GYI DE KHO NA NYID LA MNGON PAR ZHEN PA, NYAMS PAR GYUR PA'I SO SO'I SKYE BO DAG RJES SU 'GRO BA DANG LDOG PA DAG LAS THA DAD PAR NYE BAR GZHAG STE, THA DAD PA LAS BZLOG PA LA YANG THA DAD PAR SHES PAR BYED DE, DES NA BYA BA THA DAD PAR ZHEN PA 'DI NI PHYIN CI LOG PA TZAM DU ZAD DO, ,'DI LTAR, GAL TE BYA BA LHAS BYIN LAS, ,THA DAD MED NA GZHAN DAG DER, ,MI 'GYUR GZHAN YANG BYA BA DANG, ,LDAN PHYIR BYA BA GZHAN ZHES BRTAG ,'DI YANG SNGAR BSTAN ZIN PA NYID DE, THOG MA MED PA'I BAG CHAGS LAS SKYES PA'I YID KYIS RTOGS PA LAS MA RTOGS PAR MNGON SUM GYI NI RJES SU 'GRO BA DANG, LDOG PAR RTOGS PA MA YIN NO,, ,,BAM PO DANG PO, ,'ON TE BYA BA ZHES BYA BA 'DI NI, YOD PA NYID DU GYUR PA MA YIN PAS, MNGON SUM GYIS THA DAD PAR DMIGS

, ,PA MA YIN NA, GAL TE YOD PA NYID DU GYUR PA MA YIN DU CHUG PA DA LTAR NA YANG RTAGS LA SOGS PA DANG LDAN PAR MA GYUR MOD, DNGOS PO LAS THA DAD PA YIN NA MNGON SUM GYIS DMIGS PA LA 'GAL BA CI YOD DES NA YUN RING BA DANG MYUR BA LA SOGS PA'I RTAG PA'I BYA BA'I KHYAD PAR NYID YIN GYI DE KHO NA NYID NI MA YIN TE, CI LTAR 'DI LTAR DE BZHIN ZHES BYA BA LA SOGS PA'I DON BZHIN NO, ,'DI LTAR DE BZHIN ZHES 'DI DAG ,DNGOS PO LAS NI THA DAD 'GYUR, ,GAL TE RNAM RTOG THA DAD KYI, ,SGRUB BYED YIN NA JI LTAR DANG, ,GAL TE GANG ZHIG RNAM PAR RTOG PA GANG DANG LDAN PA DE DANG RJES SU MTHUN PA'I RANG BZHIN RNAM PAR RTOG PA'I YUL GYI DON DE NYID DON DAM PA YIN NA DE'I TSE, DE LTAR LA SOGS PA YID TSIG GI DON DU 'GYUR BAS DE DAG GANG GI NANG DU BSDU, DUS LA SOGS PA NI DE'I RGYU MTSAN DU MI 'DOD LA MA RTOGS PA MA YIN NO, ,'ON TE DE DAG NI BYA BA'I KHYAD PAR NYID YIN NA, DE LTA YIN NA YUN RING BA LA SOGS PA YANG YIN PAS, DUS LA SOGS PA RTOGS PA'I NGAL BA NI DON MED DO, ,DE'I PHYIR SNGA MA DANG PHYI MA DUS SU GYUR PA'I TSIG GI DON 'DZIN PA MED PA'I PHYIR MNGON SUM GYIS NI KHYAB PA 'DZIN PA MA YIN NO, ,'ON TE DUS KHYAB PA MED KYANG YUL KHYAB PAR 'DZIN PA NI 'GAL BA MED PAR 'DOD NA MA YIN TE DE LA YANG DE'I RTEN LAS THA DAD PAR SPYI LA SOGS PA MI DMIGS PA'I PHYIR RO, ,DE LTA BU'I RANG BZHIN NI YUL LA SOGS PA THA DAD PA DANG 'BREL PAR 'GAL BA'I PHYIR RO, ,DER ZHUGS PA NI GZHAN DU YANG DE LTAR 'GYUR BA MA YIN TE, THA DAD PA MED PAS THAMS CAD ZHUGS PA NA GONG BU GCIG TU 'GYUR RO, ,RTEN DER MA ZHUGS PAR NI DER ZHUGS PA 'JUG PA MA YIN NO, ,'ON TE 'DI GNYIS MTSUNGS SO SNYAM PA'I BLO SKYES PA YIN TE DES NA SPYI THA DAD PA DANG THA MI DAD PA YIN NO ZHE NA, 'DI LA BRJOD PA, BLO RNAMS MTSUNGS PA NYID YIN NA, ,CI LTAR DON NI MTSUNGS PA NYID, ,GZHAN DU MTSUNGS PA NYID KYIS NI, ,MTSUNGS DE GZHAN LA 'GYUR MA YIN, ,MTSUNGS RNAMS DON LA YOD NA NI, ,DON LAS THA DAD PAR RIG 'GYUR, ,DON LA MTHONG BA MED PA NI, ,CI LTAR DON LA YOD PAR BRTAGS, ,RJES SU 'GRO BA'I RNAMS PA CAN GYI BLO SKYE BA ZHES BRJOD PA 'DI'I DON GANG YIN, DON MA RTOGS PAR

RNAM PA CI LTAR RUNG BAR RTOGS PA'I DON CAN GYI TSIG GIS NI DON BDEN PA SGRUB PAR BYED PA MA YIN NO, ,RNAM PAR DPYAD NA NI MTSUNGS PA'I RNAM PA CAN GYI BLO ZHES BYA BA'I SGRA'I DON RNAM PA GNYIS SU 'GYUR TE, BRGYA ZHIG LA RANG GI NGO BO MTSUNGS PA'I PHYIR MTSUNGS PA'I RNAM PA'AM, YANG NA DON GYI RNAM PA MTSUNGS PA'I PHYIR YIN, RNAM PA GZHAN NI MI SRID PA'I PHYIR RO, ,RANG GI NGO BO MTSUNGS PA'I RNAM PA NYID YIN NA NI RANG GI NGO BO NYID DU 'GYUR GYI, DON RNAM PA MTSUNGS PA DANG LDAN PA NI MA YIN PA'I PHYIR DON MTSUNGS PAR MI 'GYUR RO, ,BLO'I RNAM PA DE YANG RANG GI MTSAN NYID KHO NA YIN GYI, DE'I SPYI NI MA YIN TE, DE'I BLO GZHAN LA MED PA'I PHYIR DANG, DON LA BRTEN PA YANG MED PA'I PHYIR RO, ,'ON TE DON GYI RNAM PA NYID MTSUNGS PA'I PHYIR, DE'I RNAM PA CAN GYI BLO ZHES BRJOD DO ZHE NA DE YANG MI BDEN TE, RNAM PA GNYIS SNANG BAR THAL BA'I PHYIR RO, ,RNAM PA GNYIS PO DE NI SNANG BA NYID DO ZHE NA MA YIN TE, 'DI LTAR, RANG LTA'I PHYOGS SU LHUNG BAS NA, ,TSIG TZAM GYIS NI RTOGS PA LAS, ,DON GRUB MA LUS GRUB 'GYUR TE, ,SGRA NI KUN LA 'JUG PHYIR RO, ,DES NA RNAM PA MTSUNGS PA CAN GYI BLO ZHES BYA BA 'DI NI, BLO MED KYI BLO 'KHRUGS PA YIN NO, ,DES NA SPYI YOD PA MA YIN NO, ,'ON TE LKOG SHAL LA SOGS PA DANG LDAN PA NYID KYIS MTSUNGS PA'I RNAM PA NYID DE DANG THA MI DAD PA'I MTSAN NYID KYI SPYI NI YUL DANG DUS LA SOGS PAR NGES PA'I GSAL BA GZHAN DANG LDAN PAR 'GYUR BA'I PHYIR SKYON MED DO ZHE NA, DE NI MA YIN TE, 'DI LTAR, DE LTAR MNGON SUM GYIS BZUNG BA, ,MED PHYIR RNAM PA'ANG GCIG MA YIN; ,GCIG PHYIR GCIG NI SHES PAS NA, ,GSAL BA THAMS CAD 'DZIN PAR 'GYUR, ,RNAM PA GCIG YIN PA'I PHYIR, RNAM PA GCIG BZUNG NA YANG RNAM PA DANG LDAN PA'I DON THAMS CAD GZUNG BAR THAL LO, 'ON TE RNAM PA NI GZUNG BA NYID DO, ,RNAM PA DANG LDAN PA 'DZIN PAR MI 'GYUR TE, DE LAS THA DAD PA'I PHYIR RO, ,THA DAD PAR NI 'DZIN PAR NUS PA MA YIN GYI, GZHAN NI DE'I BDAG NYID KHO NA LAS 'DZIN PA YIN NO ZHE NA, DE YANG MA YIN TE, DE BDAG NYID DANG DE BDAG CAN, ,DE BDAG MIN PAR BRJOD MA YIN, ,BRGYUD PAS DE'I BDAG CAN YIN NA, ,THA MI DAD PA NYID DUD THAL, ,RNAM PA GZHAN

, ,DANG RNAM PA GZHAN DE'I BDAG NYID KYIS DE'I BDAG CAN NYID YIN NO, ,RNAM PA GZHAN DE RNAM PA DANG LDAN PA DANG, DE'I BDAG NYID CAN YIN PA'I PHYIR, DE'I BDAG NYID CAN RNAM PA DANG LDAN PA 'DZIN PAR 'GYUR RO, ,GAL TE DE DANG THA MI DAD PA'I RNAM PA DANG LDAN PA MI 'DZIN NA, RNAM PA GZHAN GZUNG YANG DE LAS GZHAN 'DZIN PAR MI 'GYUR RO, ,THA MI DAD PA NI 'DZIN PA'I RGYU MTSAN MA YIN TE, RNAM PA DANG LDAN PA MI 'DZIN PA'I PHYIR RO, ,'ON TE DE DANG THA MI DAD PA'I PHYIR DE NI RNAM PA GZHAN NYID DU MI 'GYUR RO ZHE NA, ,DE LTA NA NI 'O NA RNAM PA THA DAD PA MA YIN PA'I PHYIR RNAM PA DANG LDAN PAR YANG MI 'GYUR RO, ,'DIS NI RNAM PAR BSHAD PA BYED PA'I TSIG KYANG SPANGS PA YIN TE, GCIG LA ZHIG PAS NI THAMS CAD LA ZHIG PAR MI 'GYUR TE, GSAL BA GZHAN LA GNAS PAR DMIGS PA YIN NO ZHE NA, RNAM PA THA DAD PA MED PA'I PHYIR DE DANG THA DAD PA MED PA NI GSAL BA GZHAN DU 'GYUR BA MA YIN TE; RNAM PA GZHAN BZHIN NO, ,'ON TE NAG PO LA SOGS PA'I DBYE BAS RNAM PA DANG LDAN PA NI GZHAN NYID DU 'GYUR GYI, RNAM PA GZHAN NI MA YIN NO ZHE NA, DE NI MA YIN TE, GAL TE NAG SOGS GZHAN YIN NA, ,DE THA DAD LAS DAD GANG, ,DE DANG 'BREL PHYIR THA DAD NA, ,RNAM PA'ANG DER NI CIS MI 'GYUR, ,GAL TE NAG PO NYID LA SOGS PA RNAM PA DANG LDAN PA LAS GZHAN YIN NA, CI LTAR DE THA DAD PAS THA DAD PAR 'GYUR, GZHAN THA DAD PAS NI GZHAN THA DAD PA MA YIN NO, ,RGYU NYID KYIS THA DAD PAR BYED PA NYID DO ZHE NA, MA YIN TE, RGYU NYID MED PA'I PHYIR RO, ,YON TAN NYID NI RDZAS KYI RGYU MA YIN TE, DE DANG GRUB PA DANG BDE BA GCIG TU SKYES PA'I PHYIR RO, ,RGYU NYID YIN YANG DE LAS GZHAN THA DAD PA SKYES PA'I PHYIR DE LA YANG 'BREL PA CAN THA DAD PAR BYED PA GZHAN YOD PAR 'GYUR RO, ,RGYU NYID NI 'BREL PA CAN MA YIN TE, DE LTA MA YIN NA ME YANG DU BA'I 'BREL PA CAN DU 'GYUR RO, ,MA MTHONG BA'I PHYIR DE LTA MA YIN NO ZHE NA, 'O NA NI 'BREL PA CAN YANG RGYUR MA MTHONG BAS NA RGYU NYID DU BRTAG PAR MI BYA'O, ,THA DAD MIN PHYOGS LA THA DAD, ,CE NA RNAM PA'ANG THA DAD NYID, ,THA DAD LAS DBYE MED THA DAD, ,GZHAN DU THA DAD MED MI 'GYUR, ,NAG PO LA SOGS PA NI RNAM PA DANG LDAN PA

LAS THA DAD PA MA YIN TE, DES NA THA DAD PA LAS THA MI DAD PA'I GANG YIN PA DE YANG THA DAD PA YIN PA'I PHYIR RNAM PA DANG LDAN PA THA DAD DO ZHE NA, 'O NA NI RNAM PA YANG DE DANG THA MI DAD PAS THA DAD PAR THAL LO, ,RNAM PA YANG RNAM PA DANG LDAN PA DANG THA DAD PA MA YIN TE, DES NA THA DAD PA DANG THA MI DAD PA NI RNAM PA DANG LDAN PA GZHAN DANG, RNAM PA LAS KYANG THA DAD PAR 'GYUR RO, ,RNAM PA NI THA MI DAD PA NYID DE, RNAM PA YON TAN TU GYUR PA NI NAG PO LA SOGS PA'I YON TAN DANG 'BREL PA MA YIN TE, YON RNAMS PHAN TSUN MI 'DU BA'I PHYIR TE, DE'I YON TAN RNAMS NI YON TAN CAN LA 'DU BA YIN NO ZHES BYA BA GZHUNG YIN NO ZHE NA, DE NI MI RIGS TE, THA DAD NI 'DI BRJOD PAR RIGS, ,GCIG PA LAS NI DBYER MED PHYIR, ,'DI 'DIR 'DI NI MA YIN ZHES, ,RTOGS PA THA DAD LAS BYUNG YIN, ,'O NA THA DAD 'GYUR ZHE NA, ,'DI NI BYIS PA'I RTZED MOR 'GYUR, ,THA DAD PHYOGS NI YONGS SPANGS TE; ,PHYOGS GZHAN LA NI RTEN PA'I PHYIR, ,DER YANG NYES PA MTHONG BA YIS, ,SLAR YANG SNGA MA LA BRTEN PHYIR, ,DE'I PHYIR RNAM PA'I MTSAN NYID KYANG SPYI MA YIN NO, ,'DIS NI GTZO BO'I MTSAN NYID KYANG GSAL BA YIN TE, DE YANG RJES SU 'GRO BA YIN NA, DE'I GNAS SKABS THAMS CAD 'DZIN PA'I PHYIR THAMS CAD THAMS CAD MTHONG BAR 'GYUR TE, ,DE KHO NA GZHAN MED PA'I PHYIR NA, GNAS SKABS DE GTZO BO'I RANG BZHIN YIN PA'I PHYIR RO, ,'ON TE DON DAM PAR NA THAMS CAD SNANG BA NYID DO, ,'KHRUL PAS MI SNANG NGO ZHES RNAM PAR 'KHRUL PA YIN NO ZHE NA, DE YANG MI RIGS TE, 'DI LTAR, THAMS CAD SNANG BA MED DAM CI, ,'ON TE SNANG YANG 'KHRUL PA YIN, ,'DIR NI TSAD MA YOD MIN TE, ,RTOGS PA 'BA' ZHIG TZAM DU ZAD, ,THAMS CAD RGYU LAS NUS PA YIS, ,RANG BZHIN DU NI GNAS PA GANG, ,DE NI GTZO BO 'GRO BA KUN, ,DE LAS SKYES PAR GYUR PA YIN, ,GAL TE KHYAB DANG RTAG PAR NI, , GNAS PA DE NYID SPYI YIN LA, ,GSAL BA GSAL BA PHAN TSUN DU, ,THA DAD PAR NI MTHONG BA YIN, ,'DIR 'DI NI 'GAL BA YIN TE, ,YON TAN RNAMS KYI RANG BZHIN MCHOG ,MTHONG BA'I LAM DU 'GRO MA YIN, ,MTHONG BA'I LAM DU GANG 'GYUR TE, ,SGYUR MA LTA BUR SHIN TU GSOG ,CES BYA'O, ,GANG GI PHYIR,

'BRAS BU'I SGO NAS BRTAGS PA GANG, DE GSOG NYID KYIS DE YANG NI, ,GSOG 'GYUR RGYU LA DE YI NI, ,RANG BZHIN GYIS NI YOD PHYIR RO, ,CI STE GZHAN NYID DE 'BRAS SNGAR, ,YOD SMRA BA NI NYAMS PAR 'GYUR, ,GANG ZHIG MTHONG BA MED PA YI, ,DNGOS PO DE NYID DON DAM MIN, ,DE'I PHYIR GTZO BO'I MTSAN NYID KYANG SPYI MA YIN NO, ,'ON TE YANG SNGA MA DANG PHYI MA'I DNGOS PO LA MNGON SUM MI 'JUG PA'I PHYIR GAL TE DUS KYI DBYE BA THA DAD PA'I GSAL BA KHYAB PA'I SPYI MI 'DZIN PA DE LTA NA YANG, DUS MTSUNGS PA YUL THA DAD PA'I KHYAB PA NI 'DZIN PA NYID DO SNYAM NA DE YANG MA YIN TE; 'DI LTAR, DUS THA DAD PAR GYUR PA YIN, ,GSAL BA KHYAB PA MI 'DZIN NA, ,SPYI LA DGOS PA YOD MIN TE, ,DE 'DRA'I THA SNYAD 'GYUR MA YIN, ,RA DKAR POS LHAG GSOL CIG BYAS PA NA SNGAR LHA GSOL BA MTHONG BA DE NYID 'DI YIN NO, ,SNYAM PAS, RIGS RJES SU 'GRO BA'I PHYIR LHA GSOL BA'I DON DU THA SNYAD PA DAG GIS DE SPYIR 'DOD PA YIN NO, ,DUS GCIG TU MTHONG BA DE NI THA SNYAD LA NYE BAR MKHO MA YIN TE, GNYI GA YANG SNGAR GYI RJES SU 'BRANGS PAS DE'I RIGS NYID DU RTOGS PA'I PHYIR RO, ,SNGA MA DANG PHYI MA DAG LA YANG SNGA PHYI'I GSAL BA GSAL BAR SNANG BA DANG, MI GSAL BAR SNANG BA'I RNAM PA DAG LAS THA DAD PA'I SPYI GZHAN NI RTOGS PA MED DO, ,DE BZHIN DUS MTSUNGS PA DAG LA YANG GSAL BA'I RNAM PA GNYIS LAS MED DO, ,'O NA CI LTAR 'DI GNYIS MTSUNGS SO ZHES BYA BAR RTOGS PA YIN ZHE NA, RTOGS PA 'DI NI SNGA PHYI BYUNG BA DAG LA YANG MTSUNGS SO, ,'DI LTAR, DE LA MTSUNGS PA'I RNAM PA NI, ,MNGON SUM GYIS MTHONG YOD MA YIN, ,GSAL BA DUS MTSUNGS PA DAG LA'ANG, ,MNGON SUM GYIS NI MTHONG BA MED, ,SPYI ZHES BYA BA NI TSIG GI LHAG MA'O, ,SNGA MA DANG PHYI MA'I GSAL BA DE BZHIN DU DUS MTSUNGS PA DAG LA YANG RNAM PA MTSUNGS PA NYID THA DAD PAR RTOGS PA MED DO, ,DE NI RTOGS PA TZAM 'BA' ZHIG TU ZAD DE RTOGS PAR BYA BA MI MTHONG BA'I PHYIR RO, ,RTOGS PAR BYA BA'I RNAM PA MED PAR NI RTOGS PA 'GA' YANG RTOGS PA MA YIN NO, ,MTSUNGS PA'I RNAM PAR RTOGS PA GANG, ,DE NI DMIGS PA MED PAR SKYE, ,DE YI GZUNG BA SNANG MED PHYIR, ,SNGON

DANG PHYI MA'I KHYAD PAR BZHIN, ,GANG MTSUNGS PA'I RTOGS PA DE THAMS CAD NI DMIGS PA MED PA YIN TE, DE LA GZUNG BA MI SNANG BA'I PHYIR RO, ,DPER NA DUS THA DAD PA'I GSAL BA'I SPYI LA DMIGS PAR 'DOD PA BZHIN TE, GSAL BA DUS MTSUNGS PA'I SPYI'I YUL CAN GYI RTOGS PA YANG, SPYI'I RNAM PA SNANG BA MED PA YIN NO ZHES BYA BA NI RANG BZHIN GTAN TSIGS SO, ,'O NA THAMS CAD MI 'DRA BA YIN PA'I PHYIR SPYI MED NA SHES PA DE CI LTAR SKYE ZHE NA, DE YANG MI BDEN TE, GAL TE RTOGS PA 'DI DAG NI, ,'GA' ZHIG GNYID LA 'JUG NA YANG, ,RGYU TZAM NYID LA NGES 'GYUR GYI, ,SPYI RTOGS PAR BO [*GO?] CI LTAR 'GYUR, ,RGYU MED PAR NGES PA MA YIN PA'I PHYIR RGYU TZAM ZHIG BRTAG PA NYID DU RIGS KYI SPYI LA GO CIR 'GYUR, YANG NA DE LAS GZHAN PA DAG LAS LDOG PA TZAM NYID SPYIR 'GYUR BA'I PHYIR CHAD PA CI YOD, DE YANG NGO BO MED PA YIN NO ZHES BSTAN ZIN TO, ,GZHAN YANG, BAG CHAGS SA BON SAD PA LAS, ,SGRO 'DOGS PA YI RNAM PA GANG, ,DE TZAM GYIS NI CHOG PA'I PHYIR, ,SPYI GZHAN CI LTAR DON MED MIN, ,THA SNYAD PA TZAM DE KHO NA NYID DU MA BRTAGS PA YANG RIGS SU 'GRUB PA'I PHYIR GZHAN DU NGAL BA LHUR LEN PA GZHAN GYIS CI ZHIG BYA, GAL TE CHOS DANG CHOS MIN PA, ,GRUB PHYIR RIGS NI DON DAM NA, ,DE YI CHOS KYIS SGRUB BYED NYID, ,TSAD MA'ANG GANG GIS 'JAL BA YIN, ,RIGS RANG GI NGO BOR GRUB PAR GYUR KYANG CHOS LA SOGS PA'I SGRUB PAR BYED PA NYID NI, BYE BRAG TU KHONG DU CHUD PA MA YIN TE, RIGS GZHAN LAS THA DAD PA MED PA'I PHYIR RO, ,DE BZHIN DU GRUB PA MA YIN NA NI 'BRAS BU LA NYE BAR MKHO BA MA YIN PA'I PHYIR RIGS 'DZIN PA DON MED DO, ,YANG NA DE LTA BU'I RTOGS PA'I KHYAD PAR GYIS NYE BAR MTSON PA'I GSAL BA NYID CHOS LA SOGS PA'I SGRUB PAR BYED PA YIN PAS DE NYID SPYI YIN NO, ,'ON TE GAL TE RTAG PA DANG KHYAB PA'I SPYI MED NA SPYI'I RNAM PA CAN GYI RTOG PA KHYAB PA NYID MED PAR 'GYUR RO ZHE NA, DE NI MI RIGS TE, RTOGS PA DE LA RGYU 'GA' ZHIG, ,YOD DO ZHES NI RTOGS PAR 'GYUR, ,GZHAN BYA'I RNAM PA YOD PA'I PHYIR, ,GZHAN BYA YONGS SU RTOGS PA YIN, ,SPYI'I RNAM PA'I GZHAN LA BYA NI NYAMS SU MYONG BAR MED DO, ,DE LTAR

, ,YANG SNGAR BSTAN PA NYID DO, ,DE'I PHYIR MNGON SUM GYI MYONG BA MED PA'I PHYIR SPYI NI MED PA NYID DO, ,SNANG BA'I RANG BZHIN PA YANG DE LAS GZHAN THUN MONG BA NYID DU NYAMS SU MYONG BA MED PAS SPYI MED DO, ,GAL TE SPYI GSAL BA GCIG GIS MTHAR THUG PA'I PHYIR ZHES BYA BA CHOS CAN GYI SPYI MED PA'I PHYIR KHYOD LA CHOS CAN MA GRUB PAS NA, GZHI MA GRUB PA NYID MA YIN NAM ZHE NA, DE NI MA YIN TE, 'DI NI THAL BA SGRUB BYED PA, ,DES NA GZHI MA GRUB NYID MIN, ,GAL TE 'DI 'GYUR 'DIR YANG DER, ,MIN NA GNYI GA'ANG ZHES 'DOD 'DIR, ,GAL TE DE LTAR GSAL BA GCIG GI MTHAR THUG PA YIN NA, DE'I TSE YUL GYI KHYAB PA DANG LDAN PA GZHAN DANG 'BREL PAR MI 'GYUR RO, ,MA YIN NA NI GNYI GA YANG ZHES BYA BAR 'GYUR RO, ,GAL TE GZHAN DANG LDAN PA GSAL BA GCIG GI MTHAR THUG PAR MI 'GYUR RO ZHES BYA BA GRUB PA LA SGRUB PA YIN NO, , GSAL BA GCIG LA GNAS PA NI MA YIN TE, GSAL BA THAMS CAD LA KHYAB PA'I PHYIR RO, ,SPYI NI GSAL BA GCIG NYID LA GNAS PAR 'DOD PA MA YIN NO ZHE NA, SKYON 'DI MED DE, ,DE NI THUN MONG NYID YIN NA, ,KHYAB PA MNGON SUM GYIS RIG 'GYUR, ,DE YI NGO BO GZHAN GYIS NI, ,NGO BO 'DZIN PA MA 'KHRUL MIN, ,GAL TE SPYI KHYAB PA YIN NA, ,MNGON SUM GYI TSAD MAS KHYAB PA NYID DU 'DZIN PAR 'GYUR RO, ,PHYIN CI LOG TU 'DZIN PA NI TSAD MA NYID MA YIN NO, ,GAL TE KHYAB PA NYID DU RTOGS NA NI, ,GSAL BA MTHA' DAG RTOGS PA NYID DU 'GYUR TE, KHYAB PAR BYA BA MA BZUNG BAR KHYAB PAR BYED PA NYID DU MI RTOGS PA'I PHYIR RO, ,RTOGS PA YANG MED DO, ,DES NA DE LTA BU'I RANG BZHIN MA YIN NO, ,DES NA SPYI NYID MED PA'I PHYIR CHOS GNYI GA LDOG GO, ,GAL TE 'DI GNAS PA'I PHYOGS YIN NA NI, CHOS CAN MA GRUB PA'I SKYON DU 'GYUR RO, ,'DI NI PHAN TSUN 'GAL BA STON PA LHUR BYED PA YIN NO, ,KHO BO CAG DE LTA BU'I DON SGRUB PAR NI MI NUS TE, DE LTA BUR 'GYUR BA GZHAN MA MTHONG BA'I PHYIR RO, ,RJES SU DPAG PA NI DPE MED PAR 'JUG PA MA YIN NO, ,'ON TE SPYI NI GZHAN DU MI 'THAD PAS RTOGS PAR BYA BA, DON THAMS CAD DANG MI MTHUN PA YIN TE, DE LA NI GZHAN GYI

CHOS 'GAL BAS 'GAL BA BRJOD PAR BYA BA MA YIN NO, ,GZHAN GYI CHOS NI GZHAN DANG 'BREL PA MA YIN PA'I PHYIR RO, ,LUS CAN GYI DNGOS PO'I CHOS LUS CAN MA YIN PA'I SPYI LA SBYOR BAR MI BYA'O ZHE NA, DE NI MA YIN TE, 'DI LTAR, ,THA MA'I KHYAD PAR LUS MIN YANG, ,KHYAB PAR PHA ROL 'DOD MA YIN; ,DE BZHIN SPYI YANG KHYAB PAR NI, ,'GYUR BA MIN PAR GZUNG BAR GYIS, ,LUS CAN MA YIN PA DANG 'BREL PA'I THA MA'I KHYAD PAR GANG YIN PA DE YANG SO SOR NGES PA'I RTEN CAN YIN GYI, KHYAB PAR NI MA YIN NO, ,DE BZHIN DU SPYI YANG LUS CAN MA YIN PA'I PHYIR, KHYAB PA MA YIN PA LAS 'DA' BAR NI MI 'GYUR RO, ,'ON TE KHYAD PAR DE NI LUS CAN MA YIN YANG, DE NYID KYI PHYIR KHYAB PA MA YIN NO ZHE NA, 'O NA NI RNAM PAR DBYE BA 'DI LUS CAN DANG CIG SHOS KYIS BYAS PA MA YIN TE, KHYAB PA DANG CIG SHOS KYI RGYU MTSAN NI SPYI DANG KHYAD PAR GYI NGO BO NYID YIN NO, ,YIN MOD CI SKYON ZHE NA, MA GRUB PA NYID MA YIN NAM, SPYI NI KHYED KYIS KYANG CHOS CAN NYID DU NYE BAR BLANGS PA'I PHYIR GRUB PA MA YIN NAM ZHE NA, DE NI MA YIN TE, 'DI LTAR, KHYAB PA NYID NI MA BZUNG BAR, ,CI LTAR SPYI NI GZUNG BAR BRJOD, ,GAL TE DE NI RANG NGO BOS, ,GZUNG NA DE PHYIR CI LTAR SPYI, ,GZUNG ZHES BYA BA TSIG GI LHAG MA'O, ,SPYI RANG GI NGO BOS GZUNG NA KHYAB PA NYID DAM CIG SHOS SU 'DZIN PAR 'GYUR RO, ,KHYAB PA NYID DU 'DZIN TO ZHE NA, DE GSAL BA MTHA' DAG LA KHYAB PA'I SPYI LA 'JUG PA GANG YIN PA DE TZAM GYIS 'JUG PA NI MNGON SUM LA YOD PA MA YIN NO, ,'ON TE GSAL BA DAG DU NI MI 'DZIN TO ZHE NA; DE LTA NA 'O NA SPYI GSAL BA GCIG DANG 'BREL PA GZUNG BA NI CI LTAR KHYAB PA NYID DU 'DZIN PA YIN, GSAL BA GCIG GI KHYAD PAR CAN NYID YIN NA NI, GSAL BA DE'I KHYAD PAR CAN YIN PAS KHYAD PAR BZHIN DU SPYI MA YIN PAR 'GYUR RO, ,'ON TE RNAM GRANGS GZHAN GYIS GSAL BA GZHAN GYI KHYAD PAR DU YANG 'DZIN TO ZHE NA, DE LTA YIN NA SPYI DE NYID 'DI YIN NO ZHES CI LTAR RTOGS, DE NYID 'DI YIN NO ZHES MNGON SUM GYIS NI MI RTOGS SO ZHES DPYAD ZIN TO, ,DE'I PHYIR SPYI RANG BZHIN MA GRUB PA NYID JI LTAR KHYAB PA NYID SGRUB PAR BYED, DE'I PHYIR LUS CAN MIN LAS DANG, SPYI LAS GANG

, ,DU 'ANG KHYAB MI GRUB, ,MNGON SUM GYIS KYANG MTHONG MED PHYIR, ,SPYI NI STONG PA NYID DU 'GYUR, ,GAL TE SPYI MA GRUB NA CI LTAR KHYED KYIS SPYI'I YUL KHYAB PA YIN PAR SGRUB CHOS CAN NYID NYE BAR LEN NA NI DE LA CHOS 'GA' ZHIG SGRUB PAR 'GYUR GYI, GZHAN DU NI MA YIN NO ZHE NA, DE NI MA YIN TE DE LTAR, 'DI NI BSHAD ZIN TO, ,'DI NI THAL BA SGRUB PA YIN TE, 'DI RTZA BA'I GTAN TSIGS NI MA YIN NO, ,KHYOD DAG LA ZHES GSUNGS PA'I PHYIR, ,'DIR BYAS PAS DER YANG 'GYUR BA'I PHYIR SKYON MED DO, ,DE NYID DU CI'I PHYIR MA YIN ZHE NA, DER BYAS SAM 'DIR YANG BLANG STE, 'GAL BA CI YOD, 'DIR BYAS PA LA NI DGOS PA YOD PA YANG YIN TE, 'DI LTAR, RTOGS SOGS KYIS BYAS GTAN TSIGS 'GA', ,RANG GI DON DU RTOGS MI BYED, ,SU YANG BDAG NYID MNGON 'DOD LAS, ,SLU BAR BYED PA YOD DAM CI, ,GZHAN YANG GZHAN GYI DON NYID LA MCHOG TU 'BAD PAR BYA BA YIN NO ZHES BDAG NYID CHEN PO 'DI NYID LA CHER 'BAD DO ZHES BSTAN PA'I PHYIR 'DIR YANG DON SMOS SO, ,DON DAM PAR NI RTOG PAS SGRO BTAGS PA'I GTAN TSIGS MA NGES PA NYID DO, ,'DI LTAR, RTOG DANG LUNG NGAG BYED PA PO'I, ,'DOD PA TZAM DANG RJES 'BREL DANG, ,DNGOS LAS GZHAN DU 'GYUR BA'I PHYIR, ,BRTAGS PA DAG NI 'KHRUL PA YIN, ,RTOG PAS SGRO BTAGS PA NI BSGRUB BYA'I DNGOS PO DANG 'BREL PA MA YIN TE, BAG CHAGS TZAM DANG RJES SU 'BREL PA'I PHYIR RO, ,GAL TE DE LTA NA MA 'BREL PA NYID KYIS GTAN TSIGS MA YIN NO ZHE NA, 'BREL PA NI 'DI NYID KYIS 'PHEN PA'I PHYIR RO, ,GANG DU YANG 'BREL PA DNGOS SU BSTAN PA NI MED DO, ,DES NA DON SMOS SO, ,PHYOGS DANG MTHUN PA'I PHYOGS LAS GANG YANG RUNG BA NYID NI RTAG PA DANG MI RTAG PA DAG LAS GCIG LA NGES PA MA YIN TE, GANG DANG GANG PHYOGS SU BYAS PA DE LA LTOS TE, DE DANG DER 'PHO BA'I PHYIR RO, ,'DI 'DRA BAS NI DNGOS POR 'GRUB PA MA YIN TE, BRJOD PAR 'DOD PA GZHAN DU 'GYUR NA GZHAN SGRUB PA'I PHYIR RO, ,GAL TE PHYOGS NI BSGRUB BYA YIN PA DE LA LTOS NAS GZHAN NI PHYOGS MA YIN PA'I PHYIR DE LA PHYOGS DANG MTHUN PA'I PHYOGS

GANG YANG RUNG BA NYID CES BYA BA'I CHOS DE'I MI MTHUN PA'I PHYOGS LAS LDOG PA MA YIN NAM, DES NA CI LTAR GTAN TSIGS MA YIN PHYOGS DANG MTHUN PA'I PHYOGS DAG LA NGES PA'I CHOS NI BSGRUB BYA LA 'KHRUL PA MI SRID DO ZHE NA, DE NI MA YIN TE, 'DI LTAR, PHYOGS DANG MTHUN PHYOGS DNGOS PO LA, ,'GAR YANG NGES PA YOD MA YIN, ,MI RTAG NYID TZAM PHYOGS MIN TE, ,GZHAN PA DAG KYANG SRID PHYIR RO, ,GAL TE PHYOGS DANG MTHUN PA'I PHYOGS DAG LAS GANG YANG RUNG BA'I PHYIR ZHES BYA BA'I DON, SGRA DANG BUM PA'I MI RTAG PA NYID KYI SPYI LA MI 'KHRUL PA'I CHOS DANG LDAN PA'I PHYIR RO ZHES BYA BA 'DI YIN NA NI, DE'I TSE CHOS DE BYAS PA NYID LA SOGS PA'I MTSAN NYID KHO NA STE, MI 'KHRUL PA'I CHOS DE NYID GANG YANG RUNG BA'I SGRA BSTAN PA'I PHYIR RO, ,MI 'KHRUL PA'I CHOS DE NI BYAS PA NYID LA SOGS PA'I MTSAN NYID KHO NA'O, ,DE LTA YIN NA NI GTAN TSIGS DE DNGOS PO NYID YIN GYI BRTAGS PA NI MA YIN NO, ,'ON TE BRJOD PAR 'DOD PA LAS PHYOGS BYAS PA NYID YIN NA DE NI MI RUNG STE, GAL TE MI RTAG PA NYID DU BRJOD PAR 'DOD PAS PHYOGS YIN PA DE LTA NA YANG DE TZAM GYIS MI RTAG PA NYID DU MI 'GRUB STE, RTAG PA NYID KYIS BRJOD PAR 'DOD PA NI DE NYID KYI TSE MED PAR 'GYUR BA'I PHYIR RO, ,GAL TE DNGOS PO LA MI RTAG PA NYID KYIS PHYOGS SU 'GRUB NA GRUB PA LA SGRUB PA NYID DU 'GYUR RO, ,DE'I PHYIR BRTAGS PA'I CHOS NI SGRUB PAR BYED PA MA YIN NO, ,RANG LA GRUB PA'I DON GYI SGRUB PAR BYED PA DE YANG TSUL GSUM PA NYID KYI RTAGS NYID YIN TE, DES NA TSUL GSUM PA'I RTAGS STON PA NI GZHAN GYI RJES SU DPAG PA YIN NO, ,DES NA GANG DAG GIS PHYOGS GAL TE SPYI KHYAB PA KHAS LEN NA, DE MNGON SUM DANG DE LA SOGS PA'I TSAD MAS SGRUB DGOS TE, KHAS LEN PA NI TSAD MA'I RGYU MTSAN CAN YIN PA'I PHYIR RO, ,YUL DANG DUS RNAM PAR 'CHAD PA'I GSAL BA GCIG DANG 'DRE BAS RNAM PAR MA BCAD PA'I RANG BZHIN GZHAN DANG BRAL BAR RTOGS PAS CI LTAR DE KHYAB PA YIN ZHES KHAS BLANGS PAR RIGS, MNGON SUM GYI DNGOS PO DU MA BZUNG NA YANG, DE LAS THA DAD PA 'AM GZHAN RTOGS PA MED PA'I PHYIR RO, ,MA RTOGS PA NI KHAS BLANGS PAR MI RIGS

, ,SO; ,GAL TE DMIGS PA'I RNAM PA NYID SPYI YIN NO ZHE NA, MA YIN TE, RNAM PA LA NI KHYAB PA MED PA'I PHYIR RO, ,KHYAB PA NYID DU DMIGS NA NI, ,GSAL BA MTHA' DAG DMIGS PAR 'GYUR RO, ,DE LTA YIN DANG, YUL DANG DUS THA DAD PA'I GSAL BA MTHA' DAG RTOGS PAR THAL BA YIN NO, ,RNAM PA GSAL PA GCIG GI MTHAR THUG PA NYID LA MA KHYAB PAR GRUB NA NI CHOS CAN MA GRUB PA YANG SPANGS PA NYID DO, ,'O NA CI LTAR 'DI THAL BA SGRUB PA YIN ZHE NA, PHA ROL POS RNAM PA NYID SPYI YIN PAR KHAS BLANGS SHING, YANG NA KHYAB PA'I PHYIR THAL BA SGRUB PA NYID DO, ,YANG NA KHYAB PA'I PHYIR GSAL BA GCIG GI MTHAR THUG PA NYID DU DMIGS PAR MI 'GYUR RO ZHES BYA BA THAL PA'I DON YIN LA, BZLOG PA NI RTZA BA'I GTAN TSIGS YIN NO, ,THAL BA NI, RTZA BA'I GTAN TSIGS KYI KHYAB PA SGRUB PA'I DON NYID DO, ,GZHAN DAG NI RANG BZHIN GZHAN DANG BRAL BA'I PHYIR ZHES BYA BA NI RTZA BA'I GTAN TSIGS YIN LA, THAL BA NI DE RTOGS PAR BYA BA NYID YIN NO, ,'DI NYE BAR BKOD PA YANG RTZA BA'I MTHAR THUG PAR BSTAN PA'I PHYIR RO, ,BRAL BA'I PHYIR ZHES BYA BA'I GTAN TSIGS NI MED PA DGAG PA'I RANG BZHIN YIN LA, DE NI SPYI DNGOS PO MED PA YIN NA YANG GRUB PA NYID DO, ,GTAN TSIGS DNGOS PO MED PA LA NI DNGOS PO'I RANG BZHIN GYI CHOS CAN KHAS BLANG BAR BYA BA MA YIN TE, DE DAG MED NA DE MED CES, ,BRJOD PA LAS KYANG DE RTOGS PHYIR, ,ZHES SO, ,DE NI MA YIN PA NYID DE, GAL TE SPYI NI CHOS CAN NA, ,DE LA KHYAB PA MIN NYID SGRUB,, GTAN TSIGS DNGOS MED TZAM YIN NA, ,GANG DU CI ZHIG GANG GIS SGRUB, ,MED PA TZAM DE GTAN TSIGS YIN, ,GANG YANG 'BREL PA MED PA'I PHYIR, ,CI LTAR BSGRUB BYA SGRUB PA YIN, ,'ON TE GSAL BA GZHAN DANG 'BREL PA DANG BRAL BA YIN NA, DE'I TSE YANG DE GANG YIN ZHES NGES PAR BRTAG PAR BYA BA NYID DO, ,DE'I PHYIR NGES PA GZHAN GYIS BRJOD PA'I SPYI BLO LA GNAS PAR 'GYUR BA YIN NO, ,PHYOGS KYI CHOS NYE BAR BSDU BA MED PAR NI GTAN TSIGS BSGRUB BYA BSGRUB PAR BYED NUS PA MA YIN NO, ,'ON TE GZHAN SEL BA'I MTSAN NYID KYI SPYI BDE BAR GSHEGS PA LAS GRUB PA YIN

NO ZHE NA; DE LTAR GZHAN GYI 'DOD PA NYID DU 'GYUR TE, GZHAN GYIS KHAS BLANGS PA NI NYES KYANG SUN 'BYUNG BAR 'DOD PA NYID DO, ,GZHAN YANG GZHAN SEL BA'I MTSAN NYID KYIS SPYI NI KHYAB PA NYID DU 'DOD PA KHO NA 'DI LTAR, LDOG PAR MTSUNGS PA NYID DAG NI, ,YOD SRID DNGOS PO'I RJES 'GRO MED, ,'JUG PA LA SOGS BRAL 'GYUR PHYIR, ,'ON TE SPYI YOD PA MA YIN PA LA YANG BRAL BA'I MTSAN NYID KYI GTAN TSIGS NI YOD PA NYID DO ZHE NA, DE YANG MA YIN TE, MED PA LA NI GTAN TSIGS MI RUNG BA'I PHYIR RO, ,MED PA SGRUB PA LA RUNG BA NYID DO ZHE NA, MA YIN TE, 'BREL PA MED NA GCIG MED PAS GZHAN MED PAR RTOGS PAR BYED PA YIN NO, ,'BREL PA LA RJES SU 'GRO BA LA 'DZIN PA YIN TE, DES NA DE'I STOBS KYIS GANG NA KHYAB PAR BYED PA MED PA DE NA KHYAB PAR BYA BA MED PA YIN NO ZHES MI MTHUN PA'I PHYOGS MED PA TZAM ZHIG STON TE, RTZA BA'I GTAN TSIGS MA YIN NO, ,'ON TE SO SOR NGES PA'I DNGOS PO'I YUL MED PAR SGRUB PA'I PHYIR KHYAB PAR BYED PA MI DMIGS PA YANG NYE BAR LEN TO ZHE NA, DE LTA YIN NA, 'DI NA GANG SHING SHA PA MED DO ZHES BYA BA'I TSUL GYIS TSAD MAS GRUB PA'I CHOS CAN GZHAN YOD DGOS SO, ,'ON TE 'DIR YANG DNGOS PO DANG DNGOS PO MED PA THUN MONG BA'I CHOS CAN DU LEN TO ZHE NA, DE YANG MI 'THAD DE, DNGOS PO DANG DNGOS PO MED PA THUN MONG BA GZHAN PA MED PA'I PHYIR RO, ,RNAM PAR RTOG PA'I SNANG BA NYID GNYI GA'I THUN MONG GI CHOS CAN YIN NO ZHE NA, DE LTA NA NI 'ON TE DNGOS PO NYE BAR LEN PA CAN MA YIN PAR BSGRUB PA LA DE DMIGS PA GZHAN GTAN TSIGS YIN PA'I PHYIR DE NI GYI NA'O, ,DE'I PHYIR 'DI RTZA BA'I GTAN TSIGS NI MA YIN TE, SPYI CHOS CAN GRUB PA MED PA'I PHYIR RO, ,GZUGS LA SOGS PA NYID SPYI YIN NO ZHES BYA BA'I PHYOGS LA NI, 'DI THAL BA SGRUB PA MA YIN TE, DE DAG KHYAB PA NYID MA YIN PA NI MNGON SUM GYIS RTOGS PA'I PHYIR RO, ,DE'I PHYIR RGOL BA GNYI GA LA GRUB PA NYID GTAN TSIGS YIN GYI, PHYIR RGOL GCIG PU LA GRUB PA NI MA YIN NO, ,GAL TE GANG ZHIG GNYI GA LA RAB TU GRUB PA DE NI DON NYID YIN PAS DON SMOS PA CI DGOS SHE NA, DE NI MA YIN TE, GANG GI PHYIR, CI

, ,LTAR GCIG LA RTOGS TZAM LAS, ,GRUB BZHIN GNYI GA LA YANG 'GYUR, ,GANG PHYIR RTOGS PA 'DI DAG NI, ,NGES PAR SKYE DANG 'BREL MA YIN, ,DES NA PHYOGS DANG MTHUN PHYOGS LAS GANG GCIG PU LA GRUB PA NI MA YIN NO, ,GAL TE GANG ZHIG GNYI GA LA DON NYID MA YIN PA'I PHYIR GTAN TSIGS NYID MA YIN NO, ,'DI LTAR, DON SMOS DE NI SGRA NGAG DANG, ,RTOGS PAS SGRO BTAGS BDAG NYID CAN, ,RTAGS NYID MIN PAR SGRUB DON TE, ,DON LAS DON NI GRUB PHYIR RO, ,RANG GI MTHONG BA'I KHYAD PAR CAN GYI, DON SMOS PA GANG YIN PA DE NI SGRA DANG RTOG PA TZAM GYIS SBYAR BA'I BDAG NYID CAN GTAN TSIGS MA YIN PAR BSTAN PA'I PHYIR TE, DON GNYIS LAS GO BAR BYED PA NYID SRID PA'I PHYIR RO, ,GAL TE MA GRUB PA DANG 'GAL BA DANG MA NGES PA'I MTSAN NYID DAG KHO NA MA RTOGS PA'I DON SGRUB PA LA GTAN TSIGS MA YIN PA MA YIN NAM, GAL TE 'DI LA TSUL GSUM YOD NA CI LTAR GTAN TSIGS MA YIN PAR 'GYUR, DE STE TSUL GSUM MED NA DE'I TSE RANG GI DON GYI RJES SU DPAG PA'I MTSAN NYID KHO NAS BZLOG ZIN PAS DON SMOS PAS CI BYA STE, GZHAN GYI DON GYI RJES SU DPAG PA NI TSUL GSUM PA'I RTAGS STON PA YIN PA'I PHYIR ZHE NA MA YIN TE, RANG GI DON GYI RJES SU DPAG PA LA YANG RTOG PAS SGRO BTAGS PA'I TSUL GSUM GTAN TSIGS KYI MTSAN NYID THOB PA YIN PAS, JI LTAR DE LAS LDOG PA YIN 'O NA 'DIR SMOS PA DE BYA BA MA YIN TE, RANG GI DON GYI RJES SU DPAG PA NYID DU 'GYUR BAR BYA BA YIN PA'I PHYIR RO ZHE NA, 'DI LA BRJOD PA RANG GI NGES PA BZHIN GZHAN GYI TSIG KYANG SGRUB PAR BYED PAR 'DOD PA DE DAG NI, MI RIGS PAR SMRA BAR BSTAN PAR 'GYUR TE, DE NI MA GRUB PA'I PHYIR RO, ,BSGRUB BYA SGRUB PAR BYED PA SGRUB BYED YIN GYI, BSGRUB BYA NYID NI MA YIN NO, ,TSIG SGRUB PAR BYED PA YIN NO ZHE NA, MA YIN TE, TSIG NI DNGOS SU SGRUB PA MA YIN PA'I PHYIR TE, BSGRUB BYA DANG 'BREL PA MA YIN PA'I PHYIR RO, ,TSIG NI DON DANG 'BREL PA MA YIN NO, ,DE'I PHYIR, DON GYIS DON RTOGS PHYIR DON LA, ,PHYOGS DANG GTAN TSIGS BRJOD NUS MED, ,DES NA DE DAG RANG NYID LAS, ,SGRUB PAR BYED PA GNAS MA YIN, ,SGRA NI MI RTAG STE BYAS PA'I PHYIR RO ZHES TSUL GSUM PAS BYAS

PA NYID MI RTAG PA GO BAR BYED PA YIN TE, DE DE LA 'KHRUL PA MED PA'I PHYIR PHYOGS KYI TSIG GAM GTAN TSIGS KYI TSIG NI MA YIN NO, ,DE LTA MA YIN NA SGRA RTAG STE, GZHAL BYA'I PHYIR ZHES BYA BAS KYANG BSGRUB BYA GRUB PAR 'GYUR TE, DE LA YANG PHYOGS DANG GTAN TSIGS KYI TSIG YOD PA'I PHYIR RO, ,DE'I DON DER MA 'BREL PA'I PHYIR GTAN TSIGS MA YIN NO ZHE NA, 'O NA NI 'BREL PA'I PHYIR DON NYID KYIS DON RTOGS PAR 'GYUR TE, TSIG NI DNGOS SU SGRUB PAR BYED PA MA YIN NO ZHES BYA BAR 'GYUR RO, ,TSIG NI DON MED PAR YANG YOD PA'I PHYIR RO, ,GANG DU GTAN TSIGS KYI TSIG SGRUB PAR BYED PA MA YIN PA DER, PHYOGS KYI TSIG SGRUB PAR BYED PA MA YIN PAR NI MA BRJOD PAR GRUB PO, ,'ON TE BSGRUB BYA'I TSIG BSGRUB BYA'I DON SGRUB PAR BYED PA'I SGO NAS SGRUB PAR BYED PA YIN NO ZHE NA, MA YIN TE, GTAN TSIGS DON MED PAR THAL PA'I PHYIR RO, ,'ON TE DAM BCAS PA TZAM NI SGRUB PAR BYED PA MA YIN PA'I PHYIR GTAN TSIGS 'GOD DO ZHE NA, CI LTAR SGRUB BYED MA YIN PA SGRUB BYED YIN, LHAN CIG PA SGRUB BYED YIN NO ZHE NA, CI LTAR MKHO BA MED PA LHAN CIG TU BYED, 'GA' YANG NYE BAR MI MKHO BA LHAN CIG TU 'DOD PA NI MED DO, DE'I PHYIR TSIGS NI SGRUB PAR BYED PA MA YIN NO, ,GZHAN YANG, PHYOGS KYI TSIG DE SMRA BA PO'I, ,BSAM PA STON PAR BYED PA LAS, ,TSAD YIN DE LAS THE TSOM DAG ,SKYE PHYIR DNGOS SU SGRUB BYED MIN, ,DER THE TSOM GYI RGYU NYID NI GTAN TSIGS MA YIN NO, ,DON DANG MA 'BREL PA NYID KYIS THE TSOM GYI RGYU YIN TE, DE LTA MA YIN NA GTAN TSIGS DGOD PA DON MED PAR 'GYUR RO, ,'O NA NI CI LTAR TSIG BSGRUB PAR BYA BA'I DON SGRUB PAR BYED PA MA YIN PA DE BZHIN DU SGRUB PAR BYED PA NI DON KYANG DE LAS RTOGS PAR BYED PA MA YIN TE, DER YANG DE 'BREL PA MED PA NYID DO, ,'BREL PA YIN NA NI BSGRUB PAR BYA BA DANG, 'BREL PA YANG GANG GIS ZLOG PAR BYED CE NA, DE NI BDEN TE, SGRUB PAR BYED PA'I DON KYANG TSIG GIS SGRUB PAR BYED PA MA YIN PA NYID DO, DER BSAM PA STON PA LAS TSAD MA YIN PA'I PHYIR TE, DES NA DNGOS SU NI SGRUB PAR BYED PA MA YIN NO, ,GRUB PAR BYED PA LA YANG TSIG GI TSAD MA NYID 'PHEN PA YIN NO, ,BSGRUB BYA LA YANG TSAD MA 'PHEN PAR 'GYUR

, ,RO ZHE NA, MA YIN TE, DER NI DE NYID KYI TSE TSAD MAR 'GYUR BA'I PHYIR RO, ,TSIG GIS NI SNGON ZHUGS PA'I TSAD MA 'PHEN PA YIN TE, DE LA BRJED PA SRID PA'I PHYIR RO, ,DA LTAR BA LA NI MNGON SUM NYID TSAD MA YIN PAS, DE LA TSIG GIS CI BYA, MNGON SUM GYI DON LA NI GZHAN GYI NYE BAR BSTAN PA CHEN PO MA YIN NO, ,DE'I PHYIR TSIGS NI SGRUB PAR BYED PA MA YIN NO, ,'O NA PHYOGS KYI TSIG BRGYUD NAS SGRUB PAR BYED PA YIN TE, DPER NA SGRUB PAR BYED PA'I TSIG BZHIN NO ZHE NA, DE YANG MA YIN TE, BSGRUB PAR BYA BA BRJOD PA YIS, ,BRGYUD PA YIS KYANG NUS PA MED, , GTAN TSIGS BRJOD PA RANG NYID LA, ,NUS PA MED KYANG NUS STON BYED, ,GAL TE TSAD MAS GRUB PA'I NUS PA STON PAR BYED PA YIN NA NI CI LTAR SGRUB PAR BYED PA'I TSIG SGRUB PAR BYED PA YIN PA DE BZHIN DU, PHYOGS KYI TSIG KYANG 'GYUR BA YIN NA NI, MA GRUB PAR STON PA NA CI LTAR GRUNG PAR BYED PA YIN, RANG NYID MI NUS PA NI NUS PA LA MA BRTEN PAR NUS PA DANG LDAN PAR 'GYUR BA MA YIN NO, ,'DI LTAR, 'GYEL BA 'GYEL BA LA BRTEN NAS, ,GANG DU 'ANG BRTEN PAR 'GYUR MA YIN, ,DE BZHIN MA GRUB MA GRUB PA, ,DE NYID KYIS NI RAB GRUB MIN, ,PHYOGS KYI TSIG GIS NI BSGRUB PAR BYA BA MA GRUB PA NYID BRJOD PAR BYA BA'I PHYIR CI LTAR PHYOGS KYI TSIG SGRUB PAR BYED PA YIN, GTAN TSIGS KYI TSIG NI RANG NYID NUS PA MED KYANG NUS PA RJOD PAR BYED PA YIN PA'I PHYIR, SGRUB PAR BYED PA BRJOD DO, ,BSGRUB BYA'I DON DANG 'BREL PA YIS, ,SGRUB PAR BYED PA BRJOD PA'I PHYIR, ,TSIG NI SGRUB BYED YIN BRJOD DE, ,DE RANG NYID NI SGRUB BYED MIN, ,DES NI GZHAN GYI DON DANG RJES SU DPAG PA ZHES BYA BA NI 'GAL BA YIN NO, ,'DI LTAR, BSTAN PAR BYA BA LA LTOS NAS NI RANG DON NYID YIN LA, STON PAR BYED PA LA LTOS NAS NI RJES SU BRJOD PA TZAM DU ZAD DO ZHES GANG BRJOD PA DE YANG GSAL BA YIN TE, DE NI RJES SU DPAG PA'I RGYU YIN PA NYID KYIS NYE BAR BRTAGS NAS RJES SU DPAG PAR BRJOD KYI, RANG NYID NI MA YIN NO, ,DES NA BSTAN PAR BYA BA LA LTOS NAS NI, DE RANG GI DON NYID DO ZHES BYA BA NI GYI NA BRJOD PA NYID DE, DE LA NI TSUL GSUM PA'I RTAGS NYID RTOGS PA BYED PA YIN PA'I PHYIR RANG GI DON YIN GYI,

TSIG NI MA YIN TE, DE LAS DON RTOGS PA MED PA'I PHYIR RO, ,DRAN PAR BYED PAS DE YANG PHAN 'DOGS PA YIN PA'I PHYIR BYED PA BRJOD PA'I PHYIR, ,TSIG NI SGRUB BYED YIN BRJOD SU BRJOD PA TZAM ZHIG BRJOD PA'I PHYIR RO, ,DES NA TSIG NI GNYIS KA LA LTOS KYANG RJES SU BRJOD PA NYID DO, ,DE'I GZHAN GYI DON NYID NI STON PAR BYED PA LA LTOS NAS YIN TE, STON PAR BYED PA LA NI DES CIS KYANG PHAN BTAGS PA MED DO, ,DE'I RJES SU DPAG PA'I RGYU YIN PA NYID KYIS RJES SU DPAG PA NYID NI BSTAN PAR BYA BA LA LTOS PA NYID DO, ,GAL TE GZHAN LA LTOS NAS NI RJES SU DPAG PA NYID YIN PAR 'GYUR BAS, 'DI JI LTAR YIN ZHE NA, YON TAN NYID LA SKYON DU SGRO 'DOGS PA 'AM, GANG GI PHYIR STON PAR BYED PA DE LA DE RJES SU DPAG PAR MI 'GYUR GYI, BSTAN PAR BYA BA NYID LA YIN PA DE NYID KYI PHYIR, DE STON PAR BYED PA LAS GZHAN GYI DON YIN PAR 'GYUR RO, , DE LTA MA YIN NA NI RANG GI DON DU YANG 'GYUR TE, DES RANG NYID DE'I DON BYED PA'I PHYIR RO, ,NYE BAR BRTAGS PA'I DGOS PA YANG BSHAD ZIN TO, ,TSIG NI RNAM PA GZHAN GYI DON SGRUB PAR BYED PA MA YIN PA'I PHYIR RO, ,GAL TE DRAN PA LA YANG TSIG TSAD MA 'AM TSAD MA MA YIN, TSAD MA YIN NO ZHEN CI STE DON LA MA YIN, TSAD MA MA YIN NA CI LTAR DE LAS DRAN PA SKYE ZHE NA, DE NYID KYI PHYIR TE, DE LTA MA YIN NA DE LAS TSAD MA NYID DU 'GYUR GYI, DRAN PA NI MA YIN NO, ,DRAN PA LA DE RGYU YIN GYI SHES PAR BYED PA MA YIN PAS NA, TSAD MA NYID YOD PA MA YIN NO, ,DON DANG 'BREL PA ME DPA'I PHYIR DE LAS DRAN PA NYID CI LTAR 'GYUR, ,DU BA NI ME DANG 'BREL PA'I PHYIR DRAN PA SKYED PAR BYED PA YIN NO, ,DER BZHIN DU GAL TE DE DANG SGRA YANG 'BREL PA YIN NA, DE LTAR DRAN PA BSKYED PAR 'GYUR RO, ,'DI LTAR, DRAN PA GANG DANG GANG YIN PA, ,DE NI 'BREL PA LAS YOD YIN, ,DE LTAR LKOG GYUR ME LA NI, ,DU BA LA NI DRAN PA YIN; ,DE NI MA YIN TE, DRAN PA TZAM 'BREL PA LAS YIN PA'I PHYIR NA, 'BREL PA DANG DRAN PAR BYED PAR 'GYUR BA NI MA YIN TE, DON DANG MA 'BREL PA LAS KYANG YIN PA'I PHYIR 'DI GNYIS LA 'GAL BA CI YOD 'DI LTAR MTHONG BA'I DON LA 'BAD RTZOL LAM, MANG DU LHAN CIG SPYOD PA YI, ,GANG RUNG DON

, ,'GA' ZHIG LAS KYANG, ,DRAN PA SKYE BA MIN NAS CI, ,'ON TE NGES PA'I RANG BZHIN GYI DRAN PA NI 'BREL PA NYID LAS YIN GYI GZHAN LAS NI MA YIN NO ZHE NA, DE NI RIGS TE, 'BREL PA MED PAR NI, DE DER NGES PA MA YIN NO, ,'ON KYANG SGRA LAS NI NGES PA'I RANG BZHIN DU DRAN NO ZHES MA GRUB PA DES NA 'BREL PAR MI 'GRUB PO, ,'DI LTAR 'BREL PA MA BRTAGS PA DAG NI THE TSOM DU 'GYUR BA YIN NO, ,SGRA LAS NI THE TSOM SKYE BAR DMIGS PA NYID YIN NO, ,'ON CI LTAR NGES SMRAS PA DE NI DE KHO NA LTAR YIN NO ZHES BYA BAR NGES SHE NA, MA YIN TE, NGES PA DE NI TSAD MA NYID LAS YIN PA'I PHYIR RO, ,'DI LTAR SNGAR ZHUGS PA TSAD MAS BRTAGS PA NYID LAS NGES PA YIN GYI TSIG TZAM GYIS NI MA YIN NO, ,'O NA TSAD MA'I NGES PA'I TSIG LAS YIN LA, DE LTA NA YANG TSIG TSAD MA NYID DO ZHE NA 'DI LA BRJOD PA, DE LTAR 'DI LA 'DOD PA NYID, ,RANG NYID DON LA DE TSAD MIN, ,GANG PHYIR DON 'DI GRUB PA NA, ,NGED LA TSAD MA CI YANG MED, ,DON LA MI TSIG TSAD MA MA YIN TE, TSAD MA TSAD MA ZHES BYAS PAS NI CHAD PA CI YANG MED DO, ,TSAD MA YANG TSIG LAS NI GRUB PA MA YIN TE, DE NI RANG RIG PAS GRUB PA'I PHYIR RO, ,DE LA NI DRAN PAR BYED PA TZAM YIN TE, DES PA NI RANG RIG PA DE KHO NA LAS YIN NO, ,CI TSIG MED PAR YANG YIN NA MA ZHE NA, YIN PA NYID DE 'BAD RTZOL LAS KYANG DRAN PA MTHONG BA'I PHYIR RO, ,'ON TE GANG GI TSE 'BAD RTZOL LAS MA YIN PA DE'I TSE NI TSIG TSAD MA YIN NO ZHE NA, DE NI MA YIN TE, 'DI LTAR, TSIG LAS DON LA LOG PAR NI, ,DRAN PA'ANG SKYE BAR MTHONG BA YIN, , BDEN DANG MI BDEN PA DAG GIS, ,TSIG LAS KHYAD PAR MTHONG BA MED, ,DON LA RTOG NA DE YI TSE, ,DE NI RANG NYID RJES DPAG NYID, ,DRAN PA LOG PAR 'JUG PA NI, ,'BAD RTZOL LAS KYANG SKYE BA YIN, ,DE YI PHYIR RTAGS 'GA' ZHIG LA, ,SHIN TU DPYAD PA NYID LAS SNGAR TSAD MA'I RANG BZHIN NGES PA YIN TE; DES NA TSIG NI TSAD MA MA YIN NO, ,TSAD MA LA MA YIN, DON LA YANG MA YIN, 'BAD RTZOL LA YANG MA YIN NO, ,LKOG TU GYUR PA'I DON LA NI RJES SU DPAG PA NYID TSAD MA YIN LA, TSIG NI DE'I SGO NAS YIN NO, ,GAL TE 'BREL PA 'DZIN PA'I TSAD MA DA LTAR 'DAS PA'I PHYIR CI LTAR 'BREL PA DES

DA LTA NI DRAN PA YOD PA YIN NA DE NI TSAD MA MA YIN ZHE NA, TSAD MA DES BSKYED PA'I PHYIR TSAD MA NYID DO, ,DES NA, TSAD MA LAS SKYES DRAN PA NI, ,BTAGS NAS TSAD MA JI LTAR MIN, ,TSAD MA MIN LAS SKYES PA GANG, ,DE NI TSAD MA MIN PAR 'DOD, ,DRAN PA 'DI NI TSAD MA LAS BYUNG BA YIN NO ZHES BYA BA 'DI LA YANG DRAN PA NYID RGYU MTSAN MA YIN NAM, DRAN PA DE YANG DRAN PA GZHAN LAS YONGS SU DAG PA LA BRTEN PAR 'GYUR BA'I PHYIR NGES PA SKYES PAR GAL 'GYUR, DRAN 'DI BRTAN PA YIN ZHE NA, ,LOG LA BRTEN PA MED DAM CI, ,DON THOB PHYIR NA LOG MIN NA, ,DE NI GRUB PA NYER GZHAG NYID, ,'DI LA YANG BRJOD DE, 'DI NI RANG LAS RANG GI NGO BO RTOGS, ,THA SNYAD LAS NI TSAD MA NYID, ,CES DANG PO NYID DU BSHAD ZIN TO, ,THA SNYAD KYANG DON THOB PA'I MTSAN NYID DU DMIGS PA NYID YIN TE, GZHAN NI MKHO BA DANG LDAN PA MA YIN NO, ,GAL TE DRAN PA 'GA' ZHIG RANG NYID LAS BRTAN PA YIN PA NGES NA 'DI TSAD MA LA SOGS PAR NGES PA YIN GYI THA SNYAD LAS NI MA YIN NO ZHE NA, DE NI MA YIN TE, 'DI LTAR, BRTAN NYID DE NI THOB BA LAS, ,BRTEN NAS GOMS PA NYID LAS YIN, ,GZHAN GOMS PA LAS GZHAN DU NI, ,BRTAN PA NYE BAR SKYE MA YIN, ,GAL TE DON THOB PA'I MTSAN NYID THA SNYAD GOMS PA NYID MED NA NI, DE CI LTAR THOB PA LA NYE BAR MKHO BA'I BRTAN PAR 'GYUR, GZHAN GOMS PAS GZHAN DU BRTAN PAR 'GYUR NA NI, 'JIG RTEN GYI THA SNYAD DE NYID TSAD PAR 'GYUR RO, ,DE'I PHYIR 'KHOR BA PA RNAMS KYI TSUL NI 'DI TZAM DU ZAD PA'I PHYIR, KUN DU THA SNYAD PA'I TSAD MA MI 'JUG PAS SKYON MED DO; ,DE'I PHYIR TSIG RJES SU DPAG PA'I RGYU YIN PAS, RJES SU DPAG PA YIN NO ZHES BYA BA 'DI GNAS PA YIN NO, ,GAL TE SLOB DPON PHYOGS KYI TSIG BZHED PA NYID MA YIN NAM, JI SKAD DU, RANG NYID NGES BZHIN GZHAN DAG LA, ,NGES PA SKYED PAR 'DOD PA YI, ,PHYOGS CHOS 'BREL PA BSGRUB BYA DAG ,BRJOD PA LAS GZHAN SPANG BAR BYA, ,ZHES GSUNGS PA YIN NO ZHE NA, DE NI MA YIN TE, 'DI LTAR, GTAN TSIGS DON GYI YUL NYID KYIS, ,NUS MED DE NI BRJOD PAR BSHAD, ,JI SKAD DU, RJES DPAG BYA DER BSTAN PA NI, ,GTAN TSIGS DON GYI YUL DU 'DOD, ,CES GSUNGS SO,,

, ,NGED KYI LTAR NA NI RJES SU DPAG PAR BYA BA BSTAN PA GANG YIN PA DE GTAN TSIGS KYI DON GYI YUL NYID DU YIN GYI, SGRUB PAR BYED PA NI MA YIN NO, ,DES NA DNGOS SU SGRUB PAR BYED PA NYID SPANGS PAS BSGRUB PAR BYA BA BRJOD PA DE NUS PA MED PAR BSTAN PA NYID DO, ,'O NA NI CI LTAR PHYOGS KYI CHOS NYID DANG, 'BREL PA DANG BSGRUB BYA BRJOD PA BSTAN PAR KHAS LEN CE NA, PHYOGS KYI CHOS DANG 'BREL PA DANG BSGRUB PAR BYA BA YANG BRJOD PA ZHES BYA BA'I DON 'DI NI MA YIN TE, 'BREL PA BSGRUB BYA DAG BRJOD PA STE, GANG BYAS PA DE NI MI RTAG PA'O ZHES KHYAB PA'I NANG DU 'DUS PA NYID DU BSGRUB BYA BRJOD PA YIN GYI, DAM BCAS PA'I RANG BZHIN DU NI MA YIN NO, ,BSGRUB BYA NI SGRUB PAR BYED PA LA KHYAB PAR BYED PA NYID DU GDON MI ZA BAR NYE BAR BSTAN PAR BYA BA KHO NA'O, ,DES NA YAN LAG GNYIS NYID BSTAN PAR BYA BA MA YIN NO, ,'BREL PAS NI TSUL GNYIS 'PHANGS PA'I PHYIR GTAN TSIGS TSUL GSUM PA NYID DO, ,DE'I PHYIR SGRA MI RTAG GO ZHES BYA BA NI THOG MA DANG THA MAR YANG BSTAN PAR BYA BA MA YIN TE, TSUL GNYIS PA TZAM NYID KYIS BSGRUB BYA 'GRUB PA'I PHYIR RO, ,GAL TE DE LA'ANG NUS YOD DE, ,GTAN TSIGS TSIG NI 'JUG PHYIR NA, ,DE NI THE TSOM GYIS SHES PAR; ,'DOD PAS SKABS LA BSTEN PA YIN, ,MI MTHUN PHYOGS KHAS LEN NA YANG, ,DE MTSUNGS PHYIR NA THUG MED 'GYUR, ,CI STE YANG GAL TE PHYOGS KYI TSIG MED NA GTAN TSIGS KYI TSIG MA DPYAD PAR THOB BABS PA DANG 'DRA PAR 'BREL PA MED PAR 'GYUR BA'I PHYIR MI 'JUG CING, DE LAS GTAN TSIGS KYI TSIG 'JUG PA'I PHYIR DE YANG SGRUB PAR BYED PA NYID DO ZHE NA, MA YIN TE, THE TSOM ZA BA DANG, SHES PAR 'DOD PA DANG, SKABS DANG DE'I RTOGS PA DANG, 'DOD PA RNAMS KYANG SGRUB PAR BYED PA NYID DU 'GYUR PAS DAG GI YAN LAG BCUR 'GYUR RO, ,'DI NI 'DIR THE TSOM ZA BA'O, ,KHYOD KYIS SHES PAR 'DOD PA NI 'DI NYID DO, ,KHYOD KYI SKABS NI 'DI NYID DO, ,'DI NI NGAS RTOGS PA'O, ,'DIR NI NGA 'DOD PA YIN NO ZHES DE LTAR AAG TSOM 'CHOS SHING DAG GI YAN LAG BCUR RAB TU DGOD PAR BYA'O, ,DE BZHIN DU MI MTHUN PHYOGS KHAS BLANGS NA YANG SGRUB PAR BYED

PA 'JUG PA DE'I PHYIR DE DANG LHAN CIG MI MTHUN PA'I TSIG DE YANG SGRUB PAR BYED PA NYID DU THAL BAR 'GYUR RO, ,CI STE BSGRUB BYA DES BAG TZAM NI THE TSOM LA SOGS PA YANG BSTAN PA MED PAR YANG 'GYUR BA YIN PA'I PHYIR, SGRA'I SPROS PA TZAM LAS NYE BAR SBYOR BA DE DAG GIS DON LA GNAS PA'I DON 'GAR YANG MI 'GYUR RO, ,DES NA THE TSOM LA SOGS PA NI DOR BA YIN TE, DE RJES SU BRJOD PAS NI CUNG ZAD KYANG MI BYED PA'I PHYIR RO ZHE NA, GAL TE DE LTA NA DAM BCAS PA'I TSIG KYANG RGOL BA'I RJES SU BRJOD PA TZAM YIN TE DE NANG GI YAN LAG NYID NI MA YIN NO, ,NANG GI YAN LAG NUS PA NI; ,TSUL GSUM DAG LA YANG DAG GNAS, ,DE LA DRAN PA SKYED PA NI, ,DE NYID TSIG LA YANG DAG GNAS, ,RE ZHIG RANG GI DON GYI RJES SU DPAG PAR NI TSUL GSUM PA'I RTAGS NYID LAS BSGRUB PAR BYA BA'I DON DE RTOGS PA YIN NO, ,RANG GI DON GYI RJES SU DPAG PAR NI DANG PO NYID DU BSGRUB BYA SNANG BA MA YIN NO, ,DE NI GA RTAN TSIGS LAS NGES PAR 'GYUR BA YIN NO, ,DES NA RANG NYID NGES PA BZHIN DU DANG PO BSGRUB BYA DGOS PA MA YIN NO, ,PHYIS KYANG BLANG BAR BYA'O ZHE NA, PHYIS KYANG BLANG PAR BYA BA MA YIN TE, RANG GI DON GYI RJES SU DPAG PA NYID BZHIN NO, ,GANG GI TSE PHA ROL PO LA YANG TSUL GSUM LAS RTOGS PA SKYE BA DE'I TSE RANG GI DON GYI RJES SU DPAG PA DANG KHYAD PAR CI YOD, ,DE'I PHYIR DAM BCAS PA DANG MJUG BSDU BDAG NI MI BRJOD PA NYID DO, ,NYE BAR GTOD PA YANG BRJOD PAR BYA BA MA YIN TE, MTHONG BA'I NUS PA STON PA'I DON DU GNYER BA YIN PA'I PHYIR RO, ,DE DE NA YOD PA TZAM LAS GZHAN PA'I NUS PA NI MED LA, SGRA LA YOD PA TZAM DE NI PHYOGS KYI CHOS NYID LAS RTOGS PA YIN NO, ,CI STE YANG DAM BCAS PA NI LUNG GTAN TSIGS NI RJES SU DPAG PA, DPE NI MNGON SUM NYE BAR GTONG BA NI NYE BAR 'JAL BA, TSAD MA THAMS CAD KYI BYED PA'I YUL RAB TU STON PA LHUR BYED PA NI MJUG BSDU BA YIN NO SNYAM NA, DE NI DE LTAR MA YIN TE, 'DI LTAR, GAL TE RJES DPAG LAS GRUB NA, ,TSAD MA GZHAN GYIS 'DIR CI BYA, ,RJES DPAG LAS MI GRUB CE NA, ,TSAD MA GZHAN GYIS 'DIR CI BYA,, ,,BAM PO GNYIS PA, GAL TE GTAN TSIGS KYI NUS PA

, ,NYID LAS DON DE RTOGS NA TSAD MA GZHAN GYI BYED PAS CI BYA, TSAD MA THAMS CAD KYI BYED PA 'JUG PA GANG YIN PA DE LA CI BYAR YOD DE, RGYU'I DBANG GIS BYED PA'I TSOGS PA DE LTAR 'GYUR BA LA CI STE 'DI, 'DI LTAR 'GYUR ZHES BRGAL ZHING BRTAG PA LA BRTEN PA NI MA YIN NO ZHE NA, GAL TE DE LTAR GYUR NA DE BDEN NA, ,DAM BCA' BA NI TSAD MA MA YIN TE, ,DE LAS THE TSOM SKYE BA'I PHYIR RO ZHES BSHAD ZIN TO, ,NYE BAR 'JAL BA TSAD MA YIN TE, 'DI YANG DE BZHIN NO ZHES NYE BAR 'JAL BA MED PAR NI GTAN TSIGS LAS BSGRUB BYA MI 'GRUB PO ZHE NA, DE NI MA YIN TE, GANG GI PHYIR, PHYOGS CHOS NYID GYUR 'DI NYID NI, ,NYE BAR 'JAL BAR BSTAN PA YIN, ,DE BZHIN SGRA YANG BYAS PA ZHES, ,DE LTAR NYE BAR STON PA YIN, ,SPYIR 'BREL PA BZUNG BA NA, ,JI LTAR KHYAB PA LA BRTEN PA'I MI RTAG PA NYID LA SOGS PA 'GRUB CE NA, BYAS PA NYID LA SOGS PA KHYAD PAR LA BRTEN PA NYID KYIS RAB TU 'GRUB PA'I PHYIR RO, ,KHYAD PAR GYI RTEN CAN DE NYID NI, 'DI YANG DE BZHIN NO ZHES NYE BAR 'JAL BAR RAB TU GRAGS PA, 'DI YANG BYAS PA YIN NO ZHES BYA BA'I PHYOGS KYI CHOS NYID KYIS BSTAN PA YIN NO, ,NYE BAR 'JAL BA'I TSAD MA GZHAN DU THAL BAR 'GYUR RO ZHE NA, MA YIN TE, RJES SU DPAG PA'I NANG DU 'DUS PA'I PHYIR RO, ,BA LANG DANG 'DRA BA'I PHYIR 'DI NI BA MEN YIN NO ZHES SGRA'I KHYAD PAR DANG 'BREL PA SGRUB PA NI NYE BAR 'JAL BA'I YUL YIN LA, DE YANG RJES SU DPAG PA'I YUL LAS GZHAN MA YIN PA'I PHYIR DER RJES SU DPAG PA NYID TSAD MA YIN NO, ,NYE BAR 'JAL BA SMRA BA RNAMS KYIS KYANG RJES SU DPAG PA GZHAN 'DOD PA NI MA YIN NO, ,DE'I YUL NI BYAS PA NYID KYIS 'DRA BA YIN NO ZHE NA, MA YIN TE, BYAS PA NYID LAS GZHAN PA'I 'DRA BA MED PA'I PHYIR RO, ,DBYUG THOGS GNYIS PAS MA GTOGS PA'I, ,DBYUG CAN NYID 'DRA GZHAN YOD MIN, ,DE LA GAL TE 'DRA MED NA, ,CI LTAR 'DI NI 'DRA BA ZHES, GZHAN DU RTOGS 'GYUR RGYU GZHAN NI, ,RTOGS PA NYID NI 'THOB PAR 'GYUR, ,DE NI MA YIN TE, GAL TE 'BREL PA MTHONG BA YIS, ,'BRAS BU LA NI RGYUR BRTAG NA, ,DE'I TSE RGYU YANG RGYU NYID DU, ,MTHONG BA NYID NI THOB PAR 'GYUR, ,GZHAN YANG, GAL TE DE LA 'DRA BA NI, ,YOD NA CI YI PHYIR MI SNANG, ,PHRA

SOGS PHYIR NA MA MTHONG BAR, ,DE NYID DU NI CI LTAR RTOGS, ,DNGOS PO'I NGO BO LA GZHAN PAR, ,RNAM RTOG LA YANG SNANG MA YIN, ,RANG SNANG MED PA THA DAD DU, ,RNAM PAR 'JOG PA NGO MTSAR CHE, ,'DRA BA THOGS MED BAG CHAGS DANG, ,'BREL PA'I RNAM PAR RTOG PA YIS, ,SGRO BTAGS BDAG NYID YONGS BRTAGS NA, ,DE NYID DU NA DE YOD MIN, ,DNGOS DANG 'BREL PHYIR 'DI YIS NI, ,DON BYA BYED PA'I THA SNYAD DAG ,'GRUB YIN 'DRA BA NYID LAS NI, ,DON YANG MTHONG BA YOD MA YIN, ,GAL TE NANG KHYAD YOD NA NI, ,DER YANG CI YI PHYIR MI RTOG ,GANG GIS DON DE BYED PAS 'DRA 'GYUR BA, 'DRA BAR MNGON PAR 'DOD PA NYID LAS NI DON THOB PA MA YIN TE, MA HE LA SOGS PA LAS 'O MA LA SOGS PA'I DON BYA BA THOB PA'I PHYIR RO, ,'ON TE DE LAS NANG GI KHYAD PAR YOD DE, DES NA MI 'DRA BA LAS MI 'DRA BA YIN GYI DON BYA BA DE NYID NI MA YIN NO ZHE NA, GAL TE DE LTA NA NANG GI KHYAD PAR NI PHAN TSUN BA LANG DAG LA YANG YOD PA NYID DO DES NA MI 'DRA BA DANG MTHUN PA'I DON BYA BA MED PAS MI SLU BA NYID MED DO, ,GZHAN YANG, MI 'DRA BA'I RTOGS PA SKYE BA'I PHYIR, MI 'DRA BA GZHAN DU YOD PA YIN NO ZHES BYA BAR 'GYUR RO, ,DE NI 'DRA BA MED PA TZAM LAS 'GYUR RO ZHE NA, 'DRA BA YANG MI 'DRA BA MED PA TZAM LA YIN NO ZHES BYA BAR 'GYUR RO, ,'DRA BA NYID MI 'DRA BA MED PA YIN NO ZHE NA, JI LTAR, DNGOS PO DNGOS PO MED PAR 'GYUR, ,MI 'DRA BA MED PA TZAM NYID MI 'DRA BAR CI STE MI 'GYUR TE, MI 'DRA BA NYID NI RGOL BA GNYI GA LA GRUB PA YIN LA, DE MED PA TZAM GYIS 'DRA BA'I THA SNYAD YANG YONGS SU RDZOGS PA'I PHYIR 'DRA BA GZHAN RTOGS PA NI DON MED PA NYID DO, ,DE'I PHYIR NYE BAR 'JAL BA NI TSAD MA GZHAN MA YIN NO, ,'ON TE DAM BCA' BA'I DON LUNG GIS GRUB PA'I PHYIR, DAM BCA' BA GRUB PAR BYED PAR BRJOD DO ZHE NA DE LTA NA YANG DAM BCA' BA LA DGOS PA CI YOD DE, 'DI LTAR, GAL TE DON DE LUNG NYID KYIS, ,GRUB NA DAM BCA' CI ZHIG BYA, ,GAL TE DON DE LUNG GIS NI, ,MI 'GRUB DAM BCA' CI ZHIG BYA, ,LUNG NI TSAD MA MED PAR NI, ,CI STE DON NI GRUB MI 'GYUR, ,LUNG BCAS DON NI DAM BCAS PA, ,TZAM GYIS SGRUB PAR BYED MA YIN, ,CI STE SHIN TU GOMS PA LAS, ,DAM BCAS GTAN

, ,TSIGS TZAM DAG LAS, ,DE LA RTOGS PA GRUB BA YOD PAS, ,DAM BCA'I TSIG NI DON LDAN NA, ,DE TSE'ANG SHIN TU GOMS PA'I PHYIR, ,YAN LAG LDA TSIG GA LA YOD, ,PHYOGS NYID KYIS NI BSTAN PA'I PHYIR, ,DE TSE DAM BCAS DE YANG MED, ,'O NA JI LTAR 'DI SKAD CES, , NGED KYI LTAR NA NI PHYOGS BSTAN PA GANG YIN PA DE, SGRUB PAR BYED PA NYID DU NI MA YIN GYI 'ON KYANG GTAN TSIGS KYI YUL NYID DU YIN NO ZHES BRJOD CE NA, DE NYID SMRAS PA NI, GAL TE YUL BSTAN MED PAR NI, ,GTAN TSIGS 'JUG PA MED PA'I PHYIR, ,YUL BSTAN PA DAG NYID LAS NI, ,NUS PA GRUB PAR 'DOD CE NA, ,BYAS PA'I PHYIR ZHES BYA BA DE TZAM LAS MI RTAG PA YIN PAR BRJOD NA, GANG MI RTAG PA GRUB PA MI SHES TE, DES NA SGRA MI RTAG GO ZHES DAM BCA' GZHAN NYE BAR BLANG BA YIN NO, ,DE DANG NI GTAN TSIGS KYI YUL NYID DAM GZHAN DU NYE BAR LEN KYANG BLA STE, THAMS CAD DU DAG 'DI GNAS PA YIN TE, YUL MA BSTAN NA GTAN TSIGS 'JUG PA MED PA'I PHYIR GDON MI ZA BAR YUL BSTAN PAR BYA BA YIN NO, ,DE'I PHYIR BSGRUB BYA SGRUB PA'I SNGON ROL DU GDON MI ZA BAR YOD PA NI SGRUB PAR BYED PA NYID DE, DE MA YIN NA SGRUB PAR BYED PA NYID MED PAR 'GYUR RO, ,TSAD MA'I 'BRAS BU NYE BAR 'GOD PA YIN NO ZHE NA, BSTAN PA TSAD MA'I 'BRAS BU DANG, DAM BCA' BA DANG, PHYOGS ZHES MING GZHAN BYAS PAS LEGS PA THOB PA MA YIN DE NI ZUR ZER LA 'KHOR LO ZHES BRJOD PA ZHES BYA BA'I TSUL DER 'GYUR RO, ,DES NA YUL BSTAN PA NYID LAS DE'I NUS PA 'GRUB PO ZHE NA, 'DI LA THE TSOM LA SOGS PA DAG KYANG RGYU NYID DU THAL LO ZHES BRJOD ZIN TO, ,YUL BSTAN DE YANG KHYAB PA NI, ,SNGON 'GRO CAN GYI TSIG GAM NI, ,GZHAN DU RJOD PAR BYED 'GYUR NA, ,DE NI GNYI GA'ANG LEGS PA MIN, ,DAM BCA' BAS YUL BSTAN PAR BYA BA YIN NO ZHES BYA BA 'DI LA DPYAD PAR BYA STE, CI KHYAB PA SNGON DU 'GRO BA CAN GYI SBYOR BA LA YIN NAM, 'ON TE, LNGA PAS GTAN TSIGS BSTAN PA LA YIN, DE LAS CIR 'GYUR, KHYAB SNGON CAN LA DE MED KYANG, ,SGRA NI BYAS YIN 'DI 'DRA KUN, ,MI RTAG CES NI BRJOD PAS KYANG, ,DON GYI DE NI 'JIG BLOR 'GYUR, ,GANG BYAS PA DE THAMS CAD NI MI RTAG PA YIN NO ZHE NA,

THAMS CAD NYE BAR BSDUS NAS KHYAB PA BSTAN NA, DES KHYAB PA'I BYAS PA NYID DE LA NYE BAR BSTAN PA LA DE LTA BU NYID DO ZHES TE SGRA MI RTAG PA NYID DO SNYAM DU SHES PA NYID PAS YUL NYE BAR BSTAN PA'I DON GYI DAM BCAS PA'I TSIG GIS CI BYA STE, YUL GZHAN NYID DU RAB TU GRUB PA'I PHYIR RO, ,CI STE DAM BCA' BA'I TSIG MED PAR CI LTAR GTAN TSIGS 'GAL BAR NGES SHE NA, NYES PA 'DI NI MED DO, ,PHYIR RGOL BA DAG 'GAL BA NI, ,YONGS SU SHES PAR 'GYUR SNYAM PAS, ,DAM BCA' BYED PA MA YIN TE, ,RANG GNOD PA LA CI LTAR BRTZON, ,DAM BCA'I TSIG MA SBYAR NA, CI LTAR GTAN TSIGS DE NI 'GAL BA YIN NO ZHES, GZHAN DAG GIS SHES ZHES BYA BA'I RGOL BA 'DI SU LA YIN, RGOL BA LA'O ZHE NA, DE NI YANG DAG PA MA YIN TE, LEGS PA NYID THOG TU BAB STE PHYIR RGOL BAS MA SHES MOD NGES DE LA BDE BLAG BSGRUB BAS CI BYA, BSTAN BCOS BYED PAS KHYAB PA SNGON DU 'GRO BA CAN GYI SBYOR BA BYA BAR BSTAN PA LA, 'GAL BA MED PA'I PHYIR NA RGOL BA LA PHAN PA CHEN POS BYAS PAS NA BSTAN BCOS BYED PA'I NYES PA YANG MA YIN TE, DE NI RGOL BA LA GNOD PA'I DON DU BSTAN BCOS BYED PA MA YIN NO, ,PHYIR RGOL LA RJES SU GZUNG BAR BYA BA NYID DO ZHE NA, GZHAN LA CI STE SDANG STE 'DI NI GYI NA'O, ,GZHAN YANG, GAL TE SGRA NI RTAG STE BYAS PA'I PHYIR RO, ,GANG BYAS PA DE NI MI RTAG PA YIN NO ZHES BYA BAR 'DIR 'GAL BA BRTZAD PA YIN NA, DE'I TSE SMYON PA MA YIN PA SU YANG DE NYID KYI TSE RTAG PA NYID DU DAM BCAS NAS MI RTAG PA NYID KYIS KHYAB PA NYE BAR STON PAR BYED PA NI MED DO, ,'ON TE RTAG PA NYID KYIS KHYAB PA NYE BAR STON PAR BYED NA, DE'I TSE KHYAB PA PHYIN CI LOG NYID LAS 'GAL BA NYID DU RTOGS PAR 'GYUR RO, ,GZHAN YANG SGRA RTAG STE BYAS PA'I PHYIR ZHES BYA BA'I SKABS SU DAM BCA' BA'I SBYOR BA GANG YIN PA DE LA LTOS NAS 'GAL BA BRJOD PA 'AM 'ON TE DAM BCAS PA MED PAR GLO BUR THOR THUNGS KYIS SGRUB PAR BYED PA'I NGAG LA YID 'BYUNG BAR 'GYUR BA DES NA, GANG GI PHYIR DAM BCAS PAS SKABS KYI DON RIG PAR BYA BA'I PHYIR DE NYE BAR SBYOR BA YIN NA, 'DI LA BRJOD PA SKABS MED PAR NI DAM BCA' BA BRJOD PA YANG GLOG BUR THOR THUNGS NYID DO, ,PHYIR RGOL PAS SKABS

, ,BYAS SO ZHE NA, DAM BCA' BA'I TSIG GI BYA RGYU BYAS ZIN PAR 'GYUR TE, SPROS PAS CHOG GO, ,GAL TE DAM BCA' BA MED NA SGRUB PA MA TSAD BAR 'GYUR BA MA YIN NAM, DE SKAD DU YANG, DAM BCA' BA LA SOGS PA RNAMS LAS GANG MANG RUNG BA CIG DANG BRAL NA YANG MA TSANG BA YIN ZHES BRJOD PA YIN NO ZHE NA, DE SGRUB PAR BYED PA'I YAN LAG YIN NA, MA TSANG BAR 'GYUR BA ZHIG NA, DAM BCA' BA SGRUB PAR BYED PA'I YAN LAG YIN PA'I BZLOG PA NYID DO, ,SGRUB PAR BYED PA'I YAN LAG MA TSANG BAR 'GYUR NA, DAM BCAS PAR NI SGRUB PAR BYED PA'I YAN LAG MA YIN TE, 'DI LTAR; PHYOGS BSTAN PA NI MED NA YANG, ,'GRUB PA LA NI GEGS MED PHYIR, ,GSUM LAS TSUL GANG RUNG PA NYID, ,MA BSTAN MA TSANG YIN PAR BRJOD, ,DE DANG MA 'BREL PA DE NI DE'I YAN LAG MA YIN LA, DE MA TSANG BAS MA TSANG BA YANG MA YIN NO, ,MKHO BA MED PAS KYANG MA TSANG BAR 'GYUR NA NI; MKHO BA MED PA RNAMS MTHA' MED PAS MA TSANG BA MED PAS MA TSANG BA MED PA NYID MED PAR 'GYUR RO, ,'ON TE NYE BAR MKHO BA MED PA MED KYANG MA TSANG BA MA YIN NA, DE LTAR YIN NA DAM BCAS PA'I TSIG MED PA LA YANG MTSUNGS PA'I PHYIR, BRTZAD PAR MI BYA'O, ,GAL TE DAM BCA' BSGRUB PAR BYED PA KHAS LEN NA, DE'I TSE DAM BCAS PA NI BSGRUB PAR BYA BA BSTAN PA'O ZHES BYA BA DAM BCA' BA'I MTSAN NYID HA CANG KHYAB CHOS PAR 'GYUR TE, BSGRUB PAR BYA BA MA GRUB PA YIN YANG SGRUB PAR BYED PAR 'GYUR BA'I PHYIR MA GRUB PA'I GTAN TSIGS BRJOD PA YANG DAM BCA' BAR 'GYUR RO, , GANG ZHIG DAM BCAS PA SGRUB PAR BYED PA MA YIN PA DE LA NI BSGRUB PAR BYA BA BSTAN PA ZHES BYA BA DAM BCA' BA'I MTSAN NYID YIN, YANG GTAN TSIGS LTAR SNANG BA DAM BCA' BAR MI 'GYUR TE, SGRUB PAR BYED BAR GYUR BA MA YIN PA'I BSGRUB PAR BYA BA BSTAN PAR DAM BCA' BA YIN PA'I PHYIR RO, ,DE'I PHYIR, BSGRUB BYA BRJOD PA DAM BCA' NA'ANG, ,SMRA DE LA SKYEN 'THAD MIN TE, ,SGRUB BYED DBANG DU BYAS NYID KYIS, ,GTAN TSIGS LHAR SNANG THAL MIN PHYIR, ,SGRUB PAR BYED PA YIN NA NI SGRUB PAR BYED PA MA YIN PAR MI 'GYUR TE, DES NA SGRUB PAR BYED PA YIN PA'I PHYIR DER THAL BAR MI 'GYUR TE, GTAN

TSIGS LTAR SNANG BA NI SGRUB PAR BYED PA NYID KYI DBANG DU BYAS PA'I PHYIR RO, ,BSGRUB PAR BYA BA BSTAN PA NYID MED PAS DAM BCA' BA'I MTSAN NYID MED PA'I PHYIR GTAN TSIGS LTAR SNANG BA BSTAN PA NI DAM BCAS PA MA YIN NO, ,GAL TE BSGRUB PAR BYA BA BSTAN PA DAM BCA' BA YIN GYI, SGRUB PAR BYED PA BSTAN PA MA YIN PA'I PHYIR, CI LTAR SGRUB PAR BYED PA LTAR SNANG BA DAM BCAS PA NYID DU THAL BAR 'GYUR ZHE NA, 'DI LA BRJOD PA, BSGRUB PAR BYA BA BSTAN PA ZHES BYA BA 'DI LA, GAL TE BSGRUB PAR BYA BA NYID DU BSTAN BA SGRUB PAR BYA BA BSTAN PA NI YIN NA NI, DE'I TSE SGRUB PAR BYED PA LTAR SNANG BA DAM BCA' BAR MI 'GYUR TE, BSGRUB PAR BYA BA NYID DU BSTAN PA MA YIN PA'I PHYIR RO, ,'ON KYANG BSTAN PAR BYA BA MA BSTAN PAR 'GYUR TE, BSGRUB PAR BYA BA NYID DU BSTAN PA ZHES BYA GANG BSTAN PA YIN PA MI SHES PAR 'GYUR RO, ,'ON TE GANG ZHIG BSGRUB BYA NYID DU 'OS PA DE BSTAN PA YIN NO ZHE NA; DE'I TSE YANG CI LTAR BSTAN ZHES SKABS MA BSTAN PA'I PHYIR BSGRUB PAR BYA BA NYID DU'AM SGRUB PAR BYED PA NYID DU ZHES KHYAD PAR MED PA'I PHYIR SGRUB PAR BYED PA LTAR SNANG BA YANG DAM BCA' BA NYID DU 'GYUR RO, ,CI LTAR NA LDA PA 'AM GZHAN GYIS SGRUB PAR BYED PA NYID DU 'AM BSGRUB PAR BYA BA NYID DU BSTAN ZHES BRJOD PAR BYA, LNGA PA SGRUB PAR BYED PA NYID DU BSTAN PA DANG POS BSGRUB PAR BYA BA NYID DU BSTAN PA YIN NO ZHE NA, 'DI GANG LAS, DE LTAR SGRA'I DON GRAGS PA'I PHYIR RO ZHE NA, GAL TE DE LTA NA BSGRUB PAR BYA BA BSTAN PA ZHES DAM BCAS PA'I MTSAN NYID MI BYA BAR 'GYUR TE, BSGRUB PAR BYA BA BSTAN PA NYID DU DAM BCAS PA YIN NO ZHES 'JIG RTEN NA YANG SGRA'I DON DU GRAGS PA YIN NO, ,PHYOGS KYI MTSAN NYID NI LOG PAR RTOGS PA BSAL BA'I DON DU YIN NO ZHES 'CHAD BAR 'GYUR RO, ,DE'I PHYIR BSGRUB PAR BYA BA BSTAN PA NYID DAM BCA' BA YIN PA'I PHYIR MTSAN NYID DON MED PAS NA, BSGRUB PAR BYA BA BSTAN PA NI DAM BCA' BA NYID YIN PA'I PHYIR, SGRUB PAR BYED PA LTAR SNANG BA YANG THAL BAR 'GYUR RO, ,KHYED KYI PHYOGS LA YANG BSGRUB PAR BYA BA BSTAN PA DAM BCA' BA NYID YIN PAS JI LTAR GTAN TSIGS LTAR SNANG BA DAM BCA' BA MA YIN ZHE NA, SGRUB PAR BYED PA NYID DU MA GYUR

, ,PA'I SGRUB BYA BSTAN PA ZHES BYA BAS DE SPANGS PA MA YIN NAM, GAL TE SGRUB PAR BYED PAR GYUR PA YANG BRGYA LA 'GYUR RO ZHE NA, THE TSOM LDOG PA'I RGYU RIGS MI MTHUN PA NYID YIN ZHES BRJOD DO, ,'DI LTAR, KHYAD PAR MED PAR BRJOD NA YANG, ,RIGS GCIG THE TSOM SKYE 'GYUR TE, ,GZHAN DU BSGRUB BYA BRJOD PA KUN, ,DAM BCA' BAR NI THAL BAR 'GYUR, ,RE ZHIG RTZOD PA NI RTZOD PA LHUR LEN PAS BRTZAD PAR BYA BA YIN TE, BUM PA BYA'O ZHES BSGRUB PAR BYA BSTAN PA DAM BCA' BAR THAL BAR 'GYUR RO, ,SHES PAR BYED PA'I GTAN TSIGS KYI DBANG DU BYAS PA'I PHYIR DE LA LTOS PA'I BSGRUB PAR BYA BA BSTAN PA NYID DAM BCA' BA YIN NO ZHE NA, GAL TE DE LTA NA SGRUB PAR BYED PAR 'GYUR BA MA YIN PA'I BSGRUB PAR BYA BA DAM BCA' BA YIN PA'I PHYIR SGRUB PAR BYED PA LTAR SNANG BA YANG DAM BCA' BAR MI 'GYUR RO ZHES BYA BA 'DI 'GRUB PO; ,GAL TE GRUB BRJOD SGRUB BYED PHYIR, ,GZHAN DAG LA YANG SKYON MED NA, ,DA NI BSGRUB BYA BSTAN PA DAG ,CI LTAR SGRUB BYED YAN LAG YIN, ,GAL TE GZHAN DAG KYANG 'DI SKAD DU BRJOD DE, SGRUB PAR BYED PAR GYUR PA'I BSGRUB BYA BSTAN PA DAM BCA' BA YIN NO, ,SGRUB PAR BYED PA LTAR SNANG BA NI SGRUB PAR BYED PA MA YIN TE, MA GRUB PA'I PHYIR RO, ,SGRUB PAR BYED PA MA YIN PA'I PHYIR NI DAM BCAS PA MA YIN TE, DAM BCA' BA NI SGRUB PAR BYED PA YIN PA'I PHYIR RO ZHE NA, GAL TE MA GRUB PA NYID KYIS SGRUB PAR BYED PA LTAR SNANG BA SGRUB PAR BYED PA MA YIN NA MA GRUB PA'I DON GYIS DAM BCA' BA YANG CI LTAR SGRUB PAR BYED PAR 'GYUR, DAM BCA' BA NI MA GRUB PA NYID KYIS SGRUB PAR BYED PA YIN TE, GAL TE GRUB NA NI YUL NYE BAR STON PA NYID DU MI 'GYUR RO ZHE NA, GAL TE DE LTAR NA SGRUB PAR BYED PAR SNANG BA YANG DAM BCA' BA NYID KYIS SGRUB PAR BYED PAR 'GYUR BA'I MI ZLOGS PA NYID DO, ,DAM BCA' BA NYID KYI SGO NAS SGRUB PAR BYED PAR 'GYUR MOD, 'DI LA SKYON CI YOD CE NA, MA GRUB PA NYID SKYON DU MI 'GYUR RO, ,DAM BCAS PA NI DAM BCAS PAS SGRUB PA MA YIN TE, DES NA SKYON NYID DO ZHE NA, SGRUB PAR BYED PA NYID KYIS NI 'DI LTAR SGRUB PAR BYED PA MA YIN,

RANG GI DON LA LTOS NAS SGRUB PAR BYED PA YIN NO ZHE NA, MA YIN TE, DON DANG LDAN PA SGRUB PAR BYED PA YIN PA'I PHYIR RO, ,DE NYID NI DE'I SGRUB PAR BYED PA MA YIN LA, SGRA'I PHUR MA TZAM YANG SGRUB PAR BYED PA MA YIN TE, THAMS CAD DU BRJOD PAR BYA BA SGRUB PAR BYED PA YIN PA'I PHYIR RO, ,BSAM PA STON PA LA NI TSAD MA NYID DU BSHAD PA YIN NO, ,'ON TE DE NYID SGRUB PAR BYED PA YIN NO ZHE NA, 'O NA DAM BCAS PA THAMS CAD PHYI ROL GYI DON STON PAS NUS PA'I PHYIR DE NYID KYIS BSGRUB BYA 'GRUB PAR 'GYUR RO, ,DE'I PHYIR DNGOS DANG BRGYUD PAS DE LA GRUB PA MI SKYE BA'I PHYIR DAM BCA' BA NI SGRUB PAR BYED PA MA YIN NO, ,GZHAN DAG BRJOD PA NI DAM BCAS PA'I SGRUB PAR BYED PA YIN TE, LTAR SNANG BA DANG BCAS TE BRJOD PA'I PHYIR RO, ,LTAR SNANG BA DANG BCAS PA NYID NI SGRUB PAR BYED PA NYID DANG LHAN CIG PAR MTHONG BA'I PHYIR RO, ,SUN 'BYIN PAR SMRA BAS BRJOD PA, MNGON SUM GYIS MA NGES SO, ,TSIG GI BDAG NYID KYI KHYAD PAR DU BYAS PA'I PHYIR SKYON MED DO ZHES LAN GDAB PO, ,SUN 'BYIN PAS MA NGES SO ZHE NA, SUN 'BYIN PA MA YIN PAS GYUR PA ZHES LAN YIN NO ZHES BYA BA DE THAMS CAD NI MI RUNG STE, 'DI LTAR, LTAR SNANG BCAS SOGS BKOD PA DANG, ,LAN NI 'BREL MED BZHAD GAD DE, ,'DI LTAR DE NI RIGS PA NYID, ,MA YIN NO ZHES BSHAD ZIN TO, ,MA MTHONG BA TZAM GYIS NI GTAN TSIGS GO BAR BYED PA MA YIN NO, ,CI LTAR RUNG BA'I KHYAD PAR GYIS NI MA NGES PA SDONG BA MA YIN TE, DE NI MI MTHUN PA'I PHYOGS DANG 'GAL BAS SPONG BA'I PHYIR RO, ,'DI NI SNGAR BSHAD ZIN TE, 'DON PA NI 'DON PA GZHAN SNGON DU 'GRO BA CAN YIN NO ZHES BYA BA LA, RGYAS PA 'DON PAS MA NGES PAR BRTZAD BA NA, RIG BYED KYI KHYAD PAR CAN YIN PA'I PHYIR RO ZHES BRJOD NA, RIG BYED LA KHYAD PAR CI ZHIG YOD, GANG ZHIG GZHAN DU 'DON PAR MI NUS PA'O ZHE NA, 'DI NI LEN MA YIN TE, MI MTHUN PA'I PHYOGS DANG 'GAL BA MED PA'I KHYAD PAR GYIS NI DE LAS GTAN TSIGS BZLOG PAR MI NUS SO, ,DE LTA MA YIN NA DE LTA BU MA YIN PA ZHES BYA BA SUS BRJOD PAR MI NUS, ,DE'I PHYIR, BKOD PA DANG LAN LA SOGS PA 'DI NI RUNG BA MA YIN PA'I PHYIR, DAM BCA' BSGRUB

, ,PAR BYED PA YIN LA SNGAR BSHAD PA SUN 'BYIN PA NYID YIN NO, ,GAL TE 'O NA DAM BCA' BA NGES PAR BSTAN PAR BYA BA MA YIN NA, DE LTA NA PHYOGS KYI MTSAN NYID CI'I DON DU YIN, BSGRUB PAR BYA BA'I DON NI GTAN TSIGS KYI NUS PAS GO BAR BYA BA NYID YIN PAS DE PHYOGS YIN NAM DE LTA MA YIN YANG RUNG STE DPYAD PA 'DIS CI BYA STE, CI LTAR RTOGS PA DE LTAR 'GYUR RO ZHE NA, DE NI BDEN TE, BSGRUB BRJOD RTOGS PA'I DON CAN NYID, ,YIN YANG RMONGS MED PHYIR MTSAN NYID, ,NGO BO TSIGS PHRAD BDAG NYID 'DOD, ,TSIG GIS DE YI MTSAN NYID BZHI, ,MA GRUB SGRUB BYED MIN DON BRJOD; ;RGOL BAS KHAS BLANGS PA BZUNG NGO, ,MTSAN NYID CES BYA BA THAMS CAD NI RMONGS PA BSAL BA'I PHYIR BSTAN PA YIN TE, BRJOD PA GZHAN YANG DE BZHIN NO, ,DE LA BSGRUB PAR BYA BA DANG CIG SHOS KYI YUL LA, CHEN PO RNAMS KYANG PHYIN CI LOG TU LOG PAR RTOGS PA CHEN PO YOD LA, DE MA BZLOG NA YANG DON MA YIN PA'I SGO NAS CHEN PO'I TSUL SKYED PAR BYED DO, ,NYES PA DANG 'BREL PA MA BZLOG PA NI DGE BA MA YIN NO, ,'DI LTAR MI LA SOGS PA GZHAN GYI DON YIN NO ZHES BYA BA LA GZHAN GYI DON TZAM BSGRUB BYA MA YIN PA LA YANG BSGRUB BYAR BRJOD CING, BDAG GI DON NYID BSGRUB BYA YIN YANG; BSGRUB BYA MA YIN PA DANG, BSTAN BCOS TSAD MAR SMRA BA BSTAN BCOS LAS GRUB PA YANG, BSGRUB BYAR BRJOD PA DANG, DAM BCA' BA NI BSGRUB PAR BYA BA BSTAN PA'O ZHES BYA BA'I MTSAN NYID 'DIS SGRUB PAR BYED PA NYID DU BSTAN PA LA YANG PHYOGS NYID DU 'GYUR RO ZHES BYA BAR YANG RTOGS PA DANG, BSTAN BCOS BYED PA'I 'DOD PA BSGRUB BYA MA YIN PA KHAS MA BLANGS KYANG, BSGRUB PAR BYA BA NYID DU ZHES LOG PAR RTOGS TE, DES NA DE BSAL BA'I PHYIR RANG GI NGO BO DANG TSIG PHRAD DANG, 'DOD PA DANG RANG NYID KYI TSIG BZHIS MA GRUB PA DANG, SGRUB PAR BYED PA MA YIN PA DANG, DON GYIS BRJOD PA DANG, RGOL BAS KHAS BLANGS PA GZUNG BAR RIG PAR BYA'O, ,MA GRUB PA KHO NA BSGRUB PAR BYA BA YIN LA DE BZHIN DU GZHAN YANG STE, DES NA NGES PAR GZUNG BAS PHYIN CI LOG DE GSAL BAR RIG PAR BYA'O, ,DE LA RIGS PA NI, GAL TE TSAD MAR GYUR PA'I BSTAN BCOS NYID LAS DON 'DI 'GRUB NA,

TSAD MA GZHAN GYI BSGRUBS PAS CI BYA, GZHAN LA BSTAN BCOS TSAD MA MA YIN PA DES NA DE'I DON DU YIN NO ZHE NA, BDAG NYID LA CI LTAR NA TSAD MA YIN, KHAS BLANGS PA NYID KYIS SO ZHE NA, GZHAN GYIS KYANG KHAS BLANG BAR BYA'O, ,DE BZHIN DU GAL TE DE BSGRUB PAR BYA BA YIN NA, CI LTAR SGRUB BYED NYID DU STON, ,DON GYI BRJOD PA BSGRUB BYA MA YIN NA NGAG GI DO SHES PA NYID DU MI 'GYUR LA, GZHAN DU YANG GRUB PA LA NYID DO, ,SKABS DANG, DON DANG SGRA GZHAN NYE BA DAG LAS SGRA'I DON NGES PA'I PHYIR RO, ,SKABS MI SHES PAS NI BRJOD PAR 'DOD PA'I DON MI RTOGS PA'I PHYIR DE DANG LHAN CIG TU THA SNYAD KYI LAM DU CI LTAR 'JUG ,DE SKAD DU YANG RAB TU BRJOD PA YIN TE, DNGOS SU BRJOD PA'I DON NI PHYUGS KYIS KYANG 'DZIN PAS DE LA NUS PA KHYAD PAR DU 'PHAGS PA CI YOD CE'O, ,DE NYID KYI PHYIR BSHAD PA, MA BRJOD NA YANG 'DOD PAS KHYAB, ,BDAG GI DON GZHAN BSGRUB BYAR 'DOD; ,DPER NA 'DUS PA'I BDAG NYID RNAMS GZHAN GYI DON DU SGRUB PA NA, BDAG GI DON DE NI MA BRJOD KYANG 'DOD PAS KHYAB PA'I BSGRUB BYA YIN ZHES BSTAN PA'I DON DU 'DOD PA SMOS SO, ,'DOD PAS KHYAB PO ZHES BYA BA DE NYID GA LAS SHE NA, SKABS LAS SO, ,SKABS DANG RJES SU MTHUN PAR 'DOD PA 'BYUNG BA YIN TE, DE LTA MA YIN NA, RTOGS PA DANG MI LDAN PA NYID DU THAL BA'I PHYIR RO, ,'DI LTAR GAL TE SKABS SU GZHAN BAB LA SKABS SU BAB PA NI GZHAN YIN LA, BSGRUB PAR BYA BA YANG GZHAN YIN NA NI, DE NI RGOL BA NYID MA YIN SKYON 'DI NYID DE LA MOD LA 'GYUR RO, ,GAL TE 'DI BDAG NYID SMRA NA DES BDAG NYID LA SKABS SU MA BAB PA BRJOD PA'I SGO NAS SKYON BRJOD PA NYID DU 'GYUR RO, ,DE YANG SKYON YONG MOD PHYIR RGOL BA YANG YANG DAG PA'I SKYON MI BRJOD PA'I PHYIR SKYON DU 'GYUR RO ZHEN MA YIN TE, GAL TE DE'I DON BSTAN PA'I SGO NAS SKYON MED PA'I PHYIR RO, ,JI SKAD DU BDAG GZHAN YIN ZHE NA NI DE MA GRUB PO ZHES BSHAD PA YIN TE, GAL TE BDAG GZHAN YIN NA NI DE DPE LA MA GRUB PO, ,GAL TE YANG GZHAN TZAM ZHIG SGRUB NA DE'I SKABS SU BAB PA MA BSGRUBS PAR 'GYUR PA'AM, GRUB PA LA BSGRUBS PAR 'GYUR RO, ,DE LTAR BRJOD PA'I PHYIR RGOL BA LA NYES PA CI YOD,

, ,GAL TE 'DOD PAS KHYAB PA MA BRJOD KYANG, ,BSGRUB BYA NYID DU BSTAN PA'I PHYIR YIN NA, 'O NA NI DE BZHIN MI 'DOD PA BZLOG PA'I PHYIR YANG YIN PAR 'GYUR TE, GANG GI PHYIR NGAG NI RNAM PAR GCOD PA'I 'BRAS BU CAN YIN PA'I PHYIR RO, ,MI 'DOD PA ZHES BYA BA NI CUNG ZAD KYANG YOD PA MA YIN TE, 'GA' ZHIG GIS 'GA' ZHIG 'DOD PA'I PHYIR RO, ,DES NA 'DOD PA SMOS PA NI RGOL BA 'DOD PA YIN NO ZHES BSTAN PA'I DON DU YIN NO, ,DE LA NI RANG NYID CES BYA BA'I DON 'THOB PA KHO NA'O, ,GAL TE BSTAN BCOS BYED PA'I 'DOD PA YANG YIN NA NI DE'I 'DOD PA NYID YIN PAS DE LDOG PA MA YIN NO, ,'DOD PA MA YI PA NYID NA BZLOG PA YIN NO ZHE NA MA YIN TE 'DOD PA SMOS PA NYID KYIS BZLOG PA'I PHYIR RO, ,CI LTAR PHYIR RGOL BA DANG NYAN PAR BYED PA RNAMS KYI 'DOD PA BSGRUB BYA MA YIN NO ZHES 'DOD PA SMOS PA SGRUB PA DE BZHIN DU BSTAN BCOS BYED PA'I 'DOD PA YANG DE NYID KYIS BZLOG PA 'AM RANG NYID SMOS PAS KYANG GZHAN 'DOD PA THAMS CAD BZLOG PA'I PHYIR CI'I PHYIR SLOB DPON GYI RANG NYID CES BYA BAS NI BSTAN BCOS LA MI LTOS PAR KHAS BLANGS STON PAR BYED DO ZHES BSTAN BCOS TZAM 'GOG PAR BSHAD CE NA, 'DI LA LAN DU, GZHAN 'DOD THAMS CAD BZLOG NA YANG, ,'BREL PAR BDAG NYID SGRA BSHAD PA, ,DOGS PA'I GNAS NI BZLOG PA STE, ,'DI NI DE'I DON BYAS PA YIN, ,GAL TE RGOL BA LA LTOS PA'I 'DOD PA SMOS PA NYID KYIS GZHAN 'DOD PA THAMS CAD BZLOG PA DE LTAR YIN NA YANG, BSTAN BCOS BYED PA'I 'DOD PA LA BSGRUB PAR BYA BA NYID YIN PAR DOGS PA NYID DE, DE LTA MA YIN NA BSTAN BCOS DANG 'GAL BA'I GTAN TSIGS GO BAR BYED PA MA YIN PAS NA, BSTAN BCOS BYED PA'I 'DOD PA NI GDON MI ZA BA NYID DU RGOL BA'I YANG YIN PAR 'GYUR RO ZHES BYA BA'I BLOR 'GA' ZHIG 'GYUR TE, DES NA DOGS PA'I GNAS BZLOG PA'I PHYIR RANG NYID SMOS SO, ,DE NYID KYI PHYIR RANG NYID SMOS PA'I DGOS PAS NI BSTAN BCOS BSAL BA NYID YIN PAR BSHAD DO, ,GANG GI PHYIR RANG NYID KYI SGRAS 'DI NI BSTAN BCOS BYED PA'I 'DOD PA BZLOG PA'I PHYIR BYAS PA YIN NO, ,GZHAN GYI 'DOD PA BZLOG PA NI 'BAD PA MED PA NYID DU GRUB PA YIN

NO; ,DE'I PHYIR 'DOD PA SMOS PA'I DGOS PA NI MA BRJOD KYANG 'DOD PAS KHYAB PA BSGRUB BYA YIN NO ZHES BYA BA DE NYID YIN TE, 'DOD PA SMOS PA NI GZHAN GYI DON ZHES BYA BA LA 'DUS PA MA YIN PA GZHAN GYI DON BSGRUB BYA NYID YIN NO, ,GAL TE NI CHOS DANG, CHOS CAN DAG GI KHYAD PAR YIN GYI, BSGRUB BYA NI MA YIN PA MA YIN NAM, GAL TE BSGRUB BYA NYID YIN NA CI LTAR KHYAD PAR DU 'GYUR BSGRUB PAR BYA BA DANG KHYAD PAR DAG GCIG PA NI MA YIN NO, ,SLOB DPON GYIS CHOS KYI KHYAD PAR PHYIN CI LOG TU BSGRUB PA'I PHYIR 'GAL BA YIN NO ZHES BYA BA LA SOGS PA BSHAD PA YIN NO ZHE NA, DE BSHAD PA NI; DE NI LTOS NAS CHOS DAG DANG, ,CHOS CAN KHYAD PAR YIN PAR BRJOD, ,'DOD PAS YUL DU BYAS PA'I BSGRUB BYA DE NI GZHAN LA LTOS TE, KHYAD PAR DU BRJOD DE SHES RAB SHIN TU GZHON PA GZHAN DAG SMRAS PA NYID BSGRUB BYA YIN NO ZHES 'DI LTAR MIG LA SOGS PA NI GZHAN GYI DON NO ZHES PHA ROL GYIS SMRAS PA LA SUN 'BYIN PA BRJOD PAS BSHAD PA, BDAG MA GRUB PAS DPE LA NI, ,DE DON MA GRUB GAL TE DE, ,BSGRUB MIN 'O NA KHYOD KYI DE, ,DE YI KHYAD PAR YIN PAR 'GYUR, ,BDAG GI DON NI NGES KYIS BSGRUB BYA MA YIN TE, GZHAN GYI DON TZAM SGRUB PA'I PHYIR RO ZHE NA, GAL TE BSGRUB BYA MA YIN NA NI DE NYID KYI KHYAD PAR YIN PA'I PHYIR KHYAD PAR DANG 'GAL PAR 'GYUR RO, ,BSGRUB BYA NYID CI'I PHYIR SGRUB PAR MI BYED CE NA MA YIN TE, GZHAN LA LTOS NAS LAN 'DEBS PAR BZHED PA'I PHYIR TE, DE TZAM GYIS GZHAN BZLOG NA RANG GI PHYOGS BSGRUB PA'I 'BAD PA BYAS PAS CI BYA, DA NI CI LTAR MA BRJOD PA YANG BSGRUB PAR BYA BA NYID YIN TE, BRJOD PA YIN PA'I PHYIR RO, ,BSGRUB PAR BYA BA NI BRJOD PA NYID YIN TE, DE LTA MA YIN NA HA CANG THAL BAR 'GYUR RO, ,MA BRJOD PA NYID DU KHYAD PAR MED PA'I PHYIR THAMS CAD BSGRUB PAR BYA BAR 'GYUR NA, THAMS CAD DPE LA NYE BAR BSTAN PAR NUS PA NI MA YIN NO,, DE LTA NA NI BZLOG PA BSGRUB PA'I PHYIR THAMS CAD GTAN TSIGS MA YIN PAR 'GYUR RO ZHE NA 'DI LA BSHAD PA, MA BRJOD NA YANG 'DOD PA NI, ,SKABS LAS RTOGS PAR 'GYUR BA YIN, ,DE DPE RJES 'GRO MED PA YI, ,SKYON YANG JI SKAD BDAG GZHAN NA, ,DE MA GRUB CES BSHAD BZHIN TE, ,DER NI 'DOD NA

, ,GNOD BYED YIN, ,GAL TE 'DIS DE NYID SMRAS PA YIN PA DE LTA NA YANG SKABS KYI 'DIR DON NI 'DI YIN PAR LTA'O, ,TSIG THAMS CAD SKABS LA MA LTOS PAR NI DON STON PAR NUS PA MA YIN NO, ,DE'I PHYIR DAM PA LUGS GNAS DAG ,NGAG GI MTHAR THUG BRTAGS NAS NI; ,NGAG DON NGES PAR BYA BA'I PHYIR, ,'JUG PA 'GRO BA'I TSUL LUGS YIN, ,MKHAS PA'I SKYE BO MTHA' DAG GI LUGS NI 'DI NYID YIN NO, ,MIG LA SOGS PA NI GZHAN GYI DON YIN NO ZHES BYA BA 'DIR YANG NGAG GI DON NI BDAG GI DON TO ZHES BYA BA YIN NO, ,DE NYID KYI PHYIR DE LA LTOS NAS DPE LA RJES SU 'GRO BA MED PA YANG YIN TE, DE BSGRUB PAR BYA BA YIN PA'I PHYIR RO, ,SLOB DPON GYIS KYANG DE KHO NA BZHIN DU BSTAN TE, BDAG GZHAN YIN NO ZHE NA NI MA GRUB PO ZHES TE, DPE LA MA GRUB PO ZHES BYA BAR BLTA BAR BYA'O, ,DES NI DE'I 'DOD PA PHYIN CI LOG TU GRUB PAS NA 'DI 'DOD PA LA GNOD PAR BYED PA YIN NO, ,GAL TE SKABS SU BAB PA'I DON NYID BSGRUB PAR BYA BA YIN NO ZHES BYA BA 'DI CI LTAR SHES SHE NA, DE'I PHYIR BSHAD PA, GAL TE GANG LA RTZOD PA YIS, ,SGRUB BKOD DE BSGRUB BYA MIN NA, ,BSGRUB BYA CI YIN GZHAN DU NA, ,MI 'DOD PA 'AM 'BRAS MED 'GYUR, ,GAL TE GANG LA RTZOD PA GANG LAS BDAG 'GRUB PA'I BDAG GI DON NYID DE KHO NA BSGRUB PAR BYA BA MA YIN NA, DE LAS GZHAN SGRUB NA YANG MA 'BREL PA'I PHYIR, 'GA' YANG BSGRUB PAR BYA BA MA YIN PAR 'GYUR RO, ,DE LTA NA NI PHYOGS GNYIS SGRUB PA LA LTOS TE 'GAL BA SGRUB PA'I PHYIR MI 'DOD PA 'AM, DE SPANGS NAS SGRUB NA YANG 'BRAS BU MED PA GRUB PA LA SGRUB PA NYID DU 'GYUR RO, ,'ON TE BDAG BSGRUB BYA MA YIN YANG, GZHAN TZAM RAB TU BSGRUBS PAS KYANG 'GRUB PA YIN NO, ,BSGRUB PAR BYA BA MA YIN PA'I YUL LA NI PHYIR RGOL BAS RJES SU 'GRO BA MED PA'I SKYON BRJOD PAR BYA BA MA YIN TE, RJES SU 'GRO BA MED PA LA SOGS PA'I SKYON NI BSGRUB PAR BYA BA LA LTOS PA YIN PA'I PHYIR RO ZHE NA, DE NI MA YIN TE, GANG GI PHYIR, GAL TE GZHAN GRUB NA YANG SGRUB BYA MIN, ,'DOD 'GRUB DE LTA YIN NA KUN 'GRUB 'GYUR, ,NYE BA'I KHYAD PAR MED NA 'GA' ZHIG NI, ,'GRUB 'GYUR GZHAN MIN DE NA GA LAS YIN, ,GAL TE GZHAN

BSGRUBS PAS KYANG GZHAN 'GRUB PAR 'GYUR NA NI DE'I TSE, 'DOD PA BZHIN DU PHYIN CI LOG KYANG 'GRUB PAR 'GYUR RO, ,DE LTA YIN DANG, GTAN TSIGS THAMS CAD 'GAL BA DANG DPE BSGRUB BYAS STONG PAR 'GYUR TE, PHAN TSUN 'GAL BA'I CHOS KYI TSOGS NI GA LA YANG RJES SU 'GRO BA MED PA'I PHYIR RO, , 'DOD PA'I PHYIR BSGRUB PAR BYA BA DE NYID 'GRUB KYI GZHAN NI MA YIN NO ZHE NA, MA YIN TE 'DOD PA'I DBANG GIS GTAN TSIGS KYI BYED PA YUL RNAM PAR DBYE BA MI 'THAD PA'I PHYIR RO, ,DE LTA YIN NA NI GZHAN BZLOG PA 'DOD PA'I PHYIR BZLOG PA GRUB PA DGAG TU MED DE, 'DOD PAR KHYAD PAR MED PA'I PHYIR RO,, GANG GIS RGOL BA 'DOD PA 'GRUB LA PHYIR RGOL BA 'DOD PA MA YIN PA 'BREL PA'I KHYAD PAR YANG YOD PA MA YIN NO, ,BRJOD PAR 'DOD PA'I CHOS RJES SU 'GRO BA MED NA SKYON YIN NO ZHE NA, GAL TE DE LTA NA 'DOD BA 'DOD PA BYED PA'I 'GAL BA 'GA' YANG MED PA'I PHYIR RO, ,BRJOD PA DANG NI THAMS CAD LA RJES SU 'GRO BA YOD PA'I PHYIR RO, ,BRJOD PAS RJES SU 'GRO MED NA, BSGRUB BYA PHYIN CI LOG TU SGRUB PA NYID KYIS 'GAL BA YIN NO, ,KHYAD PAR 'GAL BA NI MA BRJOD PA NYID LA LTOS NAS YIN GYI GZHAN DU NI MED PA'I PHYIR RO, ,'DIS NI GNYIS BCAD SBYOR PA LA, ,RJES 'GRO MED DANG 'GAL PA DAG , BSTAN PA YIN NO CI STE YANG BSGRUB PAR BYA BA SPYIR 'DOD NA, DE NYID DON GZHAN MED PA'I PHYIR, ,LUS MI 'GYUR NA 'GRUB PA YIN, ,BRJOD BYAS STONG PA'I RJOD BYED RNAMS, ,'DI DE MI SHES KYIS BSLAD YIN, ,GNYIS PA DANG BCAS PAR BSGRUB PA'I SBYOR BA RNAMS LA RJES SU 'GRO BA MED PA'I NYES PA DANG; 'GAL BA NYID KYANG RIGS PA 'DI NYID KYIS BSTAN PA YIN NO, ,'DI LTAR TSU ROL MDZES PA BDAG NA RE, BUM PA NI MNGON PAR GSAL BA'I SEMS PA CAN LUS KYI MTSAN NYID KYI SKYES BU DANG, BUM PA GANG YANG RUNG BAS GNYIS PA CAN YIN TE, AUTPALA MA YIN PA'I PHYIR RTZIG PA BZHIN NO ZHES 'DZER RO, ,SKYES BU NI SEMS PA MNGON PAR GSAL BA'I KHYAD PAR CAN GYI LUS YIN GYI, GZHAN BDAG LA SOGS PA 'DZIN RTEN PHA ROL DANG LDAN PA MA YIN NO, ,DER YANG MNGON SUM GYI YUL MA YIN PA'I PHYIR TO, ,RJES SU DPAG PA NYID SGRUB PAR BYED PA YIN PAS GTAN TSIGS BRJOD DO

, ,ZHE'O; ,BSAM PA NI SKYES BU DE LTA BU NI MDZUB TSUGS SU SGRUB PAR NUS PA MA YIN TE, DPE LA MA GRUB PA'I PHYIR RO, ,DES NA SPYIR GANG YANG RUNG BAS GNYIS PA CAN DU BSGRUB PAS YIN TE, BSGRUB BYA SGRUB PAR BYED PA NI THABS YIN NO, ,'DIR BRJOD PA, 'DI LA SPYI'AM KHYAD PAR GANG, ,BSGRUB PAR BYA BA DE NYID DE, ,BRJOD 'DOD NYID NI BSGRUB BYA ZHES, ,'DI NI GCIG TU NGES PA YIN, ,ZHES BYA BA'I 'GEL GYI DON TO, ,'DI LTAR SGRAS ZIN PA NI SKYES BU NYID YIN PAS DE LA LTOS NAS RJES SU 'GRO BA MED PAR 'GYUR RO ZHES RIGS PA SNGA MA NYID DO, ,'ON TE 'BA' ZHIG GRUB PA YIN MOD KYI, ,DE SGRUB PAR BYA BA NI MA YIN NO ZHE NA, DE'I TSE YANG HA CANG THAL BAR 'GYUR RO ZHES BSTAN ZIN TO, ,'DIR KHYAD PAR PHANGS BA MED PA LA MA YIN NAM ZHE NA, DE NI MA YIN TE, GANG GI PHYIR LUS MA GRUB NA GSAL BA MED PA'I PHYIR SPYI GA LA YOD, BA LANG GI GSAL BA MED PAR NI SPYI SRID PA MA YIN NO, ,GSAL BA ZHIG KYANG SPYI'I MI 'JIG STE RTAG PA'I PHYIR RO, ,GSAL BAR BYED PA MED PA'I PHYIR THA SNYAD KYI SPYOD YUL MA YIN NO, ,GSAL BA YOD NA SPYI DE BZHIN DU 'GYUR BA'I PHYIR RO ZHE NA, MA YIN TE 'DIR SRID PA MED PA'I PHYIR RO, ,DE LTA BU'I SKYES BU NI TSAD MA GZHAN GYIS SRID PA MA YIN NO, ,JI LTAR GSAL BA MED NA SPYI YOD THA SNYAD KYI YUL MA YIN PA DE BZHIN DU GANG YANG RUNG BA'I SPYI YANG YIN NO, ,TSAD MA'I 'DI NYID LAS GRUB PO ZHE NA, MA YIN TE, PHAN TSUN RTEN PA'I NYES PAS THAL BA'I PHYIR RO, ,RJES SU DPAG PA'I TSAD MA YOD NA SPYI YOD LA, ,SPYI YOD NA RJES SU DPAG PA YOD PA'I PHYIR TE, SPYI YOD MA GRUB PA LA NI RNAM PA YOD PA MA YIN NO, ,DES NA JI LTAR GANG YANG RUNG BA ZHES BYA BA GTAN TSIGS MA YIN PA DE BZHIN DU BSGRUB BYA YANG MA YIN NO, ,'DI LTAR PHYOGS DANG MTHUN PA'I PHYOGS LAS GANG YANG RUNG BA'I PHYIR ZHES BYA BA LA, PHYOGS NYID LA SGRA YOD KYI PHYOGS DANG MTHUN PA'I PHYOGS GNYIS GANG YANG RUNG BA NI MA YIN TE, SGRA LA 'GAL BA MED PA MA YIN PA'I PHYIR TE, GANG YANG RUNG BA'I SGRA NI RNAM PAR RTAG PA YUL CAN YIN PA'I PHYIR RO, ,NGES PA'I CHOS SRID NA NI GZHAN 'GOD PA MA YIN NO, ,GZHAN NYE BAR BKOD PA MED PAR NI GANG YANG RUNG BA'I SGRA 'JUG PA MI

SRID DO; ,DE'I PHYIR 'DI NI MI RUNG STE, GZHAN YANG GAL TE 'DIR DE LTA BU'I SKYES BU NYID SGRUB PA MA YIN NA DE'I TSE, SNAM BU DANG BUM PA GANG YANG RUNG BAS GNYIS PA CAN YIN NO ZHES BYA BA NYID RJOD PAR 'GYUR TE, CI'I PHYIR GNYI GAR BUM PA NYID SMOS, ,DE LA SGRUB PAR BYED PAR SMRA BA'I BSAM PAS NI 'DI YIN TE; GAL TE SNAM BU CHOS CAN BLANGS NAS BUM PA GNYIS PA DANG BCAS PA YIN PA'I PHYIR GRUB PA LA SGRUB PAR 'GYUR RO, ,SPYIR GNYIS PA DANG BCAS PA NYID LA YANG NYES PA 'DI NYID YIN NO ZHES BSTAN ZIN TO, ,DE MI 'PHEN NA SGRUB PAR BYED PA'I 'BRAS BU CI YIN TE, YANG NA NI MI 'DOD PAR 'GYUR RO; ,DE'I PHYIR GNYI GAR BUM PA'I RIGS BSTAN PA NI SHUGS KYIS SKYES BU NYID KYIS GNYIS PA DANG BCAS PAR BSTAN PAR 'GYUR RO ZHES BYA BA'I DON DU YIN NO, ,DE LTAR NA YANG 'DIR SKYES BU NYID NGES PAR BRJOD PAR 'DOD PA YIN PA'I PHYIR GANG YANG RUNG BA SMOS PA NI DON MED DO, ,DES NA 'DI NI MA MO GSHAM YIN NO ZHES BYA BA LA SOGS PA'I TSIG BZHIN DU RANG GI TSIG DANG 'GAL BA YIN NO, ,'DI LTAR, SHUGS KYIS NGES PAR 'THOB 'GYUR ZHING, ,GANG RUNG BRJOD PAS RNAM BRTAG YIN, ,NGES PA DANG NI RNAM PAR BRTAG ,GNYI GCIG LA 'GYUR BAR DKA', ,GNYI GAR BUM PA NYE BAR BKOD PAS NI BUM PA'I RIGS RANG NYID KYIS GNYIS PA DANG BCAS PAR 'GAL BA'I PHYIR, SHUGS KYIS SKYES BU NYID BSGRUB PAR BYA BA YIN NA, CI LTAR DE LAS BZLOG PA SGRUB PAR BYED PA GANG YANG RUNG BRJOD, MA YIN TE, GANG YANG RUNG BA BRJOD PA NI RJES SU 'GRO BA'I DON DU YIN TE, RTZIG PA LAS SKYES BU RJES SU 'GRO BA NI MED DO ZHE NA, CI LTAR GZHAN RJES SU 'GRO BAS SKYES BU GZHAN GRUB, SHUGS KYIS SO ZHE NA, SHUGS DE GANG YIN, CI GTAN TSIGS KYI 'AM DE STE TSIG GI YIN, RE ZHIG GTAN TSIGS KYIS NI MA YIN TE, AUTPALA MA YIN PA SKYES BUS GNYIS PA DANG BCAS PA NYID DANG 'BREL PA MED PA'I PHYIR TE MA NGES PA'I PHYIR RO, ,'DI LTAR BUM PA NI 'JIG RTEN PHA ROL DANG LDAN PA SKYES BU DANG BUM PA GANG YANG RUNG BAS GNYIS DANG BCAS PA YIN TE ZHES KYANG SGRUB PA'I PHYIR RO, ,BRJOD PAR 'DOD GZHAN DU GYUR NA GZHAN YANG SGRUB PAR BYED PA LA RAG MOD CE NA, MA YIN TE, BRJOD PAR

, ,'DOD PA LA LTOS PA'I SGRUB PAR BYED PA NYID MA YIN NO ZHES BSTAN ZIN PA'I PHYIR RO, ,'ON TE TSIG GI SHUGS KYIS YIN NO ZHE NA, 'DI NI NGO TSA PA'I LTA BA YIN TE, TSIG GI SHUGS KYIS NI DON 'GRUB PA MA YIN TE, DER MA 'BREL PA'I PHYIR RO, ,'DI LTAR, TSON PO NYIN PAR MI ZA ZHES, ,DE SKAD BRJOD PAR GYUR PA NA, ,MTSAN MO ZA BAR DER MIN TE, ,LOG PAR BRJOD PA'ANG SRID PHYIR RO, ,GAL TE BUM BA GZHAN DU DE LTA BU'I SKYES BU YOD PAR TSAD MAS THOB PA YIN NA NI DE'I TSE TSAD MA'I RTZA BA CAN GYIS BRJOD PAR 'DOD PAS SBYAR BA'I TSIG GZHAN GYI DON RJES SU DPAG PAR 'GYUR BA YIN TE, RANG GIS MTHONG BA STON PA NI, GZHAN GYI DON GYI RJES SU DPAG PA NYID YIN PA'I PHYIR RO, ,TSAD MA 'DI NYID KYIS GRUB PO ZHEN MA YIN TE, PHAN TSUN RTEN PA'I SKYON DU 'GYUR RO ZHES BSHAD ZIN TO, ,TSAD MA YOD NA SGRUB BYED YIN NA TSAD MAR 'GYUR BA'I PHYIR RO, ,GAL TE 'JIG PA BSGRUB PA LA YANG, RIGS PA MTSUNGS PA MA YIN NAM, 'DI LTAR, CIG SGRA'I MI RTAG PA NYID BSGRUB PAR BYA BA YIN NAM, 'ON TE BUM PA'I YIN GAL TE SGRA'I YIN NA NI DE MTHUN PA'I PHYOGS LA MED DO, ,DE STE BUM PA'I YIN NA DE SGRA LA MED PA'I PHYIR 'GAL BA YIN NO, ,DE BZHIN DU BYAS BA NYID KYANG NGO, , 'ON TE 'DI NI RNAM PAR RTOG PA DANG MTSUNGS PA YIN NO ZHE NA, DE LTA YIN NA SKYES BU LA YANG YIN PAS MTSUNGS SO ZHE NA, 'DI LA LAN, SGRA DANG BUM PA'I KHYAD PAR GYI, ,RTOG NA 'JIG PA'ANG MTSUNGS SHE NA, ,MA YIN 'JIG PA GRUB PA YIS, ,SGRA NI DE LDAN SGRUB PHYIR RO, ,DE BZHIN DON GZHAN YOD NA NI, ,BUM PA'ANG DE DANG LDAN PAR 'GYUR, ,CI LTAR NGAG GI SHUGS KYIS THOB PA'I SKYES BU MA GRUB PA DE BZHIN DU MI RTAG PA NYID MA GRUB PO ZHE NA, DE NI MA YIN TE, DE BZHIN DU JI LTAR PHYOGS DANG MTHUN PA'I PHYOGS GANG YANG RUNG BA NYID DE BZHIN DU BYAS PA YANG NGO ZHES BYA BA YANG NGO, ,SNGA NA MED PA DANG ZHIG NAS MED PA'I DBUS NA GNAS PA'I NGO BO MI RTAG PA NYID NI BUM PA LA GRUB PA'I PHYIR RO, ,GAL TE GRUB KYANG DE NI GZHAN NYID YIN PA DES NA JI LTAR SGRA MI RTAG PAR 'GYUR TE, MI RTAG PA DE NYID NI SGRA LA YOD PA MA YIN NO, ,DE DANG 'DRA BA YIN PAR 'GYUR RO ZHE NA, RJES SU 'GRO BA GZHAN YIN NA, ,JI LTAR 'DRA BA

'GRUB PAR 'GYUR, ,DE LTAR YIN NA SKYES BU YANG, ,GRUB LA BRTEN PHYIR LAN DON MED, ,DE NI MA YIN TE, GZHAN NYID YIN PAS 'DRA BA YIN, ,DE LTA MIN NA DE CI LTAR, ,GCIG LA 'DRA BA YOD MIN TE, ,ZLA BO LA NI LTOS PHYIR RO, ,'DI LTAR SNGA NA MED PA DANG ZHIG NAS MED PA'I MTSAN NYID KYIS NYE BAR MTSON PA'I MI RTAG PA NYID NI CI 'DRA BA BUM PA LA YIN PA DE 'DRA BA NYID SGRA LA YANG YIN TE, SNGA NAS MED PA LA SOGS PA SRID PA'I PHYIR RO, ,SGRA BRJOD MA THAG TU 'JIG PA YIN NO ZHES BYA BA LA NI RTZOD PA MED DO, ,DE BZHIN DU GAL TE CHOS CAN BUM PA YANG RTZIG BA DANG 'DRA BAS DE DANG LDAN PAR 'GYUR PA YIN NA 'DI SGRUB PAR BYED PAR 'GYUR BA YIN NO, ,CHOS CAN BUM PA DANG RTZIG PA DAG NI SKYES BU GNYIS PA DANG BCAS PA NYID DU 'DRA BA MA YIN NO, ,GAL TE 'DIR YANG MI RTAG PA NYID KYI SPYI TSIG TU SMOS KYANG MTHAR GTUGS PA'I DON NI SGRA LA GNAS PA'I KHYAD PAR NYID YIN LA, DES KYANG RJES SU 'GRO BA MA YIN PA'I PHYIR CI LTAR DE 'GRUB CE NA, 'DIR BRJOD PA, MI RTAG SGRA YI KHYAD PAR CAN, ,RJES 'GRO MED NAM 'BREL PA, ,BZLOG PHYIR MA YIN MI LDAN DANG, ,GZHAN LDAN RNAM GCOD DAM PA GNYIS, ,MI LDAN GCOD PHYIR GZHAN DANG NI, ,RJES 'GRO MED PAR 'GYUR MA YIN, ,GAL TE MI RTAG PA NYID KHYAD PAR CAN RJES SU 'GRO BA MA YIN PA DE LTA NA YANG RJES SU 'GRO BAS KHYAD PAR CAN DU 'GYUR RO, ,BSGRUB PAR BYA BA NI TSOGS PA YIN TE, DE GAL TE SNGAR GRUB NA SGRUB PAR BYED PA'I DON CI YIN DE'I PHYIR 'BA' ZHIG RJES SU 'GRO BAS NA, MI RTAG PA SGRA LA GRUB PAS SPYI NYID DANG KHYAD PAR CAN NYID KYI BDAG NYID DU GSAL BAR BYED PA YIN NO, ,GAL TE 'BA' ZHIG RJES SU 'GRO BAS KHYAD PAR CAN GYI MI RTAG PA NYID CI LTAR 'GRUB, GZHAN DANG RJES SU 'GRO BAS GZHAN SGRUB NA NI HA CANG THAL BAR 'GYUR RO, ,DE LTA NA NI GTAN TSIGS THAMS CAD 'GAL BA DANG, DPE BSGRUB PAR BYA BAS STOD PAR 'GYUR RO, ,SMRAS BA'I CHOS RJES SU 'GRO BA MED NA SKYON 'DIR 'GYUR GYI, GZHAN NI MA YIN NO ZHE NA, MA YIN TE BSGRUB PAR BYA BA NYID DU KHYAD PAR MED PA'I PHYIR RO, ,SKYON MED NA NI 'GA' YANG 'DOD PA LA GNOD PA BYED PAR MI 'GYUR BA'I PHYIR THAMS CAD KYI 'DOD PA 'GRUB PAR 'GYUR RO ZHE NA, MA YIN TE MA 'BREL PA RNAM PAR

, ,GCOD PAS KHYAD PAR DU BYED PA'I PHYIR RO, ,MA 'BYEL BA DANG GZHAN DANG 'BREL PA RNAM PAR GCOD PAS MI KHYAD PAR RNAM PA GNYIS SO, ,SGRA NYID MI RTAG GO ZHES DE LTAR NI BYED PA MA YIN TE 'ON KYANG SGRA YANG STE MI RTAG PA NYID DU 'DRA BA'I PHYIR RO, ,SKYES BU SGRUB PA LA NI DE LTAR SRID PA MA YIN TE, BUM PAS GNYIS PA DANG BCAS PA NYID NI RTZIG PA DANG BUM PA DAG LA MTSUNGS PAR MA YIN NO, ,GANG YANG RUNG BAS GNYIS PA DANG BCAS PA NYID MTSUNGS SO ZHE NA, MA YIN TE, DES KYANG RNAL MA LA GNOD PA'I PHYIR RO, ,GAL TE NGES PA MED NA NI GANG YANG RUNG BAS GNYIS PA DANG BCAS PA NYID KYIS MTSUNGS PAR 'GYUR BA YIN NA, 'DIR NI NGES PA NYID DE, RTZIG PA NI BUM PAS GNYIS PA DANG BCAS PA YIN LA, BUM PA NI DE LTAR SKYES PUS GNYIS PA DANG BCAS PA YIN NO ZHES BYA BA NI GZHAN GYI BSAM PA'O, ,GAL TE SO SOR NGES PA LA GANG YANG RUNG BA'I TSIG SBYOR BA NYID MA YIN NAM, DE CI LTAR NGES PA LA GANG YANG RUNG BA NYID MED NA, DES NA RNAM PAR BRTAG PA DANG SO SOR NGES PA DAG 'GAL BA MA YIN NO, ,'DI LTAR LHA SBYIN DANG MCHOD SBYIN DAG LAS GANG YANG RUNG BA LA ZAN BYIN CIG CES BYA BA NI NGES PA GCIG LA ZAN SBYIN PA NYID RNAM PAR GNAS SO, ,DE BZHIN DU 'DIR YANG SKYES BU GNYIS PA DANG BCAS PA NYID DU NGES PA YIN NO ZHE NA, 'DIR TSIG GIS NGES PA THOB PA NI MA YIN TE, BYA ROG DANG TA LA'I TSUL DU NGES PAR GRUB PA'I PHYIR, DE YANG MNGON SUM GYIS DMIGS PA YIN NO, ,'DIR NI SKYES BU DANG BUM PA GANG YANG RUNG BAS GNYIS PA DANG BCAS PAR BRJOD PA LA SKYES BU LA NGES PA MNGON SUM GYIS GRUB PA MA YIN NO, ,ZA BA NI DNGOS PO'I SHUGS KYIS GCIG LA NGES PA YIN GYI TSIG GI SHUGS KYIS NI MA YIN TE, ZA BA PO'AM STER BA PO BSKUL BA RANG GI 'DOD PAS 'JUG PA'I PHYIR RO, ,GAL TE 'DI BRJOD KYANG ZAN MI STER RAM MI ZAN NI NGES PAR GNAS PA MA YIN NO, , 'DIR YANG SGRUB PAR BYED PA'I SHUGS KYIS NGES PAR RTOGS SO ZHE NA MA YIN TE, BZLOG PA LA YANG SRID PA'I PHYIR RO ZHES BSTAN ZIN TO, ,'DIS NI, KHYAD BAR LA NI RJES 'GRO MED, ,SPYI NI GRUB PA SGRUB PA YIN, ,GAL TE MI RTAG PA NYID KYI SPYI GRUB PA NA NI GLOG LA SOGS PA 'BA' ZHIG LA GRUB PA'I PHYIR

GRUB PA LA SGRUB PA YIN NO, ,'ON TE SGRA'I KHYAD PAR CAN GYI MI RTAG PA YIN NA DE'I TSE DE BUM PA LA MED PA'I PHYIR RJES SU 'GRO BA MED DO ZHES BYA BA DE YANG BSAL BA YIN TE, GANG GI PHYIR SPYI NYID SGRA LA MA GRUB PA'I PHYIR BSGRUB PAR BYA BA YIN NO, ,DE BSHAD PA NI, DE BSHAD PA NI, DE SPYI BSGRUB PAR BYA MIN PAS, ,GRUB BA GRUB PA NYID MA YIN, ,CHOS CAN KHYAD PAR CAN DE NI, ,RJES 'GRO MED PA'I SKYON LDAN MIN, ,GAL TE GZHI LA MI LTOS PA'I MI RTAG PA NYID BSGRUB PAR BYA BA YIN NA NI GRUB PA LA BSGRUB PAR 'GYUR BA YIN NO, ,SGRA LA SPYI SGRUB PA YIN PA DES NA GRUB PA SGRUB PA MA YIN NO, ,GAL TE SGRA LA SGRUB PA DANG, SPYI ZHES BYA BA NI 'GAL BA YIN TE, SGRA'I SPYI KHYAD PAR CAN NYID KHYAD PAR YIN NO, ,GAL TE SPYI YIN NA CI LTAR KHYAD PAR YIN, KHYAD PAR YIN NO ZHE NA NI CI LTAR SPYI YIN ZHE NA, DE MA YIN TE, SPYI YIS RJES 'GRO GRUB NA NI, ,DE LA 'BREL PA BZUNG LAS GZHAN, ,KHYAD PAR GYI NI MTHAR THUG NYID, ,PHYOGS CHOS DANG NI LDAN LAS YIN, ,SGRA'I KHYAD PAR GYI RJES SU 'GRO BA BSTAN PAS SGRA'I KHYAD PAR CAN NYID DU GRUB PA NI MA YIN TE, 'BA' ZHIG GIS RJES SU 'GRO BA MTHONG BAS DE'I KHYAD PAR CAN NYID GRUB PA YIN TE, DE NYID DO ZHES 'DRA BAS GCIG NYID DU BRJOD PAR 'DOD PA'I PHYIR RO, ,GZHAN LA STON PAR BYED PAS NI DU BA MED NA NI MI 'BYUNG BA BSTAN PAR BYA BA YIN TE, DE LTAR MES KHYAB PAR GRUB PA NI GANG LA NYE BAR DE NYID DU ME'I BLO SKYED PAR BYED DE 'BREL PA DE BZHIN DU BZUNG BA'I PHYIR RO, ,YUL GANG NA YOD PA'I ME NI YUL DE NYID DU SKYED PAR BYED DO, ,YUL GZHAN DANG GZHAN DU RGYU BAS 'BREL PA RTOGS PA'I PHYIR RO, ,GAL TE SPYIR RTOGS NA CI LTAR KHYAD PAR RTOGS SHE NA, SPYI NI KHYAD PAR MED NA MI 'BYUNG BA'I PHYIR TE, DES NA RTOGS PA LA NYES PA MED DO, ,YUL DANG DUS DANG GNAS SKABS SO SOR NGES PAR MA RTOGS PAR NI THA SNYAD GANG YANG MI 'GRUB PO, ,'DI NI TSAD MA DPYAD PAR SNGAR BSTAN ZIN PA'I PHYIR YANG MA BZLAS SO, ,DE'I PHYIR CHOS CAN GYI KHYAD PAR CAN GYI SPYI SGRUB PA'I PHYIR GRUB PA SGRUB PA MA YIN LA RJES SU 'GRO BA MED PA'I SKYON YANG MED DO, ,GAL TE BSGRUB BYA DANG LHAN CIG SPYI RTOGS PAR BYA BA YIN LA, BSGRUB PAR BYA BA YANG RJES SU DPAG PAS SHUGS KYIS RTOGS PA YIN NO, ,PHYI'I KHYAB PA

, ,TZAM GYIS NI 'GRUB PA MA YIN TE, PHYOGS MA YIN PA'I BYAS PA THAMS CAD MI RTAG PA YIN NO ZHES DE LTAR KHYAD PAR STON PA NI MA YIN NO, ,DES NA NANG GI KHYAB PA MI 'GRUB PO, ,PHYI'I KHYAB PA YIN NA NI DER BSGRUB BYA GRUB BA MI SKYE'O, ,GZHAN KHYAB PAS GAL TE GZHAN 'GRUB NA NI THAMS CAD KYIS THAMS CAD 'GRUB PAR THAL BAR 'GYUR RO ZHE NA, DE YANG GYI NA STE, 'DI LTAR, 'DI NI BSHAD ZIN GANG GI PHYIR, ,CHOS CAN BCAS PAR KHYAB RTOGS TE, ,GANG GANG 'DI 'DRAR GYUR BA'I PHYOGS, ,DE NI BSGRUB BYA MED MI 'BYUNG, ,PHYOGS 'DI NI MED DANG LDAN PA YIN TE, DU BA DANG LDAN PA'I PHYIR TSANG BANG BZHIN NO ZHES DE LTA BUR RTOGS PA'I SHUGS KYIS SNGAR NYID BZUNG NGO ZHES BRJOD DO, ,DE LTA MA YIN TE, BSGRUB BYA YANG RANG GI NGO BO NYID BZUNG NI RJES SU DPAG PAS CI BYA, SNGAR GYI DU BA RTOGS PA NYID DU BA 'DI YANG MER RTOGS PA YIN GYI, 'BYUNG BAR 'GYUR BA MED PAR NI RTOGS PAR NUS PA MA YIN NO; ,DES DE'I RANG BZHIN RTOGS PA YOD PA NYID KYIS RTOGS SO ZHES THA SNYAD TZAM DU BRJOD DO, ,THA SNYAD TZAM GYIS BZUNG BA YIN NA, DON DAM PAR MA BZUNG BA'I PHYIR CI LTAR MI SLU BA YIN ZHE NA, DE LTA BU'I DON BYA BA BYED PA NYID LA DER 'DZIN PA'I PHYIR MI SLU BA YIN NO,, ,,BAM PO GSUM PA, NGES PA 'DI CI ZHE NA, RGYU DANG 'BRAS BU'I DNGOS PO NGES PA'I PHYIR RO, ,NGES PA DE NYID CI LTAR 'DZIN ZHE NA, THA SNYAD 'DI NYID LAS SO, ,'BREL PA LA SOGS PA THAMS CAD NI THOG MA MED PA'I THA SNYAD LAS SHES PA YIN GYI DON DAM PAR NI MA YIN NO ZHES BSTAN ZIN TO, ,DE'I PHYIR SPYI 'BREL PA BZUNG NA KHYAD PAR RTOGS PAR 'GYUR BA YIN TE, DE NI KHYAD PAR MED PAR MED PA'I PHYIR RO, ,THA SNYAD THAMS CAD DE LTA BU NYID DO, ,'DIS NI CHOS CAN CHOS DAG GIS, ,CHOS DANG CHOS CAN KHYAD PAR CAN, ,'GOG PA DAG NI GSAL YIN TE, ,CHOS CAN DE LTAR MI 'GRUB PHYIR, ,SGRA MI RTAG PA'O ZHES DAM BCAS PA NA, GAL TE SGRA MI RTAG PAR BSGRUB PA YIN NA, SGRA LA SGRA'I KHYAD PAR CAN GYI MI RTAG PA'AM, MI RTAG PA NYID KYIS KHYAD PAR CAN GYI SGRA 'GRUB PAR BYA BA YIN PAR 'GYUR RO, ,DES NA DE LAS BZLOG PA SGRUB PA'I PHYIR 'GAL BA YIN TE, JI LTAR GTAN TSIGS 'DI SGRA LA MI RTAG PA NYID SGRUB PA DE BZHIN DU SGRA'I KHYAD PAR

CAN GYI MI RTAG PA NYID MED PA YANG YIN PA'I PHYIR 'GAL BA YIN NO ZHES SMRAS PA DE YANG 'DOD PA BSGRUB BYAR BRJOD PA 'DIS GSAL BA YIN NO, ,SGRA LA MI RTAG PA'I SGRA BSGRUB PA NI MA YIN TE, MA RTAG PA NYID TZAM ZHIG BSGRUB PA'I PHYIR RO, ,MI RTAG PA TZAM BSGRUB NA CI LTAR SPYI SGRUB PAR 'GYUR ZHE NA, MA YIN TE, DE LTA BU NYID DU SPYI SGRUB PA'I PHYIR RO, ,CHOS CAN DANG LHAN CIG TSOGS PA SGRUB PA'I PHYIR RO, ,CHOS CAN SGRA LA MI RTAG PA DANG, SGRA'I SPYI GZHAN BSGRUB PAR BYA BA NI MA YIN TE, DES NA DE BZLOG KYANG NYES PA YOD PA MA YIN NO, ,MI RTAG PA TZAM BZLOG NA NI SKYON DU 'GYUR RO, ,JI LTAR 'DUS PA'I PHYIN CI LOG TU 'GYUR ZHE NA, GNYIS LAS GCIG MED NA SPYI BZLOG PAR 'GYUR PA'I PHYIR RO, ,GCIG LUS NA NI TSOGS PA SRID PA MA YIN NO, ,DE NYID KYI PHYIR CHOS CAN LA CHOS 'BA' ZHIG NYID BSGRUB PAR BYA BA YIN TE, DE LTA BU NYID 'DUS PA SGRUB PA'I PHYIR TE, GCIG LA GNYIS PA SGRUB PA NA TSOGS PAR 'GRUB PA'I PHYIR, 'O NA CI LTAR CHOS DANG CHOS CAN DANG, DE TSOGS PA DANG KHYAD PAR BZLOG PA THA DAD CE NA, DE'I SGO NAS BZLOG PA'I PHYIR RO, ,DE'I SGRO NAS TSOGS PA BZLOG PA NI DES THA SNYAD BYED PA YIN NO, ,DON DAM PAR NI TSOGS PA GSAL BA NYID DO, ,SGRA NI MI RTAG PA'I SGRA 'AM SGRA'I MI RTAG PA DANG LDAN PA YIN NO ZHES BYA BA'I 'DUS PA GSAL BA YIN NO ZHE NA, DE LTAR NI DAM BCAS PA MA YIN TE MI SRID PA'I PHYIR RO, ,SGRA MI RTAG GO ZHES DAM BCAS PAS NI CHOS CAN GZHAN LA SPYIS GRUB PA NYID DU RTOGS PA MA YIN NO, ,DE'I PHYIR RNAM PA GZHAN DU TSOGS PA SGRUB MI SRID PA'I PHYIR; CHOS CAN LA SOGS PA 'BA' ZHIG BSAL PA NYID KYIS TSOGS PA BSAL BA YIN GYI, SGRA LA MI RTAG PA NYID KYIS SGRA BSAL BAS NI MA YIN TE, DE LTAR BSGRUB PAR BYA BA MI 'DOD PA'I PHYIR RO, ,MI 'DOD PA BSAL BA NI SKYON MA YIN NO, ,CHOS CAN LA NI TSOGS PA DAG ,BSAL BA 'GAL BA MA YIN NO, ,GANG PHYIR DE LTAR BSGRUB 'DOD MIN, ,'DIR CHOS 'BA' ZHIG BSGRUB BYA YIN, ,ZHES BYA BA NI BSDU BA'O, ,GAL TE 'DOD PA SMOS PA BSGRUB BYAR MI 'DOD PA BZLOG KYANG NYES PA MED PAR BSTAN PA LHUR GNYER BA YIN NA, DE LA CI LTAR CHOS CAN LA SGRA'I KHYAD PAR CAN GYI MI RTAG PA NYID BKAG

, ,PA LA SKYON MED PA DE BZHIN DU NAM MKHA'I YON TAN NYID KYIS KHYAD PAR CAN GYI MI RTAG PA NYID BKAG KYANG SKYON MED PA NYID DO ZHE NA, DE NI BDEN TE, DE LTA NA YANG RANG NYID SMOS BA NI LOG PAR RTOG PA DGAG PA'I PHYIR YIN NO, ,'DI LTAR, CHOS CAN GCIG LA BSTAN BCOS LAS; ,CHOS RNAMS DU MA RNAM GZHAG KYANG, ,BDAG NYID 'DOD PA BSGRUB BYA ZHES, ,BDAG NYID KYIS NI SGRA SMOS SO, ,KHA CIG NA RE BSTAN BCOS LA MTHONG BA NI BSGRUB PAR BYA BA NYID YIN TE, DE LA GNOD PAS NI GTAN TSIGS DANG DAM BCA' BA DAG GI SKYON DU 'GYUR ZHE'O, ,DE LTAR YANG RIGS PA'I BSHAD PA LAS, DAM BCA' BA NI LUNG YIN TE, LUNG GI DON STON PA'I PHYIR LUNG ZHES BRJOD DE GZHAN DU NI MA YIN NO ZHES BYA BA LA, RNAM 'GREL LAS, GZHAN DU NI LUNG TSAD MA YIN PA'I PHYIR DANG DAM BCA' BA NI THE TSOM SGRUB PAR BYED PA'I PHYIR CI LTAR GCIG TU 'GYUR, DE NYID NI LUNG GI DON GZHAN LA STON PAS NA, LUNG GI DON YIN NO, ,DE'I PHYIR DAM BCA' BA NI LUNG YIN TE, DE'I DON LA GNOD NA GTAN TSIGS KYI SKYON YIN TE, BSTAN BCOS LA GNOD PA'I PHYIR RO, ,BSTAN BCOS DANG 'GAL BA'I GTAN TSIGS NI BSGRUB BYA SGRUB PAR BYED PA MA YIN NO, ,DAM BCA' BA'I SKYON YANG YIN NO, ,MI RTAG PA NYID KYANG NAM MKHA'I YON TAN NYID DANG DON GCIG LA 'DU BA NYID BSGRUB PAR BYA BA YIN TE, CI LTAR BSTAN BCOS SA MA GTAN TSIGS GZHAN 'GA' ZHIG GIS DE LA NAM MKHA'I YON TAN NYID BSGRUB PAR BYA BA LTAR, DAM BCA' BA'I DON NI DE LTA BU'I MI RTAG BA NYID YIN NO, ,DE YANG DES BSAL BAS DAM BCA' BA'I SKYON YIN NO, ,'DI LTAR, SKAD CIG DE MA THAG 'JIG NA, ,NAM MKHA'I YON TAN BDAG NYID BRDZUN, ,DUS GZHAN DAG TU 'JIG NA YANG, ,NAM MKHA'I YON TAN BDAG NYID BRDZUN, ,GAL TE SGRA'I BDAG NYID DE RGYU MED PA'I PHYIR SKAD CIG GI MOD LA 'JIG NA JI LTAR NAM MKHA'I YON TAN BDAG NYID DU 'GYUR, RTEN ZHES BYA BA NI GNAS PA'I RGYU YIN NA SKAD CIG MA NI GNAS PA MA YIN NO, ,SKAD CIG GCIG NI RANG GI RGYU NYID LAS YIN NO, ,'ON TE DUS GZHAN DU GNAS PA YIN NA, DE NI RANG GI RGYU LAS SKYES PA YIN PAS, DE'I TSE YANG RGYU'I

DBANG GIS GNAS PA YIN PA'I PHYIR RTEN GYIS CI BYA, 'ON NA DE RTEN GYI DBANG GIS DUS GZHAN DUG GZHAN DU GNAS PA YIN NA, MI 'JIG PA NYID KYIS GNAS PA MA YIN NAM, RTEN GYIS CI BYA GANG GI RTEN MED NA LHUNG BAR 'GYUR BA SGRA NI LCI BA NYID KYANG MA YIN LA NAM MKHA' YANG 'DZIN PA'I RANG BZHIN LA BRTEN PA MA YIN NO, , NAM MKHA' NI LCI BA DAG 'DZIN PAR BYED PA MA YIN NO, ,LCI BA LTUNG BA 'DZIN PA YI, ,BDAG NYID NAM MKHA' LA YOD MIN, ,LCI MIN LTUNG BA MED PA'I PHYIR, ,'DZIN PAR BYED PAS CI ZHIG BYA, ,RLUNG GIS BSKYOD PAR GYUR PA YI, ,SGRA DE DE YIS 'DZIN 'DOD DE, ,GAL TE NAM MKHA' 'DZI MIN NA, , DE NI 'JIG PA NYID DU 'GYUR, ,LTOS NAS 'JIG 'GYUR DE LTA BU, ,DE NI DE YI RANG BZHIN NYID, ,'JIG RGYU MED KYI BAR DU DE, ,GNAS PA'I PHYIR NA RTEN GZHAN MED, ,DE LTAR DE NI MED PAR, ,GNAS 'GYUR 'DI NI NGES PA NYID, ,GAL TE SKAD CIG GNAS PA DANG, ,DUS GZHAN GNAS LA YOD MIN LA, ,RTAG RNAMS LA YOD YOD MIN NA, ,RTEN NYID DE NI DON MED YIN, ,DE BDEN DE LTAR NA YANG 'DI, ,RTAG TU LHAN CIG SKYES RANG BZHIN, ,'DI YANG DPYAD PAR BYA MIN ZHES, ,BYA BAR YANG NI RTOGS PA YIN, ,DE'I PHYIR MI RTAG PA'I BDAG NYID KYI DON LA BRTEN GYIS DON MA YIN PA'I PHYIR MI RTAG PAR SGRUB PAR BYED PA DE NI BRTEN PA NYID KYIS GNOD PAR BYED PA YIN PA'I PHYIR GTAN TSIGS KYI SKYON DANG DAM BCA' BA'I SKYON YIN NO ZHE NA, 'DI LA BRJOD PA, GAL TE BSTAN BCOS KHAS BLANGS PHYIR, ,THAMS CAD GZUNG BAS DE GCIG LA, ,RAB TU GNOD GANG GTAN TSIGS DANG, , DAM BCA' BA DAG SKYON 'GYUR NA, ,SGRA MI RTAG PAR SGRUB PA NA, ,DRI ZA'I YON TAN BZLOG PA'I PHYIR, ,GTAN TSIGS 'GAL 'GYUR SKABS MIN PHYIR, ,MIN NA DE YI GZHAN LA 'ANG MTSUNGS, ,GAL TE BSTAN BCOS KHAS BLANGS PA TZAM GYIS BSTAN BCOS LA GNOD NA GTAN TSIGS DANG DAM BCA' BA'I SKYON DU 'GYUR NA, DE'I TSE SGRA NAM MKHA'I YON TAN YIN PA BKAG PA BZHIN DU DRI ZA'I YON TAN LAS BZLOG PA BSGRUB PA LA YANG 'GYUR RO, ,GANG GI PHYIR CI LTAR DES BRJOD PA DE'I CHOS NAM MKHA'I YON TAN NYID DANG 'BREL PAR GYUR PA'I MI RTAG PA NYID DE BSGRUB BYA YIN PA DE BZHIN DU

, ,BSTAN BCOS DE BYED PA'I 'DOD PA DRI'I CHOS CAN GZHAN DANG 'BREL PA'I YON TAN DANG 'BREL PA NYID DANG BSTAN BCOS DES BSGRUB PAR YANG YIN PAR 'GYUR TE, DE BKAG NA YANG BSTAN BCOS DE DANG 'BREL PA MI 'THAD PA'I PHYIR NA DAM BCAS PA'I SKYON DU 'GYUR BA NYID DO, ,DRI NI SKABS SU GTOGS PA MA YIN PA'I PHYIR NA CI LTAR ZHES KYANG BRJOD PAR BYA BA MA YIN TE, NAM MKHA'I YON TAN YANG SKABS SU GTOGS PA MA YIN PA'I PHYIR, GNYI GA LA YANG KHYAD PAR MED DO, ,CI STE CHOS CAN 'DIR SKABS YIN, ,DE LA BSTAN BCOS DON GNOD NYID, ,BSTAN BCOS DON KHAS BLANGS PA'I PHYIR, ,CHOS CAN GZHAN DU'ANG SKABS CIS MIN, ,GAL TE 'DIR CHOS CAN SKABS YIN YANG, DE NI CHOS DE'I GZHI YIN PA NYID KYIS SO, ,'ON TE BSTAN BCOS KYI SGO NAS CHOS GZHAN GYI RTEN YIN PAS KYANG NGO ZHE NA, DE LTA NA NI 'O NA DE DANG BSTAN BCOS GCIG GIS BRJOD PA CHOS CAN GZHAN DANG 'BREL PA'I 'BREL PA NYID KYANG YIN PA'I PHYIR SKYON MTSUNGS SO, ,'ON TE YANG CHOS DE'I GZHIR GYUR PA'I CHOS CAN SKABS YIN PA'I PHYIR, CHOS GZHAN YANG BSGRUB BYA'I PHYOGS SU GTOGS PA YIN TE RGOL BAS KYANG DE LTAR 'DOD PA'I PHYIR RO, ,DE NYID BRJOD PA NI, CHOS CAN CHOS SOGS SGRUB BYED KYI, ,CI STE RGOL 'DOD YIN BRJOD NA, ,NAM MKHA'I YON TAN NYID KYANG RGOL BAS 'DOD PA NYID YIN TE, BSGRUB BYA'I CHOS CAN DU BZUNG BA'I CHOS YIN PA'I PHYIR, MI RTAG PA NYID BZHIN NO, ,DE BZHIN DU BSGRUB BYA'I SPYI'I PHYOGS GCIG GI KHYAD PAR YIN PA'I PHYIR ZHES BYA BA LA SOGS PA'O ZHE NA, DE LA BRJOD PA BSGRUB PAR BYA BA'I SPYI'I PHYOGS GCIG GI KHYAD PAR YIN PA TZAM GYIS NI, SKABS MA YIN PA LA 'DOD PA 'BYUNG BA MA YIN TE, 'DI LTAR, GNAS SKABS 'GA' YIS 'DOD 'GYUR ZHING, ,DE RTOGS PA YANG DE DAG GIS, ,NAN GYIS KHYOD 'DI 'DOD CES PA, ,GSAL BAR DBANG PHYUG DPYOD PA YIN, BSGRUB PAR BYA BA'I SPYI'I PHYOGS GCIG GI KHYAD PAR NYID TZAM NI 'DOD PA 'JUG PAR BYED BA MA YIN NO, ,'JUG PAR BYED NA YANG 'DOD PA DANG SGRUB PAR BYED BA 'JUG PA RTAG TU MI 'CHAD PAR THAL BAR 'GYUR RO, ,'ON TE BSGRUB PAR BYA BA'I SPYI'I PHYOGS GCIG GI KHYAD PAR NYID DU

'DOD PA'I PHYIR RO ZHES BYA BAR 'DOD NA, DE LTAR YIN NA 'DOD PA DE NYID BSGRUB PAR BYA BA'ANG YIN LA SGRUB PAR BYED PAR BYED PA YANG DE NYID YIN PA'I PHYIR DAM BCA' BA'I DON NYID SGRUB PAR BYED PAR 'GYUR RO, ,DE'I PHYIR SKABS GANG YIN PA DE NYID LA 'DOD PA 'BYUNG STE, DE LTA MA YIN NA HA CANG THAL BA'I PHYIR RO,, DES NA RTZOD PA'I GNAS NYID LA 'DOD PA 'JUG GI NAM MKHA'I YON TAN NYID LA NI MA YIN NO, ,GAL TE SKABS LAS 'DOD PA 'BYUNG BAS SKABS NI DE'I RGYU YIN PAS NA DE LTAR RGYU LAS 'BRAS BU 'GRUB, RGYU NUS PA THOGS PA MED PA 'BRAS BU GO BAR BYED PA YIN NO ZHE NA, JI LTAR NA DE LTAR RTOGS PAR BYA, DE'I 'BRAS BU TSIG MTHONG BA'I PHYIR RO ZHE NA, 'O NA NI 'BRAS BU TSIG NYID LAS RTOGS KYIS SKABS LAS MA YIN PA'I PHYIR CI LTAR DE NYID KYIS RTOGS PAR BRJOD CE NA, 'DIR BRJOD PA, DE NYID NUS PA TSIG LAS NI, ,RTOGS 'GYUR DE LAS 'DOD PA NI, ,NGES PA NYID RTOGS DE YI PHYIR, ,SKABS LAS RTOGS PAR BRJOD PA YIN, ,TSIG LAS NI 'DOD PA TZAM RTOGS SO, ,SKABS NI RGYU YIN PA'I PHYIR 'DOD PA GO BAR BYED PA MA YIN NO, ,DES NA TSIG GIS RTOGS PA NUS PA THOGS PA MED PA'I SKABS NYID 'DOD PA SO SOR NGES PA GO BAR BYED PA YIN PA'I PHYIR NA DE NYID KYIS YIN PAR BRJOD DO, ,SKABS MED KYANG KHYOD KYI 'DOD PA 'DI YIN NO ZHES BYA BA 'DI LA NI RIGS PA CI YANG MED DO, ,DES NA, 'BRAS BU'I RTAGS CAN MIN BRJOD DE, ,'KHRUL PA YIS NI GNOD PAR 'GYUR, ,MED NA MI 'GYUR MIN 'DOD LA, ,GNOD KYANG GZHAN LA CI ZHIG GNOD, ,'BRAS BU TSIG GAM RGYU GO BAR BYED PA YIN LA RGYU YANG SKABS YIN NO, ,NAM MKHA'I YON TAN NYID LA NI GO BAR BYED PA MED DE DE LA RGYU DE MED PA'I PHYIR RO, ,'BRAS BU TSIG DE YANG NAM MKHA'I YON TAN LA MED DO, ,DE LTA NA YANG 'DI NI KHYOD 'DOD PA YIN NO ZHES 'BRAS BU'I RTAGS MED PAR 'DOD PAR BRJOD PA NI 'KHRUL PAS GNOD PAR 'GYUR RO, ,BSGRUB BAR BYA BA SPYI'I PHYOGS GCIG GI KHYAD PAR NYID LA SOGS PA NI 'DOD PA'I 'BRAS BU MA YIN LA NUS PA THOGS PA MED BA'I RGYU YANG MA YIN NO, ,MED NA MI 'BYUNG BA'I DON LA GNOD NA NI KHYAB PAR BYED PA MED PAS KHYAB PAR BYA BA MI 'BYUNG BA'I PHYIR, SGRUB BYED DANG BSGRUB PAR BYA BA DAG GI SKYON DU 'GYUR BA

, ,YIN NO; ,NAM MKHA'I YON TAN NYID NI MED NA MI 'BYUNG BA'I DON MA YIN NO, ,MED NA MI 'BYUNG BA MA YIN PA LA GNOD PA NA DE LAS GZHAN PA'I BSGRUB BYA LA GNOD PA CI YOD, GAL TE BSTAN BCOS KHAS BLANGS TE, ,RTZOD PA LA 'JUG PA NYID MA YIN NAM, DES NA RANG NYID BSTAN BCOS LA GNAS PA LA NI DE'I DON GNOD NA NGES PAR SKYON DU 'GYUR RO ZHE NA, MA YIN TE BSHAD ZIN PA'I PHYIR RO, ,DRI LA SA'I YON TAN PHYIN CI LOG TU BYAS PA LA YANG SKYON DU 'GYUR RO ZHES SO, ,RJES DPAG RANG GI SPYOD YUL LA, ,LUNG LA LTOS PA MED PAR BSHAD, ,DES GRUB DE NI LEGS PAR GRUB, ,DE TSE BSTAN BCOS LTOS MA YIN, ,'BREL PA STOBS LA BRTEN PA'I RJES SU DPAG PA NI RANG GI YUL LA, BSTAN BCOS LA LTOS PA MA YIN TE, MNGON SUM BZHIN DU TSAD MA YIN PA'I PHYIR RO, ,GANG CUNG ZAD MTHONG BA DE THAMS CAD CIG LUNG LA LTOS SAM DE BZHIN DU RJES SU DPAG PA YANG LUNG LA LTOS SAM CI, CI STE BDAG CAG LTA BU'I MNGON SUM NI NGES PAR LUNG LA LTOS PA YIN TE, LUNG GIS GNOD NA NI 'KHRUL PA NYID DO, ,LHA'I MIG DANG LDAN PA'I TSIG NI BDAG CAG LTA BU'I MNGON SUM GYIS GNOD PA MA YIN TE, RAB RIB CAN GYIS MTHONG BAS NI CIG SHOS KYIS MTHONG PA LA GNOD PA MA YIN NO ZHE NA, DE NI BDEN TE GAL TE, LHA YI MIG CAN TSIG KUN GYI, ,BYED PO YIN NA TSIG 'DI RIGS PA YIN, DE 'DI 'GA' ZHIG YOD KYANG BDAG CAG GIS, ,DE NI DE BZHIN GSAL BAS NGES MA YIN, ,TSIG PHAN TSUN 'GAL BA NYID KYIS LUNG BYED PA THAMS CAD RIGS PA MA YIN NO ZHES BYA BAR RTOGS SO, ,THAMS CAD MKHYEN PA MA YIN MOD DE LTA NA YANG KHYED CAG PAS KYANG GZHAN PAR NI MA YIN NO ZHE NA, DE LTA NA 'O NA LUNG THAMS CAD DANG 'GAL BA SPANGS DGOS NA DON MI NUS PA NYID DO, ,DES NA RJES SU DPAG PA SKYE BAR MI 'GYUR BA KHO NA'O, ,'ON TE RANG GI KHAS BLANGS PA'I LUNG GI BSTAN BCOS DANG 'GAL BA NYID SPANG PAR BYA BA YIN NA, DE LTA NA NI BRTAGS NAS KHAS BLANG BAR BYA BA YIN NO, ,RTOGS PA'I DUS NA YANG RJES SU DPAG PA TSAD MA MA YIN TE, BSTAN BCOS DANG 'GAL BA MA SPANGS BA'I PHYIR RO, ,DE'I TSE BSTAN BCOS KHAS BLANGS PA MED PA NYID PAS

'GAL BA SPANGS PAS CI BYA ZHE NA, DE LTA NA NI 'O NA DES GRUB BA'I BSGRUB PA BYA BA DE NI LEGS PAR GRUB PA NYID DO, ,GRUB PA NI PHYIS MA GRUB PAR MI 'GYUR RO, ,DE DANG 'GAL BA'I LUNG KHAS BLANGS PAS MA GRUB PA NYID DU 'GYUR RO ZHE NA, 'O NA NI BSTAN BCOS THAMS CAD DANG 'GAL BA SPANGS PA DE NYID DO, ,KHAS BLANGS PA LA LTOS NAS 'GYUR BA YIN GYI GZHAN DU NI MA YIN NA ZHE NA, KHAS BLANGS THAMS CAD LA CI STE MA YIN, BRTAG NI BZOD PA NYID KYIS SO ZHE NA, DE LTA NA NI 'O NA BRTAG PA NI TSAD MA YIN LA DE NYID KYANG DES GNOD PA'I PHYIR RANG GSAD PA'I PHYIR GSHED BYED SLONG BA'I TSUL DU 'DI 'GYUR RO, ,DE NYID KYI PHYIR BSTAN BCOS NYID TSAD MAS 'GAL BA'I PHYIR DE'I TSE LTOS PAR BYA BA MA YIN NO, ,DES NA DE NI GNOD PAR BYED PA MA YIN NO, ,GAL TE DE'I TSE BSTAN BCOS LA LTOS PAR BYA BA MA YIN NA 'O NA RTZOD PA DOR BA NYID DU 'GYUR RO, ,DE TSE RTZOD DOR 'GYUR ZHE NA, ,DE TSE KHAS BLANGS MED PHYIR MIN, ,'DI NI KHAS BLANGS THABS YIN TE, ,DE TSE YOD KYANG YAN LAG MIN, ,BSTAN BCOS LA MA BRTEN PAR RTZOD PA MI BYED PA NI MA YIN TE, DE'I TSE KHAS MA BLANGS PA'I PHYIR RO, ,KHAS LEN PA'I THABS NI BRTAGS PA NYID YIN NO, ,MA BRTAGS PAR DE KHAS BLANGS SO ZHE NA NI DE'I TSE YOD KYANG YAN LAG MA YIN TE, TSAD MAS GNOD PA'I PHYIR RO, ,BRTAG MI BZOD PA'I BSTAN BCOS NI DE'I TSE GNOD PAR BYED PA MA YIN TE, 'O NA GANG GI TSE KHAS BLANGS PA'I BSTAN BCOS GNOD BAR BYED PA'I YAN LAG YIN ZHE NA, 'DIR BRJOD PA, DE LTAR YUL GNYIS RNAM DAG NA, ,DE NI BSTAN BCOS YONGS 'DZIN PAR, ,'DOD PA'I DUS YIN DE YI TSE, ,BSTAN BCOS KYIS NI GNOD PAR 'GYUR, ,DE LTAR ZHES BYA BA NI MNGON SUM DANG RJES SU DPAG PAS MNGON SUM DANG LKOG TU GYUR PA'I YUL GNYIS PA YONGS SU DAG PA NA GAL TE DE TZAM GYIS YONGS SU TSIM GYIS YONGS SU MA TSIM PA DE'I TSE BSTAN BCOS 'DZIN PAR 'DOD PAS NA DE NI BSTAN BCOS LEN PA'I DUS YIN PAR 'GYUR TE, DE NYID KYI TSE BSTAN BCOS GNOD PAR BYED PA YIN NO, ,GANG GI PHYIR, DES GRUB DON LA DE DANG NI, ,'GAL BAR SEMS PA MI RUNG PHYIR, ,GNAS GSUM PAR NI 'PHO BA NA, ,BSTAN BCOS LEN PAR RIGS LDAN YIN, ,BRTAGS NAS BSTAN BCOS

, ,KHAS BLANGS NA BSTAN BCOS DE LAS RAB TU GRUB PA'I DON LA DE DANG 'GAL BAR SEMS PA NI MI RIGS SO, ,GAL TE, BSTAN BCOS DE NI LEGS BRTAGS NA, ,DE NI CI LTAR DAM BCA' GNOD, ,DE LA SLAR YANG BRTAG PAR BYA YIN TE, ,GAL TE RTOGS NA DE NI BRTAGS MI 'GYUR; ,DE'I PHYIR MNGON SUM DANG RJES SU DPAG PA DAG GIS BRTAGS TE DE'I YUL MA YIN PA GNAS GSUM PA LA 'PHO BA'I RGYU MTSAN DU BSTAN BCOS KHAS LEN PA'I PHYIR NA RJES SU DPAG PA'I YUL LA LUNG GNOD PAR BYED PA MA YIN NO, ,'ON TE YANG GANG ZHIG MA DPYAD PAR BSTAN BCOS KHAS LEN NA BSTAN BCOS GNOD PAR BYED PA YIN PA'I PHYIR DAM BCA' BA'I SKYON DU 'GYUR RO ZHE NA, DE NI MA YIN TE, 'DI LTAR, DER YANG BSGRUB BYA'I CHOS DANG NI, ,MED NA MI 'BYUNG LA GNOD NYID, ,SPANG BAR BYA YI GZHAN MIN TE, ,THUG PA MED PAR THAL PHYIR RO, ,GAL TE BSTAN BCOS KHAS BLANGS BA TZAM GYIS DE'I DON LA GNOD PA SPANG BAR BYA BA YIN NA DRIL SA'I YON TAN PHYIN CI LOG TU SGRUB PAS KYANG NYES PAR 'GYUR RO, ,DE'I PHYIR BSGRUB PAR BYA BA'I CHOS DANG 'BREL PA NYID KYIS GNOD PA SPANG BAR BYA BA'I 'BREL PA MED PA GZHAN DAG GI MA YIN NO ZHES BYA BA 'DI GNAS PA YIN NO, , GAL TE BSTAN BCOS KHAS MA BLANGS PAR RTZOD NA YANG SUN 'BYIN PA GTZO BOR BYED PA TZAM DU 'GYUR TE, BSTAN BCOS LA MI BRTEN BA NI MED PAR 'GYUR BA'I PHYIR RO ZHE NA, TSAD MAS GRUB PA KHAS LEN PA DANG DE BZHIN DU TSAD MAS MA GRUB PA KHAS LEN PA MED PA NYID DU 'GYUR TE, GANG ZHIG GNAS GSUM PAR BSTAN BCOS KHAS MI LEN PA DE MED PA MA YIN GYI, GNAS GSUM PA LAS GZHAN DU NI BSTAN BCOS KYIS CI BYA, 'DI LTAR, DPYOD PA KUN LA BSTAN BCOS DAG ,GZUNG ZHES LUGS 'DI GANG GIS BYAS, ,DA NI GRUB MTHA' MED RNAMS KYIS, ,DU BAS ME NI RTOGS MI 'GYUR, ,GAL TE TSAD MA THAMS CAD GRUB PA'I MTHA' KHAS BLANGS NAS 'JUG PA NYID YIN NA 'JIG RTEN BA LANG RDZI LA SOGS PAS DU BA LAS ME RTOGS PAR YANG MI 'GYUR RO, ,CI STE 'JIG RTEN PHA ROL LA NYE BAR MKHO BA'I DON GANG YIN PA DE NYID BSTAN BCOS KHAS LEN PA SNGON DU 'GRO BA CAN YIN GYI GZHAN NI MA YIN NO

ZHE NA; DE YANG MA YIN TE, BSTAN BCOS KHAS BLANGS MED PAR NI, ,GAL TE DE NI TSAD MA YIS, ,DES NA DE TSE BSTAN BCOS NI, ,SNGON DU GTONG BA GANG DU DGOS, ,GAL TE KHAS MA BLANGS NA BSTAN BCOS KYIS GNOD PAR DOGS PAR 'GYUR RO, ,KHAS BLANGS NA NI BSTAN BCOS KYIS GNOD PA SHES TE DES NA DE DE'I TSE NI BSGRUB PAR MI BYA BA NYID DO ZHE NA, MA YIN TE, TSAD MAS BSGRUB PA NI MI 'DOD KYANG 'GYUR BA'I PHYIR RO, ,BSTAN BCOS NI DE'I TSE GTONG BA NYID DO, ,GAL TE BDAG NYID KYIS CI LTAR DOR BAR 'OS SHE NA, MA YIN TE 'BREL PA MED PA'I PHYIR RO, ,DE'I YON TAN DANG LDAN PAS DE'I YIN NO, ,'DI LTAR, SKYE BO RENG BUR SKYES GYUR CING, ,YON TAN NYES PA MA MTHONG LA, ,GRUB MTHA' MI BZAD GDON DE NI, ,KYE MA SU YIS BGOS PA YIN, ,GAL TE RIGS PAS KYANG GRUB PA'I MTHA' DOR BAR MI NUS NA DE'I TSE, 'DI GRUB PA'I MTHA' MA YIN TE, GRUB MTHA'I TSUL GYIS BYIS PA RNAMS KYI GDON MI BZAD PA ZHIG STE, DE LAS THAR BAR MI NUS PA'I PHYIR RO, ,LHAN CIG 'BREL PAR SKYES NYID LAS, ,YONGS SU DOR BAR MI NUS NA, ,SKYE BO RENG BUR SKYES BU DAG ,DE LDAN LHAN CIG JI LTAR SKYES, ,TSAD MA SPANGS PHYIR YON TAN DANG, ,NYES PA RNAM DBYE GANG LA YOD, ,DE PHYIR RJES SU DPAG PA NI, ,BSTAN BCOS KHAS LEN PA SNGON DU 'GRO BA CAN MA YIN NO, ,GAL TE BSTAN BCOS DANG 'GAL BA'I RJES SU DPAG PA CI LTAR NGES PAR BYED PA YIN, DES NA DE DANG RJES SU MTHUN PA'I DPE BSTAN BCOS DANG 'GAL BA SPANG PAR MI NUS PA NYID DO ZHE NA, DE NI MA YIN TE, 'DI LTAR, GAL TE DPE LA BSTAN BCOS KUN, ,SGRUB PAR BYED PA GCIG NYID LA, ,BSTAN PA SGRUB BYED 'GYUR ZHE NA, ,'DI NI 'JIG RTEN 'DAS LUGS YIN, ,BSTAN BCOS DANG 'GAL BA NI SPANG BAR MI NUS PA NYID DO, ,BSTAN BCOS NYID PHAN TSUN 'GAL BA'I PHYIR RO; ,THAMS CAD TSAD MA 'AM TSAD MA MA YIN PAR 'GYUR, RE ZHIG TSAD MA YIN NA, THAMS CAD 'GAL BA MI SPONGS TE, PHAN TSUN 'GAL BA'I PHYIR RO, ,TSAD MA NYID MA YIN PA YANG MA YIN TE SKYE BO THAMS CAD KYI TSIG DANG 'GAL BA NI RTAG TU YOD PA'I PHYIR RO, ,MTHA' MED PA DANG NI 'GAL BA

, ,SPANGS BAR NUS PA MA YIN NO, ,DE LTAR SGRUB PAR BYED PA YIN PAR 'GYUR RO ZHES BYA BA'I LAM 'DI NI 'JIG RTEN LAS 'DAS PA YIN NO, ,GAL TE CHOS CAN DE NYID KYI CHOS NYID LA GNOD NA, BRJOD PA LA YANG YID CHES PA CI YOD DE GNOD PAR BYED PA NI SGRUB PAR BYED PA SRID PA MA YIN NO ZHE NA, DE YANG MI RIGS TE, DE LTA YIN NA 'GA' YANG SGRUB PAR BYED PA NYID DU MI 'GYUR TE, GCIG BSGRUB PA NYID KYIS GDON MI ZA BAR DE LAS GZHAN LA GNOD PAR 'GYUR BA'I PHYIR RO, ,GZHAN YANG, 'BREL MED CHOS NI MA GRUB PAS, ,MA GRUB PA NI JI LTAR 'GYUR, , DE GRUB YIN NA DE SGRUB BRJOD, ,GTAN TSIGS SKYON LDAN CI LTAR YIN, ,GAL TE 'BREL PA MED PA'I CHOS KYIS GNOD PA SPANG BAR BYA BA YIN NA GTAN TSIGS NYID MED PAR 'GYUR RO, ,GAL TE GZHAN LA GNOD KYANG GZHAN CI'I PHYIR MI 'GRUB DU BA GCIG GIS KYANG ME DANG GRANG BA'I REG PA YOD PA DANG MED PA DAG SGRUB PAR BYED PAR DMIGS SO, ,BSTAN PAR BYA BA 'GAL BA'I PHYIR BSGRUB PA MI 'GAL LO ZHE NA, NAM MKHA'I YON TAN LA YANG 'GAL BA MTSUNGS SO, ,GAL TE GTAN TSIGS DE NI DNGOS PO DANG DNGOS PO MED PA DAG GIS SGRUB PAR BYED PAR 'GYUR MOD KYI, BSTAN PAR BYA BA GO CI LTAR BSTAN BCOS DANG 'GAL BA'I DON RTOGS PAR 'GYUR, DES NA BSTAN BCOS KYI DON DANG 'BREL PA YANG DPE LA BSTAN PAR BYA BA YIN TE, DE'I CHOS NYE BAR BLANGS PA MED PAR NI GTAN TSIGS LAS BSGRUB BYA RTOGS PA MA YIN NO ZHE NA, DE NI MA YIN TE, 'DI LTAR, CHOS CAN CHOS NI MA LUS PA, ,DPE BSTAN MED PA KHO NAR NI, ,SKYE BO TSIG DANG DUD SOGS LAS, ,SEMS LDAN ME SOGS RJES DPAG BYED, ,BSTAN BCOS LAS GRUB PA 'BREL PA MED PA'I CHOS LTA RE ZHIG ZHOG STE, CHOS CAN DE'I CHOS KYANG 'GA' YANG DPE LA NYE BAR BLANGS PA MED PA KHO NAR 'JIG RTEN 'DI DAG DANG DU BA LA SOGS PA'I GTAN TSIGS LAS SEMS PA CAN DANG ME LA SOGS PA RTOGS PA NYID DO, ,DE LAS GZHAN PA'I CHOS BKAG CES TE, ME MI 'GRUB PA NI MA YIN LA, BSTAN PAR BYA BAS MI RTOGS PA YANG MA YIN NO, ,GZHAN YANG, BSTAN PAR BYA BA MI 'DOD KYANG NGAL TE, MI 'KHRUL PAS

NA NGO BO DANG, ,RGYU DAG SGRUB PAR BYED PA'I DON, ,'GA' YI SMRA BA LA GNOD PAS, ,NGO BO NYID LAS LDOG MA YIN, ,RANG GI RGYU DANG 'BREL PA'I DON RNAMS KYI NGO BO NYID NI, SKYES BU'I 'DOD PAS LDOG PA MA YIN NO, ,GTAN TSIGS LAS BSGRUB BYA 'GRUB PA'I RGYU NI MI 'KHRUL PA YIN LA DE YANG YOD PAS NA CI STE SGRUB PAR BYED PA MA YIN, 'ON TE 'DI SGRUB PAR BYED PA YIN MOD, PHYIR RGOL BA DE GO CI LTAR RTOGS SHE NA, DE'I PHYIR BSHAD PA, NGO BO NYID LAS LDOG MI 'GYUR, ,DE NI 'DOD PA'I BSGRUB BYA YI, ,DON DANG MED NA MI 'BYUNG BAR, ,RTOGS PA GZHAN DAG GTAN TSIGS DES, ,CI LTAR RTOGS PAR 'GYUR MA YIN, ,NUS PA THOGS PA MED PA LAS, ,GZHAN 'BRAS BU BSKYED PA LA MA ZHUGS PA'I RGYU NI BZLOG PAR NUS KYI SHES PAR BYED PA NI 'BREL PA'I STOBS KYIS TSUL GSUM RTOGS PA BSKYED PA DE NYID KYIS BZLOG PAR NUS PA MA YIN NO, ,RTAGS LAS GAL TE MI NGES NA, , SKYES BU MI 'DOD BZHIN DU NI, ,ME YIS TSIG PAR GYUR PA YI, ,TSIG PA'I SDUG BSNGAL RAB TU BZLOG ,DE LA MI 'KHRUL PA NYID RTOGS PA NYID KYIS NI DE RTOGS PAR MI BYED BA MA YIN TE, KHYAD PAR GYI KHYAD PAR CAN KHYAD PAR DANG LDAN PAR RTOGS PAS KHYAD PAR MI RTOGS PA NI MA YIN TE, MED NA MI 'BYUNG BA'I PHYIR RO, ,THAMS CAD YIN MOD KYI 'ON KYANG RGOL BA MI RIGS PA BYED PAR 'GYUR RO ZHE NA, 'DI LA BRJOD PA, GTAN TSIGS BRJOD DAM MI BRJOD KYANG, ,'GAL NA RGOL BAS CI ZHIG BYAS, ,NGES BRJOD NYES PAS BSTAN BCOS LA, ,GNOD BYED DU NI DE SKYES MIN, ,GZHAN GYI DON GYI RJES SU DPAG PA NI TSIG GI SKYON YON GYI DBANG DU BYAS PA YIN GYI, DON GYI NI MA YIN NO, ,'DIR RGOL BAS NI NYES PA'I RIGS 'GA' YANG BYAS PA MED DO, ,BSTAN BCOS GNOD PAR BYAS SO ZHE NA, MA YIN TE, MA BRJOD KYANG GTAN TSIGS NYID BSTAN BCOS KYIS GNOD PAR BYED PA YIN NO; ,CI'I PHYIR DE LTA BU'I GTAN TSIGS 'GOD CE NA, GZHAN MED PA'I PHYIR RO, ,NAM MKHA'I YON TAN NYID LA SOGS PA LA MI GNOD PAR MI RTAG PA NYID SGRUB PAR BYED PA GANG YIN PA NI 'GA' YANG MED DO, ,CI STE KHA ROG NYID DU MI 'DUG CE NA MA YIN NO, ,SGRUB PAR BYED PA'I YAN LAG MI BRJOD PA

, ,NI SHIN TU CHER TSAR GCAD PA'I GNAS YIN PA'I PHYIR RO, ,BSTAN PAR BYA BA YANG GDON MI ZA BAR RTOGS PAR BYA BA YIN NO, ,DE'I PHYIR 'DIR RGOL BA LA NI SKYON YOD PA MA YIN NO, ,GNOD BYED BRJOD PHYIR SKYON CE NA, ,GAL TE MA BRJOD NA DE CI, ,GNOD PA MIN NAM MI RIGS BYED, ,MIN TE CI LAS SKYON CAN YIN, ,ZHES BYA BA NI BAR SKABS KYI TSIGS SU BCAD PA'O, ,DE LTA NA NI 'O NA GTAN TSIGS LTAR SNANG BA BRJOD PA LA YANG SKYON YONG PA MA YIN TE, GTAN TSIGS LTAR SNANG BA YANG RANG NYID DE LTAR 'GYUR BA YIN PA'I PHYIR RGOL BA LA NYES PA CI YOD, DE YANG DES BRJOD PA'I NYES PAS NYES PA DANG LDAN PAR 'GYUR BA NI MA YIN TE, RANG NYID NGES BA CAN YIN PA'I PHYIR RO, ,GTAN TSIGS BRJOD RUNG MA BRJOD RUNG, ,MA GRUB RGOL BAS 'DIR CI BYAS, ,DE YI BRJOD PA'I NYES PA YIS, ,DE NI MA GRUB 'GAL BA MIN, ,DE NI MA YIN TE, GTAN TSIGS LTAR SNANG GZHAN DAG LA, ,RANG 'DOD NYID NI SGRUB MED PHYIR, ,DON MED BRJOD PAS SKYON 'GYUR NA, ,DE SGRUB PHYIR NA 'DIR MA YIN, ,DE LA SGRUB PA'I DON DU SGRUB PAR BYED PA BRJOD PAR BYA BA LA DE SGRUB PAR BYED PA MA YIN BRJOD PA NI DON MED PA BRJOD PA'I PHYIR NA SKYON DU 'GYUR RO, ,DON DANG LDAN PAR BRJOD PA'I SKABS SU DON MED PAR BRJOD PA NI DON MED PA NYID DO, ,'DIR NI BSGRUB BYA SGRUB PAR BYED PA BRJOD PA'I PHYIR NYES PA MED DE, 'DIR NI, MA BRJOD PA NYID SKYON YIN NO, ,'DIR YANG MA BRJOD PA SKYON YIN NO ZHE NA MA YIN TE, SGRUB PAR BYED PA YANG YOD PA'I PHYIR RO, ,'DIR NI BSTAN BCOS KYI DON NAM MKHA'I YON TAN NYID LA GNOD PAR BYED PA MA YIN PA MI SRID DO, ,GAL TE GTAN TSIGS KYIS BSTAN BCOS KYI DON LA GNOD LA MI RTAG PA NYID KYANG CI LTAR SGRUB PAR BYED DE, DE NYID KYIS MA DES PA'I PHYIR RO ZHE NA, 'DIR BRJOD PA, GAL TE LA LAR BSTAN BCOS 'GA', ,RIGS MIN PAS NA RIGS SMRA BA, ,GZHAN PA DAG KYANG DGAG BYED CES, ,BYA BA RGYAL RIGS LUGS YIN NO, ,BSTAN BCOS MTHA' DAG GI DON 'GAL BA MA YIN TE, BSTAN BCOS 'GA' ZHIG NYID LA DE YOD PA'I PHYIR RO, ,'BREL PA YOD PA DANG MED PA DAG GIS SGRUB PAR BYED PA DANG SGRUB PAR BYED PA MA YIN

PA 'DI LA 'GAL BA CI YOD, ,MI RIGS PA BKAG PAS RIGS PA YANG DGAG PA ZHES BYA BA 'DI NI RGYAL PO'I DAG YIN NO, ,GZHAN YANG, DON KUN MTSUNGS PAR BYAS PAS NI, ,SGRUB BYED BRJOD PAR NUS MA YIN, ,DES NA KUN DU BSGRUB BYA DANG, ,SGRUB BYED GZHAG PA 'DI NYAMS 'GYUR, , DON THAMS DAD DANG MI 'GAL BAR NI SGRUB PAR BYED PA 'GA' YANG BRJOD PAR MI NUS TE, SKABS KYI BSGRUB BYA DANG 'BREL PA TZAM NYID LA LTOS PAR BYAS PA YIN NO, ,DE LTA MA YIN NA NI MI SRID PA'I PHYIR RO, ,BSTAN BCOS KYI DON DANG MI 'GAL BA NYID BYA BA YIN NO ZHE NA, MA YIN TE, KHYAD PAR MED PAS GZHAN LA YANG 'GYUR BA'I PHYIR RO, ,CI STE BSTAN BCOS KYI 'GAL BA YANG SPANG BAR BYA BA YIN NA DE LTA NA NI 'GA' YANG SGRUB PAR BYED PA NYID YIN PAR MI 'GYUR BAS NA THAMS CAD DU BSGRUB BYA DANG SGRUB BYED KYI DNGOS PO 'JIG PAR 'GYUR RO, ,'O NA NI CI'I PHYIR BSTAN BCOS KHAS LEN ZHE NA, DE NI BDEN TE, 'DIR 'DI NYID SGRUB PAR 'DOD PA YIN TE, DANG PO BSTAN BCOS KHAS BLANG BAR BYA BA MA YIN NO, ,BYAS PA YIN NA YANG TSAD MA DANG 'GAL BAS PHYIS KYANG DOR BA NYID DGE'O, ,PHA RO LA PO DAG 'DOD PA NI DAM BCAS PA NI BSTAN BCOS KHAS BLANGS PA YIN NO, ,DES NA BSTAN BCOS KHAS BLANGS NAS 'GAL BAR BYA BA MA YIN TE, GRUB PA'I MTHA' KHAS BLANGS NAS RTZOD BA BYED LA 'JUG PA'I PHYIR RO ZHE'O, ,GAL TE NAM MKHA'I YON TAN NYID BKAG KYANG GTAN TSIGS KYI SKYON MA YIN NA 'O NA CI LTAR 'GAL BA MI 'KHRUL PA CAN SGRUB PAR BYED PA'I SKYON DU 'GYUR DER YANG SGRUB PAR BYED PA, GZHAN GYIS RAB TU GRUB PA'I DON DANG 'GAL BA LAS NYE BAR 'GYUR BA YIN LA 'DIR YANG BSTAN BCOS LAS GRUB PA'I DON DANG 'GAL BA NYID SKYON YIN PA'I PHYIR RO ZHE NA DE NI MA YIN TE, 'DI LTAR, CHOS CAN GCIG LA 'GAL BA DAG ,MI RUNG PHYIR NA 'GAL NGES LA, ,GNOD 'GYUR 'DIR NI DE 'DRA BA'I, , 'GAL BA YOD PA MA YIN NO, ,'GAL BA MI 'KHRUL PA PHAN TSUN 'GAL BA'I DON LA MI 'KHRUL PA GNYI GA YANG STOBS MTSUNGS PA NYID DE, GNYIS YANG LUNG LA BRTEN PA'I PHYIR RO, ,RJES SU DPAG PA NI DNGOS PO'I STOBS KYIS ZHUGS PA YIN LA, LUD NI DE LTA BU MA YIN TE, DES NA DE DAG NI

, ,'GAL BA'I MI 'KHRUL PA BZHIN DU PHAN TSUN GNOD PA BYED PA MA YIN NO, ,GNYI GA YANG SGRUB PAR BYED PA NYID NI MA YIN NO, ,'GAL BA DAG CHOS CAN GCIG LA MI SRID PA'I PHYIR RO, ,BSTAN BCOS NI 'GAL BA'I RJES SU DPAG PA LA LTOS TE TSAD MA NYID MA YIN PAS DE'I DON GNOD PAR BYA BA NYID YIN GYI, 'GAL BA'I MI 'KHRUL PA BZHIN DU GNOD PAR BYED PA NI MA YIN NO, ,TSAD MA'I STOBS KYIS GZUNG BA MA YIN BA'I BSTAN BCOS NI TSAD MA NYID YIN PA BKAG PA NYID DO, ,DE'I PHYIR 'GAL BA MI 'KHRUL PA CAN GYI PHYOGS NYE BAR BKOD PA'I PHYOGS MI BZOD PA MA YIN NO; ,CI STE DBANG PO LAS 'DAS PAS BYAS PA'I BSTAN BCOS DE CI LTAR RJES SU DPAG PAS GNOD, DES NA DES GEGS BYAS BA'I RJES SU DPAG PA YANG TSAD MA MA YIN PA NYID DO, ,DE'I PHYIR STOBS MTSUNGS PA'I PHYIR NA 'GAL BA MI 'KHRUL BA BZHIN DU 'DIR YANG SKYON DU ZHE NA, DE NI MA YIN TE, 'DI LTAR, GAL TE 'GAL BA'I RJES DPAG KYANG, ,BSTAN BCOS KYIS NI GNOD GYUR NA, ,TSAD MA MTHA' DAG NYAMS 'GYUR TE, ,LUNG NYID 'BA' ZHIG LUS PAR 'GYUR, ,GAL TE RJES SU DPAG PA MTHA' DAG BSTAN BCOS KYI GNOD PA DE'I TSE RJES SU DPAG PAS BSTAN BCOS KYI DON GZHAN LA SGRUB PA'I PHYIR LUNG DAM BCA' BAR CI LTAR 'GYUR, RJES SU DPAG PA 'AM GZHAN BSTAN BCOS KYIS MI GNOD PA'I TSAD GANG YIN PA NI YOD PA MA YIN TE, RTAG PA DANG MI RTAG PA NYID LA SOGS PA'I RJES SU DPAG PA NI PHAN TSUN BSTAN BCOS KYIS GNOD PA'I PHYIR DANG, ME YOD DO ZHES BYA BA LA SOGS PA YANG STONG PA NYID KYI BSTAN BCOS KYIS GNOD PA'I PHYIR RO, ,'ON TE DE TSAD MA MA YIN PA CI LTAR RJES SU DPAG PA'I GNOD PAR BYED PA YIN, RJES SU DPAG PAS GNOD PAS TSAD MA YIN GYI THAMS CAD NI MA YIN NO ZHE NA, BSTAN BCOS KYIS GNOD PA'I RJES SU DPAG PA NYID TSAD MA MA YIN NO ZHES BYA BA KHYED KYI PHYOGS MA YIN NAM DES NA KHYOD KYI PHYOGS DOR BA NI MI 'THAD DO, ,'ON TE BRTAGS PA TSAD MA YIN PAS NA DES GNOD PAR BYED PA YIN NO ZHE NA, RJES SU DPAG PA NYID BRTAG PA MA YIN NAM, DES NA BSTAN BCOS DES GNOD PAR BRTAG PA CI LTAR BSTAN

BCOS TSAD MAR 'GYUR BA'I RGYU YIN TE, DE LA MED PA DE LA YOD PAR BYED PA NI MA YIN NO, ,DE'I PHYIR MNGON SUM SNGON DU 'GRO BA CAN GYI RJES SU DPAG PA NYID TZA BA BSTAN BA'I PHYIR TSAD MA YIN PAS DES GNOD PA'I PHYIR BSTAN BCOS TSAD MA MA YIN PA'I PHYIR NA DE'I GNYEN PO MA YIN TE, DES NA 'DIR YANG 'GAL BA MI 'KHRUL PA BZHIN DU 'GYUR BA MA YIN NO, ,DES NA NAM MKHA'I YON TAN MA YIN PA DANG, LHAN CIG PA'I MI RTAG PA SGRUB PAR BYED PA NI SGRUB PAR BYED PA NYID YIN GYI, SKYON DANG LDAN PA NI MA YIN NO, ,'GAL BA MI 'KHRUL BA NI RTAG PA DANG NGE MED PAR SGRUB PAR BYED PAS GTAN TSIGS MA YIN PA NYID DE DE YOD PA DANG MED PA DAG CHOS CAN GCIG LA MI SRID PA'I PHYIR RO, ,NAM MKHA'I YON TAN NYID MED PA NI MI RTAG PA NYID DANG 'GAL BA MA YIN PA'I PHYIR CHOS CAN GCIG LA SGRUB PA LA SKYON GAL YOD, 'ON TE, DE DAG GNOD BYA GNOD BYED NI, ,MIN YANG BSTAN BCOS DON SLAD PHYIR, ,'BREL BA MED KYANG GNOD CE NA, ,THAMS CAD THAMS CAD KYIS GNOD 'GYUR, ,SKABS KYI GTAN TSIGS DE NYID DAM GZHAN GYI DRI LA SA'I YON TAN PHYIN CI LOG TU BYED PA'I PHYIR YANG 'GYUR RO, ,'BREL YOD DES NA DE NYID LA, ,GNOD 'GYUR ZHE NA MA YIN TE, ,GTAN TSIGS KUN RANG BSGRUB BYA LA, ,YON TAN NYES PA DPYAD PHYIR RO, ,GAL TE CHOS CAN DE LA NAM MKHA'I YON TAN NYID DE, YOD PA YIN BA'I PHYIR 'BREL BA YIN DU CHUG PA DE LTA NA YANG BSGRUB BYA MA YIN TE SKABS MA YIN BA'I PHYIR SKABS MA YIN PA YANG GNOD PAS SKYON YOD PA MA YIN TE, GTAN TSIGS THAMS CAD NI RANG GI BSGRUB BYA LA LTOS TE SKYON YON BSAM PAR 'DOD PA'I PHYIR RO, ,DE RANG GI BSGRUB PAR BYA BA LA MI MTHUN PA MED KYANG GAL TE DE LAS GZHAN 'BREL PA MED PA LA GNOD PAS BSTAN BCOS LA GNOD PA'I MTSAN NYID KYIS NYES BAS 'GYUR NA NI DE'I TSE GTAN TSIGS GZHAN KYIS KYANG CHOS CAN GZHAN DU YANG GNOD PA BYED PA'I SKYON MTSUNGS PA YIN NO ZHES BSTAN PA'I PHYIR BSHAD PA, BSGRUB BYA MED NA MI 'BYUNG BA'I, ,'BREL PA DE NI 'DIR RTOGS MED, ,'DIR NI BSTAN BCOS GNOD 'BA' ZHIG ,SKYON YIN DE GZHAN BYAS LA'ANG MTSUNGS, ,BSGRUB BYA'I KHYAB PAR BYED PA MED PAR BSGRUB PA NI SPANG BAR BYA BA YIN TE, BSGRUB PAR

, ,BYA BA 'GRUB PA MED PA NA MI 'BYUNG BA GANG YIN PA DE LA GNOD NA NI DE MED NA KHYAB BAR BYA BA YANG LDOG PA YIN PA'I PHYIR RO, ,NAM MKHA'I YON TAN NYID MED NA NI BSGRUB BYA MED NA MI 'BYUNG BA NYID MA YIN TE DES NA DE MED KYANG BSGRUB BYA 'GOG PA MA YAN NO, ,GZHAN YANG, GAL TE BSTAN BCOS KHAS BLANGS PHYIR, ,BSTAN BCOS MTHONG BA MA LUS BSGRUB, ,DPE DANG GTAN TSIGS MA GRUB SMRA, ,DAM BCA' BAR NI THAL BAR 'GYUR, ,TSAD MA KUN LAS BTUS PA'I BSHAD PA BYED PA NA RE, BSTAN BCOS KHAS BLANGS PA'I PHYIR BSTAN BCOS SU MTHONG BA MA LUS PA BSGRUB BYA YIN TE, DE LTA MA YIN NA BSTAN BCOS KHAS BLANGS PA DON MED PA NYID DO, ,DE'I DON MI SGRUB NA NI BSTAN BCOS KHAS BLANGS PA 'GAR YANG NYE BAR MKHO BA MA YIN ZHING KHAS BLANGS PAR YANG MI 'OS SO, ,RANG DBANG DU TSAD MA YIN NA NI TSAD MAS CUNG ZAD KYANG BYAR MED DO, ,DES NA BSTAN BCOS KHAS BLANGS NAS DE'I DON GRUB PAR BYA BA NYID DO, ,DES NA DE DANG 'GAL BA NI SKYO NA NYID DO ZHES ZER RO, ,'DI LA BRJOD PA, MA GRUB PA'I GTAN TSIGS DANG DPE BSTAN PA DAG KYANG DAM BCA' BAR 'GYUR TE, DE DAG KYANG RES 'GA' BSTAN BCOS KYI DON DU 'GYUR BA'I PHYIR RO, ,'GYUR MED NYES PA CI YOD CE NA, THAMS CAD DAM BCA' BA NYID DU 'GYUR TE DES NA MA GRUB PA LA SOGS PA'I SKYON BRJOD PAR BYA BA MA YIN NO, ,GAL TE BSTAN BCOS KYI DON MA YIN PA GANG YIN PA DE GTAN TSIGS SU BRJOD PAR BYA BA YIN PAS DE LA MA GRUB PA LA SOGS PA'I NYES PA'I GO SKABS SU 'GYUR RO ZHE NA, MA YIN TE DE YANG RANG GI KHA NAS KHAS BLANGS PA'I PHYIR RO, ,'ON TE RANG GI KHA NAS KHAS BLANGS PA'I DAM BCA' BA MA YIN NA GZHAN GYI KHA NAS KHAS BLANGS PA MA YIN PAR GSAL BA NYID DO, ,GZHAN BYE BRAG LA SOGS PA LTAR NA YANG BSGRUB PAR BYA BA BSTAN PA DAM BCA' BA YIN PA'I PHYIR, MA GRUB PA'I SGRUB PAR BYED PA BSTAN PA YANG YIN PAR 'GYUR RO, ,DE'I LTAR NA YANG GAL TE BSTAN BCOS KYI DON BSTAN PA MA YIN PA DAM BCA' BAR MI 'GYUR YANG, BSTAN PA NI 'GYUR BA NYID DO, ,'DI LTAR RNAM PAR BSHAD PA LAS, DAM BCA' BA NI LUNG YIN PAR BRJOD DO, ,GAL TE DAM BCAS PA GANG YIN PA DE NI LUNG

YIN GYI LUNG NI DAM BCA' BA NYID MA YIN NAM ZHE NA MA YIN TE, DAM BCA' BA NI LUNG GI DON STON PAS LUNG YIN GYI, RANG GI NGO BOS NI MA YIN NO, ,DES NA BSGRUB PAR BYA BA BSTAN PA DAM BCA' BA YIN PA'I PHYIR MA GRUB PA'I GTAN TSIGS LA SOGS PA DAM BCA' BAR 'GYUR TE, DE YANG LUNG GI DON YIN PA'I PHYIR RO, ,BSTAN BCOS KYI DON MTHA' DAG BSGRUB BYA YIN PA DE NI BDEN MOD KYI, DE LTAR YANG SGRUB PAR BYED PA NYID DU BRJOD PA NI DAM BCA' BA MA YIN TE, BSGRUB BYA NYID DU 'DOD PA MA YIN PA'I PHYIR RO, ,RAB TU BYED PA RIGS PA'I SGO LAS, DE LA YANG RANG NYID BSGRUB PAR BYA BA NYID DU 'DOD PA 'GAL BA'I DON GYIS MA BSAL BA NI PHYOGS YIN NO ZHES BSHAD PA'I PHYIR RO, ,SGRUB PAR BYED PA NYID DU BSTAN PA NI 'DOD PHUGS NYID MA YIN NO, ,BSGRUB PAR BYA BA NI LAS YIN NA SGRUB PAR BYED PA NYID DU 'DOD PA NI LAS MA YIN TE, DPER NA 'O MAS 'BRAS CHAN BCA' BO ZHES BYA BA LA 'O MA BZHIN NO, ,TSAD MA KUN LAS BTUS PA LAS KYANG RANG GI NGO BO KHO NAR ZHES NGES PAR BZUNG BA'I PHYIR RO, ,RIGS PA CAN BSGRUB PAR BYA BA BSTAN PA NI DAM BCA' BA 'O ZHES BYA BA LA, BSGRUB PAR BYA BA NYID DU ZHES DNGOS PO GTZO BOR BYED PA'I NGES PAR GZUNG BA'I PHYIR, BSGRUB PAR BYA BA BSTAN PA NI DAM BCA' BA MA YIN NO ZHE NA, 'DI LA BRJOD PA, GAL TE SGRUB BYED NYID BRJOD PA, ,MA YIN 'DOD PA MOS PHYIR NA, ,BSGRUB BYA RIGS PAS THOB PA NI, ,TSIG LAS LDOG PA MA YIN NO, ,BSTAN BCOS KHAS BLANGS PA'I PHYIR ZHES BYA BA 'DI GAL TE RIGS PA YIN NA DE CI LTAR RIGS PA THOB PA TSIG LAS LDOG RIGS PA STON PA'I TSIG NI RIGS PA NYID 'GOG PAR BYED PA MA YIN NO, ,'ON TE TSIG GIS BSTAN PA'I RIGS PA YANG SGRUB BAR BYED PA NYID DU BSTAN LA BSGRUB BYA MA YIN PA'I SGRUB PAR BYED PA NYID DO ZHE NA, DE NI MA YIN TE, DE LTA YIN NA 'DI GNYIS NI, ,'GAL BA MI 'KHRUL CAN 'GYUR TE, ,BSTAN BCOS KHAS BLANGS PHYIR ZHES DANG, ,DE BZHIN 'DOD SOGS BRJOD DE'O, ,GAL TE 'DOD PA BRJOD PA LA SOGS PA'I RIGS PAS SGRUB PA BYED PA BSGRUB PAR BYA BA MA YIN PAR BSGRUB PA DANG DE BZHIN DU BSTAN BCOS KHAS BLANGS PA'I PHYIR RO ZHES BYA BA 'DIS BSGRUB PAR

, ,BYA BA NYID YIN PA DE LTA NA GCIG LA PHAN TSUN 'GAL BA'I DON BSGRUB PA DE GNYIS THE TSOM SKYED PAR BYED PAR 'GYUR RO, ,DE LTA YIN DANG BSTAN BCOS KHAS BLANGS PA'I PHYIR RO ZHES BYA BA 'DI SGRUB PAR BYED PA MA YIN PA'I PHYIR BSTAN BCOS LA MTHONG BA SGRUB PAR BYED BA NYID DU 'DOD PA YIN YANG BSGRUB PAR BYA BA NYID YIN PAR GA LA 'GYUR, 'ON TE BSTAN BCOS KHAS BLANGS PA'I PHYIR ZHES BYA BA 'DI RIGS PA MA YIN LA DE LTAR NA RGOL BAS 'DOD PAS BSGRUB PAR BYA BA YIN GYI SGRUB PAR BYED PA NYID DU 'DOD PA NI MA YIN NO ZHE NA, 'DIR BSHAD PA, GAL TE MI 'DOD SGRUB MIN NA, RGOL BA MI 'DOD CHOS GZHAN YANG, ,SGRUB MIN DE TSE BSGRUB BYA BA, ,MIN LA GNOD PAS CI ZHIG 'GAL, ,NAM MKHA'I YON TAN NYID KYANG RGOL BAS 'DOD PA NI MA YIN TE DES NA BSGRUB BYA MA YIN NO, ,RTOGS PA DANG LDAN PA SKABS DOR NAS SKABS MA YIN PA LA, PHUGS KYIS 'DOD PA CI LTAR BYED; ,GAL TE BSTAN BCOS KHAS BLANGS NAS RANG GIS BRJOD PA'I GTAN TSIG KYIS 'GAL BAR 'GYUR NA, GDON MI ZA BAR NYES BA CAN DU 'GYUR RO ZHE NA, MA YIN TE, RANG NYID DANG PHYIR RGOL BA'I 'DOD PA BSGRUB PA'I PHYIR SKYON YONG PA MA YIN NO ZHES BSTAN ZIN TO, ,'ON TE TSAD MA DANG YANG 'GAL BA YIN TE; GAL TE SGRA NAM MKHA'I YON TAN MA YIN NA SKYES PA'I GNAS NYID DU THOS PAR 'GYUR RO, ,NAM MKHA'I YON TAN NYID YIN NA NI DE DANG LDAN PA'I PHYIR GZHAN DU YANG THOS PA YIN NO ZHE NA, DE NI MA YIN TE, DE NYID DU DE 'DZIN PA'I PHYIR GZUGS BZHIN NO, ,THAG RING NA 'DUG PAS CI PHYIR THOS SHE NA, 'O NA DE'I TSE GZUGS KYANG NAM MKHA'I YON TAN DU 'GYUR RO, ,GZHAN YANG NAM MKHA'I DE GCIG GAM DU MA YIN PAR 'GYUR, GAL TE GCIG YIN NA DPAG TSAD STONG PHRAG TU YANG DE'I YON TAN THOS PAR 'GYUR RO, ,DU MA NYID YIN NA BRJOD PA'I YUL NYID DU THOS PAR 'GYUR RO, ,DE'I PHYIR SGRA NAM MKHA'I YON TAN YIN PAR GANG LAS KYANG RTOGS PA MA YIN NO, ,GAL TE NAM MKHA'I YON TAN NYID MA YIN NA GNAS PA NYID DU MI 'GYUR RO, ,DON NI GDON MI ZA BAR GNAS PA DANG LDAN PAR 'GYUR BA YIN NO, ,DE LA GZUGS DANG RIG PA DANG RO DANG DRI RNAMS KYI RTEN NI SA LA SOGS PA 'BYUNG BA CHEN PO BZHI

YIN NO; ,SGRA'I NI NAM MKHA'I YIN TE RTEN PA MA YIN PAR MI 'THAD PA'I PHYIR RO ZHE NA, 'O NA NI SA LA SOGS PA RNAMS KYANG GTAN TSIGS DE NYID KYIS NAM MKHA' LA BRTEN PA NYID DO, ,MA YIN TE YON TAN MA YIN PA'I PHYIR RO ZHE NA, RTEN PA NYID YIN NA YON TAN MA YIN PA DE NYID MI 'GRUB LA RTEN PA MA YIN PA NYID NA SGRA YANG YON TAN NYID DU MI 'GRUB PO, ,SA LA SOGS PA NI YON TAN GYI RTEN YIN PA'I PHYIR YON TAN MA YIN NO ZHE NA, NAM MKHA' RTEN YIN NA DE NYID MI 'GRUB PO, ,GZUGS LA SOGS PA DANG SA LA SOGS PA DAG NI NAM MKHA' LA BRTEN PA NYID DU 'GYUR RO, ,SA LA SOGS PA DANG GZUGS LA SOGS PA NI NAM MKHA' LA 'PHROD PA 'DU BA MA YIN BA'I PHYIR RO, ,GZUGS LA SOGS PA NI SA LA 'DU BA YIN NO ZHE NA, 'PHROD PA 'DU BA ZHES BYA BA 'DI CI ZHIG ,DBYER MED PAR 'GYUR PAR GNAS PA NYID DU ZHE NA, 'O NA SGRA NAM MKHA'I YON TAN MA YIN TE, DE DANG LHAN CIG TU DBYER MED PAR MA RTOGS PA'I PHYIR RO, ,DRI YANG SA LA DE BZHIN NO, ,'ON TE NAM MKHA' LA DMIGS PA'I PHYIR SGRA NI DE LA BRTEN BA YIN LA, DE'I GNAS KYANG DE NYID YIN NO ZHE NA, 'O NA NI SHING BAL LA SOGS PA YANG DER DMIGS PA'I PHYIR NAM MKHA' LA BRTEN BAR 'GYUR TE, DES 'DZIN PA'I PHYIR RO, ,YANG BA'I PHYIR RANG NYID GNAS PA YIN NO ZHE NA MA YIN TE, SGRA YANG DE BZHIN DU 'GYUR BAS NA NAM MKHA'I YON TAN MA YIN BA NYID DO, ,'ON TE SHING BAL LA SOGS PA NI SA LA YANG GNAS SO, ,NAM MKHA' LA GNAS PA NI NAM MKHA' BYAS PA MA YIN TE, RLUNG GIS GZUNG BA YIN PA'I PHYIR RO ZHE NA, SGRA YANG DE BZHIN YIN PAS NAM MKHA'I YON TAN NYID MA YIN NO, ,'DI LTAR, RLUNG GIS BDAS PAR 'GYUR BA YIN, ,SGRA NI GZHAN DU THOS PA YIN, ,DE YI RTEN NI RLUNG NYID DO, ,GZHAN BRTAGS BAS NI CI ZHIG BYA, ,CI LTAR RLUNG GIS GZUNG BA SHING BAL LA SOGS PA RLUNG GI YON TAN MA YIN PA DE BZHIN DU SGRA YANG NGO, ,JI LTAR RAS BAL NAM MKHA' LA, ,RLUNG GIS KHYED BA DE BZHIN DU, ,SGRA YANG RLUNG GIS BZLOG PHYOGS NI, ,GANG DU'ANG SGRA NI RIG GAM CI, ,'ON TE YON TAN DANG LDAN PA MED BA'I PHYIR SGRA NI RLUNG GIS BDA' BAR MI NUS PA NYID DO, ,

, ,SHING BAL NI 'GAL BA MED DES YIN PA'I PHYIR RO, ,DE LTA MA YIN NA NI NYI MA DANG GRIB MA LA SOGS PA YANG KHYER BAR 'GYUR RO ZHE NA, 'O NA NI DE CI STE KHYER BAR 'GYUR, DE'I RTEN GYI RDZAS NYID DED PA'I PHYIR RO ZHE NA, GAL TE 'BYOR PAR 'DUS BA'I PHYIR, ,RLUNG GIS 'DED PAR 'GYUR NA NI, ,RTOG 'DI'ANG SGRA LA YOD MIN TE, ,NAM MKHA' CI LTAR KHYER BAR 'GYUR,, ,,BAM PO BZHI PA, 'ON TE NAM MKHA' KHYER NA NI, ,DE LTA NA NI BYA MED MIN, ,DE NI KHYAB DANG KHYER BA NI, ,SRID CES SHIN TU 'THAD PAR DKA', ,GZHAN YANG, GAL TE 'BYOR PA 'DU BA YIS; ,KHYER BA YIN PAR 'DOD NA NI, ,RLUNG DANG 'BYOR BA 'DU BA YIS, ,'DUS PA YIN PAR CIS MI 'GYUR, ,SGRA NI RLUNG GI YON TAN NYID YAN PAR 'GYUR TE, DE'I SGO NAS DE YUL GZHAN DU 'GRO BA'I PHYIR RO, ,RLUNG GI YON TAN NI REG PA NYID DO ZHE NA, RDZAS NI YON TAN GCIG NYID DU MA NGES PA'I PHYIR RO; ,SA NI GZUGS DANG RO DANG DRI DANG REG PA DANG LDAN PA YIN NO ZHES BYA BA LA SOGS PA GZHAN GYI GRUB MTHA' YIN PA'I PHYIR RO, ,YON TAN YIN YANG DRI RLUNG GIS KHYER BAR MTHONG BA YIN NO, ,DE LTA NA YANG 'BYOR BA'I SA LA 'DU BA NYID KYIS KHYER BA YIN NO ZHE NA, MA YIN TE, DE DMIGS KYANG SA DMIGS PA MED PA'I PHYIR RO, ,DE LAS SKYES PA 'BA' ZHIG NYID RLUNG GIS BDAS PA YIN NA CI 'GAL, YON TAN NI BYA BA MED PA'I PHYIR RO, ,'BA' ZHIG KHYER BA'I PHYIR NI BYA BA MED PA DE NYID MI 'GRUB LA, LHAN CIG TU KHYER NA NI BYA BA DANG BCAS PAR MI 'GRUB PO ZHE NA, MA YIN TE, LHAN CIG PA KHYER BAR MA GRUB PA'I PHYIR RO, ,YON TAN BYA BA DANG LDAN PA CI LTAR 'GYUR ZHE NA, 'DI SKYON GZHAN YIN PAR 'GYUR RO, ,GAL TE BSTAN BCOS LA LA YI, ,RIGS MIN YON TAN SOGS BKAG PAS, ,RIGS PA GZHAN YANG MI 'DOD PA, ,'DI NI RGYAL PO'I LUGS YIN NO, ,GZHAN YANG; RANG GI GNAS SU 'JIG PA LA, ,KHYER BA ZHES BYA YOD MA YIN, ,BYA DANG LDAN PA ZHES BYA BA NI, ,'JIG PA'I DNGOS PO LA YOD MIN, ,DE 'DRA'I SKAD CIG YUL GZHAN DU, ,SKYE BA YON TAN LA CIS MED, ,GZHAN DAG SGRA NI CHU RLABS DANG, ,'DRA BAR 'DOD PA MIN NAM CI, ,GZHAN YANG,

YON TAN LAS GZHAN YON TAN CAN, ,TSAD MA YIS NI 'THAD MA YIN, ,REG BYA LA SOGS THA DAD PA, ,GZHAN PA DMIGS SU YOD DAM CI, ,GAL TE DRI 'BYOR PAR 'DU BAS NA, GANG GIS SA DANG LHAN CIG 'DOD PA YIN NA SGRA YANG SA LA SOGS PA'I YON TAN NYID DO, ,DES NA SA LA SOGS PA DANG LHAN CIG 'DOD PA YIN PAS NAM MKHA' BRTAG PAS CI BYA, GZHAN YANG SA LA SOGS PA NI 'DZIN PA LA SOGS PA LAS KYIS BRTAG PAR BYA BA YIN DU CHUG KYANG NAM MKHA' GO SKABS 'BYED PA'I PHYIR RO ZHE NA, SKABS 'BYED PA ZHES BYA BA 'DE CI ZHIG GNAS PA LA GNAS MED PA LA, ,SA LA SOGS PA NI YUL PHAN TSUN GNAS PA'I GEGS BYED PA YIN TE, DE BAS NA GO SKABS 'BYANG BAR BYED PA'I 'BYUNG BA CHEN PO 'BA' ZHIG YOD DGOS LA DE YANG NAM MKHA' YIN NO ZHE NA DE YANG GYI NA STE, 'DI LTAR, GAL TE 'BYUNG BA GZHAN GNAS NAS, ,GNAS PA LA NI GAGS YOD MIN, ,PHAN TSUN YOD PA MIN NA YANG, ,GNAS PA LA NI GAGS YOD MIN, ,GAL TE 'BYUNG CHEN PO GZHAN, ,MED PAR 'BYUNG CHEN GZHAN GNAS NA, ,'BYUNG BA CHA GZHAN MED PA TZAM, ,NAM MKHA' ZHES NI BYA BAR BRJOD, ,GAL TE NAM MKHA' MED NA RLUNG LA SOGS PA 'BYUNG BA CHEN PO GZHAN DAG GANG DU GNAS SHE NA, GAL TE 'BYUNG BA CHEN PO GZHAN MED NA, NAM MKHA' YANG GANG DU GNAS ZHES THUG PA MED PAR 'GYUR RO, ,'ON TE NAM MKHA' NI RTEN MED PA'I NGO BO DANG, GZHAN GYI RTEN DU 'GYUR BA YANG YIN NO ZHE NA, 'O NA RLUNG YANG RTEN MED PA'I NGO BO DANG GZHAN GYI RTEN DU 'GYUR BA YANG YIN PA'I PHYIR DON GZHAN YONGS SU RTOGS PA LEGS PA MA YIN NO, ,GZHAN YANG, CI LTAR NAM MKHA' 'GA' ZHIG TU, ,LHUNG BA'I NGO BO 'DZIN MA YIN, ,'GRO BA DANG LDAN RLUNG GI GZHI, ,NAM MKHA' YIN PAR CI LTAR RTOGS, ,GAL TE RLUNG NI NAM MKHA' LAS, ,'GRO LA GEGS MED 'DI LAN MIN, , 'GRO BA LA NI GEGS MED PA, ,GEGS BYAD PA DANG BRAL BAS YIN, ,'ON TE KHYAB DANG RTAG PA YI, ,NAM MKHA' GZHAN GYIS CI LTAR 'DZIN, ,DES NA 'DI LA RTEN MED CING, ,GZHAN GYI RTEN DU GYUR YIN NA, ,GZUGS MED PA DANG KHYAB PA'I PHYIR, ,BDAG KYANG DE YI RANG BZHIN NYID, ,DE NYID GZHAN

, ,GYI RTEN DU NI, ,CI YI PHYIR NA RTOG MA YIN, ,GANG LA DE 'DRA'I BDAG MED PA, ,DE LA NAM MKHA' CI BYAR YOD, ,YUL YANG KHYAB PHYIR NAM MKHA' YI, ,BYA BA DE LAS BRTAG PAR GYIS, ,PHAN TSUN DU NI KHYAB PAS NA, ,KHYAB RNAMS GCIG NYID CI STE MIN, ,GAL TE NAM MKHA' LA NI SNANG BA ZHES THA SNYAD BYA BA YIN GYI BDAG LA SOGS PA LAS NI MA YIN PAS DE CI LTAR GCIG PA NYID YIN ZHE NA, GAL TE THA SNYAD KYI RJES SU BLANGS PA DE THA SNYAD JI LTA BA BZHIN DU DON RTOGS PAS NA DE DANG RJES SU MTHUN PA NYID DU RIGS PA YIN NO, ,BU GA NYID NAM MKHA' YIN TE PU GA MED PAR BYED PA MED PA NA DE LTAR THA SNYAD BYED PA YIN NO ZHE NA, GANG GI TSE BU GA MED PAR BYED PA YOD PA DE'I TSE NAM MKHA' GAR SONG, NAM MKHA' BLO NAS BYUNG BAR NI MI DMIGS SO, ,DE MED NA YANG DE DANG GZHAN YANG MED PA'I PHYIR NAM MKHA' GAR SONG, ZHIG GO ZHE NA, RTAG PA NI BZANG PO DE NYID NA YOD DO ZHE NA, BU GA YANG MED LA NAM MKHA' YANG YOD DO ZHES BYA BA NI 'GAL LO, ,DE NA YANG YOD PA NYID DE DE LTAR MA YIN NA DE GNAS PA NYID DU MI 'GYUR RO ZHE NA, CI STE GNAS PA ZHES BYA BA NI 'DI CI ZHIG ,CI BZUNG BA'AM, 'ON TE THOGS PAR MA BYAS PA NYID YIN, GAL TE GZUNG BA YIN NA DE NI MA YIN TE; BUM PA LA SOGS PA NI NAM MKHAS 'DZIN PA MA YIN GYI 'ON KYANG SAS 'DZIN PA YIN NO, ,'ON TE THOGS PAR MA BYAS PA YIN NA, DE YANG MI BDEN TE, 'DI LTAR, GANG LAS 'DI NI THOGS 'GYUR BA, ,DE MED NA DE DER 'GYUR GYI, ,NAM MKHA' LA NI THOGS MED PA, ,BSAL GNAS NAM MKHA' LDANG BA YIN, ,DE PHYIR 'BYUNG BA CHEN BO BZHI, ,MED NA NAM MKHA' ZHES BRJOD DE, ,'BYUNG CHEN DE LAS GZHAN DAG TU, ,BSNYAD PA TSAD MA DANG LDAN MIN, ,'DIS NI PHYOGS KYANG BRJOD PA YIN TE, DE YANG KHYAB PA NYID KYIS SKABS 'BYED PA LA SOGS PA NYID MA YIN NO, ,'DI LTAR, KHYAB LA NUB PHYOGS LA SOGS PAR, ,RTOGS MIN GZHAN PA LAS MA YIN, ,DE LA GZHAN 'GO YOD MIN TE, ,DE NI MED PAR THAL PHYIR RO, ,GAL TE KHYAB PA'I YUL DE NYID SHAR YIN NA DE LAS GZHAN DU GNAS PA'I NUB TU CI LTAR 'GYUR, 'ON TE DE LAS RANG BZHIN GNYI GA YIN NA, DE LTA YIN NA GNYI GAR

RTOGS PAR THAL BAR 'GYUR RO, ,'ON TE SO SOR NGES PA'I GSAL BYED YOD PA LAS YUL GYI RANG BZHIN DU MA LAS RANG BZHIN 'GA' ZHIG GSAL BAR 'GYUR TE, DPER NA PHA DANG BUL SOGS PA'I RANG BZHIN DAG ,BU LA SOGS PA LA LTOS NAS PHA LA SOGS PA MNGON PAR GSAL PA BZHIN NO ZHE NA; DE YANG MA YIN TE, 'DI LTAR, YUL GYI RANG BZHIN NGES PA NI, ,GZHAN GANG LAS NI GSAL 'GYUR BA, ,DE NYID LAS NI SHAR PHYOGS SU, ,DNGOS RNAMS RANG BZHIN RIGS PAR 'GYUR, ,GANG LAS PHYOGS KYI RNAM PAR DBYE BA DE SHAR DANG NUB LA SOGS PA GNAS PA'I SKYES BU LA LTOS NAS NUB LA SOGS PAR 'GYUR BA DE NYID LAS DNGOS PO NYID DE LTAR 'GYUR BAR CI STE KHAS MI LEN, SKYES BU LA SOGS PA YUL GZHAN LA LTOS NAS SHAR GYI YUL NA GNAS PA'I PHYIR SHAR PHYOGS NYID YIN NO, ,DE YANG NYI MA LA LTOS PA YIN PA'I PHYIR PHYOGS BRTAGS PAS CI BYA, GAL TE NYI MA LA SOGS PA DAG LAS PHYOGS MNGON PAR GSAL BAR YIN NA, NYI MA LA SOGS PA'I SHAR PHYOGS KYI NYI MA LA SOGS PA YANG, DES YIN PA'I PHYIR 'DI NI PHAN TSUN RTEN PA'I PHYIR SKYON DE YIN NO, ,DE TZAM GYIS THA SNYAD RAB TU 'GRUB BA'I PHYIR GZHAN LA LTOS PA'I 'BAD PAS CI BYA, GAL TE LTOS PA MED PAR YANG 'DI NI DRANG PO'I ZHES BYA BA LA SOGS PA'I THA SNYAD DU 'GYUR BA'I PHYIR YUL DON GZHAN NYID YIN NO ZHE NA, DE YANG MA YIN TE, 'DI LTAR, DER YANG DRANG ZHES LTOS BYA BA'I, ,KHYAD PAR MTHONG BA YOD PA YIN, ,PHYI NAS SHIN TU GOMS PAS NA, ,GZHAN MED PAR NI DE LTAR RTOGS, ,'DI LA KHYOD LA DRANG PO YIN NO ZHES 'JIG RTEN NA THA SNYAD DMIGS PA YIN NO, ,DE LAS KYANG SHIN TU GOMS PA LAS PHYIS DE'I RJES SU 'BRANGS TE LTOS PAR BYA BA MED PAR YANG 'GYUR RO, ,'DI GA LAS SHE NA, GZHAN DU YANG DE'I RJES SU 'GRO BA DANG LDOG PA'I RJES SU BYED BA LAS RGYU DANG RGYU CAN GYI DNGOS PO YIN NO, ,'DI LTAR, RGYA MTSO'I DKYIL NA GNAS PA'I MI, ,'KHRUL PA SKYES PAR GYUR PA DAG ,GZA' DANG SKAR MA MTHONG BA YIS, ,PHYOGS KYI RNAM DBYE NGES PAR 'GYUR, ,SKAR MA LA SOGS DANG 'BREL LAS, ,PHYOGS GZHAN PA NI MTHONG BA MED, ,RANG GI

, ,NGO BOR SNANG BA NI, ,DE RTOGS PAR NI JI LTAR BRJOD, ,'DI LTAR SHAR PHYOGS ZHES BYA BAS NI NYI MA 'CHAR BA DANG 'BREL PA NYID LA NGES PAR GNAS PAR 'GYUR BA YIN NO, ,DE NI MA YIN TE, NYI MA BZHIN DU MTHONG YANG PHYOGS LA RMONGS PA SKYES PA'I YID CAN RNAMS SNGAR RTOGS PA'I PHYOGS DE NYID SHES PAR 'GYUR GYI, NYI MA 'CHAR PA'I DBANG GIS NI MA YIN NO, ,'DI LTAR NYI MA 'CHAR BA YANG NUB PHYOGS LA BRTEN PAR RTOGS PA YIN NO, ,ZHE NA DE LA YANG BRJOD PA, ,GANG LA MA 'KHRUL YID KYIS NI, ,NUB DANG 'BREL 'DOD GYUR PA LA, ,KUN DGA' GRONG SOGS KYIS MTSAN PA'I, ,YUL DER DE NYID YIN PAR GOMS, ,GRONG DANG KUN DGA' RAB LA SOGS PA GANG DAG SNGON GYI GNAS SKABS SU NYI MA 'CHAR BA LA LTOS TE NUB PHYOGS LA SOGS PA'I NYE BAR MTSON BRTAG PAR RGYUN DU DMIGS PA DE LA GOMS PAS NYAMS BA'I PHYIR NYI MA 'CHAR BA'I RJES SU MI 'BRANG GI ,'ON KYANG DES NYE BAR MTSON PA DE NYID PHYOGS YIN NO ZHES BAG CHAGS BRTEN PA DANG 'BREL PA LAS THA SNYAD DU BYED DO, ,DE'I PHYIR, THOG MED BAG CHAGS DANG 'BREL PA, ,MNGON DU PHYOGS PA'I SEMS RNAMS KYI, ,DE NI DON DANG BRAL BA'I PHYIR, ,RTOGS PA 'BA' ZHIG NYID YIN NO,, SHIN TU SEMS GTAD PA LA PHYOGS PA G-YING BA THAG GCAD PA'I YID DANG LDAN PA YANG PHYOGS LA SOGS PA'I RANG BZHIN NGES PA NI MED DE, 'ON KYANG DPYOD PA DANG BRAL BA'I PHYIR, 'JIG RTEN DE'I RANG BZHIN NGES PA MED PA, SONG BA'I RJES SU 'GRO BA'I TSUL GYIS YID NYAMS PA NYID KYIS THA SNYAD BYED PA'I PHYIR 'DIR CI BYAR YOD, GAL TE THOG MED PHYIR BDEN NA, ,MED PA PA YANG BDEN PAR 'GYUR, ,DBANG PHYUG LA SOGS RTOGS PA YANG, ,THOG MA MED PHYIR CIS MI BDEN, ,DES NA PHYOGS SOGS GNAS PA YI, ,LUGS 'DI LEGS PA NYID MA YIN, ,'DI NI BSTAN BCOS NGAN GOMS LAS,, NYER 'ONGS THA SNYAD TZAM DU ZAD, ,THOG MA MED PHYIR BSTAN BCOS RNAMS, ,THAMS CAD BDEN PAR 'GYUR MIN TE, ,PHAN TSUN 'GAL BAS GNOD BYA DANG, ,GNOD PAR BYED PA'I NGO BO'I PHYIR, ,DE'I PHYIR DON RNAMS NYID PHAN TSUN LTOS NAS SHAR RO NUB PO ZHES BYA BA LA SOGS PA'I MING DU THA SNYAD KYI

DON DU RGAN PO DAG GIS BKOD PA YIN NO, ,'DU BYED BA YANG THOG MA MED PA CAN YIN PA'I PHYIR THA SNYAD NYID SAD PAR 'GYUR BAS DE LTAR THA SNYAD BYED PA YIN NO, ,THA DAD PAR NYE BAR BSTAN PA'I NGO BO DE NYID DUS LA SOGS PAR BRJOD PA LA STON PA YIN TE, 'DI LTAR 'BYUNG NGO, ,DA LTAR YOD DO, , 'BYUNG BAR 'GYUR RO ZHES BYA BAR RTOGS PA LAS LHAS BYIN LA SOGS PA'I 'DAS PA DANG, MA 'ONGS PA LA SOGS PA'I 'US GSUM PAR 'JOG DUS BYUNG BAR 'GYUR RO ZHES BYA BA LA SOGS PA LAS KYANG DUS GZHAN GNAS PAR THAL BA'I PHYIR THUG PA MED PAR 'GYUR RO, ,'ON TE DUS NI RANG GI NGO BO NYID KYIS SNGA MA YIN GYI DUS GZHAN LA LTOS PA NI MA YIN NO, ,PHYOGS KYANG DE BZHIN TE RANG GI NGO BOR 'GYUR BA'I CHOS KYI BYE BRAG GIS THA SNYAD BYED PA YIN TE, SHAR NI DBANG PO'I PHYOGS SO ZHES SO ZHE NA, DE LTA NA SHING LA SOGS PA'I DON RNAMS KYANG RANG NYID SNGA MA DANG PHYI MA LA SOGS PA YIN GYI SNGA MA NYID LA SOGS PAS DUS GZHAN LA LTOS PA NI MA YIN NO, ,'ON TE NGO BA LA SOGS PA'I SNGA MA NYID LA SOGS PA NI RANG LAS MA YIN TE, 'ON KYANG DE DANG 'BREL PA'I DON LA LTOS PA YIN NO, ,'DI LTAR, RGYAL PO GANG DAG SNGAR 'DAS PA, ,DE DANG 'BREL PA LA LTOS NA, ,DE LA DUS 'DAS YUN RING ZHES, ,BYA BA NYID DU RNAM PAR 'JOG ,'DIR BRJOD PA, GAL TE DUS KYIS 'DAS PA SOGS, ,DNGOS DANG 'BREL PA LAS YIN NA, ,DNGOS PO YI NI 'DAS NYID DE, ,DUS LA LTOS PAR 'GYUR BAS NA, ,PHAN TSUN RTEN PAS GCIG NYID DANG, ,GNAS PA MED PAR 'GYUR BA YIN,, GAL TE CIG CAR 'DAS PA NYID, ,YIN NA THUG PA MED PAR 'GYUR, ,CIG CAR 'BYUNG BA GNYIS DAG NI, ,PHAN TSUN DANG NI RGYU MA YIN, ,GAL TE DE DAG GZHAN LAS NI, ,DE LA'ANG GZHAN PHYIR THUG MED 'GYUR, ,GZHAN YANG GAL TE, SGRA NI NAM MKHA'I YON TAN YIN LA, RLUNG GI YON TAN REG ,ME'I YON TAN GZUGS, CHU'I YON TAN RO, ,SA'I YON TAN DRI YIN LA, DUS KYI YON TAN GANG YIN PAR BRJOD PAR BYA, BDAG LA SOGS PA YANG DE BZHIN NO, ,'ON TE DUS KYI YON TAN CHEN PO NYID LA SOGS PA YIN NO, ,DE NI BDAG LA SOGS PA'I YANG YIN NO, ,DES NA BDAG NYID KYI SO SOR NGES BA

, ,'GA' ZHIG BRJOD PAR BYA'O, ,'ON TE DON RNAMS GNANG PA DANG 'GOG PA YIN NO ZHE NA, DE DAG NI RJES SU 'GRO BA DANG LDOG PA DANG LDAN PA'I RGYU'I DBANG NYID LAS YIN NO, ,DE YANG RANG GI RGYU LAS YIN PA'I PHYIR RGYU BRGYUD PA THOG MA MED PA NYID YIN NO, ,GZHAN YANG, GAL TE KHYAB DANG RTAG PA YIS, ,GNANG DANG BKAG PAR NUS NA NI, ,BDAG KYANG DE LTAR MTHONG 'GYUR TE, ,KHYAD PAR GZHAN NI 'DOD MED PHYIR, ,'DI LTAR DUS DANG YUL DANG BDAG DANG NAM MKHA' ZHES BYA BA 'DI DAG NI RTAG PA NYID LA SOGS PAR MTSUNGS PA YIN NO, ,DES NA, YUL DANG DUS NI MTSUNGS GYUR PA; ,BYA BA DANG NI MI LDAN PHYIR, ,'DIS BYAS 'DIR NI MA NGES ZHES, ,CHOS MIN MTHUN PA CI LTAR RIG ,DE'I PHYIR NAM MKHA' LA SOGS PAR SMRA BA NI MA YIN PA NYID DO, ,DES NA, SMRA BA NAM MKHA'I YON TAN NI, ,CHAD MAS 'THAD PA MA YIN NO, ,GZHAN YANG, SGRA NI NAM MKHA' DANG RLUNG LAS 'BYUNG BA YIN NA 'DI RLUNG GI YON TAN NYID DU CIS MI BRJOD, 'DI NI NAM MKHA' NYID DU THOS PA YIN TE, DES NA 'DI NI NAM MKHA'I NYID YON TAN NYID DU RTOGS SO ZHE NA, 'BAR SOGS NAM MKHAR MTHONG MIN NA, ,CE NA DE DE'I YON TAN DU MI BRJOD, ,DE RTEN GZHAN YANG YOD CES 'THAD MIN TE; ,SGRA LA'ANG RNGA SOGS GZHAN DAG YOD PA NYID, ,GAL TE GANG ZHIG GANG DU GNAS PAR DMIGS PA DE DE'I YON TAN YIN NA, 'BANG BA LA SOGS PA YANG CI STE NAM MKHA'I YON TAN MA YIN, DE LA NI RTZIG PA DANG SHING LA SOGS PA RTEN GZHAN YOD PA'I PHYIR DER GNAS PAR RTOGS PAS NAM MKHA'I YON TAN MA YIN NO ZHE NA, DE NI MA YIN TE, GNYI GA LA GNAS PAS GNYI GA'I YON TAN DU 'GYUR RO, ,SGRA LA YANG PA tA HA DANG DUNG LA SOGS PA YOD PA YIN NO, ,YUL GZHAN DU THOS PA'I PHYIR RO ZHE NA, 'DI NI SNANG BA LA SOGS PA DAG LA YANG MTSUNGS SO, ,DE LA NI NOR BU LA SOGS PA RTEN NA YANG DMIGS PA'I PHYIR RO ZHE NA SGRA YANG BRDUNGS PA'I RDZAS YOD PAS DE MTSUNGS SO, ,DE'I PHYIR SGRA NI NAM MKHA'I YON TAN MA YIN TE, DER GNAS PAR DMIGS KYANG DER GNAS PA MA YIN TE, SNANG BA LA SOGS PA BZHIN NO, ,NAM MKHA' NI GNAS PAR BYED PA NYID KYANG MA YIN TE, THOGS

PA MED PA'I PHYIR RO, ,NAM MKHA' NI GZUGS MED PA BSTAN DU MED PA THOGS PA MED PA YIN NO, ,SNANG BA YOD NA NAM MKHA' SHES PA YIN TE, GANG DU SNANG PA NYID YOD PA DER NAM MKHA' BTAGS PA'I PHYIR NAM MKHA' NI BRTAGS PAR YOD PA MA YIN NO, ,DES NA SGRA NAM MKHA'I YON TAN YIN NO ZHES BYA BA NI LEGS PAR BRJOD PA MA YIN NO, ,DES NA NAM MKHA'I YON TAN NYID LA GNOD KYANG SKYON 'GA' YANG MED DO, ,GZHAN YANG, PHYOGS MTSAN PHYI ROL DON CAN GYI, ,RANG NYID SGRA YANG DON MED 'GYUR, ,RANG NYID KYI SGRA NI BSTAN BCOS KHAS BLANGS PA'I PHYIR BSTAN BCOS BYED PA'I 'DOD PA BSGRUB BYA NYID DU 'GYUR BA DE BZLOG PA DON NYID DE, DGOS PA GZHAN NI MED DO, ,GAL TE DE YANG BSGRUB PAR BYA BA NYID YIN NA NI, DE DON MED PA NYID DU 'GYUR TE, DE LTA NA NI PHYOGS KYI MTSAN NYID DON DANG 'BREL PA MA YIN PA'I PHYIR RO, ,GAL TE BSTAN BCOS 'DOD 'JUG DON, , 'O NA DOGS 'DI GANG LAS YIN, ,DE NI TSAD MAS BKAG MED NA, ,'DZIN PA GANG GIS BZLOG PAR 'GYUR, ,GAL TE TSAD MAS BKAG NA YANG, ,TSIG LAS GANG GIS 'JUG PAR 'GYUR, ,DE DAG SNGAR YANG GRUB MTHA' NI, ,RANG GI 'DOD PA NYID KYIS 'DZIN, ,DE NI PHYIS KYANG CI ZHIG LTAR GZHAN 'DZIN PA NI CIS MI 'THOB, ,GAL TE RTOGS PA PO RTOG PA SNGON DU BYED PA LAS YIN NA BRTAG PA DE NYID DE'I BSTAN BCOS KHAS LEN PA'I RGYU MTSAN YIN PA DES NA CI LTAR BSTAN BCOS LA 'DOD PAS 'JUG PAR BYED PA'I PHYIR RANG NYID SMOS, BSTAN BCOS THAMS CAD NI BRTAG BZOD PA MA YIN TE; DES NA TSAD MAS GNOD PA YONGS SU MA DAG PA LA 'JUG PA MA YIN PA NYID PAS NA 'DOD PAS 'JUG PA GAL SRID, 'DI LTAR, RTOG PA SNGON BYAS BYED PA NI, ,'DOD PA TZAM LAS 'JUG MA YIN, ,RNAM PAR DPYOD BYED SKYES BU NI, ,BLO BZANG GIS NI DANG PO'I RTEN, GAL TE RTOGS LDAN MIN NA NI, ,'DOD NYID DE YI RGYU MTSAN TE, ,DE YI DANG PO KHAS LEN PA, ,DE TZAM GYIS NI ZHUGS PA'I PHYIR, ,DES NI GNYIS PA GSUM PA YANG, ,DE BZHIN DU NI 'GYUR BA YIN, ,DE DAG DE DON DU SLOB NA, ,MI 'DOD PAR NI BSAB BYA YIN, GAL TE SNGA MA BZHON 'DI YANG KHYOD KYI 'DOD PA

, ,NYID KYIS BZUNG BA'I PHYIR BSTAN BCOS 'DOD PAS BZUNG PA YIN NO ZHES BYA BA'I TSUL 'DI NYID SMOS PAS BSGRUB PAR BYA BA YIN NA, DE'I TSE BRTAGS NAS KHAS BLANG PAR BYA BA YIN TE, 'DIR 'DOD PA TZAM NI SKABS SU 'GYUR BA MA YIN NO ZHES 'DOD PAS 'JUG PA DANG 'GAL BA'I RIGS PA BSTAN PAR RIGS PA YIN NO; ,DES NA GAL TE BSTAN BCOS LAS MTHONG BA BSGRUB BYA YIN NA, RANG NYID SMOS PA MI RIGS PA NYID DO, ,DE LTAR NA 'O NA BSTAN BCOS KYI DON SPANGS NAS RNAG NYID 'DOD PA'I DON BSGRUB PA LA YANG, GAL TE TSAD MAS GNOD NA DE LAS SU YANG MI 'GYUR 'JUG PA NYID DO, ,GAL TE MI GNOD DO ZHEN YANG RANG NYID 'JUG PAS NA RANG NYID SMOS PAS CI BYA ZHE NA, LAN DU, 'DOD GNOD MED DANG BSGRUB BYA MIN, ,THUG PA MED PAR BSTAN PAS NA, ,LOG PAR RTOGS PA BSAL PA'I PHYIR, ,'DIR NI RANG NYID SGRA BYAS SO, ,BSTAN BCOS THAMS CAD NI LOG PAR RTOGS PA BSAL BA'I PHYIR YIN TE, DES NA 'DIR YANG BSTAN BCOS LAS MTHONG BA BSGRUB PAR BYA BA YIN NO ZHES LOG PAR RTOGS PA MED PA YIN NO, ,RNAM PA GANG GIS SHE NA, 'DOD PA LA GNOD PA MED PA DANG, BSGRUB PAR BYA BA NYID MA YIN PA DANG, THUG PA MED PAR BSTAN PAS SO, ,BSTAN BCOS LAS MTHONG BA NI GNOD KYANG 'DOD PA LA GNOD PA YOD PA MA YIN NO, ,MED NA MI 'BYUNG BA MA YIN PA NYID KYANG BSGRUB BYA MA YIN LA, MED NA MI 'BYUNG BA MA YIN PA YIN YANG DE BSGRUB BYA YIN NA NI THUG PA MED PAR THAL BA ZHES BYA BA'I RIGS PA'I NI RANG NYID SMOS PAS BSTAN PA YIN NO, ,DES NA 'DI NI MA YIN NO, ,GZHUNG LUGS KYIS BYAS KHYAD PAR NI, ,YONGS SU SPANGS NAS RAB GRAGS PA'I, ,CHOS CAN DAG NI GZUNG DON DU, ,GZHAN NI RANG NYID SGRA BRJOD ZER, ,GZHUNG GIS BKOD PA'I KHYAD PAR NAM MKHA'I YON TAN NYID KYIS MTSAN NYID KYI CHOS CAN GANG YIN PA DE YONGS SU SPANGS NAS, RANG NYID RAB TU GRUB PA BSTAN BCOS BYED PAS BSGRUB PA MA YIN PA'I CHOS CAN GANG YIN PA DE SPYI NAS BZUNG BA'I PHYIR RANG NYID SMOS PA YIN TE 'DI LTAR CHOS CAN GANG ZHIG RANG NYID RNAM PAR GNAS PA YIN GYI, GZHAN GYIS BYAS PA NI MA YIN PA DE, CHOS CAN YIN GYI GZHAN NI MA YIN NO ZHES BYA BA 'DI SHUGS KYIS BSTAN PA YIN NO ZHE NA DE NI MA YIN TE, 'DI LTAR, DPYAD PA NYID KYI SKABS KYIS NA, ,RAB GRAGS RTEN NI GRUB 'GYUR TE, ,RAB 'DOD

BRTAGS PA'I KHYAD PAR NI, ,DNGOS RNAMS LA RTZOD MED PHYIR RO, ,CHOS CAN 'GA' ZHIG LA RTAG PA DANG, MI RTAG PA NYID LA SOGS PAR DPYOD PA BYED PA NI GRUB PA'I RANG BZHIN LA BYED PA YIN NO, ,DE'I RANG BZHIN NYID BSGRUB PAR BYA BA GANG YIN PA DE LA NI RE ZHIG DE NYID DPYAD PAR BYA BA YIN TE, ,CHOS CAN MA GRUB PA NA SGRUB PA MI SRID PA'I PHYIR RO, ,'ON TE SGRA'I RANG BZHIN BSGRUB PA NYID DO ZHE NA, 'O NA NI DE NYID CHOS CAN GYI RANG BZHIN DU BLANG BAR BYA BA YIN TE, MA GRUB PA'I KHYAD PAR BLANGS PAS CI ZHIG BYA, 'ON TE RGOL BA DE LTA BU NYID MI RTAG PAR SGRUB PAR 'DOD DO ZHE NA, DE NI MA YIN TE, 'DI LTAR, NYAN PO DER 'DOD MED PHYIR TE,, DE LAS DE 'GRUB MIN PA'I PHYIR, ,NAM MKHA'I YON TAN DANG LDAN PA, ,BSGRUB BYAR BRJOD PA'I DON MED MIN, ,RTOG PA SNGON DU BYED PA DAG GI TSIG NI DON MED PAR 'JUG PA MA YIN NO, ,RE ZHIG PHYIR RGOL BA NI NAM MKHA'I YON TAN NYID KYI KHYAD PAR CAN GYI MI RTAG PA SGRUB PAR 'DOD PA MA YIN NO, ,MI 'DOD PA NYID DAM BCA' BA TZAM GYIS GRUB PA YANG MA YIN TE, DE LTA MA YIN NA NAM MKHA'I YON TAN MA YIN PA'I SGRA NI MI RTAG STE BYAS PA'I PHYIR RO ZHES BYA BAR YANG 'GRUB PAR 'GYUR LA, CI LTAR 'DOD PA'I DON GZHAN YANG 'GRUB PAR 'GYUR RO, ,'ON TE RGOL BA DE LTA BU NYID DU 'DOD DO ZHE NA, DE LTA YIN NA DE LTA BU DPYOD PA DANG BRAL BA 'DOD PA TZAM GYIS 'JUG PA SUS ZLOG STE, DES NA 'DI NI MA YIN NO, ,CI STE GRUB PAR BSTAN PA YIS, ,CHOS CAN BSGRUB BYA MIN BRJOD NA, ,RANG GI NGO BO NYID BSTAN PA, ,ZHES BYA 'DI NYID KYIS DE RTOGS, ,'DI LTAR, GRUB DANG SGRUB PA'I NGO BOR NI, ,BSTAN PA DAG NI YOD MIN NA, ,BSGRUB BYA NYID DU BSTAN PA ZHES, ,BYA BA 'DI NI 'BRAS LDAN 'GYUR, ,CI STE 'DI SKAD 'CHAD PAR BYED DE, RANG NYID GRUB PAR 'GYUR BA NYID YIN NO ZHES BRJOD PAS NA CHOS CAN GYI RANG GI NGO BO BSGRUB PAR BYA BA MA YIN PA NYID DE, DE LTA MA YIN NA DE RANG NYID SMOS PAS KHYAD PAR DU BYAS PAS DON GYI RIGS CI ZHIG 'GRUB PAR 'GYUR, 'DI LTAR RE ZHIG CHOS CAN 'GRUB PAR BSTAN PA TZAM GYI PHYIR NI SMOS PA MA YIN TE, DPYOD PA'I SKABS NYID KYIS GRUB PA'I PHYIR RO, ,DE'I PHYIR RAB TU GRUB PA NYID YIN GYI, BSGRUB PAR BYA BA NI MA YIN NO ZHES BSGRUB BYA NYID MA YIN PAR BSTAN PA'I PHYIR RANG NYID SMOS PA YIN TE, DES NA CHOS CAN BSGRUB BYA MA YIN NO ZHE NA, DE YANG

, ,MI 'THAD DE, 'DI LTAR, GANG ZHIG GRUB KYANG SGRUB BYED BA'I, ,RTOGS LDAN DE NI 'GA' YOD MIN, ,DE TSE RTOGS PA DE NYID NI, ,CI LTAR BSGRUB BYAR RTOGS PAR 'GYUR, ,DE LTA NA NI 'O NA RANG GI NGO BO KHO NAS ZHES SMOS PA DON MED PA NYID DE DPYAD PA'I SKABS NYID KYIS GRUB PA BSGRUB PAR BYA BA NYID MA YIN PA'I PHYIR RO, ,GRUB PA NI RTZOD PA'I GNAS SU 'GYUR BA MA YIN NO, ,DE LTAR NA, GTAN TSIGS THE TSOM LA BRJOD PHYIR, ,BSAL BA GTAN TSIGS RTEN MA YIN, ,DE BZHIN DU DPYOD PA'I YANG RTEN MA YIN NO, ,GRUB PA YANG DE BZHIN NO ZHE NA, 'DIR BRJOD PA, RANG GI NGO BO SMOS PA NI GRUB PA BZLOG BA'I DON DU MA YIN TE, SGRUB BYED NYID DU BSTAN PA'I MA GRUB PA'I BZLOG PA'I DON YIN PA'I PHYIR RO, ,DE NYID KYI PHYIR RANG GI NGO BO KHO NAS ZHES NGES PAR BZUNG BA NYID DU 'BRAS BU GCIG TU BSTAN TE DE LTA MA YIN NA GNYI GA SO SOR BSTAN PAR 'GYUR RO, ,'O NA CI'I PHYIR GRUB PA SGRUB PA'I NGO BO DAG CES BSHAD CE NA, MA GRUB PA CHOS CAN GRUB PA NGO BOR STON PA DANG, DE BZHIN DU CHOS SGRUB PAR BYED PA'I NGO BOR STON PA ZHES BSHAD PAR BYA'O, ,CHOS CAN GRUB PA'I NGO BO BSTAN PA DE YANG 'BA' ZHIG PAR TE, DPER NA, BDAG NI 'DU BA CAN GYI RGYU'O ZHES SAM DE BZHIN DU, NAM MKHA'I YON TAN GYI SGRA NI MI RTAG PA'O ZHES CHOS CAN GYI KHYAD PAR NYID DU STON PA'O, ,YANG NA GANG DU CHOS CAN KHYAD PAR CAN DU BYAS PA DER, NAM MKHA'I YON TAN GYI SGRA MI RTAG STE ZHES BRJOD PA'I PHYIR NA MI RTAG PA NYID BSGRUB PAR BYA BA YIN GYI NAM MKHA'I YON TAN MA YIN NO ZHES JI LTAR SHES TE, SGRA GANG YIN PA DE NAM MKHA'I YON TAN YIN NAM 'ON TE NAM MKHA'I YON TAN GYI SGRA GANG YIN PA DE MI RTAG PA YIN PAR SGRUB CES MI SHES PAR 'GYUR RO ZHE NA, SGRA MTSUNGS KYANG DE YANG SKABS NYID LAS RTOGS PAR BYA BA YIN TE, DE LTAR YANG BSTAN ZIN TO, ,'O NA CI LTAR SGRA MNYAN PAR BYA BA YIN NO ZHES BYA BA RANG GI NGO BO SMOS PA'I RNAM PAR GCAD PAR BYA BAR BSTAN PAR 'GYUR TE, DES RNAM PAR GZUNG BA'I DON YIN NA NI DE MI 'THAD DO ZHE NA, DE NI BDEN TE, DE LTAR NA YANG DE LA GZHAN GYI PHYIR BYAS PA GZHAN GYI DON DU YANG 'GYUR BA YIN PA'I PHYIR KHAS BLANGS NAS DE SKAD BRJOD DE CI STE YANG BSGRUB BYAR BYED PA DE LTA NA YANG RANG GI NGO BO SMOS BZLOG PAR

BYED PA'I PHYIR SKYON MED DO, ,ZLOG PA CI LTAR THOB CE NA, DE LA RTZOD PA MTHONG BA'I PHYIR DE YANG PHYIS BSTAN PAR BYA'O, ,RJES SU DPAG PA SPYI YI NI, ,YUL CAN NYID DU BSHAD PA YIN, ,'DIR NI DE SKAD MA BRJOD KYANG, ,PHYOGS LAS 'GAL BA CUNG ZAD MED, ,SLOB DPON GYI RJES SU DPAG PA NI SPYI'I YUL CAN YIN NO, ,CHOS CAN GRUB ZIN PA'AM DE LAS GZHAN 'GA' ZHIG BSGRUB PAR BYA BA YIN NA NI SPYIR MI 'GYUR TE, DES NA GAL TE RANG NYID SMOS PA CHOS CAN BSGRUB BYA YIN PA MA SPANGS PA DE LTA NA YANG SKYON YOD PA MA YIN TE, RANG GI MTSAN NYID YIN PA NYID KYIS SPANGS PA'I PHYIR RO, ,GZHAN YANG, GAL TE CHOS CAN BSGRUB PAR BYAS, ,DE LA CIR 'GYUR DE MI NUS, ,CI LTAR RTAGS RJES 'GRO MED PHYIR, ,'DI DAG GI SKYON MIN NAM CI, ,YAN LAG PHYI MA LA LTOS PA, ,PHYOGS SKYON 'DOD MIN DE LTA NA, ,GTAN TSIGS LA SOGS NYES PA YANG, ,PHYOGS KYI SKYON DU THAL 'GYUR TE, ,THAMS CAD PHYOGS LA GNOD PHYIR RO, ,DE PHYIR DE TZAM DANG 'BREL PA, ,PHYOGS KYI SKYON 'DOD GZHAN MIN TE, ,MNGON SUM LA SOGS 'GAL BA BZHIN, ,BSGRUB PAR BYA BA NYID DU 'DOD PA 'GAL BA'I DON GYIS MA BSAL BA LA PHYOGS YIN NO ZHES PHYOGS KYI MTSAN NYID MA YIN NAM, DE LA GAL TE CHOS CAN NYID PHYOGS SU BYAS NA SKYON CI YOD, 'ON TE CHOS CAN NYID BSGRUB PAR NUS PA MA YIN TE, RANG GI MTSAN NYID NI BSGRUB PAR BYA BA MA YIN PA'I PHYIR RO, ,CHOS CAN YOD PAR BSGRUB PA NI RANG GI MTSAN NYID BSGRUB PAR 'GYUR NA, THAMS CAD GTAN TSIGS NI KHYAD PAR DANG RJES SU 'GRO BA MED PA'I PHYIR RO ZHE NA; 'O NA NI DPE MED PA'I PHYIR DER GTAN TSIGS NYID NUS PA MED PA YIN TE DES NA GZHAN GYI SKYON NI GZHAN GYI SKYON YIN NO ZHES BYA BAR MI RIGS SO, ,'ON TE 'DI NI PHYOGS KYI YANG SKYON NYID DE 'GRUB PAR MI RUNG BA'I PHYIR RO ZHE NA, DE LTA NA 'O NA GTAN TSIGS KYI SKYON THAMS CAD PHYOGS KYI SKYON DU 'GYUR TE; DE'I SKYON GYIS PHYOGS NYID 'GRUB PAR MI RUNG BA'I PHYIR RO, ,'ON TE DPER NA SGRA MI RTAG GO ZHES BYA BA LTA BUR GANG LA SGRUB PAR BYED PA'I GTAN TSIGS GZHAN SRID PA DER NI MIG GIS GZUNG BA'I PHYIR ZHES BYA BA LA SOGS PA LTA BUR GTAN TSIGS KYI SKYON YIN NO, ,'DI LTAR PHYOGS LA NI SGRUB PAR MI

, ,RUNG BA NYID KYI SKYON YOD PA MA YIN TE, GTAN TSIGS GZHAN GYIS 'GRUB PA'I PHYIR RO, ,GANG DU GTAN TSIGS 'GA' YANG MED PA DE NI PHYOGS KYI SKYON NO, ,SRID PA'I RANG GI BSAM PA PHYOGS KYI TSIG GIS BSTAN PAR BYA BA YIN NA DE NI CI LTAR TSAD MAS GNOD NA MI SRID PA YIN PA DE BZHIN DU RANG GI MTSAN NYID YIN YANG YIN PA DES NA 'DI NI PHYOGS KYI NYES PA NYID YIN NO ZHES BYA BAR RIGS SO ZHE NA, 'DIR BRJOD PA, PHYOGS KYI MI SRID PA NYID 'DI, ,CI GA GTAN TSIGS LA LTOS SAM, ,'ON TE DE RANG LA GNAS YIN, ,DE NI GNYI GA LTAR YANG YIN, GAL TE RTAGS DANG 'BREL PAS SKYON; ,DER 'GYUR DE NYID RTAGS SKYON NYID, ,DE NI RANG RTEN SKYON MIN TE, ,MTHONG BA YIS KYANG 'GRUB PHYIR RO, ,RANG GI RANG BZHIN GYIS GRUB PAR, ,MI RUNG YIN NA MNGON SUM GYIS KYANG 'GRUB PAR MI 'GYUR RO, ,RJES SU DPAG PAS MI 'GRUB BO ZHE NA, 'ON RE RJES SU DPAG PA NYID KYI SKYON YIN NO, ,DE NYID KYI PHYIR GAL TE MA GRUB PA'I CHOS CAN SGRUB PAR BYED NA DER YANG GTAN TSIGS KYI SKYON NYID DE, DER YANG GTAN TSIGS RJES SU 'GRO BA MED PA'I PHYIR RO, ,GRUB PA LA SGRUB PA'I SKYON NI RJES SU DPAG PAS GRUB PA LA YIN TE, DE NI PHYOGS KYI SKYON NYID DO, ,DE'I PHYIR RANG NYID KYI RJES SU DPAG PA LAS GRUB PA NI GZHAN LA LTOS NAS PHYOGS YIN NO, ,LUNG GIS GRUB PA NI PHYOGS MA YIN TE, GAL TE MNGON SUM GYIS GRUB PA'I RANG GI MTSAN NYID NI GTAN TSIGS KYI SKYON GYI PHYOGS NYID MA YIN PA MA YIN NAM, LUNG GIS GRUB PA LA JI LTAR LUNG GI YUL NI SPYI YIN LA, SPYIS KYANG RJES SU 'GRO BA YOD PA YIN PAS DE JI LTAR PHYOGS KYI SKYON NI RJES SU YIN NO ZHE NA, 'DI NYID BRJOD PA MA YIN NAM GTAN TSIGS KYI SKYON GYIS NI PHYOGS NYID KYI SKYON MA YIN NO, ,'O NA CI ZHE NA DE TZAM LAS GYUR PA NYID DO 'DI LA YANG DE TZAM LAS GYUR PA NI YOD PA NYID DO, ,'DI LTAR, GAL TE LUNG GIS DE GRUB NA, ,GTAN TSIGS KYIS NI CI ZHIG DGOS, ,LUNG GIS GRUB PA MIN NA NI, ,CI LTAR LUNG GIS GRUB CES BYA, ,'ON TE GZHAN MA GRUB KYANG RANG NYID NI LUNG LAS GRUB PA YIN NO ZHE NA, DE YANG MA YIN TE, 'DI LTAR, GAL TE LUNG NI TSAD YIN NA, ,PHA ROL LA YANG GRUB PA NYID, ,DE STE LUNG NI TSAD MIN NA, ,RANG NYID LA YANG MA GRUB NYID, ,DE PHYIR RANG LA

RJES SU DPAG PA NYID PHYOGS YIN NO, ,GAL TE RANG NYID LA MNGON SUM GYIS GRUB PA'I ME YANG PHYOGS GZHAN LA CI STE MA YIN ZHE NA, MA YIN TE, RANG BZHIN DES PHYOGS MA YIN PA'I PHYIR RO, ,DE NI SPYI'I TSUL GYIS PHYOGS YIN GYI KHYAD PAR GYI TSUL GYIS NI MA YIN NO, ,RANG NYID GZHAN GYIS NI DE MNGON SUM GYIS GRUB PA MA YIN NO, ,DES NA MNGON SUM GYIS GRUB PA LA RJES SU DPAG PA YOD PA MA YIN NO ZHES BYA BA 'DI GNAS PA YIN NO, ,GAL TE DE LTA NA NI, 'DI LTAG RMEN BSAL BA NA MIG 'BRAS 'BYUNG BAR 'GYUR BA YIN TE, GAL TE MNGON SUM GYIS GRUB PA LA LA PHYOGS MED NA, DE'I TSE NGES MA GRUB PA LA SHIN TU YANG MED PAR 'GYUR TE, RJES SU DPAG PA NI MNGON SUM SNGON DU 'GRO BA CAN YIN PA'I PHYIR RO, ,DE BZHIN DU RJES SU DPAG PA'I YUL YANG MNGON SUM YOD PA MA YIN PA'I PHYIR CI LTAR PHYOGS LA MNGON SUM GYIS GNOD PAR 'GYUR, GNOD PA ZHES BYA BA DON 'JIG PAR BYED PA NI MA YIN TE, 'ON KYANG MED DO ZHES SHES PAR BYED PA YIN NO, ,DE LA 'GAG PA GANG CI SNYED PA DE DAG THAMS CAD NI MA DMIGS PA LAS YIN PA'I PHYIR, MI DMIGS PAR GNOD PAR BYED PA'I PHYIR RJES SU DPAG PAS GNOD PA NYID DO, ,DE SKAD DU MED PA NI DE'I YUL MA YIN PA'I PHYIR RO ZHE NA, BSHAD PA RJES SU DPAG PA NI MNGON SUM SNGON DU 'GRO BA CAN YIN NO ZHES GANG BRJOD PA DE LA SPYI'I YUL LA NI MNGON SUM DU 'GRO BA CAN MA YIN GYI, 'ON KYANG ME LA SOGS PA'I SPYI BSGRUB PAR BYA BA GANG YIN PA DER DE'I GSAL BA'I YUL CAN GYIS MNGON SUM MED NA RJES SU DPAG PA 'JUG PA MA YIN TE, RJES SU DPAG PA NI DE'I GSAL BA LA MNGON SUM 'JUG PA SNGON DU 'GRO BA CAN YIN PA'I PHYIR RO, ,GAL TE SPYI LA MNGON SUM 'JUG NA NI DER RJES SU DPAG PAS CI BYA, RANG GI MTSAN NYID RJES SU DPAG PAS 'GRUB PA NA SPYI'I RANG BZHIN LA BRTEN PAR 'GYUR PA YIN TE, KHYAD PAR DU MA RTOGS PA'I RANG GI MTSAN NYID KHO NA SPYI YIN NO, ,DES NA MNGON SUM GYI YUL LA RJES SU DPOG PA MA YIN NO ZHES BYA BA'I DON KYANG RJES SU DPAG PAS RTOGS PA NI MNGON SUM NYID MA YIN NO ZHES BYA BA 'DI NYID YIN NO, ,DES NA DE NI MNGON SUM GYIS MI RTOGS SO, ,ME NI TSANG BANG LA SOGS PAR MNGON SUM GYIS

, ,RTOGS PA NYID DO PHYOGS MNGON SUM GYIS GNOD PA BYA BA 'DIR YANG DON 'DI NYID DO, ,DE LAS BZLOG PA'I BSAM PA LA MNGON SUM ZHUGS PA'I PHYIR GANG LA GSAL BA MED PA DER NA SPYI MI SRID PA NYID DO, ,SPYI NI GSAL BAS GSAL BAR BYA BA YIN PA'I PHYIR RO, ,GZHAN YANG, SGRA MNYAN PAR BYA BA MA YIN NO ZHES BYA BA NI RANG GI MTSAN NYID BKAG PA NYID PHYOGS YIN NO ZHES STON PAR 'GYUR RO, ,BKAG PA BZLOG PA YANG YUL GANG BKAG PA DE NYID KYI SGO NAS BZLOG PA YIN GYI, GZHAN GYIS NI MA YIN TE GZHAN NI DE DANG MI 'GAL BA'I PHYIR RO, ,GAL TE MNGON SUM RJES SU DPAG PAS GSAL BAR CI LTAR DOGS PAR 'GYUR TE, DE'I RJES SU DPAG PA SGRA'I YUL CAN MA YIN PA'I PHYIR RO ZHE NA, DE NYID KYI PHYIR SEL BAR BYED PA MA 'BREL PA BRJOD PA YIN PAS NA ZLOG PAR BYED DO, ,YANG NA MTHONG BA DANG RNAM PAR BRTAG PAR BYA BA'I DON DAG GCIG TU ZHEN PA'I PHYIR SKYON MED DO, ,CHOS CAN GRUB PA SGRUB PA NI PHYOGS KYI SKYON MA YIN TE, DER GTAN TSIGS NYIS SKYON CAN DU 'GYUR BA'I PHYIR RO, ,GTAN TSIGS KYI SKYON DU 'GYUR BA GANG YIN PA DE NI PHYOGS KYI SKYON MA YIN TE, DE'I GTAN TSIGS KYI SKYON YIN PA NYID KYIS NA GTAN TSIGS KYI MTSAN NYID KHO NAS SEL PA'I PHYIR RO, ,GTAN TSIGS KYIS BSAM PA NI PHYOGS KYI MTSAN NYID KYANG BSAL BAR BYA BA MA YIN TE, DON MED PA'I PHYIR DANG YUL MA YIN PA'I PHYIR RO, ,DE BSHAD PA NI, RGYU SOGS PA MTSAN NYID BSAL BYA LA, ,LTOS PA MED PAR MA KHYAB DANG, ,LDOG PA DAG NI SPANG BYA'I PHYIR, ,PHYOGS KYI MTSAN NYID BSHAD PA YIN, ,GTAN TSIGS DANG DPE'I MTSAN NYID KYIS BSAL BA NYES PA GZHAG STE, NYES PA GZHAN SPANG BA'I PHYIR PHYOGS KYI MTSAN NYID BRJOD PA YIN NO, ,'DI LTAR MTSAN NYID MTHA' DAG MA KHYAB PA DANG LDOG PA SPANG BAR BYA BA'I DON DU YIN NO, ,MTSAN NYID GZHAN GYIS BSAL BA'I NYES PA GANG YIN PA DE NI MA SPANGS KYANG MTSAN NYID MA KHYAB PA DANG, HA CANG KHYAB PAR 'GYUR BA YIN PAS MTSAN NYID DE TZAM YIN MOD, GZHAN GYIS CI BYA, GANG GI DON DU DE BYAS PA DE NI GZHAN GYIS SPANG BA'I PHYIR RANG NYID SMOS PA NI DON MED PAR 'GYUR RO, ,'O NA MA KHYAB PA DANG LDOG PA DE GANG GIS SEL CE NA, 'DIR SMOS PA, RANG NYID TSIG PHRAD

NGO BO'I SGRA, ,MA BSAL BA DANG BCAS PA DANG, ,LDOG PA SEL BAR BYED PA YIN, ,'DOD SGRA KHYAB MED SEL BAR BYED, ,'DI TZAM GYIS MTSAN NYID YONGS SU RDZOGS PA'I PHYIR GZHAN GYIS CI DGOS, GAL TE RANG NYID CES MA BYAS PA NI BSTAN BCOS PA'I 'DOD PA YANG THAL BAR 'GYUR RO, ,TSIG PHRAD MA BYAS NA NI YANG MA GRUB PA SGRUB PAR BYED PA NYID DU BSTAN PAR 'GYUR LA, RANG GI NGO BOS ZHES BYA BA MA BYAS NA NI MA GRUB PA'I CHOS CAN PHYOGS SU THAL BAR 'GYUR RO, ,DE LAS GZHAN PA'I SKYON NI MED PAS NA, DE'I DON DU RANG NI NYID SMOS PA DON MED PAR 'GYUR TE, NYES PA MA YIN PA'I SPONG BA'I DON CAN DU 'GYUR PA'I PHYIR RO, ,'O NA NI CI'I PHYIR MA BSAL BAS SMOS, GAL TE BSAL BA YANG 'GA' ZHIG DER PHYOGS SU BYED NA GTAN TSIGS KYI SKYON NYID DU 'GYUR BAS DE NYID KYIS BZLOG PA'I PHYIR RO ZHE NA MA YIN TE, MA BSAL BA'I TSIG DANG LHAN CIG SMOS PA NI LDOG PA 'GOG PAR BYED PA'I PHYIR RO ZHES BSAM PA YIN NO, ,MA BSAL PA'I TSIG MED PAR NI LDOG PA BSAL BAR NUS PA MA YIN NO, ,NYES PA DE NI GTAN TSIGS KYI MTSAN NYID KHO NAS BKAG PA'I PHYIR RO ZHE NA MA YIN TE, DE NI PHYOGS TZAM LAS 'GYUR BA YIN PA'I PHYIR, DE NI GTAN TSIGS KYI SKYON MA YIN NO, ,GAL TE 'DOD PA YANG BSAL BA YIN NA; PHYOGS MA YIN NA 'O NA CI'I PHYIR 'DOD PA SMOS SHEN, BSHAD PA, 'DOD SGRAS KHYAB MED SEL BA YIN, ,BSAL BA NYID KHYAB PAR 'DOD PA NI MA YIN TE, MA BSAL BA YANG KHYAB PA'I YUL DU SRID PA'I PHYIR RO, ,YANG NA 'DOD SGRAS KHYAB MED SEL BA YIN ZHES BSHAD PA'I PHYIR KHYAB PA'I DON DU YIN NO; ,DES NAM BSAL BA YANG KHYAB PA YIN NO, ,DES SMRAS PA NI MA BSAL BA DANG BCAS PA DAG CES BYA BA'O, ,GAL TE MA BSAL BA'I TSIG MA BYAS PA NI 'DOD PA SMOS PAS NI DE YANG KHYAB PAR 'BYUNG BA YIN NO, ,MA BSAL BA'I TSIG DANG LHAN CIG YIN NA SRID PAR GAL 'GYUR, DES NA GAL TE BSTAN BCOS LAS MTHONG BA'I DON YANG BSGRUB PAR BYA BA YIN NA, DE RANG NYID KYI TSIGS DANG BRAL BA'I MTSAN NYID DE TZAM GYIS RTOGS PA'I PHYIR GZHAN GYIS CI BYA, DE LA, BSGRUB BYAR KHAS BLANGS PHYOGS MTSAN NYID, ,DE RNAMS LA NI PHYOGS MED NYID, ,BSAL BA GNOD DANG LHAG MA LA, ,MTSAN

, ,NYID 'JUG PA MED PHYIR RO, ,'DIR NI DE KHO NA'I DON 'DI YIN TE, BSGRUB PAR BYA BA KHAS BLANGS PA PHYOGS KYI MTSAN NYID YIN NO ZHES BYA BA'I DON TO, ,BSAL BA LA SOGS PA DAG KYANG KHAS BLANGS PA YIN PA'I PHYIR DE DAG KYANG PHYOGS SU 'GYUR RO ZHE NA, DE NI MA YIN TE, BSAL BA GNOD PA'I PHYIR DANG, GRUB PA LA SOGS PA LHAG MA LA MTSAN NYID MI 'JUG PA'I PHYIR, 'DOD PA NYID LA MTSAN NYID 'JUG GI ,GZHAN DU NI MA YIN NO, ,DE NI DE LTA MA YIN TE, 'DI BSTAN PAS CI ZHIG BYA, ,'DIR CI ZHIG BSGRUB CES BSGRUB PA BSTAN PA YIN NO ZHE NA, MA GRUB SGRUB BYED MIN DON BRJOD, ,RGOL BAS KHAS BLANGS PA GZUNG NGO, ,ZHES BSGRUB PAR SNGAR NYID BSTAN ZIN PA YANG MA YIN NAM, DE NYID KYI MJUG BSDU BA YIN NO ZHES KYANG RGYAS PA MA YIN TE, GANG ZHIG 'DIR NI DON 'DI YIN NO ZHES BSTAN ZIN PA DE LA MJUG BSDU BAS CI ZHIG BYA, GZHAN DAG SMRAS PA NI PHYOGS KYI MTSAN NYID BYAS PA 'DI NI RNAM 'GREL BYED PA NYID KYIS YIN NO, ,'DI LTAR, RNAM 'GREL GYI MTSAN NYID NI MDO RNAMS LA MI RIGS PAR BRGAL BA DANG, DE'I LAN DANG KHYAD PAR BRJOD PA YIN TE, DES NA 'DI NI KHYAD PAR BRJOD PA YIN NO ZHES SO, ,DE YANG MA YIN TE, BSGRUB PAR BYA BAR KHAS BLANGS PA ZHES BYA BAS NI SGRUB PAR BYED PA NYID DU 'DOD PA DANG, BSTAN BCOS BYED PA'I 'DOD PAS MA BZLOG PA NYID DO, ,'ON TE SGRUB PAR BYED PA NYID DU ZHES 'CHAD PAR BYED PA YIN TE, SGRUB BYED NYID DU 'DOD PA NI BSGRUB PAR BYA BA NYID DU 'DOD PA MA YIN NO ZHE NA DE YANG MA YIN TE, DE NI BSGRUB PAR BYA BA NYID DU YANG 'DOD PA KHO NA'O; ,'ON TE BSGRUB PAR BYA BA NYID KHO NAR KHAS BLANGS PA ZHES NGES PAR BZUNG BA YIN NA, DE'I TSE DE SGRUB PAR BYED PA NYID DU KHAS BLANGS BZLOG PA'I DON YIN PA'I PHYIR MA BRJOD KYANG, 'DOD PAS KHYAB PA BSGRUB BYAR MI 'GYUR RO, ,'O NA BSGRUB PAR BYA BA NYID DU KHAS LEN PA NI PHYOGS KHO NA'O ZHEN DE LTA YIN NA; SGRUB PAR BYED PA NYID DU KHAS BLANGS PA YANG BSGRUB PAR BYA BA NYID DU KHAS BLANGS PA PHYOGS PA NYID DU GYUR PAS DA NI GNYI GA MI SRID PA MA YIN TE, 'DI MING GCIG GI DBANG DU BYAS PA MA YIN NO, ,BSTAN BCOS BYED PA'I 'DOD PA YANG 'GYUR TE, DE LA YANG KHAS BLANGS PA YONG PA'I PHYIR RO, ,'ON TE

NYE BA'I PHYIR RGOL BA NYID KYIS KHAS BLANGS PA THOB BO ZHE NA, DE NI MA YIN TE, BSTAN BCOS BYED PA'I 'DOD PA YANG RGOL BAS KHAS BLANGS PA'I PHYIR RO, ,GZHAN YANG KHYAB PA'I RIGS PAS ZHES CI STE KHAS MI LEN, BLOS BYAS PA'I NYE BA BSTAN BCOS BYED PA'I 'DOD PA LA YANG YOD PA'I PHYIR RO, ,NYE BA NYID NI MA NGES PA YIN NO, ,BSAL BA BSGRUB PAR BYA BAR KHAS BLANGS PAR YANG 'GYUR RO, ,GAL TE BSAL BAS NI GNOD PAS BSGRUB PAR BYA BAR KHAS BLANGS PA MED PA'I PHYIR RO, ,BSGRUB PAR 'OS BAS NA BSGRUB BYA YIN PA'I PHYIR RO ZHE NA, DE NI MA YIN TE, DE LTA NA NI BSGRUB PAR BYA BA BSTAN PA NI DAM BCAS PA'I ZHES BYA BA 'DI YANG KHA NA MA THO BA MED PAR 'GYUR RO, ,MTSAN NYID KYI RJES SU 'BRANG BAS NA CI LTAR 'OS PA DANG ME 'OS PA RIG ,DE'I PHYIR DE NI MA YIN TE, DE LTA NA NI 'O NA 'DI NI RIGS PA'I SGO NAS PHYOGS KYI MTSAN NYID YIN TE, BSGRUB PAR BYA BA NYID DU 'DOD PAR 'GYUR BA 'GAL BA'I DON GYIS MA BSAL BA NI PHYOGS YIN NO ZHES BYA BA'O, ,DE LA 'DI LTAR BRJOD DE, GAL TE RANG GI TSIG PHRAD DANG NGO BO'I SGRA DAG LDOG PA SEL BAR BYED PA YIN NA, RIGS PA'I SGO LA DE MED PA'I PHYIR CI LTAR LDOG PA BKAG PAR 'GYUR ZHE NA, BSGRUB BYAR KHAS BLANGS ZHES BYA BA LA SOGS PA SMOS SO, ,DER YANG BSAL BA GNOD PA'I PHYIR DANG, LHAG MA LA PHYOGS KYI MTSAN NYID 'JUG PA MED PA'I PHYIR SKYON MED DO, ,'DOD PAR 'GYUR BA ZHES BYA BA NI BYUNG BAR GYUR PA'I DUS BRJOD PA NAS STA'I RKYEN NYID YIN PAS BSGRUB BYA NYID DU 'DOD PAR 'GYUR BA LA MI 'JUG PA NA DE NYID KYIS DE BZLOG PA'I PHYIR SKYON MED DO, ,GAL TE DE LTA NA 'DOD PA SMOS PAS SGRUB PAR BYED PAR BKOD PA BSAL BAS, TSIG PHRAD SMOS PA DON MED DO ZHE NA, DE NI BDEN TE, RANG NYID 'DOD PA BRJOD PA YIS, ,NGES BZUNG DON NI RTOGS NA YANG, ,BYED BA'I MTHA' DANG 'BREL PA'I PHYIR, ,DUS GZHAN BCAD PHYIR BSHAD PA YIN, ,GAL TE GTZO BOR 'GYUR BA'I BYED PA PO'I MTHA' DANG 'BREL PA MA YIN NA NI RANG NYID 'DOD PA ZHES BYA BAS DUS GZHAN GCOD PAR 'GYUR BA ZHIG NA, 'BREL PA YIN PA DES NA DUS GZHAN DU 'DOD PAS YUL DU BYAS PA YANG PHYOGS NYID DU 'GYUR RO, ,GAL TE DE LTA NA NI RIGS PA'I SGOR YANG DE BZLOG PA'I PHYIR TSIG PHRAD SMOS

, ,PA DE BYA BAR 'GYUR RO ZHE NA, 'DI LA SMRAS PA, 'DOD RKYEN 'DI NI YAN LAG MIN, ,'DOD PAR GYUR PA'I TSIG DAG LA, ,YAN LAG YIN TE DE YIS NI, ,GTAN TSIGS MA GRUB LA SOGS 'GOG ,TSAD MA KUN LAS BTUS PA 'DIR, ,BSTAN PAR BYA BA NI PHYOGS YIN NO,, CI LTAR 'GYUR BA ZHE NA, 'DOD PAR GYUR PA ZHES BYED PA'I MTHA' GTZOR 'GYUR BA YIN TE, DES NA DUS GZHAN DANG 'BREL PAR 'GYUR RO, ,DPER NA LHAS BYIN 'ONGS PA MTHONG BAR 'GYUR RO ZHES BYA BA BZHIN NO, ,DES NA NGES PAR BZUNG BAS DUS GZHAN DU 'DOD PA GCOD PA YIN NO, ,'DOD RKYEN 'DIR NI YAN LAG MIN, ,DES NA 'DOD 'GYUR TSIG DAG LA, ,YAN LAG NYID YIN ZHES BYA BA'I BZLOG PA DANG 'BREL PA YIN TE, 'DOD PAR GYUR PA'I TSE GANG DAG NI YAN LAG MA YIN TE, GTZO BO NYID YIN PA 'DIR YAN LAG YIN NO ZHES BYA BA BSHAD PAR BYA'O, ,YANG NA TSAD MA KUN LAS BTUS PA 'DIR NI 'BYUNG BA'I DUS SU SGRUB PAR BYED PA'I YAN LAG MA YIN LA, RIGS PA'I SGOR 'DOD PAR BYED PA'I TSIG LA NI YAN LAG NYID YIN PAS NA, STA'I RKYEN DES GTAN TSIGS MA GRUB PA LA SOGS PA 'GOG PA NYID DO, ,DES NA 'DIR TSIG PHRAD MA SMOS SO, ,DE'I PHYIR CHOS CAN BSGRUB PAR BYA BA NYID DU 'GYUR BA YIN PA'I PHYIR NI, RANG NYID SMOS PA MA YIN LA, BSTAN BCOS LA 'DOD PAS 'JUG PA'I DON KYANG MA YIN TE, SNGAR BSHAD PA'I RIGS PA NYID LAS SO, ,RJOD BYED MIN PHYIR YANG MI RIGS, ,DE RANG BDAG NYID KYIS 'DOD DE, ,BSTAN BCOS KUN LA LTOS MED PAR, ,DE 'DOD PA NI BSGRUB BYA NYID, BSTAN BCOS GANG 'GA' ZHIG TU BDAG NYID GNAS PAR BYA BA DANG, RANG NYID RAB TU GRUB PA NI CHOS CAN YIN NO ZHES BYA BAR NI RANG NYID SMOS PAS RJOD PAR BYED PA MA YIN PA'I PHYIR MI 'THAD DE, DE RANG BDAG NYID KYI 'DOD PA YIN GYI, 'CHAD PA PO GZHAN GYI 'DOD PA NI MA YIN NO, ,DE'I PHYIR BSTAN BCOS MTHA' DAG LA ME LTOS PAR DE'I 'DOD PA BSGRUB BYA NYID DO, ,DES NA MI 'DOD DANG 'BREL BA'I, ,'DOD PA LA YANG GNOD PA NI, ,CI LTAR SGRUB LA GNOD MED PHYIR, ,PHYOGS DANG GTAN TSIGS SKYON MED NYID, ,DES NA 'GA' ZHIG BSGRUB PA NA, ,BSTAN BCOS BYED PA'I 'DOD PA DANG 'BREL PA LA GNOD KYANG,

BSGRUB BYA CI LTA BA LA GNOD PA MED BA'I PHYIR PHYOGS DANG GTAN TSIGS SKYON MED PA YIN NO, ,DE LTA MA YIN PA'I SKYON LA NI SUN 'BYIN PA BRJOD PA MA YIN NO, ,GAL TE BSTAN BCOS BYED PA 'DOD PA LA GNOD NA BSGRUB PA DES CI ZHIG BYA STE NUS PA NYAMS PA'I PHYIR RO ZHE NA, 'DI LA NI BSTAN BCOS LA LAR 'GAL ZHES BRJOD ZIN TO, ,GZHAN YANG, THAMS CAD RLAG PAR 'GYUR BA LAS, ,CUNG ZAD CIG NI THOB PA BLA, ,BUM PA KHRON PAR LHUNG BAS NA, ,THAG PA'ANG SKYUR BAR RIGS MA YIN, ,DE'I PHYIR, RANG NYID TSIG PHRAD NGO BO'I SGRA, ,MA BSAL BA DANG BCAS PA DAG ,LDOG PA LA NI GNOD BYED YIN, ,ZHES BYA BA BSHAD PA YIN NO, ,DE LAS MA BSAL BA'I TSIG LUS PAS DE 'CHAD PA NI, KHAS BLANGS DE YANG TSAD MA NI, ,DAG GIS DGAG MED YIN PAR 'DOD, ,'DI LA RIGS PA CI YOD CE NA,, ,,BAM PO LNGA PA, GTAN TSIGS THE TSOM LA BRJOD PHYIR, ,TSAD MA GCIG GIS PHYIN CI LOG TU BSGRUBS BAS NA DE MED NA NI TSAD MA GTAN TSIGS KYI RTEN MA YIN NO, ,DES SMRAS PA NI, BSAL BA GTAN TSIGS RTEN MA YIN, ,GAL TE SGRUB PAR BYED PA'I GTAN TSIGS YOD NA CI'I PHYIR PHYOGS MA YIN, DE STE MA YIN NA DE'I TSE GTAN TSIGS KYI NYES PAR 'GYUR BAS, MA BSAL BA SMOS PAS CI ZHIG BYA ZHE NA, DE NI BDEN MOD KYI 'ON KYANG PHYOGS KYI NYES PAS DANG PO NYID DU BSAL BAS NA GTAN TSIGS KYI SKYON LA CI NAS KYANG MI LTOS PAR 'GYUR BAR BYA BA'I PHYIR YIN NO, ,DES NA 'DI NI PHYOGS KYI SKYON NYID DE, DE TZAM LA 'GYUR BA'I PHYIR RO, ,MNGON SUM DANG RJES SU DPAG PA DAG GIS BSAL BA LA NI SGRUB PAR BYED PA 'GA' ZHIG LA LTOS PA YOD PA MA YIN NO, ,DE LTA YIN NA SGRUB PAR BYED PA DE LA YANG YID CHES PA MED PAR 'GYUR RO, ,DE'I PHYIR GTAN TSIGS KYI YUL NI THE TSOM ZA BA YIN NO, ,THE TSOM GYIS NI SGRUB PAR BYED PA DANG GNOD PAR BYED PA'I TSAD MA MED PA TZAM ZHIG MTSON PA YIN GYI, THE TSOM MNGON DU GYUR PA NYID NI MA YIN TE; THE TSOM MNGON DU MA GYUR KYANG RJES SU DPAG PA LA GLO BUR DU MA RTOGS PA NYID DO, ,YANG NA GANG LA THE TSOM BSKYED PAR NUS PA YOD PA DER GTAN TSIGS KYI YUL NYID YIN PAR 'GYUR TE, SGRUB PA DANG GNOD PAR BYED PA'I TSAD MA DAG GIS RANG GI NGO BO DANG DE LAS BZLOG PA DAG TU NGES PA NI MA YIN NO, ,

, ,GAL TE TSAD MA DAG GIS MI GNOD PA GTAN TSIGS BRJOD PA'I YUL YIN NA DE LTA NA GNOD PA RNAM GNYIS YIN PA'I PHYIR, CI LTAR SLOB DPON GYIS RNAM PA BZHIR BSTAN ZHE NA, 'DIR BRJOD PA, RJES SU DPAG PA'I DBYE BA YIS, ,GNOD PA DE NI RNAM BZHIR BSHAD, ,RJES SU DPAG PA'I GNOD PA NI RNAM PA GSUM DU BSTAN PA BZHI PA NI MNGON SUM GYIS GNOD PA YIN PA'I PHYIR GNOD PA RNAM PA BZHIR BSTAN GYI GNOD PAR BYED PA'I GNOD BYED RNAM PA GNYIS NI MA YIN NO, ,DE LTA NA 'O NA LUD DANG GRAGS PA DAG GIS GNOD PA YANG RTAGS NYID LAS YIN PAR 'GYUR TE, DE LTA MA YIN NA RJES SU DPAG PA'I DBYE BAR MI 'GYUR RO ZHE NA, DE NI BDEN TE, 'DI LTAR DE LA KHAS BLANGS 'BRAS RTAGS TE, ,'GRO LA GRAGS PA RANG BZHIN RTAGS, ,YID CHES PA'I TSIG NI 'BRAS BU DANG MTHUN PA YIN LA, GRAGS PA NI RANG BZHIN DANG MTHUN PA YIN NO, ,CI'I PHYIR RTAGS 'DI DNGOS NYID MA YIN ZHE NA, BSHAD PA, YANG DAG NGES LDAN BRJOD 'DOD PA, ,BDAG GZHAN YID CHES MTSUNGS PA YI, ,PHYIR NA RANG GI TSIG DANG NI, ,BSTAN BCOS GCIG TU BSHAD PA YIN, ,TSAD MAS GRUB PA'I YID CHES PA NI 'GA' YANG YOD PA MA YIN TE, PHA ROL PO NYES PA THAMS CAD DANG BRAL BA NI THAMS CAD MTHONG BA MA YIN PAS RTOGS PAR MI NUS PA'I PHYIR TE, THA SNYAD 'CHOL BAS RJES SU DPAG PA LAS KYANG NGES PAR NUS PA MA YIN PA'I PHYIR RO, ,DES NA THAMS CAD MED PAS YID CHES PAR KHAS BLANGS PA YID CHES PA YIN GYI DON DAM PAR NI MA YIN PA'I PHYIR NA GANG MTSUNGS PAR BSTAN PA'I DON DU RANG GI TSIG DANG LHAN CIG TU SMOS PAR BYAS SO, , 'DI LTAR, DE LTAR BDAG NI TSAD MIN NA, ,TSIG 'DI 'JUG PAR MI 'GYUR BAR, ,DE BZHIN BSTAN BCOS GRAGS DON LA, ,DER BSTAN MIN NA DPYOD PA YANG, ,GAL TE BDAG NYID TSAD MAR KHAS MI LEN NA NI TSIG MI 'JUG PA NYID DU THAL BAR 'GYUR RO, ,DPER NA SMAS PA THAMS CAD BRDZUN YIN NO ZHES BA BA LA, GAL TE BDAG GIS NI THAMS CAD BRDZUN NYI TSE BRJOD PA YIN NO ZHES KHYOD KYIS KHAS LEN PA YIN NA NI DE'I TSIG LAS NI RTOGS PAR BYA BA YIN TE, NGA'I TSIG LAS NI CUNG ZAD KYANG BYA BA MA YIN NO ZHES BYA BA'I DON 'DI BRJOD PAR 'GYUR RO, ,DE LTA NA NI BDAG NYID DU KHO BO CAG NGAL BAR BYAS NAS TE, DON

DE NI MA BRJOD KYANG GRUB PA'I PHYIR RO, ,GANG YANG MKHAS PA'I RTOGS PAS BSGYUR BA'I BLO CAN GYIS BRJOD PA DE YANG GSAL BA NYID DE JI SKAD DU SMRA BA THAMS CAD BRDZUN YIN NO ZHES BYA BA DE NI 'GOG MIN TE, GAL TE DE YANG 'GOG NA NI, ,SKABS KYI DON MI 'GRUB MI 'GYUR, ,ZHE'O, ,'DI LTAR DUS GSUM 'GOG PA LA YANG NI TSIG 'DI 'BREL PA NYID MA YIN, TSIG 'DI TSAD MA MA YIN NA, BRKUS NAS BOR BAR 'GYUR BA YIN, ,GAL TE BRJOD PA THAMS CAD BRDZUN PA YIN PA DE LTAR BSTAN PA YIN NA RANG GI TSIG DANG 'GAL BA LAS MI 'THAD PA NYID DO, ,TSIG 'JUG PAS BDAG NYID TSAD MAR GYUR PAR KHAS BLANGS PA YIN PA DES NA JI LTAR DE TSAD MA MA YIN PAR STON, PHYIS 'GYOD PA'I PHYIR RO ZHE NA, DE LTAR NA YANG 'GAL BA NYID DE MA BSTAN PA NYID BLA STE, BDAG NYID DUB PAS CI BYA, MA DPYAD PAR BYAS PA YIN NO, ,'DI NYID SKYON TE BRTAGS PA LA SOGS PA YIN NO, ,'ON TE BRDZUN SMRA'O ZHES BYA BA 'DI DA LTAR DANG MA 'ONGS PA 'GOG PA YIN NO ZHE NA, DE'I TSE YANG BRJOD PA 'DIS CI BYA, 'BYUNG BAR 'GYUR BA LA NI, NYAN PA NYID MED PAS CI'I DON DU BRJOD, DZAB MKHAN GYI DZAB TSIG DANG 'DRA BAS SKYON MED DO ZHE NA, ,MA YIN TE RTZOD PA'I SKABS YIN PA'I PHYIR RO, ,RTZOD PA'I DON NI DNGOS PO LA GTAN LA PHEBS PA YIN NO, ,DES NA DE'I NI MA YIN NO, ,DE BZHIN DU DE KHAS MA BLANGS NA BSTAN BCOS LAS GRAGS PA'I DON LA DPYOD PA YANG MI 'DZUG PAS NA BSTAN BCOS DANG TSIG DAG NI MTSUNGS PA NYID DO, ,MTSUNGS PAR BSTAN PHYIR BSTAN BCOS DE'I, ,SKABS RTEN NYID NA GNOD BYED CES, ,DON 'DI BSTAN PA'I CHED DU 'DI, ,RANG GI TSIG DANG LHAN CIG BSHAD, ,GAL TE BSTAN BCOS KHAS MA BLANGS NA CI LTAR DE'I DON LA DPYOD GAL TE BSTAN BCOS MED NA CHOS CAN NYID MED PAR 'GYUR BA'I PHYIR DPYOD PA MI 'JUG PA YIN NA DE'I TSE BSTAN BCOS GNOD PAR BYED PA YIN GYI GZHAN NI MA YIN NO ZHES BSTAN PA'I PHYIR LHAN CIG BSHAD DO, ,LHAN CIG BSHAD PA MA YIN PA NI PHA ROL PO DAG BSTAN BCOS RANG GI TSIG PAS NUS PA LHAG PAR 'DOD PA'I PHYIR DE LTA BU NYID DU 'GYUR RO, ,DES NA 'DI LA DPE DAG KYANG, ,MTSUNGS PA NYID DU BSTAN PA YIN, ,TSAD MA RNAMS NI YOD MIN NA, ,BSTAN BCOS TSIG NI RUNG PHYIR RO, ,

, ,DE NYID KYI PHYIR MTSUNGS PAR BSTAN PA'I DON DU DPE 'DRA BAR BSHAD DE, TSAD MA SPONG NA BSTAN BCOS DANG TSIG MI 'THAD PA'I PHYIR RO, ,TSAD MA 'GOG NA BSTAN BCOS KYANG TSAD MAR MI 'GYUR BA'I PHYIR CI ZHIG KHAS LEN TE, DES NA PHAN TSUN 'GAL BA TZAM NYID DU 'GYUR RO, ,RANG GI TSIG 'GAL MA GSAL BA'I, ,LUNG LA PHYOGS TZAM BSTAN PA YIN, ,DE LA MA 'ONGS PA NA CHOS, ,BDE BA MI SGRUB CES BYA YIN, ,GAL TE TSAD MA YOD PA MA YIN NO ZHES BYA BA 'DI CI LTAR BSTAN BCOS DANG 'GAL BA YIN, TSAD MA'I CHOS CAN NI BSTAN BCOS NYID LAS 'GYUR BA MA YIN NO, ,GAL TE TSAD MA 'GA' YANG MED PA MA YIN NA CHOS CAN LA SOGS PA GA LAS 'GRUB PAR 'GYUR TE, DES NA RANG GI TSIG DANG 'GAL BA YIN NO, ,CI STE 'GA' ZHIG GRUB PAR KHAS LEN NA, GANG LAS DE GRUB PA DE NYID TSAD MAR 'GYUR TE, GZHAL BYA BSGRUB PA NI TSAD MA NYID LAS YIN PA'I PHYIR RO, ,TSAD MA MED NA NI, 'GA' YANG SHES PA MED DO ZHES BRJOD PAR BYA BAR 'GYUR RO, ,DES NA 'DI BSTAN BCOS DANG 'GAL BA NI MA YIN NO, ,GAL TE BSTAN BCOS KHAS MA BLANGS PAS SMRA NA 'GYUR BA YIN PA'I PHYIR NYES PA MED DO, ,BSTAN BCOS KHAS BLANGS SO ZHES CI LTAR RTOGS PAR BYA ZHE NA, 'DI NI BDEN TE DE NYID KYI PHYIR 'DIR BSTAN BCOS DANG 'GAL BA LA BSAL BA'I DPE MA YIN TE PHYOGS TZAM ZHIG BSTAN PA YIN TE, RNAM 'GREL BYED PAS BSAL BA'I DPE BSHAD PA NI, MA 'ONGS PA NI CHOS BDE BSGRUB PAR BYED PA MA YIN NO ZHES BYA BA'O, ,RNAM PA 'DI LTA BU'I YUL LA NI GDON MI ZA BAR BSTAN BCOS KHAS BLANGS PAR BYA BA YIN PA'I PHYIR 'DI NYID BSTAN BCOS DANG 'GAL BA LA BSAL BA'I DPE YIN NO, ,DE'I PHYIR 'DIR RANG GI TSIG BZHIN DU PHAN TSUN 'GAL BA YIN NO, ,DE LTA NA NI 'O NA GANG DU CHOS CAN TSAD MAS GRUB PA DER BSTAN BCOS KHAS BLANGS PAS GNOD PAR BYED PA NYID DE TSAD MA YIN PA'I PHYIR RO, ,BSTAN BCOS LA YANG GRUB PA'I CHOS CAN LA NI DE KHAS BLANGS PA DE'I DBANG NYID KYIS DE'I GNOD PAR BYED PAR 'GYUR RO ZHE NA, 'DIR BSHAD PA, DE LA BRTEN MIN DNGOS PO LA, ,BSTAN BCOS DANG 'GAL BRJOD NA YANG, ,GNOD PA MA YIN GNYIS PO DAG ,NUS PA MTSUNGS PHYIR GEGS BYED 'GYUR, ,BSTAN BCOS

DANG RANG GI TSIG DAG NI KHAS BLANGS PA THAMS CAD TSAD MAS GRUB PA'I PHYIR KHYAD PAR GZHAN NI GCIG KYANG MED DO, ,DES NA GNYI GA YANG STOBS MTSUNGS PA'I PHYIR GEGS NYID YIN GYI, GNOD PAR BYA BA DANG GNOD PAR BYED PA'I DNGOS PO NI MA YIN NO, ,DPER NA RANG GI TSIG BZHIN TE, ,DE YANG DE TSE RANG TSIG DAG ,DE DAG GANG LA TSAD MA YOD, ,DE NI GZHAN LA GNOD BYED 'GYUR, ,DE LTA MIN NA RIGS BRAL GYI, ,DAM BCA' NUS PA MTSUNGS PA YIS, ,DAM BCA' CI BZHIN DON CAN GYI, ,RJES DPAG LA NI CI LTAR GNOD, ,LUNG RNAMS TSAD MA YIN PA NI, ,SNGAR NYID RNAM PAR BZLOG PA YIN, ,DE YI PHYIR NA KHAS BLANGS NAS, ,DPYOD PA DAG LA SKYON 'DI 'DOD, ,CES BYA BA NI BAR SKABS KYI TSIGS SU BCAD PA DAG GO, ,DES NA GNOD PHYIR RJES DPAG LA, ,KHAS BLANGS PHYI ROL 'GYUR MIN YANG, ,YUL GYI KHYAD PAR BSTAN PA YIN, ,PHYIR NA THA DAD BYAS PA YIN, ,DE NYID KYI PHYIR GNOD PAR BYED PAR KHAS BLANGS PA'I PHYIR LUNG RJES SU DPAG PA LAS PHA ROL DU 'GYUR BA MA YIN YANG, YUL GYI KHYAD PAR BSTAN PA'I PHYIR RJES SU DPAG PA LAS THA DAD PAR BYAS SO, ,RJES SU DPAG PA NI GNOD PAR BYED PA NYID YIN LA BSTAN BCOS NI GEGS BYED PA NYID DO, ,GEGS BYED PA DE YANG KHAS BLANGS PA YIN GYI GZHAN DU NI MA YIN NO, ,DE LTA MIN NA THAL CHES PA'AM, ,LOGS SHIG BYAS PA DON MED 'GYUR, ,RANG GI TSIG KYANG THA DAD PA, ,TSIG TZAM BRJOD LA GEGS BYED YIN, ,GAL TE DGOS PA MED KYANG RANG GI TSIG DANG BSTAN BCOS KYI TSIG DAG RJES SU DPAG PA LAS THA DAD PAR BYED PA YIN NA NI, ,DON MED PA'I PHYIR SMRA BA PO MI MKHAS PAR 'GYUR RO, ,'O NA NI RIGS PA'I SGOR RANG GI TSIG DANG KHAS BLANGS PA DANG 'GAL BDAG CI LTAR PHAN TSUN THA DAD PAR BYAS TE, GAL TE CI LTAR SMRA BA THAMS CAD BRDZUN NO ZHES BYA BA LTA BUR KHAS BLANGS PA'I DON BRJOD PA'I RANG GI TSIG GIS GNOD PA'AM, DPER NA 'UG PA LA SGRA RTAG GO ZHES BSGRUB PA LTA BUR SNGAR KHAS BLANGS PAS GNOD PA YIN NO ZHES TE, YUL THA DAD PAR MED NA NI SO SOR BSTAN PA DON MED DO ZHE NA, BDEN TE THA DAD PA MED PA KHO NA'O, ,DE LTA MOD KYI SNGAR GZHAG BA'I PHYIS NYAMS PAR BYED PA NI KHAS BLANGS PA DANG 'GAL BA YIN LA, DAG DE NYID RANG GI DON NYAMS PAR BYED PA NI, RANG GI TSIG

, ,DANG 'GAL BA YIN NO, ,DE YI BSTAN BCOS TSAD MAR NI, ,KHAS BLANGS PHYIR NA DNGOS KUN LA, ,GNOD BYED CE NA GAL TE DE, ,MIN 'DOD GNOD BYED YIN NAM CI, ,RANG TSIG 'GAL NA RANG TSIG DANG, ,BSTAN BCOS 'GAL THA DAD MED 'GYUR, ,GAL TE DE MI 'DOD NA CI GNOD PAR BYED PA YIN NAM, GAL TE MA YIN NO ZHE NA, DES 'DOD NA YANG GNOD PAR BYED PAR CI LTAR 'GYUR, 'DOD PA TSAD MA MA YIN NA NI TSAD MAR BYED PA NYID MA YIN NO, ,SNGAR KHAS BLANGS PA PHYIS GZHAN DU BYAS PA MA YIN NO ZHE NA, BYAS NA 'GAL BA CI ZHIG YOD, RANG GI TSIG DANG 'GAL BA NYID DO ZHE NA, DE LTA NA 'O NA RANG GI TSIG DANG 'GAL BAR KHAS BLANGS PAS NA RANG GI TSIG DANG 'GAL BA DANG BSTAN BCOS DANG 'GAL BA DAG THA DAD PAR MED PA NYID DU 'GYUR TE, BSTAN BCOS DANG 'GAL BA LA MI 'DRA BA MED DO, ,SKYES BU'I 'DOD PAS BYAS PAS NA, ,'DI TSAD NYID NI YONGS SU RDZOGS, ,GAL TE SKYES BU'I 'DOD PAS BSTAN BCOS TSAD MAR BYAS NA DE NI RANG GI TSIG LA YANG MA TSANG BA MED PAR YOD DO DES NA RANG GI TSIG LAS BSTAN BCOS KHYAD PAR MED DO, ,CI STE BSTAN BCOS NI RANG GI DON BSGRUB PA'I PHYIR KHAS BLANGS PAS NA TSAD MA YIN NO, ,RANG GI TSIG NI GZHAN GYI DON DU YIN TE DES NI DE TZAM YIN TE GZHAN GYI DON LA NI 'BAD PA CHEN PO MED PA'I PHYIR RO ZHE NA, DE NI MA YIN TE, 'DI LTAR, GAL TE YONGS SU BRTAGS YIN NA, ,DE NI TSAD MA GNOD BYED YIN, ,GAL TE BRTAGS PAR MI 'JUG NA, ,RANG GI TSIG LAS KHYAD PAR MED, ,GAL TE BRTAGS NAS KHAS BLANGS NA, ,DE'I TSE DON DE TSAD MA NYID KYIS GRUB PA YIN PA'I PHYIR TSAD MAS GNOD PA NYID DO, ,MA BRTAGS NA NI DE TSIG TZAM NYID YIN PAS RANG GI TSIG DANG 'GAL BA BSTAN BCOS DANG KHYAD PAR MED DO, ,DES NA GRAGS PA DON DAG YANG, ,BSTAN BCOS DOR NA NYES PA MED, ,LKOG GYUR NGAG LAS BSTAN BCOS NI, ,MI 'DOD DPYOD PA NYID MI 'JUG ,TSAD MAS RAB TU GRUB PA'I CHOS CAN LA DPYOD PA GEGS MED PA'I BSTAN BCOS 'DOR YANG NYES PA MED DO, ,'ON KYANG KHAS BLANGS PA DANG 'GAL BA 'GA' ZHIG STE, KHAS BLANGS PA 'GAL BA'I PHYIR RO, ,'DI BSTAN BCOS DANG 'GAL BA'I YUL BSAL BA NI MA YIN NO, ,BSTAN BCOS LAS GRUB PA'I CHOS CAN LA

NI BSTAN BCOS DOR NA DPYOD PA 'JUG MI SRID PA'I PHYIR BSTAN BCOS DANG 'GAL BA'I YUL BSAL BA NI DE NYID YIN NO, ,BSTAN BCOS MI 'DOD NA NI DE LA SEMS PA MI 'JUG PA KHO NA'O, ,DE LTA NA BSTAN BCOS LA BRTEN NAS, CHOS CAN LA SO SOR GZHAG PA DES NA DE GNOD PA CAN YIN NO, ,GAL TE BSTAN BCOS TSAD MA CAN MA YIN PAS JI LTAR SO SOR 'JOG CE NA, TSAD MA NYID DU KHAS BLANGS PA'I PHYIR RO, ,DE LTA NA NI RANG GIS KHAS BLANGS PA KHO NAS TSAD MAR BYAS PA CHOS CAN RNAM PAR 'JOG PAR BYED PA YIN LA CHOS GZHAN LA YANG DE NYID KYIS BSGRUB PA'I PHYIR RANG GI TSIG DANG 'GAL BA DANG BSTAN BCOS DANG 'GAL BA THA DAD PA MED PAR 'GYUR RO, ,'DI LA BRTAGS PA PHAL CHER NI, ,'GAL BA BRJOD YIN 'DI LTA STE, ,CHAGS SOGS CHOS MIN CA BA DANG, ,KHRUS KYIS CHOS MIN DAG 'GYUR BA'O, ,'DI SKAD DU YANG, SEMS KYI NANG NA GNAS PA'I SKYON, ,'JUG DOGS KHRUS KYIS DAG MI 'GYUR, , DE NI LAN BRGYAR BKRUS BYAS KYANG, ,CHANG BUM BZHIN DU GTZANG MI 'GYUR, ,ZHES BRJOD PA DANG, DE BZHIN DU YANG BRJOD PA NI, ,RANG GI SGO NAS KUN SHA 'KHYIL, ,BIL BA CAN DANG SNGON PO'I RI, ,KAN KHA LO YI 'JUG NGOGS SU, ,KHRUS BYAS YANG 'BYUNG SRID MA YIN, ,ZHES BYA BA LTA BU'O, ,GAL TE 'GA' YANG GNOD PA MA YIN GYI 'GAL BA TZAM DU ZAD PA YIN NA, 'O NA KHAS BLANGS PA DANG 'GAL BA DE CI'I DON DU YIN ZHE NA, MTHONG DANG MA MTHONG BA DAG LA, ,RIGS PAS GRUB DANG RANG TSIG GIS, ,GNOD BYED BSTAN BCOS GANG YIN DE, ,GZUNG BAR BYA PHYIR DPYOD 'JUG 'GYUR, ,MTHONG BA DANG MA MTHONG BA DAG, TSAD MA DANG RANG GI TSIG GIS MI 'GAL BA'I BSTAN BCOS KHAS BLANGS PAR BYA BA YIN GYI, DE LTA MA YIN PAR KHAS LEN NA NI RTOG PA SNGON DU BYED PA CAN DU MI 'GYUR RO, ,GRAGS PAS BSAL BA YANG PHYOGS MA YIN NO, ,DE LA GRAGS PA NI RANG BZHIN GYI RTAGS YIN NO, ,GAL TE YID CHES PA'I TSIG DON MED PAR MI 'BYUNG BA YIN TE, CI'I PHYIR ZHE NA, DE LTAR KHAS BLANGS PA'I PHYIR RO, ,DER NI KHAS BLANGS PA'I 'BREL PA YOD PA YIN GYI, TSAD MAS GRUB PA NI MA YIN PAS, 'BRAS BU'I GTAN TSIGS DNGOS PO NYID NI MA YIN NO, ,DE LA GAL TE GRAGS PA YANG DNGOS PO'I 'BREL PA CAN YIN NA, DE'I TSE RANG BZHIN

, ,GYI GTAN TSIGS DNGOS NYID YIN PAR 'GYUR RO, ,'ON TE KHAS BLANGS PAS BYAS PA YIN NA DE'I TSE, TSIG BZHIN DU KHAS BLANGS PA NYID PAS DE CI LTAR 'DI GNOD BYED GZHAN YIN PAR 'GYUR, GAL TE 'DI NI YID CHES PAS GNOD PA NYID YIN TE, GANG GI PHYIR KHAS BLANGS PA GNOD BYED DAG SKYE BO RNAMS 'DIR YID CHES YIN ZHES 'CHAD PAR 'GYUR BA YIN NO, ,MNGON SUM DON DANG RJES DPAG DANG, ,YID CHES GRANGS PAS MA BSAL BA, ,ZHES BYA BA NI GRAGS PA'I SGRA RE RE DANG 'BREL PA YIN TE, DES NA GNOD PA NI RNAM PA GSUM KHO NA YIN ZHE NA, DE NI MA YIN TE, RJES SU DPAG PA'I DBYE BA YANG, ,GNOD PA DE NI RNAM BZHIR BSHAD, ,CES SMOS PA'I PHYIR DANG, SLOB DPON GYIS KYANG GANG LA THUN MONG MA YIN PA'I PHYIR ZHES BYA BA LA SOGS PA'I TSIG GIS LOGS SHIG TU DPER BRJOD PA'I RNAM PA BZHIR BSTAN PA GZHUNG MA TSUGS PAR 'GYUR RO ZHE NA, 'DIR SMRAS PA, 'DI NI 'JIG RTEN THAMS CAD DANG, ,'GAL YIN SNGA MA RANG NYID DANG, ,YANG NA RANG BZHIN 'BRAS BU YI, ,NGO BOS THAL 'GYUR 'DI BYAS SO, ,'JIG RTEN THAMS CAD NGO BOS THAL 'GYUR 'DI BYAS SO, ,'JIG RTEN THAMS CAD KYI GRAGS PAS GNOD PA NI GRAGS PAS GNOD PA YIN LA, 'BA' ZHIG GI GRAGS PAS GNOD PA NI CIG SHOS SO, ,YANG NA 'DI NI RANG BZHIN GYI GTAN TSIGS KYI NGO BO NYID DANG, 'BRAS BU'I NGO BO GNYIS THAL BAS SGRUB PAR BYED PA NI GNYIS BSTAN PA YIN NO, ,'DI LTAR RGOL BAS NI DNGOS KYI SGRUB BYED DANG, THAL BA'I SGRUB BYED GNYIS NYID BYA BA YIN GYI RGOL BA'I TSIG DAG LA YANG RNAM PA GZHAN NI MA YIN NO ZHES BSTAN PA'I DON DU YIN NO, ,YANG NA, GANG PHYIR KUN TSE THA SNYAD PAS, ,SGRA DON RJES SU 'BRENG BA YI, ,BSTAN BCOS MA YIN DES DE LA, ,THA DAD PHYIR 'DIR LOGS SU BYAS, ,DNGOS MA YIN YANG GRAGS PA NI, ,GDON MI ZA BAR KHAS BLANG BAR BYA BA'I PHYIR LOGS SHIG TU BYAS SO, ,GAL TE BSTAN BCOS DANG RANG GI TSIG DAG KHYAD PAR 'GA' YANG MED PA'I PHYIR, ,BSTAN BCOS DANG 'GAL BA RANG GI TSIG DANG 'GAL BA NYID YIN NO, ,DES NA GZHAN RTOGS PAR BYED PA, BSTAN BCOS LAS RAB TU GRAGS PA'I CHOS CAN LA RTZOD PA BYED PAS NI, GDON MI ZA BAR BSTAN BCOS KYI TSIG DANG, RANG GI TSIG DAG TSAD MAR KHAS BLANG

BAR BYA BA NYID MA YIN NAM, DE'I LTAR NA GDON MI ZA BAR KHAS BLANG BAR BYA BA MA YIN PA YIN ZHE NA DE YANG MA YIN TE, GZHAN GYIS KHAS BLANGS PAS BSHAD PA'I PHYIR RO, ,RGOL BA GZHAN DAG NI RTZOD PA SGRUB PAS NA CHOS CAN GZHAN LA RTZOD KYANG BSTAN BCOS GDON MI ZA BAR KHAS BLANG BAR BYA BA YIN NO ZHES KHAS LEN TE; DES NA GDON MI ZA BAR BSTAN BCOS KHAS BLANG BAR BYA BA MA YIN NO ZHES BYA BA 'DI BSTAN PA'I PHYIR BRJOD PA YIN NO, ,YANG NA GRAGS PA NI BRJOD PAR 'DOD PA'I YUL CAN YIN LA, BSTAN BCOS NI DON DAM PA'I YUL CAN YIN PA'I PHYIR SO SOR NYE BAR BKOD DO, ,DE LA MA YANG YIN LA MO GSHAM YANG YIN NO ZHES BYA BA NI BRJOD PAR 'DOD PA'I DON GNOD PA NI MA YIN NO, ,DE'I PHYIR, YUL NI SPYI DANG CIG SHOS KYIS, ,THA DAD PAR NI BRJOD 'DOD PA, ,BSTAN BCOS GRAGS PAS GNOD PA YI, ,RNAM DBYE YIN PHYIR THA DAD NYID, ,ZHAR LA 'PHROS PA SONG ZIN TE, ,SKABS NYID LA 'JUG PAR BYA'O ,, GRAGS PA ZHES BYA BA 'DI CI ZHIG YIN, RE ZHIG GAL TE KHYAB PA DANG NYI TSE BA'I 'JIG RTEN GYI GRAGS PA MTHA' DAG GZUNG NAS NI DE'I TSE, RTAG PA NYID LA SOGS PA YANG 'JIG RTEN MTHA' DAG LA GRAGS PA YIN TE, DES NA TSAD MAS BKAG PA NA YANG 'JIG RTEN GYI GRAGS PAS GNOD PAR 'GYUR LA, TSAD MA DANG 'GAL BA GZHAN DAG LA YANG 'GYUR RO, ,GRAGS PA'I SGRAS BRJOD PAR BYA BA'I DON GZHAN NI YOD PA MA YIN NO, ,DE BZHIN DU MI MGO'I THOD PA MI GTZANG NGO ZHES BYA BA LA SOGS PA DAG LA YANG 'GYUR RO, ,'ON TE BSTAN BCOS LAS BRJOD PA GNOD PAR MI RIGS SO ZHE NA, DE LTA YIN NA RTAG PA DANG BDAG LA SOGS PA GNOD NA YANG SKYON DU 'GYUR RO ZHE NA, 'DI LA SMRAS PA, 'DOD PA'I SGRA YI BRJOD BYA BA, ,G-YO MED GANG YIN GRAGS PA YIN, ,GRAGS PA NYID NI THA SNYAD DE, ,DES BSKYED PHYIR NA DE SKAD BRJOD, KHYAD PAR 'PHAGS PAR 'GRUB PA NI RAB TU GRAGS PA YIN PAS NA, DES BSKYED PAR 'DOD PA'I SGRAS BRJOD PAR BYA BA NYID G-YO BA MED PA'I PHYIR KHYAD PAR DU 'PHAGS PA GRUB PA'I RANG BZHIN NYID DO, ,RTAG PA NYID LA SOGS PA NI G-YO BA NYID DO, ,BSTAN BCOS KYIS NI DE 'GYUR BA MED PAR BYA NUS PA MA YIN TE TSAD MAS GRUB PA BSTAN BCOS KYIS BZLOG PAR NUS PA MA YIN TE, TSAD MAS GNOD PA

, ,NYID KYIS NA, ,TSAD NYID YIN PAR BZLOG PHYIR RO, ,'DOD PA'I SGRA'I BRJOD PAR BYA BA NYID NI DE LTAR G-YO BA MA YIN TE, GNOD PAR BYED PA'I RJES SU DPAG PAR MED PA'I PHYIR RO, ,DE LTAR YANG STON PAR 'GYUR RO, ,DON LA 'DOD PA'I SGRA'I BRJOD PAR BYA BA NYID SKYES BU'I 'DOD PA TZAM DANG RJES SU 'BREL PA 'GOG PA'I RJES SU DPAG PA NI 'JUG PA MA YIN NO, ,DE NYID KYI PHYIR BSHAD PA, DON LA SKYES BU'I 'DOD PA DANG, ,RJES 'BREL 'DOD SGRA'I BRJOD BYA NYID, ,BKAG MED PHYIR NA GNOD MED DAG ,SKYE BO RNAMS 'DOD YID CHES YIN, ,BA LANG NYID LA SOGS PA SPYI'I RANG BZHIN DU BRTAGS PA 'DOD PA'I SGRAS BRJOD BAR BYA BA NI DGAG PAR MI NUS SO, ,BRTAGS PA'I DON GYIS MGU BA 'DOD PA TZAM GYIS BRTAGS PA NI DGAG PAR NUS PA MA YIN NA RIG PA NI DGAG PAR MI NUS TE, DE BZHIN DU 'DI YANG NGO, ,GAL TE TSAD MAS GRUB PA'I DNGOS PO NYID GNOD PAR BYED PA MA YIN NAM ZHE NA, 'DIR SMRAS PA, RANG RIG PA NYID TSAD MA YIN LA, SGRA'I NYE BAR LEN PA DANG 'BRAS BU'I DNGOS POR GYUR PA BRJOD PAR BYA BA NYID NI DES GRUB PA'I PHYIR RO, ,GAL TE DE LTA NA BRJOD BYA NYID MNGON SUM GYIS GRUB PA KHO NA YIN TE, DES NA MNGON SUM GYIS GSAL BA'I PHYOGS NYID DO, ,RGYU DANG 'BRAS BU'I DNGOS PO NYID MNGON SUM GYIS GRUB PA YIN GYI BRJOD BYA RJOD BYED KYI DNGOS PO GZHAN NI MA YIN NO ZHE NA, MA YIN TE BRJOD BYA RJOD BYED KYI NGO BO DE TZAM YIN PAS, DE CI LTAR NA GZHAN DU KHAS LEN ZHE NA, 'DIR SMRAS PA, BRJOD BYA NYID 'DIR 'BYUNG BA DANG, ,BYUNG GYUR PAR GNAS GSAL BA DAG KHYAB PA'I SPYI YIN DES NA, ,MNGON SUM GYIS NI GAL RTOGS, ,'ON KYANG THOG MED BAG CHAGS LAS, ,BYUNG BA DE LTA'I THA SNYAD NI, ,YOD PHYIR DE NI YOD DO ZHES, ,BYA BAR RTOGS PA 'BA' ZHIG GO, ,DE LTAR YANG DE YANG THA SNYAD BRTEN PA ZHES 'CHAD PAR 'GYUR RO, ,GZHAN SEL BA'I MTSAN NYID KYI SPYI NI SGRA'I BRJOD BYAR 'DOD LA, DE YANG DGAG PAR NUS PA MA YIN TE, BAG CHAGS SO SOR NGES PAS NA DE LTA BU'I RTOGS PA SKYE BA'I PHYIR RO, ,BAG CHAGS DE NI 'DOD PA TZAM GYIS BYAS PA'I BRDA NGES PAS NA SPYI NGES PAR BYED PA YIN NO, ,'DI LTAR, BRAM ZE LA SOGS GSAL BA YIS, ,GSAL MIN NGES PA 'DOD PA YIS, ,BRDA 'JUG CAN GYI SGRA YIS NI, ,DE LAS GZHAN

LA BZLOG PHYIR RO, ,BRAM ZE LA SOGS PA'I RIGS KHA DOG DANG DBYIBS NGES PA'I GSAL BAS GSAL BAR BYA NUS PA MA YIN NO, ,DES NA DE DAG NI GSAL BA NGES PA LA BRTEN PAS NYE BAR MTSON PA, GSAL BA LA NGES PA'I BRDA'I STOBS KYIS GSAL BAR 'GYUR BA YIN NO, ,GAL TE 'DIR DA LTAR 'GA' ZHIG GIS BRDAR BYAS PA NI MA YIN TE, THOG MA MED PA NAS GRUB PA'I BRJOD BYA RJOD BYED KYI DNGOS PO SRID PA'I PHYIR RO ZHE NA MA YIN TE, BSTAN PA NYID BRDA YIN PA'I PHYIR RO, ,GZHAN YANG BRAM ZE DANG BRAM ZE MA YIN PA ZHES BYA BA 'DI NI RGYU MA YIN NO, ,'DIR NI DE'I RGYU MTSAN MTHONG BA'I RGYU GANG YIN PA DES BSGRUB PAR BYA BA YIN TE, DE LTA MA YIN NA GDOL PA LA SOGS PA'I RIGS DANG 'DI LA PHAN TSUN RNAM PAR DBYE BA CI ZHIG YOD, 'DIS NI BA LANG NYID LA SOGS PA'I RIGS KYANG GSAL BA YIN NO, ,DE DAG KYANG BONG BU LA SOGS PA'I RIGS DAG LAS KHYAD PAR MED DO, ,NYE BAR MTSON NAS 'JUG PA'I PHYIR RO ZHE NA, 'DI LA ZHO DAG LA SOGS PAR NUS PA TZAM ZHIG DNGOS PA YIN, NGES NA NYE BAR MTSON NYID DE, ,MI TZAM 'BREL PAR MI 'GYUR MIN, ,DE BZHIN DU DBYANGS LA SOGS PA'I RIGS KYANG DE DANG, SGRA GCIG GI YUL GCIG YIN PA NYID KYIS MTSON PA YIN NO, ,DES NA RIGS NI RNAM PAR RIGS PA'I YUL NYID DO, ,DE'I PHYIR, THA SNYAD LAS NI SKYES PA YI, ,CHOS TE GRAGS PA'I SGRA YIS BRJOD, ,GRAGS PA TZAM LA BRDA'I DNGOS PO THOB PA YIN PA'I PHYIR, THA SNYAD LAS SKYES PA'O, ,CHOS DE NI GRAGS PA'I SGRAR BRJOD DO, ,CHOS 'DIR 'BA' ZHIG GRAGS PA YIS, ,MTSAN NYID SGRUB PAR BYED PA'I TSAD MA'I SGRAR BRJOD PAR NI MA ZAD KYI 'ON KYANG, MNGON SUM SOGS KYIS GZHAL BYA YANG, ,'JAL BYED SGRA SGRO BTAGS NAS BRJOD, ,MNGON SUM LA SOGS PA LA YANG GZHAL BA'I DON NYID PHYOGS LTAR SNANG BA ZHES BYA BA DON GZHAN GYIS GNOD PAR BYED PA YIN NO, ,DE'I 'DOD PA'I SGRA'I BRJOD BYA BA LANG LA SOGS PA NI DGAG PAR MI NUS PA'I PHYIR RO; ,DE NYID KYIS GOG PA LA GNOD PA YIN NO, ,THA SNYAD KYI DON D SBYAR BA'I SGRAS NYE BAR BKOD PA'I RIG BYED LAS BYUNG BA LA SOGS PA'I THA SNYAD KYI YUL THAMS CAD DANG 'GAL BA MED PA CAN NI, SMYON PA MA YIN PAS DGAG PAR BYA BA MA YIN NO, ,DE NYID BSHAD PA NI, DE LA BRTEN NAS 'BYUNG BA CAN, ,'DOD

, ,PAS 'JUG PHYIR BKAG MED PA, ,BYAS PA 'AM MA BYAS PA RNAMS KYI, ,SNA TSOGS RANG BZHIN NYID KYIS RUNG, ,THAMS CAD NI NGO BO NYID KYIS DE LA BRTEN NAS 'BYUNG BA CAN THA SNYAD LAS SKYES PA LNGA NYID LA SOGS PA BYAS PA DANG MA BYAS PA RNAMS KYI RUNG BA NYID YIN NO, ,RANG NYID 'BYUNG BAR 'GYUR BA RNAMS NI THAMS CAD LA RUNG BA YIN TE, THAMS CAD LA MI MTHUN PA MED PA'I PHYIR RO, ,MI MTHUN PA MED PA NYID RUNG BA YIN NO DES NA, DON TZAM DANG NI RJES 'BREL CAN, ,'BYUNG BA 'AM NI 'BYUNG 'GYUR BA, ,SGRA YI RUNG BA NYID DE YIS, ,MI MTHUN PA DAG GNOD PAR 'GYUR, ,SGRA RNAMS KYI BYUNG BA'AM 'BYUNG BA'I SGRA'I RUNG BA NYID NI 'GOG PAS BZLOG PAR NUS PA MA YIN TE, MTHO RIS 'DOD PAS ME'I SBYIN SREG GYIS SHIG CES BYA BA LA SOGS PA NI KHYI SHA ZA BA LA SOGS PA LA DGAG PAR MI NUS TE, DON TZAM DANG RJES SU 'BREL PA YIN PA'I PHYIR RO, ,DON DER YANG MI MTHUN PA MED PAS RUNG BA NYID DO, ,BRDA BYED PA LA MI MTHUN PA'I DON NI 'GA' YANG MTHONG BA 'AM, BSTAN PAS RTOGS PA MA YIN NO, ,TZAM GYI SGRA NI KHYAD PAR MED PAR GZUNG BA'I DON TE, DPER NA BRAM ZE TZAM LA ZAN SBYIN NO, ,ZAN TZAM SBYIN PAR 'DOD DO ZHES BYA BA KHYAD PAR YONGS SU 'DZIN PAR BYED PA MA YIN PA BZHIN NO, ,RUNG BA TZAM DON DANG RJES SU 'BREL PA GANG YIN PA DE LA NI 'GOG PA 'GA' YANG RIGS PA MA YIN NO, ,DES NA 'GOG PA RUNG BA NYID DES GNOD PA YIN NO, ,RUNG BA NYID DGAG PA NI MNGON SUM GYIS BSGRUB PA MA YIN NO, ,RJES SU DPAG PA NYID 'JUG PAR 'GYUR GRANG NA, DE YANG DPE MED PA'I PHYIR SRID PA MA YIN NO ZHES STON PAR 'GYUR RO, ,GAL TE SLOB DPON GYIS SGRA LAS BYUNG BA'I GRAGS PAS ZHES GSUNGS KYI RUNG BA NYID KYIS NI, GNOD PAR MA GSUNGS BA MA YIN NAM, 'DOD PA'I SGRA'I BRJOD PAR BYA BA NYID NI RUNG BA NYID MA YIN NO, ,DE LTA BU'I GRAGS PA YANG MA YIN TE, RUNG BA NYID NI GRAGS PA'I SGRA'I RGYU YIN GYI GRAGS PA NYID NI MA YIN NO ZHE NA, 'DI LA BSHAD PA; GRAGS PA MED KYANG DNGOS PO LA, ,RUNG NYID DE YI STOBS NYID LAS, ,DE LAS SGRA KUN 'BREL DES NA, ,DE LA DE NI GRUB PA YIN, ,SLOB DPON GYI DGONGS PA YANG 'DI STE SGRA LAS BYUNG BA'I GRAGS PA SMOS PAS NI RUNG BA NYID BSTAN PA YIN GYI, GRUB ZIN PA'I BRJOD BYA NYID NI MA YIN NO, ,RUNG BA NYID NI 'DOD PA

TZAM DANG RJES SU 'BREL PA YIN LA, DE YANG BRDA LA MI MTHUN PA MED PA NYID DO, ,SGRA NI DNGOS PO THAMS CAD LA, ,'DOD PA TZAM GYIS 'JUG PA YIN, ,DE TZAM GYIS 'JUG SGRA GANG DE, ,CI LTAR 'GAR YANG BZLOG PAR NUS, ,DNGOS RNAMS NGO BO NYID KYIS NI, ,RJOD BYED 'JUG PAR BYED MA YIN, , BRDA LAS MI MTHUN MED PA NI, ,RUNG BA NYID CES BYA BAR BRJOD, ,'DOD PA TZAM GYIS SPRUL PA GANG, ,DE NI DON TZAM RJES 'BREL NYID, ,DON TZAM LA YANG LTOS MED NA, ,BRDA 'DOD PAR NI CI LTAR 'GYUR, ,PHYOGS 'DIS GANG TSE BUM PA LA, ,ZLA BA'I SGRA YI BRJOD BYA NYID, ,'GOG PA DER NI GRAGS PA YI; ,GNOD PA YIN ZHES MNGON PAR 'DOD, ,CES BYA BA NI BAR SKABS KYI TSIGS SU BCAD PA DAG GO, ,GAL TE MI MTHUN PA MED PA'I RUNG BA NYID JI LTAR 'BYUNG BA 'AM, 'BYUNG BAR 'GYUR BA YIN ZHE NA, 'DI LTAR BRJOD PA, DON NI 'BYUNG DANG 'BYUNG 'GYUR PHYIR, ,RUNG BA NYID KYIS DE LTA NYID, ,NGO BO NYID LAS MA GTOGS PA, ,RUNG NYID CES BYA RTOGS PA MED, ,DE LA DON GANG ZHIG SGRA GANG GIS BRJOD PAR BYA BA NYID DU 'DOD PA DE NI SGRA DES BRJOD PAR RUNG BA YIN TE, DPER NA SHING GI SGRAS BRJOD PAR RUNG BA NYID BZHIN NO, ,'GA' YANG GANG DU YANG MI MTHUN PA NI MED DO, ,GAL TE DPE NYID MA GRUB STE, ,DE YANG SPANG BA SRID PA'I PHYIR RO ZHE NA, DE NI MA YIN TE, SU ZHIG BRJOD BYA RJOD BYED KYI, ,DNGOS PO THA SNYAD ZHUGS PA SPONG, ,DES NA 'JUG PAS DON DE NI, ,RTOGS PAR MTHONG BA NYID YIN NO, ,BRJOD BYA RJOD BYED KYI DNGOS PO NI, ,'DI NYID DU ZAD DO, ,DE SKAD DU YANG, SGRA GANG ZHIG NI BRJOD PA NA, ,RTOGS 'GYUR DON GANG YIN PA DE, ,SGRA YI DON NI YIN BRJOD DE, ,DON GYI MTSAN NYID GZHAN YOD MIN, ,ZHES BRJOD PA YIN NO, ,DE LTA NA NI 'O NA DAM BCA' BA'I DON MNGON SUM GYIS GNOD PA NYID YIN PAS NA, GRAGS PA'I GNOD PAS CI ZHIG BYA ZHEN, 'DIR SMRAS PA, 'DI CI TZAM ZHIG BSGRUB PA NI MA YIN GYI, 'ON KYANG RIGS PA 'DIS YUL LAM DUS 'GA' ZHIG LA YANG SGRA THAMS CAD BRJOD PAR 'DOD PA YIN LA, 'DI LA NI MNGON SUM 'JUG PA MA YIN NO, ,'DI NI BUM PA LA ZLA BA'I SGRAS BRJOD PAR BYA BA NYID 'GOG PA GANG YIN PA DE'I TSE YANG GRAGS PAS BSAL BA YIN NO ZHES SMRAS ZIN TO, ,GAL TE DE LTAR 'DI LA SGRA DE'I DON

, ,DU SNANG BA MED DO ZHES BRJOD NA NI GRUB PA LA SGRUB PA YIN NO, ,'ON TE GZHAN LA SNANG BA MA YIN, DA LTA YANG MA YIN, RUNG BA TZAM YANG MA YIN NO ZHES BRJOD NA NI, DE NI MA YIN TE, 'DOD PA TZAM GYIS 'JUG PA'I PHYIR CI STE MI SRID DE, YUL DANG DUS GZHAN DU MI GZHAN GYIS SGRA DANG DON DAG RNAM PA GZHAN DU BRJOD BYA RJOD BYED DU MTHONG BA'I PHYIR, NGES PA GA LA YOD, RIGS PA 'DIS THAMS CAD THAMS CAD KYIS BRJOD PAR BYA BA NYID DU MTHONG BA'I PHYIR NYES PA MED DO, ,GRAGS PAS GNOD PA NYID KYIS NA, ,KHYI SHA ZO ZHES BYA BA YI, ,DON 'DI GANG GIS 'GOG BYED PA, ,DE LA RUNG BA NYID KYIS GNOD, , GAL TE DE NYID SHA SOGS KYI, ,DON 'DI KHYOD LA SNANG ZHES NI, ,BRJOD NA MNGON SUM GYIS GNOD PAR, ,'GYUR GYI GZHAN DU GA LA 'GYUR, ,'DIR MNGON SUM GYIS GNOD PA NI YOD PA MA YIN NO, ,GRAGS PAS GNOD PA 'BA' ZHIG TU 'GYUR GRANG NA, DE YANG BRDA'I STOBS KYIS RUNG BA YIN LA, RUNG BA NI KHYI SHA LA SOGS PA LA YANG YOD PA MA YIN NO, ,GAL TE BRDA GZHAN GYI DBANG DU 'GYUR BA'I 'JIG RTEN PA'I SGRA GANG YIN PA DE DAG NYID LA NGES PA MED PA 'DIR 'GYUR GYI, RIG BYED PA NGO BO NYID KYI DON DANG 'BREL PA GANG YIN PA DE DAG YANG NGES PA MED PA CI LTAR 'GYUR, THA SNYAD KYI DON CAN GYI BRDA NI MTHONG BA'I YUL NYID LA RIGS TE, DBANG PO LAS 'DAS PA LA NI RTOGS PA MED PA'I PHYIR BRDA BYA BAR CI LTAR NUS, LUNG TZAM GCIG PU SKYABS YIN PA'I PHYIR, RTOGS PA PHAN TSUN BRTEN PA'I NYES PAR 'GYUR RO, ,BRDA GZHAN DU BYED PA YANG LUNG DE'I RJES SU 'BRANG BA NYID YIN NO ZHE NA, 'DIR BRJOD PA, RIG BYED KYANG NI RANG BZHIN GYIS,, DON LDAN 'DI NI GANG GIS GRUB, ,DER YANG RMONGS SDANG 'JIG SOGS KYIS, ,MI SHES PA DAG BRDA BYED 'GYUR, ,JI LTAR GCIG GIS SREG BYED LA SOGS PA DAG LA ME LA SOGS PA'I MING 'DOD PAS BYAS PA DE BZHIN DU KHYI LA SOGS PA LA YANG 'GYUR RO, ,DON 'DI NGO BO NYID KYIS YIN NO ZHES KYANG MI 'GRUB STE; DON DE NI 'JIG RTEN GYI RJES SU 'BRANG BA NYID KYIS 'JOG PA'I PHYIR RO, ,'JIG RTEN NA NI, YUL DANG DUS SOGS DBYE BA YIS, ,SNA TSOGS 'GYUR DON MTHONG PHYIR TE, ,'DIR NI YUL DANG DUS LA SOGS, ,KHYAB PA'I DON YANG NGES MA YIN, ,YUL DANG DUS DER YANG RES 'GA', ,MI SHES PA NYID BRDA

BYED PA'I NYE BAR STON PA SRID DO, ,NYE BAR STON PA BRGYUD PA TZAM NYID NA MUN PA BRGYUD PA NYID DO, ,DES NI DE'I MOS PA BZLOG PA'I PHYIR RAM, DBANG PO LAS 'DAS PA'I DON MTHONG BA NYID, SNGON GYI DON 'DZIN PAR BYED PA SPANGS PA'I PHYIR, BRDA GZHAN DU BYED PAR 'GYUR BAS 'GAL BA MED DO, ,YANG NA, DE LA YANG NI MNGON SUM GYIS, ,NGES RTOGS PA DANG LDAN MIN TE, ,RJES DPAG MED PAR RI BONG CAN, ,ZLA BA'I SGRAR NI RTOGS MA YIN, ,SGRA LAS DON RTOGS PAR NI MNGON SUM YIN PAR MI 'THAD DE, JI SKAD DU RIG BYED SMRA BA DAG NA RE, TSIG LAS DON RTOGS PA NI MNGON SUM YIN NO ZHES 'DZER BA BZHIN NO, ,GAL TE RE ZHIG 'DI SKAD DU RTOGS PA NI MNGON SUM YIN TE RANG RIG PA'I RANG BZHIN YIN PA'I PHYIR RO ZHES BRJOD PA NI 'DI'I GZHUNG LA GNOD DO, ,SHES PA GZHAN GYI DMIGS PAR YANG STE, BLO MNGON SUM MA YIN NO ZHES BYA BAR GNAS PA'I PHYIR RO, ,KHAS LEN NA YANG 'DIR YANG BRJOD PAR BYA BA YIN TE, DU BA LAS ME RTOGS PA YANG MNGON SUM YIN ZHES SO, ,'ON TE RJES SU DPAG PA'I RANG BZHIN MED PAR 'GYUR RO ZHE NA, GLO BUR DU DU BA LAS ME RTOGS PA YANG DE LTAR 'GYUR RO, ,'ON TE DER SNGAR MTSAMS SBYOR BA YOD PAR 'GYUR RO ZHE NA, 'DI LA YANG BRDA'I DUS SU YOD DO, ,DE LTA MA YIN NA BSHAD PA'I RJES SU MA 'BRANGS PAR YANG 'GYUR TE, BSHAD PA NYID BRDA YIN NO, ,'ON TE BSHAD PA NI 'DOD RGYAL DU BYAS PA'I RANG BZHIN NYID MA YIN PA DES NA SKYON MED DO ZHE NA, DE NI MA YIN TE, SDANG BA LA SOGS PAS GZHAN DU YANG 'CHAD PAR BYED PA'I PHYIR RO ZHES BSTAN ZIN NO, ,SDE BA SBYOR BA'I YIN PA'I PHYIR YI GE DANG DBYINGS LA SOGS PA NI NGES PA NI TSIG TU SGRUB PA YIN NO, ,SBYOR BA DAM PAS 'CHAD DO ZHE NA, DE LTAR BSHAD PA BRGYUD PA LAS 'BYUNG BA LONG BA BRGYUD PA YIN, DES NA MNGON SUM GYIS MIN ZHING RJES DPAG MED PA'I PHYIR 'THAD PAR DKA', DES NA RI BOS CAN ZLA BA'O ZHES BYA BA 'DI LA YANG MNGON SUM YOD PA MA YIN NA, ,DE LTAR YANG SGRA DANG RTAGS DAG NI DE YOD PA DANG MED PA DAG LA MTHONG BA DANG MA MTHONG BA DRAN PA LA LTOS TE, RANG GI YUL RTOGS PAR BYED DO ZHES BSTAN PA YIN NO, ,DE LA GANG GI PHYIR RO BONG CAN NI ZLA BA MA YIN TE, YOD PA'I PHYIR RO ZHES SMRA BA DE 'DI SKAD DU RTOGS PA NYID MED DO ZHES BRJOD PA

, ,NI MA YIN NO, ,DE SKAD SMRA BA NI RTOGS PAS GNOD PAR 'GYUR LA, RTOGS PA YANG MNGON SUM NYID YIN NO, ,GAL TE RTOGS PA YOD PA YIN PA DE LTA YANG BDEN PA NYID MA YIN TE, ZLA BA GNYIS SU RTOGS PA BZHIN ZHES BYA BA DE LA GRAGS PAS GNOD PA BSTAN PAR BYA BA YIN NO, ,SNGA MA SNGA MA MTSAMS SBYOR BA'I, ,GRAGS PAS RJES SU DPAG PA NYID, ,DES NA BSTAN BCOS MDZAD PAS 'DI, ,RJES SU DPAG PAS GNOD BZHED PAR, ,BRDA'I DUS SU 'BREL PAR RTOGS PA'I PHYIR RJES SU DPAG PA NYID DE, DES NA 'GRO BA'I GRAGS PAS RANG BZHIN RTAGS ZHES BYA BA 'DI GRUB PA NYID DO, , GAL TE 'DI RJES SU DPAG PA ZHES BYA BAR NI RIGS NA, RANG BZHIN GTAN TSIGS GO JI LTAR, SNGON GYI MTHONG BA DANG LHAN CIG PA'I SGRA LAS SKYES PA'I RTOGS PA NI RJES SU DPAG PA'I RANG BZHIN GYIS GNOD PA BYED PA YIN NO, ,SGRA NI DON GYI RANG BZHIN MA YIN NO, ,GAL TE BRJOD BYA RJOD BYED DAG ,RGYU DANG 'BRAS BU DNGOS YIN NA, ,DE TSE SGRA LAS RTOGS 'GYUR TE, ,DE LTA YIN NA RJES DPOG 'GYUR, ,RJES SU DPAG PA LA RTOGS PA'I PHYIR 'BREL PA DANG LDAN PA YIN NO, ,SGRA DON GYIS 'BREL PA DE YANG NYE BAR LEN PA DANG NYE BAR LEN PA LAS 'BYUNG BA'I DNGOS PO YIN NO, ,SGRA NI DON DAM RKAN LA SOGS PA'I BYED PA TZAM LAS SKYE BA YIN GYI DON GYIS BSKYED PA NI MA YIN NO, ,DES NA LAG BRDA LA SOGS PA LTAR 'DOD PAS RGYU DANG 'BRAS BU'I DNGOS PO YIN GYI, GZHAN DU NI MA YIN NO, ,'DOD PAS BRTAGS PA'I RGYU DANG, 'BRAS BU'I DNGOS PO NI THAG PA DANG, PHUR PA'I 'BREL PA BZHIN DU DON DAM PA LA MA YIN NO, ,GDON MI ZA BAR DE LTAR RTOGS PA YANG MA YIN TE, DES NA 'DI DNGOS KYI RJES SU DPAG PA NI MA YIN NO, ,'O NA CI LTAR RANG BZHIN GYI RTAGS YIN ZHE NA, NYE BAR LEN PAR GYUR PA'I DON GANG ZHIG BRDA GSAL BAR BYA BA DANG, 'DOD PAS DE LTA BAR BYED PA DE NI, DON DAM PAR RGYU MA YIN TE, GZHAN BRJOD PAR 'DOD PA 'AM, BRJOD PAR 'DOD PA MED NA DON DE BRJOD PAR 'DOD PA MED KYANG YOD PA'I PHYIR RO, ,GANG ZHIG MED PAR GANG YOD PA DE NI DE'I RGYU MA YIN NO, ,DE'I PHYIR, 'DI NI NYER LEN NYID DU NI, ,'DOD PA TZAM GYIS BRJOD BYA YIN, ,DE TZAM LAS NI BYUNG 'GYUR BA'I, ,RANG BZHIN BRJOD PAR BYA BA YIN, ,NYE BAR LEN PA NYID DU RNAM PAR

GZHAG PA NYID BRJOD PAR BYA BA YIN NO, ,DES NA NYE BAR LEN PA NYID DU THA SNYAD BYED PA NYID NI GRAGS PA YIN NO, ,THA SNYAD GRAGS PA YIN PA'I PHYIR, NYE BAR LEN PA YANG GRAGS PA NYID DO, ,DES NA BRJOD PAR BYA BA MA YIN PA NYID NYE BAR LEN PA NYID DU SNANG BAS GNOD PA YIN NO, ,GAL TE 'GA' ZHIG GANG GIS NYE BAR LEN PA DANG, 'BRAS BU NYID DU MI SNANG BA DE NYID NI BRJOD PAR BYA BA MA YIN TE, SGRA DE LAS DE MI SNANG BA'I PHYIR RO, ,GAL TE DON DE 'DOD KYANG NYE BAR LEN PA DANG, 'BRAS BU'I RTOGS PA LA MI SNANG BA YIN NA NI, BRJOD BYA MA YIN PAR 'GYUR RO, ,GAL TE MI SNANG BA NYID MA YIN NAM, PHYI ROL GYI DON NYID NI NYE BAR LEN PA MA YIN TE, DE MED KYANG YOD PA'I PHYIR RO ZHES BYA BA NI BRJOD PA NYID YIN NO ZHE NA MA YIN TE, 'DOD PA YOD NA SNANG BA'I PHYIR RO, ,'O NA GANG GI TSE DON MTHONG BA YOD NA, DE BRJOD PAR 'DOD PA MED KYANG SHIN TU GOMS PAS SBYOR BA DE'I TSE NYID LAN CI STE MI SNANG NGAM, 'ON TE DE LAS PHYI ROL GYI DON SNANG BA MED PA'I PHYIR RTOGS PA PO DE SKAD BRJOD NA, DE LTA NA RJES SU DPAG PA YANG PHYI ROL GYI DON GYI YUL CAN DU MI 'GYUR TE, DE LA MI SNANG BA NYID KYI PHYIR RO, ,'ON TE RNAM PAR RTOG PA DE LAS KYANG DER LHAG PAR ZHEN PAS DNGOS PO NYID LA 'JUG PA'I PHYIR DE SKAD BRJOD NA, DE LTA YIN NA BRJOD PAR BYA BA NYID LA YANG DE BZHIN NYID DO, ,PHYI ROL GYI DON THAMS CAD KYI TSE 'THOB PA NI MA YIN TE, GRAGS PA NI DON DAM PA TSAD MA MA YIN PA'I PHYIR RO, ,TSAD MA MA YIN PA NYID KYIS BRJOD BYA DANG, RJOD BYED KYI DNGOS PO MED PAR 'GYUR BA YANG MA YIN TE, BRJOD BYA RJOD BYED KYI DNGOS PO NI DE LTA BU NYID DU GRAGS PA'I PHYIR RO, ,DE'I PHYIR; DON GANG NYE BAR LEN NYID DU, ,GNAS LDAN DE NI BRJOD BYA NYID, ,'DOD SKYES NYID LEN DE NI BRJOD BYA NYID, ,'DOD SKYES NYID LEN NYID DE LAS, ,DGAG PAR NUS PA MA YIN NO, ,DON RNAMS THAMS CAD DE 'DRA BA'I, ,GRAGS YUL BRJOD BYA YIN PAR 'DOD, ,DES NA 'DOD PAR RAG LAS PAS, ,'JUG PA'I SGRA LA DE LA NGES YOD MIN, ,ZHES BYA BA NI BSDU BA'O, ,DES NA RUNG BA SLOB DPON GRAGS PA'I SGRAR BZHED PA YIN NO, ,DE NYID GA LAS SHE NA, 'DIR SMRAS PA, DES NI THUN MONG MA YIN PA, ,NYID KYI SGRAS NI BSTAN PA DE, ,GAL TE MA LUS RUNG NYID LAS, ,BRJOD BYA MIN BZHED NA MI 'GYUR, ,DE NYID KYI PHYIR BSHAD PA, GZHAN DU 'DIR NI GNOD PA YI, ,

, ,GTAN TSIGS THUN MONG NYID MI 'GYUR, ,GAL TE SLOB DPON RUNG BA NYID BZHED PA MA YIN NA, CI LTAR GNOD PAR BYED PA'I RJES SU DPAG PA'I GTAN TSIGS THUN MONG MA YIN PAR 'GYUR TE, YOD PA NYID NI ZLA BA'I SGRAS BRJOD PAR BYA BA MA YIN PA BUM PA LA SOGS PA DAG LA GRUB PA'I PHYIR RO; ,GANG GI TSE THAMS CAD DE'I BRJOD PAR BYA BA NYID YIN PA DE'I TSE NI 'GYUR BA NYID DE, GANG LA YANG ZLA BA MA YIN PAR MA GRUB PA'I PHYIR RO, ,SLOB DPON GYIS NI GANG LA THUN MONG MA YIN PA'I PHYIR, RJES SU DPAG PA MED LA SGRA LAS BYUNG BA'I GRAGS PA'I DON DANG 'GAL BAS GSAL BA DE NI PHYOGS MA YIN NO ZHES GSUNGS TE, YUL GANG LA MI MTHUN PA'I PHYOGS SU GYUR PA'I RJES SU DPAG PA THUN MONG MA YIN PA NYID KYI PHYIR DE MED DO, ,MED PA NA SGRA LAS BYUNG BA'I GRAGS PA'I RJES SU DPAG PA GNOD PAR BYED PA YOD PA DE NI PHYOGS MA YIN NO, ,DE SKAD DU GSUNGS PA NI 'DI DGAG PAR MI NUS PA NYID DAM, BZLOG PA'I TSAD MA MED PAR NGES PA NYID DU STON PA YIN NO, ,TSAD MA MED PAR NI 'GOG PA MA YIN LA, NGES PAR BYED PA YOD NA MI NGES PA YANG MA YIN NO, ,'DIR NI PHYI MA SNGA MA DANG BCAS PA SNGA MA PHYI MA DANG BCAS PA, 'DI GNYIS PHYI MA SNGA MA YI, ,DON LA BYED PA 'JUG PA YIN, ,GANG GI TSE RE ZHIG SGRA LAS BYUNG BA'I GRAGS PA GTZO BOR YIN LA, CHA SHAS SNGA MAR KHYAD PAR NYID YIN PA DE'I TSE NI BZLOG PA'I TSAD MA MED PAR NGES PA YIN LA, GANG GI TSE CHA SHAS PHYI MA KHYAD PAR NYID YIN LA, SNGA MA GTZO BOR YIN PA DE'I TSE NI 'GOG PAR MI NUS PA YIN NO, ,GAL TE RJES SU DPAG PAS THUN MONG MA YIN PA NYID DU CHUG PA DE LTA NA YANG CI LTAR DGAG PAR MI NUS, RJES SU DPAG PA KHO NA NI TSAD MA MA YIN TE, MNGON SUM YANG SRID PA'I PHYIR RO ZHE NA, 'DIR LAN DU, DE 'GOG RJES DPAG LAS 'GYUR TE, ,SGRA DON LA DBANG 'JUG MED PHYIR, ,GAL TE SGRA LAS 'BYUNG BA'I GRAGS PA'I RANG BZHIN GANG YIN PA DE MNGON SUM NYID MA YIN NAM; DES NA RJES SU DPAG PA MED PAR 'GYUR BAS, THUN MONG MA YIN PAR BRJOD PA DON MED PA STE MA YIN ZHE NA, MA YIN TE, SGRA'I DON LA DBANG PO MI 'JUG PA'I PHYIR RO, ,SGRA'I DON MNGON DU BYA BAR NUS PA MA YIN NO, ,SGRA LAS BYUNG BA'I GRAGS PA'I DON GYI RUNG BA NYID SGRA'I DON DU NGES PA THA SNYAD KYI RGYU YIN PAS,

GAL TE SNANG BA YIN DU CHUG PA DE LTA NA YANG DE LAS THA SNYAD DU BYA BA MA YIN PAS NA, RUNG BA NYID DGAG PA DANG, SNANG BA'I SGRA DANG 'BREL PA CAN NAM, 'BREL PA NI MNGON SUM GYI YUL MA YIN NO, ,SGRA NI NYAN PA'I RNAM PAR SHES PA LA SNANG BA YIN LA DE'I DON NI RNAM PAR RTOG PA 'AM, MIG GI RNAM PAR SHES PA PA SNANG BA YIN NO, ,'DI DAG PHAN TSUN YUL 'CHOL BAR 'GYUR BA YANG MA YIN NO, ,GAL TE ME DANG DU BA DAG KYANG RANG YUL CAN GYI RNAM PAR SHES PA LA SNANG BA'I PHYIR CI LTAR DER 'GYUR, DRI DANG DRI DANG LDAN PA LA SOGS PA YANG DE BZHIN NO ZHE NA, DER YANG SKYON DU 'GYUR MOD DE LTA NA YANG DE BSGRUB PAR 'GYUR BA NI MA YIN NO, ,DE DAG NI DBANG PO'I RNAM PAR SHES PAS 'DZIN PA DES NA NYES PA MED DO, ,'DI LA NI RANG RIG PAS SHES PA'I RANG GI MTSAN NYID 'DZIN GYI, RJOD PAR BYED PA NYID NI MA YIN LA, 'BREL PA KHYAB PA LA YANG MNGON SUM LA SNANG BA MA YIN NO, ,SGRA'I THA SNYAD LA NI MI SNANG BA YANG YOD PA MA YIN TE, DES NA MNGON SUM GYI YUL MA YIN NO, ,MNGON SUM NI DNGOS PO'I YUL CAN YIN PA'I PHYIR RO, ,DES NA 'DI NI RJES SU DPAG PA'I YUL NYID DO, ,GAL TE BRTAGS NAS GZHAN LAS SKYES PA'I RJES SU DPAG PAR GZHAN GNOD PAR BYED PA YIN PAR 'GYUR RO, ,GAL TE YOD PA'I PHYIR ZHES BYA BA'I GTAN TSIGS THUN MONG MA YIN MOD; GTAN TSIGS GZHAN YOD PAR 'GYUR RO ZHE NA, BSHAD PA GA LA YOD PA NYID KYANG STE, RJES 'GRO MED DER GTAN TSIGS RNAMS, ,THUN MONG MA YIN PA NYID CES, ,DE LTAR GTAN TSIGS DPER BRJOD PA, ,'BRAS BU DANG NI LDAN PAR 'DOD, ,GANG LA DNGOS PO MA LUS PA KHYAB PA'I YOD PA NYID THUN MONG MA YIN PAR BYAS PA DER KHYAB PA MED PAR NYON MONGS PA GZHAN DAG SMOS SU CI YOD, STOBS DANG LDAN PA'I PHYOGS BZLOG PAR NUS PA DE DON DU GNYER BA NI DE LAS GZHAN LA BZOD PA MA YIN NO, ,DE NYID KYI PHYIR PHYOGS GTAN TSIGS DANG LDAN PAR BSTAN TE, RI BONG CAN NI ZLA BA MA YIN TE YOD PA'I PHYIR ZHES SO, ,DE LTA MA YIN NA PHYOGS LTAR SNANG BA 'GOD PA'I SKABS SU GTAN TSIGS NYE BAR DGOD PA'I SKABS GA LA YOD, GZHAN DU NI SGRA MNYAN PAR BYA BA MA YIN PA 'AM, BUM PA RTAG PA YIN NO ZHES BYA BAR YANG GTAN TSIGS DGOD PAR THAL LO, ,CI STE TSAD MAS GNOD PA LA GTAN TSIGS MI SRID NA, 'DIR YANG DE LTAR 'GYUR

, ,BA'I PHYIR 'DI NI GYI NA'O, ,GAL TE 'DI DGAG PAR MI NUS PA NYID DU STON PA YIN NO ZHES BRJOD PAS NA MNYAN PAR BYA BA MA YIN NO ZHES BYA BA 'DIR YANG THAL BAR 'GYUR ZHE NA, 'DIR BRJOD PA, SGRA LAS BYUNG BA'I GRAGS PA 'DI, ,DNGOS KYI TSAD MA MIN PAR BRJOD, ,DES NA GNYEN PO MED PA LA; ,GYUR PHYIR 'DI LA NYES PA MED, ,'DIR GNOD PAR BYED PAR SRID KYI MNGON SUM DANG, RJES SU DPAG PA DAG LAS NI MA YIN TE, DES NA 'DIR BSAL BA YIN NO, ,RJES SU DPAG PA GNYEN PO MED PA NYID DU BRJOD PA YIN NO ZHES 'CHAD PAR 'GYUR RO, ,'O NA CI LTAR GNYEN PO MI SRID DO, ,THAMS CAD NI BRJOD PAR BYA BA NYID MA YIN NO ZHE NA, DE'I PHYIR BSHAD PA,, ,,BAM PO DRUG PA, SGRA NI BRDA LA BRTEN PA CAN, ,DE YANG 'DOD TZAM BRTEN PA YIN, ,SGRA YIS GRUB PA MI 'GRUB MIN, ,DE LTAR SGRA BYUNG GRAGS PA'I TSIG ,SGRA LAS BYUNG BA'I RANG BZHIN THAMS CAD GRUB PA NYID YIN TE, 'DOD PA TZAM GYI BRDA SBYAR BA'I SGRA TZAM LAS 'GYUR BA YIN PA'I PHYIR RO, ,SGRA NI GANG DU YANG 'JUG PAR MI NUS PA MA YIN NO, ,DON 'DI NYID SGRA LAS BYUNG BA'I GRAGS PA ZHES BYA BA LA SOGS PAS BRJOD PA YIN NO, ,GZHAN DU NA THUN MONG MA YIN PA NYID DU BSTAN PAR MI NUS SO ZHES BSTAN ZIN TO, ,GAL TE RJES SU DPAG PA MED PAS NA SGRA LAS BYUNG BA'I GRAGS PA GNOD PA MED PA YIN LA, GNOD PA MED PA NYID YIN PAS KYANG RJES SU DPAG PA MED PA'I PHYIR PHAN TSUN BRTEN PA'I SKYON DU 'GYUR RO ZHE NA, SGRA BYUNG GRAGS PA 'DOD TZAM GYIS, ,'JUG PA RANG NYID LAS MI 'GRUB, ,MA YIN YOD NYID RANG NYID LAS, ,TSAD MA MA YIN PA NYID DO, ,SGRA LAS BYUNG BA'I GRAGS PA 'DOD PA TZAM GYIS RJES SU BYED PA GZHAN LAS BYED PA GZHAN LAS MI MTHUN PA'I PHYOGS MED PAR RTOGS PA LTOS PA NI MA YIN GYI, DE STOBS DANG LDAN PA'I PHYIR RANG NYID LAS YIN NO, ,'GOG PAR BYED PA YOD PA NYID KYANG RANG NYID LAS MA 'BREL PAS NA THUN MONG MA YIN PA NYID YIN PA'I PHYIR RO, ,GAL TE YOD PA NYID NI BRJOD BYA MA YIN PAR RTOGS PA DES NA BRJOD BYA MA YIN PAS KHYAB PA'I PHYIR CI STE 'GOG PAR BYED PA MA YIN NO ZHE NA, MA YIN TE, 'DOD PA TZAM GYIS 'BYOR BA NI DGAG PAR MI NUS PA'I PHYIR RO ZHES BSHAD ZIN TO, ,GAL TE YOD PA NYID BRJOD BYA MA YIN NA YOD PA'I SGRA NYID

KYIS JI LTAR BRJOD PAR BYA, DE'I PHYIR THUN MONG MA YIN PA'I PHYIR RJES SU DPOG PA GNOD PA MED PA'I SGRA LAS BYUNG BA'I GRAGS PA NI GNOD PAR BYED PA NYID DO, ,GAL TE GNOD PAR BYAS PA YANG GNOD BYED DU DOGS NA, DE LTA YIN NA 'GAR YANG GNOD BYA GNOD BYED KYI DNGOS POR MI 'GYUR BAS NA 'GRO BA RTOGS PA MED PA NYID DU 'GYUR RO, ,DES NA SGRA LAS BYUNG BA'I GRAGS PA NYID GNOD PAR BYED PA YIN GYI, DE LAS BZLOG PA NI MA YIN NO, ,DES NA, RJES SU DPAG PAS SGRUB RNAMS LA, ,'GAL BA 'KHRUL PA MED PA CAN, ,MED PAR STON YIN DE LTA BU'I, ,RTOGS PA RJES DPOG YIN PHYIR RO, ,SGRA LAS BYUNG BA'I GRAGS PA GNYEN PO'I PHYOGS MED PAR BSTAN PAS NI CI LTAR RJES SU DPAG PA 'DI GNYEN PO'I PHYOGS MED PA DE BZHIN DU GZHAN YANG YIN NO ZHES BSTAN PA YIN TE, GNYEN PO SRID NA NI DE YANG TSAD MA MA YIN PA'I PHYIR GNOD PAR BYED PA MA YIN PAR 'GYUR TE, SGRA LAS BYUNG BA'I GRAGS PA NYID BZHIN NO, ,DES NA YANG MI MTHUN PA'I PHYOGS THUN MONG MA YIN PA NYID KYI PHYIR SGRUB PAR BYED PA MA YIN TE, DPER NA 'DI NA ME YOD DE DU BA YOD PA'I PHYIR ZHES BYA BA LA, 'DI NA ME MED DE YOD PA'I PHYIR ME DANG BRAL BA'I PHYOGS BZHIN NO ZHES BYA BA LTA BU'O, ,GAL TE 'DOD PA TZAM NYID KYIS SBYAR BAS RJOD PAR BYED PA YIN PA'I PHYIR BUM PA LA YANG ZLA BA NYID YOD PAS DPE MED PAR 'GYUR GYI, 'DI NI ME MED PA'I PHYOGS YOD PA NYID DO ZHE NA, DE NI MA YIN TE, SGRA LAS BYUNG BA'I GRAGS PA YIS, ,GNOD PA YOD PA THUN MONG NYID, ,MA YIN 'DIR YANG 'BRAS BU YI, ,GTAN TSIGS KYIS GNOD CI STE MIN, ,DU BA DANG LDAN SA PHYOGS SU, ,RJES SU DPAG PAS BSGRUBS PA'I ME, ,DE CI MI 'GOG PA DAG LA, ,GNOD BYED YIN PAR MA RTOGS SAM, ,MI MTHUN PHYOGS KYIS GNOD PAR NI, ,DOGS PA SNGAR NYID BZLOG ZIN TO, ,DES NA TSAD MA THAMS CAD LA, ,DGRA ZLA SRID PA MA YIN NO, ,DES NA RJES SU DPAG PA LAS, ,'GAL BA MI 'KHRUL CAN YOD MIN; ,DE LTA MA YIN TE TSAD MA LA GNOD PA SRID PA YIN NA THAMS CAD LA YID BRTAN DU MED DO, ,GANG DU MA MTHONG BA DE LA YID BRTAN PA MED DO ZHE NA, MA YIN TE MI DMIGS PA TZAM NI TSAD MA MA YIN PA'I PHYIR RO, ,GNOD PA YOD KYANG RTOGS PAR MI NUS PA'I PHYIR TE, DMIGS PA'I MTSAN NYID DU GYUR PA

, ,MA YIN PA'I PHYIR RO, ,'DIS BRJOD PAR 'DOD PA'I GRANGS GCIG PA CAN NYID KYANG BSAL BA YIN NO, ,'DI LTAR DE YANG MA DMIGS PA TZAM GYIS RTOGS SAM, 'BREL PAS YIN, GAL TE MA DMIGS PAR RTOGS PAR BYED NA NI TSAD MA MA YIN PA'I PHYIR CI YANG MA YIN NO, ,'ON TE 'BREL PAS YIN NA, DE LAS 'GAL BA MI 'KHRUL PA CAN MI SRID PA NYID DO, ,DE LA NI 'BREL PA DANG LDAN PA GZHAN SRID PA MA YIN TE, GCIG LA YOD PA DANG MED PA DAG MI SRID PA'I PHYIR RO, ,DE'I PHYIR DNGOS PO'I STOBS KYIS ZHUGS PA'I RJES SU DPAG PA LA 'GAL BA 'KHRUL PA CAN MI SRID DO, ,GAL TE THUN MONG MA YIN PA'I PHYIR RJES SU DPAG PA LA 'GAL BA MI 'KHRUL PA CAN MED PA STON PA YIN NA DE'I TSE GANG LA THUN MONG MA YIN PA'I PHYIR RJES SU DPAG PA MED LA, 'BRAS BU'I GTAN TSIGS DANG RANG BZHIN GYI GTAN TSIGS KYIS RAB TU 'GRUB PA 'GAL BA'I DON GYIS GSAL BA DER YANG PHYOGS MA YIN NO ZHES 'DI RJES SU DPAG PA NYID PA CI STE MI BRJOD, DE BZHIN DU MNGON SUM LA YANG BRJOD PAR BYA'O ZHE NA, 'DI NI CUNG ZAD KYANG MA YIN TE, 'DI LTAR 'DI NYID KYI MNGON SUM DANG, RJES SU DPAG PA LA YANG BRJOD PA YIN NO, ,GANG ZHIG MNGON SUM LA NI DNGOS PO YOD PA MA YIN TE, RTOGS PA YIN PA'I PHYIR SKRA DANG SBRANG BU LA SOGS PA'I RNAM PA CAN RAB RIB CAN GYIS RTOGS PA BZHIN NO ZHES ZER BA DE LA LAN 'DI GDAB STE, 'BREL PA GRUB PAS DNGOS PO NI, ,MED PA MIN PAR SGRUB PAR BYED, ,'DI LTAR 'BREL PA YOD PA NI, ,KUN LA DNGOS PO YOD PA YIN, ,GAL TE 'BREL PA DANG MI LDAN PA'I RTOGS PA LA DNGOS PO YOD PAR THE TSOM ZA BA'AM, GZHAN DU BRJOD PA NI GRUB PA NYID BSGRUB PAR 'GYUR, 'ON TE BZLOG PA LA YIN NA NI DE'I TSE THAMS CAD LA DNGOS PO YOD PA'I PHYIR BZLOG PA'I PHYOGS THUN MONG MA YIN PA NYID DO, ,GAL TE MNGON SUM LA RJES SU DPAG PA 'AM, GZHAN PA'I GNOD PAR BYED PA MI SRID PA MA YIN NAM, DE NI MNGON DU MTHONG BA YIN PA'I PHYIR RO, ,MNGON DU MTHONG BA JI LTAR MED PAR BSGRUB PAR NUS TE, DE NYID KYI TSE DE NYID MTHONG BA DANG MI MTHONG BA NI SRID PA MA YIN NO, ,DES NI MI DMIGS PA'AM, GTAN TSIGS GZHAN GYIS MED PAR BSGRUB PA NI MA YIN NO ZHE NA, DE NI MA YIN NO 'DI LTAR, MNGON SUM BYAS PA'I RTOGS PA NI, ,'GA'

LA'ANG GNOD PA YOD MIN NA, ,DE LTA MIN NA KHYAD MED PHYIR, ,THAMS CAD TSAD MA NYID DU THAL, ,SGRA LA SOGS PA MNGON DU BYED PA'I RANG BZHIN 'KHRUL PA'I RTOG PA LA YANG GNOD PAR BYED PA MED PAR 'GYUR RO, ,DES NA MNGON DU BYED PA TZAM GYIS NI TSAD MA MA YIN NO, ,'DIS NI GNOD PA MED PA NYID KYANG BSAL BA YIN NO, ,MNGON DU BYED PA BZHIN DU GNOD PA MED PA NYID KYI NGO BO YANG HA CANG MA KHYAB PA MA YIN NO, ,MI SLU BA CAN GNOD PA MED PAR GYUR PA TSAD MA YIN NO ZHE NA, DE NI AA RU RA ZOS NA LHAS 'KHRU BAR BYED DO ZHES PA'I TSUL DU 'GYUR RO, ,GAL TE MI SLU BA DANG LDAN PA YIN NA GNOD PA MED PAS CI BYA STE; MI SLU BA NYID KYIS TSAD MA YIN PA'I PHYIR RO, ,'ON TE DON BYED PA'I YUL LA GNOD PA BYED PA NYID 'DZIN PA YIN NA, DE LTAR YIN NA DE'I MI SLU BA NYID PAS SKYON MED DO, ,MI SLU BA DE YANG SNANG BA NI MA YIN TE, SNANG BA'I RANG BZHIN 'BREL PA YOD PA YIN PA'I PHYIR MI SNANG YANG RTOGS PAR BYA BA YIN NO; ,'BREL PA DE NI RJES SU DPAG PA LA YANG YOD PA'I PHYIR DE LA GNYEN PO SRID NA GNYI GA LA 'GYUR BA'AM, YANG NA NI 'GAL BA YANG MA YIN PA'I PHYIR MTSUNGS SO, ,DE'I PHYIR MNGON SUM YANG MNGON DU BYED PAS NI TSAD MA MA YIN NO, ,DE NYID KYI PHYIR, MNGON SUM YANG NI DON MED NA, ,MI 'BYUNG BA LAS TSAD MA NYID, ,'BREL PA YI NI RANG BZHIN DE'I, ,RGYU YIN PAS NA GNYI GA MTSUNGS, ,ZHES BSHAD DO, ,'BREL PA NYID TSAD MA'I RGYU YIN NO, ,GAL TE DGOS PA 'DI TZAM DU ZAD NA MNGON SUM DE NYID DU GNYEN PO MED PAR BSTAN PA'I PHYIR, RJES SU DPAG PA MED PA LA ZHES CI STE MA BRJOD RIM GYIS THOB PA'I GO RIMS BZLOG PAS DGOS PA MED PA'I PHYIR RO ZHE NA, DE YANG MI BZANG STE, 'DI LTAR, SGRA BYUNG GRAGS PA'I TSAD MA NYID, ,GNOD PA DANG NI MI LDAN PA, ,BSTAN PHYIR BZLOG PA'I TSAD MA DAG ,DPE LAS 'DI NYID DU BSHAD DO, ,GAL TE MNGON SUM MAM RJES SU DPAG PA DER GEGS BYED PA'I TSAD MA SEL BAR BRJOD NA NI, SGRA LAS BYUNG BA'I GRAGS PA'I RJES SU DPAG PA LA DON GYIS BSTAN PAR MI 'GYUR TE, DES NA DON 'DIS DANG POR THOB PAR RGAL BA YIN NO, ,GZHAN YANG, GANG DU BRTAN MIN RJES DPAG LA'ANG, ,BZLOG PA'I RJES DPAG YOD MIN PA, ,DER NI BRTAN PA'I RJES DPAG

, ,LA; ,SHIN TU RING BAR NGES BYAS NYID, ,GANG DU SGRA LAS BYUNG BA'I GRAGS PA GTING BRTAN PA MA YIN PA'I RJES SU DPAG PA LA YANG THUN MONG MA YIN PA NYID DU BYED PA'I RGYUS BZLOG PA'I TSAD MA MED PA DE SHIN TU RTZA BA BRTAN PA NI BZLOG PA'I TSAD MA MED PAR 'BAD MI DGOS PAR GRUB PO, ,GAL TE MI MTHUN PA MED PA NYID RUNG BA YIN NO ZHES BYA BA'I RIGS PAS THAMS CAD 'DOD PA'I SGRAS BRJOD PAR RUNG BA DE'I PHYIR 'DIR DNGOS PO'I STOBS KYIS ZHUGS PA'I RJES SU DPAG PA NYID DU 'GYUR TE, DE LTAR MNGON SUM GYIS DMIGS PA'I PHYIR RO ZHE NA, MA YIN TE, RJES SU MTHUN PA NYID KYANG MED PA'I PHYIR RO, , JI LTAR DE'I MI MTHUN PA NYID RTOGS PA MED PA DE BZHIN DU RJES SU MTHUN PA NYID KYANG MNGON SUM MAM, GZHAN LAS RTOGS PA MA YIN NO, ,DES NA SGRA LAS BYUNG BA'I GRAGS PA'I RJES SU DPAG PA'I 'DI DNGOS PO'I STOBS KYIS ZHUGS PA'I RJES SU DPAG PAR CI LTAR 'GYUR, DE LA 'DOD PA TZAM LAS BYUNG BA'I CHOS, DNGOS PO MA YIN PA LA GNOD PAR BYED PA DER CI 'BREL PA'I STOBS LAS BYUNG BA GNOD PAR 'GYUR RAM ZHES BYA BA 'DI TZAM ZHIG 'DIR DGOS PAR BSTAN PA YIN NO, ,GAL TE 'DOD TZAM GZHAN GYI DRING 'JOG CHOS, ,GDON MI ZA BAR GNOD BYA MIN, ,DE NI NYE BA NYID KYIS NA, ,KUN GYI TSE NA RTOGS PHYIR RO, ,DNGOS PO'I STOBS LAS 'BYUNG GANG YIN, ,DE NI LA LAR MED KYANG SRID, ,GANG PHYIR RGYU RNAMS 'BRAS BU LA, ,NGES PA NYID NI YOD MA YIN, ,DES NA DNGOS PO LAS BYUNG BA'I, ,TSAD MA GNOD BYED DOGS PAR 'GYUR, ,DE PHYIR GNOD BYED SPANGS PA 'DI, ,DE NYID DU NI RIGS PA YIN, ,SNUM KHUR DANG NI DBYIG PA'I TSUL,, LAN DU BRJOD PA GANG YIN PA, ,DE NI YOD MIN DANG PO LAS, ,RGAL BAS DE YI RIM LAS 'DAS, ,'DIR BSHAD PA, GANG DU THA SNYAD TZAM LAS GRUB PA YIN, ,'BREL PAS RJES DPOG DNGOS POS 'JUG MIN PA, ,GNOD PA MED DER GZHAN LA GNOD PA NI, ,YOD PAR 'GYUR ZHES JI LTAR DPYOD PAR 'GYUR, , DON 'DI 'DI LTAR STON PAR BYED PAS NA, ,RIGS PA'I CHOS KYI RJES 'GRO NYAMS, ,RAG LAS PA DAG 'DOR BA YANG, ,DE SPANGS PAS BYAS NAS NI 'JUG PA MTHONG, ,BDE BLAG GRUB PA'I MNGON PAR 'DOD PA DE, ,SAD PA'ANG DE DANG MTSUNGS PAR GRUB PA NYID, ,DNGOS POS 'JUG LA 'DI 'DRA YOD MIN TE, ,GZHI

'DZIN PA NI SKYON PAR NUS MA YIN, ,DE LTAR LAM NGAN ZHUGS PA'I RTOGS PA THAMS CAD 'GYUR BA'I, ,TSUL 'DI THOB PA MA YIN RNAMS KYIS 'PHROGS PA MIN GRANG YANG, ,'DI LA JI LTAR BLO NGAN MIN NYAMS MED PA RNAMS KYI LTA BAR 'GYUR BA 'AM GSAL BA NYID MTHONG BAR MI 'GYUR RO, ,DE'I PHYIR 'DI NYID DU GNOD PA MED PAR BSTAN PA ZHES BYA BA 'DI RIGS PA YIN NO, ,YANG NA 'JIG RTEN BRJOD PA LA, ,RJES DPAG MED PAR BRJOD PA YIN, ,DES NI RJES SU DPAG PA LAS, ,GRAGS PA THA DAD YUL CAN NYID, ,GANG LA ZHES BYA BA LA SOGS PAS SO, ,GANG LA THUN MONG MA YIN PA'I PHYIR, RJES SU DPAG PA MED CES BYA BA NI SGRUB PAR BYED PA ZHES BYA BA DANG 'BREL LO, ,ZLA BA'I SGRAS BRJOD PAR BYA BA NYID LA DNGOS PO'I STOBS KYIS ZHUGS PA'I RJES SU DPAG PA DNGOS PO SGRUB PA LA STON PA NI YOD PA MA YIN NO, ,GAL TE SGRUB PAR BYED PA'I RJES SU DPAG PA MED NA, 'O NA GANG GIS ZLOG PAR BYED PA LA GNOD PA BYED CE NA, MED PA NI 'GAL BA'I DON SGRA LAS BYUNG BA'I GRAGS PAS GSAL BA YIN NO, ,RJES SU DPAG PA 'GOG PA 'DIS NI DNGOS PO'I STOBS KYIS ZHUGS PA'I RJES SU DPAG PA MA YIN NO ZHES BSTAN PA YIN NO, ,GAL TE 'DI RJES SU DPAG PA YIN NA, RJES SU DPAG PA 'GOG PAS BZLOG PAR 'GYUR RO, ,RJES SU DPAG PAR MI 'DOD PA YANG MA YIN TE, 'GRO LA GRAGS PA RANG BZHIN RTAGS, ,ZHES BRJOD PA'I PHYIR RO, ,'DI LTAR 'DI SGRA LAS BYUNG BA'I GRAGS PA TZAM 'BA' ZHIG GNOD PAR BYED PA YIN GYI, DNGOS PO'I STOBS KYIS ZHUGS PA'I RJES SU DPAG PA NI MA YIN NO, ,RUNG BA TZAM NYID NA MNGON DU PHYOGS PAR NUS PA MA YIN TE, DE LA NI DNGOS PO TZAM SNANG BA'I PHYIR RO, ,'ON TE YANG GAL TE RNAM PAR MI RTOG PA YIN PA'I PHYIR DNGOS PO TZAM SNANG BA YIN GYI BRJOD BYA RJOD BYED KYI NGO BO MA YIN NA, 'O NA RGYU DANG 'BRAS BU'I DNGOS PO YANG MI SNANG BA NYID DO, ,DE LA JI LTAR RGYU DANG 'BRAS BU'I DNGOS PO YANG YIN PA DE BZHIN DU BRJOD BYA RJOD BYED KYI DNGOS PO YANG YIN NO ZHE NA, DE NI BDEN MOD KYI 'ON KYANG RGYU DANG 'BRAS BU'I DNGOS PO 'DI THAMS CAD KYI YUL YIN GYI, BRJOD BYA RJOD BYED KYI DNGOS PO NI MA YIN NO, ,'DI LTAR, BRJOD BYA RJOD BYED NGO BO 'DI, ,YUL DANG DUS KYIS MI GZHAN 'JUG PA YIN, ,DNGOS PO DE LA CI, ,RGYU 'BRAS NYID YOD MA YIN NO, ,

, ,RGYU DANG 'BRAS BU'I DNGOS PO LA GAL TE DON DAM PAR MNGON SUM GYI TSAD MAS MA GRUB PA DE LTA NA YANG, 'GRO BA MTHA' DAG LA BYE BRAG MED PAR GRUB PA'I DBANG GIS NA MNGON SUM LTA BUR SNANG NGO, ,'DI LTAR, NGA YIS SNGON MTHONG DU BA DE, ,ME YI RGYU DANG LDAN PA YIN, ,GZHAN DU 'DI NYID 'DI ZHES PA'I, ,SHES PA SKYE BAR JI LTAR 'GYUR, ,GAL TE SNGAR MA BRTAGS PA DE LTA NA YANG NGAS SNGAR MTHONG BA NYID DO, ,'O NA MNGON SUM RNAM PAR RTOG PA DANG BCAS PAR 'GYUR RO ZHE NA, MA YIN TE, SNGAR RNAM PAR RTOG PA MED PA'I PHYIR TE, RNAM PAR RTOG PA MED BZHIN BDAG GIS MTHONG NGO ZHES RTOGS PA'I PHYIR RO, ,DUS GZHAN DU BYUNG BA'I RNAM PAR RTOG PA'I SNGAR BYUNG BA'I MNGON SUM RNAM PAR RTOG PA DANG BAS PA'I RGYU MTSAN MA YIN TE, DE DANG 'BREL PA MED PA'I PHYIR RO, ,GAL TE PHYIS KYI DUS SU BYUNG BA'I RNAM PAR RTOG PA YUL MED PA NYID YIN PAS CI LTAR NA DES RNAM PAR RTOG PA MED PA NYID DU RNAM PAR 'JOG , 'DAS PA'I YUL NI MNGON SUM DU 'GYUR BA MA YIN TE, DES NA JI LTAR RNAM PAR RTOG PA MED PA NYID DU RNAM PAR 'JOG CE NA, MA YIN TE, MI DMIGS PA 'DAS PA'I YUL CAN NYID DU MI 'GAL BA'I PHYIR RO, ,'DI LTAR 'DAS PA DANG DA LTAR BAR SGRUB PA PO'I MNGON SUM LOG PA'I MTSAN NYID KYI MI DMIGS PA NI MED PA'I THA SNYAD SGRUB PAR BYED PA YIN NO, ,'JIG RTEN GYI THA SNYAD MTHA' DAG NI DE LTA BU NYID DE, DE LTAR MA YIN NA THA SNYAD MED PAR 'GYUR BA'I PHYIR, 'GA' YANG 'DUG PAR YANG MI BYA 'GRO BAR YANG MI BYA BAR 'GYUR RO, ,DE'I PHYIR, GANG TSE 'DAS DANG DA LTAR GYI, ,MNGON SUM LOG PAR 'GYUR BA LA, ,RTOGS PA PO YI DRAN PA YI, ,'DU BYED RMONGS PA MED GYUR PA, ,DE TSE DES NI MED GYUR PA'I, ,THA SNYAD RAB TU 'JUG PA YIN, ,DNGOS PO 'DI RNAMS BCAD PAR NI, ,'GRO BA KUN LA 'GRUB PA YI, ,BRJOD PAR BYA BA DANG, RJOD PAR BYED PA'I DNGOS PO NI NGAS MNGON SUM GYIS BZUNG NGO ZHES RTOGS PA SU YANG MED DO, ,'DI LTAR; MTHONG BA TZAM GYIS MA BSTAN PAR, ,SGRA DON BRJOD BYA RJOD BYED DU, ,'DZIN MIN BSTAN PA DE YANG NI, ,DE LTAR NYID DU RTOGS PA MED, ,MTHONG BA MED PA NYE BAR BSTAN PA 'DI NI BRJOD PAR BYA BA'O, ,'DI NI RJOD PAR BYED PA'O ZHES SGRA DANG DON DAG 'BREL PA RTOGS PA NI 'GA' YANG MED DO, ,NYE BAR BSTAN

PA YANG GAL TE 'GA' ZHIG SMRA BA NA 'DOD PA NYID DO, ,GZHAN DU NA 'CHAD PA'I RNAM PAR RTOG PA MED PAR 'GYUR RO, ,RGYU DANG 'BRAS BU'I DNGOS PO NI GZHAN DU BSGRUB PAR NUS PA MA YIN NO, ,GAL TE MING GI LAS NI MNGON SUM ZHES, ,BYE BRAG PA DAG RJOD PAR BYED, ,'DI LTAR 'DI NI MCHOD SBYIN ZHES,, DNGOS PO'I BRDA YI DUS SU NI, ,MTHONG ZHING THOS NA DE BZHIN DU, ,MNGON SUM NYID LAS RTOGS PAR 'GYUR, ,BRDA BYED PA'I DUS NA GANG GI TSE LHAS BYIN LA SOGS PA MING BYA BAR 'DOD PA'I YUL GYI DNGOS PO MDUN NA GNAS PA MTHONG BA DANG, LHAS BYIN ZHES BYA BA LA SOGS PA'I RANG BZHIN RNA BA'I YUL DU DPYOD PA DE'I TSE, THA SNYAD BYED PA'I SKYE BO DAG 'DI'I MING NI 'DI YIN NO ZHES NGES PA YIN NO, ,RIGS THA DAD PA MNGON SUM GYIS GZUNG BA DAG LA 'BREL PA NGES PAR MI 'GYUR BA YANG MA YIN TE, 'DI LTAR, GZHAN DU DRAN DANG MYONG BA DANG ,PHAN TSUN DU NI 'BREL 'GYUR BAR, ,YONGS SU NGES PAR MI 'GYUR TE, ,RIGS MI MTHUN PAR GNAS PHYIR RO, ,DE NI DE LTAR MA YIN TE, ,'DI LTAR GAL TE MING CAN DAG ,'BREL PA MNGON SUM GYIS 'DZIN NA, ,DUS GZHAN DAG TU GZHAN NYID DU, ,'DZIN PA NYID DU MI 'GYUR RO, ,GAL TE MING DANG MING CAN GYI 'BREL PA MNGON SUM GYI TSAD MAS RTOGS PA YIN NA; CI LTAR YUL GZHAN DU MI GZHAN LA GZHAN DU 'GYUR, MNGON SUM GYIS GRUB PA NI SNGON PO LA SOGS PA 'AM, DNGOS PO DANG 'BREL PA GZHAN YANG RUNG STE, GZHAN DU 'GYUR BA MA YIN NO, ,DE BZHIN DU MING DANG MING CAN GYI RTOGS PA NI NYE BAR BSTAN PA'I RJES SU 'GRO BA DANG LDAN PAR MTHONG BA NYID DO, ,'DI LTAR, RE ZHIG 'DI YI MING 'DI ZHES, ,'DIS BRJOD 'DI NI GSAL NYID DE, ,'DI YI MING 'DI YIN NYID DE, ,YONGS SU GSAL BAR MI SHES SO, ,RES 'GA' 'DI NI DUS GZHAN TSE, ,GZHAN NYID ,DU NI BYED PAR 'GYUR, ,GZHAN DANG GZHAN DU 'DOD PA ZHES, ,BYA BA GANG GIS 'GOG PAR BYED, ,BDAG KYANG 'DI LTA NYID ZHUGS TE, ,'DOD PA 'GA' YANG GANG GIS KYANG, ,DGAG PAR TSANG BA NYID YIN YANG, ,NAM YANG NUS PA MA YIN NO, ,GAL TE DANG PO DANG THA MAR GNAS THUR DU SKYES BU GSUM GYI RJES SU SONG BA CAN DGRA BO LA MED PA'I MING GANG GIS PHAR BAR BYA'O ZHES BYA BA'I RIGS

, ,PAS CI LTAR 'DOD PA MI BZLOG CE NA, MA YIN TE, DE'I MTSAN MA NYID DANG LDAN PA DANG DU MA NYID YIN PAS CI LTAR LOG ,'DI YANG NYE BAR BSTAN PA TZAM STE, 'DI LAS 'DAS TE NYE BAR STAN PAR MA MTHONG BA NI MA YIN NO, ,DES NA MING GI LAS NI MNGON SUM MA YIN NO, ,DE'I PHYIR BRJOD BYA RJOD BYED KYI DNGOS PO NI RGYU DANG 'BRAS BU'I DNGOS PO LTAR MA YIN PA'I PHYIR, SGRA LAS BYUNG BA'I GRAGS PA'I RJES SU DPAG PA NI DNGOS PO'I STOBS KYIS ZHUGS PA'I RJES SU DPAG PA MA YIN NO, ,DES NI DNGOS RNAMS YOD MED PA'I, ,RJES SU 'JUG CAN RJES DPAG LAS, ,THA DAD DE DBANG MI 'JUG PA, , DE 'DOD LAS SKYES YIN ZHES BSTAN, ,SGRA LAS BYUNG BA'I GRAGS PA'I RJES SU DPOG PA 'DI NI 'DOD PA TZAM GYIS 'JUG PA YIN LA, DNGOS PO'I STOBS KYIS BYUNG BA NI MA YIN NO, ,DES NA DNGOS PO GO BAR BYED PA MA YIN NO, ,ME LA SBYIN SREG SOGS SGRA LA, ,CI LTAR DON 'DI BRTAGS PA LTAR, ,DE BZHIN KHYI SHA LA SOGS PA, ,GZHAN YANG 'DOD PAS BRTAGS PAR GYIS, ,'DOD PAS BRTAGS PA LA BRTEN PA CAN GYI DON DAG LA DNGOS PO NGES PA CI ZHIG YOD, 'ON TE MA MTHONG BA DANG 'GAL BA MI RTOG STE, GZHAN RTOG NA NI MA MTHONG BA BSTAN PAR 'GYUR BA MA YIN NO, ,GANG DU 'DI RTOGS MNGON 'DOD PA'I, , 'BRAS BU 'THOB PAR 'GYUR BA MED, ,DE LTA MIN NA MING GIS NI, ,KUN GYIS THAMS CAD 'GRUB PAR 'GYUR, ,ZHE NA, DE NI BDEN TE NGED KYANG DE LTAR DAM BCA' BA YIN NO, ,'ON KYANG KHYED CAG NYID DON MED PAR 'DI GZHAG PA LA SBUGS CHEN POR 'JUG PAR ZAD DO, ,'DI LTAR, GAL TE DON NI BRGYUD PA YIS; ,NGES PA LA NI SDOD BYED NA, ,DE NYID NYE BAR BSTAN PAR 'GYUR, ,DON LA LONG BA BRGYUD PA NYID, ,GAL TE DON NI RIG BYED PA, ,DBANG PO LAS 'DAS MTHONG YOD NA, ,DE LTAR YIN NA PHAN TSUN DU, ,'GAL BA PA NI NYID DU 'GYUR, ,KHYED LAS DBANG PO LAS 'DAS PA MTHONG BA GZHAN YOD PA'I SKABS RNYED PAR DKA' BA MA YIN NO, ,'O NA DON 'DI YANG 'GA' ZHIG GIS BRTAGS PA NYID YIN NO, ,DE NYID KYIS YID CHES PA MA YIN PAS NA GZHAN DAG KYANG BRTAG PAR BYA BA YIN NO, ,RANG GI SHES PAS DE MI SHES PA LA BSTAN PA YIN NO ZHE NA, DE NYID SHES MOD KHYOD LA DPYAD PAS CI BYA, ,DE MA DPYAD PAR SLU

BAR BYED PA ZHES BYA BAR YANG 'GYUR DES NA SEMS SO ZHE NA, 'O NA NYE BAR BSTAN PA TZAM GYIS YID CHES PA 'OR CIG ,RANG BZHIN DANG RKYEN GYI RJES SU MTHUN PAR RTOG GO ZHE NA, RANG BZHIN DANG RKYEN GYI DON DE YANG NYE BAR BSTAN PA NYID LAS GRUB PA MA YIN NAM, DES NA DE YANG SBYOR BA MTHONG BA NYID LAS BSGRUB PAR BYA BA YIN LA, SBYOR BA YANG RANG BZHIN DANG RKYEN GYI DON LAS SKYES PA YIN PA'I PHYIR, LONG BA BRGYUD PA DANG PHAN TSUN BRTEN PAR 'GYUR RO, ,DE LTAR NA CHOS SU MI 'GYUR RO ZHE NA, 'DI LA BSHAD ZIN TO, ,GZHAN YANG DE LTAR NA CHOS SU 'GYUR RO ZHES BYA BA 'DI YANG NYE BAR BSTAN PA YIN PA'I PHYIR 'DI NI GYI NA'O, ,GAL TE RI BONG CAN NI ZLA BA YIN NO, ,YOD PA'I PHYIR GRUB PA'I BRJOD BYA BZHIN NO, ,DES NA RJES SU DPAG PA 'DI JI LTAR DNGOS PO'I STOBS KYIS ZHUGS PA MA YIN ZHE NA, 'DI LA BSHAD ZIN TE, GZHAN YANG, RI BONG CAN ZLAR MI 'DOD PAR, ,DE GRAGS GANG ZHIG 'DOD PAR 'GYUR, ,DE PHYIR DE LA DPE MED CAN, , DE NI THUN MONG MA YIN 'DOD, ,GRAGS PA MTHA' DAG SPONG BAR BYED PA LA, ,DPE MED PA'I PHYIR THUN MONG MA YIN PA'I PHYIR RJES SU DPAG PA MED LA ZHES BSHAD ZIN PA YIN NO, ,RI BONG CAN ZLA BA'I SGRAS BRJOD PAR BYA BA YIN PAR 'GRO BA MTHA' DAG GI GRAGS PA LAS 'BYUNG BA DE LTAR MI 'DOD PA DE NI GRAGS PA GZHAN YANG MI 'DOD PA YIN NO ZHES BYA BA 'DI GRUB PA YIN NO, ,DES NA YOD PA'I PHYIR ZHES BYA BA LA SOGS PA'I RJES SU DPAG PA NI DE LA LTOS TE DPE MED PA CAN YIN NO, ,DE LA GTAN TSIGS THAMS CAD KYANG THUN MONG MA YIN PA NYID DO ZHES BSHAD ZIN PA NYID DO, ,DES NA RI BONG CAN ZLA BA MA YIN TE, YOD PA'I PHYIR ZHES BYA BA 'DI'I DON CI YIN ZHE NA, YOD PA'I PHYIR RO ZHES BYA BA'I GTAN TSIGS KYIS RI BONG CAN ZLA BA YIN PAR MI 'GYUR RO ZHES BYA BA'I DON TO, ,'DIS NI ZLA BA NYID BSGRUB PAR NUS PA MA YIN NO, ,'O NA GANG GIS BSGRUBS MA BSGRUBS NA YANG CI LTAR GNOD PAR BYED PA MA YIN ZHE NA, SGRA LAS BYUNG BA'I GRAGS PA DANG PO'I DBANG GIS BYUNG BA MA YIN PAS SNYAM DU BSAM PA'O, ,GAL TE ZLA BA GCIG YIN PA'I PHYIR THUN MONG MA YIN PA NYID MA YIN NAM, DE CI LTAR NA GRAGS PA MTHA' DAG SNYON PA'I RGOL BA LA LTOS NAS RJES SU DPAG PA 'DI THUN MONG MA YIN PA NYID DU 'DOD PA YIN NO ZHES BYA BA 'DI CI LTAR RNYED CE NA, 'DI NI CUNG ZAD KYANG MA

, ,YIN TE, 'DI LTAR, DPE GCIG NYID DBANG BYAS NAS NI, ,DE SKAD BSHAD MIN MTSAN NYID PHYIR, ,DE BZHIN DU TRIG SHING MIN ZHES, ,BRJOD PA LA YANG GNOD PHYIR RO, ,SHA BA NI SHING MA YIN TE, ,YOD PA'I PHYIR RO ZHES BYA BA 'DI LA YANG SHING GCIG YIN PA'I PHYIR RO ZHES BYA BA LAN MA YIN NO, , DPE GCIG PA NYID KYI DBANG DU BYAS NAS MTSAN NYID 'JUG PA NI MA YIN NO, ,GAL TE DPE GCIG NYID KYI DBANG DU BYAS NAS MTSAN NYID 'JUG PA MA YIN NO ZHES BYA BA'I RIGS PA 'DIS NI CI YIN, DPE DE BSGRUB PAR MI BYA BA NI MA YIN NO, ,DE STE DPE GZHAN YANG NANG DU 'DUS TE MTSAN NYID BYA BA YIN NO, ,DE LTAR MTSAN NYID BYAS PA'I BSTAN BCOS NI TSEGS MED PAR 'GRUB PAR 'GYUR BAS NA RTOGS PA PO NUB PAR MI 'GYUR RO ZHE NA, 'O NA GANG DU DPE GZHAN MED PA DER NI MTSAN NYID MI 'JUG GAM, 'DI LTAR LHUN PO MAN DAR MO NA DANG, ,TI SE AU RAL LA LA SOGS, ,DE YI RANG BZHIN YIN PA'I PHYIR, ,DPE 'GA' YANG NI YOD MA YIN, ,'DIR BSHAD PA, MTSAN NYID GANG DE MA KHYAB DANG, ,HA CANG KHYAB PA DANG BRAL BAR, ,BSGRUB BYA DES NI GZHAN GYIS NI, ,BRJOD PAS NA NI MA KHYAB PAR, ,'DI LTAR SHA PA NI SHING MA YIN TE, YOD PA'I PHYIR ZHES BYA BA 'DIR YANG GRAGS PA GNOD PAR BRJOD PAR BYA BA YIN NA, DE JI LTAR GZHAN GYIS BRJOD PA'I RIGS PA LAS 'JUG PAR 'GYUR, SHING GCIG NYID NI MA YIN TE, BLAG SHA LA SOGS PA YANG YOD PA'I PHYIR RO, ,'ON TE THUN MONG PA NYID KYI RJES SU DPAG PA YOD PA NYID KYIS DES GNOD PAR 'GYUR RO ZHE NA, 'DIR BSHAD PA, 'DIR YANG GA PUR DNGUL SOGS LA, ,'JIG RTEN NA NI MTHONG BA'I PHYIR, ,BRDA LAS 'JUG PAR 'GYUR BA LA, ,THUN MONG MIN PA NYID KYANG CI, ,ZLA BA'I SGRA'I BRJOD BYA NYID KYANG DNGUL LA SOGS PA LA MTHONG PA NYID DO, ,DES NA, ZLA BA GCIG NYID JI LTAR YIN, ,BRDA LAS 'JUG PA'I SGRA DAG NI, ,GANG DU'ANG MI 'JUG PA MED DO, ,DES NA DER YANG RJES SU DPAG PAS GNOD PA NYID PAS NA GRAGS PA BSAL BA ZHES BYA BA MED PAR 'GYUR RO, ,'ON TE DNGUL LA SOGS PA LA, ,ZLA BA'I SGRAS BRJOD PA NI GRAGS PA LA BRTEN PA MA YIN TE, 'ON KYANG SPOS KYI SBYOR BA SMRA BA LA SOGS PA 'GA' ZHIG GIS CI LTAR RUNG BAR BRTAGS PA DE DNGOS PO LA 'JUG PA MA YIN NO ZHE NA DE NI MA YIN TE,

GAL TA LA LAR DE GRUB NA, ,DE NI DNGOS STOBS LAS GRUB YIN, ,GRAGS GRUB KHAS LEN RI BONG CAN, ,MA YIN PA LA'ANG BZLOG MED PHYIR, ,DE'I DON NI 'DI YIN TE, GAL TE GA PUR LA SOGS PA DAG LA DON DAM PAR GRUB PA MA YIN TE, SPOS SBYOR 'CHAD PA LA SOGS PA DE NYID KYIS SBYOR BA YIN NA, 'O NA RI BONG CAN LA DE DNGOS PO LAS GRUB PAR 'GYUR BA DES NA JI LTAR GRAGS PAS GNOD PA'I DPER 'GYUR, 'ON TE DE NI GRAGS PAS GRUB PA NYID DO, ,DES NA GRAGS PAS GNOD PA YIN NO ZHE NA, GRAGS PAS GRUB PAR KHAS LEN NA NI, GA PUR LA SOGS PA RI BONG CAN MA YIN PA LA'ANG BZLOG PA MED PA KHO NA'O, 'DI LTAR DE LA YANG MA GRAGS PA MA YIN NO, ,DES NA RJES SU DPAG PAS GNOD PA NYID DU 'GYUR GYI, GRAGS PAS GNOD PAR NI MI 'GYUR RO, ,'ON TE GA PUR LA SOGS PA LA TSIM PHAR BYED PA LA SOGS PA'I RGYU MTSAN GYIS 'JUG PA YIN TE, DES NA DE DPE MED MA YIN NO, ,DES NA THUN MONG MA YIN PA NYID DO ZHE NA, 'DI LA BSHAD PA, DNGOS PO LA NI GRUB PA DE, ,RI BONG CAN LA'ANG BZLOG PA MED, ,DNGOS DE MED NA RI BONG CAN, ,BZLOG KYANG NYES PA YOD MA YIN, ,GAL TE GA PUR LA SOGS PA LA ZLA BA'I SGRAS BRJOD PA NYID RGYU MTSAN GYIS RAB TU SBYAR BA YIN NA, RI BONG CAN LA YANG BZLOG PA MED DE, RGYU MTSAN DE YOD PA'I PHYIR RO, ,'ON TE DNGOS PO DE MA GRUB PA'I PHYIR BZLOG PA MA YIN NA, DE'I TSE RI BONG CAN LA BZLOG KYANG SKYON YOD PA MA YIN TE, DNGOS PO DANG 'BREL PA DNGOS PO MED NA MED PAR 'GYUR RO ZHES BYA BA 'DI NI MA GRUB PA MA YIN NO, ,DE'I PHYIR DNGOS MED NGES BRDA CAN, ,SGRA LAS BYUNG BA'I CHOS RNAMS DANG, ,DON RNAMS RUNG BA NYID YIN TE, ,DON LA DGAG PA MED PHYIR RO, ,DON THAMS CAD NI DNGOS PO NGES PA CAN MA YIN PA'I BRDA TZAM LAS BYUNG BA'I CHOS RNAMS KYI RUNG BA NYID YIN PA'I PHYIR RUNG BA NYID DES GNOD NA GRAGS PAS BSAL BA'I MTSAN NYID KYI SKYON NO, ,GAL TE SGRA THAMS CAD RGYU MTSAN GYIS RAB TU SBYAR BA MA YIN NAM; MAN DA TZA TA'I SGRA LA SOGS BA DAG LA YANG SPYI 'AM, KHYAD PAR GYI RANG BZHIN GYI RGYU MTSAN 'GA' ZHIG YOD PA NYID KYIS GRAGS PA TZAM NYID NI MA YIN NO ZHE NA DE NI DE LTA MA YIN TE, SGRA THAMS CAD LA 'JUG PA'I RGYU MTSAN LA BRTEN NAS, RGYU MTSAN DANG LDAN PA DE LA 'JUG GO ZHES BYA BA LA TSAD MA MED DO,,

, ,RGYU MTSAN LA YANG RGYU MTSAN LA LTOS PAS THUG PA MED DO, ,'DI LTAR, GAL TE LA LAR DE GRUB NA, ,DE NI DNGOS STOBS LAS GRUB YIN, ,RGYU MTSAN DANG LDAN PA ZHES BYA BA TSIG GI LHAG MA'O, ,GRAGS GRUB KHAS LEN RI BONG CAN, ,MA YIN PA LA'ANG BZLOG MED PHYIR, ,GRAGS PA TZAM GYIS SGRA'I DON GRUB PAR KHAS LEN NA RI BONG CAN MA YIN PA LA'ANG BZLOG PA MED DO, ,GANG YANG RUNG BA LA 'JUG PA'I BRJOD BYA RJOD BYED KYI DNGOS PO NI SO SOR NGES PA NYID YIN PAR RIGS PA MA YIN TE, SO SOR NGES PA'I TSAD MA MED PA'I PHYIR RO, ,DE LA CI LTAR RGYU MTSAN LA RGYU MTSAN MED PA KHO NAR 'JUG PA DE BZHIN DU, RGYU MTSAN DANG LDAN PAR YANG 'GYUR RO, ,RGYU MTSAN LA NI 'DOD PA LAS GZHAN GYIS 'JUG PA MA YIN NO, ,'ON TE DE LAS NI RANG BZHIN NYID KYIS 'JUG NA GZHAN DU YANG RANG BZHIN GANG GIS BZLOG PAR BYA, 'ON TE DE DANG LHAN CIG DON DAM PA'I 'BREL PA YOD PA DES NA SBYIN PA LA SOGS PA DE NYID LA 'JUG GO ZHE NA; 'DI JI LTAR RTOGS PAR BYA, 'DOD PA TZAM GYIS 'JUG BZHIN PA'I SGRA NI DA LTAR BA'I SGRA 'DOD PA TZAM GYIS MTHONG BA NYID DO, ,DE CI LTAR GZHAN LA RNAM PA GZHAN DU 'JUG ,'JUG BZHIN PAR MTHONG BA DES NA 'JUG PA ZHES BRJOD PA YIN NO ZHE NA, MA YIN TE, 'DOD PA TZAM GYIS BCUG ZIN PA YANG SRID PA'I PHYIR RO, ,'DOD PA TZAM GYIS ZHUGS PA LAS KHYAD PAR GZHAN MTHONG BA NI MED DO, ,'DOD PA MA DMIGS PA'I PHYIR RO ZHE NA, MA DMIGS PA 'DI NI 'DAS PA'I 'DOD PA LA YANG SRID PA YIN NO, ,MA DMIGS PA 'DOD PA THAMS CAD KYI GNOD PA BYED PA NI MA YIN TE, DA LTAR NYE BAR GNAS PA'I KHYAD PAR NYID KYIS GNOD PAR BYED PA YIN GYI THAMS CAD KYIS NI MA YIN NO, ,DE'I PHYIR GAL TE 'DIR 'DAS NAS YUN RING DU LON PA 'GA' ZHIG GI 'DOD PA BYUNG BA YIN LA, DE'I NYE BAR BSTAN PA LAS DA LTAR BA RNAMS THA SNYAD BYED PA'I PHYIR 'DI LA 'GAL BA CI ZHIG YOD, DES NA RGYU MTSAN BZHIN DU RGYU MTSAN DANG LDAN PA LA YANG 'DOD PAS 'JUG PA YIN PAS RGYU MTSAN BRTAGS PA DON MED PAS CI ZHIG BYA, GZHAN DAG SMRA BA NI SNGAR RGYU MTSAN LA ZHUGS PA'I PHYIS RGYU MTSAN CAN LA 'JUG PA NI MA YIN NO, ,RIM GYIS 'JUG PA MA MTHONG BA'I PHYIR RO, ,GAL TE DNGOS PO NYID DANG BA LANG NYID CES RGYU MTSAN 'GA' ZHIG LA YANG 'JUG PAR

MTHONG BA NYID DO ZHE NA, MA YIN TE, DE NI SGRA GZHAN YIN PA'I PHYIR RO, ,GANG ZHIG GANG LA SBYAR BA DE NI DE'I RJOD PAR BYED PA YIN TE, BRJOD BYA RJOD BYED KYI DNGOS PO THAMS CAD NI SBYOR BA MTHONG BA'I STABS LAS BYUNG BAR 'GRUB PA YIN NO, ,RJES SU 'GRO BA DANG LDOG PAR RTOGS NA NI DNGOS PO'I RKYEN GYI MTHA' CAN RDZAS LA 'JUG PA NYID DO, ,DNGOS PO'I RKYEN DANG BRAL NA RDZAS LA 'JUG PA YIN PA'I PHYIR RO, ,CI STE RDZAS LA 'JUG PA CI LTAR DNGOS PO'I RKYEN YOD NA RGYU MTSAN TZAM RJOD PAR BYED PA YIN, GANG GI TSE RGYU MTSAN TZAM LA 'JUG PA DE'I TSE NI DNGOS PO'I RKYEN DON DE NYID GSAL BAR BYED PA'I PHYIR RIGS PA YIN NO; ,DNGOS PO'I RKYEN MED PAR NI RDZAS DANG DNGOS PO'I RJOD PA'I BA LANG GI SGRA GNYIS THA DAD PAR RTOGS PA MA YIN NO, ,DES NA DNGOS PO'I RKYEN GYIS RNAM PAR 'BYED PA YIN NO ZHE NA, MA YIN TE, RKYEN THAMS CAD NI RANG GI DON NYID 'JUG PA MA YIN NO, ,RDZAS LA 'JUG PA DE GNYIS LA DNGOS PO'I RKYEN BYAS NAS DE'I KHYAD PAR RGYU MTSAN RTOGS PA'I PHYIR 'GAL BA 'GA' YANG MED DO, ,RANG BZHIN DANG RKYEN GYIS RNAM PAR DBYE BA NI DON DAM PA YANG YIN TE, SBYOR BA LAS TSOGS PA NYID RJOD BYED DU RTOGS PA YIN NO, ,RANG BZHIN DANG RKYEN LA SOGS PA'I RNAM PAR DBYE BA NI BYIS PAS RTOGS PAR BYA BA'I DON DU RNAM PA 'BA' ZHIG LTAR BRTAGS PA YIN TE, DE LTA MA YIN NA BYIS PAS BDE BLAG TU RTOGS PAR BYA MI NUS PA'I PHYIR RO, ,DES NA RGYU MTSAN LA BRTEN NAS RGYU MTSAN CAN LA 'JUG PA ZHES BYA BA 'DI LA TSAD MA 'GA' YANG MED DO, ,GZHAN DAG SMRA BA NI SGRA NI RGYU MTSAN DANG LDAN PA NYID LA 'JUG GO, ,RGYU MTSAN NI BRJOD PAR BYA BA MA YIN PA BZHIN DU RNAM PAR GCOD PAR BYED PA YIN TE, RGYU MTSAN DE LAS 'BYUNG BA NI MA YIN NO ZHE'O, ,DE NI DE LTA MA YIN TE, 'DI LTAR, GAL TE LA LAR DE GRUB NA, ,DE NI DNGOS STOBS LAS GRUB YIN, ,RTOGS PAS GRUB PAR KHAS LEN NA, ,RI BONG CAN LA'ANG BZLOG MED PHYIR, ,GAL TE RGYU MTSAN LA LAR GRUB NA DE NI DNGOS PO'I STOBS KYIS GRUB PA YIN NO, ,SGRAS RGYU MTSAN MA RTOGS NA JI LTAR DES RNAM PAR BCAD PA LA 'JUG ,GAL TE DES RNAM PAR BCAD PA RTOGS NA DE YANG BLO LA GNAS PAS NA CI LTAR BRJOD PAR BYA BA MA YIN, RGYU MTSAN CAN LA SGRAS RTOGS PA YIN PA'I PHYIR BRJOD PAR BYA BA NYID

, ,YIN LA, DE NI RGYU MTSAN LA YANG MTSUNGS PA YIN NO, ,'ON TE RDZA SA NYID GTZO BOR RTOGS PA YIN LA, MNGAR BA LA SOGS PA'I YON TAN NI RTOGS SU ZIN KYANG BRJOD BYA MA YIN TE, MED NA MI 'BYUNG BA NYID KYIS RTOGS PA YIN PA'I PHYIR RO ZHE NA, GTZO BO PHAL PA LA SOGS PA, BRJOD 'DOD MED NA MI 'BYUNG YIN, ,GANG GI DBANG DU BYAS NA NI, ,'JUG PA DE NYID GTZO BOR RIGS, ,DE LA RES 'GA' NYID NI MNGAR BA NYID GTZO BO NYID YIN LA RES 'GA' NI RDZAS YIN PA'I PHYIR RO, ,BRJOD BYA RJOD BYED KYI DNGOS PO NI 'JIG RTEN GYI RNAM PAR GZHAG PAS YIN NO, ,MNGAR BAS DON DU GNYER YIN NA, ,RTAG TU BU RAM BZA' BAR GYIS, ,GAL TE NAD KYIS DON GNYER NA, ,DE YI DON CAN SBRANG RTZI ZO, ,GANG GI TSE LTO LA DAN GYI RIGS CAN GYI ZA BA PO'I 'GA' ZHIG YOD NA DE'I DON DU BU RAM BSTAN PAS MNGAR BA RTOGS PAR BYED LA, GANG GI TSE BAD KAN SEL BA LA SOGS PA NUS PA'I KHYAD PAR CAN SBRANG RTZI LA SOGS PA 'BA' ZHIG STON PAR BYED PA DE'I TSE NI RDZAS TZAM BSTAN PA GTZO BO YIN NO, ,DE'I PHYIR GNYIS KA YANG RTOGS PA YIN LA, ,GTZO BO DANG PHAL PA'I KHYAD PAR NI 'GA' ZHIG GI TSE 'GA' ZHIG RNAM PA 'GA' ZHIG GIS YIN NO ZHES BYA BA NI RNAM PAR DBYE BA'O, ,DE LA GNYIS RTOGS PA NA RGYU MTSAN GZHAN NI MED PA'I PHYIR GRAGS PA TZAM ZHIG LUS PA YIN NO, ,CI STE YANG RGYU MTSAN NI NYE BAR MTSON PA TZAM YIN TE, DE BRJOD PAR BYA BA NI MA YIN NO, ,DPER NA LHAS BYIN GYI KHYIM GANG YIN ZHES PA LA, GANG NA BYA ROG YOD PA'O ZHES BYA BA LA, BYA ROG KYANG KHYIM GYI TSIG GIS BRJOD PAR BYA BA NI MA YIN PA BZHIN NO, ,JI LTAR BRJOD PAR BYA BA MA YIN PA BZHIN DU DE MED KYANG LHAS BYIN GYI KHYIM NYID YIN PA DES NA BLANG BAR BYA BA MA YIN PA NYID DO, ,DE BZHIN DU BRAM ZE LA SOGS PA'I SGRA LA YANG MI LA SOGS PAR STON PAR BYED PA YIN NO, ,BYA ROG GIS DE NYE BAR MTSON PA YANG MA YIN TE, DE NI MI RTAG PA'I PHYIR RO,, RTOG PA SNGON DU BYED PA NI BYA ROG GIS NYE BAR MTSON PA'I LHA GANG LA SOGS PA GZHAN NYID RGYU MTSAN DU BYED DE, DE LTA MA YIN NA DE THA SNYAD MI 'GRUB PA'I PHYIR RO, ,'O NA JI LTAR BRJOD PA MA YIN PA'I BYA ROG NYE BAR MTSON PA YIN ZHE NA, MNGON SUM GYIS GRUB PA'I PHYIR RO, ,DE NYID KYIS NI 'DI NI BYA ROG GI

SGRA NYID KYIS BSTAN PA YIN NO, ,RIGS LA SOGS PA'I RGYU MTSAN LA NI STON PAR BYED PA'I RJOD BYED GZHAN YOD PA MA YIN NO, ,DE'I PHYIR BRJOD PAR BYA BA MA YIN YANG RNAM PAR GCOD PAR BYED PA YIN NO ZHE NA, ZER BA NI GANG ZHIG LOGS SHIG TU RTOGS PAR 'GYUR BA YIN LA, GANG GI SGRA DE NYID LAS RTOGS PA NI BRJOD PAR BYA BA NYID DO, ,SGRAS BLO LA SKYED PA NI BRJOD BYA NYID DU BSTAN PA YIN PA'I PHYIR RO, ,DE LA SGRAS RTOGS PA NYID YIN GYI, BRJOD BYA NYID NI MA YIN NO ZHE NA, RTOGS PA GRUB PAR KHAS LEN NA NI, BRJOD PAR BYA BA NYID MA YIN PA NYID RI BONG CAN LA YANG BZLOG PA MED PA'I PHYIR RO, ,RGYU MTSAN BZHIN DU RGYU MTSAN CAN LA YANG BRJOD BYA NYID MA YIN PAR 'GYUR RO ZHES BYA BA'I DON TO, ,RTOGS PA NYID LAS BRJOD BYA YIN NA NI RGYU MTSAN LA YANG MTSUNGS SO, ,GAL TE TIL MAR BYIN CIG CES BYA BAS SNOD RTOGS PA YIN YANG TIL GYI SGRA'I BRJOD PAR BYA BA NI MA YIN PA BZHIN NO ZHE NA, MA YIN TE, DE THAMS CAD KYI TSE RTOGS PA MA YIN PA'I PHYIR RO, ,RANG GI SNOD KHYER 'ONGS PA NA YANG TIL MAR STER PA'I DON DU GNYER PA SRID PA'I PHYIR RO, ,DE'I PHYIR BRJOD BYA MA YIN PA SGRA GZHAN GYIS MI RTOGS PA NI NYE BAR MTSON PA YIN MI SRID DO, ,MTSON PAR GYUR PAS NI 'GA' ZHIG MTSON PAR NUS KYI, MTSON PAR GYUR PA MA YIN PAS MTSON NA NI, HA CANG THAL BA'I PHYIR RO, ,'ON TE DANG PO DES NYE BAR MTSON PA'I PHYIR PHYIS SHIN TU GOMS PA LAS DE'I TSE DE RTOGS PA MED KYANG DES RNAM PAR BCAD PA NYID LA SGRA 'JUG GO ZHE NA, DE LTA NA 'O NA ME LA SBYIN SREG CES BYA BA LA SOGS PA'I SGRA KHYI SHA BZA' BA LA SOGS PA LA YANG 'JUG PAR 'GYUR TE, BYA ROG BZHIN DU DE LA DE'I RGYU MTSAN ZHUGS PA'I PHYIR RO, ,DE LTA MA YIN NA CI LTAR BA LANG GI SGRAS DON DGU LA 'JUG PA DE NI DE LA GRAGS PA YIN NO ZHE NA, KHYI SHA LA YANG YUL DANG DUS GZHAN DU MI 'JUG GO ZHES BYA BA 'DI GANG LAS DE'I PHYIR BRJOD PAR BYA BA DANG RJOD PAR BYED PA ZHES BYA BA 'DI DNGOS PO 'DI NGES PA MA YIN PA NYID DE, 'DOD PAS BKOD PA'I BRDA'I STOBS PA BRTEN PA'I PHYIR RO, ,DES NA RIG BYED SKYES BUS MA BYAS PA YIN YANG NYES PA DANG LDAN PA 'GA' YANG LDOG PA MA YIN TE, THAMS CAD LA RUNG BA NYID BZLOG PA MED PA'I PHYIR RO, ,RUNG BA NYID DANG 'GOG PA LA, ,BDAG

, ,'GOG MED LAS SKYES PA'I PHYIR, ,GRAGS YIN BYA BA'I RJES SU DPAG, ,RUNG BA'I YUL CAN GYIS GNOD BYED, ,'DI NI BRDA RJES 'JUG PA YI, ,SGRA RNAMS LA NI DON NGAS PA, ,YOD MIN CES BRJOD DE DAG RNAMS, ,DER 'GOG PA NI 'GAL BA YIN, ,GANG ZHIG KHYI SHA LA SOGS PA ME LA SKYIN SREG BYED PA DON MA YIN NO ZHES BYA BA DE LAS RUNG BA NYID KYIS YUL CAN GYI RJES SU DPAG PAS GNOD PAR 'GYUR RO, ,'DI LTAR BRDA TZAM GYIS 'JUG PA'I SGRA RNAMS LA NI DON NGES PA MED PA NYID DO, ,BRJOD PAR BYA BA GCIG KHO NAR 'GYUR RO ZHES BYA BA 'DI YANG NGES PA CI ZHIG YOD, DE LA GANG DAG KHYI SHA ZA BAR RTOGS PA NI GRAGS PA DANG 'GAL BA YIN NO ZHES ZER BA DE NI BRGAL ZHING BRTAG PAR BYA BA YIN TE, RIG BYED SKYES BUS MA BYAS SO ZHES BYA BA 'DI YANG GRAGS PAS GNOD PA YIN TE, GANG GI PHYIR RIG GI RI LA NI RIG GI RIG BYED BYAS PA LAS MA NI NI SA RI LA BYAS SO ZHES GRAGS PA'I PHYIR RO, , 'ON TE BYAS PA NI, DRAN PA LA 'JUG PA YIN GYI BSGRUB PA LA NI MA YIN NO, ,'DI LTAR LEGS PAR BYAS PA LA YANG BYED PA'I SGRA MTHONG STE, RGYAB TU GYIS SHIG RKANG PAR GYIS SHIG CES BYA BA BZHIN NO ZHE NA, MA YIN TE 'DIR GZHAN DU MI SRID PA'I PHYIR DE LTAR RTOGS PA YIN NO, ,'ON TE DE LTA MA YIN PA LA TSAD MA MED PA'I PHYIR RTOGS PA MED PA YIN NO ZHE NA, LUNG THAMS CAD KYANG SKYES BUS MA BYAS PAR THAL 'GYUR TE, DER BRTAG PA'I RGYU MTSAN YOD PA'I PHYIR RO, ,DE NYID KYI PHYIR, BDE BAR GSHEGS PA LA, DES NI RGYU MTSAN CAN SGRA YI, ,DON DAM SGRA RNAMS KYI NI DON, ,DON DAM PA NYID 'GOG PA LA, ,GNOD PA MED PAR BSTAN PA YIN, ,RGYU MTSAN LAS BYUNG BA'I MNYAN PA NI 'GA' YANG MED DO ZHES GAL TE BRJOD NA NI DE LA SKYON YOD PA LA, DON DAM PAR 'BREL PA'I STOBS KYIS MA YIN NO ZHES SO GAL TE BRJOD PA YANG DE LA GNOD PA MED PA KHO NA'O, ,DPYOD PA BA LA SOGS PA GANG DAG BRDA LAS 'BYUNG BA RNAMS KYANG MA YIN NO ZHES SMRA BA DE NYID LA GNOD PAR 'GYUR RO, ,DE LA GRAGS PA BAS NI RIGS PA MA YIN NO, ,DES NA YUL GYI KHYAD PAR NI, ,BSTAN PHYIR GRAGS PA RJES DPAG LAS, ,PHYI ROL GYUR PA MA YIN YANG, ,THA DAD BYAS YIN SNGA MA BZHIN, ,JI LTAR KHAS BLANGS PA DANG,

RANG GI TSIG SKABS KYI RTEN NYID DU KHAS BLANGS PA GNOD PAR BYED PA YIN GYI, GZHAN DU NI MA YIN TE, DAM BCAS PA'I DON GNOD PAR BYED PA'I PHYIR RO, ,RNAM PA THAMS CAD DU PHYIN CI LOG GNOD PAR BYED PA NYID NI MA YIN TE, GNYIS DAG STOBS MTSUNGS PA'I PHYIR RO, ,DE BZHIN DU GRAGS PA YANG DON DAM PA'I DON GYI GNOD PAR BYED PA NI MA YIN TE, 'ON KYANG RTOGS PA TZAM GYIS GRAGS PA SPONG BA LA GNOD PAR BYED PA YIN TE, DES NA DON DAM PAR NI MA YIN TE, GRUB PA THA DAD BSHAD PA LA, ,DGOS PA BSTAN PHYIR 'DI GNYIS NI, ,RGYU DANG BCAS PA RANG BRJOD DE, ,MNGON SUM RJES DPAG GNOD LA MIN, ,DE LA SLOB DPON GYIS 'DI SKAD GSUNGS SO, ,RANG GI NGO BO NYID KYIS BSTAN PAR BYA BA RANG NYID 'DOD PA NI, GAL TE MNGON SUM DANG RJES SU DPAG PA DANG LUNG DANG GRAGS PAS MA BSAL NA PHYOGS YIN NO, ,DPER NA SGRA NI MNYAN PA NYID MA YIN NO, ,BUM PA NI RTAG PA'O ZHES BYA BA LTA BU'O, ,GZHAL BYA'I DON CAN GYI TSAD MA DAG MED DO ZHES BYA BA NI TSAD MA DANG BCAS PA TZAM GYIS 'GAL BA YIN LA, GANG LA THUN MONG MA YIN PA'I PHYIR RJES SU DPAG PA LA 'GAL BA'I DON SGRA LAS BYUNG BA'I GRAGS PAS BSAL BA DE YANG PHYOGS MA YIN NO ZHES MNGON SUM DANG RJES SU DPAG PAS GNOD PA BZHAG STE LUNG BSTAN PAS GNOD PA'I RGYU DANG BCAS PAR GSUNGS TE, DAM BCAS PA TZAM GYIS ZHES BYA BA DANG, SGRA LAS BYUNG BA'I GRAGS PAS ZHES BYA BAR RO, ,DE LTA MA YIN TE, GAL TE SLOB DPON YUL THA DAD PAR STON PAR BZHED PA MA YIN NA NI 'DI GNYIS RGYU DANG BCAS PAR GSUNGS PAR MI 'GYUR RO, ,DE'I PHYIR RIGS PA SMRA BA MTHA' DAG GIS GTZO BO RIGS PA'I DBANG PHYUG DAM PA'I DGONGS PA NI 'DI NYID YIN NO, ,SBYOR BAR BYED PA RNAM PAR 'BYED PA LA THUGS GCIG TU GZHOL ZHING GSUNGS PA LA MKHAS PA NI DGOS PA YONGS SU RGYAS PA LAS GZHAN GSUNG MI SRID DO, ,'DI LTAR, 'BIGS BYED NANG NAS MI BZAD MUN CHEN RGYA CHEN 'JOMS PA'I THUGS MNGA' BA, ,DGE LEGS RIGS MTHOR 'OD ZER TSOGS CHEN RTAG TU 'GYED PAR MDZAD PA PO, ,LAM BRAL MI GSHEGS GZHAN GYIS THOGS MED SLOB DPON SNGON MED NYI MA YIN, MU STEGS GZHUNG GI LAM ZHUGS MTSAN MO RGYU BA'I TSOGS

, ,RNAMS THAMS CAD BSHIG ,DE'I PHYIR YUL THA DAD PA NYID RIGS SO, ,LHAG MA NI SNGAR BSHAD ZIN TO, ,MNGON SUM GYIS GNOD 'DI LA YANG, SGRA NI DU MA'I DNGOS NYID DU, ,GRAGS PA'I NGO BO NYID GANG ZHIG ,SNA TSOGS SU NI SNANG BA YI, ,BLO NI SKYE BA MED PA'I PHYIR, ,MNYAN LA GNYIS MED SNANG GYUR PA, ,GAL TE RTOGS PA'I PHYIR SLONG DPON GYIS MA GSUNGS KYANG, MNGON SUM GYIS GNOD PA 'DIR YANG BRJOD PAR BYA BA NI YOD PA MA YIN NO, ,DER YANG BRJOD PAR BYA BA NI SGRA MNYAN PAR BYA BA NYID DO ZHES BYA BA NI 'BREL PA 'GOG PA MA YIN NO, ,'O NA CI ZHA NA SNA TSOGS SU SNANG BA'I BLO SKYE BA MED PA'I PHYIR NYAN PA LA GNYIS SU MED PAR SNANG BA'I RANG BZHIN GANG YIN PA'O, ,RIGS DANG 'BREL PA LA SOGS PA NI SGRA'I SNANG BA DANG LHAN CIG SPYOD PAR SNANG BA MA YIN LA, MI SNANG BA YANG CI LTAR MNGON SUM YIN LA MNGON SUM YIN PA SPANGS PAS KYANG MNGON SUM GYIS GNOD PAR CI LTAR 'GYUR; 'DI YANG DE BZHIN DU STON PAR 'GYUR RO, ,DE'I PHYIR SNANG BA'I RANG BZHIN NYID SPONG NA MNGON SUM GYIS GNOD PA'I MTSAN NYID KYI SKYON YIN NO, ,DE DON DON BSHAD 'DI NYID NI, ,SPONG NA MNGON SUM GYIS GNOD 'GYUR, ,DE'I DON NYID DU SLOB DPON GYIS, ,MNGON SUM DON DANG RJES DPAG DANG, , YID CHES GRAGS PAS MA BSAL BA, ,ZHES DON SMOS SO, ,RANG BZHIN DE NYID DON YIN PA'I PHYIR RO, ,SPYI LA SOGS PA NI DON MA YIN TE, MNGON SUM LA SNANG BA'I NUS PA MED PA'I PHYIR RO, ,GANG LA DE YANG MNGON SUM MA YIN NO, ,DE SPONG BA NI MNGON SUM GYIS GNOD PA MA YIN NO, ,'DI NYID BSHAD PA NI; NGO BO DE NYID DE LA DON, ,LHAG MA LDOG PA'I MTSAN NYID CAN, ,SPYI NI DNGOS MED NGO BO YIN, ,DE PHYIR DE DBANG SPYOD YUL MIN, ,DES NI SPYI YI CHOS RNAMS NI, ,MNGON SUM MIN PAR GRUB PA'I PHYIR, ,SPONG YANG GNOD PA YOD MIN ZHES, ,MNYAN BYA SMOS PAS BSTAN PA YIN, ,MDUN NA GNAS PA'I RANG BZHIN DU GSAL BAR SNANG BA NYID DON YIN NO, ,SPYI DANG 'BREL PA LA SOGS PA DAG NI LDOG PA LAS DE LTA BU'I RANG BZHIN DU BRTAGS PA YIN GYI, DON GYI RANG BZHIN NI MA YIN NA MA YIN TE, RIGS MI MTHUN DANG MI 'DRA BA NYID LA MTHONG BA'I PHYIR DANG, RANG BZHIN GNYIS DANG MI LDAN PA'I SPYI

GZHAN MTHONG BA MED PA'I PHYIR RO, ,GAL TE, RIGS MTHUN RNAMS KYANG PHAN TSUN DU, ,MI 'DRA ZHES BYA 'DI DANG LDAN, ,DES NA JI LTAR RIGS MTHUN LA, ,RIGS MI MTHUN PA'I THA SNYAD MED, ,JI LTAR BA LANG BA LANG MIN, ,GZHAN DAG LAS NI LDOG PAR MTHONG, ,DE BZHIN RTA DANG BA LANG DAG BA RTA RIGS MTHUN GZHAN DAG LAS, ,DES NA LOG PA TZAM GYIS NI, ,'CHOL PA MED PAR 'GRUB MI 'GYUR, ,DNGOS PO'I RANG BZHIN CAN GYIS NI, ,RNAM PAR PHYE BAR GNAS PA'I PHYIR, ,DE DON GNYER BA'I THA SNYAD NI, ,MA 'CHOL BAR NI 'JUG PAR BYED, ,RANG GI NGO BOR RTOGS PA LA, 'CHOL PA SRID PA MA YIN NO,, ,,BAM PO BDUN PA, DE NI DE LTA MA YIN TE, 'DI LTAR, GAL TE SPYI SOGS NGO BO YIS, ,'BA' ZHIG TSE NA RTOGS NA NI, ,RANG GI NGO BOR RTOGS PA LA, ,'CHOL BAR THAL BA MED PA NYID, ,RANG GI NGO BOS SNANG MIN LA'ANG, ,GAL TE 'CHOL MED YOD NA NI, ,MUN PAR MTHONG BA DAG LA YANG, ,MA 'CHOL BAR NI BLTA BAR GYIS, ,SPYI NI GSAL BAS GSAL BYA YIN, ,THA DAD PAR NI MA RTOGS PA'I, ,GSAL BA'I RANG BZHIN GSAL BYED MIN, ,DES NA THA SNYAD CI LTAR 'GYUR, ,JI SRID DU RIGS MTHUN PA DANG MI MTHUN PA'I GSAL BA RNAMS 'CHOL BA MED PA MA YIN PA DE SRID DU SPYI MA 'CHOL BAR MI RTOGS LA, JI SRID SPYI 'CHOL BA MED PAR MA RTOGS PA DE SRID DU YANG GSAL BA MI 'CHOL BAR MI RTOGS PAR PHAN TSUN BRTEN PA'I NYES PAR 'GYUR BA'I PHYIR SPYI MI RTOGS PA NYID DO, ,GAL TE KHYAD PAR MA BZUNG BAR KHYAD PAR CAN GYI MNGON SUM DANG 'GAL BA'I DPER BRJOD CE NA, SGRA 'DIS KYANG BRJOD PAR 'DOD PA'I DBANG GIS MNGON PAR BSAMS PA'I DON NYID BRJOD PA'I PHYIR SKYON MED DO, ,RJOD PAR BYED PA NYID KYIS CI'I PHYIR MA BRJOD CE NA, MA YIN TE, GANG GI PHYIR, RNAM KUN BRJOD BYA'I DNGOS MIN PHYIR, , GRUB PAS DE LA BRTEN PHYIR DANG, ,DE YI STOBS KYIS GNOD PA'I PHYIR, ,MNYAN BYAS DBANG PO'I SPYI YUL BSHAD, ,SGRA RANG GI MTSAN NYID KYI SGRA YANG RANG GI MTSAN NYID BRJOD PA MA YIN TE, SGRA THAMS CAD NI SPYI'I YUL CAN YIN PA'I PHYIR RO, ,CI STE RANG GI MTSAN NYID KYI SGRA SPYI LA 'JUG BYAR LHAG

, ,BAR ZHEN PAS RANG GI MTSAN NYID KHO NA NYE BAR MTSON PAR BYED DO ZHE NA, DE LTA NA NI 'O NA MNYAN PAR BYA BA'I SGRA'I DBANG POS GZUNG BA NYID NYE BAR MTSON PA RANG BZHIN RANG GI MTSAN NYID BRJOD PA YIN TE, RANG GI MTSAN NYID KYI MTSAN NYID NI DE YIN PA'I PHYIR RO, ,DBANG PO'I GZUNG BAR BYA BA NYID LAS GZHAN PA'I SPYI YANG GRUB PA NI MA YIN NO, ,TSAD MAR GRUB PA NYID DU BSTAN PA'I DGOS PA YANG YOD PA NYID DE, TSAD MAS GRUB PAS GNOD PAR BYED PA NYID DE LA BRTEN PA'I PHYIR TE, GNAS PAR BYED PA'I PHYIR TE, DE'I STOBS KYIS GNOD PA'I PHYIR RO, ,TSAD MAS GRUB PA'I DON NI DE LAS GZHAN TSAD MAS MA GRUB PA'I DON GYI GNOD PAR BYED PA YIN NO, ,DE NI 'GAL BAR RTOGS PA NA GZHAN MED PAR RTOGS PAR BYED PA YIN LA, DE MED PAR RTOGS PAR BYED PA NYID GNOD PA YIN GYI, 'JOMS BYA 'JOMS BYED KYI NGO BO NI MA YIN NO, ,DES NA 'DI NI TSAD MA MA YIN LA, TSAD MA 'DIS NI SGRA RANG GI MTSAN NYID GRUB PA YIN NO ZHES YAN LAG DANG BCAS PAR BSGRUB PA GSAL BAR BSTAN PA NI DGOS PA YIN NO, ,RJES SU DPAG PAS GSAL BA YANG BUM BA RTAG GO ZHES BYA BA LTA BU'O, ,DE KHO NA MTSON PA MED PA'I GRANGS CAN DNGOS PO YOD PA NYID GSAL BAR MTHONG NAS RTAG PAR KHAS LEN PA DE NI RJES SU DPAG PAS GNOD PA YIN NO, ,DE LTA YIN NA RGYU RNAMS KYI, ,RTAG TU NUS PA MED PAR 'GYUR, ,DES NA RGYU YI DNGOS PO NI, ,MED PAS TSOR BA DON MED DO, ,RGYU MED PAR GYUR NA MNGON PAR 'DOD PA TSOL BA NI DON MED PAR 'GYUR TE, BYA RGYU 'GA' YANG MED PA'I PHYIR RO, ,GSAL BA BYED DO ZHE NA, GZHAN PA YANG DON GYI RANG BZHIN NYID MA YIN NAM, DON RTAG PA YIN NA GSAL BA YANG RTAG PA YIN PA'I PHYIR RO, ,RTAG TU GNAS PA NYID YIN PAS BYA BA CUNG ZAD KYANG MED DO, ,'ON TE GSAL BYED KYI TSIG GI DON MA YIN NA 'O NA NI DE'I DNGOS PO LAS THA DAD PAR 'GYUR TE 'GAL BA'I CHOS GNAS PA'I PHYIR RO, ,THA DAD PA MED NA NI DNGOS PO YANG 'BRAS BUR THAL LO, ,BUM SOGS 'JIM GONG LA SOGS LA, ,YOD PA'I TSAD MA YOD MA YIN, ,'BRAS BU YIN PHYIR DE YOD NA, ,'BRAS BU YOD NA BYAR CI YOD, ,GSAL BA YOD NYID MED PAR MED, ,GSAL BA MED KYANG YOD PAR 'GYUR, ,SGRON SOGS LAS BZHIN THAMS CAD LA, ,GAL TE GSAL

BAR 'DOD NA NI, ,RDZA MKHAN SOGS BZHIN THAMS CAD LAS, ,CI STE SKYES PAR 'DOD MA YIN, ,'JIM GONG STONG PHRAG BRGYA DAG TU, ,LCIGS KYANG DE NI MTHONG BA MED, ,MTHONG MED DER NI DER YOD NA, ,BONG BU'I RVA YANG DER 'GYUR RO, ,PHYIS DE MTHONG BA MED CE NA, ,PHYIS MTHONG DE TSE YOD PAR 'GYUR; ,GAL TE BUM PA PHYI NAS DMIGS PA YIN NA, GSAL BA BZHIN PHYIS NI YOD PA YIN MOD SNGAR CI LTAR YOD, GZHAN DU GSAL BA BLO MI 'BYUNG BA'I PHYIR SPYI NYID DANG POR RTOGS SO, ZHE NA, DE NI MA YIN TE, SPYI YANG RES 'GA' YANG KHYAD PAR CAN DU 'GYUR BA YIN TE, PHAN TSUN KHYAD PAR DANG KHYAD PAR CAN GYI DNGOS PO YIN PA'I PHYIR RO, ,DUS THAMS CAD DU SPYI SRID PA NYID YIN NA GSAL BA THE TSOM ZA BA LA YANG CI STE MI RTOGS GANG ZHIG RNAM PAR GCOD PAR BYED PA DE NI KHYAD PAR YIN LA, RNAM PAR GCOD PAR BYED PA YANG THE TSOM BZLOG PAR NUS PA GANG YIN PA DE YIN NO, ,'DI LTAR, GANG GI NGO BO YOD PA'I PHYIR, ,DON GYI BDAG NYID LDOG PA MIN, ,RANG BZHIN YOD PA MIN PA NI, ,RANG BZHIN NYID KYIS LDOG PA YIN, ,KHYAD PAR STONG PHRAG YOD KYANG NI, ,SNGA MA LDOG PAR 'GYUR MA YIN, ,GSAL BA BZLOG PHYIR DE LAS NI, ,SPYI NGES PAR NI 'GYUR BA YIN, ,'DI BA LANG NGO SNYAM PA'I NGES PA NI RANG BZHIN NGES PAR GZUNG BA NYID LAS 'JUG PA YIN NO, ,SPYI NI MTSUNGS PA NYID YIN LA, ,GSAL BA RNAMS KYANG DBYIBS DANG NI, ,NUS PA'I DBYE BAS MTSUNGS PA NYID, ,DES NA RIGS NI DON MED NYID, ,GAL TE LKOG THAL LA SOGS PA'I DBYIBS DANG 'GAL BA LA SOGS PA'I NUS PA'I PHYIR NGES PA'I RGYU YIN LA, DE NYID SPYI YIN NO, ,DE YANG GSAL BA DAG LAS THA MI DAD PA NYID DO, ,NANG NA THA DAD PA YOD NA JI LTAR SPYI YIN NO ZHE NA, SPYI SMRA BA LA CI LTAR GSAL BA YIN, MI 'DRA BA NYID KYIS SO ZHE NA, RTA DANG BA LANG LA SOGS PA LA CI STE MA YIN TE DE DAG LA NUS PA MED PA'I PHYIR RO ZHE NA, 'DI DAG PHAN TSUN MI 'DRA BA NYID YIN NA CI LTAR NUS PA YOD PA YIN, DNGOS PO'I RANG BZHIN NYID LAN 'DEBS SO ZHE NA, RKANG BA BRKYANG PA TZAM NI 'DI'I SKYABS MA YIN TE, DE LTA MA YIN NA SPYI MED PA KHO NAR KHA DOG DANG DBYIBS TZAM GYIS MA 'CHOL BA'I THA SNYAD 'GRUB PA'I PHYIR SPYI MED NA,

, ,CI LTAR ZHES BYA BA 'DI BRJOD PAR MI BYA STE, DNGOS PO'I RANG BZHIN NYID LAN 'DEBS PAR 'GYUR RO ZHES BYA BA'I LAN BYA ROG GIS MA ZOS PA'I PHYIR RO, ,LKOG SHAL LA SOGS PA'I DBYIBS NI 'CHOL BA YOD PA MA YIN TE, GZHAN LA MA MTHONG BA'I PHYIR RO, ,BRAM ZE LA SOGS PA GANG LA DBYIBS LA SOGS PA 'CHOL BA YOD PA DER NI, SGRE BO'I BRDA TZAM ZHIG SKYABS YIN TE, CHANG MI 'THUNG BA LA SOGS PAS KUN DU SPYOD PA BZANG BA TZAM DU ZAD DO, ,DE'I PHYIR RING DU SONG YANG DE LAS GZHAN LA LDOG PA NYID, SPYI RNAM PAR DBYE BA'I RGYU YIN GYI GZHAN NI MA YIN PAS GZHAN NI DON MED DO, ,GZHAN YANG, BRAM ZE GSOD DANG SBYIN SOGS LA, ,SDIG DANG BSOD NAMS RNAM GZHAG PA, ,BSTAN BCOS NYID LAS DE YI PHYIR, ,TSAD MA DPYAD PA DON MED YIN, ,ZHES 'DI NI BSHAD ZIN TE, DES NA SDIG PA DANG BSOD NAM SKYED PAR BYED PA NYID LA SOGS PA SPYI'I CHOS RNAMS NI SPONG YANG SPONG BA LA GNOD PA YOD PA MA YIN NO, ,'DIS MNYAN BYA'I SGRAS BSTAN PA YIN TE DE DAG DBANG PO'I SHES PA LA MI SNANG BA'I PHYIR RO, ,RJES SU DPAG PAS GNOD PA YANG MA YIN NO ZHES BYA BA YANG BSTAN PA YIN NO, ,GAL TE RANG BZHIN DES GNOD NA SKYON YIN NO ZHES BYA BA NI 'DI BSTAN PAR BYA BA MA YIN NA SGRA RANG GI MTSAN NYID MED DE ZHES BYA BA 'DI NYID CI STE MI BRJOD DE LA PHAN PA'I MTHA' CAN 'BREL PA'I RGYU MTSAN CAN GYI SGRA BRJOD PAS CI ZHIG BYA DE LTAR BRJOD NA NI 'DIR 'BREL PA BZLOG PA NYID DU 'DOD PAR 'GYUR RO, ,DE YANG RJES SU 'GRO BA DANG LDOG PA NYID LAS RTOGS PAR BYA BA YIN PAS NA, DE CI LTAR 'DI MI 'THAD PA'I PHYIR RO ZHE NA, 'DI SKYON GZHAN YIN LA RAG MOD, MA DMIGS BZHIN DU YOD MOD ZHES BRJOD PAR MI NUS SO, ,GAL TE MA DMIGS PA NI DMIGS PA MED PA MA YIN NAM, DES NA DMIGS PA NYID MED PA YIN GYI, DON MED PAR NI CI LTAR 'GYUR ZHE NA, GAL TE DE LTA NA RI BONG GI RVA LA SOGS PA YANG MED PA MI 'GRUB PO, ,DES NA MED PA NI RGYU MED PA'I PHYIR RO ZHES BYA BA GTAN TSIGS SU MI 'GYUR RO, ,DES NA RI BONG GI RVA DON DU GNYER BAR LEN PAR LEN PAR 'GYUR RO, ,'DI LTAR, DE DE LA YOD DES NA 'DI, ,DE RGYU NYID DU 'DZIN PAR 'GYUR, ,DE SKYED MED PAR

'GYUR BA NI, ,DE MED DES NA MED 'DOD NA, ,DES BSKYED PA YI NUS PA NYID, ,YOD PA NYID PHYIR RTOGS PAR 'GYUR, ,DE LTA MIN NA DA RTOGS PAS, ,DE YOD PAS NI RTOGS MI 'GYUR, ,'ON TE GANG LAS GANG SKYES PA, ,DE LA DE YOD PAR RTOGS NA, ,SKYES PA'I SNGON ROL SHES MED PA, ,DE LAS DE MIN CI LTAR RTOGS, ,DE LTA SKYE BA YOD PA DANG, ,'BREL PA RAB TU 'GRUB PA MA YIN, ,CI LTAR RGYU LAS 'BRAS YIN PA, ,DE YOD LAS KYANG DE 'BYUNG 'GYUR, ,'BRAS GANG GANG ZHIG SNGON 'GRO CAN, ,DE NI DE'I ZHES GNAS PHYIR RO, ,DE YOD SNGON 'GRO CAN 'BRAS BU, ,DE DE NYID KYIS CI LTAR 'GYUR,, GZHAN BZHIN 'BRAS BU THAMS CAD NI, ,NUS LAS 'BYUNG BA'I PHYIR ZHE NA, ,NUS PA NYID LAS NUS 'BYUNG 'GYUR, ,THA DAD MED NA CI LTAR 'GYUR, ,GAL TE NUS LAS GSAL SKYE NA, ,NUS LA GSAL BA GZHAN NAS CI, ,GZHAN NAM MED PAS BSKYED BYA MIN, ,GAL TE YOD NA CI LTAR BSKYED, , GSAL BA BLO YIN DE YANG YOD, ,DES NA DE NI BSKYED BYA MIN, ,'ON TE GSAL BA MYONG YIN NA, ,BSKYED BYA MIN DE CI LTAR SKYE, ,DES NA 'BRAS BU RANG GIS NI, ,BSKYED PA POS GSAL TSAD LDAN MIN, ,BUM PA MUN NANG GNAS PA LA, ,RIG PA'I TSAD MA RJES DPAG YOD, ,BUM SOGS 'JIM GONG LA SOGS LA, ,YOD LA RIG PA'I TSAD MA MED, ,DES NA THAMS CAD GSAL BA BZHIN, ,BYAS PA'I PHYIR NA MI RTAG NYID, ,DES NA RTAGS NYID PHYOGS SU NI, ,BYAS TE RJES DPAG CES BYAS GNOD, ,'O NA MNGON SUM GYI DON DANG RJES SU DPAG PA DANG, YID CES PA DANG GRAGS PAS RANG GI CHOS CAN LA MA BSAL BA ZHES RANG GI CHOS CAN SMOS PA LA DON CI YOD, 'DI LTAR, TSAD MAS GNOD PA PHYOGS MIN ZHES, ,'DOD PA 'DI NI RIGS PA YIN, ,CHOS CAN DE 'AM GZHAN DAG LA, ,BYA BA 'DI NI GANG LA DGOS, ,CHOS CAN GZHAN LA GNOD PA NI, ,GNOD PA MA YIN PAR MI 'GYUR RO, ,RNAM PA THAMS CAD DU GNOD PA NI BSGRUB PAR NUS PA MA YIN PA'I PHYIR GTAN TSIGS KYI YUL MED PAS PHYOGS MA YIN NO ZHES RIGS SO ZHE NA, 'DIR BSHAD PA, KUN TU RGOL BA BDAG NYID KYI, ,BSGRUB BYAR 'DOD PA'I CHOS GANG YIN, ,CHOS DE LDAN LA GNOD 'GYUR GYI, ,CHOS GZHAN GYI NI CHOS GZHAN MIN, ,

, ,THAMS CAD DU RANG DANG GZHAN GYI 'DOD PAS CHOS DE CHOS CAN LA YOD PA NYID YIN PA, DE LTA NA YANG RGOL BA RANG NYID BSGRUB PAR BYA BA NYID DU 'DOD PA'I CHOS GANG YIN PA'I CHOS DE DANG LDAN PA'I CHOS CAN LA GAL TE GNOD PA YIN NA DE'I TSE GNOD PA'I SKYON DU 'GYUR BA YIN GYI [*GYE?], CHOS GZHAN GYIS KHYAD PAR DU BYAS PA'I CHOS CAN LA NI MA YIN NO ZHES RANG GI CHOS CAN SMOS SO, ,GZHAN DU CHOS CAN GZHAN LA NI, ,GNOD KYANG 'DI LA CI ZHIG DGAG ,'DI LA RIGS PA NI 'DI YIN TE, ,CHOS DE DANG LDAN PA'I CHOS CAN NYID LA GNOD NA GNOD PA YIN GYI, CHOS GZHAN DANG LDAN PA GNOD PAS NI MA YIN NO, ,DON 'DI MTSAN NYID KYIS RTOGS KYANG, ,RANG GI CHOS CAN SMOS PA NI, ,CHOS CAN LA NI GNOD PAS KYANG, ,GNOD 'GYUR ZHES NI GRUB DON TE, ,RTEN NI 'GAL BAR GYUR PA YIS, ,DER BRTEN PA NI 'GAL BA'I PHYIR, ,RANG GI NGO BO KHO NAR BSTAN PAR BYA BA DANG RANG NYID 'DOD PA ZHES BYA BA'I MTSAN NYID KHO NA LAS 'GRUB PA YIN TE, RGOL BAS RANG LTA'I RNAM CAN CHOS, ,BSGRUB BYA YIN ZHES BRJOD PA'I PHYIR, NO, ,DE LTA YIN DANG DE DANG RJES SU MTHUN PA LA GNOD PAS DE NYID KYI SKYON DU THAL BA YIN GYI, GZHAN DU SRID PA NI MA YIN NO ZHE NA, DE NI MA YIN TE, RTEN 'GAL BA'I SGO NAS DE'I CHOS KYANG MED PAR THAL BA'I PHYIR CHOS CAN LA GNOD NA YANG GNOD PAR JI LTAR 'GYUR BA BSTAN PA'I DON TO, ,GZHAN DU DE LTA'I RNAM CAN CHOS, ,BSGRUB BYA YIN ZHES BRJOD PA'I PHYIR, ,DE GNOD NYID YIN PAR SEMS LA, ,DES NA RANG GI CHOS CAN SMOS, ,DE LTA'I RNAM CAN CHOS ZHES BYA BA NI SKABS KYI CHOS CANG GYIS KHYAD PAR DU BYAS PA'I CHOS DE NYID GNOD NA SKYON DU 'GYUR GYI CHOS CAN LA GNOD PA YANG SKYON YIN NO ZHES BYA BAR NI SEMS PAR MI 'GYUR RO, ,'DI YANG DONG YIS GRUB MIN NAM, ,BDEN TE 'GA' ZHIG CHOS CAN NI, ,'GA' ZHIG BKAG PA LA YANG NI, ,SKYON DANG LDAN PAR KHAS LEN TO,, GAL TE CHOS DE LA GNOD PAS, ,SKYON DANG LDAN PAR YIN NA DE'I CHOS CAN GYI SGO NAS SAM DNGOS SU YANG BLA STE, RNAM PA THAMS CAD DU BSGRUB BYA'I CHOS DGAG PA SKYON YIN NO ZHE NA, 'DI NI BDEN TE, DE LTA MOD KYI 'DI NI GZHAN GYI LOG PAR RTOGS PA DGAG PA'I DON YIN NO, ,'DI LTAR KHA CIG CHOS CAN

'BA' ZHIG LA GNOD NA YANG SKYON YIN NO ZHES SMRA BAR BYED DO, ,DPER NA MKHA' SOGS GZHAN DAG GIS, ,SNGON MED RANG BZHIN BSKYED MED MIN, ,CIG CAR SGRA SOGS RGYU MIN PHYIR, ,ZHES BSHAD PA LA SUN 'BYIN PA, ,DE BZHIN MKHA' SOGS CHOS CAN GYI, ,NGO BO'ANG DNGOS MED BRJOD BYED BZHIN, , DE LTAR 'DOD PA'I BSGRUB BYA LA, ,GNOD PA 'GA' YANG MED PA NYID, ,RGOL BAS SMRAS PA NAM MKHA' LA SOGS PA DAG NI, LHAN CIG BYED PA DAG GIS SNGON MED PA'I RANG BZHIN BSKYED PAR BYAR MED PA MA YIN TE, SGRA LA SOGS PA'I 'BRAS BU CIG CAR MI SKYED PA'I PHYIR RO, ,GAL TE BSKYED PAR BYAR MED PA'I RANG BZHIN YIN NA NI, SGRA LA SOGS PA'I 'BRAS BU CIG CAR KHO NAR BYED PAR 'GYUR RO, ,'DI'I PHYIR RGOL BAS SMRAS PA, CI LTAR 'DI NAM MKHA' LA SOGS PA SNGON MED PA'I RANG BZHIN BSKYED PAR BYAR MED PAR BSGRUB PA DE BZHIN DU, NAM MKHA' LA SOGS PA'I CHOS CAN RNAMS DNGOS PO NYID MED PAR YANG SGRUB PAR BYED DO ZHE'O, ,CHOS CAN 'GA' ZHIG LA GNOD PA NI SKYON MA YIN NO, ,'DI LTA BU NI RGOL BA'I SKYON MA YIN TE, DES NA NAM MKHA' LA SOGS PA DNGOS POR GYUR PA MA YIN NO ZHES BYA BA 'DI NYID SGRUB PAR 'DOD PA YIN NO, ,DES DNGOS POR GYUR PA MA YIN PA'I NAM MKHA' CHOS CAN LA, NAM MKHA' LA SOGS PA NI SNGON MED PA'I RANG BZHIN BRJOD DU MED PA YIN TE, CIG CAR RGYU MA YIN NO ZHES BYA BA SKYON MED DE, RNAM PAR RTOG PA LA GNAS PA'I CHOS CHOS CAN LA BSGRUB BYA SGRUB PA'I PHYIR TE, DNGOS POR GYUR PA NI DE'I CHOS CAN MA YIN NO, ,DES NA DE 'BA' ZHIG LA GNOD KYANG GNOD PA MA YIN NO ZHES BSTAN PA'I PHYIR RANG GI CHOS CAN SMOS SO, ,CHOS CAN GZHAN LA GNOD PAS NI CHOS DE MI 'GRUB PA MA YIN NO, ,DES NA BSGRUB BYA'I CHOS 'GRUB PA LA GNOD PA MED PA'I PHYIR NYES PA MA YIN NO, ,YANG NA SNGON MED PA'I RANG BZHIN BSKYED PAR BYAR MED PA MA YIN TE, CIG CAR SGRA LA SOGS PA'I RGYU MA YIN PA'I PHYIR RO ZHES BYA BA'I DON 'DI YIN TE, NAM MKHA' NI MI RTAG PA YIN TE ZHES BYA BA'O, ,DE LA GZHAN DAG NA RE CHOS CAN NAM MKHA' RTAG PA LA GNOD PAR 'GYUR RO ZHE'O, ,GNOD MED DE LTAR NA YANG MI RTAG PA'I NAM MKHA' CHOS CAN DU 'GYUR RO, ,GTAN TSIGS KYIS GDON

, ,MI ZA BAR BSGRUB PAR BYA BA LAS BZLOG PA LA GNOD PAR 'GYUR BA YIN NO, ,CHOS CAN RTAG PA NI SKABS KYI BSGRUB BYA'I GZHI MA YIN TE, DES NA DE LA GNOD PAS SKYON CI YOD, GAL TE DE LA GNOD NA CHOD 'DI MI 'GRUB NA NI 'DI SKYON DU 'GYUR RO, ,'DI LTAR NAM MKHA' RTAG PA MA YIN TE, DBYANGS KYI DBYE BA YOD PA'I PHYIR RO, ,BAD KAN SOGS KYIS MGRIN PA'I BU NYAMS PAR GYUR PA NA, MGRIN PA'I SBUBS KYI NAM MKHA' NI, ,NYAMS PAS DBYANGS NI THA DAD PA 'GYUR, ,'DI LTAR GZENG DAG DOG PA DANG YANGS PAR MTHONG BA YIN LA, DE'I GNAS SKABS MA YIN PA NYID KYANG MI RTAG PA NYID YIN NO, ,'ON TE DE NI 'DIR DNGOS PO NYID GZHAN YOD PA NYID YIN NO, ,NAM MKHA' NI YANGS PA LA SOGS PA DE NYID YIN NO ZHE NA, SNGA MA CI STE MI DMIGS GEGS YOD PA'I PHYIR RO ZHE NA, RTAG PA CI LTAR GEGS BYA BAR 'GYUR TE 'DI NI GYI NA'O, ,GZHAN YANG SNAM BU LA SOGS PA'I YAN LAG CAN NI MI SKYE BA NYID DO, ,'ON KYANG SNAL MA SNAL MA GZHAN LA BRGYUD PA TZAM NYID DO, ,CI'I PHYIR DRANG BA DANG LOGS SHIN TU MI 'GYUR ZHE NA, MGRIN PA'I SBUBS DRANGS PA NA YANG LUS LOGS SHIG TU CI STE MI 'GYUR, ,DES NA 'DI NI GYI NA'O, ,DE'I PHYIR GZHAN GYI DNGOS PO NYID LAS NAM MKHA' NI MI RTAG PA 'AM, DNGOS PO MED PA YIN NO ZHES BYA BA 'DI NI GCIG NYID DU NGES PA YIN NO, ,YANG NA THOGS PA DANG BCAS PA'I DNGOS PO DANG MA 'DRES PA'I SNANG BA LA SOGS PA NYID NAM MKHA' YIN TE DNGOS PO GZHAN DANG MA 'DRES PA'I MI RTAG PA NYID NAM MKHA' YIN NO ZHES BYA BA NI GNAS PA'I PHYOGS SO, ,DE LTA BUR 'GYUR BA'I CHOS CAN BSGRUB BYA'I CHOS KYI KHYAD PAR CAN NYID DU SGRUB PA YIN NO, ,DES NA DE LAS GZHAN PA'I CHOS CAN GNOD PA LA SKYON MED PA NYID DO, ,'DI LTAR, 'DIS NI GNYI GA SGRUB PA NYID, ,YIN NA CHOS CAN LA GNOD GANG, , BSGRUB PAR BYA BA'I CHOS 'GOG PAS, ,DE LA GNOD PAR 'GYUR BA YIN, ,GAL TE BSGRUB BYA'I CHOS DANG CHOS CAN GYI SPYI BSGRUB PAR BYA BA YIN PA DE LTA NA YANG CHOS CAN GANG LA GNOD PAS SKABS KYI CHOS DE BKAG PAR 'GYUR BA DE NYID LA SKYON DU 'GYUR BA YIN NO ZHES RANG GI CHOS CAN LA SMOS PAS

'DI BRJOD PA YIN NO, ,DE DANG 'BREL PA MED PA KUN BRTAGS PA'I CHOS CAN LA GNOD PAS NI MA YIN NO, ,'DI LTAR, DE LTA NYID DU CHOS CAN YANG, ,BSGRUB BYA NYID PHYIR 'BA' ZHIG MIN, ,CHOS CAN NI RANG GI NGO BOS GRUB PA NYID DO, ,MA GRUB PA'I CHOS CAN LA BSGRUB BYA'I CHOS GRUB PA NI NYE BAR MKHO BA MED PA'I PHYIR RO, ,DES KHYAD PAR DU BYAS PA NYID DU DE BSGRUBS PAR 'DOD PA YIN GYI RANG GI NGO BO NI MA YIN NO, ,DES NA 'BA' ZHIG BKAG PA LA SKYON MED DO, ,GAL TE RANG BZHIN GANG GIS CHOS CAN DE'I GZHI NYID DU 'DOD PA'I RANG BZHIN LA GNOD NA NGES PAR SKYON DU 'GYUR RO ZHE NA, MA YIN TE, DNGOS PO'I RANG BZHIN NAM RTAG PA'I RANG BZHIN GYI 'AM MNGON PAR MI 'DOD PA'I PHYIR RO, ,GZHAN YANG, GAL TE CHOS CAN BSGRUB BYA'AM, ,GTAN TSIGS SHUGS KYIS RANG BZHIN NI, ,GZHAN 'GYUR DNGOS SPYOD BDAG CAG LA, ,DE BKAG PAS NI CI ZHIG BYA, ,DNGOS PO'I STOBS LAS 'ONGS PA 'GA' ZHIG TU 'JUG PA NI DNGOS PO SEMS PA LA SPYOD PA 'GAS KYANG DGAG PAR NUS PA MA YIN TE, TSAD MA DANG LDAN PA NI TSAD MAS 'THAD PA'I DNGOS PO'I RJES SU 'BRANG BA'I PHYIR RO, ,GAL TE DE LTA NA 'DIR GNOD, ,CIG CAR SGRA SOGS RGYU MIN PHYIR, ,BDE SOGS GZHAN GYIS BSKYED NUS PHYIR, ,MA YIN ZHES BYA SNGA MA YIN, ,BDE BA DANG SDUG BSNGAL DANG GTI MUG GI RANG BZHIN NI GTZO BO'I SGRA LA SOGS PA GSAL BA'I RGYUR 'DOD DO, ,DES NA CIG CAR RGYU MA YIN PA NYID KYI PHYIR BDE BA LA SOGS PA DE DNGOS PO MED PA NYID DU 'GYUR TE, GTZO BO'I RANG BZHIN RTAG PA NYID LA GNOD PA NA DNGOS PO MED PA NYID DU 'GYUR RO ZHE NA, DE NI MA YIN TE 'DI LTAR, GAL TE 'DI LA GTAN TSIGS NI, ,DES NA 'GAL BAR 'GYUR BA NYID, ,RIM BZHIN BYED DANG MI RTAG NYID, ,'GAL BA MED PHYIR MI MTHUN PHYOGS, ,LDOG NA THE TSOM ZA BAS NA, ,'DI NI LHAG LDAN KHYAD PAR 'DOD,, 'DI RIM MA YIN PAS BKAG PA LA RIM GYIS BYAD PA NYID NI GTAN TSIGS YIN NO, ,RIM BZHIN BYED PA DANG MI RTAG PA NYID LA YANG 'GAL BA MED PA'I PHYIR TE, DES NI MI RTAG PA NYID MED PA GO BAR BYED PA MA YIN PA'I PHYIR JI LTAR CHOS CAN LA GNOD PA YIN DE LA GNOD PAS NI CHOS LA GNOD PAR

, ,'GYUR BA MA YIN NO, ,DES NA RANG GI CHOS CAN SMOS SO, ,GANG PHYIR RANG NYID 'DOD PA'I CHOS, ,BSGRUB BYA DE PHYIR DE RTEN NI, ,GNOD YIN 'BA' ZHIG PA NYID DAM, ,'JIG RTEN LA MIN ZHES BSTAN TO, ,'BA' ZHIG PA GNOD PA'AM, DE LAS GZHAN PA'I GZHIR 'GYUR BA'I CHOS CAN LA GNOD PAS NI RGOL BA 'DOD PA'I BSGRUB BYA GNOD PA MA YIN NO, ,DES NA BSGRUB BYA'I CHOS LA NYE BAR MKHO BA'I CHOS CAN LA GNOD PA SKYON YIN NO, ,DE'I PHYIR, RANG NYID SGRA YI CHOS CAN LA, ,GNOD PAS GNOD MIN ZHES BSTAN PA, ,DE BZHIN RANG GI CHOS CAN GYIS, ,CHOS CAN GZHAN LA YANG ZHES BRJOD, ,DE NYID KYI PHYIR GAL TE CHOS KYI KHYAD PAR CAN DU BSGRUB PAR 'DOD PA'I CHOS CAN GANG YIN PA DE LA BSGRUB PAR BYA BA'I CHOS MNGON SUM DANG RJES SU DPAG PA DANG, LUNG DANG GRAGS PA DANG 'GAL BA'I GNOD PA MED NA DE NI PHYOGS YIN NA GZHAN DU NI PHYOGS LTAR SNANG BA YIN NO ZHES SNGAR BSHAD PA NYID KYI DON GSUNGS PA YIN NO, ,GAL TE KHYAD PAR CAN RAB TU MA GRUB PA DANG, GNYI GA RAB TU MA GRUB PA DANG, KHYAD PAR RAB TU MA GRUB PA ZHES BYA BA PHYOGS LTAR SNANG BA GZHAN YANG YOD PA MA YIN NAM, KHYAD PAR CAN RAB TU MA GRUB PA NI DPER NA, BDAG NI KHYAB PA'O ZHES BYA BA LTA BU'O, ,KHYAD PAR RAB TU MA GRUB PA NI GRANGS CAN LA SGRA 'JIG PA'O ZHES BYA BA'O, ,GNYI GA RAB TU MA GRUB PA NI BDAG NI 'DU BA CAN GYI RGYU YIN NO ZHES BYA BA STE, DE CI LTAR 'DI DAG NYE BAR MA BKOD CE NA, DE NI MA YIN TE, 'DI LTAR, YAN LAG PHYI MA LA GNAS PHYIR, ,PHYOGS KYI SKYON DU 'DI MI 'THAD, ,PHYOGS TZAM NYE BAR BKOD PA YIS, ,DE YI SKYON NYID RNAM GNAS PHYIR, ,DE LA BDAG NI KHYAB PA YIN NO ZHES GAL TE 'GA' ZHIG KHYAB PA DANG LDAN PA'I BDAG NI BSGRUB BYAR BYED NA PHYOGS LA SKYON CI ZHIG YOD, CHOS CAN MED PAS GTAN TSIGS KYI RTEN MA GRUB PA'I PHYIR RO ZHE NA; 'O NA GTAN TSIGS KYI SKYON YIN GYI, PHYOGS NI MA YIN TE, DE'I RJES SU 'GRO BA DANG LDOG PA'I RJES SU BYED PA'I PHYIR RO, ,DE BZHIN DU SGRA 'JIG PA'O ZHES BYA BA KHYAD PAR GANG DU MA GRUB, GANG DU SGRA LA'O ZHE NA, DE NI SKYON MA YIN TE, GANG GI PHYIR DE NYID KYI PHYIR TE BSGRUB PAR BYA BA YIN TE, GZHAN

DU BSGRUB PAR BYA BA'I DON CI ZHIG YIN, 'ON TE BZLOG PAR GRUB PAS NA MA GRUB PAR BRJOD DO ZHE NA, GAL TE RMONGS PA LA BZLOG PAR GRUB PA DE LTA NA YANG DE TZAM GYIS PHYOGS KYI SKYON DU 'GYUR BA MA YIN NO, ,GAL TE TSAD MAS PHYIN CI LOG TU GRUB NA NI DE'I TSE PHYOGS DE TSAD MAS GNOD PA NYID YIN PA'I PHYIR, TSAD MA DANG 'GAL BA'I MTSAN NYID KYI SKYON DE YIN GYI SKYON GZHAN NI MA YIN NO, ,'ON TE DPE LA YIN NA DE'I TSE DPE BSGRUB BYAS STONG PA YIN PA'I PHYIR DE NYID KYI NYES PA YIN GYI, PHYOGS KYI NI MA YIN NO, ,GNYI GA RAB TU MA GRUB PA NI GNYI GA'I LTAR YANG NYES PA YIN PA'I PHYIR 'DI THAMS CAD NI GTAN TSIGS KYI SKYON NYID DO, ,'ON TE GTAN TSIGS KYI SKYON YIN GYI PHYOGS KYI SKYON DU 'GYUR TE, 'DIR THAMS CAD DU PHYOGS NYID MI 'GRUB PA'I PHYIR RO ZHE NA, DE LTA BU NI GTAN TSIGS LA SOGS PA'I SKYON THAMS CAD PHYOGS KYI SKYON DU 'GYUR TE, GANG ZHIG PHYOGS LA MI GNOD BA'I GTAN TSIGS LA SOGS PA'I SKYON DE NI 'GA' YANG MED DO, ,GANG GI PHYIR, SGRUB BYED SKYON NI THAMS CAD KYIS, ,PHYOGS NYID KYI NI SKYON DU 'GYUR, ,DE LTA NA YANG DAM BCA' BA, ,TZAM DANG 'BREL PA PHYOGS SKYON YIN, ,DE LA GNOD PA TZAM GYIS NI DE PHYOGS KYI SKYON MA YIN TE, SGRUB PAR BYED PA'I SKYON YANG SKYON DU THAL BAR 'GYUR RO, ,'ON TE SGRUB PAR BYED PA'I SKYON NI DE LA GNOD PA YIN YANG PHYOGS KYI SKYON MA YIN NO ZHE NA, DE NI MA YIN TE, GZHAN DU RTOGS PA MED PA'I PHYIR RO, ,'ON TE PHYOGS KYI RANG GI NGO BO DANG DE'I DUS LAS 'DAS NAS SGRUB PAR BYED PA'I DUS NA RANG RANG GI NGO BO THA DAD PAR 'GYUR BA'I PHYIR PHYOGS KYI SKYON YIN GYI, ,'ON KYANG RJES SU 'GRO BA MED PA LA SOGS PA GTAN TSIGS NYID KYI SKYON YIN NO ZHE NA, DE NI MA YIN TE, RJES SU 'GRO BA NI MTSUNGS PA'I PHYIR RO, ,RJES SU 'GRO BA NI 'BREL PA YIN LA DE YANG GNYIS LA GNAS PA'I PHYIR GNYI GA'I YANG YIN NO, ,CI STA YANG BSGRUB BYA LA LTOS TE DE BZHIN DU MA GRUB PA NI PHYOGS KYI SKYON YIN GYI, SGRUB PAR BYED PA LA LTOS PA NI MA YIN NO, ,SGRUB PAR BYED PA LA LTOS PA NI SGRUB PAR BYED PA NYID KYI SKYON YIN NO ZHE NA, 'DI LA BSHAD ZIN TO, ,GAL TE GNYI GA PHAN TSUN LTOS NAS SGRUB PAR BYED PA YIN NA NI CI LTAR PHYOGS

, ,KYI SKYON YIN, CHOS CAN CHOS SGRUB PA LA BSGRUB PAR BYA BA DANG 'BREL PA TZAM GYIS TSOGS PA NYID BSGRUB PAR BYA BA YIN NO ZHES BYA BA 'DI NGES PA YANG MA YIN TE, RANG GI NGO BO KHO NAR BSTAN PAR BYA BA ZHES BRJOD PA'I PHYIR RO, ,'O NA JI LTAR CHOS CAN MA GRUB NA GRUB BA MI SRID PA'I PHYIR RO ZHES BSHAD CE NA, GZHI MA GRUB PAS NA DE LA GTAN TSIGS NYID MI SRID DO SNYAM DU DGONGS PA YIN NO, ,DES NA MA GRUB PA'I CHOS DANG CHOS CAN GYI SPYI YANG PHYOGS NYID DO, ,DES NA GTAN TSIGS LA MI LTOS PA NYID KYI SKYON NI PHYOGS KYI SKYON YIN NO, ,DES NA, YAN LAG PHYI MA LA LTOS SKYON,, GANG YIN DE YI RJES BYED PAS, ,DE YIN ZHES BSHAD DE YI PHYIR, ,RTEN SOGS MA GRUB PHYOGS SKYON MIN, ,'DI NI BSHAD ZIN TO, ,YAN LAG PHYI MA LA LTOS PA, ,PHYOGS KYI SKYON DU 'GYUR MA YIN, ,DE LTA MIN NA RGYU SOGS KYI, ,SKYON YANG PHYOGS SKYON THAL BAR 'GYUR, ,THAMS CAD PHYOGS LA GNOD PHYIR RO, ,DES NA DE TZAM DANG 'BREL BA, ,PHYOGS KYI SKYON YIN GZHAN MIN TE, ,MNGON SUM LA SOGS GNOD PA BZHIN, ,ZHES SO DES NA GZHI MA GRUB PA NI PHYOGS KYI SKYON MA YIN NO ZHES RIGS SO, ,GAL TE SGRA MNYAN BYA MA YIN NO, ,BUM PA RTAG PA'O ZHES BYA BA DANG, RJES SU DPAG PA NI TSAD MA MA YIN NO, ,RI BONG CAN NI ZLA BA MA YIN NO ZHES BYA BA 'DIS NI, CHOS KYI RANG GI NGO BO PHYIN CI LOG PA'I GNOD PA NYID BSTAN PA MA YIN NAM, CHOS CAN DANG CHOS KYI KHYAD PAR DANG, CHOS CAN GYI RANG GI NGO BO LA GNOD PA NI MA YIN NO, ,DPE MA BSTAN PAR NI BDE BLAG TU RTOGS PA YANG MA YIN PA DE LA 'DIR RGYU CI YOD CE NA, 'DIR BSHAD PA, 'DIS SGRUB YAN LAG GYUR PA YI, ,CHOS CAN CHOS KYI KHYAD PAR DANG, ,CHOS CAN RANG GI NGO BO LA, ,GNOD PA DAG NI BSTAN PA YIN, ,CHOS KYI RANG GI NGO BO BZLOG PA STON PA LHUR BYED PA'I DPE 'DI NYID KYIS RANG GI NGO BO DANG KHYAD PAR THAMS CAD BSTAN PA YIN NO, ,CI LTAR GZHAN GYIS GZHAN BSTAN CE NA, BSGRUB BYA NYID DU KHYAD PAR MED PA'I PHYIR RO, ,DE LA GSAL BA SO SOR NI DPER BRJOD PAR NUS PA MA YIN NO, ,DE LA NYE BAR BSTAN PA LA NI DGOS PA YANG MED DE, DPER BRJOD PA GCIG BSTAN PAS CHOS DE BDE BAR SHES PA'I PHYIR RO, ,

DPER BRJOD PA NI NYE BAR MTSON PA TZAM YIN NO, ,GAL TE CHOS DANG CHOS CAN GYI KHYAD PAR CI LTAR CHOS DER 'GYUR ZHE NA, DE NI SMRAS PA LA LTOS NAS KHYAD PAR YIN NO, ,BSGRUB PAR BYA BA NI DE NYID YIN TE, GZHAN DU SGRUB PAR BYED PA 'BRAS BU MED PAR 'GYUR RO, ,DES NA DON NI BSTAN PA YI, ,DON DU DPE NI PHYOGS TZAM BRJOD, ,LDAN DON RDZAS KYI MTSAN NYID CAN, ,MTHONG BA LA BRTEN GZHAN YOD MIN, ,MA MTHONG KHYAD PAR CAN YIN NA, ,DAM BCA' BA LA SOGS PA MED, ,KHYAD PAR CAN MIN GZHAN YOD NI, ,BSGRUB NA GRUB PA SGRUB PA NYID, ,DPER BRJOD PA NI 'DI DAG STE, ,YAN LAG CAN NI YAN LAG DAG LAS GZHAN MA YIN TE, SRAD DMA' BA'I KHYAD PAR 'DZIN PA MED PA'I PHYIR RO, ,YAN LAG NI YAN LAG CAN LAS GZHAN MA YIN TE, MNGON SUM MA YIN PA NYID DU THAL BA'I PHYIR RO, ,RDZAS NI YOD PA MA YIN TE, YON TAN DANG RDZAS DAG DANG RDZAS MA YIN PAR THAL BA'I PHYIR RO ZHES BYA'O, ,CHOS CAN GYI RANG GI NGO BO SEL BAS NI PHYI MA SHOS CIG YIN LA, CHOS CAN DANG CHOS KYI KHYAD PAR SEL BAS NI GO RIMS BZHIN DU, ,DANG PO'I DPER BRJOD PA GNYIS YIN NO, ,GANG ZHIG GANG GI RANG BZHIN LAS, ,THA DAD DE NI DE BZHIN DMIGS, ,DE YI NGO BOR DMIGS MED NA, , THA DAD PAR NI GRUB MI 'GYUR, ,THA DAD PAR DMIGS PA MED PA NI THA DAD PAR MNGON SUM DU 'GYUR BA MA YIN NO, ,THA DAD PA MED PAR DMIGS PA DANG, THA DAD PAR KHAS LEN PA DES NA 'DI NI 'GAL BA YIN NO, ,GAL TE YAN LAG GZHAN YIN NO, ,MNGON SUM NYID YIN GNOD PA MED, ,GANG DU YAN LAG CAN MNGON SUM, ,DE DNGOS DE DAG KYANG DE BZHIN, ,DE LTA MA YIN TE, YAN LAG CAN MNGON SUM YIN YANG YAN LAG MNGON SUM MA YIN NA NI, GZHAN MA YIN PA NYID DU MI 'GYUR RO, ,YANG NA YAN LAG DAG NI YAN LAG CAN LAS GZHAN MA YIN TE, MNGON SUM MA YIN BAR THAL BA'I PHYIR RO,, GZHAN NYID YIN NA NI DE DAG MNGON SUM MA YIN NA, YAN LAG CAN YANG MNGON SUM MA YIN PAR 'GYUR BA'I PHYIR RO, ,YAN LAG MNGON SUM MA YIN BAR NI YAN LAG CAN MNGON SUM DU 'GYUR BAR RIGS PA MA YIN TE, YAN LAG CAN DANG PO BZHIN NO, ,'ON TE YAN LAG CAN RAGS PA MNGON SUM

, ,YIN GYI GZHAN NI MA YIN NO ZHE NA, GCIG NYID NI RAGS PAR 'GAL LO ZHES BSHAD ZIN TO, ,DES NA YAN LAG GI TSOGS TZAM NYID YAN LAG CAN YIN GYI GZHAN NI MA YIN TE, DES NA YAN LAG CAN NI MED DO ZHES BYA BAR GNAS SO, ,DE BZHIN DU RDZAS NI YOD PA MA YIN TE, ZHES BYA BA NI YON TAN LAS GZHAN PA ZHES BYA BAR 'BREL TO, ,YON TAN DANG RDZAS DAG RDZAS DANG RDZAS MA YIN PA NYID DU THAL BA'I PHYIR RO ZHES BYA BA NI, YON TAN RDZAS NYID DAM, RDZAS YON TAN NYID DU ZHES BYA BA'I DON TO, ,'DI LTAR THA DAD PA YIN NA NI PHAN TSUN LDOG PA'I PHYIR, RDZAS YOD PAS GNAS PA'I RANG BZHIN DU GZUNG BA YIN LA YON TAN RNAMS KYANG DE LTA BU NYID YIN NO ZHES RIGS SO, ,DES NA PHAN TSUN SPANGS PAS GNAS PA GNYIS PO DAG GCIG NI YON TAN LA YIN LA GZHAN NI RDZAS YIN NO ZHES BYA BA'I RNAM PAR DBYE BA 'DI GA LAS YIN, PHAN TSUN SPANGS PA MA YIN NA YANG GA LAS RNAM PAR DBYE BA YOD, 'ON TE YON TAN LA NI YON TAN NYID LA, RDZAS LA NI RDZAS NYID DO ZHES BYA BA RNAMS PAR DBYE BA YIN NO ZHE NA, DE YANG 'THAD PA MA YIN TE, RANG GI RANG BZHIN LAS GZHAN PA'I, ,YON TAN NYID SOGS YOD MA YIN, ,YON TAN NYID NI GZHAN YIN NA, ,DER YANG YOD NYID YOD PAR 'GYUR, , DES NA RDZAS DANG KHYAD MED PA, ,THAL BA SNGA MA BZLOG PA MED, ,YOD NYID YOD NA THA DAD DANG, ,GZHAN PA THAMS CAD RDZAS SU 'GYUR, ,PHAN TSUN SPANGS PAS GNAS PA NYID YIN NA, ,RDZAS DANG CIG SHOS KYI RNAM PAR DBYE BA MED PAR 'GYUR RO ZHES BYA BA 'DI GNAS SO, ,THA DAD PA LA NI RDZAS NYID DANG LDAN PAS NI RDZAS LA, YON TAN NYID DANG LDAN PAS NI YON TAN NO ZHES THA DAD PAR 'DOGS PAR 'GYUR NA DE YANG YANG DAG PA MA YIN TE, PHAN TSUN SPANGS TE GNAS PA'I GZUGS DANG RO DAG BZHIN PAS RDZAS DANG CIG SHOS SU 'GYUR RE SKAN, YON TAN NYID LA SOGS PA DANG LDAN PA'I PHYIR RO ZHE NA; MA YIN TE YON TAN GYI GSAL BAS GSAL BAR BYA BAS YON TAN NYID YIN GYI GZHAN DU NI MA YIN NO, ,YON TAN NYID DANG RDZAS NYID NI MTSUNGS PA'I RNAM PA TZAM YIN NO, ,DE'I KHYAD PAR NI DE DANG RIGS MI MTHUN PA'I GSAL BAS GSAL BA NYID CES BYA BA YIN LA GSAL BA RIGS MI

MTHUN PA YANG RIGS MI MTHUN PA GNAS PA NYID KYIS YIN PA'I PHYIR PHAN TSUN RTEN PA'I SKYON DU 'GYUR RO, ,'ON TE RIGS RNAMS NI RANG NYID KHO NAS PHAN TSUN MI 'DRA BA NYID DO ZHES BRJOD NA, DE LA YANG MI MTHUN PA GNAS PA NYID LDOG PA'I RGYU YIN NO, ,RANG GI NGO BOS LDOG PA NYID YIN NA NI, GSAL BA RNAMS KYANG DE LTAR 'GYUR BA'I PHYIR RIGS GZHAN DON MED DO, ,GAL TE YON TAN ZHES RNAM PA MTSUNGS PA'I RGYU MTSAN NYID YIN PA'I PHYIR YON TAN NYID LA SOGS PA NI YON TAN NYID YIN NO ZHE NA, DE NI BAR MA DO'I SHA LHAG PA'I SPYIS CI BYA STE, RANG GI DGOS PA SPYI'I RNAM PA CAN GYI RTOGS PA'I RGYU MTSAN NI SO SOR NGES PA NYID KYIS 'GRUB PA'I PHYIR RO, ,DE LTAR YIN NA RDZAS DANG RDZAS MA YIN PA DAG RANG GI NGO BOS NI KHYAD PAR 'GA' YANG YOD PA MA YIN NO, ,DES NA RDZAS YOD NA RDZAS DANG RDZAS MA YIN PA DAG KHYAD PAR MED PA NYID DO, ,MED NA NI KHYAD PAR YOD DO ZHES BYA BAR MI RIGS TE; RDZAS NI KUN RDZOB TU YOD PA YIN LA, YON TAN NI DE LAS SAM GZHAN YIN PA'I PHYIR RO, ,RANG GI NGO BO DANG KHYAD PAR GNYI GA GSAL BA'I SGO NAS DPER BRJOD PA NI, 'DI LTA STE NGAG THAMS CAD NI BDEN PA'I DON MA YIN NO ZHES BYA BA BZHIN NO, ,TSIG KUN BDEN PA'I DON MIN ZHES, ,NGAG DANG BDEN MIN PA NYID KYI, ,DE YI NGO BO KHYAD PAR DAG ,SPONG BA BRJOD 'DOD LA SKYON YIN, ,GANG GI TSE NGAG NYID MI BDEN PA NYID SPYIR BZLOG PAR 'DOD PA'I TSE GNYI GA'I RANG BZHIN 'GAL BA YIN NO, ,GANG GI TSE CHOS CAN DAG GI CHOS RTAG PA NYID DAM MI BDEN PA NYID BRJOD BYA MI BDEN PA YIN PA DE'I TSE NI GNYI GA'I KHYAD PAR GSAL BA YIN TE, NGAG THAMS CAD KYI KHYAD PAR DANG BRJOD PAR BYA BA MI BDEN PA NYID GSAL BA'I PHYIR RO, ,BRJOD PA'I SHUGS KYIS SMRA BA PO TSAD MAR GYUR PA YIN TE, DE'I PHYIR DES NI NGAG NYID DANG MI BDEN PA'I BRJOD PAR BYA BA NYID GSAL BA YIN NO, ,CHOS CAN GYI KHYAD PAR YANG 'DIR MI RTAG PA NYID LA SOGS PA 'GA' ZHIG YIN PAR LTA'O, ,GAL TE MI RTAG PA NYID DU GRUB PA MA YIN NA NI SMRA BA PO TSAD MAR KHAS LEN PA DGOS PA MED PA NYID DO, ,GAL TE RTAG PA NYID YIN PAR GYUR NA SMRA BA POS 'GA' YANG BYED PA MA YIN PA'I PHYIR SMRA BA PO DAG MED PA NYID DU

, ,'GYUR RO, ,DES NA 'DI NI RANG GI TSIG DANG 'GAL BA YIN NO, ,GAL TE NGAG NI RTAG GYUR NA, ,SMRA BA PO NI DON MED PAR, ,NGAG GI RANG BZHIN SGRUB MED NA, ,GRUB PA NYE BAR 'JOG PAR 'GYUR, ,NGAG GI RANG BZHIN SGRUB PAR BYED PA MA YIN PA'I SMRA BA PO NI NGAG LA PHAN 'DOGS PAR BYED PA NYID MA YIN NO, ,DER GYUR PA MA YIN PA'I PHAN PAR BYED PA NI DE LA CI YANG BYAS PA'I PHYIR PHAN PAR BYED PA MA YIN PA'I SMRA BA PO NI NGAG GIS LTOS PAR BYA BA MA YIN NO, ,LTOS PAR BYA BA YANG YIN TE, DES NA MI RTAG PA NYID DU BSGRUB PAR BYA BA MA YIN NO, ,DES NA DE'I KHYAD PAR GSAL BA'I SGO NAS 'DI PHYOGS LTAR SNANG BA YIN NO ZHES GNAS SO, ,DE LA RNAM 'GREL MDZAD PAS NI DPER BRJOD PA'I PHYOGS TZAM ZHIG BSTAN TE, PHYOGS 'DIS DPER BRJOD PAR BSHAD PA LHAG MA RTOGS PA'I DON DU'O, ,YAN LAG CAN GZHAN NYID TZAM BSGRUB PAR BYA BA NI MA YIN GYI, 'ON KYANG BYA BA DANG LDAN PA YON TAN DANG LDAN PA 'DU BA CAN GYI RGYU NI RDZAS YIN NO ZHES BYA BA'I RDZAS KYI MTSAN NYID DANG LDAN PA DANG, DE BZHIN DU MTHONG BA LA BRTAN PA NYID DU BSGRUB PAR BYA BA YIN NO, ,GAL TE YAN LAG CAN GZHAN NYID TZAM DU BSGRUB PA YIN NA, DE'I TSE KUN RDZOB KYI BDEN PA TZAM DU DE GRUB PA YIN NO, ,YAN LAG NI DON DAM PAR YOD PA YAN LAG CAN NI KUN RDZOB TU YOD PA YIN PA'I PHYIR GZHAN NYID TZAM BSGRUB PAR BYA BA YIN NA GRUB PA LA SGRUB PA YIN NO, ,BLTAR MI RUNG BA MED PA'I 'BRAS, ,MTHONG NAS YAN LAG CAN 'DOD DO, KHYAD PAR CAN MIN GZHAN YOD NI; ,GRUB NA GRUB PA SGRUB PA NYID, ,RDUL PHRA RAB LA SOGS PA'I YAN LAG LAS THA DAD PA TZAM DU NI BLO 'KHRUL PA'I RNAM PA'I RNAM PA GRUB PA NYID DO, ,DE NYID GRUB NA NI NGES PAR GRUB PA LA BSGRUB PAR BYA BA NYID DO, ,HA CANG RING PO NA GNAS PA MA YIN PA PHAN TSUN NYE BA NYID DU GNAS SHING MA 'DRES PA'I SGRA'I YUL DAG LA SEMS GCIG GI RNAM PAR SNANG BA'I RTOGS PA NI MTHONG BA NYID DO, ,DES NA DE TZAM GYIS NI RNAM PAR SHES PA'I RNAM PA LAS THA DAD PA'I YAN LAG CAN MI 'GRUB BO, ,DES NA DER RDZAS KYI MTSAN NYID DANG LDAN PA NYID BSGRUB PAR BYA BA YIN NO, ,DE LA YANG YON TAN RTZI BA NYID

DANG; BYA BA THUR DU 'GRO BA NYID DANG, DE DAG GI 'DU BA CAN GYI RGYU YIN PA ZHES BYA BA'I MTSAN NYID DANG LDAN NA RNAM PAR SHES PA'I RNAM PA LAS THA DAD PAR 'GRUB PO, ,DE LTAR YIN DANG, GAL TE 'DI LCI 'OG 'GRO 'GYUR, ,SRANG NI DMA' BDAG TU 'GYUR, ,LCI BA NYID KYIS RAB TU SBYAR BA'I 'OG TU 'GRO BA YOD NA, GDON MI ZA BAR DES DRAN PAS NA SRANG MGO YANG DMA' BAR 'GYUR NA, YAN LAG CAN RTOGS PAR BYED PA DE NI YOD PA YANG MA YIN NO, ,DES NA 'DI RDZAS KYI MTSAN NYID DANG LDAN PA MA YIN NO ZHES BSHAD PA NI, DES NA YON TAN BYA MED PA, ,DE PHYIR 'DU BA CAN RGYU MIN, ,'DI YON TAN DANG LAS GANG DAG GI 'DU BA CAN GYI RGYU BA YIN PA DE MED NA DE LTAR 'GYUR BA MA YIN NO ZHES MJUG BSDU BA'O, ,DE PHYIR 'BRAS BU NGO BO DAG ,MTHONG BA MED PHYIR DE MTHONG MIN, ,DE LA NI BLTAR RUNG BA NYID KYANG MED PA NYID DO, ,DES NI RNAM PA GNYIS TE, NYE BAR BTAGS PA LAS DANG, DNGOS PO RE ZHIG NYE BAR BTAGS PAS NI MA YIN TE, DE'I PHYIR 'BRAS BU LCI BA LA SOGS PA'I PHYIR RO, ,NYE BAR BTAGS PA LAS CIG SHOS KYANG MA YIN TE, YAN LAG CAN GYI RANG BZHIN THA DAD PAR MTHONG BA'I PHYIR RO, ,RNAM PAR SHES PA'I RNAM PA RAGS PA NYID DU DMIGS PA'I PHYIR TE, DE LAS 'PHAGS PA MTHONG BA MED PA'I PHYIR RO, ,DES NA MED NA MI 'BYUNG BA, ,GZHAN GYI KHYAD PAR GNOD PA YIN, ,SMRAS PA GZHAN TZAM LA LTOS TE, ,RDZAS KYI MTSAN NYID DANG LDAN PAS NI GZHAN GYI KHYAD PAR YIN NO, ,DE YANG MED NA MI 'BYUNG BA NYID KYIS BSGRUB PAR BYA BA MA YIN TE, DE LTAR MA YIN NA GZHAN TZAM NI BSGRUB PAR BYA BA MA YIN PA'I PHYIR RO, ,'DI LTAR, LCI BA NYID DANG 'OG 'GRO BA, ,SPANGS NA SNANG BA TZAM DU 'GYUR, ,SNANG BA TZAM NYID RNAM SHES LAS, ,THA DAD PAR NI 'THAD PAR DKA', ,RAB RIB KYIS MTHONG BA'I NUS PA PHYIN CI LOG TU BYAS PA'I MIG CAN RNAMS LA YANG, SKRA DANG SHA SBRANG DANG SBRANG BU LA SOGS PA, MED PAR MOS PA'I PHYOGS SU GNAS PA DAG MNGON SUM DU SNANG BA YIN TE, DE DAG DE LTAR SNANG BA NYID KYIS NI MED PAR MI 'GYUR BA MA YIN NO, ,'DIR, PHRA MO NAS BRTZAMS RDZAS PHRENG DAG ,BCAL NYID PHYIR NA RDZAS GZHAN GYI, ,LCI NYID MI RTOGS

, ,RAS BAL GYI, ,'DAB GZHAG BZHIN ZHES GZHAN DAG ZER, ,PHRA MO RDUL GNYIS PA LA SOGS PA'I RDZAS KYI PHRENG BA DAG GZHAL BA'I TSAD DANG 'BREL PA'I PHYIR, RDZAS DU MA'I NANG NA GNAS PA'I RDZAS GZHAN GYI LCID MTSON PAR MI NUS PA'I PHYIR SRANG MDA' DMA' BA MI 'DZIN PA YIN NO, ,'DI LTAR KHA BA'I GONG BU GNYIS SBYAR BA NA, GAL TE YON TAN DANG BYA BA DANG LDAN PA'I RDZAS GZHAN SKYE BA YIN PA DE LTA NA YANG RDUL GNYIS PA LA SOGS PA'I RDZAS KYI PHRENG BA YANG DE NA YOD PA NYID DO, ,DES NA LCID DANG LDAN PA DU MA'I NANG NA GNAS PA DE'I LCID MI TSOR BA YIN TE; RAS BAL GYI KHUR GYI NAD DU GZHAG PA'I RAS BAL GYI 'DA'I BA'I LCI BA NYID BZHIN NO, ,MA RTOGS KYANG DE'I LCI BA NYID DANG THUR DU 'GRO BA NYID MED PA NYID NI MA YIN TE, DES NA DE YON TAN DANG BYED PA MED PA DE'I PHYIR ZHES BYA BA'I GTAN TSIGS DE MA GRUB PO ZHE NA, DE NI MA YIN TE, 'DI LTAR; GAL TE LCI NYID MI RTOGS NA, ,BLO LHAG DE NI GA LA RTOGS, ,DE RIG 'DI NYID LA RE BAM, ,DE LOG NA NI CI LTAR 'GYUR, ,LCI BA NYID DANG 'OG TU 'GRO BA NYID MED NA NI SNANG BA TZAM DU GRUB PAR 'GYUR RO, ,DE BSGRUB PAS NI BSGRUB PAR BYA BA 'GRUB PA MA YIN PA BZHIN NO, ,GZHAN YANG, , DE LTAR SA RDUL TSOGS DAG LA, ,DE YI CIG CAR LDAN PA DANG, ,SO SOR LDAN PA'I RDUL TSOGS DAG ,SO SOR LHAN CIG BCAL BA NA, ,DE PHYIR LCID NI THA DAD 'GYUR, ,RIM GYIS LDAN PA'I RDUL GYI TSOGS LA NI LCI BA NYID DANG LDAN PA'I YAN LAG CAN DU MA YOD PA LAS 'GYUR PA'I LCID CHEN PO DANG LDAN PA YIN PA CIG CAR DANG LDAN PA LA NI, YAN LAG CAN GCIG NYID DU ZAD PA'I PHYIR LCID CHEN PO NYID MED DE, DES NA THA DAD PAR THAL BA'I PHYIR RO, ,THA DAD PAR NI DMIGS PA YANG MA YIN NO, ,RAS BAL GYI 'DAB MA DU MA'I TSOGS GZHAN NA NI RTOGS PA YIN TE, DES NA 'DI NI DPE MA YIN NO, ,'ON TE SNGAR YAN LAG CAN THAMS CAD ZHIG PA NA MTHAR YAN LAG CAN GCIG NYID GNAS PA YIN TE, DES NA YAN LAG CAN DU MA MED PAS NA, CIG CAR LDAN PA'I SA RDUL GYI TSOGS DAG LCID MTSUNGS PA NYID YIN PA'I PHYIR SKYON MED DO ZHE NA, DE LTAR NA

RDZAS PHRENG GZHAL BA'I PHYIR ZHES BYA BA MI 'THAD PAR 'GYUR RO, ,THA MA'I LCI BA NYID MI RTOGS PA YANG MI 'THAD DO, ,'ON TE RTZOM PAR BYED PA'I YAN LAG SO SOR GYUR PA DAG GI LCID CI TZAM YIN PA DES BRTZAMS PA'I YAN LAG CAN YANG DE TZAM NYID YIN NO, ,DES NA SRANG MA DA'I KHYAD PAR DU MI 'GYUR RO ZHE NA, DE LTAR NA 'ON YAN LAG THAMS CAD ZHIG NA YAN LAG CAN SKYE BA'I PHYIR, RDUL PHRA RAB RNAMS KYANG 'JIG PAS RDUL PHRA RAB BRTAGS PA YIN NO ZHES BYA BA'I GRUB PA'I MTHA' DANG 'GAL LO, ,'ON TE RNAM PAR DBYE BAS 'JIG PA YIN NA RDUL PHRA RAB DAG LA NI RNAM PAR DBYE BA SRID PA MA YIN TE CHA MED PA'I PHYIR RO ZHE NA, MA YIN TE CHA MED PAR MI RIGS PA'I PHYIR RO, ,LUS CAN DAG NI GDON MI ZA BAR PHA ROL DANG TSU ROL GYI YUL GYI RNAM PAR DBYE BA LDAN PAR 'GYUR DGOS SO, ,DE'I PHYIR YAN LAG CAN 'JIG PA ZHES BYA BAR MI 'THAD DO, ,'ON TE YANG RDUL PHRA RAB RNAMS KYANG 'JIG MOD NGED LA CHAD PA CI YOD CE NA, DE LTAR NA 'O NA, MA SHA LA SOGS RIM PA YIS, ,GRANGS MTSUNGS PA NI MI RUNG NGO, ,MA SHA'I GONG BU RNAMS ZHIG PAS YAN LAG CAN GCIG NYID YIN PHYIR MA SHA LNGA'I GANG BUR MI 'GYUR TE, MA SHA GCIG NYID DO ZHES BYA BAR 'GYUR RO, ,LNGA ZHES BYA BA LA SOGS PA'I GRANGS NI LCI BA DU MA YOD NA 'GYUR BA'I PHYIR RO, ,GCIG NYID YIN NA NI GRANGS GCIG NYID DU 'GYUR TE, YAN LAG CAN NYID YIN PA'I PHYIR RO, ,'ON TE LCI BA NYID GCIG YIN YANG DE LTAR THA SNYAD BYED PA YIN NO ZHE NA, DE LTA YIN NA GRANGS DON DAM PAR MI 'GYUR RO, ,DE'I PHYIR YAN LAG RNAMS YAN LAG CAN GYIS 'JIG NA, MA SHA LA SOGS PA DANG MTSUNGS PA'I RGYU MTSAN DE LA BRTEN PA'I GRANGS 'THAD PA MA YIN NO, ,DES NA YAN LAG RNAMS RIM GYIS SKYE BA'I PHYIR DU MA YOD PAS GDON MI ZA BAR LCID KHYAD PAR YOD PAR 'GYUR RO, ,'ON TE YUNGS KAR LAS SNGON ROL GYIS GONG MA THAMS CAD NI MI RTOGS PA YIN TE, ,CIG MI RTOGS PA BZHIN DU THAMS CAD KYANG YIN TE, KHYAD PAR MED PA'I PHYIR RO ZHE NA, DE NI MA YIN TE, RAS BAL 'DAB CIG MA RTOGS PAS, ,'DAB BAL DE YI TSOGS PA YANG, ,MI RTOGS PA NI 'GYUR BA MIN, ,DES NA 'DI

, ,NI 'BYOR MA YIN, ,GCIG MA RTOGS PAS DE'I TSOGS KYANG MI RTOGS PA NI MA YIN TE, 'DAB BAL GCIG GI LCID MA RTOGS KYANG KHUR BU'I LCID RTOGS PA'I PHYIR 'DAB BAL GYI TSOGS PA NYID RAS BAL GYI KHUR BU'I THA SNYAD LA BRTEN PA YIN NO, ,GZHAN YANG, GAL TE YUNGS KAR NAS BRTZAMS TE, TSOGS CHEN GONG NAS GONG DU NI, ,'PHEL BRTAN 'BRAS BU'I PHRENG BA YI, ,LCI BA RTOGS PA MA YIN NA, ,YUNGS KAR BAR GYI LCI DAG KYANG, ,CHUNG NGU SHIN TU RTOGS DKA' BAS, ,'BRAS BU'I LCID NI MI RTOGS PHYIR, ,DE YI RGYU NYID GZHAL BYAR 'GYUR, ,YUNGS KAR NI 'OL MA SI'I BZHI CHA'O, ,YUNGS KAR DE NAS BRTZAMS TE TSOGS CHEN PO GONG DU 'PHEL BA'I 'BRAS BU'I RDZAS KYI RGYU MTSAN CAN GYI LCID MI RTOGS NA, YUNGS KAR LAS SNGA MA SNGA MA JE CHUNG NGU 'GYUR BA DAG SHIN TU YANG CHER MI RTOGS PA NYID DU 'GYUR RO, , DES NA 'BRAS BU'I PHRENG BA'I LCID MI RTOGS PA'I PHYIR, 'OS GZHAN MED PAS DE'I RGYU NYID GZHAL BAR BYA BA YIN NO ZHES BYA BAR SHIN TU GSAL BAR RIGS PA MA YIN NO, ,LCID KYI KHYAD PAR DANG LDAN PAR RTOGS PA NYID GZHAL BA YIN GYI GZHAN NI MA YIN NO, ,GONG MA GONG MA'I 'BRAS BU'I LCID MI RTOGS NA LCID DE RGYU'I YIN PAR 'GYUR RO, ,DE YANG GZHAL BA NA DE'I RGYU'I LCID YIN LA, DE'I YANG DE'I RGYU'I YIN PA'I PHYIR RDUL PHRA RAB KYI BAR GYI RGYU GZHAL BYAR 'GYUR RO, ,DE DAG LA NI RGYU GZHAN DU 'GYUR BA MED PA'I PHYIR RO, ,'DI LTAR, THA MA'I YAN LAG CAN ZHIG NA, , DE DAG KYANG NI LCID DE NYID, ,DE DANG ZHIG PAR GYUR KYANG NI, ,PHYIS KYANG LCID DE NYID MTHONG BA, ,DES NA RJES SU DPAG PA LAS, ,LCID NYID RNGUL BRAN DAG LA RTOGS, ,DES NA YAN LAG CAN RDZAS NI, ,RDZAS KYI MTSAN NYID DANG LDAN MIN, ,GZHAN YANG 'DAB BAL GYI LCID NYID MI RTOGS KYANG YOD PA NYID DO, DE BLTAR RUNG BA'I PHYIR RO, ,YAN LAG CAN NI MTHONG BA MA YIN GYI 'ON KYANG DE NI 'BRAS BU MTHONG BA NYID YOD PAS YOD PAR RNAM PAR GZHAG PAR BYA BA YIN NO, ,DE DAG THAMS CAD KYANG RUNG BA MA YIN TE, 'DI LTAR, DON DE MTHONG MED RAS 'DAB BZHIN, ,DE YI

'BRAS BU 'ANG RTOGS PA MED, ,LCID NYID RTOGS MED BZHIN DU DE'I, ,YON TAN THAMS CAD RTOGS MED PHYIR, ,MA SHA LA SOGS LHAG YOD MIN, ,DMA' BA NYE BAR MTSON PA YIN, ,GZUGS SOGS LHAG DANG LHAG CI BZHIN, ,RANG GI DBANG POS MTHONG MED PHYIR, ,MNGON SUM DANG RJES SU DPAG PA DAG GIS MA RTOGS PA CI LTAR YOD DO ZHES RTOGS PAR BYA, GAL TE LCI BA NYID MA RTOGS KYANG, ,RNAM PA GZHAN GYIS RTOGS PA YANG SRID PA'I PHYIR CI LTAR MED PA NYID YIN ZHE NA, MA YIN TE GZUGS LA SOGS PA GZHAN YANG RTOGS PA MED PA'I PHYIR NA MA SHA LA SOGS PA YAN LAG CAN RNAMS LAS LHAG PA NI YOD PA MA YIN NO,, ,,BAM PO BRGYAD PA, 'O NA JI LTAR SRANG DMA' BA'I KHYAD PAR MI 'DZIN PA'I PHYIR RO ZHES SLOB DPON GYIS DNGOS POR NGES PA NYID BRJOD CE NA, MA YIN TE, NYE BAR MTSON PA YIN PA'I PHYIR RO, ,DMA' BA DE 'BA' ZHIG BRJOD PA YIN YANG GZHAN DAG KYANG STON PAR BYED PA YIN NO, ,CI LTAR THAMS CAD MI RTOGS PA ZHES BYA BAR SHES PAR BYA ZHE NA, 'DI LA SHES PAR BYA BA CI ZHIG YOD, MIG LA SOGS PAS CI LTAR CI LTA BA BZHIN GZUGS LA SOGS PA'I LHAG DANG LHAG PA RTOGS PA MED PA'I PHYIR RO, ,YANG LAG CAN YOD KYANG GZUGS DANG RO LA SOGS PA'I YAN LAG RNAMS LAS LHAG PA NI RTOGS PA YOD DO, ,DE'I YON TAN DANG LAS DANG LDAN PA BLTAR RUNG BA'I YAN LAG CAN MED PA NYID YIN PA'I PHYIR, CHOS KYI KHYAD PAR GNOD PA'I SGO NAS PHYOGS KYI SKYON YIN NO, ,PHYOGS 'DI YANG KHAS BLANGS PA DAG, RANG GI TSIG DANG RJES SU DPAG PA DANG, GRAGS PAS GNOD PA YIN NO, ,KHAS BLANGS RANG GI TSIG SOGS KYI, ,GNOD PA DAG NI SRID PAS NA, ,CI SKAD BSHAD PA'I PHYOGS KYIS NI, ,DPER BRJOD GZHAN YANG RTOGS BYA BA, ,RANG GI NGO BO GNOD PA LA SOGS PA BZHIN NO, ,YANG LAG CAN GYI GNOD PAR BYED PA'I RIGS PAS BSTAN PA NI 'DI LAS GZHAN SLOB DPON GYIS GSUNGS PA'I DPER BRJOD PA DAG KYANG RTOGS PAR BYA BA YIN NO, ,DE YANG SNGAR BSTAN PA NYID DO, ,GAL TE BSGRUB PAR BYA BA BSTAN PA'I PHYOGS DE DAM BCA' BA YIN NO ZHES BYA BA NI RIGS PA CAN RNAMS KYI PHYOGS KYI

, ,YIN TE; 'DI LAS SKYON CI YOD CE NA, MA GRUB PA'I GTAN TSIGS DANG DPE DAG KYANG DER THAL BAR 'GYUR RO, ,GAL TE BSGRUB PAR BYA BAR GYUR PA'I PHYIR BSGRUB BYA BA YIN NAM, MA GRUB PA'I GTAN TSIGS DANG DPE DAG NI SGRUB PAR BYA BAR 'GYUR BA YIN PAS NA, DE CI LTAR DE GNYIS DAM BCA' BAR THAL ZHE NA, GAL TE DA LTAR BSGRUB PAR BYA BSTAN PA ZHES BYA BAR 'GRUB NA, DE BDEN PA ZHIG NA, BYA BA DUS GSUM YUL CAN PHYIR, ,DE LTA'I BDAG NYID GZHAN DAG LA, ,DE LTAR BKOD DE DE YI TSE, ,MI 'DOD NA YANG BSGRUB BYAR 'GYUR, ,BYA BA'I RKYEN THAMS CAD NI DUS GSUM GYI YUL CAN YIN NO, ,DES NA PHYIS BSGRUB PAR BYA BAR 'GYUR BA BSGRUB BYAR 'GYUR RO, ,CI LTAR PHYIS BSGRUB PAR BYA BA 'DI NYID DU 'GYUR ZHE NA, DE'I TSE DE LTA BU'I BDAG NYID MA YIN PAR BSTAN PA'I PHYIR RO, ,DE NI BSGRUB PAR BYA BA NYID YIN MOD KYI, DE'I TSE SGRUB PAR BYED PA NYID DU NYE BAR BSTAN PAS, DE'I TSE BSGRUB PAR BYA BA MA YIN NO, ,MA GRUB PA NI GZHAN LA SGRUB PAR BYED PAR YANG MI 'GYUR TE DES NA DE PHYI NAS BSGRUB PAR BYA BA NYID YIN NO, ,DES NA PHYIS KYI TSE BSGRUB PAR BYA BA NYID DU BSTAN PAR BYA BA DE DAM BCA' BAR 'GYUR RO,, GAL TE CI LTAR BSGRUB PAR BYA BA'I SGRAS BUM PAR BYA BA ZHES BYA BA LTA BU BYED PA PO LA LTOS PA'I BSGRUB BYA RTOGS PAR BYED PA MA YIN PA DE BZHIN DU 'GRUB PAR BYED PA NYID DU BSTAN PA YANG RTOGS PAR 'GYUR BA MA YIN PA'I PHYIR JI LTAR SGRUB PAR BYED PA MA GRUB PA DAM BCA' BAR THAL ZHE NA, GAL TE 'DI SHES PAR BYED PA'I SKABS MA YIN NA 'DIR BDEN PA ZHIG NA, SHES BYED SKABS KYIS MA GRUB PA, ,THAMS CAD RTOGS PAR BYED PA YIN, ,DE'I PHYIR BSGRUB PAR BYA BA'I SGRA, ,'DOD PA'I KHYAD PAR LA BRTEN MIN, ,SHES PAR BYED PA'I SKABS KYIS GSAL BAR BYA BA BYED PA PO LA LTOS PA'I BSGRUB PAR BYA BA LA GZHAN PA'I BSGRUB PAR BYA BA THAMS CAD BSGRUB PAR BYA BA'I SGRAS SDUD PAR BYED PA NYID DO, ,DES NA BSGRUB PAR BYA BA GZHAN RNAM PAR GCOD PAR NUS PA MA YIN NO, ,BYED PA PO'I BSGRUB PAR BYA BA RNAM PAR GCOD PA NI SHES PAR BYED PA'I GTAN TSIGS

KYI SKABS YIN PA'I PHYIR RO, ,'GA' ZHIG RGYU DANG BCAS PAS 'GYUR BA BZHIN DU RGYU MED PA RNAMS KYANG 'GYUR BA MA YIN TE, THAMS CAD THAMS CAD DU 'GYUR BAR THAL BA'I PHYIR RO, ,SGRUB PAR BYED PA NYID DU BSTAN PA MA YIN PA'I SGRUB PAR BYED PA PHYOGS YIN ZHES BYA BA PHYOGS YIN ZHES BYA BA'I RGYU MTSAN GZHAN YANG YOD PA MA YIN TE, DES NA BSGRUB BYA'I SGRA NI 'DOD PA'I KHYAD PAR LA BRTEN PAR NUS PA MA YIN NO, ,BYED PA PO'I BSGRUB PAR BYA BA LAS BZLOG PA NI SHES PAR BYED PA'I SKABS YIN PA'I PHYIR DE DANG MTSUNGS PA MA YIN NO, ,DES NA DPE DANG GTAN TSIGS DAG ,MA GRUB DPER NI BYAS PA YIN,, GZHAN DU RI BONG RVA LA SOGS, ,MA GRUB KUN KYANG BSGRUB BYAR 'GYUR, ,DE LTAR YANG, DPE DANG GTAN TSIGS MA GRUB SMRA, ,DAM BCA' BAR NI THAL BAR 'GYUR, ,ZHES SO, ,SGRA NI MI RTAG PA STE BYAS PA'I PHYIR BUM PA BZHIN NO ZHES GRANGS CAN LA LTOS NAS SAM, YANG NA MIG GIS GZUNG BAR BYA BA'I PHYIR NAM MKHA' BZHIN NO ZHES BYA BA'O, ,GAL TE SKABS LA MA LTOS PAR DAM BCA' BA'I MTSAN NYID BYAS PA YIN LA, DE BZHIN DU RI BONG GI RVA LA SOGS PA YANG BSGRUB BYA NYID DU THAL BAR 'GYUR RO, ,'ON TE YANG BSGRUB PAR BYA BA BSTAN PA NI DAM BCAS PA'O ZHES BYA BA 'DIR YANG SHES PAR BYED PA'I SKABS DANG 'BREL PA YIN LA BSGRUB PAR BYA BA THAMS CAD DAM BCA' BAR THAL BA MA YIN TE, 'ON KYANG BSGRUB PAR BYA BA NYID DU BSTAN TE, LAS LA BYA BA'I RKYEN BRJOD PA'I PHYIR RO, ,LAS KYANG BYED PA PO'I PHUGS 'DOD LAS YIN NO ZHES BYA BAS GANG LA KHYAD PAR DU 'PHAGS PA YOD PA'I KHYAD PAR CAN YIN NO, ,SGRUB PAR BYED PA NYID DI 'DOD PA NI BYED PA YIN PA'I PHYIR PHUGS 'DOD MA YIN NO, ,DPER NA 'BRAS CHAN ZO SHIG CES BYA BA LA 'O MA ZOS PA'I BYA BAS BYED PA PO YIN YANG, BYED PA NYID DU BRJOD PAR 'DOD PAS NA LAS NYID MA YIN PA BZHIN NO, ,DE BZHIN DU 'DOD PAR GYUR PA LAS YIN GYI 'DOD PAR 'GYUR BA NI MA YIN NO, ,GZHAN YANG MTSON PAR BYA BA NYID KYI SKABS SU BAB PAR 'GYUR BA'I YAN LAG LDA PO DAG LAS, DAM BCA' BA'I MTSAN NYID NI YAN LAG GZHAN GYI MTSAN NYID KYI YUL SPANGS TE GNAS PA YIN PA'I PHYIR,

, ,SGRUB PAR BYED PAR 'GYUR BA MA YIN PA'I BSGRUB PAR BYA BA BSTAN PAR DAM BCA' BA YIN NO ZHES RTOGS PAR 'GYUR RO, ,DE BZHIN DU GRUB PA'I MTHA' RNAM PA BZHI PO RGYUD THAMS CAD PA DANG, MI MTHUN PA'I RGYU DANG DBANG DU BYED PA DANG, KHAS BLANGS PA'I TSUL GYIS MTSAN NYID BSGRUB PA'I PHYIR, KHAS BLANGS PA'I SGRUB PA'I MTHA'I MTSAN NYID KYI BSGRUB PAR BYA BA BSTAN PA DAM BSTAN PA DAM BCA' BA YIN PAR RTOGS PA'I PHYIR, HA CANG THAL BA MA YIN PAS SKYON MED DO ZHE NA, 'DI THAMS CAD NI DE LTA MA YIN TE, THAMS CAD RNAM 'GAS MA GRUB PHYIR, ,DES NA LAS LA SOGS PA YI; ,KHYAD PAR NYE BAR BKOD PA YI, ,LAN GYIS RNAM 'BYED NUS MA YIN, ,SNGA MA GRUB PA'I RANG BZHIN PHYIR, ,BSGRUB BYA'I YAN LAG CES RUNG MIN, ,GANG GIS KHAS BLANGS MTSAN NYID 'GYUR, ,DE YANG GRUB MTHA' NYID DU MTSUNGS, ,DE GTAN TSIGS NYID DU KHAS BLANGS KYANG BSGRUB PAR BYA BA GDON MI ZA BAR KHAS LEN PAR 'GYUR BA YIN TE, MA GRUB PA NI GTAN TSIGS MA YIN PA'I PHYIR RO, ,BYA BA'I RKYEN RNAMS NI DUS GSUM GYI YUL CAN DU BSTAN ZIN TO, ,KHAS LEN PA'I SGRA YANG DUS GSUM GYI YUL CAN NI RKYEN CAN NYID DO, ,BYA BA SMOS PA NI NYE BAR MTSON PA YIN PA'I PHYIR RO, ,DES NA THAMS CAD GRUB MTHA' MTSUNGS PA NYID DE, DES NA GRUB MTHA'I TSUL NI LAN MA YIN NO, ,'ON TE BSGRUB PAR BYA BA DANG SGRUB PAR BYED PA'I MTSAN NYID KYI SKABS SU SGRUB PAR BYED PA'I MTSAN NYID SPANGS PAS BSGRUB BYA NYE BAR BSTAN PA DAM BCA' BA YIN PA'I PHYIR BSGRUB PAR BYA BA NYID DAM BCA' BA YIN GYI, SGRUB PAR BYED PAR BSTAN PA NI MA YIN NO ZHE NA, DE YANG MA YIN TE, DON MA GRUB PA'I PHYIR NA MTSAN NYID BSGRUB PA'I SNGON ROL DU YAN LAG GI MTSAN NYID THAMS CAD MA GRUB PA'I PHYIR RO, ,DES BSGRUB PAR BYA BA BSTAN PA NI DAM BCA' BA ZHES BYA BAS BSGRUB PAR BYA BA BSTAN PA THAMS CAD DAM BCA' BAR 'GYUR TE, DE LAS MA GTOGS PA NI SGRUB PAR BYED PA NYID YIN PAR 'GYUR RO, ,YANG NA SGRUB PAR BYED PA'I BSTAN PA LAS MA GTOGS PA'I BSGRUB PAR BYA BA BSTAN PA DAM BCA' BA NYID DO ZHES BYA PA'I RNAM PAR DBYE BA 'DI BYA BAR

JI LTAR NUS, 'O NA NI THE TSOM DU 'GYUR RO ZHE NA, MA YIN TE, 'DI LA LAN DU 'CHAD PAR 'GYUR BA'I PHYIR RO, ,GAL TE BSGRUB PAR BYA BAR ZHES LAS LA BYA RKYEN MA YIN NAM, LAS KYANG BYED PA'I 'DOD PHUGS YIN NO, ,THAMS NYID DU 'DOD PA NI SGRUB PAR BYED PA NYID MA YIN PAS DE CI LTAR DE BSGRUB BYA NYID DU 'GYUR ZHE NA, 'DI NI MED DE SGRUB PAR BYED PA NYID THABS NYID KYIS BSGRUB BYA NYID DU 'DOD PA'I PHUGS YIN PA'I PHYIR RO, ,'DIR KHYAD PAR DU 'PHAGS PA'I RKYEN NI KHAS BLANGS PA YANG MA YIN NO, ,KHA CIG NI SBYOR BA'I RNAM PAR DBYE BA KHAS LEN PA'I PHYIR TE, GZHAN DAG GI NI KHYAD PAR DU 'PHAGS PA SPONG BA'I PHYIR RO, ,'BYUNG BA'I RKYEN NAM, GCIG GI TSIG KYANG DER GTZUG LAG TU 'GYUR BA MA YIN TE, RE LDE DAG TU BYED PAR 'GYUR RO, ,RE LDE RNAMS SU BYED PAR 'GYUR RO ZHES BYA BA 'DOD PA YIN PA'I PHYIR RO, ,KHAS LEN PA'I GRUB MTHA' YANG YOD PA NYID DO, ,DES NA BSGRUB PAR BYA BA BSTAN PA NI DAM BCA' BA'O ZHES BYA BA 'DI NI MI RUNG NGO, ,'DIR CHOS SAM CHOS CAN NAM TSOGS PA BSGRUB BYA YIN GRANG NA, DE LA, CHOS BSGRUB BYA NI CHOS MTHUN MED, ,CHOS CAN GTAN TSIGS DON MED 'GYUR, ,GAL TE CHOS BSGRUB PAR BYA BA YIN LA BSTAN PA DAM BCA' BA YIN NA NI RTAG PA NYID CES BYA BA DAM BCAS PA YIN PAR 'GYUR RO, ,DE LA BSGRUB PAR BYA BA DANG CHOS MTSUNGS PAS DE'I CHOS YOD PA'I DPE NI DPE YIN NO ZHES BYA BA DPE'I MTSAN NYIN 'GAL BAR 'GYUR TE, GANG GI BUM PA LA SOGS DE'I CHOS YOD PAR 'GYUR BA BSGRUB PAR BYA BA'I CHOS MI RTAG PA NYID LA NI, SKYE BA DANG LDAN PA LA SOGS PA DE'I CHOS YOD PA YANG MA YIN NO CHOS CAN YIN NA NI GRUB PA'I PHYIR BSGRUB BYA GRUB PA NI GTAN TSIGS SO ZHES BYA BA MI 'THAD PAR 'GYUR RO, ,'ON TE GNYIS KA BSGRUB BYA YIN NA PHYOGS GNYI GA LA 'GYUR BA'I SKYON YOD DO, ,GAL TE TSOGS PA BSGRUB PAR BYA BA MA YIN NAM, TSOGS PA NI GRUB PA MA YIN LA, SKYE BA DANG LDAN PA LA SOGS PA'I CHOS MA YIN PA YANG MA YIN PA YANG MA YIN NO ZHE NA, 'DIR BSHAD PA, TSOGS PA BSGRUB BYA NYID YIN NA'ANG, ,GNYIS PO PHAN TSUN KHYAD PAR CAN, ,BSGRUB BYA DE TSE GTAN TSIGS DANG, ,DPE YI MTSAN NYID MA GRUB GYUR, ,DPE DANG CHOS MTHUN

, ,PAS BSGRUB BYA SGRUB PA ZHES BYA BA NI GTAN TSIGS KYI MTSAN NYID YIN LA, BSGRUB PAR BYA BA DANG CHOS MTHUN PAS DE'I CHOS YOD PA'I DPE NI DPE'O ZHES BYA BA NI DPE'O MTSAN NYID DO, ,'DI NI TSOGS PA BSGRUB PAR BYA BA NYID YIN NA MI 'BYOR PAR 'GYUR RO, ,'DI LTAR TSOGS PA NI TSOGS PA CAN LAS THA DAD PA MA YIN PA'I PHYIR GNYIS PO DE NYID BSGRUB PAR BYA BAR 'GYUR RO BSGRUB PAR BYA BA'I CHOS KYI KHYAD PAR CAN GYI CHOS SKYE BA CAN LA SOGS PAS NI, DPE LA CHOS MTHUN PA YOD PA MA YIN TE, RNAM PA DE LTA BU'O GTAN TSIGS NI CHOS CAN LA YOD PAR GZHAN DAG LA MA GRUB PAS NA GTAN TSIGS KYI MTSAN NYID MED DO, ,MI RTAG PA NYID KYIS KHYAD PAR DU BYAS PA'I CHOS CAN DANG BUM PA LA SOGS PA'I DPE DAG CHOS MTHUN PA YANG YOD PA MA YIN TE, DES NA DPE'I MTSAN NYID KYANG MED PAS DPE DANG GTAN TSIGS KYI MTSAN NYID MA GRUB PO, ,TSOGS BA LA MI SRID PA'I PHYIR BSGRUB CHOS CAN LA 'JUG PAR 'GYUR TE, TSOGS PA LA 'JUG PA'I SGRA NI YAN LAG RNAMS LA YANG 'JUG PA YIN NO ZHES BYA BA'I TSUL GYIS SO ZHE NA, DE YANG MI RUNG STE, MI SRID PHYIR NA BSGRUB BYA'I SGRA, ,GAL TE CHOS CAN LA 'JUG 'DOD, ,BSTAN BCOS CI BYA CI RIGS PAR, ,RANG NYID 'JUG PAR 'GYUR BA YIN, ,DE'I TSE MTSAN NYID BRJOD PAS CI ZHIG BYA STE, CI LTAR NYE BAR BRJOD PA'I MTSAN NYID DON LA MI SRID PA'I PHYIR GZHAN DU BRJOD PAR BYA BA DE BZHIN DU, GTAN TSIGS LA SOGS PA'I RANG BZHIN YANG CI LTAR GO BAR BYED PAR 'GYUR BA GZHAN DU RTAG PAR 'GYUR RO DE BZHIN DU DPE'I MTSAN NYID KYANG YIN PAS NA BSTAN BCOS DON MED DO, ,GAL TE PHYOGS CHOS DE CHAS KHYAB PA NI GTAN TSIGS SHES, KHYOD KYANG NYE BAR BTAGS NAS PHYOGS KYI SGRA CHOS CAN LA 'JUG PAR 'DOD PA MA YIN NAM, DE LTA YANG PHYOGS NI CHOS CAN TE, YAN LAG LA SPYI NYE BAR BTAGS PA'I PHYIR RO ZHES TE, 'DIR YANG SKYON DE NYID DU 'GYUR RO ZHE NA, MA YIN TE, 'DI LTAR, SHES PAR 'DOD PA'I KHYAD PAR CAN, ,CHOS CAN PHYOGS KYI RANG BZHIN NYID, ,GANG TSE DE CHOS GTAN TSIGS NI, ,CI LTAR 'DIR NI NYER BTAGS NYID, ,BSGRUB PAR BYA BA'I CHOS

KYI MTSAN NYID SHES PAR 'DOD PA KHYAD PAR CAN GYI CHOS KYI CHOS GANG YIN PA DE NI, DNGOS SU PHYOGS SU 'DZIN PA YIN LA, DE'I CHOS GTAN TSIGS YIN PA DE'I PHYIR SKYON MED DO, ,GAL TE TSOGS PA MA GRUB PA NI CI LTAR DE'I CHOS SHES PAR BYA BAR 'GRUB CE NA, DE YANG MI RIGS TE, 'DI LTAR, GAL TE TSOGS BA GRUB 'GYUR NA, ,'DI NI CI LTAR PHYOGS SU 'GYUR, ,BSGRUB BYA'I CHOS LA THE TSOM NI, ,ZAN CHOS CAN TZAM NYID PHYOGS, ,GANG GI TSE TSOGS PA GRUB PA DE'I TSE NA, 'DI SHES PAR 'DOD PA'I KHYAD PAR CAN MA YIN PA'I PHYIR, PHYOGS MA YIN PA NYID DO, ,DE LTAR YANG, DE LA YANG RANG NYID BSGRUB PAR BYA BA NYID DU 'DOD PA NI PHYOGS YIN NO ZHES GSUNGS SO, ,GAL TE GRUB NA NI JI LTAR BSGRUB PAR BYA BA NYID DU 'DOD PA YIN, DE'I PHYIR PHYOGS CHOS CES ZHES BYA BA'I DON CI ZHE NA, BSGRUB PAR BYA BA LA THE TSOM ZA BA'I CHOS CAN GYI CHOS SO ZHES BYA BA YIN NO, ,DE'I TSE YANG JI LTAR TSOGS PA MA GRUB NA; DE'I CHOS MI 'GRUB PAR 'GYUR, 'O NA JI LTAR YAN LAG LA SPYI NYE BAR BTAGS PA'I PHYIR RO ZHES BSHAD CE NA, 'DI BRJOD PA, NYE BAR BTAGS PA RAB 'JUG NI, ,RTZOD PA SPONG BA'I DON DU YIN, ,CHOS CAN CHOS ZHES BRJOD NA NI, ,MTSAN NYID HA CANG THAL BAR 'GYUR, ,'DIR RTZOD PAR BYED DE, PHYOGS CHOS CHES BYA BA 'DI NI RUNG BA MA YIN TE, GTAN TSIGS KYI RANG GI NGO BO SPYOD PA'I DUS NA, PHYOGS SRID PA NI MA YIN NO, ,SA PHYOGS LA SOGS PA'I CHOS CAN TZAM LA GTAN TSIGS MTHONG NAS KHYAB PAR DRAN PA NI, PHYIS BSGRUB PAR BYA BA'I CHOS MI RTAG PA NYID LA SOGS PA'I BLOR 'GYUR RO,, SNGAR NI BLO DE MED PA'I PHYIR CHOS CAN TZAM RTOGS PAS LUS PAR 'GYUR BA YIN NO, ,BSGRUB PAR BYA BA'I CHOS LA THE TSOM ZA'O ZHE NA MA YIN TE, NGES PA MED PA'I PHYIR RO, ,THE TSOM ZA BA LA GTAN TSIGS 'JUG PA MA YIN NAM, CI LTAR NGES PA MED CE NA, MA YIN TE GRUB PA DANG GSAL BA TZAM BZLOG PAR 'DOD PA'I PHYIR RO, ,NGES PA DANG GSAL BA LA NI GTAN TSIGS 'JUG PA MA YIN TE, DGOS PA MED PA'I PHYIR DANG MI NUS PA'I PHYIR RO, ,DE'I PHYIR CHOS CAN GYI CHOS ZHES BYA BA NYID BRJOD PAR BYA BA YIN NO ZHE'O, ,'DI BRJOD PA CHOS CAN GYI CHOS ZHES SMOS NA, DPE'I CHOS CAN GYI CHOS KYANG

, ,GTAN TSIGS NYID DU 'GYUR BAS MIG GIS GZUNG BA NYID KYANG GTAN TSIGS SU 'GYUR RO, ,DES NA SA PHYOGS SU 'GYUR BA'I CHOS CAN GZUNG BAR BYA BA'I PHYIR PHYOGS SMOS SO, ,JI LTAR CHOS CAN NYID PHYOGS SU 'GYUR ZHE NA, YAN LAG LA SPYI NYE BAR BTAGS PA'I PHYIR RO ZHES BSHAD DO, ,GAL TE GTAN TSIGS 'DZIN PA'I DUS NA, TSOGS PA BLO LA GNAS PA MA YIN PA DE LTA NA YANG PHYIS 'GYUR BA YIN NO, ,GAL TE PHYIS 'GYUR BA DE DANG PO CI LTA YOD CE NA, DE NYID KYI PHYIR NYE BAR BTAGS PA YIN TE, GZHAN DU NA DNGOS NYID DO, ,NYE BAR BTAGS PA NI BLOS SGRO BTAGS PA'O, , CI LTAR MED PA LA BLOR 'GYUR ZHE NA, CI YID LA BSAMS PA LA YANG DBUL POR 'GYUR RAM, SNAL MA 'DI DAG GIS RAS YUG CHEN BTAGS SO ZHES BYA BA NI MTHONG BA MA YIN NO, ,DE LA GAL TE RAS YUG CHEN YIN NA BTAG PAR BYA BA MA YIN LA, GAL TE BTAG PAR BYA BA YIN NA RAS YUG CHEN MA YIN TE, RAS YUG CHEN YANG YIN LA BTAG PAR BYA BA YANG YIN NO ZHES BYA BA NI 'GAL LO, ,DE LA SMRA BA PO'I BSAM PA NI 'DI YIN TE RAS YUG CHEN DU 'GYUR BA 'DI BTAG PAR BYA'O ZHES BYA BA'O, ,'DI LA YANG DGOS PA CI YOD CE NA, DGOS PA YOD DE, SNAL MA ZHES BRJOD NA RAS CHEN DANG, YUG PHRAN LA SOGS PA LA YANG THAL BAR 'GYUR RO, ,DE'I PHYIR DE SKAD SMOS PA NI GZHAN BZLOG PA'I DON DU YIN NO, ,DE BZHIN DU 'DIR YANG BSGRUB BYA GRUB PAR 'GYUR BAS PHYOGS SU 'GYUR BA GANG YIN PA DE'I CHOS YIN PA'I PHYIR, DPE'I CHOS CAN GYI CHOS THAL BA YANG MED DO, ,DES NA BSGRUB PAR BYA BA'I CHOS LA THE TSOM ZA BA'I CHOS CAN GYI CHOS BYA BA'I DON YIN NO, ,'O NA CI LTAR DE'I CHA NI BSAM PA'I DBANG GIS DE'I CHOS YIN GYI, DE'I PHYOGS GCIG NI MA YIN TE, PHYOGS ZHES BYA BA'I SGRA SPYI LA MI BYA BA'I PHYIR RO ZHES BRJOD CE NA, DE NI MA YIN TE, GZHAN GYI NYES PA GZHAN DAG LA, , CI LTA BUR NA SKUD PAR BYED, ,'DI DAG THAMS CAD MA RUNG PA'I, ,BDAG NYID 'CHAD PA PO YI SKYON, ,GZHAN GYIS KAR KA TI KA ZOS PAS GZHAN GYI SNA GCOD PAR BYED PA NI MA YIN NO, ,BSGRUB PAR BYA BA'I CHOS CAN GYI TSOGS PA NI PHYOGS YIN NO, ,DE LA GAL TE DE'I CHAS KHYAB PA ZHES BYA BA'I

PHYIR BSHAD NA NI DE'I TSE CHOS CAN YANG DE'I CHA NYID PAS DE KHYAB PA YIN PAR 'GYUR BA'I PHYIR, BSGRUB PAR BYA BA'I CHOS KYIS KHYAB PA MTSON PAR MI 'GYUR RO, ,DES NA DE'I CHA NI DE'I CHOS YIN GYI ZHES SMOS SO, ,CHA'I SGRA SPYIR RJOD PAR BYED PA YIN YANG, SMRA BA PO'I BSAM PA'I DBANG GIS CHOS NYID CHA YIN PAR GZUNG STE, PHYOGS KYI CHOS NI GZHAN CHOS CAN GYI KHYAB PAR MI 'GRUB PA'I PHYIR RO, ,DE'I PHYOGS GCIG NI MA YIN TE ZHES BYA BA 'DI'I DON NI, PHYOGS GCIG TZAM NI MA YIN TE PHYOGS KYI SGRA SPYI BRJOD PA MA YIN PA'I PHYIR RO, ,PHYOGS KYI SGRAS NI BSGRUB PAR BYA BA'I CHOS LA THE TSOM ZA BA'I KHYAD PAR CAN GYI CHOS CAN BRJOD PA YIN NO, ,DES NA PHYOGS KYI SGRA NI SPYI RJOD PAR BYED PA MA YIN NO, ,SPYI'I DON RTOGS PA NI SHUGS KYIS YIN NO, ,CHOS CAN DE'I CHA NI SHUGS KYIS DE'I CHOS NYID DO, ,DE NYID NI DE'I CHOS MA YIN NO, ,GAL TE PHYOGS KYI SGRAS GTZO BOR MTSUNGS PA'I CHA SHAS KYI DNGOS PO SPYI BRJOD PA YIN NA DE'I TSE DE'I CHAS KHYAB PA ZHES BYA BA CHOS CAN GYI MTSAN NYID KYI CHAS KHYAB PA ZHES BYA BAR YANG 'GYUR RO, ,DE LTAR NI 'DOD PA CAN MA YIN TE, DES NA DE LTAR 'CHAD PA YIN NO, ,DE'I PHYIR DES NI 'GAR YANG MI SRID PA'I PHYIR GZHAN DU 'GYUR BA'I SGRA GZHAN BRTAGS PA MED DO, ,GZHAN YANG 'DI NI BRJOD PA 'DOD PA RJES SU GNANG BA ZHES BYA BA TSAR GCAD PA'I GNAS YIN NO, ,RANG GI PHYOGS KYI NYES PA MA SPANGS PAR GZHAN GYI PHYOGS KYI SKYON BRJOD PA NI, 'DOD PA'I RJES SU SNANG BA'O, ,YANG NI DED LA NI DGOS PA YOD PA YIN TE, NYE BAR BTAGS SU RUNG BA'I CHOS CAN YIN PAR GZUNG BA'O, ,KHYED LA NI DE LTA MA YIN PA'I PHYIR NYE BAR BTAGS PAR MI RIGS SO, ,DNGOS SRID GZHAN DU NYE BAR BTAGS PAR RTOGS PA NI MA YIN NO, ,GZHAN YANG BSGRUB PAR BYA BA BSTAN PA NI PHYOGS SO ZHES BYA BA 'DIR SNGAR NGES PAR GZUNG BAR 'GYUR RAM,, 'ON TE PHYIS NGES PAR GZUNG, BSGRUB PAR BYA BA BSTAN PA NYID DAM BCA' BA YIN GYI SGRUB PAR BYED PA BSTAN PA NI MA YIN NO ZHES BYA BA'O, ,YANG NA BSGRUB PAR BYA BA BSTAN PA NI DAM BCA' BA NYID YIN GYI GZHAN DU NI MA YIN NO ZHES BYA BAR 'GYUR, DE LA, DE SNGAR DES

, ,GZUNG DON MED 'DIR, ,PHYI NGES BZUNG NA MI 'DONG 'GYUR, ,GANG GAL TE SNGAR NGES PAR BZUNG NA NI DON MED PAR 'GYUR TE, DES BZLOG PAR BYA BA GTAN TSIGS BSTAN PA DAM BCA' BA NYID YIN PA NI KHYAD PAR SGRUB PAR BYED PA GTAN TSIGS KYI MTSAN NYID DANG DPE'I MTSAN NYID KYIS BKAG PA'I PHYIR TE, DMIGS KYIS GZUNG BA'I YUL BSNGOM STE, SPYIR BTANG PA 'JUG PA'I PHYIR RO, ,PHYIS NGES PAR 'DZIN NA NI, BSGRUB PAR BYA BA'I GTAN TSIGS DANG, DPE BSTAN PA YANG DAM BCA' BA NYID DU 'GYUR BAS MI 'DOD PAR 'GYUR RO, ,GAL TE BSGRUB PAR BYA BA NYID BSTAN PA DAM BCA' BA YIN GYI, GRUB PA BSTAN PA NI MA YIN NO ZHES PAR BZUNG NA SKYON CI YOD, DE NI SGRUB PAR BYED PA LA SOGS PA DAG GIS 'PHANGS PA MA YIN NO ZHE NA, DE LA 'DI SKAD BRJOD DE, SGRUB BYED BSTAN PA'I SHUGS NYID LAS, ,DON DE BSGRUB BYA NYID DU RTOGS, ,SGRUB PAR BYED PA THAMS CAD NI MA GRUB PA SGRUB PAR BYED PA'I PHYIR NYE BAR LEN PA YIN NO, ,GRUB NA SGRUB PAR BYED PAS CI ZHIG BYA DES NA SGRUB PAR BYED PA'I MTSAN NYID BSHAD PA'I SHUGS NYID KYIS MA GRUB PA'I DON BSGRUB PAR BYA BA RTOGS PA NYID LAS GRUB PA LA THAL BAR MI 'GYUR BA'I PHYIR TE, BZLOG PA'I DON DU NI NGES PAR BZUNG BA MA YIN NO, ,GTAN TSIGS SOGS MTSAN GYIS KHYAB PHYIR, ,SGRUB PAR BYED PA DOGS PA'ANG MED, ,'DI SNYAM DU BSGRUB BYA NYID DU BSTAN PA DAM BCA' BA ZHES PA NGAR NGES PAR GZUNG BAS NA, SGRA'I BYA BA LA LTOS TE MA SGRUB PAR BYED PA NYID DU BSTAN PA GSAL BA'I DON YIN TE, SGRUB PAR BYED PAS NI DER NUS PA MA YIN NO SNYAM NA 'DI LA BSHAD PA, GTAN TSIGS LA SOGS PA'I MTSAN NYID KYIS KHYAB PA'I PHYIR SGRUB PAR BYED PA NYID DU BSTAN PA LA NI DGOS PA MA YIN NO, ,CI LTAR SGRA'I BYED PA LA LTOS TE MA GRUB PA SGRUB PAR BYED PA NYID DU BSTAN PA BSGRUB PAR BYA BA NYID KHO NAR BSTAN PA ZHES BYA BAS SPANGS PA DE BZHIN DU DPE BRJOD PA'I SHUGS KYIS BSGRUB BYA SGRUB PAR BYED PA NI GTAN TSIGS SO ZHES BYA BA LA SOGS PA'I MTSAN NYID KYIS, BSGRUB BYA SGRUB PAR BYED PA NI GTAN TSIGS ZHES BYA BA NI BSGRUB BYA SGRUB PAR BYED PA NYID KYI TSUL GYIS YIN LA

DPE YANG DE BZHIN NO ZHES BSHAD PAR NUS PA'I PHYIR NA GTAN TSIGS LA SOGS PA'I TSAN NYID KYIS KHYAB PAR YIN NO, ,SNGAR NGES BZUNG NA DE YIS NI, ,DAM BCA'I MTSAN NYID BRJOD DON MED, ,DE PHYIR SHUGS KYIS DE BRJOD PA, ,KHYAB PA'I 'BRAS CAN YIN PAR RTOGS, ,SNGAR NGES PAR BZUNG NA DON MED PAR 'GYUR BAS NA, 'OS MED PAR PHYI MAR NGES PAR GZUNG BA YIN LA DE YANG KHYAB PA'I 'BRAS BU CAN YIN NO, ,'DI LTAR BSGRUB PAR BYA BA BSTAN PA NI DAM BCA' BA KHO NA'O ZHES BYA BAS GAL TE MTSAN NYID GZHAN GYIS KHYAB PA NYID YIN PA DE LTA NA YANG, DAM BCA' BA KHO NA YIN GYI DAM BCA' BA MA YIN PA NI MA YIN NO ZHES MA 'BREL PA RNAM PAR GCOD PA DAG GIS 'BRAS BUR 'GYUR BA'I PHYIR SGRUB PAR BYED PA NYID DU BSTAN PA NI DAM BCA' BA YIN NO ZHES BYA BA DAG GI DON DU 'GYUR TE, GZHAN DU DON MED DO, ,GAL TE RANG NYID KYIS BRJOD PA MA YIN NAM, DE LTAR YANG; DPE DANG GTAN TSIGS MA GRUB SMRA, ,DAM BCA' BAR NI THAL BAR 'GYUR, ,ZHES BYA BA LA GZHAN GYI GTAN TSIGS KYI MTSAN NYID LA SOGS PAS KHYAB PAS LAN BTAB PA NA, SNGAR MA GRUB PA'I RANG BZHIN PHYIR, ,ZHES BYA BA DANG, DE BZHIN DU, THAMS CAD RNAM 'GAS MA GRUB PHYIR,, ZHES BYA BA LA SOGS PAS LAN DU BRJOD PA MA YIN NO ZHE NA, SKYON 'DI NI MED DE, 'DIS NI PHAN TSUN 'GAL BA YIN, ,DE LTAR THAL BAR 'GYUR BA NYID, ,DE BYED RANG GI 'DOD PA NI, ,RAB TU SGRUB PAR BYED MA YIN, ,'DI NI PHAN TSUN 'GAL BA STON PA TZAM DU ZAD KYI, GTAN TSIGS 'DIS BSGRUB PAR BYA BA'I DON BSGRUB PA NI MA YIN NO, ,PHAN TSUN 'GAL BA TZAM NI 'DOD PA YIN PA'I PHYIR RO, ,DES NA 'DI NI PHYIS NGES PAR GZUNG BA NYID DO, ,DE LTA YIN DANG MA 'BREL PA'I RNAM PAR BCAD PA'I PHYIR JI SNYED DAM BCA' BA NYID DU MI 'GYUR BA DE THAMS CAD SEL BAR BYED PA YIN TE; DAM BCA' BA KHO NA'I DAM BA'I BA MAo YIN PA NI MA YIN NO ZHES SGRUB PAR BYED PA NYID KYIS DAM BCA' BA MA YIN PA DE YANG SEL TO, ,RE ZHIG PHYOGS KYI MTSAN NYID GSAL BA YIN NO, ,DA NI PHYOGS LTAR SNANG BA'I MTSAN NYID GSAL BA'I PHYIR BSHAD PA, GTAN TSIGS DAM BCA'

, ,'GAL BA NI, ,DAM BCA'I SKYON ZHES PA RU MIN, ,DE NYID DPE NYID MA SBYANGS DAG ,CHOS MI MTHUN PAS BRJOD PA YIN, ,GANG DAG JI SKAD DU DAM BCA' BA DANG, GTAN TSIGS DANG 'GAL BA NI DAM BCA' BA 'GAL BA STE, DPER NA SGRA RTAG STE THAMS CAD MI RTAG PA'I PHYIR RO ZHES BYA BA BZHIN TE, SGRA RTAG PA ZHES BYA BA NI DAM BCA' BA'O, ,THAMS CAD MI RTAG PA'I PHYIR RO ZHES BYA BA NI GTAN TSIGS SO, ,GAL TE THAMS CAD MI RTAG PA YIN NA SGRA RTAG PAR CI LTAR 'GYUR, SGRA MED NA NI THAMS CAD DU MI 'GYUR BA'I PHYIR RO, ,'ON TE SGRA YANG MI RTAG NA DE LTAR SGRA RTAG PA YIN ZHES BYA BA SMRAS PA, DE LA SMRAS PA 'DI NI DAM BCA'I BA'I SKYON MA YIN TE, 'DI LTAR, 'GAL BA 'DOD DANG 'BREL MED DE, ,PHAN MED LHAN CIG GNAS PA MIN, ,DE LTA NA NA NI RTAGS KYI SKYON, ,THAMS CAD DAM BA'I SKYON DU 'GYUR, ,DAM BCA' BA DANG GTAN TSIGS DAG 'GAL BA YIN NA 'GAL BA ZHES BYA BA'I DAM BCA'I SKYON DU 'GYUR RO, ,'GAL BA DE YANG 'DOD PA DANG MA 'BREL BA YIN NO, ,'DOD PA DANG MA 'BREL PA DE YANG PHAN BA MED PA DANG, LHAN CIG TU YANG GNAS PA MA YIN NO, ,GAL TE GTAN TSIG SKYON DANG LDAN PA'I PHYIR DON DE LA PHAN 'DOGS PA MA YIN PA DE TZAM GYIS BSGRUB PAR BYA BA DANG, 'GAL BA NI DE'I TSE RTAGS KYI SKYON THAMS CAD DAM BCA' BA'I SKYON DU THAL BA NYID NA 'GYUR BA YANG MA YIN TE, GANG GI PHYIR, PHYOGS SKYON GZHAN LA LTOS PA NI, ,MA YIN ZHES KYANG BSTAN ZIN TO, ,GAL TE GZHAN YANG LTOS PA YANG PHYOGS KYI NYES PA YIN NA DE'I TSE 'GA' YANG SGRUB PAR BYED PA'I SKYON NYID YIN PAR MI 'GYUR TE, DAM BCA'I DON LA GNOD PAS DAM BCA' BA'I SKYON GYI NANG DU 'DUS PA'I PHYIR, SGRUB PAR BYED PA'I SKYON RNAMS LOGS SU MI SMOS PA NYID DU 'GYUR RO, ,SEMS RMONGS PA MED PAS SU ZHIG GCIG GI NANG DU 'DUS BZHIN DU LOGS SHIG TU BRJOD, DE'I PHYIR 'DI LTA BU NI PHYOGS KYI NYES PA MA YIN NO, ,'ON TE LHAN CIG MI GNAS PA'I RANG BZHIN GYIS 'GAL BA YIN NA DE'I TSE, 'DOD LA MED NA 'ANG MA GRUB YIN, GAL TE GTAN TSIGS 'DOD PA'I PHYOGS LA

MED NA DE'I TSE MA GRUB PA YIN PA'I PHYIR, MA GRUB PA NYID KYIS DE BZLOG PAR 'GYUR KYI DAM BCA' BA'I NYES PA NI MA YIN NO, ,CI STE DES DAM BCA' BA'I DON ZLOG PAR BYED PA DE LTA YIN NA, TSAD MA GANG GIS DE BSGRUB PA TSAD MA DES DAM BCAS PA GSAL BA'I SKYON DU 'GYUR GYIS, 'GAL BA ZHES BYA BA NI MA YIN NO, ,MI RTAG GTAN TSIGS DANG LDAN PAS, ,SGRA LA DE LTAR RJOD BYED NA, ,DE LTAR DE NI BZLOG PAR 'GYUR, ,GAL TE MI RTAG PA NYID KYI GTAN TSIGS DAN LDAN NA NI, ,SGRA LA DE LTAR RAB TU BRJOD PA YIN NA, GANG GI PHYIR 'DI LA DPE BSTAN PA NYID LAS, DON GZHAN CI ZHIG MTHONG BA YONG [*YOD?], ,'DI GTAN TSIGS BSTAN PA NI 'ON KYANG CHOS MI MTHUN PA'I DPE YIN NO, ,SGRA RTAG STE THAMS CAD MI RTAG PA'I PHYIR ZHES BYA BA 'DIR YANG 'DI SKAD DU SGRA NI RTAG STE, MI RTAG PA NI THAMS CAD YIN PA'I PHYIR RO ZHES BRJOD PAR BYA BA YIN NO, ,MA SBYANGS PA'I PHYIR DE SKAD NI MA BRJOD DO, ,DE LTAR YANG, DE NI DPE NYID MA SBYANGS DAG ,CHOS MI MTHUN PAS BRJOD PA YIN, ,ZHES BSHAD PA YIN NO, ,'DI LA NI DPE BSHAD PA LAS GZHAN NI MTHONG BA MED DO, ,DE GNYI GA LAS SHE NA, 'DI LTAR GAL TE SGRA NYID LA MI RTAG PA NYID STON PA YIN NA, DE LTA NA 'DI GTAN TSIGS SU 'GYUR PA YIN NA DE LTAR NI MI 'THAD DE, 'DI LTAR, KHYAD PAR LA NI GZHAN BRJOD NAS, ,SPYI NI RJES SU 'JUG PAS NA, ,DE KHYAB MA YIN SPYI RJES SU, ,'JUG LA 'BRAS BU'ANG CI ZHIG YOD, ,SBYOR BA THAMS CAD NI SGRA LAS BYUNG BA'I RIGS PA'I RJES SU 'BRANG BAS RTOGS PA YIN NO, ,SGRA LAS BYUNG PA'I RIGS PA YANG SGRUB PA DANG DGAG PA DANG NGES PA'O, ,BSGRUB PA YANG GNOD PAR BYA BA DANG GNOD PAR BYED PA'O, ,NGES PA YANG DE BZHIN NO, ,DE LA GNOD PAR BYA BA DANG, GNOD PAR BYED PA'I DNGOS PO NI SPYI DANG KHYAD PAR BSGRUB PA DAG GO, ,DE LTAR RES 'GA' NI SNGAR GNOD PAR BYA BA YIN LA, RES 'GA' NI GNOD PAR BYED PA YIN NO, ,RNAM PA THAMS CAD DU KHYAD PAR NI GNOD PAR BYED PA YIN LA, SPYI NI GNOD PAR BYA BA YIN NO ZHES GNAS TE, THA SNYAD NI DE LTA BU NYID DU MTHONG BA'I PHYIR RO, ,'DI LA YANG SGRA RTAG PA YIN NO ZHES BYA BAR SGRA LA RTAG PA NYID KYI KHYAD PAR GZHAN BSGRUBS

, ,PA YIN LA, MI RTAG PA NYID NI SPYI'I CHOS NA LA BSGRUBS PA'I PHYIR, GNOD PAR BYA BA DANG GNOD PAR BYED PA'I DNGOS PO 'THAD PA YIN NO, ,JI LTAR YANG GOOndI N+YA LA DAR BA BYIN LA, BRAM ZE THAMS CAD LA ZHO BYIN CIG CES ZHO SBYIN PA SPYIR 'JUG PA DANG DAR BA SBYIN PA KHYAD PAR DU BSGRUBS PAS GNOD PA BZHIN TE, DMIGS KYIS BSAL BA'I YUL BZHAG STE, SPYIR BTANG BA NI 'JUG PA YIN ZHES SO, ,DE'I PHYIR SPYI RJES SU 'JUG PA KHYAD PAR DE KHYAB PA MA YIN NO, ,SPYI RJES SU 'JUG PA LA NI, 'BRAS BU YANG YOD PA MA YIN NO, ,'DI NI TSIG GI SHUGS KYIS YIN TE, TSIGS NI SKABS DANG BCAS PA YIN PA'I PHYIR RO, ,GAL TE DON 'DI 'DOD PA YIN NA NI, DE'I TSE SGRA NI RTAG STE, MI RTAG PA'I PHYIR RO ZHES BRJOD PAR 'GYUR RO, ,GZHAN DU DON DU MA BYAS PA'I KHYAD PAR DAG GI NI YUL GCIG LA 'JUG PA YANG YIN NO, ,DE LTAR YIN DANG 'GAL BAR YANG 'GYUR RO, ,RMONGS PA'I PHYIR DE LTAR YANG 'GYUR RO ZHE NA, DE LTA BU NI 'GA' YANG MI SRID DE, DE NYID DU RTAG PA NYID BSGRUBS NAS DE NYID KYI TSE YANG MI RTAG PA NYID DU BRJOD PA'I RMONGS PA NI MI SRID DO, ,GANG LA DAG BYANG BTZAM YANG MED PA DE NI RTZOD PA LA DBANG DU BYA BA YANG MA YIN NO, ,'ON TE DAM BCA' BA DANG GTAN TSIGS 'GAL BA'I DPE 'GA' ZHIG JI LTAR RUNG BA'ANG BRTAG PAR BYA BA YIN TE, BRGYA LA 'GA' ZHIG 'DI SKAD BRJOD NA, DE'I TSE DAM BCA' BA DANG, GTAN TSIGS 'GAL BA'I PHYIR, DAM BCA' 'GAL BA'I SKYON YIN NO ZHE NA; DE'I TSE NI 'DOD PA NYID DE, SBYOR BA NI SGRA RTAG STE MI RTAG PA'I PHYIR RO ZHES BYA BA YIN NO, ,DE LTA NA NI NGES PA'I PHYIR SGRA NYID DU 'GYUR RO, ,DES NA RTAG PA NYID BSAL BAS SKYON DU 'GYUR RO, ,DE NYID KYI PHYIR BSHAD PA, DE'I PHYIR SGRA LAS GNAS PA YI, ,MI RTAG NYID KYIS SEL ZHES GSUNGS, ,SLOB DPON GYIS GAL TE SGRA LA GNAS PA YIN NA, 'DIR GTAN TSIGS SKYIS DAM BCA' BA'I DON SEL BAR 'GYUR RO ZHES GSUNGS SO, ,SGRA LA GNAS PA NYID KYIS NI SEL BAR 'GYUR TE, 'GAL BA DAG LHAN CIG TU MI GNAS PA 'DI NI GZHAN DU BSTAN PA YIN TE, DES

NA SEL BA MA YIN NO, ,DES NA 'DI NI CHOS MI MTHUN PA'I DPES BSTAN PA TZAM DU ZAD DO, ,DE NI GTAN TSIGS MED PAR 'GYUR RO ZHE NA, BSHAD PA, GTAN TSIGS NYER GTONG BDAG NYID LAS, ,GANG DU LDA PAS BSGRUB BYA YI, ,MI MTHUN PHYOGS LA MI 'KHRUL PA, ,BRJOD PA DE NI DPE YIN TE, ,GTAN TSIGS NYER GTOD BDAG NYID LAS GANG MI RTAG PA DE NI THAMS CAD YIN LA, SGRA NI THAMS CAD MA YIN NO ZHES BYA BA YIN NO, ,'DI LTAR RTOGS SHE NA BSHAD PA, YUL GZHAN LA NI 'GAL SMRA BAS, ,SGRA NI GZHAN DU BRJOD PA YIN, ,SPYI NI KHYAD PAR MI SMOD PHYIR, ,DE YANG 'THAD PA MA YIN NO, ,RTAG PA NYID DANG 'GAL BA MI RTAG PA SGRA LAS GZHAN PA'I YUL LA SMRA BA NYID KYIS SGRA GZHAN DU SMRA BA YIN NO, ,THAMS CAD MI RTAG PA NYID KYIS KHYAB PAR YIN NO, ,SGRA NI RTAG PA'I PHYIR DE LAS GZHAN NO ZHES THAMS CAD MA YIN PA NYID NI 'DI'I GTAN TSIGS YIN TE, GZHAN NYID DU BSTAN PA'I PHYIR RO, ,GTAN TSIGS GZHAN NYID DE YANG MA GRUB STE, SGRA YANG THAMS CAD YIN PA'I PHYIR RO ZHES BSHAD PA NI, ,SPYI NI KHYAD PAR MI SPONG PHYIR, ,DE YANG 'THAD PA MA YIN NO, ,KHYAD PAR SPANGS NA NI SPYI'I BDAG NYID RNYED PA MA YIN TE, KHYAD PAR RNAMS NYID KYI NANG GI KHYAD PAR SPANGS PA'I YUL LA NGES PA'I PHYIR RO, ,'ON TE THAMS CAD KYI SGRAS NI TSAD BA BRJOD PA YIN NA SGRA NI PHYOGS GCIG YIN PAS TSANG BA NYID MA YIN NO SNYAM NA DE NI MA YIN TE, DE LTAR NA SO SOR BSAL NA 'GA' YANG THAMS CAD DU MI 'GYUR RO, ,SHING SHA PA NYID NI SHING MA YIN NO ZHES KHYAD PAR SPONG BA MTHONG NGO ZHE NA, DE NI MA YIN TE, DPER NA SKABS 'GAR SHING SHA PA, ,NYID NI SHING MIN ZHES PA BZHIN, ,THAMS CAD MNYAN PA GCIG NYID LA, ,'JUG PA 'GOG 'GYUR DE TZAM GYIS, ,THAMS CAD MED MIN KHYAD PAR KUN, ,DE MIN NA DE MED 'GYUR PHYIR, ,'ON TE BRJOD PAR 'DOD PAS SGRA GCIG PU NYID THAMS CAD MA YIN PA YIN NO ZHE NA, DE LTAR YIN NA THAMS CAD MA YIN PA'I SGRA SGRA'I RNAM GRANGS YIN PA'I PHYIR DAM BCA' BA'I DON GYIS PHYOGS GCIG YIN PAS MA GRUB PAR 'GYUR TE, SGRA MI RTAG PA STE BCOM PA YIN PA'I PHYIR RO ZHES BYA BA BZHIN NO, ,

, ,GAL TE SGRA LA BCOM NYID JI LTAR MA GRUB RANG GI NGO BO MED PAR NI 'GA' YANG YOD PAR 'GYUR BA YIN NO ZHE NA, MA YIN TE CHOS CAN GYI RANG GI NGO BOR GRUB MOD KYI, GTAN TSIGS NYID DU MA GRUB PA'I PHYIR MA GRUB PAR BRJOD DO, ,GTAN TSIG NYID NI THA DAD PA YIN NA 'GYUR GYI GZHAN NI MA YIN NO, ,GA LAS SHE NA SHAS BYA SHES BYED NI GOR MA CHAG PAR THA DAD PAR 'GYUR BA'I PHYIR RO, ,SGRA NI SGRAS SHES PAR BYA BA MA YIN TE, SHES PAR BYA BA MA GRUB PA'I PHYIR RO, ,MA GRUB PA NI MA GRUB PAS SGRUB PAR BYED PA MA YIN NO, ,DE STE GRUB PO ZHE NA, DE LTA NA YANG BSGRUB PAR BYA BA MA YIN TE, GRUB PA NI SGRUB PAS BSGRUB PAR BYA BA MA YIN NO, ,GAL TE BSGRUB PAR BYA BA DANG GTAN TSIGS GCIG TU MI 'DOD MOD CHOS CAN DANG SGRUB PAR BYED PA GCIG PA LA 'GAL BA YOD CE NA, 'GAL BA YOD DE SGRA YOD PA'I PHYIR MI RTAG GO ZHES BRJOD NA TSOGS PA BSGRUB BYAR MI 'GYUR RO, ,GAL TE SHUGS KYIS SGRA NYID MI RTAG PAR 'GYUR BA'I PHYIR TSOGS PA NYAMS PA MED DO, ,SGRA YIN PA'I PHYIR MI RTAG GO ZHES BRJOD PAS NA, GZHAN LA MI RTAG PA NYID DU RTOGS PA 'AM, 'BA' ZHIG RTOGS PA NI MA YIN TE, DU BA YIN PA'I PHYIR DU BA MED DANG LDAN PAR MI 'GYUR BA NI MA YIN NO ZHE NA, DE LA NI SPYI DANG KHYAD PAR GYI NGO BOS THA DAD PA YOD PA'I PHYIR 'GYUR BA NYID DO, ,'DIR YANG GAL TE SGRA 'DI NI RTAG STE, SGRA YIN PA'I PHYIR BA LANG GI SGRA GZHAN NO ZHES DE LTAR BYED NA DE'I TSE GTAN TSIG SU GYUR BA ZHIG NA, 'DIR NI SGRA THAMS CAD NI RTAG STE SGRA YIN PA'I PHYIR ZHES BYA BA SPYI DANG KHYAD PAR GYI DNGOS PO MED PA NYID DO, ,GAL TE SGRA CHOS CAN NYID SGRUB PAR BYED PA YIN PA CI 'GAL, GAL TE 'BREL PA YOD NA CI LTAR SGRUB BYED MA YIN, CI STE YANG MED DO ZHE NA, DE LTAR YIN NA MA NGES PA NYID YIN TE, DES NA MA GRUB PA NYID CES BYA BA'I SKYON NI MED DE, THUN MONG MA YIN PA NYID KYIS MA NGES PA YIN PA'I PHYIR RO, ,DES NA CHOS CAN GTAN TSIGS YIN PA LA NI MA NGES PA NYID KYI SKYON DU 'GYUR GYIS, MA GRUB PA NYID NI MA YIN NO, ,'ON TE YANG BSTAN PAR BYA BA NYID DANG LDAN PAR MA GRUB PA'I PHYIR MA GRUB PA YIN NO ZHES BRJOD DE, 'DI LTAR GANG ZHIG

YANG BSTAN PAR BYA BA'I KHYAD PAR NI 'GA' YANG YOD PA MA YIN NO, ,DE LA SGRA MI RTAG GO ZHES SAM, SGRA YIN PA'I PHYIR MI RTAG GO ZHES BRJOD PAR BYA BA YIN GYI, YANG BRJOD PAR BYA BA NI MA YIN NO ZHE NA, DE NI MA YIN TE, SGRA NI MI RTAG CES BRJOD NA, ,GTAN TSIGS GZHAN LA LTOS PAR 'GYUR, ,DE SPANG PHYIR NA SGRA YIN ZHES, ,BYA BA 'DI NI YANG BRJOD DO, ,SGRA YIN PHYIR NA 'JOG GO ZHES, ,'DI YANG SGRA YIN SGRA SBYAR BA, ,CHOS CAN GZHAN NI SEL BA LA, ,NUS PA DANG NI 'BREL PA YIN, ,GAL TE SGRA YIN PA'I PHYIR MI RTAG GO ZHES BRJOD NA, CHOS CAN GZHAN LA LTOS PAR 'GYUR BAS NA, DE BSAL BA'I PHYIR GNYI GAR NYE BAR BKOD PAS SKYON MED DO ZHE NA, 'DIR SMRAS PA, GAL TE SGRA NYID NUS NA NI, ,GTAN TIS GZHAN DAG DON MED YIN, ,'ON TE NUS PA MED PHYIR NA, ,YANG BRJOD DES NI CI ZHIG BYA, ,DE'I PHYIR YANG BSTAN PA LA BRJOD PAR 'DOD PA GANG YIN PA DE 'DIR MED PA'I PHYIR NA MA GRUB PA NYID KYI SKYON YIN NO, ,RJES SU 'GRO BA MED PA NYID KYI SKYON 'DI LA CI STE MI BRJOD CE NA, NYAS PA DE YANG BSDU BA'I SGO NAS NYES PA MED PAR BRJOD PA'I SKABS SU 'GYUR BA NYID DO, ,NGES PAR BRJOD PA'I SKABS SU NI PHAM ZIN PA LA PHAM PA MED PA'I PHYIR DANG, BRGAL ZHING BRTAGS LA LTOS PA'I PHYIR NA RIGS PA MA YIN NO, ,DE'I PHYIR CHOS CAN NI RANG GI CHOS KYI SGRUB BYED DU MI RIGS PA NYID DO, ,NUS SO ZHE NA NI RTZOD PA MED PAR THAL LA, DE LTA NA YANG GTAN TSIGS DON MED PAR 'GYUR RO, ,DAS NA, SHES BYA SHES BYED THA DAD PHYIR, ,CHOS CAN GTAN TSIGS DNGOS 'GYUR NA, ,SHES BYED NYID DU MA GRUB PHYIR, ,CHOS CAN RANG SGRUB BYED MA GRUB, ,SHES BYA SHES BYED NI THA DAD PAR MTHONG BAS, DE MED NA GTAN TSIGS NYID DU MI 'GRUB PO, ,GSAL BA NYID KYIS GSAL BYED DU GYUR BA'I MAR ME NI, RANG BZHIN DE MA RTOGS NA RANG GI DON BSGRUB PAR NUS PA MA YIN NO, ,SHES PAR BYED NA NI THA DAD PA YIN NA, SHES BYA SHES PAR BYED PA YIN NA 'DIR NI CHOS CAN GYI RANG BZHIN LAS THA DAD PA YOD PA MA YIN NO, ,DES NA SHES PAR BYED PA NYID DU MA GRUB PAS MA GRUB PA YIN NO, ,RJES SU 'GRO BA MED PA LAS KYANG SHES PAR BYED PA NYID DU MA GRUB PAR

, ,'GYUR RO ZHE NA MA YIN TE, THA DAD NA RJES SU 'GRO BA SEMS PAR 'GYUR GYI, DE LTA MA YIN NA THA DAD PA NYID MED PA'I PHYIR DE TZAM GYIS NYES PA DANG LDAN PAR 'GYUR BAS RJES SU 'GRO BA SEMS PA'I BYA BAS CI BYA, DE'I PHYIR CHOS CAN NI RANG GI SGRUB BYED DU MA GRUB PO, , GAL TE MAR ME LA SOGS PA RANG GI SGRUB PAR BYED PA GRUB PA NYID MA YIN NAM ZHE NA, GRUB PA NI BDEN TE, LKOG TU MA GYUR PAS SGRUB PA NI MA YIN PA DES NA MI MTHUN PA NYE BAR BKOD PA YIN NO, ,MAR ME MTHONG BA NA NI RANG GI NGO BO LA RTZOD PA MED DO, ,'DIR NI SGRA MTHONG YANG MI RTAG PA NYID LA RTZOD PA YOD PA NYID DO, ,GAL TE RTZOD PA MED NA NI SGRA NYID BZHIN DU MNGON SUM DU GRUB PA KHO NAR 'GYUR RO, ,DNGOS PO KUN LA CHOS DANG NI, ,CHOS CAN RNAM DBYE MED PA'I PHYIR, ,KUN LA NYES MTSUNGS SHE NA MIN, ,KUN RDZOB TU KHYAD YOD PHYIR RO, ,GAL TE BYAS PA NYID DANG SGRA NYID KYANG MAR ME BZHIN DU MNGON SUM DU 'GRUB PA MA YIN NAM, CI STE CHOS KYI DBYE BA RTAG PAS BSGRUB BYA DANG SGRUB PAR BYED PA'I DNGOS PO LA THA DAD PA YIN NA, DE NI MAR ME LA YANG MTSUNGS TE, DE LA YANG MAR ME'I RANG BZHIN ZHES RTOGS PA THA DAD PA YOD PA NYID DO ZHE NA, MA YIN TE, KUN RDZOB TU THA DAD PA'I PHYIR RO, ,MAR ME'I RANG BZHIN ZHES BYA BA 'DIR YANG JI LTAR THA DAD PAR BRTAGS PA DE BZHIN DU BSGRUB BYA SGRUB BYE DU 'GYUR BA NI MA YIN NO, ,BYED PA DANG BCAS PA DANG BYED PA MED PA'I GNAS SKAD LA NI MAR ME'I THA SNYAD YIN LA RANG BZHIN ZHES BYA BA NI RANG BZHIN TZAM LA YIN NO, ,DE LA RANG BZHIN NI DON BYA BA BYED PA LAS YIN TE, RANG BZHIN GYIS DON BYED PA'I PHYIR RO, ,MER MA NI CHOS CAN NO, ,BYED PA MED PA NI RANG GI NGO BO NYID YONG BA MA YIN NO, , BRJOD PAR 'DOD PA'I DON BYA BA MED PAS BYED PA MED PA YIN NO ZHES NI MI RIGS TE, HA JANG THAL BAR 'GYUR BA'I PHYIR RO, ,DE SKAD DU BRJOD PAS NI DON 'GA' YANG 'GRUB PA MA YIN NO, ,THA DAD PAR RTOGS PA YIN NO ZHE NA, DE NI SPYI DANG KHYAD PAR GYI DNGOS POS KYANG GRUB PA'I PHYIR RO, ,DE'I PHYIR CHOS CAN GYI NGO BO NI SGRUB PAR BYED PA MA YIN TE, THA DAD PA MED PA'I PHYIR RO, ,BYAS PA DANG MI

RTAG PA DANG, SGRA RNAMS NI LDOG PAS BYAS PA'I THA DAD PA YOD PA NYID DO, ,'DI LTAR, DON GYI RANG GI NGO BO GCIG ,BDAG NYID MNGON SUM YIN PA LA, ,TSAD MA RNAMS KYIS BRTAG BYA GANG, ,MA MTHONG CHA GZHAN CI ZHIG YOD, ,DON GYI BDAG NYID GCIG PO DE NI MNGON SUM GYIS MNGON SUM DU BYAS PA DE'I PHYIR 'DI LA BRTAG PAR BYA BA GZHAN CI ZHIG YOD, GAL TE CHOS CAN TZAM MNGON SUM GYIS GRUB PA YIN GYI, MI RTAG PA NYID LA SOGS PA'I CHOS NI MA YIN NO ZHE NA, MA YIN TE MI RTAG PA NYID DANG LHAN CIG GCIG NYID YIN PA'I PHYIR RO, ,MI RTAG PA YID CES BYA BA DE LAS GZHAN NI YOD PA MA YIN NO, ,MI RTAG GZHAN NYID YIN NA SGRA, ,CHOS CAN DU NI JI LTAR 'DZIN, ,DUS GZHAN KHYAB DANG CI SHOS SHES, ,BYA BA GNYI G-YANG MI 'THAD, ,GAL TE DUS GZHAN KHYAB NA NI, ,RTAG PA NYID DU YONGS GZUNG BAS, ,TSAD GZHAN STONG PHRAG YOD NA YANG, ,DE LAS MI RTAG NYID 'DZIN MIN; ,JI LTAR TSAD MA GZHAN DAG LAS, ,MTHONG SUM GYIS NI RTOGS PA NYID, ,SEL GYUR MNGON SUM TSAD MA GZHAN, ,THAMS CAD KYI NI RTZA BA YIN, ,SNGOM DANG CHOS MTSUNGS PA SKYED PAR BYED PA ZA BA NI RGYAL PO'I BU DAG KHO NA YIN GYI, ,TSAD MAR 'GYUR BA'I RTOGS PA DAG NI MA YIN NO, , TSAD MA THAMS CAD KYI GTZO BO NI MNGON SUM YIN NA, DI CI NA GA PO CHEN PO'I 'DI MKHA' 'GRO MA RNAMS KYIS ZA BA 'AM, 'ON TE MNGON SUM GYIS RTAG PA NYID DAM, MI RTAG PA NYID RTAG PA NYID RTOGS PA MA YIN TE, DES NI DNGOS PO THAMS CAD KYI RANG GI NGO BO TZAM GCOD PA YIN NO, ,RTAG PA NYID DAM MI RTAG PA NYID NI PHYIS KYI TSAD MA LA BRTEN PA YIN NO ZHE NA, MI RTAG PA NYID RANG GI NGO BOR GYUR PA MA YIN NAM CI LTAR MA BZUNG BA ZHES BYA BAR 'GYUR, ,GANG GI PHYIR RTAG PA 'DI NI DUS KYIS CHA RGYA CHER KHYAB PA NYID YIN LA MI RTAG PA NI DE LAS BZLOG PA NYID DO, ,DNGOS PO KHYAB PAR GZUNG NA NI, , DE LTA KHYAB PAR GZUNG BAR 'GYUR, ,GAL TE DE NI MA BZUNG NA, ,MI RTAG PAR NI RIG PAR 'GYUR, ,GANG GI TSE NYID DNGOS PO RNAMS DUS GZHAN KHYAB PAR MA RTOGS PA NYID KYI CHOS MI RTAG PAR GSAL BA YIN NO, ,NYID RTOGS PA YI GYI MI RTAG PA NYID NI MA YIN NO ZHE NA, MI RTAG PA

, ,ZHES BYA BA 'DI CI ZHIG ,DE NYID KYI KHYAD PAR DU 'GYUR BA'I CHOS GZHAN NI, DE DE NYID KYI TSE YOD DAM 'ON TE PHYIS YIN, DE NYID KYI TSE YOD CE NA, ,CI STE MNGON SUM GYIS MA RTOGS, ,MA RTOGS NA CI LTAR DE'I BDAG NYID DU GYUR PA YIN, DE'I BDAG NYID NI BDAG NYID DU RTOGS PA YIN NO ZHES 'BREL PA NYID DU RTOGS NA GDON MI ZA BAR DE DE LTAR 'GYUR GYI, DE DANG 'BREL PAR MA RTOGS NA NI, DE LTAR 'GYUR BAR MI 'THAD DO, ,PHYIS DE DANG 'BREL PAR RTOGS SO ZHE NA, DMIGS PA'I MTSAN NYID DU 'GYUR GANG, ,MNGON SUM GYIS NI BCAD MED DE, ,JI LTAR DE TSE YOD CES BYA, ,GZHAN DU MED PA RTOGS MED 'GYUR, ,DMIGS PA'I MTSAN NYID DU 'GYUR BA LAS, MI DMIGS PA GANG YIN PA DE NYID DO ZHES RNAM PAR GZHAG PA YIN TE, MED PA SGRUB PAR BYED PA'I RNAM PA GZHAN NI YOD PA MA YIN NO, ,DE SKAD DU YANG, TSAD MAS GRUB PAR SMRA RNAMS KYI, ,DON GYIS BZLOG PA NYID LAS SO, ,ZHES BSHAD DO, ,'ON TE DE NI 'KHRUL PA YIN TE DES NA MA DMIGS KYANG MI SKYON NO ZHE NA, GAL TE CHOS CAN 'DZIN PA NI, ,KUN LA 'KHRUL PA 'JUG 'GYUR NA, ,CHOS CAN TSAD MA MED PAS NA, ,RJES DPAG TSAD MAR JI LTAR 'GYUR, ,CHOS CAN DANG NI 'BREL MIN PA'I; ,GTAN TSIGS GRUB LA CI LTAR STON, ,MNGON SUM DANG NI RJES DPAG DAG ,GANG TSE TSAD MA MA YIN PA, ,DE TSE GZHAL BYA MA GRUB PAR, ,'GYUR PHYIR RNAM PAR RIG PA TZAM, ,GANG GIS BYUNG DANG 'BYUNG BA YI, ,RANG BZHIN MNGON SUM GYIS GZUNG MIN, ,DE TSE GTAN TSIGS CHOS CAN DANG; ,'BREL PA MNGON SUM GYIS GRUB NA, ,BYUNG DANG 'BYUNG BAR 'GYUR BA YIS, ,DNGOS PO RJES DPAG LAS GRUB PAS, ,DE TSE MNGON SUM CIG SHOS DAG ,GRUB PA RGYU DANG BCAS PAR 'GYUR, ,GAL TE BYUNG DANG 'BYUNG BA YI, ,DNGOS PO GCIG PU 'DOD NA NI, ,DE TSE MNGON SUM TSAD MA YIS, ,GRUB PHYIR RJES DPAG DON MED DO, ,'KHRUL PA YIN NA NI THAMS CAD 'JIG PA NYAMS PAR 'GYUR BAS 'GAR YANG MI 'GYUR RO, ,DES NA RTAG PA 'AM MI RTAG PA NYID NI MNGON SUM GYIS 'GRUB PA NYID DO, ,'ON TE CHOS YIN PA'I PHYIR MNGON SUM GYIS GRUB PA MA YIN NO, ,MNGON SUM

GYIS NI CHOS CAN TZAM GRUB PA YIN TE, DE LTA MA YIN NA RJES SU DPAG PA MED PAR 'GYUR BA'I PHYIR TE, CHOS CAN THAMS CAD MNGON SUM GYIS GRUB PA'I PHYIR RO ZHE NA, DE NI MA YIN TE, 'DI LTAR, CHOS NI MNGON SUM GYIS GRUB NA, ,CHOS CAN RAB TU GRUB PA NYID, ,MNGON SUM YANG NI YAN 'GAR BA'I; ,CHOS CAN SGRUB PAR BYED PA MIN, ,GANG DU YANG CHOS MED PAR CHOS CAN GRUB PA NI MA YIN TE, GDON MI ZA BAR SGRA NYID DAM DNGOS PO NYID DU 'DZIN PA'I PHYIR RO, ,DES NA JI LTAR SGRA NYID LA SOGS PAR YANG STE, DE LA KHYAD PAR NI 'GA' YANG MED DO, ,GAL TE 'KHRUL PA'I CHOS 'GA' ZHIG MA MTHONG MOD, 'DI LA SKYON CI YOD, DPER NA THO YOR DANG SKYES BU DAG BZHIN NO ZHE NA, MA YIN TE, MI DANG THO YOR MED PAR NI, ,RENG RENG PO TZAM LTA BAR NUS, ,KHYAB DANG CIG SHOS MED PAR NI, ,'DIR NI DON GYI BLO YOD MIN, ,KHYAB DANG CIG SHOS DANG BRAL BA NI BZUNG BAR NUS PA MA YIN NO, , DE'I RANG BZHIN NI DE YIN NA, GAL TE MA BZUNG NA NI DE MA BZUNG BA NYID PAS DE NI MA BZUNG BA NYID DU 'GYUR RO, ,GAL TE RING POR MA BZUNG YANG MTHONG BA NYID MA YIN NAM ZHE NA, MA YIN TE DER NI YAN LAG NYID MTHONG BA'I PHYIR RO, ,DE NI RING PO NYID MA YIN NO, ,RING PO NYID DE NI YAN LAG CAN YIN LA, DE YANG RJES SU DPAG PAS RTOGS PAR BYA BA YIN NO, ,'DI LTAR, GCIG G-YO BA NA THAMS CAD NI, ,G-YO PHYIR DE NI GCIG GO ZHES, ,RTOGS 'GYUR DES NA GCIG PA NYID, ,'DI NI RJES DPAG LAS YIN NO, ,YAN LAG GCIG MA MTHONG BA NA YAN LAG GI TSOGS THAMS CAD RAGS PAR DMIGS PA DE GZHAN DANG GCIG GO ZHES BYA BAR 'GYUR RO ZHES, DE NI RJES SU DPAG PA YANG MA YIN TE, PHAN TSUN 'BREL PA NYID RJES SU DPAG PAR 'GYUR GYI GCIG NYID NI MA YIN NO, ,DE NI RJES SU DPAG PA'I YUL YANG MA YIN TE, MNGON SUM MA ZHUGS NA TSAD MA GZHAN GYI YUL DU 'GYUR RO, ,DE NYID NI MTHONG BA'ANG YIN LA MA MTHONG BA YANG YIN NA MI 'THAD DO, ,DE'I PHYIR DUS KHYAB PA 'AM MI KHYAB PA YIN YANG RUNG STE, DE NI MNGON SUM GYIS BZUNG BA YIN GYI RJES SU DPAG PA'I YUL NI MA YIN NO, ,DE LA GAL TE 'DI RANG BZHIN DES MNGON SUM GYI YUL MA YIN NA DE'I RANG BZHIN MA YIN NO, ,

, ,MNGON SUM GYIS SNGON PO NYID DU YUL DU BYAS PA NA NI SER PO LA SOGS PA MA YIN NO, ,DUS GZHAN KHYAB PAR MA BZUNG BAR DER NI DE LTA BU NYID YIN PAR BSAM PAR BYA STE, GZHAN DU NA DUS KYI CHA'I TSOGS MTHA' DAG BSDOMS PAS DE NYID KYI TSE THAMS CAD YONGS SU RDZOGS PA'I PHYIR, DE NYID KYI TSE DUS THAMS CAD KYI BYA BA'I DON BYA BA BYED PAR THAL BAR 'GYUR RO, ,BYUNG BA DANG 'BYUNG BA'I DUS KYI CHA MA BZUNG BAS NA DE LTA MA YIN NO ZHE NA, DE MA BZUNG NA DE KHYAB PA NYID DU YANG MI 'DZIN PA NYID PAS DUS DE TZAM DANG 'BREL PAR BZUNG BAS SHES PAR BYA BA MI 'GYUR RO, ,DE LTA YIN NA GLOG LA SOGS PA BZHIN DU MI RTAG PA NYID DO,, ,,BAM PO DGU PA, GAL TE GLOG LA SOGS PA NI ZHIG PAS NA MI RTAG PAR 'GYUR BA MA YIN NAM, DE'I DUS DANG 'BREL PA TZAM GYIS MA YIN NO ZHE NA, 'O NA 'JIG PAR BYED PA 'GA' YANG MED PAR CI LTAR 'JIG ,SPRIN GYIS BKAB PA NYID KYIS 'JIG GO ZHE NA, 'DI LA YANG RIGS MTHUN PA DANG MI MTHUN PAS GNOD PAR CI STE MI 'DOD, DE'I PHYIR GLOG KYANG DUS PHYIS MI DMIGS PA NYID 'JIG PA YIN LA DE NI DON THAMS CAD LA YANG YOD PAS RTAG PA NYID DU 'DZIN PAR NUS PA MA YIN NO, ,GAL TE BUM PA LA SOGS PA DUS KYIS KYANG 'DZIN PAS NI CI LTAR MI 'DZIN PAR BRJOD CE NA, MA YIN TE, DE NYID MA BZUNG BA'I PHYIR RO, ,SNGAR GYI DUS KYANG BZUNG BA MED NA DE'I DUS NA YOD PA'I DNGOS PO LTA CI SMOS, YUD TZAM DANG NYI MA DANG ZLA BA LA SOGS PA'I DUS NI GZUGS LA SOGS PA'I DNGOS PO LAS THA DAD PAR TSAD MAS GRUB PA 'GA' YANG YOD PA MA YIN NO, ,NYI MA DANG POR ZLA BA RTOGS PA MED LA, NYI MA GNYIS PAR YANG MA YIN TE, DE'I TSE SNGA MA DANG PHYI MA MI RTOGS PA'I PHYIR RO, ,NYI MA LA SOGS PA'I DUS NI DRAN PAS RTOGS SO ZHE NA, MA YIN TE DRAN PA TSAD MA MA YIN PA'I PHYIR RO, , DRAN PA NI SNGA NA MED PA'I DON GRUB PA MA YIN NO, ,DRAN PA MNGON SUM SNGON 'GRO CAN, ,MNGON SUM MIN DON SPYOD YUL MIN, ,MNGON SUM GYIS NI ZLA BA LA, ,SOGS PA'I DUS NI 'DZIN MA YIN, ,GAL TE DE NI BSAGS PA YI, ,RANG BZHIN DU SHES BRJOD NA NI, ,BSAGS PA 'DZIN PAR BYED PA

YI; ,TSAD MA MED CES BSGRUBS ZIN TO, ,GAL TE MNGON SUM DU MA YIS, ,GRUB PHYIR MA GRUB MIN 'DOD NA, ,'GA' YIS CI LTAR BSGRUB PAR NUS, ,DRAN PA TSAD MA NYID MIN PA, ,SNGAR NYID DU NI BSTAN PA YIN, ,DRAN PA LAS 'BYUNG KUN RDZOB PA, ,YIN GYI DE NI DON DAM MIN, ,DUS NI KUN RDZOB NYID KYIS NA, ,DES KHYAB GSAL BAR KUN RDZOB PA, ,DES NA MI RTAG PA NYID NI, ,DNGOS PO'I RANG BZHIN NYID CES RTOGS, ,GAL TE 'DI NI RANG BZHIN NYID, ,KUN RDZOB THA DAD CI LTAR 'GYUR, ,MED PA YI NI KUN RDZOB NI, ,BSGRUB BYA SGRUB BYED NYID MA YIN, ,'BREL PA YOD PA NYID LAS NI, ,BSGRUB BYA SGRUB BYED DAG TU GNAS, ,'BREL PA YOD PA DANG 'BRAL BA, ,BSGRUB BYA SGRUB BYED DAG MA YIN, ,'DIR SMRAS PA, DU MA'I GCIG LAS LOG PA NI, ,RANG BZHIN GCIG GIS RTOGS PA YIS, ,YUL DU BYED 'GYUR DE BAS NA, ,CHOS DANG CHOS CAN RNAM PAR GNAS, ,DNGOS PO KUN GYI RIGS MTHUN DANG, ,CIG SHOS DON LAS LOG PA DANG, ,MNGON SUM RTOGS PAR GZUNG BA STE, ,RJES 'GRO RTOGS PA TZAM LAS YIN, ,GAL TE DBANG PO'I BYED PA LAS, ,SNGA MA PHYI MAR RTOGS BCAS PA, ,MNGON SUM ZHE NA MNGON SUM MIN, ,LHAN CIG 'BYUNG YANG RJES 'GRO MED; ,GANG GIS DANG PO GCIG NYID MTHONG, ,DE NI DE LA RJES 'GRO BAR, ,SNANG MIN GSAL BA THAMS CAD NI, ,SNANG BA NYID DU THAL 'GYUR PHYIR, ,THAG RING NYID LA SOGS PA YIS, ,GSAL BA MI SNANG ZHES GNAS NAS, ,GSAL BA GZUNG BA MED PAR SPYI, ,DE KHYAB PAR NI 'DZIN MI 'GYUR,, SNGAR GSAL BA GZUNG BA'I 'DU BYED LAS GSAL BA GZHAN LA DE LTAR 'DZIN TO ZHE NA, DE NI MA YIN TE, 'DI LTAR, DE DNGOS GZUNG BAS BSKYED PA YIS, ,'DU BYED DRAN PA'I RGYU MTSAN YIN, ,GSAL BA 'DZIN PA'I 'DU BYED LAS, ,DON GZHAN RIG PAR CI LTAR 'GYUR, ,GSAL BA 'DZIN PAS BYAS PA'I 'DU BYED NI DE NYID LA DRAN PA'I RNAM PAR SHES PA'I RGYU YIN GYI, SNGA MA MED PA'I DON MTHONG BA 'AM, SNGAR GYI DON MTHONG BA'I RGYU MA YIN LA, MA MTHONG BA DRAN PA'I RGYU YANG MA YIN NO, ,SPYI YANG GSAL BA DAG LAS DON GZHAN YIN PAS NA DE CI LTAR MTHONG BA DE DRAN PAR YANG

, ,'GYUR BA YIN, SNGAR GYI DON DRAN PA DANG MTHONG BA LAS GSAL BA DANG CIG SHOS KYI RNAM PA CAN GYI GSAL BA LAS THA DAD PA GZHAN CI MTSUNGS PA'I RNAM PA CAN GYI RTOGS PA'I RGYU MTSAN SPYI YIN NO ZHES GANG BRJOD PA, DON BYA BA GCIG PAS BYAS PA 'AM, DE'I RNAM PA GCIG BYAS PAS MTSUNGS PA'I RTOG PAR 'GYUR GYI SPYI'I RANG BZHIN GYIS BYAS PA NI MA YIN TE, BRAM ZE NYID LA SOGS PAR MTSUNGS PA BZHIN NO, ,GAL TE BRAM ZE NYID LA SOGS PA'I RIGS MED NA CI LTAR BSOD NAMS DANG SDIG PA RNAM PAR GNAS SHE NA, RIGS YOD KYANG CI LTAR RIGS NI GSAD PA MA YIN LA CHANG 'THUNG BA YANG MA YIN NO, ,SDIG PA DANG BSOD NAMS NI LUNG LAS GZHAN PA'I TSAD MA YOD PA MA YIN NO LUNG DE NYID JI LTAR RTOGS TE, RIGS MED PAR NI BRAM ZE GSAD PAR MI BYA'O ZHES BYA BAR RTOGS PAR NUS PA MA YIN TE, GSAL BAR SO SOR RTOGS PAR MI SRID PA'I PHYIR RO ZHE NA, NYE BAR BSTAN PA'I MA MTSUNGS PA'I RNAM PA LAS 'DZIN PA YIN PA'I PHYIR SKYON MED DO, ,MTSUNGS PA'I RNAM PAR 'DZIN PA YANG THOG MA MED PA'I BAG CHAGS KYI NYE BAR BSTAN PA LAS YIN GYI, 'DIR DE LAS GZHAN PA'I TSAD MAS GRUB PA NI MED DO, ,GZHAN YANG, MTSUNGS PA'I RTOGS PAS GSAL BA LAS, ,THA DAD PA YI LUS RIG GAM, ,'ON TE GZHAN YIN GZHAN DU NI, ,RNAM PAR DPYOD CES SHES PAR BYA, ,KHYAD PAR LAS NI THA DAD PA'I, ,BDAG NYID RIGS PAS GRUB LDAN MIN, ,DE LAS GZHAN DU RIGS PA LA, ,GZHAL BYA YOD PA NYID YOD MIN, ,GAL TE MTSUNGS PA'I RTOGS PA THA DAD PA'I RNAM PA DANG 'BREL PA YIN NA, DE DE LTAR MA GRUB PA'I PHYIR DE LAS SPYI CI LTAR 'GRUB, 'ON TE RTOGS PA TZAM YIN NA, DE'I TSE SPYI MI 'GRUB PO, ,RTOGS PA TZAM GYIS NI DON GYI KHYAD PAR 'GRUB PA MA YIN NO, ,GANG GI RNAM PAR RTOG PA DE NYID DES 'GRUB PAR 'GYUR GYI, GZHAN DU NI HA CANG THAL BAR 'GYUR RO, ,GAL TE SPYI NI THA DAD PA DANG THA DAD PA MED PA YIN NO ZHE NA, PHAN TSUN 'GAL BA'I PHYIR RO, ,'DI LTAR, THA DAD LAS GZHAN THA MI DAD, ,DE YANG CI LTAR THA DAD 'GYUR, ,THA DAD SNANG NI THA DAD DE, ,YANG THA DAD MIN CI LTAR 'GYUR, ,GAL TE TSUL

'GAS THA DAD PAR, ,'DOD NA DE NYID SPYIR 'GYUR TE, ,DE NI THA DAD MED PAR NI, ,MI 'GYUR SHIN TU THA DAD PHYIR, ,GZHAN GYIS THA DAD MED 'DOD NA, ,DE TSE DE NI THA DAD DANG, ,THA DAD MED MIN DE NYID KYIS, ,THA DAD MED NA DE YANG NI, ,RNAM PA STONG 'GYUR DE LAS NI, ,BTON NAS DE ZAD RTOGS MI 'GYUR, ,GAL TE THA DAD THA DAD MIN, ,MTHONG BA MTHONG BA MIN PAR THAL, ,MTHONG DANG MI MTHONG GCIG GO ZHES, ,BYA BA SHIN TU YA MTSAN CHE, ,'DI LTAR, DNGOS PO YOD DANG MED PA NI, ,MTHONG DANG MA MTHONG LAS GRUB PHYIR, ,GCIG 'GYUR SHI BA 'ANG DE LTA NA, ,MA SHI BA YI BDAG TU 'GYUR; ,DE PHYIR SPYI DANG RTAG PA YI, ,RANG BZHIN NYID DU BLTA BAR GYIS, ,DES NA LDOG PA'I DBYE BA YIS, ,CHOS DANG CHOS CAN THA DAD NYID, ,GAL TE DE MED DE NYID DU, ,DAM BCA'I DON GYI PHYOGS GCIG NYID, ,DON DAM PAR NI RNAM DPYAD NA, ,DE LTA BUR GYUR MA GRUB PHYIR, ,KUN RDZOB PA YI DNGOS RNAMS LA, ,DE NYID GZHAN NYID 'GOG PAR 'GYUR, ,KUN RDZOB TU YOD PA'I SPYI NI GSAL BA LAS THA DAD PA NYID DE, RJES SU 'GRO BA DANG LDOG PA DAG LAS RTOGS PA'I PHYIR RO, ,DE YANG KHA DOG LA SOGS PA'I RANG BZHIN NYID DO, ,RTOGS PA MED DE, GNYI GA MTHONG BA YANG GSAL BA'I RNAM PA GNYIS LAS THA DAD PA'I RNAM PA GZHAN MA RTOGS SO, ,DER NI GSAL BA GNYIS KHO NA ZHIG SNANG NGO, ,MTSUNGS PA'I RNAM PA YOD PA'I PHYIR SNANG BA YIN NO ZHE NA, DE NI MI BDEN TE, SNANG BA RJES SU DPAG PAS BSGRUB PA ZHES BYA BA NI SHIN TU SMRAS PA YIN NO, ,RTZIG PA LA SOGS PA SNANG BA CI RJES SU DPAG PAS SGRUB BAM, GAL TE SNGON BYUNG BA'I DRAN PA BRJED NAS DE'I TSE DE DRAN PAR BYA BA'I PHYIR RJES SU DPAG PA BRJOD PA 'AM 'BAD PA GZHAN BYED PAR 'GYUR GYI, SNANG BZHIN PA'I DUS NYID NA NI MA YIN NO, ,RTZIG PA LA SOGS PA SNANG BZHIN PA NI RTZIG PA LA SOGS PA SNANG BA 'AM RTZIG PA LA SOGS PA RJES SU DPAG PAS SGRUB PA NI MA YIN NO, ,'JIG RTEN NA GANG GI PHYIR RTZIG PA'I RNAM PA SNANG BA DE'I PHYIR RTZIG PA 'AM RTZIG PAR SNANG BA YOD PA YIN NO ZHES RTOGS PA NI MED KYI, 'ON KYANG GANG GI PHYIR GZHAN GYIS RANG BZHIN GYIS DBEN PAR RANG GI NGO BO NYID DU MTHONG BA DE'I PHYIR

, ,YOD PA 'AM SNANG BA YIN NO ZHES SO, ,GSAL BA'I RANG BZHIN GYIS DBEN PA'I SPYI NI SNANG BA YIN NO, ,SPYI NI SNANG BA MA YIN NO, ,SPYI NI MDOG DBYIBS GZHAN DANG LDAN PAR MTSON PA MED DO, ,MDOG DBYIBS LAS PHYI ROL DU GYUR PA NYID SPYI'I RANG BZHIN YIN NO ZHE NA, 'O NA SPYI MED PAR 'GYUR TE MDOG DBYIBS PHYI ROL DU GYUR PA MED PA'I PHYIR RO, ,KHYAB PA NYID DE'I RANG GI NGO BO NYID YIN NO ZHE NA, 'O NA MDOG DBYIBS KYIS MTSUNGS PA MA YIN PA GANG YIN PA DE NI MI MTSUNGS PA NYID DO, ,KHYAB PAS NI MDOG DANG DBYIBS DANG LDAN PA YANG MA YIN NO, ,MDOG DBYIBS NYID KHYAB PA YIN NO ZHE NA, GAL TE KHYAB PA YIN NA KHYAB PA NYID DU RTOGS PAR 'GYUR RO, ,DUS GZHAN DU RTOGS PA NYID DO ZHE NA, MA YIN TE GSAL BA YOD PA DANG MED PA DAG LAS KHYAD PAR MED PA'I PHYIR TE, SNGON MI GSAL BA ZHIG KYANG DE KHO NA LTAR RTOGS PA'I PHYIR RO, ,SNGON GYI MA ZHIG PA MA YIN TE, DER DMIGS PA YIN PA'I PHYIR RO, ,JI LTAR ZHIG CE NA, GAL TE MA ZHIG NA DE 'AM GZHAN GYIS SNGA MAR JI LTAR MA DMIGS, KHYAB PA NYID DU MED PA'I PHYIR RO, ,DE'I RANG BZHIN NI DMIGS PA KHO NA STE, YUL KHYAB PA TZAM NYID MA GTOGS PA YIN TE, BSKAL PA'I PHYIR RO ZHE NA; BSKAL ZHES BYA BA 'DI NI CI ZHIG MI SNANG BA'I BDAG NYID DO, ,JI LTAR SNANG BA MI SNANG BA'I BDAG NYID DU 'GYUR, YUL GZHAN DU MTHONG BA NYID 'DAS PA YIN GYI, DNGOS PO NI MA YIN NO ZHE NA, SNANG BA'I BDAG LAS MA GTOGS PA'I DNGOS PO NI YOD PA MA YIN NO ZHES 'DI NI GTAN LA PHAB ZIN TO, ,GZHAN YANG YUL GZHAN DU MTHONG BA ZHIG NA KHYAB PA NYID ZHIG PAR 'GYUR RO, ,DE LTA YIN DANG SPYI MI RTAG PAR 'GYUR RO, ,DE LTAR GYUR NA YANG GSAL BA'I RANG BZHIN NYID KYI SPYI NI MA YIN NO ZHES BYA BAR GYUR TE GSAL BA LAS THA DAD PA'I MTSUNGS PA'I RTOGS PA TZAM NYID YIN PAS NI, DNGOS PO MED PA'I PHYIR RO, ,'O NA RTOGS PA YIN MOD, 'DI DAG MTSUNGS SO ZHES BYA BA CI LTAR ZHE NA, KHA DOG DANG DBYIBS DANG, DON BYA BAS BYAS PA'I MTSUNGS PA'I PHYIR DE LTAR MTSUNGS PAS SKYON MED DO, ,YUL 'KHOR DANG MKHAR LA SOGS PA'I MTSUNGS PA BZHIN NO, ,GZHAN YANG 'DI

SKAD CES, 'DI LTAR, GAL TE MDOG SOGS GSAL BA LAS, ,GZHAN MA YIN PAR GNAS NA NI, ,GSAL BA GZHAN LA RTOGS MI 'GYUR, ,DES NA THA DAD RNAM PAR GNAS, ,LDOG PA DANG NI 'JUG PA DAG ,THA DAD MED CES 'THAD MA YIN, ,DES NA CHOS DANG CHOS CAN GYI, ,DBYE BA RTOGS PAS GRUB PA YIN, ,DES NA THA DAD DE NYID DU, ,DBANG PO YIS NI 'DZIN MA YIN, ,GANG PHYIR MNGON SUM GYIS GRUB DANG, ,MNGON SUM SNGON DU 'GRO BA CAN, ,GANG LA RJES SU DPAG PA NI, ,'JUG PA DON DAM NYID YIN PA, ,DE PHYIR SGRUB BYED DE BZHIN NI, ,KUN RDZOB GNAS PA'I NGO BO NYID, ,DE NYID GZHAN NYID TSAD LDAN PAR, ,DE NYID DUS NA DE YOD MIN, ,RTOGS PA TZAM LAS THA DAD DE, ,DE NYID DU NA GSAL BA'I DNGOS, ,NGES NA MNGON SUM LAS GRUB PA, ,GSAL BA NYID DU RTOGS PAR GYIS, ,MNGON SUM SNGON DU 'GRO BA CAN, ,RJES DPAG LAS KYANG GSAL BA BSGRUB, ,DES NA GAL TE SPYI GZHAN NI, ,GRUB NA KHYAD PAR RIG MI 'GYUR, ,DES NA KHYAD PAR RDZOGS MED PAS, ,KHYAD PAR LA NI 'JUG MI 'GYUR, ,'DI LTAR GAL TE SPYI RTOGS NA, ,DE'I TSE KHYAD PAR SNANG BA SNANG BA MED PAS KHYAD PAR LA 'JUG PAR MI 'GYUR RO, ,MA RTOGS PA LA 'JUG PA NI 'GA' YANG MED DO, ,'ON TE SPYI 'DZIN PA NI KHYAD PAR MTHONG BA SNGON DU 'GRO BA CAN YIN PAS DE DANG 'BREL PAR 'DZIN PA'I SPYIR GANG LA SPYI YOD PA DE LA KHYAD PAR YOD PAR 'GYUR RO ZHES KHYAD PAR LA 'JUG GO ZHE NA, KHYAD PAR RTOGS PA MED PA DE NYID CI LTAR 'GYUR, DE NI SPYI LAS RJES SU DPOG PA'I RTOGS PA GSAL BA RTOGS PA YIN NO ZHES BYA BAR 'GYUR RO, ,DE LTAR YIN NA RJES SU DPAG PA'I RJES SU DPAG PA LAS GSAL BAR RTOGS PA YIN PA'I PHYIR DE'I TSE YANG SPYI RTOGS PAR 'GYUR LA, SPYI DE LAS KYANG GSAL BA'I SPYI GZHAN RTOGS PAR 'GYUR BA'I PHYIR THUG PA MED DO, ,CI STE YANG MTHAR GSAL BA RTOGS NA, DE LTA YIN NA KHYAD PAR MED PA'I PHYIR DANG PO NYID RTOGS PAR 'GYUR BAS BRGYUD PA'I DUB PAS CI BYA, GSAL BA RTOGS NA NI DON BYA BA THAMS CAD SGRUB PA'I PHYIR 'JUG PA KHO NA'O, ,DE'I PHYIR SPYI NI BLOS BKOD PA NYID YIN GYI PHYI ROL YIN NO ZHES NI MI 'THAD DO, ,GAL TE BLO'I RANG BZHIN RTOGS PA NA CI LTAR PHYI ROL LA

, ,'JUG PAR 'GYUR ZHE NA, DE LTA BU NYID DU RGYU DANG 'BRAS BU'I DNGOS PO MTHONG BA'I PHYIR RO, ,'O NA NGED KYI YANG SPYI RTOGS PAS GSAL BA LA 'JUG PAR 'GYUR TE, RGYU DANG 'BRAS BU'I DNGOS PO NI 'DAR YANG MTSUNGS PA'I PHYIR RO ZHE NA, 'DI NI AA RU RA ZOS NAS LHAS 'KHRU BAR BYAS SO ZHES PA DER 'GYUR RO, ,GAL TE RGYU DANG 'BRAS BU'I DNGOS PO NYID YIN NA BAR GYI SPYI RBOG RBOG POS CI BYA, DE'I PHYIR SPYI KUN KUN RDZOB TU, ,YOD PA YIN ZHES BZUNG BAR GYIS, ,SPYI NI DNGOS POR YOD NA NI, ,'JUG DANG LDOG PA MED PAR 'GYUR, ,SPYI KHAS LEN BAS NI GSAL BA RTOGS PAR KHAS BLANG BAR BYA STE, DE LTA MA YIN NA 'JUG PA MED PAR 'GYUR BA'I PHYIR RO, ,GSAL BA RTOGS NA DU BA LA SOGS PA'I RTAGS DE NYID LAS 'GYUR MOD, SPYI CI ZHIG BYA, SPYIS KYANG RTAGS SU GYUR PA DE NYID LAS DE RTOGS PA YIN NO, ,CI STE RTAGS SU GYUR PA'I GSAL BA GSAL BA GZHAN DAG LHAN CIG RJES SU 'GRO BA MED LA, SPYI LA NI YOD DE KHYAB PA YIN PA'I PHYIR RO, ,DES NA SPYI KHAS LEN TO ZHE NA, DE NI DE LTAR MI 'THAD DE, SPYI NI KHYAB PA NYID YIN YANG, DE BZHIN DU NI GZUNG MED PAR, ,GSAL BA GZHAN NI GO BYED DU, ,DE NYID DU NA CI LTAR 'DOD, ,GAL TE KHYAB PA YIN PA DE LTA NA YANG DE'I RJES SU DPOG PA'I DUS NA 'BYUNG BAR 'GYUR BA'I KHYAB PAR BYA BA MA GRUB NA CI LTAR DE KHYAB PAR BYED PA YIN PAR 'DZIN, 'BREL PA MA BZUNG BA LAS KYANG RTOGS NA NI HA CANG THAL BAR 'GYUR TE, SPYI GZHAN GYI GSAL BA YANG RTOGS PAR THAL BA'I PHYIR RO, ,'ON TE DE DANG MA 'BREL PA'I PHYIR RO ZHES LAN 'DEBS NA, DE LTA NA NI 'BREL PA MA BZUNG BAS KYANG RTOGS PAR 'GYUR RO, ,GZHAN YANG DE JI LTAR RTOGS PAR BYA BA ZHES SNGAR BSTAN ZIN TO, ,GZHAN YANG GAL TE SPYI LAS GSAL BA RTOGS NA SGRA LAS KYANG SPYI RTOGS PAS, ,DE LAS KYANG GSAL BA CI STE THOB PAR MI 'GYUR, RTOGS PA DE NI MI BDEN PA YIN NO ZHE NA, 'O NA SPYI'I RTOGS THAMS CAD MI BDEN PAS SPYIS CI ZHIG BYA, GAL TE SPYI NI THAMS CAD DU YANG YOD DO, ,GSAL BA MA RTOGS PA NI MI SLU BA MA YIN TE, DON BYED PAR NUS PA NI GSAL BA NYID YIN PA'I PHYIR RO, ,SPYI MED PAR MI

RTOGS PAR MI NUS PA'I PHYIR, SPYI KHAS LEN TO, ,GSAL BA MA RTOGS PA NI DE DANG 'BREL PA'I RTAGS MED PA'I PHYIR RO ZHE NA, RTAGS KYIS KYANG SPYI NYID RTOGS PAR BYED PA MA YIN NAM, GAL TE DE LA GSAL BA RTOGS PA YOD NA CI STE THAMS CAD MA YIN, SGRAS NI SPYI TZAM RTOGS PA YIN NO ZHE NA, 'O NA RTAGS LAS NI GSAL BA RTOGS SO ZHES BYA BAR 'GYUR RO, ,DE LTA NA YANG SKYON SDAR BSHAD PA NYID DO, ,'ON TE GSAL BA LAS THA DAD PA'I SPYI LA SKYON DU 'GYUR GYI, GNYI GA'I BDAG NYID LA NI SKYON MED DO SNYAM NA, DE YANG MI RUNG STE, GSAL BA RTOGS PAR 'GYUR BA'I SKYON; ,PHYOGS 'DI LA YANG MED DAM CI, ,SPYI DE LAS KYANG GSAL BA LA, MA REG PAR NI RTOGS MA YIN, ,GAL TE SPYI GSAL BA LAS THA DAD PA DANG, THA DAD PA MED PAR 'DOD PA DE'I TSE YANG RTOGS PAR BYED PAS GSAL BA RTOGS SAM, 'ON TE DE LTA MA YIN ZHES BYA BA'I TSUL GNYIS LAS MI 'DOD DO, ,RTOGS SO ZHE NA NI NYAMS SU MYONG BAR 'GYUR BA'I PHYIR, CI STE 'JUG ,GAL TE MA RTOGS NA YANG 'JUG PA CI LTAR 'GYUR, RTOGS KYANG MA RTOGS PA YOD PAS NA 'JUG GO ZHE NA, DE NI DE'I RANG BZHIN DU RTOGS PA DANG MA RTOGS PA YANG YIN NO ZHES BYA BA NI 'GAL TE; GCIG LA RNAM GRANGS MED PAR SGRUB PA DANG, DGAG PA GNYI GA'I BDAG NYID DU 'GRUB PA MED PA'I PHYIR RO, ,DE NYID KYI PHYIR RNAM GRANGS KYIS THA DAD PA YIN TE, RNAM GRANGS 'GAS NI THA DAD PAR RTOGS PA LA GZHAN GYIS NI MA YIN NO ZHES BYA BA NI GZHUNG YIN NO ZHE NA, GANG GIS MA RTOGS PA DE'I DON DU JI LTAR 'JUG, ,DE NI DE NYID KYI RNAM GRANGS YIN NO ZHE NA, MA RTOGS NA CI LTAR DE NYID KYIS ZHES RTOGS, RTOGS PA LA YANG MI 'JUG PA'I PHYIR SKYON DE NYID LA NI 'JUG GO, ,DES NA CHOS CAN GYI MTSAN NYID NI KUN RDZOB TU YOD PA NYID DO, ,DE LTAR NA 'O NA SGRA MI RTAG STE, SGRA NYID YIN PA'I PHYIR RO ZHES BYA BA 'DIR YANG 'GYUR RO ZHE NA, GANG GI SPYI THA DAD PA YIN PA DE LA YANG BSGRUB BYA SGRUB BYED KYI DNGOS POR CI STE MI 'GYUR BA MA YIN TE, DAM BCA' BA'I DON GYI PHYOGS GCIG NYID DE, SPYI DANG LDAN PA DE NI CHOS CAN GYI SGRA NYID KYIS BSTAN PA'I PHYIR RO ZHE NA, 'O NA 'DIR

, ,YANG DE LAS GZHAN LAS LDOG PA BSTAN ZIN PA'I PHYIR MI 'GYUR RO, ,SPYI DANG LDAN PA 'AM GZHAN LAS NI, ,LDOG PA DE NI RTOGS PA NYID, ,SPYI DANG LDAN PA DE RIG PA, ,MED PA RTOGS PAR MI 'GYUR NYID, ,DE YI RANG BZHIN RTOGS NA NI, ,SNGAR NYID DU NI BZLOG ZIN TO; ,DE'I PHYIR 'DI NI SGRA DAG LAS, ,LDOG PA NYID NI RTOGS PA YIN, ,GAL TE SGRAS KHYAD PAR RNAMS SPYI DANG LDAN PAR RTOGS PA YIN NO ZHES KHAS LEN NA, 'O NA DE LTAR GSAL BA MA RTOGS PA RTOGS PAR 'GYUR, GANG LA MGRON BYA BA DE NYID LA SDER CHAG PO SBYIN PAR 'OS PA NI MA YIN NO, , KHYAD PAR RNAMS KYIS RANG GI NGO BO YANG RTOGS PAR 'OS PA MA YIN NO ZHES SNGAR NYID DU GTAN LA PHAB ZIN TO, ,DE'I PHYIR LDOG PA NYID SGRA'I DON YIN NO ZHES GNAS SO, ,GAL TE LDOG PA YANG LDOG PA'I DNGOS POR RTOGS PAR BYED PAR JI LTAR RTOGS, GAL TE RTOGS PA YOD NA YANG LDOG PAS CI ZHIG BYA, 'ON KYANG GZHAN DU MI 'THAD PAS LDOG PAR RTOGS SO ZHE NA, CI STE SPYI KHAS MI LEN ZHE NA, RTOGS PA'I RJES SU 'BRANGS NAS KHAS LEN PA'I PHYIR SPYI KHAS MI LEN TO, ,CI 'JIG RTEN NA NGAS LDOG PAR RTOGS SO SNYAM DU RTOGS PA YOD DAM ZHE NA MI 'DRA BA NYID DU RTOGS PAS RTOGS PA'I PHYIR SKYON MED DO, ,'DI LTAR GAL TE, DNGOS PO MI 'DOD SPANGS NAS NI, ,LDOG PAR SGRA LAS RTOGS MIN NA, ,RNAM PAR PHYE BAS RAB TU NI, ,'JUG PA DANG NI LDAN MI 'GYUR, ,GDON MI ZA BAR RIGS MI MTHUN PA DANG, 'DI 'DRA BA'I RANG BZHIN DU RTOGS PAR 'GYUR TE DE LTA MA YIN NA, MI 'DOD PA SPANGS NAS 'JUG PAR MI 'GYUR RO, ,DE NI MI 'DOD PA DANG MI 'DRA BA NI SPYI'I MTSAN NYID KHO NA YIN NO ZHE NA, RANG NYID DE LTAR GYUR PA MA YIN NA, CHOS GZHAN DANG LDAN YANG CI LTAR NA DE LTAR 'GYUR, DE DANG LDAN PA'I PHYIR NA 'DI DE LTAR RTOGS SO ZHE NA, DE LTA BUR GYUR PA MA YIN PA GZHAN DANG LDAN PAS RANG GI NGO BOR RTOGS PA MA YIN PA NI RTOGS PA NYID DU MI 'THAD DO, ,RANG GI NGO BO MI MTHUN PA NYID DU RTOGS SO ZHE NA, 'O NA NI SPYI GZHAN DANG LDAN PA DON MED DO, ,GAL TE SPYI MED PAR THA DAD PA DE NYID MI RTOGS SO ZHE NA, 'O NA SPYI RNAMS KYI KHYAD PAR GA LAS

RTOGS SPYI GZHAN DANG LDAN NA NI THUG PA MED DO, ,RANG GI NGO BO NYID KYIS MI 'DRA BA YIN NA GSAL BA RNAMS KYANG DE LTA BU NYAD DU THAL BAS SPYI DON MED DO, ,GANG GI TSE GNYIS THA DAD PAR RTOGS PA DE'I TSE CI LTAR GCIG LA NI SPYI GNAS PA MA YIN NO, ,DE'I PHYIR GDON MI ZA BAR 'DIS GSAL BA RNAMS THA DAD PAR RTOGS PAR 'GYUR BA YIN LA, RIGS MI MTHUN PA NYID LAS THA DAD PA DE YANG THAMS CAD LA YOD PA'I PHYIR DE NYID SPYI YIN NO, ,GAL TE SPYI MED NA RIGS MTHUN PA DANG MI MTHUN PA THA DAD PA DE NYID CI LTAR, 'DI LTAR, GSAL BA PHAN TSUN THA DAD KYI, ,PHAN TSUN SPYI NI YOD MIN NA, ,GSAL BA THA DAD 'GYUR BA NYID, ,DE NI RTOGS PA YOD MA YIN, ,GSAL BA LA LTOS PAS THA DAD PA YIN NA, CI LTAR BA LANG KHRA BO DANG SER SKYA DAG RTA DANG BA LAS THA DAD PA DE BZHIN DU RTA DANG BA DANG KHRA BO YANG SER SKYA LAS THA DAD PA'I PHYIR DE GNYIS KYANG RIGS MTHUN PA NYID DU THAL BAR 'GYUR, GANG GIS THAMS CAD BSDOMS TE BRDA BYAS PAS RNAM BAR PHYE BAR GYUR PA THAMS CAD MTHONG BA YANG MA YIN NO, ,DES NA DE YANG RIGS PA MA YIN NO ZHE NA, MI RIGS PA MA YIN TE, 'DI LTAR, SPYI NI YOD PA YIN NA YANG, ,NYES PA 'DI NI BZLOG PA MED, ,SPYI NI GSAL BAS GSAL BAR BYA, ,'DOD KYI RANG GI NGO BOS MIN, ,GSAL BAS STONG PAS PHYOGS SOGS SU, ,DE NI GSAL BA MTHONG MED PHYIR, ,DES NA GSAL BA NYID LA NI, ,LTOS BYA DE YANG KUN MTHONG MED, ,DES NA DE YANG BRDA YI NI, ,BYED PAS KHYAD PAR 'GRUB MI 'GYUR, ,SPYI YANG RTOGS NAS BRDAR BYA PA'AM, ,THA SNYAD DU BYA BA YIN NO, ,GSAL BA MED PAR NI SPYI NYE BAR MTSON PA MA YIN NO, ,GSAL BA MTHA' DAG MTHONG NA NI SPYI NGES PA MTHONG BA'I PHYIR BRDA 'CHOL BA MED PAR 'GYUR RO, ,DE'I TSE YANG NI SPYI NI DON MED PA NYID DE, GSAL BA RNAMS NYID DNGOS SU MTHONG BA'I PHYIR RO, , 'DI LTAR GSAL BA GCIG MTHONG NAS 'DI NI BA LANG NGO ZHES BRDAR BYAS PAS JI LTAR SO SOR NGES PA'I SPYI RTOGS, PHYUGS NYID LA SOGS PA'I SPYI DAG LA NI SPYI 'GA' YANG THA DAD PAR MA RTOGS PAR BRJOD DO, ,BA LANG NYID TZAM BRDA'I YUL YIN NO ZHE NA, BA LANG NYID DE GANG YIN ZHES MI SHES SO,,

, ,CI LTAR BYA STE GANG ZHIG 'DI LTA BUR GYUR PA'I GSAL BAS GSAL BAR BYA'O ZHE NA, GSAL BA 'DI LTA BUR GYUR BA NI DES YIN PA'I PHYIR PHAN TSUN RTEN PA'I SKYON DU 'GYUR RO, ,SPYI DE RTOGS NA NI GSAL BA RNAMS GCIG NYID GSAL BA RNAMS YIN NA YANG SO SOR NGES PA'I SPYI RTOGS PA YIN NO, ,BA LANG LA YANG ZHES RANG NYID THA DAD PAR 'GYUR RO ZHE NA, MA YIN TE, BA LANG ZHES BYA BA'I SPYI RTA NGANG PA LA SOGS PA LAS MI 'JUG PA NYID KYIS RTOGS PA'I PHYIR RO, ,GANG LA BA LANG NGO ZHES BYA BA'I BLOR 'GYUR BA DE NYID LA BA LANG NYID DU RTOGS SO ZHE NA, GZHAL BYA SHES PA MED PA'I BLOS JI LTAR GZHAL BYA RTOGS, KHA DOG DANG DBYIBS LAS THA DAD BA'I GZHAL BYA MTSUNGS PA NI RTOGS PA MED DO, ,DE NYID SPYI YIN TE, RJES SU SOGS BA'I PHYIR RO ZHE NA, MA YIN TE, RJES SU 'GRO BA MED PA'I PHYIR RO, ,KHA DOG NI GSAL BA GZHAN LA RJES SU SONG BA'I RANG BZHIN MA YIN TE, GSAL BA GCIG MTHONG NA YANG DE'I RJES SU SONG BAR RTOGS PAR THAL BAR 'GYUR RO, ,DE LTAR YIN DANG GSAL BA THAMS CAD RTOGS PAR THAL BAR 'GYUR RO, ,SPYI NI GSAL BAS GSAL BAR BYA BA YIN PA'I PHYIR DE LTAR RTOGS PAR MI 'GYUR RO ZHE NA, 'O NA NI GTAN MI RTOGS PAR 'GYUR RO, ,JI TZAM MTHONG BA TZAM LA RTOGS SO ZHE NA, MA YIN TE, SPYI LA NI DE TZAM NYID MED PA'I PHYIR RO, ,DE LTA BU YIN NA NI SPYI MA YIN TE, GSAL BA NYID YIN PAS SPYI GZHAN MED DO, ,DE LTA BUR GYUR PA'I SHES PA BSKYED PA NYID SPYI YIN NO ZHES PHYIR ZLOG PAR BYED NA NI, DE GZHAN LAS LDOG PA NYID SPYIR 'GYUR RO, , MAD PO RNAMS KYIS DE LAS GZHAN DAG LAS LDOG PA NYID SPYI YIN GYI DE DANG RIGS MI MTHUN PA LA LDOG PA TZAM LAS GZHAN PA'I SPYI DE NI 'DI YIN NO ZHES BSTAN PAR NUS PA MA YIN NO, ,RIGS MI MTHUN PA NI CIG SHOS LAS LOG PA NYID YIN LA, JI LTAR GCIG PA DANG THA DAD PA DE'I PHYIR GZHAN DANG GZHAN DU MTHONG BA YIN GYI GZHAN DU MA YIN NO, ,SPYI NI 'DI YIN NO ZHES BSTAN PAR NUS PA YIN TE, THA DAD PA MED PA'I PHYIR BSTAN PAR NUS PA MA YIN NO ZHES BYA BA YANG LAN MA YIN TE, MED PAR THAL BAR 'GYUR RO, ,GSAL BA 'GAGS NAS NI SPYI RNAM PAR GZHAG PAR NUS PA MA YIN TE, THA

SNYAD MED PAR 'GYUR BA'I PHYIR RO, ,SPYI NI GSAL YANG DE LTA BU NYID DO ZHES NI MI RIGS TE LDOG PA'I RGYU MTSAN CAN GYI THA SNYAD KYANG YOD PA'I PHYIR TE, LAS RDZAS MA YIN NO ZHES BYA BA BZHIN NO, ,SPYI RNAMS KYI PHAN TSUN THA DAD PA'I THA SNYAD KYI RGYU YANG LDOG PA NYID YIN NO, ,'ON TE SPYI RNAMS KYI PHAN TSUN THA SNYAD KYI RGYU NI GSAL BA DANG LDAN PA YIN NO ZHE NA, DE LTA YIN NA YANG SKYON YOD PA NYID DE, 'DI LTAR, NGO BOS THA DAD YOD MA YIN, ,JI LTAR GZHAN GYIS THA DAD 'GYUR, ,DKAR POR LDAN PHYIR SNAM BU NI, ,DKAR PO YIN ZHES RAB TU BSGRAGS, ,GZHAN GYI THA DAD PA NI GZHAN DANG LDAN PAR MI 'GYUR RO, ,SPYI DANG GSAL BA DAG 'PHROD PA 'DU BAS 'BREL PA'I PHYIR LDAN PA NYID DU 'GYUR BA NYID DO ZHE NA, SPYI THA DAD PA MED PA GSAL BA LA 'PHROD PA 'DU BA'I PHYIR GSAL BA RNAMS NYID THA DAD PA MED PAR 'GYUR RO, ,DES NA SPYI THAMS CAD DANG LDAN PA'I PHYIR BA LANG YANG RTA LA SOGS PAR 'GYUR RO, ,GZHAN YANG BA LANG GI SPYI NI BA LANG NYID YIN LA, GSAL BA RNAMS KYANG RANG GI NGO BOS RIGS MTHUN PA DANG RIGS MI MTHUN PA PHAN TSUN THA DAD PA MED PA DE'I PHYIR 'DI LTAR GSAL BA SPYI GZHAN THA DAD PAR BYED PA NYID YIN, 'ON TE GSAL BA RNAMS RANG GI NGO BOS RIGS MI MTHUN PA DAG LAS THA DAD PA YIN NA, 'O NA THA DAD PA MED PA DE NYID SPYI YIN LA RAG MOD, GZHAN GYIS CI BYA SPYI KHAS BLANGS KYANG GSAL BA LA THA DAD PA DE NYID SPYI SPYI GZHAN DAG LAS 'BYED PAR BYED PA YIN PAR 'GYUR BAS, 'O NA SPYI'I KHYAD PAR NI GRUB PA NYE BAR 'JOG PA YIN NO, ,DE SPYI NI RANG GI NGO BOS SPYI GZHAN LAS THA DAD PA YIN LA, SPYI DANG LDAN PA NI DE DANG LDAN PAS THA DAD PA YIN TE, DPER NA DKAR PO'I RANG BZHIN NI RANG NYID KHO NAS YIN LA, SNAM BU NI DE DANG LDAN PA LAS YIN PA BZHIN NO ZHE NA, DE YANG 'THAD PA MA YIN TE, 'DI LTAR, KHA DOG DKAR PO'I RANG BZHIN NI, ,'BA' ZHIG 'GAR YANG RTOGS PA MED, ,DE NAS DE YI DANG NYID KYIS, ,DKAR PO'I NGO BOR JI LTAR RTOGS, ,DKAR PO LA SOGS PA NI RTAG TU RDZAS LA GNAS PA NYID DO, ,DES LOGS SU BLTA BAR MI RUNG BA DAG RANG NYID DE'I RANG BZHIN YIN NO ZHES JI LTAR 'GA' ZHIG GIS RTOGS PAR 'GYUR, DE'I DKAR PO NYID DE NI RDZAS NYID LAS YIN NO ZHES, CI STE MI 'DOD, GAL TE DE'I DKAR PO NYID RDZAS

, ,YIN NA, 'O NA DE'I RANG GI NGO BO GANG YIN ZHE NA, 'O NA RDZAS KYI NGO BO YANG GANG YIN ZHES NYES PA DE NYID DO, ,RDZAS SO ZHES DE LTAR RTOGS PA'O ZHE NA, RDZAS ZHES BYA BA YANG KHA DOG DANG DBYIBS LA MA REG PA RTOGS PA MED DO, ,KHA DOG DANG DBYIBS KYANG YON TAN NYID YIN PA'I PHYIR DE LAS GZHAN DU 'GYUR BA'I RDZAS JI LTAR RTOGS PA'I YUL DU 'GYUR, DBYIBS KYANG KHA DOG LA SOGS PA LAS THA DAD PA LA RTEN PAR BYED PA MA YIN TE, KHA DOG NYID DE LTAR ZLUM PO LA SOGS PA'I RANG BZHIN DU SNANG BA YIN NO, ,GAL TE RDZAS KYANG SNANG BA NYID DE, 'DI LTAR REG PA'I RNAM PAR SHES PAS KYANG BUM PA DE NYID NI 'DI YIN NO ZHES GCIG NYID DU SNANG BAR 'GYUR RO, ,YON TAN TZAM NI NGO SHES PA MA YIN TE DE MA YIN NO GZUGS LA REG GO ZHES BYA BAR 'GYUR RO, ,REG PA'I YUL NI GZUGS YIN PAR MI 'THAD DO, ,DES NA RDZAS NYID NGO BO SHES PAR RIG PA DANG LDAN PA YIN NO, ,DES NA GANG ZHIG GANG LAS THA DAD PA'I YUL CAN GYI RNAM PAR SHES PAS GZUNG BAR BYA BA DE NI DE LAS THA DAD PA YIN TE DPER NA BUM PA LAS SNAM BU BZHIN RDZAS KYANG THA DAD PA'I YUL CAN GYI SHES PAS GZUNG BAR BYA BA YIN NO ZHES BYA BA NI RANG BZHIN GYI GTAN TSIGS SO ZHE NA, 'DIR BRJOD PA, GZUGS SOGS LAS GZHAN DON LA NI, ,NGO SHES PA NI MTHONG BA MED, ,DRAN PA MED PAR SNGA MA NI, ,RTOGS PA'I SPYOD YUL 'GYUR MA YIN, ,RI ZHIG MTHONG BA LA NI BUM PA LA SOGS PA SNANG BA MED DO, ,REG PA'I RNAM PAR SHES PA YANG DANG PO MA YIN TE, DANG PO NI YAN LAG TZAM SNANG NGO, ,DE NI YAN LAG GZHAN MED KYANG DE KHO NA LTAR SNANG NGO, ,DE NI BUM PA MA YIN TE, PHYOGS KYI RNAM PAR DBYE BA DANG LDAN PA'I YAN LAG MA LUS PA LA KHYAB PA'I YAN LAG CAN BUM PA YIN PA'I PHYIR RO, ,GZUGS TZAM YANG BUM PA MA YIN TE, GZUGS KYI 'DU BA CAN GYI RGYU DE LTAR BRJOD PA'I PHYIR DANG, DE'I TSE NGO SHES PA YANG MED PA'I PHYIR RO, ,'ON TE YAN LAG GZHAN DANG GZHAN DAG DANG YON TAN GZHAN LA SOGS PA SNANG BA NA YAN LAG CAN 'DZIN PA YIN NO ZHES 'DOD NA, DE YANG YOD PA MA YIN TE, 'DI LTAR, DE TSE PHYOGS GCIG GZHAN DAG NYID, ,GZUNG BAR 'GYUR BA YIN PAS NA, ,YAN LAG

CAN GYI DBYIBS DAG NI, ,'DZIN PA YOD PA MA YIN NO, ,DE BZHIN YON TAN GZHAN LA YANG, ,ZHIG NA'ANG DRAN PA SKYE BA NYID, ,RJES DPAG LAS NI RTOGS PA GANG, ,MNGON SUM SNGON 'GRO MED PAR MIN, ,GANG GI TSE BUM PA LA SOGS PA LA YAN LAG GZHAN DANG YON TAN GZHAN DMIGS PA DE'I TSE YON TAN DANG YAN LAG GZHAN MA DMIGS NA JI LTAR YAN LAG CAN YIN, DE TZAM NYID NI BUM PA MA YIN NO, ,'ON TE DRAN PA DANG LHAN CIG PA'I NGO SHES PAS BUM PA LA SOGS PA'I YAN LAG CAN YONGS SU SHES SO ZHE NA, DE'I TSE YAN LAG DANG YON TAN GZHAN RNAM PAR PHYE NA DE LA BUM PA GANG YIN ZHES BYA BAR YANG 'GYUR RO, ,PHAN TSUN MI DBYE BA NI TSOGS PA GCIG LA RAG LAS PA'I PHYIR RO, ,MI 'BRAL BAR 'DZIN PA'I TSAD MA YANG YOD PA MA YIN TE, PHAN TSUN SPANGS TE DMIGS PA'I PHYIR RO, ,DBYER MED PA NI DRAN PA'I RTOGS PA DANG NGO SHES PA'I RTOGS PAS GZUNG BAR BYA BA YIN NO,, DRAN PA DANG NGO SHES PA SO SOR TSAD MA MA YIN PA DAG NI BSDOMS PAS TSAD MAR 'GYUR BA MA YIN NO, ,GAL TE SO SOR GDUNG 'DEGS PAR MI NUS PA RNAMS GZHAN DU NUS PAR MTHONG BA MA YIN NAM ZHE NA, MA YIN TE, DER DE RNAMS 'BRAS BU SKYED PA'I PHYIR RO, ,DE LTA BUR GYUR PA RGYU SNGA MAS BSKYED PA NYID NUS PA YIN GYI THA DAD PA NI YOD PA MA YIN NO, ,'DIR DRAN PA DANG NGO SHES PA GNYIS LA 'BRAS BU CI ZHIG YOD, YAN LAG CAN RTOGS PA'O ZHE NA, MA YIN TE, DE LAS GZHAN PA'I RTOGS PA GZHAN MED PA'I PHYIR RO, ,'ON TE NGES PA'I RANG BZHIN GYIS RTOGS PA GZHAN SKYE'O ZHE NA, DE NI MI RUNG STE, TSAD MA YIN PA LAS NGES PA NI MA NGES PA NYID DO, ,TSAD MA MA YIN PA LAS NI NGES PA MA YIN TE, TSAD MA DON MED PAR THAL BA'I PHYIR RO, ,'ON TE DE'I TSE RJES SU DPAG PAS YAN LAG GZHAN NGES PA LA, NGO SHES PAS GCIG TU RTOGS PA'I PHYIR YAN LAG CAN RTOGS PA YIN TE, YAN LAG DAG NI YAN LAG GZHAN DAG DANG GCIG PA NYID MA YIN LA, YON TAN YANG YON TAN GZHAN DANG CIG SHOS MA YIN NO ZHE NA, DE YANG RIGS PA MA YIN TE, RJES SU DPAG PA NI MNGON SUM SNGON DU 'GRO BA CAN YIN PA'I PHYIR MNGON SUM GYIS DE 'BA' ZHIG PA NYID DU RTOGS PA JI LTA BAR 'GYUR BA DE LTA BUR GYUR PA

, ,NYID RJES SU DPAG PAS RTOGS PAR BYED DO, ,DES NA 'BA' ZHIG PA THA DAD PAR GYUR PA MNGON SUM GYIS RTOGS PA YIN PA'I PHYIR RJES SU DPAG PAS KYANG DE LTA BUR GYUR PA NYID RTOGS PA YIN NO, ,DE'I PHYIR GZHAN DU YANG MNGON SUM GYIS MTHONG BA'O, ,DNGOS PO GCIG TU NGO SHES LAS, ,JI LTAR GZHAN DU RTOGS PA YIS, ,LAM DU MOD LA BYED PAR 'GYUR, ,MNGON SUM GYIS RNAM PA GZHAN DU RTOGS PA NI NGO SHES PAS STONG GIS KYANG GZHAN DU RTOGS PAR BYA NUS PA MA YIN NO, ,NGO SHES PA YANG MNGON SUM NYID DO ZHE NA, MA YIN TE, RJES SU DPAG PA'I YUL LA 'JUG PA'I PHYIR RO, ,RJES SU DPAG PA DE YANG DU MA'I YUL CAN YIN NO, ,NGO SHES PA JI LTAR THA SNYAD KYI RGYU YIN ZHE NA, TSAD MA NYID KYIS ZHES BRJOD DO, ,TSAD MA YIN NO ZHES BRJOD DO, ,TSAD MA NYID KYANG RJES SU DPAG PA YIN PAS SO, ,'O NA DE GCIG PA NYID RJES SU DPAG PA NYID KYIS YIN TE DES YAN LAG CAN BDEN PA LA BRTEN PAR 'GYUR BA'I PHYIR, NGED KYI PHYOGS GRUB PO ZHE NA, MA YIN TE, DON DAM PA'I GCIG PA NYID GRUB PAR BYED PA MA YIN NO, ,DON DE BYED PA NYID KYIS DE LA GCIG PA NYID YIN GYI DON DAM PAR NI MA YIN NO, ,DE NYID KYI DON BYA BA BYED PAR 'GYUR RO ZHES BYA BA'I NGES PA YANG YOD PA MA YIN TE, ME GZHAN GYIS KYANG SREG PAR BYED PA MTHONG BA'I PHYIR RO, ,DNGOS PO MED PA'I PHYIR JI LTAR NYE BAR BTAGS PA LAS GCIG NYID YIN ZHE NA, THOG MA MED PA'I BAG CHAGS LAS NYE BAR BTAGS PA BRGYUD PA YIN PA'I PHYIR SKYON MED DO, ,YANG NA DANG PO MTHONG BA NI DNGOS KYI GCIG YIN PAR BRJOD LA; PHYIS NI DER SGRO BTAGS PA LAS DON BYA BAS BYAS PA NYE BAR BTAGS PA YIN NO, ,DE'I PHYIR LDOG PA KUN BRTAGS PA LAS CHOS DANG CHOS CAN DAG DE NYID DANG GZHAN NYID DU 'GYUR BA YIN GYI DNGOS PO LA NI MA YIN NO, ,DES NA THA DAD PA NI YOD PA MA YIN TE, THA DAD PA NI BLOS BTAGS PA'I DBYE BA LAS YIN NO, ,DBYE BA DE NI MNGON SUM LAS MA YIN TE, DE MNGON DU SONG BA CAN GYI RJES SU DPAG PA LAS KYANG MA YIN GYI, 'ON KYANG THOG MA MED PA'I BAG CHAGS KYIS BYAS PA'I RJES SU DPAG PA BRGYUD PA LAS BYUNG BA YIN PA'I PHYIR DON DAM PA MA YIN NO, ,DE LTA NA DE NYID DANG GZHAN

NYID YOD PAS NA CI'I PHYIR 'GOG CE NA, MA YIN TE, DON DAM PAR NI RNAM DPYAD NA, ,DE LTA BUR 'GYUR MA GRUB PHYIR, ,KUN RDZOB PA YI DNGOS RNAMS LA, ,DE NYID GZHAN NYID 'GOG PAR 'GYUR, ,ZHES BSHAD ZIN TO, ,DON DAM PAR NI THA MI DAD LA KUN RDZOB TU NI THA DAD DO ZHES BYA BA NI NAM MKHA'I GOS CAN GYI LTA BA MA YIN NO, ,'ON KYANG GNYI GA DON DAM PA YIN NO ZHES BYA BA'O, ,DE NYID KYI PHYIR BSHAD PA, DPAG BYA DPOG PAR BYED PA YI, ,THA SNYAD DE NI GNAS PA 'DI, ,SHES PA LAS GRUB THA DAD PA, ,BRTEN NAS RNAM PAR GNAS PA YIN, ,'DI SNYAM DU GAL TE THA DAD PA MED NA JI LTAR CHOS DANG CHOS CAN GYI THA SNYAD DU 'GYUR ZHE NA, LDOG PAS BYAS PA'I THA SNYAD PA YOD PA'I PHYIR KUN RDZOB PA'I THA DAD PA LA BRTEN PA'I PHYIR RO, ,KUN RDZOB TU THA DAD PA LA MI BRTEN PA DANG, DON DAM PAR NI THA MI DAD PA MA YIN PA NI MA YIN NO, ,KUN RDZOB KYI THA SNYAD PA 'BA' ZHIG LA NI MI SLU BA MED LA DON DAM PA LA YANG THA SNYAD MED PAS GNYI GA LA DGOS PA YOD DO, ,DE'I PHYIR GANG GI TSE, BDAG NYID JI LTA'I THA DAD KYI, ,MTHAR THUG SHES LA THA DAD PAR, ,CHOS DANG CHOS CAN SNANG 'GYUR BA, ,DE NI THA SNYAD RTEN YIN NO, ,DE LTA MA YIN NA NI RJES SU DPAG PA LA SOGS PA'I THA SNYAD DU MI 'GYUR RO, ,DE SKAD DU YANG RJES SU DPAG PA DANG RJES SU DPAG PAR BYA BA'I THA SNYAD 'DI THAMS CAD NI BLO LA YOD PA'I CHOS DANG CHOS CAN GYI BYE BRAG KHO NAS YIN NO ZHES BSHAD DO, ,DES NA LDOG PA'I THA DAD PAS THA DAD PA NYID SKYABS SU GYUR PA YIN NO, ,'DIR NI THA SNYAD KYIS GZHAG LA, ,THA DAD BLO DANG 'BREL MED CAN, ,CHOS CAN DE NYID SGRUB BYED DANG, ,BYAS PA DES NA MA GRUB BSTAN, ,LDOG PA THA DAD PAS LOG PA THA DAD PA NI MA YIN TE, DE NI GCIG YIN PA'I PHYIR RO, ,'ON KYANG GANG LAS LDOG PA DE THA DAD PA LAS YIN NO, ,DE LA SGRA MA YIN PA LAS LOG PA'I SGRA NI CHOS CAN YIN LA BYAS BA MA YIN PA LAS BZLOG PA'I BYAS PA NYID NI CHOS YIN TE, THUN MONG DANG THUN MONG MA YIN PA NYID KYIS THA DAD PA'I PHYIR RO, ,SGRA DANG SGRA NYID NI DE LTA MA YIN PAS NA DE JI LTAR THA DAD PA MED PAR DNGOS PO'I RKYEN DU 'GYUR, 'GYUR NA YANG RNAM GRANGS KHO NAR 'GYUR RO, ,DNGOS PO'I RKYEN GYIS

, ,BRJOD PAR BYA BA NYID LAS THA DAD PA YIN NO ZHE NA, MA YIN TE, PHAN TSUN BRTEN PA'I SKYON DU 'GYUR BA'I PHYIR RO, ,DRUG PA'I NUS PA'I LAS NI DNGOS PO'I RKYEN YIN LA, DNGOS PO RKYEN GYIS THA DAD PAR 'GYUR BA NA YANG DRUG PA'I NUS PAR 'GYUR BA'I PHYIR RO, ,GZHAN YANG SGRA NI DON GYI RGYU MTSAN CAN GYIS 'GYUR BA YIN GYI, DON NI SGRA'I RGYU MTSAN GYIS 'GYUR BA MA YIN NO, ,DON DE NI DE LTA BU NYID YIN TE, GANG GI PHYIR BDAG CAG NI SGRA'I TSAD MA CAN YIN TE, SGRA GANG BRJOD PA DE BDAG CAG GI TSAD MA YIN NO, ,SGRA GZHAN GYIS BRJOD NA NI, DON DE GZHAN KHO NA'O ZHE NA, DE LTA NA 'O NA RNAM GRANGS NYID MED PAR THAL LO, ,DE'I PHYIR SGRA NI MI RTAG STE, SGRA NYID YIN PA'I PHYIR ZHES BYA BAS NI, BLO THA DAD PA MED PA CAN BSGRUB PAR BYA BA'I CHOS CAN SGRA DE NYID SGRUB PAR BYED PA NYID DU BKOD PA'I PHYIR MA GRUB PA YIN NO, ,GZHAN YANG GAL TE SGRA NYID YIN PA'I PHYIR MI RTAG PA YIN NA, 'O NA SGRA NYID DE SGRA ZHES BYA BA NYID KYIS RTOGS PA YANG BRJOD PAS CI BYA, YANG BRJOD PA NI CHOS GTZOR BYA BA'I DON DU'O ZHE NA MA YIN TE, 'BRAS BU MED PA'I PHYI RO, ,CHOS CAN GTZOR GYUR PA YIN YANG GTAN TSIGS SU 'GYUR BA NYID DE GANG GI PHYIR BYAS PAS NA SGRA NI MI RTAG PA'O ZHES BYA BA BZHIN NO, ,MAR ME'I TSUL DU NI RJES SU DPAG PA'I THA SNYAD 'GYUR BA MA YIN NO, ,DES NA YANG BRJOD PA ZHES BYA BA TSAR GCAD PA'I GNAS YIN NO, ,THA DAD PAR BRJOD PAR 'DOD NA NI MA GRUB PA NYID DO ZHES GNAS SO, ,DES NA BYE BRAG SPYI'I CHOS THA DAD PHYIR RTAGS DANG RTAGS CAN NYID, DPER NA RTZOL BYUNG NYID KYI PHYIR, ,RTZOL 'BYUNG SGRA NI MI RTAG BZHIN, ,GANG GI PHYIR LDOG PA THA DAD PA MED PA CAN NYID KYIS DE THA DAD MED NA BSGRUB PAR BYA BA DANG SGRUB PAR BYED PA DAG THA DAD PA MED PA'I NYES PAR 'GYUR BA DES NA KHYAD PAR DANG SPYI DAG NI LDOG PA THA DAD PA'I PHYIR RTAGS DANG RTAGS CAN NYID DE, BSGRUB BYA DANG SGRUB BYED KYI DNGOS POR MI 'GAL LO, ,THA DAD PA MED PA LA 'GYUR BA'I SKYON NI THA DAD PA YOD PA LA 'GYUR BA MA YIN TE, 'ON PA'I NYES PA NI RNA BA MA NYAMS PA LA MI 'GYUR RO, ,DE'I PHYIR RTZOL BA LAS BYUNG BA SGRA NI MI RTAG STE RTZOL BA LAS 'BYUNG BA'I PHYIR RO ZHES BYA BA NI MA GRUB PA NYID KYI SKYON MA YIN NO, ,SGRA LAS GNAS PA'I

RTZOL BA LAS BYUNG BA NYID NI CHOS CAN YIN LA, SGRA DANG SGRA MA YIN PA LA GNAS PA NI GTAN TSIGS YIN PA'I PHYIR BSGRUB BYA SGRUB BYED KYI DBYE BA GRUB PO, ,SGRA LA GNAS PA'I RTZOL BA LAS BYUNG BA NYID RTZOL BA LAS BYUNG BA GZHAN LAS THA DAD PA YIN GYI SPYI RANG BZHIN DU BRJOD PAR 'DOD PA NI DE LAS THA DAD PA MA YIN GYI, 'ON KYANG RTZOL BA LAS BYUNG BA MA YIN PA NYID LAS YIN NO, ,DES NA KHYAB PA DANG KHYAB PA MA YIN PA NYID KYIS THA DAD PA KHO NA STE, DPER NA SHING NYID DANG SHING SHA PA NYID BZHIN NO, ,MA KHYAB PA NYID NI KHYAB PAR 'GYUR BA MA YIN NO, ,DES NA SGRA'I KHYAD PAR CAN MA KHYAB PA NI CHOS CAN YIN LA, DE DANG DE MA YIN PA LA GNAS PA NI GTAN TSIGS YIN TE, KHYAB PA NYID KYIS THA DAD PA'I PHYIR RO, ,'O NA KHYAB PA NYID MED PAS SGRA NYID THA DAD PA MED PA YIN PA'I PHYIR DE NI RJES SU 'GRO MED PA'I SKYON NYID DU 'GYUR RO, ,DES NA SGRA NYID YIN PA'I PHYIR ZHES BYA BA'I GTAN TSIGS 'DI LAS RJES SU 'GRO BA MED PA'I PHYIR SKYON NYID YIN PAR SHIN TU GSAL GYI, MA GRUB PA NYID LA SOGS PA'I SKYON NI MA YIN NO, ,MA GRUB PA LA YANG RJES SU 'GRO BA MED PA NYID RGYU YIN, DE NYID GSAL BAR SKYON DU 'THAD DO ZHE NA, DE NI MA YIN TE, 'DI LTAR, RJES 'GRO MED PA'I NYES PA NI, ,MED PA NYID CES DE BRJOD MIN, ,'DIR NI MA GRUB PA NYID KYIS, ,NYES PA'ANG GSAL BAR 'GYUR BA YIN, ,THA DAD MED PAS MA GRUB PA NYID MED PAR 'GYUR BA NI MA YIN NO, ,DES NA MA GRUB PA NYID DU GYUR PA DE BZHAG STE, NYES PA GZHAN RJOD PAR BYED PA NI RIGS PA DANG 'BREL PA MA YIN NO, ,GTAN TSIGS YOD NA DE RJES SU 'GRO BA MED PA LA SOGS PA'I RTZOD PA'I YUL DU 'GYUR RO ZHES BSHAD DO, ,DE'I PHYIR THA DAD PA MED NA NI MA GRUB PA'I SKYON DU 'GYUR LA, THA DAD PA NI RE ZHIG GI TSE LA SKYON MED DO BYA BAR SEMS SO, ,DES NA PHYOGS YAN LAG NA'ANG GNOD MED PHYIR, ,CHOS CAN THA DAD MA GRUB MIN, ,DPER NA GONG BU RVA CAN 'DI, ,RVA CAN NYID PHYIR RTA MIN BZHIN, ,GAL TE GONG BU GZHAN GCAD PA'I PHYIR RVA CAN NYID PHYOGS KYI KHYAD PAR YIN PA DE LTA NA YANG GTAN TSIGS NYID NA 'GAL BA MA YIN NO, ,BSGRUB PAR BYA BA DANG 'BREL PA'I GTAN TSIGS DE BZHIN DU, RTOGS PA NI SGRUB PAR

, ,BYED PA KHO NA'O, ,'BREL PA DE NI BSGRUB BYA'I YAN LAG NYID YIN YANG 'GAL BA MED DO, ,DES NA BSGRUB BYA'I DUS NA YAN LAG YIN YANG CHOS CAN GYI KHYAD PAR NI CHOS CAN THA DAD PA LAS GTAN TSIGS YIN PA NYID DO, ,YANG NA DE RTOGS NAS LDOG PHYIR, ,YANG NA DE RTOGS NAS LDOG PHYIR, ,BSGRUB BYA'I DUS SU YAN LAG MIN, ,KHYAD PAR NI GDON MI ZA BAR BSGRUB BYA NYID YIN PAR MTSON PA'I DUS NA YAN LAG TU 'GYUR PA MA YIN TE, DE NYE BAR MTSON NAS SNGA NYID DU LOG PA'I PHYIR RO, ,DPER NA LHAS BYIN GYI KHYIM GANG YIN ZHES DRIS PA NA, GANG NA BYA ROG SGRA SGROGS PA'O ZHES BYA BA LA, DE LHA KHANG LA SOGS PA NYE BAR MTSON NAS DA LTAR LOG PA YIN YANG DUS GZHAN DU YANG DE NYE BAR MTSON PAR BYED PA BZHIN NO, ,GAL TE MED PA JI LTAR NYE BAR MTSON PA YIN ZHE NA, DE'I 'BRAS BU KHYAD PAR GYI MTHAR THUG PA'I BLO YOD PA'I PHYIR RO, ,DE'I PHYIR NYE BAR MTSON PA NI DAM BCAS BA'I DON GYI PHYOGS GCIG NYID KYIS MA GRUB PA'I NYES PA LA BRTEN PA MA YIN NO, ,GAL TE CHOS CAN THA DAD PA YIN NA SPYI DANG KHYAD PAR GYI DNGOS POS THA DAD PA YOD PA'I PHYIR DAM BCA' BA'I DON GYI PHYOGS NYID YIN PAS MA GRUB PA NYID KYI SKYON DU 'GYUR BA MA YIN NA, 'O NA CHOS CAN THA DAD PA MED PA NYID LA SKYON DU 'GYUR BA'I PHYIR, MNYAN BYA NYID LA SOGS PA YANG DAM BCAS PA'I DON GYI PHYOGS GCIG NYID DO ZHES BYA BAR 'GYUR LA, KHYAB PA MTSUNGS PA'I BYAS PA NYID DANG, MI RTAG PA NYID KYANG 'GYUR RO ZHE NA, DE NI MA YIN TE, 'DI LTAR, CHOS THA DAD PHYIR KHYAD PAR YANG, ,DAM BCA'I DON DU 'THAD MA YIN, ,RVA CAN YIN PA'I PHYIR RO ZHES BYA BA DE LTA BU LA SOGS PA 'BA' ZHIG TU NI MA ZAD KYI, KHYAD PAR THUN MONG MA YIN PA MNYAN BYA NYID LA SOGS PA YANG 'GYUR BA MA YIN TE, CHOS THA DAD PA NYID KYI PHYIR RO, ,GAL TE SGRA MA YIN PA NYID GANG LA LDOG PAS SGRA NYID YIN PA DE TZAM NYID KYIS MNYAN BYA NYID MA YIN NAM, DE SKAD DU YANG RNA BAS GZUNG BA'I MTSAN NYID NI SGRA'O ZHES BSHAD PA YIN NO ZHES BSHAD DO, ,DES NA JI LTAR LDOG PA'I THA DAD PA MED PAR CHOS DANG CHOS CAN THA DAD CE NA, DE NI MI RUNG STE, GANG GI PHYIR, PHAN TSUN NANG DU 'DU NA NI, ,CHOS THA DAD PAR RIGS

LDAN MIN, ,DON GZHAN DANG NI 'BREL PA LAS, ,'BREL MED PA NI THA DAD YIN, ,MNYAN BYA NYID NI NYAN PA'I RNAM PAR SHES PA DANG 'BREL PA'I PHYIR MA 'BREL PA NYID LAS LOG PA YIN LA, SGRA NI SGRA MA YIN PA'I PHYIR SPYI NYID LAS LDOG PA YIN NO, ,GAL TE SGRA MNYAN PAR BYA BA MA YIN PA MED PA DE LTAR NA YANG, TSOGS PA MED PA'I PHYIR SKYES BU GZHAN LA LTOS NAS MNYAN PAR BYA BA MA YIN PAR YANG 'GYUR LA, SGRA MA YIN PAR NI SKYES BU GZHAN LA LTOS KYANG MI 'GYUR BA'I PHYIR MNYAN PAR BYA BA MA YIN PA LAS LOG PAS NI SGRA NYID MA YIN NO, ,MNYAN BYA NYID DE LTAR 'GYUR GYI SGRA NYID NI MA YIN TE, DE NI MNYAN BYA DANG MNYAN BYA MA YIN PA'I THUN MONG PA NYID YIN PA'I PHYIR RO, ,'DIS NI SLOB DPON GYIS JI SKAD DU GAL TE 'DUS PA RNAMS NI GZHAN GYI DON YIN TE, 'DUS PA'I PHYIR RO, ,'DUS BYAS NI MI RTAG STE, 'DUS BYAS NYID YIN PA'I PHYIR ZHES BYA BA DAM BCA' BA'I DON GYI PHYOGS GCIG GTAN TSIGS YIN PAR MTHONG BA MA YIN NAM ZHE NA, 'DIR 'DUS PA'AM 'DUS BYAS THAMS CAD NI DAM BCA' BA'I DON MA YIN TE, DPE MED PAR THAL BAR 'GYUR BA'I PHYIR RO, ,'ON KYANG MIG LA SOGS PA DANG, DE'I PHYOGS GCIG NYID YIN NO, ,CI STE YANG SGRA NYID THUN MONG MA YIN PAR 'GYUR RO ZHE NA, DE LTAR NI BRTAG PAR MI NUS TE, DAM BCAS PA'I DON GYI THUN MONG MA YIN PA'I CHOS MNYAN BYA NYID THUN MONG MA YIN PAR RIGS KYI, SGRA LA NI SGRA NYID GZHAN NYID YOD PA MA YIN PA'I PHYIR MA GRUB PA NYID KYI GTAN TSIGS KYI SKYON YIN NO ZHES GSUNGS PA NI LEGS PAR BSHAD PA YIN NO, ,PHYOGS KYI MTSAN NYID BSHAD ZIN TO,, ,,BAM PO BCU PA, GTAN TSIGS KYI MTSAN NYID BSHAD PAR BYA BA YIN NO, ,DE LA YANG, GANG PHYIR GTAN TSIGS DAG DANG NI, ,DE SNANG PHAL CHER PHYOGS CHOS NYID, ,DES NA GTAN TSIGS LTAR SNANG GI, ,SNGON DU DBYE BAS BSTAN PAR BYA, ,PHYOGS CHOS MTHUN PHYOGS YOD MED DANG, ,RNAM GNYIS RE RE DAG LA YANG, ,RNAM GSUM MI MTHUN PHYOGS LA YANG, ,YOD MED RNAM PA GNYIS PHYIR RO, ,GAL TE, DE LA MTHUN PHYOGS LA YOD DANG, ,RNAM GNYIS DE MED LA MED GANG, ,ZHES BYA BA LA SOGS PA GTAN TSIGS KYI MTSAN NYID DANG, GTAN TSIGS

, ,LTAR SNANG BA'I MTSAN NYID DAG KHO NA BRJOD PAR BYA BA MA YIN NAM, CI'I PHYIR PHYOGS CHOS KYI DBYE BA BSTAN ZHE NA, GTAN TSIGS DAG DANG GTAN TSIGS LTAR SNANG BA PHAL MO CHE NI PHYOGS KYI CHOS NYID YIN PA DES NA GTAN TSIGS DANG, GTAN TSIGS LTAR SNANG BA'I MTSAN NYID BYE BRAG TU GSAL BAR BSTAN PA'I PHYIR DANG PO PHYOGS CHOS KYI DBYE BA BSTAN TE, DE LTAR YIN DANG PHYOGS KYI CHOS 'DI NI GTAN TSIGS SO, ,'DI NI GSAL BA'O, ,'DI NI MA NGES PA YIN NO ZHES BDE BAR 'CHAD PA DANG 'DZIN PAR 'GYUR RO, ,DE NYID KYI PHYIR BSHAD PA, GTAN TSIGS RAB TU DBYE BA'I DON, ,BDE BAR GZUNG BA GRUB BYA'I PHYIR, ,PHYOGS CHOS RAB TU DBYE BA YIS, ,MDOR BSDUS PA NI GSUNGS PA YIN, ,PHYOGS KYI RAB TU DBYE BAS BSDUS TE BSHAD PA GANG YIN PA DE NI GTAN TSIGS KYI RAB TU DBYE BA'I DON NYID BDE BLAG TU GZUNG BA'I DON DU'O, ,GTAN TSIGS KYI RAB TU DBYE BA NI; GTAN TSIGS DANG GTAN TSIGS LTAR SNANG BA'I MTSAN NYID BSTAN PA'O, ,DE'I DON NI GTAN TSIGS DANG GTAN TSIGS LTAR SNANG BA NYID DE, DE NYID KYI PHYIR, GTAN TSIGS LTAR SNANG GI ,SNGON DU ZHES GSUNGS SO, ,GTAN TSIGS LTAR SNANG BA NI GTAN TSIGS LTAR SNANG NGO, ,LTAR SNANG NI 'DIR NYE BA'I PHYOGS GTAN TSIGS LTAR SNANG BA YIN GYI, LTAR SNANG BA TZAM NI MA YIN NO, ,GAL TE CHOS CAN GYI CHOS TZAM DU NYE BAR BSDUS PA'I CHOS SGRUB PAR BYED PA YIN GYI, PHYOGS KYI CHOS NYID DU NYE BAR BSDUS PA NI MA YIN TE, NAGS TSANG TSING LA SOGS PA'I PHYOGS 'DI NA DU BA YOD DO ZHES CHOS CAN TZAM LA NYE BAR STON PA'I PHYIR RO, ,CHOS CAN TZAM NI PHYOGS MA YIN NO, ,CHOS CAN NI BSGRUB PAR BYA BA MA YIN TE SGRUB PA'I PHYIR DANG, CHOS KYI KHYAD PAR CAN GYI CHOS CAN BSGRUB BYA YIN NO ZHES BSHAD PA'I PHYIR RO ZHE NA, DE NI BDEN TE, TSOGS DON BSGRUB BYA NYID YIN PHYIR, ,GTZO BO MIN YANG CHOS TZAM NI; ,CHOS CAN TZAM LA PHYOGS GCIG PHYIR, ,BSGRUB BYA NYID DU NYE BAR 'DOGS, ,GTAN TSIGS KYI BYED PA'I YUL TSOGS PA NI BSGRUB PAR BYA BA YIN NO, ,DE YANG PHYOGS MA YIN TE GRUB PA'I PHYIR RO, ,DE'I PHYIR BSGRUB PAR BYA BA'I CHOS MA GRUB PA'I CHOS CAN DE'I KHYAD PAR CAN NI PHYOGS YIN NO, ,

JI LTAR MA GRUB PA'I KHYAD PAR YIN ZHE NA, NYE BAR BTAGS PA'I PHYIR RO, ,DGOS PA MED PA'I PHYIR NYE BAR BTAGS PAR MI BYA'O ZHES BYA BA YANG 'BREL PA MA YIN NO, ,MA YIN TE CHOS CAN KYI CHOS THAMS CAD YIN PA DGAG PA'I PHYIR TE ZHES BYA BA LA SOGS PA SNGAR BSTAN ZIN PA NYID PAS YANG MI BRJOD DO, ,DE LTAR YIN NA MIG GIS GZUNG BAR BYA BA LA SOGS PA SPANGS PA YIN NO, ,GAL TE MIG GIS GZUNG BYA NYID MTHUN PA'I PHYOGS KHO NA LA YOD PA YIN GYI, CHOS CAN GYI CHOS NI MA YIN PAS, DE LAS DE NI CHOS CAN SMOS PA NYID KYIS SEL BA MA YIN NAM ZHE NA, NYE BAR BTAGS PA DANG BRAL BA'I CHOS CAN SMOS PA NI BSGRUB BYA'I CHOS CAN NYID DU MI 'GRUB PO, ,CHOS MI MTHUN PA'I DPE'I CHOS CAN GYI CHOS ZHES BYA BAR YANG 'GYUR RO, ,MA YIN TE MED LA MED CES BSHAD PA'I PHYIR RO, ,JI LTAR DE NYID LA YOD PA DANG DE NYID LA MED CES BYA BAR 'GYUR RO, ,DE'I PHYIR 'OS GZHAN MED PAS NA CHOS CAN GSUM PA YONGS SU GZUNG NGO, ,DE YANG BSGRUB PAR BYA BA'I CHOS CAN KHO NA'O, ,MA YIN TE, DPE'I CHOS CAN NYID LA YOD PAR NGES PAR BYA BA'I DON YIN PAR DOGS PAR 'GYUR TE, YANG BRJOD PA NI NGES PAR GZUNG BA'I PHYIR RO ZHES BYA BA'I TSUL GYIS SO, ,GAL TE YANG BRJOD PA MED PA YANG NGES PAR GZUNG BA NYID MA YIN NAM, MTHUN PA'I PHYOGS NYID LA YOD PA ZHES NGES PAR GZUNG BA'I PHYIR RO ZHE NA, MA YIN TE, MTHUN PA'I PHYOGS LA YOD PA NYID CES BYA BAR YANG 'GYUR RO, ,DES DE NYID LA YOD CES NGES PAR GZUNG BA'I PHYIR YIN PAR 'GYUR TE, DES NA BSGRUB PAR BYA BA'I CHOS CAN YONGS SU GZUNG BA'I DON DU NYE BAR BTAGS PA YIN NO, ,'O NA BSGRUB BYA'I CHOS CAN GYI CHOS NYID SMOS PAR BYA'O ZHE NA, MA YIN TE, DE LA YANG NYE BAR BTAGS PA NYID SKYABS YIN PA'I PHYIR RO, ,MA GRUB PA NI SGRO BTAGS PA MED PAR KHYAD PAR DU 'GYUR BA MA YIN NO, ,PHYOGS ZHES BYA BA 'DIS KYANG DE NYID BRJOD PA'I PHYIR KHYAD PAR CI YOD, MING DANG MING CAN GYI 'BREL PA SGRUB PA'I 'BAD PAS DKA' BA'I SKYON YOD DO ZHE NA, MA YIN TE PHYOGS KYI SGRA YANG BSGRUB PAR BYA BA'I RNAM GRANGS YIN PA'I PHYIR RO, ,DE LTAR YANG SKYE BO DAG 'DI NYID PHYOGS YIN TE 'DOD PAR BYA BA NI 'DI NYID DO

, ,ZHES THA SNYAD BYED PA YIN NO, ,DE LTAR YANG SLOB DPON GYIS, TSOGS DON BSGRUB BYA NYID YIN PHYIR, ,GTZO BO MIN YANG CHOS SAM NI, ,CHOS CAN TZAM LA PHYOGS GCIG PHYIR, ,BSGRUB BYA NYID DU NYE BAR DOGS, ,ZHES GSUNGS SO, ,NYE BAR BTAGS PA MED PA'I CHOS CAN RKYANG PA NI PHYOGS MA YIN NO, ,GAL TE CHOS KYI KHYAD PAR CAN GYI CHOS CAN RJES SU DPAG PAR BYA BA MA YIN NAM, DE LA NI DE BTAGS PA SRID PA MA YIN NO ZHE NA, MA YIN TE, DER NI SHES PAR 'DOD PA'I CHOS KYI KHYAD PAR CAN ZHES BYA BAR BSAMS PA YIN PA'I PHYIR RO, ,DE LTAR NI RJES SU DPAG PAR 'OS PAS NA RJES SU DPAG PA YIN NO ZHES BYA BA'I 'BREL PA YIN PA'I PHYIR RO, ,RJES SU DPAG PAR 'OS PA GANG YIN PA DANG, SHES PAR 'DOD PA'I KHYAD PAR GANG YIN PA DE NI BSGRUB PAR BYA BA YIN PAS MA GRUB PA'I PHYIR NYE BAR BTAGS PA NYID DO, ,DE'I PHYIR NYE BAR BTAGS PA'I DON NYID PHYOGS YIN NO, ,NYE BAR BTAGS PAS BSGRUB PAR BYA BAR 'DOD PA'I KHYAD PAR CAN NYID KYI CHOS CAN NI PHYOGS YIN NO ZHES BYA BA'I THA TSIG GO, ,GAL TE NYE BAR BTAGS PA'I KHYAD PAR GYI CHOS CAN NI CHOS ZHES BYA BAR YANG 'GYUR RO ZHE NA, PHYOGS SMOS PAR NI BSGRUB BYA'I CHOS CAN YIN PAR YONGS SU GZUNG BA'I DON TE, BSGRUB PAR BYA BA'I CHOS CAN NI CHOS GANG YIN PA DE NYID GTAN TSIGS DANG 'GAL BA DANG MA NGES PA YIN TE, PHYOGS DE'I CHOS NI PHYOGS CHOS YIN NO, ,GAL TE KHYAD PAR DANG KHYAD PAR CAN GYI DNGOS PO 'DI LA KHYAD PAR NI GZHAN RNAM PAR GCOD PAR BYED PA YIN PA'I PHYIR GZHAN GYI CHOS NYID YIN PAR BKAG PAS NA THAMS CAD THUN MONG MA YIN PA NYID DU 'GYUR RO, ,RNAM PAR GCOD PAR BYED PA MA YIN PA NI KHYAD PAR MA YIN NO, ,BYAS PA SGRA'I KHYAD PAR CAN NI SGRA'I BDAG NYID YIN PAS JI LTAR BUM PA LA SOGS PA'I BDAG NYID DAM, DE LA 'JUG PAR 'GYUR, THA DAD PA YIN NA BRGYA LAM NA 'GYUR BA YANG YIN NO, ,CHOS RNAMS NI CHOS CAN LAS THA DAD PAR 'DOD PA MA YIN NO, ,THA DAD PA NI RGYU LAS GZHAN KHYAD PAR DU 'GYUR BA MA YIN NO, ,DE LTAR GYUR NA THAMS CAD 'BRAS BU'I GTAN TSIGS NYID DU 'GYUR RO, ,DE'I PHYIR KHYAD PAR YIN NA NI THUN MONG MA YIN PA NYID DO,,

KHYAD PAR MA YIN NA YANG PHYOGS KYI CHOS MA YIN PA'I PHYIR MA GRUB PA NYID KYI SKYON DU THAL LO ZHE NA, DE NI YOD PA MA YIN TE, 'DI LTAR, CHOS TSIG PHRAD THA DAD BYED PAS, ,MI LDAN GZHAN DANG LDAN PA DANG, ,SHIN TU MI SRID RNAM GCOD BYED, ,GAL TE RNAM PAR GCAD PAR BYA BA DANG RNAM PAR GCOD PAR BYED PA'I DNGOS PO GCIG NYID DU ZAD NA SKYON 'DIR 'GYUR BA ZHIG NA RNAM PA NI DU MAR MTHONG STE, KHA CIG TU NI MA 'BREL PA RNAM PAR GCOD PAR BYED LA, KHA CIG TU NI GZHAN DANG LDAN PA, KHA CIG TU NI SHIN TU MI LDAN PA RNAM PAR GCOD PA'I PHYIR THA DAD DO, ,LDOG PAR BYED PA'I TSIG PHRAD KYIS NI RNAM PAR GCAD PAR BYA BA YIN GYI, GCIG TU NGES PAR GZHAN DANG LDAN PA RNAM PAR GCOD PA NYID NI MA YIN NO, ,DE'I DON NI NGES PAR BZUNG BA TZAM YIN LA, GZHAN DU NGES PAR BZUNG BA LA SKYON YOD PA YANG MA YIN NO, ,RNAM PAR DBYE BA 'DI GA LAS YIN TE, BRJOD PA'I RNAM PA GCIG LA DON THA DAD PA MED PA'I PHYIR RO ZHE NA, 'BA' ZHIG GI DON THA DAD PA NI MA YIN TE, 'ON KYANG 'BREL PA CAN THA DAD PA'I PHYIR RO, ,'BREL PA CAN THA DAD PA NI, ,KHYAD PAR KHYAD PAR CAN DAG DANG, ,BYA BA DANG NI LHAN CIG BRJOD, ,GTZO BO NI 'BREL PA CAN NYID YIN TE, 'DI LTAR, DE SBYAR MED KYANG BRJOD 'DOD LAS, ,DE YI DON NI RTOGS PAR 'GYUR, ,KHYAD PAR DANG LHAN CIG BRJOD PAS NI MI LDAN PA RNAM PAR GCOD PAR BYED LA, KHYAD PAR CAN DANG LHAN CIG BRJOD PAS NI GZHAN DANG LDAN PA, BYA BA DANG LHAN CIG PAS NI GTAN MI LDAN PA RNAM PAR GCOD PA YIN NO ZHES GO RIMS JI LTA BA BZHIN DU 'BREL TO, ,NGES PAR GZUNG BA NA KHYAD PAR LA SOGS PA'I TSIG NYID KYIS STON PAR BYED LA, TSIG PHRAD NI DE GSAL BAR BYED PA YIN TE, DES NI DE NYID MNGON PAR BYED PA'I PHYIR RO, ,'DI LTAR BUM PAR CHU KHYER LA SHOG CES BYA BAS, GAL TE BYED PA'I KHYAD PAR MIN PAR 'PHEN PA NA KHYAD PAR BYED PA DON MED PAR 'GYUR RO, ,DE BZHIN DU LAS LA SOGS PA YANG NGO, ,DE BAS NA NGES PAR GZUNG BA NA BUM PA LA SOGS PA'I TSIG GIS RTOGS PA NYID LA DE DAG KYANG THA DAD PAS DON THA DAD PA YIN NO, ,GAL TE DE DAG THA DAD PAS NI DON THA DAD PA NYID DU 'GYUR BA MA YIN NAM, NGES PAR BZUNG BA NI THUN MONG MA YIN PA NYID DU RTOGS TE,

, ,DES NA RJES SU 'GRO BA DANG LDOG PA DAG LAS THA DAD PAR BRTAGS PAS NGES PAR BZUNG BA NI TSIG PHRAD KYI BRJOD BYA NYID DO ZHE NA, MA YIN TE, DE MA SBYAR NA MI RTOGS PAR THAL BAR 'GYUR BA'I PHYIR RO, ,GANG ZHIG GANG MED KYANG RTOGS PA DE NI JI LTAR DE'I DON YIN, 'O NA JI LTAR THA DAD PAR BRJOD PA DAG BRJOD PAR BYA BA THA DAD PA MED PAR JI LTAR 'GYUR, RNAM PAR GCOD PA NYID NI SGRA'I BRJOD PAR BYA BA MA YIN TE, DE'I BRJOD PAR BYA BA NI DNGOS PO YIN PA'I PHYIR DANG, RNAM PAR GCOD PA NI DNGOS PO MED PA'I RANG BZHIN YIN PA'I PHYIR RO ZHE NA, DE NI MA YIN TE, GANG PHYIR DAG 'BRAS RNAM GCOD PHYIR, ,DPER NA NAG PA 'PHONG SKYON PA'AM, ,SRID SGRUB 'PHONG SKYEN ZHES PA'AM, ,SNGON PO MTSO SKYES 'GYUR ZHES BZHIN, ,PHAN TSUN DON 'BREL PA CAN GYI TSIG GI TSOGS NI DAG GO, ,'DIR NI DAG RDZOGS PAR BYED PA'I TSIG NYID DAG GI SGRAS BRJOD PA YIN TE, DE DAG NYID RNAM PAR GCOD PA'I 'BRAS BU CAN YIN PA'I PHYIR DANG, DE LAS GZHAN PA'I DAG KYANG MED PA'I PHYIR RO, ,DAG GANG GIS 'BRAS BU GANG YIN PA DE NYID DE'I BSTAN PAR BYA BA YIN PAS NA DON NI DE NYID YIN NO, ,RNAM PAR GCOD PA YANG RNAM PAR GCAD PA LAS GZHAN MA YIN TE, DES NA RNAM PAR GCOD PAR BYA BA'I DON RTOGS PA'I PHYIR, DE DANG THA DAD PA MED PAS RNAM PAR GCOD PAR YANG RTOGS PA YIN TE, DES NA RNAM PAR GCOD PA NYID BSTAN PAR BYA BA YIN NO, ,CI STE BSTAN PAR BYA BA NI DNGOS PO YIN LA, RNAM PAR GCOD PA NI DNGOS PO MED PA'I RANG BZHIN TSAD MA GZHAN GYIS RTOGS PAR BYA BA 'PHEN PA YIN LA, 'PHANGS PA DE NI KHO NA'I SGRA LA SOGS PAS GSAL BAR BYED DO ZHE NA, DE YANG MI RUNG STE, JI LTAR, GZHAN BRJOD PAS NI MA 'BREL PA, ,GZHAN NI 'PHEN PAR JI LTAR 'GYUR, ,'BREL PA MED KYANG 'PHEN NA NI, ,HA CANG THAL BA BZLOG PA MED, ,GAL TE LDOG PA LDOG PA DANG LDAN PA LAS THA DAD PA MA YIN NA, DE'I BDAG NYID YIN PA'I PHYIR 'PHEN PAR 'GYUR RO, ,THA DAD KYANG 'BREL PA'I PHYIR 'PHEN NO ZHE NA, MA YIN TE, THA DAD NA DNGOS PO GZHAN LAS LDOG PA MED PAR MNGON SUM GYIS RTOGS PAR THAL BA'I PHYIR RO, ,DE'I PHYIR DNGOS PO MED PA'I TSAD MAS

GZHAN GYIS LDOG PA RTOGS PA YIN NA YANG, DE DANG 'BREL PA MED PA NYID DU RTOGS PAR 'GYUR RO, ,LDOG PA MED PA DANG, LDOG PA NI 'BREL PAR RTOGS NUS PA YANG MA YIN NO, ,'ON TE THA DAD KYANG TSOGS PA GCIG LA RAG LAS PA'I PHYIR LDOG PA DANG DON LHAN CIG NYID DU SKYE BA YIN NO SNYAM NA, DE NI MI 'THAD DE, 'DI LTAR, DE THA DAD PAS DON DE NI, ,RANG NYID RJES SU 'GRO BA'I PHYIR, ,GZHAN YOD PAS NI THA MI DAD, ,THA DAD PAR NI 'GYUR MI 'OS, ,RVA 'DI NI RVA 'DI YIN NO ZHES KHYAD PAR DANG KHYAD PAR CAN GYI DNGOS POR 'GYUR BA MA YIN TE, DUS MNYAN PA NYID KYIS NA GNYI GA YANG PHAN TSUN RNAM PAR 'CHAD PAR RTOGS PA'I PHYIR DANG, 'DI'O ZHES BYA BA NYID TZAM DU 'GYUR GYI KHYAD PAR DANG KHYAD PAR CAN GYI NGO BO NI MA YIN NO, ,PHAN TSUN PHAN 'DOGS PA NYID YIN NA DUS MI MTSUNGS PA NYID DO, ,GZHI DANG GZHI CAN GYI DNGOS PO NI KHYAD PAR DANG KHYAD PAR CAN GYI NGO BO'I RGYU MTSAN YIN NO ZHE NA, MA YIN TE, BLA 'OG TU MA RTOGS PA'I PHYIR RO, ,LDOG PA'I DBUS SU DNGOS PO RTOGS PA'I PHYIR GZHI DANG GZHI CAN GYI DNGOS PO YIN NO ZHE NA, GAL TE 'DI LTAR NA 'BREL PAR RTOGS PAR MI 'GYUR RO, ,GANG ZHIG GANG GI DBUS NA GNAS PA DE'I DE YIN NO ZHES BSNYAD PA NI MA YIN TE; BUM PA'I MUN PA DANG SNANG BA ZHE 'AM, SNAM BU'I DBUS NA GNAS PA NA BUM PA'I SNAM BU ZHES THA SNYAD BYED PA NI MA YIN NO, ,DNGOS PO MED PA'I DBUS NI GDON MI ZA BAR GNAS PAR 'GYUR BA YIN TE, DNGOS PO MED PA MOD NA NI SNAM BU LA SEGS PA DBUS SU GNAS PAR MI 'GYUR TE, DE'I KHYAD PAR NYID DU THAL BA'I PHYIR RO ZHE NA, 'O NA NI DNGOS PO MED PA GZHAN MED PAR DNGOS PO MED PA'I DBUS SU GNAS PAR MI 'GYUR TE, KHYAB PAR THAL BA NYID KYI PHYIR RO, ,DON DER NI NGO BOS NI DNGOS PO MED PA'I DBUS SU YANG GNAS PA MA YIN NO, ,GANG ZHIG GANG NA GNAS PA DE NI, GZHI LAS THA DAD PA'I DNGOS PO MED PAR MI 'GYUR BA YIN TE, DPER NA SNAM BU'I DBUS NA GNAS PA BZHIN NO, ,DNGOS PO MED PA'I DBUS NA GNAS PA YANG DBUS NA GNAS PA NYID YIN NO ZHES BYA BA NI RANG BZHIN GYI GTAN TSIGS SO, ,GAL TE DNGOS PO MED PA'I DBUS SU NI RANG NYID GNAS

, ,PA YIN TE, DNGOS PO MED PA NI RANG NYID DE'I RANG BZHIN YIN PA'I PHYIR RO, ,LA CHA SHING SBYOR BA YIN PA'I PHYIR DE LA YANG SHING DANG SBYOR BAR BYED PA GZHAN YOD PAR 'GYUR BA NI MA YIN TE, RANG NYID DE LTA BUR GYUR PA YIN PA'I PHYIR ZHE NA, 'DI LTAR, LA CHA NGO BO NYID KYIS NI, ,MES BZHUS SHING SBYOR BYED PA YIN, ,DNGOS PO MED NGO BO NYID KYIS NI, ,KHYAB PA'I BYED PAR NUS MA YIN, ,GAL TE DNGOS PO KHYAB MIN NA, ,DNGOS PO MED PA DON MED 'GYUR, ,DNGOS PO MED PA'ANG KHYAB YIN NA, ,GZHAN DE'I DBUS SU JI LTAR GNAS, ,DNGOS PO MED PA NI RANG GI NGO BO TZAM GYIS KHYAB PA'I BAR DU GNAS PAR BYED PA MA YIN TE, KHYAB PA NYID DU THAL BAR 'GYUR BA'I PHYIR RO, ,MA KHYAB PA NYID DU 'DOD DO ZHE NA, DE DNGOS PO MED PAS CI BYA DNGOS PO MED PA NI MI 'DRE PAR BYA BA'I DON DU 'DOD PA YIN NA, DE NI DNGOS PO RNAMS KHYAB PA MA YIN PAS NA RANG NYID GRUB PA'I PHYIR DON MED PA BZLOG TU MED DO, ,GAL TE DNGOS PO MED PA'AM, ,DNGOS PO MED PA DANG LHAN CIG PA'I RANG GI RGYUS MA KHYAB PAR BYAS SO ZHES BYA BA LA 'GAL BA CI YOD CE NA, DE YANG MI RUNG STE, GAL TE DNGOS PO MED PAS DON, ,KHYAB PA MA KHYAB PAR BYED NA, ,SNGAR NI 'DRES PA YOD PA DE, ,PHYI NAS JI LTAR GZHAN DU 'GYUR, ,KHYAB PA NI MA KHYAB PAR BYA NUS PA MA YIN NO, ,DON RNAMS SNGAR MA KHYAB PA NYID YIN NAM 'DRES PA NYID DO, ,'ON TE SNGAR MED PA NYID DO ZHE NA, 'O NA 'DI'I RANG BZHIN DE LTA BU YIN PAR 'GYUR TE GZHAN DU MTHONG BA MED PA'I PHYIR RO, ,'ON TE RANG GI NGO BOS NI KHYAB PA YANG MA YIN MA KHYAB PA YANG MA YIN GYI, KHYAB PA NYID DANG LDAN PAS NI, ,KHYAB PAR 'GYUR LA, DE MED PA NYID DANG LDAN PAS NI KHYAB PA MA YIN PAR 'GYUR TE, JI SKAD DU, MA 'DRES BDAG NYID DNGOS RNAMS LA, ,THA DAD THA MI DAD DO ZHES, ,GZHAN GYI KHYAD PAR CAN GYI NI, ,SPROS PA 'DI NI RTOGS PA NYID, ,CES BSHAD PA YIN NO ZHE NA, DE YANG MI BZANG STE, 'DI LTAR, GAL TE GNYIS DANG BRAL BA DE, ,GZHAN DU RTOGS PA YIN NA NI, ,DE'I TSE DNGOS DE GZHAN DANG LDAN, ,GNYIS LA BRTEN CES RTOGS PAR 'GYUR, ,DE MA YIN NA NI, DNGOS DE LAS GZHAN GNYIS DANG NI, ,DE

BZHIN DE YI 'BREL PA GZHAN, ,KHYAD PAR RNAMS NI MA 'DRES PAR, ,NGO BO NYID DU RTOGS PAR 'GYUR, ,GAL TE DE 'DRES PAR RTOGS NA, ,DE LTAR NA NI 'KHRUL PAR 'GYUR, ,DE LTA NA NI DON MED PHYIR, ,MA RIG PA NYID TZAM DU 'GYUR, ,KHYAD PAR DANG LDAN PA DE YANG KHYAD PAR RNAMS LAS RANG NYID THA DAD PA'I PHYIR KHYAD PAR GZHAN RTOGS PA NI DON MED DO, ,KHYAD PAR LAS RANG NYID KHO NAS THA DAD PA YIN NA, KHYAD PAR DANG LDAN PA GZHAN LAS NI KHYAD PAR GYIS THA DAD PA ZHES BYA BA 'DI LA TSAD MA NI CUNG ZAD KYANG MA YIN NO, ,GAL TE RANG GI NGO BOS THA DAD PA YOD NA THA DAD PA DE NYID KHYAD PAR DANG LDAN PAS GZHAN LA LTOS PA YANG BLTA BAR BYA BA'O, ,THA DAD PA GZHAN NYID YIN NO ZHE NA, MA YIN TE, THA DAD PA DE SNYED LA DGOS PA MED PA'I PHYIR RO, ,RANG BZHIN GYIS NI THA DAD PHYIR, ,THA DAD PAS KUN LAS LDOG PHYIR, ,'DIR NI THA DAD GZHAN DU YANG, ,BSTAN PAS YON TAN CI ZHIG YOD, ,'ON TE 'DI LAS KYANG THA DAD LA, 'DI LAS KYANG THA DAD DO ZHES 'DOD PA'I PHYIR THA DAD PAR RTOGS PA YIN NO, ,TSAD MAR GRUB PA'I DON MED KYANG DOR BA'I YUL DU RTAG PAR NUS PA MA YIN NO ZHE NA, GAL TE DE LTAR NA KHYAD PAR YANG THA DAD DO ZHES RTOGS PA YIN PA'I PHYIR THA DAD PA GZHAN KHAS BLANG BAR BYA LA, DE LAS KYANG THA DAD PA GZHAN YIN PA'I PHYIR THA DAD PA RNAMS THUG PA MED PAR 'GYUR LA, RANG GI NGO BOS NI THA DAD PA MED PAR THAL LO, ,LEGS PAR BYON TO, ,'GYUR MOD SKYON CI YOD, 'DI NYID KHAS BLANGS PA MA YIN NAM ZHE NA, DE NI MA YIN TE, NGO BOS THA DAD YOD MIN NA, ,RANG BZHIN GYIS KYANG THA DAD DU, ,MI 'GYUR THA DAD MED NA DE, ,GZHAN YIN PAR NI JI LTAR 'GYUR, ,RANG GI NGO BOS THA DAD PA MA YIN PA NI GZHAN GYI NGO BOS THA DAD PAR 'GYUR BA MA YIN NO, ,THA DAD PA MA YIN NA DE GZHAN MA YIN PA NYID DU 'GYUR RO, ,DE RANG GI NGO BO THA DAD PA MA YIN NA GZHAN NYID MED LA, DE MED PA'I PHYIR JI LTAR DE LAS THA DAD PAR 'GYUR, 'ON TE DE LAS THA DAD PAR BYED PA NI RANG GI NGO BOS THA DAD PA YIN LA, DES NI CHOS CAN GYI RANG BZHIN THA DAD PA MED PA YANG THA DAD PA BYED PA YIN NO ZHE NA, DE YANG MI 'THAD DE, 'DI LTAR,

, ,GAL TE DE NI RANG BZHIN GYIS, ,THA DAD GZHAN YANG DE LTAR 'GYUR, ,SHIN TU RING BAR SONG NAS NI, ,SLAR YANG 'ONG BAR NUS PA MIN, ,GANG GI TSE DE LAS THA DAD PA'I THA DAD PAR BYED PA PO RANG GI NGO BOS THA DAD PA MA YIN PA DE NYID KYI TSE DE LAS GZHAN PA DAG RANG TSON GYIS MA BSGYUR BAR DMAR BA'I KING SHU KA'I ME TOG GI DOG PA'I PHAL PO CHE NYID DU 'GYUR RO, ,THA MI DAD PA NI THA DAD PAR 'GYUR BA NUS PA MA YIN NO, ,THA DAD PA GZHAN GYIS NI THA DAD PA MED PA THA DAD PA 'GYUR BA MA YIN NO, ,DE'I PHYIR THA DAD PA GCIG RANG GI NGO BOS THA DAD PA YIN NA THA DAD PA DANG LDAN PAS YANG DE BZHIN DU DER 'GYUR BAS GZHAN LAS THA DAD PA MA YIN NO, ,DE'I PHYIR GZHAN DANG MA 'DRES PA'I NGO BO NYID KYIS NA RANG GI NGO BO NYID THA DAD PA YIN PA'I PHYIR THA DAD PA DANG DON GYI RANG BZHIN DAG DE'I RANG DBANG KHO NA YIN TE, DES NA THA DAD PA NYID NGAG GI DON YIN NO, ,DE NYID GTZOR BRJOD PAR BYA BA YIN NO, ,DE LTA MA YIN NA DNGOS PO BRJOD PA NYID DU YANG MI 'GYUR TE, 'CHOL BA NI DNGOS PO NYID DU MI RUNG BA'I PHYIR RO, ,DNGOS PO NI DON BYA BA BYED PA YIN NA THAMS CAD 'DOM NA NI DON BYA BA SRID PA MA YIN NO, ,DON GZHAN LAS NGO BO NYID KYIS THA DAD PA DE YANG MNGON SUM GYIS RTOGS PAR BYA BA MA YIN NO, ,DE LA BRDA BYAS NA NI DE NYID SGRAS GO BAR BYA BA YIN PA'I PHYIR RNAM PAR GCOD PA NYID SGRA'I BRJOD PAR BYA BA YIN NO, ,LOG PA NI LOG PA MA YIN PAR BRJOD PAR NUS PA MA YIN NO, ,GAL TE LDOG PA DE RANG GI NGO BOR 'GYUR BA MA YIN NAM, DE LA RANG GI NGO BO BRJOD PA MED NA JI LTAR DE DANG THA MI DAD PA'I LDOG PA BRJOD PA YIN, 'ON TE LDOG PA THA DAD PA YIN NA DE'I TSE 'DI RANG GI GSAL BA LAS RJES SU SONG BA'I PHYIR RIGS NYID TSUL GZHAN GYIS BSTAN PAR 'GYUR RO, ,DE LTA NA YANG RJES SU SONG BA'I RANG BZHIN NYID RTOGS PAR BYA BA YIN GYI, LDOG PA NI MA YIN PA'I PHYIR JI LTAR NGAG RNAM PAR GCOD PA'I 'BRAS BU CAN DU 'GYUR ZHE NA, DE NI MA YIN TE, 'DI LTAR, BUM PA DE NYID DE LAS NI, ,GZHAN PA DAG LAS LDOG PAR BRJOD, ,LDOG MED PA NYID SPYI DANG NI, ,LDAN PAS THA DAD 'GYUR BA MIN, ,'DI NI BSTAN ZIN TO, ,RANG NYID LDOG PA MA YIN PA DE LAS

GZHAN DANG LDAN PAS LDOG PAR 'GYUR BA NI MA YIN NO, ,SPYI DANG LDAN PA NI MTSUNGS PA NYID DU 'GYUR BA YIN NO, ,DER YANG 'GYUR BA MA YIN TE, MTSUNGS PA MA YIN PA NI GZHAN DANG LDAN YANG MTSUNGS PA NYID DU 'THAD PA MA YIN NO, ,GAL TE RANG NYID MTSUNGS NA NI, ,SPYI RTOGS PA NI DON MED YID, , SPYI DANG LDAN YANG MI MTSUNGS PA, ,DE YI BDAG TU 'GYUR MA YIN, ,GAL TE SPYI DANG LDAN PAR GYUR KYANG MTSUNGS PA NYID NI MA YIN NO, ,DE NI RANG GI RANG BZHIN DU SNANG BA'I PHYIR RO, ,THA DAD PAR SNANG NA NI SPYI DANG LDAN PA ZHES BYA BAR 'THAD DO, ,THA DAD PA MED PAR SNANG NA SPYI ZHES BYA BA KHO NAR ZAD DO, GAL TE THA DAD PAR MA BZUNG NA NI SPYI ZHES BYA BA'AM KHYAD PAR ZHES BYA BA TZAM DU 'GYUR RO, ,'ON TE THA DAD PA YANG SNANG LA THA DAD PA MED PAR SNANG NGO ZHE NA, DE NI MA YIN TE, GANG GI PHYIR, GAL TE THA DAD PAR SNANG NA, ,DES NA SPYI DANG LDAN PAR 'GYUR, ,THA DAD MED PAR SNANG ZHE NA, ,DES NA DE NI SPYIR 'GYUR RO, ,GCIG LA NI THA DAD PA DANG THA MI DAD PA'I RANG BZHIN GNYIS 'THAD PA MA YIN NO, ,GAL TE SPYI DE GSAL BA LAS RANG BZHIN DE NYID KYIS THA DAD PA YANG YIN LA, RANG BZHIN DE NYID KYIS THA DAD PA MED KYANG YIN PA MA YIN TE, 'ON KYANG RANG BZHIN 'GAS NI THA DAD PA YIN LA, RANG BZHIN 'GAS NI THA DAD PA MED PA YIN NO ZHES RNAM PAR GNAS PA YIN NO ZHE NA, DE NI DE LTAR BDEN PA MA YIN TE, GANG GI PHYIR, PHAN TSUN THA DAD PHYIR NA SPYI, ,RANG BZHIN GNYIS PAR 'GYUR MA YIN, ,DNGOS PO GNYIS PO DE LA NI, ,SPYI GZHAN DAG TU 'GYUR PA YIN, ,SPYI YI RANG BZHIN THA DAD PHYIR; ,GSAL BA NYID DU THAL BAR 'GYUR, ,RANG BZHIN THA DAD PHYIR NA NI, ,GSAL BA'I PHYIR YANG 'THAD MI 'GYUR, ,GAL TE RANG BZHIN 'GAS NI THA DAD LA GZHAN GYIS NI THA MI DAD PA'I PHYIR, SPYI LA RANG BZHIN GNYIS YOD NA, ,DE DANG PHAN TSUN THA DAD PA'I PHYIR GSAL BA'I RANG BZHIN NYID DU 'GYUR RO, ,THA DAD PA'I RANG BZHIN LAS GSAL BA GZHAN NI MED DO, ,GSAL BA NYID DANG LDAN PA'I PHYIR GSAL BA YIN NO ZHE NA, GSAL BA NYID NI SPYI MA YIN NO, ,DE DANG LHAN CIG MTSUNGS PAR 'GYUR, ,DE NI GSAL BAS GZHAN MIN NA, ,KHYAB PA NYID MIN THAL BAR 'GYUR, ,RANG BZHIN

, ,GNYIS SU RTOGS NA YANG, ,SNGA MA BZHIN DU THAL BAR 'GYUR, ,DE'I PHYIR GSAL BA RNAMS KYI GSHIS NI THA DAD PA NYID YIN TE DES NA GSAL BA NYID YIN NA DE SPYI MA YIN NO, ,'ON TE SPYI DANG LDAN PAS SPYI YIN NA DE LA SPYI GZHAN YOD PA DES NA DE RANG NYID SPYI DANG LDAN PA YIN GYI SPYI NI MA YIN NO, ,SPYI DANG LDAN PA NYID NI SPYIR 'GYUR BA MA YIN NO, ,DES NA SPYI'I RANG BZHIN GNYIS LA MTSUNGS PA ZHES BYA BA NI BLOR MI 'GYUR RO, ,DES NI GSAL BA LA MA YIN NO, ,DE NI SPYI DANG LDAN PA MA YIN TE, SPYI'I RANG BZHIN THA DAD PAS BAR DU CHOD PA'I PHYIR RO, ,'ON TE KHYAD PAR DANG SPYI THA DAD PA DAG KYANG RANG BZHIN 'GAS NI THA DAD PA YIN LA RANG BZHIN 'GAS NI THA DAD PA MA YIN PA MA YIN NO ZHE NA, DE DAG GI THA DAD PA LA YANG SPYI GZHAN 'PHE BAR 'GYUR RO, ,DE LTA YIN DANG SPYI'I RANG BZHIN DAG GSAL BA NYID DO, ,DES NA SPYI SNGA MA DAG NI MTSUNGS PA NYID DU MI 'GYUR TE, SPYI DANG MI LDAN PA'I PHYIR RO, ,DES NA GCIG KYANG SPYI DANG LDAN PA MA YIN PA'I PHYIR MTSUNGS PA MA YIN PA NYID DO, ,DES NA MTSUNGS PA'I RNAM PA 'DI DNGOS PO DANG MI LDAN PA'I RTOGS PA YIN NO, ,NGES PA MED PAR SMRA BA RNAMS KYI SPYI DAG NI BRJOD PA YOD PA MA YIN PA'I PHYIR RTOGS PA'I SPYOD YUL THAMS CAD NI GSAL BA NYID DO, ,RDZOGS PA YOD KYANG GSAL BA NYID DO, ,DE LAS SPYI GZHAN MI 'DOD NA NI SNGA MA LA YANG MI SRID PA MA YIN NO, ,THA MA SPYI NYID YIN NA NI DE LAS THA MI DAD PAS SNGA MA YANG YIN PA'I PHYIR SNGA MA DAG SPYI YIN PAR 'GYUR BA DE'I PHYIR SPYI'I BLO DMIGS PA DANG BCAS PAR 'GYUR BA ZHIG NA; DE LTA YANG MA YIN TE, DES 'DI NI GYI NA'O, ,DE BZHIN DU GAL TE THA DAD PA RNAMS KYI THA DAD PA YANG, THA DAD PA THA DAD PA THAMS CAD KHYAB PA YIN NA, DE'I PHYIR PHAN TSUN THA DAD PA MED PA RNAMS THA DAD PA DANG LDAN YANG, DE DANG LDAN PA DAG THA DAD THA MI DAD PA GSAL BAR 'GYUR BA MA YIN PA'I PHYIR, THAMS CAD THA MI DAD PA NYID DU 'GYUR RO, ,SPYI DE DANG LDAN PA THA DAD DO ZHE NA MA YIN TE, GSAL BA THA DAD PA MED NA SPYI YIN PAR MI 'GYUR TE, DE NI GSAL BA NYID YIN PAR 'GYUR RO, ,DE YANG RANG LAS THA DAD PA MED PA YIN PA'I PHYIR DES NA GNYIS MED PAR THAL LO, ,DE'I PHYIR LDOG PA NYID SPYI

YIN NO, ,GAL TE LDOG PA THA DAD PA MED PA JI LTAR RIGS MI MTHUN PA LAS YIN PA DE BZHIN DU RIGS MTHUN PAR 'DOD PA LAS KYANG YIN PAS DE JI LTAR RIGS MI MTHUN PA NYID LAS LDOG PA BKAR TE, RTOGS PAR NUS SHE NA, DE NI BDEN TE, GAL TE RTOGS PA THAMS CAD NI, ,RANG GI NGO BOR ZIN 'GYUR NA, ,THA DAD MED PAR RNAM PHYE NAS, ,JI LTAR YANG NI RTOGS MI NUS, ,GANG GI TSE, 'JIG RTEN GNAS PA'I THA SNYAD NI, ,'KHRUL TZAM LAS KYANG THOB 'GYUR BA, ,DE TSE THA DAD DE SRID BA, ,THA DAD MED PA DMIGS KYIS 'GAR, ,YUL THAG RING PO NA 'DUG PA'I THO YOR LA THA DAD PA YOD KYANG RTOGS PAR MI NUS TE, DER DBYIBS TZAM ZHIG RTOGS PA'I PHYIR RO, ,KHYAD PAR SPANGS PA'I DBYIBS TZAM SRID PA YANG MA YIN TE, YUL THAG RING BA NYID KYIS DE MI SNANG BA YIN NO, ,THAMS CAD DU SNANG BA TZAM MTSUNGS PA SKYE BA'I PHYIR DE NYID GSAL BA LAS THA DAD PA'I SPYI YIN PAR 'GYUR RO; ,SNANG BA DANG RNAM PAR BRTAG PAR BYA BA GCIG TU BYED PAS DE NYID THA DAD PA DANG THA DAD PA MA YIN PA'I PHYIR KUN RDZOB TU THA DAD PA DANG THA DAD PA MA YIN PAR 'GYUR GYI DON DAM PAR NI MA YIN NO, ,DON DAM PA NYID DU CI'I PHYIR THA DAD PAR MI 'GYUR ZHE NA, GCIG TU BYED PA'I RTOGS PA LA GNYIS SNANG BA MED PA'I PHYIR RO, ,'O NA NI THA DAD PA DON DAM PA PAR 'GYUR TE SPYI NYID SNANG BA'I PHYIR RO, ,GANG ZHIG THA DAD PAR SNANG BA DE NI THA DAD PA KHO NA'O ZHE NA, DE YANG MA YIN TE, 'DI LTAR, GSAL DANG 'BREL MED RANG BZHIN DU, ,SNANG BA DE NI DER MI 'GYUR, ,YAN 'GAR BA YI SPYI NYID NI, ,SPYI MIN GSAL BA'I RANG BZHIN BZHIN, ,'ON TE SPYI NYID DANG LDAN PA'I PHYIR 'BA' ZHIG KYANG SPYI YIN PAR 'GYUR RO ZHE NA, DE YANG MI BZANG STE, SPYI GZHAN DANG NI LDAN PAS NA, ,SPYI RNAMS SPYI NYID YIN NA NI, ,GSAL BAR DE LAS SNGA ROL GYI, ,SPYI NI GSAL BA NYID DU 'GYUR, ,'O NA NI 'KHRUL PA'I RTOGS PA NYID SPYI YIN TE, DE NI GSAL BA RNAMS KYIS MTSUNGS PA YIN PA'I PHYIR RO ZHE NA, 'O NA GSAL BA LA 'JUG PA'AM RTOGS PAR MI 'GYUR RO, ,BLOS 'KHRUL PA'I RANG BZHIN RTOGS PAS NI GSAL BA'I RANG BZHIN DANG DE LA 'JUG PAR RIGS PA MA YIN TE, THAL CHES PAR 'GYUR BA'I PHYIR RO, ,

, ,'KHRUL PAS 'JUG GO ZHE NA, MA YIN TE, 'KHRUL PA GZHAN MED PA'I PHYIR RO, ,DE'I TSE YANG RANG GI NGO BO RTOGS PA'I PHYIR GSAL BAR RTOGS PA MA YIN NO, ,DES NA 'KHRUL PA GZHAN DANG GZHAN KHAS LEN PA THUG PA MED PAR 'GYUR BA'I PHYIR MI RTOGS PA NYID PAS 'DI NI GYI NA'O, ,GAL TE THA DAD PA DANG CIG SHOS KYI SPYI DANG LDAN PA MA YIN, GNYI GA'I RANG BZHIN DU MA YIN, BLOS 'KHRUL PA NYID KYIS MA YIN LA, GSAL BA RTOGS PA YANG MA YIN NA, 'O NA JI LTAR SGRA DANG RTAGS DAG LAS DON RTOGS PA'I THABS SU 'GYUR ZHE NA, 'OS GZHAN MED PHYIR RNAM GCOD KYI, ,'BRAS BU SGRA LAS DON RTOGS PA'I, ,THABS YIN GZHAN DU 'GYUR BA YI, ,TSUL NI CI ZHIG YOD PAR 'GYUR, ,GAL TE 'OS GZHAN MED PAS NI DNGOS PO RNAM PAR 'JOG PA MA YIN GYI, 'ON KYANG TSAD MAS YIN NO, ,RNAM PAR GCOD PA RTOGS PAR 'DZIN PA'I TSAD MA NI MI DMIGS PA YIN NO ZHE NA, 'DIR BRJOD PA, DE LAS GZHAN DAG LAS LDOG PA, ,'JUG PA NYE BAR DMIGS PA'I PHYIR, ,NGAG NI RNAM GCOD 'BRAS CAN ZHES, ,CI PHYIR NGES PAR 'DZIN MI BYED, ,THA SNYAD PA DE DAG LAS GZHAN RNAM PAR GCAD NAS 'JUG PAR DMIGS SO, ,MA RTOGS PA LA NI 'JUG PA NI MA YIN TE, DES NA RNAM PAR GCOD PAR RTOGS PAR NGES PA YIN NO, ,DE NI MNGON SUM GYIS GZHAN DANG MA 'DRES PAR RTOGS PA YIN LA, RNAM PAR RTOG PAS KYANG NGO, ,DE MNGON SUM GYIS NI DNGOS PO'I RANG BZHIN LA GNAS PA'I LDOG PA NYID RTOGS PA'I YUL DU BYED LA, RNAM PAR RTOG PA RNAMS NI DNGOS PO'I YUL CAN MA YIN PA NYID DO, ,DES NA SGRA DANG RTOGS PA'I YUL NI LDOG PA TZAM KHO NA YIN NO, ,GAL TE DNGOS PO MA RTOGS NA LDOG PA DUM BUR BKOL TE JI LTAR RTOGS PAR 'GYUR ZHE NA, 'DI LA 'DI SKAD BRJOD DE, LDOG PA'I 'BREL PA YUL RTOGS PA'I SPYOD YUL DNGOS PO GANG YIN YOD PA NYID, BDEN DANG BDEN PA MIN PAR KHYAD GZHAN BLO DON LDAN BA SU ZHIG RTOGS, LDOG DANG 'BREL BAR JI TZAM GYIS RTOGS PA KHYED LA DE TZAM GYIS CHOG MOD, GAL TE SPYIS SGOS SGRUB NA BYE BRAG DE LA YON TAN CI ZHIG YOD, DNGOS PO

TZAM ZHIG MED NA RNAM PAR GCOD PA RTOGS PAR MI NUS PA DE TZAM ZHIG THA SNYAD PA RNAMS KYIS DNGOS PO GRUB PA LA MTHU YOD PA YIN NO, ,BDEN PA'I DNGOS PO DANG 'BREL PA NYID NI RNAM PAR GCOD PAR RTOGS PAR NUS PA MA YIN TE, BDEN PA DANG 'BREL PA MA YIN PAS KYANG DE RTOGS PAR MTHONG BA'I PHYIR RO, ,DE'I PHYIR NGAG NI RNAM PAR GCOD PA'I YUL CAN NYID DE, DE LA DNGOS PO NI MI BDEN PA'I PHYIR RO, ,GAL TE DNGOS PO MI BDEN NA DE THA DAD PA MED PAS DE LA GNAS PA'I LDOG PA YANG JI LTAR BDEN PA NYID YIN ZHE NA, 'DIR BRJOD PA, RTOGS BZHIN DU YANG 'DI MI BDEN,, ZHES BYA BA'I TSUL 'DI CI ZHIG YIN, ,GAL TE SLU BAS BDEN MIN NA, ,THA DAD CI STE BDEN MI 'DOD, ,RNAM PAR GCOD PA MA YIN PAR SMRA BA LA RE ZHIG 'DI 'DRI BAR BYA STE, RTOGS PA'I YUL MI BDEN PA ZHES BYA BA 'DI CI ZHIG ,GAL TE RTOGS PA'I RANG BZHIN DES NI YOD PA NYID YIN NA JI LTAR MI BDEN PA NYID YIN, 'ON TE MA RTOGS PAS YIN NA, 'O NA NI DE'I TSE THAMS CAD MI BDEN PA NYID DO ZHES BYA BA MI BDEN PA NYID DO, ,BDEN PA 'GA' YANG MED DO ZHES GZHAN GYIS NYE BAR BKOD PA NI, BONG BU'I 'O MA BSKOGS PA DANG MTSUNGS PAR 'GYUR RO, ,'ON TE THOB PAR BYA BA'I RANG BZHIN NYID MED PA DES NA SLU BA'I PHYIR MI BDEN PA YIN GYI, RANG GI NGO BOS NI MA YIN, RANG GI NGO BO YOD KYANG THOB PAR BYA BA'I RANG BZHIN DON DU GNYER BA YIN PAS DE MED NA NI DE MI BDEN PA KHO NA STE, PHYIN CI LOG NGES PA NYID NI MI BDEN PA YIN PA YIN NO, ,THOB PAR BYA BA'I RANG BZHIN MA YIN PA LA THOB PAR BYA BA'I RANG BZHIN DU 'DZIN PA GANG YIN PA NI PHYIN CI LOG GI RTOGS PA LAS GZHAN MA YIN NO ZHE NA, DE LTAR NA NI 'O NA RNAM PAR GCOD PA NI BDEN NO ZHES BYA BA DE LTAR 'GYUR RO, ,'DI LTAR, 'JUG BYED THA SNYAD PA DAG GIS, ,GZHAN BCAD PA NI THOB PA NA, ,RNAM GCOD DNGOS PO MIN NA NI, ,BYE BRAG GZHAN 'DIR DON MED DO, ,GAL TE GANG ZHIG THOB PAR BYA BA DE BDEN PA YIN NA RNAM PAR GCOD PA BDEN PA NYID DU 'GYUR TE, DE THOB PA'I PHYIR RO, ,GAL TE DES NI MI BDEN PA'I DNGOS PO RNAM PAR BCAD PA RTOGS PA YIN NA DE NI THOB PA MA YIN TE, BDEN PA'I DNGOS

, ,PO'I RNAM PAR BCAD PA RTOGS PA'I PHYIR RO, ,GZHAN RTOGS PA NA GZHAN THOB PA NI SLU BA MA YIN TE, DES NA RNAM PAR GCOD PA BDEN PAR JI LTAR 'GYUR ZHE NA, GNAS MA YIN PA LA MNGON PAR ZHEN PA'I GNAS MA YIN PA YIN PA LA BRTEN PA'I BRGAL BA 'DI CI ZHIG YIN, RE ZHIG THA DAD PA NI THOB PA YIN LA DE TZAM GYIS KYANG THA SNYAD PA CHOG PAR 'DZIN TO, ,GANG GIS RNAM PAR GCOD PA'I DBYE BAS NGES PAR GZUNG BA'I SLU BA DANG 'BREL PAR 'GYUR BA DE THOB PAR 'DZIN PA'I THA SNYAD PA DAG NI THA DAD PA GZHAN DANG GZHAN DBYE BA NGES PAR BZOD PA MA YIN NO, ,DE'I PHYIR, MI SLU BA NI THA SNYAD PA'I; ,SKYE BO'I RTOGS PAS BRJOD PA YIN, ,DON DAM PAR NI RNAM DPYAD NA, ,MI SLU DE NYID DU YOD MIN, ,'DI NI BRJOD ZIN TE, LDOG PA'I YUL CAN GYI TSAD MA NI KUN TU THA SNYAD PA KHO NA YIN TE, THA SNYAD LAS NI TSAD MA NYID CES BSHAD PA'I PHYIR RO, ,GAL TE TSAD MAS TSAD MA RTOGS NA NI THUG PA MED PAR 'GYUR RO, ,TSAD MA MED PAR RTOGS NA NI GZHAL BYA YANG YIN PAS GZHAL BYA RTOGS PAS TSAD MA LA RAG MA LAS PAR 'GYUR RO, ,DE'I PHYIR BSHAD PA, TSAD MA NYID NI THA SNYAD KYIS, ,RTOGS 'GYUR DE NYID DU MA YIN, ,TSAD MA'I BLO NI DE NYID MIN, ,DE LTA YIN NA THUG MED BRJOD, , GANG PHYIR DE LA'ANG RNAM DPYAD NA, ,GAL TE THA SNYAD TSAD MA NYID, ,YIN NA THUG PA MED PAR BRJOD, ,TSAD MA MED PAR RTOGS NA NI, ,GZHAL BYA LA YANG DE LTAR 'GYUR, ,TSAD MA MED PAR THAMS CAD NI, ,GRUB PHYIR TSAD MA'I MTSAN NYID NI, ,DON MED NYID 'GYUR DE YI PHYIR, ,'DI NI 'BREL BA MA YIN NA, ,DE'I PHYIR MI SLU BA NI THAMS CAD DU, ,DE KHO NA ZHIB MO MA DPYAD PAR THA SNYAD TZAM DU BRTEN NAS YIN GYI, DON DAM PAR NI MA YIN NO, ,'DI LTAR, 'DI NAS CHU KLUNG 'DI NAS STAG ,SROG CHAGS GANG GIS 'GRO BAR 'GYUR, ,THA DAD THA MI DAD GNYI GAR, ,MI SLU BA NI 'THAD MA YIN, , GAL TE RTOGS PA LAS GZHAN PA'I DNGOS PO THOB NA JI LTAR GZHAN THOB PAS SLU BA'AM MI SLU BA YIN NO, ,'ON TE BDAG NYID THAMS CAD KYIS THA MI DAD PA YIN NA DE LTA YIN NA DE YANG DE'I TSE NYID RTOGS PAS CI'I DON DU 'JUG PA'AM CI ZHIG THOB PAR BYAR YOD, DES NA SLU BA NYID MA YIN PAS 'DI

NI GCIG NAS NI STAG YOD LA, GCIG NAS NI CHU KLUNG GIS CHOD PA'I TSUL DU 'GYUR RO, ,DE'I PHYIR, NGAG NI RNAM GCOD 'BRAS CAN TE, ,'GAR YANG DNGOS PO'I YUL CAN MIN, ,KHO NA'I SGRA SBYAR MED NA YANG, ,TSIG RNAMS KYIS NI RTOGS PAR 'GYUR, ,'DI NI RE ZHIG GZHAG GO, ,CI 'GA' ZHIG TU DE LTAR MTHONG BA YOD DAM ZHE NA, NAG PA 'PHONG SKYEN NO, ,SRID SGRUB 'PHONG SKYEN NO, ,PADMA SNGON POR 'GYUR RO ZHES KHYAD PAR DANG, KHYAD PAR GYI GZHI DANG, BYA BA RNAMS LA SBYAR BA NA MTHONG BA NYID DO, ,KHYAD PAR LA NGES PAR BZUNG NA NI GZHAN DANG MI LDAN PA RNAM PAR GCOD LA KHYAD PAR CAN LA NGES PAR BZUNG NA NI GZHAN DANG LDAN PA, BYA BA LA NGES PAR BZUNG NA NI SHIN TU MI LDAN PA RNAM PAR GCOD PA'I PHYIR THA DAD DO, ,SBYOR BA MED PAR JI LTAR NGES PAR BZUNG BA'I KHYAD PAR NGES SHE NA, SKABS DANG BRJOD PAR 'DOD PA DANG, KHYAD PAR DAG LAS SO, ,GAL TE JI LTAR SRID SGRUB NYID 'PHONG SKYEN NO ZHES KHYAD PAR CAN DANG LHAN CIG NGES PAR GZUNG BAS KHYAD PAR CAN GZHAN RNAM BAR GCOD PA DE BZHIN DU KHYAD PAR DANG LHAN CIG PAS KYANG KHYAD PAR GZHAN RNAM PAR GCOD PAR 'GYUR RO, ,DES NA NAG PA 'PHONG SKYEN PA NYID DO ZHES BYA BAS YON TAN THAMS CAD RNAM PAR GCOD PAR 'GYUR NA, DE LTA NA NI 'THAD PA MA YIN LA, ,MI LDAN PA DANG GZHAN DANG LDAN PA RNAM PAR GCOD PA DAG BYE BRAG KYANG MED PAR 'GYUR RO ZHE NA, DE NI BDEN MOD KYI, DE YANG ZLA BO RNAM GCOD PA, ,DON RNAMS LA NI RTOGS 'GYUR TE, ,DE LTAR GRAGS DANG NUS PA DANG, ,SGRA NI BRJOD 'DOD RJES 'BRAD PHYIR, ,DE LA GAL TE GANG GI TSE 'DI 'PHONG SKYEN NAM, 'ON TE MI SKYEN ZHES 'PHONG SKYEN PAR THE TSOM ZA BA'I SKABS SU NAG PA 'PHONG SKYEN NO ZHES SBYAR BA DE'I TSE DE NYID THE TSOM GCOD PAR BYED PA YIN PA'I PHYIR 'PHONGS MI SKYEN PA KHO NA RNAM PAR GCOD DO, ,DE LTA MA YIN NA NYAN PA PO 'BYANG BA MED PA SMRA BA NI SMRA BA PO NYID DU MI 'GYUR RO, ,DES NA BZLOG PA'I ZLA BO RNAM PAR GCOD PA NYID RTOGS KYI, GZHAN NI MA YIN NO, ,DE BZHIN DU GZHAN DANG LDAN PA RNAM PAR GCOD PA'I NGAG DE LA YANG GAL TE SROD SGRIB DANG RMA CAN GNYIS 'PHONG SKYEN ZHES SO SOR NGES PA'I BZLOG ZLA'I SKABS YIN NA NI SRID SGRUB NYID 'PHONG SKYEN NO ZHES DE LAS RNA CAN NYID RNAM PAR

, ,GCOD KYI, RA MA LA SOGS PA NI RNAM PAR GCOD PA MA YIN NO, ,DE BZHIN DU MI LDAN PA RNAM PAR GCOD PA LA YANG GAL TE CI YON TAN GZHAN DAG KYANG YOD DAM ZHES BYA BA'I SKABS SU YIN NA NI DE'I TSE NI NAG PA NI 'PHONG SKYEN PA NYID KYI KHAMS PA LA SOGS PA NI MA YIN NO ZHES 'KHRUL PA MED PA'I YON TAN MTHA' DAG RNAM PAR GCOD PA NYID DO, ,SRID SGRUB SPYOD PA NA YANG, GAL TE SPYI 'GRO BA NA 'PHONG SKYEN PA GZHAN YANG YOD DAM ZHES SKABS SU YIN NA NI, THE TSOM ZA BA'I SKABS SU BAB PA DE'I TSE KHYAD PAR DANG LDAN PA GZHAN MTHA' DAG RNAM PAR GCOD PA NYID DE, DE'I TSE SKABS KYIS THAMS CAD BZLOG ZLAR GYUR PA NYID KYI PHYIR RO, ,DES NA MI LDAN RNAM GCOD PAS, ,CHOS CAN CHOS KYI KHYAD PAR YIN, ,DE YI KHYAD PAR CAN GYI CHOS, ,RJES 'GRO MED PA'I SKYON RTEN MIN, ,CHOS DE GZHAN DANG LDAN PAR 'GRUB PAS DE DANG MA 'BREL PA NYID DU RTOGS PA YIN TE, DES NA DE BSTAN PAS GZHAN RNAM PAR GCOD PA MA YIN PA'I PHYIR RJES SU 'GRO BA MED PA'I SKYON MED DO, ,'DI LTAR 'DI NI PHYOGS KYI CHOS NYID DO ZHES BYA BA 'DI NI DE LTA BUR GYUR PA NYID DU GRAGS PA NYID DE, MA 'BREL PA BZLOG ZLAR YIN PA'I PHYIR DANG, GZHAN DANG LDAN PA NI BZLOG PA'I PHYIR RO, ,DON 'DI RTOGS PAR NUS PA'I YANG PHYIR TE, GZHAN DANG LDAN PAR GRUB PA DER NGES PAR GZUNG BA NI DE NYID LA 'BAB PA MA YIN TE, 'GAL BA'I PHYIR RO, ,THE TSOM DU GYUR PA BSGRUB PA 'AM SEL BA YIN GYI, GRUB PA DANG 'GAG PA NI MA YIN NO, ,BZLOG PA'I ZLA BO DANG, DE BZHIN DU SGRA DAG NI BRJOD PAR 'DOD PA'I RJES SU 'BRANG BA YIN PA'I PHYIR DE LTA BU NYID DU RTOGS PAR 'GYUR RO, ,BRJOD PAR 'DOD PA NI GZHAN YIN TE, SGRA NI GZHAN DU BSTAN PAR NUS PA NI MA YIN NO, ,SGRA NI SGRON MA BZHIN DU NGO BO NYID KYIS RTOGS PAR BYED PA MA YIN NO ZHES BSTAN ZIN TO, ,GAL TE 'PHONG SKYEN PA NI SRID SGRUB KHO NA'O ZHES KHYAD PAR DANG LHAN CIG NGES PAR GZUNG YANG GZHAN DANG LDAN PA NYID RNAM PAR GCOD KYI MI LDAN PA NI MA YIN PA'I PHYIR SKABS DANG 'GAL LO ZHE NA, 'GAL BA MED DE, GANG GI PHYIR, GAL TE SGRA YIS SRID SGRUB NYID, ,KHYAD PAR DU NI BSTAN NA YANG, ,DE LA DE NI DAM PA YI, ,

DON DU YOD PA MA YIN NO, ,KHYAD PAR 'DIR YON TAN GYI DNGOS PO YIN PA'I PHYIR BRTEN PAR GYUR PA'I CHOS LA BRJOD DO, ,DON DAM PAR NA SRID SGRUB NYID RTEN YIN PA'I PHYIR KHYAD PAR CAN NYID DO, ,DNGOS PO'I TSUL YANG GZHAN YIN LA, ,SGRA'I TSUL YANG GZHAN YIN NO, ,'DIR NI SKABS KYI DNGOS PO'I CHOS GZUNG PA'I PHYIR SKYON MED DO, ,'DIR NI NGES PAR GZUNG BA'I DON RNAM PAR GCOD PA'I RANG BZHIN NI MNGON SUM DANG RJES SU DPAG PA RNAM PAR PHYE NAS RTOGS PA'I PHYIR MI RTOGS PA'I SKYON MED DO, ,GZHAN DANG LDAN PA RNAM PAR GCOD PAS KHYAD PAR YIN NA NI GCIG DE LTAR GYUR PA NA GZHAN DE LTAR MA YIN PAR 'GYUR LA KHYAD PAR DANG KHYAD PAR CAN DANG LDAN PA'I TSIG PHRAD KYANG KHYAD PAR MED PAR 'GYUR RO, ,GAL TE BYAS PA NYID PHYOGS NYID KYI CHOS YIN NA, DE LAS GZHAN MTHA' DAG MA BYAS PA NYID DU 'GYUR BA DANG, SA PHYOGS GZHAN DU BA DANG MI LDAN PAR 'GYUR BAS DE DE LTAR MNGON SUM DANG RJES SU DPAG PA DANG 'GAL BAR 'GYUR RO, ,MNGON SUM GYIS NI DU BA GZHAN DU RTOGS PA YIN LA, BYAS PA NYID KYANG RKYEN GYI BYE BRAG GIS THA DAD PA CAN YIN PA'I PHYIR ZHES BYA BA LA SOGS PA'I RJES SU DPAG PA'AM MNGON SUM LAS GZHAN LA RTOGS PA YIN NO, , RJES SU DPAG PA'I MTSAN NYID KYI 'JIG RTEN GYI GRAGS PA LAS KYANG KHYAD PAR LA SOGS PA DANG LHAN CIG SPYOD PA'I NGES PAR GZUNG BA'I DON CAN TSIG PHRAD DANG, MA 'BREL PA RNAM PAR GCOD PA LA SOGS PA DE'I DON DAG BRJOD PAR BYA BA DANG RJOD PAR BYED PA'I DNGOS PO'AM GZHAN DAG RTOGS PA'I PHYIR DE LA JI LTAR GZHAN DU 'GYUR, DE LTAR DE NI PHYOGS CHOS ZHES BYA BA'I BSDU BA'I DON BSHAD PA YIN TE, THA DAD PA DANG 'BREL PA 'AM THA DAD PA DANG 'BREL PA DAG BSDU BA DANG, NGAG GI DON YIN NO ZHES BYE BRAG TU RTOGS PA'I PHYIR RO, ,GAL TE PHYOGS KYI CHOS YIN MOD, ,DE RNAM PA DGUR GO SLOB DPON GYIS CI STE BSTAN TE, MA GRUB PA DANG, 'GAL BA DANG, MA NGES PA DANG, YANG DAG PA'I GTAN TSIGS RNAMS BSTAN PA'I PHYIR DE TZAM BSTAN PAR BYA BA YIN GYI, DGUS NI DGOS PA MED DO ZHE BSHAD PA, RANG BZHIN 'BRAS BU GRUB DON DU, ,GTAN TSIGS GNYIS DANG

, ,BZLOG PA GNYIS, ,RTZOD PHYIR KHYAD PAR SPYI DAG STE, ,LHAG MA LDOG PA'I SGRUB BYED YIN, ,DGU CHAR LA YANG DGOS PA YOD PA'I PHYIR RNAM PA DGU BSTAN TO, ,RANG BZHIN DANG 'BRAS BU DAG DE'I BDAG NYID DANG DE LAS BYUNG BA'I 'BREL PA'I PHYIR GTAN TSIGS NYID YIN GYI GZHAN MA YIN NO ZHES BSTAN PA'I PHYIR GNYIS BSTAN TO, ,DE GNYIS NYID PHYIN CI LOG TU SGRUB PA BKOD NA 'GAL BA YIN NO ZHES BSTAN PA'I PHYIR GZHAN GNYIS SO, ,GZHAN DAG MTHONG BA DANG MA MTHONG BA TZAM GYIS MA NGES PA YANG NGES PAR RTOGS PAS DE RNAM PAR GCAD PA'I GZHAN GNYIS SO, ,LHAG MA GSUM BSTAN PA NI LDOG PA GTZO BO BSTAN PA'I DON TE, GTAN TSIGS NI LDOG PA'I SGO NAS GO BAR BYED PA YIN NO, ,DES NA RJES SU DPAG PAS NI RNAM PAR GCOD PA NYID BSGRUB PAR BYA BA YIN NO ZHES BYA BA'I DON BSTAN PA YIN NO, ,PHYOGS KYI CHOS DGU PO DE DAG NI 'DI YIN TE, GZHAL BYA BYAS DANG MI RTAG DANG, ,BYAS DANG MNYAN BYA RTZOL BYUNG DANG, ,MI RTAG RTZOL BYUNG REG MIN TE, ,DGU PA 'DI DAG RTAGS SOGS PA, ,GAL TE BYAS PA NYID DANG BRTZAL MA THAG TU 'BYUNG BA DAG GCIG YIN PA'I PHYIR BZLAS PAS JI LTAR DU MA NYID DAM, GTAN TSIGS DANG 'GAL BA DAG TU 'GYUR ZHING, DGU NYID DU YANG JI LTAR 'GYUR TE, DE NYID BZLAS PAS NI GRANGS THA DAD PA'I RTEN DU 'GYUR BA MA YIN NO ZHE NA, 'DI LA BRJOD PA, GANG GI PHYIR, RTAG DANG MI RTAG RTZOL BYUNG DANG, ,BAR DU RTAG PA GSUM DAG DAG ,RTZOL BYUNG MIN DANG MI RTAG RTAG ,SGRUB BYED GZHAL BYA NYID SOGS YIN, ,DE'I PHYIR THAMS CAD 'THAD DO, ,RANG GI NGO BOS NI SGRUB PAR BYED PA ZHES BYA BA CUNG ZAD CIG YOD PA MA YIN TE, BSGRUB PAR BYA BA LA LTOS NAS SGRUB PAR BYED PA NYID DU 'GYUR BA'I PHYIR, BSGRUB PAR BYA BA THA DAD PA 'BREL PAS NA GCIG DE NYID YANG DAG PA'I GTAN TSIGS DANG 'GAL BAR 'GYUR BA'I PHYIR MI 'THAD PA CI YANG MED DO, ,DES NA GTAN TSIGS GNYIS TE BYAS PA NYID KYI PHYIR MI RTAG GO ZHES BYA BA NI RANG BZHIN GYI GTAN TSIGS YIN LA, BRTZAL MA THAG TU BYUNG BA YIN PA'I PHYIR ZHES BYA BA'I 'BRAS BU'O, ,BYAS PA NYID NI RANG BZHIN

GYI GTAN TSIGS YIN LA, BRTZAL MA THAG TU 'BYUNG BA NYID NI 'BRAS BU'I GTAN TSIGS YIN NO ZHES BYA BA 'DI LTAR RNAM PAR SHES TE, BZLOG PA CI STE MI 'GYUR ZHE NA, DE'I MTSAN NYID DANG LDAN PA'I PHYIR RO, ,GZHAN GYI MTSAN NYID DANG MI LDAN PA'I PHYIR NA BZLOG PA MA YIN NO, ,RANG BZHIN NYID LAS GZHAN GYIS NI, ,GO BYA LA KHYAB YOD MIN TE, ,RGYU NI 'KHRUL PA SRID PHYIR RO, ,DE'I PHYIR 'BRAS RNAMS GNYIS SU 'JUG ,BYAS PA NYID NI KHYAB MNYAM PA YIN PA'I PHYIR RO, ,KHYAB MNYAM PA CAN NI 'BRAS BU MA YIN TE, RGYU NI 'BRAS BU LA 'KHRUL PA'I PHYIR TE, RGYU NI GDON MI ZA BAR 'BRAS BU DANG LDAN PA MA YIN PA'I PHYIR RO, ,DES NA 'BRAS BU THAMS CAD NI RNAM PA GNYIS SU 'JUG PA YIN NO, ,BRTZAL MA THAG TU BYUNG BA NYID KYANG RNAM PA GNYIS SU 'JUG PA DES NA, 'BRAS BU'I GTAN TSIGS YIN NO, ,MI RTAG PA TZAM GYIS NI BRTZAL MA THAG TU 'BYUNG BA'I 'BRAS BU SHES PA RTZOM PA MA YIN TE, DES NA DE MTHUN PA'I PHYOGS LA RNAM PA GNYIS SU 'JUG PA YIN NO, ,RGYU'I DE MA THAG TU 'BRAS BU RTZOM PA NI MI RTAG PA THAMS CAD KYANG YIN TE SHES PA 'BRAS BU YIN YANG DNGOS SU KHYAB PA'I PHYIR RANG BZHIN GYI GTAN TSIGS NYID DO, ,JI LTAR DMIGS PA NYID YOD PAR BRJOD PA BZHIN NO, ,BRTZAL MA THAG TU BYUNG BA'I SHES PA'I MTSAN NYID NI YOD PA MA YIN TE DE LAS GZHAN RNAMS MED PAR THAL BA'I PHYIR RO, ,DES NA SHES PA DE NI RJES SU 'GRO BA DANG LDOG PA'I DNGOS POS BRTZIGS PA'I THA DAD PA'I 'BRAS BU'I MKHAR GYI RTZE MOR 'DZEG PAR BYED DO, ,DES NA RTZOL MA THAG TU 'BYUNG BA'I SGRAS BRJOD PAR BYA BA'I NGES PA DE NI 'BRAS BU'I GTAN TSIGS YIN NO, ,BRTZAL MA THAG TU 'BYUNG BA'I SHES PA MI RTAG PA'I 'BRAS BU YIN NO ZHES BYA BA JI LTAR RTOGS, DE LTAR YANG RTZOL BA'I 'BRAS BU DU MA YIN PA'I PHYIR 'BRAS BU DANG MTSUNGS PA'O ZHES BSHAD PA YIN NO, ,GSAL BA DANG RTZOL BA'I 'BRAS BU YIN LA 'BYUNG BA YANG YIN TE, DPER NA MAR ME'I BSNGOGS PA'I RTZOL BA NI BUM PA'I 'BRAS BU NYID DU SGRUB PAR BYED PA MA YIN LA, 'KHOR LO LA SOGS PA'I RTZOL BA NI DE LTAR YIN PA'I PHYIR GNYI GA

, ,MTHONG BAS NA JI LTAR GCIG TU NGES, DE LTAR YANG RNAM PAR BSHAD PA BYED PAS, GAL TE SGRA RTAG PAR 'THAD PAR 'GYUR BA NI, DE'I TSE SGRA BSAL BAR BYA BA YIN LA, DE LTA MA YIN NA NI DE'I TSE BYED PA YIN NO ZHES BSHAD DO, ,SGRA BYED DE ZHES BYA BA'I THA SNYAD TZAM GYIS NI SGRA BYED PA NYID DO ZHES RTOGS PA MA YIN TE, BYED PA NI SBYOR BA'I DON YIN PA'I PHYIR DPER NA NGA'I RKANG PAR GYIS SHIG ,RGYAB TU GYIS SHIG CES BYA BA BZHIN NO, ,SGRA RTAG PA NYID KYI RGYU NI NGO SHES PA YIN NO, ,DES NA RTAG TU YOD PAR 'GYUR PAS NA, ,DE DANG DE MIN DUS LDAN PAR, , YOD GRUB TSAD MA DANG LDAN PAS, ,MAR ME LA NI BUM PA BZHIN, ,SGRA YANG BSAL BAR BYA BA NYID, ,BSAL BA'ANG NYE BAR DMIGS PA STE, ,BSAL BA'I MTSAN NYID GZHAN YOD MIN, ,DE BZHIN DU NI SNGAR YOD PA, ,'GA' ZHIG LAS NI NYES DMIGS PA, ,'BRAS BU NYID DU 'GYUR MIN TE, ,SNGAR YOD DE TSE RIG PA NI, ,'BRAS BU NYID DU 'GYUR BA YIN,, ,,BAM PO BCU GCIG PA, 'DI LA BSHAD PA, SNGAR YOD PA YI SHES PA NI, ,BRTZAL MA THAG 'BYUNG NGES MIN TE, ,SGRIB BYED DBANG PO SGRA LA NI, ,RNAM KUN NYE SBYOR MED PHYIR RO, ,DPER NA BRTZAL MA THAG TU BYUNG BA'I BUM PA LA RTZOL BA'I 'BRAS BU YIN GYI, RGYU'I TSOGS MTHA' DAG DON MED PAR THAL BAR 'GYUR BA'I PHYIR RDZA MKHAN GYI RTZOL BAS GSAL BAR BYED PA NI MA YIN PA BZHIN NO, ,THAMS CAD THAMS CAD LA YOD PA'I PHYIR RO, ,'GAS KYANG CUNG ZAD SPYOD PAR BYA BA MA YIN PA'I PHYIR, 'GRO BA SPYOD PA MED PAR 'GYUR RO, ,RGYU RNAMS KYIS NGES PAR BYED PA YIN TE, DE LTA MA YIN NA 'CHOL BAR 'GYUR BA'I PHYIR RO ZHE NA, NGES PA ZHES BYA BA CI ZHIG, ,'DI LTAR, GZHAN BZLOG PA LAS MA GTOGS PAR, ,NGES PA ZHES BYA YOD MA YIN, ,RGYU NI BRGYA PHRAG DAG GIS KYANG, ,YOD PA NYE BAR BZLOG PA MED, ,BZLOG PA DNGOS PO MED PAS NA, ,DE NI JI LTAR PHYIS DMIGS 'GYUR, ,YOD PA MA YIN PHYI NAS NI, ,RTOGS PA DE NYID SKYE BA YIN, ,'BRAS BU SNGA NA YOD SMRA NA, ,NGES PA THAMS CAD YOD PA NYID, ,DES NA YOD PA DE YANG NI, ,BYED PA GANG DU'ANG RIGS LDAN MIN,,

'ON TE YOD DE BYE BRAG TU, ,BSAL BA NYID DU SGRUB BYED LA, ,GAL TE DE YANG 'BRAS 'GYUR NA, ,DE LA RTOGS PA GNYIS SU 'GYUR, ,GAL TE MED NA BYAR MI NUS, ,YOD NYID YIN NA'ANG JI LTAR BYED, ,YOD DANG MED NYID GCIG NYID LA, ,YOD PAS TSAD MAS 'THAD MA YIN, ,YOD NA GTAN DU DE YOD NYID, ,DE LA RGYU YIS CI ZHIG BYA, ,MED NA BYED PAR MI NUS TE, ,DES NA RGYU NI DON MED DO, ,DE'I PHYIR BRTZAL MA THAG TU 'BYUNG BA'I BUM PA NI RDZA MKHAN GYI 'BRAS BU YIN GYI, GSAL BAR BYA BA NI MA YIN NO, ,'O NA CI DUS GZHAN DU DMIGS PA DE NYID MAR MES GSAL BAR BYAS PA YIN PA DE BZHIN DU SGRA YANG RTZOL BAS GSAL BAR BYA BAR 'GYUR RO ZHE NA, MA YIN TE, BUM PA SNGAR YOD PAR NI TSAD MAS GRUB PA'I PHYIR RO, ,SGRA RTZOL BA'I SNGON ROL NA YOD PA LA NI MTSAN MA MED PA'I PHYIR RO, ,'DI LA YANG NGO ZHE NA, MA YIN TE, NGO SHES PA'I RTOGS PA NI RNAM PA BRGYAR GSAL BA'I PHYIR RO, ,GSAL BA NI SLAR 'ONGS PA MA YIN LA, SHI BA NI SLAR 'TSO BA MA YIN NO, ,GZHAN YANG CI NGO SHES PAS SHES PA YOD PAR BSGRUB PA'AM, 'ON TE SHES GNYIS DBUS NA YOD PAR GRUB, ,GAL TE SHES PAS SGRUB PO ZHE NA, DE NI DE'I TSE SNGAR SHES PA DE NYID KYIS BSGRUBS SHING DRAN PAS THA SNYAD DU BYAS PAS DE LA NGO SHES PAS DGOS PA CI YOD, ,GAL TE NGO SHES PAS NI DA LTAR YANG DE YOD DO ZHES BSGRUB PA YIN LA, DRAN PA NI DE'I DUS NYID NA YOD PA SGRUB PAR BYED PA YIN TE, MTHONG BA JI LTA BA BZHIN DRAN PA'I PHYIR RO ZHE NA, DE NI MA YIN TE, 'DI LTAR, GAL TE DRAN PA YOD PA LAS, ,NGO SHES RAB TU 'JUG 'GYUR NA, ,DRAN PA'I DON LA NGO SHES PAS, ,DE NI DBANG SKYES MA YIN NYID, ,DBANG SKYES DRAN PA MA GTOGS PAR, ,GTOGS PA GZHAN NI MTHONG BA MED, ,DES NA DBANG SKYES NYID MIN PAS, ,DRAN PA TSAD MA MIN NYID 'GYUR; ,DBANG PO RNAMS NI DRAN PA'I DON LA 'JUG PA MA YIN TE, GZHAN DU KA N+YA KUB DZA LA SOGS PA MNGON SUM NYID DU 'GYUR RO, ,DES NA DRAN PA RNAMS KYANG MNGON SUM DU THAL BAR 'GYUR RO, ,'ON TE MTHONG BZHIN PA LA DBANG PO 'JUG NA NGO SHES PAS CI BYA, DRAN PA DANG LHAN CIG

, ,GCIG TU RTOGS PA LA DGOS PA'I PHYIR RO ZHE NA, DE NI MA YIN TE, DRAN PA TSAD MA MA YIN PHYIR, ,DES NA, GZHAL BYA GCIG NYID JI LTAR YIN, ,CHOS CAN BDEN PA MA YIN PA'I, ,CHOS NI GSAL BAR MI BDEN NYID, ,SNGA MA DUS DANG 'BREL PA NI, ,DRAN PA MED PAR RTOGS MA YIN, ,DNGOS PO TZAM ZHIG SNANG BA NI, ,NGO SHES MED KYANG 'GYUR BA YIN, ,DKAR PO DANG SER PO LA SOGS PA SNANG BA TZAM NI RTAG PA'I RANG BZHIN SNANG BA MA YIN TE, DNGOS POR SNANG BA NA YANG YOD PA'I PHYIR RO, ,'ON TE DE LA YANG DUS GZHAN DU GNAS PA'I MTSAN NYID RTAG PA SNANG BA NYID DE, MNGON SUM GYIS NI DE 'GOG PAR BYED PA MA YIN NO, ,MNGON SUM SGRUB BYED DU BRJOD DE, ,DNGOS DON 'GOG PAR BYED MA YIN, ,GAL TE DNGOS PO DUS GZHAN DU, ,KHYAB PA MNGON SUM GYIS 'DZIN NA, ,DUS KYI CHA KUN DMIGS PAS NA, ,SHI BA'I MTHA' RU 'DZIN PAR 'GYUR, ,DE'I PHYIR SNGON GYI DUS NA DRAN PAS DMIGS PA YIN GYI, MNGON SUM GYIS NI MA YIN NO, ,DES NA DRAN PA TSAD MA MA YIN PA'I PHYIR DES RTOGS PA'I DNGOS PO NI GCIG PA NYID MI BDEN PAR 'GYUR TE, CHOS CAN MI BDEN NA CHOS BDEN PA MA YIN PA'I PHYIR RO, ,'ON TE DA LTAR BDEN PA LA, ,SNGA MA BDEN MIN GNAS PAS NA, ,BDEN DANG BDEN MIN 'DRES PAS NA, ,DE GNYIS GCIG 'GYUR GDON MI ZA, ,BDEN PA DANG MI BDEN PA GNYIS KYIS GCIG PA NYID DE YANG BDEN PA DANG MI BDEN PA NYID DU RIGS KYI, MI BDEN PA NYID NI MA YIN NO ZHE NA, DE YANG GYI NA STE, 'DI LTAR, GAL TE CHOS CAN DBANG GIS NI, ,BDEN DANG BDEN MIN DU GNAS NA, ,DA LTAR BAS NI BDEN 'GYUR ZHING, ,DA LTAR MIN PAS BRDZUN PAR 'GYUR, ,DA LTAR BYUNG BA BDEN PA'I PHYIR DE LA GNAS PA'I GCIG PA NYID KYANG BDEN PA YIN TE, CHOS CAN GYI RANG BZHIN GYI RJES SU 'JUG PA'I PHYIR RO, ,DE NYID KYI PHYIR DRAN PA'I GCIG PA NYID NI MI BDEN NO ZHES BYA BAR 'GYUR RO, ,DES NA DNGOS PO LA GCIG NYID MA GRUB PO, ,GCIG CIG BYA BAR JI LTAR 'GYUR, ,GAL TE BDEN NA CIS MA RTOGS, ,BDAG DANG BDAG NYID TSIG LA NI, ,BDAG NYID

CI STE GNOD PAR BYED, ,'ON TE GZHAN DU MTHONG BA LA, ,NGO SHES 'DI NI MTHONG BA MED, ,DE'I PHYIR MTHONG BA THA DAD PAR, ,MI 'GYUR ZHES NI RNAM PAR NGES, ,NGO SHES PA'I RTOGS PA 'DI THA DAD PA LAS LDOG PAS THA MI DAD PA NYID LA GNAS PAR 'GYUR RO, ,DNGOS PO NI 'DI TZAM DU ZAD DE; 'DI LTA STE, THA DAD PA DANG THA MI DAD PA'O, ,DES NA THA DAD PA LAS LDOG NA THA MI DAD PA NYID SGRUB PAR BYED DE, DE LTA MA YIN NA NI MED PA KHO NAR 'GYUR TE, THAMS CAD LAS LDOG PAR NI NUS PA MA YIN NO ZHE NA, DE YANG MI BZANG STE, 'DI LTAR, GANG GIS DE LAS LDOG 'GYUR BA, , THA DAD LA YANG KHYAB PAR YOD, ,DE NYID KYIS NI KHYAD PAR SLA'I, ,DON GZHAN NYID DU RTOGS PA MIN, ,NGO SHES PA'I RTOGS PA SKYES PA TZAM GYIS 'DI NI THA DAD PA'I KHYAD PAR NYID DU ZHES RTOGS PA NI GZUNG GI ,THA DAD PA DANG RIGS MI GCIG PA'I THA DAD PAR MI RTOGS PA NI MA YIN NO; ,NGO SHES PA 'DI NI RNAM PA GCIG TU 'DZIN PA SGRUB PA BREGS PA YANG SKYES PA'I RTZVA D'UR BA LA SOGS PA'I LO MA DAG LAS SKYES BAR MTHONG STE, DES NA GZHAN DU YANG DE BZHIN DU BTAGS PA NYID RIGS SO, ,GAL TE DER NI DBUS NA GNAS PA'I BREGS PA NYID DMIGS PA YIN TE, DE NI THA DAD PA LA YANG THA MI DAD PAR RTOGS PA YIN NO, ,'DIR NI DE LTA MA YIN TE, SKRA LO BREGS PA LA SOGS PA NI MI MTHUN PA NYE BAR BKOD PA YIN NO ZHE NA, DE NI DE LTAR BDEN PA KHO NA STE, CHEN PO G-YANG DU LHUNG BA RTZVA KU SHA LA 'JUS PA DANG MTSUNGS SO, ,'DI LTAR, BREGS ZHES BYA BA BCAD PA STE, ,DE NI GZHAN DANG MA 'BREL PA'O, ,DES NA SNGA MA BOR BA'I PHYIR, ,RIG BA 'BREL PAR JI LTAR 'GYUR, ,'BREL PA MED PAR MTHONG BA NI, ,DON LA YANG NI MTSUNGS PA NYID, ,GZHAN DAG PAR DANG CHAD PA LA'ANG, ,SHI BA'I NGO SHES RNAM 'JOG PA'I, ,MA RUNG BDAG NYID DE'ANG BDAG NI, ,NYAMS PAR BYED PA KHO NAR ZAD, ,SNGA MA'I RANG BZHIN ZHIG PA NA, ,ZHIG DANG LHAN CIG GCIG NYID NI, ,THA DAD NA YANG DE BZHIN DU, ,GCIG PA YIN PAR RTOGS PA YIN, ,GZHAN YANG, ZHIG PA GANG DU'ANG DBANG PO'I SPYOD YUL MIN, ,DES NA DE NI DRAN YUL NYID DU SPYOD,,

, ,DRAN PA TSAD MA NYID YIN SNGAR BSAL TE, ,DES NA RTAG PA TSAD MAS MA RTOGS NYID, ,GAL TE DA LTA'I DNGOS PO GRUB MIN YANG, ,DON SDUD PA LA DRAN PA TSAD MA YIN, ,DE TSE DNGOS PO'ANG DE YI RJES RTOGS TE, ,DES NA SNGA NYID TSAD MAS RTOGS PA YIN, ,DE DANG LHAN CIG GCIG TU NGES BSTAN PA, ,TSAD MA LAS NI GZHAN YIN JI LTAR 'GYUR, ,DNGOS LA BSTAN PAR SKYES BA'I YID CHES KYANG, ,SEMS PAR BYED NA RANG NYID KYIS 'GAL 'GYUR, ,GZHAN YANG RNAM PAR 'GYUR BA MED PA'I NGES PA'I SHES PAS YID SPRO BA SKYED PA'I YID CAN YANG GAL TE NGES PA NYID SEL BAR BYED PA DE'I TSE, BRJOD PA NI GZHAN LA, YID LA SEMS PA NI GZHAN YIN PAR 'GYUR RO ZHE NA, NGO SHES SMRA BA RNAMS KYI NI, ,BLO YI NOR KUN 'DI YIN TE, ,SHIN TU RGYANG RING 'DZEGS NAS NI, ,SKAD CIG LA NI LHUNG BAR 'GYUR, ,SHIN TU NYAM PA'I GNAS SU RGYANG RING POR 'DZEGS NAS GAM DU LDIGS KYIS LHUNG LA MAR ME 'DA' KAR CHER 'BAR NAS 'CHI BA DANG 'DRA'O, ,'DI LTAR, DRAN PA MYONG DON YUL LA NI, ,ZHIG PA LA NI JI LTAR 'GYUR, ,MYONG MIN YUL GYI DON CAN NA'ANG, ,DE NI JI LTAR DRAN PA YIN, ,GAL TE DRAN PA NYAMS SU MYONG BA'I DON GYI YUL CAN GYI RANG BZHIN YIN NA 'DAS PAR DRAN PAR MI 'GYUR TE, 'DAS PA NI MNGON SUM GYIS RTOGS PA MA YIN NO, ,'ON TE MA RTOGS PA NYID DRAN PAS NGES PAR 'DZIN TO ZHE NA, DE LTA YIN NA YANG DRAN PAR MI 'GYUR TE, DRAN PA NI SNGA NA MED PA'I YUL CAN MA YIN NO, ,YIN DU CHUG PA DE LTA NA YANG NGO SHES PA NI MA YIN TE, NGO SHES PA NI MNGON SUM DU MTHONG BA'I YUL CAN DU 'DOD DE, DE LTAR MA YIN NA TSAD MA YIN PAR MI 'GYUR RO, ,DE NYID 'DAS PAR GYUR PA NA SNGA MA ZHES BRJOD DO ZHE NA, DE YANG PHAN TSUN 'GAL TE, GANG TSE 'DAS GYUR DE GZUNG MIN, ,GZUNG TSE DE NI DE LTA MIN, ,DRAN PAR GYUR PA'I RANG BZHIN GYIS, ,DES NI 'DAS YIN DE DNGOS MIN, ,GAL TE NGES PAR BSTAN PA DAG ,TSAD MA YIN PAR 'THAD NA NI, ,NGO SHES PA YANG DE BZHIN 'GYUR, ,DNGOS PO DANG LDAN DON MED NYID, ,GAL TE DBANG PO DANG 'BREL

PA MED KYANG NGES PAR BSTAN PA TSAD MA YIN NO ZHE NA, 'DI NI RTAGS NYID MA RUNGS PA SPYOD PAR NI BZOD PA DAG GIS MI BZOD PA TZAM DU ZAD DO, ,'DI LTAR, MI SLU BA DANG LDAN PA LAS, ,SHES PA TSAD MA YIN PAR 'DOD, ,MI SLU DA LTAR GA LA YOD, ,SNGAR ZHIG PA LA YOD MA YIN, ,GAL TE DE GCIG MIN MOD CI, ,DE LAS DON BYA DE MIN NAM, ,ME GZHAN GYIS KYANG DON BYA BA, ,SGRUB PAR BYED PA KHO NA'O, ,DE MI BYED PA DAG LAS LDOG PA'I MTSAN NYID DON BYA BA DE BYED PAS GCIG PA NYID NI KUN RDZOB TU 'DOD PA NYID DE, DON GCIG NI ZHES BRJOD PA DANG RNAM PAR RTOG PA NI DON DE NUS PA TZAM LAS MI 'THAD PA MED PAR 'GYUR RO, ,DON BYA BA DANG BRAL BA'I DON GYI YUL CAN GYI BRJOD PAR NGES PA NI RTOG PA DANG LDAN PA DAG GIS NUS PAR BYA BA MA YIN NO, ,DE NGO SHES PA'I YUL NI, DON BYA BA DE BYED PA NYID KYIS GCIG PA NYID DO, ,DES NA DE'I RANG BZHIN GYI RTAGS KYI RJES SU DPOG PA YIN NO, ,RANG BZHIN GCIG PA NYID KYANG, DE LAS GZHAN BRTAGS PA'I CHOS DANG SNGAN PA'I PHYIR RO, ,SHES PA NI DE KHO NA NYID DU GCIG LA TSAD MA YIN NO, ,'O NA BUM PA LA SOGS PA DON BYA BA DE BYED PA LA 'TSAM PA RNAMS LA BUM PA DE NYID 'DI YIN NO ZHES CI STE NGO SHES PAR MI 'GYUR ZHE NA, DE MTSUNGS SO SNYAM PA NYID NGO SHES PA YIN NO, ,GZHAN YANG 'DI NI BUM PA DE NYID KHYER 'ONGS SO CHU GRANG MO DE NI 'DI NYID YIN NO ZHES SO, ,'DI LTAR, GANG TSE GZHAN 'ON CES BRJOD TSE, ,DE YI GSAL GZHAN KHYER 'ONGS PA, ,DE NYID KHYER NUS 'ONGS SO ZHES, ,NGES PAR SKYE BAR 'GYUR BA YIN, , GANG GI TSE BUM PA LAS GZHAN PHRU BA LA SOGS PA BLANG BAR 'DOD PA DE LAS GZHAN 'ON CIG CES BRJOD PA NA GANG GI TSE BUM PA DE GSAL BA GZHAN KHYER NAS 'ONGS PA DE'I TSE, 'DI NI BUM PA DE NYID KHYER TE 'ONGS PA YIN NO ZHES BYA BA'I THA SNYAD MTHONG NGO, ,THOG MA MED PA'I BAG CHAGS DANG 'BREL PA'I THA SNYAD SHIN TU BSTAN PA'I PHYIR NA, NYE BAR BTAGS PA MA YIN PA'I DNGOS POR MNGON PAR RLOM MO, ,DE'I PHYIR NGO SHES PA LAS SGRA GCIG TU NGES PA MA YIN NO, ,RTOGS PAR BYED PA'I NUS PA MTSUNGS PA'I PHYIR NI DE LTAR 'KHRUL PA YIN NO, ,GAL TE GZHAN NA JI LTAR NA, ,GZHAN DU

, ,YID CHES 'JUG PAR 'GYUR, ,SHES PA MED PA GZHAN LA NI, ,'GA' YANG GANG DU'ANG YID CHES MIN, ,'KHRUL PA MTHONG BAS GCIG LA NI, ,YID CHES MED PAR 'GYUR BA YIN, ,DE BZHIN DE MTSUNGS GZHAN 'GA' LA, ,YID CHES PAR NI 'GYUR BA YIN, , 'ON TE 'DU BYED MTSUNGS PA DANG LDAN PA RNAMS KYIS MI 'KHRUL PA LA BRTAN NAS JI LTAR DE'I BU LA SOGS PA YID CHES PAR 'GYUR BA DE BZHIN DU DE'I NYE BAR LEN PA'I RGYUN LA YANG YIN NO, ,CI STE SKAD CIG MA NYID NA, ,JI LTAR SLAR LEN 'DOD PAR 'GYUR, ,GCIG NYID YIN NA NI SHIN TU 'THAD DO, ,'DI LTAR, BYIN PA PHYIR NI LEN PAS NA, ,'JIGS DANG NGO TSA DANG LDAN 'GYUR, ,'JIGS DANG NGO TSA'I 'GYUR MOD KYI, ,'JIGS DANG NGO TSA'ANG GANG GIS BYAS, ,'ON TE DE DANG NYE BAS 'DI, ,BDAG NYID DES ZIN PAR RTOGS TE, ,DE NI BDAG NYID DES ZIN PA, ,MING YANG DES ZIN PAR 'KHRUL NA, ,'KHRUL PA DE NYID SKAD CIG RGYUN LA'ANG DE'I, ,DE LTA'I THA SNYAD RGYU NI CI STE MIN, ,GZHAN GYIS BRTAGS PA LA'ANG RGYU LAS SKYE BA LAS, ,MNGON PAR ZHEN PA'I RGYU GZHAN PA MA YIN NO, ,BDAG RTAG PAR KHAS BLANGS KYANG MNGON PAR ZHEN PA RGYU DANG 'BRAS BUS BYAS PA LAS 'GROL BA NI MA YIN NO, ,'DI LTAR BDAG NI SNGA MA DANG PHYI MAR RANG GI NGO BO GCIG LAS 'PHO BA MA YIN NO, ,DES NA DE LA 'JIGS PA DANG 'DZEM PA LA SOGS PA MED PA'I PHYIR, JI LTAR 'JIGS PA LA SOGS PAS BSDIGS, 'ON TE DE LA 'JIGS PA SKYE BAS NI DE DANG LDAN PAS SO ZHE NA, MA YIN TE, RANG GI NGO BOS 'JIGS PA MED PA MED PA NYID KYIS NI DE LA GNOD PA CI YANG MED PA'I PHYIR RO, ,RGYU DANG 'BRAS BU'I DNGOS PO NYID THA SNYAD DE LTA BU'I RGYU YIN NO, ,THA SNYAD TZAM GYIS GNOD PA NI GNOD PA MA YIN NO, ,THA DAD KYANG 'BREL PA'I PHYIR BU LA GNOD PAS KYANG GNOD PA NYID DO ZHE NA, MA YIN TE, GZHAN LA GNAS PAS DE RANG NYID LA BRTEN PAR 'GYUR BA YIN NO, ,DE LTA MA YIN NA DGRA LA GNOD PAS KYANG GNOD PAR 'GYUR TE, DE DANG YANG GNOD BYA GNOD BYED KYI MTSAN NYID KYIS 'DI 'BREL YOD PA NYID DO, ,GAL TE, BU YANG DE DGRAR GYUR PA'ANG,,

DE GNOD BYAS PAS GNOD MA YIN, ,DES NA GNOD PA'I RANG BZHIN GYIS, ,GNOD YIN GZHAN GYI GNOD PAS MIN, ,DE'I PHYIR SKAD CIG NYID YIN PAS, ,BDAG NI RGYU LAS KHYAD YOD MIN, ,DES NA THA SNYAD 'DI DAG NI, ,THAMS CAD DE LTA'I RNAM PA CAN, ,DE NYID 'DI YIN NO ZHES BYA BA'I THA SNYAD THAMS CAD NI RGYU MTSAN GYIS YIN NO, ,DES NA SGRA RTAG PA NYID MA YIN PA DE'I PHYIR JI LTAR BRTZAL MA THAG TU GSAL BA YIN, SKYE BA NYID TSAD MAS YUL DU BYAS PA YIN TE, DE'I MTSAN NYID DANG LDAN PA'I PHYIR RO, ,RKYEN GYI DBYE BAS THA DAD PHYIR, ,SGRA NI 'BRAS BUR GYUR PA YIN, ,MAR ME LA SOGS DBYE BA YIS, ,BUM SOGS THA DAD 'GYUR MA YIN, ,GSAL BAR BYED PA CHE CHUNG GIS GSAL BYA THA DAD PAR 'GYUR BA MA YIN NO, ,CI STE SGRON MAS GSAL NA AUTPALA SNGON PO DMAR POR MTHONG BA DANG, ZLA BA'I 'OD KYIS MNGON PAR GSAL NA SER PO DKAR PO NYID DANG, RAL GYIS MNGON PAR GSAL NA GDONG DKAR SHAM YANG SNGO BSANGS SU MTHONG BA DE LTA BU LA SOGS PAR 'GYUR RO ZHE NA, DE YANG MA YIN TE, 'DI LTAR, GAL TE DNGOS RNAMS GSAL BYED LAS, ,RANG BZHIN GZHAN DU YOD GYUR NA, ,DE LAS GZHAN PA'I RANG BZHIN NI, ,'BRAS PHYIR GSAL BYED BYED PO 'GYUR,, GSAL BAR BYED PAS NI DE'I RANG BZHIN LAS MA NYAMS PAR RANG GI RANG BZHIN NYID PHYIN CI MA LOG PAR GSAL BAR BYA BA YIN NO, ,DE LA MED PA'I RANG BZHIN DE JI LTAR GSAL BAR BYED PAR 'GYUR TE, GZHAN DU NA RI BONG GI RVA LA SOGS PA YANG GSAL BAR BYED PAR 'GYUR RO, ,DE YANG PHYIN CI LOG TU SNANG BAS GSAL BAR BYAS PA YIN NO ZHE NA, 'DI LA LEN BTAB ZIN TO, ,'ON TE 'DI 'KHRUL PA YIN PA DES NA SKYON 'DI MED DO ZHE NA, DE YANG MI RUNG STE, 'DI LTAR, GAL TE GSAL BYED 'KHRUL SKYED NA, ,DE NI JI LTAR GSAL BYED YIN, ,'GA' ZHIG GSAL BAR BYED NA NI, ,GSAL BYED GSAL BAR GSAL BYED NYID, ,DE LTA MIN NA RAB RIB LA, ,SOGS PA'ANG GSAL BYED DAG TU 'GYUR, ,DE DAG LA YANG 'KHRUL BYED LA, ,NYES PA GZHAN NI YOD MA YIN, ,'ON TE 'KHRUL YANG GDANGS LAS NI, ,DE YI RANG BZHIN BZHIN 'DZIN PA, ,DES NA RTZOL BA LA SOGS PA, ,DE YI

, ,[?] LA BYED YIN 'DOD NA, ,GAL TE GDANGS CHEN PO DANG CHUNG NGU LA SOGS PA DANG 'BREL PA MAS SGRA THA DAD PA NYID YIN PA DE LTAN YANG DE NI 'KHRUL PAS BYAS PA NYID YIN GYI DE KHO NAR NI MA YIN NO, ,'KHRUL KYANG SGRA'I DE KHO NA NYID, GZHAN GSAL PA'I BDAG NYID SNANG PA NYID DO ZHE NA, DE LTA YANG LAN BRJOD PA, GAL TE 'KHRUL PA'I RANG BZHIN LAS, ,SGRA YI RANG BZHIN GZHAN YOD NA, ,THA SNYAD NYID DU SNANG 'GYUR TE, ,GZHAN DU 'KHRUL PAR RTOGS MI 'GYUR, ,THA DAD THA MI DAD PA YI, ,RANG BZHIN DU NI SNANG GYUR NA, ,THA DAD ZHES BYAS RTOGS MI 'GYUR, ,DE LTA MIN NA GZHAN NYID 'GYUR, ,GAL TE 'KHRUL PA LA YANG NI, ,'KHRUL NA 'KHRUL PA NYID NYAMS 'GYUR, ,'KHRUL LA 'KHRUL MED PAR RTOGS NA, ,DES NA 'KHRUL ZHES RTOGS PAR 'GYUR, ,'KHRUL PAR SNANG BA'I RANG BZHIN LAS SGRA'I RANG BZHIN BDEN PA GZHAN YOD PA THA DAD PAR MI SNANG BA NI RIGS PA MA YIN NO, ,'KHRUL PAS THA DAD PAR MI SNANG BO ZHE NA, 'KHRUL PA'I RANG BZHIN DE LAS KYANG SGRA'I RANG BZHIN GZHAN YIN TE, DES NA DE YANG THA DAD PAR SNANG BAR THAL BAS LANG 'KHRUL PA NYID NYE BAR DGOD PA YIN LA, ,DE YANG RANG BZHIN GZHAN YIN PA'I PHYIR THUG PA MED PAS SGRA'I BDEN PA'I BDAG NYID NI MI RTAG PA NYID DO, ,'KHRUL PA YANG 'KHRUL NA NI SGRA'I RANG BZHIN BDEN PA NYID 'BA' ZHIG GNAS TE, DES NA DE NYID SNANG PAR 'GYUR BAS 'KHRUL PA ZHES BYA BAR MI 'GYUR RO, ,DES NA DE NYID SNANG BAS NA,, 'KHRUL PA ZHES BYA YOD MA YIN, ,GZHAL BYA THAMS CAD DOR NAS NI, ,'KHRUL PA LA 'KHRUL PA NYID DU GNAS, ,GAL TE SGRA TZAM GYIS BSKYED PA DON RTOGS PA'I MTSAN NYID KYI DON BYA BA MIN GYI, CHEN PO NYID LA SOGS PAS BYAS PA'I DON RTOGS PA'I KHYAD PAR NI 'GA' YANG MED DO,, DES NA DON BYA BA BYED PA NYID KYIS GSAL BA TZAM NYID BDEN PA YIN GYI BZLOG PA'I PHYIR GZHAN NI BDEN PA MA YIN NO ZHE NA, DE YANG MI BDEN TE, 'DI LTAR, SGRA LA DON RTOGS BYED PA YI, ,DON BYED PA NI MTHONG PA MED, ,DON DE RTOGS PA SKYE PA NI, ,BRDA GOMS PA LAS 'GYUR BA YIN,,

BAG CHAGS SAD PAR 'GYUR PA YI, ,RGYU NI SGRA RIG YIN PAR 'DOD, ,BRGYUD PA YIS NI SKYED BYED PA, ,THA DAD BYED PAR 'DOD MA YIN, ,NYER LEN DBYE BAS THA DAD DU, ,'GYUR GYI LHAN CIG BYED PA MIN, ,DES KYANG LHAN CIG BYED PA'I PHYIR, ,SGRA NI 'BYED PAR BYED PA YIN, ,DON DE'I RNAM PA CAN RNA PAR RTOG PA'I RANG BZHIN GYI DON RTOGS PA NI SKAL BA MNYAM PA'I BAG CHAGS DANG 'BREL PA NYID LAS SKYE BA YIN LA, SGRA NI DE LA LHAN CIG BYED PA YIN PA'AM, BAG CHAGS SAD PAR BYED PA'I SGO NAS BRGYUD PA SKYED PAR BYED PA YIN PA DES NA DE'I THA DAD PAR BYED PA MA YIN NO,, SGRA'I DNGOS SU DON BYA BA NI DE'I SHES PA SKYED PAR BYED PA YIN LA, DE NI NYE BA DANG RING BA'I DBYE BAS YID DU 'ON BA DANG YID DU MI 'ONG BA DANG LDAN PAR GSAL BA DANG MI GSAL BAR THA DAD PAR 'GYUR BA NYID PAS DE JI LTAR NA RANG GI DON BYA BA BYED PA THA MI DAD PA, DE LTAR YIN DANG THA DAD PA NYID DNGOS PO NYID YIN GYI 'KHRUL PA NI MA YIN NO, ,GAL TE SGRA RTAG PAR 'GYUR NA NI BRTZAL MA THAG PA NYID NI NGES PAR SHES PAR MI 'GYUR TE, SNGAR YANG CI'I PHYIR DON RTOGS PAR MI BYED, THOS PAS RTOGS PAR BYED NUS PA'I PHYIR GZHAN DU RTOGS PAR BYED PA MA YIN NO ZHE NA, GAL TE BRDA'I DUS NA THOS PA DE NYID DA LTAR YANG RJES SU 'JUG PA MA YIN NAM, RTOGS PA NYID DU 'GYUR GYI PHYIS KYI RTZOL BA'I SNGA ROL DU MI RTOGS PAR NI MI 'GYUR RO, ,MA YIN TE DE'I TSE NA GSAL BYED MED PA'I PHYIR RO, ,GSAL BAR BYED PA NI DUS MTSUNGS PA GSAL BAR BYED PA YIN NO ZHE NA, DE NI DE LTAR RUNG BA MI YIN TE, 'DI LTAR, JI LTAR GSAL BYED DUS MTSUNGS PA, ,GSAL BAR BYED PA YIN PA LTAR, ,DE BZHIN GSAL BYED GSAL BYA YI, ,BDAG NYID THAMS CAD GSAL BYED 'GYUR, ,GAL TE DUS GZHAN GNAS PA DE, ,DE BZHIN DU NI DES GSAL NA, ,DE TSE DE NI DUS GZHAN DU; ,GSAL BYED LA LTOS JI LTAR 'GYUR, ,RANG GI RANG BZHIN PHYIN CI MA LOG PAR GSAL BAR BYED PA MA YIN PA NI, GSAL BYED DU 'GYUR PA MA YIN NO, ,DUS GZHAN DU KHYAB PA'I RANG BZHIN GSAL NA NI DUS GZHAN DU GSAL BAR BYED PAS CUNG ZAD KYANG BYAR YOD PA MA YIN NO, ,MA GSAL

, ,BA GSAL BAR BYED PA LA LTOS PA YIN TE, DE LTAR MA YIN NA DE'I TSE'ANG GSAL BYED GZHAN DGOS PAR 'GYUR TE, DE LA YANG GZHAN DGOS PA'I PHYIR THUG PA MED PAR GNAS PAR DKA' PA'I PHYIR GSAL PA NYID MI 'GYUR RO, ,PHYIS KYI SHES PA'I SNGA ROL DU DMIGS BAM YIN NO ZHES BYA BA GANG YIN PA DE YANG MI 'THAD DO, RTZAL BA SNGON ROL DU YOD PA NI BRTZAL MA THAG PA'I RANG BZHIN GANG YIN PA DER NGES PAR SHES PA MI 'THAD PA'I PHYIR RO, ,RANG BZHIN DE NYID YIN PAS, DE NYID DMIGS PA NI YANG MI DMIGS PA NI MI 'THAD DE, SNGAR 'BYUNG BA'I RTZAL BA DE YANG DE LA RNAM PA THAMS CAD DU NYE BAR SBYOR BA MED PA'I PHYIR TE, PHYI MA NYID KYIS BDAG NYID THAMS CAD GSAL BA'I PHYIR RO, ,RANG GI DUS 'BREL BA'I RANG BZHIN NYID GSAL BAR BYED DO ZHE NA, CI DE LAS GZHAN GYIS GZHAN RNAM PAR GCOD DAM, SNGA PHYI'I SHES PA GCIG YIN NA, ,RTZOL DBYE THA DAD BYED PA MIN, ,SHES BZHIN DU NI THA DAD PHYIR, ,SHES BYA YANG NI GZHAN DU 'GYUR, ,'ON TE GANG GI TSE SGRIB PA MED PA DE'I TSE DMIGS PAR 'GYUR TE YOD KYANG MI DMIGS PA NI SGRIB PA'I PHYIR RO, ,RTZIG PAS BAR DU CHOD PA YI, ,BUM PA YOD KYANG MTHONG MI 'GYUR, ,GZHAN GYI DE NI GSAL BYA'O, ,PHYIS NI DE MTHONG YUL DU 'GYUR, ,DE LTAR MNGON SUM GYIS GRUB CING, ,TSAD MI YIS NI NGES PA YIN, ,SGRA LA'ANG RTZOL PAR SGRIB PA NI, ,MED PAR SGRUB PAR BYED PA YIN, ,YOD KYANG SGRIB PAR BYED PA YOD NA MI DMIGS PA'I PHYIR DANG, DE MED NA YANG DMIGS PA'I PHYIR RO, ,DMIGS PA'I GEGS BYED PA NI RJES SU 'GRO BA DANG LDOG PA DAG LAS SGRIB PAR BYED PA YOD PAS BYAS PA YIN NO, ,BSGRIBS PAS RANG NYID MED PAR 'GYUR BA'AM 'GYUR BA GZHAN BYED PA NI MA YIN TE, MNGON SUM GYIS DE'I RANG BZHIN DU DMIGS PA'I PHYIR PO ZHE NA, GZHAN GYIS SMRAS PA DE NI SNGA MA PHYI MA MA BRTAGS PA YIN TE, 'DI LTAR, DER YANG RNAM 'GYUR MED PAR NI, ,NGO SHES NYID LAS RTOGS PA YIN, ,DMIGS PA MED PA'ANG MNGON SUM GYIS, ,JI LTAR RTOGS PAR 'GYUR BA YIN, ,GANG PHYIR DMIGS PA LDOG PAS NI,

DE YI RANG BZHIN MED PAR SGRUB, ,GZHAN GYIS DMIGS SO ZHES BYA BA, ,'DI LA TSAD MA MTHONG BA MOD, ,GAL TE NGO SHES PA LAS NGE, ,BAR DU YANG NI SGRUB BYED NA, ,NGO SHES RJES DPAG YIN 'GYUR NA, ,MNGON SUM SNGON 'GRO CAN MA YIN, ,LONG BA BRGYUD PA NYID DU 'GYUR, ,RJES DPAG GANG YIN DE YANG NI, ,DE LTAR GYUR PA GRUB MA YIN, ,SGRIB PAS CHOD PA MI DMIGS PAS NA DE NYID KYI TSE MNGON SUM GYIS 'GYUR PA MED PAR DMIGS PA NI MA YIN NO, ,PHYIS SGRIB PA MED PAR DMIGS SO ZHE NA, DE NYID KYI [?] SOD PA'AM 'GYUR BA MED PA YIN MOD, BAR NA YOD BA NI LKOG TU GYUR PA YIN PAS NGO SHES PAS RTOGS PA YIN NO, ,DE LTA NA YANG RJES SU DPAG PAR 'GYUR TE, GANG GI TSE DA LTAR 'GYUR PA MED PA DE'I TSE SNGA NA YOD PA YIN NO ZHES RJES SU DPAG PA'I MTSAN NYID DANG LDAN PA'I PHYIR RO, ,DE LA MNGON SUM MED NA JI LTAR RJES SU DPAG PA DE MNGON SUM SNGON DU 'GRO BA CAN YIN, THAMS CAD SNGON DANG PHYIS YOD PA NI 'O SHES PA'I MTSAN NYID DO, ,RJES SU DPAG PA RJES SU DPAG PA SNGON DU 'GRO BA CAN YIN NA RJES SU DPAG PA DE YANG RJES SU DPAG PA NYID LAS YIN PA'I PHYIR MTHA' THUG LA MED PA NYID PAS NA MUN PA BRGYUD PA NYID DO,, GZHAN GYIS MNGON SUM DU RTOGS PA DES NA MNGON SUM SNGON DU 'GRO BA CAN YIN NO ZHE NA, DE LA YANG MNGON SUM MED PA NYID DO, ,GZHAN GYIS MNGON SUM DU RTOGS SO ZHES GZHAN GYIS RTOGS PA NI MA YIN NO, ,'ON TE DES SMRA'O ZHE NA, MA YIN TE, TSIG TSAD MA MA YIN PA'I PHYIR RO,, BDEN PAR YANG PHA ROL PO RANG NYID KYANG GANG ZHIG DES RTOGS PA NYID PAS RTOGS SO ZHES NI RTOGS PAR NUS PA MA YIN NO, ,GZHAN GYIS RTOGS PA DANG 'DRES PA MED PAR RTOGS PA NI 'DI NI KHYOD KYIS RTOGS SO ZHES DE LTAR RTOGS PAR NUS PA MA YIN NO, ,DES NA PHAN TSUN LTOS PA'I SKYON DU 'GYUR RO, ,'ON TE DE LTA BU NYID KYIS RNAM PAR 'GYUR BA MTHONG PA DES KYANG DE NYID RTOGS SO ZHES RJES SU DPAG PA LAS RTOGS SO ZHE NA, 'ON NI DE LTA BU NYID DU 'GRUB KYI GCIG NYID NI MA YIN PAS DE NI RIGS PA DANG LDAN PA MA YIN NO, ,RJES SU DPAG PA NI RANG GI MTSAN NYID KYI YUL

, ,CAN MA YIN NO, ,DU BA LAS NI ME NYID YIN NO ZHES MI 'GRUB PO, ,GAL TE SPU LDANG BA LA SOGS PA'I THA NYAD MTSUNGS PA YOD PAS GCIG NYID YIN PA BDE BA DANG BDAG LA SOGS PA YANG CI STE DE LTAR MA YIN, 'ON TE BDE BA LA SOGS PA NI PHAN TSUN LDOG PA NYID DU RTOGS PA'I PHYIR GCIG NYID MA YIN NO ZHE NA, DE LTAR YIN NA RANG DANG GZHAN GYIS MA DRES BAR RTOGS PA'I PHYIR THA DAD PA NYID DU RIGS SO, ,DE RTOGS PAR NI YUL GCIG PA NYID MI RTOGS PA NYID DO, ,DNGOS PO'I RANG BZHIN LAS YUL GZHAN NI YOD PA MA YIN NO, ,DES NA YOD KYANG SGRIB PA YOD PAS MA DMIGS SO ZHES BYA BA DE NI MA GRUB PA NYID DO, ,GAL TE GZHAN GYIS RTOGS PA DE NYID NGAS RTOGS SO ZHES BYA BA'I RTOGS PA YOD PA NYID MA YIN NAM, GNOD PAR BYED PA YANG YOD PA MA YIN TE, 'DIR DPYOD PA ZHIB MOS GNOD PAR BYED PA SGRUB PA NI MA YIN NO, ,GANG GI PHYIR, GNOD BYED SKYES PA MED PAR NI, ,RMONGS PA YIS NI RTOGS BYED GANG, ,DE NI THA SNYAD THAMS CAD LA, ,THE TSOM ZA PHYIR 'JIG PAR 'GYUR, ,ZHI BA MOR RNAM PAR DPYAD NA NI 'GA' YANG RNAM PAR GZHAG PAR MI 'OS PAR 'GYUR RO ZHE NA, DE YANG MI RUNG STE 'DI LTAR, ZHIB MOR DPYOD PA BKAG PAS NI, ,TSAD MA BKAG PAR 'GYUR PA YIN, ,ZHIB MOR DPYOD PA TSAD MA LAS, ,GZHAN PA PHA ROL 'DOD MA YIN, ,'JIG RTEN GYI THA SNYAD LA GNOD PA'I ZHIB MOR DPYOD PA GZHUG GO ZHES BYA BA TSAD MA LA LTOS PAR THA NYAD DU BYA'O ZHES BYA BAR 'GYUR RO, ,DE LTA YIN DANG BSTAN BCOS BRTZAMS PA DON MED PAR 'GYUR RO, ,THA SNYAD RTZING BA'I BLO 'PHEL BAR BYA BA'I PHYIR BSTAN BCOS BYED BA MA YIN TE, BSTAN BCOS RMONGS PA ZLOG PAR BYED PA YIN NO ZHES THAMS CAD KHAS LEN PA'I PHYIR RO, ,GAL TE DPYOD NA GNOD PAR 'GYUR NA, BZLOG PAR NUS PA MA YIN TE, SPYI BOR THOG NI 'BAB 'GYUR BA, ,SHING LO YIS NI SKYOB MI 'GYUR, ,MKHAS RNAMS LA NI 'KHOR BA YI, ,THA SNYAD KYANG NI MI 'CHAD PA'AM, ,JI LTAR GANG BZHIN BSGRUB PA'I PHYIR, ,THA SNYAD NYAMS PAR GAL 'GYUR, ,THA SNYAD PA RNAMS KYI LONG BA BRGYUD PA NYID KYI RGYU DANG 'BRAS BU'I DNGOS PO'I

THA NYAD DU 'GYUR BA NI NYAMS PA MED PA NYID DO, ,DE NYID KYI PHYIR MYA NGAN LAS 'DAS PA'I LAM DU ZHUGS PA RNAMS KYIS DE KHO NA NYID NGES PAR RTOGS PAS ZLOG PAR BYED DO, ,KUN RDZOB TZAM LAS MA RTOGS PAR, ,'KHOR BA GZHAN NI RTOGS PA MED, ,DE LTA YIN NA DE NYID NI, ,MYA NGAN 'DAS PA YIN ZHES GNAS, ,DE NYID DE NYID MIN ZHES PA'I, ,DBYE 'DI DON DAM DU YOD MIN, ,DE NYID DPYAD MED PA NYID, ,DE NYID MIN ZHES NGES PAR BYED, ,DE KHO NA NYID RNAM PAR DPYOD PA NI MTHA' DAG GNYIS MED PAR 'GYUR RO, ,DE MA RTAGS NA NI SPROS PA'I RANG BZHIN DE NYID DE KHO NA NYID MA YIN BA'I 'KHOR BA YIN NO, ,DES NA MA NGES PAR BRTAGS PAS 'KHOR BA TSAD MA NI 'DOD PA NYID KYIS THOG TU BAB PA'I PHYIR JI LTAR 'JIG PAR 'GYUR, JI SRID DE KHO NA NYID MA MTHONG BA DE SRID DU NI THA NYAD LDOG PA NYID DE, DES NA 'DOD PA NYID THOG TU BAB STE MKHO BA'I SKYE BO RNAMS KYI THA SNYAD NI 'DI YIN NO, ,DE LA BAGS KYIS BKA' MA RIG PA'I PHYIR GANG LA 'JIG RTEN PHYIN CI LOG TU GYUR BA'I MI RTAG PA NYID RE ZHIG BSGRUB PAR BYA BA YIN NO, ,DE'I PHYIR GANG GI TSE MTHONG BA DE'I TSE DE SNGON DANG PHYI MA'I DUS RNAM PAR GCAD PAR 'DZIN PA'I PHYIR JI LTAR MTHONG BA DE LTA BU NYID YIN NO ZHES DE RTOGS PA STE, DE LTA MA YIN NA DNGOS PO RNAMS GZHAG PA MED PA KHO NAR 'GYUR RO, ,'DI DAG BRJOD PA NI GAL TE BAR GYI RANG BZHIN 'DZIN PA NA SNGA PHYI'I RANG BZHIN GNAS PA MED PA, DMIGS PA'I MTSAN NYID DU MA GYUR BA NYE BAR GNAS PA'I MNGON SUM GYIS MA BZUNG BA DE LTA NA YANG MA DMIGS PA TZAM LAS MED PA MA YIN NO, ,DUS GZHAN DU DE DMIGS PA'I MTSAN NYID KYIR GYUR PA DE'I TSE NI DMIGS PA KHO NA'O, ,'DI LTAR, GANG ZHIG GANG DU DMIGS PA YI, ,MTSAN NYID DER NI NYE BAR DMIGS, ,BUM PA GZHAN DU DMIGS GYUR PA, ,DE 'DRA GZHAN YOD MA YIN, DE BZHIN DU; GANG GI DMIGS BYA'I RANG BZHIN YIN, ,DE TSE DE NI DMIGS PA NYID, ,GZHAN TSE DE NYID DE 'DRA NYID, ,MIN PAS GZHAN TSE'ANG DMIGS MA YIN, ,DE YANG MA DPYAD PA YIN TE, ,'DI LTAR, DE YI RANG BZHIN GCIG NYID NA, ,DE DANG DE MIN JI LTAR 'GYUR, ,DU MA NYID NI YIN NA PHYIS, ,DE

, ,NYID DMIGS ZHES BYAR MI RUNG, ,GANG GIS DE MED NA DER GNAS PA'I RANG BZHIN MED PAS DES MA DMIGS PAR 'GYUR PA DUS ZHES BYA BA GZHAN NI YOD PA MA YIN NO, ,SNGON DANG PHYI MA'I NGO BOR DMIGS PA'I RANG BZHIN DE NYID DUS SU BSNYAD PAR 'GYUR PA YIN NO; ,'DI LTAR BDAG CAG LA DUS 'DI GNAS PAR GYUR TO ZHES GRANG BAS NYIN PA'I RANG BZHIN DUS YIN GYI GZHAN NI MA YIN NO, ,GAL TE DNGOS PO GCIG NYID NI, ,DUS KYANG GCIG NYID YIN PAR 'GYUR, ,DES NA DUS DE MED PA'I PHYIR, ,DE NI DMIGS PAR GYUR PA MIN, ,DE GNAS NA DUS MED PAR MI 'GRUB PA'I PHYIR RO, ,GZHAN NYID YIN NA DUS RTAG PA YIN PA'I PHYIR DE YANG SNGON DANG PHYI MA'I RANG BZHIN LA SOGS PAR DMIGS PAR 'GYUR BA KHO NA'O, ,'ON TE DUS KYI CHA SKAD CIG DANG THANG CIG LA SOGS PA YIN NO ZHE NA, DE'I TSE DUS SKAD CIG MA NYID DU 'GYUR RO, DUS NYID CES BYA BA'I SPYI'I RTAG PA YIN NO ZHE NA, MA YIN TE, DUS NI RJES KYI BDAG NYID YIN PA'I PHYIR RO, ,YANG NA DE YANG SNGON DANG PHYI MA'I DNGOS PO DMIGS PA'I PHYIR DUS THAMS CAD LA DMIGS PAR 'GYUR RO, 'ON TE DUS KYI CHA RNAMS MI DMIGS PA'I PHYIR MI DMIGS PA DE YANG DE LTA MI RUNG STE, 'DI LTAR, GZHAN MTHONG BA NI MED PA'I PHYIR, ,SNANG BA MI MTHONG JI LTAR 'GYUR, ,MI THONG BA DANG GCIG NYID DU, ,GANG GIS JI LTAR MTHONG BAR NUS, ,'DIS NI LHAN CIG BYED PA 'DAS PA'I DON KHYAD PAR YIN PA YANG GSAL BA YIN NO, ,SNGA MA DANG PHYI MA'I DNGOS PO'I SKAD CIG GIS GSAL BAR BYA BA'I DUS NYID YIN PAR MI 'THAD DO, ,DE'I PHYIR GAL TE SGRA BRTZAL MA THAG TU DMIGS PA YIN NA SNGAR GNAS PA DANG, PHYIS GNAS PA'I RANG BZHIN DU YANG DMIGS PAR 'GYUR RO ZHES BYA BA 'DI NI GCIG TU NGES PA YIN NO, ,DES NA SNGON DANG PHYI MA'I RANG BZHIN DE YANG DE NYID KYI TSE DMIGS PAS RANG BZHIN GZHAN MED PA'I PHYIR SKAD CIG NYID DU 'GYUR RO, ,BUM PA LA SOGS PA'I MTSAN NYID DE YANG SGRIB PA 'THAD PA MA YIN TE, BDAG NYID THAMS CAD DMIGS PAS NA CUNG ZAD KYANG MI BYED PA'I PHYIR RO, ,'ON TE RTZOL PA'I DBANG PO LA PHAN

'DOGS NA DE'I TSE YANG BDAG NYID THAMS CAD DMIGS PAS NA SNGON KYI RANG BZHIN DMIGS PA'I PHYIR DBANG PO LA PHAN BTAGS PA NI RANG BZHIN NGES PAR DMIGS PAR BYED PA MA YIN NO, ,DES NA NGES PAR DE MA THAG PA'I RANG BZHIN DU DMIGS PA ZHES BYA BA 'DIR MI 'GYUR BA ZHIG NA DE MA THAG PA NYID MTHONG BA YANG YIN NO, ,DES NA DE NI DE TZAM DU ZAD PA YIN GYI, RTAG PAR DBANG PO NYE BAR BYED PA MA YIN NO, ,'DI LTAR, LEGS BYAS LAS KYANG DE LTA BUR, ,GYUR BA DE NYID NYER DMIGS PHYIR, ,LEGS PAR BYAS KYANG DE LA NI, ,DE RANG DE NI YOD MA YIN, ,NYER BAR DMIGS PAR MI NUS PA'I, ,RTAG PA NYID NI YOD MI 'GYUR, ,DMIGS PA NYID NI YOD PA'I PHYIR, ,DMIGS PA LAS GZHAN YOD PA MIN, ,RTAG PA NYID YIN NA NI DMIGS PAR NUS PA MA YIN NO, ,GAL TE MA DMIGS SU CHUG MOD DE LTA YANG RTAG PA NYID MED PAR JI LTAR 'GYUR ZHE NA; DMIGS PA'I MTSAN NYID MA DMIGS PA NYID MED PA YIN NO, ,GAL TE DE'I RANG BZHIN NI DMIGS PA MA YIN PA'I MTSAN NYID MA YIN NO ZHE NA, DE NYID KYI PHYIR DMIGS PA KHO NA YOD PA MA YIN TE, DE MED NA JI LTAR YOD PA NYID YIN, DES NA RTAG PA NYID SRID PA MA YIN NO, ,SGRA LA PHAN 'DOGS PA'I PHYOGS LA NI DE NYID MI RTAG PA YIN NO, ,DE NYID KYI PHYIR, LTOS PA MED PA 'GA' ZHIG TSE, ,'BRAS BU MI BYED 'GAL BA'I PHYIR, ,SHES PA 'DI 'DRA RES 'GA' PA'I, ,'BRAS BUR GRUB PAS DE'I RTAGS YIN NO, ,SGRA'AM GZHAN YANG RUNG STE DE DUS GZHAN DU KHYAB PAR BYED PA YIN NA DE'I TSE DE KHO NA LTAR DMIGS PAR 'GYUR TE, RES 'GA' MA DMIGS PA'I 'BRAS BU MI 'GYUR RO, ,DE NI RES 'GA' BA'I RANG BZHIN CAN MA YIN LA, GZHAN DU YANG DMIGS PA YANG DE 'DZIN PA MA YIN NO, ,'ON TE DE NI 'KHRUL BA YIN TE, TSU ROL MTHONG BAS KHYAB PA'I RANG BZHIN DMIGS PA NI NUS PA MA YIN LA, DE MI NUS NA GZUNG BAR BYA BA GZHAN DU MI 'GYUR BA YANG MA YIN NO, ,DE NI 'KHRUL BA YIN YANG MI SLU BA'I PHYIR TSAD MA YIN NO, ,GAL TE 'KHRUL PA 'KHRUL PA MED PA'I MTHONG BAS GNOD PA DE'I TSE 'DI 'KHRUL PA YIN NO ZHES NGES PAR

, ,NUS PA MA YIN NA MA ZHE NA, MA YIN TE, YUL DANG DUS KHYAB PA'I RANG BZHIN SGRUB PAR BYED PA'I NGO SHES KYI RTOGS PAS ZLOG PAR BYED PA'I PHYIR RO ZHE NA, DE NI DE LTAR RUNG BA MA YIN TE, NGO SHES PA YI NUS PA DE, ,'DIR NI SNGAR NYID BZLOG ZIN TE, ,'DI NI MNGON SUM NYID KYIS NI, ,GNOD PA YIN ZHES BSTAN ZIN TE, ,DO SHES KYI 'JUG PA NI MNGON SUM GYI TSAD MA MA YIN NO, ,MNGON SUM NI KHYAB PA'I RANG BZHIN 'DZIN PAR BYED PA MA YIN TE, DBANG PO'I BYED PA LAS YIN PA'I PHYIR DANG, MI SLU BA DANG LDAN PA'I PHYIR RO, ,DES NI NGO SHES PA NI MNGON SUM NYID KYIS GNOD PA YIN NO ZHES SNGAR NYID BSTAN ZIN TO, ,GZHAN YANG, GAL TE KHYAB PA YIN YANG NI, ,DNGOS PO KHOL BUR 'DZIN BYED NA, ,DNGOS PO THAMS CAD GCIG NYID DE, ,DE YI CHA SHAS 'DZIN PAR 'GYUR, ,GAL TE RANG BZHIN SNA TSOGS KYI YUL DANG DUS DANG 'BREL PAS NI DNGOS PO KHYAB PA GCIG NYID YIN YANG GZHAN DU 'DZIN PA YIN NO ZHES BYA BAR SRID NA, DNGOS PO MTHA' DAG GCIG NYID DU 'GYUR TE, ,DNGOS PO DNGOS PO ZHES THAMS CAD LA NGO SHES PA YOD PA'I PHYIR RO, ,GCIG NYID YIN NA BUM PA LA SOGS PA'I DBYE BAR MI 'GYUR RO ZHE NA; 'O NA NI SGRA LA YANG CHEN PO LA SOGS PA'I DBYE BA DANG DBYANGS LA SOGS PA'I DBYE BAR MI 'GYUR PA'I PHYIR MTSUNGS SO, ,DBYANGS LA SOGS PA'I DBYE BA YANG SGRA ZHES BYA BA'I DON THA SNYAD DU GCIG PA NYID DO ZHE NA, BUM PA LA SOGS PA'I DBYE BA YANG DNGOS PO DNGOS PO ZHES BYA BA'I THA SNYAD MED DAM CI, GCIG NYID DANG DU MA NYID DU 'GYUR RO ZHE NA, 'O NA NI GCIG NYID BDEN PA YIN NO ZHES BYA BAR 'GYUR RO, ,'DI LTAR, NGO SHES PA YI MTHU YIS NI, ,GCIG TU 'DZIN PAS GCIG NYID DO, ,DU MA NYID DU 'GYUR BAS DE, ,TSAD MA CAN MIN BYAS BAR 'GYUR, ,GANG GI TSE NGO SHES PA'I RTOGS PA TSAD MA LAS MA YIN PA DE NYID KYI TSE NGO SHES PA LAS BSGRUB PAR BYA BA MI BDEN PA NYID YIN PAS THA DAD PA NYID BDEN PAR LUS PA YIN NO, ,DE'I PHYIR THA DAD RANG BZHIN 'DZIN PA YI, ,TSAD MA GANG LA'ANG THA MI DAD BDEN MED, ,THA DAD DNGOS LA THA MI DAD 'GYUR RO, ,RNAM RTOG LAS

YIN DE TSAD MA MIN, ,THA DAD PA NYID BDEN PA YIN NA DE THA MI DAD PA NI RTOGS PA'I BZOS SBYOR BA NGES PAR 'DZIN PA DZAM GYIS SGRUB PA NYID DO, ,THA DAD PA MI BDEN NA THA MI DAD PA DE GANG ZHIG YIN, THA MI DAD PA DZAM GYIS NI THA SNYAD DU 'GYUR BA MA YIN NO, ,DE GANG LA THA MI DAD PA'I CHOS YOD PA'I PHYIR CHOS CAN THA DAD PAR 'GYUR BA DNGOS PO CHOS CAN MI BDEN NA NI THA DAD PA MED PA DE LTAR 'GYUR BA MA YIN NO, ,RI BONG GI RVA MI BDEN PAR NI DE'I RNA BA BDEN PA YIN MI SRID DO, ,GAL TE THA DAD PA YANG CHOS CAN THA MI DAD PA MED NA GANG GI YIN PAR RTOGS SHE NA, DE NI MA YIN TE, 'DI LTAR, GANG PHYIR GZHAN DANG 'BREL MED PA, ,DE NYID PHYIR DE GZHAN DU BRJOD, ,GZHAN DU GZHAN DANG 'DRE NA NI, ,THA DAD PA NYID NYAMS PAR 'GYUR, ,THA MI DAD PA NI THA DAD PA BSAL NA MED PAR 'GYUR TE, DE'I CHOS KYI RANG BZHIN YIN BA'I PHYIR SPYI'I CHOS BZHIN NO, ,DE'I PHYIR, LTOS PA MED 'GA' ZHIG TSE, ,'BRAS MI BYED PA 'GAL BA'I PHYIR, ,SHES PA 'DI 'DRA RES 'GA' BA'I, ,'BRAS BUR GRUB PAS DE RTAGS YIN, ,GAL TE DNGOS PO'I BDAG NYID DUS THAMS CAD DU GZHAN DU CHAD MED PA'I RANG BZHIN NYID YIN NA DE'I TSE 'BRAS BU SHES PA YANG DE KHO NA BZHIN DU 'GYUR DE RIS 'GA' ZHIG 'BRAS BU MI BYED PA RNAM PAR CHAD PA'I RANG BZHIN GANG YIN PA DER MI 'GYUR RO, ,DE'I RANG BZHIN 'DZIN PA NA RANG BZHIN DE NYID GZHAN LA LTOS NAS 'DZIN PA NI MA YIN TE, DE YANG MA BZUNG BAR THAL BA'I PHYIR RO, ,RNAM PAR BSHAD PA'I RANG BZHIN GYI SHES PA 'DI 'DRA BA NI, DE LTA BU'I RANG BZHIN CAN RES 'GA' BA'I 'BRAS BU YIN NO ZHES BYA BAR 'GYUR BA'O, ,RES 'GA' 'BRAS BU LAS MI RTAG PA NYID RTOGS PA YIN NO, ,GAL TE RANG BZHIN DANG 'BRAS BUR GRUB PAR BYA BA'I DON DU DPE GNYIS KYIS GTAN TSIGS GNYIS BSTAN PA NI MI RIGS TE, ,BRTZAL MA THAG TU 'BYUNG BA YIN PA'I PHYIR RO ZHES BYA BA 'DI NYID KYIS 'BRAS BU'I GTAN TSIGS DANG RANG BZHIN GYI GTAN TSIGS KYANG BSTAN PAR NUS PA'I PHYIR RO, ,RE ZHIG 'DI RANG BZHIN YIN NO ZHES BYA BA 'DI LA NI RGOL BA KUN KHA MTHUN PA NYID DO, ,'BRAS BU'I GTAN TSIGS NI SHES BRTAGS YIN PA'I PHYIR

, ,RO ZHES DA LTAR KHO NA BSTAN PA NYID DO, ,DES NA DPE GCIG NYID KYIS GNYI GA BSTAN PAR 'GYUR BA'I PHYIR NI BYAS PA'I PHYIR RO ZHES BSTAN PA NI DON MED PA KHO NA'O ZHE NA, DE NI BDEN MOD KYI 'ON KYANG, 'DI NYID KYIS NI RANG BZHIN NYID, ,GRUB KYANG THA DAD BYAS PA NI, , 'BRAS DANG LHAN CIG BSTAN PA NA, ,THAMS CAD DE 'DRAR SHES MI 'GYUR, ,'BRAS BU DANG LHAN CIG BSTAN PA NA DE DANG LHAN CIG SPYOD PA YIN PA'I PHYIR RANG BZHIN GYI GTAN TSIGS MTHA' DAG NI 'DI LTA BU NYID YIN TE, RANG BZHIN GYI GTAN TSIGS KYANG MTHUN PA'I PHYOGS GCIG LA 'JUG PA NYID YIN NO ZHES 'DOGS PAR 'GYUR BA DE RNAM PAR GCAD PA'I GANG ZHIG MTHUN PA'I PHYOGS LA KHYAB PA'I RANG BZHIN GYI GTAN TSIGS KYI RNAM PA GZHAN KYANG YOD DO ZHES BYA BA'I PHYIR RO ZHES BYA BA 'DI LOGS SU BSTAN TO, ,GAL TE, DE LA RIGS MTHUN PA YOD DANG, ,RNAM GNYIS MED LA MED GANG YIN, ,DE NI GTAN TSIGS DE LAS BZLOG ,'GAL BA GZHAN NI MA NGES NYID, ,BSHAD PA MA YIN NAM CI'I PHYIR LOGS SU BRJOD CE NA, 'DI LTAR BSHAD PA, RJES SU DPAG PAR BSHAD ZIN DON, ,GTAN TSIGS BRJOD BYAS RTOGS DON DU, ,RAB TU DBYE BA TZAM BSHAD DE; ,MTSAN NYID LA NI THA DAD MED, ,THA DAD PAR BSHAD PAS NI DE NYID GSAL BAR 'GYUR BA YIN NO, ,DE LA RIGS MTHUN PA YOD DANG, ,RNAM GNYIS ZHES BYA BA NI DPER NA SGRA NI MI RTAG STE BYAS PA'I PHYIR ZHES BYA BA DANG BRTZAL MA THAG TU BYUNG BA'I PHYIR RO ZHES BYA BA LTA BU'O ZHES BYA BA YIN NO, , DE LTA MA YIN TE GNYI GA YANG MA BSTAN NA RNAM PA GNYIS ZHES BYA BA'I MTSAN NYID 'DI NYID SRID PA YIN GYI, RIGS MTHUN PA DANG PO YOD PA NYID DO ZHES BYA BA 'DI NI DPE MED PA'I PHYIR MTSAN NYID MI SRID PA YIN NO ZHES BYA BAR 'GYUR RO, ,GAL TE MI MTHUN PA'I PHYOGS LA LDOG PA YIN NA DE TZAM GYIS THAMS CAD BSDUS PA'I PHYIR DOGS PAR MI RIGS SO ZHE NA, DE NI BDEN TE DE LTA NA YANG DPER BRJOD PA'I SMROS PA 'DI NI RJES SU DPAG PA'I MTSAN NYID DE NYID RTOGS PAR BYA BA'I PHYIR YIN NO, ,MTSAN NYID NI RANG GI DON RJES SU DPAG PAR BSTAN PA DE NYID YIN NO, ,'O NA NI GTAN TSIGS

DANG DE 'DRA BA'I RANG BZHIN GYI GTAN TSIGS DANG, MTHUN PA'I PHYOGS LA KHYAB PA'O ZHES GSUM STON PAR MI BYED, DE LTA NA RTOGS PAR 'GYUR RO ZHE NA, 'DI NI RTZOD PA MA YIN TE GANG GI PHYIR, DES 'DI 'BRAS BU'I RTAGS KYIS NI, ,RANG BZHIN PHYOGS GCIG RTEN PA'ANG BSHAD, , DES NA RTZOL LAS GSAL BA DANG, ,SKYE BAR LHAN CIG BRJOD PA YIN, ,GANG GI PHYIR RAB TU DBYE BA BSTAN PA RTOGS PA'I DON DU YIN PA DES NA SLOB DPON 'BRAS BU'I GTAN TSIGS 'DI NYID KYIS PHYOGS GCIG RTEN PA'I RANG BZHIN YANG BSTAN TO, ,DE NYID KYIS PHYIR 'DRA BAR DPER BRJOD DO, ,DE LTA YIN NA 'DI NA DU BA YOD PA'I PHYIR ME YOD DO ZHES BYA BA SHIN TU GSAL BA'I 'BRAS BU RTAGS NYID CI STE DPER MI BRJOD DE, 'BAD PAS SGRUB DGOS PA'I 'BRAS BU'I GTAN TSIGS BRTZAL MA THAG TU 'BYUNG BA NYID DPER BRJOD PAS CI ZHIG BYA, DES NA BRTZAL LAS GSAL BA DANG, SKYE BA'I 'BRAS BU DANG, RANG BZHIN GYI GTAN TSIGS LA DPER BRJOD PA 'DI 'DRA BAR GSUNGS SO, ,SHES PA YANG BRTZAL MA THAG TU BYUNG BA YIN LA RANG BZHIN YANG YIN PA'I PHYIR MTSUNGS PAR DPER BRJOD PAR 'GYUR RO, ,GAL TE BRTZAL BA'I DE MA THAG PA NI RANG BZHIN YIN LA RANG BZHIN GYI DE MA THAG TU SHES PA YIN TE, RGYU MA YIN PA NI YUL MA YIN PA'I PHYIR RO ZHE NA, DE NI MI RIGS TE, GZHAN GYI 'DOD PAS BSHAD PA YIN PA'I PHYIR RO, ,GZHAN SGRA RTAG PAR SMRA BA NI SGRA NYID BRTZAL MA THAG TU BYUNG BA YIN PAR 'DOD PAS DE LA 'DI SKAD BRJOD PA YIN TE, YUL YANG RGYU YIN PA NYID DE RGYU MA YIN NA NI YUL MA YIN PA'I PHYIR RO, ,DES NA KHYOD KYIS RTZOL BA'I DE MA THAG PA'I 'DOD PA'I SHES PA GANG YIN PA DE NI SGRAS KYANG RANG GI RNAM PAR GTOD PA'I SGO NAS BSKYED PAR BYA BA NYID YIN NO, ,DE'I PHYIR SNGA MA DANG PHYI MA GZHAN GYI DNGOS PO MTHA' DAG GZUNG PAR THAL TE DE GZHAN DU GZUNG BAR MI NUS PA'I PHYIR RO, ,THOR LING DU NI GZUNG BAR MI NUS SO ZHES BSTAN ZIN TO, ,'ON TE YANG BYUNG BA DANG 'BYUNG BA'I RANG BZHIN GYI DUS KYI CHA'I TSOGS MTHA' DAG LA KHYAB PA GZUNG BA NYID DE, DE LTA MA YIN NA PHYIS MTHONG BA NA SA LA DE'I TSE MTHONG BA DE NI

, ,'DI YIN NO ZHES DRAN PAR JI LTAR 'GYUR, 'DI LTAR, 'DI NI DE TSE'ANG MTHONG NGO ZHES, ,MA BZUNG BA LA 'JUG MA YIN, ,BZUNG BA NYID NA DRAN PAS NA, ,SNGAR GNAS PA NYID SGRUB PAR 'GYUR, ,RTZOD PA DE YANG NGAN PA NYID DE, 'DI LTAR, NGA YIS 'BYUNG 'GYUR BZUNG NGO ZHES, ,'DZIN PA YIS NI MA SHES PAR, ,DRAN PA YIS NI RNAM SHES PA, ,DE NI MCHOG TU YA MTSAN NO, ,GANG LA 'DZIN PAR BYED PA'I RANG BZHIN CAN 'DZIN PAR BYED PA MED PA DE LA DE'I RJES SU 'BRANG BA'I DRAN PA BYED PA YOD DO ZHES BYA BA 'DI NI DNGOS PO'I DE KHO NA RNAM PAR BYED PA LA CHER MKHAS SO, ,'BYUNG BA'I RANG BZHIN NI GZUNG BAR NUS PA MA YIN TE, THE TSOM ZA BA'I PHYIR TE, RES 'GA' MED PAR 'GYUR BA'I PHYIR RO, ,CI STE GAL TE YOD PAR 'GYUR NA NGAS GZUNG BA NYID DO SNYAM DU PHYIR DRAN PAS BZUNG ZIN PA NYID DO ZHES YUL DU BYED PAR 'GYUR RO ZHES BYA BAR RTOGS PA'I PHYIR DE YANG GZUNG BA KHO NA'O ZHES BYA BAR 'DOD NA,, ,,BAM PO BCU GNYIS PA, MI RUNG STE, GZUNG BA LA YANG GAL TE DE, ,DON NI JI LTAR 'JUG PAR 'GYUR, ,THE TSOM DANG NI GZUNG BA DAG ,PHAN TSUN DU NI 'GAL BA YIN, ,GAL TE DE'I TSE YANG YOD PAR 'GYUR NA NI DE'I TSE GZUNG BA NYID DO ZHES BYA BA NI 'DZIN PA'I BYED PA CHE'O, ,SHES PA YOD PA MA YIN NA, 'DZIN PA'I RANG BZHIN YIN NAM, DE LTA MA YIN PA YIN PA LAS RNAM PA GZHAN DU MI 'GYUR TE, PHAN TSUN RNAM PAR GCOD PA'I RANG BZHIN NYID KYIS PHAN TSUN 'GAL BA'I PHYIR RO, , GAL TE MNGON SUM NYID LA YANG, ,THE TSOM JI LTAR MNGON SUM NYID, ,MA DMIGS PA LA THE TSOM PHYIR, ,GZUNG BA THE TSOM YOD MA YIN, ,GAL TE DA LTAR BZHIN DU BZUNG BA YIN NA NI, ,THE TSOM ZA BA MA YIN TE, ,DE DANG THA DAD MED PA'I PHYIR RO, ,DE'I TSE GZUNG BA NI 'BYUNG BAR 'GYUR BA MA YIN TE, DA LTAR BA'I RANG BZHIN LAS, THA DAD PA MED PA'I PHYIR DA LTAR BA NYID BZHIN NO, ,'O NA 'BYUNG BAR 'GYUR BA'I DUS DANG 'BREL PA'I PHYIR 'BYUNG BAR 'GYUR BA YIN NO ZHE NA, DE LTA NA 'O NA RANG GI DNGOS POS NA DNGOS PO RNAMS DA LTAR BA LA SOGS PA MA YIN GYI, 'ON KYANG 'BYUNG

BA DANG DA LTAR BA DANG BYUNG BAR GYUR PA NI, LHAN CIG GCIG 'BYUNG BA'I DON DAG KHO NA STE, DUS GZHAN MED PA'I PHYIR RO, ,YOD NA YANG DE YANG LHAN CIG SPYOD PA'I DON NYID YIN NO, ,DE LTA YIN DANG DNGOS POS DNGOS PO'I RANG BZHIN BZUNG BA NA DE'I RANG BZHIN YANG GZUNG BA'I PHYIR THE TSOM ZA BAR MI 'GYUR RO, ,MI RTAG PA'I DON LHAN CIG SPYOD PA NYID NI 'BYUNG BA DANG BYUNG BAR GYUR PA NYID NI YIN NO ZHE NA, DE LTA BUR GYUR PA NI GZUNG BAR MI NUS PA'I PHYIR NGAS BZUNG BA NI 'DI NYID DO ZHES DRAN PAR 'GYUR, LHAN CIG SPYOD PA MA BZUNG YANG RANG GI NGO BO NI GZUNG BA NYID DO ZHES BYA BA YANG DAG PA MA YIN TE, RANG GI NGO BO NI BYUNG BA DANG 'BYUNG BAR 'GYUR BA MA YIN NO ZHES BYA BA 'DI NI KHYED NYID KYI 'DOD PA YIN NO, ,DES NA DE'I PHYIR DA LTAR BA NI SHES PAS BZUNG BA'I PHYIR DA LTAR BA NYID DU BZUNG BA YIN NO, ,JI LTAR SNGON POR SNANG BA YI, ,SHES PAS SNGON PO NYID 'DZIN BZHIN, ,DA LTAR NYID DU SNANG BA YANG, ,DA LTAR NYID DU RTOGS PA YIN, ,CI STE MA BZUNG BA CI LTAR DRAN ZHE NA, THAL BA 'DI GZUNG BA LA YANG MTSUNGS PA MA YIN NAM, 'DI LTAR, 'DZIN BZHIN PA NA DRAN PA MED, ,DE NI GZUNG BA'I RJES THOGS 'BYUNG, ,'DAS PAR BZUNG LA DE YI NI, ,RANG BZHIN MED PAS DE DRAN MIN, ,DRAN PA DA LTAR SKYE BA YIS, ,SNGA MA NYID NI JI LTAR SHES, ,YOD MIN DNGOS MED RANG BZHIN NI, ,JI LTAR DE YI NGO BO DRAN, ,DE MIN RANG BZHIN SHES PAR YANG, ,DRAN PA YIN ZHES BAB COL CHOS, ,'ON TE BDAG ZHES DE TSE YOD, ,DES NI SNGON NYID SHES PA NYID, ,'DZIN PA DANG NI DRAN PA LA'ANG, ,DE NI NUS PAR 'THAD PA NYID, ,DANG POR 'DZIN DANG DRAN PA NI, ,GAL TE BDAG LAS THA DAD NA, ,NGO BO NYID KYIS DE LA NI, ,'DZIN DANG DRAN PA DE YOD MIN, ,'DZIN DANG DRAN PA GZHAN YIN NA DE'I RANG BZHIN MA YIN PA DE 'DZIN PA PO DANG DRAN PA PO MA YIN PA NYID DE, LUS KYANG THAL BAR 'GYUR BA'I PHYIR RO, ,MA YIN TE MI RTAG PA'I PHYIR RO ZHE NA, NAM MKHA' LA SOGS PAR YANG 'GYUR RO, ,GAL TE DE LA DE GNYIS MI 'DU BA'I PHYIR RO ZHES 'DOD NA DE YANG MED PA DANG MTSUNGS TE, 'DI LTAR, DE YI RJES SU 'BREL PA'I PHYIR, ,'DZIN DANG DRAN DANG LDAN PA NYID, ,MKHA'

, ,SOGS KYANG NI YIN GYUR TE, ,BRTZAD PA DE YANG MTSUNGS PA YIN, ,SNGON DANG PHYIS KYI DUS SU 'GYUR BA 'GA' ZHIG MED PAR NI 'DI MI 'THAD DO ZHES DRAN PA GZHAN DU MI 'THAD PA'I PHYIR DRAN PA PO RTOGS PA YIN NO, ,DE LTA YIN DANG NAM MKHA' LA SOGS PA NYID DE LTAR 'GYUR MOD, DON GZHAN RTOGS PA'I 'BAD PAS CI BYA, 'BREL PA YANG 'DI NYID BRTZAD PAR BYA'O, ,YANG NA DRAN PA LA SOGS PA YANG RTAG PAR KHAS BLANG BAR BYA'O, ,'DI NYID BDAG YIN NO ZHE NA, GANG LA ZIN PA THE TSOM ZA, ,DE LA DRAN PAS KYANG CI SHES, ,DRAN PA DE TSE MED PA'I PHYIR,, SNGA MA NYID DU CI LTAR RTOGS, ,ZHES BYA BA DE NYID BYUNG BA YIN NO, ,DE'I PHYIR SNGA MA DANG PHYI MA'I RANG BZHIN NYID NI MNGON SUM GYIS 'DZIN PA MA YIN LA, DRAN PAS KYANG MA YIN PA'I PHYIR 'DI NI GYI NA'O, ,DE'I PHYIR RTAG PA YIN NA SNGA MA DANG MTSAMS MI SBYOR BAR BRTZAL MA THAG PA NYID 'DZIN PAR SRID PA MA YIN NO, ,DES NA SNGA PHYI MA BZUNG BA'I PHYIR SGRA MI RTAG PA NYID DO ZHES BYA BA 'DI GNAS SO, ,JI SKAD DU SHES PA NI RANG GI NGO BO'I DE MA THAG TU 'BYUNG BA YIN GYI RTZOL BA'I DE MA THAG PA NI MA YIN NO ZHES BRJOD PA DE NI GZHAN DU YANG SPANGS PAR NUS PA YIN TE, GAL TE RANG GI NGO BO'I DE MA THAG PA NYID YIN PA DE LTA NA YANG, BRTZAL MA THAG PAR 'GYUR BA NYID DO, ,DER SHIN TU ZHIB MO'I BRTAG PA NI DGOS PA DANG LDAN PA MA YIN NO, ,DE'I PHYIR 'BRAS BU DANG RANG BZHIN GYI RTAGS GNYIS KA YANG DPE 'DI NYID KYIS BSTAN PA YIN NO, ,GAL TE 'BRAS BU DANG RANG BZHIN GYI DPE NYID THA DAD PAR CI'I PHYIR BSTAN LA DBYE BA GZHAN NI MA YIN ZHE NA, 'DI LA LAN BTAB PA NI, YOD PA GANG MED MI 'BYUNG BA 'AM, ,RANG BDAG RNAM DBYER MED CAN DANG, ,DE NI DE DANG 'KHRUL MI 'GYUR, ,ZHES BYA'I DON DU DE RAB DBYE, ,GANG ZHIG GANG MED PAR YOD PAR MI 'GYUR BA DE NYID NI GTAN TSIGS YIN TE DE 'KHRUL PA MED PA'I PHYIR RO, ,THA DAD PA LA NI 'BRAS BU NYID MA RTOGS PAR 'KHRUL PA MED PA GZHAN YOD PA MA YIN NO, ,GAL TE MI 'KHRUL PA NYID KYIS NI GTAN TSIGS YIN GYI 'BRAS BU NYIS KYIS NI MA YIN TE, THAL BA ME'I 'BRAS BU YIN NA DE 'KHRUL

PA MED PA MA YIN NO, ,DE BZHIN DU 'BRAS BU MA YIN PA YANG LDAN PA CAN GYI CHU'I GZHI GO BAR BYED PA YIN NO ZHE NA, DE NI MA YIN TE, 'DI LTAR 'BRAS BU NYID YIN PAS NA GO BAR BYED PA KHO NA'O ZHES MI BRJOD KYI 'ON KYANG GO BAR BYED PA NYID KYI 'BRAS BU KHO NAS YIN TE THA DAD PA NI 'BRAS BU MA YIN NA GO BAR BYED PA YANG MA YIN NO ZHES SO, ,'DAS PA'I ME DANG YUL GZHAN NA GNAS PA LAS KYANG BYUNG BA'I 'BRAS BU THAL BA DE LTA BUS NI DE LTAR GYUR PA GO BAR BYED PA KHO NA'O, ,DE NYID KYI PHYIR GANG GIS DE'I KHYAD PAR LAS KHYAD PAR DU 'GYUR BA GO BAR BYED PA NYID NI 'BRAS BUS RAB TU SBYAR BA YIN NO, ,'DIR YANG RGYU MTSAN NI RGYU MTSAN CAN GYI DNGOS PO NI DE LTAR GYUR PA KHO NA'O, ,LDAN PAS GO BAR BYED PA YANG YIN NA NI GZHI YANG GNAS PA'I GO BYED DU 'GYUR RO, ,'ON TE GZHI NI GNAS PA MED KYANG GO BAR BYED PA YOD PA DES NA DE NI MA YIN NO, ,CHU LA SOGS PA'I GNAS PA'I GZHI MED PAR YOD PA MA YIN PA DE'I PHYIR GO BAR BYED PA YIN NO ZHE NA, GAL TE DE LTA NA 'BRAS BU GO BAR BYED PA YIN NO ZHES BYA BA DE NYID 'ONGS PA YIN TE, GANG ZHIG MED PAR GANG MI 'BYUNG BA DE NI DE'I 'BRAS BU YIN NO, ,GZHI CAN GNAS PA YANG GZHI MED PAR MI 'BYUNG BA STE, DES NA DE 'BRAS BU YIN NO, ,GAL TE GNAS PA NYID 'BRAS BU YIN GYI CHU NI MA YIN NO ZHE NA, DE LTA NA 'O NA GNAS PA PO NYID GO BAR BYED PA YIN GYI CHU NI MA YIN PAS 'KHRUL PA MED DO, ,'ON TE GNAS PA'I KHYAD PAR CAN GYI CHU NYID GO BAR BYED PA YIN NO ZHE NA, CHU'I KHYAD PAR CAN GYI GNAS PA GO BAR BYED PA CI STE MI 'GYUR, RIGS PA NI 'DI NYID YIN TE, RJES SU 'GRO BA DANG LDOG PA DAG LAS GO BAR BYED PA YIN PA'I PHYIR RO, ,GNAS PA LAS GZHAN PA'I CHU LA MED DO, ,GAL TE LTUNG BA YANG CHU NYID MA YIN NAM ZHE NA, DE CHU YIN DU ZAD MOD, DE NYID NI MA YIN TE, CHU GZHAN YANG CHU YIN PA KHO NA'O, ,CHU NYID KYI SPYI NI MED DO ZHES BSTAN ZIN TO, ,YOD DU CHUG KYANG DE GO BAR BYED PA MA YIN TE, GO BAR BYED PA NI GSAL BA KHO NA'O, ,DE YANG 'BRAS BU YIN PA'I PHYIR 'BRAS BU LAS GZHAN PA'I GO BAR BYED PA NI MED DO, ,'ON TE GSAL BA DE NI GCIG KHO NA'O ZHES 'DOD NA DE YANG

, ,MI RUNG STE, DE NYID GNAS PA YIN LA DE NYID DE LTA MA YIN NO ZHES BYA BAR THAL BA'I PHYIR RO, ,RNAM GRANGS KYIS DE LTAR YIN YANG SKYON MED DO ZHE NA, DE LTA NA 'O NA SNGA MA DANG PHYI MA DAG GCIG TU RTOGS PA MED PA'I PHYIR CI LTAR GSAL BA GCIG NYID YIN, MA RTOGS PA NI GZHAN DANG GCIG PA NYID MA YIN NO, ,GCIG PAR SGRUB PAR BYED PA NI RTOGS PA NYID YIN TE, RTOGS PA DANG MA RTOGS PA DAG NI MA YIN NO, ,RTOGS PA MED PAS NI DNGOS PO SGRUB PAR MI 'THAD PA'I PHYIR RO, ,NGO SHES PA NI BSAL ZIN TO, ,DE'I PHYIR THAMS CAD DU NGO SHES PAR DPYAD PA NAS 'BRAS BU NYID GO BAR BYED PA'I RGYU MTSAN YIN NO, ,CHU DANG THAL SOGS DNGOS PO DAG ,RANG BZHIN GANG GIS BSKYED BYA YIN, ,DE NYID KYIS NA GO BYED DU 'ANG, ,GNAS PHYIR GZHAN LAS RTOGS MA YIN, ,RANG BDAG RNAM DBYER MED CAN GANG, ,ZHES BYA BA NI, GANG ZHIG GANG GI BDAG NYID YIN PA DE DE'I GO BAR BYED PA YIN TE, SHING SHA PA SHING GI BDAG NYID YIN PAS SHING GO BAR BYED PA BZHIN NO, ,GAL TE JI LTAR SHING SHA PA SHING GI BDAG NYID YIN PA DE BZHIN DU SHING YANG SHING SHA PA'I BDAG NYID NI GNYI GA MED NA MED PAR 'GYUR BA'I PHYIR RO ZHE NA, MA YIN TE, RNAM PAR DBYE PA MED PA NYID MA YIN PA'I PHYIR RO, ,SHING SHA PA MED KYANG PA LA SHA LA SOGS PA YOD PA NYID DE, SHA PA NI DE LTAR MA YIN PA'I PHYIR DE NYID RNAM PAR DBYER MED PA CAN YIN PAS GO BAR BYED PA NYID DO, ,GAL TE DE'I BDAG NYID MTSUNGS NA YANG, ,GAL TE DBYER MED GO BYED NA, ,DE LTA YIN NA DE BDAG NYID, ,DE NI GO BYED RGYUR MI 'GYUR, ,DE BDAG MED KYANG DE BZHIN DU, ,'KHRUL MED DU BA GZHAN MTHONG NGO, ,DES NA DE YI BDAG NYID NI, ,GO BAR BYED PA'I RGYU MTSAN MIN, ,RJES 'GRO LDOG PA DAG LAS NI, ,DE NI RGYU MTSAN MA YIN 'GYUR, ,DE NI DE LTA MA YIN TE, ,DE BDAG DE LAS 'BYUNG MIN PAR, ,GANG DU MI 'KHRUL GO BYED NI, ,MING 'DI BSHAD ZIN DE BAS NA, ,DE DAG DE YI RGYU MTSAN YIN, ,DE YI NANG GI DBYE BAS KYANG, ,GO BYED DE YI BDAG NYID NI, ,DE BDAG NYID YIN THA DAD MED, ,'BRAS BU DE LAS GZHAN GYUR PA, ,RGYU YI YIN PHYIR THA DAD NYID,,

DE NYID KYI PHYIR BSHAD PA, LDAN PA CAN SOGS GANG DAG LA, ,DE 'DRA'I 'BREL PA YOD MIN PA, ,DE DAG 'KHRUL PA SRID PA'I PHYIR, ,GTAN TSIGS MIN ZHES BSHAD PA YIN, ,LDAN PAS GO BAR BYED PA YIN NA NI ME YANG DU BA DANG LDAN PA YIN PA'I PHYIR CI STE DU BA'I GO BAR BYED PA MA YIN, MI 'KHRUL PA MED PA'I PHYIR RO ZHE NA, 'O NA NI THA DAD PA'I MI 'KHRUL PA DE NI RGYU DANG 'BRAS BU'I DNGOS PO NYID DO, ,'DI LA GZHAN DAG NA RE RGYU DANG 'BRAS BU'I DNGOS POS GO BAR BYED PA NYID YIN NA DE NI GNYIS LA GNAS PA YIN PA'I PHYIR ME YANG GO BYED 'GYUR RO ZHES ZER RO, ,MA YIN TE YOD PA GANG MED NA MI 'BYUNG BA ZHES BSHAD PA'I PHYIR RO, ,RGYU DANG 'BRAS BU LA GTOGS PA'I RGYU DANG 'BRAS BU'I DNGOS PO NI YOD PA MA YIN TE, DES NA RGYU DANG 'BRAS BU'I DNGOS POS GO BAR BYED PA YIN NO ZHES BYA BA RGYU NYID DANG 'BRAS BU NYID KYIS GO BAR BYED PA YIN NO ZHES BYA BA YIN NO, ,DE LTA NA 'O NA RGYU YANG GO BAR BYED PA CI STE MA YIN ZHE NA, YIN PA KHO NA STE, 'DI LA GZHAN DU 'GYUR BA MED DO, ,DE NI DE LTAR SHES PAR MI NUS PAR ZAD DO, ,CI LTAR SHES PA DE LTAR NI GO BAR BYED PA MA YIN PA KHO NA'O, ,RANG BZHIN DES NI GO BAR BYED PA NYID DO, ,'DI LTAR, ME 'DI'I DU BA BYED PA NA; ,RGYU NYID DU NI 'GYUR BA YIN, ,GAL TE BYED PAR SHES NA NI, ,GO BYED DU YANG 'GYUR BA NYID, ,DE LTAR DE LDOG MI NUS PHYIR, ,DE NI DE YI NYES PA YIN, ,DE LTA YIN DANG DU BA NI, ,MED NA MED PHYIR DE 'BRAS NYID, ,THA DAD KHYAB PAR BYED PA NYID, ,THAMS CAD GANG PHYIR RGYU NYID YIN, ,DE BZHIN DU RANG BZHIN GYI GTAN TSIGS LA YANG BRJOD DO, ,DER YANG SHA PA'I BDAG NYID DU, ,RTOGS NA SHING YANG GO BYED NYID, ,DE BDAG BDE BAR RTOGS MED PAS,,GO BAR BYED NYID YOD MA YIN, ,DE LTA NA YANG GO BYED NYID, ,GO BAR BYED NYID YOD MA YIN, ,DE LTA NA YANG RNAM DBYER NI, ,MED PAR RTOGS PA GO BYED 'GYUR, ,DE PHYIR 'BRAS DANG RNAM DBYE NI; ,MED PAR DNGOS KUN RTOGS MA YIN, ,CI LTAR SHING DANG ME DAG SHA PA DANG DU BA DE'I BDAG NYID DANG, RGYUR MA NGES PA DE BZHIN DU GO BAR BYED PA YANG MA NGES PA NYID DU 'GYUR RO, ,NGES PA YIN NA CI LTAR GO BAR BYED PA MA YIN TE, MA NGES PA GO BAR BYED PA'I RGYU MTSAN YOD PA'I PHYIR RO, ,

GAL TE DE'I RJES SU 'JUG PA YIN PA DE LTA NA DE DE'I RGYU MTSAN DU 'GYUR BA YIN NO, ,DE LTAR MA YIN YANG DER 'GYUR NA HA CANG THAL BAR 'GYUR RO, ,LDAN PA LA YANG DE BZHIN NO ZHE NA, DE NI MA YIN TE, GANG GI PHYIR, LDAN PA CAN SOGS GANG DAG LA, ,DE 'DRA'I 'BREL PA YOD MIN PA, ,DE DAG 'KHRUL PA SRID PA'I PHYIR, ,GTAN TSIGS MIN ZHES BSHAD PA YIN, ,RTEN DANG BRTEN PA DAG NI LDAN PA CAN YIN TE, LDAN PAS MTSUNGS PA'I PHYIR RO, ,'DU BA CAN NI RIGS DANG BYA BA DANG, YON TAN GYI DNGOS PO DAG GO, ,GZHIS NI BRTEN PA GO BAR BYED PA MA YIN TE, RGYU DANG 'BRAS BU'I DNGOS PO ZHES BYA BA MED NA MI 'BYUNG BA MED PA'I PHYIR RO, ,RIGS KYANG DE BZHIN TE, GSAL BA ZHIG PA NA 'BA' ZHIG PAR RTOGS PAS RIGS DANG LDAN PA RTOGS PAR BYED PA MA YIN TE, RGYU DANG 'BRAS BU'I DNGOS PO MI SRID PA NYID KYI PHYIR RO, ,'ON TE BRTEN PAS RTEN GO BAR BYED PA YIN TE, DE LA MED NA MI 'BYUNG BA YOD PA'I PHYIR RO, ,DE LTA NA 'ON KYANG RGYU DANG 'BRAS BU'I DNGOS PO NYID GO BAR BYED PA YIN PAR MI 'GYUR GYI, MED NA MI 'BYUNG BA NYID YIN NO ZHES BYA BAR 'DOD DO ZHE NA, DE YANG MI RUNG STE, MED NA MI 'BYUNG BA'I KHYAD PAR NYID RGYU DANG 'BRAS BU'I DNGOS PO YIN NO; ,DE'I PHYIR BSHAD PA, 'BREL PA YOD PA YIN NA YANG, ,DE NYID RTOGS PA'I SGRUB BYED YIN, ,NGES PA MED NA MI 'BYUNG YIN, ,NGES PA MED PA SGRUB BYED MIN, ,GZHAN GZHAN LA NGES PA DE NI RGYU DANG 'BRAS BU'I DNGOS PO NYID DO, ,DE MA YIN NA NI GO BAR BYED PA MA YIN PA'I PHYIR RO ZHES BSHAD ZIN TO, ,RANG BZHIN 'BRAS BU GRUB DON DU, ,GTAN TSIGS GNYIS DANG BZLOG PA GNYIS, ,STON TO ZHES BYA BAR BSHAD PA YIN NO, ,DE NI RTZOD PHYIR KHYAD PAR SPYI DAG STE, ,ZHES BYA BAS 'CHAD PAR BYED DO, ,KHYAD PAR NI THUN MONG MA YIN PA STE, GCIG TU LDOG PA CAN NO, ,SPYI NI RJES SU 'GRO BA CAN NO; ,GZHAN DAG MA NGES PA DE GNYIS KYANG GO BAR BYED PAR SMRA BAS, DE LA SLOB DPON GYIS DE LA RIGS MTHUN LA YOD DANG ZHES BYA BA LA SOGS PAS GO BAR BYED PA MA YIN PA DE NYID STON PAR MDZAD DO, ,GAL TE GCIG TU LDOG PA CAN NI GO BAR BYED PA KHO NAR RIGS SO ZHE NA, GAL TE GCIG

LAS GCIG TU LDOG PAR GRUB NA BDEN PA ZHIG NA DE NI MA GRUB STE, PHYOGS GNYIS LA 'KHRUL PAR 'DOGS PA'I PHYIR RO, ,'DI LTAR, LDOG PA NYID NI NGES PA NYID, ,MED NA MI 'BYUNG YIN PAR BRJOD, ,DE YANG 'BREL PA MED LA MED, ,DE NYID PHYIR NA RJES 'GRO GNAS, ,SROG LA SOGS PA BDAG MED PA LA SOGS PA 'DI NYID CI LTAR 'GRUB CE NA, GAL TE BDAG DANG BCAS PA NYID MED NA MI 'BYUNG BA YIN PAR 'GYUR NA'O, ,DE YANG MA 'BREL PA DAG LA MI 'GRUB STE, MI MTHUN PA'I PHYOGS THAMS CAD LAS MI LDOG PA'I PHYIR TE RANG GI SGO NAS LDOG PAR NUS PA MA YIN PA'I PHYIR RO, ,GANG GIS DE LA MED DO ZHES BYA BAR RTOGS PAR 'GYUR BA MI MTHUN PA'I PHYOGS THAMS CAD NI MTHONG BA MA YIN NO, ,RJES SU 'GRO BA'I SGO NAS NI RTOGS PAR 'GYUR RO, ,GANG GI PHYIR NGES PAR 'DZIN PA DE NI 'BREL PA 'DZIN PA YIN LA, DE YANG MNGON SUM GYI TSAD MA'I BYA BA YIN NO, ,DES NA NGES PAR BZUNG BAS GZHAN LAS LDOG PA YANG 'PHEN PA YIN TE, DE LTA MA YIN NA NGES PA'I RANG BZHIN MI 'DZIN PA NYID DO, ,'DI LTAR, GZHAN YOD NA YANG DE MED NA, ,DE YOD NA NI YOD NYID DANG, ,GZHAN MED NA YANG MED MIN PA, ,DES NA DE YI 'BRAS BU RTOGS, ,GANG GI TSE CAN DAN GYI DRI GZHAN YOD KYANG 'BYUNG BA MED PA, DE YOD NA NI YOD PA DE'I TZAN DAN GYI DRI DE'I 'BRAS BU YIN NO ZHES 'GRUB KYI GZHAN DU MA YIN PA'I PHYIR NGES PAR GRUB PO, ,DE YANG LDOG PA MED NA MED PA'I PHYIR RO, ,DE YI BDAG NYID DU GYUR PA'I LDOG PA YANG GRUB PO, ,GAL TE THAMS CAD DU NI 'DI NI 'DI LAS SKYE BA YIN ZHES RJES SU 'GRO BA YANG KHYAD PAR MI 'GRUB PO ZHE NA, DE NI MED DE, 'DI NYID LAS NI 'DI SKYE ZHES, ,DE TZAM GYIS NI DE RTOGS 'GYUR, ,DE YANG GZHAN LAS MI SKYE BAR, ,DE NYID DE LTAR RTOGS PA YIN, ,'DI 'DI LAS GZHAN DU YANG 'BYUNG BA NYID DO ZHES BYA BA 'DI NI GO BAR BYED PA'I RGYU MTSAN MA YIN TE, 'ON KYANG 'DI NYID LAS 'BYUNG GI GZHAN LAS NI MA YIN NO ZHES BYA BA YIN NO, ,DE LTAR YANG DE LAS GZHAN LAS SNGAR GYI SKYE BA MA MTHONG BA'I PHYIR, DE YOD NA DE MA THAG NYID DU NGES PA RNAMS LA RTOGS

, ,PA YOD PA NYID DO, ,GAL TE GZHAN GANG RUNG RUNG LAS MI SKYER ZIN KYANG GZHAN GYI KHYAD PAR LAS 'BYUNG BAR 'GYUR RO, ,GZHAN ZHES BYA BA TZAM GYIS THAMS CAD MTSUNGS PA NI MA YIN TE, DES NA LDOG PA MED DO, ,DE YOD NA YOD DO ZHES BYA BA'I LDOG PA YANG MI 'GRUB STE; MA MTHONG BA LAS SRID PA'I PHYIR RO ZHE NA, DE NI MI RUNG STE, 'DI LTAR, KHYOD KYI GTAN TSIGS 'DI LTAR 'GYUR, ,'DI NI KHYOD NYID RJES 'DZIN YIN, ,RANG NYID RJES 'DZIN MI 'DOD NA, ,KUN DU KHYED NYID LA GNOD 'GYUR, ,KHYED KYI GTAN TSIGS NI 'DI LTAR GO BAR BYED PA YIN TE, RNAM PA GZHAN DU MI SRID PA'I PHYIR RO ZHES BSTAN PA YIN NO, ,GAL TE DE LTAR MI 'DOD NA RTEN GZHAN TSOL CIG ,SRID PA YANG MA YIN TE, DE LTA NA NI RANG LA GNOD PAR BYA BA'I PHYIR ZUG GZER 'TSO BA YIN NO, ,GZHAN YANG, GAL TE GZHAN YANG RGYU YIN NA, ,DE MED PAS NA MOD PA NI, ,CI LTAR MED PAR 'GYUR BA YIN, ,DE MA THAG TU 'ANG MI 'GYUR 'DI, ,MTHUN PA'I TSOGS NYE BAR GNAS PA LAS BYUNG BA KHO NA YIN NA, DE MED NA NI DE MA THAG TU MED PAR 'GYUR BA'I PHYIR SHA ZA BA LA SOGS PA GZHAN GYI RGYUR SRID PA MA YIN NO, ,GAL TE DE YANG DE MA THAG PA NYID DU YOD PA DANG MED PAR 'GYUR BA YIN NO ZHES KHAS LEN NA, 'ON NI SHA ZA DE ME'I DBANG DU BYAS PA'I PHYIR ME NYID RGYU'I DNGOS PO'I YIN NO, ,GAL TE GZHAN LAS KYANG 'GYUR BA NI RJES SU 'GRO BA DANG LDOG PA MED PAS 'DOD RGYAL BA'I MI SLU BA YIN PA'I PHYIR NA RTOGS PA SNGON DU BYED PA RNAMS KYIS 'BRAS BU SO SO LA NGES PA'I THABS TSOL BA GANG YIN PA DER MI 'GYUR RO, ,GNYIS SU MED PAR SMRA BA KHO BO CAG LA NI DON DAM PAR RGYU DANG 'BRAS BU'I DNGOS PO ZHES BYA BA YOD PA MA YIN NO, ,DE'I PHYIR 'BREL PA SGRUB PA'I TSAD MKHAS LEN NA RJES SU 'GRO BA GSAL BAR GNAS PAR 'GYUR RO, ,GANG GI PHYIR, RANG BZHIN DAG GAM RGYU DNGOS NI, ,GRUB NA LDOG PA GRUB 'GYUR BA, ,DE YI PHYIR NA KHYAD PAR NI, ,LDOG MED RJES 'GRO YOD MA YIN, ,DE'I BDAG NYID LA NGES PAR MA YIN PA NI DE MED PAS NGES PAR LDOG PA MA YIN NO, ,'BREL PA MED PA NI RANG LDOG PAS GZHAN LDOG PAR BYED PA MA YIN TE, THAL CHES

PAR 'GYUR BA'I PHYIR RO, ,'BREL PA DANG LDAN PA KHYAB PAR BYED PA MA YIN PA YANG MA YIN LA, DE'I BDAG NYID DE LAS BYUNG BA'I 'BREL PA MED PAR KHYAB PAR BYA BA DANG KHYAB PAR BYED PA'I DNGOS POR 'GYUR BA YANG MA YIN NO, ,RNAM PA GZHAN GYIS KYANG CI STE MA YIN ZHE NA, MA YIN TE 'BREL PA RNAM PA GZHAN MED PA'I PHYIR RO, ,RNAM PA DE NYID KYANG RTOG PA NYID 'DOD PAR SGRUB PAR BYED PA YIN LA, DE LTAR YANG MI 'GYUR TE DES NA LDOG PA CAN DU 'DOD PA NI LDOG PA YANG MED LA RJES SU 'GRO BA YANG MED PA YIN NO, ,DES NA GNYI GA MED PA'I PHYIR GSON PO'I LUS NI BDAG DANG BCAS PA STE; SROG PA SOGS PA DANG LDAN PA'I PHYIR RO ZHES BYA BA NI GO BAR BYED PA MA YIN PA NYID DO, ,'ON TE GNYI GA MED PA'I PHYIR JI LTAR 'DI SLOB DPON GYIS LDOG PA CAN DU GSUNGS TE, DES KYANG 'DI NYID GSUNG BAR 'OS PAR 'GYUR RO ZHE NA, SKYON 'DI MED DE, 'DI LTAR, MA MTHONG BA TZAM LA BRTEN NAS, ,LDOG PA 'BA' ZHIG CAN DU ZAD, ,DE YI PHYIR NA MA NGES PA, ,GZHAN DU GO BAR BYED PAR 'GYUR, ,GZHAN GYI BSAM PA MA MTHONG BA TZAM GYIS LDOG PAR 'GRUB PA LA BRTEN NAS, SLOB DPON GYIS 'DI LDOG PA CAN DU GSUNGS KYI LDOG PA NGES PA NYID NI MA YIN TE, DE LTA MA YIN NA LDOG PA NGES PA YOD PAS GO BAR BYED PA NYID DU 'GYUR RO, ,DE LTA NA YANG SLOB DPON GYIS 'DI MA NGES PA'I NANG DU 'GOD PAR MI 'GYUR RO, ,DE'I PHYIR 'DI SLOB DPON GYIS 'DI LDOG PA NGES PA DANG LDAN PAR BZHED PA MA YIN NO, ,GAL TE SROG LA SOGS PA MED PAS NI BDAG MED PA LA KHYAB PA YIN LA DE YANG GSON PO'I LUS LA MED PA'I PHYIR KHYAB PAR BYED PA LOG PAS GSON PO'I LUS LA KHYAB PAR BYA BA BDAG MED PA GDON MI ZA BAR LDOG PAS NA JI LTAR BDAG DANG BCAS PAR MI 'GRUB CE NA, MI 'GRUB STE 'DI LTAR, GAL TE BDAG NI LDOG PA YIS, ,SROG SOGS DAG NI LDOG 'GYUR NA, ,SROG SOGS MED PAS BDAG MED LA, ,KHYAB GYUR DE YANG YOD MA YIN, ,GAL TE MI MTHUN PA'I PHYOGS DAG KHYAB PA BSGRUB PA YIN NA DE'I TSE SROG LA SOGS PA MED PA LOG PA NA GSON PO'I LUS LA BDAG MED PA LDOG PA'I PHYIR RJES SU 'GRO BA MED KYANG

, ,BDAG 'GRUB PAR 'GYUR BA ZHIG NA MI MTHUN PA'I PHYOGS DAG GI KHYAB PA DE NYID NI, MTHUN PA'I PHYOGS KYI KHYAB PA MED PAR MI 'GRUB PO, ,BDAG DANG BCAS PA DANG 'BREL PA MA YIN PA NYID KYIS LDOG PAR BYED PA NYID DU MI 'GRUB LA, LDOG PAR BYED PA MA YIN PA LDOG PA NI ZLA BO NI BZLOG PAR BYA BA MA YIN PA LDOG PAS KHYAB PA MI 'GRUB PO, ,DE'I PHYIR KHYAB PAR BYA BA MA YIN PA'I LDOG PA MED PAS KHYAB PAR BYED PA MA YIN PA'I LDOG PA MED PAR MI 'GRUB PO, ,BDAG DANG BCAS PAR 'BREL PA MA YIN PA NYID KYIS LDOG PAR BYED PA NYID DU MI 'GRUB LA, LDOG PAR BYED PA MA YIN LA LDOG PA'I PHYIR BDAG MI 'GRUB PO, ,GZHAN LDOG PAR NI GYUR PA YIS, ,GZHAN LDOG PA NI MI RUNG PHYIR, ,GAL TE 'BREL PA MED KYANG LDOG NA NI, HA CANG THAL BAR 'GYUR RO, ,DE BDAG DE LAS BYUNG ZHE NA, CI STE 'DI THAMS CAD NI BDAG KHO NA'I ZHES BYA BAS SROG LA SOGS PA BDAG NYID YIN PA'AM, YANG NA DE LAS BYUNG BA YIN TE, BDAG 'DU BA CAN GYI RGYU YIN PA'I PHYIR RO ZHE NA, 'DI NI LAN MA YIN TE, 'DI LTAR, GAL TE BDAG NI DMIGS PA NA, ,DE DMIGS RTOGS PA MED PAR YANG, ,MA RTOGS NA 'DI 'GRUB PAR 'GYUR, , GAL TE BDAG DMIGS PA YIN NA DE'I BDAG NYID YIN PA'I PHYIR GZHAN YANG DE'I RANG BZHIN YIN NO ZHES 'GRUB PA ZHIG NA, DE NYID MA DMIGS PAS JI LTAR DE'I MTSAN NYID YIN PA'I PHYIR ZHES BYA BA'I GTAN TSIGS SU 'GRUB, 'DI LA'O SNYAM PA'I BLO'I RGYUR 'DU BA YANG YOD PAR MI 'GYUR TE, BDAG MA DMIGS PA'I PHYIR RO, ,RGYU DANG 'BRAS BU'I NGO BO NI, ,MNGON SUM DANG MI DMIGS PA SGRUB PA YIN GYI, BDAG MNGON SUM MA YIN PA'I PHYIR, DE'I BDAG NYID DANG DE LAS BYUNG BAR JI LTAR 'GYUR, GANG GI PHYIR, SHIN TU LKOG TU GYUR PA LA, ,MTHONG DANG MA MTHONG DE GRUB MED, , BUM PA LA SOGS PA BDAG MED PA YANG MA YIN TE, 'DI LTAR, SHIN TU LKOG TU GYUR PA NI, ,MI DMIGS PA LAS MED MI RTOGS, ,BDAG MED PA NI GRUB MED NA, ,DE YI KHYAB PA CI LTAR RTOGS, ,DMIGS PA'I MTSAN NYID KYIR GYUR PA MA DMIGS PA'I RJES SU 'GRO BA DANG LDOG PA DAG NI RGYU

DANG KHYAB PAR BYED PA'I SGRUB PAR BYED PAR 'GYUR BA YIN NA NI BDAG GI DMIGS PAR BYA BA MA YIN NO, ,DES NA CI LTAR DE RGYU DANG KHYAB PAR BYED PA'I DNGOS PO YIN TE, MA YIN TE, YANG SROG LA SOGS PA DE'I BDAG NYID DANG DE LAS BYUNG BA YIN NO ZHES MI 'GRUB PO, ,GZHAN YANG, GZHAN LA MTHONG MED NGO BO CAN, ,BUM SOGS LA MED CES GANG LAS, ,LDOG PA SHES PA MED PA YI, ,LDOG PA'I KHYAB PA CI LTAR YIN, ,GANG ZHIG YUL LAM DUS GZHAN DU MTHONG BA DE NI DA LTAR 'DI NA MED DO ZHES RTOGS SO ZHES BYA BA NI MTHA' DAG LA GRAGS PA YIN NO, ,DE GANG ZHIG NAM YANG RTOGS PA'I YUL DU 'GYUR BA MYONG BA DE GO DE NA MED DO ZHES CI LTAR RTOGS PAR 'GYUR, MTHONG BA MED LA 'GA' YANG NI, ,GANG DU'ANG RTOGS PAR 'JUG PAR BYED, ,THAMS CAD LA NI LTOS PA CAN, ,DE BDAG 'GOG PA TZAM DU ZAD, ,'GA' ZHIG TU MTHONG BA NYID GZHAN DU MTHONG NA YOD DAM MED SNYAM DU RTOG PA 'JUG PAR 'GYUR RO, ,MED DO ZHES NGES PAR GANG LAS YIN TE DE LTAR NA 'GOG NA GZHAN GYI BDAG NYID MA YIN NO ZHES DE'I BDAG NYID YIN PA 'GOG PA TZAM DU ZAD KYI, BUM PA LA SOGS PA LA BDAG MED DO ZHES NGES PAR NI MI 'GYUR RO, ,KHYAB PA NYID YIN NA NI SHIN TU GSAL BAR YANG MED PAR NGES PA MA YIN NO, ,DES DBEN PAR NI DMIGS PAS NA, ,GAL TE BUM SOGS BDAG MED DU, ,DES NA DE LTAR GSON PA'I LUS LA YANG, ,DE NI MED CES BYA BAR 'GYUR, ,CI LTAR BUM PA LA SOGS PA BDAG GIS DBEN PAR DMIGS PAS BDAG MED PA ZHES BYA BAR RTOGS PA DE BZHIN DU GSON PO'I LUS LA YANG 'GYUR RO, ,DE YANG DES DBEN PAR MA DMIGS PA NI MA YIN NO, ,DES NA DMIGS PAR BYA BA MA YIN PA'I PHYIR, BUM PA LA SOGS PAR BDAG MED PAR MI RTOGS SO, ,DES NA LDOG PA SHES PA MED PA'I BDAG GI LDOG PA'I KHYAB PA, SROG LA SOGS PA MED PA LA LDOG PA LA BDAG GIS KHYAB PA CI LTAR 'GYUR, GANG ZHIG LDOG PAS GANG KHYAB PAR LDOG PA KHYAB PA DE LDOG PA NI DES KHYAB PAR 'GYUR PA YIN NA NI, BDAG LDOG PA NI MA GRUB PA SROG LA SOGS LDOG PAS KHYAB PO ZHES MI SHES TE DE'I PHYIR CI LTAR SROG LA SOGS PA MED PA LDOG PA

, ,BDAG GIS KHYAB PA MI 'GRUB PA DE'I PHYIR 'DI LA LDOG PA NGES PA YOD PA MA YIN NO, ,GAL TE CI LTAR BUM PA LA SOGS PA LA SROG LA SOGS PA MED DO ZHES RTOGS PA DE BZHIN DU BDAG MED DO ZHES CI STE MI RTOGS SHE NA, MI MTHUN PA NYE BAR BKOD PA STE, 'DI LTAR; SROG SOGS LA LAR MTHONG BA YIS, ,YOD MED GNYIS NI RTOGS PAR 'GYUR, ,MI DMIGS PA TZAM LAS NI MA YIN NO, ,GAL TE DE LTAR BDAG MTHONG NA, ,YOD MED GNYIS NI RTOGS PAR 'GYUR, ,SROG LA SOGS PA NI DMIGS PA'I MTSAN NYID DU GYUR PA YIN PA'I PHYIR GSON PO'I LUS MA YIN PA LA MED PAR RTOGS PAR 'GYUR GYI, BDAG NI DE MA YIN PA'I PHYIR BZLOG PA MA YIN NO, ,GZHAN YANG BUM PA LA SOGS PA BDAG MED PA YIN DU CHUG PA DE LTA NA YANG SROG LA SOGS PA MED PA LDOG PAS BDAG 'GRUB PA MA YIN NO, ,GAL TE GSON PO'I LUS LA BDAG MED NA SROG LA SOGS PA YANG YOD PAR MI 'GYUR TE, BUM PA LA SOGS PA LA SROG LA SOGS PA LDOG PAR BYED PA NI BDAG MED PA YIN PAR MTHONG BA'I PHYIR RO ZHE NA, MA YIN TE, GZHAN MED PA LDOG PAR BYED PA MA YIN PA'I PHYIR RO, ,'DI LTAR, RGYU GANG ZHIG NI MED PA YIS; ,BUM PA LA SROG MTHONG MED PA, ,LUS YA'ANG GAL TE DE MED NA, ,LUS LA MED PAR RIGS MA YIN, ,BUM PA LA SOGS PA LA NI BLO DANG RTZOL BA LA SOGS PA YANG MED PA NYID DO, ,DE'I PHYIR CI STE MED PAS SROG LA SOGS PA LOG PA YIN NAM, 'ON TE BDAG MED PA YIN ZHES, ,'DIR KHYOD LA THE TSOM MED PA'I RGYU CI ZHIG YOD, GANG DU BLO LA SOGS PA'I RGYU GANG ZHIG MED PAS, BUM PA LA SROG MI SNANG BA DE NYID GAL TE LUS LA MED PAR 'GYUR NA SROG LA SOGS PAS STONG PAR THAL BA YIN NA, BLO LA SOGS PAS NI MED PA MA YIN PAS DE CI LTAR SROG LA SOGS PA LDOG PAR THAL BA YIN, 'ON TE GSON PO'I LUS DANG BUM PA LA SOGS PA BDAG MED PAR CHOS MTSUNGS PA YIN NA GAL TE BLO LA SOGS PA YOD PA DANG MED PAS BYAS PA'I CHOS MI MTHUN PA YOD PA DE LTAR NA YANG BDAG MED PA YIN PA'I PHYIR GSON PO'I LUS KYANG SROG LA SOGS PAS STONG

PAR 'GYUR RO, ,SROG LA SOGS PA MED PAS CHOS MI MTHUN PA NYID YIN NA YANG, BDAG DANG BCAS PAR 'GYUR RO ZHE NA, 'DI LA BRJOD PA, GAL TE CUNG ZAD CHOS MTHUN PHYIR, ,THA DAD PA YANG DE RTOGS NA, ,DE'I TSE, GZHAL BYA NYID PHYIR BUM SOGS RNAMS, ,BDAG DANG BCAS PAR CIS MI DPOG ,CUNG ZAD TZAM GYIS KYANG CHOS MTHUN PA MED PA DE LTA BU NI YOD PA MA YIN NO, ,MI 'DOD CE NA TSAD MA NYID, ,'DOD PA KUN GYI RGYU YIN TE, ,DE MED PAR NI DNGOS PO DANG, ,DNGOS MED RNAM GZHAG GANG GIS NUS, ,'DOD PAS NI TSAD MAR 'GYUR BA MA YIN GYI, 'ON KYANG GANG LA TSAD MA YOD PA DE LA RTOG PA DANG LDAN PA 'DOD PAR 'GYUR BA YIN NO, ,TSAD MAS 'GRUB PA NI MI 'DOD KYANG BZLOG PAR 'GYUR BA MA YIN NO, ,TSAD MA NI 'DOD PA LA LTOS PA MED PAR RANG DBANG NYID DU RIGS PA YIN NO, ,DE LTA MA YIN NA TSAD MA LA RANG DBANG MED PAR 'DOD PAS DNGOS PO YOD PA DANG MED PA 'DOR LE NA [*LEN?] BYED NA DNGOS PO DANG DNGOS PO MED PA RNAM PAR GNAS PAR MI 'GYUR TE, RGOL BA'I 'DOD PAS NI YUL DU GYUR PA'I BSGRUB PAR BYA BA SGRUB PAR BYED LA, PHYIR RGOL BA'I 'DOD PAS NI 'DOD PA'I PHYIR DNGOS PO DANG DNGOS PO MED PA MA 'CHOL BAR GNAS PA MED PAR 'GYUR RO, , 'O NA BLO LA SOGS PA DE DAG KYANG BDAG YOD PAR 'GYUR BA YIN ZHES RTOGS PA YIN TE, DES NA BLO LA SOGS PA YOD NA SROG LA SOGS PA LDOG PA MA YIN NO ZHES GANG BRJOD PA DE MI RIGS SO ZHE NA, MI RIGS PA MA YIN TE, GZHAN NYID DE LA 'JUG PAR BYED PA YIN PA'I PHYIR RO, ,GAL TE BDAG BLO LA SOGS PA'I 'JUG PAR BYED PA NYID DU NGES PA YIN NA NI LOG PAS LDOG PAR BYED PA NYID DU 'THAD PA YIN NA, DE LTA MA YIN TE, 'DI LTAR, SROG DANG MIG 'BYED LA SOGS NI, ,DRAN 'DOD RTZOL BA LAS SKYE YIN, ,DE DAG YUL DBANG BLO LAS 'BYUNG, ,DE YANG PHAN TSUN RKYEN LAS NI, , LDOG PA'I RANG GE RIGS LAS 'BYUNG, ,DE TZAM LA NI BDAG DNGOS 'DI, ,RJES 'GRO LDOG PA LA BRTEN YIN, ,GZHAN DU RTOG NA THUG PA MED, ,DRAN PA DANG 'DOD PA DANG RTZOL BA DAG NI MI 'DOD PA 'AM DE LAS GZHAN 'GA' ZHIG LA 'JUG PA YIN ZHING DE LAS NI SROG DANG MIG 'BYED PA LA SOGS

, ,PA 'JUG GO, ,DRAN PA LA SOGS PA GANG LAS 'JUG CE NA, YUL DANG DBANG PO DANG BLO DAG LAS SO, ,DE DAG KYANG PHAN TSUN RTEN LA LTOS NAS RANG GI RIGS LAS 'BYUNG BA YIN TE, YUL GYI NI YUL SNGA MA NYID LA DBANG PO DANG YUL DAG KYANG DE BZHIN NO, ,BDAG GI DNGOS PO NI RGYU DANG RKYEN GYI TSOGS PA 'DI DAG TZAM NYID LA 'BREL PA YIN PAS NYE BAR MKHO BA MED PAR GZHAN GYIS CI BYA, GAL TE BDAG MED NA SNGA PHYI MTSAMS 'BYOR PA'I RANG BZHIN GYI DRAN PAR MI 'GYUR BA MA YIN NAM, 'DI LTAR GANG GIS MTHONG BA DE NYID DRAN PAR BYED PA YIN TE, GZHAN GYIS MTHONG BA NI GZHAN GYIS DRAN PA'I YUL DU BYA BAR MI NUS SO ZHE NA, 'DI YANG BZLOG PA TZAM MA YIN NAM, 'DI LAS KYANG CI LTAR 'GRUB, DRAN PA GCIG LAS MTHONG BA NI MED DE, SNGA MA DANG PHYI MA GCIG PA NYID MNGON SUM GYIS MI RTOGS PA'I PHYIR DANG, DRAN PA YANG TSAD MA MA YIN PA'I PHYIR, GAL TE GZHAN GYIS DMIGS PA DANG, MI DRAN PA DE LTA NA YANG GZHAN GYI KHYAD KYIS DRAN PAR 'GYUR RO, ,GZHAN ZHES TE GZHAN NO COG MTSUNGS PA NI MA YIN NO, ,GANG GIS DE NYID DRAN PA'I RGYUR 'GYUR BA GZHAN MA YIN PA DE LTA BU NI RANG GI RGYU LAS SKYES PA YIN TE, RGYU DANG 'BRAS BU NGES PA'I PHYIR RO, ,BDAG YOD PA NYID KYIS NI DRAN PA MA YIN TE, 'O NA GSAL BA GOMS PA DANG LDAN PA'I RGYUD YOD PA LAS SO, ,DE LTA MA YIN NA NI RTAG TU DRAN PAR THAL BAR 'GYUR RO, ,GAL TE 'DI SKAD DU BDAG YOD NA DRAN PA NYID DO ZHES MI BRJOD KYI GAL TE DRAN PA NI BDAG YOD PA NYID DE DRAN PA PO MED PA DRAN PA MI SRID PA'I PHYIR RO ZHE NA, DE YANG YANG DAG PA MA YIN TE, 'DI LTAR, DE 'GYUR NA NI 'GYUR PHYIR DANG, ,RJES 'GRO LDOG PA'I RJES BYED PHYIR, ,'DI RGYU 'BRAS BU DNGOS PO STE, ,DE LTAR MIN NA GZHAN MED 'GYUR, ,DRAN PA DANG NI SNGON NYAMS SU MYONG BA GOMS PA'I RJES SU 'GRO BA DANG LDOG PA'I RJES SU BYED PA'I PHYIR DANG, DE 'GYUR NA 'GYUR BA'I PHYIR BDAG RGYU MA YIN NO, ,CI STE KHYAB PA DANG RTAG PA MED PAR MI 'GYUR NA, DE LTAR MA YIN NA DUS LA SOGS PA YANG RGYU YIN PAR THAL BAR 'GYUR TE, KHYAD PAR MED PA'I PHYIR RO, ,'ON TE MYONG BA PO DANG NGAN PA PO MED PAR MI 'GYUR RO ZHE NA, DE NI DE

LTAR MA YIN TE, DRAN PA MYONG BA DAG LAS NI, ,DRAN PO MYONG PO DE RTOGS NA, ,NAM MKHA' DE LTAR YIN PAR NI, ,CI YI PHYIR NA RTOGS MI BYED, ,DRAN PA DANG MYONG BA GZHAN DU MI 'THAD PAS DRAN PA PO DANG MYONG BA PO 'GA' ZHIG RTOGS PA YIN GYI NAM MKHA' LA SOGS PA LAS GZHAN DU 'GYUR BA NI MA YIN NO, ,DE LTA YIN DANG GCIG 'GA' ZHIG YOD DO ZHES RTOGS PAR 'GYUR RO, ,DE YANG NAM MKHA' LA SOGS PA DANG MI MTHUN PA NI MA YIN TE, KHYAB PA DANG RTAG PA DANG LUS CAN MA YIN PA LA SOGS PAS KHYAD PAR MED PA'I PHYIR RO, ,'ON TE NGA'O ZHES BYED PA PO NYID DU RTOGS PA'I BDAG YIN GYI LUS CAN MA YIN PA TZAM NI MA YIN NO ZHE NA, NGA'O SNYAM PA'I RTOG PA LA NI LHAS BYIN NGA NI GAR GYI RIGS SO ZHE 'AM, SNGON PO'O ZHES LUS NYID SNANG BA MA YIN NAM, LUS KYI MI RTAG PA'I PHYIR RO ZHE NA, MA YIN TE LUS KYI GNAS SKABS MI RTAG PA YIN GYI GNAS SKABS CAN NI 'JIG RTEN PHA ROL LA SOGS PAR THA DAD PA MED PA'I PHYIR RTOGS PA 'DI NYID BLO'I THA DAD PA NI MA YIN NO, ,DRAN PA LA SOGS PA NI LUS LA GNAS PA NYID DU RTOGS KYI LUS CAN MA YIN PA LA GNAS PAR NI MA YIN NO, ,'ON TE RE ZHIG RTOGS PA PO GCIG 'GRUB PAS DE LUS YIN NAM, GZHAN YIN PA'I RTOGS PA GZHAN GYIS CI BYA ZHE NA DE YANG MA RUNG STE, GANG PHYIR GNAS SKABS TSOGS LAS NI, ,LUS GZHAN RTOGS PA YOD MIN PA, ,DE NYID PHYIR NA DED KYI PHYOGS, ,GRUB PA LA NI GNOD MED PA, ,GZHAN YANG, RTAG PA'I RANG BZHIN 'GYUR MED LA, ,DRAN MYONG DAG LAS GAL TE DE, ,DRAN BYED RTAG TU RING NA NI, ,DE NYID CI LTAR DON RIG 'GYUR, ,BDE LA SOGS PAS 'GYUR NA NI, ,RTAG PA NYID DU'ANG 'THAD MA YIN, ,BDE SOGS KYIS NI 'GYUR MED NA, ,BDE LA SOGS PAR GNAS MI 'THAD, ,GANG PHYIR DRAN PA 'BRAS YIN PA, ,DES NA MYONG BAS CIS MA YIN, ,'ON TE NGA ZHES RNAM SHES PA, ,RGYU DANG 'BRAS BU TZAM MA YIN, ,'DI LTAR SNGON MTHONG BZUNG BA NI, ,NGA YI DRAN PAS RNAM NGES PAR, ,RTOGS ZHES 'GRO BA THAMS CAD KYIS, ,BYED PA NYID NA RTOGS PA NYID, ,DE YANG MA YIN TE, 'DI LTAR, SNGON MTHONG DRAN ZHES RTOGS PA NI, ,BDAG LAS SKYES PA TZAM GYIS NI, ,TSAD MED DE LTA YOD NA NI, ,KUN 'GYUR RNAM GZHAG MED PAR

, ,'GYUR, ,GAL TE RGYU BDAG LAS SKYES PA TZAM GYIS SHES PA TSAD MA YIN NA, THAMS CAD TSAD MAR 'GYUR BA'I PHYIR, ,THAMS CAD KYI THAMS CAD 'GRUB PAR 'GYUR TE, DES NA CHES 'CHOL PAR GYUR TO, ,DE'I PHYIR GANG ZHIG DBANG PO NYAMS PA MED PA LA BRTEN NAS 'BYUNG BA DE NYID TSAD MA MA YIN NO, ,DE LTA YIN DANG GANG GIS 'DI NI DRAN PA DANG MTSAMS SBYOR BA LA YANG NUS PA YOD PA YIN NO ZHES BRJOD PAR BDEN PAR 'GYUR, MIG LA SOGS PAS BSKYED PA'I SHES PAS RJES SU 'BREL PA BCAD PA MED PA'I PHYIR SNGA PHYI GCIG TU RTOGS PA BDEN PA CI LTAR 'GYUR, DRAN PAR 'GYUR BA'I RTOGS PA MED PAR NI BDAG GIS BDAG GAM GZHAN RJES SU 'BREL PAS RTOGS PA MA YIN NO, ,DES NA NGAS DRAN NO ZHES BYA BA 'DI NI KUN RDZOB TZAM KHO NA'O, ,DES NA KUN RDZOB PA'I BDAG GIS NI THAMS CAD 'THAD PA NYID DO, ,GZHAN YANG, 'KHRUL PA NYID KYIS MNYAN BYA DANG, ,SROG SOGS 'DI NI MTSUNGS PAR 'GYUR, ,MA YIN LDOG PA CAN YIN YANG, ,'DI LA 'KHRUL MED PHYIR ZHE NA, ,CI LTAR SGRUB MI NA NYID LAS DE, ,LDOG MIN 'O NA DON GYIS DE, ,BSGRUB BYA'I RJES 'JUG MIN DE LTAR, ,BRJOD 'GYUR DE NI GZHAN LAS MTSUNGS, ,MNYAN BYA NYID DANG SROG LA SOGS PA NI KHYAD PAR YOD PA MA YIN TE, LDOG PA 'BA' ZHIG PAR GNYI GA YANG MTSUNGS PA'I PHYIR RO, ,DES NA GCIG NI 'KHRUL PA YIN LA RANG BZHIN NI MA YIN NO ZHES BYA BA'I TSUL 'DI CI ZHIG YIN, GAL TE LDOG PA MTSUNGS PA MA YIN TE YUL THA DAD PA'I PHYIR RO, ,MNYAN BYA NYID NI MTHUN PA'I PHYOGS DANG MI MTHUN PA'I PHYOGS GNYIS KA LAS KYANG LDOG PA YIN LA, SROG LA SOGS PA NI MA YIN TE, BSGRUB PAR BYA BA MA YIN PA KHO NA LAS LDOG PA'I PHYIR RO ZHE NA, 'O NA MNYAN BYA NYID NI MTHUN PA'I PHYOGS LAS KYANG LDOG GO ZHES BYA BA MTHUN PA'I PHYOGS LA RJES SU 'JUG PA MED PAR BSTAN PA YIN NA, DE NI SROG LA SOGS PA DANG MTSUNGS PA NYID DO, ,DE YANG MTHUN PA'I PHYOGS NYID LA YOD PA NYID NI MA YIN NO, ,MTHUN PA'I PHYOGS YOD PA DANG MED PA NYE BAR DGOD PA NI DGOS, 'DI LTAR, BSGRUB MIN NYID LAS RNAM CHAD CES, ,BSGRUB BYA GNAS PAR

BRJOD PA YIN, ,DE NYID PHYIR NA DON GO BAS, ,GCIG GIS GNYIS KA BSTAN PAR BRJOD, ,NGES PAR BZUNG BA NGES PA NYID DU GZUNG BAS NI BZLOG PA BSGRUB PA YIN TE, DE LTA MA YIN NA GAL TE BSGRUB PAR BYA BA MA YIN PA NYID LAS RNAM PAR CHAD PA MTHUN PA'I PHYOGS LAS KYANG RNAM PAR CHAD PA YIN NA DE'I TSE NGES PAR GZUNG BA 'BRAS BU MED PAR 'GYUR RO, ,DE NYID KYI PHYIR KHYED KYIS KYANG BSGRUB PAR BYA BA MA YIN PA NYID LAS RNAM PAR CHAD PA ZHES BYA BA'I NGAG 'DI LAS GCIG GIS KYANG GNYIS KA BSTAN PAR BYAS PA YIN NO, ,DE'I PHYIR RJES 'GRO MED PA LAS, ,'DI 'DRA'I MI 'KHRUL 'GRUB MA YIN, ,NGES PAR GZUNG BA'I MTSAN NYID RJES SU 'GRO BAS KHYAB PA'I MI 'KHRUL PA GANG YIN PA DE CI LTAR KHYAB PAR BYED PA RJES SU 'GRO BA MED PAR 'GYUR, YANG NA BSGRUB PAR BYA BA MED PA NYID LA RNAM PAR CHAD PA ZHES BYA BA 'DI NI RJES SU 'GRO BA RTOGS PA MED PAR RTOGS PA MA YIN TE, MI MTHUN PA'I PHYOGS MTHA' DAG NI MTHONG BA MA YIN NO, ,RJES SU 'GRO BA'I SGO NAS NI 'GYUR BA YIN TE, BDAG NYID LA NI 'BREL PA'I PHYIR, ,GZHAN LAS LDOG PAR 'GYUR BA YIN, ,DE LAS GZHAN LAS LDOG MIN NA, ,CI LTAR DE LA 'BREL PAR 'GYUR, ,'ON TE BSGRUB PAR BYA BA LA YOD PA NYID MA YIN NO ZHE NA; 'O NA MED PA LA MED PAR 'GYUR BAS BSGRUB PAR BYA BA MA YIN PA KHO NA LAS ZHES MA 'KHRUL PAR CI LTAR 'GYUR, 'DI LTAR, BKAG PA 'GOG PAR BYED PA NI, ,BSGRUB PA LAS GZHAN CI 'DRA ZHIG, ,BSGRUB PAR BYA BA MED PA NYID LA, MED DO ZHES NGES PAR GZUNG BA GANG YIN PA DES NI BSGRUB BYA LA MED PA BKAG PA YIN TE, BSGRUB PAR BYA BA MA YIN PA NYID LA MED PA YIN GYI, BSGRUB PAR BYA BA LA NI MED PA MA YIN NO ZHES DGAG PA 'GOG PAS SGRUB PA NYID BSGRUB PAR 'GYUR RO, ,CI STE, BSGRUB BYA MED LAS LDOG MED PA, ,DES NA SGRUB MIN NYID LAS MED, ,MED CES LDOG PA DE NYID NI, , CI LTAR MED LAS LDOG PAR 'DOD, ,CI STE SROG LA SOGS PA'I GTAN TSIGS LA MTHUN PA'I PHYOGS MED PA'I PHYIR DE LAS LDOG PA MA YIN NO, ,MED PA LAS NI LDOG PAR NUS PA MA YIN TE 'BYUNG KHUNGS NYID MED PA'I PHYIR RO, ,GANG LAS LDOG PAR RTOGS PAR 'GYUR BA MED PA ZHES BYA BA NI 'GA'

, ,YANG YOD PA MA YIN NO ZHE NA, GAL TE MED PA LAS MI LDOG NA LDOG PA'I LDOG PAR JI LTAR 'GYUR, DE YANG MED DO ZHE NA, GAL TE LDOG PA'I LDOG PA 'GOG NA LDOG PA'I LDOG PA LAS LDOG PAR CI LTAR LDOG CES THUG PA MED PA'I PHYIR RTOGS PA MED DO, ,BKAG PA DANG LDOG PA ZHES BYA BA NI DON GCIG NYID DO, ,LDOG PA'I GZHIR GYUR PA GANG YIN PA DE NYID LDOG PA'I 'BYUNG KHUNGS YIN NO, ,GAL TE GANG DANG LDAN PA YOD PA DE BRAL BA'I 'BYUNG KHUNGS MA YIN NAM, DNGOS PO MED PA DANG NI LDOG PA YOD PA MA YIN NO ZHE NA, GANG DANG LDAN PA MI SRID PA DE CHOS SHIN TU 'BYUNG GNAS NYID CI STE MA YIN, ,BRAL BA TZAM 'BYUNG KHUNGS YIN GYI LDAN PAR YANG GYUR PA NI MA YIN NO, ,DE LTAR MA YIN NA NI LDOG PA YOD PA NYID LAS LDOG PA YOD PA ZHES BYA BA 'DI CI LTAR YIN, GAL TE DER NI BLO YOD NA, ,'DIR YANG CI STE 'DOD MA YIN, ,MED PA SHIN TU GSAL BA NYID, ,DE YI GNAS SU RTOGS PA YIN, ,GANG NAM YANG DE MI SRID PA DE NI DE'I 'BYUNG KHUNGS YIN PAR SHIN TU YANG CHER RIGS SO, ,LDOG PA MED PA SGRUB PA YIN, ,DNGOS PO MED NA'ANG YOD MIN LA, ,DNGOS PO MED PA YOD MIN ZHES, ,BLUN PO YI NI SPYOD LA LTOS, ,MED PA LA DNGOS PO MED DO ZHES LDOG PA MED PA MED PA NI SGRUB PA NYID YIN PAS, DNGOS PO YOD PA'I MTSAN NYID DE NI MED PA LA YANG YOD PA YIN NO, ,DNGOS PO MED PA NI MED PA LA 'THAD PA'I RNAG BZHIN YANG MED LA, BZLOG KYANG CIG SHOS NI YIN NO ZHES BYA BA BLUN PO'I SPYOD PA LAS GZHAN CI ZHIG YIN, 'DI LTAR, SGRUB PA DANG NI DGAG PA DAG ,PHAN TSUN SPANGS TE GNAS PA NA, ,RNAM GZHAN SRID PA MA YIN PHYIR, ,GNYI GA MED CES RIGS MA YIN, ,DNGOS PO YOD PA MA YIN NA GOR MA CHAG PAR MED PA NYID YIN PA'I PHYIR RO, ,DE NYID NI LDOG PAR YANG THA SNYAD BYED DE, DE LA MED PA NI DE LAS MI LDOG PA MA YIN NO, MED PA NYID KYANG DE LA MED PA KHO NA STE, GZHI NYID DANG MI LDAN PA'I PHYIR RO ZHE NA, MA YIN TE, YOD PA NYID MED PA KHO NA DE LA MED PA YIN NO, ,DE YANG MED DO ZHE NA, MA YIN TE, DNGOS PO DANG DNGOS PO MED PA DAG NI PHAN TSUN MED PA'I RANG BZHIN CAN YIN PA'I PHYIR GNYI GA YANG DGAG PAR CI LTAR

'GYUR; DNGOS PO NI GDON MI ZA BAR DNGOS PO MED PA RNAM PAR GCAD PAS DE NYID THOB PA YIN TE, DNGOS PO MED NA DNGOS POR MI 'GYUR BA'I PHYIR RO, ,GANG GI PHYIR DNGOS PO MED PAR MED PA LAS LDOG PA DE'I PHYIR DE LDOG PA LA GDON MI ZA BAR 'GYUR RO, ,DE LTA MA YIN TE, GAL TE DNGOS PO MED PA LOG KYANG MI 'GYUR NA NI MED PA KHO NAR 'GYUR RO, ,'DI LTAR, GAL TE DNGOS PO YOD MIN PA, ,DNGOS MED NYID DU RTOGS PAR 'GYUR, ,STON TE DNGOS MED MED NA NI, ,DES NA DNGOS PO RTOGS PAR 'GYUR, ,DE YANG MED NA DGAG PA 'DI, ,MI DMIGS PAS NA MED PHYIR RO, ,GNYI GA MED NA DNGOS PO NI, ,YOD PA BZLOG PA MED PA NYID, ,GAL TE DNGOS PO DANG DNGOS PO MED PA GNYI GA YANG MED PA YIN NA, DE LTA NA YANG DNGOS PO'I MED PA NYID BZLOG TU MED PA KHO NA'O, ,GAL TE DNGOS PO YOD PA MA YIN NA, DE LTA NA DNGOS PO MED PAR 'GYUR BA MA YIN NO, ,DE BZHIN DU NI DNGOS PO MED PA YANG MED PA NYID DU 'GYUR RO, ,GAL TE DNGOS PO MED PA MA YIN LA DNGOS POR YANG MA GYUR NA, DE NYID DNGOS PO MED PAR RTOGS PA YIN NO, ,DE'I PHYIR DGAG PA 'JUG PA NYID DES DBEN PAR DMIGS PA'I MTSAN NYID KYI MNGON SUM GYIS SGRUB PA LAS PHYI ROL DU RNAM PAR 'JOG PA YIN NO; ,DE'I PHYIR TSAD MA GCIG 'JUG PA NYID KYIS RNAM PA GZHAN LA RNAM PA GZHAN GYI NGO BOR 'JOG PA YIN TE, RNAM PA GZHAN NI YOD PA MA YIN NO, ,GANG ZHIG MNGON SUM DER MA CHUG PA DE THAMS CAD NI GZHAN KHO NA'O, ,DNGOS PO'I RANG BZHIN 'DZIN PA'I MNGON SUM GYIS KYANG DE LA GANG ZHIG DE'I RANG BZHIN DU RNAM PAR MA BCAD PA DE NI DE'I RANG BZHIN DU MED PA YIN TE, RNAM PA GZHAN NI YOD PA MA YIN NO, ,DNGOS PO MED PA YOD PA YONGS SU GCOD PA NA YANG GANG ZHIG DE LTAR RNAM PAR MA BCAD PA DE DNGOS PO NYID YIN PA'I PHYIR RNAM PA GZHAN LA SRID, GAL TE RNAM GZHAN MED MOD DNGOS PO 'AM DNGOS PO MED PA DE NI MED PA LA MED DO ZHES GZHI DANG BCAS PAS GCOD PAR NUS PA MA YIN TE, DE NYID BCAD PA MED PA'I PHYIR RO, ,MED PA NI GCAD PAR NUS PA MA YIN NO ZHE NA, DE NI MA YIN TE 'DI LTAR, GAL TE DE LA LDOG MED NA, ,GTAN TSIGS 'JUG PAR 'DOD DAM CI, ,DE YANG MIN NA LDOG

, ,BKAG NI, ,'DI NYID YIN NA CI STE 'GOG ,RE ZHIG KHYED LA 'DI TZAM ZHIG DRI STE, GAL TE MTHUN PA'I PHYOGS MED PA DE LAS MI LDOG NA CIG 'JUG PAR 'GYUR RAM RNAM PA GZHAN NI YOD PA MA YIN PA'I PHYIR RO, ,DE LTAR NA DNGOS PO MED PA'I NGAG BZHIN CAN GYI LDOG PAR MI 'GYUR BA YIN TE, GAL TE 'JUG PA'I RANG BZHIN GYI DNGOS POR 'GYUR NA'O, ,DE YANG MA YIN NO ZHE NA, 'O NA LDOG PA LDOG PA MA YIN TE, GANG GI PHYIR KHYOD KYIS BSGRUB PA'I LDOG PA BKAG PA NI 'DI NYID YIN NA, DE'I PHYIR CI STE 'GOG PAR BYED PA, BSGRUB PA NI DE NYID KYI TSE DGAG PAR RIGS PA MA YIN NO, ,DE'I PHYIR 'JUG PA BKAG PA NYID LDOG PA YIN PAS, DE BKAG PA MA YIN NO, ,'ON TE DE NI 'BYUNG KHUNGS SAM GNAS NYID DU RTOGS PA MA YIN PA'I PHYIR DE LAS LDOG PA MA YIN PAR BRJOD NA, 'DIR BRJOD PA, SGRUB DANG DGAG PA MA RTOGS PAR, ,SGRA LAS BYUNG BA'I THA SNYAD GZHAN, ,YOD MI NA DE YANG MED PA LA, ,MED PHYIR 'DI NI MI SMRA THOB, ,GAL TE KHYED LA 'GA' ZHIG BRGAL ZHING BRTAG PAR BYED DE, SROG LA SOGS PA MTHUN PA'I PHYOGS LA MA MTHONG BA MA YIN NAM, DES NA DE LAS LDOG PA LAS THUN MONG MA YIN PA'I JI LTAR GO BAR BYED PA MA YIN DE LTA BU NYID KYANG YIN NA MNYAN BYA NYID KYANG GO BYED DU 'GYUR RO ZHES SO, ,DES NA GDON MI ZA BAR MTHUN PA'I PHYOGS MED PA LDOG PA MED DO ZHES BRJOD PAR BYA DGOS, DE LTAR MA YIN NA 'DIR MI SMRA BA NYID THOB PAR 'GYUR RO, ,CI STE YANG DE BZHIN KHO NAR 'GYUR LA DRAG MOD CES BYA BAR 'GYUR NA, MA YIN TE, RANG NYID KYANG RNAM PA 'GA' ZHIG LTAR GCOD PA SRID PA'I PHYIR RO, ,TSIG NI BZLOG PAR NUS KYI, BLO NI MA YIN TE GDON MI ZA BAR CI ZHIG LTAR RTOGS PAR 'GYUR RO, ,GZHAN YANG GAL TE DNGOS PO MED PA NAM YANG BDAG NYID THAMS CAD KYI GNYIS NYID DAM 'BYUNG BA NYID DU RTOGS PAR NUS PA MA YIN DE KHO NA YIN NA THA SNYAD CHAD PAR 'GYUR RO, ,'DI LTAR, YOD PA RNAMS LA DGAG PA MED, ,DE NI MED LA'ANG YOD MA YIN, ,RIGS PA 'DI YI 'GRO BA LA, ,DGAG PA'I DON NI MED PAR 'GYUR, ,DGAG PA'I DON NI MED PA NYID DO, ,DES NA MED PA MI RTOGS PA NI CI LTAR DE SBYOR, 'DI LTAR, BRJOD BYA

BLO LA GNAS PA YAS, ,DE NYID RTOGS PAR BYA BA'I PHYIR, ,RJOD PAR BYED PA'I SBYOR 'GYUR LA, ,MED PA DE GNYIS YOD MA YIN,, ,,BAM PO BCU GSUM PA, GAL TE MED PA TZAM YUL DU BYED NA DGAG PA DON MED PA NYID DO, ,YUL RTOGS PA LA DGAG PA SBYOR BA'I PHYIR RO, ,YUL RTOGS PA LA DGAG PA SBYOR BA'I PHYIR RO, ,SBYAR NA YANG DGOS PA MED DO, ,'O NA GANG ZHIG MED PA DE YUL DU BYA BA YIN NA, DE LTAR YIN NA RTOGS BZHIN PA NYID MED PAR CI LTAR 'GYUR, 'O NA RTOGS PA NI RNAM PA GZHAN DU YIN LA, MED PA YANG RNAM PA GZHAN DU YIN NO, ,'DI LTAR YOD PA NYID YUL LA SOGS PA DANG LDAN PA 'GA' ZHIG GIS DGAG PAR BYA BA YIN NO ZHE NA, 'DI LA BSHAD PA, GAL TE YUL DUS 'GOG CE NA, ,CI LTAR DE YOD DE LTAR NI, ,MI 'GOG CI LTAR DE MED PA, ,DE LTAR YANG NI 'GOG MI 'GYUR, ,DA LTAR 'DI NA RANG BZHIN 'DI LTAR MED DO ZHES BYA BA YANG, DGAG PAR NUS PA MA YIN PA NYID DO, ,'DI LTAR RANG BZHIN GANG DANG YUL GANG DANG, DUS GANG YIN PA DE, GAL TE YOD NA CI LTAR 'GOG ,'ON TE MED NA BLOS YUL DU BYED PAR SRID PA MA YIN TE MED PA GCAD PAR MI NUS PA'I PHYIR RO, ,CI STE YUL DU BYED NA DE LTAR YIN NA GZHI LA SOGS PA YANG YUL DU BYED PAR 'GYUR RO, ,DE LTA MA YIN PAR YUL DU BYA MI NUS PA'I PHYIR RO; ,GDON MI ZA BAR BYED PA'I NGO BOR YONGS SU GCOD PA YIN TE, GZHAN DU SRID PA MED PA'I PHYIR RO, ,GAL TE YUL 'DI NA MED DO ZHES GZHI'I RANG BZHIN YUL DU BYAS PA YIN NA MED PAR CI LTAR 'GYUR, MED NA CI LTAR YUL DU BYED, ,'ON TE DGAG PAR BYA BA SGRO BTAGS NAS 'GOG PAR BYED NA, DE LTAR YIN NA MTHUN PA'I PHYOGS KYANG SGROR BTAGS NAS MTHUN PA'I PHYOGS LAS LDOG PA YOD PA YIN BA'I PHYIR CI LTAR MTHUN PA'I PHYOGS LAS MI LDOG, ,DES NA PHYI ROL LA DON BRTAN PA'I BRTAN PA'I BSGRUB PA DANG DGAG PA NI THA SNYAD MI SRID PA DE'I SRID PA DE'I PHYIR THA SNYAD CHAD PAR 'GYUR RO, ,GAL TE SGRUB PA'I THA SNYAD SRID BA MA YIN NAM ZHE NA, MA YIN TE, YUL DU BYA BA LA SGRUB PA MED PA'I PHYIR RO, ,BUM PA YOD CES BYA BA GAL TE YOD PAR BZUNG NA DE NYID SGRUB PA YIN PAS YANG YOD DO ZHES SGRUB BAS CI ZHIG BYA, 'ON TE MED PAR YIN NA DES NA 'GAL BA'I PHYIR MED PA NI YOD DO ZHES SGRUB PAR MI NUS SO, ,GAL TE YOD

, ,PAR BCAD NA NI, ,DE LA SGRUB PA DON MED YIN, ,MED PAR YONGS SU BCAD PHYIR NA, ,SGRUB PA GZHAN DU NUS MA YIN, ,DE PHYIR DNGOS DNGOS MED RTEN PA, ,PHYI ROL RTEN MIN SGRA DON LA, ,BRTEN NAS 'DIR NI SGRUB PA DANG, ,DGAG PA THAMS CAD 'DOD PA YIN, ,TSAD MA'I DON YANG GZHAN YIN LA, ,SGRA YI DON YANG GZHAN YIN NO, ,SGRA'I DON NI YOD PA DANG DNGOS PO MED PA'I RTEN YIN GYI, TSAD MA'I DON NI DE LTA MA YIN NO, ,TSAD MA'I DON NI DNGOS PO MED PA'I RTEN MA YIN NO, ,TSAD MA'I DON NI RNAM PA GZHAN DU SRID PA MA YIN TE, RANG BZHIN NGES PAR GZUNG BA'I PHYIR RO; ,SGRA LAS ZHIG LA BLO CI 'DRA, ,MA ZHIG PA LA'ANG DE 'DRA NYID, ,DES NA DNGOS DNGOS MED RTEN NI, ,SGRA DON TSAD MA'I DE LTA MIN, ,DES NA SGRUB PA DANG DGAG PA DAG GI YUL NI RNAM PAR RTOG PA CAN GYI BLOS BRTAGS PA YIN TE, RNAM PAR RTOG PA RNAMS NI DNGOS PO LA 'JUG PAR MA NGES PA'I PHYIR RO, , RNAM PAR RTOG PA MED PA YANG THAMS CAD NI TSAD MA MA YIN NO, ,GAL TE TSAD MA MA YIN PA SGRUB PA'I TSUL DU ZHUGS NA, DES NA DE TSAD MA MA YIN PAR BSTAN PA'I PHYIR DGAG PAR BYED LA, DGAG PA'I TSUL GYIS ZHUGS NA NI SGRUB PAR BYED DO, ,GAL TE 'DI RTOGS PA 'KHRUL PA NYID YIN PA DE'I TSE BDAG NYID DE LTA BU NYID DU GSAL BAR 'GYUR TE, RANG RIG PA LA 'KHRUL PA MED PA'I PHYIR RO, ,RANG GI NGO BO NI GZHAN DU MTHONG BAR NUS PA MA YIN TE, RANG GI NGO BO LAS NYAMS PAR THAL BA'I PHYIR RO, ,RNAM PA GZHAN DU SNANG NA DE NYID KYANG RANG GI NGO BO YIN PAS DER YANG DE LTAR 'GYUR BA'I PHYIR THUG PA MED PAR 'GYUR RO, ,RANG GI NGO BOR YOD NA NI DNGOS PO'I NYE BAR LEN PA CAN NYID 'GOG PA YIN NO, ,CHOS CAN DE YANG RANG GI NGO BOS RTOGS PAS NA GANG GIS DE GNYIS DANG 'BREL PAR 'GYUR BA CI LTAR SGRUB PA DANG DGAG PA THUN MONG PA YIN NO ZHE NA, 'DIR BRJOD PA, DE 'DRA MED NA'ANG CHOS CAN DE, ,DE DAG DANG NI 'BREL PAR SNANG, ,DE YANG SGRA 'JUG PA NYID LAS, ,YOD CES THA SNYAD RTEN PAR 'DOD, ,THA SNYAD 'DI PHYI ROL DANG NANG GI RANG BZHIN NYID LA BRTEN PA NI MA YIN GYI, 'ON KYANG SGRA'I DON LA BRTEN PA YIN NO, ,SGRAS NI PHYI DANG NANG GI RANG GI NGO BO RTOGS PA MA YIN NO, ,GAL TE DE LAS MA RTOGS PA

GZHAN MED PA'I PHYIR SGRUB PA DANG DGAG PA DAG THA SNYAD JI LTAR RTEN ZHE NA, GZHAN SEL BA LA BRTEN NO ZHES BRJOD DO, ,GZHAN SEL BA LA BRTEN NO ZHES BYA BA 'DI CI ZHIG ,SGRA LA RTOGS PA GANG YIN NA'O, ,RTOGS PA DE GANG YIN ZHES BYA BA DE NYID DE LTAR BRJOD PA MA YIN NAM, CUNG ZAD KYANG MA YIN NO, ,DE LTA NA YANG THA SNYAD 'DI NI THOG MA MED PA'I KUN DU RMONGS PA BSKYED PA YIN NO, ,'DI LTAR RNAM PAR DPYAD NA PHYI ROL LA LAM NANG 'DRA BA YOD PA MA YIN NA'ANG SGRA'I DON GYI MTSAN NYID KYI CHOS CAN DE SGRUB PA DANG DGAG PA DAG DANG 'BREL PA LTA BUR MNGON PA YIN NO, ,DE SKAD DU YANG 'DI LA DNGOS PO CUNG ZAD MED CES BSHAD PA YIN NO, ,GAL TE DE LA PHYI ROL GYI RANG BZHIN DU SGRO BTAGS PA NYID KYI RANG BZHIN YOD PA MA YIN NAM ZHE NA, MA YIN TE SHES PA DANG SHES BYA MA RTOGS PA GZHAN MI SRID PA'I PHYIR RO, ,'KHRUL PA'I RANG BZHIN YOD DO ZHE NA, DE YANG GAL TE RANG GI NGO BOS RTOGS NA CI LTAR 'KHRUL, 'ON TE MA RTOGS NA CI LTAR YUL YIN, MA RTOGS PAR NI YOD DO ZHES LHAG PAR NGES NUS PA MA YIN NO, ,PHYIS 'KHRUL PAR SHES SO ZHE NA, 'O NA DANG POR RANG GI NGO BOR MA RTOGS PAS JI LTAR YOD DO ZHES BYA BAR RNAM PAR GZHAG PA'I YUL YIN, GZHAN GYI RANG GI NGO BOS RTOGS NA NI RTOGS PA GZHAN 'KHRUL GYI DE NYID NI MA YIN PAS NA THUG PA MED DO, ,'ON TE DE MI BDEN PA NYID DU NGES PAS NA 'KHRUL PAR BRJOD DO ZHE NA, DE NI MI BDEN PA GANG YIN, DON LA MA REG PA NYID DO, ,DE NYID DE'I RANG BZHIN MA YIN NAM CI LTAR MI BDEN PA NYID YIN RANG GI RANG BZHIN LA GNAS PA NYID NI MI BDEN PAR 'GYUR BA MA YIN NO, ,RNAM PA GZHAN DU NGES PA BSKYED PA'I PHYIR MI BDEN PA YIN NO ZHE NA, 'O NA NGES PA NYID PA MI BDEN PAR 'GYUR RO, ,DES DE BSKYED PA'I PHYIR, DE YANG MI BDEN PA KHO NA'O ZHE NA, MA YIN TE, BAG CHAGS KYI NGES PAR RNAM PA GZHAN DU BSKYED PA'I PHYIR RO; ,DE LTA YIN NA NGES PAR 'KHRUL PA NYID DO ZHES BYA BA YANG MA 'BREL PA YIN TE, DE YANG RANG GI RANG BZHIN LA GNAS PA'I PHYIR RO, ,DE'I PHYIR SGRA'I DON NI RANG BZHIN MED PA NYID DO, ,'O NA JI LTAR YOD CES THA SNYAD DU BYED CE NA, SGRA 'JUG PA'I PHYIR YOD DO ZHES THA SNYAD 'DOGS SO, ,SGRA 'JUG PA'I

, ,MTSAN NYID KYI THA SNYAD LAS YOD DO ZHES RTOGS PAR 'GYUR RO, ,GZHAN SEL BA ZHES BYA BA NI SPYI LA SOGS PAR 'DZIN PAR BZLOG PA'I DON DU MI RTOGS PAR BYED PA YIN NO, ,GAL TE CUNG ZAD KYANG MA YIN NO ZHES BRJOD NA NI GZHAN DAG SKRAG PAR 'GYUR RO, ,DE NYID KYI PHYIR DE YANG THA SNYAD RTEN PAR 'DOD CES SMOS SO, ,DE LTA MA YIN NA NI THA SNYAD CHAD PAR 'GYUR RO ZHES TE, GZHAN DAG SPONG BAR 'GYUR RO, ,'DI LTAR, SGRA LAS GZHAN NI RNAM GCOD 'DIR, ,RTOGS PA RNAMS KYI PHAN TSUN GYI, ,RGYU DANG 'BRAS BU NYID KYIS NI, ,DNGOS PO 'BA' ZHIG YOD PA YIN, ,ME 'ON CIG CES BRJOD PA NA ME MA RTOGS KYANG ME MA YIN PA SPANGS NAS 'JUG GO, ,SGRA LAS NI DNGOS PO LA MA REG PA'I RNAM PAR RTOG PA RANG GI NGO BO RTOGS PA SKYE BA LA BRTEN PA YIN LA, DE LAS NI 'JUG PA'I RNAM PAR RTOG PA DE LAS NI 'GRO BA'I RANG BZHIN NYAMS SU MYONG BA DE LAS NI THOB PA'AM DE LTAR MA YIN PA ZHES BYA BA'I THA SNYAD DU 'GYUR GYI, BRJOD PAR BYA BA DANG RJOD PAR BYED PA ZHES BYA BA NI 'GA' YANG YOD PA MA YIN NO, ,DE LTA MIN NA DON RNAMS KYI CHOS GCIG BSGRUBS SAM BKAG PA NA, BDAG NYID THAMS CAD BSGRUBS PA DANG, ,BKAG 'GYUR BDAG THA DAD MED PHYIR, ,THA DAD YIN NA GZHAN DANG GZHAN, ,BKAG PA DANG NI BSGRUB PA YIN, ,BSGRUB PA DANG NI DGAG PA DAG ,CHOS CAN GCIG LA 'DU MI 'GYUR, ,GAL TE CHOS RNAMS CHOS CAN LAS THA MI DAD PA YIN PA DE'I TSE CHOS GCIG BSGRUB PA'AM, 'GOG PA NI THAMS CAD BSGRUB PA'AM BKAG PAR 'GYUR RO, , DE BSGRUBS PA NA DE'I BDAG NYID MA BSGRUBS PA ZHES BYA BA NI MA YIN TE, DE YANG MA BSGRUBS PAR THAL BA'I PHYIR RO, ,DGAG PA YANG DE BZHIN NO, ,DUM BUR BSGRUB PA DANG 'GOG PA NI MA YIN TE, THA DAD MED PAS DUM BU NYID MED PA'I PHYIR RO, ,SGRA NGES DE BSGRUBS PAS NA DE'I BDAG NYID MA BSGRUBS PAR NI MI 'THAD DO, ,DA BSGRUBS PA NYID YIN MOD KYI 'KHRUL PAS MA NGES PA YIN NO ZHE NA, 'O NA THAMS CAD MA NGES PAR 'GYUR BA'I PHYIR RTOGS PA MED PAR 'GYUR RO, ,CUNG ZAD CIG NI NGES LA CUNG ZAD CIG NI MA NGES PA YIN NO ZHES GZHUNG GZUGS PAR NUS PA YANG MA YIN TE, RNAM PAR DBYE BA

MED PA'I PHYIR RO, ,RNAM PAR DBYE BA YOD NA DE LTAR 'GYUR GYI GZHAN DU NI MA YIN NO, ,DMIGS PA NYID YOD PAR BRJOD PA YIN TE, DE RNAM PAR DBYE BAS NI YOD PAR RNAM PAR DBYE BAR 'GYUR BA YIN NO, ,DES NA CI LTAR GCIG NYID LA CUNG ZHIG NI NGES PAR 'GYUR LA GZHAN NI MA YIN TE, NGES NA 'DI NI GYI NA'O, ,GAL TE SKAD CIG MA NYID NGES KYANG SNGON PO NGES MA YIN NAM MTHONG BA NI MI 'THAD PA ZHES BYA BA MA YIN NO ZHE NA DE LA YANG 'GAL BA'I PHYIR RO, ,'DI LTAR, NGES PAS GAL TE DE NI CI SKAD CIG NYID, BSGRUB PA DANG BRAL SNGON POR RTOGS NA NI, ,GZHAN GYI SKAD CIG DNGOS POR 'GRUB MI 'GYUR, ,TSAD MAR GRUB PA GZHAN GYIS GNOD MA YIN, ,GAL TE TSAD MAS GRUB PA TSAD MA GZHAN GYIS GNOD NA THUG PA MED DE, DE YANG GZHAN GYIS YIN PAS YID BRTEN PA MED PA NYID DU 'GYUR RO, ,'ON TE GAL TE SNGON POR NGES PAR SKAD CIG MA LA 'JUG PA ZHES BYA BA MA YIN MOD; DE LTA NA YANG DES SKAD CIG NYID BKAG PA MA YIN LA, DE BSGRUB PAS KYANG SNGON POS NGES PA LA GNOD PA MA YIN TE, BSDU BA'I TSUL GYIS GNYI GA YANG 'JUG PA'I PHYIR RO, ,LDAN PA NI GSUM STE, BSDU BA DANG RNAM PAR BRTAGS PA DANG GNOD PA'O, ,BSDU BA NI SNGON PO YANG YIN LA AUTPALA YANG YIN NO ZHES BYA BA STE, CHOS GNYIS BSDU BA'I PHYIR RO, ,RNAM PAR BRTAGS PA NI MI 'AM THO YOR ZHES BYA BA STE, GNYI GA LA MI SRID PA'I PHYIR RO, ,GNOD PA NI THAG PA NI SPRUL MA YIN NO ZHES BYA BA STE, SPRUL NYID MI SRID PA'I PHYIR RO, ,DE'I PHYIR 'DIR SNGON PO DANG SKAD CIG MA DAG BSDU BA YIN PA'I PHYIR SKYON CI YOD CE NA, 'DIR BRJOD PA, ,GNOD PA'I MTSAN NYID DANG LDAN PHYIR, ,'DIR NI CI LTAR SDUD PAR 'GYUR, ,GNOD BYA GNOD PAR BYED PA NI, ,SDUD PAR 'GAR YANG 'ONGS MA YIN, ,GAL TE SNGON PO NYID SKAD CIG MA SPANGS PAR NGES PA YIN NA SKAD CIG MA NYID BKAG PAR 'GYUR TE; DES DBEN PA NI RANG BZHIN BZUNG BA'I PHYIR RO, ,BDEN PA'I RANG BZHIN DU RTOGS PA NYID GNAD PA YIN NO, ,GAL TE 'DI LA 'DI MED DO ZHES DNGOS PO MED PA'I TSAD MAS GNOD PA MA YIN NAM, MNGON SUM NI 'GA' LA YANG GNOD PAR BYED PA MA YIN NO ZHE NA, DE NI MI 'THAD DE 'DI LTAR, MED

, ,CES NGES PA 'DI NYID NI, ,TSAD MIN 'DI NI TSAD 'BRAS YIN, ,DE YIS DBEN PAR DMIGS PA NI, ,TSAD MA DE LA NGES PA YIN, ,NGES PA 'DI RANG RGYUD PA'I TSAD MA NI MA YIN NO, ,'DI NI MNGON SUM GYI RJES SU 'BRANG BA YIN PAS 'DI GZHAN DU 'GYUR BA NI MA YIN NO, ,GAL TE CI ZHIG LTAR DBEN PA'I RTOGS PA SKYES KYANG DE SKYES PAR MA GYUR PA DE LTA NA YANG DER RUNG BA NYID KYIS DE 'GOG PA YIN NO, ,'DI YANG 'OG NAS BSTAN PAR BYA'O, ,DE LA GAL TE SNGON PO SKAD CIG MA NYID YONGS SU SPANGS TE DES NA DE NYID KYIS SKAD CIG MA NYID BKAG PA'I PHYIR, CI LTAR GZHAN GYIS BSGRUB PAR 'GYUR, ,'ON TE DES KYANG BSGRUB PA NYID YIN MOD KYI 'ON KYANG GZHAN GYIS GSAL BAR BYED DO ZHE NA, 'DIR BRJOD PA, GAL TE SNGON GYI RTOGS PA DE, ,TSAD MIN CI LTAR GSAL MA YIN, ,DON DE GSAL BAR MA BYAS DANG, ,DE GRUB CES BYA 'THAD PAR DKA', ,DES KYANG GSAL BA MA YIN ZHES, ,BYA BA 'DIR YANG CI LTAR 'GYUR, ,'DIR NI DE BSAL GZHAN DU NI, ,NGES PAR 'THAD DANG 'BREL MA YIN, ,DE YI PHYIR NA SGA MA DANG, ,PHYI MA'ANG 'KHRUL PAR RTOGS PAR GYIS, ,YUL GCIG GI SHES PA DAG NI PHAN TSUN 'GAL BAR 'GYUR BA MA YIN NO, ,DES NA GCIG BSGRUBS PAS DE THA MI DAD PAR THAMS CAD BSGRUB PA'I PHYIR SGRA DANG RTOGS PA GZHAN 'JUG PA NI DON MED DO, ,'ON TE KHYAD PAR THA DAD PA DAG SGRA DANG RNAM PAR RTOGS PA THA DAD PA'I YUL YIN PA DES NA THAL BA 'DIR MI 'GYUR RO ZHE NA, THA DAD PA YIN NA BSGRUB PA DANG DGAG PA DAG CHOS CAN GCIG LA 'DU BAR MI 'GYUR RO, , GAL TE PHAN TSUN DANG RTEN LAS KYANG THA DAD PA YIN NA, DE'I TSE DE DAG CHOS CAN YANG THA DAD PA KHO NAS RTOGS PAR 'GYUR BAS DE'I TSE DE DAG LA RTEN GZHAN MED PA'I PHYIR, CI LTAR GZHI MTHUN PA NYID DU 'GYUR, CI LTAR AUTPALA SNGON PO ZHES YON TAN DANG RDZAS RTOGS PAS NA DE DAG LA RTEN GZHAN NI YOD PA MA YIN TE, DES NA GZHI MA THUN PA NYID DANG KHYAD PAR DANG KHYAD PAR GYI GZHI'I DNGOS PO NYID DU RTOGS PAR MI 'GYUR TE, DON SO SOR RTOGS PA'I PHYIR BUM PA DANG SNAM BU BZHIN NO, ,'ON TE SNGON PO YAN 'GAR BA MA YIN NO ZHE NA, DE LTA YIN NA SNGON PO'I RANG BZHIN RTOGS PA NYID KYIS RDZAS RTOGS PAR

'GYUR TE, DUM BUR RTOGS PA MED PA'I PHYIR RO, ,'ON TE RIGS DANG YON TAN YIN NA YANG GZHI MTHUN PA MI RTOGS TE, GZHI BRJOD PA'I SGRA GZHAN MED PA'I PHYIR RO, ,'ON TE SNGON PO RDZAS NYID RTOGS PAR 'GYUR GYI, SNGON PO TZAM NI MA YIN NA DE LTA YIN NA NI SGRA GCIG GIS GNYIS BRJOD LA; GZHAN GYIS KYANG DE BZHIN YIN PA'I PHYIR BZHI 'AM GSUM BRJOD PAS JI LTAR GZHI MTHUN PA'AM KHYAD PAR DANG KHYAD PAR GYI GZHI'I DNGOS POR 'GYUR SGRA GCIG GAM DU MA BSTAN PA RANG BZHI THA DAD PA RNAMS GZHI MTHUN PA LA BRTEN PA NI MA YIN NO, ,'ON TE SNGON PO LA SOGS PA YAN 'GAR BA RTOGS PAR MI NUS PA DES NA GZHAN DANG GZHAN RTOGS PA GZHI MTHUN PA MA YIN PA MA YIN TE, SNGON PO LA SOGS PA DE DAG NI RIGS MA NGES PA YIN LA RIGS LA SOGS PA YANG YON TAN MA YIN PAR NGES PA YIN NO, ,DES NA NGES PA BSTAN PA'I PHYIR SGRA GZHAN SBYOR RO ZHE NA, GAL TE SDO SOGS MNGON SUM GYIS, ,THA DAD MED PAR RTOGS NA NI, ,DON DE NYID NI SGRA YIS KYANG, ,JI LTAR GZHAN DU RTOGS PAR 'GYUR, ,GAL TE MNGON SUM LA SNGON PO LA SOGS PA THA DAD PA MED PA SNANG NA SGRA LAS KYANG DE KHO NA NYID SNANG BAR 'GYUR TE, DE NYID LA 'BREL PA RTOGS PA'I PHYIR RO,, 'ON TE LKOG TU GYUR PAS DE LTAR SNANG BA MA YIN NO ZHE NA, RTOGS BZHIN PA NYID JI LTAR LKOG TU GYUR PAS DE LTAR SNANG BA MA YIN NO ZHE NA, RTOGS BZHIN PA NYID CI LTAR LDOG TU GYUR PA YIN TE, NYE BAR GNAS PA MA YIN PA'I PHYIR RO ZHE NA, NYE BAR GNAS PA MA YIN YANG SGRA'I SHES PA 'JUG PA'I PHYIR RO,, DBANG PO'I BYED PA MED PA'I PHYIR RO ZHE NA, DBANG PO NYID RTOGS PA'I RGYU MA YIN NO, ,GAL TE RANG BZHIN RTOGS NA NI DBANG PO DANG DBANG PO MA YIN PA DAG LA KHYAD PAR CI YOD GANG DU NYE BAR GNAS PA YOD PA DER CI LTAR GZHAN DU RTOGS, DBANG PO'I BYED PA MED PAS NA CI YANG NYAMS SU MYONG BA MED DO, ,GSAL BA NYID NYAMS PAR 'GYUR RO ZHE NA, GAL TE GSAL BA NYID MED MOD, DE LTAR YOD KYANG RDZAS SO SOR NGES PA LA LTOS PAR BYA BA'I SNGON PO NYID GZHAN DU RTOGS PA CI LTAR 'GYUR, DE LTA YIN DANG TSIG GZHAN SBYOR BA MED PAR 'GYUR RO, ,'ON TE SNGON PO LA SOGS PA RDZAS MA NGES PA

, ,LA 'JUG PA YIN NA, DE LTA YIN NA YANG SNGON PO SGRA LAS SNGON PO NYID KYANG MA NGES PAR RTOGS LA, AUTPALA'I SGRA LAS YANG AUTPALA'I RJOD BYED LAS MA NGES PA YIN PA'I PHYIR NGES NA SLAR GZHI MTHUN PA MED NA DE NYID DE, MA NGES PA BRJOD PA GNYIS LA DON GCIG RTOGS PA MED PA'I PHYIR RO, ,PHAN TSUN RNAM PAR GCOD PA'I PHYIR DE LTAR RTOGS SO ZHES BYA BA YANG 'BREL PA MA YIN TE, ZIN PA GZHAN DANG GZHAN LAS NI, ,RNAM PAR GCOD PA CI LTAR 'GYUR, ,GAL TE RNAM PAR GCOD BYED NA, ,GZHAN SEL BA NYID BRJOD BYAR 'GYUR, ,GAL TE SNGON PO LA SOGS PA'I SGRAS MA NGES PAR RTOGS NA PHYIS GZHAN GYIS NGES PAR BYA NUS PA MA YIN NO, ,MNGON SUM GYIS RTOGS PA NI GZHAN GYIS BZLOG PA MA YIN TE, 'KHRUL PA NYID DU THAL BAR 'GYUR RO, ,'O NA SGRA GZHAN LAS THE TSOM BZLOG PA YIN TE, BSDU BAS RTOGS PA NI BZLOG PAR NUS PA MA YIN NO, ,GANG TSE SNGON PO AUTPALA YIN NAM CI 'ON TE GZHAN YIN ZHES RNAM PAR RTOG PA DE'I TSE SGRA GZHAN LAS RNAM PAR RTOGS PA BZLOG PAR 'THAD PA YIN NO ZHE NA, DE YANG MI RUNG STE, 'DI LTAR GAL TE SGRA LAS RTOGS PA'I DON RNAM PAR BRTAGS PA BDEN NA NI, SGRA GZHAN DANG NI 'BREL PA LAS, ,DE NI CI LTAR LDOG PAR 'GYUR, ,GAL TE RTOGS PA'I YUL GYI DON DE BDEN PA YIN NA, GZHAN GYIS DE LTAR MA YIN PAR BYA CI LTAR NUS TE, GNYI GA YANG TSAD MA YIN PA'I PHYIR RO, ,'ON TE DES THE TSOM DU GYUR PA'I RANG BZHIN NYID RTOGS PAR BYAS PA YIN LA, THE TSOM GYI RANG BZHIN YANG BSTAN PAR RTOGS PAS BZLOG PAR BYA BA KHO NA'O, , DES NA GZHAN GYIS BZLOG PAR 'THAD DE, DE LTA BU NYID NI DE LTAR GYUR PA MA YIN PAR MI 'GYUR RO ZHE NA, DE YANG MI RUNG STE, GANG PHYIR SGRA DE NYID KYIS NI, ,BZLOG BYA NYID DU RTOGS BYAS LA, ,DES NA SGRA GZHAN DAG GIS KYANG, ,BSGRUB PAR BYA BA CI ZHIG YOD, ,GAL TE RTOGS PA SNGA MAS NI MA NGES PAR BZLOG PAR BYA BA NYID DU RTOGS LA, PHYI MAS NI NGES PAR YIN PA'I PHYIR MKHO BA YOD DO ZHE NA, DE YANG MA YIN TE, 'DI LTAR, TSAD MA'I STOBS KYIS 'ONGS PA YI, ,NGES PA MED PA GANG YIN TE, ,GZHAN DU BYA BAR TSAD GZHAN NI, ,BRGYA PHRAG GIS KYANG NUS MA YIN, ,DE'I PHYIR SNGA MA'AM PHYI MA GANG YANG

RUNG BA GCIG NI TSAD MA YIN PA KHO NA'O, ,DES NI GZHAN YANG DE LTAR GYUR PA YIN PA'I PHYIR NA SGRUB PA MA YIN PA'I PHYIR RO, ,SPYI TZAM BRJOD PA YIN NA NI GZHAN DON MED DO, ,'ON TE RJES SU DPAG PA NI GNOD PAR BYED PA NYID DO ZHE NA, MA YIN TE, DE YANG MNGON SUM GYIS GNOD PA'I PHYIR RO,, RJES SU DPAG PAS NI RNO BA DANG 'BAR BA LA SOGS PA'I KHYAD PAR 'DZIN PA MA YIN TE, DES NA DER YANG THE TSOM ZA BA KHO NA'O, ,SPYI LA THE TSOM MI ZA'O ZHE NA NI MA YIN TE, SPYI RTOGS PA'I KHYAD PAR MA NGES PAR RTOGS PA NYID YIN NO, ,SPYI LA NI RNAM PAR NGES PAR SRID PA MA YIN NO, ,'DI LTAR, SPYI GANG YIN PA DE LA NI, ,KHYAD PAR RNAM PA 'DI LTAR ZHES, ,RTOGS MED NGES NA SPYI YI NI, ,SHES PA THAMS CAD BSLAD PA NYID, ,SPYI RTOGS KYANG GSAL BA SO SOR NGES PA NYID DU RTOGS PA 'DREN PA NI MA YIN TE, DES NA SPYI RTOGS PA NI NYE BAR BSLAD PA YIN NO, ,GSAL BA LA 'KHRUL PA YIN GYI, SPYI LA NI MA YIN NO ZHE NA, DE NI MI RUNG STE, GAL TE DE NI GSAL BA LA 'KHRUL PA SPYI NI GANG DU 'DOGS SO, ,SPYI NI 'GAR YANG BZHO GSAL LAS, ,SOGS PA NYE BAR MKHO MA YIN, ,GAL TE GANG GI DON DU 'DI BRTZAMS PA DE LA 'KHRUL NA DE'I TSE GZHAN LAS MA 'KHRUL YANG CI BYA, GAL TE SPYI RTOGS PA MED NA GSAL BA'I YUL CAN GYI RTOGS PA DE NYID MI 'THAD DO ZHE NA, SPYI NGES PAS KYANG SPYI DE NYID NGES PAR 'GYUR MOD, GZHAN LA THE TSOM ZA BAR CI LTAR 'GYUR, GZHAN NGES PAR GZHAN LA THE TSOM ZA BAR MI 'THAD DE, NGES PA THAMS CAD KYIS THAMS CAD LA THE TSOM ZA BAR 'GYUR BA'I PHYIR RO, ,CI STE YANG SRID PA NYID THE TSOM GYI YUL YIN GYI GZHAN NI MA YIN TE, 'DI LTAR, GANG ZHIG GANG LA SRID PA DE, ,DE LA 'KHRUL RTEN MTHONG BA NI, ,DE MTHONG PA YIS DE NYID LA, ,THE TSOM 'JUG PAR BYED PA YIN, ,THE TSOM NI SRID PA DANG 'KHRUL PA LA 'THAD PA YIN NO, ,SPYI LA YANG GANG LA GANG SRID PA DE MTHONG BAS DE LA THE TSOM ZA BA YIN TE, BA LANG NYID NGES PA NI KHRA BO LA SOGS PA LA YIN LA, RTA NYID NGES NA NI, NGANG PA LA SOGS PA LA YANG YIN PA'I PHYIR HA CANG THAL BA MA YIN NO ZHE NA, DE NI DE LTAR MI RUNG STE, 'DI LTAR KHRA BO LA SOGS THE TSOM GYI, ,RANG BZHIN

, ,TZAM GYIS RTOGS PA LAS, ,RTOG PA GZHAN NI 'DIR YOD MIN, ,SPYI RTOGS PAR CI NI LTAR 'GYUR, ,CI LTAR 'DI KHRA BO 'AM 'ON TE KHU YU YIN, SGRA CAM ZHIG NI THOS NA KHRA BO LA SOGS PA'I KHYAD PAR NI NGES PAR MA ZIN TO ZHES KHRA BO LA SOGS PA'I RNAM PA CAN GYI RNAM PAR RTOG PA NYID 'BA' ZHIG 'JIG RTEN PAS RTOGS SO, ,SPYI'I RNAM PA DAG GZHAN YANG DE BZHIN DU LTA'O, ,YANG NA, THOG MED BAG CHAGS DANG 'BREL CAN, ,SPYI YI RNAM PAR RIG PA LAS, ,RNAM RTOG 'DIR 'GYUR DE YI PHYIR, ,SPYI YI DNGOS PO RTOGS MA YIN, ,DES NA BSGRUB PA DANG DGAG PA'I THA SNYAD NI PHYI ROL BRTEN PA MA YIN LA GZHI MTHUN PA LA SOGS PA MI RUNG BA'I PHYIR RO, ,'ON TE SGRA DANG RNAM PAR RTOG PA DAG GIS NI KHYAD PAR 'BA' ZHIG RTOGS PA YIN LA, KHYAD PAR DE DANG LDAN PA NI MTSON ZIN PAS MTSON PAS RTOGS PA YIN NO ZHE NA, KHYAD PAR GYI DBYE BA RNAMS NI RTAGS YIN TE, DES NA RTAGS KYI RDZAS DES NA THE TSOM MED PAS KHYAD PAR GZHAN RTOGS PAS CI BYA, RDZAS CI LTA BUR GYUR PA MI SHES PAS NA DE'I DON DU KHYAD PAR GZHAN STON TO ZHE NA, DE NI MA YIN TE, GAL TE KHYAD CIG GIS DON TE, RANG GI RANG BZHIN DU RTOGS NA, KHYAD PAR GZHAN GYIS RIGS PA YIN, ,GZHAN PA CI ZHIG BYED PAR 'GYUR, ,'ON TE KHYAD CIG DANG 'BREL PAS, ,DON DE GZHAN DU RTOGS NA NI, ,KHYAD PAR GZHAN DANG 'BREL PA YIS, ,GZHAN PA BYED PAR NUS MA YIN, ,'ON TE KHYAD PAR GZHAN DANG LDAN PA TZAM KHO NAR SGRA GZHAN GYIS RTOGS PA YIN GYI, DE'I KHYAD PAR NI MA YIN NO ZHE NA, DE LTA YIN NA YAN 'GAR DU RTOGS PAS DON BYED PA CI LTAR 'GRUB, KHYAD PAR YAN 'GAR BAS NI DON BYA BA BYED PAR NUS PA MA YIN NO, ,CI STE DE'I SGO NYID KHYAD PAR LDAN PA RTOGS NA MA YIN TE, KHYAD PAR SNGA MA NYID KYIS RTOGS ZIN PA'I PHYIR RO, ,'ON TE KHYAD PAR SNGA MAS NI KHYAD PAR GZHAN DANG BRAL BA RTOGS PA YIN TE, DE LTAR YANG, DES NA THA DAD RNAM PAR GNAS, ,ZHES RANG NYID KYIS BRJOD PA YIN NO ZHE NA, 'O NA GAL TE KHYAD PAR GZHAN GYIS 'DI GZHAN DU GYUR PAR TSAD MAR GYUR PA'I RTOGS PAS RTOGS PAR BYA BAR BYAS NA KHYAD PAR GZHAN STONG GIS KYANG CI LTAR GZHAN DU

BYED PAR NUS, ,TSAD MAS GRUB PA NI TSAD MA GZHAN GYIS GZHAN DU BYED NUS PA MA YIN NO, ,'PHROD PA 'DU BA'I 'BREL PAS KHYAD PAR THAMS CAD DBYER MED PAR GNAS PA NYID PAS DE JI LTAR GZHAN DU RTOGS PAR NUS NA RTOGS NA NI DE NYID DE'I RANG BZHIN YIN PAS CI LTAR GZHAN GYIS GZHAN DU BYED, 'ON TE GZHAN GYIS GZHAN DU BYED PA NI MA YIN GYI, 'ON KYANG LHAG PAR RNAM PA TZAM ZHIG GZHAN LA GYUR PA YIN NO, ,DE LAS GZHAN BZLOG PA NI MI SRID PAR NGES PA LAS DE, DE DANG LDAN PA'ANG YIN LA DE LAS GZHAN PA'I CHOS DANG LDAN PAR YANG 'GYUR BA NA MA YIN NO ZHE NA, DE NI MI BDEN TE, 'DI LTAR, GAL TE PHYOGS GZHAN THOB NA NI, ,TSAD MA YIS NI 'THAD PA NYID, ,LHAG MA STONG PHRAG BSNAN PAS KYANG, ,DE BZLOG PA NI NUS MA YIN, ,'ON TE GZHAN RNAMS THOB MED NA, ,DON DE NYID NI BCAD PA'I PHYIR, ,KHYAD PAR GZHAN GYIS CI BYA STE, ,'DIR NI BZLOG BYA 'GA' YOD MIN, ,DE'I PHYIR MA 'KHRUL PA'I RTOGS PAS NI THAMS CAD RTOGS PAR BYA BA YIN TE, MNGON SUM GYI TSAD MA BZHIN NO, ,DES NA KHYAD PAR GZHAN RTOGS PAR BYED PA NI DON MED DO, ,GAL TE KHYAD PAR RNAMS THA DAD PA YIN ZHING, KHYAD PAR DANG LDAN PA YANG THA DAD PA YIN NA DE'I PHYIR KHYAD PAR RTOGS PA TZAM GYIS NA MTSON PAS MTSON PA MA YIN PA'I PHYIR CHOS CAN GCIG LA MI 'DU BA NYID DO, ,'ON TE KHYAD PAR RTOGS PAS KYANG KHYAD PAR CAN RTOGS PAR 'GYUR NA, DE LTA YIN NA SLAR YANG KHYAD PAR GCIG GIS RTOGS PAS KHYAD PAR GCIG GIS THAMS CAD BZUNG BAR 'GYUR RO, ,MNGON SUM GYIS NI DE LTAR MI 'DZIN PA MA YIN NO, ,'ON TE MNGON SUM GYIS KYANG RES 'GA' THAG RING PO NAS DBYIBS TZAM 'DZIN LA, DON NYE BA NA NI MDOG 'DZIN PA YIN NO ZHE NA, DE YANG MI 'THAD DE, GAL TE RDZAS DANG MI LDAN PAR, ,MDOG DANG DBYIBS TZAM 'DZIN NA NI, ,NAM YANG RDZAS 'DZIN MI 'GYUR BAS; ,DES NI DNGOS PO MED PAR 'GYUR, ,'ON TE DBYIBS NI RDZAS MED PAR, ,'DZIN PAR NUS PA MA YIN TE, ,MDOG KYANG RDZAS MED MIN ZHE NA, ,DE LAS RDZAS GZHAN CI LTAR 'GYUR, ,DE'I PHYIR GZHI MTHUN PA MA YIN NO, ,KHYED LA YANG DER CI LTAR 'GYUR ZHE NA, DE'I PHYIR BSHAD PA, SNA TSOGS

, ,CHOS KYI GZHIR GYUR PA, ,CHOS CAN GCIG GIS DBANG BYAS TE, ,GCIG BSGRUB PA NA DE BRTEN DANG, ,GZHAN RNAMS BTANG SNYOMS LTA BU DANG, ,'GOG NA DE YANG DBEN PA DANG, ,DE LAS GZHAN LA LTOS LTA BUR, ,MED PA YIS NI DON CAN GYI, ,THA SNYAD CI LTAR BLOS BSTAN PA,, DE BZHIN NYID DE MA BTAGS PAR, ,THA DAD DON RTEN KHAS LEN PAS, ,THOG MED BAG CHAGS LAS BYUNG BA, ,'JIG RTEN DON LA GNOD MED 'GYUR, ,KHO BO CAG GI LTAR NI GZHI MTHUN PA LA SOGS PA'I YUL GYI DNGOS PO LA GNAS PA MA YIN GYI THA SNYAD 'DI DON DAM PA MA YIN NO, ,GZHI MTHUN PA LA SOGS PA'I YUL GYI DNGOS PO LA GNAS PA MA YIN PA SGRA'I DON LA BRTEN NAS YIN TE, SGRA'I DON LA BRTEN NAS DNGOS PO LA GNAS PA MA YIN PA 'JUG PA'I PHYIR RO, ,'DI LTAR SGRA ZHES BYA BA SGRA MA YIN PA LA LDOG PA LA LTOS NAS SGRA'I SGRA CHOS CAN NYID DU 'JOG GO, ,SGRA DE YANG NGO SHES PA'I STOBS KYIS RTAG TU GNAS PA NYID DANG, 'BREL PA NYID LAS PHYI ROL DU GYUR PA MA YIN PA NYID LA BRTEN PA YIN NO, ,DES NI MI RTAG PA NYID SNANG BA YIN YANG PHYIN CI LOG THA SNYAD KYIS ZIN PA'I PHYIR NA MA DMIGS PA LTA BU DANG, MED PA ZHES BYA BA LTA BUR RNAM PAR GNAS PA YIN NO, ,DES NA MI RTAG PA SGRUB PAR BYED PA'I TSAD MAS THA SNYAD GZHAN BCUG PAS PHYIN CI LOG GI THA SNYAD KYI YUL GSAL BA'I PHYIR, DE'I TSE YOD PA NYID DU RNAM PAR GZHAG PAS BSGRUBS SO ZHES RTOGS SO, ,DES NA CHOS CAN SGRA'I DON DE LA BRTEN PA'I BDAG GI NGO BOR RTOGS PA YIN NO, ,'GOG NA NI DE DANG BRAL BAR DE, DES NA DES DBEN PA NYID DU RTOGS PAS NA DE LAS BZLOG PA'I CHOS LA LTOS PA DANG BCAS PA NYID DU RTOGS SO, ,BSGRUB PA DANG DGAG PA DANG LDAN PA NI RTOGS PA 'BA' ZHIG KHO NAR ZAD DE, DNGOS PO NI DE LTA BU'I RANG BZHIN DU 'GYUR BA MA YIN NO, ,'DI LTAR 'DI KHO NA BZHIN DU KHO BOS RTOGS SO ZHES MNGON SUM GYIS RTOGS PA DE NYID DU THA SNYAD KYI YUL DU 'GRUB PA YIN GYI, DE LA RNAM PAR RTOG PA RNAMS GZHAN DANG GZHAN GYIS BSGRUB PA 'AM, DGAG PA CUNG ZAD BYAS PA NI YOD PA MA YIN NO, ,RNAM PAR RTOG PA NI 'DAS PA LA SOGS PA'I RANG BZHIN LA REG PA MA YIN TE, DE'I TSE DE MED PA'I PHYIR RO, ,DE NYID KYI PHYIR

SGRA DANG RNAM PAR RTOG PA NI GZHAN SEL BA'I YUL CAN YIN TE, 'KHRUL PA TZAM SEL BA'I PHYIR RO, ,'O NA GANG GI TSE 'KHRUL PA MA ZHUGS PAR 'DI BUM PA'O ZHES RNAM PAR RTOG PA GLO BUR DU DU BA LAS ME RTOGS PA DER CI LTAR SGRA GZHAN SEL BA'I YUL DU 'GYUR ZHE NA, 'DI YANG MI BZANG STE, 'DI LTAR; MI 'JUG PA YI YUL GYI ME, ,'JUG PA YUL GYI BYED PA YIN, ,'DIR YANG 'JUG PA'I YUL MA YIN, ,BZLOG PA YOD PA KHO NA'O, ,'DI LTAR ME NGES PAS NI ME 'DI NI 'JUG PA'I YUL YIN TE, 'DI LA KHYOD CI LTAR BYA BA MED PAR 'JUG CES BRJOD PA YIN PAS DE'I TSE BYA BA MED PA'I YUL BZLOG PA TZAM RNAM PAR RTOG PA NI MED DO, ,GZHAN DU RTOGS PA YANG RTOGS PA MA YIN NO, ,MNGON SUM GYI DUS PHYIS 'BYUNG BA'I DNGOS PO RNAM PAR RTOG PAS SGRA'I YUL GYI SNGON PO RTOGS PA SNGA MA DANG PHYI MA'I RANG BZHIN MA YIN TE, NYE BAR MI GNAS PA'I PHYIR RO, ,DE 'DI'O ZHES BYA BA NI RNAM PAR RTOG PA 'DI MA YIN TE, YID KYI MNGON SUM YIN PA'I PHYIR RO, ,'ON TE DES SKAD CIG MA NYID MA RTOGS PA DES NA, MNGON SUM NYID MA YIN NO ZHE NA, MA YIN TE, DA LTAR BA RTOGS PA NYID SKAD CIG MA RTOGS PA YIN NO ZHES BSTAN ZIN LA, STON PAR YANG 'GYUR RO, ,DE'I PHYIR GZHAN SEL BA LA BRTEN NAS CHOS DANG CHOS CAN GYI DNGOS PO DANG, GZHI MTHUN PA LA SOGS PA'I THA SNYAD DU 'GYUR BA YIN NO, ,THA DAD PA'I DON THA SNYAD KYI YUL YIN NA NI THAMS CAD 'THAD DE, DE NYID THAMS CAD LAS LDOG PA'I PHYIR RO, ,GANG GIS DON GCIG LA 'DU BAR MI 'GYUR BA LDOG PA NI DE LAS GZHAN MA YIN NO, ,'O NA CI LTAR SGRA'I MI RTAG PA ZHES THA DAD PA'I RGYU MTSAN CAN GYI RNAM PAR DBYE BAR 'GYUR RO ZHE NA, DPER NA MCHI GU'I LUS ZHES BYA BA BZHIN NO, ,GAL TE LDOG PA RNAMS THA DAD MA YIN PA'I PHYIR, CI LTAR THA DAD PAR 'GYUR, LDOG PA NI DNGOS PO LAS THA DAD PA MA YIN NO ZHE NA, NYES PA 'DI MED DO, ,KUN RDZOB TU NI DE DAG LAS, ,THA DAD DON DAM DU NI MIN, ,DES NA SGRA DON THA DAD DANG, ,THA DAD MED PA'I RGYU MTSAN YIN, ,DON DAM PA LA LTOS NAS NI NAM YANG THA DAD PA YOD PA MA YIN GYI, KUN RDZOB TU NI DE DAG GNYIS KA'I RANG BZHIN NYID DO, ,'DI LTAR, DE 'BRAS

, ,CAN DANG DE 'BRAS MED, ,DE DE LA THA DAD DON GCIG ,THA DAD RTEN CAN 'PHEL BA DANG, ,'GRIB PA LTA BUR BYED PA YI, ,BSLAD PA DE DANG DE DAG GIS, ,'BREL PA 'GA' LAS DE LDAN NYID, ,MI NA YANG MTHONG BAR SBYOR DES NA, ,DE DAG BSLAD PA 'AM SHES MA YIN, , GAL TE THA SNYAD 'DI KUN RDZOB TU YIN NA BAG CHAGS TZAM GYI RGYU MTSAN CAN TZAM YIN PAS CI LTAR MI SLU BA YIN ZHING, 'JIG RTEN PA DAG GIS BRTAGS TE MI 'DOR, SLU BA'I THA SNYAD NI 'GA' YANG MI 'DOR BA MA YIN NO ZHE NA, 'DI NI DE BZHIN NYID DE, MA BRTAGS PAR ZHES BSHAD ZIN TO, ,GAL TE DE NYID CI LTAR RMONGS TSABS CHE YANG TSAD MAS GNOD PA MA BRTAGS PAR 'DUG PA NI MED DO ZHE NA, 'DI LA BRJOD PA, MI SLU BA'I PHYIR MI RTOG GO, ,MI SLU BA YOD NA THA SNYAD PA NANG GI BYE BRAG ZHIB MOR RTOGS PA NI MI RIGS SO, ,MI SLU BA'I DON DU GNYER BA DE THOB PA NA YANG RTOGS PAR 'OS PA NI MA YIN NO; ,THA DAD THA DAD MED SLU BA, ,DE LA GANG DU DGOS PA YIN, ,BU RAM LAS NI THA DAD PA, ,SBRANG RTZIS DON BYA MED PAR 'GYUR, ,DON BYA BA SKYE BA NI DE MA YIN PA LAS LDOG PA TZAM THOB PAS YIN NO, ,CHOS KYI DBYE BA NI THOG MA MED PA'I BAG CHAGS LAS DE'I 'BRAS BU CAN DANG CIG SHOS KYI MTHAR THUG PA'I RGYU MTSAN GYI RNAM PAR RTOG PAS BRTAGS PA YIN NO, ,MI SLU BA DANG LDAN PA DE NI DNGOS PO DANG 'BREL PA LAS SO, ,DE LA SNANG BA THA DAD PA BRTAGS PA DNGOS PO'I DE KHO NA NYID RTOGS PA LA NI MNGON PAR 'DOD PA'I SKYES BU NUS PA MA YIN LA, DON BYA BA DE DON DU GNYER BA GZHAN DAG KYANG 'JIG RTEN KYI THA SNYAD RJES SU 'BRANG NGO, ,DE SKAD DU YANG, DPYOD DANG THA SNYAD DAG GIS NI, ,'JIG RTEN PA YI LAM GNAS PA, ,BYIS PA DANG NI MKHAS PA DAG ,SHES DANG BRJOD PA 'DRA BA NYID, ,CES BSHAD DO, ,DES NA CHOS CAN DE RTOGS PA THA DAD PA'I RGYU MTSAN CAN RNAM PAR RTOG PA'I MTSAN NYID KYIS NYE BAR BSLAD PA 'GRIB PA DANG 'PHEL BA LTA BUR BYED PA DAG GIS THA SNYAD KYI 'BREL PA 'GA' ZHIG LAS MTHONG BA LA NYE BAR SBYOR TE, DE'I BDAG NYID DANG DE LAS BYUNG BA LAS THOB PA'I MTSAN NYID MTHONG BA'I LAM DU BYED DO, ,DE'I PHYIR THA SNYAD PA DE DAG BSLAD PA'I SHES PA MA YIN NO, ,DE BAS NA

MTHUN PA'I PHYOGS SAM, MI MTHUN PA'I PHYOGS MED PA LAS KYANG LDOG PAR MI 'GAL LO, ,GZHAN YANG BUM PA LA SOGS PA BDAG MED PAR GRUB PA YIN NA, SROG LA SOGS PA MED PA 'GRUB PAR 'GYUR GYI, GZHAN DU NI MA YIN NO, ,BUM PA LA SOGS PA LA BDAG MED PAR NI GRUB PA YANG MA YIN TE, YOD NYID SGRUB BYED BYED PA'I PHYIR, ,DE MED MA YIN THE TSOM 'GYUR, ,KHAS BLANGS TSAD MA YIN PA LA, ,MED PA NYID KYANG RIGS MA YIN, ,GSON PO'I LUS LA BDAG THE TSOM ZA BA NA BUM PA LA SOGS PA LA THE TSOM MI ZA BAR JI LTAR 'GYUR THE TSOM MI ZA BA NI SROG LA SOGS PA'I SGRUB PAR BYED PA 'AM, GZHAN GYIS YUL DU BYA BAR NUS PA MA YIN NO, ,DE'I PHYIR , MED PA LAS LDOG MED NA YANG, ,MTHUN PHYOGS LAS LDOG THE TSOM ZA, ,DE LA THE TSOM ZA PHYIR TE, ,MI MTHUN PHYOGS LAS LDOG PAR YANG, ,BDAG LA THE TSOM ZA PAS BUM PA LA SOGS PA NYID MTHUN PA'I PHYOGS SAM MI MTHUN PA'I PHYOGS SU GYUR PA GTOL MED DO, ,DES NA MTHUN PA'I PHYOGS LAS LDOG PAR THE TSOM ZA BA DES NA CI LTAR 'DI LDOG PA CAN YIN, GAL TE SANGS RGYAS PAS KHAS BLANGS PA NYID KYIS BUM PA LA SOGS PA BDAG MED PA MA YIN NAM ZHE NA, DE LTA NA CHOS THAMS CAD BDAG DANG BRAL BA YIN PA'I PHYIR GSON PA'I LUS KYANG BDAG MED PAR 'GYUR RO, ,SANGS RGYAS PAS KHAS BLANGS PAS TSAD MA MA YIN NO ZHE NA, 'O NA DE'I TSE BUM PA LA SOGS PA YANG DES KHAS BLANGS PAS BDAG MED PAR MI 'GYUR BA'I PHYIR NYES PA DE NYID DO, ,DE'I PHYIR, PHUNG PO GNYIS LAS GCIG LA NI, ,NGES PAR GRUB PAR GZHAN LAS NI, ,LDOG GRUB MA MTHONG BA YIN YANG, ,MTHONG MED DAG LA THE TSOM ZA, ,MA MTHONG BA YIN YANG MTHONG BA MED PA DMIGS PA'I MTSAN NYID KYIR MA GYUR PA DAG LAS THE TSOM GYIS NI 'GA' YANG DNGOS PO MED PAR BSGRUB PAR NUS PA MA YIN NO, , GZHAN YANG BUM PA LA SOGS PA LA BDAG MED PAR SGRUB TU CHUG PA DE LTAR NA YANG SROG LA SOGS PAS BDAG BSGRUB PAR NUS PA MA YIN NO, ,DE DAG NI MI MTHUN PA'I PHYOGS LAS LDOG PA NYID DU MI 'GRUB STE, 'JUG PA YANG SRID PA'I PHYIR RO, ,GAL TE MI MTHUN PA'I PHYOGS LA LDOG PA YIN NA CI LTAR

, ,DE NYID LA 'JUG PAR 'GYUR TE, BDAG MED PA GCIG NYID SROG LA SOGS PA DANG LDAN PA DANG GZHAN DU YANG 'GYUR BA NI RIGS PA MA YIN NO, ,'DI PHYIR RGAS PAR 'GYUR BA NI MA YIN TE, GCIG GI NGO BOR NGES PA NYID DU RIGS SO ZHE NA, 'DI NI MA YIN TE, 'DI LTAR, GSAL LA KHYAB BYED MA YIN YANG, ,DE YI RIGS GYUR DON YOD PAS, ,MA MTHONG PAS 'GAR DE MED DO, ,MKHREGS PA MTSON GYIS BCAD PA BZHIN, ,YOD LA 'GAL BA MA MTHONG NA, ,THE TSOM GANG LAS LDOG PAR 'GYUR, ,GANG GIS NA BDAG MED PAS GSON PO'I LUS LA SROG LA SOGS PA YANG MI LDAN PAR 'GYUR BA, BDAG MED DO COG THAMS CAD MTSUNGS PA NI MA YIN NO, ,'ON KYANG BDAG MED PA NYID LAS 'GA' ZHIG NI SROG LA SOGS PA DANG LDAN PA DANG, GZHAN NI DE LTA MA YIN PAR 'GYUR BA YIN TE, DPER NA MKHREGS PA NYID LAS 'GA' ZHIG NI MTSON GYIS BCAD PA DANG, GZHAN NI GZHAN DU 'GYUR BA BZHIN NO, ,'DI LTAR, YOD PA 'GAL BA MA MTHONG NA, ,THE TSOM GANG LAS LDOG PAR 'GYUR, ,BDAG MED PA DANG LHAN CIG 'GAL BA GRUB PA MED PAR NI SROG LA SOGS PA LAS BDAG MED PA LDOG PAR MI 'GYUR RO, ,GANG GIS DE BZLOG PAR 'GYUR BA SROG LA SOGS PA NI BDAG MED PA DANG; LHAN CIG MI GNAS PA LAS GZHAN PA'I 'GAL BA'I MTSAN NYID KYI 'GAL BA MA YIN NO, ,'O NA DNGOS SU 'GAL BA MED KYANG BRGYUD NAS 'GAL BA'I PHYIR SROG LA SOGS PA BDAG MED PA LDOG PAR BYED PA YIN NO ZHE NA, DE NI MA YIN TE, 'DI LTAR, DE YANG LA LAR DE 'BRAS DANG, ,BDAG TU NGES PA GZHAN CI YOD, ,GAL TE SROG LA SOGS PA BDAG LA NGES PA YIN NA BDAG MED PA DANG LHAN CIG 'GAL BAR 'GYUR BA YIN TE, KHYAB PAR BYED PA DANG 'GAL BAS KHYAB PAR BYA BA YANG 'GAL BA'I PHYIR RO, ,SROG LA SOGS PA NI BDAG LA NGES PA MA YIN TE, DE'I BDAG NYID DANG DE LAS 'BYUNG PA MED PA NGES PA MI RUNG BA'I PHYIR TE, DE LTA MA YIN PAR NGES PA MI SRID PA'I PHYIR RO, ,SROG LA SOGS PA NI BDAG GI 'BRAS BU NYID DAM, BDAG GI BDAG NYID DU TSAD MAS MI 'GRUB PA, ,BDAG DANG 'BREL PA MED PA, DES NI BDAG MED PA LAS KYANG, ,DE NI LDOG PAR THE TSOM ZA, ,DER 'BREL PA

MED PA NI DE'I MI MTHUN PA'I PHYOGS LAS NI LDOG PA MA YIN NO, ,LDOG TU CHUG PA DE LTA NA 'ANG, ,BDAG MED MED LAS BDAG MI 'GRUB, ,GANG GIS DE NI LDOG MED PA, ,NGES PA DNGOS POR 'DOD MA YIN, ,DPER NA SROG SOGS MTHUN PHYOGS LA, ,LDOG PA MED KYANG YOD MIN BZHIN, ,GAL TE GTAN TSIGS MTHUN PHYOGS LAS, ,LDOG MED DE RGYU RJES 'GRO CAN, ,RJES 'GRO CAN MIN LDOG MED PA, ,BDAG MED MA YIN BDAG BCAS MIN, ,CI LTAR MTHUN PHYOGS LA MED PA MED KYANG MTHUN PA'I PHYOGS LA YOD PA MA YIN PA DE BZHIN DU, BDAG MED PA MED KYANG GSON PO'I LUS LA BDAG YOD PAR MI 'GYUR RO, ,MI MTHUN PA NYE BAR BKOD PA MA YIN NAM, 'DI LTAR MTHUN PA'I PHYOGS LA NI LDOG PA MED KYANG YOD PA MA YIN TE, DE MED PA'I PHYIR RO, ,MED PA LA NI DNGOS PO SRID PA MA YIN NO, ,DE YOD PA'I PHYIR GSON PO'I LUS LA LDOG PA MED NA DON MI ZA BAR YOD PAR 'GYUR TE; PHUNG PO GZHAN MED PA'I PHYIR RO ZHE NA, DE NI BDEN TE, MI MTHUN PA'I PHYOGS NYE BAR BKOD PA TZAM NYID KYIS NI 'DOD PA GRUB PA MA YIN NO, ,GAL TE MTHUN PA'I PHYOGS LA YOD PA MA YIN NA, 'O NA DE NYID MED PA MI LDOG PA YIN NO, ,MED PA LOG NA NI GDON MI ZA BAR DNGOS POR 'GYUR TE, YOD PA NI MED PA LDOG PA NYID YIN PA'I PHYIR RO, ,'ON TE MTHUN PHYOGS MED PA'I PHYIR DE LTA MA YIN NO ZHES NA, MA YIN TE, MED PA NYID DU MED 'THAD PA'I PHYIR RO, ,SROG LA SOGS PA YOD NA CI LTAR MTHUN PA'I PHYOGS MED PAR 'GYUR, CI LTAR MTHUN PA'I PHYOGS LA SOGS PA LDOG PA MED KYANG BZLOG PAR MI 'GYUR BA DE BZHIN DU GSON PO'I LUS LA BDAG MED PA LDOG KYANG BZLOG PAR MI 'GYUR RO, ,'ON TE GSON PO'I LUS NI YOD PA'I PHYIR BZLOG PAR 'GYUR GYI MTHUN PA'I PHYOGS LA NI MA YIN TE, MED PA'I PHYIR RO, ,MED PA LA NI DNGOS PO SRID PA MA YIN NO ZHE NA, 'O NA MED PA NYID MI LDOG GO ZHES BYA BAR 'GYUR RO, ,MED PA NI YOD PA DANG 'GAL BA'I PHYIR DE LDOG PAR 'GYUR GYI, MED PA DANG MI 'GAL BA'I PHYIR DE NI MI LDOG PA NYID DO, ,CI LTAR MTHUN PA'I PHYOGS MED PA DE BZHIN DU, DE LA GZHAN YANG MED PAR 'GYUR TE, MED PA LA NI MED PA NYID 'GAL BA MA YIN NO, ,'ON TE DE DE LA

, ,MED PA NYID DO ZHE NA, DE LTA YIN NA GSON PO'I LUS LA BDAG MED PA LDOG PA YIN YANG BDAG MED PA BZLOG PAR MI 'GYUR TE, DPER NA MTHUN PA'I PHYOGS LA YOD PA MED KYANG MED PA MA YIN PA BZHIN NO, ,DE YOD PA'I PHYIR RO ZHE NA, DE NI YOD PA MA YIN TE 'DI LTAR, GZHAN YOD PA YI CI LTAR NA, ,'KHRUL PA CAN NGES PA ZHES BYAR 'GYUR, ,RANG GI NYES PAS 'KHRUL PA NI, ,GZHAN GYIS CI LTAR GZHAN DU 'GYUR, ,RANG NYID 'KHRUL PA GANG YIN PA DE JI LTAR GZHAN YOD PAS MI 'KHRUL PA'AM GZHAN DU 'GYUR, ,GZHAN YANG GAL TE MED PA LA YOD PA 'GA' ZHIG YOD PA YANG MA YIN LA MED PA YANG MA YIN NA, MED PA YANG YOD PA LA YOD PA YANG MA YIN NO MED PA YANG MA YIN NO MED PA YANG MA YIN NO ZHES CI STE KHAS MI LEN, CI LTAR MED PA GZHI MA YIN PA DE BZHIN DU RTEN PA YANG MA YIN PA'I PHYIR 'DI NI GYI NA'O, ,'DIR YANG SNGAR BSTAN ZIN TO, ,GZHAN YANG DNGOS PO MED PA TZAM NI BDAG MED PA MA YIN GYI, 'ON KYANG SO SOR NGES PA'I RANG BZHIN CAN GYI BDAG NI DNGOS PO MED PA'O, ,SO SOR NGES PA'I RANG BZHIN MA MTHONG PAR DER 'GRUB PA YANG MA YIN NO, ,DNGOS PO MED PA NI PHAN TSUN LDOG PA MA YIN TE, DNGOS PO THA DAD NA DNGOS PO RNAMS KYI DE MED PA THA DAD PA'I PHYIR RO, ,DNGOS PO SO SOR NGES PA MED NA, DE'I DNGOS PO MED PAS THA DAD PAR GA LA 'BYUNG, GANG GIS DE LAS BZLOG PA MED PA DE YOD PAR 'GRUB PAR BDAG NI SO SOR NGES PA'I RANG BZHIN DU DMIGS PA MED DO, ,DES NA BDAG MED PA MED NA DNGOS PO MED PA LDOG PA TZAM DU ZAD KYI, BDAG 'GRUB PA NI MA YIN NO, , DE'I PHYIR, GAL TE GTAN TSIGS MTHUN PHYOGS LAS, ,LDOG MED DE RGYU RJES 'GRO CAN, ,RJES 'GRO CAN MIN LDOG MIN NA, ,BDAG MED MA YIN BDAG BCAS MIN, ,ZHES BYA BA NI BSDU BA'O, ,GZHAN YANG, 'JUG LA GANG GI RANG BDAG NYID, ,GANG MED MI 'BYUNG CAN GRUB PA, ,DE PHYIR DE NYID LDOG BYED DE, ,'JUG PA NA YANG 'JUG BYED YIN, ,'JUG LA RTEN SGRUB PA DAG LA, ,DU BA GANG GIS RANG GI NGO BO ME MED NA MI 'BYUNG BA CAN DU GRUB PA'I ME DE NYID RANG LOG PA NA LDOG PAR BYED PA YIN GYI, GZHAN NI MA YIN LA, 'JUG PA NA YANG ME DE NYID DU BA LA SOGS PA 'JUG PAR BYED PA YIN NO ZHES

BYA BA NI TSAD MA'I RTOGS PA YIN NO, ,MED NA MI 'BYUNG DE YANG NI, ,SGRUB PAR BYED LA LDOG PA YIN, ,'BRAS BU MTHONG DANG MA MTHONG BA, ,DE DAG RGYU DANG 'BRAS BU NYID, ,MED NA MI 'BYUNG BA NYID NI SGRUB PAR BYED PA MTHONG BA DANG MA MTHONG BA'I MTSAN NYID CAN RJES SU 'GRO LDOG GYI SGRUB BYED DU GYUR PA MED PA RAB TU BSGRUB PA MA YIN NO, ,GAL TE THA DAD PA DAG NI MED NA MI 'BYUNG BA NI RGYU DANG 'BRAS BU'I DNGOS PO GRUB PA YIN GYI MTHONG BA DANG MA MTHONG BAS NI MA YIN NO ZHE NA, MTHONG BA DANG MA MTHONG BA DE DAG NYID RGYU DANG 'BRAS BU'I DNGOS PO YIN PA'I PHYIR RO, ,RGYU DANG 'BRAS BU'I DNGOS PO NI RJES SU 'GRO BA DANG LDOG PA DAG LAS GZHAN MA YIN LA, RJES SU 'GRO BA DANG LDOG PA DAG KYANG MTHONG BA DANG MA MTHONG BA DAG LAS GZHAN MA YIN NO, ,DE YOD NA YOD NGES MED PHYIR, ,DON GZHAN RTOGS PAR 'GYUR MA YIN, ,DE KHYAB PAR BYED PA MA YIN PA'I PHYIR RO, ,KHYAB PAR BYED PA MA YIN PA LDOG PA NI GZHAN LDOG PAR BYED PA MA YIN NO, ,BDAG KYANG KHYAB PAR BYED PA MA GRUB PAS DE CI LTAR 'DIR SROG LA SOGS PA LDOG PAR BYED PA YIN, 'DI LTAR, RTAG TU YOD PA MED PA NA, ,DE DAG MED PA MI SRID PHYIR, ,BDAG NYID RANG NYID YUL DANG DUS DAG TU LOG PA MA YIN TE, RTAG PA DANG KHYAB PA NYID YIN PA'I PHYIR RO, ,DES NA DE MED PAS SROG LA SOGS PA MED PA YIN NO ZHES BYA BA 'DI MA GRUB PO, ,'ON TE RJES SU 'GRO BA TZAM NYID LAS BDAG SROG LA SOGS PA'I RGYU YIN TE, RGYU DANG 'BRAS BU'I DNGOS PO THAMS CAD NI THAMS CAD DU LDOG PA LA LTOS PA MA YIN NO ZHE NA, DE YANG MI RUNG STE, 'DI LTAR; 'BRAS BU'I RANG BZHIN THA DAD RNAMS, ,RGYU RNAMS LAS NI 'BYUNG BA'I PHYIR, ,DE DAG MED PAR GZHAN LAS 'BYUNG, ,CI LTAR DES BSKYED RANG BZHIN YIN, ,GAL TE RJES SU 'GRO BA TZAM 'BA' ZHIG LAS, RGYU DANG 'BRAS BU'I DNGOS PO YIN NA, DE'I TSE MED PAR 'GYUR RO ZHES BYA BAR 'GYUR RO, ,DES NA DE DAG MED PAR YANG GZHAN LAS 'BYUNG 'BRAS BU CI LTAR DES BSKYED PA'I RANG BZHIN DU 'GYUR, GZHAN LAS KYANG 'BYUNG NGO ZHE NA, MA YIN TE, GZHAN LAS DE'I RANG BZHIN MI 'BYUNG BA'I PHYIR RO, ,DE'I RANG BZHIN MA YIN NA NI DE NYID MA YIN TE 'DI LTAR, TSOGS PA'I NUS PA THA DAD PHYIR, ,

, ,DNGOS RNAMS SNA TSOGS NGO BO NYID, ,GAL TE DE THA DAD BYED MIN, ,'GRO BA'I NGO BO GCIG TU 'GYUR, ,GAL TE TSOGS PA THA DAD PA LAS THA DAD PA YIN NO ZHES BYA BA 'DI GA LAS, THA DAD PA NI RE ZHIG DE DMIGS NA DE'I RGYU'I DBYE BAS YIN NAM, 'ON TE DE LTA MA YIN ZHES BYA BA 'DI NI DPYOD PA GZHAN YIN NO ZHE NA, DE NI MI RUNG STE, 'DI LTAR, SROG SOGS 'BREL PA DAG LAS NI, ,MA MTHONG BDAG NI RTOGS PA YIN, ,NGES PA MED DE DE DANG DE, ,CI LTAR 'GYUR BA MA YIN NA, ,CI LTAR BDAG KHYAB PA DANG RTAG PA DANG RJES SU 'GRO BA TZAM GYI RGYU YIN PA DE BZHIN DU, NAM MKHA' LA SOGS PA YANG YIN NO, ,DES NA BDAG BZHIN DU NAM MKHA' LA SOGS PA YANG RTOGS PAR 'GYUR BAS NA DON MI 'GRUB BO, ,'ON TE SKUL BAR BYED PA'I BDAG MED PAR SROG LA SOGS PAR 'GYUR BA NI MA YIN TE, DES NA SBUD PA 'BUD MKHAN LTA BUR BDAG RTOGS PAR BYED PA'AM, BYED PA DAG LAS PHO LONG 'PHEN MKHAN LTA BU'AM, MTHONG BA LAS SKAR KHUNG GI BU GNAS LTA BAR BYED PA LTA BUR RTOGS SO ZHE NA, DE YANG MI RIGS TE, 'DI LTAR, BYA MED KHYAB PAR SKUL BYED DU, ,TSAD MA YIS NI 'THAD MA YIN, ,BYED PA MED NA MI MTHONG PHYIR ,BDAG GI RAB TU 'GRUB MA YIN,, ,, BAM PO BCU BZHIN PA, SBUD PA SBUD PAR BYED PA CI BYED PA DANG BCAS PAS SKUL BAR BYED PA DANG BCAS PA YIN NO, ,DE BZHIN DU KHYAB PAR BYED PA MA YIN KYANG NGO, ,BDAG NI DE LTAR MA YIN PA'I PHYIR CI LTAR DE SGRUB PAR BYED PA NYID YIN, KHYAB PA DANG LUS CAN MA YIN PA NI SKUL BAR BYED PA NYID DU RIGS PA DANG 'BREL PA MA YIN NO, ,'ON TE DE SKUL BAR BYED PA YIN NA NI, DE LA YANG SKUL BAR BYED PA GZHAN YOD PA'I PHYIR THUG PA MED DO, ,SKAR KHUNG GI NANG NAS LTA BA NI SKYES BU MIG LA SOGS PA'I BYED PA DANG LDAN PA YIN GYI BDAG NI DE LTAR GYUR PA MA YIN NA, CI LTAR LTA BA PO YIN, DE DE LA YANG BYED PA LA SOGS PA YOD PA YIN, DE LA YANG SKAR KHUNG NAS LTA BAR BYED PA LTA BU GZHAN YOD PAR RIGS PAS THUG PA MED PA NYID DO, ,GZHAN YANG ME LA SOGS PAS RJES SU 'GRO BA DANG LDOG PA DAG LAS RGYU DANG 'BRAS BU'I DNGOS POR 'GYUR BA YIN NA, DE GZHAN LA RNAM PA GZHAN DU CI LTAR 'GYUR, 'ON TE

DER YANG RJES SU 'GRO BA TZAM 'BA' ZHIG LAS YIN NA, DE LTA YIN NA DE DAG MED PAR GZHAN PA LAS KYANG 'BYUNG NGO ZHES BYA BAR 'GYUR TE, DE LTA MA YIN NA LDOG PA YANG YOD PAR 'GYUR RO, ,DE LTAR YIN DANG DE DAG MED PAR GZHAN LAS KYANG 'BYUNG STE, BRGYA BYIN GYI SPYI BO LA SOGS PA DAG KYANG 'BYUNG BAS CI LTAR MES BSKYED PAR BYA BA YIN, GNYI GAS MED PAR BYA BA YIN NO ZHE NA, MA YIN TE, DE LAS GZHAN LAS 'BYUNG BA'I PHYIR, ,GNYI GA LA YANG RGYU MA YIN NO, ,DE LAS GZHAN PA LAS KYANG BYUNG BA NI DE'I 'BRAS BU MA YIN LA, GZHAN GYI 'BRAS BU NYID KYANG MA YIN PA'I PHYIR RGYU DANG 'BRAS BU'I DNGOS PO NYID DU MI 'GYUR RO, ,DE LTAR GYUR NA 'BRAS BU THA DAD PA DANG THA DAD PA MA YIN PA DAG ,RGYU THA DAD PA DANG THA DAD PA MA YIN PA LA RAG LAS PA ZHES BYA BAR MI 'GYUR TE, DE MED PA'I PHYIR RO, ,MTHONG BA BZHIN DU JI LTAR SPANG ZHE NA, MA YIN TE RGYU DANG 'BRAS BU MED NA MTHONG BA YANG MI SRID PA NYID DO; ,RTOGS PA NGES PA YIN NA SNGON PO'I RNAM PAR SHES PAS SNGON PO RTOGS PAR 'GYUR GYI, DE LTA MA YIN NA 'KHRUL PA DANG MA 'KHRUL PA RNAM PAR DBYE BA MED PAR 'GYUR RO, ,GAL TE TSOGS 'DI 'DRA BA 'KHRUL PA DANG CIG SHOS KYI RTOGS PA SKYED PAR BYED PA YIN NO ZHES PA DE'I TSE NI GZHAL BYA SO SOR NGES PAR 'GYUR RO, ,DE LTA MA YIN NA CI ZHIG LTAR SNANG BA TZAM YIN PAR 'GYUR BAS 'JIG RTEN GYI THA SNYAD MTHA' DAG TSAD MAR 'GYUR RO, ,'ON TE SNANG BA RANG NYID PHAN TSUN THA DAD PA NI RANG NYID RIG PA'I RTOGS PAS GZHAL BAR BYA BA YIN NO ZHE NA, DE YANG MI BDEN TE, SNANG BA TZAM LAS 'JIG RTEN GYI, ,THA SNYAD 'GRUB PAR 'GYUR MA YIN, ,DE TZAM 'BA' ZHIG SNANG BA NI DE LAS GZHAN PA CI BYAR YOD, DON BYA BA BYED PA'I DNGOS PO BLANG BAR BYA BA'AM GZHAN YIN NO ZHES BYA BA NI RTOGS PA DANG LDAN PA RNAMS KYI THA SNYAD YIN NO, ,SNANG BA TZAM NI DE'I SKAD CIG NYID LA, DE LTAR 'GYUR BA YIN PAS BLANG BA DANG DOR BAR BYA BA MA YIN NO, ,DE LTAR NA RNAM PAR RIG PA TZAM GNYIS MED PA YIN PA'I PHYIR THA DAD PA DANG THA MI DAD PA DAG MA YIN NO, ,DE'I PHYIR THA DAD PA DANG THA DAD MED PA NI 'BRAS BU'I DNGOS PO LAS YIN LA, RGYU DANG 'BRAS BU'I DNGOS PO DE YANG RJES SU 'GRO BA DANG LDOG PA DAG LAS YIN PA'I PHYIR BDAG GANG GI

, ,YANG RGYU MA YIN PAS NA DE NI GANG LAS KYANG RJES SU DPAG PA MED DO, ,DES NA, TSOGS PA'I NUS PA THA DAD PHYIR, ,DNGOS RNAMS SNA TSOGS NGO BO NYID, ,GAL TE DE THA DAD BYED MIN, ,'GRO 'DI NGO BO GCIG TU 'GYUR, ,NGO BO GCIG CES BYA BA NI BLANG BYA DANG SPANG BYA MED PA'AM, SNANG BA TZAM GNYIS SU MED PA ZHES BYA'O, ,'ON TE BRGYA BYIN GYI SPYI BO NI ME'I RANG BZHIN YANG YIN LA, DE DANG MI MTHUN PA'I RANG BZHIN YANG YIN NO, ,DES NA ME'I 'BRAS BU DE LAS KYANG 'GYUR RO ZHE NA, 'DI LA BSHAD PA NI, 'DI THA DAD BYED THA DAD BYED, ,MIN NA RANG BZHIN GCIG NYID NYAMS, , GCIG NI RANG BZHIN DU MA NA, ,ME DANG ME MIN RANG BZHIN GNYIS, ,DNGOS PO THA DAD PA'I MTSAN NYID NI RANG BZHIN THA DAD PA NYID YIN PA'I PHYIR RO, ,DES NA DU BA SKYED PAR BYED PA NI ME NYID YIN PA'I PHYIR, 'BRAS BU'I GTAN TSIGS LA 'KHRUL PA MED DO, ,DE ME'I RANG BZHIN YIN NA BRGYA BYIN GYI SPYI BO GZHAN MA YIN NO, ,RANG BZHIN GANG GIS THA DAD PA DE NI SKYED PAR BYED PA MA YIN PA NYID PAS 'KHRUL PA'I DOGS PA GA LA YOD, DES NA GZHAN NI DES BSKYED PA'I, ,RANG BZHIN YIN TE DE NYID NI, ,DE BSKYED RANG BZHIN MA YIN NA, ,DE NI DE LAS CI LTAR 'GYUR, ,DE PHYIR RGYU DANG 'BRAS BU DAG ,PHAN TSUN RANG BZHIN NGES PA NYID, ,DES NA RANG NYID MTHONG BA BZHIN, ,'BRAS BU MTHONG YANG DE RTOGS 'GYUR, ,'O NA, CHU DANG 'O MAS RUL 'GYUR BZHIN, ,DU MA LAS GCIG CI LTAR 'GYUR, ,DE LTAR NI MA YIN TE, GSHER NUS GANG LAS RUL 'GYUR DER, ,GNYI GA GCIG NYID CI 'DI NI, , THA DAD GCIG PA'I BDAG NYID DAM, ,THA DAD GSHER NYID CI LTAR YIN, ,DE YI RANG BZHIN CAN GYI BLO, ,THA DAD MED PHYIR GCIG CES BRJOD, ,CHU DANG 'O MA RANG BZHIN GCIG PA NYID NI MA YIN TE, DE LAS GZHAN SRA BA LA SOGS PA'I RANG BZHIN LAS LDOG PA THA MI DAD PA'I PHYIR GCIG PA NYID DO, ,'BRAS BU RUL PA YANG DE BZHIN TE, DON DAM PAR NA RUL PA YANG GCIG NYID NI MA YIN GYI, 'ON KYANG DE LAS GZHAN LAS LDOG PAS DE SKAD BRJOD PA'I PHYIR 'KHRUL PA MED DO, ,DE GZHAN ME NI THA DAD KYI, ,CHA GANG GIS NA MER RTOGS PA'I, ,RTEN YIN DES NI DE SKYED PA, ,DES NA DE LTAR RTOGS PA YIN, ,

MER SHES YAN LAG GZHAN LA NI, ,LTOS PA NYID LAS 'BYUNG BA'I PHYIR, ,DU BA DE LA 'KHRUL MED CAN, ,DE LTAR 'BRAS GZHAN DE BZHIN GRUB, ,DE BZHIN ZHES BYA BA NI CHU DANG 'O MA BZHIN TE, CHU DANG 'O MA THA DAD KYANG GSHER BA NYID KYIS DE LAS GZHAN DAG LAS LDOG PAS NA GSHER BA NYID DU RTOGS PA'I GZHI YIN PA BZHIN DU ME THA DAD KYANG DE LAS GZHAN DAG LA LDOG PA NYID KYIS ME RTOGS PA'I RTEN YIN NO, ,CHA GANG GIS ZHES BYA BA NI MER RTOGS PA'I RGYU NYID KYIS SO, ,DE NYID KYIS RTOGS PA YIN TE, GZHAN DU NI 'KHRUL PA'I PHYIR RO, ,MER RTOGS PA'I YAN LAG MED PAR NI DU BA MI SKYED PA'I PHYIR DE LA 'KHRUL PA MED DO, ,'DI LTAR, DU BA BUD SHING 'GYUR BA YI, ,YAN LAG LA BRTEN MER 'JOG PHYIR, ,GAL TE ME MIN DE DU MIN, ,GAL TE DE DU DE MED NYID, ,DU BA DANG BUD SHING GI RNAM PAR 'GYUR BA DE DAG GI, YAN LAG NYID ME YIN GYI GZHAN NI MA YIN NO, ,DES NA GAL TE BRGYA BYIN GYI SPYI BO LA SOGS PA 'DI DRO BA LA SOGS PA'I MTSAN NYID MA YIN NA DE'I TSE DE DU BA MA YIN TE, BLANGS PA LA SOGS PA NYID DO, ,'DI NYID GA LAS GZHAN DU NI MA YIN NO ZHES MA MTHONG BA NI NGES PAR RIGS PA MA YIN NO ZHE NA, 'O NA SNGON PO LA YANG GZHAN DU 'GYUR BA MA YIN NO ZHES BYA BA 'DI GA LAS DE LTA MIN NA SNGON PO NYID DU MI 'GYUR RO ZHE NA, DU BA NYID DU MI 'GYUR RO ZHES 'DI NI MTSUNGS SO, ,'DI GA LAS ZHES BYA BA NI GZHAN YANG MTSUNGS SO, ,GAL TE SNGON PO LA SOGS PA NI RANG GI RANG BZHIN GYI MTSAN NYID YIN TE, RANG GI MTSAN NYID MED PAR NI 'BYUNG BA MA YIN NO, ,BSKYED PAR BYA BA NYID NI DU BA LA SOGS PA'I MTSAN NYID MA YIN TE, DER YANG RANG GI RANG BZHIN NYID MTSAN NYID YIN PAS 'DI NI MTSUNGS PA MA YIN NO ZHE NA, 'DI LA BRJOD PA, RANG BZHIN TZAM DU SNANG BAS NI, ,DNGOS PO DNGOS POR GNAS MA YIN, ,RANG GI NGO BOR SNANG BA NI, ,'KHRUL DANG CIG SHOS SHES PA MTSUNGS,, SNGON PO DANG SER PO LA SOGS PA'I RANG GI NGO BO TZAM DU SNANG BA NI 'KHRUL PA DANG MA 'KHRUL PA'I SHES PA MTSUNGS PA'I PHYIR DNGOS PO MI 'GRUB PO, ,RNAM PAR DBYE BA NI RGYU DANG 'BRAS BUS BYAS PA YIN PA'I PHYIR TE SPROS PAS CHOG GO, ,RANG BZHIN CI LTAR MED NA MI 'BYUNG BA YIN ZHE NA, 'DI BRJOD PA,

, ,CI LTA'I RANG RGYU LA LTOS NAS, ,RANG BZHIN MED NA MI 'BYUNG BAR, ,SHES BYA 'JIG DANG BYAS PA NYID, ,GONG DU JI SKAD BSHAD PA BZHIN, ,'JIG PA NI DNGOS PO TZAM DANG RJES SU 'BREL PA YIN NO ZHES DON 'DI SNGAR BSTAN ZIN TE, DES NA YANG SKYUG LDAD MI BYA'O, ,DE'I PHYIR RGYU DANG 'BRAS BU NI RJES SU 'GRO LDOG GI MTSAN NYID KHO NA YIN PAS BDAG DANG SROG LA SOGS PA NI MA YIN PA'I PHYIR GO BAR BYED PA MA YIN NO, ,SLOB DPON GYI DGONGS PA MTHA' DAG KYANG 'DI NYID YIN NO, ,DE GA LAS SHE NA, LDOG CAN MTSUNGS PAR BSTAN PA'I PHYIR, ,MNYAN BYA NYID NI BRJOD MDZAD LAS, ,GTAN TSIGS MIN NYID RTOGS PA YI, ,TSUL 'DIS THAMS CAD DPAG PAR BYA, ,LDOG PA CAN GYI GTAN TSIGS THAMS CAD DPER BRJOD PA MTSUNGS PAR BSTAN PA'I PHYIR, SLOB DPON GYIS LDOG PA CAN MNYAN PAR BYA BA NYID MA NGES PAR BSTAN PAR MDZAD PA YIN TE, DES NA TSUL 'DI THAMS CAD NI SLOB DPON GYI DGONGS PA LA GNAS PA YIN NO ZHES BSAM PAR BYA'O, ,DE LTAR NA RE ZHIG LDOG PA CAN GTAN TSIGS MA YIN NO ZHES BSTAN PA YIN NO, ,LDOG PA CAN THAMS CAD MNYAN BYA NYID DANG MTSUNGS PA'I PHYIR DANG, DE YANG THUN MONG MA YIN PA NYID KYIS MA NGES PA NYID YIN PA'I PHYIR RO, ,'DI LTAR, MTHUN PHYOGS MI MTHUN PHYOGS DAG LAS, ,LDOG PA YANG DAG NYID DU NI, ,SRID MIN MA MTHONG BA TZAM GYIS, ,LDOG PA CAN ZHES BSHAD PA YIN, ,RTAG PA DANG MI RTAG PA DANG, BDAG DANG BCAS PA DANG BDAG MED PA'I PHUNG PO GNYIS LAS MA GTOGS PA'I PHUNG PO GZHAN NI YOD PA MA YIN TE, DNGOS PO DANG DNGOS PO MED PA PHAN TSUN SPANGS TE GNAS PA'I 'GAL BA NI DNGOS PO NYID YIN PA'I PHYIR RO, ,DE LTAR MA YIN PAS 'GRO BA RTZOL MED DU 'GYUR RO, ,PHYOGS GNYIS LAS MA GTOGS PA NI 'GA' YANG MED DO, ,GAL TE MNYAN PAR BYA BA NYID RTAG PA DANG, MI RTAG PA GNYI GA LAS LDOG PA YIN 'O NA NI MED PA KHO NAR 'GYUR TE, RTEN MED PA'I PHYIR RO, ,SGRA NI RTEN YIN NO ZHE NA, MA YIN TE SGRA LA YANG NYES PA MTSUNGS TE, DE YANG THAMS CAD LAS LDOG PA'I PHYIR MED PA NYID DU 'GYUR RO, ,'DI LTAR, SGRA RTAGS MI RTAG THE TSOM NI, ,ZA NA GTAN TSIGS

TSOL BA YIN, ,DE NI GNYI GA DANG BRAL NA, ,DE DAG LA 'DIR THE TSOM CI, ,DE LAS LDOG PA NYID DU NGES PA DE NYID LA THE TSOM ZA BAR MI SRID DO, ,'O NA NI MNYAN BYA NYID THE TSOM GYI RGYU MA YIN TE, SGRA TZAM NYID LAS THE TSOM ZA BA'I PHYIR RO ZHE NA, CI SGRA NYID LAS THE TSOM ZA BAS GZHAN DAG KYANG THE TSOM GYI RGYU LA BRTEN PA MA YIN PAR 'GYUR RAM, GAL TE GANG ZHIG LA LAR MTHONG BA DE DAG GZHAN MTHONG BA NA DER DOGS PA BSKYED PA MA YIN NAM, THE TSOM GYI RGYU NI DE NYID YIN PAR BRJOD DO, ,MNYAN PAR BYA BA NYID GO CI LTAR THE TSOM GYI RGYU YIN ZHE NA, DE NI MA YIN TE, 'DI LTAR, MTHONG BA BSGRUB PA'I TSUL GYIS NI, , THE TSOM BKAG PAS DNGOS MED LA, ,THE TSOM ZA 'GYUR RANG GI PHYOGS, ,YONGS SU 'DZIN PAS CI ZHIG BYA, ,GANG DU GZHAL BYA NYID LA SOGS PA THUN MONGS GI MA NGES PA LA THE TSOM ZA BA DE NI MTHONG BA'I SGO NAS SGRUB PA'I TSUL GYIS YIN LA YUL LA THUN MONGS MA YIN PA LA NI DGAG PA'I SGO NAS YIN PA'I PHYIR 'DI GNYIS LA KHYAD PAR CI YOD, GAL TE MNYAN BYA NYID RTAG PA DANG MI RTAG PA DANG MI RTAG PA DAG LA MA MTHONG BA'I PHYIR DE DAG MI RTOGS PA'I RGYU NYID DU 'THAD PA MA YIN NAM, MA MTHONG BA NI MI RTOGS PA'I YAN LAG YIN PA'I PHYIR RO ZHE NA, 'DI NI BZANG PO MA YIN TE, 'DI LTAR, 'GAL BAS GANG TSE GCIG LDOG PAR, ,DES PHYIR BZLOG PA'I ZLA BO NI, ,'JUG 'GYUR GNYI GA DAG LAS KYANG, ,LDOG PA SRID PA MA YIN NO, ,PHAN TSUN SPANGS PAS 'GAL BA GNYI GA LAS GCIG TU NGES PAR LDOG PA NI MI SRID PAS 'DIR BTANG SNYOMS PAR GNAS PA NI MI 'THOB PA KHO NA'O, ,GAL TE GNYIS LAS GCIG LA GNAS PAR TSAD MA MED PA GNYIS KYIS THE TSOM ZA BA YIN GYI, MNYAN BYA NYID KYIS BYAS PA MA YIN PA MA YIN NAM, DE NI DE LTAR NA MI RTOGS PA'I RGYU MTSAN DU 'GYUR BAR ZAD DO ZHE NA, ,'O NA NI THUN MONG GI MA NGES PA LA YANG TSAD MA MED PA NYID LAS THE TSOM ZA BA YIN GYI, DE GTAN TSIGS KYIS BYAS PA NI MA YIN NO, ,DE YANG MTHONG BA'I SGO NAS THE TSOM GYI RGYU NYID DO ZHE NA, MNYAN BYA NYID KYANG MA MTHONG BA'I KHO NAS YIN PAS 'DI MTSUNGS SO, ,'ON TE THE TSOM ZA BAR GYUR PA NI DE LAS THE TSOM MI LDOG PAS DE THE TSOM GYI RGYU BRJOD PA NA MNYAN BYA NYID KYANG DE BZHIN NYID PAS 'DI NI GYI NA'O, ,GZHAN YANG,

, ,GNYI GA LA MTHONG GZHAL BYA NYID, ,GNYIS KYIS CI STE NGES MI BYED, ,GNYI GA LA NI MTHONG LDAN PA, ,GNYI GA LA'ANG SGRUB BYED YIN PAR 'GYUR, ,GANG ZHIG GANG LA MTHONG BAS NA, ,DE SGRUB PA NYID DU 'GYUR GYI MED DO ZHES CHA GNYIS PA LA BRTEN PA GA LAS, 'ON TE PHAN TSUN 'GAL BA DANG LDAN PA GNYI GA LA GCIG LA YOD PA NI MI 'THAD DO ZHE NA, DE LTA NA, 'O NA PHYOGS NYID LA THE TSOM PA YIN GYI MTHUN PA'I PHYOGS KYI SGO NAS GYUR PA NI MA YIN NO, ,MTHONG BA LA YANG PHYOGS LA THE TSOM PA'I SGO KHO NAS THE TSOM NI 'GYUR BA YIN LA, DE NI GNYI GA LA MA MTHONG BA LA YANG MTSUNGS SO, ,GCIG TU NGES PAR LDOG PAR BYA STE THE TSOM ZA BA NI MA YIN NAM, GCIG TU NGES PAR GNYIS LAS LDOG PAR MA NGES PA'I PHYIR RO, ,GAL TE PHUNG PO GSUM PA MI SRID PA GNYI GA LAS LDOG PA DE NI RANG BZHIN NYID KYIS MI RTOGS PA'I RGYU YIN TE, LDOG PA CAN 'DI NI SLOB DPON GYIS KYANG DE LTAR BSHAD PA YIN NO, ,DE SKAD DU YANG BSGRUB PAR BYA BA'I CHOS THUN MONGS MA YIN PA GANG YIN PA DE NI KHYAD PAR CI SNYED KYIS MTHA' DAG BSDUS PA DE LA THE TSOM ZA BA'I RGYU YIN TE, DE'I RTEN NI DES BSDUS PA'I PHYIR DANG, GCIG TU NGAS PAR LDOG PA'I PHYIR RO ZHES GSUNGS TE, DE CI LTAR 'DI LDOG PA NYID LA THE TSOM ZA BAS DOGS PA'I RGYU YIN ZHE NA, DE NI MA YIN TE, GANG PHYIR GANG ZHIG GNYI GA LAS, ,LDOG PAR NGES TE GZHAN LA NI, ,YOD PAS GNYI GA DAG LA YANG, ,MED 'GYUR 'DI NI BSHAD ZIN TO, ,LOG PAR SLAR YANG DE NYID LA, ,THE TSOM BYED PAR CI LTAR 'GYUR, ,GNYI GA RNAM GCOD BSGRUB PA NI, ,DE LAS LDOG PA LAS GZHAN MIN, ,GANG ZHIG GANG LAS LDOG PA DE CI LTAR DE LTAR DE RNAM PAR GCOD PA SGRUB PAR BYED PA MA YIN, 'ON TE GNYI GA RNAM PAR GCOD PA SGRUB PAR BYED PA NYID KYIS MI RTOGS PA'I RGYU YIN NO ZHE NA, 'DI NI MED DE, 'DI LTAR, GTAN TSIGS THAMS CAD RNAM GCOD NI, ,SGRUB PAR BYAD PAS GTAN TSIGS NYID, ,SGRA DANG RTAGS KYI LDOG PA NI, ,RAB SGRUB BYED CES RNAM PAR GNAS, ,GTAN TSIGS GZHAN LAS GZHAN LDOG PA SGRUB PAR BYED PA YIN NO ZHES BYA BA NI BDEN MOD KYI, 'ON KYANG DE NI GZHAN BSGRUB 'PHEN PA NYID

KYIS YIN NO, ,'DIR NI GZHAN 'PHANGS PA CI YANG YOD PA MA YIN TE, GNYI GA LAS LDOG PA'I PHYIR RO, ,BYAS PA NYID LAS NI RTAG PA LAS LDOG PAS MI RTAG PA 'PHEN PA YIN NO ZHE NA, DE BDEN TE, RTAG PA LOG LAS MI RTAG PAS, ,NYID NI GZHAN DU GRUB PA MED, ,GANG PHYIR RJES SU DPAG PA NI, ,GZHAN LDOG NYID KYIS DON BYAS 'GYUR, ,RJES SU DPAG PA NI GZHAN RTAG PA'I SGRO 'DOGS PA BCAD PA TZAM GYIS DON BYAS PA YIN TE, RTAG PA DANG MI RTAG PA'I RNAM PAR MI RTOG PA DAG NI GCIG BZLOG PAS GZHAN RANG NYID GNAS PA'I PHYIR RO, ,DER YANG RES 'GA' MED PAR 'GYUR RO ZHE NA, MA YIN TE, DE MNGON SUM GYIS GRUB PA'I PHYIR RO, ,'BRAS BU'I GTAN TSIGS LA CI LTAR ZHE NA, 'DI NI RE ZHIG GZHAG GO, ,GAL TE MNYAN BYA NYID KYIS GNYI GA YANG RNAM PAR BCAD PA YIN NA, DE LAS 'GRUB PA MNGON SUM GYIS GRUB PAR 'GYUR BA'I PHYIR GTAN TSIGS NYID DU 'GYUR RO, ,GTAN TSIGS GZHAN DE GCIG BSGRUBS PAS GTAN TSIGS MA YIN NO ZHE NA, MA YIN TE, MNGON SUM GYIS GRUB PA GTAN TSIGS GZHAN GYIS 'GOG PAR BYED PA'AM, SGRUB PAR BYED PA CI LTAR 'GYUR, ,'ON TE MNGON SUM NI 'GOG PAR BYED PA MA YIN TE, DES NI GZHAN GYIS BSGRUB PA'AM 'GOG PA YIN NO ZHE NA, MA YIN TE, MNYAN BYA NYID KYIS GNYI GA RNAM PAR BCAD PAS, CI LTAR GZHAN GYIS GRUB, DE LTAR MA YIN NA, DOR BA YANG GZHAN GYIS SGRUB PA'I PHYIR JI LTAR NA GZHAN YANG TSAD MA MA YIN PAR 'GYUR TE, DES NA THAMS CAD YID BRTAN DU MED PAR 'GYUR RO, ,MNGON SUM 'GOG PAR BYED PA MA YIN PA YANG MA YIN TE, DE LTAR YIN NA NI SGRUB PAR BYED PA'I RANG BZHIN DU YANG MI 'GYUR RO, ,SGRUB PAR BYED PA NI DNGOS PO RTOGS PAR BYED PA YIN LA, DNGOS PO YANG DE LAS GZHAN DANG THA DAD PA MED PAR RNAM PAR BCAD PA RTOGS PAR MI 'GYUR RO, ,'DI LTAR DNGOS PO DE GZHAN DANG MA 'DRES PA'AM, 'ON TE GZHAN DANG 'DRES PAR 'GYUR, ,GZHAN DANG 'DRES NA THA SNYAD NI, ,MED PHYIR DNGOS PO NYID MIN 'GYUR, ,DE BZHIN DU NI GZHAN DAG LAS, ,'GOG PA YANG NI MED PAR 'GYUR, ,'DI RNAM PAR DPYAD PAR BYA STE, ,DNGOS PO RANG NYID KYI NGO BO, ,GZHAN LAS LDOG PA'AM, 'ON TE DE LTA MA YIN, GAL TE LOG

, ,NA MNGON SUM GYIS BZUNG BA 'AM 'ON TE MA BZUNG, GAL TE BZUNG NGO ZHE NA, CI LTAR GZHAN MI 'GOG, DE LA GZHAN BKAG PA NI KHO NA STE, DE YONGS SU SPANGS TE, DE RANG BZHIN GZHAN DU SNANG BA GANG YIN PA'O, ,DE LTA MA YIN NA 'DZINGS PAR RTOGS PA'I PHYIR THA SNYAD MED PAS NA TSAD MA DON MED DO, ,'ON TE TSAD MA GZHAN GYIS GZHAN BKAG PA LAS THA SNYAD BYED PA YIN NO ZHE NA, ,DE YANG MI RUNG STE, 'DI LTAR, MNGON SUM GYIS NI RTOGS PA LA, ,GAL TE GZHAN GYIS GNOD NA NI, ,MNGON SUM TSAD MA MIN NYID PAS, ,GZHAN YANG TSAD MA NYID MI 'GYUR, ,MNGON SUM TSAD MA MA YIN PA NYID YIN NA, GZHAN LA YID BRTAN DU CI YOD, ,'ON TE DNGOS PO GZHAN DANG 'DRES PA NYID YIN NA DE LAS GZHAN TSAD MA BRGYAS KYANG DGAG PA MA YIN TE, RANG GI RANG BZHIN NI GZHAN DU BYA BAR MI NUS SO, ,'ON TE RANG BZHIN 'GA' ZHIG GIS MA 'DRES SO ZHE NA, RANG BZHIN GANG GIS MA 'DRES PA'I TSUL DES KYANG MNGON SUM GYIS BZUNG BA NYID DO, ,DE LTA MA YIN TE MA BZUNG NA NI DON LDOG PAR CI LTAR YIN, GZHAN GYIS RTOGS PA NA LDOG PA GO BA YIN NO ZHE NA, GZHAN GYIS DE LTA MA YIN PAR RTOGS NA THAMS CAD LA YID BRTAN DU MED DO ZHES BSTAN ZIN TE, NYIN MTSAN LAS NI KHYIM PHUGS SU, , ZHUGS MA THAG TU GZHAN DU NI, ,SNANG YANG YIN PA PHYI MA YI, ,MNGON SUM DES NI SNGA MA GNOD, ,KHANG PA'I PHUGS SU DNGOS PO SKYES PA NI TSAD MA MA YIN PA NYID DO, ,DES NA DANG PO'I MTHONG BA DE GNOD PAR 'GYUR BA YIN GYI, TSAD MA NYID NI MA YIN NO, ,DES NA GAL TE MNGON GYIS SGRA GNYI GA LAS LOG PAR BZUNG NA DE'I TSE GZHAN LAS THE TSOM ZA BA'AM DE LTA MA YIN PAR MI 'GYUR RO, ,MNYAN BYA NYID KYI GRUB PA LAS YANG DE BZHIN NO, ,DES NA LDOG PA MED PA NYID KYIS NA, MNYAN BYA NYID LAS THE TSOM DU 'GYUR BA YIN NO, ,DE BZHIN DU LDOG PA CAN MTHA' DAG PA'O, ,SLOB DPON GYIS NI MA MTHONG BA TZAM LA BRTEN NAS LDOG PA CAN DU BSTAN TO, ,'O NA CI LTAR GCIG TU NGES PA LDOG PA'I PHYIR RO ZHES GSUNGS SHE NA, GCIG TU NGES PAR GDON MI ZA BA NYID LDOG PA'I PHYIR ZHES BYA BA NI MA YIN GYI 'ON KYANG GCIG TU NGES PA'I GDON MI ZA BA NYID LDOG PA'I PHYIR RO ZHES BYA BA YIN NO, ,DE NI RTAG PA DANG MI

RTAG PA LA YOD PA DANG MED PA NYID DU NGES PA MA YIN TE, DES NA DON DAM PAR NA LOG PA MED PA NYID DO, ,DE'I PHYIR MA NGES PA NYID DO, ,DE LTAR NA RE ZHIG RTZOD PHYIR KHYAD PAR ZHES BYA BA BSHAD PA YIN NO, ,DA NI SPYI BSHAD PAR BYA'O, ,CI LTAR LDOG PA GCIG TU NGES PA'I LDOG PA CAN GO BAR BYED PA MA YIN PA DE BZHIN DU GCIG TU NGES PA'I RJES SU 'GRO BA CAN YANG YIN NO, ,'DI LTAR, GZHAL BAR BYA BA NYID KYI PHYIR, ,BUM BZHIN SGRA YANG MI RTAG NYID, ,NAM MKHA' MED LA GTAN TSIGS 'DI, ,LDOG MED PHYIR NA RJES 'GRO CAN, ,NAM MKHA' LA NI YOD PA 'AM MED PA MA YIN TE, DE MED PA'I PHYIR RO, , DE RJES SU 'GRO BA 'KHRUL PA MED PA CAN GTAN TSIGS NI GO BAR BYED PA NYID DO ZHE NA, DE NI MA YIN TE, NAM MKHA' MED PA'I PHYOGS LA NI, ,GAL TE DE NI SRID MIN YANG, ,DE LTA NA YANG GZHAL BYA NYID, ,'DI LA CI LTAR YANG MI LDOG ,MED PA LA YANG RNAM PA 'GA' ZHIG LTAR GZHAL BYA NYID YOD PA KHO NA STE; DE LTA MA YIN NA, SGRUB PA DANG DGAG PA DAG TU THA SNYAD BYED PA NYID MED PAR 'GYUR RO, ,YOD PA 'BA' ZHIG NI THA SNYAD DU NUS PA MA YIN NO, ,PHAN TSUN SPANGS TE GNAS PA'I BDAG NYID KYANG DNGOS PO THA SNYAD KYI YUL YIN TE, DE LTA MA YIN NA NI DON BYA BAS STONG PA'I PHYIR DON BYA BA'I DON DU GNYER BA RNAMS KYI DON DU GNYER BAR BYA BA NYID MA YIN PAR 'GYUR RO, ,RANG DANG GZHAN GYI RNAM PAR 'BYED PA MED PA NI SU ZHIG GANG LA'AM CI'I DON DU THA SNYAD BYED DE, DES NA THAMS CAD MED PA KHO NAR 'GYUR RO, ,GZHAN GYI PHYOGS MED PAR MA RTOGS PAR NI RANG GI PHYOGS GZHUNG GZUGS PAR NUS PA MA YIN NO, ,NAM MKHA' YANG GDON MI ZA BAR THOGS PA DANG BCAS PA'I DNGOS PO MED PA TZAM DU GZHAL BAR BYA BA YIN TE, DE LTAR MA YIN NA GOM GANG YANG NI 'GROR MED PAR 'GYUR RO, ,DES NA YOD PA'I BDAG NYID KYIS DNGOS PO SO SOR NGES PAR RNAM PAR 'JOG PAS DNGOS PO MED PA GZHAL BAR BYA BA YIN TE DE DE LTAR RNAM PAR GZHAG PA TSAD MAS RNAM PAR GZHAG PA YIN PA'I PHYIR GZHAL BYA NYID DO, ,DNGOS PO'I YUL CAN 'BA' ZHIG NI TSAD MA MA YIN TE, TSAD MA NI RNAM PAR GCOD PA'I MTSAN NYID YIN PAS RNAM PAR GCOD PAR BYED PA NYID TSAD MA YIN TE, GAL TE RANG GI YUL LA GZHAN GYIS GNOD PA MA BYAS NA'O, ,DE'I PHYIR THA

, ,SNYAD MI SLU BA NYID SGRUB PAR BYED PA'I SHES PAS GCAD PAR BYA BA YIN PA'I PHYIR DNGOS PO MED PA GZHAL BYA KHO NA YIN PA'I PHYIR, GZHAL BYA KHO NA YIN PA'I PHYIR ZHES BYA BA NI RJES SU 'GRO BA 'KHRUL PA MED PA CAN MA YIN NO, ,DE BAS NA THUN MONG PA NYID KYIS MA NGES PA YIN NO, ,'ON TE GZHAL BYA NYID MNGON SUM GYIS YONGS SU GCAD PAR BYA BA LA BRJOD NA DE LTA YIN NA MNGON SUM NI DNGOS PO LAS SKYE BA YIN PA'I PHYIR DON BYED PAR NUS PA NYID GZHAL BYA YIN NO, ,DES NA DON BYA BA BYED PA NYID GO BAR BYED PA YIN NO ZHES BYA BAR 'GYUR RO, ,DE YANG DNGOS PO MED PA LAS LDOG PA'I PHYIR RO LDOG PA DANG LDAN PAS NA CI LTAR RJES SU 'GRO BA CAN GYI GTAN TSIGS YIN NO, ,MED PA DANG LDOG PA CAN 'GYUR PA YANG YIN ZHES BSHAD ZIN TO, ,DES NA DNGOS PO NYID LA SOGS PA YANG BSHAD PA YIN NO, ,DE'I PHYIR RJES SU 'GRO BA DANG LDOG PA NYID NA, 'BRAS BU DANG RANG BZHIN GYI GTAN TSIGS SO, ,GAL TE DGAG PA NYID NI THAMS CAD DU MI DMIGS PA YIS THAMS CAD SGRUB PAR BYED CES BYA BA LA SOGS PAS MI DMIGS PA YANG GTAN TSIGS GSUM PA YIN PAR BSTAN PA MA YIN NAM, 'ON TE DNGOS PO'I YUL GYI GTAN TSIGS KYI RAB TU DBYE BA BSTAN PA YIN, DE LTA YIN NA MI DMIGS BA'I 'BREL PA BSTAN PAR BYA DGOS PA YIN NA, DE'I BDAG NYID DANG DE LAS BYUNG BA DAG LAS GZHAN PA'I 'BREL PA NI MED DO ZHES BSTAN PA YIN NO ZHE NA, 'DIR BRJOD PA, RGYU DANG KHYAB BYED MED PA'I PHYIR, ,'BRAS DANG KHYAB BYA MED NA NI, ,GO 'GYUR DNGOS PO MED PA YI, ,SGRUB BYED GZHAN NI 'GA' YANG MED, ,DNGOS PO MED PA'I ZHES BYA BA RANG RGYUD DU THA SNYAD KYI YUL DU GYUR PA NI 'GA' YANG MED KYI, 'ON KYANG BRJOD PAR 'DOD PA'I DNGOS PO NYID KYI DNGOS PO MED PA YIN NO, ,DNGOS PO DE YANG LKOG TU GYUR PA NYID KYIS THE TSOM ZA BA NA CI LTAR MED CES BYA BAR 'GYUR TE, DE MI DMIGS PA TZAM ZHIG GO BAR BYED PA MA YIN TE, DMIGS PA'I MTSAN NYID DU MA GYUR PAR YOD PA'I PHYIR RO, , GAL TE DE'I RGYU 'AM KHYAB PAR BYED PA MED DO ZHES BYA BAR GYUR PA DE LTAN NI DE MED PAR 'GRUB PAR 'GYUR RO, ,DE LA YANG 'BREL PA'I RNAM PA GNYIS PO DE NYID YIN PA'I PHYIR MI DMIGS PA DANG LDOG PA NYID DU GRUB PO, ,DPER BRJOD PA CI STE MA SBYAR ZHE NA, SBYAR BA KHO NA'O, ,'DI LTAR, RGYU DANG NGO BO LDOG NYID KYIS, ,DON

LDOG PA NI BRJOD PA LAS, ,MI DMIGS DPE NI GRUB PA'I PHYIR, ,THA DAD PAR NI MA BSHAD DO, ,MI DMIGS PA'I DPE NI SMOS PA NYID DE LOGS SHIG TU MA YIN CI STE ZHE NA, RGYU DANG NGO BO LDOG PA NYID KYI 'BRAS BU DANG RANG BZHIN GYI DON LDOG PAR BRJOD PA'I PHYIR RO, ,RANG BZHIN NYID DAM RGYU DNGOS NI, ,GRUB NA LDOG PAR 'GRUB PAR 'GYUR, ,ZHES BYA BA LA SOGS PAS 'DI NI BSTAN ZIN TO, ,RANG BZHIN MI DMIGS PA YANG BSTAN PA NYID DO, ,RGYU DANG NGO BO NI MI DMIGS PA NYID KYIS DNGOS PO LDOG PA'I PHYIR RO, ,DE LTAR YANG, TSAD MAS GRUB PAR SMRA RNAMS KYIS, ,ZHES BYA BA LA SOGS PAS BSHAD ZIN TE, ,DMIGS PA'I MTSAN NYID DU GYUR PA NYID KYI KHYAD PAR CI LTAR GRUB CE NA, 'DIR BSHAD PA, DE LA'ANG SKYES BU MA MTHONG LAS, ,SROG SOGS LDOG PA MED PA'I PHYIR, ,GTAN TSIGS THE TSOM ZA BSHAD PAS, ,BLTAR RUNG DON LA DE ZHES BSTAN, ,PHA ROL PO DAG GIS SMRAS PA, ,BUM PA LA SOGS PA DAG LA NI BDAG LDOG PAS YIN TE, DES NA GAL TE GSON PO'I LUS LA YANG BDAG LDOG NA SROG LA SOGS PA YANG LDOG PAR 'GYUR RO ZHES BYA'O, ,'DI LA SLOB DPON GYIS BDAG BLTAR MI RUNG BA'I PHYIR BUM PA LA SOGS PA LA BDAG MED PA NYID MA GRUB STE, MI DMIGS PA TZAM NI THE TSOM GYI RGYU YIN PA'I PHYIR RO ZHES BSTAN TO, , DES NA BLTAR RUNG BA'I DON LA MI DMIGS PA GO BAR BYED PA YIN NO ZHES BSTAN PA YIN NO, ,GAL TE RNAM PAR GCOD PA BSGRUB PA NYID KYIS GTAN TSIGS THAMS CAD MI DMIGS PA NYID MA YIN NAM, DES NA GTAN TSIGS GSUM DU CI LTAR 'GYUR ZHE NA, NYES PA 'DI MED DE 'DI LTAR, 'DIS NI DNGOS LAS DNGOS PO'I CHOS, ,KHAS BLANGS MED PAR DGAG PA NYID, ,SGRUB BYED SNGA MA DAG GIS NI, ,MA YIN SGRUB PAR BYED PHYIR RO, ,'DIS NI SA PHYOGS LA SOGS PA'I DNGOS PO LA YANG MA YIN BSGRUB PA MA YIN GYI 'ON KYANG DNGOS PO'I NGO BO KHAS BLANGS PA MA BYAS PAR DGAG PA BSGRUBS PA YIN LA, SNGA MA RANG BZHIN DANG 'BRAS BU'I GTAN TSIGS DAG GIS NI MA YIN PA'I SGO NAS DGAG PA SGRUB PA YIN NO, ,DES NA 'BREL PAR MTSUNGS KYANG YUL THA DAD PA'I PHYIR THA DAD PA KHO NA'O, ,'O NA RANG BZHIN MI DMIGS PA LA 'BREL PA GANG YIN ZHE NA, DE'I BDAG NYID DO ZHES BSHAD PA NI, DE LA DMIGS RUNG RNAMS KYI NI, ,YOD PA DMIGS PA LAS GZHAN

, ,MIN; ,MED PA NI MI DMIGS PA LAS GZHAN MA YIN PA NYID DO, ,'ON KYANG MI DMIGS PA NYID YIN NO, ,GAL TE SHES PA LDOG PA NI MI DMIGS PA YIN LA, YOD PA LDOG PA NI DNGOS PO MED PA MA YIN NAM, DA CI LTAR 'DI GNYIS DE'I BDAG NYID YIN, SHES PA SHES BYA DAG THA DAD PA DE BZHIN DU DE MED PA DAG KYANG YIN NO, ,SHES PA NYID DON GYI YOD PA NI YIN TE, SHES PA MED KYANG DE YOD PA'I PHYIR RO, ,'DI LTAR, LKOG TU GYUR PA'I DON RNAMS KYANG, ,RJES SU DPAG PAS YOD PAR 'DZIN, ,DU BA MTHONG BA ME YOD PAR, ,RJES SU DPAG MA MIN NAM CI, ,DER YANG RJES SU DPAG PAS DMIGS PA NYID NI YOD PA MA YIN TE, RJES SU DPAG PA MED PAR YANG YOD PAS NA 'KHRUL PA'I PHYIR RO, ,RJES SU DPAG PA LDOG PAS NI DE MED PA GO BAR BYED PA MA YIN TE, 'DAS PA DANG MA 'ONGS PA DAG LA YANG RJES SU DPAG PA'I PHYIR RO ZHE NA, 'DI NI LEGS PA MA YIN TE, , DMIGS PAR BYA BA MED PAR NI, ,DMIGS PA MED LAS GZHAN MA YIN, ,DMIGS PA'I MTSAN NYID DU GYUR PA NI, DE MA DMIGS PAS MED PA'I THA SNYAD DU BSGRUB PA YIN TE, DE DAG GI YOD PA NI DMIGS PA LAS GZHAN MA YIN NO, ,'DI LTAR DMIGS PAR RUNG BA YANG YIN LA, MA DMIGS PA YANG YIN NO ZHES BYA BA 'DI NI 'GAL BA NYID DO, ,DES NA DMIGS PA'I MTSAN NYID DU 'GYUR BA'I DON GYI YOD PA NI DMIGS PA NYID DO, ,'DI LTAR GAL TE DMIGS PAR BYA BA NYID NI DE DON GYI NGO BO KHO NA'O, ,DE STE DMIGS PAR BYED PA'I DMIGS PAR BYED PA PO LA GNAS PAR BRJOD NA, DE'I TSE YANG DMIGS PA'I MTSAN NYID KYIR GYUR PA KHYAB PA NYID DO, ,DE LAS LDOG PA MED NA YANG THA DAD PAR LDOG PA MA YIN TE, THA DAD PA NI LDOG PAS GO BAR BYA BA YIN PA'I PHYIR RO, ,DES NA MI 'KHRUL PA'I PHYIR, DMIGS PA NYID YOD PAR BRJOD DO, ,THA DAD PA DUS MTSUNGS PAR DMIGS PAS DON RNAMS DMIGS PA NI MA YIN GYI, 'ON KYANG DER RJES SU CHUD PAR DMIGS PAR BYA BA'I MTSAN NYID DMIGS PA NYID LAS YIN NO, ,DE'I PHYIR DMIGS PA NYID YOD PA YIN LA DE LAS NI MI DMIGS PA NYID MED PA YIN NO ZHES 'CHAD PAR 'GYUR RO, ,DNGOS PO MED PA RNAMS NI DON DAM PAR PHAN TSUN THA DAD PAR 'GA' YANG MED KYI 'ON

KYANG BUM PA MED DO, ,SHING RTA MED DO ZHES KHYAD PAR DNGOS PO THA DAD PAS THA DAD PA YIN NO, ,DON DAM PAR NI DGAG PAR BYA BA THA DAD KYANG DNGOS PO MED PAS THA DAD PA MA YIN NO, ,GAL TE MED PA NYID MI DMIGS PAS YIN NA, DE'I TSE LOG PAR RTOG PA MED PA NYID DO ZHE NA, DE NI BDEN TE, 'DI LTAR, DE PHYIR MI SHES SHES BYA'I PHYIR, ,MI DMIGS DPE GCIG 'DOD PA YIN, ,MI DMIGS PA DPE GCIG NI RANG BZHIN MI DMIGS PA'I MTSAN NYID DO, ,RE ZHIG SHES PA DANG SHES BYA DNGOS PO MED PA DAG ,THA DAD PA MED PAR MA RTOGS PA'AM GRANGS CAN PA GANG DAG SHIN TU RMONGS PAS NA; THAMS CAD THAMS CAD NA YOD DO ZHES KUN DU 'DZIN PA DANG LDAN PA YONGS SU SHES PA DANG BRAL BA'I MI SHES PA DE DAG SHES PAR BYA BA'I DON DU RANG BZHIN MI DMIGS PAS GCIG YIN NO, ,'ON TE DER BSGRUB PAR BYA BA CI ZHIG YIN ZHE NA, YUL MED PHYIR DER YUL CAN NI, ,SHES BRJOD THE TSOM 'GOG 'GYUR TE, ,DPER NA SREG PAR BYED MIN PHYIR, ,ME MA YIN ZHES BYA BA BZHIN, ,SHES PA DANG BRJOD PA DAG GI YUL NI YOD PA NYID YIN LA, DE DAG TU THE TSOM ZA BA'I YUL NI DER THE TSOM ZA BA YIN NO, ,YUL DE MED PAR NGES PAS NI SHES PA DANG BRJOD PA DANG THE TSOM ZLOG PAR BYED DE; BZLOG PA'I YUL YOD PA'I PHYIR RO, ,DPER NA ME MA YIN TE SREG PAR BYED PA MA YIN PA'I PHYIR ZHES BYA BA BZHIN TE, PHYOGS GZHAN DU GYUR PA'I ME YOD NA MER THE TSOM ZA BAR 'GYUR GYI, BZLOG PA YOD PA'I PHYIR, DE MED NA SRID PAR GA LA 'GYUR, 'DI LTAR SREG PAR BYED PA MED PA LAS ME MED PA NYID NI GZHAN MA YIN NO, ,CI LTAR SREG PAR BYED PA LAS ME GZHAN MA YIN PA DE BZHIN DU, DMIGS SU RUNG BA MED PA NI, ,MI DMIGS PA LAS GZHAN MA YIN, ,DE PHYIR DE YOD PA LAS DE'I, ,RGYU MTSAN CAN GYI SGRA SHES SGRUB, ,DMIGS PA'I MTSAN NYID DU GYUR PA RNAMS KYI MED PA NYID CES BYA BA NI, MI DMIGS PA'I RANG BZHIN LAS GZHAN PHYI ROL DU 'GYUR BA MED DO, ,DE BAS NA DE GRUB NA DE'I BDAG NYID DNGOS PO GRUB PA KHO NA'O, ,GAL TE MI DMIGS PAS DNGOS PO MED PA SGRUB PA MA YIN NAM, DE CI LTAR NA BSGRUB BYA DANG, SGRUB PAR BYED PA DAG GCIG NYID YIN ZHE NA,

, ,DE YANG MI RUNG STE, DE NYID 'DIR NI MA GRUB STE, ,MA GRUB PA YIS MA GRUB PA, ,GRUB 'GYUR MA YIN 'DI LA NI, ,'BRAL MED DE PHYIR DE MA YIN, ,BSGRUB PAR BYA BA DANG SGRUB PAR BYAD PA DAG THA DAD PAR 'GYUR DGOS SO ZHES GANG BRJOD PA BSGRUB PAR BYA BA DANG SGRUB PAR BYAD PA'I DNGOS PO DE NYID 'DIR MA GRUB PAS, DE CI LTAR DE BZHIN DU THA DAD PAR GRUB PA MA GRUB PA NI MA GRUB PAS MI 'GRUB PO, ,CI SRID DU GZHAN LA BSGRUB BYA DANG SGRUB BYED KYI DNGOS POR RAB TU MA GRUB PA DE SRID DU THA DAD PAR MI 'GRUB PA, CI SRID THA DAD PAR MA GRUB PA DE SRID DU YANG BSGRUB BYA DANG SGRUB BYED KYI DNGOS PO NI 'BREL PA YOD NA 'GYUR BA YIN, MI DMIGS PA DANG MED PA DAG DE'I BDAG NYID KYI 'BREL PA SPONG BA LA NI 'BREL PA GZHAN YOD PA MA YIN NO, ,DE DAG RGYU DANG 'BREL BU'I DNGOS PO NI MA YIN NO, ,GAL TE DNGOS PO MED PAS MI DMIGS PA MED PA YIN TE, GANG GI TSE BUM PA LA SOGS PA 'GA' ZHIG GIS BSAL BA DE NYID KYI TSE MI DMIGS PA YIN NO ZHE NA, DE NI BDEN TE, GAL TE DNGOS PO MED PA MI DMIGS PA LAS GZHAN PA'I TSAD MAS SHES PA YIN NA, DE'I PHYIR DE DAG MI DMIGS PA LHAN CIG 'BREL PA 'GRUB KYI, GZHAN DU NA PHAN TSUN RTEN PA'I SKYON DU 'GRO BA GANG GIS ZLOG, ,'DI LTAR, 'BREL PA TSAD MAS GRUB NA NI, ,MI DMIGS PA NI TSAD MA NYID, ,MI DMIGS TSAD MA NYID YIN NA, 'BREL PA RAB TU 'GRUB PAR 'GYUR, ,PHAN TSUN RTEN PHYIR GCIG NYID KYANG, ,RAB TU 'GRUB PAR 'GYUR MA YIN, ,DE NYID PHYIR NA PHAN TSUN GYIS, ,BYAS PA'I 'BRAS BU 'GRUB MA YIN, ,DE'I PHYIR MI DMIGS PA LAS DNGOS PO MED PAR MI 'GRUB STE, 'BREL PA MED PA'I PHYIR RO, ,DE'I BDAG NYID KYI 'BREL PA YIN NA NI MI DMIGS PA DE NYID MED PA YIN PA'I PHYIR THA SNYAD BSGRUB PAR BYA BA YIN NO, ,RNAM PA MA MTHONG NA MED CES, ,BYA BA'I THA SNYAD 'DI 'GRUB PAS, ,DE'I 'BRAS YIN YANG DE LAS NI, , BLO SGRA THE TSOM MED PAR 'GRUB, ,GAL TE THA SNYAD 'GRUB PA LA YANG DPE MED PA NYID MA YIN NAM, THA SNYAD THAMS CAD NA NI MI DMIGS PA'I BSGRUB BAR BYA BA YIN NO, ,DE'I TSE 'ANG DPE GZHAN BSGRUB PA NI THUG BA MED PA NYID DO, ,THA SNYAD KYANG MI DMIGS PA'I 'BRAS BUR 'GYUR BA NYID DO, ,DES NA RGYUS 'BRAS BU

SGRUB PAR MI RIGS TE, RGYU NI GDON MI ZA BAR DE DANG LDAN PA MA YIN PA'I PHYIR RO ZHE NA, DE MA YIN TE, 'DI LTAR THA SNYAD 'DI NI LTAR RUNG BA MA MTHONG BA'I RGYU MTSAN CAN DU 'GRUB PA NYID DO, ,DE TZAM GYI RGYU MTSAN GYIS MED PA'I THA SNYAD DU BYA BA RUNG BA NYID NI MI DMIGS PA'I RANG BZHIN NYID YIN TE, RUNG BA NYID NI DON GZHAN MA YIN PA'I PHYIR RO, ,SEMS DANG LDAN PA DE MTHONG BAS THA SNYAD NI GDON MI ZA BAR 'JUG PA YIN NO, ,DNGOS PO MED PA'I THA SNYAD DE'I RGYU MTSAN CAN DU DRAN PA NI GDON MI ZA BAR DE'I SEMS PA DANG LDAN PAR 'GYUR BA YIN NO, ,GAL TE LUS NGAG GI THA SNYAD 'UG PAR MI BYED NA YANG MI BYED MOD, TSAD MA NI RTOGS PAR SGRUB PAR BYED PA NYID KYIS TSAD MA YIN GYI LUS LA SOGS PA'I THA SNYAD BSGRUBS PAS NI MA YIN NO, ,DE'I PHYIR, YUL YOD NA YANG RMONGS PAS 'DIR, ,GZHAN DAG RJES SU MI BRJOD PAR, ,GRUB PA DANG NI CHOS MTHUN LAS, ,BRDA DRAN BYED PA'ANG 'BA' ZHIG GO, ,ZHES BYA BA NI BSDU BA'O, CI LTAR MTHONG DANG MA MTHONG BAS, ,RGYU DANG 'BRAS BU NYID BSGRUB BZHIN, ,DE GNYIS LAS NI 'BRAS SOGS SGRA, ,THA SNYAD DON DU BKOD PA YIN, ,MTHONG BA DANG MA MTHONG BA'I KHYAD PAR LAS MA GTOGS PAR NI RGYU DANG 'BRAS BU NYID GZHAN YOD PA MA YIN NO, ,'DI'I 'BRAS BU ZHES BYA BA'I DON NI 'DI NYID YIN TE 'DI MED PAR NI MI 'BYUNG NGO ZHES BYA BA'O, ,GAL TE 'DI LAS THA DAD PA YIN NA, DE'I TSE DE MED KYANG 'BYUNG BA NYID DO, ,DE LTAR GYUR NA 'BREL PA, DON GZHAN MED DO, ,'ON TE DE MED PAR MI 'BYUNG NA, DE LTAR YIN NA DE NYID 'BREL PA YIN PAS, GZHAN DON MED DO, ,GAL TE 'BREL PA YOD NA DE MED NA MED LA, DE YOD NA YOD DO ZHES 'GRUB PA YIN NO ZHE NA, GAL TE 'BREL PAS DE YOD NA, ,YOD CES BYA BAR 'DOD NA NI, ,DE MED NA YANG 'BREL PA SNGAR, ,GANG GIS ZHES NI YIN PAR BRTAG ,'BREL PA GNYIS LA GNAS PA'I PHYIR, ,GCIG YOD PA LA CI LTAR 'GYUR, ,GAL TE 'BRAS BU SKYE BAR NI, , RGYU RUNG BAR NI 'BREL PA YIN NA, RGYU NYID LAS NI 'BRAS BU SKYE BA ZHES BYA BA NYID RIGS PAR 'GYUR, 'DI LTAR RGYU NI DE LTA BUR GYUR PA NYID DU RANG GI RGYU LAS BYUNG BA YIN NO, ,RJES SU 'GRO BA DANG LDOG PA LAS RGYU DANG 'BRAS BU NYID KYI DNGOS PO GZHAN NI DBANG PO LAS 'DAS BA MTHONG BA DAG LA YANG SNANG BA MA YIN NO, ,

, ,DE'I PHYIR RJES SU 'GRO BA DANG LDOG PA DAG LAS RGYU DANG 'BRAS BU'I THA SNYAD SGRUB PA YIN NO, ,'O NA JI LTAR DON THA DAD MED PAR SGRA THA DAD PAR 'GYUR ZHE NA, MA YIN TE MTHONG BA DANG MA MTHONG BA DE DAG NYID LA THA SNYAD ZOR YANG BAR BYA BA'I PHYIR 'BRAS BU LA SOGS PA'I SGRA SBYAR BA YIN NO, ,DES NA, NUS PA'I RGYU NI 'BRAS BU'I RANG BZHIN DU GYUR PA NYID YIN NO, ,DES NA MI DMIGS PA NI RANG BZHIN GYI GTAN TSIG YIN PA DE BAS NA 'DI LOGS ZHIG NYE BAR MA BKOD DO, ,GAL TE CI LTAR DE'I BDAG NYID MED PAR RANG BZHIN MI DMIGS PA RANG BZHIN GTAN TSIGS KYI NANG DU 'DU, CI LTAR DNGOS PO MED PA DAG PHAN TSUN THA DAD PA MA YIN PA DE BZHIN DU THA MI DAD PA YANG MA YIN NO, ,BDAG MED PA LA YANG DE'I BDAG NYID SRID PA YANG MA YIN TE, RI BONG GI RVA NI BONG BU'I RVA'I BDAG NYID MA YIN NO ZHE NA, 'DI LA LAN BTAB PA NI MI DMIGS PA NI DGAG PAR BYA BA LAS BZLOG PA'I BDAG NYID YIN NO, ,'DI LTAR, RGYU LAS 'BRAS BU GRUB PAS NA, ,'DI NI RANG BZHIN NANG 'DUS PHYIR, ,GTAN TSIGS RAB DBYE BSHAD PA LA, ,THA DAD PAR NI DPER MA BSTAN, ,STONG PA'I BDAG NYID KYIS DNGOS PO MED PA NI TSAD MA'I SPYOD YUL DU RNAM PAR DPYAD PAR RUNG BA MA YIN LA DE NI RANG GI NGO BO TZAM DU GRUB TU ZIN KYANG CUNG ZAD KYANG 'GRUB PA MA YIN NO, ,DE NI DNGOS PO 'CHOL BAR RTOGS PA'I LTA BA CAN DAG GIS DE LTAR 'DOD PA YIN NO, ,DE LA GAL TE DNGOS PO RANG GI NGO BO NYID KYIS YUL DANG DUS DANG RANG BZHIN THA DAD PA DANG LDAN PA'I PHYIR, LDOG PA YIN NA DNGOS PO MED PA GZHAN BRTAGS PAS CI ZHIG BYA, 'ON TE RANG GI NGO BOS LDOG PA MA YIN NA DE LTA NA YANG DNGOS PO MED PA GZHAN ZHIG NI DON MED DO, ,GCIG LA NI DON MED LA, GZHAN LA NI MI NUS SO ZHES SNGAR BSTAN ZIN PA NYID DO, ,DE'I PHYIR RANG GI NGO BOR GYUR PA'I DNGOS PO GZHAN GYIS DBEN PA NYID LA BUM PA LA SOGS PA'I MED PA ZHES THA DAD PA'I TSUL DU DE LTAR STON PA YIN NO, ,'DI LTAR BRJOD PAR 'DOD PA'I DON GYI RANG BZHIN GYIS DBEN PA'I BDAG NYID DON GCIG GIS NI DMIGS PA GANG YIN PA DE, RANG RIG PA NYAMS SU MYONG BA GANG YIN PA DE NYID LAS DRAN PA SNGON DU 'JUG PA NA, 'DI NI MA DMIGS SO SNYAM PA RTOGS PA'I RANG GI BLO SKYE'O, ,DE LAS PHYOGS DMIGS PA NYID GZHAN MI DMIGS PA YIN DE GANG GI PHYIR

'DI NI GZHAN GYI RANG BZHIN DU MA DMIGS SO ZHES BYA BA YIN NA, ,'DIR DON NI, DE'I RANG BZHIN DU MA DMIGS TE, 'DI NI DE'I RANG BZHIN DU MED DO ZHES BYA BA 'DI NYID YIN NO, ,GAL TE BUM PA DE 'DI NA MED DO ZHES TE, 'DI'I RANG BZHIN DU MED DO ZHES BYA BAR BSGRUB PAR BYA BA YIN NAM, CI LTAR NA BZLOG STE BRJOD CE NA, GAL TE GZHAN YANG 'DI'I YANG 'DI'I NANG DU MI 'DU NA, BDEN PA ZHIG NA, DE'I NANG DU 'DU BA NYID DO, ,'DI LTAR, SA PHYOGS DE YI RANG BZHIN GYIS, ,DBEN PA'AM 'DI YIS BUM PA'ANG RUNG, ,MKHAS PA RNAMS LA CI LTAR YANG, ,'DIS NI RNAM DBYE SNANG BA MED, ,GAL TE RANG BZHIN 'DIS DBEN PAR MA GYUR NA 'DI YANG DES DBEN PAR MI 'GYUR BA'I PHYIR SHIN TU GSAL BA'I DON LA GZHAN DAG NI LTA CI ZHIG SMOS, DE'I PHYIR DES DBEN PA NYID 'DIR DE'I DNGOS PO MED PA YIN NO, ,GANG GI PHYIR DES DBEN PA'I PHYOGS MTHONG BA NYID LA DE MA DMIGS SO ZHES BYA BA 'AM, DE LAS GZHAN GYI RANG BZHIN DU DMIGS SO SNYAM PA'I BLO SKYE BA DE NYID KYI PHYIR DMIGS PA DANG, MA DMIGS PA DAG DE'I BDAG NYID YIN PA'I PHYIR DMIGS PA NYID MI DMIGS PA YIN NO, ,GAL TE 'DI SHES PA GZHAN MI DMIGS PA YIN DU CHUG NA, SHES BYA GZHAN MI DMIGS PA CI LTAR YIN ZHE NA, SHES PA DANG SHES BYA DAG THA DAD PA MED DO ZHES BSTAN ZIN PA'I PHYIR NYES PA MED DO, ,YANG NA 'AM GYI SGRA NI DE BZHIN GYI DON TO, ,CI LTAR 'DI MI DMIGS SO SNYAM PA'I RNAM PAR RTOG PA'I YUL YIN PA'I PHYIR NA DE LTA NGES PA'I DMIGS PA DMIGS PA YIN PA DE BZHIN DU MA DMIGS SO SNYAM PA'I NGES PA LAS KYANG MI DMIGS PA NYID YIN NO, ,GAL TE DNGOS PO MED PAR BSGRUB PA'I DNGOS PO MED PA YOD PA NYID KYIS NA DNGOS PO RNAMS KHYAD PAR 'GRUB PA MA YIN NAM, DE CI LTAR NA DNGOS PO MED PA 'CHOL BAR MI 'GYUR ZHE NA, DE NI MA YIN TE, 'DI LTAR, GCIG DMIGS NYAMS SU MYONG BA LAS, ,'DI NI DMIGS SO ZHES BYA BA 'AM, MI DMIGS SO ZHES RTOG CAN GYI, ,BLO NI SKYE BAR 'GYUR BA YIN, ,MYONG BA KHYAD PAR CAN NYID LAS, ,DON RNAMS KHYAD PAR CAN DU RTOGS, ,DE LTA'I BDAG NYID CAN MYONG MIN, ,'DI YI THA SNYAD BLO RGYU YIN, ,GAL TE MYONG BA KHYAD PAR DU NA MYONG BA GZHAN GYIS DBEN PA MED NA NI, MYONG BAR BYA

, ,BA'I KHYAD PAR RTOGS PA LA, GAL TE RANG RIG PAR DE'I RANG BZHIN GYIS MYONG BA NYAMS SU MA MYONG NA DE'I TSE KHYAD PAR RTOGS PAR MI 'GYUR RO, ,DNGOS PO MED PAR RIGS PAS RTOGS SO ZHE NA, DBYE BA MED PAR MYONG BA LA DNGOS PO CHOD PA RIG PAR NUS PA YON PA MA YIN TE, TSAD MAS BZUNG BA GZHAN DU BYA BAR MI NUS PA'I PHYIR RO, ,'DI NI BSTAN ZIN PAS MI BRJOD DE, 'DI LTAR, DRAN PA MED PAR DNGOS MED KYI, ,TSAD MA YOD PAR SRID MA YIN, ,KHYAD PAR GZHAN GYI MED PAR YANG, BZLOG PA'I ZLA BO DRAN MA YIN, ,BZLOG ZLA DRAN PA MED PAR NI, ,DNGOS PO MED PA'I TSAD MA SKYE BA MA YIN LA, ,BZLOG PA'I ZLA DRAN PAR YANG KHYAD PAR CAN YANG RIGS MED PAR MA YIN NO, ,'ON TE SNGAR KHYAD PAR CAN DU MYONG NGO ZHE NA, DE LTAR YIN NA 'DI YANG YIN PAS DNGOS PO MED PA DON MED PA NYID DO, ,'ON TE DNGOS PO MED PA DE NYID MED PA'I THA SNYAD DU BSGRUB PO ZHE NA, GZHAN GYIS 'GRUB PA GZHAN GYIS BSGRUBS PAS CI BYA, THA SNYAD BSGRUB PA LA NI, RANG BZHIN GYI GTAN TSIGS KYI RANG BZHIN MI DMIGS PA DE NYID YIN NO, ,DE'I PHYIR GZHAN GYIS DBEN PA NYAMS SU MYONG BA'I NGO BO NYID LAS THA DAD PA'I RNAM PAR RTOG PA YIN LA THA DAD PA DE NYID NI DE LAS GZHAN MED PA YIN NO, , DE PHYIR BLO DBYE RANG NYID LAS, ,GRUB 'GYUR DE DAG GIS DE'I DON, ,DE LTA MIN NA THUG MED PHYIR, ,'GA' YANG THA DAD 'GRUB MI 'GYUR, ,BLO NI RANG RIG PA NYID GZHAN LA LDOG PAR RAB TU GRUB LA, DE LAS KYANG DON GYI KHYAD PAR YIN PA'I PHYIR MYONG BA'I THA SNYAD YONGS SU RDZOGS PA YIN NO, ,GAL TE MNGON SUM NYID LAS THA DAD PA MA YIN GYI, 'ON KYANG DNGOS PO MED PA'I TSAD MA LAS YIN NA, DE LTA YIN NA THUG PA MED PA'I PHYIR MI RTOGS PAR 'GYUR RO, ,'DI LTAR, GAL TE DNGOS PO MED PA YI, ,TSAD MAS THA DAD SGRUB BYED NA, ,DNGOS MED DE YANG DNGOS MED PA, ,GZHAN GYIS NGES BZUNG DE YANG NI, ,GZHAN GYIS DE YANG DE LAS NI, ,GZHAN GYIS YIN PHYIR THUG MED 'GYUR, ,DE LTAR NA THA SNYAD MED PAR 'GYUR RO,, ,,BAM PO BCO LNGA PA, GAL TE DNGOS PO MED PA'I TSAD MAS MNGON SUM GYIS MA RTOGS PA'I THA DAD PA RTOGS PA YIN NA, DNGOS PO MED PA DE NI 'GAL ZLA DRAN PA

MED PAR MI 'JUG GO, ,'GAL ZLA DRAN PA YANG MNGON SUM GYIS THA DAD PAR BZUNG BA LAS 'GYUR BA YIN PA'I PHYIR DNGOS PO MED PAR DON MED PAR 'GYUR TE, DE LTAR YANG SNGON BZHIN DU MNGON SUM NYID KYIS THA DAD PAR 'DZIN PA'I PHYIR RO, ,'ON TE DER YANG DNGOS PO MED PAR THA DAD PA MA YIN PAS NA DNGOS PO MED PA DON MED PA NYID MA YIN NO ZHE NA, DE LTA YIN NA DE'I TSE YANG DRAN PA LA LTOS PAS DER YANG DNGOS PO MED PA 'JUG PAR BYED PA'I DRAN PA GZHAN YIN PAR 'GYUR BAS THUG PA MED PAR 'GYUR RO, ,'DI NI KHAS BLANGS NAS BRJOD PAR ZAD DE, GANG GIS DE'I TSE DNGOS PO MED PAR 'JUG PA NA DES 'DI LAS THA DAD PAR 'DZIN PA DE LTAR BZUNG BA NI DE'I TSE 'GAL ZLAR DRAN PA NI MI SRID DO, ,DES NA DNGOS PO MED PA NI 'JUG PAR MI SRID PA NYID DO, ,DE'I PHYIR GZHAN GYI LTA BA LA NI THA DAD PAR RTOGS PA MED PA NYID DO, ,DE'I PHYIR, RANG BZHIN KHYAD PAR CAN MYONG LA, ,GZHAN GSAL BA NI GZHAN MA YIN, DE PHYIR DE MI DMIGS PA YANG, ,DE LAS KHYAD PAR CAN MI DMIGS, ,KHYAD PAR CAN GYI RANG BZHIN DMIGS PA NYID DE LAS GZHAN MED PAR BSGRUB PA YIN TE, KHYAD PAR CAN GYI RANG BZHIN MYONG BA MED PAR NI GZHAN DER MED PAR MI 'GRUB BO, ,GAL TE KHYAD PAR CAN NYAMS SU MYANG BAS NI, ,DE DE LTA BUR GYUR PA NYID DU 'GYUR GYI, DE DE LA MED PAR CI LTAR 'GYUR, ,YUL DANG DUS GZHAN DU 'GYUR BA NI DER MED PA LA MA YIN TE, DE NI DMIGS PA'I MTSAN NYID KYIR GYUR PA MA YIN PA'I PHYIR RO ZHE NA, DE NI MA YIN TE, 'DI LTAR, RANG BZHIN KHYAD PAR CAN MYONG NA, ,GZHAN MA GSAL BAR CI LTAR 'GYUR,, GAL TE GZHAN GSAL LA MED NA NI, ,DE NYID GRUB PAR 'GYUR MA YIN, ,KHYAD PAR CAN GYI RANG BZHIN MA MYONG BA NI DON MED PA NYID DU MI 'GYUR RO, ,GAL TE BUM PA LA SOGS PA'I RANG BZHIN KHYAD PAR CAN MYONG NGO ZHE NA, DNGOS PO MED PAR RTOGS PAS GZHAN GYIS CI ZHIG BYA DNGOS PO MED DE RTOGS KYANG RANG GI NGO BO KHYAD PAR RTOGS PA MED PA NI KHYAD PAR CAN GYI RANG BZHIN MYONG BA MA YIN NO, ,RANG GI NGO BO NYID RTOGS PA NI GDON MI ZA BAR 'DOD PAR BYA BA YIN NO, ,DNGOS PO MED PAR GZHAN GYI RANG BZHIN NI RANG GI NGO BOR RTOGS NUS PA MA YIN NO ZHES BSTAN ZIN TO, ,DE'I KHYAD PAR CAN NYAMS SU MYONG BA GZHAN

, ,DANG GZHAN DNGOS PO MED PA SGRUB PA YIN LA GZHAN MI DMIGS PA NYID DNGOS PO YANG DE'I KHYAD PAR CAN DMIGS PA NYID YIN NO, ,DES NA MI DMIGS PA 'DI NI, RANG NYID MNGON SUM LAS RTOGS PAS, ,RANG NYID TZAM GYIS 'JUG PA CAN, ,DE MED RNAM GZHAG GO BYED YIN, , DES NA RANG BZHIN NGES PA DMIGS PA'I RANG BZHIN MI DMIGS PA NYID DNGOS PO MED PA YIN PA'I PHYIR MI DMIGS PA DANG, DNGOS PO MED PA DAG DE'I BDAG NYID DU GRUB PA DANG, MNGON SUM GYIS GRUB PA YANG YIN PAS NA MA GRUB PA DANG, 'BREL PA MED PA'I NYES PAR MI 'GYUR RO, ,MI DMIGS PA DE YANG RGYU NUS PA NYID YIN PAS NA, RANG TZAM GYIS 'JUG PA DNGOS PO MED PA'I THA SNYAD 'JUG PAR BYED PA YIN NO, ,DE LTA MA YIN TE, DMIGS PA NGO BO MED PA NI DMIGS PA YIN LA, DNGOS PO NGO BO MED PA YIN NA, DE'I TSE THUG PA MED PA'I PHYIR MI 'GRUB PA NYID DO ZHES BSHAD PA NI, GZHAN DU DON GYIS MED PA NYID, ,MI DMIGS PA LAS RTOGS PAR 'GYUR, ,GZHAN GYIS DMIGS PA MED PA NYID, ,YIN PA'I PHYIR NA THUG MED 'GYUR, ,CI LTAR DNGOS PO NGO BO MED PA MI DMIGS PA LAS YIN PA DE BZHIN DU DMIGS PA'I NGO BO MED PA'I RANG BZHIN MI DMIGS PA YANG MI DMIGS PA GZHAN LAS YIN LA; DE'I NGO BO NYID MED PA YANG GZHAN LAS YIN PA'I PHYIR THUG PA MED PA'I SA LAS MI 'GROL LO, ,'O NA DMIGS PAS DNGOS PO SGRUB PA'I PHYIR NA DNGOS PO MED PA MI DMIGS PAS BSGRUB PA YIN NO, ,DMIGS PA YOD PA NI GZHAN GYIS BSGRUB PA MA YIN PA'I PHYIR DE MED PA YANG, GZHAN GYIS BSGRUB PA MA YIN NO ZHE NA, DE RUNG STE, DMIGS PA RANG RIGS NYID KYIS NI, ,SGRUB PAR RIGS PA DANG LDAN YIN, ,DE MED RANG LAS 'GRUB PO ZHES, ,BYA BA HA CANG BAB CHOL CHES, ,GAL TE RANG GI NGO BO NI, ,'DI NI DNGOS PO NYID DU 'GYUR, ,GZHAN DMIGS PHYIR NA SHES MED PA, ,GAL TE MNGON SUM NYID CE NA, , 'ON TE DE BZHIN YOD PAS, ,DON MED PA YANG 'GRUB PAR 'GYUR, ,CI STE MED PA'I NGO BO MED PA GZHAN GYI MNGON SUM LAS 'GRUB PO ZHE NA, DNGOS PO'I YANG DE BZHIN DU 'GYUR RO, ,GAL TE DNGOS PO NI DMIGS PA'I MTSAN NYID DU GYUR PA MA YIN PA'I PHYIR GZHAN GYI MNGON SUM LAS MED PAR MI

'GYUR TE, DE'I RNAM PAR SHES PA LAS RANG BZHIN GZHAN YIN PA'I PHYIR RO, ,RIG PA NI RIG PA LAS RANG BZHIN GZHAN MED PA'I PHYIR NA, DE MED PA GZHAN GYI MNGON SUM LAS 'GRUB PO, ,DE LTAR YANG MA DMIGS SO ZHES SKYES BU MCHOG GIS DMIGS PA GSAL GYI DON MED DO ZHES NI MA YIN NO; ,DES NA MI DMIGS PA 'DI NI, RANG NYID MNGON SUM LAS RTOGS PAS ZHES BYA BA NI SHES PA MED PA'I MTSAN NYID YIN NO ZHE NA, DE NI MA YIN TE, GZHAN DMIGS PA YIS PHA ROL PO, ,GZHAN DAG MED PAR CI LTAR RTOGS, ,GAL TE DES DBEN PAS ZHE NA, DE CI MI DMIGS LAS MA YIN,, DES DBEN PA NYID MED PAR NI SHES PA GZHAN DMIGS PAS SHES PA GZHAN MED PAR BSGRUB PA MA YIN NO, ,DES DBEN NA DMIGS PA NYID MI DMIGS PA YIN PAS, DE CI LTA NA DE LAS GZHAN PA'I MYONG BA MED PA MNGON SUM GYIS RAB TU 'GRUB BA, 'O NA DE DMIGS PA'I MTSAN NYID KYIS 'GYUR BA ZHES BYA BA'I KHYAD PAR DU BYA BA MA YIN TE, 'KHRUL PA MED PA'I PHYIR RO ZHE NA, DE LTA YIN NA KHYAD PAR MED PAR 'GYUR MOD, MI DMIGS PA NYID NI MI LDOG GO, ,DES NA DGAG PA GANG CI SNYED PA THAMS CAD NI MI DMIGS PA LAS YIN NO ZHES SO, ,MA YIN PAR DGAG PA'I RANG BZHIN GYI DNGOS PO MED PA NI MNGON SUM GYIS GRUB BO, ,DE NYID NI GZHAN LA LTOS TE MI DMIGS PA YANG YIN NO, ,'DI MA DMIGS SO ZHES SKYES BU MCHOG SBYAR BA GANG YIN PA DE NI SHES PA MA YIN PA'I MTSAN NYID KYI SKABS YIN PA'I PHYIR TE DON GYI MED PA DGAG PA'I PHYIR NI MA YIN TE, DE DANG THA DAD PA MED PAS DNGOS PO'I MED PA YANG DE NYID YIN PA'I PHYIR RO, ,GANG GI TSE YOD PA DANG DMIGS PA DAG GCIG NYID YIN PA DE'I TSE DNGOS PO'I LDOG PA YANG MNGON SUM GYIS GRUB PA NYID KYI DUM BUR NI MA YIN NO, ,GAL TE KHYAB PAR BYED PA MI DMIGS PA LAS, DNGOS PO MED PA 'GRUB PA MA YIN NAM, 'DI LTAR DMIGS PA'I MTSAN NYID DU GYUR PA'I YOD PA NI, DMIGS PAS KHYAB PA YIN LA, DE MED PA STONG BA'I RANG BZHIN LAS NI DNGOS PO'I MED PA 'GRUB PO ZHE NA, 'DI NI BDEN TE, DE LTA YIN NA THAMS CAD DU, ,RANG BZHIN MI DMIGS PA 'DI NI, ,MED PA'I SGRUB BYED MIN 'GYUR TE, ,MED DE

, ,MNGON SUM NYID KYIS RIG ,GAL TE DMIGS PA'I MTSAN NYID DU GYUR PA'I KHYAB PAR BYED PA MI DMIGS PA MED PA MNGON SUM GYIS GRUB NA 'O NA THAMS CAD DU MED PA MNGON SUM GYIS GRUB PA NYID LAS RANG BZHIN MI DMIGS PA ZHES BYA BA MED PAR 'GYUR RO, ,GAL TE MA RMONGS PA LAS KHYAB PAR BYED PA MI DMIGS PA DNGOS PO MED PA'I SGRUB BYED YIN NA RMONGS PAS KYANG DE NYID DRAN PAS YUL DU BYED PAR 'GYUR MOD, MI DMIGS PA GZHAN BRTAGS PAS CI BYA, ,YANG NA GAL TE RANG BZHIN MI DMIGS PA SMOS PA NYID MKHAS PA LA YANG YIN PAR 'GYUR TE, DU BA GLO BUR BA LAS RTOGS PA BZHIN NO, ,DE LA MNGON SUM NYID MED PA NI MA YIN NO, ,GZHAN YANG, 'DIR NI KHYAB BYA KHYAB BYED DAG ,DON DAM DU NA THA DAD MED, ,DMIGS PA NYID NI YOD PA ZHES, ,DANG PO RA RAB TU SGRUB PHYIR RO, ,BA LTAR RUNG BA'I YOD NA NI DMIGS PAS KHYAB PAR BYED PA MI DMIGS PAS BSGRUB PAR SMRA PA RNAMS KYI STON PA YIN NA, 'DI NI RANG BZHIN MI DMIGS PAR SMRA BA LA YANG MTSUNGS SO, ,DE'I BDAG NYID YIN PAS KHYAB PAR BYA BA DANG KHYAB PAR BYED PA MA YIN PAR 'GYUR BA NI MA YIN NO, ,DE LTAR YANG DMIGS PA NI YOD PA NYID YIN NO ZHES BSTAN ZIN TO, ,GANG ZHIG 'BRAS BU DE NI RGYU KHYAB PA DANG LDOG PA MED PA'I PHYIR DE'I RANG BZHIN DANG KHYAD PAR MED PAS NA DE MI DMIGS PA NI RANG BZHIN MI DMIGS PA'I KHONGS SU 'DU BA NYID DU 'CHAD PA'I RMONGS PA DE MYONG BA MI DMIGS PA RANG BZHIN MED DMIGS PAR JI LTAR MI 'THAD DE, DE'I PHYIR GZHAN YOD PA NYID GZHAN MED PA NYID YIN LA, GZHAN MI DMIGS PA GZHAN DMIGS PA NYID YIN NO, ,DE YANG RANG BZHIN MI DMIGS PA KHO NA'O, ,GAL TE DE LTA NA YANG KHYAD PAR BYED PA MI DMIGS PA MED PAR 'GYUR RO ZHE NA; BDEN TE, RANG BZHIN MI DMIGS PA NYID DU THAMS CAD 'DUS PA'I PHYIR, 'DUS PA NI 'DOD PA NYID PAS KHO BO LA CHAD PA CI YANG MED DO, ,'O NA CI LTAR THA DAD CE NA, SHING DANG THA PA LHAG PA DANG, ,CHAD PHYIR KHYAB BYA KHYAB BYED DAG ,THA DAD PHYIR DANG NYE BA DANG, ,RING BA LAS NI THA DAD

NYID; ,SHING NYID NI LHAG PA YIN LA, SHING SHA PA NI CHAD PA DANG, THAG RING POR NI KHYAB PAR BYA BA LA LTOS NAS KHYAB PAR BYED PA MI DMIGS PA YIN LA, NYE BAR NI RANG BZHIN MI DMIGS PA YIN PAS DE DAG THA DAD DO, ,DMIGS PA'I MTSAN NYID DU GYUR PA'I YOD PA DANG, DMIGS PA DAG NI PHAN TSUN KHYAB PA'I PHYIR THA DAD PAR BRTAGS PAR MI NUS SO, ,DES RANG BZHIN MI DMIGS PA NYID YIN PAS RANG BZHIN MI DMIGS PA RANG BZHIN GYI GTAN TSIGS KYI NANG DU 'DU'O ZHES BYA BA GNAS SO, ,DE NYID KYI PHYIR, MI SNANG NGES PA MI RUNG PHYIR, ,GZHAN DU GZHAG PA 'GOG 'GYUR DPER, ,SEMS CAN GZHAN LA RTAGS MED PA'I, ,RNAM RTOGS LA SOGS MI 'GRUB BZHIN, ,DES NA 'BRAS BU NGES MED CAN 'DIS NI, ,LDOG PA SGRUB PAR NUS MA YIN, ,NGES PAR BSGRUB BYA GTAN TSIG SLA, ,DANG PO'I DBANG DU BYA BA YIN, ,RANG BZHIN MI DMIGS PA 'DIS NI GTAN TSIGS MI MTHUN PA'I PHYOGS LA MED PA NGES PAR BYED PA MA YIN TE, YUL THAG RING BA LA SOGS PAR PA MI RUNG BA'I PHYIR RO, ,MI SNANG NAS NI 'DI DMIGS PA'I MTSAN NYID KYIS GYUR PA'I MI DMIGS PA NYID MA YIN NO, ,DANG PO RGYU DANG KHYAB PAR BYED PA MI DMIGS PA GANG YIN PA NI GTAN TSIGS MI MTHUN PA'I PHYOGS MTHA' DAG LAS LDOG PAR NGES PAR BYED YOD PA YIN TE, RGYU DANG RANG BZHIN LDOG PA NYID, ,CES BYA BA LA SOGS PA BSHAD ZIN TO, ,KHAS BLANGS NAS THAL BAR BSGRUB PA LA NI SGRUB PAR BYED PA YIN NO, ,GAL TE 'GAL ZHES BYA BA'I RTOGS GZHAN YANG YOD PA MA YIN NAM, 'DI NA GANG BA'I RIG PA MED DE, ME YOD PA'I PHYIR RO ZHES BYA BA LTA BU'O, ,DE'I DBYE BA DANG MTSAN NYID CI STE MA BSHAD CE NA, DE YANG MI DMIGS PA NYID KYI NANG DU 'DUS PA'I PHYIR RO, ,'DI LTAR, RANG GI SBYOR BA DAG LA DE'I, ,RANG GI NGO BO SBYOR BA'AM, ,DON LA GNOD BYED NGO BO STE, ,YOD NA YOD PAS MED PHYIR RAM, ,'GAL BA'I GTAN TSIGS NI MED DMIGS PA DE NYID KHYAB TU DBYE BA YIN TE, DE LAS GZHAN PA'I DBYE BA BZHIN NO, ,DE LTA YIN 'GAL BA DANG 'GAL BA'I 'BRAS BU DANG, 'GAL BAS KHYAB PA LA SOGS PA RNAMS KYANG GZHAN DU THA DAD PAR BSTAN PAR BYED PAR 'GYUR RO, ,GANG GI TSE

, ,RAB TU DBYE BA DU MA 'DI DAG DE NYID KYI YIN PA DE'I TSE NYES PA 'DI MED DE, ,'DI LTAR RANG GI NGO BO DANG RGYU DANG KHYAB PAR BYED PA DANG, 'BRAS BU MI DMIGS PA ZHES BYA BAR RANG GI NGO BOS SBYOR BA'AM YANG NA 'DI NA GRANG BA'I REG PA MED DE, ME YOD PA'I PHYIR RO ZHES DGAG PAR BYA BA'I DON LA GNOD PAR BYED PA'I RANG GI NGO BOS SO, ,CI LTAR MI DMIGS PA DNGOS PO MED PA SGRUB BYED YID YIN PA DE BZHIN DU DNGOS PO DANG BRGYUD PAS 'GAL BA DMIGS PA YANG YIN NO, ,CI'I PHYIR ZHE NA, 'GAL BA ZLOG BYED YIN PA'I PHYIR RO, ,'GAL BAR CI LTAR 'GRUB CE NA, ,ME GCIG YOD NA NI RGYU MTSANG BA MED PA CAN GYI GRANG BA'I REG PA LA SOGS PA'I 'GAL BAR RTOGS SO, ,'GAL BA NI DMIGS PA DANG MI DMIGS PA'I MTSAN NYID YIN NO, ,DES NA 'GAL BA MTHONG BA LAS DMIGS PA MTSAN NYID KYIS GYUR PA MI DMIGS PAR BSGRUB PO, ,DE LA YUL THAG RING PO NA GNAS PA'I ME LAS DMIGS PA'I MTSAN NYID DU GYUR PA MI DMIGS PA'I RJES SU DPAG PAS GRUB PAS MED BSGRUB PAR BYED PA'I PHYIR, 'GAL BA DMIGS PA NI RANG BZHIN MI DMIGS PA LAS GZHAN MA YIN NO, DRO BA YANG MA YIN GRANG BA YANG MA YIN PA'I REG PA 'AM DRO BA'I REG PA DE NYID KYANG DES DBEN PA YIN PA'I PHYIR GRANG BA MED PA YIN TE, DES NA DE DMIGS PA NYID DE MI DMIGS PA YIN NO, ,'GAL BA'I 'BRAS BU DMIGS PA YANG DE BZHIN TE, 'BRAS BU'I GTAN TSIGS KYI RJES SU DPAG PA LAS RANG BZHIN MI DMIGS PA GRUB PA YIN LA SNGA MA NI TSOGS PA GCIG RAG LAS PA'I RJES SU DPAG PAS YIN NO; ,PHAN TSUN THA DAD GRUB PHYIR TE, ,BRTAN DNGOS DANG NI 'JIG PA BZHIN, ,PHAN TSUN SPANGS TE GNAS PA'I MTSAN NYID KYIS 'GAL BA STE, RTAG PA DANG CIG SHOS BZHIN NO, ,'DI LTAR PHAN TSUN SPANGS TE GNAS PA'I MTSAN NYID KYI 'GAL BAS NI DE'I BDAG NYID 'GOG PAR RAB TU GRUB STE, DPER NA SNGAR PHYOGS 'DI NI BUM PA DANG BCAS PA MA YIN TE, DE YONGS SU SPANGS TE GNAS PA'I PHYIR RO ZHES BYA BA BZHIN NO, ,THAMS CAD DU DNGOS PO MED PA SGRUB PA NI BZLOG PA DMIGS PA NYID YIN NO, ,TSAD MA GZHAN GYIS GNOD PHYIR YANG, ,DES 'GYUR DANG NI LTOS BCAS BZHIN, ,CI LTAR PHAN TSUN

GNOD PAS 'GAL BA YIN PA DE BZHIN DU TSAD MAS GNOD PAS KYANG YIN TE, LTOS PA DANG BCAS PA DANG NGES PAR 'GYUR BA YIN NO, ,'DI LTOS PA DANG BCAS PA DANG LTOS PA MED PA 'AM, NGES PAR 'GYUR BA DANG, CIG SHOS ZHES BYA BA NI PHAN TSUN 'GAL BA YIN LTOS PA DANG BCAS PA DANG NGES PAR 'GYUR BA DAG NI PHAN TSUN SPANGS PA MA YIN TSAD MAS GNOD PA'I MTSAN NYID KYIS 'GAL BA'I PHYIR, 'DI 'GAL BA GZHAN YIN NO, ,'DI LTAR LTOS PA DANG BCAS PA LAS NI NGES PAR 'GYUR BA MED PA YIN LA NGES PAR 'GYUR BA YOD PA DANG MED PA DAG GIS KYANG DON DAM PHAN TSUN SPANGS PAS 'GAL BA YIN NO, ,GAL TE DE LTA NA TSAD MAS 'GAL BA BSGRUB PA YIN GYI, TSAD MAS 'GAL BA ZHES BYA BA GZHAN MED DO ZHE NA, DE NI BDEN MOD KYI 'ON KYANG 'GAL BAS KHYAB PAS RANG BZHIN LAS KYANG DON GYIS NA 'GAL BAR 'GYUR BAS NA 'DI BSHAD DO, ,'DI LA YANG DGOS PA CI YOD CE NA, 'GAL BAS KHYAB PA DMIGS PA YANG GNOD PA SGRUB PAR BYED PA PO YIN NO ZHES CI NAS KYANG BSTAN PA'I DON DU'O, ,'DI LTAR DNGOS PO BYUNG BA'I 'JIG PA YANG NGES PAR 'GYUR BA MED DE RGYU GZHAN LA LTOS PA'I PHYIR RO ZHES SBYOR BA MTHONG BA YIN NO, ,'DI LAS GZHAN DAG SMRA BA NI, ,'GAL 'BRAS KHYAB BYA DMIGS PA NI, ,RAB TU SBYAR BA GANG YIN PA, ,DER NI 'BRAS BU RANG BZHIN GYIS, ,GTAN TSIGS DAG KYANG 'DU 'GYUR BAS, ,GTAN TSIGS THAMS CAD GCIG NYID KYIS, ,MI DMIGS PA LAS GZHAN MED 'GYUR, ,DES NA GTAN TSIGS RNAM GSUM YANG, ,DE NYID KYIS NI RAB DBYER 'GYUR; ,MI DMIGS GCIG PU ZHIG GTAN TSIGS YIN, 'BRAS BU DANG RANG BZHIN GNYIS NI DE'I DBYE BA'I PHYIR RO, ,DE'I DBYE BA NI DE LAS THA DAD PAR 'GYUR BA MA YIN NO, ,KHRA BO NYID LA SOGS PA LA BA LANG NYID LAS THA DAD PA MA YIN PA BZHIN NO, ,DE LAS 'BRAS BU'I GTAN TSIGS NI 'GAL BA'I 'BRAS BUR DMIGS PA YIN LA RANG BZHIN GYI GTAN TSIGS KYANG 'GAL BAS KHYAB PAR DMIGS PA YIN TE, ME MA YIN PA DANG RTAG PA DAG MED PAR SGRUB PA'I PHYIR RO ZHE NA, DE NI 'DI LTAR MI RUNG STE, ,DE BDAG DE LAS BYUNG BA YI, ,GAL TE GTAN TSIGS 'BREL PA DANG, ,RJES SU MTHUN PAR RTOGS

, ,NA NI; ,RANG BZHIN DANG NI 'BRAS BU NYID, ,MI RTAG PA YIN NAM ME DANG LHAN CIG 'BREL NA GTAN TSIGS KHYAB PAR BYED PA DANG 'GAL BA DANG 'GAL BAR 'GYUR BA YIN PAS DE MI DMIGS PA'I NGO BOR RTOGS PA YIN NO, ,DE LA DNGOS SU GTAN TSIGS SU RTOGS PA BOR NAS BRGYUD PA LA BRTAN PA NI SRID PA MA YIN NO, ,'BRAS BU NI ME RTOGS PAS DE DANG 'GAL BA'I GRANG BA BZLOG PA YIN GYI, DNGOS PO NI DU BA GRANG BA SEL BA LA BYED PA YOD PA MA YIN NO, ,DES NA BRGYUD NAS RJES SU DPAG PA'I RJES SU DPOG PA'I GTAN TSIGS SU RTOGS PA YIN NO, ,DE LA GNYIS SAM GSUM SGRA GCIG GIS BSTAN PA NI DE GTAN TSIGS GZHAN NYID DU 'GYUR BA MA YIN NO, ,GANG DU YANG SGRA'I DBANG GIS DON GZHAN DU 'GYUR BA MED DO, ,SBYOR BA TZAM ZHIG THA DAD PAR BYAS PA YIN NO, ,DE LTA YIN DANG, 'DI NA GRANG BA'I REG PA MED DE DU BA YOD PA'I PHYIR ZHES BYA BA LA DU BA LAS ME RJES SU DPOG PA NI 'BRAS BU'I GTAN TSIGS SO, ,MES GRANG PA'I REG PA MED PAR BSGRUB PA NI 'GAL BA DMIGS PA YIN LA, GRANG BA MA DMIGS PAS GRANG BA MED PA'I THA SNYAD BSGRUB PA NI RANG BZHIN MI DMIGS PA'I GTAN TSIGS RNAMS BRGYUD PA YIN NO, ,DES NA RJES SU DPAG PA'I RJES SU DPAG PA NI RJES SU DPAG PA GZHAN KHO NA'O, ,GSUM PO RNAMS SGRA GCIG GIS BSTAN PAS GCIG NYID DAM, GTAN TSIGS GZHAN NYID DU 'GYUR BA NI MA YIN TE, DE LTAR NA YANG, 'DIS NI DNGOS PO LA DNGOS PO'I CHA ZHES BYA BA LA SOGS PA BSHAD ZIN TO, ,'ON TE DON DAM PAR RNAM PAR GCOD PA TZAM SGRUB PA'I PHYIR MI DMIGS PA NYID DO ZHES 'DOD NA, DE LTA YIN NA RANG RIG PA'I MNGON SUM NYID DO ZHES CI STE BRJOD DE'I PHYIR 'DI NI MI BZANG NGO, ,DE'I PHYIR SBYOR BA THA DAD PA NYID LAS 'GAL BAS KHYAB PA DMIGS PA THA DAD PA YIN NO, ,LTOS PA DANG BCAS PA'I PHYIR NI 'JIG PA NGES PAR MI 'GYUR TE, 'DI LTAR, RGYU GZHAN LAS SKYE NYE BAR NI, ,GDON MI ZA BA GA LA YOD, ,RGYU GZHAN DE YANG RANG GI RGYU LA LTOS PA'I PHYIR NGES PA MA YIN LA, GZHAN YANG DE BZHIN YIN PAS 'BRAS BU YOD PAR MI NGES SO, ,'ON TE RDZA MKHAN LA SOGS PA DNGOS PO'I RGYU GANG YIN PA DE NYID DE'I 'JIG PA'I YANG YIN PAS

NGES SO ZHE NA, 'DIR BSHAD PA, DNGOS PO'I RGYU LAS BYUNG YIN NA, ,BRGYUD PA'I DUB BAS CI ZHIG BYA, ,'DI LTAR, GAL TE RGYU DES 'JIG PA BZHIN, ,BSKYED PAS DE YIN 'JIG 'GYUR NA, ,DNGOS PO DE NYID 'JIG PA YI, ,DANG DU BSKYED PA CI ZHIG 'BYUNG, ,GAL TE RANG GI RGYU DE NYID KYIS 'JIG PA BSKYED NAS; DE 'JIG PA YIN NA 'JIG PA'I NGANG CAN NYID DU BSKYED DO COG NYID BRGYUD PA 'DIS CI BYA, 'DIR DNGOS PO'I RANG BZHIN NYID LA GANG 'DEBS SO ZHE NA, DE NI MA YIN TE, DNGOS PO'I RANG BZHIN DE LTA MA YIN PA'I PHYIR RO, ,'DI LTAR, DE NI BDAG NYID GRUB GYUR NA, ,BDAG LA PHAN 'DOGS BYED PA GANG, ,BDAG LA PHAN 'DOGS BYED MIN NA, ,DE YIS LTOS BYA GANG CI ZHIG ,GAL TE RANG GI NGO BOS GRUB PA YIN PA'I PHYIR 'JIG PA'I RGYUS BDAG LA PHAN 'DOGS PAR BYED PA NI MI SRID NA, DE GRUB PA'I RANG BZHIN LAS GZHAN DU 'GYUR DGOS SO, ,DE LA YANG MED PA LA 'JIG PA'I RGYU MED DO,, 'ON TE GRUB PA LA YANG KHYAD PAR BYED PA YIN NO ZHE NA, DE LTA YIN NA KHYAD PAR GRUB PA NYID DAM, 'ON TE DE LAS GZHAN YIN LA, GAL TE GRUB PA NYID YIN NA SNGA MA BZHIN DU THAL LO, ,GAL TE DE GRUB NA DE'I BDAG NYID BYA BA MI NUS PA'I PHYIR DE'I BDAG NYID LAS THA DAD PAR BYA BA YIN NA, DE LTA YIN NA 'DI DE'I PHAN 'DOGS PAR BYED PA MA YIN PA NYID PAS 'DI DE'I CI ZHIG YIN TE, CI YANG MA YIN NO ZHES BYA BA'I DON TO, ,GNYI GAR SNANG BA NI BSHIG ZIN PAS YANG MI BYA'O, ,GZHAN YANG DNGOS PO RANG GI RGYU LAS DUS GZHAN KHYAB PA'AM, DE LAS GZHAN DU GYUR PA GRUB, ,GAL TE PHYOGS DANG PO LTAR YIN NA DE'I TSE, DUS KYI CHA KUN KHYAB PA DANG, ,'BRAS BU THAMS CAD GRUB BYED PAR, ,GAL TE DE TSE RTOGS NA NI, ,'JIG PAR BYED PAS CI ZHIG YOD, ,CHUS KHYER BA LA RAGS 'DZUGS PAS SU, RAGS 'DZUGS PA NI CHU BZLOG DON DU YIN, CHU MI 'GOG PAR RAGS 'DZUGS PA MA YIN TE, RAGS 'DZUGS DE NI NGAL BA TZAM DU BAS, 'ON TE 'DI NI DE BZHIN DU RTOGS PA MA YIN NA, DE LTA YIN NA RANG GI YUL NGES PAS MA RTOGS PAR CI LTAR 'JIG PA'I RGYU 'JUG PAR 'GYUR, 'BYUNG BAR 'GYUR BA'I DNGOS PO BRTAGS NAS 'JUG GO ZHE NA MA YIN TE, NGES PAR BRTAGS NA RANG GI NGO BOR GRUB PA LA

, ,'JIG PA'I RGYU NYE BAR SBYOR BA CI YOD, 'GAL BA'I RANG BZHIN GYO MO LA NYE BAR SBYOR RO ZHE NA, 'GAL BA 'DI YANG ZLOG PAR BYED PA NYID MA YIN NAM, DE LA YANG THAL BA SNGA MA NYID SO NA 'DUG GI, PHAN TSUN SPANGS PA TZAM GYIS NI ZLOG PAR BYED PA NYID DU MI 'GYUR RO, ,'ON TE DUS GZHAN GNAS PAR GRUB PA 'JIG PA'I RGYU STONG PA'I MTSAN NYID CAN GYI DNGOS PO MED PAR BYED DO ZHE NA, DUS GZHAN DU GNAS PA LA DE DANG MI 'GAL BA'I LTOS PA NYID BYAS PA NI, DE ZLOG PAR BYED PA MA YIN TE, GZHI BO LA CHU BZHIN NO, ,CHU YANG BUM PA SO MA BTANG BA'I ZLOG PAR BYED PA NYID DO ZHE NA, DE LA DUS GZHAN DU GNAS PA NYID MA GRUB PA'I PHYIR RO, ,GAL TE RJES SU DPAG PAS DUS GZHAN DU GNAS PAR GRUB PA NYID LOG PAR BYED DO ZHE NA, DE YANG MI RUNG STE, RJES SU DPAG PAS RAB GRUB PA, ,DE NYID LOG PAR BYED MA YIN, ,GZHAN NI MED PA NYID YIN PAS, ,DE YANG LDOG PAR BYED PA MIN; ,MNGON SUM DANG 'DRA BAR RJES SU DPAG PA YANG TSAD MA KHO NA'O, ,DES NA DE GRUB PA YANG BDEN PA NYID PAS CI LTAR DE MED PAR 'GYUR, DE MED NA DE RTOGS PA MI BDEN PA NYID PAS NA, MNGON SUM DANG RJES SU DPAG PA MED PAR 'GYUR RO, ,DE MED PA'I PHYIR DNGOS PO MI 'GRUB PA'I SA NA GANG ZHIG 'JIG ,'GYUR BA SRID PA 'JOG GO ZHE NA, DE NI DMUS LONG GOM STABS DANG 'DRA BAS DNGOS PO GTAN LA MI 'BEBS PA'I PHYIR NA 'DI NI GYI NA'O, ,'ON TE DE NYID 'JIG PA'I RGYUS GYO MO LA SOGS PA GZHAN NYID DU BYED DO ZHE NA, 'DI LA YANG BRJOD PA, GZHAN NYID BUM SOGS LA'AM CI, ,'ON TE 'JIG PA'I RDZAS LA 'DOD, ,BUM SOGS LA NI GZHAN NYID KYIS, ,DNGOS DE CI LTAR 'GRUB PAR 'GYUR, ,GAL TE GZHAN DU GYUR PA NYID KYIS DNGOS PO DE BUM PA'I RANG BZHIN LA YIN NA, GZHAN DU GYUR PA NYID KYIS NI GZHI DE NYID YIN NA, DES NA BUM PA RANG GI NGO POR MTHONG BAR 'GYUR BAS NA CI LTAR GZHAN DU GYUR, 'ON TE BUM PA MA MTHONG NA 'DI GANG GIS GZHAN DU GYUR PA YIN, BUM PA LA SNGON DU 'GRO BA CAN GYIS GZHAN DU GYUR PA NI DE'I ZHES BSTAN PAR 'GYUR BA YIN NA, 'JIG PA YOD NA NI, DE SNGON DU 'GRO BA CAN MA YIN NO, ,'JIG PA DE YANG GZHAN DU GYUR NA NI THUG PA MED DO, ,'ON TE 'JIG

PA'I RDZAS GZHAN DU 'GYUR RO ZHE NA, DE YANG MA ZHIG PA NYID MA YIN NAM, CI LTAR GZHAN DU GYUR PA'I MTSAN NYID 'JIG PAR YIN, DE YANG SNGAR GYI 'JIG PA'I RDZAS NI MI 'JIG STE, DE'I TSE MED PA'I PHYIR RO, ,PHYI MA YANG MA YIN TE, YOD PA'I PHYIR RO, ,GAL TE KHYED KYI PHYOGS LA YANG NYES PA 'DI NYID DE, 'BRAS BU'I DUS NA RGYU MED PAS, ,CI LTAR DE DE'I 'BRAS BU YIN PAR 'GYUR ZHE NA, DE NI MA YIN TE, 'DI LTAR, RGYU NI SNGON DU 'BYUNG NYID DE, ,DUS MTSUNGS PA NI RGYU MA YIN, ,'JIG PA DNGOS DANG DUS MTSUNGS PA, ,YIN PHYIR LAN NI RUNG MA YIN, ,DNGOS PO NI GZHAN GYI TSE YIN LA, ,'JIG PA YANG GZHAN GYI TSE YIN NO ZHES BYA BA 'DI NI 'JIG PA YIN PAR MI 'THAD DO, ,GANG GI TSE DNGOS PO YOD PA DE NYID KYI TSE 'JIG PA YOD PA DE NA 'JIG PA DANG LDAN PA ZHES BYA BAR 'THAD DO, ,MED PA LA NI MED PA THA MI DAD DE, SHI BA LA SHI BA MED PA'I PHYIR RO, ,'BRAS BU'I NI SHI BA LA YANG 'THAD PA KHO NA STE DE NI DNGOS PO GZHAN YIN PA'I PHYIR RO, ,DNGOS PO MED PA NI DE NYID KYIS STONG PA YIN TE, DE MED DO ZHES GZHI MTHUN PAR RTOGS PA'I PHYIR RO, ,DNGOS PO'I 'JIG PA ZHES GZHI MTHUN PA MA YIN PA NI BSTAN PA CAN GZHAN YIN PA'I PHYIR TE, CI LTAR MCHI GU'I LUS ZHES BYA BA BZHIN NO,, DE BZHIN DU ME DU BA ZHES BYA BA BZHIN NO MTHUN PA NI MA YIN NO, ,GAL TE 'DIR YANG GZHI MTHUN PA DON DAM PAR YOD PA MA YIN TE, SNGON GYI RANG BZHIN DRAN PA LA ZHIG GO ZHES RTOGS PA YIN LA DE YANG PHYIS BYUNG BA'I 'JIG PAS YIN NO, ,GZHI MTHUN PA DE NI DE LTA MA YIN NO ZHE NA, DE YANG MI RUNG STE, DE LTA YIN NA 'GAL BA CHEN POR 'GYUR RO, ,'DI LTAR, DRAN PA YIN NI RANG BZHIN LA, ,DE NYID DU NA ZHIG MED PA, ,DE TSE MTHONG BA'I RANG BZHIN NI, ,ZHIG GO ZHES BYA BAB CHOL YIN, ,ZHIG PA ZHES BYA BA NI MED PA NYID LA BRJOD DO, ,YOD PA'I GNAS SKABS NI MED PA MA YIN NO, ,MED PA'I GNAS SKABS NA YANG DE NYID MED PA'I PHYIR CI LTAR DE'I MED PA YIN, DE'I PHYIR DNGOS PO MED PAR THA DAD PAR SMRA BA LA MED DO ZHES GZHI MTHUN PA MED PAR 'GYUR RO, ,DES NA DNGOS PO MED PA NA DNGOS PO LA GZHAN MA YIN PA DE'I PHYIR GZHI MTHUN PAR 'GYUR RO, ,PHYIS 'BYUNG BA'I DNGOS PO MED PA NI 'DI NYID YIN

, ,TE; DE LAS LDOG PA DANG LDAN PA'I SNGA MA GANG YIN PA'O, ,PHYI MA MI DMIGS PA YANG DE DMIGS PA YIN NO, ,DE YANG DA LTAR BA'I RANG BZHIN GYI GZUNG BA 'DZIN PA'I MNGON SUM GYI RANG BZHIN YIN NO, ,PHYI MA DANG LHAN CIG 'BYOR PAR 'DZIN NA NI 'CHI BA'I MTHAR THUG PA GZUNG BAR THAL LO ZHES BSTAN ZIN TO, ,DES NA GZHAN DANG MA 'BYOR PAR RTOGS PA SKYES PA TZAM LAS GRUB PA GZHAN LA MI LTOS SO, ,GANG GIS LTOS NAS 'JIG PA DE LTA BU DE NI DE'I RANG BZHIN GYI NGO BO YIN NO ZHE NA, 'DIR BSHAD PA, GAL TE DNGOS PO KHYAB MIN NA; ,CI YI DON DU GZHAN LA LTOS, ,'ON TE DNGOS RANG KHYAB NYID NA, ,DE LA LTOS PA DON MED NYID, ,CES 'DI NI BSHAD ZIN TO, ,DE NYID KYI PHYIR BSHAD PA, LTOS MED DNGOS PO NAM YANG NI, ,DE LTA MIN PAR CI LTAR 'GYUR, ,DPER NA DE NYID 'JIG KA MAR, ,LTOS LA BRTEN PAR MI 'DOD BZHIN, ,DANG PO KHO NAR MNGON SUM GYIS CHAD PA NYID DU MTHONG BA NA 'GA' ZHIG GI TSE YANG DE LTA MA YIN NA CI LTAR 'GYUR TE DPER NA RTAG PAR SMRA BA DE NYID 'JIG PA'I GNAS SKABS SU GYUR PA BZHIN NO, ,LTOS PA MED PA SKAD CIG KYANG, ,DNGOS PO YOD MI 'GYUR ZHE NA; ,GAL TE DNGOS PO 'JIG PA LA LTOS PA MED PA NYID YIN NA SKAD CIG TZAM YANG LTOS PA YOD PA MA YIN PAS NA, SKAD CIG KYANG DNGOS PO YOD PA'I SKABS MED PAR 'GYUR RO, ,DE LTAR YANG, RGYU MED GZHAN LA MI LTOS PHYIR, ,RTAG TU YOD PA'AM MED PAR 'GYUR, ,ZHES BSHAD PA YIN NO, ,DES NA DNGOS PO MTSAN NYID KYI DE MA THAG TU 'JIG PAR 'BYUNG BA CI LTAR DE'I BDAG NYID DU 'GYUR, DE'I BDAG NYID MA YIN NA YANG GZHI'I MTHUN PA MED DO ZHE NA, DE YANG RTZBA [*LANG RTZVA?] KA SHA KA KU SHA LA 'JU BA YIN TE, DE LTAR GYUR NA DE DNGOS YIN, ,DNGOS MED DE LTAR CI LTAR 'GYUR, ,'JIG PA NI DNGOS PO PHYI MA DANG, MA BYON DNGOS PO NYID YIN PAS DNGOS PO NYID YOD PA MA YIN NA DE CI LTAR 'GYUR, DE'I BDAG NYID DU GYUR PA YIN LA DE MED PAR YANG 'GYUR RO ZHES BYA BAR MI 'THAD DO, ,DE LTA NA, 'O NA 'JIG PA MED PAS NA,

'JIG PA DANG MI LDAN PAR 'JIG PA CAN DU CI LTAR 'GYUR ZHE NA, 'JIG PA THA DAD PA YOD KYANG RANG GI NGO BO LAS 'PHOS PA MED PAS JI LTAR 'JIG PA YIN, 'JIG PA'I BDAG NYID KYI THA DAD DE NYID 'PHO BA YIN NO ZHE NA, YIN LA RAG MOD DE LTA NA YANG, THA DAD PA NYID DU RTOGS PA'I YUL DU 'GYUR BA'I PHYIR RO, ,DNGOS PO SNGA MA KHO NA BZHIN DU DMIGS PAR 'GYUR RO, ,THA DAD PA'I THA DAD PA NI 'DI NYID YIN TE, GZHAN GYI RANG BZHIN 'PHROG PAR BYED PA MA YIN PA ZHES BYA BA GANG YIN PA'O, ,'GAL BAS 'JIG PA ZIN PA NYID DO, 'JIG PA MED NA 'GAL BAR MI 'GRUB PA'I PHYIR RO, ,DE'I PHYIR, GANG DAG DE YOD GZHAN LTOS MED, ,DE DAG DE YOD LA NGES YIN, ,'BRAS BU YI LA GEGS BYED PA, ,MED PA CAN GYI TSOGS PA BZHIN, ,DPER NA GANG GIS BYED PA SRID PA DANG BRAL BA'I RGYU TSOGS PA THA MA RANG GI 'BRAS BU SKYED PA LA 'GAL BA LA YANG LTOS PA MED PAS DE LA NGES PA DE BZHIN DU DNGOS PO YANG 'JIG PA LTOS PA MED DE, DNGOS PO 'JIG PA LTOS PA MED PA'I PHYIR SKAD CIG MA YIN NO, ,LTOS PA DANG BCAS PA YIN NA, GDON MI ZA BAR 'JIG PAR 'GYUR BA MA YIN NO, ,SKYES PA'I PHYIR 'JIG PA NYID DO ZHE NA, MA YIN TE, 'BREL PA MED PA'I PHYIR RO, ,'BREL PA MED PA'I NI GTAN TSIGS BSGRUB BYA SGRUB PAR BYED PA MA YIN NO, ,'JIG PA RGYU MED NYID YIN NA, ,DE BDAG BSGRUB BYA SGRUB BYED NYID, ,PHYIS 'BYUNG PHYIR NA BSGRUB BYA NI, ,RGYU NYID DU NI RIGS MA YIN, ,PHYIS 'BYUNG BA'I 'JIG PA NI, SNGAR BYUNG BA'I SKYE BA DANG LDAN PA'I RGYU NYID DU 'GYUR BAR 'THAD PA MA YIN NO, ,'BRAS BU NI RGYU LAS GDON MI ZA BAR 'GYUR BA MA YIN PA'I PHYIR RO, ,DES NA DE RGYU NYID KYIS NI, ,GTAN TSIGS MA YIN NO, ,GAL TE RGYU MED PA YIN NA NI DE'I BDAG NYID DU 'GYUR RO ZHES BYA BA 'DI GA LAS 'JIG PA RGYU MED PA NYID KYANG JI LTAR YIN TE, THOB PA LA SOGS PA'I RJES SU 'GRO LDOG GI RJES SU BYED PA'I PHYIR DANG 'BRAS BU'I CHOS KYANG DE TZAM DU ZAD PA'I PHYIR RO ZHE NA, 'DI LA BRJOD PA, DNGOS PO PHYIS

, ,'BREL MED PA YI, ,BDAG CAN DNGOS PO MED 'JIG NA, ,DER NI SNGAR YANG MTHONG BA'I PHYIR, ,CI LTAR 'JIG BYED RGYU CAN YIN, ,GANG ZHIG GANG MED PAR YANG MTHONG BA DE CI LTAR DE'I RGYU CAN YIN, RJES SU 'GRO BA TZAM GYI RGYU MA YIN NO ZHES BYA BA 'DI NI LAN CIG MA YIN PAR BSTAN ZIN TO, ,CI LTAR 'JIG PAR BYED PA NYE BAS GYO MA LA SOGS PAR GYUR PA NA BUM PA PHYI MA DANG 'BREL PA MED PAR RTOGS PA DE BZHIN DU SKYES MA THAG PAR YANG YIN NO, ,SNGAR YANG PHYI MA'I RANG BZHIN DANG 'BYOR PA NI RTOGS PA MA YIN TE, 'CHI BA'I MTHAR THUG PAR RTOGS PAR THAL LO ZHES BSTAN ZIN PA'I PHYIR RO, ,PHYIS KYANG PHYI MA DANG 'BREL PA TZAM NYID 'JIG PA YIN NO, ,'JIG PA NYID KYIS MI 'BYOR PAR BYED PA YIN NO ZHE NA, DE NI MI RUNG STE, 'DI LTAR, MI NUS PA DANG MI DGOS PHYIR, ,'JIG PA NYID KYIS DE BYAS MIN, ,'BYOR NI MA 'BYOR PA LA YANG, ,'JIG PA'I NUS PA SRID MA YIN, ,GAL TE 'DI RGYU LAS 'BYOR PA NYID DU SKYES SO ZHE NA, DE LTAR MNGON SUM GYIS BZUNG BAS NA, DER 'JIG PA NYE BAR SBYOR BA CI ZHIG YOD DE, DE'I TSE NI DE'I DON MED PA NYID DU 'GYUR RO, ,'ON TE 'DI RANG GI RGYU LA MA 'BYOR PA NYID DU SKYES NA, DE LTA YIN NA 'JIG PA DON MED DE, BYAS PA LA RGYU MED PA'I PHYIR RO, ,DE'I PHYIR RANG GI NGO BOS SKAD CIG MAR GYUR PA NYID MNGON SUM GYIS RTOGS PA YIN TE, DE LTA MA YIN NA RTOGS PA MI SRID PA'I PHYIR RO, ,GANG ZHIG GZHAN DU RTOGS PAR NUS PA DE NI GZHAN DU GYUR PA NYID MA YIN TE, GZHAN DU GYUR PA NYID MNGON SUM GYIS GNOD PA'I PHYIR RO, ,DE'I PHYIR NGES PA NI LTOS PA MED PA NYID YIN GYI, GZHAN NI MA YIN TE, RGYU TSOGS PA THA MA BZHIN NO, ,GAL TE NYI MA NUB PA DANG, ,'CHAR BA LTOS PA DANG BCAS PA YIN YANG GDON MI ZAR 'GYUR BA MA YIN NAM, LTOS PA MED PA NYID YIN NA NI 'CHAR BA DANG NUB PA'I DE MA THAG PA DE KHO NAR NUB PA DANG SHAR BAR 'GYUR RO, ,TSOGS PA YANG DNGOS PO MED PA LA NGES PA NI MA YIN GYI, MYU GU LA SOGS PA DON GZHAN LA YIN NO, ,DES NA DPE DES DE BZLOG PA NYID DU

'GYUR GYI SKABS KYI BSGRUB BYA SGRUB PA NI MA YIN NO ZHE NA, 'DIR BRJOD PA, NYI MA NUB DANG SHAR BA NI, ,SHAR DANG NUB PAS KHYAB MA YIN, ,RES 'GA' GZHAN DU 'ANG 'GYUR SRID DO, ,MI 'GYUR BA LA TSAD MA MED, ,GAL TE PHAL CHER MTHONG BA DE LTAR NA YANG TSAD MED PA'I PHYIR 'CHAR BA DANG NUB PA DAG GIS NUB PA DANG 'CHAR BA'I DNGOS PO DAG LA MA KHYAB PO, ,'DI LTAR BDAG PO LA GUS PA LA SOGS PA'I LO RGYUS THOS PA YIN NO, ,DGUN KA PHYI MOR 'CHAR BA DANG, ,MYUR BAR NUB PAR 'GYUR BA'I PHYIR, ,SRID PA'ANG YOD YIN DE BZHIN DU, ,GZHAN PA NYID KYANG SRID PA NYID, ,NUB PA NI NYI MA'I MA YIN GYI, ,'ON KYANG RI LA SOGS PAS BCAD PA YIN NO, ,RAB TU DPYAD PA NYID DE YANG BDAG LA LTOS PA YIN GYI, RNAL 'BYOR PAS NI GZHAN DU YANG MTHONG BA YIN NO, , GZHAN YANG LTOS PA DANG BCAS PA RNAMS NI GDON MI ZA BAR 'GYUR BA MA YIN NO ZHES BYA BAR GAL TE 'GA' ZHIG GDON MI ZA BAR 'GYUR BA YIN YANG GZHAN DAG NI DE LTA MA YIN PAS THE TSOM ZA'O, ,TSOGS PA THA MA NI DNGOS PO THA DAD PA LA NGES PA YIN LA, 'JIG PAR THA DAD PAR GYUR PA LA MA YIN NO ZHES GANG BRJOD PA DE YANG MI RUNG STE, 'DI LTAR, NGO BO GZHAN LA RANG RGYU LAS, ,NGES PA GANG DES GSAL BAR NI, ,RANG GI RANG BZHIN BDAG NYID CAN, ,'JIG PA DE LTAR CIS MI RTOGS, ,'JIG PA ZHES BYA BA DNGOS PO MED PA'I RANG BZHIN GZHAN NYID NI MA YAN GYI, 'ON KYANG PHYI MA DANG 'BREL PAR RTOGS PA'I NGO BO NYID YIN TE, MCHI GU'I LUS ZHES BYA BA'I TSUL GYIS DNGOS PO'I 'JIG PA ZHES DE LTAR RTOGS PA'I YUL DU GYUR PA YIN NO, ,CI LTAR TSOGS PA THA MA DE MYU GU SKYED PA'I RANG BZHIN DU NGES PAR DNGOS PO YANG DE'I PHYIS KYI DNGOS PO DANG 'BREL PA MED PA'I THA SNYAD DU NGES PA YIN NO ZHES CI STE MI 'DOD, GZHAN YANG LTOS PA MED PA NYID KYIS SPYIR DE LA NGES PA NYID BSGRUB PAR BYA BA YIN NO, ,DNGOS PO DANG DNGOS PO MED PA'I DBYE BA RTOG PA NI LTAG CHOD NYID DE, SGRA

, ,DANG BUM PA 'AM LUS CAN DAG LUS CAN MA YIN PAR RTOG PA BZHIN NO, ,DE'I PHYIR 'GAL BAS KHYAB PA DMIGS PA NI MI DMIGS PA'I DBYE BA NYID LA DE YANG RANG BZHIN GYI KHONGS SU 'DU BAR 'GYUR RO, ,DES NA GTAN TSIGS GNYIS NYID DANG, BZLOG PA GNYIS NYID DO; ,DES NA RIGS MTHUN PA LA YOD PA DANG, RNAM PA GNYIS SU GYUR PA DE NI GTAN TSIGS YIN LA, BZLOG PA NI 'GAL BA YIN ZHING DE LAS GZHAN DAG NI MA NGES PA RNAM PA LNGA YIN NO, ,DE LA KHYAD PAR DANG SPYI DAG GO BAR BYED PA NYID DU RTZOD PA SPANG BA YIN NO, ,LHAG MA RNAM PA GSUM NI LDOG PA'I SGO NAS GO BAR BYED PA NYID DU BSTAN PA'I PHYIR RO, ,'DI LTAR, GTAN TSIGS RJES 'GRO'I SGO NAS NI, ,GO BYED NYID DU GNAS YIN TE, ,YOD TZAM MNYAM LHAG RNAM PA NI, ,GSUM KA'ANG GO BYED NYID MIN PHYIR, ,GAL TE RJES SU 'GRO BAR BYED PA NYID LA SBYOR BA YIN NA, MI RTAG PA'I PHYIR RTZOL BA LAS BYUNG BA MA YIN NO ZHES BYA BAR YANG GO BAR 'GYUR TE, 'DI LA RJES SU 'GRO BA NI YOD PA NYID DO, ,'ON TE YOD PA TZAM GYIS GO BAR BYED PA MA YIN TE, LDOG PA DANG LHAN CIG PA LA LTOS PA'I RJES SU 'GRO BA GO BYED YIN PA'I PHYIR RO ZHE NA, 'O NA REG PAR BYA BA YIN PA'I PHYIR RTAG GO ZHES BYA BA NI GO BYED YIN PAR 'GYUR RO, ,'DI YANG GO BAR BYED PA MA YIN TE, RJES SU 'GRO BA MNYAM PA'I PHYIR RO ZHE NA, 'O NA MI RTAG PA'I PHYIR RTZOL BA LAS BYUNG BA YIN NO ZHES BYA BA 'DI GO BYED DU 'GYUR TE, 'DI LA RJES SU 'GRO BA NI STOBS DANG LDAN PA LA LDOG PA NI STOBS CHUNG BA YIN NO, ,'DI LTAR, GTZO BO DE LAS GZHAN PA NI, ,KHYAD PAR LA NI LTOS MA YIN, ,ZAS SOGS LA NI SBYOR BYED PA, ,GZHAN LA LTOS PAR MA MTHONG NGO, ,GAL TE RJES SU 'GRO BAS GO BAR BYED PA NYID DU RAB TU SBYOR BA YIN NA, LDOG PA YONGS SU RDZOGS PA YOD PA LTOS PAR MI 'GYUR TE, DE LA GUS PA MED PA KHO NAR GO BAR BYED PA NYID SBYOR BAR 'GYUR TE, ZAS LA SBYOR BAR BYED PA BZHIN NO, ,LDOG PA'I SBYOR BAR BYED PA YIN NA NI, RJES SU 'GRO BA YOD PA TZAM LTOS PAR 'GYUR GYI, MNYAM PA'AM LHAG PA LA NI MA YIN TE, DPER NA RTZOL BA LAS BYUNG BA'I PHYIR MI RTAG

GO ZHES BYA BA BZHIN NO, ,GANG ZHIG RTZOL BA LAS BYUNG BA DE NI MI RTAG PA NYID DO, ,RTAG PA NYID RNAM PAR GCOD PAS GO BAR BYED PA YIN NO, ,DE BZHIN DU GTAN TSIGS GZHAN DAG KYANG NGO, ,'DI LTAR, GANG GIS DE MED SGRUB BYED PA, ,RTAG PA LAS NI LDOG PA NYID, ,MI RTAG PA LA YOD PAS DE, ,YOD PA 'DI NI SGRUB BYED MIN, ,GAL TE MI RTAG PA LA MTHONG BA DE LTAR NA YANG RTAG PA MED PAR SGRUB PAR BYED PA MA YIN NO, ,RTAG PA LA MED PAR MTHONG BAS NI DE MED PAR SGRUB NA NI, NGES PAR PHUNG PO BZHIN DU 'JUG PAR 'GYUR RO, ,MTHONG BA NI DE LAS GZHAN DAG TU GDON MI ZA BAR GZHAN DU MI 'GYUR BA MA YIN NO, , GAL TE MTHONG BA'I SGO NAS GO BAR BYED PA YIN NO, ,DE'I TSE MTHONG BA'I ME NYID THAMS CAD GO BAR BYED PAR 'GYUR GYI, DE LAS GZHAN PA'I GSAL BA NI RTOGS PA MA YIN DES NA DE LAS GZHAN PA'I GSAL BA MTHONG BA NA TSAD MA MA YIN PAR 'GYUR RO, ,'ON TE DE YANG NANG DU BSDUS PA NYID DO ZHE NA, MA YIN TE; MTHONG BA'I RJES SU 'BRANG BAS NANG DU SDUD PAR MI SRID PA'I PHYIR RO, ,GAL TE LDOG PA YANG DE'I RJES SU 'GRO BA NYID KYI SGO NAS NGES PA MA YIN NAM, DE CI LTAR RJES SU 'GRO BA GTZOR GYUR PA MA YIN ZHE NA, MA YIN TE, MTHONG BA NI LDOG PA NGES PA LA DBANG DU GYUR PA MA YIN PA'I PHYIR RO, ,MTHONG BAS NI SNANG BA NYID NGES PAR BYED KYI DE LAS GZHAN NI MA YIN NO, ,GZHAN MTHONG BA NI GZHAN NGES PA'I RGYU MA YIN NO, ,'DU BYED PA LAS GZHAN DU YANG NGES SO ZHE NA, DE NI MI RUNG STE, DNGOS PO GANG GI RANG BZHIN NI, ,SNANG BA LAS 'BYUNG 'DU BYED PA, ,DER NGES PA YI RGYU YIN TE, ,DE LAS GZHAN DU NGES PA MIN, , GANG GI TSE 'BREL PA DE NYID LDOG PA GTZOR GYUR PA DE'I TSE DE'I SGO NAS GTAN TSIGS GZHAN SEL BA'I GO BAR BYED PA YIN NO, ,GAL TE MTHONG BA'I SGO NAS 'BREL PA RTOGS PA NI CI LTAR LDOG PAS 'BREL PA RTOGS PAR 'GYUR RO ZHE NA, 'DI YANG 'TSAM PAR BRJOD PA MA YIN TE, RJES 'GROS 'BREL PA YIN NA YANG, ,LDOG PA GTZO BOR GYUR NYID LAS, ,'DA' BAR 'GYUR BA MA YIN TE, ,SNGAR NYID DU NI BRJOD ZIN TO, ,RJES SU 'GRO BAS 'BREL PA 'DZIN NA NI GSAL BA DE NYID LA 'GYUR GYI, GSAL BA GZHAN GYIS NI MA YIN TE, 'DI LTAR DE'I TSE GSAL BA GZHAN GYIS RJES SU 'GRO BA RTOGS PA NI MA YIN NO, ,'ON TE

, ,DE DANG YANG PHYIS 'GYUR ZHE NA, DE LTA YIN NA 'KHRUL PAR 'GYUR LA, 'KHRUL PA'I PHYIR NA SNGA MA 'BREL PA NYID YIN PAR MI 'GYUR RO, ,GSAL BA'I SPYI ZHES BYA BA 'DI CI YIN, MI SNANG BA'I RANG BZHIN NI 'BREL PA'AM, GZHAN DU RTOGS PAR NUS PA MA YIN NO, ,GSAL BA RNAMS LA MTSUNGS PAR RTOGS PAR RTOGS PA'I RGYU MTSAN NO ZHE NA, MTSUNGS SO SNYAM PA'I RTOGS PA NI YOD MOD KYI DE'I TSE RGYU MTSAN 'DI LTA BU ZHIG YIN NO ZHES NI BSTAN PAR MI NUS SO, ,GAL TE MNGON SUM GYIS MA RTOGS SU CHUG KYANG 'BRAS BU MTHONG BA LAS RJES SU DPAG PAS RTOGS SO ZHE NA, RGYU'I SPYI RTOGS PAR 'GYUR GYI DE SPYI NI MA YIN TE, 'DI LTA BU ZHES BYA BA RTOGS PA MED PA'I PHYIR RO, ,RGYU MTSAN YANG 'BRAS BU GCIG BYED PA NYID YIN PAS GZHAN CI DGOS, 'DI LTAR, BYA BA 'DI LA BDAG CAG RNAMS DBYE BA YANG MED DO ZHES, 'DI LA 'JIG RTEN MTHA' DAG NI, ,BDAG GCIG DU NI GNAS MA YIN, ,DE'I PHYIR DU BA 'DI NI SGRUB PAR BYED PA'I KHYAD PAR RNAMS GCIG 'GA' ZHIG MED NA MI 'GYUR BA'I PHYIR 'DI MED PA LAS DU BA LDOG PA YIN NO ZHES GZHAN SEL BA NYID KYI SGO NAS 'BREL PA BZUNG PA'I PHYIR SGRA DANG RTAGS KYIS NI LDOG PA NYID BSGRUB PA YIN NO, ,DES NA LDOG PA NYID GTZOR RTOGS PA YIN LA MED NA MI 'GYUR BA NYID KYIS NA GSAL BA'I YOD PA NI SHUGS KYIS RTOGS PA YIN NO, ,ME MED PA MED NA GDON MI ZA BAR ME'I GSAL BA 'GA' ZHIG 'PHEN PA YIN TE, DE LTA MA YIN NA, ME MA YIN LA LDOG PA NYID DU MI 'GYUR RO, ,GAL TE GZHAN PA DAG NI MA NGES PA ZHES NGES PA RNAM PA LNGAR BSHAD PA MA YIN PA 'DI NI RIGS PA MA YIN TE, LHAG MA DANG LDAN PA DANG 'GAL BA MI 'KHRUL PA YANG MA NGES PA GZHAN YIN PA'I PHYIR RO ZHE NA, MA YIN TE, BSAM PA MA SHES PA'I PHYIR RO, ,GZHAN RNAM PA LNGA MA NGES PA YIN NO ZHES BYA BA'I DON 'DI NI MA YIN GYI 'ON KYANG, DE LA RIGS MTHUN LA YOD DANG, ,RNAM GNYIS DE MED LA MED PAR NGES PA GANG YIN PA DE NI GTAN TSIGS YIN ZHING ZLOG PAR NGES PA NI DE NI 'GAL BA YIN NO, ,DE YANG THABS DE'I BDAG NYID DANG DE LAS BYUNG BA 'BREL PA SHA STAG GO, ,GZHAN DAG NI MA NGES PA YIN TE,

DE LTAR 'BREL BA MA YIN PA NI MA NGES PA YIN NO ZHES BYA BA DAG GI DON GO, ,LHAG MA DANG LDAN PA DANG 'GAL BA MI 'KHRUL PA CAN YANG MTSAN NYID 'DI NYID YIN PA'I PHYIR DE GNYIS KYANG MA NGES PA MA BZLOG GO, ,DES NA THAMS CAD KHA NA MA THO BA MED DO, ,'DI LTAR, 'GAL BA MI 'KHRUL PA CAN GYI YUL PHROGS PA NI BSGRUB PAR BYA BA LA 'BREL PA MA YIN PA NYID DO, ,'ON CI LTAR MI 'KHRUL PA YIN TE, 'BREL PA YANG MA YIN LA MI 'KHRUL PA YIN NO ZHES BYA BA 'DI NI 'GAL LO ZHE NA, DE LTA NA YANG 'O NA 'KHRUL PA YANG YIN LA THE TSOM GYI RGYU YANG YIN NO ZHES BYA BA 'DI LA YANG 'GAL BA NYID DO, ,NGED KYI PHYOGS LTAR NA NI MA 'BREL PA NYID KYIS THE TSOM GYI RGYU YIN NO, ,MI 'KHRUL PA NYID CI LTAR ZHE NA, KHAS BLANGS PA'I SGO NAS YIN PAS SKYON MED DO, ,DE SKAD DU YANG, 'O NA GANG GI TSE SGRA NYID RTAG PAR KHAS BLANGS PA DE'I TSE 'DI GTAN TSIGS NYID DU 'GYUR RO ZHES SMRAS PA YIN TE, 'DI LTAR, GANG YANG MNYAN PAR BYA BA NYID, ,'JIG PA NYID DU MTHONG BA MED, ,RTAG PA NYID LA MTHONG BA'I PHYIR, ,GO BAR BYED PA NYID DU 'GYUR, ,GO BAR BYED PA'I MTSAN NYID DU KHAS BLANGS PA'I PHYIR GO BAR BYED PA YIN NO, ,MTHONG BA DANG MA MTHONG BA TZAM GYIS KYANG BYE BRAG PA'I GO BAR BYED PA'I GTAN TSIGS YIN LA; DE NI 'DI LA YANG YOD PAS GO BAR BYED PA NYID DU 'GYUR RO ZHE NA, SLOB DPON GYIS GSUNGS PA, GAL TE 'DIR 'GA' ZHIG BYAS PA NYID KYANG MI RTAG PA'I GTAN TSIGS SU MI BRJOD NA GO BAR BYED PAR 'GYUR RO, ,GNYI GA YANG GO BAR BYED PA NYID DU BRTEN NA NI RANG GIS KHAS BLANGS PA NYID LAS THE TSOM DU 'GYUR RO, ,DE'I PHYIR KHAS LEN PA'I BYE BRAG NYID SHIN TU DOGS PAR CHUD PA YIN NO, ,'DI LTAR, GAL TE SGRA MI RTAG PAR NI, ,'DOD NI SGRA NYID RTAG PAR DER, ,DE YI SGO NAS GTAN TSIGS NYID, ,YIN NA GZHAN YANG GO BYED 'GYUR, , RIGS PA MTSUNGS PA CAN DE LTAR MI 'GYUR BA YIN TE, DE LTA NA NI, 'DI RIGS PA NYID DU MI 'GYUR RO, ,DE LTA YIN DANG THA SNYAD MTHA' DAG CHAD PAR 'GYUR RO, ,MNYAN BYA NYID KYANG BYAS PA DANG GTAN TSIGS KYI RIGS MTSUNGS PA YIN TE DES NA BYAS PA NYID 'DI

, ,YANG BSGRUB PAR BYA BA LAS BZLOG PA 'KHRUL PA MED PA CAN YIN PAS, CI LTAR GO BAR BYED PA NYID MA YIN PA DE'I PHYIR GZHAN GYIS KHAS BLANGS PAS 'GAL BA MI 'KHRUL PA YIN GYI GZHAN DU NI MA YIN NO ZHES SLOB DPON GYI DGONGS PA RTOGS PAR BYA STE, 'O NA GANG GI TSE SGRA NYID RTAG PAR KHAS LEN PA ZHES GSUNGS PA'I PHYIR RO, ,DE'I PHYIR MA 'BREL PA NYID THE TSOM GYI RGYU YIN PAS GTAN TSIGS LA SOGS PA'I MTSAN NYID KHYAB PA NYID DO, ,DE LA PHYOGS KYI CHOS GTAN TSIGS YIN NO ZHES BYA BAS SHUGS PHYOGS KYI CHOS MA YIN PA NI GTAN TSIGS MA YIN NO, ,PHYOGS KYI CHOS PHYIN CI LOG 'GAL BA YIN PA'I PHYIR, PHYOGS KYI CHOS MA YIN PA'I PHYIR PHYOGS KYI CHOS MA YIN PA'I NI 'GAL BA MA YIN NO PHYOGS KYI CHOS GZHAN NI MA NGES PA YIN NO ZHES BYA BAS PHYOGS KYI CHOS MA YIN PA NI MA NGES PA MA YIN NO, ,DES NA MA GRUB PA ZHES RANG GI MING GIS BSTAN PAR BYA BA YIN NO, ,CHOS CAN GRUB PA YANG MA GRUB PA NYID LA GANG LA YANG RUNG BA LA MA GRUB PA YANG NGO, ,DE SKAD DU YANG SLOB DPON GYIS, ,GNYI GA LA NI GRUB CHOS KYIS, ,THA SNYAD BYED PHYIR ZLOG PA'AM, ,GNYIS LAS GCIG LA MA GRUB DANG, ,CHOS CAN MA GRUB NA MI 'DOD, ,CI'O, ,GAL TE PHYOGS KYI CHOS GTAN TSIGS YIN NA 'O NA, CI LTAR SGRA NI MI RTAG PA STE, BYAS PA MI RTAG PA YIN PA'I PHYIR DANG, RTAG PA MA BYAS PA'I PHYIR RO ZHES BYA BA DANG, DE BZHIN DU NI, ,'BRAS BU NI SNGA NA YOD PA MA YIN TE MED PA MI BYED PHYIR DANG, NYE BAR LEN PA LEN PA'I PHYIR DANG, THAMS CAD LAS 'BYUNG BA MA YIN PA'I PHYIR DANG, NUS PAR BYED PA NUS PA'I PHYIR DANG, RGYU'I DNGOS PO YIN PA'I PHYIR RO ZHES BYA BAR 'GYUR ZHE NA, 'DIR BSHAD PA, GANG DU GTAN TSIGS BSGRUB BYA YI, ,RJES 'GRO 'AM MED NA MED PA DAG ,LNGA PAS BRJOD DER DPE YIN TE, ,GTAN TSIGS NYER GTONG BDAG NYID LAS, ,DPER NA SGRA MI RTAG STE BYAS PA

MI RTAG PA'I PHYIR RO, ,DE BZHIN DU SGRA YANG BYAS PA YIN NO, ,SGRA NI MI RTAG STE RTAG PA MA BYAS PA'I PHYIR RO, ,SGRA NI MA BYAS PA YIN NO ZHES 'DIR LNGA PAS NI CHOS MTHUN PA DANG MI MTHUN PA DAG GIS DPE BSTAN PA YIN NO ZHES BYA BA'I DON NI DE KHO NA DANG BCAS PA YIN NO, ,DE BZHIN DU MED PA MI BYED PA LA SOGS PA LA YANG BLTA BAR BYA'O, ,JI LTAR 'DI DAG GTAN TSIGS MA YIN PA DE LTAR NI BSTAN ZIN TO, ,GZHAN YANG, 'BREL PA MA GRUB GTAN TSIGS NI, ,BSGRUB BYA SGRUB PAR BYED PA LA, ,NUS MED 'DI LA DE MED PA, ,DES NA 'DI DAG GTAN TSIGS MIN, ,MED PA MI BYED PA'I PHYIR RO ZHES BYA BA 'DI JI LTAR GTAN TSIGS MA YIN ZHE NA, MED PA RI BONG GI RVA LA SOGS PA BYED PA MA MTHONG BA'I PHYIR RO ZHES BYA BA YIN NA 'DI TZAM LDOG PAS NI BZLOG PA GRUB PA MA YIN NO, ,GAL TE MED PA 'GA' ZHIG LA BYED PA MI DMIGS PA DE LTAR NA YANG THAMS CAD DE LTAR YIN NO ZHES BYA BA'I BYA BA PA NI GA LAS YIN BZLOG PA'I 'BREL PA MED PAR NI LDOG PA'I KHYAB PA 'GRUB PA MA YIN NO, ,DU BA MED PAS ME MED LA, ,KHYAB PA JI LTAR GRUB CE NA, ,ME YIS DU LA KHYAB PAR NI, ,GAL TE TSAD MAS GRUB GYUR NA'O, ,'GRO BA MTHA' DAG TU BSKOR KYANG DE DANG GZHAN NA YANG MED DO ZHES LDOG PA'I KHYAB PA RTOGS PAR NUS PA NI MA YIN TE, YUL DUS KHYAB PAR MTHA' DAG BSKOR BA NYID MI SRID PA'I PHYIR RO, ,RJES SU 'GRO BAS 'BREL PA 'DZIN NA NI, ,DE'I SHUGS NYID KYIS LDOG PA'I KHYAB PA RAB TU 'GRUB PO, ,'DI YANG SNGAR BSTAN ZIN PA NYID DO, ,DE'I PHYIR 'DI DAG NI GTAN TSIGS MA YIN NO, ,DE'I PHYIR 'DI DAG NI GTAN TSIGS MA YIN NO, ,DE'I PHYOGS KYI CHOS NYID GTAN TSIGS DANG 'GAL BA DANG MA NGES PAR 'GYUR BA YIN NO, ,DES NI YOD PA DANG MED PA RAB TU BSTAN PA'I TSUL GYIS GZHAN GYI DON GYI RJES SU DPAG PA NYID GSAL BAR BYAS PA YIN NO, ,TSUL GSUM LA LHAG MA LUS PA RTOGS PAR BYA BA'I PHYIR SPROS LA, LHAG MA DAG NI TSAD MA KUN LAS BTUS PA NYID LAS PHYOGS PAR BYA BA YIN TE, DES NA RNAM 'GREL MDZAD PAS THUGS BTANG SNYOMS SU MDZAD DO, ,KYI YI RTZOD RNAMS RTAG TU PHYOGS LHUNG BAS, ,SNGAR YID RANG BZHIN PHYOGS BYAS NUS PA NI, ,DE NYID RTOGS PA SGRUB MIN YID KYI TSUL, ,DBU MAR GNAS PAS YID PHYIR DE BLO BSGRUBS, ,GZHUNG LUGS PA RNAMS CHOS

, ,KYI GRAGS DPAL BZHED PA DRI MED DE 'DRA NYID KYIS RTOGS BYA 'DI, ,BDAG 'DRAS BSHAD LA JI LTAR DBANG ZHES 'DI LA YUN RINGS RGYU BSAMS NA, ,'DIR GOMS CAM GYIS GAL TE GZHAN 'DIR DE NYID DON GRUB BYA BA'I PHYIR, ,BDAG DANG GZHAN LUGS RIGS DANG RIGS MIN DON 'DIR BYAS 'GYUR 'DIR CHER RIGS, ,'DIR LEGS RAB MANG BRJOD PAR NUS MOD KYI, ,GZHAN RTOGS GRUB PHYIR MDOR BSDUS NAS 'DI BYAS, ,RIN CHEN 'BYUNG GNAS NAS RNYED RIN CHEN TSOGS, ,LEN BYED MKHAS PA MED MOD DE MED MIN, ,CHAGS PHYIR GRONG PA MDZES PA YI, , RGYAN GYIS LUS NI BRGYAN 'DOD LTAR, ,RNAM 'GREL RGYAN YANG BDAG GIS NI, ,BYAS TE DREGS PA'I PHYIR MA YIN, ,DE LTAR SEMS DE RTAG TU DE BZHIN GSHEGS PA'I CHOS TSUL ZHIB PO RTOGS BYED PA, ,GZHAN DON BSGRUB BRTZON BLO CAN RNAMS KYI BLO GROS 'DI NI LEGS PA'I DON DU 'GYUR BA STE, ,'GRO BA MTHA' DAG DGA' BYED DPAL DANG ME DANG ZLA BA BSKYED PA'I MA, ,GANG CHEN LAS GZHAN RGYA MTSO 'ANG 'GRO NA 'GAR YANG MTHONG BA YOD DAM CI, ,DE LTAR BDAG GIS SMAD MED 'DI SBYAR BAS, ,DGE BA DRI MED THOB PA GANG YIN PA, ,DES NI 'GRO BA KUN GYI DON GRUB PAR, ,'GRO BA 'DI NI RTAG TU GRUB GYUR CIG ,TSAD MA'I BSHAD PA CHEN PO RNAM 'GREL GYI RGYAN LAS LE'U BZHI PA'O,, ,,TSAD MA'I BSHAD PA CHEN PO RNAM 'GREL GYI RGYAN SLOB DPON MKHAS PA CHEN PO SHES RAB 'BYUNG GNAS SBAS PA'I ZHAL SNGA NAS KYIS MDZAD PA RDZOGS SO,, ,,BAM PO DRUG CU LHAG CHAD MED PAR YOD DO, ,KHA CHE'I MKHAN PO PAndI TA SKAL LDAN RGYAL PO DANG, LO TZ'A BA DGE SLONG BLO LDAN SHES RAB KYIS BSGYUR, SLAD KYIS KHA CHE'I MKHAN PO PAndI TA KU M'A RA SHRA'I DANG, ZHU CHEN GYI LO TZ'A BA DGE SLONG 'PHAGS PA SHES RAB KYIS ZHUS SHING BCOS TE GTAN LA PHAB PA,, ,,