DPAL YE SHES THIG LE RNAL 'BYOR MA'I RGYUD KYI RGYAL PO CHEN PO MCHOG TU RMAD DU BYUNG BA ZHES BYA BA (Śrī Jñāna Tilaka Yoginī Tantra Rāja Parama Mahādbhuta Nāma)

, ,RGYA GAR SKAD DU, SHR'I DZNY'A NA TI LA KA YO GI N'I TANTRA R'A DZA PA RA MA MA H'A AAD BHU TAm NA MA, BOD SKAD DU, DPAL YE SHES THIG LE RNAL 'BYOR MA'I RGYUD KYI RGYAL PO CHEN PO MCHOG TU RMAD DU BYUNG BA ZHES BYA BA; DPAL YE SHES THIG LE LA PHYAG 'TSAL LO, ,'DI SKAD BDAG

, ,GIS THOS PA DUS GCIG NA, BCOM LDAN 'DAS DE BZHIN GSHEGS PA THAMS CAD KYI SKU DANG, GSUNG DANG, THUGS KYI SNYING PO DPA' BO CHEN PO DANG, DPA' MO'I DBANG PHYUG MAS RNAM PAR BSKOR NAS RDO RJE'I BTZUN MO'I BHA GA LA BZHUGS SO, ,DER DPAL NAM MKHA' DRI MED DANG, SHIN TU STOBS CHEN PO DANG, LHA'I DBANG PHYUG DANG, GSANG BA'I BDAG PO DANG, 'OD DRAG DANG, NYI DGRA DANG,

MCHOG DGA' DANG, THAMS CAD KYI BYED PA PO DANG, AUTPA LA'I SNYING PO DANG, ZHI BA CHEN PO'I BDAG PO DANG, NAG PO 'DUL BA DANG, RMAD DU BYUNG BA'I DPA' BO DANG, DREGS CHEN DANG, NAG PO CHEN PO DREGS 'JOMS DANG, RI RAB BRTAN PA DANG, NAM MKHA'I ZHAL LO, ,YANG DPA' MO'I DBANG MO'I DBANG PHYUG MA RNAMS LA 'DI LTA STE, ZLA BA MO DANG, G-YON PA MA DANG, MI MNYAM MA DANG, RLUNG ZA BA MA DANG, BSIL SBYIN MA DANG, SNYING PO'I 'DAB MA DANG, BAG YOD THOR COG MA DANG, NYI MA 'DUL MA DANG, ZHI BA 'CHI BA'I PHO NYA MA DANG, LJANG BRTZON MA DANG, 'OD 'DUN MA DANG, TSANGS PA MA DANG, KHYAB 'JUG MA

, ,DANG, THOG KHA MA DANG, THAMS CAD SKYED MA DANG, DPA' BO'I YUM MO, ,YANG MA MO'I BTZUN MO RNAMS LA 'DI LTA STE, SKAM MA DANG, 'JIGS MA DANG, 'OD MA DANG, MCHU 'PHYANG MA DANG, RI RAB SO MA DANG, DUS KYI BDE BYED MA DANG, NYI MIG MA DANG, ME ZHAL MA DANG, 'DOD PA MA DANG, LCE RING MA DANG, CHOS DGA' MA DANG, 'DOD BDEN MA DANG, MIG STONG MA DANG, STAG MA DANG, GTUM MO DANG, 'DOD GZUGS MA'O, ,DE LTA BU'I RAB ZHAL LA SOGS PA DPA' BO CHEN PO DANG, DPA' MO'I DBANG PHYUG MA DANG, MA MO'I BTZUN MO BYA BA PHRAG BDUN CU RTZA GNYIS KYI GRANGS KYI 'KHOR GYI DBUS SU LEGS DGYES

CHEN PO'I SBYOR BA LA BZHUGS NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO LHA'I DBANG PHYUG LA BOS TE, KYE BYANG CHUB SEMS DPA' SEMS DPA' CHEN PO LHA'I DBANG PHYUG ,DE KHO NA NYID GSUM GYI BDAG NYID KYI DANG, ZLA BA'I BDE BA MCHOG DANG, PHYAG RGYA CHEN PO'I MTHA' DANG, DE LA RANG GI NGO BO DANG, RNAM PA DANG, TSAD DAG DPAL YE SHES THIG LER GRAGS PA NYON CIG ,BCOM LDAN 'DAS KYIS DE SKAD CES BKA' STZAL PA DANG, BYANG CHUB SEMS DPA' SEMS DPA' CHEN PO LHA'I DBANG PHYUG 'KHOR THAMS CAD DANG LHAN CIG TU LAN GSUM DU BSKOR BA BYAS NAS BCOM LDAN 'DAS KYI ZHABS LA MGO BOS PHYAG 'TSAL TE SA LA LTA ZHING CANG MI SMRA BAR 'DUG GO ,DE'I TSE NAM MKHA' LA ME TOG MAND'A RA BA DANG, MAND'A RA BA CHEN PO DANG, AUTPA LA DANG, NYI MA'I 'OD MNYAM DANG, CHU SKYES DANG, PUndA R'I KA DANG, AA SHO KA DANG, TZAM PA KA DANG, AARDZU NA DANG, N'A GA GE SAR LA SOGS PA DRI ZHIM PA'I ME TOG RNAM PA SNA TSOGS PA DANG, RIN PO CHE'I CHAR DU MA BCOM LDAN 'DAS KYI ZHABS KYI DRUNG DU BABS SO, ,YANG BCOM LDAN 'DAS KYIS BYANG CHUB SEMS DPA' SEMS DPA' CHEN PO LHA'I DBANG PHYUG LA BOS TE, KHYOD CI ZHIG LA YA MTSAN

, ,DU GYUR, LHA'I DBANG PHYUG GIS GSOL PA, BCOM LDAN 'DAS, DE KHO NA NYID GSUM GYI BDAG NYID KYI DANG, ZLA BA'I BDE BA MCHOG DANG, PHYAG RGYA CHEN PO'I MTHA' DANG, DE LA RANG GI NGO BO DANG, TSAD DANG, RNAM PA YOD DAM CI LAGS ZHES BDAG YA MTSAN DU GYUR LAGS SO, ,DPA' BO CHEN PO LHA'I DBANG PHYUG LA RDO RJE 'DZIN PA'I MCHOG GIS 'DI SKAD CES BKA' STZAL TO, ,AE MA HO DE KHO NA NYID GSUM GYI BDAG NYID KYI DANG, ZLA BA'I BDE BA MCHOG DANG, PHYAG RGYA CHEN PO'I MTHA' LA DE'I RANG GI NGO BO DANG, RNAM PA DANG, TSAD MED DAM CI, DE LTAR MA YIN NA, CHOS THAMS CAD KYI NGO BO STONG PA NYID 'DI GA LA SHES, MIG YOR TZAM GYI RGYU'I RTEN NI, CHOS THAMS CAD DO, ,DE LTAR GLA RTZI LA BRTEN NAS DRI 'BYUNG BA GLA RTZI'I DNGOS PO MED NA, DRI JI LTAR RNYED PAR 'GYUR, DE BZHIN DU RANG GI NGO BO DANG, CHOS KYI TSAD DANG, RNAM PA DAG MED PAR GYUR NA, DE KHO NA NYID GSUM GYI BDAG NYID DANG, ZLA BA'I BDE BA MCHOG DANG, PHYAG RGYA CHEN PO'I SKU'I RNYED PA MED DO, ,DE BAS NA, KHYAB DANG KHYAB BYED BYE BRAG TU, ,GNYIS SU MED PA'I BDE BA CHE, ,BDE BA SKU LA BRNYEN PA'I PHYIR, ,BDE LA BRTEN NA DE NYID 'GYUR, ,BDE SKU RNAM PAR SHES YIN NA, ,

THAMS CAD GNYIS SU MED PA'I DNGOS, ,DRUG GI BDE BA YE SHES MCHOG ,BDE DANG SKU NI GNYIS LAS 'BYUNG, ,'KHOR LO DRUG GI DBUS NA BZHUGS, ,DE NYID GSUM GYI BDAG NYID MCHOG ,ZLA BA LA SOGS 'BRAL BDAG NYID, ,DE NYID GSUM BDAG RGYU RU GRAGS, ,LUS RTEN SROG GI DBYUG PA LA, ,SBYOR BA DRUG GI YE SHES BZHUGS, ,'KHOR LO DRUG GI LTE BA'I DBUS, ,PHRA MO'I LUS LDAN RTZA NI DRUG ,THIG LE DANG BCAS DE RNAMS SBYOR, ,SROG GI DBYUG PA'I NANG DU'O, ,BDE CHEN 'KHOR LO'I LTE BA YI, ,ZLA MO TSE DANG LDAN PA STE; ;DE NI SROG DBYUG RTZA BA YIN, ,ZUR GSUM GYI NI RNAM PA'I TSUL, ,LONGS SPYOD RDZOGS PA'I LTE BA YI, ,LCE MA BDE BA LDAN PA NI, ,DE NI SROG GI DBYUG PA'I SKE, , RIGS KYI ME TOG DANG 'DRA BA, ,CHOS KYI 'KHOR LO'I LTE BA LA, ,NAM MKHA' MA NI YE SHES LDAN, ,DE NI SROG GI DBYUG PA'I SNYING, ,BA YI MIG GI RNAM PA'I GZUGS, ,LTE BA'I SPRUL PA'I 'KHOR LO'I NANG, ,'OD MA DANG NI DUS LDAN MA, ,DE NI SROG GI DBYUG PA'I LTE, ,PADMA RGYAS PA'I RNAM PA BZHIN, ,ME YI 'KHOR LO'I SNYING GA YI, ,'DOD PA DANG LDAN RAB 'OD MA, ,DE NI SROG GI DBYUG PA'I 'DOMS, ,RDO RJE'I RNAM PA BZHIN DU GSAL, ,RLUNG GI 'KHOR LO'I LTE BA LA, ,STOBS NI BRTZON 'GRUS MA DANG LDAN, ,SROG GI

, ,DBYUG PA DE YI MTHA', ,TIL GYI ME TOG RGYAS PA BZHIN, ,DE NI SBYOR DRUG GI RNAM SHES, ,RTZA DANG THIG LE DANG LDAN NO, ,RTOG MED MAS NI 'KHYUD YIN PHYIR, ,DE TSE TSANGS PA'I DBYUG PA YIN, ,DE YI DUS NI BDAG GIS BSHAD, ,SHAR DANG NUB PA RNAM GNYIS SO, ,GANG GI TSE TSANGS PA'I DBYUG PA LA MDUD PA SUM CU RTZA GNYIS YOD DE, DE LA LTE BA'I 'OG TU 'PHO BA BCU DRUG ,STENG DU 'PHO BA BCU DRUG ,BYANG CHUB KYI SEMS DANG RLUNG GNYIS PHRAD PA'I PHYIR 'PHO BA STE, STENG 'OG GCIG PU'I DNGOS PO SBYOR BA'I RTZA SUM CU RTZA GNYIS SO, ,BYANG CHUB KYI SEMS DGA' BA DANG LDAN PA'I GDU BU'I RNAM PA SKU DANG GSUNG DANG THUGS KYI NGO BO GCIG PU'I RTOG MED BDE LEGS YID MAS TSANGS PA'I DBYUG PA 'KHYUD NAS BDE BA CHEN PO'I GTZUG TOR NAS GSANG BA BDE BA CHEN PO NOR BU'I KHA RLUNG GI 'KHOR LO YAN CHAD, JI LTAR TZANDAN GO SH'IRshA'I SHING LA SBRUL CHEN PO YOD PA LTA BU'O, ,LHA'I DBANG PHYUG ,DE LA JI LTAR RANG GI NGO BO BSHAD PAR BYA STE, TSANGS PA'I RUS PA'I DBYUG PA'I SNYING PO'I DANG PO ZUR GSUM GYI RNAM PA MDUD PA LTE BA'I SROG GI RLUNG DANG LDAN PA'I BYANG CHUB KYI SEMS 'OD KYI THIG LE SHES RAB MA'I LTE BAS ZLA BA YAR NGO'I TSES DANG PO'I CHU TSOD GCIG GI BAR DU 'DOD

PA'I DGA' BSHAR BA'O, ,PADMA'I 'BRAS BU'I 'DOD PA LAS 'DAR BA'I NYE BA DANG LDAN PA TSES GNYIS KYI BAR DU STOBS NUB PA'O, ,DRAG PO'I MIG GI 'DUS PA LAS 'GRO BA MNYAM PA DANG LDAN PA TSES GSUM GYI CHU TSOD GSUM GYI BAR DU SPRIN GYI THIG LE SHAR BA'I DUS SU'O, ,RIGS KYI BU ME TOG GI NU MA REG PA LAS DGA' BA GYEN DU 'GRO BA DANG LDAN PA'I TSES BZHI'I CHU TSOD BZHI'I BAR DU NUB PA'O, ,TSANGS PA'I MIG MA MCHU'I BDUD RTZI BTUNG BA SBYIN PA LAS RGYAS PA THUR DU BYUNG BA DANG LDAN PA TSES LNGA'I CHU TSOD LNGA'I BAR DBUGS SHAR BA'I DUS SO, ,DUNG GI MIG GIS SEN MO BTAB PA LAS DRAG PO 'JIGS PA'I TSUL DANG LDAN PA'I TSES DRUG GI CHU TSOD DRUG GI BAR DU AUTPA LA'I NUB PA'I DUS SO, , RNA BA'I MIG GI SBYOR BA LAS BYUNG BA'I KHYAB BYED DANG LDAN PA'I TSES BDUN GYI CHU TSOD BDUN GYI BAR DU MGO KA LA SHAR BA'I DUS SO, ,BA'I MIG GIS 'BRAS BU'I BSKYOD PA LAS MCHOG GI DGA' BA BZHI DANG LDAN PA TSES BRGYAD KYI CHU TSOD BRGYAD KYI BAR DU YID NUB PA'I DUS SO, ,DUNG GI LTE BA'I NU MA DAM POR 'KHYUD PA LAS 'BAR BA LHOD PA DANG LDAN PA'I TSES DGU'I CHU TSOD DGU'I BAR DU SNYING PO SHAR BA'I DUS SO, ,GLANG PO CHE'I LTE BA'I SKE'I [?] SGRA LAS THIG LE MTHA' DANG LDAN PA'I TSES BCU'I CHU TSOD BCU'I BAR DU ZLA BA NUB

, ,PA'I DUS SO, ,AUTPA LA'I LTE BA'I MIG GI 'O LAS MYOS PA KHRUNG KHRUNG DANG LDAN BA'I TSES BCU GCIG GI CHU TSOD BCU GCIG BAR DU NYI MA SHAR BA'I DUS SO, ,PADMA'I LTE BA'I SBRUG CING BSIGS PA LAS DGA' BRAL GYI DGA' BA KRO DHA DANG LDAN PA'I TSES BCU GNYIS KYI BAR DU DRAG PO NUB PA'I DUS SO, ,BUD BA'I KHA'I GRONG KHYER LAS AUD MI REM PA DANG LDAN PA'I TSES BCU GSUM GYI CHU TSOD BCU GSUM GYI BAR DU MCHOG GI SHAR BA'I DUS SO, ,RMA BYA'I KHA'I BSKUM PA LAS TSUL 'BYED PA DANG LDAN PA'I TSES BCU BZHI'I BAR DU SGRA NUB PA'I DUS SO, ,RDO RJE'I KHA RU MNYAM PAR SBYOR BA LAS GNYID 'ON PA DANG LDAN PA'I NYA'I CHU TSOD BCO LNGA'I BAR DU RO'I SHAR BA'I DUS SO, ,RNAM PAR RGYAS PA'I TIL GYI ME TOG HA BRJOD PA LAS TSES BCU DRUG GI CHU TSOD BCU DRUG GI BAR DU LHAN CIG SKYES PA'I DGA' BA GSAL BA DANG LDAN PA'I THOG GI NUB PA'I DUS SO, ,THOG NI SNGAGS 'JIGS BYED PA STE, ,DE LA NUB PA BCU DRUG YIN, ,SHAR DANG NUB PA GANG LA LAR, ,LHAN CIG SKYES LA DE YOD MIN, ,YON PO'I GDU BU'I RNAM PAR 'BYED, ,RTZA YI LTE DBUS THIG LE DANG, ,DGA' BA LA SOGS SHAR BA DANG, ,DE NI NUB PA'I DUS SU'O, ,DE LTAR BDE CHEN

RNAM PA NI, ,'PHO BA RU NI BDAG GIS BSHAD, ,DNGOS DANG RTEN DANG RNAM PAR 'BYED, ,YE SHES DGA' BRAL LHAN RTAG BZHUGS, ,DNGOS PO RO MNYAM LTA BA YIN, ,'DOD PA CHAGS PA'I RNAM DAG BYED, ,'DUS PA REG BYA BYED PA YI, ,DNGOS NI SRID PA MED PAR BYED, ,'O DANG 'KHYUD PA'I LONGS SPYOD RNAMS, ,DNGOS NI DNGOS POR RAB GCOD BYED, ,PUndA R'I KA'I 'BYUNG SA YI, ,ZUR GSUM LA SOGS BRTEN PA YIS, ,RTEN NI BSAM DU MED PA STE, ,CHOS DBYINGS RANG GI NGO BO YIN, ,STENG DANG 'OG NI MNYAM PA'I RTEN, ,MYA NGAN 'DAS PA RTOG MED BYED, ,BDE BA CHEN PO'I BDUD RTZI'I RTEN, ,RIGS LNGA YI NI MCHOG GI GZHI, ,YE SHES 'DOD PA LHUN GYIS GRUB, ,'DAR BA DGA' BA MCHOG GI DGA', ,YE SHES SHES PA LHUN GYIS GRUB, ,GZHI MED PA YI LHAN CIG SKYES, ,GZHI DANG BCAS PA DGA' BRAL DGA', ,YE SHES NGA RGYAL MED PAR BYED, ,CHOS KUN RNAM PAR SHES PA STE, ,YE SHES SHES BYA DON GRUB BYED, ,RNAM PAR 'BYED PA 'OD GZUGS GRAGS, ,TSUL DANG SPRIN DANG STOBS BDAG NYID, ,RNAM PAR 'BYED PA DNGOS KUN DU, ,RNAM PA'I GZHI DANG BCAS PA THIM; ;SKYE DANG GNAS PA SGYU 'PHRUL GYI, ,RNAM PAR 'BYED PA GTI MUG GSOD, ,'KHOR LO SNGAGS DANG BYA BA LA, ,'JOMS BYED DE NI RNAM PAR 'BYED, ,RTZA YI SNYING PO

, ,THAMS CAD NI, ,BCOM PA'I PHYIR NI RNAM PAR 'BYED, ,YE SHES KYI NI SNYING PO'I MTHA', ,RNAM PAR 'BYED PA GSOL BA YIN, ,YE SHES SHIN TU BDE BYED PHYIR, ,RNAM PAR 'BYED PAR DE PHYIR BRJOD, ,GNYIS SU MED PA MCHOG ZHI BA, ,CHAGS PA DANG NI CHAGS BRAL MIN, ,DRI MA MED PA BCOS MED PA, ,RGYUD DANG SNGAGS DANG RIM PA BRAL, ,RANG RIGS PA DANG BRJOD DU MED, ,THAMS CAD KHYAB CING DPE BYAD MED, ,DE LTA BU NI DON DAM PA, ,LHA YI DBANG PHYUG RNAM PAR 'BYED, ,SANGS RGYAS BYANG CHUB SEMS KUN GYI, ,THUGS KAR RTAG TU BZHUGS PA'O, ,RNAM PAR 'BYED LA SGOM PA MED, ,PHUNG PO KHAMS LA SOGS DANG BRAL, ,SGRA LA SOGS PA'I CHOS KYIS STONG, ,STONG DANG SNYING RJE'I BDAG NYID YIN, ,TSANGS PA KHYAB 'JUG DRAG PO DANG, ,DBANG PHYUG RTAG TU ZHI BA DANG, ,DE RNAMS KUN GYI YAB YIN NO, ,'BYED PA DANG NI MCHOG RMAD 'BYUNG, ,DE NYID YE SHES THIG LE 'DIR, ,MCHOG RNAMS GRUB PA'I MNGA' BDAG GO ,'BYUNG BA KUN GYI NANG YOD PA, ,SKU LNGA'I BDAG YID RAB MCHOG YIN; ;MKHA' 'GRO DBANG PHYUG LNGA BDAG PO, ,NAM MKHA' BDAG NYID SKYE MED DO, ,NAM MKHA' LNGA YI NANG DU THIM, ,SANGS RGYAS KUN GYIS PHYAG BYAS PA, ,DE LTA'I

GSANG CHEN YE SHES NI, ,YE SHES DBANG PO RNYED DKA' BA, ,JI LTAR NOR NI RKUN MO YIS, ,MA RNYED BYED LTAR 'BAD PAS SBA, ,DPAL YE SHES THIG LE LAS, 'PHO BA'I DUS SHAR BA DANG NUB PA ZHES BYA BA'I LE'U STE DANG PO'O,, ,,LHA'I DBANG PHYUG GIS GSOL PA, KYE BCOM LDAN 'DAS, DE NYID GSUM BDAG NGA RO CI, , DE BZHIN ZLA BA'I BDE BA MCHOG ,PHYAG RGYA CHEN PO'I RNAM PA CI, ,DE YI MTHA' NI JI LTAR LAGS, ,BCOM LDAN 'DAS KYIS BKA' STZAL PA, DE NYID GSUM NI SKU GSUNG THUGS; ;RDO RJE GSUNG NI YE SHES MCHOG ,ZLA BA'I BDE BA MCHOG CES PA, ,DE YI PHUNG PO DBANG PO KHAMS, ,PHYAG RGYA CHEN PO RDOR SNYING PO, ,DE YI MTHA' NI BHA GAR DRAN, ,MTHA' DANG SNANG BA RNAM PAR SHES, ,CHU YI ZLA BA BZHIN DU MTHONG, ,CHOS KUN RANG BZHIN DRI MA MED, ,SNANG BA LAS NI THAMS CAD 'BYUNG, ,SKYE BA DANG NI 'GAG PA MED, ,YANG DAG 'OD LAS THAMS CAD 'BYUNG, ,DE'I PHYI ROL CHOS THAMS CAD KYI BDAG NYID NI, BCOM LDAN 'DAS DPAL YE SHES THIG LE'O, ,DE LA DANG PO RNAM PA DANG BCAS PA'I DKYIL 'KHOR GYI 'KHOR LO'I BSKYED PA SGOM PA DANG, SNGAGS DANG, BZLAS PA DANG, SBYIN SREG DANG, MCHOD SBYIN DANG, GTOR MA DANG, MCHOD PA DANG,

, ,GNAS KYI BRJOD PA DANG, DBANG BSKUR GYI RIM PA DE DAG BSHAD DO, ,DPAL YE SHES THIG LE LAS, DE KHO NA NYID GSUM GYI BDAG NYID DANG, ZLA BA MCHOG GI BDE BA DANG, PHYAG RGYA CHEN PO'I MTHA' LA SOGS PA'I PHYOGS TZAM BSTAN PA'I LE'U STE GNYIS PA'O,, ,,LHA'I DBANG PHYUG GIS GSOL PA; TSANGS PA'I RUS PA SROG GI DBYUG PA'I STENG DANG 'OG GI 'PHO BA CHA GNYIS SU RTZA SUM CU RTZA GNYIS KYI RANG BZHIN LAS LE'U DANG POR GANG GSUNGS PA NI, DE RNAMS KYI NANG NAS GCIG TU RTOG MED BDE LEGS YID MA GCIG PU NGES PAR BSTAN PAR MDZAD KYI, BCOM LDAN 'DAS, RTZA GZHAN RNAMS CI'I DON PHYIR 'DIR MA GSUNGS, BCOM LDAN 'DAS KYIS BKA' STZAL PA, GCIG PU RTOG MED BDE LEGS YID MA DE NI, BYE BA PHRAG BDUN CU RTZA GNYIS KYI PHRA MO'I DRA BA RNAMS ROL MO'I DON DU BYAS NAS SNA TSOGS KYI BDUD RTZI BSAM GYIS MI KHYAB PA, CHOS KYI 'BYUNG GNAS CHEN PO'I SA STENG DU 'BYUNG ZHING SKYE'I, CHAR 'BAB PA'I DON DU BSTAN PA'O, ,LHA'I DBANG PHYUG GIS GSOL PA, DE LTAR LAGS MOD KYANG RTZA SUM CU RTZA GCIG PO RNAMS KYI MTSAN DANG GRANGS 'DIR MCHOG GI DBANG PHYUG LA BKA' DRIN ZHU'O, ,BCOM LDAN

'DAS KYIS BKA' STZAL PA, LHA'I DBANG PHYUG ,SUM CU RTZA GCIG GI MING RNAMS NYON CIG ,GSANG BA DANG, ZAB PA DANG, SRED PA DANG, PHRA MO DANG, BDUD RTZI MA DANG, BDUD RTZI KHRI MA DANG, DAG PA MA DANG, BDE BA MA DANG, STOBS MA DANG, THABS MA DANG, HRUD HRUD MA DANG, SER MA DANG, 'O RGYUN MA DANG, DGA' MA DANG, SNUM MA DANG, KHRO MA DANG, MNGAR MA DANG, SKYUR MA DANG, KHA BA MA DANG, BSKA BA MA DANG, TSVA MA DANG, LAN TSVA MA DANG, RTZUB MA DANG, DANG MA DANG, STOBS MA DANG, DGA' BYED MA DANG, DGA' SBYIN MA DANG, GNYID MA DANG, BCAD SKYED MA DANG, KHONG CHUD MA DANG, TSE MA STE, DE DAG NI, RTZA SUM CU RTZA GCIG STE, STENG DANG 'OG TU 'PHO BA GNYIS KYI ZLA BA DANG NYI MA GZAS ZIN PA'I DUS SU TSIGS RGYAS PA'O, ,DE NAS DBANG GI RIM PA BSHAD STE, JI LTAR YI NI GO RIM DU, ,DBANG BSKUR MCHOG NI RNYED PA GANG, ,THAMS CAD DU NI NUS PAR 'GYUR, ,YON TAN TSUL KHRIMS LDAN PA'I BU, ,BLA MAS DANG POR DBANG BSKUR BYA, ,KHRUS BYAS MIG DAG RAS KYIS DGAB, ,SNYIM PA ME TOG GIS BKANG LDAN; ;YON PHUL NAS NI DGA' DANG BCAS, ,LHA YI DBANG PHYUG DBANG BSKUR BYAS, ,DBANG BSKUR NAS NI SANGS RGYAS SA, ,THE TSOM MED PAR RNYED PAR 'GYUR, ,DE BAS KUN TU RAB

, ,'BAD DE, ,DPAL LDAN DBANG RGYAL BLANG BAR BYA, ,DBANG BSKUR BZHI RU PHYE BA NI, ,SLOB DPON LA SOGS DBYE BA YIN, ,DANG POR SLOB DPON GYI NI DBANG, ,GNYIS PA DE NI GSANG BA'I DBANG, ,GSUM PA SHES RAB YE SHES DBANG, ,DE LTAR DE BZHIN BZHI PA'O, ,BZHI GNYIS RAB TU DBYE BA NI, ,SLOB DPON DBANG LA SOGS PAR BSKUR, ,RDO RJE SLOB DPON DBANG GSUM DU, ,NAM MKHA' MNYAM DU BDAG GIS BSHAD, ,DE GNYIS LA NI BCU GCIG PHYE, ,RDO RJE SLOB DPON DBANG RGYAL LO, , DBANG BSKUR DE NI RIN PO CHE, ,KHAMS GSUM GYIS NI PHYAG BYAS PA, ,THAR PAR 'GRO BA 'GRUB DON DU, ,'DI RU RIM PAS BDAG GIS BSHAD, ,CHU DANG DBU RGYAN RDO RJE DANG, ,DRIL BU MING DANG BRTUL ZHUGS DANG, ,LUNG BSTAN PA DANG SKYABS SBYIN DANG, ,PHYAG RGYA SNGAGS DANG YE SHES SO, ,RNAL 'BYOR RGYUD LA MOS PA LA, ,DBANG BRGYAD PHYE LA SBYIN PAR BYA; ;RNAL 'BYOR BLA MA LA MOS PA, ,BCU GCIG BDAG NYID SBYIN PAR BYA, ,RNAL 'BYOR MA LA MOS PA RNAMS, ,GSANG BA'I DBANG NI SBYIN PA'O, ,GSANG BA GNYIS SU DBYE BAR GSUNGS, ,DE NI PHYI DANG NANG GIS SO, ,RNAL 'BYOR RNAL 'BYOR BLA MA'I PHYIR, ,DBANG BSKUR SHES PAS SBYIN PAR BYA, ,NANG GI RNAL 'BYOR MA YI RGYUD, ,GSANG BA'I

DBANG NI RAB TU SBYIN, ,DE NI GSANG BA GSUM DU DBYE, ,SKYE DANG MDUD DANG DE BZHIN SAD, ,SHES RAB RNAMS PA GNYIS SU DBYE, ,BSKYED DANG RDZOGS PA'I BYE BRAG GO ,SHES RAB BRGYAD GNYIS LO DANG LDAN, ,SPYAN RING CHA LA MKHAS PA DANG, ,YAN LAG TZANDAN GSAR PA'I DRI, ,SHIN TU 'JAM PA'I KHU BAS TSIM, ,GZUGS BZANG SNGO LA SKAL LDAN MA; ;'O 'DZIN MKHRANG ZHING 'JAM LA MTHO, ,BSAM GTAN SNGAGS LA DAD CING ZHI, ,DBANG BSKUR DANG LDAN THUGS RJE GRUB, ,DE LTA'I RAB GRAGS 'BAD DE BTZAL, ,DBANG GI DON DU BLA MAR ZHU, ,DE KUN MTSAN NYID DANG LDAN PA, ,CHUNG MA YANG NA SRING MO 'AM, ,BU MO YANG NA MNA' MA 'AM, ,MKHAS PAS 'BAD DE BLANG BAR BYA, ,RANG GI RIGS NI JI BZHIN RNYED, ,KHU BA DANG BCAS GZHON NU MA, ,SNA TSOGS RGYAN GYIS LEGS PAR BRGYAN, ,MKHAS PAS BLA MA LA NI DBUL, ,DBANG GI MAN NGAG GSUM DU BZHUGS, ,NANG GI YI NI BRDA BYED PA, ,BZHI PA 'BRAS BU'I NGO BOR GRAGS, ,GSUM DANG BRAL BA'I GSUM BDAG NYID, ,DGA' BA LA SOGS BYE BRAG TU, ,RDO RJE GZHON NU MAS GSAL DBYE, , DBANG BSKUR GYIS NI 'KHOR LOS BSGYUR, ,THE TSOM MED PAR YIN PAR 'GYUR, ,DBANG GIS DRI MA MED PAR BYED, ,CHU LA SOGS PAS RAS BKRUS BZHIN, ,CHO GA THAMS CAD

, ,RDZOGS PA'I DBANG, ,YAN LAG DE NYID DANG NI BCAS, ,GCIG NAS GCIG TU RIM PAS BRGYUD, ,BLA MA RAB KYI ZHAL NAS BLANG, G,ZHAN DU RTOG GA'I TSOGS LA MKHAS, ,SGRA YI BSTAN BCOS RTAG MOS LA, ,DBANG GI MCHOG NI RNAM PA GSUM, ,BLANG BAR MI BYA SBYIN MI BYA, ,YANG DAG 'BRAS BU 'DOD PA NI; ;DE NI RING DU BLANG BAR BYA, ,DE LTAR YANG BYE MA DU MA BSDUS PA'I PHUNG PO LA 'BAD DE RNAM PAR BTZIR BAS MAR KHU'I THIGS PA PHYED KYANG MI 'BYUNG NGO, ,DE BZHIN DU RTOG GE MANG PO DANG, NGAG GI DRA BA DANG LDAN PA BSTAN PA'AM, NYAN PA LAS NI DE LA NYON MONGS PA 'BA' ZHIG LAS GZHAN 'BRAS BU NI, RNYED PA MED DO, ,DE BAS NA GCIG NAS GCIG TU RIM PAS BRGYUD DE RNYED PA'I DBANG SHES PA DE NI, RDO RJE SLOB DPON BLA MA CHEN PO'O, ,MI GSAL MCHOG GI BKRA SHIS CAN, ,SANGS RGYAS 'BRAS BU SBYIN PA'I SBYIN, ,BLA MA'I GZUGS SO GZHAN MA YIN, ,BSOD NAMS THAMS CAD KYI NI GNAS, ,SANGS RGYAS BYANG CHUB SEMS DPA' DANG, ,TSANGS PA BRGYA BYIN KHYAB 'JUG LA, ,DE KUN GYIS NI BDAG MCHOD 'OS, ,MA GRAGS KYANG NI GRAGS GZUGS YIN, ,DE LTAR SHES NAS SGRUB PA POS, ,'BAD PA YIS NI MCHOD

PAR BYA; ;BLA MA'I ZHAL SNGA MCHOD BYAS NA, ,CI 'DOD PA YI 'BRAS BU RNYED, ,RGYUD KYI DON NAM DBANG GI DON, ,SHES NAS BLA MA MI MCHOD PA, ,SA STENG NYI ZLA YOD BAR DU, ,DE NI MNAR MED PA RU 'GRO, ,DE BAS KUN TU 'BAD PA YIS, ,GUS PAS BLA MA MCHOD PAR BYA, ,RIN CHEN SNA TSOGS BZOR BYAS LEGS, ,GSER GYI PADMA DRI MA MED, ,MU TIG DO SHAL RIN THANG MED, ,SNA TSOGS DU MA YI NI GOS, ,GCES PA'I BTZUN MO BU DANG BCAS, ,GLANG PO RTA DANG BRAN LA SOGS, ,DPAL LDAN BLA MA'I SPYAN SNGA RU, ,DAD GUS BRTAN PAS DBUL BAR BYA, ,DPAL YE SHES THIG LE LAS, YON DBUL BA DANG BCAS PA'I DBANG GI RIM PA ZHES BYA BA'I LE'U STE GSUM PA'O,, ,,DE NAS GZHAN YANG RAB BSHAD NYON, ,GNAS KYI RNYED PA JI BZHIN DON, ,KA BA GCIG DANG SGO DGUR LDAN, ,RDO RJE RTZIG PA'I RGYAN DANG LDAN, ,RDO RJE'I THIG DANG BLA RE NI, ,KUN TU YONGS SU BSKOR BA YIN; ;RLUNG LA SOGS PA'I RIG PAS DBYE, ,'BYUNG BA BZHI DANG LDAN PA YIN, ,JI SNYED NAM MKHA'I MTHA' KUN TU, ,THAMS CAD BDAG NYID RTAG TU BZHUGS, ,RDO RJE GUR GYI DBUS SU NI, ,SRUNG BA'I 'KHOR LO 'KHOR BZHIN PA, ,RTZIBS BCU PA LA GSER GYI MDOG ,KHRO BO BCU DANG BCAS PA'O, ,KHRO BO THAMS CAD ZHAL GSUM PA, ,SPYAN GSUM PA

, ,LA PHYAG DRUG PA, ,G-YAS BRKYANG PAS BZHUGS PA, GSUS PA RLO BA, SBRUL GYI RGYAN GYIS BRGYAN PA, LJAGS 'DRIL BA, MCHE BA 'JIGS PA BRTZIGS PA, DBU SKRA SER PO GYEN DU 'GRENG BA, AAG TSOM DANG SMIN MA CHE ZHING RING BA STE, SHAR GYI 'KHOR LO'I RTZIBS LA GSHIN RJE GSHED SKU MDOG NAG PO G-YAS DANG G-YON PA'I ZHAL GNYIS NI, SER BA DANG DMAR PO, PHYAG G-YAS GNYIS NA RAL GRI DANG RTZE GSUM PA, PHYAG G-YON GNYIS NA THOD PA DANG DBYUG PA'O,, LHO PHYOGS KYI RTZIBS LA SHES RAB MTHAR BYED DKAR PO G-YAS KYI ZHAL DMAR BA, G-YON SNGO BA, PHYAG G-YAS PA GNYIS KYIS DBYUG PA DANG RAL GRI ,PHYAG G-YON PA GNYIS NA MTSON RTZE GCIG DANG MGO BO'O, ,NUB TU PADMA MTHAR BYED DMAR PO ZHAL G-YAS DKAR ZHING G-YON SNGON PO, G-YAS DANG G-YON GYI BZHIN RAL GRI DANG 'KHOR LO DANG, ZLA BA PHYED PA DANG RI RAB ZUR BRGYAD PA'O, ,BYANG DU BGEGS MTHAR BYED SNGON PO G-YAS DANG G-YON GYI ZHAL GNYIS NI, DKAR PO DANG DMAR PO'O, ,G-YAS DANG G-YON GYI PHYAG BZHIN RDO RJE RGYA GRAM DANG RAL GRI DANG, MDUD THUNG DANG DUNG NGO, ,ME'I MTSAMS SU 'DOD PA'I RGYAL PO'I GZUGS CAN G-YAS DANG G-YON GYI ZHAL GNYIS NI, DKAR

BA DANG DMAR BA, G-YAS PHYAG GNYIS NA RAL GRI DANG RIN PO CHE, PHYAG G-YON NA STA RE DANG MDUNG THUNG NGO, ,SRIN PO'I MTSAMS SU DBYUG PA SNGON PO CHU SRIN 'DZIN SER PO'I GZUGS, G-YAS DANG G-YON GYI ZHAL LJANG BA DANG DMAR BA, PHYAG G-YAS GNYIS NA RGYA GRAM RTZE GSUM DANG RAL GRI, PHYAG G-YON GNYIS NA S'A LA'I SHING CHEN PO DANG, DE BZHIN DU ME'O, ,RLUNG MTSAMS SU STOBS PO CHE DU BA'I MDOG ,G-YAS PA DANG G-YON PA'I ZHAL GNYIS NI, SER BA DANG DMAR PO, PHYAG BZHI LA RAL GRI DANG DUNG DANG, DGRA STA DANG RNGA MA'O; ;DBANG LDAN GYI MTSAMS SU MI G-YO MGON DKAR NAG ZHAL G-YON DMAR PO DANG G-YAS SNGON PO, G-YAS G-YON GYI PHYAG BZHIN RAL GRI DANG LCAGS KYU DANG, PI WANG DANG RDE'U CHUNG NGO, ,STENG DU GTZUG TOR 'KHOR LOS BSGYUR BA SKU MDOG SER PO G-YAS DANG G-YON PA'I ZHAL GNYIS NI, SNGO BA DANG DKAR BA, PHYAG BZHIN 'KHOR LO DANG RAL GRI DANG, KA P'A LA DANG KHA tV'Am GA'O, ,'OG TU SUm BHA'I RGYAL PO SKU MDOG NAM MKHA' LTAR SNGO BA, G-YAS KYI ZHAL MTHON MTHING CHEN PO'I 'OD CAN, G-YON PA NI, NYI MA GZHON NU'I 'OD CAN, G-YAS KYI PHYAG GNYIS NA RAL GRI DANG LCAGS KYU, G-YON GNYIS NA GRI GUG DANG THOD PA'O, ,THAMS CAD KYI RTZA BA'I PHYAG GNYIS KYIS RDO RJE DANG

, ,PADMA BSNAMS PA, RANG GI 'OD KYI SHES RAB MA LA 'KHYUD PA'O, ,'DOD PA'I RGYAL PO LA SOGS PA NI, 'JIG RTEN SKYONG BA BRGYAD KYI STENG DU'O,, GTZUG TOR 'KHOR LOS BSGYUR BA DANG SUm BHA'I RGYAL PO NI, ZLA BA DANG NYI MA'I STENG DU SHES PAR BYA'O, ,'DI 'KHOR LO'I LTE BA GRU GSUM GYI GZUGS TE, RI BONG CAN DKAR PO'I 'OD CHOS KYI 'BYUNG GNAS SO, ,DE'I DBUS SU SNGAR BSTAN PA'I 'BYUNG BA BZHI JI LTA BU'I RIM PAS RNAM PAR SNANG MDZAD YONGS SU GYUR PA LAS DUR KHROD BRGYAD DANG LDAN PA'I GZHAL YAS KHANG YANGS PA CHEN PO'I 'PHAR MA GNYIS NYI MA'I GDAN DU SNA TSOGS PADMA 'DAB MA BRGYAD KYI LTE BAR 'JIGS BYED DANG DUS MTSAN GYI BDE BYED MA'I STENG DU TSUL DANG THIGS PA'I RANG GI NGO BO A'A LI DANG K'A LI GNYIS LAS BYUNG BA, MAm H'Um LAS DPAL YE SHES THIG LE PHYAG RGYA CHEN POS 'KHYUD CING ZHAL BRGYAD PA, PHYAG BRGYAD G-YAS BRKYANG BA, ZHAL BZHI NI, NAG PA DANG, SER BA DANG, DMAR BA DANG, LJANG GU'O, ,GZHAN BZHI NI, AUTPA LA SNGON PO'I 'DAB MA LTA BU'O; ;RDO RJE DANG, DRIL BU DANG, RDE'U CHUNG DANG, KA P'A LA DANG, KHAtV'Am GA DANG, RAL GRI DANG, MDA' GZHU'O, ,SNA TSOGS RDO RJE DANG ZLA BA TSES PAS RAL PA'I DBU RGYAN

DANG, DPRAL BAR THOD PA'I STENG DU MI BSKYOD PA'I COD PAN CAN NO, ,PHYAG RGYA DRUG GIS SKU BCINGS PA, ,RGYU MAS BRGYUS PA'I MGO BO CHEN PO'I DO SHAL GYIS SKU BRGYAN PA, TSANGS PA'I PAGS PA'I RKED PA'I SHAM THABS CAN GYI SKUR BZHENGS SHING HE HA'I GAD RGYANGS DANG PHEm KA RA'I TSOL BA'I SGRA CHEN PO'I NGA RO BSGRAGS SHING BRJOD PA TZAM GYIS TSANGS PA'I G-YUL SA BYE BA'I GRANGS KYI THOD PA'I LTO BA BRLAG PAR MDZAD PA, MI BZAD PA DANG, MI SDUG PA DANG, LCE SPYANG GI TSOGS 'JIGS SU RUNG BA DANG, SHA ZA'I TSOGS HA HAR DGOD PA DANG, NAG PO'I ME CAN GYI DUR KHROD CHEN PO BRGYAD NA 'JIGS BYED KYI NYAMS DGU DANG LDAN PA'I GAR BYED PA'O, ,DPAL YE SHES THIG LE LAS, DKYIL 'KHOR GYI 'KHOR LO BSKYED PA ZHES BYA BA'I LE'U STE BZHI PA'O,, ,,DA NI SNGAGS MCHOG BSHAD BYA BA, ,SGRUB PA PO NI 'GRUB 'GYUR BA, ,SA YI CHA NI MNYAM PA'I MCHOG ,SBRANG RTZI GA PUR GYIS NI BYUG ,DRI ZHIM PA YI ME TOG BKRAM, ,ME TOG GIS NI CHAL PAR DGRAM, ,CHU NGOGS YANG NA THANG STONG DU, ,RDO RJE SKUD PA YIS NI BSKOR; ;MIG MDZES RDO RJE GZHON NU MA, ,ZLA BA NYI MAS PADMA KHENGS, ,LANG TSO GSAR LA REG BYA 'JAM, ,DANG PO MKHAS PAS 'JUG PAR BYA, ,SNGAGS KYI GNAS KYI LUGS JI

, ,BZHIN; ;LEGS DGYES SHIN TU SBYOR BAR BYA, ,DE YI SBYOR BA GANG ZHIG 'BYUNG, ,KHA DANG SA SOGS MCHOD PAR BYA, ,PADMA 'DAB MA BRGYAD PA BYA, ,RDO RJE YI NI PHUR BU BCU, ,MKHAS PAS KHRO BA'I SNGAGS KYIS GDAB, ,A'A LI K'A LI MNYAM BYAS NAS, ,'DAB MA KUN LA RIM PAS DGOD, ,A'A LI YE SHES 'DAB MA GCIG ,K'A LI 'DAB MA BDUN DU DRAN, ,'DAB MA RE RE YI GE LNGA, ,LNGA PA LNGA NI LNGA LA'O, ,'DAB MA GNYIS SU BZHI GNYIS TE, ,KshA YI YIG 'BRU LTE NANG NGO, ,DBYANGS YIG GSAL YIG BYE BRAG TU, ,A'A LI K'A LI 'DU SHES YIN, ,GNYIS KYI YI GE 'DAB MA YIS, ,SNGAGS KYI RGYAL PO DE NYID DRAN, ,DANG PO'I GZUGS KYIS RGYAL PO'I DBANG, ,DE NAS 'DAB GNYIS KYI DBANG POR, ,BZHI PA'I DBYANGS YIG DANG BCAS PA, ,'OG TU RE PHA YIS NI BRGYAN, ,DE NAS NYI SHU RTZA LNGA NI, ,'DAB MA GNYIS PA'I BZHI PA'O, ,DBYANGS YIG GNYIS PA DANG LDAN PA, ,KHRO BO NGAN 'GRO DAG BYED PA, ,'DAB GNYIS DANG PO BZHI BA YIN, ,DE NAS GSAL BYED PA YIS BRGYAN, ,'DAB GNYIS DANG PO GNYIS PA YIN; ;LDAN PA THAMS CAD RIMS 'PHROG BYED, ,GSAL BYED PA LA GSUM PA STE, ,BCU PAS YANG DAG LDAN PA'O, ,DBYANGS KYI YI GE GNYIS PA YIS, ,LHA YI DBANG PHYUG

BRGYAN PA'O, ,BZHI PA'I LNGA PA GANG YIN DANG, ,DE NAS DE YI DANG PO'O, ,BCU DRUG PA LA GSUM PAS LDAN, ,THAMS CAD SNGAGS KYI TSIG GI GZHI, ,DE NAS SA NI DAG PA DANG, , DE BZHIN GSAL BYED DANG PO'O, ,YAN LAG GSAL BYED SUM CU GSUM, ,DBYANGS YIG DRUG PA YANG DAG LDAN, ,THAMS CAD KYI NI 'BYUNG BA'I GZHI, ,ZLA TSES THIG LES RNAM PAR BRGYAN, ,DE NI DE DANG NYE BAR GNAS, ,SEMS KYI DBANG PHYUG YI GE MCHOG ,GANG ZHIG LNGA PA'I GNYIS PA DANG, ,GSUM PA'I DANG PO DANG LDAN PA, ,MTHAR NI SV'AH'A LDAN PA STE; ;SNYING PO'I SNGAGS NI RMAD BYUNG MCHOG ,DANG PO RU NI GZUGS KYI MCHOG ,'DAB MA GNYIS PA'I BZHI PA'O, ,'OG TU RE PHA YANG DAG LDAN, ,DBYANGS KYI YI GE BZHI PAS SBYAR; ;RIG PA'I RGYAL PO'I YI GE MCHOG ,THIG LE YIS NI MGO BO MNAN, ,DE RING DU NI NYE BAR GNAS, ,THAMS CAD ZHI BA ZHI BA'I MCHOG ,THIGS PAS MNAN PAS SUM CU GSUM, ,BCU DRUG PA NI GNYIS PAR LDAN, ,YANG NI DE NYID YI GE MCHOG ,KHAMS GSUM MUN PA SEL BAR BYED, ,H'Um PHAt DE NI GNYIS KA SBYAR, ,THA MAR SV'AH'A YIS NI LDAN,, NYE BA'I SNYING PO'I SNGAGS ZHES BYA, ,BCOM LDAN YE SHES THIG LES SO, ,DANG POR RNAM PAR SNANG MDZAD DAG ,NYI SHU RTZA DGU DE NAS SO, ,GSAL BYED PA NI GZHI GNYIS PA, ,NYI SHU RTZA

, ,BDUN PAS NI LDAN, ,NYI SHU RTZA GNYIS PA YI GZHAN, ,DBYANGS KYI YI GE BDUN PAS LDAN, ,BZHI PA LAS NI GSUM PA'O, ,DE DANG NYE BAR RLUNG YIN NO; ;DBYANGS YIG BCU GCIG PA DANG LDAN, ,'BRAS BU THAMS CAD DON SBYIN NO, ,LNGA PA YI NI LNGA PA DANG, ,LHA YI YIG 'BRU DE YANG NYE, ,LNGA PA YI NI GSUM PA DANG, ,NYI SHU RTZA BRGYAD DE NAS SO, ,LNGA PA YI NI DANG PO DANG, ,NYI SHU RTZA BDUN DE NAS SO, ,DBYANGS YIG GI NI GNYIS PAS LDAN, ,KHAMS GSUM DGUG PAR NUS PA'O, ,GSAL BYED KYI NI DANG PO DANG, ,NYI SHU RTZA BDUN PA NI LDAN, ,NYI SHU RTZA LNGA PA DAG DANG, ,DBYANGS KYI YI GE GNYIS PAS LDAN, ,NYI SHU RTZA DRUG YI GE MCHOG ,DBYANGS KYI YI GE BCU GCIG LDAN, ,SV'AH'A MTHA' RU LDAN PA NI, ,H'Um H'Um PHAt GYIS SPEL BAR BYA, ,DE NI PHYAG RGYA CHE SNYING PO, ,YID BZHIN RIN CHEN MNYAM PA'I 'O, ,DANG PO YI NI PRA NA PA, ,DE NAS 'DAB GNYIS PA YI GSUM,, YA YI SDE TSAN GNYIS PA DANG, ,NYI SHU RTZA DGU DE NAS SO, ,DBYANGS KYI YI GE GSUM PA YIS, ,SNYING LA KHONG DU CHUD PAR BYA, ,DRUG CU RTZA BZHI PHYED DAG PA, ,RA YI YIG 'BRU DE DANG MNYAM, ,MTHA MAR SV'AH'A DANG LDAN PA, ,H'Um H'Um PHAt NI SPEL BA YIN, ,NYE BA'I SNYING PO SNGAGS CEN PO, ,THAMS CAD SNGAGS KYI BDAG NYID MCHOG ,AOm SHR'I MA H'A K'A RU nA KRU TA,

MA H'A BE BEE DA, SPHA RA nA MA H'A KA WA NA T'A GHE, SA MA PRA BHA DZA YA BI DZA YA AAtt'AttA H'A SA, MA H'A GHO RA GHO RE SHVA RA MA H'A B'I RA B'I RE SHVA RA, MA H'A RU DHI R'Am TRA M'A LA DHA RA, SOO MA S'URYA AAGNI LO TZA NA; A'A K'A SHO DA RA, MA H'A S'A GA RA KO GA GE ,HA NA HA NA, DA HA DA HA, PA TZA PA TZA, MA THA MA THA, BI DHVAm SA YA, BI DHVAm SAm YA, A'A KARshA YA A'A KARshA YA, BHANYDZA YA BHANYDZA YA; TZ'URnA YA TZ'URnA YA, HA HA HA HA, HI HI HI HI, MA H'A RU DHI RA, P'A nI MARD'A YA, H'Um H'Um H'Um H'Um, PHAt PHAt PHAt PHAt SV'AH'A, AOm MA H'A KRO DHE SHVA R'A YA H'Um PHAt SV'AH'A, AOm MA H'A BEE BE dE SPHA RA nA RA YA H'Um PHAt SV'AH'A, AOm MA H'A KALP'ANTA AAGHE SA MA PRA BH'A YA H'Um PHAt SV'H'A, AOm DZA YA BI DZA Y'Att'AttA H'A S'A YA H'Um PHAt SV'AH'A, AOm MA H'A GHO RA GHO RE SHVA R'A YA H'Um PHAt SV'AH'A, AOm MA H'A B'I RA B'I RE SHVA R'A YA H'Um PHAt SV'AH'A, AOm MA H'A RU DHI R'ANTA M'A L'A DHA R'A YA H'Um PHAt SV'H'A, AOm SOO MA S'U RYA AAGNI LO TZA t'A Y'A H'Um PHAt SV'AH'A, AOm A'A KA SHO DA R'A YA H'Um PHAt SV'AH'A, AOm MA H'A S'A GA RA KO KE NI H'Um PHAt SV'AH'A, AOm HA NA HA NA H'Um PHAt SV'AH'A, AOm DA HA DA HA H'Um PHAt SV'AH'A, AOm PA TZA PA TZA H'Um PHAt SV'AH'A, AOm MA DA MA DA H'Um PHAt SV'AH'A, AOm BI DHAm SA YA BI DHVAm [?] SA YA H'Um PHAt SV'AH'A, AOm A'A KARshA YA A'A KARshA YA H'Um PHAt SV'AH'A, AOm BHANYDZA YA BHANYDZA YA H'Um PHAt SV'AH'A, AOm TZ'URnA YA TZ'URnA YA H'Um PHAt SV'AH'A, AOm HA HA HA HA H'Um PHAt SV'AH'A, AOm HI HI HI HI H'Um PHAt SV'AH'A, AOm MA H'A RU DHI RA P'A nI

, ,MARD'A YA H'Um PHAt SV'AH'A, AOm H'Um H'Um H'Um H'Um H'Um PHAt SV'AH'A, AOm PHAt PHAt PHAt PHAt H'Um PHAt SV'AH'A, PHRENG BA'I SNGAGS NI MCHOG GI LHA, ,LAS THAMS CAD NI RAB GRUB BYED, ,AOm MA H'A K'A MA R'U PE nI YI SA RA SA RA, BI SA RA BI SA RA, A'A GATZTSA A'A GATZTSA, SARB'ARTHA S'A DHA YA S'A DHA YA, SARBA MA RAm, NIRMA THA NI RMA THA, MA H'A B'I RA B'I RE SHVA RA SAPTA P'A T'A LA, BA DA RE nE, SAPTA S'A GA RA, SHU shA nE RU shA nE MU HA nE, DZAmBHA nE, STAmBHA nE, TREE LOKYA BHA YAm KA RE, HAm HAm HIm HIm H'Um H'Um, KE LE KE LE, SE LE SE LE, HE LE HE LE, dE LE dE LE, MA H'A KA LP'AGNE ,SA MA PRA BH'A YA H'Um H'Um PHAt SV'AH'A, ,PHRENG BA'I SNGAGS NI MCHOG GI LHA, ,BCOM LDAN MO YI BDAG GIS BSTAN, ,HA DH'Um HA DH'Um, KRUm KRUm, GHROm GHROm, MROm MROm, DZROm DZROm, t'Am t'Am, PRAm PRAm, SROm SROm, TROm TROm, tUm tUm, PHROm PHROm, BROm BROm, YOOm YOOm, HROm HROm, SHROm SHROm, KUm KUm, 'KHOR LO'I SNGAGS NI SNGAGS CHEN PO, ,DPA' BO RNAMS KYI SNYING PO MCHOG ,AA A'A AI A'I AU A'U Ri R'i Li L'i AE AEE AA AOO AAm AA:, DPA' BO'I YAN LAG MA SNYING SNGAGS, ,LHA YI DBANG PHYUG BDAG GIS BSHAD, ,DANG PO RA AOm DANG MTHAR H'Um PHAt, , BAR DU MING NI SPEL BA'O, ,GSANG BA'I SNGAGS KYI DGOD PA NI, ,MCHOD PA'I DUS SU MCHOD PAR BYA, ,AOm N'A DA NI RMA L'A YA H'Um H'Um PHAt, AOm BINDUR THA GA ME H'Um H'Um PHAt, AOm

[?] SVAH'A K'A L'A GR'A YA H'Um H'Um H'Um PHAt, AOm N'A DA MA TRA SVA R'U P'A YA H'Um H'Um PHAt, AOm PA RA SHU RA P'A YA H'Um H'Um PHAt, AOm AA PA RA MA NA BU G'A YA H'Um H'Um PHAt, YE SHES DRUG GI MCHOG SNGAGS DBANG, ,'KHOR LO DRUG PA'I NANG NA BZHUGS, ,GSANG BA'I DKYIL 'KHOR RGYAL DBANG PO, ,'DI YI SNGAGS KYIS MCHOD PAR BYA, ,AA KA TZA tA TA PA YA SHA SGRA NI GRAGS, ,SDE TSAN BRGYAD KYI GTZO BO YIN, ,RTZA BA'I SDE TSAN GTOR MA GTANG, ,BRTAG PA GNYIS KYI JI BZHIN NO, ,RDO RJE'I PHYAG RGYA'AM SNYING PO YIS, ,MIG MI 'DZUM PA'I LTA BAS SBYIN, ,SRUNG 'KHOR YOD PA'I KHRO BO YIN, ,DE YI SNGAGS NI BDAG GIS BSHAD, ,DZREMBHA DZREMBHA, GHU GHU RO GHU GHU RO, ,DHA RA DHA RA, BI DHA RA BI DHA RA, tA GHE TA tA GHE TA, SPHO LI GI SPHO LI GI ,AA TA AA TA HA SA, AAttA AAttA H'A SA, H'U LU H'U LU, BI KRA MA BI KRA MA, H'Um PHAt KYIS NI MTHA' MA RA LDAN, ,BAR DU MING NI SPEL BA 'O, ,RDO RJE GSUM PA YE SHES RGYAL, ,AOm A'A: H'Um NI SNGAGS KYI MCHOG , DPAL YE SHES THIG LE LAS, SNGAGS BTU BA ZHES PA'I LE'U STE LNGA PA'O,, ,,DE NAS MCHOD SBYIN RAB BDAG BSHAD, ,GNAS LA SOGS PA'I RIM PAS SBYOR,, BSKYED PA'I BYE BRAG THIGS PA GSUM, ,RDZOGS PA'I RIM GSUM DE LTAR RO, ,RNAM SHES LA SOGS BYE BRAG TU, ,MCHOD SBYIN TSANGS PA'I G-YUL SA CHE, ,RNAM PAR SHES PA

, ,LONGS SPYOD DANG, ,SNANG DANG NAM MKHA' YE SHES BZHIN, ,SKU BRGYAD KYI NI BYE BRAG TU, ,DNGOS PO RTEN DANG RNAM PAR 'BYED, ,JI BZHIN 'DOD BA SDUD PA NI, ,MCHOD SBYIN RNAL 'BYOR MA DKYIL 'KHOR, ,AOOdYAN LA SOGS GNAS SU NI, ,LEGS DGYES MA SOGS LHA MO KUN, ,K'A LI YE SHES YIG MCHOG SBYIN,, PHYI DANG NANG DU BYA BA'O, ,MCHOD SBYIN BYAS NA SBYIN PA CHE, ,'BRAS BU BKRA SHIS LDAN PA SKYE, ,SEMS CAN RNAMS KYI BYE BRAG TU, ,SNA TSOGS THABS NI RAB TU BSHAD, ,KHA CIG LA NI 'DUL BA'I THABS, ,KHA CIG RNAMS LA MDO SDE'O, ,LA LA PHA ROL PHYIN PA'I LAM, KHA CIG LA NI SNGAGS KYI MCHOG ,RAB 'BRING THA MA'I BYE BRAG TU, ,THAR PAR 'GRO BA'I THABS YIN NO, ,BLO GROS CHE YANG THEG GZHAN GYIS, ,GRANGS MED GSUM GYIS SANGS RGYAS YIN, ,SNGAGS KYI THEG PA LA MOS NA, ,TSE 'DI LA NI SANGS RGYAS SO; ;YANG NI RDO RJE 'DZIN PA NYID, ,RNAL 'BYOR MA KHYOD SMOS CI DGOS, ,YANG NA LUS NI SPANGS MA THAG ,BLA NA MED PA'I YE SHES DAG ,BRTZON PAR MI LDAN PAS KYANG RNYED, , BRTZON 'GRUS LDAN PAS SMOS CI DGOS, ,BRTAN PA'I BRTZON PAS DON THAMS CAD, ,'BAD PA MED KYANG 'GRUB PA YIN, ,DON KUN GRUB PA'I BSOD NAMS CAN, ,RTOG MED NYON

MONGS MED PA'O, ,GANG ZHIG LAS NI CI BYED PA, ,DE NI BSOD NAMS 'PHEL BA YIN, ,'DOD PA'I LONGS SPYOD GANG GANG SPYOD, ,DE KUN MCHOD PA LA SOGS YIN, ,DE NI MCHOD SBYIN 'PHEL BA YIN, ,MCHOD LAS YE SHES 'BRAS BU RNYED, ,DE NI MCHOD SBYIN YANG DAG PA, ,RGYUD KUN TU NI RNYED DKA' BA, ,'BRAS BU CHEN PO THAMS CAD SBYIN, ,RNAL 'BYOR MA YIS GZHI YI MCHOG ,DPAL YE SHES THIG LE LAS, MCHOD SBYIN GYI CHO GA ZHES BYA BA'I LE'U STE DRUG PA'O,, ,,DE NAS MCHOD PA'I CHO GA NI, ,SDIG PA THAMS CAD 'JIG BYED PA, ,YID 'PHROG LHA YI ME TOG GIS, ,ZLA BA NYI MA'I 'OD DANG LDAN, ,ME DANG SGRON MA RMAD DU BYUNG, ,MCHOD SBYIN DKYIL 'KHOR LA MCHOD BYA, ,DBANG NI MAR NGO'I DANG PO YI, ,BCU DRUG PA YI DANG PO YIS, ,GNYIS PA YI NI RAB THIM GSUM, ,BCU DRUG DANG PO'I 'OG MA YIS, ,GSUM PA YI NI LONGS SPYOD YIN, ,BCU DRUG PA YI GSUM PAS SO, ,BZHI PA YI NI THIM PA 'BYUNG, ,GSUM PA YI NI 'OG MAS SO, ,LNGA PA YI NI LONGS SPYOD YIN, ,BCU DRUG PA YI LNGA PAS SO, ,DRUG PA YI NI THIM PA 'BYUNG,, BCU DRUG PA YI DRUG PAS SO, ,BDUN PA YI NI RAB MCHOD DBANG, ,MAR NGO YI NI BRGYAD PA DANG, ,DBYANGS YIG BRGYAD POS MCHOD PAR BYA, ,DGU PA YI NI LONGS SPYOD 'BYUNG, ,BCU

, ,DRUG PA YI DGU PAS SO, ,BCU PA YI NI THIM PA 'BYUNG, ,DBYANGS YIG GI NI BCU PAS SO, ,BCU GCIG PA YI DBANG YIN TE, ,BCU GCIG PA YIS MCHOD PAR BYA, ,BCU GNYIS KYI NI THIM PA 'BYUNG, ,DBYANGS YIG BCU GNYIS PO YIS SO, ,BCU GSUM PA YI LONGS SPYOD NI, ,DE GNYIS KYIS NI MCHOD PAR BYA, , BCU BZHI YIS NI THIM PAR 'GYUR, ,DBYANGS YIG BDUN PA GNYIS KYIS MCHOD, ,NYA GANG BA LA DBANG YIN TE, ,DBYANGS YIG BCO LNGA PA YIS SO, ,BYANG CHUB SEMS 'BYUNG MCHOD PA YIN, ,YAR NGO MAR NGO BYE BRAG TU, ,SHES RAB THABS NI RAB TU SBYOR, ,SKU GSUM YE SHES DKYIL 'KHOR NI, ,TSES DANG YI GE SNGAGS KYIS SU, ,RI BONG CAN NI 'PHEL BAR 'GYUR, ,THIG LE NAM MKHA' 'GOG PA YIS, ,RANG BZHIN DE NI 'BYUNG BAR 'GYUR, ,THIG LE'I RANG BZHIN YE SHES NI, ,SANGS RGYAS KUN GYIS KYANG RNYED DKA', ,BDAG GI BKA' DRIN RANG BZHIN MYUR, ,THE TSOM MED PAR RNYED PA YI, ,BLUN PO GANG GIS BDAG MI SHES, ,BSAM GTAN RAGS LA RTAG MOS PA; ;DE RNAMS KUN NI GRUB PA MED, ,LHA YI DBANG PHYUG BDEN PA 'O, ,SA KUN DBANG PHYUG GI BDAG PO, ,SA KUN DBANG PHYUG MNGA' BDAG PO, ,SA KUN DBANG PHYUG GI RGYAL PO, ,

THAMS CAD BDAG NYID KUN NANG BDAG ,THAMS CAD KHYAB PA RTAG TU STONG, ,SANGS RGYAS KUN GYIS PHYAG MDZAD PA, ,SHES RAB THABS KYI RANG BZHIN GRAGS, ,'GRO MED 'GRO LA BDAG NYID ROL, ,MCHOG GI NAM MKHA' MTHA' MED PA, ,MTSAN NYID DANG BRAL GZHI DANG BRAL, ,LHA YI DBANG RNAMS THUB DBANG RNAMS, ,RDO RJE CAN YANG RNYED DKA' BA, , CHOS DANG LONGS SPYOD BDAG GIS MTHA', ,YE SHES RNAM SHES NGO BO DAG ,RDO RJE CAN DANG SANGS RGYAS KUN, ,LHA YI DBANG PHYUG RNYED PAR SLA, ,RNAM PA MCHOG GI YE SHES SKU, , SUS KYANG SLA BA MA YIN NO, ,DPAL YE SHES THIG LE LAS, MCHOD PA'I CHO GA ZHES BYA BA'I LE'U STE BDUN PA'O,, ,,DE NAS YANG NI BSHAD BYA BA, ,SBYIN SREG SDIG PA 'JIG BYED PA, ,ZHI BA DANG NI RGYAS PA DANG, ,DE BZHIN DBANG DANG DRAG PO'O, ,ZHI BA'I HO MA KHUNG ZLUM PO STE, ,RGYAS PA YI NI GRU BZHI'I, ,DBANG NI GZHU YI RNAM PA BZHIN; ;DRAG PO YI NI GRU GSUM MO, ,DKAR PO SER DANG DE BZHIN DMAR, ,NAG PO 'DI NI RIM PAS SO, ,RGYA MTSO ME DANG MIG ZLA BA, ,LHA YI DBANG PHYUG TSAD YIN NO, ,GZHAN KUN GYI NI RIM PAS GCIG ,SNGAR GRUB KYIS NI GZHAN MI 'GRUB, ,HOM KHUNG RE RER SNYING GAR PAD, ,RIGS KYI LAS KYI GO RIM MO, ,DE STENG SNA TSOGS RDO RJE STE, ,'OD ZER LNGA

, ,DANG LDAN PA'O, ,LTE BA'I NANG DU ME LHA NI, ,ZHAL GSUM PA DANG PHYAG BZHI PA, ,SKU MDOG SER PO SPYAN ZLUM PA, ,RAL PA'I COD PAN GYIS NI BRGYAN,, 'BAR BA'I MCHE BA 'JIGS PA CHE, ,RDO RJE SKYIL KRUNG DU NI BZHUGS, ,BA DAN GSUM DANG BGRANG PHRENG G-YAS, ,G-YON NA DBYIG GU SPYI BLUGS SO, ,SNYING GA RU NI ME YI LHA, ,LCA BDUN 'OD LDAN GSAL BAR 'BYUNG, ,COD PAN RIN CHEN 'BYUNG LDAN MGON, ,THIG LES DBUS SU ME YIN NO, ,TSUR GSHEGS 'OD ZER CHER LDAN PA, ,'DOD PA'I DON KUN GRUB DBANG PO, ,AOm BHURBHU WA SV'AH'A, RANG BYUNG CHEN PO BCOM LDAN 'DAS, ,'DOD PA'I DBANG PHYUG 'DOD PA STER, ,ME LHA LAS KUN SGRUB BYED PA, ,'DIR NI BDAG LA NYE BAR BZHUGS, ,ME LHA SPYAN DRANG BA'I SNGAGS SO, ,DE NAS MCHOD YON DANG, NYE REG DANG, 'THOR 'THUNG NGO, ,AOm HRIm HRIm, MCHOD YON GYI SNGAGS SO, ,AOm BH'I BH'I, NYE REG GI SNGAGS SO, ,AA BHOKshA AA BHOKshA, 'THOR 'THUNG GI SNGAGS SO, ,DE NAS GDAN DBUL BA NI, MDZUB MO LU GU RGYUD BYAS NAS, ,BAR MA SBYAR BYAD KYI NI GZUGS, ,SRIN LAG MIG GI BYE BRAG TU, ,MTHE CHUNG MTHE BONG ZLUM PO STE, ,GDAN DBUL BA YI PHYAG RGYA'O, ,MKHAS PA YIS NI YO BYAD KUN, ,DANG PO NYE BA NYID DU BYA, ,DKA' BA MED PAR JI LTAR

RNYED; ;DE NI DE NYID RAB GRUB BYA, ,SGRUB PA'I DBANG PO YON TAN LDAN, ,SNGAGS DANG RGYUD KYI THOS PA CHE, ,SNGAGS KYI BZLAS LA GCIG TU MOS, ,YID MI 'PHROG CING GSOL BA'O, , THIG LE TSUL NI YE SHES CHE, ,BYE BRAG SHES PA RIN CHEN RIGS, ,RIGS LNGA'I GZHON NU MA YI LNGA, ,YID DGA'I KHU BA YIS NI TSIM, ,SPYAN RING MA DANG DAG PA MA, ,'O 'DZIN SRA ZHING 'JAM LA MTHO, ,SBYIN SREG GNAS SU GAR DANG LDAN, ,GCER BU DANG NI SKRA GROL BA, ,SBYIN SREG LAS SU DON BSGRUB PHYIR, ,RIGS LNGA'I BU MO GZHUG PAR BYA, ,SHES RAB THABS KYI CHO GA YIS, ,BLA MA NYID KYIS DANG POR MCHOD, ,BRTAGS PA DANG NI MA BRTAGS PAS, ,'DZIN PA 'DIR NI MI BYA 'O, ,RTOG PA'I 'BYUNG POS ZIN PA LA, ,SNA TSOGS THABS NI BDAG GIS BSTAN, ,DON DAM DU NI PHYI DON MED, ,NANG GI MA YIN BAR MA YIN, ,RDUL MED RNAM PAR RDUL MED DAG ,STONG PA DANG NI STONG MIN BRAL, ,RANG RIG NGO BO RANG RIG BRAL, ,NGAG GI LAM GYIS MI RNYED DO, ,PHUNG PO KHAMS NI RNAM PAR RTOGS, ,LHA YI DBANG PHYUG GANG ZHIG SREG ,DE NI ME YI DON DAM PAR, ,LUS GNAS LUS LAS MA SKYES PA'O, ,THAMS CAD RNAM PA MCHOG GIS RDZOGS, ,CHOS KUN GYI NI NANG NA BZHUGS, ,KUN RDZOB RNAM PAS GZUGS SU NI, ,LHA YI DBANG PHYUG KUN BRTAGS YIN, ,KUN

, ,BRTAGS YE SHES SBYOR BA YIS, ,RIM PAS GNAS NI RNYED BAR 'GYUR, ,DE BAS KUN NAS 'BAD PA YIS, ,RNAM PA THAMS CAD MCHOG GI RGYUR, , RANG DANG GZHAN GYI GRUB DON DU, ,MCHOD SBYIN SBYIN SREG GTOR MA BYA, ,BSOD NAMS TSOGS NI 'PHEL PHYIR DANG, ,SEMS CAN PHAN DON DE DAG BYA, ,NAS DANG, TIL DANG, 'BRAS SO BA DANG, GRO DANG, 'BRAS DANG, BO GA LI GA DANG, YUNGS KAR DANG, SMAN THAMS CAD DANG, DZ'A TI PHA LA DANG, GO YU'I 'BRAS BU DANG, DPAL 'BRAS DANG, N'A GA GE SAR DANG, GUR GUM DANG, TZANDAN DANG, GA PUR DANG, 'O MA DANG, ZHO DANG, THUG PA DANG, BSKA BA DANG, LA DU DANG, 'KHUR BA LA SOGS PA DANG ,GU GUL DANG, SI HLA DANG, GU GUL DKAR PO DANG, YAN LAG BCU PA LA SOGS PA DANG, ME TOG DANG, SPOS DANG, MAR ME DANG, DRI DANG, LHA BSHOS DANG, MDA' DANG, DAR LA SOGS PA DANG LDAN PA DANG, ME THAB KYI DKYIL 'KHOR GYI PHYOGS MTSAMS KYI BYE BRAG TU BUM PA KUN LA SMAN SNA TSOGS DANG, KHA RGYAN GYIS BRGYAN CING DRI ZHIM PA'I CHUS LTO BA BKANG LA DAR SNA TSOGS KYIS MGRIN PA BRGYAN PA'O, ,ZHI BA LA SOGS PA'I LAS THAMS CAD LA BYA'O, ,RGYAS PA LA NI GSER GYI 'OD, ,THAMS CAD KUN GYIS RAB TU BRTAG ,DBANG

LA THAMS CAD 'OD DMAR PO, ,ZHO DANG 'O MA GNYIS SPANGS PA, ,YUNGS NAG DANG NI SBRUL NAG PO'I, ,BAGS BA BYA ROG GI NI MCHU, ,BYA ROG NAG PO MI NAm [?] SNYING, ,KLAD PA RGYU MA RKANG MAR MGO ,THAMS CAD NAG PO YI NI MDOG ,KHYI DAG GI NI MJUG MA 'O, ,YUNGS NAG MAR KHU MAR KHU CHE, ,YI DVAGS GZHI DANG MAR KHU DANG, ,PHYED TSIG YI DVAGS GYI NI RAS, ,RUS TSIG BUD SHING TSIG PA DANG, ,TSER MA RNO LA BZANG BA DANG, ,TSER MA'I ME TOG BA RU RA, ,THUG PA NAG PO MA BSRES PA, ,DRAG PO LA NI RAB TU BRTAG ,GZHAN MIN DPA' BO'I DBANG PHYUG BSAM, ,DRAG PO LA SOGS SU NI BYA, ,RANG GI DE NYID ZHI LA SOGS, ,PHYAG RGYA LA SOGS RGYAN DANG LDAN, ,MAR GSAR DRI MA MED PA DANG, ,SKYON DANG BRAL BA'I ME TOG SHING, ,GSAR PA SKAM ZHING DRI ZHIM PA, ,DU BA MED CING SKYON DANG BRAL, ,THAMS CAD LA NI KHRU RE'I TSAD, ,LAS LA MKHAS PAS DE LTAR BYA, ,YANG NI YAM SHING RAB TU BSTAN, ,JI LTAR RNYED PA 'BAD PAS SO, ,SHA MI SHA DANG, SHA MO KA DANG, SHA MA BA SHA KA DANG, AA SHVADTHA DANG, PA LA SHA DANG, N+YA GRO DHA DANG, DUR BA DANG, AA BA MARGA DANG, PI SAL DANG, KHA DI RA DANG, TZAM PA KA DANG, AA SHO KA DE RNAMS SOR BRGYAD PA'I TSAD DO, ,DGANG GZAR BLUGS GZAR MAR GYI SNOD, ,RIN PO CHE RU JI LTAR BSTAN, ,LAG PA YI NI DBYUG PA TSAD,,

, ,'BAD PA YIS NI DGANG GZAR BYA, ,DGANG GZAR JI BZHIN BLUGS GZAR TE, ,MAR KHU'I SNOD NI DE DANG MNYAM, ,GRU GSUM ZLUM PO'I RNAM PA DANG, ,RDO RJE YIS NI RNAM PAR BRGYAN, ,DGANG GZAR GYI NI KHA ZHES BYA, ,SOR DRUG PA YI TSAD DU NI, ,MGO BO YANG NI DE BZHIN BYA, ,THAMS CAD KUN TU GRU BZHI BYA, ,SNA TSOGS RDO RJE SNYING GA RU, ,LTE BA PADMA YIS NI BRGYAN, ,CHU SRIN KHA NAS BYUNG BA YI, ,RTZE DGU PA YI RDO RJE YIS, ,DGANG GZAR GYI NI MTHA' RU LDAN, ,BLUGS GZAR PA YI MIG DANG 'DRA; ;YANG NA DE NI PADMAS SO, ,NANG GI GTING RING GSAL BA DANG, ,HA CANG RING DANG THUNG MA YIN, ,RDO RJE PHRA MOS NANG DU BRGYAN, ,MAR ZHU'I SNOD NI ZLUM POR GRAGS, ,LTE BA RING ZHING DRI MA MED, ,RDO RJE LA SOGS RGYAN DANG LDAN, ,LCI BA DANG NI YANG PA SPANG, ,ZHI BA LA SOGS BYE BRAG TU, ,BZHI RU DBYE BA BDAG GIS BSTAN, ,DRAG PO DE NI DUR KHROD DU; ;DBANG NI CHU YI NGOGS SU BYA, ,RGYAS PA ZHING GI DBUS SU STE, ,YANG NA DGON PA CHEN PO RU, ,ZHI BA DE NI GRONG KHYER DU, ,YANG NA RGYAL PO YI NI KHAB, ,RTA DANG GLANG PO CHEN PO DANG, ,GZHON NU MA DANG BA LA SOGS, ,SBYIN SREG DUS SU 'BAD PA YIS, ,SNGAGS PAS SLOB DPON LA DBUL BYA, ,ZHA BO 'ON PA DMAN PA LA'ANG, ,CI NUS KYIS NI

SBYIN PAR BYA, ,DPAL YE SHES THIG LE LAS, SBYIN SREG GI CHOG ZHES BYA BA'I LE'U STE BRGYAD PA'O,, ,,DE NAS YANG NI BSHAD BYA BA, ,TSOGS KYI 'KHOR LO'I GTOR MA CHE, ,KHYIM NI SUM THOG GI NI GNAS, ,CHOM RKUN KUN DANG BRAL BA YI, ,PHYI ROL YUL MIN NANG GI MIN, ,SLOB DPON 'DUS LAS BRGYAN PA DANG, ,RDO RJE MDA' NI RNAM PAR GZUGS, ,RDO RJE SKUD LA SOGS PAS BSKOR, ,DE LTA BU YI KHANG MCHOG NI, ,SNA TSOGS ME TOG LA SOGS KYIS, ,DKYIL 'KHOR THAMS CAD RDZOGS PAR BYA, ,SI HLA GA BUR GYIS NI MDZES, ,DE RU MCHOD SBYIN DON DU NI, ,BYOL SONG GZUGS NI RAB TU BLANG, ,SKYE BA GCIG GAM GNYIS PA'AM, ,YANG NA GSUM PA LANG TSO GSAR, ,NANG KUN MED PA BDE GRUB PA, ,DRI ZHIM RDUL NI 'BYUNG BA CAN, ,GANG ZHIG MIG NI YUN RING 'DZUM, ,MKHAS PAS 'BAD DE BLANG BAR BYA, ,SNA TSOGS PA YI MCHOD SBYIN GYIS, ,GRI GUG RUNG PAS BRTAG PAR BYA, ,YAN LAG RAB KYIS PADMA'I SNOD, ,BTUNG BA'I DON DU BLA MA'I MDUN, ,PHYED NI 'KHOR LO LA BRIM STE, ,PHYED NI GTONG MAR GTANG BAR BYA, ,KHRAG CHEN DANG NI SHA CHEN PO, ,CI RNYED PA NI BRTAG PA YIN, ,GZHAN NI SNA TSOGS MCHOG BYE BRAG ,NYA DANG SHA LA SOGS PAR LDAN, ,MI 'TSE PA DANG SKYON KUN BRAL, ,SDIG PA MED DANG MA BSLANGS

, ,PA'O; ;CHANG NI CHEN PO DANG LDAN PA, ,GLU DANG ROL MOS RAB TU MDZES, ,SGRON MA LNGA DANG BSRES PAS NI, ,DE BZHIN GSHEGS PA LNGA DANG LDAN, ,SNA TSOGS DBUS SU YAN LAG MCHOG ,GANG BAS DKYIL 'KHOR MDUN DU GZHAG ,JI LTAR BLA MA MCHOD DUS SU, ,JI BZHIN PA YI PHYAG RGYA BCING, ,DE BZHIN DU NI TSOGS KYIS KYANG, ,RTZE GCIG GIS NI BCING BAR BYA, ,LDANG BA 'AM NI 'DUG PA'I TSE, ,TSOGS KYI GTZO LA PHYAG 'TSAL LO, ,SHIN TU DBYANGS NI SNYAN PA YIS, ,YID 'PHROG PA YI GLU BLANG BYA, , THE TSOM DANG NI TSOGS BCAD MIN, ,MA GNANG RDO RJE GAR MI BYA, ,RKANG PA RKYONG DANG GNYID LOG PA, ,TSOGS KYI 'KHOR LOR MI BYA 'O, ,DPAL LDAN RDO RJE SEMS JI BZHIN, , DPAL LDAN LAS KYI RDO RJE'O, ,CI MDZAD PA DANG CI GSUNG BA, ,DE NI MKHAS PAS 'BAD DE SGRUB, ,DE LTAR MIN NA CHAD PA 'BAB, ,JI TZAM NUS PA YOD PA YIS, ,DE RU DAM TSIG DAG PA NI, ,RTAG TU BDAG NYID BZHIN BSRUNG BYA, ,DAM TSIG BSRUNGS NA 'GRUB PA NI, ,LHA YI DBANG PHYUG RNYED PA 'O, ,DAM TSIG MCHOG GI YE SHES TE, ,DAD PA YIS NI RTAG TU BZA', ,DGYES PA'I DAM TSIG ZIN NAS SU, ,'KHOR LO DANG BCAS RIGS RAB TSIM, ,RAB TSIM BYAS NAS GTOR MA 'BUL, ,NAM PHYED LAM GYI BZHI

MDOR RO, ,YANG NA SUM MDO GYES PA RU, ,DUR KHROD DAM NI CHU NGOGS SU, ,LHAG MA 'AM NI YANG NA PHUD, ,DE KUN BSRES TE CHU YIS SBYANG, ,GZHAN RNAMS KUN NI SO SOR GZHAG ,RTZA BA JI BZHIN RIM PAS GZHAG ,RANG GNAS PHYIN PA TZAM GYIS NI, ,'KHOR LO LA NI SNOD GCIG BRTAG ,SLOB DPON LA NI DUM BU GCIG ,'BAD PA YIS NI BSRUNG BAR BYA, ,RANG GI TSOGS LA SBYIN MI BYA, ,RANG DBANG BSKUR BA'ANG DE BZHIN NO, ,GZHON GYI YAN LAG PHYAG RGYAS GAR, ,G-YON GYI LAG PAS MCHOD PA 'O, ,G-YON GYI RKANG PAS BSNUN BYAS NAS, , G-YON MIG GIS NI BLTA BYA 'O, ,GAL TE RE ZHIG DE'I DUS SU RNAL 'BYOR MAS BRTAG PA'I DON GYI PHYIR 'ONGS NA 'JIGS PAR MI BYA STE, SENG+GE LTA BU'I TSUL GYIS YONGS SU BRTAG GO ,DE LTAR YANG RNAL 'BYOR MA KUN GZUGS SNA TSOGS PA DANG, PHYAG RGYA SNA TSOGS PA DANG, SKAD SNA TSOGS PA RAB TU BYED DO, ,GANG GI TSE DANG POR RGYANG RING PO NAS HA HA RA DGOD PA DE'I TSE KHAMS GSUM RNAM PAR RGYAL BA'I PHYAG RGYA SBYIN NO, ,DE'I DUS SU HA'I YIG 'BRU LNGA SGRA CHEN POS BRJOD PAR BYA'O, ,CUNG ZAD NYE BAR 'ONGS NA AA LA LA ZHES SMRA BAR BYA'O; ;GANG GI TSE PHRAD TZAM NA LAG PA BSKOR NA DE'I TSE GYEN DU LAG PA'I DBYUG PA SGRENG BA'I MDZUB MO SBYIN NO, ,GANG GI TSE SMIN MA 'BYED NA DE'I TSE 'JIGS PAR LCE BSGRIL BAR

, ,BYA'O; ;GANG GI TSE STANG DU LTA BA DE'I TSE G-YON BRKYANG BAS SA MNAN PAR BYA'O, ,GANG GI TSE RGYAB NAS LTA BA DE'I TSE G-YAS BRKYANG BAS MNAN PAR BYA'O; ;GANG GI TSE RNAM PAR DGOD PA DE'I TSE PHEm KA RA ZHES BRJOD PAR BYA'O, ,GANG GI TSE DU BA DE'I TSE BGAD PAR BYA'O, ,GANG GI TSE GAR BYED PA DE'I TSE STOD KHENGS BYA'O, ,GANG GI TSE SKRA BKROL BA DE'I TSE GTZUG PHUD DGROL LO, ,GANG GI TSE GOS BOR BAR BYED PA DE'I TSE LANGS TE GCI BA GTANG BAR BYA'O, ,GANG GI TSE GCI BA 'THUNG BA DE'I TSE RKANG PA G-YON PA'I MTHE BONG GIS RTZA BTOG PAR BYA'O, ,GANG GI TSE GTAM 'DRI BA DE'I TSE SMRA BAR MI BYA'O, ,GANG GI TSE 'PHRUG PA DE'I TSE RAL PA MDUD PAR BYA'O, ,GANG GI TSE DPRAL BAR REG PA DE'I TSE STENG GI MTSAMS KYI MTHAR REG GO ,GANG GI TSE RNA BAR REG PA DE'I TSE MGRIN PA LA REG PAR BYA'O, ,GANG GI TSE SNA LA REG PA DE'I TSE LCE PHYIR DBYUNG NGO, ,GANG GI TSE MGRIN PA STON PA DE'I TSE LAG PA BRKYANG BAR BYA'O, ,GANG GI TSE NU MA STON PA DE'I TSE MIG SRUB BSKYOD PAR BYA'O, ,GANG GI TSE LTE BA STON PA DE'I TSE SE GOL SBYIN PAR BYA'O, , GANG GI TSE RKED PA SGUL BA DE'I TSE MTSAN BSTAN PAR BYA'O, ,GANG GI TSE RKANG PA RKYONG BA DE'I TSE MTHE'U CHUNG GNYIS GA GDANG BAR BYA BA DANG, MDZUB MOS MIG KYANG DE BZHIN

NO; ;SNA'I PHUR MA BAR MA'I LCE PHYIR DBYUNG BAR BYA ZHING G-YAS BRKYANG DANG G-YON BRKYANG SBYIN NO, ,GANG GI TSE SNA TSOGS PA'I GZUGS BSTAN PA DE'I TSE 'KHOR LO BCU'I SNGAGS BRJOD PAR BYA'O, ,GANG GI TSE YI GE'I DON BRJOD PA DE'I TSE YI GES LAN BRJOD PAR BYA'O, ,GANG GI TSE PHYIR BRJOD PA DE'I TSE SHA'I LAN SMRA BAR BYA'O, ,GANG GI TSE RGYAL MTSAN ZHES SMRA BA DE'I TSE MTSAN ZHES SLAR BRJOD PAR BYA'O, ,GANG GI PADMA BRJOD PA DE'I TSE MNGAL ZHES BRJOD PAR BYA'O, ,GANG GI TSE GSHOL ZHES SMRA BA DE'I TSE LAG PA ZHES BRJOD PAR BYA'O; ;GANG GI TSE 'DOD PA'I LEN PA DE'I TSE SHA LI ZHES SMRA BAR BYA'O, ,GANG GI TSE TSON RTZI BRJOD PA DE'I TSE ZAN ZHES BRJOD PAR BYA'O, ,GANG GI TSE SROG CES BRJOD PA DE'I TSE CH ZLA ZHES SMRA BAR BYA'O, ,GANG GI TSE RNYED PA ZHES BRJOD PA DE'I TSE YID CES BSTAN TO, ,GANG GI TSE MI DGA' BA BRJOD PA DE'I TSE LAM BSTAN TO, ,GANG GI TSE KHRO BA ZHES BRJOD PA DE'I TSE CHANG BTUNG ZHING SLAR BRJOD DO, ,GANG GI TSE MDO PA ZHES BRJOD PA DE'I TSE NGAL BSO ZHES SMRA'O, ,GANG GI TSE BSTAN PA ZHES BRJOD PA DE'I TSE GNYID CES SMRA'O, ,GANG GI TSE DUS BRJOD PA DE'I TSE DGA' BA ZHES SMRA'O, ,GANG GI TSE ZLA BA ZHES BRJOD PA DE'I TSE GOS ZHES SMRA'O, ,GANG GI TSE NYI MA DRAN NO ZHES BRJOD PA DE'I TSE SKOM ZHES SMRA'O, ,GANG GI TSE

, ,ME ZHES BRJOD PA DE'I TSE GRIB MA ZHES SMRA'O, ,GANG GI TSE NYA ZHES BRJOD PA DE'I TSE 'ONG ZHES SMRA'O, ,GANG GI TSE GLU'I SGRA BRJOD PA DE'I TSE GSER ZHES SMRA'O, ,GANG GI TSE SA LE SBRAM ZHES SMRA BA DE'I TSE KHYER CES SMRA'O, ,GANG GI TSE RO ZHES BRJOD PA DE'I TSE SA ZHES SMRA'O, ,GANG GI TSE NGA RGYAL CES BRJOD PA DE'I TSE RLUNG ZHES SMRA'O, ,GANG GI TSE MTSO ZHES SMRA BA DE'I TSE LEGS ZHES BRJOD DO, ,GANG GI TSE MDA' ZHES BRJOD PA DE'I TSE KHRIMS 'CHAL ZHES SMRA'O, ,GANG GI TSE CHAGS PA'I SGRA BYED PA DE'I TSE 'ONG ZHES SMRA'O; ;GANG GI TSE'O MAS ZHES BRJOD PA DE'I TSE SONG ZHES SMRA'O, ,GANG GI TSE SER SNA ZHES BRJOD PA DE'I TSE GRUB CES SMRA'O, ,GANG GI TSE NYA LA ZHES BRJOD PA DE'I TSE MED CES BRJOD DO, ,GANG GI TSE 'BRU ZHES BRJOD PA DE'I TSE YANG DAG CES SMRA'O, ,GANG GI TSE RGYAS PA ZHES BRJOD PA DE'I TSE DRI CHU CES BRJOD DO, ,GANG GI TSE RI BONG ZHES BRJOD PA DE'I TSE DRI CHEN ZHES BRJOD DO, ,GANG GI TSE BSHOL ZHES BRJOD PA DE'I TSE KHRAG CES SMRA'O, ,GANG GI TSE GRANGS ZHES SMRA BA DE'I TSE KHU BA ZHES BRJOD DO, ,GANG GI TSE ZLA BA ZHES BRJOD PA DE'I TSE DGA' BA PHRAD CES SMRA'O, ,GANG GI TSE BA LA SHA ZHES BRJOD PA DE'I TSE NGAL ZHES SMRA'O, ,GANG GI TSE SINDHU BRJOD PA DE'I TSE MI KHOM ZHES SMRA'O, ,GZHAN NI, ,RANG RANG GI YI GE'I

RTZA BA'I DON SHES PAR BYA'O, ,BUD MED GANG ZHIG RKANG LAG CHEN PO DE NI G-YON DU GTANG NGO, ,BUD MED GANG ZHIG MIG SER ZHING SNA NYAMS PA DE DAG G-YAS KYI CHAR GTANG NGO, ,BUD MED GANG ZHIG SNA RING LA LAG PA DANG SOR MO RING BA, SPU MANG BA DE DAG GI MDUN DU SE GOL GSUM SBYIN PAR BYA'O, ,BUD MED GANG ZHIG KHA DOG NAG CING GSUS KHYIM SMAD DU 'PHYANG LA NU MA 'JOL ZHING SO CHE BA DE DAG GI MDUN DU GCI BA GTANG NGO, ,BUD MED GANG ZHIG SKRA SER ZHING MIG ZLUM LA SEN MO RING BA, ,MGRIN PA RING BA DE DAG GI MDUN DU GAD RGYANGS CHEN PO BYA'O, ,BUD MED GANG ZHIG TZAM PA'I ME TOG LTAR DKAR ZHING SKAD 'JAM LA MIG RING BA SO RI LTA BU DRI ZHIM PO LA DGA' ZHING BZHIN CUNG ZAD 'DZUM PA, ZUR MIG LTA BA, MNYAM PAR MA GZHAG PAR DE LTA BU BYED PA DE'I MDUN DU CANG MI SMRA BAR SA LA LTA ZHING MYUR BA MYUR BAR G-YON NGOS SU 'GRO BAR BYA'O, ,DE LTA BU'I DUS SU SNYING PO'I SNGAGS ZLOS SHING PHRENG BA BGRANG BAR BYA'O, ,BUD MED GANG ZHIG SOR MO GCIG NI, MDZUB MO BRKYANG STE GZUGS SU SNGON PO DGA' BAR LTA BA, GOS DPUNG PA'I NGOS SU 'PHYANG BA SMIN MA'I DBUS NA DNGOS SU PHYAG RGYA PADMA'I DBYIBS SAM 'KHRI SHING NGAM, YANG NA AA SHO KA GNYEN PO'I RTZE MO DANG 'DRA BA MJUG MA DE DANG LHAN CIG 'BAD PAS 'DUS PA BYA'O, ,DE NI,

, ,THAMS CAD 'GRUB PAR BYED PA DANG, 'BRAS BU THAMS CAD BYED PA, DGA' BA CHEN PO SKYED PAR BYED PAS, DE DANG LHAN CIG GTOR MA CHEN PO SEMS CAN THAMS CAD LA PHAN PA'I DON DU RGYA CHEN PO'I SEMS KYIS RTOG PA MED PAR SBYIN PAR BYA'O, ,SHIN TU RGYA CHE'I SNOD DAG TU, ,CHO GA YIS NI DGOD PAR BYA, ,DBUS SU DPAL LDAN 'JIGS PA'I GZUGS, ,SNA TSOGS RUS PA'I RGYAN DANG BCAS, ,KHRAG CHEN POS NI YANG DAG BKANG, ,KA B'A LA NI PHYAG G-YAS SU'O, ,LHA CHEN SNA TSOGS GZUGS DANG LDAN; ;LANGS PA PHYAG NI G-YON PAS SO, ,NAG PO ME YI DRAG PO SHAR, ,NAG PO CHEN PO LHO PHYOGS SU, ,NUB KYI PHYOGS SU 'JIGS BYED DANG, ,DRAG PO CHEN PO BYANG GI PHYOGS, , ME YI MTSAMS DRAG RAL PA CAN, ,CHU BDAG MTSAMS SU DBYUG NAG PO, ,RLUNG GI MTSAMS SU RO LANGS DRAG ,DBANG LDAN HE RU KA NI NAG ,PAGS MGO MA DANG, SGRA MA DANG, DRAG MA DANG, THOD PA DANG, NAG MO DANG, SHA LI DANG, GTUM MO DANG, RIGS MA DANG, SKOM MA DANG, PHAG MO DANG, SHA WA RI DANG, BRAM ZE MO DANG, RAL PA GSUM MA DANG, RAL DRAG MA DANG, DRAG MIG MA DANG, SDUG MA DANG, G-YAS BSKOR G-YON BSKOR SDUD PA YIS, ,SNOD RLON PAR RIM PAS BZHAG GO ,DE'I PHYI ROL TU

'JIG RTEN SKYONG BA BRGYAD CHOGS MANG PO DANG BCAS PAS BSKOR BA'O, ,KLU CHEN PO BRGYAD PHO NYA DANG PHO NYA MO DANG, TZE TA [?] DANG NA [?] TZE TI 'KHOR DANG BCAS PA'O, ,MKHA' 'GRO DANG, MKHA' 'GRO MA DU MA DANG, MA MO MANG PO DANG, 'BYUNG PO DANG, YI DVAGS DANG, SHA ZA DANG, AUDMANDA DANG, BRJOD BYED DANG, GDUG NGAN CAN GRANGS MED PA DZA:H'Um BAm HO, ,GSOL CIG GSOL CIG ,DAM TSIG BSKYANG BAR MDZOD CIG ,'THUNG ZHIG ,BDAG GI LAS THAMS CAD GRUB PAR MDZOD CIG ,DAM TSIG ZUNGS SHIG ,H'Um H'Um PHAt PHAt SV'AH'A, DPAL YE SHES THIG LE LAS, TSOGS KYI 'KHOR LO'I CHO GA DANG, GTOR MA CHEN PO DANG, RNAL 'BYOR MTSAN NYID DANG, GSANG BA'I TSIG DANG, PHYAG RGYA'I BRDA ZHES BYA BA'I LE'U STE DGU PA'O,, ,,DE NAS BYANG CHUB SEMS DPA' SEMS DPA' CHEN PO LHA'I DBANG PHYUG STAN LAS LANGS NAS BLA GOS PHRAG PA GCIG TU GZAR TE BCOM LDAN 'DAS LA BSKOR BA LAN GSUM BYAS NAS ZHABS LA MGO BOS GTUGS TE PHYAG 'TSAL NAS 'DI SKAD CES GSOL TO, ,BCOM LDAN YE SHES RGYAL DBANG PO, ,DKYIL 'KHOR MDOR NI BSTAN PA GSUNGS, ,'DI RU NGES BSTAN JI LTAR LAGS, ,MNGA' BDAG CHEN PO NYID BKA' STZOL, ,BCOM LDAN 'DAS KYIS BKA' STZAL PA, ,DKYIL 'KHOR GYI NI DES BSTAN PA, ,JI BZHIN DE NYID DPA' BO NYON, ,SNGAR

, ,GSUNGS PA YI RGYUD DON LAS, ,A'A LI K'A LI BDE BA CHE, ,M'Am H'Um GNYIS LA THIG LE'I TSUL, ,DE GNYIS LAS NI GRI GUG PAD, ,YE SHES ME 'OD LAS YE SHES, ,SNYING PO'I BDAG NYID ZHU LAS BYUNG, ,CHAR SPRIN DANG NI MNYAM PA'I MDOG ,PHYAG NI BRGYAD GNYIS PA YIS BRGYAN, ,BCU DRUG PHYED KYI ZHAL 'JIGS PA, , ZHABS BZHI YIS NI RAB TU MDZES, ,NYI SHU RTZA BZHI SPYAN GYIS PHYUG ,GI MUG GSUM GYI MUN NAG 'JOMS, ,DKAR PO SER PO DMAR PO'I ZHAL, ,STENG ZHANG BUNG BA'I BYAD GZUGS CAN, ,G-YON BRKYANG G-YANG BRKYANG ZHABS KYIS NI, ,'JIGS BYED ZLA NYI SHIN TU MNAN, ,'JIGS BYED MA LDAN KA PH'A LA, ,KHRAG GIS BKANG BA PHYAG NA BSNAMS, ,ZHI PA'I PAGS PA NA BZA' MCHOG ,PHYAG GNYIS KYIS NI GYEN DU BRKYANGS, ,TSANGS PA'I PAGS PAS SHAM THABS BYAS, ,PHYAG RGYA DRUG GIS SKU LA BCINGS, ,PHYAG RGYA CHE DANG GNYIS MED SBYOR, ,GAR DANG LDAN PA'I TSANGS SPYOD BZHUGS, ,TSANGS PA'I G-YUL SA BYE BA GSOL, ,TSANGS PA'I G-YUL SA'I ZHAL GYIS BRGYAN, ,PHYAG RGYA CHEN PO NAM MKHA' SNGO, , PHYAG GNYIS PA NI NA BZA' GROL, ,GRI GUG SNOD BSNAMS ZHI BA'I ZHAL, ,SPYAN GSUM PA DANG SKRA GROL BA, ,MGRIN PAR 'KHYUD PA GSANG BA MCHOG ,DGA' BO LA NI RANG BZHIN

BZHUGS, ,DPA' BO MCHOG GI RNAM PA DGYES, ,SNA TSOGS RDO RJE'I RAL PAS BRGYAN, ,MGON PO SNA TSOGS ZLA COD PAN, ,SNA TSOGS TSANGS PA'I TSAD DANG LDAN, ,SNA TSOGS PADMA'I GAD NAL BZHUGS, ,SNA TSOGS BDAG NYID SNA TSOGS 'BYUNG, ,SNA TSOGS RUS PA'I RGYAN DANG LDAN, ,SNA TSOGS MGO BO'I PHRENG BAS MDZES, ,SNA TSOGS GAR GYI RO DANG LDAN, ,SNA TSOGS GA TI MUG GCOD PAR MDZAD, ,SNA TSOGS SGYU 'PHRUL BDAG NYID MGON, ,SNA TSOGS SGYU 'PHRUL 'JOMS PAR MDZAD, ,DUR KHROD BRGYAD KYI DBUS SU NI, ,DPA' BO RNAL 'BYOR MA YIS BSKOR, ,'JIG RTEN SKYONG BA BRGYAD DANG LDAN, ,SHING GI RGYAL PO BRGYAD KYIS BSKOR, ,DKYIL 'KHOR DGYES PA 'PHAR MA GNYIS, ,LHA YI DBANG PHYUG 'DIR BDAG ROL, ,DPA' BO RNAL 'BYOR MA DKYIL 'KHOR, ,JI LTAR BDAG GIS ROL PA 'DIR, ,DE RU RE ZHIG RIM PAR DGYES, ,RTZE GCIG SEMS KYIS KHYOD NYON CIG ,DANG POR RE ZHIG 'PHAR MA GCIG ,SGO LA SOGS PA KA BAS BRGYAN, ,GNAS DANG NYE BA'I GNAS KYI RIM, ,LHA YI DBANG PHYUG BDAG GIS BSHAD, ,SNA TSOGS PADMA'I 'DAB MA'I SHAR GYI AOOdYAN GYI GNAS SU NAM MKHA' DRI MED DANG, ZLA BA KHA DOG NAG PO'O, ,BYANG DU DZA LANDHA RAR SHIN TU STOBS CHEN DANG, G-YON PA MA DKAR PO'O, ,NUB TU PU L'I RAR LHA'I DBANG PHYUG DANG, NYI MNYAM MA SKU MDOG

, ,DMAR MO'O, ,LHOR K'A MA RU BAR GSANG BA'I BDAG PO DANG, RLUNG ZA MA AUTPA LA SNGON PO'I MDOG GO ,ME MTSAMS SU MA LA WA RE NYE BAR GNAS SU 'OD DRAG DANG, BSIL SBYIN MA LJANG GU'O, ,GNOD SBYIN GYI MTSAMS SU SINDHU'I YUL DU NYI DGRA DANG [?] SNYING PO'I 'DAB MA SKU MDOG PADMA SNGON PO DANG 'DRA BA'O, ,RLUNG GI MTSAMS SU N'A GA RAR MCHOD DGA' DANG, BAG YOD THOR COG MA ZLA BA LTAR DKAR MO'O, ,DBANG LDAN GYI MTSAMS SU THAMS CAD KYI BYED PA PO DANG, NYI 'DUL MA NYI MA'I 'OD LTA BU'O, ,SHAR SGOR MUM MU NI'I ZHING DU AUTPA LA'I SNYING PO DANG, ZHI BA 'CHI BA'I PHO NYA MO SNGON MO CHEN MO'O, ,BYANG SGOR DE PI KO tIR ZHI BA CHEN PO'I BDAG PO DANG, LJANG BRTZON MA GUR GUM GYI MDOG GO ,NUB SGOR NYE ZHING KU LU TAR NAG PO 'DUL MA DANG, 'OD BDUN MA DUD PA NAG PO'I MDOG GO ,LHO SGOR AURPU DAR RMAD DU BYUNG BA DPA' MO DANG, TSANGS PA MA DU BA'I MDOG GO ,SHAR LHO'I MTSAMS SU TSANDO HA HA RI KI LA BAR DRAG CHEN DANG, KHYAB 'JUG MA SPRIN GYI MDOG GO ,BYANG MTSAMS SU KU TA BAR DREGS 'JOMS DANG, KHA MA GSER GYI MDOG GO ,NUB MTSAMS SU NYE BA'I TSANDO HA L'Am BA KAR RI RAB BRTAN MA DANG, THAMS CAD SKYED BYED MA DMAR NAG GO ,LHO MTSAMS SU

KANYTZI KAR NAM MKHA'I ZHAL DANG, DPA' BO'I YUM GSER GYIS MDOG GO ,THABS DANG SHES RAB GNYIS SU MED PA'I SBYOR BA'I 'KHYUD PA DANG, SKU MDOG DANG, BZHUGS THABS 'DRA BA'O, ,DPA' BO RNAMS NI, ZHAL BZHI DANG PHYAG BZHIN KHA tV'Am GA DANG, KA P'A LA DANG, DRIL BU DANG, RDE'U CHUNG BSNAMS PA'O, ,SNA TSOGS RDO RJE'I GDAN PADMA'I STENG DU 'JIGS BYED KYI GDAN LA RGYAL PO'I BZHUGS THABS KYIS ZLA BA DANG NYI MA ZHABS KYIS MNAN PA, ME'I DKYIL 'KHOR GYI NANG NA NYI MA BYE BA'I 'OD BAS GSAL BA SNANG BAR SPRO BA'O, ,'PHAR MA GNYIS PAR SNA TSOGS PADMA 'DAB MA BRGYAD PA DANG, SGO DANG RTA BABS LA SOGS PA DANG, DUR KHROD BRGYAD DANG LDAN PA'O, ,DE'I SHAR GYI 'DAB MAR 'DUS PA'I GNAS LAS KYI YUL DU SKAM PA MA SPRIN MDOG GO ,BYANG DU GSER GYI GLING DU 'JIGS MA KHA DOG DMAR MO CHEN MO'O, ,NUB TU NYE BA'I 'DUS PA KU LU TAR 'OD MA DMAR MO'O, ,LHOR BINDUR MCHU 'PHYAD MA PA LA KshA'I MDOG GO ,ME'I MTSAMS SU DUR KHROD DU YI DOGS 'DUS PAR RI RAB SO MA ZLA BA'I MDOG GO ,GNOD SBYIN GYI MTSAMS CHU DOGS SU DUS KYI BDE BA MAR ME'I 'OD KYI MDOG GO ,RLUNG MTSAMS NYE BA'I DUR KHROD DU TZA RI TRAR NYI MIG MA GSER MDOG GO ,DBANG LDAN GYI MTSAMS GZHON NU'I GRONG KHYER

, ,DU ME'I ZHAL MA GSER BTZO MA'I MDOG GO ,SHAR SGOR PI LA PA KASMI RAR 'DOD PA MA SER MO'O, ,BYANG SGOR KI RA TAR LCE RING MA DKAR MO'O, ,NUB SGOR NYE BA'I PI BA NEE PA LAR CHOS DKAR MA ZLA BA LTAR DKAR MO'O, ,LHO SGOR KAM PA DZAR BDEN MDOG MA MAR KA TA'I MDOG GO ,SHAR MTSAMS LAM GNAS SHAR GYI LUS 'PHAGS SU MIG STONG PA RDO RJE SA LA'I MDOG GO ,BYANG MTSAMS SU BYANG GI SGRA MI SNYAN DU STAG MO BEEd'URYA'I MDOG GO ,NUB MTSAMS SU BA LANG SPYOD DU GTUM MO MU SA RA BA'I MDOG GO ,LHO MTSAMS SU NYE BA'I LAM 'DZAM BU'I GLING DU 'DOD PA'I GZUGS MA SNA TSOGS MDOG GO ,RNAL 'BYOR MA THAMS CAD ZHAL BZHI MA, SPYAN GSUM GSUM, PHYAG BZHI MA, SKRA DANG NA BZA' GROL BA, RAL GRI DANG, KA P'A LA DANG, KHA tV'Am GA DANG, RDE'U CHUNG BSNAMS PA, RO'I STENG DU G-YON BRKYANG BAS BZHUGS PA'O, ,YANG NA RGYAL PO'I BZHUGS THABS SU RANG 'OD KYI THABS LA 'KHYUD PA, RUS PA'I RGYAN GYIS BRGYAN PA BSGOM PAR BYA'O, ,DE LTA'I DKYIL 'KHOR RGYAL DBANG PO, ,RGYUD KUN DU NI RNYED PAR DKA', ,LUS DANG BHA GA BYANG CHUB SEMS, ,DKYIL 'KHOR GSUM NI RAB MCHOG GO ,YANG NA SNYING PO DKYIL 'KHOR BSTAN, ,RANG GI BDE BA LEN PA'I PHYIR, ,MA YI YIG 'BRU MDUD PAR BRJOD, ,nA YI YIG 'BRU

LTE BAR DRAN, ,dA YI YIG 'BRU GE SAR DAG ,LA YI YIG 'BRU DE 'DRI 'DRA, ,MA YI YIG 'BRU RIN CHEN GRAGS, ,nA YI YIG 'BRU MDUD PAR BRJOD, ,dA YI YIG 'BRU RING PO'I DNGOS, ,LA YI YIG 'BRU KHAR BRJOD DO, ,MA YI YIG 'BRU SHU KRA'I GZUGS, ,nA YI YIG 'BRU ZHU BA'I DNGOS, ,dA YI YIG 'BRU 'OD DANG LDAN, ,LA YI YIG 'BRU BDE BA'I GZUGS, ,MA NI SNANG BA'I 'DU SHES GRAGS, ,nA NI YIG 'BRU SNANG BA MCHED, ,dA NI SNANG BA SNANG BA THOB, ,LA NI YANG DAG DRI MED MCHOG ,MA YI YIG 'BRU DGA' BAR GRAGS, , nA YI YIG 'BRU MCHOG TU DRAN, ,dA YI YIG 'BRU DGA' BRAL DGA', ,LA NI LHAN CIG SKYES PAR DRAN, ,MA YI YIG 'BRU SA ZHES BYA, ,nA YI YIG 'BRU CHU RU BSTAN, ,dA YI YIG 'BRU DE NI ME, ,LA YI YIG 'BRU RLUNG GI GZUGS, ,G-YO BA'I PHYIR NA RLUNG DU BRJOD, ,YANG NA KHYAB PA'I PHYIR NI DRAN, ,YE SHES RNYED PA YI NI PHYIR, ,BDE BA YI NI CHEN PO LEN, ,YE SHES NGO BO BDE BA CHE, ,DKYIL 'KHOR DU NI YANG DAG BZHUGS, ,DKYIL 'KHOR SANGS RGYAS RIN CHEN GTZO, ,THIG LE'I NGO BO YI GE BRAL, ,RNAM PA THAMS CAD RNAM PA MED, ,PHYAG RGYA DANG NI SNGAGS DANG BRAL, ,SNGAGS CHEN KUN DGA' RA BA'I LAM, ,DBYANGS DANG GSAL BYED DANG BRAL BA, ,DRI MA MED PA BCOS MA MED, ,RGYU MTSAN DANG

, ,NI GZHI MED PA, ,YANG DAG DRI MED GNAS DAG PA, ,RANG BZHIN GRAGS PA SKYE MED MKHA', ,DPA' BO'I NGO BOR GRAGS PA DAG ,RNAM PA KUN TU YANG DAG BZHUGS, ,DKYIL 'KHOR DKYIL 'KHOR BA DANG BDAG ,DKYIL 'KHOR GYI NI BDAG PO BDAG ,DPA' BO 'CHAD DANG NYAN PA BDAG ,BYED DANG 'PHROG DANG MNGA' BDAG BDAG ,CHOS KUN GYI NI RANG NGO BDAG ,STONG DANG SNYING RJE GNYIS SU MED, ,STONG PA CHEN PO RANG NGO GRAGS, ,GANG DU MI DMIGS PA NI BDAG ,DNGOS PO MA YIN BSAM MI KHYAB, ,DNGOS BDAG DE YANG DE NYID MIN, ,DNGOS DANG DNGOS MIN RNAM PAR GROL, ,DNGOS DANG DNGOS MED BDAG NYID BDAG ,DNGOS DANG DNGOS MED GNYIS LAS 'BYUNG, ,DNGOS DANG DNGOS MED NANG YOD DO, ,BUR SHING GI NI RO JI BZHIN, ,JI LTAR TIL GYI NANG GI MAR, ,JI LTAR SHING GI NANG GI ME, ,DE BZHIN THAMS CAD BDAG NYID BZHUGS, ,'ON KYANG YE SHES SEMS DPA' YIS, ,BDAG TU 'DZIN PAR MI BYA'O, ,BDAG 'DZIN PA NI NYON MONGS CHE, ,SEMS CAN DON LAS NYE BAR NYAMS, ,SEMS CAN DON LAS BSOD NAMS GZHAN; ;CHE BA GANG NA YANG NI MED, ,RANG DON SGRUB LA BSOD NAMS MIN, ,SKYES BU CHEN POS 'DI LTA BU, ,RANG DON MA RUNG BA NI DOR, ,GZHAN LA SDANG NYAMS NYAN THOS

SEMS, ,RANG DON GTI MUG 'DZIN PAS NON, ,SEMS CAN DON LA RGYAB KYIS PHYOGS, ,GRUB PA CHEN PO 'DOD PA YIS, ,DE DANG LHAN CIG GNAS MI BYA, ,DE LA GTAM YANG MI BYA STE; ;THABS DANG MI LDAN 'JIGS PA YIS, ,MGO LA NOR BUS BRGYAN KYANG NI, ,SBRUL NAG BZHIN DU DOR BAR BYA, ,NYAN THOS DE DANG NAM YANG MIN, ,DE BAS MU STEGS 'DUS PA MCHOG ,JI LTAR MTHING SHING SNOD CHAGS PA, ,DE NI GANG DU'ANG DGOS PA MED, ,DE BZHIN NYAN THOS TSUL KHRIMS NYAMS, ,GANG TSE RANG GI CHOS KYIS NI, ,LTA BA BSTAN KYANG DRI MA CAN, ,DE TSE DE LA DGOS PA MED, ,BYANG CHUB SEMS DPA' KHRIMS NYAMS KYANG, ,DE LA LTUNG BA 'BYUNG BA MIN, ,YANG DAG LTA DANG GZHAN DON CAN, ,DE 'DRA'I THABS DANG LDAN PAS NA; ;NYES PAS GOS PAR MI 'GYUR TE, ,CHU YIS PADMA JI BZHIN NO, ,MU STEGS PA'AM NYAN THOS LA, ,DMAN YANG DE LA SMAD MI BYA, ,YE SHES DKYIL 'KHOR MTHAR PHYIN PAS, , DAD PAS DE DAG MCHOD MI BYA, ,PHYI YI 'PHAR MA GCIG GNAS SU, ,DKYIL 'KHOR 'DIR BZHUGS RNAL 'BYOR MA, ,RTAG TU ME TOG SPOS LA SOGS, ,SNGAGS 'DI YIS NI MCHOD PAR BYA, ,AOm NI DANG POR H'Um PHAt MTHAR, ,BAR DU MING NI SPEL BAR BYA, ,SNA TSOGS LNGA YI MCHOD SBYIN GYIS, ,DKYIL 'KHOR SA LA RAB TU MCHOD, ,MCHOD NA THE TSOM

, ,MED PAR NI, ,GRUB PA CHEN PO RNYED PAR 'GYUR, ,DPAL YE SHES THIG LE LAS, ,RNAM PA DANG BCAS PA'I DKYIL 'KHOR SGOM PA ZHES BYA BA'I LE'U STE BCU PA'O,, ,,DE NAS YANG BYANG CHUB SEMS DPA' SEMS DPA' CHEN PO LHA'I DBANG PHYUG GIS BCOM LDAN 'DAS KYI ZHABS LA MGO BOS PHYAG 'TSAL TE 'DI SKAD CES GSOL TO, ,YE SHES NYI MA BCOM LDAN 'DAS, ,SNYING GA'I PADMA KHA 'BYED PA, ,GANG ZHIG BDAG NI CI ZHU BA, ,BDAG LA THUGS RJE CHEN POS GSUNGS, ,SNGAGS KYI BZLAS PA DANG, MCHOD SBYIN DANG, ,MCHOD PA DANG, DBANG BSKUR BA DANG, GNAS KYI MDOR BSTAN PA DANG, SBYIN SREG DANG, GTOR MA CHEN PO'I RIM PAS 'DIR BCOM LDAN 'DAS KYIS BDAG LA NGES PA'I DON BSTAN PA BKA' STZAL DU GSOL, BCOM LDAN 'DAS KYIS BKA' STZAL PA, ,SNGAGS KYI BZLAS PA'I NGES PA'I DON, ,NYON CIG YANG DAG BDAG GIS BSHAD, ,DGA' BA LA SOGS PA LAS 'BYUNG, ,YID NI SNGAGS ZHES BRJOD PA YIN, ,YANG NI SRUB DANG BSRUB PA'I SNGAGS, ,SNGAGS NI BDUD RTZIR BSTAN PA'O, ,LAM GYI THAR PA DE NI SNGAGS, ,TSIGS RGYAS PA NI DE BZHIN NO, ,PHRAD PA GNYIS KYI DBUS NA GNAS, ,DE NI DON DAM

PA YI SNGAGS, ,SNGAGS NI A'A LI K'A LI YIN, ,BRJOD PA DE NI BZLAS PA'O, ,BSKYED DANG RDZOGS DANG BYE BRAG TU, ,SNGAGS KYI BZLAS PAR RAB TU GRAGS, ,GANG DU SKE DANG RKAN NI GNYIS; ;BSKYOD PA GANG DU MI 'BYUNG BA, ,SROG GI RTZA BA'I NANG YOD PA, ,LUGS DANG LUGS MIN RGYUN MI 'CHAD, ,THIG LE GSUM DANG YIG GSUM DAG ,RANG 'OD MA BCOS BRJOD PAR BYA, ,RKAN GYI NANG DU LCE 'JUG PA, ,RO MA YIS NI MNAN PAR BYA, ,YANG NI RTZE MO'I CHA YIS REG ,MNYAM SBYOR RNAM PA'I BSAM GTAN GYIS, ,GRAGS PA YOD PA'I BDUD RTZI BZHIN, ,DE NAS TSUL NI 'BYUNG BAR 'GYUR, ,SPRUL PA'I RIM PA'I BYE BRAG TU, ,THIG LE DRANGS PA BDE BA'I SKU, ,MCHOD SBYIN DKYIL 'KHOR GYIS NI BRGYAN, ,DE YI BSKYED RIM BDAG GIS BSHAD, ,DPAL LDAN RDO RJE 'DZIN PA YIS, ,DGYES PA'I GNAS BSTEN MCHOD SBYIN NO, ,MCHOD DGA' 'BYUNG BA'I MCHOD SBYIN NO, ,RAB KYI DKYIL 'KHOR DE RU BYA, ,MCHOG GI DGA' BA 'KHOR BAR BSTAN, ,K'A LI YE SHES MTSAN NYID DO, ,SKU BRGYAD BDAG NYID MCHOD SBYIN NI, ,GNAS BRGYAD PAR NI MCHOD PAR BYA, ,JI BZHIN RNAL 'BYOR MA YI 'BYUNG, ,DE YI DON NI BDAG GIS BSHAD, ,SUM CU RTZA GNYIS YIG GZUGS KYIS, ,K'A LI'I THIG LES GTZO BO'I PHYIR, ,SGOM PA'I DBANG POS GNAS

, ,LA SOGS, ,LHA MO BCAS PAS MCHOD BAR BYA, ,LHA MO KUN DANG GNAS LA SOGS, ,LHA YI DBANG PHYUG SKYABS YIN NO, ,LHA MO 'DI RU RTZA YIN TE; ;'BYUNG BA DANG NI GNAS SA BYED, ,SKYABS LAS RNAM PAR RDZOGS PA YIN, ,MTSAN DANG DPE BYAD LDAN PA'O, ,GRU GSUM DBUS SU BCOM LDAN 'DAS, ,AUTPA LA SNGON BO'I MDOG DANG 'DRA, ,SNA TSOGS PADMA'I GDAN DBUS SU, ,BDUD BZHI YI NI STENG NA BZHUGS, ,ZHAL NI BCU DRUG PHYAG BCU DRUG ,ZHAL NI SO SOR SPYAN GSUM MO, ,SER PO DMAR PO LJANG GU'I ZHAL, ,RI BONG CAN NI G-YON BSKOR ZHING, ,ZHAL GZHAN KUN NI BUNG BA BZHIN, ,STENG GI ZHAL NI 'JIGS PA'O, ,GSHIN RJE'I PAGS PAS RNAM DKRIS BYAS, ,DAM BCAS DON PHYIR BRTUL ZHUGS DON, ,SANGS RGYAS PHRENG BA'I DO SHAL BYAS, ,MGO BO YI NI CHUN 'PHYANG BRGYAN, GAR DGU YI NI RO DANG LDAN, ,SKU NI PHYAG RGYA DRUG GIS MDZES, ,SNA TSOGS RUS PA'I RGYAN DANG LDAN, ,SNA TSOGS 'OD KYI SNANG BAS 'BAR, ,YE SHES MKHA' 'GRO BDE BA CHE, ,LEGS DGYES DBANG MO GNYIS MED SBYOR, ,DUR KHROD KYI NI THAL BAS BYUGS, ,RTEN DU BGRAD PAS BDE BAR BZHUGS, ,G-YAS BRKYANG BA YI GAR DANG LDAN, ,GSANG BA'I DON GNAS BA RDA BYED PA, ,MKHA'

'GRO MA YI TSOGS KYIS BSKOR, ,DUR KHROD BRGYAD KYI DBUS NA BZHUGS, ,RDO RJE DRIL BU GNYIS MED SBYOR, ,TSANGS PA YI NI PAGS PAS BEBS, ,MDA' GZHU 'KHOR LO RIN PO CHE; ;RAL GRI RTZE GSUM RDE'I CHUNG DANG, ,ZLA BA NYI MA STA RE SNOD, ,KHA tV'Am GA DANG THOD PA'O, ,BCOM LDAN 'DAS MA DE DANG 'DRA, ,YANG NA PHYAG NI GNYIS MA'O, ,RDO RJE GRI GUG 'DZIN PAS 'KHYUD, ,ZHI BA SPYAN NI GSUM PA'O, ,NANG GI 'PHAR MA DGYES PA NI, ,ZLA BA GANG BA BZHIN DU BDAG ,SNA TSOGS PADMA YI NI GZHI, ,'DAB MA BRGYAD KYIS RNAM PAR MDZES, ,PHYI MA GRU BZHI RU NI GRAGS, ,SNA TSOGS RDO RJE'I STENG DU'O, ,YI DVAGS CHEN PO'I PHRENG BAS LDAN, ,SNA TSOGS DPA' BOS NYE BAR MDZES, ,SNA TSOGS PA YI SHING GIS BSKOR, ,SNA TSOGS RNAL 'BYOR MA DANG LDAN, ,DE'I NANG DU GRU GSUM GYI PHYAG RGYA'I GRVA NI, ,DPAL AOO RGYAN DANG, ,DZ'A LANDH'A RA DANG, BU L'I RA STE, ,MGO BO DANG, GTZUG PHUNG DANG, SPYI BOR LEGS DGYES RDO RJE MA DANG, ,RDO RJE 'TSED MA DANG, RDO RJE GLANG CHEN MA BCOM LDAN 'DAS LA SKUL PAR BYED CING PHYAG GI 'PHAR MA 'BAR BAR RO MCHOG CHEN PO'I SNOD KYIS MCHOD SBYIN 'BUL BAR BYED CING TSANGS PA'I BU GAR RTZE SBYAR GYI PHYAG RGYA BYED PA STE, ,MTHE'U CHUNG LU GU RGYUD DU SPREL TE LHAG MAS MTHE BONG MNAN NA

, ,MDZUB MO SBYAR BA 'OG TU BCINGS PA'I SKU'I YI DVAGS CHEN PO'I STENG NA G-YON BRKYANG BAS GNAS PA, SPYAN GSUM PA, SKRA GROL ZHING NA BZA' GROL BA; CHU SKYES RGYAS PA, BCOM LDAN 'DAS LA LTA ZHING BZHUGS PA'O, ,SHAR GYI PHYOGS SU SNA TSOGS PADMA 'DAB MA BRGYAD PA'I LTE BAR K'A MA RU PA STE, SMIN MA'I DBUS SU 'JIGS MA'O, ,DE'I SHAR GYI 'DAB MAR M'A LA WA STE, SNA'I RTZE MOR DPA' MO'O, ,BYANG GI 'DAB MAR SINDHU STE, MIG GNYIS SU CHANG 'THUNG MA'O, ,NUB KYI 'DAB MAR NA GA RA STE, RNA BA GNYIS SU 'JIGS BYED MA'O, ,LHO'I 'DAB MAR SING+GA LA STE, KHA'I PADMAR PHO NYA MA'O, ,BYANG MTSAMS SU SNA TSOGS PADMA 'DAB MA BRGYAD PA'I LTE BAR MUMMU nI STE, KOS KOR STOBS CHEN MA'O, ,DE'I SHAR GYI 'DAB MAR DE WI KO tI STE, SKE'I GLING BUR RTA MGRIN MA'O, ,BYANG GI 'DAB MAR KU LU TA STE, RGYAB KYI GLING BUR RTA RNA MA'O, ,NUB KYI 'DAB MAR AARBU TA STE, NU MA GNYIS SU GLANG CHEN SNA MA'O, ,LHO'I 'DAB MAR TA LI KI LI BA STE, SNYING GAR GLANG CHEN LTO BA MA'O, ,NUB PHYOGS KYI SNA TSOGS PADMA 'DAB MA BRGYAD PA'I LTA BAR GO DA WA RI STE, LTE BA'I GNAS SU ME MA'O, ,DE'I SHAR GYI 'DAB MA LAm PA KA STE, GSANG BA'I PADMAR CHU RGYUN MA'O, ,BYANG GI 'DAB MAR

KANYTZI KA STE, MTSAN GYI DBUS SU RI BONG CAN MA'O, ,NUB KYI 'DAB MAR LAS KYI YUL TE, MTSAN RTZE NYI MA'I 'OD MA'O, ,LHO'I 'DAB MAR GSER GLING STE, BSHANG KHA'I GNAS SU DUNG SNA MA'O, ,LHO PHYOGS KYI PADMA 'DAB MA BRGYAD PA'I LTE BAR KONGKA NA STE, BRLA GNYIS SU DUNG GTZUG MA'O, ,SHAR GYI 'DAB MAR BANDU STE, PUS MO GNYIS SU DUNG LTE PA'O, ,BYANG GI 'DAB MAR YI DVAGS 'DUS PA STE, ,RJE NGAR GNYIS SU STOBS CHEN MA'O, ,NUB KYI 'DAB MAR RGYA MTSO'I NGOGS TE ,RKANG PA GNYIS SU BYA RGOD MA'O, ,LHA'I 'DAB MAR TZA RI TRA STE, SOR MO LA RGOD KHA MA'O, ,DE'I SNA TSOGS PADMA 'DAB MA BRGYAD PA BZHI'I 'DAB MA LA DGOD DO, ,'DAB MA LHAG MA KU LA KHRAG CHEN POS SHIN TU GANG BA'I K'A PA LA DANG LDAN PA'I SNA TSOGS CHEN PO'I BUM PA KHA RGYAN BTZUGS PA, ,BDUD RTZI CHEN POS LTO BA GANG BA, DER SNA TSOGS KYIS MGRIN PA MTHO BAR BSKOR BA'O, ,SHAR MTSAMS SU KU MAR PU RI DANG, KASMI RA STE, MTHE BONG DANG LUS THAMS CAD LA HOR PA MA DANG HOR MIG MA'O, ,BYANG MTSAMS SU KE RA TA DANG, NEE PA LA STE, RKANG PA GNYIS LA LHAG PAR HOR MGO MA DANG, DE BZHIN DU DMAR MO'O, ,NUB MTSAMS SU KAM PU DZA DANG, SHAR GYI LUS 'PHAGS TE, RKED PA DANG, SNYING GAR MIG DMAR DANG SROG MA'O, ,LHO MTSAMS

, ,SU BYANG GI SGRA MI SNYAN DANG BA LANG SPYOD DE, LTE BA'I LTE BA DANG, SPRUL PA'I SNYING POR 'DZIN MA DANG RO MA'O, ,'DZAM BU'I GLING DU GDEGS PA'I PADMA'I SNAR BCOM LDAN 'DAS DANG AA WA DH'U TI'O, ,DE LTA BU NI, NANG GI 'PHAR MAS BDE BA CHEN PO'I 'KHOR LO NA YOD PA'I RTZA SUM CU RTZA GNYIS RNAM PAR DAG PAR PHYI MA PHYI MAR RGYUD KYI GO RIM RNAL 'BYOR MA RNAMS KYI NANG GI DAG PA'O, ,BYANG CHUB SEMS DPA' SEMS DPA' CHEN PO LHA'I DBANG PHYUG PHYI ROL TU MTSAN DANG DPE BYAD DANG LDAN PA; RNAM PA DANG BCAS PA BRGYAD GNYIS KYI LO'O, ,BYAD GZUGS MDZES PA CHEN PO'I SHA RGYAS PAS DREGS PA, SGEG PA'I NGA RGYAL CAN, PHYAG BZHI PA, SPYAN GSUM PA, SRA ZHING MTHO BA'I NU MA DANG, RUS PA SNA TSOGS KYI RGYAN GYIS BRGYAN PA, PHYAG RGYA LNGA 'DZIN PA, G-YON BRKYANG PAS RO'I STENG NA GNAS PA, KA P'A LA DANG, KHA tV'Am GA DANG, MDA' GZHU KHENGS PAR 'GENGS PA, BDUD GRANGS MED PA 'JOMS PA KHO NA SKU MDOG SNA TSOGS PA, MDZES PA'I GZUGS 'DZIN PA, THUGS RJE CHEN POS SEMS CAN 'GUGS MA, SEMS CAN GYI DON MDZAD PA LA BRTZON PA, BREL BA DANG MI MKHYEN PA MED PA'I SEMS DANG LDAN PA'O, ,PHYI'I 'PHAR MA SHAR DANG BYANG DANG NUB DANG LHO MTSAMS

RE RER NANG GI LHA MO BZHIN DU LHA MO GNYIS GNYIS TE, SKRA DMAR MA DANG, RIN CHEN MA DANG, PHUG RON MA DANG, SER MO DANG, NAG MO DANG, RI BONG MA DANG, RI DVAGS MO DANG, RAM MO'O, ,SHAR DANG, BYANG DANG, NUB DANG, LHO'I SGO RE RER SGO SKYONG MA GNYIS GNYIS TE, DE DAG KYANG DREGS PA CHEN PO 'JIGS PA CHEN MO MCHOG GI LEGS DGYES KYIS RINGS PA, SNA TSOGS KYI NYAMS KYIS SKU KHYAB PA'O, ,SHAR SGOR RDO RJE RO LANGS MA DANG, RDO RJE DRA BA MA SKU MDOG NAG PO PHYAG BZHI MA, MDA' GZHU 'GENGS SHING CHU SRIN DANG NYA BSNAMS PA, KA P'E LA DANG KHA tV'Am GA 'DZIN PA, SPYAN GSUM PA, PHYAG RGYA LNGAS BRGYAN PA, GCER BU SKRA GROL BA, MI'I RUS PA SNA TSOGS KYI RGYAN GYIS BRGYAN PA, G-YON BRKYANG BA, MGO PO'I CHUN 'PHYANG RGYU MA LAS BRGYUS PA 'CHANG PA'O, ,BYANG SGOR RDO RJE RTZE MO MA DANG, DE BZHIN DU RDO RJE ZLUM PA MA SKU MDOG SER MO SENG+GE DANG BYA KHYUNG BSNAMS PA'O, ,NUB SGOR RDO RJE SKE RAGS MA DANG, RDO RJE SER MO MA SKU MDOG DMAR MO GLING BU DANG RDZA RNGA CHEN PO'I SGRA KHO NA'O, ,LHO SGOR RDO RJE DGOD MA DANG, RDO RJE NYI MA MO SKU MDOG LJANG GU RDZA RNGA DANG PI WANG GI ROL MO'I SGRA KHO NA STE, JI LTAR SHAR SGOR BZHUGS PA'I RNAL 'BYOR MA DE LTAR THAMS CAD KYANG RUS PA LA SOGS PA'I RGYAN DANG, BZHUGS THABS DANG, PHYAG MTSAN DANG LDAN PA'O, ,LONGS

, ,SPYOD KYI 'KHOR LO'I NANG NA YOD PA'I RTZA BRGYAD GNYIS KYI GRANGS NI, DE DAG KUN GYI RNAM PAR DAG PA'O, ,SKU BRGYAD BDAG NYID KYI NI MGON,, MCHOD SBYIN SGRA YIS KUN TU BRTAGS, ,MCHOD PA DE NI MCHOD SBYIN BRJOD, ,RTZA NI KUN GYI GNAS RAB MCHOG ,GNAS NI GDAN LA SOGS PA'I DGYES, ,GNAS KUN GYI NI BLA NA MED, ,GSANG CHEN DAG PA PADMA YI, ,'DAB MA BRGYAD PA LTE BAR BCAS, ,BDE BA YI NI YANGS PA'I SAR, ,RTZA YI DKYIL 'KHOR GYIS BRGYAN NO, ,GNAS NI GDAN LA BYA BAR GRAGS, ,GNAS NI RTEN DU BRJOD PA'O, ,BDE BA 'BYUNG BA'I NGAL SOS NI, ,DE YI ZHING NI DON DAM PAR, ,BDE BA'I YE SHES 'BYUNG BA STE, ,TSANDO HAR NI 'DI RU BSHAD; ;THIG LE GSUM GYI YE SHES BDE, ,GCIG BYED PA YI GTAN TSIGS KYIS, ,DE YI 'DUS SAR BSTAN PA YIN, ,RNAL 'BYOR RGYUD DU RNYED DKA' BA, ,GANG DU TSOR BA YOD PA STE, ,BDE BA 'BYUNG BA'I THIM DE BZHIN, ,DE NI 'DI RU DUR KHROD BRJOD, ,YANG NA BDE BA'I RNAM SHES SO, ,GANG DU BDE BA YANG DAG RNYED, ,DE NI PI LA BA RU GRAGS,, SKYE DANG THIM PA'I YE SHES TE, ,GANG DU BDE BA'I ZLA BA SKYE, ,DE NI LAM RAB TU NI BSTAN, ,'GRO BA'I BDAG NYID LAM YIN NO, ,BDE BA'I RGYAL PO GANG ZHIG 'GOG ,DE NI SBYOR

BA'I YE SHES RAB, ,DE NI GNAS BRGYAD DGYES PA YIN, ,SKU BRGYAD RANG GI NGO BO CAN, ,YE SHES BRGYAD KYI BDAG NYID BDAG ,SANGS RGYAS KUN GYIS RNYED DKA' BA, ,RTZA KUN GYI NI DAG PA'I GZHI; ;DE LA YANG NI RTZA KUN GNAS, ,NYE BA'I GNAS NI THAMS CAD KUN, ,LHA YI DBANG PHYUG RNAM PAR SMIN, ,BSKYED DANG RDZOGS PA'I SBYOR BA YIS, ,THIG LE DRUG NI RAB TU GRAGS, , THIG LE'I DBUS NA YE SHES YOD, ,DAG GI LAM GYIS RNYED PAR DKA', ,BSKYED PA DANG NI RDZOGS PA MED, ,DRUG MIN DE BZHIN GSUM BA MIN, ,GSUM DANG BRAL BA GSUM PAR GRAGS, YE SHES RANG BZHIN DE SKYED MED, ,NYI MA'I THIG LE'I YE SHES SHAR, ,'BAD PA YIS NI MCHOD SBYIN BYA, ,GANG TSE MCHOG BYUNG MA SHAR BAR, ,DE TSE NYI MA 'BYUNG MI 'GYUR, ,ZLA BA DE NI DGA' BRAL DGA', ,CHAGS PA 'DI RU THIM PAR BYED, ,NYI MA'I DBUS NAS ZLA BA 'BYUNG, ,ZLA BA'I DBUS NAS NYI MA 'CHAR, ,DRI MA MED PHYIR YANGS PAR 'GRO, ,SHES RAB BDAG NYID GZUGS KYI PHYIR, ,THAMS CAD LA NI TSIM PAR BYED, ,THAMS CAD KYI NI SKYE BA'I RGYU, ,'BRAS BU BYED PA'I BDAG NYID ZLA, ,RGYU BYED BDAG NYID ZLA BA STE, ,'BRAS BU BYED BDAG NYID MA 'O, ,RGYU DANG 'BRAS BU GNYIS MED PA'I, ,BDE BA CHAGS CHEN BDAG NYID DO, ,CHAGS PA CHEN PO DNGOS MED NA, ,JI LTAR BDE BA 'BYUNG BAR 'GYUR, ,BDE BA YE SHES

, ,DRI MED GRAGS, ,THA MAL BDE NYID BDE BA MIN, ,BYOL SONG BAG CHAGS RAB RMONGS PA, ,DBANG PO GNYIS KYI BDE BAR 'DOD, ,BDE BA MCHOG GI RANG RIG PA, ,CHAGS PA DANG NI CHAGS BRAL MED, ,BDE BA THIG LE'I NANG DU NI, ,CHAR YANG NANG DU BDE BA CHE, ,DE GNYIS YE SHES TSUL GYI NANG, ,RNAM PAR SHES PA'I TSUL CAN DANG, ,RNAM PAR SHES DANG YE SHES BRAL, ,GZHAN DANG GZHAN MIN NANG YOD PA'O, ,SBYOR DRUG GYES BA RNAM PAR SHES, ,CHAR YANG RTZA BA KUN BRTAG BRAL, ,RTOG PA SPANGS PA DE NYID NI, ,BSAM GTAN 'DZIN PA MED PA'O, ,TSOR BYA TSOR BYED GNYIS LAS GROL, ,SRID DANG MYA NGAN 'DAS DAG PA'I, ,DE NI GSANG CHEN DE NYID DO, ,GANG DU YANG NI GSAL MA BYAS, ,'BAD PA YIS NI SBA BAR BYA, ,SMRA BAR MI BYA GANG LA LAR, ,RNAL 'BYOR RGYUD DU MOS GYUR PA, ,LHA YI DBANG PHYUG GSAL MI BYA, ,DPAL YE SHES THIG LE LAS, SNGAGS KYI BZLAS PA'I RIM PA DANG, MCHOD SBYIN GYI CHO GA DANG, DKYIL 'KHOR BSKYED PA'I RIM PA DANG, GNAS KYI DON DANG, RTZA'I 'KHOR LO 'BYUNG BA DANG, DE KHO NA NYID KYI DON BSTAN PA'I LE'U STE BCU GCIG PA'O,, ,,DE NAS MCHOD PA'I CHO GA 'DI'I, ,NGES PAR BSTAN PA BDAG GIS BSHAD,,

THIM DANG LONGS SPYOD DAG GIS NI, ,YID 'PHROG YANG DAG MCHOD PA'O, ,ZLA BA NYI MA ME TOG GIS, ,SKU YI RGYAL PO NYID LA MCHOD, ,'DOD PA 'DI NI DPRAL BA RU, ,MAR NGO TSES KYI DANG PO DBANG, ,YID LAS DE RU 'DOD PAR 'GYUR, ,NGES PAR AA YI THIG LE LAS, ,THIM PA 'DI YIS TSES GNYIS PA, ,BDUD RTZI 'DI NI SMIN PHRAG TU, ,DGA' BAS DE LAS 'DA' PAR 'GYUR, ,A'A LI'I THIG LE GNYIS PAS SO, ,BDE BA'I MKHUR TSOS GNYIS NAS SU, ,TSES GSUM PA LA LONGS SPYOD 'GYUR, ,DE LA RNAM PAR SMIN PAS 'GRO, ,A'A LI'I THIGS PA GSUM PAS SO, ,BDUD RTZI KOS KO'I GNAS SU NI, ,TSES BZHI PA LA THIM PA 'BYUNG, ,DE LA MGU BA LAS DGA' BA, ,BZHI PA'I YE SHES THIG LES SO, ,BDE BA YI NI MGRIN GNAS SU, ,TSES LNGA PA LA LONGS SPYOD 'BYUNG, ,DE LA DGYES PAS RGYAS PAR 'GYUR, ,THIG LE LNGA PA'I KHENGS PAS SO, ,'DOD PA BRANG GI GNAS SU NI, ,TSES DRUG PA LA THIM PA 'BYUNG, ,DE LA BSAM GTAN LAS DRAG PO, ,THIG LE DRUG LA GANG BAS SO, ,BDE BA'I NU MA'I GNAS SU NI, ,TSES BDUN PA LA DBANG NI 'BYUNG, ,DE LA BDUN PAS 'BYUNG BA YIN; ;THIGS PA BDUN PAS KHENGS PAS SO, ,'DOD PA'I RTZI BA LOGS GNAS SU NI, ,TSES BRGYAD PA LA THIM PA 'BYUNG, ,DE LA CHAGS PAS MCHOG GI DGA', ,THIG LE BRGYAD

, ,BA GANG BAS SO, ,BDE BA'I LTE BA'I GNAS SU NI, ,TSES DGU PA LA LONGS SPYOD 'BYUNG, ,DE LA RNAM SMIN LAS 'BAR 'BYUNG, ,THIG LE DGU PA KHENGS PAS SO, ,'DOD PA'I MDOMS KYI GNAS SU NI, ,TSES BCU PA LA THIM PA 'BYUNG, ,DE LA BRTAN LAS THIG LER 'GYUR, ,THIG LER BCU PA GANG BAS SO, ,BDE BA'I SPYI BO'I GNAS SU NI, ,BCU GCIG PA LA DBANG NI 'BYUNG, ,DE YI STOBS LAS MYOS PAR 'GYUR, ,BCU GCIG THIG LE KHENGS PAS SO, ,BDE BA'I RDO RJE'I RTZA GNAS SU; ;BCU GNYIS TSES LA THIM PA 'BYUNG, ,DE LA 'OD LAS DGA' BRAL DGA', ,BCU GNYIS THIG LE GANG BAS SO, ,RGYAS PA'I RDO RJE'I DBUS GNAS SU, ,BCU GSUM TSES LA LONGS SPYOD 'BYUNG, ,DE LAS SNANG BAS AUR TAR 'BYUNG, ,A'A LI'I BCU GSUM THIG LES SO, ,BDE BA'I MDUD PA'I GNAS SU NI, ,BCU BZHI PA LA THIM BA SHAR,, DE LA REG BYA LAS CHUR 'GYUR, ,BCU BZHI'I ZLA BA'I THIG LES SO, ,BDE BA'I NOR BU'I DBUS SU NI, ,NYA GANG BA LAS DBANG NI SHAR, ,DE LAS PHRAD LAS GNYID DU 'GYUR, BCO LNGA PA YI THIG LES SO, ,DBANG PO BCU DRUG PA YI CHA, ,GZHAN NI GANG DU'ANG MI DMIGS SO, ,DE BZHIN DU NI SO SOR GZUGS, ,RANG BZHIN DE NI YOD PA YIN, ,DGA'

BA'I BYE BRAG LHAN SKYES DGA', ,BCU DRUG PA YI DON DU YOD, ,CHAR YANG BCU DRUG 'DI RU NI, ,YOD PA MA YIN MED PA MIN, ,DE BZHIN DU NI YE SHES CHE, ,LHA YI DBANG PHYUG RANG BZHIN NO, ,G-YAS G-YON YAN LAG GNYIS SU NI, ,KHU BA YI NI 'BYUNG BAR DRAN, ,MAR NGO DE BZHIN YAR NGO YI, ,'DOD PA YIS NI 'BYUNG BA'I TSE, ,BCU DANG LNGA YIS GNYIS MED SBYOR; ;BDE BA 'DI YI 'BYUNG BA MIN, ,DE NYID GSUM SHES BCU DANG LNGA, ,SHES RAB DANG BRAL BDE BA CHE, ,BLA MA'I ZHAL SNGA'I BKA' DRIN GYIS, ,GNYIS SU MED PA'I BDE BA SHES, ,RTAG TU MOS PA YIS NI SHAR, ,BSAM GTAN GYIS NI SHES PA'O, ,BCU DRUG GI NI YI GE'I GZUGS, ,A'A LI'I THIG LE RANG NGO BO, ,A'A SOGS YIG 'BRU'I CHAR YANG 'BYUNG, ,A'A LI'I YE SHES BDE BDAG NYID, ,KA SOGS YIG 'BRU'I CHAR YANG 'BYUNG, ,K'A LI'I YE SHES BDE BA CHE, ,A'A LI K'A LI GNYIS SBYOR LAS, ,MCHOD SBYIN GYIS NI RAB MCHOD BYA, ,MCHOD PA YANG NI DE BZHIN TE, ,GSANG BA'I PADMA'I SNYING GAR RO, ,GSANG BA DE NYID GSUM ZHES BYA, ,LA LA MDA' LA GNYIS SBYOR LAS, ,MCHOD SBYIN GYI NI RAB MCHOG BYA, ,MCHOD PA YANG NI DE BZHIN TE, ,GSANG BA'I PADMA'I SNYING GAR RO, ,GSANG BA DE NYID GSUM ZHES BYA, ,THIM DANG LONGS SPYOD SOGS BYE BRAG, ,THIM PA DANG NI LONGS SPYOD DBANG, ,DGA'

, ,BA GSUM DU BSTAN PA'O, ,DE YI THIG LE GSUM ZHES BYA, ,SKU GSUM YIG GSUM BDAG NYID DO, ,TSANGS PA'I BU GA DE BZHIN MGRIN, , SNYING GA RU NI THIG LE GSUM, ,DE YIS BSKYED PA'I RIM SHES BYA, ,MDUD PA'I NANG NI MAN CHAD DO, ,BZLOG BA YI NI THIG LE GSUM, ,GYEN DU RDZOGS PA'I RIM PA YIN, , RGYU 'BRAS RNAM DAG BYE BRAG TU, ,THIG LE DRUG NI RAB TU GRAGS, ,DRI MED YE SHES CHAR YANG DRUG ,DE NI RNAM SHES SBYOR DRUG BSHAD, ,DE YI DBUS SU DE NYID BZHUGS, ,LHAN SKYES DGA' BA'I BDE BA CHE, ,MCHOD PA'I LAS SBYOR CHE BA YIS, ,THE TSOM MED PAR RNYED PAR 'GYUR, ,MCHOD PA'I DAM TSIG DUS SU NI, ,GSANG BA'I SGRA NI 'BAD PA YIS, , GANG ZHIG 'DOD PA GRUB PA CHE, ,DAM TSIG SEMS DPAR BRJOD PAR BYA, ,LA LA RDO RJE LA LA PAD, ,A'A LI ZLA BA K'A LI NYI, ,RI BONG CAN NI KHU BA'O, ,NYI MA KHRAG TU RAB TU GRAGS, , KHU BA GA PUR SHES BYA STE, ,KHRAG NI SI HLA ZHES SU DRAN, ,SBRUL NI NAG PO GNYIS KA YIN, ,'DUS PA PHUNG POR BRJOD PA'O, ,NA RA KA P'A LA RU BRJOD, ,CHAGS PA CHAD DU RAB TU GRAGS; ;ZHE SDANG DE NI SHA YIN TE, ,GTI MUG TSOD MA RU NI DRAN, ,NGA RGYAL 'DI RU SHA CHEN PO, ,ZAN NI PHRAG DOG NYID DU DRAN, ,GCI 'KHOR BSHAD BA MYA NGAN 'DAS, ,MTHO RIS

GZUGS ZHES DRAN PA'O, ,MI YI YUL NI SGRA ZHES BSTAN, ,SA 'OG RO RU BSHAD PA'O, ,DRI NI RI RAB RTZE MO'O, ,GLING BZHI PO NI REG BYA 'O; ;SA NI PHA RU RAB TU GRAGS, ,CHU NI SRING MO YIN PAR DRAN, ,ME NI YUM STE BU MO NI, ,RLUNG DU RAB TU GRAGS PA'O, ,NAM MKHA' SGYUG MOR SHES PAR BYA, ,BCINGS PA MED PA NAM MKHA' YIN, ,SKAL LDAN MA YIN KRUNG KRUNG MO; ;SKAL LDAN DANG PA 'ON PA MTSE, ,'ON PA MIN PA RGYA MTSOR BRJOD, ,DBANG BSKUR GRONG KHYER PA RU DRAN, ,DBANG BSKUR MIN PA GRONG PA BZHIN, ,GSANG BA SNYING GA YIN PAR BRJOD, ,KHYER SHOG DRI MA MED PAR BRJOD, ,GSAL BYED NAM MKHA' YIN PAR DRAN, ,GZHANG KHA DGYES PA dAm dI 'BRAS, ,MA RUNGS LCAGS SU KUN TU GRAGS, ,STAN NI PADMA YIN PAR BRJOD, ,SBYIN PA GE SAR DRAN PA 'O, ,GZHON NU MA NI MTSE 'UR GRAGS, ,RGAN MO GTZANG POR DRAN PA'O, ,GNAS PA RNA BA ZHES SU BRJOD, ,'GRO BA 'DI NI AURBU DA, ,DUS NI DBYUG PA BDE BA NYID, ,THAL BA MIN DGA' DGA' STOBS SO, ,DE DAG TSOGS KYI MCHOD SBYIN GYI, ,DUS SU 'BAD PAS BRJOD PAR BYA, ,KHRUNG KHRUNG LA SOGS 'JUG MIN PHYIR, , GSANG BA'I TSIG NI SMRA BAR BYA, ,RNAL 'BYOR MA 'AM RNAL 'BYOR PA, ,SHIN TU DGYES PAS GSANG SKAD SMRA, ,DPAL YE SHES THIG LE LAS, MCHOD PA'I RIM PA DANG, GSANG

, ,BA'I SKAD CES BYA BA'I LE'U STE BCU GNYIS PA'O,, ,,DBANG BSKUR LA SOGS NGES BSTAN NI, ,LHA YI DBANG PHYUG NGAS 'DIR BSHAD, ,RGYUD GSUM GYI NI RIM PA YIS, ,DBANG DRUG DBYE BA BSTAN PA'O, ,CHU YI DBANG BSKUR DBU RGYAN DAG ,BYA BA'I RGYUD LAS RAB TU GRAGS, ,RDO RJE DRIL BU DE BZHIN MING, SPYOD PA'I RGYUD LAS RAB TU GSAL, ,PHYIR MI LDOG PA YI NI DBANG, ,RNAL 'BYOR RGYUD DU GSAL BAR BYAS, ,DE NI DRUG GI BYE BRAG DBANG, ,DE NI SLOB DPON DBANG ZHES BYA; ;RNAL 'BYOR BLA MA YI NI MTSAN, ,GSANG BA YI NI DBANG RGYAL BSHAD, ,SHES RAB YE SHES BLA NA MED, ,BZHI PA DE LTAR DE BZHIN NO, ,DGU YI BYE BRAG DBANG [?] LA SOGS; ;'BRAS BU'I PHYIR NA BRGYAD DBYER 'GYUR, ,BZHI PA DE LTAR DE BZHIN BRJOD, ,SHES RAB YE SHES DE YI 'BRAS, ,DNGOS PO SO SOR SHES MI BYA, ,DE LTAR ZHES NI TSAD MED DO; ;DE BAS 'BRAS BU'I TSIG DON NI, ,RIGS PA MA YIN PA YI SEMS, ,DE BZHIN RE ZHIG DGA' BA'I SEMS, ,DE BZHIN RE ZHIG DGA' BA'I RIM, ,JI LTAR BUR NI YOD PAR 'GYUR, ,DGA' BA LUS SU GRAGS PA STE, ,MCHOG TU DGA' BA 'DI RU GANG, ,YID NI DGA' BRAL SHES PAR BYA, ,LHAN SKYES DE NI GANG NA YOD, ,KUN NA YOD PA'I

YE SHES SEMS, ,SEMS LAS GZHAN NI YOD PA MIN, ,GANG ZHIG CI ZHIG 'DI THAMS CAD, ,DE NI THAMS CAD SEMS YIN NO, ,SEMS LAS THAMS CAD 'BYUNG BA STE, ,SEMS KYIS YONGS SU 'DAS PA'O, ,LUS KYI MGO BO DGA' BA'I GNAS, ,NGAG GI MGRIN PA MCHOG TU DGA', ,SEMS NI SNYING GAR SHES BYA BA, ,CHAGS PA'I DGA' BA RTAG TU SHAR, , LUS RGYU 'BRAS BU DE NI NGAG ,NGAG NI RGYU STE 'BRAS BU YID, ,YID NYID YONGS SU SHES PA NI, ,'BRAS BU DE NI DON DAM PAR, ,DE NYID GSUM BDAG YE SHES GANG, ,RTZA GSUM NANG GI DBUS NA BZHUGS, ,GNAS GSUM KHYAB PA SKYE BA MED, ,'OD GSUM SRID PA GSUM DANG BRAL, ,'OD RAB GNAS NI RAB KYI MCHOG ,DE NI BZHI PA MCHOG GI DBANG, , BDUN GNYIS BYE BRAG TU NI YOD, ,YAN LAG RAB KYI MDOR BSDUS LA, ,CHU YI DBANG BSKUR DGA' BA'O, ,GSANG BA'I DBANG BSKUR MGRIN PA RU, ,MCHOG TU DGA' BA'I BDAG NYID MCHOG ,SHES RAB YE SHES KYI NI DBANG, ,SNYING GA RU NI DGA' BRAL DGA', ,GSANG BA PADMA'I LTE BA RU, ,BZHI PA'I RANG BZHIN BDAG NYID DO, ,DE LTAR DBANG NI BZHI RU DBYE, , BSKYED PA'I RIM PA'I PHYOGS YIN NO, ,CHU YI DBANG NI MDOMS SU STE, ,SNA TSOGS 'BRAS BU SBYIN PA'O, ,GSANG BA'I DBANG NI GNYIS PA STE, ,RNAM PAR SMIN PA'I 'BRAS BU

, ,STER; ;RDO RJE YI NI RTZA BA'I GNAS, ,RTZA BA DANG NI MDOMS KYI 'OG ,SHES RAB YE SHES KYI NI DBANG, ,MDUD PA'I GNAS SU RTAG TU DRAN, ,DBANG RNAMS KUN GYI BLA MA'I BLA, ,RNAM PAR 'JOMS PA'I 'BRAS BU STE, ,SHES RAB YE SHES NOR BU'I KHAR, ,SHES RAB PADMA'I YID 'GRO'I PHYIR, ,RLUNG MA DANG NI GNYID SKYED RTZA, ,GNYIS KA RGYAS PA YIS NI BDE, ,GYEN GYI LAM GYIS BZLOG PAR BYA, ,MDUD PA'I NANG GI GNAS SU 'GRO, ,DE LTAR BZHI PA RAB TU BSTAN, ,MTSAN NYID DANG BRAL 'BRAS BUR GRAGS, , MDUD BA'I GNAS SU RIM PA YIS, ,TSANGS PA'I SPRUL PA SNYING MAN CHAD, ,DE TZAM DU NI LHAN SKYES DGA', ,RLABS DANG BRAL BA DPE MED DO, ,DE NI DE KUN DON DAM PAR, ,DBANG GI YE SHES NGES BSTAN TO, ,RDO RJE KA BA DE BZHIN GSANG, ,SDOM DANG SDOM PA'I RGYA MTSO DANG, ,RIGS CHEN YE SHES SNYING PO DANG, ,KYE RDOR 'JIGS BYED RDO RJE DANG, ,MTSAN DANG GSANG BA 'DUS PA RU, ,LHA YI DBANG PHYUG BDAG GIS SBAS, ,KHYOD KYIS NGOR MDZAD DBANG GI DON, ,RGYUD 'DI RU NI RAB TU GSAL, ,RTOG GE BA DANG RGAN PO DANG, ,DGE SLONG MOS PAR GNAS PA LA, ,YANG DAG LAM SHES SLOB DPON GYIS, ,DE RNAMS DE NYID BSHAD MI BYA, ,AA YI YIG 'BRU DGA' BA YIN, ,BHI YI YIG 'BRU MCHOG TU

DGA'; ;shE YI YIG 'BRU DGA' BRAL DGA', ,KA YI YIG 'BRU LHAN SKYES SO, ,GANG DU YANG NI MI DMIGS SHING, ,AA NI SKYE MED RANG BZHIN TE, ,KUN GYI RGYU NI YIN PHYIR RO, ,shE YI YIG 'BRUR YANG DAG BRJOD, ,GTZUG TOR GSANG BA'I PADMAR BHI, ,BSKUR DANG KHRUS NI BYED PA'I PHYIR, ,KA NI RNAM RTOG DNGOS POR GRAGS, ,'GRO BA CHAD PA'I BDAG NYID DO, , GSANG BA'I PADMA'I SNYING GA AA, ,RTZA KUN GYIS NI 'BIGS PA GANG, ,DE PHYIR MNGON PAR DGA' BA MCHOG ,BHI YI YIG 'BRU THIG LE 'BIGS, ,shE BDE YE SHES KUN BRTAG BRAL, YANG DAG DON GYIS GSAL BAR BYED, ,DANG PO'I DGA' BA RGYU YI DNGOS, ,AA YI YIG 'BRU MCHOG GI GNAS, ,MCHOG DGA' DGA' BRAL DGA' BAR GRAGS, ,DBANG BSKUR RAB TU GRAGS PA'O, ,DE GNYIS DBUS SU DE NYID BZHUGS, ,RANG BZHIN DGA' BA BZHI DANG BRAL, ,MNGON PAR DGA' DANG DGA' BRAL DGA'I, ,GANG ZHIG RANG BZHIN MI SHES NA,, DPAL LDAN RDO RJE SEMS DPA' YIS, ,SANGS RGYAS YIN YANG MI BSTOD DO, ,RDO RJE 'DZIN PA THAMS CAD KYI, ,THAMS CAD KHYAB PAR MNGA' BDAG BDAG ,SANGS RGYAS THAMS CAD RGYAL CHEN PO, ,SANGS RGYAS THAMS CAD YID LTAR MGYOGS, ,THAMS CAD KUN GYI DBANG PHYUG BDAG ,'BYUNG BA KUN GYI BDAG NYID DO, ,DPAL YE SHES THIG LE LAS, DBANG

, ,BSKUR BA'I NGES PA BSTAN PA'I LE'U ZHES BYA BA STE BCU GSUM PA'O,, ,,DE NAS YANG NI BSHAD BYA BA, ,NANG GI MTSAN NYID SBYIN SREG GO ,KHA NI HOM KHUNG DGANG GZAR LAG ,TSUL NI RANG BYUNG ME YIN NO, ,NGA RGYAL PHRAG DOG BSREG RDZAS YIN, ,BZLAS PA DE NI KHAM DU BRJOD, ,SA 'OG DANG NI SRING MO MAR; ;DE YI BSREG RDZAS RAB TU DBUL, ,YE SHES BDUD RTZI RNAM DAG PAS, ,PHRAG DOG LA SOGS BSANG GTOR BYA, ,DUM BU GSUM PA'I SNOD MDUN DU, ,PHRAG DOG BDUD RTZIS RAB TU TSIM, ,RDOR GSUM YE SHES SA BON GYI, ,DAG BYAS DKAR BYAS RIM GYIS SO, ,RLUNG MER BSKUL BYAS 'BAR BAR BYAS, ,BDUD RTZI MCHOG NI ZHU BAR BYED, ,HA YI MA MO'I SNGAGS KYIS NI, ,'KHOR LO DRUG NI RAB TSIM BYA, ,RI BO'I MA MO DANG BRAL BAS, ,PHYI NANG RTAG TU RAB TSIM BYA, ,DE LTA'I SBYIN SREG LAS KYIS NI, ,LHA YI SKU RU NGES PAR 'GYUR; ;LHA YI SKU NI BDE CHEN PO, ,DON DAM PAR NI SHES PA'O, ,LHA YI YIG 'BRU YIS 'BYUNG GANG, ,DE NI DON DAM SBYIN SREG GO ,DPA' BO GNYIS KYI MNYAM SBYOR BA, , DUS KYI GANG DU STENG DBANG PO, ,LTE SNYING BDE BA'I PADMA YI, ,RTAG BAR SHES RAB MAS NI BRJOD, ,DE NI SBYIN SREG BSREG RDZAS LDAN, ,MNGON PAR DGA' LAS 'BYUNG BA'O, ,KUN

RDZOB RNAM PA'I GZUGS SU NI, ,SHES RAB THABS NI PHRAD PA LAS, ,SBYIN SREG LAS KYI 'BRAS BU MCHOG ,MYUR BA RU NI RNYED PA 'O, ,HOM KHUNG DHA LA DGYES PA CHE, ,LA LA 'DI RU DGANG GZAR DRAN, ,BLUGS GZAR GSANG PAD SNA YI RTZE, ,MAR NI KHU BA ZLA 'OD MNYAM, ,GSANG PAD ZLUM PO'I RNAM PA BZHIN, ,MAR GYI SNOD DU RNAM PAR GRAGS, ,BLUGS GZAR DGANG GZAR MAR GYI SNOD, ,RTZA GSUM DU NI BRJOD PA'O, ,BSRUB DANG SRUB PA'I SBYOR BA YIS, ,RLUNG MA DANG NI GNYID MA GNYIS, ,GCIG PA'I DNGOS PO YANG DAG PAS, ,YE SHES ME NI MCHOG TU 'BAR, ,PADMA'I 'KHOR LO DRUG RIM PAS, ,GZHAN MIN BDE CHEN MAN CHAD DO, ,MCHOG GI BDUD RTZI RGYUN NI 'DZAG ,JI LTAR MKHA' LAS CHU 'BAB PA, ,RTZA YI DRA BA DU MA YIS, ,'KHOR LO DRUG SNYING KHYAB PA'O, ,SKU GSUM YE SHES RDO RJE MCHOG ,RTAG TU BSREG RDZAS MCHOD PAR BYA, ,ME YI KHA RU DGANG GZAR NI, ,MAR GYIS BKANG PA DBUL BAR BYA, ,ME NI MCHOG TU DGA' BA STE, ,RNAM RTOG HOM SHING TSIG PAR BYED, ,MDUD PA'I HOM KHUNG GI NI ME, ,DE NI MCHOG TU DGA' RANG BZHIN, ,ZHI BA'I ZLUM PO'I RNAM PA BZHIN, ,LONGS SPYOD DANG NI GROL BA BZHIN, ,SKU YI RDO RJE RIN CHEN KHAR, ,GSUNG GI RDO RJE DBUS KYI DKYIL, ,THUGS KYI RDO RJE MDUD SNYING PO, ,DGA' BA YIS NI MCHOD PAR

, ,BYA; ;GSUNG GI RDO RJE BLUGS GZAR MCHOG ,DGA' BRAL DGA' BA SKU RDO RJE, ,LHAN SKYES DGA' BA'I YE SHES KYI, ,DGANG BLUGS KYIS NI MCHOD PAR BYA; ;BCOM LDAN 'DAS KYIS DE SKAD CES BKA' STZAL PAS, BYE BA PHRAG BDUN CU RTZA GNYIS KYI GRANGS KUN BRGYAL BA DANG, SA LA 'GYEL BAR GYUR TO, ,DE NAS YUN RING PO ZHIG NAS 'DI SKAD CES GSOL TO, ,LHAN CIG SKYES PA'I DGA' BA LA 'DIR YE SHES YOD DAM CI ZHES YANG YA MTSAN DU GYUR TO, ,YANG DE'I DUS SU BCOM LDAN 'DAS MAS PHYAG RGYA CHEN POS DAM POR 'KHYUD NAS MA MCHU BTUNG BA'I BDUD RTZI'I MCHOD SBYIN PHUL TE GSANG BA'I PADMA'I BSKOR BA DAM PO'I SNYIM PA MNYAM PAR SBYOR BA BCINGS NAS GUS PAS ZHUS PA, SANGS RGYAS KUN GYI BLA MA MGON, ,YE SHES ZAB MO DRI MA MED, ,CI YI DON PHYIR DE'I LTA'I TSIG ,'KHOR KUN GYI NI NANG DU GSUNGS, ,LHAN CIG SKYES DGA'I YE SHES GANG, ,DGANG BLUGS KYIS NI MCHOD PA LA, ,BDAG KYANG 'DIR NI BCOM LDAN 'DAS, ,THE TSOM CHEN PO SKYES PAR GYUR, ,GSANG BA YI NI GSANG BA MCHOG ,RNAL 'BYOR MA RGYUD DU MA RU, ,MGON POS GANG DU'ANG MA GSUNGS SO, ,DE TZAM YANG NI BRDAR MA MDZAD, ,LHAN CIG LA NI YE SHES YOD, ,MA GSUNGS BDAG GIS

THOS MA LAGS, ,DE RING DE LTAR THE TSOM DAG ,MNGA' BDAG CHEN POS GCAD DU GSOL, ,BCOM LDAN 'DAS KYIS BKA' STZAL PA, AA LA LA RAB TU NGO MTSAR TO, ,LHAN CIG SKYES PA'I DGA' BA LA CI'I PHYIR YE SHES MED, ,DAD PA CHEN PO DANG BRTZON 'GRUS CAN DANG YE SHES DANG LDAN PA YANG RMONGS PAR 'GYUR NA, YE SHES MED PAS LHAN CIG SKYES PA'I DGA' BA JI LTAR RNYED, DE BZHIN DU YANG 'DIR GZHAN PA DE MA YIN PA'I DPE NYON CIG ,JI LTAR, DU BA LAS NI MER SHES TE, ,CHU SKYAR LAS NI CHU YIN NO, ,BYANG CHUB SEMS DPA' BLO LDAN GYI, ,RIGS NI MTSAN MA RNAMS LAS SHES, ,DE BZHIN DU LHAN CIG SKYES PA'I DGA' BA RNYED PA'I DON GYI PHYIR SKYABS SBYIN GYI NGO BO YE SHES SO, ,YE SHES NI, TSOR BAR YONGS SU SHES PAS SPYOD PA'I BDAG NYID KYI THABS DE NI, YE SHES SU BDAG GIS BSHAD DO, ,DE BZHIN DU JI LTAR MUN NAG TU RIN PO CHE PHRA MO'I PHRA MO YOD PA DE NI, RIN PO CHE MAR ME MA YIN PAS RNYED PAR MI 'GYUR BA DE BAS NA, BLO GROS CAN GYIS RIN PO CHE MAR ME KHYER NAS TSOL BAR BYED LA, GAL TE DE RNYED NA DE CI MAR ME LAS RIN PO CHE SKYE'AM; 'ON KYANG MAR ME'I THABS KYIS MTHONG BA DANG RNYED PA DE BZHIN DU YE SHES KYI MAR MES LHAN CIG SKYES PA'I DGA' BA'I RIN PO CHE'I RGYAL PO MTHONG ZHING RNYED KYI, YE SHES

, ,LAS SKYE BA NI, MA YIN NO, ,DE BAS NA YE SHES KYI SGRA 'DI NI, DON MI SHES PA'I PHYIR MKHAS PAS 'DIR THE TSOM MI BYA'O, ,DPAL YE SHES THIG LE LAS, MCHOD PA SNA TSOGS NGES PAR BSTAN PA DANG, NANG GI SBYIN SREG CES BYA BA'I LE'U STE BCU BZHI PA'O,, ,,DE NAS GTOR MA CHEN PO'I LAS KYI NGES PAR BSTAN PA'I DON BSHAD DO, ,SEMS CAN THAMS CAD BSRUNG DON DU, ,'BAD PA YIS NI GTOR MA SBYIN, ,BHA YI YIG 'BRU BHA GAR BRJOD, ,LIm GI YIG 'BRU LIm GAR BSTAN, ,LING+GA GAR MNYAM SBYOR BAS, ,SEMS CAN THAMS CAD KYI NI TSOGS, ,DE LAS 'BYUNG BAR 'GYUR BA STE, ,LHA MO DE NYID SHES BYA STE, ,THAMS CAD SGRA NI DGA' BA YIN, ,SEMS CAN DON NI MCHOG TU 'GYUR, ,TSOGS PA DE NI DGA' BRAL DGA', ,GTOR MA DE YIS BSTUNG BA'I DON, ,DUR KHROD YANG NI CHU YI DOGS,, YE SHES LDAN PAS SBYIN PAR BYA, ,DUR KHROD DBUGS DBYUNG GI NI GNAS, ,GSANG BA'I PADMA'I BYA GDONG NGO, ,SHA YI YIG 'BRU PADMA DAG ,WA YI YIG 'BRU LTE BAR YIN; ;SA YI YIG 'BRU BDE NGO BO, ,NA YI YIG 'BRU BCOS PA MED, ,DRI MED MA YI ZHU BA'I DGA', ,THIG LE'I NGO BO YI GE BRAL, ,DUR KHROD DBUGS DBYUNG DU NI GRAGS, ,

ZHAL BZANG BDAG GIS BSHAD PA YIN, ,CHU YI NGOGS NI RIN CHEN KHA, ,YANG NA DE NI RTOG MED MA, ,'BYUNG BA RNAMS NI BSRUNG BA'I PHYIR, ,DE LA GTOR MA SBYIN PAR BYA, ,'BYUNG BA KHU BA RU NI GRAGS, ,KHU BA SEMS CAN 'DI RU BSTAN, ,SEMS CAN SNYING PO YE SHES BDE, ,BHA GA LIm GA GNYIS LAS 'BYUNG, ,DE LAS BSRUNG BA'I DON DU NI, ,GTOR MA KUN TU 'BAD DE SBYIN; ;DPAL YE SHES THIG LE LAS, 'BYUNG BA BSRUNG BA'I DON DU GTOR MA CHEN PO NGES PAR BSTAN PA ZHES BYA BA'I LE'U STE BCO LNGA PA'O,, ,,DE NAS BCOM LDAN 'DAS MA PHYAG RGYA CHEN POS BYANG CHUB SEMS DPA' SEMS DPA' CHEN PO LHA'I DBANG PHYUG LA BOS TE, ,KYE DPA' BO CHEN PO LHA'I DBANG PHYUG ,'DIR DE KHO NA NYID GSUM GYI BDAG NYID DANG, ZLA BA'I BDE BA MCHOG DANG, PHYAG RGYA CHEN PO'I MTHA'I RGYAS PA NGES PAR BSTAN PA'I DON DU RANG GI NGO BO NYID DANG, TSAD DANG, RNAM PA DE DAG BCOM LDAN 'DAS KYI THAD DU LEGS PAR ZHUS SHIG ,BYANG CHUB SEMS DPA' SEMS DPA' CHEN PO LHA'I DBANG PHYUG GIS GSOL PA, MCHOG GI DBANG PHYUG MA, MCHOG GI BDE BA CHEN PO'I 'OD KYI RANG GI NGO BO, ,SANGS RGYAS THAMS CAD KYI YUM, ,SDIG PA THAMS CAD ZAD PAR BYED MA, ,BDUD THAMS CAD 'JOMS PAR BYED MA, ,DGA' BA THAMS CAD DANG,

, ,SKAD CIG DANG, RO DANG, YE SHES KYI MTHAR KHYAB PA, LTE BA'I PADMA'I DBUS NAS BZHENGS NAS BDE BA CHEN POS RAB TU TSIM PAR MDZAD MA, BCOM LDAN 'DAS, MA BZANG MO MCHOG ,DRI MA ME DPA'I SKU NAM MKHA'I NGO BO LEGS SO LEGS SO, ,YANG BYANG CHUB SEMS DPA'I SEMS DPA' CHEN PO LHA'I DBANG PHYUG GIS BCOM LDAN 'DAS MAS GSUNGS PA KHONG DU CHUD PAS MCHOG TU DGA' BA CHEN PO'I SEMS KYIS RDZU 'PHRUL DANG, CHO 'PHRUL RMAD DU BYUNG BA CHEN PO SPRUL TE RNAM PA DU MA SNA TSOGS PA'I MCHOD PA CHEN POS MCHOD PA BYAS NAS SNGAR GYI DRI BA DE DAG ZHUS SO, ,BCOM LDAN 'DAS, DE KHO NA NYID GSUM GYI BDAG NYID DANG, ZLA BA'I BDE BA MCHOG DANG, PHYAG RGYA CHEN PO'I MTHA'I RGYAS PA NGES PAR BSTAN PA'I DON DU RANG GI NGO BO NYID DANG, TSAD DANG, RNAM PA DE DAG BDAG LA BKA' STZAL DU GSOL, BCOM LDAN 'DAS KYIS BKA' STZAL BA, DRI BA SHIN TU ZAB LAS ZAB, ,THAMS CAD MKHYEN PAS RNYED DKA' BA, ,JI LTAR DE NYID MTSAN NYID NI, ,NYON CIG DA YIS BSHAD PAR BYA, ,MTSAN NYID LAS SKYES DE NYID NI, ,DE LTA MI NAN MI MTHUN NO, ,RANG RIG PA NI BDAG NYID PHYIR, ,DE BAS BRJOD PAR MI NUS SO, ,DE NYID GSUM BDAG DE SNANG BA, ,MTSAN MO'I 'DU SHES RANG NGO BO, ,ZLA BA'I

BDE MCHOG SNANG BA MCHED, ,NYIN MO'I 'DU SHES RANG NGO BO, ,PHYAG RGYA CHEN PO SNANG BA THOB, ,MTSAMS KYI 'DU SHES RANG NGO BO, ,MTHA' YI DE NI 'OD KYI RAB, ,NYIN MO MTSAN MO SOGS DANG BRAL; ;DE NI GNAS MCHOG YE SHES TE, ,BLTA BAR DKA' BA'I MTSAN NYID DO, ,CHAR YANG DANG NI THIG LE'I TSUL, ,DE NYID GSUM BDAG BRJOD PA'O, ,'KHOR LO GSUM YOD ME RLUNG CHU; ;DNGOS PO'I 'DU SHES RANG NGO BO, ,TSUL TZAM ZLA BA YI NI BDE, ,SA YI 'KHOR LOR BDE NI MCHOG ,DE NI RTEN GYI 'DU SHES CAN, ,LHA YI DBANG PHYUG SHES PAR BYA, ,PHYAG RGYA CHEN PO 'DI NI MCHOG ,NAM MKHAR YE SHES 'DU SHES SO, ,DE YI MTHA' YI GZHAN GYI MCHOG ,BDE CHEN MCHOG GI NAM MKHAR RO, ,DE NI RNAL 'BYOR NGO BOR GRAGS, ,GNYIS SU MED PA'I YE SHES RAB, ,DE NI 'KHOR LO DRUG DBUS GNAS, ,RNAM SHES DRUG GI RANG NGO BO, ,DNGOS PO RTEN LA SOGS BYE BRAG ,BZHIR NI BYA BAR YOD PA'O, ,DE NYID GSUM BDAG BYE BRAG GIS, ,DE NI RNAM PA GSUM DU DBYE, ,MTSAN MO NYIN MO MTSAMS BRAL PHYIR, ,GCIG PU YI NI BDE BA CHE, ,RANG BZHIN BSTAN PA GANG LA LAR, ,MCHOG GI NAM MKHA' GANG LA LAR, ,LA LAR 'OD RAB KYI NI GNAS, ,LA LAR DGA' BAR DRAN PA'O, ,LA LAR MCHOG GI DGA' BA STE, ,LA LAR DGA' BRAL DGA' BA 'O, ,SNA TSOGS DUM LA SOGS

, ,DBYE; ;LHAN SKYES GCIG PU RTAG TU SHAR, ,DU MAR SMRA BAS CI ZHIG BYA, ,'DI KUN BDAG NYID LHAN CIG SKYES, ,KUN RDZOB RNAM PA'I GZUGS KYIS NI; ;CHU YI ZLA BA BZHIN DU MTHONG, ,DON DAM PA YI RANG BZHIN NI, ,YANG DAG RTOG PA'I GNAS MED DO, ,THABS LA SOGS PA'I RIM PA YIS, ,BLA MA'I ZHAL NAS RNYED PAR 'GYUR; ;BLA MA MTHO RIS THAR PA'I BLA, ,BLA MA YE SHES BLA MA BDE, ,BLA MA STON PA BLA MA MGON, ,BLA MA RDO RJE 'DZIN PA NYID, ,BLA MA'I ZHAL SNGA'I BKA' DRIN LAS, ,MCHOG GI GNAS NI RNYED PAR 'GYUR; ;TSE 'DI YIS NI PHYAG RGYA CHE, ,DNGOS GRUB RNYED PAR THE TSOM MED, ,SA BCU YI NI DBANG PHYUG BDAG ,DE YI BKA' DRIN GYIS NI SLA, ,DE BAS BLA MA LAS LHAG GZHAN, , STON PA CHEN PO GA LA YOD, ,GANG ZHIG BLA MAS BSTAN BCOS NI, ,MDZAD DAM BSHAD PA GANG YIN YANG, ,DE NI BSTAN BCOS DE TSAD MA, ,DE NI DE NYID 'KHRUL PA MED, , SLOB DPON GSUNG DANG BDAG GIS SMRAS, ,DE LA BYE BRAG MI DBYE 'O, ,RNAL 'BYOR RNAL 'BYOR MA RGYUD SHES, ,BLA MAS MDZAD PA'I BSTAN BCOS GANG, ,DE LA SGRA DANG SGRA NGAN DU; ;LHA YI DBANG PHYUG BRTAG MI BYA, ,SNYAN NGAG ZLOS GANG BSTAN BCOS LAS, ,SGRA DANG SGRA NGAN BRTAG BYA YI, ,SNGAGS KYI BSTAN BCOS GTAN LA PHAB, ,CI YI PHYIR

NA BRTAG PAR BYA, ,BRTAG PAR BYED PAS GTI MUG BYED, ,RTZA BA'I DON NI ZAD PAR SONG, ,DE PHYIR SGRA DANG RTOG GE SHES, ,DE LA DE NYID BSHAD MI BYA, ,DE KUN LA NI DBANG MI BSKUR, ,PHYI YI DON LA MOS PA'I PHYIR, ,THABS DANG THABS LAS BYUNG MTSAN NYID, ,'BRAS BU SBYIN PA GANG ZHIG PHYIR, ,DE NI THAMS CAD DNGOS RIG PA, ,MCHOG GI DON NI STER PHYIR RO, ,DE LTAR YANG DE KHO NA NYID GSUM GYI BDAG NYID DANG, ,ZLA BA'I BDE BA MCHOG DANG, ,PHYAG RGYA CHEN PO'I MTHA' RNYED PA'I DON DU RNAM PA DANG, TSAD DANG, RANG GI NGO BO NGAS SMRAS SO, ,YANG 'DIR DE KHO NA NYID KYI BDAG NYID NI, KUN GZHI RNAM PAR SHES PA STE, RNAM PA'O, ,ZLA BA'I BDE BA MCHOG NI, TSOGS KYI RNAM PAR SHES PA STE, MTHA'I TSAD DO, ,PHYAG RGYA CHEN PO NI; ;YID KYI RNAM PAR SHES PA SNANG BA STE, DE NI, RANG GI NGO BO'I DE'I MTHA' LA RNAM PA MI BA'I RNAM PAR SHES PA NAM MKHA'O, ,YANG NA SPRUL PA DANG, CHOS DANG, LONGS SPYOD DANG, BDE BA CHEN PO'I RNAM PA'I DON YOD DU CHUD PAR BYA'O, ,YANG NA RTZA BZHI'I DON DU RNAM PHAL SOGS PAR SHES PAR BYA'O, ,DPAL YE SHES THIG LE LAS, DE KHO NA NYID GSUM LA SOGS PA'I RGYAS PA NGES PAR BSTAN PA'I RANG BZHIN GYI DON ZHES BYA BA'I LE'U STE BCU DRUG PA'O,, ,,DE NAS LHA MO RAB DGYES NAS, ,RANG

, ,BZHIN DON NI GSAL BA'I PHYIR, ,DAM PO RU NI 'KHYUD BYAS NAS, ,PADMA POR RAB TU BSKOR, ,DUR KHROD LA SOGS PA YI DON, ,RDO RJE RGYAL PO LA NI ZHUS; ;BSRUB DANG SRUB PA'I SBYOR BA LAS, ,DPAL BDAG DGYES NAS BKA' STZAL TO, ,DUR KHROD LA SOGS PA YI DON, ,SKAL LDAN LHA MO KHYOD NYON CIG ,MI BZAD 'DI RU RNAM KHYAB PA, ,LHA MO KHA LA RAB TU GRAGS, ,G-YAS PA'I SNA YI BU GA NI, ,MI SDUG PA NI SHIN TU TSIG, ,LCE SBYANG TSOGS NI PHYED TSIG PA, ,SNA BUG G-YON PA RU NI DRAN, ,RNA BA G-YAS PA 'JIGS SU RUNG, ,SVA SVA DANG NI TSEG TSEG GO, ,SHA ZA'I KHA NI RNA BA G-YON, ,DUM BU MA GO BO LA SOGS RGYAN, ,LHA MO G-YAS PA YI NI MIG ,HA HAR DGOD PA RAB TU GRAGS, ,RNAM PA DANG BCAS YID DGA' LDAN, ,'JIGS PA SHIN TU 'JIGS PAR BYED, ,G-YON PA PHO NYA NAG PO ME, ,ME LCE 'BAR BA'I PHRENG BAS KHYAB, ,RDO RJE'I KHA RU 'JIGS PAR BYED, ,RUS PA DKAR PO RAB KHYAB PA, ,KHU BA GZHAN MIN RUS DKAR 'DI, ,NGES PAR LHA MO SHES PAR BYA, ,DE NI SHIN TU TSA BA SKYE, ,DE TSE 'BAR PHRED KHYAD PAR CHE; ;BYANG CHUB SEMS NI BDE BA CHE, ,MI BRTAN MA YIN PA RU BZHUGS, ,DE TSE RNAM BCAS YI DVAGS KYIS, ,LDAN PAR RAB TU GRAGS PA'O, ,GSUM DBYE BZHIR DBYE DRUG

DBYE 'AM, ,MCHOG GI BDUD RTZI GANG DU GSHEGS, ,DE NI DUM MGO LA SOGS BSTAN, ,GANG TSE THIM LAS LONGS SPYOD 'GRO, ,DE TSE SVA SCA TSE TSEG GO, ,GO, ,GANG GI TSE NI DBANG MA 'GRUB; ;DE PHYED TSIG LDAN DRAN PA'O, ,SROG GI RLUNG NI NUB PA'I PHYIR, ,SHIN TU TSIG PAR BRTAG PA 'O, ,KHU BA NYE BA'I SHAR MA THAG ,BKRAM PAR BDAG GIS BSHAD PA'O, ,LHA MO SHIN TU GSANG BA CHE, ,DUR KHROD BRGYAD NI RAB MCHOG GO ,DE NI SHING BRGYAD DANG LDAN PA, ,NANG GI BDAG SBYOR MTSAN NYID DO, ,DPAL GYI ME TOG MI RTZI DANG, ,N'A GA GE SAR WA RTA DANG, ,PA LA SHING DANG SHAR SHING, ,KHAR BA DANG NI SHA MI YI, ,YAL GA DU MA LA SOGS DANG LDAN BRGYAD, ,'BRAS BUS DUD PA'I GZUGS KYIS SHIN TU BRGYAN, ,'DOD MA RGYAS MA GLU STOBS MA DANG SA, ,MTSO SKYES SNYING PO 'DZIN MA BYA GTONG MA, ,MGYOGS DANG BRAL MA ZHIG GNYIS KUN TU BRTAG ,SHING MCHOG CHEN PO RTZA BRGYAD KYI NI GZUGS, ,YANG NI DUR KHROD CHEN PO NI, ,SBRUL PA'I 'KHOR LO'I CHU SKYES CHOS KYI 'BYUNG GNAS KYI NANG GSANG BA CHEN PO 'DUS PA'I GNAS DANG, NYE BA'I GNAS LA SOGS PA'I GNAS NAS RNAL 'BYOR MA RE RES SHING RE KHYER NAS SONG NGO, ,LHA MOS GSOL BA, ,BCOM LDAN 'DAS, ,'DIR NI, RNAL 'BYOR MA NI, ,GANG LAGS, ,SHING RNAMS KYI MING NI, ,DE LAGS, ,

, ,JI LTAR NA SPRUL PA'I 'KHOR LO'I CHU SKYES DE KUN GYI 'DUS PA LAGS PA BKA' STZAL DU GSOL, BCOM LDAN 'DAS KYIS BKA' STZAL PA, YAN LAG CHE MA DANG, DRAG MIG MA DANG, 'JIGS MA DANG, KHRO GDONG MA DANG, ZLUM MIG MA DANG, SNA NYAMS MA DANG, LCE BSKYOD MA DANG, SBRUL GDONG MA DANG, BYA RGOD GDONG MA DANG, SER MIG MA DANG, MCHE GTZIGS MA DANG, SO RING MA DANG, NYA GDONG MA DANG, MGRIN RING MA DANG, RNA 'BYANG MA DANG, SGUR MO DANG, BYIN CHEN MA DANG, SPU LDAN MA DANG, SEN RING MA DANG, YAN LAG NAG MA DANG, SNGO MA DANG, YAN LAG DMAR MO DANG, GU GUM 'OD MNYAM MA DANG, RTA GDONG MA DANG, GDONG CHEN MA DANG, RAL GCIG MA DANG, RAL RING MA DANG, BONG RNAM DANG, GLANG CHEN LTE BA MA DANG, BUD MIG MA DANG, ME TOG DGA' MA DANG, SNA RING MA DANG, RMA BYA'I MGRIN MA DANG, SBRUL LCE MA DANG, NE'U LE'I GDONG MA DANG, NU 'PHYANG MA DANG, GSUS 'PHYANG MA DANG, SMAD CE MA DANG, MGONG SAKM MA DANG, ,RLUNG MGYOGS MA DANG, DAL 'GRO MA DANG, SPYAN RING MA DANG, DGOD GDONG MA DANG, DU MA DANG, 'THAB DGA' MA DANG, ,GAR MA DANG, DGA' 'GRO MA DANG, CHOG MED MA DANG,

MA ZA MA DANG, CHANG DGA' MA DANG, SHA DGA' MA DANG, PHAR 'GRO TSUR 'GRO MA DANG, BRAM ZE MO DANG, RGYAL PO'I SRAS MO DANG 'CHANG TSONG MA DANG, THOD PA MA DANG, LHO BI DANG, GTUM MO DANG, KHRUS MKHAN MO DANG, TSOS MA DANG, SHA WA RI DANG, LEGS MA DANG, KHRAG DGA' MA DANG, SKYABS SBYIN MA'O, ,DE KUN LHA MO RNAL 'BYOR MA; ;SHIN TU DRAG LA YANG DAG 'JIGS, ,DE KUN LAG NA GANG ZHIG SHING, ,KHYER NAS 'OD BA KHYOD NYON CIG ,TZAM PA KA DANG, BA TA LI DANG, KA 'UN TZA DANG, PA TA DANG, [?] DANG, SHA RA DANG, SHI MYA DANG, PHA LA SHA DANG, NA' GA GE SAR DANG, S'A LA DANG, AA RO DHA KA DANG, GHA NA DANG, PO SA LA DANG, BUD PA'I DRA BA DANG, AA SHVA DTHA DANG AA TA BU TA DANG, HA YA DANG, SA HA KA RA DANG, 'O MA'I SHING DANG, CHU SHING DANG, NA LI GI RA DANG, AU DUM WA RA DANG, AE RANdA DANG, KA PO TA DANG, AA MRA DANG, DZA MAR DANG, KHA DI RA DANG, TZANDA NA DMAR PO DANG, PADMA KU DANG, TZANDAN DANG, LI SHI DANG, RDZA TI SHING DANG GUR SHING SHA DANG, BIL BA DANG, SKYU RU RA DANG, BUR RA DANG, RGUN 'BRUM DANG, KHAR RDZU RA DANG, DA GA RA DANG, KA BA LA DANG DU, ,BA NI TE DA KA DA DANG, GO LCAL SHING DANG, 'DOD PA'I MDA' GZHU DANG, PHRA MO'I LO MA DANG, GU GU LA

, ,DANG, SARDZA RA SA DANG, PA LA KA DANG, MA DA NA'I SHING DANG, KARMAMMA RI DANG, PUNdA R'I KA DANG, 'BRAS BU CHE BA DANG, TSER 'BRAS DANG, KLU'I MGO SHING DANG, SU 'DAR SHA NA DANG, TA LA'I SHING DANG, CHOS KYI RGYAL MTSAN DANG, GSHIN RJE'I GDUGS DANG, AA SHO KA DANG, AA RKA DANG, K'A RA B'I RA DANG, RU KshA DANG, AARNGUN DANG, RDO RJE'I MIG DANG, SHING DE DAG KUN NI, CHU ZHENG GAB PA, ME TOG DANG, 'BRAS BU DANG LDAN PA STE, 'DUS PA CHEN PO'I GNAS SU RNAL 'BYOR MA RNAMS KYIS KHYER TE 'ONGS NAS DAM TSIG GI SPYOD PA CHEN PO BYED DO, ,'DUS PA CHEN PO'I GNAS BRGYAD PA BRGYAD KYI 'DAB MA DANG LDAN NO, ,'DAB MA RE RE LA RNAL 'BYOR MA DE DAG DANG, GNYIS PA NI, SHING STE; DE GNYIS GCIG LA GCIG MNYAM PAR GNAS SO, ,DE LTAR SHING GI RNAM PA NYID KYI RTZAL BZHUGS PA'I PHYIR RO, ,RNAL 'BYOR PA DANG, SHING GI SGRAS RTZA DRUG CU RTZA BZHI KHONG DU CHUD PA'O, ,'DI LA RTZA'I 'KHOR LO'I LTE BAR SROG GI RTZA BAR NANG DANG LHAN CIG RTZA GSUM DANG LDAN PA'I 'DAB MA GSUM GYI PADMA'I G-YAS NGOS SU PING+GA LA'O,, G-YON NGOS SU AI dA'O, ,DBUS SU BDE LEGS YID 'ONG MA DANG, 'JUG PA DANG, GNAS PA DANG, 'GRO BA 'GRUB BAR BYED DO, ,DE DAG GI DNGOS PO DANG, RTEN DANG YE SHES

DANG, RNAM PAR 'BYED PA LAS ZHAL BZANG MO DE RU SHES PAR BYA'O, ,SHAR BA DANG NUB PA'I DUS SU RTZA'I 'KHOR LO'I 'BYUNG BA THAMS CAD 'BAD PAS BTZAL BAR BYA'O, ,GANG GI PHYIR RTZA'I 'BYUNG BA MED PAR GYUR NA, BYANG CHUB KYI SEMS KYI BDUD RTZI BDE BA'I YE SHES 'DI 'JUG PA DANG, GNAS PA DANG, 'GRO BA'I SKYE BA SHES PA MA YIN NO, ,MA SHES NA, JI LTAR PHYAG RGYA CHEN PO'I GRUB PA RNYED PAR 'GYUR TE, DE BAS NA PHYAG RGYA CHEN PO'I GRUB PA'I DON 'DOD PA'I RNAL 'BYOR GYI DBANG PHYUG GIS BSAM GTAN LA MI G-YENG BAS BRTZON PAR BYA'O, ,LHA MOS GSOL PA, BCOM LDAN RNAL 'BYOR DBANG PHYUG GIS, ,BSAM GTAN 'DIR NI JI LTA BU, ,BCOM LDAN 'DAS KYIS BKA' STZAL PA, RNAL 'BYOR DBANG PHYUG BSAM GTAN NI, ,NYON CIG LHA MO NGAS RAB BSHAD, ,KUN RDZOB YE SHES BRTEN PA LAS, ,GNYIS SU MED PA'I GNAS RAB RNYED, ,NYER 'GRO BSAM GTAN MCHOG GIS NI; ;GRUB PA CHEN PO RNYED PAR 'GYUR, ,SKYON NI THAMS CAD BRAL BA YI, ,YID DANG MTHUN PA'I RANG GNAS SU, ,LUS NI MA BSGRIMS PA YIS NI, ,SPROS PA MED PAR STAN BDER BSDAD, ,LTE BA'I DBUS NA YOD PA'I TSUL, ,H'Um GI YIG 'BRU GRAGS CHEN GRAGS, ,RNAM PAR RTOG PA DANG BRAL BA, ,BSKAL PA'I ME YI 'OD DANG MNYAM, ,LANGS NAS CHOS

, ,KYI 'KHOR LO YI, ,MKHA' 'GRO BSREGS NAS SMIN MTSAMS KYI, ,DBUS NA GRANG ZHIG LA 'KHOR LO YOD, ,RANG GI NGO BO SROG GI RLUNG, ,SNYING GAR 'ONGS NAS DE GNAS SU, ,RTAG TU DE NI BZHUGS PA'O, ,DE NI AOm YIG NGO BOR GRAGS, ,SKU YI RGYAL PO RNAM PAR SHES, ,SROG DANG RDUB PA 'GOG PA YIS, ,SROG DANG RDUB PA'I BZA' BA GSOL, ,SROG DANG RDUB PA GNYIS ZOS NAS, ,DES NI RDZOGS PAR 'GYUR BA YIN, ,DE NAS DE LA RTAGS NI KUN, ,MTSAN MA 'DI LTA BU DAG 'BYUNG, ,'DAR DANG RDUL DANG BA SPU LANGS, ,DBYANGS KYI BYE BRAG DE NAS MDANGS, ,KHA DOG 'GYUR DANG MCHI MA DANG, ,LHA MO DE LAS DE NYID SKYE'O, ,DE NAS RNAL 'BYOR DBANG SHES NAS, ,RNAM PAR SHES PA'I YI GE MCHOG ,NANG DU LTA BA BYAS PAS NA, ,STENG MTSAMS RTZE MO ZAB PA RU, ,MCHOG GO NAM MKHA' BDE CHEN DU, ,YI GE MCHOG NI SHES BYAS NAS, ,TSANGS PA'I PADMAR BYON TE RGYAS, ,CHAGS PA DANG BRAL GNAS SU 'GRO, ,DPAL LDAN RDO RJE 'DZIN PA YI, ,LHA MO GNAS DER SHES PAR BYA, ,'DI LTA BU YI 'DUS PA YI, ,SA YI DUR KHROD CHEN PO NI, ,CHOS KYI 'BYUNG GNAS KYI [?], ,GRANGS MED PA YI RNAL 'BYOR PA, ,PHYAG RGYA CHEN PO'I DNGOS GRUB THOG, ,NYE BAR 'GRO BA'I BSAM GTAN LAS, ,NGES

BAR 'GRUB PA'I DBANG PO MCHOG ,SPROS MED 'OD KYI GNAS RNYED DO, ,DPAL YE SHES THIG LE LAS, ,DUR KHROD KYI NGES PAR BSTAN PA'I DON DANG, NANG GI BSAM GTAN GYI NYE BAR 'GRO BA BSTAN PA'I LE'U STE BCU BDUN PA'O,, ,,BCOM LDAN 'DAS MA PHYAG RGYA CHEN PO PADMA'I MCHOG BSKYED CING SHIN TU DGA' BAS YANG ZHUS PA, KYE BCOM LDAN 'DAS, DPAL YE SHES THIG LE'I RGYUD 'DI'I TSAD NI, CI LAGS, GNAS NI, GANG LAGS, MCHOG GI DBANG PHYUG BDAG LA BKA' STZOL CIG ,BCOM LDAN 'DAS KYIS BKA' STZAL PA, GANG ZHIG DRI BA MCHOG BYAS PA, ,SPYAN BZANG MA NI KHYOD NYON CIG ,DPAL LDAN YE SHES THIG LE YI, ,DE YI TSAD NI DON DAM PAR,, SUS KYANG SMRAS PAR NUS MA YIN, ,ZHAL BZANG DE NI BDEN MA YIN, ,'ON KYANG CUNG ZAD SKAL LDAN MO, ,GSANG BA'I YE SHES RAB MCHOG NI, ,GANG ZHIG RGYAL BAS YANG MI SHES; ;KHYOD KYI NGOR BYAS BDAG GIS BSHAD, ,SROG GI DBYUG PA'I GANG ZHIG STE, ,SOR BCU GNYIS NI MDUD PA MED, ,'OG GI CHA NI BCU GNYIS PHYED, ,DE BZHIN SPRUL PA'I PADMAR NI, ,DRUG PHYED PADMA MIG DANG 'DRA, ,RTZA BA DANG BCAS LTO NANG DU, ,RTZA BA RTZA BA'I NANG 'ONGS NAS, ,'DAB MA'I SKE RU BCAR TE GNAS, ,DGUG PA'I RNAM PA'I NGO BOR

, ,GRAGS; ;BU GA PHRA MO NANG NA LDAN, ,DE NI SROG PA RTZA NYID YIN, ,KHAMS GSUM GYI NI RTEN YIN NO, ,RGYU DANG 'BRAS BU GNYIS MED PA'I, , RTZA DANG 'BRAS BU RGYA YIS BTAB, ,DRUG PHYED RTZA BA DANG LDAN NI, ,RTZA BA'I SKUD PA BYAD GZUGS GSAL, ,BCU DRUG PHYED PHYED BYE BRAG TU, ,RTZA BA'I SKUD PA GCIG PU 'O, ,RTZA BA GSUM DBYE SKAL LDAN MO, ,'BRAS BU YANG NI DE BZHIN NO, ,RTZA BA'I 'BRAS BU GNYIS KYI GNAS, ,BCU GNYIS PHYED KYI GCIG PA'O, ,DE NI SHIN TU PHRA MO 'JAM, ,RIN CHEN KHA NANG MAN CHAD DU, ,DE TZAM YE SHES THIG SKUD YOD, ,RNAM SHES DRUG PO'I RTEN MCHOG GO ,CHAR YANG DANG NI THIG LE TSUL, ,TSUL TZAM MCHOG DANG GZHAN MCHOG GO, ,SHR'I NI GZHAN MIN 'DI RU CHAR, ,THIG LE RDZNY'A ZHES SU NI DRAN, ,TSUL NI NA YI YIG 'BRU YIN, ,TE YI YI GE TSUL TZAM MO, ,MCHOG NI LA YI YIG 'BRUR BSTAN, ,GZHAN MCHOG KA RU DRAN PA'O, ,GUG MA'I RNAM PA'I KHA RU NI, ,YUNGS KAR CHE BA'I SPOM PO TZAM, ,GNYIS SU MED PA'I YE SHES DPAL, ,CHAR YANG DU GRAGS MCHOG DBANG PHYUG DE YI SNYING GA'I DBUS SU NI, ,YE SHES THIG LE GRUB PA BZHUGS, ,TSUL NI MDUD PA'I MGRIN PAR GNAS, ,NA YI YI GE MTSAN ZHES MCHOG ,G-YON GLO YI NI 'DAB MA'I

NANG, ,TI NI THIG LE'I TSUL TZAM GNAS, ,G-YAS SU LA YI YIG 'BRUR GRAGS, ,LHA MO MCHOG NI RTAG TU BZHUGS, ,STENG DU GZHAN MIN KUN GYI MCHOG ,KHA YI GNAS SU RTZE MO'I CHA; ;DE TSAD YUNGS KAR RUS PA TZAM, ,GA YI RNAM PA'I YI GE MCHOG ,BDE BA CHEN PO'I RANG NGOR GRAGS, ,RANG GI NGO BO'I MTSAN NYID CAN, ,DPAL LDAN YE SHES THIG LE 'DI; ;MKHA' 'GRO MA YI 'KHOR LOS BSGYUR, ,NAM MKHAR 'GRO BA YI NI PHYIR, ,MKHA' 'GRO MA NI RTZA KUN DRAN, ,'JUG PA'I GNAS SU LONGS SPYOD YIN, ,THIM PA'I 'GRO BA'I GNAS SU YOD, ,'BYUNG BA DBANG GI GNAS SU STE, ,RANG BZHIN DE NI MCHOG GZHAN MCHOG ,G-YON GYI GLU RU AI tA'I RTZA, ,PHEm GA LA NI G-YAS SU GNAS, ,RTOG MED MA NI STENG DU GNAS, ,PHYAG RGYA CHEN PO'I RANG BZHIN NO, ,STENG DANG 'OG GNAS YOD PA'I RTZA, ,SRID DANG MYA NGAN 'DAS DAG BYED, ,G-YON GLU RU NI YOD PAS YANG, ,DE BZHIN 'DI NI DRAN PA 'O, ,DE RNAMS LTE BA'I DBUS SU NI, ,SKRA RTZE BYE BA BRGYA YI CHA, ,DE YI TSAD NI DE BZHIN GNAS, ,ZHAL BZANG YE SHES THIG LE 'O, ,RNAL 'BYOR MA YI YE SHES RANG, ,GSANG BA MCHOG NI BDAG GIS BSHAD, ,THOS PA YIS NI SDIG PA ZAD, ,DE NAS DE LA DGA' BA SKYE, ,DRAN PA YIS NI SOD NAMS SKYE, ,DE NAS DE LA MCHOG DGA' SKYE, ,LTA BA YIS NI

, ,'GRUB PAR 'GYUR, ,DGA' BRAL DGA' BA RAB TU SKYE, ,REG PA YIS NI LHAN SKYES DGA', ,DE NAS YANG DAG RAB 'OD GNAS, ,'OD RAB GNAS LAS THAMS CAD 'DI, ,GNAS LA SOGS PA'I DAG KUN NO, ,LHA MOS GSOL PA, GNAS LA GRANGS NI JI TZAM DU, ,MCHOG GI DBANG PHYUG KHYOD DBANG MDZAD, ,BCOM LDAN 'DAS KYIS BKA' STZAL PA, RTAG TU SPRUL PA YI NI SKUS, ,SA NI BCU GCIG PA RU DRAN, ,LONGS SPYOD RDZOGS SKU BCU GNYIS PA, ,CHOS KYI SKUS NI BCU GSUM MO, , BDE BA CHEN POS BCU BZHI PA, ,GANG ZHIG BCO LNGA YI NI SA, ,DE NI YE SHES SA ZHES BYA, ,BCU DRUG PA NI BRTAG PA MIN, ,KHYOD DANG LHAN CIG ZHAL BZANG MO, ,DE KUN SA YI DBANG PHYUG BDAG ,GNAS LA SOGS PA DGA' BA'I GNAS, ,SA YI SGRA YIS BRJOD PA YIN, ,SA DANG PO MOS PAS SPYOD PA, GNYIS PA RAB TU DGA' BA, GSUM PA DRI MA MED PA; BZHI PA 'OD BYED PA, LNGA PA 'OD 'PHRO BA, DRUG PA SBYANG DGA' BA, BDUN PA MNGON DU GYUR PA, BRGYAD PA RING DU SONG BA, DGU PA MI G-YO BA, BCU PA LEGS PA'I BLO GROS, DE RNAMS NI BYANG CHUB SEMS DPA'I SA'O, ,CHOS KYI SPRIN NI SANGS RGYAS KYI SA, KUN TU 'OD NI YANG DAG PAR RDZOGS PA'I SANGS RGYAS KYIS, KUN TU

SNANG BA MCHED PA'I 'OD NI DPAL RDO RJE SEMS DPA' BCOM LDAN 'DAS KYI SPRUL PA'I SKU YIS, ,KUN TU SNANG BA THOB PA'I 'OD NI LONGS SPYOD RDZOGS PA'I SKU'I SA, YANG DAG 'OD RAB CHOS KYI SKU'I SA, ,BRJOD DU MED PA TSAD MED PA NI BDE BA CHEN PO'I SA STE, DE KUN DGA' BA'I BYE BRAG LA, ,SAR NI KUN TU BRTAGS PA'O, ,LHA MOS GSOL PA, RDO RJE SEMS DPA' MNGA' BDAG CHE, ,SKU NI 'DI RU CI RU GRAGS, ,BCOM LDAN 'DAS KYIS BKA' STZAL PA, SKU NI DE BZHIN GSHEGS SKYABS SBYIN, ,SEMS NI RDO RJE 'DZIN PAR DRAN, ,PHUNG PO LNGA LAS GRUB PA'I SKU, , RIGS LNGA YI NI BDAG NYID MCHOG ,RIGS NI DRUG PA THUGS RDO RJE, ,GRANGS MED RIGS KYI GTZO BO'O, ,'KHOR LO RIN CHEN DE BZHIN PAD, ,RAL GRI RDO RJE LNGA PA'O, ,GZUGS DANG TSOR BA 'DU SHES DANG, ,'DU BYED RNAM SHES DE BZHIN NO, ,GZUGS NI RNAM BAR SNANG MDZAD GRAGS, ,GTI MUG RDO RJE'I NGO BO NYID, ,TSOR BA RIN CHEN RGYAL PO NI, ,DA RGYAL RDO RJE'I NGO BO NYID, ,'DU SHES DE NI SNANG MTHA' YAS, ,CHAGS PA RDO RJER RAB TU GRAGS, ,'DU BYED DON YOD GRUB PA STE, ,PHRAG DOG RDO RJE RU NI BSTAN, ,RNAM PAR SHES 'DIR MI BSKYOD PA, , ZHE SDANG RDO RJE RAB TU BSGOM, ,NAM MKHA' RDO RJE SEMS DPAR GRAGS, ,RNAM PA DANG BRAL GRUB MNGA' BDAG, GTI MUG ME LONG YE SHES BLTA, ,NGA RGYAL MNYAM PA NYID DU DRAN, ,

, ,SO SOR RTOG PA 'DOD CHAGS YIN, ,BYA BA GRUB PA PHRAG DOG CHE, ,ZHE SDANG CHOS DBYINGS RNAM PAR DAG ,BDE CHEN GCIG PU LAS NI 'DIR, , BYE BRAG LNGA RU GYUR PAR GRAGS, ,BDE BA DKAR PO BSRUBS PA LAS, ,ZHAL BZANG MO NI SRA BA GANG, ,DE NI RNAM PAR SNANG MDZAD CAS, ,GTI MUG CHOS KYI MTSAN NYID CAN, , BDE BA NAG PO ZHU BA'I GZUGS, ,DE NI MI BSKYOD PA RU DRAN, ,BDE BA DMAR MO'I 'OD KYI PHYIR, ,'OD DPAG MED PA DE BZHIN GSHEGS, ,RLUNG GIS KHYAB PHYIR BDE BA SNGO,, DON YOD GRUB PA DE RAB BSTAN, ,NGA RGYAL LAS NI 'DIR BDE SER, ,DE NI RIN CHEN 'BYUNG LDAN YIN, ,NAM MKHA' DANG BRAL GRUB MGON PO, ,RDOR SEMS RGYAL BA KUN MNGA' BDAG ,SPYAN RING BZANG MO DE PHYIR SKU, ,LHA YI RNAM PA RAB TU MCHOG ,'BAD PA YIS NI DE MCHOD BYA, ,NAM YANG SMAD PAR MI BYA'O, ,SHA DANG, KHRAG DANG, BSHANG BA DANG, GCI BA DANG, MIG RDU DANG, SNABS DANG, SEN MO DANG, SO DANG, SKRA DANG, SPU DANG, RUS PA DANG, RGYUS PA DANG, MKHAL MA DANG, SNYING DANG, MKHRIS PA DANG, GLO BA DANG, RGYU MA DANG, DRI MA DANG, TSIL DANG, RANG DANG, AANG KHRI NI DANG, GNYE MA DANG, LTO BA DANG, KHA WU DANG, BAD KAN DANG, RDUL

DANG, MCHI MA DANG, KLAD PA DANG, RKANG MAR DANG, KHU BA DANG, KHRAG DANG, SHA MA 'DI YANG LHA'I GZUGS KYIS GNAS PA STE, GZHAN MA YIN NO, ,DE BAS NA SHING DANG, RDO BA DANG, SA LAS GRUB PA DANG, DNGUL DANG, ZANGS DANG, 'KHAR BA LAS GRUB PA'I LHA DANG, MCHOD RTEN DANG, BRIS SKU DANG, PO TI LA SOGS PA RNAMS LA PHYAG MI BYA'O; ;GANG GI PHYIR YE SHES KYI SKU SPANGS NAS PHYI'I DON GYIS CI'I PHYIR GNAS, ,PHYI YI THAMS CAD SKAD CIG MA, ,DGA' MO SEMS KYI RDZU 'PHRUL YIN, ,DE LTAR SEMS LAS GZHAN PA YIN, ,SEMS NYID NAM MKHA' LTA BU 'O, ,GZUGS SOGS KHA DOG GNAS PA'I PHYIR, ,THA MAL PA YI LUS SU SNANG, ,RNAM PAR DAG PAS LHA NYID DU; ;BLA MA'I ZHAL SNGA'I BKA' DRIN NO, ,LHA MOS GSOL PA, MGON PO BLA MA JI LTA BU, ,SLOB MA YANG NI CI 'DRA BA, ,RGYUD KYI RIM PA JI LTAR LAGS, ,RE ZHIG RGYUD NI JI LTAR GSUNGS, ,DPAL YE SHES THIG LE LAS, DPAL YE SHES THIG LE'I TSAD DANG, GNAS DANG, SA BSTAN PA'I DON DANG, PHUNG PO RNAM PAR DAG PA ZHES BYA BA'I LE'U STE BCO BRGYAD PA'O,, ,,DE NAS YANG NI BSHAD BYA BA, ,BLA MA SLOB MA'I MTSAN NYID NI, ,BLA MA THA MAL DNGOS BRAL YON TAN LDAN, ,GZHAN

, ,MIN MCHOG GI DBANG GIS DBANG BSKUR SKU, ,THUGS RJE DANG LDAN SHIN TU RLABS CHE'I SEMS, ,DE NYID SHES PA LOG PA'I NGA RGYAL MED, , BLA MA YUL GYIS MA GOS DMU RGOD MA YIN PA, ,RGYUD LUNG BSTAN BCOS DU MA'I PHA ROL PHYIN, ,YAN LAG MTSAN MCHOG KUN GYIS SHIN TU BRGYAN, ,DKYIL 'KHOR 'BRI DANG DBANG GI RIM LA MKHAS, ,BLA MA YID THUB SRID PA'I 'JIGS BRAL ZHING, ,MYA NGAN 'DAS LA 'DOD PA'I YID DANG BRAL, ,DNGOS PO CHU ZLA LTA BUR NYID KYIS MTHONG, , DRUG LHAG BCU YI STONG LA GCIG TU SEMS, ,BLA MCHOG NYON MONGS MED CING SKYE BA MED, ,PHUNG PO LA SOGS SKYE MCHED KHAMS DANG BRAL, ,MCHOG DANG DGA' BRAL GNYIS KA'I DBUS NA BZHUGS, ,DE LTA'I DPAL BLA RDO RJE RGYAL PO NYID, ,SLOB MA KHRIMS LDAN DUL ZHING DAD PA CAN, ,RLABS CHEN ZAB MO'I THEG PA NYAN PAR BYED, , RNAM RTOG 'DAM GYIS RTAG TU MA GOS SHING, ,MKHAS SHING BLO RNO THUGS RJE'I BDAG NYID CAN, ,SPYAN RING BZANG MO 'DI LTA BU DAG GI ,BLA MA DANG NI SLOB MA GNYIS RNAMS GYI; ;MTSAN NYID DANG NI LEGS PAR BRTAG PA NI, ,JI LTA'I DON GYIS RAB TU GSAL BA 'O, ,DPAL YE SHES THIG LE LAS, ,BLA MA DANG SLOB MA'I MTSAN NYID BRTAG PA ZHES

BYA BA'I LE'U STE BCU DGU PA'O,, ,,DE NAS GZHAN NYON BDAG GIS BSHAD, ,JI LTAR RGYUD KYI RIM PA BZHUGS, ,DPAL DANG LDAN PA'I RIGS CHEN RGYUD, , 'BUM BDUN GYI NI MTSAN ZHES BYA, ,DE NI GTZO BO'I RTZA BA'I RGYUD, ,SKU BRGYAD BDAG NYID RAB KYI MCHOG ,DE BRTAG KYE YI RDO RJE NI, ,'BUM LNGA YI NI MTSAN ZHES BYA, ,DPAL LDAN PHYAG RGYA CHEN THIG LE, ,DE YI PHYI MA'I RGYUD DU DRAN, ,YE SHES SNYING POR GRAGS PA'I RGYUD, ,DE YI PHYI MA'I PHYI MA 'O, ,DGA' MO YE SHES THIG LE'I SGRA, ,BSHAD PA'I RGYUD NI GSANG BA CHE; ;GRUB PA'I NGES BSTAN THIG LE NI, ,ZHAL BZANG MO DE SNYING PO DANG, ,DE KHO NA NYID SGROL MA'I MCHAN, ,'BRAS BU'I RGYUD GRAGS 'CHAD PAR 'GYUR, ,DE BDUN DU NI BDAG GIS BSHAD, ,SHIN TU RMAD DU BYUNG BA'I RGYUD, ,LHA MO BRGYAD PA SKU DANG BRAL, ,DE PHYIR SMRA BAR MI BTUB BO, ,DE LTAR RIM PA THAMS CAD NI, ,LHA MO DE NYID SHES PAR BYA, ,SA BON LAS NI MYU GU BZHIN, ,RGYUD KUN RIM SHES RIM PAS SO, ,RGYUD NI RIM PAS 'DI RU GRAGS, ,YANG NA YE SHES 'KHOR LO RGYUD, ,YANG NA DON NI RGYUD YIN TE, ,YANG NA RIM PA GNYIS NI RGYUD, ,LHA MO GANG DU SKAL LDAN MO, ,SHES RAB THABS GNYIS PHRAD PA'I SA, ,DE NI RGYUD DU BSHAD PA YIN, ,YANG NA YID SHES LAS BYUNG BA, ,TA YI YIG 'BRU SKU RU

, ,GRAGS; ;NA NI DE NYID DRI MA MED, ,TA YI YIG 'BRU KHU BA YAB, ,RA NI YUM STE KHRAG YIN NO, ,DE GNYIS 'DRES PA THIG LE YIN, ,GZHAN MIN RNAM PAR SHES NGO BO'O, ,DE YI THIG LE AA'I RNAM PA, ,ZLA PA'I DKYIL 'KHOR NYA GANG NGO, ,TA YIG DANG NI RA YIG 'BRU, ,TSUL TZAM GYIS NI GNYIS KA LDAN, ,DE NI RAB MCHOG AA YIG 'BRU, ,RTZA DANG DGA' BDAG NYID SKYE MED, ,LHA MO 'DI LTAR RGYUD KYI RIM, ,RGYUD KYI DON YANG SHIN TU BSHAD, ,DPAL YE SHES THIG LE LAS, ,RTZA BA'I RGYUD LA SOGS PA'I RIM PA DANG, DON ZHES BYA BA'I LE'U STE NYI SHU BA'O,, ,,BCOM LDAN YE SHES THIG LE LAGS, ,NYI MA BYE BA'I 'OD DANG MNYAM, , BDAG GI ZHU BA GANG ZHIG CI, ,RGYAL BA'I MNGA' BDAG DE BDAG GSUNGS, ,MNGA' BDAG RANG GI NGO BO NYID, ,GANG LAS SKYES SHING CI LAS 'ONGS, ,DE NI MDOR BSDUS PA YI CHIG ,THUB PA CHEN POS BKA' STZOL CIG ,BCOM LDAN 'DAS KYIS BKA' STZAL PA, ,DRI BA 'DI NI SHIN TU ZAB, ,YE SHES KYIS RNYED GSANG BA 'O, ,LHA MO KHYOD NI 'BYUNG BA MIN, ,SKYE BA DANG NI 'PHO MED RAB, ,MCHOG GI RNAM RTOG RLABS DANG BRAL, ,RANG GI NGO BO YE SHES 'OD, ,BDAG RANG GI NI YE SHES SKU'I, ,MCHOG GI DBANG PHYUG MA

KHYOD 'ONG, ,GZHAN MIN BDAG DANG KHYOD MED NA, ,SANGS RGYAS KUN GYIS RNYED DKA' BA, ,KHYOD MED NA NI KHAMS GSUM KUN, ,MGO BO CHAD PA'I MI BZHIN DU, ,GRANGS MED 'JIG RTEN GYI NI KHAMS; ;KHYOD NI YE SHES 'OD BYED PA, ,KHYOD NI THAMS CAD DNGOS KUN GYI, ,THAMS CAD BDAG NYID 'BYUNG BA KUN, ,CHOS KUN YONGS SU SHES NAS NI, ,DE NI THAMS CAD MKHYEN PAR GRAGS; ;DE YANG LHA MO KHYOD KYI DRIN, ,BRJOD PAR MI NUS YANG DAG DON, ,KHYOD KYI DRIN GYIS GRANGS MED PAS, ,DE BZHIN GSHEGS PA'I GNAS RNYED 'GYUR, ,MCHOG GI NAM MKHA'I GNAS NAS BYON, ,MCHOG GI NAM MKHA'I GNAS SU GSHEGS, ,MCHOG GI NAM MKHA'I RANG NGO KHYOD, ,MCHOG GI NAM MKHA'I NGAL BSOS NAS, ,MCHOG GI NAM MKHAR RTAG TU BZHUGS, ,KUN RDZOB RNAM PA'I MCHOG TU NI, ,PADMA'I SKUD PA JI BZHIN DU, ,GSANG BA'I SNA RTZE SNYING POR GNAS, ,LANGS NAS BDE BA'I PADMAR NI, ,THIG LE KHONG DU CHUD PA'I PHYIR, ,GSHEGS NAS BSTEN PA THAMS CAD SREG ,RGYAS PAS THIG LE KHYER NAS SU, ,YANG NI KHYOD 'DIR BYON PA'I DON, ,LTE BA SPRUL PA'I PADMA YI, ,LHA MO GANG TSE KHYOD KYI GNAS, ,DE TSE KHYOD NI SHES RAB GRAGS, ,LEGS DGYES RAB MCHOG RMAD DU BYUNG, ,BDAG DANG LHAN CIG GNYIS MED SBYOR, ,LEGS DGYES DBANG MO KHYOD NI BZHUGS,

, ,TSANGS PA'I G-YUL SA BYA BA MTHAR, ,LEGS DGYES KHYOD KYI RGYA YIS BTAB, ,GRANGS MED PA LA RGYAS BTAB STE, ,DE PHYIR PHYAG RGYA CHE KHYOD GRAGS; ;DPAL YE SHES THIG LE LAS, DPAL PHYAG RGYA CHEN PO BCOM LDAN 'DAS MA'I RANG GI NGO BO BSTAN PA ZHES BYA BA'I LE'U STE NYI SHU RTZA GCIG PA'O,, ,,GSANG BA'I PAD SNYING RGYAS 'BYED PA, ,RDO RJE NYI MA GZHAN YANG ZHU, ,RE ZHIG CI'I YANG GSANG BA GSUNGS, ,GNAS NI GANG NA YOD PA LAGS,, BCOM LDAN 'DAS KYIS BKA' STZAL PA, BYANG CHUB SEMS NI GSANG BA YIN, ,KHU BA'I NGO BO CHANG DANG BRAL, ,DE YI GNAS NI MNGAL YIN TE, ,PHYAG RGYA DGA' BA SBYIN PA MO; ;BCOM LDAN 'DAS MAS GSOL PA, BYANG CHUB SEMS NI KHU BA'I GZUGS, ,DE NI JI LTAR GSANG BAR BRJOD, ,GSANG BA'I GNAS NI MNGAL YIN TE, ,GZHUNG DE BDAG LA 'THAD MA LAGS, ,DE LTA NA NI GANG ZAG KUN, ,NGES PAR GSANG BA SHES PAR 'GYUR, ,DE YANG DBANG BSKUR LA SOGS NI, ,SU LA YANG NI MI DGOD LAGS, BCOM LDAN 'DAS KYIS BKA' STZAL PA, SANGS RGYAS KUN GYI YUM KHYOD DE NI BDEN, ,GANG ZHIG KHYOD KYIS NGES PAR BZUNG BA'I DON, ,'ON KYANG DRANG BA'I DON GYI TSIG

GIS LDAN, ,RTEN GYI DON PHYIR YANG NA NGES PA'I DON, ,RTEN MED NA NI 'BRAS BU RNYED MI 'GYUR, ,LUS KYI DNGOS MED JI LTAR 'DI RU SEMS, ,JI LTAR DON MTHUN GSANG TSIG DE NI GSANG, ,DRANG BA'I DON MIN NGES PA'I DON YANG MIN, ,DNGOS MED YANG MIN DNGOS PO'I GZUGS MA YIN, ,BDEN RIM 'BYUNG BA THIM RNAMS KYI NI GZHAN, ,KHU GZUGS GANG DU DE NI YOD MA YIN, ,KHRAG KYANG YIN PAR JI LTAR YANG NI MIN, ,MCHOG DGA' DGA' BRAL LHAN SKYES DGA' BA MIN, ,GNAS MNGAL DE LA NAM YANG YOD MA YIN, ,RDO RJE RTZA BA BDE CHEN LA SOGS MIN, ,DRUG PHYED RTZA DANG MTSO SKYES SNYING PO MIN, ,RIG MIN YANG MIN RIG PA NAM YANG MIN, ,BRJOD MED NAM MKHA'I RANG GI NGO BO 'O, ,'DI LTA BU NI DON DAM PAR, ,LHA MO GSANG BAR RAB TU GSAL, ,YANG NI 'BRING GI DON GYIS SU, ,BDAG GIS GSANG BSHAD KHYOD NYON CIG ,'BRING DON DE NI DON GYI MCHOG, ,MCHOG GI DGA' BA SBYIN PA 'O, ,'BAD PAS DGA' BRAL SRUNG BAR BYED, ,DGA' BRAL DGA' BAS LHAN SKYES 'GYUR, ,NOR MDUD SNYING GA YI NI GSANG, ,BYANG CHUB KYI NI SEMS DANG LDAN; ;DE NI THABS KYI GSANG BA'I DON, ,SHES RAB MA YI DE BZHIN NO, ,GSANG BA SHES RAB DBANG GNYIS LAS, ,DGA' MO GSANG BA'I DON SHES SO, ,DPAL YE SHES THIG LE

, ,LAS; GSANG BA'I DON ZHES BYA BA'I LE'U STE NYI SHU RTZA GNYIS PA'O,, ,,DE NAS BCOM LDAN 'DAS MA PHYAG RGYA CHEN POS 'JAM PA'I DBYANGS LA YANG ZHU BA ZHUS PA, MGON PO THAMS CAD GTAN PHAB PA, ,RANG BZHIN JI LTAR LAGS PA GSUNGS, ,BCOM LDAN 'DAS KYIS DE LTA BU'I TSIG GSAN PA DANG CANG MI GSUNG BA'I DNGOS POS SKAD CIG TZAM BZHUGS TE, DE NAS MI SNANG BA'I RANG GI NGO BOR BZHUGS SO, ,DE NAS BCOM LDAN 'DAS MA PHYAG RGYA CHEN POS BDAG RANG RTEN MED PAR MTHONG NAS ZHUS PAS SHIN TU 'GYOD NAS CANG MI SMRA BAR BZHUGS SO, ,DE'I DUS SU SNA TSOGS PADMA LA BZHUGS PA'I 'KHOR BYE BA PHRAG BDUN CU RTZA GNYIS KYI GRANGS RNAMS KYIS CHOS KYI 'BYUNG GNAS STONG PAR MTHONG NAS SHIN TU YA MTSAN DU GYUR PAS KUN SMREE ZHING BRGYAL PAR GYUR TO, ,KYE BYANG CHUB SEMS DPA' SEMS DPA' CHEN PO LHA'I DBANG PHYUG ,BCOM LDAN 'DAS DPAL RDO RJE SEMS DPA' GANG NA BZHUGS, GAR GSHEGS, KUN TU STONG PAR BDAG CAG GIS MTHONG LAGS SO; ;LHA'I DBANG PHYUG GIS GSOL PA, 'KHOR CHEN PO RNAMS NYON CIG ,BCOM LDAN 'DAS DPAL RDO RJE SEMS DPA' LA BCOM LDAN 'DAS DPAL PHYAG RGYA CHEN POS

'DI LTAR ZHUS TE, MGON PO THAMS CAD GTAN LA PHAB, ,RANG BZHIN JI LTAR LAGS PA GSUNGS, ,DE LTA BU'I TSIG GSAN PA DANG BCOM LDAN 'DAS CANG MI GSUNG BAR MI SNANG BAR GYUR TO, ,DE CI'I PHYIR ZHE NA, RANG BZHIN DE NI, BRJOD DU MED PA DANG, RTOG GE MED PA DANG, BTZAL DU MED PA DANG, GRANGS MED PA DANG, SKYE BA MED PA DANG, GZUGS MED PA DANG, RIGS PA MED PA LA DRIS PAS, DE NYID SMRAR MI BTUB PA'I PHYIR BCOM LDAN 'DAS SNANG BA MED PAR GYUR TO, ,YANG 'KHOR THAMS CAD KYIS GSOL PA, KYE, BLO GROS CHEN PO CHOS KYI MDZOD, ,SNANG BA MED CING DNGOS PO MED, ,CHAD PAR MI 'GYUR RAM, DE'I DON LA SHIN TU 'JIGS SHING YANG DAG PAR YID ZHUM PAR GYUR TO, ,LHA'I DBANG PHYUG GIS BKA' STZAL PA, SNANG BA MED PAR 'DU SHES GANG, ,DE NI DNGOS MED SHES MI BYA, ,NANG GI RANG NGOR 'GRO BA'I PHYIR, ,SNANG BA MED PAR 'DI RU BRJOD, ,DE BAS 'KHOR CHEN MA 'JIG SHIG ,YID SKYO BA NI YONGS SU SPONGS, ,DE LA THABS NI GCIG YOD DO, ,GANG GIS RDO RJE 'DZIN PA NYID, ,SNGAR NI KHYOD KYIS MTHONG BA BZHIN, , PADMA'I DBUS BZHUGS MTHONG BAR 'GYUR, ,DE'I TSE 'KHOR THAMS CAD KYIS BYANG CHUB SEMS DBA' SEMS DPA' CHEN PO LHA'I DBANG PHYUG GI ZHABS LA MGO BOS PHYAG 'TSAL TE

, ,BCOM LDAN 'DAS MTHONG BAR BYA BA'I PHYIR THABS ZHUS PA, KYE BLO GROS CHEN PO DPA' BO CHEN PO, ,THABS CI YOD PA BDAG CAG LA BSTAN DU GSOL; DPA' BO CHEN POS BKA' STZAL PA, DUS GCIG TU MGRIN GCIG GIS SNYAN PA'I GLUS MCHOD PA GYIS SHIG ,DE LTA BU'I THABS KYI TSIG THOS NAS THAMS CAD DGA' ZHING MGU LA YID RANGS PAS YANG BYANG CHUB SEMS DPA' SEMS DPA' CHEN PO LHA'I DBANG PHYUG GI ZHABS LA MGO BOS PHYAG 'TSAL TE, DE NAS DRUG LDAN LA SOGS PA'I GLU THAMS CAD LEN NO, ,KYE; SKU RAB MCHOG GI NGO BO'I MTSAN NYID NI, ,GANG NA BZHUGS PA MYA NGAN 'DAS MTSAN NYID, ,DE NYID DANG BRAL CHAD PA'I STONG DE NI, ,GNYIS MED BDE BAS MKHYEN PAR MI 'GYUR RAM, ,RDO RJE MTSO SKYES MCHOG SBYOR YONGS SU GZIGS, ,GANG ZHIG DNGOS MED DNGOS DE SPYAD PAR MDZOD, ,DE NANG RANG BZHIN LAS BCOM LDAN; ;CHU LAS NYA NI BZHIN DU BZHENGS, ,MCHOG GI DGA' BA'I GZUGS BDAG NYID, ,MCHOG GI DGA' BA'I SBYIN PA'I BDAG ,DNGOS DANG DNGOS MIN GNYIS KYI STENG, ,GYEN BLTAS PADMA'I LTE BAR NI, ,ZHAL BZHI DANG NI PHYAG BZHI PA, ,SHIN TU NGO MTSAR SKU DANG LDAN, ,RGYAL PO YI NI BZHUGS THABS BZHUGS, ,BRGYAD GNYIS BLO LDAN BYAD GZUGS

CAN, ,SPYAN GSUM MCHOG GI RNAM PA CAN, ,ZLA BA NYI MA ZHABS KYIS MNAN, ,RNGA'U CHUNG THOD PA KHA tV'Am GA ,RDO RJE 'BAR BA PHYAG NA BSNAMS, ,DE LTA BU'I RMAD DU BYUNG BA'I GZUGS MTHONG NAS 'KHOR THAMS CAD LHAN CIG BCOM LDAN 'DAS MA PHYAG RGYA CHEN MO LANGS NAS LAN GSUM DU BSKOR BA BYAS TE DAM POR 'KHYUD NAS BSTOD PAS BSTOD BA, MCHOG TU RMAD BYUNG CHEN PO'I SKU NI RGYAL GYUR CIG ,YE SHES ZAB MO RGYA MTSO'I SNYING PO RGYAL GYUR CIG ,BRJOD BRAL BLTAR MED DNGOS MED SKU MI MNGA', ,GTI MUG CHEN PO 'JOMS DE RGYAL GYUR CIG , MCHOG DANG GZHAN MCHOG DE NI MCHOG GZHAN MCHOG ,MKHA' MCHOG 'OD MCHOG MCHOG GI YE SHES SNANG, ,MCHOG GI BDUD RTZI'I SNYING PO GANG BA'I RGYUN, ,MI 'CHAD RGYUN 'BAB BYED PA RGYAL GYUR CIG ,SHIN TU LKOG GYUR DBANG POS BLTAR MED PA, ,SKYE 'GAG 'DU BYED MTSAN MED RGYAL GYUR CIG ,DE LTA BU'I BSTOD PA'I RGYAL PO BYAS NAS YANG PHYAG RGYA CHEN MO LHA MO CHEN MOS BCOM LDAN 'DAS LA DAD PAS ZHU BZHUS PA, KYE BCOM LDAN 'DAS, DKYIL 'KHOR GYI LHA RNAMS CI'I PHYIR MA GSUNGS LAGS, BCOM LDAN 'DAS KYIS BKA' STZAL PA, BSRUB DANG SRUB PA'I SBYOR BA LAS, ,LHA RNAMS 'BYUNG BA'I RIM BA 'O, ,DANG PO RTZOM PA SHIN TU 'DAR, ,RNAM PAR SHES PAS LHA MO SKYE, ,DE NI GRONG LAS

, ,KHA DOG DKAR, ,'DOD PA'I GTI MUG RNAM PAR THOS, ,GRONG KHYER LAS NI LONGS SPYOD YIN, ,SPYOD LAM LHA MO RGYAL BA'I 'OD, ,BSKUM PA LAS NI SNANG BA MCHED, ,SNANG BA MA [?] LAS YE SHES 'OD, ,BGRAD PA LAS NI SKYE BA SBYOR, ,SBYOR LAS DGA' BA'I SKYE MA STE, ,MNYAM SBYOR LAS NI YE SHES SKYE, ,YE SHES LAS NI DNGOS ZAD MA, ,KHYOD LAS 'DI RU DNGOS PO STE, ,DNGOS PO LONGS SPYOD ZLA BA MA, ,DKAR PO LAS NI RTEN SHES BYA, ,RTEN LAS PADMA'I LTE BA MA, ,BRANG BRDABS LAS NI RNAM PAR 'BYED, ,RNAM PAR 'BYED LAS PAD MIG MA, ,NAG DANG LJANG DANG GUR GUM MDOG ,DMAR DANG SNGON PO YI NI GZUGS, ,ZLA BA DKAR DANG DMAR GYI SNGON, , SGO LA SOGS DANG MTSAMS NA BZHUGS, ,ZHAL GCIG PA LA SPYAN GSUM PA, ,PHYAG RGYA LNGA YIS RNAM PAR BRGYAN, ,SNOD DANG GRI GUG GIS PHYAG BREL, ,NA BZA' GROL BA PHYAG GNYIS PA, ,DE NI NYI ZLA'I GDAN LA BZHUGS, ,RUS PA SNA TSOGS RGYAN DANG LDAN, ,KHYOD KYI BZHUGS THABS JI LTA BAR, ,LHA MO RNAMS KYANG DE BZHIN NO, ,DE RNAMS THABS NI BZHI GNYIS KYI NI GRANGS, ,MNYAM BA'I BZHUGS THABS PHYAG DANG ZHABS LA SOGS, ,RAB TU DGA' BA'I YID LDAN ZHI BA'I GZUGS, ,RTAG TU SEMS CAN DON

BYED KHO NA BRTZON, ,LHA MOS GSOL PA, DPA' BO RNAMS KYI MING GI BRDA, ,DE BZHIN NYID KYI RDO RJES GSUNGS, ,BCOM LDAN 'DAS KYIS BKA' STZAL BA, KHYOD KYIS NGA LA GANG ZHUS BA; ;SKAL LDAN LHA MO DE NI NYON, ,'DI YI RGYUD LA BDAG LA GZHAN, ,MTSAN NI YOD PA GANG LA LAR, ,NA NI LTE BA GSANG BA'I PAD, ,DGA' BRAL DGA' BA SBYIN PA'O, ,MA ZHES NOR BU SRUB PA NI, ,MCHOG GI DGA' BA SBYIN PA 'O, ,GANG ZHIG DE YI DBUS NAS LANGS, ,DE NI BDAG GI RANG BZHIN MTSAN, ,DPA' BO RNAMS NI BDAG GIS BSHAD, , SHES RAB PHA ROL PHYIN MA NYON, ,LHA CHEN PO DANG KHYAB 'JUG DANG, ,PADMA'I LTE BA SHIN TU BLTA, ,LHA YI DBANG DANG 'DOD PA'I LHA, ,PADMA'I MIG DANG GZHON NU MA, ,RE ZHIG DE NI DKYIL 'KHOR BA, ,RANG GI PHYAG RGYA MTSON CHA 'DZIN, ,DPAL YE SHES THIG LE LAS, ,BSKUL BA ZHES BYA BA'I LE'U STE NYI SHU RTZA GSUM PA'O,, ,,BCOM LDAN 'DAS MAS GSOL PA, KYE BCOM LDAN 'DAS, DBANG BSKUR BA'I DUS SU DKYIL 'KHOR RNAMS JI LTA BU LAGS, CHO GA GANG GIS DBANG BSKUR BA SBYIN ZHING BLANG, BCOM LDAN 'DAS KYIS BKA' STZAL PA, CHU LA SOGS PA'I DBANG DUS SU, ,RDUL TSON LA SOGS DKYIL 'KHOR MDZES, ,GSANG BA'I DBANG BSKUR DUS SU NI, ,ME TOG

, ,SNA TSOGS MCHOG GIS SO, ,SHES RAB YE SHES DBANG BSKUR DUS, ,SNA TSOGS DRI ZHIM PO YIS BRGYAN, ,LAS DANG PO YI DANG PO LA, ,NGES PA'I DON GYI CHU LA SOGS, ,DBANG BSKUR SHES PAS SBYIN BYA STE, ,DE LTAR MIN NA SKYON DU 'GYUR, ,SHES RAB CAN GYIS DRANG DON DER, ,SBYIN NO DE NAS DAM CHIG SBYIN, ,NOR BU MGRIN PAR BYANG CHUB SEMS, ,BLA MA NYID KYIS RANG RIG BYED, ,SHES RAB LHAN CIG GNAS LAS LANGS, ,SLOB MA'I KHA YI PADMA RU, ,NYID KYI RDO RJE RAB TU SBYIN, ,DE NAS BDE BA'I BDUD RTZIS DKROL, ,MGRIN PA'I DBUS SU RTZA GNYIS NI, ,G-YAS DANG G-YON NA YOD PA 'O, ,SBOM MA YANGS MAR 'DI RU GRAGS, ,SROG DANG NYE BA'I RANG NGO BO, ,G-YON NI SROG TU SHES PAR BYA, ,NYE BA'I SROG NI G-YAS NA 'O, ,DE RU BDE BAR 'JUG PAR BYA, ,MTHE BONG SRIN LAG GNYIS KYIS MNAN, ,DE NAS YE SHES 'BYUNG BAR 'GYUR, ,BU MOS RNYED PA'I BDE JI BZHIN, ,REG BYA CHEN POS DGA' BA CHE, ,DGA' BA CHEN POS BDE BA CHE, ,BDE BA CHEN POS BYANG CHUB SEMS, ,SHES PAR BYA GDONG MA YI KHAR, ,NOR BU'I KHA LAS THIGS PA GCIG ,SHES RAB YE SHES ZHAL BZANG MO, ,SHES RAB BYA GDONG LAS BDE BA, ,RDO RJE RIN CHEN KHA RU 'GRO, ,DE NI DBANG

GI MCHOG RANG YIN, ,SANGS RGYAS GRUB PA'I 'BRAS SBYIN BDAG ,SHES RAB GZUGS BZANG BHA GA RAB, ,SHIN TU LANG TSO DBANG BSKUR LDAN, ,DGA' SOGS BYE BRAG MGU BAR BYAS; ;DE NAS SLOB MA LA SBYIN BYA, ,SEMS DPA' CHEN PO SHES RAB 'DI, ,YANG DAG YE SHES RAB TU STER, ,GANG ZHIG BKA' LUNG SKYABS SBYIN TE, ,DE NI BU KHYOD DAD PAR BYA; ;DE YI MNGAL GYI G-YON LOGS NA, ,AI tA BYA GDONG MA NI BZHUGS, ,DE RNYED TZAM GYIS RANG BZHIN NI, ,SHES RAB BSNYEN PAS RNYED PAR 'GYUR, ,DE NI GZHAN MIN YONGS SU SHES; ;BZHI BA'I 'BRAS BU'I NGO BO YIN, ,RANG RIG PA DANG MCHOG YE SHES, ,NGAG GI LAM GYIS RNYED DANG BRAL, ,DES NA LHA MO SKAL LDAN MO, ,GSANG BA LAS NI SHIN TU GSANG, ,RGYUD KUN DU NI BDAG GIS SBAS, ,MTHA' YI MTHA' RU RAB TU GSAL, ,BCOM LDAN 'DAS MAS GSOL PA, MTHA' DANG MTHA' YI DON NI CI, ,MCHOG GI DBANG PHYUG BDAG LA GSUNGS, ,BCOM LDAN 'DAS KYIS BKA' STZAL PA, MTHA' NI RNAM PAR 'BYED PAR SHES, ,RNAM PAR 'BYED PA BCOM PA'I PHYIR, ,RNAM PAR 'BYED PA BCOM PA'I MTHA', ,RNAM PAR 'BYED PA MTHAR GSAL 'GYUR, ,RNAM PAR 'BYED MTHAR YE SHES CHE, ,DE RANG NGO BO'I RANG BZHIN NO, ,LHA MOS GSOL BA, ,DGYES PA RDUL TSON DKYIL

, ,'KHOR NI, ,MNGA' BDAG JI LTA'I RNAM PAS BRI, ,BCOM LDAN 'DAS KYIS BKA' STZAL PA, GANG ZHIG KHYOD KYIS YONGS SU ZHUS, ,NYON CIG LHA MO BDAG GIS BSHAD, ,PHYAG RGYA'I DKYIL 'KHOR 'DI RU NI, ,LAS LA MKHAS PAS BRI BAR BYA, ,PADMA 'DAB MA BRGYAD PAR BYA, ,PADMA'I NANG DU CHAR YANG BYA, ,CHAR YANG DANG LDAN SNA TSOGS 'DAB, ,CHAR YANG GI NANG THIG LE STE, ,DE YI STENG DU RDO RJE BRI, ,SNA TSOGS PADMA'I ZE 'BRU LDAN, ,RDO RJE GRI GUG GIS NI BSKOR, ,GRU BZHI PA LA SGO BZHI PA, , RTA BABS BZHI YIS RNAM PAR BRGYAN, ,SNA TSOGS BUM PA DANG LDAN PA, ,DKYIL 'KHOR RAB KYI MCHOG NI BYA, ,SHAR GYI 'DAB MAR 'KHOR LO BRI, ,BYANG DU DE BZHIN PADMO 'O; ;NUB KYI 'DAB MAR RIN PO CHE, ,LHO RU RAL GRI BSGRENG BA 'O, ,PADMA GZHAN RNAMS THOD PA NI, ,BDUD RTZI LNGA YIS RAB TU GANG, ,DUNG GZHU DE BZHIN RI RAB DANG, ,RAB TU 'BAR BA YI NI ME, ,ME MTSAMS LA SOGS RIM BZHIN BYA, ,'BAD PA YIS NI YONGS SU BSKOR, ,SHAR GYI SGOR NI DPAG BSAM SHING, ,BYANG DU 'BRAS BU SA BON DANG, , NUB TU RIN CHEN SDONG BU DANG, LHO RU SNA TSOGS RDO RJE 'O, ,SGO YI PHYI ROL RDO RJE'I PHRENG, ,'OD DANG LDAN PAS BSKAR BAR BYA, ,LHA MO CHEN MO DE LTA BU'I, ,DKYIL 'KHOR YE

SHES SBYIN BDAG PO, ,DAM TSIG CHEN PO DANG LDAN PAS, ,RAB TU 'BAD PA YIS NI BYA, ,DKYIL 'KHOR GYI NI BDAG PO'I PHYIR, ,DES NA BDAG NI RAB TSIM BYA, ,DPAL YE SHES THIG LE LAS; DBANG BSKUR BA BLANG BA DANG, PHYAG RGYA'I DKYIL 'KHOR ZHES BYA BA'I LE'U STE NYI SHU RTZA BZHI PA'O,, ,,BCOM LDAN 'DAS MAS GSOL PA, KYE BCOM LDAN 'DAS, DGA' BA BZHI YI NGO BO DANG, ,BSKYED PA'I RIM PA JI LTAR LAGS, ,BCOM LDAN 'DAS KYIS BKA' STZAL PA, DGA' BA LAS NI MCHOG DGA' BA, ,MCHOG DGA' BA LAS DGA' BRAL DGA', ,DGA' BRAL LAS NI LHAN CIG SKYES, ,DGA' BA KUN GYI DE NYID DO, ,BCOM LDAN 'DAS MAS GSOL PA, DE LTA'I RIG PA MGON CHEN PO, , RIG PA SNGAR GYI GZHUNG NGAM CI, ,MNGON SUM DANG NI RJES SU DPAG ,SA BON DANG 'DRA 'BRAS BU YIN, ,GO TRA BA LAS S'A LU NI, ,GANG DU YANG NI MTHONG MI 'GYUR, ,DGA' BRAL LAS NI LHAN CIG SKYES, ,BDE MIN DGA' BRAL SDUG BSNGAL DES, ,DGA' BA KUN NI 'JOMS PAR BYED, ,MCHOG GI DBANG PHYUG DGA' BRAL 'DI, ,DGA' BA KUN DANG MI MTHUN NO, , DGA' BA LAS NI MCHOG DGA' BA, ,MCHOG DGA' BA LAS SHIN TU DGYES, ,BCOM LDAN MKHA' 'GRO DE RIGS LAGS, ,YANG NA MCHOG LAS LHAN SKYES SO, ,BCOM LDAN

, ,'DAS KYIS BKA' STZAL BA, ,RDO RJE MKHA' 'GRO MA DE BDEN, ,DGA' BRAL LAS NI LHAN SKYES MIN, ,'OD KYANG DE BSRUBS PA LAS YOD, ,DE MIN LHAN SKYES GANG DU GNAS, ,DGA' BA KUN DANG MI MNYAM STE, ,DGA' BA KUN NI 'JOMS BYED PA, ,'DI SKAD SMRA BA SHIN TU MCHOG ,DON DAM PA YI TSIG YIN NO, , DGA' KUN 'GRO BA YANG GCIG PU, ,YID 'PHROG LHAN CIG SKYES PA 'O, ,SPRIN MED SNYING GA'I NAM MKHA' RU, ,YE SHES NYI MA RAB MDZES SHING, ,DPAL LDAN YE SHES THIG LE RGYUD, ,NAM YANG DE NI THOS MA YIN, ,DE BZHIN GSHEGS PA'I GNAS NI MCHOG ,LHA MO DE NI GANG LAS RNYED, ,RNAL 'BYOR MA DANG LHAN CIG TU, ,DU MA'I RGYUD DU BSHAD NA YANG, ,DE LTA MOD KYI RGYUD 'DI YI, ,BCU DRUG CHAR YANG MI PHOD DO, ,DE SKAD SMRA BA'I RGYUD GZHAN KUN, ,DGE BA'I YID DANG LDAN YANG YIN, ,'DI RU DANG BA MED GYUR NA, ,DMYAL BA LA SOGS 'GRO BAR 'GYUR, ,MDO SDE LA SOGS GSUNG RAB KUN, ,DAD CING GUS PA KHO NA YIN, ,GANG PHYIR RGYUD KUN GYI SNYING PO, ,DE PHYIR RGYUD 'DI RAB KYI MCHOG ,BCOM LDAN 'DAS MAS GSOL PA, SBAS PA'I YI GE DRANG BA GANG, ,SNYING PO YE SHES 'BRAS BU STE, ,NYE BA'I SNYING PO DE NI MGON, ,DE NI DE RING GSAL

BAR MDZOD, ,BCOM LDAN 'DAS KYIS BKA' STZAL PA, SNGAGS NI SHIN TU GSAL BA MCHOG ,DE LTA NA YANG GSAL BAR BYAS, ,SNGAGS KYI BZLAS LAS 'GRUB PAR 'GYUR, ,GRUB PA RNYED PAS SANGS RGYAS SRAS, ,H'A SV'A tA PHA H'Um H'Um KA LA TI NA DZNY'A DZRAB H'AM SHR'I AOm, ,H'A SV'A tA PHAt PHA HAm HAm H'Um H'Um HRIm HRIm AOm, H'A SV'A tA PHA H'Um H'Um YE M'A KshA LA BA MA H'A MA YE DA MA DZRE BA AOm, ,H'A SV'A tA PHA H'Um H'Um RA SA WI RA SA AOm, , BCOM LDAN 'DAS KYIS DE SKAD CES BKA' STZAL PA DANG, 'JIG RTEN GYI KHAMS GRANGS MED PA NA BZHUGS PA'I SANGS RGYAS DANG BYANG CHUB SEMS DPA' GRANGS MED PA DANG, DE BZHIN GSHEGS PA GRANGS MED PA RNAMS KYIS RDZU 'PHRUL GYIS ME TOG RNAM PA SNA TSOGS PA MAND'A RA BA DANG, MAND'A RA BA CHEN PO DANG, SNGON MED BA'I ME TOG RNAM PA SNA TSOGS RNAMS KYI CHUN PO 'PHYANG BA DANG, ROL MO SNA TSOGS DANG, GAR DANG, GLU DANG, MCHOD PA DANG, RIG PA 'DZIN PAS BYAS PA RMAD DU BYUNG BA'I CHOS GOS DANG, RIN PO CHE RNAM PA SNA TSOGS DANG, GSER DANG, NAM MKHA' LAS NOR BU'I CHAR BCOM LDAN 'DAS KYI ZHABS KYI RTZAR BABS PAR GYUR TO, ,DE NAS NAM MKHA' LAS DE BZHIN GSHEGS PA DANG, SANGS RGYAS DANG BYANG CHUB SEMS DPA' RNAMS KYIS BSTOD PAS BSTOD PA, SANGS RGYAS KUN GYIS KU GCIG PU, ,LEGS SO LEGS SO BCOM LDAN 'DAS, ,SHIN TU RMAD BYUNG YE SHES CHE, ,MCHOG GI DBANG

, ,PHYUG GTAN LA PHAB, ,'DI YI 'KHOR NI DAG BYED DGE, ,SDIG PA THAMS CAD 'JIG PAR BYED, ,YANG DAG MCHOG GI GSANG BA 'DI, ,RNYED PAR DKA' BA DON DAM PA, ,DPAL LDAN YE SHES THIG LE'I RGYUD, ,YE SHES RGYA MTSO GTAN LA PHAB, ,DE LTA BU'I TSOGS KYI MCHOD PA BYAS NAS NAM MKHA' LA GNAS PA'I DE BZHIN GSHEGS PA LA SOGS PA RNAMS DE KHO NA NYID KYI BSAM GTAN LA BZHUGS SO, ,BCOM LDAN 'DAS MAS GSOL PA, KYE BCOM LDAN 'DAS, BDE BA CHEN PO GCIG PU'I SKU, ,TSIG RGYAS PA YI SNYING PO'I DON, ,MCHOG GI DBANG PHYUG BDAG LA GSUNGS, ,MCHOG GI DBANG PHYUG GIS BKA' STZAL PA, NYON CIG LHA MO GSANG BA'I MCHOG ,RGYUD KUN DU NI RNYED DKA' BA, ,GSANG SNA PADMA'I SNYING PO NI, ,TSOGS KYI GNAS SU 'DI RU BRJOD, ,RDO RJE'I RTZE MO KHA PHYE'I PHYIR, ,DE NI RGYAS PAR BRJOD PA'O,, YANG NA THAMS CAD KYI NI TSOGS, ,SNYING PO BYA YI GDONG MAR DRAN, ,DE LA RDO RJE RTZE MO YIS, ,PHYE BA DE NI RGYAS PAR BRJOD, ,AI dA PING+GAL GNYIS KYI DBUS, ,RTOG MED YE SHES NGO BO NYID, ,BSRUB DANG SRUB PA'I SBYOR BA YIS, ,RDO RJE'I MTHE CHUNG RTZE MO LAS, ,REG BYAS GANG GIS BDE BAR 'DZAG ,ZHAL BZANG DE NI TSIG RGYAS PA'O, ,LTE

PA'I GNAS NAS SMIN 'KHOR LO, ,DE NAS GNAS PA'I RNA BA 'O, ,SPYI RTZE TSANGS PA'I BU GA NI, ,TSIG RGYAS PA NI GSUM DU DRAN, ,MA NI SRUB DANG SRUB PA STE, ,RA NI DGA' BA YIN PAR BRJOD, ,MU NI LHA MO SGROL MA YIN, ,DA YI YIG 'BRU ZHU BA'I GZUGS, ,GHA YI YIG 'BRU SGRA RU GRAGS, ,TA YI YIG 'BRU GSAL BAR BYED, ,NA NI LTE BA'I GSANG BA'I MTHAR; ;DE YI DBUS SU RTAG TU SHAR, ,ZLA BA'I SKU DANG 'DRA BA GSAL, ,NYI MA BYE BA'I MNYAM PA'I 'OD, ,RDO RJE SEMS DPA' BDE BA CHE, ,BYANG CHUB KYI NI LAM RAB STER,, DE NI GSANG BA YE SHES CHE, ,RANG BZHIN TSIG GIS RAB GSAL BYAS, ,'BAD PA YIS NI SBA BAR BYA, ,SU LA'ANG SBYIN PAR MI BYA 'O, ,DPAL YE SHES THIG LE LAS, TSIG RGYAS PAR BSTAN PA ZHES BYA BA'I LE'U STE NYI SHU RTZA LNGA PA'O,, ,,DE NAS GZHAN NYON BDAG GIS BSHAD, ,YE SHES RAB MCHOG GANG GIS SMRAS; ;DE KHO NA NYID BDAG DON ZAB, ,DES BSTAN LA SOGS BYE BRAG TU, ,SROG GI DBYUG PA BZHUGS THABS NAS, ,RTZA DANG LDAN PA'I SBYOR BA DRUG ,THIG LE SHAR BA NUB PA DANG, 'PHO BA SBYOR BA'I MTSAN NYID DANG, ,RTZA YI 'KHOR LO 'BYUNG BA DGYES, ,DBANG GI RIM PA DE BZHIN NO, ,SRUNG BA'I 'KHOR LO LHA MO CHE, ,SNYING PO SNGAGS KYI RGYAL PO NYID, ,SKU BRGYAD

, ,BDAG NYID MCHOD SBYIN DANG, ,THIM DANG LONGS SPYOD DANG NI DBANG, ,RDO RJE LHA MO YE SHES SKU, ,GSANG BA'I SGRA YANG DE BZHIN NO, ,SRUNG BA'I DAM TSIG LA SOGS DANG, ,DPAL LDAN SBYIN SREG DON DAM PAR, ,BSRUB DANG SRUB PA'I DGYES PA DANG, ,SNGAGS KYI BZLAS PA MCHOD SBYIN DANG, ,GNAS BRGYAD SKU YI NGO BO DANG, , DGA' BA LA SOGS PA YI MCHOG ,DUR KHROD RNAM RTOG MED PAR GRAGS, ,CHU NGOGS RTOG PA MED PA DANG, ,SNANG BA LA SOGS MCHOG YE SHES, ,DNGOS PO LA SOGS BDE BA CHE, ,THOG MA THA MA DUR KHROD BRGYAD, ,ZHING LA SOGS PA BSTAN PA DANG, ,RLUNG GI DE NYID SNYING PO'I DON, ,'JUG PA GNAS PA 'GRO BA DANG, ,NYER 'GRO SBYOR BA RAB MCHOG DANG, ,NYID NI YE SHES THIG LE DANG, ,RANG GI NGO BO RNAM PA MCHOG ,SA LA SOGS PA'I BDAG PO DANG, ,DE BZHIN GSHEGS PA'I SKU SKYABS DANG, ,RGYUD KYI RIM PA BSTAN PA DANG, ,PHYAG RGYA CHEN PO'I RANG BZHIN NO, ,GSANG BA YI NI DON DAM PAR, ,DE NYID MCHOD PAS BSKUL BA DANG, ,SHES RAB YE SHES JI BZHIN NO, ,GSANG BA'I DKYIL 'KHOR 'KHOR LO SOGS, ,ZHAL BZANG TSIG RGYAS BSTAN PA 'O, ,GTOR MA 'BYUNG LA PHAN DON DU, ,SDIG PA THAMS CAD 'JIG PAR BYED, ,DE NI BDE BA CHEN PO'I MTHA', ,

DE NYID BSDUS PA'I SNYING PO'I DON, ,BZHI BCU'I BDAG NYID DE NYID DON, ,GSANG CHEN BDAG GIS RAB TU BSHAD, ,DE NYID SUM CU DRUG BDAG PO, ,CHAR YANG YE SHES TSOR BYED DO, , THIG LE YE SHES BDAG NYID TSOR, ,DE NI SUM CU BDUN DBANG PHYUG ,TSUL GYIS YE SHES BDAG NYID TSOR, ,DE NI SUM CU BRGYAD DBANG PHYUG ,TSUL TZA MA YE SHES TSOR BYED PA, , DGU LHAG SUM CU DE NYID DO, ,MCHOG SHES PA YI RNAL 'BYOR GANG, ,BZHI BCU'I MNGA' BDAG CHEN PO 'O, ,GZHAN MCHOG GSUNG LAM BRJOD DU MED, ,RNAM PAR DAG PA DE NYID MCHOG ,THAMS CAD DE KHO'I BDAG NYID PHYIR, ,DE BAS BYE BRAG MI BYA 'O, ,DPAL YE SHES THIG LE LAS, DE KHO NA NYID KYI SNYING PO BSDUS PA ZHES BYA BA'I LE'U STE NYI SHU RTZA DRUG PA'O,, ,,LHA MOS GSOL BA, BCOM LDAN 'DAS NI MCHOG DGA' BA, ,KUN DGA' BA YI RNAM PA SKU, ,DE KHO NA NYID ZHAL BRGYAD PA'I,, RNAM PAR DAG PA JI LTAR LAGS, ,BCOM LDAN 'DAS KYIS BKA' STZAL PA, DE NYID SGOM PA RNAM PAR DAG ,SKAL LDAN LHA MO KHYOD NYON CIG ,ZHAL BRGYAD RNAM PAR THAR PA BRGYAD, ,NANG GI STONG PA DE NYID DO, ,SPYAN NI NYI SHU RTZA BZHI NI, ,SA DANG STOBS DANG YE SHES SO, ,PHYAG RNAMS STONG NYID RNAM PAR DAG ,BRGYAD GNYIS PHYAG NI STONG PA NYID, ,SPYANGS

, ,PA'I YON TAN SDE DANG LDAN, ,THOD PA RNAMS KYI NGO BO NYID, ,SANGS RGYAS CHOS NI MA 'DRES PA, ,'JIGS BYED MA NI BRGYAD GNYIS DBYE, ,BSDU BA'I DNGOS PO BZHI PO NI, ,ZHABS BZHI RU NI DRAN PA 'O, ,CHAGS SDANG DE BZHIN GTI MUG NI, ,LEGS DGYES ZLA NYI 'JIGS BYED DO, ,GANG ZHIG SRID PA'I GNAS SU BZHUGS, ,ZHAL BZANG DE PHYIR G-YAS BRKYANG BA, ,LHA MO G-YON BSKUM MYA NGAN 'DAS, ,YE SHES SKU NYID BZHUGS PA'O, ,SRID DANG MYA NGAN 'DAS MIN PHYIR, ,LHA MO DE PHYIR BZHENGS PA 'O, , GZUGS BRGYAD RNAM PAR DAG PA YIS, ,SNA TSOGS PADMA 'DAB MA BRGYAD, ,GZUGS MED GNYIS KYI 'DU SHES PHYIR, ,SHES RAB THABS GNYIS BDAG NYID DO, ,GAR DGU'I RO DANG LDAN PA'I PHYIR, ,ZHAL BZANG MO NI SNA TSOGS GZUGS, ,LHA MOS GSOL PA, THAMS CAD MKHYEN PA MCHOG DBANG PHYUG ,BCOM LDAN BDAG GIS RNAM DAG SHES, ,GSANG BA'I DON GYIS 'DI LTAR MGON, ,RDO RJE 'DZIN PA BKA' DRIN GSOL, ,BCOM LDAN 'DAS KYIS BKA' STZAL PA, GSANG BA'I SGOM PA RNAM PAR DAG ,LHA MO SHES RAB CHEN MO NYON, ,ZHAL DANG LHAN CIG PA YI SPYAN, ,ZHAL BZANG GNAS LA SOGS PA 'O, ,LONGS SPYOD RDZOGS PAR YOD PA'I RTZA, ,BCU DRUG PHYAG NI

BCU DRUG PA 'O, ,A'A LI THIG LE RNAM DAG PA'I, ,THOD PA YIN PAR 'DI RU BSTAN, ,'JIGS BYED RNAM PAR 'JIGS BYED MA, ,LEGS DGYES DGA' BA BCU DRUG GO ,SKAD CIG BZHI YI SBYOR BA YIS, ,ZHABS NI BZHI RU DRAN PA 'O, ,G-YAS BRKYANG BA NI MCHOG GI DGA', ,G-YON BRKYANG DGA' BA DGA' BA YIN, ,BZHENGS PA LHAN SKYES DGA' BA 'O, ,PHYAG RGYA PHA ROL PHYIN PAR DRAN, ,DBANG GI RANG GI NGO BO 'O, ,THIM PA SMAD KYI TSANGS PA'I RAS, ,LONGS SPYOD ZHI BA'I PAGS PA'I GOS, ,LEGS DGYES DBANG PHYUG YANG NA GNAS, , BSKYED PA TSANGS PA'I PAGS PAR GRAGS, ,BONG BU'I ZHAL NI 'JIGS PA'I SGRA, ,PHYAG RGYA SHES RAB THABS NI CHE, ,THABS DANG SHES RAB GNYIS MED DRAN, ,BYANG CHUB SEMS KYI RNAM DAG PAS, ,RUS PA SNA TSOGS RGYAN LA SOGS, ,NAM MKHA' RU NI 'GRO PA'I PHYIR, ,GYEN DU 'BAR BA'I DBU SKYES SO, ,RANG GI NGO BO BDE CHEN PHYIR, ,SKU MDOG NAG PO MKHA' DANG MTSUNGS, ,DGA' BRAL GYI NI BDUD CHEN PO, ,'JIGS PA BYED PHYIR 'JIGS PA CHE, ,DPAL YE SHES THIG LE LAS, RNAM PAR DAG PA ZHES BYA BA'I LE'U STE NYI SHU RTZA BDUN PA'O,, ,,DE NAS BCOM LDAN 'DAS MAS MA MCHU'I BDUD RTZI'I RO PHUL TE NYI MA DANG ZLA BA'I ME TOG GIS MCHOD NAS BCOM LDAN 'DAS RAB TU

, ,TSIM PAR MDZAD NAS 'DI SKAD CES GSOL TO, ,KYE BCOM LDAN 'DAS, MA 'ONGS PA'I DUS SU YANG DAG PAR GSANG PA'I RGYUD 'DI SKAL BA DANG LDAN PA'I SEMS CAN RNAMS LA SUS 'CHAD PAR 'GYUR, BCOM LDAN 'DAS KYIS BKA' STZAL PA, DPAL PHYAG NA RDO RJE MGON POS BSHAD PAR BYED DO, ,BCOM LDAN 'DAS MAS GSOL PA, YE SHES BDUD RTZI'I CHAR PA CHE, ,MGON PO KHYOD KYIS RMAD BYUNG SBYIN, ,PHYAG NA RDO RJE MGON PO CHE, ,DE YI BSKYED PA JI LTAR LAGS, ,RGYAL BA'I MNGA' BDAG YE SHES RGYAL, ,DE NI TSIG GCIG BKA' STZOL CIG ,BCOM LDAN 'DAS KYIS BKA' STZAL PA, GANG ZHIG KHYOD KYIS YONGS ZHUS PA, ,BCOM LDAN MA DE YANG DAG NYON, ,PHYAG NA RDO RJE MGON CHEN PO, ,RDO RJE 'DZIN PA KUN GYI BDAG ,MTHA' YAS PA YI 'JIG RTEN KHAMS, ,SKYE DANG 'JIG PA'I RGYU YIN NO, ,DE LAS SKYE PA GANG YANG MED, ,RANG BYUNG MCHOG GI DBANG PHYUG GO, ,DE YI PHYAG GI RDO RJE NI, ,YE SHES BCU GNYIS SKYE BA MED, ,THOG MA YIS NI RVA LNGA LAS, ,DE BZHIN GSHEGS PA LNGA 'BYUNG NGO, ,MTHA' NAS 'BYUNG BA CHEN PO LNGA, ,DBUS NAS 'GRO BA'I RIGS DRUG 'BYUNG, ,LTA BA KUN NI BSRUNG DON PHYIR, ,SNA TSOGS PA YI GZUGS SU SPYOD, ,LA LAR

RDO RJE 'DZIN PA DANG, ,LA LAR SANGS RGYAS KYI NI GZUGS, ,LA LAR HE RU KA YI GZUGS, ,LA LAR DE BZHIN GSHEGS PA DANG, ,LA LAR BYANG CHUB SEMS DPA'I GZUGS, ,LA LAR NYAN PA LTA BUR BZHUGS, ,LA LAR 'CHAD DO DGYES PADMA, ,LA LAR KLOG PA'I TSUL DU BZHUGS, ,LA LAR RGYUD DANG BSTAN BCOS NI, ,MDZAD PA DANG NI LA LAR 'DZIN; ;MANG DU BRJOD LTA CI ZHIG DGOS, ,DE STON PHYAG NA RDO RJE RGYAL, ,LHA MOS GSOL PA, DKYIL 'KHOR DANG NI 'KHOR LA SOGS, ,DE LA MDOR BSDUS JI LTAR LAGS, BCOM LDAN 'DAS KYIS BKA' STZAL PA, DKYIL 'KHOR RDO RJE 'DZIN PA YI, ,MKHA' 'GRO DBANG PHYUG MA DGYES MDZOD, ,GRU BZHI LA SOGS DANG LDAN PA, ,DUR KHROD KYI NI RGYAN GYIS BRGYAN, ,SHING BRGYAD KYIS NI CHAL PAR BKRAM, ,RDZING BRGYAD KYIS NI BRGYAN PA 'O, ,DE DBUS SNA TSOGS CHU SKYES NI, ,'DAB MA DANG NI GE SAR BCAS, ,DE YI DBUS SU LHA THOD PA, ,DUM BU GSUM PA KUN DANG BZHI, ,RANG GI NGO BO CHOS KYI DBYINGS, ,BDUD RTZI LNGAS NI SHIN TU GANG, ,H'Um GI YIG 'BRU DE DBUS GNAS, ,YE SHES MA YI 'OD DANG MNYAM,, ZLA BA NYI MA'I GDAN LA BZHUGS, ,SDIG PA THAMS CAD 'JIG PAR BYED, ,H'Um LA SOGS PA YONGS GYUR LAS, ,SKAD CIG GCIG GIS RMAD DU BYUNG, ,LHA MO BCU GNYIS DANG LDAN

, ,PA; ;PHYAG NA RDO RJE RGYAL PO BZHENGS, ,ZHAL GCIG PA LA SPYAN GSUM PA, ,CHAR SPRIN GYI NI MDOG DANG MNYAM, ,PHYAG BZHI PA NI RTA LA BCIBS, , MA'I 'OD DANG MNYAM PA'I SPYAN, ,BSKAL PA CHEN PO'I ME DANG 'DRA, ,NYI MA BYE BA'I 'OD DANG MNYAM, ,GDUL DKA' CHEN PO 'DUL BAR MDZAD, ,SNYING RJE'I RLAN GYIS BRLAN PAR MDZAD, ,PHYAG RGYA LNGA 'DZIN DPA' BO CHE, ,RAL PA'I DBU RGYAN GYIS NI BRGYAN, ,RA LA PA SNA TSOGS RGYAN DANG LDAN, ,SNA TSOGS RDO RJE ZLA COD PAN, ,PHYAG G-YAS PA NI RDO RJE 'DZIN; ;SNA TSOGS KYI NI 'OD ZER 'PHRO, ,G-YON NI THOD PA KHA tV'Am GA ,GZHAN PAS RDO RJE'I MDA' DANG GZHU, ,RTA NI 'DI RU SNGON PO'I GZUGS, ,SPYAN GSUM PA LA DRAG PO'I 'OD; ;ZHI BA'I PAGS PAS SGA CHA BYAS, ,DGOD PA'I NGA RO GSHOG PA CAN, ,SNA TSOGS PADMA'I 'DAB MA LA, ,SHAR DANG, LHO DANG, NUB DANG, BYANG DU RDO RJE 'JIGS BYED MA DANG, RDO RJE DRAG MO DANG, RDO RJE GTUM MO DANG, RDO RJE NAG MO STE, NAG PA DANG, DMAR BA DANG, LJANG BA DANG, DKAR PO STE NGANG PA LA BCIBS PA'O, ,PHYAG DANG MTSON CHA LA SOGS PA NI, GTZO BO BZHIN NO, ,MTSAMS KYI 'DAB MA BZHIR BDUD RTZI SNA TSOGS PAS GANG BA'I BUM PA'I STENG NA THOD PA'O, ,MTSAMS SU RDO RJE 'DOD MA DANG, ,RDO

RJE GTZAG BU MA DANG, RDO RJE PHRENG BA MA DANG, RDO RJE BRTZON MA RNAMS NI, GZUGS GNYIS PA'I SKU, NAM MKHA' LDING LA BCIBS PA GTZO BO LTA BU'O, ,SHAR SGO LA SOGS PAR RDO RJE SHA WA RI DANG, RDO RJE RO LANGS MA DANG, RDO RJE RAB TU GTUM MA DANG, RDO RJE dO MBHI NI STE, NAM MKHA' SNGON PO DANG, NYI MA'I 'OD DANG, ME'I KHA DOG DANG, DU BA'I MDOG BYA RGOD LA BCIBS PA MTSAMS KYI BZHIN NO, ,DKYIL 'KHOR GYI PHYOGS BZHI'I SNAM BU LA TSANGS PA DANG, BRGYA BYIN DANG, DRAG PO DANG, MI MCHOG LA SOGS PA 'DRE'I RGYAL PO RANG RANG GI MTSON CHA PHYAG NA BSNAMS PA DU MA BYA'O, ,LHA MOS GSOL PA, PHYAG NA RDO RJE GTZO BO'I GSANG SNGAGS NI, GANG, SEMS CAN RNAMS KYIS JI LTAR BSGOM PAR BGYI, ,BCOM LDAN 'DAS KYIS BKA' STZAL PA, LHA MO SNGAGS NI YI GE DRUG ,THAMS CAD 'DOD PA'I DON GRUB BYED, ,GDUG PA THAMS CAD 'JIGS BYED CING, ,NAD RNAMS KUN NI ZAD PAR BYED, ,DNGOS GRUB THAMS CAD RAB TU SBYIN, ,THAMS CAD MKHYEN PAS MI THUB BO, ,AOm BADZRA P'A nI H'Um, RNAL 'BYOR KHRO PO'I LTA BAS BZLA, ,SKAD CIG GCIG, GIS KHAMS GSUM GSOD, ,YANG NA ZHI BA'I LTA BAS BZLA, ,MTHA' YAS PA YI NAD ZHI BYED, ,MCHOD SBYIN YANG DAG CHER BYAS NAS, ,SNGON DU BSNYEN PA BYE BA BYA, ,ZHI BA LA

, ,SOGS SBYIN SREG BYA, ,JI LTAR SNGAR NI BDAG GIS SMRAS, ,DUR KHROD YANG NA CHU NGOGS SU, ,PHYAG NA RDO RJE BSGRUB PAR BYA, ,DUNG CHEN GYI NI PHRENG BA YIS, , 'GRUB PA'I DON PHYIR BYE BA BZLA, ,ZHI BA ZHI BA'I SEMS KYIS NI, ,DRAG PO DRAG PO SGRUB PAR DKA', ,DBANG BSKUR MED PA'I SEMS CAN LA, ,SNGAGS 'DI SBYIN PAR MI BYA STE, ,MKHAS PAS BRIS SKU GLEGS BAM NI, ,NAM YANG DE LA BSTAN MI BYA, ,DE LTA MIN NA 'GRUB MI 'GYUR, ,KUN NAS KUN TU RAB TU BLTA, ,GSANG BA YIS NI 'GRUB PAR 'GYUR, ,KUN NAS KUN TU ZHAL BZANG MO, ,PADMA 'DAB MA BRGYAD GYES PA, ,'DAB MA SNA TSOGS PA YIS MDZES, ,NYI MA'I DKYIL 'KHOR DBUS SU NI, ,MNGA' BDAG PHYAG NA RDO RJE RGYAL, ,RGYAL PO'I BZHUGS THABS KYIS NI BZHUGS, ,NAM MKHA'I MDOG LTAR SNGO BA STE, ,PHYAG BZHI PA LA ZHAL GCIG PA, ,SPYAN GSUM PA LA ZHI BA'I GZUGS, ,G-YAS DANG G-YON PA'I PHYAG GNYIS NI, ,RDO RJE THOD PA KHA tV'Am GA ,CHOS KYI DON NI 'CHAD PA'I PHYIR, ,PHYAG GNYIS CHOS KYI PHYAG RGYA 'O, ,'DAB MA BDUN LA SANGS RGYAS BDUN, ,BRGYAD PA LA NE BYAMS PA 'O; ;PA TI LA SOGS SHING LA BRTEN, ,THAMS CAD ZLA BA'I GDAN DU DRAN, ,GSHIN RJE GSHED LA SOGS PA BZHI, ,GZHAN MIN SGO LA SOGS PAR DGOD, ,RDO RJE LCAGS KYU LA

SOGS BZHI, ,SGO YI MTSAMS SU GNAS PA 'O, ,SGO YI PHYI ROL SNAM BU'I GNAS, ,YANG DAG LHA CHEN LA SOGS PA'O, ,RDO RJE PHRENG BAS KUN TU MCHOG ,MKHAS PAS YONGS SU BSKOR BYA 'O, ,DPAL YE SHES THIG LE LAS, DPAL PHYAG NA RDO RJE'I DKYIL 'KHOR BSKYED PA'I SGOM PA ZHES BYA BA'I LE'U STE NYI SHU RTZA BRGYAD PA'O,, ,,DE NAS DE'I DUS SU 'KHOR THAMS CAD STAN LAS LANGS TE LAN GSUM DU BSKOR BA BYAS NAS BCOM LDAN 'DAS KYI ZHABS LA MGO BOS PHYAG 'TSAL TE TSIGS SU BCAD PA 'DI DAG BRJOD DO, ,MGON KHYOD BKA' DRIN GYIS NI BDAG CAG DAG ,GZHAN DANG MI MNYAM RGYAL BAS RNYED DKA' BA, ,BLTA BAR DKA' BA SHES DKA' GZUNG BAR DKA', , GSANG BA'I GSANG BA MCHOG GI MCHOG RAB NYID, ,DPA' BO DBANG PHYUG CHOS DBYINGS PHYAG 'TSAL BSTOD, ,LOG SHES MUN NAG 'JOMS LA PHYAG 'TSAL LO, ,DANG PO'I SANGS RGYAS MCHOG CHAS [?] SA LA 'DUD, ,YIG BRAL THIG LE SKYE MED LA PHYAG 'TSAL, ,NAM MKHA'I RANG BZHIN TSUL GRAGS LA PHYAG 'TSAL, ,GNYIS SU MED PA'I TSUL TZAM LA PHYAG 'TSAL, ,MCHOG GI RANG BZHIN PHYAG 'TSAL 'DUD, ,GZHAN MIN GZHAN MCHOG RANG BZHIN PHYAG 'TSAL LO, ,DPAL YE SHES THIG LE LAS, BSTOD

, ,PA'I RGYAL PO ZHES BYA BA'I LE'U STE NYI SHU RTZA DGU PA'O,, ,,YANG BCOM LDAN 'DAS KYIS 'KHOR THAMS CAD DANG BCAS PA'I BCOM LDAN 'DAS MA LA BOS TE, KYE BCOM LDAN 'DAS MA, SHES RAB KYI PHA ROL TU PHYIN MA SBYOR DRUG GI GRAGS PA BCU DANG BRAL BA BCU GSUM GYI BDAG NYID, DPAL MCHOG GI BLA MA'I ZHAL SNGA NAS PADMA BTZAL TE BSAM GTAN LA SOGS PAS YANG DAG PAR MTHONG BA ZHES GTAN LA PHAB PA'O,, ,,DPAL YE SHES THIG LE LAS; MCHOG TU GSANG ZHING SHIN TU GSANG BA THAMS CAD MKHYEN BA RNAMS KYIS KYANG RNYED PAR DKA' BA, RNAL 'BYOR MA'I RGYUD KYI RMAD DU BYUNG BA MCHOG CHEN PO NANG GI RNAM PAR SHES PA DRUG GI BSTOD PA'I RGYAL PO ZHES BYA BA'I LE'U STE SUM CU PA'O,, ,,DPAL YE SHES THIG LE RNAL 'BYOR MA'I RGYUD KYI RGYAL PO CHEN PO RDZOGS SO,, ,,RGYA GAR GYI MKHAN PO CHEN PO SHR'I PRA DZNY'A GUPTAS BSGYUR CING ZHUS TE GTAN LA PHAB PA, SLAD KYIS DPAL SA SKYA'I DBEN GNAS SU ZHU GTUGS G-YAR KHRAL BGYIS SO,