,,RGYA GAR SKAD DU, TZANDRA S'U TRA, BOD SKAD DU, ZLA BA'I MDO, 'PHRAGS PA DKON MCHOG GSUM LA GUS PAS PHYAG 'TSAL LO, , 'DI SKAD BDAG GIS THOS PA'I DUS GCIG NA, BCOM LDAN 'DAS MNYAN YOD RGYAL BYED TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS DE'I TSE LHA'I BU ZLA BA LHA MA YIN GYI DBANG PO SGRA GCAN 'DZIN GYIS BZUNG NAS, DE NAS LHA'I BU ZLA BAS BCOM LDAN 'DAS RJES SU DRAN PA YID LA BYAS TE, DE'I DUS SU TSIGS SU BCAD PA 'DI GSOL TO, ,SANGS RGYAS DPA' BO DE LA 'DUD, ,THAMS CAD MYUR DU GROL BAR GYIS, ,BDAG 'DI'I KHA RU BCUG PAS NA, ,BDAG NI KHYED LA SKYABS SU 'GRO, DE NAS BCOM LDAN 'DAS KYIS LHA'I BU ZLA BA'I CHED DU, LHA MA YIN GYI DBANG PO SGRA GCAN 'DZIN LA TSIGS SU BCAD PA BKA' STZAL PA, SANGS RGYAS 'JIG RTEN LA BRTZE BAS, , DGRA BCOM BZHIN GSHEGS PA LA, ,ZLA BA SKYABS SU SONG BAS NA, ,SGRA GCAN 'DZIN GYIS ZLA BA THONGS, ,DE NAS LHA MA YIN GYI DBANG PO SGRA GCAN 'DZIN GYIS, LHA'I BU ZLA
BA GROL BAR BYAS NAS, SNGAR GYI GZUGS BZHIN DU GANG SU ZHIG GIS LHA MA YIN GYI DBANG PO THAGS BZANG RIS KYIS DRUNG DU SONG ZHING SONG NAS, SEMS MI DGA' ZHING YI MUG PAS BA SPU LANGS PAR GYUR PAS PHYOGS GCIG TU 'DUG GO ,PHYOGS GCIG TU 'DUG NAS YANG LHA MA YIN GYI DBANG PO SGRA GCAN 'DZIN LA, LHA MA YIN GYI DBANG PO THAGS BZANG RIS KYIS TSIGS SU BCAD PA SMRAS PA, CI PHYIR YID NI SKRAG PAR GYUR, ,SGRA GCAN 'DZIN GYIS ZLA BA THONGS, ,GZUGS KYI RNAM 'GYUR KUN TU NGAN, ,CI PHYIR 'JIGS PAS 'DI DU LHAGS, ,SGRA GCAN 'DZIN GYIS SMRAS PA, SANGS RGYAS TSIGS BCAD THOS NAS NI, ,ZLA BA BDAG GIS MA BTANG NA, ,MGO BO TSAL PA BDUN 'GAS SHING, ,'TSO BA LA NI BDE BA MED, ,ZLA BA'I MDO RDZOGS SO;; ;;PAndI TA CHEN PO A'A NANDA SHR'I'I ZHAL SNGA NAS, MANG DU THOS PA'I LO TZ'A BA SH'A KYA'I DGE SLONG NYI MA RGYAL MTSAN DPAL BZANG POS SKAD GNYIS SMRA BA RNAMS KYI GDAN SA, GTZUG LAG KHANG CHEN PO DPAL THAR PA GLING DU BSGYUR CING ZHUS TE GTAN LA PHAB PA'O, ,SA'I STENG DU NYI MA DANG, ZLA BA LTAR GYUR CIG,