, ,'PHAGS PA SPYAN RAS GZIGS DBANG BYUG GIS, DGE SLONG RAB GSAL GZHON NU LA SPRINGS PA'I PHRIN YIG ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SNGON 'PHAGS PA SPYAN RAS GZIGS DBANG PHYUG DANG; ,DGE SLONG RAB GSAL GZHON NU GNYIS DANG POR BYANG CHUB KYI MCHOG TU SEMS BSKYED DE GROGS POR 'THAMS NAS, GANG GIS LAM SNGON DU GRUB PA DES, CIG SHOS LA BSTANG BAR DAM BCAS PA LAS, 'PHAGS PA SPYAN RAS GZIGS DBANG PHYUG GIS LAM SNGON DU GRUB STE, DGE SLONG
, ,RAB GSAL GZHON NU LA BSTAD BA'I PHYIR PHRIN YIG GIS BZLUGS PA, GROGS KHYOD CI STE 'AM DAM BCAS BRJED DAM CI, ,'DOD PA ME MDAG DONG 'DRA 'DI LA CI ZHIG CHAGS, ,SHIN TU SKYO BA'I YID KYIS RAB TU MI 'BAD PAR, ,SRID RGYU 'DOD PA DA DUNG GANG BA GA LA SRID, , THEG PA MCHOG GIS DES 'BYUNG 'GRO BA'I DON BYOS LA, ,RGYU DANG KHA GSAG DRAG PA NYID LA MI GDUNG ZHING, ,'GRO LAS RNAM GROL LAM LA MYUR DU MA 'BAD NA, ,DUS GSUM RGYAL BAS BSKYAB DKA' PHAN THAG CHAD DU 'ONG, ,RTOG MED RTOG BRAL DUS GSUM THUB PA KUN GSHEGS SHUL, ,PHRA SHING SHES DKA' TSIG GI SPYOD YUL MA YIN YANG, PHYOGS TZAM RTOG PAS SGRO BTAGS RGYAL BA'I MTHUS BRJOD NA, ,SHIN TU LEGS PAR RAB NYON YID LA GZUNG NUS SAM, ,DGE SLONG RAB GSAL GZHON NUS SLAR YANG 'PHAGS PA SPYAN RAS GZIGS DBANG PHYUG LA GSOL PA, MTHO LA MTHO SEMS MI MDZAD MNYAM LA 'GRAN MI MNGA', ,DMA' LA RDAN [*RNGAN?] CAN MI MDZAD YONGS LA SNYOMS PA'I MGON, ,DPA' BO 'OD ZER STONG 'BAR LAM MER BZHUGS PA YI, ,MDANGS BZANG THUGS RJE'I MNGA' BDAG DA LTAR GANG NA BZHUGS, ,KHRI LAN BDUD RIS 'PHAM MDZAD THAR PA'I LAM STON GSOL, ,NYES BCU THA BA'I RDUL BRAL STOBS BCU RTZAL 'PHAGS GSON, ,'JIG RTEN GSUM GYI GNYEN GYUR SKYOB PA DAM PA GSON, ,DPA' BRTAN BDUD LAS SHIN TU MTSAMS MED GCIG TU BRTAN PA GSON, ,BDAG NI MUN BCAS BDUD KYI ZHAGS PAS ZIN PA STE; ,THAR PA'I LAM STOR 'KHOR BA'I DGON PAR 'KHYAMS LAGS NA, ,CIS 'DUL GAR LEGS THABS KYIS MYUR DU MI SKYOB PAR, ,DUS RINGS BGRANGS KYI BAR DU MGON KHYOD CI LA GZHES, ,LHA DANG MI YI KHYU MCHOG TSOGS RAB MTHA' YAS DGONGS, ,MU STEGS KHA BRGYA PHAM MDZAD SKYES BU SENG GE DGONGS, ,YID BZHIN DBYIG GI RTOG LTAR RE BA KUN SKONG DGONGS, ,THUGS RJE CHU BO RGYUN 'BABS RGYAL SRAS THU BO DGONGS, ,SRID GSUM SGYU MAR CHOS BSTAN NGO BO MED BZHIN DU, ,BDEN SPANGS LOG PA'I LAM ZHUGS SRID PA'I LAM ZHUGS PA, ,'KHOR BA'I GDOS CAN GRANGS MED BSKYAB
KYI MI LANG ZHES, ,DANG CHE LHA YI THUGS KYANG SKYO BAR RUNG MOD KYI, ,'ON KYANG LEGS RGYU CHOS NYID BZOD NAS MYA NGAN 'DAS DON DU, ,'GRO BA YONGS KYI CHED LA GO BGOS MDZAD LAGS KYIS, ,MGON PO RAB GSAL GZHON NU RJES DGONGS NYAG SRING ZHING, ,THUGS RJE'I THUGS KYIS BZOD PA BZHES TE BSKYAB TU GSOL, ,STOBS MCHOG DPAL GYI MGUR NAS YI GE 'BRUS BSNYAD PA, ,MKHA' LA TSON BKYE BZHIN DU SPYOD YUL MA LAGS PAS, ,RGYAL SRAS 'KHOR BCAS RNAMS KYIS GSAL BAR MA BSTAN NA, ,BDAG 'DRA MTSAN MAR 'DZIN PAS GZUNG BAR GA LA NUS, , 'ON KYANG DON GYI DAM PA SRID PA'I DPYIS 'BYIN PA, ,GDAMS NGAG BKA' DRIN MCHOG 'DI SPYI BOR BLANG SLAD DU, ,CI NUS SEMS KYI RTZAL GYIS LOG PAR GZUNG MI BGYID, ,BLA MA'I SAR BZHUGS CHE BA'I MTHUS KYANG BSTAD DU GSOL, ,'PHAGS PA SPYAN RAS GZIGS DBANG PHYUGS GIS; DGE SLONG RAB GSAL GZHON NU LA SPRINGS PA'I PHRIN YIG RDZOGS SO,, ,,RGYA GAR GYI MKHAN PO SARBA DZNY'A DE BA DANG, ,LO TZ'A BA BAN DE DPAL BRTZEGS KYIS BSGYUR CING ZHUS TE GTAN LA PHAB PA'O,,