,,RDO RJE'I SNYING POS GSOL PA, BCOM LDAN RDO RJE SNYING PO BDAG ,SANGS RGYAS THAMS CAD GCIG BSDUS PHA, ,RAB GNAS MTSAN NYID BZANG PO NYID, ,RIM PA JI BZHIN BSHAD DU GSOL, ,BCOM LDAN 'DAS KYIS BKA' STZAL BA, ,CI GSUNGS SBYIN SREG BYAS NAS NI, ,DKYIL 'KHOR DAM PA BZHENGS PA DANG, ,SNGA BAR SKU GZUGS SBYANG BA DANG, ,STA GON LA SOGS BYAS NAS NI, ,NAM MKHAR BZHUGS PA'I SANGS RGYAS KUN, ,SKU GZUGS SNYING GAR RAB TU GZHUG, ,RANG 'DOD LHA MNYAM RNAL 'BYOR PA, ,RAB MTHONG SNGAGS KYI PHA ROL SON, ,AOm BADZRA PUshPE A'A: H'Um SV'A H'A, AOm BADZRA DHU PE A'A: H'Um SV'A H'A, AOm BADZRA D'I PE A'A: H'Um SV'A H'A, AOm BADZRA GANDHA A'A: H'Um SV'A H'A, AOm BADZRA NEE WI DYE A'A: H'Um SV'AH'A, SNA TSOGS H'Um NI RDZOGS PA DANG, ,ME TOG LA SOGS DBUL BA NYID, ,GONG MA'I RGYUD KYI CHOG RIM PAS, ,MCHOD YON ZHABS BSIL GONG MA BZHIN, ,ZHI BA'I THAB KHUNG ZLUM
, ,PO NYID; ;RGYAS PA NYID KYI GRU BZHI PA, ,GSAD PA LA NI GRU GSUM BRJOD, ,'DI NYID LA NI LHAG MA SGRUB, ,KHRU GANG DANG NI KHRU PHYED NYID, ,ZHI BA'I STENG DANG 'OG TU YIN; ;KHRU DO DANG NI KHRU GANG NYID, ,RGYAS PA'I STENG DANG 'OG TU BRJOD, ,SOR MO NYI SHU'AM DE YI PHYED, ,GSAD PA'I STENG DANG 'OG TU YANG, ,ZHI BAR KHA DOG DKAR PO 'GYUR, ,RGYAS PAR SER PO DE BZHIN NO, ,GSAD PA LA NI KHA DOG NAG ,DBANG LA DMAR POR RAB TU GRAGS, ,DBANG LA JI BZHIN DE LTAR DGUG ,GSAD LA JI LTAR ZHE SDANG SOGS, ,ZHI LA TIL DANG RGYAS LA ZHO; ;GSAD LA TSER MA DE BZHIN NO, ,SDANG LA SOGS PA'ANG TSER MAR BRJOD, ,DBANG DANG DGUG LA AUTPA LA, ,AOm AAGNA YE MA H'A TE DZA SARBA K'A MA PRA S'A DHA KA:, KU RU n+YI KRi TA SA TV'A RTHA AA SMIN SANNI HI TO BHA B'A: ME DGUG PA'O, ,MA MA RIN CHEN SNA TSOGS 'DZIN, ,KYE YI RDO RJE KHROS MCHOD PA'I, ,LHA MO KHYOD NI DBANG DU 'GYUR, ,CHE GE BDAG NI DKYIL 'KHOR 'BRI, ,S'ARTHANYTZEE BA PA R'A R'ANYTZA S'A DHI TAm GATZTSA HA BYA BHU KA, A'A GA MI shYA SI YA TH'A K'A LE SARBA SIDDHI KU RU shVA ME, ME DGA' BA'I SNGAGS SO, ,AOm DZA: H'Um BAm HO: KHAm RAm MCHOD YON GYI SNGAGS SO, ,AOm NI RI TI H'Um KHAm ZHABS BSIL GYI SNGAGS SO, ,AOm DHVAm DHVAm LHA BSHOS KYI SNGAGS SO, ,KYE'I RDO RJE MKHA' 'GRO MA DU BA'I SDOM PA LAS ,BRTAG PA GNYIS PA RAB GNAS KYI LE'U STE DANG PO'O,, ,,
RDO RJE SNYING POS GSOL PA, NAM MKHA' LTA BU'I CHOS KUN LA, ,RGYA MTSOR KU BA JI LTA BAR, ,RANG 'DOD LHA YI GZUGS LAS NI, ,SEMS CAN JI LTAR 'GRUB PAR 'GYUR, ,BCOM LDAN 'DAS KYIS BKA' STZAL PA, ,BDAG MED RNAL 'BYOR LDAN PA'AM, ,YANG NA HE RU KA DPAL BRTZON, ,GZHAN PA'I SEMS KYIS SKAD CIG KYANG, ,DNGOS GRUB 'DOD PAS MI GNAS SO, ,DANG PO GOMS PAR BYED DUS KYI, ,GNAS NI GANG DU SNGAGS PA'I SEMS, ,GCIG TU MNYAM GZHAG 'GRUB 'GYUR BA'I, ,GNAS NI BZANG POR NGES PAR BRTAG ,RANG GI KHYIM DU MTSAN DUS SU, ,BDAG NYID 'GRUB PA'I SEMS KYIS NI, ,RNAL 'BYOR MA SGOM SHES RAB CAN, ,YANG NA HE RU KA DPAL GZUGS, ,RKANG PA 'KHRUD DANG ZA BA DANG, ,'THOR 'THUNG SO RTZI ZA BA DANG, ,TZANDAN GYIS NI LAG NYED DANG, ,SMAD G-YOGS KYIS NI RKED 'GEBS DANG, ,'BYUNG DANG SMRA DANG 'GRO BA DANG, ,'DUG DANG KHRO DANG RGOD PA DANG, ,BCOM LDAN 'DAS MA BSTEN PA DANG, ,SHES RAB BRTUL ZHUGS CAN NYID KYIS; ;RNAL 'BYOR MA NI RNAM PAR BSGOM, ,GZHAN GYI TSUL GYIS SKAD CIG KYANG, ;'DUG PA'I SEMS NI MI RIGS PAS, ,DNGOS GRUB 'DOD PAS DNGOS GRUB PHYIR, ,MKHAS PAS 'BAD PAS MI GNAS SO, ,BSAM GTAN NYON MONGS 'JIGS BYED PA NA [?] RDO RJE SNYING PO NGA YIS BSHAD, ,BRTZE BAS DNGOS GRUB DON DU YANG, ,ZLA BA PHYED DU YONGS SU RTOGS, ,BSAM PA THAMS CAD YONGS
, ,SPANGS NAS, ,LHA YI GZUGS SU SEMS PA YIS, ,NYI MA GCIG TU MA CHAD PAR, ,SGOM PAS YONGS SU BRTAGS PAR BGYIS, ,RANG GZHAN DON NI RAB BSGRUB PHYIR; ;'KHOR BAR THABS GZHAN YONG MA YIN, ,RIG MA LHAN CIG GOMS BYAS PAS, ,'PHRAL DU MNGON DU BYED PA NYID, ,'JIGS SMYO DE BZHIN SDUG BSNGAL DANG, ,MYA NGAN GDUNG BA 'CHE BA DANG, ,'DOD CHAGS ZHE SDANG GTI MUG CHE, ,SGRUB PA PO NI NYON MI MONGS, ,PHAN DANG GNOD PA'I 'BRAS 'BYUNG BAR, ,DE LTAR NGES PAR SHES NAS NI, ,JI LTAR DE NI SKAD CIG KYANG,, RNAL 'BYOR PA RNAMS NGU 'BOD GNAS, ,MTSAMS MED LNGA NI BYED PA DANG, ,SROG CHAGS GSOD LA DGA' BA DANG, ,GZHAN YANG SKYE BA DMAN GANG DANG, ,RMONGS DANG MA RUNGS LAS BYED DANG, ,GZUGS NGAN YAN LAG MA TSANG BAS, ,BSAM PAS DE RNAMS 'GRUB PAR 'GYUR, ,DGE BA BCU LA GOMS PA DANG, ,BLA MA LA GUS DBANG PO DUL, ,NGA RGYAL KHRO LAS RNAM PAR GROL; ;DES NI RE ZHIG NGES 'GRUB 'GYUR, ,RTAG TU GOMS PA'I RNAL 'BYOR GYIS, ,MNYAM PAR BZHAG PAS DNGOS GRUB 'THOB, ,ZLA BA GCIG TU GSANG LA SPYAD, ,JI SRID PHYAG RGYA MA RNYED PAR, ,GNANG BRNYED 'GYUR SNGAGS PA LA, ,RNAL 'BYOR MA YIS BSTAN PAR BYA, ,PHYAG RGYA CHE GE MO KHYER LA, ,SEMS CAN DON GYIS RDO RJE 'DZIN, ,RNYED PA DE YANG MIG YANGS MA, ,
GZUGS DANG LANG TSOS RNAM PAR BRGYAN, ,SI HLA GA PUR YANG DAG LDAN, ,BYANG CHUB SEMS KYIS RNAM PAR SBYANG, ,DGE BA BCU LAS BRTZAMS NAS NI, ,DE LA CHOS NI RAB TU DBYE, ,LHA YI GZUGS KYI SEMS DANG NI, ,DAM TSIG SEMS DANG GCIG PA NYID, ,ZLA BA GCIG GIS SKAL LDAN PAR, ,'GYUR BA 'DI LA THE TSOM MED, ,MCHOG THOB BA YI BUD MED GANG, ,RTOG PA THAMS CAD YANG DAG SPANGS, ,YANG NA BDAG GIS NUS PA YIS, ,LHA DANG LHA MIN MI RNAMS DANG, ,GNOD SBYIN MI 'AM CI LAS KYANG, ,PHYAG RGYA BKUG LA RAB TU BRTAG ,DE YANG KHYER LA SPYOD PA SPYAD, ,BDAG GI DAL BA MNGON DU'I PHYIR, ,GANG BSHAD 'JIGS PA'I GZUGS CAN GYI, ,SPYOD PA LONGS SPYOD PHYIR MA GSUNGS, ,YID NI BRTAN NAM G-YO 'AM CI, ,RANG GI SEMS NI SO SOR BRTAG ,RDO RJE SNYING POS GSOL PA, ,BDAG MED RNAL 'BYOR LDAN PA YIS, ,PHYAG RGYA NYID CES JI LTAR BRJOD, ,PHYAG RGYA PHYAG RGYA GNYIS DAG GIS, ,PHYAG RGYA'I DNGOS GRUB JI LTAR 'GRUB, ,BCOM LDAN 'DAS KYIS BKA' STZAL PA, BUD MED GZUGS NI SPANGS NAS NI, ,BCOM LDAN 'DAS KYIS GZUGS SU BYA, ,NUM SPANGS PA PO LAS 'GYUR, ,KAKKO LA DBUS YANG DAG GNAS, ,'GRAM GNYIS DRIL BU NYID DU 'GYUR, ,ZE 'BRU BO LA CAN DU 'GYUR, ,LHAG MA BDAG NYID CHEN PO NYID, ,DGA' CHEN HE RU KA YI GZUGS, ,HE RU KA SBYOR SKYES BU NYID, ,'BAD PA MED PAR SKYES BUR 'GYUR,,
, ,GSAL PAR NUS PA'I RNAL 'BYOR PAS, ,DE PHYIR PHYAG RGYA'I DNGOS GRUB 'GYUR, ,'CHAGS DANG 'JIG PA DAG GIS KYANG, ,THABS DANG SHES RAB GNOD MI 'GYUR,, GANG PHYIR THABS NI 'BYUNG BA NYID, ,'JIG PA SHES RAB SRID MTHAR BYED, ,DES NA RAB 'JIG YOD MA YIN, ,DE NYID LA NI CHAGS PA MED, ,LA LA 'JIG PAS 'JIG PAR 'GYUR,, 'JIG PA'I DNGOS MED ZAD PA MED, ,BSKYED PA'I RIM PA'I RNAL 'BYOR GYIS, ,BRTUL ZHUGS CAN GYIS SPROS PA BSGOM, ,SPROS PA RMI LAM LTAR BYAS NAS, ,SPROS PA NYID NI SPROS MED BYED, ,JI LTAR SGYU MA RMI LAM DANG, ,JI LTAR BAR MA'I SRAD YIN PA, ,RTAG TU GOMS PA'I SBYOR BA LAS, ,DKYIL 'KHOR NYID NI DE BZHIN 'DOD, ,PHYAG RGYA CHEN POR DBANG BSKUR BAR, ,JI LTAR SHES PA'I BDE CHEN PO, ,'DI NI DE YI BYIN RLABS YIN, ,GZHAN LAS DKYIL 'KHOR 'BYUNG BA MED, ,BDE BA NAG CING BDE BA SER, ,BDE BA DMAR PO BDE BA DKAR, ,BDE BA LJANG GU BDE BA SNGO, ,BDE BA RGYU DANG MI RGYU KUN, ,BDE BA SHES RAB BDE BA THABS, ,DE BZHIN KUN TU RU SKYES BDE, ,BDE BA DNGOS PO DNGOS MED BDE, ,RDO RJE SEMS DPA' BDE BAR BRJOD, ,RDO RJE SNYING POS GSOL PA, ,RDZOGS PA'I RIM PA'I RNAL 'BYOR 'DI, ,DE YI BDE BA BDE CHEN BRJOD, ,RDZOGS PA SGOM PA MED PA STE, ,BSKYED
PA YIS NI CI ZHIG 'TSAL, ,BCOM LDAN 'DAS KYIS BKA' STZAL PA, AE MA'O BYANG CHUB SEMS DPA' CHE, ,DAD PA'I SHUGS KYIS RAB TU NYAMS, ,LUS KYI DNGOS MED GANG LAS BDE,, BDE BA SMRA BAR MI NUS SO, ,KHYAB DANG KHYAB BYED TSUL GYIS NI, ,BDE BAS 'GRO BA KHYAB PA NYID, ,JI LTAR ME TOG LA GNAS DRI, ,ME TOG DNGOS MED SHES MI 'GYUR, ,DE BZHIN GZUGS SOGS DGNOS MED PAS, ,BDE BA NYID KYANG DNGOS MED 'GYUR, ,DNGOS NGA DNGOS PO MED PA NGA, ,DNGOS PO RTOGS PHYIR SANGS RGYAS NGA, ,GANG ZHIG LE LOS BSNUN PA DANG, ,RMONGS PA GANG GIS NGA MI SHES, ,RDO RJE BTZUN MO'I BHA GA NI, ,AE YI RNAM PA'I CHA BYAD GZUGS, ,SANGS RGYAS RIN CHEN ZA MA TOG, BDE BA CAN DU RTAG TU BZHUGS, ,'CHAD PA PO NGA CHOS KYANG NGA, ,RANG GI TSOGS LDAN NYAN PO NGA, ,'JIG RTEN STON PA BSGRUB BYA NGA, ,'JIG RTEN 'JIG RTEN 'DAS PA NGA, ,LHAN CIG SKYES DGA'I RANG BZHIN NGA, ,MCHOG DGA' DGA' BRAL DANG POR NI [?], ,MUN PA LA NI MAR ME LTAR, ,DE BZHIN BUS KYANG YID CHES KYIS, ,BTZUN MO'I BHA GA BDE CHEN DU, ,STON PA SUM CU RTZA GNYIS MTSAN, ,GTZO BO DPE BYAD BRGYAD CUR LDAN, , KHU BA ZHES BYA'I RNAM PAR GNAS, ,DE MED PAS NA BDE MED 'GYUR, ,BDE BA MED NA DE MED 'GYUR, ,NUS PA MED PHYIR LTOS DANG BCAS, ,LHA YI RNAL 'BYOR LAS BDE BA, ,DE PHYIR SANGS
, ,RGYAS DNGOS PO MIN, ,DE NYID DNGOS MED TSUL YANG MED, ,ZHAL PHYAG RNAM PA'I GZUGS CAN NYID, ,MCHOG TU BDE BA GZUGS MED PA, ,DE PHYIR 'GRO KUN LHAN CIG SKYES, ,RANG BZHIN LHAN CIG SKYES PAR BRJOD, ,RNAM DAG RNAM PA'I SEMS KYIS NI, ,RANG BZHIN MYA NGAN 'DAS PA NYID, ,LHA YI RNAM PA'I GZUGS KYIS NI; ;BZHIN LAG KHA DOG GNAS PA NI, ,SKYES PA TZAM GYIS RNAM PAR GNAS, ,'ON KYANG BAG CHAGS PHAL PAS SO, ,DUG GI DUM BU GANG NYID KYIS, ,SKYE BA THAMS CAD 'CHI BAR 'GYUR; ;DUG GI DE NYID SHES PA DES, ,DUG GIS DUG NI 'BIGS PAR BYED, ,JI LTAR RLUNG GIS ZIN PA LA, ,MON SRAN SDE'U BZA' BA SBYIN, ,ZLOG PA'I SMAN NI BRTAGS PA YIS, ,RLUNG GIS RLUNG LA SNUN PAR BYED, ,RNAM RTOG LAS NI RNAM RTOG DAG ,SRID PA NYID KYIS SRID PA DAG ,JI LTAR RNA BAR CHU ZHUGS PA, ,CHU GZHAN DAG GIS 'GUGS PAR BYED, ,DE BZHIN DNGOS PO'I RNAM RTOG KYANG, ,RNAM PAR NGES PAR SBYANG BAR BYA, ,JI LTAR 'TSED PAS TSIG PA YANG, ,ME YIS KYANG NI GDUNG BAR BYA, ,DE BZHIN 'DOD CHAGS MES TSIG PA, ,'DOD CHAGS ME YIS GDUNG BAR BYA, ,SKYE BO MI BZAD PA YI LAS, ,GANG DANG GANG GIS 'CHING 'GYUR BA, ,THABS DANG BCAS NA DE NYID KYIS, ,SRID PA'I 'CHING BA LAS GROL 'GYUR, ,
CHAGS PAS 'JIG RTEN 'CHING 'GYUR BA, ,'DOD CHAGS NYID KYIS RNAM GROL 'GYUR, ,BZLOG PA'I SGOM PA 'DI NYID NI, ,SANGS RGYAS MU STEGS KYIS MI SHES, ,'BYUNG BA LNGA YI RANG BZHIN LAS, ,KUN TU RU LAS LNGA RU 'GYUR, ,DGA' BA CHEN PO GCIG NYID LAS, ,DBYE BAS LNGA RU 'GRO BAR 'GYUR, ,BO LA KAKKO LA SBYOR BAS, ,REG PA SRA BA'I BAG CHAGS NYID, ,SRA BA GTI MUG CHOS KYI PHYIR, ,GTI MUG RNAM PAR SNANG MDZAD BRJOD, ,GANG PHYIR BYANG SEMS GSHER BA NYID, ,GSHER BA CHU YI KHAMS SU BRJOD, ,CHU NI MI BSKYOD GZUGS KYI PHYIR, ,ZHE SDANG 'DREN PA MI BSKYOD PA, ,GNYIS KYIS BSKYOD PA'I SBYOR BA LAS, ,DROD NI RTAG TU SKYE PAR 'GYUR, ,'DOD CHAGS DPAG MED RDO RJE YIN, ,'DOD CHAGS DROD LAS 'BYUNG BAR 'GYUR, , KAKKO LAR NI GANG ZHIG SEMS, ,DE NI RLUNG GI RANG BZHIN CAN, ,PHRAG DOG DON YOD GRUB PA YIN, ,DON YOD RLUNG LAS 'BYUNG BA NYID, ,BDE BA 'DOD CHAGS KHRAG TU 'GYUR, ,DGA' BA NAM MKHA'I MTSAN NYID DE, ,NAM MKHA' SER SNA RDO RJER 'GYUR, ,SER SNA NAM MKHA' LAS BYUNG NYID, ,SEMS NI CHEN PO GCIG NYID LA, ,LNGA YI GZUGS KYIS RNAM PAR MTSON, ,RIGS NI LNGA PO DE NYID LAS, ,STONG PHRAG DU MA SKYES PA NYID, ,DE PHYIR 'DI DAG RANG BZHIN GCIG ,BDE CHEN MCHOG TU RTAG PA NYID, ,'DOD CHAGS LA SOGS SEMS LNGA YI, ,DBYE BAS LNGA RU 'GRO BAR 'GYUR,,
, ,GANG+G'A'I KLUNG BCU'I BYE SNYED NYID, ,RIGS GCIG LA NI DE BZHIN GSHEGS PA'I TSOGS, ,RIGS KYI TSOGS LA RIGS NI DU MA RNAMS, ,DE RNAMS RIGS LA RIGS NI RNAM PA BRGYA; ;DE RNAMS LA YANG 'BUM PHRAG RIGS CHEN RNAMS, ,BYE BA'I RIGS LA GRANGS NI MED PAR 'GYUR, ,DE LA RIGS LA GRANGS MED RIGS RNAMS NYID, ,MCHOG TU DGA' BA'I RIGS LAS BYUNG BA RNAMS, ,KYE'I RDO RJE MKHA' 'GRO MA DRA BA'I SDOM PA LAS, ,DNGOS GRUB GTAN LA DBAB PA ZHES BYA BA'I LE'U STE GNYIS PA'O,, ,,DE NAS RDO RJE CAN GYIS RNAL 'BYOR MA RNAMS LA RGYUD THAMS CAD KYI GLENG GZHI ZHES BYA BA'I THABS BKA' STZAL PA, SDOM PA DANG NI DBANG DBANG YANG, ,DE BZHIN DGONGS PA'I SKAD NYID DANG, ,DGA' DANG SKAD CIG DBYE BA DANG, ,GZHAN YANG BZA' BA LA SOGS PA, ,DE LA SDOM PA BKA' STZAL PA, ,SANGS RGYAS KUN GYI SDOM PA NI, ,AE WAm RNAM PAR RAB TU GNAS, ,AE WAm RNAM PA'I BDE CHEN PO, ,DBANG LAS YANG DAG SHES PAR 'GYUR, ,DE NAS RNAL 'BYOR MA RNAMS KYIS BCOM LDAN 'DAS RDO RJE SEMS DPA' LA 'DI SKAD CES GSOL TO, ,BCOM LDAN STON PA 'GRO BA'I BLA, ,MKHA' 'GRO MA YI SDOM PA NYID, ,AE WAm RNAM PA CI ZHES BRJOD, ,RIM PA JI BZHIN BSHAD DU GSOL, ,BCOM LDAN 'DAS KYIS BKA' STZAL PA, AE YI CHA BYAD BZANG PO GANG, ,DBUS SU WAm GYIS RNAM
PAR BRGYAN, ,BDE BA THAMS CAD KYI NI GNAS, ,SANGS RGYAS RIN CHEN ZA MA TOG ,SKAD CIG DBYE BAS PHYE BA NYID, ,DGA' BA DE LAS SKYE BAR 'GYUR, ,SKAD CIG SHES NAS BDE SHES PA, ,AE WAm RNAM PAR RAB TU GNAS, ,SNA TSOGS DANG NI RNAM SMIN DANG, ,RNAM NYED DE BZHIN MTSAN NYID BRAL, ,SKAD CIG BZHI NI RAB SHES PAS, ,DE LTAR RNAL 'BYOR PAS SHES 'GYUR, ,'KHYUD DANG 'O BYED LA SOGS PA, ,SNA TSOGS RNAM PA SNA TSOGS BSHAD, ,RNAM PAR SMIN PA DE LAS LDOG ,BDE BA'I YE SHES ZA BA NYID, ,BDAG GI BDE BA ZOS PA YI, ,GROS NI RNAM PAR NYED PAR BRJOD, , MTSAN NYID BRAL BA GSUM LAS GZHAN, ,CHAGS DANG CHAGS BRAL RNAM PAR SBANGS, ,SNA TSOGS DANG PO'I DGA' BA NYID, ,RNAM SMIN LA NI MCHOG DGA' NYID, ,RNAM NYED DGA' BA DGA' BRAL NYID, ,MTSAN BRAL LHAN CIG SKYES DGA' NYID, ,SLOB DPON GSANG BA SHES RAB DANG, ,BZHI PA DE YANG DE BZHIN NO, ,DBANG NI BZHI YI GRANGS KYIS NI, ,DGA' BA LA SOGS RIM SHES BYA; ;DGOD PA DAG PA SLOB DPON NYID, ,LTA BA GSANG BA DE BZHIN NO, ,LAG BCANGS LAS NI SHES RAB NYID, ,GNYIS GNYIS 'KHYUD LA DE YANG NYID, ,SEMS CAN RNAMS KYI DNGOS GRUB PHYIR, ,DBANG NI RNAM PA BZHI RU BSHAD, ,GTOR DANG BLUGS PA ZHES BYA 'DIS, ,DES NA DBANG ZHES BRJOD BAR BYA, ,SHES RAB BCU DRUG LON PA LA, ,LAG PA DAG GIS YANG DAG
, ,'KHYUD; ;RDO RJE DRIL BU MNYAM SBYOR BAS, ,SLOB DPON DBANG DU RAB TU BRJOD, ,SHIN TU BZHIN BZANG MIG YANGS MA, ,GZUGS DANG LANG TSOS RNAM PAR BRGYAN, , MTHE BONG SRIN LAG DAG GIS NI, ,SLOB MA'I KHA RU LTUNG BAR BYA, ,DE NYID DU NI MNYAM PA'I RO, ,SLOB MA'I SPYOD YUL DAG TU BYA, ,STON PAS SHES RAB RAB TU MCHOD, ,RJED PAR BYAS NAS GTAD PAR BYA, ,STON PAS SMRAS PA SEMS DPA' CHE, ,PHYAG RGYA BDE BA LDAN PA KHYER, ,PHRAG DOG KHRO BA RNAM SPANGS PA'I, ,SLOB MA CHER GYUR SHES NAS NI, ,STON PAS DE LA GNANG BA SBYIN; ;KUN TU RU GYIS RDO RJE 'DZIN, ,JI LTAR DBANG BSKUR GSOL BTAB PA'I ,SLOB MA'I BYA BA BSHAD PAR BYA, ,BLA MA PHYAG RGYA LDAN MTHONG NAS, ,BSTOD DANG MCHOD BA JI BZHIN BYA, , BCOM LDAN ZHI BA CHEN PO KYE, ,RDO RJE RNAL 'BYOR GCIG BZHED PA, ,MI PHYED PHYAG RGYA SGRUB PA PO, ,RDO RJE RNAL 'BYOR LAS BYUNG BA, ,JI LTAR KHYOD NI BDAG NYID CHE, ,MNGA' BDAG BDAG LA'ANG DE LTAR MDZOD, ,'KHOR BA 'DAM GYI TSOGS DAG TU, ,BYING BA SKYABS MED BDAG LA SKYOBS, ,ZHIM PA'I BZA' BA BTUNG BA DANG, ,BA LA CHE MCHOG MA DA NA, ,BDUG PA LHA BSHOS PHRENG BA DANG, ,DRIL BU RGYAL MTSAN BYUG PA YIS, ,'DI RNAMS MCHOD BA RNAMS KYIS NI, ,SLOB MAS RDO RJE 'DZIN PA MCHOD, ,MCHOG TU DGA' BA YANG DAG THOB, ,SNA TSOGS
SPANGS PA'I SKAD CIG LA, ,STON PAS SMRAS PA SEMS DPA' CHE, ,BDE BA CHEN PO RNAM PAR ZUNGS, ,JI SRID BYANG CHUB BAR DU NI, ,SEMS CAN DON GYIS RDO RJE 'DZIN, ,SLOB MA SNYING RJE CAN MTHONG NAS; ;RDO RJE CAN GYIS 'DI SKAD SMRAS, ,'DI NI YE SHES CHEN PO NYID, ,THAMS CAD LUS LA RNAM PAR GNAS, ,GNYIS DANG GNYIS SU MED PA'I TSUL, ,DNGOS DANG DNGOS MED BDAG NYID GTZO, BRTAN DANG G-YO BA KHYAB NAS GNAS, ,SGYU MA'I GZUGS CAN NYID DU 'DOD, ,DKYIL 'KHOR 'KHOR LO'I THABS KYIS NI, ,RTAG TU NGES PAR 'GRO BAR 'GYUR, ,DE NAS RDO RJE SNYING PO RNAL 'BYOR MA RNAMS LA BZOD PAR GSOL NAS BCOM LDAN 'DAS LA 'DI SKAD CES GSOL TO, ,DKYIL 'KHOR 'KHOR LO CI ZHES BRJOD, ,SANGS RGYAS KUN BDAG GRONG KHYER LA, ,BCOM LDAN BDAG NI 'KHRUL GYUR PAS, ,RIM PA JI LTAR BSHAD DU GSOL, ,BCOM LDAN 'DAS KYIS BKA' STZAL PA, ,DKYIL NI SNYING PO ZHES BRJOD DE, ,BYANG CHUB SEMS NI BDE CHEN PO, ,DANG PO MTHAR BYED CES BYA BA, ,'DUS PA DKYIL 'KHOR NYID DU BRJOD, ,'KHOR LO ZHES BYA NAM MKHA'I KHAMS, ,YUL LA SOGS PA RNAM PAR SBYONG, ,BO LA KAKKO LA SBYOR BAS, ,DE YI BDE BA SHES PAR 'GYUR, ,RDO RJE SNYING BOS GSOL PA, ,SDOM PA ZHES BYA GANG GIS DANG, ,DAM TSIG GANG GIS GNAS PAR BGYI, ,BCOM LDAN 'DAS KYIS BKA' STZAL PA, ,KHYOD KYIS SROG
, ,CHAGS BSAD BA DANG, ,RDZUN GYI TSIG KYANG SMRA BA DANG, ,KHYOD KYIS MA BYIN PAR YANG LONGS, ,PHA ROL BUD MED BSTEN PAR GYIS, ,SEMS GCIG SROG CHAGS GSOD PA NYID, ,GANG PHYIR SROG NI SEMS SU BRJOD, ,'JIG RTEN BSGRAL BA ZHES BYA BA, ,RDZUN GYI TSIG TU RAB TU BSGRAGS, ,BTZUN MO'I KHU BA MA BYIN PAR, ,GZHAN GYI BUD MED RANG MTSUNGS MDZES, ,DE NAS RNAL 'BYOR THAMS CAD KYIS BCOM LDAN 'DAS LA 'DI SKAD CAS GSOL TO, ,YUL DE RNAMS KYANG CI LAGS, ,DPANG PO NI, ,GANG LAGS, SKYE MCHED NI; CI LAGS, ,PHUNG PO RNAMS NI, GANG LAGS, ,KHAMS RNAMS DE YANG CI LAGS, ,'DI RNAMS KYI RANG BZHIN NI, CI LAGS, BCOM LDAN 'DAS KYIS BKA' STZAL PA, YUL DRUG NI; GZUGS SGRA DE BZHIN DRI DANG NI, ,RO DANG DE BZHIN REG BYA NYID, ,CHOS KYI KHAMS KYI RANG BZHIN NYID, ,'DI RNAMS YUL NI DRUG TU BRJOD, ,DBANG PO RNAMS NI, DRUG STE; MIG DANG RNA BA SNA DANG NI, ,LCE DANG LUS DANG DE BZHIN YID, ,'DI RNAMS DBANG PO DRUG PO NI, ,GTI MUG RDO RJE LA SOGS LDAN, ,YUL DANG YUL CAN DAG GIS NI, ,SKYE MCHED BCU GNYIS DAG TU 'GYUR, ,PHUNG PO LNGA NI GZUGS LA SOGS, ,MTHAR NI RNAM SHES SNYING RJE CHE, ,DBANG PO DANG NI YUL NYID DANG, ,DBANG PO'I RNAM PAR SHES PA
NYID; ;RNAL 'BYOR MA RNAMS GO CHA'I PHYIR, ,KHAMS NI BCO BRGYAD RNAMS SU BSHAD, ,RANG BZHIN GDOD NAS MA SKYES PA, ,RDZUN MIN BDEN MIN DE BZHIN DU, ,THAMS CAD CHU YI ZLA BA LTAR,, 'DOD PAS RNAL 'BYOR MAS SHES KYIS, ,'DI LTA STE, GTZUB SHING DANG GTZUB STAN DANG SKYES BU'I LAG PA'I RTZOL BA LAS GLO BUR DU ME SKYE BAR 'GYUR RO, ,ME 'DI NI GTZUB SHING LA YANG MI GNAS, ,GTZUB STAN LA YANG MA YIN, SKYES BU'I LAG PA DAG LA YANG MA YIN TE, RNAM PA THAMS CAD DU YONGS SU BTZAL NA GCIG NA YANG YOD PA MA YIN PAS ME DE YANG BDEN PA YANG MA YIN ZHING RDZUN PA YANG MA YIN NO, ,DA LTAR CHOS THAMS CAD RNAL 'BYOR MAS YID LA GYIS SHIG, DE NAS RNAL 'BYOR MA BDAG MED MA LA SOGS PA RDO RJE MKHA' 'GRO MA THAMS CAD BDUD RTZI LNGA THOGS SHING DAM TSIG GI RDZAS THOGS PAS BCOM LDAN 'DAS RDO RJE SEMS DPA' LA MCHOD PAR BYED, KUN TU RU'I SBYOR BAS RJES SU CHAGS PAR BYED, BDUD RTZI LNGA'I RO YANG 'THUNG BAR BYED DO, ,DE NAS BCOM LDAN 'DAS DGYES NAS RANG BYIN GYIS BRLAB PA BSTAN PA, KYE KYE RDO RJE MKHA' 'GRO MA, ,SANGS RGYAS KUN GYIS PHYAG MDZAD PA, ,DE NYID BDAG GIS GSANG MDZAD PA, ,RDO RJE MCHOD PA'I BYIN RLABS KYIS, ,BSHAD KYI 'DOD BAS RAB TU NYON, ,LHA MO THAMS CAD DGA' BAR GYUR, ,RANGS PAR GYUR TE DPUS MO G-YAS PA'I LHA
, ,NGA SA LA BTZUGS NAS BCOM LDAN 'DAS GA LA BA DER THAL MO SBYAR BA BTUD NAS BCOM LDAN 'DAS KYI GSUNG NYAN NO, ,BCOM LDAN 'DAS KYIS BKA' STZAL PA, BZA' BTUNG JI LTAR RNYED PA DANG, ,BGROD DANG BGROD MIN MI SPANG ZHING, ,KHRUS DANG GTZANG SBRA MI BYA STE, ,GRONG GI CHOS NI RAB TU SBANGS, ,BLO LDAN SNGAGS NYID MI BZLA ZHING, ,BSAM GTAN NYID NI DMIGS MI BYA, ,GNYID NI SPANG BAR MI BYA STE, ,DBANG PO RNAMS NI MI DGAG GO ,PA LA THAMS CAD BZA' BAR BYA, ,KHA DOG LNGA LA MNYAM PAR SPYAD, , DOGS PA MED PA'I SEMS KYIS NI, ,BTZUN MO THAMS CAD DGA' BAR BYA, ,MDZA' BO SDUG PAR MI BYA ZHING, ,DE BZHIN GDUG LA ZHE SDANG NYID, ,RDO SHING 'JIM PA'I BDAG NYID KYI,, LHA 'DI RNAMS LA PHYAG MI BYA, ,G-YUNG MO GDOL PA KO LPAGS MKHAN, ,PHYAG DAR MKHAN SOGS REG RING DANG, ,BRAM ZA RGYAL RIGS RJE'U DMANGS RNAMS, ,BDAG GI LUS LTAR REG PA NYID, ,BDUD RTZI LNGA DANG BU RAM CHANG, ,DUG DANG NIM BA BU BCAS SKYES, ,SKYUR DANG MNGAR DANG SKA LA SOGS, ,KHA BA LAN TSVA TSA BA DANG, ,DRI NGA DRI ZHIM MCHI RNAG DANG,, BYANG CHUB SEMS KYIS RAB TU BZA', ,GNYIS MED YE SHES SEMS KYIS NI, ,MI BZA' CUNG ZAD YOD MA YIN, ,RANG BYUNG ME TOG RNYED NAS NI, ,PADMA'I SNOD DU BZHAG PA
DANG; ;LUD PA DANG NI SNABS DAG GIS, ,BSRES NAS BRTUL ZHUGS CAN GYIS BTUNG, ,SMAD G-YOGS KHA DOG SNA TSOGS DANG, ,RO BSREGS THAL BAS DE BZHIN BRGYAN, ,ME TOG RAB SENG GNAS RNYED PAS, ,MGO SKYES LEGS PAR BCING BAR BYA, ,DE NAS RDO RJE SNYING POS GSOL PA, ,THAMS CAD YUL GYI RNAM DAG PA, ,BCOM LDAN 'DAS KYIS LNGAR GSUNGS NA, ,NGES PAR DBANG PO DRUG GI GRANGS, ,RNAM PAR DAG PAR MA MDZAD PA, ,BCOM LDAN 'DAS KYIS BKA' STZAL PA, MIG LA GTI MUG RDO RJE MA, ,RNA BAR ZHE SDANG RDO RJE MA, ,SNA LA SER SNA MA ZHES BSHAD KHA LA 'DOD CHAGS RDO RJE MA, ,LUS LA PHRAG DOG RDO RJE MA, ,YING LA BDAG MED RNAL 'BYOR MA, ,DBANG PO RNAMS NI DAG BYA'I PHYIR, ,'DIS NI GO CHA SEMS DPA' CHE, ,RDO RJE SNYING POS GSOL BA, DGONGS PA'I SKAD NI CI ZHES BGYI, ,BCOM LDAN 'DAS KYIS NGES GSUNG GSOL, ,RNAL 'BYOR MA YI DAM TSIG CHE, ,NYAN THOS LA SOGS MI SHES PA, ,DGOD DANG LTA BA DAG GIS DANG, ,'KHYUD DANG DE BZHIN GNYIS GNYIS KYI, ,RGYUD KYANG RNAM PA BZHI RNAMS KYIS, ,DGONGS PA'I SKAD NI MA BSGRAGS PA, ,BCOM LDAN NGES PAR GSUNG DU GSOL, ,DGONGS PA YI NI SKAD CHEN PO, ,DAM TSIG BRDA NI RGYAS PA RU, ,RDO RJE SNYING PO NGAS BSHAD KYI, ,KHYOD NI RTZE GCIG SEMS KYIS NYON, ,MA DA NA CHANG BA LA SHA, 'DU BA MA LA YA DZAm BRJOD, ,'GRO BA
, ,KHE tA RO NI SHR'A PA, ,RUS PA'I RGYAN NI NI RAm SHU, ,'ONG BA PRAm KHA nA RU BRJOD, ,CANG TE KRi BI TA RU BRJOD, ,SKAL MED DU DU RA ZHES BRJOD, ,SKAL LDAN KA LIm NYADZARAm BRJOD, ,REG MIN dIndI MAm ZHES BRJOD, ,THOD PA PADMA BHA DZA NAm, ,BZA' BA TRi PI TA ZHES BYA, ,TSOD MA M'A LA TINDHA NAm, ,BSHAD PA CAm TU SA MAm BRJOD, ,GCI BA KA STU RI ZHES BRJOD, ,RANG BYUNG SI HLAR SHES PAR BYA, ,KHU BA KA PU RA ZHES BRJOD, ,SHA CHEN SH'A LE DZAm ZHES BRJOD, ,DBANG PO GNYIS SBYOR KUN TU RU, ,RDO RJE BE LA ZHES BSHAD DE, ,PADMA KAKKO LA ZHES ZER, ,KHA DOG DBYE BAS PHYE BA LAS, ,RIGS NI RNAM PA LNGA RU BSHAD, ,'DI NI GSANG BA'I SKAD YIN NO, ,PHYAG RGYA LNGA NI BSDUS PA NYID, ,G-YUNG MO RDO RJE'I RIGS SU BSHAD, ,GAR MA DE BZHIN PADMA'I RIGS; ;RANG 'TSED MA NI RIN CHEN RIGS, ,SKYES GNYIS DE BZHIN GSHEGS PAR BRJOD, TSOS MA LAS KYI RIGS NYID DE, ,PHRAG RGYA 'DI RNAMS DNGOS GRUB SBYIN, ,'DI RNAMS KHU BA RDO RJER 'GYUR, ,BRTUL ZHUGS CAN GYIS MCHOD NAS BTUNG, ,RDO RJE SNYING PO SEMS DPA' CHE, ,GSANG BA'I SKAD NI MTSAR CHE BA, ,NGA YIS KHYOD LA GANG BSHAD PA, ,DE RNAMS THAMS CAD GUS PAS ZUNGS, ,KYE RDO RJE 'DIR DBANG BSKUR GANG, ,GSANG BA'I SGAD KYIS MI SMRA BA, ,DE YI DAM TSIG NYAMS PAR NI, ,'GYUR BA 'DI LA THE TSOM MED, ,'TSE BA
DANG NI RKUN MA DANG, ,GDON DANG RIMS DANG DUG GIS KYANG, ,GAL TE SANGS RGYAS GSANG BA'I SKAD, ,MI GSUNG NA YANG 'GRONGS PAR 'GYUR, ,RANG GI DAM TSIG RIGS RNYED NA, ,GAL TE TSIG 'DI MI SMRA BA, ,GNAS BZHI LAS SKYES RNAL 'BYOR MA, ,DE YI TSEN KHRO BAR BYED, ,KYE'I RDO RJE MKHA' 'GRO MA DRA BA'I SDOM PA LAS, RGYUD THAMS CAD KYI GLENG GZHI DANG GSANG BA'I SKAD CES BYA BA'I LE'U STE GSUM PA'O,, ,,DE NAS RDO RJE SNYING PO LA SOGS PA'I RDO RJE MKHA' 'GRO MA THAMS CAD THE TSOM DU GYUR, YID GNYIS SU GYUR TE BCOM LDAN 'DAS RDO RJE SEMS DPA' LA 'DI SKAD CES GSOL TO, ,BCOM LDAN 'DAS THE TSOM BSAL DU GSOL BA SPYOD PA'I LE'U LAS GANG BSHAD PA, ,GLU DANG GAR NI DNGOS GRUB SBYIN, ,DE LA BDAG NI THE TSOM MCHIS, ,GLU NI CI LAGS GAR KYANG CI, ,LHA YI LE'U LAS GANG GSUNGS PA, ,ZHE SDANG LA SOGS PHYAG RGYA RNAMS, ,DE LA BDAG NI THE TSOM MCHIS, ,GANG GI PHYAG RGYA PHYAG RGYA CI, , SNGAGS BTU BA LAS GANG GSUNGS PA, ,BDAG MED LA SOGS SA BON NYID, ,DE LA BDAG NI 'KHRUL BAR GYUR, ,GANG GI SA BON SA BON GANG, ,RIGS KYI LE'U LOS GANG BSHAD PA, ,BCU DRUG GNYIS KYI BDAG NYID RTZA, ,BCOM LDAN BDAG NI 'KHRUL GYUR BAS, ,DE RNAMS RNAM DAG BSHAD DU GSOL, ,BCOM LDAN 'DAS KYIS BKA' STZAL PA, KOLLA AI RENthI AA PO L'A
, ,MUMMU nI RE KAKKO L'A, GHA nA KI BI tA HO B'ADZDZA AA KA RU nE KI AA AAm NA RO L'A, TA HI BA LA KHADZDZA AA GI dEm MA AA n'Am BIDZDZA AI AA AI, HA LIm K'A LINYDZA PA nI AA AI DUDDU RA BADZDZI AA AI, TZA AU SA MA K'ATZTSE RI SAHILA KABB'U RA L'A AI AA AI, M'A LA AINDHA nA SH'A LINYDZA TA HIm BHA RU KH'A AI AA AI, PHEm KHA nE KHE tA KAR NTE SHUDDHA SHUDDHA NA MU nI AA AI, NI RAm SHU AAm GA TZA d'A WI TI HAm DZA SA R'A BA PA nI AA AI, MA LA YA DZE KUNDU RU B'A tA AI, dIndI MA TA HInnU B'A DZDZI AA AI, ,DRAN PA MI 'PHROG RNAL 'BYOR PAS, ,HE RU KA YI GZUGS KYIS GAR, ,CHAGS BRAL MIN GOMS SEMS KYIS NI, ,'DOD CHAGS SEMS KYIS SGOM PA NYID, ,RDO RJE CHOS DANG SANGS RGYAS DANG, ,RNAL 'BYOR MA DANG MA MO YIS, ,GLU DANG GAR NI 'DI DAG GIS, ,LEGS PAR GLU BLANG GAR KYANG BYA, ,'DI NYID KYIS NI TSOGS SRUNG ZHING, ,DE BZHIN BDAG KYANG SRUNG BA NYID, ,'DIS NI 'JIG RTEN DBANG DU BYED, ,'DIS NI SNGAGS KYIS BZLAS PA NYID, ,GANG DU GUS PAS GLU LEN DANG, ,GANG DU GUS BCAS GAR BYED PA, ,TSOGS KYI BDAG POS SNGAR BYAS NAS, ,DE LA DRI NI MTSON PAR BYA, ,SGOG PA'I DRI NI DANG PO NYID, ,DE NAS YANG NI BYA RGOD DRI; ;GA BUR MA LA YA DZI NYID, ,DAD PA DANG NI BUNG BA'I SGRA, ,GLU YI MTHA' NAS MNYAN PAR BYA, ,BA LANG 'TSE YI SGRA YANG NI, ,PHYI ROL CHAL DU MTSON BYA BA, ,GLU YI BYIN RLABS
MTSAN NYID DO, ,PHYAG RGYA RTAGS DANG MTSAN MA STE, ,'DIS NI RIGS NI MTSON PAR BYA, ,RIGS 'TSOL SGOM PA'I SBYOR BA LAS, ,DNGOS GRUB MED CING SGRUB PO'ANG MED, ,ZHE SDANG PHYAG RGYAS BAD MED MA; ;GTI MUG PHYAG RGYAS RDO RJE MA, ,SER SNA'I PHYAG RGYAS DKAR MO NYID, ,CHAGS PAS CHU ME PHYAG RGYAS GDAB, ,PHRAG DOG PHYAG RGYAS MKHA' 'GRO MA, ,ZHE SDANG PHYAG RGYA PUKKA SI GTI MUG PHYAG RGYAS RI KHROD MA, ,SER SNA'I PHYAG RGYAS GDOL PA MO, ,'DOD CHAGS PHYAG RGYAS G-YUNG MO NYID, ,YANG NI DKAR MO ZHE SDANG LAS, ,GTI MUG PHYAG RGYAS CHOM RKUN MA, ,SEL SNA'I PHYAG RGYAS RO LANGS MA, ,'DOD CHAGS PHYAG RGYAS GHASMA R'I, ,GTI MUG PHYAG RGYAS SA SPYOD MA, ,'DOD CHAGS PHYAG RGYAS MKHA' SPYOD MA, ,'DOD PAS PHYAG RGYAR SHES PAR BYA, ,A'A LI DANG PO BDAG MED MA, ,A'A LI GNYIS PA RDO RJE MA, ,A'A LI GSUM PA DKAR MO NYID, ,BZHI PA CHU YI RNAL 'BYOR MA, ,LNGA PA RDO RJE MKHA' 'GRO MA, ,DRUG PA BUKKA SI ZHES BRJOD, ,BDUN PA NYID NI RI KHROD MA, ,BRGYAD PA SME SHA CAN DU BRJOD, ,DGU PA YANG NI G-YUNG MO NYID, ,YANG NI LNGA GNYIS DKAR MO NYID, ,BCU GCIG CHOM RKUN MA ZHES BSHAD, ,BCU GNYIS RO LANGS NA ZHES BRJOD, ,BCU GSUM PA NI GHASMA R'I, ,BCU BZHI PA NI SA SPYOD MA, ,BCO LNGA BA NI MKHA' SPYOD MA, ,RNAL 'BYOR MA YI SA BON NYID, ,RIGS KYI LE'U LAS RTZA RNAMS GANG, ,BCU DRUG
, ,GNYIS KYI BDAG NYID GSUNGS, ,RTZA NI GNYIS GNYIS RNAL 'BYOR MA, ,RE RE RNAM PA GSUM DU BRJOD, ,RKYANG MA RO MA KUN 'DAR MA, ,BDAG MED RNAL 'BYOR MA ZHES BRJOD; ;GANG PHYIR BCU DRUG CHA MED PAS, ,'BAD PAS KUN GYI LHAG MA SPANGS, ,CI'I SLAD DU ZHE NA, DON GYI BYA BA MI PHYED PHYIR, ,BCO LNGA'I CHA YI BDAG NYID KYI, ,ZLA BA BYANG CHUB SEMS SU 'GYUR, ,BDE BA CHEN PO A'A LI'I GZUGS, ,RNAL 'BYOR MA RNAMS DE YI CHA, ,RDO RJE SNYING POS GSOL PA, ,RNAL 'BYOR MA KUN LAS BYUNG BA, ,LHAN CIG SKYES DGA'I RANG BZHIN NYID; ;'GRIB MED BTUNG MCHOG NAM MKHA' NYID, ,GA PUR NGES PAR CIS MI SPANG, ,BCOM LDAN 'DAS KYIS BKA' STZAL PA, JI SKAD SMRAS PA DE BZHIN NO, ,RDO RJE SNYING POS GSOL PA, THABS GANG GIS BYANG CHUB KYI SEMS BSKYED PA LAGS, BCOM LDAN 'DAS KYIS BKA' STZAL PA, DKYIL 'KHOR 'KHOR LO'I THABS DANG NI, ,RANG BYIN BRLAB PA'I RIM PAS KYANG, ,KUN RDZOB DON DAM GZUGS CAN GYI, ,BYANG CHUB SEMS NI RAB TU BSKYED, ,KUN RDZOB KUN DA LTA BU NYID, ,DON DAM BDE BA'I GZUGS CAN NO, ,BUD MED KAKKO LA BDE BA CAN, ,AE WAm RNAM PA'I RANG BZHIN DU, ,BDE BA SRUNG BA NYID KYI PHYIR, ,BDE BA CAN ZHES RAB TU BSGRAGS, ,SANGS RGYAS BYANG CHUB SEMS DPA' DANG, ,RDO RJE 'DZIN
PA RNAMS KYI GNAS, ,'DI NYID 'KHOR BA ZHES BYA STE, ,'DI NYID MYA NGAN 'DAS PA NYID, ,'KHOR BA SPANGS NAS GZHAN DU NI, ,MYA NGAN 'DAS PA RTOGS MI 'GYUR, ,'KHOR BA GZUGS DANG SGRA LA SOGS, ,'KHOR BA TSOR BA LA SOGS PA, ,'KHOR BA DBANG PO RNAMS NYID DO, ,'KHOR BA ZHE SDANG LA SOGS PA, ,'DI RNAMS CHOS NI MYA NGAN 'DAS, ,RMONGS PHYIR 'KHOR BA'I GZUGS CAN NYID, ,RMONGS MED 'KHOR BA DAG PAS NI, ,'KHOR BA MYA NGAN 'DAS PAR 'GYUR, ,BYANG CHUB SEMS NI MYA NGAN 'DAS, ,KUN RDZOB DON DAM TSUL CAN NO, ,SHIN TU BZHIN BZANG MIG YANGS MA, ,GZUGS DANG LANG TSOS RNAM PAR BRGYAN, ,SNGO BSANGS DAL LA RIGS BZANG MA, ,SI HLA GA PUR 'BYUNG BA'I GNAS, ,RANG GIS DBANG BSKUR KYE'I RDO RJE, ,SGRA BZANG SGRUB PA PO LA DGA', ,DE YI CHANG YANG BTUNG BAR BYA, ,DE NAS RANG YANG BTUNG BA NYID, ,RANG GZHAN DON NI RAB BSGRUB PHYIR, ,PHYI NAS PHYAG RGYA RJES CHAGS BYA, ,BO LA KAKKO LAR BCU GA NAS, , KUN TU RU BYED BRTUL ZHUGS CAN, ,DER NI SBYOR BA LAS BYUNG BA'I, ,GA PUR MKHAS PAS MI SPANG STE, ,DE NI LAG TU MI BLANG ZHING, ,NYA PHYIS DUNG CHOS NYID DU MIN, ,NGES PAR BLO DANG STOBS KYI PHYIR, ,MI 'CHI LCE YIS BLANG BA NYID, ,GA PUR NYID NI BDAG MED MA, ,BDE BA BDAG MED TSUL CAN NYID, ,DE YI BDE BA PHYAG RGYA CHE, ,LTA BA'I DKYIL 'KHOR NYID DU
, ,GNAS; ;DANG PO'I DBYANGS YIG RANG BZHIN TE, ,BLO ZHES SANGS RGYAS RNAMS KYIS BRTAGS, ,RDZOGS PA'I RIM PA'I RNAL 'BYOR LAS, ,DE NYID BCOM LDAN SHES RAB MA, ,DE NI RING MIN THUNG BA MIN, ,GRU BZHI MA YIN ZLUM PO MIN, ,DRI DANG RO DANG MYA NGAN 'DAS, ,LHAN CIG SKYES DGA' BYED PA CAN, ,DE LAS SKYES PA'I RNAL 'BYOR PAS; ;DE YI BDE BA MYONG BA NYID, ,DE DANG LHAN CIG PHYAG RGYA CHE, ,BDE BA SBYIN PA'I DNGOS GRUB 'GYUR, ,GZUGS SGRA DE BZHIN DRI DANG NI, ,RO DANG DE BZHIN REG BYA NYID, ,CHOS KYI DBYINGS KYI RANG BZHIN YANG, ,SHES RAB NYID KYIS DPYAD PAR BYA, ,DE NYID LHAN CIG SKYES PA'I GZUGS, ,BDE CHEN BZANG PO'I RNAL 'BYOR MA, ,DE NYID DKYIL 'KHOR 'KHOR LO DANG, ,YE SHES LNGA YI RANG BZHIN CAN, ,DE NI ME LONG YE SHES GZUGS, ,MNYAM NYID YE SHES DNGOS PO CAN, ,YANG DAG GYUR PA SO SOR RTOG, DE NYID BYA BA NAN TAN TE, ,CHOS DBYINGS SHIN TU RNAM DAG MA, ,DE NYID DKYIL 'KHOR BDAG PO PA, ,DE NYID BDAG MED RNAL 'BYOR MA, ,CHOS KYI DBYINGS KYI RANG BZHIN CAN, ,RDO RJE SNYING POS GSOL PA, 'KHOR LO SGOM PA'I LAM DANG NI, ,LHA RNAMS JI LTAR 'BYUNG BA NYID, ,THAMS CAD BCOM LDAN 'DAS GSUNGS NA, ,SDOM PA YANG DAG BSHAD DU GSOL, ,BCOM LDAN 'DAS KYIS
BKA' STZAL PA, RNAL 'BYOR MA YI LUS DBUS SU, ,AA YI RNAM PA'I SDOM PA GNAS, ,JI LTAR PHYI ROL DE BZHIN NANG, ,SDOM PA DE NYID RAB TU PHYE, ,BO LA'I BDE BA PHYAG RGYA CHE, ,RDO RJE SKYE MCHED THABS CHEN NYID, ,'DIS NI GSANG BA'I SNYOMS 'JUG PAS, ,PHYI ROL GNYIS NI BSTAN DU MED, ,SKU GSUM LUS KYI NANG DU NI, ,'KHOR LO'I GZUGS KYIS BRJOD PAR BYA, ,SKU GSUM YONGS SU SHES PA NI, ,BDE BA CHEN PO'I 'KHOR LOR BRJOD, ,CHOS DANG LONGS SPYOD SPRUL PA DANG, ,DE BZHIN DU YANG BDE CHEN NYID, ,SKYE GNAS SNYING MGRIN MGO BOR YANG, ,SKU GSUM PO NI RNAM PAR GNAS; ;MA LUS PA YI SEMS CAN GYI, ,SKYE BA GANG LA BRJOD PAR BYA, ,GANG PHYIR SPRUL PA GNAS BRTAN PHYIR, ,LTE BA SPRUL PA GNAS BRTAN PHYIR, ,GANG GIS BSKYED DANG SPRUL BYED PA'I,, SKU NI SPRUL PA CAN ZHES BRJOD, ,SEMS NI CHOS KYI RANG BZHIN TE, ,CHOS KYI SKU YANG SNYING GAR 'GYUR, ,RO RNAMS DRUG GI GZUGS CAN GYIS, ,BZA' BA NGES PAR LONGS SPYOD BRJOD, ,MGRIN PAR LONGS SPYOD 'KHOR LO'O, ,SPYI BOR BDE BA CHEN PO GNAS, ,AE WAm RNAM PAR RGYU MTHUN NYID, ,RNAM SMIN CHOS KYI 'KHOR LO LAS, ,LONGS SPYOD SKYES BU'I BYED PA NYID, ,BDE BA'I 'KHOR LO DRI MED NYID, ,RGYU MTHUN SOGS PAR RAB PHYE BA'I, ,'BRAS BU RNAM PA BZHI ZHES BRJOD, ,LAS KYI RLUNG GIS BSKUL BA YIS, ,LAS LA BCOM LDAN SHES RAB SPYOD, ,JI LTAR BYAS PA DE
, ,BZHIN SPYOD; ;RGYU MTHUN ZHES NI RAB TU BSGRAGS, ,LAS CHUNG 'BRAS BU PHYE BA'I PHYIR, ,RNAM PAR SMIN PA DE LAS LDOG ,RNAL 'BYOR DAG PHYIR DRI MED NYID, ,BSKYED PA SKYES BU BYED PA NYID, ,GANG PHYIR SPRUL PA GNAS BRTAN PHYIR, ,SPRUL PA'I 'KHOR LOR GNAS BRTAN NYID, ,CHOS KYI SMRA BA 'BYUNG BA'I PHYIR, ,CHOS KYI 'KHOR LOR THAMS CAD YOD, ,GANG PHYIR MGRIN PAR KUN BKUR PHYIR, ,LONGS SPYOD 'KHOR LOR KUN BKUR NYID, ,GANG PHYIR BDE CHEN MGOR GNAS PAS, ,BDE BA'I 'KHOR LOR DGE 'DUN CHE, ,SDE BA ZHES BYA SKU RU BRJOD,, LTO BA GNAS SU BRJOD PAR BYA, ,SKYE GNAS 'DOD CHAGS BRAL BAR 'GYUR, ,MNGAL GYI PHRU MA CHOS GOS NYID, ,DE BZHIN MA NI MKHAN PO NYID, ,MGO BOR THAL MO SBYAR BA PHYAG, 'GRO BA'I BYA BA KHRIMS KYI GNAS, ,SNGAGS KYI BZLAS PA AA DANG HAm, ,SKYES GNAS 'KHOR LO'I RNAM PA AA, ,BDE CHEN GYI YANG RNAM PA HAm, ,GCER BU SKRA DANG KHA SPU BREGS, ,SNGAGS 'DON SKYES PA DGE SLONG NYID, ,'DI DAG RKYEN GYIS SEMS CAN RNAMS, ,SANGS RGYAS NYID DU THE TSOM MED, ,ZLA BA BCU YANG SA RNAMS YIN, ,SEMS CAN SA BCU'I DBANG PHYUG GO ,DE NAS RNAL 'BYOR MA BDAG MED MA LA SOGS PA'I LHA MO THAMS CAD LA 'DI LTA STE, ,SPYAN DANG, M'A MA K'I DANG, GOS DKAR MO DANG, SGROL MA DANG, KHRO GNYER CAN DANG, TZUND'A DANG, PARnnA RI KHROD MA DANG,
'OG ZHAL MA DANG, DE DAG LA SOGS PA RI RAB KYI RDUL PHRA RAB DANG MNYAM PA'I RNAL 'BYOR MA RNAMS TSIG 'DI DAG THOS NAS MCHOG TU NGO MTSAR DU GYUR CING BRGYAL SA DANG, SKRAG PA DANG, SA LA 'GYEL BA DANG, 'DAR BAR GYUR TO, ,YANG RDO RJE CAN GYIS LHA MO DE RNAMS THAMS CAD LA GZIGS NAS BSLANG BA'I PHYIR YANG DAG PAR BSTOD PA, SA DANG CHU RLUNG BYIN ZA YI, ,LHA MO SNOD CAN KHYAD NYID LA; ;GANG ZHIG SUS KYANG MI SHES PA, ,DE NYID NGA YIS SPRO YI NYON, ,BCOM LDAN 'DAS KYI GSUNG RMI LAM LTA BU NYE BAR THOS NAS DE RNAMS THAMS CAD SROG RNYED PAR GYUR TO, ,BCOM LDAN 'DAS KYIS BKA' STZAL PA, SEMS CAN RNAMS NI SANGS RGYAS NYID, ,'ON KYANG GLO BUR DRI MAS BSGRIBS, ,DE NYID BSAL NA SANGS RGYAS NYID, ,LHA MOS GSOL PA, BCOM LDAN 'DAS, DE DE BZHIN TE; BDEN PA YANG MA MCHIS SHING RDZUN PA YANG MA MCHIS SO, ,BCOM LDAN 'DAS KYIS BKA' STZAL PA, GANG ZHIG MI SHES 'JIG RTEN PA, ,BTZAN DUG ZOS PAS BRGYAL BAR 'GYUR, ,RMONGS SPANGS DE NYID YID KYIS NI, ,DE YIS DE NYID YONGS SU GCOD, ,DE BZHIN ZHI BA'I THABS SHES SHING, ,KYO YI RDO RJER NGAL BSOS NAS, ,MA RIG SOGS PAS MI 'DZIN CING, ,GTI MUG LA SOGS 'CHING BAS MIN, ,RANG DANG RANG GIS RTOGS BA LAS, ,SANGS RGYAS MA YIN SEMS CAN NI, ,GCIG KYANG YOD PA MA YIN NO, ,DMYAL BA YI DVAGS BYOL SONG DANG, ,LHA DANG LHA MIN MI RNAMS
, ,DANG, ,BSHANG BA'I SRIN BU LA SOGS PA, ,LHA DANG LHA MA YIN GYI YANG, ,BDE BA GANG PHYIR MI SHES PA, ,RTAG TU RANG BZHIN BDE BA CAN, ,'JIG RTEN KHAMS NI GANG DU YANG, ,SANGS RGYAS GZHAN DU RNYED MI 'GYUR, ,SEMS NI RDZOGS PA'I SANGS RGYAS NYID, ,SANGS RGYAS GZHAN DU BSTAN DU MED, ,GDOL PA SMYIG MKHAN LA SOGS PA, ,GSOD DON DON DU SEMS PA PO, ,DE RNAMS KYI RDO RJER SHES NA, ,'GRUB 'GYUR 'DI LA THE TSOM MED, ,BYIS PA MI SHES PAS BSGRIBS PA, ,'DI YI BGROD PA MI SHES PA, ,'GRO BA DRUG GI SRID PA'I MTHAR,, GANG ZHIG RMONGS PA 'KHOR BAR 'GYUR, ,RDO RJE SNYING PO SNYING RJE CHE, ,KYE YI RDO RJE'I THABS RNYED PAS, ,GANG ZHIG YUL RNAMS RNAM SBYONG BA, ,DE NI BLA MED RNYED PAR 'GYUR, ,RDO RJE SNYING POS GSOL, PA; SA NI PUKKA S'IR BSHAD PA, ,GANG PHYIR GTI MUG SRA BA NYID, ,SKU NI RNAM SNANG NYID GSUNGS PA, ,JI LTAR MI BSKYOD PHYAG RGYA LAGS, ,BCOM LDAN 'DAS KYIS BKA' STZAL PA, SEMS SPANGS NAS NI LUS KYIS NI, ,MDZOS PA GZHAN DU MI 'GYUR RO, ,DE PHYIR RNAM PAR SNANG MDZAD SEMS, ,SKU LA THUGS KYI PHYAG RGYAS GDAB, ,RDO RJE SNYING POS GSOL PA, CHU KHAMS RI KHONG MAR BSHANG BA, ,MI BSKYOD KHU PA'I GZUGS CAN NYID, ,GTZO BO MI BSKYOD PHYAG RGYAS NI, ,RI KHROD MA LA PHYAG RGYA RIGS, ,BCOM LDAN 'DAS KYIS BKA' STZAL PA, LUS SPANGS
NAS NI SEMS KYIS NI, ,GNAS PA GZHAN DU MTHONG MI 'GYUR, ,DE PHYIR SEMS NI GTI MUG 'GYUR, ,THUGS LA GTI MUG PHYAG RGYAS GDAB, ,RDO RJE SNYING POS GSOL BA, ,ME NI GDOL BA MOR BSHAD PA; ;'DOD CHAGS PHYAG RGYAS GDOL PA MO, ,RIGS TE PHYAG RGYA GZHAN MIN NA, ,JI LTAR RIN TSON PHYAG RGYA LAGS, ,BCOM LDAN 'DAS KYIS BKA' STZAL PA, ,GANG PHYIR 'DOD CHAGS KHRAG BSHAD PA, ,KHRAG NI RIN CHEN 'BYUNG GNAS NYID, ,DROD NI KHRAG GI RANG BZHIN PHYIR, ,'DOD CHAGS SER SNA PHYAG RGYAS GDAB, ,RDO RJE SNYING POS GSOL PA, GANG PHYIR G-YUNG MO RLUNG NYID DE, ,DON YOD RLUNG GI GZUGS CAN NYID, ,DON YOD PHYAG RGYAS G-YUNG MO LA, ,GTZO BO PHYAG RGYA RIGS PAR 'GYUR, ,BCOM LDAN 'DAS KYIS BKA' STZAL PA, 'DOD CHAGS MA GTOGS PHRAG DOG NI, ,GZHAN DU 'BYUNG BA MA YIN TE, ,DE PHYIR 'DOD CHAGS PHYAG RGYA YIS, ,MKHAS PAS G-YUNG MO PHYAG RGYAS GDAB, ,GANG PHYIR GZUGS NI SRA BA NYID, ,DKAR MO SNANG MDZAD GSUNGS PA NYID, ,SNGAR GSUNGS NYID KYI RIM PA YIS, ,SEMS KYI BDAG PO PHYAG RGYAS GDAB, ,DE NYID RIM PAS CHOM RKUN MA, ,DE BZHIN RO LANGS MA NYID DANG, ,DE YI RIGS PAS GHASMA R'I; ;MA LOG PA LAS PHYAG RGYA'O, ,KYE YI RDO RJE RDO RJE 'DZIN, ,SNYOMS 'JUG GNAS PA'I LHA NYID LA, ,SEMS CAN DON PHYIR GTOR MCHE, ,DE LA BDAG MED MAS ZHUS PAS, ,AE WAm RNAM
, ,PAR BZHUGS NAS NI, ,BGEGS DANG LOG PAR 'DREN PA LAS, ,SEMS CAN RNAMS KYI SROG BSRUNG PHYIR, ,RDO RJE SEMS DPAS GTOR MA BSTAN, ,AOm AINDA DZA MA DZA LA DZAKKHA, BHU DA PAHNI P'A AU RAK+KHA, TZANDA SUDZDZA M'A DA P'A PBU TA LA P'A T'A LA SAtTHA SA PPA SV'AH'A, AI DAm BA LIm BHUNYDZA DZIm GHA PHULLA DHU PA M'Um SA PI GHA, AAm BHA KA DZDZA SAPPA S'A DE KHANTI KHU nI PHE dA G'A DA, AOm AA K'A RO MU KHAm SARBA DHARMM'A n'I A'ADYA NU TPANNA TVAD AOm AA:H'Um PHAt SVAH'A, GANG GI TSE 'DI'I GTOR MAS 'BYUNG PO THAMS CAD MCHOD PAR BYED NA, RNAL 'BYOR PA RNAMS LEGS PAR 'GYUR TE, DE RNAMS LA BDE BA DRI MA MED PA DANG, LHA MO RNAMS DANG, 'GRO BA RAB TU 'BYOR PA RNAMS DGA' BAR 'GYUR RO, ,GAL TE 'DIR 'BYUNG PO'I TSOGS KYI PHYIR RTAG TU GTOR MA BYIN NA; DBANG DANG, MNGON SPYOD DANG, DGRA'I SDE 'JIGS PA DANG, BSKRAD PA DANG, GSAD PA DANG, DGUG PA DANG, ZHI BA DANG, RGYAS PAR YANG 'GYUR RO, ,RDO RJE SNYING POS GSOL PA, PHYAG RGYA GANG GIS MKHA' SPYOD MA, ,GANG GIS PHYAG RGYAS SA SPYOD MA, ,GTZO BO BDAG GIS SNGAR MA 'TSAL, ,BCOM LDAN JI LTAR PHYAG RGYA BGYI, ,BCOM LDAN 'DAS KYIS BKA' STZAL PA; GSANG GSUM 'KHOR LO'I DBUS SU NI, ,SKU GSUNG THUGS SU PHYE BA LAS, ,STENG DANG 'OG DANG DBUS GNAS PA'I, ,'KHOR LO'I DBUS SU RNAM PAR GNAS, ,SA SPYOD SKU YI PHYAG
RGYA CAN; ;STENG ZHAL SKU YI RDO RJE MA, ,MKHA' SPYOD 'DOD CHAGS PHYAG RGYA CAN, ,'OG ZHAL GSUNG GI RDO RJE MA, ,THUGS KYI RDO RJE BDAG MED MA, ,SEMS NI BDAG MED TSUL CAN NYID, ,SEMS NI DBUS KYI GNAS SU STE, ,DES NA BDAG MED MA DBUS SKYE, ,RGYAS PAR RAB TU PHYE BA LAS, ,RIGS NI RNAM PA DRUG TU BRJOD, ,RNAM GSUM RNAM PA LNGA NYID KYANG, ,BSHAD KYI RNAL 'BYOR MA NYID NYON, ,MI BSKYOD RNAM SNANG RIN CHEN 'BYUNG, ,DPAG MED PHUG DOG RDO RJE SEMS, ,ZHE SDANG GTI MUG SER SNA DANG, ,'DOD CHAGS PHRAG DOG BDE BA DAG, ,'DIS NI RIM PAS SGOM PA NYID, ,RDO RJE SEMS DPA' SBANGS NAS NI, ,PHYI NAS RIGS NI RNAM PA LNGA, ,'DOD CHAGS ZHE SDANG GTI MUG GIS, ,DE RJES RNAM PA GSUM DU 'GYUR, ,MI BSKYOD ZHE SDANG GZUGS CAN GYI, ,THUGS KYI BDAG PO RIGS GCIG NYID, ,ZHE SDANG RDO RJE'I BYIN RLABS 'DI, ,RIGS NI DRUG DANG LNGA RU BRJOD, ,KYE'I RDO RJE LAS, RGYUD THAMS CAD KYI PHYAG RGYA BSDUS PA'I DON ZHES BYA BA'I LE'U STE BZHI PA'O;; ;;DE NAS RGYAL PO RDO RJE 'DZIN, ,GTZO BO KYE RDOR KUN SBYIN PAS, ,RNAM KUN RANG BZHIN BDAG NYID KYI, ,DKYIL 'KHOR DAG NI YANG DAG GSUNGS, ,RNAM PA THAMS CAD RANG BZHIN GYIS, ,BDE BA CAN NA YANG DAG BZHUGS, ,THUGS KYI RDO RJE'I SA BON GYIS, ,RANG BI DKYIL 'KHOR BSKYED PA STE, ,PHYAG NI BCU DRUG ZHAL BRGYAD PA, ,ZHABS BZHI PA DANG
, ,'JIGS PA PO, ,DPA' BO THOD PA'I PHRENG BA CAN, ,BDAG MED MAS NI MGUL NAS 'KHYUD, ,PHYAG RGYA LNGA NI 'DZIN LHA LA, ,BDAG MED MA NI NYID KYIS ZHUS, ,BCOM LDAS YONGS SU BSKOR BA YI, ,BDAG GI 'KHOR LO KHYOD BSHAD NA, ,KHYOD KYI DKYIL 'KHOR JI LTAR LAGS, ,GTZO BO BDAG GIS SNGAR MA 'TSAL, ,BDAG MED TZUMBHA NI MDZAD NAS, ,RDO RJE THOD PA STZAL NAS NI, ,LHA YI NU MA MNYES MDZAD DE, ,DKYIL 'KHOR YANG DAG RAB TU DBYE, ,'KHOR LO JI LTAR SNGAR GSUNGS PA, ,DO SHAL DO SHAL PHYED PAS BRGYAN, ,MTSAMS BZHI PA LA SGO BZHI PA; ;RDO RJE SRAD PUS YANG DAG BRGYAN, ,'DOD CHAGS CHEN PO'I RJES CHAGS PAS, ,LHAN CIG SKYES DGA'I RANG BZHIN LAS, ,KHYOD DANG LHAN CIG BZHIN BZANG MA, ,DE LA DBUS SU NGA YOD DE; ;ZHAL BRGYAD PA LA ZHABS BZHI PA, ,PHYAG NI BCU DRUG DAG GIS BRGYAN, ,BDUD BZHI MNYAM PAR MNAN PA NYID, ,'JIGS PA YANG NI 'JIGS PA PO, ,MGO BO'I PHRENG BA'I DO SHAL MDZAD, ,NYI MAR BZHUGS SHING ROL MOR BCAS, ,KHA DOG NAG PO 'JIGS PA PO, ,SNA TSOGS RDO RJE SPYI BOR 'DZIN, ,NYID KYI ZHAL NAS H'Um SPRO ZHING, ,THAL BAS LUS LA BYUGS PA NYID; ;BDAG MED LHAN CIG MNYAM SBYOR ZHING, ,DGA' RA GNYIS GNYIS SNYOMS 'JUG PAS, ,DPA' RLABS MED PA'I BDE BA THOB, ,RLOM SEMS MED PA'I RANG BZYHIN CAN,,
RTZA BA'I ZHAL NI NAG PO CHE, ,G-YAS PA LA NI KUN DA MTSUNGS, ,G-YON PA DMAR ZHING CHER 'JIGS PA, ,SPYI BO'I ZHAL NI GTZIGS PA CAN, ,SPYAN NI NYI SHU RTZA BZHI CHE, ,LHAG MA'I ZHAL NI BUNG BA BZHIN; ;GRONG KHYER NYAMS DGAR KHYOD DANG NGA, ,DGA' BAS SHIN TU ROL BA LAS, ,DKAR MO DBANG GI PHYOGS PHYUNG NAS, ,SHAR GYI SGO RU YANG DAG GNAS, ,SRUB DANG SRUB PA'I SBYOR BA LAS,, CHOM RKUN MA YANG PHYUNG NAS NI, ,PHYUNG NAS LHO YI SGO RU NI, ,CHOM RKUN MA NI SGO SRUNG MA, ,BO LA KAKKO LA SBYOR BAS, ,RO LANGS MA YANG PHYUNG NAS NI, ,PHYUNG NAS NUB KYI SGO RU NI, ,BDUD 'JOMS MA NI RNAM PAR GNAS, ,DGA' BA CHEN PO'I SNYOMS 'JUG LAS, ,GHASMA R'I YANG PHYUNG NAS NI, ,PHYUNG NAS BYANG GI SGO LA NI, ,'JIGS PA'I GZUGS CAN MA NYID GNAS, ,GNYIS KYIS BSKYOD PA'I SBYOR BA LAS, ,PUKKA S'I YANG PHYUNG NAS NI, ,PHYUNG NAS DBANG LDAN MTSAMS SU NI, ,DRAG PO'I GZUGS CAN MA NYID GNAS, ,YANG NI SRUB PA'I SBYOR BA YIS, ,'TSOD PA'I MTSAMS SU RI KHROD MA, ,SRIN PO'I MTSAMS SU GDOL PA MO, ,RLUNG GI MTSAMS SU G-YUNG MO NYID, ,DE NAS RDO RJE CHAGS CHEN LAS, ,RIG MAR BCAS PA KHU BAR 'GYUR, ,SNA TSOGS GLU YI MCHOD PA LAS; ;DE NAS LHA MO RNAMS KYIS BSKUL, ,RJE BTZUN SNYING RJE'I YID BZHENGS SHIG, PUKKA S'I NI BDAG LA SKYOBS, ,STONG PA'I RANG BZHIN NYID SPONGS LA, ,BDAG LA BDE CHEN SBYOR
, ,BZHED MDZOD, ,KHYOD MED NA NI BDAG 'GUM PAS, ,KYE YI RDO RJE KHYED BZHENGS SHIG ,STONG PA'I RANG BZHIN NYID SPONGS LA, ,RI KHROD MA 'BRAS GRUB PAR MDZOD, , DGA' GTZO 'JIG RTEN MGRON GNYER BA, ,STONG PA NYID LA BZHUGS SAM CI, ,KHYOD MED PHYOGS NI MING 'TSAL PAS, ,GDOL PA MO BDAG ZHU BA BGYID, ,BDAG GIS KHYOD KYI THUGS 'TSAL GYIS; ;MIG 'PHRUL MNGA' BA KHYOD BZHENGS SHIG ,G-YUNG MO BDAG NI DRAN NYAMS PAS, ,SNING RJE RGYUN CHAD MA MDZAD CIG ,GLUNG PO RTA BONG GLANG RNGA MO, ,MI DANG SHA RA BHA BYI LA, ,G-YAS PA'I THOD PA BRGYAD RNAMS LA, ,GNYIS 'THUNG LA SOGS RIM SHES BYA, ,SA DANG CHU DANG RLUNG DANG NI, ,ME DANG ZLA BA NYI MA NYID, ,MTHAR BYED DANG NI NOR SBYIN NYID, ,G-YON PA'I THOD PA BRGYAD NA'O, ,SGEG CING DPA' BO MI SDUG PA, ,DGOD CING DRAG SHUL 'JIGS RUNG BA, ,SNYING RJE RNGAM DANG ZHI BA YIS, ,GAR DGU'I RO DANG LDAN PA NYID, ,AAm DANG H'Um GIS RDO RJE CHE, ,KHU PA'I GZUGS LAS BZHENGS NAS NI, ,ZHABS RNAMS SA LA RDEB PA DANG, ,LHA DANG LHA MIN SDIGS PAR MDZAD, ,GAm TZAm BAm GHAm BAm SHAm LAm dAm, ,'DI YI SA BON PHYUNG BA DANG, ,BDAG PO'I SA BON DAG GIS NI, ,AOm H'Um SNGON PO 'BAR 'JIGS PAS, ,MA MO'I 'KHOR LO GRONG NYAMS DGAR, ,KHA DOG NAG PO 'JIGS CHEN PO, ,BDAG MED BDE BA SBYIN PA PO, ,GTZO BO 'DI LTAR SGOM
PA NYID; ;DKAR MO G-YAS NA GRI GUG STE, ,DE BZHIN G-YON NA RO HA TI, ,CHOM RKUN MA G-YAS CANG TE'U STE, ,G-YON PA'I PHYAG NA PHAG PA NYID, ,RO LANGS MA G-YAS RUS SBAL TE, ,G-YON PA YIS NI PADMA'I SNOD, ,GHASMA R'I YI G-YAS NA SBRUL, ,GZHON PAS RNAL 'BYOR LHUNG BZED NYID, ,PUKKA S'I G-YAS SENG+GE STE, ,G-YON PAS DGRA STA DE BZHIN NO, ,RI KHROD MA G-YAS DGE SLONG STE, , G-YON PAS GSIL BYED DE BZHIN NO, ,GDOL PA MO G-YAS 'KHOR LO STE, ,G-YON PAS THOD PA DE BZHIN NO, ,G-YUNG MO G-YAS NA RDO RJE NYID, ,G-YON NA BSDIGS MDZUB DE BZHIN NO, ,SKYIL KRUNG PHYED PA'I GAR GYIS GNAS, ,DKAR MO LA SOGS PHYAG GNYIS BRJOD, ,SPYAN GSUM SKRA NI GYEN DU STE, ,PHYAG RGYA LNGA YIS RNAM PAR BRGYAN, ,GOO R'I KHA DOG NAG POR 'GYUR, ,CHOM RKUN MA NI BTZOD DANG MTSUNGS, ,RO LANGS MA NI GSER BTZOS BZHIN, ,GHASMA R'I NI MARGAD MTSUNGS, ,PUKKA S'I NI DBANG SNGON MTSUNGS, ,RI KHROD MA NI ZLA NOR 'OD, ,GTUM MO NAM MKHA'I SNGO BSANGS MA,, G-YUNG MO SNA TSOGS PA ZHES BRJOD, ,TSANGS PA DBANG PO NYE DBANG DRAG, GSHIN RJE DANG NI NOR BDAG DANG, ,BDEN BRAL DANG NI THAGS BZANG RIS, ,GOO R'I LA SOGS PA YI GDAN, ,BO LA GZHIB KHAR MDZAD NAS NI, ,DAM DU 'KHYUD CING 'O MDZAD PAS, ,BCOM LDAN GUS PAS MCHOD NAS NI, ,BDAG MED MA YIS SNGAGS ZHUS SO, ,BUD MED RNAMS KYI DBANG BYED SNGAGS, ,DE BZHIN
, ,GDUG PA BSDIGS PA DANG, ,KLU RNAMS BSDIGS PAR BYED PA NYID, ,LHA DANG LHA MIN RNAM NYED PA, ,DE NI NGA YIS BSHAD BYA YI, ,LHA MO BDE BA SBYIN MA NYON, , SANGS RGYAS BYANG CHUB SEMS DPA' LA, ,BDAG GIS GZHAN DU MA BSTAN NO, ,'DI YI SNGAGS KYIS GANG BYUNG DANG, ,RDO RJE SEMS DPAS GANG MDZAD PA, ,LHA MO SHIN TU 'JIGS PA STE, , NGO MI CHOG PAS KHYOD LA BSHAD, ,'BAR BA'I PHRENG BA 'KHRUGS PA YI, ,DKYIL 'KHOR RAB TU BZHENGS NAS NI, ,RDO RJE SNYING PO DBANG SBYIN PHYIR, ,THIG LE MCHOG NI BKUG PA NYID, ,BZLAS PA KHRI YIS GSAL BA DANG, ,SKRA RING BA DANG BZANG BA YIS, ,KYE YI RDO RJE SBYOR LDAN PAS, ,BTZUN MO THAMS CAD DGUG PAR BYA, ,BA ZLAS PA 'BUM GYIS RNAL 'BYOR BDAG, KYE YI RDO RJE'I RNAL 'BYOR GYIS, ,DOGS PA MED PA'I SEMS KYIS NI, ,'DI YIS LAS RNAMS THAMS CAD BYED, ,RIG BYED RNAMS KYI DANG PO SBYIN, ,ZLA BYED THIG LES RNAM PAR BRGYAN, DE NAS AOm AAsht'A NA N'A YA PIm GA AURDHA KE SHA BARTMA NE, TZA TURBIm SHA TI NE TR'A YA, DE'I RJES SU shO dA shA BHU DZ'A YA, KRishn'A DZ'I M'U TA WA BU shE KA P'A LA M'A L'A NE KAm DH'A RI nE, A'A DHMA TA KRU RA TZITT'A YA AARDHENA DU DAmshtI nE; AOm M'A RA YA M'A RA YA, K'A RA YA K'A RA YA, GARDZDZA YA GARDZDZA YA, TARDZDZA YA TATDZDZA YA, SHO shA YA SHO shA YA, SABTA S'A GA R'ANA, BANDHA BANDHA N'A G'AshtA KAm GRiHnA GRiHnA SHA TRUm, HA H'A, HI H'I, HU H'U, HE HEE,
HO HOO; ;HAm HA PHAt SV'AH'A, DE NAS LHA MO DE DGYES NAS, ,SRUB DANG BSRUB PA'I SBYOR BA LAS, ,DAM DU 'KHYUD DANG 'O BYED PAS, ,DKYIL 'KHOR YID DU 'ONG BA ZHUS, ,DE LA STON LA YE SHES CHE, ,RDO RJE PADMA MNYAM SBYAR NAS, ,DGYES PA'I THUGS KYIS MNYAM BZHAG PAS, ,NYID KYI DKYIL 'KHOR BRI BAR MDZAD, ,'PHAR MA GCIG DANG SGO BZHI PA, ,SNA TSOGS 'OD KYIS YANG DAG 'KHRUGS, ,RTA BABS BZHI DANG YANG DAG LDAN, ,RDO RJE SRAD BUS MNYAM PAR BRGYAN, ,RE KH'A LNGA DANG YANG DAG LDAN, ,DE NAS BUM PA BRGYAD PO BRI, ,RIN CHEN LNGA YI PHYE MA'AM, ,YANG NA 'BRAS LA SOGS PA YIS, ,DUR KHROD KYI NI SO PHAG GAM, ,DE BZHIN DUR KHROD SOL BA YIS, ,DE DBUS PADMA 'DAB MA NI, ,BRGYAD PA ZE BAR BCAS PA BRI, ,SNYING POR SKYES PA'I THOD PA NYID, ,MDOG DKAR CHA NI GSUM PA BRI, ,DBANG LDAN DU NI SHA RA BHA, ,ME YI MTSAMS SU DGE SLONG BRI, ,BDEN BRAL DU NI 'KHOR LO BRI, ,RLUNG DU RIGS KYI BDAG PO BRI, ,SHAR SGOR DE BZHIN GRI GUG NYID, ,LHO RU CANG TE'U BRI BA NYID, ,NUB TU RUS SBAL BRI BA NYID, ,LTO 'PHYE BYANG DU DE BZHIN NO, ,LHA MO KHA DOG DBYE BA YIS, ,PHYAG MTSAN BRGYAD DU RAB TU GRAGS, ,DBUS SU THOD PA DKAR PO YANG, ,SNA TSOGS RDO RJES MTSAN PA BRI, ,DE NAS RNAM RGYAL BUM PA NYID, ,YAL GA'I RTZE MO GOS BZANG CAN, ,LTO BA RIN CHEN LNGAS GANG BA, ,S'A LU SKYES PAS YONGS BKANG GZHAG, MANG DU RAB TU BRJOD PAS CI, ,JI LTAR DE NYID BSDUS PA
, ,YI; ;DKYIL 'KHOR CHO GA DE BZHIN BYA, ,BCU GNYIS BRGYAD GNYIS LON PA YI, ,RIG MA BDE CHEN BRGYAD PO NYID, ,DO SHAL RKANG GDUB KYIS BRGYAN NAS, ,DKYIL 'KHOR DU NI RAB TU GZHUG ,MA DANG SRING MO NYID DANG YANG, ,BU MO SRING MO TSA MO DANG, ,DE BZHIN ZHANG PO'I CHUNG MA DANG, ,MA YI SPUN DANG SGYUG MO DANG, ,DE BZHIN PHA YI SRING MO NYID, ,RIG MA BRGYAD DU RAB TU GRAGS, ,DAM DU 'KHYUD DANG 'O BYED PAS, ,'DI RNAMS RNAL 'BYOR PA YIS MCHOD, ,DE LAS GA PUR BTUNG BA NYID, ,DES NI DKYIL 'KHOR BTANG GTOR BYA, ,DE RNAMS RNAL 'BYOR PAS BTUNG BYA, ,DNGOS GRUB MYUR DU THOB PAR 'GYUR, ,DE LA CHANG YANG BTUNG BA DANG, ,SHA DANG S'A LU SKYES PA BZA', ,DE YANG GOS DANG BRAL BYAS NAS, ,BHA GAR 'O NI YANG YANG BYED, ,DES KYANG BO LA GZHIB PAR BYA, ,GAR BYA GLU YANG BLANG BAR BYA, ,BO LA KAKKO LA SBYAR NAS, ,DE LA RTZED MO RTZE BAR BYA, ,DE NAS THUN TSOD GNYIS PA LA, ,GOS KYIS MIG NI BKAB NAS SU, ,DER NI SLOB MA GZHUG PA NYID, ,PHYI NAS DKYIL 'KHOR RAB TU BSTAN, ,MTSAN MO SKYE BO MED KHYIM DU, ,SLOB DPON LA SOGS RAB PHYE NAS, ,DBANG NI JI LTAR GSUNGS PA NYID, ,DE LA DBANG NI SBYIN PAR BYA; ;JI LTAR MCHOD DANG BSTOD BYED PA, ,SLOB MA BZANG PO SNGAR SHES BYA, ,DE LA DE NYID BSTAN PA NI, ,DGA' BRAL DANG PO MCHOG MTHA' CAN, ,THAMS CAD RGYUD DU SBAS PA STE, ,
MTHA' YI MTHA' YIS PHYE BA NYID, ,RDO RJE MCHOD PA RAB SBYAR NAS, ,DE LA LHA MO DES ZHUS PA, ,LHA NI SKAD CIG JI LTAR LAGS, ,GTZO BO CHEN PO BSHAD DU GSOL, ,BCOM LDAN 'DAS KYIS BKA' STZAL PA, DER NI THOG MA DBUS MTHA' MED, ,SRID MED MYA NGAN 'DAS PA MED, ,'DI NI MCHOG TU BDE CHEN NYID, ,BDAG MED GZHAN YANG MED PA NYID, ,LONGS SPYOD KYI NI RLABS GNYIS LA,, RANG GI G-YAS DANG LAG GZHAN GYI, ,MTHE BONG DANG NI SRIN LAG GIS, ,DE NI RNAL 'BYOR PA YIS BTZIR, ,DE NAS YE SHES SKYE BAR 'GYUR, ,DE LAS CI ZHIG SKYE ZHE NA, ,GZHON NU'I DGA' BA JI LTA'AM; ;LKUG PA'I RMI LAM JI LTA BA'O, ,MCHOG GI MTHA' DANG DGA' BRAL DBUS, ,STONG DANG STONG MIN HE RU KA ,KYE'I RDO RJE LAS, KYE'I RDO RJE MNGON PAR 'BYUNG PA ZHES BYA BA'I LE'U STE, LNGA PA'O;; ;;LHA MO LA NI DAM 'KHYUD CING, ,BO LA THOD PAR BCUG NAS NI, ,DAM DU NU MA BZUNG MDZAD NAS, ,SKYES PA'I SNA NI GZHIBS NAS KYANG, ,TSEMS KYIS MA MCHU BTZIR NAS NI, ,MTSAN KHUNG SEN MOS RMA MDZAD DE, ,MNYAM SBYOR BDE BA MYOS MDZAD NAS, ,PHYAG RGYA LNGA NI RAB PHYE BA, ,BLA MA SLOB DPON 'DONG LHA LA, ,PHYAG 'TSAL DON DU 'KHOR LO 'DZIN, , BLA MA RDO RJE 'DZIN PA LA, ,SMOD TSIG MI NYAN PA YI PHYIR, ,RNA BA DAG TU RNA CHA 'DZIN, ,SNGAGS KYIS BZLAS PA'ANG MGUL RGYAN NYID, ,GDU BU SROG CHAGS GSOD PA SPANGS, ,PHYAG RGYA BSTEN PA
, ,SKA RAGS NYID, ,SANGS RGYAS LNGA YI PHYAG RGYAS NI, ,RTAG TU LUS LA PHYAG RGYAS GDAB, ,DE NAS RAB TU BZHAD MDZAD NAS, ,TSEMS KYIS MA MCHU BTZIR NAS NI, ,KYE YI RDO RJE ZHES BYA BA, ,LHAN CIG SKYES PA'I GZUGS CAN NYID, ,DE LA LHA MO DES ZHUS PA, ,GTZO BO CHO GA GANG GIS DANG, ,DE BZHIN BYA BA GANG GIS NI, ,KYE YI RDO RJE'I BRIS SKU YI, ,BYED PA BDE BA CHEN POS GSUNGS, ,BCOM LDAN 'DAS KYIS BKA' STZAL PA, 'DIR NI 'BRI MKHAN DAM TSIG CAN, ,SGRUB PO'ANG DAM TSIG CAN GYIS NI, ,BRIS SKU 'JIGS PA BRI BA NYID, , SKYES PA'I THOD GNAS KHA DOG LNGA, ,RO YI SKRA YI PIR NYID KYIS, ,BRIS SKU BLA MA BRI BA NYID, ,GANG GANG SKUD PA 'KHAL BA DANG, ,GANG GANG RAS YUG 'THAG PA YANG, ,DE YANG DAM TSIG CAN NGES PAS, ,DAM TSIG BYIN RLABS RNAL 'BYOR LAS, ,ZLA BA ZLA BA'I MAR NGO YI, ,BCU BZHI PA LA KHYIM DBEN PAR, ,PHYED NA MA RUNGS SEMS KYIS NI, ,CHANG GI BTUNG BA CUNG ZAD LAS; ;LUS LA NI RAm SHU BSAM NAS, ,DE BZHIN GCER BUR GYUR PAS KYANG, ,'BAGS PA DANG NI MA DAG PAS, ,DE NAS DAM TSIG RAB TU BZA', ,BZHIN BZANG SNYING RJE LDAN PA DANG, ,GZUGS DANG LANG TSO SKAL BZANG MA, ,ME TOG BCAS SHING SGRUB POR DGA', ,RANG GI PHYAG RGYA G-YON DU BZHAG ,KYE'I RDO RJE LAS, BRIS SKU'I CHO GA'I LE'U STE DRUG
PA'O;; ;;DE NAS DE LA LHA MOS ZHUS, ,BO LA KAKKO LA SBYAR NAS, ,TSEMS KYIS MA MCHU BTZIR NAS NI, ,GLEGS BAM YANG NI JI LTAR 'GYUR, ,RDO RJE PADMA MNYAM SBYAR NAS, ,DGYES PAS LHA YIS RAB PHYE BA, ,GLEGS BAM NGA YIS BSHAD BYA YI, ,LHA MO SKAL BA CHEN MO NYON, ,SBRANG CHEN SNAG TSA BYAS NAS NI, ,MI YI RUS PA'I SMYUG GUS NI, ,GLEGS BAM SOR NI BCU GNYIS PA; ;GRO GAR DAM TSIG CAN GYIS BRI, ,GLEGS BAM DANG NI BRIS SKU NYID, ,GAL TE SKAL MED MTHONG NA NI, ,SKYE BA 'DIR NI DNGOS GRUB MED, ,'JIG RTEN PHA ROL SPYOD YUL MED, ,YANG DAG RAB SBYIN LDAN PA LA, ,RES 'GA' TZAM ZHIG BSTAN PA NYID, ,GLEGS BAM LAM GYI SPYOD YUL DU, ,SKRA DANG MCHAN KHUNG NYID DU SBA, ,BHA GAR LING+GA BA BZHAG NAS, ,YANG DANG YANG DU 'O MDZAD NAS; ;BDE CHEN MNYAM PAR MYANG MDZAD DE, ,RDO RJE CAN GYIS BZA' BA BSTAN, ,TSOGS KYI DKYIL 'KHOR BZA' BA NI, ,NYON CIG LHA MO MIG YANGS MA, ,GANG DU ZOS PAS 'DOD DON KUN, , SGRUB PA CAN GYIS DNGOS GRUB 'GYUR, ,DUR KHROD RI YI BYA SKYIBS DANG, ,DE BZHIN MI MED GRONG KHYER DANG, ,YANG NA DBEN PA'AM RGYA MTSO'I MTHA', ,BZA' BA 'DI NI RAB TU BZA'O, ,DE LA GDAN DU BRTAG PA NI, ,RO YI GZUGS CAN DGU DANG NI, ,YANG NA STAG GI PAGS PA DANG, ,DUR KHROD RAS NI DE BZHIN NO, ,DBUS SU KYE YI RDO RJE'I GZUGS, ,JI LTAR SNGAR BZHIN GNAS
, ,SHES NAS; ;PHYOGS DANG PHYOGS BRAL DAG TU YANG, ,DE NAS RNAL 'BYOR MA RNAMS DGOD, ,DAM TSIG M'A LA TINDHA NAm, ,STAG GI PAGS PA'I STENG DU BZA', ,'BAD NAS RGYAL PO'I S'A LU YI, ,BZA' BA DER NI BZA' BA NYID, ,DER NI BZA' BA ZO SA NAS KYANG, ,DER NI MA MO MCHOD PAR BYA, ,SRING MO BU MO SGYUG MO DANG, ,GAL TE MA SRING YIN NA YANG, ,DE RNAMS RTAGS TU LEGS MCHOD NA, ,TSOGS KYI DKYIL 'KHOR 'GRUB PAR 'GYUR, ,SKYES PA'I THOD CHEN CHA GCIG PAR, ,CHANG NI BZANG POS YONGS BKANG STE, ,BLA MA LA DBUL SKAL CHEN MA,, PHYAG MTSAN NAS NI RANG YANG BTUNG, ,PADMA'I LAG PAS BLANG BA DANG, ,DE NYID KYI NI LAG PAS DBUL, ,YANG NAS YANG DU RAB 'DUD PA, ,DE LTAR SGRUB PA PO YIS BYA, ,KYE'I RDO RJE LAS, BZA' BA'I LE'U STE BDUN PA'O,, ,,DE NAS RNAL 'BYOR MAS ZHUS PA, ,PHYAG RGYA CHEN PO JI LTA BU, ,KUN RDZOB RNAM PA'I GZUGS KYIS NI, ,BDE BA SBYIN PA BSHAD DU GSOL, , BCOM LDAN 'DAS KYIS BKA' STZAL PA, SHIN TU RING MIN THUNG BA MIN, ,NAG PA MA YIN DKAR BA MIN, ,PADMA'I 'DAB MA'I RNAM PA 'DRA, ,DE YI DBUGS NI DRI ZHIM LDAN, ,RDUL GANG [?] DI ZHIM LAN [?] 'GYUR TE, ,RI DAGS LTE BA'I DRI DANG MTSUNGS, ,PADMA LA YANG DBANG MCHOG DRI, ,SKAD CIG PADMA LTA BUR 'BYUNG, ,DE YI GA PUR SI LHA DAG ,MKHAS PAS DRI BZANG
MTSON BAR BYA, ,AUTPA LA YI DRIR 'GYUR ZHING, ,AA GA RU NI NAG PO MTSUNGS, ,DAL ZHING MI G-YO BA NYID DANG, ,SNYAN PAR SMRA ZHING YID 'ONG MA, ,SKRA BZANG DBUS SU GNYER MA GSUM, ,PHAL BAS PADMA CAN DU BRJOD, ,LHAN CIG SKYES PA'I GZUGS CAN MA, ,DE RNYED NAS NI DNGOS GRUB 'GYUR, ,DE NAS RNAL 'BYOR MA BDAG MED MAS GSOL PA, BCOM LDAN 'DAS, SMON LAM JI LTAR GDAB PAR BGYI, BCOM LDAN 'DAS KYIS BKA' STZAL PA, RIGS SU SKYE DANG DAM TSIG CAN, ,SMYO MED KYE YI RDO RJE STON, ,BLA MA LA GUS SNYING RJER LDAN, ,SKYE ZHING SKYE BAR 'GYUR BAR SHOG , LAG PAS RDO RJE DRIL BU 'KHROL, ,ZAB MO'I CHOS NI KLOG PA DANG, ,BTZUN MO'I KHU BA MNYAM ZAS CAN, ,SKYE ZHING SKYE BAR 'GYUR BAR SHOG ,DE NAS LHA MO DE DGYES NAS, ,TSIG NI 'DI NYID YANG ZHUS PA; ;SKAL MED SEMS CAN GDUL DKA' BA, ,GANG GIS 'DUL BAR 'GYUR BA LAGS, ,BCOM LDAN 'DAS KYIS BKA' STZAL PA, DANG POR GSO SBYONG SBYIN BAR BYA, ,DE RJES BSLAB PA'I GNAS BCU NYID, ,DE LA BRE BRAG SMRA BA BSTAN, ,MDO SDE PA YANG DE BZHIN NO, ,DE NAS RNAL 'BYOR SPYOD PA NYID, ,DE YI RJES SU DBU MA BSTAN, ,SNGAGS KYI RIM PA KUN SHES NAS, ,DE RJES KYE YI RDO RJE BRTZAM, ,SLOB MAS GUS PAS BLANGS NAS NI, ,'GRUB 'GYUR 'DI LA THE TSOM MA MED, ,KYE'I RDO RJE LAS, 'DUL BA'I LE'U STE BRGYAD PA'O,, ,,DE NAS KHA SBYAR
, ,'BYED PA YI, ,MTSAN NYID YANG DAG RAB TU BSHAD, ,GANG GIS RNAM PAR SHES TZAM GYIS, ,SGRUB POS DNGOS GRUB THOB 'GYUR BA, ,BSGRUB BYA'I LTE BA'I RTZA BA LA, , BRTUL ZHUGS CAN GYIS LAG PAS GNON, ,HE RU KA MNYAM RNAL 'BYOR GYIS, ,NANG GI MA RUNGS SEMS KYIS NI, ,'DI NI BSGOMS PA TZAM GYIS NI, ,SANGS RGYAS KYANG NI NGES PAR 'JIG , BSTAN LA GNOD PA BYED PA DANG, ,BLA MA SANGS RGYAS 'JIG PA NI, ,BLA MA THUB PA LA ZHUS NAS, ,SNYING RJES GSAD PAR BYA BA NYID, ,JI LTAR PHYUGS KYI GZUGS MTHONG NAS, ,KHRAG NI SKYUG PA NYID DANG YANG, ,'DAR ZHING MGO SKYES GROL BA DANG, ,KHA NI 'OG TU RNAM PAR BSGOM, ,DE YI LAM DU KHAB NI ME'I, ,GZUGS CAN 'JUG PAR BSAM PA STE, ,SNYING GAR BYIN ZA'I SA BON NYID, ,DMIGS NAS SKAD CIG GSOD PAR BYED, ,RGYUD 'DI LA NI BSREG BLUGS MED, ,PHYAG RGYA BCING DANG BYA BA'ANG MED, ,RGYUD CHEN BKLAGS PAS 'GRUB PA NYID, ,BSAM GTAN TZAM GYIS 'GRUB PAR 'GYUR, ,RTOG MED DNGOS GRUB SBYIN PA PO, ,SRID PA SBYONG BA NYAMS DGA' BAR, ,GSANG BA MCHOG NI BSHAD BYA YI, ,NYON CIG LHA MO BZHIN BZANG MA, ,RIN CHEN GZI BRJID 'BAR BA YI, ,PHRENG BA 'KHRUGS PA LHA MO LTOS, ,MA PHUG PAS NI SBYOR BRAL 'GYUR, ,PHUG PAS DGA' BA SBYIN PA PO, ,DE LTAR 'KHOR BAR 'DOD PA YI, ,YON TAN LNGA LDAN
RIN CHEN NYID, ,MA DAG PAS NI DUG TU 'GRO, ,DAG PAS BDUD RTZI LTA BUR 'GYUR, ,'KHOR BA'I RNAM PA HE RU KA ,'GRO BA SGROL BA'I GTZO BO NYID, ,GANG GIS GZUGS KYI 'GYUR BA NYID, ,DE NI NGA YIS SMRA YI NYON, ,SNYING RJE'I SGYAN NI DMAR PA LA, ,BYAMS PA'I THUGS LAS YAN LAG NAG, BSDU BA'I DNGOS PO BZHI YIS NI, ,ZHABS NI RNAM PA BZHI ZHES BRJOD, ,ZHAL BRGYAD RNAM PAR THAR PA BRGYAD, PHYAG NI STONG PA BCU DRUG NYID, ,GUG SKYED KYIS NI SANGS RGYAS LNGA, ,GDUG PA 'DUL PHYIR KHRO BO NYID, ,SHA NI PUKKA S'I RU BRJOD, ,DE BZHIN KHRAG NI RI KHROD MA, ,GDOL PA MO NI KHU BAR BRJOD, ,G-YUNG MO RKANG DANG TSIL BU DAG, PAGS PA BYANG CHUB YAN LAG BDUN, ,RUS PA BDEN PA BZHI PO NYID, ,BDAG MED MAS GSOL PA, ,SNGAGS BTU BA NI JI LTAR 'GYUR, ,GANG GI SNGAGS KYIS SKYE BO YI, ,LAS KYI DNGOS GRUB 'GYUR BA NYID, ,BDE BA CHEN POS BSHAD DU GSOL, ,BCOM LDAN 'DAS RDO RJE CAN CHEN PO RDO RJE SNYING PO GZI BRJID CHEN POS BKA' STZAL PA, SNGAGS NI KHYOD LA NGAS BSHAD KYI,, LHA MO SHES RAB CHEN MO NYON, ,DANG PO RNAM PAR SNANG MDZAD SBYIN, ,AUshMA RNAMS KYI BZHI PA LAS, ,PUKKA S'IS BRGYAN STONG PAS MNAN, ,MDOG DKAR MTHAR NI SV'AH'A SBYAR, ,'DIS NI BZLAS PA 'BUM GYIS NI, ,'GRO BA RTAG TU RENGS PAR BYED, ,DANG POR YI GE'I BDAG PO BZHAG, DE RJES MKHA' SPYOD MA DE NAS, ,MTHAR NI SV'AH'A SBYAR BYAS NA, ,SANGS RGYAS RNAMS KYANG DBANG DU BYED, ,
, ,RIG BYED RNAMS KYIS DANG PO SBYIN, ,DANG PO YI NI GNYIS PA LA, ,STONG BCAS MTHA' NI SV'AH'A SBYAR, ,SANGS RGYAS KYANG SKROD SHES RAB CAN, ,DANG PO RNAM PAR SNANG MDZAD SBYIN,, GNYIS PA YI NI GSUM PA LA, ,RA DANG LDAN ZHING CHUMS BRGYAN, ,STONG BCAS SV'AH'A YANG DAG LDAN, ,MI RNAMS THAMS CAD SDANG BAR BYED, ,DANG POR YI GE'I DBANG PHYUG BZHAG, LNGA PA NYID KYI GSUM PA LA, ,STONG PA MKHA' 'GRO MA DANG LDAN, ,MTHAR NI SV'AH'A MNGON SPYOD CHE, ,YANG NI YI GE'I THU BO SBYIN, ,H'Um NI KHRAG DANG 'DRA BA LA, ,MTHAR NI SV'AH'A THIG LE MCHOG, DGA' BZA' MA SOGS RTAG TU 'GUGS, ,GTI MUG RIGS NI DANG POR SBYIN, ,GHU NI YANG DAG RAB TU SBYAR, ,MTHAR NI SV'AH'A YANG BYAS NA, ,LHA DANG MI RNAMS GSOD PAR BYED, ,DANG POR RNAM PAR SNANG MDZAD BZHAG ,DANG PO NYID KYI DANG PO LA, ,RDO RJE MKHA' 'GRO MA DANG SBYAR, ,MTHAR GNAS PA YI GNYIS PA LA, ,RDO RJE MKHA' 'GRO MA DANG LDAN, ,YANG NI DANG PO'I RTZE MO LA, ,RDO RJE MKHA' 'GRO MA DANG LDAN, ,MTHAR GNAS PA YI GSUM PA LA, ,YANG NI DE NYID YANG DAG LDAN, ,STENG DU CHOM RKUN MA YIS BRGYAN, ,DE RJES HR'I YIS RNAM PAR SBYAR, ,MTHAR YANG SV'AH'A SPYOD PA NYID, ,KU RU KULLE'I SNGAGS SO, ,AOm NI DANG PO BZHI PA YI, ,GSUM PA CHOM RKUN MA YIS BRGYAN, ,MTHAR GNAS PA YI BZHI PA LA, ,PI TZU BADZRA SBYAR BA DANG, ,AUshMA RNAMS KYI
BZHI PA LA, ,PUKKA S'I YIS SNAM PAR BRGYAN, ,STONG PAS MNAN CING SUM 'GYUR NYID, ,LNGA PA YI NI GNYIS PA DANG, ,GSUM PA'I DANG PO MTHAR SV'AH'A, ,KYE'I RDO RJE'I SNYING PO'O, ,SNANG MDZAD DANG POR DZVA LA GNYIS; ;SBYAR NAS LNGA PA'I BZHI PA LA, ,MTHAR GNAS RNAMS KYI DANG PO LDAN, ,GHASMA R'IS NI RNAM PAR BRGYAN, ,AUshMA RNAMS KYI BZHI PA LA, ,RDO RJE MKHA' 'GRO MA YIS BRGYAN, ,STONG PAS MNAN CING SUM 'GYUR NYID, ,LNGA PA YI NI GNYIS PA DANG, ,GSUM PA'I DANG PO MTHAR SV'AH'A, ,PHYAG BZHI PA'I SNGAGS SO, ,DANG POR RNAM SNANG DANG PO YI, ,DANG PO NANG GI DKAR MOS BRGYAN, ,GSUM NYID KYI DANG PO LA, ,NANG GI DKAR MOS RNAM PAR BRGYAN, ,NYIS 'GYUR LNGA PA'I GSUM PA DANG, ,GNYIS PA'I GSUM PA ME YIS BRGYAN, ,H'Um GI RNAM PAR GSUM SBYAR NAS, ,LNGA PA NYID KYI GNYIS PA DANG, ,GSUM PA'I DANG PO MTHAR SV'AH'A, ,PHYAG DRUG PA'I SNGAGS SO, ,DANG PO RNAM SNANG BZHI PA YI, ,DANG PO BYIN ZA YANG DAG LDAN, ,RO LANGS NA YIS RNAM PAR BRGYAN, ,MTHAR GNAS PA YI GSUM PA LA, ,GHASMA R'I YIS RNAM PAR BRGYAN, ,DANG PO YI NI DANG PO LA, ,MTHAR GNAS PA YI DANG PO DANG, ,RDO RJE MA YIS RNAM PAR BRGYAN, ,KshA NI CHOM RKUN MA YIS BRGYAN, ,LNGA PA NYID KYI DANG PO DANG, ,AUshMA RNAMS KYI BZHI PA LA, ,RDO RJE MKHA' 'GRO MA YIS BRGYAN, ,STONG PAS MNAN CING SUM 'GYUR TE, ,PHAt DANG MTHAR NI SV'AH'A NYID, ,PHYAG GNYIS PA'I SNGAGS SO, ,BDAG MED
, ,DANG PO'I DANG PO DANG, ,GNYIS PA NYID KYI DANG PO DANG, ,GSUM PA NYID KYI DANG PO DANG, ,BZHI PA YI NI DANG PO DANG, ,LNGA PA YI NI DANG PO DANG, ,MTHAR GNAS RNAMS KYI DANG PO DANG, ,AUshMA RNAMS KYI DANG PO NYID, ,DANG POR RNAM SNANG MTHAR SV'AH'A, ,GRONG KHYER DKRUGS PA'I SNGAGS KYI BZLAS PA NI, 'BUM MO, ,MTHAR GNAS RNAMS KYI GNYIS PA DANG, ,KshA YI RKANG PA GNYIS 'GYUR NYID, ,H'Um GI RNAM PA GSUM DANG LDAN, ,DANG PO RNAM SNANG PHAN NYID KYI, ,RNAM PA NANG BCUG MTHAR SV'AH'A, ,SA SBYONG BA'I SNGAGS SO, ,DANG POR RNAM SNANG DE RJES SU, ,RDO RJE MI YI MTHA' RU H'Um, ,BZA' BA DANG BTUNG BA BYIN GYIS BRLAB PA', ,DANG POR RNAM PAR SNANG MDZAD NYID, ,DE RJES AA K'A RO MU KHAm, ,AUshMA RNAMS KYI GSUM PA DANG, ,MTHAR GNAS PA YI BZHI PA NI,, STENG DU ME YIS RNAM PAR BRGYAN, ,DHARM'A n'Am DE RJES RDO RJE MA, ,BYIN LA DYA NU TPANNA TVATA, ,AOm A'A H'Um PHAt SV'AH'A, ,'BYUNG PO THAMS CAD KYI GTOR MA'I SNGAGS SO, ,KYE'I RDO RJE LAS, SNGAGS BCU BA'I LE'U STE DGU PA'O,, ,,DE NAS CHOM RKUN SDOM GCIG PA'I, ,RDO RJE SEMS DPA' ZHES BYAS GSUNGS, ,BDAG MED MA LA'O MDZAD NAS, ,BZLAS PA'I YUL NI RAB TU DBYE, ,SHEL GYIS RENGS PA'I BZLAS PA NYID, ,DBANG LA TZANDAN DMAR PO NYID, ,LUNG TANG GIS NI MNGON SPYOD NYID, ,NI RAm SHUS NI SDANG BA LA, ,RTA YI RUS PAS SKROD PA NYID, ,BRAM
ZE'I RUS PAS DKUG PA NYID, ,GLANG PO'I RUS PAS CHAR PA LA, ,MA HE YIS KYANG GSAD PA LA, ,RENGS PA'O MA'I BTUNG BA NYID, ,DBANG LA RANG GIS 'DUN PAS SPYAD, ,GSAD PA LA NI SI HLA NYID,, DGUG PA LA NI BZHI MNYAM NYID, ,SDANG LA S'A LU SKYES PA BRJOD, ,BSKRAD PA NYID LA GLA RTZIR BRJOD, ,YANG NA MTHA'I SHVA DANG, DANG PO'I SHVA DANG, NA DANG PO DANG, GA DANG PO DANG, HA DANG PO NYID KYANG DE BZHIN NO, ,KYE'I RDO RJE LAS, BZLAS PA'I LE'U ZHES BYA STE BCU PA'O,, ,,KYE'I RDO RJE LA DAM 'KHYUD CING, ,TSEMS KYIS MA MCHU BTZIR NAS NI, ,LUS CAN RNAMS KYI RIGS KYI GZUGS, ,DE LA BDAG MED MAS ZHUS PA, ,BHA GAR LING+GA BZHAG NAS NI, ,'KHOR LO'I 'DREN PAS 'DI SKAD GSUNGS, ,LUS CAN RANG GI RIGS BSHAD KYI, , SHES RAB PHA ROL PHYIN MA NYON, ,BUD MED DAM NI SKYES PA YIS, ,GANG GI SRIN LAG RTZA BA LA, ,RDO RJE RTZE DGU BAR GYUR PA, ,MI BSKYOD PA YI RIGS MCHOG NYID, ,RNAM SNANG MDZAD KYI 'KHOR LOR 'GYUR, ,DPAG MED MGON GYI 'DAM SKYES NYID, ,RIN CHEN 'BYUNG GI RIN CHEN NYID, ,LAS KYI RIGS KYI RAL GRI NYID, ,RNAL 'BYOR PA GANG NAG PO NYID, ,DE YI LHA NI MI BSKYOD PA; ;RNAL 'BYOR PA GANG DKAR BO CHE, ,DE YI LHA NI RNAM SNANG MDZAD, ,RNAL 'BYOR PA GANG SDO BSANGS CHE, ,DE YI LHA NI DON YOD NYID, ,RNAL 'BYOR PA GANG SER PO CHE, ,RIN CHEN
, ,BDAG PO RIGS KYI LTA, ,RNAL 'BYOR PA GANG DKAR DMAR NYID, ,'OD DPAG MED PA RIGS KYI LHA, ,RNAL 'BYOR PA GANG DKAR DANG SER, ,DE NI SEMS DPA'I RIGS SU 'GYUR; ;SKYE BO RNAL 'BYOR MTHAR PHYIN PAS, ,NGA RGYAL MI GCAG MTHO MI BRTZAM, ,KUN RDZOB GZUGS SU GNAS NAS NI, ,DE RNAMS BDE GSHEGS RIGS SU 'GYUR, ,BUD MED RNAMS KYI MTSAN NYID 'DI, ,JI LTAR SKYES PA DE BZHIN NO, ,KUN RDZOB THA SNYAD TSUL LAS NI, ,DE YI RIGS SU'ANG DE 'GYUR RO, ,BHA GAR LING+GA'I 'O MDZAD NAS, ,DE LA RDO RJE CHE MNYES NAS, ,BDAG MED MA YIS GO MDZAD PA, ,LHA MO RAB TU MCHOD PA NYON, ,TSAL DANG SKYE BO MED GNAS DANG, ,BDAG GI KHYIM GYI NANG DU YANG, ,GCER BUR PHYAG RGYA CHE BYAS NAS, ,RNAL 'BYOR RIGS PAS RTAG TU MCHOD, ,'O DANG 'KHYUD PA BYAS NAS NI, ,DE BZHIN BHA GAR REG PA NYID, ,SKYES PA'I SNA NI GZHIB PA NYID, ,MA MCHU'I SBRANG RTZI BTUNG BA NYID, ,RTAG TU MYOS PA'I MTSAN MA LAS; ;BO LA LDAN PAS LAG PAS BYA, ,KHYOGS DANG BRLA ZHES BYA BA DANG, ,DE BZHIN SHIN TU BKAL PA YIS, ,YANG YANG RDO RJES 'DOD PA BYA, ,STENG DANG 'OG TU BLTA BA NYID, ,DNGOS GRUB RGYAS PA THOB PA STE, ,SANGS RGYAS KUN DANG MNYAM PAR 'GYUR, ,DE LA GA PUR BTUNG BAR BYA, ,DE LA GA PUR RGYU BA'I PHYIR, ,SHA NI BZA' BA NYID DU 'GYUR, ,KHYAD PAR DU NI CHAD
[?] DO; ;KYE'I RDO RJE LAS, LHAN CIG SKYES PA'I SBYOR BA DON GYI LE'U ZHES BYA BA STE BCU GCIG PA'O,, ,,DE NAS RDO RJE CAN GYIS DBANG, ,BZHI PA'I DON NI BKA' STZAL PA, ,RDO RJE RAB GNAS RDO RJE NYID, ,CHE DANG DRIL BU CHEN PO ZUNGS, ,DE RING RDO RJE SLOB DPON GYUR, ,SLOB MA BSDU BA NYID DU GYIS, ,JI LTAR 'DAS PA'I SANGS RGYAS KYIS, ,BYANG CHUB SRAS RNAMS DBANG BSKUR BA, ,BDAG GIS GSANG BA'I DBANG GIS NI, ,SEMS KYI RGYUN GYIS DBANG BSKUR TO, ,LHA MO DGA' SBYIN GNAS SBYIN MA, ,SNA TSOGS GZUGS CAN YID 'ONG MA, ,KHYER CIG KHYER CIG SEMS DPA' CHE, , KHYER LA MCHOD PA DAG TU GYIS, YE SHES 'DI NI CHES PHRA ZHING, ,RDO RJE NAM MKHA'I DKYIL LTA BU, ,RDUL BRAL THAR PA ZHI BA NYID, ,KHYOD RANG YANG NI DE YI PHA, ,RDO RJE DANG PADMA BYIN GYIS BRLAB PA'I SNGAGS NI; AOm PADMA SU KH'A DH'A RA MA H'A R'A GA SU KHAm DA DA TZA TU R'A NANDA SVA BH'A GA BI SHVA H'Um H'Um H'Um K'URYAm KU RU shVA ME, AOm BADZRA MAH'A DVE shA TZA TU R'A NANDA D'A YA KA ,KHA GA MU KHE KA RA SO N'A THA H'Um H'Um H'Um K'ARYAm KU RU shVA ME; AOm A'A:H'Um, SPYI BOR NI AOm GYI RNAM PA, SNYING GAR NI H'Um GI RNAM PA, ZE 'BRU LA NI A'A:'I RNAM PA'O, ,RGYUD KYI RGYAL PO CHEN PO SGYU MA'I BRTAG PA ZHES BYA BA BRTAG PA SUM CU RTZA GNYIS LAS PHYUNG BA, BRTAG PA GNYIS KYI BDAG NYID, KYE'I RDO RJE MKHA' 'GRO MA DRA BA'I SDOM PA RGYUD KYI RGYAL PO CHEN PO RDZOGS SO,, ,,RGYA GAR GYI MKHAN PO GA YA DHA RA'I ZHAL
, ,SNGA NAS BOD KYI LO TZTSA BA DGE SLONG SH'AKYA YE SHES KYIS BSGYUR CING ZHUS TE GTAN LA PHAB PA,