, ,RGYA GAR SKAD DU, SADDHARMA SMRi TI AU PASTH'A NA K'A RI K'A, BOD SKAD DU, DAM PA'I CHOS DRAN BA NYE BAR GZHAG PA'I TSIG LE'UR BYAS PA, ,DKON MCHOG GSUM LA PHYAG 'TSAL LO, ,YON TAN LDAN ZHING DBAB BYA PHEBS; ,YANG DAG YE SHES SNANG BA LDAN, ,RTAG TU GZHAN GYI DON MDZAD PA, ,'JIG RTEN GSUM GTZO PHYAG 'TSAL LO, ,GANG LA BYED PO GZHAN MED PA, ,LUS DANG NGAG DANG YID KYI LAS, ,DGE DANG MI DGE RANG BYAS GANG, ,'DI YI 'BRAS BU 'JIG RTEN SPYOD, ,DE LTAR, ,'JIG RTEN MKHYEN PA THUGS BRTZES NON, ,'JIG RTEN GSUM GTZO GCIG PO NYID, ,'GRO BA'I DON DU LAS GANG DANG, ,'BRAS BU GANG DAG YIN GSUNG BA, ,DE NI BDAG GIS MDOR BSHAD KYI, ,KHYOD KYIS NYON LA DAM PA DANG, ,DAM PA MIN BA'I RGYU YI LAS, ,BYA BA DANG NI SPANGS PA'I RIGS, , CHAGS SDANG GTI MUG 'JIGS DANG KHRO, ,MI GANG MI NI GSOD PA DANG, ,GZHAN YANG BSKYED NAS GSOD BYED BA, ,DE DAG NGES PAR YANG SOS 'GRO, ,GANG GI PHYIR NA LO STONG PHRAG ,MANG POR YANG NI DE DAG TU, ,BTAGS SHING BTAGS SHING YANG 'TSO BAS, ,DE PHYIR YANG SOS YIN PAR BSHAD; ,PHA MA DANG NI GROGS DANG GNYEN, ,BSHES GNYEN DANG NI 'KHU BYED DANG, ,PHRA MA BRDZUN NI SMRA BA'I MI, ,THIG NAG TU NI 'GRO BAR 'GYUR, ,GANG PHYIR DE LA SHING BZHIN DU, ,THIG NAG BTAB NAS SOG LE DANG, ,'BAR BA YIS NI GSHOG BYED DE, ,DE PHYIR THIG NAG YIN PAR
, ,BSHAD; ,RA DANG LUG DANG WA DAG DANG, ,RI BONG BYI BA RI DAGS PHAG ,GZHAN YANG BSKYED NAS GSOD BYAS NA, ,LUS CAN BSDUS 'JOMS 'GRO BAR 'GYUR, ,GANG PHYIR BSDUS NAS DER 'DOR NAS, ,YANG DAG SREG PAR BYED PAS NA, ,DE YI PHYIR NI BSDUS 'JOMS TE,, DE LTAR MING NI DON MTHUN DRAG ,'DIR NI LUS CAN GANG DAG GIS, ,LUS DANG DAG YID NYON MONGS BYED, ,GANG DAG LHANG 'JUG GZHAN G-YO BYED, ,MI DE DAG NI NGU 'BOD 'GRO, ,DA NI DRAG PO'I ME DAG GIS, ,RGYUN MI 'CHAD PAR SREG PAS NA, ,GANG PHYIR SKAD NI DRAG 'BYIN PAS, ,DE PHYIR DE DAG NGU 'BOD YIN, ,GANG GI LHA DANG BRAM ZE DANG, ,BLA MA'I RDZAS 'PHROG SDUG BSNGAL BYAS, ,GANG NGAG GTAMS PA 'PHROG BYED PA, ,DE DAG NGU 'BOD CHEN POR 'GRO, ,MES SREG BA NI DRAG PHYIR DANG, ,NGU 'BOD PA YANG CHE PHYIR DANG, ,LCI ZHING CHE BA NYID KYI PHYIR, ,DE NI NGU 'BOD CHEN PO YIN, , YON TAN DAG GIS CHE BA LA, ,GNOD PA DRAG PO BYAS PA LAS, ,PHA MA BLA MA BSAD BYAS PA, ,NGES PAR BSKAL BAR MNAR MED 'TSED, ,ME DRAG DER NI LUS DAG GI ,RUS PA DAG KYANG LHAGS PAR 'GYUR, ,GANG PHYIR BDE BA'I SKABS MED PA, ,DE PHYIR MNAR MED YIN PAR BSHAD, ,LUS CAN GANG DAG GCIG LA GCIG ,GNOD PAR DGA' BAS G-YUL NGOR GSOD, ,SDIG CAN DE DAG SDUG BSNGAL DANG, ,LDAN PA'I RAL GRI'I SEMS CAN SKYE, ,GANG PHYIR DE YI SEN MO NI, ,LCAGS BYAS 'BAR RNO DE DAG GIS, ,GCIG GIS GCIG GSOD GANG YIN DES, ,RAL GRI RTZE MO CAN DU BSHAD; ,BYI BO BYED PA SHAL MA RI, ,LCAGS KYI RTZE MO RTZE MO 'BAR, ,SOR NI BCU DRUG YOD PA LA, ,NGU ZHING STOBS KYIS 'DZEGS PAR 'GYUR, ,BUD MED SHIN TU 'JIGS 'JIGS LTA, ,MCHU RNO LUS CHEN 'BAR BA YIS, ,GZHAN GYI LUS MED 'PHROG PA LA, ,'JUS NAS ZA BA KHO NAR 'GYUR, ,BAG PHAB PA LA GNOD BYED MI, ,NAGS TSAL RAL GRI 'DAB CAN DU, ,GTUBS BYAS NGU ZHING BYA RGOD KHYI, ,'UG PA BYA ROG ZA BAR 'GYUR, ,GANG DAG GZHAN GYI NOR 'PHROG PA, ,DE DAG LCAGS KYI THU LUM NI, ,TSA BA DAG KYANG ZA BA DANG, ,YANG DANG YANG DU ZANGS BSKOL
'THUNG; ,RTAG TU RNGON LA DGA' BA GANG, ,LO NI BYE BAR DU ZHING YANG, ,KHYI NI LCAGS KYI MCHE BA CAN, ,MI SRUN SHIN TU DBANG MED ZA, ,CHU SKYES NYA LA SOGS BSAD NA, ,CHU BO RAB MED 'BAR BA YI, ,ZANGS KYI CHU BO'I CHUR 'GRO ZHING, ,MI DE MES KYANG BSREG PAR 'GYUR, , GANG ZHIG RANG DON TZAM RMONGS NAS, ,CHOS DANG MI LDAN SHAGS 'GYED NAS, ,SEMS CAN DMYAL BAR DE NGU ZHING, ,'KHOR LOS MNGON PAR GZIR BAR 'GYUR, ,'DI LA GANG GIS GZUGS CAN LA, ,GNOD PA RNAM PA MANG BYAS PA, ,DE DAG YUN RING 'KHOR LO DANG, ,RI DANG THOB 'BAR BAS GZIR, ,GANG ZHIG CHOS KYI STEGS 'JIG CING, ,YANG DAG MA YIN LAM SMRA BA'I, ,MI DE DAG NI SPU GRI'I SOS, ,GTAMS PA'I LAM DU 'GRO BAR 'GYUR, ,SON MOS SHIG LA SOGS BCOM NA, ,DE DAG LUS NI CHER 'GYUR LA, ,STON BRGYAR YANG DANG YANG DU NI, ,BRAG SGONG PO YIS 'JOMS PAR 'GYUR, ,GANG ZHIG BRTUL ZHUGS BZANG MNOS NAS, ,LEGS PAR SRUNG BAR MI BYED NA, ,DE NI NGES PAR SHA DANG RUS, ,'JIGS PA'I ME MAR MUR DU BSREG ,GANG DU 'TSO BA LOG PA NI, ,CUNG ZAD KYIS KYANG 'TSO BYED PA, ,DE NI RKYAG 'JIM NUB GYUR NAS, ,SRIN PO RNAMS KYIS ZA BAR 'GYUR, ,'BRU YI NANG DU 'KHOD PA YI, ,SROG MTHONG NAS NI 'JOMS PA GANG, ,DE NI LCAGS KYI GTUN SHING GIS, ,YANG DANG YANG DU BRDUNG BAR 'GYUR, ,SHIN TU KHRO ZHING GTUM PA DANG, ,G-YO BYED BRDZUN DU SMRA BA DANG, ,GZHAN LA GNOD BYED DGA' BA NI, ,GSHIN RJE'I SRIN BOR SKYE BAR 'GYUR, ,SDUG BSNGAL KUN GYI SA BON NI, ,CHUNG DU LA SOGS DBYE BA YIS, ,LUS NGAG YID KYI SDIG BA STE, ,DE NI PHA YANG SPANG BAR BYA, ,SEMS CAN DMYAL BA'I RABS RDZOGS SO,, ,,'DOD CHAGS KYIS NI RMONGS PA DAG ,NGANG PA PHUG RON LA SOGS DANG, ,BONG BU 'DOD CHAGS CAN RNAMS KYI, ,SKYE GNAS SRIN SOGS SKYE GNAS TE, ,KHONG KHRO 'DZIN PAS SPRUL DU SKYE, ,NGA RGYAL KHENGS SEMS SENG GER 'GYUR, ,CHE BA YI NI NGA RGYAL GYIS, ,KHYI DANG BONG BU'I SKYE GNAS TE, ,SER SNA PHRAG DOG LA SOGS PA'I, ,SKYON GYIS LUS CAN SHI NAS SPRE'U, ,
, ,MU COR SMRA DANG SPYI BRTOL CHE, ,RANG BZHIN MI BRTAN KHRAR SKYE'O, ,GSOD DANG 'CHING DANG SER SNA YIS, ,LUS CAN BA LANG KHYI LA SOGS, ,'GYUR RO MI SRUN LAS KYIS NI, ,SDOM DANG SDIG PA MI SDUG SKYE, ,KHRO DANG SER SNA CAN GYI MI, ,SHI NAS SHA NI ZA BYED PA, ,STAG DANG SPRE'U WA DANG DOM, ,BYA RGOD SPYANG KI LA SOGS SKYE, ,MI SRUN KHRO GNYER SBYIN BYED MI, ,RDZU 'PHRUL CHEN BO'I KLUR SKYE'O, ,GTONG ZHING KHRO DANG DREGS PA YIS, ,NAM MKHA' LDING GI DBANG PHYUG CHE, ,RANG GI LUS DANG NGAG YID KYIS, ,SDIG PA'I LAS NI GANG BYAS PA, ,DE NI DUD 'GROR SKYE BAS NA, , DE NI CHUNG YANG MA BYED CIG ,DUD 'GRO'I RABS RDZOGS SO,, ,,RTZE LOG CAN GANG SBYIN PA SPANGS, ,BZA' DANG BCA' BA SPONG BYED PA, ,DE DAG YI DAGS LUS SRUL BO, ,RO RNAMS ZA BAR BYED PAR SKYE, ,GANG ZHIG BYIS BRNAMS [*BA RNAMS?] LA 'TSE, ,SRED PAS 'DRID PAR BYED PA DE, ,KHONG GI DRI MA ZA BYED PA'I, ,LUS SRUL POR NI SKYE BAR 'GYUR, ,MI GANG SPYOD PA DMAN PA GANG, ,SHIN TU ZHUM DANG SER SNA DANG, ,RTAG TU 'DOD BYED DE SHI NAS, ,YI DAGS WA BA CAN DU SKYE, ,GANG ZHIG CI YANG MI STER LA, ,SBYIN PA ZLOG PAR BYED PA DE, ,YI DAGS BKRES PAS RNYONGS PA ZHES, , GSUS CHE KHA NI KHAB TZAM 'GYUR, ,GANG ZHIG SPYOD DANG SBYIN MI BYED, ,RIGS KYI DON DU NOR SRUNG NA, ,DE NI YI DAGS MTSAN GTOR SPYOD, ,SHIN TU BSNGOS SA DER SKYE'O, ,GANG ZHIG GZHAN GYI NOR 'PHROG 'DOD, ,BYIN NAS 'GYOD PAR BYED PA DE, ,SHI NAS MCHIL MA SKYUGS PA LA, ,BRA BAR BYED PA'I YI DAGS SKYE, ,GANG ZHIG KHROS PAS MI SNYAN SMRA, ,MTSANG 'BRU BA NI SMRA BYED PA, ,LAS DES SHIN TU YUN RING BAR, ,YI DAGS KHA 'BAR SKYE BAR 'GYUR, ,GANG ZHIG 'THAB MO BYED PA DANG, ,MA CHAGS SEMS NI KHRO BYED PA, ,DE NI YI DAGS ME 'BAR MA, ,SRIN DANG SDIG SPRUL PHYE LEB ZA, ,GANG ZHIG GRONG BCAS 'BEBS SHING STER, ,BYIN ZHING GNOD PAR BYED PA DE, ,GRUL BUM BYAD NI MI SDUG PA, ,MCHOD PAR 'OS PAR SKYE BAR 'GYUR, ,ZAS KYI CHED DU BRTZE MED PAS, ,SROG CHAGS BSAD CING SBYIN MED GANG, ,DE DAG SHI NAS NGES PAR NI, ,
SRIN PO'I BZA' DANG BCA' BAR 'GYUR, ,RTAG TU DRI DANG PHRENG LA DGA', ,SBYIN BYED KHRO BA CHUNG BA NI, ,LHA RNAMS DGA' BA'I RGYUR 'GYUR BA, ,DRI ZA RNAMS SU SKYE BAR 'GYUR, ,GANG ZHIG KHA CIG PHRA MA CHE, ,KHRO ZHING DGOS PA'I CHED SBYIN NA, ,DE NI SHA ZA MA RUNGS NYID, ,BZHIN MI SDUG PAR SKYE BAR 'GYUR, ,RTAG TU RAB SDANG RTAGS BAG CAN, ,GZHAN LA GNOD PA BYED PA DANG, ,RTAG TU SBYIN LA DGA' BA NI, ,DE DAG SHI NAS 'BYUNG POR SKYE, ,MA RUNGS KHRO ZHING SBYIN BYED LA, ,CHANG ZHIM DAG LA DGA' BA'I MI, ,SHI NAS GNOD SBYIN MA RUNGS PA, ,CHANG LA DGA' BA RNAMS SU SKYE, ,GANG DAG PHA MA BLA MA RNAMS, ,JI LTAR 'DOD PA'I BZHON PAR 'DEGS, ,DE DAG GZHAL MED KHANG RGYU BA'I, ,GNOD SBYIN BDE BA LDAN PAR SKYE, ,SRED DANG SER SNA'I SKYON GYIS NI, ,SHI NAS YI DAGS SKYE BAR 'GYUR, ,NYON MONGS CAN DGES GNOD SBYIN SOGS, ,DE PHYIR DE NI SPAB [*SBAB?] BAR BYA, ,YI DAGS KYI RABS RDZOGS SO,, ,,MI 'TSE BA YI LHA DANG MI, ,LHA MIN RNAMS SU TSE RING 'GYUR, ,'TSE BAS THUNG DUR SKYE BAR 'GYUR, ,DE PHYIR 'TSE BA RNAM PAR SPUNGS, ,MDZE DANG SMON PA ZAD BYED MI, ,MI NAD GZHAN YANG GANG DAG YIN, ,'BYUNG PO RNAMS LA BSAD DANG BCINGS; ,BRDEG PAR BYAS PA RNAMS KYIS 'BYUNG, ,GANG ZHIG GZHAN GYI NOR 'PHROG CING, ,CI YANG SBYIN PAR MI BYED PA, ,DE NI 'BAD PA CHEN POS KYANG, ,RDZAS NA RNYED PAR MI NUS SO, ,GANG ZHIG RDZAS NI MA BYIN BAR, ,LEN BA SBYIN BA SBYIN BYED PA, ,DE NI RDZAS DANG LDAN GYUR LA; ,PHYIS NAS DE NI MED PAR 'GYUR, ,MI GANG MI 'PHROGS SBYIN MI BYED, ,HA CANG 'JUNGS PA MA YIN BA, ,DE DAG TSIGS NI CHEN PO YIS, ,NGES PAR RDZAS NI BRTEN PA THOB, ,GANG ZHIG GZHAN GYI NOR MI 'PHROGS, ,GTONG DANG LDAN ZHING SER SNA SPANGS, ,MI DE RDZAS NI MI 'PHROGS PA; RGYA CHEN YID DU 'ONG BA THOB, ,GANG ZHIG 'DI LA RDZAS SBYIN PA, ,TSE DANG MDOG DANG STOBS LDAN ZHING, ,DPAL DANG LDAN ZHING NAD SPANGS PA, ,RTAG PAR BDE DANG LDAN PAR 'GYUR, ,GANG ZHIG GOS NI SBYIN BYED PA, ,'DZEM BCAS GZUGS BZANG LONGS SPYOD LDAN, ,BYIN
, ,CAN SROG CHAGS RNAMS LA SDUG ,GOS RNAMS KYANG NI RNYED PAR 'GYUR, ,GANG ZHIG 'DI LA DGA' BA'I, ,SEMS KYI GNAS NI SBYIN PAR BYED, ,LUS CAN DE LA KHANG BZANGS NI, ,'DOD PA KUN DANG LDAN PAR 'GYUR, ,MI GANG LHA MA DANG ZAM PA LA, ,SOGS PA SBYIN PAR BYED PA DE, ,RTAG TU BDE DANG BA DANG, BZHON PA DAG KYANG RNYED PAR 'GYUR, ,BSTIS KHRON PA MTSE 'U LA SOGS, ,RTEN RNAMS BYED DU BCU GAN NI, ,DE DAG BDE DANG LDAN PA DANG, ,GDUNG BRAL SKOM NAD MED PAR 'GYUR, GANG ZHIG KUN DGA' RAB 'BUL, DI NI DBUS BKUR DPAL DANG LDAN, ,LUS CAN KUN KYI SKYABS SU 'GYUR, ,RTAG PAR 'BYOR PA LDAN PAR 'GYUR, ,RIGS PA SBYIN DANG SHES RAB LA, ,GOMS PA MA BAS PA NYID DU 'GYUR, SMAN DANG MI 'JIGS SBYIN PA YI, ,NAD MED PAR NI SKYE BAR 'GYUR, ,MAR ME SBYIN PAS MIG LDAN 'GYUR, , SID SNYAN BYIN PAS DBYANGS SNYAN 'GYUR, ,MAL STAN DAG NI BYIN PA LIS, MI DE BDE DANG LDAN PAR ;GYUR, ,GANG ZHIN 'DI LA BA LANG SOGS, ,BYAD BYA'I 'O MA YON TAN LDAN, SBYIN BYED MI DI STOBS LDAN ZHING, ,MDOG LDAN TSE RING LONGS SPYOD LDAN,BU MO BYIN PAS 'DOD RNAMS RNYID,, 'KHOR RNAMS DANG YANG LDAN PAR 'GYUR, ,SA GZHI BYIN PAS NOR LDAN ZHING, 'BRU RNAMS 'BYOR PAR SKYE BAR 'GYUR, ,LO MA ME TOG 'BRAS BU DANG, ,CHU DANG MI 'JIGS TSIG SNYAN DANG, ,DE 'DOD PA LA GUS PA SBYIN, ,'DI LA BSKOL NAS SBYIN BYED DAM, ,MTHO RIS CHED DU 'AM 'JIGS PAS SAM, ,SNYEN PA'I BDE BA 'DOD PHYIR NA, ,DE NI 'BRAS BU NYON MONGS THOB, ,RANG GI DON LA MI LHOS SHING, ,SNYING RJES NON PA'I SEMS KYIS NI, ,GZHAN GYI DON DU 'DIR BYIN NA, ,DE YI 'BRAS BU MTHAR THUG YIN, ,DUS DANG TSUL NI JI BZHIN DU, ,GANG SPYI GZHAN LA SBYIN BYED NA; ,RNAM BA DE DANG DE LTA BUR, ,DE KUN NYE BAR GNAS PAR 'GYUR, ,GZHAN LA GNOD BA MED PA NYED, ,RANG GI DON DU CI ;DOD PA, ,CHOS DANG MI 'GAL GANG PHAN PA, ,MI BSKOL BAR NI SBYIN PAR BYA, DE LTAR SBYIN BA SBYIN BYED NA, ,DE LTA BU YI 'BRAS BU 'BYUNG, ,BDE BA DAG NI THAMS CAD
KYIS; ;RGYU BA'I GTZO BO SBYIN PA NYID, ,GZHAN GYI BUD MED RNAM SPANGS NA, ,BUD MED SDU GU RNYID PAR 'GYUR, ,YUL DANG DUS MIN RANG GI YANG, ,SPANGS NA SKYES PA NYID THOB 'GYUR, ,GANG GZHAN GYI CHUNG MA LA, ,CHAGS PA'I SEMS NI MI SEL DANG, ,YAN LAG MIN LA CHAG BYED PA; ;SKYES NA DE NI BUD MED 'GYUR, ,GANG ZHIG BUD MED SMOD BYED CING, ,KHRIMS BTZUN 'DOD CHAGS CHUNG BYED LA, ,RTAG TU SKYES PAR 'GYUR 'DOD PA, ,MI MO DE NI SKYES PAR 'GYUR, ,GANG ZHIG YANG DAG SPYON MED PAR, ,TSANGS PAR SPYOD LA BRTEN PA DE, GZI LDAN YANG DAG DON DANG LDAN, DPAL LDAN LHA RNAMS KYIS KYANG BKUR, ,CHANG 'THUNG PA NI MI BSTEN PAS, ,MI DE DRAN PA BRTEN PA DANG, ,RMONGS MED BDEN PAR SMRA BA DANG, ,SNYAN PA'I BDE DANG LDAN PAR SKYE, ,GANG ZHIN SEMS DANG 'BYED PAR YANG, ,BYED PA 'DI NI MI BYED PA, ,DE YE 'KHOR RNAMS MI BYED CING, ,BSTEN PA'I BDE DANG LDAN PAR SKYE, ,GANG ZHING RTAG PAS YID DGA' BAS, PHAN DANG MI STON PA'I MI, ,DE YI TSIG NI BTZUN PAR 'GYUR, BZLOG PA YIS NI MTHON POR 'GYUR, ,BDE BA BYIN PAS BDE DANG LDAN, ,SDUG BSNGAL BYIN PAS SDUG BSNGAL 'GYUR, , GZHAN LA 'DRID PAR DGA' BA DANG, ,GYO BYED BRDZUN NI SMRA PA DANG, ,GANG DAG GZUGS KYING RGYAL CAN, SGUR LA LUS NI THUNG BAR 'GYUR, ,SKYE BO BSHES GNYEN SER SNA BYED, LKUGS GYUR KUN LA MI SDUG 'GYUR, ,RMONGS PA'I RANG BZHIN PHAN PA'I TSIG, ,MI BZOD PA NI 'OD PAR 'GYU; ,SDIG PA'I SDUG BSNGAL BSOD NAMS KYIS, ,BDE 'O 'DREN PA'I 'DREN MA STE, ,LAS RNAMS KYI NI 'BRAS BU KUN, ,'DRA BA RGYU MTHUN YIN PAR BRTAGS, ,MI'I RABS RDZOGS SO,, ,,RTAG TU GYO DANG SGYU SPYOD CING, SDIG PA DAG NI MA BYAS LA, ,'THAB LA DGA' ZHIN SBYIN BYED PA, ,DE NI LHA MIN DBANG PHYUG 'GYUR, ,LHA MA YIN GYI RABS RDZOGS SO,, ,,GANG ZHIG BDAG MED MI 'DOD CING, ,YONGS SU GZUNG LA MI DGA' BA, DE NI BZA' RNAMS DAG GI MCHOG ,RGYAL CHEN BZHI PA DAG TU 'GYUR, ,PHAM PHA TSAN GTZO BO LA,,
, ,BKUR BYED STONG LDAN BZOD PAR BYED, ,'THAB MO LA NI DGA' BA DANG, ,DE NI SUM CU RTZA GSUM SKYE, ,RTZOD LA MI DGA' 'THAB MO LA, ,YID NI DGA' BAR MI BYED LA, ,GCIG TU DGE LA BRTZON BA GANG, ,DE DAG 'THAB BRAL NYID DU 'GRO, ,THOS PA MANG DANG CHOS 'DZIN DANG, ,SHES RAB LDAN ZHING THAR PA 'DOD, ,YON TAN RNAMS LA DGA' BA'I MI, ,DE DAG DGA' LDAN NYE BAR 'GRO, ,MI GANG RANG NYID DUL BA LA, ,ZHUGS SHING TSUL KHRIMS 'BOGS PA LA, ,SPRO BA CHE DANG LDAN PA DE, ,GDON MI ZA BAR 'PHRU LA DGAR 'GRO, ,SEMS CAN GANG ZHIG SMAN MIN MCHOG ,SBYIN DANG DUL DANG YANG DAG BSDOMS, ,PHUL BYUNG YON TAN LHAG GYUR TE, ,NGES PAR GZHAN 'PHRUL DBANG BYED DO, ,TSUL KHRIMS KYIS NI MTHO RIS THOB, ,BSAM GTAN GYIS NI KHYAD PAR 'GYUR, ,YANG DAG JI BZHIN YONGS SHES PAS, ,MTHAR NI YANG SRID MED PAR 'GYUR, ,MI DGE BAS NI BDE MI THOB, ,DGE BA YIS NI BDE BA 'THOB, ,DE LTAR DGE DANG MI DGE BA'I, ,LAS KYI 'BRAS BU GSAL BAR BSTAN, ,SDUG PA DANG NI BRAL BA DANG, ,MI SDUG PA DANG PHRAD PA DANG, ,LAS RNAMS RANG GI 'BRAS BUR BCAS, ,'CHI DANG RGA DANG NA BA NYID, ,GSUM PO 'DI DAG BSAM PAR BYA, ,DE LTA NA NI CHAGS BRAL THOB, ,CHAGS DANG BRAL NA BSOD NAMS 'DOD, ,DE BZHIN SDIG PA SPONG BAR BYED, ,DE DAG NYID KYANG MDOR NYON CIG ,BDAG DANG GZHAN GYI DON BYED DANG, ,GZHAN LA GNOD BYED SPONG BA NI, ,BSOD NAMS BZLOG PA SDIG YIN PAR, ,BDAG NYID CHEN POS DE SKAD GSUNGS, ,LHA'I RABS RDZOGS SO,, ,,DAM PA'I CHOS DRAN PA NYE BAR GZHAG PA'I 'GRO BA DRUG GI TSIG LE'UR BYAS PA, SLOB DPON BTZUN PA CHOS LDAN RAB 'BYOR DBYANGS KYIS MDZAD PA RDZOGS SO,, ,, RGYA GAR GYI MKHAN PO DHARM'A KA RA DANG, ,ZHU CHEN GYI LO TZ'A BA GTZANG DE BEN TRA RAKshI TAS BSGYUR CING ZHUS TE GTAN LA PHAB PA'O,,