, ,RGYA GAR SKAD DU, AA NI TY'ARTHA PA RI KA TH'A, BOD SKAD DU, MI RTAG PA'I DON GYI GTAM, DKON MCHOG GSUM LA PHYAG 'TSAL LO, ,GANG PHYIR 'DUS BYAS THAMS CAD NI, ,RKYEN GYIS GZHAN DU 'GYUR BA STE, ,RTZVA RTZE RLUNG GIS BSKYOD PA YI, ,ZIL PA BZHIN DU MI RTAG GO, ,GANG ZHIG 'CHI BDAG RGOD MA'I KHA, ,DGANG KA DER NI MI 'JUG PA, ,MTHO RIS YANG DAG SA STENGS SU, ,SKYES BU DE LA YOD DAM CI, ,'DI LTAR SA GZHI BRTAN PA LA; ,SREG PA'I ME 'BYUNG KHO NA BZHIN, ,RANG BZHIN LHAN CIG SKYES PA YI, ,MI RNAMS 'CHI LA DE BZHIN NO, ,GZUGS DANG LONGS SPYOD THOS PA DANG, ,TSUL KHRIMS LA SOGS RTAG MIN TE, ,GANG YANG 'DOD CHAGS BRAL BA YANG, ,KUN DU GNAS PA MA MTHONG NGO, ,RGYAL BA 'JIG RTEN MGON GCIG PU, ,SDOM BRTZON SKYE BO BZANG PO YANG, ,GANG GIS JI SKAD DU NI BRJOD, ,TSE NI MI RTAG CHU YI RI MO 'DRA, ,SKYE DGU 'DI DAG SKYE NA GCIG PU STE, ,DE BZHIN 'CHI NA 'ANG GCIG PU 'CHI BAR 'GYUR, ,'DI NI GCIG PUS SDUG BSNGAL MYONG 'GYUR GYI, ,'KHOR BA NA NI
, ,GROGS YOD MA YIN NO, ,MI RTAG PA'I DON GYI GTAM ZHES BYA BA SNYAN DNGAGS MKHAN CHEN PO DGA' BA'I DBANG POS MDZAD PA RDZOGS SO,, ,KHA CHE'I PAndI TA BI NA YA DANG, LO TZ'A BA GRAGS 'BYOR SHES RAB KYIS BSGYUR BA'O,,