, ,RGYA GAR SKAD DU, KA L'I YU KA PA RI KA TH'A, BOD SKAD DU, RTZOD PA'I DUS KYI GTAM, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,TSUL KHRIMS LAS NYAMS THOS PA'I NOR BRAL 'DOD PAS 'DI NYID CUNG ZAD MCHOD PAR BYED, ,NYES MED TSUL KHRIMS LDAN LA YON TAN RO LA RGYAB PHYOGS ZHE SDANG CUNG ZAD NYES PA RGOD, ,RAB BYUNG RNAMS LA KHYIM PAS LAS BSGO DE NAS RAB BYUNG DES KYANG KHYIM PA MGU BAR BYED, ,CI SPYAD 'GRO BA 'DIR NI 'GRO BA'I KHYIM DU MA LUS DUS KYI SNYIGS MA ZHUGS PA YIN, ,DA LTAR LEGS PAR SPYOD PA'I SKYE BO NGO TSA SDIG PA CAN BSNGAGS DGA' BAR 'GYUR, ,SLOB DPON NOR RNAMS MCHOG TU SEMS PAS 'JOMS PHYIR SLOB MA RNAMS NI ZHUM PAR GNAS, ,'DI NA BYIS PA'I NYE DU'I 'KHRUL 'KHOR GYIS BCINGS PA NI SUN 'BYIN BYED PA BZHIN, ,DA LTAR RTZOD PA'I DUS NA 'JIG RTEN RNAMS LA G-YO SGYU'I MTSON DRAG STOBS DANG LDAN, ,BCUD RNAMS SAS 'THUNG DNGOS RNAMS STOBS CHUNG LHA RNAMS CHAR NI 'BEBS MI BYED, ,RLUNG RNAMS RAB TU DRAG LDANG LO TOG RNAMS NI MI SMIN SKYE MI 'GYUR, ,SKYES LA SER 'BABS RNAMS RTZOD PA'I DUS KYIS DBANG SGYUR 'BRAS BU MED, ,DNGOS RNAMS MTHU MED DGOS PA SGRUB RNAMS NYAMS PA THOB LA BRTAG ,'GRO LA NAD 'PHEL SA NI DE DAG SKYE BO RNAMS KYIS STONGS, ,LJON PA'I NAGS TSAL
SKOM PAS YAL GA'I LAG PA GYEN DU 'GRED BYED DE, ,RTZOD PA'I DUS KYIS BCOM BYAS BZANG PO'I DUS NUB RI BO TSE NGES 'DEBS, ,YUL BZANG CHAGS PA RNAM SPANGS SA RNAMS SU NI DUS BZANG YONGS SU ZAD, ,YON TAN MKHAS LA MI BKUR NOR LDAN RNAMS LA MCHOD BYA MIN PAR MCHOD, ,SKYE RMONGS MCHOD BYED GSHIN RJES 'JIG RTEN SDUG BSNGAL DES KHRID GANG GIS BZLOG ,TSUL KHRIMS 'TSAL BA STOBS LDAN TSUL KHRIMS LDAN PA BSDIGS SHING TSAR GCOD BYED, ,SDIG PA DGA' BA'I STOBS LDAN G-YON CAN RNAMS KYIS DAM CHOS BSNUB PAR 'GYUR, ,GANG ZHIG SDOM PA LA GNAS BRTAN PA'I MCHOG LA 'JUG PAR BYED PA NYUNG, ,THE TSOM YOD MIN DRANG SRONG BSTAN PA RING PO MI THOGS NUB PAR 'GYUR, ,G-YUL 'GYED RTZOD PA DU MAS GOS LTAR SA G-YOGS LO TOG SKYES LA 'DOD MI 'BYUNG, ,RLUNG RNAMS MI BZANG LDANG ZHING DE BZHIN SKYE BO DAM PA YANG DAG MCHOD MI BYED, ,RGYAL PO DGRA DANG RKUN MA'I 'JIGS PAS MI DAG BAG PHEBS NOR RNAMS LONGS MI SPYOD, ,DA LTAR SKYE BO SDUG BSNGAL BCAS 'TSO 'GRO BA RNAMS LA 'JIGS PA 'BYUNG, ,GANG ZHIG DUS SU CHAR MED GANG DU LAM ZHUGS SER BA MI MTHUN DU MA 'BAB, ,GANG ZHIG BA RNAMS 'O MA MI 'BYUNG DUS RNAMS 'KHRUGS SHING SA LAS 'BRU MI SKYE, ,SMAN RNAMS GANG YIN NUS MED DE BZHIN KHYAD PAR RNAMS NI RAB TU NYAMS, ,YID NI NGES BCOM CHOS MIN RTZOD PAS DNGOS PO 'DI RNAMS NYES DANG BCAS; ,RTZOD PA'I DUS 'DIR CHOS SPANGS MI BZAD PA LA YANG DAG ZHUGS PAS NA, ,GANG DU DBANG POS CHAR PHAB LJON SHING YAL GA DAG LAS ME TOG 'BRAS BU CUNG ZAD SNANG, ,SA GZHI RLAN PA DANG BCAS SA RNAMS GANG YIN PA LAS LO TOG SMIN GYUR PA, ,DE KUN TSUL KHRIMS BRTUL ZHUGS YANG NGAG SDOM LDAN CHOS DANG LDAN PA'I MTHU; ,DUS RNAMS 'KHRUL ZHING SA LA BCUD RNAMS NUB 'GYUR NYI ZLA LOG PAR RGYU, ,CHUNG MA KHYO LA GCUGS PAS 'BREL PA'I SEMS MED DMAN PA RNAMS NI MTHON POR 'GYUR, ,RGYAL PO CHOS SPANGS NOR RNAMS MCHOG TU DON GNYER BU RNAMS PHA LA SDANG, ,KYI HUD SDUG BSNGAL RTZOD PA'I DUS NI NYER GNAS BSOD NAMS GNYER BA NAGS SU SONG; ,CHOS DANG RAB BYUNG DKA' THUB RNAMS 'BROS BDE BA RNAMS NI RING DU SONG BAR GYUR, ,SA RNAMS 'BRAS BU NYUNG ZHING RGYAL PO 'KHRUG BYED MTSON GYIS RGYAL BYED RNAM PAR GNON, ,'JIG RTEN BUD MED LA DAD BUD MED KYANG G-YEM BRAM ZE RNAMS NI 'DOD CHEN BCAS, ,LEGS PA RNAMS NUB SKYE NGAN STOBS LDAN DU MA RTZOD PA'I DUS
, ,SU BZANG PO YI, ,DUS SONG BDE BA RNAMS 'DAS DUS DER SBYOR BA'I SKYES BU RNAMS KYANG 'DAS, ,'DIR YANG DUS MTHA' DE RNAMS MUN BCAS PHUG BZHIN SHES MA YIN, ,LEGS SPYAD BRGYA PHRAG DRI YIS BSGOS PA YI, ,SKAL LDAN NUB CING DUS NI 'DAS PAR 'GYUR, ,BAD GZHON RTZA BA'I SKUD PA BZHIN, , DKAR PO'I CHOS RNAMS PHRA BAR 'GYUR, ,BLO LDAN SKYES BU GTAM MKHAS DRI MAS RGOD, ,'GRO 'DI DGA' MED DGAL STON ZIN PA BZHIN, ,BDAG NYID CHEN PO 'DI NI YANG DAG 'GAGS, ,GANG NA YON TAN RNAMS KYI STOBS PHRA LA, ,YON TAN LA BDUD 'BAB PAS GCOD BYED CING, ,SKYE BO SMRA BA LA BRTEN 'TSO BAR BYED; ,RTZOD PA'I DUS KYI GTAM SLOB DPON MA TI TZI TRAS MDZAD PA RDZOGS SO,, ,,RGYA GAR GYI MKHAN PO AA DZI TA SHR'I BHA DRA DANG, ZHU CHEN GYI LO TZ'A BA DGE SLONG SH'AKYA 'OD KYIS BSGYUR BA'O,,