, ,RGYA GAR SKAD DU, SH'I LA PA RI KA TH'A, BOD SKAD DU, TSUL KHRIMS KYI GTAM, DKON MCHOG GSUM LA PHYAG 'TSAL LO, ,RGYA MTSO DANG NI GLANG RJES KYI, ,KHYAD PAR DAG NI GANG YIN PA, ,SBYIN PA DANG NI TSUL KHRIMS KYI, ,KHYAD PAR DAG NI DE YIN NO, ,GANG ZHIG DAD PA'I SEMS KYIS NI, ,LO BRGYAR SBYIN PA BYIN PA BAS, , GANG ZHIG NYIN GCIG TSUL KHRIMS NI, ,BSRUNG BA DE LAS KHYAD PAR 'PHAGS, ,SBYIN BA SHAN PA RNAMS DANG NI, ,RIGS NGAN DAG KYANG SBYIN PAR BYED, ,GANG YANG RUNG BAS TSUL KHRIMS NI, ,YONGS SU BSRUNG BAR MI NUS SO, ,SBYIN PA RAB TU 'BYOR GYUR KYANG, ,DE NI SBYIN BDAG CHEN PO MIN, ,TSUL KHRIMS RNAM PAR DAG PA YIS, ,SBYIN BDAG CHEN PO YIN PAR BSHAD, ,MGO BREGS PA 'AM GTZUG PHUD LDAN PAR RGYU, ,TSUL KHRIMS CHU YIS RAL PA KHYAB PAR 'CHANG, ,CHA LUGS SNA TSOGS DAG GIS SPYOD GYUR KYANG, ,GAL TE TSUL KHRIMS MED NA RGYU SPYOD YIN, ,GANGG'A BGROD BA CHU BON DAR SONG BA 'AM; ,DBYANGS CAN CHU 'AM RDZING BUR SONG BA 'AM, ,NE LE SHAR NI STEN PAR BYED PA YANG, ,GAL TE TSUL KHRIMS KYIS RGUD LA DON MED, ,JI LTAR TSUL KHRIMS BLA MED LDAN PA'I DRI, ,DAM PA MTHO RIS 'DI NA MI ZAD LDAN, ,DE LTAR PHRENG BA'I DRI NI KHYAB MIN CING, ,DE BZHIN BYUG PA'I DRI YANG 'BYUNG MI 'GYUR; ,'DI NA BDAG DGA' GZHAN DU 'GRO BA BDE, ,GRAGS DANG DGA' ZHING KUN GYIS BKUR BA STE, ,CHOS LDAN 'BRAS BU DE DE MANG PO MTHONG, ,TSUL KHRIMS 'BRAS BU DRANG SRONG CHEN POS GSUNGS, ,TSUL KHRIMS NAD LA SMAN PA'I MCHOG YIN ZHING, ,MUN PA'I SGRON MA NYAM THAG LA SKYABS DANG, ,'JIGS LA SRUNGS DANG PHONGS LA NYE DU DANG, ,'CHI BA'I RGYA MTSO MTHA' MED GZINGS GYUR YIN, ,GANG ZHIG 'DUL BA'I TSUL KHRIMS RNAM 'JIG TSE, ,SKRAG ZHUGS TSUL KHRIMS LDAN PA YOD MA YIN, ,DE BAS 'JIG RTEN GZHAN MTHA' RGAL SEMS KYIS, ,GANG ZHIG 'GRO
'DOD DES NI TSUL KHRIMS SRUNGS, ,TSUL KHRIMS DRI MED MA LUS JI BZHIN GZHAG, ,SHES RAB ZHI BAS YID NI YONGS SMIN 'GYUR, ,DE BAS RGA SHI NAD 'JIGS RNAM THAR PA, ,GANG ZHIG THOB 'DOD DES NI TSUL KHRIMS SRUNGS, ,TSUL KHRIMS KYI GTAM SLOB DPON DBYIG GNYEN GYIS MDZAD PA RDZOGS SO,, ,,RGYA GAR GYI MKHAN PO DZA RANDHA NA DANG, ZHU CHEN GYI LO TZ'A BA RIN CHEN BZANG POS BSGYUR CING ZHUS TE GTAN LA PHAB PA'O,,