, ,RGYA GAR SKAD DU, ,SAPTA GU nA PA RI BA DA N'A KA TH'A, BOD SKAD DU, ,YON TAN BDUN YONGS SU BRJOD PA'I GTAM, 'JAM DPAL GZHON NUR GYUR PA LA PHYAG 'TSAL LO, ,LAS NI DU MA LA BRTEN PA'I, ,SNA TSOGS YON TAN 'DOD PA YIS, ,'BANG BYAS SA BON MED PAR NI, ,MYU GU SKYE BA YOD MA YIN, ,NYES MED YON TAN BSDU BA NI, ,SNA TSOGS PA DAG RNAM BYA STE, ,NYES PA DAG NI GCIG PU YIS, ,YON TAN MANG PO 'JOMS PAR BYED, ,TSE RING DE BZHIN NAD MED DANG, ,GZUGS DANG SKAL BA BZANG DANG RIGS, ,NOR DANG SHES RAB DAG DANG BDUN, ,YON TAN MDO SDE DAG LAS GSUNGS, ,DE LAS BZLOG PA NYES PA YIN, ,DE DAG RE RES JI LTAR NA; ,YON TAN THAMS CAD 'BYUNG 'GYUR BA, ,DE LTAR DA NI BSHAD PAR BYA, ,NAD MED GZUGS DANG SKAL BA BZANG, ,RIGS NOR SHES RAB PHUN SUM TSOGS, ,TSE RING BA NI MED GYUR NA, ,GSAD PAR PHYIN PA'I RGYAN DANG 'DRA, ,TSE DANG GZUGS SOGS YON TAN NI, ,'DI DAG NAD MED MI LDAN NA, ,
DON MED PAR NI NYAMS 'GYUR TE, ,MA NING BUNG MED MCHOG YOD MTSUNGS, ,YON TAN LDAN BA MTHONG NA YANG, ,GZUGS NGAN SKYO BA SKYE 'GYUR TE, ,YON TAN PHUN TSOGS RGYAS PAR NI, ,RGYAL PO'I BTZUN MO MTHONG DANG MTSUNGS, ,SDAR BSHAD YON TAN PHUN SUM TSOGS, ,SKAL PA DAN PAS MDONGS 'BROG PA, ,SDANG BA'I GNAS SU GYUR PA'I PHYIR, ,DRANG SRONG BRAN DANG MTSUNGS PAR 'DOD, ,YON TAN DPAL LDAN DRI MA MED, ,RIGS NGAN LA BRTEN MYA NGAN GZHI, ,BRAM ZE'I CHUD MA YON TAN CAN, ,RIGS NGAN LAG NA GNAS DANG MTSUNGS, ,TSE DANG NAD MED LA SOGS PA, ,SNGAR BSHAD YON TAN 'DI DAG NI, ,DBUL BO LA GNAS BKUR 'OS MIN, ,DUR KHROD GNAS KYI MI DANG MTSUNGS, ,YON TAN JI SKAD BSHAD PHUN TSOGS, ,GLEN PA BDAG NYID BRLAG DON 'GYUR, ,'OD MA SMYUG MA'I CHU SHING GI ,'BRAS BU PHUN CHOGS LTA BU YIN, ,DE LTAR JI SKAD BSHAD YON TAN, ,YAN LAG RE RE MA TSANG NYAMS, ,YI GE GCIG NI MA TSANG BA'I, ,RIG PA 'BRAS BU MED 'GYUR MTSUNGS, ,YON TAN LONGS RDZOGS MDZES PA NI, ,YI GE TSAD PA'I RIG PA 'DRA, ,SBYOR BA GRUB LAS 'BRAS BU 'THOB, ,MA TSAD MED PA 'BYUNG BAR 'GYUR, ,DA BAS LEGS MDZES RDZOGS PA YI, ,YON TAN LA NI 'BAD PAR GYIS, ,'DI DAG RGYU NI GANG YIN PA, ,MDO BSHAD NGA LAS RTOGS PAR GYIS, ,GSOD PAR CHUNG PA LEGS BTANG DANG, ,DE BZHIN SROG GIS PHAN BTAGS SHING, ,SROG CHAGS 'TSE BA LAS LDOG PAS, ,TSE RING PA NI THOB PAR 'GYUR, ,NAD PA'I BSNYEN BKUR BYAS SMAN PA, ,SMAN NI RAB TU BYIN PA DANG, ,SROG CHAGS BOD PA DBYIG SOGS KYIS, ,'TSE BA MED LAS NAD MED YIN, ,KHRO BO MED LA BRTEN PA DANG, ,BRGYA BYIN PAS NI GZUGS BZANG NYID, ,PHRAG DOG MED PA'I 'BRAS BU NYID, ,SKAL PA BZANG BOR YONGS SU BSHAD, ,DAM PA MCHOD CING BSNYEN BKUR BYAS, ,NGA RGYAL SPANGS PAS RIGS MTHOR 'GYUR, ,SPYIN BYED RKU BA LAS LDOG PAS, ,LONGS SPYOD PHUN SUM TSOGS THOB 'GYUR, ,DGE DANG SDIG PA GANG YIN ZHES, ,YANG DAG DRI LA BTZON PA DANG, ,CHOS KYI BSTAN BCOS BYIN PA YIS, ,BLO GROS RGYA CHEN THOB PAR 'GYUR, ,YON TAN BDUN YONGS SU
, ,BRJOD PA'I GTAM, SLOB DPON DBYIG GNYEN GYIS MDZAD PA RDZOGS SO,, ,,RGYA GAR GYI MKHAN PO PAndI TA GANGG'A TA RA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O,,